@1A [DD] #, ,RGYA GAR SKAD DU, BH'A BA NA KRA MA, BOD SKAD DU, BSGOM PA'I RIM PA, 'JAM DPAL GZHON NUR GYUR PA LA PHYAG 'TSAL LO, ,RAB TU DGA' BA DANG, DRI MA MED PA [DD] DANG; 'OD BYED PA DANG, 'OD 'PHRO BA DANG, SBYANG DKA' BA DANG, MNGON DU GYUR PA DANG, RING DU SONG BA DANG, MI G-YO BA DANG, LEGS PA'I BLO GROS DANG, CHOS KYI SPRIN DANG, SANGS RGYAS KYI SA ZHES BYA BA YIN NO, ,JI LTAR SO GA'I SMIG RGYU NI, ,G-YO LA 'KHRUL PA'I SHES PA YIS, ,RI DAGS CHU RU 'DZIN PA GANG, ,DNGOS DE YOD PA MA YIN NO, ,DE BZHIN RNAM SHES SA BON GANG, ,G-YO BA MTHONG BA'I SPYOD YUL LA, ,RAB RIB MUN PA GANG YIN PAS, ,BYIS PA YI NI 'DZIN PA 'BYUNG, ,GTONG DANG BTANG DANG DE BZHIN SBYIN, ,SPANGS DANG BDEN PAR LTA BA RNAMS, ,'DI DAG RTOG PA TZAM NYID DU; ,SHES PAS RNAL 'BYOR BA DE GROL, ,SNYING PO MED PA'I CHOS 'DI NI, ,RTOG PA LAS NI MA LUS BYUNG, ,GANG RTOG DE YANG STONG PA NYID, ,DE LTAR STONG NYID GROL BA YIN, ,JI LTAR MTSO CHEN STONGS PA @2A *, ,LA; ,RLABS NI 'BYUNG BA YOD MA YIN, ,DE BZHIN SNA TSOGS RNAM SHES NI, ,DNGOS MED PA LA 'JUG PA MED, ,STONG ZHING DNGOS PO MA GRUB PAS, ,SGYU MA'I DNGOS PO SKYE BA MED, ,DE BZHIN YOD PA MA YIN TE, ,DNGOS PO RMI LAM LTA BU YIN, ,RANG GI NGO BO GCIG MTHONG BA, ,'PHAGS PA'I SPYOD YUL MTHONG BA YIN, ,GNYIS KYI DNGOS PO SPONG 'GYUR TE, ,'DZIN PA MED CING GZUNG BA MED, ,BCINGS PA MED CING 'CHING BA MED, ,SGYU MA SMIG RGYU 'DRA BA STE, ,RMI LAM BRJOD PA RAB RIB BZHIN, ,GANG TSE DE NYID DON MTHONG BA, ,DE TSE RNAL 'BYOR MNYAM GZHAG PAS, ,MI RTOG BRJOD PA YOD MA YIN, ,RANG GI MTHONG BA THE TSOM MED, ,NAM MKHA'I CHOS NI 'BA' ZHIG BZHIN, ,GANG LA RNAM RIG CUNG ZAD MED, ,DE BZHIN CHOS 'DI RNAM SHES PA, ,CUNG ZAD SHES PA YOD MA YIN, ,'BYUNG BA DANG NI GNAS PA NYID, ,BYIS PA RMONGS PA RNAMS LA SNANG, ,SHES RAB RIG PAS LTA BA LA, ,SKYE BA DANG NI GNAS PA MED, ,RTAG TU MI RTOG RIGS PA YIS, ,SEMS DANG SEMS BYUNG RNAM SPANGS NAS, ,BDAG NYID LHA RU SHIN TU GNAS, ,SDIG PA THAMS CAD RNAM PAR SPANGS, ,DE LTAR MKHYEN PA RDZOGS SANGS @2B RGYAS, ,'DI DAG SPRUL PAR THUGS SU CHUD, ,MNGON SHES STOBS LA DBANG THOB NAS, ,DES NI 'GRO BA MNYAM PAR MKHYEN, ,DANG PO DBUS DANG MTHA' LAS GROL, ,DNGOS DANG DNGOS MED RNAM PAR SPANGS, ,MNYAM PA NYID KYI GO 'PHANG BRNYES, ,DNGOS PO MED LAS SNA TSOGS BYUNG, ,SEMS KYI RKYEN DE DANG 'BREL BAS, ,LUS RNAMS 'JUG PAR 'GYUR BA YIN, ,RKYEN RNAMS LAS NI NGES 'BYUNG BA, ,BDAG NI YOD PAR MI SMRA'O, ,JI LTAR RI MO'I MTHO DMAN NI, ,SNANG YANG YOD PA MA YIN NO, ,DE LTAR DNGOS RNAMS NGO BO NYID, ,MTHONG BA YOD PA MA YIN NO; ,JI LTAR DRI ZA'I GRONG KHYER DANG, ,RI DAGS CHU RU 'DZIN PA BZHIN, ,RTAG TU SNANG ZHING DMIGS PA NI, ,SHES RAB KYIS NI YOD MA YIN, ,BYIS PAS BRIS DANG 'BRI BA YI, ,MNGON SHES LA DBANG DE DAG GI ,SGYU MA LTA BU'I TING 'DZIN GYI, ,'BRAS BU'ANG SGYU MA LTA BU YIN, ,SMIG RGYU SGYU MA'I STOBS KYIS NI, ,DNGOS MED DE NYID 'DZIN PA NA, ,SEMS BYUNG SEMS DANG BDAG MED PAS, ,'DI LTAR BYIS PA RNAMS NI SKRAG ,GANG NA CUNG ZAD SKYE MED LA, ,'GAL BA'I RKYEN NI YOD MA YIN, ,SKYE BA DANG NI 'GAG PA LA, ,RKYEN NI RTOG PA GCIG PU YIN, ,RNAM RIG TZAM DU 'BYUNG BA RNAMS, ,DNGOS PO'I RANG BZHIN YOD MA YIN, ,RTOG PAR 'GYUR BA'I RTOG GE PA, ,BTAGS PA TZAM DU BSGOM PA NA, ,RANG BZHIN MED CING RNAM RIG MED, ,DNGOS PO MED CING KUN GZHI MED, ,'DI DAG BYIS PAS RAB TU BTAGS, ,RTOG GE NGAN PAS KUN TU BSKYED,, 'DIR NI SEMS MED GZUGS YOD MIN, ,'KHRUL PA'I SEMS LAS LHAG PAR MED, ,'BYUNG BA KUN LA GNAS NAS NI, ,GANG TSE SEMS NI RAB 'JUG PA, ,DE TSE MI GNAS RNAL 'BYOR PAS, ,'GRO LA RIGS PAS LTA BA NA, ,MTSAN MA DNGOS PO RNAM RIG DANG, ,YID KYIS G-YO BA YOD MA YIN, ,BDAG MED DBANG PO GANG YIN DANG, ,RNAM PAR RTOG PAS 'JIG PAR BYED, ,YUL RNAMS RMI LAM LTA BUR GNAS, ,LAS DANG 'BRAS BU BYA BA NYID, ,THAMS CAD DU YANG DMIGS MA YIN, ,BSAM GTAN RNAMS DANG TSAD MED DANG, ,GZUGS MED SNYOMS PAR 'JUG PA @3A *, ,DANG, ,'DU SHES 'GOG PA MA LUS PA, ,SEMS NYID TZAM DU GNAS PA YIN, ,RNAM PAR RTOG PA RNAM RTOG PA, ,RNAM PAR RTOG PAS KUN BRTAGS PA, ,YANG DAG LTA LA STONG PA NYID, ,'PHAGS PAS 'KHRUL PA MA GZIGS SHING, ,DE NYID DE LAS GZHAN PA'ANG MIN, ,SA RNAMS MED CING BDEN PA MED, ,ZHING DANG SPRUL SKU YOD MA YIN, ,RANG SANGS RGYAS DANG SANGS RGYAS DANG, ,NYAN THOS KYANG NI BRTAGS PA YIN, ,GANG ZAG RGYUD DANG PHUNG PO DANG, ,RKYEN RNAMS GNAS PA MA YIN NO, ,GTZO BO DBANG PHYUG BYED PO RNAMS, ,SEMS TZAM LA NI RNAM PAR BRTAGS, ,CHOS KUN NGO BO YOD MA YIN, ,KUN NAS NYON MONGS MED CING GROL, ,JI LTAR SNANG BA DE LTAR MED, ,MED PA MA YIN YOD PA MIN, ,SKYE BA MED PA'I CHOS 'DI NI, ,YOD DANG MED PA MA YIN NO, ,DRI ZA'I GRONG KHYER RMI LAM DANG, ,SGYU MA SPRUL PA LTA BUR GNAS, ,GANG ZHIG SANGS RGYAS LTA BAR NI, ,RANG BZHIN GYIS NI NUS MA YIN, ,DE LTA BAS NA THOB PA MED, ,RANG BZHIN MED PAR BLTA BAR BYA, ,GANG ZHIG RANG BZHIN RANG BZHIN MED, ,DE NI BRTAGS PA'I MTSAN NYID YIN, ,TSIG DANG SEMS KYI SPYOD YUL BRDZUN, ,BRDZUN PA'I SHES PAS RNAM BRTAGS PA'I, ,MTHA' GNYIS SU NI SEMS LTUNG BAS, ,DE PHYIR MI RTOG SHES RAB KYIS, ,YOD DANG MED PA'I MTHA' GNYIS PO, ,GANG ZHIG SEMS KYI SPYOD YUL BA, ,SPYOD YUL RNAM PAR BSAL NAS NI, ,YANG DAG SEMS NI LDOG PAR 'GYUR, ,GZUNG DANG 'DZIN PA DNGOS MED PAS, ,'GAG PA MED PA MA YIN NO, ,JI LTAR GNAS PA'I DNGOS PO NI, ,DE LTAR 'PHAGS PA'I SPYOD YUL YIN, ,JI LTAR BYIS LA MI SNANG BA, ,DE LTAR MKHAS LA SNANG BA YIN, ,JI LTAR SNANG BA DE LTAR NI, ,SANGS RGYAS CHOS RNAMS MTSAN NYID MED, ,GANG ZHIG MA SKYAS MI SKYE LA, ,SKYES PA YANG NI MA YIN NO, ,RKYEN GYIS YOD DANG MED PA YANG, ,DE RNAMS DE LTAR MI GNAS SO, ,THEG CHEN ZHES BYA'I THEG PA NI, ,SGRA MIN YI GE MA YIN TE, ,BDEN PA MED CING NGES GROL MED, ,SNANG BA MED PA'I SPYOD YUL MIN, ,MA SKYES PA YI STONG @3B NYID GCIG ,GCIG NI SKYES PA STONG PA STE, ,MA SKYES PA YI STONG NYID MCHOG ,SKYES PA'I STONG PA 'JIG PA YIN, ,DE BZHIN NYID STONG YANG DAG MTHA', ,MYA NGAN 'DAS DANG CHOS KYI DBYINGS, ,LUS SEMS DPER NI SGYU MA NYID, ,SGYU MA'I GRANGS SU BSTAN PA YIN, ,GANG GI CUNG ZAD SKYE MED LA, ,CUNG ZAD 'GAG PA YOD MIN LA, ,DE YI YOD MED MTSUNGS PAS NA, ,'GRO BA RNAMS KYIS DBEN PAR MTHONG, ,'DI NA DNGOS RNAMS MI DMIGS PAS, ,DNGOS MED SPANGS PA'I RNAL 'BYOR PA, ,DNGOS DANG DNGOS MED MNYAM PA NYID, ,'BRAS BU 'PHAGS PA'I SPYOD YUL YIN, ,GANG GIS BDAG GI SEMS MTHONG NA, ,PHYI YI DON NI YOD MA YIN, ,DE LTAR DNGOS LA MA 'KHRUL NA, ,DE BZHIN NYID KYANG RJES SU DMIGS, ,GANG TSE YID DANG SEMS DANG NI, ,RNAM PAR SHES PA'ANG MI 'JUG LA, ,DE TSE SEMS 'DI'I 'BRAS BU NI, ,SANGS RGYAS KYI NI SA YANG 'THOB, ,RKYEN GYI TSIG DANG PHUNG PO DANG, ,RNAM PAR RIG PA GANG ZAG SEMS, ,CHOS RNAMS 'DI DAG MTSAN NYID NI, ,RMI LAM SKRA SHAD LTA BU YIN, ,SNA TSOGS SHES PAS 'KHOR BAR GNAS, ,DE LAS GNAS PA 'BYUNG BA YIN, ,RTZIG PA YOD PAR RI MO BZHIN, ,SNA TSOGS SHES PAS GNAS PA YIN, ,JI LTAR DNGOS MED MED DNGOS MED, ,NAM MKHA'I RANG BZHIN BZHIN DU BRJOD, ,DE BZHIN KUN GZHI'I 'BRAS BU GANG, ,DNGOS DANG DNGOS MED RNAM SPANGS TE, ,RGYUD GSUM RNAM PAR BCAD NAS NI, ,SEMS KYI RGYUN NI RNAM PAR SPANGS, ,LUS NI MTHA' BZHI DAG LAS GROL, ,DNGOS PO RTAG TU SGYU MA BZHIN, ,THEG GCIG LA NI THEG GSUM DU, ,'PHAGS RNAMS GSUNG BA BDAG CAG NI, ,BYIS PA BLO DMAN RNAMS LA YIN, ,'PHAGS PA RNAMS LA DE NYID STONG, ,RNAM PAR RTOG PA NYID 'PHEL BA'I, ,RKYEN LAS SKYES PA'I 'JIG RTEN NI, ,SGYU MA LA SOGS RMI LAM 'DRAR, ,GANG GIS RAB MTHONG RNAM PAR GROL, ,SEMS KYI GNYIS MED DAG PA YIS, ,SEMS NI 'KHRUL PAR 'GYUR MA YIN, ,'KHRUL PA'I RANG BZHIN NYID STONG BAS, ,DES NA SEMS NI MTHONG MA YIN, ,MTSAN NYID MTSAN GZHI LDAN PAR NI, ,GANG TSE @4A *, ,'DUS BYAS MTHONG BA YIN, ,GANG GIS 'KHOR BA RNAM BSAL NAS, ,'GRO BA RANG GI SEMS SU RTOG ,SEMS TZAM LA NI BRTEN NAS SU, ,PHYI ROL DON NI MI RTAG GO , ,DE BZHIN NYID DMIGS GNAS NAS NI, ,SEMS TZAM LAS NI 'DA' BAR BYA, ,SEMS TZAM LAS NI 'DAS NAS SU, ,SNANG BA MED LAS 'DA' BAR BYA, ,SNANG MED GNAS PA'I RNAL 'BYOR PA, ,DE YIS THEG PA CHEN PO MTHONG, ,DE LTAR SHES RAB DAG PA YIS, ,RANG GI NGO BO DON DAM 'DI, ,SHIN TU YANG NI GRUB PA NA, ,BRTAG PA'I GZHAN DNGOS 'BYUNG MA YIN, ,'PHAGS PA KLU SGRUB KYI ZHAL SNGA NAS MDZAD PA'I BSGOM PA'I RIM PA RDZOGS SO,, ,,RGYA GAR GYI MKHAN PO PAndI TA LO TA DANG, DGE SLONG SH'AKYA 'OD KYIS BSGYUR, , *, ,RGYA GAR SKAD DU, YO GA BH'A BA NA M'ARGA, BOD SKAD DU, RNAL 'BYOR BSGOM PA'I LAM, 'PHAGS PA 'JAM DPAL GZHON NUR GYUR PA LA PHYAG 'TSAL LO, ,'GRO BA SDUG BSNGAL MANG POS GZIR TE GTI MUG GIS MDONGS PA LA SNYING RJE BSKYED NAS, BDAG GIS KYANG THAMS CAD MKHYEN PA'I GO 'PHANG 'BRAS BU DANG BCAS PA THOB PAR BYAS LA, 'GRO BA RNAMS KYANG GO 'PHANG DE NYID LA DGOD PAR BYA'O ZHES BLA NA MED PA YANG DAG PAR RDZOGS PA'I BYANG CHUB TU SMON LAM GDAB BO, ,DE NAS BYANG CHUB KYI MTSAN NYID KYI SEMS RNAM PAR MA BYANG BA BSKYED PAR MI BYA'I, 'DI LTAR BYANG CHUB NI RANG GI SEMS LAS BTZAL BAR BYA'O ZHES 'BYUNG BA'I PHYIR THOG MAR RANG GI SEMS KHO NA LA BRTAG PAR BYA'O, , DE LA RANG GI SEMS NI LUNG LAS GSUNGS PA'I TSIG LNGA PO DNGOS PO THAMS CAD DANG BRAL BA DANG, PHUNG PO DANG KHAMS DANG SKYE MCHED DANG, GZUNG BA DANG 'DZIN PA RNAM PAR SPANGS PA DANG, CHOS BDAG MED PA MNYAM PA NYID DANG, RANG GI SEMS GZOD MA NAS MA SKYES PA DANG, STONG PA NYID KYI NGO BO NYID DAG TU KHONG DU CHUD PAR BYA'O, ,DE LA DNGOS PO THAMS CAD DANG BRAL BA ZHES BYA BA NI MU STEGS CAN 'KHRUL PAS SGRO BTAGS PA BDAG LA SOGS PA RTAG PA'I DNGOS PO DANG BRAL BA ZHES BYA BA'I DON GANG YIN PA'O, ,PHUNG PO DANG KHAMS DANG SKYE MCHED DANG GZUNG BA DANG 'DZIN PA RNAM PAR SPANGS @4B BA ZHES BYA BA NI NYAN THOS LA SOGS PA'I TSUL GYIS KUN DU BRTAGS PA'I NGO BO YOD PA DANG, MED PA'I RANG BZHIN YONGS SU SPANGS PA STE, RDUL PHRA MO TSOGS PA 'DZIN PA MIG LA SOGS PA'I SKYE MCHED DRUG DANG, GZUNG BA LA SOGS PA PHYI'I YUL DRUG DANG BRAL BA ZHES BYA BA'I DON GANG YIN PA STE, RDUL PHRA RAB SUN PHYUNG BA'I PHYIR RO, ,DE NYID KYI PHYIR TSIG GSUM PA CHOS BDAG MED PA MNYAM PA NYID CES BYA BA GSUNGS PA YIN TE, RNAM PAR SHES PA TZAM GYI TSUL LA 'JUG PAR BYA BA'I PHYIR RO, ,DE'I PHYIR TSIG BZHI PA RANG GI SEMS GZOD MA NAS MA SKYES PA ZHES BYA BA GSUNGS PA YIN TE, DE BAS NA DE NI RTEN CING 'BREL PAR 'BYUNG BA YIN PA'I PHYIR SGYU MA LTA BU YIN NO, ,GANG ZHIG BRTEN NAS MI SKYE ZHING RANG GI NGO BO NYID LAS MNYAM PAR MI 'GYUR BA DE NI DON DAM PA'I RANG BZHIN ZHES BYA'O, ,DE'I PHYIR RANG BZHIN MED PAS RANG GI SEMS GZOD MA NAS MA SKYES PA ZHES BYA'O; ,RTEN CING 'BREL PAR 'BYUNG BA'I NGO BO NYID DU KUN RDZOB TU YOD PA'I PHYIR SGYU MA DANG 'DRA BA NI MI DAG GO , ,DE BAS NA DON DAM PAR STONG PA NYID KYI NGO BO NYID CES BYA BA TSIG LNGA PA GSUNGS PA YIN NO, ,JI LTAR KUN RDZOB TU BRTAGS PA DANG, GZUNG BA DANG 'DZIN PA'I MTSAN NYID KYI CHOS RNAMS NI DON DAM PAR BDAG MED PA YIN TE, GZOD MA NAS MA SKYES PA'I PHYIR RO, ,MED PA RNAM PA BZHI PO SNGA NAS MED PA DANG, ZHI GNAS MED PA DANG, GCIG LA GCIG MED PA DANG, GTAN MED PA DAG KYANG DNGOS PO LA BRTEN PA RNAM PAR GZHAG PAS KHYAD PAR YANG MA YIN TE, STONG PA NYID KYANG DNGOS PO LA BRTEN PA'I PHYIR RO, ,DNGOS PO YOD NA DER RTOG PA KUN DU 'BYUNG NA, MED PAS RNAM PAR RTOG PA THAMS CAD DGAG PAS RNAM PAR RTOG PA YONGS SU DAG PAR BYED DO, ,DE'I PHYIR RANG GI SEMS STONG PA NYID KYI NGO BO NYID YIN PA DE BZHIN DU, CHOS THAMS CAD KYANG DE LTA BU YIN NA JI LTAR DE SNGON DU BTANG BA'I SMON PA'I BYANG CHUB KYI SEMS DON DAM PA'I NGO BO NYID LA SPYOD PA'I MTSAN NYID SHES RAB DANG MTSUNGS PAR LDAN PA NI 'JUG PA'I SEMS ZHES BYA STE, DE KHO NA NGES PA LA 'JUG PA'I THABS YIN PA'I PHYIR RO, ,GZHAN GANG ZHIG SPYOD PAS KUN NAS MA BSLANG BA'I SEMS CHOS THAMS CAD @5A *, ,KYI STONG PA NYID KYI NGO BO KHONG DU CHUD PA YANG DAG PA JI LTA BA BZHIN DU YONGS SU SHES PA NYID KYIS BYANG CHUB KYI SEMS ZHES BYA'O, ,BYANG CHUB KYI MTSAN NYID KYI SEMS NI BYANG CHUB KYI SEMS ZHES BYA BAS DE DANG MTSUNGS PAR LDAN PA'I SHES RAB KYANG SHES RAB KYI PHA ROL TU PHYIN PA ZHES BYA'O, ,YANG KHA CIG LAS DE NYID ZHI GNAS DANG LHAG MTHONG ZHES BYA BAR YANG RAB TU GRAGS TE, DE LA ZHI GNAS DANG MTSUNGS PAR LDAN PA'I LHAG MTHONG NGO, ,ZHI GNAS NI SEMS RTZE GCIG PA NYID DO, ,BYANG CHUB KYI MTSAN NYID KYI SEMS NI STONG PA NYID KYI DON LA BYA BA YIN NO, ,GZHAN DAG LAS GNAS KYI SEMS ZHES BYA BAR GRAGS TE, GNAS NI STONG PA NYID LA SEMS MI G-YO BA YIN NO, ,DE DANG MTSUNGS PAR LDAN PA'I SEMS NI ZHI GNAS KYI SEMS ZHES BYA'O, ,DE STONG PA NYID KYI SEMS KYIS RAB TU PHYE BA YIN PA'I PHYIR MOS PA'I DE KHO NA NYID YID LA BYED PA ZHES BYA'O, ,DE YANG GNYID DANG RGOD PA'I SKYON GNYIS YONGS SU SPANGS PAS BYA'O, ,GANG GI TSE GNYID KYI MUN PAS NON TE DMIGS PA LAS LDOG PAR BYED PA SEMS LAS SKYE BA DE'I TSE, CHOS LA SPYOD PA'I MTSAN NYID LHAG MTHONG GI SEMS GZENGS BSTOD LA STONG PA NYID LA MNYAM PAR GZHAG PAR BYA'O, ,'ON TE YUL RNAMS KYI RNAM PAR SPYOD PAS RGOD PAR GYUR NA, DE YANG DON DAM PA LA SPYAD PAS DE LA DMIGS PA BOR TE ZHI GNAS DANG LDAN PAS GNAS PAR BYA'O, ,GANG GI TSE HA CANG DPYAD CHES PAS SHES RAB SHAS CHE BAR GYUR PA DE'I TSE, YANG DPYAD PA'I DUS DE MA YIN TE, ZHI GNAS KYI DUS YIN PAS DUS DANG DUS MA YIN PA BTANG SNYOMS SU BYA BA TSAD MAR BYAS NAS YANG ZHI GNAS LA GNAS PAR BYA'O, ,GANG GI TSE ZHI BA NYID THOB NAS DE LA MNGON PAR ZHEN PAR GYUR NA, DE'I TSE ZHI BA NYID KYANG NGO BO NYID MED PA'I PHYIR, DE LA MNGON PAR ZHEN PA BOR TE MA CHAGS PA KHO NA LA GNAS PAR BYA'O, , DE LTAR MTHU CI YOD PA DANG, JI LTAR 'DOD PA DANG, DUS CUNG ZAD CIG TU YANG MNYAM PAR GZHAG PA'I PHYIR, YANG DANG YANG DU RANG GI SEMS LA YANG DAG PA JI LTA BA BZHIN DU RANG BZHIN BRTAGS NAS SEMS DE LAS BSLANG BAR BYA'O, ,BSLANG NAS YANG 'DI LTAR GAL TE DNGOS PO 'DI DAG THAMS CAD STONG PA @5B NAM MKHA' DANG 'DRA BA'I MTSAN NYID YIN YANG, 'ON KYANG DE NI SGYU MA DANG RMI LAM LA SOGS PA DANG 'DRA BAR THOG MA MED PA'I DUS NAS SO SOR NGES PA'I RGYU DANG 'BRAS BU 'BREL PA LA RAG LAS PA'I RGYU DES PHYIN CI LOG GI RNAM PAR SNANG BA YIN TE, LANG KAR GSHEGS PA LAS, CHOS 'DI DAG NI MA SKYES 'DI DAG MED MIN TE, ,SGYU MA SMIG RGYU DRI ZA'I GRONG KHYER DANG, ,RMI LAM LTA BU SPRUL PA 'DRA BA YIN, ,ZHES GSUNGS PA LTA BU'O, ,SEMS CAN RNAMS KYI SHES PA SHES RAB MA RIG PA'I MUN PA SHAS CHEN POS KHEBS PAS CHOS NYID 'DI DAG KHONG DU MA CHUD PAS YUN RING POR 'KHRUL PAS RNAM PAR NYAMS PA YIN NO ZHES YID LA BYA ZHING SNYING RJE BSKYED PAR BYA'O, ,DES KYANG DE GZIR BA NA 'DI SNYAM DU DE'I PHYIR BDAG GIS CHOS NYID 'DI DAG RANG GIS KYANG RTOGS PAR BYAS LA, SEMS CAN THAMS CAD KYIS KYANG KHONG DU CHUD PAR BYA'O SNYAM DU BSAMS TE, DE LTAR BSGOMS PA NI BYANG CHUB TU SMON PA'I SEMS YONGS SU DAG PA YIN NO, ,'DI LTAR CHOS THAMS CAD RMI LAM DANG 'DRA BAR YID LA BYED PA MA BRJED PAS LANGS NA YANG SEMS CAN GYI DON DU BYANG CHUB LA GNAS PAR BYED KYANG CHOS GANG LA YANG MNGON PAR ZHEN PA MI 'BYUNG NGO, ,'DI NI DE LAS LDANG BA'I SEMS ZHES BYA'O, ,DE LAS GZHAN PA'I DON GYI DMIGS PA DAG MNGON DU ZIN GYIS KYANG RNAL 'BYOR PAS CHOS THAMS CAD RMI LAM DANG 'DRA BAR YID LA BYED PA MI GTONG BA KHO NAR BYA STE, DES NA DE'I SEMS NI MI DGE BA LA YANG 'JUG PAR MI BYED LA, DE 'GRO BA DRANG BA'I BSAM PA NYID KYIS GNAS PA NA DGE BA RNAMS LA YANG G-YO BA THAMS CAD 'KHOR GSUM YONGS SU DAG PAR SGRUB PAR BYED DO, ,DA BZHIN DU YANG BYAMS PA DANG, SNYING RJE DANG, DGA' BA DANG, BTANG SNYOMS LA GNAS PAS RTAG TU GNAS PAR BYA'O, ,DES 'DI LTAR YANG 'GRO BA MA LUS PA BYANG CHUB PAR BYA BA'I THABS BLA NA MED PA'I BYANG CHUB KYI GO 'PHANG YANG BSOD NAMS DANG YE SHES KYI TSOGS YONGS SU RDZOGS PA MED PAR THOB PAR MI NUS LA, TSOGS GNYIS NI PHA ROL TU PHYIN PA DRUG GIS BSDUS PA YIN TE, DE'I PHYIR SBYIN PA'I PHA ROL TU PHYIN PA NAS BZUNG NAS THAMS CAD RTAG TU YONGS SU RDZOGS PAR BYA'O ZHES YID LA BYA STE, DRUG PO RE RE LA YANG @6A *, ,SMON PAR BYED DO, ,GZHAN YANG DE 'DI LTAR SEMS SKYED PAR BYED DE, SBYIN PA'I PHA ROL TU PHYIN PA YANG RNAM PA GSUM STE, ZANG ZING DANG, MI 'JIGS PA DANG, CHOS KYI SBYIN PAS DBYE BAS SO, ,DE LA CHOS KYI SBYIN PA YANG SEMS CAN MA BSDUS PA RNAMS LA SBYIN PAR MI NUS KYIS, DE NI BSDU BA RNAM PA BZHI PO DAG GIS SGRUB PAR NUS SO, ,DE'I PHYIR SBYIN PA DANG, SNYAN PAR SMRA BA DANG, DON SPYOD PA DANG, DON MTHUN PAS SEMS CAN BSDU BAR BYA'O, ZHES SEMS CAN BSDU BA'I DON DU SMON LAM BZHI PO GZHAN BSKYED PAR BYA'O, ,ZHES SEMS SKYED PAR BYED DE, SBYIN PA RNAM PA GSUM GYI NANG NAS ZANG ZING DANG MI 'JIGS PA SBYIN PA GNYIS NI BSDU BA'I THABS SU GYUR PA YIN LA, CHOS KYI SBYIN PA NI THABS DES BSGRUBS PA YIN NO, ,DE LTAR NA PHA ROL TU PHYIN PA LA SMON PA DRUG DANG BSDU BA'I DNGOS PO BZHI STE, DE'I PHYIR SMON LAM BCU PO DAG KHO NAS BYANG CHUB CHEN PO LA SMON PA'I SEMS DE LEGS PAR BRGYAN NAS MTHU CI YOD PA DANG, JI LTAR BSAM PA'I DON BSGRUB PA NA SPRO BA CHEN PO DANG LDAN PA'I SEMS KYIS LDANG BAR BYA'O, ,LANGS PA'I TSUL NI 'DI YIN TE, MIG GNYIS PHYE NAS SNGAR RTOG PA'I GNAS SKABS BOR TE, MDUN DU LTA BA'I MTSAN MA BYAS PA'I GNAS RNAMS LA LTA BAR BYA ZHING, SNGA MA BZHIN DU DE RNAMS KYI MING NAS BZUNG ZHING PHYOGS KYI MTSAN MA GZUNG BAR BYA'O, ,LCE RKAN NAS PHAB STE KHA LA BYUGS NAS DE'I 'OG TU SNGON BZHIN DU DBUGS BRNGUBS PA DANG DBUGS DBYUNG BA DAG BYA'O, ,DE NAS DAL BUS LUS BSKYOD DE SKYIL MO KRUNG BSHIG NAS NGAL BSO STE LUS DANG SEMS LAS SU RUNG BAR BYAS LA, CI NAS 'KHRUL PA MED PAR LDANG BAR BYA'O, ,LANGS NAS SEMS LEGS PAR MNYAM PAR GZHAG PAS MI DMIGS PA'I TSUL GYIS SBYIN PA LA SOGS PA'I SPYOD PA SPYAD CING, 'DI LTAR SANGS RGYAS BCOM LDAN 'DAS RNAL 'BYOR GYI DBANG PHYUG CHEN PO SKYIL MO KRUNG BCAS TE BZHUGS BA BSAM GTAN GYI SNYOMS PAR ZHUGS SHING 'GRO BA LA GZIGS PA MDUN DU BSAM PAR BYA'O, ,RNAL 'BYOR BSGOM PA'I LAM, 'PHAGS PA 'JAM DPAL GYI ZHABS KYI PADMA'I ZE'U 'BRU SPYI BOS LEN PA, SDE SNOD GSUM LA MKHAS PA SLOB DPON YE SHES SNYING POS MDZAD PA RDZOGS SO,, ,, @6B (MI RTOG PA'I BSGOM DON BZHUGS,) *, ,CIG CAR 'JUG PA RNAM PAR MI RTOG PA'I BSGOM DON, 'JAM DPAL GZHON NUR GYUR PA LA PHYAG 'TSAL LO, ,'DI LA YANG DAG PA'I MTHA' BTZAN PAR BYAS NA, BDAG GI GZHUNG GZUGS SHING PHA ROL SUN DBYUNG DU MED, MYA NGAN LAS 'DAS PA SGRUB TU MED LA, 'KHOR BA SPANG DU MED DE, MGO LAN GNYIS SU BCAD DU MED PA BZHIN NO, ,'ON KYANG DMUS LONG DANG 'DRA BA BDAG GIS GSAL PAR BYED MI NUS MOD KYANG, YANG DAG PA'I DON LA 'DUD PA'I DON DU LUNG LA BRTEN TE MDO TZAM ZHIG BRJOD PAR BYA'O, ,GANG DAG THAMS CAD MKHYEN PA NYID MYUR DU THOB PAR 'DOD PA DES RNAM PAR MI RTOG PA'I TING NGE 'DZIN BSGOM PAR BYA'O, ,DNGOS SU GANG ZHE NA, ZHI GNAS DANG LHAG MTHONG NGO, ,MTSAN MA LA MI GNAS PA NI ZHI GNAS KYI TING NGE 'DZIN TO, ,MTSAN MA GANG DANG YANG MA BRAL BA NI LHAG MTHONG GI TING NGE 'DZIN TO, ,MTSAN MA MI SKYE BA NI ZHI GNAS SO, ,MTSAN MA MI 'GAG PA NI LHAG MTHONG NGO, ,DNGOS PO'I MTHA' NI ZHI GNAS SO, ,DNGOS PO'I MTHA' MA LHUNG BA NI LHAG MTHONG NGO, ,DPER NA RI MTHON PO'I KHAR PHYIN TE BLTAS NA THAMS CAD GSAL BAR MTHONG BA BZHIN DU, TING NGE 'DZIN 'DI GNYIS KYI NANG DU TING NGE 'DZIN THAMS CAD SNANG NGO, ,'DI GNYIS LA GNAS PA NI RIN PO CHE BEE d'URYA'I KHANG PA'I NANG NA 'DUG PA'I MI DANG 'DRA STE, PHYI NANG KUN GSAL BAR MTHONG NGO, ,DE BZHIN DU DNGOS PO THAMS CAD KYI MTHA' MTHONG BAR 'GYUR TE, DE NYID SANGS RGYAS YIN PAR LANG KAR GSHEGS PA LAS, BYA BA DANG NI MTSAN NYID DANG, ,DNGOS POR MYA NGAN NGA MI 'DA', , RNAM RTOG RNAM PAR SHES PA LAS, ,BZLOG PAS MYA NGAN NGA 'DAS SO, ,RNAM PAR RTOG PA MI MTHONG ZHING, ,GANG TSE SANGS RGYAS MI MTHONG LA, ,'JUG MED SANGS RGYAS YIN PAR NI, ,GAL TE MTHONG NA DE SANGS RGYAS, ,ZHES 'BYUNG BA DANG, DRI MA MED PAR GRAGS PA'I MDO LAS, MI RTOG PA DANG MI DMIGS PA NI BYANG CHUB BO ZHES GSUNGS PAS DES NA RNAM PAR MI RTOG PA'I TING NGE 'DZIN 'DI LA BSGOM PAR BYA'O, ,RNAL 'BYOR PAS ZHI GNAS DANG LHAG MTHONG GI TSOGS LA JE BRTAN PAR BYA'O, ,DE LA ZHI GNAS KYI TSOGS GANG ZHE NA, GOS DANG ZAS LA SOGS PA RNYED SLA BA DANG, SKYE BO MI @7A *, ,SRUN PA DANG DGRA LA SOGS PA MED PA'I GNAS DANG, NAD MED PA'I YUL DANG, GROGS TSUL KHRIMS DANG LDAN PA'I LTA BA MTSUNGS PA DANG, NYIN MO MI NYUNG LA MTSAN MO SGRA CHUNG BA DANG, CHOS GOS LA SOGS PA BZANG PO DANG MANG PO LA LHAG PAR CHAGS PA MED PA DANG, NGAN DON [?] TZAM RNYED PAS RTAG TU TSOG [*'TSOG?] SHES PA DANG, NYO TSONG LA SOGS PA LAS NGAN PA YONGS SU SPANGS PA DANG, KHYIM PA DANG RAB TU BYUNG BA DAG DANG, HA CANG SMOS 'DRIN CHUNG BA DANG, SMAN BYED PA DANG, SKAR MA BRTZI BA LA SOGS PA BYA BA THAMS CAD SPANGS PA DANG, SDOM PA GNYIS KA LA YANG RANG BZHIN DANG BCAS PA'I BSLAB PA'I GZHI MI 'DRAL BA DANG, BAG MED PAS RAL NA YANG MYUR DU CHOS BZHIN DU BYED PA DANG, NYAN THOS DAG GI SDOM PA LA PHAM PA BCOS SU MI RUNG BAR GSUNGS PA YANG 'GYOD PA DANG LDAN PA DANG, PHYIS MI BYA BA'I SEMS DANG LDAN PA YIN, SEMS GANG GIS LAS DES BYA BA'I SEMS DE LA NGO BO NYID MED PAR SO SOR RTOGS PA'I PHYIR RAM, CHOS THAMS CAD NGO BO NYID MED PAR BSGOMS NA, DE'I TSUL KHRIMS RNAM PAR DAG PA KHO NA YIN PAR RIG PAR BYA'O, ,DE NAS 'GYOD PA MED PAR BYAS LA BSGOM PA LA BRTZON PAR BYA'O, ,'DOD PA RNAMS LA YANG TSE 'DI DANG TSE PHYI MA LA NYES DMIGS RNAM PA MANG POR 'GYUR BA YID LA BYAS LA, DE DAG LA RNAM PAR RTOG PA SPANG BAR BYA'O, ,RNAM PA GCIG TU NA DNGOS PO SDUG PA'AM MI SDUG PA YANG RUNG STE, DE DAG THAMS CAD NI RNAM PAR 'JIG PA'I CHOS CAN MI BRTAN PAS GTAN DU MI 'GROGS, GDON MI ZA BAR DE DAG THAMS CAD DANG BDAG RING POR MI THOGS PAR 'BRAL BAR 'GYUR NA, BDAG DE LA CI ZHIG CHAGS PAR 'GYUR, CI ZHIG ZHE SDANG BAR 'GYUR SNYAM DU BSEMS [*BSAMS?] LA RNAM PAR RTOG PA THAMS CAD SPANG BAR BYA'O, ,LHAG MTHONG GI TSOGS GANG ZHE NA, SKYES BU DAM PA LA BRTEN PA DANG, MANG DU THOS PA YONGS SU TSOL BA DANG, TSUL BZHIN SEMS PA'O, ,DE LA SKYES BU DAM PA LA BRTEN PA GANG ZHE NA, GANG MANG DU THOS PA DANG, TSIG GSAL BA DANG, SNYING RJE DANG LDAN PA DANG, SKYO BA BZOD PA'O, ,DE LA MANG DU THOS PA YONGS SU TSOL BA GANG ZHE NA, BCOM LDAN 'DAS KYI GSUNG RAB YAN LAG @7B BCU GNYIS SO, ,NGES PA'I DON DANG DRANG BA'I DON LA MKHAS PA LA BRTEN NAS SHES RAB RNAM PA GSUM BSKYED PAR BYA'O, ,TSUL BZHIN SEMS PA GANG ZHE NA, YANG DAG PA'I DON LA MA NOR BAR BSGOM PA'O, ,DE LTA MA YIN NA RGYUS MED LAM KHA BRAG GI MDOR PHYIN PA'I MI BZHIN DU GANG DU YANG GCIG TU NGES PAR MI 'GYUR RO, ,RNAL 'BYOR PAS NI DUS THAMS CAD DU, NYA DANG SHA LA SOGS PA SPANG ZHING, MI MTHUN PA MA YIN PA DANG, ZAS TSOD ZIN PA BZA' BAR BYA'O, ,MKHAS PA NYAMS CAN DAG LA YANG SKABS SKABS SU DON DRI ZHING, NGA RGYAL SPANGS LA DON MA NOR BAR BYA'O, , DE LTAR BYANG CHUB SEMS DPA' ZHI GNAS DANG LHAG MTHONG GI TSOGS MTHA' DAG BSAGS PAS DE BSGOMS PA LA 'JUG PAR BYA'O, ,DE LA RNAL 'BYOR PAS BSGOM PA'I DUS NA THOG MAR BYA BA THAMS CAD YONGS SU RDZOGS PAR BYAS LA, BSHAD GCI BYAS NAS SGRA'I TSER MA MED PA YID DU 'ONG BA'I SA PHYOGS SU BDAG GIS SEMS CAN THAMS CAD BYANG CHUB KYI SNYING PO LA DGOD PAR BYA'O SNYAM DU BSAM ZHING, 'GRO BA MTHA' DAG MNGON PAR GDON PAR 'DOD PA'I BSAM PA CAN GYIS SNYING RJE CHEN PO MNGON DU BYAS LA, PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD LA YAN LAG LNGAS PHYAG BYAS NAS, SANGS RGYAS DANG BYANG CHUB SEMS DPA'I SKU GZUGS RI MO LA SOGS PA MDUN DU GZHAG GAM, GZHAN DU YANG RUNG STE, DE DAG LA CI NUS KYIS MCHOD PA DANG, BSTOD PA BYAS LA, RANG GI SDIG PA BSHAGS NAS, 'GRO BA MTHA' DAG GI BSOD NAMS LA RJES SU YI RANG BAR BYAS LA, STAN SHIN TU 'JAM PO BDE BA LA RJE BTZUN RNAM PAR SNANG MDZAD KYI SKYIL MO KRUNG LTA BU'AM, SKYIL MO KRUNG BYED DU YANG RUNG STE, MIG HA CANG MI DBYE, HA CANG YANG MI ZUM PAR SNA'I RTZE MOR GTAD CING, LUS HA CANG YANG MI SGU, HA CANG YANG MI DGYE BAR DRANG POR BSRANG STE, DRAN PA NANG DU BZHAG STE 'DUG PAR BYA'O, ,PHRAG PA MNYAM PAR GZHAG LA MGO MI MTHO MI DMA' ZHING PHYOGS GCIG TU MI G-YO BAR GZHAG STE, SNA NAS LTE BA DRANG POR GZHAG GO, ,LCE YANG SO'I DRUNG DU GZHAG GO, ,DBUGS PHYI NANG DU RGYU BA YANG SGRA CAN DANG RNGAM PA DANG DBUGS @8A *, ,RGOD PA CAN DU MI GTANG GI CI NAS KYANG MI TSOR BAR DAL BU DAL BUS LHUN GYIS GRUB PA'I TSUL GYIS DBUGS NANG DU RNGUB PA DANG PHYIR 'BYUNG BAR 'GYUR BA DE LTAR BYA'O, ,DE LA RNAL 'BYOR PAS THOG MAR DE BZHIN GSHEGS PA'I SKU GZUGS JI LTAR MTHONG BA DANG JI LTAR THOS PA LA SEMS BZHAG NAS ZHI GNAS BSGRUB PAR BYA STE, SKU GZUGS DE YANG GSER BTZO MA BZHIN DU SER LA, MTSAN DANG DPE BYAD BZANG POS BRGYAN PA 'KHOR GYI DBUS NA BZHUGS PA THABS SNA TSOGS KYIS 'GRO BA'I DON MDZAD PA'O SNYAM DU BSAMS LA, RGYUN DU YID LA BYAS LA DE'I YON TAN LA 'DOD PA BSKYED CING, BYING BA DANG RGOD PA ZHI BAR BYAS LA JI SRID DU DE MDUN NA BZHUGS PA BZHIN DU GSAL BAR MTHONG BAR GYUR PA DE SRID DU BSAM GTAN BYA'O, ,'PHAGS PA TING NGE 'DZIN GYI RGYAL PO'I MDO LAS KYANG, GSER GYI KHA DOG LTA BU'I SKU LUS KYIS, ,'JIG RTEN MGON PO KUN TU MDZES PA STE, ,DMIGS PA DE LA GANG GIS SEMS 'JOG PA, ,BYANG CHUB SEMS DPA' DE MNYAM GZHAG CES BYA, ,ZHES GSUNGS SO, ,YANG NA DNGOS PO GZUGS CAN NAM GZUGS MED DAM, RNAL 'BYOR PA'I DMIGS PA'I YUL GANG LA BDE BA DE LA SEMS GTAD LA ZHI GNAS BSGRUB PAR BYA'O SEMS YUL LA GTAD LA, GTAD PA DE LA BYING BA DANG RGOD PAR MI 'GYUR BAR SHIN TU GSAL BAR GYUR PA DE SRID DU BSAM GTAN BYA'O, ,'PHAGS PA TING NGE 'DZIN GYI RGYAL PO'I MDO LAS, TING NGE 'DZIN NI SNYOMS PA'I SA, ,ZHI LA PHRA STE BLTA DKA' BA, ,'DU SHES THAMS CAD BCOM PAS NA, ,DE'I PHYIR TING NGE 'DZIN ZHES BYA, ,ZHES GSUNGS SO, ,ZHI GNAS NYAMS SU LEN NA RNAL 'BYOR PAS LHAG MTHONG BSGOM PAR BYA'O, ,ZHI GNAS LA GNAS PAS SHES RAB KYI DE KHO NA NYID YONGS SU BTZAL BAR BYA ZHING ZHI GNAS 'BA' ZHIG GIS CHO GA PAR [?] MI BYA'O SNYAM DU BSAM MO, ,DE KHO NA NYID JI LTA BU ZHE NA, DON DAM PAR NA GANG ZAG DANG, PHUNG PO LNGA DANG, SKYE MCHED DANG, KHAMS DANG, SANGS RGYAS KYI SKU DANG, YE SHES MAN CHAD DANG, SEMS CAN DMYAL BA YAN CHAD, RGYA MTSO DANG, RI RAB DANG, DNGOS PO CHOS SU BTAGS PA DANG, THA SNYAD @8B DU BTAGS PA THAMS CAD BLOS ZHIB TU BRTAGS SHING DPYAD LA, RANG BZHIN MED PA STONG PA NYID DU BSAM ZHING RANG BZHIN GYIS RNAM PAR BYANG BA, GDOD MA NAS STONG PA, BSAM PA DANG BRJOD PA THAMS CAD KYI YUL LAS 'DAS PA, MYA NGAN LAS 'DAS PA NI BLANG DU MED, 'KHOR BA NI SPANG DU MED DE NAM MKHA'I RANG BZHIN LTA BU'O SNYAM DU BSAMS LA SEMS KYI RGYUN MI G-YENG BAR BYA'O, ,'PHAGS PA LAS KYI SGRIB PA RNAM PAR DAG PA'I MDO LAS, BYIS PA DNGOS POR 'DZIN PAS DPYAD CING BRTAGS, ,SGYU MA'I GSOG STE MED CING STONG PA YIN, ,'DI NI 'DOD CHAGS ZHE SDANG GTI MUG MED, , CHOS 'DI THAMS CAD MTSAN NYID MED PA STE, ,RTZA BA MI DMIGS GZOD NAS RAB TU ZHI, ,MTHA' MA GZUGS MED DBEN ZHING SNYING PO MED, ,'DOD CHAGS 'OD GSAL GTI MUG RAB TU ZHI, ,ZHES GSUNGS SO, ,'PHAGS PA TSUL BRGYA LNGA BCU PA LAS, THAMS CAD NAM MKHA'I MTSAN NYID DE, ,NAM MKHA' LA YANG MTSAN NYID MED, ,NAM MKHA'I MTSAN NYID SBYOR BAS NA, ,KUN MCHOG MNYAM NYID RDZOGS PA'O, ,ZHES GSUNGS SO, ,'JAM DPAL GNAS PA'I MDO LAS, DE BZHIN NYID NI BRI BA MA YIN, 'PHEL BA MA YIN, SEMS CAN GYI KHAMS KYANG BRI BA MA YIN, 'PHEL BA MA YIN NO, ,KUN NAS NYON MONGS PA MA YIN TE, RNAM PAR BYANG BA MA YIN NO ZHES GSUNGS SO, ,YANG GSUNGS PA, RTOG PA RNAMS NI G-YO BAR 'GYUR, ,RTOG PA MED NA MYA NGAN 'DA', ,GANG GI RANG BZHIN DE SHES PA, ,DE NI YE SHES LDAN ZHES BYA, ,ZHES GSUNGS SO; ,PAR NE RBAN GYI MDO LAS, LAM DBU MA NI SANGS RGYAS KYI NGO BO NYID CES BGYI'O, ,TSANGS PA KUN 'DRIS KYI MDO LAS, JI LTAR LAM BSGOM PAR BGYI, BKA' STZAL PA, CHOS DANG CHOS MA YIN PA RNAM PAR MI RTOG ,MTSAN NYID DANG BRAL BA NI LAM BSGOM PA'O ZHES GSUNGS PA NI, DNGOS PO'I NGO BO MI DMIGS PA LA DGONGS PA'O, ,DE LTAR NA 'DUS BYAS DANG, 'DUS MA BYAS PA'I CHOS THAMS CAD NI YANG DAG PAR MED PA KHO NA YIN NO SNYAM DU BSGOM PAR BYA'O, ,DE LTAR CHOS SU BTAGS PA MTHA' DAG MED PA KHO NA LA ZHUGS PA DE YONGS SU BRTAG PAR BYA BA GZHAN MED PAS RTOG PA DANG @9A *, ,DPYOD PA DANG BRAL BA BRJOD PA MED PA, NGANG GCIG TU GYUR PA'I YID LA BYED PA RANG GI NGANG GIS 'JUG PA, MNGON PAR 'DU BYED PA MED PAS DE KHO NA NYID DE NYID LA SHIN TU GSAL BAR BSGOM ZHING 'DUG PAR BYA'O, ,DE LTAR GNAS NAS SEMS KYI RGYUN RNAM PAR MI G-YENG BAR BYA'O, ,DE LTAR GYUR NA SPROS PA MED PA RNAM PAR MI RTOG PA NYID LA ZHUGS PA YIN NO, ,GZUGS LA SOGS PA LA MI GNAS PA YIN NO, ,SHES RAB KYIS BRTAGS NA DNGOS PO MTHA' DAG GI NGO BO NYID MA DMIGS PA'I PHYIR SHES RAB MCHOG GI BSAM GTAN PA YANG YIN NO, ,GANG GI TSE DE LA SEMS MNGON PAR MI DGA' BA MTHONG BA DE'I TSE, TING NGE 'DZIN GYI YON TAN MTHONG BA'I PHYIR DE LA DGA' BA BSGOM PAR BYA'O, ,CI STE RMUGS PA DANG GNYID KYIS NON PAS RGYU BA MI GSAL BA'I PHYIR, SEMS BYING BA'AM BYING DU DOGS PAR MTHONG BA DE'I TSE, MCHOG TU DGA' BA'I DNGOS PO SANGS RGYAS KYI SKU GZUGS LA SOGS PA'AM, RTEN CING 'BREL PAR 'BYUNG BA'AM, MDZAD PA BCU GNYIS LA SOGS PA YID LA BYAS LA BYING BA ZHI BAR BYAS NAS DE KHO NA NYID LA SHIN TU BRTAN PAR GZUNG BAR BYA'O, ,CI STE GANG GI TSE MNGON DU BYUNG BA'I YUL LA 'DOD PAS BAR SKABS SU SEMS RGOD PA'AM, RGOD DU DOGS PAR MTHONG BA DE'I TSE MI RTAG PA DANG TSE 'DI DANG, TSE PHYI MA'I NYES DMIGS DANG, GTAN DU MI 'GROGS PAS CI'I PHYIR 'DI LA LHAG PAR CHAGS PAR BYA SNYAM DU BSAMS LA RGOD PA ZHI BAR BYA'O, ,DE NAS YANG DE KHO NA NYID LA SEMS MNGON PAR 'DU BYA BA MED PAR 'JUG PAR 'BAD BAR BYA'O, ,CI STE GANG GI TSE BYING BA DANG RGOD PA LAS DBEN PA'I PHYIR MNYAM PAR ZHUGS SHING RANG GI NGANG GIS 'JUG PAS, DE KHO NA NYID DE NYID LA SEMS SHIN TU GSAL BAR BYUNG BAR GYUR PA DE'I TSE RTZOL BA KLONG LA BTANG SNYOMS SU BZHAG STE, DE'I TSE ZHI GNAS DANG LHAG MTHONG ZUNG DU 'BREL PA'I LAM GRUB PA YIN PAR RIG PAR BYA'O, ,DE NAS RNAL 'BYOR PAS JI SRID DU DGA' BA DE SRID DU MNGON PAR 'DU BYA BA MED PA KHO NAR DE KHO NA LA BSGOM ZHING 'DUG PAR BYA'O, ,TSUL DE LTA BUS MEL TSE THUN GCIG GAM, THUN PHYED DAM, CHU TSOD GCIG GAM, JI SRID @9B NUS NUS SU'AM, THA NA SE GOL GTOGS PA'I BAR DU YANG BSGOM ZHING 'DUG PAR BYA'O, ,LUS DANG SEMS LA GNOD PAR GYUR NA SKABS SKABS SU 'JIG RTEN MTHA' DAG LA BLTAS LA, SGYU MA LTA BU DANG, RMI LAM LTA BU DANG, CHU ZLA LTA BU DANG, MIG YOR LTA BUR RTOGS PAR BYA'O, , DE SKAD DU RNAM PAR MI RTOG PAR 'JUG PA'I GZUNGS LAS KYANG, 'JIG RTEN LAS 'DAS PA'I YE SHES KYI CHOS THAMS CAD NAM MKHA'I DKYIL DANG MTSUNGS PAR MTHONG NGO, ,DE'I RJES LA THOB PA NI SGYU MA DANG, SMIG RGYU DANG, CHU ZLA BZHIN DU MTHONG NGO, ,ZHES GSUNGS SO, ,DE NAS YANG RNAM PAR MI RTOG PA LA BSGOM PAR BYA'O, ,DE YANG LUS DANG SEMS LA GNOD PAR GYUR NA SEMS GTAD LA, 'JIG RTEN MTHA' DAG LA GONG DU BSHAD PA LTAR BSAMS LA 'PHAGS PA BZANG PO SPYOD PA LA SOGS PA'I SMON LAM YANG DAG PAR GDAB BO, ,PHA ROL TU PHYIN PA RNAMS KYANG RDZOGS PAR BYA'O, , DE LTAR BYAS NA DON DAM PAR CHOS THAMS CAD MA SKYES PA YIN YANG SGYU MA BZHIN DU RGYU DANG RKYEN SO SOR NGES PA SNA TSOGS PA 'DUS PA'I DBANG GIS MA BRTAGS NA NYAMS DGA' BA SNA TSOGS DAG KHO NA 'BYUNG STE, DES NA CHAD PAR LTA BAR YANG MI 'GYUR RO, ,SGRO 'DOGS PA'I MTHAR YANG MI 'GYUR TE, 'DI LTAR SHES RAB KYIS RNAM PAR BRTAGS NA MI DMIGS TE, DES NA RTAG PA NYID DANG SGRO 'DOGS PA'I MTHAR YANG MI 'GYUR RO, ,RNAM PAR MI RTOG PA BSGOM PA'I NANG DU 'DUS BYAS KYI CHOS DGE BA DANG, 'DUS MA BYAS KYI CHOS THAMS CAD 'DUS PAR YANG GSUNGS TE, THEG PA CHEN PO'I CHOS RNAM PAR MI RTOG PA'I NANG DU BYANG CHUB TU SEMS BSKYED PA 'DUS PA JI LTA BU ZHE NA, RDO RJE GCOD PA'I MDO LAS, 'DU SHES THAMS CAD RNAM PAR SPANGS TE BLA NA MED PA'I BYANG CHUB TU SEMS BSKYED DO ZHES GSUNGS SO, ,MI RTOG PA'I NANG DU THEG PA CHEN PO 'DUS PA JI LTA BU ZHE NA, RDO RJE'I TING NGE 'DZIN GYI MDO LAS, BSAM ZHING MOD PA MED NA LDANG DUB [?] MI SKYE STE, YANG DAG PA JI LTA BA BZHIN DU MI G-YO BA'O, ,DE NI THEG PA CHEN PO'I ZHES GSUNGS SO, ,RNAM PAR MI RTOG PA'I NANG DU LAM BSGOM PA 'DUS PA JI LTA BU ZHE NA, SHES RAB KYI PHA ROL TU PHYIN PA LAS, MI DMIGS PA NI LAM MO, , @10A *, ,MI DMIGS PA NI 'BRAS BU'O ZHES GSUNGS SO, ,MI RTOG PA'I NANG DU LAM DBU MA 'DUS PA JI LTA BU ZHE NA, LANG KAR GSHEGS PA LAS, SEMS TZAM DU NA MI RTOG DANG, ,PHYI ROL DNGOS PO RNAM GSAL BAS, ,RNAM PAR RTOG PA RNAM LDOG STE, ,LAM DE NYID NI DBU MA'O, ,SEMS TZAM [?] YIN TE SNANG BA MED, ,SNANG BA MED PAS MI SKYE BAS, ,DBU MA PA YI LAM 'DI YANG, ,NGA DANG SANGS RGYAS RNAMS KYIS BSHAD, ,CES GSUNGS SO, ,MI RTOG PA'I NANG DU SHES RAB KYI PHA ROL TU PHYIN PA 'DUS PA JI LTA BU ZHE NA, SDUD PA LAS, GANG TSE 'DUS BYAS 'DUS MA BYAS DANG DKAR NAG CHOS, ,SHES RAB RNAM PAR BSHIG NAS RDUL TZAM MI GNAS TSE, ,'JIG RTEN DAG NA SHES RAB PHA ROL PHYIN GRANGS 'GRO, ,NAM MKHA' GANG LA 'ANG CUNG ZAD MI DMIGS DE DANG 'DRA, ,ZHES GSUNGS SO, ,MI RTOG PA'I NANG DU MNYAM PA NYID DANG, MI G-YO BA 'DUS PA JI LTA LTA BU ZHE NA, YE SHES SNANG BA'I RGYAN GYI MDO LAS, CHOS THAMS CAD KYI MTSAN NYID DMIGS SU MED PA GANG YIN PA DE NI MNYAM PA NYID YIN NO, ,MNYAM PA NYID GANG YIN PA DE NI GNAS PA NYID DO, ,GNAS PA NYID GANG YIN PA DE NI MI G-YO BA NYID YIN NO, ,MI G-YO BA NYID GANG YIN PA DE NI MI RTOG PA NYID YIN NO, ,CHOS THAMS CAD LA BRTEN PA'I SEMS KYI GNAS MED DO, ,SEMS MI GNAS PA DE NI SKYE BA MED PAR 'GYUR TE, DE LTAR MTHONG BA'I SEMS DANG SEMS LAS BYUNG BA'I RNAM PA NI PHYIN CI MA LOG PAR 'JUG PAR 'GYUR RO ZHES GSUNGS SO, ,MI RTOG PA'I NANG DU TSUL KHRIMS BLA NA MED PA 'DUS PA JI LTA BU ZHE NA, GLANG PO DANG MTSUNGS PA'I MDO LAS, TSUL KHRIMS CAN DU GANG RTOG DANG, ,TSUL KHRIMS LOG PAR RTOG PA YANG, ,GNYIS KA TSUL KHRIMS LOG PAR BSHAD, ,GNYIS MED TSUL KHRIMS MA LOG PA'O, ,ZHES 'BYUNG, MI RTOG PA'I NANG DU MTSAN MA SPONG BA 'DUS PA JI LTA BU ZHE NA, RNAM PAR MI RTOG PA'I GZUNGS LAS, JI LTAR YANG MTSAN MA DE DAG YONGS SU SPONG ZHE NA, MNGON DU SNANG BA YID LA MI BYED PAS SPONG NGO ZHES GSUNGS SO, ,MI RTOG PAR BSGOM PA'I SEMS KYI CHOS NYID MTHONG BA JI LTA BU ZHE NA, STUG PO BKOD PA'I MDO @10B LAS, JI LTAR SHIN TU BZANG PO'I GSER, ,GSER GYI DBYIBS LA MI SNANG STE, ,BRTZAL BAS SHIN TU ZHIB BTAGS NAS, ,YONGS SU SBYANGS NA SNANG BAR 'GYUR, ,DE BZHIN KUN GZHI RNAM PAR SHES, ,RNAM SHES BDUN DANG BCAS PA YANG, ,TING NGE 'DZIN GYIS YONGS SBYANGS PA'I,, RNAL 'BYOR CAN GYIS RTAG TU MTHONG, ,ZHES GSUNGS SO, ,MI RTOG PA'I NANG DU RANG GI RIG PA 'DUS PA JI LTA BU ZHE NA, DKON MCHOG SPRIN GYI MDO LAS, GSAL BA DE KHO NA ZHES BGYI BA CI LAGS, BKA' STZAL PA, DE KHO NA ZHES BYA BA NI YANG DAG PA'I DON GYI TSIG BLA DAGS SO, ,'DI NI SO SO RANG RIG PA YIN TE, TSIG DANG YI GE DAG GIS GDAGS PAR MI NUS SO, ,CI'I PHYIR ZHE NA, SMRA BA DANG, BRJOD PA DANG, RTOG PA THAMS CAD KYI YUL LAS 'DAS PA, 'PHAGS PA'I YE SHES KYI YUL TE YE NAS JI LTA BA BZHIN DU 'DUG PA'O ZHES GSUNGS PAS, CIG CAR 'JUG PA'I BSGOM PA'I DON 'DI NI, DE LTAR MDO MANG PO'I LUNG DANG YANG MI 'GAL LA, MKHAS PA DAG GI MAN NGAG DANG YANG MTHUN PA NYID DE, SLOB DPON N'A GA RDZU NAS RTEN 'BREL GYI SNYING PO MDZAD PA LAS KYANG, 'DI LA BSAL BA GANG YANG MED, ,GZHAG PAR BYA BA CI YANG MED, ,YANG DAG NYID LA YANG DAG LTA, ,YANG DAG MTHONG NAS RNAM PAR GROL, ,ZHES GSUNGS SO, ,YANG SLOB DPON GYIS RIGS PA DRUG CU PA MDZAD PA LAS KYANG, GANG DAG RNAM PAR DBEN PA LA, ,G-YO BA'I YID KYANG MI G-YO STE, ,NYON MONGS SPRUL GYIS DKRUGS PA YI, ,MI BZAD SRID PA'I RGYA MTSO BRGAL, , ZHES GSUNGS SO, ,SLOB DPON A'ARYA DE BAS MDZAD PA'I LAG PA'I TSAD KYI 'BREL PA LAS KYANG, KUN NAS NYON MONGS SPONG 'DOD PAS, ,DAM PA'I DON GYIS 'TSAL BAR BYA, ,ZHES GSUNGS SO, ,DES PA'I LUNG DANG BSTAN BCOS THAMS CAD LAS KYANG, MTHA' GNYIS DANG MTSAN MA LA MI GNAS PA NI MYA NGAN LAS 'DAS PA'I RGYU YIN LA, MTSAN MA LA GNAS PA NI 'KHOR BA'I NYES DMIGS SU GSUNGS PAS, RNAM PAR MI RTOG PA'I DON LA CIG CAR 'JUG PA NI, MYA NGAN LAS 'DAS PA'I LAM GYI MCHOG YIN PAR GSUNGS SO, ,RNAM PAR MI RTOG PA'I NANG DU CHOS THAMS CAD 'DUS PAR GSUNGS @11A *, ,TE; SHING THAN WA GA'I MDO LAS, CHOS GCIG BSLABS SHING BSGOMS NA CHOS THAMS CAD GROL BAR 'GYUR RO ZHES GSUNGS SO, ,ZLA BA SGRON MA'I MDO LAS, GANG ZHIG CHOS GCIG DANG NYAMS SU LDAN NA YON TAN GYI CHOS THAMS CAD RDZOGS PAR 'GYUR RO, ,GCIG GANG ZHE NA, DE BZHIN NYID DU RIG NA CHOS THAMS CAD LA GRAGS PA MED PA YIN, SGRA KUN SPANGS PA YIN NO ZHES GSUNGS SO, ,CHOS KYI RGYAL PO'I MDO LAS, CHOS GCIG SHES PAR NUS NA CHOS GCIG KYANG MI SHES PA MED DO, ,CHOS GCIG MI SHES NA CHOS GCIG KYANG SHES PA MED DO ZHES GSUNGS SO, ,ZLA BA MAR ME'I MDO LAS, 'JIG RTEN KHAMS NI STONG DAG TU, ,NGAS NI MDO SDE GANG BSHAD PA, ,SNA TSOGS TSIG 'BRU DON GCIG STE, ,THAMS CAD BRJOD PAR YONG MI NUS, ,TSIG GCIG GOMS PAR BYAS PAS NA, ,DE DAG THAMS CAD GOMS PAR 'GYUR, ,ZHES GSUNGS SO, ,SLOB DPON SENG GE BZANG POS MDZAD PA'I MNGON PAR RTOGS PA'I RGYAN GYI 'GREL PA LAS KYANG, CHOS GCIG CHOS KUN NYID KYI NGO BO NYID, ,GANG GI CHOS GCIG DE BZHIN NYID RTOGS PAS, ,DE YIS CHOS KUN DE BZHIN NYID DU RTOGS, ,ZHES GSUNGS PAS, LUNG DANG BSTAN BCOS DANG YANG MI 'GAL LA, KUN RDZOB TU YANG DON GYIS YOD DE, SHES RAB KYI PHA ROL TU PHYIN PA LAS, DE NI SH'A RI'I BU GZUGS STONG PA NYID DO, ,STONG PA NYID KYANG GZUGS SO, ,GZUGS DANG STONG PA NYID THA DAD PA MA YIN NO, ,DE BZHIN DU TSOR BA NAS CHOS THAMS CAD KYI BAR DU STONG PA NYID KYI MTSAN NYID DE, MI SKYE MI 'GAG MI 'PHEL MI 'GRIB BO ZHES GSUNGS PAS, DON DAM PAR RANG BZHIN MED KYANG KUN RDZOB TU SGYU MA TZAM DU STONG PA NYID GZUGS SU SNANG BAS CHAD PAR MI 'GYUR BA NI DBU MA'I GZHUNG NGO SNYAM MO, YE SHES SNANG BA'I RGYAN GYI MDO LAS, RGYU RKYEN RTEN 'BREL BSHAD PA DANG, ,RIM GYIS 'JUG PA BSTAN PA NI, ,RMONGS PA RNAMS LA THABS SU GSUNGS, ,LHUN GYIS GRUB PA'I CHOS DE LA, ,RIM DU SBYAR BA CI ZHIG YOD, ,MTHA' LAS 'DAS PA'I RANG BZHIN LA, ,GONG BUR 'DU SHES SU ZHIG LTA, ,CUNG ZAD DU YANG KHAS BLANGS @11B MED, ,DE TSE SEMS NI NAM MKHA' STE, ,SANGS RGYAS DANG NI SPYOD YUL GCIG ,CES GSUNGS PA NI DBU MA'I GZHUNG NGO SNYAM MO, ,LANG KAR GSHEGS PA LAS, DNGOS RNAMS SKYE BA KUN RDZOB TU, ,DAM PA'I DON DU RANG BZHIN MED, ,RANG BZHIN MED LA GANG NOR BA, ,DE NI YANG DAG KUN RDZOB 'DOD, ,CES GSUNGS PA DANG, SANGS RGYAS PHAL PO CHE LAS KYANG, YID BZHIN NOR BU'I RGYAL PO NI, ,CI YID BSAM PA RDZOGS BYED PA, ,DE BZHIN SANGS RGYAS CHOS NYID KYANG, ,RTAG TU SMON LAM RDZOGS PAR 'GRUB, ,MTHA' DANG DBUS MED 'JIG RTEN DER, ,'JIG RTEN PA YI 'DREN PAR GYUR, ,DE YI SMON LAM DE DAG GIS, ,PHYOGS BCU DE DAG RGYAL BAS GANG, ,JI LTAR ZLA BA SHAR GYUR PA, ,TSAD MED PA YI GZUGS BRNYAN RNAMS, ,CHU YI SNOD DU SHAR GYUR KYANG, ,ZLA BA GNYIS SU GYUR PA MED, ,DE BZHIN CHAGS MED MKHYEN LDAN RNAMS, ,CHAGS MED RNAM PAR 'TSANG RGYA BA, ,ZHING RNAMS KUN NA'ANG RAB TU SNANG, ,SANGS RGYAS LA NI GNYIS KYANG MED, ,CES GSUNGS PA NI DON DAM PAR GNYIS SU MED KYANG, THA SNYAD TZAM DU YANG THA DAD DE, DE NI DBU MA'I GZHUNG DU BCOM LDAN 'DAS KYIS DON DAM PA'I BKA' MTHA' DAG LAS RGYAS PAR GSUNGS SO, ,BDEN PA LE'U'I MDO LAS, 'JAM DPAL NGAS NYAN THOS DANG RANG SANGS RGYAS KYI THEG PA LA BKOD PA MED DO, ,'JAM DPAL THEG PA LA RNAM PAR BKOD PA ZHES BYA BA NI KUN RDZOB TU ZAD DO, ,DON DAM PAR THEG PA GCIG DANG GNYIS SU MED DO ZHES GSUNGS SO; ,YANG NI CHOS NYID KYIS MTHA' BTZAN PAR BYAS NA RNAL 'BYOR CHEN PO'I LAM YANG SMRA BSAM LAS 'DAS PA YIN TE, GZHUNG BSHAD DU MED MOD KYI, 'ON KYANG SO SO'I SKYE BO MA RABS RNAMS DRANG BA'I CHOS NYID LA GZUD [?] PA'I PHYIR THA SNYAD TZAM GYI SGO NAS BSHAD PAR ZAD DO, ,DE LA GANG DAG RNAM PAR MI RTOG PA'I BYA BA THAMS CAD SPANGS PA YIN NA, SEMS PA DGE BAS BSKYED PA'I LAS THAMS CAD KYANG SPANG NGAM CI, DKON MCHOG GSUM LA MCHOD PA LA SOGS PA YANG 'GAL LO ZHE NA, DE LA BSHAD PA DKON MCHOG BRTZEGS PA LAS, SANGS RGYAS KYI 'DU SHES MED, CHOS @12A *, ,KYI 'DU SHES MED, DGE 'DUN GYI 'DU SHES MED NA YANG DAG PA'I MCHOD PA'O ZHES GSUNGS SO, ,BLO GROS RGYA MTSOS ZHUS PA'I MDO LAS KYANG, BLO GROS RGYA MTSO GSUM PO 'DI DAG NI DE BZHIN GSHEGS PA LA MCHOD PA DANG, RIM GRO BLA NA MED PA'O, ,GSUM GANG ZHE NA, BYANG CHUB TU SEMS BSKYED PA DANG, DE BZHIN GSHEGS PA RNAMS KYI DAM PA'I CHOS 'DZIN PA DANG, SEMS CAN RNAMS LA SNYING RJE CHEN PO BSKYED PA'O, ,ZHES GSUNGS SO, ,KHA CIG NA RE THOS PA MANG PO DANG BSHAD PAR BYA DGOS SO ZHE NA, DE LA BSHAD PA GTZUG TOR CHEN PO'I MDO LAS, MTHA' YAS 'DZIN PAR YID GZHUNGS KYANG, ,LDOG PAR BSAMS PAS MTHA' MAR LTUNG, ,RJES SU 'KHOR BA MA YIN NAM, ,ZHES GSUNGS SO, ,ZLA BA'I SNYING PO'I MDO LAS, DPER NA ME STAG GANG GIS KYANG, ,RGYA MTSO CHEN PO SKEM MI NUS, ,DE BZHIN KUN RDZOB BDEN PAS KYANG, ,RANG GI NYON MONGS SKEM MI NUS, ,SEMS CAN GZHAN LTA CI ZHIG SMOS, ,ZHES GSUNGS SO, ,LANG KAR GSHEGS PA LAS, JI BZHIN SGRA RU BRTAGS NAS SU, ,GANG GIS DE LTAR BSGRUBS NA NI, ,SHI NAS SEMS CAN DMYAL BAR LTUNG, ,MA RABS SGYU MA 'CHANG LA DAD, ,YANG DAG SHES RAB MING THOB BO, ,SMRA BA SDUG BSNGAL GSUM NYID DE, ,SDUG BSNGAL 'GAG PA YANG DAG NYID, ,CES GSUNGS SO, ,YANG DE NYID LAS, BSHAD PA DAG KYANG 'KHRUL PA STE, ,YANG DAG NYID LA YI GE MED, ,CES GSUNGS SO, ,YANG DE NYID LAS MANG DU THOS PA ZHES BYA BA NI DON LA MKHAS PA YIN GYI, TSIG LA MKHAS PA MA YIN NO ZHES GSUNGS SO, ,'BYUNG BA MED PA'I MDO LAS, CHOS KYI RANG BZHIN YONGS SU MI SHES NA, ,TSIG GI DAM PAS BYANG CHUB 'TSANG MI RGYA, ,ZHES GSUNGS SO, ,DGONGS PA NGES PAR 'GREL PA LAS, YUN RING DUS NAS SMRA BA LA MOS SHING SMRA BA LA MNGON PAR DGA' BAS NANG GI 'PHAGS PA'I MI SMRA BAR GYUR PA'I BDEN PA LA BRTAGS PA'AM, RJES SU DPAG PA'AM MOS PAR MI NUS SO, ,ZHES GSUNGS SO, ,'JAM DPAL GNAS PA LAS, 'DUS BYAS LA NI GANG RTOG DANG, ,'DUS @12B MA BYAS LA GANG RTOG PA, ,GNYI GA BDUD KYI LAS YIN ZHES, ,DE DAG MKHAS PAS RAB TU BSHAD, ,CES GSUNGS SO, ,NAM MKHA' MDZOD KYI MDO LAS, JI SNYED DU SMRA BA DE SNYED DU BDUD KYI LAS SO, ,SMRA BA MED CING MTSAN MA MED PA LAS BDUD KYIS CI ZHIG BYA, ZHES GSUNGS SO, , TSANGS PA KUN 'DRIS KYI MDO LAS, CHOS DANG CHOS MA YIN PA RNAM PAR MI RTOG ,MTSAN MA GNYIS DANG BRAL BA NI LAM BSGOM PA'O ZHES GSUNGS SO, ,CHOS KYI RGYAL PO'I MDO LAS, RIGS KYI BU GROL THAR PAR 'DOD NA, 'DOD PA'I YAN LAG BCAD LA, SEMS KYIS GNYIS SU MI BSAM GCIG TU BSAM STE YOD PA DANG MED PA'I SEMS GTANG NGO, ,SEMS KYI NGO BO NYID KYI TSUL NI STONG PA STE, SEMS KYI NGO BO NYID NI 'GRO BA YANG MED, 'ONG BA YANG MED, BLANG BA YANG MED, DOR BA YANG MED DE, CI YANG MED PA 'DI'I MING NI BYANG CHUB PO ZHES GSUNGS SO, ,GSER 'OD DAM PA'I MDO LAS, KUN RDZOB KYI TSUL DU BSTAN CING BSHAD MOD KYI, YANG DAG PA'I DON LA BLOS BRTAGS NA DE LTA MA YIN NO, ,TSIG SGYU MAS YANG DAG PA'I GZHUNG MNGON PAR BYANG BA'I PHYIR RO, ,ZHES GSUNGS SO, ,SHES RAB 'BUM GYI MDO LAS, CHOS KYI DBYINGS SHES NA CHOS THAMS CAD KYI MDO DANG RGYAS PA YANG SHES PA YIN NO ZHES GSUNGS PAS, DON LA MKHAS PA NI THOS PA'I MCHOG YIN PAR MNGON LA, GAL TE SGRA PHYIR 'BRANGS NA RNAM PAR MI RTOG PA'I BAR CHAD DU YANG 'GYUR LA, THOS PA BSHAD NA DON MI CHE BAR GSUNGS SO, ,KHA CIG NA RE PHA ROL TU PHYIN PA DRUG LA SOGS PA SPYAD DGOS SO ZHES ZER RO, ,DE LA BSHAD PA, RDO RJE TING NGE 'DZIN GYI MDO LAS, SEMS STONG PA NYID DU MI G-YON PHA ROL TU PHYIN PA DRUG 'DUS SO ZHES GSUNGS SO, ,TSANGS PA KHYAD PAR SEMS KYIS ZHUS PA'I MDO LAS, MI SEMS PA NI SBYIN PA, MI GNAS PA NI TSUL KHRIMS, CI YANG BYE BRAG MI PHYED PA NI BZOD PA, BLANG DOR MED PA NI BRTZON 'GRUS, MA CHAGS PA NI TING NGE 'DZIN, MI GNYIS PA NI SHES RAB CES GSUNGS SO, ,LANG KAR GSHEGS PA'I MDO LAS, JI SRID SEMS NI 'JUG GI BAR, ,DE SRID 'JIG RTEN RGYANG PAN PA, ,ZHES @13A *, ,GSUNGS PAS, SBYIN PA LA SOGS PA TZAM NI MU STEGS PA LA YANG YOD PAS, MTSAN MA'I RJES SU 'BRANGS NA 'KHOR BA LAS MI 'DA' BA'I SKYON DU 'GYUR RO, ,KHA CIG NA RE KHA TON DANG 'DRI KLOG LAS BSOD NAMS CHE BA MED DO ZHES ZER RO, ,DE LA BSHAD PA TING NGE 'DZIN GYI RGYAL PO'I MDO LAS, GANG ZHIG BYANG CHUB RAB TU DAD PA NI, ,'DUS BYAS SKYO NAS SEMS CAN DON GYI PHYIR, ,DGON PAR PHYOGS TE GOM PA BDUN BOR NA, ,DE NI DE BAS BSOD NAMS MCHOG TU 'GYUR, ,ZHES GSUNGS SO, ,GTZUG TOR CHEN PO'I MDO LAS, RDUL SNYED KYI BSKAL PAR DAM PA'I CHOS KYI MDO SDE KLOG CING KHA TON BYED PA BAS, NYIN GCIG GAM MTSAN GCIG ZAG PA MED PA'I SHES RAB BSGOMS NA BSOD NAMS DPAG TU MED PAR CHE'O, ,DE CI'I PHYIR ZHE NA, SKYE SHI LAS RING DU GYUR PA'I PHYIR RO ZHES GSUNGS PAS, MDO SDE KHA TON BYED PA DANG 'DRI BA NI DON MI CHE BAR GSUNGS SO, ,KHA CIG NA RE RNAM PAR MI RTOG PA LA SEMS CAN GYI DON BYA BA'I THABS MED DO ZHES ZER RO, ,DE LA BSHAD PA SHES RAB KYI PHA ROL TU PHYIN PA'I MDO LAS, RAB 'BYOR 'DI LA BYANG CHUB SEMS DPA' SEMS DPA' CHEN PO'I TING NGE 'DZIN GSUM LA GNAS SHING SEMS CAN GANG RNAM PAR RTOG PA LA SPYOD PA DE DAG NI STONG PA NYID LA RAB TU 'GOD DO, ,SEMS CAN GANG MTSAN MA LA SPYOD PA DE DAG NI MTSAN MA LA SBYOR RO, ,SEMS CAN GANG 'BRAS BU LA SMON PA DE DAG NI SMON PA LA SBYAR RO, ,RAB 'BYOR DE LTA DE LTAR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD CING TING NGE 'DZIN GSUM LA GNAS SHING, SEMS CAN RNAMS YONGS SU SMIN PAR BYED DO ZHES GSUNGS PAS, RNAM PAR MI RTOG PA NYID KYIS SEMS CAN GYI DON BYED DE, MTSAN MA'I SGO NAS CHOS STON PA NI BDUD KYI LAS DANG SDIG PA'I GROGS PO YIN NO, , SANGS RGYAS MDZOD KYI MDO LAS, RANG GIS CHOS MI SHES PAR GZHAN LA CHOS STON PA NI SEMS CAN DMYAL BAR SKYE BAR 'GYUR RO, ,DE CI'I PHYIR ZHE NA, CHOS LOG PAR BSTAN PA'I PHYIR RO, ,CHOS LOG PAR BSHAD CES BYA BA NI DNGOS PO DANG MTSAN MAR BSTAN PA'O ZHES GSUNGS PAS, @13B MI DMIGS PAR SEMS CAN GYI DON BYED PA NI MCHOG TU GSUNGS SO, ,KHA CIG NA RE MI RTOG PA LA SDIG PA BSHAGS PA MED DO ZHES ZER NA, DE LA BSHAD PA PHYOGS SU RGYAS PA'I MDO LAS, GANG ZHIG 'GYOD TSANGS BYED 'DOD NA, ,DRANG POR 'DUG LA YANG DAG LTOS, ,YANG DAG NYID LA YANG DAG LTA, ,YANG DAG MTHONG NAS RNAM PAR GROL, ,'DI NI 'GYOD TSANGS MCHOG CES BYA, ,ZHES GSUNGS PAS SEMS MI G-YO BAR 'DUG PA NYID NI 'GYOD CHANGS KYI MCHOG YIN PAR GSUNGS SO, ,DE YAN CHAD NI RGOL BA'I LAN DU YANG GZUNG NGO, ,RNAL 'BYOR BA'I GZHUNG DU YANG BSHAD PA YIN NO, ,DE BAS NA THAMS CAD MKHYEN PA NYID MYUR DU THOB PAR 'DOD PA DES RNAM PAR MI RTOG PA'I TING NGE 'DZIN BSGOM PAR BYA'O, ,MI RTOG CIG CAR 'JUG PA 'DI BSHAD PAS, ,KHAMS GSUM SEMS CAN MTHA' YAS JI SNYED KUN, ,SHES RAB MIG THOB DBU MA'I DON RTOGS NAS, ,THAMS CAD MKHYEN PA MYUR DU THOB PAR SHOG ,CIG CAR 'JUG PA'I RNAM PAR MI RTOG PA'I BSGOM DON SLOB DPON CHEN PO BI MA LA MI TRAS MDZAD PA RDZOGS SO,, ,,RGYA GAR GYI MKHAN PO DHARMA T'A SH'I LA DANG, ZHU CHEN GYI LO TZ'A BA BANDE YE SHES SDES BSGYUR CING ZHUS TE GTAN LA PHAB PA'O,, ,, *, ,RGYA GAR SKAD DU, SAm PRiTTI BO DHI TZITTA BH'A BA NA AU PA DE SHA WARnA SAm GRA HA, BOD SKAD DU, KUN RDZOB BYANG CHUB KYI SEMS BSGOM PA'I MAN NGAG YI GER BRIS PA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,KUN RDZOB BYANG CHUB KYI SEMS BSGOM PA'I YI GE PADMA SPUNGS PA ZHES BYA BA CUNG ZAD BRI BAR BYA'O, ,SHES RAB SNYING RJE LDAN PA'I MIS, ,'GRO BA MGON MED RNAMS KYI PHYIR, ,DAG PAR BYED CING SDIG SEL BA, ,BYANG CHUB SEMS MCHOG RAB BSKYED NAS, ,BYANG CHUB SPYOD PA'I 'GROS CHEN GYIS, ,NGES 'BYUNG LAM NI MTHAR 'BYIN NA, ,PHA DANG MA LA RAB GUS SHING, ,RGAN LA SRI ZHU BYED PA DANG, ,MI YI CHOS LUGS LEGS SRUNG BA, ,'DI NI YA RABS SPYOD PA YIN, ,MI 'TSE BA DANG BDEN PA DANG, ,BYIN NAS LEN DANG TSANGS PAR SPYOD, ,'DZIN PA THAMS CAD BTANG BA NI, ,'DI NI BDE 'GRO'I SPYOD PA YIN, ,'KHOR BA'I SDUG BSNGAL YONGS MTHONG NAS, ,SPANG PHYIR BDEN PA'I LAM @14A *, ,BSGOM ZHING, ,KHA NA MA THO GNYIS SPONG BA, ,'DI NI ZHI BA'I SPYOD PA YIN, ,'DI DAG KUN KYANG BLANG BYA STE, ,NGES 'BYUNG LAM GYI YAN LAG YIN, ,CHOS KUN STONG PA NYID RTOGS PAS, ,'GRO LA SNYING RJE'I CHU RGYUN 'BYUNG, ,THABS MKHAS SPYOD PA MTHA' YAS PA; ,NGES 'BYUNG MCHOG GI SPYOD PA YIN, ,DE YANG THOG MAR 'DI LTA STE, ,DON MED RNAM PAR BSLU BA YIN, ,'JIG RTEN CHOS LA MA CHAGS PAR, ,NAGS TSAL LA SOGS DBEN PAR BSDAD, ,SEMS NYID GDOD NAS MA SKYES PA, ,RANG 'BYUNG DGON PA YIN MOD KYI, ,LAS DANG PO PA'I SEMS CAN GYIS, ,PHYI ROL DGON PA THOG MAR BSTEN, ,DE 'OG SEMS NYID DGON PA BTZAL, ,BYANG CHUB SNYING PO'I SA BON LA, ,BRTEN NAS DON CHEN 'DI LTAR SGRUB, ,DE YANG THOG MAR TSAD MED BLO, ,BTANG SNYOMS SA GZHI LEGS BDAL LA, ,BYAMS PA'I CHU BOS RNAM BCUS LA; ,RAB TU DGA' BA'I RNAL 'BYOR PAS, ,SNYING RJE'I SA BON LEGS PAR GDAB, ,LTA BA'I NAM MKHA' GO PHYE LA, ,BYANG SEMS MYU GU THABS KYIS BSKYED, ,DNGOS GRUB LO TOG RAB BTZAL LA, ,MA CHAGS BLO YIS KUN LA SKYE, ,SBYIN PA'I G-YAB MOS LEGS POS LA, ,SNYAN PAR SMRA BAS GTAM BYAS TE, ,DON MTHUN PA YIS BAG PHAB CING, ,DON SPYOD GROS CHEN NGES PAR GDAB, ,DAD PA'I CHU BUM RAB THOGS LA, ,BDAG GZHAN SDIG PA RNAM PAR BKRU, ,DRAN PA'I PHRENG BA MCHOG THOGS TE, ,YANG DAG GDAMS NGAG GZUNGS SU GZUNG, ,SHES BZHIN MAR ME LAG THOGS TE, ,BAG YOD GOM PA LEGS PAR BOR, ,NAD MED SBYIN PA'I LUS LA NI, ,TSUL KHRIMS GTZANG MA'I GOS BGOS SHING, ,BZOD PA'I MDANGS CHEN RAB PHYUNG STE, ,BRTZON 'GRUS YAN LAG LEGS BSKYOD LA, ,TING NGE 'DZIN GYI KHANG PA RU, ,BSAM GTAN KHA ZAS LEGS SBYAR ZHING; ,SHES RAB SNANG BAS SGO PHYE STE, ,STONG NYID YE SHES KHANG CHEN LA, ,KHAMS GSUM SKYE BO MGRON MO'I TSOGS, ,SMON LAM SNYING RJES POS NAS SU, ,THABS MKHAS PA YI GO RIMS BZHIN, ,DAM CHOS STOBS KYIS DGA' STON BYA, ,DAD PA'I 'KHOR LO RIN PO CHES, ,NYIN MTSAN @14B DGE BA'I LAM SNA DRANG, ,TSUL KHRIMS BTZUN MO RIN PO CHES, ,RAB TU MDZES PA'I RGYAN PHRENG GDAGS, ,GTONG BA'I BLON PO RIN PO CHES, ,BSOD NAMS YE SHES 'PHRUL CHEN 'BYUNG, ,THOS PA'I DMAG DPON RIN PO CHES, ,LOG RTOG DGRA YI G-YUL NGO GZHOM, ,NGO TSA SHES PA'I RTA MCHOG GIS, ,NYON MONGS BDAG MED SBUBS SU SBA, ,KHREL YOD STOBS KYI GLANG PO CHES, ,PHYIN CI LOG GI LAS RNAMS SPANG, ,SHES RAB NOR BU RIN PO CHES, ,BDAG DANG GZHAN GYI RE BA BSKANG, ,YON TAN MTHA' YAS 'PHAGS PA'I NOR, ,NOR GZHAN PHAL PA SDUG BSNGAL RGYU, ,THOG MAR DGE BSHES BSTEN PA YIS, ,PHYI NANG CHOS KUN SLOB DPON YIN, ,NAGS SOGS DUS KYIS 'GYUR BA YIS, ,'DUS BYAS MI RTAG STONG PAR STON, ,NAG SOGS RGYU 'BRAS SO SO YIS, ,KUN RDZOB SLU BA MED PAR STON, ,RO DANG RUS PA CHU SHING SOGS, ,PHYI NANG CHOS KUN BDAG MED STON, ,KUN LA KHYAB PA'I NAM MKHA' [?] YIS, ,DON DAM SPROS BRAL LA SOGS STON, ,RANG BZHIN YONGS SU SHES PA'I BLOS, ,CHAGS MED MIG GIS PHYOGS SU LTA, ,DE TSE YUL NA CI SNANG YANG, ,SGYU MA BZHIN DU GOS PA MED, ,DON GYI CHOS NI RTOGS GYUR NA, , THA SNYAD DAG GIS CI ZHIG BYA, ,GROGS MCHOG RNYED NA SHIN TU LEGS, ,DE LTA MIN NA'ANG GCIG PUR GNAS, ,BUNG BA RGYAGS LDING GLU LEN CING, ,LJON SHING YAL GA GAR BYED CING, ,BYA RNAMS SNYAN PA'I SKAD KYANG 'BYIN, ,BSIL YAB NGAD 'JAM PHYAGS NA G-YO, ,PHU CHU LHUNG RGYUN SGRA YANG SGROGS, ,MDZES PA'I RI DAGS RGYUG CING BSKOR, ,ME TOG TSOGS NI DGOD PA 'DRA, ,TZANDAN SPOS SOGS DRI NGAD LDANG, ,DGON PA'I YON TAN 'DI LTA BUS, ,RANG GZHAN DAG LA PHAN 'DOGS SHING, ,LAN LA CUNG ZAD MI RE STE, ,GROGS MANG RNAL 'BYOR CI PHYIR SKYO, ,'JIG RTEN PHAL PA DE LTA MIN, ,JI LTAR NAGS KYI RI DAGS BZHIN, ,RTZA BA SDONG BU LA SOGS BZA', ,YANG NA BUNG BAS ME TOG BZHIN, ,YANG DAG 'TSO BA GTZANG MA BLANG, ,YANG NA THABS MKHAS BYA BZHIN DU, ,SDIG MED GSOG 'JOG CUNG ZAD BYA, ,JI LTAR NAGS KYI DOM BU @15A *, ,BZHIN, ,DRO BA'I SKYABS LA BRTEN PAR BYA, ,YANG NA DMAN ZHING MI MKHO'I GOS, ,YANG NA BSOD NAMS STOBS DANG SBYAR, ,JI LTAR RI DAGS PHYOGS SU BDAS, ,BAG PHEBS NAS NI NYAL BA BZHIN, ,DE LTAR BLA MAS BSTAN PA YI, ,YANG DAG DON LA RNAL 'BYOR BYA, ,BYING RGOD DBANG DU MI BTANG BAR, ,ZHI GNAS LHAG MTHONG CHA MNYAM MO, ,NANG GI ZHI GNAS MA RNYED KYANG, ,PHYI YI ZHI GNAS LA BRTEN TE, ,CI NUS PA YIS CHOS SPYOD NI, ,NYIN MTSAN G-YEL BA MED PAR BYA, ,DE LTAR BSOD NAMS TSOGS KYIS NI, ,RANG RGYUD ME LONG DAG PAR 'GYUR, ,DE LA DGA' BA MED PAR NI, ,SHES RAB YE SHES 'CHAR BAR 'GYUR, ,THE TSOM MED CING DAD LDAN PAS, ,CHOS GCIG NAN TAN BYAS PA YIS, ,YON TAN MTHA' YAS RAB SNANG BA, ,LO RGYUS BZANG DANG GZHUNG NYID MTHONG, ,DE LTA BAS NA YON TAN GYI SKABS NAS KYANG, BYANG CHUB SEMS DPA' SPYOD PA'I 'BYUNG KHUNGS SO ZHES PA DANG, BLANG BA DANG DOR BA'I DNGOS PO'I BYE BRAG PHYED PA'I SHES RAB NYID DO ZHES PA DANG, MING YANG DAG PAR BRJOD PA 'DI NI SANGS RGYAS KYI CHOS YANG DAG PA'I BAR DU YANG YONGS SU RDZOGS PAR BYA'O, ,ZHES PAS BSTAN TO, ,BLO YANG RGYA MTSO LTA BU LA, ,SPYOD PA MTHA' YAS PADMA GSAL, ,BLO DMAN RDZING BU LTA BU'I PHYIR, ,PADMA SPUNGS PA TZAM 'DI BRIS, ,KUN RDZOB BYANG CHUB KYI SEMS BSGOM PA'I YI GE PADMA SPUNGS PA ZHES BYA BA SLOB DPON MKHAS PA CHEN PO RTA DBYANGS KYI ZHAL SNGA NAS MDZAD PA RDZOGS SO,, ,,RGYA GAR GYI MKHAN PO PADMA KA RA WAR MA DANG, ZHU CHEN GYI LO TZ'A BA DGE SLONG RIN CHEN BZANG POS BSGYUR CING ZHUS TE GTAN LA PHAB PA'O, , *, ,RGYA GAR SKAD DU, PA RAM ARTHA BO DHI TZITTA BH'A BA NA KRA MA NA WARnA SAm GRA HA, BOD SKAD DU, DON DAM PA BYANG CHUB KYI SEMS BSGOM PA'I RIM PA YI GER BRIS PA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,BCOM LDAN 'DAS 'JAM DPAL GZHON NUR GYUR PA LA PHYAG 'TSAL LO, ,DON DAM PA BYANG CHUB KYI SEMS BSGOM PA'I YI GE RIN PO @15B CHE'I SGRON MA ZHES BYA BA CUNG ZAD BRI BAR BYA'O, ,JI LTAR SNANG ZHING GRAG PA'I CHOS, ,DE LTAR GRUB CING BDEN PA MIN, ,SNA TSOGS CIR YANG 'GYUR BA'I PHYIR, ,DPER NA MIG 'PHRUL RNAM PA BZHIN, ,NGO BO NYID MED NAM MKHA' 'DRA, ,RTEN 'BREL TZAM LAS BYUNG BA'I PHYIR, ,SHIN TU MED PA'ANG MA YIN TE, ,DPER NA RMI LAM RGYU 'BRAS BZHIN, ,BDEN PA MA GRUB RDZUN MI BZLOG ,DE LTA'I DON NYID MA SHES PAS, ,'KHRUL RTOG RKYEN GYIS RAB BSLUS TE, ,MI BZAD SDUG BSNGAL 'KHOR LO BSKOR, ,KHA CIG YOD MTHONG MED BLTAS PAS, ,SDIG PA'I LAS BYAS SDUG BSNGAL MYONG, ,DPER NA MI SHES PA YI MIS, ,RNAM PAR LDANG BA'I DUG 'THUNGS SHING, ,KHA CIG DGE BA'I LAS BYED KYANG, ,RNAM PAR DBEN DON MA SHES PAS, ,RMI LAM YUL GYI BDE BA BZHIN, ,RE ZHIG THOB KYANG SLAR NYAMS 'GYUR, ,DE LTAR 'JIG RTEN PHAL PA YIS, , YANG DAG BDAG MED DE BZHIN NYID, ,DON DAM 'JAM DPAL MTHONG BA MIN, ,DE BAS 'GRO DRUG SNYING RJE'I YUL, ,KHA CIG RDUL PHRAN DON DAG NI, ,RTEN 'BREL BLO YIS MNGON SUM MTHONG, ,KHA CIG RJES SU RJES DPAG SHES, ,GNYIS KAS CHOS KYI BYE BRAG RTOGS, ,SDUG BSNGAL DANG NI DE RGYU DAG ,SPANGS TE BDAG NYID ZHI BYA'I PHYIR, ,SGRUB PA BDUN LA GNAS NAS NI, ,BSGRUB PA GCIG GI THAR PAR 'DOD, ,RDUL MED RDUL BRAL DRI MA MED, ,CHOS DBYINGS 'JAM DPAL MTHONG BA MIN, ,KHA CIG SHES RAB RTZAL GYIS NI, ,GZUNG BA STONG PAR RAB SHES SHING, ,'DZIN PA RDZAS SU GRUB PAR LTA, ,'KHOR BA MA RIG RGYU LAS BYUNG, ,BZLOG PHYIR RIG PA'I YE SHES BSGOM, ,GZHAN DON CUNG ZAD SPYOD GYUR YANG, ,LUS KUN LAS NI RNAM GROL BA'I, ,DON DAM 'JAM DPAL MNGON PA MIN, ,RAGS PA'I CHOS NI MA GRUB NA, ,PHRA BA'I CHOS KYANG 'GRUB PA MIN, ,CHOS NI RANG TU MTHONG GYUR NA, ,CHOS NYID DE NYID MA MTHONG BAS, ,DPER NA SMIG RGYU MA BRTAGS PAR, ,CHU BOS 'JIGS NAS SPONG BA BZHIN, ,KHA CIG RNAM PAR 'KHRUL PAR SMRA, ,DPER NA NAM MKHA' GZUGS MTHONG BZHIN, ,SEMS NYID SNANG MED MKHA' 'DRA BA, ,DON DAM NYID DU GRUB PAR @16A *, ,'DOD, ,KHA CIG CHOS KUN RANG RIG LUS, ,SNA TSOGS BRTAGS PAS RNAM PAR DBEN, ,DPER NA RMI LAM NYAMS MYONG BZHIN, ,GNYIS MED YE SHES GRUB PAR 'DOD, ,CHAGS DANG SDANG BA SPANGS PA DANG, ,THABS MKHAS BLO CHEN DE YIS KYANG, ,RNAM SHES CHOS NYID LAS 'DAS PA'I, , CHOS DBYINGS 'JAM DPAL MTHONG BA MIN, ,SEMS NYID BDE BA'I DE NYID LA, ,'DIR NI CUNG ZAD RNAM BRTAGS NA, ,BDAG LAS MA YIN GZHAN LAS MIN, ,GNYIS KA LAS MIN RGYU MED MIN, ,YOD PA YOD PHYIR SKYE MI RIGS, ,YANG NA SKYE BA THUG MED 'GYUR, ,MED PA MED PAS SKYE MI RIGS, ,YANG NA CIG CAR SKYE BAR 'GYUR, ,DE PHYIR YANG DAG SKYE MED PHYIR, ,BRDZUN PAS DBEN PA GRUB PA MIN, ,GAL TE GRUB PA MTHA' YAS PA'I, ,GNOD PA 'DI LA RAB TU 'DU, ,DES NAM BRTAGS NYAMS DGA' STE, ,SGYU MA TZAM LA BRTAGS PAS BSLUS, ,SEMS NI SGYU MA'I RNAM PA STE, , BYANG CHUB KYANG NI SGYU MA 'DRA, ,DES KYANG TSIG TU BRJOD SPANGS TE, ,SPROS BRAL 'JAM DPAL MTHONG BA MIN, ,SGYU MA SGYU MA TZAM MIN TE, ,GAL TE YIN NA DE MI GRUB, ,GRUB NA GZHAN GYI GZHUNG LUGS KYANG, ,SGYU MA'I CHOS SU THAL BAR 'GYUR, ,DE PHYIR SGYU MA'I RANG BZHIN NI, ,SGYU BZHIN 'DI ZHES BRJOD DU MED, ,'ON KYANG THUGS RJE LDAN PA YIS, ,BDEN PA GNYIS KYI TSUL GNAS TE, ,THA SNYAD DON LA RAB BRTEN NAS, ,BDAG MED SENG GE'I SGRA CHEN BSGRAGS, ,STONG PA NYID SOGS RNAM GRANGS SGO, ,SGYU MA 'DRA SOGS DPE MTHA' YAS, ,THEG PA SNA TSOGS THABS TSUL GYIS, ,MI GNAS DBU MA NYE BAR MTSON, ,MTSON KYANG MTSON BYA MA YIN TE, ,'DI LA BSAL BYA CI YANG MED, ,STONG PA NYID KYANG STONG PAS STONG, ,'DI LA SANGS RGYAS SEMS CAN MED, ,BDAG GZHAN SNANG ZHING SRID PA'I CHOS, ,RNAM GROL RNAM PAR BCINGS PA YANG, , MING TZAM MING YANG YOD MA YIN, ,THAMS CAD NAM MKHA' DANG 'DRA STE, ,DE LTAR CHOS RNAMS MTHONG MED NA, ,MI MNGON MI SNANG 'JAM DPAL MTHONG, ,SKYE DANG SRID PA'I 'CHI BA YI, ,'KHOR BA'I RGYA MTSO PHA ROL 'GRO, ,DE LTA BAS NA YON TAN GYI SKABS NAS KYANG, LTA BA NGAN PA'I @16B TSANG TSING MA LUS PAR SEL BA'O ZHES PA DANG, CHOS THAMS CAD BRJOD DU MED PA'I RANG BZHIN NYID DO ZHES PA DANG, CHOS KYI RGYAL POR 'GYUR RO ZHES PAS BSTAN TO, ,BLO MCHOG SA GZHI LTA BU LA, ,DAM CHOS NYI LTAR KUN NAS GSAL, ,BLO DMAN KHANG BU LTA BU'I PHYIR, ,RIN CHEN SGRON MA TZAM 'DI BRIS, ,DON DAM PA BYANG CHUB KYI SEMS BSGOM PA'I YI GE RIN PO CHE'I SGRON MA ZHES BYA BA SLOB DPON CHEN PO RTA DBYANGS KYIS MDZAD PA RDZOGS SO,, ,,RGYA GAR GYI MKHAN PO PADMA KA RA WARMA DANG, ZHU CHEN GYI LO TZ'A BA DGE SLONG RIN CHEN BZANG POS BSGYUR CING ZHUS TE GTAN LA PHAB PA'O, , *, ,RGYA GAR SKAD DU, BO DHI TZITTA BH'A BA NA, BOD SKAD DU, BYANG CHUB KYI SEMS BSGOM PA, SANGS RGYAS LA PHYAG 'TSAL LO, ,BYANG CHUB KYI SEMS KYI RNAM PAR 'GREL PA BSHAD PAR BYA STE, BCOM LDAN 'DAS KYIS CHOS THAMS CAD SEMS KYIS BSGRUBS PA'O, ZHES GSUNGS PA DE NYID KYI PHYIR RE ZHIG SEMS KYI RANG BZHIN CI ZHES BRTAG PAR BYA'O, ,DNGOS PO THAMS CAD DANG BRAL BA, ,PHUNG PO KHAMS DANG SKYE MCHED DE, ,GZUNG DANG 'DZIN PA SPANGS GYUR PA, ,CHOS BDAG MED PA MNYAM NYID PAS, ,RANG SEMS GDOD NAS MA SKYES PA, ,STONG PA NYID KYI RANG BZHIN NO, ,ZHES GSUNGS PA'I TSIG 'DI'I DON CI ZHE NA, DNGOS PO THAMS CAD CES PA'I DNGOS PO'I SGRAS BDAG LA SOGS PA BRJOD DO, ,'DI SKAD BSHAD PA YIN TE, BDAG DANG SEMS CAN DANG SROG DANG GSO BA DANG SKYES BU DANG GANG ZAG DANG SHED LAS SKYES DANG SHED BU DANG BYED PA PO DANG TSOR BA PO LA SOGS PA'O, ,DE NI SEMS KYI RANG BZHIN MA YIN TE, CI'I PHYIR NA, DE RNAMS NYID LA BDAG LA SOGS PA'I BYA BA'I MTSAN NYID YOD PA MA YIN PA'I PHYIR RO, ,DE LTAR RE ZHIG BDAG LA SOGS PA DNGOS POR YOD PA MA YIN NA DE SEMS KYI RANG BZHIN YIN PA LTA CI SMOS, DE'I PHYIR, DNGOS PO THAMS CAD DANG BRAL BA, ,PHUNG PO KHAMS DANG SKYE MCHED DE, ,SEMS KYI RANG BZHIN MA YIN PAR 'GYUR RO ZHES GSUNGS PA, PHUNG PO KHAMS DANG SKYE MCHED DE, ,GZUNG DANG 'DZIN PA SPANGS GYUR PA'O, ,'DI LTAR PHUNG PO LA SOGS PA NYID DNGOS POR @17A *, ,DON DAM PAR MI DMIGS NA DE SEMS KYI RANG BZHIN YIN PA LTA CI SMOS, PHUNG PO NI RANG BZHIN MA YIN TE, CI LTAR NA RE ZHIG GZUGS LA SOGS PA NI PHUNG PO RNAMS KYI RANG BZHIN MA YIN PA'I PHYIR RO, ,GZUGS KYI PHUNG PO NI RE ZHIG 'BYUNG BA DANG 'BYUNG BA LAS GYUR PA'I RANG BZHIN NO, ,'BYUNG BA RNAMS NI SA DANG CHU DANG ME DANG RLUNG GI KHAMS RNAMS SO, ,'BYUNG BA LAS GYUR PA RNAMS NI GZUGS DANG SGRA DANG DRI DANG RO DANG REG BYA RNAMS SO, ,SA LA SOGS PA'I 'BYUNG BA 'DI RNAMS DANG 'BYUNG BA LAS GYUR PA 'DI RNAMS RE RE'AM SO SO'I DNGOS PO MI DMIGS SO, ,GANG NA GCIG YOD PA DE NA CIG SHOS KYANG NGO ZHES PA DE'I PHYIR GZUGS TZAM MO, ,DGE SLONG DAG GZUGS KYI PHUNG PO NI GZUGS KYI PHUNG POS STONG NGO ZHES BCOM LDAN 'DAS KYIS GSUNGS PA'I PHYIR SHING MED NA GRIB MA MED PA BZHIN NO, ,DE LTAR NA GZUGS YONGS SU MA GRUB PO, ,DE BZHIN DU TSOR BA'I PHUNG PO YANG YONGS SU MA GRUB STE, JI LTAR NA TSOR BA RNAM PA GSUM STE, BDE BA DANG SDUG BSNGAL DANG BDE BA YANG MA YIN SDUG BSNGAL YANG MA YIN PA'O, ,'DI DAG PHAN TSUN LTOS PA NYID KYI PHYIR TE, SDUG BSNGAL LA LTOS NAS BDE BAR BTAGS SO, ,GANG CHOS 'BA' ZHIG GI RANG BZHIN NYID KYANG NYE BAR MI DMIGS TE, MO GSHAM GYI BU BZHIN DE NI RDZAS SU MED PA NYID DO, ,RING PO DANG THUNG NGU BZHIN NYAMS SU MYONG NGO, ,YANG TSOR BA RNAM PA GNYIS TE, LUS KYI NGANG SEMS KYI'O, ,LUS KYI NI RE ZHIG GZUGS KYI PHUNG POS BSDUS PA'I PHYIR NYE BAR MI DMIGS SO, ,DES NA LUS MED PA'I PHYIR LUS KYI TSOR BA MI 'GRUB PO, ,SEMS KYANG YUL MED PA BSTAN DU MED PA GNAS MED PA BRTAG TU MED PA BLTAR MED PA SNANG BA MED PA RNAM PAR RIG PA MED PA'O ZHES BCOM LDAN 'DAS KYIS GSUNGS NA DE LA TSOR BA CI 'DRA BA ZHIG ,DES NA SEMS MED PA'I PHYIR SEMS LAS BYUNG BA'I TSOR BA MI 'GRUB BO, ,DGE SLONG DAG TSOR BA'I PHUNG PO NI TSOR BA'I PHUNG POS STONG NGO ZHES GSUNGS PA'I PHYIR TSOR BA'I PHUNG PO YANG YONGS SU MA GRUB BO, ,'DU SHES KYI PHUNG PO NI MING TZAM NYID KYI PHYIR MED PA NYID DO, ,MTSAN @17B MAR 'DZIN PA'I BDAG NYID NI 'DU SHES TE, DE LA DE BZHIN DU DNGOS PO YOD PA MA YIN NA GANG LA MTSAN MAR 'DZIN PAR BYED, DE'I PHYIR RGYU MTSAN MED NA RGYU MTSAN CAN YANG MED DO ZHES DANG, DGE SLONG DAG 'DU SHES KYI PHUNG PO NI 'DU SHES KYI PHUNG POS STONG NGO ZHES GSUNGS PA'I PHYIR 'DU SHES KYI PHUNG PO YANG YONGS SU MA GRUB BO, ,'DU BYED KYI PHUNG PO YANG DE BZHIN DU SNYING PO MED PA'I PHYIR TE, CI LTAR SNYING PO MED CE NA, TSOGS PA TZAM NYID KYI PHYIR TE, TSOR BA DANG 'DU SHES DANG SEMS PA DANG 'DUN PA DANG REG PA DANG, BLO GROS DRAN PA DANG YID LA BYED PA DANG MOS PA ZHES BYA BA SEMS LAS BYUNG BA 'DI RNAMS DANG, SKYE BA LA SOGS PA MI LDAN PA RNAMS KYANG 'DU BYED KYI PHUNG PO NYID DU BSTAN TO, ,SEMS LAS BYUNG BA'I CHOS DE RNAMS RE RE BA'AM SO SOR SKYE BA YOD PA MA YIN TE, 'DU BYED KYI LAS KYI MTSAN NYID KYI PHYIR MED PA NYID DO, ,BYED PA PO MED NA BYA BA YANG MED DE, DGE SLONG DAG 'DU BYED KYI PHUNG PO NI 'DU BYED KYI PHUNG PO NYID KYIS STONG NGO ZHES GSUNGS PA'I PHYIR 'DU BYED KYI PHUNG PO YANG YONGS SU MA GRUB BO, ,MIG DANG RNA BA DANG SNA DANG LCE DANG LUS DANG YID NI RNAM PAR SHES PA'I PHUNG PO STE, MIG GI RNAM PAR SHES PA LA SOGS PA DE RNAMS RE RE'AM SO SO BA RANG BZHIN MI DMIGS SO, ,DE LTAR MIG LA BRTEN NAS GZUGS RNAMS LA MIG GI RNAMS PAR SHES PA SKYE BA GZUGS KYI PHUNG PO NYID YOD NA MIG DANG GZUGS LAS SKYE NA, MIG DANG GZUGS MED NA CI LTAR RNAM PAR SHES PA SKYE, DE LTAR RE ZHIG MIG GI RNAM PAR SHES PA SKYE BA'O, ,RNA BA DANG SNA DANG LCE DANG LUS DANG YID KYI RNAM PAR SHES PA RNAMS KYANG RIGS PA 'DI NYID KYIS SHES PAR BYA'O, ,YID KYI RNAM PAR SHES PA NI YID LA BRTAN NAS CHOS RNAMS LA YID KYI RNAM PAR SHES PA SKYE BA DE YANG 'DAS PAR GYUR PA NI RGYU MED PA LA CI LTAR RNAM PAR SHES PA SKYE, DE LTAR RE ZHIG 'DAS PA'I RNAM PAR SHES PA NI 'GAGS PA'O, ,MA 'ONGS PA NI MA THOB PA DANG, ,DA LTAR BYUNG BA NI GNAS PA MED DO, ,DE'I PHYIR CHOS GANG DUS GSUM DU YANG RANG BZHIN MI DMIGS PA DE'I YOD PA NI CI LTA BU ZHIG YIN, DGE SLONG DAG RNAM PAR SHES PA'I PHUNG PO NI RNAM PAR SHES @18A *, ,PA'I PHUNG PO NYID KYIS STONG NGO ZHES GSUNGS PA'I PHYIR RNAM PAR SHES PA'I PHUNG PO YANG YONGS SU MA GRUB BO, ,DE NYID KYIS PHUNG PO DANG KHAMS DANG SKYE MCHED NGES PAR BSTAN PA SO SO BA BSAL ZIN TO, ,PHUNG PO MED PA NYID KYIS DE RNAMS KYI RANG BZHIN MED PA NYID GRUB BO, , DES NA PHUNG PO DANG KHAMS DANG SKYE MCHED RANG BZHIN DANG BRAL BA'I PHYIR SEMS DE GZUNG BA DANG 'DZIN PA LAS RNAM PAR GROL BA STE, SEMS DE'I GZUNG BA MED NA 'DZIN PA YANG MED PA'I PHYIR RO, ,RE ZHIG GZUNG BA MED PA JI LTAR ZHE NA, JI SKAD DU, BCOM LDAN 'DAS KYIS GSANG BA PA'I BDAG PO SEMS NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYIS MA GZIGS MI GZIGS GZIGS PAR MI 'GYUR RO, ,GSANG BA PA'I BDAG PO SEMS NI SNGON PO MA YIN SER PO MA YIN DKAR PO MA YIN DMAR PO MA YIN BTZOD KA MA YIN SHEL GYI KHA DOG MA YIN RING PO MA YIN THUNG DU MA YIN ZLUM PO MA YIN GRU BZHI MA YIN SNANG BA MA YIN MUN PA MA YIN BUD MED MA YIN SKYES PA MA YIN MA NING MA YIN, GSANG BA PA'I BDAG PO SEMS NI 'DOD PA'I KHAMS KYI RANG BZHIN MA YIN, GZUGS KYI KHAMS KYI RANG BZHIN MA YIN, GZUGS MED PA'I KHAMS KYI RANG BZHIN MA YIN, LHA DANG KLU DANG GNOD SBYIN DANG DRI ZA DANG LHA MA YIN DANG NAM MKHA' LDING DANG MI'AM CI DANG LTO 'PHYE CHEN PO'I RANG BZHIN MA YIN, MI DANG MI MA YIN PA'I 'GRO BA'I RANG BZHIN MA YIN PA NAS JI SRID RNAM PA THAMS CAD DU BTZAL NA MI DMIGS SO ZHES GSUNGS SO, ,DE LTAR NA RE ZHIG GZUNG BA'I SEMS DE MED PA YIN NO, ,CI LTAR 'DZIN PA MED PA YIN ZHE NA, DE LTAR YANG BCOM LDAN 'DAS KYIS GSUNGS TE, GSANG BA PA'I BDAG PO SEMS NI NANG NA MA YIN PHYI ROL NA MA YIN GNYIS KA'I BAR NA YANG MI DMIGS NA, DE CI LTAR 'DZIN PAR 'GYUR, DE LTAR NA GZUNG BA DANG 'DZIN PA DANG BRAL BA'O, , DE CI'I PHYIR ZHE NA, GSANG BA PA'I BDAG PO SEMS DE NI RANG BZHIN GYIS YONGS SU DAG PA'I PHYIR RO, ,DE'I PHYIR CHOS GANG RNAM PA THAMS CAD DU YONGS SU BTZAL NA RANG BZHIN MI DMIGS PA DE CI LTAR 'DZIN PAR 'GYUR, DE LTAR SEMS NI GZUNG BA DANG 'DZIN PA LAS RNAM PAR GROL BA'O, ,CHOS BDAG @18B MED PA MNYAM PA NYID PAS ZHES PA LA, JI LTAR CHOS THAMS CAD BDAG MED PA DE LTAR SEMS KYANG STE, DE LTAR YANG BCOM LDAN 'DAS KYIS GSUNGS PA, CHOS THAMS CAD NI STONG PA'O, ,SEMS DE NI STONG PA NYID KYI MTSAN NYID DO, ,CHOS THAMS CAD NI DBEN PA'O, ,SEMS DE YANG DBEN PA'I MTSAN NYID DO, ,ZHES SO, ,DE'I PHYIR, CHOS BDAG MED PA MNYAM NYID PAS, ,RANG SEMS GDOD NAS MA SKYES PA'O, ,GANG YANG GDOD MA NYID NAS MA SKYES PA SKYE BA MED PA DE'I RANG BZHIN CI 'DRA BA ZHIG CE NA, STONG PA NYID KYI RANG BZHIN NO, ,ZHES GSUNGS SO, ,STONG PA NYID KYI RANG BZHIN CI ZHE NA, 'DI LTA STE NAM MKHA'I RANG BZHIN NO, ,DE LTAR YANG BCOM LDAN 'DAS KYIS GSUNGS TE, STONG PA NI NAM MKHA'O, ,SEMS DE YANG NAM MKHA' DANG MNYAM PA'O, ,DE'I RANG BZHIN NI BYANG CHUB BO, ,JI LTAR NAM MKHA' RANG BZHIN MED PA MING TZAM DU SKYES PA DE LTAR SEMS DE YANG RANG BZHIN MED PA MING TZAM DU SKYES PA'O, ,DE LTAR SEMS NI SKYE BA DANG 'GAG PA MED PAR RTOGS PAR BYA'O, ,DE YANG BLA NA MED PA YANG DAG PAR RDZOGS PA'I BYANG CHUB CES BYA'O, ,DE LTAR YANG BCOM LDAN 'DAS KYIS GSUNGS TE, BYANG CHUB GANG ZHE NA, SEMS YANG DAG PA JI LTA BA BZHIN YONGS SU SHES PA STE, DE YANG BLA NA MED PA YANG DAG PAR RDZOGS PA'I BYANG CHUB BO, ,DE LA GSANG BA PA'I BDAG PO CHOS THAMS CAD MED CING MI DMIGS PA DES NA BLA NA MED PA YANG DAG PAR RDZOGS PA'I BYANG CHUB CES BRJOD DO, ,DE CI'I PHYIR ZHE NA, NAM MKHA'I MTSAN NYID DE NI BYANG CHUB BO, ,DE LA NI RTOGS PA DANG RTOGS PAR BYA BA 'GA' YANG MED DO, ,DE CI'I PHYIR ZHE NA, BYANG CHUB NI NAM MKHA'I MTSAN NYID KYI PHYIR RO, ,DES NA RANG GI SEMS YANG DAG PA JI LTAR BA BZHIN MTHONG BA'I RJES SU THABS KYIS SEMS CAN THAMS CAD KYI SEMS LA DMIGS PA 'BYUNG STE, KYE MA MA LA SEMS CAN 'DI DAG NI SDUG BSNGAL BAR GYUR TE, GANG 'DI DAG RANG GI SEMS KYI RANG BZHIN MA RTOGS PA, YANG DAG PA MA YIN PA'I RNAM PAR RTOG PA'I GDON GYIS ZIN PA, 'KHOR BAR SDUG BSNGAL RNAM PA SNA TSOGS SO SOR NYAMS SU MYONG BAR 'GYUR BA STE, SEMS CAN 'DI RNAMS KYIS RANG GI SEMS @19A *, ,KYI CHOS NYID KYI RANG BZHIN RTOGS PAR BYA BA'I PHYIR 'BAD CING BRTZAL BAR BYA'O SNYAM MO, 'DI NI SNYING RJE CHEN POS YONGS SU ZIN PA'I RANG GI SEMS SEMS CAN THAMS CAD LA LHAG PAR GNAS PA SKYE BA STE, 'DI BYANG CHUB KYI SEMS SU BRJOD PAR BYA'O, ,JI SKAD DU, GANG TSE NAM MKHA' MNYAM YE SHES, ,BYANG CHUB 'BYUNG BA SKYES GYUR PA, ,DE TSE SEMS NI GZHAN DON LA, ,GCIG TU PHYOGS PA SKYE BAR 'GYUR, ,GANG DE LTAR BSGOM PA DE BYANG CHUB KYI SEMS BSGOM PA STE, DE LTAR YANG BCOM LDAN 'DAS KYIS, BYANG CHUB SEMS KYI BSOD NAMS GANG, ,GAL TE DE LA GZUGS MCHIS NA, ,NAM MKHA'I KHAMS 'DI KUN GANG STE, ,DE NI DE BAS LHAG PAR 'GYUR, ,ZHES GSUNGS SO, ,DE LTAR BYANG CHUB MCHOG GI SPYOD PA 'DI YANG RTZA BA STE, ,GZUNGS DANG SO SO YANG DAG PAR RIG PA DANG, MTSAN DANG DPE BYAD DANG SANGS RGYAS KYI YON TAN THAMS CAD KYI 'BYUNG GNAS YIN NO, ,DE LTAR YANG BCOM LDAN 'DAS KYIS DGE SLONG DAG NGAS BYANG CHUB SEMS KYI YON TAN RJES SU BSNGAGS PA LAS BRTZAMS TE BSTAN NA BSKAL PAR YANG MTHAS GTUGS PAR MI 'GYUR RO ZHES GSUNGS SO, ,DE'I PHYIR THAMS CAD MKHYEN PA NYID DU SEMS BSKYED PA 'DI NI BYANG CHUB SEMS DPA'I SPYOD PA'I GZHIR GYUR PA YIN NO, ,DE LTA BAS NA 'DI LA RNAL 'BYOR DU BYA'O, ,ZHES PA SLOB DPON KA MA LA SH'I LA'I ZHABS KYIS MDZAD PA BYANG CHUB KYI SEMS BSGOM PA RDZOGS SO,, ,,ZHA LU LO TZ'A BA DGE SLONG DHARMMA P'A PA BHA DRA ZHES BGYI BAS GRVA THANG DU BSGYUR BA'O,, ,, (TSAD MED BZHI'I RGYA CHER 'GREL PA BZHUGS,) *, ,BYAMS PA DANG NI SNYING RJE DANG, ,DGA' BA DANG NI BTANG SNYOMS TE, ,DE DAG CHEN PO TSAD MED PA, ,'BAD PAS BSGOM PHYIR 'DIR BSHAD BYA, ,'DI LTAR SEMS CAN TSAD MED PA LA DMIGS PA DANG, TSOGS TSAD MED PA DANG, CHOS TSAD MED PA DANG, YE SHES TSAD MED PA'O, , DE LA SEMS CAN TSAD MED PA NI KHAMS GSUM PA'I SEMS CAN MANG NYUNG 'DI TZAM ZHIG YOD DO ZHES DPAG PAR MI NUS PAS NA SEMS CAN TSAD MED PA ZHES BYA STE, 'DI LTAR BCOM LDAN 'DAS KYIS 'PHAGS PA DE BZHIN GSHEGS PA'I SNYING RJE CHEN PO BSTAN PA'I MDO LAS 'DI SKAD DU, RIGS KYI @19B BU PHYOGS 'DI NYID NA SHING RTA'I 'PHANG LO TZAM GYI BUG PA NA GNAS PAR GYUR PA'I SEMS CAN GANG DAG DE BZHIN GSHEGS PAS GZIGS PAR GYUR PA DE DAG NI CHES MANG GI ,STONG GSUM GYI STONG CHEN PO'I 'JIG RTEN GYI KHAMS KYI LHA DANG MI RNAMS NI DE LTA MA YIN TE, DE LTAR SNANG BAR MA GYUR PA'I SEMS CAN GYI KHAMS NI TSAD MED DO ZHES GSUNGS TE, DE LTA BAS NA SEMS CAN GYI KHAMS TSAD MED PA GZUNG BAR MI NUS PAS NA SEMS CAN TSAD MED PA ZHES BYA'O, ,TSAD MED PA BSGOMS PAS SEMS CAN TSAD MED PA LA CI LTAR DMIGS PAR BYA ZHING BSGOM ZHE NA, 'DI LTAR KHAMS GSUM PA'I SEMS CAN THAMS CAD THOG MA MED PA'I DUS NAS, SO SO'I LAS KYI DBANG GIS GNAS MTHON DMAN DU 'KHOR BA 'DI DAG BDAG DANG LAN BRGYA STONG DU MAR GNYEN DU MA GYUR PA MED DE, 'DI NI BDAG GI GNYEN YIN NO SNYAM NAS, SEMS CAN THAMS CAD LA TSAD MED PA BZHI POS BTANG SNYOMS SU GNAS PA 'DI NI SEMS CAN TSAD MED PA LA DMIGS PA ZHES BYA BA'I THA TSIG GO, ,DE LA TSOGS TSAD MED PA NI, BSOD NAMS DANG YE SHES KYI TSOGS TSAD MED PA STE, RGYUR GYUR PA NI CHOS BZHI PO YIN LA DE NI BSOD NAMS DANG YE SHES KYI TSOGS TSAD MED PA RNAM PA GNYIS BSKYED PA'I RGYU'AM NGO BO YIN TE, 'DI LTAR BCOM LDAN 'DAS KYIS KYANG MDO DAG LAS GSUNGS PA, RIGS KYI BU BYAMS PA'I TING NGE 'DZIN BSGOM PA STAN LAS MA LANGS PA LA YON 'BUL BAR BYED PA NI BSOD NAMS DPAG TU MED PA BSKYED PAR 'GYUR RO ZHES GSUNGS PA LTA BU STE, 'DI LTAR BYAMS PA LA SOGS PA TSAD MED PA BSGOM PA'I MI LA YON PHUL BAS KYANG BSOD NAMS MANG PO 'THOB NA GANG TSAD MED PA RNAMS SU DNGOS SU NYAMS SU BLANGS TE BSGOMS PA LTA SMOS KYANG CI DGOS TE, BSOD NAMS KYI PHUNG PO GONG MA BAS CHES MANG DU BSKYED DO, , DE LTAR BSOD NAMS DANG YE SHES KYI TSOGS TSAD MED PA SKYES PA DANG, RGYU DE LAS CHOS KYI TSOGS TSAD MED PA BSKYED LA, RGYU DE LAS YE SHES KYI TSOGS TSAD MED PA BSKYED PA'O, ,CHOS TSAD MED PA NI SANGS RGYAS KYI CHE BA'I YON TAN STOBS DANG MI 'JIGS PA LA SOGS PA STE, DE 'THOB PA'I @20A *, ,RGYUR 'GYUR BA NI CHOS BZHI PO LA GNAS PA'I SGO NAS BSOD NAMS DANG YE SHES KYI TSOGS SKYES PA'I RGYUS SANGS RGYAS KYI CHE BA'I YON TAN RNAMS SKYE ZHING 'GRUB PAR 'GYUR BAS NA TSAD MED PA BZHI LA NAN TAN DU BYA'O, ,CHOS BZHI PO DE RNAMS DE BZHIN GSHEGS PA'I YE SHES TSAD MED PA'I DMIGS PA'I YUL DU GYUR PA'AM, YE SHES NYID BYAMS PA LA SOGS PA CHOS BZHI PO DE DAG GI NGANG DU'AM NGO BOR GNAS TE, SHES BYA DANG SHES PA THA MI DAD PA'I SPYOD YUL DU'AM, NGO BOR GYUR PA'O ZHES BYA BA'I THA TSIG GO, ,DE LA BYAMS PA NI MOS PAS SPYOD PA'I SA NI NGES PAR 'BYED PA'I CHA BZHI PO SNANG BA THOB PA DANG SNANG BA MCHED PA DANG, DE KHO NA NYID KYI DON LA PHYOGS GCIG PA RJES SU ZHUGS PA DANG, BAR CHAD MED PA'I TING NGE 'DZIN ZHES BYA BA NGES PAR 'BYED PA'I CHA BZHI LA GNAS PA'I BYANG CHUB SEMS DPA' STE, 'DI LTAR NGES PAR 'BYED PA'I CHA BZHI LA GNAS PA'I BYANG CHUB SEMS DPA'I MNGON PAR SHES PA'I DBANG PO'I SPYOD YUL DU NI LHA DANG MI DANG YI DAGS LA SOGS PA DANG SEMS CAN DMYAL BA'I GNAS RNAMS MNGON SUM DU GYUR TE, LHA DANG MI LA SOGS PA DANG NGAN SONG GI GNAS DE DAG NA SDUG BSNGAL BA'I RANG BZHIN CAN GYI SEMS CAN RNAMS MTHONG NAS LHAG PAR SNYING RJE CHEN PO SKYE ZHING SEMS CAN DE DAG THOG MA MED PA NAS 'KHOR BAR 'KHOR BA NA, BDAG GI GNYEN DU MA GYUR PA MED PAR KHONG DU CHUD NAS SEMS CAN DE DAG THAMS CAD LA BU GCIG PA DANG 'DRA BAR SEMS PA'I BYAMS PA CHEN PO'I SEMS SKYES PA'I SGO NAS SEMS CAN THAMS CAD SDUG BSNGAL LAS THAR TE BDE BA LA GNAS PAR GYUR CIG CES SMON LAM 'DEBS SHING, SEMS CAN THAMS CAD LA PHAN 'DOGS PAR BYED PA NI SEMS CAN LA DMIGS PA'I BYAMS PA ZHES BYA BA'I THA TSIG GO, ,BYANG CHUB SEMS DPA' SA DANG PO BRNYES PA NAS BDUN PA'I BAR GYI BYANG CHUB SEMS DPA' RNAMS NI CHOS KYI DE KHO NA NYID MNGON SUM DU RTOGS PA'I SGO NAS SEMS CAN LA BYAMS PA SKYE STE, DE YANG 'DI LTAR CHOS THAMS CAD RANG BZHIN NYID MED PA YIN NA, SEMS CAN RNAMS KYIS DE LTAR MA SHES TE DNGOS PO LA MNGON PAR ZHEN PAS KHAMS GSUM @20B DU 'KHOR BAR GYUR PA RE SDUG PA DE DAG LA BYAMS PA'I SEMS SKYE ZHING 'DI DAG GIS CHOS NYID RTOGS PAR SHOG CIG CES SMON LAM 'DEBS SHING, SEMS CAN THAMS CAD LA CHOS KYIS PHAN 'DOGS PAR BYED PA NI CHOS LA DMIGS PA'I BYAMS PA ZHES BYA BA'I THA TSIG GO, ,BYANG CHUB SEMS DPA' SA BRGYAD PA BRNYES PA YAN CHAD NAS SANGS RGYAS KYIS BRNYES PA MAN CHAD NI LHUN GYIS GRUB PA'I SA DMIGS PA MED PA ZHES BYA BA STE, SA BRGYAD PA YAN CHAD NA RTOG PA MED PA LHUN GYIS GRUB PA'I TSUL GYIS SEMS CAN LA BYAMS PA SKYE ZHING PHAN 'DOGS PAR MDZAD DE, DPER NA YID BZHIN GYI NOR BU RIN PO CHE DANG DPAG BSAM GYI SHING BZHIN DU SEMS CAN LA PHAN 'DOGS TE, DE YANG RTOG PA MI MNGA' BZHIN DU SNGON GYI SMON LAM GYI DBANG GIS SEMS CAN LA BYAMS PA CHEN PO YANG LHUN GYIS GRUB PAR 'BYUNG ZHING SEMS CAN GYI DON MDZAD PA DE NI DMIGS PA MED PA'I BYAMS PA ZHES BYA BA'I THA TSIG GO, ,'O NA SO SO'I SKYE BO LAS DANG PO PAS SEMS CAN LA DMIGS PA'I BYAMS PA JI LTAR BSGOM ZHE NA, 'DI LTAR SO SO'I SKYE BO LAS DANG PO PAS SEMS CAN LA DMIGS PA'I BYAMS PA'I BSGOM RIM 'DI LTAR BYA STE, SEMS CAN SNYING DU SDUG PA DANG, THA MAL PA DANG, SNYING DU MI SDUG PA YIN PA'I RNAM PA 'DI GSUM YOD PA LAS, SEMS CAN SNYING DU SDUG PA LA YANG GSUM DU DBYE STE, RAB 'BRING THA MA GSUM DU'O, ,SEMS CAN THA MAL PA DANG, MI SDUG PA LA YANG GSUM DU DBYE STE, RAB 'BRING THA MA STE, BDUN DU DBYE BA BYAS LA, THOG MAR 'BRING TZAM DU SDUG PA DE PHA MA LA SOGS PAR RAB TU BSGOM MO, DE GOMS PA DANG THA MAL PA KUN RAB DANG 'DRA BAR BSGOM, DE NAS CUNG ZAD MI SDUG BA SDUG PA RAB DANG 'DRA BAR BSGOM, DE GOMS PA DANG MI SDUG PA 'BRING SDUG PA RAB DANG 'DRA BAR BSGOM, DE NAS SHIN TU MI SDUG PA LA YANG PHA MA DANG 'DRA BAR BYA STE, DE LTAR GOMS PA'I DMIGS PA YANG SEMS CAN THAMS CAD THOG MA MED PA'I DUS NAS PHA MA LA SOGS PA GNYEN DU MA GYUR PA MED PA DANG, DE LTAR BSGOM PA YANG THOG MAR YANG KHYIM GANG GI MI TZAM LA BSGOMS PA NAS RIM GYIS TE, DE NAS NI MTHA' YAS PAR @21A *, ,BSGOM MO ZHES BYA BA'I DON BSTAN TO, ,DE LA SNYING RJE NI SDUG BSNGAL BA'I SEMS CAN LA DMIGS PA'I SNYING RJE NI SDUG BSNGAL GYI SDUG BSNGAL LA SOGS GSUM MAM, SKYE PA LA SOGS PA BRGYAD KYIS SDUG BSNGAL BA'I SEMS CAN DE DAG KUN GYI SDUG BSNGAL SNYING RJES SEL ZHES BYA BA'I THA TSIG GO, ,NYES PA BYED PA'I SEMS CAN LA DMIGS PA'I SNYING RJE NI GONG GI SDUG BSNGAL DE DAG GI RTZA BA'AM, RGYU MI DGE BA LA SPYOD PA'I SEMS CAN DE DAG GI MI DGE BA KUN SNYING RJES SEL ZHES BYA BA'I DON TO, ,RKYEN DANG MI LDAN PAS RNAM PAR MA GROL BA'I SEMS CAN LA DMIGS PA'I SNYING RJE NI SEMS CAN DGE BA'I BSHES GNYEN DANG MI LDAN PAS CHOS MA THOS PA STE, DE YANG RGYUD LAS, DGE BSHES MA BSTEN CHOS MA MNYAN BYA BA DANG, MA GROL BA'I SEMS CAN LA SNYING RJES GROL BAR BYED CES BYA BA'I DON TO, ,DE LA DGA' BA NI DE LA SEMS CAN DAG ZANG ZING GI 'BYOR BA DANG, CHOS KYI 'BYOR BA DANG, BDE BA'I 'BYOR BA DANG LDAN PAS DGA' BA'O, ,BDAG GI TSOGS YONGS SU RDZOGS PA LA DMIGS PA'I DGA' BA NI BDAG NYID DGE BA'I TSOGS CHE BA LA DMIGS NAS DGA' BA'I DON TO, ,DAM PA'I CHOS KYI RO LA DMIGS PA'I DGA' BA NI BDAG DANG GZHAN CHOS THOS PA'I RO DANG, BSAM PA DANG BSGOM PA'I RO RNYED PA'I SGO NAS DGA' BA'I DON TO, ,DE LA BTANG SNYOMS NI SEMS CAN GYI DON LA SPYOD PA DAG NI SKAL BA YOD PA DANG SKAL BA MED PA'I BTANG SNYOMS NI, SKAL BA DANG LDAN PA'I DON NI BYA, SKAL BA DANG MI LDAN PA'I DON NI MI BYA ZHES DE LTAR 'BYED PA MED PAR GNYIS KA'I DON SNYOMS PAR BYA ZHES BYA BA'I THA TSIG GO, ,'JIG RTEN GYI CHOS BRGYAD PO RNYED PA DANG MA RNYED PA LA SOGS PA'I SGRAS BSDUS PA 'DI LTA STE, BDE BA DANG, SDUG BSNGAL BA DANG, BSTOD PA DANG, SMAD PA DANG, GRAGS PA DANG, MA GRAGS PA LA DGA' BA DANG MI DGA' BA MED PAR BTANG SNYOMS SU GNAS PA STE, DE LA 'JIG RTEN GYI CHOS BRGYAD NI RNYED PA DANG MA RNYED PA LA SOGS PA LA BYA STE, CHOS BRGYAD PO DE DAG 'JIG RTEN NA GRAGS SHING YOD PA'I PHYIR 'JIG RTEN GYI CHOS BRGYAD DO, ,CHOS BRGYAD PO DE DAG LA JI LTAR BTANG SNYOMS SU GNAS SHE NA, 'DI @21B LTAR BDAG GIS LONGS SPYOD PHUN SUM TSOGS PA RNYED PA NA DE LA DGA' BA STE CHAGS PA YANG MED LA, LONGS SPYOD 'GRIBS SAM MA RNYED NA YANG DE YI CHAD PA MED CING MI DGA' BA MED PA NI RNYED MA RNYED LA DGA' MI DGA' MED PA'I BTANG SNYOMS ZHES BYA'O, ,BDAG GI MDZA' BO BYAMS PA ZHIG GIS BDAG GI LUS LA SPOS DANG TZANDAN LA SOGS PA'I BYUG PAS NYUG CING BSNYEN BKUR DANG BSTI STANG BYED NA BKUR STI'I BDE BA LA DGA' ZHING CHAGS PA YANG MED LA, DGRA BO ZHIG GIS BDAG GI LUS LA BRDEG BRDUNG LA SOGS PA BYED NA YANG DE LA'ANG MI KHRO ZHING BRDEG BRDUNG GI SDUG BSNGAL DANG DU BLANG BA DANG, SDUG GO MI SNYAM STE, BDE SDUG LA DGA' MI DGA' MED PA'I BTANG SNYOMS ZHES BYA'O, ,BDAG GI MDZA' BO ZHIG GIS BDAG GI RIGS LAS GLENGS TE SNYAN PA'I TSIG GIS BSTOD NA DE LA DGA' ZHING GZENGS MTHO BAR 'GYUR BA YANG MED LA, DGRA BO ZHIG GIS BDAG GI SKYON BRUS SHING BSGRAGS NA YANG DE LA YANG MI DGA' ZHING DPA' ZHUM PA MED PA NI BSTOD PA DANG SMAD PA LA DGA' BA DANG, MI DGA' BA MED PA'I BTANG SNYOMS ZHES BYA'O, ,BDAG GI YON TAN YOD PA SKYE BO MANG POS THOS SHING SHES PAR GYUR PA NA 'DI SNYAM DU BDAG NI YON TAN CAN DU SKYE BO MANG POS SHES PAS BDAG GI YON TAN GRAGS TE MA SUBS SO ZHES YON TAN GRAGS PA LA DGA' BA YANG MED LA, BDAG GI YON TAN SKYE BO MANG POS MA THOS SHING MA SHES NA YANG BDAG GI YON TAN MA GRAGS TE, NUB BO ZHES MI DGA' BA MED PA NI YON TAN GRAGS PA DANG MA GRAGS PA LA DGA' BA DANG MI DGA' BA MED PA'I BTANG SNYOMS ZHES BYA BA'I DON TO, ,TSOGS ZHES BYA BA NI GONG GI TSIG STE, TSOGS YONGS SU BSKANG BA LA DUS DANG DUS MA YIN PA LA DMIGS PA'I BTANG SNYOMS NI BDAG NYID DGE BA'I TSOGS BSKANG ZHING SPYAD PA LA DUS 'DIR NI BYA, DUS 'DIR NI MI BYA ZHES 'BYED PA MED PAR DUS KUN TU SPYOD PAR BYED PA'O, ,TSAD MED BZHI PO DAG NI TSANGS PA'I GNAS, ,BSGOM PA KUN GYI DON DU BDAG GIS 'DI, ,SEMS CAN DON DU BYAS SHING BSDEBS PA DES, ,'GRO KUN SGRIB BRAL MYUR DU SANGS RGYAS SHOG ,TSAD MED PA BZHI'I RGYA CHER 'GREL PA SLOB DPON BUDDHA GUPTAS MDZAD PA RDZOGS SO,, ,, @22A *, ,RGYA GAR SKAD DU, ZH'A BA NA KRA MA, BOD SKAD DU, BSGOM PA'I RIM PA, 'JAM DPAL GZHON NUR GYUR PA LA PHYAG 'TSAL LO, ,THEG PA CHEN PO'I MDO SDE YI, ,TSUL SPYOD LAS NI DANG PO BA, ,DE LAS BRTZAMS TE BSGOM PA YI, ,RIM PA MDO TZAM BRJOD PAR BYA,, THAMS CAD MKHYEN PA NYID MYUR DU THOB PAR 'DOD PAS MDOR NA SNYING RJE DANG, BYANG CHUB KYI SEMS DANG, SGRUB PA DANG, GNAS 'DI GSUM LA 'BAD PAR BYA'O, ,DE LA SANGS RGYAS KYI CHOS MA LUS PA'I RGYU'I RTZA BA NI SNYING RJE KHO NA YIN PAR SHES PAR BYAS LA DE NYID LA THOG MA KHO NAR BSGOM MO, DE SKAD DU 'PHAGS PA CHOS YANG DAG PAR SDUG PA LAS GSUNGS TE, DE NAS BCOM LDAN 'DAS LA 'PHAGS PA SPYAN RAS GZIGS DBANG PHYUG GIS 'DI SKAD CES GSOL TO, ,BCOM LDAN 'DAS BYANG CHUB SEMS DPAS CHOS RAB TU MANG PO LA BSLAB PAR MI BGYI'O, ,BCOM LDAN 'DAS BYANG CHUB SEMS DPAS CHOS GCIG RAB TU GZUNG ZHING RAB TU RTOGS PAR BGYIS NA SANGS RGYAS KYI CHOS THAMS CAD DE'I LAG MTHIL DU MCHIS PA LAGS SO, ,CHOS GCIG PO GANG ZHE NA, 'DI LTA STE, SNYING RJE CHEN PO'O, ,BCOM LDAN 'DAS SNYING RJE CHEN POS NI SANGS RGYAS KYI CHOS THAMS CAD BYANG CHUB SEMS DPA' RNAMS KYI LAG MTHIL DU MCHIS PA LAGS SO, ,BCOM LDAN 'DAS DPER BGYIS NA 'KHOR LOS SGYUR BA'I RGYAL PO'I 'KHOR LO RIN PO CHE GANG DU MCHIS PA DER DPUNG GI TSOGS THAMS CAD MCHI'O, ,BCOM LDAN 'DAS DE BZHIN DU BYANG CHUB SEMS DPA'I SNYING RJE CHEN PO GANG DU MCHIS PA DER SANGS RGYAS KYI CHOS THAMS CAD MCHI'O, ,BCOM LDAN 'DAS DPER BGYIS NA SROG GI DBANG PO MCHIS NA DBANG PO GZHAN RNAMS 'BYUNG BAR 'GYUR RO, ,BCOM LDAN 'DAS DE BZHIN DU SNYING RJE CHEN PO MCHIS NA BYANG CHUB SEMS DPA'I CHOS GZHAN RNAMS KYANG 'BYUNG BAR 'GYUR RO ZHES 'BYUNG NGO, ,'PHAGS PA BLO GROS MI ZAD PAS BSTAN PA LAS KYANG GSUNGS TE, BTZUN PA SHA RA DVA TI'I BU GZHAN YANG BYANG CHUB SEMS DPA' RNAMS KYI SNYING RJE CHEN PO NI ZAD DO, ,DE CI'I PHYIR ZHE NA, SNGON DU 'GRO BA'I PHYIR RO, ,BTZUN PA SHA RA DVA TI'I BU 'DI LTA STE DPER NA DBUGS PHYI NANG DU RGYU BA NI MI'I SROG GI DBANG @22B PO SNGON DU 'GRO BA YIN NO, ,DE BZHIN DU BYANG CHUB SEMS DPA'I SNYING RJE CHEN PO NI THEG PA CHEN PO YANG DAG PAR 'GRUB PAR BYA BA'I PHYIR SNGON DU 'GRO BA YIN NO ZHES BYA BA LA SOGS PA RGYAS PAR BSHAD DO, ,'PHAGS PA GA YA GO'I RI'I MDO LAS KYANG GSUNGS TE, 'JAM DPAL BYANG CHUB SEMS DPA' RNAMS KYI SPYOD PA'I RTZOM PA NI CI, GNAS NI GANG, 'JAM DPAL GYIS SMRAS PA, LHA'I BU BYANG CHUB SEMS DPA' RNAMS KYI SPYOD PA'I RTZOM PA NI SNYING RJE CHEN PO'O, ,GNAS NI SEMS CAN NO ZHES DE LA SOGS PA RGYA CHER 'BYUNG NGO, ,DE LTAR SNYING RJE CHEN POS BSKYOD PAS BYANG CHUB SEMS DPA' RNAMS BDAG NYID LA MI LTA BAR GZHAN LA SHIN TU PHAN PA DON DU GNYER BA'I PHYIR TSOGS BSAGS PA SHIN TU BYA DKA' ZHING YUN RING LA DUB PAR 'GYUR BA LA 'JUG GO, ,'PHAGS PA DAD PA'I STOBS BSKYED PA LAS GSUNGS PA LTA BU STE, DE LA SNYING RJE CHEN PO NI GANG SEMS CAN THAMS CAD YONGS SU SMIN PAR BYA BA'I PHYIR SDUG BSNGAL SKYE BA MI LEN PA CI YANG MED DO, ,DES BDE BA SKYE BA MI 'DOR BA CI YANG MED DO ZHE'O, ,DE LTAR SHIN TU BYA DKA' BA LA ZHUGS NAS RING POR MI THOGS PAR TSOGS YONGS SU RDZOGS TE GDON MI ZA BAR THAMS CAD MKHYEN PA'I GO 'PHANG THOB PAR 'GYUR RO, ,DE BAS NA SANGS RGYAS KYI CHOS THAMS CAD KYI CHOS KYI RTZA BA NI SNYING RJE CHEN PO KHO NA'O, ,SNYING RJE CHEN POS YONGS SU ZIN PAS NA SANGS RGYAS BCOM LDAN 'DAS KYIS THAMS CAD MKHYEN PA'I YE SHES GO 'PHANG BRNYES NAS 'GRO BA MA LUS PA'I DON MDZAD CING BZHUGS SO, ,MI GNAS PA'I MYA NGAN LAS 'DAS PA LTA BU YANG BCOM LDAN 'DAS KYI THUGS RJE CHEN PO'I RGYUS MYA NGAN LAS 'DA' BA LA MI GNAS SO, ,DE YANG SDUG BSNGAL BA'I SEMS CAN LA DMIGS SHING YID LA BYA BA MANG DU BYAS PAS SKYE BAR 'GYUR TE, SEMS CAN 'JIG RTEN GSUM NA SPYOD PA THAMS CAD SDUG BSNGAL RNAM PA GSUM GYIS JI LTAR MTHUN PA BZHIN DU SDUG BSNGAL LO ZHES DE LTAR SEMS CAN THAMS CAD LA BSGOM MO, ,DE LA SEMS CAN DMYAL BA PA DE DAG NI RGYUN MI 'CHAD CING YUN RING LA TSA BA LA SOGS PA'I SDUG BSNGAL SNA TSOGS KYI CHU BOR BYING NGO ZHES BCOM LDAN 'DAS KYIS BKA' STZAL TO, ,DE BZHIN DU YI DAGS RNAMS KYANG PHAL CHER SHIN TU @23A *, ,MI BZAD PA'I BKRES PA DANG SKOM PA'I SDUG BSNGAL GYI MES SKAMS PA'I LUS SHIN TU SDUG BSNGAL MANG PO MYONG STE, LO BRGYAR YANG LA LAS MCHI LA MA'I THAL BA DANG, MI GTZANG BA TZAM YANG BA ZAR MI RNYED DO ZHES BCOM LDAN 'DAS KYIS BKA' STZAL TO, ,DUD 'GRO RNAMS KYANG GCIG LA GCIG ZA BA DANG, KHRO BA DANG, RNAM PAR 'TSE BA DANG, GSOD PA LA SOGS PAS SDUG BSNGAL MANG PO MYONG BA KHO NAR SNANG STE, 'DI LTAR KHA CIG SNA 'BUGS PA DANG, BRDEG PA DANG, BCING BA DANG, GDAGS PA LA SOGS PA BDAG LA DBANG MED PAR KUN GYIS BDA' BA YIN TE; MI 'DOD BZHIN DU KHAL CHEN PO LCI BA BSKUR BAS SKYO ZHING NGAL LO, ,DE BZHIN DU DGON PA NA 'KHOD PA YANG NYES PA MED PAR KHA CIG PHYED DU TSOL ZHING GSOD DE, RTAG TU 'JIGS PAS YID 'KHRUGS TE PHAN TSUN 'KHOD CING 'BROS PA YANG GRANGS MED PA'I SDUG BSNGAL DPAG TU MED PA MYONG BA KHO NAR SNANG NGO, ,DE BZHIN DU MI LA YANG SEMS CAN DMYAL BA'I SDUG BSNGAL LA SOGS PA YOD PA KHO NA STE, 'DI NA RKUN PO LA SOGS PA GANG DAG YAN LAG GTUB PA DANG, GSAL SHING LA SKYON PA DANG, DBYANGS TE BTAGS PA LA SOGS PAS NYON MONGS PA DE DAG NI SEMS CAN DMYAL BA'I SDUG BSNGAL KHO NA YIN NO, ,GANG DAG DBU LA ZHING PHONGS PA DE DAG NI YI DAGS DANG 'DRA BAR BKRES SHING SKOM PA LA SOGS PAS SDUG BSNGAL LO, ,BRAN LA SOGS PA GANG DAG GZHAN GYIS LUS LA DBANG BYAS PA DANG, GANG DAG MTHUS MNAN TE GNOD PAR BYED PA DE DAG NI DUD 'GRO DANG 'DRA BAR BRDEG PA DANG; GDAGS PA LA SOGS PAS SDUG BSNGAL LO, ,DE BZHIN DU BTZAL BAR BYA BA DANG, GCIG LA GCIG GNOD PA BYED PA LA SOGS PA DANG, SDUG PA DANG BRAL BA DANG, MI SDUG PA DANG PHRAD PA LA SOGS PA DE DAG LA SDUG BSNGAL DPAG TU MED DO, ,GANG DAG KHA CIG PHYUG CING SKYID PA DANG 'DRA BAR SNANG BA DE DAG KYANG 'BYOR BA'I MTHA' NI RGYUD PA STE, LTA BA NGAN PA SNA TSOGS GZING GZING BAR NUB CING SEMS CAN DMYAL BA LA SOGS PA'I SDUG BSNGAL MYONG BAR 'GYUR BA'I RGYU LAS DANG NYON MONGS PA BSAGS PAS GAD KA NA 'DUG PA DANG 'DRA BAR SDUG BSNGAL GYI RGYUR GYUR PA YANG YANG DAG PAR @23B SDUG BSNGAL BA KHO NA YIN NO, ,LHA LA YANG GANG DAG 'DOD PA'I KHAMS NA SPYOD PA DE DAG NI 'DOD PA'I MES YID RAB TU 'BAR ZHING SEMS 'KHRUGS PA DANG 'DRA BAR GSHA' MAR MI 'DUG LA, SKAD CIG KYANG SEMS MNYAM PAR 'JOG PAR MI 'GYUR TE, RAB TU ZHI BA BDE BA'I NOR GYIS DBU LA BA DE DAG LA BDE BA CI ZHIG YOD, RTAG TU 'CHI 'PHO BA DANG LTUNG BA LA SOGS PA'I 'JIGS PA'I MYA NGAN GYIS NON PA DAG STE DE DAG JI LTAR BA DE, GANG DAG GZUGS DANG GZUGS MED PA NA SPYOD PA DE DAG KYANG SKAD CIG SDUG BSNGAL GYIS SDUG BSNGAL BA LAS 'DAS MOD KYI, 'ON KYANG DE DAG 'DOD PA NA SPYOD PA'I BAG LA NYAL RNAMS SHING TU MA SPANGS PAS YANG SEMS CAN DMYAL BA LA SOGS PAR LTUNG BA YOD PAR 'GYUR BA'I SDUG BSNGAL YOD PA NYID DO, ,LHA DANG MI 'DI DAG THAMS CAD NI LAS DANG NYON MONGS PA LA SOGS PA'I RGYUS GZHAN GYI DBANG DU GYUR PAS NA 'DU BYED KYI SDUG BSNGAL GYIS SDUG BSNGAL BA NYID DO, ,DE LTAR 'GRO BA THAMS CAD SDUG BSNGAL GYI ME LCE'I PHRENG BA'I SA YIN PAR BLTAS LA, JI LTAR BDAG NYID KYI SDUG BSNGAL MI SDUG PA LTAR GZHAN DAG GI YANG DE DANG 'DRA BA SEMS SHING SEMS CAN THAMS CAD LA SNYING BRTZE BA KHO NA BSGOM PAR BYA STE, THOG MA KHO NAR MDZA' BSHES KYI PHYOGS LA GONG DU SMOS PA'I SDUG BSNGAL SNA TSOGS MYONG BAR LTA ZHING BSGOM PAR BYA'O, ,DE NAS SEMS MNYAM PAS BYE BRAG MED PAR LTA STE, THOG MA MED PA CAN GYI 'KHOR BA LAN BRGYAR YANG BDAG GI GNYEN DU MA GYUR PA'I SEMS CAN GANG YANG MED DO SNYAM DU SEMS PAS PHAL PA LA BSGOM PAR BYA'O, ,GANG GI TSE MDZA' BSHES KYI PHYOGS DANG 'DRA BAR PHAL PA RNAMS LA YANG SNYING RJE MTSUNGS PAR 'JUG PA DE'I TSE DGRA'I PHYOGS LA YANG DE BZHIN DU SEMS MNYAM PA NYID LA SOGS PA YID LA BYED PAS BSGOM PAR BYA'O, ,GANG GI TSE MDZA' BSHES KYI PHYOGS DANG 'DRA BAR DGRA LA YANG MNYAM PAR 'JUG PA DE'I TSE RIM GYIS PHYOGS BCU'I SEMS CAN THAMS CAD LA YANG BSGOM PAR BYA'O, ,GANG GI TSE YID DU 'ONG BA'I BU MI BDE BA BZHIN DU SEMS CAN THAMS CAD LA YANG SDUG BSNGAL GTAN NAS DBYUNG BAR 'DOD PA'I @24A *, ,RNAM PA'I SNYING RJE RANG GI NGANG GIS 'JUG PA BDAG NYID KYIS MTSUNGS PAR GYUR PA DE'I TSE DE RDZOGS PA YIN PAS SNYING RJE CHEN PO'I MING THOB STE, 'PHAGS PA BLO GROS MI ZAD PAS BSTAN PA'I MDO LAS BSNGAGS PA BZHIN NO, ,'DI LTAR SNYING RJE BSGOM PA'I GO RIMS 'DI NI BCOM LDAN 'DAS KYIS CHOS MNGON PA'I MDO LA SOGS PA LAS BKA' STZAL TO, ,DE LTAR SNYING RJE GOMS PA'I STOBS KYIS SEMS CAN MA LUS PA DRANG BAR DAM BCAS NA BLA NA MED PA YANG DAG PAR RDZOGS PA'I BYANG CHUB TU SMON PA'I RANG BZHIN GYIS BYANG CHUB KYI SEMS SGRIM MI DGOS PA KHO NAR SKYE STE, 'PHAGS PA CHOS BCU PA'I MDO LAS, SEMS CAN MGON MED PA, SKYABS MED PA, GLING MED PA DAG MTHONG NAS BLA NA MED PA YANG DAG PAR RDZOGS PA'I BYANG CHUB TU SEMS BSKYED DO ZHES GSUNGS PA BZHIN NO, ,GZHAN GYIS YANG DAG PAR 'DZIN DU BCUG PA LAS KYANG BYANG CHUB SEMS DPA' LA BYANG CHUB KYI SEMS BSKYED MOD KYI, 'ON KYANG SNYING RJE CHEN POS NON TE, BYANG CHUB SEMS DPA' BDAG NYID KYIS BYANG CHUB TU SEMS BSKYED PA KHYAD CHE BAR BCOM LDAN 'DAS KYIS 'PHAGS PA DE BZHIN GSHEGS PA'I YE SHES KYI PHYAG RGYA'I TING NGE 'DZIN LAS BKA' STZAL TO; ;BYANG CHUB KYI SEMS DE SGRUB PA DANG MI LDAN YANG 'KHOR BA'I NANG NA 'BRAS BU CHE BAR BCOM LDAN 'DAS KYIS DE SKAD BYAMS PA'I RNAM PAR THAR PA LAS BKA' STZAL TE, RIGS KYI BU 'DI LTA STE DPER NA RDO RJE RIN PO CHE CHAG KYANG GSER GYI RGYAN KHYAD PAR DU 'PHAGS PA THAMS CAD ZIL GYIS GNON TO, ,RDO RJE RIN PO CHE'I MING YANG MI 'DOR ZHING DBUL BA THAMS CAD KYANG BZLOG GO, ,RIGS KYI BU DE BZHIN DU THAMS CAD MKHYEN PA NYID DU SEMS BSKYED PA'I RDO RJE RIN PO CHE SGRUB PA DANG MI LDAN PA YANG NYAN THOS DANG RANG SANGS RGYAS KYI GSER GYI RGYAN THAMS CAD ZIL GYIS GNON TO; ,BYANG CHUB SEMS DPA'I MING YANG MI 'DOR ZHING 'KHOR BA'I DBUL BA YANG ZLOG PAR BYED DO ZHES 'BYUNG NGO, ,GANG PHA ROL TU PHYIN PA RNAMS LA RNAM PA THAMS CAD KYI THAMS CAD DU SLOB MI NUS PA DES KYANG 'BRAS BU CHE BA'I PHYIR THABS KYIS YONGS SU ZIN PAR BYANG CHUB TU SEMS BSKYED PAR BYA @24B STE; 'PHAGS PA RGYAL PO LA GDAMS PA'I MDO LAS, 'DI LTAR RGYAL PO CHEN PO KHYOD NI BYA BA MANG BYED PA MANG STE, THAMS CAD KYI THAMS CAD RNAM PA THAMS CAD KYI THAMS CAD DU SBYIN PA'I PHA ROL TU PHYIN PA LA BSLAB PA NAS, SHES RAB KYI PHA ROL TU PHYIN PA'I BAR LA SLOB MI BZOD NA 'DI LTAR RGYAL PO CHEN PO RDZOGS PA'I BYANG CHUB LA 'DUN PA DANG, DAD PA DANG, DON DU GNYER BA DANG, SMON PA 'DI 'GRO YANG RUNG, 'GRONG YANG RUNG, 'DUG KYANG RUNG, NYAL YANG RUNG, SAD KYANG RUNG, ZA YANG RUNG, 'THUNG YANG RUNG, RTAG TU RGYUN MI 'CHAD PAR DRAN PAR GYIS SHIG ,YID LA GYIS SHIG ,SGOMS SHIG ,SANGS RGYAS DANG BYANG CHUB SEMS DPA' DANG, NYAN THOS DANG RANG SANGS RGYAS DANG, SO SO'I SKYE BO THAMS CAD DANG, BDAG GI 'DAS PA DANG, MA 'ONGS PA DANG, DA LTAR BYUNG BA'I DGE BA'I RTZA BA THAMS CAD BSDUS TE, RJES SU YI RANG BA'I MCHOG GIS RJES SU YI RANG BAR GYIS SHIG ,RJES SU YI RANG NAS KYANG SANGS RGYAS DANG, BYANG CHUB SEMS DPA' DANG, RANG SANGS RGYAS DANG, NYAN THOS RNAMS LA MCHOD PAR BYA BA'I PHYIR DBUL LO, ,PHUL NAS KYANG SEMS CAN THAMS CAD DANG THUN MONG DU GYIS SHIG ,DE NAS SEMS CAN THAMS CAD THAMS CAD MKHYEN PA NYID KYI BAR DU THOB PAR BYA BA'I PHYIR DANG, SANGS RGYAS KYI CHOS THAMS CAD YONGS SU RDZOGS PAR BYA BA'I PHYIR NYIN GCIG BZHIN DU DUS GSUM DU BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS SHIG ,RGYAL PO CHEN PO KHYOD DE LTAR ZHUGS LA RGYAL PO GYIS SHIG ,RGYAL PO'I SRID KYANG MI NYAMS SO, ,BYANG CHUB KYI TSOGS KYANG YONGS SU RDZOGS PAR 'GYUR RO ZHES DE LA SOGS PA RGYAS PAR BSHAD NAS, YANG BKA' STZAL PA, RGYAL PO CHEN PO KHYOD YANG DAG PAR RDZOGS PA'I BYANG CHUB KYI SEMS KYI DGE BA'I RTZA BA DE'I RNAM PAR SMIN PAS LAN DU MAR LHA DANG MIR SKYES PAR GYUR TO, ,LHA DANG MIR SKYES PA THAMS CAD NA YANG DBANG POR GYUR TO ZHES RGYAS PAR BKA' STZAL PA BZHIN NO, ,SGRUB PA SNYING POR BYED PA'I BYANG CHUB KYI SEMS KYI 'BRAS BU GANG YIN PA DE SHIN TU RGYA CHE BAR GRUB STE, 'PHAGS PA DPAS SBYIN GYIS ZHUS PA LAS, BYANG CHUB SEMS KYI BSOD @25A *, ,NAMS GANG, ,DE LA GAL TE GZUGS MCHIS NA, ,NAM MKHA'I KHAMS NI KUN GANG STE, ,DE NI DE BAS LHAG PAR 'GYUR, ,ZHES GSUNGS PA LTA BU'O, ,SDONG PO BKOD PA LAS KYANG BSNGAGS TE, RIGS KYI BU BYANG CHUB KYI SEMS NI SANGS RGYAS KYI CHOS THAMS CAD KYI SA BON LTA BU'O ZHES RGYAS PAR BSHAD DO, ,BYANG CHUB KYI SEMS DE YANG RNAM PA GNYIS TE, SMON PA'I SEMS DANG, ZHUGS PA'I SEMS TE, 'PHAGS PA SDONG PO BKOD PA'I MDO LAS GSUNGS PA, RIGS KYI BU SEMS CAN GYI 'JIG RTEN NA GANG DAG BLA NA MED PA YANG DAG PAR RDZOGS PA'I BYANG CHUB TU SEMS KYIS SMON PA'I SEMS CAN DE DANG DE DAG NI RNYED PAR DKA'O, ,SEMS CAN GANG DAG BLA NA MED PA YANG DAG PAR RDZOGS PA'I BYANG CHUB TU YANG DAG PAR ZHUGS PA DE DAG NI DE BAS KYANG SHIN TU RNYED PAR DKA'O ZHES 'BYUNG NGO, ,DE LA 'GRO BA MTHA' DAG LA PHAN PA'I PHYIR SANGS RGYAS SU GYUR CIG CES GANG THOG MAR DON DU GNYER BA DE NI SMON PA'I SEMS SO, ,GANG PHAN CHAD SDOM PA BZUNG STE TSOGS RNAMS LA ZHUGS PA DE NI ZHUGS PA'I SEMS SO, ,SDOM PA NI PHA ROL PO MKHAS PA MTHU DANG LDAN PA SDOM PA LA GNAS PA LAS MNOD DO, ,MTHUN PA MED NA SANGS RGYAS DANG BYANG CHUB SEMS DPA' RNAMS MNGON DU BYAS LA, 'PHAGS PA 'JAM DPAL RGYAL PO NAM MKHA' ZHES BYA BAR GYUR PA NA BYANG CHUB TU SEMS BSKYED PA DE BZHIN DU BSKYED PAR BYA'O, ,DE LTAR SEMS BSKYED PA'I BYANG CHUB SEMS DPA' BDAG MA DUL NA GZHAN MI DUL BAR SHES NAS BDAG NYID SBYIN PA LA SOGS PA SGRUB PA LA RAB TU SBYOR RO, ,SGRUB PA MED PAR BYANG CHUB MI THOB BO, ,'DI LTA STE 'PHAGS PA GA YA GO'I RI LAS GSUNGS PA, BYANG CHUB NI SGRUB PA SNYING POR BYED PA'I BYANG CHUB SEMS DPA' SEMS DPA' CHEN PO RNAMS KYI YIN TE, LOG PAR SGRUB PA SNYING POR BYED PA RNAMS KYI NI MA YIN NO ZHE'O, ,'PHAGS PA TING NGE 'DZIN RGYAL PO LAS KYANG GSUNGS TE, DE LTA BAS NA SGRUB PA SNYING POR BYA'O ZHES GZHON NU KHYOD KYIS BSLAB PAR BYA'O, ,DE CI'I PHYIR ZHE NA, GZHON NU SGRUB PA SNYING POR BYED PA LA BLA NA MED PA YANG DAG PAR RDZOGS PA'I BYANG CHUB RNYED DKA' BA MA YIN @25B PA'I PHYIR RO, ,ZHE'O, ,BYANG CHUB SEMS DPA'I SGRUB PA DE YANG PHA ROL TU PHYIN PA DANG, TSAD MED PA DANG, BSDU BA'I DNGOS PO LA SOGS PA'I BYE BRAG YIN PAR 'PHAGS PA BLO GROS MI ZAD PAS BSTAN PA DANG, DKON MCHOG SPRIN LA SOGS PA'I MDO LAS RGYAS PAR BSHAD PA YIN NO, ,'DI LTAR 'JIG RTEN GYI BZO LA SOGS PA'I GNAS KYI BAR DAG LA YANG BYANG CHUB SEMS DPAS BSLAB PAR BYA BA YIN NA 'JIG RTEN LAS 'DAS PA'I BSAM GTAN LA SOGS PA LTA CI SMOS TE, DE LTA MA YIN NA SEMS CAN GYI DON GYI RNAM PA THAMS CAD JI LTAR BYA, BYANG CHUB SEMS DPA'I SGRUB PA DE YANG MDOR NA THABS DANG SHES RAB KYI NGO BO YIN TE, SHES RAB 'BA' ZHIG KYANG MA YIN TE, THABS 'BA' ZHIG KYANG MA YIN NO, ,DE YANG 'PHAGS PA DRI MA MED PAR GRAGS PAS BSTAN PA LAS KYANG SHES RAB DANG BRAL BA'I THABS DANG, THABS DANG BRAL BA'I SHES RAB NI BYANG CHUB SEMS DPA'I 'CHING BA'O ZHES GSUNGS SO, ,THABS DANG BCAS PA'I SHES RAB DANG, SHES RAB DANG BCAS PA'I THABS NI THAR PA'O ZHES BSNGAGS SO, ,'PHAGS PA GA YA GO'I RI LAS KYANG GSUNGS TE, BYANG CHUB SEMS DPA' RNAMS KYI LAM NI MDOR BSDU NA 'DI GNYIS TE, BYANG CHUB SEMS DPA' DAG LA LAM 'DI GNYIS DANG LDAN NA MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA'O, ,GNYIS GANG ZHE NA, 'DI LTA STE, THABS DANG, SHES RAB BO ZHE'O, ,DE LA SHES RAB KYI PHA ROL TU PHYIN PA MA GTOGS PAR SBYIN PA LA SOGS PA'I PHA ROL TU PHYIN PA DANG; BSDU BA'I DNGOS PO LA SOGS PA DANG ZHING YONGS SU DAG PA DANG, LONGS SPYOD CHEN PO DANG, G-YOG 'KHOR MANG PO PHUN SUM TSOGS PA LA SOGS PA DAG SEMS CAN YONGS SU SMIN PAR BYED PA DANG, SPRUL PA LA SOGS PA MNGON PAR MTHO BA'I CHOS SDUD PAR BYED PA'I DGE BA THAMS CAD NI THABS ZHES BYA'O, ,SHES RAB NI THABS DE'I NGO BO NYID PHYIN CI MA LOG PAR RTOGS PA'I RGYU YIN TE, DES YANG DAG PAR THABS KYI BYE BRAG PHYED NAS PHYIN CI LOG MED PAS BDAG DANG GZHAN GYI DON JI LTA BA BZHIN DU BSGRUBS PAS SNGAGS KYIS BTAB PA'I DUG ZA BA DANG 'DRA STE, KUN NAS NYON MONGS @26A *, ,PAR MI 'GYUR RO, ,DE SKAD DU MDO SDE DE NYID LAS BKA' STZAL TE, THABS NI BSDU BA SHES PA'O, ,SHES RAB NI YONGS SU SBYONG BA SHES PA'O ZHE'O, ,'PHAGS PA DAD PA'I STOBS BSKYED PA LAS KYANG GSUNGS TE, THABS LA MKHAS PA NI CHOS THAMS CAD YANG DAG PAR SDUD PA GANG YIN PA'O, ,SHES RAB GANG ZHE NA, GANG CHOS THAMS CAD MA 'DRES PA LA MKHAS PA'O, ,THABS DANG SHES RAB 'DI GNYIS NI SAR CHUD PA RNAMS KYIS KYANG DUS THAMS CAD DU BSTEN PAR BYA STE, SHES RAB 'BA' ZHIG NI MA YIN NO, ,'DI LTAR BYANG CHUB SEMS DPA'I SA BCU PO THAMS CAD LA YANG PHA ROL TU PHYIN PA THAMS CAD KUN TU SPYOD DE, SA BCU PA'I MDO LA SOGS PA LAS KYANG LHAG MA RNAMS KYANG KUN TU MI SPYOD PA MA YIN NO ZHES 'BYUNG NGO, ,SA BRGYAD PA LA BYANG CHUB SEMS DPA' ZHI BAR GNAS PA LA, SANGS RGYAS BCOM LDAN 'DAS RNAMS KYIS BSLANG PA DANG YANG 'GAL TE, 'DI LTAR DE LAS GSUNGS PA NI, KYE RGYAL BA'I SRAS DE LTAR BYANG CHUB SEMS DPA'I SA MI G-YO BA 'DI LA GNAS PA'I BYANG CHUB SEMS DPA' SNGON GYI SMON LAM GYI STOBS BSKYED PA DANG, CHOS KYI SGO'I RGYUN DE LA GNAS PA DE LA SANGS RGYAS BCOM LDAN 'DAS RNAMS DE BZHIN GSHEGS PA'I YE SHES NYE BAR SGRUB PAR MDZAD DO, ,DE LA 'DI SKAD CES KYANG BKA' STZAL TO, ,RIGS KYI BU LEGS SO LEGS SO, ,SANGS RGYAS KYI CHOS THAMS CAD RJES SU RTOGS PAR BYA BA LA 'DI NI DON DAM PA'I BZOD PA YANG YIN NA, 'ON KYANG GANG NGED KYI STOBS BCU DANG MI 'JIGS PA LA SOGS PA SANGS RGYAS KYI CHOS PHUN SUM TSOGS PA DE KHYED LA MED KYI, SANGS RGYAS KYI CHOS PHUN SUM TSOGS PA DE YONGS SU BTZAL BA'I PHYIR BRTZON 'GRUS RTZOMS SHIG ,BZOD PA'I SGO 'DI NYID KYANG MA DOR SHIG ,RIGS KYI BU KHYOD KYIS DE LTAR ZHI BA RNAM PAR THAR BA THOB KYANG BYIS PA SO SO'I SKYE BO MA ZHI BA, RAB TU MA ZHI BA, NYON MONGS PA SNA TSOGS KUN TU 'BYUNG BAR 'GYUR BA, RNAM PAR RTOG PA RNAM PA SNA TSOGS KYIS G-YAN SPYO BA 'DI DAG LA SOMS SHIG ,YANG RIGS KYI BU SNGON GYI SMON LAM DANG, SEMS CAN GYI DON THOB PAR BYA BA DANG, YE SHES KYI SGO BSAM GYIS @26B MI KHYAB PA DRAN PAR GYIS SHIG ,YANG RIGS KYI BU 'DI NI CHOS RNAMS KYI CHOS NYID DE, DE BZHIN GSHEGS PA RNAMS BYUNG YANG RUNG, MA BYUNG YANG RUNG, CHOS KYI DBYINGS 'DI NI GNAS PA NYID DE, 'DI LTAR CHOS THAMS CAD STONG PA NYID DANG, CHOS THAMS CAD DMIGS SU MED PA'O, ,'DIS NI DE BZHIN GSHEGS PA RNAMS NYI TSE RAB TU DBYE BAR BYA BA MA YIN GYI, NYAN THOS DANG RANG SANGS RGYAS THAMS CAD KYANG RNAM PAR MI RTOG PA'I CHOS NYID 'DI THOB BO, ,YANG RIGS KYI BU NGED KYI LUS TSAD MED PA DANG, YE SHES TSAD MED PA DANG, SANGS RGYAS KYI ZHING TSAD MED PA DANG, YE SHES MNGON PAR SGRUB PA TSAD MED PA DANG, 'OD KYI DKYIL 'KHOR TSAD MED PA DANG, DBYANGS KYI YAN LAG RNAM PAR DAG PA TSAD MED PA LA LTOS TE, KHYOD KYIS KYANG DE BZHIN DU MNGON PAR SGRUB PA SKYED CIG ,RIGS KYI BU GANG KHYOD KYI CHOS THAMS CAD LA RNAM PAR MI RTOG PA'I SNANG BA 'DI NI SNANG BA GCIG PUR ZAD DO, ,RIGS KYI BU DE BZHIN GSHEGS PA RNAMS LA NI CHOS SNANG BA 'DI 'DRA BA MTHA' YAS PAR 'GYUR TE, MDZAD PA MTHA' YAS SHING 'BREL BA MTHA' YAS PAR 'GYUR TE, GANG DAG GRANGS DANG, BGRANG BA DANG, TSAD DANG, DPE DANG, ZLA YANG MED PA DE DAG THOB PAR BYA BA'I PHYIR MNGON PAR SGRUB PA SKYED CIG ,RIGS KYI BU RE ZHIG PHYOGS BCU'I ZHING TSAD MED PA DANG, SEMS CAN TSAD MED PA DANG, CHOS RNAM PAR PHYE BA TSAD MED PA LA LTOS TE, JI LTA BA BZHIN BGRANG BAR GYIS SHIG CES DE SKAD BKA' STZAL TO, ,KYE RGYAL BA'I SRAS DAG DE LTAR BYANG CHUB SEMS DPA' DE LTA BU LA SANGS RGYAS BCOM LDAN 'DAS DE DAG YE SHES MNGON PAR SGRUB PA'I TSAD MED PA DE DAG LA SOGS PA GANG DAG GIS BYANG CHUB SEMS DPA' YE SHES RNAM PAR PHYE BA TSAD MED PA MNGON PAR SGRUB PA'I LAM MNGON PAR SGRUB PA DAG NYE BAR SGRUB PAR MDZAD DO, ,KYE RGYAL BA'I SRAS KHYOD MOS PAR BYA'O, ,KHYOD KYIS KHONG DU CHUD PAR BYA'O, ,GAL TE SANGS RGYAS BCOM LDAN 'DAS DE DAG GIS BYANG CHUB SEMS DPA' DE DE LTAR THAMS CAD MKHYEN PA'I YE SHES MNGON PAR SGRUB PA'I SGO DAG LA ZHUGS PAR MA MDZAD DU ZIN NA DE NI DE NYID DU YONGS SU MYA NGAN LAS 'DA' BAR 'GYUR TE, SEMS @27A *, ,CAN THAMS CAD KYI DON BYA BA YANG RGYUN CHAD PAR 'GYUR RO ZHES RGYA CHER 'BYUNG NGO, ,'PHAGS PA DRI MA MED PAR GRAGS PAS BSTAN PA DANG, GA YA GO'I RI LAS GSUNGS PA GONG DU SMOS PA YANG SPYIR BSHAD PA YIN PAS DE DANG YANG 'GAL LO, ,'PHAGS PA CHOS THAMS CAD SHIN TU RGYAS PAR BSDUS PA LAS BKA' STZAL PA DE DANG YANG 'GAL LO, ,DE NI 'DI SKAD BKA' STZAL TE, 'JAM DPAL DAM PA'I CHOS SPANG BA'I LAS KYI SGRIB PA NI PHRA'O, ,'JAM DPAL GANG LA LA DE BZHIN GSHEGS PAS GSUNGS PA'I BKA' LA LA NI BZANG BAR 'DU SHES, LA LA NI NGAN BAR 'DU SHES PA DE NI DAM PA'I CHOS SPANG BA'O, ,GANG CHOS SPANG BA DES CHOS SPANGS PAS DE BZHIN GSHEGS PA LA SKUR BA YIN NO ZHES RGYAS PAR BKA' STZAL TO, ,DE LAS YANG BKA' STZAL PA, MA PHAM PA BYANG CHUB SEMS DPA' RNAMS KYI PHA ROL TU PHYIN PA DRUG YANG DAG PAR SGRUB PA 'DI NI BYANG CHUB KYI PHYIR YIN NA, DE LA YANG MI BLUN PO DE DAG 'DI SKAD DU BYANG CHUB SEMS DPA' SHES RAB KYI PHA ROL TU PHYIN PA KHO NA LA BSLAB PAR BYA'O ZHES ZER ZHING, PHA ROL TU PHYIN PA LHAG MA RNAMS LA SUN 'BYIN TO, ,MA PHAM PA 'DI JI LTAR SEMS, NGA KA SHI KA'I RGYAL POR GYUR PA GANG YIN PA DES 'DI LTAR PHUG RON GYI PHYIR BDAG GI SHA KHRA LA BYIN PA DE SHES RAB 'CHAL PA YIN NAM, BYAMS PAS GSOL PA, BCOM LDAN 'DAS DE NI MA LAGS SO, ,BCOM LDAN 'DAS KYIS BKA' STZAL PA, BYAMS PA NGA BYANG CHUB SEMS DPA'I SPYAD PA SPYOD PA NA PHA ROL TU PHYIN PA DRUG DANG LDAN PA'I DGE BA'I RTZA BA DAG PAS GAS NA DGE BA'I RTZA BA DE DAG GIS GNOD PAR GYUR TAM, BYAMS PAS GSOL PA, DE NI MA LAGS SO, ,BCOM LDAN 'DAS KYIS BKA' STZAL PA, MA PHAM PA KHYOD KYIS BSKAL PA DRUG CUR SBYIN PA'I PHA ROL TU PHYIN PA YANG DAG PAR BSGRUBS, BSKAL PA DRUG CUR TSUL KHRIMS KYI PHA ROL TU PHYIN PA DANG, BSKAL PA DRUG CUR SHES RAB KYI PHA ROL TU PHYIN PA'I BAR DU YANG DAG PAR BSGRUBS NA, DE LA MI BLUN PO DE DAG 'DI SKAD DU TSUL GCIG KHO NAS BYANG CHUB STE, 'DI LTA STE STONG PA NYID KYI TSUL GYIS SO ZHES ZER RO ZHES RGYAS PAR 'BYUNG NGO, ,DE LTA BAS NA GNYI GA DUS THAMS @27B CAD DU YANG BYANG CHUB SEMS DPAS BSTAN PAR BYA BA KHO NA YIN NO, ,DE LTAR NA DE BZHIN GSHEGS PA'I MI GNAS PA'I MYA NGAN LAS 'DAS PA YANG 'GRUB PO, ,'DI LTAR SBYIN PA LA SOGS PA'I THABS KYIS GZUGS KYI SKU DANG, ZHING DANG, G-YOG 'KHOR LA SOGS PA LONGS SPYOD CHEN PO'I 'BRAS BU PHUN SUM TSOGS PA YONGS SU 'DZIN PAS BCOM LDAN 'DAS YONGS SU MYA NGAN LAS 'DAS PA LA YANG MI GNAS, SHES RAB KYIS PHYIN CI LOG YANG DAG PAR SPANGS PAS 'KHOR BA LA YANG MI GNAS TE, 'KHOR BA'I RTZA BA NI PHYIN CI LOG YIN PA'I PHYIR RO, ,SHES RAB DANG THABS KYI RANG BZHIN GYI LAM 'DIS SGRO 'DOGS PA DANG, SKUR BA'I MTHA' RNAM PAR SPANGS NAS DBU MA'I LAM BSTAN TE, SHES RAB KYIS NI SGRO 'DOGS PA'I MTHA' SPONG LA, THABS KYIS NI SKUR PA'I MTHA' SPONG BA'I PHYIR RO, ,DE BAS NA 'PHAGS PA CHOS YANG DAG PAR SDUD PA LAS KYANG BKA' STZAL TE, MTSAN DANG DPE BYAD BZANG PO'I GZUGS KYI SKU YONGS SU GRUB PA LA MNGON PAR DGA' BA YIN GYI, CHOS KYI SKU MNGON PAR RTOGS PA TZAM LA MNGON BAR DGA' BA NI MA YIN NO, ,ZHES SO, ,YANG BKA' STZAL PA, DE BZHIN GSHEGS PA NI SHES RAB DANG THABS KYIS BSKYED PA STE, GZHAN GYI DRING LA 'JOG PA YANG SRID PAR SHES PAR BYA'O ZHE'O, ,RNAM PAR SNANG MDZAD MNGON PAR RDZOGS PAR BYANG CHUB PA LAS KYANG, THAMS CAD MKHYEN PA'I YE SHES DE NI SNYING RJE'I RTZA BA LAS BYUNG BA YIN, BYANG CHUB KYI SEMS KYI RGYU LAS BYUNG BA YIN, THABS KYI MTHAR PHYIN PA YIN NO ZHES GSUNGS SO; ,GANG CHOS GZINGS DANG 'DRA BAR SHES PA RNAMS KYIS CHOS NYID KYANG SPANG BAR BYA NA, CHOS MA YIN PA LTA CI SMOS ZHES GSUNGS PA DE YANG PHYIN CI LOG TU MNGON PAR ZHEN PA SPANG BA'I PHYIR DE LA DGONGS TE SPANG NGO ZHES BKA' STZAL GYI, DGOS PA SGRUB PA'I PHYIR MI BRTAN PA YANG MA YIN NO, ,YANG 'DI SKAD DU GSUNGS TE, CHOS YONGS SU GZUNG MOD KYI LOG PAR MI GZUNG NGO ZHES BYA BA NI LAM LOG PAR GZUNG BAR MI BYA BA'I DON TO, ,KHA CIG LAS SBYIN PA LA SOGS PA 'KHOR BA'I 'BRAS BU BRJOD PA GANG YIN PA DE NI SHES RAB DANG BRAL BA'I SBYIN PA LA SOGS PA SNGAR BRJOD PA DANG, DE TZAM GYI DGE @28A *, ,BA'I RTZA BAS CHOG PAR 'DZIN PA RNAMS KYI DBANG DU MDZAD NAS, GONG NAS GONG DU DGE BA'I RTZA BA LA SPRO BAR BYA BA'I PHYIR RO, ,DE LTA MA YIN DU ZIN NA 'PHAGS PA DRI MA MED PAR GRAGS PAS BSTAN PA LA SOGS PA SNGAR SMOS PA THAMS CAD DANG YANG 'GAL BA KHO NAR 'GYUR RO; ,DE LTA BAS NA SHES RAB DANG THABS GNYIS KA BSTEN DGOS PA KHO NAR GNAS SO, ,DE LA SHES RAB KYIS YONGS SU ZIN PA'I SBYIN PA LA SOGS PA PHA ROL TU PHYIN PA'I MING THOB STE, GZHAN DU MA YIN NO, ,DE BAS NA SBYIN PA LA SOGS PA YONGS SU DAG PAR BYA BA'I PHYIR MNYAM PAR GZHAG PA LA GNAS PAR BYAS LA, SHES RAB BSKYED PA LA JE 'BAD PAR BYA'O, ,DE LA THOG MAR RE ZHIG THOS PA LAS BYUNG BA'I SHES RAB BSKYED PAR BYA STE, DES RE ZHIG LUNG GI DON KUN TU 'DZIN PAR BYED DO, ,DE NAS BSAMS PA LAS BYUNG BA'I SHES RAB KYIS NGES PA DANG DRANG BA'I DON RNAM PAR 'BYED PAR BYED DO, , DE NAS DES BYE BRAG PHYED PA'I DON LA BRTEN NAS YANG DAG PA KHO NA'I DON BSGOM PAR BYA'I, YANG DAG PA MA YIN PA DE NI MA YIN NO, ,DE LTA MA YIN DU ZIN NA PHYIN CI LOG TU BSGOMS SHING THE TSOM YANG MA BSTZAL BAS YANG DAG PA'I SHES PA YANG 'BYUNG BAR MI 'GYUR TE, DE'I PHYIR BSGOM PA DON MED PAR 'GYUR BAS MU STEGS CAN RNAMS KYIS BSGOM PA DANG 'DRA'O, ,BCOM LDAN 'DAS KYIS TING NGE 'DZIN GYI RGYAL PO LAS KYANG BKA' STZAL TE, GAL TE CHOS LA BDAG MED SO SOR RTOG ,SO SOR DE BRTAGS GAL TE BSGOM PA NI, ,DE NYID MYA NGAN 'DAS THOB 'BRAS BU'I RGYU, ,RGYU GZHAN GANG YIN DE NI ZHI MI 'GYUR, , ZHA'O, ,DE LTA BAS NA BSAMS PA'I SHES RAB KYIS RIGS PA DANG LUNG GIS BRTAGS LA YANG DAG PA KHO NA'I DNGOS PO'I RANG GI NGO BO BSGOM PAR BYA'O, ,YANG DAG PA'I DNGOS PO'I RANG GI NGO BO NI DON DAM PAR NA SKYE BA MED PA KHO NA STE, RIGS PA DANG LUNG GIS GTAN LA DBAB BO, DE LA LUNG NI 'PHAGS PA CHOS YANG DAG PAR SDUD PA LAS SKYE BA MED PA NI BDEN NO, ,SKYE BA LA SOGS PA'I CHOS GZHAN NI MI BDEN NO ZHES JI SKAD DU GSUNGS PA LTA BU'O, ,DE YANG DON DAM PA DANG MTHUN PA'I PHYIR SKYE BA MED PA BDEN NO ZHES GSUNGS KYI, DON DAM PAR NI SKYE BA YANG MA YIN, MI SKYE BA YANG MA YIN TE, DE THA SNYAD THAMS CAD @28B LAS 'DAS PA'I PHYIR RO, ,YANG DE NYID LAS BKA' STZAL PA, RIGS KYI BU 'JIG RTEN LA GNAS PA NI 'JIG PA DANG 'BYUNG BA LA MNGON PAR ZHEN TE, DE'I PHYIR DE BZHIN GSHEGS PA THUGS RJE CHEN PO DANG LDAN PAS 'JIG RTEN GYI SKRAG PA'I GNAS BSAL BA'I PHYIR THA SNYAD KYI DBANG GIS SKYE'O, , 'GAG GO ZHES GSUNGS KYI, 'DI LA NI CHOS GANG YANG SKYE BA MED DO ZHE'O, ,'PHAGS PA SANGS RGYAS KYI CHOS YANG DAG PAR SDUD PA LAS KYANG BKA' STZAL TE, TSUL BZHIN 'DRI BA NI GANG LAGS, TSUL BZHIN NI GANG LAGS, BKA' STZAL PA, SKYE BA MED PA NI TSUL BZHIN NO, ,DE 'DRI BA NI TSUL BZHIN 'DRI BA'O ZHE'O, ,YANG DE NYID LAS BKA' STZAL PA, CHOS THAMS CAD NI TZA'I SGO STE, 'CHI 'PHO DANG SKYE BA DANG BRAL PA DAG GO, ,CHOS THAMS CAD NI NGO BO NYID KYI SGO STE, NGO BO NYID KYIS STONG PA NYID KYI PHYIR RO ZHES 'BYUNG NGO, ,'PHAGS PA BDEN PA GNYIS RNAM PAR 'GYED PA LAS KYANG, SKYE BA MED PAR MNYAM PA NYID KYIS CHOS THAMS CAD MNYAM PA NYID DO ZHES BRJOD DO, ,SHES RAB KYI PHA ROL TU PHYIN PA LAS KYANG, RAB 'BYOR GZUGS NI GZUGS KYI NGO BO NYID KYIS STONG NGO, ,RNAM PAR SHES PA'I BAR DU RNAM PAR SHES PA'I NGO BO NYID KYIS STONG STE, RANG GI MTSAN NYID KYIS STONG PA NYID KYI PHYIR RO ZHES BKA' STZAL TO, ,GLANG PO'I RTZAL LAS KYANG, GANG LA SKYE BA SRID PA YI, ,DNGOS PO GANG YANG MI DMIGS TE, ,'BYUNG BA MED PA'I DNGOS RNAMS LA, ,BYIS PA DAG NI 'BYUNG BAR 'DOD, ,CES GSUNGS SO, ,YAB DANG SRAS MJAL BA LAS KYANG, CHOS 'DI DAG THAMS CAD NI DUS GSUM DU MNYAM PA NYID KYIS MNYAM PA DAG STE, 'DAS PA'I DUS NA YANG CHOS THAMS CAD NGO BO NYID MED PA NA DA LTAR BYUNG BA'I DUS KYI BAR DU NGO BO NYID DANG BRAL BA'O ZHES BKA' STZAL TE, DE LTAR RE ZHIG LUNG GIS BRTAG PAR BYA'O, ,RIGS PAS BRTAG PAR BYAS NA LUNG GI DON GUD DU BKRI MI NUS TE, DE BAS NA RIGS PAS SO SOR BRTAG PAR BYA'O, ,DE LA RIGS PA MNGON BRJOD PAR BYA STE, DNGOS PO RNAMS KYI SKYE BA RGYU MED PA LAS 'BYUNG BA ZHIG GAM, RGYU YOD PA LAS 'BYUNG BA ZHIG TU 'GYUR GRANG NA, RES 'GA' BA YIN PAR SNANG BA'I PHYIR RGYU MED @29A *, ,PA LAS 'BYUNG BA MA YIN TE, RGYU LA MI LTOS PAR BYE BRAG MED PA'I PHYIR SKYE BA'I DUS BZHIN DU RTAG TU THAMS CAD DNGOS PO RNAMS CI'I PHYIR MI 'BYUNG, DNGOS PO MED PA'I DUS DANG YANG BYE BRAG MED PAS SKYE BA'I DUS NA YANG 'BYUNG BAR MI RIGS SO, ,DE LTAR RE ZHIG RGYU MED PA LAS 'BYUNG DU MI RUNG NGO, ,RGYU YOD PA LAS 'BYUNG BA'ANG MA YIN TE, ,'DI LTAR MU STEGS CAN RNAMS KYIS DBANG PHYUG LA SOGS PA RTAG PA RGYUR BTAGS PA DE LAS KYANG DNGOS PO RNAMS MI SKYE STE, RIM GYIS 'BYUNG BAR SNANG BA'I PHYIR RO, ,RGYU MA TSANG BA MED PA'I 'BRAS BU NI RIM GYIS 'GYUR BA MI RIGS TE, LTOS PA MED PA'I PHYIR RO, ,DBANG PHYUG LA SOGS PA BDAG NYID LA MTHU YOD PA NI GZHAN LA LTOS PA MED DE, RTAG PA YIN PAS DE LA GZHAN DAG GIS PHAN GDAGS MI DGOS PA'I PHYIR RO, ,PHAN MI 'DOGS PA LA LTOS PAR YANG MI RUNG NGO, ,DE BAS NA DBANG PHYUG LA SOGS PA NUS PA THAMS CAD KYIS STONG PA'I PHYIR MO GSHAM GYI BU LA SOGS PA BZHIN DU NGO BO NYID MED PA KHO NA YIN NO, ,DNGOS PO NI DON BYED NUS PA'I MTSAN NYID YIN NA DE DAG NI GANG DU YANG 'BRAS BU RIM GYIS SKYED KYANG MI NUS TE, GONG DU BRTAGS PA YIN NO, ,CIG CAR YANG MI SKYE STE, 'DI LTAR 'BRAS BU THAMS CAD CIG CAR BSKYED NAS, PHYIN CHAD KYANG GAL TE DE KHO NA BZHIN DU DE NYID BSKYED NUS NA NI DE'I TSE NUS PA'I RANG BZHIN RJES SU 'JUG BAS SNGA MA BZHIN DU 'BRAS BU SKYE BAR 'GYUR RO, ,RJES SU MI 'JUG NA NI SNGA MA'I NGO BO NYID BOR BAS MI RTAG PAR 'GYUR RO, ,DE BAS NA RTAG PA ZHES BYA BA'I DNGOS PO GANG YANG MED DO, ,DE NYID KYI PHYIR BCOM LDAN 'DAS KYIS BKA' STZAL PA, BLO GROS CHEN PO 'DI LTA STE, NAM MKHA' DANG, 'GOG PA DANG, MYA NGAN LAS 'DAS PA LA SOGS PA MA BYAS PA'I DNGOS POR MNGON PAR ZHEN CING SGRO 'DOGS PA NI MED PA LAS SGRO 'DOGS PA YIN NO ZHES SO, ,DE LTAR RE ZHIG DE DAG NI RTAG PA LAS SKYER MI RUNG NGO, ,MI RTAG PA LAS KYANG MA YIN TE, DE LAS 'DAS PA DANG MA 'ONGS PA NI DNGOS PO MED PAS DE LAS SKYES ZHES BYAR MI RUNG STE, RGYU MED PA LAS SKYE BAR 'GYUR BA'I PHYIR RO, ,DUS MNYAM PA DANG MI MNYAM PA DE LAS MI SKYE @29B BA'I PHYIR DA LTAR GYI LAS KYANG MI SKYE'O, ,'DI LTAR RE ZHIG DUS MNYAM PA LAS MA YIN PA NI RGYU'I NGO BO NYID DANG 'DRA BAR 'BRAS BU YANG DE DANG DUS GCIG TU 'BYUNG STE, GRUB PA'I PHYIR RO, ,DUS THA DAD PA LAS KYANG MI SKYE STE, DUS GZHAN GYIS CHOD DE SKYE NA NI 'DAS PA LA SOGS PA LAS SKYE BAR 'GYUR BA'I PHYIR RO, ,BAR DU MA CHOD PAR SKYE NA GAL TE BDAG NYID THAMS CAD KYIS BAR DU MA CHOD NA NI SKAD CIG GCIG TU SKAD CIG THAMS CAD CHUD PAS BSKAL PA YANG SKAD CIG TZAM DU 'GYUR TE, DPER NA RDUL PHRA RAB RNAMS BDAG NYID THAMS CAD KYIS 'DRES NAS GONG BU RDUL PHRA MO TZAM NYID DU 'GYUR BA BZHIN NO, ,JI STE PHYOGS GCIG GIS PHRAD NA NI DE'I TSE SKAD CIG LA CHA SHAS YOD PAR 'GYUR RO, ,BDAG NYID KYANG MI SKYE STE RGYU MED PA LAS BYUNG BA KHO NA'O, ,PHYOGS KYI NANG DU PHYOGS 'DI 'DUS PA'I PHYIR TE, BDAG NYID LA BYED PA 'GAL BA'I PHYIR RO, ,GNYIS KA LAS KYANG MA YIN TE, PHYOGS GNYIS KA'I SKYON 'DU BAR 'GYUR BA'I PHYIR RO, ,DE LTA BAS NA DON DAM PAR DNGOS PO 'DI DAG THAMS CAD NI MA SKYES PA KHO NA YIN LA, KUN RDZOB TU NI SKYE BA YOD PAS LUNG LA SOGS PA DANG YANG MI 'GAL LO, ,DE SKAD BCOM LDAN 'DAS KYIS KYANG BKA' STZAL TE, DNGOS PO SKYE BA KUN RDZOB TU, ,DAM PA'I DON DU RANG BZHIN MED, ,RANG BZHIN MED LA 'KHRUL PA GANG, ,DE NI YANG DAG KUN RDZOB 'DOD, ,CE'O, ,RIGS PA 'DI BCOM LDAN 'DAS KYIS KYANG DGONGS TE, SNGA LU LJANG PA LA SOGS PA LAS, BDAG DANG GZHAN DANG GNYIS KA DANG RGYU MED PA LAS SKYE BA BKAG PA'I PHYIR RO, ,RNAM PA GCIG TU NA 'DI LTAR RIGS PAS RNAM PAR DPYAD PAR BYA STE, DNGOS PO RNAMS NI RNAM PA GNYIS TE, GZUGS CAN DANG, GZUGS CAN MA YIN PA'O, ,DE LA RE ZHIG GZUGS CAN BUM PA LA SOGS PA DE DAG NI RDUL PHRA MO THA DAD PA'I NGO BO NYID YIN PAS NA RANG BZHIN GCIG PA MA YIN NO, ,RDUL PHRA MO SHAR NUB NA GNAS PA RNAMS KYANG SHAR LA SOGS PA'I PHYOGS DANG LDAN PA NYID KYIS THA DAD PA RNAMS KYANG RNAM PAR PHYE NA MI 'GRUB PA'I PHYIR RDUL PHRA MO RNAMS NI BSAGS PA'I BDAG NYID YIN PAS NA, DU MA'I RANG BZHIN @30A *, ,YANG MA YIN NO, ,GCIG DANG DU MA'I NGO BO NYID LAS MA GTOGS PA DNGOS PO'I NGO BO NYID GZHAN MED PAS DNGOS PO GZUGS CAN 'DI DAG NI RMI LAM LA SOGS PAR DMIGS PA'I GZUGS LA SOGS PA BZHIN DU DON DAM PAR NGO BO NYID MED PA KHO NA'O, ,DE YANG 'PHAGS PA LANG KAR GSHEGS PA LAS BCOM LDAN 'DAS KYIS BKA' STZAL PA, BLO GROS CHEN PO GLANG GI RVA YANG RDUL PHRA MOR BSHIG NA MI 'DUG GO, ,RDUL PHRA MO RNAMS KYANG SO SOR BSHIG NA RDUL PHRA MO'I MTSAN NYID LAS MI GNAS SO ZHES SO, ,GANG DAG GZUGS MED PA DE DAG KYANG DE BZHIN DU BRTAGS NA NGO BO NYID MED PA KHO NA STE, 'DI LTAR PHYI ROL GYI SNGON PO LA SOGS PA'I DON MED PA'I STOBS KYIS RNAM PAR SHES PA LA SOGS PA PHUNG PO GZUGS CAN MA YIN PA DE DAG NYID SNGON PO LA SOGS PA'I NGO BOR KHAS BLANG DGOS SO, ,BCOM LDAN 'DAS KYIS KYANG, PHYI ROL GZUGS NI YOD MIN TE, ,RANG GI SEMS NI PHYI ROL SNANG, ,ZHES BKA' STZAL TO, ,DE BAS NA SNGON PO LA SOGS PA SNA TSOGS KYI RNAM PAR SNANG BA'I PHYIR DANG, GZUNG BA DANG 'DZIN PA'I RNAM PAR SNANG BA'I PHYIR NGO BO NYID GCIG TU MI RUNG STE, GCIG DANG DU MA MI MTHUN PA'I PHYIR GCIG NI DU MA'I NGO BO NYID KHO NAR MI RUNG NGO, ,GANG GI NGO BO NYID GCIG TU MA GRUB PA'I PHYIR DU MA'I NGO BOR YANG MI RUNG STE, DU MA NYID NI GCIG 'DUS PA'I NGO BO NYID YIN PA'I PHYIR RO, ,JI STE GZUGS LA SOGS PA'I RNAM PA 'DI DAG BRDZUN PA NYID DU SNANG BAR KHAS LEN NA RNAM PAR SHES PA'ANG MI BDEN PAR 'GYUR TE, RNAM PAR SHES PA DE'I NGO BO NYID DANG THA DAD PA MA YIN PA'I PHYIR RO, ,BDAG NYID RTOGS PA'I NGO BO LAS GUD NA RNAM PAR SHES PA'I NGO BO MED LA, GZUGS LA SOGS PA'ANG BDAG NYID KYIS SNANG BAR BYED NA RNAM PAR SHES PA'I RANG GI NGO BOR GYUR PA RNAMS BRDZUN PA NYID YIN PAS RNAM PAR SHES PA THAMS CAD KYANG BRDZUN PA YIN PAR KHAS BLANGS PAR GYUR TO, ,RNAM PAR SHES PA NI SGYU MA DANG 'DRA'O ZHES BCOM LDAN 'DAS KYIS KYANG BKA' STZAL TO, ,DE LTA BAS NA GCIG DANG DU MA'I NGO BO NYID KYIS STONG PA'I PHYIR DNGOS PO 'DI DAG THAMS CAD DON DAM PAR BDEN PA MA YIN NO ZHES BYA BA DE NGES SO, ,DE'I DON BCOM LDAN 'DAS KYIS KYANG 'PHAGS PA @30B LANG KAR GSHEGS PA LAS, JI LTAR GZUGS RNAMS ME LONG LA, ,GCIG DANG GZHAN RNAMS RNAM SPANGS PAR, ,SNANG YANG DE NI YOD MA YIN, ,DE BZHIN DNGOS RNAMS NGO BO NYID, ,CES BKA' STZAL TO, ,GCIG PA NYID DANG DU MA NYID BRAL ZHES BYA BA'I TSIG GO, ,YANG BKA' STZAL PA; ,BLO YIS RNAM PAR GZHIGS NA GO, ,NGO BO NYID NI GZUNG DU MED, ,DE PHYIR DE DAG BRJOD MED CING, ,NGO BO NYID KYANG MED PAR BSHAD, ,CE'O, ,DE LTAR BSAMS PA'I SHES RAB KYIS YANG DAG PA'I DON BYE BRAG PHYED PAR BYAS LA DE MNGON SUM BYA BA'I PHYIR BSGOMS PA'I SHES RAB BSKYED DO, , THOS PA LA SOGS PA TZAM GYIS DON MNGON SUM DU MI 'GYUR RO ZHES 'PHAGS PA DKON MCHOG SPRIN LA SOGS PA LAS BSTAN PA YIN NO, ,SGRUB PA PO RNAMS LA YANG NYAMS YOD DE, SHES PA'I SNANG BA RNAMS SHIN TU GSAL BA 'BYUNG BA MED PA YANG DAG PAR SGRIB PA'I MUN PA MI SPONGS SO, ,BSGOM PA LAN MANG DU BYAS NA YANG DAG PA MA YIN PA'I DON LA YANG SHES PA SHIN TU GSAL BA 'BYUNG STE, DPER NA MI SDUG PA DANG ZAD PAR SA LA SOGS PA LA SNYOMS PAR ZHUGS PA RNAMS KYI SHES PA 'BYUNG BA LTA BU YIN NA YANG DAG PA'I DON LTA CI SMOS, DE LTAR BSGOMS PA'I 'BRAS BU NI YONGS SU GSAL BA'I SHES PA YIN PAS 'BRAS BU DANG BCAS PA'I DON YIN PAR BCOM LDAN 'DAS KYIS TING NGE 'DZIN GYIS RGYAL PO LAS BKA' STZAL TE, KHYOD KYIS KHONG DU CHUD PAR BYA, MOS PAR BYA, JI LTA JI LTAR MANG DU MIS BRTAGS NA, ,DE LA GNAS PA'I RNAM PAR RTOG PA DES, ,DA LTA DE LTAR DE LA SEMS GZHOL BAR 'GYUR, ,ZHES DE LA SOGS PA RGYA CHER 'BYUNG NGO, ,DE LTA BAS NA DE KHO NA MNGON SUM DU BYA BA'I PHYIR BSGOM PA LA RAB TU 'JUG DGO, ,DE LA RNAL 'BYOR PAS SEMS GNAS PAR BYA BA'I PHYIR THOG MA KHO NAR RE ZHIG ZHI GNAS BSGRUB PAR BYA'O, ,SEMS NI CHU BZHIN DU G-YO BA'I PHYIR ZHI GNAS KYI GZHI MED PAR GNAS PA MED DO, ,MNYAM PAR MA BZHAG PA'I SEMS KYIS NI YANG DAG PA JI LTA BA BZHIN DU SHES PAR MI NUS TE, BCOM LDAN 'DAS KYIS KYANG MNYAM PAR BZHAG PAS YANG DAG PA JI LTA BA BZHIN DU SHES SO ZHES BKA' STZAL TO, ,ZHI GNAS DE NI RNYED PA LA SOGS PA LA @31A *, ,'DOD PA LA MI LTA ZHING TSUL KHRIMS LA LEGS PAR GNAS LA SDUG BSNGAL LA SOGS PA DANG DU LEN PA'I NGANG TSUL CAN DU GYUR LA BRTZON 'GRUS BRTZAMS NA SHIN TU MYUR DU 'GRUB BO, ,DE BAS NA 'PHAGS PA DGONGS PA NGES PAR 'GREL PA LA SOGS PA LAS KYANG SBYIN PA LA SOGS PA GONG MA'I YANG GONG MA'I RGYU NYID YIN PAR BSTAN TO, ,DE LTAR TSUL KHRIMS LA SOGS PA ZHI GNAS KYI TSOGS RNAMS LA GNAS TE, YID DU 'ONG BA'I SA PHYOGS SU SANGS RGYAS DANG BYANG CHUB SEMS DPA' THAMS CAD LA PHYAG LA SOGS PA BYA ZHING, SDIG PA BSHAGS PA DANG BSOD NAMS KYI RJES SU YI RANG BA YANG BYAS NAS, SNYING RJE CHEN PO KHO NA MNGON SUM DU BYAS PAS 'GRO BA MTHA' DAG GDON PA'I BSAM PA CAN DU GYUR NAS LUS DRANG POR BSRANGS LA STAN BDE BA'I STENG DU 'DUG STE, SKYIL MO KRUNG BCAS LA TING NGE 'DZIN MNGON PAR SGRUB BO, DE LA THOG MAR RE ZHIG MDOR BSDU NA RNAM PA JI SNYED KYIS RNAM PAR DPYAD PAR BYA BA DNGOS PO MTHA' DAG 'DU BAR 'GYUR BA'I DNGOS PO GANG YIN PA DE LA SEMS GZHAG PAR BYA'O, ,DNGOS PO 'DUS PA NI GZUGS CAN DANG, GZUGS CAN MA YIN PA'I BYE BRAG GIS RNAM PA GNYIS TE, LAS DANG PO BA'I RNAM PAR G-YENG BA'I NYES PA BSAL BA'I PHYIR RE ZHIG 'DUS PA DE LA NI DMIGS PA'I RIGS SO, ,GANG GI TSE YID LA BYED PA KHUGS PAR GYUR PA DE'I TSE PHUNG PO DANG KHAMS LA SOGS PA'I BYE BRAG GIS RGYAS PAR YANG DMIGS PAR BYED PA KHO NA STE, 'DI SKAD DGONGS PA NGES PAR 'GREL PA LA SOGS PA LAS KYANG RNAL 'BYOR PA RNAMS KYI STONG PA NYID RNAM PA BCO BRGYAD LA DMIGS PA LA SOGS PA'I BYE BRAG GIS DMIGS PA'I RNAM PA KUN TU BKA' STZAL TO, ,DE BAS NA BCOM LDAN 'DAS KYIS SEMS CAN THAMS CAD LA PHAN GDAGS PA'I PHYIR GZUGS CAN DANG GZUGS CAN MA YIN PA LA SOGS PA'I BYE BRAG GIS MDOR BSDUS PA DANG BAR MA DANG, RGYAS PA DAG GIS DNGOS POR RAB TU DBYE BA CHOS MNGON PA LA SOGS PA LAS BSTAN TO, ,DE YANG DNGOS PO LA SGRO 'DOGS PA DANG SKUR BA SPANG BA'I PHYIR PHUNG PO DANG KHAMS LA SOGS PAR BSDUS PA'I SGO NAS BGRANG NGO, ,DE NAS DNGOS PO THAMS CAD BSDUS PA'I BYE BRAG PHYED NAS DE NYID @31B LA SEMS YANG DANG YANG RGYUN DU 'JUG PAR BYA'O, ,GANG GI TSE BAR SKABS SU 'DOD CHAGS LA SOGS PAS SEMS PHYI ROL DU RNAM PAR G-YENG BAR BYED PA DE'I TSE RNAM PAR G-YENG BAR SHES PAR BYAS LA MI SDUG PA LA SOGS PA BSGOMS PAS RNAM PAR G-YENG BA ZHI BAR BYAS SHING MYUR DU DE NYID LA SEMS PHYI PHYIR GZHUG PAR BYA'O, , MI SDUG PA LA SOGS PA BSGOM PA'I GO RIMS 'DIR YI GE MANGS KYIS DOGS TE MA BRIS SO, ,GANG GI TSE LA MI DGA' BAR MTHONG BA DE'I TSE TING NGE 'DZIN GYI YON TAN LA LTA BAS DE LA DGA' BA BSGOM ZHING RNAM PAR G-YENG BA LA NYES PAR LTA BAS MI DGA' BA RAB TU ZHI BAR BYA'O, ,JI STE GANG GI TSE RMUGS PA DANG GNYID KYIS NON TE, DMIGS PA 'DZIN PA LA MI GSAL ZHING SEMS BYING BAR GYUR PA DE'I TSE SNANG BA'I 'DU SHES BSGOMS PA'AM, MCHOG TU DGA' BA'I DNGOS PO SANGS RGYAS LA SOGS PA'I YON TAN YID LA BYED PAS BYING BA BSAL LA DMIGS PA DE NYID DAM DU BZUNG NGO, ,JI STE GANG GI TSE DE SNGON DGOD PA DANG RTZE BA LA SOGS PA DRAN ZHING BAR BAR DU SEMS RGOD PAR MTHONG BA DE'I TSE MI RTAG PA LA SOGS PA YID 'BYUNG BAR 'GYUR BA'I DNGOS PO YID LA BYED PAS RGOD PA ZHI BAR BYA'O, ,DE NAS YANG DMIGS PA DE NYID LA SEMS MNGON PAR 'DU BYED PA MED PAR 'JUG PA LA 'BAD PAR BYA'O, , GANG GI TSE BYING BA DANG RGOD PA GNYIS KA DANG BRAL TE MNYAM PAR 'JUG CING SEMS RANG GI NGANG GIS 'BYUNG BAR MTHONG BA DE'I TSE RTZOL BA KLONG DE BTANG SNYOMS SU BYA'O, ,GAL TE MNYAM PAR 'JUG PA LA RTZOL BA BYAS NA SEMS RNAM PAR G-YENG BAR 'GYUR RO, ,GANG GI TSE DMIGS PA DE NYID LA MNGON PAR 'DU BYED PA MED PAR JI SRID 'DOD PA'I BAR DU SEMS 'JUG PAR 'GYUR BA DE'I TSE ZHI GNAS RDZOGS PA YIN PAR RIG PAR BYA STE, ZHI GNAS KYI NGO BO NYID NI SEMS RTZE GCIG PA TZAM DU ZAD PA'I PHYIR 'DI NI ZHI GNAS THAMS CAD KYI SPYI'I MTSAN NYID YIN NO, ,DE'I DMIGS PA LA NI NGES PA MED DO, ,ZHI GNAS KYI LAM 'DI NI SHES RAB KYI PHA ROL TU PHYIN PA LA SOGS PA LAS KYANG BSHAD DE, BKA' STZAL PA, DE DANG DE LA SEMS 'JOG GO, ,RGYUN DU 'JOG GO, ,BLAN TE 'JOG GO, ,NYE BAR 'JOG GO, ,'DUL BAR BYED DO, ,ZHI BAR BYED DO, ,RNAM PAR ZHI BAR BYED DO, ,RTZE GCIG TU BYED DO, ,MNYAM @32A *, ,PAR 'JOG GO ZHES TSIG DGU SMOS SO, ,DE LA 'JOG CES BYA BA NI DMIGS PA LA SEMS 'DOGS PA'O, ,RGYUN DU 'JOG CES BYA BA NI DMIGS PA DE NYID LA RGYUN DU 'JOG PA'O, ,BLAN TE 'JOG CES BYA BA NI RNAM PAR G-YENG BA SHES NAS DE SPONG BA'O, ,NYE BAR 'JOG CES BYA BA NI RNAM PAR G-YENG BA SPANGS NAS PHYI PHYIR BRTUN TE DMIGS PA DE NYID LA 'JOG PA'O, ,'DUL BAR BYED DO ZHES BYA BA NI DGA' BA BSKYED PA'O, ,ZHI BAR BYED DO ZHES BYA BA NI RNAM PAR G-YENG BA'I NYES PA MTHONG NAS MI DGA' BAR RAB TU ZHI BAR BYED DO, ,RNAM PAR ZHI BAR BYED PA NI RMUGS PA DANG GNYID LA SOGS PA LANGS PA RNAMS SEL BA'O, ,RTZE GCIG TU BYED PA NI MNGON PAR 'DU BYED PA MED PAS 'JUG PAR 'BAD PAR BYED PA'O, ,MNYAM PAR 'JOG CES BYA BA NI SEMS MNYAM PAR GYUR PA NA BTANG SNYOMS SU BYED PA STE, MNYAM PAR 'DZIN CES BYA BA'I THA TSIG GO, ,TSIG 'DI RNAMS KYI DON 'DI NI 'PHAGS PA BYAMS PA DANG, SNGON GYI MKHAN PO RNAMS KYIS BSHAD DO, ,MDOR NA TING NGE 'DZIN THAMS CAD KYI NYES PA DRUG YOD DE, LE LO DANG, DMIGS PA BRJED PA DANG, BYING BA DANG, RGOD PA DANG, MI RTZOL BA DANG, RTZOL BA'O, ,DE RNAMS KYI GNYEN POR SPONG BA'I 'DU BYED BRGYAD BSGOM MO, 'DI LTA STE, DAD PA DANG, 'DUN PA DANG, RTZOL BA DANG, SHIN TU SBYANGS PA DANG, DRAN PA DANG, SHES BZHIN DANG, SEMS PA DANG, BTANG SNYOMS SO, ,DE LA GONG MA BZHI NI LE LO'I GNYEN PO STE, 'DI LTAR TING NGE 'DZIN GYI YON TAN DAG LA MNGON PAR YID CHES PA'I MTSAN NYID DANG LDAN PA'I DAD PA RNAL 'BYOR PA RNAMS DE LA 'DOD PA SKYE'O, ,DE NAS 'DOD PAS BRTZON 'GRUS RTZOM MO, DE BRTZON 'GRUS KYI STOBS KYIS LUS DANG SEMS LAS SU RUNG BA NYID BYED DO, ,DE NAS LUS DANG SEMS SHIN TU SBYANGS PAR GYUR PAS LE LO LDOG STE, DE BAS NA DAD PA LA SOGS PA NI LE LO SPANG BA'I PHYIR BSGOM MO, ,DRAN PA NI DMIGS PA BRJED PA'I GNYEN PO'O, ,SHES BZHIN NI BYING BA DANG RGOD PA'I GNYEN PO STE, DES BYING BA DANG RGOD PA YANG DAG PAR RTOGS PA'I PHYIR RO, ,BYING BA DANG RGOD PA RAB TU MA ZHI BA'I DUS NA MI RTZOL BA NYES PA STE, DE'I GNYEN @32B POR SEMS PA BSGOM MO, BYING BA DANG RGOD PA RAB TU ZHI STE, GANG GI TSE SEMS RNAL DU 'JUG PA DE'I TSE RTZOL BA NYES PA YIN TE, DE'I GNYEN POR DE'I TSE BTANG SNYOMS BSGOM MO, ,SPONG BA'I 'DU BYED BRGYAD PO DE DAG DANG LDAN NA TING NGE 'DZIN SHIN TU KHUGS PA YIN TE, DES RDZU 'PHRUL LA SOGS PA YON TAN RNAMS SGRUB PAR BYED DO, ,DE LTA BAS NA MDO SDE LAS SPONG BA'I 'DU BYED BRGYAD DANG LDAN PA'I RDZU 'PHRUL GYI RKANG PA BSGOM MO ZHES BKA' STZAL TO, ,SEMS RTZE GCIG PA DE PHYI PHYIR LAS SU RUNG BA NYID DANG LDAN ZHING DMIGS PA LA SOGS PA'I YON TAN GYI KHYAD PAR THOB PAS BSAM GTAN DANG, GZUGS MED PA'I SNYOMS PAR 'JUG PA DANG, RNAM PAR THAR PA LA SOGS PA'I MING THOB BO, ,'DI LTAR GANG GI TSE BTANG SNYOMS KYI TSOR BA DANG LDAN ZHING RTOG PA DANG BCAS PA DANG, DPYOD PA DANG BCAS PAR GYUR PA DE'I TSE MI LCOGS PA MED PA ZHES BYA STE, BSAM GTAN DANG PO'I SBYOR BA'I SEMS SO, ,GANG GI TSE 'DOD PA'I SRED PA DANG, SDIG PA'I CHOS RNAMS DANG BRAL ZHING RTOG PA DANG, DPYOD PA DANG, DGA' BA DANG, BDE BA DANG LDAN PAR GYUR PA DE'I TSE BSAM GTAN DANG PO ZHES BYA'O, ,BSAM GTAN DANG PO DE NYID LAS RTOG PA TZAM MED PA DE NI BSAM GTAN KHYAD PAR CAN ZHES BYA'O, ,GANG GI TSE RTOG PA DANG DPYOD PA DANG BRAL TE BSAM GTAN DANG PO'I SA'I SRED PA DANG BRAL BAR GYUR NAS DGA' BA DANG BDE BA DANG, NANG YONGS SU DANG BDAG DANG LDAN PAR GYUR PA DE'I TSE BSAM GTAN GNYIS PA ZHES BYA'O, ,GANG GI TSE BSAM GTAN GNYIS PA'I SA'I SRED PA DANG BRAL BAR GYUR TE BDE BA DANG, BTANG SNYOMS DANG, DRAN PA DANG, SHES BZHIN DAG DANG LDAN PAR GYUR PA DE'I TSE BSAM GTAN GSUM PA ZHES BYA'O, ,GANG GI TSE BSAM GTAN GSUM PA'I SA'I SRED PA DANG BRAL TE SDUG BSNGAL YANG MA YIN BDE BA YANG MA YIN ZHING, BTANG SNYOMS DANG, DRAN PA DAG DANG LDAN PAR GYUR PA DE'I TSE BSAM GTAN BZHI BA ZHES BYA'O, ,DE BZHIN DU GZUGS MED PA'I SNYOMS PAR 'JUG PA DANG, RNAM PAR THAR PA DANG, ZIL GYIS GNON PA'I SKYE MCHED LA SOGS PA YANG DMIGS PA DANG RNAM PA LA SOGS PA'I BYE BRAG GIS SBYAR BAR BYA'O, ,DE LTAR DMIGS @33A *, ,PA DE LA SEMS BRTAN PAR BYAS NAS SHES RAB KYIS RNAM PAR DPYAD PAR BYA STE, 'DI LTAR SHES PA'I SNANG BA BYUNG BAS KUN TU RMONGS PA'I SA BON SHIN TU SPONG BAR 'GYUR RO, ,DE LTA MA YIN NA MU STEGS CAN RNAMS KYI BZHIN DU TING NGE 'DZIN TZAM GYIS NYON MONGS PA SPONG BAR MI 'GYUR RO, ,MDO SDE LAS JI SKAD DU, TING NGE 'DZIN DE SGOM PAR BYED MOD KYI, ,DE NI BDAG TU 'DU SHES 'JIG MI BYED, ,DE YI NYON MONGS PHYIR ZHING RAB 'KHRUG STE, ,LHAG SPYOD 'DI NI TING 'DZIN BSGOM PA BZHIN, ,ZHES GSUNGS PA LTA BU'O, ,DE LA 'PHAGS PA LANG KAR GSHEGS PA LAS, SHES RAB BSGOM PA'I RIM PA MDOR BKA' STZAL TE, SEMS TZAM LA NI RAB BRTEN NAS, ,PHYI ROL DON LA MI BRTAG GO, ,DE BZHIN NYID KYI DMIGS GNAS NAS, ,SEMS TZAM LAS KYANG BZLA BAR BYA, ,SEMS TZAM LAS NI BZLAS NAS SU, ,SNANG BA MED LAS BZLA BAR BYA, ,SNANG MED GNAS PA'I RNAL 'BYOR PA, ,DE YIS THEG PA CHEN PO MTHONG, ,ZHI BA LHUN GYIS GRUB PA'I GNAS, ,SMON LAM DAG GIS RNAM PAR SBYANGS, ,YE SHES DAM PA BDAG MED PA, ,SNANG BA MED PAS MTHONG BAR 'GYUR, ,DE LA DON NI 'DI YIN TE, ,THOG MAR RNAL 'BYOR PAS CHOS GZUGS CAN GANG DAG GZUGS LA SOGS PA PHYI ROL GYI DON DU GZHAN DAG GIS BRTAGS PA DE DAG LA CI 'DI DAG RNAM PAR SHES PA LAS GZHAN ZHIG YIN NAM, 'ON TE RNAM PAR SHES PA DE NYID DE LTAR SNANG STE, RMI LAM GYI GNAS SKABS JI LTA BA BZHIN NAM ZHES DPYAD PAR BYA'O, ,DE LA RNAM PAR SHES PA LAS PHYI ROL BA RDUL PHRA RAB TU BSHIG STE, RDUL PHRA RAB RNAMS KYANG CHA SHAS KYIS SO SOR BRTAGS NA RNAL 'BYOR PAS DON DE DAG MI MTHONG NGO, ,DES DE DAG MA MTHONG BAS 'DI SNYAM DU 'DI DAG THAMS CAD NI SEMS TZAM STE PHYI ROL GYI DON MED DO SNYAM DU SEMS SO, ,'DI LTAR, SEMS TZAM LA NI RAB BRTEN NAS, ,PHYI ROL DON LA MI BRTAG GO, ,ZHES DE SKAD 'BYUNG BA NI CHOS GZUGS CAN LA RNAM PAR RTOG PA SPONG BA'O ZHES BYA BA'I THA TSIG GO, ,DMIGS SU RUNG BA'I MTSAN NYID DU GYUR PA DE DAG RNAM PAR DPYAD NA MI DMIGS PA'I PHYIR RO, , @33B DE LTAR CHOS GZUGS CAN RNAMS RNAM PAR BSHIG NAS GZUGS CAN MA YIN PA RNAM PAR BSHIG PAR BYA STE, DE LA SEMS TZAM GANG YIN PA DE YANG GZUNG BA MED NA 'DZIN PAR MI RUNG STE, 'DZIN PA NI GZUNG BA LA LTOS PA'I PHYIR RO, ,DE LTA BAS NA SEMS NA GZUNG BA DANG 'DZIN PA LAS DBEN ZHING GNYIS SU MED PA KHO NA YIN PAR RNAM PAR DPYAD NAS GNYIS SU MED PA'I MTSAN NYID, DE BZHIN NYID KYI DMIGS GNAS NAS, ,SEMS TZAM LAS KYANG BZLA BAR BYA, ,'DZIN PA'I RNAM PA LAS SHIN TU BZLA BAR BYA STE, GNYIS SU SNANG BA MED PA GNYIS MED PA'I SHES PA LA GNAS PAR BYA ZHES BYA BA'I THA TSIG GO, ,DE LTAR SEMS TZAM LA BZLAS NAS GNYIS SNANG BA MED PA'I SHES PA LAS KYANG BZLA BAR BYA STE, BDAG DANG GZHAN LAS DNGOS PO RNAMS SKYE BA MI 'THAD PA'I PHYIR GZUNG BA DANG 'DZIN PA BRDZUN PA KHO NA YIN LA, DE DAG LAS DE YANG GUD NA MED PA'I PHYIR DE YANG BDEN PA NYID MA YIN PAR BRTAGS LA GNYIS MED PA'I SHES PA DE LA YANG DNGOS POR MNGON PAR ZHEN PA DOR BAR BYA STE, GNYIS MED PA'I SHES PA SNANG BA MED PA'I SHES PA KHO NA LA GNAS PAR BYA ZHES BYA BA'I THA TSIG GO, ,DE LTAR NA CHOS THAMS CAD LA NGO BO NYID MED PAR RTOGS PA LA GNAS PA YIN NO, ,DE LA GNAS PAS YANG DAG PA NYID KYI MCHOG LA ZHUGS PAS RNAM PAR MI RTOG PA'I TING NGE 'DZIN LA ZHUGS PA YIN NO, ,DE LTAR RNAL 'BYOR PA GANG GI TSE GNYIS MED PA'I SHES PA SNANG BA MED PA'I SHES PA LA GNAS PAR GYUR PA DE'I TSE, MTHONG BA'I LAM LA GNAS PAS THEG PA CHEN PO MTHONG NGO, ,DE KHO NA DAM PA MTHONG BA GANG YIN PA DE NYID THEG PA CHEN PO ZHES BYA'O, ,DE KHO NA DAM PA MTHONG BA DE NI CHOS THAMS CAD SHES RAB KYI MIG GIS BRTAGS TE YANG DAG PA'I YE SHES KYI SNANG BA SHAR NA CI YANG MTHONG BA MED PA GANG YIN PA'O, ,DE SKAD MDO LAS KYANG GSUNGS TE, DON DAM PA MTHONG BA GANG ZHE NA, CHOS THAMS CAD MTHONG BA MED PA GANG YIN PA'O ZHES 'BYUNG NGO, ,'DIR DE LTA BU'I MTHONG BA MED PA LA DGONGS TE, MI MTHONG BA ZHES BKA' STZAL GYI MIG BTZUMS PA DANG, DMUS LONG LA SOGS PA LTA BU RKYEN MA TSANG BA DANG, YID LA MI BYED PAS MI MTHONG BA NI MA YIN NO, ,DE BAS NA DNGOS POR MNGON PAR @34A *, ,ZHEN PA LA SOGS PA PHYIN CI LOG GI BAG CHAGS MA SPANGS PAS 'DU SHES MED PA'I SNYOMS PAR 'JUG PA LA SOGS PA LAS LANGS PA BZHIN DU DNGOS PO LA SOGS PA MNGON PAR ZHEN PA'I RTZA BA CAN 'DOD CHAGS LA SOGS PA NYON MONGS PA'I TSOGS YANG 'BYUNG BA'I PHYIR RNAL 'BYOR PA MA GROL BA NYID DU 'GYUR RO, ,'DOD CHAGS LA SOGS PA'I RTZA BA NI DNGOS PO LA MNGON PAR ZHEN PA YIN NO ZHES 'PHAGS PA BDEN PA GNYIS BSTAN PA LAS KYANG BKA' STZAL TO, ,RNAM PAR MI RTOG PA LA 'JUG PA'I GZUNGS LAS YID LA MI BYED PAS GZUGS LA SOGS PA'I MTSAN MA SPONG NGO ZHES GSUNGS PA GANG YIN PA DE YANG SHES RAB KYIS BRTAGS NA MI DMIGS PA GANG YIN PA DE, DER YID LA MI BYED PAR DGONGS KYIS, YID LA BYED PA MED PA TZAM NI MA YIN TE, 'DU SHES MED PA'I SNYOMS PAR 'JUG PA LA SOGS PA LTAR THOG MA MED PA'I DUS NAS GZUGS LA SOGS PA LA MNGON PAR ZHEN PA'I YID LA BYED PA SPANGS PA TZAM GYIS SPONG BA NI MA YIN NO, ,THE TSOM MA SPANGS PAR NI SNGON DMIGS PA'I GZUGS LA SOGS PA LA MNGON PAR ZHEN PA'I YID LA BYED PA YONGS SU SPANG BAR MI NUS TE, ME MA SPANGS PAR TSA BA SPANG DU MI RUNG BA BZHIN NO, ,'DI LTAR GZUGS LA SOGS PA RNAM PAR RTOG PA 'DI DAG TSER MA LA SOGS PA BZHIN DU SEMS LAS LAG PAS DBYUNG ZHING BSAL DU MI RUNG STE, THE TSOM GYI SA BON SPANG DGOS PA'I PHYIR RO, ,THE TSOM GYI SA BON DE YANG RNAL 'BYOR PA'I TING NGE 'DZIN GYI SNANG BA BYUNG STE, SHES RAB KYI MIG GIS BRTAGS NA GZUGS LA SOGS PA SNGAR DMIGS PA DMIGS SU RUNG BA'I MTSAN NYID DU GYUR PA DE DAG MI DMIGS PA'I PHYIR THAG PA LA SBRUL DU SHES PA BZHIN DU SPANG GI ,GZHAN DU MA YIN NO, ,DE'I TSE THE TSOM GYI SA BON DANG BRAL BAS GZUGS LA SOGS PA'I MTSAN MA YID LA BYED PA SPONG NUS PAR 'GYUR TE, GZHAN DU MA YIN NO, ,DE LTA MA YIN TE, TING NGE 'DZIN GYI SNANG BA MA BYUNG, SHES RAB KYI MIG GIS MA BLTAS NA MUN KHUNG NA 'DUG PA'I MI LTAR KHYIM GYI NANG NA YOD PA'I BUM PA LA SOGS PA SOM NYI ZA BAR GYUR PA BZHIN DU RNAL 'BYOR PA YANG GZUGS LA SOGS PA YOD PAR SOM NYI ZA BA LDOG PAR MI 'GYUR @34B RO; ,DE MA LOG NA MIG RAB RIB KYI SKYON MA BSAL BA BZHIN DU GZUGS LA SOGS PA MI BDEN LA, MNGON PAR ZHEN PA 'BYUNG STE CIS KYANG MI ZLOGS SO, ,DE LTA BAS NA TING NGE 'DZIN GYI LAG GIS SEMS GZUNG STE SHIN TU CHA PHRA BA'I SHES RAB KYI MTSON GYIS GZUGS LA SOGS PA LOG PAR RNAM PAR RTOG PA'I SA BON GYI ZUG RNGU SEMS DE LA YOD PA BSAL BAR BYA'O, ,DE LTAR BYAS NA RTZA BA NAS BYUNG BA'I SHING DAG SA LAS MI SKYE BA BZHIN DU RTZA BA MED PAS NA LOG PAR RNAM PAR RTOG PA'I SEMS KYANG SKYE BAR MI 'GYUR RO, ,DE BAS NA SGRIB PA SPONG BA'I PHYIR ZHI GNAS DANG LHAG MTHONG ZUNG DU 'BREL BAR 'JUG PA'I LAM BCOM LDAN 'DAS KYIS BKA' STZAL TE, DE GNYIS NI YANG DAG PA'I YE SHES RNAM PAR MI RTOG PA'I RGYU YIN PA'I PHYIR RO, ,DE SKAD DU, TSUL KHRIMS LA NI GNAS NAS TING NGE 'DZIN 'THOB STE, ,TING NGE 'DZIN THOB NAS KYANG SHES RAB SGOM PAR BYED, ,SHES RAB KYIS NI YE SHES RNAM PAR DAG PA 'THOB, ,YE SHES RNAM PAR DAG PAS TSUL KHRIMS PHUN SUM TSOGS, ,ZHES BKA' STZAL TO, ,'DI LTAR GANG GI TSE ZHI GNAS KYIS DMIGS PA LA SEMS BRTAN PAR BYAS PA DE'I TSE SHES RAB KYIS RAB TU BRTAGS NA YANG DAG PA'I YE SHES KYI SNANG BA 'BYUNG STE, DE'I TSE SNANG BA BYUNG BAS MUN PA BSAL BA BZHIN DU SGRIB PA 'BYUNG NGO, ,DE GNYIS KA YANG MIG DANG SNANG BA BZHIN DU YANG DAG PA'I YE SHES 'BYUNG BA LA PHAN TSUN MTHUN PAR GNAS PA YIN GYI, SNANG BA DANG MUN PA BZHIN DU MI MTHUN PA MA YIN NO, ,TING NGE 'DZIN NI MUN PA'I NGO BO NYID YIN TE, CI ZHE NA, SEMS RTZE GCIG PA'I MTSAN NYID DO, ,DE NI MNYAM PAR BZHAG NA YANG DAG PA JI LTA BA BZHIN DU RAB TU SHES SO ZHES BKA' STZAL PA'I PHYIR DE SHES RAB DANG SHIN TU MTHUN PA YIN GYI, MI MTHUN PA MA YIN NO, ,DE LTA BAS NA MNYAM PAR GZHAG PA'I SHES RAB KYIS BRTAGS NA CHOS THAMS CAD MI DMIGS PA GANG YIN PA DE NYID MI DMIGS PA'I DAM PA'O, ,RNAL 'BYOR PA RNAMS KYI ZHI GNAS SKABS KYI MTSAN NYID DE 'DRA BA DE NI LHUN GYIS GRUB PA YIN TE, DE'I PHA ROL TU BLTA BAR BYA BA GZHAN MED PA'I PHYIR RO, ,ZHI BA NI YOD PA DANG MED PA LA SOGS PA RNAM PAR RTOG PA'I MTSAN NYID KYI SPROS PA THAMS CAD NYE BAR @35A *, ,ZHI BA'I PHYIR RO, ,'DI LTAR GANG GI TSE RNAL 'BYOR PAS SHES RAB KYIS BRTAGS NA DNGOS PO'I NGO BO NYID GANG YANG MI DMIGS PA DE'I TSE DE LA DNGOS POR RNAM PAR RTOG PA MI 'BYUNG BA NYID DO, ,DNGOS PO MED PA RNAM PAR RTOG PA YANG DE LA MED PA NYID DO, GAL TE BRGYA LA DNGOS PO 'GA' ZHIG MTHONG BAR GYUR NA NI DE LTA NA NI BKAG PAS DNGOS PO MED PAR RNAM PAR RTOG PA 'BYUNG NGO, ,GANG GI TSE RNAL 'BYOR PAS SHES RAB KYI MIG GIS BRTAGS NA DUS GSUM DU YANG DNGOS PO MI DMIGS PA DE'I TSE CI ZHIG BKAG PAS DNGOS PO MED PAR RNAM PAR RTOG PAR BYED, DE BZHIN DU RNAM PAR RTOG PA GZHAN DAG KYANG DE'I TSE DE LA MI 'BYUNG BA NYID DE, YOD PA DANG MED PA RNAM PAR RTOG PA GNYIS KYIS RNAM PAR RTOG PA THAMS CAD LA KHYAB PA'I PHYIR TE, KHYAB PAR BYED PA MED PAS KHYAB PAR BYA BA YANG MED PA'I PHYIR RO, ,DE NI RNAM PAR MI RTOG PA'I RNAL 'BYOR DAM PA YIN TE, DE LA GNAS PA'I RNAL 'BYOR PA NI RNAM PAR RTOG PA THAMS CAD NUB PAS, NYON MONGS PA'I SGRIB PA DANG SHES BYA'I SGRIB PA YANG DAG PAR SPONG NGO, ,'DI LTAR NYON MONGS PA'I SGRIB PA NI MA SKYES PA DANG MA 'GAGS PA'I DNGOS PO RNAMS LA DNGOS PO LA SOGS PAR PHYIN CI LOG PA'I RTZA BA STE RGYU YIN NO ZHES 'PHAGS PA BDEN PA GNYIS BSTEN PA LA SOGS PA LAS BCOM LDAN 'DAS KYIS BKA' STZAL TO, ,RNAL 'BYOR GOMS PA 'DIS DNGOS PO LA SOGS PA RNAM PAR RTOG PA THAMS CAD SPANGS PA'I PHYIR DNGOS PO LA SOGS PAR PHYIN CI LOG PA MA RIG PA'I NGO BO NYID NYON MONGS PA'I SGRIB PA'I RTZA BA SPONG STE, DE'I PHYIR RTZA BA BCAD PAS NYON MONGS PA'I SGRIB PA'I RTZA BA YANG DAG PAR SPONG NGO, ,JI SKAD DU YANG 'PHAGS PA BDEN PA GNYIS BSTAN PA LAS GSUNGS TE, 'JAM DPAL JI LTAR NYON MONGS PA RNAMS 'DUL BAR 'GYUR, JI LTAR NYON MONGS PA RNAMS YONGS SU SHES PA YIN, 'JAM DPAL GYIS SMRAS PA, DON DAM PAR SHIN TU MA SKYES PA DANG, MA BYUNG BA DANG, DNGOS PO MED PA'I CHOS THAMS CAD LA KUN RDZOB TU YANG DAG PA MA YIN PA'I PHYIN CI LOG GO, ,YANG DAG PA MA YIN PA'I PHYIN CI LOG DE LAS KUN DU RTOG PA DANG, RNAM PAR RTOG PA'O, ,KUN DU RTOG PA DANG, RNAM @35B PAR RTOG PA DE LAS TSUL BZHIN MA YIN PA NYID YID LA BYED PA'O, ,TSUL BZHIN MA YIN PA YID LA BYED PA DE LAS BDAG TU SGRO 'DOGS PA'O, ,BDAG TU SGRO 'DOGS PA DE LAS LTA BA KUN NAS LDANG NGO, ,LTA BA KUN NAS LDANG BA DE LAS NYON MONGS PA RNAMS 'BYUNG NGO, ,LHA'I BU DON DAM PAR CHOS THAMS CAD SHIN TU MA SKYES PA DANG, MA BYUNG BA DANG, DNGOS PO MED PAR RAB TU SHES PA GANG YIN PA DE DON DAM PAR PHYIN CI MA LOG PA'O, ,GANG DON DAM PAR PHYIN CI MA LOG PA DE MI RTOG ,RNAM PAR MI RTOG GO, ,GANG MI RTOG RNAM PAR MI RTOG PA DE TSUL BZHIN LA ZHUGS PA'O, , GANG TSUL BZHIN LA ZHUGS PA DE BDAG TU SGRO 'DOGS PAR MI 'GYUR RO, ,GANG BDAG TU SGRO 'DOGS PAR MI 'GYUR BA DE LTA BA KUN NAS LDANG BAR MI 'GYUR TE, DON DAM PAR MYA NGAN LAS 'DAS PAR LTA BA'I BAR GYI LTA BA KUN NAS LDANG BA YANG 'BYUNG BAR MI 'GYUR RO, ,DE LTAR SKYE BA MED PAR GNAS PA DE'I NYON MONGS PA RNAMS SHIN TU THUL BAR BLTA BAR BYA STE, DE NI NYON MONGS PA 'DUL BA ZHES BYA'O, ,LHA'I BU GANG GI TSE NYON MONGS PA RNAMS SNANG BA MED PA'I YE SHES KYIS DON DAM PAR SHIN TU STONG PA DANG, SHIN TU MTSAN MA MED PA DANG, SHIN TU DNGOS PO MED PA RAB TU SHES PA DE'I TSE LHA'I BU NYON MONGS PA RNAMS YONGS SU SHES PA YIN NO, ,LHA'I BU 'DI LTA STE DPER NA GANG SBRUL GDUG PA'I RIGS RAB TU SHES PA DES SBRUL GDUG PA DE'I DUG ZHI BAR BYED DO, ,LHA'I BU DE BZHIN DU NYON MONGS PA RNAMS RAB TU SHES PA DE'I NYON MONGS PA RNAMS RAB TU ZHI BAR 'GYUR RO, , LHA'I BUS SMRAS PA, 'JAM DPAL NYON MONGS PAR GYUR PA RNAMS KYI RIGS GANG, 'JAM DPAL GYIS SMRAS PA, LHA'I BU DON DAM PAR SHIN TU MA SKYES PA DANG, MA BYUNG BA DANG, DNGOS PO MED PA'I CHOS THAMS CAD LA KUN DU RTOG PA GANG YIN PA DE NI NYON MONGS PA RNAMS KYI RIGS YIN NO ZHES RGYA CHER 'BYUNG NGO, ,DNGOS PO LA SOGS PAR PHYIN CI LOG PAS PHYIN CI LOG PA MTHA' DAG LA KHYAB PA'I PHYIR, DE SPANGS NA PHYIN CI LOG THAMS CAD SPONG BAR 'GYUR BA'I PHYIR SHES BYA'I SGRIB PA YANG 'DIS YANG DAG PAR SPONG BAR 'GYUR TE, SGRIB PA NI PHYIN CI LOG GI MTSAN NYID YIN PA'I @36A *, ,PHYIR RO, ,SHES BYA'I SGRIB PA SPANGS NA GAGS [*'GAGS] MED PA'I PHYIR NYI MA'I 'OD SPRIN DANG BRAL BA'I NAM MKHA' LA THAMS CAD DU THOGS PA MED PAR SNANG BA BZHIN DU YE SHES KYI SNANG BA 'BYUNG NGO, ,'DI LTAR RNAM PAR SHES PA NI DNGOS PO'I NGO BO NYID RTOGS PA YIN NA, DE YANG DNGOS PO NYE BAR GNAS SU ZIN KYANG GAGS [*'GAGS] YOD PAS GSAL BAR MI 'GYUR RO, ,GAGS [*'GAGS] MED PAR GYUR NA NI MTHU'I KHYAD PAR BSAM GYIS MI KHYAB PA THOB PAS CI'I PHYIR DNGOS PO MTHA' DAG JI LTA BA BZHIN DU GSAL BAR MI 'GYUR, DE BAS NA KUN RDZOB DANG DON DAM PA'I TSUL GYIS DNGOS PO MTHA' DAG JI LTA BA BZHIN DU SHES PAS THAMS CAD MKHYEN PA NYID THOB BO, ,DE'I PHYIR 'DI NYID SGRIB PA SPONG BA DANG, THAMS CAD MKHYEN PA NYID THOB PAR 'GYUR BA'I LAM GYI MCHOG YIN NO, ,NYAN THOS LA SOGS PA'I LAM GANG YIN PA DES NI PHYIN CI LOG THAMS CAD SPONG BAR MI 'GYUR BA'I PHYIR SGRIB PA GNYIS LEGS PAR MA SPONGS SO, ,DE SKAD 'PHAGS PA LANG KAR GSHEGS PA LAS KYANG BKA' STZAL TE, GZHAN DAG NI CHOS THAMS CAD RKYEN LA RAG LAS PAR MTHONG NAS MYA NGAN LAS 'DAS PA'I B'OR 'GYUR TE, CHOS LA BDAG MED PAR MTHONG BA MED PA'I PHYIR BLO GROS CHEN PO DE DAG LA THAR PA MED DO; ,BLO GROS CHEN PO NYAN THOS KYI THEG PA MNGON PAR RTOGS PA'I RIGS CAN NI NGES PAR 'BYUNG BA MA YIN PA LA NGES PAR 'BYUNG BA'I BLOR 'GYUR TE, BLO GROS CHEN PO 'DI LA LTA BA NGAN PA LAS BZLOG PA'I PHYIR BRTZON PAR BYA'O ZHES 'BYUNG NGO, ,DE NYID KYI PHYIR LAM GZHAN GYIS THAR BAR 'GYUR BA MED PAS THEG PA GCIG KHO NA'O ZHES BCOM LDAN 'DAS KYIS BKA' STZAL TO, ,NYAN THOS LA SOGS PA'I LAM BSTAN PA LAS NI GZHUG PA LA LDEM POR DGONGS NAS KHYE'US KHYE'U DBYUNG BA BZHIN DU BSTAN PAR ZAD DO, ,'DI LTAR 'DI DAG NI PHUNG PO LA SOGS PA'I CHOS TZAM DU ZAD DE, BDAG MED PAR BSGOMS NAS NYAN THOS GANG ZAG BDAG MED PA LA 'JUG GO, ,KHAMS GSUM RNAM PAR SHES PA TZAM DU BSGOMS PAS RNAM PAR SHES PAR SMRA BA'I PHYI ROL GYI DON BDAG MED PA LA 'JUG GO, ,TSUL 'DIS NI GNYIS SU MED PA'I SHES PA DE YANG BDAG MED PA NYID DU 'JUG PAS BDAG MED @36B PA NYID MCHOG LA ZHUGS PA YIN NO, ,RNAM PAR RIG PA TZAM LA 'JUG PA NI DE KHO NA LA 'JUG PA MA YIN TE, SNGAR BSHAD PA BZHIN NO, ,'PHAGS PA 'JIG RTEN LAS 'DAS PA'I LE'U LAS KYANG GSUNGS TE, KYE RGYAL BA'I SRAS GZHAN YANG KHAMS GSUM NI SEMS TZAM DU RTOGS TE, SEMS DE YANG MTHA' DANG DBUS MED PAR RTOGS SO ZHES 'BYUNG STE, SKYE BA DANG 'JIG PA'I MTSAN NYID MTHA' GNYIS DANG, GNAS PA'I MTSAN NYID DBUS MED PA'I PHYIR SEMS MTHA' DANG DBUS MED DO, ,DE LTA BAS NA GNYIS MED PA'I SHES PA LA ZHUGS PA NI DE KHO NA LA ZHUGS PA NYID YIN NO, ,RNAL 'BYOR PA RNAMS KYI GNAS SKABS DE CIS RNAM PAR DAG CE NA, SMON LAM DAG GIS RNAM PAR SBYANGS, ,ZHES GSUNGS TE, SNYING RJE CHEN POS SEMS CAN MTHA' DAG GI DON LA LTA BAR BYANG CHUB SEMS DPA' SMON LAM BTAB PA GANG YIN PA'I SMON LAM DE'I STOBS KYIS PHYI PHYIR ZHING SBYIN PA LA SOGS PA DGE BA LA GOMS PAR BYAS PAS GNAS SKABS DE DE LTAR YONGS SU DAG PAR 'GYUR TE, DES CHOS THAMS CAD NGO BO NYID MED PA NYID DU SHES KYANG SEMS CAN MTHA' DAG LA LTA BAR GO BZLOG CING 'KHOR BA'I NYES PA RNAMS KYIS MI GOS PAR 'KHOR BA JI SRID BAR GNAS PA YIN NO, ,DE LTAR LHUN GYIS GRUB CING ZHI BA YIN ZHE NA, YE SHES DAM PA BDAG MED PAR, ,SNANG BA MED PAS MTHONG BAR 'GYUR, ,ZHES 'DIR RGYU BKA' STZAL TO, ,'DI LTAR NANG GI SHES BYA SMRA BA RNAMS KYI GNYIS MED PA'I MTSAN NYID KYI SHES PA DAM PA MCHOG YIN PAR 'DOD PA GANG YIN PA DE YANG BDAG MED DO, ,NGO BO NYID MED PAR RNAL 'BYOR BAS GNYIS MED PAR SNANG BA MED PA'I YE SHES KYIS MTHONG NGO, ,DE PHAN CHAD BLTA BAR BYA BA MED PAS NA LHUN GYIS GRUB PA'O, ,RNAM PAR RTOG PA SNA TSOGS THAMS CAD DANG BRAL BAS ZHI BA'O, ,GAL TE JI STE DE'I TSE GANG DE LTAR MTHONG BA'I RNAL 'BYOR PA DE SU YOD CE NA, BDEN TE, DON DAM PAR NA BDAG LA SOGS PA RANG DBANG YOD PA'I RNAL 'BYOR PA GANG YANG MED DO, ,MTHONG BA CI YANG MED DO, ,DE LTA MOD KYI KUN RDZOB TU JI LTAR GZUGS LA SOGS PA YUL GYI RNAM PAR SHES PA 'BYUNG BA TZAM GYIS RNAM PAR @37A *, ,SHES PA NYID LA DE LTA DE LTAR 'JIG RTEN NA LHA SBYIN NAM MCHOD SBYIN GYI SHES PAS MTHONG NGO ZHES THA SNYAD 'DOGS TE, BDAG LA SOGS PA NI GANG YANG MED DO, ,DE BZHIN DU 'DIR YANG GNYIS MED PA'I YE SHES SNANG BA MED PA'I SHES PA KHO NA 'BYUNG BA NAS SNANG BA MED PA'I YE SHES KYIS MTHONG NGO ZHES DE LTAR MING 'DOGS SO, ,CHOS THAMS CAD DON DAM PAR NGO BO NYID MED MOD KYI, KUN RDZOB TU RNAL 'BYOR PA'I SHES PA'AM, SO SO'I SKYE BO'I SHES PA GZHAN YANG RUNG STE, MI 'DOD PA MA YIN NO, ,DE SKAD 'PHAGS PA BDEN PA GNYIS BSTAN PA LAS BKA' STZAL TE, DE DON DAM PAR SHIN TU DNGOS PO MED KYANG KUN RDZOB TU YANG LAM SGOM PAR BYED DO ZHES BYA BA LA SOGS PA 'BYUNG NGO, ,DE LTA MA YIN NA NYAN THOS DANG, RANG SANGS RGYAS DANG, BYANG CHUB SEMS DPA' DANG, SANGS RGYAS DANG, SO SO'I SKYE BO LA SOGS PA'I BYE BRAG KYANG CIS DBYE, 'DI LTAR GANG LA KUN RDZOB TU YANG RGYU MED PA DE NI KUN RDZOB TU YANG MI SKYE STE, RI BONG GI RVA LA SOGS PA BZHIN NO, ,GANG LA RGYU YOD PA DE DON DAM PAR BRDZUN PA YIN KYANG SKYE BA KHO NA STE, SGYU MA DANG, GZUGS BRNYAN DANG, BRAG CA LA SOGS PA BZHIN NO, ,SGYU MA LA SOGS PA KUN RDZOB TU RTEN CING 'BREL PAR 'BYUNG BA YIN YANG DE DAG BRTAG MI BZOD PAS DON DAM PAR DNGOS PO YOD PA NYID DU MI 'GYUR RO, ,DE BAS NA 'GRO BA THAMS CAD SGYU MA LTA BU KHO NA'O ZHES GSUNGS SO, ,DE LA 'DI LTAR NYON MONGS PA DANG LAS SGYU MA'I DBANG GIS SEMS CAN GYI SKYE BA SGYU MA 'BYUNG NGO, ,DE BZHIN DU RNAL 'BYOR PA RNAMS KYI BSOD NAMS DANG YE SHES KYI TSOGS SGYU MA'I DBANG GIS RNAL 'BYOR PA'I YE SHES SGYU MA 'BYUNG BA NYID DO, ,DE SKAD DU, 'PHAGS PA SHES RAB KYI PHA ROL TU PHYIN PA LAS KYANG BKA' STZAL TE, RAB 'BYOR 'DI LTAR CHOS THAMS CAD NI SPRUL PA YIN TE, LA LA NI NYAN THOS KYI SPRUL PA'O, ,LA LA NI RANG SANGS RGYAS KYI SPRUL PA'O, ,LA LA NI BYANG CHUB SEMS DPA'I SPRUL PA'O, ,LA LA NI DE BZHIN GSHEGS PA'I SPRUL PA'O, ,LA LA NI NYON MONGS PA'I SPRUL PA'O, ,LA LA NI LAS KYI SPRUL PA'O, ,RAB 'BYOR RNAM GRANGS 'DIS CHOS THAMS CAD SPRUL PA LTA BU'O @37B ZHES 'BYUNG NGO, ,RNAL 'BYOR PA RNAMS DANG SO SO'I SKYE BO RNAMS KYI BYE BRAG NI 'DI YIN TE, DE DAG NI SGYU MA MKHAN BZHIN DU SGYU MA DE JI LTA BA BZHIN DU YONGS SU SHES PAS BDEN PA NYID MNGON PAR ZHEN PA MED DO, ,DE BAS NA DE DAG RNAL 'BYOR PA ZHES BYA'O, ,GANG DAG BYIS PA LTAD MO PA BZHIN DU DE LA BDEN PA NYID DU MNGON PAR ZHEN PA DE DAG NI PHYIN CI LOG TU MNGON PAR ZHEN PA'I PHYIR BYIS PA ZHES BYA STE, DE DAG THAMS CAD 'GAL BA MED DO, ,DE SKAD 'PHAGS PA CHOS YANG DAG PAR SDUD PA LAS KYANG BKA' STZAL TE, DPER NA SGYU MA'I MKHAN PO ZHIG ,SPRUL PA THAR PAR BYA PHYIR BRTZON, ,DES NI SNGA NAS DE SHES PAS, ,SPRUL PA DE LA CHAGS PA MED, ,SRID GSUM SPRUL PA 'DRA BAR NI, ,RDZOGS PA'I BYANG CHUB MKHAS PAS SHES, ,'GRO BA'I CHED DU GO BGOS TE, ,'GRO BA DE LTAR SNGA NAS SHES, ,ZHES GSUNGS SO, ,DE LTAR BSGOM PA'I RIM PA 'DIS DE KHO NA BSGOM PAR BYA'O, ,DE LA BYING BA DANG RGOD PA LA SOGS PA BYUNG NA SNGAR BSTAN PA BZHIN DU ZHI BAR BYA'O, ,GANG GI TSE CHOS THAMS CAD NGO BO NYID MED PAR DMIGS PA LA BYING BA DANG RGOD PA LA SOGS PA DANG BRAL ZHING MNGON PAR 'DU BYED PA MED PAR SHES PA 'JUG PAR GYUR PA DE'I TSE ZHI GNAS DANG LHAG MTHONG ZUNG DU 'BREL PAR 'JUG PA'I LAM RDZOGS PA YIN NO, ,DE'I TSE JI SRID DU NUS PA DE SRID DU MOS PA'I STOBS KYIS MOS PAS SPYOD PA'I SA LA GNAS PAS BSGOM PAR BYA'O, ,DE NAS JI LTAR 'DOD PA BZHIN DU SKYIL MO KRUNG MA BSHIG PAR LANGS LA 'DI SNYAM DU BSAM PAR BYA STE, YANG NI CHOS 'DI DAG THAMS CAD DON DAM PAR NGO BO NYID MED MOD KYI, KUN RDZOB TU YOD PAR BSAM MO; ,DE SKAD DKON MCHOG SPRIN LAS KYANG BKA' STZAL TE, JI LTAR BYANG CHUB SEMS DPA' BDAG MED PA LA MKHAS PA YIN ZHE NA, RIGS KYI BU 'DI LA BYANG CHUB SEMS DPA' YANG DAG PA'I SHES RAB KYIS GZUGS LA SO SOR RTOG ,TSOR BA DANG, 'DU SHES DANG, 'DU BYED RNAMS DANG; RNAM PAR SHES PA LA SO SOR RTOG STE, DE GZUGS LA SO SOR RTOG PA NA GZUGS KYI SKYE BA MI DMIGS, KUN 'BYUNG BA MI DMIGS, 'GOG PA MI DMIGS SO, ,DE BZHIN DU TSOR BA DANG, 'DU SHES DANG, 'DU BYED RNAMS DANG, RNAM PAR SHES PA'I SKYE BA MI DMIGS SO, , @38A *, ,DE YANG DON DAM PAR SKYE BA MED PAR GNAS PA'I SHES RAB KYIS YIN GYI, THA DAD PA'I NGO BO NYID KYIS NI MA YIN NO ZHES RGYA CHER 'BYUNG NGO, ,BYIS PA'I BLO CAN 'DI DAG NGO BO NYID MED PA'I DNGOS PO RNAMS LA MNGON PAR ZHEN PA'I DBANG GIS 'KHOR BA NA KUN TU 'KHYAM ZHING SDUG BSNGAL SNA TSOGS DAG NYAMS SU MYONG NGO SNYAM DU SNYING RJE CHEN PO MNGON DU BYAS LA 'DI SNYAM DU BSAM PAR BYA STE, CI NAS BDAG GIS THAMS CAD MKHYEN PA NYID THOB NAS 'DI DAG CHOS NYID KHONG DU CHUD PAR BYED PAR 'GYUR BA DE LTAR BYA'O SNYAM DU BSAM MO, ,DE NAS SANGS RGYAS DANG BYANG CHUB SEMS DPA' THAMS CAD LA MCHOD PA DANG BSTOD PA GSOL TE, 'PHAGS PA BZANG PO SPYOD PA LA SOGS PA'I SMON LAM CHEN PO GDAB PO, ,DE NAS STONG PA NYID DANG SNYING RJE'I SNYING PO CAN GYI SBYIN PA LA SOGS PA BSOD NAMS DANG YE SHES KYI TSOGS MTHA' DAG SGRUB PA LA 'JUG PAR BYA'O, ,DE SKAD 'PHAGS PA CHOS YANG DAG PAR SDUD PA LAS KYANG BKA' STZAL TE, YANG DAG PA JI LTA BA BZHIN DU MTHONG BA'I BYANG CHUB SEMS DPA' SEMS CAN RNAMS LA SNYING RJE CHEN PO 'JUG GO, ,DE YANG 'DI SNYAM DU BDAG GIS CHOS THAMS CAD YANG DAG PA JI LTA BA BZHIN DU MTHONG BA'I TING NGE 'DZIN GYI SGO 'DI SEMS CAN THAMS CAD LA BSGRUB PAR BYA'O SNYAM DU SEMS TE, DE'I SNYING RJE CHEN PO DES BSKUL BAS LHAG PA'I TSUL KHRIMS DANG, LHAG PA'I SEMS DANG, LHAG PA'I SHES RAB KYI BSAM PA YONGS SU RDZOGS PAR BYAS NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA'O ZHES 'BYUNG NGO, ,THABS DANG SHES RAB ZUNG DU 'BREL PAR 'JUG PA 'DI NI BYANG CHUB SEMS DPA' RNAMS KYI LAM YIN TE, 'DI LTAR DON DAM PA MTHONG YANG KUN RDZOB MI GCOD LA, KUN RDZOB MA BCAD PAS SNYING RJE CHEN PO SNGON DU 'GRO ZHING PHYIN CI LOG MED PA SEMS CAN GYI DON BYED PA LA SOGS PA LA 'JUG GO, ,DE SKAD 'PHAGS PA DKON MCHOG SPRIN LAS KYANG BKA' STZAL TE, JI LTAR NA BYANG CHUB SEMS DPA' THEG PA CHEN PO LA MKHAS PA YIN ZHE NA, 'DI LA BYANG CHUB SEMS DPA' BSLAB PA THAMS CAD LA SLOB KYANG BSLAB PA DE YANG MI DMIGS, BSLAB PA'I @38B LAM LA YANG MI DMIGS, GANG SLOB PA DE YANG MI DMIGS TE, RGYU DE DANG RKYEN DE DANG GZHI DES CHAD PAR LTA BAR MI LTUNG NGO ZHES 'BYUNG NGO, ,'PHAGS PA CHOS YANG DAG PAR SDUD PA LAS KYANG BKA' STZAL TE, BYANG CHUB SEMS DPA' RNAMS KYI SGRUB PA GANG ZHE NA, BCOM LDAN 'DAS BYANG CHUB SEMS DPA' RNAMS KYI LUS KYI LAS GANG CI LAGS PA DANG, NGAG GI LAS GANG CI LAGS PA DANG, YID KYI LAS GANG CI LAGS PA DE DAG THAMS CAD NI SEMS CAN THAMS CAD LA LTA BAS 'JUG PA LAGS SO, ,SNYING RJE CHEN PO SNGON DU 'GRO BA LAGS SO, ,SNYING RJE CHEN PO'I DBANG DU GYUR PA LAGS SO, ,SEMS CAN THAMS CAD LA SMAN PA DANG BDE BAR BGYI BA'I LHAG PA'I BSAM PA LAS BYUNG BA LAGS SO, ,DE LTAR SMAN PAR BGYI BA'I BSAM PA DANG LDAN PA DE 'DI SNYAM DU 'DU SHES BGYID DE, SEMS CAN THAMS CAD LA PHAN PA SGRUB PA DANG BDE BA SGRUB PA'I SGRUB PA GANG YIN PA DE BDAG GIS BSGRUB PAR BYA'O SNYAM PA LAGS SO, ,DE PHUNG PO RNAMS LA SGYU MA LTA BUR SO SOR RTOG PA YANG SGRUB LA PHUNG PO YONGS SU 'DOR BA YANG MI 'TSAL, KHAMS RNAMS LA SBRUL GDUG PA LTA BUR SO SOR RTOG PA YANG SGRUB LA KHAMS YONGS SU 'DOR BA YANG MI 'TSAL, SKYE MCHED RNAMS LA GRONG STONG PA LTAR SO SOR RTOG PA YANG SGRUB LA SKYE MCHED YONGS SU SPONG BA YANG MI 'TSAL, GZUGS LA DBU BA RNGOS PA LTAR SO SOR RTOG PA YANG SGRUB LA DE BZHIN GSHEGS PA'I GZUGS KYI SKU RNAM PAR SGRUB PA YANG MI 'DOR, TSOR BA LA CHU'I CHU BUR LTAR SO SOR RTOG PA YANG SGRUB LA DE BZHIN GSHEGS PA'I BSAM GTAN DANG TING NGE 'DZIN LA SNYOMS PAR 'JUG PA'I BDE BA SGRUB PA'I SBYOR BA MI RTZOM PA YANG MA LAGS, 'DU SHES LA SMIG RGYU LTA BUR SO SOR RTOG PA YANG SGRUB PA DE BZHIN GSHEGS PA'I YE SHES SGRUB PA MI SGRUB PA YANG MA LAGS, 'DU BYED RNAMS LA CHU SHING LTAR SO SOR RTOG PA YANG SGRUB LA SANGS RGYAS KYI CHOS MNGON PAR 'DU BGYI BA MI SGRUB PA YANG MA LAGS, RNAM PAR SHES PA LA SGYU MA LTA BUR SO SOR RTOG PA YANG SGRUB LA, YE SHES THOG MAR 'GRO BA'I LUS DANG NGAG DANG YID KYIS LAS SGRUB PA MI SGRUB PA YANG MA LAGS SO ZHES BYA @39A *, ,BA LA SOGS PA RGYAS PAR 'BYUNG NGO, ,DE LTAR MDO SDE DE DANG DE DAG LAS THABS DANG SHES RAB KYI TSUL SGRUB PA MTHA' YAS PA 'BYUNG BA KHONG DU CHUD PAR BYA'O, ,'JIG RTEN LAS 'DAS PA'I SHES RAB KYI GNAS SKABS NA THABS LA BRTEN PA MI 'BYUNG MOD KYI, THABS BRTEN PA'I DUS NA BYANG CHUB SEMS DPA' SGYU MA MKHAN LTAR PHYIN CI MA LOG PA'I PHYIR 'JIG RTEN LAS 'DAS PA'I YE SHES LA SBYOR BA DANG YE SHES LA SBYOR BA'I RJES LAS BYUNG BA DNGOS PO'I DON GYI DE KHO NA JI LTA BA BZHIN DU RTOGS PA'I SHES RAB YOD PA NYID DE, THABS DANG SHES RAB ZUNG DU 'BREL PAR 'JUG PA'I LAM DE KHO NA YIN NO, ,'PHAGS PA BLO GROS MI ZAD PAS BSTAN PA LAS KYANG BSAM GTAN MI ZAD PA'I SKABS NAS THABS DANG SHES RAB ZUNG DU 'BREL PAR 'JUG PA'I LAM 'BYUNG BA KHONG DU CHUD PAR BYA'O, ,RIM PA 'DI LTA BU 'DIS BYANG CHUB SEMS DPA' THABS DANG SHES RAB RTAG TU GUS PAR YUN RING DU GOMS PAR BSGOMS NA GNAS SKABS KYI BYE BRAG BCU GNYIS SU 'GYUR RO, ,GNAS SKABS DE DAG NI GONG MA GONG MA'I YON TAN GNAS PA'I PHYIR SAR RNAM PAR GZHAG STE, MOS PAS SPYOD PA'I SA NAS SANGS RGYAS KYI SA'I BAR DU'O, ,DE LA JI SRID DU GANG ZAG DANG CHOS LA BDAG MED PA'I DE KHO NA MNGON SUM DU MI BYED MOD KYI, MOS PA SHIN TU BRTAN PA TZAM DU ZAD DE, BDUD LA SOGS PAS MI PHYED LA GANG GI TSE MOS PA'I STOBS KHO NAS SGOM PAR BYED PA DE'I TSE MOS PA BRTAN PA'I SGO NAS MOS PAS SPYOD PA'I SAR RNAM PAR GZHAG GO, ,SA 'DI LA GNAS PA'I BYANG CHUB SEMS DPA' NI SO SO'I SKYE BO YIN MOD KYI, BYIS PA'I PHONGS PA THAMS CAD LAS YANG DAG PAR 'DAS TE TING NGE 'DZIN DANG, GZUNGS DANG, RNAM PAR THAR PA DANG, MNGON PAR SHES PA LA SOGS PA'I YON TAN GRANGS MED PA DAG DANG LDAN PA 'PHAGS PA DKON MCHOG SPRIN LAS 'BYUNG BA YIN NO; ,'DI NYID THA MA DANG, 'BRING DANG, RAB DANG, RAB KYI MCHOG GI GNAS SKABS BZHIS NGES PAR 'BYED PA'I CHA DANG MTHUN PA BZHIR RNAM PAR GZHAG STE, 'DI LTAR GANG GI TSE PHYI ROL GYI DON RNAM PAR 'JIG PA NA SHES PA'I SNANG BA CUNG ZAD GSAL BA BYUNG BA DE'I TSE NGES PAR 'BYED PA'I @39B CHA DANG MTHUN PA DRO BAR GYUR PA YIN NO, ,DE NI THEG PA CHEN PO 'DIR SNANG BA THOB PA'I TING NGE 'DZIN ZHES BYA'O, ,GANG GI TSE SHES PA'I SNANG BA DE NYID 'BRING TZAM DU GSAL BAR GYUR PA DE'I TSE NGES PAR 'BYED PA'I CHA DANG MTHUN PA RTZE MO ZHES BYA BA YIN NO, ,SNANG BA MCHOD PA'I TING NGE 'DZIN ZHES KYANG BYA'O,, GANG GI TSE DE NYID TSES GSAL BAR GYUR TE PHYI ROL GYI DON MI SNANG BA'I SHES PA'I SNANG BA BYUNG BA DE'I TSE RNAM PAR SHES PA TZAM LA GNAS PA'I PHYIR NGES PAR 'BYED PA'I CHA DANG MTHUN PA BZOD PA ZHES BYA BA YIN NO, ,PHYOGS GCIG LA ZHUGS PA'I TING NGE 'DZIN ZHES KYANG BYA STE, GZUNG BA'I RNAM PA MI DMIGS PAR ZHUGS PA'I PHYIR RO, ,GANG GI TSE 'DZIN PA'I RNAM PA DANG GNYIS SU MED PA'I SHES PA YANG RNAM PAR 'JIG PA DE'I TSE NGES PAR 'BYED PA'I CHA DANG MTHUN PA CHOS KYI MCHOG CES BYA BA YIN NO, ,DE MA THAG PA'I TING NGE 'DZIN ZHES KYANG BYA STE, DE MA THAG KHO NAR DE KHO NA LA 'JUG PA'I PHYIR RO, ,DE'I BAR DU NI MOS PAS SPYOD PA'I SA YIN NO, ,SA GZHAN DAG NI MDOR NA YAN LAG BCU GCIG YONGS SU RDZOGS PA'I SGO NAS RNAM PAR GZHAG GO, ,DE LAS DANG POR NI THOG MAR GANG ZAG DANG CHOS LA BDAG MED PA'I DE KHO NA RTOGS PA'I YAN LAG YONGS SU RDZOGS PA LAS RNAM PAR GZHAG STE, 'DI LTAR GANG GI TSE CHOS KYI MCHOG GI MJUG THOGS KHO NAR CHOS THAMS CAD NGO BO NYID MED PAR MNGON SUM DU BYED PA'I YE SHES SHIN TU GSAL BA 'JIG RTEN LAS 'DAS PA SPROS PA THAMS CAD DANG BRAL BA THOG MA BYUNG BA DE'I TSE BYANG CHUB SEMS DPA' YANG DAG PA NYID SKYON MED PA LA ZHUGS PAS MTHONG BA'I LAM SKYES PA'I PHYIR SA DANG POR CHUD PA YIN NO, ,DE BAS NA DE KHO NA KHONG DU MA CHUD PAS 'DI LA THOG MAR KHONG DU CHUD PA'I PHYIR BYANG CHUB SEMS DPA'I SA RAB TU DGA' BA YIN TE, DES NA SA DE RAB TU DGA' BA ZHES BYA'O, ,SA DER MTHONG BAS SPANG BAR BYA BA'I NYON MONGS PA BRGYA RTZA BCU GNYIS SPONG NGO, ,SA LHAG MA RNAMS NI BSGOM PA'I LAM GYI NGO BO NYID DE, DE DAG TU BSGOMS PAS SPANG BAR BYA BA KHAMS GSUM PA'I NYON MONGS PA BCU DRUG SPONG NGO, ,SA DER BYANG CHUB SEMS DPA' CHOS KYI DBYINGS KUN TU 'GRO BA NYID RTOGS PAS BDAG GI DON DANG 'DRA BAR GZHAN GYI @40A *, ,DON LA 'JUG PA'I PHYIR SBYIN PA'I PHA ROL TU PHYIN PA SHIN TU SHAS CHE BA YIN NO, ,BYANG CHUB SEMS DPA' DES DE KHO NA KHONG DU CHUD KYANG JI SRID DU LHUNG BA'I 'KHRUL PA CHA PHRA BA RNAMS LA SHES BZHIN DU GNAS PAR BYED MI NUS PA DE SRID DU SA DANG PO'O, ,GANG GI TSE NUS PA DE'I YAN LAG DE YONGS SU RDZOGS PAS SA GNYIS PAR RNAM PAR GZHAG GO, ,DE BAS NA SA DE LA LTUNG BA'I 'KHRUL PA CHA PHRA BA KUN TU MI SPYOD PAS TSUL KHRIMS KYI PHA ROL TU PHYIN PA SHIN TU SHAS CHE BA YIN NO, ,'CHAL PA'I TSUL KHRIMS KYI DRI MA THAMS CAD DANG BRAL BA'I PHYIR SA DE DRI MA MED PA ZHES BYA'O, , LTUNG BA'I 'KHRUL PA CHA PHRA BA RNAMS LA SHES BZHIN DU GNAS PA YANG YIN NO, ,JI SRID DU 'JIG RTEN PA'I TING NGE 'DZIN MTHA' DAG LA SNYOMS PAR 'JUG PA DANG, JI SKAD THOS PA'I DON KUN TU 'DZIN MI NUS PA DE SRID DU SA GNYIS PA KHO NA'O, ,GANG GI TSE NUS PA DE'I TSE YAN LAG DE YONGS SU RDZOGS PAS SA GSUM PAR RNAM PAR GZHAG GO, ,SA DE LA BYANG CHUB SEMS DPA' THOS PA GZUNG BA'I PHYIR DANG, 'JIG RTEN PA'I TING NGE 'DZIN THAMS CAD MNGON PAR SGRUB PA'I PHYIR SDUG BSNGAL THAMS CAD BZOD PAS NA BZOD PA'I PHA ROL TU PHYIN PA SHIN TU SHAS CHE BA YIN NO, ,TING NGE 'DZIN DE DAG THOB PAS SA DE NI 'JIG RTEN LAS 'DAS PA'I YE SHES KYI SNANG BA TSAD MED PA BYED PAS 'OD BYED PA ZHES BYA'O, ,DE 'JIG RTEN PA'I TING NGE 'DZIN MTHA' DAG THOB KYANG JI SRID DU JI LTAR THOB PA'I BYANG CHUB KYI PHYOGS KYI CHOS RNAMS KYIS LAN MANG DU GNAS PAR BYED PA DANG, CHOS DANG SNYOMS PAR 'JUG PA'I SEMS BTANG SNYOMS SU BYED MI NUS PA DE SRID DU SA GSUM PA'O, ,GANG GI TSE NUS PA DE'I TSE YAN LAG DE YONGS SU RDZOGS PAS SA BZHI BAR RNAM PAR GZHAG GO, ,SA DE LA BYANG CHUB SEMS DPA' RGYUN MI 'CHAD PAR NGAG DANG YID KYI BRJOD PA LAS YANG DAG PAR BZLA BA'I PHYIR BYANG CHUB KYI PHYOGS KYI CHOS RNAMS KYIS GNAS PAS NA BRTZON 'GRUS KYI PHA ROL TU PHYIN PA SHIN TU SHAS CHE BA YIN NO, ,SA DE NI NYON MONGS PA'I SHING MTHA' DAG SREG PAR NUS PA'I BYANG CHUB KYI PHYOGS KYI CHOS KYI 'OD 'PHRO BA SHIN TU BYUNG BAS 'OD 'PHRO BA CAN ZHES BYA'O, ,DE BYANG CHUB KYI PHYOGS KYI CHOS @40B GYIS RGYUN MI 'CHAD PAR GNAS PA YANG YIN NO, ,JI SRID DU BDEN PA RNAMS BSGOM PA NA 'KHOR BA LA MI PHYOGS PA DANG, MYA NGAN LAS 'DAS PA LA MNGON DU PHYOGS PA LAS SEMS BZLOG STE, THABS KYIS ZIN PA'I BYANG CHUB KYI PHYOGS BSGOM MI NUS PA DE SRID DU SA BZHI PA'O, ,GANG GI TSE NUS PA DE'I TSE YAN LAG DE YONGS SU RDZOGS PAS SA LNGA PAR RNAM PAR GZHAG GO, ,DE BAS NA SA DE LA THABS KYIS ZIN PA'I BYANG CHUB KYI PHYOGS BSGOM PA DE YONGS SU RDZOGS PAR BYED PA NI SHIN TU SBYANG BAR DKA' BAS NA SHIN TU SBYANG DKA' BA ZHES BYA'O, ,SA DE LA BDEN PA'I RNAM PA SGOM PA LAN MANG DU BYED PAS BSAM GTAN GYI PHA ROL TU PHYIN PA SHIN TU SHAS CHE BA YIN TE, DE THABS KYIS ZIN PA'I BYANG CHUB KYI PHYOGS KYIS LAN MANG DU GNAS PA YANG YIN NO, ,JI SRID DU 'KHOR BAR 'JUG PA LA SO SOR RTOG PAS SKYO BA DANG LDAN PAS SEMS KYI RGYUD KYIS MTSAN MA MED PAR GNAS PA LA MNYAM PAR 'JOG MI NUS PA DE SRID DU SA LNGA PA'O, ,GANG GI TSE NUS PA DE'I TSE YAN LAG DE YONGS SU RDZOGS PAS SA DRUG PA RNAM PAR GZHAG GO, ,SA DE LA BYANG CHUB SEMS DPA' RTEN CING 'BREL PAR 'BYUNG BA SGOM PAS GNAS PAS NA SHES RAB KYI PHA ROL TU PHYIN PA SHIN TU SHAS CHE BA YIN NO, ,DE BAS NA SHES RAB KYI PHA ROL TU PHYIN PA SHIN TU SHAS CHE BA'I PHYIR SA DE LA SANGS RGYAS KYI CHOS THAMS CAD MNGON DU GYUR PA ZHES BYA'O, ,DE MTSAN MA MED PAR GNAS PA THOB PA YANG YIN NO, ,JI SRID DU SKABS MED PAR MTSAN MA MED PAR GNAS PA LA MNYAM PAR 'JOG MI NUS PA DE SRID DU SA DRUG PA'O, ,GANG GI TSE NUS PA DE'I TSE YAN LAG DE YONGS SU RDZOGS PAS SA BDUN PAR RNAM PAR GZHAG GO, ,SA DE LA BYANG CHUB SEMS DPA' MTSAN MA THAMS CAD MTSAN MA MED PAR KHONG DU CHUD LA MTSAN MAR BYAS PA'I THA SNYAD KYANG 'GOG PAR MI BYED DO, ,DE BAS NA SA DE LA THABS KYI PHA ROL TU PHYIN PA SHIN TU SHAS CHE BA YIN NO, ,SA 'DI LHUN GYIS GRUB PA'I LAM DANG 'BREL PA'I PHYIR SHIN TU RING DU SONG BAS RING DU SONG BA ZHES BYA'O, ,DE SKABS MED PA MTSAN MA MED PA LA GNAS PA YANG YIN NO, ,DE JI SRID DU LHUN GYIS GRUB PAS 'JUG PA'I MTSAN MA MED PAR @41A *, ,GNAS PA LA MNYAM PAR 'JOG MI NUS PA DE SRID DUS BDUN PA'O, ,GANG GI TSE NUS PA DE'I TSE YAN LAG DE YONGS SU RDZOGS PAS SA BRGYAD PAR RNAM PAR GZHAG GO, ,SA DE LA LHUN GYIS GRUB PAR DGE BA'I PHYOGS LA SBYOR BAS NA SMON LAM GYI PHA ROL TU PHYIN PA SHIN TU SHAS CHE BA YIN NO, ,MTSAN MA MED PA LA RTZOL BAS MI BSKYOD PA'I PHYIR DE MI G-YO BA ZHES BYA'O, ,DE LHUN GYIS GRUB PAR MTSAN MA MED PA LA GNAS PA YANG YIN NO, ,JI SRID DU RNAM GRANGS DANG, NGES PA'I TSIG LA SOGS PA'I RAB TU DBYE BAS RNAM PA THAMS CAD DU CHOS STON PA LA DBANG BSGYUR BAR MI NUS PA DE SRID DU SA BRGYAD PA'O, ,GANG GI TSE NUS PA DE'I TSE YAN LAG DE YONGS SU RDZOGS PAS SA DGU PAR RNAM PAR GZHAG GO, ,SA DE LA BYANG CHUB SEMS DPA' SO SO YANG DAG PAR RIG PA'I KHYAD PAR THOB PAS SHES RAB KYI STOBS KYI KHYAD PAR DANG LDAN PAS NA STOBS KYI PHA ROL TU PHYIN PA SHIN TU SHAS CHE BA YIN NO, ,RNAM PA THAMS CAD DU CHOS STON PA LA MKHAS PA'I PHYIR KHA NA MA THO BA MED PA'I BLO GROS KYI KHYAD PAR THOB PA'I PHYIR LEGS PA'I BLO GROS ZHES BYA'O, ,DE SO SO YANG DAG PAR RIG PA BZHI THOB PA YANG YIN NO, ,JI SRID DU SANGS RGYAS KYI ZHING DANG, 'KHOR DANG, SPRUL PA LA SOGS PA BSTAN PA DANG, CHOS YONGS SU RDZOGS PAR LONGS SPYAD PA DANG, SEMS CAN YONGS SU SMIN PAR BYED MI NUS PA DE SRID DU SA DGU PA'O, ,GANG GI TSE NUS PA DE'I TSE YAN LAG DE YONGS SU RDZOGS PAS SA BCU PAR RNAM PAR GZHAG GO, ,DE LA SPRUL PA LA SOGS PAS SEMS CAN YONGS SU SMIN PAR BYA BA LA MKHAS PA'I KHYAD PAR DANG LDAN PAS BYANG CHUB SEMS DPA' YE SHES KYI PHA ROL TU PHYIN PA SHIN TU SHAS CHE BA YIN NO, ,DE NI CHOS STON PA'I SPRIN RNAMS KYIS 'JIG RTEN GYI KHAMS MTHA' YAS PA RNAMS SU CHOS KYI CHAR 'BEBS PAS NA CHOS KYI SPRIN ZHES BYA'O, ,GZHAN YANG PHUNG PO YONGS SU DAG PA LA SOGS PA'I RNAM PAR GZHAG PA RNAMS KYIS SA RNAM PAR GZHAG PA YOD DE, YI GE MANGS KYIS DOGS NAS MA BRIS SO, ,DES SPRUL PA LA SOGS PA'I DBANG THOB KYANG JI SRID DU SHES BYA THAMS CAD LA RNAM PA THAMS CAD DU CHAGS PA MED PA DANG, THOGS PA MED PA'I YE SHES BSKYED @41B PAR MI NUS PA DE SRID DU SA BCU PA'O, ,GANG GI TSE NUS PA DE'I TSE YAN LAG DE YONGS SU RDZOGS PAS SANGS RGYAS KYI SAR RNAM PAR GZHAG GO, ,SA RNAM PAR GZHAG PA 'DI NI 'PHAGS PA DGONGS PA NGES PAR 'GREL PA LAS BSTAN TO, ,SANGS RGYAS KYI SA 'DI NI PHUN SUM TSOGS PA RNAM PA THAMS CAD MTHA' DAG RAB KYI MTHAR PHYIN PA'I PHYIR 'DI LAS GONG NA RNAM PA GZHAN MED PAS DE PHAN CHAD SA RNAM PAR GZHAG PA MED DO, ,SANGS RGYAS KYI SA DE'I YON TAN GYI PHYOGS RAB TU DBYE BA DPAG TU MED PAS RNAM PA THAMS CAD BRJOD PA NI SANGS RGYAS RNAMS KYIS KYANG MI SPYOD NA BDAG 'DRA BAS LTA SMOS KYANG CI DGOS, JI SKAD DU, 'PHAGS PA SDONG PO BKOD PA LAS KYANG, SHIN TU BRTAGS KYANG RANG BYUNG GI, ,YON TAN RNAMS KYI PHYOGS GCIG MTHA', ,MI RTOG SANGS RGYAS RNAMS DANG NI, ,CHOS RNAMS BSAM GYIS MI KHYAB BO, ,ZHES BKA' STZAL PA LTA BU'O, ,MDOR 'DI TZAM ZHIG BRJOD PAR NUS TE, BDAG DANG GZHAN GYI DON PHUN SUM TSOGS PA RAB KYI MTHAR PHYIN PA NYES PA MA LUS PA BSAL BA'I MTHAR THUG PA BRNYES NAS SANGS RGYAS BCOM LDAN 'DAS RNAMS CHOS KYI SKU LA BZHUGS TE, LONGS SPYOD RDZOGS PA DANG SPRUL PA'I SKUS 'GRO BA MA LUS PA'I DON LHUN GYIS GRUB PA'I TSUL GYIS MDZAD CING 'KHOR BA JI SRID PAR BZHUGS SO, ,DE LTA BAS NA RTOG PA DANG LDAN PA RNAMS KYIS YON TAN THAMS CAD KYI 'BYUNG GNAS BCOM LDAN 'DAS RNAMS LA DAD PA BSKYED LA DE DAG GI YON TAN YONGS SU BSGRUB PA'I PHYIR RNAM PA THAMS CAD KYIS RAB TU 'BAD PAR BYA'O, ,SKU GSUM LA SOGS PA'I RNAM PAR DBYE BA NI YI GE MANGS KYIS DOGS TE MA BRIS SO, ,MDO SDE DAG GI TSUL GYIS LUGS MTHUN PA, ,RGYAL BA'I SRAS KYI LAM 'DI LEGS BSHAD PAS, ,BDAG GIS BSOD NAMS MI CHUNG GANG THOB DES, ,'GRO BA SHES ZHAN BLO MCHOG MYUR THOB SHOG ,SA'I MNGA' BDAG DPAL LHA BTZAN POS BKA' STZAL NAS KA MA LA SH'I LAS BSGOM PA'I RIM PA MDOR BSDUS PA 'DI BGYIS SO, ,BSGOM RIM DANG PO RDZOGS SO,, ,,RGYA GAR GYI MKHAN PO PRADZNY'A WARMA DANG, ZHU CHEN GYI LO TZ'A BA BANDE YE SHES SDE LA SOGS PAS BSGYUR CING ZHUS TE GTAN LA PHAB PA,, ,, @42A *, ,RGYA GAR SKAD DU, BH'A BA NA KRA MA, BOD SKAD DU, BSGOM PA'I RIM PA, 'JAM DPAL GZHON NUR GYUR PA LA PHYAG 'TSAL LO, ,THEG PA CHEN PO MDO SDE'I TSUL GYI RJES SU 'JUG PA RNAMS KYIS BSGOM PA'I RIM PA MDOR BSHAD DO, ,'DI LA THAMS CAD MKHYEN PA NYID SHIN TU MYUR DU THOB PAR 'DOD PA RTOGS PA DANG LDAN PAS DE THOB PAR BYED PA'I RGYU RNAMS DANG RKYEN RNAMS LA MNGON PAR BRTZON PAR BYA'O, ,'DI LTAR THAMS CAD MKHYEN PA NYID 'DI NI RGYU MED PA LAS 'BYUNG BAR MI RUNG STE, THAMS CAD KYANG DUS THAMS CAD DU THAMS CAD MKHYEN PA NYID DU 'BYUNG BAR THAL BAR 'GYUR BA'I PHYIR RO, ,LTOS PA MED PAR 'BYUNG NA NI GANG DU YANG THOGS PAR MI RUNG STE, GANG GIS NA THAMS CAD KYANG THAMS CAD MKHYEN PA NYID DU MI 'GYUR RO, ,DE LTA BAS NA LA LAR BRGYA LAM NA 'GA' ZHIG 'BYUNG DU ZAD PAS DNGOS PO THAMS CAD NI RGYU LA LTOS PA KHO NA YIN NO, ,THAMS CAD MKHYEN PA NYID DU YANG LA LAR BRGYA LAM NA 'GA' ZHIG 'GYUR TE, DUS THAMS CAD DU YANG MA YIN, GNAS THAMS CAD DU MA YIN, THAMS CAD KYANG MA YIN PAS DE'I PHYIR DE NI RGYU DANG RKYEN LA LTOS PAR NGES SO, ,RGYU DANG RKYEN DE DAG GI NANG NAS KYANG MA NOR CING MA TSANG BA MED PA RNAMS BSTEN PAR BYA'O, ,RGYU NOR BA LA NAN TAN BYAS NA NI YUN SHIN TU RING PO ZHIG GIS KYANG 'DOD PA'I 'BRAS BU 'THOB PA MED DO, ,DPER NA RVA LAS 'O MA BZHO BA BZHIN NO, ,RGYU MTHA' DAG MA SPYAD PA LAS KYANG 'BRAS BU 'BYUNG BA MED DE, SA BON LA SOGS PA GANG YANG RUNG BA ZHIG MED NA MYU GU LA SOGS PA 'BRAS BU MI 'BYUNG BA'I PHYIR RO, ,DE LTA BAS NA 'BRAS BU DE 'DOD PAS RGYU DANG RKYEN MA NOR BA DANG MTHA' DAG LA BSTEN PAR BYA'O, ,'BRAS BU THAMS CAD MKHYEN PA NYID KYI RGYU DANG RKYEN DE DAG GANG ZHE NA, SMRAS PA, BDAG LTA BU DMUS LONG DANG 'DRA BAS DE DAG BSTEN PAR MI NUS MOD KYI, 'ON KYANG BCOM LDAN 'DAS NYID KYIS MNGON PAR RDZOGS PAR SANGS RGYAS NAS GDUL BYA RNAMS LA JI SKAD BSHAD PA DE BZHIN DU BDAG GIS BCOM LDAN 'DAS KYIS BDAG NYID KYIS BSHAD DO, ,BCOM LDAN 'DAS KYIS DER BKA' STZAL PA, GSANG BA PA'I BDAG PO THAMS CAD MKHYEN PA'I YE SHES DE NI SNYING RJE'I RTZA BA LAS BYUNG BA YIN, @42B BYANG CHUB KYI SEMS KYI RGYU LAS BYUNG BA YIN, THABS KYIS MTHAR PHYIN PA YIN NO ZHES 'BYUNG NGO, ,DE LTA BAS NA THAMS CAD MKHYEN PA NYID THOB PAR 'DOD PAS SNYING RJE DANG, BYANG CHUB KYI SEMS DANG, THABS DANG GSUM PO 'DI DAG LA BSLAB PAR BYA'O, ,SNYING RJES BSKYOD NA BYANG CHUB SEMS DPA' RNAMS SEMS CAN THAMS CAD MNGON PAR GDON PA'I PHYIR NGES PAR DAM 'CHA' BAR 'GYUR RO, ,DE NAS BDAG NYID LA LTA BA BSAL NAS SHIN TU BYA DKA' ZHING RGYUN MI 'CHAD LA YUN RING POR BSGRUBS PA'I BSOD NAMS DANG YE SHES KYI TSOGS LA GUS PAR 'JUG GO, ,DE ZHUGS NAS NGES PAR BSOD NAMS DANG YE SHES KYI TSOGS YONGS SU RDZOGS PAR SGRUB BO, ,TSOGS RNAMS YONGS SU RDZOGS NA THAMS CAD MKHYEN PA NYID LAG TU THOB PA DANG 'DRA BAR 'GYUR RO, ,DE BAS NA THAMS CAD MKHYEN PA NYID KYI RTZA BA NI SNYING RJE KHO NA YIN PAS DE NI THOG MA KHO NAR GOMS PAR BYA'O, , CHOS YANG DAG PAR SDUD PA LAS KYANG BKA' STZAL TE, BCOM LDAN 'DAS BYANG CHUB SEMS DPAS CHOS RAB TU MANG PO LA BSLAB PAR MI BGYI'O, ,BCOM LDAN 'DAS BYANG CHUB SEMS DPAS CHOS GCIG RAB TU GZUNG ZHING RAB TU RTOGS PAR BGYIS NA SANGS RGYAS KYI CHOS THAMS CAD DE'I LAG MTHIL DU MCHIS PA LAGS SO, ,CHOS GCIG PO GANG ZHE NA, 'DI LTA STE SNYING RJE CHEN PO'O ZHES 'BYUNG NGO, ,SNYING RJE CHEN POS YONGS SU ZIN PAS NA SANGS RGYAS BCOM LDAN 'DAS RNAMS RANG GI DON PHUN SUM TSOGS PA MTHA' DAG BRNYES KYANG SEMS CAN GYI KHAMS MTHAR THUG PA'I BAR DU BZHUGS PAR MDZAD DO, ,NYAN THOS BZHIN DU MYA NGAN LAS 'DAS PA'I GRONG KHYER SHIN TU ZHI BAR YANG 'JUG PAR MI MDZAD DE, SEMS CAN LA GZIGS NAS MYA NGAN LAS 'DAS PA'I GRONG KHYER ZHI BA DE LCAGS KYI KHANG PA 'BAR BA BZHIN DU THAG RING DU SPONG BAS BCOM LDAN 'DAS RNAMS KYI MI GNAS PA'I MYA NGAN LAS 'DAS PA'I RGYU NI SNYING RJE CHEN PO DE NYID YIN NO, ,DE LA SNYING RJE BSGOM PA'I RIM PA DE DANG PO 'JUG PA NAS BRTZAMS TE BRJOD PAR BYA'O, ,THOG MAR RE ZHIG BTANG SNYOMS BSGOMS PAS SEMS CAN THAMS CAD LA RJES SU CHAGS PA DANG, KHONG KHRO BA BSAL TE SNYOMS PA'I SEMS NYID BSGRUB @43A *, ,PAR BYA'O, ,SEMS CAN THAMS CAD BDE BA NI 'DOD SDUG BSNGAL BA NI MI 'DOD LA, THOG MA MED PA CAN GYI 'KHOR BA NA SEMS CAN GANG LAN BRGYAR BDAG GI GNYEN DU MA GYUR PA DE GANG YANG MED DO SNYAM DU YONGS SU BSAM ZHING, 'DI LA BYE BRAG CI ZHIG YOD NA LA LA LA NI RJES SU CHAGS, LA LA LA NI KHONG KHRO BAR GYUR PAS DE LTA BAS NA BDAG GIS SEMS CAN THAMS CAD LA SEMS SNYOMS PA NYID DU BYA'O SNYAM DU DE LTAR YID LA BYA ZHING BAR MA'I PHYOGS NAS BRTZAMS TE, MDZA' BSHES DANG DGRA LA YANG SEMS SNYOMS PA NYID DU BSGOM MO, ,DE NAS SEMS CAN THAMS CAD LA SEMS SNYOMS PA NYID DU BSGRUBS NAS BYAMS PA BSGOM MO, ,BYAMS PA'I CHUS SEMS KYI RGYUD BRLAN TE GSER YOD PA'I SA GZHI BZHIN DU BYAS LA SNYING RJE'I SA BON BTAB NA BDE BLAG TU SHIN TU YONGS SU RGYAS PAR 'GYUR RO, ,DE NAS SEMS KYI RGYUD BYAMS PAS BSGOS NAS SNYING RJE BSGOM PAR BYA'O, ,SNYING RJE DE NI SEMS CAN SDUG BSNGAL BA THAMS CAD SDUG BSNGAL DE DANG BRAL BAR 'DOD PA'I RNAM PA YIN NO, ,KHAMS GSUM PA'I SEMS CAN THAMS CAD NI SDUG BSNGAL NYID RNAM PA GSUM GYIS CI RIGS PAR SHIN TU SDUG BSNGAL BA DAG YIN PAS DE'I PHYIR SEMS CAN THAMS CAD LA DE BSGOM PAR BYA STE, 'DI LTAR RE ZHIG SEMS CAN DMYAL BA BA'I SEMS CAN GANG DAG YIN PA DE DAG NI RGYUN MI 'CHAD CING YUN RING LA TSA BA LA SOGS PA'I SDUG BSNGAL SNA TSOGS KYI CHU BOR BYING BA KHO NA YIN NO ZHES BCOM LDAN 'DAS KYIS BKA' STZAL TO, ,DE BZHIN DU YI DAGS RNAMS KYANG PHAL CHER SHIN TU MI BZAD PA'I BKRES PA DANG SKOM PA'I SDUG BSNGAL GYI SEMS BSKAMS PA'I LUS SHIN TU SDUG BSNGAL MANG PO MYANG NGO ZHES BKA' STZAL TO, ,DUD 'GRO RNAMS KYANG GCIG LA GCIG ZA BA DANG, KHRO BA DANG, GSOD PA DANG, RNAM PAR 'TSE BA LA SOGS PA'I SDUG BSNGAL RNAM PA MANG PO MYONG BA KHO NAR SNANG NGO, ,MI RNAMS KYANG 'DOD PA YONGS SU TSOL BAS PHONGS NAS GCIG LA GCIG 'KHU BA DANG, GNOD PA BYED PA DANG, SDUG PA DANG BRAL BA DANG, MI SDUG PA DANG PHRAD PA DANG, DBUL PHONGS LAS GYUR PA LA SOGS PA'I SDUG BSNGAL DPAG TU MED PA NYAMS SU MYONG BAR SNANG @43B NGO; ,GANG DAG 'DOD CHAGS LA SOGS PA'I NYON MONGS PAS KUN NAS DKRIS PA SNA TSOGS KYIS SEMS DKRIS PA DAG DANG, GANG DAG LTA BA NGAN PA RNAM PA SNA TSOGS GZING GZING BAR GYUR PA DE THAMS CAD KYANG SDUG BSNGAL GYI RGYU YIN PAS GAD KA NA 'DUG PA BZHIN DU SHIN TU SDUG BSNGAL KHO NA YIN NO, ,LHA RNAMS KYANG THAMS CAD 'GYUR BA'I SDUG BSNGAL NYID KYIS SDUG BSNGAL BA DAG STE, 'DOD PA NA SPYOD PA'I LHA GANG DAG YIN PA DE DAG NI RTAG TU 'CHI 'PHO BA DANG LTUNG BA LA SOGS PA'I 'JIGS PA'I MYA NGAN GYIS SEMS LA GNOD NA JI LTAR BDE, 'DU BYED KYI SDUG BSNGAL NYID NI LAS DANG NYON MONGS PA'I MTSAN NYID KYI RGYU'I GZHAN GYI DBANG GI NGO BO NYID DANG, SKAD CIG RE RE LA 'JIG PA'I NGANG CAN GYI MTSAN NYID DE, 'GRO BA THAMS CAD LA KHYAB PA YIN NO, ,DE BAS NA 'GRO BA MTHA' DAG NI SDUG BSNGAL GYI ME LCE 'BAR BA'I NANG DU ZHUGS PA YIN PAR BLTAS LA, JI LTAR BDAG SDUG BSNGAL MI 'DOD PA LTAR GZHAN THAMS CAD KYANG DE DANG 'DRA'O SNYAM DU BSAM ZHING, KYE MA KYI HUD BDAG LA SDUG PA'I SEMS CAN 'DI DAG SDUG BSNGAL NA SDUG BSNGAL DE LAS JI LTAR THAR BAR BYA ZHES BDAG NYID SDUG BSNGAL BA BZHIN DU BYED CING DE DANG BRAL BAR 'DOD PA'I RNAM PA'I SNYING RJE DES TING NGE 'DZIN LA 'DUG KYANG RUNG; SPYOD LAM THAMS CAD DU YANG RUNG STE, DUS THAMS CAD DU SEMS CAN THAMS CAD LA BSGOM PAR BYA STE, THOG MA KHO NAR MDZA' BSHES KYI PHYOGS RNAMS LA JI SKAD SMOS PA'I SDUG BSNGAL SNA TSOGS NYAMS SU MYONG BAR MTHONG BAS BSGOM PAR BYA'O, ,DE NAS SEMS CAN MNYAM PA NYID KYIS BYE BRAG MED PAR MTHONG NAS SEMS CAN THAMS CAD NI BDAG GI GNYEN DU GYUR PA KHO NA'O SNYAM DU YONGS SU BSAM ZHING PAR MA'I PHYOGS RNAMS LA BSGOM PAR BYA'O, ,GANG GI TSE DE LA MDZA' BSHES KYI PHYOGS BZHIN DU SNYING RJE DE MNYAM PAR ZHUGS PAR GYUR PA DE'I TSE PHYOGS BCU'I SEMS CAN THAMS CAD LA BSGOM PAR BYA'O, ,GANG GI TSE BU CHUNG NGU SNYING DU SDUG PA SDUG BSNGAL BAR GYUR PA'I MA BZHIN DU BDAG NYID KYIS SHIN TU SDUG BSNGAL BA LAS 'DON PAR 'DOD PA'I RNAM PA RANG GI NGANG GIS 'JUG PA'I SNYING RJE DE SEMS CAN THAMS CAD LA MNYAM PAR ZHUGS PAR GYUR PA DE'I TSE RDZOGS PA ZHES BYA STE, SNYING RJE CHEN @44A *, ,PO'I MING YANG 'THOB PO, ,BYAMS PA BSGOM PA NI MDZA' BSHES KYI PHYOGS LA THOG MAR BYAS NAS BDE BA DANG PHRAD PAR 'DOD PA'I RNAM PA STE, RIM GYIS THA MAL PA DANG DGRA LA YANG BSGOM PAR BYA'O, ,DE LTAR DE SNYING RJE GOMS PAR BYAS NAS, RIM GYIS SEMS CAN MTHA' DAG MNGON PAR 'DON PAR 'DOD PA RANG GI NGANG GIS 'BYUNG BA NYID DU 'GYUR RO, ,DES NA RTZA BA'I SNYING RJE GOMS PAR BYAS NAS BYANG CHUB KYI SEMS BSGOM PAR BYA'O, ,BYANG CHUB KYI SEMS DE NI RNAM PA GNYIS TE, KUN RDZOB DANG, DON DAM PA'O, ,DE LA KUN RDZOB PA NI SNYING RJES SEMS CAN MTHA' DAG MNGON PAR 'DON PAR DAM BCAS NAS 'GRO BA LA PHAN GDAGS PA'I PHYIR SANGS RGYAS SU GYUR CIG SNYAM DU BLA NA MED PA YANG DAG PAR RDZOGS PA'I BYANG CHUB 'DOD PA'I RNAM PAS SEMS DANG PO BSKYED PA'O, ,DE YANG TSUL KHRIMS KYI LE'U LAS BSTAN PA'I CHO GA BZHIN DU BYANG CHUB SEMS DPA'I SDOM PA LA GNAS PA MKHAS PA PHA ROL PO LAS SEMS BSKYED PAR BYA'O, ,DE LTAR KUN RDZOB PA'I BYANG CHUB KYI SEMS BSKYED NAS DON DAM PA'I BYANG CHUB KYI SEMS BSKYED PA'I PHYIR 'BAD PAR BYA'O, ,DON DAM PA'I BYANG CHUB KYI SEMS DE NI 'JIG RTEN LAS 'DAS PO SPROS PA MTHA' DAG DANG BRAL BA, SHIN TU GSAL BA, DON DAM PA'I SPYOD YUL, DRI MA MED PA, MI G-YO BA, RLUNG MED PA'I MAR ME'I RGYUN LTAR MI G-YO BA'O, ,DE 'GRUB PA NI RTAG TU GUS PAR YUN RING DU ZHI GNAS DANG LHAG MTHONG GI RNAL 'BYOR GOMS PAR BYAS PA LAS 'GYUR TE, 'PHAGS PA DGONGS PA NGES PAR 'GREL PA LAS JI SKAD DU, BYAMS PA GANG YANG NYAN THOS RNAMS KYI'AM, BYANG CHUB SEMS DPA' RNAMS KYI 'AM, DE BZHIN GSHEGS PA RNAMS KYI DGE BA'I CHOS 'JIG RTEN PA DANG 'JIG RTEN LAS 'DAS PA THAMS CAD KYANG ZHI GNAS DANG LHAG MTHONG GI 'BRAS BU YIN PAR RIG PAR BYA'O ZHES GSUNGS PA LTA BU'O, ,DE GNYIS KYIS TING NGE 'DZIN THAMS CAD BSDUS PA'I PHYIR RNAL 'BYOR PA THAMS CAD KYIS DUS THAMS CAD DU NGES PAR ZHI GNAS DANG LHAG MTHONG BSTEN PAR BYA STE, 'PHAGS PA DGONGS PA NGES PAR 'GREL PA DE NYID LAS BCOM LDAN 'DAS @44B KYIS JI SKAD DU NGAS NYAN THOS RNAMS DANG, BYANG CHUB SEMS DPA' RNAMS DANG, DE BZHIN GSHEGS PA RNAMS KYI TING NGE 'DZIN RNAM PA DU MA BSTAN PA GANG DAG YIN PA DE DAG THAMS CAD ZHI GNAS DANG LHAG MTHONG GIS BSDUS PAR RIG PAR BYA'O ZHES GSUNGS PA LTA BU'O, ,ZHI GNAS TZAM 'BA' ZHIG GOMS PAR BYAS PAS NI RNAL 'BYOR PA RNAMS KYI SGRIB PA MI SPONG GI ,RE ZHIG NYON MONGS PA RNAM PAR GNON PA TZAM DU ZAD DE, SHES RAB KYI SNANG BA BYUNG BA MED PAR BAG LA NYAL LEGS PAR CHOMS MI SRID PA'I PHYIR BAG LA NYAL LEGS PAR CHOMS PAR MI 'GYUR RO, ,DE BAS NA 'PHAGS PA DGONGS PA NGES PAR 'GREL PA DE NYID LAS BSAM GTAN GYIS NI NYON MONGS PA RNAMS RNAM PAR GNON TO, ,SHES RAB KYIS NI BAG LA NYAL LEGS PAR 'JOMS PAR BYED DO ZHES BKA' STZAL TO, ,'PHAGS PA TING NGE 'DZIN RGYAL PO LAS KYANG, TING NGE 'DZIN DE SGOM PAR BYED MOD KYI, ,DE NI RTAG TU 'DU SHES 'JIG MI BYED; ,DE NI NYON MONGS PHYIR ZHING RAB TU 'KHRUGS, ,LHAG SPYOD 'DI NI TING 'DZIN BSGOM PA BZHIN, ,GAL TE CHOS LA BDAG MED SO SOR RTOG ,SO SOR DE BRTAGS GAL TE BSGOM PA NI, ,DE NYID MYA NGAN 'DAS THOB 'BRAS BU'I RGYU, ,RGYU GZHAN GANG YIN DES NI ZHI MI 'GYUR, ,ZHES GSUNGS SO, ,BYANG CHUB SEMS DPA'I SDE SNOD LAS KYANG, GANG DAG BYANG CHUB SEMS DPA'I SDE SNOD KYI CHOS KYI RNAM GRANGS 'DI MA THOS, 'PHAGS PA'I CHOS 'DUL BA MA THOS PAR TING NGE 'DZIN TZAM GYIS CHOG PAR 'DZIN PA NI NGA RGYAL GYI DBANG GIS MNGON PA'I NGA RGYAL DU LTUNG ZHING, SKYE BA DANG, RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA LAS YONGS SU MI GROL, 'GRO BA DRUG GI 'KHOR BA LAS YONGS SU MI GROL, SDUG BSNGAL GYI PHUNG PO LAS KYANG YONGS SU MI GROL TE, DE LA DGONGS NAS DE BZHIN GSHEGS PAS 'DI SKAD CES, GZHAN LA RJES SU MTHUN PA THOS PA NI RGA SHI LAS GROL BAR 'GYUR RO ZHES BKA' STZAL TO ZHES GSUNGS SO, ,DE LTA BAS NA SGRIB PA MTHA' DAG SPANGS NAS YONGS SU DAG PA'I YE SHES 'BYUNG BAR 'DOD PAS ZHI GNAS LA GNAS SHING SHES @45A *, ,RAB BSGOM PAR BYA'O, ,DE SKAD DU, 'PHAGS PA DKON MCHOG BRTZEGS PA LAS KYANG BKA' STZAL TE, TSUL KHRIMS LA NI GNAS NAS TING NGE 'DZIN THOB STE, ,TING NGE 'DZIN THOB NAS KYANG SHES RAB SGOM PAR BYED, ,SHES RAB KYIS NI YE SHES RNAM PAR DAG PA 'THOB, , YE SHES RNAM PAR DAG PAS TSUL KHRIMS PHUN SUM TSOGS, ,ZHES BKA' STZAL TE, ,'PHAGS PA THEG PA CHEN PO LA DAD PA BSGOM PA'I MDO LAS KYANG, RIGS KYI BU SHES RAB LA NYE BAR MI GNAS NA BYANG CHUB SEMS DPA' RNAMS KYI THEG PA CHEN PO LA DAD PA THEG PA CHEN PO LA JI LTAR YANG 'BYUNG BAR NGA MI SMRA'O, ,RIGS KYI BU RNAM GRANGS 'DIS KYANG 'DI LTAR BYANG CHUB SEMS DPA' RNAMS KYI THEG PA CHEN PO LA DAD PA THEG PA CHEN PO LA 'BYUNG BA GANG CI YANG RUNG, DE THAMS CAD NI RNAM PAR MA G-YENGS PA'I SEMS KYIS DON DANG CHOS YANG DAG PAR BSAMS PA LAS BYUNG BAR RIG PAR BYA'O ZHES BKA' STZAL TO, ,ZHI GNAS DANG BRAL BA'I LHAG MTHONG 'BA' ZHIG GIS NI RNAL 'BYOR PA'I SEMS YUL RNAMS LA RNAM PAR G-YENG BAR 'GYUR GYI, RLUNG GI NANG NA 'DUG PA'I MAR ME BZHIN DU BRTAN PAR MI 'GYUR RO, ,DE BAS NA YE SHES KYI SNANG BA SHIN TU GSAL BAR MI 'BYUNG STE, DE LTA BAS NA GNYIS KA DANG 'DRA BAR BSTEN PAR BYA'O, ,DE'I PHYIR 'PHAGS PA YONGS SU MYA NGAN LAS 'DAS PA CHEN PO'I MDO LAS KYANG, NYAN THOS RNAMS KYIS NI DE BZHIN GSHEGS PA'I RIGS MI MTHONG STE, TING NGE 'DZIN GYI SHAS CHE BA'I PHYIR DANG, SHES RAB CHUNG BA'I PHYIR RO, ,BYANG CHUB SEMS DPA' RNAMS KYIS NI MTHONG MOD KYI MI GSAL TE, SHES RAB KYI SHAS CHE BA'I PHYIR DANG, TING NGE 'DZIN CHUNG BA'I PHYIR RO, ,DE BZHIN GSHEGS PAS NI THAMS CAD GZIGS TE, ZHI GNAS DANG LHAG MTHONG MTSUNGS PAR LDAN PA'I PHYIR RO ZHES BKA' STZAL TE, ,ZHI GNAS KYI STOBS KYIS NI MAR ME RLUNG GIS MA BSKYOD PA BZHIN DU RNAM PAR RTOG PA'I RLUNG RNAMS KYIS SEMS G-YO BAR MI 'GYUR RO, ,LHAG MTHONG GIS NI LTA BA NGAN PA'I DRI MA MTHA' DAG SPANGS PAS GZHAN DAG GIS MI PHYED DE, ZLA BA SGRON MA'I MDO LAS JI SKAD DU, ZHI GNAS STOBS KYIS G-YO BA MED PAR 'GYUR, ,LHAG MTHONG @45B GIS NI RI DANG 'DRA BAR 'GYUR, ,ZHES GSUNGS PA LTA BU'O, ,DE LTA BAS NA GNYIS KA LA RNAL 'BYOR DU BYAS PAR GNAS SO, ,DE LA THOG MAR RE ZHIG RNAL 'BYOR PAS GANG GIS BDE BAR MYUR DU ZHI GNAS DANG LHAG MTHONG 'GRUB PAR 'GYUR BA ZHI GNAS DANG LHAG MTHONG GI TSOGS LA JE BSTEN PAR BYA'O, ,DE LA ZHI GNAS KYI TSOGS GANG ZHE NA, MTHUN PA'I YUL NA GNAS PA DANG, 'DOD PA CHUNG BA DANG, CHOG SHES PA DANG, BYA BA MANG PO YONGS SU SPANGS PA DANG, TSUL KHRIMS RNAM PAR DAG PA DANG, 'DOD PA LA SOGS PA'I RNAM PAR RTOG PA YONGS SU SPANGS PA'O, ,DE LA YON TAN LNGA DAG DANG LDAN PA NI MTHUN PA'I YUL YIN PAR SHES PAR BYA STE, GOS DANG ZAS LA SOGS PA TSOGS MED PAR RNYED PA'I PHYIR RNYED SLA BA DANG, SKYE BO MI SRUN PA DANG DGRA LA SOGS PA MI GNAS PA'I PHYIR GNAS BZANG BA DANG, NAD MED PA'I SA YIN PAS SA BZANG BA DANG, GROGS TSUL KHRIMS DANG LDAN PA LTA BA MTSUNGS PA YIN PAS GROGS BZANG BA DANG, NYIN MO SKYE BO MANG PO DAG GIS MA GANG BA'I PHYIR DANG, MTSAN MO SGRA CHUNG BA'I PHYIR LEGS PAR LDAN PA'O, ,'DOD PA CHUNG BA GANG ZHE NA, CHOS GOS LA SOGS PA BZANG PO'AM MANG PO LA LHAG PAR CHAGS PA MED PA'O, , CHOG SHES PA GANG ZHE NA, CHOS GOS LA SOGS PA NGAN DON TZAM RNYED PAS RTAG TU CHOG SHES PA GANG YIN PA'O, ,BYA BA MANG PO YONGS SU SPANGS PA GANG ZHE NA, NYA TSONG LA SOGS PA LAS NGAN PA YONGS SU SPANG BA DANG, KHYIM PA DANG RAB TU BYUNG BA GANG DAG HA CANG SMOS 'DRIN BYED PA YONGS SU SPANG BA DANG, SMAN BYED PA SKAR MA RTZI BA LA SOGS PA YONGS SU SPANGS PA GANG YIN PA'O, ,TSUL KHRIMS RNAM PAR DAG PA GANG ZHE NA, SDOM PA GNYIS KA LA YANG RANG BZHIN DANG BCAS PA'I KHA NA MA THO BA DANG BCAS PA'I BSLAB PA'I GZHI MI 'DRAL BA DANG, BAG MED PAR RAL NA YANG SKYEN PA SKYEN PA 'GYOD PAS CHOS BZHIN DU BYED PA DANG, NYAN THOS KYI SDOM PA LA PHAM PA BCOS SU MI RUNG BAR GSUNGS PA GANG YIN PA DE LA YANG 'GYOD PA DANG LDAN PA DANG, PHYIS MI BYA BA'I SEMS DANG LDAN PA DANG, SEMS GANG GIS LAS DE BYAS PA'I SEMS DE LA NGO BO NYID MED PAR SO SOR RTOG PA'I PHYIR @46A *, ,RAM; CHOS THAMS CAD NGO BO NYID MED PAR GOMS PA'I PHYIR DE'I TSUL KHRIMS RNAM PAR DAG PA KHO NA YIN PAR BRJOD PAR BYA'O, ,DE NI 'PHAGS PA MA SKYES DGRA'I 'GYOD PA BSAL BA LAS KHONG DU CHUD PAR RIG PAR BYA'O, ,DE BAS NA DE 'GYOD PA MED PAR BYAS LA SGOM PA LA MNGON PAR BRTZON PAR BYA'O, ,'DOD PA RNAMS LA YANG TSE 'DI DANG TSE PHYI MA LA NYES DMIGS RNAM PA MANG POR 'GYUR BAR YID LA BYAS LA DE DAG LA RNAM PAR RTOG PA SPANG BAR BYA'O, ,RNAM PA GCIG TU NA 'KHOR BA PA'I DNGOS PO SDUG PA'AM MI SDUG PA YANG RUNG STE, DE DAG THAMS CAD NI RNAM PAR 'JIG PA'I CHOS CAN MI BRTAN PA STE, GDON MI ZA BAR DE DAG THAMS CAD DANG BDAG RING POR MI THOGS PAR 'BRAL BAR GYUR NA, BDAG DE LA CI ZHIG LHAG PAR CHAGS PA LA SOGS PAR 'GYUR SNYAM DU BSGOMS PAS RNAM PAR RTOG PA THAMS CAD SPANG BAR BYA'O, ,LHAG MTHONG GI TSOGS GANG ZHE NA; SKYES BU DAM PA LA BRTEN PA DANG, MANG DU THOS PA YONGS SU BTZAL BA DANG, TSUL BZHIN SEMS PA'O, ,DE LA SKYES BU DAM PA JI LTA BU LA BRTEN PAR BYA ZHE NA, GANG MANG DU THOS PA DANG, TSIG GSAL BA DANG, SNYING RJE DANG LDAN PA DANG, SKYO BA BZOD PA'O, ,DE LA MANG DU THOS PA YONGS SU BTZAL BA GANG ZHE NA, GANG BCOM LDAN 'DAS KYI GSUNG RAB YAN LAG BCU GNYIS PO NGES PA'I DON DANG DRANG BA'I DON LA GUS PAR BYAS SHING SHIN TU NYAN PA STE, 'DI LTAR 'PHAGS PA DGONGS PA NGES PAR 'GREL PA LAS, 'PHAGS PA'I GTAM 'DOD PA BZHIN DU MA THOS PA NI LHAG MTHONG GI GEGS YIN NO ZHES BKA' STZAL TO, ,DE NYID LAS LHAG MTHONG NI THOS PA DANG BSAMS PA LAS BYUNG BA'I LTA BA RNAM PAR DAG PA'I RGYU LAS BYUNG BA YIN NO ZHES GSUNGS SO, ,'PHAGS PA SRED MED KYI BUS ZHUS PA LAS KYANG, THOS PA DANG LDAN PA NI SHES RAB 'BYUNG BAR 'GYUR RO, ,SHES RAB DANG LDAN PA NI NYON MONGS PA RAB TU ZHI BAR 'GYUR RO ZHES BKA' STZAL TO, ,TSUL BZHIN BSAM PA GANG ZHE NA, GANG NGES PA'I DON GYI MDO SDE DANG DRANG BA'I DON GYI MDO SDE LA SOGS PA LEGS PAR GTAN LA 'BEBS PA STE, DE LTAR BYANG CHUB SEMS DPA' THE TSOM MED NA BSGOM PA LA GCIG TU NGES PAR @46B 'GYUR RO, ,DE LTA MA YIN NA THE TSOM GYI 'PHYANG MO NYUG PA'I THAG PA LA 'DUG PA NI LAM KHA BRAG GI MDOR PHYIN PA'I MI LTAR GANG DU YANG GCIG TU NGES PAR MI 'GYUR RO, ,RNAL 'BYOR PAS NI DUS THAMS CAD DU NYA DANG SHA LA SOGS PA SPANG ZHING MI MTHUN PA MA YIN PA DANG, ZAS TSOD ZIN PAR BZA' BAR BYA'O, ,DE LTAR BYANG CHUB SEMS DPA' ZHI GNAS DANG LHAG MTHONG GI TSOGS MTHA' DAG BSAGS PA DES BSGOM PA LA 'JUG PAR BYA'O, ,DE LA RNAL 'BYOR PAS BSGOM PA'I DUS NA THOG MAR BYA BA CI YOD PA THAMS CAD YONGS SU RDZOGS PAR BYAS LA, BSHANG GCI BYAS NAS SGRA'I TSER MA MED PA YID DU 'ONG BA'I PHYOGS SU BDAG GIS SEMS CAN THAMS CAD BYANG CHUB KYI SNYING PO LA DGOD PAR BYA'O SNYAM DU BSAM ZHING, 'GRO BA MTHA' DAG MNGON PAR GDON PA'I BSAM PA CAN GYIS SNYING RJE CHEN PO MNGON DU BYAS LA, PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD LA YAN LAG LNGAS PHYAG BYAS NAS, SANGS RGYAS DANG BYANG CHUB SEMS DPA'I SKU GZUGS RI MO LA SOGS PA MDUN DU GZHAG GAM GZHAN DU YANG RUNG STE, DE DAG LA CI NUS KYIS MCHOD PA DANG BSTOD PA BYAS LA RANG GI SDIG PA BSHAGS NAS 'GRO BA MTHA' DAG GI BSOD NAMS LA RJES SU YI RANG BAR BYAS LA, STAN SHIN TU 'JAM PO BDE BA LA RJE BTZUN RNAM PAR SNANG MDZAD KYI SKYIL MO KRUNG LTA BU'AM, SKYIL MO KRUNG PHYED DU YANG RUNG STE, MIG HA CANG YANG MI DBYE, HA CANG YANG MI GZUM [?] PAR SNA'I RTZE MOR GTAD CING, LUS HA CANG YANG MI SGU, HA CANG YANG MI DGYE BAR DRANG POR BSRANGS LA DRAN PA NANG DU GZHAG STE 'DUG PAR BYA'O, ,DE NAS PHRAG PA MNYAM PAR GZHAG LA MGO MI MTHO MI DMA' ZHING PHYOGS GCIG TU MA YO BAR GZHAG STE SNA NAS LTE BA'I BAR DRANG POR GZHAG GO, ,SO DANG MCHU YANG THA MAL PAR GZHAG GO, ,LCE YANG YA SO'I DRUNG DU GZHAR RO, ,DBUGS PHYI NANG DU RGYU BA YANG SGRA CAN DANG, RNGAMS PA CAN DANG, DBUGS RGOD PA CAN DU MI BTANG GI, ,CI NAS KYANG MI TSOR BAR DAL BU DAL BUS LHUN GYIS GRUB PA'I TSUL GYIS DBUGS NANG DU RNGUB PA DANG PHYIR 'BYUNG BA DE LTAR BYA'O, ,DE LA THOG MAR RE ZHIG ZHI GNAS BSGRUB PAR BYA STE, PHYI ROL GYI YUL @47A *, ,LA RNAM PAR G-YENG BA ZHI GNAS NANG DU DMIGS PA LA RGYUN DU RANG GI NGANG GIS 'JUG LA DGA' BA DANG SHIN TU SBYANGS PA DANG LDAN PA'I SEMS NYID LA GNAS PA NI ZHI GNAS ZHES BYA'O, ,ZHI GNAS DE NYID LA DMIGS PA'I TSE DE KHO NA LA RNAM PAR DPYOD PA GANG YIN PA DE NI LHAG MTHONG YIN TE, 'PHAGS PA DKON MCHOG SPRIN LAS JI SKAD DU, ZHI GNAS NI SEMS RTZE GCIG PA NYID DO, ,LHAG MTHONG NI YANG DAG PAR SO SOR RTOG PA'O ZHES GSUNGS PA LTA BU'O, ,'PHAGS PA DGONGS PA NGES PAR 'GREL PA LAS KYANG, BCOM LDAN 'DAS JI LTAR ZHI GNAS YONGS SU TSOL BAR BGYID PA DANG, LHAG MTHONG LA MKHAS PA LAGS, BKA' STZAL PA, BYAMS PA NGAS CHOS GDAGS PA RNAM PAR GZHAG PA 'DI LTA STE, MDO'I SDE DANG, DBYANGS KYIS BSNYAD PA'I SDE DANG, LUNG DU BSTAN PA'I SDE DANG, TSIGS SU BCAD PA'I SDE DANG, CHED DU BRJOD PA'I SDE DANG, GLENG GZHI'I SDE DANG, RTOGS PA BRJOD PA'I SDE DANG, DE LTA BU BYUNG BA'I SDE DANG, SKYES PA RABS KYI SDE DANG, SHIN TU RGYAS PA'I SDE DANG, RMAD DU BYUNG BA'I CHOS KYI SDE DANG, GTAN LA PHAB PAR BSTAN PA'I SDE GANG DAG BYANG CHUB SEMS DPA' RNAMS LA BSHAD PA DE DAG BYANG CHUB SEMS DPAS LEGS PAR THOS, LEGS PAR GZUNG, KHA TON BYANG BAR BYAS, YID KYIS LEGS PAR BRTAGS, MTHONG BAS SHIN TU RTOGS PAR BYAS NAS DE GCIG PU DBEN PAR 'DUG STE NANG DU YANG DAG BZHAG NAS JI LTAR LEGS PAR BSAMS PA'I CHOS DE DAG NYID YID LA BYED CING SEMS GANG GIS YID LA BYED PA'I SEMS DE NANG DU RGYUN CHAGS SU YID LA BYED PAS YID LA BYED DO, ,DE LTAR ZHUGS SHING DE LA LAN MANG DU GNAS PA DE LA LUS SHIN TU SBYANGS PA DANG SEMS SHIN TU SBYANGS PA 'BYUNG BA GANG YIN PA DE NI ZHI GNAS ZHES BYA STE, DE LTAR NA BYANG CHUB SEMS DPA' ZHI GNAS YONGS SU TSOL BAR BYED PA YIN NO, ,DES LUS SHIN TU SBYANGS PA DANG, SEMS SHIN TU SBYANGS PA DE THOB NAS DE NYID LA GNAS TE, SEMS KYI RNAM PAR G-YENG BA SPANGS NAS JI LTAR BSAMS PA'I CHOS DE DAG NYID NANG DU TING NGE 'DZIN GYI SPYOD YUL GZUGS BRNYAN DU SO SOR RTOG PAR @47B BYED, MOS PAR BYED DO, ,DE LTAR TING NGE 'DZIN GYI SPYOD YUL GZUGS BRNYAN DE DAG LA SHES BYA'I DON DE RNAM PAR 'BYED PA DANG, RAB TU RNAM PAR 'BYED PA DANG, YONGS SU RTOG PA DANG, YONGS SU DPYOD PA DANG, BZOD PA DANG, 'DOD PA DANG, BYE BRAG 'BYED PA DANG, LTA BA DANG, RTOG PA GANG YIN PA DE NI LHAG MTHONG ZHES BYA STE, DE LTAR NA BYANG CHUB SEMS DPA' LHAG MTHONG LA MKHAS PA YIN NO ZHES GSUNGS SO, ,DE LA RNAL 'BYOR PA ZHI GNAS MNGON PAR BSGRUB PAR 'DOD PAS THOG MAR RE ZHIG MDO'I SDE DANG, DBYANGS KYIS BSNYAD PA'I SDE LA SOGS PA GSUNG RAB MTHA' DAG NI DE BZHIN NYID LA GZHOL PA, DE BZHIN NYID LA BAB PA, DE BZHIN NYID LA 'BAB PA'O ZHES THAMS CAD BSDUS TE DE LA SEMS NYE BAR GZHAG PAR BYA'O, ,RNAM PA GCIG TU NA RNAM PA JI TZAM GYIS CHOS THAMS CAD BSDUS PAR GYUR PA PHUNG PO LA SOGS PA DE LA SEMS NYE BAR GZHAG PAR BYA'O, ,RNAM PA GCIG TU NA JI LTAR MTHONG BA DANG, JI LTAR THOS PA'I SANGS RGYAS KYI SKU GZUGS LA SEMS GZHAG PAR BYA STE, 'PHAGS PA TING NGE 'DZIN GYI RGYAL PO LAS JI SKAD DU, GSER GYI KHA DOG LTA BU'I SKU LUS KYIS, ,'JIG RTEN MGON PO KUN DU MDZES PA STE, ,DMIGS PA DE LA GANG GIS SEMS 'JUG PA, ,BYANG CHUB SEMS DPA' DE MNYAM GZHAG CES BYA, ,ZHES GSUNGS PA LTA BU'O, ,DE LTAR GANG LA 'DOD PA'I DMIGS PA DE LA SEMS BZHAG NAS DE NYID LA PHYIR ZHING RGYUN DU SEMS GZHAG PAR BYA'O, ,DE LA NYE BAR GZHAG NAS SEMS LA 'DI LTAR DPYAD PAR BYA STE, CI DMIGS PA LEGS PAR 'DZIN TAM, 'ON TE BYING NGAM, 'ON TE PHYI ROL GYI YUL LA RNAM PAR 'PHYAR BAS RNAM PAR G-YENGS SAM SNYAM DU BRTAG PAR BYA'O, ,DE LA GAL TE RMUGS PA DANG GNYID KYIS NON NAS SEMS BYING NGAM, BYING DU DOGS PA MTHONG BA DE'I TSE, MCHOG TU DGA' BA'I DNGOS PO SANGS RGYAS KYI SKU GZUGS LA SOGS PA'AM, SNANG BA'I 'DU SHES YID LA BYA'O, ,DE NAS BYING BA ZHI BAR BYAS NAS CI NAS KYANG DMIGS PA DE NYID LA SEMS KYIS DMIGS PA SHIN TU GSAL BAR MTHONG BAR GYUR PA DE LTAR BYA'O, ,GANG GI TSE DMUS LONG LTA BU'AM, MI MUN PAR ZHUGS @48A *, ,PA LTA BU'AM MIG BTZUMS PA LTA BUR SEMS KYIS DMIGS PA SHIN TU GSAL BAR MI MTHONG BA DE'I TSE BYING BAR GYUR PAR RIG PAR BYA'O, ,GANG GI TSE PHYI ROL GYI GZUGS LA SOGS PA LA DE DAG GI YON TAN RTOG PAS RGYUG PA'I PHYIR RAM, GZHAN YID LA BYED PAS SAM, SNGON MYONG BA'I YUL LA 'DOD PAS SEMS RGOD PA'AM RGOD DU DOGS PAR MTHONG BA DE'I TSE 'DU BYED THAMS CAD MI RTAG PA DANG, SDUG BSNGAL BA LA SOGS PA YID 'BYUNG BAR 'GYUR BA'I DNGOS PO NYID LA BYA'O, ,DE NAS RNAM PAR G-YENG BA ZHI BAR BYAS NAS DRAN PA DANG SHES BZHIN GYI THAG PAS YID KYI GLANG PO CHE DMIGS PA'I SDONG PO DE NYID LA GDAGS PAR BYA'O, ,GANG GI TSE BYING BA DANG RGOD PA MED PAR GYUR TE, DMIGS PA DE LA SEMS RNAL DU 'JUG PAR MTHONG BA DE'I TSE NI RTZOL BA GLOD LA BTANG SNYOMS SU BYA ZHING, DE'I TSE JI SRID 'DOD KYI BAR DU 'DUG PAR BYA'O, ,DE LTAR ZHI GNAS GOMS PAR BYAS PA DE'I LUS LA SEMS SHIN TU SBYANGS PAR GYUR PA DANG, JI LTAR 'DOD PA BZHIN DU DMIGS PA LA SEMS RANG DBANG DU GYUR PA DE'I TSE DE'I ZHI GNAS GRUB PA YIN PAR RIG PAR BYA'O, ,DE NAS ZHI GNAS GRUB NAS LHAG MTHONG BSGOM PAR BYA STE 'DI SNYAM DU BSAM PAR BYA'O, , BCOM LDAN 'DAS KYI BKA' THAMS CAD NI LEGS PAR GSUNGS PA STE, MNGON SUM MAM BRGYUD PAS DE KHO NA MNGON SUM DU GSAL BAR BYED PA DANG, DE KHO NA LA GZHOL BA NYID DO, ,DE KHO NA SHES NA SNANG BA BYUNG BAS MUN PA BSAL BA BZHIN DU LTA BA'I DRA BA THAMS CAD DANG BRAL BAR 'GYUR RO, , ZHI GNAS TZAM GYIS NI YE SHES DAG PAR MI 'GYUR ZHING SGRIB PA'I MUN PA YANG SEL BAR MI 'GYUR GYI, SHES RAB KYIS NI DE KHO NA LEGS PAR BSGOMS NA YE SHES RNAM PAR DAG PAR 'GYUR, SHES RAB KHO NAS DE KHO NA NYID RTOGS PAR 'GYUR, SHES RAB KHO NAS SGRIB PA YANG DAG PAR SPONG BAR 'GYUR TE; ,DE LTA BAS NA BDAG GIS ZHI GNAS LA GNAS TE SHES RAB KYIS DE KHO NA YONGS SU BTZAL BAR BYA'I, ZHI GNAS TZAM GYIS NI CHOG PAR 'DZIN PAR MI BYA'O SNYAM DU BSAM MO, DE KHO NA JI LTA BU ZHE NA, GANG DON DAM PAR DNGOS PO THAMS CAD GANG ZAG DANG CHOS KYI BDAG NYID KYIS STONG PA NYID DE, DE @48B YANG SHES RAB KYI PHA ROL TU PHYIN PAS RTOGS PAR 'GYUR GYI, GZHAN GYIS NI MA YIN TE, 'PHAGS PA DGONGS PA NGES PAR 'GREL PA LAS, BCOM LDAN 'DAS BYANG CHUB SEMS DPAS CHOS RNAMS KYI NGO BO NYID MA MCHIS PA NYID PHA ROL TU PHYIN PA GANG GIS 'DZIN PA LAGS, SPYAN RAS GZIGS DBANG PHYUG SHES RAB KYI PHA ROL TU PHYIN PAS 'DZIN TO ZHES JI SKAD GSUNGS PA LTA BU'O, ,DE LTA BAS NA ZHI GNAS LA GNAS TE SHES RAB BSGOM PAR BYA'O, ,DE LA RNAL 'BYOR PAS 'DI LTAR RNAM PAR SPYAD PAR BYA STE, GANG ZAG NI PHUNG PO DANG KHAMS DANG SKYE MCHED LAS GUD NA MI DMIGS SO, , GANG ZAG NI PHUNG PO LA SOGS PA'I NGO BO NYID KYANG MA YIN TE, PHUNG PO LA SOGS PA DE DAG NI MI RTAG PA DANG DU MA'I NGO BO YIN PA'I PHYIR DANG, GANG ZAG NI RTAG PA DANG, GCIG PU'I NGO BO YIN PAR GZHAN DAG GIS BRTAGS PA'I PHYIR RO, ,DE NYID DAM GZHAN DU BRJOD DU MI RUNG BA'I GANG ZAG GI DNGOS PO YOD PAR MI RUNG STE, DNGOS PO YOD PA'I RNAM PA GZHAN MED PA'I PHYIR RO, ,DE LTA BAS NA 'DI LTA STE, 'JIG RTEN GYI NGA DANG NGA'I ZHES BYA BA 'DI NI 'KHRUL PA KHO NA'O ZHES DPYAD PAR BYA'O, ,CHOS LA BDAG MED PA YANG 'DI LTAR BSGOM PAR BYA STE, CHOS ZHES BYA BA NI MDOR BSDU NA PHUNG PO LNGA DANG, SKYE MCHED BCU GNYIS DANG, KHAMS BCO BRGYAD DO, ,DE LA PHUNG PO DANG, SKYE MCHED DANG, KHAMS DANG GZUGS CAN GANG DAG YIN PA DE DAG NI DON DAM PAR NA SEMS KYI RNAM PA LAS GUD NA MED DE, DE DAG RDUL PHRA RAB TU BSHIG LA RDUL PHRA RAB RNAMS KYANG CHA SHAS KYI NGO BO NYID SO SOR BRTAGS NA NGO BO NYID NGES PAR GZUNG DU MED PA'I PHYIR RO, ,DE LTA BAS NA THOG MA MED PA'I DUS NAS GZUGS LA SOGS PA YANG DAG PA MA YIN PA LA MNGON PAR ZHEN PA'I DBANG GIS RMI LAM NA DMIGS PA'I GZUGS LA SOGS PA SNANG BA BZHIN DU BYIS PA RNAMS LA SEMS NYID GZUGS LA SOGS PA PHYI ROL DU CHAD PA BZHIN DU SNANG GI ,DON DAM PAR NA 'DI LA GZUGS LA SOGS PA NI SEMS KYI RNAM PA LAS GUD NA MED DO ZHES DPYAD PAR BYA'O, ,DE 'DI SNYAM DU KHAMS GSUM PA 'DI NI SEMS TZAM MO SNYAM DU SEMS SHING, DES DE LTAR CHOS BRTAGS PA MTHA' DAG NI SEMS KHO NA YIN PAR RTOGS NAS DE LA @49A *, ,SO SOR BRTAGS NA CHOS THAMS CAD KYI NGO BO NYID LA SO SOR BRTAGS PA YIN NO ZHES SEMS KYI NGO BO NYID LA SO SOR RTOG GO, ,DE 'DI LTAR DPYOD DO, ,DON DAM PAR NA SEMS KYANG BDEN PAR MI RUNG STE, GANG GI TSE BRDZUN PA'I NGO BO NYID GZUGS LA SOGS PA'I RNAM PA 'DZIN PA'I SEMS NYID SNA TSOGS KYI RNAM PAR SNANG BA DE'I TSE DE BDEN PA NYID DU GA LA 'GYUR, JI LTAR GZUGS LA SOGS PA BRDZUN PA DE BZHIN DU SEMS KYANG DE LAS GUD NA MED PAS BRDZUN PA NYID DO, ,JI LTAR GZUGS LA SOGS PA SNA TSOGS KYI RNAM PA YIN PAS GCIG DANG DU MA'I NGO BO NYID MA YIN PA DE BZHIN DU SEMS KYANG DE LAS GUD NA MED PA'I PHYIR GCIG DANG DU MA'I NGO BO NYID MA YIN NO, ,DE LTA BAS NA SEMS NI SGYU MA LA SOGS PA'I NGO BO NYID LTA BU KHO NA'O, ,SEMS JI LTA BA DE BZHIN DU CHOS THAMS CAD KYANG SGYU MA LA SOGS PA'I NGO BO NYID LTA BU KHO NA'O ZHES DPYOD DO, ,DES DE LTAR SHES RAB KYIS SEMS KYI NGO BO NYID LA SO SOR BRTAGS NA DON DAM PAR SEMS NI NANG DU YANG MI DMIGS, PHYI ROL DU YANG MI DMIGS, GNYIS KA MED PAR YANG MI DMIGS, 'DAS PA'I SEMS KYANG MI DMIGS, MA 'ONGS PA YANG MI DMIGS, DA LTAR BYUNG BA YANG MI DMIGS SO, , SEMS SKYE BA'I TSE YANG GANG NAS KYANG MI 'ONG, 'GAG PA'I TSE YANG GANG DU YANG MI 'GRO STE, SEMS NI GZUNG DU MED PA, BRTAN DU MED PA, GZUGS CAN MA YIN PA'O, ,BRTAN DU MED CING GZUNG DU MED LA GZUGS CAN MA YIN PA GANG YIN PA DE'I NGO BO NYID CI 'DRA ZHE NA, 'PHAGS PA DKON MCHOG BRTZEGS PA LAS JI SKAD GSUNGS PA LTA BU STE, 'OD SRUNGS SEMS NI YONGS SU BTZAL NA MI RNYED DO, ,GANG MA RNYED PA DE MI DMIGS SO, ,GANG MI DMIGS PA DE 'DAS PA YANG MA YIN, MA 'ONGS PA YANG MA YIN, DA LTAR BYANG BA YANG MA YIN NO ZHES RGYA CHER 'BYUNG NGO; ,DES DE LTAR BRTAGS NA SEMS KYI DANG PO YANG DAG PAR RJES SU MI MTHONG, THA MA YANG DAG PAR RJES SU MI MTHONG, BAR MA YANG DAG PAR RJES SU MI MTHONG NGO, ,JI LTAR SEMS LA MTHA' DANG DBUS MED PA DE BZHIN DU CHOS THAMS CAD KYANG MTHA' DANG DBUS MED PAR KHONG DU CHUD DO, ,DES @49B DE LTAR SEMS MTHA' DANG DBUS MED PAR KHONG DU CHUD NAS SEMS KYI NGO BO NYID GANG YANG MI DMIGS SO, ,SEMS GANG GI YONGS SU RTOG PA DE YANG STONG PAR RTOGS SO, ,DE RTOGS PAS SEMS KYIS RNAM PAR BSGRUBS PA'I NGO BO NYID GZUGS LA SOGS PA'I NGO BO NYID KYANG YANG DAG PAR RJES SU MI MTHONG NGO; ,DES DE LTAR SHES RAB KYIS CHOS THAMS CAD KYI NGO BO NYID YANG DAG PAR RJES SU MA MTHONG BAS GZUGS RTAG GO ZHE'AM, MI RTAG GO ZHE'AM, STONG NGO ZHE'AM, MI STONG NGO ZHE'AM, ZAG PA DANG BCAS PA'O ZHE'AM, ZAG PA MED PA'O ZHE'AM, BYUNG BA'O ZHE'AM, ,MA BYUNG BA'O ZHE'AM, YOD PA'O ZHE'AM, MED PA'O ZHES RTOG PAR MI BYED DO, ,JI LTAR GZUGS LA RTOG PAR MI BYED PA DE BZHIN DU TSOR BA DANG, 'DU SHES DANG, 'DU BYED DANG, RNAM PAR SHES PA RNAMS LA YANG RTOG PAR MI BYED DE, CHOS CAN MA GRUB NA DE'I BYE BRAG RNAMS KYANG MI 'GRUB PAS DE LA RTOG PAR GA LA 'GYUR, DES DE LTAR SHES RAB KYIS RNAM PAR DPYAD DE DNGOS PO GANG GI TSE RNAL 'BYOR PAS DNGOS PO GANG GI NGO BO NYID DON DAM PAR NGES PAR MI 'DZIN PA DE'I TSE RNAM PAR MI RTOG PA'I TING NGE 'DZIN LA 'JUG GO, ,CHOS THAMS CAD KYI NGO BO NYID MED PA NYID MED PA NYID KYANG RTOGS SO, ,GANG SHES RAB KYIS DNGOS PO'I NGO BO NYID SO SOR BRTAGS NAS MI BSGOM GYI, YID LA BYED PA YONGS SU SPONG BA TZAM 'BA' ZHIG SGOM PAR BYED PA DE'I RNAM PAR RTOG PA NAM YANG MI LDOG CING NGO BO NYID MED PA NYID RTOGS PAR YANG MI 'GYUR TE, SHES RAB KYI SNANG BA MED PA'I PHYIR RO, ,'DI LTAR YANG DAG PAR SO SOR RTOG PA NYID LAS YANG DAG PA JI LTA BA BZHIN DU SHES PA'I ME BYUNG NA GTZUB SHING GTZUBS PA'I ME BZHIN DU RTOG PA'I SHING SREG GO ZHES BCOM LDAN 'DAS KYIS BKA' STZAL TO, ,'PHAGS PA DKON MCHOG SPRIN LAS KYANG BKA' STZAL TO, DE LTAR SKYON LA MKHAS PA DE SPROS PA THAMS CAD DANG BRAL BAR BYA BA'I PHYIR STONG PA NYID BSGOM PA LA RNAL 'BYOR DU BYED DO, ,DE STONG PA NYID LA BSGOM PA MANG BAS GNAS GANG DANG GANG DU, SEMS 'PHRO ZHING SEMS MNGON PAR DGA' BA'I GNAS DE DANG DE DAG GI NGO BO NYID YONGS SU BTZAL NA STONG PAR RTOGS SO, ,SEMS GANG YIN PA DE YANG BRTAGS NA STONG @50A *, ,PAR RTOGS SO, ,SEMS GANG GIS RTOGS PA DE YANG NGO BO NYID KUN TU BTZAL NA STONG PAR RTOGS TE, DE DE LTAR RTOGS PAS MTSAN MA MED PA'I RNAL 'BYOR LA 'JUG GO ZHES 'BYUNG NGO, ,'DIS NI YONGS SU RTOG PA SNGON DU GTONG BA NYID MTSAN MA MED PA NYID LA 'JUG PAR BSTAN TO, YID LA BYED PA YONGS SU SPONG BA TZAM DANG, SHES RAB KYI DNGOS PO'I NGO BO NYID MI DPYOD PAR RNAM PAR MI RTOG PA NYID DU 'JUG PA MI SRID PAR SHIN TU GSAL BAR BSTAN PA YIN NO, ,DE LTAR DE SHES RAB KYIS GZUGS LA SOGS PA'I DNGOS PO'I NGO BO NYID YANG DAG PA JI LTA BA BZHIN DU BRTAGS NAS BSAM GTAN BYED KYI, GZUGS LA SOGS PA LA GNAS NAS BSAM GTAN MI BYED CING, 'JIG RTEN 'DI DANG 'JIG RTEN PHA ROL GYI BAR LA GNAS NAS BSAM GTAN MI BYED DE, GZUGS LA SOGS PA DE DAG MI DMIGS PA'I PHYIR RO, , DE LTA BAS NA MI GNAS PA'I BSAM GTAN PA ZHES BYA'O, ,SHES RAB KYI DNGOS PO MTHA' DAG GI NGO BO NYID LA SO SOR BRTAGS NAS GANG GI PHYIR MI DMIGS PAR BSAM GTAN BYED PA DE'I PHYIR SHES RAB MCHOG GI BSAM GTAN PA ZHES BYA STE, 'PHAGS PA NAM MKHA' MDZOD DANG, 'PHAGS PA GTZUG NA RIN PO CHE LA SOGS PA LAS BSTAN PA BZHIN NO, ,DE LTAR GANG ZAG DANG CHOS LA BDAG MED PA DE LTAR KHO NA LA ZHUGS PA DE YONGS SU BRTAG PAR BYA BA BLTA BAR BYA BA GZHAN MED PAS RTOG PA DANG DPYOD PA DANG BRAL BA, BRJOD PA MED PA DANG GCIG TU GYUR PA'I YID LA BYED PA RANG GI NGANG GIS 'JUG PA MNGON PAR 'DU BYED PA MED PAS DE KHO NA NYID LA SHIN TU GSAL BAR BSGOM ZHING 'DUG PAR BYA'O, ,DER GNAS NAS SEMS KYI RGYUN RNAM PAR MI G-YENG BAR BYA'O, ,GANG GI TSE BAR SKABS SU 'DOD CHAGS LA SOGS PAS SEMS PHYI ROL DU RNAM PAR G-YENG BA DE'I TSE RNAM PAR G-YENGS PA TSOR BAR BYAS LA MYUR DU MI SDUG PA BSGOM PA LA SOGS PAS RNAM PAR G-YENG BA ZHI BAR BYAS NAS MYUR DU DE BZHIN NYID LA SEMS PHYIR ZHING 'JUG PAR BYA'O, ,GANG GI TSE DE LA SEMS MNGON PAR MI DGA' BAR MTHONG BA DE'I TSE TING NGE 'DZIN GYI YON TAN MTHONG BAS DE LA MNGON PAR @50B DGA' BA BSGOM PAR BYA'O, ,RNAM PAR G-YENG BA LA NYES PAR MTHONG BAS KYANG MI DGA' BA RAB TU ZHI BAR BYA'O, ,JI STE RMUGS PA DANG GNYID KYIS NON TE RGYU BA MI GSAL BAS SEMS BYING NGAM BYING DU DOGS PAR MTHONG BA DE'I TSE GONG MA BZHIN DU MCHOG TU DGA' BA'I DNGOS PO YID LA BYED PAS MYUR DU BYING BA ZHI BAR BYAS LA, YANG DMIGS PA DE KHO NA DE NYID SHIN TU DAM POR GZUNG BAR BYA'O, ,JI STE GANG GI TSE SNGON BDAG PA DANG, RTZES PA RJES SU DRAN PAS BAR SKABS SU SEMS 'PHYAR BA'AM RGOD DU DOGS PAR MTHONG BA DE'I TSE GONG MA BZHIN DU MI RTAG PA LA SOGS PA YID 'BYUNG BAR 'GYUR BA'I DNGOS PO YID LA BYAS LA G-YENG BA ZHI BAR BYA ZHING, DE NAS YANG DE KHO NA NYID LA SEMS MNGON PAR 'DU BYED PA MED PAR 'JUG PAR 'BAD PAR BYA'O, ,JI STE GANG GI TSE BYING BA DANG RGOD PA DANG BRAL BAR GYUR NAS MNYAM PAR ZHUGS TE DE KHO NA NYID LA SEMS RANG GI NGANG GIS 'JUG PAR 'GYUR BA DE'I TSE RTZOL BA GLOD DE BTANG SNYOMS SU BYA'O, ,GAL TE SEMS MNYAM PAR ZHUGS PA LA BRTZAL BA BYAS NA DE'I TSE SEMS RNAM PAR G-YENG BAR 'GYUR RO, ,GAL TE SEMS BYING BAR GYUR PA LA BRTZAL BAR MA BYAS NA DE'I TSE SHIN TU BYING BAS LHAG MTHONG MED DE, SEMS DMUS LONG BZHIN DU 'GYUR RO, ,DE LTA BAS NA SEMS BYING BAR GYUR NA BRTZAL BAR BYA'O, ,MNYAM PAR GYUR NA BRTZAL BAR MI BYA'O, ,GANG GI TSE LHAG MTHONG BSGOMS PAS SHES RAB SHIN TU SHAS CHE BAR GYUR PA DE'I TSE ZHI GNAS CHUNG BAS MAR ME RLUNG LA BZHAG PA BZHIN DU SEMS G-YO BAR 'GYUR TE, DE'I PHYIR DE KHO NA SHIN TU GSAL BAR MTHONG BAR MI 'GYUR TE, DE BAS NA DE'I TSE ZHI GNAS BSGOM PAR BYA'O, ,ZHI GNAS KYI SHAS CHE BAR GYUR NA YANG SHES RAB BSGOM PAR BYA'O, ,GANG GI TSE GNYIS KA MNYAM DU 'JUG PA'I TSE LUS DANG SEMS LA GNOD PAR MA GYUR GYI BAR DU MNGON PAR 'DU BYED PA MED PAR GNAS PAR BYA'O, ,LUS LA SOGS PA LA GNOD PAR GYUR NA DE'I BAR SKABS SU 'JIG RTEN MTHA' DAG SGYU MA DANG, SMIG RGYU DANG, RMI LAM DANG, CHU ZLA DANG, MIG YOR LTA BUR LTA ZHING 'DI SNYAM DU BSAM PAR BYA STE, SEMS CAN 'DI DAG NI CHOS ZAB MO 'DI LTA @51A *, ,BU KHONG DU MA CHUD PAS 'KHOR BA NA KUN DU NYON MONGS PAR GYUR GYIS, BDAG GIS CI NAS KYANG DE DAG CHOS NYID DE KHONG DU CHUD PAR 'GYUR BA DE LTAR BYA'O SNYAM DU BSAM ZHING, SNYING RJE CHEN PO DANG BYANG CHUB KYI SEMS MNGON DU BYA'O, ,DE NAS NGAL BSO LA, YANG DE BZHIN DU CHOS THAMS CAD SNANG BA MED PA'I TING NGE 'DZIN LA 'JUG PAR BYA'O, ,YANG SEMS SHIN TU SKYO BAR GYUR NA DE BZHIN DU NGAL GSO BAR BYA'O, ,'DI NI ZHI GNAS DANG LHAG MTHONG ZUNG DU 'BREL PAR 'JUG PA'I LAM STE RNAM PAR RTOG PA DANG BCAS PA DANG, RNAM PAR MI RTOG PA'I GZUGS BRNYAN LA DMIGS PA'O; ,DE LTAR RNAL 'BYOR PAS RIM PA 'DIS CHU TSOD GCIG GAM, MEL TSE THUN PHYED DAM, THUN GCIG GAM, JI SRID 'DOD KYI BAR DU DE KHO NA BSGOM ZHING 'DUG PAR BYA'O, ,'DI NI DON RAB TU RNAM PAR 'BYED PA'I BSAM GTAN TE, 'PHAGS PA LANG KAR GSHEGS PA LAS BSTAN TO, , DE NAS 'DOD NA TING NGE 'DZIN LAS LANGS TE SKYIL MO KRUNG MA BSHIG PAR 'DI SNYAM DU CHOS 'DI DAG THAMS CAD DON DAM PAR NGO BO NYID MED PA NYID YIN DU ZIN KYANG, KUN RDZOB TU RNAM PAR GNAS PA NYID DO, ,DE LTA MA YIN NA LAS DANG 'BRAS BU 'BREL PA LA SOGS PA JI LTAR RNAM PAR GNAS PAR 'GYUR, BCOM LDAN 'DAS KYIS KYANG, DNGOS PO SKYE BA KUN RDZOB TU, ,DAM PA'I DON DU RANG BZHIN MED, ,CES BKA' STZAL TO, ,SEMS CAN BYIS PA'I BLO CAN 'DI DAG NI NGO BO NYID MED PA'I DNGOS PO RNAMS LA YOD PA LA SOGS PA SGRO 'DOGS PAS BLO PHYIN CI LOG TU GYUR TE, YUN RING POR 'KHOR BA'I 'KHOR LO NA YONGS SU 'KHYAMS PAS BDAG GIS CI NAS KYANG BSOD NAMS DANG YE SHES KYI TSOGS BLA NA MED PA YONGS SU RDZOGS PAR BYA STE, DE NAS THAMS CAD MKHYEN PA'I GO 'PHANG THOB PAR BYA LA, DE DAG CHOS NYID KHONG DU CHUD PAR BYA'O SNYAM DU BSAMS LA, DE NAS DAL BUS SKYIL MO KRUNG BSHIG STE PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD LA PHYAG BYAS LA, DE DAG LA MCHOD PA DANG BSTOD PA BYAS NAS, 'PHAGS PA BZANG PO SPYOD PA LA SOGS PA'I SMON LAM RGYA CHEN PO GDAB BO, DE NAS STONG PA NYID DANG SNYING RJE CHEN PO'I @51B SNYING PO CAN SBYIN PA LA SOGS PA BSOD NAMS DANG YE SHES KYI TSOGS MTHA' DAG BSGRUB PA LA MNGON PAR BRTZON PAR BYA'O, ,DE LTAR GYUR NA BSAM GTAN DE RNAM PA THAMS CAD KYI MCHOG DANG LDAN PA'I STONG PA NYID MNGON PAR BSGRUBS PA YIN TE, 'PHAGS PA GTZUG NA RIN PO CHE LAS JI SKAD DU, DE BYAMS PA'I GO CHA BGOS SHING SNYING RJE CHEN PO'I GNAS LA GNAS NAS RNAM PA THAMS CAD KYI MCHOG DANG LDAN PA'I STONG PA NYID MNGON PAR BSGRUB PA'I BSAM GTAN BYED DO, ,DE LA RNAM PA THAMS CAD KYI MCHOG DANG LDAN PA'I STONG PA NYID GANG ZHE NA, GANG SBYIN PA DANG MA BRAL BA, TSUL KHRIMS DANG MA BRAL BA, BZOD PA DANG MA BRAL BA, BRTZON 'GRUS DANG MA BRAL BA, BSAM GTAN DANG MA BRAL BA, SHES RAB DANG MA BRAL BA, THABS DANG MA BRAL BA ZHES BYA BA LA SOGS PA RGYA CHER BKA' STZAL PA LTA BU'O, ,BYANG CHUB SEMS DPA' NI SEMS CAN THAMS CAD YONGS SU SMIN PAR BYED PA DANG, ZHING DANG, LUS DANG, G-YOG 'KHOR MANG PO LA SOGS PA PHUN SUM TSOGS PAR GYUR PA'I THABS SBYIN PA LA SOGS PA'I DGE BA NGES PAR BSTEN PAR BYA DGOS SO, ,DE LTA MA YIN NA SANGS RGYAS RNAMS KYI ZHING LA SOGS PA PHUN SUM TSOGS PA GANG BKA' STZAL PA DE GANG GI 'BRAS BU YIN PAR 'GYUR, DE LTA BAS NA RNAM PA THAMS CAD KYI MCHOG DANG LDAN PA THAMS CAD MKHYEN PA'I YE SHES DE NI SBYIN PA LA SOGS PA THABS KYIS YONGS SU RDZOGS PAR 'GYUR BAS BCOM LDAN 'DAS KYIS THAMS CAD MKHYEN PA'I YE SHES DE NI THABS KYIS MTHAR PHYIN PA YIN NO ZHES BKA' STZAL TO, ,DE'I PHYIR BYANG CHUB SEMS DPAS SBYIN PA LA SOGS PA THABS LA YANG BSTEN PAR BYA'I, STONG PA NYID 'BA' ZHIG NI MA YIN NO, ,DE SKAD DU 'PHAGS PA CHOS THAMS CAD SHIN TU RGYAS PA BSDUS PA LAS KYANG BKA' STZAL TE, BYAMS PA BYANG CHUB SEMS DPA' RNAMS KYI PHA ROL TU PHYIN PA DRUG YANG DAG PAR BSGRUBS PA 'DI NI RDZOGS PA'I BYANG CHUB KYI PHYIR YIN NA, DE LA MI BLUN PO DE DAG 'DI SKAD DU, BYANG CHUB SEMS DPA' SHES RAB KYI PHA ROL TU PHYIN PA KHO NA LA BSLAB PAR BYA'I, PHA ROL TU PHYIN PA LHAG MA RNAMS KYIS CI ZHIG BYA @52A *, ,ZHES ZER ZHING, DE DAG PHA ROL TU PHYIN PA GZHAN DAG LA YANG SUN 'BYIN PAR SEMS SO, ,MA PHAM PA 'DI JI SNYAM DU SEMS, KA SHI KA'I RGYAL POR GYUR PA GANG YIN PA DES PHUG RON GYI PHYIR RANG GI SHA KHRA LA BYIN PA DE SHES RAB 'CHAL BA YIN NAM, BYAMS PAS GSOL PA, BCOM LDAN 'DAS DE NI MA LAGS SO, ,BCOM LDAN 'DAS KYIS BKA' STZAL PA, BYAMS PA NGA BYANG CHUB SEMS DPA'I SPYAD PA SPYOD PA NA PHA ROL TU PHYIN PA DRUG DANG LDAN PA'I DGE BA'I RTZA BA GANG DAG BSAGS PA'I DGE BA'I RTZA BA DE DAG GIS GNOD PAR GYUR TAM, BYAMS PAS GSOL PA, BCOM LDAN 'DAS DE NI MA LAGS SO, ,BCOM LDAN 'DAS KYIS BKA' STZAL PA, MA PHAM PA KHYOD KYIS KYANG BSKAL PA DRUG CUR SBYIN PA'I PHA ROL TU PHYIN PA YANG DAG PAR BSGRUBS, BSKAL PA DRUG CUR TSUL KHRIMS KYI PHA ROL TU PHYIN PA, BSKAL PA DRUG CUR BZOD PA'I PHA ROL TU PHYIN PA, BSKAL PA DRUG CUR BRTZON 'GRUS KYI PHA ROL TU PHYIN PA, BSKAL PA DRUG CUR BSAM GTAN GYI PHA ROL TU PHYIN PA, BSKAL PA DRUG CUR SHES RAB KYI PHA ROL TU PHYIN PA YANG DAG PAR BSGRUBS NA, DE LA MI BLUN PO DE DAG 'DI SKAD DU TSUL GCIG KHO NAS BYANG CHUB STE, 'DI LTA STE, STONG PA NYID KYI TSUL GYIS SO ZHES ZER TE, DE DAG NI SPYOD PA YONGS SU MA DAG PAR 'GYUR RO ZHES BYA BA LA SOGS PA 'BYUNG NGO, ,THABS DANG BRAL NA BYANG CHUB SEMS DPA'I SHES RAB 'BA' ZHIG GIS NI NYAN THOS BZHIN DU SANGS RGYAS KYI MDZAD PA BYED MI NUS KYI, THABS KYIS BSTANGS NA NUS PAR 'GYUR TE, 'PHAGS PA DKON MCHOG BRTZEGS PA LAS JI SKAD DU, 'OD SRUNGS 'DI LTA STE DPER NA BLON POS ZIN PA'I RGYAL PO RNAMS DGOS PA THAMS CAD BYED PA DE BZHIN DU BYANG CHUB SEMS DPA'I SHES RAB THABS MKHAS PAS YONGS SU ZIN PA DE YANG SANGS RGYAS KYI MDZAD PA THAMS CAD BYED DO ZHES GSUNGS PA LTA BU'O, ,BYANG CHUB SEMS DPA' RNAMS KYI LAM GYI LTA BA YANG GZHAN, MU STEGS CAN DANG, NYAN THOS RNAMS KYI LAM GYI LTA BA YANG GZHAN TE, 'DI LTAR MU STEGS CAN RNAMS KYI LAM GYI LTA BA NI BDAG LA SOGS PAR PHYIN CI LOG DANG LDAN PA'I PHYIR THAMS CAD KYI THAMS CAD DU SHES RAB DANG BRAL BA'I LAM YIN TE, DE BAS NA @52B DE DAG THAR PA MI THOB BO, NYAN THOS RNAMS KYIS NI SNYING RJE CHEN PO DANG BRAL BAS THABS DANG MI LDAN PA YIN TE, DE BAS NA DE DAG GCIG TU MYA NGAN LAS 'DAS PA LA GZHOL BAR 'GYUR RO, ,BYANG CHUB SEMS DPA' RNAMS KYI LAM NI SHES RAB DANG THABS DANG LDAN PAR 'DOD DE, DE BAS NA DE DAG MI GNAS PA'I MYA NGAN LAS 'DAS PA LA GZHOL BAR 'GYUR RO, ,BYANG CHUB SEMS DPA' RNAMS KYI LAM NI SHES RAB DANG THABS DANG LDAN PAR 'DOD DE, DES NA MI GNAS PA'I MYA NGAN LAS 'DAS PA THOB STE, SHES RAB KYI STOBS KYIS NI 'KHOR BAR MI LTUNG LA, THABS KYI STOBS KYIS NI MYA NGAN LAS 'DAS PAR MI LTUNG BA'I PHYIR RO, ,DE BAS NA 'PHAGS PA GA YA GO'I RI LAS, BYANG CHUB SEMS DPA' RNAMS KYI LAM NI MDOR BSDU NA 'DI GNYIS TE, GNYIS GANG ZHE NA, 'DI LTA STE, THABS DANG SHES RAB BO ZHES BKA' STZAL TO, ,'PHAGS PA DPAL MCHOG DANG PO LAS KYANG; SHES RAB KYI PHA ROL TU PHYIN PA NI MA YIN NO, ,THABS LA MKHAS PA NI PHA YIN NO ZHES BKA' STZAL TO, ,'PHAGS PA DRI MA MED PAR GRAGS PAS BSTAN PA LAS KYANG, BYANG CHUB SEMS DPA' RNAMS KYI 'CHING BA NI GANG, THAR PA NI GANG ZHE NA, THABS MED PAR SRID PAR 'GRO BA YONGS SU 'DZIN PA NI BYANG CHUB SEMS DPA'I 'CHING BA'O, ,THABS KYIS SRID PA'I 'GRO BAR 'GRO BA NI THAR PA'O, ,SHES RAB MED PAR SRID PAR 'GRO BA YONGS SU 'DZIN PA NI BYANG CHUB SEMS DPA'I 'CHING BA'O, ,SHES RAB KYIS SRID PA'I 'GRO BAR 'GRO BA NI THAR PA'O, ,THABS KYIS MA ZIN PA'I SHES RAB NI 'CHING BA'O, ,THABS KYIS ZIN PA'I SHES RAB NI THAR PA'O, ,SHES RAB KYIS MA ZIN PA'I THABS NI 'CHING BA'O, ,SHES RAB KYIS ZIN PA'I THABS NI THAR PA'O ZHES RGYA CHER BKA' STZAL TO, ,BYANG CHUB SEMS DPAS SHES RAB TZAM BSTEN NA NI NYAN THOS KYIS 'DOD PA'I MYA NGAN LAS 'DAS PAR LTUNG BAS 'CHING BA BZHIN DU 'GYUR TE, MI GNAS PA'I MYA NGAN LAS 'DAS PAS GROL BAR MI 'GYUR RO, ,DE LTA BAS NA THABS DANG BRAL BA'I SHES RAB NI BYANG CHUB SEMS DPA' RNAMS KYI 'CHING BA'O ZHES BYA'O, ,DE LTA BAS NA LHAGS PAS NYEN PA LA ME BSTEN PA BZHIN @53A *, ,DU BYANG CHUB SEMS DPAS PHYIN CI LOG GI LHAG PA TZAM SPANG BA'I PHYIR THABS DANG BCAS PA'I SHES RAB KYIS STONG PA NYID BSTEN PAR BYA'I, NYAN THOS BZHIN DU MNGON DU NI MI BYA STE, 'PHAGS PA CHOS BCU PA'I MDO LAS JI SKAD DU, RIGS KYI BU 'DI LTA STE, DPER NA MI LA LA ZHIG ME YONGS SU SPYOD PAR GYUR TO, ,DE ME DE LA BSTI STANG BYED, BLA MAR BYED KYANG DE 'DI SNYAM DU BDAG GIS ME DE LA BSTI STANG BYAS, BLA MAR BYAS, RI MOR BYAS KYANG 'DI LA LAG PA GNYIS KYIS YONGS SU GZUNG BAR BYA'O SNYAM DU MI SEMS SO, ,DE CI'I PHYIR ZHE NA, GZHI DE LAS BDAG LA LUS KYI SDUG BSNGAL BA'AM, SEMS KYI YID MI BDE BAR 'GYUR DU 'ONG SNYAM PA'I PHYIR RO, ,DE BZHIN DU BYANG CHUB SEMS DPA' YANG MYA NGAN LAS 'DAS PA'I BSAM PA CAN YANG YIN LA MYA NGAN LAS 'DAS PA MNGON SUM DU YANG MI BYED DO, ,DE CI'I PHYIR ZHE NA, GZHI DE LAS BDAG BYANG CHUB LAS PHYIR LDOG PAR 'GYUR DU 'ONG SNYAM PA'I PHYIR RO ZHES BKA' STZAL BA LTA BU'O, ,THABS TZAM 'BA' ZHIG BSTEN NA YANG BYANG CHUB SEMS DPA' SO SO'I SKYE BO'I SA LAS MI 'DA' BAS SHIN TU BCINGS PA KHO NAR 'GYUR RO, ,DE LTA BAS NA SHES RAB DANG BCAS PA'I THABS BSTEN PAR BYA STE; 'DI LTAR SNGAGS KYIS YONGS SU ZIN PA'I DUG BZHIN DU BYANG CHUB SEMS DPA' RNAMS KYIS NYON MONGS PA YANG SHES RAB KYIS YONGS SU ZIN PA'I STOBS KYIS BSGOMS NA BDUD RTZIR 'GYUR NA, RANG BZHIN GYIS MNGON PAR MTHO BA'I 'BRAS BU CAN SBYIN PA LA SOGS PA GANG YIN PA LTA SMOS KYANG CI DGOS TE, 'PHAGS PA DKON MCHOG BRTZEGS PA LAS JI SKAD DU, 'OD SRUNGS 'DI LTA STE, DPER NA SNGAGS DANG SMAN GYIS YONGS SU ZIN PA'I DUG GIS NI 'CHI BAR BYED MI NUS SO, ,DE BZHIN DU BYANG CHUB SEMS DPA' RNAMS KYI NYON MONGS PA SHES RAB KYIS YONGS SU ZIN PAS KYANG LOG PAR LTUNG BAR BYED MI NUS SO ZHES BKA' STZAL TO, ,DE LTA BAS NA GANG GI PHYIR BYANG CHUB SEMS DPA' THABS KYI STOBS KYIS 'KHOR BA MI 'DOR BA DE'I PHYIR MYA NGAN LAS 'DAS PAR MI LTUNG NGO, ,GANG GI PHYIR SHES RAB KYI STOBS KYIS DMIGS PA MTHA' DAG SPONG BA @53B DE'I PHYIR 'KHOR BAR MI LTUNG STE, DE BAS NA MI GNAS PA'I MYA NGAN LAS 'DAS PA YANG SANGS RGYAS NYID 'THOB BO, ,DE BAS NA 'PHAGS PA NAM MKHA' MDZOD LAS KYANG, DE SHES RAB KYI SHES PAS NI NYON MONGS PA THAMS CAD YONGS SU 'DOR RO, ,THABS KYI SHES PAS NI SEMS CAN THAMS CAD YONGS SU MI GTONG NGO ZHES BKA' STZAL TO, ,'PHAGS PA DGONGS PA NGES PAR 'GREL PA LAS KYANG, SEMS CAN GYI DON LA SHIN TU MI PHYOGS PA DANG, 'DU BYED MNGON PAR 'DU BYA BA THAMS CAD LA SHIN TU MI PHYOGS PA NI BLA NA MED PA YANG DAG PAR RDZOGS PA'I BYANG CHUB TU NGAS MA BSTAN TO ZHES BKA' STZAL TO, ,DE LTA BAS NA SANGS RGYAS NYID THOB PAR 'DOD PAS SHES RAB DANG THABS GNYIS KA BSTEN PAR BYA'O, ,DE LA 'JIG RTEN LAS 'DAS PA'I SHES RAB BSGOM PA'I GNAS SKABS SAM, SHIN TU MNYAM PAR GZHAG PA'I GNAS SKABS NA SBYIN PA LA SOGS PA THABS LA BRTEN PA MI 'BYUNG DU ZIN KYANG, DE LA SBYOR BA DANG DE'I RJES LAS BYUNG BA'I SHES RAB GANG YANG BYUNG BA DE'I TSE THABS LA BRTEN PA 'BYUNG BA NYID DE, DE'I PHYIR SHES RAB DANG THABS GNYIS CIG CAR 'JUG GO, ,GZHAN YANG BYANG CHUB SEMS DPA' RNAMS KYI SHES RAB DANG THABS ZUNG DU 'BREL PAR 'JUG PA'I LAM NI 'DI YIN TE, SEMS CAN THAMS CAD LA LTA BA'I SNYING RJE CHEN POS YONGS SU ZIN PAS 'JIG RTEN LAS 'DAS PA'I LAM BSTEN PA DANG, LANGS PA'I THABS KYI DUS NA YANG SGYU MA MKHAN BZHIN DU PHYIN CI MA LOG PA KHO NA'I SBYIN PA LA SOGS PA LA BRTEN PA STE, 'PHAGS PA BLO GROS MI ZAD PAS BSTAN PA LAS JI SKAD DU, DE LA BYANG CHUB SEMS DPA'I THABS NI GANG, SHES RAB MNGON PAR SGRUB PA NI GANG ZHE NA, GANG GI PHYIR MNYAM PAR GZHAG PA NA SEMS CAN LA LTA BAS NA SNYING RJE CHEN PO'I DMIGS PA LA SEMS NYE BAR 'JOG PA DE NI DE'I THABS SO, ,GANG GI PHYIR ZHI BA DANG RAB TU ZHI BAR SNYOMS PAR 'JUG PA DE NI DE'I SHES RAB BO ZHES RGYA CHER BKA' STZAL PA LTA BU'O, ,BDUD BTUL BA'I LE'U LAS KYANG BKA' STZAL TE, ,GZHAN YANG BYANG CHUB SEMS DPA' RNAMS KYI SBYOR BA YANG DAG PHUL NI SHES RAB KYI SHES PAS MNGON PAR BRTZON PAR YANG MI BYED LA, @54A *, ,THABS KYI SHES PAS DGE BA'I CHOS THAMS CAD SDUD PAR YANG SBYOR BA DANG, SHES RAB KYI SHES PAS BDAG MED PA DANG, SEMS CAN MED PA DANG, SROG MED PA DANG, GSO BA MED PA DANG, GANG ZAG MED PAR YANG SBYOR LA, THABS KYI SHES PAS SEMS CAN THAMS CAD YONGS SU SMIN PAR BYED PA YANG SBYOR BA GANG YIN PA'O ZHES RGYA CHER 'BYUNG NGO, ,'PHAGS PA CHOS THAMS CAD YANG DAG PAR SDUD PA'I MDO LAS KYANG, DPER NA SGYU MA'I MKHAN PO ZHIG ,SPRUL PA THAR BAR BYA PHYIR BRTZON, ,DES NI SNGA NAS DE SHES PAS, ,SPRUL PA DE LA CHAGS PA MED, ,SRID GSUM SPRUL PA 'DRA BAR NI, ,RDZOGS PA'I BYANG CHUB MKHAS PAS SHES, ,'GRO BA'I CHED DU GO BGOS TE, ,'GRO BA DE LTAR SNGA NAS SHES, ,ZHES 'BYUNG NGO, ,BYANG CHUB SEMS DPA' RNAMS KYI SHES RAB DANG, THABS KYI TSUL KHO NA SGRUB PA'I DBANG DU MDZAD NAS, DE'I SBYOR BA 'KHOR BA NA GNAS PA YANG YIN PA LA, BSAM PA MYA NGAN LAS 'DAS PA LA GNAS PA YANG YIN NO ZHES BKA' STZAL TO, ,DE LTAR STONG PA NYID DANG SNYING RJE CHEN PO'I SNYING PO CAN BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PA'I SBYIN PA LA SOGS PA'I THABS GOMS PAR BYAS LA, DON DAM PA'I BYANG CHUB KYI SEMS BSKYED PA'I PHYIR SNGA MA BZHIN DU RTAG PAR DUS DUS SU ZHI GNAS DANG LHAG MTHONG GI SBYOR BA LA CI NUS SU BSGOM PAR BYA STE, 'PHAGS PA SPYOD YUL YONGS SU DAG PA'I MDO LAS, GNAS SKABS THAMS CAD DU SEMS CAN GYI DON BYED PA'I BYANG CHUB SEMS DPA' RNAMS KYI PHAN YON JI SKAD DU BSTAN PA DE BZHIN DU NYE BAR GNAS PA'I DRAN PAS DUS THAMS CAD DU THABS LA MKHAS PA GOMS PAR BYA'O, ,DE LTAR SNYING RJE DANG, THABS DANG, BYANG CHUB KYI SEMS GOMS PAR BYAS PA DE TSE 'DI LA GDON MI ZA BAR KHYAD PAR DU 'GYUR TE, DES NA RMI LAM NA RTAG TU SANGS RGYAS DANG BYANG CHUB SEMS DPA' MTHONG BAR 'GYUR, RMI LAM BZANG PO GZHAN DAG KYANG RMI BAR 'GYUR, LHA RNAMS KYANG YI RANGS NAS SRUNG BA BYED PAR 'GYUR, SKAD CIG RE RE LA YANG BSOD NAMS DANG YE SHES KYI TSOGS RGYA CHEN PO SOGS PAR @54B 'GYUR, NYON MONGS PA'I SGRIB PA DANG, GNAS NGAN LEN KYANG BYANG BAR 'GYUR, DUS THAMS CAD DU YANG BDE BA DANG YID BDE BA MANG BAR 'GYUR, SKYE BO MANG PO LA SDUG PAR 'GYUR, LUS LA YANG NAD KYIS MI THEBS PAR 'GYUR, SEMS LAS SU RUNG BA NYID KYI MCHOG KYANG THOB PAR 'GYUR TE, DES NA MNGON PAR SHES PA LA SOGS PA YON TAN KHYAD PAR CAN THOB BO, ,DE NAS RDZU 'PHRUL GYI STOBS KYIS 'JIG RTEN GYI KHAMS MTHA' YAS PA DAG TU SONG NAS SANGS RGYAS BCOM LDAN 'DAS RNAMS LA MCHOD PA BYED DO, ,DE DAG LA CHOS KYANG NYAN TO, ,'CHI BA'I DUS KYI TSE NA YANG GDON MI ZA BAR SANGS RGYAS DANG BYANG CHUB SEMS DPA' RNAMS MTHONG BAR 'GYUR RO, ,TSE RABS GZHAN NA YANG SANGS RGYAS DANG BYANG CHUB SEMS DPA' DANG MI 'BRAL BA'I YUL DANG KHYAD PAR DU 'PHAGS PA'I KHYIM DU YANG SKYE BAR 'GYUR TE, DES NA 'BAD MI DGOS PAR BSOD NAMS DANG YE SHES KYI TSOGS YONGS SU RDZOGS PAR BYED DO, ,LONGS SPYOD CHE BA DANG, G-YOG 'KHOR MANG BAR 'GYUR RO, ,SHES RAB RNO BAS SKYE BO MANG PO YONGS SU SMIN PAR YANG BYED PAR 'GYUR RO, ,TSE RABS THAMS CAD DU TSE RABS DRAN PAR 'GYUR TE, DE LTAR PHAN YON TSAD MED PA MDO GZHAN DAG LAS BYUNG BA KHONG DU CHUD PAR BYA'O, ,DES DE LTAR SNYING RJE DANG, THABS DANG, BYANG CHUB KYI SEMS RTAG TU GUS PAR YUN RING DU BSGOMS NA RIM GYIS SEMS KYI RGYUD SHIN TU YONGS SU DAG PA'I SKAD CIG 'BYUNG BAS YONGS SU SMIN PAR 'GYUR BA'I PHYIR GTZUB SHING GTZUBS PA'I ME BZHIN DU YANG DAG PA'I DON LA BSGOM PA RAB KYI MTHAR PHYIN PAR GYUR NAS 'JIG RTEN LAS 'DAS PA'I YE SHES RTOG PA'I DRA BA MTHA' DAG DANG BRAL BA, CHOS KYI DBYINGS SPROS PA MED PA SHIN TU GSAL BAR RTOGS PA, DRI MA MED CING MI G-YO LA MAR ME RLUNG MED PAR BZHAG PA BZHIN DU MI G-YO BA TSAD MAR GYUR PA, CHOS THAMS CAD BDAG MED PA'I NGO BO DE KHO NA MNGON DU BYED PA MTHONG BA'I LAM GYIS BSDUS PA DON DAM PA'I BYANG CHUB KYI SEMS KYI NGO BO NYID DBYUNG NGO, ,DE BYUNG NAS DNGOS PO'I MTHA' LA DMIGS PA LA ZHUGS PA YIN TE, DE BZHIN GSHEGS PA'I RIGS SU SKYES PA @55A *, ,YIN, BYANG CHUB SEMS DPA'I SKYON MED PA LA ZHUGS PA YIN, 'JIG RTEN GYI 'GRO BA THAMS CAD LAS LOG PA YIN, BYANG CHUB SEMS DPA'I CHOS NYID DANG CHOS KYI DBYINGS RTOGS PA LA GNAS PA YIN, BYANG CHUB SEMS DPA'I SA DANG PO THOB PA YIN NO ZHES PHAN YON DE RGYAS PAR SA BCU PA LA SOGS PA LAS KHONG DU CHUD PAR BYA'O, ,'DI NI DE BZHIN NYID LA DMIGS PA'I BSAM GTAN DE 'PHAGS PA LANG KAR GSHEGS PA LAS BSTAN TE, 'DI NI BYANG CHUB SEMS DPA' RNAMS KYI SPROS PA MED PA RNAM PAR MI RTOG PA NYID LA 'JUG PA'O,, MOS PAS SPYOD PA'I SA LA NI MOS PA'I DBANG GIS 'JUG PAR RNAM PAR GZHAG GI ,MNGON PAR 'DU BYED PAS NI MA YIN NO, ,YE SHES DE BYUNG BAR GYUR NA NI MNGON DU ZHUGS PA YIN TE, DE LTAR SA DANG POR ZHUGS PA DE PHYIS BSGOM PA'I LAM LA 'JIG RTEN LAS 'DAS PA DANG, DE'I RJES LA THOB PA'I YE SHES GNYIS KYIS SHES RAB DANG, THABS BSGOMS PAS RIM GYIS BSGOM PAS SPANG BAR BYA BA'I SGRIB PA BSAGS PA PHRA BA BAS KYANG CHES PHRA BA BYANG BA'I PHYIR DANG, YON TAN KHYAD PAR CAN GONG MA GONG MA THOB PA'I PHYIR SA 'OG MA RNAMS YONGS SU SBYONG BAS DE BZHIN GSHEGS PA'I YE SHES KYI BAR LA ZHUGS NAS THAMS CAD MKHYEN PA NYID KYI RGYA MTSOR 'JUG CING DGOS PA YONGS SU 'GRUB PA'I DMIGS PA YANG 'THOB STE, 'DI LTAR RIM PA KHO NAR SEMS KYI RGYUD YONGS SU DAG PAR 'PHAGS PA LANG KAR GSHEGS PA LAS KYANG BKA' STZAL TO, , 'PHAGS PA DGONGS PA NGES PAR 'GREL PA LAS KYANG, RIM GYIS SA GONG MA GONG MA RNAMS SU GSER LTA BUR SEMS RNAM PAR SPONG LA BLA NA MED PA YANG DAG PAR RDZOGS PA'I BYANG CHUB KYI BAR DU MNGON PAR RDZOGS PAR 'TSANG RGYA'O ZHES GSUNGS SO, ,THAMS CAD MKHYEN PA NYID KYI RGYA MTSOR ZHUGS PA NA YID BZHIN GYI NOR BU LTA BUR SEMS CAN MTHA' DAG NYE BAR 'TSO BA'I YON TAN GYI PHUNG PO DANG NI LDAN, SNGON GYI SMON LAM GYI 'BRAS BU YOD PAR NI MDZAD, THUGS RJE CHEN PO'I RANG BZHIN DU NI 'GYUR, LHUN GYIS GRUB PA'I THABS SNA TSOGS DAG DANG LDAN, SPRUL PA DPAG TU MED PA DAG GIS 'GRO BA MA LUS @55B PA'I DON RNAM PA THAMS CAD NI MDZAD, YON TAN PHUN SUM TSOGS PA MA LUS PA RAB KYI MTHAR PHYIN PAR NI GYUR, BAG CHAGS DANG BCAS PA'I NYES PA'I DRI MA MTHA' DAG BSAL NAS, SEMS CAN GYI KHAMS KYI MTHAS GTUGS PAR BZHUGS PA YIN PAR RTOGS PA DANG LDAN PAS SANGS RGYAS BCOM LDAN 'DAS YON TAN MTHA' DAG GI 'BYUNG GNAS LA DAD PA BSKYED LA YON TAN DE YONGS SU BSGRUB PA'I PHYIR BDAG NYID THAMS CAD KYIS 'BAD PAR BYA'O, ,DE BAS NA BCOM LDAN 'DAS KYIS 'DI SKAD DU, THAMS CAD MKHYEN PA'I YE SHES DE NI SNYING RJE'I RTZA BA LAS BYUNG BA YIN, BYANG CHUB KYI SEMS KYI RGYU LAS BYUNG BA YIN, THABS KYIS MTHAR PHYIN PA YIN NO ZHES BKA' STZAL TO, ,DAM PA PHRAG DOG LA SOGS DRI MA THAG BSRINGS PA, ,YON TAN RNAMS KYIS MI NGOMS CHU YI MTSO 'DRA DAG ,RNAM PAR PHYE NAS LEGS PAR BSHAD RNAMS 'DZIN BYED DE; ,NGANG PA RAB DGA' CHU LAS 'O MA LEN PA BZHIN, ,DE LTA BAS NA MKHAS RNAMS KYIS, ,PHYOGS LHUNG DKRUGS YID RING SPONGS LA, ,BYIS PA LAS KYANG LEGS BSHAD PA, ,THAMS CAD BLANG PA KHO NAR BYA, ,DE LTAR DBU MA'I LAM BSHAD PAS, ,BDAG GIS BSOD NAMS GAR THOB PA, ,DE YIS SKYE BO MA LUS PA, ,DBU MA'I LAM NI THOB PAR SHOG ,BSGOM PA'I RIM PA A'A TZ'ARYA KA MA LA SH'I LAS BAR DU MDZAD PA RDZOGS SO,, ,,RGYA GAR GYI MKHAN PO PRADZNY'A WARMA DANG, LO TZ'A BA BANDE YE SHES SDES BSGYUR CING ZHUS TE GTAN LA PHAB PA'O,, ,, *, ,RGYA GAR SKAD DU, BH'A BA NA KRA MA NA, BOD SKAD DU, BSGOM PA'I RIM PA, 'JAM DPAL GZHON NUR GYUR PA LA PHYAG 'TSAL LO, ,THEG PA CHEN PO MDO SDE'I TSUL LA ZHUGS PA RNAMS KYI PHYIR BSGOM PA'I RIM PA MDOR BRJOD PAR BYA'O, ,DE LA BCOM LDAN 'DAS KYIS BYANG CHUB SEMS DPA' RNAMS KYI TING NGE 'DZIN THA DAD PA TSAD MED DPAG TU MED PA LA SOGS PA BSTAN DU ZIN KYANG, ZHI GNAS DANG LHAG MTHONG GNYIS KYIS TING NGE 'DZIN THAMS CAD LA KHYAB PAS NA ZHI GNAS DANG LHAG MTHONG ZUNG DU 'BREL PA 'JUG PA'I LAM DE NYID BRJOD @56A *, ,PAR BYA'O, ,BCOM LDAN 'DAS KYIS BKA' STZAL PA, SKYE BA PO YI LHAG MTHONG DANG, ,ZHI GNAS GOMS PAR BYAS NA NI, ,GNAS NGAN LEN GYI 'CHING BA DANG, ,MTSAN MA'I 'CHING BA RNAM GROL 'GYUR, ,ZHES SO, ,DE LTA BAS NA SGRIB PA MTHA' DAG SPONG BAR 'DOD PAS ZHI GNAS DANG LHAG MTHONG BSGOM PAR BYA'O, ,ZHI GNAS KYI STOBS KYIS NI MAR ME RLUNG MED PA NA GNAS PA BZHIN DU DMIGS PA LAS SEMS MI G-YO BAR 'GYUR RO, ,LHAG MTHONG GIS MUN PAR NYI MA SHAR BA BZHIN DU CHOS KYI DE KHO NA JI LTA BA BZHIN DU RAB TU RTOGS PAS YANG DAG PA'I SHES RAB KYI SNANG BA 'BYUNG STE, SGRIB PA MTHA' DAG SPONG BAR 'GYUR RO, ,DE LTA BAS NA BCOM LDAN 'DAS KYIS RNAL 'BYOR PA RNAMS KYI DMIGS PA'I DNGOS PO BZHI BSTAN TE, RNAM PAR MI RTOG PA'I GZUGS BRNYAN DANG, RNAM PAR RTOG PA DANG BCAS PA'I GZUGS BRNYAN DANG, DNGOS PO'I MTHA' DANG, DGOS PA YONGS SU GRUB PA'O, ,DE LA ZHI GNAS KYIS NI CHOS THAMS CAD KYI GZUGS BRNYAN GANG YIN PA DANG, SANGS RGYAS KYI GZUGS LA SOGS PA LA MOS NAS DMIGS PA STE, DE NI RNAM PAR MI RTOG PA'I GZUGS BRNYAN ZHES BYA'O, ,DE LA YANG DAG PA'I DON LA RNAM PAR RTOG PA MED PAS NA DE RNAM PAR MI RTOG PA ZHES BYA'O, ,JI LTAR THOS PA DANG JI LTAR ZIN PA'I CHOS RNAMS KYI GZUGS BRNYAN LA MOS TE DMIGS PAS NA GZUGS BRNYAN ZHES BYA'O, ,RNAL 'BYOR PAS DE KHO NA'I DON RTOGS PAR BYA BA'I PHYIR GANG GI TSE LHAG MTHONG GIS GZUGS BRNYAN DE NYID LA SPYOD PA DE'I TSE LHAG MTHONG GI MTSAN NYID DE KHO NA LA RTOGS PA'I RNAM PAR RTOG PA DE NA YOD PAS NA RNAM PAR RTOG PA DANG BCAS PA'I GZUGS BRNYAN ZHES BYA'O, ,RNAL 'BYOR PA GZUGS BRNYAN DE NYID KYI NGO BO NYID LA RTOG PAS CHOS THAMS CAD KYI NGO BO NYID JI LTA BA BZHIN DU KHONG DU CHUD DE, BDAG GI BZHIN GYI GZUGS ME LONG GI NANG DU BYUNG BA LA BRTAGS NA BDAG GI BZHIN LA MI SDUG PA LA SOGS PA MNGON PA BZHIN NO, ,GANG GI TSE DNGOS PO'I MTHA'I MTSAN NYID KYI DE BZHIN NYID RTOG PAR GYUR PA DE'I TSE DNGOS PO'I MTHA' KHONG DU CHUD PAS NA SA DANG PO LA DNGOS PO'I MTHA' LA @56B DMIGS PA ZHES BYA'O, ,DES NA SMAN BCUD KYIS LEN ZA BA BZHIN DU BSGOM PA'I LAM GYIS SA LHAG MA RNAMS SU RIM GYIS SHIN TU RAB TU RNAM PAR DAG PA'I SKAD CIG BYUNG BAS GNAS GYUR NAS, GANG GI TSE SGRIB PA MA LUS PA SPANGS PA'I MTSAN NYID DGOS PA YONGS SU RDZOGS PAR GYUR PA DE'I TSE SANGS RGYAS KYI SA LA YE SHES DE NYID DGOS PA YONGS SU GRUB PA LA DMIGS PA ZHES BYA'O, ,DE LTA BU 'DIS CI BSTAN PA YIN ZHE NA, ZHI GNAS DANG LHAG MTHONG GOMS PAR BYAS PAS DNGOS PO'I MTHA' RTOGS PAR 'GYUR TE, DES SGRIB PA MTHA' DAG SPONG BA'I MTSAN NYID DGOS PA YONGS SU GRUB PA 'THOB BO, ,DE NYID SANGS RGYAS NYID YIN TE, DE BAS NA SANGS RGYAS NYID THOB PAR 'DOD PAS ZHI GNAS DANG LHAG MTHONG LA BSGOM PAR BYA'O, ,GANG DE GNYIS LA MI SGOM PA DE DAG NI DNGOS PO'I MTHA' YANG MI RTOGS, DGOS PA YONGS SU GRUB PAR YANG MI 'GYUR RO ZHES BSTAN PAR 'GYUR RO, ,DE LA MDOR NA ZHI GNAS NI SEMS RTZE GCIG PA NYID DO, ,LHAG MTHONG NI YANG DAG PA LA RTOG PA'O ZHES BCOM LDAN 'DAS KYIS 'PHAGS PA DKON MCHOG SPRIN LA SOGS PA LAS ZHI GNAS DANG LHAG MTHONG GI MTSAN NYID BKA' STZAL TO, ,DE LA RNAL 'BYOR PAS ZHI GNAS DANG LHAG MTHONG GI TSOGS TSUL KHRIMS RNAM PAR DAG PA LA SOGS PA LA GNAS PA DES SEMS CAN LA SNYING RJE CHEN PO BSKYED DE, BYANG CHUB TU SEMS BSKYED NAS THOS PA DANG BSAM PA DANG SGOM PA LA SBYAR BAR BYA'O, ,DE LA RNAL 'BYOR PAS SGOM PA'I DUS NA THOG MAR BYA BA CI YOD PA THAMS CAD YONGS SU RDZOGS PAR BYAS LA, BSHANG GCI BYAS LA SGRA'I TSER MA MED PA YID DU 'ONG BA'I PHYOGS SU BDAG GIS SEMS CAN THAMS CAD BYANG CHUB KYI SNYING PO LA DGOD PAR BYA'O SNYAM DU YONGS SU BSAM ZHING 'GRO BA MTHA' DAG GDON PA'I BSAM PA CAN GYI SNYING RJE CHEN PO MNGON DU BYAS LA, PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD LA YAN LAG LNGAS PHYAG BYAS LA, SANGS RGYAS DANG BYANG CHUB SEMS DPA'I SKU GZUGS RI MO LA SOGS PA MDUN DU BZHAG GAM, GZHAN DU YANG RUNG STE DE DAG LA CI NUS KYIS MCHOD PA DANG BSTOD PA BYAS LA, RANG GI SDIG PA BSHAGS NAS 'GRO BA MTHA' DAG GI BSOD @57A *, ,NAMS LA RJES SU YI RANG BA BYAS NAS, STAN SHIN TU 'JAM PA BDE BA LA RJE BTZUN RNAM PAR SNANG MDZAD KYI SKYIL MO KRUNG LTA BU'AM SKYIL MO KRUNG PHYED DU YANG RUNG STE, MIG HA CANG MI DBYE, HA CANG MI 'DZUMS PAR SNA'I RTZE MOR GTAD CING, LUS HA CANG YANG MI SGU HA CANG YANG MI DGYE BAR DRANG POR BSRANGS LA DRAN PA NANG DU GZHAG STE 'DUG PAR BYA'O, ,DE NAS PHRAG PA MNYAM PAR GZHAG LA MGO MI MTHO MI DMA' ZHING PHYOGS GCIG TU MI YO BAR BZHAG STE SNA DANG LTE BA DRANG POR GZHAG GO, ,SO DANG MCHU YANG THA MAL PAR GZHAG GO, ,LCE YANG YA SO'I DRUNG DU BZHAR RO, ,DBUGS PHYI NANG DU RGYU BA YANG SGRA CAN DANG, RNGAM PA DANG, DBUGS RGOD PA CAN DU MI BTANG GI ,CI NAS KYANG MI TSOR BAR DAL BU DAL BUS LHUN GYIS GRUB PA'I TSUL GYIS DBUGS NANG DU RNGUB PA DANG PHYIR 'BYUNG BAR 'GYUR BA DE LTAR BYA'O, ,DE LA RNAL 'BYOR PAS THOG MAR DE BZHIN GSHEGS PA'I SKU GZUGS JI LTAR MTHONG BA DANG JI LTAR THOS PA LA SEMS GTAD DE BZHAG NAS ZHI GNAS BSGRUB PAR BYA STE, DE BZHIN GSHEGS PA'I SKU GZUGS DE YANG GSER BTZO MA BZHIN DU SER LA MTSAN DANG DPE BYAD BZANG POS BRGYAN PA 'KHOR GYI DKYIL 'KHOR GYI NANG NA BZHUGS SHING THABS SNA TSOGS KYIS SEMS CAN GYI DON MDZAD PA RGYUN DU YID LA BYED PAS DE'I YON TAN LA 'DOD PA BSKYED CING BYING BA DANG RGOD PA ZHI BAR BYAS LA, JI SRID DU DE MDUN DU BZHUGS PA BZHIN DU GSAL BAR MTHONG BAR GYUR PA DE SRID DU BSAM GTAN BYA'O, ,DE NAS DE BZHIN GSHEGS PA'I SKU'I GZUGS BRNYAN BYON PA DANG BZHUD PA LA RTOG PAS LHAG MTHONG BSGOM PAR BYA'O, ,DE NAS 'DI SNYAM DU BSAM PAR BYA STE, JI LTAR DE BZHIN GSHEGS PA'I SKU'I GZUGS BRNYAN 'DI GANG NAS KYANG MA GSHEGS, GAR YANG MI BZHUD, BZHUGS BZHIN DU YANG NGO BO NYID KYIS STONG LA, BDAG DANG BDAG GI DANG BRAL BA DE BZHIN DU CHOS THAMS CAD KYANG NGO BO NYID KYIS STONG ZHING 'ONG BA DANG 'GRO BA DANG BRAL BA GZUGS BRNYAN LTA BU STE, YOD PA LA SOGS PA'I NGO BO DANG BRAL BA'O ZHES DPYAD NAS RNAM PAR RTOG PA MED CING BRJOD PA MED PAR NGANG GCIG TU GYUR PA'I YID KYIS DE KHO NA BSGOM ZHING JI SRID 'DOD @57B PAR 'DUG PAR BYA'O, ,TING NGE 'DZIN 'DI NI DA LTAR GYI SANGS RGYAS MNGON SUM DU BZHUGS PA ZHES BYA BA'I TING NGE 'DZIN LAS BSTAN TE, TING NGE 'DZIN 'DI'I PHAN YON ZHIB TU NI MDO SDE DE NYID LAS RIG PAR BYA'O, ,RNAM PA GCIG TU NA RNAM PA JI SNYED KYIS CHOS THAMS CAD BSDUS PAR GYUR PA DE LA SEMS BZHAG STE BYING BA DANG RGOD PA LA SOGS PA RAB TU ZHI BAR ZHI GNAS BSGRUB PAR BYA'O, ,MDOR NA CHOS THAMS CAD NI GZUGS CAN DANG GZUGS CAN MA YIN PA'I BYE BRAG GIS BSDUS TE, DE LA GZUGS CAN RNAMS NI GZUGS KYI PHUNG POR 'DUS SO, , TSOR BA LA SOGS PA'I PHUNG PO NI GZUGS CAN MA YIN PA'I NGO BO NYID DO, ,'DI LA BYIS PA DAG YOD PA LA SOGS PAR 'DZIN PA LA ZHEN PA'I PHYIR BLO PHYIN CI LOG TU GYUR NAS 'KHOR BA NA YONGS SU 'KHYAMS TE, DE DAG GI PHYIN CI LOG BSAL BA'I PHYIR DE DAG LA SNYING RJE CHEN PO MNGON DU BYAS LA, RNAL 'BYOR PA'I ZHI GNAS GRUB NAS DE KHO NA RTOGS PAR BYA BA'I PHYIR, DE NAS LHAG MTHONG BSGOM PAR BYA STE, YANG DAG PAR SO SOR RTOG PA NI LHAG MTHONG ZHES BYA'O, ,YANG DAG PA NI GANG ZAG DANG, CHOS LA BDAG MED PA'O, ,DE LA GANG ZAG LA BDAG MED PA NI GANG PHUNG PO RNAMS BDAG DANG BDAG GI MED PA NYID DO, ,CHOS LA BDAG MED PA NI GANG DE DAG SGYU MA LTA BU NYID DO, ,DE LA RNAL 'BYOR PAS 'DI LTAR BRTAG PAR BYA STE, GANG ZAG NI GZUGS LA SOGS PA LAS GUD NA MED DE, DE MI SNANG BA'I PHYIR DANG, GZUGS LA SOGS PA NYID LA NGA'O SNYAM PA'I SHES PA 'BYUNG BA'I PHYIR RO, ,GANG ZAG NI GZUGS LA SOGS PA'I PHUNG PO'I NGO BO NYID KYANG MA YIN TE, GZUGS LA SOGS PA DE DAG MI RTAG LA DU MA'I NGO BO NYID YIN PA'I PHYIR DANG, GANG ZAG NI RTAG PA DANG GCIG PU'I NGO BO NYID YIN PAR GZHAN DAG GIS BRTAGS PA'I PHYIR RO, ,DE NYID DAM GZHAN NYID DU BRJOD DU MI RUNG BA'I GANG ZAG GI DNGOS PO YOD PAR NI MI RUNG STE, DNGOS PO LA YOD PA'I RNAM PA GZHAN MED PA'I PHYIR RO SNYAM DU BRTAG PAR BYA'O, ,DE LTA BAS NA 'DI LTA STE, 'JIG RTEN GYI NGA DANG NGA'I ZHES BYA BA NI BRDZUN TE 'KHRUL PA KHO @58A *, ,NA YIN PAR NGES PAR RIG NAS, DE NAS CHOS LA BDAG MED PA RTOG PAR BYA BA'I PHYIR CHOS GZUGS CAN RNAMS LA YANG CI 'DI DAG SEMS LAS GUD NA DON DAM PAR YOD DE 'DUG PA ZHIG GAM, 'ON TE SEMS NYID GZUGS LA SOGS PAR SNANG STE, RMI LAM GYI GNAS SKABS NA SNANG BA DANG 'DRA BA ZHIG YIN ZHES DPYAD PAR BYA'O, ,DES DE DAG LA RDUL PHRA RAB TU RTOG CING RDUL PHRA RAB RNAMS KYANG CHA SHAS KYIS SO SOR BRTAGS NA MI DMIGS TE, DE LTAR MA DMIGS NA DE YOD PA'AM MED PA NYID DU RNAM PAR RTOG PA ZLOG PAR BYED DO, ,KHAMS GSUM PA YANG SEMS TZAM DU RTOGS KYI GZHAN DU MA YIN NO, ,DE SKAD LANG KAR GSHEGS PA LAS KYANG BKA' STZAL TE, RDZAS NI RDUL DU RNAM BSHIG CING, ,GZUGS LA RNAM PAR MA RTOG SHIG ,SEMS TZAM RNAM PAR GZHAG PA NI, ,LTA BA NGAN PAS MI RTOGS SO, ,ZHES 'BYUNG NGO; ,DE 'DI SNYAM DU SEMS TE, SEMS NYID THOG MA MED PA'I DUS NA GZUGS LA SOGS PA YANG DAG PA MA YIN PA LA MNGON PAR ZHEN PA'I DBANG GIS RMI LAM NA DMIGS PA'I GZUGS LA SOGS PA SNANG BA BZHIN DU BYIS PA RNAMS LA GZUGS LA SOGS PA PHYI ROL DU CHAD PA BZHIN DU SNANG STE; DE LTA BAS NA KHAMS GSUM PA NI SEMS TZAM KHO NA YIN NO, ,DES DE LTAR CHOS SU GDAGS PA MTHA' DAG NI SEMS KHO NA YIN PAR RTOGS NAS, DE LA SO SOR BRTAGS NA CHOS THAMS CAD KYI NGO BO NYID LA SO SOR BRTAGS PA YIN NO SNYAM NAS SEMS KYI NGO BO NYID LA SO SOR RTOG GO, ,DE 'DI LTAR DPYOD DO, ,DON DAM PAR NA SEMS KYANG SGYU MA BZHIN DU MA SKYES PA STE, GANG GI TSE BRDZUN PA'I NGO BO NYID GZUGS LA SOGS PA'I RNAM PA 'DZIN PAR SEMS NYID SNA TSOGS KYI RNAM PAR SNANG BA DE'I TSE DE LAS GUD NA MED PA'I PHYIR DE NYID KYANG GZUGS LA SOGS PA BZHIN DU BDE BA NYID DU GA LA 'GYUR, JI LTAR GZUGS LA SOGS PA SNA TSOGS KYI RNAM PA YIN PAS GCIG DANG DU MA'I NGO BO NYID MA YIN PA DE BZHIN DU SEMS KYANG DE LAS GUD NA MED PA'I PHYIR GCIG DANG DU MA'I NGO BO NYID MA YIN NO, ,SEMS SKYE BA'I TSE YANG GANG NAS KYANG MI 'ONG, ,'GAG @58B PA'I TSE YANG GANG DU YANG MI 'GRO STE, DON DAM PAR NA BDAG DANG GZHAN DANG GNYIS KA LAS SKYE BAR MI RIGS SO, ,DE LTA BAS NA SEMS KYANG SGYU MA BZHIN TE, SEMS JI LTA BA DE BZHIN DU CHOS THAMS CAD KYANG SGYU MA LTA BU STE, DON DAM PAR NA MA SKYES PA'O SNYAM DU BRTAG PAR BYA'O, ,RNAL 'BYOR PA DES SEMS GANG GIS SO SOR RTOG PA LA BRTAGS NA DE'I NGO BO NYID KYANG MI DMIGS TE, DE LTAR RNAL 'BYOR PAS DMIGS PA GANG DANG GANG LA SEMS 'PHRO BA DE DANG DE'I NGO BO NYID LA YONGS SU BRTAGS NA DE'I NGO BO NYID KYANG MI DMIGS TE, DES GANG GI TSE MI DMIGS PA DE'I TSE DNGOS PO THAMS CAD BRTAGS SHING CHU SHING GI SDONG PO BZHIN DU SNYING PO MED PAR RTOGS NA DE LAS SEMS ZLOG PAR BYED DO, ,DE NAS YOD PA LA SOGS PAR RNAM PAR RTOG PA MED PAR GYUR NAS SPROS PA THAMS CAD DANG BRAL BA MTSAN MA MED PA'I RNAL 'BYOR 'THOB BO, ,DE SKAD 'PHAGS PA DKON MCHOG SPRIN LAS KYANG BKA' STZAL TE, DE LTAR SKYON LA MKHAS PA DES SPROS PA THAMS CAD DANG BRAL BA'I PHYIR STONG PA NYID BSGOM PA LA RNAL 'BYOR DU BYED DO, ,DE LTAR STONG PA NYID BSGOM PA MANG BAS GNAS GANG DANG GANG DU SEMS 'PHRO ZHING SEMS MNGON PAR DGA' BA'I GNAS DE DAG GI NGO BO NYID YONGS SU BTZAL NA STONG PAR RTOGS SO, ,SEMS GANG YIN PA DE YANG BRTAGS NA STONG PAR RTOGS SO, ,SEMS GANG GIS RTOG PA DE'I NGO BO NYID KUN TU BTZAL NA STONG PAR RTOGS TE, DE DE LTAR RTOGS PAS MTSAN MA MED PA'I RNAL 'BYOR LA 'JUG GO ZHES 'BYUNG NGO, ,'DI NI 'DI SKAD DU GANG NYE BAR MI RTOG PA DE NI MTSAN MA MED PA LA 'JUG PAR MI 'GYUR ZHES BSTAN PA YIN NO, ,DE LTAR CHOS RNAMS KYI NGO BO NYID LA NYE BAR RTOG PA NA GANG GI TSE MI DMIGS PA DE'I TSE YOD PAR MI RTOG GO, ,MED PAR YANG MI RTOG STE GANG MED PAR BRTAGS PA DE YANG DE'I BLO LA DUS THAMS CAD DU MI SNANG BA'I PHYIR RO, ,GAL TE DNGOS PO ZHIG MTHONG BAR GYUR NA NI DE'I TSE DE 'GAG PA'I PHYIR MED DO ZHES BRTAG PAR BYA NA, GANG GI TSE RNAL 'BYOR PA'I SHES RAB KYIS BRTAGS NA DUS GSUM DU YANG DNGOS PO MI DMIGS PA DE'I TSE GANG 'GAG PA'I PHYIR MED CES RNAM PAR BRTAG PAR BYA, DNGOS PO DANG @59A *, ,DNGOS PO MED PAR RTOG PA GNYIS KYIS RTOG PA THAMS CAD LA KHYAB PA'I PHYIR DE'I TSE DE LTAR DE LA RTOG PA GZHAN DAG KYANG MI 'BYUNG STE, KHYAB PAR BYED PA MED NA KHYAB PAR BYA BA YANG MED PA'I PHYIR RO, ,DE LTAR GYUR NA SPROS PA MED PA RNAM PAR MI RTOG PA NYID LA ZHUGS PA YIN NO, ,GZUGS LA SOGS PA LA YANG MI GNAS PA YIN NO, ,SHES RAB KYIS BRTAGS NA DNGOS PO MTHA' DAG GI NGO BO NYID MA DMIGS PA'I PHYIR SHES RAB MCHOG GI BSAM GTAN PA YANG YIN NO, ,DE DE LTAR GANG ZAG DANG CHOS LA BDAG MED PA'I DE KHO NA LA ZHUGS PAS BLTA BAR BYA BA DANG, BRTAG PAR BYA BA GZHAN MED PA'I PHYIR DPYOD PA MED CING BRJOD PA MED PAR NGANG GCIG TU GYUR PA'I YID RANG GI NGANG GIS 'JUG PAS MNGON PAR 'DU BYED PA MED PA'I PHYIR RNAL 'BYOR PAS DE KHO NA DE SHIN TU GSAL BAR NGES PAR GZUNG ZHING 'DUG PAR BYA'O, ,DER GNAS KYANG SEMS KYI RGYUD RNAM PAR MI G-YENG BAR BYA'O, ,GANG GI TSE BAR SKABS SU SEMS PHYI ROL DU RNAM PAR G-YENGS PAR MTHONG BA DE'I TSE DE'I NGO BO NYID LA BRTAGS NAS RNAM PAR G-YENGS PA ZHI BAR BYAS LA YANG DE NYID DU SEMS GZHAG PAR BYA'O, ,GANG GI TSE DE LA SEMS MNGON PAR MI DGA' BAR MTHONG BA DE'I TSE TING NGE 'DZIN GYI YON TAN MTHONG BA'I PHYIR DE LA DGA' BA BSGOM PAR BYA'O, ,RNAM PAR G-YENG BA LA NYES PAR MTHONG BA'I PHYIR MI DGA' BA RAB TU ZHI BAR BYA'O, ,CI STE RMUGS PA DANG GNYID KYIS NON PAS RGYU BA MI GSAL BA'I PHYIR SEMS BYING BA'AM BYING DU DOGS PAR GYUR PA DE'I TSE MCHOG TU DGA' BA'I DNGOS PO SANGS RGYAS KYI GZUGS LA SOGS PA'AM, SNANG BA'I 'DU SHES YID LA BYAS NAS BYING BA ZHI BAR BYAS NAS DE KHO NA NYID SHIN TU BSTAN PAR GZUNG BAR BYA'O, ,GANG GI TSE RNAL 'BYOR PA DMUS LONG DANG 'DRA BA'AM, MUN PAR ZHUGS PA'I MI DANG 'DRA BA'AM, MIG BTZUMS PA DANG 'DRA BAR DE KHO NA SHIN TU GSAL BAR MI 'DZIN PA DE'I TSE BYING BA DANG LHAG MTHONG MED PAR RIG PAR BYA'O, ,JI STE GANG GI TSE SNGON MYONG BA'I YUL LA 'DOD PAS BAR SKABS SU SEMS RGOD PA'AM, RGOD DU DOGS PAR MTHONG BA DE'I TSE MI RTAG PA LA SOGS PAS SKYO BA'I DNGOS PO YID LA BYAS LA RGOD @59B PA ZHI BAR BYA'O, ,DE NAS YANG DE KHO NA NYID LA SEMS MNGON PAR 'DU BYED PA ME PAR 'JUG PA LA 'BAD PAR BYA'O, ,GANG GI TSE RNAM PAR G-YENG BA'I MI LTA BU'AM, SPRE'U BZHIN DU SEMS MI GNAS PAR GYUR PA NA RGOD PA DANG ZHI GNAS MED PA YIN PAR RIG PAR BYA'O, ,CI STE GANG GI TSE BYING BA DANG RGOD PA LAS DBEN PA'I PHYIR MNYAM PAR ZHUGS SHING RANG GI NGANG GIS 'JUG PAS DE KHO NA NYID LA SEMS SHIN TU GSAL BAR GYUR PA DE'I TSE RTZOL BA GLOD PAS BTANG SNYOMS SU BYAS TE, DE'I TSE ZHI GNAS DANG LHAG MTHONG ZUNG DU 'BREL PA'I LAM GRUB PA YIN PAR RIG PAR BYA'O, ,YANG GANG GI TSE LHAG MTHONG BSGOMS PAS SHES RAB SHIN TU SHAS CHE BAR GYUR PA DE'I TSE ZHI GNAS MTSUNGS PA'I PHYIR MAR ME RLUNG LA BZHAG PA BZHIN DU SEMS G-YO BAS DE KHO NA SHIN TU GSAL BAR MI MTHONG BAR 'GYUR TE, DE'I PHYIR DE'I TSE ZHI GNAS BSGOM PAR BYA'O, ,ZHI GNAS KYI SHAS CHE NA YANG GNYID KYIS LOG PA'I MI BZHIN DU DE KHO NA SHIN TU GSAL BAR MTHONG BAR MI 'GYUR TE, DE LTA BAS NA DE'I TSE YANG SHES RAB BSGOM PAR BYA'O, ,GANG GI TSE GLANG GNYIS ZUNG DU 'BREL TE MNYAM DU ZHUGS PA BZHIN DU GNYIS KA MNYAM DU ZHUGS PAR GYUR PA DE'I TSE JI SRID DU LUS DANG SEMS LA GNOD PAR MA GYUR PA DE SRID DU MNGON PAR 'DU BA BA MED PAR GNAS PAR BYA'O, ,MDOR NA TING NGE 'DZIN THAMS CAD LA NYES PA DRUG YOD DE, LE LO DANG, DMIGS PA BRJED PA DANG, BYING BA DANG, RGOD PA DANG, MI RTZOL BA DANG, RTZOL BA'O, ,DE DAG GI GNYEN POR SPONG BA'I 'DU BYED BRGYAD BSGOM PAR BYA STE, 'DI LTA STE, DAD PA DANG, 'DUN PA DANG, RTZOL BA DANG, SHIN TU SBYANGS PA DANG, DRAN PA DANG, SHES BZHIN DANG, SEMS PA DANG, BTANG SNYOMS SO, ,DE LA DANG PO BZHI NI LE LO'I GNYEN PO STE, 'DI LTAR TING NGE 'DZIN GYI YON TAN RNAMS LA MNGON PAR YID CHES PA'I MTSAN NYID KYIS DAD PAS RNAL 'BYOR PA 'DOD PA SKYE BAR 'GYUR RO, ,DE NAS 'DOD PAR GYUR PAS BRTZON 'GRUS RTZOM MO, DE NAS BRTZON 'GRUS LA BRTEN PAS LUS DANG SEMS LAS SU RUNG BA NYID DU BYED DO, ,DE NAS LUS DANG SEMS SHIN TU SBYANGS PAS LE LO LDOG PAR 'GYUR RO, ,DE BAS NA DAD PA LA @60A *, ,SOGS PAS LE LO SPONG BAR 'GYUR TE, DE'I PHYIR DE DAG BSGOM PAR BYA'O, ,DRAN PA NI DMIGS PA BRJED PA'I GNYEN PO'O, ,SHES BZHIN NI BYING BA DANG RGOD PA GNYIS KYI GNYEN PO STE, DES DE GNYIS RTOGS NAS SPONG BA'I PHYIR RO, ,BYING BA DANG RGOD PA MA ZHI BA'I DUS NA MI RTZOL BA NYES PA STE, DE'I PHYIR DE'I GNYEN POR SEMS PA BSGOM PAR BYA'O, ,GANG GI TSE BYING BA DANG, RGOD PA RAB TU ZHI STE SEMS RNAL DU 'JUG PA DE'I TSE RTZOL BA NYES PA STE, DE'I TSE DE'I GNYEN POR BTANG SNYOMS BSGOM PAR BYA'O, ,SEMS MNYAM PAR ZHUGS PA'I TSE GAL TE RTZOL BA BYAS NA DE'I TSE SEMS RNAM PAR G-YENG BAR 'GYUR RO, ,SEMS BYING BAR GYUR PA LA GAL TE RTZOL BA MA BYAS NA DE'I TSE LHAG MTHONG MED PA'I PHYIR MI LONG BA BZHIN DU SEMS BYING BAR 'GYUR RO, ,DE LTA BAS NA SEMS ZHUM PA BSAL ZHING RGOD PA ZHI BAR BYAS LA MNYAM PAR GYUR PAS BTANG SNYOMS SU BYA'O, ,DE NAS RNAL 'BYOR PA JI SRID DU DGA' BA DE SRID DU MNGON PAR 'DU BYED PA MED PA KHO NAR DE KHO NA BSGOM ZHING 'DUG PAR BYA'O, ,LUS DANG SEMS LA GNOD PAR GYUR NA SKABS SKABS SU 'JIG RTEN MTHA' DAG LA BLTAS LA SGYU MA DANG, RMI LAM DANG, CHU ZLA LTA BU DANG, MIG YOR LTA BUR RTOGS PAR BYA'O, ,DE SKAD DU RNAM PAR MI RTOG PAR 'JUG PA LAS KYANG BKA' STZAL TE, 'JIG RTEN LAS 'DAS PA'I YE SHES KYIS CHOS THAMS CAD NAM MKHA'I DKYIL DANG 'DRA BAR MNYAM PAR MTHONG NGO, ,DE'I RJES LA THOB PA NI SGYU MA DANG, SMIG RGYU DANG, CHU ZLA BZHIN DU MTHONG NGO ZHES 'BYUNG NGO, ,DE LTAR 'GRO BA SGYU MA LTA BUR RTOGS NAS SEMS CAN THAMS CAD LA SNYING RJE CHEN PO MNGON DU BYAS LA 'DI SNYAM DU BSAM PAR BYA STE, BYIS PA'I BLO CAN DE DAG GIS CHOS ZAB MO 'DI LTA BU MA RTOGS NAS GZOD MA NAS ZHI BA'I CHOS RNAMS LA YANG YOD PA LA SOGS PAR SGRO BTAGS TE, PHYIN CI LOG TU GYUR NAS LAS DANG NYON MONGS PA RNAM PA SNA TSOGS BSTZOGS [?] TE, DE'I PHYIR 'KHOR BAR YONGS SU 'KHYAMS PAS NA BDAG GIS CI NAS KYANG, 'DI DAG CHOS ZAB MO 'DI LTA BU KHONG DU CHUD PAR BYA'O SNYAM DU BSAM PAR BYA'O, ,DE NAS @60B NGAL BSOS TE, YANG DE BZHIN DU CHOS THAMS CAD MI SNANG BA'I TING NGE 'DZIN LA 'JUG PAR BYA'O, ,YANG SEMS SKYO BAR GYUR NA YANG NGAL BSOS TE DE BZHIN DU 'UG PAR BYA'O, ,DE LTA BU'I RIM PA 'DIS CHU TSOD GCIG GAM, MEL TSE THUN PHYED DAM, THUN GCIG GAM JI SRID NUS PA DE SRID DU 'DUG PAR BYA'O, ,DE NAS TING NGE 'DZIN LAS LDANG BAR 'DOD NA SKYIL MO KRUNG MA BSHIG PAR 'DI SNYAM DU BSAM PAR BYA STE, CHOS 'DI DAG THAMS CAD DON DAM PAR NA MA SKYES PA YIN YANG SGYU MA BZHIN DU RGYU DANG RKYEN SO SOR NGES PA SNA TSOGS 'DUS PA'I DBANG GIS MA BRTAGS NA NYAMS DGA' BA SNA TSOGS KHO NA DAG 'BYUNG STE, DES NA CHAD PAR LTA BAR YANG MI 'GYUR RO, ,SGRO 'DOGS PA'I MTHAR YANG MI 'GYUR TE, 'DI LAR SHES RAB KYIS RNAM PAR DPYAD NA MI DMIGS TE, DES NA RTAG PA NYID DANG SGRO 'DOGS PA'I MTHAR YANG MI 'GYUR RO, ,DE LA GANG DAG SHES RAB KYI MIG DANG BRAL BAS PHYIN CI LOG GI BLO CAN DU GYUR CING BDAG TU MNGON PAR ZHEN NAS LAS RNAM PA SNA TSOGS BYED PA DE DAG NI 'KHOR BA NA YONGS SU 'KHYAM MO, GANG DAG 'KHOR BA LA GCIG TU MI PHYOGS SHING SNYING RJE CHEN PO DANG BRAL BA DANG, SEMS CAN GYI DON DU SBYIN PA LA SOGS PA PHA ROL TU PHYIN PA RDZOGS PAR MI BYED KYI, BDAG 'DUL BA 'BA' ZHIG BYED PA'I SEMS CAN DE DAG NI THABS MED PA'I PHYIR NYAN THOS SAM RANG SANGS RGYAS KYI BYANG CHUB TU LTUNG NGO, ,GANG DAG 'GRO BA NGO BO NYID MED PAR KHONG DU CHUD NAS KYANG SNYING RJE CHEN PO'I STOBS KYIS 'GRO BA MTHA' DAG GDON PAR DAM BCAS NAS, SGYU MA MKHAN BZHIN DU BLO PHYIN CI LOG TU MA GYUR PAS BSOD NAMS DANG YE SHES KYI TSOGS RGYA CHEN PO YONGS SU SGRUB PA DE DAG NI DE BZHIN GSHEGS PA'I GO 'PHANG BRNYES NAS 'KHOR BA NA 'GRO BA MA LUS PA LA PHAN PA DANG BDE BA'I RNAM PA THAMS CAD YANG DAG PAR SGRUB CING BZHUGS SO, ,DE DAG KYANG YE SHES KYI TSOGS KYI STOBS KYIS NYON MONGS PA MTHA' DAG SPANGS PAS 'KHOR BAR YANG MI LTUNG LA, SEMS CAN THAMS CAD LA LTA BAS BSOD NAMS KYI TSOGS RGYA CHE ZHING TSAD MED PA BSAGS PA'I DBANG GIS NA MYA NGAN LAS 'DAS PAR YANG MI LTUNG NGO,, @61A *, ,SEMS CAN THAMS CAD KYI NYE BAR 'TSO BAR YANG 'GYUR RO, ,DE LTA BAS NA SEMS CAN MTHA' DAG LA PHAN PA DANG BDE BA BSKYED PAR 'DOD PA MI GNAS PA'I MYA NGAN LAS 'DAS PA THOB PAR 'DOD PA DAG GIS BSOD NAMS DANG YE SHES KYI TSOGS RGYA CHEN PO SGRUB PA LA DUS THAMS CAD DU MNGON PAR BRTZON PAR BYA'O SNYAM DU BSAM MO, DE SKAD DE BZHIN GSHEGS PA'I GSANG BA'I MDO LAS KYANG BKA' STZAL TE, YE SHES KYI TSOGS NI NYON MONGS PA MTHA' DAG SPONG BAR 'GYUR BA LAGS SO, ,BSOD NAMS KYI TSOGS NI SEMS CAN THAMS CAD NYE BAR 'TSO BAR 'GYUR BA LAGS SO, ,BCOM LDAN 'DAS DE LTA LAGS PAS BYANG CHUB SEMS DPA' SEMS DPA' CHEN POS BSOD NAMS DANG YE SHES KYI TSOGS LA BRTZON PAR BGYI'O ZHES 'BYUNG NGO, ,'PHAGS PA DE BZHIN GSHEGS PA SKYE BA 'BYUNG BA'I MDO LAS KYANG BKA' STZAL TE, GANG DE BZHIN GSHEGS PA RNAMS 'BYUNG BA DE NI RGYU GCIG PU MA YIN NO, ,DE CI'I PHYIR ZHE NA, KYE RGYAL BA'I SRAS DE BZHIN GSHEGS PA RNAMS NI YANG DAG PAR 'GRUB PA'I RGYU TSAD MED PA 'BUM PHRAG BCUS YANG DAG PAR 'GRUB STE, BCU GANG ZHE NA, 'DI LTA STE, BSOD NAMS DANG YE SHES KYI TSOGS TSAD MED PA SA MI NGOMS PA YANG DAG PAR 'GRUB PA'I RGYU DANG ZHES BYA BA LA SOGS PA RGYAS PAR 'BYUNG NGO, ,'PHAGS PA DRI MA MED PAR GRAGS PAS BSTAN PA LAS KYANG BKA' STZAL TE, KYE GROGS PO DAG DE BZHIN GSHEGS PA'I SKU NI BSOD NAMS BRGYA LAS NGES PAR SKYES PA'O; ,DGE BA'I CHOS THAMS CAD LA NGES PAR SKYES PA'O, ,DGE BA'I LAS TSAD MED PA LAS NGES PAR SKYES SO ZHES BYA BA LA SOS PA RGYA CHER 'BYUNG NGO, ,DE LTAR BYAS NA DAL GYIS SKYIL MO KRUNG BSHIG STE, PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD LA PHYAG BTZAL NAS DE DAG LA MCHOD PA DANG BSTOD PA BYAS LA, 'PHAGS PA BZANG PO SPYOD PA LA SOGS PA'I SMON LAM CHEN PO GDAB PO, ,DE NAS STONG PA NYID DANG SNYING RJE'I SNYING PO CAN BLA NA MED PA'I BYANG CHUB TU YONGS SU BSNGOS PA'I SBYIN PA LA SOGS PA'I BSOD NAMS KYI TSOGS SGRUB PA LA @61B MNGON PAR BRTZON PAR BYA'O, ,GANG ZHIG SEMS KYI RNAM PAR RTOG PAS BSKYED PA'I DGE BA DANG MI DGE BA'I LAS KYI DBANG GIS SEMS CAN RNAMS MTHO RIS LA SOGS PA'I 'BRAS BU MYONG ZHING 'KHOR BA NA 'KHOR RO, ,GANG DAG CI YANG MI SEMS CI YANG MI BYED PA DE DAG NI 'KHOR BA LAS YONGS SU THAR BAR 'GYUR RO, ,DE LTA BAS NA CI YANG MI BSAM MO, SBYIN PA LA SOGS PA DGE BA SPYAD PAR YANG MI BYA'O, ,SBYIN PA LA SOGS PA SPYOD PA NI SKYE BO BLUN PO'I DBANG DU MDZAD NAS BSTAN PA KHO NA YIN NO SNYAM DU SEMS SHING DE SKAD KYANG SMRA BA DES NI THEG PA CHEN PO MTHA' DAG SPANGS PA YIN NO; ,THEG PA CHEN PO THAMS CAD KYI RTZA BA NI THEG PA CHEN PO YIN PAS DE SPANGS NA THEG PA THAMS CAD SPANGS PAR 'GYUR RO, ,'DI LTAR CI YANG MI BSAM MO ZHES SMRA BA NI YANG DAG PAR SO SOR RTOG PA'I MTSAN NYID KYI SHES RAB SPANGS PAR 'GYUR RO, ,YANG DAG PA'I YE SHES KYI RTZA BA NI YANG DAG PAR SO SOR RTOG PA YIN PAS NA DE SPANGS NA RTZA BA BCAD PA'I PHYIR 'JIG RTEN LAS 'DAS PA'I SHES RAB SPANGS PAR 'GYUR RO, ,SBYIN PA LA SOGS PA DGE BA SPYAD PAR MI BYA'O ZHES SMRAS PAS KYANG SBYIN PA LA SOGS PA THABS SHIN TU ZUR PHYIN PAR SPANGS PA YIN NO, ,MDOR NA 'DI LTA STE, THABS DANG SHES RAB NI THEG PA CHEN PO'O, ,DE SKAD 'PHAGS PA GA YA MGO'I RI LAS KYANG GSUNGS TE, BYANG CHUB SEMS DPA' RNAMS KYI LAM NI MDOR BSDU NA GNYIS TE, GNYIS GANG ZHE NA, 'DI LTA STE, THABS DANG, SHES RAB BO ZHE'O, ,'PHAGS PA DE BZHIN GSHEGS PA'I GSANG BA LAS KYANG BKA' STZAL TE, THABS DANG SHES RAB 'DI GNYIS KYIS BYANG CHUB SEMS DPA'I LAM THAMS CAD BSDUS PAR 'GYUR RO ZHES 'BYUNG STE, DE'I PHYIR THEG PA CHEN PO SPONG BA NI LAS KYI SGRIB PA CHEN PO BYAS PAR 'GYUR RO, ,DE LTA BAS NA THEG PA CHEN PO SPONG BA, THOS PA NYUNG BA, BDAG GI LTA BA MCHOG TU 'DZIN PA, SKYE BO MKHAS PA LA BSNYEN BKUR MA BYAS PA, DE BZHIN GSHEGS PA'I GSUNG RAB KYI TSUL MA RTOGS PA, BDAG PHUNG BAR BYAS NAS GZHAN YANG PHUNG BAR BYED PA RIGS PA DANG LUNG DANG 'GAL BA'I DUG GIS BTAB PA'I TSIG NI MKHAS PA BDAG LA LEGS SU @62A *, ,'DOD PAS ZAS DUG CAN BZHIN DU RGYANG RING DU YONGS SU SPANG BAR BYA'O, ,DE LTAR DES YANG DAG PAR SO SOR RTOG PA SPANGS NA CHOS SHIN TU RNAM PAR 'BYED PA ZHES BYA BA YANG DAG PA BYANG CHUB KYI YAN LAG DAM PA KHO NA YANG SPANGS PAR 'GYUR RO, ,YANG DAG PAR SO SOR RTOG PA MED PAR RNAL 'BYOR PAS THABS GANG GIS THOG MA MED PA'I DUS NAS GZUGS LA SOGS PA'I DNGOS PO LA MNGON PAR ZHEN CING GOMS PA'I SEMS RNAM PAR MI RTOG PA NYID LA RNAM PAR GZHAG PAR BYA, GAL TE CHOS THAMS CAD LA DRAN PA MED PA DANG, YID LA BYED PA MED PAS 'JUG GO ZHE NA; DE YANG RIGS PA MA YIN TE, YANG DAG PAR SO SOR RTOG PA MED PAR NI NYAMS SU MYONG BA'I CHOS THAMS CAD MI DRAN PAR BYA BA DANG, YID LA MI BYA BAR BYED MI NUS SO, ,GAL TE BDAG GIS CHOS 'DI DAG DRAN PAR MI BYA'O, ,YID LA MI BYA'O SNYAM DU DE LTAR BSGOM ZHING DE DAG LA DRAN PA MED PA DANG, YID LA BYED PA MED PA BSGOM PA NI DE'I TSE DES DE DAG SHIN TU DRAN PA DANG, SHIN TU YID LA BYAS PAR 'GYUR RO, ,CI STE DRAN PA DANG, YID LA BYED PA MED PA TZAM LA DRAN PA MED PA DANG, YID LA BYED PA MED PA SKAD DU BYA NA, DE'I TSE DE GNYIS RNAM PA GANG GIS MED PAR 'GYUR BA DE NYID DPYAD DGOS TE, MED PA NI RGYUR RUNG BAR YANG MI 'GYUR TE, GANG GIS MTSAN MA MED PA DANG, YID LA BYED PA MED PA LAS RNAM PAR MI RTOG PA NYID DU 'GYUR, DE TZAM GYI PHYIR RNAM PAR MI RTOG PAR 'GYUR DU ZIN NA NI BRGYAL BA YANG DRAN PA DANG, YID LA BYED PA MED PAS RNAM PAR MI RTOG PA NYID DU 'JUG PAR 'GYUR RO, ,YANG DAG PAR SO SOR RTOG PA MED PAR RNAM PA GZHAN GYIS DRAN PA MED CING YID LA BYED PA MED PAR BYA BA'I THABS GZHAN MED DO, ,DRAN PA MED PA DANG, YID LA BYED PA MED PAR GYUR DU ZIN KYANG YANG DAG PAR SO SOR RTOG PA MED NA CHOS RNAMS KYI NGO BO NYID MED PA LA 'JUG PAR JI LTAR 'GYUR, CHOS RNAMS NGO BO NYID KYIS STONG PAR GNAS PA KHO NA YIN DU ZIN KYANG SO SOR RTOG PA DE MED NA DE DAG GIS STONG PA NYID RTOGS PAR MI 'GYUR RO, ,STONG PA NYID RTOGS PA MED PAS NI SGRIB PA SPONG BAR MI 'GYUR RO, ,DE LTAR GYUR DU ZIN @62B NA THAMS CAD KYANG DUS THAMS CAD DU RANG THAR BAR 'GYUR RO, ,YANG RNAL 'BYOR PA DE GAL TE CHOS THAMS CAD LA DRAN PA NYAMS PA'AM, RMONGS PAS DRAN PA DANG, YID LA BYED PA MI 'JUG NA NI DE'I TSE SHIN TU RMONGS PA YIN PAS DE RNAL 'BYOR PAR JI LTAR 'GYUR, YANG DAG PAR SO SOR RTOG PA MED PAR DE LA DRAN PA MED PA DANG, YID LA BYED PA MED PA GOMS PAR BYAS PAS GLEN PA NYID GOMS PAR BYAS PA YIN NO, ,DE'I PHYIR YANG DAG PA'I YE SHES KYI SNANG BA RGYANG RING DU BSRINGS PAR 'GYUR RO, ,CI STE DE DRAN PA NYAMS PA YANG MA YIN, GLEN PA YANG MA YIN NA NI DE'I TSE YANG DAG PAR SO SOR RTOG PA MED PAR JI LTAR DRAN PA MED PA DANG, YID LA BYED PA MED PAR BYED NUS PAR 'GYUR, DRAN BZHIN DU YANG MI DRAN, MTHONG BZHIN DU YANG MI MTHONG NGO ZHES BYAR MI RUNG NGO, ,DRAN PA MED PA DANG, YID LA BYED PA MED PA GOMS PAR BYAS NA JI LTAR SNGON GYI GNAS RJES SU DRAN PA LA SOGS PA DANG, SANGS RGYAS KYI CHOS LA SOGS PAR 'GYUR TE, 'GAL BA'I PHYIR DRO BA DANG 'GAL BA DRANG BA BSTEN PA'I TSE DRO BA REG PA'I TSOR BA MI 'BYUNG BA BZHIN NO, ,YANG RNAL 'BYOR PA TING NGE 'DZIN LA SNYOMS PAR ZHUGS PA LA GAL TE YID KYI RNAM PAR SHES PA YOD NA DE'I TSE DES GDON MI ZA BAR CI ZHIG LA DMIGS DGOS TE, SO SO'I SKYE BO RNAMS KYI SHES PA NI GLO BUR DU DMIGS PA MED PAR MI 'GYUR RO, ,CI STE MED NA NI DE'I TSE JI LTAR CHOS RNAMS KYI NGO BO NYID MED PAR RTOGS PAR 'GYUR, GNYEN PO GANG GIS NI NYON MONGS PA SPONG BAR 'GYUR, BSAM GTAN BZHI PA MA THOB PA'I SO SO'I SKYE BA'I SEMS NI 'GOG PAR 'GYUR MI SRID DO, ,DE LTA BAS NA DAM PA'I CHOS LA DRAN PA MED PA DANG, YID LA BYED PA MED PA 'BYUNG BA DE YANG YANG DAG PAR SO SOR RTOG PA SNGON DU 'GRO BA YIN PAR BLTA BAR BYA STE, GANG GI PHYIR YANG DAG PAR SO SOR RTOG PA NYID KYIS DRAN PA MED PA DANG, YID LA BYED PA MED PAR BYED NUS KYI GZHAN DU MA YIN TE, 'DI LTAR RNAL 'BYOR PA GANG GI TSE YANG DAG PA'I SHES RAB KYIS BRTAGS NA DON DAM PAR NA DUS GSUM DU CHOS SKYES PA GANG YANG MA MTHONG BA DE'I TSE JI LTAR NA DRAN PA DANG, YID LA BYED PAR BYA, DON DAM PAR @63A *, ,NA DUS GSUM MED PA'I PHYIR MYONG BA MED PA GANG YIN PA DE JI LTAR DRAN PAR BYA, YID LA BYED PAR BYA, DE'I PHYIR DE SPROS PA THAMS CAD NYE BAR ZHI BAS RNAM PAR MI RTOG PA'I YE SHES LA ZHUGS PA YIN NO, ,DE LA ZHUGS PAS STONG PA NYID RTOGS PAR 'GYUR RO, , DE RTOGS PAS LTA BA NGAN PA'I DRA BA MTHA' DAG SPANGS PAR 'GYUR RO, ,THABS DANG LDAN PA'I SHES RAB BSTEN PAS KUN RDZOB DANG DON DAM PA'I BDEN PA LA YANG DAG PAR MKHAS PA YIN NO, ,DE BAS NA SGRIB PA MED PA'I YE SHES THOB PA'I PHYIR SANGS RGYAS KYI CHOS THAMS CAD THOB PAR 'GYUR RO, , DE LTA BAS NA YANG DAG PAR SO SOR RTOG PA MED NA YANG DAG PA'I YE SHES 'BYUNG BAR YANG MI 'GYUR, NYON MONGS PA'I SGRIB PA SPONG BAR YANG MI 'GYUR RO, ,'PHAGS PA 'JAM DPAL RNAM PAR ROL PA'I MDO LAS KYANG BKA' STZAL TE, BU MO JI LTAR NA BYANG CHUB SEMS DPA' G-YUL LAS RNAM PAR RGYAL BA YIN, GSOL PA, 'JAM DPAL RNAM PAR BRTAGS NA CHOS THAMS CAD MI DMIGS PA GANG LAGS PA'O ZHES 'BYUNG NGO, ,DE LTA BAS NA RNAL 'BYOR PAS YE SHES KYI MIG PHYE LA SHES RAB KYI MTSON GYIS NYON MONGS PA'I DGRA RNAMS PHAM PAR BYA STE, 'JIGS PA MED PAR GNAS PA'I PHYIR MI SNGAR MA BZHIN DU MIG 'DZUMS PAR MI BYA'O, ,'PHAGS PA TING NGE 'DZIN GYI RGYAL PO'I MDO LAS KYANG BKA' STZAL TE, GAL TE CHOS LA BDAG MED SO SOR RTOG ,SO SOR DE BRTAGS GAL TE BSGOM PA NI, ,DE NYID MYA NGAN 'DAS THOB 'BRAS BU'I RGYU, ,RGYU GZHAN GANG YIN DES NI ZHI MI 'GYUR, ,ZHES 'BYUNG NGO, ,MDO KUN LAS BTUS PA LAS KYANG 'BYUNG STE, BDAG LHAG MTHONG GI SBYOR BA LA ZHUGS PAR GNAS KYANG GZHAN DAG LHAG MTHONG GI SBYOR BA LA MI 'JUG NA BDUD KYI LAS SO ZHES 'BYUNG NGO, ,LHAG MTHONG NI YANG DAG PAR SO SOR RTOG PA'I NGO BO NYID YIN PAR 'PHAGS PA DKON MCHOG SPRIN DANG, DGONGS PA NGES PAR 'GREL PA LAS KYANG BKA' STZAL TO, ,'PHAGS PA DKON MCHOG SPRIN LAS KYANG BKA' STZAL PA, LHAG MTHONG GIS BRTAGS NAS NGO BO NYID MED PAR RTOGS PA NI MTSAN MA MED PA LA 'JUG PA'O ZHES 'BYUNG NGO, ,'PHAGS PA @63B LANG KAR GSHEGS PA LAS KYANG, BLO GROS CHEN PO GANG GI PHYIR BLOS BRTAGS NA RANG DANG SPYI'I MTSAN MI RTOGS TE, DES NA CHOS THAMS CAD NGO BO NYID MED PA ZHES BYA'O ZHES BKA' STZAL TO, ,GAL TE YANG DAG PAR SO SOR RTOG PA LA MI BYA NA, DE LTAR BCOM LDAN 'DAS KYIS MDO SDE DE DANG DE DAG LA YANG DAG PAR SO SOR RTOG PA RNAM PA DU MA BKA' STZAL PA DE DANG YANG 'GAL BAR 'GYUR RO, ,DE LTA BAS NA BDAG NI SHES RAB CHUNG NGU, BRTZON 'GRUS CHUNG NGU STE, MANG DU THOS PA YONGS SU TSOL MI NUS SO ZHES DE SKAD BYA BA'I RIGS KYI, BCOM LDAN 'DAS KYIS MANG DU THOS PA BSNGAGS PA'I PHYIR DUS THAMS CAD DU YANG DE SPANG BAR NI MI RIGS SO, ,TSANGS PAS ZHUS PA LAS KYANG BKA' STZAL TE, GANG DAG BSAM GYIS MI KHYAB PA'I CHOS RNAMS LA SEMS ZHUGS PA DE DAG NI TSUL BZHIN MA YIN PA'O ZHES 'BYUNG NGO, ,DE LA GANG DAG DON DAM PAR MA SKYES PA'I CHOS RNAMS LA SKYE BAR YONGS SU BRTAGS TE, NYAN THOS LA SOGS PA BZHIN DU DE DAG LA MI RTAG PA DANG SDUG BSNGAL GYI TSUL DU SEMS PAR BYED PA DE DAG NI SGRO 'DOGS PA DANG SKUR BA 'DEBS PA'I MTHA' DE DAG LA SEMS PA 'JUG PAS TSUL BZHIN MA YIN PAR 'GYUR TE, DE DGAG PA'I PHYIR DE SKAD BKA' STZAL GYI, YANG DAG PAR SO SOR RTOG PA DE DGAG PAR NI MA YIN TE, DE NI MDO STE KUN LAS KYANG BKA' STZAL PA'I PHYIR RO, ,DE SKAD TSANGS PAS ZHUS PA DE NYIS LAS KYANG BKA' STZAL TE, BYANG CHUB SEMS DPA' RNAMS KYIS GSOL PA, GANG CHOS THAMS CAD LA SEMS KYIS SEMS KYANG DER MA SMRAS MA NYAMS NA DE'I SLAD DU DE BYANG CHUB SEMS DPA' ZHES BGYI ZHES 'BYUNG NGO, ,YANG DE NYID LAS JI LTAR NA BRTZON 'GRUS DANG LDAN PA LAGS, BKA' STZAL PA, GANG GI TSE THAMS CAD MKHYEN PA'I YE SHES LA BRTAGS NAS MA DMIGS PA'O ZHES GSUNGS SO, ,YANG DE NYID LAS TSUL BZHIN DU CHOS LA SO SOR RTOG PA DE DAG NI BLO GROS DANG LDAN PA YIN NO, ZHES GSUNGS SO, ,YANG DE NYID LAS DE DAG NI CHOS RNAMS LA SGYU MA DANG SMIG RGYU JI LTA BA BZHIN DU RAB TU RNAM PAR 'BYED DO ZHES GSUNGS SO, ,DE LTAR GANG DANG GANG DU BSAM GYIS MI KHYAB PA LA SOGS PA'I TSIG THOS NA DE @64A *, ,DANG DER THOS PA DANG BSAM PA TZAM KHO NAS DE KHO NA RTOGS PAR GANG DAG SEMS PA DE DAG GI MNGON PA'I NGA RGYAL DGAG PA'I PHYIR CHOS RNAMS SO SO RANG GIS RIG PAR BYA BA NYID DU BSTAN PAR BYED DO, ,TSUL BZHIN MA YIN PA'I SEMS PA YANG DGAG PAR BYED PAR KHONG DU CHUD PAR BYA'I, YANG DAG PAR SO SOR RTOG PA DE DGAG PAR NI MA YIN NO, ,DE LTA MA YIN NA RIGS PA DANG LUNG SHIN TU MANG PO DANG 'GAL BAR 'GYUR RO ZHES SNGAR BSHAD PA BZHIN NO, ,YANG THOS PA DANG BSAM PA LAS BYUNG BA'I SHES RAB KYIS RTOGS PA GANG YIN PA DE NYID BSGOM PA LAS BYUNG BA'I SHES RAB KYI BSGOM PAR BYA'I, GZHAN DU NI MA YIN TE, RTA DKYUS KYI SA BSTAN NAS RGYUG PA BZHIN NO, ,DE LTA BAS NA YANG DAG PAR SO SOR BRTAG PAR BYA'O, ,DE RAM PAR RTOG PA'I NGO BO NYID YIN DU ZIN KYANG TSUL BZHIN DU YID LA BYED PA'I NGO BO NYID YIN PA'I PHYIR DE LAS RNAM PAR MI RTOG PA'I YE SHES 'BYUNG BAR 'GYUR PAS NA YE SHES DE 'DOD PAS DE LA BRTEN PAR BYA'O, ,RNAM PAR MI RTOG PA'I YANG DAG PA'I YE SHES KYI ME BYUNG NA SHING GNYIS DRUD PA LAS ME BYUNG BAS SHING DE GNYIS BSREGS PA BZHIN DU DE YANG PHYIS DE GNYIS KYIS BSREG PAR 'GYUR RO ZHES 'PHAGS PA DKON MCHOG BRTZEGS PA LAS KYANG BKA' STZAL TO, ,YANG DGE BA LA SOGS PA'I LAS CI YANG MI BYA'O ZHES ZER BA DE NI DE SKAD SMRA BAS LAS ZAD NAS GROL BAR 'GYUR RO ZHES MU STEGS CAN KUN TU TSOL BA'I SMRA BA KHAS BLANGS PAR 'GYUR RO, ,BCOM LDAN 'DAS KYI GSUNG RAB LA NYON MONGS PA ZAD NAS GROL BAR 'GYUR GYI, LAS ZAD NAS GROL BAR 'GYUR BA MED DO, ,THOG MA MED PA NAS BSAGS PA'I LAS ZAD PAR BYA MI NUS TE, DE NI MTHA' YAS PA'I PHYIR RO, ,NGAN SONG LA SOGS PA YANG DE'I 'BRAS BU LA SPYOD PA'I TSE LAS GZHAN DAG KYANG 'BYUNG STE, NYON MONGS PA MED PAR MA GYUR TE DE RGYUR GNAS NA LAS DGAG PAR MI NUS PA'I PHYIR MAR ME MA 'GAGS NA DE'I 'OD MI 'GAG PA BZHIN NO, ,LHAG MTHONG LA SKUR BA 'DEBS PA DE'I NYON MONGS PA ZAD PAR 'GYUR MI SRID DO ZHES SNGAR BSHAD PA YIN NO, ,CI STE NYON MONGS PA ZAD PAR BYA BA'I PHYIR LHAG MTHONG LA BRTEN PAR BYA'O SNYAM DU @64B SEMS NA NI DE'I TSE NYON MONGS PA ZAD PA NYID KYIS GROL BAR 'GRUB STE, LAS ZAD PAR BYA BA'I TSIG DON MED PAR 'GYUR RO, ,MI DGE BA'I LAS MI BYA'O ZHES ZER BA DE NI RIGS NA, DGE BA CI STE DGAG ,GAL TE 'KHOR BAR BYED PAS DGAG PA SKAD DU BYAS NA YANG DE NI MI RUNG STE, BDAG LA SOGS PAR PHYIN CI LOG GI KUN NAS BSLANG BA'I DGE BA'I LAS GANG YIN PA DE NYID 'KHOR BAR BYED PA YIN GYI, BYANG CHUB SEMS DPA' RNAMS KYI LAS SNYING RJE CHEN POS KUN NAS BSLANG BA BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PA YANG 'KHOR BAR BYED PA MA YIN NO, ,DE SKAD 'PHAGS PA SA BCU PA LAS KYANG BKA' STZAL TE, DGE BA BCU'I LAS KYI LAM DE DAG NYID BSNGO BA LA SOGS PA YONGS SU SBYANG BA BYAS PA'I BYE BRAG GIS NI NYAN THOS DANG, RANG SANGS RGYAS DANG, BYANG CHUB SEMS DPA' DANG, SANGS RGYAS NYID SGRUB PAR BYED DO ZHES 'BYUNG NGO, ,'PHAGS PA DKON MCHOG BRTZEGS PA LAS KYANG, CHU KLUNG CHEN PO THAMS CAD RGYA MTSO CHEN POR ZHUGS PA'I CHU'I PHUNG PO BZHIN DU BYANG CHUB SEMS DPA' RNAMS SGO SNA TSOGS NAS DGE BA BSAGS PA YANG THAMS CAD MKHYEN PA NYID DU RO GCIG PA NYID DU 'GYUR RO ZHES GSUNGS SO, ,SANGS RGYAS DANG BYANG CHUB SEMS DPA' RNAMS KYI GZUGS KYI SKU DANG, ZHING YONGS SU DAG PA DANG, 'OD DANG, 'KHOR DANG, LONGS SPYOD CHEN PO LA SOGS PA PHUN SUM TSOGS PA GANG YIN PA DE NI SBYIN PA LA SOGS PA BSOD NAMS KYI TSOGS KYI 'BRAS BU NYID YIN PAR MDO SDE DANG DE DANG DE DAG TU BCOM LDAN 'DAS KYIS BKA' STZAL PA DE DANG YANG 'GAL BAR 'GYUR RO, ,DGE BA SPYOD PA BKAG PAS NI SO SOR THAR PA'I SDOM PA LA SOGS PA YANG BKAG PAR 'GYUR TE, DE'I PHYIR DE'I MGO BO DANG KHA SPU BREGS PA DANG CHOS GOS NGUR SMRIG BCANG BA LA SOGS PA YANG DON MED PAR 'GYUR RO, , DGE BA'I LAS MNGON PAR 'DU BYA BA LA MI PHYOGS PAR GYUR NA 'KHOR BA LA MI PHYOGS PA DANG, SEMS CAN GYI DON BYA BA LA MI PHYOGS PA KUN TU BSTEN PAR 'GYUR TE, DE'I PHYIR DE'I BYANG CHUB KYANG RGYANG BSRINGS PAR 'GYUR RO, ,'PHAGS PA DGONGS PA NGES PAR 'GREL PA LAS KYANG @65A *, ,BKA' STZAL TE, SEMS CAN GYI DON BYA BA LA SHIN TU MI PHYOGS PA DANG, 'DU BYED PA MNGON PAR 'DU BYA BA LA SHIN TU MI PHYOGS PA NI BLA NA MED PA YANG DAG PAR RDZOGS PA'I BYANG CHUB TU NGAS LUNG MA BSTAN TO ZHES BKA' STZAL TO, ,'PHAGS PA NYE BA 'KHOR GYIS ZHUS PA LAS KYANG, 'KHOR BA LA MI PHYOGS PA NI BYANG CHUB SEMS DPA' RNAMS KYI 'CHAL PA'I TSUL KHRIMS MCHOG YIN NO ZHES BSTAN TO, ,'KHOR BA YONGS SU 'DZIN PA NI TSUL KHRIMS KYI MCHOG YIN NO ZHES GSUNGS SO, ,'PHAGS PA DRI MA MED PAR GRAGS PAS BSTAN PA LAS KYANG THABS KYIS ZIN PA'I 'KHOR BAR 'GRO BA NI BYANG CHUB SEMS DPA' RNAMS KYI THAR PA'O, ,THABS DANG BRAL BA'I SHES RAB NI 'CHING BA'O, ,SHES RAB DANG BRAL BA'I THABS KYANG 'CHING BA'O, ,SHES RAB DANG BCAS PA'I THABS NI THAR PA'O, ,THABS DANG BCAS PA'I SHES RAB KYANG THAR PA'O ZHES BKA' STZAL TO, ,'PHAGS PA NAM MKHA' MDZOD LAS KYANG, 'KHOR BAR YONGS SU SKYO BA NI BYANG CHUB SEMS DPA' RNAMS KYI BDUD KYI LAS SO ZHES GSUNGS SO, ,MDO KUN LAS BTUS PA LAS KYANG 'DUS MA BYAS PA LA YANG SO SOR RTOG LA, 'DUS BYAS KYI DGE BAS KYANG YONGS SU SKYO BA NI BDUD KYI LAS SO, ,BYANG CHUB KYI LAM YANG RAB TU SHES LA PHA ROL TU PHYIN PA'I LAM YANG YONGS SU MI TSOL BA NI BDUD KYI LAS SO ZHES BSTAN TO, ,YANG DE NYID LAS, SBYIN PA LA SEMS MNGON PAR ZHEN PA NAS SHES RAB KYI BAR LA SEMS MNGON PAR ZHEN PA NI BDUD KYI LAS SO ZHES BSHAD PA DE LA SBYIN PA LA SOGS PA BSTEN PA DGAG PA NI MA YIN GYI, NGAR 'DZIN PA DANG, NGA YIR 'DZIN PA LA SEMS MNGON PAR ZHEN PA, GZUNG BA DANG 'DZIN PA LA SEMS MNGON PAR ZHEN PA, DMIGS PA CAN GYI SBYIN PA LA SOGS PA PHYIN CI LOG TU MNGON PAR ZHEN PA GANG YIN PA DE DGAG PA STE, PHYIN CI LOG TU MNGON PAR ZHEN PAS KUN NAS BSLANG BA'I SBYIN PA LA SOGS PA YONGS SU DAG PAR MI 'GYUR TE BDUD KYI LAS SO ZHES BSHAD DO, ,DE LTA MA YIN NA BSAM GTAN YANG BSTEN PAR BYA BA MA YIN PAR 'GYUR RO, ,DE LTAR GYUR NA THAR PAR @65B YANG JI LTAR 'GYUR, DE'I PHYIR NA DMIGS PA CAN SNA TSOGS SU 'DU SHES PAS SBYIN PA BYIN PA LA SOGS PA GANG YIN PA DE NI YONGS SU DAG PA MA YIN PAR BSTAN PA'I PHYIR 'PHAGS PA NAM MKHA' MDZOD LAS KYANG, SEMS CAN PHYIN CI LOG GI LAS SNA TSOGS LA SOGS PA'I 'DU SHES CAN GYI SBYIN PA LA SOGS PA NI BDUD KYI LAS SO ZHES BSHAD DO, ,PHUNG PO GSUM PA'I YONGS SU BSNGO BA LAS KYANG BKA' STZAL PA, GANG BDAG GIS SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB MNYAM PA NYID DU MA 'TSAL NAS DMIGS PAR LTUNG BAS SBYIN PA LA BRTZAL BA DANG, TSUL KHRIMS MCHOG TU 'DZIN PAS TSUL KHRIMS SRUNG BA DANG, BDAG DANG GZHAN DU 'DU SHES PAS BZOD PA BSGOMS PA LA SOGS PA GANG LAG PA DE DAG THAMS CAD SO SOR BSHAGS PAR BGYI'O ZHES 'BYUNG BA GANG YIN PA DE LA YANG DMIGS PA CAN SNA TSOGS SU 'DU SHES PA PHYIN CI LOG TU MNGON PAR ZHEN PAS KUN NAS BSLANG BA'I PHYIR SBYIN PA LA SOGS PA YONGS SU DAG PA MA YIN PA TZAM GYI PHYIR BSHAD KYI, DUS THAMS CAD DU SBYIN PA LA SOGS PA LA BSTEN PA DGAG PA NI MA YIN NO, ,DE LTA MA YIN NA DMIGS PA CAN PHYIN CI LOG TU GYUR PA 'BA' ZHIG GI MA YIN NA SBYIN PA LA SOGS PA THAMS CAD BYE BRAG MED PAR DGAG PAR 'GYUR RO, ,TSANGS PAS ZHUS PA LAS KYANG, SPYOD PA JI SNYED PA DE DAG THAMS CAD NI YONGS SU RTOGS PA'O, ,YONGS SU MI RTOG PA NI BYANG CHUB BO ZHES BYA BA LA SOGS PA GSUNGS PA GANG YIN PA DE LA YANG SKYE BA LA SOGS PAR RNAM PAR RTOG PA'I SKABS YIN PAS DE NI YONGS SU RTOGS PA NYID DU BSHAD KYI, MTSAN MA MED PAR GNAS SHING MNGON PAR 'DU BYA BA MED PAR 'JUG PA LA GNAS PA'I BYANG CHUB SEMS DPA' NI LUNG BSTAN PA YIN TE, GZHAN DU MA YIN NO ZHES DE TZAM DU BSTAN TE, SBYIN PA LA SOGS PA THAMS CAD LA DON DAM PAR NA MA SKYES PAR YONGS SU BSTAN GYI, SPYOD PAR MI BYA BA NI BKA' MA STZAL TO, ,DE LTA MA YIN NA MAR ME MDZAD KYI SNGA LOGS SU SANGS RGYAS GANG DAG LA BCOM LDAN 'DAS KYIS BSNYEN BKUR MDZAD PA DE DAG GI MTSAN BCOM @66A *, ,LDAN 'DAS KYIS BSKAL PAR YANG BRJOD PAR MI SPYOD PA DE DAG GIS KYANG BCOM LDAN 'DAS BYANG CHUB SEMS DPA'I GNAS SKABS NA BZHUGS PA'I SPYOD PA CI'I PHYIR DGAG PA MA MDZAD, MAR ME MDZAD KYIS KYANG DE'I TSE BCOM LDAN 'DAS KYI SPYOD PA DGAG PAR MA MDZAD PA KHO NA STE; GANG GI TSE SA BRGYAD PA LA GNAS SHING ZHI BA MTSAN MA MED PA LA GNAS PA DE GZIGS NAS DE'I TSE BCOM LDAN 'DAS LUNG BSTAN GYI, DE NA DE'I SPYOD PA BKAG PA NI MA YIN NO, ,SA BRGYAD PA LA BYANG CHUB SEMS DPA' RNAMS KYI MTSAN MA MED PAR GNAS PA MCHOG DE NI DE DAG DE NYID DU YONGS SU MYA NGAN LAS 'DAS PAR 'GYUR DU 'ONG NGO ZHES SA BCU LAS SANGS RGYAS RNAMS KYIS DGAG PA MDZAD DO, ,GAL TE RNAM PA THAMS CAD DU SPYOD PA DE MI BYA BAR GYUR NA NI SNGAR BRJOD PA THAMS CAD DANG YANG 'GAL BAR 'GYUR RO, ,YANG TSANGS PAS ZHUS PA DE NYID LAS GSUNGS PA, SBYIN PA YANG SBYIN LA DE'I RNAM PAR SMIN PA LA YANG MI REL [*RE LA?], TSUL KHRIMS KYANG BSRUNG BA DE YANG SGRO 'DOGS PAS MA YIN ZHES BYA BA LA SOGS PA 'BYUNG NGO, ,TSANGS PA BYANG CHUB SEMS DPA' CHOS BZHI DANG LDAN PA RNAMS SANGS RGYAS KYI CHOS RNAMS LAS PHYIR MI LDOG PA YIN NO, ,BZHI PO DE DAG GANG ZHE NA, 'KHOR BA DPAG TU MED PA YONGS SU 'DZIN PA DANG, SANGS RGYAS DPAG TU MED PA LA RIM GRO DANG MCHOD PA DPAG TU MED PA BYED PA ZHES BYA BA LA SOGS PA 'BYUNG BA THAMS CAD DANG 'GAL LO, DBANG PO RTUL PO KHO NAS SPYOD PAR BYA'I, DBANG PO RNON POS MI BYA'O ZHES BRJOD PAR MI RUNG STE, 'DI LTAR SA DANG PO NAS BZUNG STE SA BCU PA'I BAR LA GNAS PA'I BYANG CHUB SEMS DPA' RNAMS KYI SBYIN PA LA SOGS PA'I SPYOD PA RNAMS 'BYUNG ZHING LHAG MA RNAMS KYANG KUN TU MI SPYOD PA NI MA YIN NO ZHES GSUNGS PA'I PHYIR RO, ,SAR CHUD PA RNAMS DBANG PO RTUL PO ZHES BYA BAR YANG MI RUNG STE, 'PHAGS PA NYE BA 'KHOR GYIS ZHUS PA LAS KYANG, MI SKYE BA'I CHOS LA BZOD PA LA GNAS PA NYID KYIS GTONG BA DANG, GTONG BA CHEN PO DANG, RAB TU GTONG BA DAG BYA'O ZHES BKA' STZAL TO, ,MDO KUN LAS BTUS PA LAS KYANG, PHA ROL TU PHYIN PA DRUG LA SOGS PA @66B SGRUB PA DANG LDAN PA'I BYANG CHUB SEMS DPA' RNAMS NI DE BZHIN GSHEGS PA'I RDZU 'PHRUL GYIS 'GRO BA YIN NO ZHES BSNGAGS TE, DE BZHIN GSHEGS PA'I RDZU 'PHRUL GYIS 'GRO BA LAS MGYOGS PA NI GZHAN MED DO, ,PHA ROL TU PHYIN PA DRUG DANG, SA BCU MA GTOGS PAR BYANG CHUB SEMS DPA' RNAMS KYI SHIN TU MYUR BAR 'JUG PA'I LAM GZHAN NI MED DO, ,DES SEMS KYI RGYUD 'DAG PA BZHIN DU RIM GYIS 'DAG PAR 'GYUR RO ZHES MDO SDE LAS KYANG BKA' STZAL TO, ,'PHAGS PA LANG KAR GSHEGS PA DANG, SA BCU LA SOGS PA LAS KYANG, BYANG CHUB SEMS DPA' GANG GI TSE DE BZHIN NYID LA GNAS PAR GYUR PA DE'I TSE SA DANG POR CHUD PA YIN TE, DE NAS RIM GYIS SA GONG MA RNAMS YONGS SU SBYANGS NAS DE BZHIN GSHEGS PA'I SA LA 'JUG GO ZHES BKA' STZAL PA STE, DE'I PHYIR SA DANG PHA ROL TU PHYIN PA LAS MA GTOGS PAR SANGS RGYAS NYID KYI GRONG KHYER DU CIG CAR 'JUG PA'I SGO GZHAN NI MED DE, BCOM LDAN 'DAS KYIS KYANG MDO SDE LA SOGS PA GANG LAS KYANG BKA' MA STZAL TO, ,GAL TE BSAM GTAN NYID DU PHA ROL TU PHYIN PA DRUG 'DUS PAS NA DE BSTEN PAS PHA ROL TU PHYIN PA THAMS CAD BSTEN PAR 'GYUR TE, DE'I PHYIR SBYIN PA LA SOGS PA PHA ROL TU PHYIN PA GZHAN SO SOR BSTEN MI DGOS PA SKAD DU BYA NA YANG, DE MI RUNG STE DE LTAR GYUR DU ZIN NA SANGS RGYAS LA BA LANG GI LCI BA'I DKYIL 'KHOR BYAS PA'I NANG DU YANG PHA ROL TU PHYIN PA DRUG 'DUS PAS NA DKYIL 'KHOR 'BA' ZHIG BYA'I, BSAM GTAN LA SOGS PA MI BYA BAR 'GYUR RO, ,NYAN THOS 'GOG PA'I SNYOMS PAR 'JUG PA LA SNYOMS PAR ZHUGS PA LA YANG MTSAN MA LA SOGS PA KUN TU MI 'BYUNG BA'I PHYIR DE LTAR PHA ROL TU PHYIN PA DRUG YONGS SU RDZOGS PAR 'GYUR TE, DE'I PHYIR NYAN THOS RNAMS DANG, BYANG CHUB SEMS DPA' RNAMS BYE BRAG MED PAR BSTAN PAR 'GYUR RO, ,BYANG CHUB SEMS DPA' RNAMS GNAS SKABS THAMS CAD DU PHA ROL TU PHYIN PA DRUG YONGS SU RDZOGS PAR BYA BAR BSTAN PA'I PHYIR BCOM LDAN 'DAS KYIS PHA ROL TU PHYIN PA RE RER YANG PHA ROL TU PHYIN PA THAMS CAD 'DUS PAR BKA' STZAL GYI, PHA ROL TU PHYIN PA GCIG @67A *, ,KHO NA ZHIG BSTEN PAR NI MA GSUNGS SO, ,DE SKAD 'PHAGS PA CHOS THAMS CAD SHIN TU RGYAS PA LAS KYANG BKA' STZAL TE, BYAMS PA BYANG CHUB SEMS DPA' RNAMS KYI PHA ROL TU PHYIN PA DRUG YANG DAG PAR BSGRUBS PA 'DI NI RDZOGS PA'I BYANG CHUB KYI PHYIR YIN NA, DE LA YANG MI BLUN PO DAG 'DI SKAD DU BYANG CHUB SEMS DPAS SHES RAB KYI PHA ROL TU PHYIN PA KHO NA LA BSLAB PAR BYA'I, PHA ROL TU PHYIN PA LHAG MA RNAMS KYIS CI ZHIG BYA ZHES ZER ZHING, DE DAG PHA ROL TU PHYIN PA GZHAN DAG LA SUN 'BYIN PAR SEMS SO, ,MA PHAM PA 'DI JI SNYAM DU SEMS, KA SHI'I RGYAL POR GYUR PA GANG YIN PA DES, PHUG RON GYI PHYIR RANG GI SHA KHRA LA BYIN PA DE SHES RAB 'CHAL PA YIN NAM, BYAMS PAS GSOL PA, BCOM LDAN 'DAS DE NI MA LAGS SO, ,BCOM LDAN 'DAS KYIS BKA' STZAL PA, BYAMS PA NGA BYANG CHUB SEMS DPA'I SPYAD PA SPYOD PA NA PHA ROL TU PHYIN PA DRUG DANG LDAN PA'I DGE BA'I RTZA BA GANG DAG BSAGS PA'I DGE BA'I RTZA BA DE DAG GIS GNOD PAR GYUR TAM, BYAMS PAS GSOL PA, BCOM LDAN 'DAS DE NI MA LAGS SO, ,BCOM LDAN 'DAS KYIS BKA' STZAL PA, MA PHAM PA KHYOD KYIS KYANG BSKAL PA DRUG CUR SBYIN PA'I PHA ROL TU PHYIN PA YANG DAG PAR BSGRUBS, DE BZHIN DU BSKAL PA DRUG CUR SHES RAB KYI PHA ROL TU PHYIN PA'I BAR DU YANG DAG PAR BSGRUBS NA, DE LA MI BLUN PO DAG 'DI SKAD CES TSUL GCIG KHO NAS BYANG CHUB STE, 'DI LTA STE, STONG PA NYID KYI TSUL GYIS SO ZHES ZER TE, DE DAG NI SPYOD PA YONGS SU MA DAG PAR 'GYUR RO ZHES BYA BA LA SOGS PA 'BYUNG NGO, ,STONG PA NYID 'BA' ZHIG BSTEN NA NYAN THOS BZHIN DU MYA NGAN LAS 'DAS PA'I MTHAR LTUNG BAR 'GYUR RO, ,DE'I PHYIR NA THABS DANG BCAS PA'I SHES RAB BSTEN PAR BYA'O, ,DE LTA BAS NA SLOB DPON KLU SGRUB KYI ZHAL SNGA NAS KYI MDO KUN LAS BTUS PA LAS BSHAD PA, THABS MKHAS PA DANG BRAL BA'I BYANG CHUB SEMS DPA' CHOS ZAB MO NYID LA MNGON PAR BRTZON PAR MI BYA'O ZHES 'BYUNG NGO, ,'DIR YANG 'PHAGS PA DRI MA MED PAR GRAGS PAS BSTAN PA LA SOGS PA KHUNGS BSTAN CING BSHAD KYI, DE YANG SLOB DPON KLU SGRUB KYI @67B ZHAL SNGA NAS KYI BKA' NI MA YIN NO, ,RIGS PA DANG LUNG DU LDAN PA DANG, BCOM LDAN 'DAS KYI GSUNG RAB BTANG LA, MKHAS PA RTOG PA DANG LDAN PAS 'GRO BA BLUN PO GZHAN GYI TSIG BZUNG BA MI RIGS SO, ,'PHAGS PA GTZUG NA RIN PO CHE LAS KYANG, SBYIN PA LA SOGS PA DGE BA MTHA' DAG DANG LDAN PAS RNAM PA THAMS CAD KYI MCHOG DANG LDAN PA'I STONG PA NYID LA BSGOM PAR BYA'O ZHES GSUNGS TE, STONG PA NYID 'BA' ZHIG NI MA YIN NO, ,'PHAGS PA DKON MCHOG BRTZEGS PA LAS KYANG BKA' STZAL TE, 'OD SRUNGS 'DI LTA STE DPER NA, BLON POS ZIN PA'I RGYAL PO RNAMS DGOS PA THAMS CAD BYED PA DE BZHIN DU BYANG CHUB SEMS DPA'I SHES RAB THABS MKHAS PAS ZIN PA YANG SANGS RGYAS KYI MDZAD PA THAMS CAD BYED DO ZHES 'BYUNG NGO, ,DE BAS NA STONG PA NYID 'BA' ZHIG BSTEN NA MYA NGAN LAS 'DAS PA LA 'JUG PAR 'GYUR DU 'ONG NGO ZHES BCOM LDAN 'DAS KYIS 'PHAGS PA DE BZHIN GSHEGS PA'I GSANG BA'I MDO LAS, GCIG TU SEMS DMIGS PA MED PAR MI BYA'I, THABS LA MKHAS PA LA YANG BRTEN PAR BYA'O ZHES GSUNGS SO, ,DE BSTAN PA'I PHYIR RIGS KYI BU 'DI LTA STE DPER NA ME NI RGYU LAS 'BAR TE, RGYU MED NA ZHI BAR 'GYUR RO, ,DE BZHIN DU DMIGS PA LA SEMS 'BAR GYI, DMIGS PA MED NA SEMS ZHI BAR 'GYUR RO, ,DE LA THABS LA MKHAS PA'I BYANG CHUB SEMS DPA' SHES RAB KYI PHA ROL TU PHYIN PA YONGS SU DAG PAS DMIGS PA NYE BAR ZHI BAR YANG SHES LA DGE BA'I RTZA BA LA DMIGS PA YANG ZHI BAR MI BYED, NYON MONGS PA LA DMIGS PA YANG 'BYUNG BAR MI BYED LA, PHA ROL TU PHYIN PA'I DMIGS PA LA YANG 'JOG PAR BYED, STONG PA NYID DU DMIGS PA LA YANG SO SOR RTOG LA SEMS CAN THAMS CAD LA SNYING RJE CHEN POS DMIGS PA YANG BLTA'O, ,RIGS KYI BU DE LTAR NA BYANG CHUB SEMS DPA' THABS LA MKHAS PA SHES RAB KYI PHA ROL TU PHYIN PA DAG PAS DMIGS PA LA DBANG THOB PO ZHES RGYA CHER GSUNGS NAS, YANG BKA' STZAL PA, DE LTAR NA BYANG CHUB SEMS DPA'I DMIGS PA GANG CI YANG RUNG, DE THAMS CAD NI THAMS CAD MKHYEN PA'I YE SHES MNGON PAR BSGRUB PA'I PHYIR MI GNAS PA @68A *, ,MED DO, ,BYANG CHUB SEMS DPA' GANG DMIGS PA THAMS CAD BYANG CHUB TU YONGS SU BSNGOS PA DE NI BYANG CHUB SEMS DPA'I THABS LA MKHAS PA STE, CHOS THAMS CAD BYANG CHUB KYI RJES SU SONG BAR MTHONG NGO, ,RIGS KYI BU 'DI LTA STE DPER NA STONG GSUM GYI STONG CHEN PO'I 'JIG RTEN GYI KHAMS NA GANG SEMS CAN RNAMS KYI LONGS SPYOD DU MI 'GYUR BA DE MED DO, ,RIGS KYI BU DE BZHIN DU BYANG CHUB SEMS DPA' THABS LA MKHAS PA YANG DMIGS PA GANG CI YANG RUNG, BYANG CHUB LA PHAN 'DOGS PAR GYUR PA MA YIN PAR MTHONG BA MED DO ZHES RGYA CHER 'BYUNG NGO, ,DE BZHIN DU MDO SDE MTHA' YAS PA LAS BYANG CHUB SEMS DPA' RNAMS KYI THABS DANG SHES RAB KYI TSUL SGRUB PA BSTAN TO, ,DE LA BDAG NYID SBYIN PA LA SOGS PA BSOD NAMS KYI TSOGS LA BRTZON 'GRUS RTZOM MI NUS SU ZIN KYANG, GZHAN DAG LA DE SKAD DU BSTAN PA NI MI RIGS SO; ,DE LTAR BYAS NA BDAG DANG GZHAN LA 'KHU BA BYAS PAR 'GYUR RO, ,DE LTAR BYANG CHUB SEMS DPA' CI NAS KYANG YANG DAG PAR SO SOR BRTAG PAR BYA ZHING SBYIN PA LA SOGS PA BSOD NAMS KYI TSOGS MTHA' DAG BSGRUB PAR BYA ZHES RIGS PA DANG LUNG GIS BSTAN PA YIN NO, ,DE'I PHYIR RTOG PA DANG LDAN PAS THOS PA NYUNG BA MNGON PA'I NGA RGYAL CAN RNAMS KYI TSIG DUG BZHIN DU SPANGS LA, SLOB DPON KLU SGRUB LA SOGS PA SKYE BO MKHAS PA'I TSIG BDUD RTZI'I RJES SU 'JUG PAS SEMS CAN MTHA' DAG LA SNYING RJE CHEN PO BSKYED NAS, SGYU MA MKHAN BZHIN DU PHYIN CI LOG TU MA GYUR PAS BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PA'I SBYIN PA LA SOGS PA'I DGE BA'I SPYOD PA MTHA' DAG DANG, 'GRO BA MA LUS PA GDON PA LA MNGON PAR BRTZON PAR BYA STE, JI SKAD DU 'PHAGS PA CHOS YANG DAG PAR SDUD PA LAS, DPER NA SGYU MA'I MKHAN PO ZHIG ,SPRUL PA THAR BAR BYA PHYIR BRTZON, ,DES NI SNGA NAS DE SHES PAS, ,SPRUL PA DE LA CHAGS PA MED, ,SRID GSUM SPRUL PA 'DRA BAR NI, ,RDZOGS PA'I BYANG CHUB MKHAS PAS SHES, ,'GRO BA'I CHED DU GO BGOS TE, ,'GRO BA DE LTAR SNGA NAS SHES, ,ZHES 'BYUNG BA LTA BU'O, ,DE LTAR THABS DANG SHES RAB @68B RTAG TU GUS PAR BYA STE, GOMS PAR BYAS PA DE'I SEMS KYI RGYUD RIM GYIS YONGS SU SMIN PA NA GONG NAS GONG DU SHIN TU RNAM PAR DAG PA'I SKAD CIG 'BYUNG BAS YANG DAG PA'I DON LA BSGOM PA RAB KYI MTHAR PHYIN PAR GYUR NA 'JIG RTEN LAS 'DAS PA'I YE SHES RTOG PA'I DRA BA MTHA' DAG DANG BRAL BA; CHOS KYI DBYINGS SHIN TU GSAL BAR RTOGS PA, DRI MA MED CING MI G-YO BA RLUNG MED PA'I MAR ME DANG 'DRA BA 'BYUNG STE, DE'I TSE DNGOS PO'I MTHA' LA DMIGS PA THOB PAR 'GYUR RO, ,SA DANG PO YANG THOB PA YIN NO, ,MTHONG BA'I LAM LA YANG ZHUGS PA YIN NO, ,DE DE'I GONG MA'I SA RNAMS YONGS SU SBYANGS NAS RIM GYIS GSER BZHIN DU SGRIB PA BSAGS PA MA LUS PA MED PAR 'GYUR LA, CHAGS PA MED PA DANG, THOGS PA MED PA'I YE SHES THOB NAS YON TAN MA LUS PA'I GZHI SANGS RGYAS KYI SA THOB PAR 'GYUR TE, DGOS PA YONGS SU GRUB PA LA DMIGS PA YANG THOB PA YIN NO, ,DE LTA BAS NA SANGS RGYAS THOB PAR 'DOD PAS DBU MA'I LAM LA MNGON PAR BRTZON PAR BYA'O, ,DE LTAR DBU MA'I LAM BSHAD PAS, ,BDAG GIS BSOD NAMS GANG THOB PA, ,DE YIS SKYE BO MA LUS PA, ,DBU MA'I LAM NI THOB PAR SHOG ,DAM PA PHRAG DOG LA SOGS DRI MA THAG BSRINGS PA, ,YON TAN RNAMS KYIS MI NGOMS CHU YI MTSO 'DRA DAG ,RNAM PAR PHYE NAS LEGS PAR BSHAD RNAMS 'DZIN BYED DE, ,NGANG PA RAB DGA' CHU LA 'O MA LEN PA BZHIN, ,DE LTA BAS NA MKHAS RNAMS KYIS, ,PHYOGS LTUNG DKRUGS YID RING SPONGS LA, ,BYIS PA LAS KYANG LEGS BSHAD PA, ,THAMS CAD BLANG BA KHO NAR BYA, ,BSGOM PA'I RIM PA SLOB DPON A'ATZARYA KA MA LA SH'I LAS THA MAR MDZAD PA RDZOGS SO,, ,,RGYA GAR GYI MKHAN PO PRADZNY'A WARMA DANG, ZHU CHEN GYI LO TZ'A BA BANDE YE SHES SDE LA SOGS PAS BSGYUR CING ZHUS TE GTAN LA PHAB PA'O, , #, ,RGYA GAR SKAD DU, BH'A BA NA YO GA AA BA T'A RA, BOD SKAD DU, RNAL 'BYOR BSGOM PA LA 'JUG PA, 'JAM DPAL GZHON NUR GYUR PA LA PHYAG 'TSAL @69A *, ,LO; ,GANG GIS SGRIB PA MTHA' DAG MA LUS PAR BSAL TE, CHOS KYI SKU THOB PAR 'DOD PA DES 'DI LTAR BYANG CHUB TU SEMS BSKYED PA DANG, ZHI GNAS DANG LHAG MTHONG BSGOM PA LA 'BAD DE, DE LTA MA YIN NA RGYU MED PA LA SOGS PA LAS 'BRAS BU CHOS KYI SKU MI THOB STE, DE'I PHYIR DE RNAMS LA 'BAD PAR BYA'O, ,DE LA SANGS RGYAS KYI CHOS THAMS CAD THOB PA'I GZHI NI BYANG CHUB TU SEMS BSKYED PA YIN TE, DE BSOD NAMS CHE BAR, BYANG CHUB SEMS KYI BSOD NAMS GANG, ,DE LA GAL TE GZUGS MCHIS NA, ,NAM MKHA'I KHAMS NI KUN GANG STE, ,DE NI DE BAS LHAG PAR 'GYUR, ,ZHES GSUNGS SO, ,DE BAS NA BYANG CHUB TU SEMS BSKYED DGOS TE, DE LA YANG GNYIS TE, KUN RDZOB DANG, DON DAM PA'O, ,DE LA KUN RDZOB NI TSAD MED PAS SEMS CAN SDUG BSNGAL LAS DGROL BAR DAM BCAS TE; DE DAG LA PHAN PA'I PHYIR BDAG SANGS RGYAS SU GYUR CIG SNYAM DU DANG PO SEMS BSKYED PA'O, ,DE YANG CHO GA BZHIN DU GZHAN LAS NOD PAR BYA'O, ,DON DAM PA BYANG CHUB KYI SEMS NI BRJOD DU MED PA, DRI MA MED PA, MTHA' MED PA, SPROS PA MED PA, G-YO BA MED PA, SNANG BA DANG MI SNANG BA THAMS CAD DANG BRAL BA'O, ,DE NAS TING NGE 'DZIN MTHA' DAG GI NGO BO NYID ZHI GNAS BSGRUB PAR BYA STE, JI SKAD DU, GSER GYI KHA DOG LTA BU'I SKU LUS KYI, ,'JIG RTEN MGON PO KUN TU MDZES PA STE, DMIGS PA DE LA GANG GI SEMS 'JOG PA, ,BYANG CHUB SEMS DPA' DE MNYAM GZHAG CES BYA; ZHES GSUNGS PA LTA BU STE, SANGS RGYAS KYI SKU DE NI GSER BTZO MA DANG 'DRA BAR SER BA, MTSAN DANG DPE BYAD KYIS BRGYAN PA, 'OD ZER DANG BCAS PA DE LA 'DOD PA BSKYED DE, 'DUN PA DANG SEMS KYI GNOD PA SPANGS TE, LUS DRANG POR BSRANGS LA, SKU DE LTA BU LUGS MA'AM RI MOR BRIS PA MDUN DU BZHUGS TE, RGYUN DU YID LA BYAS LA, DE NYID DAM GZHAN YAN LAG LA SOGS PA NAS, RDZOGS PAR MNGON SUM DU MTHONG BAR 'GYUR RO, ,GANG GI TSE DMIGS PAR GYUR PA DE'I TSE NYIN MTSAN PHYED PAR MA YENGS PAR BRTAN PAR BYA'O, ,SEMS BYING BA'AM @69B RGOD PA LA SOGS PAR GYUR PA'AM, DOGS NA SANGS RGYAS KYI YON TAN LA 'DOD PAS SPRO BAR BYA STE, DE BZHIN DU BRTAN PAR BYA'O, ,DES 'GRUB PAR 'GYUR RO, ,DE NAS SHES RAB MTHA' DAG GI NGO BO LHAG MTHONG BSGRUB PAR BYA STE, DE YANG THOS PA MANG DU BYA STE, JI LTAR ZHE NA; LHAG MTHONG NI THOS PA DANG BSAM PA LAS BYUNG BA'I LTA BA RNAM PAR DAG PA'I RGYU LAS BYUNG BA YIN NO ZHES GSUNGS PA DE LTA BAS NA, SANGS RGYAS KYI CHOS NGES PA'I DON DANG, DRANG BA'I DON LA GUS PAS MANG DU MNYAN TE, BSAMS PAS NGES PAR YID CHES PAS THE TSOM MED PAR BYA'O, , DE LTA MA YIN NA THE TSOM GYI DRA BAS BCINGS PAS DE NI LAM KHA BRAG GI MDOR PHYIN PA'I 'GRON PO LTAR GANG DU YANG NGES PA MI SHES TE, DE BAS NA MANG DU THOS PAR BYA'O, ,DE NAS MCHOG TU BSNGAGS PAR BYA BA CI YOD PA THAMS CAD BYAS LA, ZAS TSOD ZIN PA DANG RIGS PAR ZOS NAS, BSHANG GCI DOR ZHING MCHIL SNABS DOR LA, SNYING RJE CHEN POS SEMS CAN MA LUS PA BYANG CHUB LA DGOD DO SNYAM DU BSAMS LA, PHYOGS BCU DUS GSUM GYI SANGS RGYAS DANG BYANG CHUB SEMS DPA' RNAMS LA SGO GSUM GYIS PHYAG BYA STE, BDE BA'I STAN LA KLONG LA 'DUG NAS, DBUGS RNGAM PA MED PAR BYAS LA, GOS RAN PAR BYA STE, LUS MI DGYE MI SGU BA DANG, MIG ZAM ZIM DU BYAS NAS, SO DANG MA CHU DANG LCE YANG THA MAL PAR BYAS PA'AM, YANG NA SPYOD LAM JI LTAR GNAS KYANG RUNG STE, SANGS RGYAS DANG BYANG CHUB SEMS DPA' RNAMS MDUN DU BZHUGS PAR DMIGS TE, DE DAG LA MCHOD PA DANG BSTOD PA LA SOGS PA CI NUS SU BYA'O, ,DE NAS GONG GI SKU DE NYID SHIN TU GSAL BAR DRAN PA NANG DU BZHAG NAS DMIGS SO, ,DE GSAL BAR GYUR PA DANG, SKU DE GANG NAS BYON, GANG GU BZHUD, GANG GIS BZHUGS, JI LTAR BZHUGS PA BRTAG GO, ,DE NAS GANG NAS KYANG MA BYON PA LA SOGS PAR SHES PAR BYA'O, ,SKU DE NI RANG BZHIN STONG PA, YOD MED LAS 'DAS PA, SPROS PA RNAMS DANG BRAL BAR 'DUG STE, DE BZHIN DU CHOS THAMS CAD RANG GI NGANG GI BLOS BRTAGS PA LAS GUD NA MED PAR KHONG DU CHUD PAR BYA'O, , @70A *, ,DE'I PHYIR CHOS THAMS CAD DON DAM PAR RANG BZHIN MED PAR BSAM MO, RANG BZHIN GANG YANG MED DO SNYAM PA DE YANG YANG DAG PA'I SHES RAB KYIS SPANGS TE, YOD MED LAS 'DAS PA'I YUL DE LTA BU LA SHES PA YANG YOD MED DANG BRAL BA DE LTA BUS DMIGS PA MED PAR BSGOM PAR BYA'O, ,DE LTA BAS NA BAR BAR DU SEMS KYIS SEMS LA BRTAGS TE DMIGS PA LA SEMS 'JUG NA YANG DE BZHIN DU NGANG GIS 'JUG PA MNGON PAR 'DU BYA BA MED PA DE KHO NA NYID LA SHIN TU GSAL BAR GNAS PAR BYA'O, ,DES SEMS KYI RGYUD MI G-YENG BAR BYA'O, ,CI STE SEMS G-YENG BAR GYUR NA, 'DI LTAR DNGOS PO KUN NI GZUNG BA 'DZIN PA STE, GZUNG BA'I DNGOS PO RDUL PHRA RAB TU BLOS BSHIG STE, DE NYID KYANG SO SOR PHYE NA DNGOS PO MED DO, ,'DZIN PA YANG DE LAS GUD NA MED DO, ,DE'I RNAM PAR SNANG BA'I PHYIR RO, ,DES G-YENG BA ZHI BAR BYAS LA GONG MA NYID LA GNAS PAR BYA'O, ,YANG SEMS MI DGA' BAR MTHONG NA TING NGE 'DZIN GYI YON TAN DRAN PAR BYAS NAS, DE LA DGA' BA BSGOM PAR BYA, G-YENG BA LA NYES PAR BSAMS LA MI DGA' BA ZHI BAR BYA'O, ,YANG RMUGS PA DANG GNYID KYIS BYING BA 'AM RGOD PAR DOGS NA DGA' BA'I DNGOS PO SANGS RGYAS KYI SKU'AM, MDZAD PA BCU GNYIS LA SOGS PA BSAM LA BYING BA ZHI BAR BYA'O, ,YANG SNGON MYONG BA'I YUL LA SEMS RGOD PA'AM DOGS NA 'DU BYED THAMS CAD MI RTAG PA LA SOGS PA DANG, RANG LA MI GTZANG BA LA SOGS PA DANG, GZHAN LA MYUR DU BRAL BA LA SOGS PA BSAMS LA RGOD PA ZHI BAR BYAS LA GONG MA NYID LA BTANG SNYOMS SU BYA'O, ,DE LTA BUS GNAS PA LAS SHIN TU SKYO BAR GYUR NA, DE LAS LANGS LA SKYIL MO KRUNG MA BSHIG PAR 'DI LTAR BSAMS TE, CHOS THAMS CAD DON DAM PAR JI LTA BA YANG MI DMIGS NA, KUN RDZOB TU RGYU RKYEN LAS SKYE BA SGYU MA LA SOGS PA SNANG BA YOD DO SNYAM DU BSAMS LA SKYIL MO KRUNG BSHIG STE, PHYOGS BCU'I SANGS RGYAS DANG BYANG CHUB SEMS DPA' MDUN DU BYAS TE, BDUN SHIN TU RNAM PAR DAG PAR BYA'O, ,DE'I RIM PAS RTAG PAR DUS DRUG TU BYA'O, ,DE NAS @70B SEMS MNYAM PAR 'GYUR TE, DE GYUR NA GNAS YID DU 'ONG BA BRGYAN TE SHIN TU DGA' BAR BYAS LA, PHA ROL TU PHYIN PA DRUG DAG GIS SEMS DE SHIN TU 'PHEL BAR BYA'O, ,SPYOD LAM GYI SNANG BA KUN SGYU MA LA SOGS PA LAS MI NYAMS PAR GNAS PAR BYA'O, ,DE DAG GI THABS DANG YID CHES PA YOD DE, MANGS KYI SI DOGS NAS MA BRIS TE GZHAN DU BLTA'O, ,BDE BAR GSHEGS PA'I THUGS KYI YANG SNYING 'DI, ,BRJOD DU MED KYANG BDAG GZHAN DON DU BRJOD, ,DE YI DGE BA CUNG ZAD CI YOD PAS, ,'GRO BA THAMS CAD BDE GSHEGS 'DRA BAR SHOG ,CHOS DON ZAB CING BDAG BLO DMAN, ,DE PHYIR SHIN TU RTOGS DKA' YANG, ,THOS NYUNG BLO DMAN DGA' PHYIR BYAS, ,DE LA MKHAS MANG BZOD PA MDZOD, ,MI RTOG YE SHES MI BSGRUBS NA, ,TSIG GIS SANGS RGYAS GRUB PA MED, ,'ON KYANG 'GRO BA 'DON PAS NA, ,MKHAS PA RNAMS KYIS BSHAD PAR RIGS, ,RNAL 'BYOR BSGOM PA LA 'JUG PA SLOB DPON CHEN PO KA MA LA SH'I LA'I ZHAL SNGA NAS MDZAD PA RDZOGS SO,, ,,RGYA GAR GYI MKHAN PO CHEN PO PRADZNYA WARMA DANG, ZHU CHEN GYI LO TZ'A BA BANDE YE SHES SDES BSGYUR CING ZHUS TE GTAN LA PHAB PA, , #, ,RGYA GAR SKAD DU, A'ARYA PRADZNY'A P'A RA MI T'A AU PA DE SHA N'A MA, BOD SKAD DU, 'PHAGS PA SHES RAB KYI PA ROL TU PHYIN PA'I MAN NGAG CES BYA BA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,SANGS RGYAS YUM GYUR DE YI MING, ,RANG BZHIN MED PA'I RANG BZHIN CAN, ,TSIG MED YUL LAS RNAM PAR 'DAS, ,DGE MA DE LA PHYAG 'TSAL 'DUD, ,DNGOS PO BRGYAD SOGS RGYAS PAR NI, ,KHONG DU CHUD NUS MA YIN PAS, ,RJES 'JUG SPROS PA MED PA'I DON, ,BDAG GIS RAB TU BSHAD PAR BYA, ,SNYING GI DKYIL DU GNAS PA NI; ,RDO RJE DKAR PO RNAM PAR MDZES, ,RTZE MO LNGA PA GZI BRJID CAN, ,LTE BAR THIG LE DKAR PO GCIG ,LNGA PO STENG DU RIM BZHIN 'BAR, ,PHA ROL PHYIN DRUG RIM BZHIN DAG ,RIM BZHIN THIG LE SGRA SPANGS LA, ,BRTAN 'GYUR STOBS BSKYED TING 'DZIN SBYANG, ,MAN @71A *, ,NGAG RIM PAS SGRA NANG DU, ,CHU SKYES 'BA' ZHIG 'DAB BRGYAD NAS, ,'DAB MA STONG GI BAR DU DMIGS, ,SLAR BSDUS SGRA YI NGO BO LAS, ,'DAS PA'I YE SHES MI PHYED 'DOD, ,DE NYID GSAL BAR BYA BA'I PHYIR, ,MKHAS PAS RAB TU BSTEN PAR GYIS, , SEMS CAN RNAMS LA BDAG GSOL 'DEBS, ,SHES RAB KYI PHA ROL TU PHYIN PA'I MAN NGAG RDO RJE LTA BU ZHES BYA BA DPAL KA MA PA LAS MDZAD PA RDZOGS SO, , #, ,RGYA GAR SKAD DU, K'A YA PA RI KA BH'A BA NA KRA MA, BOD SKAD DU, LUS YONGS SU DPYAD PA'I BSGOM PA'I RIM PA, SANGS RGYAS LA PHYAG 'TSAL LO, ,'DI LA SLOB DPON KLU SGRUB KYI ZHAL SNGA NAS, 'JIG RTEN RNAM PAR RTOG LAS BYUNG, ,RNAM PAR RTOG PA SEMS LAS BYUNG, ,SEMS KYANG LUS LAS BYUNG BAS NA, ,DE'I PHYIR LUS LA DPYAD PAR BYA, , ZHES GSUNGS TE, DES LUS LA BRTAG PA NI SNYING PO GSUM DANG, LUS ZUNGS BDUN DANG, SPU'I TSOGS BRGYAD DANG, BA SPU'I KHUNG BU BYE BA PHRAG BRGYAD CU DANG, SO SUM CU RTZA GNYIS DANG, SEN MO NYI SHU DANG, PAGS PA'I RIM PA BDUN DANG, BU GA DGU DANG, 'BUR BCU GCIG DANG, NANG GI DNGOS PO NYI SHU RTZA GCIG DANG, SHA SPAR TSAD LNGA BRGYA DANG, RTZA STONG PHRAG BDUN CU RTZA GNYIS DANG, RGYUS PA BDUN BRGYA DANG, CHU BA BCU DRUG DANG, SRIN BU'I RIGS BYE BA PHRAG BRGYAD CU DANG, NAD GZHI RNAM PA BZHI DANG, MI GTZANG BA NYI SHU RTZA GNYIS DANG, 'BYUNG BA CHEN PO BZHI DANG, GANG NAM MKHA'I KHAMS DANG, RUS PA SUM BRGYA DRUG CU DANG, TSIGS SUM BRGYA DANG, GNAD BRGYA RTZA BDUN CHAS PA DANG, YANG PHUNG PO LNGA DANG, KHAMS BCO BRGYAD DANG, RTEN CING 'BREL PAR 'BYUNG BA DANG, SKYE MCHED RNAMS KYANG 'DI'I CHAR CHOS JI LTA BAR BRTAG CING DPYAD DO, ,DE NAS YANG JI LTAR SLOB DPON PHYOGS KYI GLANG PO'I ZHAL SNGA NAS, ,RNAM PAR MI RTOG YE SHES RDO RJE YIS, ,LUS KYI 'KHRUL 'KHOR THAMS CAD GZHIG PAR BYA, ,ZHES BSHAD PA'I RIM PAS SOR TSIGS DANG, NAS DANG, SHIG DANG, SRO MA DANG, GLANG DANG, LUG DANG, RI @71B BONG DANG, NYI ZER DANG, LCAGS DANG, CHU'I RDUL DANG, RDUL PHRA MO DANG, PHRA RAB DAG GONG NAS 'OG TU BDUN DU BSKYUNGS PAS DPYAD NAS THA MAR RDUL PHRA RAB DE NI JI LTAR 'PHAGS PAS YANG DAG PAR DPYOD PA'I TSUL DU NAM MKHA'I MDOG GIS 'DUL BA'I BZOD PA'I MDO LAS JI SKAD DU GSUNGS PA DE BZHIN DU BSGOM STE, SHIN TU PHRA BA'I RDUL GCIG PO DE LA JI LTAR LHAG MTHONG PHRA MOS BRTAG CE NA, RDUL PHRA MO GCIG PO DE LA JI LTAR MTSAN NYID MED PA NYON MONGS PA THAMS CAD DANG BRAL BAR GYUR PAR RAB TU SHES, BDAG MED PA DANG RNAM PAR BRAL BAR RAB TU SHES, DNGOS PO MED PA DANG DON DAM PA'I TSIG GI LAM DANG BRAL BAR RAB TU SHES, DMIGS PA MED PA DANG SGRA DBYANGS THAMS CAD DANG BRAL BAR RAB TU SHES, BDAG MED PA DANG BRAL BA DANG, BDUD KYI MTSAN NYID DU RAB TU SHES, YI GE MED PAR RGYU RKYEN DANG BRAL BAR RAB TU SHES, DNGOS PO MED PA DANG RGYU RKYEN DANG BRAL BAR RAB TU SHES, MTSAN MA MED PA LAS RDUL SHIN TU BRAL BAR RAB TU SHES TE, JI LTAR 'DU BYED THAMS CAD RAB TU ZHI BA LA RNAM PA BRGYAD PO DE DAG GIS SHIN TU PHRA MO ZHIG TU BRTAG GO, ,DE BZHIN DU GNYIS PA DANG, DE BZHIN DU GSUM PA NAS NANG GI LUS THAMS CAD KYI BAR DU GCIG LA YANG SO SOR RNAM PA BRGYAD PO 'DI DAG GIS RDUL PHRA MO ZHIG TU BRTAG GO, ,NANG GI LUS JI LTA BA BZHIN DU PHYI ROL GYI LUS SA'I KHAMS KYANG RNAM PA BRGYAD PO 'DI DAG GIS SO SOR RDUL SHIN TU PHRA BAR BRTAG GO ZHES BYA BA LA SOGS PA RGYAS PAR STON TE, DE LTAR LUS LA RNAM PAR DPYAD NA NAM MKHA' DANG 'DRA BAR BSKOM MO, ,DE NAS NGAG KYANG BYUNG MA THAG TU ZHIG CING NAM MKHAR THIM PAR BRAG CA DANG 'DRA BAR YUL NA MI GNAS SHING, SEMS KYANG KHA DOG DANG DBYIBS DANG SKYE GNAS DANG, SNOD DANG SEMS CAN DU MI DMIGS PAR GYUR GYI BAR DU BLTA STE, DE'I TSE THAMS CAD NAM MKHA'I NGO BOR GNAS SO; ,'DI NYID LA GOMS PAS TSUL BZHIN MA YIN PA YID LA BYED PA DANG, YANG DAG PA MA YIN PA RTOG PA NAS JI SRID RGA SHI'I BAR DU JI LTA BAR SHES PAS BDE BAR GNAS SO, ,DE NAS NI JI LTAR DGA' BA'I GZUGS KYI LUS KYIS BDAG DANG GZHAN LA PHAN PA DANG BDE BA SGYU MA LTAR SPYAD DO, , @72A *, ,LUS YONGS SU DPYAD PA'I BSGOM PA'I RIM PA SLOB DPON NAG BO ZHABS KYIS MDZAD PA RDZOGS SO,, ,,RGYA GAR GYI MKHAN PO DE NYID DANG, LO TZ'A BA DGE SLONG CHOS KYI SHES RAB KYIS BSGYUR CING ZHUS PA'O,, ,,(MI SDUG PA BSGOM PA'I RIM PA BZHUGS), , #, ,MI SDUG PA BSGOM PA'I RIM PA, 'DOD CHAGS LA SOGS PA'I SKYON THAMS CAD DANG BRAL BA 'PHAGS PA NAM MKHA'I SNYING PO LA PHYAG 'TSAL LO, ,MI GTZANG BA BSGOM PA BSHAD PAR BYA'O, ,GANG RNAL 'BYOR PA SRID PAS DMUS BYUNG NAS THAR PA LA DAD PA SKYED PA DES 'DI LTAR BRTAG PAR BYA STE, DANG POR RANG GI DPRAL BA'AM, LAG PA DANG RKANG PA'I MTHE BO LA THOR BU'AM, 'BRUM BU SNGON PO'AM, SER PO'I RNAM PA RNAG GIS KUN TU GANG BA ZHIG RDOL BAR BSGOM STE, NAM ZHI GNAS GRUB PA'I BAR DU'O, ,DE GRUB NAS NI BDAG GI LUS THAMS CAD MTHAR GYIS RUL MYAGS PAR BSAM PAR BYA'O, ,DE NAS JI LTAR BDAG GI LUS LA DMIGS PA BZHIN DU SA GZHI THAMS CAD MI ROS GANG BAR MTHONG NGO, ,DE LTAR MI GTZANG BA BSGOM PA YANG KHA DOG DANG, DBYIBS DANG, REG PA DANG, 'KHRIG PA'I 'DOD CHAGS KYI GNYEN PO RNAM PA BZHIR SHES PAR BYA STE, DE LA DANG PO NI, MI'I RO BSNGOS PA DANG, RMUGS PA DANG, MDOG MI SDUG PA DANG, DRI BSHUL BA DANG, RNAM PAR 'BUS GZHIGS PA'O, ,DANG 'OG NI LUS SNGA MA BZHIN DU BAM ZHING, RKANG LAG DANG KHA MIG RNAMS MI SDUG CING 'JIGS SU RUNG BAR GYUR BA'O,, THA LTAG NI RNAM PAR RUL PA DANG, RNAG GIS KUN TU GANG BA DANG, BSNAM PA DANG, 'BU MANG POS GZHIGS SHING MYAGS PA'O, ,THA MAR LUS KYI KENG RUS TZAM MA BRAL ZHING RGYUS PAS 'BREL PA, SHA RA RI CHAGS PA DRI MI ZHIM PA SBRANG MAS GZINGS SHING 'PHUNGS PAS RNAGS SHING DMAR BAR BSGOM STE GO RIMS BZHIN NO, ,DE LTAR BSGOMS PA'I 'OG TU STAN LAS MA LANGS PA KHO NAR MI GTZANG BA DANG KENG RUS KYI RNAM PA 'DI DAG RANG GI BLOS BRTAGS PA KHO NAR ZAD DE, DMIGS PA MED BZHIN DU YANG SHES PA SKYE BA LAS NA, CHOS THAMS CAD KYANG BRTAGS PA'I NGO @72B BO KHO NAR ZAD LA, RTOG PA YANG RKYEN TSOGS PA'I DBANG GIS BYUNG BA YIN TE, GANG DANG GANG RKYEN LAS BYUNG BA DE THAMS CAD NI RANG GI NGO BO MA SKYES PA YIN TE, SKYE BA MED PA DANG 'GAG PA YANG MED PAS NA, SKYE BA DANG 'GAG PA MI DMIGS PAR DE KHO NA'I DON GYI RNAM PA LA SEMS KYI RGYUN GTAD DE CI NUS SU BSGOM MO, DE NAS SEMS SKYO NA DGE BA'I RTZA BA BLA NA MED PA'I BYANG CHUB TU BSNGOS NAS LDANG NGO, ,LANGS NAS CHOS THAMS CAD SGYU MA LTA BUR BLTAS TE, SBYIN PA LA SOGS PA SNYING RJE SNGON DU SONG BA'I BLOS BYA'O, ,DE PHAN CHAD NI DMIGS PA, GANG KHO NA LAS 'DOD CHAGS SKYE BA'I DMIGS PA DE NYID KYANG RANG GI LUS LA MI GTZANG BA JI LTA BA BZHIN YID LA BYA'O, ,DE LTAR RGYUN DU YID LA BYAS SHING BSGOMS NA LUS LA YID 'BYUNG ZHING 'DOD CHAGS RNAM PA BZHI PO YANG GNON PAR GYUR LA 'PHAGS PA'I LAM YANG SKYE STE, NYON MONGS PA RTAG TU SPANGS PAR YANG 'GYUR RO, ,MI GTZANG BA BSGOM PA'I THABS BSHAD PA SLOB DPON DGE BA'I GO CHAS MDZAD PA RDZOGS SO,, ,,'DI NI SNGON GYI LO TZ'A BA CHEN PO RNAMS KYIS BSGYUR BA STE, 'GYUR RNYING LAGS SKAD DO,, ,, (PHA ROL TU PHYIN PA'I THEG PA'I BSGOM PA'I RIM PA'I MAN NGAG BZHUGS,) #, ,PHA ROL TU PHYIN PA'I THEG PA'I BSGOM PA'I RIM PA'I MAN NGAG SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,GANG ZHIG BSGOMS STOBS KYIS YONGS RDZOGS, ,TSOGS GNYIS KYI NI RGYUR GYUR PA, ,SANGS RGYAS NYID LA YANG DAG BRTAN, ,BSGOM PA'I SKAL DANG MI LDAN PA, ,DE'I PHYIR 'GRO BA'I MGON PO YIS, ,SHES RAB ZHI GNAS BSGOM PA GSUNGS, ,DE NI BRTZE CHEN RDZOGS BYANG CHUB, ,'GRO BA'I RGYUD LA SKYED BYED YIN, ,GANG YANG BSGOMS PA'I STOBS LAS NGES PAR 'BYUNG BA'I BSOD NAMS DANG YE SHES GNYIS KYI RGYU, KUN TU BZANG PO NYID LA RGYUN MI 'CHAD PAR MNGON PAR BRTZON PA'I RNAL 'BYOR PAS DUS YUN RING PO MI THOGS PAR RDZOGS PA MNGON SUM DU BYED LA, DE BYED PA'I SKAL PA MED PA DE RNAMS KYI PHYIR THUGS RJE CHEN PO DANG LDAN PA'I MGON POS ZHI GNAS DANG LHAG MTHONG ZUNG DU 'JUG PA'I LAM NYE BAR @73A *, ,BSTAN PA MDZAD PA YIN TE, DE LTAR NA DE BSGOMS PAS BCOM LDAN 'DAS YUM SHES RAB MNGON SUM DU BYAS NAS, DE'I RANG BZHIN GYI SBYIN PA LA SOGS PA'I BYA BA'I DNGOS PO'I THABS LA BSLABS PA LAS SANGS RGYAS NYID DU MNGON PAR 'GRUB PAR 'GYUR RO ZHES DGONGS PA YIN NO, ,DE YANG SNYING RJE CHEN PO SKYES NAS BYANG CHUB KYI SEMS BSKYED LA, DE NYID GONG NAS GONG DU RNAM PAR RTOG PA SPANGS PA'I TSUL GYIS RNAM PAR RTOG PA SPONGS PAS YONGS SU DAG PA BSKYED PAR BYA BA'I PHYIR SGOM PAR BYED DO, ,SNYING RJE CHEN PO DANG LDAN PAS NI GZHAN GYI SDUG BSNGAL GYIS SDUG BSNGAL BA NYID KYIS 'DI DAG THAMS CAD NYID SDUG BSNGAL RNAMS LAS BTON LA, SANGS RGYAS NYID LA NGES PAR SBYAR BAR BYA'O ZHES BYANG CHUB KYI SEMS SKYED PAR BYED CING 'DI RNAMS KYANG DAM BCAS PA'I GNYIS SU MED PA'I YE SHES KYI NGO BO DANG, SBYIN PA LA SOGS PA'I BYA BA'I DNGOS PO'I THABS LA BSLAB PA MED PAR DE GONG NAS GONG DU YONGS SU DAG PA MED PAR RDZOGS PAR MI 'GYUR RO SNYAM DU DGONGS NAS, GNYIS SU MED PA'I YE SHES RDZOGS PAR BYA BA'I PHYIR ZHI GNAS DANG LHAG MTHONG ZUNG DU 'JUG PA'I LAM YANG SGOM PAR MDZAD DO ZHES BYA BA NI MDOR BSDUS TE BSTAN PA YIN NO, ,BYANG CHUB KYI SEMS DE YANG RNAM PA DU ZHIG CE NA, SMRAS PA, BYANG CHUB SEMS GANG GZHAN DON DU, ,YANG DAG BYANG CHUB 'DOD PA YIN, ,DE NI DBYE BA GNYIS KYIS GNYIS, ,DE DAG NYI SHU GNYIS SU 'ANG 'GYUR, ,BYANG CHUB KYI SEMS NI SMON PA'I SEMS DANG 'JUG PA'I SEMS SO, ,DE YANG SDONG PO BKOD PA LAS, RIGS KYI BU SEMS CAN GYI TSOGS NI GANG BLA NA MED PA YANG DAG PAR RDZOGS PA'I BYANG CHUB KYI SEMS RNYED PAR DKA' BA'O, ,DE BAS KYANG SEMS CAN BLA NA MED PA YANG DAG PAR RDZOGS PA'I BYANG CHUB LA MNGON PAR ZHUGS PA DE NI CHES RNYED PAR DKA'O ZHES GSUNGS PA YIN NO, ,GNYIS PO DE DAG KYANG RNAM PA NYI SHU RTZA GNYIS SU DBYE BA BYA STE, DE YANG 'PHAGS PA BYAMS PAS, DE YANG SA GSER ZLA BA ME, ,GTER DANG RIN CHEN 'BYUNG GNAS MTSO, ,RDO RJE RI SMAN BSHES GNYEN DANG, ,YID BZHIN NOR BU NYI MA GLU, ,RGYAL @73B PO MDZOD DANG LAM PO CHE, ,BZHON PA BKOD MA'I CHU DANG NI, ,SGRA SNYAN CHU BO SPRIN RNAMS KYIS, ,RNAM PA NYI SHU RTZA GNYIS SO, ,ZHES BSHAD PA YIN NO, ,DE LA YANG 'DI LTAR BLTA BAR BYA STE, 'DUN PA'I GNAS SKABS STZOGS DBYE BAS, ,SMON PA'I SEMS NI RNAM PA GSUM, , 'JUG PA ZHES NI BYA BA'I SEMS, ,RNAM PA BCU DGU DAG TU 'DOD, ,DE LA SMON PA'I SEMS RNAM PA GSUM DU DBYE STE, 'DUN PA DANG LHAN CIG 'DRES PA'I CHOS THAMS CAD MNGON PAR BYANG CHUB PAR 'DOD PA'I MTSAN NYID CAN NI SA LTA BU YIN NO, ,BSAM PA DANG LHAN CIG 'DRES PA NI PHA ROL TU PHYIN PA DRUG GI MTSAN NYID DE, PHYIS 'BYUNG BA DANG DA LTAR GYI 'GYUR BA MED PA'I PHYIR GSER BZANG PO LTA BU YIN NO, ,LHAG PA'I SEMS DANG 'DRES PA NI BYANG CHUB KYI PHYOGS KYI CHOS SUM CU RTZA BDUN BSGOM PAR 'DOD PA'I MTSAN NYID CAN DES DKAR PO'I PHYOGS THAMS CAD 'PHEL BAR 'DOD PA'I TSUL GYIS ZLA BA TSES PA LTA BU YIN NO, ,'JUG PA'I SEMS KYI DBYE BA NI RNAM PA BCU DGU STE, SBYOR BA DANG 'DRES PA GCIG DANG, SBYIN PA LA SOGS PA PHA ROL TU PHYIN PA BCU DANG, MNGON PAR SHES PA DANG LDAN PA DANG, BSOD NAMS DANG YE SHES DANG LDAN PA DANG, BYANG CHUB KYI PHYOGS DANG LDAN PA DANG, ZHI GNAS DANG LHAG MTHONG DANG LDAN PA DANG, GZUNGS DANG SPOBS PA DANG LDAN PA DANG, CHOS KYI SKYED MOS TSAL DANG LDAN PA DANG, BGROD PA GCIG PA'I LAM DANG LDAN PA DANG, CHOS KYI SKU DANG LDAN PA'O, ,'DI YIS DE DAG MA LUS KHYAB, ,DE BAS GNAS SKABS RNAM BZHI STE, ,'BRAS BU RGYU DANG SBYOR SOGS DANG, ,LAM GYI GNAS SKABS DBYE BAS SO, ,DE LA GSUM NI LAS DANG PO PA'I GNAS SKABS SO, ,BZHI PA NI NGES PAR 'BYED PA'I CHA'I GNAS SKABS SO, ,SBYIN PA LA SOGS PA'I PHA ROL TU PHYIN PA'I SEMS KYIS NI RGYU'I GNAS SKABS SO, ,MNGON PAR SHES PA LA SOGS PA'I GNAS SKABS DANG LHAN CIG GNAS PA BRGYAD KYIS NI 'BRAS BU'I GNAS SKABS KHYAB PA YIN NO, ,DE LA DANG PO MGON PO YIS, ,GSOL BA'I RNAM PA YANG DAG BSHAD, ,GNYIS PA SBYIN SOGS LA 'JUG PA, ,'JUG PA'I RNAM PA RAB TU BSGRAGS, ,GSOL BA'I SEMS @74A *, ,KYI RNAM PA NI GSUM STE DE YANG SNGAR BSHAD PA YIN NO, ,'JUG PA'I RNAM PA NI GANG NAS BRTZAMS TE, SDOM PA 'DZIN PA SNGON DU 'GRO BAS SBYIN PA LA SOGS PA'I TSOGS LA 'JUG PA NI 'JUG PA'I SEMS SO, ,SDOM PA YANG BLA MA SDOM PA LA GNAS SHING MKHAS PA NUS PA DANG LDAN PA LAS BLANG BAR BYA'O, ,DE MED NA SANGS RGYAS DANG BYANG CHUB SEMS DPA' RNAMS MDUN DU BZHUGS PAR YID LA BYAS LA BLANG BAR BYA'O, ,DE YANG, SBYIN SOGS SHES RAB DANG BRAL BA, ,THABS MA YIN ZHING SA MA YIN, ,DE BAS SHES RAB BSKYED BYA ZHING, ,ZHI GNAS KYANG NI BSKYED PAR BYA, ,SHES RAB MED PA NI SBYIN PA LA SOGS PA PHA ROL TU PHYIN PA'I MING MI THOB CING THABS KYANG MA YIN NO, ,DE BAS NA SHES RAB SKYED PA'I PHYIR DANG ZHI GNAS BSKYED PAR BYA BA'I PHYIR 'BAD PAR BYA'O, ,DE LA, GANG ZHIG KHRIMS LDAN SDUG BSNGAL BZOD NUS DANG, ,GANG LA BRTZON DANG BAG YOD BRTAN PA 'CHANG, ,GANG TSE YANG DAG DANG YANG LDAN GYUR TE, ,DE YI TING 'DZIN MYUR DU YONGS SU RDZOGS PAR 'GYUR, ,ZHI GNAS KYI TSOGS TSUL KHRIMS LA SOGS PA GSUM LA GNAS PAS YID DANG RJES SU MTHUN PA'I PHYOGS SU STAN BDE BA LA 'DUG STE LUS DRANG POR BZHAG LA, SNYING RJE CHEN PO MNGON SUM DU BYAS TE, SEMS CAN MA LUS PA GDON PAR 'DOD PA'I BSAM PAS SEMS RTZE GCIG PA'I MTSAN NYID CAN GYI TING NGE 'DZIN BSKYED PAR BYA'O, ,DE LA MAN NGAG NI 'DI YIN TE, KHAMS SOGS DBYE BA DNGOS PO THAMS CAD LA, ,YANG DAG DMIGS DE JI SRID MNYAM GZHAG THOB, ,DE SRID YID NI SKAD CIG RE RE GZHUG ,DANG POR RE ZHIG RNAL 'BYOR PAS KHAMS LA SOGS PA'I RNAM PA'I DBYE BAS DNGOS PO MA LUS PA RGYA CHER RNAM PAR DPYAD LA, CHOS THAMS CAD NI 'DI TZAM DU ZAD DO ZHES DE LTAR NGES PAR BYA STE, YANG SEMS KYI RGYUN GYI SKAD CIG MAS DE NYID DU GTAD PAR BYA'O, ,GAL TE YID NI CHAGS SOGS KYIS G-YENGS GYUR, ,MI GTZANG LA SOGS GNYEN POR BSGOM PA YIS, ,JI SRID DE NI BRTAN PA MA THOB PA, ,DE SRID BLO DANG LDAN PAS DE ZHI BYA, ,YANG GANG GI TSE BAR SKABS SU 'DOD CHAGS LA SOGS PAS SEMS G-YENGS PAR GYUR PA DE'I TSE MI GTZANG BA BSGOM PA LA SOGS PAS RNAM PAR G-YENGS PA ZHI BAR BYAS LA @74B SEMS YANG NAS YANG DU DE LA GONG NAS GONG DU GTAD PAR BYA'O, ,DE NAS YANG BCOM LDAN 'DAS KYIS YUM SHES RAB KYI PHA ROL TU PHYIN PA CHEN PO LAS 'DOD CHAGS RNAM PA DGU NI CHEN PO NYID DU BSTAN TE, 'DI LTA STE, DBYIBS LA CHAGS PA DANG, REG PA LA CHAGS PA DANG, TZANDAN LA SOGS PAS BSKUS PA LAS BYUNG BA'I LUS KYI DRI LA CHAGS PA DANG, RGYAN GYIS BRGYAN PA LAS BYUNG BA'I LUS MDZES PA LA CHAGS PA DANG, LUS KYI KHA DOG LA CHAG PA DANG, SHA RGYAS PA LA CHAGS PA DANG, LUS DANG YAN LAG GI RTZE 'JO LA CHAGS PA DANG, SO MDZES PA LAS BYUNG BA'I CHAGS PA DANG, KHA DOG DANG DBYIBS LA CHAGS PA'O, ,DE'I GNYEN POR GYUR PA'I MI GTZANG BA YANG RNAM PA DGU STE, DE NI 'DI LTA STE, DBYIBS LA CHAGS PA RNAMS KYI GNYEN POR NI RNAM PAR BAM PA'I 'DU SHES SO, ,LUS KYI REG PA LA CHAGS PA'I NI 'BUS GZHIG PA'I 'DU SHES SO, , LUS KYI DRI LA CHAGS PA'I NI RNAM PAR RUL PA'I 'DU SHES SO, ,LUS MDZES PA LA CHAGS PA'I NI RNAM PAR DMAR BA'I 'DU SHES SO, ,LUS KYI KHA DOG LA CHAGS PA'I NI RNAM PAR BSNGOS PA'I 'DU SHES SO, ,SHA RGYAS PA LA CHAGS PA'I NI RNAM PAR ZOS PA'I 'DU SHES SO, ,LUS DANG YAN LAG GI RTZE 'JO LA CHAGS PA'I NI RNAM PAR 'THOR BA'I 'DU SHES SO, ,SO MDZES PA LA CHAGS PA'I NI RUS GONG GI 'DU SHES SO, ,KHA DOG DANG DBYIBS LA CHAGS PA'I NI RNAM PAR TSIG PA'I 'DU SHES SO, ,ZHE SDANG LAS BYUNG BA'I RNAM PAR G-YENG BA'I GNYEN POR NI BYAMS PA BSGOM PA'O, ,GTI MUG LAS BYUNG BA'I RNAM PAR G-YENG BA'I GNYEN POR NI RTEN CING 'BREL PAR 'BYUNG BA BSGOM PA'O, ,GANG GI SEMS DE MNGON PAR MI DGA' BAR MTHONG BA DE'I TSE TING NGE 'DZIN GYI YON TAN LA BSAM PA DANG MI DGE BA'I SKYON LA BSAM PA DE YANG ZHI BAR BYA'O, ,YANG GANG GI GNYID DANG MUN PA LAS SEMS ZHUM PAR MTHONG BA DE'I TSE SNANG BA'I 'DU SHES BSGOM PA DANG RAB TU DGA' BA YID LA BYED PAS SANGS RGYAS LA SOGS PA'I YON TAN YID LA BYED PAS ZHUM PA DE YANG ZHI BAR BYA'O, ,YANG GANG GI TSE SNGON DGOD PA DANG RTZE ZHING DGA' BA RJES SU DRAN PAS SEMS BAR SKABS SU RGOD PAR MTHONG BA DE'I TSE, MI @75A *, ,RTAG PA YID LA BYED PAS DE YANG ZHI BAR BYA'O, ,YANG GANG GI TSE ZHUM PA DANG RGOD PA DAG DANG BRAL BA NYID KYIS CHA MNYAM PAR 'JUG CING SEMS RANG GI MTSAN NYID KYIS GNAS PAR MTHONG BA DE'I TSE, BSGRIMS PA DANG KLONG PA BTANG SNYOMS SU BYAS TE, GAL TE SEMS MNYAM PAR 'JUG TU BSGRIMS PA BYAS NA, DE'I TSE SEMS RNAM PAR G-YENG BAR 'GYUR RO, ,LE LO DANG NI DMIGS PAR BRJED PA DANG, ,DE BZHIN ZHUM RGOD MI RTZOL BA DANG RTZOL, ,TING NGE 'DZIN LA THAMS CAD NYES PAR 'GYUR, ,DAD SOGS SEMS NYID DE YI GNYEN PO YIN, ,MDOR NA TING NGE 'DZIN THAMS CAD KYI NYES PA NYID NI RNAM PA DRUG YOD DE, 'DI LTA STE, LE LO DANG, DMIGS PA BRJED PA DANG, ZHUM PA DANG, RGOD PA DANG, BSGRIMS PA DANG, MA BSGRIMS PA'O, ,DE RNAMS KYI GNYEN POR SPONG BA'I 'DU BYED BRGYAD BSGOM PAR BYA'O ZHES BCOM LDAN 'DAS KYIS GSUNGS TE, 'DI LTA STE, DAD PA DANG, 'DUN PA DANG, RTZOL BA DANG, SHIN TU SBYANGS PA DANG, DRAN PA DANG, SHES BZHIN DANG, BTANG SNYOMS DANG, SEMS PA'O, ,DE LA DANG PO BZHI NI LE LO'I GNYEN PO YIN TE, DE YANG TING NGE 'DZIN GYI YON TAN RNAMS LA YID CHES PA'I MTSAN NYID KYI DAD PAS RNAL 'BYOR PA RNAMS DE LA MNGON PAR 'DOD PA'I SEMS SKYE BAR 'GYUR LA, MNGON PAR 'DOD PA LAS RTZOL BA RTZOM PAR 'GYUR RO, ,DE LAS KYANG LUS DANG SEMS LAS SU RUNG BA NYID THOB PAR 'GYUR RO, ,SHIN TU SBYANGS PA DE LAS LUS DANG SEMS LE LO LAS LDOG PAR 'GYUR RO, ,DE BAS NA DAD PA LA SOGS PA NI LE LO SPANG BA'I PHYIR BSGOM PAR BYA'O, ,DRAN PA NI DMIGS PA BRJED PA'I GNYEN PO'O, ,SHES BZHIN NI ZHUM PA DANG RGOD PA'I GNYEN PO YIN TE, DES ZHUM PA DANG RGOD PA DAG NYE BAR SHES PA YIN PA'I PHYIR RO, ,ZHUM PA DANG RGOD PA MA ZHI BA'I DUS SU NI MI RTZOL BA NYES PA YIN TE, DE'I GNYEN POR NI SEMS BSGOM PAR BYA'O, ,ZHUM PA DANG RGOD PA DE DAG NYE BAR ZHI BAR GYUR NAS, GANG GI TSE SEMS RANG GI RGYUN GYIS 'JUG PA DE'I TSE NI RTZOL BA NYES PA YIN PAS DE'I GNYEN POR BTANG SNYOMS BSGOM PAR BYA'O, ,SPONG BA'I 'DU BYED @75B BRGYAD PO DE YANG DAG PAR LDAN PA'I TING NGE 'DZIN NI GANG GI RDZU 'PHRUL LA SOGS PA'I YON TAN RDZOGS PAR BYED PAR MCHOG TU LAS SU RUNG BAR 'GYUR RO, ,DE BAS NA MDO LAS SPANG BA'I 'DU BYED BRGYAD DANG LDAN PA'I RDZU 'PHRUL GYI RKANG PA SGOM PAR BYED DO ZHES GSUNGS PA YIN NO, ,BSGOM PA'I RIM PA 'DI NYID LA DGONGS NAS BCOM LDAN 'DAS YUM DE NYID LAS DE LA SEMS MNYAM PAR GZHAG PAR BYA, YANG DAG PAR 'JOG PAR BYED, RNAM PAR 'JOG PAR BYED, NYE BAR 'JOG PAR BYED, DUL BAR BYED, ZHI BAR BYED, NYE BAR ZHI BAR BYED, GCIG PA NYID DU BYED, TING NGE 'DZIN DU BYED DO ZHES GSUNGS PA YIN NO, ,YANG DAG PAR 'JOG PAR BYED PA NI DMIGS PA DE NYID LA RGYUN GYIS 'JUG PAR BYED PA'O, ,RNAM PAR 'JOG PA NI RNAM PAR G-YENG BAR SHES PAR BYA STE, DE NYE BAR ZHI BAR BYED PA'O, ,NYE BAR 'JOG PAR BYED PA NI RNAM PAR G-YENG BA NYE BAR ZHI BAR BYAS NAS DE NYID LA GONG NAS GONG DU GTOD PAR BYED PA'O, ,DUL BAR BYED PA NI DGA' BA SKYED PAR BYED PA'O, ,ZHI BAR BYED PA NI MI DGA' BA ZHI BAR BYED PA'O, ,NYE BAR ZHI BAR BYED PA NI GNYID DANG RMUGS PA LA SOGS PA BYUNG BA SEL BAR BYED PA'O, ,GCIG PA NYID DU BYED PA NI DMIGS PA LA MNGON PAR 'DU BYED PA MED PAR 'JUG PA LA 'BAD PAR BYED PA'O, ,TING NGE 'DZIN DU MNYAM PAR 'JOG PA NI SEMS MNYAM PA NYID THOB PA LA BTANG SNYOMS SU BYED PAS YANG DAG PAR 'DZIN PAR BYED DO ZHES BYA BA'I DON TO, ,TSIG DGU PO 'DI DAG GI BSHAD PA NI SLOB DPON THOGS MED KYIS MDZAD PA LAS BRIS PA YIN NO; ,YANG RIM PA 'DIS TING NGE 'DZIN RDZOGS PAR GANG GI TSE 'GYUR ZHE NA, DE'I TSE SMRAS PA, GANG GI SEMS NI RTZOL BA MED PAS NI, ,RANG GI NGANG GIS 'JUG PAR 'GYUR BA NA, ,DE'I TSE SANGS RGYAS MNYAM 'JOG LA BRTEN TE, ,'DI NI TING NGE 'DZIN GYI TSUL YIN NO, ,GANG GI TSE DMIGS PA DE LA MNGON PAR 'DU BYED PA MED PAR 'JUG PAS SEMS GNAS PAR GYUR PA DE'I TSE ZHI GNAS RDZOGS PA YIN PAR SHES PAR BYA'O, ,DE LTAR MNYAM 'JOG SHES NAS NI, ,DE NAS SHES PAR BSKYED BYA STE, ,GZUGS DANG GZUGS MED DBYE BA YI, ,DON DE NYID NI RNAM DPYAD BYA, ,DE BAS NA RNAM @76A *, ,PAR DPYAD PA 'DIS SPROS PA MED PA NYID YIN PA'I PHYIR 'GRO BA RNAMS CHOS SKU'I BDAG NYID DU SHES PAR BYAS LA SEMS TZAM LAS YONGS SU BZLAS LA GCIG DANG DU MA NYID LA SOGS PA'I TSUL GYIS DE KHO NA NYID KYANG SNANG BA MED PA'I TSUL GYIS BZLA BAR BYA'O, ,DE KHO NA NYID MTHONG BA 'DI NYID NI GANG SHES RAB KYIS RNAM PAR BRTAGS NA YANG DAG PA'I YE SHES MTHONG BAS CHOS THAMS CAD MI MTHONG BA YIN NO, ,DE YANG BCOM LDAN 'DAS KYI YUM BAR MA LAS, SANGS RGYAS BCOM LDAN 'DAS RNAMS KYI YE SHES KYI SPYAN GANG ZHE NA, GANG GIS CI YANG MA GZIGS PA'I DON DE GZIGS PA'O ZHES BYA BA DANG, DE BZHIN DU DON DAM PAR MTHONG BA GANG ZHE NA, GANG CHOS THAMS CAD MTHONG BA MED PA'O ZHES JI SKAD DU GSUNGS PA YIN NO, ,DE BAS NA DE KHO NA NYID KYI RNAL 'BYOR PA RNAMS KYANG SPYOD LAM THAMS CAD LA GNAS PA NA, CHOS THAMS CAD MTHONG DU ZIN KYANG MA MTHONG BA LEN NO, ,DE LTA BU NYID MTHONG BA MED PA ZHES BYA BAR MNGON PAR 'DOD KYI GNYID LOG PA'AM, MIG BTZUMS PA DANG 'DRA BAR GANG YID LA MI BYED PA NI MA YIN NO, ,DE LTA NA NI BAG CHAGS MA SPANGS PAS 'DU SHES MED PA'I SNYOMS PAR 'JUG PA LA SOGS PA LAS LDANG BA BZHIN DU SLAR YANG GZUGS LA SOGS PA LA MNGON PAR ZHEN PA'I BAG CHAGS KYI RTZA BA CAN GYI 'DOD CHAGS LA SOGS PA SKYE BA NYID KYIS RNAL 'BYOR PAR MI 'GYUR TE, THOG MA MED PA'I DUS CAN GYI GZUGS LA SOGS PAR MNGON PAR ZHEN PA YID LA MI BYED PA TZAM GYIS YONGS SU SPANGS PAR MI 'GYUR TE, 'DU SHES MED PA'I SNYOMS PAR 'JUG PA LA SOGS PAS KYANG DE SPANGS PAR 'GYUR RO, ,GANG GZUGS LA SOGS PA'I YUL RNAMS KYI THE TSOM SPANGS PA DE YID LA BYED PA YONGS SU SPANGS PAR YANG NUS PA MA YIN TE, ME YONGS SU SPANGS PAS TSA BA SPONG MI NUS PA DANG 'DRA'O, ,DE BAS NA THE TSOM GYI SA BON DANG BRAL BA NYID KYIS GZUGS LA SOGS PA LA MNGON PAR ZHEN PA BSAL BAR BYA'I, TSER MA 'BYIN PA LTA BUR BYA BA MA YIN NO ZHES BYA BAR NGES SO, ,THE TSOM GYI SA BON DANG BRAL BAR BYA BA YANG ZHI GNAS DANG LHAG MTHONG PHAN TSUN RJES SU MTHUN PAR 'JUG PAR BYA'O, ,DE YANG SEMS RTZE GCIG PA'I @76B MTSAN NYID CAN GYIS ZHI GNAS SKYE BAR GYUR NA SHES RAB KYI MIG GIS RNAM PAR DPYOD PA'I RNAL 'BYOR PA'I THE TSOM DANG BRAL BAR 'GYUR RO, ,DE DANG BRAL BAS GZUGS LA SOGS PA LA MNGON PAR ZHEN PA DANG BRAL LO, ,DE DANG BRAL NAS KYANG CHOS THAMS CAD DNGOS PO MED PAR RTOGS TE DE NYID NI SHES RAB KYI PHA ROL TU PHYIN PA'O, ,YANG DE'I TSE ZHI GNAS DANG LHAG MTHONG DAG DE'I BDAG NYID CAN YIN TE, DE NYID NI MCHOG TU RNAM PAR MI RTOG PA'I RNAL 'BYOR RO, ,DE YANG, KUN RTOG THAMS CAD SPANGS PA STE, ,'DI NI RNAL 'BYOR DAM PA YIN, ,RNAL 'BYOR PA GANG MNGON SUM DU, ,GNAS PA KUN MKHYEN BCOM LDAN 'GYUR, ,DE LTAR RIM PA 'DIS ZHI GNAS DANG LHAG MTHONG BDAG GIS SAM, BLA MA'I MAN NGAG GIS BCOM LDAN 'DAS YUM SHES RAB BSKYED LA, BYANG CHUB SEMS DPA' DBANG PO RAB DANG LDAN PA YIN NA DE NGES PA'I RGYUD NYID KYIS PHYIR MI LDOG PA NYID YIN PAR RTOGS PAR BYAS LA, SHES RAB KYI PHA ROL TU PHYIN PA'I NGO BO NYID DANG, SBYIN PA LA SOGS PA'I THABS LA RAB TU 'JUG GO, ,DE YANG 'PHAGS PA GA YA MGO'I RI LAS GNYIS PO 'DI DAG NI BYANG CHUB SEMS DPA' RNAMS KYI LAM GYIS BSDUS PA STE, 'DI LTA STE THABS DANG, SHES RAB BO ZHES GSUNGS PA YIN TE, THABS NI SBYIN PA LA SOGS PA'I PHA ROL TU PHYIN PA DANG, TSAD MED PA DANG, BSDU BA'I DNGOS PO LA SOGS PA'I DBYE BAS PHYE BA STE, DE NYID KYANG 'PHAGS PA BLO GROS MI ZAD PA DANG, DKON MCHOG SPRIN LA SOGS PA'I MDO LAS GSUNGS SO, ,SHES RAB NI THABS DE NYID PHYIN CI MA LOG PAR YONGS SU GCOD PA'I RGYU'O, ,DES KYANG THABS YANG DAG PAR BRTAGS NAS PHYIN CI MA LOG PAS BDAG DANG GZHAN GYI DON JI LTA BA BZHIN NYAMS SU LEN PAS SNGAGS KYIS ZIN PA'I DUG SPYOD PA DANG 'DRA BAR KUN NAS NYON MONGS PAR MI 'GYUR RO, ,DE YANG MDO DE NYID LAS THABS NI BSDU BA SHES PA'O, ,SHES RAB NI YONGS SU GCOD PA SHES PA'O ZHES GSUNGS PA DANG, 'PHAGS PA DAD PA'I STOBS BSKYED PA LAS, THABS LA MKHAS PA GANG ZHE NA, GANG CHOS THAMS CAD KYI BSDU BA SHES PA LA MKHAS PA'O, ,SHES RAB GANG ZHE NA, GANG CHOS THAMS CAD DBYER @77A *, ,MED PA SHES PA LA MKHAS PA'O ZHES GSUNGS PA'O, ,'DI DAG LA NI SA LA GNAS PAS KYANG BSTEN PAR BYA'O, ,SHES RAB TZAM 'BA' ZHIG NI MA YIN NO, ,GANG GI PHYIR SA BCU PA LA SOGS PA'I MDO LAS PHA ROL TU PHYIN PA LHAG MA RNAMS LA YANG MI SPYOD PA MA YIN NO ZHES GSUNGS PAS BYANG CHUB SEMS DPA' SA BCU THAMS CAD DU PHA ROL TU PHYIN PA THAMS CAD LA KUN TU SPYAD PAR BYA'O ZHES BSHAD DO, ,DE BZHIN DU YANG SHES RAB KYI PHA ROL TU PHYIN PA LA GCIG TU DGA' BA'I BYANG CHUB SEMS DPA' RNAMS KYI DBANG DU MDZAD NAS, YONGS SU RGYAS PA'I MDO CHOS THAMS CAD BSDUS PA LAS BYAMS PA GANG YANG BYANG CHUB SEMS DPA' RNAMS KYI BYANG CHUB KYI PHYIR PHA ROL TU PHYIN PA DRUG CAR GZUNG BAR BYA BA DE LA SKYES BU BLUN PO RNAMS JI LTAR BYANG CHUB SEMS DPA' RNAMS SHES RAB KYI PHA ROL TU PHYIN PA 'BA' ZHIG LA BSLAB PAR BYA'I, PHA ROL TU PHYIN PA LHAG MA RNAMS KYIS CI ZHIG BYA ZHES ZER ZHING, DES PHA ROL TU PHYIN PA GZHAN DAG LA SMOD PA NYID DU SEMS PAR 'GYUR RO ZHES BYA BA LA SOGS PA RGYA CHER GSUNGS PA DANG, 'PHAGS PA RNAM PAR SNANG MDZAD MNGON PAR RDZOGS PAR BYANG CHUB PA'I RGYUD LAS KYANG, THAMS CAD MKHYEN PA'I YE SHES 'DI NI SNYING RJE CHEN PO'I RTZA BA CAN, BYANG CHUB KYI RGYU DANG LDAN PA, THABS KYI MTHAR PHYIN PA'O ZHES GSUNGS PA YIN NO, ,DE BAS NA GNYIS KA YANG DUS THAMS CAD DU BSTEN PAR BYA'O, ,DE LTAR NA BCOM LDAN 'DAS MI GNAS PA'I MYA NGAN LAS 'DAS PA 'GRUB PA YIN NO, ,DE YANG SBYIN PA LA SOGS PA'I THABS KYIS GZUGS KYI SKU DANG ZHING DANG 'KHOR LA SOGS PA LONGS SPYOD CHEN PO'I 'BRAS BU PHUN SUM TSOGS PA YONGS SU 'DZIN PAR MDZAD PAS, BCOM LDAN 'DAS MYA NGAN LAS 'DAS PA LA GNAS PAR MI MDZAD DO, ,SHES RAB KYIS PHYIN CI LOG MA LUS PAR SPANGS PAS 'KHOR BAR GNAS PAR MI MDZAD DE, 'KHOR BA NI PHYIN CI LOG GI BDAG NYID CAN YIN PA'I PHYIR RO, ,DE YANG CHOS KYI RNAM GRANGS GZINGS LTA BUR SHES PA RNAMS KYIS NI CHOS RNAMS KYANG SPANG BAR BYA NA CHOS MA YIN PA LTA CI SMOS ZHES JI SKAD DU GSUNGS PA LTA BU YIN, DE LA PHYIN CI LOG TU MNGON PAR ZHEN PA SPANG @77B BAR BYA'O ZHES GSUNGS KYI, DGOS PA'I DON RDZOGS PAR BYA BA'I DON DU YANG GNAS PAR MI BYA'O ZHES GSUNGS PA MA YIN NO, ,DE YANG CHOS SU GZUNG BAR BYA'I, MI GZUNG BAR MI BYA'O ZHES GSUNGS TE, LAM LOG PAS GZUNG BAR MI BYA'O ZHES BYA BA'I DON TO, ,DE BAS NA DNGOS PO THAMS CAD DE LTAR GZIGS TE GSUNGS PA NI, ,DUS KUN DU NI THABS DANG NI, ,SHES RAB PHA ROL PHYIN BDAG CAN, ,BSTEN BYA GANG PHYIR DE LAS NI, ,MI GNAS MYA NGAN 'DAS PAR 'GYUR, ,ZHES BYA BA YIN NO, ,PHA ROL TU PHYIN PA'I THEG PA'I BSGOM PA'I RIM PA'I MAN NGAG SLOB DPON CHEN PO DPAL YE SHES GRAGS PA'I ZHAL SNGA NAS MDZAD PA RDZOGS SO,, ,,RGYA GAR GYI MKHAN PO PADMA K'A RA WARMA DANG, ZHU CHEN GYI LO TZ'A BA DGE SLONG RIN CHEN BZANG POS BSGYUR CING ZHUS TE GTAN LA PHAB PA, , #, ,RGYA GAR SKAD DU, BUDDHA AA NU SMRi TI AUTTA RA BH'A BA NA N'A MA, BOD SKAD DU, SANGS RGYAS RJES SU DRAN PA BLA NA MED PA BSGOM PA ZHES BYA BA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,SPROS PA'I RGYUN BCAD ZHI BA'I GNAS RNYED BDE 'BYUNG GNAS, ,SKU GNYIS SKYED PA'I YON TAN MTHA' YAS GZHIR GYUR PA, , CHOS KUN RO GCIG BRNYES PAS STUG PO'I GNAS THIM PA, ,RGYAL BA'I RGYAL BA DMIGS MI MNGA' LA PHYAG 'TSAL LO, ,MUN PA GNYIS NI GZHOM 'DOD CING, ,YANG DAG SNANG BA 'BYUNG 'DOD PA'I, ,DON GRUB BYA PHYIR BDAG GIS NI, ,SANGS RGYAS RJES DRAN BLA MED BSHAD, ,DE LA SANGS RGYAS RJES SU DRAN PA BLA NA MED PA NI 'DI LTAR BLTA BAR BYA STE, RNAL 'BYOR PAS THO RANGS MAL NAS LANGS TE GTZANG MAR GYUR PA'AM, MI GTZANG BA YANG RUNG BAS SNGAGS 'DI LAN GSUM BRJOD DO, ,AOm SVA BH'A BA SHUDDHA SARBA DHARM'A SVA BH'A BA SHUDDHO&HAm, DE NAS 'DI LTAR BLTA STE, LUS 'DI LTA STE, SKRA DANG, SMIN MA DANG, RDZI MA DANG, KHA SPU DANG, MCHAN KHUNG GI SPU DANG, MDOMS KYI SPU DANG, LUS GZHAN GYI BA SPU STE, SPU'I TSOGS DANG, MIG GNYIS DANG, RNA BA GNYIS DANG, SNA DANG, SO'I PHRENG BA DANG, SEN MO DANG, PAGS PA DANG, SHA DANG, TSIL DANG, KHRAG DANG, @78A *, ,RTZA'I DRA BA DANG, CHU BA DANG, RGYUS PA DANG, GLAD RGYAS DANG, GLAD PA DANG, LCE DANG, MID PA DANG, AOL KO DANG, AOL MDUD DANG, GLO BA DANG, SNYING DANG, MCHIN PA DANG, MKHAL MA DAG DANG, MCHER PA DANG, LGANG PA DANG, MTSAN DANG, RGYU MA DANG, GNYE MA DANG, GZHANG DANG, PHO BA DANG, SUL MANG DANG, LONG KA DANG, GROD PA DANG, BSHANG BA DANG, GCI BA DANG, SNABS DANG, NGAR SNABS DANG, LUD PA DANG, MCHIL MA DANG, MCHI MA DANG, SNA CHU DANG, RNA SPABS DANG, MIG DRI DANG, RDUL DANG, BAD KAN DANG, RNAG DANG, MKHRIS PA DANG, RLUNG DANG, KHU CHU DANG, KHA CHU DANG, RLANGS PA DANG, SA'I KHAMS DANG, CHU'I KHAMS DANG, ME'I KHAMS DANG, RLUNG GI KHAMS DANG, NAM MKHA'I KHAMS DANG, RUS PA'I PHRENG BA DANG, MGO BO'I RUS PA DANG, MGRIN PA'I RUS PA DANG, LAG PA'I RUS PA DANG, BRANG GI RUS PA DANG, TSIGS PA'I RUS PA DANG, RTZIB MA'I RUS PA DANG, TSANG RA'I RUS PA DANG, DPYI'I RUS PA DANG, BRLA'I RUS PA DANG, BYIN PA'I RUS PA DANG, RKANG MTHIL GYI RUS PA DANG, DE DAG NYID KYANG THOD TSAL GCIG PA DANG, GNYIS PA DANG, GSUM PA DANG, BZHI PA DANG, 'GRAM PA G-YAS PA DANG, G-YON PA DANG, TSIGS PA RE RE DANG, RTZIB MA RE RE DANG, SOG PA GNYIS LA SOGS PA THA DAD PA 'DI DAG DANG, DE DAG KYANG RDUL PHRA RAB LA THUG PAR 'GYUR ZHING, DE DAG KYANG PHYOGS CHA THA DAD PAR PHYE NA MA GRUB STE, 'DI LTAR LUS 'DI NI MA GRUB CING, DE BZHIN DU MTHA' YAS PA'I LUS THAMS CAD DANG, SNOD KYI 'JIG RTEN THAMS CAD KYANG DE DAG 'DRA BAR MA GRUB BO ZHES NGES PAR BYA'O, ,DE LTAR LUS MA GRUB PAS KHOG SBUBS DANG, LCE DANG, SO DANG, MCHU LA SOGS PA LA BRTEN NAS BYUNG BA'I NGAG KYANG MA GRUB BO ZHES NGES PAR BYA'O, ,DE LTAR LUS DANG NGAG MA GRUB PAS SEMS KYANG MA GRUB PAR DPYAD DE, 'DI LTAR LEGS PAR DPYAD NA SEMS NI KHA DOG TU MI DMIGS, DBYIBS SU YANG MA YIN, PHYI NA YANG MA YIN, NANG NA YANG MA YIN, BAR NA YANG MA YIN, NYE BA NA YANG MA YIN, RING BA NA YANG MA YIN, SKAD CIG SNGA MA NI @78B 'GAGS ZIN, SKAD CIG PHYI MA NI MA 'ONGS SHING MA GRUB PA'O, ,SKAD CIG DA LTAR BA NI MI GNAS SHING MA ZIN PA'O, ,DE'I PHYIR LUS DANG NGAG DANG SEMS 'DI DAG NI STONG PA, ZHI BA, YUL MED PA, 'JUG PA CHAD PA, YUL NA MI GNAS PA, PHYOGS NA MI GNAS PA'O ZHES BSAM MO, ,DE NAS YANG SNGA MA BZHIN DU LUS LA SOGS PA LA BLTA STE YANG DANG YANG DU'O, ,DE NAS YID SKYO BA NA CHOS THAMS CAD STONG PA NYID DO ZHES SHIN TU MOS PAS YID LA BYED PA GZHAN 'BYUNG BA SKYED PAR MI BYED PAR GSANG SNGAGS 'DI CI DGAR BZLAS SO, ,AOm SH'U N+YA T'A DZN+Y'A NA BADZRA SVA BH'A BA A'ATMA KO&HAm, DE NAS LDANG BAR 'DOD PA DANG 'DI SNYAM DU AE MA'O KYI HUD CHOS 'DI DAG THAMS CAD NI RAB TU ZHI BA, SPROS PA DANG BRAL BA, NYE BAR 'TSE BA MED PAS BDE BA DAM PA, RANG BZHIN GYIS 'OD GSAL BA, NAM MKHA' DANG MNYAM PA NYID YIN NA BYIS PA'I RANG BZHIN CAN, SHES RAB 'CHAL PA 'DI DAG GIS DE LTAR MA SHES PAS BDAG GIS SGYU MA DANG 'DRA BAS DE DAG GI DON BGYI'O ZHES BSAM STE, BCOS MA MA YIN PA'I SNYING RJES SEMS MNYEN PAR BYAS LA SKAD CIG GIS RANG GI SDUG PA'I LHA'I SKUR BLTAS LA LANGS TE, JI LTA JI LTAR SEMS CAN LA PHAN PA DANG BDE BAR 'GYUR BA DE LTA DE LTAR SPYAD PAR BYA'O, ,SNGAR BSHAD PA'I TSUL GYIS SNGA DRO DANG, GUNG DANG, DGONGS LA SOGS PAR YANG DANG YANG DU SANGS RGYAS RJES SU DRAN PAR BYA STE, 'DI LA NI KHA ZAS KYI NGES PA DANG, DUS KYI NGES PA DANG, SPYOD LAM GYI NGES PA DANG, GZA' DANG SKAR MA'I NGES PA YANG MED DO, , 'ON KYANG RNAL 'BYOR 'DI LA GZHOL BAS JI LTAR SANGS RGYAS RJES SU DRAN PA MI NYAMS PA DE LA GNAS KYI GROGS 'DOD PAR MI BYA, BSTOD PA DANG GRAGS PA DANG BDE BA DANG RNYED PA DAG GIS YID DGA' BAR MI BYA STE, GAL TE DGA' BA BYUNG NA YANG 'BAD PAS GZHOM PAR BYA'O, ,DE BZHIN DU SMAD PA DANG MA GRAGS PA DANG SDUG BSNGAL BA DANG MA RNYED PA DAG GIS GDUNG BAR MI BYA STE, GAL TE GDUNG BA BYUNG NA YANG NAN TAN GYIS GZHOM PAR BYA'O, ,GANG ZHIG DE LTAR SPYOD PA DE NI BLA MA SANGS RGYAS RJES SU DRAN PA ZHES BYA STE, DE LTAR YANG 'PHAGS PA LANG KAR GSHEGS PA LAS GSUNGS PA, DE LTAR SKYE @79A *, ,'JIG SPANGS PA YI, ,THUB PA ZHI BA SUS MTHONG BA, ,DE DAG 'DI DANG SLAD MAR YANG, ,CHAGS MED NYER LEN MED PAR 'GYUR, ,ZHES SO, ,YANG GSUNGS PA, JI LTAR MTHONG BZHIN SU LTA BA, ,DE DAG DRAN PA MI MTHONG NGO, ,RNAM PAR RTOG PA MI 'JUG CING, , GANG TSE SANGS RGYAS MI MTHONG LA, ,'JUG MED SANGS RGYAS YIN PAR NI, ,GAL TE MTHONG NA DE SANGS RGYAS, ,ZHES SO, ,YANG GSUNGS PA, GANG GIS GANG G'A'I BYE MNYAM DU, ,'JIGS MED TSUL GYIS MTHAR THUG PAR, ,'DREN PA RAB TU MTHONG BA NI, ,DE DAG 'DREN PA MTHONG BA YIN, , ZHES SO, ,DE BZHIN DU 'PHAGS PA SHES RAB KYI PHA ROL TU PHYIN PA RDO RJE GCOD PA LAS KYANG, GANG GIS NGA LA SGRAR SHES SHING, ,GANG GIS NGA LA GZUGS SU MTHONG, LOG PAR SPANG BA ZHUGS PA STE, ,SKYE BO DES NI NGA MI MTHONG, ,SANGS RGYAS RNAMS NI CHOS NYID LTA, ,'DREN PA RNAMS NI CHOS KYI SKU; CHOS NYID SHES PAR BYA MIN PAS, ,DE NI RNAM PAR SHES MI NUS, ,ZHES GSUNGS SO, ,DE BZHIN DU 'PHAGS PA SANGS RGYAS THAMS CAD KYI YUL LA 'JUG PA YE SHES SNANG BA'I RGYAN ZHES BYA BA'I MDO LAS KYANG GSUNGS PA, RTAG TU SKYE MED CHOS NI DE BZHIN GSHEGS, ,CHOS RNAMS THAMS CAD BDE BAR GSHEGS DANG 'DRA, ,BYIS PA'I BLO CAN MTSAN MAR 'DZIN PA RNAMS, ,'JIG RTEN DAG NA MED PA'I CHOS LA SPYOD, ,CES SO, ,GZHAN YANG 'PHAGS PA SHES RAB KYI PHA ROL TU PHYIN PA BRGYAD STONG PA LAS KYANG GSUNGS PA, SANGS RGYAS BCOM LDAN 'DAS RNAMS NI CHOS KYI SKU YIN GYI, DGE SLONG DAG 'JIG TSOGS LA SKUR MA 'DZIN PAR DGE SLONG DAG NGA NI CHOS KYI SKU YONGS SU RDZOGS PAR LTOS SHIG CES GSUNGS PAS, DE BZHIN GSHEGS PA'I SKU NI YANG DAG PA'I MTHA' RTAG PA 'DI LTA STE, SHES RAB KYI PHA ROL TU PHYIN PAR BLTA'O ZHES SO, ,YANG DE NYID LAS GSUNGS PA, DE BZHIN GSHEGS PA NI GZUGS KYI SKUR MI BLTA STE, DE BZHIN GSHEGS PA NI CHOS KYI SKU'O, ,RIGS KYI BU CHOS NYID NI 'ONG BA'AM 'GRO BA MED DE, RIGS KYI BU DE BZHIN DU DE BZHIN GSHEGS PA RNAMS LA BYON PA'AM BZHUD PA MED DO ZHES SO, ,GANG YANG 'PHAGS PA LANG KAR GSHEGS PA @79B LAS KYANG GSUNGS PA, GANG ZAG MED CING PHUNG PO MED, ,SANGS RGYAS YE SHES ZAG MED PA, ,RTAG TU ZHI BA RNAM BSGOM STE, ,DE LA BDAG NI SKYABS SU MCHI, ,ZHES SO, ,DE LTAR LUS RANG BZHIN MED PA DANG, NGAG RANG BZHIN MED PA DANG, YID RANG BZHIN MED PAR BSGOM PA NI CHOS KYI SKU RJES SU DRAN PA'O, ,GZHAN YANG PHAN PAR DGA' BAR 'DOD PA'I LHA'I SKU'I NGA RGYAL 'CHANG BA NI GZUGS KYI SKU RJES SU DRAN PA'O, ,'DI LTA BU'I RJES SU DRAN PA BSGOMS PAS LUS KYI SPYOD PA NI TSUL MI 'CHOS PAR BYA'O, ,GCIG PU RGYU BAR BYA'O, ,GNOD PA SKYOB PA TZAM LAS LUS BRGYAN PAR MI BYA'O, ,SLONG MOS 'TSO BAR BYA'O, ,MI RIGS PA'I BSNYEN BKUR MI BYA'O, ,NGAG GI SPYOD PA NI DON MED PAR MI SMRA'O, ,'BREL PA DANG BCAS BZHIN DU YID DU 'ONG BAR SMRA'O, ,GZHAN LA GDUNG BSKYED PA MI SMRA'O, ,RTOG PA SNGON LA SONG BAS SMRA'O, ,GSAL ZHING DPES KHRID DE SMRA'O, , PHA ROL GYI LAN THEBS PAR SMRA'O, ,YID KYI SPYOD PA NI BRTAN PA DANG, DUL BA DANG, MA KHENGS PA DANG, MA ZHUM PAR BYA'O, ,PHYOGS LAS RGYAL BA DANG, PHA ROL GYI NGOR MI LTA BA DANG, MA YENGS PAR BYA'O, ,DRAN PA DANG, SHES BZHIN DANG LHAN CIG PAR BYA'O, ,MI'I MCHOG GANG ZHIG 'DI LTA BUS RJES SU DRAN PA DANG, SPYOD PA LA GZHOL BA DE DAG NI RING POR MI THOGS PAR 'BYOR PA DAM PA THOB PAR 'GYUR RO, ,CHU NANG PADMA NYI MA'I ZER PHYE RAB RGYAS DGA' SKYED LTAR, ,BLA MED RJES DRAN PADMA GZHUNG GI ZER PHYE DGA' SKYED PA, ,PADMA'I PHRENG LTAR LEGS SBYAR 'DIS NI SKYE BO MA LUS PA, , BLA MED SANGS RGYAS RJES DRAN NAM YANG MI 'BRAL DER 'BAD SHOG ,SANGS RGYAS RJES SU DRAN PA BLA NA MED PA MDO'I RJES SU 'GRO BA ZHES BYA BA DKYIL 'KHOR CHEN PO'I SLOB DPON MA H'A MA TI'I ZHAL SNGA NAS MDZAD PA RDZOGS SO,, ,,A'A TZ'AR+YA BI NA YA TZANDRA DANG, LO TZ'A BA DGE SLONG CHOS KYI SHES RAB KYIS BSGYUR CING ZHUS TE GTAN LA PHAB PA'O, , #, ,RGYA GAR SKAD DU, SA M'A DHI SAMBH'A RA PA RI BA RTA N'A MA, BOD SKAD DU, TING NGE 'DZIN GYI TSOGS KYI LE'U ZHES BYA BA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,SRID PA JI SRID BAR DU BZHUGS PA YI, , @80A *, ,THUB DBANG SRAS BCAS RNAMS LA PHYAG 'TSAL TE, ,GSANG SNGAGS MDO SDE PHA ROL PHYIN PA YI, ,MDO SDE'I RJES 'GRO TING 'DZIN TSOGS LE'U BRJOD, ,DENG SONG SKYE BO PHAL CHER BDUD KYI LCAGS KYUS BZUNG STE KHYIM GYI BTZON RA DAM POR BCUG ,BDUD KYI 'JIG RTEN SKYONG BZHIS KHRIMS PHAS BSRUNGS SHING SRED SOGS 'CHING BAS RAB TU DAM POR BCINGS, ,SDOM BRTZON DAG KYANG PHAL CHER BDUD KYI 'JIG RTEN SKYONG BZHI'I DBANG DU GYUR CING DGE SBYONG GI ,GNAS DANG TSUL SPANGS KHYIM PA RNAMS DANG SPYOD MTSUNGS NGAN 'GRO'I G-YANG SAR MNGON PHYOGS MTHO RIS SPANG, ,DE PHYIR 'DI NI BDAG NYID DRAN PHYIR BYAS KYI GZHAN LA PHAN PA'I RE BA YOD MA YIN, ,'ON KYANG BDAG DANG SKAL BA MNYAM PA LA LA GNAS 'DIR DGA' NA YANG DAG RTOGS PAS SMRA 'DI NYON, ,DE LA TING NGE 'DZIN GYI TSOGS KYI YAN LAG NI RNAM PA DGU STE, SPANG BAR BYA BA DANG, SNGON DU 'GRO BA DANG, LDOG PAR BYA BA DANG; GDUNG BA BCAD PA DANG, YID 'BYUNG BAR BYA BA DANG, YON TAN RJES SU DRAN PAR BYA BA DANG, BRTZON PAR BYA BA DANG, 'BREL PAR BYA BA DANG, GNAS PA'I THABS ZHES BYA BA RNAMS SO, ,DE LA SPANG BAR BYA BA NI BDUD KYI LAS SO, ,DE LA BDUD NI GANG, DE'I LAS NI GANG ZHE NA, BDUD NI 'DOD PA'I LHA SDIG CAN ZHES BYA BA LA CHUNG MA PADMA'I PHRENG BA CAN DANG, 'KHOR 'JIG RTEN SKYONG BA BZHI DANG, BDUD KYI RIGS KYI YI DAGS DANG BCAS PA GANG YIN PA'O, ,DE DAG GI LAS NI 'DOD PA'I LHA DE CHUNG MA DANG BCAS PA'I SPYI BO NA ME TOG GI MDA' LNGA YOD PA NI, 'DI LTA STE DREGS PAR BYED PA DANG, RMONGS PAR BYED PA DANG, KUN TU RMONGS PAR BYED PA DANG, BRGYAL BAR BYED PA DANG, SEMS MED PAR BYED PA ZHES BYA BA RNAMS SO, ,DE'I ME TOG DE DAG BSNUN PA DE PHOG PA LAS NYON MONGS PA LNGA GANG SHAS CHE BA DE LA DES PHOG PA KHO NAR RAB TU 'BAR BAR GYUR TE, DE'I DBANG DU SONG ZHING THAR PA DANG MNGON PAR MTHO BA LAS NYAMS PAR 'GYUR RO; ,DE'I 'JIG RTEN SKYONG BA BZHI NI 'DI LTA STE, 'THAB PAR BYED PA DANG, G-YENG BAR BYED PA DANG, LHAG PAR RAB TU CHAGS PA DANG, 'DU SHES LOG PA ZHES BYA'O, ,BDUD DE DAG GI LAS NI THA DAD PA STE, 'DI LTAR 'THAB PAR BYED PA'I BDUD DES NI LAM BSGOM PA DAG 'THAB PA DANG, @80B RTZOD PA DANG, 'GYED PA LA 'JUG CING DE'I RKYEN 'BAD PAS SGRUB BO, ,G-YENG BAR BYED PA'I BDUD DES NI LAM BSGOM PA DAG GNYID DANG RMUGS PA RAB TU 'PHEL BA'AM, CHOS NYAN PA DAG KYANG GNYID LA RAB TU SBYOR BA'AM, KHA CIG RAB TU G-YENG BAR YANG BYED PAR GNAS SO, ,LHAG PAR RAB TU CHAGS PA'I BDUD DES NI PHAL CHER KHYIM NA GNAS PA LA BAR DU GCOD DE, SBYIN PA'I DUS NYE BAR GNAS PA NA BU DANG BU MO DANG CHUNG MA DANG BDAG NYID LONGS CI SPYAD CES DE RANG GI SHA LA GCOD PA SNYAM BYED PA'I 'DU SHES NYE BAR BSGRUB BO, 'DU SHES LOG PA'I BDUD GANG YIN PA DES NI PHAL CHER RAB TU BYUNG BA'I PHYOGS SUN 'BYIN PAR BYED PA STE, 'DI LTAR RAB TU BYUNG BA'I SEMS NYE BAR GNAS PA NA 'KHRIG PA'I BDE BA DANG, BZA' BA DANG BTUNG BA'I BDE BA DANG, RANG GI SKYE BO'I TSOGS DANG, GLU GAR LA SOGS PA DRAN PAS CHAGS PA DANG, DE'I RANG GI SKYE BOS SLU BA DANG, 'DRID PA DANG, BSDIGS PA DANG, BZUNG BAS DE'I NGES PAR 'BYUNG BA'I BAR CHAD BYED DU 'JUG GO, ,RAB TU BYUNG BA DAG LA YANG BUD MED KYI MTSAN MA DAG YID LA BYED PA DANG, SNGON BGAD PA DANG, RTZES PA DAG DRAN PAR BYED PA DANG, TSONG DANG ZHING LAS DANG RANG GI 'BREL PA DANG, YID GCUGS PAR BYA BA'I SEMS BSKYED CING, RMI LAM NA BUD MED DU SPRUL CING DES CHAGS PA DANG SA BON 'BYUNG BAR BYED LA, SNA TSOGS KYIS KYANG RAB TU BYUNG BA LAS 'BEBS SHING, DE DAG GI TSANGS PAR SPYOD PA DRI MA CAN DU YANG BYED DO, ,'DI DAG BZHI CHAR YANG 'DZAM BU'I GLING PA RNAMS SDUG BSNGAL BAR BYA BA'I PHYIR KLU MA RUNGS PA DAG BSKUL LA, LHA MA YIN DAG BSKUL ZHING LO TOG MA RUNGS PAR BYED, MI CHOS DANG LDAN PA'I SROG 'PHROG CING, LUS LA NAD SNA TSOGS GTONG BAR BYED DE, JI LTAR RGYAL PO BZHI PO DAG CHOS MA YIN PA LA SPYOD PA DAG LA CHAD PA SBYIN PA LTAR, 'DI DAG NI CHOS DANG LDAN PA RNAMS LA CHAD PA SBYIN NO, ,BDUD KYI RIGS KYI YI DAGS NI YI DAGS KYI RIGS SUM CU RTZA DRUG LAS 'DI DAG RIGS GCIG TU BGRANG BA YIN TE, DE DAG GI BDUD KYI LAS NI BSAM GTAN PA DAG LA RMI LAM DU 'JIGS PA SKYED PAR BYED, SANGS RGYAS KYI SKU MTSAN DANG DPE BYAD KYIS @81A *, ,SPRAS PA NYE BAR STON PAS BAR DU GCOD, BSAM GTAN LA MNYAM PAR GZHAG PA NA SGRA CHEN PO SGROGS PAR BYED DO, ,MDOR NA BDUD DANG BDUD KYI RIGS SU GTOGS PA RNAMS NI YANG DAG PAR ZHUGS PA THAMS CAD LA CHAGS PA BSKYED PA'AM, 'JIGS PA BSKYED PAS BAR DU GCOD DE, DE LTAR YANG 'JIG RTEN GSUM LAS RNAM PAR RGYAL BA'I RTOG PA LAS, MI ZAD BRTUL ZHUGS BZUNG BA YI, ,SGRUB PA LA NI BDUD KYI RIGS, ,LHA MO 'DOD PA'I GZUGS DAG DANG, ,DE BZHIN GZHAN GYI LUS SU YANG, ,RNAM PA SNA TSOGS GZUGS DAG GIS, , DBANG PO BSDAMS LA 'TSE BAR BYED, ,CES GSUNGS TE, 'DIR BRTUL ZHUGS BZUNG BA NI NYE BAR MTSON PA STE, SEMS LAS SU RUNG BA THAMS CAD LA YANG DE DAG NYE BAR 'TSE BAR BYED DO, ,DE LTA BU'I BDUD KYI LAS DE DAG SU ZHIG LAS 'BYUNG ZHE NA, BSAM PA DAG PAS YANG DAG PAR BRTZON PA DAG LAS 'BYUNG STE, JI SKAD DU 'PHAGS PA 'JAM DPAL RNAM PAR 'PHRUL PA LAS GSUNGS PA, 'JAM DPAL BYANG CHUB SEMS DPA' RNAMS KYI BDUD KYI LAS CI LAS 'BYUNG BAR RIG PAR BYA, 'JAM DPAL GYIS SMRAS PA, LHA'I BU BYANG CHUB SEMS DPA' RNAMS KYI BDUD KYI LAS NI BRTZON 'GRUS LAS 'BYUNG BAR RIG PAR BYA STE, DE CI'I PHYIR ZHE NA, MI BRTZON PA LA NI BDUD KYIS CI ZHIG BYA STE, DE NYID BDUD YIN PA'I PHYIR RO ZHES SO, ,DE LTAR BDUD KYI LAS SHES PAS DE BZLOG PAR BYA STE, JI SKAD DU 'PHAGS PA LHA'I BU RIN PO CHE MCHOG GIS ZHUS PA LAS GSUNGS PA, GANG GI TSE BDUD KYI LAS RTOG PA DE LTA BU NI KHA NA MA THO BA MED PA YIN NO, ,GANG YANG BDUD KYI LAS RNAMS BZLOG PA DE LTA BU'I DPYAS MED PA YIN NO ZHES SO, ,DE MA BZLOG PAR NI RNAM PAR THAR PA MI THOB PA KHO NA STE, JI SKAD DU 'PHAGS PA DPUNG BZANGS KYIS ZHUS PA LAS GSUNGS PA, BGEGS KYIS BSOD NAMS MA LUS ZAD PAR BYED, ,DE BAS MI LA GSANG SNGAGS 'GRUB MI BYED, ,JI LTAR ZLA BA SPRIN LAS RNAM GROL LTAR, ,DE BZHIN BGEGS LAS GROL BA RNAM PAR GSAL, ,ZHES TE, 'DIR BGEGS KYANG GNYIS TE, RDZOGS PA'I BYANG CHUB GZHIG PAR BYA BA'I PHYIR SBYOR @81B BA LHA'I BU'I BDUD DANG, DE LA GZHAN PA NI JI SKAD DU, 'PHAGS PA DPUNG BZANGS KYI SA ZHUS PA LAS, GTOR MA 'DOD PA'AM, RTZED MO BYED 'DOD PA'AM, GSANG BA'I DON DU LUS LA 'BAB CING 'JUG CES TE, 'DIR DE GNYIS KA BZLOG PAR BYA'O, ,THABS GANG GIS BZLOG PAR BYA ZHE NA, JI SKAD DU 'PHAGS PA RDO RJE RTZE MO LAS GSUNGS PA, RANG GI SEMS NI BDUD CES GSUNGS, ,RANG GI SEMS NYID BGEGS YIN NO, ,RNAM PAR RTOG PA THAMS CAD SPANGS, ,BGEGS KUN RNAM PAR RTOG LAS 'BYUNG, ,ZHES PA'O, ,GZHAN YANG BDUD KYI LAS BZLOG PA'I THABS NI, 'PHAGS PA MYA NGAN MED KYIS BYIN PAS ZHUS PA DANG, 'PHAGS PA SENG GE LUNG BSTAN PA LAS SHES PAR BYA'O, ,'DI NI SPANG BAR BYA BA'I YAN LAG GO, ,GANG GIS THOS PA'I RANG BZHIN GYIS SHES RAB MA SKYES PA DES NI BDUD KYI LAS BZLOG PAR MI NUS SHING SEMS MNYAM PAR 'JOG PAR YANG MI NUS PAS NA, DANG POR THOS PA NYID SNGON DU BYA STE, JI SKAD DU, SHES RAB RGYAS BYED PA NI THOS PA STE, ,BSAM PA DANG NI GNYIS PO YOD GYUR NA, ,DE NAS BSGOM PA LA NI SBYAR BA STE, ,DE LAS DNGOS GRUB BLA NA MED PA THOB, ,CES BSHAD LA, 'PHAGS PA BYANG CHUB SEMS DPA'I RNAM PAR DKOD [?] PA BCU BSTAN PA'I LE'U LAS KYANG, KYE RGYAL BA'I SRAS BYANG CHUB SEMS DPA' LAS DANG PO BA DE NI THOG MA NYID DU KHA TON LA BSKUL BAR BYA'O, ,MANG DU THOS NAS DBEN PAR GNAS PA LA BSKUL BAR BYA'O ZHES GSUNGS LA, DON DE LTAR 'PHAGS PA DRAG SHUL CAN GYIS ZHUS PA DANG, 'PHAGS PA DKON MCHOG SGRON MA LAS KYANG GSUNGS SO, ,DE BZHIN DU 'PHAGS PA SDONG PO BKOD PA LAS KYANG, THOG MAR NYAN 'DOD BLA MA BSNYEN BKUR BZOD DANG DES BYAS SHING, ,RANG BZHIN MED PA'I CHOS LA RAB RTOG BSAM GTAN RNYED BYED PA, ,BDE GSHEGS NYID NI RTOGS 'GYUR 'GRO BA RNAMS SKOM SEMS TSIM BYED, ,CHOS NYID DE 'DRA SPYOD PA MYUR DU BDE GSHEGS THOB PAR 'GYUR, ,ZHES GSUNGS SO, ,DE BZHIN DU 'PHAGS PA NYAN THOS KYI SO SOR THAR PA'I MDO LAS KYANG, MANG DU THOS PA NAGS KYI NANG DAG TU, ,LANG TSO YOL BA RNAMS KYI GNAS PA @82A *, ,BDE, ,ZHES GSUNGS TE, DE BAS NA THOS PA'I SHES RAB NYID DON SGRUB PA'I SNGON DU 'GRO BA'O, ,'DI NI SNGON DU 'GRO BA'I YAN LAG GO, ,DE LTAR THOS PA DANG LDAN PA'I BYANG CHUB SEMS DPA' DE CHOS SMRA BA LA 'JUG PA DGAG PAR BYA STE, MNGON PAR SHES PA MA THOB PAR MANG DU THOS PA TZAM GYIS GZHAN LA PHAN GDAGS PAR RGYAL BAS MA GSUNGS TE, DE BAS NA 'PHAGS PA BYANG CHUB SEMS DPA' RNAM PAR DGOD PA BCU BSTAN PA'I LE'U LAS, BYANG CHUB SEMS DPA' LAS DANG PO PA DE NI THOG MA NYID DU KHA TON LA BSKUL BAR BYA'O, ,MANG DU THOS NAS DBEN PAR GNAS PA LA BSKUL BAR BYA'O, ,RAB TU DBEN PAR GYUR NAS DGE BA'I BSHES GNYEN DU GYUR PAR YONGS SU BSKUL BAR BYA'O, ,DGE BA'I BSHES SU GYUR NAS NGA LO BDE BA LA BSKUL BAR BYA'O, ,NGA LO BDE BAR GYUR NAS DUS SHES PA LA BSKUL BAR BYA'O, ,DUS SHES PAR GYUR NAS MI 'JIGS PA LA YONGS SU BSKUL BAR BYA'O, ,MI 'JIGS PAR GYUR NAS DON SHES PA LA YONGS SU BSKUL BAR BYA'O, ,DON SHES PAR GYUR NAS CHOS KYI RJES SU 'BRANG BA LA YONGS SU BSKUL BAR BYA'O, ,CHOS KYI RJES SU 'BRANG BAR GYUR NAS RMONGS PA MED PA LA BSKUL BAR BYA'O, ,RMONGS PA MED PAR GYUR NAS RNAM PAR DGOD PA LA YONGS SU BSKUL BAR BYA'O, ,DE CI'I PHYIR ZHE NA, DE BAS KYANG SHAS CHER SEMS CAN THAMS CAD SNYING RJE CHEN PO SNGON DU 'JOG PAR BYA BA DANG, GNAS GANG THOS KYANG DE LA BDAG NYID SBYOR BAR BYA BA DANG, BDAG DANG GZHAN GYI DRING 'JOG PAR MI 'GYUR BAR BYA BA'I PHYIR TE, KYE RGYAL BA'I SRAS DAG 'DI NI LAS DANG PO PA'I BYANG CHUB SEMS DPA'I RNAM PAR DGOD PA'O ZHES GSUNGS SO, ,DON 'DI NYID 'PHAGS PA DRAG SHUL CAN GYIS ZHUS PA DANG, DKON MCHOG SGRON MA LAS KYANG GSUNGS SO, ,GZHAN YANG 'PHAGS PA LHAG PA'I BSAM PA BSKUL BA'I MDO LAS KYANG, BDAG NI SGRUB NYAMS DA NI CI BYA ZHES, ,BYIS PA 'CHI BA'I DUS NA MYA NGAN BYED, ,CES BYA BA LA SOGS PA MANG DU THOS PA DBEN PA MI BSTEN PAR CHOS SMRA BA LAS, NYES PA RNAM PA RAB TU MANG PO GSUNGS PAS DER ZHIB TU BLTA'O, ,DE @82B BAS NA MANG DU THOS PA DES THOS PA TZAM GYIS CHOS SMRA BAR MI BYA BAR DE LAS LDOG PAR BYA ZHING MNGON PAR SHES PA THOB NAS GZOD 'GRO BA'I DON BYA STE, 'DI NI LDOG PAR BYA BA'I YAN LAG GO, ,DE LTAR CHOS SMRA BA LAS LDOG CING SPROS PA SPANGS PA DE 'DI SNYAM DU, DA DUNG BDAG GIS PHUNG PO LA MKHAS PAR BYA BA YANG YONGS SU MA GTUGS, KHAMS DANG SKYE MCHED LA MKHAS PAR BYA BA YANG YONGS SU MA GTUGS SO, ,DE DAG LA MKHAS PAR MA GYUR PAR NI THAR PA YANG MI THOB STE, JI SKAD DU, RIG PA'I GNAS LNGA DAG LA BRTZON PAR MA BYAS PAR, ,'PHAGS MCHOG GIS KYANG THAMS CAD MKHYEN NYID MI 'GYUR TE, ,DE BAS GZHAN DAG TSAR GCAD RJES SU GZUNG PHYIR RAM, ,RANG GIS KUN SHES BYA PHYIR DE LA DE BRTZON BYED, ,CES BSTAN PA'I PHYIR ZHES SEMS PA DANG, GZHAN YANG SLOB MA DANG YANG SLOB KYI SBYOR BA DANG, RNYED PA DANG, BKUR STI DANG, GRAGS PA DANG SGRA DANG TSIGS SU BCAD PA'I BDE BA LA 'DOD PA BYUNG NA DE NI NGES PAR BZLOG PAR BYA STE, CHOS THOS NAS BSGOMS PAS BYANG BAR MA BYAS PA NA CIR YANG MI BSNGAGS TE, JI SKAD DU 'PHAGS PA SDONG PO BKOD PA LAS GSUNGS PA, YANG DAG SANGS RGYAS BSTAN PA 'DI, ,THOS PA TZAM GYIS MI 'GRUB BO, ,DPER NA LA LA CHU KLUNG GIS, ,STOBS MED NAN GYIS KHYER BA DAG ,SKOM NAS SHI BAR GYUR PA BZHIN, ,MA BSGOMS CHOS KYANG DE BZHIN NO, ,ZHES PA DANG, YANG GSUNGS PA, DPER NA MTSO CHEN MNYAN PA ZHIG ,SKYE BO THAMS CAD SGROL BYED KYANG, ,BDAG NYID DE NANG 'CHI 'GYUR BA, ,MA BSGOMS CHOS KYANG DE BZHIN NO, ,ZHES BYA BA LA SOGS PA BSGOMS PAS BYANG BAR MI BYED PA'I SKYON RAB TU MANG DU BSTAN TE RGYAS PAR DE NYID LAS SHES PAR BYA'O, ,DE BAS JI TZAM GYIS SEMS MNYAM PAR 'JOG PAR NUS PA DE TZAM GYIS GDAMS NGAG GO NAS TSIM PAR BYAS LA, SEMS KYI NGANG TSUL 'PHRAL DU BYUNG BA YANG BLA MA LA ZHU ZHING BSGOM PAR BYA'O, ,TSAD MA RNAM PA BDUN DANG, BRDA SPROD PA RNAM PA BZHI DANG, CHOS MNGON PA RNAM PA BDUN DANG, RNAL 'BYOR SPYOD PA'I SA LA SOGS PA'I MTSAN MAS YID MI GDUNG STE, JI SKAD DU, DON DAM PA'I @83A *, ,RIGS PA LAS, ,GANG ZHIG BLA MA'I MAN NGAG BDUD RTZI CHU, ,GDUNG SEL BSEL LDAN NGOMS PAR MI 'THUNG BAR, ,DE NI BSTAN BCOS DON MANG MYA NGAN GYI, ,THANG LA SKOM PAS GDUNGS TE SHI BAR ZAD, ,CES BSHAD DE BSKAL PA DPAG TU MED PAR NGAL BAR BYAS KYANG, THA SNYAD NYE BAR SBYAR BA DE DAG NI MI ZAD KYI, TSE YONGS SU GTUGS PA KHO NAR 'GYUR BAR ZAD DO, ,DE BAS NA BDE MCHOG PHYI MA LAS KYANG, RNAL 'BYOR PA NI PHYI ROL 'KHOR, ,DE YI KHAMS RNAMS ZAD PAR 'GYUR, ,DE BAS PHYI ROL KUN SPANGS TE, ,RNAL 'BYOR ROL PAS GNAS PAR BYA, ,ZHES GSUNGS SO, ,DE BZHIN DU DON DAM PA'I RIGS PA LAS KYANG, YUL RNAMS BGROD CING GDUNG BAS NYEN BYAS KYANG, ,LHAN CIG SKYES PA'I CHA TZAM YANG MI 'PHRAD, ,CES BSHAD DO, ,PHUNG PO DANG KHAMS DANG SKYE MCHED LA MKHAS PAR YANG RNAL 'BYOR GYI MTHUS DUS GCIG NYID LA 'GYUR GYI, DE DAG RIM PAR BSLABS PA LAS NI MA YIN TE, JI SKAD DU 'PHAGS PA RDO RJE GTZUG TOR LAS, DE LAS SHES PA SKYE BAR 'GYUR, ,MTHOS PA YANG SHES PAR 'GYUR, ,ZHES GSUNGS LA, 'PHAGS PA DPUNG BZANGS KYIS ZHUS PA LAS KYANG, TSIG NI GZUNG BAR 'OS SHING YIN GZHUNGS LA, ,SNYAN DNGAGS DANG NI BRI BA RNAMS LA MKHAS, ,ZHES GSUNGS SO, ,'DI DAG KYANG RNAL 'BYOR GYI MTHU LAS BYUNG BA YIN GYI, RIM GYIS BSLAB PA'I GNAS SKABS NI MA YIN NO, ,CHOS MNGON PA LAS KYANG, ZAD PAR SHES PA ZAG BCAS KYANG, ,ZHES BSTAN TO, , RNYED PA DANG BKUR STI 'DOD PA'I GDUNG BA NI YID 'BYUNG BA'I YAN LAG LAS SHES PAR BYA'O, ,'DI NI GDUNG BA BCAD PA'I YAN LAG GO, ,RNAM PA THAMS CAD DU 'KHOR BA LA YID MA BYUNG BAR BSGOMS PAS BYANG BAR BYED NUS PA MA YIN PAS, DE LA YID 'BYUNG BAR BYA STE, JI SKAD DU, BYANG CHUB SEMS DPA'I SPYOD PA LA 'JUG PA LAS BSHAD PA, THOG MAR ZHI GNAS BTZAL BYA DE YANG NI, ,'JIG RTEN CHAGS PA MED LA MNGON DGAS 'GRUB, ,CES GSUNGS TE, 'DIR GNYEN LA MNGON PAR DGA' ZHING DGRA LA SDANG BAS CHAGS PA DANG, NAD MED PA DANG, LANG TSO LA SOGS @83B PA LA CHAGS PA DANG, RANG BZHIN GYIS SRID PA LA CHAGS PA DANG, RNYED PA DANG BKUR STI DANG GRAGS PA DANG, SGRA DANG TSIGS SU BCAD PA LA CHAGS PA RNAMS SPANG BAR BYA STE, JI SKAD DU 'PHAGS PA DPUNG BZANGS KYIS ZHUS PA LAS GSUNGS PA, RE ZHIG GCIG NA DGRA YANG MDZA' BOR 'GYUR, ,MDZA' BO YANG NI DGRAR YANG 'GYUR BA NYID, ,DE BZHIN KHA CIG KYANG NI BAR MAR 'GYUR, ,BAR MA DE NYID KYANG NI DGRA BOR 'GYUR, ,DE BZHIN MDZA' BSHES 'GYUR BAR RIG NAS NI, ,BLO GROS LDAN PAS NAM YANG CHAGS MI BYA, ,GNYEN LA DGA' BA'I SEMS KYI RNAM RTOG DAG , BZLOG NAS DGE LA CI BDER GZHAG PAR BYA, ,ZHES SO, ,'PHAGS PA N'A G'A RDZU NAS KYANG, ,PHA NI BU NYID MA NI CHUNG MA NYID, ,SKYE BO DGRAR GYUR BA DAG BSHES NYID DANG, ,BZLOG PA NYID DU MCHIS PAS DE SLAD DU, ,'KHOR BA DAG LA NGES PA 'GA' MA MCHIS, ,ZHES BSHAD DO,, DE BAS NA GNYEN DANG DGRA DAG LA CHAGS PA YONGS SU SPANG NGO, ,DE BZHIN DU, NAD MED MI RTAG LANG TSO RTAG MA YIN, ,TSE RING MI RTAG 'BYOR PA RTAG MA YIN, ,ZHES GSUNGS PAS DE DAG LA CHAGS PA YANG YONGS SU SPANG NGO, ,RNYED PA DANG, BKUR STI DANG, GRAGS PA DANG, SGRA DANG TSIGS SU BCAD PA LA CHAGS PA YANG SPANG STE, JI SKAD DU BYANG CHUB SEMS DPA'I SPYOD PA LA 'JUG PA LAS GSUNGS PA, BDAG NI RNYED MANG BKUR STI BYAS, ,BDAG LA MANG PO DGA'O ZHES, ,'DI 'DRA'I SNYEMS PA 'CHANG 'GYUR NA, ,'CHI BA'I 'OG TU 'JIGS PA SKYE, , ZHES PA DANG, YANG DE NYID LAS, RNYED PA DAG NI MANG BYUNG ZHING, ,GRAGS DANG SNYAN PA BYUNG GYUR YANG, ,RNYED DANG GRAGS PA'I TSOGS BCAS TE, ,GANG DU 'DONG BA'I GTOL MED DO, ,BDAG LA SMOD PA GZHAN YOD NA, ,BSTOD PAS BDAG DGAR CI ZHIG YOD, ,BDAG LA BSTOD PA GZHAN YOD NA, ,SMOD PAS MI DGAR CI ZHIG YOD, ,CES BSHAD LA, YANG DE NYID LAS, SEMS CAN RNYED PA MED LA SMOD, ,RNYED PA CAN LA MI SNYAN SMRA, ,RANG BZHIN 'GROGS DKA' DE DAG GIS, ,DGA' BA JI LTAR SKYE BAR 'GYUR, ,ZHES BSHAD DO, GZHAN YANG 'PHAGS @84A *, ,PA LHAG PA'I BSAM PA BSKUL BA'I MDO LAS, RNYED PA DANG BKUR STI NYES PA RAB TU MANG PO BSTAN PAS DE LAS SHES PAR BYA'O, ,'DIR SLOB MA DANG YANG SLOB LA SOGS PA LA CHAGS PA NI SNYING RJE'I BDAG NYID MA YIN NAM, JI LTAR DE SPANG BAR RIGS SHE NA, MA YIN TE GNAS SKABS MA YIN PA'I SNYING RJE SMAD PA STE, MNGON PAR SHES PA MA THOB PAR SLOB MA YONGS SU SMIN PAR MI NUS KYI, RANG 'CHING BAR ZAD DO, ,JI SKAD DU BYANG CHUB SEMS DPA'I SPYOD PA LA 'JUG PA DE NYID LAS GSUNGS PA, SEMS CAN MOS PA SNA TSOGS PA, ,RGYAL BAS KYANG NI MI MGU NA, , BDAG 'DRA NGAN PAS SMOS CI DGOS, ,DE BAS 'JIG RTEN BSAM PA BTANG, ,ZHES SO, ,YANG DE NYID LAS, SEMS CAN RNAMS LA CHAGS BYAS NA, ,YANG DAG NYID LA KUN NAS SGRIB, ,SKYO BA'I SEMS KYANG 'JIG PAR BYED, ,THA MAR MYA NGAN GDUNG BAR 'GYUR, ,DE LA SEMS PA 'BA' ZHIG GIS, ,TSE 'DI DON MED 'DA' BAR 'GYUR, ,RTAG PA MED PA'I MDZA' BSHES KYIS, ,RTAG PA'I CHOS KYANG 'JIG PAR 'GYUR, ,ZHES BSHAD DO, ,DE BAS NA SLOB MA LA SOGS PA'I 'BRAS BUS 'BREL PA DANG, 'JIG RTEN PA'I THA SNYAD KYI 'BREL PA GNYI GA LA SNYING BRTZE BA KHO NAS MA CHAGS PAR DBEN PAR GNAS PAR BYA'O, ,SRID PA LA RANG BZHIN GYIS CHAGS PA YANG SPANG BAR BYA'O, ,JI SKAD DU, 'PHAGS PA DPUNG BZANGS KYIS ZHUS PA LAS GSUNGS PA, 'JIG RTEN STAG DANG SBRUL DANG ME 'DRA BAR, ,BSAMS NAS SPANGS TE DBEN LA DGA' BAR BYA, ,BUD MED MTSAN NYID SKYES PA'I MTSAN NYID DANG, ,SMAN DANG GLANG CHEN BRTAG PA'AM SKAR MA'I DPYAD, ,MTSON CHA BRTAG PA'AM RTA DPYAD RANG BZO'AM, ,BSTAN BCOS NGAN PA SLOB CING KLOG PA SPANG, ,ZHES SO, ,YANG DE NYID LAS, GLANG CHEN RTA DANG BYA GAG BYA KHYI DANG, ,GONG MO SREG PA DUR PA SKYES PA DANG, ,BUD MED BU MO BYIS PA RA LUG SOGS, ,'THAB MO 'GYED PA BLTA BAR MI BYA'O, ,SPRUL PA'I GTAM DANG RANG DBANG BRTEN PA DANG, ,DMAG DANG GYAD DANG NA CHUNG GTAM NGAG DANG, ,SGRUNG DANG LDE'U DANG SNGON GYI LO RGYUS GTAM, ,'DOD CHAGS DANG NI SMAD 'TSANG GTAM MI BYA, ,SNGAGS PA GSANG SNGAGS @84B BZLAS LA BRTZON PA DANG, ,DBYAR ZLA GSUM NI GCIG PUR GNAS PAR BYA, ,ZHES 'BYUNG NGO, ,YANG DE NYID LAS, LAS KYI DBANG GYUR BDAG PO MED PA DANG, ,MGON MED RTEN MED TSE RABS GCIG NAS GCIG ,LUS KYI KHA BRGYUD RJES SU RAB 'GRO BA, ,DE YI RJES SU DGE DANG MI DGE 'BRANG, ,'TSO DANG MDZA' BSHES DANG NI RNAM PAR 'BRAL, ,MI SDUG PA DANG PHRAD CING 'DOD PAS GDUNGS, ,NGAN PA SKYE RGAN 'CHI'I SDUG BSNGAL CAN, ,YUL RNAMS KUN TU SONG NA 'ANG MED PA MIN, ,SHA SBRANG TSA GRANG BKRES DANG NGAL LA SOGS, ,GANG DU SONG YANG SDUG BSNGAL NYID YIN PAS, ,YUL LA MNGON DGA'I SEMS NI BYUNG BA NA, ,RNAM RTOG DE DAG RNAMS KYIS BZLOG PAR BYA, ,'DOD CHAGS SHAS CHE MI GTZANG SHA TSIL DANG, ,PAGS PA KENG RUS LTA BAS RNAM PAR BZLOG ,BYAMS DANG SNYING RJE CHUS GDAB ZHE SDANG DANG, ,GTI MUG LA NI RTEN 'BREL LAM GYIS SO, ,ZHES GSUNGS SO, ,'PHAGS PA N'A G'A RDZU NAS KYANG, ,'JIG RTEN GYI NYES PA DU MA BSTAN NAS, DE LTAR 'DI KUN MI RTAG BDAG MED DE, ,SKYABS MED MGON MED GNAS MED DE SLAD DU, ,'KHOR BA CHU SHING SNYING PO MED PA LA, ,MI MCHOG KHYOD KYIS THUGS NI 'BYUNG BAR MDZOD, ,CES BSHAD DO, ,GZHAN YANG BYANG CHUB SEMS DPA'I SPYOD PA LA 'JUG PA DANG, GZHON NU BDUN LA GDAMS PA DANG, BSHES PA'I SPRING YIG DANG, SLOB MA LA SPRING BA LA SOGS PA'I GZHUNG LA BRTEN TE, SRID PA YA RANG BZHIN GYIS CHAGS PA SPANG BAR BYA'O, ,'DI NI YID 'BYUNG BAR BYA BA'I YAN LAG GO, ,DE LTAR MI MTHUN PA'I PHYOGS SPANGS NAS TING NGE 'DZIN GYI YON TAN DRAN PAR BYA STE, DE LA 'DIR YON TAN NI GNYIS TE, MTHONG BA'I CHOS LA NYAMS SU MYONG BAR 'GYUR BA DANG, DE LAS GZHAN PA'O, ,JI LTAR ZHE NA, LUS BDE BAR GNAS PA DANG, NGAG BDE BAR GNAS PA DANG, SEMS BDE BAR GNAS PA DANG, CHOS SKYONG BA RNAMS DGA' BA DANG, DE'I MI LUS THOB PA DON YOD PA DANG, STON PA DANG PHA MA DANG BLA MA'I DRIN BSAMS PA DANG, MI MA YIN PAS MI TSUGS PA DANG, NAD NYUNG BAR 'GYUR BA DANG, TSE RING BAR 'GYUR BA DANG, 'CHI BA'I @85A *, ,DUS SU 'GYOD PA MED PA DANG, MKHAS PA RNAMS KYIS BSNGAGS PA DANG, BZA' BA DANG BTUNG BA DANG GNAS MAL DANG NAD KYI RKYEN RTZI DANG GOS RNAMS BDE BLAG TU RNYED PA DANG, NYON MONGS PA DANG LAS LA GNOD PA BYED PA STE, 'DI DAG NI DANG PO'I YON TAN YIN NO,, GANG 'DOD PA'I SANGS RGYAS KYI ZHING DU SKYE BA DANG, NGAN SONG GSUM SPANGS PA DANG, MI KHOM PA'I LHAG MA SPANGS PA DANG, BUD MED DU MI SKYE BA DANG, DBANG PO RNO BA DANG, DKON MCHOG GSUM DANG BRAL BAR MI 'GYUR BA DANG, DER YANG TING NGE 'DZIN LA DGA' BA DANG, MNGON PAR RDZOGS PAR BYANG CHUB PAR 'GYUR BA STE, 'DI NI YON TAN GNYIS PA'O, ,SHIN TU SBYANGS PAS NI TSE BYIN GYIS BRLABS PA DANG, LHA'I GNAS SU TSE 'DI NYID LA BGROD PA ZHES BYA'O, ,DON 'DI NYID LAS BSAMS TE, BTZUN PA ZLA BAS RANG GI SLOB MA'I PHYIR, ,ZLA BA'I DKYIL 'KHOR GSAL BAS NYE BAR BRGYAN BYAS SHING, RKED CHINGS RIN CHEN SPRIN GYIS 'KHRIGS PAR 'KHYUD GYUR PA'I, ,RI RTZE NAGS KYI MTHONGS DAR CHAR PA MED PA NI, ,RLUNG LTAR G-YO BA'I RANG BZHIN TSE GTUGS BSKAL PA CHE, ,NAGS MTHANGS [*MTHANG?] RI DAGS RGYU BA'I TSOGS KYIS BSTEN BYAS PA, ,KUN NAS BZAD PA DE NA SKYID PA GANG YIN PA, ,DE CI DGA' BA'I NAGS TSAL LHA MO'I NYAMS PHAG TU, ,THEM GYIS PHEBS PA'I RDO LEB CAN NA'ANG YOD 'GYUR RAM, ,NAGS KLUNG CHU GTZANG NGOGS BDE DBEN PAR SKYID PA GANG, ,DE CI LHA YI BU MO DRI ZHIM BYUG PA YI, ,LAN BU'I RGYAN DU THOGS PA RGYUN LDAN MED TOG TSOGS, ,MDZES PAS ZIL GNON LHA YI CHU LA'ANG YOD 'GYUR RAM, ,RI SU LA YANGS PA SKYE BO LANG LONG MED PAR RAB BDE BA, ,NYER SPYOD RGYA CHEN KHOR YUG NAGS TSAL SNGON 'KHRUNGS PHRENG BAS SGRENGS, ,CHU NGOGS SNYAN PA PHU CHU'I RGYUN SGRA RNGA LTAR SNYAN PA YIS, ,BDAG CAG NYON MONGS CAN GYI YUL MA YIN ZHES MGRON LA SGROGS PA BZHIN, ,ZHES BSTAN LA, SLOB DPON ZHI BA LHAS KYANG, NAGS NA RI DAGS BYA RNAMS DANG, ,SHING RNAMS MI SNYAN RJED MI BYED, ,'GROGS NA BDE BA DE DAG DANG, ,NAM ZHIG LHAN CIG BDAG GNAS 'GYUR, ,PHUG GAM LHA KHANG @85B STONG BA'AM, ,LJON SHING DRUNG DU GNAS BCAS TE, ,NAM ZHIG RGYAB TU MI LTA ZHING, ,CHAGS PA MED PAR 'GYUR ZHIG GU, ,SA PHYOGS BDAG GIR BZUNG MED PA, ,RANG BZHIN GYIS NI YANGS RNAMS SU, ,RANG DBANG SPYOD CING CHAGS MED PAR, ,NAM ZHIG BDAG NI GNAS PAR 'GYUR, ,LHUNG BZED LA SOGS NYI TSE DANG, ,KUN LA MI MKHO'I GOS 'CHANG ZHING, ,LUS 'DI SBA BA MA BYAS KYANG, ,'JIG MED GNAS PAR NAM ZHIG 'GYUR, ,DUR KHROD SONG NAS GZHAN DAG GI ,RUS GONG DAG DANG BDAG GI LUS, ,'JIG PA'I CHOS CAN DAG TU NI, ,NAM ZHIG MGO SNYOMS BYED PAR 'GYUR, ,ZHES BSHAD DO, ,DE BZHIN DU 'PHAGS PA ZLA BSGRON MA LA SOGS PA'I MDO RNAMS LAS TING NGE 'DZIN GYI PHAN YON RGYA CHER SHES PAR BYA'O, ,'DI NI YON TAN RJES SU DRAN PAS SPROS PA'I YAN LAG GO, ,DE LTAR YON TAN MTHONG NAS SPRO BAR GYUR PA DES GNYEN PO YID LA BYA BAS RAB TU SPRO BAR BYA STE, JI SKAD DU BYANG CHUB SEMS DPA'I SPYOD PA LA 'JUG PA LAS, DE LTAR BZOD PAS BRTZON 'GRUS BRTZAM, ,'DI LTAR BRTZON LA BYANG CHUB GNAS, ,RLUNG MED G-YO BA MED PA BZHIN, ,BSOD NAMS BRTZON 'GRUS MED MI 'BYUNG, ,ZHES BSTAN PA LTA BU'O, ,'DI LTAR BDAG GIS RAB TU BRTZON PAS 'DOD PA'I DON MA BSGRUBS NA, TSE 'DI NI RAB TU G-YO BA YIN PAS YID BRTAN PAR BYA BA'AM, RING DU GNAS PAR BYA BA'I NUS PA MED PAS SKAD CIG TZAM YANG G-YENG BAR MI BYA'O SNYAM DU YID LA BYA STE, DON 'DI NYID THUGS LA BZHAG NAS, 'PHAGS PA N'A G'A RDZU NA'I ZHAL SNGA NAS, TSE 'DI GNOD MANG RLUNG GIS BTAB PA YI, ,CHU YI CHU BUR BAS KYANG MI RTAG NA, ,DBUGS 'BYUNG DBUGS RNGUB GNYID KYIS LOG PA LAS, ,SANG KHOM GANG LAGS DE NI NGO MTSAR CHE, ,ZHES PA DANG, YANG, MGO'AM GOS LA GLO BUR ME SHOR NA, ,DE DAG PHYIR BZLOG BGYI BA BTANG NAS KYANG, ,YANG SRID PAS BGYID SLAD DU 'BAD 'TSAL TE, ,'DI BAS CHES MCHOG DGOS PA GZHAN MA MCHIS, ,ZHES RGYAL PO MTHAR 'GRO GA ZHON GYI PHYIR GDAMS PA BYAS SO, ,BTZUN PA ZLA BAS KYANG RANG GI SLOB MA LA 'DI SKAD DU, MI YI @86A *, ,DNGOS PO SHIN TU RNYED DKA' RNYED GYUR NAS, ,DON DU BRNAG PA GANG YIN DE NYID BRTUN DE BSGRUBS, ,MAR ME ME LCE SHUGS DRAG RLUNG GIS BSKYOD PA LTA'I, ,TSE NI SKAD CIG GNAS PA'I GDENG YANG YOD MA YIN, ,'DI NI SANG BYA 'DI NI THANG CIG 'OG TU BYA, , 'DI NI DE RE'U BYA ZHES SKYE BO SEMS PA NA, ,GSHIN RJE BE CON NAG THOGS ZUR GYIS LTA BA YIS, ,MIG RTZA DMAR KHROS MA RANGS GAD MOS RE SNYAM 'DEBS, ,SO GA ME TOG RGYAS PA'I DUS 'DI 'BYUNG BAR 'GYUR, ,ZLA BA GSAL BAS MTSON PA'I STON DUS 'DI 'BYUNG ZHES, ,SKYE BO THAMS CAD DGA' 'GYUR BDAG GI TSE 'DI NI, ,ZAD PAR 'GYUR ZHES SHIN TU MI DGAR 'GYUR BA MED, ,CES GDAMS SO, ,SLOB DPON ZHI BA'I LHA'I ZHAL SNGA NAS KYANG, ,YID BRTAN MI RUNG 'CHI BDAG 'DI, ,BYAS DANG MA BYAS MI SDOD PAS, ,NA DANG MI NA KUN GYIS KYANG, ,GLO BUR TSE LA YID MI BRTAN, ,ZHES BSHAD DO, ,DE BZHIN DU DPAL NGAG GI DBANG PHYUG GRAGS PA'I ZHAL SNGA NAS KYANG, 'DI BYA NANG PAR SLAR YANG 'DI BYA DE NAS GZHAN YANG 'DI BYA ZHES, ,SRID PA G-YO BA'I RANG BZHIN MA SHES DON MED YID BRTAN TSOL BYED PA'I, ,SKYE DGU 'CHI BDAG KHAR NI CHU SRIN KHA RU GRU NI ZHUGS PA LTAR, ,BYA BA MTHAR MA PHYIN PAR YUL GYI CHU YI RBA KLONG NANG DU LHUNG, ,ZHES BSHAD DO, ,DE BZHIN DU SLOB DPON SA RA HA'I ZHAL SNGA NAS KYANG, DE RING DE BZHIN DU NI SANG SNYAM PA'I, ,SKYES BU NOR RNAMS PHUN SUM TSOGS 'DOD PA'I, ,SNYIM PA CHU YIS BKANG BA 'DZAG PA BZHIN, ,MI MNGON 'DRA'O KVA YE BZHIN BZANGS RNAMS, ,ZHES BSTAN TO, ,'DI NI GNYEN PO YID LA BYA BAS BRTZON PAR BYA BA'I YAN LAG GO, ,DE LTAR RAB TU BRTZAN PA DES YAN LAG GNYIS ZUNG DU 'BREL PAR BYA STE, 'DI LTAR ZHI GNAS DANG LHAG MTHONG DANG THABS DANG SHES RAB BO, ,CI'I PHYIR ZHE NA, ZHI GNAS KYIS BRTAN PO NYID MA BYAS PA'I LHAG MTHONG NI BRTAN PAR MI GNAS TE, MAR ME DANG RLUNG BZHIN NO, ,LHAG MTHONG DANG BRAL BA'I ZHI GNAS KYIS NI SGRIB PA'I DRA BA RNAMS MA LUS PAR BYANG BAR MI NUS TE, JI LTAR GZUGS DANG GZUGS MED PA LA SOGS PA'I ZHI GNAS LHAR @86B 'KHOR BA LTA BU'O, ,DE BAS NA BYANG CHUB SEMS DPA'I SPYOD PA LA 'JUG PA LAS, ZHI GNAS RAB TU LDAN PA'I LHAG MTHONG GIS, ,NYON MONGS RNAM PAR 'JOMS PAR SHES BYAS NAS, ,THOG MAR ZHI GNAS BTZAL BYA DE YANG NI, ,'JIG RTEN CHAGS PA MED LA MNGON DGAS 'GRUB, , CIS BSHAD DO, ,DE BZHIN DU THABS DANG SHES RAB KYANG STE, JI LTAR ZHE NA, SKU RNAM PA GNYIS GRUB PAR BYA BA YIN PA DANG, SGRIB PA GNYIS SPANG BAR BYA BA YIN PA'I PHYIR RO, ,DE BAS NA 'PHAGS PA DRI MA MED PAR GRAGS PAS BSTAN PA DANG, 'PHAGS PA GA YA MGO RI'I MDO LAS, THABS DANG BRAL BA'I SHES RAB NI 'CHING BA'O, ,SHES RAB DANG BRAL BA'I THABS KYANG 'CHING BA'O ZHES GSUNGS SO, ,DE BZHIN DU 'PHAGS PA SDONG PO BKOD PA LAS, SMON LAM MNGON PAR MI 'GRUB PA'I PHYIR CHOS KYI YE SHES KHONG DU CHUD PA NI MNGON PAR MI 'GRUB PA'I BDUD DO, ,BDUD BCU LAS GCIG TU GSUNGS SO, ,CI'I PHYIR STONG PA NYID KHO NAS DE DAG MI 'GRUB CE NA, MA YIN TE, 'BRAS BU NI RGYU'I RJES SU 'BRANG BA'I PHYIR RO, ,DE BAS NA 'PHAGS PA SDONG PO BKOD PA LAS GSUNGS PA, SMRA BA'I MCHOG NI GANG YANG RUNG, ,CHOS GCIG GIS NI BYUNG BA MED, , GANG YANG BYUNG BA YOD MA YIN, ,'BYUNG BAR 'GYUR BA DE BZHIN MED, ,CES SO, ,DE BZHIN DU 'PHAGS PA RDO RJE'I DRA BA LAS KYANG, GAL TE STONG PA THABS YIN NA, ,DE TSE SANGS RGYAS NYID MI 'GYUR, ,RGYU LAS 'BRAS BU GZHAN MED PHYIR, ,THABS NI STONG PA NYID MA YIN, , ZHES GSUNGS SO, ,'O NA CI'I PHYIR LUNG LAS STONG PA 'BA' ZHIG BSGOMS PAS CHOG PAR GSUNGS SHE NA, 'DI NI BDAG TU LTA BA LA SOGS PA STONG PA NYID DANG 'GAL BAR 'JUG PA DE DAG GI PHYIR STONG PA NYID KYI CHE BA BSTAN PA STE, DE LTAR YANG 'PHAGS PA RDO RJE'I DRA BA DE NYID LAS, LTA BA RNAMS LAS LOG RNAMS DANG, ,BDAG TU LTA BA TSOL RNAMS KYIS, ,BDAG TU 'DZIN PA BZLOG PA'I PHYIR, ,RGYAL BA RNAMS KYIS STONG PA BSTAN, ,DE PHYIR DKYIL 'KHOR 'KHOR LO ZHES, ,THABS BDE BA YI SDOM PA STE, ,SANGS RGYAS NGA RGYAL RNAL 'BYOR GYIS, ,SANGS RGYAS NYID YUN @87A *, ,MI RUNG 'GYUR, ,ZHES STONG PA NYID 'BA' ZHIG MI BSTEN GYI, LHA'I SKU BSGOM PAR BYA'O, ,ZHES GSUNGS SO, ,DE BAS NA RDZOGS PAR BYANG CHUB PAR BYA BA LA NI STONG NYID SNYING RJE'I SNYING PO CAN BSGOM GYI, STONG PA NYID 'BA' ZHIG MA YIN NO, ,LUNG DAG NI DGONGS PA DANG LDAN PA STE, JI LTAR MAndALA PHUL BA LAS, PHA ROL TU PHYIN PA DRUG THOB PAR BSTAN PA LTA BU STE, DE BAS NA LUNG LA SGRA JI BZHIN PAR MI GZUNG STE, 'ON KYANG STONG PA NYID LA GOMS PA PHUL DU PHYIN PA NA DGE BA'I LAS THAMS CAD RANG GI NGANG LAS 'BYUNG STE, DANG POR SEMS CAN GYI DON GYI PHYIR STONG PA NYID LA ZHUGS PA NAS, NYAN THOS LTAR ZHI BA NYID DU MI 'GYUR TE, JI TZAM DU STONG PA NYID BRTAN PA DE TZAM DU SEMS CAN DE LTAR MA RTOGS PA RNAMS LA SNYING RJE SKYE STE, JI SKAD DU 'PHAGS PA N'A G'A RDZU NA'I ZHAL SNGA NAS BSHAD PA, DE LTAR RNAL 'BYOR PA RNAMS KYIS, , STONG NYID 'DI NI BSGOM BYAS NA, ,BLO NI GZHAN DON LA DGA' BAR, ,'GYUR BA NYID DU DOGS PA MED, ,CES SO, ,GZHAN YANG, CHOS LA BDAG MED MKHAS PA NI, ,RANG BZHIN MED LA GOMS BYAS PAS, ,PHYIN CI LOG LAS BYUNG BA YI, ,NYON MONGS SGRIB PA MED PAR SPONG, ,ZHES DBU MA'I RGYAN LAS BSHAD PA'I RIGS PAS NYON MONGS PA SPONG BAR 'GYUR TE, GANG GIS SNYING RJE YANG MA SPONGS LA, NYON MONGS PA YANG ZHI BA DE LA NI 'JIG RTEN PA DANG 'JIG RTEN LAS 'DAS PA'I YON TAN RNAMS TSEGS MED PAR 'GRUB PAR 'GYUR TE, DE BAS NA RGYU'I GTZO BOR 'GYUR BA DANG, DE 'BA' ZHIG LAS KYANG YON TAN MANG PO 'BYUNG BA LA DGONGS TE, 'PHAGS PA RNAM PAR SNANG MDZAD MNGON PAR RDZOGS PAR BYANG CHUB PA LAS, MTSAN MAR BCAS PA MTSAN BCAS KYIS, ,DNGOS GRUB DAM PA RGYAL BAS BZHED, ,MTSAN MA MED LA GNAS PAS NI, ,MTSAN MAR BCAS PA'ANG 'GRUB TU RUNG, ,DE BAS RNAM PA THAMS CAD DU, ,MTSAN MA MED PA BSTEN PAR BYA, ,ZHES BYA BA LA SOGS PA GSUNGS PA, STONG PA NYID 'BA' ZHIG GIS CHOG PAR GSUNGS PA NYID DO, ,'DI NI 'BREL PAR BYA BA'I YAN LAG GO, ,DE LTAR YAN LAG BRGYAD DANG LDAN PA DES GNAS RJES SU @87B MTHUN PAR KHA ZAS DANG SPYOD LAM DANG RJES SU MTHUN PA DANG, GOS DANG GROGS RJES SU MTHUN PA DANG LDAN PAR BYAS LA SEMS MNYAM PAR GZHAG PAR BYA'O, ,DE LA RJES SU MTHUN PA'I GNAS NI, 'PHAGS PA DPUNG BZANGS KYIS ZHUS PA LAS GSUNGS PA, RANG SANGS RGYAS DANG BDE GSHEGS NYID SKYES DANG, ,RGYAL BA SNGON CHAD GANG NA BZHUGS PA YI, ,GNAS GANG BSOD NAMS LDAN ZHING YID DGA' BA'I, ,LHA DANG LHA MIN LA SOGS PHYAG 'TSAL MCHOD, ,GSO SBYONG SDOM PA DANG NI LDAN PA YIS, ,BDAG NYID DAG PAR BYA PHYIR BSTEN BYA BA, ,DE LTA BU NI MA RNYED GZHAN YANG NI; ,CHU BO CHU KLUNG 'BAB CHU YOD PA DANG, ,PADMA AUTPALAS NI BRGYAN PA'I MTSO, ,SKYE BO RNAMS NI SHIN TU MI RGYU BA, ,DNGAS SHING ZHIM PA'I CHU NI MANG BA DANG, ,MI BZAD GDON RNAMS KYANG NI MI GNAS PA, ,ME TOG 'BRAS BU GTZANG MA YOD PA DANG, ,SMAN LJONGS LJON SHING SNA TSOGS DKRIGS PA DANG, ,SA STENGS GNAS MAL SHIN TU GTZANG BA DANG, ,GANG NA STAG GZIG SENG GE MED PA DANG, ,YID 'ONG MNYAM ZHING TSER MA MED PA DANG, ,MI YI DNGOS GRUB GNAS SU BSGRAGS PA YIN, ,GROG PO GROG MKHAR THAL BA SKRA SHAD DANG, ,NYAL NYIL SOL BA TSA SGO TSOGS BCAS SPANG, , DER NI SA BRKOS SBYANGS NAS GNAS BRTZIGS PA, ,DRO LA BRTAN ZHING 'JIM PAS ZHAL ZHAL BYA, ,SHAR RAM BYANG NGAM NUB TU SGO GDOD CING, ,LHO PHYOGS SU NI NAM YANG SGO MI GDOD, ,CES GSUNGS TE, 'DI NI RJES SU MTHUN PA'I GNAS SO, ,KHA ZAS KYANG RJES SU CHAGS PA MED PA DANG, TSOD ZIN PA DANG, LUS KYI STOBS DANG 'TSAM PA DE LTAR BZA' STE, DE BAS NA 'PHAGS PA KLU SGRUB KYI ZHAL SNGA NAS, KHA ZAS SMAN DANG 'DRA BAR RIGS PA YIS, ,'DOD CHAGS ZHE SDANG MED PAR BSTEN BGYI STE, ,RGYAGS PHYIR MA LAGS SNYEMS PA'I PHYIR MA LAGS, ,'TSAG PHYIR MA LAGS LUS GNAS 'BA' ZHIG PHYIR, ,ZHES BSHAD DO, ,CHAGS PAR GYUR PA'I NYES PA NI, JI SKAD DU, 'PHAGS PA GANG POS ZHUS PA LAS GSUNGS PA, ZHIM PO'I RO LA ZHEN CING CHAGS, ,SKYON RNAMS MTHONG BAR MA GYUR PAS, ,BDUD KYIS GLAGS NI RNYED 'GYUR TE, ,MCHIL PAS @88A *, ,BZUNG BA'I NYA BZHIN NO, ,ZHES GSUNGS SO, ,DE BZHIN DU 'PHAGS PA DPUNG BZANGS KYIS ZHUS PA LAS KYANG, DPER NA RMA YI GSO DANG BSAL BA'I PHYIR, ,NAD PA DAG LA SMAN NI SBYIN PA LTAR, ,DE BZHIN 'DIR YANG BKRES PA'I SDUG BSNGAL DAG , BSAL PHYIR RGYAL BAS KHA ZAS BZA' BAR GSUNGS, ,LA LA LAM GYIS DUB CING 'GRO BA'I TSE, ,BKRES SKOM GDUNGS PAS RANG GI BU YI SHA ,ZA BA BZHIN DU RNAL 'BYOR SEMS DMAN ZHING, ,'TSE DANG RGYAGS PHYIR BZA' BAR MI BYA'O, ,MANG DU BLUGS PAS RTZOL MED MTHO BA LA, ,DE BZHIN NYUNG DUS SRANG NI DMA' 'GYUR LA, ,RAN PAS SKAD CIG MNYAM PAR 'GRO BA LTAR, ,LUS CAN KHA ZAS DE LTAR BZA' BAR BYA, ,DPER NA KHANG RNYING MI ZHIG BYA BA'I PHYIR, ,MI YIS KA BA BZANG PO 'DZUGS PA LTAR, ,DE BZHIN LUS KYI 'KHRUL 'KHOR GNAS PA DANG, ,SHING RTA'I MIG SKUD BZHIN DU KHA ZAS BZA', ,'DOD PA'I KHAMS NI KHA ZAS KYIS GNAS ZHES, ,RGYAL BAS CHOS GCIG TU NI BKA' STZAL PA, ,LUS NI CHU SHING BZHIN DU RIG BYA STE, ,SEMS NI BZA' BTUNG SOGS LA CHAGS MI BYA, ,ZHES GSUNGS SO, ,DE BZHIN DU LUS KYI NYAMS DMA' BA LTAR NA RNAL 'BYOR PA THAMS CAD KYIS KYANG SMYUNG BAR GNAS PAR MI BYA STE, JI SKAD DU 'PHAGS PA RAB TU GRUB PAR BYED PA LAS GSUNGS PA, DUB PAR GYUR PA'I SKYON YOD PHYIR, ,SMYUNG BAR GNAS PA SMAD PAR BSHAD, ,CES SO, ,GAL TE LUS LA DUB PA MED PA LTA NA NI LUS YANG BAR BYA BA'I PHYIR RNAL 'BYOR PA THAMS CAD KYIS KYANG SMYUNG BAR GNAS PAR BYA STE, JI SKAD DU 'PHAGS PA DPUNG BZANGS KYIS ZHUS PA LAS, BU GCIG LUS DAG BYA PHYIR SMYUNG BYA ZHES, ,BDE BAR GSHEGS PA NAM YANG MI GSUNG YANG, ,LUS 'DI MI GTZANG PAGS PA SHA KHRAG RKANG, ,KLAD RGYAS RGYA MA MCHER MCHIN MKHAL MA ZHAG, ,MKHRIS PA BAD KAN KHU CHU PHYI SA DANG, ,GCIN SNABS BA SPU SKRA DANG RUS PA DANG, ,MIG DANG RNA BA SNA DANG KHA DANG NI, ,BSHAD SGO MTSAN MA BU GA DGU PO YI, ,RMA NAS DRI MA SNA TSOGS MI GTZANG BA, ,'DZAG PA'I RGYUN NI RTAG TU 'BYUNG BA YIN, ,DE LTAR YAN @88B LAG THAMS CAD 'DUS PA DANG, ,SA CHU ME RLUNG NAM MKHA' RNAMS DANG LDAN, ,CI BZHIN LAS KYI RJES SU 'BRANG BA'I LUS, ,THAMS CAD LDAN PA'I GZUGS LA GNAS PA YI, ,BSHANG GCI RNAMS DANG MCHIL MA BAD KAN DANG, ,'DI DAG ZAD PAR BYA PHYIR SMYUNG BAR GSUNGS, ,DRI MA ZAD NAS MI YI LUS DAG NA, ,RANG GI 'BYOR PHYIR SGRUB LA BDE BAR 'JUG ,CES GSUNGS SO, ,GROGS PO NI MED PA'AM RJES SU MTHUN PA BSTEN TE, JI SKAD DU BCOM LDAN 'DAS KYIS MDO SDE DE DANG DE DAG LAS GSUNGS PA, MANG PO DAG NI RTZOD PAR 'GYUR, ,GNYIS PO DAG NI GTAM BCAS 'GYUR, ,GZHON NU MA YI GDU BU BZHIN, ,GCIG PU ZHIG NI GNAS PAR BYA, ,ZHES SO, ,RJES SU MTHUN PA NI 'PHAGS PA DPUNG BZANGS KYIS ZHUS PA LAS GSUNGS PA, NAM YANG 'KHOR LO GCIG PA'I SHING RTA NI, ,RTA DANG LDAN YANG LAM DU MI 'GRO LTAR, ,DE BZHIN SGRUB PA PO NI GROGS MED NA, ,LUS CAN DNGOS GRUB THOB PAR MI 'GYUR RO, ,DE NI BLO LDAN GZUGS BZANG GTZANG SBRA CHE, ,RIGS NI BTZUN ZHING CHOS LA GZHOL BA DANG, ,SPOBS PA CHE LA DPA' ZHING DBANG PO THUL, ,SNYAN PAR SMRA ZHING SBYIN PHOD SNYING RJE CAN, ,BKRES DANG SKOM DANG NYON MONGS BZOD PA DANG, ,BRAM ZE DANG NI LHA GZHAN MCHOD MI BYED, ,SGRIN ZHING GZO LA BYAS PA GZO BA DANG, ,DKON MCHOG GSUM LA DAD PA GROGS PO YIN, ,DE LTA'I YON TAN MA LUS LDAN PA DAG ,RTZOD PA'I DUS SU SHIN TU DKON PAS NA, ,YON TAN PHYED DAM BZHI CHA BRGYAD CA CAN, ,DE LTA BU NI SNGAGS PAS GROGS POR BSTEN, ,ZHES SO, ,'DIR NI SPROS PA GCOD PA DANG, SPROS PA DANG BRAL BA'I DBANG GIS GROGS PO MED PA'AM, RJES SU MTHUN PA'I GROGS PO DANG LDAN PAR BYA'O, ,DE BZHIN DU JI TZAM GYIS GNOD PA DE TZAM GYIS GOS LA BRTEN GYI TSOGS DANG BCAS SHING LHAG PAR CHAGS PAR GYUR PA'I GOS DANG GNAS MAL BSTEN PAR MI BYA STE; 'PHAGS PA DPUNG BZANGS KYIS ZHUS PA LAS JI SKAD DU GSUNGS PA, GTZUG PHUD BZHAG STE SKRA NI BREGS NAS SU, ,'BYUNG KHUNGS TSON GYIS GOS KYI KHA DOG BSGYUR, ,GOS DKAR DANG NI SHING LO'AM GSO MA'AM, ,ZAR MA'I SHING SHUN RNAMS KYI GOS BGO'O, ,ZHES SO, , @89A *, ,YANG 'PHAGS PA RAB TU GRUB PAR BYED PA LAS, SNGAGS ZLOS KHYIM PA MKHAS PA YIS, ,KHA DOG BSGYUR BA'I GOS MI BGO, ,ZHES GSUNGS TE, 'DI DAG NI RNYED SLA BAR BYA BA DANG, SGEG PA NYID DGAG PAR BYA BA'I DON YIN NO, ,RJES SU MTHUN PA'I SPYOD LAM NI GSUM STE, LEGS PAR GNAS PA DANG, SDUG BSNGAL GNON PA DANG, KHYAD PAR DU 'GRO BA'O, ,DE LA LEGS PAR GNAS PA NI JI LTA BU'I SPYOD LAM GYIS GNAS KYANG DES SEMS LA RMA MI 'BYUNG BA STE, JI SKAD DU 'PHAGS PA SDONG PO BKOD PA LAS, BYANG CHUB SEMS NYAMS PAR BYED PA'I DGE BA'I RTZA BA RTZOM PA THAMS CAD NI BDUD KYI LAS SO ZHES GSUNGS LA, BYANG CHUB SEMS DPA'I SPYOD PA LA 'JUG PA LAS KYANG, SEMS BSRUNGS BRTUL ZHUGS MA GTOGS PA, ,BRTUL ZHUGS MANG POS CI ZHIG BYA, ,ZHES BSHAD LA, YANG DE NYID LAS, BDAG NI RNYED DANG BKUR STI DANG, ,LUS DANG 'TSO BA MED BLA ZHING, ,DGE BA GZHAN YANG NYAMS BLA YI, ,SEMS NI NAMS KYANG NYAMS MI BYA, ,ZHES BSTAN TE, DE BAS NA DUS DANG GNAS SKABS THAMS CAD DU YANG SEMS LA MI GNOD PA'I SPYOD LAM SPYAD DO, ,DE BAS NA SLOB DPON dOMBI PA'I ZHAL NAS, SLOB SBYONG SLOB SBYONG SPYAD PA DANG, ,BRAM ZE NA YANG GTZANG SBRA NYID, ,RTAG TU GTZANG SBRA'I SPYOD PA BYA, ,SEMS LA GNOD PA MA YIN NO, ,ZHES BSHAD DO, ,SDUG BSNGAL GNON PA NI LAM YID LA BYED PAS GRANG BA DANG TSA BA DANG, BKRES PA DANG SKOM PA LA SOGS PA'I SDUG BSNGAL MA LUS PAS MI G-YO BAR BYA STE, BYANG CHUB SEMS DPA'I SPYOD PA LA 'JUG PA LAS JI SKAD GSUNGS PA, NYA PA GDOL PA ZHING PA LA SOGS PA, ,RANG GI 'TSO BA TZAM ZHIG SEMS PA YANG, ,GRANG DANG TSA LA SOGS PA'I GNOD BZOD NA, ,'GRO BA'I DON PHYIR BDAG LA CIS MI GZOD, ,CES SO, ,DE BZHIN DU 'PHAGS PA DPUNG BZANGS KYIS ZHUS PA LAS KYANG, 'DOD LA MA CHAGS LUS KYIS NYON MONGS BZOD, ,CES GSUNGS LA, DE BZHIN DU 'PHAGS PA 'JIG RTEN GSUM LAS RNAM PAR RGYAL BA'I BKA' LAS KYANG, LUS KYI NYON MONGS SPYAD PA LAS, , @89B DNGOS GRUB RNAM GSUM THOB PAR 'GYUR, ,ZHES GSUNGS SO, ,DE BZHIN DU DPAL GSANG BA 'DUS PA LAS KYANG, 'DOD CHEN SDUG BSNGAL CHEN PO YIS, ,RANG GI SDUG BSNGAL ZHI BAR BYA, ,ZHES GSUNGS PA DANG, SDUG BSNGAL 'BRAS BU DANG BCAS PA RNAMS NI RAB TU DGA' BZHIN DU BSTEN PAR BYA'I, SEMS KYI NGANG TSUL SNGAR BA NYID DU MI BYA'O, ,DE BAS NA 'PHAGS PA DPUNG BZANGS KYIS ZHUS PA LAS, LHA YI BDE BA DANG NI 'BYOR PA DANG, ,TSE DANG STOBS GZUGS PHUN SUM TSOGS PA DANG, ,THOS MANG MDANGS BZANG GCIG TU YID GZHUNGS DANG, ,DBANG THANG CHE KUN DKA' THUB STOBS KYIS THOB, ,CES GSUNGS SO, ,KHYAD PAR DU 'GRO BA'I SPYOD LAM NI DES MNYAM PAR MA BZHAG PA NA SHES RAB KYI PHA ROL TU PHYIN PA BKLAGS PA DANG, TSA TSA GDAB PA DANG, BSKOR BA BYA BA LA SOGS PA BSOD NAMS KYI TSOGS LA GUS PA NYID DU BYA STE, DE LTAR YANG 'PHAGS PA KHRO BO'I RGYAL PO GDONG DRUG PA'I RGYUD LAS GSUNGS PA, LANGS NAS BCOM LDAN 'DAS KYI YUM, ,SHES RAB PHA ROL PHYIN PA BKLAGS, ,ZHES GSUNGS SO, ,'PHAGS PA DPUNG BZANGS KYIS ZHUS PA LAS KYANG GSUNGS PA, GTZANG ZHING DBEN PA'I SA PHYOGS RNAMS SU NI, ,'JIM PA'AM NI BYE MA LAS BYAS PA'I, ,BDE GSHEGS MCHOD RTEN RTEN 'BREL SNYING PO CAN, ,SDIG PA SBYANG PHYIR RTAG TU GDAB PAR BYA, ,ZHES GSUNGS SO, ,DE BZHIN DU 'PHAGS PA 'JIG RTEN GSUM LAS RGYAL BA'I CHO GA ZHIB MO LAS KYANG, MKHAS PAS MCHOD RTEN LAS BYA ZHING, ,DE BZHIN DAM PA'I CHOS KYANG BKLAGS, ,DGE BA CUNG ZAD GZHAN DAG KYANG, ,CUNG ZAD ZIN NAS 'DI DAG KYANG, ,DNGOS GRUB MCHOG NI THOB 'DOD PAS, ,RTAG TU SEMS CAN RNAMS LA BSNGO, ,ZHES GSUNGS SO, ,DE BAS NA JI TZAM DU SEMS LA MI GNOD PA'I BSOD NAMS DANG YE SHES KYI TSOGS G-YENG BA DANG BCAS PA RNAMS SEMS CAN LA PHAN PAR 'DOD PAS RAB TU GUS PAR BYAS PA BRTZAMS TE, 'DI NI RJES SU MTHUN PA'I SPYOD PA RNAM PA GSUM MO, ,DE LTAR TSOGS THOB PA DES SPYOD LAM RNAM PA BZHI GANG BDE BAR GNAS TE, MTSAN MA DANG BCAS @90A *, ,PA'AM, MTSAN MA MED PA'I RNAL 'BYOR LA SEMS MNYAM PAR GZHAG PAR BYA'O, ,DE LTAR SEMS MNYAM PAR 'JOG PA DES NYES PA LNGA SPONG BA'I PHYIR SPONG BA'I 'DU BYED BRGYAD BSTEN PAR BYA STE, DE LA NYES PA LNGA NI DBUS DANG MTHA' RNAM PAR 'BYED PA'I TSIG LE'UR BYAS PA LAS, LE LO DANG NI GDAMS NGAG RNAMS, ,BRJED DANG BYING DANG RGOD PA DANG, ,'DU MI BYED DANG 'DU BYED DE, ,'DI DAG NYES PA LNGAR 'DOD DO, ,ZHES GSUNGS SO, ,DE DAG GI GNYEN PO SPONG BA'I 'DU BYED BRGYAD KYANG DE NYID LAS GSUNGS TE, GNAS DANG DE LA GNAS PA DANG, ,RGYU DANG 'BRAS BU NYID DU'O, ,DMIGS PA BRJED PAR MA GYUR DANG, ,BYING DANG RGOD PA RTOG PA DANG, ,DE SPONG MNGON PAR 'DU BYED DANG, ,ZHI TSE RNAL DU 'JUG PA'O, ,ZHES SO, ,DE LTAR YAN LAG YONGS SU RDZOGS PA DES ZHI GNAS DANG LHAG MTHONG BSGOM PAR BYA BA LAS, 'DIR ZHI GNAS DE NI GNYIS TE, KHA NANG DU BLTAS PAS THOB PA DANG KHA PHYIR BLTAS PA LA DMIGS PA'O, ,DE LA KHA NANG DU BLTAS PA LA YANG GNYIS TE, LUS LA DMIGS PA DANG, LUS LA BRTEN PA LA DMIGS PA'O, ,DE LA LUS LA DMIGS PA LA YANG GSUM STE, LUS NYID LA LHA'I RNAM PAR DMIGS PA DANG, KENG RUS LA SOGS PA MI SDUG PAR DMIGS PA DANG, KHA tV'I GA LA SOGS PA MTSAN MA KHYAD PAR CAN LA DMIGS PA'O, ,LUS LA BRTEN PA LA DMIGS PA YANG LNGA STE, DBUGS LA DMIGS PA DANG, MTSAN MA PHRA MO LA DMIGS PA DANG, THIG LE LA DMIGS PA DANG, 'OD ZER GYI YAN LAG LA DMIGS PA DANG, DGA' BA DANG BDE BA LA DMIGS PA'O, ,KHA PHYIR BLTAS PA LA DMIGS PA LA YANG GNYIS TE, KHYAD PAR CAN DANG, PHAL PA'O, ,DE LA KHYAD PAR CAN LA YANG GNYIS TE, SKU LA DMIGS PA DANG, GSUNG LA DMIGS PA'O,, 'DI DAG NI ZHI GNAS LA 'JUG PA'I YAN LAG GO, ,JI LTAR BSGOM PA LA 'DIR MI BRJOD DE, GZHUNG SHIN TU MANG POR 'GYUR BAS 'JIGS PA'I PHYIR DANG, BLA MA DAM PAS NYAMS SU MYONG BA'I MAN NGAG LA BRTEN PAR RIGS KYI, BSGOM PAR BYA BA'I MAN NGAG NI YI GER GNAS PA'I SHES @90B PAR DKA' BA'I PHYIR DANG, ZHI BA TU NI ZHI GNAS DANG LHAG MTHONG BSTAN PA LAS BSHAD PA'I PHYIR RO, ,ZHI GNAS KYI 'BRAS BU NI LHAG MTHONG YIN LA, LHAG MTHONG GI 'BRAS BU NI ZHI GNAS DANG LHAG MTHONG ZUNG DU 'BREL PA YIN TE, DE YANG DNGOS PO GANG YANG MI GNAS PAS DNGOS PO MED PA BYE BRAG TU MTHONG LA, DE NYID KYI TSE SEMS RTZE GCIG TU GYUR PAS DMIGS PA DU MA RAB TU RGYUG PA RAB TU ZHI BAR GNAS PA'I PHYIR RO, ,DE LTAR ZHI GNAS DANG LHAG MTHONG ZUNG DU 'BREL PA'I GNAS SKABS 'DIR YE SHES KYI DMIGS PA GANG YIN PA DANG, YE SHES NYID TSUL JI LTAR GNAS PA DANG, RNAL 'BYOR SPYOD PA PA'I ZHI GNAS DANG LHAG MTHONG DANG, BDAG CAG DBU MA PA'I ZHI GNAS DANG LHAG MTHONG ZUNG DU 'BREL PA LA KHYAD PAR CI YOD PA DAG LA, BDAG GI BLO RAB TU 'PHRO BAR BZOD MOD KYI, 'DIR NYAMS SU BLANG BA'I THABS TZAM GSAL BAR BYED 'DOD KYI, GRUB PA'I MTHA' GTAN LA 'BEBS PAR 'DOD PA NI MA YIN PA DANG, 'PHAGS PA N'A G'A RDZUN LA SOGS PAS GSAL BAR MDZAD PA LAS, CUNG ZAD KYANG SUS KYANG SMRAR MED PA'I PHYIR RGYA CHER MA SPROS SO, ,DA NI GZHAN 'DI BRJOD PAR BYA STE, CI MTSAN MA DANG BCAS PA'I ZHI GNAS MDUN DU MA BYAS PAR LHAG MTHONG SKYE BAR RUNG BA YIN NAM ZHE NA, DE NI RUNG BA NYID DE, MTSAN MA MED PA'I ZHI GNAS SO SOR RTOG PA'I SHES RAB NYID LAS MTSAN MA MED PA'I LHAG MTHONG RNAM PAR MI RTOG PA'I YE SHES 'BYUNG STE, DE LTAR YANG 'PHAGS PA 'OD SRUNGS KYIS ZHUS PA LAS, SHING GNYIS DRUD PA LAS NI ME 'BYUNG STE, ,BYUNG BA DE YIS DE NYID BSREG PA LTAR, ,DE BZHIN SHES RAB DBANG PO SKYES NAS KYANG, ,SKYES PA DE YIS DE NYID SREG PAR BYED, ,CES GSUNGS SO, ,SO SOR RTOG PA'I SHES RAB NI ZHI GNAS MA YIN TE, RNAM PA DU MAS DMIGS SO ZHE NA, DE LTA NA NI ZHI GNAS KYANG ZHI GNAS MA YIN TE, SKAD CIG DU MA DANG CHA SHAS DU MA LA DMIGS PA'I PHYIR RO, ,GZHAN YANG ZHI GNAS LAS LHAG MTHONG LA 'JUG PA NA YANG JI LTAR SO SOR RTOG PA'I SHES RAB KYIS MTSAMS SBYOR BAR MI BYED, DE MI BYED PA NI 'GA' ZHIG TU ZAD DO, ,DE LA 'DI'I RIM PA YANG LUS KHO NA LA BRTAGS PAS 'GRUB PA STE, 'PHAGS PA N'A G'A RDZU NA'I ZHAL SNGA NAS, @91A *, ,'JIG RTEN RNAM PAR RTOG LAS BYUNG, ,RNAM PAR RTOG PA SEMS LAS BYUNG, ,SEMS KYANG LUS LAS BYUNG BAS NA, ,DE PHYIR LUS LA DPYAD PAR BYA, ,ZHES BSHAD LA, 'PHAGS PA N'A G'ARDZU NA'I ZHAL SNGA NAS KYANG BSHAD PA, LUS MED RNAM PAR SHES PA NI, ,MED CES BYA BA RTOG PAR GYIS, ,ZHES BSHAD CING, MDO LAS KYANG, RNAM PAR SHES PA NI LUS LAS MI 'DA'O ZHES GSUNGS SO, ,DE BAS NA CHOS THAMS CAD SEMS LA BSDU BA DANG, SEMS LUS LA BSDU BA DANG, LUS CHOS KYI DBYINGS SU NYE BAR RNAL 'BYOR DU BYA BA 'DI NI MAN NGAG GO, , YANG NA LUS DANG SEMS THA DAD PA LA DMIGS PAR BYA STE, 'DI'I MAN NGAG NI SANGS RGYAS RJES SU DRAN PA LAS SHES PAR BYA'O, ,DE BAS NA MTSAN MA DANG BCAS PA'I ZHI GNAS LA BRTEN PA BAS NI, MTSAN MA MED PA'I ZHI GNAS LA DMIGS NAS LHAG MTHONG BSKYED PA'I PHYOGS 'DI BSNGAGS TE, DE'I GNAS PA BRTEN PA DANG, ZHI GNAS 'BA' ZHIG GIS NYON MONGS PA RAB TU GNON CING SEL BA DANG, 'BRAS BU DANG RJES SU MTHUN PA'I RGYU YIN PA'I PHYIR RO, ,'DIR NI BDAG GI BLA MA'I MAN NGAG LAS BYUNG 'DI BRIS PAS, ,NYE BAR 'PHEL BA'I DGE BA'I ZLA ZER DRI MA MED PA DES, ,'GRO BA'I MI SHES RAB RIB MUN BSAL GDUNG BA ZHI BYAS TE, ,SHES RAB MIG GIS DE BZHIN NYID YUL RAB GSAL THOB PAR SHOG ,BDAG KYANG RNAM PAR G-YENG SOGS RLUNG SOGS RAB ZHI MUN BSAL NAS, ,MYUR DU THUB DBANG RNAMS DANG SPYOD YUL GCIG LA LTA BAR SHOG ,TING NGE 'DZIN GYI TSOGS KYI LE'U ZHES BYA BA SLOB DPON BYANG CHUB BZANG POS MDZAD PA RDZOGS SO,, ,,RGYA GAR GYI MKHAN PO BIRYA TZANDRA LAS ZHUS TE, BOD KYI LO TZ'A BA DGE SLONG CHOS KYI SHES RAB KYIS BSGYUR CING ZHUS TE GTAN LA PHAB PA,, ,, #, ,RGYA GAR SKAD DU, SA M'A DHI SAMBHA RA PA RI BRTA N'A MA, BOD SKAD DU, TING NGE 'DZIN GYI TSOGS KYI LE'U ZHES BYA BA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,DANG POR MI LUS RIN PO CHE CHUD MI GSAN CING MI'I LUS THOB PA DON YOD PAR 'DOD PA'I GANG ZAG @91B GIS THOG MAR SNGON DU 'GRO BA YAN LAG BDUN DANG LDAN PAR BYA STE, GZHI DAD PA DANG LDAN PA DANG, RKYEN DGE BA'I BSHES GNYEN BSTEN CING DE'I YON TAN LEN PA DANG, GUS PA DANG LDAN PA DANG, YID CHES SHING THE TSOM MI ZA BA DANG, BRTZON 'GRUS DANG LDAN PA DANG, THAMS CAD LA YID SKYO BA MED PA DANG, THAMS CAD DU NGA RGYAL SPANGS TE, DE DAG NI SNGON DU 'GRO BA'I YAN LAG RNAM PA BDUN NO, ,DUS DANG RNAM PA THAMS CAD DU GZHAN GYI SKYON LA MI BRTAG CING NYES PA MI BRJOD PA DANG, RANG GI YON TAN LA RLOM SEMS MI BSKYED PA DANG, NGO TSA SHES PA DANG KHREL YOD PA SNGON DU 'GRO BAS RANG SRUNG BA DANG, SDOM PA RNAM PA GSUM LA NAN TAN DU SPYAD PA DANG, NGO DGA' DANG GSAR 'GROGS DANG MTHO LTAG SPANGS TE RTAG TU ZUNGS THUB PAR GNAS PA DANG, YUL DANG DUS DANG GNAS SKABS KYIS GZHAN GYI RGYUD TSOD SHES PA'I SGO NAS SPYAD PAR BYA BA DANG, GZHAN LA BRNYAS PA SPANG ZHING KHYAD KYIS MI GSAD PAR BYA STE, DE DAG NI 'JIG RTEN GYI KHA NA MA THO BAS MI GOS SHING YA RABS KYI TSUL MI NYAMS PA'I YAN LAG RNAM PA BDUN NO, ,RTAG TU 'DOD PA CHUNG ZHING CHOG SHES PA DANG, ZHEN PA DANG CHAGS PA CHE ZHING 'DZIN PA CHE BA SPANG BA DANG, LE LO DANG SNYOM LAS SPANG BA DANG, HA CANG YANG THAL BAR 'GYUR BA YANG SHES PAR BYA BA DANG, DON CHEN POR MI 'GYUR BA'I GTAM DANG, BYA BA LA SOGS PA SPANG ZHING MI 'JUG PA DANG, TSUL BZHIN MA YIN PA YID LA BYED PA SPANG BA DANG, GANG GI GNYEN POR 'GRO BA BSTEN SHES PAR BYA BA STE, DE DAG NI BAR CHAD SPANG BA'I YAN LAG RNAM PA BDUN NO, ,MI'I LUS THOB PA DANG SANGS RGYAS KYI CHOS SPYOD CING SGRUB PA NI DKON NO SNYAM PA DANG, DE LTA BU'I SGRUB PA NI DON CHEN PO DANG LDAN PA YIN NO SNYAM PA DANG, 'JIG RTEN GYI BYA BA BYED PA RNAMS NI NGES PAR DON MED PAR SHES PAR BYA BA DANG, GZHAN GYI SDUG BSNGAL RANG GI GNYEN POR BSTEN PAR SHES PAR BYA BA DANG, NGA NI RTAG TU BDUD KYI SPAR BA NA 'DUG STE MYUR DU 'CHI'O ZHES RGYUN DU BSAM PA DANG, BSAGS PA THAMS CAD NI NGES PAR BSDUS PAR SHES PAR BYA BA DANG, RANG GI GNYER MA DANG SKRA DKAR LA SOGS PA LA RTAG TU BRTAG CING SKYO BAR BYA BA STE, DE DAG NI RANG @92A *, ,LA RANG GIS GZHAN BSKUL BTAB PA'I YAN LAG RNAM PA BDUN NO, ,SANGS RGYAS KYI YE SHES NI ZAB CING RGYA CHE, BKA' DANG MDO SDE NI GRANGS MANG, BDAG NI BLO NGAN ZHING RMONGS LA LE LO CHE BAS THAMS CAD BRJOD CING SHES PAR MI NUS TE, BDAG NYID TSE ZAD PAR 'GYUR DU 'ONG SNYAM PA DANG, SGRA DANG YI GE'I RJES SU 'BRANG BA'I BSHAD PA'I SHES PA 'DI DAG GIS GZHAN THUL BA'AM PHAN THOGS PA MA YIN TE, MI RNAMS NI SHIN TU MGU DKA' BAR BSAM PA DANG, RANG DANG GZHAN GYI GRUB PA'I MTHA' LA CHAGS SDANG RNAM PA GNYIS SPANGS TE SKUR PA MI GDAB PA DANG, SPUN ZLA DANG NYE DU DANG MDZA' BSHES LA SOGS PA RNAMS NI NGES PAR 'GRON PO LAM GYIS BSDUS PA DANG 'DRA BAR BSAM PA DANG, 'JIG RTEN GYI RNYED PA DANG BKUR STI DANG, BSTOD PA DANG, SMAD PA LA SOGS PA 'DI DAG NI NGES PAR SLU BA NYID YIN PAR SHES PAR BYA BA DANG, 'JIG RTEN GYI RNYED PA DANG 'DOD PA DANG, SRED PA DANG KHE DANG GRAGS PA DANG NGA RGYAL DANG RLOM SEMS LA SOGS PA 'DI DAG NI NGES PAR ME DANG DUG DANG MTSON CHEN PO DANG 'DRA BAR SHES PAR BYA BA DANG, PHYI DANG NANG GI DNGOS PO 'DI DAG LA SGYU MA'AM RMI LAM LTA BUR RGYUN DU DPYAD PAR BYA BA STE, DE DAG NI GDUNG BA BCAD PA'I YAN LAG RNAM PA BDUN NO, ,'DU 'DZI LA DGA' BA SPANG ZHING DBEN PAR GNAS PAR BYA BA DANG, DER YANG RANG GZHUNG JI LTA BA BZHIN DU LHA MNYES PAR BYA BA DANG, LHA MNGON DU BYA BA RNAM PA GSUM LA BRTZON ZHING 'BAD RTZOL DRAG TU BYA BA DANG, DER YANG RE BA DANG DOGS PA DANG 'DOD PA DANG, 'JIGS PA SPANGS TE GNAS PAR BYA BA DANG, SNYING RJE CHEN PO DANG LDAN PA DANG, SEMS DPA' ZHING RTUL PHOD PA'I SGO NAS BLANG DOR MED PAR NGAS SGRUB PA 'DI'I SGO NAS 'DOD PA'I DON MA GRUB PA'I BAR DU LUS DANG SROG GI PHYIR YANG MI GTONG NGO ZHES DAM BCAS PA SGRUB PA DANG, DER YANG RMI LAM LA SOGS PA RTAGS DANG MTSAN MA CI BYUNG YANG DGA' BA DANG, MI DGA' BA MI BYA ZHING GZHAN LA MI SMRA BA DANG, DER YANG LHA'I RMI LAM DANG RTAGS LA SOGS PA NI GDAMS NGAG LAS SHES PAR BYA ZHING KHYAD KYIS MI GSOD PA STE, DE DAG NI SKYES BU'I DON MYUR @92B DU 'GRUB CING MNGON DU 'GYUR BA'I YAN LAG RNAM PA BDUN NO, ,DE LTA BU'I GANG ZAG GI LUS NI SHIN TU DKON ZHING GCES PAS NA LUS BSRUNG BAR BYA STE, GOS DANG ZAS DANG SMAN LA SOGS PA JI LTAR MTHUN PAR SPYAD PA DANG, MI DANG MI MA YIN PA'I GNOD PA BSRUNG BA DANG, GNAS MTHUN ZHING BDE ZHING GNOD PA MED PA LA GNAS PA DANG, LUS SEMS NGAL ZHING DUB PA'I LAS DANG BYA BA MI BYA BA DANG, NAM PHYED DANG NYI MA PHYED DANG ZAS 'JU BA'I DUS DANG LUS LA NAD KHAMS SKYED PA'I DUS SU DMIGS PA LA 'BAD RTZOL MI BYA BA DANG, LUS DANG SEMS NGAL ZHING DUB PA'I DUS SU SKYO BA BSANG ZHING DMIGS PA GSOR BA NI MAN NGAG LAS SHES PAR BYA BA DANG, RTAG TU SPYOD LAM GYI RNAL 'BYOR GYIS LUS MNYAM PAR GZHAG PA STE, DE DAG NI LUS BSRUNG ZHING GNOD PA BSAL BA'I YAN LAG RNAM PA BDUN NO, ,DE LTAR GNAS PAS SKYO ZHING DGE BA LA G-YEL BA DANG; BYA BA DANG BYED PA'I RNAM RTOG BYUNG NA RANG GIS RANG LA LCAG BRDAB CING GNYEN PO BSKYED PAR BYA'O, ,LUS LA GNOD PA GLO BUR BA BYUNG BA DANG, SHES PA'I BYE BRAG MI 'DRA BA BYUNG NA RANG GI NYAMS DANG MAN NGAG GIS BCOS PAR BYA ZHING, YANG NA MKHAS PA GZHAN LA YANG DRI BAR BYA'O, , RGYAL PO'I BKA' DANG RANG LA NUS PA YOD PA DANG, GZHAN GYI DON MTHONG NA PHRIN LAS RNAM PA BZHI NI RDO RJE GTZUG TOR GYI RGYUD DANG MAN NGAG LAS SHES PAR BYA'O, ,NYON MONGS PA MI 'DRA BA DANG, SEMS CAN GYI RNAM PAR RTOG PA MI 'DRA BA RNAMS LA GNYEN PO MI 'DRA BA RNAMS NI MDO SDE RGYA BO CHE RNAMS LAS SHES PAR BYA STE, DE DAG KHA 'PHANGS PA'AM KHA SKONG GI YAN LAG RNAM PA BZHI'O, ,TING NGE 'DZIN GYI TSOGS KYI LE'U SLOB DPON NAG PO ZHABS KYIS MDZAD PA RDZOGS SO,, ,,RGYA GAR GYI MKHAN PO KRishnA PA DE NYID DANG, ZHU CHEN GYI LO TZ'A BA DGE SLONG CHOS KYI SHES RAB KYIS BSGYUR CING ZHUS TE GTAN LA PHAB PA'O, , #, ,RGYA GAR SKAD DU, DHRAMMA shAtA DHY'A NOD BYA BA STH'A NA, BOD SKAD DU, BSAM GTAN GYI CHOS DRUG RNAM PAR GZHAG PA, 'JAM DPAL GZHON NUR GYUR PA LA PHYAG 'TSAL LO, ,SER SKYA MO DANG CHU @93A *, ,SKYAR SBRUL, ,NAGS NA RI DAGS TSOL BA DANG, ,MDA' MKHAN DANG NI GZHON NU MA, ,'DI DRUG NGA YI SLOB DPON YIN, ,RE BA STOBS LDAN NYON MONGS TE, ,RE BA MED PA BDE BA'I MCHOG ,RE BA RE BA MED BYED PA, ,BDE BAR GNYID LOG SER SKYA MO, ,ZANG ZING PHYIR NI RTZOD 'GYUR TE, ,ZANG ZING MED LA RTZOD PA MED, ,ZANG ZING YONGS SU SPANGS PA LAS, ,CHU SKYAR BDE BA 'PHEL BAR 'GYUR, ,KHYIM GYI RTZOM PA SDUG BSNGAL TE, NAM YANG BDE BAR 'GYUR BA MIN, ,SBRUL GYIS GZHAN GYI GNAS MTHONG NA, ,ZHUGS PAS BDE BA 'PHEL BAR 'GYUR, ,RNGON PA NAGS SU SONG GYUR TE, RI DAGS TSOL BAR RTZOM PA NA, ,'TSE BA THAMS CAD SPANGS NAS NI, ,DE NYID DU NI GNAS BCAS GYUR, ,'DIR NI RGYAL PO'I YAN LAG BZHI'I, ,DPUNG TSOGS CHEN POS BSKOR BA DAG ,DMIGS PA YUN RINGS GTOD PAS NA, ,MDA' MKHAN GYIS NI MA MTHONG BZHIN, ,MANG PO RTAG TU 'THAB GYUR TE, ,GNYIS PO DAG NI 'GRAN ZLAR 'GYUR, ,GZHON NU MA YI GDU BU BZHIN, ,GCIG PU RNAM PAR RGYU BAR BYA, ,RE BA ZANG ZING KHYIM SPANGS DANG, ,DE BZHIN GZHAN YANG NAGS GNAS DANG, ,DMIGS PA BRTAN DANG GCIG PU NYID, ,BDAG GI BLA MA LAS 'DI RNYED, , BSAM GTAN GYI CHOS DRUG RNAM PAR GZHAG PA SLOB DPON CHEN PO AA BA DH'U T'I PAS MDZAD PA RDZOGS SO, , #, ,RGYA GAR SKAD DU, DHRAMMA shtA DHY'A NOD BYA BA STH'A NA BRiTTI, BOD SKAD DU, ,BSAM GTAN GYI CHOS DRUG RNAM PAR GZHAG PA'I 'GREL PA, 'JAM DPAL GZHON NUR GYUR PA LA PHYAG 'TSAL LO, ,BSAM GTAN DAG LA GUS BTUD DE, ,CHOS DRUG PA YI 'GREL PA BYA, ,DE LA BSAM GTAN CHOS DRUG NI, ,SDOM DANG RGYAS PAR BSHAD PA'O, ,DE LA SDOM NI, SER SKYA MO DANG CHU SKYAR SBRUL, ,ZHES PA NAS, 'DI DRUG NGA YI SLOB DPON YIN, ,ZHES PA'I BAR DU'O, ,DA NI RGYAS PAR BSHAD PA NI, DE YANG DPE DRUG GIS STON PA LAS, DANG POR RE BA SPANG BAR STON PA NI, RE BA STOBS LDAN NYON MONGS TE, ,ZHES BYA BA LA SOGS PA YIN NO, ,SER SKYA MO ZHES BYA BA NI BUD MED SMAD 'TSONG MA ZHIG SKYES PA DANG DUS BTAB @93B PA LAS, MTSAN GYI STOD NI SKYES PA 'ONG DU RE BA LAS YID SDUG BSNGAL BAR GYUR LA, MTSAN GYI SMAD NI SKYES PA MI 'ONG BAR RE THAG CHOD PAS SEMS BDE BAR GNYID KYIS LOG PA DE BZHIN DU, 'DOD PA'I LONGS SPYOD SNGAR MA THOB PA'I YUL RNAMS THOB PAR RE BA'I SKYES BU STOBS DANG LDAN PA RNAMS KYANG SDUG BSNGAL BAR 'GYUR NA, STOBS CHUNG BA RNAMS LA LTA SMOS KYANG CI DGOS TE, DE BAS NA 'DOD PA'I YON TAN MA THOB PA LA RE BA MI BYED PA NI BDE BA'I MCHOG YIN TE, DE LA SDUG BSNGAL GYIS GDUNG BAR MI BYED DO, ,DA NI ZANG ZING SPANG BAR BYA BA STON PA NI, ZANG ZING PHYIR NI RTZOD 'GYUR TE, ,ZHES BYA BA LA SOGS PA SMOS TE, DPER NA CHU SKYAR ZHIG GIS NYA CIG BZUNG BA DANG, JI SRID NYA DE MA BOR GYI BAR DU CHU SKYAR GZHAN GYIS BSNYAGS TE RTZOD PAR GYUR NAS, NYA DE BOR MA THAG RTZOD PA MED DE BDE BAR GNAS PAR 'GYUR BA DE BZHIN DU, ZANG ZING GI LONGS SPYOD CI TZAM YOD PA DE TZAM DU 'THAB CING RTZOD PA'I SDUG BSNGAL BAR 'GYUR LA, ZANG ZING GI LONGS SPYOD KUN SPANGS TE MED PA LA NI SDUG BSNGAL GYI GDUNG BA MED CING BDE BA THOB PA YIN NO, ,DA NI KHYIM SPANG BAR BYA BA STON TE, KHYIM GYI RTZOM PA SDUG BSNGAL TE, ,ZHES BYA BA LA SOGS PA SMOS TE, DPER NA SBRUL ZHIG RANG GI TSANG NA GNAS PA LAS, SBRUL GYI PHRU GU MANG POS GTZES PAS MA BZOD DE, TSANG DE NAS BYUNG NAS PHUG GZHAN ZHIG TU ZHUGS PAS BDE BA THOB PAR GYUR PA DE BZHIN DU, KHYIM GYI GNAS NA SO NAM LA SOGS PA'I KHANG LAS NI SHIN TU YANG DKA' ZHING SDUG BSNGAL TE, SKAD CIG TZAM GYI BDE BA YANG MED LA, NAM ZHIG KHYIM SPANGS PAR GYUR PA NA SDUG BSNGAL BA MED DE BDE BAR GYUR PA YIN NO, ,SPANG BAR BYA BA GSUM BSHAD ZIN TO, ,DA NI DANG DU BLANG BA GSUM LAS DGON PAR GNAS PA DANG DU BLANG BA STON TE, RNGON PA NAGS SU SONG GYUR TE, ,ZHES BYA BA LA SOGS PA SMOS TE, DPER NA RNGON PA ZHIG DUS RTAG TU NAGS SU RGYU ZHING RI DAGS TSOL DU SONG BA NA, KHYIM GYI LAS SDUG BSNGAL BAR RIG CING DGON PA'I GNAS BDE BA'I YON TAN MTHONG NAS GSOD PA'I LAS SPANGS TE, DGON PA'I GNAS DE NYID DU GNAS NAS @94A *, ,BDE BAR GYUR PA DE BZHIN DU, GANG ZHIG KHYIM SPANGS TE LAM BTZAL BA'I PHYIR DGON PAR GNAS NAS LUS DANG SEMS MCHOG TU LAS SU RUNG BAR GYUR PA YIN NO, ,DA NI DMIGS PA YUN RING DU GNAS PAR BYA BA DANG DU BLANG BA STON TE, 'DIR RGYAL PO'I YAN LAG BZHI ZHES BYA BA LA SOGS PA SMOS TE, DPER NA MDA' MKHAN ZHIG MDA' BYA BA'I PHYIR SMYUG MA BSRANG BA LA SEMS GTAD PA NA, RGYAL PO CHEN PO ZHIG GIS 'KHOR RTA DANG GLANG PO CHE DANG SHING RTA DANG DPUNG BU CHUNG GI TSOGS BZHIS BSKOR TE MANG PO 'GRO BA'I BUN LONG DES MA MTHONG MA THOS PA DE BZHIN DU DGON PA'I GNAS DBEN PAR ZHI GNAS KYI SEMS RTZE GCIG PA LA RGYUN DU BLO GTAD PA RNAMS LA YUL RNAMS KYIS SEMS MI 'PHROGS PAR GYUR PA YIN NO, ,DA NI GCIG PU 'DUG PA DANG DU BLANG BA STON TE, MANG PO RTAG TU 'THAB GYUR TE, ,ZHES BYA BA LA SOGS PA SMOS TE, DPER NA BUD MED GZHON NU MA GCIG TZANDAN BRDAR BA NA LAG PA'I GDU BU MANG PO 'KHRUL BA MA BDE NAS RIM GYIS PHYUNG STE GDU BU GNYIS SHIG GZHAG PA LAS DE YANG 'THAB NAS MA BDE STE, GCIG GZHAG PA LA BDE BAR 'GYUR BA BZHIN DU DGON PA'I GNAS DER YANG GROGS PO MANG PO DANG RTZOD PAR 'GYUR ZHING GNYIS KYANG NYON MONGS PA'I YUL DU GYUR PAS, GCIG PU 'DUG PA BSNGAGS PA YIN NO ZHES BYA BA'I THA TSIG GO, ,DE LTAR DANG DU BLANG BA GSUM YANG BSHAD ZIN TO, ,DE LTAR SDOM DANG RGYAS PAR BSTAN NAS, DA NI BSDU BA'I SGO NAS BSTAN TE, TSIG RKANG GCIG GIS NI SPANG BAR BYA BA STON TE, DE YANG GANG ZHE NA, RE BA ZANG ZING KHYIM SPANGS DANG, ,ZHES BYA BA SMOS TE, YID LA RE BA SPANG BA DANG, ZANG ZING GI DNGOS PO SPANG BA DANG, KHYIM LA CHAGS PA SPANG BA'O, ,TSIG RKANG GNYIS KYIS NI DANG DU BLANG BA BSDUS TE STON TE, GANG ZHE NA, DE BZHIN GZHAN YANG NAGS GNAS DANG, DMIGS PA BRTAN DANG GCIG PA NYID, ,CES SMOS TE, GNAS DANG DU BLANG BA DANG, DMIGS PA LA SEMS RTZE GCIG TU BYA BA DANG DU BLANG BA DANG, BDAG NYID GCIG PUR 'DUG PA DANG DU BLANG BA'O, ,DA NI SLOB DPON AA BADH'U T'I PA NYID KYIS RANG BZOR BYAS PA MA @94B YIN PA NI TSIG RKANG GCIG GIS STON TE, GANG ZHE NA, BDAG GI BLA MA LAS 'DI RNYED, ,CES SMOS SO, ,BDAG GI ZHES BYA BAS NI AA BA DH'U T'I PAS SO, ,BLA MA LAS ZHES BYA BA NI SANGS RGYAS ZHI BA LAS SO, ,'DI RNYED CES BYA BA NI BSAM GTAN GYI CHOS DRUG PO 'DI'O, ,DNGOS SU NA BDAG NYID KYIS SLOB DPON SANGS RGYAS ZHI BA LAS BSAM GTAN GYI CHOS DRUG PO 'DI RNYED CES BYA BA'I THA TSIG GO, ,CHOS DRUG 'GREL PA GSAL BYAS PAS, ,SEMS CAN DUG GSUM GYIS GDUNGS PA, ,TING 'DZIN BDUD RTZI 'THUNGS GYUR NAS, ,THAMS CAD MKHYEN PA MYUR THOB SHOG ,BSAM GTAN GYI CHOS DRUG RNAM PAR GZHAG PA'I 'GREL PA SLOB DPON D'A NA SH'I LAS MDZAD PA RDZOGS SO,, ,,RGYA GAR GYI MKHAN PO DHARMMA SHR'I BHA DRA DANG, ZHU CHEN GYI LO TZ'A BA DGE SLONG RIN CHEN BZANG POS BSGYUR CING ZHUS TE GTAN LA PHAB PA'O,, ,, #, ,RGYA GAR SKAD DU, AE KA SMRi TI AU PA DE SHA ,BOD SKAD DU, DRAN PA GCIG PA'I MAN NGAG ,BCOM LDAN 'DAS 'JIG RTEN DBANG PHYUG LA PHYAG 'TSAL LO, ,THAMS CAD MKHYEN LA GUS BTUD DE, ,'PHAGS PA KLU SGRUB PHYAG 'TSAL NAS, ,AA BA DH'U T'I BDAG GIS NI, , CIG CAR 'JUG PA'I MAN NGAG BRI, ,'DIR BYANG CHUB SEMS DPA' SEMS DANG PO BSKYED PA NAS NYE BAR BZUNG STE, DBANG BSKUR CHEN PO MA THOB KYI BAR DE SRID DU DE'I BYA BA NI GNYIS TE, SHES RAB KYI BYA BA DANG, THABS KYI BYA BA'O, ,DE LA SHES RAB NI CHOS THAMS CAD GDOD MA NAS MA SKYES PA DANG PO NYID NAS CHOS KYI DBYINGS NYID DU SHES PA'O, ,DE'I BYA BA NI LAS DANG PO PA DE NYID NAS JI SRID DBANG BSKUR BA MA THOB KYI BAR DE SRID DU NYIN MTSAN DUS RTAG TU DE NYID BSGOM PA'O, ,THABS NI SEMS CAN MI GTONG BA'I BYANG CHUB KYI SEMS SO, ,DE'I BYA BA NI LUS DANG NGAG DANG YID KYI BYA BA THAMS CAD SEMS CAN THAMS CAD KYI CHED MA YIN PA CI YANG MED DE, DNGOS SAM BRGYUD PAS SO, ,'DI YANG SEMS CAN LA DMIGS PA DANG, DMIGS PA MED PA'I RIM PA'O, ,DE'I RIM PA NI 'DI YIN TE, MI MKHAS PA RAB RIB CAN DANG, MKHAS PA RAB RIB DANGS PA'O, ,GANG GI TSE CHOS KYI SKU MNGON SUM @95A *, ,DU MDZAD PHAN CHAD SHES RAB MNGA' STE YE SHES NYID DU GYUR NAS GNAS SO, ,SHES RAB KYI BYA BA NI MI MNGA' STE GOMS NAS MTHAR PHYIN PA'I PHYIR RO, ,THABS DE'I BYA BA NI DMIGS PA MED PA, RANG GI NGANG GIS LHUN GYIS GRUB PA DANG, 'BAD PA DANG RTZOL BA MED PAR 'BYUNG NGO, ,BYANG CHUB SEMS DPA' LAS DANG PO PAS NI GANG ZAG GI BDAG YOD PAS SEMS CAN ZHES BRTAGS SHING DES SDUG BSNGAL BA LA SNYING RJE BSKYED DO, ,DES NA GOMS NAS NI SEMS CAN ZHES BYA BA NI DANG PO NYID NAS MED KYI, GLO BUR DU MING DU BTAGS PAR ZAD DO, ,GZHAN DU NA RTEN 'BREL GYI PHUNG PO DANG KHAMS DANG SKYE MCHED TZAM ZHIG LAS GZHAN 'DI NA CI YANG MED DO SNYAM DU RTOGS PA DANG, YANG 'DI DAG NI RANG GI SEMS 'BA' ZHIG TU ZAD KYI, GZHAN 'DI NA CI YANG MED DO SNYAM DU RTOGS NA DES SDUG BSNGAL BA RNAMS LA SNYING RJE SKYE'O, ,GANG GI TSE SANGS RGYAS KYI SA LA MI DMIGS PA'I YUL MED DE, 'PHAGS PA RAB KYI RTZAL GYIS RNAM PAR GNON PAS ZHUS PA LAS JI SKAD DU, SANGS RGYAS BCOM LDAN 'DAS KYI YE SHES KYIS CI YANG MI GZIGS TE, DE CI'I PHYIR ZHE NA, YE SHES KYI YUL MI MNGA' BA'I PHYIR RO ZHES GSUNGS SO, ,'O NA DUS DE NA YE SHES YOD DAM MED CE NA, 'PHAGS PA KLU SGRUB MI BZHED DE, JI SKAD DU, SEMS NI SANGS RGYAS THAMS CAD KYIS, ,MA GZIGS MI GZIGS GZIGS MI 'GYUR, ,RANG BZHIN MED PA'I RANG BZHIN LA, ,CI LTA BU ZHIG GZIGS PAR 'GYUR, ,ZHES GSUNGS PA DANG, BRGYUD PA'I MAN NGAG 'DI YIN NO; ,DES NA GZHAN GYI DON LAS MA GTOGS PA BYA BA GZHAN CI YANG MI MNGA' LA, 'DI LTAR GZHAN GYI DON NI 'DOD PAR BYA BA'I DON GYI 'BRAS BU'I GTZO BO YIN TE, JI SKAD DU, 'PHAGS PA KLU SGRUB KYI ZHAL SNGA NAS, GZHAN DON PHUN SUM TSOGS PA NI, ,'BRAS BU'I GTZO BO YIN PAR 'DOD, ,SANGS RGYAS NYID SOGS DE LAS GZHAN, ,DE DAG DON GYI 'BRAS BUR 'DOD, ,CES GSUNGS SO, ,DE KHO NA NYID LA 'JUG PA'I MAN NGAG KYANG BLO LA GNAS PAR BYA'O, ,TSUL KHRIMS RGYAL BAS BSKUL BA YIS, ,'DIR NI BSDUS NAS BSTAN PA YIN, ,RGYAS PAR KLU SGRUB GDAMS @95B NGAG DANG, ,THEG CHEN MDO SDE LTA BAR GYIS, ,CI CAR 'JUG PA'I MAN NGAG PAndI TA D'I PAm KA RA SHR'I DZNY'A NAS MDZAD PA RDZOGS SO,, ,,PAndI TA DE NYID DANG LO TZ'A BA TSUL KHRIMS RGYAL BAS BSGYUR BA'O, , #, ,RGYA GAR SKAD DU, MA DHYA MA AU PA DE SHA N'A MA, BOD SKAD DU, DBU MA'I MAN NGAG CES BYA BA, 'JIG RTEN MGON PO LA PHYAG 'TSAL LO, ,GANG GI GSUNG GI 'OD ZER GYIS, ,BDAG SOGS RMONGS PA MA LUS PA'I, ,SNYING GI PADMA KHA 'BYED PA'I, ,DAM PA'I SKYES MCHOG DE LA 'DUD, ,THEG PA CHEN PO DBU MA'I MAN NGAG NI 'DI YIN TE, KUN RDZOB TU CHOS THAMS CAD TSU ROL MTHONG BA'I NGOR BYAS NAS, RGYU 'BRAS LA SOGS PA RNAM PAR GZHAG PA THAMS CAD JI LTAR SNANG BA BZHIN DU BDEN PA YIN LA, DON DAM PAR RAM YANG DAG PAR NA KUN RDZOB JI LTAR SNANG BA DE KHO NA GTAN TSIGS CHEN PO RNAMS KYIS GZHIGS SHING BSAL NA, SKRA'I RTZE MO BRGYAR GSHAGS PA'I TSAD KYANG BZUNG DU MED DO ZHES NGES PAR KHONG DU CHUD PAR BYA'O, ,STAN BDE BA LA SKYIL MO KRUNG BCAS TE 'DUG LA, 'DI LTAR RE ZHIG DNGOS PO GNYIS TE, GZUGS CAN DANG, GZUGS CAN MA YIN PA'O, ,DE LA GZUGS CAN RNAMS NI RDUL PHRA RAB 'DUS PA YIN LA, DE YANG PHYOGS CHA'I DBYE BAS PHYE ZHING GZHIGS NA, SHIN TU PHRA BA YANG LUS PA MED CING SHIN TU SNANG BA YANG MED DO, ,GZUGS CAN MA YIN PA NI SEMS YIN LA, DE YANG 'DI LTAR 'DAS PA'I SEMS NI 'GAGS SHING ZHIG ,MA 'ONGS PA'I SEMS NI MA SKYES SHING MA BYUG, DA LTAR GYI SEMS NI 'DI LTAR YANG SHIN TU BRTAG DKA' STE, KHA DOG MED CING DBYIBS DANG BRAL BA, NAM MKHA' DANG 'DRA BAS MA GRUB PA'AM, YANG NA GCIG DANG DU MA DANG BRAL BAS SAM, YANG NA MA SKYES PAS SAM, YANG NA DE RANG BZHIN GYIS 'OD GSAL BA LA SOGS PA, RIGS PA'I MTSON GYIS DPYAD CING GZHIGS NA MA GRUB PAR RTOGS SO, ,DE LTAR GNYIS PO CI'I NGO BOR YANG MA GRUB CING MED TZAM NA, SO SOR RTOGS PA'I SHES RAB DE NYID KYANG MA GRUB STE, DPER NA SHING GNYIS PHAN TSUN DRUD PAS ME BYUNG BA'I RKYEN GYIS SHING GNYIS PO TSIG CING MED PA'I RJES LA, GANG GIS @96A *, ,SREG PAR BYED PA'I ME DE NYID KYANG RANG ZHI BA DE BZHIN DU RANG DANG SPYI'I MTSAN NYID KYIS CHOS THAMS CAD MED PAR GRUB TZAM NA SHES RAB NYID SNANG BA MED CING 'OD GSAL BA CI'I NGO BO YANG MA GRUB PAS, BYING BA DANG RGOD PA LA SOGS PA'I SKYON DU GYUR PA THAMS CAD BSAL TE, BAR SKABS DE SHES PA CIR YANG MI RTOG CIR YANG MI 'DZIN, DRAN PA DANG YID LA BYED PA THAMS CAD SPANGS TE, JI SRID DU MTSAN MA'AM, RNAM PAR RTOG PA'I DGRA'AM, CHOM RKUN MA LANGS KYI BAR DU DE LTA BU LA SHES PA GNAS PAR BYA'O, ,GANG GI TSE LDANG BAR 'DOD NA DAL BUS SKYIL MO KRUNG BSHIG LA LANGS TE, SGYU MA LTA BU'I YID KYIS LUS DANG NGAG DANG YID KYIS DGE BA CI NUS KYIS BYA'O, ,DE LTAR GUS PA DANG, YUN RING BA DANG, RGYUN MA CHAD PAR BSGRUBS NA SKAL BA DANG LDAN PA RNAMS KYIS TSE 'DI NYID LA BDE BA MTHONG BAR 'GYUR TE, CHOS THAMS CAD NAM MKHA'I DKYIL LTA BUR 'BAD PA DANG RTZOL BA MED CING RANG GI NGANG GIS LHUN GYIS GRUB PAR MNGON SUM DU BYED DO, ,DE'I RJES LAS THOB PAS NI CHOS THAMS CAD SGYU MA LA SOGS PAR SHES SO, ,GANG GI TSE RDO RJE LTA BU'I TING NGE 'DZIN MNGON DU BYAS PHAN CHAD NI RJES LAS THOB PA YANG MI MNGA' STE, DUS THAMS CAD DU MNYAM PAR GZHAG PA'O, , DE LTA MA YIN NA BYANG CHUB SEMS DPA' DANG KHYAD PAR CI YOD CES BYA BA LA SOGS PA'I RIGS PA DANG LUNG 'DIR MI BRJOD DO, ,GZHAN GYI DON BSKAL PA GRANGS MED PAR TSOGS BSAGS PA DANG, SMON LAM BTAB PA'I MTHUS GDUL BYA RNAMS JI LTAR 'DOD PA BZHIN DU 'GYUR RO, ,LUNG DANG RIGS PA SHIN TU MANG MOD KYI, 'DIR MA SPROS SO, ,DBU MA'I MAN NGAG CES BYA BA PAndI TA D'I PAm KA RAS MDZAD PA RDZOGS SO,, ,LO TZ'A BA DGE SLONG TSUL KHRIMS RGYAL BAS LHA SA 'PHRUL SNANG DU BSGYUR CING ZHUS TE GTAN LA PHAB PA'O,, ,,RA SA 'PHRUL SNANG GTZUG LAG KHANG CHEN DU, ,MAR ME MDZAD DPAL ZHES BYA'I MKHAS PA LA, ,BOD KYI RDOG BTZUN LEGS PA'I SHES RAB KYIS, ,GSOL BA BTAB NAS BDAG GIS BSGYUR BA YIN, ,GNAS BRTAN MAR ME MDZAD DPAL GYIS, ,GZHUNG LUGS SKYES BU GSUM 'DZIN PA, ,GOL BA'I LAM DU MI 'GRO ZHES, ,NAG TSO TSUL KHRIMS RGYAL BAS SMRAS,, ,, @96B #, ,RGYA GAR SKAD DU, RATNA KA RAndA AUNGGHA tE MA DHYA MA N'A MA AU PA DE SHA ,BOD SKAD DU, DBU MA'I MAN NGAG RIN PO CHE'I ZA MA TOG KHA PHYE BZHES BYA BA, RJE BTZUN 'JAM PA'I RDO RJE LA PHYAG 'TSAL LO, ,DKON MCHOG GSUM LA PHYAG 'TSAL LO, ,SLOB DPON KLU SGRUB KYI BRGYUD PA'I GDAMS NGAG BRI BAR BYA'O, ,'DI NI SKYES BU GANG ZHIG BDAG DANG 'GRO BA MA LUS PA'I 'KHOR BA THOG MA MED PA CAN GYI SDUG BSNGAL RJES SU DRAN PAS TIL 'BRU TZAM GYI DNGOS PO YANG MI 'DZIN PA, 'JIG RTEN GYI DNGOS PO DANG, BYA BA MA LUS PA MCHIL MA'I THAL BA LTAR BOR BA, DANG PO KHAS BLANGS PA'I TSUL KHRIMS KYI SDOM PA GSUM MA NYAMS SHING GTZANG BA, THOS PA DANG BSAM PA'I SHES RAB DANG LDAN PA RANG BZHIN GYIS SNYING RJE YOD PA, DAM PA'I CHOS KYI PHYIR LUS DANG SROG LA YANG MI LTA BA DES, SLOB DPON 'PHAGS PA KLU SGRUB KYI BRGYUD PA'I GDAMS NGAG YOD PA'I SKYES BU DAM PA BTZAL LA, DE DUS YUN RING POR MNYES PAR BYAS NAS LAS DANG PO PA YIN PAS SA TRA CHEN PO'AM, GRONG KHYER CHEN PO'AM, DGON PA'AM, BAS MTHA' LA SOGS PA 'TSO BA BSGRUB SLA BAR GNAS LA, DKON MCHOG GSUM GYI GZUGS BRNYAN GYI SPYAN SNGAR STAN 'JAM ZHING 'BOL BA LA 'DUG LA, 'DI LTAR SEMS CAN GYI RIGS NI SGO NGA LAS SKYES PA DANG, DROD GSHER LAS SKYES PA DANG, RDZUS TE SKYES PA DANG, GZUGS CAN DANG, GZUGS CAN MA YIN PA DANG, 'DU SHES CAN DANG, 'DU SHES CAN MA YIN PA'I 'GRO BA LNGA'I SEMS CAN LA LEGS PAR BLTAS LA, THAMS CAD NI BDAG GI MA YIN TE, MA 'DI DAG GIS BDAG GI CHED DU SDIG PA BYAS SHING BSAGS PAS DE'I RNAM SMIN GYIS DA LTA SDUG BSNGAL MANG PO NYAMS SU MYONG NGO, ,'PHAGS PA KLU SGRUB KYI ZHAL NAS, RNAM RTOG BAG CHAGS NYES PA YIS, ,'GRO BA GSUM PO RNAM RMONGS LA, ,BLO DANG LDAN BAS LEGS BLTAS NAS, ,'KHOR BA'I GNAS NAS GDON PAR BYA, ,ZHES GSUNGS PA DANG, YANG 'PHAGS PA KLU SGRUB KYI ZHAL SNGA NAS, SRID PA'I BTZON RA'I NANG GNAS PA, ,NYON MONGS ME YIS GDUNGS PA YI, ,SEMS CAN GANG YIN THAMS CAD SNGON, ,PHAM MDZA' @97A *, ,BSHES RTZA LAG TU, ,GYUR CING PHAN CHER BTAGS PAS NA, ,'DI DAG BDAG GIS SDUG BSNGAL BYAS, ,DA NI BDE BAR BYA BAR RIGS, ,ZHES GSUNGS PAS DRIN SHES PAS BDAG GIS 'DI DAG BSGRAL BA DANG, DGROL BA DANG, DBUGS DBYUNG BA DANG, MYA NGAN LAS BZLA'O ZHES TSAD MED PA BZHIS BYANG CHUB TU SEMS BSKYED LA, DE'I CHED DU TSOGS GNYIS BSAG PAR BYA'O, ,RMI LAM GYI SEMS DANG MA BRAL BAS NAM MKHA'I DBYINGS 'DI DKON MCHOG GSUM GYIS TIL GYI GA'U BZHIN DU KHYAB PA LA, DAM PA BDUN DANG, 'DU SHES BDUN DRAN PAR BYAS PA DANG, RJES SU DRAN PA'I TSIGS SU BCAD PA YANG BRJOD DE, GNYEN PO DRUG GI SGO NAS LUS KYI BKOD PA YANG BYAS NAS PHYAG BYA BA DANG, MCHOD PA DANG SDIG PA BSHAGS PA DANG, RJES SU YI RANG BA DANG, BSKUL BA DANG, GSOL BA GDAB PA DANG, SKYABS SU 'GRO BA DANG, BYANG CHUB TU SEMS BSKYED PA DANG, LUS DBUL BA DANG, SDOM PA BLANG BA DANG, THEG PA CHEN PO'I LAM LA GNAS PAR DAM BCAS LA, DE DAG BYANG CHUB CHEN POR YONGS SU BSNGO BAR BYA'O, ,DE DAG THAMS CAD CHOS KYI DBYINGS SU GYUR TE, MCHOD PA'I GNAS DANG, MCHOD PA'I TSOGS DE DAG THAMS CAD DANG PO GANG NAS BYON, DA LTA GANG DU BZHUD SNYAM DU BRTAGS NA GANG NAS KYANG MA BYON, GANG DU YANG MA BZHUD, PHYI NANG GI CHOS 'DI DAG KYANG DE KHO NA BZHIN YIN PAS, THAMS CAD RANG SEMS SGYU MA'I RNAM PAR 'PHRUL PA BRDZUN BZHIN DU SNANG, SNANG BZHIN DU BRDZUN PAS DE DAG LUS LA BSDU, DE YANG SEMS LA BSDU, SEMS NI KHA DOG MED PA, DBYIBS MED PA, RANG BZHIN GYIS 'OD GSAL BA, GDOD NAS MA SKYES PA'O, ,SO SOR RTOG PA'I SHES RAB DE NYID KYANG 'OD GSAL BAR GYUR TO, ,BAR DER SHES PA CI YANG MA YIN LA, CIR YANG MI GNAS PA, CIR YANG MA GRUB PA; CI'I RNAM PAR YANG MA SKYES PA, SPROS PA MA LUS PA NYE BAR ZHI BA, STON KA'I NYI MA PHYED KYI NAM MKHA'I GUNG LTA BU'I MTSAN MA'I RDUL THAMS CAD DENGS PA'I NAM MKHA' RDO RJE'I TING NGE 'DZIN SNANG BA MED PA LA JI TZAM NUS PAR GNAS SO, ,MA GOMS PA'I DBANG GIS SEMS YENGS PAR GYUR NA @97B YANG DE NYID DU BKUG LA GNAS SO, ,THUN GZHAN YANG DE BZHIN DU BYA'O, ,THUN GRANGS MANG LA YUN THUNG BAR BYA'O, ,GANG GI TSE GOMS PAR GYUR CING CUNG ZAD BRTAN PA NA JE RING JE RING BYA'O, ,SGRIB PA LNGA PO SO SO'I GNYEN POS ZHI BAR BYA'O, ,DE NAS MIG PHYE LA AE MA'O NGO MTSAR RO, , CHOS KYI DBYINGS CI YANG MED PA LA CIR YANG SNANG BA 'DI NGO MTSAR CHE'O, ,'DI DAG NI RANG GI SEMS NYID BRDZUN PA'I RNAM 'PHRUL BRDZUN BZHIN DU SNANG, SNANG BZHIN DU BRDZUN PA STE, SGYU MA'I DPE BRGYAD KYIS MTSON PA SNANG LA RANG BZHIN MED PA'O ZHES BLTAS LA SMON LAM BTAB NAS SKYIL MO KRUNG DAL GYIS BSHIG LA LANGS TE TSA TSA LA SOGS PA DGE BA'I LAS CI NUS PA BYA'O, ,DE DAG THUN DRUG TU TSOGS GNYIS BSAGS PA LA 'BAD DO, ,NYAL BA'I DUS SU STONG PA NYID DU BSGOMS LA DE'I NGANG DU GNYID LOG PAR BYA'O, ,DE NAS THUN THA MA LA BYAMS PA DANG SNYING RJE LAS BYUNG BA'I BYANG CHUB KYI SEMS KYIS BSLANG BAR BSAM MO, ,DES NI DON DAM PA BYANG CHUB KYI SEMS BSKYED PA YIN NO, ,ZAS LA CHA BZHIR BGO BAR BYA'O, ,SLOB DPON KLU SGRUB KYI ZHAL SNGA NAS KYANG, DON DAM PA BYANG CHUB KYI SEMS NI GSANG SNGAGS KYI SGO'I SPYAD PA SPYOD PA'I BYANG CHUB SEMS DPA' BSGOM PA'I STOBS KYIS BSKYED PAR BYA BA YIN NO ZHES GSUNGS SO, ,DE LTAR GUS PA DANG, YUN RING BA DANG, RGYUN MI 'CHAD PAR 'BAD PAR BYAS NA SEMS CAN LA SNYING RJE YANG SHUGS KYIS SKYE STE, SLOB DPON KLU SGRUB KYI ZHAL SNGA NAS, DE LTAR RNAL 'BYOR PA RNAMS KYIS, ,STONG PA NYID 'DI BSGOMS BYAS NA, ,BLO NI GZHAN DON LA DGA' BAR, ,'GYUR BA 'DI LA THE TSOM MED, ,YANG, GDOD NAS SKYE MED DON DE NI, ,BLO YIS GTING NAS RTOGS GYUR NAS, ,'KHOR BA'I 'DAM DU BYING BA LA, ,SNYING RJE NGANG GIS SKYE BAR 'GYUR, ,ZHES GSUNGS SO, ,DE LTAR RNAL 'BYOR PA DES NANG DU MNYAM PAR GZHAG PA NA, DON DAM BYANG CHUB KYI SEMS BSGOMS LA, DE LAS LANGS PA NA KUN RDZOB BYANG CHUB KYI SEMS BSGOMS PAS STONG PA SNYING RJE CHEN PO'I SNYING PO CAN GYI BYANG CHUB KYI SEMS GNYIS PO BRTAN PAR BYA'O, ,RNAM PAR SNANG MDZAD MNGON PAR BYANG CHUB PA LAS, BYANG @98A *, ,CHUB NAM MKHA'I MTSAN NYID DE, ,RTOG PA THAMS CAD SPANGS PA'O, ,ZHES DANG, SHES RAB SDUD PA LAS, THOB PAR BYA BA'I CHOS NI RDUL TZAM YOD MA YIN, ,BYANG CHUB DNGOS POR BZUNG NAS MCHOG 'DZIN MA BYED CIG ,DANG PO'I LAS CAN DE LA DE SKAD BSTAN PAR BYA, ,ZHES PA DANG, YUM CHEN MO 'BUM PA LAS, NGAS NI CI YANG THOB PA MED PA KHO NAR BYANG CHUB KYI SNYING POR MNGON PAR RDZOGS PAR SANGS RGYAS SO ZHES GSUNGS SO, ,'PHAGS PA CHOS YANG DAG PAR SDUD PA LAS KYANG, DE LA BYANG CHUB SEMS DPA' 'DOD PA CHUNG BA GANG ZHE NA; GANG BYANG CHUB KYANG MI 'DOD PA'O, ,CHOG SHES PA GANG ZHE NA, GANG BYANG CHUB KYI SEMS LA LHAG PAR MA ZHEN PA'O ZHES GSUNGS SO, ,GZHAN MDO SDE RIN PO CHE DU MA DANG, GSANG SNGAGS KYI RGYUD DU MA NAS DON 'DI NYID GSUNGS SO, ,DPAL GSANG BA 'DUS PA LAS, DNGOS PO THAMS CAD DANG BRAL ZHING, ,PHUNG PO KHAMS DANG SKYE MCHED DANG, ,GZUNG DANG 'DZIN PA RNAM PAR SPANGS, ,CHOS BDAG MED PAR MNYAM NYID BAS, ,RANG SEMS GDOD NAS MA SKYES PA, ,STONG PA NYID KYI NGO BO NYID, ,CES DANG, 'PHAGS PA BRGYAD STONG PA LAS KYANG, SH'A RI'I BU GANG SEMS MA YIN PA DE NI SEMS MED PA'O, ,GANG SEMS MED PA DE NI SEMS RANG BZHIN GYIS 'OD GSAL BA'O ZHES GSUNGS SO, ,'PHAGS PA KLU SGRUB KYI ZHAL SNGA NAS KYANG, SEMS NI SANGS RGYAS THAMS CAD KYIS, ,MA GZIGS GZIGS PA MA YIN TE, ,RANG BZHIN MED PA'I RANG BZHIN LA, , JI LTA BU ZHIG GZIGS PAR 'GYUR, ,ZHES GSUNGS SO, ,RJE BTZUN 'PHAGS PA LHA'I ZHAL SNGA NAS KYANG, SEMS KYIS SEMS MED RTOGS BYA'I PHYIR, ,GANG TSE GOMS PAR BYA BA YIN, ,DE TSE SEMS NI MTHONG MI 'GYUR, ,ZHES GSUNGS SO, ,'PHAGS PA CHOS YANG DAG PAR SDUD PA LAS KYANG, ,LHA'I BU DAG GZHAN YANG BYANG CHUB KYI SEMS LA MNGON PAR ZHEN PA DE YANG BDUD KYI LAS SO, ,SEMS SGYU MAR MA 'TSAL NAS SEMS LA DNGOS POR BZUNG STE, BLA NA MED PA'I BYANG CHUB TU SEMS BSKYED PA GANG LAGS PA DE MTHOL LO BSHAGS SO ZHES GSUNGS SO, , @98B SKYE BA SNGA MA GRANGS MED PAR THEG PA CHEN PO LA GOMS PA, RGYUD LEGS PAR SBYANGS PA, DBANG PO RNON POS NI KUN RDZOB BYANG CHUB KYI SEMS DE NYID DON DAM BYANG CHUB KYI SEMS BSKYED DU SHAS TE, STONG PA NYID DANG SNYING RJE CHEN PO CAN YIN PAS RNAM PA THAMS CAD KYI MCHOG DANG LDAN PA'I STONG PA NYID DU GNAS SO, ,DON 'DI LA DGONGS NAS SLOB DPON KLU SGRUB KYI ZHAL SNGA NAS, BDAG DANG PHUNG PO LA SOGS DANG, ,RNAM SHES RTOG PAS MA BSGRIBS PA, ,SANGS RGYAS RNAMS KYIS BYANG CHUB SEMS, ,STONG PA'I MTSAN NYID DAG TU BZHED, ,CES GSUNGS SO, ,'O NA JI LTAR ZHE NA, KUN RDZOB TU SGYU MA'I SKYES BU DANG, SPRUL PA'I SKYES BUS BYANG CHUB TU SEMS BSKYED PA DE LTA BUR BSKYED PAR BYA'O, ,JI SKAD DU, 'PHAGS PA KLU'I RGYAL PO RGYA MTSOS ZHUS PA LAS, KLU'I RGYAL PO CHOS GCIG GIS BYANG CHUB SEMS DPA' RNAMS MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA STE, CHOS GCIG PO GANG ZHE NA, SEMS CAN THAMS CAD MI GTONG BA'I BYANG CHUB KYI SEMS SO ZHES GSUNGS PAS DE BSKYED DGOS SO, ,SEMS DE SKYE BA'I RGYU DANG, RKYEN DANG, NGO BO DANG, RNAM PA DANG; SBYANG BA DANG, GZUNG BA DANG, BSRUNG BA DANG, SPEL BA DANG, DE'I PHAN YON DANG, GTONG BA'I RGYU DANG, BTANG BA'I NYES DMIGS DANG, GZHAN BSKYED DU BCUG PA'I PHAN YON DANG, GZHAN BSKYED PA LA RJES SU YI RANG BA'I PHAN YON DANG, GZHAN BSKYED PA'I BAR CHAD BYAS PA'I NYES DMIGS LA MKHAS PAR BYA'O, ,DE LA RGYU NI RIGS PHUN SUM TSOGS PA'I RTAGS DANG LDAN PA STE, JI SKAD DU 'PHAGS PA BDEN PAR SMRA BA LUNG BSTAN PA'I MDO LAS, DE RGYA CHE BA LA MOS PAS DMAN PA LA MOS PA MED PA YIN, DE RANG BZHIN GYIS SNYING RJE CHEN PO DANG LDAN PAS DKAR PO'I YON TAN DANG LDAN PA YIN, DE SDIG PA'I GROGS PO SPANGS PAS DGE BA'I BSHES GNYEN GYIS YONGS SU BZUNG BA YIN, JI SKAD SMRAS PA BZHIN BYED PAS MI SLU BA YIN, SANGS RGYAS 'JIG RTEN DU RGYU BA MNYES PAR BYAS PAS DGA' BA DANG LDAN PA YIN, LUS DANG @99A *, ,NGAG DANG YID KYI LAS KHA NA MA THO BA MED PAS SDIG PA SPANGS PA YIN, LHAG PA'I BSAM PA SKYON MED PAS YI DAM LA BRTAN PA YIN, RO BRO BA LA MA CHAGS PAS THAMS CAD 'GYED PA'I NGANG TSUL CAN YIN, BDUD KYI BYIN GYIS BRLABS PA DANG BRAL BA YIN, DGE BA'I RTZA BA BSAGS PAS SPYOD PA LEGS PAR SPYOD PA YIN, SNYING RJE CHEN PO'I SPYOD YUL YIN PAS SEMS CAN LA SNYING BRTZE BA YIN, YO BYAD LHUG PAR GTONG BAS THAMS CAD LA CHAGS ZHEN CHUNG BA YIN ZHES GSUNGS SO, ,SLOB DPON 'PHAGS PA THOGS MED KYI ZHAL SNGA NAS KYANG, RGYU BZHI STE, RIGS DANG, DGE BA'I BSHES GNYEN DANG, SNYING RJE DANG, 'KHOR BA'I SDUG BSNGAL BZOD PA'O ZHES GSUNGS SO, ,RKYEN NI GNYIS TE, SBYOR BA'I RKYEN DANG, BSAM PA'I RKYEN NO, ,DE LA SBYOR BA'I RKYEN GYI TSOGS BSAGS PA DANG, RGYUD SBYANG BA DANG, SKYABS SU 'GRO BA KHYAD PAR CAN BYA BA'O, ,TSOGS BSAGS PA YANG NYIN LAN GSUM MTSAN LAN GSUM DU YAN LAG BDUN PA BYA BA DANG, SHES RAB KYI PHA ROL TU PHYIN PA'I MDO ZAB MO GDON PA DANG, BKLAGS PA DANG, GZUNGS GDON PA DANG, DKON MCHOG LA MCHOD PA RGYAS PAR BYA BA DANG, DGE 'DUN GYI MCHOD STON YON DANG BCAS PA BYA BA DANG, BYIS PA'I STON MO DANG, MGON MED PA RNAMS LA SBYIN PA RGYA CHEN PO BTANG BA DANG, MTSAN MO RGYU BA RNAMS LA GTOR MA RGYA CHEN PO BTANG BA LA SOGS PA BYA'O, ,RGYUD SBYANG BA YANG SNGA MA BZHIN DU MDO SDE ZAB MO GDON PA DANG, BKLAGS PA DANG, GZUNGS BZLAS PA DANG, YAN LAG BDUN PA BYA BA DANG, PHUNG PO GSUM PA GDON PA DANG, LAS KYI SGRIB PA RGYUN GCOD PA DANG, GSER 'OD DAM PA RNGA SGRA'I TSIGS SU BCAD PA LA SOGS PA'I GZHUNG GIS SDIG PA BSHAGS PAR BYA'O, ,SKYABS SU 'GRO BA KHYAD PAR CAN NI; KHYAD PAR RNAM PA BDUN GYIS KHYAD PAR DU 'PHAGS TE, RTEN GYI GANG ZAG GI KHYAD PAR DANG, SKYABS GNAS DKON MCHOG GSUM GYI KHYAD PAR DANG, DUS KYI KHYAD PAR DANG, BSAM PA'I KHYAD PAR DANG, SBYOR BA'I KHYAD PAR DANG, BSLAB BYA'I KHYAD PAR DANG, PHAN YON GYI KHYAD PAR RO, ,DE LA @99B SKYABS GNAS DKON MCHOG GSUM GYI KHYAD PAR NI, THEG PA CHUNG BA'I SKYABS NI, JI SKAD DU MDZOD LAS, GANG ZHIG GSUM LA SKYABS 'GRO BA, ,SANGS RGYAS DGE 'DUN BYED PA YI, ,CHOS LA'ANG DE BZHIN SKYABS 'GRO ZHING, ,MYA NGAN 'DAS LA'ANG SKYABS SU 'GRO, ,ZHES BSHAD DO, ,'DIR KHYAD PAR NI, DKON MCHOG GSUM NI RNAM PA GSUM STE, DE KHO NA NYID KYI DKON MCHOG GSUM DANG, MDUN DU GZHAG PA'I DKON MCHOG GSUM DANG, MNGON PAR RTOGS PA'I DKON MCHOG GSUM STE, 'DI'I DON RGYAS PAS BLA MA LA ZHU BAR BYA'O, ,YANG BSLAB BYA'I KHYAD PAR 'BA' ZHIG BRJOD DE, DKON MCHOG GSUM GYI KHYAD PAR DANG, YON TAN RJES SU DRAN PA'I SGO NAS DKON MCHOG GSUM LUS DANG SROG GI PHYIR MI GTONG ZHING YANG DANG YANG DU SKYABS SU 'GRO BA DANG, BKA' DRIN CHEN PO RJES SU DRAN PA'I SGO NAS DUS RTAG TU 'AM, YANG NA DUS RES 'GA' MCHOD PAR BYA BA DANG, THA NA CHU GTZANG PHOR PA GANG TZAM YANG DBUL BAR BYA BA DANG, ZAS LA SOGS PA'I PHUD DBUL BAR BYA'O, ,BYA BA CI BYED PA DANG, DE GOS PA CI YOD PA NI DKON MCHOG GSUM LA GSOL BA BTAB NAS BYED KYI, 'JIG RTEN PA'I THABS GZHAN SPANG BA DANG, 'GRO BA GZHAN LA YANG TSUL 'DI BZHIN DU SBYAR BAR BYA'O, ,THEG PA THUN MONG GI BSLAB BYA NI, SANGS RGYAS LA SKYABS SU SONG BAS 'JIG RTEN PA'I LHA LA PHYAG MI BYA BA LA SOGS PA STE, DKON MCHOG GSUM PO SO SO'I BSLAB BYA'O, ,BSAM PA'I RKYEN NI JI SKAD DU 'PHAGS PA YE SHES PHYAG RGYA'I MDO DANG, SNYING RJE PADMA DKAR PO'I MDO LAS, SANGS RGYAS KYI BYANG CHUB TU SEMS BSKYED PA DANG, DAM PA'I CHOS 'JIG PA'I DUS SU SEMS BSKYED PA DANG, SEMS CAN SDUG BSNGAL BA MTHONG NAS SEMS BSKYED PA DANG, BYANG CHUB SEMS DPA' SEMS BSKYED PA DANG, MCHOD PA DANG DBUL BA BZANG PO BYAS NAS SEMS BSKYED PA DANG, GZHAN GYI LHA BLTAS NAS SEMS BSKYED PA DANG, DE BZHIN GSHEGS PA'I SKU MTHONG NAS SEMS BSKYED PA STE, DANG PO GSUM NI BYANG CHUB KYI SEMS DNGOS YIN NO ZHES GSUNGS PA DANG, 'PHAGS @100A *, ,PA CHOS BCU PA'I MDO LAS KYANG GSUNGS TE, SANGS RGYAS DANG BYANG CHUB SEMS DPA' LA SOGS PAS BSKUL NAS SEMS BSKYED PA DANG, BYANG CHUB KYI SEMS KYI PHAN YON MTHONG NAS SEMS BSKYED PA DANG, SEMS CAN SDUG BSNGAL BA MTHONG NAS SEMS BSKYED PA DANG, SANGS RGYAS DANG BYANG CHUB SEMS DPA' PHUN SUM TSOGS PA MTHONG NAS SEMS BSKYED PA'O ZHES GSUNGS SO, ,MDO SDE RGYAN LAS NI RKYEN LNGA GSUNGS TE, GROGS STOBS RGYU STOBS RTZA BA'I STOBS, ,THOS STOBS DGE BA GOMS PA'I STOBS, ,MI BRTAN PA DANG BRTAN 'BYUNG BA, ,ZHES GSUNGS SO, ,'PHAGS PA THOGS MED KYI ZHAL SNGA NAS RKYEN BZHI DANG, STOBS BZHI GSUNGS SO, ,RKYEN BZHI NI DE BZHIN GSHEGS PA'I PHUN SUM TSOGS PA MTHONG NAS SEMS BSKYED PA DANG, PHAN YON MTHONG NAS SEMS BSKYED PA DANG, DAM PA'I CHOS 'JIG PA'I DUS SU SEMS BSKYED PA DANG, SEMS CAN SDUG PA MTHONG NAS SEMS BSKYED PA'O, ,STOBS BZHIN RGYU'I STOBS DANG, SBYOR BA'I STOBS DANG, RANG GI STOBS DANG, GZHAN GYI STOBS SO, ,DE LTAR RGYU DANG RKYEN NYE BAR TSOGS PA NA BYANG CHUB KYI SEMS NYE BAR SKYE BAR 'GYUR RO, ,SKYES PA'I NGO BO NI, 'DUN PA DANG, 'DOD PA DANG, SMON PA NI RNAM GRANGS SO, ,JI SKAD DU 'PHAGS PA BYAMS PA'I ZHAL SNGA NAS, SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, ,CES GSUNGS SO, ,'DUN PA DANG SNYING RJE DANG MTSUNGS PAR LDAN PA'I YID KYI RNAM PAR SHES PA YUL KHYAD PAR CAN LA DMIGS PA NI NGO BO STE, DKAR PO'I CHOS KYI LO TOG MA LUS PA BSKYED PA'I SA GZHI BZANG PO LTA BU STE, 'DUN PA SA LTA BU'I BYANG CHUB KYI SEMS SO, ,RNAM PA DE NYID KYI KHYAD PAR RAM BYE BRAG STE, G-YO SGYU LA SOGS PA'I SKYON GANG GIS KYANG MA GOS SHING DRI MA MED PA STE, DPER NA GSER BZANG PO G-YA' DANG RDO DANG SA LA SOGS PA'I SKYON MED PA LTA BU STE, SEMS DE NYID BSAM PA BZANG PO GSER LTA BU'O, ,DE'I DON RGYAS PAR 'PHAGS PA BLO GROS MI ZAD PAS BSTAN PA'I MDO LAS, BTZUN PA SHAR @100B DVA TI'I BU BYANG CHUB KYI SEMS DE NI JI LTA BU'I RNAM PAR SEMS SKYES PA YIN, SMRAS PA RIGS KYI BU SEMS DE NI THIG PA DMAN PA DANG MA 'DRES PAS GTZANG BA'I RNAM PAR SKYES SO ZHES BYA BA LA SOGS PA RGYAS PAR GSUNGS SO, ,DE SBYANG BA NI SEMS DE DANG PO GANG NAS KYANG MA 'ONGS SHING, THA MA GAR YANG MI 'GRO BA, GANG NA YANG MI GNAS PA STE, KHA DOG MED PA, DBYIBS MED PA, GZOD MA NAS MA SKYES PA, THA MAR MI 'GAG PA, RANG BZHIN GYIS STONG PA, 'OD GSAL BA'I NGO BO YANG NAS YANG DU DRAN PAR BYA'O, ,YANG NA BYAMS PA DANG, SNYING RJE BYANG CHUB KYI SEMS DE GOMS PAS BRTAN PAR BYA BA DANG, SHIN TU BYANG BAR BYA STE, SEMS KYI SKAD CIG RE RE LA DRAN PA RGYUN CHAGS SU BYA BA DANG, DRAN PA DANG, SHES BZHIN DANG, TSUL BZHIN DU SEMS PA DANG, BAG YOD PAS GNAS PAR BYA'O, ,BYANG CHUB KYI SEMS GZUNG BA NI SEMS CAN MI GTONG BA BZHI DANG, SKYES BU DAM PA'I RNAM PAR RTOG PA BRGYAD DANG, NANG GI THABS LA MKHAS PA BCU DANG, PHYI'I THABS LA MKHAS PA DRUG DANG, BDAG DANG GZHAN BRJE BA DANG, BDAG DANG GZHAN MNYAM PAR BYA BA DANG, 'PHAGS PA BZANG SPYOD DANG, RDO RJE RGYAL MTSAN GYI BSNGO BA CHEN PO BCU LA SOGS PA GDAB BO, ,DE LA SEMS CAN MI GTONG BA NI BDAG LA PHAN 'DOGS PA'I SEMS CAN MI GTONG BA DANG, BDAG LA GNOD PA BYED PA MI GTONG BA DANG, DNGOS SU SDUG BSNGAL BA DANG, SDUG BSNGAL GYI RGYU SOGS PA MI GTONG BA DANG, SPYIR SEMS CAN MI GTONG BA'O, ,DE LA BDAG LA PHAN 'DOGS PA MI GTONG BA NI, DRIN SHES SHING DRIN GZO BA'I SEMS KYIS MI GTONG PA STE, SLOB DPON KLU SGRUB KYI ZHAL SNGA NAS, 'KHOR BA THOG MA MED PA NAS, ,NYON MONGS ME YIS GDUNGS PA YIS, ,SRID PA'I BTZON RA'I NANG GNAS PA, ,SEMS CAN GANG YIN DE DAG SNGON, ,PHA MA MDZA' BSHES RTZA LAG TU, ,GYUR CING PHAN CHEN BTAGS PAS NA, ,BYAS PA GZO BA NYID DU BYA, ,'DI DAG BDAG GIS SDUG BSNGAL BYAS, ,DA NI BDE BAR BYA BA'I RIGS, ,ZHES GSUNGS SO, ,'DI'I DON RGYAS PAR MDO SDER BLTA BAR BYA'O, ,SKYE BA @101A *, ,'DI'I PHA MA DANG GNYEN 'DUN DANG, GROGS LA SOGS PA BDAG LA PHAN 'DOGS PA LA DRIN SHES SHING DRIN GZO BA BYA DGOS TE, DE LTAR MA GYUR NA, BYAS LA LAN DU PHAN MI 'DOGS, ,ZHES PA'I NYES BYAS KYANG 'BYUNG BAR 'GYUR RO, ,BDAG LA GNOD PA BYED PA'I SEMS CAN MI GTONG BA NI, LAS BDAG GIR BYAS PA'I SEMS KYIS MI GTONG STE, JI SKAD DU, 'DZAM BU'I GLING GI SKYES MCHOG NI, ,LEGS KYI LAN NI LEGS KYIS LDON, ,NYES KYI LAN YANG LEGS KYIS LDON, ,ZHES DANG, YUM BRGYAD STONG PA LAS KYANG, BYANG CHUB SEMS DPA' PHA ROL POS NYES PA CHEN PO BYAS KYANG, DE DANG RTZOD PA MI BYED PAR DE LA GNOD PA DANG SEMS 'KHRUG PAR MI BYA'O, ,GAL TE GSOD NA YANG DE LA ZHE SDANG BAR MI BYA'O, ,SEMS CAN SU LA YANG ZHE SDANG BAR MI BYA'O, ,BYANG CHUB SEMS DPA' RNAMS LA NI BRTAN PAR 'DU SHES BSKYED PAR BYA'O ZHES GSUNGS PA DANG, YANG JI SKAD DU BYANG CHUB SEMS DPA' SEMS CAN THAMS CAD LA PHA DANG MA DANG BU DANG BU MO'I 'DU SHES SO, ,RANG NYID BDE BAR 'DOD PA LTAR SEMS CAN GZHAN YANG BDE BA LA SBYAR BAR BYA'O, ,SEMS CAN MA LUS PA SDUG BSNGAL BA LAS THAR BAR BYA'O, ,SEMS CAN GANG YANG MI GTONG NGO, ,DE DAG GI BDAG GIS LUS DUM BU BRGYAR BTUBS KYANG DE DAG LA GNOD PA'I SEMS MI BYA BAR BYAMS PA DANG SNYING RJE BSKYED DO ZHES GSUNGS PA DANG, RJE BTZUN A'AR+YA DE BA'I ZHAL SNGA NAS KYANG, GNOD PA DRAG PO BYUNG BA NA, ,SNGON GYI LAS SU SHES PAR BYA, , ZHES GSUNGS SO, ,GAL TE DE LTAR MA GYUR NA, GZHAN GYIS BSHAGS KYANG MI NYAN PAR, ,KHROS NAS GZHAN LA 'TSOG PA DANG, ,PHA ROL SHAD KYIS 'CHAGS PA SPONG, ,KHROS PA RNAMS NI YAL BAR 'JOG ,GSHE LA LAN DU GSHE LA SOGS, ,ZHES PA'I PHAM PA DANG NYES BYAS 'BYUNG BAR 'GYUR RO, ,DNGOS SU SDUG BSNGAL BA'I SEMS CAN MI GTONG BA NI, TSA BA DANG GRANG BA DANG BKRES PA DANG SKOM PA LA SOGS PA DANG, MTSAMS MED PA LA SOGS PA DANG, BSLAB PA NYAMS PA DANG, SDUG BSNGAL SNA TSOGS KYIS GDUNGS PA MTHONG NA SNYING RJE'I SEMS @101B KYIS MI GTONG STE, RJE BTZUN A'AR+YA DE BA'I ZHAL NAS, 'KHOR LO DPAG TSAD BCU GNYIS PA, ,LCAGS BYAS MGO LA 'KHOR BA DANG, ,BYANG CHUB SEMS NI BSKYED MA THAG ,MED PAR 'GYUR ZHES THOS PA YIN, ,ZHES GSUNGS PA DANG, SLOB DPON DPA' BO'I ZHAL NAS KYANG, NA BA'I BU LA KHYAD PAR DU, ,MA NI GDUNG BA SKYE BA LTAR, ,DE BZHIN BYANG CHUB SEMS DPA' RNAMS, ,DAM PA MIN LA KHYAD PAR BRTZE, ,ZHES GSUNGS PA DANG, SLOB DPON BHA BYA'I ZHAL NAS KYANG, SDUG BSNGAL DRAG POS GDUNGS PA YI, ,SDUG BSNGAL CAN DAG MTHONG BA'I TSE, ,SNYING RJE RUS PA'I GTING NAS NI, ,SKYE ZHING DE LA PHAN PAR BYED, ,CES GSUNGS TE, RGYAS PAR MDO SDER BLTA BAR BYA'O, ,SDUG BSNGAL GYI RGYU LA SOGS PA'I SEMS CAN NI, SNYING BRTZE BA'I SEMS KYIS MI GTONG STE, BSLAB PA NYAMS PA DANG, MTSAMS MED PA BYED PA DANG, SROG GCOD PA DANG, SDIG PA'I LAS SNA TSOGS BYED PA DE DAG LAS BZLOG PAR BYA STE, JI SKAD DU, 'PHAGS PA DRAN PA NYER GZHAG LAS, GANG ZHIG BRTUL ZHUGS BZANG MNOS NAS, ,LEGS PAR SRUNG BAR MI BYED PA, ,DE NI NGES PAR SHA DANG RUS, ,'JIG PA'I ME MA MUR DU SREG ,CES GSUNGS PA DANG, 'PHAGS PA RNYED DANG 'DOD GNAS PA, ,TSUL KHRIMS 'CHAL PA MTHONG NAS NI, ,'DI YI 'GRO BA CIR 'GYUR ZHES, ,MCHI MA'ANG RAB TU 'BYUNG BAR BYA, ,ZHES GSUNGS PA DANG, SLOB DPON KLU SGRUB KYI ZHAL SNGA NAS KYANG, 'JIG RTEN NA NI SEMS CAN GANG, ,RTAG TU SDIG PA BYED 'DOD PA, ,RTAG TU DE DAG THAMS CAD NI, ,GNOD PA MED PAR BZLOG GYUR CIG ,CES GSUNGS SO, ,SPYIR SEMS CAN MI GTONG BA NI BYAMS PA'I SEMS KYIS MI GTONG BA DANG, 'PHAGS PA SPOBS PA'I BLO GROS KYI MDO LAS, BYANG CHUB SEMS DPA' SEMS CAN THAMS CAD LA BU BZHIN DU BLTA BAR BYA BA DANG, RANG GI LUS BZHIN DU BLTA BAR BYA'O ZHES GSUNGS PA DANG, MDO SDE RGYAN LAS KYANG, JI LTAR PHUG RON RANG GI BU MCHOG BYAMS, ,RANG GI BU DE NYE BAR 'KHYUD NAS 'DUG ,DE BZHIN SDUG BSNGAL BA YI SEMS CAN LA, ,BRTZE BCAS BYANG CHUB SEMS DPA' DE DANG @102A *, ,'DRA, ,ZHES GSUNGS PA DANG, 'PHAGS PA RIG PA MCHOG GI RGYUD CHEN PO LAS KYANG, BYANG CHUB SEMS DPA' RANG GI BDE MA CHAGS, ,RANG GI SDUG BSNGAL DAG GIS MI MJED KYANG, ,GZHAN GYI SDUG BSNGAL DAG GIS SDUG BSNGAL 'GYUR, ,GZHAN BDEN NI BYANG CHUB SEMS DPA' DGA', ,ZHES GSUNGS PA DANG, DPAL RDO RJE MKHA' 'GRO'I RGYUD DANG, DPAL MCHOG DANG PO LAS KYANG, JI SRID 'KHOR BA'I GNAS SU NI, ,MKHAS MCHOG GNAS PAR GYUR PA NA, ,DE SRID MTSUNGS MED SEMS CAN DON, ,MYA NGAN MI 'DA' BYED PAR NUS, ,ZHES GSUNGS TE, RGYAS PAR MDO SDER BLTA BAR BYA'O, ,SKYES BU DAM PA'I RNAM PAR RTOG PA BRGYAD NI KYI HUD NAM ZHIG NA BDAG GI SEMS CAN GYI SKYE BA'I SDUG BSNGAL MED PAR BYED NUS PAR 'GYUR ZHIG TU, DE BZHIN DU RGAS PA'I SDUG BSNGAL DANG, NA BA'I SDUG BSNGAL DANG, 'CHI BA'I SDUG BSNGAL MED PAR BYED PAR 'GYUR ZHIG GU ,SEMS CAN MA BSGRAL BA RNAMS SGROL BAR BYED NUS PAR 'GYUR, MA GROL BA RNAMS DANG, DBUGS MA PHYIN PA RNAMS DANG, YONGS SU MYA NGAN LAS MA 'DAS PA RNAMS NAM ZHIG MYA NGAN LAS ZLO NUS PAR 'GYUR ZHIG GU SNYAM PA'I SEMS SKAD CIG RE RE LA DRAN PA RGYUN CHAGS SU BYA'O, ,NANG GI THABS LA MKHAS PA NI GZHAN GYI SDUG BSNGAL BDAG GIR BYED PA DANG, BDAG GI SDUG BSNGAL GYIS GZHAN GYI SDUG BSNGAL BSAL BA DANG, BDAG GI BDE BA DANG GZHAN GYI SDUG BSNGAL BRJE BA DANG, GZHAN GYI SDUG BSNGAL GYIS BDAG DUS RTAG TU SDUG BSNGAL GYIS GDUNGS PA STE, JI SKAD DU RIG PA MCHOG GI RGYUD CHEN PO LAS, BYANG CHUB SEMS DPA' RANG GI BDE MA CHAGS, ,RANG GI SDUG BSNGAL DAG GIS MI MJED KYANG, ,GZHAN GYI SDUG BSNGAL DAG GIS SEMS SDUG BSNGAL, ,GZHAN BDEN NI BYANG CHUB SEMS DPA' DGA', ,ZHES GSUNGS SO, ,GZHAN GYI SDIG PA BDAG GI SDIG PAR BYAS NAS BSHAGS PA DANG, GZHAN GYI DGE BA BDAG GI DGE BAR BYAS NAS YI RANG BA DANG, BDAG GI DGE BA GZHAN GYI DGE BAR BSNGOS NAS YI RANG BA DANG, GZHAN GYI DGE BA BDAG GI @102B DGE BAR BYAS NAS YONGS SU BSNGO BA'O, ,PHYI'I THABS LA MKHAS PA NI BSDU BA'I DNGOS PO BZHI DANG, RIG PA'I GNAS LNGA DANG, MKHAS PA BCU DANG, PHA ROL TU PHYIN PA DRUG DANG, TSAD MED PA BZHI LA SOGS PAS SEMS CAN MA LUS PA SMIN PAR BYED DE, RJES SU GZUNG BA DANG, TSAR BCAD PA DANG, BRID PA DANG, BSDIGS PA DANG, RTZIGS LA DBAB PA DANG, RNGAN PAS BRNGAN PA'O, ,'PHAGS PA RDO RJE RGYAL MTSAN GYI BSNGO BA BCU PA DANG, BZANG PO SPYOD PA DANG, SLOB DPON KLU SGRUB KYIS MDZAD PA'I SMON LAM NYI SHU PA DANG, BA TSVA CHU KLUNG NAS BYUNG BA'I TSIGS SU BCAD PA BCU GCIG PA LA SOGS PAS SEMS CAN MI GTONG BAR BYA'O, ,'PHAGS PA 'OD SRUNGS KYIS ZHUS PA LAS, SROG GI PHYIR YANG BRDZUN MI SMRA BA DANG, SEMS CAN LA G-YO SGYU MED PA'I LHAG PA'I BSAM PAS GNAS PAR BYA BA DANG, SEMS BSKYED PA'I GANG ZAG LA STON PA'I 'DU SHES BSKYED PA DANG, SEMS CAN GANG DAG SMIN PAR BYED PA DE DAG THAMS CAD BLA NA MED PA'I BYANG CHUB CHEN POR SMIN PAR BYED KYI NYAN THOS DANG RANG SANGS RGYAS KYI SA MA YIN PA'O, ,DE BZHIN DU 'PHAGS PA SPYAN RAS GZIGS DBANG PHYUG GIS ZHUS PA LAS KYANG, RIGS KYI BU SEMS BSKYED MA THAG PA'I BYANG CHUB SEMS DPA' CHOS BDUN LA BSLAB PAR BYA STE, RNAM PAR RTOG PAS KYANG 'DOD PA LA SPYAD PAR MI BYIN [?] DBANG PO GNYIS KYIS GNYIS SBYOR BA LTA SMOS KYANG CI DGOS, THA NA RMI LAM DU YANG MI DGE BA'I BSHES GNYEN BSTEN PAR MI BYA BA DANG, BYA DANG 'DRA BAR SEMS KYIS YONGS SU 'DZIN PA MED PAR BYA BA DANG, THABS DANG SHES RAB LA MKHAS PAS NGA RGYAL DANG NGA YIR 'DZIN PA MED PAR BYA BA DANG, DNGOS PO DANG DNGOS PO MED PAR SPANGS NAS STONG PA NYID KYI TING NGE 'DZIN BRTAN POR BSGOM PA DANG, YANG DAG PA MA YIN PA'I KUN TU RTOG PA ZHI BAS 'KHOR BA LA DGA' BAR MI BYED PA STE, MDOR NA DRAN PA DANG SHES BZHIN DANG TSUL BZHIN DU SEMS PA DANG, BAG YOD PA DANG MI 'BRAL BA STE, SHES BZHIN MED PA'I SKYON CHAGS PAS, ,LTUNG BA'I RNYOG DANG BCAS PAR 'GYUR, ,GLO RDOL BUM PA'I CHU BZHIN DU, ,DRAN PA LA NI DE MI GNAS, ,YANG, DRAN PA DANG NI SHES BZHIN DANG, ,TSUL BZHIN DU @103A *, ,NI SEMS PA DANG, ,BAG YOD PA DANG MA BRAL ZHING, ,ZHES SLOB DPON SH'ANTA DE BAS GSUNGS SO, ,SEMS KYI SKAD CIG RE RE LA MI BRJED PAR BYA ZHING, DRAN PA RGYUN CHAGS SU BYAS PAS BYANG CHUB KYI SEMS YONGS SU GZUNG BAR BYA'O, ,GAL TE DE LTAR MA BYAS NA; SDUG BSNGAL MGON MED GYUR PA LA, ,SER SNAS CHOS NOR MI STER DANG, ,CHOS 'DOD PA LA SBYIN MI BYED, ,NAD PA'I RIM GRO BYA BA SPONG, ,DGOS PA'I DON DU 'GRO MI BYED, ,SEMS CAN DON LA BYA BA CHUNG, ,ZHES PA'I PHAM PA DANG NYES BYAS 'BYUNG NGO, ,BYANG CHUB KYI SEMS YONGS SU BSRUNG BA NI SEMS BRJED PAR BYED PA DANG, NYAMS PAR BYED PA DANG, GTONG BAR BYED PA LAS BSRUNG STE, 'PHAGS PA 'OD SRUNGS KYIS ZHUS PA LAS, GZHAN 'GYOD PA MED PA LA 'GYOD PA BSKYED PA DANG, MKHAN PO DANG SLOB DPON DANG SBYIN GNAS SLU BA DANG, SEMS CAN LA G-YO DANG SGYU DANG LONGS SPYOD KYI LHAG PA'I BSAM PAS MA YIN PA DANG, SEMS BSKYED PA'I GANG ZAG LA TSIGS SU BCAD PA MA YIN PAS BRJOD PA'O ZHES GSUNGS SO, ,'PHAGS PA BSOD NAMS THAMS CAD SDUD PA'I TING NGE 'DZIN LAS 'DI SKAD DU, SRED MED KYI BU CHOS BZHIS BYANG CHUB KYI SEMS BRJED PAR 'GYUR TE, LHAG PA'I NGA RGYAL DANG, CHOS LA MA GUS PA DANG, DGE BA'I BSHES GNYEN LA KHYAD DU GSOD PA DANG, LOG PA'I TSIG SMRA BA'O, ,YANG BZHI STE, NYAN THOS DANG RANG SANGS RGYAS DANG 'DRIS PAR BYED PA DANG, THEG PA DMAN PA LA MOS PA DANG, BYANG CHUB SEMS DPA' LA SDANG ZHING SKUR BA 'DEBS PA DANG, CHOS LA DPE MKHYUD BYED PA'O, ,YANG BZHI STE, SGYU BYED PA DANG, G-YO BYED PA DANG, BLA MA LA LCE GNYIS BYED PA DANG, RNYED PA DANG BKUR STI LA LHAG PAR ZHEN PA'O, ,YANG BZHI STE, BDUD KYI LAS MA RTOGS PA DANG, LAS KYI SGRIB PAS BSGRIBS PA DANG, LHAG PA'I BSAM PA STOBS CHUNG BA DANG, THABS DANG SHES RAB MED PA STE, DE DAG GIS BYANG CHUB KYI SEMS BRJED PAR 'GYUR RO ZHES GSUNGS SO, ,KLU'I RGYAL PO RGYA MTSOS ZHUS PA LAS, KLU'I RGYAL PO THAMS CAD MKHYEN PA'I YE SHES DE NI LAM LOG PA DANG @103B LAM NGAN PA NYI SHU RTZA GNYIS DANG BRAL BA YIN TE, NYAN THOS KYI SEMS DANG MA BRAL BA DANG, RANG SANGS RGYAS KYI SEMS DANG MA BRAL BA DANG, NGA RGYAL DANG LHAG PA'I NGA RGYAL DANG, G-YO SGYU DANG, RGYANG PAN PA'I GSANG TSIG DANG, LOG PAR ZHUGS PA DANG, SKYE BAS SKRAG PA DANG, KHENGS PA DANG, RTZOD PA DANG, 'DOD CHAGS DANG, ZHE SDANG DANG, GTI MUG DANG, LAS KYI SGRIB PA DANG, CHOS KYI SGRIB PA DANG, BDAG LA BSTOD CING GZHAN LA SMOD PA DANG, CHOS LA DPE MKHYUD BYED PA DANG, BRJED NGAS PA DANG, SDIG PA'I GROGS PO DANG, BLA MA LA 'KHU BA DANG, PHA ROL TU PHYIN PA DRUG DANG MI MTHUN PA DANG, CHAD PA DANG, RTAG PA DANG, THABS MI MKHAS PAS BSDU BA BZHI DANG, SDIG PA THAMS CAD DANG MA BRAL BA STE, DE DAG GIS BYANG CHUB KYI SEMS BRJED PAR 'GYUR RO ZHES GSUNGS SO, ,SDONG PO BKOD PA LAS KYANG, KYE RGYAL BA'I SRAS DAG BYANG CHUB SEMS DPA' NANG PHAN TSUN NGAN SEMS BSKYED PA'I KHA NA MA THO BA'I LAS LAS CHE BA NI MA MTHONG NGO ZHES GSUNGS SO, ,DE BZHIN DU DAD PA'I STOBS BSKYED PA LA SOGS PA'I MDO LAS RGYAS PAR GSUNGS PAS MDO SDER BLTA BAR BYA'O, ,LTUNG BA 'BYUNG BA'I RGYU NI RIGS MED PA DANG, SNYING RJE CHUNG BA DANG, 'KHOR BA'I SDUG BSNGAL GYIS MI 'JIGS PA DANG, SDIG PA'I GROGS POS ZIN PA DANG, BYANG CHUB CHEN PO THAG RING BAR SEMS PA DANG, BDUD KYIS BYIN GYIS BRLABS PA DANG, THEG PA DMAN PA'I GANG ZAG BSTEN PA DANG, THEG PA CHUNG NGU'I GZHUNG LA BRTZON PA DANG, SEMS CAN BLOS BTANG BA DANG, BYANG CHUB SEMS DPA' LA TSIG NGAN BRJOD CING NGAN SEMS BSKYED PA DANG, BYANG CHUB KYI SEMS DANG MI MTHUN PA'I PHYOGS MI SPONG BA DANG, GZHAN YANG MI SHES PA DANG, BAG MED PA DANG, MA GUS PA DANG, NYON MONGS PA MANG BA'O, ,BTANG BA'I NYES DMIGS NI STONG GSUM GYI STONG CHEN PO'I SEMS CAN DGRA BCOM PAR GYUR LA, DE DAG THAMS CAD LA GSAD PA DANG, MTSAMS MED PA LNGA BYAS PAS 'DI SDIG PA SHIN TU CHE BA YIN NO, ,GZHAN YANG NAM MKHA' MTHA' KHYAB KYI RDUL PHRA RAB KYI GRANGS NI @104A *, ,SANGS RGYAS KYIS MKHYEN GYI, 'DI'I SDIG PA'I TSAD NI 'DI TZAM ZHES SANGS RGYAS KYIS MKHYEN PAR MI SPYOD DO, ,'DI'I DON RGYAS PAR MDO SDE DANG, SPYOD PA LA 'JUG PA LA SOGS PAR BLTA BAR BYA'O, ,GZHAN SEMS BSKYED PA LA RJES SU YI RANG BA'I PHAN YON NI, YUM BRGYAD STONG PA LAS, 'JIG RTEN GYI KHAMS THAMS CAD SRANG LA GZHAL BA'I GRANGS NI SHES PAR RUNG GI ,GZHAN BSKYED DU BCUG PA'I PHAN YON NI THEG PA CHEN PO'I MDO SDE DANG, SPYOD PA LA 'JUG PA LA SOGS PAR BLTA BAR BYA'O, ,PHYOGS BCU'I SANGS RGYAS DANG BYANG CHUB SEMS DPA' RNAMS KYIS MKHYEN PAR MI SPYOD DO, ,GZHAN BYANG CHUB KYI SEMS BSKYED PA LA RJES SU YI RANG BA BYAS PA'I BSOD NAMS KYI PHUNG PO TSAD NI SHES PAR MI NUS SO ZHES GSUNGS TE RGYAS PAR MDO SDER BLTA BAR BYA'O, ,GZHAN SEMS BSKYED PA'I BAR CHAD BYAS PA'I NYES DMIGS NI 'PHAGS PA DGE BA'I RTZA BA YONGS SU 'DZIN PA'I MDO LAS, SHA RA DVA TI'I BU GANG SEMS BSKYED PA LA BAR CHAD BYA BAR 'DOD DAM, BAR CHAD BYED PA DE NI SHAR DVA TI'I BU MYA NGAN LAS 'DAS PAR 'GYUR BA'I SKAL BA MED DO ZHES GSUNGS PA DANG, YANG STONG GSUM GANG G'A'I KLUNG GI BYE MA SNYED KYI DGRA BCOM PA BSAD PA DANG, MTSAMS MED PA LNGA BYED PA BAS SDIG PA CHE ZHES 'PHAGS PA BRGYAD STONG PA LAS GSUNGS SO, ,SPYOD PA LAS 'JUG PA LAS KYANG, GANG ZHIG BYANG CHUB SEMS BSKYED PA'I, ,BSOD NAMS BAR CHAD GEGS BYED PA, ,SEMS CAN DON LA DMAN GYUR PAS, ,DE YI NGAN 'GRO MU MTHA' MED, ,CES GSUNGS TE, RGYAS PAR MDO SDER BLTA'O, ,BYANG CHUB KYI SEMS SPEL BA DE NI SEMS DE NYID BYANG CHUB KYI SEMS RNAM PA GSUM DU SPEL TE, BYANG CHUB KYI SEMS SDOM PA'I TSUL KHRIMS DANG, BYANG CHUB KYI SEMS DGE BA CHOS SDUD PA'I TSUL KHRIMS DANG, BYANG CHUB KYI SEMS SEMS CAN GYI DON BYED PA'I TSUL KHRIMS TE, DPER NA YAR NGO'I ZLA BA RIM GYIS 'PHEL BA BZHIN DU SEMS 'DI YANG 'PHEL BAR 'GYUR TE, DE YANG, YANGS SHING RGYA CHE DAG PA DANG, ,PHAN PA RGYA CHEN BYED PA DANG, ,DGE BA NYID KYIS LHAG PAS NA, ,BSAM PA DAG PA LHAG BSAM YIN, ,ZHES MDO @104B SDE'I RGYAN DU GSUNGS SO, ,LHAG PA'I BSAM PA ZLA BA TSES PA LTA BU STE, 'JUG PA BYANG CHUB KYI SEMS ZHES KYANG BYA'O, ,BYANG CHUB SEMS DPA'I TSUL KHRIMS KYI LE'U LAS, TSUL KHRIMS RNAM PA GSUM STE, RANG BZHIN GYI TSUL KHRIMS DANG, GOMS PA'I TSUL KHRIMS DANG, YANG DAG PAR BLANG BA'I TSUL KHRIMS SO, ,DE LA RANG BZHIN GYI TSUL KHRIMS NI, SEMS CAN THAMS CAD RIGS GCIG YIN PA DANG, DE BZHIN GSHEGS PA'I SNYING PO CAN YIN PA DANG, THEG PA CHEN PO'I RIGS CAN YIN PA STE, BSGRUBS NA 'GRUB PA'I SKAL BA CAN YIN YANG NYES PA RNAM PA BZHIS BKAB NAS 'DUG PA YIN TE, MDO SDE'I RGYAN LAS, NYON MONGS GOMS DANG GROGS NGAN DANG, ,PHONGS DANG GZHAN GYIS DBANG BYAS DANG, ,MDOR NA RIGS KYI NYES PA NI, ,RNAM PA BZHIR NI YANG DAG BRJOD, ,CES GSUNGS PAS RIGS CAN GYI GANG ZAG DE NI RANG BZHIN GYIS SNYING RJE CHE BA DANG, RANG BZHIN GYIS PHA ROL TU PHYIN PA'I YON TAN RGYUD LA TSANG BAR LDAN PAS RANG BZHIN GYI TSUL KHRIMS CAN ZHES BYA'O, ,GOMS PA'I TSUL KHRIMS NI RNAM PA GSUM STE, SKYE BA SNGA MA PHAN CHAD LA THEG PA CHEN PO LA GOMS PA CHER BYAS PA DANG, GOMS PA 'BRING DU BYAS PA DANG, SKYE BA DPAG TU MED PA NAS GOMS PAR BYAS PA STE, DE BAS NA BYAMS PA'I ZHAL NAS, SANGS RGYAS RNAMS LA BKUR STI BYAS, ,DE LA DGE BA'I RTZA BA BSKYED, ,DGE BA'I BSHES KYIS MGON BYAS PA, ,'DI MNYAN PA YI SNOD YIN NO, ,SANGS RGYAS BSNYEN BKUR YANG DAG ZHUGS, ,SBYIN DANG TSUL KHRIMS SOGS SPYAD PAS, ,SNOD DU DAM PA RNAMS KYIS SHES, ,ZHES GSUNGS SO, ,DE LA YANG DAG PAR BLANGS PA'I TSUL KHRIMS NI, SLOB DPON GYIS BRTAG PA GSUM GYIS LEGS PAR BRTAGS NAS SNOD KYI RIM PA BZHIN DU TSUL KHRIMS SBYIN PAR BYA STE, SNGAR BRJOD PA'I GANG ZAG DANG, DE'I SO SOR THAR PA'I PHAM PA BZHI 'KHOR DANG BCAS PA DANG, THEG PA CHEN PO'I PHAM PA DANG 'DRA BA BZHI DANG, NYES BYAS BZHI BCU RTZA DRUG SBYIN PAR BYA'O, ,GANG ZAG 'BRING PO DE LA NI GANG ZAG 'BRING PO DE'I SDOM PA SBYIN PAR BYA STE, DE'I STENG DU 'PHAGS PA NAM MKHA'I SNYING PO @105A *, ,LA SOGS PA'I RTZA BA'I LTUNG BA BCO BRGYAD DANG, SLOB DPON SH'ANTA DE BAS GSUNGS PA'I GNOD PA BCU BZHI PO SBYIN PAR BYA'O, ,GANG ZAG GSUM PA DE LA NI DE DAG GI STENG DU 'PHAGS PA MDO SDE BDUN BRGYA PA LAS GSUNGS PA'I TSUL KHRIMS BZHI BRGYA PA DANG THEG PA CHEN PO'I MDO SDE LAS GSUNGS PA'I TSOGS KYI LAM PA'I BYANG CHUB SEMS DPA'I BSLAB PA MTHA' DAG BSRUNG BAR BYA STE, TSOGS KYI LAM PA LA NI SDOM PA'I TSUL KHRIMS GTZO BO YIN NO, ,SBYOR BA'I LAM PA LA NI DGE BA CHOS SDUD PA'I TSUL KHRIMS GTZO BO YIN NO, ,'JIG RTEN LAS 'DAS PA'I LAM PA LA NI SEMS CAN DON BYED PA'I TSUL KHRIMS GTZO BO YIN NO, ,GANG ZAG GCIG GI RGYUD LA RTZIS NA TSOGS LAM CHUNG NGU'I DUS SU GANG ZAG DANG PO'I BSLAB PA LA BRTZON PAR BYA'O, ,TSOGS LAM 'BRING GI DUS SU GANG ZAG 'BRING PO'I BSLAB PA LA BRTZON PAR BYA'O, , GANG ZAG GSUM PAS NI GSUM PA'I BSLAB PA LA BRTZON PAR BYA'O, ,SNGAR BSHAD PA'I GOMS PA'I TSUL KHRIMS LA DGONGS NAS 'PHAGS PA DANG BSGOM PA'I MDO LAS, THEG PA CHEN PO LA DAD PA'I BAG CHAGS BYANG CHUB SEMS DPA'I RJES SU 'BRANG BA DE NI 'DI LTAR RJES SU 'BRANG STE; DE 'GRO'AM, 'DUG GAM, NYAL LAM, GNYID LOG GAM, RA RO'AM, MYOS KYANG RUNG STE, RTAG TU THEG PA CHEN PO LA DAD PAR 'GYUR RO, ,BYANG CHUB SEMS DPA' DE TSE BRJES SU ZIN KYANG TSE RABS GZHAN DU THEG PA CHEN PO LA DAD PAS BYANG CHUB KYI SEMS BRJED DU ZIN YANG SKYE BA DE DAG TU DMAN PA DANG, SKAL PA DMAN PA'I SEMS SU MI 'GYUR ZHING, SDIG PA'I GROGS PO DANG, NYAN THOS DANG RANG SANGS RGYAS DANG 'DRE BAS KYANG 'PHROGS PAR MI 'GYUR NA, GZHAN MU STEGS CAN GYIS 'PHROGS PAR GA LA 'GYUR, THEG PA CHEN PO'I PHYIR THEG PA CHEN PO LA DAD PA'I RKYEN CHUNG NGU ZHIG RNYED PAS KYANG MYUR BAR SHAS CHE BA DANG, RGYUN GYIS THEG PA CHEN PO'I PHYIR THEG PA CHEN PO LA DAD PAR BYED DO, ,DE'I PHYIR THEG PA CHEN PO LA DAD PA'I BAG CHAGS RJES SU 'DREN PA DE YANG TSE RABS SU RNAM PAR 'PHEL TE, BLA NA MED PA YANG DAG PAR RDZOGS @105B PA'I BYANG CHUB KYI BAR DU 'GYUR RO ZHES GSUNGS SO, ,DE LA BYANG CHUB KYI SEMS KYI PHAN YON NI RNAM PA GNYIS TE, SMON PA'I PHAN YON DANG, 'JUG PA'I PHAN YON NO, ,SMON PA'I PHAN YON NI DPAG TU MED DE, MDOR BSDUS NA 'JIG RTEN DU DKON MCHOG GSUM GYI GDUNG RGYUN MI 'CHAD PAR BYED PA DANG, DKAR PO'I CHOS THAMS CAD KYI RGYU'AM SA BON YIN PA DANG, SDIG PA 'JOMS PA DANG, LTUNG BA LAS LDANG BA DANG, MI MA YIN PA DANG, RIMS DANG, BAR DU GCOD PA THAMS CAD MED PAR BYED PA LA SOGS PA'O, ,'PHAGS PA DGE BA'I RTZA BA YONGS SU 'DZIN PA'I MDO LAS, SHA RA DVA TI'I BU DANG PO SEMS BSKYED PA'I BSOD NAMS KYI PHUNG PO NI NGAN NGON TZAM DANG CUNG ZAD TZAM MA YIN TE, 'DI LTAR BSKAL PA BRGYA'AM, BSKAL PA STONG NGAM, BSKAL PA 'BUM GYIS KYANG BRJOD PAR MI NUS NA, BYANG CHUB SEMS DPA' RNAMS KYIS SEMS BSKYED PA'I BSOD NAMS KYI TSAD SHES PAR LTA GA LA 'GYUR ZHES GSUNGS SO, ,YUM BRGYAD STONG PA LAS KYANG, DMIGS PA CAN GANG ZHIG GIS BSKAL PA GANG G'A'I KLUNG GI BYE MA SNYED DU DGE BA'I RTZA BA BYAS PA BAS GZHAN 'GA' ZHIG GIS NYI MA GCIG GAM, NYI MA PHYED DAM, SE GOL GTOGS PA GCIG TU BYANG CHUB TU SEMS BSKYED NA BSOD NAMS CHE'O ZHES GSUNGS SO, ,SPYOD 'JUG LAS KYANG, BYANG CHUB SEMS BSKYED GYUR NA SKAD CIG GIS, ,'KHOR BA'I BTZON RAR BSDAMS PA'I NYAM THAG RNAMS, ,BDE GSHEGS RNAMS KYI SRAS ZHES BRJOD BYA ZHING, ,'JIG RTEN LHA MIR BCAS PA'I PHYAG BYAR 'GYUR, ,GSER 'GYUR RTZI YI RNAM PA MCHOG LTA BUR, ,MI GTZANG LUS 'DI BLANGS NAS RGYAL BA'I SKU, ,RIN CHEN RIN THANG MED PAR BSGYUR BAS NA, ,RIN CHEN BYANG CHUB SEMS LEGS BRTAN PAR ZUNG, ,ZHES BYA BA LA SOGS PA GSUNGS SO, ,'JUG PA'I PHAN YON YANG SPYOD 'JUG LAS, BYANG CHUB SMON PA'I SEMS LAS NI, ,'KHOR TSE 'BRAS BU CHE 'BYUNG YANG, ,JI LTAR 'JUG PA'I SEMS BZHIN DU, ,BSOD NAMS RGYUN CHAGS 'BYUNG BA MIN, ,ZHES PA DANG, YANG, DENG NAS BZUNG STE GNYID LOG GAM, ,BAG MED GYUR KYANG @106A *, ,BSOD NAMS SHUGS, ,RGYUN MI 'CHAD PAR DU MA ZHIG ,NAM MKHA' MNYAM PA RAB TU 'BYUNG, ,ZHES GSUNGS TE, BYANG CHUB SEMS DPA'I SA LA SOGS PA DANG, RGYAS PAR MDO SDER BLTA BAR BYA'O, ,SANGS RGYAS DANG BYANG CHUB SEMS DPA' RNAMS LA NI SEMS CAN 'KHOR BA LAS GDON PA MA YIN PA PHRIN LAS GZHAN CI YANG MI MNGA' STE, 'PHAGS PA KLU SGRUB KYI ZHAL NAS, GZHAN DON PHUN SUM TSOGS PA NI, ,'BRAS BU'I GTZO BO YIN PAR 'DOD, ,SANGS RGYAS MNYES SOGS DE LAS GZHAN, ,DE DAG DON GYI 'BRAS BUR BZHED, ,CES GSUNGS PA YIN NO, ,DE BAS NA SANGS RGYAS KYI SKU DANG, YE SHES DANG, YON TAN DANG, PHRIN LAS RNAMS NI GZHAN DON 'BA' ZHIG MDZAD PA NYID LAS GRUB PA YIN NO, ,'DI LTAR BCOM LDAN 'DAS SH'AKYA'I MGON POS KYANG SNGON BSKAL PA BRJOD DU MED PA'I PHA ROL TU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DBANG PO'I TOG CES BYA BAR SANGS RGYAS NAS, DA LTAR YANG SANGS RGYAS PA DANG, 'PHAGS PA SPYAN RAS GZIGS DBANG PHYUG KYANG BSKAL PA GRANGS MED PA'I PHA ROL TU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS CHOS KYI RGYAL MTSAN ZHES BYA BAR MNGON PAR RDZOGS PAR SANGS RGYAS NAS DA YANG BDE BA CAN DU BCOM LDAN 'DAS SNANG BA MTHA' YAS SROD LA MYA NGAN LAS 'DAS PA'I THO RANGS SPYAN RAS GZIGS 'TSANG RGYA BAR 'GYUR ZHES DANG, RJE BTZUN PHYAG NA RDO RJE YANG SNGON BSKAL PA GANG G'A'I KLUNG GI BYE MA SNYED DGU BCU RTZA GNYIS KYI PHA ROL TU DE BZHIN GSHEGS PA YE SHES SGRON MA ZHES BYA BAR SANGS RGYAS NAS, DA YANG BSKAL PA BZANG PO 'DI NYID KYI RJES LA DE BZHIN GSHEGS PA RDO RJE RTZAL GYIS 'GRO BAR 'TSANG RGYA BAR 'GYUR RO ZHES GSUNGS SO, ,'DI LTAR 'KHOR BA LA THOG MA DANG THA MA MED PAS 'PHAGS PA 'JAM DPAL LA YANG THOG MA MED DE, DANG PO'I SANGS RGYAS YIN NO, ,DUS GSUM GYI SANGS RGYAS MA LUS PA'I THUGS YE SHES YIN NO, ,SANGS RGYAS THAMS CAD RIGS DRUG TU 'DUS LA, @106B RIGS DRUG GI THUGS KA NA RDO RJE RNON PO LA SOGS PA YE SHES SEMS DPA' BA ZHUGS PA DANG, DPAL GSANG BA 'DUS PA'I RGYUD KYI LHA RNAMS KYI GTZO BO 'JAM PA'I RDO RJE KUN DU BZANG PO DANG, 'JAM DPAL GSHIN RJE GSHED KYI 'KHOR LO'I GTZO BO MDZAD PA DANG, DPAL RDO RJE 'JIGS BYED HE RU KAR SNANG BA DANG, DPAL BDE MCHOG GI BSHAD RGYUD AA BHI DHA NA'I LHA'I 'KHOR LO'I GTZO BO MDZAD PA DANG, SENG GE SGRA DANG, KU MU TA DANG, KHYE'U BZANG DANG, 'JAM DPAL TSIG SBYIN GZHON NU LA SOGS PA GDUL BYA JI LTAR MOS PAR SNANG BA YIN NO, ,DA YANG SHAR PHYOGS SU 'TSANG RGYA BAR 'GYUR BAR 'JAM DPAL GYI ZHING GI BKOD PA'I MDO LAS GSUNGS SO, ,SANGS RGYAS DANG BYANG CHUB SEMS DPA' RNAMS KYIS SEMS CAN MA BTANG BAS 'KHOR BA MA STONGS KYI BAR DU SKU DANG GSUNG DANG THUGS KYI PHRIN LAS DANG, PHRIN LAS NYI SHU RTZA BDUN DANG, PHRIN LAS SUM CU RTZA LNGA DANG, CHO 'PHRUL CHEN PO GSUM LA SOGS PA RGYUN MI 'CHAD PA 'KHOR BA NAS 'DREN PAR MDZAD KYANG 'KHOR BA'I SEMS CAN ZAD PAR MI 'GYUR TE, 'KHOR BA LA THOG MTHA' MED PA'I PHYIR RO, ,DON 'DI GSAL BAR MDZAD PA'I PHYIR 'PHAGS PA SPYAN RAS GZIGS DBANG PHYUG GIS SEMS CAN RNAMS 'KHOR BA NAS 'DREN PAR THUGS DAM BCAS PA LAS, SEMS CAN GYI KHAMS LA GZIGS PAS DBUGS PA'I DUS SU BCOM LDAN 'DAS SNANG BA MTHA' YAS DBU LA BZHUGS PA YIN NO, ,SANGS RGYAS DANG BYANG CHUB SEMS DPA' THAMS CAD KYIS SEMS CAN THAMS CAD KYI CHED DU DKA' BA DPAG TU MED PA SKU NYAMS SU BZHES PA YIN TE, 'DI LTAR BCOM LDAN 'DAS SH'AKYA THUB PAS KYANG BSKAL PA GRANGS MED PA GSUM DU SKYES PA'I RABS DE DANG DE DAG TU GTONG BA DANG, GTONG BA CHEN PO DANG, SHIN TU GTONG BA'I SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN RNAMS SEMS CAN GYI CHED DU BYA DKA' BA DPAG TU MED PA SKU NYAMS SU BZHES PA'I PHYIR RO, ,BA TSVA CHU KLUNG GI MDO LAS JI SKAD DU, CHUNG MA RNAMS DANG BU TSA RGYAL SRID DBANG PHYUG CHEN PO DANG, ,SHA RNAMS DANG NI KHRAG @107A *, ,DANG TSIL DANG LUS DANG MIG ,PHA ROL DGA' BA'I DBANG DU BYAS NAS NGAS NI GTANG BA YIN, ,GANG GI SEMS CAN RNAMS LA PHAN NA NGA LA MCHOD MCHOG YIN, ,SEMS CAN RNAMS LA GNOD PA BYAS NA NGA LA GNOD PA BYAS, ,ZHES BYA BA LA SOGS PA SHLO KA BCU GCIG GSUNGS SO, ,DUS DENG SANG YANG 'DZAM BU'I GLING 'DIR SLOB DPON KLU SGRUB KYIS DBU BTANG BA DANG, SLOB DPON A'ARYA DE BAS SPYAN BTANG BA DANG, SLOB DPON MA TI TZI TRA RTA DBYANGS KYIS STAG MO LA SKU BTANG BA DANG, BDAG GI BLA MA BRAM ZE CHEN PO DZE T'A RI DGRA LAS RGYAL BAS STAG MO LA RKANG PA BCAG NAS BYIN PAS DUS DE NYID DU 'DAS SO, ,SKYES BU DE DAG NI BYAMS PA DANG SNYING RJES RGYUD BRLAN PA'I BYANG CHUB KYI SEMS SBYONG BAR MDZAD PA YIN NO, ,BYANG CHUB SEMS DPA' RAB NI SBYOR BA'I LAM LA BYANG CHUB KYI SEMS GSHA' MA SKYE STE, JI SKAD DU, BYANG CHUB SEMS DPA'I SA LAS, MOS PA SPYOD PA'I SA LA DGE BA'I RTZA BA BSTAN PA GCIG LA BYANG CHUB KYI SEMS SKYE'O ZHES GSUNGS SO, ,DE BAS NA BYANG CHUB SEMS DPA' GZHAN GCES PAR BYA DGONGS PA YIN PAS NA BDAG DANG GZHAN BRJE BAS BYANG CHUB KYI SEMS SBYANG BAR BYA'O, ,BDAG SNGON SO MA PU RI'I NAGS GSEB NA 'DUG PA NA, 'JIG RTEN DBANG PHYUG GIS ZHAL MNGON SUM DU BSTAN NAS RIGS KYI BU MYUR DU 'TSANG RGYA BAR 'GYUR BA DANG, GZHAN GYI DON 'DOD NA BYANG CHUB KYI SEMS SBYANG BA DANG, SPEL BA LA BRTZON 'GRUS KYIS SHIG CES GSUNGS NAS MI SNANG BAR GYUR TO, ,YANG RDO RJE'I GDAN LA BSKOR BA BYED TZA NA, RJE BTZUN MA SGROL MA DANG, RJE BTZUN MA KHRO GNYER CAN GYI ZHAL NAS MYUR DU 'TSANG RGYA BAR 'DOD PAS BYANG CHUB KYI SEMS LA 'BAD PAR BYA'O ZHES GSUNGS SO, ,YANG RDO RJE GDAN NA 'DUG PA'I DUS SKAR KHUNG NAS BHA DAN TA KHYOD BYANG CHUB KYI SEMS SBYANG BAR 'DOD NA BYAMS PA DANG SNYING RJE GOMS PAR GYIS SHIG CES GSUNG, YANG RJE BTZUN GSER GLING BA'I ZHAL NAS, TSE DANG LDAN PA BYAMS PA DANG SNYING RJE LAS BYUNG BA'I BYANG CHUB KYI SEMS SBYONGS SHIG ,DE MA SBYANGS NA BHAm GA LA'I RNAL 'BYOR PA LTAR MI 'GRUB PO, ,BYANG CHUB KYI SEMS @107B NI THEG PA CHEN PO'I CHOS MA LUS PA'I RTZA BAR GYUR PA, RGYUR GYUR PA, SA BON DU GYUR PA YIN TE, DPAL RNAM PAR SNANG MDZAD MNGON PAR BYANG CHUB PA LAS, THAMS CAD MKHYEN PA'I RGYU NI BYANG CHUB KYI SEMS SO, ,RTZA BA NI SNYING RJE CHEN PO'O ZHES GSUNGS PAS SEMS KYI SKAD CIG RE RE LA DRAN PA DANG; SHES BZHIN GYIS BYAMS PA DANG SNYING RJE BYANG CHUB KYI SEMS RGYUN MI 'CHAD PAR BSKYED PAR BYA'O, ,RGYUD DE LAS 'DI SKAD DU GSUNGS TE, NYAMS NA GSOR MI RUNG BA'I CHOS BZHI STE, BYANG CHUB KYI SEMS GTONG BA DANG, SEMS CAN LA GNOD PA BYED PA DANG, DE'I CHOS SPONG BA DANG, SER SNA BYED PA'O, ,DE LA BYANG CHUB KYI SEMS MA NYAMS NA GSUM PO GSOR RUNG LA, DE NYAMS NA GSUM PO MA NYAMS KYANG SOR MI CHUD DO, ,DE BAS NA SKYE BA'I RGYU LA MKHAS PAR BYA, GZUNG BA DANG, BSGRUB PA DANG, SBYANG BA DANG, SPEL BA LA SHIN TU BRTAN PAR BYA'O, ,'DI'I DON RGYAS PAR 'PHAGS PA BYAMS PA 'JUG PA'I MDO DANG, KLU'I RGYAL PO RGYA MTSOS ZHUS PA DANG, BSOD NAMS THAMS CAD SDUD PA'I MDO DANG, NAM MKHA' MDZOD KYIS ZHUS PA LA SOGS PA'I MDO LAS BLTA BAR BYA'O, ,DANG PO KHAS BLANGS PA'I TSUL KHRIMS GSUM PO MIG GI 'BRAS BU BZHIN DU SRUNGS SHIG ,TSUL KHRIMS G-YAG GI RNGA MA BZHIN SRUNGS SHIG ,RGYU DANG 'BRAS BU SHES NAS DE CHUD GSAN PAR MI BYA, NGES PAR MYUR DU 'CHI BAR 'GYUR TE, 'DZAM BU'I GLING PA'I TSE LA NGES PA MED PA DANG, DA LTA TSE'I SNYIGS MA YIN PAS YUN RING DU GNAS PA'I MTHU MED DE 'CHI BA RJES SU DRAN PAR BYA, PHYI NANG THAMS CAD MI RTAG PA GSUM GYIS ZIN PAS NGES PAR MYUR DU MED PAR 'GYUR RO SNYAM PA DANG, SDIG PA DANG LTUNG BA THAMS CAD STOBS BZHIS SBYANG BAR BYA, GZHAN YANG BYANG CHUB KYI SEMS BSKYED NA 'DAG STE, NYAN THOS RNAMS KYANG GNOD LAS LOG ,THEG PA CHE LA ZHUGS PA YIS, ,SEMS CAN RNAMS LA BU BZHIN BYAMS, ,BYAMS DANG SNYING RJE BSKYED PA YIS, ,SNGAR BYAS NYES PA DE YIS 'DAG ,CES SLOB DPON KLU SGRUB KYIS GSUNGS SO, ,GZUNGS KHYAD PAR CAN BZLAS PA DANG, LTUNG BSHAGS DANG, LAS KYI SGRIB PA RGYUN GCOD PA @108A *, ,DANG, PHUNG PO GSUM PA'I MDO LA SOGS PAS 'DAG GO, ,YANG LTUNG BA DANG SDIG PA NYID MA SKYES PAR SHES NA 'DAG PAR MDO LAS GSUNGS, CHOS THAMS CAD MNYAM PA NYID DU SHES NA 'DAG PAS MNYAM PAR LTA DGOS TE, SEMS CAN LA BRTEN NAS SANGS RGYAS 'BYUNG BAS SEMS CAN GTZO BOR BYA'O, ,DBU MA RTOG GE 'BAR BA LAS 'DI SKAD DU, 'BRAS BU LA RE BA'I ZHAGS PAS BCINGS PA RNAMS NI SBYIN PA'I ZHING 'DAM PAR BYED CING TSOL TE, GZHAN DAG BKRES BA DANG SKOM PA LA SOGS SDUG BSNGAL ZHI BAR BYA BA'I PHYIR SNOD MA BRTZIS PAR BYIN NA CHOS MNYAM PA NYID RTOGS PAR 'GYUR TE, JI SKAD DU, MDO LAS GZHAN DU CHOS GCIG GIS BYANG CHUB SEMS DPA' MYUR DU MNGON PAR RDZOGS PAR 'TSANG RGYA STE, SEMS CAN THAMS CAD LA SEMS MNYAM ZHING SNYOMS LA BYE BRAG MI PHYED PA'O, ,DKON MCHOG GSUM NI BDAG GI YON TAN GYI ZHING YIN GYI, DUD 'GRO LA SOGS PA NI MA YIN NO SNYAM NA BYANG CHUB SEMS DPA' DES CHOS NYID MNYAM PA NYID DU RTOGS PAR MI 'GYUR RO, ,DE BAS NA DKON MCHOG GSUM DANG, BLA MA NI SBYIN GNAS KYI ZHING BZANG PO YIN LA, DUD 'GRO LA SOGS PA NI MA YIN TE, ZHING TSVA SGO CAN LA SA BON BTAB PA DANG 'DRA'O ZHES SEMS NA BYANG CHUB SEMS DPA'I CHOS SU MI 'GYUR RO ZHES GSUNGS PAS BYANG CHUB SEMS DPA' LHAG PA'I BSAM PA BRTAN PA, SNYING RJES RGYUN BRLAN PA RNAMS KYIS SBYIN PA'I ZHING BDAM PAR MI BYA ZHES RTOG GE 'BAR BAR GSUNGS SO, ,SLOB DPON 'PHAGS PA KLU SGRUB KYIS BA TSVA CHU KLUNG NAS PHYUNG BA'I SEMS CAN MGU PAR BYA BA'I TSIGS SU BCAD PAR YANG GSUNGS SO, ,THEG PA CHEN PO'I MDO SDE GZHAN LAS KYANG GSUNGS SO, ,RGYAL PO AINDRA BH'U TI'I ZHAL NAS, LUS CAN KUN LA MNYAM NYID KYI, ,YANG DAG SEMS NI BSKYED PAR BYA, ,GANG YANG MI MNYAM NYID GNAS NA, ,THOG MA DBUS MTHA' LAS GROL BA'I, ,YE SHES DE NI SKYE MI 'GYUR, ,ZHES GSUNGS SO, ,DBANG PO RTUL PO LAS DANG PO PA GSAR BU BLO MA SBYANGS PA SNYING RJE MA GOMS PA SNYING RJE CHUNG BA RNAMS KYIS NI ZHING BDAM PAR BYA STE, MDO @108B SDE DANG, RGYUD SDE DANG, CHOS BSHAD PA RGYAS PA LA SOGS PA LAS 'GYUR GSUNGS SO, ,LAS DANG PO PA DES MNYAM PAR MA BZHAG PA NA SPYOD LAM THAMS CAD DRAN PA DANG SHES BZHIN GYIS ZIN PAR BYA, THA MAL BA'I SKYE BO DANG SE GOL GTOGS PA TZAM YANG LHAN CIG TU GNAS PAR MI BYA, BRE MO'I GTAM YANG SPANG, YI DAGS LA RGYUN DU GTOR MA GTANG, SHES RAB KYI PHA ROL TU PHYIN PA BKLAGS PA DANG KHA TON BYA, MNGON PAR SHES PA MA THOB KYI BAR DU CHOS BSHAD PA MI BYA, STONG PAR GNAS DANG SEMS CAN YONGS SU MI GTONG DANG, ,JI SKAD SMRAS BZHIN BYED DANG BDE GSHEGS BYIN RLABS CAN, ,ZHES PA'I YON TAN DE LTA BU DANG LDAN PAR BYA, RMI LAM GYI SEMS KYI GNAS SKABS NA YANG SNYING RJES MA BRAL BAR BYA, 'PHRAL GYI SPYOD LAM THAMS CAD 'PHAGS PA DKON MCHOG SPRIN LAS GSUNGS PA BZHIN BYA, CI NAS KYANG PHA ROL MGU BAR BYA, 'DOD PA CHUNG BA DANG, CHOG SHES PA DANG, ZHI BA DANG, DUL BAR BYA, 'JIG RTEN GYI CHOS BRGYAD MGO MNAN PAR BYA, DGE BA BCU STOBS DANG LDAN PAR BYA, DNGOS PO THAMS CAD LA MA CHAGS PA DANG, ZHEN PA CHUNG BAR BYA, CHOS THAMS CAD MNYAM PA NYID DANG, NYON MONGS PA DANG NYE BA'I NYON MONGS PA'I GNYEN POR 'GYUR BAR BYA, PHA ROL SDUG BSNGAL BA MTHONG NA DE RAB TU BYUNG BA YIN NA 'TSO BA'I YO BYAD MA YIN PA GTANG BAR BYA, KHYIM PA YIN NA YO BYAD LA CHAGS PA MED PAR GTANG BAR BYA, BDAG GI LUS DANG LONGS SPYOD DANG, ,DUS GSUM DGE BA SKYES PA RNAMS, ,SEMS CAN KUN GYI LONGS SPYOD PHYIR, PHONGS PA MED PAR GTANG BAR BYA, ,BLA MA RJE BTZUN AA WA DH'U T'I PA'I ZHAL NAS, RANG SKYON RTOG LA MIG RNON BZHIN, ,GZHAN SKYON RTOG LA LONG BA BZHIN, ,DRANG DANG NGA RGYAL MED PA DANG, ,RTAG TU STONG NYID BSGOM PAR BYA, , SNYING RJE DNGOS DANG BRGYUD PA YI, ,BDAG DANG GZHAN RNAMS BRJE BAR BYA, ,GANG PHYIR RANG BAS SEMS CAN GCES, ,ZHES BLA MA NA RO PA'I ZHAL NAS GSUNGS SKAD, BYANG CHUB SEMS DPA' RANG BAS GZHAN GCES PAR BYA DGOS PAS BDAG DANG GZHAN BRJE BAR BYA'O, ,BYAMS PA DANG SNYING @109A *, ,RJE BYANG CHUB KYI SEMS NI GSANG SNGAGS KYI YANG GNAD YIN TE, RTZA BA'I LTUNG BA BCU BZHI PA LAS, ,SEMS CAN RNAMS LA BYAMS PA SPONG, ,BZHI PA YIN PAR RGYAL BAS GSUNGS, ,CHOS KYI RTZA BA BYANG CHUB SEMS, ,DE SPONG BA NI LNGA PA YIN, ,ZHES GSUNGS SO, ,GZHAN MI SMOD PA DANG, GZHAN GYI SDIG RKYEN MI BYA BAR DPAG TSAD BRGYAR 'GRO BAR BYA'O, ,RAB TU BYUNG BA'I BYANG CHUB SEMS DPA' YIS, ,GANG NA RTZOD PA YOD PA'I SA PHYOGS NAS, ,DPAG TSAD BRGYA YI PHA ROL 'GRO BAR BYA, ,GAL TE MA BYON BYANG CHUB SEMS DPA' NYAMS, ,ZHES GSUNGS SO, ,PHA ROL TU PHYIN PA DRUG CI NUS KYIS SPYAD, TSOGS LAM GYI CHOS BCU GSUM DANG, 'PHAGS PA'I NOR BDUN DANG, RJES SU DRAN PA DRUG DANG, BSDU BA'I DNGOS PO BZHI DANG, SKYES BU DAM PA'I RNAM PAR RTOG PA BCU DRUG DRAN PAR BYA'O, ,KHYAD PAR DU BYANG CHUB SEMS DPA'I RNAM PAR RTOG PA BRGYAD DRAN PAR BYA'O, ,'PHAGS PA KLU SGRUB KYI ZHAL NAS 'KHOR BA'I NYES DMIGS BDUN GSUNGS PA DANG, 'PHAGS PA THOGS MED KYIS 'KHOR BA'I NYES DMIGS MI RTAG PA BDUN GSUNGS PA YANG DRAN PAR BYA'O, ,'DOD YON LNGA'I NYES DMIGS SHES PAR BYA ZHING GNYEN PO BSTEN, CHOS MA YIN PA CI YANG MI BYA, BYAMS PA DANG SNYING RJE RJES SU DRAN PA DNGOS DANG BRGYUD PAS SEMS CAN GYI DON BYA, AE MA HO NAM ZHIG NA 'DI RNAMS 'KHOR BA NAS THON PAR BYA, KYI HUD 'DI RNAMS JI LTAR BYAS NA SNYAM PA YANG DANG YANG DU DRAN PAR BYA'O, ,SANGS RGYAS THEG PA 'DI LA NGES PAR 'BYUNG 'DOD GANG, ,SEMS CAN KUN LA SEMS SNYOMS PHA MA'I 'DU SHES DANG, ,PHAN PA'I SEMS DANG BYAMS PA'I YID KYIS GNAS PAR BYA, ,THA BA MED CING DRANG LA TSIG 'JAM SMRA BAR BYA, ,ZHES GSUNGS PA LTAR BYA, DGE BA PHRA MO YANG MYUR DU MA BSNGOS NA SOG MA MED DANG 'BROG GNAS KYI GTAM RGYUD DANG 'DRA'O, ,DE LTAR GUS PA DANG YUN RING BA DANG RGYUN MI 'CHAD PAR BYANG CHUB SEMS DPA' DES MNYAM PAR MA BZHAG PA'I DUS SU YANG JI SKAD BSHAD PA'I CHOS DE RNAMS NYAMS SU BLANGS NAS, MNYAM PAR GZHAG PA'I @109B DUS SU SNGAR BSHAD PA'I NAM MKHA' RDO RJE'I TING NGE 'DZIN BSGOM ZHING, DON DAM PA BYANG CHUB KYI SEMS CUNG ZHIG GSAL BA NA RANG GI LUS YOD PAR MI TSOR BA DANG, NYON MONGS PA RNAMS KYANG CUNG ZAD ZHI BA DANG, 'JIG RTEN PA'I BYA BA DANG, THA SNYAD RNAMS 'OL PHYIR BRJOD PA DANG, PHYI NANG GI DNGOS PO KUN YANG BAN BUN DANG, LANG LONG DU MTHONG BA DANG, GZUGS PHRA BA DANG, RIG PA YANG BA DANG, KHYAB PA DANG, 'JAM PA DANG, YANG BA DANG, DGA' BA DANG, NYAMS BDE BA 'BYUNG NGO, ,GZHAN YANG 'PHAGS PA SDUD PA LAS GSUNGS PA'I RTAGS KYANG SKYE STE, THA DAD 'DU SHES BRAL ZHING RIGS PA LDAN TSIG SMRA, ,ZHES PA LA SOGS PA'I TSIG RKANG PA NYI SHU RTZA BZHI GSUNGS SO, ,DRAN PA NYE BAR GZHAG PA BZHI DANG, YANG DAG PAR SPONG BA BZHI DANG, RDZU 'PHRUL GYI RKANG PA BZHI DANG, DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB RNAMS BSGOMS PAS TSOGS KYI LAM LA GNAS PA DANG, LAS DANG PO PA'I SA DANG, DAD PA'I SA LA GNAS PA DANG, THAR PA'I CHA DANG MTHUN PA'I DGE BA'I RTZA BA RNAMS BSKYED PA YIN NO, ,DE NAS NGES PAR 'BYED PA'I CHA DANG MTHUN PA'I DGE BA RNAMS BSKYED PAR BYA BA'I PHYIR JI SKAD BSHAD PA BZHIN DU GUS PA DANG, YUN RING BA DANG, RGYUN MI 'CHAD PAR 'BAD PA DANG, RIM GYIS DBANG PO LNGA DANG, STOBS LNGA DANG, SNANG BA THOB PA DANG, SNANG BA MCHED PA DANG, DE KHO NA'I DON LA PHYOGS GCIG TU ZHUGS PA DANG, BAR CHAD MED PA'I TING NGE 'DZIN THOB PA DANG; DON DAM PA'I BDEN PA RTOGS PAR GYUR PA NAS SA DANG PO RAB TU DGA' BA THOB PA YIN NO, ,DUS DER BZOD PA BZHI DANG, MNYAM PA NYID BZHI YANG SKYE'O, ,DE NAS PHA ROL TU PHYIN PA BCU RDZOGS PA DANG, DBANG BCU DANG, SNANG BA BRGYAD DANG, RGYAN BZHI DANG, SNYING RJE BCU DRUG LA SOGS PA THOB PA YIN TE, SA'I RNAM PAR GZHAG PA NI MDO SDE SA BCU PAR GSUNGS SO, ,JI SRID SA BCU'I BAR DU NANG DU MNYAM PAR GZHAG PA DANG, DE'I RJES LA THOB PA YIN TE JI SKAD DU, 'PHAGS PA RNAM PAR MI RTOG PA LA 'JUG PA'I GZUNGS LAS BYANG CHUB SEMS DPA' DE @110A *, ,NANG DU MNYAM PAR GZHAG PA NA CHOS THAMS CAD NAM MKHA'I DKYIL LTAR MTHONG LA, DE'I RJES LAS THOB PA NA SGYU MI'I DPE BRGYAD KYI TSUL BZHIN DU MTHONG NGO ZHES GSAL POR GSUNGS SO, ,GANG GI TSE RNAM PAR RTOG PA MTHAR THUG PA RDO RJE LTA BU'I TING NGE 'DZIN BRNYES PA NA RJES LAS THOB PA YANG MI MNGA' STE, CHOS KYI DBYINGS SU GYUR NAS CHOS KYI SKU MNGON SUM DU BRNYES SO, ,DUS DE NAS BZUNG NAS JI SRID NAM MKHA' GNAS KYI BAR DU CHOS KYI SKU BZHUGS PAS RJES LAS THOB PA YANG MI MNGA'O, ,GANG GIS NGA LA GZUGS SU MTHONG, ,GANG GIS NGA LA SGRAR SHES PA, ,LOG PA'I LAM DU ZHUGS PAS NA, ,SKYE BO DE YIS NGA MI MTHONG, ,SANGS RGYAS RNAMS NI CHOS KYI SKU, ,'DREN PA RNAMS NI CHOS KYIS GZIGS, ,ZHES GSUNGS PA DANG, DPAL RDO RJE PHRENG BA'I RGYUD LAS, THAMS CAD RNAM SHES PHUNG POR ZHUGS, ,RNAM SHES DE YANG 'OD GSAL BA'O, ,MYA NGAN 'DAS DANG KUN STONG DANG, ,CHOS KYI SKU YANG GSUNGS PA YIN, ,ZHES GSUNGS PA DANG, 'PHAGS PA CHOS YANG DAG PAR SDUD PA LAS KYANG, SANGS RGYAS DNGOS NI SKYE BA MED PA'O ZHES DANG, 'PHAGS PA 'JIG RTEN LAS 'DAS PA'I LE'U LAS KYANG, SANGS RGYAS RNAMS NI CHOS KYI SKU, ,RNAM DAG NAM MKHA' LTA BU YIN, ,ZHES DANG, PHYOGS KYI GLANG PO'I ZHAL SNGA NAS KYANG, SHES RAB PHA ROL PHYIN GNYIS MED, ,YE SHES DE NI DE BZHIN GSHEGS, ,ZHES DANG, SLOB DPON NYID KYI ZHAL SNGA NAS KYANG, NAM MKHA' BZHIN DU GOS PA MED, ,SPROS PA MED CING MI 'GYUR BA'I, ,NGO BO GANG YIN MTHONG BA NI, ,DE YIS DE BZHIN GSHEGS PA MTHONG, ,'PHAGS PA YON TAN RDZOGS KHYOD DANG, ,'GRO BA'I BLA MA SANGS RGYAS LA, ,ZLA BA DANG NI 'OD ZER BZHIN, ,MKHAS PA RNAMS KYIS DBYE MA MTHONG, ,ZHES PA DANG, YANG SLOB DPON NYID KYI ZHAL SNGA NAS, DGE CHOS KUN LA MI GNAS PAR, ,CHOS KYI DBYINGS KYI DNGOS GYUR CING, ,MCHOG TU ZAB PA'I BRNYES PA YI, ,ZAB MO KHYOD LA PHYAG 'TSAL LO, ,ZHES PA DANG, YANG; CHOS KYI DBYINGS DANG SANGS RGYAS RNAMS, ,DES NA DON DU THA MI DAD, , @110B CES DANG, YANG, SKYE BA MED PA'I NGO BO YIS, ,KHYOD LA SKYE BA YOD MI MNGA', ,MGON PO GSHEGS DANG BZHUGS MI MNGA', ,DNGOS MI MNGA' LA PHYAG 'TSAL LO, ,ZHES PA DANG, YANG, SANGS RGYAS RNAMS NI DUS RTAG TU, ,CHOS NYID 'DI LTA BU LA BZHUGS, , ZHES PA LA SOGS PA MANG DU GSUNGS TE, RE ZHIG BZHAG GO, ,RJE BTZUN A'A RYA DE BA'I ZHAL SNGA NAS, RE ZHIG DNGOS 'DI NAM MKHA'I NAGS TSAL LAS, ,SKYES PA'I PADMA BZHIN DU DNGOS MED DE, ,GNYIS KA DAG LAS GZHAN PA'ANG RI BONG RVA BZHIN NO, ,THAR PA'I RNAM PA CI 'DRA BA ZHIG YOD, ,CES PA DANG, DPAL YE SHES RDO RJE KUN LAS BTUS PA'I RGYUD LAS KYANG, SANGS RGYAS RNAMS KYANG GANG GI TSE GZHAN GYI DON MI MDZAD PA DE'I TSE YANG DAG PA'I MTHA' LA GNAS NAS SPROS PA THAMS CAD NYE BAR ZHI NAS BZHUGS SO ZHES GSUNGS PA DANG, SLOB DPON 'PHAGS PA THOGS MED KYI ZHAL SNGA NAS KYANG, 'DI LTAR SEMS CAN THAMS CAD MNGON PAR RDZOGS PAR SANGS RGYAS NAS CHOS KYI SKUR GYUR PA DE'I TSE SANGS RGYAS MA LUS PA THAMS CAD CHOS KYI DBYINGS RNAM PAR DAG PA NYID DU GYUR NAS DE'I NGANG DU BZHUGS SO ZHES BSDU BA GTAN LA DBAB PAR GSUNGS PAS, SLOB DPON 'DI YANG DAG PAR NA GNYIS SU MED PA'I YE SHES KYANG MI BZHED LA, RNAM PAR MI RTOG PA'I YE SHES KYI RJES LA THOB PA YANG MI BZHED DE, SA GSUM PA'I DBANG PHYUG BRNYES PAS CHOS THAMS CAD SKYE BA MED PAR THUGS SU CHUD PA'I PHYIR RO, , DON 'DI LAS DGONGS NAS RDO RJE PHRENG BA'I RGYUD LAS, 'DI NI DON DAM BDEN PA STE, ,SNANG BA MED CING MTSAN MA MED, ,DON DAM BDEN PA ZHES KYANG BYA, ,SANGS RGYAS KUN GYI BZHUGS GNAS YIN, ,ZHES GSUNGS SO, ,SLOB DPON ZLA GRAGS KYI ZHAL SNGA NAS KYANG, CHOS NYID SKYE BA MED PA NI, ,THUB GNAS SANGS RGYAS YIN PAR GSUNGS, ,ZHES GSUNGS SO, ,THOG MA MED PA NAS DNGOS PO LA MNGON PAR ZHEN PAS BDEN PA GNYIS KYI TSUL MI SHAS PA DAG NA RE KHYED DBU MA PA LTAR GYUR NA SANGS RGYAS RNAMS KYIS BSKAL PA GRANGS MED PA MANG POR BYANG CHUB @111A *, ,SEMS DPAR GYUR PA NA BYA DKA' BA DPAG TU MED PA MDZAD PA DANG, BSOD NAMS KYI TSOGS GRANGS MED PA BSAGS PA LA DON MED CING CHOS DANG DGE 'DUN YANG MED PAR 'GYUR RO, ,SEMS CAN RNAMS 'KHOR BA NAS 'DON PAR BYED PA MED PAS SDIG PA CAN GYI LTA BA DE THAG BSRINGS LA BZHAG GO ,'DI NI DKAR PO'I CHOS KYI LO TOG GI SER BA, PHYI ROL PA CHAD PAR SMRA BA PAS 'DI LHAGS PAS 'DI LTA BU 'DI SBA ZHING GSANG BAR RIGS SO, ,DBU MA PAS SMRAS PA, KHYOD NI BLO GROS MA SBYANGS SHING BLUN PA STE, MDO SDE SPRIN CHEN PO DANG, LANG KAR GSHEGS PA DANG, RNGA BO CHE'I LE'U DANG, 'JAM DPAL RTZA BA'I RGYUD CHEN PO RNAMS SU YANG DANG YANG DU LUNG BSTAN PA'I 'PHAGS PA KLU SGRUB KYI GZHUNG LA SKUR PA 'DEBS PA DE DAG NI RANG PHUNG BAR BYED DO, ,DE'I BZHED PA'I GZHUNG GIS SANGS RGYAS RNAMS CHOS SKUR GYUR CING, DE'I YE SHES KYANG RTOG PA THAMS CAD SPANGS NAS CHOS KYI DBYINGS SU GYUR PAS DES NA DBYINGS DANG YE SHES DANG, YUL DANG YUL CAN MED PAS RNAM PAR MI RTOG PA'I YE SHES BYA BA DE JI LTA BU ZHIG YOD, SLOB DPON GYI ZHAL NAS KYANG, GANG PHYIR 'DAS PA MED PAS NA, ,DE PHYIR MA 'ONGS PA YANG MED, , GNAS NI YONGS SU GYUR PA'I PHYIR, ,DA LTAR BYUNG BA GANG NA GNAS, ,ZHES DANG, MNYAM PAR GZHAG DANG MA BZHAG PA, ,GANG LA 'DI DAG THAMS CAD MED, ,DNGOS DANG DNGOS MED RNAM SBANGS PA, ,ZUNG 'JUG YIN PAR STON NGAS GSUNGS, ,ZHES GSUNGS PAS RNAM PAR MI RTOG PA'I YE SHES MI BZHED DO, ,DUS DE'I TSE RNAM PAR MI RTOG PA'I YE SHES MED PAS SPROS PA MA LUS PA ZHI BA YIN PAS RJES LAS THOB PA'I YE SHES BYA BA JI LTA BU ZHIG YOD PAR 'GYUR TE MED DO, ,'PHAGS PA LANG KAR GSHEGS PA LAS, 'KHRUL PA THAMS CAD SPANGS NAS KYANG, ,GAL TE 'KHRUL PA SNANG GYUR NA, ,DE NI 'KHRUL PA YANG DAG STE, ,RAB RIB YONGS SU MA DAG BZHIN, ,ZHES GSUNGS TE, DE LA RAB RIB NI GSUM STE, MI MKHAS PA RAB RIB CAN DANG, MKHAS PA RAB RIB CAN DANG, MKHAS PA RAB RIB DANGS PA'O, ,SANGS RGYAS RNAMS NI RAB RIB DANGS PA YIN PAS SLANG YANG @111B RAB RIB SNANG BAR MI 'GYUR RO, ,'O NA SANGS RGYAS LA SKU DANG YE SHES DANG YON TAN DANG PHRIN LAS KYANG MI MNGA'AM ZHE NA, SMRAS PA, RGYU GSUM DANG RKYEN GCIG GIS GDUL BYA'I NGO GANG LA SNANG BA STE, GDUL BYA'I DBYE BAS SKU YANG SNA TSOGS SU SNANG NGO, ,YE SHES KYANG RANG 'BYUNG GI YE SHES CHEN PO YIN TE, BLA MA AA WA DH'U T'I PA DANG, BLA MA T'A MRA DV'I PA'I ZHAL NAS, YE SHES CHOS KYI DBYINGS DANG THA MI DAD, ,CHOS KYI DBYINGS LA RANG 'BYUNG YE SHES BTAGS, ,BSAM DU MED CING TSIG GI SPROS DANG BRAL, ,GDUL BYA'I NGO GANG DE NYID RNAM LNGAR GSUNGS, ,ZHES SLOB DPON KLU SGRUB KYIS GSUNGS ZHES GSUNGS SO, ,DA BZHIN DU STOBS BCU LA SOGS PA DANG, CHO 'PHRUL GSUM DANG, PHRIN LAS NYI SHU RTZA LNGA DANG, PHRIN LAS SUM CU RTZA GNYIS RNAMS GDUL BYA'I NGO GANG LA SNANG NGO, ,DE BAS NA SLOB DPON GYI ZHAL SNGA NAS, MGON PO SEMS PA MI MNGA' ZHING, ,RNAM RTOG G-YO BA MI MNGA' YANG, ,KHYOD NYID DANG GIS SEMS CAN LA, ,SANGS RGYAS PHRIN LAS MDZAD PAR 'GYUR, ,YANG, RNAM RTOG RLUNG DMAR THAMS CAD KYIS, ,DPAG BSAM SHING LTAR MI BSKYOD KYANG, ,DE YANG SEMS CAN THAMS CAD KYI, ,BSAM PA YONGS SU RDZOGS PAR MDZAD, ,YANG, MGON KHYOD SEMS CAN 'DU SHES KYI, ,'JUG PA KUN DU MI MNGA' YANG, ,SDUG BSNGAL CAN GYI SEMS CAN LA, ,SNYING RJE PHAN GTONG MDZAD PA KHYOD, ,YANG, GZHAN DON PHUN SUM TSOGS PA NI, ,'BRAS BU'I GTZO BO YIN PAR BZHED, ,SANGS RGYAS NYID SOGS DE LAS GZHAN, , DE DAG ZHAR LA 'BYUNG BAR BZHED, ,CES GSUNGS SO, ,YANG SLOB DPON A'AR+YA DE BA'I ZHAL NAS, BSKAL PA GRANGS MED MANG PO RU, ,RTAG TU GZHAN DON 'BA' ZHIG MDZAD, ,MTHAR THUG CHOS SKU BRNYES PA NA, ,JI SRID 'GRO BA GNAS DON DU, ,MYA NGAN MI 'DA' GZHAN DON MDZAD,, DE PHYIR BYANG CHUB SEMS DPA' YIS, ,GZHAN DON MA YIN SPYAD MI BYA, ,RANG DON TZAM LA 'BAD PA NI, ,'GRO BA LNGA PO THAMS CAD SPYOD, ,RTAG TU SNYING RJE GZHAN GYI DON, ,NYAMS SU LEN PA'I SKYES MCHOG NI, ,'GRO BA'I PHA MA DGA' DGA' NA, ,ZHES GSUNGS SO, ,SKU GSUM @112A *, ,RNAM PAR GZHAG PA NI, SLOB DPON GYI ZHAL SNGA NAS GZHAN DU GSUNGS PAS 'DIR BZHAG GO, ,DE LTAR CHOS KYI SKU'I BYIN RLABS LAS RGYU GSUM DANG RKYEN GCIG GIS GZUGS KYI SKU DANG ZAB PA DANG RGYA CHE BA'I CHOS STON TE, SKU'I PHRIN LAS 'KHOR BA MA STONGS KYI BAR DU 'BYUNG NGO, ,DON 'DI LA DGONGS NAS RGYUD LAS, BSAM PA THA DAD MOS PA DU MA YI, ,SEMS CAN DBANG GIS KHYAD PAR MANG PO 'KHRUNGS, ,GCIG NA CHU YI SNOD NI DU MA RU, ,ZLA BA'I GZUGS BRNYAN SHAR BA DAG DANG MTSUNGS, , ZHES GSUNGS PA DANG, RJE BTZUN A'AR+YA DE WA'I ZHAL SNGA NAS KYANG, NOR BU SHANG KA SHI LA BYU RU DANG, ,BEEd'UR+YA DANG ZANGS KYI SNOD RNAMS BKOD PA LAS, ,DE LA ZLA BA GCIG NI NAM MKHA'I DKYIL NAS NI, ,YONGS SU GYUR NAS GZUGS NI SO SOR THA DAD SNANG BA LTAR, ,DE BZHIN MGON PO DE NYID THUGS RDO RJE, ,'GRO BA'I TSOGS SU SNA TSOGS NYID DU KHYAB NAS BZHUGS, ,ZHES GSUNGS SO, ,BSOD NAMS CHUNG BA DBANG PO DMAN PA RNAMS LA SKU YE MI SNANG NGO, ,MDO SDE'I RGYAN LAS JI SKAD DU, JI LTAR SNOD CHAG GYUR PA LAS, ,ZLA BA'I GZUGS BRNYAN MI SNANG ZHING, ,DE BZHIN SEMS CAN NGAN PA LA, ,SANGS RGYAS GZUGS KYANG MI SNANG NGO, ZHES GSUNGS SO, ,DE BZHIN DU GSUNG DE YANG GDUL BYA'I SNOD DANG SBYAR NAS 'BYUNG STE, SANGS RGYAS RNAMS KYI GDUL BYA LA, ,JI LTAR MOS PA'I CHOS GSUNGS TE; ,KHA CIG LA NI SDIG PA LAS, ,RNAM PAR BZLOG PA'I CHOS GSUNGS SO, ,KHA CIG NA NI RGYU 'DRAS GNYIS, ,CHUD MI GSAN ZHES CHOS GSUNGS TE, ,KHA CIG LA NI BDEN PA GNYIS, ,RNAM PAR DBYE BA'I CHOS GSUNGS SO, ,ZAB MO KHU 'PHRIG CAN RNAMS LA, ,STONG NYID SNYING RJE'I SNYING PO CAN, ,JI LTAR MOS PA'I CHOS GSUNGS SO, ,ZHES SLOB DPON KLU SGRUB KYIS GSUNGS PA DANG, YANG, SNOD MA DAG LA MI SNANG STE, ,TSANGS PAS GSOL BA BTAB PA NA, ,ZAB MO CHAGS BRAL BDUD RTZI 'DUS MA BYAS, ,BDUD RTZI LTA BU'I CHOS GCIG BDAG GIS RNYED, ,SU LA BSTAN KYANG GO BAR MI 'GYUR TE, ,BDAG NYID GCIG PU @112B NAGS SU BSGOM PAR BYA, ,ZHES GSUNGS SO, ,SLOB DPON GYI ZHAL SNGA NAS KYANG, GANG PHYIR DE LTAR ZAB MO'I CHOS, ,SNOD MIN 'GRO LA MI SNANG BAS, ,DE YI PHYIR NA MKHAS RNAMS KYIS, ,SANGS RGYAS THAMS CAD MKHYEN BAR SHES, ,ZHES GSUNGS SO, ,DE'I PHYIR DON 'DI 'PHAGS PA GSANG BA BSAM GYIS MI KHYAB PAR GSUNGS SO, ,DE'I PHYIR 'PHAGS PA KLU SGRUB KYI RJES SU 'BRANG BA'I DBU MA LA SKYON CI YANG MED DO, ,GANG DAG GZHUNG 'DI LA SKUR PA 'DEBS PA DE DAG NI ZAB CING RGYA CHE BA'I CHOS SPANGS PA'I SEMS CAN DMYAL BA'I SDUG BSNGAL YUN RING POR MYONG BAR 'GYUR RO, ,SNGON GYI SLOB DPON RNAMS KYIS PHYOGS RE RE MDZAD DE, SLOB DPON PHYOGS KYI GLANG PO DANG, DHARMA K'IRTI LA SOGS PAS TSAD MA'I GZHUNG RGYAS BAR MDZAD DO, ,SLOB DPON CHOS SKYOB DANG, SLOB DPON SANGS RGYAS LHA DANG, DBYIG BSHES DANG, DBYANGS SGROGS DANG, YID 'ONG LA SOGS PAS NYAN THOS BYE BRAG TU SMRA BA'I LUNG RGYAS PAR MDZAD DO, ,SLOB DPON DGE SRUNGS DANG, CHOS MCHOG DANG, DBYIG GNYEN SNGA MA LA SOGS PAS NYAN THOS MDO SDE PA'I GZHUNG RGYAS PAR MDZAD DO, ,SLOB DPON THOGS MED DANG, DBYIG GNYEN DANG; BLO BRTAN DANG, SHES RAB 'BYUNG GNAS SBAS PA DANG, KA LING KA DANG, LHA DBANG BLO DANG, DGE BSNYEN BTZUN PA NGO BO NYID MED PA LA SOGS PAS NI RNAM BCAS RNAM MED KYI GZHUNG RGYAS PAR MDZAD DO, ,SLOB DPON BHA BYA DANG, BUDDHA P'A LI TA DANG, DE BA SHARMA DANG, SPYAN RAS GZIGS BRTUL ZHUGS DANG, SH'ANTA RAKshITA DANG, KA MA LA SH'I LA LA SOGS PAS NI DBU MA'I GZHUNG RGYAS PAR MDZAD DO, ,SLOB DPON TZANDRA GO MI DANG, SLOB DPON DPA' BO DANG, SLOB DPON RGYA MTSO SPRIN DANG, SLOB DPON SH'ANTA DE BA DANG, SLOB DPON LUN TA KA LA SOGS PAS SEMS BSKYED MA THAG PA LAS DANG PO PA'I PHYIR TSAD MED PA BZHI DANG, BSDU BA'I DNGOS PO BZHI DANG, PHA ROL TU PHYIN PA LA SOGS PA JI LTAR NYAMS SU BLANG BA'I SPYOD PA RGYA CHEN PO'I GZHUNG RGYAS PAR MDZAD DO, ,SLOB DPON 'PHAGS PA KLU SGRUB DANG, SLOB DPON A'AR+YA DE BA DANG, @113A *, ,SLOB DPON MA TI TZI TRA DANG, SLOB DPON KAm PA LA DANG, SLOB DPON ZLA BA GRAGS PA DANG, SLOB DPON LNGA PO MDZAD PA'I DBU MA'I GZHUNG DE DAG NI DBU MA'I GZHUNG THAMS CAD KYI PHYI MO YIN NO, ,DBU MA'I GZHUNG THAMS CAD KYI RTZA BA YIN PAS 'GRAN ZLA MED PA YIN NO, ,'DI LTAR BKA' GSANG SNGAGS KYI GZHUNG YANG SLOB DPON SANGS RGYAS GSANG BA DANG, SLOB DPON SH'AKYA BSHES GNYEN DANG, SLOB DPON SHES RAB GRUB PA DANG, SLOB DPON KUN DGA' SNYING PO LA SOGS PAS NI RNAL 'BYOR GYI RGYUD DANG, BYA BA'I RGYUD KYI DON GSAL BAR MDZAD DO, , SLOB DPON AINDRA BH'U TI DANG, SLOB DPON SANGS RGYAS YE SHES ZHABS LA SOGS PAS DPAL GSANG BA 'DUS PA'I RGYUD KYI DON 'BA' ZHIG GSAL BAR BYAS SO, ,SLOB DPON TZ'AR+YA BA DANG, SLOB DPON RDO RJE DRIL BU DANG, SLOB DPON L'U YI PA LA SOGS PAS DPAL BDE MCHOG GI RGYUD KYI DON GSAL BAR MDZAD DO, ,SLOB DPON dOm BI HE RU KA DANG, SA RA R'U PA LA SOGS BAS DPAL HE BADZRA'I RGYUD KYI DON TZAM GSAL BAR MDZAD DO, ,SLOB DPON KU KU RI BA DANG, CHOS KYI ZHABS LA SOGS PAS NI DPAL MA H'A M'A Y'A'I DON GSAL BAR MDZAD DO, ,SLOB DPON GYI ZHAL SNGA NAS SKYE BO MA LUS PA LA 'DI BKA' DRIN CHE BA YIN TE, THA MA LA [?] PA LA SHIN TU PHAN GDAGS PA'I PHYIR RTEN 'BREL GYI RTZIS DANG MO'I RNAM PA MDZAD DO, ,BLON PO RNAMS LA PHAN GDAGS PA'I PHYIR SHES RAB BRGYA PA DANG, BRTAG PA BCU GNYIS PA LA SOGS PA MDZAD DO, ,RGYAL PO RNAMS KYI PHYIR BSHES PA'I SPRING YIG DANG, RIN PO CHE'I PHRENG BA MDZAD DO, ,'KHOR RNAM BZHIR GTOGS PA BSOD NAMS CHUNG BA RNAMS KYI PHYIR SBOS SBYOR CHE CHUNG LA SOGS PA MDZAD DO, ,SMAN PA RNAMS KYI PHYIR SBYOR BA BRGYA BA DANG, SBYOR BA SUM CU RTZA GNYIS PA DANG, NYI SHU PA DANG, BDUD RTZI'I SNYING THIGS DANG, 'TSO BA'I MDO LA SOGS PA MDZAD DO, ,THEG PA CHEN PO LA ZHUGS PA RNAMS KYI CHED DU SEMS BSKYED PA'I CHOG DANG, BYANG CHUB SEMS DPA'I SPYOD PA GSAL BA DANG, MDO KUN LAS BTUS PA LA SOGS PA MDZAD DO, ,YANG DE DAG GI THOG TU DBU MA RTZA BA'I SHES RAB @113B DANG, DE LAS 'PHROS PA RTZOD PA BZLOG PA DANG, STONG PA NYID BDUN CU PA MDZAD DO, ,DE'I YAN LAG TU RIGS PA DRUG CU PA DANG, THEG PA CHEN PO NYI SHU PA DANG, SRID PA 'PHO BA DANG, BSGOM BA'I RIM PA DANG, RNAM PAR 'THAG BA DANG, TSIG BRGYA PA DANG, BYANG CHUB KYI SEMS KYI RNAM PAR BSHAD PA DANG, CHOS KYI DBYINGS SU BSTOD PA DANG, DON DAM PAR BSTOD PA DANG, RNAM PAR MI RTOG PAR BSTOD PA DANG, BSAM GYIS MI KHYAB PAR BSTOD PA DANG, 'JIG RTEN LAS 'DAS PAR BSTOD PA DANG, SEMS KYI RDO RJE'I BSTOD PA DANG, S'A LU LJANG PA'I 'GREL PA DANG, RTEN CING 'BREL PAR 'BYUNG BA RTZA 'GREL DANG BCAS PA DANG, DE BZHIN DU DBANG PO RNON PO'I YANG RNON PO THEG PA CHEN PO GSANG SNGAGS KYI SNOD DU GYUR PA RNAMS LA DPAL GSANG BA 'DUS PA'I RGYUD KYI DON DPAL GSANG BA 'DUS PA'I DKYIL 'KHOR DU DBANG BSKUR BA'I CHO GA DANG, CHO GA NYI SHU PA DANG, PAndI KRI TA DANG, MDO DANG BSRES PA DANG, DPAL RIM PA LNGA PA MDZAD DO, ,DPAL RDO RJE GDAN BZHI'I RGYUD CHEN PO'I t'I KA MDZAD DO, ,MTSAN YANG DAG BAR BRJOD PA'I 'GREL PA DANG, RJE BTZUN KHARSA P'A nI'I SGRUB THABS DANG, YI GE DRUG PA DANG, AA RA PA TZA NA DANG; NGAG GI DBANG PHYUG DANG, TSIG SBYIN GZHON NU LA SOGS PA'I SGRUB THABS MANG DU MDZAD DO, ,DAM TSIG GSUM BKOD PA'I CHO GA DANG, DPA' BO GCIG SGRUB DANG, DE'I MAN NGAG 'DOD 'JO'I BA MO DANG, GTOR MA SUM CU PA DANG, SANGS RGYAS MNYAM SBYOR GYI RDZOGS PA'I RIM PA'I MAN NGAG CHEN PO LA SOGS PA MANG DU MDZAD DO, ,SKYES BU DAM PA DE SANGS RGYAS DNGOS YIN PAS DES MDZAD PA'I GZHUNG DAG LA YID RTON PAR BYA'O, ,DE CI'I PHYIR ZHE NA, MDO SDE SPRIN CHEN PO LAS, LHA'I BU DAG LI TZTSA B'I GZHON NU SEMS CAN THAMS CAD KYIS MTHONG NA DGA' BA 'DI SNGON BSKAL PA DPAG TU MED PA'I PHA ROL TU DE BZHIN GSHEGS PA KLU RIGS SGRON MA 'JIG RTEN DU BYUNG BA'I TSE 'KHOR LOS SGYUR BA'I RGYAL PO BRTZON 'GRUS CHEN PO'I KLU BSTAN PA 'DZIN PA, BLON PO DAM PA'I CHOS KYI MDZOD 'DZIN PA RGYAL PO DANG BLON PO GNYIS RING BSREL YOD PA DANG MED @114A *, ,PA'I RTZOD PA BYAS PA DANG, RGYAL PO'I LEGS PAR BSHAD PAS DUS DE'I 'KHOR NGO MTSAR SKYES NAS, BCOM LDAN 'DAS DE LA ZHUS PAS RGYAL PO DE ZAB MO LA MKHAS PA LAGS SO ZHES ZHUS PAS, BCOM LDAN 'DAS DES RGYAL PO'I YON TAN RGYAS PAR BSHAD DE MDO SDER BLTA'O, ,DE NAS RGYAL PO 'KHOR DANG BCAS PAS SANGS RGYAS LA RIN PO CHE SPAR GANG GTOR NAS SMON LAM BTAB PA MA 'ONGS PA'I DUS NA SANGS RGYAS SH'AKYA THUB PA'I BSTAN PA NUB TU CHA BA'I TSE, DER BDAG RAB TU BYUNG NAS CHOS KYI MJUG LA BAB PA NA SGRA CHEN PO LAN GSUM BSGRAGS LA, CHOS GOS GYON PA TZAM DANG SKRA BREGS PA TZAM YUL NAS BSKRAD LA, DAM PA'I CHOS PHYUNG STE DAM PA'I CHOS KYI PHYIR BDAG GI SROG GTONG BAR GYUR CIG CES SMON LAM BTAB PO, ,DE'I RJES LA BLON PO DANG BTZUN MOS KYANG SMON LAM BTAB BO, ,LHA'I BU DAG NGA 'DAS NAS LO BRGYA PHRAG MANG PO 'DAS NAS LHO PHYOGS KYI RGYUD DU MKHAR GYI RGYAL PO BDE SPYOD BZANG PO ZHES BYA BA 'BYUNG STE, DE'I TSE LO BRGYA NA DAM PA'I CHOS NUB PAR 'GYUR BA'I LHAG MA TZAM LUS PA NA NGA'I NYAN THOS 'BYUNG BAR 'GYUR, DAM PA'I CHOS 'BYIN PAR 'GYUR, DAM PA'I CHOS KYI 'KHOR LO BSKOR BAR 'GYUR, THEG PA CHEN PO GZHAN LA RGYAS PAR STON PAR 'GYUR RO ZHES GSUNGS PA DANG, YANG DGE SLONG DE LUNG STON PA NYON CIG ,DE NI NGA LA DBEN PA DANG, NGA'I BSTAN PA RGYAS PAR BYED PA DANG, KHUR CHEN PO KHYER BA DANG, NGA'I SH'AKYA'I GZHON NU YIN TE, NGA 'DAS PA'I 'OG TU LHO PHYOGS KYI RGYUD DU DRANG SRONG BYI'O ZHES BYA BA'I YUL 'KHOR DU BSOD NAMS LDAN GYI GRONG KHYER CHEN PO'I BYANG PHYOGS SU SKYE BAR 'GYUR RO, ,RIGS CHEN PO RNAM PAR DAG PA BHRA GO CAN DE NI SH'AKYA'I RIGS YIN NO, ,LI TZTSA B'I GZHON NU SEMS CAN THAMS CAD KYIS MTHONG NA DGA' BA 'DI NGA'I CHOS RGYAS PAR BYA BA'I PHYIR BYANG CHUB SEMS DPA' MI'I MCHOG 'DI RIGS CHEN PO RGYAL RIGS SU SKYE BAR 'GYUR TE, DE'I NYE DU 'BRAL BA THAMS CAD DE'I MING LAS 'DOGS SO, ,DE RAB TU BYUNG NAS DE'I 'KHOR RNAMS KYANG DAM PA'I CHOS KYI PHYIR SROG BTANG NAS CHOS GSUNG NGO, ,YANG DE'I RJES LA 'DI SKAD DU DE'I GZHUNG LA @114B MOS PA NI NYUNG STE PHAL CHER MI MOS SO, ,CHOS BZHI DANG LDAN NA DE LA MOS SHING YID CHES PAR 'GYUR RO, ,SANGS RGYAS SNGA MA DAG LA DE'I GZHUNG THOS SHING MOS PA DANG, DGE BA'I BSHES GNYEN GYIS ZIN PA DANG, LHAG PA'I BSAM PA LA ZHUGS SHING DGE BA'I RTZA BA BRTAN PA DANG, RGYA CHEN PO LA MOS PA'O, ,DE LA MI MOS SHING YID MI CHED PA THAMS CAD NI BDUD KYI BYIN GYIS BRLABS PA'I GTI MUG CAN YIN NO, ,DE LA MOS SHING YID CHES PA DAG NI SANGS RGYAS KYI THUGS LA DGONGS SO, ,DE LA BSNYEN BKUR BYAS NA DUS GSUM GYI SANGS RGYAS THAMS CAD LA BSNYEN BKUR BYAS PA YIN NO, ,DE'I BKA' MNYAN NA DUS GSUM GYI SANGS RGYAS THAMS CAD KYI BKA' MNYAN PA YIN NO, ,YANG DE'I RJES LA DE 'CHI BA'I DUS BYAS PA NA NGA'I DAM PA'I CHOS NUB PA YIN NO, ,DE DANG 'DRA BA'I GANG ZAG MED DE YE MI SRID DO, ,YANG GTAM MANG PO'I RJAS LA DE'I PHYOGS BYED PA DANG, DE'I GZHUNG RGYAS PAR BYED PA DANG, DE'I 'KHOR DANG, DE'I GZHUNG 'DZIN PA DE DAG NI SANGS RGYAS PA NA DE'I 'KHOR GYI GTZO BOR 'GYUR RO, ,BSKAL PA BZANG PO 'DI'I RJES LA BSKAL PA DRUG CU RTZA GNYIS SU SANGS RGYAS MI 'BYUNG NGO, ,DE'I RJES LA SANGS RGYAS BDUN 'BYUNG NGO, ,DE'I RJES LA 'JIG RTEN GYI KHAMS MNGON PAR DANG BA'I 'OD CES BYA BAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS YE SHES 'BYUNG GNAS 'OD CES BYA BAR MNGON PAR RDZOGS PAR 'TSANG RGYA BAR 'GYUR RO ZHES BYA BA LA SOGS PA GZHUNG MANG DU GSUNGS SO, ,'DIR CHE LONG TZAM BRIS SO, ,GZHAN YANG 'PHAGS PA 'JAM DPAL RTZA BA'I RGYUD LAS, DGE SLONG KLU SGRUB CES PA 'BYUNG, ,RANG BZHIN MED DON DE NYID RIGS, ,RMA BYA ZHES BYA'I GZUNGS BSGRUBS NAS, ,LO NI DRUG BRGYA DAG TU 'TSO, ,ZHES PA LA SOGS PA GSUNGS SO, ,'PHAGS PA LANG KAR GSHEGS PA LAS KYANG, BLO GROS CHEN PO KHYOD SHES BYOS, ,LHO PHYOGS BEE TA'I YUL DU NI, ,DGE SLONG DPAL LDAN CHER GRAGS PA, ,DE MING KLU ZHES BOD PA STE, ,ZHES PA NAS, RAB TU DGA' @115A *, ,BA'I SA BSGRUBS NAS, BDE BA CAN DU DE 'GRO'O, ,ZHES GSUNGS PA DANG, 'PHAGS PA RNGA BO CHE'I LE'UR YANG LUNG BSTAN PA YIN NO, ,'PHAGS PA GSER 'OD DAM PA'I MDOR YANG LUNG BSTAN PA'I TSIG NI MED KYI, SANGS RGYAS KYI RING BSREL LA BRAM ZE KOO-n+dI N+YA YA DANG, LI TZTSA B'I 'JIG RTEN THAMS CAD KYIS MTHONG NA DGA' BA 'DI BRTZAD PA MDZAD PA YIN NO, ,GZHAN YANG SLOB DPON ZLA BA GRAGS PA'I ZHAL SNGA NAS KYANG, DE LTAR SLOB DPON CHEN PO 'PHAGS PA KLU SGRUB KYI ZHAL SNGA NAS KYIS NYID KYI DON RJES SU BRNYES NAS SO SO RANG RIG PA RDO RJE 'DZIN CHEN PO'I TING NGE 'DZIN 'JIG RTEN PA RNAMS LA BRTEN NAS, LHA DANG MI'I BDE BA LAS 'DAS SHING MU STEGS PA DANG, NYAN THOS DANG, RANG SANGS RGYAS RNAMS KYI BSAM GTAN DANG SNYOMS PAR 'JUG PA'I BDE BA LAS KYANG 'DAS NAS, SKYE BA DANG 'GAG PA DANG BRAL BA'I DE BZHIN GSHEGS PA'I SKU RNAM PA THAMS CAD KYI MCHOG DANG LDAN PA, SKU BLTA BAS CHOG MI SHES PA, STOBS BCU DANG MI 'JIGS PA BZHI LA SOGS PA SANGS RGYAS KYI YON TAN THAMS CAD KYIS BRGYAN PA, BRNYES NAS BDE BA CAN DU GSHEGS TE, YON TAN GYI DBANG PHYUG BRGYAD DANG LDAN PAR BZHUGS SO ZHES SGRON MA GSAL BAR BYED PA LAS GSUNGS SO, ,DE'I PHYIR DE LTA BU'I SLOB DPON KLU SGRUB KYI GZHUNG SHES SHING 'DZIN PA DANG, DE'I BRGYUD PA'I MAN NGAG ZAB MO YOD PA DANG, NYAMS SU LEN PA'I GANG ZAG DES NI SKYE BA DPAG TU MED PAR THEG PA CHEN PO LA SPYAD PAR BYAS PA YIN NA, ,JI SRID SANGS RGYAS KYI BSTAN PA YOD PA DE SRID DU DE'I MAN DAG MI 'CHAD DE, RJE BTZUN A'A-R+YA DE BA'I ZHAL SNGA NAS BCOM LDAN 'DAS SH'AKYA THUB PAS MTSAN PHYED KYI DUS NA MNGON PAR BYANG CHUB PA'I TING NGE 'DZIN MNGON SUM DU MDZAD PA NAS GZUNG STE, JI SRID SANGS RGYAS KYI BSTAN PA GNAS PA DE SRID DU SLOB DPON 'PHAGS PA KLU SGRUB NAS BZUNG STE, BLA MA'I ZHAL NAS BLA MA'I ZHAL DU 'PHOS PA YIN TE, SLOB DPON GYI ZHAL SNGA'I MAN NGAG 'DI NI SANGS RGYAS DANG BYANG CHUB SEMS DPA' THAMS CAD DANG, RDO RJE MKHA' 'GRO MA THAMS CAD KYI BYIN GYIS RLOB @115B PA YIN NO ZHES GSUNGS SO, ,SLOB DPON ZLA BA GRAGS KYI ZHAL SNGA NAS, RNAL 'BYOR PA TSE 'DI NYID LA 'TSANG RGYA BAR 'DOD PA DAG GIS KYANG SLOB DPON GYI ZHAL SNGA NAS NYE BAR GNANG BA'I DE KHO NA NYID SHIN TU ZAB MO'I MAN NGAG RNYED PAR DKA' BA 'DI GTER DANG 'DRA BA'I SLOB DPON RNAMS NI RIN PO CHE'I BUM PAR BDUD RTZI'I CHU BYO BA LTAR ZHAL NAS ZHAL SNYAN NAS SNYAN DU 'PHO ZHING BZHES PA 'DI JI SRID SANGS RGYAS SH'AKYA THUB PA'I CHOS GNAS PA DE SRID DU 'DI YANG NUB PAR MI 'GYUR RO ZHES GSUNGS SO, ,SLOB DPON 'PHAGS PA KLU SGRUB KYI RNAM PAR SMIN PA'I SKU LUS DE NYID DE LTA DPAL GYI RIL BZHUGS TE, DUS GCIG NA RGYAL PO BDE SPYOD BZANG PO'I BU DPAL GYI RI LA SONG NAS SLOB DPON GYI DBU BSLANGS PAS, SLOB DPON GYI ZHAL SNGA NAS RGYAL BU CHOD LA KHYER CIG GSUNGS NAS RAL GRI LAN LNGAR BTAB PAS MCHOD NAS, SLOB DPON GYI ZHAL NAS RTZVA KU SHA CIG LONG GSUNGS NAS RGYAL BUS DE BLANGS TE PHUL BAS, SLOB DPON NYID KYIS SKE LA RTZVAS BSKOR BAS DBUS LA LHUNG NAS RGYAL BU'I LAG TU BYIN NO, ,RGYAL BUS MA THEG NAS DE NYID DU BZHAG NAS SONG NGO, ,DA LTAR YANG DBU DANG LUS KYI KHOG PA RIN PO CHE'I 'OD 'PHRO BA'I KHANG PA BRTZEGS PA NA RIN PO CHE'I KHRI LA BZHAG STE, LHA DANG GNOD SBYIN DANG DRI ZA LA SOGS PAS NYIN DANG MTSAN DU RTAG TU MCHOD PA BYED DO, ,'DI LA GTAM RGYUD RING PO YOD DE 'DIR GZHAG GO, ,SMON LAM GYI SKU NI BDE BA CAN NA BZHUGS TE, BCOM LDAN 'DAS 'OD DPAG MED KYIS BYANG CHUB SEMS DPA' BLO GROS RIN PO CHE ZHES MTSAN BTAGS NAS SKU MDOG DKAR PO PHYAG GNYIS PA G-YAS MCHOG SBYIN PA, G-YON PADMA DKAR PO BSNAMS PA'O, ,BLA MA RJE BTZUN AA BA DH'U T'I PA'I ZHAL NAS, NGA'I BLA MA RJE BTZUN CHEN PO RNAL 'BYOR GYI DBANG PHYUG AA BA DH'U T'I PA MNGON BAR SHES PAS SNGON JI LTAR MNGA' BA BZHIN ZHAL GZIGS SHING CHOS GSAN, RES DPAL GYI RIL GZIGS SHING BZHUGS TE, 'PHAGS PA'I SLOB MA RJE BTZUN KLU'I BYANG CHUB DUS DE LTA DPAL SHA BA RI PAR GRAGS PA YANG DUS RTAG TU CHOS GSAN PA YIN NO ZHES BLA @116A *, ,MA AA BA DH'U T'IS GSUNGS SO, ,RANG GI SDUG BSNGAL YAL BAR BOR NAS GZHAN GYI SDUG BSNGAL GYI MES GDUNGS PA DBANG PO RNON PO'I YANG RNON PO CHOS ZAB MO LA MI SKRAG PAR MOS PA DANG, BDAG BSGRUB PA DANG MI 'BRAL BAR TSE 'DI NYID LA 'TSANG RGYA BAR 'DOD PA DANG, GZHAN GYI DON DKA' BA MED PAR MYUR DU BYA BA DANG, MNGON PAR SHES PA MYUR DU SKYE BAR 'DOD PAS THABS KHYAD PAR CAN GYI THEG PA LA 'JUG PAR BYA'O, ,BLA MA BZANG PO LA RDO RJE SLOB DPON GYI DBANG ZHUS NAS SGRUB PA GTZO BOR BYA'O, ,GSANG BA DANG SHES RAB YE SHES KYI DBANG NI TSANGS PAR SPYOD PA GROL BA'I LAM PAS MI BSKUR ZHING, SLOB MAS KYANG MI BLANG NGO, ,DE NI TSANGS PAR SPYOD PA ZAD PAR BYED PA DANG, SANGS RGYAS KYI BSTAN PA NUB PAR BYED PAS SEMS CAN DMYAL BAR SLOB DPON DANG SLOB MA GNYIS THE TSOM MED PAR 'GRO BAR 'GYUR RO, ,GAL TE GSANG SNGAGS SPYOD NA DBANG MNOS LA BUM PA'I DBANG THOB PA DES RGYUD GANG YANG RUNG BA'I SGOR ZHUGS LA RANG 'DOD PA'I LHA'I TING NGE 'DZIN DANG, BZLAS PA'I SNGAGS BLA MA LA ZHUS LA SGRUB PA GTZOR BYED CING DAM TSIG DANG SDOM PA NYI SHU SHIN TU GTZANG BAR BSRUNG STE BSGRUB PAR BYA'O, , GANG GI TSE NUS PA SKYES PA NA PHRIN LAS BZHI DANG, 'JIG RTEN GYI DNGOS GRUB BRGYAD KYI SA GZHAN GYI DON BYA DKA' BA MED PAR 'GYUR RO, ,DE BAS NA RGYUD LAS, GSANG SNGAGS RGYA MTSO CHEN PO NI, ,DNGOS GRUB RLABS NI 'KHRIGS PA CAN, ,DPE'AM LUNG MA BSTAN TSIG GAM, , RJES SU DPAG PA'I SHES RAB KYIS, ,RTOGS PAR NUS PA MA YIN NO, ,ZHES GSUNGS SO, ,BDAG GI BLA MA YA BA DV'I PA BSOD SNYOMS PA AA WA DH'U T'I'I ZHAL NAS, THEG PA GNYIS POS SPANGS PA YANG, ,'DIR ZHUGS PHYAG RGYA CHEN PO 'THOB, ,DE'I PHYIR GSANG SNGAGS THEG PA 'DIR, ,MKHAS PA SU ZHIG SPYOD MI BYED, ,CES GSUNGS SO, ,DON GCIG NYID NA'ANG MA RMONGS DANG, ,THABS MANG DKA' BA MED PA DANG, ,DBANG PO RNON PO'I DBANG BYAS NAS, ,GSANG SNGAGS THEG PA KHYAD PAR 'PHAGS, ,ZHES GSUNGS SO, ,'DIR @116B NI DBANG BSKUR THOB PAR MA BYAS PAR 'DIR 'JUG PAR MI BYA BAS LHA BSGOM PA DANG SNGAGS BZLAS PA MI BYA STE, RJES SU GNANG BA MA THOB PAS GSANG SNGAGS DANG PHA ROL TU PHYIN PA GNYIS RNAM PAR THAR PA 'DRES PAR 'GYUR BA'I PHYIR RO, ,RDO RJE BYANG CHUB KYI SEMS KUN NAS SPROS PA DANG BRAL BA'I RDZOGS PA'I RIM PA'I MAN NGAG NI SNOD MA YIN PA LA BSTAN PAR MI BYA'O, ,YONGS SU RDZOGS PA'I DGE BSNYEN CHAGS LAM PAS DBANG GNYIS PO BLANGS PA LA NYES PA MED DO, ,RANG GI CHUNG MAS CHOG SHES SHING, ,GZHAN GYI BUD MED LA MI 'GRO, ,LOG PAR G-YEM PA RNAM PAR SPANGS, ,DGE BSNYEN DE NI MTHO RIS 'GRO, ,ZHES MDO LAS GSUNGS SO, ,SGRIB GNYIS MYUR DU SBYANGS PA DANG, ,TSOGS GNYIS MYUR DU BSAGS PA'I PHYIR, ,GSANG SNGAGS THEG PA SBYANG BYA ZHES, ,MAR ME MDZAD DPAL YE SHES SMRA, , SH'AKYA'I DGE SLONG BLO RNON PO, ,SHES RAB SNYING RJE KHRIMS DANG LDAN, ,TSUL KHRIMS RGYAL BA ZHES BYA BA'I, ,SLOB MA BZANG POS BSKUL NAS BRIS, ,DE BA P'A LA'I THUGS DAM BI KRA MA, ,SH'I LA ZHES BYA'I GTZUG LAG KHANG CHEN DU, ,BLA MA DAM PA RNAMS KYIS GSUNGS PA BZHIN, ,MAR ME MDZAD DPAL YE SHES DE YIS BRIS, ZAS NOR PHRAN TSEGS TZAM LA MI LTA ZHING, ,LEGS PAR MA BRTAGS PA LA 'DI MI SBYIN, ,'PHAGS PA KLU SGRUB GZHUNG LA MA MOS NA, ,ZAB MO SPANGS PAS SEMS CAN DMYAL BAR 'GRO, ,THEG PA CHEN PO DBU MA'I MAN NGAG RIN PO CHE'I ZA MA TOG KHA PHYE BA ZHES BYA BA, MA H'A PAndI TA DPAL MAR ME MDZAD YE SHES KYI ZHAL SNGA NAS MDZAD PA RDZOGS SO,, ,,RGYA GAR GYI MKHAN PO D'I PAm KA RA SHR'I DZNY'A NA DE NYID DANG, LO TZ'A BA DGE BSNYEN CHEN PO RGYA BRTZON 'GRUS SENG GE DANG, DGE SLONG TSUL KHRIMS RGYAL BAS BSGYUR CING ZHUS TE GTAN LA PHAB PA, , #, ,RGYA GAR SKAD DU, MA DHYA MA AU PA DE SHA BRiTTI, BOD SKAD DU, DBU MA'I MAN NGAG CES BYA BA'I 'GREL PA, 'PHAGS PA 'JIG RTEN DBANG PHYUG LA PHYAG 'TSAL LO, , @117A *, ,'GRO BA'I SDUG BSNGAL SEL MDZAD CING, ,DKAR PO RNAM PAR 'PHEL BA'I RGYU, ,BYANG CHUB SEMS LA PHYAG 'TSAL NAS, ,DBU MA'I MAN NGAG GSAL BAR BYA, ,PHYIN CI LOG GI RNAM RTOG GIS, ,'KHOR BA'I 'DAM DU BYING BA RNAMS, ,MAN NGAG LAM LA RAB BRTEN NAS, ,YANG DAG BYANG CHUB BSGRUB PA'I PHYIR, ,MAN NGAG DON TZAM BSHAD PAR BYA, ,DE LA, GANG GI GSUNG GI 'OD ZER GYIS, ,ZHES BYA BA LA SOGS PAS NI YUL YON TAN DANG LDAN PA LA PHYAG 'TSAL BA RTZOM PAR BYED DO, ,DE SLOB DPON DE DAG NYID YA RABS DAM PA NYID DU SHES PAR BYA BA'I PHYIR RAM, BAR CHAD KYI BGEGS ZHI BAR BYA BA'I PHYIR RAM, BSHAD PAR DAM BCA' BA'I PHYIR DGONGS PA YIN NO, ,TSIGS SU BCAD PA 'DIS NI BSDUS PA'I DON GNYIS BSTAN TE, YON TAN BRJOD PAS MCHOD PA DANG PHYAG 'TSAL BAS MCHOD PA DANG, YON TAN YANG GZHAN GYI DON PHUN SUM TSOGS PA DANG, RANG GI DON DU 'DU SHES PAR BYA'O, ,GZHAN GYI DON LA YANG RGYU DANG 'BRAS BU STE, DE LA, GANG GI GSUNG GI 'OD ZER GYIS, ,ZHES BYA BAS NI RGYU PHUN SUM TSOGS PA BSTAN TO, ,BDAG SOGS RMONGS PA MA LUS PA'I, ,SNYING GI PADMA KHA 'BYED PA, , ZHES BYA BAS NI 'BRAS BU PHUN SUM TSOGS PA BSTAN TO, ,DAM PA'I SKYES MCHOG CES BYA BAS NI RANG GI DON MTHAR THUG PA STON PAR BYED DO, ,RNAMS ZHES BYA BA NI DU MA'O, ,'DUD CES BYA BA NI PHYAG 'TSAL BA'I TSIG GO, ,YAN LAG GI DON BSHAD PAR BYA STE, GANG GI ZHES BYA BA NI BYED PA PO'I TSIG GAM, SPYI'I SGRA YIN YANG YUL GZHAN RNAM PAR SPANGS NAS RTEN SANGS RGYAS KHO NA LA 'JUG PAR GSAL TE, SANGS RGYAS KYI YON TAN BRJOD PAS MCHOD PA DANG, PHYAG 'TSAL BAS MCHOD PA'I SKABS YIN TE, KHRA MO BOS ZHES BYA BA DANG 'DRA STE, SPYI SGRA YIN YANG 'O MA DGOS PA'I SKABS SU BA KHRA MO LA 'JUG GO, ,GSUNG GI 'OD ZER ZHES SMOS PAS NI SKU GSUNG THUGS KYI 'OD ZER YANG BSTAN NO, ,DKAR PO DANG, DMAR PO DANG, SNGON PO DANG, NYI ZLA'I 'OD DANG 'DRA STE, NYI MA SHAR BAS 'OD KYIS MUN NAG CHEN PO SEL BAR BYED PA DANG, ME TOG @117B LA SOGS PA KHA 'BYED PAR BYED PA DANG, SMAN DANG 'BRAS BU SNA TSOGS SMIN PAR BYED PA DANG, BA MO LA SOGS PA GRANG BA'I RIG PA'I GDUG PA ZHI BAR BYED PA DANG, DRO BA'I RAG PAS SEMS CAN BDE BAR BYED PA DANG, LAM DANG LAM MA YIN PA DANG, DNGOS PO MI GSAL BA GSAL BAR BYED PA DANG, SKAR MA LA SOGS PA'I 'OD GZHAN DAG ZIL GYIS GNON PAR BYED DO, ,DE BZHIN DU BCOM LDAN 'DAS KYI SKU GSUNG THUGS KYI SGO NAS RNAM THAR BSAM GYIS MI KHYAB PA'I CHOS BSTAN PA'I 'OD ZER GYIS 'GRO BA RNAMS KYI MA RIG PA'I MUN PA SEL BAR BYED PA DANG, BLO'I PADMA KHA 'BYED PAR BYED PA DANG, RGYUD MA SMIN PA KUN SMIN PAR BYED PA DANG, BDUD LA SOGS PA'I GNOD PA ZHI BAR BYED PA DANG, SEMS CAN THAMS CAD KYI SDUG BSNGAL ZHI BAR BYED PA DANG, BLA NA MED PA'I BDE BA LA 'GOD PAR BYED PA DANG, LTA BA NGAN PA SEL BAR BYED SPONG BAR BYED PA DANG, LHA LA SOGS PA'I RNAM PAR SMIN PA'I 'OD ZIL GYIS GNON PAR YANG MDZAD DO, ,DE YANG MOG MOG POR MDZAD DANG ZHES PAS KYANG BSTAN TO, ,'OD ZER GYIS ZHES BYA BA NI BYED PA PO'I BYA BA STON PAR BYED DO, ,'BYED PAR BYED CES BYA BA NI LAS SU BYA BA STON PAR BYED DO, ,BDAG SOGS ZHES SMOS PAS NI SLOB DPON BDAG LA SOGS PA STE GO SLA'O, ,RMONGS PA ZHES BYA BA NI DE KHO NA NYID KYI DON MNGON DU MA GYUR PA'I PHYIR RO, ,MA LUS PA ZHES BYA BAS NI BCOM LDAN 'DAS KYI THUGS RJE NYI TSE BA MA YIN PA DANG, KUN LA KHYAB PA DANG THAMS CAD KYI DON MDZAD PAR ZHUGS PA'I PHYIR RO, ,SNYING GI PADMA KHA 'BYED PA, ,ZHES PA NI SEMS KYI RTEN DU GYUR PA'I SNYING STE, RTEN GYI MING BRTAN PA LA BRTAGS PA STE, DE'I PHYIR, SEMS KYI PADMA KHA 'BYED PA, ,ZHES BYA BA'O, ,DE YANG PADMA DANG 'DRA STE, PADMA NI MTHONG NA DGA' BA BSKYED PA DANG DRI DANG KHA DOG SNA TSOGS PA DANG, SBRANG RTZI LA SOGS PA'I 'BYUNG GNAS YIN PA DANG, 'DAM NAS SKYES KYANG 'DAM GYIS MA GOS SHING KHYAD PAR DU 'PHAGS PA'O, ,DE BZHIN DU SEMS KYANG DGA' GDUNG SNA TSOGS KYI GNAS YIN PA DANG, LHAN CIG SKYES BA'I BDUD RTZI'I RO MYONG BAR BYED @118A *, ,PA DANG, BYANG CHUB RIN PO CHE'I 'BYUNG GNAS SU GYUR PA DANG, GLO BUR BA'I DRI MA DANG BCAS KYANG RANG BZHIN GYIS 'OD GSAL ZHING RNAM PAR DAG PA STE, DE YANG, CHU KHAMS GSER DANG NAM MKHA' RNAMS, ,DAG PA BZHIN DU DAG PAR 'DOD, ,CES BYA BA DANG, SEMS KYI RANG BZHIN SANGS RGYAS TE, ,SANGS RGYAS GZHAN DU MA TSOL CIG ,CES BYA BAS KYANG BSTAN TO, ,KHA 'BYED PA ZHES BYA BA NI PADMA KHA 'BYED PA DANG 'DRA STE, RIG PA'I GNAS RNAM PA LNGA LA BLO RGYAS PAR BYED DO, ,DE YANG, GANG ZHIG 'DZIN DANG 'DON DANG SPYOD PA DANG, , GZHAN LA 'DRI ZHING THOS PA 'DZIN BYED DANG, ,DE YI BLO NI NYI MA'I 'OD ZER GYIS, ,PADMA BZHIN DU RNAM PAR KHA 'BYED DO, ,ZHES BYA BA DANG, YANG, RIG PA'I GNAS LNGA DAG LA MKHAS PAR MA BYAS NA, ,'PHAGS MCHOG CIS KYANG THAMS CAD MKHYEN NYID 'GRUB MI 'GYUR, ,DE PHYIR GZHAN DAG TSAR GCAD RJES SU GZUNG PHYIR RAM, ,BDAG NYID GOMS PAR BYA PHYIR DE LA DE BRTZON BYED, ,CES BYA BAS KYANG BSTAN TO, ,DAM PA'I SKYES MCHOG CES BYA BAS NI SPANGS PA DANG YE SHES PHUN SUM TSOGS PA'I BDAG NYID LA BYA STE, SKU GSUM GYI NGO BO NYID DO, ,DE LA 'DUD CES BYA BA NI PHYAG 'TSAL BAR BYED PA STE LUS NGAG YID GSUM GYI LAS DGE BA'O, ,DA NI MAN NGAG DNGOS SU BSTAN PAR BYA STE, DE LA THEG PA CHEN PO DBU MA'I MAN NGAG NI 'DI YIN TE ZHES BYA BA LA SOGS PAS NI RGYU THOS BSAM BSGOM GSUM GYI SHES PAS MDOR BSDUS TE STON BAR BYED PA YIN TE, DE LA THEG PA NI RGYU'I THEG PA DANG 'BRAS BU'I THEG PA STE, RGYU NI BYANG CHUB SEMS DPA' RNAMS KYI LAM STE 'DI NAS 'GRO BA'I PHYIR RO, ,DE YANG SNGAGS KYI THEG PA'I TSUL DU BSHAD PA DANG, PHA ROL TU PHYIN PA'I THEG PA'I TSUL DU BSHAD PA STE, GZHAN NAS BSHAD PA BZHIN NO, ,'BRAS BU'I THEG PA NI SKU GSUM GYI BDAG NYID DE, BGROD PAR BYA BA YIN PA'I PHYIR RO, ,CHEN PO NI SHES RAB DANG SNYING RJE LA SOGS PAS CHE BA STE, DE YANG, GTONG BA CHE DANG BLO CHE BA DANG MTHU CHE BA, ,ZHES BYA BAS KYANG BSTAN TO, ,DE LA SHES RAB CHEN POS NI CHOS THAMS CAD SGYU MA LTA BUR SHES SHING CI @118B LA YANG MA CHAGS PA'O, ,SNYING RJE CHEN POS NI SEMS CAN GYI DON RGYUN MI GCOD PAS THABS DANG SHES RAB 'BREL PA ZHES BYA STE, BYANG CHUB SEMS DPA' RNAMS KYI LAM YIN NO, ,SHES RAB DANG SNYING RJE LA SOGS PA CHUNG BA NI THEG PA CHUNG NGU ZHES BYA STE, DE YANG, THABS MED SHES RAB BRAL BA NYAN THOS NYID DU LTUNG, ,ZHES BYA BAS KYANG GSUNGS SO, ,DE'I PHYIR NYAN THOS NI MYA NGAN LAS 'DAS PA'I MTHAR LTUNG STE, PHUNG PO LHAG MA DANG BCAS PA DANG LHAG MA MED PA'I MYA NGAN LAS 'DAS PA MNGON SUM DU BYAS NAS SEMS CAN GYI DON YAL BAR DOR RO, ,SO SO'I SKYE BO RNAMS NI 'KHOR BA'I MTHAR LTUNG STE SDUG BSNGAL SNA TSOGS NYAMS SU MYONG NGO, ,BYANG CHUB SEMS DPA' NI MTHA' DE DAG SPANGS TE, SHES RAB CHEN POS NI 'KHOR BA'I MTHA' LA MI GNAS, THUGS RJE CHEN POS NI MYA NGAN LAS 'DAS PA'I MTHA' LA MI GNAS PAS DE NI MTHA' GNYIS LA MI GNAS PA'I MYA NGAN LAS 'DAS PA ZHES BYA'O, ,DE YANG MI GNAS PA'I MYA NGAN LAS 'DAS PA ZHES BYA BA DANG, STONG PA SNYING RJE DBYER MED PA, ,RGYUD GANG LA NI RAB BRTEN PA, ,'JIG RTEN MGON GYI SGRUB THABS TE, ,'DI NI SANGS RGYAS KUN GYIS BSHAD, ,CES BYA BAS GSUNGS SO; ,DE'I PHYIR THEG PA CHEN PO NI SHES RAB DANG SNYING RJE YIN NO, ,DBU MA NI MTHA' THAMS CAD DANG BRAL BA DANG, SNYING PO'I DON GYI DBU MA STE, DE YANG SGRA DANG DON TO, ,DON GYI DBU MA NI BDEN PA GNYIS TE 'OG NAS BSHAD DO, ,SGRA'I DBU MA NI DBU MA BRJOD PA'I SGRA STE, MTHA' GNYIS SPONG BA'I TSIG GDAGS PA TZAM MO, DE'I MAN NGAG NI GCES SPRAS SU BYA BA STE, TSEGS CHUNG NGUS DON CHEN PO RTOGS PAS NA MAN NGAG STE, DE BSGOM ZHES BYA BAR SBYAR TE 'OG NAS 'CHAD DO, ,THOG MA MED PA NAS ZHES BYA BA NI 'KHOR BA THOG MA THA MA MED PA'O, ,DNGOS POR ZHEN PA NI BDEN PAR ZHEN PA'O, ,GZUNG 'DZIN LA SOGS PAR RO, ,BDEN PA GNYIS SU BZHAG GO ZHES BYA BA NI YANG DAG PAR NA GCIG DANG THA MI DAD PAR BSTAN TE, GCIG NA NI KUN RDZOB SPONG BA BZHIN DU DON DAM PA YANG SPONG BA NYID DU 'GYUR LA, KUN RDZOB THA DAD PA BZHIN DU DON DAM @119A *, ,PA YANG THA DAD PAR 'GYUR RO, ,KUN RDZOB DRI MA DANG BCAS PA BZHIN DU DON DAM PA YANG DRI MA DANG BCAS PAR 'GYUR RO, ,THA DAD NA NI CHOS CAN DANG CHOS NYID DU YANG MI 'GYUR LA, 'DUS BYAS KYI MTSAN MA ZIL GYIS GNON PAR YANG MI 'GYUR TE, LAM SGOM PA YANG DON MED PAR 'GYUR RO, ,DE BAS NA DE NYID DANG GZHAN DU BRJOD DU MED DO, ,RGYAS PAR NI GZHAN NAS BSHAD PA BZHIN NO, ,DE YANG JI SKAD DU ZHE NA, 'DU BYED KHAMS DANG DON DAM MTSAN NYID NI, ,GCIG DANG THA DAD NYID LAS RNAM PAR GROL, ,GCIG DANG THA DAD NYID DU GANG RTOG PA, ,DE NI TSUL BZHIN MA YIN LOG ZHUGS YIN, ,ZHES GSUNGS PA DANG, YANG DUNG LA SOGS PA'I DKAR PO NYID BZHIN DU DE NYID DANG GZHAN PA LAS GROL BAR BSTAN TE MDOR BSDUS PA'I DON TO, ,YAN LAG RGYAS PAR BSHAD DE KUN RDZOB TU CHOS THAMS CAD CES BYA BA LA SOGS PA NI THOS BSAM LAS BYUNG BA'I SHES PAS CHOS THAMS CAD BDEN PA GNYIS KYI TSUL DU SLOB PA ZHES BYA BAR STON TO, ,DE LA KUN RDZOB NI 'KHRUL PA'I SHES PA STE, DE KHO NA NYID KYI DON LA SGRIB PA NI GZHAN DU JI LTAR BSHAD PA BZHIN NO, ,CHOS THAMS CAD NI MA LUS PA'I DON TE GO SLA'O, ,TSU ROL MTHONG BA NI BDEN PA MA MTHONG BA RNAMS SO, ,NGOR BYAS PA NI ZHEN PA'I BSAM PA DANG SBYAR BA'O, ,RGYU 'BRAS LA SOGS PA NI PHUNG PO DANG KHAMS DANG SKYE MCHED LA SOGS PA RNAMS SO, ,JI LTAR SNANG BA NI MA BRTAGS NA NYAMS DGA' BA STE, SNANG LA RANG BZHIN MED PA'I DON TE, DE YANG, GANG DAG RTEN NAS DNGOS PO RNAMS, ,CHU YI ZLA BA LTA BUR NI, ,YANG DAG MA YIN LOG MIN PA, ,'DOD PA DE DAG LTAS MI 'PHROGS, ,ZHES BYA BAS KYANG BSTAN TE, BDEN PA NI DON BYED NUS PA NYID DU BDEN PA DANG, SNANG BA TZAM DU BDEN PA STE, BRTAGS SHING DPYAD NA BDEN PAR MA GRUB CES BYA BA'I DON TO, ,DE YANG, RIGS PAS BRTAGS NA BDEN MA YIN, ,DE LAS GZHAN DU BDEN PA STE, ,DES NA DNGOS PO GCIG NYID LA, ,BDEN DANG MI BDEN JI LTAR 'GAL, ,ZHES BYA BAS KYANG BSTAN TO, ,DON DAM @119B PAR ZHES BYA BA NI YANG DAG PA'I SHES RAB STE, YANG DAG PA'I DON LA MI SLU BAS SAM 'BRAS BU DAM PA 'BYIN PAS NI DON DU GNYER BA BYAS PAS DAM PA STE, DES BRTAGS NA 'GA' YANG GRUB PA MED DO, ,KUN RDZOB TU JI LTAR SNANG BA NI PHYI DANG NANG GI DNGOS PO RNAMS SO, ,GTAN TSIGS CHEN PO ZHES BYA BA NI GTAN TSIGS NI BSGRUB BYA SGRUB PA LA MI SLU BAS NA GTAN TSIGS TE, THA SNYAD KYI TSAD MA LAS RANG BZHIN 'BREL BA YOD NA DON GYIS GO ,ZHES BYA BAS KYANG BSTAN TO, ,CHEN PO NI DU BA LA SOGS PA'I THA SNYAD KYI GTAN TSIGS LA LTOS TE CHEN PO YIN LA, DE DAG NI THA SNYAD KYI DON LA MI SLU BA YIN NO, ,'DIR NI YANG DAG PA'I DON LA MI SLU BA DANG, DNGOS PO'I BYE BRAG THAMS CAD 'JOMS PAR BYED PA DANG, LTA BA NGAN PA'I GDON THAMS CAD ZHI BAR BYED PA DANG, SPROS PA'I MTHA' THAMS CAD 'GOG PAR BYED PAS NA CHEN PO'O, ,DE BAS NA, RGYAL BA KUN GYI STONG NYID NI, ,LTA KUN NGES PAR SEL BA YIN, ,ZHES BYA BAS KYANG GSUNGS SO, ,RNAMS KYIS NI RNAM PA BZHI STE, DE YANG, GANG GI RTEN CING 'BREL PAR 'BYUNG, ,'GAG PA MED PA SKYE MED PA, ,ZHES BYA BA DANG, RANG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYE BA NAM YANG YOD MA YIN, ,ZHES BYA BA DANG, DU MAS DNGOS PO GCIG MI BYED, ,DU MAS DU MA BYED MA YIN, ,GCIG GIS DU MA'I DNGOS MI BYED, ,GCIG GIS GCIG BYED PA YANG MIN, ,ZHES BYA BA DANG, BDAG DANG GZHAN SMRAS DNGOS 'DI DAG ,YANG DAG TU NI GCIG PA DANG, ,DU MA'I RANG BZHIN BRAL BA'I PHYIR, ,RANG BZHIN MED DE GZUGS BRNYAN BZHIN, ,ZHES BYA STE, SBYOR BA'I CHA GCIG TZAM MO, ,RGYAS PAR NI GZHAN DU BSHAD PA BZHIN NO, ,GSHEGS SHING BSAL BA NI PHYOGS CHA'I DBYE BAS TE, CHA BCU DRUG GAM BCU LA SOGS PA'I BRTAGS PAS SO, ,SKRA'I RTZE MO BRGYAR GSHAGS PA'I TSAD NI SHIN TU YANG PHRA BA'I CHAD DO, ,KHONG DU CHUD PA NI THOS BSAM GYI SHES PAS CHOS THAMS CAD BDEN PA GNYIS KYI TSUL DU BSLAB PAR BYA'O ZHES BYA BAR STON TO, ,DE YANG SLOB PA'I @120A *, ,SNGON DU 'GRO BA NI THOS BSAM GYI SHES PA STE, THOS BSAM BYAS NAS SGOM PA NI, DE YANG, MANG DU THOS PA NAGS KYI NANG DAG TU, ,LANG TSO YOL BA RNAMS KYI GNAS PA BDE, ZHES BYA BA DANG, YANG DAG SHES TSOL SNGON BTANG STE, ,ZHES BYA BAS KYANG BSTAN PA'O, ,DA NI MAN NGAG BSGOM PA'I RIM PA BSTAN PAR BYA STE, MAN NGAG NI GONG DU BSHAD LA, BSGOM PA NI SBYOR BA DANG, DNGOS GZHI DANG, RJES RNAM PA GSUM MO, ,STAN BDE BA LA SKYIL MO KRUNG GIS 'DUG STE ZHES BYA BAS NI TING NGE 'DZIN GYI SBYOR BA BSTAN TE, SEMS CAN THAMS CAD MI SPONG BA'I BSAM PA DANG, BRTZON 'GRUS CHEN PO TSAD MED PAS BYANG CHUB CHEN PO BSGRUB PA'I SEMS PA'O, ,RE ZHIG DNGOS PO NI GNYIS TE ZHES BYA BAS NI BRTAG PA'O, ,GZUGS CAN DANG GZUGS CAN MA YIN PA NI PHAN TSUN SPANGS TE GNAS PA'I MTSAN NYID KYI 'GAL BA YIN PAS DNGOS PO KUN LA KHYAB STE PHUNG PO GSUM PA SEL BAR BYED DO, ,DE LA GZUGS CAN NAM ZHES BYA BAS NI GZUGS MA GRUB PAR STON TE, DE YANG RGYU DANG 'BRAS BUR 'DOD DO, ,DE LA RGYU NI 'BYUNG BA BZHI PO RDUL PHRA RAB YIN LA, DE YANG CHA DU MAR DMIGS PAS CHA MED PA'I GCIG PU MI 'GRUB BO, ,GCIG PU MA GRUB NA DU MA NYID KYANG MI 'GRUB STE, DU MA NI GCIG LA SOGS PA'I NGO BO YIN NO, ,DE LTAR GCIG DANG DU MA MA GTOGS PAR PHUNG PO GZHAN YANG MI 'GRUB STE, GCIG DANG DU MA MA GTOGS PAR, ,RNAM PA GZHAN DANG LDAN PA YI, , DNGOS PO MI RUNG 'DI GNYIS NI, ,PHAN TSUN SPANGS TE GNAS PHYIR RO, ,ZHES JI SKAD BSHAD PA LTA BU'O, ,DE LTAR YANG RDUL PHRA RAB MA GRUB NA 'BRAS BU'I GZUGS KYANG MI 'GRUB STE, SA BON MED NA MYU GU 'GAGS PA BZHIN NO, ,DE YANG, DE LTAR RTZOM BYED MED PA'I PHYIR, , RDZAS LA SOGS PA GSAL ZHES BYA BAS BSTAN TO, ,SHIN TU SNANG BA YANG MED DO, ,ZHES BYA BA DANG, SNANG BA NI MTSAN MA STE, 'CHING BA'I RGYU YIN PAS NA MTSAN MA MI 'BYUNG NGO ZHES BYA BA'I DON TO, ,DA NI SEMS KYI MTSAN MA MA DMIGS PA NYID DU STON PAS GZUGS CAN @120B MA YIN PA ZHES BYA BA SMOS SO, ,DE LA DON BYED NUS PA NI SKAD CIG MA YIN PAS SKAD CIG GI CHA DBYE BAR BYA STE, DE YANG 'DAS PA NI DNGOS PO ZHIG PAS MED DO, ,YOD NA NI DA LTA NYID DU 'GYUR RO, ,MA 'ONGS PA NI DNGOS PO MA SKYES PAS MED DO, ,YOD NA NI DA LTA BA BZHIN DU MA 'ONGS PA NYID DU MI 'GYUR RO, ,DE'I PHYIR DA LTA BA'I SEMS SHIN TU BRTAG DKA' STE ZHES BYA BA SMOS SO, ,BRTAG DKA' BA NI BRTZAL NA DMIGS SU MED PAS SO, KHA DOG DANG DBYIBS DANG BRAL BA NI SNGON PO DANG SER PO LA SOGS PA DANG, RING PO DANG THUNG NGU LA SOGS PA DANG BRAL BAS SO, , GCIG DANG DU MA DANG BRAL BAS NI GCIG DANG DU MAS BRTAG ME BZOD DE GZHAN DU BSHAD PA BZHIN NO, ,MA SKYES PA NI YOD PA DANG MED PA MA SKYES BAS SO, ,RANG BZHIN GYIS 'OD GSAL BA NI RANG LA MI RTOG PA DANG, DRI MA DANG BRAL BAS NI RANG BZHIN GYIS 'OD GSAL BA'O, ,STZOGS PA SMOS PA NI MU BZHI SKYE BA DANG BRAL BAS SAM, RANG DANG GZHAN DANG GNYIS KA DANG, RGYU MED PA LA SOGS PA SKYE BA DANG BRAL BA DANG, YANG DAG PAR NA YOD MED KYI MTHA' LAS 'DAS TE SGYU MA LTA BU'O, ,RIGS PA'I MTSON GYIS ZHES PA NI RIGS PA NYID MTSON DANG 'DRA STE GCOD PAR BYED CING 'JIG PAR BYED PAS SO, ,YE SHES SNANG BA'I RGYAN LAS KYANG, SANGS RGYAS RNAMS KYIS NAM YANG NI, ,GTAN DU CHOS RNAMS THAMS CAD DAG ,SEMS MA RNYED CING CHOS MKHYEN PA, ,DMIGS MI MNGA' LA PHYAG 'TSAL BSTOD, ,CES GSUNGS SO; ,MA GRUB PAR RTOGS PAS NI SBYOR BA'I SHES PAS SO, ,DE LTAR GNYIS PO CI'I NGO BOR YANG MA GRUB CES BYA BA NI TING NGE 'DZIN GYIS STON PAR BYED DO, ,GNYIS PO NI GZUGS CAN DANG GZUGS CAN MA YIN PA'O, ,MA GRUB PA NI DON DAM PAR MA GRUB PA STE, GZHAN GYI RTOG PA BKAG PA'O, ,SO SOR RTOG PA'I SHES RAB DE NYID KYANG MI 'GRUB STE ZHES BYA BAS NI BDAG NYID KYI RTOG PA 'GOG PAR BYED DO, ,SHES RAB NI DNGOS PO'I BYE BRAG YIN PAS DNGOS PO MA GRUB NA SHES RAB DE NYID KYANG MI 'GRUB STE, SHING MA GRUB NA SHA PA LA SOGS PA BKAG PA BZHIN NO, , @121A *, ,DE YANG BSREG BYA TSIG PA'I ME, ,BSREG BYA TSIG NAS MI GNAS LTAR, ,ZHES PA DANG, YANG GONG DU BSDUS PA'I TSUL GYIS SEMS MA GRUB NA SEMS LAS BYUNG BA YANG MI 'GRUB STE, NYI MA DANG 'OD ZER BZHIN NO, ,SEMS NI DE LTAR BKAG PA'I PHYIR, ,SEMS LAS BYUNG BA RNAMS KYANG BSAL, ,ZHES PA'O, ,DPER NA SHING GNYIS DRUD PA LAS, ME 'BYUNG BA'I RKYEN GYIS ZHES BYA BA LA SOGS PA NI LUNG GI SGO NAS 'CHAD PAR BYED DO, SO SOR RTOG PA'I SHES RAB NI ME DANG 'DRA LA, RTOG PA THAMS CAD NI BUD SHING DANG 'DRA BAR GSUNGS TE, JI SKAD DU, 'GRO BA'I CHOS KUN RNAM SHES KYI, ,ME YI BUD SHING YIN PAR 'DOD, ,DE DAG JI BZHIN RNAM 'BYED PA'I, ,ME YIS BSREGS NA NYE ZHIR 'GYUR, ,ZHES BYA BA DANG, SO SOR RTOG PA'I ME DAG TU, ,MI DGE'I RTOG PA KUN BSREG PAS, ,ZHES GSUNGS SO; ,RANG DANG SPYI'I MTSAN NYID CES PA NI SPYI'I MTSAN NYID NI STONG PA DANG BDAG MED PA LA SOGS PA'O, ,RANG GI MTSAN NYID DGA' BA DANG GDUNG BA LA SOGS PA'O, ,SHES RAB DE NYID NI MNYAM PAR GZHAG PA'I SHES PA DE NYID DO, ,SNANG BA MED PA NI BDAG DANG GZHAN GYI RTOG PA DANG BRAL BA'O, ,DE YANG; GANG TSE SHES DANG SHES BYA DAG ,BDAG NYID RJES SU MI MTHONG BAS, ,DE TSE MTSAN MA MI 'BYUNG PHYIR, ,GNAS PA BRTEN PHYIR MI BZHENGS SO, ,ZHES BYA BAS KYANG BSTAN TO, ,'OD GSAL BA NI RANG BZHIN GYIS RNAM PAR DAG PAS SO, ,MTHA' DANG BRAL BA NI RTAG CHAD LA SOGS PA DANG BRAL BA'O, ,CIR YANG MA GRUB PA NI GCIG PA DANG DU MA LA SOGS PA GANG DU YANG MA GRUB PAS SO, ,BYING BA DANG RGOD PA LA SOGS PA THAMS CAD NI TING NGE 'DZIN GYI SKYON TE, DE YANG BYING BA NI NANG DU RMUGS PA'O, ,RGOD PA NI SEMS RNAM PAR G-YENGS PA'O, ,STZOGS PAS NI MTSAN MA GZHAN DAG KYANG NGO, ,GNAS SKABS DER NI MNYAM PAR GZHAG PA'I GNAS SKABS DER RO, ,CIR YANG MI 'DZIN PA NI GZUNG BA DANG 'DZIN PA'I RTOG PA DANG BRAL BAS SO, ,DRAN PA DANG YID LA BYED PA THAMS CAD SPANGS PA NI 'DAS PA DANG MA 'ONGS PA LA DMIGS PA'I RTOG PA SPANGS @121B PA'I, GZUGS SDU GU LA SOGS PA SPANGS PA'O, ,RNAM PAR RTOG PA'I DGRA'AM CHOM RKUN GYI DGRA'AM CHOM RKUN DANG 'DRA STE, TING NGE 'DZIN GYI NOR 'PHROGS PAS DGRA STE, DE'I PHYIR SHES BZHIN GYI BYA RA BAS DE DAG SPANG BA'O, ,DE YANG JI SKAD DU, SEMS KYI GLANG PO LOG 'GRO BA, , DMIGS PA'I KA BA BRTAN PO LA, ,DRAN PA'I THAG PAS NGES BCINGS NAS, ,SHES RAB LCAGS KYUS RIM DBANG BYA, ,ZHES GSUNGS SO, ,THA SNYAD DU NI MA CHEN PO DMIGS NA SPU LANGS PA'I BYE BRAG BKAG PA BZHIN NO, ,DE'I PHYIR TSOGS GNYIS BSAGS PAS GNYIS SU SNANG BA BSKYED PAR MI RIGS SO, ,GAL TE BCOM LDAN 'DAS NI SGYU MA'I MKHAN PO BZHIN DU SGYU MA LA SGYU MA NYID DU MKHYEN CING BDEN PA NYID DU ZHEN PA MI 'BYUNG BAS DE NYID MA 'KHRUL BA YIN NO ZHE NA, DE LTA NA NI BDAG TU SMRA BA RNAMS KYIS KYANG BDAG LA BDAG RTAG PA NYID DU SHES PA DANG, NYAN THOS KYIS KYANG DNGOS PO LA DNGOS PO NYID DU SHES PA DANG, SEMS TZAM DU SMRA BAS KYANG RANG RIG LA DON DAM NYID DU SHES PA DE NYID MA 'KHRUL PA YIN NO ZHES BRJOD NA JI SKAD DU SMRA BAR BYA, GAL TE BDAG LA SOGS PA NI DNGOS PO NI SHES BYA LA MI GNAS TE, TSAD MAS GNOD CING TSAD MAS MA GRUB PAS NA SGRO BTAGS PA TZAM DU ZAD PAS DER 'DZIN PA NI 'KHRUL PA NYID DU 'GYUR GYI, SGYU MA TZAM DU NI TSAD MAS GRUB CING TSAD MAS MI GNOD PA DE JI LTA BA BZHIN DU SHES PA NI 'KHRUL PAR MI 'GYUR RO ZHE NA DE NI MI RIGS TE, PHYIN CI MA LOG PA'I YE SHES KYI SHES BYA LA SGYU MA LTA BUR GNAS PA NI GANG DU YANG MA GRUB STE, SHES PA MA 'KHRUL BA'I SHES BYA LA RAB RIB LA SOGS PA MI GNAS PA BZHIN NO, ,GAL TE KUN RDZOB JI LTAR SNANG BA BZHIN DU MA MKHYEN NA THAMS CAD MKHYEN PA'I YE SHES SU MI 'GYUR RO ZHE NA, DE LTAR NA NI DBANG PO SKYON MED KYI MNGON SUM LA SGYU MA'I RTA DANG RAB RIB LA SOGS PA MI SNANG BAS MNGON SUM MA YIN PA NYID DU 'GYUR RO, ,DE'I PHYIR 'KHRUL PA SPANGS PA'I YE SHES LA BRDZUN PA MI RIGS TE, BRDZUN PA SNANG NA NI YE SHES DE NYID KYANG 'KHRUL PA NYID DU 'GYUR TE, SMIG RGYU LA CHU RA SHES PA BZHIN NO, ,DE LTA MA YIN NA YUL DE YANG DNGOS PO NYID DU 'GYUR BA DANG, SHES PA GANG @122A *, ,YANG 'KHRUL PA NYID DU MI 'GYUR RO, ,DE'I PHYIR MTHAR THUG PA'I YE SHES LA GNYIS SU SNANG BA'I MTSAN MA GA LA 'BYUNG, GNYIS SU SNANG BA DANG MTSAN MA 'KHRUL PA NI MING TZAM THA DAD KYI DON THA DAD MED DO, ,MDO LAS JI SKAD DU, RAB 'BYOR GZUGS NI MTSAN MA'O; ,SGRA NI MTSAN MA'O ZHES BYA BA DANG, YANG, SANGS RGYAS DRANG SRONG CHEN PO DANG, ,RGYAL SRAS RNAMS KYI TING NGE 'DZIN, ,MTSAN MA RNAM PAR SPANGS PA YIN, ,'JIG RTEN RNAMS KYI MTSAN PAR BCAS, ,ZHES BYA BA LA SOGS PA LTA BU'O, ,GAL TE KUN RDZOB MED PAR DOGS PA'I 'JIGS PAS SKRAG NAS YE SHES LA KUN RDZOB MI SNANG NA SNANG BA GSAL BAR 'GYUR RO ZHE NA, DE NI MI RIGS TE, MI SNANG BA LA GSAL BAS MA KHYAB PAS MA DES PA NYID DU 'GYUR RO, ,DBANG PO SKYON MED KYI SHES PA LA ZLA BA GNYIS PA DANG, RAB RIB LA SOGS PA MI SNANG STE, SHES PA DES DE DAG GSAL BA MA YIN PA BZHIN NO, ,SHES RAB DANG YE SHES KYIS BRTAGS NA NI BDEN PA DANG BRDZUN PA DANG, YOD PA DANG MED PA DANG, CHOS GANG YANG GNAS PA MED BAS RAB TU MI GNAS PA'I DBU MA ZHES BYA STE, JI SKAD DU, GANG BLO YOD DANG MED PA LAS, ,RNAM PAR 'DAS SHING MI GNAS PA, ,DE DAG ZAB MO DMIGS MED PA'I, ,RKYEN GYI DON LA RNAM PAR BSGOM, ,ZHES GSUNGS SO, ,'DIS NI THOS BSAM GYI RIM PA YANG BSHAD PA YIN NO, ,DE LAS GZHAN DU THA SNYAD KYI TSAD MA 'I YUL DU KUN RDZOB THAMS CAD GNAS PA YIN PAS BKAG PA NI MA YIN NO; ,TING NGE 'DZIN NI DMIGS PA LA SEMS RTZE GCIG PA STE, DE MA THAG TU BSAM GYIS MI KHYAB PA'I SKU GSUM 'GRUB PA'I RGYU NUS PA THOGS PA MED PA YIN NO, ,MNGON SUM DU BYAS PHAN CHAD NI, ,ZHES PA NI YANG DAG PAR RDZOGS PA'I SANGS RGYAS KYI SA THOB PHAN CHAD NI MNYAM PA NYID DU BYANG CHUB PAS YE SHES KYI BYE BRAG THA DAD KYANG CHOS KYI DBYINGS KYI RANG BZHIN DU GCIG STE, GANGG'A DANG, SINDHU DANG, PAKshU LA SOGS PA CHU'I BYE BRAG THA DAD KYANG RGYA MTSO CHEN PO'I RANG BZHIN DU GCIG STE, JI SKAD DU, CHOS KYI DBYINGS LA DBYER MED PHYIR, ,RIGS NI THA DAD RUNG MA YIN, , @122B ZHES PA STE, RTEN PA'I CHOS KYI BYE BRAG GIS, ,DE YI DBYE BA RAB TU BSHAD, ,CES GSUNGS PAS SO, ,RJES THOB MI MNGA' BA NI MTSAN MA MI 'BYUNG BAS SO, ,DUS NI SNGA PHYI LA SOGS PA'O, ,MNYAM PAR GZHAG PA NI CHOS KYI DBYINGS LAS MA G-YOS PAS SO, ,JI SKAD DU, GLANG CHEN BZHUGS KYANG MNYAM PAR BZHUGS, ,GLANG CHEN BZHENGS KYANG MNYAM PAR BZHENGS, ,ZHES GSUNGS PA LTA BU'O, ,DE LTA MA YIN NA ZHES BYA BA NI GNYIS SU SNANG BA'I MTSAN MA 'BYUNG NA'O, ,KHYAD PAR MED PA NI SLOB MA'I LAM LA GNAS PA DANG, KHYAD PAR MED PA DANG, GZUNG BA DANG 'DZIN PA'I 'KHRUL RTOG MA SPANGS PA STE, MNYAM PA NYID DU BYANG CHUB PAR MI 'GYUR BAS GNYIS SU SNANG BA'I MTSAN MA 'BYUNG BAR MI RIGS PA'O, ,JI SKAD DU, BYANG CHUB NAM MKHA'I MTSAN NYID DE, ,MTSAN MA THAMS CAD SPANGS PHYIR RO, ,ZHES BYA BA DANG, YANG RAB 'BYOR YE SHES LA YUL MED DO, ,YE SHES LA YUL YOD NA YE SHES MI SHES PAR 'GYUR RO ZHES GSUNGS PAS MTSAN MA GA LA 'BYUNG, GAL TE GNYIS SU SNANG BA MI 'BYUNG NA YE SHES KYI SNANG BA RGYUN CHAD PAR 'GYUR BA DANG, SMON LAM BTAB PA DANG, TSOGS BSAGS PA YANG DON MED DO SNYAM PA LA, GZHAN GYI DON ZHES BYA BA LA SOGS PA SMOS TE, 'DIS NI MI RTOG PA'I NGANG LAS GZUGS SKU GNYIS 'BYUNG ZHING, SEMS CAN GYI DON BSAM GYIS MI KHYAB PA MDZAD PAR GSUNGS SO, ,RNAM RTOG MI MNGA' YANG SEMS CAN GYI DON 'BYUNG BA NI 'GAL BA MED DO, , RGYA MTSO LAS RLABS 'BYUNG BA DANG, NYI MA LAS 'OD 'BYUNG BA DANG, YID BZHIN GYI NOR BU LAS DGOS 'DOD 'BYUNG BA LTA BU STE, GZHAN LAS KYANG MCHOD SDONG LA SOGS PA'I DPES RTOG PA MI MNGA' YANG SEMS CAN GYI DON 'BYUNG BAR BSTAN TO, ,RIGS PA NI GNOD PA CAN GYI TSAD MA'O, , LUNG NI SANGS RGYAS KYI BKA'O, ,MI BRJOD PA NI MANGS KYIS DOGS PA'O, ,GZHAN GYI DON NI 'JIG RTEN DANG 'JIG RTEN LAS 'DAS PA'I DON NO, ,BSKAL PA GRANGS MED PA NI GRANGS LAS 'DAS PA'O, ,TSOGS NI RGYU'I DON DE BSOD NAMS DANG YE SHES KYI TSOGS SO, ,SMON LAM BTAB @123A *, ,PA NI GZHAN GYI DON DU'O, ,GDUL BYA RNAMS NI MIG LA SOGS PA STE, RGYUR DAG PA RNAMS KYI'O, ,JI LTAR 'DOD PA NI GANG DANG GANG GIS 'DUL BA LA DE DANG DE'I NGO BOR SNANG BA STE, RIGS SNA TSOGS PA BZHIN DU MOS PA JI LTA BA BZHIN DU 'GYUR BA'O, ,JI SKAD DU; MOS PA DU MA'I SEMS CAN LA, ,SPYOD PA SNA TSOGS BSTAN PA YIN, ,ZAB MO'I CHOS NYID BSTAN PA LAS, ,GAL TE MOS PAR MA GYUR KYANG, ,SMAD PA DAG TU MI BYA STE, ,CHOS NYID BSAM MI KHYAB LDAN BYA, ,ZHES GSUNGS SO, ,DNGOS SU NI BCOM LDAN 'DAS LA SANGS RGYAS KYI SKU LA SOGS PA DANG, GNYIS SU SNANG BA'I MTSAN MA MI MNGA' STE, DE YANG, CHOS KYI DBYINGS LAS MA G-YOS SHING, ,MI RTOG NGANG LA GNAS PA'O, ,DE YANG JI SKAD DU, GANG ZHIG NGA LA GZUGS SU MTHONG, ,ZHES GSUNGS SO, ,DE'I PHYIR CHOS KYI SKU NAM MKHA' LTA BU STE, NAM MKHA' LA NI MTHA' DANG DBUS DANG KHA DOG DU MA LA SOGS PA'I THA DAD PA GANG YANG MED KYANG SEMS CAN RNAMS KYIS MTHA' DANG DBUS DANG SNGON PO DANG SER PO DANG THA DAD DU MAR RTOG GO, ,GAL TE GZUGS KYI SKU LA SOGS PA LA RTOG PA MI MNGA' NA SEMS CAN GYI DON MDZAD PA 'DI MI RIGS SO ZHE NA, DE'I DON NI GONG DU BSHAD ZIN TO, ,NYI MA LA RNAM RTOG MI MNGA' YANG 'OD ZER SNA TSOGS 'BYUNG ZHING DNGOS PO GSAL BAR BYED DO, ,NYI MA'I DKYIL 'KHOR DE NYID 'OD ZER MA YIN NO, ,NYI MA'I DKYIL 'KHOR DE NYID 'OD ZER YIN NA KHANG PA'I NANG LA SOGS PA DANG, YUL 'DI NYID DU GNAS PAR 'GYUR LA, DKYIL 'KHOR DE NYID KYANG THA DAD PAR 'GYUR RO, ,'OD ZER DE NYID KYANG NYI MA'I DKYIL 'KHOR MA YIN TE, DE NYID YIN NA NAM MKHA' DE NYID DU GNAS PAR 'GYUR LA, DNGOS PO KUN GSAL BAR BYED PAR YANG MI 'GYUR RO, , DE'I PHYIR DE LA DE NYID 'OD ZER MA YIN YANG DE LAS 'OD ZER 'BYUNG ZHING DNGOS PO KUN GSAL BAR BYED DO, ,DE NYID KYI PHYIR MDO LAS SANGS RGYAS NAM MKHA' LTA BU STE, SEMS CAN RNAMS NI RI LTA BU'O ZHES GSUNGS PAS BSAM GYIS MI KHYAB BO, ,MAR ME MDZAD KYI DGONGS PA DPAG @123B DKA' ZHING; ,DBU MA'I DON CHEN BLO YI YUL MIN YANG, ,MI SHES BSHAD 'DOD STON PA'I DON CHED DU, ,MAN NGAG GSAL POR PRADZNY'A MO KshASA BYAS, ,DGE BA 'DI YI BSOD NAMS GANG THOB DES, ,SA CHU ME RLUNG NAM MKHA' GNAS KYI BAR, ,BSTAN PA RIN CHEN 'JIG RTEN GNAS GYUR NAS, ,'GRO BA BYANG CHUB GO 'PHANG THOB PAR SHOG ,,DBU MA'I MAN NGAG GI 'GREL PA PAndI TA SHES RAB THAR PAS MDZAD PA RDZOGS SO,, ,,RGYA GAR GYI MKHAN PO SHES RAB THAR PA DE NYID DANG, DGE SLONG TSUL KHRIMS RGYAL BAS BSGYUR CING ZHUS TE GTAN LA PHAB PA'O,, ,, TING NGE 'DZIN GYI MI MTHUN PA'I PHYOGS RNAM PAR GZHAG PA BZHUGS, #, ,TING NGE 'DZIN GYI MI MTHUN PA'I PHYOGS RNAM PAR GZHAG PA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,DE NAS BCOM LDAN 'DAS KYIS TSANGS PA CHEN PO LA BKA' STZAL PA, GNAS PA DANG SPYAD PAR MI BYA BA'I CHOS RNAM PA BCU YOD DE, GAL TE RNAL 'BYOR CAN DAG SPYOD PA NGAN PA 'DI LAS 'GA' TZAM GYI RJES SU ZHUGS NA YANG 'DOD PA'I KHAMS KYI DGE BA'I RTZA BA TZAM YANG YONGS SU MI 'GRUB BO, ,CI STE SNGAR GRUB NA YANG DE MA THAG TU PHYIR STOR CING NYAMS PAR GYUR NA DBUGS DANG GZUGS MED PA'I TING NGE 'DZIN DANG, THEG PA GSUM DANG, THEG PA GCIG GI BAR DU THOB PAR 'GYUR BA LTA CI SMOS, BCU GANG ZHE NA, 'DI LTA STE, 'JIG RTEN KHA CIG NI TING NGE 'DZIN BSGOM 'DOD KYANG 'TSO BA'I YO BYAD KYIS BREL BAS 'TSO BA'I RKYEN GYIS NYON MONGS PA DANG, KHA CIG NI TING NGE 'DZIN BSGOM 'DOD KYANG TSUL KHRIMS NYAMS SHING KHA NA MA THO BA MANG PO BYED PA DANG, KHA CIG NI TING NGE 'DZIN BSGOM 'DOD KYANG PHYIN CI LOG TU LTA ZHING 'JIG RTEN GYI LTAS BZANG NGAN LA CHAGS TE LUS DANG SEMS MA DUL BA DANG, KHA CIG NI TING NGE 'DZIN BSGOM 'DOD KYANG SEMS G-YO ZHING RGOD PAS 'PHAGS PA LA MI GZHOL TE DBANG PO RGOD PA DANG, KHA CIG NI TING NGE 'DZIN BSGOM 'DOD KYANG PHRA MA BYED PA LAS DGA' BAS DBYEN BYED PA DANG, KHA CIG NI TING NGE 'DZIN BSGOM 'DOD KYANG NGAG RTZUB POS 'PHAGS PA LA SMOD CING DBANG [?] ZA BA DANG, KHA CIG NI TING NGE @124A *, ,'DZIN BSGOM 'DOD KYANG TSIG 'KHYAL PA DANG BRDZUN DU SMRA BA DANG, KHA CIG NI TING NGE 'DZIN BSGOM 'DOD KYANG 'DOD CHAGS DANG PHRAG DOG GIS GZHAN GYI KHE DANG BSTI STANG DANG, RNYED PA LA MI DGA' BA DANG, KHA CIG NI TING NGE 'DZIN BSGOM 'DOD KYANG ZHE SDANG DANG BCAS PAS SEMS CAN LA GNOD SEMS BSKYED PA DANG, KHA CIG NI TING NGE 'DZIN BSGOM 'DOD KYANG LOG PAR LTA BA DANG BCAS PAS RGYU DANG 'BRAS BU MED PAR BLTA'O, ,TSANGS PA CHEN PO DE LTAR SHES PAR BYA STE, 'DI DAG NI GNAS PA DANG SPYAD PAR MI BYA BA'I CHOS RNAM PA BCU ZHES BYA'O, ,GAL TE TING NGE 'DZIN BSGOM PA DAG SPYOD PA NGAN PA 'DI DAG LAS 'GA' TZAM GYI RJES SU ZHUGS NA 'DOD PA'I KHAMS KYI DGE BA YANG YONGS SU MI 'GRUB BO, ,CI STE SNGAR GRUB NA YANG DE MA THAG TU STOR CING NYAMS PAR GYUR NA GZUGS DANG GZUGS MED PA'I TING NGE 'DZIN DANG, THEG PA GSUM DANG, THEG PA GCIG THOB PAR 'GYUR BA LTA CI SMOS, TSANGS PA CHEN PO GZHAN YANG GNAS PA DANG, SPYAD PAR MI BYA BA'I CHOS BCU YOD DE, TING NGE 'DZIN BSGOM PA DAG SPYOD PA NGAN PA 'DI DAG LAS 'GA' ZHIG DANG LDAN NA TING NGE 'DZIN YONGS SU MI GRUB PO, ,CI STE SNGAR GRUB NA YANG DE MA THAG TU STOR CING NYAMS PAR 'GYUR RO, ,BCU GANG ZHE NA, 'DI LTA STE, LAS SU BYA BA'I DNGOS PO LA DGA' ZHING CHAGS PA DANG, BRE MO'I GTAM LA DGA' ZHING CHAGS PA DANG, GNYID KYIS LOG PA LA DGA' ZHING CHAGS PA DANG, ZANG ZING TSOL BA LA DGA' ZHING CHAGS PA DANG, GZUGS BZANG PO LA DGA' ZHING CHAGS PA DANG, SGRA SNYAN PA LA DGA' ZHING CHAGS PA DANG, DRI ZHIM PA LA DGA' ZHING CHAGS PA DANG, RO ZHIM PA LA DGA' ZHING CHAGS PA DANG, REG BYA 'JAM PO LA DGA' ZHING CHAGS PA DANG, RTOG PA DANG DPYOD PA LA DGA' ZHING CHAGS PA'O, ,TSANGS PA CHEN PO DE LTAR SHES PAR BYA STE, GNAS PA DANG DPYAD PAR MI BYA BA'I CHOS RNAM PA BCU PO DE TING NGE 'DZIN BSGOM PA DAG SPYOD PA NGAN PA 'DI LAS 'GA' ZHIG DANG LDAN NA YANG TING NGE 'DZIN YONGS SU MI 'GRUB BO, ,CI STE SNGAR GRUB NA YANG DE @124B MA THAG TU STOR CING NYAMS PAR 'GYUR RO, ,GAL TE TING NGE 'DZIN DE MA GRUB NA DGE BA'I TSOGS CI BSAGS KYANG BDE BA'I DON DU MI 'GYUR TE, GANG DAG BDAG GI LONGS SPYOD DANG DAD PAS SBYIN PAS BA SGRUB PA'I PHYIR SEMS DANG SEMS LAS BYUNG BA'I CHOS NGAN PA SKYE BAR 'GYUR RO, , DE'I RKYEN GYIS RGYAL PO DANG BLON PO CHEN PO'I KHRIMS DANG YANG 'GAL BAR BYED DE, KHA CIG LA NI GSHE ZHING SPYO BA YANG BYED DE, KHA CIG LA NI LCAG GIS GZHU BA DANG, KHA CIG LA NI LUS KYI YAN LAG DANG, NYING LAG GCOD CING SROG GCOD PAR YANG BYED DO, ,DE'I RGYU DE'I RKYEN GYIS NAD DRAG POS 'DE BAS SHING YUN RING POR SDUG BSNGAL MYONG BA DANG, TSE THUNG BA DANG, 'CHI 'PHOS NAS KYANG NGAN SONG GSUM GANG YANG RUNG BA CIG GI NANG DU SKYE BA NAS, MTSAMS MED PA'I SEMS CAN DMYAL BA'I BAR DU LTUNG BAR 'GYUR TE, AA TRA KA DANG, AA RA DA KA DANG, LHA MIN LA SOGS PA DANG 'DRA BAR BSAM GTAN LAS NYAMS NAS, MTSAMS MED PA'I SEMS CAN DMYAL BA'I BAR DU LTUNG ZHING RNAM PA TSAD MED PA SNYED KYI SDUG BSNGAL CHEN PO MI BZOD PA KUN MYONG BAR 'GYUR RO, ,DE'I TSE BCOM LDAN 'DAS KYIS TSE DANG LDAN PA CANG SHES KOOndI N+YA LA 'DI SKAD CES BKA' STZAL TO, ,KHYOD PAS MTHAR GNAS SHING TING NGE 'DZIN BSGOM PA'I DGE SLONG DAG GNAS KHANG MCHOG DAG NA GNAS SHING, MAL CHA MCHOG DANG, KHA ZAS MCHOG LA SPYOD CING DGE 'DUN GYI LAS THAMS CAD MI BYED PAR GNANG NGO, ,CI'I PHYIR ZHE NA, TING NGE 'DZIN BSGOM PA DAG GAL TE 'TSO BA'I YO BYAD KYIS BREL BAR GYUR NA SEMS DANG SEMS LAS BYUNG BA'I CHOS NGAN PA SKYE ZHING TING NGE 'DZIN THAMS CAD MI GRUB PA NAS, MTSAMS MED PA'I SEMS CAN DMYAL BA'I PAR DU LTUNG ZHING MI ZAD PA'I SDUG BSNGAL CHEN PO RNAM PA TSAD MED PA SNYED MYONG BAR 'GYUR RO, ,TING NGE 'DZIN BSGOM PA DAG GAL TE 'TSO BA'I YO BYAD DANG LDAN NA TING NGE 'DZIN MA GRUB PA YANG GRUB PA DANG, SNGAR GRUB PA DAG KYANG MI NYAMS SO, ,DE'I DBANG GIS MI DGE BA'I CHOS THAMS CAD MI SKYE BA NAS GZHUNG DE BZHIN DU RGYAS PAR MI DGE BA'I RTOG PA DANG DPYOD PA'I BAR DU MI SKYE LA, MTHO RIS KYI LHAR @125A *, ,SKYES NAS MYA NGAN LAS 'DAS PA'I BAR DU THOB PAR 'GYUR RO, ,TING NGE 'DZIN BSGOM PA DAG GAL TE TING NGE 'DZIN MA GRUB NA NAM GYI STOD DANG, NAM GYI SMAD LA MI NYAL BAR BYA STE BRTZON 'GRUS SU BSLAB CING BSGOM PA DANG, 'DU 'DZI YONGS SU SPANGS TE 'DOD PA NYUNG ZHING CHOG SHES PAR BYA BA NA, CI LA YANG MI CHAGS PA DANG, 'DOD CHAGS DANG, ZHE SDANG DANG, KHONG KHRO BA DANG, 'CHAB PA DANG, 'KHRUG PA DANG, 'TSE BA DANG, NGA RGYAL DANG, RGYAGS PA DANG, PHRAG DOG DANG, 'JUNGS PA DANG, PHRA MA DANG, NGAG RTZUB PO DANG, BRDZUN DANG, 'JIG RTEN GYI RTZOD PA DANG, BAG MED PA THAMS CAD YONGS SU SPANG NGO, ,GANG DE LTAR NAN TAN BYED PA DE NI BRGYA BYIN DANG, TSANGS PA DANG, 'JIG RTEN SKYONG BA BZHI DANG, 'KHOR LOS SGYUR BA'I RGYAL PO LA SOGS PAS BSTOD PA DANG BSNGAGS PA DANG, PHYAG DANG, BSTI STANG DANG, RIM GRO DANG, BSNYEN BKUR LA SOGS PA DANG, SBYIN PA BYE BA KHRAG KHRIG BRGYA STONG SNYED KYANG BLANG BAR BYA NA, RGYAL RIGS DANG, BRAM ZE DANG, RJE RIGS LA SOGS PA'I MCHOD PA LEN PA LTA CI SMOS, TING NGE 'DZIN MA THOB PA DAG KYANG DE DAG GIS BSTOD PA DANG, BSNGAGS PA DANG, PHYAG DANG, BKUR STI DANG, RIM GRO DANG, BSNYEN BKUR DANG, SBYIN PA DANG, MCHOD PA BDAG GI BYED DU DBANG NA TING NGE 'DZIN THOB PA LTA SMOS KYANG CI DGOS, DE NAS BCOM LDAN 'DAS KYIS TSIGS SU BCAD DE BKA' STZAL PA, TING 'DZIN BSGOMS PAS THE TSOM GCOD 'GYUR TE, ,DE MA GTOGS PA GZHAN GYIS NUS MA YIN, ,DE BAS TING 'DZIN BSGOM PA MCHOG YIN GYI, ,MKHAS PA DAG GIS DE LA MCHOD PAR BYA, ,SHIN TU RGYAS PA CHEN PO SA'I SNYING PO 'KHOR LO BCU PA'I MDO LAS BYUNG BA GNAS PA DANG SPYAD PAR MI BYA BA STE, TING NGE 'DZIN GYI MI MTHUN PA'I PHYOGS RNAM PAR GZHAG PA RDZOGS SO,, ,,RGYA'I MKHAN PO HA SHANG ZAB MO LA SOGS PA DANG, ZHU CHEN GYI LO TZ'A BA BANDE RNAM PAR MI RTOG PAS BSGYUR CING ZHUS TE GTAN LA PHAB PA,, ,, @125B BSGOM PA'I RIM PA MDO KUN LAS BTUS PA BZHUGS, #, ,BSGOM PA'I RIM PA MDO KUN LAS BTUS PA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,DAL 'BYOR RNYED DKA' BSHES GNYEN BSTEN, ,STON PA RJES DRAN MI RTAG BSGOM, , YID 'BYUNG BA DANG 'PHAGS PA'I BDE NA, ,MI LDOG NGA YI 'KHOR LO DANG, ,'KHOR GSUM YONGS SU DAG PA'I GTAM, ,BRGYAD PO 'DI NI SPYI SDOM YIN, ,DAL 'BYOR GYI RTEN RNYED PAR DKA' BA NI GTZUG NA RIN PO CHES ZHUS PA LAS, DAL 'BYOR MIR SKYE RNYED PA SHIN TU DKA', , 'DREN PA MTHONG BA SHIN TU RNYED PAR DKA', ,ZHI BA'I CHOS KYANG THOS PA RNYED PAR DKA', ,TSUL KHRIMS DAD PA'ANG SHIN TU RNYED PAR DKA', ,ZHES GSUNGS SO, ,LHA'I BU BLO GROS RAB GNAS KYIS ZHUS PA LAS KYANG, MI KHOM BRGYAD PO THAMS CAD RNAM SPANGS SHING, ,KHOM PA PHUN SUM TSOGS PA RNYED DKA' THOB 'GYUR LA, ,SANGS RGYAS 'BYUNG DANG YUN DU GNAS PA DANG, ,DE BZHIN BSTAN LA DAD PA THOB PA DKA', ,MI YI SRID PA RNYED PAR DKA' BAS NA, ,RGYAL BA RNAMS KYI BSTAN LA LEGS BRTZON GYIS, ,SGRA LA 'CHEL CING 'DUG PAR MA BYED PAR, ,CHOS THOS GYUR NAS RTAG TU NAN TAN GYIS, ,CHOS SMRA'I DGE BA'I BSHES GNYEN GANG YIN BSTEN GYIS LA, ,SDIG PA'I GROGS LA LAN 'GA' 'ANG MA BSTEN CIG ,CES GSUNGS SO, ,MYA NGAN LAS 'DAS PA'I MDO LAS KYANG, DGE SLONG DAG MI KHOM PA BRGYAD DANG BRAL TE, MI'I LUS THOB PAR DKA' BA THOB NAS NGA DANG PHRAD PAR GYUR NA DON MED PAR CHUD MI GSAN NO, ,DE BAS NA KHYED RNAMS BAG MED PAR MI BYA'O, ,DGE SLONG DAG JI LTAR NA YANG DAG PA'I CHOS KYI RIN PO CHE'I MKHAR BRGYAN CING, TSUL KHRIMS DANG, TING NGE 'DZIN DANG, SHES RAB KYI RA BA [?] DANG, 'OBS DANG NYE 'KHOR LTA BUR 'GYUR BA SOMS SHIG ,KHYED SANGS RGYAS KYI CHOS RIN PO CHE MKHAR LTA BU LA PHRAD PA'I 'OG TU YANG DAG PA MA YIN PA SGYU MA DANG BCAS PA KHAS LEN PA MI RIGS SO, ,DPER NA TSONG DPON DAG RIN PO CHE YANG DAG PA'I GLING DU PHYIN NA GYO MO DANG RDO @126A *, ,BLANGS TE PHYIR KHYIM DU 'ONGS PA DANG 'DRA BAR KHYED KYANG RIN PO CHE'I GLING DU PHYIN NAS RDZAS SGYU MA DAG LEN TO, ,DGE SLONG DAG ZHUM PA'I BSAM PAS CHOG PA'I SEMS MA SKYED CIG ,KHYED RNAMS RAB TU BYUNG MOD KYI, THEG PA CHEN PO LA MOS PAR MI BYED DO; ,DGE SLONG DAG KHA DOG BSGYUR BA'I GOS NGUR SMRIG GYON MOD KYI, SEMS THEG PA CHEN PO LA YANG DAG PA'I CHOS LA ZHEN PAR MA GYUR TO, ,DGE SLONG DAG BSOD SNYOMS LA ZHUGS TE KUN TU RGYU MOD KYI THEG PA CHEN PO'I ZAS MA MYONG NGO, ,DGE SLONG DAG SKRA DANG KHA SPU BREGS MOD KYI YANG DAG PA'I CHOS KYI KUN NAS NYON MONGS PA MED PAR MA BYAS SO, ,DE BAS NA KHYED RNAMS KYIS DPA' ZHING RTUL PHOD PA'I SEMS KYIS KUN NAS NYON MONGS PA GZHOM PA LA BRTZON PAR GYIS SHIG CES GSUNGS SO, ,DGE BA'I BSHES GNYEN BRTEN PA NI MYA NGAN LAS 'DAS PA'I MDO LAS; DGE BA'I BSHES GNYEN BRTEN PA NI LAM STE, DGE BA'I BSHES GNYEN LA BRTEN NA TSUL KHRIMS YONGS SU DAG PAR 'GYUR TE, BLA NA MED PA YANG DAG PAR RDZOGS PA'I BYANG CHUB TU SEMS BSKYED PAR 'GYUR RO ZHES GSUNGS SO, ,DE NYID LAS DGE BA'I BSHES GNYEN ZHES BYA BA NI MI DGE BA BCU SPONG BAR BYED CING DGE BA BCU SPYOD PAR BYED DE, DON DE LTA BAS NA DGE BA'I BSHES GNYEN ZHES BYA'O, ,YANG DAG PA'I CHOS JI LTA BA BZHIN DU STON CING JI LTAR BSTAN PA BZHIN DU SPYOD PA'O, ,JI LTAR ZHE NA, 'DI LTAR BDAG SROG MI GCOD PAS GZHAN LA SROG MI GCOD PA STON PA NA BDAG YANG DAG PA'I LTA BA LA NAN TAN BYED PA NAS GZHAN YANG YANG DAG PA'I LTA BA LA NAN TAN BYED DU 'JUG STE, DE NI YANG DAG PA'I DGE BA'I BSHES GNYEN ZHES BYA'O, ,BDAG BYANG CHUB LA NAN TAN BYED PAS GZHAN YANG DE LA DGOD PA DANG, BDAG DAD PA DANG, TSUL KHRIMS DANG, SBYIN PA DANG, MANG DU THOS PA DANG, SHES RAB BSGOMS PAS GZHAN YANG DE LA 'GOD PA DANG, DGE BA'I BSHES GNYEN ZHES BYA BA NI DGE BA'I CHOS SPYOD PA'I PHYIR RO, ,DGE BA'I CHOS GANG ZHE NA, 'DI LTAR CI BYED DO COG BDAG LA BDE @126B BAR MI SBYOR GYI, RTAG TU SEMS CAN DAG BDE BAR SBYOR BA DANG, GZHAN GYI NYES PA MTHONG YANG SKYON MI SMRA BA STE, RTAG TU DGE BA'I CHOS 'BA' ZHIG SMRA'O ZHES GSUNGS SO, ,DKON MCHOG SPRIN LAS DE BLA MA LA BRTEN NA DGE BA'I CHOS 'PHEL BA DANG SDIG PA 'GRIB PO SNYAM STE MKHAN PO THOS PA MANG YANG RUNG, NYUNG YANG RUNG, SHES SAM MI SHES KYANG RUNG, TSUL KHRIMS LDAN NAM MI LDAN YANG RUNG STE, DE LA STON PA'I 'DU SHES BSKYED DO, ,JI LTAR STON PA LA DGA' ZHING DAD PA LTAR MKHAN PO LA YANG BYED DO ZHES 'BYUNG NGO, ,RGYAL BA'I YUM LAS KYANG RIGS KYI BU KHYOD KYIS SDIG PA'I GROGS PO DAG YONGS SU SPANG BAR BYA'O, ,DGE BA'I BSHES GNYEN GANG CHOS THAMS CAD STONG PA NYID DANG, MTSAN MA MED PA LA SOGS PAR STON PA DAG LA KHYOD KYIS BSNYEN PAR BYA, GUS PAR BYA, BSNYEN BKUR BYA'O ZHES BYA BA NAS RIGS KYI BU KHYOD KYIS DGE BA'I BSHES GNYEN LA SHIN TU GUS PA BSKYED PAR BYA'O, ,PHONGS PAR BYA'O, ,RAB TU DANG BAR BYA'O, ,DGE BA'I BSHES GNYEN GYIS ZIN PA'I BYANG CHUB SEMS DPA' SEMS DPA' CHEN PO NI MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA'O ZHES GSUNGS SO, ,SANGS RGYAS RJES SU DRAN PA NI MYA NGAN LAS 'DAS PA'I MDO LAS, CHOS GCIG LA GANG BSGOM ZHING NAN TAN BYED PA DES SEMS CAN THAMS CAD KYI MYA NGAN DANG, SDUG BSNGAL DANG, 'KHRUG PA RNAMS BYANG ZHING DAG PA'I CHOS THOB PAR GSUNGS PA NI 'DI LTA STE, ,SANGS RGYAS RJES SU DRAN PA'I TING NGE 'DZIN NO ZHES GSUNGS SO, ,SANGS RGYAS PHAL PO CHE NAS, JI LTAR SA BON RO GCIG KYANG, ,SA BON TSUL BZHIN MYU GU STON, ,BYAMS DANG SDANG BAR SEMS PA MED, ,SANGS RGYAS YON PHUL DE BZHIN NO, , ZHES GSUNGS SO, ,CHOS YANG DAG PAR SDUD PA'I MDO LAS, 'DI LTA STE DPER NA ME NI SHING THAMS CAD LA YOD MOD KYI, RKYEN DANG RTZOL BA MA TSANG BAR ME MI 'BAR ZHING DGOS PA RNAMS MI BYED DO, ,DE BZHIN DU DE BZHIN GSHEGS PA YANG SHES BYA THAMS CAD LA GNAS MOD @127A *, ,KYI DAD PA LA SOGS PA'I RKYEN DANG RTZOL BA MA TSANG NA MI 'BYUNG STE, SANGS RGYAS KYI BYA BA RNAMS KYANG MI MDZAD DO ZHES 'BYUNG NGO, ,YANG DE NYID LAS DPER NA SA NI RNAM PAR MI RTOG CING 'GYUR BA MED PAR GNAS TE, DE LA KHE 'DOD PAS SMON NA LO TOG PHUN SUM TSOGS PAR 'GYUR RO, ,DE LAS BZLOG NA MI 'GYUR RO, ,DE BZHIN DU DE BZHIN GSHEGS PA YANG RNAM PAR MI RTOG CING 'GYUR BA MED PAS GNAS TE, DE LA YON TAN 'DOD PA GANG DAG DE BZHIN GSHEGS PA LA DAD PA DANG DANG BA DANG GUS PA BSKYED PA DE DAG GIS YON TAN GYI LO TOG PHUN SUM TSOGS PAR 'GYUR RO, ,DE LAS BZLOG PA NI MI 'GYUR RO ZHES GSUNGS SO, ,YANG DE LAS RIGS KYI BU BYANG CHUB SEMS DPA' CHOS KYI TSUL LA 'JUG PA BCUS SANGS RGYAS KHONG DU CHUD PAR BYA STE, RGYU MTHUN PA'I SANGS RGYAS DANG, RNAM PAR SMIN PA LAS BYUNG BA'I SANGS RGYAS DANG, TING NGE 'DZIN GYI SANGS RGYAS DANG, SMON LAM GYI SANGS RGYAS DANG, SEMS KYI SANGS RGYAS DANG, NGO BO NYID KYI SANGS RGYAS DANG, LONGS SPYOD RDZOGS PA'I SANGS RGYAS DANG, SPRUL PA'I SANGS RGYAS DANG, BTAGS PA'I SANGS RGYAS DANG, MDUN DU BYAS PA'I SANGS RGYAS SO ZHES RGYAS PAR GSUNGS SO, ,SANGS RGYAS PHAL PO CHE LAS KYANG, YANG DAG SANGS RGYAS CHOS KYI SKU, ,'DRES PA MED CING GNAS PA MED, ,SEMS CAN THAMS CAD YID BZHIN DU, ,GZUGS KYI SKU YANG RAB TU MTHONG, ,ZHES GSUNGS SO; ,YAB DANG SRAS MJAL BA LAS, GANG ZHIG GZHAN LA GSAN PAR MA MDZAD PAR, ,RTOGS PAR DKA' BA RAB TU ZHI BA YIS, ,BYANG CHUB BLA MED MNGON PAR SANGS RGYAS PA, ,DE YI GSUNG LA SU ZHIG YID MI CHES, ,SKYE DGU KUN LA PHA BZHIN THUGS BRTZE BAS, ,STOBS BCU THUGS RJE MNGA' BAS BYAMS PAR DGONGS, ,THUGS RJES THUGS BRTZES SEMS CAN GROL MDZAD KYIS, ,'DREN PA MI MCHOG LA NI DAD PA SKYE, ,RGA DANG 'CHI BAS 'JIGS PA'I NYON MONGS LA, ,RGA SHI MED MCHOG MI LA STON MDZAD CING, ,'CHI MED GNAS SU SEMS CAN @127B DON MDZAD KYI, ,'DREN PA MI MCHOG LA NI DAD PA BSKYED, ,CES GSUNGS SO, ,LHA MO DPAL GYI PHRENG BA SENG GE'I SGRAS ZHUS PA LAS, BCOM LDAN 'DAS DE BZHIN GSHEGS PA NI 'JIG RTEN LA DUS KYI MTHA' MA MCHIS PA'I THUGS RJE CAN DANG, DUS KYI MTHA' MCHIS PA'I THUGS DAM MNGA' BA MA LAGS TE, DUS KYI MTHA' MED PAR THUGS RJE DANG DAM BCAS PAS SEMS CAN AA LA LA ZHES MCHI BA DAG NI DE BZHIN GSHEGS PA NYID LA YANG DAG PAR SMRA BAS SMRA BA LAGS SO ZHES GSUNGS SO, ,DKON MCHOG SPRIN LAS KYANG KYE MA SEMS CAN 'DI DAG NI BU SMAD DANG KHYIM DANG NOR DANG 'BRU LA SRID PAS 'KHOL BAS SNYING PO MED PA LA SNYING POR 'DU SHES PA YIN GYI, DE DAG LA MI RTAG PA BSTAN PAR BYA'O ZHES DE'I PHYIR DE BZHIN GSHEGS PA SEMS CAN RNAMS LA SNYING RJE CHEN PO SKYE'O, ,KYE MA SEMS CAN 'DI DAG NI MI RIGS PAS 'TSO BA STE GCIG LA GCIG 'DRID PAR GNAS PA YIN GYI, DE DAG LA 'TSO BA YONGS SU DAG PAR BYA BA'I CHOS BSTAN TO ZHES DE BZHIN GSHEGS PA SEMS CAN RNAMS LA SNYING RJE CHEN PO SKYE'O, ,KYE MA SEMS CAN 'DI DAG NI KHYIM GYI GNAS SDUG BSNGAL GYI SNOD DU SHIN TU NYON MONGS PA LA RTAG TU DGA' BA YIN GYI, DE DAG LAS 'BYUNG ZHING KHAMS GSUM LAS YANG DAG PAR 'DA' BAR BYA BA'I PHYIR CHOS STON TO ZHES SEMS CAN RNAMS LA SNYING RJE CHEN PO SKYE'O, ,CHOS THAMS CAD RGYUS NYE BAR 'GRO BA STE, SGRUB PAS NYE BAR GNAS PA'I MTSAN NYID CAN YIN NA SEMS CAN 'DI DAG NI 'PHAGS PA'I RNAM PAR GROL BA LA LE LO BYED PA YIN GYI, DE DAG LAS RNAM PAR GROL BA LA LHUR BLANGS PA'I PHYIR BRTZON 'GRUS BRTZAMS PAR CHOS BSTAN TO ZHES DE BZHIN GSHEGS PA SEMS CAN RNAMS LA SNYING RJE CHEN PO SKYE'O, ,KYE MA 'JIG RTEN GNAS PA 'DI NI SKAM ZHING 'DOD PAS ZIL GYIS NON PA STE CHOG MI SHES SHING GZHAN GYI NOR 'PHROG PA YIN GYI, DE DAG LA 'PHAGS PA'I NOR DAD PA LA SOGS PA BDUN LA 'GOD DO ZHES SEMS CAN RNAMS LA DE BZHIN GSHEGS PA SNYING RJE CHEN PO BSKYED DO ZHES GSUNGS SO, ,GSANG BA BSAM GYIS @128A *, ,MI KHYAB PA LAS ZHI BA'I BLO GROS YONGS SU BRTAG PA BZUNG STE GANG G'A'I KLUNG GI BYE MA SNYED KYI SEMS CAN THAMS CAD MI'I LUS THOB PAR GYUR LA, DE'I NANG NAS SEMS CAN GCIG GIS SEMS CAN DE DAG JI SNYED PA DE SNYED LA DE BZHIN GSHEGS PA'I SKU GZUGS DANG; MDOG DANG, RTAGS DANG, DBYIBS DANG, SPYOD LAM DU SEMS SHING MOS TE, DE BZHIN DU SEMS CAN THAMS CAD KYANG DE LTAR MOS KYANG ZHI BA'I BLO GROS RNAM GRANGS DES KYANG DE BZHIN GSHEGS PA SEMS CAN DE DAG THAMS CAD KYI MOS PA TSIM PAR MDZAD DE, ZHI BA'I BLO GROS 'DI NI DE BZHIN GSHEGS PA'I SKU'I GSANG BA'O ZHES BYA'O, ,DE NAS BYANG CHUB SEMS DPA' SHUGS 'CHANG 'DI SNYAM DU DE BZHIN GSHEGS PA'I SPYI GTZUG BLTAR MI MTHONG LA, SKU TSAD MED KYANG MTHA' YONGS SU BTZAL LO SNYAM NAS STENG GI PHYOGS GANG G'A'I KLUNG GI BYE MA BYE BA PHRAG BRGYA'I SANGS RGYAS KYI ZHING 'DAS TE PADMA CAN GYI 'JIG RTEN GYI KHAMS NA SANGS RGYAS PADMA'I DPAL GYI RGYAL PO'I SPYAN SNGAR PHYIN NAS BLTAS KYANG MA MTHONG NGO ZHES BYA BA NAS, RIGS KYI BU GANG YANG DPE BZHAG PA JI SNYED PA DE BZHIN GSHEGS PA'I TSUL KHRIMS DANG, TING NGE 'DZIN DANG, SHES RAB DANG, RNAM PAR GROL BA DANG, RNAM PAR GROL BA'I YE SHES MTHONG BA DANG, SKU DANG GSUNG DANG THUGS DANG MTSAN GYI DPER BYA BA'I DPE 'GOD PA NI DE BZHIN GSHEGS PA LA SKUR BA 'DEBS PA'O, ,DPE GCIG PO NI MA GTOGS TE 'DI LTA STE NAM MKHA'O ZHES BYA BA NAS; 'JIG RTEN MGON PO'I SPYI GTZUG KYANG, ,NAM MKHA'I KHAMS DANG MTSUNGS PA LAGS, ,NAM MKHAS JI BZHIN KHYAB GYUR PA, ,SKUS KYANG DE SNYED KHYAB PA LAGS, ,SKU YIS JI SNYED KHYAB GYUR PA, ,GSUNG GIS KYANG NI DE SNYED KHYAB, ,GSUNG GIS JI SNYED KHYAB GYUR PA, ,THUGS KYIS KYANG NI DE SNYED KHYAB, ,GANG GIS BYANG CHUB BLO BSKYED PA, ,DE SNYED BSOD NAMS KHYAD PAR BGYID, ,CES BYA BA LA SOGS PA'O, ,ZHI BA'I BLO GROS DE BZHIN GSHEGS PA'I GSUNG GI GSANG BA DANG PHRIN LAS GANG ZHE NA, ZHI BA'I BLO GROS GANG GI NUB MO DE @128B BZHIN GSHEGS PA BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PA NAS LEN PA MED PA MYA NGAN LAS 'DAS PA'I BAR DU DE BZHIN GSHEGS PAS YI GE 'BRU GCIG KYANG MA GSUNGS SO, ,DE CI'I PHYIR ZHE NA, DE BZHIN GSHEGS PA LA DBUGS 'BYUNG BA DANG RNGUB PA MI MNGA'O, ,RNAM PAR MI RTOG GO, ,RNAM PAR MI DPYOD DO, ,DE DAG MED PA DAG MI 'BYUNG NGO ZHES BYA BA NAS SEMS CAN DE DAG NI DE BZHIN GSHEGS PA NI GSUNG NGO SNYAM MO, ,BDAG CAG GIS DE BZHIN GSHEGS PA'I CHOS BSTAN PA KUN SHES SO SNYAM MO ZHES BYA BA NAS ZHI BA'I BLO GROS DE BZHIN GSHEGS PA'I GSUNG NI PHYOGS BCU'I 'JIG RTEN RGYAS PAR 'GENGS SHING SEMS CAN GYI BSAM PA TSIM PAR MDZAD KYANG GSUNG RAB BCU GNYIS STON TO, ,GSAL BAR BYED DO, ,RAB TU SHES PAR BYED DO, ,RAB TU 'JOG GO, , RNAM PAR 'BYED DO, ZHES MI DGONGS SO ZHES BYA BA NAS TSE DANG LDAN PA MOOD GAL GYI BU 'DI SNYAM DU SEMS TE, DE BZHIN GSHEGS PA'I GSUNG GI DKYIL 'KHOR JI SRID CIG TU 'GRO BA DPAG PAR BYA'O SNYAM NAS RI RAB KYI RTZE MOR PHYIN NA YANG DE BZHIN GSHEGS PA'I GSUNG DE KHO NA 'DRA BA THOS SO, ,GLING BZHI LAS KYANG 'DAS PA KHOR YUG LAS KYANG 'DAS TE ZHES BYA BA NAS NUB PHYOGS LOGS KYI ZHING GANG G'A'I KLUNG DGU BCU RTZA DGU'I BYE MA SNYED 'DAS PA NA DE BZHIN GSHEGS PA 'OD ZER GYI RGYAL PO BZHUGS PA DER PHYIN PA NA YANG 'DOM GANG NA 'DUG PA'I MI'I SGRA THOS PA LTAR DE BZHIN GSHEGS PA'I GSUNG DE 'DRA BA KHO NAR THOS SO ZHES 'BYUNG NGO, ,YANG DE NYID LAS GSANG BA'I BDAG POS ZHI BA'I BLO GROS LA 'DI SKAD CES SMRAS SO, ,ZHI BA'I BLO GROS DE BZHIN GSHEGS PA'I THUGS KYI GSANG BA DANG PHRIN LAS GANG ZHE NA, DE BZHIN GSHEGS PA'I THUGS LA LDOG PA MI MNGA', RTOG PA MI MNGA', 'GYUR BA MI MNGA', THUGS KYI TSAD MI MNGA', THUGS LA 'KHRUL PA MI MNGA' BAS NA CHOS THAMS CAD LA DE'I YE SHES MA CHAGS MA THOGS PAR 'JUG GO, ,SEMS CAN GYI SPYOD PA THAMS CAD @129A *, ,LA YANG GZIGS SO, ,SEMS CAN THAMS CAD KYI KUN NAS NYON MONGS PA DANG RNAM PAR BYANG BA YANG RAB TU MKHYEN TO, ,DE'I STOBS BCU DANG, MI 'JIGS PA BZHI DANG, SANGS RGYAS KYI CHOS MA 'DRES PA BCO BRGYAD LA YANG BSNYEL BA MI MNGA' STE ZHES BYA BA NAS SEMS CAN THAMS CAD LA THUGS BRTZE BA SEMS CAN THAMS CAD KYI SEMS DANG SPYOD PA DANG BSAM PA LA YANG YE SHES CHAGS PA DANG THOGS PA MI MNGA' ZHING LHUN GYIS GRUB PAR 'JUG GO, ,ZHI BA'I BLO GROS 'DI YANG DE BZHIN GSHEGS PA'I THUGS KYI GSANG BA DANG PHRIN LAS SO ZHES 'BYUNG NGO, ,LHA MO DPAL GYI PHRENG BA SENG GE'I SGRA YIS ZHUS PA LAS, BCOM LDAN 'DAS DE LTA LAGS PAS DE BZHIN GSHEGS PA NA SKYABS MA MCHIS PA DANG, SKYABS RTAG PA DANG, BSTAN PA LAGS SO, ,BCOM LDAN 'DAS CHOS ZHES BGYI BA NI THEG PA GCIG GI LAM BSTAN PA'I TSIG BLA DAGS SO, ,DGE 'DUN ZHES BGYE [?] BA NI THEG PA GSUM PA'I TSIG BLA DAGS SO, ,SKYABS 'DI GNYIS NI DE'I YAN LAG GI SKYABS ZHES BGYI STE SKYABS KYI RAB MA LAGS SO, ,DRANG SRONG RGYAS PAS ZHUS PA LAS KYANG BCOM LDAN 'DAS BDAG NI RGAS 'KHOGS GTUGS PAS 'BRAS BU RNAMS LA RTZOL BA'I RNGO MI THOGS, BDAG KHUR CHEN PO KHUR BA'I RNGO MI THOGS SO, ,BDAG DANG BCOM LDAN 'DAS DANG, CHOS DANG, THAMS CAD SPANGS PA'I DGE 'DUN LA SKYABS SU MCHI'O, ,BDAG DENG SLAN CHAD SLOB MA DANG BCAS G-YOG DANG BCAS TE DKON MCHOG GSUM LA SKYABS SU MCHI'O ZHES GSUNGS SO, ,'DUS BYAS MI RTAG PA YID LA BYA BA NI MYA NGAN LAS 'DAS PA'I MDO LAS, MI RTAG PA BSGOM PA NI LAM MA LAGS TE, DE YANG DGE SLONG RNAMS LA BKA' STZAL PA, GANG ZHIG MI RTAG PA LA MANG DU BSGOMS NA BLA NA MED PA YANG DAG PAR RDZOGS PA'I BYANG CHUB TU 'TSANG RGYA'O ZHES GSUNGS SO, ,MTSAN MO BZANG PO'I MDO LAS KYANG, SANG TZAM 'CHI YANG SUS SHES KYI, ,DE RING NYID NAS BRTUN TE BYA, ,'CHI BDAG SDE CHEN DE DAG NI, ,BDAG DANG SHES PA YOD MA YIN, ,ZHES 'BYUNG NGO, ,SDOM PA GSUM @129B BSTAN PA LAS KYANG, BDAG NI MYUR DU 'CHI'O ZHES, ,'CHI BA'I 'DU SHES BSGOM PAR BYA, ,DE LAS LONGS SPYOD BSAGS PA LAS, ,LONGS SPYOD LA NI SNYING PO BLANG, ,BU DANG CHUNG MA'I DON GYI PHYIR, ,DES NI NOR DAG BSAG MI BYA, ,LUS DANG LONGS SPYOD SROG RNAMS LA, ,SNYING PO MYUR DU BLANG BAR BYA, ,BYANG CHUB DON DU 'DUN DRAG SKYED, ,CES GSUNGS SO, ,MYA NGAN LAS 'DAS PA LAS KYANG, SKYE BA YOD NA 'CHI BA YOD, ,TSE LO GRANGS MED THUB PA YANG, ,THA MAR 'CHI BAR RIG PAR BYA, ,DAR BA YOD NA RGUD PA YOD, ,'DU BA YOD NA 'BRAL BAR 'GYUR, ,LANG TSO DE YANG MI RTAG STE, ,DAR BA'I MDOG KYANG NAD KYIS 'PHROG ,'TSO BA'I TSE YANG 'CHI BAS 'PHROG ,RTAG PA'I CHOS NI 'GA' YANG MED, ,CES BYA BA LA SOGS PA'O, ,YID 'BYUNG BA'I GTAM NI TSONG DPON BZANG SKYONG GIS ZHUS PA LAS, BCOM LDAN 'DAS SEMS CAN DMYAL BA'I KHA DOG JI LTA BU LAGS, LUS KYI RNAM PA JI LTA BU LAGS, BZANG SKYONG DE DAG KHA DOG NI KHRAG LTA BU DANG, SPRIN SNGON PO LTA BU DANG, SHA GZI GU LTA BU'O, ,DE DAG GI LUS NI RGYAL PO'I BU GZHON NU LTA BU GZHON SHA CAN DU 'GYUR RO, ,LUS CHE BA NI KHRU BRGYAD PAR 'GYUR RO, ,SEN MO RING ZHING KHA SPU YOD PA RKANG LAG MI SDUG PA 'DZAM BU GLING PAS MTHONG NA 'CHI BA'I DUS BYED PAR 'GYUR RO, ,DMYAL BA DE DAG GI RGYANG RING PO NAS ZANGS DANG RA GAN DMAR PO MTHONG STE, KHA ZAS 'DOD PAS KHYER SHOG CES ZER RO, ,DE DAG 'PHUNGS NAS SNYIM PA BZED NAS ZANGS DANG RA GAN BSKOL BA GA LA BA DER SONG STE KHA GDANG SA PA DANG, ZANGS DANG RA GAN RAB TU 'BAR BA DES SU RU RU RAB TU 'BAR ZHING KHOG PA 'BAR BAR 'GYUR RO, ,RUS PAR GYUR KYANG RUS PA 'BRAL BAR MI 'GYUR 'CHI BA'I DUS BYED PAR MI 'GYUR ZHES BYA BA NAS DE DAG GIS SKYED MOS TSAL MTHONG NAS DE DAG 'DUS NAS BYIN PA DANG, SHING DE DAG GI ME TOG DANG, LO MA RAL GRIR 'GYUR TE, RAL GRI DE DAG GIS YAN LAG GCOD CING GCOD CING GSHAGS PAR BYED DE NYAM THAG PA'I SGRA CHEN PO 'BYIN @130A *, ,TO; ,GSHIN RJE'I MI'I LAG NA THO BA THOGS NAS BZHIN BSGYUR NAS SKRA 'BAL ZHING LUS 'BAR BA'I PHRENG BAS G-YOGS LA MTSON CHA GZAS PA DAG 'DI SKAD DU KHYED CAG SDOD CIG ,GAR 'BROS KHYED RANG GIS LAS BSGRUBS PA'I TSUL 'DI NYAMS SU MYONG BAR GYIS SHIG CES ZER TE ZHES BYAS PA NAS MUN PA MUN NAG CHEN POR ZHUGS TE, MI RGOD KYIS KHRID PA BZHIN DU KYI HUD 'DI SNYAM DU BDAG NI 'DZAM BU'I GLING BKRA BA BOR RO, ,DA NI MTHO RIS MI MTHONG NGO SNYAM MO ZHES BYA BA NAS DE NAS BZANG SKYONG SPU ZING ZHES BYED DE BCOM LDAN 'DAS LA SKYABS SU SONG NGO ZHES GSUNGS SO, ,RGYAL PO 'CHAR BYED KYIS ZHUS PA LAS KYANG, MI RNAMS GANG DAG SDIG BYED PA, ,ME YI PHUNG POR LDAN RNAMS SU, ,BSKAL PA DU MAR BTZO BAR 'GYUR, ,PHRA SKAM RNON PO RNAMS KYIS NI, ,BZUNG ZHING YANG DANG YANG BSNYUGS PAS, , DE DAG SHA NI YOD MIN PAS, ,DUNG LTAR DKAR BA DAG TU 'GYUR, ,LCAGS KYI GZHONG PAR 'DUG NAS NI, ,RAB TU TSA ZHING SREG PAR BYED, ,SHI ZHING SHI ZHING SKYE 'GYUR TE, ,RANG GI LAS KYIS GNAS PAR 'GYUR, ,GAL TE DMYAL BA'I SRUNG RNAMS KYIS, ,NGAN PA'I GNAS RNAMS DE DAG NI, ,GTUN LA SOGS PAR BRDUNG BA NI, ,SHA RKANG RUS PA PHYE MAR 'GYUR, ,DE YI TSE NA DE DAG NI, ,SHIN TU GRANG PA'I RLUNG YANG LDANG, ,SDUG BSNGAL GYUR PA DE LAS 'TSO, ,STA RE RNAMS KYIS GSHAGS PA DANG, ,DE BZHIN GSAL SHING 'DZUGS PAR 'GYUR, , MI RNAMS GANG DAG SDIG BYED PA, ,LCAGS MDUNG RTZE MO BZHI PA DANG, ,RTZE GSUM PA DANG RTZE LNGA 'BAB, ,RAL GRI MCHU CAN KHVA RNAMS KYIS, ,MGO DANG LAG PA BTOGS GYUR CING, ,WA DANG SPYANG KIS ZA BAR 'GYUR, ,MI RNAMS GANG DAG SDIG BYED PA, ,RAB TU TSA BAR BSREG 'GYUR ZHING, ,NGU 'BOD DANG NI NGU 'BOD CHE, ,THIG NAG TU YANG BSREG PAR 'GYUR, ,YANG NAS YANG DU ME MUR DANG, ,SPU GRI'I CHU KLUNG RNAMS SU LHUNG, ,GANG TSE LCAGS KYI ZANGS PO CHER, ,MI RNAMS DE DAG 'TSOD PA NA, ,KHYI RNAMS KYIS NI GTZES PAR 'GYUR, , @130B LCAGS LAS BYAS PA'I BRAG CHEN DANG, ,MI SDUG RI BO RNAMS KYIS NI, ,DE TSE KUN NAS LUS 'JOMS BYED, ,'BRAS BU DE 'DRA THOB BYED KYANG, ,DE LA SKYOB PA 'GA' YANG MED, ,CES 'BYUNG NGO, ,RGYAL PO LA GDAMS PA'I MDO LAS, DE DUD 'GRO'I SKYE GNAS SU SKYE BA MTHONG NA 'DI LTA STE RGYA MTSO CHEN PO'I NANG NA NYA RLON DANG, NYA RLON MID LA SOGS PA SROG CHAGS GCIG GIS GCIG GSOD PA DANG, 'TSE BA DANG DBANG MED PAR SKYE'O, ,BDAG YI DAGS KYI NANG DU SKYE BAR MI 'GYUR RAM SNYAM NA, 'DI LTA STE LO MANG PO DANG, LO BRGYA PHRAG MANG PO DANG; LO STONG PHRAG MANG POR CHU'I SGRA YANG MI THOS NA MTHONG BA LTA CI SMOS PAR 'GYUR RO ZHES GSUNGS SO, ,DRI MA MED PAR GRAGS PAS BSTAN PA LAS, GDUL DKA' BA 'DUL BA'I GTAM GANG ZHE NA, 'DI LTA STE, 'DI NI SEMS CAN DMYAL BA'O, ,'DI NI BYOL SONG NGO, , 'DI NI GSHIN RJE'I 'JIG RTEN NO, ,'DI NI LUS KYI NGAN PAR SPYOD PA'O, ,'DI NI LUS KYI NGAN PAR SPYOD PA'I RNAM PAR SMIN PA'O, ,'DI NI NGAG GI NGAN PAR SPYOD PA'O, ,'DI NI NGAG GI NGAN PAR SPYOD PA'I RNAM PAR SMIN PA'O, ,'DI NI YID KYI NGAN PAR SPYOD PA'O, ,'DI NI YID KYI NGAN PAR SPYOD PA'I RNAM PAR SMIN PA'O, ,'DI NI SER SNA'O, ,'DI NI SER SNA'I 'BRAS BU'O ZHES BYA BA NAS 'DI NI SHES RAB 'CHAL PA'O, ,'DI NI SHES RAB 'CHAL PA'I 'BRAS BU'O ZHES DE LTAR GSUNGS PAS RTA RGOD 'DRA BA'I SEMS CAN RNAMS 'DUL BAR BYED DO ZHES GSUNGS SO, ,MYA NGAN LAS 'DAS PA CHEN PO LAS, MI DGE BA BCU RAB TU BYAS PAS NI SEMS CAN DMYAL BA RNAMS SU MYONG NGO, ,'BRING BYAS PAS NI BYOL SONG GI LUS MYONG NGO, ,THA MA BYAS PA SA NI YI DAGS KYI LUS MYONG NGO ZHES 'BYUNG NGO, ,YANG DE NYID LAS, SDIG PA PHRA MO CHUNG NGU YANG, ,MI GNOD SNYAM DU BRNYAS MI BYA, ,CHU YI THIGS PA CHUNG NGU YANG, ,SNOD CHEN YONGS SU GANG BAR 'GYUR, ,ZHES GSUNGS SO, ,DES PAS ZHUS PA LAS, SA BON TSA BA RNAMS KYIS NI, ,'BRAS BU TSA BA SKYE BAR 'GYUR, ,SA BON MNGAR BA RNAMS KYIS NI, ,'BRAS BU MNGAR BA @131A *, ,SKYE BAR 'GYUR, ,SDIG PA'I RNAM SMIN TSA BA DANG, ,DKAR PO'I RNAM SMIN MNGAR BA DBANG, ,MKHAS PA'I MIS NI SHES PAR BYA, ,ZHES GSUNGS SO, ,RGYAL PO LA GDAMS PA LAS KYANG, DUS KYI GNYER TE RGYAL PO 'GRO DGOS NA, ,LONGS SPYOD MDZA' DANG GNYAN BSHES PHYIR MI 'BRANG, ,SKYES BU DE NI GANG DANG GANG 'GRO BAR, ,LAS NI GRIB MA BZHIN DU RJES SU 'BRANG, ,ZHES 'BYUNG NGO, ,YANG LAS BRGYA PA LAS, LUS CAN KUN GYI LAS RNAMS NI, ,BSKAL PA BRGYAR YANG CHUD MI ZA, ,TSOGS ZHING DUS LA BAB PA NA; ,'BRAS BU NYID DU SMIN PAR 'GYUR, ,ZHES GSUNGS SO, ,GSANG BA BSAM GYIS MI KHYAB PA LAS, LAS KYI RNAM PAR SMIN PA LA YID CHES PA DANG, DKAR PO DANG, NAG PO'I LAS KYI RNAM PAR SMIN PA CHUD MI ZA BAR RIG NAS, SROG GI PHYIR YANG MI BYA BA MI BYED DO ZHES GSUNGS SO, ,YANG DE LAS GROGS PO DAG 'JIG RTEN SKYONG BAR BYED PA'I CHOS BZHI STE, 'DI LTA STE, 'DOD PA DANG, ZHE SDANG DANG, 'JIGS PA DANG, GTI MUG SPANGS PAS 'DOD PAS 'GRO BA MA YIN PAR MI 'GRO BA DANG, ZHE SDANG GIS 'GRO BA MA YIN PAR MI 'GRO BA DANG; 'JIGS PAS 'GRO BA MA YIN PAR MI 'GRO BA DANG, GTI MUG GIS 'GRO BA MA YIN PAR MI 'GRO BA'O ZHES 'BYUNG NGO, ,MYA NGAN LAS 'DAS PA LAS, DGE BA BCU LA YANG RNAM PA BZHI STE, RAB DANG, 'BRING DANG, THA MA DANG, RAB KYI RAB BO, ,DE LA THA MAS NI SGRA MI SNYAN DU SKYE'O, ,'BRING GIS NI LUS 'PHAGS SU SKYE'O, ,RAB KYIS NI BA LANG SPYOD DU SKYE'O, ,RAB KYI RAB KYIS NI 'DZAM BU'I GLING DU SKYE'O ZHES 'BYUNG NGO, ,SA'I SNYING PO 'KHOR LO BCU PA LAS, RIGS KYI BU BYANG CHUB SEMS DPA'I 'KHOR LO BCU GANG ZHE NA, RIGS KYI BU 'KHOR LO BCU NI DGE BA BCU YIN PAR SHES PAR BYA'O, ,'KHOR LO BCU PO 'DI DANG LDAN PAS NA SDIG PA THAMS CAD LAS RNAM PAR GROL BA DANG, DGE BA'I CHOS THAMS CAD YONGS SU RDZOGS PA DANG, SKYE BO THAMS CAD SMIN PAR BYED CING THAMS CAD LA PHAN PA DANG, BDE BA YONGS @131B SU THOB PAR BYED DO, ,DE CI'I PHYIR ZHE NA, RIGS KYI BU SNGA MA 'DAS PA'I SANGS RGYAS THAMS CAD KYIS KYANG MI DGE BA BCU SPANGS TE DGE BA BCU'I LAS KYI LAM 'DI LA BSNGAGS PAS 'BRAS BU THOB PAR 'GYUR RO, ,GZHAN YANG BYANG CHUB SEMS DPA' NAM 'TSO'I BAR DU SROG GCOD PA SPANGS NAS, DE NYID SEMS CAN THAMS CAD LA MI 'JIGS PA SBYIN PA YIN, THOG MA MED PA NAS SROG GCOD PA'I LAS BYUNG BA, NYON MONGS PA'I SGRIB PA DANG, CHOS KYI SGRIB PA DANG, TSE'I SGRIB PA THAMS CAD ZAD PAR BYED DO, ,'CHI BA'I TSE NA YANG GSHIN RJE'I PHO NYA MTHONG BAR MI 'GYUR RO, ,YID DU 'ONG BA'I DGE BA'I BSHES GNYEN CHOS KYIS DUL BA TSUL KHRIMS DANG YON TAN DANG LDAN PA DANG PHRAD CING SHIN TU DAD PA SKYE BAR 'GYUR RO, ,TSE 'PHOS NAS YANG MI'I NANG DU DBANG PO TSANG BA DANG, YAN LAG DANG LDAN PA DANG, TSE RING BA DANG, GZUGS BZANG BA DANG, YID GZHUNGS PA DANG, BDE ZHING SKYID PA DANG, DGE BA'I BSHES GNYEN DANG PHRAD CING, DGE BA'I CHOS THAMS CAD RDZOGS PAR BYAS NAS BYANG CHUB THOB PA'I BAR DU 'GYUR RO, ,RIGS KYI BU 'DI NI 'KHOR LO DANG PO'O, ,RIGS KYI BU 'KHOR LO DE DANG LDAN NA SEMS CAN DMYAL BAR MI LTUNG BA NAS NGAN SONG THAMS CAD DU LTUNG BAR MI 'GYUR RO ZHES BYA BA NAS, LOG PAR LTA BA SPONG BA'I BAR DU RGYAS PAR SBYAR BAR BYA'O, ,SDOM PA GSUM BSTAN PA LAS, 'OD SRUNGS CHOS GSUM DANG LDAN NA RGYAL RIGS SHING S'A LA LTA BU GZUGS BZANG BA DANG, MDZES PA DANG, LTA NA SDUG PA DANG, KHA DOG BZANG PO RGYAS PA MCHOG DANG LDAN PA DANG, LE LO MED PA DANG, GSAL BA DANG, SHIN TU NGES PAR 'GYUR TE 'DI LTA STE, DGE SBYONG DANG BRAM ZE MTHONG NA 'DI DAG NI SBYIN GNAS SO, ,MCHOD PAR 'OS PA'O, ,PHYAG GI GNAS SO ZHES DGA' BA SKYED DE, GOS DANG, ZAS DANG, MAL CHA DANG, NA BA'I GSO SMAN DANG, YO BYAD KYIS MGRON DU GNYER BA 'DI NI CHOS DANG PO'O, ,GZHAN GNYIS NI BRDZUN SPONG BA DANG, BSNYEN @132A *, ,BKUR GYI SNYING PO LEN PA'O ZHES GSUNGS SO, ,YANG DE NYID LAS, CI 'DRA BA YI LAS BYAS PA, ,RNAM PAR SMIN PA DE 'DRAR 'GYUR, ,BSKAL PA BYE BA PHRAG BRGYAR YANG, ,DE NI CHUD ZAR GYUR PA MED, ,CES 'BYUNG NGO, ,SA'I SNYING PO 'KHOR LO BCU PA'I MDO LAS KYANG, GAL TE SROG GCOD YONGS SPANGS NA, ,KUN GYIS BKUR ZHING BLA MAR BYED, ,RTAG TU NAD MED TSE YANG RING, ,BDE ZHING SKYID LA GNOD PA MED, ,SKYE BO'I GNAS NI THAMS CAD DU, ,SANGS RGYAS SPYOD YUL LAM LA MOS, ,SANGS RGYAS CHOS DANG DGE 'DUN MTHONG, ,MYUR DU BLA MED BYANG CHUB THOB, ,CES BYA BA NAS, NGAN PAR LTA BA YONGS SPANGS NAS, ,RNAM DAG DAD PA'I SEMS BSGOMS NA, ,THEG GSUM STON PA MOS BYED CING, ,SANGS RGYAS KUN LA MCHOD PA BYED, ,NGAN SONG KUN LAS YONGS THAR TE, ,'PHAGS PA'I DGE 'DUN RNAMS DANG PHRAD, ,BYANG CHUB SEMS DPA'I YON TAN LDAN, ,YE SHES MCHOG KYANG THOB PAR 'GYUR, ,ZHES GSUNGS SO, ,MNGON PAR MTHO BA'I LE'U STE DANG PO'O,, ,,'PHAGS PA'I BDEN PA'I GTAM NI SA'I SNYING PO 'KHOR LO BCU PA LAS, 'DU 'DZI DGA' ZHING TSUL KHRIMS SRUNG ZHING, ,SLOB DPON 'CHANG ZHING SDUG BSNGAL 'JIGS PA, MKHAS PA DAG GIS SHES PAR GYIS SHIG ,DE NI NYAN THOS THEG PA YIN NO, ,SBYIN LA DGA' ZHING SKYE 'GOG RTOG PA, ,BAS MTHA'I GNAS MAL DGA' BA DAG NI, ,RANG RGYAL BA YI THEG PA YIN PAR, ,MKHAS PA DAG GIS SHES PAR GYIS SHIG ,DGE BA'I RTZA BA KUN DANG LDAN ZHING, ,BYAMS PA DANG NI SNYING RJE'I SEMS KYIS, ,RTAG TU PHAN PA'I DON LA DGA' BA, ,DE NI THEG PA CHEN PO YIN NO, ,TSUL KHRIMS BSRUNG ZHING LUS SROG SPONG ZHING, ,SEMS CAN DAG LA MI 'TSE MI GNOD, ,STONG PA NYID KYI CHOS LA BRTZON PA, ,THEG PA CHEN PO YIN PA SHES BYA, ,ZHES GSUNGS SO, ,MYA NGAN LAS 'DAS PA'I MDO LAS, SRID PA THAMS CAD BDEN MA YIN, ,MYA NGAN SKYON DANG RTAG TU BCAS, ,SKYON MANG 'JIGS PA'I CHOS CAN TE, ,RGA DANG NA 'CHIS RTAG TU GTZES, ,SRID PA'I CHOS NI @132B MTHA' YAS PA, ,'GYUR ZHING 'PHO BA'I SGRA DANG BCAS, ,NYON MONGS KUN TU GLAGS PA NI, ,JI LTAR DAR GYI SRIN BU BZHIN, ,DE LA MKHAS PA SHES RAB CAN, ,SU ZHIG DGA' ZHING MOS PA BYED, ,LUS 'DI SDUG BSNGAL PHUNG PO STE, ,THAMS CAD MI GTZANG BTZOG PA'O, , SKYON GYIS BCINGS SHING RMA DANG LDAN, ,PHAN PA'I DON NI YE NAS MED, ,YAR NI LHA YI LUS BAR DU, ,THAMS CAD DE DANG 'DRA BAS NA, ,'DOD PA THAMS CAD MI RTAG PAS, ,NGA NI DE LA CHAGS MI BYED, ,'DOD SPANGS LEGS PAR YID BYAS NA, ,YANG DAG BDEN PAR REG PAR 'GYUR, ,ZHES 'BYUNG NGO, ,MNGAL DU 'JUG PA BSTAN PA LAS GZHAN YANG DGA' BO LUS 'DI ZHAG BDUN PHRAG DANG PO LA MA'I MNGAL NA GNAS PA NI MER MER PO ZHES TE LUS KYI MTSAN MA DANG PO YIN PAS DPER NA ZHO MA CHAGS PA DANG 'DRA'O ZHES BYA BA NAS, MA ZHU BA RNAMS KYI NI 'OG ZHU BA'I GNAS KYI STENG NA NANG DU BTZOS RAB TU BTZOS SHING GNAS LNGA KUN TU BCINGS SHING 'DI LTA STE, DPER NA RTZA RKYANG PA'I NANG DU 'DUG PA DANG 'DRA'O, ,GAL TE DE'I MAS ZAS ZOS SAM, GRANG BA DANG TSA BA ZOS SAM, 'DOD PA SPYAD DAM, MCHOD PA BYAS NA MNGAL NA GNAS PA DE SDUG BSNGAL MYONG BAR 'GYUR TE, NGAS MIR GYUR PA'I SDUG BSNGAL MDO TZAM BSTAN PA YANG DE DANG 'DRA NA, SEMS CAN DMYAL BA'I SDUG BSNGAL LTA SMOS CI DGOS PAS MKHAS PA SU ZHIG 'KHOR BA'I RGYA MTSO 'DI LTA BU LA MOS PA BYED CES BYA BA NAS, ZHAG BDUN PHRAG SUM CU RTZA BDUN PA LA PHYIN CI MA LOG PA'I 'DU SHES LNGA 'BYUNG STE LNGA GANG ZHE NA, MI GTZANG BA'I 'DU SHES DANG, DRI MI ZHIM PA DANG, BTZON RA DANG, MUN NAG DANG, PHYIR 'BYUNG BA'I 'DU SHES TE, ZHAG BDUN PHRAG SUM CU RTZA BRGYAD 'DAS NAS 'BYUNG BA 'DOD PA'I TSE, SDUG BSNGAL SNA TSOGS MYONG NAS 'BYUNG BAR 'GYUR TE, DE'I PHYIR SDUG BSNGAL CHEN PO'O, ,SA LA LHUNG MA THAG TU NI PAGS PA BSHUS NAS SA LA BZHAG PA SNYAM BYED DO ZHES RGYAS PAR GSUNGS SO, ,YANG DE NYID LAS LUS 'DI NYID LO BRGYA THUB PAR GYUR KYANG MTHAR 'JIG PAS MKHAS PA SU ZHIG 'KHOR BA'I RGYA MTSO 'DIR @133A *, ,CHAGS PAR BYED, GZHAN YANG DGA' BO LUS 'DI LA SDUG BSNGAL GNYIS YOD DE, GNYIS GANG ZHE NA, NAD MANG PO LUS LA 'DUS PA 'DI NI NANG GI SDUG BSNGAL ZHES BYA'O, ,MI DANG MI MA YIN PAS 'TSE BA 'DI NI PHYI'I SDUG BSNGAL ZHES BYA'O, ,'DI LTA STE NANG GI NAD MIG NA BA DANG ZHES BYA BA NAS NAD BZHI BRGYA RTZA BZHI'I BAR RO, ,PHYI ROL GYI SDUG BSNGAL BTZON RAR BCUG PA DANG, RNA BA BCAD PA NAS GRANG BA DANG TSA BA DANG BKRES PA DANG SKOM PA DANG CHAR BAS NYEN PA LA SOGS PA STE, MIR GYUR PA RNAMS KYI SDUG BSNGAL YANG DE 'DRA NA, NGAN 'GRO RNAMS KYI SDUG BSNGAL LTA CI SMOS TE, SHIN TU BZOD PAR DKA'O, ,GZHAN YANG TSOL BA DANG, THOB NA YANG SER SNAS PHONGS SHING BSRUNG BA DANG, STOR ZHING CHUD ZOS NA YANG SDUG BSNGAL CHEN PO SKYED PAR BYED DO, ,DGA' BO MDOR NA LUS 'DI NI BDE BA'I 'DU SHES SKYED PAR BYED KYANG YANG DAG PAR NA BDE BAR BYED PA MA YIN NO, ,GANG LA LA ZHIG BDAG GI DON DANG GZHAN DANG GZHAN GYI DON GYI PHYIR DE LTA BU'I SDUG BSNGAL GYIS YONGS SU SKYO BAR BYAS NAS KHYIM NAS KHYIM MED PAR RAB TU 'BYUNG STE, YANG DAG PAR SLOB PAR BYED NA MYA NGAN LAS 'DAS PA RNAM PAR GROL BA'I CHOS LAS NYAMS PAR MI 'GYUR LA, GANG LA LA ZHIG GOS DANG MAL CHA DANG NA BA'I GSO SMAN DANG, YO BYAD KYIS RIM GRO BYED PA DE DAG KYANG RNAM PAR SMIN PA CHEN PO THOB PAR 'GYUR RO ZHES BYA BA NAS, DGA' BO MIR SKYE BA LA SMON PA DANG, LHA'I 'JIG RTEN YONGS SU TSOL BAS TSANGS PAR SPYAD PA DAG YANG DAG PAR SPYAD PA LA NYES PA DE DAG YOD PA DE LTA BAS NA KHYOD KYIS MYA NGAN LAS 'DAS PA DON DU GNYER BA'I BSAM PAS TSANGS PAR SPYAD PAR BYA'I LHAR SKYE BA LA DGA' BAS BRTZON PAR MI BYA'O, ,NGAS NI JI SKAD BSTAN PA LTAR, ,RTAG TU DE BZHIN RAB BSGOMS LA; ,RNAM GROL YONGS SU BTZAL BAR GYIS, ,MYUR DU 'KHOR BA'I RGYA MTSO 'DA', ,ZHES 'BYUNG NGO, ,DRANG SRONG RGYAS PAS ZHUS PA LAS, DRANG SRONG CHEN PO LHA'I GNAS DE NA SHING LJON PA 'BRAS BU SNA TSOGS BDUD RTZI DANG 'DRA BA'I RO BRO BA SNA TSOGS YAN LAG BRGYAD DANG LDAN PA YOD @133B DO; ,'BRAS BU DE DAG NI SHING RTA'I 'PHANG LO TZAM MO, ,DE DAG GI SA PHYOGS NA TSER MA RNO BA'I BAG MED PA GSER DANG DNGUL GYI PHRENG BA SNA TSOGS PAS MDZES PAR BYAS SO, ,DE NAS TSE ZAD PA'I LTAS 'BYUNG BA NI, SHING DRUNG GI LO MA BRNYINGS PA DANG, YAL GA'I ME TOG DANG DRI YANG MED PAR 'GYUR RO, ,SEMS CAN DE YANG MI DGA' BA RNYED DE PHRENG BA YANG BRNYINGS PAR 'GYUR, LHA'I RLUNG BSIL BA YANG DRO BAR LDANG NGO, ,DES NA DE'I GNAS DE DAG MTHONG NAS LHA'I BU MO DE DAG NGA RO GCIG TU SNYING RJE RJE SKAD DU SMRE SNGAGS 'DON NO, ,SEMS CAN DE YANG LHA'I BU MO DE DAG DANG KYI HUD MI RTAG PA 'DI NI SNYING RJE MED PA'O, ,'DI LTAR DGA' ZHING 'KHOD PA LAS, ,MI 'DOD BZHIN DU MTHO RIS NAS LHUNG NGAM, ,AE MA'O, ,LHA GZHON NU MYUR DU MI'I 'JIG RTEN DU SKYE BAR GYUR CIG CES MYA NGAN BYED PA NA, RIMS DRAG POS NON TE DE'I LUS GCIG TU 'BAR BAR 'GYUR RO, ,LUS 'BAR BAS GNAS DE NAS 'CHI 'PHO BAR 'GYUR RO, ,YANG LTAS GNYIS 'BYUNG BA DE THOG MAR GRIB MA MI SNANG BAR 'GYUR ZHING LHA'I BU MO DANG KUN DU SMRA BA'I SGRA SNYAN PA MI THOS SO, ,LHA GZHON NU DE LHA YUL PA'I GNAS RNAMS SU 'GRO STE ZHES BYA BA NAS LHA'I BU MO'I TSOGS NGU ZHING SNYING RJE RJE LTAR SA'I STENG NA 'DRE LDOG PAS LUS LA RNGUL 'BYUNG ZHING DE DAG MIG MI 'DZUMS PA LAS 'DZUM PAR 'GYUR TE, NYA CHU NAS BTON NAS NYI MAS GDUNGS PA LTAR GYUR PA MTHONG NAS LHA'I BU MOS BSKOR NAS 'DI SKAD DU KYI HUD RE SDUG ,GZHON NU MCHOG DE GANG DU SONG BDAG CAG BOR RO, ,LHA'I BU YUL BOR RO, ,DA GAR 'GRO ZHES 'DZER TO, ,THAG RING PO NAS LAG PA G-YAS PA BRKYANG STE, ME TOG GTOR NAS 'DI SKAD CES KYE MA'O LEGS PA BYED PA'I MI'I 'JIG RTEN DU SONG STE DAD PA'I GSHOL GYIS BSOD NAMS KYI ZHING MED PAR GYUR CIG CES 'DZER TO, ,DE THOS PAS LUS BTANG BAS RIG NAS RIMS DRAG POS BTAB BO, ,DE'I LUS ZHIG PAS MAR GYI THIGS PA RDO TSAN LA THIM PA BZHIN NO, ,LHA'I DBANG PO BRGYA BYIN YANG DE LA BLTAS NAS TSANGS PA'I DBYANGS 'DI SKAD CES SMRA'O, ,CHOG GO LHA'I BU DAG BDAG CAG THAMS CAD KYIS 'GRO BA YANG 'DI 'DRES PAR SRED PAR MA BYED, @134A *, ,NGAN 'GROR MA GNAS SHIG ,LHA'I BU DAG DBYANGS GCIG TU SMRA BA, GROGS PO DGE BA BYED PA MI'I 'JIG RTEN DU SONG SHIG CES BYAS SO ZHES GSUNGS SO, ,SDOM PA GSUM BRTAN PA LAS SEMS CAN GANG DAG NYAN THOS KYI THEG PA DANG, RANG SANGS RGYAS KYI CHOS LA NAN TAN MA BYAS PA, BRTZON 'GRUS MA BRTZAMS PA DBANG PO YONGS SU MA SMIN TE, DBANG PO YONGS SU ZHEN PA BRTZON 'GRUS CHUNG BA DAG LA SHIN TU ZAB PA THEG PA CHEN PO'I CHOS BSTAN PA 'CHAD PA DANG NYAN PA GNYI KA KHA NA MA THO BA CHEN PO'I SDIG PA 'THOB PAR 'GYUR TE, DE NI SANGS RGYAS THAMS CAD LA 'KHU BA YIN NO, ,DE CI'I PHYIR ZHE NA, SEMS CAN GANG DAG NYAN THOS KYI THEG PA DANG RANG SANGS RGYAS KYI THEG PA'I CHOS LA NAN TAN MA BYAS PAR THEG PA CHEN PO'I CHOS MNYAN NA SEMS CAN DE NI GTI MUG PA YIN TE ZHES BYA BA NAS, NGA'I SLOB MA TSUL KHRIMS BSRUNG BA DANG TSUL KHRIMS MED PA DGE BA SPYOD YUL MI STER TE, DE'I RGYU DANG DE'I RKYEN GYIS NGAN SONG DU LHUNG NAS MUN PAR 'GRO STE THAR PA'I DUS MED DO, ,SEMS CAN DE'I SDIG PA RNAM PAR SMIN PA NYAN THOS DANG RANG SANGS RGYAS KYI THEG PA LA NAN TAN MA BYAS PAR SHIN TU ZAB PA THEG PA CHEN PO'I CHOS LA NYAN CING RTZOL BA BYED PA'I PHYIR RO, ,'DI LTAR GRU ZAG PA DANG BUG RDOL CAN DU ZHUGS NAS RGYA MTSO LA RGAL BA LTAR THAMS CAD MKHYEN PA'I RGYA MTSO RU 'JUG PAR MI NUS SO ZHES GSUNGS SO, ,NAM MKHA' LA 'GRO BA'I 'OD KYIS 'DUL BA'I BZOD PA'I MDO LAS, DGE SBYONG GI CHOS ZHES BGYI BA NI BSLAB PA GSUM STE, LHAG PA'I TSUL KHRIMS KYI BSLAB PA DANG, LHAG PA'I SEMS KYI BSLAB PA DANG, LHAG PA'I SHES RAB KYI BSLAB PA'O, ,DE LA LHAG PA'I TSUL KHRIMS KYI BSLAB PA GANG ZHE NA, DGE SLONG SO SOR THAR PA'I SDOM PA LA YANG LAM BSGOM PA LA RAG LAS PAS SDOM PA DANG, SPYOD PA'I SPYOD YUL PHUN SUM TSOGS PA KHA NA MA THO BA LA 'JIGS PAR LTA BA DANG, KUN LAS 'BYUNG BA LA BSLAB PA SLOB PA'I TSOGS 'DI DAG NI LHAG PA'I TSUL KHRIMS KYI BSLAB PA'O, ,LHAG PA'I SEMS KYI BSLAB PA NI TSANGS PA BZHI LA GNAS PA 'DI'I PHYIR, BYAMS PA'I SEMS @134B DANG LDAN PA 'JIG RTEN 'GENGS PA 'DI'I BAR DU RGYAS PAR BRJOD PA 'DI NI LHAG PA SEMS LA SLOB PA ZHES BYA'O, ,LHAG PA'I SHES RAB LA BSLAB PA GANG ZHE NA, 'PHAGS PA'I BDEN PA BZHI STE, 'DI LTA STE, 'PHAGS PA'I BDEN PA'I SDUG BSNGAL DANG, KUN NAS 'BYUNG BA'I SDUG BSNGAL DANG; 'GOG PA LA NAN TAN DU 'GRO BA 'PHAGS PA'I BDEN PA'I SDUG BSNGAL LO, ,'PHAGS PA'I BDEN PA'I SDUG BSNGAL GANG ZHE NA, 'DI LTA STE SKYE BA DANG RGA BA DANG NA BA DANG 'CHI BA DANG, MI MDZA' BA DANG PHRAD PA DANG, MDZA' BA DANG BRAL BA DANG, MDOR NA NYE BAR LEN PA'I PHUNG PO LNGA SDUG BSNGAL LO, ,KUN NAS 'BYUNG BA'I SDUG BSNGAL GANG ZHE NA, GANG LA SMON PA'I 'DOD CHAGS DANG LDAN PA DE DANG DER 'GYUR BA'O, ,'GOG PA'I SDUG BSNGAL GANG ZHE NA, SMON PA MNGON PAR GYUR TE MA LUS PAR SO SOR SPONG BA SHIN TU MI 'BYUNG BA ZAG PA MED PA 'DOD CHAGS DANG BRAL BA NYE BAR ZHI BA'O, ,SDUG BSNGAL 'GOG PA LA NAN TAN DU BYED PA'I 'PHAGS PA'I BDEN PA GANG ZHE NA, YANG DAG PA'I LTA BA DANG, YANG DAG PA'I RTOG PA DANG, YANG DAG PA'I NGAG DANG, YANG DAG PA'I LAS KYI MTHA' DANG, YANG DAG PA'I 'TSO BA DANG, YANG DAG PA'I RTZOL BA DANG, YANG DAG PA'I DRAN PA DANG, YANG DAG PA'I TING NGE 'DZIN NO ZHES GSUNGS SO, ,'PHAGS PA'I BDEN PA'I GTAM GYI LE'U STE GNYIS PA'O,, ,,PHYIR MI LDOG PA'I 'KHOR LO'I GTAM NI, BYAMS PA DANG SNYING RJE DANG BYANG CHUB KYI SEMS BSGOM PA STE, BU MO MYA NGAN MED KYIS BYIN PAS ZHUS PA LAS, JI LTAR G-YUL NGOR BONG BU ZHON NA NI, ,DGRA LAS RGYAL BAR NUS PAR MI 'GYUR GYI, ,GLANG CHEN RTA DANG SHING RTA ZHON NA NI, ,G-YUL NGOR LHAGS PA'I DGRA RNAMS CHOMS PAR NUS, ,NYAN THOS RNAMS NI BONG BU ZHON PA BZHIN, ,BYANG CHUB SEMS DPA' GLANG CHEN ZHON 'DRA STE, ,SEMS CAN KUN LA PHAN DANG BDE SLAD DU, ,DE DAG SHING DBANG DRUNG DU BDUD KYANG 'JOMS, ,YAB GCIG WA BRGYA DAG GIS SKAD PHYUNG YANG, ,RI DVAGS TSOGS RNAMS 'DROG PAR MI 'GYUR GYI, ,SENG GE'I SKAD KYIS GLANG CHEN RI DAGS DANG, ,BYAR BCAS RNAMS KYANG PHYOGS SU 'BYER BAR 'GYUR, ,YAB GCIG DE @135A *, ,LTAR NYAN THOS WA 'DRA STE, ,RGYAL PO BYANG CHUB SEMS DPA'I SPYAD SPYOD PAS, ,BDUD DANG DE BZHIN BDUD RIGS SKRAG PAR 'GYUR, ,ZHES 'BYUNG NGO, ,GTZUG NA RIN CHEN GYIS ZHUS PA LAS, RIGS KYI BU DPER NA DPAG TSAD BRGYA STONG BGROD DGOS PA'I GRONG YID DU MI 'ONG BA RANG BU GCIG PU YID DU 'ONG BA DANG 'GROGS TE PHYIN PA LAS, YID DU 'ONG BA'I GRONG KHYER DU 'ONGS TE RKANG PA YA GCIG NI GRONG KHYER GYI THEM PA LA BZHAG ,YA GCIG NI PHYI ROL NA 'DUG PA LAS DES BU GCIG PA DE YID LA DRAN PAR GYUR NA MA LA KYE MA'O, ,BU GCIG PA DING 'DIR KHRID DE MA 'ONGS PA LTA SNYAM NAS PHYIR PHYOGS TE BU GCIG PA GA LA 'DUG PA DER SLAR LOG PA BZHIN DU, BYANG CHUB SEMS DPA' SEMS DPA' CHEN PO YANG BSAM GTAN DANG MNGON PAR SHES PAS ZAG PA ZAD PA'I YE SHES MNGON SUM DU 'GYUR RO, ,DE SNYING RJE CHEN PO'I SEMS BSKYED NAS SEMS LA LTA BAS PHYOGS TE SLAR LOG NAS SO SO'I SKYE BO'I SA NA KUN TU LDANG NGO ZHES 'BYUNG NGO, ,CHOS YANG DAG PAR SDUD PA'I MDO LAS, BYANG CHUB SEMS DPA' NI STONG PA NYID KYI NGANG TSUL CAN DE 'KHOR BA LA MI GNAS SO, ,BYANG CHUB SEMS DPA' NI SNYING RJE'I NGANG TSUL CAN TE MYA NGAN LAS 'DAS PA LA MI GNAS SO ZHES 'BYUNG NGO, , MYA NGAN LAS 'DAS PA'I MDO LAS, RIGS KYI BU BYAMS PA CHEN PO DANG SNYING RJE CHEN PO NI SANGS RGYAS KYI RANG BZHIN ZHES BYA'O, ,DE CI'I PHYIR ZHE NA, BYAMS PA CHEN PO DANG SNYING RJE CHEN PO NI RTAG TU BYANG CHUB SEMS DPA' LA GRIB MA BZHIN DU 'KHOR TE ZHES 'BYUNG NGO, ,YANG DE NYID LAS, BCOM LDAN 'DAS BYAMS PA LA DMIGS PA LA GSUM STE, SEMS CAN LA DMIGS PA DANG, CHOS LA DMIGS PA DANG, MI DMIGS PA'O, ,DE LA SEMS CAN LA DMIGS PA NI PHUNG PO LNGA LA DMIGS NAS BDE BA 'DOD PA STE SEMS CAN LA DMIGS PA ZHES BGYI'O, ,CHOS LA DMIGS PA NI SEMS CAN LA DMIGS NAS CI DGOS PA SBYIN PA STE, SEMS CAN LA DMIGS PA ZHES BGYI'O, ,MI DMIGS PA NI DE BZHIN GSHEGS PA LA DMIGS PA STE MI DMIGS PA ZHES BGYI'O, ,GANG ZHIG SEMS CAN GCIG TZAM LA, ,ZHE SDANG SEMS NI MI BSKYED CING, ,DE LA BDE BA 'DOD PA NI, ,SHIN TU @135B BYAMS PA ZHES BYA'O, ,JI STA MNGON SHES LNGA LDAN PA'I, ,DRANG SRONG SA CHEN GANG BAR 'GYUR, ,DBANG DANG LDAN PA'I RGYAL PO ZHIG ,BDE BA THAMS CAD BYIN PA NI, ,RTA DANG BA GLANG NOR SNA TSOGS, ,DE YI BSOD NAMS THOB PA NI, ,BYAMS PA BSGOMS PA'I BSOD NAMS KYI, ,BCU DRUG CHAR YANG MI PHOD DO, ,RIGS KYI BU BYAMS PA BSGOMS PA NI BRDZUN PA MA YIN TE YANG DAG PAR BDEN PA'O ZHES 'BYUNG NGO, ,BSOD NAMS THAMS CAD SDUD PA'I TING NGE 'DZIN LAS KYANG, SRED MED KYI BU DPER NA GZUGS KYI RNAM PAR NAM MKHA'I KHAMS KYIS MA KHYAB PA CI YANG MED PA DE BZHIN DU BYANG CHUB SEMS DPA'I BYAMS PA DES NI PHYOGS BCU'I 'JIG RTEN GYI KHAMS JI SNYED YOD PA DANG, SANGS RGYAS KYI ZHING JI SNYED YOD PA DE MA KHYAB PA MED DO, ,'JIG RTEN GYI KHAMS DE'I SEMS CAN DE DAG 'KHOR LOS SGYUR BA'I RGYAL PO'I BSOD NAMS DANG LDAN PAR GYUR TAM, BRGYA BYIN DANG TSANGS PA'I BSOD NAMS KYI PHUNG PO DANG LDAN PAR GYUR KYANG, BYANG CHUB SEMS DPA' LHAG PA'I BSAM PA LA ZHUGS PA G-YO SGYU MED PAR SEMS CAN YONGS SU DGROL BA LA BRTZON PA SNYING RJE CHEN PO LA ZHUGS PA BYAMS PA CHEN PO LA GNAS PA'I GOM PA BDUN PA LA BSOD NAMS KYI PHUNG PO 'DUS PA GANG YIN PA DE NI DE BAS CHES MANG STE 'KHOR LOS SGYUR BA DANG TSANGS PA'I BSOD NAMS NI DE LTA MA YIN NO ZHES GSUNGS SO, ,DKON MCHOG SPRIN LAS KYANG, CHOS BCU DANG LDAN NA BYANG CHUB SEMS DPA' BYAMS PA'I BDAG NYID CAN YIN TE, NYI TSE BA MED PA'I BYAMS PA DANG LDAN PA YIN, SNYOMS PA'I BYAMS PA DANG LDAN PA YIN, PHYOGS BCU KUN TU KHYAB PA'I BYAMS PA DANG LDAN PA YIN, 'JIG RTEN LAS 'DAS PA'I BYAMS PA DANG LDAN PA'I BAR DU'O, ,CHOS BCU DANG LDAN NA SNYING RJE'I BDAG NYID CAN YIN NO, ,'DI LTA STE SDUG BSNGAL BA DANG, SKYABS MED PA DANG, MGON MED PA DANG, RTEN MED PA DANG, DPUNG GNYEN MED PA DAG MTHONG NA BYANG CHUB TU SEMS BSKYED DO, ,SEMS BSKYED NAS CHOS NYID THOB PAR BYA BA'I PHYIR 'BAD RTZOL BRTZON 'GRUS RTZOM STE DKA' BA SPYOD PA BRGYA DAG KYANG BYED DO ZHE'O, ,CHOS BCU DANG LDAN NA DGA' BA LA GNAS PA YIN TE, 'DI LTA STE BDAG @136A *, ,'KHOR BA'I BTZON RA RAB TU 'BAR BA NAS BYUNG NGO ZHES DGA' BA SKYED DO ZHES BYA BA NAS, BDAG 'KHOR BA'I 'BROG DGON PAR YUN RING POR 'KHYAM STE, LAM DANG YUL MI SHES PA LAS LAM STON PA RNYED DO ZHES DGA' BA BSKYED DO, ,BDAG NI THAMS CAD MKHYEN PA DANG NYE BAR GYUR TO ZHES DGA' BA BSKYED DO ZHES BYA BA'I BAR DU'O, ,YANG CHOS BCU DANG LDAN NA BTANG SNYOMS LA GNAS PA YIN TE, 'DI LTA STE, MIG GI RNAM PAR SHES PA GZUGS RNAMS LA BTANG SNYOMS SU GNAS PA YIN, GZUGS KYIS SMRAS PAR MI 'GYUR, GNOD PAR MI 'GYUR, RMA PHYUNG BAR MI 'GYUR BA NAS CHOS KYI BAR DU'O, ,'DU BYED KYI SDUG BSNGAL DANG, SDUG BSNGAL GYI SDUG BSNGAL DANG, 'GYUR BA'I SDUG BSNGAL LA BTANG SNYOMS SU GNAS PA YIN ZHES BYA BA LA SOGS PA'O, ,MYA NGAN LAS 'DAS PA LAS, GANG ZHIG SEMS CAN THAMS CAD LA, ,SNYING RJE YI NI SEMS BSKYED PA, ,DE NI 'PHAGS PA'I RIGS ZHES BYA, ,BSOD NAMS TSAD MED THOB PAR 'GYUR, ,ZHES GSUNGS SO, ,BYANG CHUB KYI SEMS NI SDONG PO BKOD PA'I MDO LAS, RIGS KYI BU DAG 'JIG RTEN GYI SEMS CAN GANG DAG BLA NA MED PA YANG DAG PAR RDZOGS PA'I BYANG CHUB TU SMON LAM 'DEBS PA'I SEMS CAN NI DKON NO,, DE BAS KYANG BLA NA MED PA YANG DAG PAR RDZOGS PA'I BYANG CHUB TU ZHUGS TE BRTZON 'GRUS BRTZAMS PA'I TSUL 'DI LTA BUS SANGS RGYAS KYI CHOS YONGS SU SDUD PA DANG, MOS PA DRAG PO DE LTA BUS BYANG CHUB SEMS DPA'I LAM YONGS SU TSOL BA DANG, DON DU GNYER BA 'DI LTA BUS BYANG CHUB SEMS DPA'I SPYOD PA YONGS SU DAG PAR BYED PA DANG, DGE BA'I BSHES GNYEN GYI GDAMS NGAG LA NAN TAN DU BYED PA DANG, KHE DANG BKUR STI DANG SNYAN PA DON DU MI GNYER BA 'DI LTA BUS BYANG CHUB SEMS DPA'I BSAM PA DANG 'GAL BAR MI BYED PA DANG, KHYIM DANG, LONGS SPYOD DANG, 'DOD PA'I DGA' BA THAMS CAD LA LTOS PA MED PAR BYANG CHUB SEMS DPA'I GROGS TSOL BA DANG, LUS DANG SROG LA MI LTA BAR THAMS CAD MKHYEN PA LA MOS PA BYED PA'I SEMS CAN NI CHES DKON NO ZHES GSUNGS SO, ,MYA NGAN LAS 'DAS PA'I MDO LAS KYANG, SANGS RGYAS KYI RANG BZHIN NI DAD PA'I SEMS CHEN @136B PO ZHES BYA'O, ,DE CI'I PHYIR ZHE NA, DAD PA'I SEMS KYIS BYANG CHUB SEMS DPA' CHEN PO RNAMS SBYIN PA'I PHA ROL TU PHYIN PA NAS, SHES RAB KYI PHA ROL TU PHYIN PA'I BAR DU YONGS SU RDZOGS PAR 'GYUR RO ZHES GSUNGS SO, ,GSANG CHEN THABS LA MKHAS PA LAS, SROG CHAGS KUN LA SMAN SLAD DU, ,BDAG NI BYANG CHUB 'DUN PA SKYED, ,CES SO, ,SENG GES ZHUS PA LAS KYANG, CHOS RNAMS THAMS CAD BSDU BA NI, ,CHOS GANG GIS NI THOB PAR 'GYUR, ,GANG DANG GANG DU SKYES PA DER, ,BYANG CHUB SEMS DPA' DGA' BA THOB, ,BCOM LDAN 'DAS KYIS BKA' STZAL PA, ,SEMS CAN THAMS CAD THAR BYA'I PHYIR, ,BYANG CHUB DON DU SEMS BTUD PA, ,DES NI CHOS RNAMS BSDU BA THOB, ,DES NI DGA' BA'ANG THOB PAR 'GYUR, ,ZHES 'BYUNG NGO, ,BYAMS PAS ZHUS PA LAS, BYAMS PA BYANG CHUB SEMS DPA' CHOS GCIG DANG LDAN NA NGAN SONG THAMS CAD SPONG ZHING SDIG PA'I GROGS PO'I LAG TU MI 'GRO BAR MYUR DU MNGON PAR RDZOGS PAR 'TSANG RGYA STE, GANG ZHE NA, 'DI LTA STE, LHAG PA'I BSAM PA PHUN SUM TSOGS PA'I BYANG CHUB KYI SEMS SO ZHES GSUNGS SO, ,BSOD NAMS THAMS CAD SDUD PA'I TING NGE 'DZIN GYI MDO LAS; BSOD NAMS THAMS CAD SDUD PA'I TING NGE 'DZIN THOB PAR BGYID PA'I CHOS GANG LAGS, CHOS GCIG STE THAMS CAD MKHYEN PA NYID KYI SEMS MI GTONG BA'O ZHES 'BYUNG NGO, ,DE NYID LAS BCOM LDAN 'DAS BYANG CHUB SEMS DPA' RNAMS BSOD NAMS THAMS CAD SDUD PA'I TING NGE 'DZIN THOB PAR 'GYUR BA'I SLAD DU BSOD NAMS THAMS CAD BSDUS PA'I TING NGE 'DZIN BSHAD DU GSOL, DE NAS BCOM LDAN 'DAS KYIS BKA' STZAL PA, SRED MED KYI BU BYANG CHUB SEMS DPA' CHEN PO GANG GIS BLA NA MED PA YANG DAG PAR RDZOGS PA'I BYANG CHUB TU SEMS BSKYED PA DES BSOD NAMS THAMS CAD YONGS SU MA BSDUS PA'I TING NGE 'DZIN DE GANG YANG MED DO, ,DE CI'I PHYIR ZHE NA, BSOD NAMS BYA BA'I DNGOS PO THAMS CAD BYANG CHUB TU SEMS BSKYED PA DE'I KHONGS SU 'DUS SHING RJES SU ZHUGS PA'I PHYIR RO, ,SRED MED KYI BU BSOD NAMS BYA BA'I DNGOS PO CI YANG RUNG, SBYIN PA LAS BYUNG BA NAS @137A *, ,'JIG RTEN DANG 'JIG RTEN LAS 'DAS PA'I BAR GYI BSOD NAMS THAMS CAD BYANG CHUB SEMS KYI KHONGS SU 'DUS SHING RJES SU ZHUGS PA DAG GO, ,DE'I PHYIR BSOD NAMS THAMS CAD YONGS SU GZUNG BAR 'DOD PAS BLA NA MED PA YANG DAG PAR RDZOGS PA'I BYANG CHUB TU SEMS BSKYED PAR BYA'O ZHES 'BYUNG NGO, ,'PHAGS PA SDONG PO BKOD PA'I MDO LAS KYANG, RIGS KYI BU BYANG CHUB KYI SEMS NI SANGS RGYAS KYI CHOS THAMS CAD KYI SA BON LTA BU'O ZHES BYA BA LA SOGS PA RGYAS PAR GSUNGS SO, ,YANG DE NYID LAS, BSKAL PA SEMS CAN SNYED DU GAL TE LEGS BRJOD KYANG, ,BYANG CHUB SEMS RAB DE LA MTHAR THUG GANG YANG MED, ,RGYAL BA 'BYUNG BA'I RIGS CHEN GANG SKYES PA, ,DE YI DPE NI KHAMS GSUM GLONGS KYANG GANG YANG MED, ,DUS GSUM RGYAL BA KUN GYIS GANG ZHIG RNAM BSAGS PA'I, ,BYANG CHUB SEMS RAB DE LA SMON LAM KUN GYIS GYIS, ,BYANG CHUB SEMS RAB DE NI BSOD NAMS GTER, ,DES NI RGYAL BA CHAGS PA MED PA RAB TU THOB, ,CES GSUNGS SO, ,YANG DE NYID LAS DPER NA RGYAL PO'I BU THAMS CAD KYIS MI DOGS PAR BYA BA ZHIG NA RGYAL PO'I MTSAN DANG LDAN NA RIGS KYI BTZUN PAS BLON POR BYA BA THAMS CAD DANG MI MNYAM MO, ,DE BZHIN DU BYANG CHUB SEMS DPA' LAS DANG PO PAS LAS DANG NYON MONGS PA THAMS CAD KYIS NON PA YANG THAMS CAD MKHYEN PA NYID DU SEMS BSKYED PA'I MTSAN DANG LDAN NA SANGS RGYAS KYI RIGS KYIS BTZUN ZHING CHE BAS NYAN THOS DANG RANG SANGS RGYAS MCHOG TU PHYIN PA DANG YANG MI MNYAM MO ZHES GSUNGS SO, , SKYABS 'GRO KHYAD PAR CAN GOMS PAR BYAS PAS BYANG CHUB KYI SEMS SKYE BAS NA, RGYAL BA'I YUM LAS KYANG, GAL TE SANGS RGYAS CHOS DANG 'PHAGS PA'I DGE 'DUN SKYABS SONG STE, ,SANGS RGYAS 'GRUB BYA SNYAM DU KUN MKHYEN YID BYED NA, ,MKHAS PA TSUL KHRIMS PHA ROL PHYIN GNAS RIG PAR BYA, ,ZHES 'BYUNG NGO, ,'PHAGS PA LAG NA RDO RJE RI RAB CHEN PO'I RTZE MO'I KHANG PA BRTZEGS PA'I GZUNGS LAS KYANG, BDAG NAM BYANG CHUB KYI SNYING PO LA 'DUG GI BAR DU SANGS RGYAS LA SKYABS SU 'GRO'O, ,CHOS LA SKYABS SU 'GRO'O, ,DGE 'DUN LA SKYABS SU 'GRO'O, ,SEMS CAN @137B THAMS CAD KYI DON GYI PHYIR PHA LTA BU DANG, MA LTA BU DANG, SPUN LTA BU DANG, GNYEN LTA BU DANG, SNAG GI GNYEN MTSAMS LTA BUR 'GYUR BAR BYANG CHUB TU SEMS BSKYED DO, ,BDAG DENG PHYIN CAD SEMS CAN THAMS CAD KYI PHA DANG, MA DANG, SPUN DANG, GNYAN DANG, SNAG GI GNYEN MTSAMS SU 'GYUR BAR BYA'O ZHES 'BYUNG NGO, ,SKYABS SU 'GRO BA'I BSLAB BYA NI, DES BAS ZHUS PA LAS, KHYOD KYIS BSKAL PA BRGYAR NI SNGON CHAD DKA' THUB SPYAD, ,KHYOD NI BSDU BA DAG DANG DUL DANG SBYIN LA DGYES, ,KHYOD NI SKU GSUNG THUGS RNAMS YONGS SU DAG PA STE, ,SRID GSUM 'JIG RTEN BLA MA LA NI BDAG PHYAG 'TSAL, ,LHA MO DPAL GYI PHRENG BA SENG GE'I SGRA LAS, BSAM BYAS RTZAL LDAN KHYOD KYIS NI, ,SKU GSUNG THUGS KYI SKYON RNAMS BSAL, ,NYAMS MA MCHIS PA'I SA BRNYES PA, ,CHOS RGYAL KHYOD LA PHYAG 'TSAL LO, ,SHES BYA THAMS CAD KHYOD KYIS MKHYEN, ,YE SHES SKU YI DBANG PHYUG STE, ,SANGS RGYAS CHOS RNAMS THAMS CAD KYI, ,MTHAR PHYIN KHYOD LA PHYAG 'TSAL LO, ,YANG DES PAS ZHUS PA LAS, KHYOD NI 'DOD CHAGS ZHE SDANG GTI MUG SEL, ,KHYOD KYI THUGS NI ZHI ZHING SNYOMS LA THUGS RJER LDAN, ,KHYOD NI YANG DAG GSUNG ZHING DAM PA'I DON YANG MKHYEN, ,SRID PA GSUM PO THAR BAR MDZAD LA BDAG PHYAG 'TSAL, ,ZHES 'BYUNG NGO, ,MYA NGAN LAS 'DAS PA LAS KYANG, RGYAL PO CHEN PO GAL TE ZLA BA GCIG TU SEMS CAN THAMS CAD LA ZAS DANG GOS SBYIN PA BYIN PA BAS GANG ZAG GCIG GIS SKAD CIG TZAM SANGS RGYAS RJES SU DRAN NA BSOD NAMS 'DIS BCU DRUG CHA TZAM DU YANG MI PHOD DO ZHES 'BYUNG NGO, ,YANG DE LAS, SANGS RGYAS CHOS DANG DGE 'DUN LA, ,SPOS SAM MAR ME GCIG TZAM MAM, ,ME TOG GCIG TZAM MCHOD BYAS NA, ,MI G-YO ZHING DER SKYE BAR 'GYUR, ,RTAG TU DGA' BA'I SEMS BSKYED DE, ,SANGS RGYAS GZUGS SAM RTEN YANG RUNG, ,MTHE BO TZAM CIG GANG BYAS PA, ,MI G-YO ZHING DER SKYE BAR 'GYUR, ,ZHES GSUNGS SO, ,YANG DE NYID LAS, GANG DAG SANGS RGYAS SKYABS GSOL PA, ,DE NI YANG DAG DGE BSNYEN TE, ,NAM DU'ANG LHA RNAMS GZHAN DAG LA, ,SKYABS GSOL @138A *, ,BAR NI MI 'GYUR RO, ,DAM PA'I CHOS LA SKYABS GSOL NA, ,'TSE ZHING GNOD PA'I SEMS DANG BRAL, ,DGE 'DUN LA NI SKYABS GSOL NA, ,MU STEGS CAN LA PHYOGS MI 'GYUR, ,DKON MCHOG GSUM LA SKYABS GSOL NA, ,'JIGS PA MED PA THOB PAR 'GYUR, ,SANGS RGYAS MANG POS BSNGAGS PAR 'GYUR, ,BDAG KYANG BDE GSHEGS BSNGAGS PA YIS, ,BLA MED LAM LA GZHOL ZHING 'BAB, ,BDUD RTZI MCHOG GI DAM PA STE, ,SRID PA'I NANG NA MED PA'O, ,ZHES GSUNGS SO, ,BYANG CHUB KYI SEMS KYI BSLAB BYA NI, RGYAL PO LA GDAMS PA'I MDO LAS, RGYAL PO CHEN PO KHYOD KYI BYA BA MANG BYED PA MANG STE THAMS CAD KYI THAMS CAD RNAM PA THAMS CAD KYI THAMS CAD DU SBYIN PA'I PHA ROL TU PHYIN PA NAS SHES RAB KYI PHA ROL TU PHYIN PA'I BAR LA BSLAB PAR MI NUS KYI, KHYOD YANG DAG PAR RDZOGS PA'I BYANG CHUB LA 'DUN PA DANG DAD PA DANG DON DU GNYER BA DANG, SMON PAS 'GRO YANG RUNG, 'GRENG YANG RUNG, 'DUG KYANG RUNG, NYAL YANG RUNG, SAD KYANG RUNG, ZA YANG RUNG, 'THUNG YANG RUNG, RTAG PAR RGYUN TU DRAN PAR YID LA ZUNG STE SGOMS SHIG CES BYA BA NAS RGYAL PO CHEN PO KHYOD DE LTAR ZHUGS NA RGYAL PO'I BYA BA YANG NYAMS PAR MI 'GYUR ZHING BYANG CHUB KYI SEMS KYANG YONGS SU RDZOGS PAR 'GYUR RO ZHES GSUNGS SO, ,ZLA BA SGRON MA'I MDO LAS, KHYED LA BSGO ZHING KHONG DU CHUD PAR BYA, ,JI LTA JI LTAR MANG DU MIS BRTAGS NA, ,DE LA GNAS PA'I RNAM PAR RTOG PA DES, ,DE LTA DE LTAR DE LA SEMS GZHOL 'GYUR, ,ZHES GSUNGS SO, ,DKON MCHOG SPRIN LAS BYANG CHUB SEMS DPA' CHOS BCU DANG LDAN NA BSOD NAMS BYA BA LA BRTZON PA YIN NO, ,'DI LTA STE, DKON MCHOG GSUM LA CI NUS SU BYA BA BYED PA DANG, NAD PA LA RTZI SBYIN PA DANG, MKHAN PO DANG SLOB DPON LA GUS PAS RIM GRO BYED PA DANG, TSANGS PA MTSUNGS PAR SPYOD PA RNAMS LA GUS PAR PHYAG 'TSAL BA LA SOGS PA DANG, KUN DGA' RA BA DANG, GTZUG LAG KHANG BYED PA DANG, DUS DUS SU NOR DANG 'BRU LA SOGS PA GTONG BA DANG, BRAN PHO DANG BRAN MO LA SOGS PA LA BGO @138B BSHA' BYED PA DANG, DUS DUS SU TSUL KHRIMS DANG LDAN PA'I DGE SBYONG LA BSNYEN BKUR BYED PA'O ZHES GSUNGS SO, ,GSANG BA BSAM GYIS MI KHYAB PA LAS 'DI LTA STE, BYANG CHUB SEMS DPA'I SBYIN PA'I TSOGS NI SEMS CAN YONGS SU SMIN PAR BYED DO, ,TSUL KHRIMS KYI TSOGS NI SMON LAM YONGS SU RDZOGS PAR BYED DO, ,BZOD PA DANG BRTZON 'GRUS DANG BSAM GTAN DANG SHES RAB KYIS NI MTSAN DANG DPE BYAD BZANG PO DANG, SANGS RGYAS KYI CHOS DANG, CANG SHES KYI SEMS DANG, NYON MONGS PA RNAMS SPONG ZHES BYA BA NAS, BSNGO BA LA MKHAS PA'I TSOGS KYIS NI SANGS RGYAS KYI ZHING YONGS SU DAG PAR 'GYUR RO ZHES BYA BA NAS BCOM LDAN 'DAS TSOGS DE DAG THAMS CAD BSOD NAMS DANG YE SHES KYI TSOGS SU 'DUS SHING RJES SU ZHUGS PAR 'TSAL BAR BGYI'O ZHES GSUNGS SO, ,'PHAGS PA NYE BA 'KHOR GYIS ZHUS PA LAS, NYE BA 'KHOR 'DI LA THEG PA CHEN PO LA YANG DAG PAR ZHUGS PA'I BYANG CHUB SEMS DPA' GAL TE SNGA DRO'I DUS SU LTUNG BA BYUNG BA YANG PHYED KYI DUS NA THAMS CAD MKHYEN PA'I SEMS DANG MI 'BRAL BAR GNAS TE, DE LTA NA THEG PA CHEN PO LA YANG DAG PAR ZHUGS PA'I BYANG CHUB SEMS DPA'I TSUL KHRIMS KYI PHUNG PO MTHA' MED DO, ,GAL TE PHYED KYI DUS NA YANG LTUNG BA BYUNG NA YANG PHYI 'PHRED KYI DUS NA THAMS CAD MKHYEN PA'I SEMS DANG MI 'BRAL BAR GNAS TE, DE LTA NA THEG PA CHEN PO LA YANG DAG PAR ZHUGS PA'I BYANG CHUB SEMS DPA'I TSUL KHRIMS KYI PHUNG PO LA MTHA' MED DO, ,GAL TE PHYI 'PHRED KYI DUS NA LTUNG BA BYUNG NA YANG SROD LA THAMS CAD MKHYEN PA'I SEMS DANG MI 'BRAL BAR GNAS TE, DE LTAR NA TSUL KHRIMS KYI PHUNG PO LA MTHA' MED DO, ,GAL TE SROD LA LTUNG BA BYUNG NA YANG NAM PHYED NA THAMS CAD MKHYEN PA'I SEMS DANG MI 'BRAL BAR GNAS TE, DE LTAR NA TSUL KHRIMS KYI PHUNG PO LA MTHA' MED DO, ,NAM PHYED NA LTUNG BA BYUNG NA YANG THO RANGS THAMS CAD MKHYEN PA'I SEMS DANG MI 'BRAL BAR GNAS TE, DE LTAR NA THEG PA CHEN PO LA YANG DAG PAR ZHUGS PA'I BYANG CHUB SEMS DPA'I TSUL KHRIMS KYI PHUNG PO LA MTHA' MED DO, ,NYE BA 'KHOR DE LTAR NA THEG PA CHEN PO LA YANG @139A *, ,DAG PAR ZHUGS PA'I BYANG CHUB SEMS DPA'I BSLAB PA NI BCOS SU RUNG BA'O ZHES 'BYUNG NGO, ,'OD SRUNGS KYIS ZHUS PA LAS, ,'OD SRUNGS CHOS BZHI PO 'DI DANG LDAN NA BYANG CHUB KYI SEMS BRJED PAR 'GYUR RO, ,SBYIN GNAS BLA MAS BSGO BZHIN MI BYED DANG,, GZHAN DAG LA NI THE TSOM NYER BSGRUB DANG, ,SEMS CAN GANG DAG BYANG CHUB RAB ZHUGS PA, ,DE LA BSNGAGS MIN MI SNYAN SMRA BA DANG, ,SGYU DANG G-YO DANG RGYAN LA DOR BYED PAS, ,GZHAN GYI DON LA BSAM PA MA YIN PA'O, ,'OD SRUNGS CHOS BZHI DANG LDAN NA SKYE BA THAMS CAD DU BYANG CHUB KYI SEMS MNGON DU 'GYUR RO, ,BZHI GANG ZHE NA, SROG GI PHYIR YANG BRDZUN TSIG MI SMRA ZHING, ,RTAG TU DON DANG LDAN PA'I TSIG RNAMS SMRA, ,SGYU DANG G-YO NI RTAG TU RNAM SPANGS TE, ,LHAG PA'I BSAM PAS RTAG TU SEMS CAN BLTA, ,SEMS CAN DAM PA BYANG CHUB GANG BZHUGS PA, , BYANG CHUB SEMS DPA' DE LA STON PAR SEMS, ,STON PA'I 'DU SHES NYE BAR BZHAG NAS KYANG, ,DE DAG BSNGAGS PA PHYOGS BZHIR BRJOD PAR BYA, ,SEMS CAN GANG DAG YONGS SU SMIN BYED PA, ,BLA MED YE SHES YANG DAG 'DZIN DU 'JUG ,BYANG CHUB SEMS NI NAM YANG BRJED MI 'GYUR, ,ZHES 'BYUNG NGO, ,BSOD NAMS THAMS CAD SDUD PA'I TING NGE 'DZIN LAS, CHOS BZHI DANG LDAN NA BYANG CHUB KYI SEMS BRJED PAR 'GYUR TE, CHOS LA MA GUS PA DANG, NGA RGYAL DANG, DGE BA'I BSHES GNYEN KHYAD DU GSOD PA DANG, LOG PA'I TSIG SMRA BA'O, ,YANG BZHI STE; NYAN THOS DANG 'GROGS PA DANG, THEG PA DMAN PA LA MOS PA DANG, BYANG CHUB SEMS DPA' LA SDANG ZHING SKUR BA 'DEBS PA DANG, CHOS LA DPE MKHYUD BYED PA'O, ,YANG BZHI STE, SGYU BYED PA DANG, G-YO BYED PA DANG, DGE BA'I BSHES GNYEN LA LCE GNYIS BYED PA STE, RNYED PA DANG BKUR STI LA ZHEN PA'O ZHES GSUNGS SO, ,PHYIR MI LDOG PA 'KHOR LO'I GTAM GYI LE'U STE GSUM PA'O,, ,,'KHOR GSUM YONGS SU DAG PA'I GTAM NI PHA ROL TU PHYIN PA DRUG SGRUB PA STE, CHOS YANG DAG PAR SDUD PA'I MDO LAS, BCOM LDAN 'DAS GZHAN YANG BSLAB @139B PA 'TSAL BA DE NI YANG CHOS LAGS SO, ,BSLAB PA DE DAG KYANG GANG ZHE NA, BSLAB PA GSUM DU BSLAB PA THAMS CAD 'DUS PAR 'GYUR RO, ,GSUM GANG ZHE NA, LHAG PA TSUL KHRIMS KYI BSLAB PA DANG, LHAG PA SEMS KYI BSLAB PA DANG, LHAG PA SHES RAB KYI BSLAB PA'O ZHES GSUNGS SO, ,SBYIN PA'I NI BSOD NAMS THAMS CAD SDUD PA'I TING NGE 'DZIN LAS, RIGS KYI BU BYANG CHUB SEMS DPA' 'DI SNYAM DU SEMS SKYED PAR BYED DE, BDAG GI LUS 'DI YANG SEMS CAN THAMS CAD LA BTANG STE YONGS SU BTANG NA PHYI ROL GYI DNGOS PO RNAMS LTA CI SMOS SNYAM DU SEMS BSKYED PAR BYA'O, ,YOD DE YOD NA DE DANG DE LA MI DGA' BA MED PA DANG, 'GYOD PA MED PAR SBYIN PAR BYA STE ZHES NOR DANG 'BRU DANG DNGUL DANG RIN PO CHE DANG RGYAN DANG STAN DANG BZHON PA DANG 'KHOR GYI BAR DU LTA CI SMOS TE, 'GYOD PA MED PA DANG RNAM PAR SMIN PA LA MI RE BAR SBYIN PAR BYA STE, GZHAN DU NA SEMS CAN LA PHAN GDAGS PA DANG, SNYING RJE DANG, SEMS CAN NYID BSDU BAR BYA BA'I PHYIR BYA BAR ZAD DO, ,BDAG GIS BYANG CHUB THOB PA NA NI 'DI DAG CHOS KUN DU RTOGS PAR GYUR CIG SNYAM DU SEMS BSKYED DO, ,LUS BRTAS PAR BYA BA'I PHYIR YANG BA'I 'TSO BAS 'TSO BAR MI BYED DO, ,DE SROG GI PHYIR YANG GZHAN LA KHONG KHRO MI BYED DO ZHES 'BYUNG NGO, ,SA'I SNYING PO 'KHOR LO BCU PA LAS, SEMS CAN KUN LA PHAN BDE'I PHYIR GYI, ,RNAM SMIN 'BRAS BU RE PHYIR MA YIN, ,SBYIN PA DNGOS PO BYIN PA CHUNG YANG, ,YANG DAG BSOD NAMS ZHING DU DE 'GYUR, ,SBYIN PA DNGOS PO MANG DU BYAS KYANG, ,'DOD PA RNAM LNGA DAG LA GNAS NA, ,'PHAGS PA DAG GIS PHYAG RGYAS MA BTAB, ,MA NGES PA YI TSOGS LA GNAS GYUR, ,ZHES GSUNGS SO, ,DRANG SRONG RGYAS BAS ZHUS PA LAS, NOR GANG GI YIN PA DE NI SBYIN BDAG YIN NO, ,BYED DU BCUG PAS SBYIN PA NI GTONG BA PO YIN GYI, SBYIN BDAG MA YIN NO, ,DUG DANG MTSON CHA DANG SROG CHAGS BSAD DE SHA SBYIN PA DANG BAG MED PA LA CHANG SBYIN PA NI MA DAG PA'O, ,RNAM PAR SMIN PA LA THE TSOM ZA BA DANG, SBYIN NAS 'GYOD PAS GDUNGS PA YANG MA DAG PA'O, ,BSOD NAMS KYI RNAM PAR SMIN PA BDAG NYID KYIS SPYAD @140A *, ,KYI GZHAN LA MA GYUR CIG SNYAM NA MA DAG PA'O, ,NA BA DANG 'CHI BA'I DUS SU SANGS RGYAS LA DGA' BA DANG, DAD PA MED PAR RTZA LAG GIS BYED DU BCUG NAS BYIN NA MA DAG PA'O, ,DBUL PHONGS BA BOR NAS PHYUG PO LA STER NA MA DAG PA'O, ,DRANG SRONG CHEN PO DE DAG GI RNAM PAR SMIN PA NI TSVA SGO CAN GYI ZHING LA SA BON BTAB PA LTAR RNAM PAR SMIN PA MED PA MA YIN MOD 'BRAS BUR MI 'GYUR RO, ,DRANG SRONG CHEN PO MA RMOS MA BSAL BAS ZHING LA SA BON BTAB NAS CHAR BAB NA SKYE SRID KYI ME TOG DANG 'BRAS BUR MI 'GYUR BA DANG 'DRA'O ZHES GSUNGS SO, ,DE NYID LAS SBYIN PA BLA NA MED PA LNGA STE, DE BZHIN GSHEGS PA DANG, DGE 'DUN DANG, CHOS SMRA BA DANG, NAD PA DANG, PHA DANG MA'O ZHES GSUNGS SO, ,SA'I SNYING PO 'KHOR LO BCU PA LAS, MKHAS PA CHOS KYI SBYIN PA SPYOD PA DAG ,SNOD BZHIN THEG PA GSUM GYI CHOS BSTAN TE, ,THEG PA GZHAN DAG DE LA STON MI BYED, ,THOS NAS DE LA 'PHYA ZHING SKUR MI 'GYUR, ,CHOS SMRA DAG LA MCHOD PA BYED PA NI, ,SANGS RGYAS 'DRA BAR DE LA 'DU SHES BSKYED, ,KUN NAS NYON MONGS PA YI NAD BSAL PHYIR, ,DAM PA'I CHOS KYI SMAN DAG NYAN PAR 'GYUR, ,KHE DANG GRAGS PA SHIN TU RING SPANGS TE, ,DAM PA'I CHOS DAG BSTAN CING BSHAD PAR BYA, ,ZHES GSUNGS SO, ,BZANG PO LUNG BSTAN PA LAS CHOS BZHI DANG LDAN NA GZHAN LA CHOS STON PA'I TSIG GZUNG BAR 'OS PAR 'GYUR TE, 'DOD PA CHUNG BA DANG, CHOG SHES PA DANG, NGANG TSUL BZANG ZHING MNYEN PA DANG, BDAG NYID CHOS SGRUB PA'O ZHES 'BYUNG NGO, ,YANG DE NYID LAS BZHI PO 'DI DAG NI BYANG CHUB SEMS DPA'I SDIG PA'I GROGS PO STE, GANG LA BRTEN NAS MI DGE BA'I CHOS 'PHEL BA DANG, THEG PA DMAN PA LA STON PA DANG, BYANG CHUB KYI SEMS LA 'DUN PA BZLOG PA DANG, DGE BA NYAMS PAR 'GYUR BA'O ZHES 'BYUNG NGO, ,TSUL KHRIMS NI CHOS YANG DAG PAR SDUD PA'I MDO LAS, BCOM LDAN 'DAS DE'I LHAG PA'I TSUL KHRIMS KYI BSLAB PA GANG ZHE NA, BYANG CHUB SEMS DPA' NI GANG SO SOR THAR PA'I SDOM PAS BSDAMS PA YANG LAGS LA SO SOR THAR PA TZAM GYIS DAG PAR YANG MI SEMS TE BYANG @140B CHUB SEMS DPA'I SDOM PA LA STON PA LAGS SO ZHES 'BYUNG NGO, ,SANGS RGYAS MDZOD KYI MDO LAS SH'A RI'I BU TSUL KHRIMS ZHIG PA'I DGE SLONG BSKAL PA BRGYA STONG KHRI 'BUM GYI BAR DU RANG GI LUS KYI SHA BCAD GTUBS TE SBYIN BDAG LA 'JAL LO, ,PHYUGS SU SKYES NA YANG KHUR LCI BA KHYER BA 'ONG NGO; ,SKRA NYAG MA 'BUM DU BGOS PA'I CHA TZAM YANG BZHU BAR MI NUS NA GOS DANG ZAS DANG MAL CHA DANG SMAN LA SOGS PA LTA CI SMOS ZHES BYA BA NAS SH'A RI'I BU ROS GANG BA'I SA DE'I NANG NA NGA'I CHO GA BZHIN DU SPYOD PA NI PHOD KYI TSUL KHRIMS ZHIG PA'I DGE SLONG DANG LHAN CIG TU 'DUG PA NI MI PHOD DO, ,DE CI'I PHYIR ZHE NA, TSUL KHRIMS ZHIG PA'I DGE SLONG GI LAG GIS BLANGS PA'I RDZAS SO COG TSUL KHRIMS 'DZIN PA'I DGE SLONG GI NGAN DUG PAR 'GYUR RO ZHES GSUNGS SO, ,SA'I SNYING PO 'KHOR LO BCU PA LAS, JI LTAR NA KHREL MED CING NGO TSA MED PA'I DGE SLONG YIN ZHE NA, SEMS CAN GANG 'TSO BA TZAM GYI PHYIR NGA'I BSTAN PA LA RAB TU PHYUNG STE, RAB TU PHYUNG NAS SO SOR THAR PA'I TSUL KHRIMS BSRUNG BA THAMS CAD NYAMS TE KHREL DANG NGO TSA MED PA LA TSE PHYI MA'I SDUG BSNGAL GYIS MI 'JIGS KHONG RUL CING BTZOG PAS GANG BA'I SRIN BU KA LA 'DRA BA, DUNG GI SGRA LA KHYI'I SPYOD PA CAN, RTAG TU BRDZUN SMRA ZHING BDEN PA'I TSIG MED PA SER SNA DANG PHRAG DOG DANG GTI MUG DANG NGA RGYAL GYIS ZIN TE, LAS KYI MCHOG DAM PA GSUM LAS RING BA, KHE DANG BKUR STI DANG GRAGS PA LA ZHEN PA, YUL DRUG LA MOS PA, 'DOD CHAGS KYIS SEMS G-YENGS PA 'DI NI KHREL BA DANG NGO TSA MED PA'I DGE SLONG ZHES BYA'O ZHES GSUNGS SO, ,YANG BYAMS PA SENG GE SGRA LAS, BZHI PO 'DI NI DMYAL BAR MDA' 'PHANGS PA BZHIN 'GRO BA STE, GZHAN GYI RNYED PA LA PHRAG DOG BYED PA DANG, SDOM PA DANG LDAN PA'I MDO SDE THOS NAS TSUL KHRIMS KYI NYES PA 'BYIN PA DANG, BKA' DANG BSLAB PA LAS 'DAS KYANG NGA RGYAL GYIS NYES PA 'CHAB PAR MI BYED PA DANG SHES BZHIN DU DAD PAS BYIN PA LONGS SPYOD PA'O ZHES 'BYUNG NGO, ,SA'I SNYING PO 'KHOR LO BCU PA LAS, BYANG CHUB SEMS DPA'I TSUL KHRIMS RNAM PAR DAG PA GNYIS TE, THUN MONG BA DANG, THUN MONG BA MA YIN PA'O, ,THUN MONG BA NI DGE BSNYEN GYI SDOM PA @141A *, ,'AM, YANG NA RAB TU BYUNG BA'I SO SOR THAR PA'I SDOM PA BSNYEN PAR RDZOGS PA'O, ,THUN MONG MA YIN PA NI SEMS CAN THAMS CAD LA MNYAM PA'I SEMS DANG, GNOD PA MED PA'I SEMS DANG, KHON DU 'DZIN PA MED PA'I SEMS KYIS TSUL KHRIMS BSRUNG BA'O, , SRID PA'I RNAM PAR SMIN PA LA THAMS CAD LA MI LTA BAR BSRUNG NGO ZHES GSUNGS SO, ,BSOD NAMS THAMS CAD BSDUS PA'I TING NGE 'DZIN LAS BYANG CHUB SEMS DPA' NI YAN LAG DANG NYID LAG GTONG BA LAS MTHU DANG LDAN PAR BYA'O, ,BYANG CHUB SEMS DPA' NI SROG GI PHYIR YANG BSLAB PA YONGS SU MI GTONG BAS SPYOD PA LA BLO DANG LDAN PAR BYA'O, ,BYANG CHUB SEMS DPA' NI NGAN DU SMRA BA'I TSIG DANG DU LEN PA'I NGANG TSUL CAN GYIS BZOD PA'I STOBS DANG LDAN PAR BYA'O, ,BYANG CHUB SEMS DPA' NI SANGS RGYAS KYI ZHING YONGS SU BZUNG BAS LE LO MED PAR BYA'O, ,BYANG CHUB SEMS DPA' NI BYANG CHUB KYI SEMS DANG MI 'BRAL BAS RTZE GCIG TU BYA'O, ,BYANG CHUB SEMS DPA' NI SGRUB PA LA GNAS PAS BRTAN PA DANG LDAN PAR BYA'O, ,BYANG CHUB SEMS DPA' NI BYANG CHUB KYI SEMS DANG MA BRAL BAS YON GNAS SU BYA'O ZHES BYA BA LA SOGS PA'O, ,GTZUG NA RIN PO CHES ZHUS PA LAS, BYANG CHUB SEMS DPA' CHOS BZHI DANG LDAN NA SEMS CAN YONGS SU SMIN PAR BYED NUS TE, MI SKYO BA DANG, BDAG GI BDE BA LA MI CHAGS PA DANG, DUS DANG DUS MA YIN PAR BSKUL BA DANG, BSAM PA YONGS SU SHES PA'O, ,YANG BZHI STE, BKA' BLO BDE BA DANG; SNYAN PAR SMRA BA DANG, NGANG TSUL 'JAM PA DANG, KHRO GNYER MED PA'O, ,YANG BZHI STE, BSAM PA DAG PA DANG, G-YO SGYU MED PA DANG, BRTZON 'GRUS BRTAN PA DANG, LEGS PA DANG NYES PA BYAS PA BZOD PA'O ZHES 'BYUNG NGO, ,'PHAGS PA DKON MCHOG BRTZEGS PA LAS, SDOM PA'I TSUL KHRIMS NI BYANG CHUB SEMS DPA'I SEMS GNAS PAR BYED DO, ,DGE BA'I CHOS SDUD PA'I TSUL KHRIMS NI SANGS RGYAS KYI CHOS YONGS SU RDZOGS PAR BYED DO, ,SEMS CAN GYI DON BYED PA'I TSUL KHRIMS NI SEMS CAN YONGS SU SMIN PAR BYED DO ZHES GSUNGS SO, ,BZOD PA @141B NI GANG POS ZHUS PA LAS, RIGS KYI BU'AM RIGS KYI BU MOS BZOD PA BSGRUB PA'I CHOS BSTEN CING BSGOM PAR BYA'O ZHES BYA BA NAS GAL TE 'GRO'AM, 'GRENG NGAM, 'DUG GAM, NYAL BA'I TSEG CIN GYI BUM PA'AM, DUG GI BUM PA DANG THAL BA DANG BSHANG GCI THOGS PA 'ONGS NAS MGO'I STENG DU BLUGS SAM, LUS KUN GDUNGS PAR GYUR NA DE LA ZHE SDANG DANG KHON GYI BSAM PA BSKYED NAS 'DI SKAD DU BDAG LA NYES PA CI YOD CES KYANG SMRA BAR MI BYA'O, ,DE BZHIN DU SBYAR TE REG BYA GANG GIS GANG DU REG PAR 'GYUR, LUS LA GNOD PAR 'GYUR RAM, SEMS LA GNOD PAR 'GYUR, LUS NI RTZVA DANG SHING DANG GYO MO DANG GZUGS BRNYAN LTA BU YIN PAS RTOG PA MED PA SHES PA MED PA YIN PAS BDAG KYANG MA YIN GZHAN YANG MA YIN NO, ,GAL TE SEMS LA GNOD PAR 'GYUR BA YIN NA SEMS KHA DOG MED PA GZUGS MED PA SKAD CIG MAR SKYE ZHING 'GAG PA THANG CIG TU YANG MI GNAS PAS BDAG KYANG MA YIN GZHAN YANG MA YIN PAS ZHES BYA BA NAS, BDAG KYANG NGES PAR SNGA MA'I SDIG ,SDUG BSNGAL RNAM SMIN 'DI MYONG SNYAM, ,BDEN BZHI DRAN DANG YANG DAG SPONG, ,DBANG STOBS BYANG CHUB YAN LAG LAM, ,THAMS CAD BZOD PAS GZHI BYED PAS, ,MKHAS PA SU ZHIG BZOD MI BSGOM, ,ZHES GSUNGS SO, ,BU MO BLO GROS BZANG MOS ZHUS PA LAS, GNOD PA'I RTZA BA KHRO BA 'PHEL MI BYED, ,BYAMS LA GNAS PAR BYED DANG CHOS 'DOD DANG, ,DE BZHIN GSHEGS PA'I SKU GZUGS BYAS NA NI, ,MDZES PAR GYUR TE BLTA BAR 'OS PA YIN, ,ZHES GSUNGS SO, ,SA'I SNYING PO 'KHOR LO BCU PA LAS, RIGS KYI BU BYANG CHUB SEMS DPA'I BZOD PA NI GNYIS TE, 'JIG RTEN PA DANG, 'JIG RTEN LAS 'DAS PA'O, ,'JIG RTEN PA NI SEMS CAN LA DMIGS PA LEN PA DANG, RNAM PAR SMIN PA'I 'BRAS BU LA BRTEN PA DANG, BSOD NAMS KYI LAM LA BRTEN TE BZOD PA BYED PA'O, ,'JIG RTEN LAS 'DAS PA NI, PHYIN CI LOG PA RNAM PA BZHI BSAL NAS, CHAGS PA MED PA'I BZOD PA BSGOM ZHING, ,'DU BYED PA RNAM PA GSUM DAG CE NA, ,BZOD PA 'DI LA RGYA CHER GNOD @142A *, ,'GYUR, ,'DU BYED THAMS CAD RAB TU ZHI ZHING, ,RTOG PA THAMS CAD YONGS SU SPANGS TE, ,SEMS NI MKHA' DANG 'DRA BAR MNYAM PA, ,BZOD PA 'DI LA THAMS CAD GTOD 'GYUR, ,ZHES GSUNGS SO, ,BRTZON 'GRUS NI YANG DE NYID LAS, BYANG CHUB SEMS DPA'I BRTZON 'GRUS NI RNAM PA GNYIS TE, 'JIG RTEN PA DANG, 'JIG RTEN LAS 'DAS PA'O, ,DE LA 'JIG RTEN PA'I BRTZON 'GRUS NI SBYIN PA LAS BYUNG BA DANG, TSUL KHRIMS LAS BYUNG BA DANG, BSGOM PA LAS BYUNG BA STE, SEMS CAN LA DMIGS PA DANG BCAS PA NYE BAR LEN PA DANG BCAS PA RNAM PAR SMIN PA'I 'BRAS BU LA BRTEN PAS NA 'JIG RTEN PA'I BRTZON 'GRUS SO, ,'JIG RTEN LAS 'DAS PA'I BRTZON 'GRUS NI BYANG CHUB SEMS DPA'I SHIN TU 'BAD PA'I BRTZON 'GRUS KYIS SEMS CAN THAMS CAD LA MNYAM PA'I SEMS KYIS NYON MONGS PA DANG LAS DANG SDUG BSNGAL THAMS CAD SEL BA STE, DMIGS PA MED PAS BYA BA'I LAS BYED PA STE, MI GNAS PA'I SEMS KYI BRTZON 'GRUS RTZOM MO, KHAMS GSUM LAS MI GNAS PAR BRTZON 'GRUS RTZOM MO, RNAM PAR SMIN PA'I 'BRAS BU LA MI RTOG PA'I BRTZON 'GRUS DANG, RNYED PA DANG MA RNYED PA LA MI GNAS PA'I BRTZON 'GRUS RTZOM STE, 'DI NI 'JIG RTEN LAS 'DAS PA'I BRTZON 'GRUS SO ZHES 'BYUNG NGO, ,BU MO BLO GROS BZANG MOS ZHUS PA LAS, PHYE MA ME TOG BKANG STE 'BU LA BA DANG, ,GNOD SEMS SPANGS SHING SKU GZUGS BYED PA DANG, ,MOS PA RGYA CHEN LA NI GNAS BYED NA, ,RGYAL BA DAG GI THAD DU RDZUS TE SKYE, ,ZHE'O, ,YANG DE NYID LAS, CHOS RNAMS LA NI CHOS RTOGS 'DOD PA LA, ,BRTZON 'GRUS GNAS SHING SANGS RGYAS RJES SU DRAN, ,YONGS SU BSNGO ZHING BSHAGS DANG PHYAG 'TSAL BA, ,DE LA BDUD KYIS GLAGS NI RNYED MI 'GYUR, ,ZHES GSUNGS SO, ,GANG POS ZHUS PA LAS, BYANG CHUB SEMS DPA' CHOS BZHI DANG LDAN NA BYANG CHUB KYI SEMS LAS LDOG PAR MI 'GYUR ZHING DGE BA'I RTZA BA RNAMS NYAMS PAR MI 'GYUR RO, ,BZHI GANG ZHE NA, BYANG CHUB SEMS DPA' TSUL KHRIMS LDAN, ,DRAN PA ZAB CING THAG KYANG RING, ,BRTZON PA'I SEMS KYIS RAB BRTZON ZHING, , @142B MANG THOS SHES RAB RGYAN DANG LDAN, ,BYANG CHUB SEMS DPA' RTAG TU NI, ,CHOS 'DI BZHI LA RTEN BYED NA, ,YID LA BSAMS PA'I DNGOS PO KUN, ,THAMS CAD RAB TU 'GRUB PAR 'GYUR, ,ZHES 'BYUNG NGO, ,YANG DE NYID LAS GANG PO BYANG CHUB SEMS DPA' RNAMS NI NAN TAN BRTZON 'GRUS KYIS MCHOD RTEN LA MCHOD PA BYED PAS GUS PA'I SEMS KYIS ME TOG DANG, PHRENG BA DANG, BYUG PA DANG, SPOS DANG, PHYE MA DANG, ROL MO'I SIL SNYAN YO BYAD SNA TSOGS PAS MCHOD PA BYED DO ZHES BYA BA NAS, 'DAS DANG DA LTAR BZHUGS PA YI, ,SANGS RGYAS RNAMS LA MCHOD BYED NA, ,SKYE BA KUN TU MCHOD PA THOB, ,RTAG PAR MI KHOM MED PAR SKYE, ,ZHES BYA BA LA SOGS PA'O, ,GO CHA BA GOS PA BRTAN PA LAS BYANG CHUB SEMS DPA' RNAMS NI SEMS CAN RE RE'I SPYOD PA RE RE'I PHYIR YANG 'KHOR BA'I MTHA' JI SRID PA DE SRID DU 'KHOR BA NA 'KHOR ZHING SHES RAB KYI SMAN YONGS SU TSOL BA DANG, GO CHA MI SPANG BAR SHIN TU BRTAN PAR BYAS NAS GO CHA CHEN PO NAS 'BYED PA MED PA'I GO CHA'I BAR BGO BAR BYED DO ZHES GSUNGS SO, ,DE NYID LAS THAMS CAD MKHYEN PA'I YE SHES DANG SEMS CAN RNAMS YONGS SU BSDU BA'I PHYIR SBYIN PA'I PHA ROL TU PHYIN PA DANG, TSUL KHRIMS KYI PHA ROL TU PHYIN PA DANG, BZOD PA'I PHA ROL TU PHYIN PA DANG, BRTZON 'GRUS KYI PHA ROL TU PHYIN PA DANG, BSAM GTAN GYI PHA ROL TU PHYIN PA RNAMS SGOM PAR BYED PA, THAMS CAD KYANG SHES RAB SNGON DU 'GRO ZHING SHES RAB KYIS MNGON PAR SGRUB PA DANG, SHES RAB KYIS YONGS SU BSDUS NAS BLA NA MED PA YANG DAG PAR RDZOGS PA'I BYANG CHUB TU SNGO BAR BYED DO ZHES GSUNGS SO, ,SDOM PA GSUM BSTAN PA LAS, BLA NA MED PA'I BYANG CHUB NI NAN TAN BYED PAS 'GRUB STE, DE LTA MA YIN NA RI BONG DANG BYI LAS KYANG BYANG CHUB THOB PAR 'GYUR RO ZHES 'BYUNG NGO, ,BSAM GTAN LA DGYES BSAM GTAN GYI NYER GNAS DBEN PA BSTEN PA NI YANG DE NYID LAS KHYED GNAS MED PA DANG, 'DRIS PA MED PAR GYIS LA KHYED BA LANG DANG BONG BU SDUD PAR MA BYED, KHYED LE LO'I GNAS LEN PAR MA BYED CIG ,MI DGE BA'I CHOS SPONGS LA DGE BA LA BRTZON 'GRUS KYIS SHIG ,'OD SRUNGS NAG NI RNAM GRANGS DU MAR DGE BA LA GNAS @143A *, ,PA DANG, 'DU 'JI SPANGS PA BSNGAGS SO ZHES BYA BA NAS, DE DAG 'DU 'DZI NYIN MTSAN 'DA' BAR BYED DE RGYAL PO'I GTAN NAS BZA' BA DANG, BTUNG BA'I GTAM DANG, KHYIM GYI GTAM DANG, SDUG PAR 'GRO BAR BYA BA DANG, GANG NA ZAS STER BA DER 'GRO BAR BYA ZHES BYA BA NAS SMAN DANG CHANG SNA TSOGS KYI GTAM GYIS SHES BZHIN MED PAR 'GYUR BA'I LUS DANG KHA CHU ZAG CING NYAL BAR 'GYUR RO ZHES BYA BA NAS, MNYAM PAR MA BZHAG PA'I SEMS KYIS DBANG PO RGOD CING PHAL PAR 'GYUR LA SEMS G-YENGS PA'I SPYOD PAS KHYIM DU DONG NAS SO SOR THAR PA BOR TE ZHES BYA BA NAS, GCIG LA GCIG LTA ZHING CI ZHIG BYIN NA JI SNYED CIG SPYAD CES SMRA BAR 'GYUR RO, ,'OD SRUNGS 'CHI BA'I DUS MA BYAS KYI BAR DU RNAL 'BYOR LA MI BRTZON PA RNAMS NI 'DI DAG GO, ,DE DAG GI CHOS THAMS CAD SPANGS TE 'OD SRUNGS DGE SLONG DE DAG LA SNYING RJE BAR BYA'O; ,DE CI'I PHYIR ZHE NA, RNAM PAR SMIN PA SDUG BSNGAL BAR 'GYUR RO ZHES 'BYUNG NGO, ,'JAM DPAL GYI SANGS RGYAS KYI ZHING GI YON TAN BSTAN PA LAS, SH'A RI'I BU DGON PA LA GNAS PA LHUR LEN PA LA PHAN YON BCU YONGS SU 'DZIN TO, ,GANG ZHE NA, 'DU 'DZIN RNAM PAR SPONG BA DANG; RAB TU DBEN PA LA BRTEN PA DANG, BSAM GTAN LA SEMS DMIGS PAR 'GYUR BA DANG, BYA BA MANG POR MI 'GYUR BA DANG, SANGS RGYAS RNAMS 'DOD PA DANG, DE'I LUS BDE BA DANG MI 'BRAL BA DANG, DE'I TSANGS PAR SPYOD PA LA BAR CHAD DU MI 'GYUR BA DANG, TSEGS CHUNG DUS TING NGE 'DZIN THOB PA DANG, TSIG DANG YI GE BSTAN PA CHUD MI ZA BA DANG, JI LTAR THOS PA'I CHOS RNAMS KYI DON RAB TU SHES PA STE, SH'A RI'I BU DGON PA LA GNAS PA'I BYANG CHUB SEMS DPA' NI PHAN YON BCU PO 'DI DAG YONGS SU 'DZIN TO ZHES GSUNGS SO, ,'PHAGS PA YUL 'KHOR SKYONG GIS ZHUS PA LAS; 'DOD PA'I YON TAN MYA NGAN GNOD PA MED, ,'JIGS BCAS RTAG TU DGRA BYED NYON MONGS BCAS, ,RAL GRI SO 'DRA DUG SDONG LO MA MTSUNGS, ,NGAN SKYUGS SNOD LTAR 'PHAGS PA'I SKYE BOS SPANG, ,'DOD PA'I YON TAN 'JIGS BCAS NYON MONGS CAN, ,RTAG TU DRAN PAS BRJOD BYED MUN PAR @143B BYED; ,RTAG TU 'JIGS PA'I RGYU BYED SDUG BSNGAL BCAS, ,SRID PA SRID PA'I 'KHRI SHING 'PHEL BAR BYED, ,JI LTAR ME 'BAR DBUS NA 'JIGS BCAS PA, ,DE LTAR 'DOD 'DI 'PHAGS PA'I SKYE BOS RIG ,'DAM RDZAB CHE 'DRA RAL GRI GSHEGS GNAS 'DRA, ,RAL GRI'I SO LA SBRANG RTZI BSKUS DANG MTSUNGS, ,JI LTAR SBRUL GYI MGO DANG NGAN SKYUGS SNOD, ,DE LTAR 'DOD 'DI MKHAS PA RNAMS KYIS RIG ,BYA SHA KHA 'BU 'DRA ZHING GSAL SHING 'DRA, ,RO LA KHYI LTAR DGRA DANG BCAS PA YIN, ,'DOD PA'I YON TAN 'DI DAG CHU ZLA 'DRA, ,GZUGS BRNYAN MTSUNGS SHING BRAG CA 'DRA BA DANG, ,MIG YOR 'DRA ZHING GAR LA LTA DANG 'DRA, ,RMI LAM MNYAM PAR 'PHAGS PA'I SKYE BOS RIG ,'DOD PA'I YON TAN SKAD CIG YA MA BRLA, ,SGYU MA SMIG RGYU 'DRA ZHING BRDZUN PA CAN, ,CHU BUR DBU BA LTA BUR YANG DAG MIN, ,YONGS SU BRTAGS LAS BYUNG BAR MKHAS PAS RTOGS, ,ZHES GSUNGS SO; ,ZLA BA SGRON MA'I MDO LAS KYANG, NYON MONGS MED PA'I TING 'DZIN MYUR THOB STE, ,'DI NI TSUL KHRIMS RNAM DAG PHAN YON NO, ,ZHES SO, ,RGYAL BA'I YUM LAS DE SEMS CAN DE DAG GI DON DU BSAM GTAN GYI PHA ROL TU PHYIN PA LA SPYOD PAS SEMS G-YENGS PAR MI 'GYUR RO, ,DE CI'I PHYIR ZHE NA, 'DI LTAR DE 'DI SNYAM DU SEMS G-YENGS PA LA NI 'JIG RTEN PA'I BSAM GTAN SKYED PA'ANG DKON NA BLA NA MED PA YANG DAG PAR RDZOGS PA'I BYANG CHUB LTA CI SMOS, DE LTA BAS NA BDAG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS KYI BAR DU SEMS MI G-YENG BAR BYA'O SNYAM DU SEMS SO ZHES GSUNGS SO, ,SA'I SNYING PO 'KHOR LO BCU PA LAS, BYANG CHUB SEMS DPA'I BSAM GTAN GNYIS TE, 'JIG RTEN PA DANG, 'JIG RTEN LAS 'DAS PA'O, ,GANG ZHE NA, BDAG GI KHUR LCI SPONG BA'I PHYIR NI, ,DMIGS DANG BCAS PA'I TING 'DZIN BSGOM STE, , BDAG GI KUN NAS NYON MONGS GCOD 'DOD, ,YANG DAG MKHAS PA'I MTSAN NYID MA YIN, ,SEMS CAN KUN LA PHAN DANG BDE PHYIR, ,TING 'DZIN BSGOM ZHING KHUR LCI SPONG STE, ,KUN NAS NYON MONGS THAMS CAD SEL BA, ,DE NI YANG DAG MKHAS PA'I MTSAN NYID, ,MI GNAS PA YI TING 'DZIN BSGOM @144A *, ,STE, ,'DOD PA'I SRID PA THAMS CAD CHOD PA, ,DE NI BLO GROS CHEN PO ZHES BYA, ,ZHES GSUNGS SO, ,MYA NGAN LAS 'DAS PA LAS, RIGS KYI BU SEMS CAN THAMS CAD NI RTAG PA DANG, BDE BA DANG, BDAG DANG YONGS SU DAG PA LA SOGS PA BZHIS BSLAD DE, BSAM PA'I PHYIR MI RTAG PA DANG MI BDE BA DANG, BDAG MED PA DANG YONGS SU MA DAG PAR MTHONG NGO, ,DES PHYIN CI LOG BZHI YANG CHOD DE, DE BAS NA BSAM PA'I RKYEN GYIS YONGS SU MYA NGAN LAS 'DAS PA CHEN PO LA BSNYEN PAR 'GYUR RO, ,SKYE BA'I MTSAN NYID DANG RGA BA'I MTSAN NYID LA SOGS PA BSAMS PAS KYANG GROL BAR 'GYUR RO, ,RIGS KYI BU DGE BA'I CHOS NI MA BSAMS PAR GZHAN GYIS THOB PA MED DO, ,DE CI'I PHYIR ZHE NA, GANG GIS BSKAL PA GRANGS MED TSAD MED MTHA' YAS PA'I BAR DU CHOS MNYAN KYANG GAL TE MA BSAMS NA NAM YANG BLA NA MED PA YANG DAG PAR RDZOGS PA'I BYANG CHUB THOB PAR MI 'GYUR RO ZHES GSUNGS SO, ,YANG DE NYID LAS JI LTAR NA BYANG CHUB SEMS DPA' CHOS BZHIN DU BSGOM PA GANG ZHE NA, RIGS KYI BU GANG MI DGE BA'I CHOS THAMS CAD SPANGS SHING DGE BA'I CHOS THAMS CAD LA NAN TAN BYED PA NI CHOS BZHIN DU BSGOM PA ZHES BYA'O, ,CHOS THAMS CAD STONG PA DMIGS SU MED PA NI MI RTAG PA MI BDE BA BDAG MED PA YONGS SU MA DAG PAR MTHONG BA STE, DE LTAR MTHONG BA'I PHYIR LUS DANG SROG LA YANG TSUL KHRIMS SDOM PA MI 'JIGS PA NI BYANG CHUB SEMS DPA' CHOS BZHIN DU BSGOM PA ZHES BYA'O ZHES GSUNGS SO, ,SHES RAB NI MYA NGAN LAS 'DAS PA'I MDO LAS, 'JAM DPAL GZHON NUS 'DI SKAD CES GSOL TO, ,BCOM LDAN 'DAS KUN RDZOB KYI BDEN PA DANG, DON DAM PA'I BDEN PA ZHES BGYI BA'I DON JI LTA BU LAGS, DON DAM PA'I BDEN PA LA KUN RDZOB KYI BDEN PA MCHIS SAM, KUN RDZOB KYI BDEN PA LA DON DAM PA'I BDEN PA MCHIS SAM, JI STE MCHIS NA BDEN PA GCIG TU BAS SO, ,JI STE MA MCHIS NA DE BZHIN GSHEGS PAS GSUNGS PA BRDZUN DU MI 'GYUR RO, ,BKA' STZAL PA, RIGS KYI BU KUN RDZOB KYI BDEN PA NYID DON DAM PA'I BDEN PA'O, ,BCOM LDAN 'DAS DE LTAR NA BDEN PA GNYIS SU MCHIS @144B SO; ,BCOM LDAN 'DAS KYIS BKA' STZAL PA, RIS KYI BU SHIN TU THABS MKHAS PAS SEMS CAN GYI DON DU BDEN PA GNYIS GSUNGS SO, ,RIGS KYI BU TSIG TU SMRA BA LTAR NA RNAM PA GNYIS TE, 'JIG RTEN GYI CHOS DANG, 'JIG RTEN LAS 'DAS PA'I CHOS SO, ,RIGS KYI BU 'JIG RTEN LAS 'DAS PA'I GANG ZAG GI SHES PA DE NI DON DAM PA'I BDEN PA'O, ,GANG ZAG GI SHES PA DE NI KUN RDZOB KYI BDEN PA'O ZHES GSUNGS SO, ,GO CHA BA GOS PA BSTAN PA LAS, CHOS THAMS CAD KYI NGO BO NYID MED PA DANG, MTSAN MA MED PA DANG, SMON PA MED PA DANG, BSTAN DU MED PA DANG, BRJOD DU MED PA 'DI NI DE KHO NA NYID CES BYA'O ZHES GSUNGS SO, ,GANG ZAG GI SHES PA DE NI DKON MCHOG 'BYUNG GNAS LAS, BAR SNANG BYA RJES JI BZHIN DU, ,'GRO BA DE YANG YE NAS MED, ,SBAL PA'I SPU LA BLTA BA LTAR, ,DE BZHIN ZHI BA'I CHOS NYID BLTA, ,BZHIN GYI GZUGS BRNYAN ME LONG LA, , RANG BZHIN STONG PAR MKHAS PAS BSHAD, ,DKYIL 'KHOR DE NA BZHIN GZUGS SNANG, ,DE BZHIN CHOS RNAMS THAMS CAD LTOS, ,ZHES 'BYUNG NGO, ,DRI MA MED PAR GRAGS PAS BSTAN PA LAS, DE LA THABS MED PA BSTAN PA'I SHES RAB BCINGS PA NI GANG ZHE NA, 'DI LTA STE STONG PA NYID DANG, MTSAN MA MED PA DANG, SMON PA MED PA LA NGES PAR RTOG CING MTSAN DANG DPE BYAD BZANG PO DANG, SANGS RGYAS KYI ZHING DANG SEMS CAN YONGS SU SMIN PAR BYA BA LA MI RTOG PA 'DI NI THABS MED PA'I SHES RAB STE BCINGS PA'O, ,DE LA THABS KYIS ZIN PA'I SHES RAB GROL BA GANG ZHE NA, 'DI LTA STE MTSAN DANG DPE BYAD BZANG PO DANG, SANGS RGYAS KYI ZHING GI RGYAN DANG, SEMS CAN YONGS SU SMIN PAR BYA BA LA RTOG CING STONG PA DANG, MTSAN MA MED PA DANG, SMON PA MED PA LA 'DRIS PAR BYED PA 'DI NI THABS KYIS ZIN PA'I SHES RAB STE GROL BA'O, ,DE LA SHES RAB KYIS MA ZIN PA'I THABS BCINGS PA GANG ZHE NA, DGE BA'I RTZA BA RTZOM PA THAMS CAD BYANG CHUB TU MI BSNGO BA NI SHES RAB KYIS MA ZIN PA'I THABS DE BCINGS PA'O, ,DE LA SHES RAB KYIS ZIN PA'I THABS GROL BA GANG ZHE NA, 'DI LTA STE, NYON MONGS PA THAMS CAD SPANGS PAS DGE BA'I RTZA BA THAMS CAD RTZOM ZHING BYANG @145A *, ,CHUB TU BSNGO NAS MI SNYEMS BA STE, DE NI BYANG CHUB SEMS DPA'I SHES RAB KYIS ZIN PA'I THABS TE GROL BA'O ZHES 'BYUNG NGO, ,GTZUG NA RIN PO CHES ZHUS PA LAS, RNAM PA THAMS CAD KYI MCHOG DANG LDAN PA'I STONG PA NYID GANG ZHE NA, SBYIN PA MA TSANG BA MED PA NAS SHES RAB MA TSANG BA MED PA, THABS MA TSANG BA MED PA, BYAMS PA DANG, SNYING RJE DANG, DGA' BA DANG, BTANG SNYOMS MA TSANG BA MED PA DANG, BYANG CHUB KYI SEMS SEMS CAN LA LTA BA MA TSANG BA MED PA DANG, SBYIN PA DANG SNYAN PAR SMRA BA DANG, DON BYED PA DANG, DON MTHUN PA MA TSANG BA MED PA, BYANG CHUB KYI PHYOGS KYI CHOS SUM CU RTZA BDUN MA TSANG BA MED PA LA SOGS PA GSUNGS SO, ,GSANG CHEN THABS LA MKHAS PA LAS, NYAN THOS DANG, BYANG CHUB SEMS DPA'I TING NGE 'DZIN 'JUG CING LDANG MOD KYI, NYAN THOS NI BDAG NYID MYA NGAN LAS [?] 'DA' BA KHO NAR SHES PAR BYED KYI, BYANG CHUB SEMS DPA' NI BSDU BA'I DNGOS PO BZHIS SEMS CAN BSDU BA'I BRTZON 'GRUS RGYUN MI GCOD CING PHA ROL TU PHYIN PA DRUG GIS SEMS CAN RNAMS YONGS SU SMIN PAR YANG BYED LA, SEMS CAN RNAMS LA YANG SNYING RJE CHEN PO SKYED PAR BYED DE, DE YANG BYANG CHUB SEMS DPA'I THABS LA MKHAS PA YIN NO ZHES BYA BA NAS RGYAS PAR BYA STE, RIGS KYI BU 'DI LA BYANG CHUB SEMS DPA' THABS LA MKHAS PA NI ZAN KHAM GCIG TZAM YANG SEMS CAN THAMS CAD LA SBYIN PAR BYED DO, ,DE CI'I PHYIR ZHE NA, 'DI LA BYANG CHUB SEMS DPA' THABS LA MKHAS PA NI DUD 'GRO'I SKYE GNAS SU GYUR BA LA ZAN KHAM GCIG TZAM SBYIN BAR BYED PA NA YANG THAMS CAD MKHYEN PA NYID DANG LDAN PA'I SEMS KYIS SBYIN PAR BYED CING, DGE BA'I RTZA BA DE YANG SEMS CAN THAMS CAD KYIS SANGS RGYAS KYI CHOS THAMS CAD YONGS SU RDZOGS PAR BSNGO BA'I PHYIR RO, ,RIGS KYI BU 'DI YANG BYANG CHUB SEMS DPA'I THABS LA MKHAS PA'O ZHES BYA BA NAS, BYANG CHUB SEMS DPA' THABS LA MKHAS PA NI GZHAN GYI DGE BA'I RTZA BA MNGON PAR 'DU BYED PA LAS RJES SU YI RANG BAR BYED CING RJES SU YI RANG NAS KYANG SEMS CAN THAMS CAD LA BSNGO @145B ZHING BTANG STE SNGO BAR BYED DO, ,DE YANG BYANG CHUB SEMS DPA' THABS LA MKHAS PA'O, ,GZHAN YANG PHYOGS BCU PO DAG NA ME TOG GI SHING LJON PA DANG, SPOS KYI SHING LJON PA DANG, ME TOG PHRENG BA DANG, SPOS DANG, PHYE MA DANG BYUG PA BDAG GIR MA BYAS PA YANG YONGS SU MA BZUNG BA DE THAMS CAD 'DUS NAS SANGS RGYAS THAMS CAD LA 'BUL LO, ,DGE BA'I RTZA BA DE YANG SEMS CAN THAMS CAD LA GTONG BAR BYED DE, BTANG NAS THAMS CAD MKHYEN PA NYID DU SNGO BAR BYED DO, ,'DI YANG BYANG CHUB SEMS DPA'I THABS LA MKHAS PA'O, ,BYANG CHUB SEMS DPA' BLO RTUL BAR GYUR NA ZHUM PA MED PAR BYA STE, THA NA TSIG BZHI PA'I TSIGS SU BCAD PA TZAM YANG 'JUG CING 'DI LTAR RTOG STE, TSIGS SU BCAD PA 'DI'I DON GANG YIN PA DE NI GSUNG RAB TU GTOGS PA THAMS CAD KYI DON YIN NO ZHES RTOG PAR BYED DO, ,BRTAGS NAS ZHUM PA MED PA'I SEMS KYIS SNYING RJE CHEN PO BSKYED DE RNYED PA DANG BKUR STI LA LTA BA MED PAR BYA STE, GRONG DANG GRONG KHYER DU SKYE BO MANG PO LA STON PAR BYED CING SEMS CAN GANG DAG GIS CHOS 'DI THOS PA DE DAG BYANG CHUB TU NGES PAR GYUR CIG CES SMON LAM 'DEBS PAR BYED DE, 'DI YANG BYANG CHUB SEMS DPA'I THABS LA MKHAS PA'O, ,YANG BYANG CHUB SEMS DPA' BRGYA LAM NA DBUL POR GYUR NA KHA ZAS NAL ZE GANG TZAM YANG ZHUM PA MED PA'I SEMS KYIS DGE 'DUN NAM GANG ZAG LA 'BUL BAR BYED DO, ,PHUL NAS 'DI LTAR RTOG STE, BCOM LDAN 'DAS KYIS SEMS RGYA CHEN POS BYIN NA SBYIN PA RGYA CHEN POR 'GYUR RO ZHES GSUNGS PAS NA, BDAG GIS SBYIN PA 'DI CHUNG MOD KYI, THAMS CAD MKHYEN PA NYID KYIS BYIN PAS NA DPAG TU MED PA BYED DO SNYAM DU SO SOR RTOG PAR BYED DO, ,DGE BA'I RTZA BA 'DIS BDAG DANG SEMS CAN THAMS CAD SANGS RGYAS SH'AKYA THUB PA LTAR SKYES BU CHEN PO'I MTSAN RO BRO BA'I MCHOG GRUB PAR 'GYUR ZHING, LAG NA RIN PO CHE GRUB PAR GYUR CIG CES SNGO BAR BYED DE, 'DI YANG BYANG CHUB SEMS DPA'I THABS LA MKHAS PA'O ZHES GSUNGS SO, ,DRI MA MED PAR GRAGS PAS BSTAN PA LAS, MA NI SHES RAB PHA ROL PHYIN, ,PHA NI THABS LA MKHAS PA, @146A *, ,STE, ,MGON PO RNAMS NI DE LAS SKYES, ,CHOS LA DGA' BA CHUNG MA STE, ,BYAMS DANG SNYING RJE BU MO YIN, ,CHOS DANG BDEN GNYIS DE YI BU, ,STONG PA'I DON SEMS KHYIM YIN NO, ,DE BZHIN NYON MONGS THAMS CAD NI, ,JI DGAR DBANG BYED SLOB MA'O, , MDZA' BO BYANG CHUB YAN LAG STE, ,SEMS NI BYANG CHUB MCHOG RIG 'GYUR, ,DE GROGS RTAG TU 'GROGS PA NI, ,PHA ROL PHYIN PA DRUG RNAMS SO, ,MNGON SHES DE YI BZHON PA STE, ,THEG PA CHEN PO BLA NA MED, ,KHA LO SGYUR BA BYANG CHUB SEMS, ,LAM NI ZHI BA'I YAN LAG BRGYAD, , CES GSUNGS SO, ,'OD SRUNGS KYIS ZHUS PA LAS, 'OD SRUNGS BYANG CHUB SEMS DPA'I TSUL BZHIN DU SBYOR BA GANG ZHE NA, 'DI LTA STE, DBU MA'I LAM CHOS RNAMS LA SO SOR RTOG PA'O, ,SO SOR RTOG PA GANG ZHE NA, 'OD SRUNGS GANG LA BDAG MED PAR SO SOR RTOG PA DANG ZHES BYA BA NAS SHED BU MED PAR SO SOR RTOG PA NI, DBU MA'I LAM CHOS RNAMS LA YANG DAG PAR SO SOR RTOG PA'O, ,'OD SRUNGS GZHAN YANG GZUGS RTAG PAR YANG SO SOR MI RTOG ,MI RTAG PAR YANG SO SOR MI RTOG PA 'DI NI DBU MA'I LAM CHOS RNAMS LA SO SOR RTOG PA ZHES BYA'O, ,'OD SRUNGS RTAG CES BYA BA 'DI NI MTHA' GCIG GO, ,MI RTAG CES BYA BA 'DI NI MTHA' GNYIS SO, ,MTHA' DE GNYIS KYI DBUS GANG YIN PA DE NI DPYAD DU MED PA BSTAN DU MED PA RTEN MA YIN PA SNANG BA MA YIN PA, RNAM PAR RIG PA MED PA GNAS MED PA STE, 'OD SRUNGS 'DI NI DBU MA'I LAM CHOS RNAMS LA SO SOR RTOG PA'O, ,'OD SRUNGS BDAG CES BYA BA 'DI NI MTHA' GCIG GO, ,BDAG MED CES BYA BA 'DI NI MTHA' GNYIS SO, ,'OD SRUNGS YOD CES BYA BA 'DI NI MTHA' GCIG GO, ,MED CES BYA BA 'DI NI MTHA' GNYIS SO, ,DE GNYIS KYI DBUS GANG YIN PA DE NI DPYAD DU MED PA LA SOGS PA GSUNGS SO, ,SGO MTHA' YAS PA RNAM PAR SBYONG BA LAS KYANG, DBU MA'I LAM GANG YIN PA DE NI MYA NGAN LAS 'DAS PAR 'GRO BA'I LAM 'DI YIN TE, MYA NGAN LAS 'DAS PA NI GANG DU 'GRO BA MED DO, ,DE LA 'GRO BA CUNG ZAD KYANG MED PA'I PHYIR CHOS THAMS CAD MYA NGAN LAS 'DAS PA DANG MNYAM PA'O, ,BKOD PA MTHA' YAS @146B DBU MA'I LAM 'DI NI SGRUB PA YANG MA YIN MI SGRUB PA YANG MA YIN PAS NYE BAR LEN PA'I PHYIR MTHA' DANG BRAL BA YIN ZHES GSUNGS SO, ,YANG DE NYID LAS, CHOS 'DI THAMS CAD YOD MIN ZHING, ,MED PA DANG YANG BRAL BA YIN, ,GANG GIS DE LTAR CHOS SHES PA, ,DE DAG LA NI GZUGS SKYE'O, ,ZHE'O, ,CHOS KYI RANG BZHIN DBYER MED PA LAS, 'JAM DPAL GAL TE CHOS KYI DBYINGS KYI RANG BZHIN YIN NA, CHOS KYI DBYINGS LA NI KUN NAS NYON MONGS PA'AM, RNAM PAR BYANG BAR 'GYUR BA MED NA SEMS CAN RNAMS KYI KUN NAS NYON MONGS PA'AM, RNAM PAR BYANG BA'I LAS 'BYUNG BAR 'GYUR, SMRAS PA, BTZUN PA SHA RA DVA TI'I BU BYIS PA SO SO'I SKYE BO 'JIG TSOGS LA LTA BA'I PHYIN CI LOG GIS BSLAD CING, NGAR 'DZIN PA DANG NGA YIR 'DZIN PA RNAMS LA NI BDAG DANG, GZHAN GYI 'DU SHES 'BYUNG BAR 'GYUR RO, ,DE LAS NI DGE BA DANG MI DGE BA'I SEMS PA 'BYUNG NGO, ,DE LA NI DGE BA DANG MI DGE BA'I LAS MNGON PAR 'DU BYED CING, DE LAS NI RNAM PAR SMIN PAR MNGON PAR 'GRUB PAR 'GYUR RO, ,JI TZAM DU SRID PAR 'GRO BA YONGS SU 'DZIN PA DE TZAM DU KUN NAS NYON MONGS PA ZHES BYA'O ZHES GSUNGS SO, ,MYA NGAN LAS 'DAS PA'I MDO LAS, STON PA DRUG GZUGS LA BDAG CES SMRA NA, DE LTA MA YIN NO, ,DE CI'I PHYIR ZHE NA, GAL TE GZUGS BDAG YIN NA BYAD GZUGS MI SDUG PA MED PA'I RIGS NA, JI STE RIGS BZHI KHYAD PAR DU GYUR TE BRAM ZE'I RIGS GCIG TU MA GYUR, CI'I PHYIR GZHAN DBANG ZHING DBANG MED LA DBANG PO NYAMS SHING DBANG PO MA TSANG BAR 'GYUR, JI STE LHA'I LUS MI LEN CING DMYAL BA DANG, YI DAGS LA SOGS PA'I LUS SNA TSOGS LEN, DE LTA YID BZHIN DU MI 'GYUR BA LA BLTAS NA GDON MI ZA BAR BDAG MED PAR RIG GO, ,DE LTAR BDAG MED PA'I PHYIR MI RTAG PA ZHES BYA'O, , MI RTAG PA'I PHYIR SDUG BSNGAL BA'O, ,SDUG BSNGAL BA'I PHYIR STONG PA'O, ,STONG PA'I PHYIR PHYIN CI LOG GO, ,PHYIN CI LOG GI PHYIR 'KHOR BA NA RAB TU 'KHOR TE, TSOR BA LA SOGS PA YANG DE DANG 'DRA'O ZHES GSUNGS SO, ,GO CHA BGOS PA BSTAN PA LAS, RKYEN RNAMS LAS @147A *, ,NI 'BYUNG BA'I PHYIR, ,THAMS CAD GDAN MED GANG YANG MED, ,CHOS RNAMS RANG BZHIN NYID KYIS STONG, ,RANG BZHIN NYID KYIS SKYE BA MED, ,BYANG CHUB SEMS DPA' RKYEN RNAMS LA, ,SO SOR BRTAGS PAS STONG PAR RIG ,CHOS RNAMS RANG BZHIN GYIS STONG PAS, ,RANG BZHIN GYIS NI MTSAN MA MED, ,SKYE BA DAG NI YOD MA YIN, ,DE LTAR SO SOR GANG RTOGS PAS, ,CHOS LA NAN TAN BSGRUB PAR BYA, ,GZUGS DANG TSOR DANG 'DU SHES DANG, ,'DU BYED RNAM SHES DE BZHIN RTOG ,RGYU DANG RKYEN NI MANG PO LAS, ,PHUNG PO RNAMS NI BYUNG BA YIN, ,PHUNG PO YANG DAG MED PAS NA, ,RANG BZHIN NGO BO NYID KYIS STONG, ,THAMS CAD SKYE BA GANG YANG MED, ,SKYE BA MED PAS 'GAG PA MED, ,PHUNG PO MTSAN NYID DE 'DRA'O, ,DE LTAR RAB TU GANG SHES PA, ,YANG DAG MTSAN NYID MTHONG BAS NA, ,CHOS KYI 'DU SHES CUNG ZAD MED, ,CHOS RNAMS DANG NI CHOS KYI DBYINGS, ,'DI GNYIS LA YANG MTSAN MA MED, ,CHOS RNAMS MTSAN MA SPANGS PAS NA, ,CHOS KYI DBYINGS ZHES BSHAD PA YIN, ,RTOG MED YE SHES MA MTHONG ZHING, ,LTA BA 'DI YANG MI MTHONG BA, ,CHOS RNAMS MI BDEN MTHONG BA'I PHYIR, ,'DI LA RTOG PAR BYED CES BSTAN, ,ZHES BYA BA NAS, STONG PA NYID LA STONG MI LTA, ,STONG LAS GUD NA'ANG STONG MI LTA, ,DE LTA BUR NI GANG LTA BA, ,STONG PA MTHONG ZHES BYA BA'O, ,ZHES GSUNGS SO, ,NAM MKHA' LA 'GRO BA'I 'OD KYIS 'DUL BA'I BZOD PA'I MDO LAS RIGS KYI BU GZHAN YANG GZUGS DE YANG 'BYUNG BA CHEN PO BZHI STE, 'BYUNG BA CHEN PO BZHI PO 'DI DAG NANG GI'AM, PHYI ROL GYI'AM, CHE BA'AM, PHRA BA DE DAG THAMS CAD MI 'GRO MI SKYE BDAG MED BDAG GI BA MED PAR BRTAG PAR BYA'O, ,ZAG PA MED PA DANG, RTOG PA MED PA DANG, SMON PA MED PA DANG, MTSAN MA MED PA'I TSUL GYIS BRTAG PAR BYA'O, ,SHIN TU PHRA BA'I RDUL GCIG PO DE LA JI LTAR LHAG MTHONG PHRA MOS BRTAG ,RDUL PHRA MO DE DAG LA JI LTAR MTSAN NYID MED PA'I NYON MONGS PA THAMS CAD KYI SPYOD LAM DU GYUR PA SHES, DNGOS PO MED PA DANG, DMIGS @147B PA MED PA DANG, BDAG MED PA DANG, BRAL BA DANG, MTSAN MA MED PA LA RDUL SHIN TU PHRA BAR RAB TU SHES SO ZHES GSUNGS SO, ,YANG DE LAS GZUGS MED PA'I PHUNG PO DE DAG NI STONG PA'I MTSAN NYID KYIS SHIN TU SKAD CIG GIS 'JIG PA THER ZUG MA YIN NO, ,GNAS MI DMIGS PAS MTSAN MA MED PA'O, ,SKAD CIG SKYE ZHING 'GRIB PAS SMON PA MED PA'O, ,DE BAS NA PHUNG PO 'DI NI STONG PA'O ZHES GSUNGS SO, ,YANG DE LAS JI LTAR RDZAS KYI MTSAN NYID KYIS DUS GSUM THAMS CAD SKAD CIG MA DANG, SHIN TU SKAD CIG MA STONG PA BZHIN DU RIGS KYI BU GANG LA LA 'PHAGS PA DANG, 'PHAGS PA MA YIN PA DANG, 'JIG RTEN GYI DANG, 'JIG RTEN LAS 'DAS PA NAS LUS DANG, SNOD KYI BAR THAMS CAD SKAD CIG MA STE SHIN TU STONG PA BRJOD DU MED PA'O ZHES 'BYUNG NGO, ,'PHAGS PA BLO GROS MI ZAD PAS BSTAN PA LAS, JI SKAD DE LA BYANG CHUB SEMS DPA'I THABS NI GANG; SHES RAB MNGON PAR SGRUB PA NI GANG ZHE NA, GANG GI PHYIR MNYAM PAR GZHAG PA NA SEMS CAN LA LTA BAS SNYING RJE CHEN PO'I DMIGS PA LA SEMS NYE BAR 'DOGS PA NI DE'I THABS SO, ,GANG GI PHYIR ZHI BA DANG RAB TU ZHI BA SNYOMS PAR 'JUG PA DE NI DE'I SHES RAB PO ZHES GSUNGS SO, , GSANG BA BSAM GYIS MI KHYAB PA LAS, BYANG CHUB SEMS KYI BSOD NAMS GANG, ,DE LA GAL TE GZUGS MCHIS NA, ,NAM MKHA'I KHAMS NI KUN GANG STE, ,DE NI DE BAS LHAG PAR 'GYUR, ,BYANG CHUB SEMS KYI BSOD NAMS GANG, ,PHUNG PO JI SNYED BRJOD PA BAS, ,DAM PA'I CHOS NI YANG 'DZIN NI, ,DE BAS BSOD NAMS CHES MANG NGO, ,DAM PA'I CHOS NI 'DZIN PA DANG, ,BYANG CHUB SEMS KYI BSOD NAMS DES, ,STONG PA NYID LA MOS PA YI, ,BCU DRUG CHAR YANG MI PHOD DO, ,ZHES GSUNGS SO, ,'OD SRUNGS KYIS ZHUS PA LAS, 'OD SRUNGS BZHI PO 'DI NI BYANG CHUB SEMS DPA'I YON TAN LAGS TE, 'DI LTA STE STONG PA NYID LA YANG MOS LA, LAS KYI RNAM PAR SMIN PA LA YANG YID CHES PA DANG, DES BDAG MED PAR YANG BZOD LA, SEMS CAN THAMS CAD LA SNYING RJE BA DANG, DE BSAM PA MYA NGAN LAS 'DAS PA LA @148A *, ,GNAS LA, SBYOR BA 'KHOR BA NA GNAS PA DANG, DE SEMS CAN YONGS SU SMIN PAR BYA BA'I PHYIR SBYIN PA'I RNAM PAR SMIN PA LA YANG MI RE BA STE, BZHI PO 'DI DAG GO ZHES GSUNGS SO, ,CHOS YANG DAG PAR SDUD PA'I MDO LAS, STONG NYID SMRA BA NI 'JIG RTEN GYI CHOS RNAMS KYIS MI 'PHROGS PA, RNYED PAS DGA' BA YANG MED, MA RNYED PAS MI DGA' BA YANG MED, GRAGS PAS YID SOS PA YANG MED, MA GRAGS PAS SRO SHI BA YANG MED, SMAD PAS ZHUM PA YANG MED, BSTOD PAS DGA' BA YANG MED, BDE BAS CHAGS PAR GYUR PA YANG MED, GANG DE LTAR 'JIG RTEN GYI CHOS RNAMS KYIS MI 'PHROGS PA DE NYID STONG PA NYID SHES PA STE, DE LTAR MI 'PHROGS PAS STONG PA NYID SMRA BAR KHONG DU CHUD PAR BYA'O, ,STONG PA NYID SMRA BA NI GANG DU YANG CHAGS PA'AM MI CHAGS PA MED DO, ,DE GANG LA CHAGS PA DANG GANG LA MI CHAGS PA DE STONG PA NYID DU SHES, STONG PA NYID DU MTHONG, GANG CHOS GANG LA CHAGS PA DANG, MA CHAGS PA DE YANG STONG PA NYID DU SHES SO ZHES BYA BA LA SOGS PA GSUNGS SO, ,STOBS BCU BDEN PA'I RTZAL MNGA' KHYOD LA PHYAG 'TSAL LO, ,'JIGS MED MI 'JIGS SBYIN PA KHYOD LA PHYAG 'TSAL LO, ,MA 'DRES PA YI CHOS RNAMS RAB TU RTOGS, ,'GRO BA THAMS CAD 'DREN PA KHYOD LA PHYAG 'TSAL LO, ,KUN TU SBYOR BA'I BCINGS PA GCOD LA PHYAG 'TSAL LO, ,PHA ROL PHYIN DE THANG LA BZHUGS LA PHYAG 'TSAL LO, ,DUB PA'I 'GRO BA SGROL BA KHYOD LA PHYAG 'TSAL LO, ,'KHOR BA'I 'GRO BA MI GNAS KHYOD LA PHYAG 'TSAL LO, ,BSOD NAMS 'DI YIS THAMS CAD GZIGS PA NYID, ,THOB NAS NYES PA'I DGRA RNAMS PHAM BYAS NAS, ,RGA NAD 'CHI BA'I DPA' KLONG 'KHRUGS PA YI, ,SRID PA'I MTSO LAS 'GRO BA 'DON PAR SHOG ,BSGOM PA'I RIM PA MDO KUN LAS BTUS PA RDZOGS SO,, ,, @148B #, ,RGYA GAR SKAD DU, S'U TRA SA MUTZTS'A YA, BOD SKAD DU, MDO KUN LAS BTUS PA, BAM PO DANG PO, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,SANGS RGYAS 'BYUNG BA SHIN TU RNYED PAR DKA' STE, SANGS RGYAS 'BYUNG BA DE SHIN TU RNYED PAR DKA' BAR CI MNGON ZHE NA, MDO SDE DU MA TSAD MAR GYUR PA LAS SHES TE, DAM PA'I CHOS PADMA DKAR PO LAS 'BYUNG BA, DGE SLONG DAG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI 'BYUNG BA RNYED PAR DKA' STE, BSKAL PA BYE BA KHRAG KHRIG BRGYA STONG PHRAG MANG POR YANG 'JIG RTEN DU DE BZHIN GSHEGS PA MTHONG YANG SRID MI MTHONG YANG SRID DE, DPER NA AU DUMW'A RA'I ME TOG BZHIN NO ZHES GSUNGS SO, ,RNAM PAR GTAN LA DBAB PA'I RGYAL PO'I MDO LAS 'BYUNG BA, KUN DGA' BO 'DI LTA STE, AU DUMW'A RA'I ME TOG NI SANGS RGYAS SKYE BA DANG DUS GCIG TU 'BYUNG STE, KHA DOG DANG LDAN ZHING GSAL TE, 'OD GSAL LA DRI NI DPAG TSAD GCIG KHOR YUG TU KHYAB PAR BYED DO, ,ME TOG DES NA RAB RIB MED PAR BYED, DRAN PA YONGS SU SBYONG BAR BYED, NAD KYANG RAB TU ZHI BAR BYED, MUN PA YANG SEL CING SNANG BAR YANG BYED, DRI ZHIM PO YANG 'BYIN PAS KHAMS BZHI DANG BAR 'GYUR TE, 'KHOR LOS SGYUR BA'I RGYAL PO THAMS CAD LA YANG ME TOG DE MI 'BYUNG NA, SEMS CAN TSUL KHRIMS 'CHAL PA RNAMS LA SANGS RGYAS 'BYUNG BA DANG MTSUNGS PA'I ME TOG LTA 'BYUNG BAR GA LA 'GYUR ZHES GSUNGS SO, ,ME TOG DE CI 'DRA, GANG DU NAM SKYE ZHE NA, RTOGS PA BRJOD PA'I MDO LAS 'BYUNG BA, MTSO CHEN PO MA DROS PA 'DAS PA'I BYANG PHYOGS NA RI RTZE LNGA PA ZHES BYA BA DE'I PHA ROL NA AU DUMW'A RA'I TSAL YOD DE, NAM SANGS RGYAS BCOM LDAN 'DAS DAG DGA' LDAN GYI LHA'I RIS NAS BABS TE, YUM GYI LHUMS SU ZHUGS PA DE'I TSE TSAL DE KHA 'BU BAR 'GYUR RO, ,NAM YUM YI LHUMS NAS BLTAMS PA DE'I TSE TSAL DE KHA 'BYE [?] BAR 'GYUR RO, ,NAM BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE'I TSE TSAL DE'I ME TOG KYANG RAB TU RGYAS PAR 'GYUR RO, ,NAM TSE'I 'DU BYED @149A *, ,BOR BA DE'I TSE TSAL DE RNYINGS PAR 'GYUR RO, ,NAM YONGS SU MYA NGAN LAS 'DAS PA DE'I TSE TSAL DE'I LO MA DANG, ME TOG DANG, 'DAB MA DANG, 'BRAS BU YANG LHAGS PAR 'GYUR RO, ,AU DUMW'A RA'I ME TOG DE'I TSAD LA NI SHING RTA'I 'PHANG LO TZAM MO, ,NAM SANGS RGYAS BCOM LDAN 'DAS DAG RGYAL RIGS KYI NANG DU 'BYUNG BA DE'I TSE, ME TOG DE KHA DOG DKAR RAB TU 'GYUR RO, ,NAM BRAM ZE'I RIGS KYI NANG DU 'BYUNG BA DE'I TSE ME TOG DE DKAR POR 'GYUR RO ZHES GSUNGS SO, ,BYANG CHUB SEMS DPA'I SDE SNOD LAS KYANG, KYE RGYAL BA'I SRAS DE BZHIN GSHEGS PA NI RNYED PAR DKA' STE, MCHOG TU RNYED PAR DKA'O ZHES GSUNGS SO, ,BCOM LDAN 'DAS KYIS YE SHES SHIN TU RGYAS PA'I MDO LAS KYANG, BYANG CHUB SEMS DPA' RGYAL PO'I DRANG SRONG SNYAN PA CHEN POS BSTAN PA, GROGS PO DAG DE BZHIN GSHEGS PA GANG BYED PA DANG LDAN PA'I CHOS STON PA DAG NI BRGYA LA BRGYA LAM NA 'JIG RTEN DU 'BYUNG NGO ZHE'O, ,ZLA BA'I SNYING PO'I LE'U LAS KYANG BSTAN TE, SANGS RGYAS RNAMS 'JIG RTEN DU 'BYUNG BA NI RNYED PAR DKA' STE, AU DUMW'A RA'I ME TOG DPER BRJOD PA DANG MTSUNGS SO ZHES 'BYUNG NGO, ,'PHAGS PA SDONG PO BKOD PA'I MDO LAS KYANG, GANG DAG MTHONG ZHING THOS PA DANG, BSNYEN BKUR BYAS PA DON YOD PA, ,'JIG RTEN 'DREN PA 'JIG RTEN NA, ,BSKAL PA BYE BAR RNYED PAR DKA', ,ZHES GSUNGS SO, ,BSKAL PA BZANG PO'I MDO LAS KYANG, BSKAL PA BZANG PO 'DI'I 'OG TU SANGS RGYAS MED PA'I BSKAL PA DRUG CU 'BYUNG NGO; ,DE'I 'OG TU BSKAL PA SNYAN PA CHEN PO ZHES BYA BA 'BYUNG STE, BSKAL PA GCIG PO DE LAS SANGS RGYAS KHRI 'BYUNG NGO, ,BSKAL PA SNYAN PA CHEN PO DE'I 'OG TU SANGS RGYAS MED PA'I BSKAL PA BRGYAD KHRI 'BYUNG NGO, ,DE'I 'OG TU BSKAL PA SKAR MA LTA BU ZHES BYA BA 'BYUNG STE, BSKAL PA DE GCIG LA SANGS RGYAS BRGYAD KHRI 'BYUNG NGO, ,BSKAL PA SKAR MA LTA BU DE'I 'OG TU BSKAL PA SUM BRGYAR SANGS RGYAS MI 'BYUNG NGO, ,DE'I 'OG TU YON TAN BKOD PA ZHES BYA BA'I BSKAL PA 'BYUNG STE, BSKAL PA DE GCIG LA SANGS RGYAS BRGYAD KHRI BZHI STONG 'BYUNG NGO ZHES GSUNGS SO, , @149B MIR 'GYUR BA NI SHIN TU RNYED PAR DKA' STE, JI LTAR ZHE NA, 'DI LTA STE, YANG DAG PAR LDAN PA'I LUNG LAS 'BYUNG BA, DGE SLONG DAG 'DI LTA STE, DPER NA, SA CHEN PO 'DI CHU 'BA' ZHIG TU GYUR LA, DE'I NANG DU MI ZHIG GIS SHING BU GA GCIG PA ZHIG BOR TE, DE SHAR GYI RLUNG GIS NI NUB PHYOGS SU PHUL, NUB KYI RLUNG GIS NI SHAR PHYOGS SU PHUL, BYANG GI RLUNG GIS NI LHO PHYOGS SU PHUL, LHO'I RLUNG GIS NI BYANG PHYOGS SU PHUL LA, DE NA RUS SBAL ZHAR BA TSE LO BRGYA PHRAG DU MA THUB PA, LO BRGYA PHRAG DU MAR 'TSO BA LO BRGYAR 'DAS SHING LAN CIG STENG DU 'BYUNG BA DE BU GA GCIG PA'I SHING DER MGRIN PA 'JUG NA DGE SLONG DAG 'DI JI SNYAM DU SEMS, RUS SBAL ZHAR BA TSE LO BRGYA PHRAG DU MA THUB PA, LO BRGYA PHRAG DU MAR 'TSO BA DE LO BRGYA 'DAS SHING LAN CIG STENG DU 'BYUNG BA DES, SHING BU GA GCIG PA'I SHING DER MGRIN PA CHUD DAM, BCOM LDAN 'DAS LA DGE SBYONG DAG GIS GSOL PA, BCOM LDAN 'DAS STES NA 'GYUR LAGS SO, ,BDE BAR GSHEGS PA STES NA 'GYUR LAGS TE, RUS SBAL ZHAR BA TSE LO BRGYA PHRAG DU MA THUB PA, TSE LO BRGYA PHRAG DU MAR 'TSO BA, DE LO BRGYA 'DAS SHING LAN CIG STENG DU 'BYUNG BA DES, SHING BU GA GCIG PA DER MGRIN PA CHUD KYANG GDA', MI CHUD KYANG GDA'O, ,BCOM LDAN 'DAS KYIS BKA' STZAL PA, DGE SLONG DAG DE BZHIN DU DE BZHIN GSHEGS PA RNAMS BRGYA LA BRGYA LAM NA 'JIG RTEN DU 'BYUNG ZHING ZHI BAR 'GYUR BA, YONGS SU MYA NGAN LAS 'DAS PAR 'GYUR BA, RDZOGS PA'I BYANG CHUB TU 'GRO BAR BYED PA, BDE BAR GSHEGS PAS RAB TU BSTAN PA'I CHOS STON TO, ,MIR GYUR PA YANG BRGYA LA BRGYA LAM NA STES NA 'THOB STE, SHIN TU RNYED PAR DKA'O ZHES GSUNGS SO, ,DAL BA 'BYOR PA RNYED PAR DKA' STE, DAL BA 'BYOR PA RNYED PAR DKA' BAR CI MNGON ZHE NA, MDO SDE'I BYE BRAG MANG PO BRJOD PA LAS MTHONG BAS MNGON TE, GCIG LA 'PHROS PA'I LUNG LAS 'BYUNG BA, DGE SLONG DAG MI KHOM PA BRGYAD PO 'DI DAG NI, GANG ZAG TSANGS PAR SPYOD PA LA GNAS PA'I DUS MA YIN TE, BRGYAD GANG ZHE NA, DGE SLONG DAG 'DI LA DE BZHIN GSHEGS PA 'JIG RTEN DU 'BYUNG STE ZHI BAR 'GYUR @150A *, ,BA; YONGS SU MYA NGAN LAS 'DAS PAR 'GYUR BA, RDZOGS PA'I BYANG CHUB TU 'GRO BAR BYED PA, BDE BAR GSHEGS PAS RAB TU BSTAN PA'I CHOS KYANG STON NA, GANG ZAG DE SEMS CAN DMYAL BAR SKYES PA YIN TE, DA NI GANG ZAG TSANGS PAR SPYOD PA GNAS PA'I DUS MA YIN PA MI KHOM PA DANG PO'O, ,DE BZHIN DU DUD 'GRO'I SKYE GNAS DANG, GSHIN RJE'I 'JIG RTEN DANG, LHA TSE RING PO DANG, MTHA' 'KHOB KYI MI DANG, RKU 'PHROG BYED PA DANG, KLA KLO DANG, BRNAB SEMS CAN DANG, GNOD SEMS CAN GANG DU DGE SLONG DANG, DGE SLONG MA DANG DGE BSNYEN DANG, DGE BSNYEN MA MI 'ONG BA'I NANG DU SKYES PA YIN NO, ,'JIG RTEN 'DIR DE BZHIN GSHEGS PA 'BYUNG STE CHOS KYANG STON LA, GANG ZAG DE DBUS KYI MI'I NANG DU YANG SKYES NA DE GLEN ZHING LUG LTAR LKUGS PA LA LAG BRDA BYED CING, LEGS PAR SMRAS PA DANG, NYES PAR SMRAS PA'I DON GO BA'I MTHU MED PA YIN NO, ,DE BZHIN GSHEGS PA 'JIG RTEN 'DIR BYUNG STE, CHOS KYANG STON LA, GANG ZAG DE DBUS KYI MI'I NANG DU YANG SKYES SHING, DE GLEN PA MA YIN LA, ,LUG LTAR LKUGS PA MA YIN PA NAS, DON GO BA'I MTHU YOD PA'I BAR DU YANG 'GYUR NA, DE LOG PAR LTA ZHING PHYIN CI LOG TU MTHONG STE, DE 'DI LTAR BYIN PA YANG MED, MCHOD SBYIN YANG MED, SBYIN SREG BYAS PA YANG MED, LEGS PAR BYAS PA DANG, NYES PAR BYAS PA'I LAS KYI 'BRAS BU RNAM PAR SMIN PA YANG MED, 'JIG RTEN 'DI YANG MED, 'JIG RTEN PHA ROL YANG MED, PHA YANG MED, MA YANG MED DE, 'JIG RTEN NA DGE SBYONG DANG, BRAM ZE YANG DAG PAR SONG BA DANG, YANG DAG PAR ZHUGS PA DANG, DGRA BCOM PA 'JIG RTEN RIG PA GANG RANG GI MNGON PAR SHES PAS 'JIG RTEN 'DI DANG 'JIG RTEN PHA ROL MNGON SUM DU BYA STE, KHONG DU CHUD PAR BYED PA YANG MED PAR LTA BA YIN NO, ,GZHAN YANG GANG ZAG DE DBUS KYI MI RNAMS KYI NANG DU SKYE STE, GLEN PA MA YIN PA NAS LEGS PAR SMRAS PA DANG, NYES PAR SMRAS PA RNAMS KYI DON GO BA'I MTHU YOD PA'I BAR DU 'GYUR LA, DE YANG DAG PAR LTA ZHING PHYIN CI LOG TU MTHONG BAR MA GYUR TE, DE 'DI LTAR SBYIN PA @150B YANG YOD PA NAS MNGON SUM DU BYAS TE KHONG DU CHUD PAR BYED PA YANG YOD PA'I BAR DU LTA NA, DE BZHIN GSHEGS PA 'JIG RTEN DU MA BYUNG STE ZHI BAR 'GYUR BA, YONGS SU MYA NGAN LAS 'DAS PAR 'GYUR BA, RDZOGS PA'I BYANG CHUB TU 'GRO BAR BYED PA, BDE BAR GSHEGS PAS RAB TU BSTAN PA'I CHOS MI STON PA YIN NO, ,GANG ZAG TSANGS PAR SPYOD PA LA GNAS PA'I DAL BA'I DUS NI GCIG STE, DE BZHIN GSHEGS PA 'JIG RTEN 'DIR BYUNG LA, CHOS KYANG STON TE, TSANGS PAR SPYOD PA, THOG MAR DGE BA, BAR DU DGE BA, THA MAR DGE BA, DON BZANG PO, TSIG 'BRU BZANG PO, MA 'DRES PA, YONGS SU RDZOGS PA, YONGS SU DAG PA, YONGS SU BYANG BA, YANG DAG PAR RAB TU STON LA, GANG ZAG DE YANG DBUS KYI MI'I NANG DU SKYES TE, DE GLEN PA MA YIN ZHING LUG LTAR LKUGS PA MA YIN PA NAS, LEGS PAR SMRAS PA DANG, NYES PAR SMRAS PA'I DON GO BA'I MTHU YOD PA'I BAR DU GYUR LA, DE YANG DAG PAR LTA ZHING PHYIN CI MA LOG PAR MTHONG STE, DE 'DI LTAR SBYIN PA YANG YOD, MCHOD SBYIN YANG YOD, SBYIN SREG BYAS PA YANG YOD, LEGS PAR BYAS PA DANG, NYES PAR BYAS PA'I LAS KYI 'BRAS BU RNAM PAR SMIN PA YANG YOD, 'JIG RTEN 'DI YANG YOD, 'JIG RTEN PHA ROL YANG YOD, PHA YANG YOD, MA YANG YOD, 'JIG RTEN NA DGE SBYONG DANG, BRAM ZE YANG DAG PAR SONG BA DANG, YANG DAG PAR ZHUGS PA DANG, DGRA BCOM PA 'JIG RTEN RIG PA RANG GI MNGON PAR SHES PAS 'JIG RTEN 'DI DANG; 'JIG RTEN PHA ROL MNGON SUM DU BYAS TE, KHONG DU CHUD PAR BYED PA YANG YOD PAR LTA'O ZHES GSUNGS SO, ,ZLA BA'I SNYING PO'I LE'U LAS KYANG, GROGS PO DAG DAL BA 'BYOR PA RNYED PAR DKA' STE, SPOS KYI SHING DUS KYI RJES SU 'BRANG BA DPER BRJOD PA BZHIN NO ZHES GSUNGS SO; ,YANG DE NYID LAS 'BYUNG BA, DE LA RNAM PAR DAG PA MNYAM PA NYID GANG ZHE NA, RNAM PAR DAG PA ZHES BYA BA NI MIR SKYE BA THOB PA STE, GANG YON TAN BCU YONGS SU RDZOGS PA'I MIR 'GYUR BA 'THOB PA'O, ,BCU GANG ZHE NA, RIGS DMA' BA SPANGS PA DANG, MI BLUN PA DANG, MI GLEN @151A *, ,PA DANG, DBANG PO MA NYAMS PA DANG, PHOR SKYES PA DANG, GZUGS BZANG BA DANG, MI DBUL BA DANG, MI BRNYAS PA DANG, TSIG SNYAN PA DANG, SKYE BO MANG POS LTA BA'O ZHES GSUNGS SO, ,DE BZHIN GSHEGS PA'I BSTAN PA LA DAD PA RNYED PAR DKA' STE, DAD PA JI LTA BU ZHE NA, DE BZHIN GSHEGS PA'I GSANG BA'I MDO LAS 'BYUNG BA, GROGS PO DAG 'DI LA RIGS KYI BU'AM, RIGS KYI BU MOS LHAG PA'I BSAM PAS BLA NA MED PA YANG DAG PAR RDZOGS PA'I BYANG CHUB TU SEMS BSKYED DE DAD PA YIN, DANG BA MANG ZHING 'PHAGS PA RNAMS LA LTA BA 'DOD PA DANG, DAM PA'I CHOS MNYAN PAR 'DOD PA DANG, SER SNA MED CING LHUG PAR GTONG BA DANG, LAG BRKYANG STE GTONG BA LA DGA' BA DANG, MCHOD SBYIN BYED PA'I NGANG TSUL CAN DANG, GTONG BA PHUN SUM TSOGS PA DANG, SBYIN PA 'GYED PA LA DGA' BA DANG, KHONG KHRO BA MED PA'I SEMS DANG LDAN PA DANG, RNYOG PA MED PA'I SEMS DANG LDAN PA DANG, LAS DANG LAS KYI RNAM PAR SMIN PA LA YID CHES PA DANG, MOS PA DANG, RTOGS PA DANG, SOM NYI MED LA THE TSOM MI ZA ZHING YID GNYIS MI ZA BA YIN TE, DE DKAR PO DANG, NAG PO'I LAS RNAMS KYI RNAM PAR SMIN PA CHUD MI ZA BAR RIG NAS SROG GI PHYIR YANG MI BYA BA MI BYED DO ZHES GSUNGS SO, ,YANG DE NYID LAS 'BYUNG BA, DAD PA GANG ZHE NA, DAD PA GANG GIS 'PHAGS PA'I DRUNG DU NYE BAR 'GRO BA DANG, BYA BA MA YIN PA MI BYED PA'O ZHES GSUNGS SO, ,YID GNYIS YANG DAG PAR 'JOMS PA'I MDO LAS KYANG, DAD PA NI DGE BA'I CHOS THAMS CAD KYI SNGON DU 'GRO BA STE, DE LA DAD PA GANG GIS DAD PAR 'GYUR BA GANG ZHE NA, 'DI LTAR DE BZHIN GSHEGS PA SGRIB PA MED PA'I YE SHES MTHONG BA DANG LDAN TE, DES CHOS BSHAD PA NI MTHONG BAR DKA' BA, SHES PAR BYA DKA' BA, ZAB PA RGYA CHE BA BSTAN PA STE, DE LA MIG KYANG MED, MIG 'GAG PA YANG MED, RNA BA YANG MED, SNA YANG MED, LCE YANG MED, LUS KYANG MED, YID KYANG MED, YID 'GAG PA YANG MED, GNAS PA YANG MED, MI GNAS PA YANG MED, GRAGS PA YANG MED, MA GRAGS PA YANG MED, YAN LAG DRUG CU DANG @151B LDAN PA'I DBYANGS KYIS ZIN PA'I TSIG DANG, YI GE DANG, NGAG GI LAS YONGS SU DAG PA DANG, SEMS RNAM PAR DANG BA DANG, LUS YONGS SU BYA BA DANG, KHA DOG SNA TSOGS STON PAS DE BZHIN GSHEGS PA LA MI MKHYEN PA'AM MI GZIGS PA'AM, MA GSAN PA'AM, MNGON SUM DU MA MDZAD PA'AM, MNGON PAR RDZOGS PAR SANGS MA RGYAS PA MED DO, ,DE BZHIN GSHEGS PA DE NI SPYAN YONGS SU DAG STE, KUN NAS SPYAN DANG LDAN PA, 'DOD CHAGS DANG BRAL BA, ZHE SDANG SPANGS PA, SRID PA MED PAR GYUR PA, GTI MUG LEGS PAR BCOM PA, SHA'I SPYAN DPAG TU MED PA, SPYI GTZUG BLTAR MI SNANG BAR MNGON PAR 'PHAGS PA SGRA DBYANGS ZAB PA, DON DAM PA STON PA, SANGS RGYAS KYI CHOS THAMS CAD KYIS BLA NA MED PAR GYUR PA STE, GANG 'DI LTA BU'I SANGS RGYAS KYI CHOS DE DAG LA RTOGS PA DANG, YID CHES PA DANG, MI SPONG BA DE NI DAD PA'O ZHES GSUNGS SO, ,DAD PA'I STOBS BSKYED PA'I MDO LAS 'BYUNG BA, 'JAM DPAL DE LA DAD PA'I STOBS GANG ZHE NA, DAD PA GANG GIS SANGS RGYAS KYI CHOS THAMS CAD LA MNGON PAR DAD PA DANG, MOS PA DANG, YID CHES PA DANG, THE TSOM MI ZA ZHING NEM NUR MED PA NI DAD PA'O, , LAS DANG LAS KYI RNAM PAR SMIN PA LA MNGON PAR DAD PA'O, ,RNYOG PA MED PA NI SEMS LA DAD PA'O, ,CHOS THAMS CAD STONG PA NYID DANG, MTSAN MA MED PA DANG, SMON PA MED PA DANG, MNGON PAR 'DU MI BYED PA LA DAD PA'O, ,SBYIN PA DANG, SBYIN PA'I 'BRAS BU DANG, TSUL KHRIMS DANG, TSUL KHRIMS KYI 'BRAS BU DANG, BZOD PA DANG, BZOD PA'I 'BRAS BU DANG, BRTZON 'GRUS DANG, BRTZON 'GRUS KYI 'BRAS BU DANG, BSAM GTAN DANG, BSAM GTAN GYI 'BRAS BU DANG, SHES RAB DANG, SHES RAB KYI 'BRAS BU LA DAD PA'O ZHES GSUNGS SO, ,YANG DE NYID LAS 'BYUNG BA, DAD PA'I MTSAN NYID NI DAD PA STE, GANG THEG PA CHEN PO LA MOS PA 'DI NI DAD PA'I STOBS ZHES BYA'O, ,GANG CHAGS PA MED PA DANG, KHONG DU CHUD PA DANG, DAD PA'I DBANG PO DANG, DAD PA'I STOBS 'DI NI DAD PA ZHES BYA'O, ,GZHAN YANG DAD PA'I STOBS NI DAD PA GANG GIS @152A *, ,GZHAN GYI SGRA LA DAD PA STE, BYANG CHUB SEMS DPA'I GZHAN GYI SGRA DE GANG ZHE NA, GANG GZHAN LAS BYANG CHUB KYI SEMS YANG DAG PAR 'DZIN DU 'JUG PA THOS PA'O, ,GZHAN LAS BYANG CHUB SEMS DPA'I SPYOD PA DANG, BYANG CHUB KYI SEMS DANG, BSAM PA DANG, SBYOR BA DANG, PHA ROL TU PHYIN PA DANG, THABS LA MKHAS PA DANG, BSDU BA'I DNGOS PO DANG, SANGS RGYAS KYI CHOS DANG, BYANG CHUB SEMS DPA'I CHOS THOS PA STE, GZHAN GYI SGRA THOS NAS MNGON PAR DAD PA 'DI NI DAD PA ZHES BYA'O ZHES GSUNGS SO, ,BYANG CHUB SEMS DPA'I SDE SNOD LAS KYANG, SH'A RI'I BU 'DI LA BYANG CHUB SEMS DPAS LHAG PA'I BSAM PAS BYANG CHUB TU SEMS BSKYED PA DE NI DAD PA YIN TE, DAD PA MANG BA DANG, 'PHAGS PA RNAMS LA LTA 'DOD PA DANG, DAM PA'I CHOS NYAN PAR 'DOD PA YIN NO, ,DE LAS DANG LAS KYI RNAM PAR SMIN PA LA MNGON PAR YID CHES SO, ,DE MI DGE BA BCU'I LAS KYI LAM SPONG ZHING DGE BA BCU'I LAS KYI LAM YANG DAG PAR BZUNG NAS GNAS SO, ,DAD PA CAN DE'I DGE SBYONG DANG BRAM ZE YANG DAG PAR SONG BA DANG, YANG DAG PAR ZHUGS PA MANG DU THOS PA DANG, THOS PA LA BRTZON PA DANG, TSUL BZHIN YID LA BYED PA LA RAB TU BRTZON PA DANG, THE TSOM LAS RGAL BA DANG, YANG 'BYUNG BA DANG ZAD PA DANG RDZOGS PA'I SANGS RGYAS DANG BYANG CHUB SEMS DPA' DANG SANGS RGYAS KYI NYAN THOS DE DAG DGE BA'I BSHES GNYEN YIN PAR SHES NAS, YID CHES SHING BSTEN TE MNYES PAR BYED DO, ,DGE BA'I BSHES GNYEN DE DAG KYANG DE LA LAS DANG LAS KYI RNAM PAR SMIN PA STON TO, ,SNOD DU RIG NAS ZAB MO'I GTAM 'DI LTA STE, STONG PA NYID DANG MTSAN MA MED PA DANG, SMON PA MED PA DANG, MNGON PAR 'DU MI BYED PA DANG, MA SKYES PA DANG, MA BYUNG BA'I GTAM DANG, BDAG MED PA DANG, SEMS CAN MED PA DANG, SROG MED PA DANG, GANG ZAG MED PA'I GTAM DANG, RTEN CING 'BREL PAR 'BYUNG BA'I GTAM BRJOD DE, THOS NAS KYANG THE TSOM MI ZA ZHING CHOS THAMS CAD LA CHAGS PA MED PAR 'JUG ,PHUNG PO DANG, KHAMS DANG, SKYE MCHED LA YANG MI CHAGS, CHOS THAMS CAD RANG BZHIN GYIS STONG PAR YANG @152B YID CHES TE, SANGS RGYAS KYI YE SHES TSOL ZHING BAG YOD PA LA GZHOL BA YIN NO, ,BAG YOD PA GANG ZHE NA, GANG DBANG PO SDOM PA DANG, RANG GI SEMS 'DUL BA DANG, GZHAN GYI SEMS BSRUNG BA'O ZHES GSUNGS SO, ,ZLA BA'I SNYING PO'I LE'U LAS, DKON MCHOG GSUM LA SEMS CAN RNAMS DAD CING DANG BA NI DKON TE, DPER NA YID BZHIN GYI NOR BU RIN PO CHE DPER BRJOD PA BZHIN NO ZHES GSUNGS SO, ,KLU'I RGYAL PO RGYA MTSOS ZHUS PA LAS KYANG, KLU'I BDAG PO BYANG CHUB SEMS DPA' CHOS LNGA DANG LDAN PA DAG NI DAD PA CAN YIN TE, LNGA GANG ZHE NA, MOS PA'I STOBS DANG, LAS KYI RNAM PAR SMIN PA LA 'JUG PA'I STOBS DANG, BYANG CHUB KYI SEMS MI 'DOR BA'I STOBS DANG, YI DAM LA BRTAN PA'I STOBS DANG, MI DGE BA'I CHOS THAMS CAD SPANGS TE, NYES PAR BYAS PA THAMS CAD BZOD PA'I STOBS DANG LDAN PA'O ZHES GSUNGS SO, ,DE BZHIN GSHEGS PA'I YON TAN DANG YE SHES BSAM GYIS MI KHYAB PA'I YUL LA 'JUG PA BSTAN PA'I MDO LAS KYANG, 'PHAGS PA BYANG CHUB SEMS DPA' SEMS DPA' CHEN PO SGRIB PA THAMS CAD RNAM PAR SEL BAS SMRAS PA, 'JAM DPAL CHOS LNGA PO 'DI DAG LA MOS NA BYANG CHUB SEMS DPA' SEMS DPA' CHEN PO YON TAN GYI BYE BRAG 'DI DAG DANG GZHAN GRANGS MED PA YANG THOB PAR 'GYUR RO, ,LNGA GANG ZHE NA, CHOS THAMS CAD GNYEN PO MED PA DANG, MA SKYES PA DANG, MA 'GAGS PA DANG, BRJOD DU MED PAR MOS PA DANG, LHUN GYIS GRUB CING RNAM PAR MI RTOG PA DE BZHIN GSHEGS PA'I SPYOD PA DANG, SPYOD LAM DANG, BYA BA DANG, 'JUG PA DANG, GNAS 'DZAM BU'I GLING GI RDUL PHRA RAB KYI RDUL BAS KYANG CHES LHAG PA RNAMS SEMS CAN GYI BSAM PA'I DBANG GIS SKAD CIG GCIG LA RTAG TU 'JUG PAR MOS PA DANG, SENG GE MDANGS BZANGS KYI RTOG PA BRJOD PA LAS, GANG SEMS CAN YONGS SU SMIN PAR BYAS PA DE BSKAL PA GANG G'A'I KLUNG GI BYE MA SNYED NAS BCOM LDAN 'DAS SH'AKYA THUB PA MNGON PAR RDZOGS PAR SANGS RGYAS NAS BSTAN PAR MOS PA DANG, MAR ME MDZAD KYIS LUNG BSTAN PA NAS BZUNG STE, MNGON PAR RDZOGS PAR BYANG CHUB PA DE'I BAR DU BCOM LDAN 'DAS SH'AKYA THUB PA'I BYANG @153A *, ,CHUB SEMS DPA'I SPYOD PA GANG YIN PA DE SANGS RGYAS KYI YUL GYI BSKAL PA MU MED PA NAS, MNGON PAR RDZOGS PAR SANGS RGYAS NAS, BSTAN PAR MOS PA DANG, GANG SH'AKYA BSAD PA BSTAN PAS SEMS CAN YONGS SU SMIN PAR BYAS PA DE YANG BCOM LDAN 'DAS SH'AKYA THUB PAS SANGS RGYAS KYI YUL GYI BSKAL PA MU MED PA NAS MNGON PAR RDZOGS PAR SANGS RGYAS NAS BSTAN PAR MOS PA'O ZHES GSUNGS SO, ,DE DAG PAS KYANG GANG DAG BYANG CHUB SEMS BSKYED PA'I SEMS CAN DE DAG RNYED PAR DKA' STE, BYANG CHUB TU SEMS BSKYED PA RNYED PAR DKA' BAR CI MNGON ZHE NA, MDO MANG PO LAS THOS TE, SDONG PO BKOD PA'I MDO LAS 'BYUNG BA, GANG DAG 'JIG RTEN NA BLA NA MED PA YANG DAG PAR RDZOGS PA'I BYANG CHUB TU SEMS BSKYED PA'I SEMS CAN DE DAG NI SHIN TU RNYED PAR DKA'O, ,BYANG CHUB KYI SEMS NI SANGS RGYAS KYI CHOS THAMS CAD KYI SA BON LTA BU'O; ,'GRO BA THAMS CAD KYI CHOS DKAR PO RNAM PAR 'PHEL BAR BYED PAS ZHING LTA BU'O, ,NYES PA BYAS PA THAMS CAD BSREGS PAS BSREGS PA'I BSKAL PA'I ME LTA BU'O, ,MI DGE BA'I CHOS THAMS CAD ZAD PAR BYED PA'I PHYIR SA 'OG LTA BU'O, ,DON THAMS CAD YONGS SU BSGRUB PAS YID BZHIN GYI NOR BU'I RGYAL PO LTA BU'O, ,BSAM PA THAMS CAD YONGS SU RDZOGS PAR BYED PAS BUM PA BZANG PO LTA BU'O, ,'KHOR BA'I CHU LA RGYU BA 'DON PAS LCAGS KYU LTA BU'O, ,LHA DANG MI DANG LHA MA YIN DANG BCAS PA'I 'JIG RTEN LA MCHOD RTEN LTA BU STE, MDOR NA SANGS RGYAS KYI CHOS THAMS CAD DANG, SANGS RGYAS KYI YON TAN THAMS CAD JI SKAD YOD PA BYANG CHUB KYI SEMS KYI YON TAN DANG PHAN YON YANG DE SNYED YOD DO, ,DE CI'I PHYIR ZHE NA, BYANG CHUB SEMS DPA'I SPYOD PA'I DKYIL 'KHOR THAMS CAD KYANG 'DI LAS BYUNG BA STE, 'DAS PA DANG, MA 'ONGS PA DANG, DA LTAR BYUNG BA'I DE BZHIN GSHEGS PA THAMS CAD KYANG 'DI LAS SKYES SO, ,RIGS KYI BU 'DI LTA STE DPER NA DNGUL CHU'I RIGS GSER DU SNANG BA ZHES BYA BA YOD DO, ,DE NI SRANG GCIG GIS KYANG LCAGS SRANG STONG GSER DU 'GYUR RO, ,DNGUL CHU SRANG GCIG PO DE NI LCAGS SRANG STONG PO DES ZAD PAR BYA BA'AM, LCAGS @153B SU BSGYUR BAR MI NUS SO, ,DE BZHIN DU THAMS CAD MKHYEN PA NYID DU SEMS BSKYED PA'I DNGUL CHU'I KHAMS DGE BA'I RTZA BA YONGS SU BSNGOS PA'I YE SHES KYIS YONGS SU GZUNG BA NI, LAS DANG NYON MONGS PA'I SGRIB PA'I LCAGS THAMS CAD ZAD PAR BYAS TE, CHOS THAMS CAD THAMS CAD MKHYEN PA NYID KYI KHA DOG TU BYED KYANG, THAMS CAD MKHYEN PA NYID DU SEMS BSKYED PA'I RO'I KHAMS GCIG PO DE NI LAS DANG NYON MONGS PA'I LCAGS THAMS CAD KYIS KYANG KUN NAS NYON MONGS PAR BYA BA'AM, ZAD PAR MI NUS SO, ,RIGS KYI BU 'DI LTA STE, DPER NA SGRON MA GCIG KHYIM MA MA KHANG BU JI LTA BU 'ANG RUNG STE, DER PHYUNG NA DE PHYUNG MA THAG TU LO BRGYA STONG DU BSAGS PA'I MUN PA MUN NAG KYANG SEL ZHING SNANG BAR BYED DO, ,DE BZHIN DU THAMS CAD MKHYEN PA NYID DU SEMS BSKYED PA'I SGRON MA GCIG SEMS KYI BSAM PA'I KHYIM THIBS PO MA RIG PA'I MUN PA MUN NAG DANG LDAN PA JI LTA BU YANG RUNG BA DER PHYUNG NA, DE PHYUNG MA THAG TU BSKAL PA BRJOD DU MED PA BRGYA STONG NAS BSAGS PA'I LAS DANG NYON MONGS PA'I SGRIB PA'I MUN PA MUN NAG KYANG SEL ZHING YE SHES KYI SNANG BA YANG BSKYED DO, ,RIGS KYI BU 'DI LTA STE, DPER NA NOR BU RIN PO CHE YID BZHIN GYI RGYAL PO'I COD PAN THOGS PA'I KLU'I RGYAL PO CHEN PO RNAMS LA GZHAN GYIS GNOD PA BYA BA'I 'JIGS PA MED DO, ,DE BZHIN DU BYANG CHUB KYI SEMS SNYING RJE CHEN PO'I NOR BU RIN PO CHE YID BZHIN GYI RGYAL PO'I COD PAN THOGS PA'I BYANG CHUB SEMS DPA' RNAMS LA NGAN SONG DANG NGAN 'GROS GNOD PAR BYA BA'I 'JIGS PA MED DO, ,RIGS KYI BU 'DI LTA STE, DPER NA ZLA BA DANG NYI MA'I DKYIL 'KHOR GYI 'OD KYIS JI TZAM SNANG BAR BYAS PA DE'I BAR GYI GANG NOR DANG, 'BRU DANG, RIN PO CHE DANG, GSER DANG, DNGUL DANG, ME TOG DANG, DRI DANG, PHRENG BA DANG, BYUG PA DANG, GOS DANG, LONGS SPYOD GANG JI SNYED PA DE DAG THAMS CAD KYIS NOR BU RIN PO CHE CHEN PO DBANG GI RGYAL PO'I RIN DU MI CHOG GO, ,DE BZHIN DU JI SRID DU DUS GSUM LA THAMS CAD MKHYEN PA'I YE SHES CHOS KYI DBYINGS KYI YUL SNANG BAR MDZAD PA DE SRID DU LHA DANG MI THAMS CAD DANG, NYAN THOS DANG, RANG SANGS RGYAS THAMS CAD KYI DGE BA'I RTZA BA @154A *, ,ZAG PA DANG BCAS PA DANG ZAG PA MED PA GANG JI SNYED PA DE DAG THAMS CAD KYIS KYANG, BYANG CHUB TU SEMS BSKYED PA'I NOR BU RIN PO CHE CHEN PO'I DBANG GI RGYAL PO'I RIN DU MI CHOG GO, ,RIGS KYI BU 'DI LTA STE, DPER NA RGYA MTSO CHEN PO BA DANG, MA HE DANG RA'I 'O MAS YONGS SU GANG BA'I NANG DU SENG GE'I 'O MA THIGS PA GCIG BLUGS PAS 'O MA DE DAG THAMS CAD 'GYES PAR 'GYUR TE, 'DUR MI BTUB BO, ,DE BZHIN DU BSKAL PA BRJOD DU MED PA BRGYA STONG DU BSAGS PA'I LAS DANG NYON MONGS PA KUN GYI 'O MA'I RGYA MTSOR YANG DE BZHIN GSHEGS PA SKYES BU'I SENG GE CHEN PO'I THAMS CAD MKHYEN PA NYID DU SEMS BSKYED PA'I 'O MA'I THIGS PA GCIG BLUGS PAS DE THAMS CAD MA LUS PA ZAD PAR 'GYUR TE, NYAN THOS DANG RANG SANGS RGYAS THAMS CAD KYI RNAM PAR THAR PA RNAMS KYANG MI GNAS MI 'DU'O, ,RIGS KYI BU 'DI LTA STE, DPER NA DPA' BO LA BRTEN PA'I MI NI DGRA THAMS CAD KYIS MI 'JIGS SO, ,DE BZHIN DU BYANG CHUB SEMS DPA' THAMS CAD MKHYEN PA NYID DU, SEMS BSKYED PA DPA' BO LA BRTEN PA YANG SPYOD PA NGAN PA'I DGRA THAMS CAD KYIS MI 'JIGS SO, ,RIGS KYI BU 'DI LTA STE, DPER NA RDO RJE RIN PO CHE CHEN PO NI CHAG KYANG, THAMS CAD LAS KHYAD PAR DU 'PHAGS PA'I GSER GYI RGYAN ZIL GYIS GNON TO, ,DE BZHIN DU THAMS CAD MKHYEN PA NYID DU SEMS BSKYED PA RDO RJE RIN PO CHE BSAM PA LOG PAR ZHUGS PAS CHAG PAR GYUR KYANG, NYAN THOS DANG RANG SANGS RGYAS KYI YON TAN GYI GSER GYI RGYAN ZIL GYIS GNON CING BYANG CHUB SEMS DPA'I MING YANG MI 'DOR TE, 'KHOR BA'I DBUL BA THAMS CAD KYANG RNAM PAR ZLOG GO ZHES JI SKAD GSUNGS PA LTA BU'O, ,GSAL RGYAL GYIS ZHUS PA LAS KYANG, RGYAL PO CHEN PO KHYOD DAM PA'I CHOS KHO NA 'TSOL BA DANG, RGYAL PO CHEN PO KHYOD JI LTA BUR YUL KO SA LA'I MI RNAMS KYI DON DANG, PHAN PA DANG BDE BA'I PHYIR ZHUGS PA DE BZHIN DU 'JIG RTEN THAMS CAD KYI DON DANG, PHAN PA DANG, BDE BA DANG, BSGRAL BA DANG, DGROL BA DANG, DBUGS DBYUNG BA DANG, YONGS SU MYA NGAN LAS BZLA BA'I PHYIR ZHUGS SHING, KHYOD THAMS CAD MKHYEN PA THOB PAR BYA BA DANG, SANGS RGYAS KYI CHOS THAMS CAD YONGS SU @154B RDZOGS PAR BYA BA'I PHYIR, BLA NA MED PA YANG DAG PAR RDZOGS PA'I BYANG CHUB TU ZHUGS PA RGYAL PO CHEN PO KHYOD LEGS SO LEGS SO, ,YANG RGYAL PO CHEN PO RGYAL PO RGYAL BU RGYAL BYED KYI TSAL 'DI NA LHA BRGYA STONG DU MA LUS MI SNANG BAR BYAS TE GNAS NAS NGA LA BSNYEN BKUR BYED PA YOD DO, ,DE DAG KYANG RGYAL PO CHEN PO KHYOD GANG YANG DAG PAR RDZOGS PA'I BYANG CHUB TU MOS PA DANG, DAD PA DANG, TSOL BA DANG, SMON PA LA BSNGAGS PA'O, ,BSTOD DO RJES SU YI RANG NGO, ,RGYAL PO CHEN PO DE DAG SHIN TU DGA' BA BSKYED DE, MOS PA SKYES TE, YID DANG MTHUN PAR GYUR TO, ,DE CI'I PHYIR ZHE NA, 'DI LTAR RGYAL PO CHEN PO SU BYANG CHUB LA 'DUN PA BSKYED PA DANG, DAD PA DANG, 'DOD PA DANG, SMON PA BSKYED PA DE SANGS RGYAS BRGYA PHRAG DU MA DANG, CHOS KYI 'KHOR LO BSKOR BA BRGYA PHRAG DU MA DANG, 'PHAGS PA'I DGE 'DUN GYI RGYUN BRGYA PHRAG DU MA DANG, SANGS RGYAS BYE BA KHRAG KHRIG BRGYA STONG PHRAG DU MA NAS GANG G'A'I KLUNG GI BYE MA BAS KYANG MANG BA'I BAR GYI SANGS RGYAS 'BYUNG BA DANG, CHOS KYI 'KHOR LO BSKOR BA DANG, 'PHAGS PA'I DGE 'DUN RGYUN MI 'CHAD PAR 'BYUNG BA DANG, SKYE BAR BYA BA'I PHYIR ZHUGS PA YIN NO ZHES GSUNGS SO, ,RAB TU ZHI BA RNAM PAR NGES PA'I CHO 'PHRUL GYI MDO LAS KYANG, NAM BYANG CHUB SEMS DPA' THAMS CAD MKHYEN PA NYID KYI SEMS DANG MI 'BRAL ZHING, NYAN THOS DANG, RANG SANGS RGYAS KYI SEMS KYI SKABS MI 'BYED PA DANG, SEMS GZHAN YID LA MI BYED PA THAMS CAD MKHYEN PA NYID LA DMIGS PA'I SEMS KYI NYON MONGS PA THAMS CAD KYI SKABS MI 'BYED CING, PHA ROL TU PHYIN PA DRUG MI 'DOR LA, SEMS CAN THAMS CAD LA BYAMS PA CHEN PO DANG, SNYING RJE CHEN PO DANG LDAN ZHING THAMS CAD MKHYEN PA NYID KYI SEMS YID LA BYED PAS GNAS PA 'DI NI BYANG CHUB SEMS DPA'I SEMS KYI RGYAN NO ZHES GSUNGS SO, ,'PHAGS PA MA SKYES DGRA'I LE'U LAS KYANG, 'PHAGS PA 'OD SRUNGS CHEN POS SMRAS PA, 'JAM DPAL DPER NA SENG GE'I PHRU GU 'BRANGS NAS RING PO MA LON PA STOBS DANG RTZAL MA RDZOGS KYANG, GANG NAS GANG DU SENG GE'I PHRU GU'I DRI RDZIS KHYER BA DE DANG DE LOGS SU RI DAGS KYI TSOGS DE DAG GIS DRI DE @155A *, ,MI BZOD NAS 'BROS SO, ,GLANG PO CHE GANG DAG 'BRENG PA SRA BAS DAM POR BCINGS PA DE DAG KYANG SENG GE'I PHRU GU DE'I DRI TSOR NA SDANGS SHING 'DROGS NAS BCINGS PA'I 'BRENG PA DE DAG KYANG BCAD DE, GANG DGA' BAR 'BROS SO, ,RI SUL NA GNAS PA NI RI SUL DU, KHUNG NA GNAS PA NI KHUNG DU, CHU NA GNAS PA NI CHUR 'JUG GO, ,BYA NI NAM MKHA' LA 'PHUR RO, ,'JAM DPAL DE BZHIN DU BYANG CHUB SEMS DPA' SHES RAB KYI STOBS BSKYED PA MA RDZOGS KYANG, SEMS BSKYED MA THAG TU NYAN THOS DANG RANG SANGS RGYAS THAMS CAD ZIL GYIS GNON TE, BDUD THAMS CAD KYANG RANG GI GNAS NAS SNGANGS SKRAG CING RANG GI GNAS NA MI DGA'O ZHES GSUNGS SO, ,RIN PO CHE'I PHUNG PO'I MDO LAS KYANG, KUN DGA' BO 'DI JI SNYAM DU SEMS, MI RKANG LAG BCAD NA 'TSO'AM, GSOL PA BCOM LDAN 'DAS 'TSO'O, ,BCOM LDAN 'DAS KYIS BKA' STZAL PA, JI LTAR SNYING PHYUNG NA 'TSO'AM, GSOL PA BCOM LDAN 'DAS DE NI MI 'TSO'O, ,BCOM LDAN 'DAS KYIS BKA' STZAL PA, KUN DGA' BO LAG PA DANG RKANG PA LTA BUR NI NGA'I SH'A RI'I BU DANG, MOOD GAL GYI BUR LTA'O, ,SNYING LTA BU NI BYANG CHUB SEMS DPA' RNAMS LTA'O, , KUN DGA' BO GAL TE BYANG CHUB SEMS DPA' SHING RTA'I NANG DU ZHUGS TE, 'DOD PA'I YON TAN LNGAS RTZE ZHING DGA' DGUR SPYOD LA, DE'I SHING RTA 'DREN PA GZHAN MED NA, KUN DGA' BO BYANG CHUB SEMS DPA' DE'I SHING RTA NI DE BZHIN GSHEGS PA'I DBU LA YANG BSKUR RO, ,GAL TE GNAS BRTAN SH'A RI'I BU DANG MOOD GAL GYI BU RNAM PAR THAR PA'I SGO GSUM LA BSKAL PA'AM BSKAL PA LAS LHAG PAR GNAS KYANG, DE LA DE BZHIN GSHEGS PA RIM GRO DANG G-YOG BYA BAR BRTZON PAR MI MDZAD DO ZHES GSUNGS SO, ,'OD SRUNGS KYI LE'U LAS KYANG, 'OD SRUNGS 'DI LTA STE, DPER NA ZLA BA'I DKYIL 'KHOR BTANG STE, SU YANG SKAR MA'I GZUGS LA NAM YANG PHYAG MI 'TSAL LO, ,'OD SRUNGS DE BZHIN DU MKHAS PA RNAMS KYANG NGA'I BSLAB PA LA ZHUGS PA'I BYANG CHUB SEMS DPA' BTANG STE, NYAN THOS LA NAM YANG PHYAG MI 'TSAL LO, ,'OD SRUNGS DPER NA ZLA BA TSES PA LA PHYAG BYA BA DE @155B LTAR ZLA BA NYA BA LA MA YIN NO, ,'OD SRUNGS DE BZHIN DU GANG DAG GANG NGA LA RAB TU DAD PA DE DAG GIS, BYANG CHUB SEMS DPA' RNAMS LA PHYAG BYA'I, DE BZHIN GSHEGS PA RNAMS LA NI MA YIN NO, ,DE CI'I PHYIR ZHE NA, BYANG CHUB SEMS DPA' LAS NI DE BZHIN GSHEGS PA RNAMS SKYE'O, ,DE BZHIN GSHEGS PA DAG LAS NI NYAN THOS DANG, RANG SANGS RGYAS THAMS CAD SKYE'O ZHES GSUNGS SO, ,YAB DANG SRAS MJAL BA'I MDO LAS KYANG, DGE SLONG DAG THAMS CAD MKHYEN PA NYID DANG LDAN PA'I SEMS BSKYED PA'I YON TAN GYI TSOGS NI, DE BZHIN GSHEGS PA GANG G'A'I KLUNG GI BYE MA SNYED KYIS BSKAL PA GANG G'A'I KLUNG GI BYE MA SNYED DU BRJOD KYANG BRJOD PAR MI NUS SO, ,DE CI'I PHYIR ZHE NA, DE BZHIN GSHEGS PA SNGON BYANG CHUB SEMS DPA'I SPYAD PA SPYOD PA NA SEMS CAN JI SNYED TZAM SEMS CAN DU BSDU BAR BSDUS PA'I SEMS CAN DE DAG THAMS CAD LA PHAN PA DANG MI LDAN PA'I SEMS GCIG KYANG MA SKYES SO, ,SEMS CAN GYI KHAMS TSAD MED DE, SEMS CAN GYI KHAMS JI SNYED PA DE BZHIN GSHEGS PA BYANG CHUB SEMS DPA'I SPYAD PA SPYOD PA NA SEMS BSKYED PA RE RE LAS BSOD NAMS KYI PHUNG PO DE SNYED SKYE'O, ,DE CI'I PHYIR ZHE NA, DGE SLONG DAG SEMS CAN GYI KHAMS NI MI ZAD PA STE, JI LTAR SEMS CAN GYI KHAMS MI ZAD PA DE BZHIN DU DE BZHIN GSHEGS PA BYANG CHUB SEMS DPA'I SPYAD PA SPYOD PA NA, SEMS BSKYED PA RE RE LAS KYANG BSOD NAMS KYI PHUNG PO MI ZAD PAR SKYE'O ZHES GSUNGS SO, ,DE BZHIN GSHEGS PA'I GSANG BA'I MDO LAS KYANG; BYANG CHUB SEMS DPA' RNAMS KYI BYANG CHUB KYI SEMS KYI TSOGS NI, DKON MCHOG GSUM GYI RIGS MI 'CHAD PAR 'GYUR RO ZHES GSUNGS SO, ,YANG DE NYID LAS 'BYUNG BA, ,BYANG CHUB SEMS KYI BSOD NAMS GANG, ,DE LA GAL TE GZUGS MCHIS NA, ,NAM MKHA'I KHAMS NI KUN GANG STE, ,DE NI DE BAS LHAG PAR 'GYUR, ,SEMS CAN KUN GYI BSOD NAMS KYI, ,PHUNG PO JI SNYED YONGS BZUNG BA, ,JE SNYED BYANG CHUB SEMS DPA' YI, ,BYANG CHUB SEMS LAS RAB TU 'BYUNG, ,ZHES GSUNGS SO, ,CHOS YANG DAG PAR SDUD PA'I MDO LAS KYANG, ,BYANG CHUB SEMS @156A *, ,DPAS BYANG CHUB KYI SEMS LAS CHOS THAMS CAD KHONG DU CHUD PAR RIG PAR BYA'O, ,CHOS THAMS CAD NI CHOS KYI DBYINGS DANG MNYAM STE, SHES BYA TZAM DU ZAD PA DANG YE SHES STONG PA'I PHYIR, CHOS THAMS CAD GLO BUR DU 'BYUNG BA, GNAS PA MA YIN PA, YONGS SU SHES PAR BYA BA MA YIN PA STE, SEMS CAN DAG KYANG 'DI LTA BU'I CHOS NYID 'DI RTOGS PAR BYA'O SNYAM DU, BYANG CHUB SEMS DPA'I SEMS BSKYED PA GANG YIN PA 'DI NI, BYANG CHUB SEMS DPA'I BYANG CHUB KYI SEMS ZHES BYA STE, SEMS CAN THAMS CAD LA PHAN PA DANG BDE BA'I SEMS SO; ,BLA NA MED PA'I SEMS SO, ,BYAMS PAS BRLAN PA'I SEMS SO, ,SNYING RJES YONGS SU MI SKYO BA'I SEMS SO, ,DGA' BA CHEN POS 'GYOD PA MED PA'I SEMS SO, ,BTANG SNYOMS KYIS DRI MA MED PA'I SEMS SO, ,STONG PA NYID KYIS MI 'GYUR BA'I SEMS SO, ,MTSAN MA MED PAS DMIGS PA MED PA'I SEMS SO, ,SMON PA MED PAS GNAS PA MED PA'I SEMS SO ZHES GSUNGS SO, ,THAMS CAD MKHYEN PA NYID DU YONGS SU BSNGOS PA'I DGE BA'I RTZA BA CHUNG NGU YANG BYANG CHUB KYI SNYING PO LA MA 'DUG GI BAR DU, BAR MA DOR ZAD PAR MI 'GYUR TE, 'PHAGS PA BLO GROS MI ZAD PAS BSTAN PA'I MDO LAS 'BYUNG BA, BTZUN PA SHA RA DVA TI'I BU DPER NA RGYA MTSO CHEN POR CHU THIGS PA GCIG LHUNG BA NI, BSKAL PA CHEN PO MA BYUNG GI BAR DU ZAD CING SKAM PAR MI 'GYUR RO, ,DE BZHIN DU BYANG CHUB TU YONGS SU BSNGOS PA'I DGE BA'I RTZA BA YANG BYANG CHUB KYI SNYING PO LA MA 'DUG GI BAR DU, BAR MA DOR ZAD CING MED PAR MI 'GYUR RO ZHES GSUNGS SO, ,THABS LA MKHAS PA'I MDO LAS KYANG, BYANG CHUB SEMS DPA' THABS LA MKHAS PA GAL TE BRGYA LA DBUL POR GYUR NA, DE THA NA KHA ZAS GZAR BU GANG ZHIG SBYIN NA YANG 'DI LTAR SLOB STE, BCOM LDAN 'DAS KYIS KYANG SEMS NI RGYA CHE'I SBYIN PA NI MI CHE'O ZHES GSUNGS PAS NA BDAG NI SBYIN PAR BYA BA'I CHOS YONGS SU BTANG BA CHUNG MOD KYI, THAMS CAD MKHYEN PA'I SEMS KYIS TSAD MED PAR 'GYUR RO SNYAM DU SEMS SO ZHES GSUNGS SO, ,BSKAL PA BZANG PO'I MDO LAS KYANG, DE BZHIN GSHEGS PA @156B SKAR MA'I RGYAL PO BA LANG RDZIR GYUR PA NA, DE BZHIN GSHEGS PA SGRA 'BYIN ZHES BYA BA DE LA SO RTZI'I 'DAB MA PHUL TE, DANG PO BYANG CHUB TU SEMS BSKYED DO, ,DE BZHIN GSHEGS PA GRAGS PA THAG PAR GYUR PA NA, DE BZHIN GSHEGS PA GLOG GI SGRON MA ZHES BYA BA DE LA RAS KYI KHA TSAR CIG PHUL TE, DANG PO BYANG CHUB TU SEMS BSKYED DO, ,DE BZHIN GSHEGS PA 'OD 'PHRO CAN GRONG GI SPRANG PO GYUR PA NA, DE BZHIN GSHEGS PA 'OD MTHA' YAS DE LA RTZA'I ME SGRON PHUL TE, DANG PO BYANG CHUB TU SEMS BSKYED DO, ,DE BZHIN GSHEGS PA GDUL DKA' SHING THUN DU GYUR PA NA DE BZHIN GSHEGS PA RNAM PAR GNON PA BRTAN PA ZHES BYA BA DE LA SO SHING PHUL TE, DANG PO BYANG CHUB TU SEMS BSKYED DO, ,DE BZHIN GSHEGS PA YON TAN GYI RGYAL MTSAN CHU SBYIN PA'I BDAG POR GYUR PA NA DE BZHIN GSHEGS PA 'JAM DPAL GRAGS PA ZHES BYA BA DE LA CHU PHOR BU GANG PHUL TE, DANG PO BYANG CHUB TU SEMS BSKYED DO, ,DE BZHIN GSHEGS PA STOBS KYI SDE SMAN PA'I RGYAL POR GYUR PA NA, DE BZHIN GSHEGS PA PHYAG CHEN ZHES BYA BA DE LA SKYU RU RA GCIG PHUL TE, DANG PO BYANG CHUB TU SEMS BSKYED DO ZHES GSUNGS SO, ,YANG RIN PO CHE'I PHUNG PO'I MDO LAS, DGRA BCOM PA'I 'BRAS BU 'DOD PA'I MI GANG LA LA ZHIG GIS, NOR BU RIN PO CHE DAG GIS 'JIG RTEN GYI KHAMS MTHA' YAS PA BKANG STE, SBYIN PA BYIN BA BAS, BYANG CHUB SEMS DPA' GANG GIS BYANG CHUB SEMS DPA'I THEG PA PA'I GANG ZAG MTHONG NAS THAMS CAD MKHYEN PA NYID DANG LDAN PA'I SEMS KYIS RJES SU YI RANG NA RJES SU YI RANG BA DANG LDAN PA'I BSOD NAMS 'DI LA SNGA MA'I SBYIN PA'I BSOD NAMS KYI PHUNG PO DES, BRGYA'I CHAR YANG NYE BAR MI 'GRO BA NAS, RGYU'I BAR DU YANG MI BZOD DO ZHES GSUNGS SO, ,BYANG CHUB SEMS DPA' THAMS CAD MKHYEN PAR YONGS SU BSNGOS PAS SBYIN PA DE JI LTAR ZIL GYIS GNON ZHE NA, SHES RAB KYI PHA ROL TU PHYIN PA LAS 'BYUNG BA, SH'A RI'I BU 'DI LA BYANG CHUB SEMS DPA' SEMS DPA' CHEN PO RJES SU YI RANG BA DANG LDAN PA'I SEMS BSKYED PA GCIG GIS, NYAN THOS DANG RANG SANGS RGYAS KYI SBYIN PA DANG TSUL KHRIMS DANG, BZOD PA DANG, BRTZON 'GRUS @157A *, ,DANG; BSAM GTAN DANG, SHES RAB RNAMS ZIL GYIS GNON PAR 'DOD PAS, SHES RAB KYI PHA ROL TU PHYIN PA LA BSLAB PAR BYA'O ZHES GSUNGS SO, ,SEMS CAN RNAMS LA SNYING RJE CHE BA NI RNYED PAR DKA' STE, SEMS CAN RNAMS LA SNYING RJE CHE BA RNYED PAR DKA' BAR CI MNGON ZHE NA, MDO SDE MANG PO LAS THOS PA'I PHYIR TE, ZLA BA'I SNYING PO'I LE'U LAS 'BYUNG BA, GROGS PO DAG SEMS CAN RNAMS LA SNYING RJE BA DANG, SNYING BRTZE BA NI RNYED PAR DKA' STE, DGRA DPA' BO LAG NA RDO RJE THOGS SHING DRAG TU 'DEBS PA'I NANG NAS SGROL BA BZHIN NO ZHES GSUNGS SO, ,BYANG CHUB SEMS DPA'I SDE SNOD KYI MDO LAS 'BYUNG BA, 'DI LA BYANG CHUB SEMS DPA' BYANG CHUB TU MNGON PAR MOS PA'I SNGON DU 'GRO BA NI SNYING RJE CHEN PO YIN NO, ,DPER NA MI'I SROG GI DBANG PO'I SNGON DU 'GRO BA NI DBUGS 'BYIN PA DANG RNGUB PA'O, ,DE BZHIN DU BYANG CHUB SEMS DPA' THEG PA CHEN PO YANG DAG PAR BSGRUB PA'I SNGON DU 'GRO BA NI SNYING RJE CHEN PO'O, ,DPER NA 'KHOR LOS SGYUR BA'I RGYAL PO'I RIN PO CHE THAMS CAD KYI SNGON DU 'GRO BA NI 'KHOR LO RIN PO CHE'O, ,DE BZHIN DU BYANG CHUB SEMS DPA'I SNYING RJE CHEN PO YANG SANG RGYAS KYI CHOS THAMS CAD KYI SNGON DU 'GRO BA'O ZHES GSUNGS SO, ,YANG DE NYID LAS BDAG GI 'KHRUL PA LA SO SOR RTOG CING, GZHAN GYI 'KHRUL PA LA SNYING RJE BA'O ZHES KYANG GSUNGS SO, ,KHYIM BDAG DPAS BYIN GYIS ZHUS PA LAS KYANG, KHYIM BDAG RNAMS 'DI LA BYANG CHUB SEMS DPA' BYANG CHUB MNGON PAR RDZOGS PAR 'TSANG RGYA BAR 'DOD PAS, SEMS CAN THAMS CAD LA SNYING RJE CHEN PO'I SEMS BSKYED DE LUS DANG SROG LA MA CHAGS PAR BYA'O, ,NOR DANG, 'BRU DANG, KHYIM DANG, CHUNG MA DANG, BU PHO DANG, BU MO DANG, ZAS DANG, SKOM DANG, GOS DANG, BZHON PA DANG, MAL CHA DANG, BDUG PA DANG, SPOS DANG, PHRENG BA DANG, BYUG PA DANG, YO BYAD THAMS CAD LA MA CHAGS PAR BYA'O, , DE CI'I PHYIR ZHE NA, KHYIM BDAG RNAMS SEMS CAN DAG NI PHAL CHER LUS DANG SROG LA SOGS PA LA CHAGS TE, SDIG PA'I LAS BYAS PAS NGAN 'GRO RNAMS SU SKYE LA, SEMS CAN RNAMS LA SNYING RJE CHEN PO'I SEMS BSKYED NAS, LUS DANG SROG LA MA CHAGS PAR BDE 'GROR SKYE STE, @157B DES SEMS CAN THAMS CAD YID LA BYAS LA, SBYIN PA LA SOGS PA DGE BA'I CHOS THAMS CAD LA BRTZON PAR BYA'O ZHES GSUNGS SO, ,BYANG CHUB SEMS DPA' RNAMS NI SNYING RJE'I BDAG NYID CAN YIN TE, JI LTA ZHE NA, 'PHAGS PA DKON MCHOG SPRIN GYI MDO LAS 'BYUNG BA, RIGS KYI BU CHOS BCU DANG LDAN NA, BYANG CHUB SEMS DPA' SNYING RJE'I BDAG NYID CAN RNAMS YIN NO, ,BCU GANG ZHE NA 'DI LTA STE, SEMS CAN SDUG BSNGAL BA DANG, SKYABS MED PA DANG, MGON MED PA DANG, RTEN MED PA DANG, DPUNG GNYEN MED PA DAG MTHONG NA, BYANG CHUB TU SEMS BSKYED DO, ,BYANG CHUB TU SEMS BSKYED NAS, CHOS NYID THOB PAR BYA BA'I PHYIR 'BAD RTZOL BRTZON 'GRUS RTZOM STE, DKA' BA SPYOD PA BRGYA DAG KYANG BYED DO, ,DE DAG CHOS NYID THOB NAS SEMS CAN RNAMS LA PHAN PAR BYED DO, ,'DI LTA STE, SEMS CAN SER SNA CAN RNAMS SBYIN PA LA GZHOL BAR BYED, TSUL KHRIMS 'CHAL PA RNAMS TSUL KHRIMS LA, GNOD SEMS CAN RNAMS BZOD PA LA, LE LO CAN RNAMS BRTZON 'GRUS LA, SEMS 'KHRUGS PA RNAMS BSAM GTAN LA, SEMS CAN SHES RAB 'CHAL BA RNAMS MTHONG NA, SHES RAB LA GZHOL BAR BYED KYANG, SEMS CAN GYI SDUG BSNGAL MI BZAD PA, RTZUB PA TSA BDAG GIS NYEN CING BYANG CHUB LAS PHYIR LDOG PAR MI 'GYUR RO, ,RIGS KYI BU CHOS BCU PO DE DAG DANG LDAN NA, BYANG CHUB SEMS DPA' SNYING RJE'I BDAG NYID CAN YIN NO ZHES GSUNGS SO, ,GZUNGS KYI DBANG PHYUG GI RGYAL POS ZHUS PA LAS KYANG, KYE MA SEMS CAN 'DI DAG NI SRID PA'I KHOL PO CHEN PO, CHUNG MA DANG, BU PHO DANG, BU MO LA YONGS SU ZHEN PAS SBAGS PA RANG DBANG MED PA BDAG LA MI 'BONGS PA DAG STE, RANG DBANG YOD PA'I BDAG LA 'BONGS PAR BYA BA DANG, GAR DGA' BAR 'GRO BAR BYA BA'I PHYIR, DE DAG LA CHOS BSTAN PAR BYA'O SNYAM DU, SEMS CAN RNAMS LA BYANG CHUB SEMS DPA'I SNYING RJE CHEN PO SKYE BA DANG, KYE MA SEMS CAN 'DI DAG NI PHAN TSUN DU MI 'PHROD PA KHRO BA DANG, ZHE SDANG DANG, GNOD SEMS MANG BA DAG STE, KHRO BA DANG, ZHE SDANG DANG, GNOD SEMS SPANG BAR BYA BA'I PHYIR, DE DAG LA CHOS BSTAN PAR BYA'O SNYAM DU SEMS CAN RNAMS LA @158A *, ,BYANG CHUB SEMS DPA'I SNYING RJE CHEN PO SKYE BA DANG, KYE MA SEMS CAN 'DI DAG NI SDIG PA'I GROGS POS YONGS SU ZIN PA, DGE BA'I BSHES GNYEN DANG BRAL BA SDIG PA'I LAS BYED PA DAG STE, DGE BA'I BSHES GNYEN GYIS YONGS SU ZIN PA DANG, SDIG PA'I GROGS PO YONGS SU SPANG BAR BYA BA'I PHYIR, DE DAG LA CHOS BSTAN PAR BYA'O SNYAM DU SEMS CAN RNAMS LA BYANG CHUB SEMS DPA'I SNYING RJE CHEN PO SKYE BA DANG, KYE MA SEMS CAN 'DI DAG NI BRKAM PA, CHAGS PAS ZIL GYIS GNON PA CHOG MI SHES SHING, 'PHAGS PA'I SHES RAB KYI GNAS PA DANG BRAL BA DAG STE, CHAGS PA SPANG BA DANG, 'PHAGS PA'I SHES RAB BSKYED PA'I PHYIR, DE DAG LA CHOS BSTAN PAR BYA'O SNYAM DU SEMS CAN RNAMS LA BYANG CHUB SEMS DPA'I SNYING RJE CHEN PO SKYE BA DANG, KYE MA SEMS CAN 'DI DAG NI LAS KYI RNAM PAR SMIN PA LA MI LTA ZHING RTAG PA DANG CHAD PA LA GNAS PA DAG STE, RTEN CING 'BREL BAR 'BYUNG BA ZAB MO DANG, LAS DANG BYA BA LA GZUD PA'I PHYIR, DE DAG LA CHOS BSTAN PAR BYA'O SNYAM DU SEMS CAN RNAMS LA BYANG CHUB SEMS DPA'I SNYING RJE CHEN PO SKYE BA DANG, KYE MA SEMS CAN 'DI DAG NI MA RIG PA DANG, GTI MUG GIS LDONGS PA DANG, BDAG DANG SEMS CAN DANG, SROG DANG, GSO BA DANG, SKYES BU DANG, GANG ZAG LA MNGON PAR ZHEN PA DAG STE, 'PHAGS PA'I SHES RAB KYI MIG RNAM PAR DAG PAR BYA BA DANG, LTA BAR GYUR PA THAMS CAD SPANG BAR BYA BA'I PHYIR, DE DAG LA CHOS BSTAN PAR BYA'O SNYAM DU SEMS CAN RNAMS LA BYANG CHUB SEMS DPA'I SNYING RJE CHEN PO SKYE BA DANG, KYE MA SEMS CAN 'DI DAG NI BDUD KYI ZHAGS PA'I BCING BAS BCINGS PA G-YO BA DANG, RLOM SEMS LA GNAS PA DAG STE, BDUD KYI ZHAGS PAS BCINGS PA THAMS CAD LAS RNAM PAR DGROL BA DANG, G-YO BA DANG, RLOM SEMS CAN RNAMS LA BYANG CHUB SEMS DPA'I SNYING RJE CHEN PO SKYE BA DANG, KYE MA SEMS CAN 'DI DAG NI BDUD KYI ZHAGS PA'I BCING BAS BCINGS PA G-YO BA DANG, RLOM SEMS LA GNAS PA DAG STE, BDUD KYI ZHAGS PAS BCINGS PA THAMS CAD LAS RNAM PAR DGROL BA DANG, G-YO BA DANG, RLOM SEMS SPANG BA'I PHYIR DE @158B DAG LA CHOS BSTAN PAR BYA'O SNYAM DU SEMS CAN RNAMS LA BYANG CHUB SEMS DPA'I SNYING RJE CHEN PO SKYE BA DANG, KYE MA SEMS CAN 'DI DAG NI MYA NGAN LAS 'DA' BA'I SGO BCAD CING NGAN 'GRO'I SGO PHYE BA DAG STE, MYA NGAN LAS 'DAS PA'I SGO DBYE BA DANG, NGAN 'GRO'I SGO BCAD PAR BYA BA'I PHYIR, DE DAG LA CHOS BSTAN PAR BYA'O SNYAM DU SEMS CAN RNAMS LA BYANG CHUB SEMS DPA'I SNYING RJE CHEN PO SKYE'O ZHES GSUNGS SO, ,'DI DAG PAS KYANG GANG DAG BYANG CHUB SEMS DPA' LA RMA 'BYIN PA'I LAS KYI SGRIB PA DANG, BDUD KYI LAS DANG, BRNYAS PA'I SEMS DANG, DAM PA'I CHOS SPONG BA LA SOGS PA BAR DU GCOD PA'I CHOS RNAMS YONGS SU SPONG BA'I SEMS CAN DE DAG NI CHES RNYED PAR DKA'O, ,DE LA BYANG CHUB SEMS DPA' LA RMA 'BYIN PA NI DAD PA'I STOBS BSKYED PA LA 'JUG PA'I PHYAG RGYA'I MDO LAS 'BYUNG BA, 'JAM DPAL GANG LA LA ZHIG GIS 'JIG RTEN GYI KHAMS THAMS CAD KYI RDUL PHRA RAB KYI RDUL SNYED KYI SEMS CAN RNAMS KYI DGE BA'I RTZA BA'I BAR CHAD BYAS PA BAS, GANG GZHAN ZHIG GIS DGE BSNYEN STON PA GZHAN LA MI BRTEN PAR DGE BA BCU'I LAS KYI LAM DANG LDAN PA GCIG GI DGE BA'I RTZA BA CIG GI BAR CHAD BYAS PA DE NI DE BAS SDIG PA CHES GRANGS MED PAR SKYED DO, ,GANG LA LA ZHIG GIS 'JIG RTEN GYI KHAMS THAMS CAD KYI RDUL PHRA RAB KYI RDUL SNYED KYI DGE BSNYEN RNAMS KYI DGE BA'I RTZA BA BAR CHAD BYAS PA BAS GANG GZHAN ZHIG GIS DGE SLONG GCIG GI DGE BA'I RTZA BA CIG GI BAR CHAD BYAS NA DE NI DE BAS SDIG PA CHES GRANGS MED PA SKYED DO, ,DE LTAR RIM BZHIN DU DAD PAS RJES SU 'BRANG BA DANG; CHOS KYI RJES SU 'BRANG BA DANG, BRGYAD PA DANG, RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA DANG, RANG SANGS RGYAS DANG, BYANG CHUB SEMS DPA' PHYUGS KYI SHING RTA LTA BUS 'GRO BA DANG, GLANG PO CHE'I SHING RTA LTA BUS 'GRO BA DANG, ,ZLA BA DANG NYI MA LTA BUS 'GRO BA DANG, NYAN THOS KYI RDZU 'PHRUL LTA BUS 'GRO BA DANG, GANG LA LAS 'JIG RTEN GYI KHAMS THAMS CAD KYI RDUL PHRA RAB KYI RDUL SNYED KYI NYAN THOS KYI RDZU 'PHRUL LTA BUS 'GRO BA'I BYANG CHUB SEMS DPA' RNAMS KYI DGE BA'I RTZA BA'I BAR CHAD BYAS PA BAS, GANG GZHAN ZHIG @159A *, ,GIS DE BZHIN GSHEGS PA'I RDZU 'PHRUL LTA BUS 'GRO BA'I BYANG CHUB SEMS DPA' GCIG GI DGE BA'I RTZA BA'I BAR CHAD BYAS SAM, KHROS SAM, BRNYAS PA'I SEMS BSKYED NA, DE NI DE BAS SDIG PA CHES GRANGS MED PA SKYED DO, ,GANG LA LA ZHIG GIS PHYOGS BCU'I 'JIG RTEN THAMS CAD KYI RDUL PHRA RAB KYI RDUL SNYED KYI SEMS CAN RNAMS KYI MIG PHYUNG STE BDOG PA THAMS CAD PHROGS PA BAS, GANG GZHAN ZHIG GIS BYANG CHUB SEMS DPA' LA BRNYAS PA'I SEMS SKYES NAS DE LA SPYOS SHING BRGYAD DE, NYAM NGA BAR BYAS NA, DE NI DE BAS SDIG PA CHES MANG DU SKYED DO, ,GANG LA LA ZHIG GIS BYANG CHUB SEMS DPA' LA RKYEN GANG YANG RUNG BAS KHYAD DU BSAD DE SPYOS NA, DE'I SDIG PA'I LAS KYIS SEMS CAN DMYAL BA DU 'BOD CHEN POR SKYE STE, LUS DPAG TSAD LNGA BRGYA PA LAS MGO BO LNGA BRGYA YOD DE, MGO BO RE RE LA LCE BRGYA BRGYA LCE RE RE LA YANG LCAGS KYI THONG GSHOL 'BAR BA LNGA BRGYA LNGA BRGYAS RMO'O, ,GANG LA LA ZHIG GIS STONG GSUM GYI STONG CHEN PO'I 'JIG RTEN GYI KHAMS SU SKYES PA'I SEMS CAN THAMS CAD LA DBYUG PAS BRDEG PA DANG, MTSON GYIS GDAB PA CHER BYAS TE, BDOG PA THAMS CAD PHROGS PA BAS, GANG GZHAN ZHIG GIS BYANG CHUB SEMS DPA' LA BRNYAS PA'I SEMS BSKYED DE, KHROS SHING GNOD SEMS DANG THA BA DANG, KHROS PA'I SEMS BSKYED NA, DE NI DE BAS SDIG PA CHES GRANGS MED PAR BSKYED DO, ,GTUM ZHING SEMS CAN RNAMS LA GNOD PAR DGA' BA GANG LA LAS GANG G'A'I KLUNG GI BYE MA SNYED KYI 'JIG RTEN GYI KHAMS RNAMS SU, 'JIG RTEN GYI KHAMS RE RE ZHING YANG GANG G'A'I KLUNG GI BYE MA SNYED KYI DGRA BCOM PA'I SROG GCOD PA DANG, GANG G'A'I KLUNG GI BYE MA SNYED KYI RIN PO CHE'I MCHOD RTEN RIN PO CHE'I STEGS BUS BSKOR TE, GDUGS DANG, RGYAL MTSAN DANG, BA DAN BSGRENG BA BSHIG PA BAS, GANG GZHAN ZHIG GIS THEG PA CHEN PO LA DAD PA'I BYANG CHUB SEMS DPA' LA THEG PA CHEN PO NYID LAS GZHI BLANGS TE, BRNYAS PA'I SEMS BSKYED PA DANG, RKYEN GANG YANG RUNG BAS KHRO ZHING GSHE BA DANG, SPYOS ZHING NYAM NGA BAR BYAS NA, DE NI DE BAS KYANG SDIG PA CHES GRANGS MED PA SKYED DO, ,DE CI'I PHYIR ZHE NA, DE BZHIN @159B GSHEGS PA RNAMS NI BYANG CHUB SEMS DPA' LAS SKYES PA'I PHYIR RO, ,GANG BYANG CHUB SEMS DPA' LA SKUR PA 'DEBS PA NI, SANGS RGYAS KYI RIGS GCOD PAR ZHUGS PA YIN NA, ,GANG BYANG CHUB SEMS DPA' LA SKUR BA 'DEBS PA DES DAM PA'I CHOS SPANGS PA YIN NO, ,CHOS GZHAN MA YIN, CHOS YONGS SU 'DZIN PA GZHAN MA YIN TE, CHOS YONGS SU 'DZIN PA DE NI CHOS SO, ,GANG LA LA ZHIG KHROS TE PHYOGS BCU'I 'JIG RTEN GYI KHAMS KYI SEMS CAN THAMS CAD MUN PA MUN NAG TU BCUG PA BAS, GANG GZHAN ZHIG KHROS TE, BYANG CHUB SEMS DPA' LA RGYAB KYIS PHYOGS SHING, MA RUNGS PA DE MA MTHONG YANG BLA SNYAM PA DE NI DE BAS SDIG PA CHES GRANGS MED PAR SKYED DO, ,GANG LA LA ZHIG GIS 'DZAM BU'I GLING GI SEMS CAN RNAMS KYI SROG BCAD DE, BDOG PA THAMS CAD PHROGS PA BAS, GANG GZHAN ZHIG GIS BYANG CHUB SEMS DPA' CI 'DRA YANG RUNG BA LA, SMAD PA 'DI NI DE LAS SDIG PA CHES GRANG MED PA SKYED DO ZHES JI SKAD GSUNGS PA LTA BU'O, ,'PHAGS PA BYAMS PA SENG GE SGRA'I MDO LAS KYANG, BYANG CHUB SEMS DPA' GANG LA LA ZHIG GIS STONG GSUM GYI STONG CHEN PO'I 'JIG RTEN GYI KHAMS SU GTOGS PA'I SEMS CAN THAMS CAD LA SPYOS PA DANG, BRGYAD PA DANG, DBYUG PA DANG, KHU TSUR GYIS BRDEG PA DE TZAM GYIS BYANG CHUB SEMS DPA' LA RMA PHYUNG ZHING SMAS PAR MI 'GYUR GYI BYANG CHUB SEMS DPA' GANG GIS BYANG CHUB SEMS DPA' GCIG LA, THA NA GNOD SEMS DANG, THAB DANG, ZHES SDANG GI SEMS BSKYED PA DE TZAM GYIS BYANG CHUB SEMS DPA' LA RMA PHYUNG ZHING SMAS PAR 'GYUR RO, ,DE CI'I PHYIR ZHE NA, GAL TE DES THAMS CAD MKHYEN PA YONGS SU MA BTANG NA, BYANG CHUB SEMS DPAS BYANG CHUB SEMS DPA'I CIG SHOS LA GNOD SEMS DANG, THA BA DANG, ZHES SDANG GIS SEMS JI SNYED DU BSKYED PA DE SNYED KYI BSKAL PAR GO CHA GZOD YANG BGO DGOS SO ZHES GSUNGS SO, ,'PHAGS PA 'JAM DPAL RNAM PAR ROL PA'I MDO LAS KYANG, KHONG KHRO BA KHONG KHRO BA ZHES BYA BA DE NI, 'JAM DPAL GANG DGE BA'I RTZA BA BSKAL PA BRGYAR BSAGS PA 'JOMS PAR BYED PA STE, DE BAS NA KHONG KHRO BA'O ZHES GSUNGS SO, ,'PHAGS @160A *, ,PA ZLA BA SGRON MA'I MDO LAS KYANG, PHAN TSUN GNOD PA'I SEMS SU GANG BYED PA, ,DE LA TSUL KHRIMS THOS PAS SKYOB MI BYED, ,BSAM GTAN DANG NI DGON GNAS MI SKYOB STE, ,SBYIN DANG SANGS RGYAS MCHOD PA'ANG SKYOB MI BYED, ,CES GSUNGS SO, ,DE LTAR BYANG CHUB SEMS DPA' RNAMS DANG, BCOM LDAN 'DAS LA GNOD PAR BYAS PA'I SDIG PA CHE BA NI BSHAD ZIN TO, DE DAG LA LEGS PAR BYAS PA'I BSOD NAMS SHIN TU CHE BA BSTAN TO, ,NGES PA DANG MA NGES PA LA 'JUG PA'I PHYAG RGYA'I MDO LAS 'BYUNG BA, 'JAM DPAL YONGS SU BRTAG PA BZUNG NAS GAL TE PHYOGS BCU'I 'JIG RTEN GYI KHAMS THAMS CAD KYI SEMS CAN THAMS CAD KYI MIG PHYUNG BAR GYUR LA, YONGS SU BRTAGS PA BZUNG STE, RIGS KYI BU'AM RIGS KYI BU MO GANG LA LAS SEMS CAN DE DAG THAMS CAD LA BYAMS PA'I SEMS KYIS DE DAG GI MIG BSKYED PA BAS 'JAM DPAL RIGS KYI BU'AM, RIGS KYI BU MO GANG GZHAN ZHIG THEG PA CHEN PO LA MOS PA'I BYANG CHUB SEMS DPA' LA, DAD PA'I SEMS KYIS LTA NA, 'DI NI DE BAS BSOD NAMS CHES GRANGS MED PAR SKYED DO, ,'JAM DPAL RIGS KYI BU'AM RIGS KYI BU MO GANG LA LA PHYOGS BCU'I 'JIG RTEN GYI KHAMS KYI SEMS CAN THAMS CAD BTZON RAR BCUG PA BTZON RA NAS BTON TE, 'KHOR LOS SGYUR BA'I BDE BA LA BKOD PA BAS, 'JAM DPAL RIGS KYI BU'AM RIGS KYI BU MO GANG GZHAN ZHIG THEG PA CHEN PO LA MOS PA'I BYANG CHUB SEMS DPA' LA DAD PA'I SEMS KYIS LTA 'DOD CING BSNGAGS PA BRJOD NA 'DI NI DE BAS BSOD NAMS CHES GRANGS MED PA SKYED DO ZHES GSUNGS SO,, ,,BAM PO GNYIS PA, DAD PA'I STOBS BSKYED PA LA 'JUG PA'I PHYAG RGYA'I MDO LAS KYANG, 'JAM DPAL RIGS KYI BU'AM RIGS KYI BU MO GANG LA LA ZHIG GIS 'JIG RTEN GYI KHAMS THAMS CAD KYI RDUL PHRA RAB KYI RDUL SNYED KYI SEMS CAN RNAMS LA, BSKAL PA GANG G'A'I KLUNG GI BYE MA SNYED DU NYIN RE ZHING LHA'I ZAS RO SNA BRGYA DANG LDAN PA BYIN PA DANG, LHA'I GOS SBYIN PA BYIN PA BAS, GANG GZHAN ZHIG GIS STON PA GZHAN LA MI BSTEN PA'I DGE BSNYEN DGE BA BCU'I LAS KYI LAM DANG LDAN PA CIG LA, 'DI NI SANGS @160B RGYAS BCOM LDAN 'DAS KYI BSLAB PA LA SLOB PA YIN NO SNYAM DU BSAMS NAS NYIN GCIG ZAN GCIG BYIN LA, 'DI NI DE BAS BSOD NAMS CHES GRANGS MED PA SKYED DO, ,DE BZHIN DU DGE SLONG DAD PAS RJES SU 'BRANG BA DANG, CHOS KYI RJES SU 'BRANG BA DANG, BRGYAD PA DANG, RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA DANG, RANG SANGS RGYAS DAG STE, RIGS KYI BU'AM RIGS KYI BU MO GANG LA LA ZHIG GIS 'JIG RTEN GYI KHAMS THAMS CAD KYI RDUL PHRA RAB KYI RDUL SNYED KYI RANG SANGS RGYAS LA, BSKAL PA GANG G'A'I KLUNG GI BYE MA SNYED DU NYIN GCIG BZHIN DU ZAS RO SNA BRGYA PA BYIN PA DANG, DE BZHIN DU LHA'I GOS SBYIN PA BYIN PA BAS, RIGS KYI BU'AM RIGS KYI BU MO GANG LA LA ZHIG GIS DE BZHIN GSHEGS PA'I SKU GZUGS RI MOR BRIS PA DANG, 'JIM PA LAS BYAS PA MTHONG BA 'DI YANG DE BAS BSOD NAMS CHES GRANG MED PAR BSKYED NA, THAL MO SBYAR BA DANG, ME TOG DANG, BDUG PA DANG, SPOS DANG, MAR ME 'BUL NA, BSOD NAMS DE BAS CHES GRANGS MED PA BSKYED PA LTA CI SMOS, GANG LA LA ZHIG GIS GANG G'A'I KLUNG GI BYE MA SNYED KYI SANGS RGYAS BCOM LDAN 'DAS NYAN THOS KYI DGE 'DUN DANG BCAS PA LA BSKAL PA GANG G'A'I KLUNG GI BYE MA SNYED DU NYIN GCIG BZHIN DU LHA'I ZAS RO SNA BRGYA PA PHUL BA DANG, DE BZHIN DU LHA'I NA BZA' PHUL BA BAS, GANG GZHAN ZHIG GIS PHYUGS KYI SHING RTA LTA BUS 'GRO BA'I BYANG CHUB SEMS DPA' BSAM PA PHUN SUM TSOGS PA GCIG LA SANGS RGYAS LA DGE BA'I RTZA BA BSKYED PA GANG YANG RUNG BAS BSDU BAR BYA STE, THA NA NYIN GCIG ZAN GCIG BYIN NA DE NI DE BAS BSOD NAMS CHES GRANGS MED PA SKYED DO, ,GANG LA LA ZHIG GIS 'JIG RTEN GYI KHAMS THAMS CAD KYI RDUL PHRA RAB KYI RDUL SNYED KYI PHYUGS KYI SHING RTA LTA BUS 'GRO BA'I BYANG CHUB SEMS DPA' RNAMS LA DE TZAM DU BSTI STANG DU BYAS PA BAS, GANG GZHAN ZHIG GIS GLANG PO CHE'I SHING RTA LTA BUS 'GRO BA GCIG LA NYIN GCIG ZAN GCIG BYIN NA DE NI DE BAS BSOD NAMS CHES GRANGS MED PA SKYED DO, ,GANG LA LA ZHIG GIS GLANG PO CHE'I SHING RTA LTA BUS 'GRO BA'I BYANG CHUB SEMS DPA' RNAMS LA DE TZAM DU @161A *, ,BSTI STANG BYAS PA BAS, GANG GZHAN ZHIG GIS ZLA BA DANG NYI MA LTA BUS 'GRO BA'I BYANG CHUB SEMS DPA' GCIG LA NYIN GCIG ZAN GCIG BYIN NA DE NI DE BAS BSOD NAMS CHES GRANGS MED PAR SKYED DO, ,GANG LA LA ZHIG GIS ZLA BA DANG NYI MA LTA BUS 'GRO BA DE RNAMS LA DE TZAM DU BSTI STANG BYAS PA BAS, GANG GZHAN ZHIG NYAN THOS KYI RDZU 'PHRUL LTA BUS 'GRO BA'I BYANG CHUB SEMS DPA' GCIG LA NYIN GCIG ZAN GCIG BYIN NA, DE NI DE BAS BSOD NAMS CHES GRANGS MED PA SKYED DO, ,GANG GIS DE TZAM DU NYAN THOS KYI RDZU 'PHRUL LTA BUS 'GRO BA'I BYANG CHUB SEMS DPA' RNAMS LA BSTI STANG BYAS PA BAS, DE BZHIN GSHEGS PA'I RDZU 'PHRUL LTA BUS 'GRO BA'I BYANG CHUB SEMS DPA' GCIG LA NYIN GCIG ZAN GCIG BYIN NA, DE NI DE BAS BSOD NAMS CHES GRANGS MED PA SKYED DO ZHES GSUNGS SO, ,DE LA PHYUGS KYI SHING RTA LTA BUS 'GRO BA'I BYANG CHUB SEMS DPA' NAS, DE BZHIN GSHEGS PA'I RDZU 'PHRUL LTA BUS 'GRO BA'I BAR DU GANG ZHE NA, NGES PA DANG MA NGES PA LA 'JUG PA'I PHYAG RGYA'I MDO LAS 'BYUNG BA, 'JAM DPAL BYANG CHUB SEMS DPA' 'DI LNGA STE, LNGA GANG ZHE NA, 'DI LTA STE, PHYUGS KYI SHING RTA LTA BUS 'GRO BA DANG, GLANG PO CHE'I SHING RTA LTA BUS 'GRO BA DANG, ZLA BA DANG NYI MA LTA BUS 'GRO BA DANG, NYAN THOS KYI RDZU 'PHRUL LTA BUS 'GRO BA DANG, DE BZHIN GSHEGS PA'I RDZU 'PHRUL LTA BUS 'GRO BA'O, ,PHYUGS KYI SHING RTA LTA BUS 'GRO BA DANG GLANG PO CHE'I SHING RTA LTA BUS 'GRO BA'I BYANG CHUB SEMS DPA' RNAMS NI BYANG CHUB LAS PHYIR LDOG GO, ,ZLA BA DANG NYI MA LTA BUS 'GRO BA DANG, NYAN THOS KYI RDZU 'PHRUL LTA BUS 'GRO BA DANG, DE BZHIN GSHEGS PA'I RDZU 'PHRUL LTA BUS 'GRO BA'I BYANG CHUB SEMS DPA' RNAMS NI BYANG CHUB LAS PHYIR MI LDOG GO, ,DE LA PHYUGS KYI SHING RTA LTA BUS 'GRO PA'I BYANG CHUB SEMS DPA' GANG ZHE NA, DPER NA SKYES BU LA LA ZHIG SANGS RGYAS KYI ZHING LNGA'I RDUL PHRA RAB KYI RDUL SNYED KYI 'JIG RTEN GYI KHAMS 'DA' BAR 'DOD NAS DE PHYUGS KYI SHING RTA LA ZHON TE LAM DU ZHUGS NAS DE YUN RING ZHIG LON NAS DPAG TSAD BRGYAR PHYIN PA LAS, DE RLUNG GI DKYIL @161B 'KHOR CHEN POS BZLOG NAS DPAG TSAD BRGYAD CUR DED DE PHYIR PHUL NA, SKYES BU DE PHYUGS KYI SHING RTAS 'JIG RTEN GYI KHAMS DE DAG 'DA' BA'AM, BSKAL PA NAS BRJOD DU MED PA'I YANG BRJOD DU MED PA'I BSKAL PAR YANG 'JIG RTEN GYI KHAMS GCIG KYANG 'DA' BAR NUS SAM, GSOL PA BCOM LDAN 'DAS DE NI GNAS MA LAGS TE, GO SKABS MA MCHIS SO, ,BCOM LDAN 'DAS KYIS BKA' STZAL PA, DE BZHIN DU GANG LA LA ZHIG GIS BYANG CHUB TU SEMS BSKYED LA THEG PA CHEN PO MI 'DZIN MI KLOG KHA TON DU MI BYED, TSUL BZHIN DU YID LA MI BYED PAR NYAN THOS KYI THEG PA PA RNAMS LA BSNYEN CING DE DAG DANG LHAN CIG TU BSTEN PAR BYED, NYAN THOS KYI THEG PA KLOG CING KHA TON DU BYED LA, DPYOD CING KUN CHUB PAR BYED LA, GZHAN YANG KLOG TU 'JUG PA NAS, KHONG DU CHUD PA'I BAR DU BYED NA, DE NI DES SHES RAB RTUL POR 'GYUR TE, DE NI BLA NA MED PA YE SHES KYI LAM LAS SLAR DRANGS NAS PHYIR BZLOG GO, ,BYANG CHUB SEMS DPA' DE'I BYANG CHUB KYI SEMS BSGOMS PA LAS BYUNG BA'I SHES RAB KYI DBANG PO DANG, SHES RAB KYI MIG GANG YIN PA DE YANG RTUL POR 'GYUR ZHING NYAMS PAR BYED DE, 'DI NI PHYUGS KYI SHING RTA LTA BUS 'GRO BA'I BYANG CHUB SEMS DPA'O, ,DE LA GLANG PO CHE'I SHING RTA LTA BUS 'GRO BA'I BYANG CHUB SEMS DPA' GANG ZHE NA, DPER NA GANG LA LA ZHIG 'JIG RTEN GYI KHAMS DE SNYED 'DA' BAR 'DOD DE, YAN LAG BRGYAD DANG LDAN PA'I GLANG PO CHE'I SHING RTA LA ZHON NAS LAM DU ZHUGS TE, DES LO BRGYAS DPAG TSAD NYIS STONG DU SON PA LAS, RLUNG GI DKYIL 'KHOR CHEN POS LAM DE NAS PHYIR BDAS TE BZLOG PA NAS GO SKABS MA MCHIS PA'I BAR DU STE, DE BZHIN DU GANG BYANG CHUB TU SEMS BSKYED NAS, THEG PA CHEN PO YANG 'CHANG ZHING KLOG LA KHA TON BYED CING TSUL BZHIN DU YID LA BYED LA NYAN THOS KYI THEG PA PA RNAMS LA YANG BRTEN PA NAS NYAN THOS KYI THEG PA KLOG CING SHES PAR BYED PA'I BAR 'DI NI GLANG PO CHE'I SHING RTA LTA BUS 'GRO BA'I BYANG CHUB SEMS DPA'O, ,ZLA BA DANG NYI MA LTA BUS 'GRO BA'I BYANG CHUB SEMS DPA' GANG ZHE NA, DPER NA LA LA ZHIG DE SNYED KYI 'JIG RTEN GYI KHAMS 'DA' BAR 'DOD @162A *, ,DE; DE ZLA BA DANG NYI MA LTA BUS 'GRO BAS LAM DU ZHUGS NA DES 'JIG RTEN GYI KHAMS DE THAMS CAD LAS 'DAS PAR NUS SAM, GSOL PA, BCOM LDAN 'DAS DUS YUN RING MO ZHIG NA 'DA' BAR RNGO THOGS SO, ,BCOM LDAN 'DAS KYIS BKA' STZAL PA, DE BZHIN DU GANG LA LA ZHIG GIS BYANG CHUB TU SEMS BSKYED DE, NYAN THOS KYI THEG PA PA RNAMS LA MI BSTEN PA NAS, KHONG DU CHUD PAR BYED PA MA YIN PA'I BAR DU STE, THA NA NYAN THOS KYI THEG PA PA'I TSIGS BCAD GCIG TZAM YANG MI KLOG PAR THEG PA CHEN PO NYID KLOG PA NAS THEG PA CHEN PO NYID KHONG DU CHUD PAR BYED PA'I BAR 'DI NI ZLA BA DANG NYI MA LTA BUS 'GRO BA'I BYANG CHUB SEMS DPA'O, ,NYAN THOS KYI RDZU 'PHRUL LTA BUS 'GRO BA'I BYANG CHUB SEMS DPA' GANG ZHE NA, DPER NA LA LA ZHIG 'JIG RTEN GYI KHAMS DE SNYED 'DA' BAR 'DOD NA, NYAN THOS KYI RDZU 'PHRUL LTA BUS DE 'JIG RTEN GYI KHAMS DE DAG LAS 'DA' BAR NUS SAM, GSOL PA, BCOM LDAN 'DAS RNGO THOGS TE MYUR DU NI MI 'DAS SO, ,BCOM LDAN 'DAS KYIS BKA' STZAL PA, DE BZHIN DU GANG LA LA ZHIG BYANG CHUB TU SEMS BSKYED DE, THEG PA CHEN PO PA, THEG PA CHEN PO LA MOS PA, THEG PA CHEN PO KLOG PA, THEG PA CHEN PO YONGS SU 'DZIN PA'I BYANG CHUB SEMS DPA' RNAMS LA GUS PA DANG BCAS, ZHE SA DANG BCAS PAR DE LA GZHOL ZHING DE LA 'BAD DE, DE DAG DANG BSTEN CING THEG PA CHEN PO YONGS SU TSOL BA DANG, KUN 'DZIN CING 'CHANG BA YIN TE, SROG GI PHYIR YANG THEG PA CHEN PO MI STONG ZHING RAB TU GUS PAS ME TOG DANG BA DAN GYI BAR GYIS MCHOD PAR BYED PA DANG, BYANG CHUB SEMS DPA' MA LOBS PA RNAMS LA MI BRNYAS PA 'DI NI NYAN THOS KYI RDZU 'PHRUL LTA BUS 'GRO BA'I BYANG CHUB SEMS DPA'O, ,DE LA DE BZHIN GSHEGS PA'I RDZU 'PHRUL LTA BUS 'GRO BA'I BYANG CHUB SEMS DPA' GANG ZHE NA, DPER NA LA LA ZHIG 'JIG RTEN GYI KHAMS DE SNYED 'DA' BAR 'DOD DE, DES DE BZHIN GSHEGS PA'I RDZU 'PHRUL GYIS 'JIG RTEN GYI KHAMS RNAMS SU 'GRO NA, DE BZHIN GSHEGS PA'I RDZU 'PHRUL GYIS 'JIG RTEN GYI KHAMS DE DAG 'DA' BAR NUS SAM, GSOL PA, BCOM LDAN 'DAS @162B RNGO THOGS TE, SEMS KYI SKAD CIG TZAM GYIS 'DA'O, BCOM LDAN 'DAS KYIS BKA' STZAL PA, DE BZHIN DU GANG LA LA BYANG CHUB TU SEMS BSKYED DE, RAB TU ZAB CING RGYA CHE BA LA MOS PA THEG PA CHEN PO'I DON LA MKHAS PA RTAG TU SEMS CAN THAMS CAD KYI SKYABS BYA BA'I PHYIR BYANG CHUB KYI SEMS DANG, BYAMS PA DANG SNYING RJE DANG, PHA ROL TU PHYIN PA DRUG DANG, RTON PA BZHI DANG, BSDU BA'I DNGOS PO LA BRTZON PA YIN TE, GZHAN YANG DE LA RAB TU 'GOD PA DE NI, DE BZHIN GSHEGS PA'I RDZU 'PHRUL LTA BUS 'GRO BA'I BYANG CHUB SEMS DPA'O ZHES GSUNGS SO, ,DAM PA'I CHOS SPONG BA NI KHA NA MA THO BA DANG BCAS PA SHIN TU CHEN PO STE, BAR DU GCOD PA'I CHOS SO, ,SHES RAB KYI PHA ROL TU PHYIN PA LAS 'BYUNG BA, BYANG CHUB SEMS DPA'I THEG PA PA GANG DAG SANGS RGYAS BYE BA KHRAG KHRIG BRGYA STONG MANG PO MTHONG BAR GYUR TE, DMIGS PA'I TSUL GYIS DE DAG LA SBYIN PA BYIN PAR GYUR PA NAS, SHES RAB KYI PHA ROL TU PHYIN PA'I BAR DU BSGOM PAR YANG GYUR LA DE DAG SHES RAB KYI PHA ROL TU PHYIN PA ZAB MO 'DI LA RI MO MI BYED PAS, SHES RAB KYI PHA ROL TU PHYIN PA 'CHAD PA'I SANGS RGYAS BCOM LDAN 'DAS DE DAG GI 'KHOR DU 'ONGS NA YANG LUS DANG SEMS KYIS MTHUN PA MI BYED NA, DE DAG NI 'CHAL BA'I SHES RAB TU 'GYUR BA'I LAS RNAMS STZOGS SO, ,DE DAG NI LAS DES SHES RAB KYI PHA ROL TU PHYIN PA ZAB MO 'DI 'DOR BAR 'GYUR RO, ,DE DAG GIS SHES RAB KYI PHA ROL TU PHYIN PA 'DI BOR BAS 'DAS PA DANG, MA 'ONGS PA DANG, DA LTAR BYUNG BA'I SANGS RGYAS BCOM LDAN 'DAS RNAMS KYIS THAMS CAD MKHYEN PA NYID BOR BA YIN NO, ,DE DAG DAM PA'I CHOS KYIS PHONGS PAR 'GYUR BA'I LAS DES LO BYE BA KHRAG KHRIG BRGYA STONG DU MA'I BAR DU SEMS CAN DMYAL BAR BTZOS TE, 'JIG PA DANG CHAGS PA'I BSKAL PA MANG POR SEMS CAN DMYAL BA CHEN PO NAS SEMS CAN DMYAL BA CHEN POR KHA 'KHOR BAR 'GYUR RO, ,DES DUD 'GRO'I SKYE GNAS DANG, GSHIN RJE'I 'JIG RTEN DU YANG DE BZHIN NO, ,SHA RA DVA TI'I BUS GSOL PA, BCOM LDAN 'DAS MTSAMS MED PA LNGA DANG, DAM PA'I CHOS KYIS PHONGS PAR GYUR PA LAS 'DI 'DRA BAR MI 'GYUR @163A *, ,LAGS SAM, BCOM LDAN 'DAS KYIS BKA' STZAL PA, SHA RA DVA TI'I BU MTSAMS MED PA LNGA DANG 'DRA ZHES MI BYA'O ZHES JI SKAD GSUNGS PA LTA BU'O, ,BYANG CHUB SEMS DPA' RNAMS KYI BDUD KYI LAS NI SHES RAB KYI PHA ROL TU PHYIN PA LAS 'BYUNG BA, RAB 'BYOR GZHAN YANG MING LA GNAS PAS BDUD KYI LAS SU RIG PAR BYA'O, ,DE NAS BYANG CHUB SEMS DPA' LA BDUD 'DI SKAD SMRA STE, KHYOD BYANG CHUB MNGON PAR RDZOGS PAR SANGS RGYAS PA NA MING 'DI'O ZHES BYA BAR 'GYUR RO ZHES BYAS PA DANG, BYANG CHUB SEMS DPA' DE DE'I RJES SU RTOG PAR 'GYUR TE, DE LA PHYIR MI LDOG PA'I LTAS GANG YIN PA DE DAG MED PAR YANG DES BDAG LUNG BSTAN PA SNYAM DU RLOM SEMS SU BYED DE, DE DES RLOM SEMS BSKYED CING BYANG CHUB SEMS DPA' GZHAN LA YANG BRNYAS PAR 'GYUR RO, ,DE THABS MI MKHAS SHING SHES RAB DANG BRAL TE, DGE BA'I BSHES GNYEN GYIS MA ZIN CING SDIG PA'I GROGS PO'I LAG TU SONG BAS, NYAN THOS KYI SA'AM, RANG SANGS RGYAS KYI SAR LTUNG BAR 'GYUR TE, RLOM SEMS DANG LDAN PA'I SEMS BSKYED PA 'DI NI LTUNG BA'I RTZA BA BZHI BAS KYANG CHES LCI STE, 'DI YANG BYANG CHUB SEMS DPAS BDUD KYI LAS SU RIG PAR BYA'O ZHES JI SKAD GSUNGS PA LTA BU'O, ,'JAM DPAL RNAM PAR 'PHRUL PA'I LE'U LAS KYANG, 'JAM DPAL GYIS SMRAS PA, LHA'I BU JI TZAM DU LAS LA 'JUG PA DE TZAM DU BDUD KYI LAS SO, ,JI TZAM DU SMON PA DANG, JI TZAM DU 'DZIN PA DANG JI TZAM DU MCHOG TU 'DZIN PA DE TZAM DU BDUD KYI LAS SO, ,JI TZAM DU 'DOD PA DANG, JI TZAM DU 'DU SHES PA DANG, JI TZAM DU RLOM SEMS PA DANG, JI TZAM DU YONGS SU RTOG PA DE TZAM DU BDUD KYI LAS SO, ,LHA'I BU GZHAN YANG BYANG CHUB KYI SEMS LA MNGON PAR ZHEN PA YANG BDUD KYI LAS SO, ,SBYIN PA'I SEMS LA MNGON PAR ZHEN PA YANG BDUD KYI LAS SO, ,DE BZHIN DU TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB KYI SEMS LA MNGON PAR ZHEN PA YANG BDUD KYI LAS SO, ,SBYIN PA RLOM SEMS SU BYED PA DANG, TSUL KHRIMS @163B MCHOG TU 'DZIN PA DANG, BZOD PA 'DZIN PA DANG, BRTZON 'GRUS LEN PA DANG, BSAM GTAN LA MTSAN MA DANG, SHES RAB RGYU BA YANG BDUD KYI LAS SO, ,DGON PA LA DGA' ZHING MOS PA'I SEMS DANG BTANG SNYOMS SU LTUNG BA YANG BDUD KYI LAS SO, ,'DOD PA NYUNG BA DANG; CHOG SHES PA DANG, SBYANGS PA'I YON TAN DANG, YO BYAD BSNYUNGS PA RLOM SEMS SU BYED PA YANG BDUD KYI LAS SO, ,BDAG NI STONG PA NYID LA GNAS PA, BDAG NI MTSAN MA MED PA LA GNAS PA, BDAG NI SMON PA MED PA LA GNAS PA, BDAG NI SPROS PA MED PA LA GNAS PA, BDAG NI RAB TU DBEN PA LA GNAS PA, BDAG NI DE BZHIN GSHEGS PA'I BKA' BSGRUB CING GNAS PA'O SNYAM DU RLOM SEMS SU BYED CING RNAM PAR RTOG PA YANG BDUD KYI LAS SO, ,LHA'I BU JI TZAM DU RTOG PA DANG, RNAM PAR RTOG PA DANG, YONGS SU RTOG PA DANG, MTHONG BA DANG, THOS PA DANG, BYE BRAG PHYED PA DANG, RNAM PAR SHES PA'I GNAS JI TZAM PA DE TZAM DU BDUD KYI LAS SO, ,LHA'I BUS SMRAS PA, 'JAM DPAL BDUD KYI LAS GA LAS BYUNG, 'JAM DPAL GYIS SMRAS PA, LHA'I BU BDUD KYI LAS NI BRTZON PA LAS BYUNG BA YIN NO, ,DE CI'I PHYIR ZHE NA, LHA'I BU BRTZON PA LAS BDUD GLAGS TSOL GYI, MI BRTZON PA LA BDUD KYIS CI ZHIG BYA BAR 'GYUR TE, DE NYID BDUD KYI LAS YIN NO, ,SMRAS PA, BYANG CHUB SEMS DPA' JI LTAR NA BRTZON PA YIN, JI LTAR NA MI BRTZON PA YIN, SMRAS PA, LHA'I BU JI TZAM DU GNYIS LA SBYOR BA DE TZAM DU MI BRTZON PA'O, ,DE CI'I PHYIR ZHE NA, 'JIG RTEN GNAS PA NI GNYIS LA SBYOR BA DANG LDAN PA'O, ,BRTZON PA ZHES BYA BA 'DI NI SBYOR BA YANG DAG PA'I TSIG BLA DAGS SO, ,SBYOR BA YANG DAG PA ZHES BYA BA 'DI NI SBYOR BA MED PA'I TSIG BLA DAGS SO, ,SBYOR BA MED PA ZHES BYA BA 'DI NI SPROS PA MED PA'I TSIG BLA DAGS SO, ,SPROS PA MED PA ZHES BYA BA 'DI NI SBYOR BA YANG DAG PA'I TSIG BLA DAGS SO, ,LHA'I BU GANG LA MIG LA MI SBYOR BA DANG, GZUGS LA MI SBYOR BA NAS CHOS KYI BAR LA MI SBYOR BA 'DI NI BYANG CHUB SEMS DPA'I SBYOR BA YANG DAG PA ZHES BYA'O @164A *, ,ZHES GSUNGS SO, ,YANG DE NYID LAS 'BYUNG BA LHA'I BU NYI SHU PO 'DI DAG NI BYANG CHUB SEMS DPA' RNAMS KYI BDUD KYI LAS YANG DAG PHUL YIN NO, ,NYI SHU GANG ZHE NA, 'DI LTA STE, RNAL 'BYOR SPYOD PA RNAM PAR GROL BA 'DOD CING 'KHOR BAS SKRAG PA RNAMS LA BRTEN PA DANG, BSNYEN PA DANG BSNYEN BKUR BYED PA NI BDUD KYI LAS SO, ,STONG PA NYID LA SO SOR RTOG CING SEMS CAN YAL BAR 'DOR BA YANG BDUD KYI LAS SO, ,'DUS MA BYAS LA SO SOR RTOG CING 'DUS BYAS KYI DGE BA'I RTZA BA LA YONGS SU SKYO BA YANG BDUD KYI LAS SO, ,BSAM GTAN BSKYED CING BSAM GTAN LAS RNAM PAR LDOG PAR TSOL BA YANG BDUD KYI LAS SO, ,CHOS STON KYANG CHOS NYAN PA RNAMS LA SNYING RJE CHEN PO MI SKYED PA YANG BDUD KYI LAS SO, ,YON TAN DANG LDAN PA DANG, YON TAN GYI GNAS TSOL ZHING TSUL KHRIMS NGAN PA CAN RNAMS LA KHRO BA YANG BDUD KYI LAS SO, ,NYAN THOS DANG, RANG SANGS RGYAS KYI GTAM BRJOD CING THEG PA CHEN PO'I GTAM 'CHAB PA'ANG BDUD KYI LAS SO, ,ZAB MO'I GTAM 'CHAB CING GTAM SNA TSOGS STON PA YANG BDUD KYI LAS SO, ,BYANG CHUB SEMS DPA'I LAM SHES KYANG, PHA ROL TU PHYIN PA'I LAM YONGS SU MI TSOL BA YANG BDUD KYI LAS SO, ,RAB TU BRTZON PA'I BSNGAGS PA BRJOD KYANG SEMS CAN MI BRTZON PA RNAMS MNGON PAR MI SBYOR BA YANG BDUD KYI LAS SO, ,DGE BA'I RTZA BA SOGS KYANG BYANG CHUB KYI SEMS MNGON DU MI BYED PA YANG BDUD KYI LAS SO, ,LHAG MTHONG GI RNAL 'BYOR DANG LDAN PAR GNAS KYANG SEMS CAN RNAMS LHAG MTHONG YANG DAG PAR 'DZIN DU MI 'JUG PA YANG BDUD KYI LAS SO, ,NYON MONGS PA MA LUS PA ZAD PAR TSOL ZHING 'KHOR BA'I RGYUN GYI NYON MONGS PA LA SMOD PA YANG BDUD KYI LAS SO, ,SHES RAB KYIS RNAM PAR SPYOD CING SNYING RJE CHEN PO LA DMIGS PA MI 'DZIN PA YANG BDUD KYI LAS SO, ,THABS DANG MI LDAN PAR DGE BA SPYOD PA THAMS CAD KYANG BDUD KYI LAS SO, ,BYANG CHUB SEMS DPA'I SDE SNOD MI TSOL GYI 'JIG RTEN RGYANG PHAN PA'I GSANG TSIG 'DZIN PA YANG BDUD KYI LAS SO, ,MANG DU THOS KYANG GZHAN GYIS SHES KYIS DOGS TE, SLOB @164B DPON CHOS 'CHAB PA'ANG BDUD KYI LAS SO, ,'JIG RTEN GYI DOGS PA'I ZHAL TA BYED CING MANG DU THOS PA MI TSOL BA YANG BDUD KYI LAS SO, ,BYANG CHUB SEMS DPA' CHOS SMRA BA THEG PA CHEN PO LA YANG DAG PAR ZHUGS PA SKAL BA MNYAM PA RNAMS LA MI BRTEN MI BSNYEN BSNYEN BKUR MI BYED KYI NYAN THOS DANG RANG SANGS RGYAS KYI THEG PA LA YANG DAG PAR ZHUGS PA SKAL PA MI MNYAM PA LA DGA' BA YANG BDUD KYI LAS SO, ,GANG GI TSE BRGYA BYIN NAM, TSANGS PA'AM, 'JIG RTEN SKYONG BA'AM, RGYAL PO'AM, TSONG DPON NAM, KHYIM BDAG GI LONGS SPYOD DANG, NOR DANG RIN PO CHE DANG, DBANG PHYUG GI CHE BA NYID DU GYUR PA DE'I TSE CHOS KYI CHE BA NYID DANG LDAN PA RNAMS LA MI BRTEN MI BSNYEN BSNYEN BKUR MI BYED PA 'DI DAG NI LHA'I BU BYANG CHUB SEMS DPA' RNAMS KYI BDUD KYI LAS YANG DAG PHUL NYI SHU'O ZHES GSUNGS SO, ,BLO GROS RGYA MTSOS ZHUS PA'I MDO LAS KYANG, BYANG CHUB SEMS DPA' GZUGS BZANG ZHING MDZES LA PHYUG CING NOR CHE BA DANG, LONGS SPYOD CHE ZHING NOR MANG LA MDZOD DANG BANG BA MANG PO PHUN SUM TSOGS PAR GYUR TE, GZUGS DANG LONGS SPYOD DANG, RUS DANG, RIGS DANG, G-YOG 'KHOR DANG, BSOD NAMS KYI TSOGS KYIS STON PAR GYUR PA, YE SHES KYI TSOGS YONGS SU BTZAL BA LA MNGON PAR BRTZON ZHING DE GZUGS DANG, LONGS SPYOD DANG, G-YOG 'KHOR DANG, DBANG PHYUG GI STOBS KYIS RGYAGS SHING BAG MA MCHIS PAR GYUR TE BYANG CHUB SEMS DPA' GANG DAG RAB TU BYUNG BAR GTOGS PA, KHYIM GYI GNAS NAS MNGON PAR BYUNG BA, YE SHES KYI TSOGS KYIS YONGS SU TSOL BA LA BRTZON PA GDUGS DANG BSER MAS SHA DANG KHRAG SKAMS PA, RKE BA, NYAM CHUNG BA, LUS RTZAS G-YOGS PA, MGO DANG GOS LA ZHUGS 'BAR BA BZHIN DU GDUGS MTSAN DU BRTZON 'GRUS BRTZAMS PA, DGE BA'I CHOS YONGS SU BTZAL BA LA RTAG TU BRTZON PA DANG LDAN PA DE DAG LA RKE ZHING NYAM CHUNG BA, MDOG NGAN ZHING MI SDUG PAR RIG NAS, BRNYAS PAR BYA'O SNYAM DU SEMS SHING DE DAG LAS LEGS PAR BSHAD PA NYAN MI 'TSAL GYI DE DE BAS SHAS CHER DMAN ZHING CHES RMUGS PAR 'GYUR BA 'DI NI, BCOM LDAN 'DAS BYANG CHUB SEMS DPA'I RGYAGS PA @165A *, ,DANG BAG MA MCHIS PA DANG RAB TU LDAN PA'I BDUD KYI LCAGS KYU ZHES GSUNGS SO, ,YANG DE NYID LAS 'BYUNG BA, THEG PA CHEN PO'I BAR DU GCOD PAR 'GYUR BA'I CHOS BZHI STE, BZHI GANG ZHE NA, BDAG GI YON TAN BRJOD PA DANG, GZHAN GYI YON TAN LOG PAR BRJOD PA DANG; NGA'O SNYAM PA'I NGA RGYAL 'BAR BA DANG, KHRO BA BSTEN PA'O ZHES GSUNGS SO, ,'DI DAG PAS KYANG GANG DAG KHYIM PAR GYUR KYANG CHOS RNAMS LA NAN TAN GYIS SGRUB PA'I SEMS CAN RNAMS NI CHOS RNYED PAR DKA'O, ,DE LA BYANG CHUB SEMS DPA' KHYIM PA RNAMS KYI SGRUB PA CI 'DRA ZHE NA, DRAG SHUL CAN GYIS ZHUS PA'I MDO LAS 'BYUNG BA, KHYIM BDAG GZHAN YANG BYANG CHUB SEMS DPA' KHYIM PA KHYIM NA GNAS PA NI SKYES BU DAM PA'I LAS RNAMS BYED KYI SKYES BU NGAN PA'I LAS RNAMS MI BYED DO, ,CHOS KYIS LONGS SPYOD TSOL GYI CHOS MA YIN PAS MI TSOL LO, ,MTHUN PAS TSOL GYI MI MTHUN PAS MA YIN NO, ,YANG DAG PAS 'TSO BA YIN GYI LOG PAS 'TSO BA MA YIN NO, ,DE CHOS KYIS LONGS SPYOD THOB PA DE DAG GIS GZHAN LA 'TSO BAR MI BYED DO, MI RTAG PA'I 'DU SHES BSGOM PA MANG ZHING SNYING PO LEN TO, ,'DI LTA STE, PHA MA LA BSNYEN BKUR BYED PA DANG, BU DANG CHUNG MA DANG, BRAN PHO DANG, BRAN MO DANG, LAS BYED PA'I MI DANG, ZHO SHAS 'TSO BA RNAMS YANG DAG PA'I LONGS SPYOD DANG, MDZA' BO DANG, BRON[?] PO DANG, NYE DU DANG, SNAG GI GNYEN MTSAMS RNAMS LA BKUR STI DANG, GONG DU YANG CHOS LA 'DZUD PAS GTONG BA 'PHEL BAR BYED DO ZHES GSUNGS SO, ,KHYIM PA RNAMS KYI LOG PAR BSGRUB PA GANG ZHE NA, RAB TU 'BYUNG BA'I BAR DU GCOD PA'I MDO LAS 'BYUNG BA, MING CHEN CHOS BZHI DANG LDAN NA KHYIM PA MI KHOM PAR GYUR PA YIN TE, SKYE BA DE DANG DER DMUS LONG DANG, BLUN PA DANG, LKUGS PA DANG, GDOL PA DANG, NAM DU YANG BDE BA MI MYONG BAR 'GYUR, SKUR PA 'DEBS PHA MANG BA DANG, MA NING DANG, ZA MA DANG, RTAG TU BRAN DANG, BUD MED DU 'GYUR, KHYI DANG PHAG DANG, BONG BU DANG, RNGA MO DANG, SBRUL GDUG PAR 'GYUR TE, SANGS RGYAS KYI BSTAN PA LA NAN TAN DU MI BYED DO, ,BZHI GANG ZHE NA, MING CHEN 'DI LA KHYIM PAS SNGON GYI RGYAL BA LA LHAG PAR @165B BYA BA BYAS PA'I SEMS CAN RNAMS KYI MNGON PAR BYUNG BA'I SEMS DANG RAB TU BYUNG BA'I SEMS DANG, 'PHAGS PA'I LAM GYI SEMS KYI BAR CHAD BYED PA 'DI NI DANG PO'O, ,GZHAN YANG KHYIM PA DBANG PHYUG GI GNAS NA 'DUG CING NOR LA CHAGS PA DANG BU LA CHAGS PAS LAS KYI RNAM PAR SMIN PA LA YID MI CHES SHING, BU PHO DANG, BU MO'AM, CHUNG MA'AM, GNYEN GYI TSOGS RAB TU BYUNG BA'I BAR CHAD BYED PA 'DI NI GNYIS PA'O, ,GZHAN YANG KHYIM PA DAM PA'I CHOS SPONG BA YIN TE, DES MA THOS PA'I CHOS RNAMS THOS NA, MA DAD CING SPONG BAR BYED PA 'DI NI GSUM PA'O, ,GZHAN YANG KHYIM PA TSUL KHRIMS DANG LDAN PA'I DGE SBYONG DANG BRAM ZE LA KUN NAS MNAR SEMS DANG, THA BA'I SEMS MANG BA YIN TE, 'DI NI BZHI PA'O, ,BZHI PO 'DI DAG LAS CHOS GANG YANG RUNG BA ZHIG DANG LDAN NA, KHYIM PA MI KHOM PAR GYUR PA YIN TE, SKYE BA DE DANG DER ZHES BYA BA NAS SANGS RGYAS KYI BSTAN PA LA NAN TAN MI BYED DO ZHES BYA BA'I BAR DU 'GYUR RO, ,DPER NA MI LA LA ZHIG MI GTZANG BA'I DONG DU LHUNG NAS MI GZHAN LA YANG 'DI SKAD DU AA LA LA, 'DI LTAR CHU 'DI SHIN TU DANG BA NGO MTSAR TO ZHES ZER BA NI, CHU MA YIN PA LA CHUR 'DU SHES SKYED DE, DANG BA'I CHUR 'DU SHES PA DE BZHIN DU, ,SEMS CAN GANG LA LA BDAG NYID 'DOD PA'I 'DAM DU BYING BA DAG GZHAN YANG 'DOD PA'I 'DAM DU 'JUG PAR BYED DO, ,BDAG NYID 'DOD CHAGS KYI G-YANG SAR LHUNG BAR BYAS, ZHE SDANG GI G-YANG SA DANG, GTI MUG GI G-YANG SAR LHUNG BAR BYAS LA GZHAN YANG DE DAG TU LTUNG BAR BYED DO, ,DPER NA MI LA LA ZHIG GIS DGRA BO BZUNG STE, ME MDAG ME LCE MED PA DU BA MED PA 'DOM BDUN PA'I NANG DU BCUG PA DE BZHIN DU, ,GANG LA LA ME DANG MTSUNGS PA'I 'DOD PA DANG, ME DANG MTSUNGS PA'I BUD MED DANG BSTEN CING 'DOD PA BSNGAGS TE, GZHAN YANG 'DOD PA DAG LA 'JUG PAR BYED PA NA DE DAG NI GZHAN YANG ME'I RLUBS SU LHUNG BAR BYED DO, ,DE DAG NAD DANG MYA NGAN DE DAG LA NYE BAR SBYAR RO, ,DPER NA MI LA LA ZHIG GIS MI GZHAN LA YANG BDE BA YONGS SU LONGS SPYOD PA'I PHYIR, SPU GRI'I SO LTA BU'I RI LA 'DZEG TU BCUG PA 'DI LTA STE, SPU GRI'I SO LTA BU'I RI MNYAM ZHING MI MNYAM PA MED PA 'DI NI @166A *, ,BDE BA'I LONGS SPYOD DO ZHES ZER BA DE BZHIN DU PHAL CHER PHA MA BU LA BYAMS PA DANG LDAN PAS DE'I CHUNG MA LEN TE, DE DAG GIS 'DOD PA BSNGAGS NAS, 'DOD PA LA BCUG PA DE LTA BU NI MDZA' BO'I GZUGS KYI SBRUL GDUG PA DRAG CING CHE BA STON TO, ,G-YANG SA BGROD DKA' BA 'JIGS 'JIGS LTAR 'DUG PA YANG STON TO, ,SEMS CAN DMYAL BA DANG, DUD 'GRO DANG, YI DAGS KYI 'JIG RTEN DU 'GRO BA'I LAM YANG MTSON TE ZHES GSUNGS SO, ,BAD SA'I RGYAL PO SHAR PAS ZHUS PA'I MDO LAS KYANG GSUNGS TE, RGYAL PO CHEN PO 'DI LA SKYES BU 'DOD PA LA CHAGS SHING BUD MED LA LTA 'DOD PA NI TSUL KHRIMS DANG LDAN PA'I DGE SLONG DANG, BRAM ZE LA BRTEN PA MI SRID PAS DE TSUL KHRIMS DANG LDAN PA DE DAG GIS YONGS SU SPANGS PAS DAD PA DANG TSUL KHRIMS DANG, GTONG PA DANG, THOS PA DANG, SHES RAB LAS YONGS SU NYAMS TE RMA LA CHAGS PA, BTZOG PA'I SPYOD YUL CAN, BSHUL BAR MNAM PA LA DGA' BA BUD MED LA DAD CHE BA, CHAGS PA'I SPYOD YUL CAN, 'GRO BAR BYA BA MA YIN PAR SONG BA, SMAD PAR 'OS PA, MI GTZANG BA'I SRIN BU DANG 'DRA BA, SNYIGS MA LEN PA, KHREL DANG NGO TSA BOR BA, LHA DANG MI'I CHOS STOR BA, NGAN PAR SMAD PA'I 'TSO BAS 'TSO BA, MKHAS PAS SMAD PA, BUD MED KYIS TSUGS PA, BUD MED KYIS KHOL BA, NGAR SNABS DANG, KHA CHU DANG, SNABS DANG, CHU SER DANG, RNAG DANG, SHE RUL ZAG PA MYONG BAR BYED PA, MI GTZANG BA'I SPYOD YUL CAN, BA LANG DANG, LUG DANG, BYA GAG DANG, KHYI DANG, PHAG DANG, WA DANG, BONG BU'I CHOS SPYOD PA, GNOD PAS 'TSO BA, PHA MA LA PHANGS PAR MI 'DZIN PA, DGE SBYONG DANG, BRAM ZE DANG, SBYIN GNAS LA PHANGS PAR 'DZIN PA MED PA, SANGS RGYAS DANG CHOS DANG DGE 'DUN LA DAD PA NYAMS PA, SEMS CAN DMYAL BA DANG, DUD 'GRO'I SKYE GNAS DANG; GSHIN RJE'I 'JIG RTEN LA ZHUGS SHING GZHOL BA, SENG GE DANG NAM MKHA' LDING GI LUS LA YANG DAG PAR ZHUGS PA, LCAGS KYI SHING SHAL MA LI MTHON PO DANG, ME MA MUR LA GZHOL BA, SEMS CAN DMYAL BA YANG SOS DANG THIG NAG DANG, BSDUS 'JOMS DANG, DU 'BOD @166B DANG; DU 'BOD CHEN PO DANG TSA BA DANG, RAB TU TSA BA DANG, MNAR MED PA'I SEMS CAN DMYAL BA CHEN POR ZHUGS PA NI, BUD MED DANG MDZA' ZHING BUD MED DANG 'GROGS TE DGOD PA DANG, DGA' BA DANG, RTZE BA DANG GLU GAR ROL MO LA SOGS PA RJES SU DRAN ZHING SKYO BA MI SKYE BA DE, PHA MAS DKA' BA BYAS SHING BSKYED DE, GCIN DANG PHYI SA YANG BZOD PAR BYAS SHING BLANGS NAS, ZLA BA DGU'AM BCUR RUM DU BTZAS TE, SHIN TU SDUG BSNGAL MYONG BAS GSOS SHING PANG DU BLANGS NAS NU ZHO BLUD CING RAB TU NYON MONGS PAR GSOS BSKYED DE, 'DZAM BU'I GLING RNAM PAR BKRA BA STON PA, DON DANG, PHAN PA DANG, BDE BA DANG, GRUB PA DANG, LEGS SU DGA' BA'I SBYIN PA'I GNAS DE DAG GIS BU LA PHAN PA DANG, BDE BAR 'DOD PAS, BDAG GI NOR GYI TSOGS KYIS GZHAN GYI BU MO DE BLANGS NAS DE DE LA CHAGS SHING 'KHRIL TE, PHA ROL GYI KHYIM NAS BLANGS PA'I BUD MED DE LA ZHEN CING BRGYAL NAS, PHA MA RGAS GTUGS TE, NYAM CHUNG, MIG GIS MI MTHONG BA DE NOR DANG LONGS SPYOD MED PAR BYAS NAS, RANG GI KHYIM NAS PHYUNG STE SKROD DO, ,RGYAL PO CHEN PO GANG PHA MA DKA' BA BYED BYED PA SBYIN PA'I GNAS LA RTAG TU RGYUN MI 'CHAD PAR DAG PA'I BDE BAS BSTI STANG DU BYAS ZHING YANG DAG PA'I BDE BAS BLA MAR BYA BA'I RIGS NA, DES DE'I TSE RANG GI KHYIM NAS PHYI ROL DU PHYUNG STE BSKRAD NAS, GZHAN GYI KHYIM NAS BLANGS PA'I BUD MED LA BZA' BA DANG, BTUNG BA DANG, GOS KYIS BSTABS NAS DOGS SU BYAS TE, DES GANG BDE 'GROR 'GRO BA'I CHOS NI SPANGS GANG NGAN 'GROR 'GRO BA'I CHOS NI BLANGS NAS SNYING RJE'I BAG MED CING BSAM PA MED PA'I NGAN PA'I SEMS DANG LDAN PA LA LTOS ZHES GSUNGS SO, ,ZLA BA SGRON MA'I MDO LAS KYANG, 'DOD PA'I PHYIR NI BYIS PA RNAMS, ,BUD MED RUL LA STEN BYED DE, ,'GRO BA RUL BAR 'GRO 'GYUR ZHING, ,NGAN 'GRO RNAMS SU LHUNG BAR 'GYUR, ,'JIGS PA CHEN PO'I ZHAGS PA NI, , BUD MED ZHAGS PA MI BZAD PAS, ,SANGS RGYAS RNAMS KYIS 'DOD PA DANG, ,BUD MED BSTEN PA'ANG MA BSNGAGS SO, ,LAM 'DIS BYANG CHUB MI 'GYUR BAS, ,BUD MED RNAMS LA MA BSTEN PAR, ,SBRUL GDUG SHIN TU KHRO BA LTAR, ,MKHAS PAS DE NI RNAM PAR SPONGS, ,SANGS RGYAS KUN GYIS @167A *, ,BSTEN PA YI, ,BYANG CHUB LAM LA SGOM PAR BYED, ,LAM DE GOMS PAR BSGOMS BYAS NAS, ,BLA MED SANGS RGYAS 'GRUB PAR 'GYUR, ,ZHES GSUNGS SO, ,MI SDUG PA LA YANG SBYAR BAR BYA'O, ,'DI LTA STE, SROG GCOD PA DANG, MA BYIN PAR LEN PA DANG, 'DOD PA LA LOG PAR G-YEM PA LA SOGS PA MI 'DOD PA'I 'BRAS BU RNAM PAR SMIN PAR 'GYUR BA NI, BYANG CHUB SEMS DPA' NYI TSE LA LOG PAR BSGRUBS PAR BSTAN PA MA YIN GYI, SEMS CAN THAMS CAD DANG THUN MONG DU YIN TE, 'DI LTA STE, DAM PA'I CHOS DRAN PA NYE BAR GZHAG PA'I MDO LAS GSUNGS PA, SEMS CAN DMYAL BA PA DE DAG SEMS CAN DMYAL BA'I SRUNG MA DE DAG GIS THO 'TSAMS SHING BDAG GIS LAS BYAS PA RGYA'I 'BUR LTAR BSTAN NAS KHAS LEN DU BCUG STE, RNAM PA DU MAR NYES PA SNA TSOGS BYAS PA DE BZHIN DU SDUG BSNGAL DU MAR YANG TSOR BAR BYED DO, ,RGYU DANG 'DRA BA'I 'BRAS BU DANG, SA BON DANG 'DRA BA'I 'BRAS BUR 'GYUR TE, JI LTAR MI DGE BA'I LAS RDZOGS PAR BYAS PA BZHIN DU, RAB TU TSA BA'I SEMS CAN DMYAL BA CHEN POR MI DGE BA'I LAS RDZOGS PA'I 'BRAS BU RDZOGS PAR MYONG NGO, ,DE BZHIN DU LO BRGYA STONG DU MA'I BAR DU SDIG PA'I LAS DGRAR GYUR PA PHAN PA MI 'DOD CING MI PHAN PAR 'DOD PA DES SEMS CAN DMYAL BA PA DE SEMS CAN DMYAL BAR SREG GO, ,DE BRGYA LA CI STE DE LAS THAR NA YANG SKYABS TSOL DPUNG GNYEN TSOL ZHING BRGYUGS PA DANG, DES MTHONG BA RGYANG RING PO NAS KHYI RLUGS NAS KHA GDANGS TE STOBS CHE ZHING SHIN TU MGYOGS PA RDO RJE'I KHA SHIN TU 'JIGS PAR ZUGS [?] PA, KHYI KHRO BOS BDAG BSKOR BAR MTHONG NAS, SEMS CAN DMYAL BA PA DE BROS PAR BRTZAL BA DANG, KHYI THAMS CAD KYIS BSNYAGS TE DE DAG GIS BZUNG NGO, ,BZUNG NAS KYANG KHAM BU RE RE DANG CHU RGYUS NAS CHU RGYUS DANG, GSHES KYI DMIGS NAS GSHES KYI DMIGS DANG; RUS PA'I TSIGS NAS TSIGS DANG YAN LAG DANG NYING LAG THAMS CAD BCAD KYANG DE BZHIN DU 'CHOS TE, YUNGS 'BRU TZAM GYI SHA YANG MA LUS PAR BYAS NAS, DE NAS YANG PHYIR SKYES TE, DE BZHIN DU YUN RING POR KHYI DE DAG 'CHA'O, ,DE LAS GANG GI 'BRAS BU ZHE NA, DE NI SROG GCOD PA'I 'BRAS BU @167B STE; DE SHA ZA BA'I PHYIR SEMS CAN GYI SROG GCOD PAS DE NI DE'I 'BRAS BU YIN NO, ,MA BYIN PAR LEN PA'I 'BRAS BUR 'GYUR BA NI, JI LTAR SEMS CAN DMYAL BA PA DES LAS KYIS BSGYUR BA'I NOR MANG PO DAG MTHONG NAS LAS KYI RGYUS RMONGS TE, BDAG GI NOR DE DAG GZHAN GYIS KHYER BA SNYAM ZHIG NAS DES DE DAG BSNYAGS PA DANG, DE GSHIN RJE'I MI DAG GIS BZUNG NAS BRGYANGS TE, MTSON GYIS BCAD CING, TSIGS SU GTUBS KYANG PHYIR YANG 'BYOR TO, ,SEMS CAN DMYAL BA PA DE SEMS CAN DMYAL BA PA GZHAN DAG GIS KYANG MTHONG NAS RGYUGS PA DANG, DE DAG KYANG GSHIN RJE'I MI DE DAG GIS BZUNG STE, RAL GRI DANG, MDUNG THUNG DANG, MTSON RTZE GNYIS PA DANG, GTUN 'BAR BA RNAMS KYIS DMYAL NAS, DE DAG MA BYIN PAR BLANGS PA'I 'BRAS BUS LO BRGYA STONG DU MAR MA BYIN PAR BLANGS PA'I 'BRAS BU MA ZAD MA BYANG MED PAR MA GYUR GYI BAR DU MYONG NAS DE PHYIS DE LAS THAR PAR 'GYUR RO, ,'DOD PA LA LOG PAR G-YEM PA NI THAL TSAN GYI CHU KLUNG GIS BUD MED KHYER NAS, KHYO GA LA 'BOD CING CHU'I DBAS G-YENGS TE, PHYED NI BYUNG PHYED NI BYING NAS SEMS CAN DMYAL BA PA LA 'BOD DE NGA NI THAL TSAN GYI CHU KLUNG GIS KHYER TE, MGON MED CING NYAMS NYES PA LA SKYABS KYIS ZHES ZER ZHING BUD MED DE DU BA'I SGRA DE LAS KYI RGYUS RMONGS PAS THOS NAS, THAL TSAN GYI CHU KLUNG DER ZHUGS PA DANG, ZHUGS MA THAG TU DE'I LUS KYANG THAL TSAN GYI RNO BAS RUS PA LA SHA YUNGS 'BRU TZAM GYI LHAG MA YANG MA LUS PAR DE LTAR ZHIGS PA DANG, YANG PHYIR SKYES SO, ,DE NAS YANG BUD MED DE RGYANG RING PO NAS THAL TSAN GYI CHU KLUNG GIS KHYER TE, BDAG LA SKYABS MED KYI SKYOBS SHIG CES BYI BO LA SMRAS PA MTHONG NAS SEMS CAN DMYAL BA PA DE 'DOD CHAGS KYI ZIL GYIS NON TE YANG BUD MED DE LA BZUNG BA DANG, DES LCAGS KYI MTSON CHA'I SEN MO RNON POS KHYO GA DE LA BZUNG STE BRAD NAS DE'I LUS LA SHA YUNGS 'BRU TZAM YANG MA LUS PAR GYUR NAS LUS KUN NI KHRAG GIS YOGS TE, LUS LA NI RGYUS PA'I DRA BA 'BA' ZHIG LUS SO, ,DE BUD MED LA CHAGS PAS ZIL GYIS NON NAS YANG RGYUGS TE, DE SDIG PA'I LAS DE MA ZAD MA BYANG MED PAR MA GYUR GYI BAR DU LO BRGYA @168A *, ,STONG DU MAR THAL TSAN GYI CHU KLUNG GIS G-YENGS NAS DE PHYIS SEMS CAN DMYAL BA DE LAS THAR TE THAR NAS KYANG YANG SLAR SKYES SO ZHES RGYA CHER GSUNGS SO, ,LONGS SPYOD DANG SROG LA CHAGS PA YANG KHYIM PA RNAMS KYIS LOG PAR BSGRUB PA YIN TE, GSAL RGYAL GYIS ZHUS PA'I MDO LAS KYANG 'BYUNG BA, RGYAL PO CHEN PO DPER NA, SKYES PA'AM BUD MED CIG GNYID KYIS LOG PA'I RMI LAM NA, KUN DGA' RA BA NYAMS DGA' BA'AM, RI DANG RDZING BU DANG, 'BAB CHU DANG NAGS TSAL DANG, LJONGS DANG, MTSE'U DANG, CHU MIG NYAMS DGA' BA MTHONG BA LAS, DE SAD MA THAG TU CI YANG MA MTHONG NGO, ,RGYAL PO CHEN PO DPER NA SHING LAS ME TOG BYUNG NAS 'BRAS BU 'BYUNG NGO, ,'BRAS BU BYUNG NAS 'BRAS BU YANG MED PAR 'GYUR RO, ,'DAB MA SNGON PO BYUNG NAS SKYA BOR 'GYUR RO, ,SKYA BO LAS NI YANG MED PAR 'GYUR RO, ,RGYAL PO CHEN PO DE BZHIN DU GANG RGYAL SRID KYI BDE BA DANG, RGYAL SRID KYI DBANG PHYUG GI BDE BA DANG, 'DOD PA'I BDE BA DANG, 'DOD PA'I LONGS SPYOD LA DBANG BA'I BDE BA 'DI LTA STE, GLANG PO CHE DANG, RTA DANG, SHING RTA DANG, DPUNG BU CHUNG DANG, SRAS DANG, BTZUN MO DANG, GZHON NU DANG, BLON PO DANG, RTZIS PA DANG, SNA CHEN PO LA GTOGS PA DANG, SGO BA DANG, 'KHOR DANG, PHA MA DANG, SPUN DANG, SRID MO DANG CHUNG MA DANG, BU PHO DANG, BU MO DANG, RTEN GROGS DANG, BRAN PHO DANG, BRAN MO DANG, LAS BYED PA DANG, GO RE LONG DANG, ZHO SHAS 'TSO BA DANG, YUL GYI MI DANG, DNGUL DANG, GSER DANG, NOR BU DANG, RIN PO CHE DANG, GOS DANG, NOR DANG, 'BRU DANG, MDZOD DANG, BANG BA LA SOGS PA DE DAG THAMS CAD BOR TE 'GRO DGOS SO, ,DE DAG THAMS CAD NI MI RTAG PA, MI BRTAN PA, YID BRTAN DU MI RUNG BA, RNAM PAR 'GYUR BA'I CHOS CAN, YUN THUNG BA, MI GNAS PA, G-YO BA 'GUL BA, MTHAR 'JIG PA, SKAD CIG PA, MTHAR SDIG PA, ZAD CING 'JIG PA'I SGO, MTHAR 'GYES PA'I CHOS CAN, 'JIGS PA DANG BCAS PA, 'TSE BA DANG BCAS PA, MYA NGAN DANG 'KHRUG PA MANG BA, 'BRUL BA, 'JIG PA, 'CHAD PA, 'GYES PA, 'THOR BA, RNAM PAR 'JIG PA'I CHOS CAN TE, DE LTA BAS NA, @168B RGYAL PO CHEN PO KHYOD MI RTAG PAR LTA BA DANG, ZAD PA DANG 'JIG PAR LTA ZHING CHOS KYI RGYAL PO GYIS LA, CHOS MA YIN PAS MA BYED CIG ,CHOS KYI RJES SU 'JUG PAR GYIS LA CHOS MA YIN PA'I RJES SU 'JUG PAR MA BYED CIG ,RGYAL PO CHEN PO 'DI LTA STE DPER NA PHYOGS BZHI NAS RI CHEN PO SRA BA, SNYING PO DANG LDAN PA, MA ZHIG PA, MA GAS PA, KHONG STONG MA YIN PA, SHIN TU MKHREGS PA, GCIG TU 'DUS PA BZHI GNAM LA REG CING SA BZLOG STE, RTZVA DANG, SHING DANG, SHING GEL BA DANG, YAL GA DANG, LO MA THAMS CAD DANG SEMS CAN SROG CHAGS 'BYUNG PO THAMS CAD PHYE MAR 'THAG CING 'ONG NA DE DAG LAS NI MGYOGS PAS 'BROS PA DANG, STOBS KYIS BZLOG PA'AM, NOR GYIS BZLOG PA'AM, RDZAS DANG, SNGAGS DANG, SMAN RNAMS KYIS BZLOG PAR SLA BA MA YIN NO, ,RGYAL PO CHEN PO DE BZHIN DU 'JIGS PO CHEN PO BZHI PO 'DI DAG 'ONGS TE, DE DAG LAS MGYOGS PAS 'BROS PA'AM, STOBS KYIS BZLOG PA'AM, NOR GYIS BZLOG PA'AM, RDZAS DANG SNGAGS DANG, SMAN RNAMS KYIS BZLOG PAR SLA BA MA YIN NO, ,RGYAL PO CHEN PO BZHI GANG ZHE NA, 'DI LTA STE, RGA BA DANG, NAD DANG, 'CHI BA DANG, RGUD PA'O, ,RGYAL PO CHEN PO RGA BA NI DAR LA BAB PA 'JOMS SHING 'ONG, ,NAD NI NAD MED PA 'JOMS SHING 'ONG, 'CHI BA NI SROG 'JOMS SHING 'ONG, RGUD PA NI PHUN SUM TSOGS PA THAMS CAD 'JOMS SHING 'ONG NGO, ,RGYAL PO CHEN PO 'DI LTA STE, DPER NA RI DAGS KYI RGYAL PO SENG GE RI DAGS KYI CHOGS KYI NANG DU ZHUGS NAS RI DAGS BZUNG STE, JI LTAR 'DOD PA BZHIN DU BYA BA BYED DO, ,RI DAGS DE NI STOBS PO CHE'I KHA MI BZAD PAS BZUNG BAS DBANG MED PAR 'GYUR RO, ,RGYAL PO CHEN PO DE BZHIN DU 'CHI BDAG GI GSAL SHING GIS ZUG STE, RGYAGS PA DANG NI BRAL, MGON NI MED, SKYABS NI MED, DPUNG GNYEN NI MED, BSHES NI MED, GSHIS NI 'JIG ,TSIGS NI 'BYE 'BRAL, SHA DANG KHRAG NI SKAM LUS NI NAD KYIS GDUNGS, SKOM NI SKOM, BZHIN NI GYUR, RKANG LAG NI G-YO BA, LAS NI MI NUS, MTHU NI MED, KHA CHU DANG, SNABS DANG, GCIN DANG, NGAN SKYUGS KYIS NI LUS LA GOS, MIG DANG, RNA BA DANG, SNA @169A *, ,DANG; LCE DANG, LUS DANG, YID KYI DBANG PO DAG NI 'GAG, SKYIGS BU NI 'BYUNG, SGRA NGAR NGAR PO NI 'DON, SMAN PAS NI BOR, SMAN DANG, KHA ZAS DANG, BZA' BA DANG, BCA' BA DANG, THUG PA THAMS CAD KYIS NI GLES LA BOR TE, 'GRO BA GZHAN DAG TU 'GRO BAS MAL GYI THA MA LA NI NYAL, THOG MA MED PA'I SKYE BA DANG, RGA BA DANG, NA BA DANG, 'CHI BA'I 'KHOR BA'I RGYUD DU NI NUB, SROG NI CUNG ZAD CIG LAS, GSHIN RJE'I MI SA NI 'JIGS SKRAG, BYUR GYI DBANG DU NI SONG, DBUGS RGYU BA NI CHAD, KHA DANG SNA NI GDANGS, SO NI GTZIGS, SBYIN PA SBYIN NO ZHES DE SKAD GSOL BA NI 'DEBS, LAS KYI SRID PA NA YANG SRID PA LA NI 'JUG, GCIG PU GNYIS SU MED CING GROGS NI MED, 'JIG RTEN 'DI NI 'DOR 'JIG RTEN PHA ROL TU NI 'GRO, SKYAS CHEN POS NI 'DEGS, MUN PA CHEN POR NI ZHUGS, G-YANG SA CHEN POR NI LHUNG, KHROD STUG POR NI 'JUG, DGON PA CHEN POR NI 'GRO, ,RGYA MTSO CHEN POS NI KHYER, LAS KYI RLUNG GIS NI BRDAS, SA TSUGS MED PA'I PHYOGS SU NI 'GRO, ,G-YUL NGO CHEN POR NI 'JUG ,GDON CHEN POS NI ZIN, NAM MKHA' LA NI 'CHEL, PHA MA DANG, PHU NU DANG, SRING MO DANG, BUS NI BSKOR, DBUGS NI CHAD, NOR BGO BSHA' BYA ZHES NI ZER, KYI HUD MA, KYI HUD PHA, KYI HUD BU ZHES NI ZER, SKRA NI ZHIGS TE, SBYIN PA DANG, DKA' THUB DANG, CHOS 'BA' ZHIG GROGS SU GYUR PA NA, CHOS MA GTOGS PAR SKYABS GZHAN MED, MGON GZHAN MED GNAS GZHAN MED, DPUNG GNYEN GZHAN MED DO, ,RGYAL PO CHEN PO DE'I TSE DE'I DUS NA, CHOS NI GLING DANG GNAS DANG, MGON DANG STON PAR 'GYUR RO, ,RGYAL PO CHEN PO DE LTA BAS NA, KHYOD KYIS MI RTAG PAR LTA ZHING ZAD PA DANG, DENGS PAR BLTA BAR BYA STE, 'CHI BAS 'JIGS SKRAG PAR BYA'O, ,CHOS KYIS RGYAL SRID KYIS SHIG , CHOS MA YIN PAS NI MI BYA'O, ,KHYOD CHOS DANG MTHUN PAR GYIS SHIG ,CHOS MA YIN PA DANG MTHUN PAR NI MI BYA'O, ,DE CI'I PHYIR ZHE NA, RGYAL PO CHEN PO KHYOD KYIS LUS 'DI 'DI LTAR LEGS PAR YONGS SU BSRUNGS PA, LEGS PAR YONGS SU BTZAS PA'ANG 'CHI BA'I DUS BYED PAR 'GYUR RO, ,YON TAN @169B THAMS CAD DANG LDAN ZHING SHIN TU YUN RENG POR BZA' BA DANG, BCA' BA DANG, MYANG BA DANG, NGOMS PAR 'GYUR BA BSOD PA, GTZANG MA MANG POS TSIM PAR BYA STE, BSKYED BSKYED PA YANG THA MA'I MAL NA 'DUG PA'I TSE, SMAN PAS BOR ZHING SMAN DANG, KHA ZAS DANG, BZA' BA DANG, THUG PAS GLES LA BOR NAS BKRES PA DANG, SKOM PAS NYEN CING YID MI BDE BAR 'CHI BA'I DUS BYED PAR 'GYUR RO, ,RGYAL PO CHEN PO 'DI LTAR KHYOD KYIS LUS BKRUS SHING BSKUS TE, BDUG PAS BSGOS, ME TOG DRI ZHIM POS BSGOS KYANG GDON MI ZA BAR DUS SU RANG BZHIN GYIS LHAN CIG SKYES PA'I DRI NGA BA 'BYUNG BAR 'GYUR RO, , RGYAL PO CHEN PO 'DI LTAR YUL KA SHI'I RAS DANG, MON DAR DANG, DU GU LA'I RAS DANG, DAR DANG, KHA CHE DAR DANG, BAL DANG, ZAR MA'I RAS LA SOGS PA'I GOS KYI BYE BRAG GIS G-YOGS KYANG THA MA'I MAL NANG DUG PA'I TSE, SNUM RNAM PA MANG PO DANG, CHUS REG CING GOS DRI MA CAN GYON CING 'CHI BA'I DUS BYED PAR 'GYUR RO, ,RGYAL PO CHEN PO DE LTAR KHYOD KHYIM NA BUD MED KYI NANG NA 'DUG BTZUN MO'I 'KHOR GYI NANG NA 'DUG STE, BUD MED KYI TSOGS KYIS BSKOR ZHING, GAR DANG GLU DANG ROL MO SIL SNYAN BYED, PHEG RDOB DANG, PO WANG BYED, GLING BU LEN, RNGA BRDUNG ZHING YID BDE BAR RTZE DGA' ZHING DGA' MGUR SPYOD PA YANG 'CHI BAS 'JIGS SKRAG NAS SHIN TU YID MI BDE ZHING 'CHI BA'I DUS BYED PAR 'GYUR RO, ,RGYAL PO CHEN PO DE LTAR KHYOD KHYIM GYI NANG NA SPOS DRI ZHIM POS BSKU BAS NI BSKUS, GTAN PA NI BCUG ,SKAR KHUNG NI LEGS PAR BCAD, BYUG PA MANG POS NI BYUGS, 'BRU MAR DRI ZHIM PO DANG LDAN PA'I MAR ME NI 'BAR, DAR GYI LNGA LDI [?] MANG POS NI BRES, ME TOG DRI ZHIM PO'I SIL MA MANG POS NI CHAL BAR BKRAM, POG PHOR NAS NI BDUG ,KHRI'I RTZA BA GSER DANG, DNGUL DANG, BEE d'UR+YA LAS NI BYAS, PA TI KA DANG DRE'U RDOG GI STAN DANG, STAN NANG TSANGS CAN DANG, ZA 'OG GI STAN DANG, YUL KA LING KA'I STAN DANG, STENG DU BTING BA DANG, DE'I STENG DU GDING BAS NI BKAB, G-YAS G-YON DU DAR DMAR PO'I SNGAS NI GZHAG PA'I KHRI LA NYAL BA YANG BYA ROG DANG BYA RGOD DANG, WA DANG, RO DANG, SHA DANG, RUS PA DANG, SKRA DANG, KHRAG DANG, ZHAG DANG, CHU SER DANG, RNAG GI @170A *, ,GNAS MCHOG TU 'JIGS SU RUNG BA'I DUR SA CHEN POR POR NA, LUS G-YO BA MED CING SA LA NYAL DU GDON MI ZA'O, ,RGYAL PO CHEN PO 'DI LTAR YANG KHYOD GLANG PO CHE'I BYAL [*BYA LA?] KHA'AM, RTA'I RGYAB BAM, SHING RTA LA ZHON TE, DUNG DANG, RNGA DANG, RDZA RNGA DANG, KHAR RNGA DANG; ROL MO SIL SNYAN GYI BYE BRAG LEN PA DANG, GDUGS DANG, RGYAL MTSAN DANG, BA DAN DANG, RNAM PAR RGYAL BA'I BA DAN NI BSGRENG, BSIL YAB NOR BU'I YU BA CAN DANG, RNGA YAB DANG, SHING TA LA LAS BYAS PA NI G-YO BA CING, GLANG PO CHE DANG, RTA PA DANG, DPUNG BU CHUNG NGU MA NI PHYI BZHIN 'BRANG, RGYAL BU DANG, BRAM ZE BSLAB PA PHOG PA'I BLON PO DANG, MDUN NA 'DON DANG, SKYE BO THAL MO SBYAR BA BRGYA STONG DU MAS NI PHYAG BYA ZHING RGYAL BAR SPYON CIG ,RGYAL BAR SPYON CIG CES SNYAN PA BRJOD DE PHYIR 'BYUNG BA MYONG BA YANG RING PO MI THOGS PAR G-YO BA MED CING MAL DU SHI NAS MI BZHIS BTEG STE, PHA DANG MA DANG PHU NU DANG, SRING MO DANG, CHUNG MA DANG, BU PHO DANG, BU MO DANG, RTEN GROGS DANG, BRAN PHO DANG, BRAN MO DANG, LAS BYED PA DANG, ZHO SHAS 'TSO BA DANG, BLON PO DANG, GRONG KHYER BA'I SKYE BO DAG MYA NGAN GYI DBANG DU SONG STE, LAG PA BTEG NAS BRANG BRDUNG ZHING MCHOG TU SNYING RJE BAR KYI HUD BU, KYI HUD MGON PO, ,KYI HUD PHU BO KYI HUD JO BO ZHES DU ZHING ZHAM RING BA DANG, GRONG KHYER BA'I SKYE BO DAG GI 'JIGS PA DANG BCAS PAR MTHONG STE, GRONG KHYER GYI LHO PHYOGS KYI SGOR PHYUNG NAS SA'I 'OG TU BCUG GAM, 'BROG DGON PAR SA'I 'OG TU BCUG KYANG BYA ROG DANG, BYA RGOD DANG WA LA SOGS PAS ZOS SHING RUS PA DE DAG MES BSREGS SAM, CHUR BSKUR RAM SA'I 'OG TU BCUG KYANG RLUNG DANG NYI MA DANG, CHAR PAS PHYE MAR BYAS TE, PHYOGS PHYOGS SU 'THOR ZHING DE NYID DU RUL BAR 'GYUR RO, ,RGYAL PO CHEN PO DE LTAR THAMS CAD KYI LUS KYI RANG BZHIN NI 'DI YIN TE, 'DI LTAR MI RTAG PA, 'DI LTAR MI BRTAN PA, 'DI LTAR YID BRTAN DU MI RUNG BA, 'DI LTAR RNAM PAR 'JIG PA'I CHOS CAN, YUN THUNG BA, MI GNAS PA, G-YO BA, 'GUL BA, MTHAR 'JIG PA, SKAD CIG PA, MTHAR SDIG PA, ZAD CING 'JIG PA'I SGO, ,MTHAR 'GYES PA'I @170B CHOS CAN 'JIGS PA DANG BCAS PA, 'TSE BA DANG BCAS PA, MYA NGAN DANG, 'KHRUG PA MANG BA, 'BRUL BA, 'JIG PA, 'CHAD PA, 'GYES PA, 'THOR BA, RNAM PAR 'JIG PA'I CHOS CAN TE, DE LTA BAS NA RGYAL PO CHEN PO KHYOD MI RTAG PAR LTA BA DANG, ZAD PA DANG, 'JIG PAR LTA BA DANG, 'DOD CHAGS KYIS CHAGS PA MED PAR LTA BA DANG, ZHE SDANG GIS SDANG BA MED PA DANG, GTI MUG GIS RMONGS PA MED PA DANG, RGYAL SRID KYI DBANG PHYUG DANG, 'DOD PA'I LONGS SPYOD KYI BDE BA RNAMS LA YANG MI CHAGS PAR BYA'O, ,SROG DANG NAD MED PA'I RGYAGS PAS RGYAGS PAR MI BYA'O, ,DE CI'I PHYIR ZHE NA, RGYAL PO CHEN PO 'DOD PA RNAMS RNYED PA'AM, SO SOR RNYED PA'AM, BSAGS PA'AM, RAB TU BSAGS PA'AM, BSTEN PAS NI 'DOD PA RNAMS KYIS NGOMS PAR 'GYUR RO ZHES NGA MI SMRA'O, ,GANG DAG NGOMS PA DE DAG NI 'PHAGS PA'I SHES RAB KYIS NGOMS SO ZHES GSUNGS SO; ,RTAG TU LUS LA MI SDUG PAR BSGOM PA DANG LDAN PAR BYA STE, DKON MCHOG SPRIN GYI MDO LAS 'BYUNG BA, LUS 'DI LA SKRA DANG, SPU DANG, SEN MO DANG SO DANG, RDUL DANG, DRI MA DANG, PAGS PA DANG, SHA DANG, RUS PA DANG, RGYUS PA DANG, RTZA DANG, MKHAL MA DANG, SNYING DANG, MCHIN PA DANG, GLO BA DANG, RGYU MA DANG, GNYE MA DANG, LGANG PA DANG, PHO BA DANG, SUL MANGS DANG, LONG KA DANG, MCHER PA DANG, PHI SA DANG, MCHI MA DANG, RDUL DANG, SNABS DANG, NGAR SNABS DANG, ZHAG DANG, CHU SER DANG, RKANG DANG, TSIL DANG, MKHRIS PHA DANG, BAD KAN DANG, RNAG DANG, KHRAG DANG, GLAD PA DANG, GLAD RGYAS DANG, GCIN DAG YOD DE DNGOS PO DE DAG LA BYANG CHUB SEMS DPA' YONGS SU RTOG PA'I RANG BZHIN CAN YIN TE, YONGS SU RTOG PA'I RANG BZHIN CAN DE 'DI SNYAM DU GANG YANG BYIS PA BLUN PO MI GSAL BA MI MKHAS PA, DE YANG DNGOS PO 'DI DAG SHES NAS 'DOD CHAGS KYI SEMS MI BSKYED NA, SHES RAB DANG LDAN PA'I RANG BZHIN CAN LA LTA SMOS KYANG CI DGOS SNYAM DU SEMS SO ZHES JI SKAD GSUNGS PA LTA BU'O, ,DON RNAM PAR NGES PA'I MDO LAS KYANG 'BYUNG STE, DGE SLONG DAG 'DI LA DGE SLONG DGON PA NA 'DUG KYANG RUNG, SHING DRU NGAN 'DUG KYANG @171A *, ,RUNG; KHANG STONG NA 'DUG KYANG RUNG STE, LUS 'DI NYID LA 'OG GI RKANG MTHIL YAN CHAD, SKRA DANG KLAD PA LA THUG GI BAR DU MI GTZANG BA RNAM PA SNA TSOGS KYIS GANG BAR YANG DAG PA JI LTA BA BZHIN DU SO SOR RTOG STE, LUS 'DI LA YOD PA NI SKRA DANG, SPU DANG SEN MO DANG, SO DANG, RDUL DANG, DRI MA DANG, PAGS PA DANG, SHA DANG, RUS PA DANG, RGYUS PA DANG, RTZA DANG, MKHAL MA DANG, SNYING DANG, GLO BA DANG, MCHIN PA DANG, PHO BA DANG, LONG KA DANG, RGYU MA DANG, GNYE MA DANG, LGANG PA DANG, SUL MNGAS DANG, MCHER PA DANG, PHYI SA DANG, MCHI MA DANG, RDUL DANG, NGAR SNABS DANG, MCHIL MA DANG, ZHAG DANG, CHU SER DANG, RKANG DANG, TSIL DANG, RNAG DANG, BAD KAN DANG, MKHRIS PA DANG, KHRAG DANG, KLAD PA DANG, KLAD RGYAS DANG, GCIN DANG, MIG RDU DANG, RNA SPABS DANG, SO'I DRI MA DANG, LCE'I DRI MA DAG YOD DE, MI GTZANG BA RNAM PA SNA TSOGS KYIS GANG BAR YANG DAG PA JI LTA BA BZHIN DU SO SOR RTOG GO, ,DGE SLONG DAG 'DI LTA STE, DPER NA 'BRAS S'A LU DANG, 'BRU DANG, NAS DANG, GRO DANG, MON SRAN GRE'U DANG, MON SRAN SDE'U DANG, RGYA SRAN DANG, 'BRAS SO BA DANG, SRAN CHUNG DANG, MON SRAN NA GU DANG, YUNGS KAR DANG, 'BRU RNAM PA SNA TSOGS KYIS GANG BA'I SBYANG ZHIG KHA GNYI GA PHYE BA DE LA MIG DANG LDAN PA'I MI ZHIG GIS BLUGS NAS SO SOR RTOG GO, ,SO SOR BRTAGS NAS 'DI DAG NI 'BRAS S'A LU'O, ,'DI DAG NI 'BRU'O, ,'DI DAG NI NAS SO, ,'DI DAG NI GRO'O, ,'DI DAG NI MON SRAN GRE'U'O, ,'DI DAG NI MO NA SRAN SDE'U'O, ,'DI DAG NI RGYA SRAN NO, ,'DI DAG NI 'BRAS SO BA'O, ,'DI DAG NI SRAN CHUNG NGO, ,'DI DAG NI MON SRAN NA GU'O, ,'DI DAG NI 'BRAS DRUS PA'O, ,'DI DAG NI TIL LO, ,'DI DAG NI YUNGS KAR RO ZHES BYA BAR SHES SO, ,DGE SLONG DAG DE BZHIN DU DGON PA NA 'DUG KYANG RUNG, SHING DRUG NA 'DUG KYANG DUNG, KHANG STONG NA 'DUG KYANG RUNG STE, LUS 'DI NYID LA 'OG GI RKANG MTHIL YAN CHAD, SKRA DANG GLAD PA LA THUG GI BAR DU MI GTZANG BA RNAM PA SNA TSOGS KYIS GANG BAR YANG DAG PA JI LTA BA BZHIN DU SO SOR RTOG SHIG CES GSUNGS SO, ,DPAS BYIN GYIS ZHUS @171B PA'I MDO LAS KYANG, 'DI LA BYANG CHUB SEMS DPAS LUS 'DI'I THOG MA DANG THA MA'I RGYU LA SO SOR BRTAG PAR BYA'O, ,PHA MA'I KHU CHU DANG KHRAG 'DRES PA LAS 'BYUNG STE, LUS 'DI LA KHU CHU DANG KHRAG NI LUS KYI THOG MA'I RGYU YIN NO, ,THA MA'I RGYU NI ZAS 'JU BA LA SOGS PA STE, KHAM GYI BZA' BA'I ZAS ZOS MA THAG TU BAD KAN GYI GNAS SU 'GRO'O, ,BAD KAN GYI GNAS SU PHYIN NAS, BAD KAN GYIS RKYANG RKYANG POR BYAS TE, SHIN TU MI GTZANG BAR 'GYUR RO, ,DE'I 'OG TU MKHRIS PA'I NGAS SU 'GRO STE, MKHRIS PA'I GNAS SU PHYIN NAS ZHU ZHING SKYUR POR GYUR TE, RLUNG GI GNAS SU 'GRO'O, ,ZHU STE RLUNG GI GNAS SU PHYIN NAS RLUNG GIS TSIGS MA LOGS SHIG DANGS [?] MA LOGS SHIG TU RNAM PAR 'BYED DE, TSIGS MA LAS NI GCIN DANG NGAN SKYUGS LA SOGS TE DRI MA RNAMS 'BYUNG, DANGS MA LAS NI KHRAG TU 'GYUR TE, KHRAG LAS SHA'O, ,SHA LAS TSIL LO, ,TSIL LAS RUS PA'O, ,RUS PA LAS RKANG NGO, ,RKANG LAS KHU CHU'O, ,KHU CHU LAS LUS 'DI STE, DE LTAR THOG MA DANG, THA MA'I RGYU MI GTZANG BA'I PHYIR LUS MI GTZANG BAR BYANG CHUB SEMS DPAS BSAM PAR BYA'O ZHES GSUNGS SO, ,YANG DE NYID LAS 'BYUNG BA, 'DI LTAR MI GTZANG PHUNG PO'I LUS LA NI, ,GZUGS MNGON NGA RGYAL CAN GANG GUS BYED PA, ,BYIS PA'I BLO CAN DE NI MNGON BZHIN DU, ,MI SHES NGAN SKYUGS BUM PA THOGS SHING 'GRO, ,DE YI SNA NAS RNAG NI RNAM PAR 'DZAG ,KHA NAS DRI MI ZHIM PA RTAG TU 'BYUNG, ,MIG RNGU CHAGS ZHING SKYE BO'I SRIN BU CAN, ,DE LA SU ZHIG CHAGS ZHING GUS PAR BYED, ,DPER NA BYIS PA SOL BA THOGS NAS SU, ,'DI NI DKAR POR BYA ZHES BDAR KYANG NI, ,DKAR PO'I DNGOS POR MI 'GYUR ZAD PAR 'GYUR, ,PHYIS BLO PHYIN CI LOG GI NGA RGYAL CAN, ,DE LTAR MI GANG GTZANG SBRA'I BLO GROS CAN, ,NGA YI LUS 'DI GTZANG MAR BYA ZHES TE, ,BSKUS PHYIS 'BAB STEGS BRGYAR NI KHRUS BYAS KYANG, , 'CHI BDAG DBANG GIS ZAD 'GYUR GTZANG MI 'GYUR, ,ZHES GSUNGS SO, ,'PHAGS PA DRI MA MED PAR GRAGS PAS BSTAN PA LAS KYANG, ,DE NAS LI TZTSA B'I DRI MA MED PAR GRAGS PAS TSAD MED PA'I THABS LA MKHAS PA'I YE SHES DANG LDAN TE, YANGS PA'I GRONG KHYER CHEN PO NA GNAS ZHING 'DUG GO, ,DE @172A *, ,THABS LA MKHAS PAS BDAG NYID NA BA LTA BUR BSTAN NAS, DE LA NAD DRI BA'I PHYIR YANGS PA'I GRONG KHYER CHEN PO NAS RGYAL PO DANG, BLON PO CHEN PO DANG, BLON PO DANG, GZHON NU DANG, 'KHOR DANG, BRAM ZE DANG, KHYIM BDAG DANG, TSONG DPON DANG, KHYIM PA DANG, YUL GYI MI DANG; DE MA YIN PA SROG CHAGS STONG PHRAG MANG PO NAD 'DRIR 'ONGS TE, DER LHAGS PA DE DAG LA, LITZTSA B'I DRI MA MED PAR GRAGS PAS 'BYUNG BA CHEN PO BZHI'I LUS 'DI NYID LA BRTZAMS NAS CHOS STON TE, GROGS PO RNAMS LUS 'DI NI 'DI LTAR MI RTAG PA 'DI LTAR MI BRTAN PA, 'DI LTAR YID BRTAN DU MI RUNG BA, 'DI LTAR NYAM CHUNG BA, 'DI LTAR SNYING PO MED PA, 'DI LTAR ZHIGS BA, 'DI LTAR YUN THUNG BA, 'DI LTAR SDUG BSNGAL BA, 'DI LTAR NAD MANG BA, 'DI LTAR 'GYUR BA'I CHOS CAN NO, ,GROGS PO DAG 'DI LTAR LUS 'DI NI NAD MANG PO'I SNOD DE, MKHAS PAS DE LA GNAS PAR MI BYA'O, ,GROGS PO DAG LUS 'DI NI CANG MI BZOD PA STE, DBU BA RDOS PA LTA BU'O, ,LUS 'DI NI RING DU MI GNAS PA STE, CHU'I CHU BUR LTA BU'O, ,LUS 'DI NI NYON MONGS PA'I SRID BA LAS 'BYUNG BA STE, SMIG RGYU LTA BU'O, ,LUS 'DI NI SNYING PO MED PA STE, CHU SHING GI PHUNG PO LTA BU'O, ,KYE MA LUS 'DI NI RUS PA LA RGYUS PAS SBREL BA STE, 'KHRUL 'KHOR LTA BU'O, ,LUS 'DI NI SEMS PHYIN CI LOG LAS BYUNG BA STE, SGYU MA LTA BU'O, ,LUS 'DI NI YANG DAG PA MA YIN PA MTHONG BA STE RMI LAM LTA BU'O, ,LUS 'DI NI SNGON GYI LAS KYI GZUGS BRNYAN SNANG BA STE, GZUGS BRNYAN LTA BU'O, ,LUS 'DI NI RKYEN LA RAG LAS PA'I PHYIR BRAG CA LTA BU'O, ,LUS 'DI NI SEMS 'KHRUG CING 'GYES PA'I MTSAN MA STE, SPRIN LTA BU'O, ,LUS 'DI NI SKAD CIG TU 'JIG PA DANG LDAN ZHING MI GNAS PA STE, GLOG DANG MTSUNGS SO, ,LUS 'DI NI RKYEN SNA TSOGS LAS BYUNG BA STE, BDAG PO MED PA'O, ,LUS 'DI NI SA DANG 'DRA STE BYED PA MED PA'O, ,LUS 'DI NI CHU DANG 'DRA STE BDAG MED PA'O, ,LUS 'DI NI ME DANG 'DRA STE SROG MED PA'O, ,LUS 'DI NI RLUNG DANG 'DRA STE, GANG ZAG MED PA'O, ,LUS 'DI NI NAM MKHA' DANG 'DRA STE RANG BZHIN MED PA'O, ,LUS 'DI NI 'BYUNG BA CHEN PO RNAMS KYI GNAS TE, YANG @172B DAG PA MA YIN NO, ,LUS 'DI NI BDAG DANG BDAG GI BA MED PA STE STONG PA'O, ,LUS 'DI NI RTZVA DANG, SHING DANG, RTZIG PA DANG, BONG BA DANG, MIG YOR LTA BU STE BEMS PO'O, ,LUS 'DI NI RLUNG GI 'KHRUL 'KHOR DANG LDAN PAR 'BYUNG STE TSOR BA MED PA'O, ,LUS 'DI NI RNAG DANG, MI GTZANG BA BSAGS PA STE; GSOG GO, ,LUS 'DI NI RTAG TU BYUG PA DANG MNYE BA DANG, 'JIG PA DANG 'GYES PA'I CHOS CAN TE GSOB BO, ,LUS 'DI NI NAD BZHI BRGYA RTZA BZHIS GTZES PA'O, ,LUS 'DI NI RTAG TU RGA BAS ZIL GYIS NON PA STE KHRON PA RNYING PA DANG 'DRA'O, ,LUS 'DI NI 'CHI BA'I MTHAR THUG PA STE, MTHAR MI GNAS PA'O, ,LUS 'DI NI PHUNG PO DANG, KHAMS DANG, SKYE MCHED KYIS YONGS SU ZIN PA STE, GSHED MA DANG DUG DRAG PO DANG GRONG STONG PA LTA BU'O, ,KHYED KYIS DE LTA BU'I LUS DE LA SUN PA DANG, SKYO BA SKYED CING DE BZHIN GSHEGS PA'I SKU LA MOS PA BSKYED PAR BYA'O, ,GROGS PO RNAMS DE BZHIN GSHEGS PA'I SKU NI CHOS KYI SKU STE, BSOD NAMS LAS SKYES PA'O, ,DE BZHIN GSHEGS PA'I SKU NI SBYIN PA LAS SKYES PA, TSUL KHRIMS LAS SKYES PA, TING NGE 'DZIN LAS SKYES PA, SHES RAB LAS SKYES PA, RNAM PAR GROL BA LAS SKYES PA, RNAM PAR GROL BA'I YE SHES MTHONG BA LAS SKYES PA, BYAMS PA DANG SNYING RJE DANG DGA' BA DANG BTANG SNYOMS LAS SKYES PA, SBYIN PA DANG, DUL BA DANG, YANG DAG PA'I SDOM PA LAS SKYES PA, DGE BA BCU'I LAS KYI LAM LAS SKYES PA, BZOD PA DANG DES PA LAS SKYES PA, BRTZON 'GRUS DANG BRTAN PA'I DGE BA'I RTZA BA LAS SKYES PA, BSAM GTAN DANG, RNAM PAR THAR PA DANG, TING NGE 'DZIN DANG SNYOMS PAR 'JUG PA LAS SKYES PA, THOS PA DANG, SHES RAB DANG, THABS LAS SKYES PA, BYANG CHUB KYI PHYOGS KYI CHOS SUM CU RTZA BDUN LAS SKYES PA, ZHI GNAS DANG LHAG MTHONG LAS SKYES PA, STOBS BCU LAS SKYES PA, MI 'JIGS PA BZHI LAS SKYES PA, SANGS RGYAS KYI CHOS MA 'DRES PA BCO BRGYAD LAS SKYES PA, PHA ROL TU PHYIN PA THAMS CAD LAS SKYES PA, MNGON PAR SHES PA DANG RIG PA LAS SKYES PA, MI DGE BA'I CHOS THAMS CAD SPONG BA LAS SKYES PA, DGE BA'I CHOS THAMS CAD YANG DAG PAR SDUD PA LAS @173A *, ,SKYES PA, BDEN PA LAS SKYES PA, YANG DAG PA NYID LAS SKYES PA, BAG YOD PA LAS SKYES PA'O, ,GROGS PO DAG DE BZHIN GSHEGS PA'I SKU NI DGE BA'I LAS TSAD MED PA LAS SKYES PA STE, KHYED KYIS DE LTA BU'I SKU DE LA MOS PA BSKYED PAR BYA'O ZHES GSUNGS SO,, ,, BAM PO GSUM PA, DBANG PHYUG GI GNAS RNYED NA YANG SUS KYANG, LOG PAR BSGRUB PAR MI BYA STE, YANG DAG PAR SGRUB PA LA NAN TAN DU BYA'O, ,DE LA YANG DAG PA'I SGRUB PA NI, BDEN PA PO'I LE'U LAS 'BYUNG BA, SKYE DGU BSKYANG BA LA BRTZON PA'I CHOS KYI RGYAL POS 'DU SHES LA GNAS PA BRGYAD KYIS MANG DU GNAS PAR BYA'O, ,BRGYAD GANG ZHE NA, SKYE DGU'I RIGS SU GTOGS PA'I SEMS CAN RNAMS LA BU'I 'DU SHES DANG, MI SRUN PA KHRO BA RNAMS LA NAD PA'I 'DU SHES DANG, SDUG BSNGAL BA RNAMS LA SNYING RJE BA'I 'DU SHES DANG, BDE BA RNAMS LA DGA' BA'I 'DU SHES DANG, MI MDZA' BA RNAMS LA DE'I GZHI LAS NYES PAR LTA BA'I 'DU SHES DANG, MDZA' BA RNAMS LA RJES SU BSRUNG BA'I 'DU SHES DANG, LONGS SPYOD RNAMS LA SMAN GYI 'DU SHES DANG, BDAG LA BDAG MED PA'I 'DU SHES SO, ,RGYAL PO CHEN PO DE LA SKYE DGU'I RIS SU GTOGS PA'I SEMS CAN RNAMS LA BU'I 'DU SHES KYIS GNAS PA NI RGYAL PO CHEN PO DE PHAS BU BCOS PA LTAR MI SRUN PA TSAR BCAD PA LA 'JUG KYANG, SNYING RJE BA'I BSAM PA MI GTONG BA'O, ,MI SRUN PA RNAMS LA NAD PA'I 'DU SHES KYIS GNAS PA NI SMAN PA LTAR GNOD PA BYED PA LA NI MI KHRO ZHING SKYON RAB TU BSAL BA'I PHYIR SBYOR BA'O, ,SDUG BSNGAL BA RNAMS LA SNYING RJE BA'I 'DU SHES KYIS GNAS PA NI, GNOD PA THAMS CAD YONGS SU SPONG ZHING PHAN PA SGRUB PA'I PHYIR 'JUG PA'O, ,BDE BA RNAMS LA DGA' BA'I 'DU SHES KYIS GNAS PA NI GZHAN GYI NOR DANG YO BYAD LA BRNAB SEMS DANG PHRAG DOG GI SEMS MI BSKYED PA'O, ,MI MDZA' BA RNAMS LA DE'I GZHI LA NYES PAR LTA BA'I 'DU SHES KYIS GNAS PA NI DE'I GZHI YONGS SU SPONG BA STE, DES SKYE BO GZHAN LA LTA CI SMOS KYI DGRA RNAMS DANG YANG MDZA' BAR BYED PA'O, ,MDZA' BA RNAMS LA RJES SU BSRUNG BA'I 'DU SHES KYIS GNAS PA NI MDZA' BA BRTAN PA DANG, THAMS CAD DANG MDZA' BA'O, ,LONGS SPYOD @173B RNAMS LA SMAN GYI 'DU SHES KYIS GNAS PA NI 'DOD PA LA LOG PAR G-YEM PA LA YONGS SU MI SPYOD CING LONGS SPYOD RNAMS LA MA CHAGS PAR YONGS SU SPYOD PA'O, ,BDAG LA BDAG MED PA'I 'DU SHES KYIS GNAS PA NI CHOS DON DU GNYER ZHING DGE SBYONG DANG, BRAM ZE RNAMS KYI DRUNG DU SONG STE RJES SU MTHUN PA'I CHOS SGRUB PA LA 'JUG PA STE, RGYAL PO CHEN PO 'DU SHES LA GNAS PA BRGYAD PO DE DAG GIS GNAS PA'I CHOS DANG LDAN PA'I RGYAL PO NI SKYES PHUL BA TZAM GYIS KYANG LONGS SPYOD RNAMS SHIN TU MANG BAR 'PHEL BAR 'GYUR GYI, CHOS DANG MI MTHUN PAS NI G-YO'I SBYOR BA DANG, 'DUN PA RNAM PA THAMS CAD KYIS BSGRUBS KYANG DE LTAR 'PHEL BAR MI 'GYUR RO ZHES GSUNGS SO, ,YID GNYIS LEGS PAR 'JOMS PA'I MDO LAS KYANG, CHOS BZHI DANG LDAN NA RGYAL PO RGYAL RIGS SPYI BO NAS DBANG BSKUR BA LOG PAR MI LTUNG BA'I CHOS CAN DU 'GYUR TE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MYUR DU MNYES PAR BYED CING LONGS SPYOD CHEN PO PHUN SUM TSOGS PA YANG YONGS SU 'DZIN TO, ,BZHI GANG ZHE NA, 'DI LTA STE, DE BZHIN GSHEGS PA'I BSTAN PA SRUNG BA'I PHYIR GNAS PA YIN, SDIG PA MI DGE BA'I CHOS LA SMOD PA DANG, STONG PA NYID DANG, MTSAN MA MED PA DANG, SMON PA MED PA'I CHOS YONGS SU 'DZIN PA DANG, BLA NA MED PA YANG DAG PAR RDZOGS PA'I BYANG CHUB TU SEMS BSKYED PA'O ZHES GSUNGS SO, ,MI DGE BA YONGS SU SPANG BAR BYA BA GANG ZHE NA, NYI MA'I SNYING PO'I LE'U LAS 'BYUNG BA, MA 'ONGS PA'I DUS NA RGYAL RIGS DANG, BRAM ZE'I RIGS DANG, RJE'U RIGS DANG, DMANGS RIGS DAG CHOS KYIS GNAS PA'I DGE SLONG RNAMS LA BYIN PA'I KHYIM GYI GZHI DANG, ZHING GI GZHI DANG, KUN DGA' RA BA'I GZHI DANG, SKYED MOS TSAL DANG, BRAN PHO DANG, BRAN MO DANG, LAS BYED PA DANG, MAL CHA DANG, STAN DANG, NA BA'I GSOS SMAN DANG, YO BYAD NAS RKANG 'GROS KYI BAR DU YANG DE BZHIN DU BYIN PA LA BRKU BA DANG, RIL GYIS 'PHROG PA DAG 'BYUNG BAR 'GYUR TE, RGYA RIGS NAS, DMANGS RIGS KYI BAR DU DE DAG TSE 'DI NYID LA MI 'DOD PA'I CHOS NYI SHU DANG MYUR DU LDAN PAR 'GYUR RO, ,NYI SHU GANG ZHE NA, LHA 'BANG PAR 'GYUR BA DANG, PHYOGS DANG, PHYOGS @174A *, ,MTSAMS SU DE'I MI SNYAN PA GRAGS PAR 'GYUR BA DANG, DE MDZA' BO DANG, NYE DU DANG, SNAG GI GNYEN MTSAMS KYIS BOR BAR 'GYUR BA DANG, DE LA DGRA MANG BAR 'GYUR BA DANG, NOR DANG, 'BRU DANG, YO BYAD 'GRIB PAR 'GYUR BA DANG, G-YENG BA MANG BAR 'GYUR PA DANG, YAN LAG MA TSANG BAR 'GYUR BA DANG, DE GNYID MED PAR 'GYUR BA DANG, DE DAG RTAG DU SKOM PAS NYEN PAR 'GYUR BA DANG, DE LA BTUNG BA YANG DUG TU 'GYUR BA DANG, MDZA' BA YID DU 'THAD PA DAG DANG YANG MYUR DU 'BRAL BAR 'GYUR BA DANG, RTAG TU GZHAN DANG 'THAB PAR 'GYUR BA DANG, PHA MA DANG, CHUNG MA DANG, BU PHO DANG, BU MO DANG, BRAN PHO DANG, BRAN MO DAG BSGO BA'I RJES SU MTHUN PAR MI BYED PAR 'GYUR BA DANG, DE'I TSIG GSANG BA DANG, NOR GSANG BA DANG, BTZUN MO'I 'KHOR GSANG BA DANG, DE'I GSANG BA'I DNGOS PO THAMS CAD SNANG ZHING MNGON PAR 'GYUR BA DANG, BGO SKAL LA SPYOD PA MI SDUG PA DAG GIS LONGS SPYOD RNAMS CHUD GSON PAR 'GYUR BA DANG, MYUR DU NAD DRAG POS BTAB PAR 'GYUR BA DANG, SMAN DANG NAD G-YOG MED CING SHA DANG KHRAG SKAMS LA, SDUG BSNGAL MYONG BAR 'GYUR BA DANG, BDAG GI GCIN RKYAGS [?] KYIS REG STE, 'CHI BA'I DUS BYED PAR 'GYUR BA STE, RGYAL PO CHEN PO MI 'DOD PA'I CHOS NYI SHU PO 'DI DAG DANG MYUR DU 'PHRAD PAR 'GYUR RO, ,GANG CHOS KYIS GNAS PA'I DGE SLONG RNAMS LA BYIN PA'I LONGS SPYOD DANG, YONGS SU SPYOD PA DANG, NOR DANG, YO BYAD PHROGS SAM BDAG SPYOD DAM, GZHAN SPYOD DU BCUG NA DE 'CHI BA'I DUS BYAS NAS, MNAR MED PA'I SEMS CAN DMYAL BA CHEN POR SKYE STE, DE NA TSE BSKAL PA'I BAR DU ZANGS BZHU BA'I KHU BA 'THUNG ZHING LCAGS KYI THU LUM ZA LA ME'I GOS GYON CING SHIN TU MI BZAD PA'I SDUG BSNGAL SNA TSOGS MYONGS BAR 'GYUR RO, ,BSKAL PAR 'DUG PA'I TSE ZAD NAS MYA NGAM DGON PA CHU MED PA NA LAM GOL BA'I YI DAGS DANG SKAL BA MNYAM PAR SKYES NA YANG RKANG PA DANG, LAG PA DANG, MIG MED PAR SKYE'O, ,DE NAS PHYOGS BZHI'I RLUNG TSA BAS SREG CING SPU GRI 'DRA BA'I SA LA 'GRO STE, DE LO BRGYA STONG DU MA'I BAR DU DE NA 'DI 'DRA BA'I SDUG BSNGAL MYONG BAR 'GYUR RO, ,DE BRGYA LA JI STE NA SHI 'PHOS NA YANG, RGYA MTSO CHEN @174B POR SHA SNA GU'I LUS DPAG TSAD BRGYA PAR SKYES TE, DE NI SNGON GYI LAS KYI RGYUS DPAG TSAD BRGYA KHOR KHOR YUG TU CHU ZANGS BZHU BA'I KHU BA 'DRA BA BYUNG NAS, DE CHU DE'I NANG NA LO BRGYA STONG DU MA'I BAR DU SEMS CAN DMYAL BAR GNOD PA MYONG BAR 'GYUR RO, ,DE NAS SHI 'PHOS NAS KYANG MYA NGAM GYI DGON PAR RDZUS TE SKYES NAS, SHA SNA GU CHEN PO RI RAB TZAM DU GYUR TE DE PHYOGS BZHI KUN NAS RLUNG SHIN TU TSA BAS SREG CING DER PHYOGS BZHI NAS GCAN GZAN DANG, BYA KUN LHAGS TE ZA'O, ,DE BRGYA LA JI STE YUN RING PO ZHIG NA DE NAS SHI 'PHOS NAS KYANG, YANG SEMS CAN DMYAL BA CHEN POR SKYE'O, ,DE NAS SHI 'PHOS NAS KYANG YANG RNAM PA 'DI LTA BU'I SDUG BSNGAL CHEN PO MYONG BAR 'GYUR RO, ,YONGS SU BRTAG PA BZUNG STE, DE JI STE BRGYA LA MI RNAMS DANG SKAL BA MNYAM PAR SKYES NA YANG, SANGS RGYAS MED PA'I SANGS RGYAS KYI ZHING SNYIGS MA LNGA CAN DU SKYE ZHING MIG MED PA DANG MI SDUG PAR 'GYUR TE, RGYAL PO CHEN PO CHOS KYIS GNAS PA'I DGE SLONG RNAMS KYI LONGS SPYOD DANG, YONGS SU SPYOD PA DANG, NOR DANG YO BYAD PHROGS NA, DE 'DI LTA BUR SDUG BSNGAL BAR 'GYUR RO ZHES GSUNGS SO, ,NAM MKHA'I SNYING PO'I LE'U LAS KYANG, RIGS KYI BU RGYAL PO RGYAL RIGS SPYI BO NAS DBANG BSKUR BA'I LTUNG BA'I RTZA BA LNGA STE, LTUNG BA'I RTZA BA DE DAG GIS, RGYAL RIGS SPYI BO NAS DBANG BSKUR BA'I DGE BA'I RTZA BA SNGON BSKYED PA THAMS CAD CHUD GZAN TE, PHA SA [?] PHAM ZHING LHA DANG MI'I BDE BA'I GNAS THAMS CAD NAS LHUNG NAS NGAN SONG DU 'GRO BAR 'GYUR RO, ,LNGA GANG ZHE NA RIGS KYI BU RGYAL RIGS SPYI BO NAS DBANG BSKUR BAS MCHOD RTEN GYI RDZAS 'PHROG GAM, DGE 'DUN GYI DANG, PHYOGS BZHI'I DGE 'DUN LA PHUL BA 'PHROG GAM, 'PHROG TU 'JUG PA 'DI NI LTUNG BA'I RTZA BA DANG PO'O, ,GANG YANG CHOS SPONG ZHING 'GOG TU 'JUG STE, NYAN THOS NGES PAR 'BYUNG BA BSHAD PA'AM, RANG SANGS RGYAS NGES PAR 'BYUNG BA BSHAD PA'AM, THEG PA CHEN PO NGES PAR 'BYUNG BA BSHAD PA SPONG ZHING 'GOG TU 'JUG PA 'DI NI LTUNG BA'I RTZA BA GNYIS PA'O, ,GANG YANG NGA'I PHYIR RAB TU BYUNG STE, SKRA DANG KHA SPU BREGS NAS GOS NGUR SMRIG GYON PA BSLAB PA BZUNG YANG RUNG, BSLAB PA MA BZUNG YANG RUNG STE, TSUL KHRIMS 'CHAL BA @175A *, ,YANG RUNG, TSUL KHRIMS DANG LDAN PA YANG RUNG, DE'I GOS DUR SMRIG 'PHROG GAM, KHYIM NA GNAS PAR BYED DU BCUG GAM, LUS KYI CHAD PA GZHU BRDEG BYED DAM, CHAD PA NOR 'BUL DU 'JUG GAM, BTZON RAR 'JUG GAM, SROG DANG BRAL BAR BYED DU 'JUG PA 'DI NI LTUNG BA'I RTZA BA GSUM PA'O, ,RGYAL RIGS GANG YANG CHED DU BSAMS TE, MA'I SROG GCOD PA DANG, PHA DANG BCOM LDAN 'DAS KYI NYAN THOS DGRA BCOM PA'I SROG GCOD PA DANG, DGE 'DUN 'DUM PA 'BYED PA DANG, CHED DU BSAMS TE YANG DAG PAR RDZOGS PA'I SANGS RGYAS LA NGAN SEMS KYIS KHRAG 'BYIN PA STE, MTSAMS MED PA'I LAS LNGA PO 'DI DAG LAS GANG YANG RUNG BA'I LAS BYED PA 'DI NI LTUNG BA'I RTZA BA BZHI PA'O, ,RGYAL RIGS GANG YANG RGYU MED PA SMRA BAR GYUR LA, 'JIG RTEN PHA ROL LA G-YEL TE, MI DGE BA BCU'I LAS KYI LAM YANG DAG PAR BZUNG NAS GNAS SHING, SEMS CAN GZHAN MANG PO DAG KYANG, MI DGE BA BCU'I LAS KYI LAM YANG DAG PAR 'DZIN DU 'JUG STE, 'DUL ZHING 'JUG PA 'DI NI LTUNG BA'I RTZA BA LNGA PA'O, ,YANG BLON PO'I LTUNG BA'I RTZA BA LTA STE, LNGA GANG ZHE NA, BLON PO GANG MCHOD RTEN GYI RDZAS SAM, DGE 'DUN GYI DANG, PHYOGS BZHI DGE 'DUN GYI RDZAS 'PHROG PA 'DI NI LTUNG BA'I RTZA BA DANG PO'O, ,GANG YANG GRONG 'JOMS PA DANG, LJONGS 'JOMS PA DANG, GRONG KHYER 'JOMS PA DANG, YUL 'KHOR 'JOMS PAR BYED PA 'DI NI LTUNG BA'I RTZA BA GNYIS PA'O, ,YANG BLON PO GANG CHOS SPONG BA STE, NYAN THOS NGES PAR 'BYUNG BA BSHAD PA'AM, RANG SANGS RGYAS NGES PAR 'BYUNG BA BSHAD PA'AM, THAMS CAD MKHYEN PA'I YE SHES NGES PAR 'BYUNG BA BSHAD PA SPONG ZHING 'GOG LA, SUBS PAR BYED PA 'DI NI LTUNG BA'I RTZA BA GSUM PA'O, ,YANG BLON PO GANG BCOM LDAN 'DAS KYI PHYIR RAB TU BYUNG BA, TSUL KHRIMS DANG LDAN YANG RUNG, TSUL KHRIMS DANG MI LDAN YANG RUNG BA 'TSE STE, GOS DUR SMIG 'PHROG GAM, KHYIM NA GNAS PAR BYED DU 'JUG GAM, BTZON RAR BCUG GAM, CHAD PAS NOR 'PHROG GAM, SROG DANG BRAL BAR BYED DU 'JUG PA 'DI NI LTUNG BA'I RTZA BA BZHI PA'O, ,YANG BLON PO GANG MTSAMS MED PA LNGA LAS GANG YANG RUNG BAS SDIG PA LA SOGS @175B PA 'DI NI LTUNG BA'I RTZA BA LNGA BA'O, ,YANG BLON PO GANG GIS LTUNG BA'I RTZA BA LNGA PO 'DI DAG LAS GANG YANG RUNG BA ZHIG BYAS NA, BLON PO DE DGE BA'I RTZA BA SNGON BSKYED PA THAMS CAD CHUD GZON PA YIN NO ZHES GSUNGS SO, ,ZLA BA'I SNYING PO'I LE'U LAS KYANG, GROGS PO DAG SU NGA'I PHYIR RAB TU BYUNG STE, KHA NA MA THO BA DANG BCAS PA CHEN PO SROG GCOD PAR BYED DAM, MA BYIN PAR LEN PA DANG, MI TSANGS PAR SPYOD PA DANG, BRDZUN DU SMRA BA DANG, MI RIGS PA'I MI DGE BA GZHAN BYED PA DE, RGYAL PO RGYAL RIGS NAS GRONG KHYER DANG GRONG GI GTZO BOS GRONG KHYER DANG, YUL DANG GTZUG LAG KHANG NAS BSKRAD DE LONGS SPYOD DANG BRAL LA; RJES SU MTHUN PA'I NGAG GIS CHAD PAS GCAD PAR BYA'I, LUS LA NI CHAD PAS MI GCAD DO, ,SU ZHIG LUS KYI CHAD PA GZHU BRDEG BYED NA DE NI DGE BA THAMS CAD LAS NYAMS PAR 'GYUR RO, ,LHA DANG MI'I NANG DU SKYE BA DANG BRAL TE, MNAR MED PAR SKYE BAR 'GYUR RO, ,DE NAS LHA THAMS CAD NAS LUS SRUL BO'I BAR DU JI SNYED 'DUS PA THAMS CAD DANG LDAN PA'I 'KHOR DE DKON MCHOG GSUM LA SEMS SHIN TU DAD CING RAB TU CHER GUS TE NGO MTSAR DU 'DZIN CING, 'DI SKAD CES GSOL TO, ,DENG SLAN CHAD BDAG CAG THAMS CAD KYIS BCOM LDAN 'DAS KYIS BSTAN PA BSRUNG BAR BGYI'O, ,DGE SLONG DANG, DGE SLONG MA DANG, DGE BSNYEN DANG, DGE BSNYEN MA DANG, THA NA GANG BCOM LDAN 'DAS KYI BSLAB PA 'BRAL BA DANG, THA NA SU ZHIG BCOM LDAN 'DAS KYI SLAD DU SKRA DANG, KHA SPU BREGS TE, NGUR SMRIG GI TSAL BU 'TSAL ZHING BSLAB PA BZHIN MI BGYID LA DE YONGS SU 'DZIN PA MA MCHIS NA YANG BDAG CAG GIS DE LA STON PA'I 'DU SHES KYIS SRUNG ZHING YONGS SU BSKYANG BAR BGYI'O, ,YO BYAD THAMS CAD SBYAR BAR BGYI'O, ,GAL TE RGYAL POS NGUR SMRIG GI TSAL DU 'TSAL BA DE LTA BU LA, RKYEN GANG YANG RUNG BAS LUS KYI CHAD PA GZHU BRDEG BGYIS NA, BDAG CAG GIS RGYAL PO DE LA MI SRUNG NGO, , MI BSKYANG NGO, ,DE'I YUL 'KHOR DU BGYI BA THAMS CAD KYANG YAL BAR 'DOR RO, ,DE'I YUL 'KHOR DU G-YO THAMS CAD DANG, 'THAB MO DANG, RTZOD PA DANG, MI NGAS DANG, NAD DANG, MU GE DANG, 'KHRUG PA DANG, DUS MA LAGS PAR RLUNG LDANG BA DANG, DUS MA LAGS PAR CHAR 'BAB PA DANG, @176A *, ,CHAR MI 'BAB CING LO MA RUNG BAR 'GYUR BA'I RKYEN GNOD PA ZHIG BYUNG NA YANG, BDAG CAG GIS BZLOG PAR MI BGYI'O, ,DE'I YUL NAS DE BZHIN GSHEGS PA'I NYAN THOS KYANG YUL GZHAN DU 'CHI BAR BGYI'O, ,YUL DE NAS SBYIN GNAS KYANG MA MCHIS PAR BGYI'O, ,BDAG CAG KYANG DE NAS MCHI BAR BGYI'O ZHES 'BYUNG NGO, ,'PHAGS PA SA'I SNYING PO'I MDO LAS KYANG, SA'I SNYING PO SNGON BYUNG BA, YUL LNGA LEN GYI RGYAL PO SDE RNAM PAR RGYAL BA ZHES BYA BA'I 'BANGS GSAD PA LA THUG PA ZHIG YOD PA DE SROG GI PHYIR SKRA DANG KHA SPU BREGS TE NGUR SMRIG GI TSAL BU MGUL DU BTAGS SO; ,DE NAS GSAD PA LA THUG PA'I MI DE GSHED MAS BCING BA LNGAS DAM POR BCINGS NAS DUR KHROD CHEN PO BI TI KHA LAM BA KA ZHES BYA BAR BOR RO, ,DE NAS DE'I MTSAN MO DUR KHROD CHEN PO DER SRIN MO CHEN MO MIG MI BZANG MA ZHES BYA BA DE G-YOG LNGA STONG DANG 'ONGS NAS, DES BCINGS PA LNGAS BCINGS PA'I MI ZHIG MGO BREGS TE, GOS NGUR SMRIG GYON PA MTHONG NAS DES DE LA BSKOR TE, PHYAG 'TSAL NAS SLAR SONG NGO, ,DE BZHIN DU GNYIS PA SENG LDENG SO CAN ZHES BYA BA 'KHOR LNGA STONG DANG, DE BZHIN DU GSUM PA KHRO GNYER SKRA CAN ZHES BYA BA DANG, BZHI PA RAL GRI KHA ZHES BYA BA DE DAG GIS MGO BREGS TE, NGUR SMRIG GI TSAL BU GYON PA DE MTHONG NAS, BKRES BZHIN DU MA ZOS PAR PHYIR DONG NGO, ,SA'I SNYING PO SNGON BYUNG BA RGYAL PO RAB TU BSOD NAMS CAN ZHES BYA BA DE'I BLON POS MI GSAD PA LA THUG PA ZHIG , GLANG PO CHE RGYAGS PAS GSOD DU BCUG PA DANG, GLANG PO CHE DES MI DE'I RKANG PA GNYIS NAS BZUNG STE, MTHU THAMS CAD KYIS SA LA BRDABS PAR BYAS PA DANG, MI DE GOS DMAR PO GYON PA ZHIG NAS, GLANG PO CHE GTUM PAS KYANG GOS DMAR PO GYON PA MTHONG BA DANG, SEMS DAD NAS MI DE DAL GYIS SA LA GZHAG STE DU BZHIN DU MDUN NA 'DUG CING SNAS DE'I RKANG PA GNYIS LA NYUG GO , ,DUD 'GRO'I SKYE GNAS SU SONG BA'I MI KHOM PAR GYUR PA LOG PAR LTUNG BA DE LTA BU YANG GOS DMAR PO GYON PA MTHONG NAS, BZOD CING SDIG PA MA BYAS PAR GYUR PA LA LTOS, YANG MA 'ONGS PA'I DUS NA, RGYAL PO GDOL PA DANG, BLON PO DANG, BKRABS PA DANG, DGE SBYONG DANG BRAM ZE DANG, KHYIM BDAG GDOL @176B BA BLUN YANG MKHAS SO ZHES NGA RGYAL BYED CING TSUL 'CHOS PA DANG, G-YO DANG SGYU'I TSIG GIS 'JIG RTEN BSLU STE, DE NI BLA NA MED PA'I THEG PA CHEN PO TSOL LO ZHES ZER LA BLUN ZHING GTUM STE, 'JIG RTEN PHA ROL GYI 'JIGS PA LA MI LTA BA DAG 'BYUNG STE, DE DAG NI NGA'I PHYIR RAB TU BYUNG BA SNOD DU GYUR PA DANG, SNOD DU MA GYUR PA 'ANG RUNG BA LA RKYEN SNA TSOGS LAS SNYAD BTAGS TE, 'TSE ZHING LUS KYI CHAD PA'AM, BTZON RAR ZHUGS PA'I CHAD PA'AM, LONGS SPYOD DANG, YONGS SU SPYOD PA DANG DBRAL BA'I CHAD PA'AM, KHYIM PA'I LAS SNA TSOGS BYED DU GZHUG PA'I CHAD PA'AM, SMA DBAB PA'I CHAD PA'AM, BSNYEN BKUR BYED DU GZHUG PA'I CHAD PA'AM, CHAD PAS BSDIGS PA NAS, SROG DANG BRAL BA'I BAR DU BYED PAR 'GYUR TE, DE DAG THAMS CAD NI DUS GSUM DU GSHEGS PA'I SANGS RGYAS BCOM LDAN 'DAS THAMS CAD LA RAB TU MNYES PAR BYAS PAR GYUR BA, MNAR MED PAR GZHOL ZHING DGE BA'I RTZA BA CHAD PA, SEMS KYI RGYUD BSREGS PA, MKHAS PA KUN GYIS YONGS SU SPANGS PA'O, ,GZHAN YANG RGYAL RIGS GDOL PA NAS KHYIM BDAG GDOL PA'I BAR DU GANG DAG PHYOGS BZHI'I DGE 'DUN LA PHUL BA GTZUG LAG KHANG GI GZHI'AM, KUN DGA' RA BA'I GZHI'AM, KHYIM GYI GZHI'AM, ZHING GI GZHI'AM, MI'AM DUD 'GRO'I SKYE GNAS SU SONG BA'I GOS SAM, BZA' BA'AM, BTUNG BA'AM, MAL CHA'AM, NA BA'I GSOS SMAN NAM, YO BYAD DAM, LONGS SPYOD DAM, KUN SPYOD PA SNA TSOGS SAM, ME TOG DANG 'BRAS BU'I SHING NGAM, SHING BCUD CAN NAM, SPOS KYI SHING NGAM, MTSON GYI SHING NGAM GRIB SHING YANG RUNG STE, DGE SLONG RNAMS LA LONGS SPYOD DANG, YONGS SU SPYOD PA'I PHYIR BYIN PA 'PHROG PA DANG, 'PHROG TU 'JUG PA DANG, BDAG NYID SPYOD PA DANG, GZHAN SPYOD DU 'JUG PA DANG, NGA'I PHYIR RAB TU BYUNG BA LA GSHE BA DANG, SPYO BA DANG, SKROD PA DANG; BRNYAS PA DANG, CHOS KYI BAR DU BYED PA DANG, CHOS SMRA BA'I DGE SLONG RNAMS LA GNOD PAR BYED PA DAG 'BYUNG BAR 'GYUR TE, DE DAG THAMS CAD NI DUS GSUM DU GSHEGS PA'I DE BZHIN GSHEGS PA THAMS CAD NAS MKHAS PA THAMS CAD KYIS SPANGS PA'I BAR DU'O ZHES GSUNGS SO, @177A *, ,DE NYID LAS BCOM LDAN 'DAS KYIS GSUNGS PA, BZOD PA THOB PA'I SEMS CAN RGYAL PO RGYAL RIGS SPYI BO NAS DBANG BSKUR BA RNAMS LA NI GNAS DANG LONGS SPYOD DANG, YONGS SU SPYOD PA DANG, DBANG PHYUG GI GNAS NGAS GNANG NGO, ,BYANG CHUB SEMS DPA' SA'I SNYING POS GSOL PA, BCOM LDAN 'DAS RGYAL PO RGYAL RIGS SPYI BO NAS DBANG BSKUR BA, GANG BZOD PA MA THOB PA DE JI LTAR NGAN SONG DU MI MCHI BAR 'GYUR, BCOM LDAN 'DAS KYIS BKA' STZAL PA, GANG BZOD PA MA THOB KYANG DE DGE BA BCU'I LAS KYI LAM YANG DAG PAR BZUNG STE, GNAS NA DE LA YUL 'KHOR GYI LONGS SPYOD DANG, YONGS SU SPYOD PA DANG, DBANG PHYUG GI GNAS GNANG NGO, ,BYANG CHUB SEMS DPA' SA'I SNYING POS GSOL PA, BCOM LDAN 'DAS GANG DAG BZOD PA MA THOB LA, DGE BA BCU'I LAS KYI LAM DANG YANG MI LDAN PA DE DAG NI RGYAL RIGS GDOL BA DAG STE; BCOM LDAN 'DAS KYIS BSTAN PA ZAB MO 'DI 'JIG PAR BGYID PAR 'GYUR ZHING DE DAG NI MNAR MA MCHIS PAR MCHI BAR 'GYUR BA LAGS NA, DE DAG JI LTAR THAR BAR 'GYUR, BCOM LDAN 'DAS KYIS BKA' STZAL PA, RIGS KYI BU RGYAL PO RGYAL RIGS SPYI BO NAS DBANG BSKUR BA GANG DAD PA'I STOBS KYIS GO CHA BGOS TE, DKON MCHOG GSUM LA DAD PA MANG ZHING, THEG PA GSUM GYIS NGES PAR 'BYUNG BA'I CHOS MI SPONG LA, THA NA TSIGS SU BCAD PA GCIG KYANG MA RUNG BAR MI BGYID DE, TSUL KHRIMS DANG LDAN PA DANG, TSUL KHRIMS 'CHAL BA YANG RNAM PAR MI 'TSE, THA NA MGO BREGS TE GOS NGUR SMRIG GYON PA LA YANG GNOD PA MI BYED PA DANG, DGE 'DUN DANG, MCHOD RTEN GYI RDZAS MI 'PHROGS PA DANG, DGE SLONG LA 'TSE ZHING LONGS SPYOD PA LAS BZLOG PA DANG, THEG PA GSUM GYIS NGES PAR 'BYUNG BA'I CHOS KYI GTAM NYAN CING JI LTAR THOS PA NYAMS KYIS CI NUS SU BSGRUB PA DANG; THEG PA GSUM LA NAN TAN BYED PA'I DGE SLONG RNAMS DANG BSTEN PA DANG BSNYEN BKUR BYED PA DANG, YI DAM LA BRTEN PA DANG, MI SLU BA'I SEMS DANG LDAN PA DANG, SEMS CAN RNAMS THEG PA CHEN PO LA YANG DAG PAR 'DZIN DU 'JUG PA DANG, 'DZUD PA DANG, RAB TU 'GOD PAR BYED PA @177B DE LTA BU'I RGYAL RIGS DGE BA DE LA, SNGON GYI DE BZHIN GSHEGS PA THAMS CAD KYIS KYANG YUL 'KHOR GYI ZAS KYI LONGS SPYOD DANG, YONGS SU SPYOD PA DANG, DBANG PHYUG GI GNAS RGYA CHEN PO NI LOG PAR LTUNG BAR MI 'GYUR BAR SNANG STE, NGAS KYANG DE DAG LA DE SNANG NGO ZHES GSUNGS SO, ,YANG DE NYID LAS 'BYUNG BA, RGYAL RIGS NAS KHYIM BDAG GI BAR DU DGE BA GANG LA LA ZHIG DA LTAR DANG MA 'ONGS PA'I DUS LNGA BRGYA THA MA'I BAR DU BDAG DANG GZHAN DANG, 'JIG RTEN PHA ROL SRUNG BA DANG, BCOM LDAN 'DAS KYI BSTAN PA SRUNG BA DANG, NYAN THOS KYI THEG PA DANG, RANG SANGS RGYAS KYI THEG PA DANG, THEG PA CHEN PO LA YANG DAG PAR ZHUGS PA'I GANG ZAG TSUL KHRIMS DANG LDAN PA YON TAN GYIS PHYUG PA, SNOD DU GYUR PA DANG, SNOD DU MA GYUR PA NAS MGO BREGS TE, NGUR SMRIG GI TSAL BU GYON PA'I BAR LA SRUNG BAR BYED, MCHOD PAR BYED PA DANG, MCHOD RTEN DANG DGE 'DUN LA PHUL BA LA BDAG KYANG MI SPYOD, GZHAN YANG SPYOD DU MI 'JUG PA DANG, 'PHROG NA 'ANG 'DOR BAR BYED PA DE NI BSOD NAMS KYI PHUNG PO TSAD MED GRANGS MED DPAG TU MED PA SKYED DO, ,DE NAS LHA'I DBANG PO THAMS CAD NAS, SHA ZA'I RGYAL PO'I BAR GYIS 'DI SKAD CES GSOL TO, , BCOM LDAN 'DAS RGYAL RIGS DGE BA NAS, KHYIM BDAG DGE BA'I BAR DU GANG ZHIG YON TAN 'DI LTA BU DANG LDAN PA DE BDAG CAG GIS RNAM PA BCUS BSRUNG BAR BGYI'O, ,BCU GANG ZHE NA 'DI LTA STE, DE'I TSE BSRING BAR BGYI BA DANG, TSE'I BAR CHAD DU 'GYUR BA, CHOS KYIS BZLOG PAR BGYI BA DANG, BRO NAD MA MCHIS PAR BGYI BA DANG, G-YOG DANG LONGS SPYOD DANG, KUN SPYOD PA DANG, DBANG PHYUG DANG, SNYAN PA DANG, GRAGS PA DANG, DGE BA'I BSHES GNYEN DANG, SHES RAB PHUN SUM TSOGS PA YANG BSKYED PAR BGYI'O, ,RGYAL RIGS DGE BA DE 'KHOR DANG BCAS PA DANG, YUL 'KHOR MTHA' DAG BDAG CAG GIS RNAM PA BCUS BSRUNG BAR BGYI'O, ,BCU GANG ZHE NA, 'DI LTA STE, GZHAN GYI DMAG TSOGS DANG, NANG GI DMAG TSOGS DANG, SDIG PA DANG, 'CHI BA DANG, CHAR MI 'BAB PA DANG, CHAR CHES PA DANG, DUS MA LAGS PAR RLUNG LDANG BA DANG, TSA @178A *, ,BA DANG, GZA' DANG, RGYU SKAR GYI GNOD PA DANG, MU GE 'BYUNG BA DANG, GLO BUR GYI BRO NAD KYIS 'GUM PA DANG, LOG PAR LTA BA RNAMS LAS BZLOG PAR BGYI'O ZHES 'BYUNG NGO, ,'PHAGS PA ZLA 'OD KYI LE'U LAS KYANG, GTONG BA PO DANG, SBYIN BDAG DANG, LHA DANG KLU DANG, GNOD SBYIN GANG DAG NGA'I BSTAN PA 'DZIN PA DANG, GANG DAG NGA'I CHOS KYI TSUL YUN RING DU GNAS PAR BYA BA DANG, DKON MCHOG GSUM GYI RIGS RGYUN MI 'CHAD PAR BYA BA'I PHYIR BRTZON PA DANG GANG DAG NGA'I BU DAG LAS SKYES PA DANG, CHOS LAS SKYES PA DANG, CHOS KYI SPRUL PA'I DGE SLONG DANG DGE SLONG MA DANG, DGE BSNYEN DANG, DGE BSNYEN MA DANG, GZHAN DAD PA'I RIGS KYI BU DANG, RIGS KYI BU MO DANG, GANG DAG DON DAM PA'I BDEN PAS YANG DAG PAR RDZOGS PA'I BYANG CHUB KYI BAR DU YONGS SU TSOL BA, YONGS SU SKYONG BA'I GTONG BA PO DANG, SBYIN BDAG DANG, LHA DANG KLU DANG, GNOD SBYIN DE DAG NGAS BYAMS PA LA BSKAL PA BZANG PO'I BYANG CHUB SEMS DPA' SEMS DPA' CHEN PO RNAMS KYI LAG TU GTAD DO ZHES GSUNGS SO, ,CHOS SGRUB PA LA GNAS PAR 'DOD PAS SEMS LA MKHAS PAR BYA'O, ,JI LTAR NA SEMS LA MKHAS PA YIN ZHE NA, 'PHAGS PA DKON MCHOG SPRIN GYI MDO LAS 'BYUNG BA, BYANG CHUB SEMS DPA' SEMS LA MKHAS PAR BYA'O, ,JI LTAR NA BYANG CHUB SEMS DPA' SEMS LA MKHAS PA YIN ZHE NA, DE LUS DANG SEMS RAB TU DBEN PAS SEMS LA MKHAS PA YIN TE, DE SEMS LA 'DI SNYAM DU BDAG GI SEMS 'DI CI DGE BA LA SPYOD DAM, DE STE MI DGE BA'AM, 'ON TE LUNG DU MA BSTAN PA'AM, CHOS GANG LA SPYOD CES RNAM PAR SPYOD DE, GAL TE DGE BA LA SPYOD NA, DE LA SEMS DGA' BA DANG, RANGS PA DANG, MOS PA SPYOD DO, ,DGE BA'I CHOS DE DAG GANG ZHE NA, 'DI LTA STE, BYANG CHUB KYI PHYOGS KYI CHOS SUM CU RTZA BDUN NO, ,'ON TE MI DGE BA LA SPYOD NA DE LA SKYO BA MANG BA DANG, RTOG PA MANG BA YIN TE, MI DGE BA'I CHOS DE DAG SPONG BA LA BRTZON PA YIN NO ZHES GSUNGS SO, ,MA SKYES DGRA'I MDO LAS KYANG, BYANG CHUB SEMS DPA' SEMS BSKYED PA GANG LA @178B BDUD SDIG CAN GYIS GLAGS RNYED PA DANG, DE BZHIN GSHEGS PA MI MNYES PAR 'GYUR BA DANG, LHA RNAMS MI DGA' BAR 'GYUR BA DANG, BDAG GI DGE BA'I RTZA BA'I PHYOGS 'BRI BAR 'GYUR BA'I SEMS BSKYED PAR MI BYA'I, SEMS BSKYED PA GANG LA, BDUD SDIG CAN GYIS GLAGS MI RNYED PA DANG; DE BZHIN GSHEGS PA MNYES PAR 'GYUR BA DANG, LHA RNAMS DGA' BA DANG, BDAG GI DGE BA'I RTZA BA'I PHYOGS 'BRI BAR MI 'GYUR BA'I SEMS BSKYED PAR BYA STE, DE LTAR ZHUGS PA DE'I SEMS BSKYED PA THAMS CAD CHOS KYI 'KHOR LO BSKOR BA YIN NO ZHES GSUNGS SO, ,SMRA BA LA DGA' BAR MI BYA STE, LHAG PA'I BSAM PA BSKUL BA'I MDO LAS 'BYUNG BA, BYAMS PA 'DI LA DGE SLONG SMRA BA LA DGA' BA NI MI BTZUN TE, MANG DU THOS PAS RGYAGS SHING DREGS NAS BRJED NGAS PA YIN, NANG DU TSUL BZHIN YID LA BYED PA DANG BRAL ZHING SEMS KYI RGYUD DMU RGOD DU 'GYUR BA YIN, ZHI GNAS DANG LHAG MTHONG YONGS SU SPANGS LA, LHA DANG KLU DANG GNOD SBYIN GYIS KYANG DAM PAR MI BKUR ZHING 'GYOD PA DANG LDAN PA YIN, SGRUB PA LA MI GNAS PA YIN NO ZHES GSUNGS SO, ,DMIGS PAR SPYOD PA LA GRUB PA MED DE, SGRUB PA SHES PAR 'DOD PAS MANG DU THOS PA DANG, NANG DU YANG DAG 'JOG LA BRTZON PAR BYA STE, DE NYID LAS 'BYUNG BA, GAL TE ZHAL TA BYED PA LA BRTZON PA'I BYANG CHUB SEMS DPAS, RIN PO CHE SNA BDUN GYI MCHOD RTEN GYIS STONG GSUM GYI STONG CHEN PA'I 'JIG RTEN GYI KHAMS BKANG NA, DES NGA MI MNYES KYI, GAL TE PHA ROL TU PHYIN PA DANG LDAN PA'I TSIG BZHI PA'I TSIGS SU BCAD PA GCIG BZUNG NA, DES NGA LA BSTI STANG DU BYAS PAR 'GYUR RO, ,DE CI'I PHYIR ZHE NA, BYAMS PA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI BYANG CHUB NI MANG DU THOS PA LAS SKYES KYI, DNGOS PO YONGS SU 'DZIN PA LAS NI MA SKYES SO, ,GAL TE ZHA LA TA BYED PA LA BRTZON PA'I BYANG CHUB SEMS DPAS LUNG 'BOGS PA DANG, KHA TON LA BRTZON PA'I BYANG CHUB SEMS DPA' LA, DE BSOD NAMS 'DOD PA'I PHYIR ZHAL TA'I KUN TU SBAGS PAS SPAGS NA, BSOD NAMS MA YIN PA'I PHUNG PO CHER 'PHEL TE, LAS KYI @179A *, ,SGRIB PA YANG GZUNG BAR 'GYUR RO, ,GAL TE ZHAL TA BYED PA LA BRTZON PAS BYANG CHUB SEMS DPAS 'DZAM BU'I GLING YONGS SU GANG BAR GYUR KYANG, DE DAG THAMS CAD KYIS LUNG 'BOGS PA DANG, KHA TON LA BRTZON PA'I BYANG CHUB SEMS DPA' GCIG LA BSNYEN BKUR DANG G-YOG BYA'O, ,'DZAM BU'I GLING GI TSAD TZAM GYI LUNG 'BOGS PA DANG, KHA TON LA BRTZON PA'I BYANG CHUB SEMS DPA' DE DAG THAMS CAD KYIS NANG DU YANG DAG 'JOG LA BRTZON PA'I BYANG CHUB SEMS DPA' GCIG LA BSNYEN BKUR DANG G-YOG BYA'O, ,DE LTAR NA DE BZHIN GSHEGS PAS RJES SU YI RANG ZHING GNANG BA YIN NO, ,DE CI'I PHYIR ZHE NA, 'DI LTA STE, SHES RAB KYI LAS 'DI NI DKA' BA'I LAS TE, BLA NA MED PA KHAMS GSUM THAMS CAD LAS KHYAD PAR CAN DU GYUR PA MNGON PAR 'PHAGS PA'O ZHES GSUNGS SO, ,YANG CHOS SGRUB PA NI, RIN PO CHE'I PHUNG PO'I MDO LAS 'BYUNG BA, 'OD SRUNGS 'DI LTA STE DPER NA, RGYA MTSO CHEN POR 'JUG PAR 'DOD PA'I TSONG PA NI RIN PO CHE'I GLING NAS, BDAG GI YUL DU BDE BAR PHYIN GYI BAR DU DE GRU LA SHIN TU RTOG PAR BYED DO, ,'OD SRUNGS DE BZHIN DU BYANG CHUB SEMS DPA' THAMS CAD MKHYEN PA'I RGYA MTSO LA 'JUG PAR 'DOD PAS KYANG JI TZAM BYIS PA SO SO'I SKYE BO DANG, NYAN THOS DANG RANG SANGS RGYAS THAMS CAD KYI SA LAS 'DAS TE, BDAG GI PHA'I SPYOD YUL 'JUG PA'I BAR DU'O, ,PHA ROL TU PHYIN PA DRUG GI GRU SHIN TU RTOGS PAR BYA'O ZHES GSUNGS SO, ,MA SKYES DGRA'I MDO LAS KYANG, THAMS CAD MKHYEN PA NYID KYI SEMS KYI RTZA BA MI GCOD PA DE NI RTZA BA DE YANG DAG PAR 'DZIN DU 'JUG PA STE, BRTZON 'GRUS SO, ,THAMS CAD MKHYEN PA'I YE SHES SU BSNGO BA'I PHYIR SBYIN PAS CHOG MI SHES PA DANG, SEMS CAN THAMS CAD LA SKYABS BYA BA'I PHYIR TSUL KHRIMS KYIS CHOG MI SHES PA DANG, SANGS RGYAS KYI SKU TSOL BA'I PHYIR BZOD PAS CHOG MI SHES PA DANG, DGE BA'I RTZA BA THAMS CAD BSGRUB PA'I PHYIR BRTZON 'GRUS KYIS CHOG MI SHES PA DANG, MI DMIGS PA'I RNAL 'BYOR GYI PHYIR BSAM GTAN LA CHOG MI SHES PA DANG, THAMS CAD LA RNAM PAR SPYOD PA'I PHYIR SHES RAB KYIS CHOG MI @179B SHES PA'O, ,CHOS KYI PHYIR LONGS SPYOD DANG, 'TSO BA DE DAG THAMS CAD NI KHA NA MA THO BA MED PA'O ZHES GSUNGS SO, ,BSGRUB PA DON DU GNYER BAS SEMS CAN THAMS CAD LA SEMS SNYOMS PAR BYA STE, 'PHAGS PA ZLA BA SGRON MA'I MDO LAS 'BYUNG BA, KYE GZHON NU BYANG CHUB SEMS DPA' CHOS GCIG DANG LDAN NA, YON TAN 'DI DAG RNYED DE, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA'O, ,CHOS GCIG PO GANG ZHE NA, GZHON NU 'DI LA BYANG CHUB SEMS DPA' SEMS CAN THAMS CAD LA SEMS SNYOMS PA DANG, PHAN PA'I SEMS DANG, KHONG KHRO BA MED PA'I SEMS DANG, MI MNYAM PA MED PA'I SEMS YIN TE, CHOS GCIG PO 'DI'O ZHES GSUNGS SO, ,BSAM GTAN DANG KHA TON GYI BAR DU GCOD PA'I CHOS RNAMS KYANG YONGS SU SPANG BAR BYA STE, DAM PA'I CHOS DRAN PA NYE BAR GZHAG PA'I MDO LAS 'BYUNG BA, RIGS KYI BU BCU PO 'DI DAG NI BYANG CHUB SEMS DPA' RNAMS KYI BSAM GTAN DANG, KHA TON GYI BAR DU GCOD PAR BYED PA'O, ,BCU GANG ZHE NA, 'DI LTA STE, 'DU 'DZI'I GTAM MNYAN PA DANG, RI MO 'BRI BA DANG, SNYAN NGAG SBYOR BA DANG, GZA'I TSOGS DANG, RGYU SKAR SEMS PA DANG, ZAS RNYED PA BDAG GIR BYED PA DANG, SHA ZA MO LTAR NOR BSGYUR BA SEMS PA DANG, RGYAL PO LA BRTEN PA DANG MKHAS PA RNAMS LA MI 'DRI BA DANG, BDE BA LA MGRON DU 'BOD PA DANG, 'DRE ZHING GNAS PA STE BCU PO 'DI DAG GO ZHES GSUNGS SO, ,'PHAGS PA TSANGS PAS ZHUS PA'I MDO LAS KYANG, LHA'I BU CHOS SGRUB PA CHOS SGRUB PA ZHES BYA BA NI, GANG CHOS THAMS CAD LA MI SGRUB PA 'DI CHOS SGRUB PA'O, ,DE CI'I PHYIR ZHE NA, GANG CHOS MI SGRUB PA DE NI CHOS MI BYED DO, ,GANG MI BYED CING RNAM PAR MI BYED PA DE NI CHOS SGRUB PA'O ZHES GSUNGS SO, ,CHOS RNAMS BSGRUB PAR 'DOD PAS RNYED PA DANG BKUR STI YONGS SU SPANG BAR BYA STE, LHAG PA'I BSAM PA BSKUL BA'I MDO LAS 'BYUNG BA, RNYED PA DANG BKUR STI NI GTI MUG BSKYED PAS DRAN PA 'JOMS PAR BYED PA DANG, BDAG GI DON BSGRUB PA'I PHYIR G-YO BSKYED PA DANG, RGYAGS PA DANG, NGA RGYAL DANG, DREGS PA BSKYED PA DANG, @180A *, ,SANGS RGYAS THAMS CAD KYI GNANG BA MA YIN PAR BRTAG PAR BYA'O, ,RNYED PA DANG, BKUR STI NI GDON MI ZA BAR LTUNG BA'I RTZA BA STE, DGE BA'I RTZA BA STOR BAR BYED PAR BRTAG PAR BYA'O, ,RNYED PA DANG BKUR STI NI SNGAR BKUR STI BYED LA, PHYIS BKUR STI MI BYED PA BSAM GTAN DANG, TSAD MED PA YONGS SU SPANGS PAS SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN DU RAB TU LTUNG BAR BYED PA, LHAG SPYOD KYI SPYOD PA DANG MTSUNGS PAR GNAS PA YIN PAR SO SOR BRTAG PAR BYA'O, ,RNYED PA DANG BKUR STI NI MYUR DU ZAG PAR BYED PA'I PHYIR TSER MA DANG 'DRA BAR BRTAG PAR BYA'O, ,RNYED PA DANG BKUR STI NI THAR BAR DKA' BA'I PHYIR 'DAM DANG 'DRA BAR BRTAG PAR BYA'O ZHES GSUNGS SO, ,SO SOR BRTAGS NAS 'DOD PA CHUNG BA LA SEMS GZHOL BAR BYA STE, YANG DAG PAR LDAN PA'I LUNG LAS 'BYUNG BA, SHING NA-YA GRO DHA ZHIG GI DRUNG NA, LUG KHYU CHEN PO ZHIG 'KHOD DE, LUG KHYU DE'I NANG NAS PHYI SA ZA BA'I LUG GCIG PHYI SA KHUNG DU PHYI SA ZAR SONG STE, PHYI SA LA CI 'DOD PA ZOS NAS MDUN DU PHYI SA'I PHUNG PO BZHAG STE 'DUG NAS MGO BSGYUR ZHING DE DES DE TZAM GYIS LUG GZHAN DAG LA BRNYAS PA BYED DO, ,DE BZHIN DU DGE SLONG LA LA ZHIG RNYED PA DANG, BKUR STI DANG, GRAGS PAS NON NAS SEMS ZIN PA DE, GRONG DANG GRONG KHYER DANG GRONG RDAL ZHIG TU BSOD SNYOMS KYI PHYIR ZHUGS TE, DE DER ZAS GTZANG MA ZHIM PO CI 'DOD PA ZOS NAS PHYI DE NYIN KYANG ZAS LA 'OS PA'I ZAS KHYER TE 'ONGS NAS DGE SLONG DAG LA SMRAS PA TSE DANG LDAN PA DAG KHO BOS ZAS GTZANG MA ZHIM PO 'DI CI 'DOD PA ZOS NAS, ZAS 'DI MI DGOS TE LHAG PAR GTOR BA'I RIGS NA, KHYED 'DOD NA 'DI ZO SHIG CES DE DES DE TZAM GYIS DGE SLONG RUNG BA DES PA GZHAN DAG LA BRNYAS PAR BYED DO, ,DGE SLONG DAG DE BZHIN DU RNYED PA DANG, BKUR STI DANG GRAGS PA NI MI BZAD PA'O ZHES RGYA CHER GSUNGS SO, ,G-YO DANG SGYU YANG YONGS SU SPANG BAR BYA STE, MA DROS PA'I MDO LAS 'BYUNG BA, THAMS CAD MKHYEN PA NYID KYI SEMS BSKYED PA DE'I BAR DU GCOD PA GNYIS TE, GNYIS GANG ZHE NA, 'DI LTA STE, G-YO DANG SGYU'O, ,GZHI 'ANG @180B GNYIS TE DRANG PO DANG, G-YO MED PA'O ZHES GSUNGS SO, ,NAN TAN BSGRUB PAR 'DOD PAS DGE BA'I BSHES GNYEN DAG LA BRTEN PAR BYA STE, SGRUB PA NI DGE BA'I BSHES GNYEN GYI KHA NA LAS SO, ,JI LTAR SHES SHE NA, MDO LAS 'BYUNG BA'I PHYIR TE, DPAL 'BYUNG BA DANG, DPAL GYI BLO GROS KYI RNAM PAR THAR PA LAS 'BYUNG BA, BYANG CHUB SEMS DPA' RNAMS KYI BYANG CHUB SEMS DPA'I SPYOD PA THAMS CAD THOS PA NI DGE BA'I BSHES GNYEN LA RAG LAS PA'O, ,BYANG CHUB SEMS DPA'I YON TAN YONGS SU RDZOGS PAR BYA BA THAMS CAD NI DGE BA'I BSHES GNYEN LAS 'BYUNG BA'O, ,BYANG CHUB SEMS DPA'I DGE BA'I RTZA BA THAMS CAD NI DGE BA'I BSHES GNYEN GYIS BSKYED PA'O, ,BYANG CHUB SEMS DPA'I BSLAB PA LA NAN TAN DU BYA BA THAMS CAD NI DGE BA'I BSHES GNYEN LA RAG LAS PA'O, ,BYANG CHUB SEMS DPA'I LHAG PA'I BSAM PA YONGS SU DAG PA THAMS CAD LA NI DGE BA'I BSHES GNYEN RTZA BAR 'GYUR RO, ,BYANG CHUB SEMS DPA'I BSOD NAMS BSAGS PA THAMS CAD NI DGE BA'I GSHES GNYEN GYIS BSRUNGS PA'O, ,DGE BA'I BSHES GNYEN MGU BAR BYAS NAS SANGS RGYAS KYI BYANG CHUB THOB PA'O, ,DGE BA'I BSHES GNYEN GYIS YANG DAG PAR ZIN PA'I BYANG CHUB SEMS DPA' RNAMS NI NGAN SONG DU MI LTUNG NGO, ,DGE BA'I BSHES GNYEN GYIS YONGS SU BZUNG BA'I BYANG CHUB SEMS DPA' RNAMS NI THEG PA CHEN PO LAS MI LDOG GO , ,DGE BA'I BSHES GNYEN GYIS YONGS SU BSAMS PA'I BYANG CHUB SEMS DPA' RNAMS NI, BYANG CHUB SEMS DPA'I BSLAB PA DANG 'GAL BAR MI BYED DO, ,DGE BA'I BSHES GNYEN GYIS YANG DAG PAR ZIN PA'I BYANG CHUB SEMS DPA' RNAMS NI SO SO SKYE BO'I SA LAS YONGS SU 'DA'O, ,DGE BA'I BSHES GNYEN GYIS YONGS SU BSRUNG BA'I BYANG CHUB SEMS DPA' RNAMS NI NYAN THOS DANG, RANG SANGS RGYAS KYI NGES PAR GYUR BA LA MI 'JUG GO , ,DGE BA'I BSHES GNYEN NI LAM GOL BA LAS YONGS SU BSRUNG BA'O, ,CHOS THOS PAR 'GYUR BA'I SPRIN GYI CHAR RAB TU 'BEBS PA'O, ,SANGS RGYAS KYI CHOS THAMS CAD LA GNAS PAR BYED @181A *, ,PA'O; ,'DI LTAR YANG RIGS KYI BU DGE BA'I BSHES GNYEN NI SANGS RGYAS KYI RIGS SU BSKYED PAS MA LTA BU'O, ,DGE BA'I BSHES GNYEN NI PHAN PA RGYA CHEN PO BSGRUBS PAS PHA LTA BU'O, ,DGE BA'I BSHES GNYEN NI SDIG PA THAMS CAD LAS BSRUNG BAS MA LTA BU'O, ,DGE BA'I BSHES GNYEN NI 'KHOR BA'I CHU BO CHEN PO LAS SGROL BA'I MNYEN PA LTA BU'O, ,DGE BA'I BSHES GNYEN NI THAMS CAD MKHYEN PA'I YE SHES RIN PO CHE'I GLING DU PHYIN PAR BYED PAS GDOS PA 'DZIN PA LTA BU'O, ,RIGS KYI BU DE LTA BAS NA DE LTAR YID LA BYA BA RGYUN MI CHAD PAS KHYOD KYIS DGE BA'I BSHES GNYEN BSTEN PAR GYIS SHIG, KHUR THAMS CAD BSKUR BAS YONGS SU MI SKYO BA'I PHYIR SA LTA BU'I SEMS DANG MI PHYED PA'I PHYIR RDO RJE LTA BU'I SEMS DANG, SDUG BSNGAL THAMS CAD KYIS MI SGUL BA'I PHYIR KHOR YUG LTA BU'I SEMS DANG, CI DGA' BAR BKA' NYAN PAS BRAN LTA BU'I SEMS DANG, MI KHRO BAS KHYI LTA BU'I SEMS KYIS DGE BA'I BSHES GNYEN LA BRTEN PAR BYA'O, ,RIGS KYI BU KHYED KYIS BDAG LA NI NAD PA'I 'DU SHES BSKYED PAR BYA'O, ,DGE BA'I BSHES GNYEN LA NI SMAN PA'I 'DU SHES DANG, GDAMS NGAG LA NI SMAN GYI 'DU SHES DANG, NAN TAN NYAMS SU BLANG BA LA NI NAD 'TSO BA'I 'DU SHES BSKYED PAR BYA'O, ,CI'I PHYIR ZHE NA, RIGS KYI BU DE LTAR DGE BA'I BSHES GNYEN LA LHAG PA'I BSAM PA YONGS SU DAG PA'I BYANG CHUB SEMS DPA' RNAMS NI, DGE BA'I BSHES GNYEN GYI NGAG THAMS CAD NYAMS SU LEN PA'I TSE, GANGS KYI RI LA BRTEN PA'I RTZVA DANG, SHING GEL PA DANG, SMAN DANG, NAGS TSAL LTA BUR DGE BA'I RTZA BA THAMS CAD KYIS RNAM PAR 'PHEL LO, ,RGYA MTSO CHEN PO CHU'I SNOD DU GYUR PA LTAR SANGS RGYAS KYI CHOS THAMS CAD KYI SNOD DU 'GYUR RO ZHES 'BYUNG NGO, ,MDOR NA SANGS RGYAS DANG, BYANG CHUB SEMS DPA'I SPYOD PA THAMS CAD DANG, SANGS RGYAS KYI CHOS THAMS CAD RAB TU 'THOB CING, YONGS SU 'GRUB PA NI DGE BA'I BSHES GNYEN GYI KHA NA LAS SO, ,DGE BA'I BSHES GNYEN LAS 'BYUNG NGO, ,RIN PO CHE'I PHUNG PO'I MDO LAS KYANG, 'OD SRUNGS @181B 'DI LTA STE, DPER NA RGYA MTSO'I NANG DU GRU ZHIG NA, GANG DAG SHING LEB BAM, GZHAN CI YANG RUNG BA ZHIG LA BRTEN PA DE DAG NI BDE BAR 'GRAM DU PHYIN PAR 'GYUR RO, ,'OD SRUNGS DE BZHIN DU BYANG CHUB SEMS DPA'I THEG PA PA THAMS CAD MKHYEN PA'I SEMS KYI GRU ZHIG STE, BYANG CHUB LAS RAB TU NYAMS KYANG, GANG DGE BA'I BSHES GNYEN GYI SHING LEB LA BRTEN PA DE DAG NI, YANG THAMS CAD MKHYEN PA'I SEMS RAB TU THOB STE, CHOS THAMS CAD KYI PHA ROL TU SONG NAS CHOS KYI DBYINGS KYI GLING DU PHYIN TO, ,DE BAS NA 'OD SRUNGS BLA NA MED PA YANG DAG PAR RDZOGS PA'I BYANG CHU NI DGE BA'I BSHES GNYEN LA BRTEN TO ZHES GSUNGS SO, ,BLA NA MED PA'I DGE BA'I BSHES GNYEN DE BZHIN GSHEGS PA BZHUGS PA'AM, YONGS SU MYA NGAN LAS 'DAS PA RNAMS LA MCHOD PA DANG, RIM GRO BYA STE DE LAS BSOD NAMS KYI TSOGS DPAG TU MED PA YONGS SU RDZOGS SHING, RNAM PAR SMIN PA'ANG MI ZAD PAR 'GRUB BO, ,JI LTAR ME TOG BRTZEGS PA'I MDO LAS, SENG GE RNAM PAR RTZE BA GANG ZHIG GIS DE BZHIN GSHEGS PA MTHONG STE, SEMS DANG NAS MCHOD PA DANG, GANG ZHIG GIS DE BZHIN GSHEGS PA YONGS SU MYA NGAN LAS 'DAS PA'I RING BSREL YUNGS 'BRU TZAM RNAMS LA MCHOD PA BYED PA NI, RNAM PAR SMIN PA MNYAM PAR SHES PAR BYA STE, BYE BRAG GAM THA DAD DU BYA BA MED DO ZHES JI SKAD GSUNGS PA LTA BU'O, ,SNYING RJE CHEN PO'I MDO LAS KYANG, KUN DGA' BO GANG LA MNGON DU BSTI STANG BYED PA LTA YANG ZHOG NGA'I SKU GDUNG LA SKU GDUNG GI MCHOD PA DANG, RING BSREL YUNGS 'BRU TZAM LA MCHOD PA LTA YANG ZHOG ,NGA'I PHYIR MCHOD RTEN BYAS PA RNAMS LA BSTI STANG BYED PA LTA YANG ZHOG STE, KUN DGA' BO GANG LA LA SANGS RGYAS LA DMIGS NAS, THA NA ME TOG GCIG NAM MKHA' LA GTOR NA, BSOD NAMS KYI PHUNG PO DE'I RNAM PAR SMIN PA GANG YIN PA NI, KUN DGA' BO CI TZAM DU THOG MA MED PA'I 'KHOR BA NA, DE'I SNGON GYI MTHA' MI MTHONG BA DE TZAM GYI BSKAL PAR 'KHOR BA'I TSE, BRGYA BYIN NYID DANG, TSANGS PA NYID DANG, 'KHOR LOS SGYUR BA'I RGYAL SRID RNAMS KYI MTHA' RNYED PAR MI NUS SO, ,SANGS RGYAS LA DMIGS NAS, @182A *, ,THA NA NAM MKHA' LA ME TOG GCIG 'DOR BA LTA YANG ZHOG STE, GAL TE SEMS CAN DAG THA NA RMI LAM NA SANGS RGYAS LA DMIGS NAS NAM MKHA' LA ME TOG GCIG 'DOR NA, DGE BA'I RTZA BA DE YANG THA MAR MYA NGAN LAS 'DA' BAR 'GYUR BAR NGA SMRA'O, ,GAL TE THA NA DUD 'GRO'I SKYE GNAS SU SONG BA'I SEMS CAN RNAMS KYIS SANGS RGYAS LA DMIGS PA'I DRAN PA RNYED NA, DE DAG GI DGE BA'I RTZA BA YANG THA MA MYA NGAN LAS 'DA' BA'I BAR DU 'GYUR BAR NGA SMRA'O, ,KUN DGA' BO SANGS RGYAS BCOM LDAN 'DAS RNAMS LA YON PHUL BA CI TZAM DU MTHU CHE BA DANG, SEMS DANG BA JI TZAM DU MTHU CHE BA LA LTOS, KUN DGA' BO 'DI LTAR SANGS RGYAS LA PHYAG 'TSAL LO ZHES ZER NA, KUN DGA' BO TSIG DE'I DON NI 'DI'O, ,'DI LTA STE, SANGS RGYAS BCOM LDAN 'DAS RNAMS KYI SGRA NI DON MED PA MA YIN TE, GANG 'DI SANGS RGYAS LA PHYAG 'TSAL LO ZHES ZER NA, DE DON MED PAR MI 'GYUR RO, ,DE BZHIN GSHEGS PA RNAMS LA DGE BA'I RTZA BA JI TZAM DU CHUNG NGU BSKYED PA YANG CHUD ZA BAR MI 'GYUR TE, THA NA SEMS DANG BA GCIG BSKYED PA DE THAMS CAD KYANG THA MA MYA NGAN LAS 'DA' BA'I BAR DU 'GYUR RO, ,'DI LTA STE DPER NA, NYA PA MCHIL BA THOGS PAS NYA BSHOR BA'I PHYIR MCHIL BA GZAN MA DANG BCAS PA, MTSO CHU CHEN POR BCUG LA, BCUG MA THAG TU NYAS MID PAR 'GYUR NA, NYA DE MTSO CHU'I NANG NA 'PHYO YANG, DE SRAD BU SRA BA YU BA SKAM SA LA BTAGS PAS BRTOD PA ZHES BYA STE, NYA BA MCHIL BAS BSHOR BA 'ONGS NAS, SRAD BU THANGS [?] SHES BYED PA LAS NYA ZIN PAR SHES TE, DE SRAD BU DRANGS NAS SKAM SA LA PHYUNG STE, DGA' DGUR SPYOD PA DE BZHIN DU, BYANG CHUB SEMS DPA' GANG DAG SANGS RGYAS BCOM LDAN 'DAS LA DAD PA'I SEMS KYIS DGE BA'I RTZA BA BSKYED NA, THA NA DAD PA'I SEMS GCIG BSKYED NA YANG SEMS CAN DE DAG NYES PA BYAS PA'I LAS KYI SGRIB PAS, MI DAL BA RNAMS SU SKYES SU ZIN YANG, SANGS RGYAS BCOM LDAN 'DAS RNAMS KYIS SANGS RGYAS KYI YE SHES DANG, BSDU BA'I DNGOS PO'I SRAD BUS SEMS CAN DE DAG BZUNG NAS 'KHOR BA'I MTSO CHU NAS BTON TE, MYA @182B NGAN LAS 'DAS PA'I THANG LA 'JOG GO ZHES GSUNGS SO, ,KLU'I RGYAL PO RGYA MTSOS ZHUS PA LAS, KLU'I BDAG PO BYANG CHUB SEMS DPA' CHOS BRGYAD DANG LDAN NA RTAG TU RGYUN MI 'CHAD PAR SANGS RGYAS DANG 'PHRAD PA THOB BO, ,BRGYAD GANG ZHE NA, SANGS RGYAS KYI SKU GZUGS LA LTA BA YANG DAG PAR 'DZIN TU 'JUG PA DANG, DE BZHIN GSHEGS PA LA RIM GRO BYED PA DANG, RGYUN MI 'CHAD PAR DE BZHIN GSHEGS PA'I BSNGAGS PA BRJOD PA DANG, DE BZHIN GSHEGS PA'I SKU GZUGS BYED PA DANG, SEMS CAN THAMS CAD DE BZHIN GSHEGS PA LA LTA BA YANG DAG PAR 'DZIN DU 'JUG PA DANG, SANGS RGYAS KYI ZHING GANG NA DE BZHIN GSHEGS PA'I SGRA GRAGS PA'I SANGS RGYAS KYI ZHING DER SMON LAM 'DEBS PA DANG, RGYUN ZHUM PA MED PA DANG, RGYUN RGYA CHEN POR GYUR NAS SANGS RGYAS KYI YE SHES TSOL BA'O ZHES GSUNGS SO, ,BYANG CHUB SEMS DPA'I SDE SNOD LAS KYANG, GANG DE BZHIN GSHEGS PA'I MCHOD RTEN BYI DOR BYED PA DE SMON LAM RNAM PAR DAG PA MCHOG BZHI RAB TU 'THOB BO, ,BZHI GANG ZHE NA, MTSAN PHUN SUM TSOGS PA'I GZUGS SMON LAM RNAM PAR DAG PA MCHOG DANG, YI DAM LA BRTAN PA SMON LAM RNAM PAR DAG PA MCHOG DANG, DE BZHIN GSHEGS PA MTHONG BA SMON LAM RNAM PAR DAG PA MCHOG DANG, 'KHOR CHEN PO PHUN SUM TSOGS PA SMON LAM RNAM PAR DAG PA MCHOG GO ZHES GSUNGS SO, ,YANG DE NYID LAS DE BZHIN GSHEGS PA'I MCHOD RTEN RNAMS LA ME TOG 'BUL LAM, SPOS RIS 'DRI NA MA TSANG BA MED PA BRGYAD THOB STE, BRGYAD GANG ZHE NA, GZUGS MA TSANG BA MED PA DANG, LONGS SPYOD MA TSANG BA MED PA DANG, G-YOG 'KHOR MA TSANG BA MED PA DANG, TSUL KHRIMS MA TSANG BA MED PA DANG, TING NGE 'DZIN MA TSANG BA MED PA DANG, THOS PA MA TSANG BA MED PA DANG, SHES RAB MA TSANG BA MED PA DANG, SMON LAM MA TSANG BA MED PA'O ZHES GSUNGS SO, ,DE BZHIN GSHEGS PA'I GZUGS KYI LE'U LAS KYANG, SA'AM, RDO THAL LAM, SHING NGAM, RDO'AM, RU GAR RAM, LCAGS SAM, GSER RAM, DNGUL LAM, BEE d'URYA'AM, SHEL LAM, MU TIG DMAR PO'AM, RDO'I SNYING PO @183A *, ,'AM; SBUG GAM, DUNG NGAM, MAN SHEL LAM, SPOS SAM, RAS SAM, SHING LEB BAM, RTZIG NGOS LA DE BZHIN GSHEGS PA'I SKU GZUGS BRI BAR BYA, RAL BA GSO BAR BYA, 'DRUM [*DRUM?] PA BCOS PAR BYA STE, DE BZHIN GSHEGS PA'I SKU GZUGS BYAS NA, RIGS DMA' BA RNAMS DANG SDIG PA BYED PA'I RIGS RNAMS DANG, LOG PAR LTA BA'I RIGS RNAMS SU MI SKYE STE, YAN LAG GANG YANG RUNG BA MA TSANG BA MED PAR 'GYUR RO, ,GAL TE MTSAMS MED PA LNGA BYAS SU ZIN KYANG, DE BZHIN GSHEGS PA LA DAD PA RNYED DE, DE BZHIN GSHEGS PA'I SKU'I GZUGS BYAS NAS, LAS DES SEMS CAN DMYAL BA MYONG NA YANG CHUNG DU MYONG STE, THEG PA GSUM LAS THEG PA GANG YANG RUNG BAS NGES PAR 'BYUNG BAR 'GYUR RO, ,DPER NA MI ZHIG MI GTZANG BAS REG PA LAS RAB TU DAG PAR BKRUS TE, SPOS KYIS BYUGS NA DE'I DRI MI ZHIM PA MED PAR 'GYUR RO, ,DE BZHIN DU MTSAMS MED PA BYAS PA DE'I SDIG KYANG MED PAR 'GYUR RO, ,GANG MI DGE BA BCU'I LAS KYI LAM DANG LDAN YANG, DE BZHIN GSHEGS PA LA DAD PA RNYED DE DE BZHIN GSHEGS PA'I SKU GZUGS BYAS NA, DE'I SDIG PA JI LTAR ME'I PHUNG POS MAR TSIG STE; DU BA YANG MI MNGON PA BZHIN DU, DE'I SDIG PA DE YANG MI SNANG BAR 'GYUR RO ZHES GSUNGS NA, BYANG CHUB KYI SEMS DANG LDAN PA KHYIM GYI NANG NAS BYUNG NA, TSUL KHRIMS DANG LDAN PA KHYAD PAR 'PHAGS PA LTA CI SMOS TE, RIN PO CHE'I PHUNG PO'I MDO LAS, SEMS CAN GANG DAG SRID PA GSUM DU GTOGS PA DE DAG THAMS CAD KYIS, SO SO NAS DE BZHIN GSHEGS PA'I MCHOD RTEN 'PHANG DU RI'I RGYAL PO RI RAB TZAM BYAS TE, DE DAG LA BSKAL BA GANG G'A'I KLUNG GI BYE MA SNYED DU SO SO NAS BSTI STANG DU BYA BA THAMS CAD KYIS BSTI STANG BYAS PA BAS, BYANG CHUB SEMS DPA' THAMS CAD MKHYEN PA NYID KYI SEMS DANG MA BRAL BA GANG GIS ME TOG GCIG PHUL NA, DE NI BSOD NAMS KYI PHUNG PO SNGA MA BAS CHES MANG DU SKYED DO ZHES JI SKAD GSUNGS PA LTA BU'O, ,YANG RIN PO CHE'I PHUNG PO'I MDO NYID LAS, GANG STONG GSUM GYI STONG CHEN PO'I 'JIG RTEN GYI KHAMS KYI @183B SEMS CAN DE DAG THAMS CAD THEG PA CHEN PO LA YANG DAG PAR ZHUGS TE, THAMS CAD 'KHOR LOS SGYUR BA'I RGYAL SRID DANG LDAN PAR GYUR LA, 'KHOR LOS SGYUR BA'I RGYAL PO RE RES KYANG, RGYA MTSO CHEN PO TZAM GYI MAR ME'I SNOD BYAS TE, RI RAB TZAM GYI SNYING PO BSREGS LA SO SO NAS 'DI 'DRA BA'I MAR MES DE BZHIN GSHEGS PA'I MCHOD RTEN LA MCHOD PA BYAS PA BAS, GAD KHYIM GYI GNAS NAS MNGON PAR BYUNG BA'I BYANG CHUB SEMS DPA' MAR ME'I SNYING PO YUNGS MAR GYIS BSKUS TE, DE BZHIN GSHEGS PA'I MCHOD RTEN GYI DRUNG DU BZUNG NA, MAR ME PHUL BA SNGA MAS SNYING PO YUNGS MAR GYIS BSKUS PA DE'I BRGYA'I CHAR YANG MI CHOG PA NAS, RGYU'I BAR DU YANG MI CHOG GO, ,GANG YANG 'KHOR LOS SGYUR BA'I RGYAL PO DE DAG GIS, SANGS RGYAS LA SOGS PA DGE SLONG GI DGE 'DUN LA, BDE BA'I YO BYAD THAMS CAD KYIS BSTI STANG DU BYAS PA BAS, GANG YANG KHYIM GYI GNAS NAS MNGON PAR BYUNG BA'I BYANG CHUB SEMS DPAS BSOD SNYOMS BLANGS TE, LHUNG BZED DU 'ONGS PA, GZHAN DANG BGOS TE ZOS NA, DE NI DE BAS CHES CHER 'PHAGS SO, ,GANG YANG 'KHOR LOS SGYUR BA'I RGYAL PO DE DAG GIS, RI RAB TZAM GYI CHOS GOS KYI PHUNG PO SANGS RGYAS LA SOGS PA, DGE SLONG GI DGE 'DUN LA PHUL BA BAS, GANG YANG KHYIM GYI GNAS NAS MNGON PAR BYUNG BA'I BYANG CHUB SEMS DPA' CHOS GOS GSUM PO MA GTOGS PAR GZHAN THEG PA CHEN PO LA YANG DAG PAR ZHUGS PA DANG, SANGS RGYAS LA SOGS PA DGE SLONG GI DGE 'DUN DANG, DE BZHIN GSHEGS PA'I MCHOD RTEN LA PHUL NA SNGA MA'I CHOS GOS KYI PHUNG PO DE, DGE SLONG LA CHOS GOS BYIN PA 'DIS ZIL DU BRLAG GO, ,GANG YANG 'KHOR LOS SGYUR BA'I RGYAL PO DE DAG RE RES 'DZAM BU'I GLING THAMS CAD ME TOG GIS BKANG STE, DE BZHIN GSHEGS PA'I MCHOD RTEN LA PHUL BA BAS, GANG YANG KHYIM GYI GNAS NAS MNGON PAR BYUNG BA'I BYANG CHUB SEMS DPAS DE BZHIN GSHEGS PA'I MCHOD RTEN LA THA NA ME TOG GCIG PHUL NA, SBYIN PA SNGA MAS SBYIN PA 'DI'I BRGYA'I CHAR YANG MI CHOG PA NAS RGYU'I BAR DU YANG MI CHOG GO @184A *, ,ZHES GSUNGS SO, ,MTHAR GYIS YANG DAG PAR 'PHAGS PA'I MDO LAS KYANG, BZANG PO PHAN YON BZHI PO 'DI YANG DAG PAR RJES SU MTHONG NA, BYANG CHUB SEMS DPA' DE BZHIN GSHEGS PA MCHOD PA LA SPRO PA YIN NO, ,BZHI GANG ZHE NA, SBYIN GNAS MCHOG LA BDAG MCHOD PAR 'GYUR BA DANG, BDAG LAS ZLA BLTAS TE, SEMS CAN GZHAN YANG DE BZHIN DU MCHOD PA BYED PAR 'GYUR BA DANG, DE BZHIN GSHEGS PA MCHOD NAS BYANG CHUB KYI SEMS BRTAN PAR 'GYUR BA DANG, SKYES BU CHEN PO'I MTSAN SUM CU RTZA GNYIS MNGON DU MTHONG NAS, DGE BA'I RTZA BA BSAGS PAR 'GYUR PA STE, BZHI PO 'DI DAG GO ZHES GSUNGS SO, ,'DI YANG DE BZHIN GSHEGS PA LA MCHOD PA DANG RIM GRO BYA BA BLA NA MED PA STE, BLO GROS RGYA MTSOS ZHUS PA'I MDO LAS 'BYUNG BA, BLO GROS RGYA MTSO GSUM PO 'DI DAG NI, DE BZHIN GSHEGS PA LA MCHOD PA DANG, RIM GRO BYA BA BLA NA MED PA'O, ,GSUM GANG ZHE NA, GANG BYANG CHUB TU SEMS BSKYED PA DANG, GANG DE BZHIN GSHEGS PA RNAMS KYI DAM PA'I CHOS YONGS SU 'DZIN PA DANG, GANG SEMS CAN RNAMS LA SNYING RJE CHEN PO BSKYED PA'O ZHES JI SKAD GSUNGS PA LTA BU'O, , DON DAM PA'I MCHOD PA LA YANG RTAG TU BRTZON PAR BYA STE, BYAMS PA SENG GE'I SGRA'I MDO LAS 'BYUNG BA, SANGS RGYAS SU 'DU SHES PA LAS SANGS RGYAS MTHONG BA YANG MED NA, SANGS RGYAS LA MCHOD PAR 'GYUR BA LTA CI SMOS TE, DE NI GNAS PA MA YIN NO, ,DE LA SANGS RGYAS LA MCHOD PA GANG ZHE NA, GANG 'DU SHES KYI MTSAN MA MI BSKYED PA'O, ,GANG LA SEMS MED PA DANG, SEMS LAS BYUNG BA YID LA MI BYED PA DANG, SANGS RGYAS SU 'DU SHES PA MED PA DANG, CHOS SU 'DU SHES PA MED PA DANG, DGE 'DUN DANG, GANG ZAG DANG, BDAG DANG PHA ROL TU 'DU SHES PA MED PA 'DI NI, DE BZHIN GSHEGS PA LA MCHOD PA'O ZHES GSUNGS SO, ,SHES RAB KYI PHA ROL TU PHYIN PA LAS KYANG, GAL TE 'JIG RTEN GYI KHAMS GANG G'A'I KLUNG GI BYE MA SNYED DE BZHIN GSHEGS PA'I RING BSREL GYIS, KHA BCING DU RUNG BA TZAM DU GANG BAR GYUR PA DANG, @184B GANG SHES RAB KYI PHA ROL TU PHYIN PA GLEGS BAM DU BRIS PA CHA DE GNYIS LAS GCIG STZAL NA, BCOM LDAN 'DAS BDAG GIS SHES RAB KYI PHA ROL TU PHYIN PA 'DI NYID BLANG NGO, ,DE CI'I SLAD DU ZHE NA, DE BZHIN GSHEGS PA'I RING BSREL DAG NI DE LAS BYUNG BAS NA MCHOD PA STE, DE BZHIN GSHEGS PA'I RING BSREL RNAMS NI, SHES RAB KYI PHA ROL TU PHYIN PAS YONGS SU BSGOS PA'O ZHES GSUNGS SO, ,GANG DAG DE BZHIN GSHEGS PA RNAMS KYI YONGS SU MYA NGAN LAS 'DAS PA LA YANG DAG PA JI LTA BA BZHIN DU MOS PA'I SEMS CAN DE DAG NI SHIN TU RNYED PAR DKA'O, ,DE BZHIN GSHEGS PA RNAMS KYIS YONGS SU MYA NGAN LAS 'DAS PA YANG DAG PA CI LTA BA BZHIN CI 'DRA ZHE NA, MDO SDE DU MA LAS THOS TE, DE BZHIN GSHEGS PA SKYE BA SRID PA'I MDO LAS 'BYUNG BA, KYE RGYAL BA'I SRAS 'DI LA BYANG CHUB SEMS DPA' SEMS DPA' CHEN PO DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYIS YONGS SU MYA NGAN LAS 'DAS PA CHEN PO KHONG DU CHUD PAR 'DOD PAS RANG BZHIN GYI NGO BO NYID LA BLO YONGS SU BTANG STE, DES DE BZHIN NYID KYI YONGS SU MYA NGAN LAS 'DAS PA JI LTA BA DE BZHIN DU, DE BZHIN GSHEGS PA'I YONGS SU MYA NGAN LAS 'DAS PA KHONG DU CHUD PAR BYA'O, ,YANG DAG PA'I MTHA'I YONGS SU MYA NGAN LAS 'DAS PA JI LTA BA DANG, CHOS KYI DBYINGS KYI YONGS SU MYA NGAN LAS 'DAS PA JI LTA BA DANG, NAM MKHA'I DBYINGS KYI YONGS SU MYA NGAN LAS 'DAS PA JI LTA BA DANG, RANG BZHIN GYI YONGS SU MYA NGAN LAS 'DAS PA JI LTA BA DANG, 'DOD CHAGS DANG BRAL BA'I MTHA'I YONGS SU MYA NGAN LAS 'DAS PA JI LTA BA DANG, RMI LAM GYI MTHA'I YONGS SU MYA NGAN LAS 'DAS PA JI LTA BA DANG, MTSAN NYID MED PA'I MTHA'I YONGS SU MYA NGAN LAS 'DAS PA JI LTA BA DANG, CHAGS PA MED PA'I MTHA'I YONGS SU MYA NGAN LAS 'DAS PA JI LTA BA DANG, BDAG GI RANG BZHIN GYI MTHA'I YONGS SU MYA NGAN LAS 'DAS PA JI LTA BA DANG, CHOS THAMS CAD KYI RANG BZHIN GYI MTHA'I YONGS SU MYA NGAN LAS 'DAS PA JI LTA BA DE BZHIN DU, DE BZHIN GSHEGS PA'I YONGS SU MYA NGAN LAS 'DAS PA KHONG DU @185A *, ,CHUD PAR BYA'O, ,DE CI'I PHYIR ZHE NA, DE NI DE DAG THOG MA NAS MA SKYES MA BYUNG BA'I PHYIR TE, CHOS GANG MA SKYES MA BYUNG PA DE LA 'BRAL BAR 'GYUR BA GANG YANG MED DO, ,KYE RGYAL BA'I SRAS GZHAN YANG DE BZHIN GSHEGS PA RNAMS NI, BYANG CHUB SEMS DPA' RNAMS LA YONGS SU MYA NGAN LAS 'DAS PA SHIN TU MTHAR THUG PA MI BRJOD MI STON TE, DE CI'I PHYIR ZHE NA, DE DAG GIS NI DE BZHIN GSHEGS PA THAMS CAD DA LTAR BYUNG BA JI LTA BA DE BZHIN DU 'DAS PA DANG, MA BYON PA RNAMS KYANG SKAD CIG GCIG LA MNGON DU BYAS SHING, SKAD CIG KYANG YE SHES KYI SKAD CIG GI RJES SU 'BRANG BAR BYA, SKAD CIG DE LA YANG DE BZHIN GSHEGS PA THAMS CAD MNGON DU BLTA BAR BYA, DE BZHIN GSHEGS PA'I MNGON PAR SGRUB PA THAMS CAD KYANG DES MNGON PAR BSGRUB PAR BYA STE, DES NI GNYIS KYI 'DU SHES KYANG BSKYED PAR MI BYA, MI GNYIS PA'I 'DU SHES KYANG MA YIN, SEMS CAN GYI 'DU SHES KYANG MA YIN, BDAG GI 'DU SHES KYANG MA YIN PAR BYA BA'I PHYIR RO, ,KYE RGYAL BA'I SRAS DE CI'I PHYIR ZHE NA, BYANG CHUB SEMS DPA' NI MNGON PAR ZHEN PA'I LAM THAMS CAD DANG BRAL ZHING 'DU SHES THAMS CAD YONGS SU SPANG BAR BYA BA'I PHYIR RO, ,KYE RGYAL BA'I SRAS GZHAN YANG DE BZHIN GSHEGS PA 'BYUNG BA ZHES BYA BA 'DI NI SEMS CAN PHA ROL YONGS SU TSIM PAR 'GYUR BA'I TSIG GO, ,DE BZHIN GSHEGS PA YONGS SU MYA NGAN LAS 'DA' BA ZHES BYA BA 'DI NI SEMS CAN PHA ROL GYI SKYO BA SKYED PA'I TSIG STE, KYE RGYAL BA'I SRAS, DE BZHIN GSHEGS PA RNAMS NI SKYE BA MED DE, YONGS SU MYA NGAN LAS MI 'DA'O, ,DE CI'I PHYIR ZHE NA, DE BZHIN GSHEGS PA RNAMS NI CHOS KYI DBYINGS LA BZHUGS PA'I PHYIR TE, SEMS CAN PHA ROL GYI SEMS DANG, BSAM PA YONGS SU BSKANG BAR BYA BA'I PHYIR, DE BZHIN GSHEGS PA YONGS SU MYA NGAN LAS 'DA' BAR SNANG NGO, ,KYE RGYAL BA'I SRAS 'DI LTA STE, DPER NA NYI MA'I DKYIL 'KHOR CHOS KYI DBYINGS KYI TSAD DANG MNYAM PA ZHIG SHAR LA, DE SHAR NAS KYANG 'JIG RTEN GYI KHAMS THAMS CAD KYI CHU YONGS SU DANG BA'I SNOD THAMS @185B CAD DU GZUGS BRNYAN PHYIN PAR SNANG ZHING MNGON LA NYI MA'I DKYIL 'KHOR 'PHOS PA MED CING, NYI MA'I DKYIL 'KHOR KUN DU PHYIN PA SNANG BAR GYUR KYANG DE'I NANG NA CHU'I SNOD GCIG CIG CHAG GAM, DE NAS LOGS SHIG TU PHYUNG NGAM, STONG PAR GZHAG PAR GYUR KYANG, NYI MA'I GZUGS BRNYAN YANG SNANG BAR MI 'GYUR NA, KYE RGYAL BA'I SRAS DE LA JI SNYAM DU SEMS, NYI MA'I DKYIL 'KHOR RAM GCIG GIS NYES TE SNOD DER NYI MA'I GZUGS BRNYAN MI SNANG BAR MA GYUR GRANG NGO, ,BYANG CHUB SEMS DPA' DE BZHIN GSHEGS PA'I RIGS SU BYUNG BA'I DPAL GYIS SMRAS PA, KYE RGYAL BA'I SRAS DE LTA MA YIN TE, SNOD DANG MI LDAN PA'I PHYIR NYI MA'I GZUGS BRNYAN MI SNANG GI ,NYI MA'I DKYIL 'KHOR GYIS NYES PA NI MA YIN NO, ,BYANG CHUB SEMS DPA' KUN TU BZANG POS SMRAS PA, KYE RGYAL BA'I SRAS DE BZHIN DU, DE BZHIN GSHEGS PA NYI MA'I DKYIL 'KHOR 'CHAR BAR 'GYUR BA'I TSE YANG 'JIG RTEN GYI KHAMS RAB 'BYAM THAMS CAD KYI CHOS DBYINGS KUN DU SNGA PHYI MED PAR 'CHAR TE, DE NI 'JIG RTEN GYI KHAMS RAB 'BYAM KUN GYI SEMS CAN RNYOG PA MED PA DANG LDAN PA'I CHU'I SNOD THAMS CAD LA GZUGS BRNYAN SNANG BAR 'GYUR RO, ,SEMS KYI RGYUD RNYOG PA MED PA'I PHYIR, RTAG TU RGYUN MI 'CHAD PAR DE BZHIN GSHEGS PA'I SKU NYI MA'I DKYIL 'KHOR SNANG YANG SEMS CAN SEMS RNYOG PA DANG LDAN ZHING SNOD CHAG PAR GYUR PA RNAMS KYIS NI, DE BZHIN GSHEGS PA'I NYI MA'I DKYIL 'KHOR MTHONG BAR MI 'GYUR TE, DE BZHIN GSHEGS PA LA 'PHO BA MI MNGA' YANG THAMS CAD DU SKYE BAR SNANG STE, 'JIG RTEN GYI KHAMS RAB 'BYAM LA LA ZHIG GI SEMS CAN SNOD CHAG PA LTA BUR GYUR PA'AM, SEMS RNYOG PA MED PA DANG LDAN ZHING LAS DANG NYON MONGS PAS BSGRIBS PA ZHIG YOD PAR GYUR NA YANG, DER NI DE BZHIN GSHEGS PA RNAMS MYA NGAN LAS 'DAS PAR SNANG NA, KYE RGYAL BA'I SRAS DE LA JI SNYAM DU SEMS, DE BZHIN GSHEGS PAS NYES TE, DE BZHIN GSHEGS PA RNAMS MYA NGAN LAS 'DA' BA'AM, GCIG TU MA GYUR GRANG NGO, ,SMRAS PA, KYE RGYAL BA'I SRAS DE LTA MA YIN TE, DE BZHIN GSHEGS PA RNAMS NI SEMS CAN GYI RGYUD DGE BA'I RTZA BA @186A *, ,DANG MI LDAN PAS YONGS SU MYA NGAN LAS 'DA'I, DE BZHIN GSHEGS PA RNAMS KYIS NYES PA'I PHYIR ZHES NI MI BRJOD DO, ,SMRAS PA, KYE RGYAL BA'I SRAS 'O NA, BYANG CHUB SEMS DPA' SEMS DPA' CHEN POS, DE BZHIN GSHEGS PA RNAMS MYA NGAN LAS 'DA' BA YANG DE LTA BUR SHES PAR BYA'O, ,KYE RGYAL BA'I SRAS GZHAN YANG YONGS SU MYA NGAN LAS 'DA' BA'I 'DUL BA'I SEMS CAN RNAMS LA, DE BZHIN GSHEGS PA RNAMS YONGS SU MYA NGAN LAS 'DA' BA STON TE, DE BZHIN GSHEGS PA RNAMS NI 'BYUNG BA YANG MED, YONGS SU MYA NGAN LAS 'DA' BA YANG MED DO, ,KYE RGYAL BA'I SRAS DE YANG 'DI LTA STE DPER NA ME NI 'JIG RTEN THAMS CAD NA YANG ME'I DGOS PA SGRUB BO, ,DE LAS GRONG NGAM, GRONG KHYER RAM, GRONG RDAL LAM, YUL LAM, PHO BRANG 'KHOR TAM, RGYAL PO'I GNAS SHIG TU ME SHI BAR GYUR NA, KYE RGYAL BA'I SRAS DE LA JI SNYAM DU SEMS, DES 'JIG RTEN THAMS CAD DU ME THAMS CAD LHAG MA MED PA'AM, GCIG TU SHI STE ZHI BAR MA GYUR GRANG NGO, ,BYANG CHUB SEMS DPA' DE BZHIN GSHEGS PA'I RIGS SU BYUNG BA'I DPAL GYIS SMRAS PA, KYE RGYAL BA'I SRAS DE LTA MA YIN NO, ,SMRAS PA, KYE RGYAL BA'I SRAS DE BZHIN DU, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYANG 'JIG RTEN GYI KHAMS RAB 'BYAM MA LUS PA THAMS CAD NA DE BZHIN GSHEGS PA'I PHRIN LAS MDZAD PA LAS DUS GZHAN ZHIG NA DE BZHIN GSHEGS PA'I PHRIN LAS YONGS SU RDZOGS PAR GRUB NAS, ZHING GI GRANGS SU BYA BA LA LA ZHIG NAS YONGS SU MYA NGAN LAS 'DA' BAR BSTAN PAR GYUR PA NA, KYE RGYAL BA'I SRAS DE LA JI SNYAM DU SEMS, 'JIG RTEN THAMS CAD NAS KYANG, DE BZHIN GSHEGS PA'AM, GCIG YONGS SU MYA NGAN LAS 'DAS PAR MA GYUR GRANG NGO, ,SMRAS PA, KYE RGYAL BA'I SRAS DE LTA MA YIN NO, ,SMRAS PA, KYE RGYAL BA'I SRAS DE LTA NA, BYANG CHUB SEMS DPA' CHEN POS, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS @186B RNAMS KYIS YONGS SU MYA NGAN LAS 'DAS PA CHEN PO YANG DE LTA BUR KHONG DU CHUD PAR BYA'O, ,KYE RGYAL BA'I SRAS GZHAN YANG 'DI LTA STE DPER NA, SGYU MA'I MKHAN PO MKHAS PA LAS LOBS PA SHIN TU BYANG BA ZHIG GIS SNGAGS DANG RIG SNGAGS KYI STOBS DANG, SHUGS LA BRTEN TE, STONG GSUM GYI STONG CHEN PO'I 'JIG RTEN GYI KHAMS THAMS CAD DU SGYU MA'I RNAM PA MANG PO BSTAN TE, GRONG DANG, GRONG KHYER DANG, LJONGS DANG, PHO BRANG 'KHOR DANG, RGYAL PO'I GNAS THAMS CAD DU, RANG GI LUS BSTAN TE SGYU MA DE DAG KYANG BSKAL PAR GNAS PAR BYIN GYIS BRLABS PA, LAS GRONG NGAM, GRONG KHYER RAM, LJONGS SAM, YUL LAM, PHO BRANG 'KHOR TAM, RGYAL PO'I GNAS GCIG TU DGOS PA RDZOGS PAR ZIN NAS, SGYU MA'I MKHAN PO DES RANG GI LUS MI SNANG BAR BYAS NA, KYE RGYAL BA'I SRAS DE LA JI SNYAM DU SEMS, 'JIG RTEN THAMS CAD NAS KYANG; SGYU MA'I RNAM PA MANG PO YONGS SU NUB PA'AM, GCIG TU MA GYUR GRANG NGO, ,BYANG CHUB SEMS DPA' DE BZHIN GSHEGS PA'I RIGS SU BYUNG BA'I DPAL GYIS SMRAS PA, KYE RGYAL BA'I SRAS DE LTA MA YIN NO, ,SMRAS PA, KYE RGYAL BA'I SRAS DE BZHIN DU, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS YE SHES KYI SGYU MA TSAD MED PA LA SHIN TU BYANG BA, THABS DANG SHES RAB DANG YE SHES KYI RIG SNGAGS KYIS SHIN TU BYUNG BA YANG, CHOS KYI DBYINGS THAMS CAD DU DE BZHIN GSHEGS PA'I SKU SGYU MA'I RNAM PA LTA BU CHOS KYI DBYINGS KYIS KLAS PAS GNAS PA, NAM MKHA'I KHAMS KYI MTHAR THUG PA MI 'JIGS PAR BSTAN PA, SEMS CAN GYI MOS PA BZHIN DU PHRIN LAS RDZOGS PAR ZIN NAS, ZHING RAB 'BYAM LA LA ZHIG NAS YONGS SU MYA NGAN LAS 'DAS PA STON KYANG ZHING GCIG NAS YONGS SU MYA NGAN LAS 'DAS PAS 'JIG RTEN GYI KHAMS THAMS CAD NAS YONGS SU MYA NGAN LAS 'DA' BA MA YIN TE, KYE RGYAL BA'I SRAS BYANG CHUB SEMS DPA' SEMS DPA' CHEN POS, DE BZHIN GSHEGS PA RNAMS YONGS SU MYA NGAN LAS 'DA' BA NI DE LTA BUR KHONG DU CHUD PAR BYA'O, ,KYE RGYAL BA'I SRAS DE LTAR BYANG CHUB @187A *, ,SEMS DPA' SEMS DPA' CHEN POS, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI YONGS SU MYA NGAN LAS 'DA' BA TSAD MED PA'I RJES SU SONG BA, CHAGS PA MED PA'I MTHAR THUG PA, CHOS KYI DBYINGS LTAR MTHA' DANG DBUS MED PA, NAM MKHA'I DBYINGS KYI RANG BZHIN CAN DE BZHIN NYID KYIS MI SKYE MI 'GAG PA YANG DAG PA'I MTHA' LA GNAS PA DUS BZHIN DU RAB TU STON PA, 'GRO BA THAMS CAD DU RGYUN MI 'CHAD PAR SNGON GYI BYIN GYI RLABS KYIS SHIN TU BYIN GYIS BRLABS PA, 'GRO BA'I ZHING THAMS CAD DANG, CHOS KYI DBYINGS RAB 'BYAM THAMS CAD LAS MI 'DA' BAR KHONG DU CHUD PAR BYA'O ZHES GSUNGS SO, ,SHES RAB KYI PHA ROL TU PHYIN PA LAS KYANG, RAB 'BYOR MYA NGAN LAS 'DAS PA 'DI NI 'DI LTA STE, RANG BZHIN GYIS STONG PA NYID DO ZHES GSUNGS SO,, ,, BAM PO BZHI PA, DAM PA'I CHOS PADMA DKAR PO'I MDO LAS KYANG, 'OD SRUNGS CHOS THAMS CAD MNYAM PA NYID DU KHONG DU CHUD PA NI MYA NGAN LAS 'DAS PA'O ZHES GSUNGS SO, ,YANG DE NYID LAS RIGS KYI BU GANG YANG DE BZHIN GSHEGS PAS MDZAD PA DE, DE BZHIN GSHEGS PAS MDZAD CING YUN RING PO DE SRID NAS MNGON PAR RDZOGS PAR SANGS RGYAS NAS, TSE'I TSAD DPAG TU MED PAR DE BZHIN GSHEGS PA RTAG TU BZHUGS SHING YONGS SU MYA NGAN LAS MI 'DA' STE, 'DUL BA'I DBANG GIS YONGS SU MYA NGAN LAS 'DA' BA STON TO, ,CI'I PHYIR ZHE NA, NGAS RNAM GRANGS DES SEMS CAN RNAMS YONGS SU SMIN PAR BYED PA'I PHYIR RO ZHES GSUNGS SO, ,SNYING RJE CHEN PO'I MDO LAS KYANG, TSANGS PA 'DI LTAR 'JIG RTEN 'DI LAS ZAD PA DANG, NYON MONGS PA ZAD PA DANG, SDUG BSNGAL ZAD PA DANG, SDUG BSNGAL NYE BAR ZHI BAS ZHI ZHING BYANG STE, RNAM PAR ZHI PA NI YONGS SU MYA NGAN LAS 'DAS PA'O ZHES BYA'O, ,TSANGS PA DE LA LAS GANG YIN PA DE ZAD PA DANG, NYON MONGS PA GANG YIN PA DE DANG BRAL ZHING NUB PA MA GTOGS PAR MYA NGAN LAS 'DA' BA GANG YANG MED DO ZHES GSUNGS SO, ,'JIG RTEN LAS 'DAS @187B PA'I LE'U LAS KYANG, SANGS RGYAS RNAMS KYI MYA NGAN LAS 'DAS PA KUN DU BSTAN PA LA 'JUG PA NI MTHA' YAS SO ZHES GSUNGS SO, ,'PHAGS PA TSANGS PAS ZHUS PA LAS KYANG, BCOM LDAN 'DAS YONGS SU MYA NGAN LAS 'DAS PA ZHES BYA BA NI, GANG MTSAN MA THAMS CAD RAB TU ZHI BA DANG, G-YO BA THAMS CAD DANG BRAL BA'O ZHES GSUNGS SO, ,YANG GSUNGS PA, TSANGS PA YONGS SU MYA NGAN LAS 'DAS PA ZHES BYA BA NI, PHAN TSUN DU RKYEN GYIS SGRO BTAGS PA MED PA'O ZHES 'BYUNG NGO, ,YANG DAG PAR LDAN PA'I LUNG LAS KYANG, DGE SLONG DAG KHYED LA MYA NGAN LAS 'DAS PA DANG, MYA NGAN LAS 'DA' BAR 'GRO BA'I LAM BSHAD PAR BYA'O, ,DE LA MYA NGAN LAS 'DAS PA GANG ZHE NA, 'DI LTA STE, 'DOD CHAGS ZAD PA DANG, ZHE SDANG ZAD PA DANG, GTI MUG ZAD PA'O, ,DE LA MYA NGAN LAS 'DAS PAR 'GRO BA'I LAM GANG ZHE NA, 'PHAGS PA'I LAM YAN LAG BRGYAD PA 'DI NYID DO ZHES GSUNGS SO, ,BCOM LDAN 'DAS KYI YE SHES SHIN TU RGYAS PA'I MDO LAS KYANG, MOOD GAL GYI BU SNGON BYUNG BA, DE BZHIN GSHEGS PA SNYAN PA BRJOD PA ZHES BYA BA BYUNG STE, DE'I NYAN THOS 'DUS PA YANG BYUNG NGO, ,DE'I TSE NA SANGS RGYAS KYI ZHING DE NA DGE SLONG DMIGS PA KUN LA MTSUNGS PAR LTA BA ZHES BYA BA THEG PA CHEN PO LA YANG DAG PAR ZHUGS PA GCIG CIG YOD DE, SANGS RGYAS BYE BA KHRAG KHRIG BRGYA STONG DPAG TU MED PA RNAMS LA, DGE BA'I RTZA BA BSKYED KYANG, DE DE SRID KYI BAR DU BLA NA MED PA YANG DAG PAR RDZOGS PA'I BYANG CHUB KYI SEMS LA MA ZHUGS KYI, THEG PA CHEN PO BLA NA MED PA LA YANG DAG PAR ZHUGS TE, SANGS RGYAS KYI ZHING BRJOD DU MED PA'I YANG BRJOD DU MED PA YONGS SU SBYONG BAR 'DOD DO, ,YANG DE'I TSE NA SANGS RGYAS KYI ZHING DE NA DGE SLONG GCIG PO DE MA GTOGS PAR SEMS CAN GZHAN GANG GIS KYANG, BYANG CHUB KYI PHYIR BYANG CHUB TU SEMS MA BSKYED DE, DE CHOS ZAB MO THAMS CAD LA DBANG ZOS PAS, LHA TSE RING PO RNAMS KYI NANG DU SKYES SO, ,DE NAS DE BZHIN GSHEGS PA SNYAN PA BRJOD PAS, SANGS RGYAS KYI MDZAD PA MDZAD NAS, SEMS CAN CHEN PO GANG LA SANGS RGYAS KYI MDZAD @188A *, ,PA MA MDZAD CES SANGS RGYAS KYI ZHING THAMS CAD DU GZIGS PA DANG, DES THEG PA CHEN PO LA YANG DAG PAR ZHUGS PA'I SEMS CAN GCIG PO DE LA BYANG CHUB KYI SNOD DU GYUR NA, DE YANG MI DAL BA RNYED NAS DE LUS DE NYID KYIS BYANG CHUB TU DGE BA'I RTZA BA BSKYED PA'I SKAL PA MED DE, DE NAS SHI 'PHOS NAS MNAR MED PA'I SEMS CAN DMYAL BA CHEN POR LHUNG STE, DE DE NAS YANG BYANG CHUB TU DGE BA'I RTZA BA BSKYED PA'I SKAL BA MED LA, DE MNAR MED PA NAS SHI 'PHOS TE MI RNAMS KYI NANG DU SKYES KYANG BLUN PO LUG LTAR LKUGS PA LAG BRDA BYED PA CHOS GO BA'I MTHU MED PAR GZIGS NAS, DER DE BZHIN GSHEGS PA DE SPRUL TE, SEMS CAN DE YONGS SU SMIN PAR MDZAD DO, ,SPRUL PAS DE YONGS SU SMIN PAR MDZAD PA NA, SKYE BA BYE BA KHRAG KHRIG PHRAG DRUG CUR DE BZHIN GSHEGS PA DE MI BDE BA MYONG NGO, ,MOOD GAL GYI BU DE BZHIN GSHEGS PA'I THUGS RJE CHEN PO LA LTOS, SEMS CAN GCIG GI PHYIR YANG BSKAL PA GRANGS MED PAR MI BDE BA MYONG ZHING GANG ZAG DA YONGS SU SMIN PAR MDZAD NAS PHYIR MI LDOG PA'I LAM LA GZHAG GO, ,MOOD GAL GYI BU DE JI SNYAM DU SEMS, DE'I TSE DE'I DUS NA DE BZHIN GSHEGS PA SNYAN PA BRJOD PA ZHES BYA BAR GYUR PA DE GZHAN ZHIG YIN SNYAM NA DE LTAR MI LTA'O, ,DE CI'I PHYIR ZHE NA, DE BZHIN GSHEGS PA DON THAMS CAD GZIGS PA DE, DE'I TSE SNYAN PA BRJOD PAR GYUR TO, ,MOOD GAL GYI BU DE JI SNYAM DU SEMS, DE'I TSE DGE SLONG DMIGS PA KUN LA MTSUNGS PAR LTA BA ZHES BYA BAR GYUR PA DE GZHAN ZHIG YIN PA SNYAM NA YANG DE LTAR MI LTA'O, ,DE CI'I PHYIR ZHE NA, DE BZHIN GSHEGS PA 'OD DPAG MED DE'I TSE, DGE SLONG DMIGS PA KUN LA MTSUNGS PAR LTA BA ZHES BYA BAR GYUR TO ZHES GSUNGS SO, ,YANG YAB DANG SRAS MJAL BA'I MDO LAS KYANG, DGE SLONG DAG SNGON BYUNG BA 'DAS PA'I DUS BSKAL PA DPAG TU MED PA, BGRANG DU MED PA, BSAM GYI MI KHYAB PA, MTSUNGS PA MED PA, GZHAL DU MED PA BRJOD DU MED PA, 'DAS PA DE'I TSE DE'I DUS NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS @188B DBANG PO'I TOG CES BYA BA 'JIG RTEN DU BYUNG STE, DE BZHIN GSHEGS PA DBANG PO'I TOG GI SANGS RGYAS KYI ZHING YANG 'JIG RTEN GYI KHAMS GANG G'A'I KLUNG GI BYE MA SNYED LAS, SANGS RGYAS KYI ZHING GCIG TU GYUR TO, ,SANGS RGYAS KYI ZHING DE NA 'KHOD PA'I SEMS CAN RNAMS KYANG BDE BA LNGA THOB PAR GYUR TE, 'DI LTAR LA LA NI 'DOD PA'I BDE BA DANG LDAN PAR GYUR TO, ,LA LA NI KHYIM NAS 'BYUNG BA'I BDE BA DANG LDAN PAR GYUR TO, ,LA LA NI BSAM GTAN GYI BDE BA DANG LDAN PAR GYUR TO, ,LA LA NI SNYOMS PAR 'JUG PA'I BDE BA DANG LDAN PAR GYUR TO, ,LA LA NI BLA NA MED PA YANG DAG PAR RDZOGS PA'I BYANG CHUB KYI BDE BA DANG LDAN PAR GYUR TE, DE DAG BDE BA DE LA YANG SPYOD LA, DE DAG DE LA YANG MNGON PAR ZHEN PA MED PAR GYUR TO, ,'DI LTA STE DPER NA, BUNG BA ME TOG GI KHU BAS NYE BAR 'TSO YANG DE LA MNGON PAR ZHEN PA MED DO, ,DE BZHIN DU SEMS CAN DE DAG KYANG BDE BA DE LA YONGS SU SPYOD KYANG DI LA MNGON PAR ZHEN PA MED DO, ,'DI LTA STE DPER NA, BAR SNANG LA RGYU BA'I BYA NI BAR SNANG LA RGYU YANG DE LA MNGON PAR CHAGS PA YANG MED DO, ,DE BZHIN DU SEMS CAN DE DAG KYANG BDE BA DE LA YONGS SU SPYOD KYANG DE LA MNGON PAR ZHEN PA MED DO, , 'JAM DPAL GYIS GSOL PA, DE'I TSE DE'I DUS NA DE BZHIN GSHEGS PA DBANG PO'I TOG CES BGYI BAR GYUR PA DE NI, BCOM LDAN 'DAS NYID DE'I TSE DUS NA, DE BZHIN GSHEGS PA DBANG PO'I TOG CES BGYI BAR GYUR PAR 'TSAL TO ZHES GSUNGS SO, ,LANG DKAR GSHEGS PA'I MDO LAS KYANG, BYA BA DANG NI MTSAN NYID DANG, ,DNGOS POR MYA NGAN NGA MI 'DA', ,RNAM RTOG RNAM PAR SHES PA LAS, ,BZLOG PAS MYA NGAN NGA 'DAS SO, ,ZHES GSUNGS SO, ,THEG PA GCIG LA MOS PA'I SEMS CAN DE DAG NI SHIN TU RNYED PAR DKA' STE, THEG PA GCIG TU ZAD PAR NI MDO SDE DU MA LAS GSUNGS PA'I PHYIR RO, 'PHAGS PA DAM PA'I CHOS PADMA DKAR PO'I MDO LAS 'BYUNG BA, NGA YANG THEG PA GCIG LAS BRTZAMS TE SEMS CAN RNAMS LA CHOS 'CHAD PA 'DI LTA STE, SANGS RGYAS KYI THEG PA THAMS CAD MKHYEN PA NYID KYI MTHAR THUG PA STE, THEG PA GNYIS @189A *, ,SAM GSUM ZHES BYA BA DAG KYANG MED DO, ,PHYOGS BCU'I 'JIG RTEN THAMS CAD NA YANG CHOS NYID NI 'DI'O, ,DE CI'I PHYIR ZHE NA PHYOGS BCU'I 'JIG RTEN GYI KHAMS THAMS CAD DU GANG 'DAS PA'I DUS NA BYUNG BA'I DE BZHIN GSHEGS PA DE DAG THAMS CAD KYANG THEG PA CHEN PO GCIG LAS BRTZAMS NAS, SEMS CAN RNAMS LA CHOS BSTAN TE, GANG 'DI SANGS RGYAS KYI THEG PA'O, ,GANG MA 'ONGS PA'I DUS NA 'BYUNG BA'I DE BZHIN GSHEGS PA DE DAG KYANG, SANGS RGYAS KYI THEG PA GCIG PU LA BRTZAMS NAS SEMS CAN RNAMS LA CHOS STON PAR 'GYUR RO, , GANG DA LTAR BYUNG BA'I DUS NA PHYOGS BCU'I 'JIG RTEN GYI KHAMS THAMS CAD KYI DE BZHIN GSHEGS PA DE DAG THAMS CAD KYANG SANGS RGYAS KYI THOG PA GCIG PU LA BRTZAMS NAS, SEMS CAN RNAMS LA CHOS STON TO, ,DE RNAMS GRANGS 'DIS DE LTAR RIG PAR BYA STE, PHYOGS CU'I 'JIG RTEN GYI KHAMS GANG NA YANG THEG PA GNYIS SU BTAGS PA YANG MED NA, GSUM DU LTA CI SMOS ZHES GSUNGS SO, ,'PHAGS PA BDEN PA'I LE'U LAS KYANG, 'JAM DPAL THEG PA GCIG GIS NGES PAR 'BYUNG BA'I PHYIR, SANGS RGYAS KYI ZHING DE NI THEG PA CHEN PO'I SNYING PO DANG LDAN PA YIN NO, ,NGA LA NYAN THOS DANG, RANG SANGS RGYAS KYI THEG PA RNAM PAR DGOD PA MED DO, ,DE CI'I PHYIR ZHE NA DE BZHIN GSHEGS PA LA 'DU SHES SNA TSOGS MED PA'I PHYIR TE, 'JAM DPAL GAL TE DE BZHIN GSHEGS PA LA LA DAG NI THEG PA CHEN PO'O, ,LA LA DAG NI RANG SANGS RGYAS KYI THEG PA; LA LA DAG NI NYAN THOS KYI THEG PA BSHAD PAR GYUR NA DE NI DE BZHIN GSHEGS PA'I SEMS YONGS SU MA DAG PAR 'GYUR TE, MNGON PAR ZHEN PA'I SKYON DU YANG 'GYUR, SNYING RJE CHEN PO NYI TSE BAR YANG 'GYUR, 'DU SHES THA DAD PA'I SKYON DU YANG 'GYUR, NGA CHOS LA SLOB DPON DPE MKHYUD BYAS PAR YANG 'GYUR RO, ,'JAM DPAL NGAS SEMS CAN RNAMS LA CHOS GANG DANG GANG BSTAN PA DE DAG THAMS CAD NI 'DI LTA STE, THAMS CAD MKHYEN PA'I YE SHES THOB PAR BYA BA'I PHYIR BYANG CHUB LA GZHOL BA, THEG PA CHEN PO LA 'BAB PA'I THAMS CAD MKHYEN PA NYID BSGRUB PA, YUL @189B GCIG TU YANG DAG PAR PHYIN PAR BYED PA STE, DE BAS NA NGA LA THEG PA RNAM PAR DGOD PA MED DO, ,'JAM DPAL THEG PA RNAM PAR DGOD PA ZHES BYA BA DE NI, DE BZHIN GSHEGS PAS SA RNAM PAR DGOD PAR MDZAD PA'O, ,DE NI GANG ZAG RNAM PAR DGOD PAR MDZAD PA'O, ,TSOGS CHUNG NGU DANG, TSOGS TSAD MED PA RNAM PAR DGOD PAR MDZAD PA STE, CHOS KYI DBYINGS KYI THA DAD PA MED PA'I PHYIR 'DI LA THEG PA THA DAD PA MED DE, 'DI NI KUN RDZOB TU 'JUG PA BSTAN PA, 'JUG PA'I SGO TZAM DU BRJOD PA'O, ,GANG DON DAM PAR THEG PA GCIG PA NI GNYIS PA MA YIN ZHES GSUNGS SO, ,SHES RAB KYI PHA ROL TU PHYIN PA LAS KYANG, LHA'I BU GANG DAG BLA NA MED PA YANG DAG PAR RDZOGS PA'I BYANG CHUB TU SEMS BSKYED PA DE DAG GIS, BLA NA MED PA YANG DAG PAR RDZOGS PA'I BYANG CHUB TU SEMS BSKYED PAR BYA'O, ,GANG DAG YANG DAG PA NYID DU NGES PAR ZHUGS PA DE DAG NI BYANG CHUB TU SEMS BSKYED PA'I MTHU MED DO, ,DE CI'I PHYIR ZHE NA, DE DAG 'KHOR BA'I RGYUN GYI MTSAMS BCAD PA'I PHYIR RO, ,DE DAG GAL TE BLA NA MED PA YANG DAG PAR RDZOGS PA'I BYANG CHUB TU SEMS BSKYED NA NI, NGA YANG RJES SU YI RANG ZHING, NGA DE DAG GI DGE BA'I RTZA BA LA BAR CHAD MI BYED DE, KHYAD PAR DU 'PHAGS PA BAS KYANG SHIN TU KHYAD PAR DU 'PHAGS PA'I CHOS RNAMS LA LHAG PAR DMIGS PAR BYA'O ZHES GSUNGS SO, ,'DUS PA CHEN PO'I LE'U LAS KYANG, THEG PA GCIG TU YANG DAG PAR 'DU BA NI, THEG PA THAMS CAD THEG PA GCIG TU MNYAM PA NYID DU YANG DAG PAR 'DU STE, CHOS KYI DBYINGS DBYER MED PA LA 'JUG PAR TSUL GCIG GO ZHES GSUNGS SO, ,'PHAGS PA GZUNGS KYI DBANG PHYUG RGYAL POS ZHUS PA'I MDO LAS KYANG, SANGS RGYAS BCOM LDAN 'DAS RNAMS NI GTAM SNA TSOGS KYI CHEN DU 'BYUNG BA MA YIN TE, CHOS KYI DBYINGS RO GCIG PA SGRIB PA MED PA, SEMS CAN THAMS CAD LA GO SKABS 'BYED PA, MNGON PAR RDZOGS PAR SANGS RGYAS NAS, SEMS CAN RNAMS KHONG DU CHUD PAR BYA BA'I PHYIR, 'DI LTA STE, PHYIR MI LDOG PA'I 'KHOR LO RAB TU BSKOR RO, ,RIGS KYI BU 'DI @190A *, ,LTA STE DPER NA, NOR BU MKHAN GYIS NOR BU'I RIGS LAS SBYANG BA MA BYAS PA'I NOR BU RIN PO CHE BLANGS NAS, BUL TOG GI CHU RNON POS BKRUS TE, SKRA NAG PO'I LA BAS BYI DOR BYAS KYANG DE TZAM GYIS BRTZON 'GRUS RGYUN MI GCOD KYI, DE'I 'OG TU DE RDUL CHU RNON PO DANG BCAS PAS BKRUS TE, SHING DANG SNAM BUS BYI DOR BYA BAS BYI DOR BYED DO, ,DE TZAM GYIS KYANG BRTZON 'GRUS RGYUN MI GCOD DO, ,DE'I 'OG TU YANG SMAN CHEN PO'I KHU BAS BKRUS TE, RAS PHRA MOS BYI DOR BYAS PAS BYI DOR BYED DO, ,BYI DOR BYAS TE NOR BU MCHID BU'I RIGS DANG BRAL NAS BEEd'URYA ZHES BYA'O, ,DE BZHIN DU DE BZHIN GSHEGS PAS YONGS SU MA DAG PA'I SEMS CAN GYI KHAMS RIG NAS MI RTAG PA DANG, SDUG BSNGAL BA DANG, BDAG MED PA DANG, MI SDUG PA YID 'BYUNG BAR 'GYUR BA'I GTAM GYIS 'KHOR BA LA MNGON PAR DGA' BA'I SEMS CAN RNAMS YID 'BYUNG BAR BYED DO, ,'PHAGS PA'I CHOS 'DUL BA LA 'JUG PAR BYED DO, ,DE TZAM GYIS DE BZHIN GSHEGS PA BRTZON 'GRUS RGYUN MI GCOD KYI, DE'I 'OG TU STONG PA NYID DANG, MTSAN MA MED PA DANG, SMON PA MED PA'I GTAM GYI DE BZHIN GSHEGS PA'I GTAM GYI TSUL KHONG DU CHUD PAR BYED DO, ,DE TZAM GYIS KYANG DE BZHIN GSHEGS PA BRTZON 'GRUS RGYUN MI GCOD KYI, DE'I 'OG TU PHYIR MI LDOG PA'I 'KHOR LO'I GTAM DANG, 'KHOR GSUM YONGS SU DAG PA'I GTAM GYIS, SEMS CAN DE DAG DE BZHIN GSHEGS PA'I YUL LA 'DZUD DO, ,SEMS CAN RGYUD DANG RANG BZHIN SNA TSOGS PA DE DAG MNYAM DU ZHUGS NAS, DE BZHIN GSHEGS PA'I CHOS NYID KHONG DU CHUD PAS, SBYIN GNAS BLA NA MED PA RNAMS ZHES BYA'O ZHES GSUNGS SO, ,PHYIR MI LDOG PA'I 'KHOR LO'I MDO LAS KYANG, 'JAM DPAL GZHON NUR GYUR PAS GSOL PA; SANGS RGYAS BCOM LDAN 'DAS RNAMS KYIS CHOS BSTAN PA JI TZAM ZHIG MTHUN, BKA' STZAL PA, SANGS RGYAS BCOM LDAN 'DAS RNAMS KYIS CHOS BSTAN PA NI PHYIR MI LDOG PA'I CHOS KYI 'KHOR LOR MTHUN NO, ,GSOL PA, BCOM LDAN 'DAS JI LTAR BCOM LDAN @190B 'DAS DE THEG PA GSUM LA BRTZAMS TE, DE LTAR CHOS STON, BKA' STZAL PA, RIGS KYI BU SEMS CAN DE DAG NI DMAN PA LA MOS PA DAG STE, DE DAG THEG PA GCIG LA MI 'JUG PAS NA, THABS MKHAS PAS DE DAG DE LTAR NYE BAR KHRID DE RIGS KYI BU SANGS RGYAS BCOM LDAN 'DAS RNAMS NI THABS MKHAS PA CHEN PO DANG LDAN PA'O, ,BCOM LDAN 'DAS DE NI SNYIGS MA LNGA'I DUS NA BYUNG STE, DE DAG NI THEG PA GCIG LA MA MOS PA DAG GO ZHES GSUNGS SO, ,'PHAGS PA DPAL GYI PHRENG BA SENG GE'I SGRA'I MDO LAS KYANG, YONGS SU MYA NGAN LAS 'DAS PA ZHES BYA BA NI, DE BZHIN GSHEGS PA RNAMS KYI THABS SO, ,THEG PA GSUM PO THAMS CAD KYANG THEG PA GCIG PO'I GRANGS SU 'GRO STE, THEG PA GCIG KHONG DU CHUD PAS BLA NA MED PA YANG DAG PAR RDZOGS PA'I BYANG CHUB KHONG DU CHUD DO ZHES GSUNGS SO, ,'PHAGS PA LANG KAR GSHEGS PA'I MDO LAS KYANG, NYAN THOS DANG, RANG SANGS RGYAS RNAMS BAG CHAGS KYI NYES PA DANG, TING NGE 'DZIN GYIS MYOS PA MED PAR GYUR NAS, ZAG PA MED PA'I DBYINGS NAS SLAR SAD DE, YANG 'JIG RTEN GYI DANG, 'JIG RTEN LAS 'DAS PA ZAG PA MED PA'I DBYINGS SU GTOGS PA'I TSOGS RNAMS YONGS SU RDZOGS PAR BKANG NAS, CHOS KYI SKU BSAM GYIS MI KHYAB PA LA DBANG MED PAR RAB TU THOB PAR 'GYUR RO ZHES GSUNGS SO, ,DE LTA MOD KYI SEMS CAN GYI DGE BA'I TSOGS SPYOD PA THA DAD PA DANG, 'DUL BA'I DBANG DANG THEG PA SNA TSOGS KYI SGO STON PAS KYANG 'JIG RTEN GYI KHAMS THA DAD PA RNAMS SU DE BZHIN GSHEGS PA RNAMS KYI CHOS BSTAN PA LA 'JUG GO, ,THEG PA GSUM DU YANG MA ZAD DE, SDONG PO BKOD PA'I RNAM PAR THAR PA LAS RNAM PAR SNANG BYED DPAL GYI 'JIG RTEN GYI KHAMS NA DE BZHIN GSHEGS PA KUN NAS YE SHES RIN CHEN 'OD 'PHRO DPAL YON TAN GYI TOG GI RGYAL PO MNGON PAR RDZOGS PAR SANGS RGYAS MA THAG TU SEMS CAN DPAG TU MED PA DAG NI NYAN THOS KYI SA LA BKOD, SEMS CAN DPAG TU MED PA DAG NI RANG BYANG CHUB LA BKOD, SEMS CAN DPAG TU MED PA DAG NI SHUGS DANG @191A *, ,LDAN PA'I SPOBS PAS NGES PAR 'BYUNG BA'I BYANG CHUB LA BKOD, SEMS CAN DPAG TU MED PA DAG NI PHA ROL GNON PA DRI MA MED PA'I RGYAL MTSAN GYI BYANG CHUB LA BKOD, SEMS CAN DPAG TU MED PA DAG NI CHOS LA SPOBS PAS NGAS PAR 'BYUNG BA'I BYANG CHUB LA BKOD, SEMS CAN DPAG TU MED PA DAG NI DBANG PO YONGS SU DAG PA'I SPOBS PAS NGES PAR 'BYUNG BA'I BYANG CHUB LA BKOD, SEMS CAN DPAG TU MED PA DAG NI STOBS MNYAM PA NYID YANG DAG PAR SPYOD PA'I RJES SU 'GRO BAS NGES PAR 'BYUNG BA'I BYANG CHUB LA YONGS SU SMIN PAR BYAS, SEMS CAN DPAG TU MED PA DAG NI CHOS KYI GRONG KHYER LA MNGON PAR PHYOGS PA'I YUL GYI THEG PA SRID PA NGES PAR 'BYUNG BA'I BYANG CHUB LA BKOD, SEMS CAN DPAG TU MED PA DAG NI THAMS CAD DU SONG BA'I RDZU 'PHRUL MI PHYED PA'I TSUL GYIS THEG PA NGES PAR 'BYUNG BA'I BYANG CHUB LA BKOD, SEMS CAN DPAG TU MED PA DAG NI SPYOD PA'I SBYOR BA TSAD MED PA YANG DAG PAR 'DU BAS NGES PAR 'BYUNG BA'I BYANG CHUB LA BKOD, SEMS CAN DPAG TU MED PA DAG NI TING NGE 'DZIN LA GNAS PA'I TSUL GYIS NGES PAR 'BYUNG BA'I BYANG CHUB LA BKOD, SEMS CAN DPAG TU MED PA DAG NI DMIGS PA THAMS CAD KYI YUL YONGS SU DAG PA'I DKYIL 'KHOR GYI TSUL GYIS NGES PAR 'BYUNG BA'I BYANG CHUB LA BKOD, SEMS CAN DPAG TU MED PA DAG NI BYANG CHUB SEMS DPA'I BYANG CHUB LA SEMS BSKYED, SEMS CAN DPAG TU MED PA DAG NI BYANG CHUB SEMS DPA'I LAM LA BKOD, SEMS CAN DPAG TU MED PA DAG NI PHA ROL TU PHYIN PA'I LAM RNAM PAR DAG PA LA BKOD, SEMS CAN DPAG TU MED PA DAG NI BYANG CHUB SEMS DPA'I SA DANG PO LA BKOD PA NAS, BYANG CHUB SEMS DPA'I SA BCU PA'I BAR LA BKOD, SEMS CAN DPAG TU MED PA DAG NI BYANG CHUB SEMS DPA'I SPYOD PA SMON LAM GYI KHYAD PAR DU GYUR PA LA BTZUD, SEMS CAN DPAG TU MED PA DAG NI BYANG CHUB SEMS DPA'I KUN TU BZANG PO'I SPYOD PA'I SMON LAM RNAM PAR DAG PA LA BKOD DO ZHES GSUNGS SO, ,BYANG CHUB SEMS DPA' DAM PA'I CHOS RTAG TU YONGS SU GZUNG BAR BYA'O, ,DAM PA'I CHOS YONGS SU GZUNG BA GANG ZHE NA, DAD PA'I STOBS BSKYED PA'I MDO LAS 'BYUNG BA 'JAM @191B DPAL DE LA DAM PA'I CHOS YONGS SU BZUNG NA, DAM PA'I CHOS YONGS SU BZUNG BA YIN NO, ,DAM PA'I CHOS YONGS SU BZUNG NA, SEMS CAN THAMS CAD YONGS SU BZUNG BA YIN NO, ,SEMS CAN THAMS CAD YONGS SU BZUNG NA SANGS RGYAS KYI RIGS MI 'CHAD PAR BYAS PA YIN NO, ,SANGS RGYAS KYI RIGS MI 'CHAD PAR 'DOD PA DANG, SEMS CAN THAMS CAD KYI NYON MONGS PA 'JOMS PAR 'DOD PA DANG, NGAN 'GRO KUN GYI SGO GCOD PAR 'DOD PA DANG, 'KHOR LOS SGYUR BA'I RGYAL PO'I BDE BA DANG, BRGYA BYIN DANG, TSANGS PA DANG, 'JIG RTEN SKYONG BA'I BDE BA GRANGS MED DPAG TU MED PA MYONG BAR 'DOD PA DANG, BDUD KYI ZHAGS PA THAMS CAD GCOD PAR 'DOD PA NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PAR 'DOD PA'I BAR GYIS, THA NA SEMS DANG PO BSKYED PA'I BYANG CHUB SEMS DPA' LA YANG YONGS SU BZUNG BA JI TZAM CHUNG NGU YANG BYA'O ZHES GSUNGS SO, ,'PHAGS PA BLO GROS RGYA MTSOS ZHUS PA'I MDO LAS KYANG, BLO GROS RGYA MTSO BYANG CHUB SEMS DPA' RNAMS KYI THEG PA CHEN PO SDUD PAR 'GYUR BA'I CHOS NI GCIG STE, 'DI LTAR BYANG CHUB KYI SEMS MI BRJED CING BAG YOD PA'O, ,GZHAN YANG CHOS GCIG STE, 'DI LTAR BDAG BDE BA LA MI CHAGS PA'I SNYING RJE CHEN PO'O, ,GZHAN YANG CHOS GCIG STE, 'DI LTAR CHOS SMRA BA RNAMS LA STON PA DANG, BLA MA LTAR PHANGS PAR RIM GRO BYED PA'O, ,GZHAN YANG CHOS GCIG STE, 'DI LTAR DE BZHIN GSHEGS PA BZHUGS PA RNAMS SAM, YONGS SU MYA NGAN LAS 'DAS PA RNAMS LA MCHOD PA DANG, RIM GRO BYED PAS CHOG MI SHES PA'O, ,GZHAN YANG CHOS GCIG STE, 'DI LTAR CHOS THAMS CAD RANG BZHIN GYIS MA SKYES PA DANG, MA BYUNG BAR RIG NAS MI SKYE BA'I CHOS LA BZOD PA RAB TU THOB PA ZHES GSUNGS SO, ,BYANG CHUB SEMS DPA'I SDE SNOD LAS KYANG, BYANG CHUB SEMS DPA' CHOS BZHI DANG LDAN NA, BYANG CHUB LAS MI NYAMS TE, TSE BRJES NAS KYANG 'KHOR LOS SGYUR BA'I RGYAL PO BYED DE, JI LTAR SMON PA BZHIN DU DGE BA'I RTZA BA THAMS CAD KYANG RJES SU MTHUN PAR 'GYUR LA, STOBS CHE ZHING MTHU BO CHE @192A *, ,LTAR LUS MI SHIGS PAR 'GYUR TE, 'KHOR LOS SGYUR BA'I RGYAL PO'I SRAS KYANG RAB TU THOB, TSANGS PA'I GNAS PA BZHI YANG 'THOB STE, TSANGS PA'I 'JIG RTEN DU SKYES NAS, TSANGS PA'I DBANG YANG RAB TU 'THOB PO, ,BZHI GANG ZHE NA, 'DI LA BYANG CHUB SEMS DPA' DE BZHIN GSHEGS PA'I MCHOD RTEN ZHIG PAR MTHONG NA, SLAR GSO BAR MOS TE, DE LA 'JIM PA'I RIL BU 'GAS GLON PA YIN, LAM GYI BZHI MDO CHEN POR SKYE BO MANG PO 'DU BA'I GNAS SU DE BZHIN GSHEGS PA'I MCHOD RTEN BRTZIGS SAM, MCHOD RTEN NAM, KHANG PA BRTZEGS PA'AM, RDO RINGS SAM, DE BZHIN GSHEGS PA'I SKU GZUGS SAM, DE BZHIN GSHEGS PA'I YON TAN GZHAN DANG, GZHAN RJES SU DRAN PAR BYA BA 'DI LTA STE, CHOS KYI 'KHOR LO RAB TU BSKOR BA'AM, MNGON PAR 'BYUNG BA'AM, BYANG CHUB KYI SHING NGAM, BDUD 'DUL BA'AM, CHO 'PHRUL CHEN PO'AM, YONGS SU MYA NGAN LAS 'DAS PA CHEN PO STON PA'AM, LHA YUL NAS BABS PA'AM, DE BZHIN GSHEGS PA'I NYAN THOS KYI DGE 'DUN MI 'DUM PA MTHONG NA, SDUM BYED PA LA BRTZON PA YIN, DE BZHIN GSHEGS PA'I BSTAN PA DAM PA'I CHOS RAB TU RNAM PAR 'JIG PA NA, TSIGS SU BCAD PA GCIG SRUNG BA LA MI BRJED PAR BRTZON PA YIN, CHOS SAM CHOS SMRA BA YONGS SU 'DZIN CING LUS DANG SROG 'DOR BAR CHOS MI GTONG BA STE, BZHI PO DE DAG GO ZHES GSUNGS SO, ,'PHAGS PA DKON MCHOG SPRIN GYI MDO LAS KYANG, RIGS KYI BU CHOS BCU DANG LDAN NA, BYANG CHUB SEMS DPA' DAM PA'I CHOS YONGS SU 'DZIN PA RNAMS YIN NO, ,BCU GANG ZHE NA, 'DI LTA STE, PHYI MA'I DUS PHYI MA'I TSE, LNGA BRGYA THA MA LA DAM PA'I CHOS RNAM PAR 'JIG CING BSTAN PA 'KHRUG PAR GYUR PA DANG, SEMS CAN RNAMS LAM NGAN PAR ZHUGS PA DANG, YE SHES KYI SGRON MA MYA NGAN LAS 'DAS TE STON PA MED PA'I TSE, MDO SDE RGYA CHEN PO DON CHE ZHING MTHU CHE BA DAM PA'I CHOS THAMS CAD KYI MA MO DANG 'DRA BA DAG 'DZIN CING, KLOG LA KHA TON BYED CING, KUN CHUB PAR BYED PA DANG, GZHAN LA YANG BRJOD @192B CING STON LA, YANG DAG PAR STON CING GSAL BAR BYED PA DANG, DE LA ZHUGS PA'I GANG ZAG RNAMS LA, DGA' BA DANG DAD PA DANG, RANGS PAR BYED CING DE DAG LA PHAN 'DOGS PA DANG, ZANG ZING MED PA'I SEMS KYIS DAM PA'I CHOS NYAN PA DANG, CHOS SMRA BA'I GANG ZAG RNAMS LA STON PAR 'DU SHES BSKYED PA DANG, DAM PA'I CHOS LA BDUD RTZIR 'DU SHES BSKYED PA DANG, BCUD GSOS SU 'DU SHES BSKYED PA DANG, RTZI'I 'DU SHES BSKYED PA DANG, LUS DANG SROG LA MI LTA BAR DAM PA'I CHOS YONGS SU TSOL BA DANG, TSOL NAS KYANG NAN TAN GYIS SGRUB PO ZHES GSUNGS SO, RAB TU ZHI BA RNAM PAR NGES PA'I CHO 'PHRUL GYI MDO LAS KYANG, BZAD SKYONG BYANG CHUB SEMS DPA' CHOS BZHI DANG LDAN NA, DAM PA'I CHOS YONGS SU 'DZIN TE, BZHI GANG ZHE NA, BDAG BDE BA LA MI CHAGS PA DANG, GZHAN LA BDE BA STOBS PA DANG, SNYING RJE CHEN PO RAB TU THOB PA DANG, CHOS YONGS SU TSOL BAS MI NGOMS PA STE, BZHI PO DE DAG GO ZHES GSUNGS SO, ,YANG MDO DE NYID KYI SNGON GYI TSUL GYI LE'U LAS KYANG, RGYAL BU DRI MA MED PA'I GZI BRJID KYI SA, BCOM LDAN 'DAS DE BZHIN GSHEGS PA RI RAB CHEN PO DGE SLONG BRGYAD KHRI BZHI STONG DANG BCAS PA LA; LO STONG GI BAR DU RNAM PA THAMS CAD KYI MCHOG DANG LDAN PA'I YO BYAD THAMS CAD KYIS BSNYEN BKUR BYAS PAR GYUR TO, ,DE NAS LO STONG LON PA DANG, BCOM LDAN 'DAS RI RAB CHEN PO DE BZHIN GSHEGS PA DES RGYAL PO DRI MA MED PA'I GZI BRJID LA BKA' STZAL PA, RGYAL PO CHEN PO KHYOD KYIS GANG LO STONG DU SBYIN PA'I CHOS YONGS SU BTANG STE, DE BZHIN GSHEGS PA LA PHUL BA'I SBYIN PA'I CHOS YONGS SU BTANG BA DE DAG THAMS CAD YONGS SU BSDUS KYANG, CHOS YONGS SU TSOL BA LA BRTZON PA'I BYANG CHUB SEMS DPA'I DBUGS LAN GCIG RGYU BA'I DGE BA'I RTZA BA'I BRGYA'I CHAR YANG NYE BAR MI CHOG PA NAS, RGYU'I BAR DU YANG MI CHOG NA, GANG LUNG 'BOGS PA DANG, KHA TON LA BRTZON PA DANG, TSIG BZHI PA'I TSIGS SU BCAD PA PHA ROL TU PHYIN PA DANG RAB TU LDAN PA GCIG TZAM DU RAB TU STON PA LTA CI SMOS TE, DE'I BSOD NAMS KYI PHUNG PO'I @193A *, ,MTHA' NGA MI 'CHAD DO, ,SBYIN PA'I CHOS YONGS SU GTONG BA LTA ZHOG STE, RGYAL PO CHEN PO KHYOD KYIS GANG LO STONG GI BAR DU RGYU GOD PA THAMS CAD BSDUS NAS, DGE SLONG GCIG LA BYIN PAR GYUR LA, DE BZHIN DU SO SOR DGE SLONG THAMS CAD LA BYIN PA BAS, BYANG CHUB SEMS DPA' GANG LUNG 'BOGS PA DANG, KHA TON LA BRTZON PA DANG, GUS PA DANG BCAS PA DANG, CHOS STON 'DOD PAS DAD PAS BYIN PA'I ZAS BLANGS NAS, 'DI SNYAM DU BDAG GIS KHA ZAS 'DIS CHOS YONGS SU BTZAL BAR BYA'O SNYAM DU SEMS BSKYED NA, ,SBYIN PA'I CHOS YONGS SU GTONG BA DES, DGE BA'I RTZA BA DE'I BRGYA'I CHAR YANG NYE BAR MI CHOG PA NAS, RGYU'I BAR DU YANG MI CHOG GO ZHES GSUNGS SO, ,'PHAGS PA DE BZHIN GSHEGS PA'I GSANG BA'I MDO LAS KYANG, BYANG CHUB SEMS DPA' BSOD NAMS KYI PHUNG PO JI SNYED BRJOD PA BAS, DAM PA'I CHOS NI YONGS 'DZIN NA, DE BAS BSOD NAMS CHES MANG NGO, ,DAM CHOS 'DZIN PA'I BSOD NAMS NI, ,SANGS RGYAS KYIS NI NAN TAN DU, ,BSKAL PA BYE BAR BRJOD MDZAD KYANG, ,MTHA' MAR PHYIN PAR 'GYUR MA LAGS, ,ZHES 'BYUNG NGO, ,DAM PA'I CHOS GANG ZHE NA, DPAL GYI PHRENG BA SENG GE'I SGRA'I MDO LAS GSUNGS PA, DAM PA'I CHOS ZHES BYA BA DE NI THEG PA CHEN PO'I TSIG BLA DAGS SO, ,DE CI'I PHYIR ZHE NA, NYAN THOS DANG, RANG SANGS RGYAS KYI THEG PA DANG, 'JIG RTEN DANG 'JIG RTEN LAS 'DAS PA'I DGE BA'I CHOS THAMS CAD KYANG THEG PA CHEN POS RAB TU PHYE BA'I PHYIR RO ZHE'O, ,CHOS YANG DAG PAR SDUD PA'I MDO LAS KYANG, DAM PA'I CHOS YONGS SU 'DZIN PA NI, 'DI LTA STE, DE BZHIN GSHEGS PAS GSUNGS PA'I MDO SDE ZAB MO RNAMS LUNG NOD PA DANG, 'DZIN PA DANG, KHA TON BYED PA DANG, SEMS PA'O ZHES GSUNGS SO, ,BYANG CHUB SEMS DPA' GANG DMIGS PA'I SPYOD PA LA GNAS TE; DUS DPAG TU MED PAR DE BZHIN GSHEGS PA LA MCHOD PA BYAS KYANG, DE DAG LUNG BSTAN PA YANG THOB PAR MI 'GYUR NA, BYANG CHUB LTA THOB PAR GA LA 'GYUR TE, TSANGS PAS ZHUS PA'I MDO LAS 'BYUNG BA, TSANGS PA DRAS BSKAL PA'AM, BSKAL PA LAS LHAG PAR DE BZHIN @193B GSHEGS PA DE DAG GI MTSAN NAS BRJOD CING, GANG DAG NGAS CHOS DE GANG LA NGAS TSANGS PAR SPYOD PA SPYAD CING, PHA ROL TU PHYIN PA DRUG SPYAD KYANG DE BZHIN GSHEGS PA DE DAG GIS DE [?] LA LUNG MA BSTAN NO, ,DE CI'I PHYIR ZHE NA, 'DI LTAR TSANGS PA NGA SPYOD PA LA GNAS PAR GYUR PA'I PHYIR RO, ,NAM NGAS DE BZHIN GSHEGS PA MAR ME MDZAD MTHONG MA THAG TU MI SKYE BA'I CHOS LA BZOD PA RAB TU THOB NAS, DE NAS GDOD NGA LUNG BSTAN TE, DE NAS NGA SPYOD PA THAMS CAD LAS YANG DAG PAR 'DAS SO, ,DE NAS DA PHA ROL TU PHYIN PA DRUG YONGS SU RDZOGS SO ZHES JI SKAD GSUNGS PA LTA BU'O, ,BYANG CHUB SEMS DPA' CHOS ZAB MO LA MOS PA DANG MI LDAN PA RNAMS, BDAG DANG GZHAN GYI DON BYA BA YONGS SU RDZOGS PAR MI 'GYUR TE, ZLA BA SNYING PO'I LE'U LAS 'BYUNG BA, DON DAM PA'I BDEN PA NI BLA NA MED PA YANG DAG PAR RDZOGS PA'I BYANG CHUB STE, NYAN THOS DANG, RANG SANGS RGYAS THAMS CAD DANG THUN MONG MA YIN NO, ,DE BAS NA KUN RDZOB KYI BDEN PA GANG GIS KYANG, BLA NA MED PA YANG DAG PAR RDZOGS PA'I BYANG CHUB TU DGE BA'I RTZA BA'I TSOGS KYI MCHOG SGRUB MI NUS SO, ,ZLA BA'I SNYING PO 'DI LTA STE DPER NA, ME STAG GANG GIS KYANG RGYA MTSO CHEN PO ZAB MO SKEMS MI NUS SO, ,ZLA BA'I SNYING PO DE BZHIN DU KUN RDZOB KYI BDEN PA GANG GIS KYANG RANG GI NYON MONGS PA'I RGYA MTSO SKEMS PAR YANG MI NUS NA, SEMS CAN GZHAN RNAMS KYI LTA SMOS KYANG CI DGOS ZHES GSUNGS SO, ,CHOS ZAB MO NI GANG, CHOS ZAB MO LA MOS PA NI JI LTA BU YIN ZHE NA, BYANG CHUB SEMS DPA'I SDE SNOD LAS 'BYUNG BA, 'PHAGS PA'I YANG DAG PA'I LTA BA 'BYUNG BA NI, RGYU GNYIS DANG RKYEN GNYIS TE, GNYIS GANG ZHE NA, GZHAN GYI SGRA DANG, BDAG NYID KYI TSUL BZHIN YID LA BYED PA'O, ,DE 'DI SNYAM DU SEMS TE, GZHAN GYI SGRA DE GANG, BDAG NYID TSUL BZHIN YID LA BYED PA GANG ZHE NA, DE DE LTAR TSUL BZHIN YID LA BYED PA NA, 'DI SNYAM DU SEMS PAR 'GYUR TE, RNAL 'BYOR SPYOD PA GANG DAG BYANG CHUB SEMS DPA'I SDE SNOD KYI RNAM GRANGS 'DI MA THOS, 'PHAGS PA'I CHOS 'DUL BA MA THOS PAR TING NGE 'DZIN TZAM GYIS KYANG DGA' BA RNYED NAS, NGA RGYAL GYI @194A *, ,DBANG GIS CHE BA'I NGA RGYAL DU LHUNG BA DE DAG NI, SKYE BA DANG, RGA BA DANG, NA BA DANG, 'CHI BA DANG, MYA NGAN DANG SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA LAS YONGS SU MI THAR SDUG BSNGAL GYI PHUNG PO LAS YONGS SU MI THAR TE, DE BZHIN GSHEGS PAS DE LA DGONGS NAS 'DI SKAD GSUNGS SO, ,PHA ROL LAS RJES SU MTHUN PAR THOS PA NI, RGA BA DANG 'CHI BA LAS RNAM PAR GROL BA'O, ,DE 'DI LTAR SLOB STE, BYANG CHUB SEMS DPA'I TSUL BZHIN SBYOR BA NI GANG, JI LTAR NA BYANG CHUB SEMS DPA'I TSUL BZHIN SBYOR BA YIN SNYAM NAS, DE 'DI LTAR SLOB STE, BYANG CHUB SEMS DPA' SEMS DPA' CHEN PO NI CHOS GANG LA YANG SBYOR BAR MI BYED, RAB TU SBYOR BAR MI BYED DO, ,TSUL BZHIN DU SBYOR BA ZHES BYA BA 'DI NI MI SBYOR BA'I TSIG BLA DAGS SO, ,GZHAN YANG BYANG CHUB SEMS DPA' TSUL BZHIN DU SBYOR BA NI SGRA 'BYIN PAR MI BYED, ZLOS PA 'BYIN PAR MI BYED, GANG NAS SGRA 'BYUNG BA DE YANG MI DMIGS TE, SGRA DE NYID GANG NAS BYUNG, GANG DU 'GAG CES SNGON GYI MTHA' DANG, PHYI MA'I MTHA' LA RTOG PAR BYED DO, ,GANG SMRA BA DANG, GANG SMRA BAR 'GYUR BA DANG, GANG GIS SMRAS PA DANG, GANG GIS SMRA BAR 'GYUR PA DANG, GANG SPONG BA'I PHYIR SMRAS PA DANG, GANG SPONG BA'I PHYIR SMRA BA DANG, GANG SPONG BA'I PHYIR SMRA BAR 'GYUR BA DANG, GANG KHONG DU CHUD PAR BYA BA'I PHYIR SMRAS PA DANG, GANG KHONG DU CHUD PAR BYA BA'I PHYIR SMRA BA DANG, GANG KHONG DU CHUD PAR BYA BA'I PHYIR SMRA BAR 'GYUR BA DE THAMS CAD YONGS SU BTZAL NA, 'DAS PA'I RNAM PA DANG, MA 'ONGS PA'I RNAM PA DANG, DA LTAR BYUNG BA'I RNAM PAR MI DMIGS PA DE NI, DE'I TSUL BZHIN SBYOR BA'O ZHES DE LTAR SLOB PO, ,BYANG CHUB SEMS DPA' DE LTAR TSUL BZHIN DU SBYOR BAS, JI LTAR NA TSUL BZHIN DU MTHONG ZHE NA, DE 'DI LTAR SLOB STE, GANG GI TSE NA BYANG CHUB SEMS DPA' CHOS THAMS CAD RANG BZHIN GYIS 'GAGS PAR MTHONG BA DE'I TSE TSUL BZHIN MTHONG NGO, ,GANG GI TSE CHOS THAMS CAD RANG BZHIN GYIS NYE BAR ZHI BAR MTHONG BA DE'I TSE TSUL BZHIN MTHONG NGO, ,GANG GI TSE CHOS THAMS CAD RNAM PAR ZHI PAR MTHONG BA DE'I @194B TSE; TSUL BZHIN MTHONG NGO, ,GANG GI TSE CHOS THAMS CAD RANG BZHIN GYIS SNYOMS PAR ZHUGS PAR MTHONG BA DE'I TSE, TSUL BZHIN MTHONG NGO, ,GANG GI TSE CHOS THAMS CAD MA SKYES PAR MTHONG BA DE'I TSE, TSUL BZHIN MTHONG NGO, ,GANG GI TSE CHOS THAMS CAD MA BYUNG BAR MTHONG BA DE'I TSE TSUL BZHIN MTHONG NGO, ,GANG GI TSE CHOS THAMS CAD SHIN TU YANG DAG PAR MA BYUNG BAR MTHONG BA DE'I TSE, TSUL BZHIN MTHONG NGO, ,GANG GI TSE CHOS THAMS CAD MYA NGAN LAS 'DAS PAR MTHONG BA DE'I TSE, TSUL BZHI NA MTHONG NGO, ,DE GANG GIS MTHONG BA DE LA YANG RTOG STE, CI NAS KYANG MI MTHONG BA DANG, MI RTOG PA DE LTAR MTHONG STE, DE LTAR MTHONG NA TSUL BZHIN MTHONG BA ZHES BYA'O, ,YANG 'DI LTAR SLOB STE, BYANG CHUB SEMS DPA' TSUL BZHIN DU SBYOR BA NI, CHOS GANG LA YANG THE TSOM DANG RMONGS PA MED PA'O, ,TSUL BZHIN DU SBYOR BA NI CHOS GANG LA YANG SGRIB PA MED DO, ,TSUL BZHIN DU SBYOR BA NI CHOS GANG LA YANG THAR PA'I SGOR MI 'GYUR BA MED DO, ,TSUL BZHIN DU SBYOR BA NI CHOS GANG LA YANG SPONG BAR BYA BA'I PHYIR 'CHAD PA MED DO, ,TSUL BZHIN DU SBYOR BA NI, CHOS GANG YANG RTOGS PAR BYA BA'I PHYIR 'BAD PA MED DE, GANG CHOS THAMS CAD YANG DAG PAR MTHONG BA DANG, JI LTA BA BZHIN DU MTHONG BA DE NI, YANG DAG PAR LTA BA'O, ,CHOS THAMS CAD JI LTAR BA BZHIN DU MTHONG BA GANG ZHE NA, 'DI LTA STE, MA MTHONG BA'O, ,MA MTHONG BA ZHES BYA BA DE NI MA SKYES PA'I TSIG BLA DAGS SO, ,MA SKYES PA ZHES BYA BA 'DI NI YANG DAG PAR MA BYUNG BA'I TSIG BLA DAGS SO, ,YANG DAG PAR MA BYUNG BA ZHES BYA BA GANG ZHE NA, DE NI MI SNANG BA'I TSIG BLA DAGS SO, ,DE BZHIN GSHEGS PAS DE LA DGONGS NAS, 'DUS BYAS THAMS CAD MI SKYE BAR MTHONG NA, YANG DAG PA NYID DU NGES PA LA 'JUG STE, 'DI LTA STE YANG DAG PA NYID DU NGES PA LA 'JUG PA DE NI, YANG DAG PAR LTA'O ZHES DE SKAD GSUNGS SO, ,DE 'DI SNYAM DU SEMS TE, CI'I PHYIR NA YANG DAG PA NYID DU NGES PA LA 'JUG PA ZHES BYA ZHES DE 'DI LTAR SLOB STE, CHOS THAMS CAD GANG DANG MNYAM PA SANGS RGYAS KYI CHOS DE DANG MNYAM STE, DE BAS NA YANG DAG PA NYID DU NGES PA LA 'JUG PA'O ZHES @195A *, ,GSUNGS SO, ,YAB DANG SRAS MJAL BA'I MDO LAS KYANG, RGYAL PO CHEN PO 'JIG RTEN GNAS PA 'DI NAM MKHAR GYUR PA LA, TSANGS PA'I GZHAL MED KHANG RIN PO CHE SNA BDUN GYI RGYU LAS GRUB PA GNAS PA'I DUS DE YOD DE, RGYAL PO CHEN PO DE'I SRA BA DE 'BYUNG BA'I TSE, GANG NAS KYANG MI 'ONG NGO, ,GZHAN 'PHRUL DBANG BYED KYI LHA RNAMS KYI GZHAL MED KHANG RIN PO CHE SNA BDUN GYI RGYU LAS GRUB PA BYUNG YANG, RGYAL PO CHEN PO DE'I SRA BA DE 'BYUNG BA'I TSE, GANG NAS KYANG MI 'ONG, KHOR YUG DANG, KHOR YUG CHEN PO'I RI RDO RJE'I RGYU LAS GRUB PA, SRA ZHING BRTAN PA LHUN STUG PA RNAMS GNAS PAR GYUR KYANG DE DAG GI SRA BA DE 'BYUNG BA'I TSE, GANG NAS KYANG MI 'ONG NGO, ,RI'I RGYAL PO RI RAB DAG DANG, GNYA' SHING 'DZIN DAG DANG, MU KHYUD 'DZIN DAG DANG, GSHOL MDA' 'DZIN DAG DANG, RDO RJE 'DZIN DAG DANG, SENG LDENG CAN DAG DANG, RNAM PAR 'DUD DAG DANG, RI RTA RNA DAG DANG, BLTA NA SDUG PA DAG DANG, BLTA NA SDUG CHEN PO DAG DANG, THER SGRE DAG DANG, SPOS KYI NGANG LDANG DAG DANG, GANGS RI DAG DANG, DE MA YIN PA'I RI NAG PO DAG NA GNAS PA DANG, THAMS CAD DANG LDAN PA'I STONG GSUM GYI STONG CHEN PO'I 'JIG RTEN GYI KHAMS GNAS PA DANG, RNGAMS SU DPAG TSAD BRGYAD KHRI BZHI STONG YOD LA, RGYAR DPAG TSAD DRUG KHRI YOD PA'I SA CHEN PO GNAS PAR GYUR KYANG, RGYAL PO CHEN PO SRA BA DE 'BYUNG BA'I TSE GANG NAS KYANG MI 'ONG NGO, ,RGYAL PO CHEN PO 'JIG RTEN 'DI 'JIG PAR 'GYUR BA'I TSE, SA CHEN PO 'DI MES TSIG PA'AM, CHUS BSHIG PA 'AM, RLUNG GIS GTOR BAR 'GYUR BA'I DUS YOD DO, ,DE MES TSIG NA NI DU BA YANG MI MNGON, THAL BA'I LHAG MA YANG MI MNGON PAR 'GYUR RO, ,'DI LTA STE DPER NA, NAM MKHA' LA MAR RAM 'BRU MAR GYI MES BSREGS NA, DU BA YANG MI MNGON ZHING, THAL BA'I LHAG MA YANG MI MNGON PAR 'GYUR RO; ,DE BZHIN DU STONG GSUM GYI STONG CHEN PO'I 'JIG RTEN GYI KHAMS 'DI MES TSIG PA'I TSE, DU BA YANG MI MNGON ZHING THAL BA'I LHAG MA YANG MI MNGON PAR 'GYUR RO, ,CHUS BSHIG PA'I TSE YANG LHAG MA CI YANG MI MNGON PAR 'GYUR TE, 'DI LTA STE DPER NA, LAN TSVA CHU'I NANG DU ZHU BA NI, LHAG MA @195B CHUNG ZAD KYANG MI MNGON PAR 'GYUR RO, ,DE BZHIN DU STONG GSUM GYI STONG CHEN PO'I 'JIG RTEN KHAMS 'DI YANG CHUS BSHIG PA'I TSE, LHAG MA CUNG ZAD KYANG MI MNGON PAR 'GYUR RO, ,RLUNG GIS GTOR BA'I TSE YANG LHAG MA CUNG ZAD KYANG MI MNGON PAR 'GYUR TE, 'DI LTA STE DPER NA, RNAM PAR 'THOR BA'I RLUNG GIS BDAS PA'I BYE'U NI LHAG MA CUNG ZAD KYANG MI MNGON PAR 'GYUR RO, ,DE BZHIN DU STONG GSUM GYI STONG CHEN PO'I 'JIG RTEN GYI KHAMS 'DI YANG RLUNG GIS GTOR BA'I TSE, LHAG MA CUNG ZAD KYANG MI MNGON PAR 'GYUR TE, RGYAL PO CHEN PO DE LTAR SA'I KHAMS DE 'BYUNG BA YANG STONG, SA'I KHAMS 'JIG PA DANG 'BYUNG BA YANG NGO BO NYID KYIS STONG NGO, ,DE BZHIN DU NANG GI SA'I KHAMS DANG, PHYI NANG GI KHAMS LHAG MA RNAMS DANG, CHOS THAMS CAD SKYE BA NA YANG GANG NAS KYANG MI 'ONG LA, 'GAG PA NA YANG GANG DU 'ANG MI 'GRO STE, DE DAG GI SKYE BA YANG STONG LA, SKYES PA YANG RANG BZHIN GYIS STONG NGO ZHES GSUNGS SO, ,MA SKYES DGRA'I LE'U LAS KYANG, DE NAS RGYAL PO MA SKYES DGRA RANG GI KHYIM NA BYANG CHUB SEMS DPA' DE DAG DANG, NYAN THOS CHEN PO DE DAG LHUNG BZED DANG, LAG PA BKRUS PAR RIG NAS, CHOS NYAN PA'I PHYIR 'JAM DPAL GZHON NUR GYUR PA'I MDUN DU 'DUG STE, 'JAM DPAL BDAG GI 'GYOD BDE BSAL DU GSOL, 'JAM DPAL GYIS SMRAS PA, RGYAL PO CHEN PO KHYOD KYI 'GYOD PA NI, SANGS RGYAS BCOM LDAN 'DAS GANG G'A'I KLUNG GI BYE MA SNYED KYIS KYANG BSAL BAR MI SPYOD DO, ,DE NAS RGYAL PO MA SKYES DGRA SKYABS MA RNYED PAS, SHING BCAD PA LTAR SA CHEN PO LA 'GYEL TO, ,DE NAS GNAS BRTAN 'ONG SRUNGS CHEN POS RGYAL PO MA SKYES DGRA LA 'DI SKAD CES SMRAS SO, ,RGYAL PO CHEN PO 'JAM DPAL GZHON NUR GYUR PA NI LDEM PO NGAG [?] TU STON PA LA MKHAS KYIS, MA 'JIGS MA SKRAG PAR DON 'DI CI LAS DGONGS TE GSUNGS ZHES DRIS SHIG, ,DE NAS RGYAL PO MA SKYES DGRA SLAR LANGS TE, 'JAM DPAL GZHON NUR GYUR PA LA 'DI SKAD CES SMRAS SO, ,'JAM DPAL CI LA DGONGS TE DE SKAD GSUNG, 'JAM DPAL GYIS SMRAS PA, RGYAL PO CHEN PO 'DI JI SNYAM DU SEMS SANGS RGYAS BCOM LDAN 'DAS RNAMS SEMS @196A *, ,KYI DMIGS PAS RAB TU PHYE BA YIN NAM, SMRAS PA, 'JAM DPAL DE LTA MA LAGS SO, ,'JAM DPAL GYIS SMRAS PA, 'O NA DE SEMS BSKYED PAS RAB TU PHYE BA YIN NAM, SMRAS PA DE MA LAGS SO, ,SMRAS PA 'ON TE SEMS 'GAGS PAS RAB TU PHYE BA YIN NAM, SMRAS PA DE MA LAGS SO, ,SMRAS PA 'ON TE 'DUS BYAS KYIS RAB TU PHYE BA YIN NAM, SMRAS PA DE MA LAGS SO, ,SMRAS PA SANGS RGYAS BCOM LDAN 'DAS RNAMS 'DUS BYAS RNAM PAR RIG PAS RAB TU PHYE BA YIN NAM, SMRAS PA DE LA MA LAGS SO, ,'JAM DPAL GYIS SMRAS PA, RGYAL PO CHEN PO 'DI JI SNYAM DU SEMS, CHOS GANG CHOS GANG GIS KYANG RAB TU PHYE BAR MI 'GYUR BA DES CHOS GANG YANG BSAL BAR NUS SAM, SMRAS PA MI NUS SO, ,'JAM DPAL GYIS SMRAS PA, RGYAL PO CHEN PO 'DI LA BSAMS NAS KHYOD KYI 'GYOD PA DE, SANGS RGYAS BCOM LDAN 'DAS GANG G'A'I KLUNG GI BYE MA SNYED KYIS KYANG BKA' STZAL PAR MI SPYOD DO ZHES DE SKAD SMRAS SO, ,GZHAN YANG RGYAL PO CHEN PO GANG LA LA ZHIG NAM MKHA' BAR SNANG 'DI RDUL LAM DU BA'AM, MUN PAS KUN NAS NYON MONGS PAR BYED 'DOD NA, RGYAL PO CHEN PO 'DI JI SNYAM DU SEMS, NAM MKHA' BAR SNANG KUN NAS NYON MONGS PAR BYED NUS SAM, SMRAS PA, 'JAM DPAL DE NI MI NUS SO, ,'JAM DPAL GYIS SMRAS PA, RGYAL PO CHEN PO GANG 'DI SKAD CES NGAS NAM MKHA' BAR SNANG 'DI RNAM PAR SBYANG NGO ZHES ZER NA, NAM MKHA' BAR SNANG SBYANG BAR NUS SAM, SMRAS PA 'JAM DPAL MI NUS SO, ,'JAM DPAL GYIS SMRAS PA, RGYAL PO CHEN PO DE BZHIN DU DE BZHIN GSHEGS PA RNAMS KYIS CHOS THAMS CAD KUN NAS NYON MONGS PA MED CING, NAM MKHA' DANG 'DRA BAR THUGS SU CHUD DE, DE DAG GIS GANG BSAL BAR BYA BA'I CHOS KUN NAS NYON MONGS PA'AM, RNAM PAR BYANG BA GANG YANG MI DMIGS SO, ,RGYAL PO CHEN PO NGAS DON GYI DBANG 'DI MTHONG NAS KHYOD KYI 'GYOD PA SANGS RGYAS BCOM LDAN 'DAS GANG G'A'I KLUNG GI BYE MA SNYED KYIS KYANG BSAL BAR MI SPYOD DO ZHES DE SKAD CES SMRAS SO, ,GZHAN YANG RGYAL PO CHEN PO SANGS RGYAS BCOM LDAN 'DAS DE DAG GIS GANG KUN NAS LDANG BA'I SEMS NANG NAS KYANG MI DMIGS, @196B GANG KUN NAS LDANG BA'I CHOS RNAMS PHYI ROL NAS KYANG MI DMIGS SO, ,DE CI'I PHYIR ZHE NA, RGYAL PO CHEN PO CHOS THAMS CAD RANG BZHIN GYIS KUN NAS LDANG BA MED PA'I PHYIR RO, ,RANG BZHIN GANG YIN PA DE NI KUN NAS LDANG BA MED PA STE, GANG KUN NAS LDANG BA NI GNAS MED CING GO SKABS MED PA'O; ,DE CI'I PHYIR ZHE NA, RGYAL PO CHEN PO CHOS THAMS CAD NI NGO BO NYID KYIS DBEN PA'O, ,RGYAL PO CHEN PO CHOS THAMS CAD YONGS SU GRUB PA MED PAS NGO BO NYID MED PA'O, ,RGYAL PO CHEN PO CHOS THAMS CAD 'DRE BA MED PAS YONGS SU GRUB PA MED PA'O, ,RGYAL PO CHEN PO CHOS THAMS CAD 'BYUNG BA MED PAS 'DRE BA MED PA'O, ,RGYAL PO CHEN PO CHOS THAMS CAD DNGOS PO DANG BRAL BAS 'BYUNG BA MED PA'O, ,RGYAL PO CHEN PO CHOS THAMS CAD BYA BA'I MTHU MED PAS DNGOS PO MED PA'O, ,RGYAL PO CHEN PO CHOS THAMS CAD BEMS PO YIN PAS BYA BA'I MTHU MED PA'O, ,RGYAL PO CHEN PO CHOS THAMS CAD RNAM PAR RIG PA'I MTSAN NYID MA YIN PAS BEMS PO'O, ,RGYAL PO CHEN PO CHOS THAMS CAD RANG BZHIN GYIS MI 'PHO BAS RNAM PAR RIG PA MA YIN PA'O, ,RGYAL PO CHEN PO CHOS THAMS CAD 'GRO BA LAS LOG PAS 'PHO BA MED PA'O, ,RGYAL PO CHEN PO CHOS THAMS CAD MI 'GYUR BA'I CHOS CAN YIN PAS 'GRO BA MED PA'O, ,RGYAL PO CHEN PO CHOS THAMS CAD SKYE BA MED PAS MI 'GYUR BA'I CHOS CAN NO, ,RGYAL PO CHEN PO CHOS THAMS CAD 'PHEL BA MED PAS SKYE BA MED PA'O, ,RGYAL PO CHEN PO CHOS THAMS CAD RANG BZHIN GYIS 'OD GSAL BAS 'BREL PA MED PA'O, ,RGYAL PO CHEN PO CHOS THAMS CAD DAG PAS RANG BZHIN GYIS 'OD GSAL BA'O, ,RGYAL PO CHEN PO CHOS THAMS CAD BLA GAB MED PA DANG 'DRA BAS DAG PA'O, ,RGYAL PO CHEN PO CHOS THAMS CAD GNYEN PO MED PAS BLA GAB MED PA DANG 'DRA BA'O, ,RGYAL PO CHEN PO CHOS THAMS CAD GNYIS DANG BRAL BAS GNYEN PO MED PA'O, ,RGYAL PO CHEN PO CHOS THAMS CAD MTHA' RNAM PAR SPANGS PAS GNYIS DANG BRAL BA'O, ,RGYAL PO CHEN PO CHOS THAMS CAD MTHA' MED PAS MTHA' RNAM PAR SPANGS PA'O, ,RGYAL PO CHEN PO CHOS THAMS CAD MU MED PAS MTHA' YAS PA'O, ,RGYAL PO CHEN PO CHOS THAMS CAD MTHAR THUG PA MED PAS MU MED PA'O, , @197A *, ,RGYAL PO CHEN PO CHOS THAMS CAD DMIGS PA MED PAS MTHAR THUG PA MED PA'O, ,RGYAL PO CHEN PO CHOS THAMS CAD PHYIN CI LOG MED PAR SO SOR NYE BAR GNAS PAS NYE BAR GNAS PA'I PHYIR DMIGS PA MED PA'O, ,RGYAL PO CHEN PO CHOS THAMS CAD RTAG PA DANG, SDUG PA DANG, BDE BA DANG, BDAG MI DMIGS PAS PHYIN CI LOG MED PA'O, ,RGYAL PO CHEN PO CHOS THAMS CAD 'BRAL BA MED PA'I TSUL GYIS RTAG PA'O, ,RGYAL PO CHEN PO CHOS THAMS CAD RANG BZHIN GYIS 'OD GSAL BA'I PHYIR SDUG PA'O, ,RGYAL PO CHEN PO CHOS THAMS CAD NI RNAM RTOG MED PA'I PHYIR BDE BA'O, ,RGYAL PO CHEN PO CHOS THAMS CAD BDAG MED PAR YONGS SU STON PA'I TSUL GYIS BDAG GI NGO BO NYID MED PA'O, ,RGYAL PO CHEN PO CHOS THAMS CAD NANG NYE BAR ZHI BAS 'GYOD PA MED PA'O, ,RGYAL PO CHEN PO CHOS THAMS CAD DON DAM PA'I BDEN PAR RNAM PAR GZHAG PA MED PAS BRDZUN PA'O, ,RGYAL PO CHEN PO CHOS THAMS CAD RAB TU DANG BA'I MTSAN NYID PAS ZHI BA'O, ,RGYAL PO CHEN PO CHOS THAMS CAD BDAG GIR 'DZIN PA DANG BRAL BAS NGA YI BA MED PA'O, ,RGYAL PO CHEN PO CHOS THAMS CAD RNAM PAR GROL BA'I MTSAN NYID PAS RO MYANG BA MED PA'O, ,RGYAL PO CHEN PO CHOS THAMS CAD MING DU BTAGS PA MED PAS MING MED PA'O, ,RGYAL PO CHEN PO CHOS THAMS CAD THA DAD PA MA YIN PAS DBYER MED PA'O, ,RGYAL PO CHEN PO CHOS THAMS CAD RNAM PAR GROL BAR YANG DAG PAR 'DU BAS RO GCIG PA'O, ,RGYAL PO CHEN PO CHOS THAMS CAD MTSAN MA MED PA'I MTHA' STE DBEN PA'I MTSAN NYID DO, ,RGYAL PO CHEN PO CHOS THAMS CAD 'JUG PA MED PAS, DMIGS PA RNAM PAR DAG PA'I PHYIR MTSAN MA MED PA'O, ,RGYAL PO CHEN PO CHOS THAMS CAD LTA BAR GYUR PA THAMS CAD DANG BRAL BAS DAG PA'O, ,RGYAL PO CHEN PO CHOS THAMS CAD DUS GSUM LAS SHIN TU 'DAS PAS SMON PA MED PA'O, ,RGYAL PO CHEN PO CHOS THAMS CAD 'DAS PA DANG, MA 'ONGS PA DANG, DA LTAR BYUNG BA MED PAS, DUS GSUM DU YONGS SU CHAD PA'O, ,RGYAL PO CHEN PO CHOS THAMS CAD SHIN TU MA SKYES PAS MYA NGAN LAS 'DAS PAR YANG DAG PAR 'DU BA'O, ,RGYAL PO CHEN PO 'DI JI SNYAM DU SEMS, CHOS GANG MA SKYES MA BYUNG BA DE KUN @197B NAS NYON MONGS PAR BYA NUS SAM, SMRAS PA 'JAM DPAL DE NI MI NUS SO, ,'JAM DPAL GYIS SMRAS PA, DE BSAL BAR NUS SAM, SMRAS PA 'JAM DPAL DE NI MI NUS SO, ,'JAM DPAL GYIS SMRAS PA, RGYAL PO CHEN PO DE LTAR DE BZHIN GSHEGS PA RNAMS KYIS CHOS THAMS CAD MYA NGAN LAS 'DAS PA DANG MTSUNGS PAR MKHYEN TO, ,DE BAS NA DE DAG GIS THE TSOM BSAL BAR MI SPYOD DO, ,DE LTA BAS NA RGYAL PO CHEN PO KHYOD TSUL BZHIN LA BRTZON PAR BYA'O, ,KHYOD PHYIN CI LOG MED PA'I SEMS KYIS YANG DAG PAR SO SOR BRTAG PAR BYA'O, ,JI LTAR SO SOR BRTAGS NA CHOS GANG YANG MI LEN MI 'DOR LA, CHOS GANG DANG YANG LHAN CIG MI GNAS PA DE LTAR KHYOD KYIS SO SOR BRTAG PAR BYA'O, ,GANG CHOS THAMS CAD DANG MI GNAS PA DE NI SHIN TU SBYANGS PA ZHES BYA'O, ,GANG SHIN TU SBYANGS PA DE RAB TU ZHI BA'O, ,GANG RAB TU ZHI BA DE RANG BZHIN NO, ,RANG BZHIN GANG YIN PA DE RANG BZHIN MED PA'O, ,RGYAL PO CHEN PO CHOS THAMS CAD NI BDAG MED PAS MA BYAS PA YIN GYIS DE LA KHYOD KYIS BZOD PA GYIS SHIG , ,KHYOD KYIS CHOS GANG YANG MI BYA'O, ,DE CI'I PHYIR ZHE NA, RGYAL PO CHEN PO MYA NGAN LAS 'DAS PA NI BYA BA MED PAS TE, DE LA BYA BA DANG 'GYUR BAR BYA BA'I CHOS GANG YANG MED DO, ,GANG YANG BYA BA MED CING 'GYUR BA MED PA DE MYA NGAN LAS 'DAS PA ZHES BYA'O, ,DE NAS RGYAL PO MA SKYES DGRAS BRGYA STONG RI BA'I RAS BCOS BU ZUNG GTZAG BLANGS TE, STAN LAS LANGS NAS, 'JAM DPAL GZHON NUR GYUR PA LA PHUL BA DANG, DES MA BLANGS SO, ,DE NAS MA SKYES DGRAS RAS BCOS BU ZUNG DE 'JAM DPAL GZHON NUR GYUR PA'I LUS LA BOR RO, ,RAS BCOS BU ZUNG DE 'JAM DPAL GZHON NUR GYUR PA'I LUS LA BOR MA THAG TU DE NAS DE'I MOD KHO NA LA 'JAM DPAL GYIS RANG GI LUS MI SNANG BAR BYAS SO, ,DE NAS RGYAL POS 'JAM DPAL NI MA MTHONG GI, STENG GI BAR SNANG LAS RGYAL PO CHEN PO 'JAM DPAL GZHON NUR GYUR PA'I LUS JI LTAR MA MTHONG BA DE BZHIN DU 'GYOD PA DE LA LTOS SHIG ,'GYOD PA DE JI LTA BA BZHIN DU CHOS THAMS CAD LA LTOS SHIG, ,CHOS THAMS CAD JI LTAR MTHONG BA DE BZHIN DU GOS LA LTOS SHIG, ,GANG GIS MTHONG BA DE LA YANG DE BZHIN @198A *, ,DU LTOS SHIG ,RGYAL PO CHEN PO SU'I LUS MTHONG BA DE LA RAS BCOS BU ZUNG DE PHUL SHIG CES SGRA ZHIG THOS PA DANG, BYANG CHUB SEMS DPA' DANG, NYAN THOS DANG, SLAS DANG, BUD MED KYI 'KHOR JI SNYED PA DE DAG THAMS CAD KYI LUS LA RAS BCOS BU ZUNG DE DBUL BAR BYAS PA DANG, DE DAG KYANG MA MTHONG NAS TING NGE 'DZIN 'DI LTA BU DE LA MNGON SUM DU GYUR TE, RANG GI LUS LA 'DU SHES 'BYUNG BA MA GTOGS PAR GZUGS CI YANG MIG GIS MTHONG BA LA SNANG BAR MA GYUR TO, ,YANG SU'I LUS MTHONG BA DE LA RAS BCOS BU ZUNG NGE BYIN CIG CES DE SKAD KYI SGRA ZHIG KYANG THOS NAS, DE RAS BCOS BU ZUNG DE BGO'O SNYAM PA DANG, RANG GI LUS KYANG MA MTHONG NAS, GZUGS KYI 'DU SHES THAMS CAD DANG BRAL LO, ,YANG RGYAL PO CHEN PO JI LTAR GZUGS RAGS PA'AM, PHRA BA CI YANG MA MTHONG BA DE BZHIN DU 'GYOD PA DE LTAR LTOS SHIG ,'GYOD PA JI LTAR MTHONG BA DE BZHIN DU CHOS THAMS CAD LA BLTA BAR BYA STE, GANG GIS MTHONG BA DE YANG DE BZHIN DU LTA'O, ,JI LTAR GANG MTHONG BA DANG, GANG GIS MTHONG BA DE YANG MI MTHONG RNAM PAR MI MTHONG BA DE LTAR LTOS SHIG ,RGYAL PO CHEN PO GANG CHOS THAMS CAD MI MTHONG BA DE NI YANG DAG PA'I MTHONG BA STE, RGYAL PO CHEN PO YANG DAG PA'I MTHONG BA NI MTHONG BA MED PA'O ZHES DE SKAD KYI SGRA ZHIG KYANG THOS SO, ,DE NAS RGYAL PO MA SKYES DGRA RLOM SEMS DANG, RNAM PAR RTOG PA THAMS CAD DANG BRAL NAS, TING NGE 'DZIN DE NYID LAS LANGS PA DANG, 'KHOR DE THAMS CAD KYANG MTHONG NGO ZHES GSUNGS SO, ,SGYU MA MKHAN BZANG PO'I MDO LAS KYANG, BZANG PO BZHI PO 'DI DAG NI BYANG CHUB SEMS DPA' RNAMS KYI DON SEMS PA'O, ,BZHI GANG ZHE NA, CHOS RNAMS RTEN NAS 'BYUNG STE, RGYU MED PA MA YIN PA DANG, GANG ZAG MED PA'I PHYIR CHOS GANG YANG SKYE BA MED PA DANG, CHOS GANG RTEN CING 'BREL BAR 'BYUNG BA DE MA SKYES PA DANG, GANG MA SKYES PA DE DNGOS PO MED PA DANG, GANG DNGOS PO MED PA DE BYANG CHUB YIN PAS RNAM PAR MI 'JIG PA'O ZHES GSUNGS SO, ,RNAM GRANGS GZHAN GYI SGO NAS KYANG CHOS NYID ZAB MO 'DI BSTAN TE, SANGS RGYAS PHAL PO CHE'I MDO LAS DE BZHIN GSHEGS PAS BKA' STZAL PA, 'JAM @198B DPAL DBUGS 'BYIN PA LNGA PO 'DI DAG RNYED NA, BYANG CHUB SEMS DPA' RNAMS KYIS SA DANG PO YONGS SU SBYONG BAR 'GYUR RO, ,LNGA GANG ZHE NA 'DI LTA STE, BDAG NI DMIGS PA MED PA'I RNAM PAR THAR PA'I YE SHES LA GNAS PA STE, GZHAN DAG KYANG DMIGS PA MED PA'I RNAM PAR THAR PA LA DGOD DO SNYAM NAS, DBUGS 'BYIN PA RAB TU RNYED DO, ,DE LA DMIGS PA MED PA'I RNAM PAR THAR PA'I YE SHES NI GANG GNYIS PA DANG, MI GNYIS PA RNAM PAR DAG PA'O, ,BDAG NI CHOS RNAMS BRTEN TE MI 'BYUNG BAR MOS PA LA GNAS PA STE, GZHAN DAG KYANG CHOS RNAMS BRTEN TE MI 'BYUNG BAR MOS PA LA DGOD PAR BYA'O SNYAM NAS DBUGS 'BYIN PA RAB TU RNYED DE, ,DE LA RKYEN RNAMS SKYE BA MED PA'I RANG BZHIN PAS, CHOS RNAMS BRTEN TE MI 'BYUNG ZHES BYA'O, ,BDAG NI CHOS THAMS CAD KYI GNAS MED PAR MOS PA LA GNAS PA STE, GZHAN DAG KYANG CHOS THAMS CAD KYI GNAS MED PAR MOS PA LA DGOD DO SNYAM NAS DBUGS 'BYIN PA RAB TU RNYED DE, DE LA PHYOGS CHA THA DAD PA'I RANG BZHIN MED PAS CHOS THAMS CAD KYI GNAS MED PA ZHES BYA'O, ,BDAG NI SANGS RGYAS NAM MKHA' DANG 'DRA BAR MOS PA LA GNAS PA STE, GZHAN YANG SANGS RGYAS NAM MKHA' DANG 'DRA BAR MOS PA LA DGOD DO SNYAM NAS DBUGS 'BYIN PA RAB TU RNYED DE, ,DE LA THA DAD PA LA MI GNAS PAS SANGS RGYAS NAM MKHA' DANG 'DRA ZHES BYA'O, ,BDAG NI SANGS RGYAS SEMS DANG YID DANG RNAM PAR SHES PA DANG BRAL BAR MOS PA LA GNAS PA STE, GZHAN DAG KYANG SANGS RGYAS SEMS DANG YID DANG, RNAM PAR SHES PA DANG BRAL BAR MOS PA LA DGOD DO SNYAM NAS DBUGS 'BYIN PA RAB TU RNYED DE, DE LA YE SHES LHUN GYIS GRUB PA RAB TU RNYED PAS, SANGS RGYAS SEMS DANG YID DANG, RNAM PAR SHES PA DANG BRAL BA'O ZHES BYA STE, LNGA PO DE DAG GO ZHES GSUNGS SO, ,TSANGS PA KHYAD PAR SEMS KYIS ZHUS PA'I MDO LAS, DRAB CAN GYI 'OD KYIS SMRAS PA, TSANGS PA CHOS THAMS CAD NI TSUL BZHIN NO, ,CHOS THAMS CAD NI TSUL BZHIN MA YIN PA'O, ,SMRAS PA, TSANGS PA CHOS THAMS CAD NI TSUL BZHIN, CHOS THAMS CAD NI TSUL BZHIN MA YIN PA ZHES BYA BA DE JI LTA BU, SMRAS PA, BSAM DU MED PAS NI CHOS THAMS @199A *, ,CAD TSUL BZHIN NO, ,GANG BSAM DU MED PA'I CHOS RNAMS LA SEMS PA DANG LDAN PA DE DAG NI TSUL BZHIN MA YIN PA'O, ,CHOS THAMS CAD DBEN PA'I MTSAN NYID 'DI NI TSUL BZHIN NO, ,GANG DBEN PA LA MNGON PAR MI BRTZON PA DE DAG NI, LHAG PAR BYED PA LA BRTZON PA'O, ,GANG LHAG PAR BYED PA LA BRTZON PA DE DAG JI SRID DU LHAG PAR BYED PA DE SRID DU TSUL BZHIN MA YIN NO, ,SMRAS PA, TSANGS PA CHOS RNAMS KYI RGYU GANG YIN, SMRAS PA, RIGS KYI BU RANG GI YUL DBEN PA 'DOD CHAGS DANG BRAL BA'I MTHA' NI CHOS RNAMS KYI RGYU YIN NO ZHES 'BYUNG NGO, ,BDUN BRGYA PA LAS KYANG, 'JAM DPAL KHYOD GANG GI TSE SHES RAB KYI PHA ROL TU PHYIN PA LA BSGOM PA NA, GANG LA GNAS NAS SHES RAB KYI PHA ROL TU PHYIN PA LA BSGOM, 'JAM DPAL GYIS GSOL PA, BTZUN PA BCOM LDAN 'DAS BDAG GANG GI TSE, SHES RAB KYI PHA ROL TU PHYIN PA LA BSGOM PA NA, GNAS PA MA MCHIS PAR SHES RAB KYI PHA ROL TU PHYIN PA LA BSGOM MO, ,BCOM LDAN 'DAS KYIS BKA' STZAL PA, 'JAM DPAL MI GNAS PAR SHES RAB KYI PHA ROL TU PHYIN PA LA BSGOM PA GANG, 'JAM DPAL GYIS GSOL PA, BTZUN PA BCOM LDAN 'DAS GANG CI LA YANG MI GNAS PA DE SHES RAB KYI ROL TU PHYIN PA LA BSGOM PA LAGS SO, ,BCOM LDAN 'DAS KYIS BKA' STZAL PA, 'JAM DPAL KHYOD GANG GI TSE, SHES RAB KYI PHA ROL TU PHYIN PA BSGOM PA DE'I TSE, KHYOD KYI DGE BA'I RTZA BA GANG 'PHEL BAR 'GYUR, GANG 'BRI BAR 'GYUR, 'JAM DPAL GYIS GSOL PA, BTZUN PA BCOM LDAN 'DAS DE'I TSE BDAG GI DGE BA'I RTZA BA 'PHEL BAR 'GYUR BA'AM, 'BRI BAR 'GYUR BA GANG YANG MA MCHIS SO, ,BTZUN PA BCOM LDAN 'DAS GANG GI CHOS GANG LA 'PHEL BA'AM 'BRI BAR 'GYUR BA DE NI, SHES RAB KYI PHA ROL TU PHYIN PA LA BSGOM PA MA LAGS SO ZHES GSUNGS SO, ,'JAM DPAL RNAM PAR 'PHRUL PA'I LE'U LAS, LHA'I BUS SMRAS PA, 'JAM DPAL KHYOD JI LTAR 'DIS SHES PAR RUNG BAR 'GYUR BA DE LTA BUR STON TAM, 'JAM DPAL GYIS SMRAS PA, LHA'I BU SANGS RGYAS KYI YE SHES NI SUS KYANG KUN SHES PA'AM, RNAM PAR SHES PAR MI NUS SO, ,DE CI'I PHYIR ZHE NA, LHA'I BU @199B SANGS RGYAS KYI YE SHES NI CHAGS PA MED PA, RNAM PAR RTOG PA MED PA, BRJOD DU MED PA, BSNYAD DU MED PA, SBYOR BA MED PA, TSIG MED PA, SEMS DANG YID DANG RNAM PAR SHES PA DANG BRAL BA STE, DE SUS KYANG KUN SHES PAR RAM, RNAM PAR SHES PAR MI NUS SO, ,LHA'I BUS SMRAS PA, 'JAM DPAL GAL TE SANGS RGYAS KYI YE SHES KUN SHES PAR BYA BA MA YIN NA, NYAN THOS 'DI DAG GIS KUN SHES PAR GA LA 'GYUR, BYANG CHUB SEMS DPA' RNAMS KYANG PHYIR MI LDOG PA LA GNAS PAR GA LA 'GYUR, 'JAM DPAL GYIS SMRAS PA, LHA'I BU GANG YI GE RNAMS KYIS YE SHES DE BSTAN PA 'DI NI; DE BZHIN GSHEGS PA RNAMS KYI THABS TE, YE SHES DE NI YI GE MED PA'O, ,LHA'I BU 'DI LTA STE DPER NA, ME GTZUBS PA LAS ME MI 'BYUNG GI ,GTZUB SHING GTZUBS PA LAS MI 'BYUNG BA DE BZHIN DU, LHA'I BU DE BZHIN GSHEGS PAS GAL TE THOG MA KHO NAR SANGS RGYAS KYI YE SHES RGYA CHER YANG DAG PAR RAB TU BSTAN NA, SEMS CAN GANG GIS KYANG DE BZHIN GSHEGS PA'I YE SHES DE KUN SHES PAR MI 'GYUR BAS, DE BZHIN GSHEGS PAS GTZUB SHING GI GTAM GYIS YE SHES DE BSTAN TE, YE SHES DE NI YI GE MED PA'O, ,LHA'I BUS SMRAS PA, 'JAM DPAL GTZUB SHING GI GTAM DE GANG, 'JAM DPAL GYIS SMRAS PA, LHA'I BU GANG CI YANG RUNG, SDOM PA DANG, YO BYAD BSNYUNGS PA'I GTAM DANG, PHA ROL TU PHYIN PA LA SBYOR BA'I GTAM DANG, BYANG CHUB KYI PHYOGS KYI CHOS LA 'JUG PA'I GTAM 'DI NI GTZUB SHING GI GTAM ZHES BYA'O, ,LHA'I BUS SMRAS PA; 'JAM DPAL GTZUB SHING GI GTAM MA YIN PA'I GTAM GANG, 'JAM DPAL GYIS SMRAS PA, LHA'I BU GTAM GANG SKYE BA DANG, 'JIG PA DANG, GNAS PA'I GTAM MA YIN PA DANG, 'DREN PA DANG, SEL BA'I GTAM MA YIN PA DANG, GTAM GANG KUN NAS NYON MONGS PA YONGS SU BRJOD PA'I GTAM MA YIN PA DANG, RNAM PAR BYANG BA'I PHAN YON GYI GTAM MA YIN PA DANG, GTAM GANG 'KHOR BA LA YID 'BYUNG BAR BYA BA'I GTAM MA YIN PA DANG, MYA NGAN LAS 'DAS PA LA MNGON PAR DGA' BAR BYA BA MA YIN PA'I GTAM DANG, GTAM GANG YONGS SU SHES PAR BYA BA'I PHYIR MA YIN, SPANG @200A *, ,BAR BYA BA'I PHYIR MA YIN, BSGOM PAR BYA BA'I PHYIR MA YIN, MNGON SUM DU BYA BA'I PHYIR MA YIN PA DANG, GTAM GANG THOB PAR BYA BA'I PHYIR MA YIN, MNGON PAR RTOGS PAR BYA BA'I PHYIR MA YIN PA 'DI NI LHA'I BU DAG SNYING PO YOD PA'I GTAM MO ZHES GSUNGS SO, ,CHOS THAMS CAD DMIGS SU MED CING SEMS PA MED PA, RIN PO CHE BSAGS PA BSTAN PA'I MDO LAS KYANG, DE BZHIN GSHEGS PAS 'JAM DPAL LA BKA' STZAL PA, 'JAM DPAL BSAM GYIS MI KHYAB PA'I DBYINGS, BSAM GYIS MI KHYAB PA'I ZHES BYA BA LA BSAM GYIS MI KHYAB PA'I DBYINGS ZHES BYA BA DE GANG YIN, 'JAM DPAL GYIS GSOL PA, BCOM LDAN 'DAS BSAM GYIS MI KHYAB PA'I DBYINGS ZHES BGYI BA NI, DBYINGS GANG SEMS MA MCHIS PA SEMS GROL BAR BGYI MA LAGS PA, SEMS KYIS DPAG PAR BGYI BA MA LAGS PA, BSAM PAS RAB TU DBYE BAR BGYI BA MA LAGS PA LAGS MOD KYI, 'ON KYANG BCOM LDAN 'DAS SEMS NYID BSAM GYIS MI KHYAB PA'I DBYINGS LAGS SO, ,DE CI'I SLAD DU ZHE NA, SEMS LA SEMS MA MCHIS PA MA LAGS KYI, SEMS NYID SEMS MA LAGS PAS, SEMS NI NGO BO NYID KYIS MA MCHIS PA'O, , SEMS JI LTA BA BZHIN PAS, SEMS MA MCHIS PA NYID SEMS MA LAGS TE, BCOM LDAN 'DAS 'DI NI BSAM GYIS MI KHYAB PA'I DBYINGS LAGS SO ZHES 'BYUNG NGO, ,YANG MDO DE NYID LAS, DE BZHIN GSHEGS PAS BKA' STZAL PA, 'JAM DPAL KHYOD KYIS 'DI LTAR BDAG GIS SEMS CAN GDUL LO SNYAM PA'I GO CHA MA BGOS SAM, 'JAM DPAL GYIS GSOL PA, BCOM LDAN 'DAS SEMS CAN GYI KHAMS NI BRI BA'AM, GANG BAR MI GDA' NA, DE JI LTAR SEMS CAN RNAMS 'DUL BAR 'GYUR, YONGS SU MYA NGAN LAS BZLA BAR 'GYUR, BCOM LDAN 'DAS GANG DAG SEMS CAN GYI KHAMS 'DUL BA'I SLAD DU, YANG DAG PAR ZHUGS PA DE DAG NI, NAM MKHA' 'DUL BAR YANG DAG PAR ZHUGS PA LAGS SO, ,GANG DAG SEMS CAN 'DUL BAR SBYOR BA, DE DAG NI BYANG CHUB GDUL BAR 'TSAL BA'O, ,BCOM LDAN 'DAS CHOS THAMS CAD NI BYANG CHUB LAGS TE, BCOM @200B LDAN 'DAS BYANG CHUB NI KUN NAS NYON MONGS PA'AM, RNAM PAR BYANG BA MA LAGS SO, ,DE'I SLAD DU, BCOM LDAN 'DAS KYIS 'JAM DPAL KHYOD SEMS CAN 'DUL BA'I PHYIR YANG DAG PAR MA ZHUGS SAM, ZHES DE SKAD BKA' STZAL TE, BCOM LDAN 'DAS BDAG NI SEMS CAN 'DUL PA'I SLAD DU'AM, SEMS CAN KUN NAS NYON MONGS PAR BGYI BA'I SLAD DU YANG DAG PAR MA ZHUGS SO, ,DE CI'I SLAD DU ZHE NA, BCOM LDAN 'DAS SEMS CAN ZHIG MCHIS NA NI, SEMS CAN KUN NAS NYON MONGS PA DANG, SEMS CAN RNAM PAR BYANG BAS RAB TU PHYE BAR YANG 'GYUR NA, BCOM LDAN 'DAS SEMS CAN MA MCHIS PAS SEMS CAN KUN NAS NYON MONGS PA DANG, RNAM PAR BYANG BAS RAB TU PHYE BA MA LAGS SO, ,BCOM LDAN 'DAS DE LTAR NA RTEN CING 'BREL PAR 'BYUNG BA DANG MI 'GAL BA LAGS SO, ,BCOM LDAN 'DAS MA MCHIS NA NI KUN NAS NYON MONGS PA MA LAGS, RNAM PAR BYA BA MA LAGS TE, BCOM LDAN 'DAS CHOS THAMS CAD RTEN CING 'BREL BAR 'BYUNG BAS NGO BO NYID MA MCHIS PA'O, BCOM LDAN 'DAS GANG KUN NAS NYON MONGS PA'AM, RNAM PAR BYANG BA DE NI RTEN NAS 'BYUNG BA'I DON TE, MA MCHIS PA'I DON TO, ,BCOM LDAN 'DAS MA MCHIS PA'I DON NI RTEN TE 'BYUNG BA'I DON DU MKHAS PA RNAMS KYIS RTOGS TE, MKHAS PA RNAMS NI MA MCHIS BRTEN DE 'BYUNG BA'I DON TO SNYAM DU DE LTAR RNAM PAR MI RTOG GO, ,GANG LA RNAM PAR MI RTOG PA'I DON DE LA KUN NAS NYON MONGS PA'AM, RNAM PAR BYANG BA MA MCHIS SO, ,BCOM LDAN 'DAS 'DI LTA STE, DPER NA SGYU MA BGYID PA'AM, SGYU MA BGYID PA'I SLOB MAS KHANG PA BRTZEGS PA'AM, KHANG PA BRTZEGS PA RGYUD MO 'BAR RAB TU 'BAR KUN TU 'BAR TE, ME LCE MCHED PAR GYUR PA MNGON PAR SPRUL PA DE LA MI LA LA ZHIG 'DI LTAR BDAG GI KHANG PA BRTZEGS PA'AM, KHANG PA BRTZEGS PA RGYUD MO 'BAR RAB TU 'BAR KUN TU RAB TU 'BAR TE, ME LCE MCHED PAR GYUR PA DGUM PAR BGYI'O SNYAM NAS, GO CHA 'TSAL NA, BCOM LDAN 'DAS MI DE 'DI LTAR BGEGS DANG, NYON MONGS PA'I SKAL PA CAN DU MI 'GYUR LAGS SAM, BCOM LDAN 'DAS KYIS BKA' STZAL PA, 'JAM DPAL DE DE BZHIN NO, ,'JAM @201A *, ,DPAL GYIS GSOL PA, BCOM LDAN 'DAS DE DE LTA LAGS TE, GANG SEMS CAN GDUL BA'I SLAD DU, GO CHA 'TSAL BA DE NI BGEGS DANG, NYON MONGS PA'I SKAL BA CAN DU 'GYUR BA LAGS SO ZHES 'BYUNG NGO, ,YANG MDO DE NYID LAS, BCOM LDAN 'DAS KYIS BKA' STZAL PA, 'JAM DPAL YANG DAG PAR SO SOR RTOG PA ZHES BYA BA DE, CHOS GANG GI TSIG BLA DAGS YIN, 'JAM DPAL GYIS GSOL PA, BCOM LDAN 'DAS YANG DAG PAR SO SOR RTOG PA ZHES BGYI BA NI, SO SOR RTOG PA DANG, CHOS GANG LA YANG THA DAD PAR YANG MI BGYID, GCIG TU YANG MI BGYID DE; BCOM LDAN 'DAS 'GYUR BA MA MCHIS PAS RNAM PAR MI RTOG PA'O, ,BCOM LDAN 'DAS YANG DAG PAR SO SOR RTOG PA ZHES BGYI BA 'DI NI, YANG DAG PAR SO SOR RTOG PA MA MCHIS PA'I TSIG BLA DGAS SO, ,BCOM LDAN 'DAS YANG DAG PAR SO SOR RTOG PA LA BRTEN TE, BDAG NI SO SO'I SKYE BO'AM, 'PHAGS PA NYAN THOS SNYAM DU DE LTAR MI SEMS SO, ,DE CI'I SLAD DU ZHE NA, 'DI LTAR CHOS GANG SO SO'I SKYE BO'AM, 'PHAGS PAR 'GYUR BA'I CHOS DE YANG DAG PAR RJES SU MI MTHONG BA'I SLAD DU'O, ,BCOM LDAN 'DAS YANG DAG PAR SO SOR RTOG PA LA BRTEN NAS, RIGS KYI BU'AM, RIGS KYI BU MO CHOS KYI DBYINGS KYI TSUL GYIS DE LTAR GNAS PA LAGS TE, CHOS GANG LA YANG MNYAM PA NYID DU YANG MI BGYID, MI MNYAM PAR YANG MI BGYID, SO SO'I SKYE BO'I CHOS NI MI MNYAM PA'O ZHES RNAM PAR RTOG PAR MI BGYID, 'PHAGS PA'I CHOS NI MNYAM PA'O ZHES RNAM PAR RTOG PAR MI BGYID DO, , DE CI'I SLAD DU ZHE NA, 'DI LTAR DMIGS PA GANG MNYAM PA'AM, MI MNYAM PAR BGYID PA DE MI DMIGS PA'I SLAD DU'O, ,GANG GIS MNYAM PA'AM, MI MNYAM PAR BGYID PA DE YANG DGE SLONG DE LA MA MCHIS SO, ,DE LTAR RNAM PAR MI RTOG PA'I DGE SLONG NI, BDAG RNAM PAR MI RTOG GO SNYAM DU DE LTAR 'DZIN PA YANG MA MCHIS SO ZHES 'BYUNG NGO, ,'PHAGS PA DRI MA MED PAR GRAGS PAS BSTAN PA LAS KYANG, NAD KYI GZHI DE GANG ZHE NA, 'DI LTA STE, LHAG PAR DMIGS PA NI GZHI'O, ,LHAG PAR DMIGS PA'I GZHI LA, JI TZAM DU DMIGS PA DE TZAM DU NAD KYI GZHI'O, ,CI LA LHAG PAR DMIGS @201B SHE NA, KHAMS GSUM LA LHAG PAR DMIGS SO, ,LHAG PAR DMIGS PA'I GZHI YONGS SU SHES PA GANG ZHE NA, DMIGS PA MED CING MI DMIGS PA'O, ,GANG MI DMIGS PA DE NI LHAG PAR MI DMIGS PA'O, ,CI MI DMIGS SHE NA, 'DI LTA STE, BDAG TU LTA BA DANG, PHA ROL TU LTA BA DANG, LTA BA GNYIS SU MI DMIGS TE, DE BAS NA MI DMIGS PA ZHES BYA'O ZHES GSUNGS SO, ,YANG DE NYID LAS BYANG CHUB SEMS DPA' MTHONG DGAS SMRAS PA, GZUGS NYID STONG PA STE, GZUGS BSHIG PAS STONG PA MA YIN GYI, GZUGS KYI RANG BZHIN STONG PA STE, DE BZHIN DU TSOR BA DANG, 'DU SHES DANG, 'DU BYED DANG, RNAM PAR SHES PA STONG PA NYID CES BYA BA DE NI GNYIS TE, RNAM PAR SHES PA NYID NI STONG PA NYID DE, RNAM PAR SHES PA BSHIG PAS STONG PA NYID KYI RNAM PAR SHES PA'I RANG BZHIN STONG PA NYID DO, ,'DI LA GANG GIS LEN PA'I PHUNG PO LNGA LA DE BZHIN DU SHES SHING, DE LTA BUR YE SHES KYIS RIG PA DE NI GNYIS SU MED PAR 'JUG PA'O ZHES GSUNGS SO, ,SHES RAB KYI PHA ROL TU PHYIN PA LAS, 'PHAGS PA SH'A RI'I BUS DRIS PA, BTZUN PA RAB 'BYOR BYANG CHUB SEMS DPA'I SHES RAB KYI PHA ROL TU PHYIN PA LA SPYOD PA JI LTAR THABS LA MKHAS PAR RIGS PAR BYA, RAB 'BYOR GYIS SMRAS PA, TSE DANG LDAN PA SHA RA DVA [?] TI'I BU BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA NI, GZUGS LA MI SPYOD, TSOR BA LA MA YIN, 'DU SHES LA MA YIN, 'DU BYED RNAMS LA MA YIN, RNAM PAR SHES PA LA MA YIN, GZUGS KYI MTSAN MA LA MA YIN PA NAS, RNAM PAR SHES PA'I BAR GYI MTSAN MA LA MA YIN, GZUGS RTAG PAR MA YIN, MI RTAG PAR MA YIN, BDE BAR MA YIN, SDUG BSNGAL BAR MA YIN, BDAG TU MA YIN, BDAG MED PAR MA YIN, ZHI BAR MA YIN, MA ZHI BAR MA YIN, STONG PAR MA YIN, MI STONG PAR MA YIN, MTSAN MAR MA YIN, MTSAN MA MED PAR MA YIN, SMON PAR MA YIN, SMON PA MED PAR MA YIN, DBEN PAR MA YIN, MI DBEN PAR YANG MI SPYOD DO, ,RNAMS PAR SHES PA'I BAR LA RTAG PAR MA YIN, MI RTAG PAR MA YIN PA NAS, DBEN PAR MA YIN ZHING, MI DBEN PAR YANG MI SPYOD PA'I BAR DU'O, ,DE BZHIN DU KHAMS DANG, SKYE @202A *, ,MCHED DANG, RTEN CING 'BREL PAR 'BYUNG BA DANG, BYANG CHUB KYI PHYOGS DANG, MNGON PAR SHES PA DANG, PHA ROL TU PHYIN PA DANG, STOBS DANG, MI 'JIGS PA DANG, SO SO YANG DAG PAR RIG PA DANG, SANGS RGYAS KYI CHOS MA 'DRES PA RNAMS LA YANG MI SPYOD PA NAS, DBEN PA'AM, MI DBEN PA ZHES BYA BA'I BAR DU YANG MI SPYOD DO, ,DE CI'I PHYIR ZHE NA, 'DI LTAR TSE DANG LDAN PA SHAR DVA TI'I BU GANG GZUGS KYI STONG PA NYID DE, GZUGS MA YIN LA, STONG PA NYID LAS GZUGS GZHAN MA YIN TE, GZUGS NYID STONG PA NYID LA, STONG PA NYID GZUGS YIN PA NAS, RNAM PAR SHES PA NYID STONG PA NYID LA, STONG PA NYID RNAM PAR SHES PA'I BAR DU'O, ,DE BZHIN DU SANGS RGYAS KYI CHOS MA 'DRES PA RNAMS KYI BAR GYI STONG PA NYID GANG YIN PA DE DAG SANGS RGYAS RNAM MA YIN, STONG PA NYID LAS SANGS RGYAS KYI CHOS RNAMS GZHAN PA YANG MA YIN TE, SANGS RGYAS KYI CHOS RNAMS NYID STONG PA NYID LA, STONG PA NYID SANGS RGYAS KYI CHOS RNAMS SO, ,DE LTAR BYANG CHUB SEMS DPA' SHES RAB KYI PHA ROL TU PHYIN PA LA SPYOD PA NI, THABS LA MKHAS PAR RIG PAR BYA STE, SHES RAB KYI PHA ROL TU PHYIN PA LA SPYOD DO ZHES KYANG KHAMS MI LEN, MI SPYOD DO ZHES KYANG KHAS MI LEN, SPYOD KYANG SPYOD LA MI SPYOD KYANG MI SPYOD DO ZHES KYANG KHAS MI LEN, SPYOD PA YANG MA YIN MI SPYOD PA YANG MA YIN NO ZHES KYANG KHAS MI LEN TO, ,DE CI'I PHYIR ZHE NA, 'DI LTAR SHES RAB KYI PHA ROL TU PHYIN PA DNGOS PO MED PA'I NGO BO NYID KYI PHYIR RO, ,ZHES 'BYUNG NGO, ,YANG SHES RAB KYI PHA ROL TU PHYIN PA DE NYID LAS, BCOM LDAN 'DAS KYIS BKA' STZAL PA, KOO [?] SHI KA 'DI LA RIGS KYI BU'AM, RIGS KYI BU MO, SHES RAB KYI PHA ROL TU PHYIN PA LTAR BCOS PA STON PA YOD DE, DE LA SHES RAB KYI PHA ROL TU PHYIN PA LTAR BCOS PA NI 'DI YIN TE, DE DAG GZUGS MI RTAG PAR STON TO, ,DE BZHIN DU SDUG BSNGAL BA DANG, BDAG MED PA DANG, MI SDUG PAR STON TO, ,DE BZHIN DU TSOR BA DANG, 'DU SHES DANG, 'DU BYED RNAMS DANG, RNAM PAR SHES PA DANG, DE BZHIN DU KHAMS DANG, SKYE MCHED DANG, BSAM GTAN DANG, TSAD MED PA DANG, GZUGS MED PA DANG, DRAN PA NYE BAR GZHAG PA DANG, YANG DAG PAR SPONG BA DANG, RDZU 'PHRUL GYI RKANG @202B PA DANG, DBANG PO DANG, STOBS DANG, BYANG CHUB KYI YAN LAG DANG, LAM DANG, STOBS DANG, MI 'JIGS PA DANG, SO SO YANG DAG PAR RIG PA DANG, SANGS RGYAS KYI CHOS MA 'DRES PA DANG, RNAM PA THAMS CAD MKHYEN PA NYID MI RTAG PA DANG, SDUG BSNGAL BA DANG, BDAG MED PAR STON TO, ,GANG DE LTAR SPYOD PA DE SHES RAB KYI PHA ROL TU PHYIN PA LA SPYOD PA'O ZHES DE SKAD STON PA DE NI, KOO [?] SHI KA SHES RAB KYI PHA ROL TU PHYIN PA LTAR BCOS PA'O, ,DE LA SHES RAB KYI PHA ROL TU PHYIN PA LTAR BCOS PA MA YIN PA GANG ZHE NA, DE DAG 'DI LTAR STON TE, RIGS KYI BU KHYOD TSUR SHOG, ,SHES RAB KYI PHA ROL TU PHYIN PA BSGOMS LA, GZUGS NAS RNAM PA THAMS CAD MKHYEN PA NYID KYI BAR LA MI RTAG PA NYID DANG, SDUG BSNGAL BA DANG, BDAG MED PA DANG, MI SDUG PAR YANG DAG PAR RJES SU MI LTA'O, ,DE CI'I PHYIR ZHE NA, GZUGS NI GZUGS KYI NGO BO NYID KYIS STONG STE, GZUGS KYI NGO BO NYID GANG YIN BDE DNGOS PO MED PA'O, ,GANG DNGOS PO MED PA DE, SHES RAB KYI PHA ROL TU PHYIN PA'O, ,GANG SHES RAB KYI PHA ROL TU PHYIN PA DE LA NI, GZUGS RTAG PA ZHE'AM, MI RTAG PA ZHES BYA BA MI DMIGS TE, DE LA GZUGS NYID KYANG MI DMIGS NA RTAG PA'AM MI RTAG PA LTA GA LA YOD DE, RNAM PA THAMS CAD MKHYEN PA NYID KYI BAR DU DE BZHIN NO, ,GANG DE LTAR STON PA NI SHES RAB KYI PHA ROL TU PHYIN PA LTAR BCOS PA MA YIN PA STON PA'O, ,YANG 'DI SKAD STON TE, RIGS KYI BU TSUR SHOG, ,SHES RAB KYI PHA ROL TU PHYIN PA BSGOMS LA, CHOS GANG LAS KYANG SHIN TU MA 'DA', CHOS GANG LA YANG MA GNAS SHIG, ,DE CI'I PHYIR ZHE NA, 'DI LTAR SHES RAB KYI PHA ROL TU PHYIN PA'I CHOS GANG LAS SHIN TU 'DA' BYA BA'AM, GANG LA GNAS PAR BYA BA'I CHOS DE MED PA'I PHYIR RO, ,'DI LTAR CHOS THAMS CAD NI NGO BO NYID KYIS STONG PA STE, GANG NGO BO NYID KYIS STONG PA DE DNGOS PO MED PA'O, ,GANG DNGOS PO MED PA DE SHES RAB KYI PHA ROL TU PHYIN PA'O, ,GANG SHES RAB KYI PHA ROL TU PHYIN PA DE LA NI BLANG BAR BYA BA'AM, DOR BAR BYA BA'AM, BSKYED PAR BYA BA'AM, DGAG PAR BYA BA'I CHOS GANG YANG MED DO ZHES DE LTAR NYE BAR STON PA NI, SHES RAB KYI PHA ROL TU PHYIN PA LTAR BCOS PA MA YIN PAR STON PA'O, ,RAB 'BYOR @203A *, ,GYIS GSOL BA, BCOM LDAN 'DAS JI TZAM GYIS NA, SHES RAB KYI PHA ROL TU PHYIN PA LA DMIGS PA LAGS, JI TZAM GYIS NA MI DMIGS PA LAGS, BCOM LDAN 'DAS KYIS BKA' STZAL PA, JI TZAM DU NA GNYIS PO DE TZAM DU DMIGS PA'O, ,MI GNYIS PA NI MI DMIGS PA'O, ,RAB 'BYOR GYIS GSOL PA, BCOM LDAN 'DAS GNYIS ZHES BGYI BA GANG LAGS, BCOM LDAN 'DAS KYIS BKA' STZAL PA, MING DANG GZUGS NAS YID DANG CHOS KYI BAR DANG, BYANG CHUB DANG, SANGS RGYAS KYI BAR JI TZAM PA DE TZAM DU GNYIS SO, ,RAB 'BYOR GYIS GSOL PA, BCOM LDAN 'DAS CI DMIGS PAR BGYI BA MI DMIGS SAM, 'ON TE MI DMIGS PAR BGYI BA MI DMIGS LAGS SAM, BCOM LDAN 'DAS KYIS BKA' STZAL PA , RAB 'BYOR DMIGS PAR BYA BA MI DMIGS PAR BYA BA MI DMIGS PA YANG MA YIN LA, MI DMIGS PAR BYA BA MI DMIGS PA YANG MA YIN TE, RAB 'BYOR DMIGS PA DANG MI DMIGS PA MNYAM PA NYID NI MI DMIGS PA'O ZHES 'BYUNG NGO, ,YANG DER 'PHAGS PA RAB 'BYOR GYIS GSOL BA, BCOM LDAN 'DAS KYIS DON DAM PA LA BRTEN NAS, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA MA LAGS SAM, BCOM LDAN 'DAS KYIS BKA' STZAL PA, MA YIN NO, ,RAB 'BYOR GYIS GSOL PA, DE LAS BZLOG PA GNAS PAS SAM, BCOM LDAN 'DAS KYIS BKA' STZAL BA, DE NI MA YIN NO, ,RAB 'BYOR GYIS GSOL PA, GAL TE DON DAM PA LA GNAS PAS KYANG MA LAGS, BZLOG PA LA GNAS PAS KYANG MNGON PAR RDZOGS PAR SANGS RGYAS PA MA LAGS NA, 'O NA DE BZHIN GSHEGS PAS BYANG CHUB MNGON PAR RDZOGS PAR SANGS RGYAS PA'AM, GCIG TU MA GYUR LAGS SAM, BCOM LDAN 'DAS KYIS BKA' STZAL PA, RAB 'BYOR MNGON PAR RDZOGS PAR SANGS RGYAS TE, DE YANG 'DUS BYAS KYI KHAMS SAM 'DUS MA BYAS KYI KHAMS GANG LA YANG MI GNAS PA'O ZHES GSUNGS SO, ,YANG DE NYID LAS BCOM LDAN 'DAS KYIS BKA' STZAL PA, RAB 'BYOR DNGOS PO MED PAS DNGOS PO MED PA MNGON PAR RDZOGS PAR SANGS RGYAS PAR MI NUS SO, ,RAB 'BYOR GYIS GSOL PA, @203B BCOM LDAN 'DAS CI DNGOS PO MA MCHIS PA MNGON PAR RDZOGS PAR SANGS RGYAS PAR NUS LAGS SAM, BCOM LDAN 'DAS KYIS BKA' STZAL PA, RAB 'BYOR DE NI MI NUS SO, ,RAB 'BYOR GYI GSOL PA, DNGOS PO MA MCHIS PAS DNGOS PO MA MCHIS PA, MNGON PAR RDZOGS PAR SANGS RGYAS PAR NUS LAGS SAM, BCOM LDAN 'DAS KYIS BKA' STZAL PA, RAB 'BYOR DE NI MI SO, ,RAB 'BYOR GYI GSOL PA, 'O NA DNGOS POS DNGOS PO MNGON PAR RDZOGS PAR SANGS RGYAS PAR NUS LAGS SAM, BKA' STZAL PA, RAB 'BYOR DE NI MI NUS SO, ,GSOL BA BCOM LDAN 'DAS 'O NA THOB PA MA MCHIS PA DANG, MNGON PAR RTOGS PA MA MCHIS PAR MI 'GYUR LAGS SAM, BKA' STZAL PA, MNGON PAR RTOGS PA YOD DE, MNGON PAR SGRUB PA BZHI PO 'DIS NI MA YIN NO, ,GSOL PA BCOM LDAN 'DAS 'O NA MNGON PAR RTOGS PA CI 'DRA BA ZHIG LAGS, BKA' STZAL PA, GANG LA SPROS PA 'DI DAG MED PA STE, MNGON PAR RTOGS PA NI MA SPROS SHING, SPROS PA MED PA'O, ,GSOL PA, BCOM LDAN 'DAS SPROS PA GANG LAGS, BKA' STZAL PA GZUGS RTAG CES BYA BA'AM, MI RTAG CES BYA BA NI SPROS PA'O, ,GZUGS BDE ZHES BYA BA'AM, GZUGS SDUG BSNGAL ZHES BYA BA DANG, BDAG CES BYA BA DANG BDAG MED CES BYA BA DANG, ZHI ZHES BYA BA DANG, MA ZHI ZHES BYA BA NI SPROS PA STE, DE BZHIN DU CHOS THAMS CAD KYI BAR DU GSUNGS SO, ,YANG DE NYID LAS 'BYUNG BA, RAB 'BYOR 'DI LTA STE, DPER NA BYA 'DAB CHAGS BAR SNANG LA RGYU BA SA LA MI LTUNG STE, NAM MKHA' BAR SNANG LA GNAS KYANG DER MI 'DUG CING GNAS 'CHA' BAR MI BYED DO, ,RAB 'BYOR DE BZHIN DU BYANG CHUB SEMS DPA' SEMS DPA' CHEN PO STONG PA NYID DANG MTSAN MA MED PA DANG, SMON PA MED PA LA GNAS KYANG MNGON SUM DU BYED PA GANG GIS NYAN THOS DANG RANG SANGS RGYAS KYIS SAR LTUNG BAR 'GYUR BAS; STONG PA NYID DANG MTSAN MA MED PA DANG SMON PA MED PA MNGON SUM DU MI BYED DO ZHES GSUNGS SO,, ,,BAM PO LNGA PA STE THA MA, SUM BRGYA PA LAS KYANG DE BZHIN GSHEGS PAS GSUNGS TE, RAB 'BYOR 'DI JI SNYAM DU SEMS, DE BZHIN GSHEGS PAS, BLA NA MED PA @204A *, ,YANG DAG PAR RDZOGS PA'I BYANG CHUB GANG YANG MNGON PAR RDZOGS PAR SANGS RGYAS SAM, DE BZHIN GSHEGS PAS CHOS GANG YANG BSTAN TAM, RAB 'BYOR GYIS GSOL BA, JI LTAR BCOM LDAN 'DAS KYIS GSUNGS PA'I DON BDAG GIS 'TSAL BA LTAR NA, DE BZHIN GSHEGS PAS GANG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PA'I CHOS DE GANG YANG MA MCHIS SO, ,DE BZHIN GSHEGS PAS GANG BSTAN PA'I CHOS DE GANG YANG MA MCHIS SO, ,DE CI'I SLAD DU ZHE NA, GANG DE BZHIN GSHEGS PAS CHOS BSTAN PA DE NI GZUNG DU MA MCHIS BRJOD DU MA MCHIS TE DE NI CHOS MA LAGS CHOS MA MCHIS PA YANG MA LAGS SO, ,DE CI'I SLAD DU ZHE NA, 'PHAGS PA'I GANG ZAG RNAMS NI, 'DUS MA BYAS KYIS RAB TU PHYE BA'O ZHES GSUNGS SO, ,DE BZHIN GSHEGS PAS 'DUL BA'I DBANG GIS THEG PA CHEN PO'I SGO SNA TSOGS NYE BAR STON PAS, , CHOS NYID ZAB MO 'DI STON TE, JI LTAR LANG KAR GSHEGS PA LAS, BLO GROS CHEN POS ZHUS PA, BCOM LDAN 'DAS KYIS MDO GZHAN BRJOD PA LAS, DE BZHIN GSHEGS PA'I SNYING PO GSUNGS PA DE, BCOM LDAN 'DAS KYIS RANG BZHIN GYIS 'OD GSAL BAR RNAM PAR DAG PAS THOG MA NAS RNAM PAR DAG PA NYID MTSAN SUM CU RTZA GNYIS LDAN PA SEMS CAN THAMS CAD LUS KYI NANG NA MCHIS PAR BRJOD DO, ,BCOM LDAN 'DAS RIN PO CHE RIN THANG CHEN PO GOS DRI MA CAN GYIS YONGS SU DKRIS PA LTAR PHUNG PO DANG, KHAMS DANG, SKYE MCHED KYI GOS KYIS YONGS SU DKRIS PA 'DOD CHAGS DANG ZHE SNGA SDANG DANG GTI MUG GIS ZIL GYIS NON PA YONGS SU RTOG PA'I DRI MAS DRI MA CAN DU GYUR PA, RTAG PA BRTAN PA THER ZUG PAR NI BRJOD NA, BCOM LDAN 'DAS DE BZHIN GSHEGS PA'I SNYING PO SMRA BA 'DI MI STEGS BYED KYI BDAG TU SMRA BA DANG, JI LTAR MI 'DRA BA LAGS, BCOM LDAN 'DAS MU STEGS BYED RNAMS KYANG RTAG PA BYED PA YON TAN MED PA KHYAB PA MI 'JIGS PA'O ZHES BDAG TU SMRA BA STON PAR BGYID DO, ,BCOM LDAN 'DAS KYIS BKA' STZAL PA, BLO GROS CHEN PO NGA'I DE BZHIN GSHEGS PA'I SNYING PO BSTAN PA NI MU STEGS BYED KYI BDAG TU SMRA BA DANG MTSUNGS PA MA YIN TE, BLO GROS CHEN PO DE BZHIN GSHEGS PA DGRA BCOM @204B PA YANG DAG PAR RDZOGS PA'I SANGS RGYAS RNAMS NI STONG PA NYID DANG YANG DAG PA'I MTHA' DANG MYA NGAN LAS 'DAS PA DANG, MA SKYES PA DANG, MTSAN MA MED PA DANG, SMON PA MED PA LA SOGS PA'I TSIG GI DON RNAMS LA DE BZHIN GSHEGS PA'I SNYING POR BSTAN PAR BYAS NAS, BYIS PA RNAMS BDAG MED PAS 'JIG PAR 'GYUR BA'I GNAS RNAM PAR SPANG BA'I DON DU DE BZHIN GSHEGS PA'I SNYING PO'I SGO BSTAN PAS RNAM PAR MI RTOG PA'I GNAS SNANG BA MED PA'I SPYOD YUL STON TE, 'DI LA BLO GROS CHEN PO MA 'ONGS PA DANG DA LTAR BYUNG BA'I BYANG CHUB SEMS DPA' SEMS DPA' CHEN PO RNAMS KYIS BDAG TU MNGON PAR ZHEN PAR MI BYA'O, ,BLO GROS CHEN PO DPER NA, RDZA MKHAN NI 'JIM PA'I RDUL GYI PHUNG PO GCIG LAS LAG PA DANG BZO DANG LA GZUNGS DANG, CHU DANG SRAD BU DANG NAN TAN DANG LDAN PA LAS, SNOD RNAM PA SNA TSOGS BYED DO, ,BLO GROS CHEN PO DE BZHIN DU DE BZHIN GSHEGS PA RNAMS KYANG CHOS LA BDAG MED PA RNAM PAR RTOG PA'I MTSAN NYID THAMS CAD RNAM PAR LOG PA'I DE BZHIN NYID SHES RAB DANG, THABS LA MKHAS PA DANG LDAN PA SNA TSOGS KYIS DE BZHIN GSHEGS PA'I SNYING POR BSTAN PA'AM, BDAG MED PAR BSTAN PAS KYANG RUNG STE RDZA MKHAN BZHIN DU TSIG DANG YI GE'I RNAM GRANGS RNAM PA SNA TSOGS KYIS STON TE DES NA DE'I PHYIR BLO GROS CHEN PO DE BZHIN GSHEGS PA'I SNYING PO BSTAN PA MU STEGS BYED KYI BDAG TU SMRA BA BSTAN PA DANG MI 'DRA'O, ,BLO GROS CHEN PO DE LTAR DE BZHIN GSHEGS PA RNAMS MU STEGS BYED BDAG TU SMRA BA LA MNGON PAR ZHEN PA RNAMS DRANG BA'I PHYIR DE BZHIN GSHEGS PA'I SNYING PO BSTAN PAS DE BZHIN GSHEGS PA'I SNYING PO STON TE, YANG DAG PA MA YIN PA'I BDAG TU RNAM PAR RTOG PA'I LTA BAR LTUNG BA'I BSAM PA CAN DAG RNAM PAR THAR PA GSUM GYI SPYOD YUL LA GNAS PA'I BSAM PA DANG LDAN PAS MYUR DU BLA NA MED PAS YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR JI LTAR 'GYUR ZHES TE, BLO GROS CHEN PO DE'I DON DU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS DE BZHIN GSHEGS PA'I SNYING PO STON PAR MDZAD DO, ,DE LTA BAS NA 'DI NI MU STEGS BYED BDAG TU SMRA BA DANG MTSUNGS PA MA YIN NO, ,BLO GROS CHEN PO DE BAS NA MU STEGS BYED KYI LTA BA RNAM PAR BZLOG PA'I PHYIR, DE BZHIN GSHEGS @205A *, ,PA'I SNYING PO BDAG MED PA'I RJES SU 'JUG PAR BYA'O, ,'DI LTA STE, CHOS STONG PA NYID DANG SKYE BA MED PA DANG, GNYIS MA YIN PA DANG RANG BZHIN MED PAR BSTAN PA 'DI NI BYANG CHUB SEMS DPA' RNAMS KYI GRUB PA'I MTHA' BLA NA MED PA'O, ,CHOS ZAB MO BSTAN PA 'DI YONGS SU BZUNG BAS THEG PA CHEN PO'I MDO SDE THAMS CAD YONGS SU BZUNG BA YIN TE, 'DI LTAR CHOS ZAB MO BSTAN PA 'DI NI MDO SDE THAMS CAD KYI NANG DU 'DUS SO ZHES GSUNGS SO, ,YANG BCOM LDAN 'DAS KYIS LANG KAR GSHEGS PA DE NYID LAS BKA' STZAL PA, BLO GROS CHEN PO STONG PA NYID DANG SKYE BA MED PA DANG GNYIS MA YIN PA DANG RANG BZHIN MED PA'I MTSAN NYID NI SANGS RGYAS THAMS CAD KYI MDO SDE'I NANG DU 'DUS SO ZHES GSUNGS SO, ,ZLA BA SGRON MA'I MDO'I TSIGS SU BCAD PA LAS KYANG, 'JIG RTEN KHAMS NI STONG DAG TU, ,NGAS NI MDO SDE GANG BSHAD PA, ,TSIG 'BRU THA DAD DON GCIG STE, ,THAMS CAD BRJOD PAR NUS MA YIN, ,TSIG GCIG RNAM PAR BSGOMS NA NI, ,DE DAG THAMS CAD BSGOM PAR 'GYUR, ,SANGS RGYAS JI SNYED THAMS CAD KYIS, ,CHOS RNAMS MANG PO RAB BSHAD PA, ,CHOS RNAMS THAMS CAD STONG PA NYID, ,MI GANG DON LA MKHAS PA DAG ,TSIG 'DI BSLABS PAR GYUR PA LA, , SANGS RGYAS CHOS RNAMS DKON MA YIN, ,ZHES GSUNGS SO, ,CHOS ZAB MO LA MOS PAS, BSOD NAMS THAMS CAD BSDUS PA YIN TE, SANGS RGYAS SUM GRUB KYI BAR DU 'JIG RTEN PA DANG, 'JIG RTEN LAS 'DAS PA'I PHUN SUM TSOGS PA THAMS CAD 'GRUB PAR 'GYUR TE, KHYE'U RIN PO CHES BYIN PA'I MDO LAS 'BYUNG BA, 'JAM DPAL BYANG CHUB SEMS DPA' THABS LA MKHAS PA DANG BRAL BAS BSKAL PA BRGYA STONG DU PHA ROL TU PHYIN PA DRUG LA SPYAD PA BAS GANG GIS CHOS KYI RNAM GRANGS 'DI THE TSOM DANG BCAS PAS NYAN PA'I BSOD NAMS MANG DU BSKYED NA, GANG THE TSOM MED PAR NYAN PA LTA CI SMOS, YANG YI GE BRIS NAS LUNG 'BOGS PA DANG, 'CHANG BA DANG GZHAN DAG LA YANG RGYA CHER RAB TU STON PA LTA CI SMOS ZHES GSUNGS SO, ,RDO RJE GCOD PA LAS KYANG, BCOM LDAN 'DAS KYIS BKA' STZAL PA, RAB 'BYOR 'DI JI SNYAM DU SEMS, GANG G'A'I KLUNG GI BYE MA JI SNYED @205B PA GANG G'A'I KLUNG YANG DE SNYED DU GYUR NA, GANG DE DAG GI BYE MAR GYUR PA DE MANG BA YIN NAM, RAB 'BYOR GYIS GSOL PA, BCOM LDAN 'DAS GANG G'A'I KLUNG DU GYUR PA DE DAG NYID KYANG MANG BA LAGS NA DE DAG GI BYE MA LTA SMOS KYANG CI DGOS, BCOM LDAN 'DAS KYIS BKA' STZAL PA, RAB 'BYOR KHYOD LA BSGO'O, ,KHYOD KYIS KHONG DU CHUD PAR BYA'O, ,GANG G'A'I DE DAG GI BYE MA JI SNYED PA DE SNYED KYI 'JIG RTEN GYI KHAMS SKYES PA 'AM, BUD MED LA LAS RIN PO CHE SNA BDUN GYIS RAB TU BKANG STE, DE BZHIN GSHEGS PA LA SBYIN PA BYIN NA SKYES PA'AM BUD MED DE GZHI DE LAS BSOD NAMS MANG DU BSKYED DAM, RAB 'BYOR GYIS GSOL PA, BCOM LDAN 'DAS MANG LAGS SO, ,BDE BAR GSHEGS PA MANG LAGS SO, ,BCOM LDAN 'DAS KYIS BKA' STZAL PA, GANG ZHIG CHOS KYI RNAM GRANGS 'DI LAS THA NA TSIG THA NA TSIG BZHI PA'I TSIGS SU PA TZAM BZUNG STE, GZHAN DAG LA YANG BSTAN NA, DE BAS BSOD NAMS CHES MANG DU BSKYED DO ZHES GSUNGS SO, ,TSANGS PAS ZHUS PA LAS KYANG, DE BZHIN GSHEGS PAS GSUNGS TE, GROGS PO DAG RIGS KYI BU'AM RIGS KYI BU MO BSOD NAMS 'DOD PAS DE BZHIN DU RNYED PA DAD GZUGS DANG LONGS SPYOD DANG G-YOG 'KHOR DANG CHOS KYI DBANG PHYUG DANG LHA DANG MI'I PHUN SUM TSOGS PA'I BAR THAMS CAD 'DOD PAS CHOS KYI RNAM GRANGS 'DI MNYAN PAR BYA MOS PAR BYA GZUNG BAR BYA'O ZHES GSUNGS SO, ,SHES RAB KYI PHA ROL TU PHYIN PA LAS SH'A RI'I BUS GSOL BA, BCOM LDAN 'DAS GANG SHES RAB KYI PHA ROL TU PHYIN PA BSTAN PA 'DI THOS NAS MOS PA'I SEMS CAN DE DAG BYANG CHUB TU NGAS PAR 'GYUR BA LAGS SO, ,BYAMS PAS GSOL PA, BCOM LDAN 'DAS GANG SHES RAB KYI PHA ROL TU PHYIN PA BSTAN PA 'DI THOS NAS MOS PA'I BYANG CHUB SEMS DPA' DE DAG NI BYANG CHUB LA NYE BAR GYUR PA LAGS SO, ,'JAM DPAL GYIS GSOL PA, BCOM LDAN 'DAS GANG SHES RAB KYI PHA ROL TU PHYIN PA BSTAN PA 'DI THOS NAS MOS PA'I BYANG CHUB SEMS DPA' DE DAG NI, SANGS RGYAS NYID DU LTA BAR BGYID DO ZHES 'BYUNG NGO, ,CHOS ZAB MO LA MOS PA 'DI LTUNG BA DANG 'GYOD PA THAMS CAD SEL BA DANG, LAS KYI SGRIB PA THAMS CAD RNAM PAR SBYONG BAR 'GYUR TE, DE @206A *, ,BZHIN GSHEGS PA'I MDZOD KYI MDO LAS 'BYUNG BA, 'OD SRUNGS 'DI LTA STE, PHA YANG YIN LA RANG SANGS RGYAS KYANG YIN PA DE'I SROG BCAD NA DE NI SROG BCAD PA'I NANG NA CHEN PO'O, ,'DI LTA STE, DKON MCHOG GSUM GYI DKOR RKU BA 'DI NI MA BYIN PAR LEN PA'I NANG NA CHEN PO'O, , 'DI LTA STE, MA YANG YIN LA DGRA BCOM MA YANG YIN PA DE LA LOG PAR SPYAD PA DE NI 'DOD PA LA LOG PAR G-YEM PA RNAMS KYI NANG NA CHEN PO'O, ,'DI LTA STE, DE BZHIN GSHEGS PA LA SKUR BA 'DEBS PA 'DI NI BRDZUN DU SMRA BA'I NANG NA CHEN PO'O, ,'DI LTA STE, 'PHAGS PA'I DGE 'DUN LA MI SNYAN PA BRJOD PA 'DI NI PHRA MA'I NANG NA CHEN PO'O, ,'DI LTA STE, 'PHAGS PA RNAMS LA CO 'DRI BA 'DI NI TSIG RTZUB PO'I NANG NA CHEN PO'O, ,'DI LTA STE, CHOS 'DOD PA RNAMS LA RNAM PAR G-YENG BAR BYED PA 'DI NI TSIG KYAL BA RNAMS KYI NANG NA CHEN PO'O, ,'DI LTA STE, MTSAMS MED PA BYED PAR SHOM PA 'DI NI GNOD SEMS KYI NANG NA CHEN PO'O, ,'DI LTA STE, YANG DAG PAR SONG BA DANG YANG DAG PAR ZHUGS PA RNAMS KYI RNYED PA 'PHROG PA'I SEMS 'DI NI BRNAB SEMS KYI NANG NA CHEN PO'O, ,'DI LTA STE, LTA BAS GZINGS PA 'DI NI LOG PA'I LTA BA'I NANG NA CHEN PO'O, ,'OD SRUNGS MI DGE BA BCU'I LAS KYI LAM 'DI DAG THAMS CAD NI KHA NA MA THO BA CHEN PO DANG BCAS PA'O, ,'OD SRUNGS GAL TE SEMS CAN GCIG CIG MI DGE BA BCU'I LAS KYI LAM KHA NA MA THO BA CHEN PO DANG BCAS PA 'DI DAG DANG LDAN PAR GYUR LA DE YANG DE BZHIN GSHEGS PAS RGYU DANG RKYEN DU LDAN PA'I CHOS BSTAN PA LA 'JUG STE 'DI LA GANG BYED PA'AM GANG TSOR BAR BYED PA'I BDAG GAM, SEMS CAN NAM SROG GAM GANG ZAG GANG YANG MED DO, ,ZHES DE LTAR MA BYAS PAR MNGON PAR 'DUS MA BYAS PA MED PA SGYU MA'I CHOS NYID KUN NAS NYON MONGS PA MED PA RANG BZHIN GYIS 'OD GSAL BA'I CHOS THAMS CAD LA 'JUG CING, CHOS THAMS CAD THOG MA NAS DAG PAR MNGON PAR DAD PA DANG, MOS PA'I SEMS CAN DE NGAN SONG DU 'GRO ZHES NGA MI SMRA'O, ,DE CI'I PHYIR ZHE NA, NYON MONGS PA RNAMS KYI PHUNG PO DNGOS PO MED DE NYON MONGS PA THAMS CAD SKYES NAS 'JIG CING 'JU'O, ,RGYU DANG RKYEN TSOGS PA'I 'DU 'PHROD LAS SKYE STE SKYES @206B MA THAG TU 'GAG GO, ,GANG SEMS SKYE BA'I 'JIG PA DE NYID NYON MONGS PA THAMS CAD KYI 'JIG PA STE, GANG DE LTAR MOS PA DE LA LTUNG BA GANG YANG MED CING LTUNG BA'I GNAS MED DE GNAS MA YIN ZHING SKABS MED DO, ,GANG GI SGRIB PA MED PA LA LTUNG BA GNAS PA DE NI GNAS MA YIN NO ZHES GSUNGS SO; ,BDUD BTUL BA'I LE'U LAS KYANG, 'DUL BA 'DZIN PA NYE BA 'KHOR GYIS DRIS PA, SDIG CAN JI LTAR NA DGE SLONG 'DUL BA 'DZIN PA YIN, BDUD KYIS SMRAS PA, BTZUN PA NYE BA 'KHOR DGE SLONG GIS NAM CHOS THAMS CAD SHIN TU DUL BAR SHES TE, NYES PA RNAMS KYI THOG MA'I SNGON GYI MTHA' YANG DBEN PA'I MTHAR SHES, NYES PA BYUNG BA RNAMS KYI 'GYOD PA YANG SEL CING BRTAN POR MI BYED DE, DE DAG LA GANG GIS MTSAMS MED PA RNAMS KYANG RNAM PAR GNON NA, CHO GA DANG TSUL KHRIMS LA LOG PAR ZHUGS PA, PHRAN TSEGS LTA SMOS KYANG CI DGOS PA DE LTA BU'I CHOS KYI TSUL GYI RNAM PA YANG NYE BAR BSGRUB NYON MONGS PA 'DUL BA LA YANG MKHAS GLO BUR DU NYON MONGS PA RNAMS LA YANG KUN NAS NYON MONGS PAR GYUR PA MA YIN PA DANG, 'BYUNG BAR 'DU SHES PA NYON MONGS PA NANG DU YANG MA BTON PHYI ROL DU YANG MA YIN GNYI GA MED PAR YANG MA YIN TE, NYON MONGS PA KHONG DU CHUD PA NYID NYON MONGS PA MED PAR SHES SHING NYON MONGS PA YANG MI SEL NYON MONGS PA MED PA YANG MI SGRUB NYON MONGS PA THAMS CAD KYANG SPRIN DANG CHAR SPRIN 'DRA BAR SHES TE, YE SHES DANG LHAG MTHONG GI RLUNG GIS GTOR NAS PHYOGS DANG YUL DU 'GRO BA YANG MED GNAS PA YANG MED PA DANG NYON MONGS PA RNAMS NI CHU ZLA DANG 'DRA STE; YONGS SU RTOG PA'I GZUGS BRNYAN GYI BZHIN NYE BAR STON PA DANG, NYON MONGS PA RNAMS NI MUN PA'I SPYOD YUL TE, SHES RAB KYI SGRON MAS MI SNANG BAR BYED PA DANG, NYON MONGS PA RNAMS NI RKUN PO DANG MKHA' 'GRO MA DANG GNOD SBYIN DANG, SRIN PO DANG 'DRA STE, TSUL BZHIN YID LA BYED PAS BRTAGS NA, GNAS PA MA YIN PA DANG NYON MONGS PA RNAMS NI GLAGS TSOL BA STE TSUL BZHIN MA YIN PA YID LA BYED PAS 'PHEL BA DANG STONG PA NYID DANG MTSAN MA MED PA DANG, SMON PA MED PA'I SHES PAS YID LA 'JUG PAR MI BYED PAR SUS NYON MONGS PA RNAMS 'DI 'DRA BAR SHES TE, SEMS CAN NYON MONGS @207A *, ,PAS KUN NAS NYON MONGS PAR GYUR PA RNAMS LA SNYING RJE ZHING BDAG MED PA DANG, SEMS CAN MED PA MNGON SUM DU GYUR PA NI 'DUL BA 'DZIN PA YANG DAG PA ZHES BYA'O ZHES 'BYUNG NGO, ,'PHAGS PA MA SKYES DGRA'I MDO LAS KYANG, BCOM LDAN 'DAS KYIS BKA' STZAL PA, KUN DGA' BO KHYOD LA BSGO'O, ,KHYOD KYIS KHONG DU CHUD PAR BYA'O, ,GAL TE MTSAMS MED PA BYED PAS DAM PA'I CHOS KYI RNAM GRANGS 'DI THOS NAS 'JUG CING MOS NA DE'I LAS DE LAS KYI SGRIB PA YIN NO ZHES NGA MI SMRA'O ZHES GSUNGS SO, ,'DI NI CHOS ZAB MO LA MOS PA'I PHAN YON MDOR BRJOD PA YIN TE, RGYAS PAR NI THEG PA CHEN PO'I MDO SDE DE DANG DE DAG LAS MNYAN PAR BYA'O, ,BYANG CHUB SEMS DPA' THABS LA MKHAS PA DANG BRAL BAR CHOS NYID ZAB MO LA SBYOR BAR MI BYA STE, 'DI LTAR THABS DANG SHES RAB ZUNG DU 'BREL PA NI, BYANG CHUB SEMS DPA' RNAMS KYI SBYOR BA YANG DAG PA'O, ,'DI SKAD DU DRI MA MED PAR GRAGS PAS BSTAN PA LAS KYANG 'BYUNG STE, THABS MED PAS ZIN PA'I SHES RAB BCINGS PA GANG ZHE NA, 'DI LTA STE, STONG PA NYID DANG MTSAN MA MED PA DANG, SMON PA MED PA LA YANG NGES PAR RTOG CING, MTSAN DANG DPE BYAD BZANG PO DANG SANGS RGYAS KYI ZHING GI RGYAN DANG, SEMS CAN YONGS SU SMIN PAR BYA BA LA NGES PAR MI RTOG PA 'DI NI THABS MED PAS ZIN PA'I SHES RAB STE BCINGS PA'O, ,THABS KYIS ZIN PA'I SHES RAB GROL BA GANG ZHE NA, 'DI LTA STE, MTSAN DANG DPE BYAD BZANG PO DANG SANGS RGYAS KYI ZHING GI RGYAN DANG, SEMS CAN YONGS SU SMIN PAR BYA BA LA, SEMS NGES PAR RTOG CING STONG PA NYID DANG MTSAN MA MED PA DANG SMON PA MED PA YANG 'DRIS PAR BYED LA, YONGS SU MI SKYO BA 'DI NI THABS KYIS ZIN PA'I SHES RAB STE GROL BA'O, ,SHES RAB KYIS MA ZIN PA'I THABS BCINGS PA GANG ZHE NA, 'DI LTA STE, LTA BA THAMS CAD DANG NYON MONGS PA KUN NAS LDANG BA DANG BAG LA NYAL BA DANG RJES SU CHAGS PA DANG KHONG KHRO BA LA GNAS TE, DGE BA'I RTZA BA BRTZAMS PA THAMS CAD BYANG CHUB TU MI BSNGO BA 'DI NI SHES RAB KYIS MA ZIN PA'I THABS TE, BCINGS PA'O, ,SHES RAB KYIS ZIN PA'I THABS GROL BA GANG ZHE NA, 'DI LTA STE, LTA BA THAMS CAD DANG NYON MONGS PA KUN NAS LDANG BA DANG BAG LA NYAL DANG RJES SU CHAGS PA DANG KHONG KHRO BA @207B SPANGS PAS, DGE BA'I RTZA BA BRTZAMS PA THAMS CAD BYANG CHUB TU YONGS SU BSNGOS LA DES KYANG MI SNYEMS PA DE NI SHES RAB KYIS ZIN PA'I THABS TE GROL BA'O, ,ZHES GSUNGS SO THABS DANG SHES RAB TU LDAN PA 'DI DAG THAMS CAD NI BYANG CHUB SEMS DPA'I SPYOD YUL LO BYANG CHUB SEMS DPA'I SPYOD YUL GANG ZHE NA, DE NYID LAS 'BYUNG BA, GANG SO SO'I SKYE BO'I SPYOD YUL YANG MA YIN, 'PHAGS PA'I SPYOD YUL YANG MA YIN PA 'DI NI BYANG CHUB SEMS DPA'I SPYOD YUL LO, ,GANG 'KHOR BA YANG SPYOD YUL LA NYON MONGS PA YANG SPYOD YUL MA YIN PA DANG, GANG MYA NGAN LAS 'DAS PAR RTOG PA YANG SPYOD YUL LA SHIN TU MYA NGAN LAS 'DAS PA YANG SPYOD YUL MA YIN PA DANG, GANG BDEN PA BZHI'I YE SHES KYANG SPYOD YUL LA DUS MA YIN PAR BDEN PA'I RTOG PAR BYED PA YANG SPYOD YUL MA YIN PA DANG, GANG NANG DU SO SOR RTOG PA YANG SPYOD YUL LA BSAMS BZHIN DU SRID PAR SKYE BA YONGS SU 'DZIN PA YANG SPYOD YUL BA DANG, GANG MI SKYE BAR RAB TU RTOG PA YANG SPYOD YUL LA NGES PAR 'GYUR BA LA 'JUG PA YANG SPYOD YUL MA YIN PA DANG, GANG SEMS CAN THAMS CAD KYI 'DU 'DZI YANG SPYOD YUL LA NYON MONGS PA'I BAG LA NYAL YANG SPYOD YUL MA YIN PA DANG, GANG STONG PA NYID KYANG SPYOD YUL LA RNAM PA THAMS CAD DU YON TAN YONGS SU TSOL BA LA YANG SPYOD YUL BA DANG, GANG MNGON PAR 'DU MI BYED PA YAG SPYOD YUL LA DGE BA'I RTZA BA THAMS CAD MNGON PAR 'DU BYED PA RGYUN MI GCOD PA YANG SPYOD YUL BA DANG, GANG ZHI GNAS DANG LHAG MTHONG GI CHOS THAMS CAD YONGS SU TSOL BA YANG SPYOD YUL LA SHIN TU ZHI BAR MI LTUNG BA YANG SPYOD YUL BA DANG, GANG CHOS KYI 'KHOR LO RAB TU BSKOR BA DANG, GANG YONGS SU MYA NGAN LAS 'DAS PA CHEN PO STON PA YANG SPYOD YUL LA BYANG CHUB SEMS DPA'I SPYOD PA MI GTONG BA YANG SPYOD YUL LA 'DI NI BYANG CHUB SEMS DPA'I SPYOD YUL LO ZHES GSUNGS SO, ,BDUD 'DUL BA'I MDO LAS KYANG, LHA'I BU GZHAN YANG BYANG CHUB SEMS DPA' RNAMS KYI SBYOR BA YANG DAG PA YANG DAG PHUL NI GANG, SHES RAB KYI SHES PAS BRTZON PA YANG MED LA THABS KYI SHES PAS DGE BA'I CHOS THAMS CAD SDUD PA LA YANG SBYOR BA DANG, SHES RAB KYI SHES PAS BDAG MED PA DANG, SEMS CAN MED PA DANG, @208A *, ,SROG MED PA DANG, GSO BA PO MED PA DANG, GANG ZAG MED PAR YANG SBYOR LA THABS KYI SHES PAS SEMS CAN THAMS CAD YONGS SU SMIN PAR BYED PAR YANG SBYOR BA DANG, SHES RAB KYI SHES PAS CHOS THAMS CAD BLANG BA MED PA DANG DOR BA MED PA YANG SBYOR LA, THABS KYI SHES PAS CHOS THAMS CAD YONGS SU 'DZIN PAR YANG SBYOR BA DANG, SHES RAB KYI SHES PAS SANGS RGYAS THAMS CAD DANG CHOS KYI DBYINGS DBYER MED PAR YANG SBYOR LA THABS KYI SHES PAS SANGS RGYAS THAMS CAD LA BLA MAR BYA BA DANG, GUS PAR BYA BA DANG, MCHOD PAR BYA BA DANG, RIM GRO BYED PAR YANG SBYOR BA DANG, SHES RAB KYI SHES PAS SANGS RGYAS KYI ZHING THAMS CAD NAM MKHA'I ZHING DU YANG SBYOR LA THABS KYI SHES PAS SANGS RGYAS KYI ZHING GI YON TAN BKOD PA YONGS SU SBYONG BA'I RGYAN LA YANG SBYOR BA DANG, SHES RAB KYI SHES PAS 'PHAGS PA THAMS CAD 'DUS MA BYAS KYIS RAB TU PHYE BAR YANG SBYOR LA, THABS KYI SHES PAS 'PHAGS PA THAMS CAD LA BLA MA DANG GUS PA DANG RIM GRO BYED PAR YANG SBYOR BA DANG, SHES RAB KYI SHES PAS, SANGS RGYAS KYI SKU ZAG PA MED PAR SO SOR RTOG PAR YANG SBYOR LA, THABS KYI SHES PAS MTSAN DANG DPE BYAD BZANG PO DANG RGYAN LA YANG SBYOR BA DANG, SHES RAB KYI SHES PAS 'DU BYED THAMS CAD MA SKYES PA DANG MA BYUNG BAR YANG SO SOR RTOG PAR YANG SBYOR LA, THABS KYI SHES PAS BSAMS BZHIN DU SRID PAR SKYE BA YONGS SU 'DZIN PA LA YANG SBYOR BA'O ZHES GSUNGS SO, ,'PHAGS PA BLO GROS MI ZAD PAS BSTAN PA LAS KYANG, DE LA BYANG CHUB SEMS DPA'I THABS NI GANG, SHES RAB MNGON PAR SGRUB PA NI GANG ZHE NA; GANG SNYOMS PAR 'JUG PA NA SEMS CAN LA LTA BAS SNYING RJE CHEN PO'I DMIGS PA LA SEMS 'DOGS PA 'DI NI DE'I THABS SO, ,GANG ZHI ZHING RAB TU ZHI BA LA SNYOMS PAR 'JUG PA 'DI NI DE'I SHES RAB BO, ,GANG SNYOMS PAR 'JUG PA NA SNYING RJE CHEN PO DANG SANGS RGYAS KYI YE SHES LA STON PA 'DI NI DE'I THABS SO; ,GANG CI LA YANG MI GNAS PAR BSAM GTAN BYED PA 'DI NI DE'I SHES RAB BO, ,GANG SNYOMS PAR 'JUG PA NA CHOS THAMS CAD YONGS SU 'DZIN PA LA LTA BA 'DI NI DE'I THABS SO, ,GANG CHOS KYI DBYINGS DBYER MED PAR BSAM GTAN BYED PA 'DI NI DE'I SHES RAB BO, ,GANG SNYOMS PAR 'JUG PA NA SANGS RGYAS @208B KYI SKU'I RGYAN MNGON DU BYED PA 'DI NI DE'I THABS SO, ,GANG CHOS KYI SKU GNAS PAS BSAM GTAN BYED PA 'DI NI DE'I SHES RAB BO ZHES GSUNGS SO, ,'PHAGS PA DRI MA MED PAR GRAGS PAS BSTAN PA LAS KYANG, BYAMS PA BYANG CHUB SEMS DPA' RNAMS KYI PHYAG RGYA NI 'DI GNYIS TE, 'DI GNYIS GANG ZHE NA TSIG DANG 'BRU SNA TSOGS LA DAD PA'I PHYAG RGYA DANG, CHOS KYI TSUL ZAB MOS MI SKRAG CING YANG DAG PA JI LTA BA BZHIN DU 'BAB PA DANG, 'JUG PA'I PHYAG RGYA STE, PHYAG RGYA DE GNYIS NI BYANG CHUB SEMS DPA' RNAMS KYI PHYAG RGYA'O, ,DE LA BYANG CHUB SEMS DPA' GANG SEMS TSIG DANG 'BRU SNA TSOGS LA DAD CING LHUR BYED PA DE DAG NI LAS DANG PO PA'O, ,GANG DAG MDO SDE ZAB MO MA GOS PA PHRUGS DANG SNREL ZHI'I RGYUD KYI TSIG DANG RIM PA RAB TU DBYE BA 'DI 'DON PA DANG, NYAN PA DANG MOS PA DANG STON PAR 'GYUR BA'I BYANG CHUB SEMS DPA' DE DAG NI YUN RING PO NAS TSANGS PAR SPYOD PA SPYAD PAR RIG PAR BYA'O, ,LAS DANG PO BA'I BYANG CHUB SEMS DPA' NI RGYU GNYIS KYIS BDAG LA RMA 'BYIN TE, CHOS ZAB MO LA NGES PAR SEMS PAR MI 'GYUR RO, ,GNYIS GANG ZHE NA SNGON MA THOS PA'I MDO SDE ZAB MO THOS NA SKRAG CING THE TSOM DU GYUR NAS RJES SU YI RNAG BAR MI BYED KYI STENG DU, 'DI LTA BU BDAG CAG GI SNGON MA THOS NA DE DAG GANG NAS 'ONG ZHES SPONG BAR BYED PA DANG, RIGS KYI BU GANG DAG MDO SDE ZAB MO 'DI 'DZIN PA DANG, CHOS ZAB MO'I SNOD DU GYUR PA DANG CHOS ZAB MO STON PA DE DAG LA MI BSTEN MI 'GROGS BSNYEN BKUR MI BYED CING DE DAG LA BSTI STANG MI BYED PAR 'GYUR TE, BAR BAR DU DE DAG LA MI SNYAN PA YANG BRJOD PA'O, ,RGYU GNYIS KYIS CHOS ZAB MO LA MOS PA'I BYANG CHUB SEMS DPA' BDAG NYID LA RMA 'BYIN TE, MI SKYE BA'I CHOS LA YANG BZOD PA MYUR DU THOB PAR MI 'GYUR RO, ,GNYIS GANG ZHE NA, LAS DANG PO PA SPYAD NAS RING POR MA LON PA'I BYANG CHUB SEMS DPA' RNAMS LA BRNYAS SHING KHYAD DU GSOD DE, 'DZIN DU MI 'JUG MI BYED MI STON PA DANG, GANG ZAB MO LA MOS PA'I BSLAB PA LA RI MO MI BYED CING, 'JIG RTEN GYI ZANG ZING GI SBYIN PAS NI SEMS CAN LA PHAN 'DOGS SHING CHOS KYI SBYIN PAS MA YIN TE RGYU GNYIS PO DAG GO ZHES GSUNGS SO, ,GANG SANGS RGYAS DANG BYANG CHUB SEMS DPA'I CHE BA NYID RGYA CHEN PO LA 'JUG PA'I SEMS @209A *, ,CAN DE DAG NI SHIN TU RNYED PAR DKA'O, ,SANGS RGYAS DANG BYANG CHUB SEMS DPA'I CHE BA NYID RGYA CHEN PO GANG ZHE NA, 'PHAGS PA DRI MA MED PAR GRAGS PAS BSTAN PA LAS 'BYUNG BA, BTZUN PA 'OD SRUNGS CHEN PO PHYOGS BCU'I 'JIG RTEN GYI KHAMS DPAG TU MED PA NA BYANG CHUB SEMS DPA' LA SLONG BA GANG GIS LAG PA'AM, RKANG PA'AM, RNA BA'AM, SNA'AM, KHRAG GAM, RGYUS PA'AM, RUS PA'AM, RKANG NGAM, MIG GAM, RO STOD DAM, MGO'AM, YAN LAG DANG NYING LAG GAM, RGYAL PO'I SRID DAM, YUL 'KHOR DANG, LJONGS SAM CHUNG MA DANG, BU PHO DANG, BU MO DANG, BRAN PHO DANG, BRAN MO DANG, RTA DANG BA LANG DANG, SHING RTA DANG, BZHON PA'AM, GSER DANG, DNGUL DANG, NOR BU DANG, MU TIG DANG, MAN SHEL DANG, BYE RU DANG, BEEd'URYA DANG, NOR BU RIN PO CHE RNAMS KYANG RUNG, BZA' BA DANG, BTUNG BA DANG, BRO BA RNAMS SAM, GOS RNAMS NYAM NGA BAR BYAS TE, SLONG BA DE DAG THAMS CAD KYANG PHAL CHER BSAM GYIS MI KHYAB PA'I RNAM PAR THAR PA LA GNAS PA'I BYANG CHUB SEMS DPA' RNAMS TE, THABS LA MKHAS PAS LHAG PA'I BSAM PA BRTAN PA 'DI DAG STON TO, ,DE CI'I PHYIR ZHE NA, BTZUN PA 'OD SRUNGS CHEN PO BYANG, CHUB SEMS DPA' RNAMS NI DKA' THUB DRAG PAS NA DE LTA BUR STON TE, GO SKABS MA PHYE BAR BYANG CHUB SEMS DPA' LA NYAM NGA BA BYED PA'I MTHU SKYE BO PHAL PO CHE LA MED DO, ,GO SKABS MA PHYE BAR SAD PA'AM, SLONG BAR YANG MI NUS SO, ,BTZUN PA 'OD SRUNGS CHEN PO 'DI LTA STE DPER NA, BA LANG GLANG PO CHE'I KHUR THEG PA NI BONG BUS BZOD PAR MI NUS TE, DE BZHIN DU BTZUN PA 'OD SRUNGS CHEN PO BYANG CHUB SEMS DPA' MA YIN PAS BYANG CHUB SEMS DPA' LA NYAM NGA BAR BYED MI NUS KYIS BYANG CHUB SEMS DPA' NYID BYANG CHUB SEMS DPA' LA NYAM NGA BAR BYED DE, BYANG CHUB SEMS DPA' NYAM NGA BAR BYAS PA BYANG CHUB SEMS DPAS BZOD DO ZHES GSUNGS SO, ,DE SKAD DU 'PHAGS PA SDONG PO BKOD PA'I MDO LAS KYANG BYANG CHUB SEMS DPA' CHOS KYI DBYINGS KYI SMON LAM GYI GZHI RAB TU RTOG PA ZHES BYA BA, DE BZHIN GSHEGS PA YE SHES KYI DKYIL 'KHOR DU SNANG BA'I DBYINGS KYI SANGS RGYAS KYI ZHING, SANGS RGYAS KYI RIGS MI ZAD PA STON PA NAS @209B 'ONGS TE, BCOM LDAN 'DAS SH'AKYA THUB PA'I SPYAN SNGAR BYANG CHUB SEMS DPA'I MTHU RAB TU BSTAN PA 'DI LTA STE, MTSAN DANG DPE BYAD BZANG PO THAMS CAD DANG, SPU'I RTZE MO THAMS CAD DANG, LUS THAMS CAD DANG, YAN LAG DANG, NYING LAG THAMS CAD DANG, TSIG GI LAM THAMS CAD DANG, GOS DANG SMAD G-YOGS THAMS CAD NAS, BYANG CHUB SEMS DPA'I 'KHOR THAMS CAD DANG, BDAG DANG BCOM LDAN 'DAS RNAM PAR SNANG MDZAD DANG SNGON GYI MTHA'I MUR THUG PA'I DE BZHIN GSHEGS PA 'DAS PA THAMS CAD DANG, PHYI MA'I MTHA'I MUR THUG PA'I DE BZHIN GSHEGS PA LUNG BSTAN PA DANG, LUNG MA BSTAN PA MA BYON PA THAMS CAD DANG, DA LTAR BYUNG BA'I PHYOGS BCU'I SANGS RGYAS KYI ZHING RAB 'BYAM THAMS CAD NA BZHUGS PA RNAMS KYI SNGON GYI SBYIN PA'I PHA ROL TU PHYIN PA DANG LDAN PA'I SNGON GYI SBYOR BA RGYA MTSO DANG, LEN PA DANG, SBYIN PA'I DNGOS PO THAMS CAD KYI GZUGS BRNYAN DANG MTSAN DANG DPE BYAD BZANG PO DANG, SPU'I RTZE MO DANG, LUS THAMS CAD DANG, YAN LAG DANG NYING LAG DANG, TSIG GI LAM DANG, GOS DANG SMAD G-YOGS THAMS CAD LA RAB TU SNANG BAR GYUR PAR RNAM PAR BSTAN PA DANG, TSUL KHRIMS KYI PHA ROL TU PHYIN PA THAMS CAD DANG LDAN PA'I SNGON GYI SBYOR BA RGYA MTSO DAG KYANG RAB TU SNANG BAR YONGS SU BSTAN PA DANG BZOD PA'I PHA ROL TU PHYIN PA DANG LDAN PA'I YAN LAG DANG NYING LAG THAMS CAD MTHUN PAR RA TU BSTAN PA DANG LDAN PA'I SNGON GYI SBYOR BA RGYA MTSO RAB TU SNANG BAR GYUR PA YONGS SU BSTAN PA DANG, BYANG CHUB SEMS DPA' THAMS CAD KYI BRTZON 'GRUS DANG, DRAG SHUL DANG, RNAM PAR GNON PA DANG LDAN PA'I SNGON GYI SBYOR BA RGYA MTSO RAB TU SNANG BAR GYUR PA YONGS SU BSTAN PA DANG, DE BZHIN GSHEGS PA THAMS CAD KYI BSAM GTAN GYI RGYA MTSO YONGS SU TSOL ZHING RAB TU SGRUB PA DANG LDAN PA'I SNGON GYI SBYOR BA'I RGYA MTSO RAB TU SNANG BAR GYUR PA YONGS SU BSTAN PA DANG, DE BZHIN GSHEGS PA THAMS CAD KYI CHOS KYI 'KHOR LO BSKOR BA'I TSUL YONGS SU SGRUB CING CHOS YONGS SU TSOL BA DANG LDAN PA DANG, BDOG PA THAMS CAD YONGS SU GTONG ZHING RTZOL BA CHEN PO'I LUS DANG NGO BO GZUGS BRNYAN RNAM PAR RIG PAR BYA BAS SNGON GYI SBYOR BA RGYA MTSO RAB TU SNANG BAR GYUR PA YONGS SU BSTAN PA DANG, @210A *, ,DE BZHIN GSHEGS PA THAMS CAD MTHONG ZHING DGA' BA DANG, BYANG CHUB SEMS DPA' THAMS CAD KYI LAM LA 'GRO BA THAMS CAD MNGON PAR MOS PAR BYED PA DANG LDAN PA'I SNGON GYI SBYOR BA RGYA MTSO RAB TU SNANG BAR GYUR PA YONGS SU BSTAN PA DANG, BYANG CHUB SEMS DPA' THAMS CAD KYI SNGON GYI SMON LAM RGYA MTSO MNGON PAR SGRUB PA'I SGO YONGS SU DAG PA DANG LDAN PA'I SNGON GYI SBYOR BA RGYA MTSO RAB TU SNANG BAR GYUR PA YONGS SU BSTAN PA DANG, BYANG CHUB SEMS DPA' [?] THAMS CAD KYI STOBS KYI PHA ROL TU PHYIN PA RAB TU GRUB PA DANG, RNAM PAR MNAN PA DANG RNAM PAR DAG PAR BYAS PA DANG LDAN PA'I SNGON GYI SBYOR BA RGYA MTSO RAB TU SNANG BAR GYUR PA YONGS SU BSTAN PA DANG, CHOS KYI DBYINGS RGYA CHEN PO RNAM PAR 'PHRUL PA THAMS CAD KYI SPRIN GYIS RGYAS PAR BKANG STE, BYANG CHUB SEMS DPA' THAMS CAD KYI YE SHES KYI DKYIL 'KHOR DANG LDAN PA'I SNGON GYI SBYOR BA RGYA MTSO RAB TU SNANG BAR GYUR PA YONGS SU BSTAN PAR BYED CING, MI MJED KYI 'JIG RTEN GYI KHAMS GANG NA BA DER LHAGS NAS, BCOM LDAN 'DAS GA LA BA DER DONG STE 'KHOR DANG BCAS PAS, BCOM LDAN 'DAS LA PHYAG 'TSAL NAS, STENG GI PHYOGS SU BSTEN TE, RDO RJE'I DBANG PO SNA TSOGS THAMS CAD KYI RGYAN GYI SNYING PO CAN GYI GANG PA BRTZEGS PA DANG, SENG GE'I KHRI RDO RJE DANG, AANDA RNYIL GYI PAD MO'I SNYING PO CAN DAG MNGON PAR SPRUL NAS NOR BU'I RGYAL PO RIN PO CHE THAMS CAD RAB TU 'BAR BA'I DRA BAS KUN NAS BRGYAN PA DANG, RIN PO CHE'I RGYAL PO DUS GSUM GYI DE BZHIN GSHEGS PA'I MTSAN DANG DBYANGS SU SGROGS PA'I PHRENG BA RAB TU 'PHYANG BA DANG, MGO LA RIN PO CHE'I COD PAN THOGS PA'I BYANG CHUB SEMS DPA' LUS SU BYIN GYIS BRLABS NAS SKYIL MO KRUNG BCAS TE 'KHOD DO, ,BYANG CHUB SEMS DPA' DE DAG THAMS CAD KYANG 'KHOR DANG BCAS PAR BYANG CHUB SEMS DPA' KUN DU BZANG PO'I SPYOD PA DANG, SMON LAM GYIS BYUNG BA, DE BZHIN GSHEGS PA THAMS CAD KYI ZHABS KYI DRUNG NAS ZHAL DU LTA BA, YE SHES YONGS SU DAG PA'I MIG DANG LDAN PA, DE BZHIN GSHEGS PA THAMS CAD KYI CHOS KYI 'KHOR LO DANG MDO SDE'I TSUL GYI GSUNG RGYA MTSO LA RNA BA YONGS SU GZHOL BA, BYANG CHUB SEMS DPA' THAMS CAD KYI DBANG @210B RAB TU THOB PAR BYA BA LA PHA ROL TU PHYIN PA'I MCHOG THOB PA, DE BZHIN GSHEGS PA THAMS CAD KYI DRUNG DU 'DONG BA SKAD CIG GCIG TU YONGS SU BSTAN PA DANG, RNAM PAR 'PHRUL PA LAS BYUNG BA, 'JIG RTEN GYI KHAMS THAMS CAD DU LUS GCIG GIS RGYAS PAR GANG BA'I YUL DANG LDAN PA, DE BZHIN GSHEGS PA THAMS CAD KYI 'KHOR GYI DKYIL 'KHOR DU LUS MNGON PAR 'BYUNG ZHING RNAM PAR SNANG BA RDUL SHIN TU PHRA BA GCIG LA 'JIG RTEN GYI KHAMS GCIG TU SNANG ZHING KHONGS SU CHUD PAR YANG DAG PAR STON PA'I YUL DANG LDAN PA, 'GRO BA THAMS CAD YONGS SU SMIN PAR BYA BA DANG GDUL BYA'I DUS LA SDOD PAR GZHOL BA, DE BZHIN GSHEGS PA THAMS CAD KYI CHOS KYI 'KHOR LO'I SPRIN GYI 'BRUG SGRA SPU'I RTZE MO THAMS CAD NAS RAB TU SGROGS PA'I YUL DANG LDAN PA, 'JIG RTEN GYI KHAMS RAB 'BYAM THAMS CAD SPRUL PA LTA BUR KHONG DU CHUD PA, SEMS CAN THAMS CAD KYI LUS MNYAM PA KUN TU STON PA, SEMS KYI SKAD CIG LA PHYOGS BCU RGYA MTSO THAMS CAD DU RNAM PAR SPRUL PAS RGYAS PAR 'GENGS PA'O ZHES GSUNGS SO, ,YANG SDONG PO BKOD PA'I MDO DE NYID LAS, BYANG CHUB SEMS DPA'I CHE BA NYID BSTAN TE, DE NAS TSONG DPON GYI BU NOR BZANGS KYIS BYANG CHUB SEMS DPA' KUN TU BZANG PO'I LUS MTHONG BA DANG, BYANG CHUB SEMS DPA' KUN TU BZANG PO'I YAN LAG RE RE DANG, YAN LAG RNAM PAR PHYE BA RE RE DANG, LUS KYI CHA RE RE DANG, LUS KYI RNAM PAR PHYE BA RE RE DANG, YAN LAG GI CHA RE RE DANG, YAN LAG GI PHYOGS RNAM PAR PHYE BA RE RE DANG, LUS RE RE DANG, LUS RNAM PAR PHYE BA RE RE DANG, SPU'I KHUNG BU RE RE DANG, SPU'I KHUNG BU RNAM PAR PHYE BA RE RE DANG, STONG GSUM GYI STONG CHEN PO'I 'JIG RTEN GYI KHAMS 'DI RLANG [*RLUNG?] GI PHUNG PO DANG BCAS, CHU'I PHUNG PO DANG BCAS, SA'I PHUNG PO DANG BCAS, ME'I PHUNG PO DANG BCAS, RGYA MTSO DANG BCAS, GLING DANG BCAS, CHU KLUNG DANG BCAS, RIN PO CHE'I RI DANG BCAS, RI RAB DANG BCAS, KHOR YUG DANG BCAS, GRONG DANG, GRONG KHYER DANG, GRONG RDAL DANG, YUL 'KHOR DANG PHO BRANG 'KHOR DANG BCAS, NAGS TSAL DANG BCAS, KHANG KHYIM DANG BCAS, SKYE BO'I TSOGS DANG BCAS, SEMS CAN DMYAL BA'I @211A *, ,'JIG RTEN DANG BCAS, DUD 'GRO'I SKYE GNAS DANG BCAS, GSHIN RJE'I 'JIG RTEN DANG BCAS, LHA MA YIN GYI 'JIG RTEN DANG BCAS, KLU'I 'JIG RTEN DANG BCAS, NAM MKHA' LDING GI 'JIG RTEN DANG BCAS, MI'I 'JIG RTEN DANG BCAS LHA'I 'JIG RTEN DANG BCAS, TSANGS PA'I 'JIG RTEN DANG BCAS, 'DOD PA'I KHAMS KYI YUL DANG BCAS, GZUGS KYI KHAMS KYI YUL DANG BCAS, GZUGS MED PA'I KHAMS KYI YUL DANG BCAS, GZHI DANG BCAS, RTEN DANG BCAS, DBYIBS DANG BCAS, SPRIN DANG BCAS, GLOG DANG BCAS, SKAR MA DANG BCAS, NYIN ZHAG DANG BCAS, ZLA BA PHYED DANG BCAS, ZLA BA GCIG DANG BCAS, DUS DANG BCAS, LO DANG BCAS, BSKAL PA BAR MA DANG BCAS, BSKAL PA DANG BCAS PAR GZUGS BRNYAN GYI TSUL DU MTHONG NGO, ,'JIG RTEN GYI KHAMS 'DI LA JI LTA BA DE BZHIN DU SHAR PHYOGS KYI 'JIG RTEN GYI KHAMS THAMS CAD KYANG MTHONG BAR GYUR TO, ,SHAR PHYOGS LA JI LTA BA DE BZHIN DU, LHO PHYOGS DANG, NUB PHYOGS DANG, BYANG PHYOGS DANG, BYANG SHAR GYI PHYOGS MTSAMS DANG, SHAR LHO'I PHYOGS MTSAMS DANG, LHO NUB KYI PHYOGS MTSAMS DANG, NUB BYANG GI PHYOGS MTSAMS DANG, 'OG DANG, STENG GI PHYOGS DANG, PHYOGS MTSAMS THAMS CAD KYI 'JIG RTEN GYI KHAMS THAMS CAD KYANG SANGS RGYAS 'BYUNG BA DANG BCAS, BYANG CHUB SEMS DPA'I 'KHOR GYI DKYIL 'KHOR DANG BCAS PAR GZUGS BRNYAN GYI TSUL DU MTHONG BAR GYUR TO, ,GANG MI MJED KYI 'JIG RTEN GYI KHAMS 'DIR SNGON GYI MTHA'I MUR THUG PA'I 'JIG RTEN GYI KHAMS GCIG NAS GCIG TU BRGYUD PA JI SNYED PA DE DAG THAMS CAD KYANG, BYANG CHUB SEMS DPA' KUN TU BZANG PO'I SKYES BU CHEN PO'I MTSAN RE RE LAS SANGS RGYAS 'BYUNG BA DANG BCAS, BYANG CHUB SEMS DPA'I 'KHOR GYI DKYIL 'KHOR DANG BCAS, SEMS CAN DANG BCAS, KHANG KHYIM DANG BCAS, BSKAL PA DANG BCAS PAR MTHONG BAR GYUR TO, ,DE BZHIN DU PHYI MA'I MTHA'I MUR THUG PA'I SANGS RGYAS KYI ZHING RAB 'BYAM THAMS CAD KYANG MTHONG BAR GYUR TO, ,JI LTAR 'JIG RTEN GYI KHAMS @211B 'DIR SNGON GYI MTHA' DANG PHYI MA'I MTHAR THUG PA'I 'JIG RTEN GYI KHAMS GCIG NAS GCIG TU BRGYUD PA THAMS CAD MTHONG BAR GYUR PA DE BZHIN DU PHYOGS BCU'I 'JIG RTEN GYI KHAMS THAMS CAD DU YANG SNGON GYI MTHA' DANG PHYI MA'I MTHA'I MUR THUG PA'I 'JIG RTEN GYI KHAMS GCIG NAS GCIG TU BRGYUD PA THAMS CAD KYANG BYANG CHUB SEMS DPA' KUN TU BZANG PO'I LUS KYI SKYES BU CHEN PO'I MTSAN RE RE DANG, SPU'I KHUNG BU RE RE NAS SHIN TU RNAM PAR PHYE BA DANG, PHAN TSUN MA 'DRES PAR MTHONG BAR GYUR TO, ,BYANG CHUB SEMS DPA' KUN TU BZANG PO YANG, JI LTAR BCOM LDAN 'DAS DE BZHIN GSHEGS PA RNAM PAR SNANG MDZAD KYI SPYAN SNGA NA SENG GE'I KHRI RIN PO CHE CHEN PO'I PAD MA'I SNYING PO CAN LA 'DUG CING, RNAM PAR RTZE BA 'DI LTA BUR YONGS SU BSTAN PA MTHONG BA DE BZHIN DU, SHAR PHYOGS NA YANG BCOM LDAN 'DAS DE BZHIN GSHEGS PA BZANG PO'I DPAL 'JIG RTEN GYI KHAMS PADMA'I DPAL NA RNAM PAR RTZE BA 'DI NYID YONGS SU STON CING 'DUG PAR MTHONG NGO, ,SHAR PHYOGS NA JI LTA BA DE BZHIN DU PHYOGS DANG, PHYOGS MTSAMS KUN GYI 'JIG RTEN GYI KHAMS THAMS CAD NA DE BZHIN GSHEGS PA THAMS CAD KYI ZHABS DRUNG NA, BYANG CHUB SEMS DPA' SEMS DPA' CHEN PO KUN TU BZANG PO SENG GE'I KHRI RIN PO CHE CHEN PO'I PADMA'I SNYING PO CAN LA 'DUG CING RNAM PAR RTZE BA 'DI NYID YONGS SU STON PAR MTHONG NGO, ,JI LTAR PHYOGS BCU'I 'JIG RTEN GYI KHAMS THAMS CAD NA DE BZHIN GSHEGS PA THAMS CAD KYI ZHABS DRUNG NA, BYANG CHUB SEMS DPA' SEMS DPA' CHEN PO KUN TU BZANG PO SENG GE'I KHRI RIN PO CHE CHEN PO'I PADMA'I SNYING PO CAN LA 'DUG CING RNAM PAR RTZE BA 'DI NYID YONGS SU STON PA MTHONG BA DE BZHIN DU PHYOGS BCU KUN GYI SANGS RGYAS KYI ZHING THAMS CAD KYI RDUL PHRA RAB KYI RDUL DAG DANG, RDUL PHRA RAB KYI RDUL RE RE'I SANGS RGYAS KYI 'KHOR GYI DKYIL 'KHOR CHOS KYI DBYINGS LTAR RGYA CHE BA DAG NA, BYANG CHUB SEMS DPA' KUN TU BZANG PO DE BZHIN GSHEGS PA THAMS CAD KYI ZHABS DRUNG NA SENG GE'I KHRI RIN PO CHE CHEN PO'I PADMA'I SNYING PO CAN LA 'DUG CING RNAM PAR RTZE BA 'DI NYID YONGS SU STON PAR MTHONG NGO, ,DE'I LUS RE RE LAS, DUS GSUM DU BYUNG BA'I DMIGS PA THAMS CAD GZUGS BRNYAN GYI TSUL DU RNAM PAR DMIGS PAR @212A *, ,MNGON PAR BSTAN PAR MTHONG NGO, ,ZHING THAMS CAD DANG, SEMS CAN THAMS CAD DANG, SANGS RGYAS 'BYUNG BA THAMS CAD DANG, BYANG CHUB SEMS DPA'I 'KHOR GYI DKYIL 'KHOR THAMS CAD KYANG GZUGS BRNYAN GYI TSUL DU RNAM PAR DMIGS PA MNGON DU BSTAN PAR MTHONG NGO, ,SEMS CAN THAMS CAD KYI SGRA DANG, SANGS RGYAS THAMS CAD KYI DBYANGS DANG, DE BZHIN GSHEGS PA THAMS CAD KYI CHOS KYI 'KHOR LO BSKOR BA DANG, RJES SU BSTAN PA DANG, KUN BRJOD PA'I CHO 'PHRUL THAMS CAD DANG, BYANG CHUB SEMS DPA'I YANG DAG PAR BSDU BA THAMS CAD PA DANG, SANGS RGYAS KYI RNAM PAR ROL PA THAMS CAD KYANG THOS PAR GYUR TO ZHES GSUNGS SO, ,'DI NI BYANG CHUB SEMS DPA'I CHE BA NYID RGYA CHEN PO MDO TZAM SMOS PA YIN TE, RGYAS PAR NI PHYI MA'I MTHA'I BSKAL PAR YANG BSTAN PAR MI NUS SO, ,DE LA DE BZHIN GSHEGS PA'I CHE BA NYID KYI MTHU GANG ZHE NA, SA BCU'I MDO SDE LAS, BYANG CHUB SEMS DPA' RNAM PAR GROL BA'I ZLA BAS, BYANG CHUB SEMS DPA' RDO RJE'I SNYING PO LA DRIS PA, KYE RGYAL BA'I SRAS BYANG CHUB SEMS DPA' RNAMS KYI SPYOD PA DANG YUL DANG BYIN GYI RLABS KYANG DE LTAR TSAD MED NA, DE BZHIN GSHEGS PA RNAMS KYI SPYOD YUL DANG YUL LA 'JUG PA CI 'DRA, BYANG CHUB SEMS DPA' RDO RJE SNYING POS SMRAS PA, KYE RGYAL BA'I SRAS 'DI LTA STE DPER NA, MI LA LA ZHIG GIS GLING BZHI PA'I 'JIG RTEN GYI KHAMS NAS RDE'U RGYA SHUG GI TSIG GU TZAM GNYIS SAM GSUM ZHIG BLANGS TE, 'DI SKAD DU 'JIG RTEN GYI KHAMS MTHA' YAS PA DAG NA, SA'I KHAMS JI SNYED CIG YOD DE, RDE'U 'DI LAS JI TZAM ZHIG GIS LHAG PAR 'PHAGS SHING, LHAG PAR TSAD MED CES ZER BA CIG YOD NA, KYE RGYAL BA'I SRAS DE LTAR KHYOD DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS YE SHES TSAD MED PA MNGA' BA RNAMS KYI CHOS NYID LA, BYANG CHUB SEMS DPA'I CHOS NYID KYIS 'JAL BA NI KHYOD KYI TSIG 'DI YANG DE DANG 'DRA BAR BDAG GIS DPAGS SO, ,KYE RGYAL BA'I SRAS 'DI LTAR GLING BZHI PA'I 'JIG RTEN GYI KHAMS NAS GANG BLANGS PA'I SA'I KHAMS NI CHUNG LA LHAG MA LAS PA NI TSAD MED DO, ,KYE RGYAL BA'I SRAS DE @212B BZHIN DU BYANG CHUB SEMS DPA'I SA CHOS KYI SPRIN 'DI KHO NA YANG BSKAL PA GRANGS MED PAR SHIN TU BSTAN KYANG, PHYOGS TZAM ZHIG BSTAN DU ZAD NA, DE BZHIN GSHEG PA'I SA LTA SMOS KYANG CI DGOS, KYE RGYAL BA'I SRAS KHYOD LA BSGO'O, ,KHYOD KYIS KHONG DU CHUD PAR BYA'O, ,DE BZHIN GSHEGS PA 'DI BDAG GI MDUN NA DPANG DU BZHUGS TE, KYE RGYAL BA'I SRAS GAL TE PHYOGS BCU'I PHYOGS RE RE'I SANGS RGYAS KYI ZHING 'JIG RTEN GYI KHAMS MU MED PA'I RDUL PHRA RAB KYI RDUL SNYED CIG SA 'DI LTA BU THOB PA'I BYANG CHUB SEMS DPA' RNAMS KYIS BU RAM SHING GI TSAL LAM, 'DAM BU'I TSAL LAM 'OD MA'I TSAL LAM, TIL GYI TSAL LTAR YONGS SU GANG BAR GYUR KYANG DE DAG GI BYANG CHUB SEMS DPA'I SPYOD PA MNGON PAR SGRUB PA BSKAL PA MU MED PAR BSGRUBS PA DAG NI, DE BZHIN GSHEGS PA'I YE SHES SKAD CIG YUD TZAM THANG CIG TU BYUNG BA'I DE BZHIN GSHEGS PA'I YUL GYI BRGYA'I CHAR YANG MI CHOG PA NAS, DE BZHIN DU BYE BA KHRAG KHRIG BRGYA STONG GI CHA'I BAR DANG RGYUR YANG MI CHOG GO ZHES GSUNGS SO, ,DE BZHIN GSHEGS PA'I YON TAN DANG YE SHES BSAM GYIS MI KHYAB PA'I YUL LA 'JUG PA BSTAN PA'I MDO LAS KYANG, 'JAM DPAL DE BZHIN GSHEGS PA 'DI SEMS CAN LA LA DAG GIS NI 'KHOR BA 'DI NYID DU RAB TU 'BYUNG BA LA PHYOGS PA DANG, KHYIM NAS MNGON PAR 'BYUNG BAR SHES SO, ,LA LA DAG GIS NI RAB TU BYUNG BA DANG, LA LA DAG GIS NI DKA' BA SPYOD PA LA GNAS PA DANG, LA LA DAG GIS NI BYANG CHUB KYI SNYING POR 'GRO BA DANG, LA LA DAG GIS NI BYANG CHUB KYI SNYING PO LA 'DUG PA DANG, LA LA DAG GIS NI BDUD BCOM PA DANG, LA LA DAG GI NI MNGON PAR RDZOGS PAR SANGS RGYAS PA DANG, LA LA DAG GIS NI BRGYA BYIN DANG, TSANGS PA DANG, 'JIG RTEN SKYONG BA RNAMS KYIS GSOL BA BTAB PA DANG, LA LA DAG GIS NI CHOS KYI 'KHOR LO RAB TU BSKOR BAR SHES SO, , LA LA DAG GIS NI NYAN THOS KYI THEG PA'I GTAM DANG, LA LA DAG GIS NI RANG SANGS RGYAS KYI THEG PA'I GTAM DANG, LA LA DAG GIS NI THEG PA CHEN PO'I GTAM THOS SO, ,LA LA DAG GIS NI DE BZHIN GSHEGS PA'I SKU'I SRID 'DOM GANG BAR MTHONG NGO, ,LA LA DAG GIS NI RGYANG GRAGS GCIG TZAM @213A *, ,PA NAS, LA LA DAG GIS NI DE BZHIN GSHEGS PA'I SKU'I SRID DPAG TSAD BYE BA KHRAG KHRIG BRGYA STONG BGRANG BA LAS SHIN TU 'DAS PA'I BAR DU MTHONG NGO, ,LA LA DAG GIS NI DE BZHIN GSHEGS PA'I SKU GSER GYI KHA DOG LTA BU NAS, LA LA DAG GIS NI YID BZHIN GYI NOR BU RIN PO CHE'I KHA DOG LTA BU'I BAR DU MTHONG NGO, ,LA LA DAG GIS NI YONGS SU MYA NGAN LAS 'DA' BAR MDZAD PA DANG, LA LA DAG GIS NI YONGS SU MYA NGAN LAS 'DAS PA DANG, LA LA DAG GIS NI ZHUGS LA BZHEN PA DANG, LA LA DAG GIS NI SKU GCIG TU SRA BA DANG, LA LA DAG GIS NI DE BZHIN GSHEGS PA'I RING BSREL 'GOD PAR SHES SO, ,LA LA DAG GIS NI MNGON PAR RDZOGS PAR SANGS RGYAS NAS LO BCU LON PA DANG, LA LA DAG GIS NI YONGS SU MYA NGAN LAS 'DAS NAS LO BCU LON PA DANG, LA LA DAG GIS NI BYANG CHUB KYI SNYING POR BYON PA DANG, LA LA DAG GIS NI BCOM LDAN 'DAS SH'AKYA THUB PA'I BSTAN PA NUB PAR SHES SO, ,LA LA DAG GIS NI YONGS SU MYA NGAN LAS 'DAS NAS, BSKAL PA BCU DANG, NYI SHU DANG, SUM CU DANG, BZHI BCU DANG, BYE BA KHRAG KHRIG BRGYA STONG LON PA DANG, LA LA DAG GIS BCOM LDAN 'DAS SH'AKYA THUB PA MNGON PAR RDZOGS PAR SANGS RGYAS NAS BSKAL PA BRJOD DU MED PA'I YANG BRJOD DU MED PA ZHIG LON PAR SHES KYANG, 'JAM DPAL DE BZHIN GSHEGS PA NI MI RTOG RNAM PAR MI RTOG STE, 'ON KYANG LHUN GYIS GRUB PAS MI RTOG BZHIN DU SEMS CAN GYI BSAM PA'I DBANG GIS BYA BA 'DI LTA BU RTAG TU 'BYUNG NGO ZHES GSUNGS SO, ,'PHAGS PA SANGS RGYAS PHAL PO CHE'I MDO LAS KYANG, 'JAM DPAL 'DI LTA STE DPER NA, MTSO KHYON DU DPAG TSAD LNGA STONG YOD PA, BYA ROG GIS BTUNG NGU RUNG BA TZAM DU MU DANG KHA DA CHAD DU 'DUG PA PADMA'I LO MAS KHEBS PA ZHIG YOD PAR GYUR LA, DE LA MI LA LA ZHIG LCAGS KYI SHING RTA 'PHANG LO RTZIBS STONG YOD PA, NAM MKHA' LDING GI SHUGS PAS DRAG PA'I RTA MGYOGS PAS SHING RTA DE DRANGS TE, SROG SHING CHU LA YANG MI REG RTA'I RMIG PAS PADMA'I 'DAB MA YANG MI SNANG BA DE LTA DE LTAR DE'I SHING RTA DES DRANGS PA NA MTSO DE LAS SBRUL GDUG PA ZHIG BYUNG STE, SKAD CIG @213B GANG GIS SHING RTA PHYIR 'KHOR BA'I SKAD CIG DE LA, DES SHING RTA DE LAN BDUN DU BSKOR BAR GYUR, SKAD CIG GANG GIS SPRUL GDUG PAS SHING RTA DE LAN CIG 'KHOR BA'I SKAD CIG DE LA, DGE SLONG KUN DGA' BOS CHOS RNAM PA BCU BSHAD DE DON KYANG GO BAR BYED, SKAD CIG GANG GIS KUN DGA' BOS CHOS RNAM PA GCIG BSHAD PA'I SKAD CIG DE LA, DGE SLONG SHA RA DVA TI'I BUS CHOS RNAM PA STONG BSHAD DE, DON KYANG GO BAR BYED, SKAD CIG GANG GIS SHA RA DVA TI'I BUS CHOS RNAM PA GCIG BSHAD PA'I SKAD CIG DE LA, DGE SLONG MOOD GAL GYI BUS 'JIG RTEN GYI KHAMS STONG PHRAG BRGYAD KHRI SHIN TU 'DAS, SKAD CIG GANG GIS MOOD GAL GYI BU 'JIG RTEN GYI KHAMS GCIG SHIN TU 'DA' BA'I SKAD CIG DE LA, DE BZHIN GSHEGS PAS PHYOGS BCU'I 'JIG RTEN GYI KHAMS CHOS KYI DBYINGS KYIS KLAS PA, NAM MKHA'I KHAMS KYI MTHAS GTUGS PA DANG, RAB 'BYAM RGYA MTSO THAMS CAD DU 'JIG RTEN GYI KHAMS RE RE DANG, GLING RE RE DANG, SKRA'I KHYON TZAM RE RE YANG DGA' LDAN GYI GNAS NAS 'CHI 'PHO BA DANG, LHUMS SU 'JUG PA DANG, BZHUGS PA DANG, BLTAMS PA DANG, BRGYA BYIN DANG, TSANGS PAS BLANGS PA DANG, GNAS BKOD PA DANG, GOM PA BDUN 'DOR BA DANG; PHYOGS BCUR RNAM PAR GZIGS PA DANG, SENG GE'I SGRA CHEN PO SGROGS PA DANG, LAS DANG, BZO DANG, SGYU TZAL [?] DANG, RIG PA'I GNAS THAMS CAD SLOB PA DANG, GZHON NU'I SA KUN TU STON PA DANG, BTZUN MO'I 'KHOR GYI NANG NA RNAM PAR ROL PA DANG, SKYED MOS TSAL GYI SAR 'BYUNG BA DANG; THAMS CAD MKHYEN PA NYID LA PHYOGS PA DANG, MNGON PAR 'BYUNG BA DANG, RAB TU 'BYUNG BA DANG, DKA' BA SPYAD PA SPYOD PA DANG, ZHAL ZAS GSOL BA DANG, BYANG CHUB KYI SNYING POR BZHUD PA DANG, BZHUGS PA DANG, BDUD BTUL BA DANG, BYANG CHUB MNGON PAR SANGS RGYAS PA DANG, BYANG CHUB KYI SHING LA SPYAN MI 'DZUMS PAR GZIGS PA DANG, TSANGS PA CHEN POS GSOL BA BTAB PA DANG, CHOS KYI 'KHOR LO RAB TU BSKOR BA DANG, LHA'I GNAS SU GSHEGS PA DANG, MNGON PAR RDZOGS PAR BYANG CHUB PA DANG, CHOS KYI 'KHOR LO'I TSUL RAB TU BSKOR BA'I YUL RNAM PA THA DAD PA @214A *, ,DANG; BSKAL PA'I MING BRJOD PA DANG, TSE'I TSAD DANG, 'KHOR GYI DKYIL 'KHOR BKOD PA DANG, SANGS RGYAS KYI ZHING RNAM PAR DAG PA BKOD PA'I TSUL DANG, BYANG CHUB KYI SEMS DANG, SPYOD PA DANG, SMON LAM DANG, PHA ROL TU PHYIN PA DANG, SA DANG MNGON PAR SHES PA DANG; BZOD PA DANG, GZUNGS DANG, TING NGE 'DZIN DANG, RNAM PAR THAR PA DANG, DE LA MCHOD PA DANG, BYANG CHUB SEMS DPA' DANG DE BZHIN GSHEGS PA'I CHOS KYI YUL TSAD MED PA DANG, CHOS KYI SPRIN TSAD MED PA LA 'JUG PA RNAM PA THA DAD PA DANG, SEMS CAN YONGS SU SMIN PAR BYA BA DANG; THABS RNAM PAR GZHAG PA RNAM PA THA DAD PA DANG, CHO 'PHRUL CHEN PO DANG, RNAM PAR ROL PA DANG, YONGS SU MYA NGAN LAS 'DAS PA CHEN PO STON PA DANG, SKU GCIG TU SRA BA'I RING BSREL RNAM PAR 'BYED PA DANG, BSTAN PA GNAS PA DANG, KUN TU DBYE BA DANG, 'BRI BA DANG, DAM PA'I CHOS NUB PA YANG KUN DU STON LA, MU STEGS CAN GYI GNAS LA SPYOD PA THAMS CAD DANG, SKYES PA'I RABS THAMS CAD DU YANG LHUN GYIS GRUB PA RNAM PAR MI RTOG BZHIN DU CIG CAR KUN SNANG NGO, ,PHYI MA'I MTHA'I BSKAL PA'I MUR THUG PA'I BYIN GYI RLABS RGYUN MI GCOD PAR STON PAS, SKAD CIG GI YUN DE NYID LA PHYOGS BCU NAS SKRA'I KHYON TZAM RE RE DANG, SPU'I KHUNG BU'I PHYOGS RE RE'I BAR LA DUS GSUM DU GSHEGS PA'I DE BZHIN GSHEGS PA BYANG CHUB SEMS DPA'I 'KHOR GYI DKYIL 'KHOR RGYA MTSO DANG BCAS PA THAMS CAD DANG, SANGS RGYAS KYI ZHING GI YON TAN GYI BKOD PA RGYA CHEN PO THAMS CAD DANG, SEMS CAN GYI RIGS KYI GNAS BKOD PA RGYA CHEN PO THAMS CAD DANG, SEMS CAN GYI RIGS KYI SKYE MCHED DRUG TU BTAGS PA RGYA CHEN PO THAMS CAD DANG, BYANG CHUB SEMS DPA'I SPYOD PA YANG DAG PAR 'GRUB PA BKOD PA RGYA CHEN PO THAMS CAD DANG, DE BZHIN GSHEGS PA'I YUL BKOD PA RGYA CHEN PO THAMS CAD LHUN GYIS GRUB PAS RNAM PAR MI RTOG BZHIN DU CIG CAR STON TO, ,PHYI MA'I MTHA'I MUR THUG PA'I BYIN GYI RLABS RGYUN MI GCOD PAR KUN TU STON PAS SKAD CIG DE NYID LA PHYOGS BCU KUN NAS SKRA'I KHYON TZAM GYI BAR LA, SEMS CAN GYI KHAMS MA LUS PA LUS PA @214B MED PA'I SEMS CAN RE RE LA YANG SEMS CAN THAMS CAD SNYED KYI LUS DANG, DBYIBS DANG, KHA DOG DANG, DBYANGS DANG, SMRA BA DANG, CHOS BSTAN PA RNAM PA THA DAD PA LA SOGS PA'I BYE BRAG GZHAN DANG, GZHAN DAG LHUN GYIS GRUB PAS RNAM PAR MI RTOG BZHIN DU CIG CAR STON TE, SEMS CAN GZHAN DANG GZHAN DAG GI BSAM PA'I DBANG GIS, PHYI MA'I MTHA'I BSKAL PA'I MUR THUG PA'I BYIN GYI RLABS RGYUN MI GCOD PAR KUN DU STON TO, ,'JAM DPAL 'DI LTA STE DPER NA, ZLA BA YAR GYI NGO'I TSES BCO LNGA'I NAM PHYED KYI DUS NA, ZLA BA'I DKYIL 'KHOR 'DZAM BU'I GLING GI SKYES PA DANG, BUD MED DANG, KHYE'U DANG, BU MO RNAMS KYI MDUN NA GNAS PAR MTHONG YANG ZLA BA'I DKYIL 'KHOR MI RTOG RNAM PAR MI RTOG STE, 'ON KYANG DE LHUN GYIS GRUB PAS, RNAM PAR MI RTOG BZHIN DU MA 'DRES PA'I CHOS DANG LDAN PAS BYA BA 'DI LTA BU 'BYUNG NGO, ,DE BZHIN DU BSAM PA JI LTA BA DANG, 'DUL BA JI LTA BA BZHIN DU SEMS CAN DE DAG GIS DE BZHIN GSHEGS PA MDUN NA BZHUGS PAR MTHONG YANG, DE BZHIN GSHEGS PA RNAMS MI RTOG RNAM PAR MI RTOG STE, 'ON KYANG LHUN GYIS GRUB PAS RNAM PAR MI RTOG BZHIN DU, SANGS RGYAS KYI CHOS MA 'DRES PA DANG LDAN PAS MDZAD PA 'DI LTA BU 'BYUNG NGO, , ZHES RNAM PA MANG DU GSUNGS SO, ,MDO SDE ZAB MO RGYA CHEN PO GANG DAG LAS, SANGS RGYAS DANG, BYANG CHUB SEMS DPA'I CHE BA NYID BSTAN PA DE DAG LA MOS PA DANG, YI GER 'DRI BA DANG, KLOG PA DANG, MCHOD PA DANG, BSTI STANG BYED PA YANG BSOD NAMS SHIN TU RGYAS PAR 'PHEL BAR 'GYUR TE MDO 'DI NYID LAS, 'JAM DPAL 'DI LTA STE DPER NA, RI'I RGYAL PO RI RAB NI 'DI LTA STE, 'PHANG DANG, RNGAMS DANG, CHE BA NYID KYIS RI THAMS CAD ZIL GYIS MNAN NAS, LHAG GE, THAL LE, LAM ME'O, ,'JAM DPAL DE BZHIN DU BYANG CHUB SEMS DPA'I CHOS KYI RNAM GRANGS 'DI LA MOS PAS KYANG, 'DI LTA STE MTHONG BA DANG, YANGS PA DANG, CHE BA NYID KYIS MDO SDE 'DI LA MOS PA, PHA ROL TU PHYIN PA LNGA LAS BYUNG BA'I DGE BA'I RTZA BA BSKAL PA GRANGS MED PAR BSAGS PA'I BYANG CHUB SEMS DPAS PHYOGS BCU'I 'JIG RTEN GYI KHAMS KYI RDUL SNYED ZIL GYIS MNAN NAS, LHAM ME @215A *, ,DANG; LHAN NE DANG, LHANG NGE'O, ,'JAM DPAL RIGS KYI BU'AM, RIGS KYI BU MO GANG LA LAS PHYOGS BCU'I 'JIG RTEN GYI KHAMS KUN GYI SEMS CAN THAMS CAD BYANG CHUB KYI SEMS LA RAB TU BKOD PA BAS, 'JAM DPAL RIGS KYI BU'AM, RIGS KYI BU MO GANG GZHAN ZHIG PHUNG PO MED PA'I GNAS LA MOS PAR GYUR NA, 'DI NI DE BAS BSOD NAMS CHES GRANGS MED PA SKYED DO, ,'JAM DPAL GAL TE SEMS CAN THAMS CAD PHUNG PO MED PA'I GNAS LA MOS PAR GYUR PA BAS, 'JAM DPAL RIGS KYI BU'AM, RIGS KYI BU MO GZHAN GANG ZHIG GIS, CHOS KYI RNAM GRANGS 'DI LA MOS NAS YI GER 'DRI BA'AM THA NA GLEGS BAM LA BRIS TE, MOS PAS 'CHANG NGAM, MAR ME DANG, BDUG PA DANG, ME TOG DANG, SPOS DANG, PHRENG BA DANG, BYUG PAS MCHOD NA 'DI NI DE BAS BSOD NAMS CHES GRANGS MED PA SKYED DO ZHES GSUNGS SO, ,MDO SDE SNA TSOGS LAS BTUS PA, THEG PA CHEN PO RIN PO CHE'I GTAM, A'A TZ'ARYA A'AR+YA N'A G'ARDZU NAS MDZAD PA RDZOGS SO,, ,,RGYA GAR GYI MKHAN PO DZI NA MI TRA DANG, SH'I LENDRA BO DHI DANG, ZHU CHEN GYI LO TZ'A BA BAN DE YE SHES SDES BSGYUR CING ZHUS TE GTAN LA PHAB PA'O,, ,, #, ,RGYA GAR SKAD DU, S'U TRA SA MUTZTSA Y'A LAm KA RA BH'A shYI RATN'A LO KA N'A MA, BOD SKAD DU, MDO KUN LAS BTUS PA'I BSHAD PA RIN PO CHE SNANG BA'I RGYAN CES BYA BA, 'PHAGS PA 'JAM DPAL LA PHYAG 'TSAL LO, ,YON TAN RIN CHEN RI NGO RAB BRTAN ZHING, ,MTSAN DANG DPE BYAD BZANG PO'I 'OD 'BAR BA, ,NYER RTEN 'BYUNG PO'I DBUL BA 'DOR MDZAD PA, ,MI SHES MUN BCOM THUB PA'I DBANG PO RGYAL, ,RGYAL BAS GSUNGS PA'I MDO DON RAB ZAB CING, ,BDAG NYID CHEN PO RNAMS KYI 'ANG DE BZHIN PA, ,DMUS LONG NYI BZHIN MTHONG BAR MI NUS KYANG, ,YID CHES LUNG GI TSAD MAS BSHAD PAR BYA, ,GANG PHYIR ZAB MO'I DON LA RTOG GE YI, ,NUS PA MNYAM PHYIR BDAG NYID CHE 'GA' ZHIG, ,KLU SGRUB THOGS MED TSUL LAS NYAMS DE'I PHYIR, ,MGON PO'I THUGS RJES SA BSHAD PA KLAN KA MED, ,RTOG PA DANG LDAN PA RNAMS @215B DGOS PA LA SOGS PA MED NA 'JUG PAR MI 'GYUR BAS, BDAG NYID CHEN POS RANG GI BSTAN BCOS KYI DGOS 'BREL GSUNGS PA NI, MDO SDE SNA TSOGS LAS BTUS PA, THEG PA CHEN PO RIN PO CHE'I GTAM BSHAD PAR BYA'O ZHES GSUNGS TE, GAL TE 'DI'I 'BREL PA DANG BRJOD PAR BYA BA MA SMRAS NA 'BREL PA MED PA'AM, DON MED PA DAG SRID PAS 'DI LA GZHAN SU 'ANG 'JUG PAR MI 'GYUR BA'I PHYIR, DE BZHIN DU 'BREL PA DANG BRJOD PAR BYA BA YOD DU ZIN KYANG BYA BA'I LAS RDZOGS PA'I KHYAD PAR MA BRJOD PA NI SGRUB PAR BYED PA MA YIN NO ZHES BYA BAS KYANG SGRUB PA'I TSUL LAS NYAMS PA KHO NA'O ZHES BYA BA 'DI 'THAD PAS SO, ,BSTAN BCOS GZHAN LA MED PA'I 'JUG PA'I YAN LAG THUN MONG MA YIN PA'I DGOS PA MED NA MDO SDE BSDU BA 'DI LA DAD PAS RJES SU 'BRANG BA YANG MNYAN PA TZAM DU YANG GUS PAR MI 'GYUR BAS BYA BA'I 'BRAS BU KHYAD PAR CAN DER RTOGS PA'I DGOS PA BRJOD PAR BYA'O, ,GZHAN DU RTOGS PA MA YIN TE, 'BREL PA MED PA'I PHYIR RO, ,GZHAN 'JUG PAR BYA BA'I PHYIR DGOS PA YOD PA'I TSEG DANG DER RTOGS PA KHO NA BRJOD PAR BYA'I, ,DE MED PA DANG GZHAN DU RTOGS PAS NI MA YIN TE RGYUR MA GYUR BA'I PHYIR RO, ,DE YANG KHYAD PAR CAN GYI DON STON PA'I TSIG LA BYA'I BRJOD PAR BYA BA TZAM MAM SGRA TZAM DON STON PA'I NUS PA MA YIN PAS BRJOD PAR BYA BA LA SOGS PA DE KHO NAR RTOGS PAR BRJOD PAR BYA'O, ,BYA BA'I NGO BO NYID DGOS PA MA YIN NAM ZHE NA, MA YIN TE NGAG THAMS CAD KYANG RANG GI DON BRJOD PAR BYA BA'I STON PAR BYED PA'I MTSAN NYID KYI BYA BA NI THUN MONG MA YIN PAS THAMS CAD LA GRAGS PA'I PHYIR DGOS PAR GZUNG BAR MI BYA STE, DE NI BSTAN BCOS LAS GZHAN DU 'GYUR BA MED PA'I PHYIR RO, ,BRJOD BYA MED PAR DGOS PA SPANGS PA'I PHYIR BSTAN PA MA YIN TE, BRJOD PAR BYA BA BSTAN PA NYES PA DE DANG BRAL BA'I PHYIR RO, ,DE'I KHYAD PAR BSTAN PA'I PHYIR YANG MA YIN TE, BRJOD PAR BYA BA'I KHYAD PAR BSTAN PA NYID KYIS DE BSTAN PA'I PHYIR RO, ,BYA BA'I 'BRAS BU DE 'ANG 'BRAS BU'I DGOS PA BSTAN PAR BYA BA YIN TE, DE MED PAR BYA BA'I 'BRAS BU TZAM GYIS 'JUG PAR MI 'GYUR RO, ,DE'ANG MNGON PAR THOB PA @216A *, ,BYA BA'ANG 'DOD PA'I 'BRAS BU'I MCHOG DON DU GNYER BA'I SHES RAB CAN RNAMS NI, DE'I THABS LA 'JUG PA NA, RGYU MED PAR 'BRAS BU GRUB PA MED PAS THABS SHES PA LA BSLABS NA THABS LAS 'BYUNG BA'I 'BRAS BU 'BYUNG BA'I PHYIR THABS RTOGS PAR BYA BA MDO'I DON BSDU BA LA 'JUG GO, ,DE'I PHYIR 'JUG PA'I YAN LAG GI GTZO BO YIN PAS DGOS PA'I YANG DGOS PA BSTAN PAR BYA'O, ,DE'I YANG THABS SU GYUR PA 'BREL PA LA SOGS PA STON PA'I GZHUNG GIS DE BSTAN PAR MI NUS PAS DE'I DGOS PA'I YANG DGOS PA'I THABS YANG DAG PA KHO NAR BSTAN PA'I PHYIR, 'BREL PA LA SOGS PA BSHAD DO, ,DE'I PHYIR, 'BREL PA RJES SU MTHUN PA'I THABS, ,SKYES BU'I DON NI RJED BYED PA, ,YONGS BRTAGS DBANG DU BYAS PA'I NGAG ,DE LAS GZHAN PA DBANG BYAS MIN, ,ZHES BYA BAS 'BREL PA DANG RJES SU MTHUN PA'I THABS BSTAN PAR BYA'O, ,DE'ANG BSGRUB PAR MI NUS PA MA YIN TE, SNGA RABS DAG DMIGS PA'I PHYIR DANG, THABS NUS PAR 'THAD PA'I PHYIR, THUG PA MED PA'ANG MA YIN TE, 'DI TZAM GYIS DON SGRUB PA'I PHYIR LA BYA BA'I 'BRAS BU RDZOGS PA YANG MTHAR THUG PA YIN PA'I PHYIR RO, ,'DOD PAR BYA BA MA YIN PA'ANG MA YIN TE, 'BRAS BU'I DAM PA RNAM PA THAMS CAD MKHYEN PA NYID LA SOGS PA NI 'DOD PAR BYA BA KHO NA'O, ,TSIG TZAM NI MI BZLOGS PA MA YIN NO, ,ZHES KYANG BRJOD PAR BYA BA MA YIN TE, GEGS MA MTHONG BA'I PHYIR DANG, DON 'GRUB PA BSTAN PA'I PHYIR CI STE NA PHRAD PA SRID PA'I SGO NAS KYANG NGO, ,DE LTA MA YIN NA NI THAMS CAD KYANG BYA BA LA 'JUG PAR MI 'GYUR TE, GEGS SRID PA'I PHYIR RO, ,RNAM GRANGS GZHAN YANG 'PHAGS PA KLU SGRUB NI LUNG BSTAN PA THOB PA LAS KYANG YID CHES PA'I LUNG NYID PAS 'DI LA 'JUG PA YANG RIGS PA KHO NA'O, ,'BREL PA NI LOGS SHIG TU BSTAN PAR MI BYA STE, 'BRAS BU MED PAS GAL TE GANG BRJOD PAS RTOGS PA MA YIN TE, DE NI LOGS SU BSTAN PAR BYA BA ZHIG NA DGOS PA BRJOD PAS 'BREL PA MA BRJOD PA NI MED PA'I PHYIR RO, ,DE YANG 'DI LTAR BSTAN BCOS DANG DGOS PA DAG NI THABS DANG THABS LAS BYUNG BA'I NGO BOR BSTAN GYI GZHAN DU YANG MA YIN PAS 'DI NI DGOS PA BRJOD PA LAS LOGS @216B SHIG TU BRJOD PAR MI BYA STE, 'DI LTAR 'DI NI 'DI'I DGOS PA ZHES BSTAN PA NA, 'DI NI 'DI'I SGRUB PA'O ZHES BSTAN TE, GZHAN DU GANG ZHIG GANG SGRUB PAR MI BYED PA DE DE'I DGOS PA YIN PAR 'GYUR NA SHIN TU THAL CHES PA'I PHYIR RO, ,DE LA BRJOD PAR BYA BA NI 'DIR TSUL KHRIMS DANG LDAN PAR GNAS PA LA SOGS PA CHOS RNAM PA BZHI'I NGO BO NYID RNAM PA THAMS CAD MKHYEN PA NYID THOB PAR BYED PA'I LAM MDO SDE MTHA' DAG LAS BCOM LDAN 'DAS KYIS GSUNGS PA YIN NO, ,DGOS PA NI 'DIR BCOM LDAN 'DAS KYI LUNG MTHA' DAG NAS DAM PA'I CHOS LA BRNYAS PA SPANGS PA DANG, BLA MA LA RAG LUS PAR BYA BA'I PHYIR THOR BUR GSUNGS PA RNAMS 'PHAGS PA KLU SGRUB GSUNG RAB KYI DON LA MA RMONGS SHING, GZHAN RJES SU 'DZIN PA'I THUGS RJE DANG LDAN PAS GSAL BAR BSTAN PA YIN NO, ,DGOS PA'I YANG DGOS PA NI 'DIR JI SKAD BSHAD PA BZHIN SGRUB PA DANG LDAN PA LAS GNAS SKABS DANG MTHAR THUG PA DAG TU 'BRAS BU'I MCHOG RIM GYIS 'GRUB PA YIN NO, ,DE'I PHYIR LUNG SNGA MA LAS KYANG BRJOD PAR BYA BA NI DON STON PA'O, ,DGOS PA NI DON SHES PA'O, ,DGOS PA'I YANG DGOS PA NI DON GRUB PA'O, ,'BREL PA NI THABS DANG THABS LAS BYUNG BA'O ZHES GSUNGS PA YIN NO, ,DE LTA BAS NA KUN LAS BTUS PA ZHES BYA BAS NI DGOS PA BSTAN TE, THEG PA CHEN PO ZHES BYA BAS NI DGOS PA'I YANG DGOS PA BSTAN TO, MDO SDE RIN PO CHE'I GTAM ZHES BYA BAS NI BRJOD PAR BYA BA BSTAN TO, ,DE LA MDO SDE RNAMS LAS GSUNGS PA'I DON BSDUS TE BSTAN NAS SA DANG LAM GYI RIM PA DANG 'BRAS BU'I DON MING GIS YUL CAN DU SHES PA NI DGOS PA NI DON SHES PA'O, ,'DIR SMRAS PA, BCOM LDAN 'DAS NYID KYIS GSUNGS PA'I DON 'CHAD NA NI DE ZLOS PAR 'GYUR LA, 'ON TE MA YIN NO ZHE NA NI JI LTAR LUNG 'CHAD PAR 'GYUR ZHE NA, MA YIN TE GSUNG GI DON SHIN TU ZAB CING RTOG GE'I YUL MA YIN LA DGOS PA DANG TSIG DANG LUNG SNA TSOGS SHING SNA TSOGS PAR BSTAN PA DANG, SNGAR BSHAD PA LTA BU DANG LDAN PA RNAMS SHIN TU GSAL ZHING ZUR PHYIN LA NGES PA'I DON DU GANG ZAG CIG GIS NYAMS SU BLANG BAR BYA BAR GTAN LA 'BEBS PAS NA NYES PA GNYI GA RGYANG BSRINGS PA YIN NO, ,RNAM GRANGS GZHAN @217A *, ,YANG BSDUS PA ZHES BSTAN PA LAS KYANG LUS HA CANG RGYAS PA RNAMS TSIG NYUNG NGUR BSTAN PA'I PHYIR DANG, RAB TU BYED PA RNAMS BSTAN BCOS SU BYAS PA LAS KYANG DON 'GREL PAS BSTAN BCOS BSDUS PA'I PHYIR DANG, LUNG NYID LAS MA GTOGS PA GZHAN SKABS KYIS 'BYED PAS KYANG NYES PA GNYIS SPANGS PA YIN NO, ,DE BAS NA MDO SDE ZHES BYA BAS NI RANG BZO MA YIN PAR BSTAN TE, PHUNG PO LA SOGS PA'I DON MDOR STON PA'I PHYIR MDO SDE ZHES BYA'O, ,YANG NA TING NGE 'DZIN GTZO BOR STON PA'I PHYIR YANG NGO, ,SNA TSOGS ZHES BYA BAS NI NGES PA'I DON DU BSTAN TE, 'OG NAS 'CHAD PAR 'GYUR RO, ,BTUS PA ZHES BYA BAS NI ZLOS PA'I SKYON SPANGS PA YIN NO, ,THEG PA CHEN PO ZHES BYA BA LA, THEG PA'I SGRA NI BZHON PA LA BYA STE, GZHAN DU KHYER BAR BYED PA'I PHYIR RO, ,CHEN PO ZHES BYA BA NI CHOS CHEN PO DANG LDAN PA'O, ,CHOS CHEN PO GANG ZHES NA, 'PHAGS PA KLU SGRUB KYI ZHAL SNGA NAS SBYIN PA DANG TSUL KHRIMS DANG BZOD PA DANG BRTZON 'GRUS DANG BSAM GTAN DANG SHES RAB DANG SNYING RJE NI THEG PA CHEN PO'O ZHES GSUNGS SO, ,'DIR 'PHAGS PA THOGS MED KYI ZHABS KYIS NI CHOS CHEN PO LAS SHIN TU RGYAS PA'I SDE DANG, SEMS BSKYED CHEN PO DANG, CHOS CHEN PO LA MOS PA CHEN PO DANG, LHAG PA'I BSAM PA CHEN PO DANG, TSOGS CHEN PO DANG, DUS CHEN PO DANG, YANG DAG SGRUB PA PO CHEN PO DANG, RNAM PA BDUN NI THEG PA CHEN PO'O ZHES GSUNGS PA'I PHYIR, DON GYI SKABS 'DIR TSUL KHRIMS DANG LDAN PA LA SOGS CHOS RNAM PA LNGAR 'PHAGS PA KLU SGRUB KYIS GSUNGS TE THAMS CAD KYANG RIG PAR BYA'O, ,JI LTAR ZHE NA, 'PHAGS PA KLU SGRUB DANG 'PHAGS PA THOGS MED KYIS GSUNGS PA DAG NI MTHUN PA NYID KYIS CHOS DE DAG NYAMS SU BLANGS PA 'DI GZHI TSUL KHRIMS PHUN SUM TSOGS PA DANG LDAN PAS THOS SHING BSAMS TE BSGOMS PAS 'BRAS BU'I DAM PA 'GRUB PA DE BSTAN TE, 'PHAGS PA THOGS MED KYIS TSUL BZHIN DU NYAN PA DANG, SEMS PA SNGON DU 'GRO BA'I BSGOM PA'I RNAM PAS 'JUG PAR 'GYUR LA SGOM PA DANG LDAN PAS 'BRAS BU YONGS SU 'GRUB PAS NA NGES PAR 'BYIN PA'O ZHES GSUNGS PA'I PHYIR RO, ,NYAN THOS KYI THEG PA DAG GI SPYOD PA'I @217B MING GIS BRTZAD PAR MI BYA STE DON GYI KHYAD PAR SHIN TU CHE BA'I PHYIR RO, ,KHYAD PAR GANG GIS SHE NA, NYAN THOS DAG GIS GZHAN LA GNOD PA SPONG BAR ZAD KYI THEG PA CHEN POS NI PHAN 'DOGS PAR ZHUGS PA DAG KYANG YIN NO, ,DE DAG NI PHUNG PO LA MKHAS PA LA SOGS PA YIN GYI, THEG PA CHEN POS NI RIG PA'I GNAS MTHA' DAG LA MKHAS PA YANG YIN NO, ,NYAN THOS PA DAG NI MYA NGAN LAS 'DAS PA MGO BCAD PA LTA BUR LTA BA LA SLOB PA YIN PAS THEG PA CHEN PO PA NI MI GNAS PA'I MYA NGAN LAS 'DAS PA LA SLOB BO, ,NYAN THOS DAG NI THEG PA SNA TSOGS SU LTA BA LA THEG PA CHEN PO NI THEG PA GCIG TU SLOB BO, ,NYAN THOS DAG NI RANG GI THEG PA LA BRTZON PAR BYED KYI, THEG PA CHEN PO PA NI THEG PA MTHA' DAG LA MKHAS PAR BYED DO, ,NYAN THOS DAG NI BDAG MED PA 'BA' ZHIG BSGOM GYI THEG PA CHEN PO PA NI THABS DANG SHES RAB ZUNG DU 'BREL PAR SGOM PAR BYED DO, ,DE'I 'BRAS BU MTHAR THUG PA'ANG MI THOB STE, LANG KAR GSHEGS PA'I MDO LAS, BLO GROS CHEN PO NYAN THOS DANG RANG SANGS RGYAS LA THAR PA MED DO ZHES GSUNGS TE, RE ZHIG PA 'DI'I GNAS TZAM DU ZAD DO, ,DE LTAR LAM DANG 'BRAS BU DAG NI GNAS SKABS DANG MTHAR THUG PAR DGOS PA'I YANG DGOS PA BSTAN TE DON 'GRUB PA'I PHYIR RO, ,THEG PA CHEN PO'I DPE GANG ZHE NA, RIN PO CHE ZHES SPRAS TE, RIN PO CHE NI CHOS RNAM PA BZHI DANG LDAN TE, GNOD PA NYE BAR ZHI BAR BYED PA DANG, MUN PA'I NANG DU 'OD 'BYIN PA DANG, DBUL BA 'DOR BA DANG, DGA' BA RGYAS PAR BYED PA'O, ,DE BZHIN DU THEG PA CHEN PO YANG YON TAN BZHI DANG LDAN TE, SDOM PA'I TSUL KHRIMS DANG, DGE BA'I CHOS SDUD PA DANG, SEMS CAN GYI DON BYED PA'I TSUL KHRIMS DAG NI YID DGA' BA RGYAS PAR BYED PA'I RGYU YIN PA'I PHYIR DANG, JI SKAD BSHAD PA'I THOS PA'I RNAM PA DAG NI 'PHAGS PA'I NOR BDUN BSKYED PA'I RGYU YIN PAS DBUL BA 'DOR BAR BYED PA DANG, MING DANG DON GYI YUL CAN GYI BSAM PA'I SHES RAB RNAM PA BZHI NI MA RIG PA RNAM PA GSUM SEL BA'I RGYU YIN PAS MUN PA'I NANG DU 'OD 'BYIN PA DANG, DON GYI YUL CAN BSGOM PA'I SHES RAB RNAM PA GSUM NI MTHONG BA DANG BSGOM PAS SPANG BAR BYA BA'I SGRIB PA 'JOMS PA'I RGYU YIN PAS SPANG @218A *, ,BAR BYA BA'I GNOD PA NYE BAR ZHI BAR BYED PA STE, 'DI DAG NI RGYAS PAR BSHAD PA NI 'OG NAS 'CHAD DO, ,GTAM ZHES BYA BA NI THAMS CAD DU SBYAR BAR BYA STE, 'KHOR 'DUS PA LA GSUNGS SHING BSHAD PA'O, ,BSHAD PAR BYA'O ZHES BYA BA NI DAM BCA' BA'O, ,'BREL PA NI SHUGS KYIS GO BAS NA THABS DANG THABS LAS BYUNG BA'I MTSAN NYID KYIS BRJOD DO, ,DA NI MDO'I DON BSHAD PAR BYA STE, BCOM LDAN 'DAS KYIS SHES RAB KYI PHA ROL TU PHYIN PA CHEN MO LAS JI SKAD DU, GROGS PO DAG SANGS RGYAS 'BYUNG BA NI DKON NO, ,MIR SKYE BA 'THOB PA NI DKON NO, ,DAL BA PHUN SUM TSOGS PA NI DKON NO, ,'KHOR BA LAS THAR BA NI DKON NO ZHES GSUNGS PA NI MDO'I DON 'PHAGS PA KLU SGRUB KYIS 'CHAD PAR BZHED NAS RNYED PAR DKA' BA BCU GCIG TU GSUNGS TE, SANGS RGYAS 'BYUNG BA SHIN TU RNYED PAR DKA' BA NAS BZUNG STE, THA MA CHE BA RGYA CHEN PO LA MOS PA RNYED PAR DKA' BA'I BAR DU'O, ,DE LA RNYED PAR DKA' BA DANG PO GSUM GYIS NI, SGRUB PA'I RTEN DAL 'BYOR DANG LDAN PA BSTAN TO, ,DAD PA DANG BYANG CHUB TU SEMS BSKYED PA DANG SNYING RJE RNYED PAR DKA' BA GSUM GYIS NI BYANG CHUB TU SEMS BSKYED PA BRTAN PA BSTAN TO, ,BYANG CHUB SEMS DPA' LA RMA 'BYIN PA'I LAS KYI SGRIB PA SPANG BA LA SOGS PA NI TSUL KHRIMS RNAM PAR DAG PA BSTAN TO, ,DMIGS PA LA SPYOD PA LA SGRIB PA MED DE ZHES BYA BA LA SOGS PAS NI THOS PA'I RNAM PA BSTAN TO, ,MYA NGAN LAS 'DAS PA'I RANG BZHIN LA MKHAS PAR BYA BA LA SOGS PAS NI BSAM PA'I SHES RAB BSTAN TO, ,'JAM DPAL RNAM PAR 'PHRUL PA'I LE'U NAS BSTAN PA LA SOGS PA NI BSGOM PA'I SHES RAB BSTAN TO, ,SANGS RGYAS DANG BYANG CHUB SEMS DPA'I CHE BA RGYA CHEN PO BSTAN PA STE, RNYED PAR DKA' BA THA MAS NI 'BRAS BU'I DON BSTAN TO, ,DE LTAR NA CHOS 'DI BZHI DANG LDAN NA 'BRAS BU'I MCHOG 'GRUB PAS MDO'I TSIG 'DI BZHIS SKYES BU'I DON 'GRUB PAS 'DI LAS GZHAN DU MA BSTAN PA YIN NO, ,DE LA RTEN DAL 'BYOR GYI MTSAN NYID BSTAN PA'I PHYIR SANGS RGYAS 'BYUNG BA SHIN TU RNYED PAR DKA' STE ZHES DAM BCA' BA YIN NO, ,DE LA MI KHOM PA BRGYAD LAS LOG PAS NA DAL BA'O, ,'BYOR PA NI BCU STE, RANG @218B GI 'BYOR PA LNGA DANG, GZHAN GYI 'BYOR PA LNGA'O, ,DE LA GZHAN GYI 'BYOR PA LNGA NI 'DI LTA STE SANGS RGYAS RNAMS 'BYUNG BA DANG, DAM PA'I CHOS STON PA DANG, CHOS BSTAN PA RNAMS GNAS PA DANG, CHOS GNAS PA RNAMS RJES SU 'JUG PA DANG, GZHAN GYI PHYIR RJES SU SNYING BRTZE BAR BYED PA'O, ,DE LA SANGS RGYAS RNAMS 'BYUNG BA GANG ZHE NA, 'DI LTAR 'DI NA LA LA SEMS CAN THAMS CAD LA DGE LEGS DANG, PHAN PA'I BSAM PA BSKYED NAS, DKA' BA STONG PHRAG MANG PO DANG, BSOD NAMS DANG YE SHES KYI TSOGS CHEN POS BSKAL PA GRANGS MED PA GSUM GYIS THA MA'I LUS PHYI MA THOB NAS BYANG CHUB KYI SNYING PO LA 'DUG STE, SGRIB PA LNGA SPANGS NAS DRAN PA NYE BAR GZHAG PA BZHI LA SEMS LEGS PAR GNAS TE, BYANG CHUB KYI PHYOGS KYI CHOS SUM CU RTZA BDUN BSGOMS NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BA YIN TE, DE NI SANGS RGYAS 'BYUNG BA ZHES BYA'O, ,'DAS PA DANG, MA 'ONGS PA DANG, DA LTAR BYUNG BA'I DUS RNAMS SU YANG SANGS RGYAS BCOM LDAN 'DAS THAMS CAD DE KHO NA BZHIN DU 'BYUNG BA YIN NO, ,DAM PA'I CHOS STON PA GANG ZHE NA, SANGS RGYAS BCOM LDAN 'DAS DE DAG NYID DANG, DE DAG NYID KYI NYAN THOS RNAMS 'JIG RTEN DU BYUNG NAS, 'JIG RTEN LA RJES SU THUGS BRTZE BA'I PHYIR 'PHAGS PA'I BDEN PA RNAMS LAS BRTZAMS NAS 'DI LTA STE GSUNG RAB YAN LAG BCU GNYIS STON PAR MDZAD PA YIN TE, DE NI DAM PA'I CHOS STON PA ZHES BYA'O, ,DAM PA'I CHOS DE NI DAM PA SANGS RGYAS RNAMS DANG, SANGS RGYAS KYI NYAN THOS KYIS GDAMS SHING BSTAN PA'AM BSNGAGS PA YIN PAS DE'I PHYIR DAM PA'I CHOS TE, DE BSHAD PA GANG YIN PA DE NI DAM PA'I CHOS STON PA ZHES BYA'O, ,CHOS STON PA RNAMS GNAS PA GANG ZHE NA, SANGS RGYAS BCOM LDAN 'DAS 'TSO ZHING GZHES LA CHOS KYI 'KHOR LO BSKOR TE, DAM PA'I CHOS BSTAN PA NAS SANGS RGYAS BCOM LDAN 'DAS YONGS SU MYA NGAN LAS 'DAS PA'I BAR GYI DUS JI SRID PAR BSGRUB PA MI NYAMS PA DANG, DAM PA'I CHOS MI NUB PA YIN TE, DE NI DAM PA'I CHOS GNAS PA ZHES BYA'O, ,GNAS PA DE YANG DON DAM PA'I CHOS MNGON SUM DU BYA BA'I TSUL @219A *, ,GYIS YIN PAR RIG PAR BYA'O, ,CHOS GNAS PA RNAMS RJES SU 'JUG PA GANG ZHE NA, DAM PA'I CHOS RTOGS PA GANG YIN PA DE NYID KYIS SKYE BO RNAMS LA DAM PA'I CHOS MNGON DU BYA BA'I SKAL BA DANG, MTHU YOD PAR RIG NAS, JI LTAR RTOGS PA KHO NA DANG RJES SU MTHUN PA'I GDAMS SHING RJES SU BSTAN PA LA RJES SU 'JUG PAR BYED PA YIN TE, DE NI CHOS GNAS PA RNAMS RJES SU 'JUG PA ZHES BYA'O, ,GZHAN GYI PHYIR RJES SU SNYING BRTZE BAR BYED PA GANG ZHE NA, GZHAN ZHES BYA BA NI SBYIN PA PO DANG SBYIN BDAG RNAMS TE DE DAG GI 'TSO BA'I YO BYAD RKYEN DU 'BAB PA 'DI LTA STE, CHOS GOS DANG BSOD SNYOMS DANG, MAL CHA DANG, STAN DANG, NAD KYI GSOS SMAN DANG, YO BYAD GANG YANG RUNG BA DE DAG GI PHYIR RJES SU SNYING BRTZE BAR BYED PA YIN TE, DE NI GZHAN GYI PHYIR RJES SU SNYING BRTZE BAR BYED PA ZHES BYA STE, DE LTAR GZHAN GYI 'BYOR BA LNGA MTSON PA'I DON DU SANGS RGYAS 'BYUNG BA SMOS SO, ,'DIR DANG PO GZHAN GYI SBYOR BA SMOS PAS, GO RIMS LAS 'GAL BA'I RGYU MTSAN GANG ZHE NA, SANGS RGYAS 'JIG RTEN DU BYUNG BA LA SOGS PA NI RANG GI 'BYOR PA THOB PA'I RGYU YIN PA'I PHYIR RO, ,SANGS RGYAS ZHES BYA BA NI SPANGS PA DANG YE SHES KYI DON TE, JI SKAD DU; SGRIB PA KUN GYI DRI MED PAS, ,RNAM PA THAMS CAD MKHYEN NYID THOB, ,RIN CHEN SNOD NI PHYE BA LTAR, SANGS RGYAS NYID NI YANG DAG STON, ,CE'O, ,'BYUNG BA ZHES BYA BA NI 'OG MIN GYI GNAS SU, CHOS DANG LONGS SPYOD RDZOGS PA'I SKUR MNGON PAR SANGS RGYAS PA'I MDO LAS, 'DZAM BU'I GLING LA SOGS PAR SH'AKYA THUB PA'I SKU MNGON PAR 'BYUNG STE JI SKAD DU, RIN CHEN SNA TSOGS MDZES PA YI, ,'OG MIN GNAS NI NYAMS DGA' BAR, ,YANG DAG SANGS RGYAS DER SANGS RGYAS, ,SPRUL PA PO NI 'DIR 'TSANG RGYA, ,ZHES 'BYUNG BA'I PHYIR RO, ,SHIN TU ZHES BYA BA NI MCHOG TU ZHES BYA BA'I DON TE, MOS PAS SPYOD PA'I SA LA GNAS PA DAG SPYOD YUL YIN PA'I PHYIR TE, JI SKAD DU, DE TSE CHOS KYI RGYUN LA NI, ,SANGS RGYAS RNAMS LA ZHI GNAS DANG, ,YE SHES SPANGS PA THOB BYA'I PHYIR, ,GDAMS NGAG RGYA CHEN THOB PAR 'GYUR, ,ZHES 'BYUNG BAS MOS PAS SPYOD PA'I SA LA GNAS PA MA @219B GTOGS PA DAG GIS SPRUL PA'I SKU NI MI MTHONG BA'I PHYIR DE'I PHYIR RNYED PAR DKA' ZHES SMOS PA YIN NO, ,'O NA MDO LAS GANG DAG BDE BA CAN DU SMON LAM 'DEBS PA DE DAG NI TSE DPAG TU MED PA MTHONG BAR 'GYUR RO, ,DE BZHIN DU YANG DAG PAR RDZOGS PA'I SANGS RGYAS MTSAN LEGS PAR YONGS SU BSGRAGS PA ZHES BYA BA DANG, SHIN TU YONGS RDZOGS DPAL DANG, RNAM PA THAMS CAD DU CHER MCHOD PA'I DPAL ZHES BYA BA DANG, YANG BCOM LDAN 'DAS SH'AKYA THUB PA'I MTSAN 'DZIN PA DE DAG KYANG PHYIR MI LDOG CING SANGS RGYAS DANG PHRAD PAR 'GYUR ZHES 'BYUNG BA DANG, 'GAL BAS CI MNGON ZHE NA ZHES RGOL BA LA, LAN NI 'GAL BA MED DE, DE DAG NI SA BON RGYUD LA BSKYED PAS DUS GZHAN LA DGONGS PA YIN LA, 'O NA TSOGS KYI SA LA SANGS RGYAS DANG PHRAD PAR 'GYUR BA BSTAN PAS DE DANG 'GAL LO ZHE NA MA YIN TE, SANGS RGYAS DANG PHRAD PA'I DGOS PA NI CHOS THOS PA YIN LA, DE 'ANG MOS PAS SPYOD PA'I SA CHEN PO LA 'BYUNG BA'I PHYIR DANG, CHOS MA THOS PAR NI SPANG BYA LA SOGS PA SHES PAR MI 'GYUR BAS NA DON MED PAR 'GYUR RO, ,DE LTA MA YIN NA THA MAL PA DAG LAS KYANG CHOS THOS PA 'BYUNG BAS SANGS RGYAS DANG PHRAD PA CI DGOS SHE NA, DE DAG KYANG SANGS RGYAS KYI MTHUS GDUL BYA RGYUD DANG; SA DAG LA SNANG BAS NA SANGS RGYAS KYI BYIN GYI RLABS KHO NAR 'DOD DE, DPER NA, SANGS RGYAS 'JIG RTEN PHAN PA DRANG SRONG CHE, ,BSKAL PA BYE BA BRGYA LAM 'BYUNG BAR 'GYUR, ,DA LTA DAL BA DAM PA RNYED PA LAS, ,GAL TE THAR 'DOD BAG MED SPANG BAR GYIS, ,ZHES BSTAN PA LTA BU'O, ,DE BAS NA DE DAG KYANG CHOS KYI RGYUN THOB PA LA 'DOD DO, ,GZHAN DAG NI SA BON RGYUD LA BSKYED PA'I RGYU YIN PAS 'GAL BA MED DO ZHES BYA BA NI LUNG GI RIGS PA'O, ,LUNG DNGOS BSTAN PA NI MDO SDE DU MA TSAD MAR GYUR PA LAS SHES TE ZHES BSTAN TE, RANG BZO MA YIN PAS MDO SDE ZHES BYA'O, ,NGES PA'I DON DU BSTAN PAS NA DU MA ZHES SMOS TE, LUNG GI DON RIGS PAS BRTAGS PA DANG, LUNG BSTAN PAS NA BYAN BYAS PA DANG, LUNG GI DON LUNG GIS BSHAD PA DANG, LUNG GI DON LUNG DANG MI 'GAL BAR BSTAN PA STE, MTSAN NYID 'DI BZHIS NA NGES DON DU SHES PAR BYA LA DE BZHIN MTSON PA'I @220A *, ,PHYIR LUNG GI DON LUNG DANG MI 'GAL BA DANG, LUNG GI DON LUNG GIS BSHAD PA SMOS SO, ,DE NYID KYIS MI BSRU [?] BA'I PHYIR TSAD MA ZHES BYA STE, YANG DAG PAR RDZOGS PA'I SANGS RGYAS KYI GSUNG YIN PA'I PHYIR JI SKAD DU, ,DGE SLONG DAG SA NI NAM MKHA' LA 'PHAGS KYANG SRID, NYI MA DANG ZLA BA NI SA LA LHUNG YANG SRID, CHU KLUNG NI RGYUN NAS LDOG KYANG SRID, DE BZHIN GSHEGS PA'I BKA' NI GZHAN DU 'GYUR MI SRID DO ZHES GSUNGS PA LTA BU'O, ,JI SKAD DU GSUNGS SHE NA, DGE SLONG DAG CES SMOS TE, NYON MONGS PA BCOM PA'I PHYIR DANG, GSOL BA DANG BZHI'I LAS KYIS BSNYEN PAR RDZOGS PA'I PHYIR DGE SLONG DAG CES GSUNGS SO, ,DE LA PHYIN CI MA LOG PA GSUNGS PAS NA DE BZHIN GSHEGS PA ZHES BYA'O, ,THOB PAR BYA BA'I DON THAMS CAD BRNYES PA DANG, BSOD NAMS KYI ZHING BLA NA MED PA YIN PA'I PHYIR MCHOD PAR 'OS PA YIN PAS DGRA BCOM PA ZHES BYA'O, ,CHOS RNAMS JI LTA BA BZHIN DU DON DAM PAR THUGS SU CHUD PAS YANG DAG PAR RDZOGS PA'I SANGS RGYAS ZHES BYA'O, ,SKU TSE DANG, MTSAN DANG, SKU DANG RIGS MA GTOGS PA THA DAD PA MED PAS RNAMS ZHES BYA'O, ,BSKAL PA ZHES BYA BA NI BAR GYI BSKAL PA BRGYAD CU STE, BSKAL PA CHEN PO'O, ,DE NYID GCIG NAS GNYIS SU BGRANGS PA NI STONG PHRAG MANG PO'O, ,DE LA BRGYA STONG PHRAG BRGYA NA BYE BA'O, ,BYE BA RANG GI 'GYUR NAS GNAS BZHI PA NI KHRAG KHRIG GO, ,'JIG RTEN NI STONG GSUM DU'O, ,DPE BSGRUB PA NI KUN DGA' BO ZHES SMOS TE, KHA DOG CES BYA BA NI BSTAN PA'I TSIG GO, ,GSAL BA NI RANG BZHIN GYI MDOG GO, ,'OD 'BYIN PAS NA 'OD BZANG PO'O, ,DPAG TSAD CES BYA BA NI, LCAGS CHU RI BONG LUG DANG GLANG, ,NYI ZER RDUL DANG SRO MA DANG, ,DE LAS BYUNG BA DE BZHIN DU, ,SOR NI NYI SHU BZHI LA KHRU, ,KHRU BZHI LA NI GZHU 'DOM GANG, ,GZHU 'DOM LNGA BRGYA RNAMS LA NI, ,RGYANG GRAGS DE LA DGON PAR 'DOD, ,DE BRGYAD DPAG TSAD CES BYA'O, ,DE'I YON TAN GZHAN BSTAN PA NI MIG GI RAB RIB SAL BA DANG, YID KYI DRAN PA GSAL BAR BYED PA DANG, LUS KYI NAD SEL BA DANG, SNA'I DBANG PO LA PHAN @220B 'DOGS PAS ME TOG DE NI RAB RIB MED PAR BYED PA LA SOGS PA TSIG BZHI SMOS SO, ,GONG DU 'OD BZANG PO SMOS PA NI SNANG BAR YANG BYED CES BYA BA STE GZUGS MTHONG BA'I PHYIR RO, ,DE LA SNA'I DBANG PO'I MI MTHUN PA SPONG BAS NA SEL BA'O, ,MTHUN PA BSKYED PAS NA 'BYIN PA'O, ,'O NA SNA'I DBANG POR ZAD DAM ZHE NA, KHAMS BZHI DANG BAR BYED PA STE LUS KYI DBANG PO DANG, LCE DANG, MIG DANG, RNA BA'I DBANG PO DAG NI SA'I KHAMS DANG, CHU DANG, ME DANG, RLUNG GI KHAMS YIN LA, DE DAG LA PHAN 'DOGS PAS DANG BAR 'GYUR BA'O, ,'O NA 'KHOR LOS SGYUR BA'I RGYAL PO NI MTSAN BZANG PO SUM CU DANG LDAN PAS DE'I TSE 'BYUNG NGAM ZHE NA 'KHOR LOS SGYUR BA'I RGYAL PO THAMS CAD LA YANG ZHES BYA BA LA SOGS PA GSUNGS TE, 'KHOR LOS SGYUR BA ZHES BYA BA NI, GSER DNGUL ZANGS LCAGS 'KHOR LO CAN, ,DE DAG GLING GCIG GLING GNYIS DANG, ,GSUM DANG BZHI LA MAS RIM BZHIN, ,PHAS SU RANG 'GRO G-YUL BSHAMS DANG, ,MTSON BRTZAMS LAS RGYAL GNOD PA MED, ,CES BYA BA'O, ,TSUL KHRIMS 'CHAL PA NI RNAM PA GNYIS TE, MA THOB PA'I NYAMS PA DANG, THOB PA'I NYAMS PA'O, ,YANG TSUL KHRIMS 'CHAL BA NI BZHI STE, RTZA BA'I LTUNG BA LHAG PAR SPYAD PA DANG, SO SOR LTA BA DANG, YONGS SU MA DAG PA'I CHOS 'CHAD PA DANG, NYAN THOS DANG RANG RGYAL BA'I BSAM PA BSKYED PAS NYAMS PA'O, ,DUS MNYAM PA NYID NI MTSUNGS PA'O, ,DE'I YON TAN NI BSHAD MOD KYI, 'ON KYANG DBYIBS DANG, KHA DOG DANG, GNAS DANG, DUS MA BRJOD PAS 'DRI BA NI, ME TOG DE CI 'DRA GANG DU NAM SKYES SHE NA ZHES BYA'O, ,DE LA GANG DU SKYE BA BSTAN PA NI MTSO CHEN PO MA DROS PA ZHES BYA BA LA SOGS PA STE, 'DI NAS BYANG DU RI NAG PO, ,DGU 'DAS GANGS RI'I DE NAS NI, ,SPOS NGAD LDAN PA'I TSU ROL NA, ,CHU ZHENG LNGA BCU YOD PA'I MTSO, ,ZHES BYA BA STE, DMYAL BA'I MES KYANG DRO BAR MI NUS PAS MA DROS PA'O, ,YANG RGYAL PO BRTZAMS KYI 'BRAS BU'I DON YIN PAS NA DRON PO BLUGS PA GRANGS PAR GYUR PAS MA DROS PA ZHES BYA'O, ,YANG NA KLU'I RGYAL PO MA DROS PA ZHES BYA BA GNAS PAS NA MA DROS PA ZHES BYA'O, ,NAM SKYE BA BSTAN PA NI NAM SANG @221A *, ,RGYAS BCOM LDAN 'DAS DAG CES BYA BA LA SOGS PA STE, SANGS RGYAS ZHES BYA BA'I DON NI BSHAD ZIN TO, ,YANG NA DON DANG LDAN PA'I CHOS KYI TSOGS DANG, DON DANG MI LDAN PA'I CHOS KYI TSOGS DANG, DON DANG LDAN PA YANG MA YIN DON DANG MI LDAN PA YANG MA YIN PA'I CHOS KYI TSOGS MTHA' DAG RNAM PA THAMS CAD DU MNGON PAR RDZOGS PAR THUGS SU CHUD PAS NA SANGS RGYAS ZHES BYA'O, ,BDUD DPUNG DANG BCAS PA THAMS CAD KYI G-YUL CHEN PO BCOM PAS NA BCOM LDAN 'DAS ZHES BYA'O, ,YANG NA, ,DBANG PHYUG DANG NI GZUGS BZANG DANG, ,DPAL DANG GRAGS DANG YE SHES DANG, ,BRTZON 'GRUS PHUN SUM TSOGS PA YI, ,DRUG PO DAG LA LDAN ZHES BSHAD, ,CES PA'I TSUL GYIS KYANG BCOM LDAN 'DAS SO, ,SPRUL PA'I SKU RNAMS MTSUNGS PAS NA DAG CES BYA'O, ,DGA' LDAN ZHES BYA BA NI 'DOD PA'I LHA RIGS BZHI PA STE, GZIGS PA MTHA' DAG LA GZIGS NAS 'DZAM BU'I GLING DU BYON PA'I TSE, GLANG CHEN THAL KAR MCHE BA DRUG LDAN PA, ,RKANG GNYIS MCHOG DANG LDAN PAS ZHAL BZHES NAS, ,DRANG SRONG GNAS ZHES PA NI JI BZHIN DU, ,YUM GYI LHUMS SU 'JUG PA NYID DU BSTAN, ,ZHES BYA BA'I TSUL GYIS ZHUGS PA'O, ,'PHAGS PA BYAMS PA CHOS KYI RGYAL TSAB TU DBANG BSKUR BAS NAB BAS PA'O, ,LHA'I 'KHOR DU MAS BSKOR NAS BYON PAS NA RIS ZHES BYA'O, ,MGO LCOGS PA NI KHA 'BU BA'O, ,LUM PA'I TSAL DU SHING BLAG SHA'I YAL GA YUM GYIS BZUNG STE, GLO G-YAS PA DRAL BA'I TSE YANG TSANGS PA DANG BRGYA BYIN GYIS BLANGS PA'I TSE LHA'I BUS KHRUS BYAS SHING MA BRTEN PAR GOM PA BDUN BOR BA NI BLTAMS PA'O, ,ME TOG GYES PA NI KHA 'BYE'O, ,RDO RJE'I GDAN DU RDO RJE'I SKYIL MO KRUNG GIS RDO RJE LTA BU'I TING NGE 'DZIN LA BRTEN NAS RANG NYID KYIS SLOB DPON MED PAR CHOS THAMS CAD RNAM PA THAMS CAD DU MNGON PAR RDZOGS PAR SANGS RGYAS PA NI NAM BLA NA MED PA ZHES BYA BA LA SOGS PA STE, NYAN THOS DANG RANG SANGS RGYAS KYI RTOGS PA LAS KHYAD ZHUGS PAS NA BLA NA MED PA'O, ,PHYIN CI MA LOG PA'I DON KHONG DU CHUD PAS NA YANG DAG PA'O, ,SPANGS PA DANG YE SHES MTHAR THUG PAS NA RDZOGS PA'O, ,ZAD PA DANG MI SKYE BA SHES @221B PA'I YE SHES NI BYANG CHUB CES BYA STE, DRI MA ZAD DANG MI SKYE BA'I, ,YE SHES BYANG CHUB CES BRJOD DE, ,ZAD MED SKYE MED PHYIR DE DAG ,GO RIMS BZHIN DU SHES PAR BYA, ,ZHES PA'O, ,DE NYID MNGON SUM DU MDZAD PAS MNGON PAR RDZOGS PAR SANGS RGYAS PA ZHES BYA'O, ,RAB TU RDZOGS PAR SMIN PAS NA RGYAS PA'O, ,GDUL BYA'I GANG ZAG MA GZIGS PAS GZHAN SKYO BA BSKYED PA'I PHYIR SPRUL PA'I SKU'I SNANG BA NUB PAR BYED PAS NA 'DZAM BU'I GLING DU DGUNG LO BRGYAD CU RTZA GCIG LA BYON PA NI TSE'I 'DU BYED GTONG BAS NA BOR BA STE, RNAM PAR NYAMS PAS NA TSAL RNYINGS PA'O, ,NAM THA MA'I GSOL BA BA'I DON GRUB NAS GYAD KYI NYE 'KHOR KU SHA'I GRONG DU GLO G-YAS PA PHAB PA'I TSE 'JIG RTEN DU CHO 'PHRUL CHEN PO MA BYUNG BA DANG, NYID KYI THUB PA'I BKA'I MES BZHEN ZHING 'DZAM BU'I GLING GI RGYAN NUB PA NI YONGS SU MYA NGAN LAS 'DAS PA STE, SA'I STENG DU LHUNG BAS NA ME TOG LA SOGS PA LHAGS PA'O; ,MDZAD PA DAG NI BCU GNYIS SU BSTAN PA MA YIN NAM, CI'I PHYIR BZHI SMOS SHE NA, BDEN MOD KYI, 'ON KYANG 'DIR MDZAD PA BZHI NI SANGS RGYAS THAMS CAD KYI THUN MONG MA YIN TE, BLTAMS PA DANG, MNGON PAR RDZOGS PAR 'TSANG RGYA BA DANG, CHOS KYI 'KHOR LO BSKOR BA DANG, MYA NGAN LAS 'DA' BA MED PA GANG DU YANG MI SRID LA, DKA' BA SPYOD PA LA SOGS PA NI THAMS CAD DU NGES PA MED DE GDUL BYA RGYUD DAG PA DAG LA MDZAD PA BZHIS DON 'GRUB PA'I PHYIR DANG, KHA CIG SROD LA MNGON PAR RDZOGS PAR SANGS RGYAS NAS, DE NYID KYI THO RANGS YONGS SU MYA NGAN LAS 'DAS PA DAG LA MDZAD PA BCU GNYIS SU RIGS PA MA YIN NO, ,CI 'DRA BA ZHES BYA BA CHE KHYAD NI SHING RTA'I 'KHOR LO TZAM ZHES BYA'O, ,KHA DOG DANG LDAN ZHING GSAL TE ZHES BYA BA LA NI JI LTAR KHA DOG DANG LDAN ZHING GSAL ZHE NA, KHA DOG DKAR RAB TU 'GYUR RO ZHES BYA BA NI RGYAL RIGS KYI NANG DU 'BYUNG BA'I TSE'O, ,DKAR POR 'GYUR RO ZHES BYA BA NI BRAM ZE'I RIGS KYI NANG NA 'BYUNG BA'I TSE'O, ,CI'I PHYIR RIGS GNYIS KHO NA SMOS SHE NA, 'JIG RTEN NA MTHUN PA DANG, DBANG CHE BAR GRAGS PA'I RIGS NI GNYIS TE, MDUN NA 'DON PA DANG, RGYAL RIGS SO, ,DE LA GAL TE RGYAL RIGS MCHOG TU BYAS NA NI RGYAL RIGS SU SKYE BA BZHES LA MDUN @222A *, ,NA 'DON MCHOG TU BYA BA NI, BRAM ZE'I RIGS SU SKYE BAR 'GYUR TE, CI'I PHYIR ZHE NA, DES GZHAN 'DUL BA'I PHYIR RO, ,PADMA DKAR PO'I MDO NA DRANG BA'I DON YIN NO ZHA NA, GNYIS PA NGES PA'I DON DU BSTAN PA'I LUNG NI BYANG CHUB SEMS DPA'I SDE SNED LAS KYANG ZHES BYA BA'O, ,KYE ZHES BYA BA NI BRGYAD PA'I SGRA'O, ,RGYAL BA'I SRAS ZHES BYA BA NI RIGS 'TSO BA'I PHYIR BYANG CHUB SEMS DPA'I MING GI KHYAD PAR TE, BYANG CHUB SEMS DPA' SEMS DPA' CHE, ,BLO DANG LDAN PAS GSAL BA'I MCHOG ,RGYAL SRAS RGYAL PA'I GZHI DANG NI, ,RGYAL BA'I MYU GU RNAM RGYAL BYED, ,RTZAL DANG LDAN PA 'PHAGS PA'I MCHOG ,DED DPON GRAGS PA CHEN PO STE, ,SNYING RJE CAN DANG BSOD NAMS CHE, ,DBANG PHYUG DE BZHIN CHOS DANG LDAN, ,ZHES BYA BA LTA BU'O, ,RI MOR BYAS PA LA SOGS PA MTHONG BA YANG TSOGS BSAGS PA LA RAG LUS PAS NA RNYED PAR DKA' STE ZHES BYA'O, ,BSKAL PA GRANGS MED PA DANG PO LA MTHONG BA LA MCHOG TU SMOS SO, ,MOS PAR SPYOD PA'I SA LA SANGS RGYAS MTHONG BA MA YIN PA TSOGS KYI SA LA 'DOD PA DGAG PA NI GROGS PO DAG CES PA LA SOGS PA STE, SANGS RGYAS 'BYUNG BA'I DGOS PA'I CHOS BSTAN PA YIN, BAG YOD PA'I CHOS STON PA ZHES BYA BA STE, CHOS THOS PA LA BRTEN NAS NYES PA MA BYUNG GI SNGA ROL LA SOGS PA'I BAG YOD PA RNAM PA LNGA YIN PA NI, BAG YOD PA NI MYA NGAN LAS 'DAS PA THOB PAR BYED PA'I PHYIR TE, BAG YOD 'CHI MED GNAS YIN TE, ,BAG MED PA NI 'CHI BA'I GNAS, BAG YOD 'CHI BAR MI 'GYUR TE; ,BAG MED PA NI RTAG TU 'CHI, ,ZHES GSUNGS PA DANG, BAG YOD PA'I LEGS PA LNGA STE, LONGS SPYOD RGYA CHEN PO THOB CING DE LAS MI NYAMS PA DANG, PHYOGS MTSAMS SU GRAGS PA CHEN PO 'BYUNG BA DANG, 'KHOR THAMS CAD DU ZHUM PA MED PA DANG, 'CHI BA'I TSE 'GYOD PA MED PA DANG, SHI BA'I 'OG TU LHA'I 'JIG RTEN DU SKYE'O ZHES BYA BA LA SOGS PA BSTAN PAS BAG YOD PA NI CHOS THAMS CAD KYI RTZA BA YIN PA'I PHYIR RO, ,GONG DU AU DUM W'A RA'I MA TOG BZHIN NO ZHES 'BYUNG BA NI DRANG DON DE DPE MI BYED PAS SO ZHE NA, ZLA BA SNYING PO'I LE'U LAS KYANG BSTAN TE ZHES BYA STE, DPER BRJOD PA NI @222B MDO GZHAN DAG LAS SO, ,'O NA SANGS RGYAS DANG PHRAD PA LA YON TAN CI YOD CE NA, YON TAN GYI SGO NAS BSTAN PA NI, GANG DAG MTHONG ZHING THOS PA DANG, ,ZHES BYA BA LA SOGS PA STE, DON YOD PA ZHES BYA BA NI THAMS CAD LA SBYAR BAR BYA'O, ,GANG PHYIR RGYAL BA DBANG PO DAG ,MTHONG NA YE SHES MTHONG PHYIR RO, ,ZHES BYA BA LA SOGS PAS NI MTHONG BA DON YOD PA BSTAN TO, ,RIN CHEN GTZUG TOR GYI MTSAN LAN GSUM THOS PAS SUM CU RTZA GSUM GYI LHAR SKYES SO ZHES BYA BA LA SOGS PA DE NI THOS PA DON YOD PA'O, ,BSNYEN BKUR BYAS PA DON YOD PA NI KHYE'U GLANG PO SKYONG LTA BU'O, , MTHAR MYA NGAN LAS 'DAS PA THOB PAR BYED PAS NA 'DREN PA'O, ,KHA CIG NA RE MTHONG BA DANG THOS PA DANG BSNYEN BKUR BYA BA JI LTAR DON YOD CES 'JIG RTEN 'DREN PA'O ZHES BYA'O ZHES 'CHAD DO, ,BYED PA NI MTSON PA'I DON TO, ,GONG DU DE BZHIN GSHEGS PA MTHONG YANG SRID MI MTHONG YANG SRID CES BYA BA DE LTA BU ZHE NA, BSKAL PA BZANG PO'I MDO LAS KYANG ZHES GSUNGS TE, BSKAL PA DRUG CU DANG, BRGYAD KHRI DANG SUM BRGYAR NI MI MTHONG BAR 'GYUR RO, ,BSKAL PA 'DI DANG, BSKAL PA SKAR MA LTA BU DANG, YON TAN BKOD PA RNAMS LA NI MTHONG YANG SRID PA'O, ,SANGS RGYAS 'BYUNG BA RNYED DKA' BA BSHAD ZIN TO; ,MDO SDE KUN LAS BTUS PA'I BSHAD PA LUNG GI TSAD MAR SBYAR BA LAS, SANGS RGYAS 'BYUNG BA RNYED DKA' BA'I GTAM STE DANG PO'O,, ,,GNYIS PA MIR 'GYUR BA RNYED PAR DKA' BA BSTAN PA NI, MIR 'GYUR BA RNYED PAR DKA' STE ZHES BYA BA GSUNGS TE, RANG GI 'BYOR PA LNGA MTSON PA'I DON DU MIR 'GYUR BA SMRAS SO, ,DE LA RANG GI 'BYOR PA LNGA GANG ZHE NA, MIR GYUR PA DANG, YUL DBUS SU SKYES PA DANG, DBANG PO MA TSANG BA MED PA DANG, GNAS LA DAD PAR GYUR PA DANG, LAS KYI MTHA' MA LOG PA GANG YIN PA'O, ,DE LA MIR GYUR PA GANG ZHE NA, 'DI LTAR 'DI NA LA LA MI RNAMS DANG SKAL BA MNYAM PAR SKYES PA, SKYES PA'I DBANG PO DANG LDAN PA'AM, BUD MED DU SKYES PA YIN TE, DE NI MIR GYUR PA ZHES BYA'O, ,YUL DBUS SU SKYES PA GANG ZHE NA, 'DI LTAR 'DI NA LA LA GANG DU, 'KHOR BZHI PO RNAMS DANG, DAM PA RNAMS DANG, YANG DAG PAR SONG BA @223A *, ,RNAMS DANG, SKYES BU DAM PA RNAMS 'GRO BA'I DBUS KYI RKUN MA YIN PA RNAMS DANG, KLA KLO MA YIN PA RNAMS SU SKYE ZHING, RIGS MTHON PO LONGS SPYOD PHUN SUM TSOGS PA DAG TU SKYE BA YIN TE, DE NI YUL DBUS SU SKYES PA ZHES BYA'O, ,DBANG PO MA TSANG BA MED PA GANG ZHE NA, 'DI LTAR 'DI NA LA LA GLEN PA DANG, DIG PA DANG, LKUGS PA DANG, LAG PAS BRDA BYED PAR GYUR CING, LEGS PAR GSUNGS PA DANG, NYES PAR BSHAD PA'I CHOS RNAMS KYI DON KUN SHES PAR MI NUS PA MA YIN PA DANG, YAN LAG DANG NYID LAG MA TSANG BA MED PAR GYUR PA RNA BA MA TSANG BA MED PA LA SOGS PA YAN LAG DANG NYID LAG MA TSANG BA MED PAS GANG GIS DGE BA'I PHYOGS YANG DAG PAR BSGRUB PA'I SKAL BA YOD PA YIN TE, DE NI DBANG PO MA TSANG BA MED PA ZHES BYA'O, ,GNAS LA DAD PAR GYUR PA GANG ZHE NA, 'DI LTAR 'DI NA LA LAS DE BZHIN GSHEGS PAS GSUNGS PA'I CHOS 'DUL BA LA DAD PA DANG, SEMS DANG BA THOB PAR GYUR PA YIN TE, DE NI GNAS LA DAD PAR GYUR PA ZHES BYA'O, ,DE LA GNAS ZHES BYA BA NI DE BZHIN GSHEGS PAS GSUNGS PA'I CHOS 'DUL BA LA BYA STE, 'JIG RTEN DANG 'JIG RTEN LAS 'DAS PA'I CHOS DKAR PO'I CHOS THAMS CAD SKYE BA'I GNAS SU GYUR PA YIN NO, , DES SNGON DU DRANGS PA'I DBANG GIS DE LA DAD PA GANG YIN PA DE NI GNAS LA DAD PAR GYUR PA YIN TE, NYON MONGS PA'I DRI MA DANG RNYOG PA THAMS CAD BSAL BAR GYUR PA'I PHYIR RO, ,LAS KYI MTHA' MA LOG PA GANG ZHE NA, GANG GI TSE 'DI NYID LA MTSAMS MED PA'I LAS LNGA PO DAG LAS GANG YANG RUNG BA MA BYAS SHING BYED DU MA BCUG PA YIN TE, DE NI LAS KYI MTHA' MA LOG PA ZHES BYA'O, ,TSE 'DI NYID LA MTSAMS MED PA'I LAS LNGA PO DE DAG BYAS SHING BSAGS LA YONGS SU MA SPANGS NA YONGS SU MYA NGAN LAS 'DAS SHING 'PHAGS PA'I LAM BSKYED PA'I SKAL BA MED PAS NA DE'I PHYIR LAS KYI MTHA' DE DAG NI LAS KYI MTHA' MA LOG PA ZHES BYA'O, ,DES BDAG NYID KYI LUS DE YAN LAG LNGA PO DE DAG GI 'BYOR PAR BYED PAS NA DE'I PHYIR BDAG GI 'BYOR BA ZHES BYA'O, ,DE LA RNYED PAR DKA' BA'I 'OG NAS DPE BSTAN PA'O, ,'O NA LUNG LAS, NGAS NI GANG DAG BSTAN PA YI, ,MI KHOM BRGYAD PO DE DAG SPONG, ,ZHES BYA BA LA @223B SOGS PA GSUNGS PAS ME TOG GCIG PHUL BA TZAM YANG THA MA MYA NGAN LAS 'DAS PA'I RGYUR GSUNGS NA NI MI LUS THOB PA SMOS KYANG CI DGOS, DE NI BDEN TE, 'DIR NI DE NI DUD 'GRO'I SKYE GNAS SU SKYES PA NAS MI LUS THOB PA LA BYA STE, DE CI'I PHYIR ZHE NA, SHIN TU GTI MUG PAR GYUR BA'I PHYIR, DMYAL BA LA SOGS PA DAG NI RTOG PA SHAS CHE ZHING SKYO BA BSKYED CING THAR PAR YANG 'GYUR RO, ,DE CI MNGON ZHE NA, 'PHAGS PA NYID KYI ZHAL NAS, RGYA MTSO CHE GNAS GNYA' SHING BUG PA DANG, ,RUS SBAL PHRAD PA LAS KYANG DUD 'GRO LAS, ,MI NYID CHES THOB DKA' BAS MI DBANG GIS, ,DAM CHOS SPYAD PAS DE 'BRAS MCHIS PAR MDZOD, ,CES GSUNGS SO, ,RNAM GRANGS GZHAN YANG DGE BA BCU DANG LDAN PA LAS MI LUS THOB PA NI DKA' BA MA YIN NO, ,DE LTA BAS NA LAS RNAM PA GSUM GYIS NA DPE MA NGES PA MA YIN NO, ,DE LA PHYOGS SNGA MA NI CI LTA ZHE NA ZHES BYA BA'O, ,LAN NI DGE SLONG DAG CES BYA BA LA SOGS PA STE, SA CHEN PO NI DBUS KYI GLING BZHI RI RAB DANG BCAS PA'O, ,DPER NA ZHES BYA BA LA SOGS PA NI DPE DGOD PA'O, ,RUS SBAL SMOS PA NI DE DE'I GNAS YIN PA'I PHYIR DANG, HA CANG YANG NYAL BA'I PHYIR RO, ,THUB PA NI TSE'I TSAD DO, ,'TSO BA NI KHA ZAS KYIS GNAS PA'O, ,NGES PAR BZUNG BA'I PHYIR BZLAS TE BRJOD PA NI, BCOM LDAN 'DAS STES NA 'GYUR LAGS SO, ,BDE BAR GSHEGS BSTES [*PA STES?] NA 'GYUR LAGS TE ZHES BYA'O, ,DE LA BDE BAR GSHEGS PA ZHES BYA BA NI RANG GI DON PHUN SUM TSOGS PA DANG, GZHAN GYI DON PHUN SUM TSOGS PA'O, ,DE LA RANG GI DON PHUN SUM TSOGS PA NI SPANGS PA DANG, YE SHES GNYIS SO, ,DE LA SPANGS PA PHUN SUM TSOGS PA NI MI LDOG PAR GSHEGS PA STE RIMS NAD LEGS PAR BYANG BA LTA BU'O, ,YE SHES PHUN SUM TSOGS PA NI MA LUS PAR GSHEGS PA STE BUM PA LEGS PAR GANG BA LTA BU'O, ,GZHAN GYI DON PHUN SUM TSOGS PA NI MDZES PAR GSHEGS PA STE GZUGS BZANG PO LTA BU'O, ,DE LA 'KHOR BA LAS THAR BA NI ZHI BA'O, ,PHUNG PO LHAG MA DANG BCAS PA DANG LHAG MA MED PA STE, NYAN THOS DANG RANG RGYAL BA'I THEG PA NI BSTAN PA'I CHOS SO, ,THEG PA CHEN PO NI RAB TU BSTAN PA'O, ,STES NA ZHES BYA BA NI LAS RNAM PA @224A *, ,GSUM CI RIGS PAS SO, ,LAS RNAM PA GSUM NI SKYES NAS MYONG BA DANG, LAN GRANGS GZHAN LA MYONG BA DANG, MA NGES PAR MYONG BA'O, ,DPE DES SMOS PA NI GONG DU SBYAR BA DANG, 'OG TU SBYAR BA'I PHYIR RO, ,MDO SDE KUN LAS BTUS PA'I BSHAD PA, LUNG GI TSAD MAS SBYAR BA LAS, MI LUS THOB PA RNYED PAR DKA' BA'I GTAM BRJOD PA STE GNYIS PA'O,, ,,DA NI DAL BA 'BYOR PA RNYED PAR DKA' BA DE BSTAN PA'I PHYIR DAL BA 'BYOR BA RNYED PAR DKA' BA STE ZHES DAM BCA' BA MDZAD DO, ,GONG DU BSHAD PA'I LUNG LAS 'BYUNG BA DE DRANG BA'I DON MA YIN NAM ZHE NA, GNYIS PA NI NGES DON SGRUB PA DANG DAL BA 'BYOR PA'I MTSAN NYID RGYAS PAR BSHAD PA'I PHYIR GSUNGS PA, DAL BA 'BYOR BA RNYED DKA' STE, ,ZHES BSTAN PA YIN NO, ,DA NYID KYANG MI LUS THOB PAR DKA' BA BSTAN PA NI, DAL BA'I MTSAN NYID BSTAN LA, DAL 'BYOR RNYED DKA' BAS NA 'BYOR BA LNGA BSTAN TE, NGAN SONG GSUM LAS LOG PAS NA MIR GYUR PA'O, ,MTHA' 'KHOB NAS DGE BSNYEN MA MI 'ONG BA'I NANG DU MA SKYES PA'I BAR GYIS NI YUL DBUS SU SKYES PA'O, ,GLEN PA MA YIN PA LA SOGS PA NI DBANG PO TSANG BA BSTAN TO, ,LOG PAR LTA BA MA YIN PAS NI GNAS LA DAD PA DANG LAS KYI MTHA' MA LOG PA, SANGS RGYAS 'JIG RTEN DU BYUNG BAS NI GZHAN GYI 'BYOR PA LNGA BSTAN TO, ,GZHAN DAG NI MI KHOM PA BRGYAD LAS LOG PA NI DAL BA YIN LA, MI KHOM PA GANG ZHE NA, SEMS CAN DMYAL BA LA SOGS PA'O ZHES BSTAN PA'I PHYIR DE 'OG NAS KYANG GANG ZAG TSANGS PAR SPYOD PA LA GNAS PA'I DAL BA'I DUS NI GCIG STE; ZHES 'BYUNG BA'I PHYIR RO ZHES 'DOD DO, ,DE LA BYE BRAG MANG PO ZHES BYA BA NI THEG PA MTHA' DAG STON PA LAS SO, ,GCIG LAS 'PHROS PA ZHES BYA BA NI GONG DU 'DZEG PA LA BYA'O, ,CHOS SGRUB PA'I GNAS MA YIN PAS MI KHOM PA'O, ,GTZO BO BSDUS PA NI BRGYAD CES BYA STE, RNAM PA'I RAB TU DBYE BA NI MTHA' YAS PA'O, ,GANG ZAG CES BYA BA NI SKYES PA DANG BUD MED DAG GO, ,DE LA DMYAL BA ZHES BYA BA NI KHAMS BCO BRGYAD DO, ,DUD 'GRO'I SKYE GNAS NI RIGS BYE BA PHRAG SUM CU RTZA DRUG GO, ,GSHIN RJE'I RIGS NI SUM CU RTZA DRUG DAG GO, ,DE LA RANG BZHIN DANG LUS DANG DNGOS PO BSTAN PAS NI @224B DMYAL BA'O, ,DUD DE 'GRO BA'I PHYIR DANG, BLUN PA'I PHYIR DUD 'GRO'O, ,GSHIN RJE ZHES BYA BA NI 'GRO BA'I BDAG POR GYUR PA STE, DE'I RIGS NI YI DAGS KYI 'JIG RTEN NO, ,DE LA DMYAL BA'I KHAMS NI BSDU NA RNAM PA BRGYAD DE, YANG SOS DANG, THIG NAG DANG, BSDUS 'JOMS DANG, NGU 'BOD DANG; NGU 'BOD CHEN PO DANG, TSA BA DANG, RAB TU TSA BA DANG, MNAR MED PA STE CHU BUR CAN LA SOGS PA BRGYAD NI YANG SOS LA SOGS PAR BSDU'O, ,NYI TSE BA DANG NYE 'KHOR BA 'ANG TSA BA BRGYAD KYI 'KHOR DU BSDU'O, ,DUD 'GRO'I SKYA GNAS NI RDZUS TE SKYE BA DANG, MNGAL NAS SKYE BA DANG, SGO NGA LAS SKYE BA DANG, DROD GSHER LAS SKYE BA STE SKYE GNAS RNAM PA BZHI'O, ,KHAM GYI ZAS DANG, REG PA'I ZAS DANG, YID LA BYED PA'I ZAS DANG, RNAM PAR SHES PA'I ZAS CAN TE 'TSO BA'I PHYIR YANG RNAM PA BZHI'O, ,RKANG PA MED PA DANG, RKANG GNYIS PA DANG, RKANG BZHI PA DANG, RKANG MANGS TE GZUGS CAN GYI RNAM PA BZHI'O, ,YI DAGS NI PHYI'I SGRIB PA CAN DANG, NANG GI SGRIB PA CAN DANG, ZAS DANG SKOM LA SGRIB PA CAN TE BSDU NA RNAM PA GSUM MO, ,DE LA DMYAL BA DAG NI RDZUB PA'O, ,YI DAGS NI MNGAL NAS SKYE BA DANG, RDZUB PA GNYIS YOD DE, MNGAL NAS SKYES PA CI MNGON ZHE NA, JI SKAD DU, BDAG GIS MTSAN MO BU LNGA DANG, ,DE BZHIN NYIN MO BU LNGA DAG ,BSKYED CING BSKYED CING ZOS GYUR TE, ,'ON KYANG BDAG NI 'GRANGS MA GYUR, ,ZHES BYA BA LTA BU'O, ,LHA TSE RING PO NI GZUGS KYI KHAMS KYI GNAS RIGS BZHI PA STE 'BRAS BU CHE'I PHYOGS GCIG NA GNAS PA'O, ,DE CI'I PHYIR MA KHAM PA YIN ZHE NA, LUS DE ZHI BA DANG, TSE ZAD PA'I TSE LOG PAR LTA BA'I PHYIR RO, ,'KHOR RNAM PA BZHI MI 'ONG BAS NA MTHA' 'KHOB PA'O, ,MTHA' 'KHOB GNYIS GANG ZHE NA, RKU 'PHROG BYED PA LA SOGS PA STE, KLA KLO NI KLA KLO NYID LA BYA'O, ,BRNAB SEMS NI CHAGS SEMS CAN TE YID KYIS BDAG GIR BYED PA'I PHYIR RO, ,GNOD SEMS NI ZHE SDANG BA CAN NO, ,'KHOR RNAM PA BZHI NI GTZO BO SMOS PA STE, DGE TSUL PHA NI DGE SLONG GI 'KHOR DU BSDU'O, ,DGE TSUL MA DANG DGE SLONG MA NI DGE SLONG MA'I 'KHOR DU BSDU'O, ,BSNYEN GNAS NI DGE BSNYEN GYI 'KHOR DU BSDU'O, ,YID SHAS CHUNG BAS NA GLEN PA'O, , @225A *, ,DE NYID KYIS NA DON GO BA'I MTHU MED PA'O, ,SGO LNGA'I DBANG PO SHAS CHUNG BAS NA LUG LTAR LKUGS PA'O, ,DE NYID KYIS NA LAG BRDA BYED PA'O, ,GANG GI DON ZHE NA, LEGS PAR SMRAS PA ZHES BYA BA LA SOGS PA STE, PHAN PA'I DON STON PAS NA LEGS PAR SMRAS PA'O, ,PHAN PA MA YIN PA'I DON STON PAS NA NYES PAR SMRAS PA'O, ,YANG RNA BAR SNYAN PA NI LEGS PAR SMRAS PA'O, ,DE LAS BZLOG PA NI NYES PAR SMRAS PA'O, ,LOG PAR LTA BA RNAM PA GSUM STE, RGYU LA SKUR BA DANG, 'BRAS BU LA SKUR BA DANG, BYED PA LA SKUR BA'O, ,DE LA RGYU LA SKUR BA NI SBYIN PA YANG MED CES BYA BA LA SOGS PA STE, MA CHAGS PA'I DGE BA'I RTZA BA NAS SBYIN PA STE, DE NI PHYUG PA'I RGYU YIN PA'I PHYIR RO, ,DE NYID SNYOMS PAR BYED PA DANG, DUS BZANG POR SBYIN PAS NA MCHOD SBYIN TE DE NI RTZA 'JING DANG SKUR PAR 'GYUR BA'I RGYU YIN PA'I PHYIR RO, ,SBYIN PA DE NYID KYI KHYAD PAR NI SBYIN SREG CES BYA STE, DE 'BYOR PA'I RGYU YIN PA'I PHYIR RO, ,DES NA, BZLAS LA BRTZON NA DGA' 'GYUR ZHING, ,BSGOM LA BRTZON NA GROL BAR 'GYUR, ,MCHOD LA BRTZON NA DGA' 'GYUR ZHING, ,BSGOM LA BRTZON NA GROL BAR 'GYUR, ,MCHOD LA BRTZON NA MCHOD 'GYUR ZHING, ,ME LA SBYIN SREG BYAS PAS 'BYOR, ,ZHE'O, ,BYED PA LA SKUR PA NI LEGS PAR BYAS PA YANG MED CES BYA BA LA SOGS PA STE, DE LA LEGS PAR BYAS PA NI SROG GCOD PA SPONG BA LA SOGS PA STE, DE DAG NI TSE RING BA LA SOGS PA'I RGYU YIN PA'I PHYIR RO, ,NYES PAR BYAS PA NI SROG GCOD PA LA SOGS PA STE, DE DAG NI TSE THUNG BA LA SOGS PA'I RGYU YIN PA'I PHYIR RO, ,JI SKAD DU, SROG GCOD PA YIS TSE THUNG 'GYUR, ,MA BYIN LEN PAS DBUL BA NYID, ,BYI'O BYAS PAS DGRA DANG BCAS, ,BRDZUN DU SMRAS PAS SKUR PA STE, ,PHRA MA YIS NI BSHES DANG 'BYED, ,RTZUB PO'I TSIG GIS MI SNYAN THOS, ,MA 'BREL SMRA BA TSIG MI BTZUN, ,BRNAB SEMS YID LA RE BA 'JOMS, ,GNOD SEMS 'JIGS PA SBYIN PAR BSHAD, ,LOG PAR LTA BAS LTA NGAN NYID, ,CES BYA BA LA SOGS PA LTA BU'O, ,DE LA 'BRAS BU RNAM PA BZHI STE, RNAM PAR SMIN PA DANG, RGYU MTHUN PA DANG, DBANG DANG, SKYES BU BYED PA'O, ,'DI DAG GIS BSHAD PA NI 'OG NAS ZHIB TU 'BYUNG NGO, ,DE LA GTZO BO YIN PA'I PHYIR RNAM PAR SMIN PA ZHES SMRAS PA STE, MI 'DRA BAR SMIN @225B PAS RNAM PAR SMIN PA'O, ,RIS MTHUN PA'I SNANG BA NI 'JIG RTEN 'DI'O, ,RIS MTHUN PA DOR BA'I MA 'ONGS PA'I SKYE BA LAS KYI DBANG GIS 'GRUB PA'I PHA ROL LO, ,YOD PA'I DNGOS PO 'JIG PAR BYED PA NI PHA YANG MED MA YANG MED CES BYA BA LA SOGS PA STE, DE LA DGE SBYONG ZHES BYA BA NI CHOS RNAM PA LNGA DANG LDAN PA'I PHYIR RO, ,BRAM ZE NI SPYOD PA GTZANG BA'I PHYIR, KHA NA MA THO BA SPANGS PA'O, ,YANG NA RAB TU BYUNG BA SDE LNGA STE, DGE SLONG DANG, DGE SLONG MA DANG, DGE TSUL PHA DANG, DGE TSUL MA'I SDOM PA LA BRTEN NAS DON BYED PA NI DGE SBYONG NGO, ,KHYIM PA'I RTAGS SKRA DANG KHA SPU MA BREGS SHING GOS DKAR PO GYON BZHIN DU TSANGS PAR SPYOD PA LA SOGS PA'I SGO NAS DON BYED PA NI BRAM ZE'O, ,YANG NA CHOS 'DI PA'I CHA BYAD CAN NI DGE SBYONG NGO, ,PHYI ROL PA'I CHA BYAD CAN BRAM ZE'O, ,YANG NA DGE SBYONG NI RNAM PA BZHI STE, LAM RGYAL BA DANG, STON PA DANG, 'TSO BA DANG, SUN 'BYIN PAR BYED PA'O, ,DE LA DANG PO'I DBANG DU BYAS NAS DE BZHIN GSHEGS PA NI LAM RGYAL BA STE YANG DAG PAR SONG PA'O, ,CHOS SMRA BA DANG LEGS PAR ZHUGS PA NI STON PA DANG 'TSO BA STE ZHUGS PA'O, ,BRAM ZE ZHES BYA BA NI RIGS DANG MING DANG SGRUB PA'I DBANG DU BYAS PAS RNAM PA GSUM STE, DON GYI SKABS 'DIR SGRUB PA BRAM ZE LA 'DOD DE BYA BA BYAS SHING MI DGE BA'I CHOS THAMS CAD BSAL BAS NA YANG DAG PAR SONG BA'O, ,YANG NA SLOB PA DANG MI SLOB PA DAG NI MTHONG BA DANG BSGOM PAS SPANG BAR BYA BA'I NYON MONGS PA DAG LAS RNAM PAR RGYAL BAS NA LAM RGYAL BA'I DGE SBYONG ZHES BYA STE, DE'I PHYIR RGYUN DU ZHUGS PA LA SOGS PA LA SBYAR BAR BYA'O, ,DE LA RGYUN DU ZHUGS PA DANG, LAN CIG PHYIR 'ONG BA DANG PHYIR MI 'ONG BA DAG NI YANG DAG PAR SONG BA'O, ,DE DAG NI RGYU LA ZHUGS PA GSUM DANG, DGRA BCOM PA'I RGYU LA ZHUGS PA NI YANG DAG PAR ZHUGS PA'O, ,DGRA BCOM PA'I 'BRAS BU LA GNAS PA NI DGRA BCOM PA'O, ,DGRA BCOM PA'I YON TAN GANG ZHE NA, 'JIG RTEN RIG PA ZHES BYA BA LA SOGS PA STE, LHA'I MIG GI MNGON PAR SHES PA DANG, 'CHI 'PHO BA DANG SKYE BA SHES PA'I MNGON PAR SHES PA DANG, ZAG PA ZAG PA'I MNGON PAR SHES PA NI 'JIG RTEN RIG PA'O, ,DE LAS @226A *, ,BZLOG PA NI GANG ZAG TSANGS PAR SPYOD PA LA GNAS PA DAL BA'I DUS NI GCIG STE ZHES BYA BA LA SOGS PA YIN NO, ,DE BZHIN GSHEGS PAS BSTAN PA'I CHOS GANG ZHE NA THOG MAR DGE BA ZHES BYA BA LA SOGS PA GSUNGS TE, CHOS KYI YON TAN GYI RNAM GRANGS NI 'DI LTA STE, BSHAD PAR BYA BA DANG, KHONG DU CHUD PAR BYA BA'O, ,DE CI'I PHYIR ZHE NA, STON PA'I DAM CHOS RNAM GNYIS TE, ,LUNG DANG RTOGS PA'I BDAG NYID DO, ,DE 'DZIN BYED DANG SMRA BYED DANG, ,SGRUB PAR BYED PA KHO NA'O, ,ZHES 'BYUNG BA'I PHYIR RO, ,DE LTA BAS NA BSHAD PAR BYA BA'I CHOS BSTAN PAR BYA BA NI THOG MAR DGE BA, BAR DU DGE BA, THA MAR DGE BA ZHES BYA STE, LHAG PA'I TSUL KHRIMS KYI BSLAB PA STON PAS THOG MAR DGE BA STE, TSUL KHRIMS DANG LDAN PA YIN TE, SO SOR THAR PA'I SDOM PAS BSDAMS PA DANG, CHO GA DANG SPYOD YUL PHUN SUM TSOGS PA DANG, KHA NA MA THO BA PHRA RAB DAG LA 'JIGS PAR LTA BA'O, ,BAR DU DGE BA NI LHAG PA'I SEMS KYI BSLAB PA STE, 'DOD PAS DBEN PA LA SOGS PA'I BSAM GTAN BZHI'O, ,THA MAR DGE BA NI LHAG PA'I SHES RAB KYI BSLAB PA STE, 'PHAGS PA'I BDEN PA BZHI SHES PAR 'DOD PA'I ZAG PA DANG, SRID PA DANG, MA RIG PA DANG, LTA BA'I ZAG PA LAS SEMS RNAM PAR GROL BA'I YE SHES MTHONG BAR 'GYUR BA'O, ,DE LTA BU'I DUS GSUM DU DGE BA'I CHOS DE YANG CI 'DRA ZHE NA, BRJOD BYA'I DON MA LOG CING MCHOG TU GYUR PA DON PHUN SUM TSOGS PAS DON BZANG BA'O, ,AA LA SOGS PA RJOD BYED KYI TSIG GSAL ZHING DON MYUR DU GO BAR BYED PAS TSIG 'BRU BZANG PO'O, ,DE LTA BU'I CHOS DES CI ZHIG SGRUB CING STON CE NA, TSANGS PAR SPYOD PA ZHES BYA STE, PHUNG PO LHAG MA DANG BCAS PA LA SOGS PA'I MYA NGAN LAS 'DAS PA NI TSANGS PA'O, ,DE LA CI MNGON ZHE NA, MDO LAS ZHI BAR GYUR PA TSANGS PAR GYUR PA, BSIL BAR GYUR PA ZHES BYA BA NI MYA NGAN LAS 'DAS PA'I GRANGS SO ZHE'O, ,DE'I RGYU YIN PA'I PHYIR SPYOD PA STE, LAM GYI 'DUS BYAS KYI GTZO BO YIN PA'I PHYIR RO, ,DE YANG, ZAG BCAS ZAG PA MED CHOS DANG, ,LAM MA RTOGS PA'I 'DUS BYAS RNAMS, ,ZAG BCAS GANG PHYIR DE DAG LA, ,ZAG RNAMS KUN TU RGYAS PAR 'GYUR, ,ZHE'O, , @226B DE'I PHYIR NA TSANGS PAR SPYOD PA ZHES BYA BAS NI RTOGS PAR BYA BA DON DAM PA'I CHOS BSTAN TO, ,DON DAM PA'I CHOS DE CI 'DRA BA ZHE NA, MU STEGS CAN DANG MA 'DRAS PA'O, ,LAM DES KHAMS GSUM GYI NYON MONGS PA SPONG BAS YONGS SU RDZOGS PA'O, ,LAM DE RANG BZHIN GYIS RNAM PAR GROL BAS NA YONGS SU DAG PA'O, ,LAM DE ZAG PA ZAD PA RNAMS KYI RGYUD LA SKYES TE RGYUD KYI DAG PAS DAG PA'I PHYIR YONGS SU BYANG BA'O, ,LA LA DAG NI THOS PA'I TSE DAD PA BSKYED PAS THOG MAR DGE BA'O, ,SEMS PA'I TSE DGA' BA BSKYED PAS BAR DU DGE BA'O, ,BSGOM PA'I TSE BLO RGYA CHEN PO BSKYED PAS THA MAR DGE BA'O, ,MTHO RIS DANG THAR PA'I RGYU YIN PA'I PHYIR MTHO RIS DANG BYANG GROL GYI DON 'BYUNG BAS DON BZANG PO'O, ,DE 'CHAD PA'I TSIG GSAL ZHING ZUR PHYIN PAS TSIG 'BRU BZANG PO'O ZHES ZER RO, ,KHA CIG NA RE MU STEGS KYI CHOS KYI GNYEN PO YIN PAS, THOG MA LA SOGS PAR DGE BA'O, ,DE CI'I PHYIR ZHE NA, DE DAG TSIG SNGA PHYI 'GAL BA 'BYUNG STE, MI 'TSE BA NI CHOS KYI MCHOG CES 'BYUNG LA, PHYUGS BSAD DE MCHOD SBYIN BYAS NA MTHO RIS SU 'GRO ZHES BYA BA DANG, BRDZUN GYIS SLU BA SDIG PA'I MCHOG ,CES 'BYUNG LA, RTZED MO DANG, MI TSANGS PAR SPYOD PA DANG, BAG MA LEN PA DANG, NOR 'PHROG PA DANG, SROG GI PHYIR NI BRDZUN SMRA BAR BYA ZHES 'BYUNG NGO, ,YANG BDAG TU SMRA BAS NA DON BZANG PO MA YIN NO, ,MA 'BREL PA DANG, MI GSAL BA DANG, CAL COL DU SMRA BAS NA TSIG 'BRU NGAN PA'O, ,MI THOD CAN DANG, GCER BU BA DANG 'DRES PAS MA 'DRES PA YANG MA YIN NO, ,SA 'OG MA'I GNYEN PO TZAM YIN PAS YONGS SU RDZOGS PA YANG MA YIN NO, ,RANG GI SA PA'I NYON MONGS PA 'BYUNG BAS YONGS SU DAG PA YANG MA YIN NO, ,SA GZHAN GYI NYON MONGS PA'I YID DANG RJES SU 'BREL PA SA RNAM PAR BYANG BA YANG MA YIN NO, ,MYA NGAN LAS 'DAS PA'I RGYU MA YIN PAS TSANGS PAR SPYOD PA YANG MA YIN NO ZHES ZER RO, ,GZHAN DAG NI THOG MAR DGE BA NI DON BZANG PO'I PHYIR RO, ,BAR DU DGE BA NI TSIG 'BRU BZANG PO'I PHYIR RO, ,THA MAR DGE BA NI MA 'DRES PA LA SOGS PA TSIG LNGA YIN NO ZHES KYANG ZER RO, ,'O NA DAL BA 'BYOR PA RNYED PAR DKA' BA @227A *, ,BSTAN PA DRANG BA'I DON MA YIN NAM ZHE NA, NGES DON GYI LUNG BSTAN PA NI GROGS PO DAG CES BYA BA LA SOGS PA YIN NO, ,KHA CIG NI LUNG GZHAN BSTAN PA'I SGO NAS DON BSDU BA YIN NO ZHES KYANG 'DOD DO, ,LA LA DAG NI DAL BA 'BYOR BA JI LTAR RNYED PAR DKA' ZHE NA, GTAN TSIGS GZHAN BSTAN TE DPER NA, AA KA RU NAG PO 'GA' ZHIG TU DRI 'BYUNG GI GTAN DU MA YIN PA LTAR DAL BA 'BYOR PA YANG TSUL KHRIMS DANG LDAN ZHING RGYU MA TSANG BA MED PAR TSOGS PA LAS THOB KYI GYI NA THOB PAR MI 'GYUR RO ZHES BSTAN PA'I PHYIR MDO 'DI SMOS SO ZHES ZER RO, ,KHA CIG NI MDZES PAR BYA BA'I PHYIR DANG NGES DON DU BYA BA DANG, TSUL GZHAN GYIS BSHAD PAR BSHAD PA DANG, SLOB DPON RANG NYID KYIS GZIGS PA BSTAN PA'I PHYIR BSHAD PA DANG MA BSHAD PA'I LUNG GI DON MTHA' DAG BSTAN PAR RIG PAR BYA'O ZHES ZER RO, ,KHA CIG NI MDZES PAR BYA BA'I PHYIR, DE LTAR NA MDO SDE SANGS RGYAS SNYING PO LAS DGE SLONG DAG DAL 'BYOR NI RNAM PA BCU STE, GZHAN GYI 'BYOR PA LNGA DANG, RANG GI 'BYOR PA LNGA'O ZHES BYA BA GSUNGS PA'I DON SLOB DPON GYIS MDO DU MAS BSHAD PA YIN NO, ,DA NI ZLA BA'I SNYING PO'I LE'U LAS 'BYUNG BA'I DAL 'BYOR GZHAN BSTAN PA'I PHYIR, YANG DE NYID LAS 'BYUNG BA ZHES SMRAS SO; ,RNAM PAR DAG PA ZHES BYA BA NI YON TAN BCU DANG LDAN PA'O, ,MNYAM PA NYID CES BYA BA NI MA TSANG BA MED PA'O, ,DE NYID BSTAN PA NI, RIGS DMA' BA SPANGS PA DANG ZHES BYA BA LA SOGS PA'O, ,DE LA RIGS MTHO BAS NA RIGS DMA' BA SPANGS PA'O, ,CI MI SHES PAS NA GLEN PA'O, ,BYE BRAG MI PHYED PAS NA BLUN PA'O, ,ZHAR BA DANG RLIG PA PHYUNG BA LA SOGS PA NI DBANG PO NYAMS PA'O, ,PHO'I DBANG PO DANG LDAN PA DANG, DE MA NYAMS PAS PHOR SKYES PA'O, ,'O NA BUD MED KYANG CI'I PHYIR MA SMOS SHE NA, RTEN DMAN PA'I PHYIR MA SMOS SO, ,GZUGS LEGS PAS NA GZUGS BZANG PO'O, ,'BYOR BA DANG LDAN PAS NI MI DBUL BA'O, ,GZI BRJID CHE BAS NA MI BRNYAS PA'O, ,TSIG BTZUN PAS NA TSIG MNYAN PA'O, ,MANG POS BKUR BAS NA SKYE BO MANG POS LTA BA'O, ,DE LA MNYAM PA NYID BCU YONGS SU RDZOGS PA MA YIN PAS GEGS SU 'GYUR NA NI HA CANG THAL CHES PAR 'GYUR LA, MA YIN NA DON MED PAR @227B 'GYUR RO ZHE NA, MA YIN TE 'ON KYANG YON TAN TSAD MAR BSTAN PA'I PHYIR 'DI SMOS PA NYES PA MED DO, ,MDO KUN LAS BTUS PA'I BSHAD PA LUNG GI TSAD MAS SBYAR BA LAS DAL BA 'BYOR PA RNYED PAR DKA' BA'I GTAM BRJOD PA STE GSUM PA'O, ,DAL 'BYOR GYI MTSAN NYID BSHAD ZIN TO,, ,,DA NI BYANG CHUB KYI SEMS BSTAN PA BSHAD PAR BYA'O, ,DE LA RE ZHIG MTSAMS SBYOR BA NI DE BZHIN GSHEGS PA'I BSTAN PA LA DAD PA RNYED PAR DKA' STE ZHES BYA'O, ,CI'I PHYIR ZHE NA, SANGS RGYAS BYE BA KHRAG KHRIG BRGYA STONG LA BSNYEN BKUR BYAS NA GZOD DAD PA THOB PO ZHES GSUNGS PA'I PHYIR RO, ,DE LA BSTAN PA NI DAM PA'I CHOS LUNG DANG RTOGS PA'I BDAG NYID LA BYA'O, ,DAD PA NI MI PHYED PA'I MTSAN NYID DANG LDAN PA'O, ,DE NI RNAM PA GSUM STE, DANG BA'I DAD PA DANG, YID CHES PA DANG, 'DOD PA'I DAD PA'O, ,DE DAG KYANG YUL NI DKON MCHOG LA SOGS PA RNAM PA GSUM LA CI RIGS PAR SKYE BA'O, ,'O NA LUNG LAS KYANG DAD PA GANG ZHE NA, LAS DANG 'BRAS BU BDEN PA DANG, DKON MCHOG GSUM LA MNGON PAR YID CHES PA DANG, 'DOD PA DANG SEMS DANG BA'O ZHES PA DANG 'GAL LO ZHES RGOL BA'I DAD PA JI LTA BU ZHE NA ZHES BYA BA'O, ,LAN NI DE DGONGS PA'I DON TE, BYE BRAG GAM SGO NAS SPYI MTSON PAS 'GAL BA MED PA BSTAN PA DE NI DE BZHIN GSHEGS PA'I GSANG BA'I MDO LAS ZHES BYA BA LA SOGS PA'O, ,'DI LA ZHES BYA BA NI DAD PA BSTAN PAR BYA BA'I SKABS 'DI LA'O, ,RIGS KYI BU'AM RIGS KYI BU MO ZHES BYA BAS NI DAL 'BYOR THOB PA'I GANG ZAG BSTAN TO, ,STONG PA NYID DANG SNYING RJE MI PHYED PA DANG LDAN PA NI LHAG PA'I BSAM PA'O; ,SEMS BSKYED DE ZHES BYA BA NI SMON PA'I BDAG NYID DO, ,SPYI'I DON LA GNAS SKABS KYI STOBS KYIS DGOS PA BYE BRAG TU BSTAN PAS NA DAD PA YIN ZHES BYA'O, ,DE'I PHYIR DAD PA BSTAN PAR BYA BA NI DANG BA MANG ZHING ZHES BYA BA LA SOGS PA STE, BYED PA DANG, YUL DANG, NGO BO NYID DANG, PHAN YON YANG RIG PAR BYA'O, ,DE LA BYED PA NI RNAM PA GSUM STE, DANG BA'I BYED PA DANG, 'DOD PA'I BYED PA DANG, YID CHES PA'I BYED PA'O, ,DE LA DANG BA'I BYED PA NI NOR BU CHU DANG BYED LTAR RGYUD KYI RNYOG PA MED PA STE, PHYIR ZHING 'PHAGS PA RNAMS LA LTA 'DOD PA DANG, DAM PA'I CHOS NYAN PAR 'DOD PA'O, ,DE LA DANG BA @228A *, ,MA YIN PA NI RTAG TU BSGOM PA'I PHYIR RO, ,'PHAGS PA NI LAS DANG NYON MONGS PA LAS RING DU SONG BA STE, YANG DAG PAR RDZOGS PA'I SANGS RGYAS DANG, DE'I DGE 'DUN DAG GO, ,DAM PA NI GANG ZAG DE DAG STE, DE DAG GIS SPYAD PA'I PHYIR DAM PA'I CHOS SO, ,'DOD PA'I BYED PA NI SER SNA MED PA LA SOGS PA STE, THOB PA DANG SPANGS PA LA DMIGS PA'I PHYIR MYA NGAN LAS 'DAS PA THOB PA'I RGYU LAM GYI BDEN PA DANG, SDUG BSNGAL GYI RGYU KUN 'BYUNG LA DMIGS PA'O, ,SDUG BSNGAL GYI RGYU KUN 'BYUNG SPANGS PA'I PHYIR SER SNA MED CES BYA BA STE, SER SNA DANG 'CHAL PA'I TSUL KHRIMS LA SOGS PA DAG NI SDUG BSNGAL GYI RGYU YIN PA'I PHYIR RO, ,MYA NGAN LAS 'DAS PA'I RGYU LAM GYI BDEN PA THOB PAR BYA BA'I PHYIR LHUG PAR GTONG BA DANG ZHES BYA BA LA SOGS PA STE, MA CHAGS PA'I NGO BO NYID LA SOGS PA PHA ROL TU PHYIN PA DRUG NI LAM DU 'DOD PA'I PHYIR RO, ,DE LA LHUG PAR GTONG BA NI SBYIN PA DANG 'BRAS BU MA 'BREL BA STE MYA NGAN LAS 'DAS PA BSNGO BA'I PHYIR RO, ,LAG PA BRKYANG BA NI GUS PA DANG RGYA CHER RAB TU SBYIN PAR BYA'O, ,GTONG BA LA DGA' BA NI SNGA ROL DANG DE'I TSE DANG BYIN ZIN NAS YI RANG BA DANG, DANG BA DANG, 'GYOD PA MED PA'O, ,SBYIN PA MI 'CHAD PAR BYED PA NI GCIG TU CHOS DANG BAB COL MA YIN PAS LONGS SPYOD SGRUB STE DUS DUS SU YANG DANG YANG DU SBYIN PAR BYA BA'I DNGOS PO YONGS SU GTONG BA'O, ,GTONG BA PHUN SUM TSOGS PA NI SBYIN GNAS DAG LA 'BUL BA'O, ,SBYIN PA 'GYED PAR DGA' BA NI DUS DUS SU PHA DANG MA DANG BU DANG BRAN PHO DANG BRAN MO LA SOGS PA LA KUN 'GYED PA'O, ,YANG NA SBYIN PA RNAM PA DRUG STE, MI RTEN PA DANG, ,DGA' BA DANG, YANG DANG YANG DU SBYIN PA DANG, SNOD DU GYUR PA LA SBYIN PA DANG, YONGS SU GZUNG BA SBYIN PA DANG, 'KHOR LA SBYIN PA STE, DE LTAR SBYIN PA DANG, GANG LA SBYIN PA'I DBANG DU BYAS NAS LHUG PAR GTONG BA LA SOGS PA RNAMS SU RIG PAR BYA'O, ,RNAM GRANGS GZHAN YANG MI SRID PAS LHUG PAR GTONG BA'O, ,MI 'GYOD PAS NA DGA' BA'O, ,GUS PA DANG LDAN PAS MCHOD SBYIN NO, ,LUS DANG LONGS SPYOD DANG DGE BA GTONG BAS GTONG BA PHUN SUM TSOGS PA'O, ,RJES SU DGA' @228B BAS 'GYED PA LA DGA' BA'O, ,GTONG BA'I TSE NA KHONG KHRO BA MED PA'O, ,'BRAS BU 'DOD PA'I RE BA MED PAS RNYOG PA MED PA'O, ,YANG NA PHA ROL TU PHYIN PA DRUG GIS ZIN PA STE, DE LA SBYIN PA'I SBYIN PA NI LHUG PAR GTONG BA'O, ,TSUL KHRIMS NI DGA' BA DANG GUS PA'I MCHOG SBYIN NO, ,BRTZON 'GRUS NI GTONG BA PHUN SUM TSOGS PA'O, ,BZOD PA NI DGA' BA DANG KHONG KHRO BA MED PA'O, ,BSAM GTAN DANG SHES RAB KYIS ZIN PAS NA RNYOG PA MED PA STE, DE LTAR NA SBYIN PA JI LTA BA BZHIN DU TSUL KHRIMS KYI SBYIN PA LA SOGS PA RIG PAR BYA STE, 'DIR NI MTSON PAR RIG PAR BYA'O, ,YID CHES PA'I BYED PA BSTAN PA NI LAS DANG LAS KYI RNAM PAR SMIN PA LA YID CHES PA DANG ZHES BYA BA LA SOGS PA'O, ,DE LA YIS CHES PA LA SOGS PA GSUM NI SOM NYI MED PA LA SOGS PA GSUM DANG SBYAR BAR BYA'O, ,YANG NA MI PHYED PAS YID CHES PAR BYA'O, ,NGES PAR 'DZIN PAS MOS PA'O, ,BYE BRAG PHYED PAS RTOGS PA'O, ,THOS PA'I TSE SOM NYI MED PA'O, ,BSAM PA'I TSE THE TSOM MED PA'O, ,BSGOM PA'I TSE YID GNYIS MED PA'O ZHES KHA CIG 'DOD DO, ,LA LA DAG NI SBYOR BA LA SOGS PA GSUM DU SOM NYI MED PA LA SOGS PA YIN NO ZHES SO, ,LUS CAN RNAMS KYIS LAS DAG NI, , BSKAL PA BRGYAR YANG CHUD MI ZA, ,TSOGS SHING DUS LA BAB PA NA, ,'BRAS BU NYID DU 'GYUR BA YIN, ,ZHES GNYEN POS MA BCOS PAR ZAD PAR MI 'GYUR BAS CHUD MI ZA'O, ,CHUD MI ZA BA CI ZHIG GNOD, ,NYON MONGS PA SPONG NA SO SOR MA BRTAGS PA'I 'GOG PAR 'GYUR RO, ,MA YIN TE CHUD MI ZA BA ZHES BYA BA NI GNYEN POS MA BCOS NA 'BRAS BU BSKYED PA LA BYA STE, NYON MONGS PA ZAD NA DE NI 'DOD PA KHO NA STE, THOG MA MED PA'I LAS DAG JI LTAR ZAD PAR 'GYUR ZHE NA, GNYEN POS BSGOM ZHING RGYU 'GOG PAS NA MI BYA BA MI BYED PA'O, ,NGES DON BSTAN PA'I SGO NAS BSDU BA NI, YANG DE NYID LAS 'BYUNG BA ZHES BYA BA YIN NO, ,'DUN DANG ZHE SDANG 'JIGS PA DANG, ,RMONGS PAS GANG ZHIG CHOS MI 'DA', ,ZHES BYA BA'I TSUL GYIS NI BYA BA KHA NA MA THO BA MI BYED PA STE, GZHAN DU NA, NGA YI BSTAN LA MA GUS GANG, ,DE YIS NGA MTHONG CI ZHIG BYA, ,ZHE'O, ,DAD PA'I YUL BSTAN PA'I PHYIR DAD PA NI @229A *, ,ZHES BYA BA LA SOGS PAS MTSAMS SBYOR TE, DGE BA'I CHOS NI DKAR PO'I CHOS MTHA' DAG BSKYED PA'I RGYU BYANG CHUB KYI SEMS SO, ,SNGON DU 'GRO BA NI, RGYAL DANG RGYAL BA'I CHOS LA DAD GYUR CING, ,BYANG CHUB BLA NA MED LA DAD GYUR PA, ,SANGS RGYAS SRAS KYI SPYOD LA DAD BYED NA, ,SKYES BU DAM PA RNAMS KYI SEMS SKYE'O, ,ZHES 'BYUNG BA LTA BU'O, ,DE LA DAD PA RNAM PA GSUM GYIS YUL GANG LA DAD PAR GYUR ZHE NA, 'DI LTA DE BZHIN GSHEGS PA LA SOGS PA ZHES BYA BA LA SOGS PA GSUNGS TE, DAD PA'I YUL NI RNAM PA GSUM STE, SANGS RGYAS DANG CHOS DANG DGE 'DUN DANG, SDUG BSNGAL DANG KUN 'BYUNG BA DANG 'GOG PA DANG, LAM DANG, LAS DANG, 'BRAS BU RNAMS SO, ,YUL DE GSUM MTSON PA'I DON DU DE BZHIN GSHEGS PA SMOS TE, GTZO BO YIN PA'I PHYIR RO, ,DE BZHIN GSHEGS PA DE'I YON TAN GANG RNAMS SHE NA, 'DI LTA STE, PHUNG PO YONGS SU DAG PA'I YON TAN DANG, BRJOD PA YONGS SU DAG PA DANG, MDZAD PA YONGS SU DAG PA DANG, MKHYEN PA YONGS SU DAG PA DANG, GZIGS PA YONGS SU DAG PA DANG, MNGON PAR 'PHAGS PA'I YON TAN RNAMS SO, ,DE LA PHUNG PO YONGS SU DAG PA NI, TSUL KHRIMS KYI PHUNG PO DANG, TING NGE 'DZIN GYI PHUNG PO DANG, SHES RAB KYI PHUNG PO DANG, RNAM PAR GROL BA'I PHUNG PO DANG, RNAM PAR GROL BA'I YE SHES GZIGS PA'I PHUNG PO'O, ,BRJOD PA YONGS SU DAG PA NI JI LTA BA LAS BRTZAMS NAS CHOS RNAMS KYI RANG BZHIN BRJOD PA DANG, JI SNYED YOD PA LAS BRTZAMS NAS CHOS KYI RNAM GRANGS BRJOD PA'O, ,MDZAD PA NI RNAM PA GNYIS TE, MI RTOG PA DANG, DUS THAMS CAD PA'I PHRIN LAS SO, ,MKHYEN PA NI RNAM PA DRUG STE, RDZU 'PHRUL GYI YUL SHES PA DANG, LHA'I RNA BA'I MNGON PAR SHES PA DANG, GZHAN GYI SEMS SHES PA DANG, 'CHI 'PHO DANG; SKYE BA SHES PA DANG, SNGON GYI GNAS RJES SU DRAN PA DANG, ZAG PA ZAD PA MNGON PAR MKHYEN PA'O, ,GZIGS PA NI RNAM PA LNGA STE, SHA'I SPYAN DANG, LHA'I SPYAN DANG, SHES RAB KYI SPYAN DANG, CHOS KYI SPYAN DANG, SANGS RGYAS KYI SPYAN NO, ,MNGON PAR 'PHAGS PA NI RNAM PA GSUM STE, SKU DANG, @229B GSUNG DANG THUGS KYIS MNGON PAR 'PHAGS PA STE, DE BZHIN GSHEGS PA'I YON TAN NI MDOR BSDU NA 'DI DAG TU ZAD DE, CI'I PHYIR ZHE NA, RANG DANG GZHAN GYI DON MTHA' DAG BSDUS PA'I PHYIR TE, LUNG LAS YON TAN JI SNYED BRJOD PA THAMS CAD KYANG 'DI GNYIS KHO NAR ZAD DO, ,DE LA ZAG PA MED PA'I PHUNG PO LNGA LAS GTZO BO YIN PA'I PHYIR, RNAM PAR GROL BA'I YE SHES MTHONG BA'I PHUNG PO NI SGRIB PA MED PA'I YE SHES MTHONG BA ZHES SMOS PA YIN NO, ,JI LTA BA LAS BRTZAMS NAS CHOS KYI RANG BZHIN BRJOD PA NI DES BSTAN PA NI MTHONG BAR DKA' BA ZHES BYA BA LA SOGS PA GSUNGS TE, TSU ROL MTHONG BA'I YUL MA YIN PAS SHES PAR DKA' BA'O, ,TSAD MA'I YUL MA YIN PAS SHES PAR DKA' BA'O, ,'PHAGS PA'I SPYOD YUL DU GYUR PAS ZAB PA'O, ,SPROS PA DANG BRAL BAS RGYU BA CHAD PA'O, ,GZHI MA GRUB PAS MIG KYANG MED CES BYA BA LA SOGS PA'O, ,CHOS CAN MED PA LA CHOS MI 'THAD PAS MI 'GAG PA YANG MED CES BYA BA LA SOGS PA GSUNGS PA'O, ,DE LTA MOD KYI 'ON KYANG KUN RDZOB TU JI SNYED YOD PA LAS BRTZAMS TE, CHOS RNAMS KYI RNAM GRANGS BRJOD PA NI YAN LAG DRUG CU DANG LDAN PA ZHES BYA BA LA SOGS PA GSUNGS TE, GSUNG YAN LAG DRUG CU NI, GSANG BA BSAM GYIS MI KHYAB PA'I MDO LAS SHES PAR BYA'O, ,DE LAS CI BYED CE NA, 'KHRUL PA MTHA' DAG GI GNYEN PO YIN PA'I PHYIR RO, ,NGAG GI LAS YONGS SU DAG PA DANG ZHES BYA BA LA SOGS PA GSUNGS PA YIN NO, ,DE LTAR RGYAS PAR BSHAD PA BSDU BA'I PHYIR MI MKHYEN PA'AM ZHES BYA BA GSUNGS TE, JI LTA BA'I DON MKHYEN PAS MI MKHYEN PA MED PA'O, ,JI SNYED YOD PA MKHYEN PAS MA GZIGS PA MED PA'O, ,DE GNYIS KA'I NGO BOS MNGON SUM DU MA MDZAD PA MED PA DANG, MNGON PAR SANGS RGYAS PA MED PA'O, ,MDZAD PA YONGS SU DAG PA NI, SPYAN YONGS SU DAG PA DANG LDAN PA ZHES GSUNGS TE, NYIN MTSAN LAN DRUG TU GZIGS PAS NA KUN NAS SPYAN DANG LDAN PA'O, ,YANG NA GDUL BYA DUS GSUM PA RNAMS YAL BAR MI 'DOR BAR DUS THAMS CAD PA'I PHRIN LAS DANG MI RTOG PA'I PHRIN LAS KYIS GZIGS PAS NA KUN NAS SPYAN DANG LDAN PA'O, , @230A *, ,DRUG MNGON PAR MKHYEN PA'I GTZO BO YIN PA'I PHYIR ZAG PA ZAD PA'I MNGON PAR SHES PA BSTAN PA NI, 'DOD CHAGS DANG BRAL BA ZHES BYA BA LA SOGS PA'O, ,GZIGS PA YONGS SU DAG PA SPYAN LNGA LAS DANG PO YIN PA'I PHYIR, SHA'I SPYAN SMOS TE, MTHAR THUG PA MED PAS DPAG TU MED PA'O, ,MNGON PAR 'PHAGS PA'I YON TAN LAS SKU MNGON PAR 'PHAGS PA NI, SPYI GTZUG BLTAR MI SNANG BA'O, ,KUN RDZOB KYI BDEN PA STON PAS ZAB PA'O, ,DON DAM PA'I BDEN PA STON PAS DON DAM PA STON PA STE, 'DI GNYIS NI GSUNG MNGON PAR 'PHAGS PA'I YON TAN NO, ,THUGS MNGON PAR 'PHAGS PA NI, SANGS RGYAS KYI CHOS THAMS CAD KYI BLA NA MED PAR GYUR PA STE, DE LA MTSAN BZANG PO SUM CU RTZA GNYIS DANG, DPE BYAD BZANG PO BRGYAD CU MTSON PA'I PHYIR SKU MNGON PAR 'PHAGS PA'O, ,GSUNG YAN LAG LNGA DANG LDAN PA BSTAN PA'I PHYIR GSUNG 'PHAGS PA BSTAN TE, GSUNG YAN LAG LNGA GANG ZHE NA, YONGS SU SHES SHING RNAM PAR SHES PAR 'GYUR BA DANG, MNYAN NA BDE ZHING MI MTHUN PA MED PA DANG, ZAB CING DBYANGS RJES SU 'BYUNG BA DANG, GTANG MI BRA ZHING RNAR SNYAN PA DANG, MA 'KHRUGS SHING GSAL BA'O; ,BYANG CHUB KYI PHYOGS KYI CHOS SUM CU RTZA BDUN DANG, TSAD MED PA BZHI DANG, RNAM PAR THAR PA BRGYAD DANG, MTHAR GYIS GNAS PA'I SNYOMS PAR 'JUG PA DGU DANG, ZAD PAR GYI SKYE MCHED BCU DANG, ZIL GYIS GNON PA'I SKYE MCHED BRGYAD DANG, NYON MONGS PA MED PA DANG, SMON NAS MKHYEN PA DANG, SO SO YANG DAG PAR RIG PA BZHI DANG, RNAM PA THAMS CAD DU YONGS SU DAG PA BZHI DANG, DBANG BCU DANG, STOBS BCU DANG, MI 'JIGS PA BZHI DANG, SRUNG BA MED PA GSUM DANG, DGONGS PA NYE BAR GZHAG PA GSUM DANG, BSNYEL BA MI MNGA' BA'I CHOS NYID DANG, BAG CHAGS YANG DAG PAR BCOM PA DANG, THUGS RJE CHEN PO DANG, MA 'DRES PA'I CHOS BCO BRGYAD DAG NI SANGS RGYAS KYI CHOS THAMS CAD DE THUGS MNGON PAR 'PHAGS PA'O, ,YON TAN RNAM PA GSUM PO 'DI DAG NI SHES RAB KYI PHA ROL TU PHYIN PA LAS RIG PAR BYA'O, ,DE DAG GI NGO BO @230B NYID GANG ZHE NA, DE LA DAD PA'I STOBS GANG ZHE NA ZHES BYA BA LA SOGS PA GSUNGS TE, DAD PA NI RNAM PA GSUM STE, YID CHES PA DANG, DANG BA DANG, 'DOD PA'I DAD PA'I NGO BO NYID DO, ,DE LA MI BRDZI BAS NI STOBS ZHES BYA STE CHEN PO ZHES BYA BA'I DON TO, ,DE LA YID CHES PA'I NGO BO NYID NI MNGON PAR DAD PA DANG ZHES BYA BA LA SOGS PA STE, SANGS RGYAS KYI CHOS NI DES GSUNGS PA'I LAS DANG 'BRAS BU PHYIN CI MA LOG PA'I MTSAN NYID DE, LAS DANG LAS KYI RNAM PAR SMIN PA ZHES BYA'O, ,DE LA LUS LA SOGS PA'I MNGON PAR 'DU BYED PA NI LAS ZHES BYA STE, DGE BA LA SOGS PA RNAM PA GSUM MO, ,RNYOG PA NI BDAG TU LTA BA YIN LA, MOS PAR SPYOD PA'I SA LA CHOS THAMS CAD BDAG MED PAR YID CHES PA NI RTOG PA MED PA'I SEMS SO, ,CHOS THAMS CAD CES BYA BA NI PHYI DANG NANG GI DNGOS PO THAMS CAD DE, GCIG DANG DU MA DANG BRAL BA'I PHYIR, NGO BO NYID MED PAS STONG PA NYID DANG, RANG DANG GZHAN GNYI GA DANG RGYU MED PA LAS MI SKYE BAS RGYU'I MTSAN MA MED PA DANG, YOD PA DANG MED PA DANG GNYI GA LAS MI SKYE BAS 'BRAS BU SMON PA MED PA DANG, DE'I PHYIR 'DU BYED THAMS CAD DANG BRAL NAS MNGON PAR 'DU MI BYED PA NI RNAM PAR RTOG PA THAMS CAD KYIS DBEN PA STE MA MTHONG BA'I LAM GYI MNYAM PAR GZHAG PA'I GNAS SKABS SU DAD PA'O, ,DE'I RJES LA THOB PA NAS SA LNGA PA'I BAR DU THABS SHES RAB ZUNG DU 'BREL PA'I NGO BO NYID DU DAD PA NI SBYIN PA LA SOGS PA'O, ,SA DRUG PA NAS BCU PA'I BAR DU SHES RAB RNAM PA BZHI NI RTEN CING 'BREL PAR 'BYUNG BA SHES PA LA SOGS PA STE, DE LTAR NA PHA ROL TU PHYIN PA BCU NI MTHONG BA DANG BSGOM PA'I LAM LA YID CHES PA'I NGO BO NYID DO, ,LA LA DAG NI MTHO RIS KYI RGYU NI LAS DANG LAS KYI RNAM PAR SMIN PA'O, ,NYON MONGS PA'I SGRIB PA SPONG BA NI RNYOG PA MED PA'O, ,SHES BYA'I SGRIB PA SPONG BAS NA STONG PA NYID LA SOGS PA'O, ,THEG PA MCHOG 'DOD PAS NA PHA ROL TU PHYIN PA DRUG STE, MDOR NA MTHO RIS DANG BYANG GROL GYI SA LA YID CHES PAS YIN NO ZER RO, ,LA LA DAG NI DNGOS SU BYUNG BA DANG ZHAR LA BYUNG BA'I DON TE, LAS DANG LAS KYI RNAM PAR SMIN PA LA DAD @231A *, ,PA NI DNGOS SU YID CHES PA'I DAD PA NI YIN LA, RNYOG PA MED PA'I SEMS LA SOGS PA NI ZHAR LAS BYUNG BA STE, DE LA RNYOG PA NI GZUNG BA DANG 'DZIN PA'O, ,DE DANG BRAL BA'I RANG RIG PA'I SEMS 'OD GSAL BA'I NGO BO NYID NI RNYOG PA MED PA'I SEMS SO, ,KUN TU BRTAGS PA DANG, GZHAN GYI DBANG DANG YONGS SU GRUB PA'I RANG BZHIN DAG NI MTSAN NYID DANG, SKYE BA DANG, DON DAM PA'I NGO BO NYID MED PAS STONG PA NYID LA SOGS PA NYID YIN LA, 'OD GSAL BA'I SEMS LAS MA GTOGS PA'I SEMS GZHAN GYI NGO BO NYID TSOL BAR MI BYED PA DANG, CHOS NYID SEMS LAS GZHAN PA'I SEMS GZHAN NO, ,YOD PA MA YIN RANG BZHIN BRJOD DO ZHES 'BYUNG BAS MNGON PAR 'DU MI BYED PA'O, ,DE LTAR LTA BA RNAM PAR DAG PAS SPYOD PA PHUN SUM TSOGS PA NI PHA ROL TU PHYIN PA RNAM PA DRUG DANG BSDU BA'I DNGOS PO BZHI BSTAN TO ZHES 'DOD DO, ,DANG PO'I NGO BO NYID NI DANG BA'I MTSAN NYID NI DAD PA STE ZHES BYA BA STE, 'DOD CHAGS LA SOGS PA'I RTOG PA DANG BAR BYED PAS NA NOR BU CHU DANG LTAR DANG BAR BYED PA'O, RTOG PA MED PA NYID GANG ZHE NA, GANG CHAGS PA MED PA ZHES BYA'O, ,YUL GANG ZHE NA, THEG PA CHEN PO ZHES BYA STE, RNAM PA BZHI NI THEG PA CHEN PO RGYUD DANG BAR BYED PA'I GTZO BO YIN PAS THEG PA CHEN PO SMOS SO, ,GZHAN DAG NI DANG BA'I DAD PA NI MOS PA GTZO BO YIN PAS MOS PAR SPYOD PA'I SA LA 'DOD DE, RE ZHIG TSOGS KYIS LA SGRA'I RJES SU 'GRO BAS BYANG CHUB SEMS DPA' RTAG TU DU DGE BA'I BSHES GNYEN DANG SHES RAB KYI PHA ROL TU PHYIN PAS SHIN TU SKOM NAS DU ZHING CHO NGES 'DEBS TE, NYIN MTSAN BDUN 'DAS PA LTA BU DANG, RGYAL PO LA GDAMS PA LAS, YANG DAG PAR RDZOGS PA'I SANGS RGYAS KYI GZUGS BRNYAN MTHONG BAS ZHAG BDUN DU MIG MI 'DZUMS PAR LTA ZHING MCHI MA'I RGYUN MI 'CHAD PAR BYUNG ZHING ZHES BYA BA DANG, 'PHAGS PA NOR BZANGS KYIS DGE BA'I BSHES GNYEN MTHONG MA THAG TU MIG MCHI MAS GANG BAR DUS TE ZHES BYA BA LTA BU'O, ,DE'I PHYIR TSOGS KYI SA LA NI THEG PA LA MOS PA MI BZLOGS PAS NA @231B DAD PA'I STOBS ZHES BYA'O, ,DROD DANG RTZE MO'I GNAS SKABS NA DBANG BYED PA'I PHYIR DBANG PO'O, ,BZOD PA DANG CHOS KYI MCHOG TU MI BRDZI BA'I PHYIR STOBS ZHES BYA'O, ,'DIR GTZO BO YIN PAS DAD PA 'BA' ZHIG SMOS TE BRTZON 'GRUS LA SOGS PA YANG RIG PAR BYA'O, ,DE LA LUS LA SOGS PA LA MA ZHEN PAS CHAGS PA MED PA KHONG DU CHUD PA STE, DPER NA BYANG CHUB SEMS DPA' RTAG TU DU BRLA'I SHA BTOGS SHING RUS PA GCOG PA DANG, LAG PA PHUG STE KHRAG GZAG GO ZHES PA LTA BU'O, ,MA ZHEN PA NI RANG BZHIN MED PAR KHONG DU CHUD PAS DNGOS POR LTA BAS MI BRDZI BA'I PHYIR STOBS ZHES BYA'O ZHES 'CHAD DO, ,DE LTAR DANG BA'I NGO BO NYID BSHAD NAS 'DOD PA'I DAD PA'I NGO BO NYID BSTAN PA NI GZHAN YANG ZHES GSUNGS PA'O, ,BDEN PA BZHI RTOGS PAR 'DOD PAS DGE BA'I BSHES GNYEN LA BRTEN PA NI GZHAN GYI SGRA LA DAD PA'O, ,DE LA DAD PA NI 'DOD PA'I DAD PA'O, ,JI LTAR ZHE NA 'OG NAS GZHAN GYI SGRA THOS NAS MNGON PAR DAD PA ZHES 'BYUNG BA'I PHYIR RO, ,'DOD PA NI 'DUN PA STE, GZHAN GYI SGRA DANG TSUL BZHIN YID LA BYED PA LAS DON RNYED PA'I PHYIR RO, ,DE LA SDUG BSNGAL DANG, KUN 'BYUNG DANG, 'GOG PA DANG, LAM DAG NI SHES PAR BYA BA DANG, SPONG BAR BYA BA DANG, MNGON DU BYA BA DANG, RGYUD LA BSKYED PAR 'DOD PA'I PHYIR DANG PO GZHAN GYI SGRA LA DAD PA STE, CHOS THOS PAR 'DOD PA'O, ,CHOS GANG ZHE NA, SBYOR BA RIM CAN DU BSLAB PAR BYA BAS BDEN PA BZHIN RTOGS PAR BYA BA'I PHYIR RO, ,SBYOR BA RIM CAN ZHES BYA BA NI TSUL KHRIMS DANG, THOS PA DANG, BSAM PA DANG, BSGOM PA LA BYA STE, 'DI NA DANG POR THOS LA BRTEN NAS YID LA BYED PA 'BYUNG, ,TSUL BZHIN YID LA BYED LAS YANG DAG DON YUL YE SHES 'BYUNG, ,DE LAS CHOS THOB DE YOD DE LAS BLO GROS RAB TU SKYE, ,GANG TSE DE NI SO SO YANG RIG MED NA JI LTAR NGES, ,ZHES BYA BA LTA BU'O, ,DE LTA BAS NA DANG PO SMON PA DANG LDAN PA'I SEMS RGYUD LA BSKYED PAS NA BYANG CHUB KYI SEMS YANG DAG PAR 'DZIN PA'O, ,'JUG PA'I SDOM PA LEN PAS NA SPYOD PA'O, ,MTHONG BA'I LAM GYIS BSDUS PA'I SEMS RNAM PA BCU @232A *, ,NI BYANG CHUB KYI SEMS SO, ,LAM DE LA 'JUG PA'I RGYUD PA'I 'BYOR BA NI RNAM PA GSUM STE, DE GSUM MTSON PA'I PHYIR 'GYUR BA MED PA NI BSAM PA'O, ,DNGOS KYI SBYOR BA 'BRAS BU GSUM DANG LDAN PA NI SBYOR BA'O, ,RANG GI DON BSGRUB PA'I THABS NI PHA ROL TU PHYIN PA'O; ,GZHAN GYI DON BSGRUB PA'I THABS NI BSDU BA'I DNGOS PO'O, ,GNYI GA'I BSGRUB PA'I RGYU NI THABS LA MKHAS PA STE, DGE BA'I BSHES GNYEN NO, ,'BRAS BU'I NGO BO NYID NI SNGAR BSHAD PA'I CHOS RNAMS TE, SANGS RGYAS KYI CHOS SO, ,LAM RNAM PA BZHI NI BYANG CHUB SEMS DPA'I CHOS DE DAG NI SBYOR BA RIM BZHIN DU BSLAB PA RNAMS SO, ,LA LA NA RE MOS PA GTZO BOR GYUR PA'I DANG PO'I NGO BO NYID KYI BZOD PA DANG CHOS KYI MCHOG TU DAD PA'I STOBS GTZO BOR BSHAD PA DE LA CI'I PHYIR STOBS ZHES BYA, GANG GIS BRDZI BAR MI NUS SHE NA, BYANG CHUB KYI SEMS LA SOGS PA 'OG NAS 'CHAD PA RNAMS DANG LDAN PAS STOBS ZHES BYA LA, DE DAG GIS MI MTHUN PA ZIL GYIS NON PAS NA MI BRDZI BA'O, ,BYANG CHUB KYI SEMS LA SOGS PA RNAMS DANG LDAN PA NI YONGS SU 'DZIN PA LA RAG LUS PAS GZHAN GYI SGRA'O, ,GZHAN LAS ZHES BYA BA NI YANG DAG PAR RDZOGS PA'I SANGS RGYAS LA SOGS PA STE, DE TSE CHOS KYI RGYUN LA NI, ,SANGS RGYAS RNAMS LA ZHI GNAS DANG, ,YE SHES YANGS PA THOB BYA'I PHYIR, ,GDAMS NGAG RGYA CHEN RNYED PAR 'GYUR, ,ZHES BYA BA LTA BU'O ZHES 'DOD DO, ,DA NI PHAN YON BSHAD PAR BYA STE, SH'A RI'I BU ZHES BYA BA LA SOGS PA SKABS 'BYED PA YIN NO, ,DE LA MDO GCIG GIS BSHAD PA NI BYANG CHUB SEMS DPA'I SDE SNOD LAS KYANG ZHES BYA'O, ,MDO DU MA'I SGO NAS BSHAD PA NI, ZLA BA SNYING PO DANG, KLU'I RGYAL PO RGYA MTSOS ZHUS PA LAS BSTAN PA'O, ,DE LA DANG BA'I PHAN YON NI, DANG BA MANG BA DANG, 'PHAGS PA RNAMS LA LTA 'DOD PA DANG DAM PA'I CHOS NYAN PAR 'DOD PA'O, ,YID CHES PA'I PHAN YON NI, LAS DANG LAS KYI RNAM PAR SMIN PA LA YID CHES PA'O, ,'DOD PA'I PHAN YON NI MI DGE BA BCU'I LAS KYI LAM SPONG ZHING ZHES BYA BA LA SOGS @232B PA STE, SDUG BSNGAL GYI RGYU YIN PA'I PHYIR RO, ,MI DGE BA BCU'I MTSAN NYID NI 'OG NAS STON TO, ,BYA BA DANG BYA BA MA YIN PA'I NGO BO NYID YIN PA LAS KYANG YIN LA, BDE 'GRO DANG NGAN 'GRO'I LAM YANG YIN PAS LAS KYI LAM MO, ,PHAN YON DANG LDAN PA'I DAD PA SKYE BA'I RIM PA GANG ZHE NA, DANG BA'I DAD PA DANG LDAN PA DAG NI YID CHES PAR 'GYUR RO, ,YID CHES NA 'DOD PA'I 'DUN PA SKYE BAR 'GYUR TE, 'DI NI GO RIMS SO, ,DE'I PHYIR DAD PA BRTAN PAR BYA BA'I THABS BSHAD PAR BYA STE, DANG PO MTSAN NYID DANG LDAN PA'I DGE BA'I BSHES GNYEN LA GSOL BA GDAB PAR BYA STE, SLOB DPON KHYOD LAS BDAG BYANG CHUB KYI SEMS BSKYED PAR BYA BA'I PHYIR DAD PA'I RTZA BA BRTEN PA'I THABS NOD PAR 'TSAL GYI THUGS BRTZE BA'I SLAD DU BSTAN DU GSOL, DES KYANG RIGS KYI BU DKAR PO'I CHOS MTHA' DAG GI RTZA BA DAD PA BRTAN PAR 'DOD PA NI LEGS SO, , DE'I PHYIR KHYOD KYIS YANG DAG PAR RDZOGS PA'I SANGS RGYAS MTSAN SUM CU RTZA GNYIS DANG DPE BYAD BZANG PO BRGYAD CU DANG LDAN PA YID LA GYIS SHIG DANG, DES KHYOD LUS KYI BA SPU LDANG BA DANG, MCHI MA 'KHRUG PA'I DANG BA NYON MONGS PA MED PA SKYE BAR 'GYUR RO, ,YANG NA JI LTAR THOS PA'I RNAM PAR YID LA GYIS SHIG DANG, YANG NA 'PHAGS PA'I GANG ZAG GI TSOGS KYI RNAM PA DE LTAR YID LA GYIS SHIG DANG DE KHO NA BZHIN DU 'GYUR RO, ,DE'ANG RTAG TU BSGOM ZHING BRTAN POR BYA'O ZHES BYA BA BSTAN PAR BYA'O, ,YANG RIGS KYI BU KHYOD KYIS 'DI LTA BU'I RGYU YID CHES PAR BYA STE, DKAR PO'I CHOS MTHA' DAG LAS SKYES PA RIGS KYI BU DE BZHIN GSHEGS PA'I SKU NI CHOS KYI SKU STE BSOD NAMS BRGYA LAS SKYES PA'O ZHES BYA BA LA SOGS PA 'OG NAS 'BYUNG BA LHAR YID CHES PA'I DAD PA BSKYED PAR BYA'O, ,DE'I PHYIR KHYOD KYIS SKU 'DI LTA BU LA 'DOD PA BSKYED DE THOB PA DON DU GNYER BAR BYA'O, ,MI DGE BA MTHA' DAG SPANG PAR BYA'O, ,'KHOR BA'I PHUNG PO LNGA'I SDUG BSNGAL SHES PAR BYA'O, ,'PHAGS PA'I LAM YAN LAG BRGYAD PA BSGOM PAR BYA'O, ,MYA NGAN LAS 'DAS PA THOB PAR BYA'O ZHES BSTAN NAS, DE DAG KYANG DE KHO NA BZHIN DU BSGOMS PAS @233A *, ,MI PHYED PA DANG LDAN PA NI DAD PA'I RTZA BA BRTAN PA ZHES BYA'O, ,DE'I PHYIR DANG POR DGE BA'I BSHES GNYEN STEN PAR BYED PA NI DAD PA CAN DE DGE SBYONG DANG BRAM ZE ZHES BYA BA LA SOGS PA'O, ,DE LA YANG DAG PAR SONG BA NI 'BRAS BU THOB PA DE'I RGYU NI MANG DU THOS PA DANG, THOS PA LA BRTZON PA NI LUNG LEN PA'I DGE BA'I BSHES GNYEN NO, ,TSUL BZHIN YID LA BYED PA NI, BSGRUB PA'I DGE BA'I BSHES GNYEN NO, ,'DI DAG GIS NI SO SO'I SKYE BO'I DGE BA'I BSHES GNYEN BSTAN TO, ,'PHAGS PA'I GANG ZAG NI THE TSOM LAS BRGAL BA DANG, YANG SRID ZAD PA'O, , BLA NA MED PA'I DGE BA'I BSHES GNYEN NI RDZOGS PA'I SANGS RGYAS SO, ,GANG ZAG DE DAG GANG ZHE NA, BYANG CHUB SEMS DPA' DANG SANGS RGYAS KYI NYAN THOS ZHES SMOS SO, ,YID CHES PA LA SOGS PA GSUM NI DANG PO DANG BAR DANG THA MAR BSTAN TO, ,'DI DAG GIS NI DANG PO'I DAD PA BSGOM PA'I THABS BSTAN TO, ,LAS DANG RNAM PAR SMIN PA STON TO ZHES BYA BA NI YID CHES PA BSGOM PA'I THABS BSTAN TO, ,SNOD DU RIG NAS ZHES BYA BA LA SOGS PAS NI 'DOD PA'I DAD PA BSGOM PA'I THABS TE MYA NGAN LAS 'DAS PA THOB PAR 'DOD PAS BDEN PA GNYIS LDAN DU BSGOM PAR BYA BA NI STONG PA NYID DANG ZHES BYA BA LA SOGS PA STE, DE LA DON DAM PA'I BDEN PA BSTAN PA NI STONG PA NYID LA SOGS PA'O, ,'ON KYANG RKYEN NYID 'DI PA TZAM DU YOD PAS RTEN CING 'BREL PAR 'BYUNG BA'I GTAM MO, ,STONG PA NYID LA SOGS PA NI BSHAD ZIN TO, ,CHOS NYID LA RGYU 'BRAS MI 'THAD PAS NA MA SKYES SHING MA BYUNG BA'O, ,KUN DU BRTAGS PAS MED PAS NA BDAG LA SOGS PA MED PA STE, NGA RGYAL BA'I PHYIR BDAG GO, ,ZHUM PA'I PHYIR SEMS CAN NO, ,'TSO BA'I PHYIR SROG GO, ,'BYUNG ZHING 'JIGS PAS GANG ZAG GO, ,RGYU RKYEN TSOGS PA LAS 'BRAS BU 'BYUNG BAS RTEN CING 'BREL PAR 'BYUNG BA'O, ,JI LTAR THOS PA BZHIN BSGRUB PAS CHAGS PA MED PAR 'JUG CES BYA BA LA SOGS PA GSUNGS TE, CHAGS PA NI DNGOS POR ZHEN PA'O, ,LHAG PAR ZHEN PA'I GNAS YIN PAS PHUNG PO LA SOGS PA SMOS TE, SPUNGS PA'I PHYIR PHUNG PO'O, ,RIGS @233B KYI DON YIN PAS KHAMS SO, ,SKYE BA'I SGO YIN PAS SKYE MCHED DO, ,DE DAG KYANG CHAD PA'I GNAS SPANGS PA RANG BZHIN GYIS ZHES BYA STE, NGO BO NYID KYIS STONG PA'I PHYIR RO, ,'O NA THOB PAR BYA BA MED DO ZHE NA, SANGS RGYAS KYI YE SHES TSOL ZHES BYA BA STE, STONG PA NYID BSGOM PA NI SGOM PA RNAMS KYI DAM PA YIN PAS, DES MYA NGAN LAS 'DAS PA 'GOG PA THOB PAR 'GYUR TE, SGOM PA RNAM PAR MI SGOM PA'I, ,SGOM PA DAM PA 'DOD PA STE, ,THOB PAR LTA BA MED RNAMS KYI, ,THOB PAR YANG NI DAM PAR 'DOD, ,CES 'CHAD PA LTA BU'O, ,STONG PA NYID DE YANG THABS KYIS YONGS SU ZIN PAS BSTAN PA NI BAG YOD PA LA GZHOL BA YIN NO ZHES BYA'O, ,DE NYID BSHAD PA NI, DBANG PO SDOM PA ZHES BYA BA LA SOGS PA'O, ,DE'I PHYIR 'OG NAS KYANG, THABS DANG BRAL BA'I SHES RAB NI 'CHING BAR BSHAD DO, ,DA NI MDO DU MA'I SGO NAS DAD PA'I PHAN YON BSTAN PA'I PHYIR, ZLA BA'I SNYING PO'I LE'U LAS KYANG ZHES BYA BA LA SOGS PA GSUNGS TE, DAD PA'I PHAN YON NI, DPER NA YID BZHIN GYI NOR BU RIN PO CHE DPER BRJOD PA BZHIN NO ZHES GSUNGS TE, SNGAR BSHAD PA'I YON TAN RNAMS THOB PAR BYED PA'I PHYIR RO, ,YID CHES PA DANG 'DOD PA'I PHAN YON SPYIR BSTAN PA NI, MOS PA'I STOBS ZHES BYA STE, MOS PA NI NGES PAR 'DZIN PA'O, ,GANG LA MOS PA ZHE NA, YID CHES PAS NI LAS KYI RNAM PAR SMIN PA LA 'JUG PA'O, ,'DOD PAS NI BYANG CHUB KYI SEMS MI 'DOR BA LA SOGS PA STE, BYANG CHUB KYI SEMS NI SMON PA DANG LDAN PA'O, ,YI DAM LA BRTEN PA NI 'JUG PA'I SDOM PA'O, ,JI LTAR YI DAM LA BRTEN ZHE NA, SDOM PA'I TSUL KHRIMS KYIS NI MI DGE BA'I CHOS THAMS CAD SPONG BA'O, ,SEMS CAN GYI DON BYED PAS NI NYES PAR BYAS PA THAMS CAD BZOD PA'O, ,LDAN PA ZHES BYA BA NI THAMS CAD LA SBYAR BAR BYA STE, THOB PAR 'GYUR ZHES BYA BA TSIG GI LHAG PA'O, ,KHA CIG NI SNGAR BSHAD PA'I DAD PA DANG LDAN PA NI DKON TE, DKON PA'I DPE RIN PO CHE BZHIN NO, ,DAD PA'I MTSAN NYID TSUL GZHAN GYIS BSHAD PA NI MOS PA'I STOBS LA SOGS PA'O, ,MOS PA NI THEG PA CHEN PO'O, , @234A *, ,'JUG PA NI YID CHES PA BSGOM PA'O, ,MI 'DOR BA NI MI GTONG BA'O, ,BRTEN PA NI MI G-YO BA'O, ,SPANGS PA NI 'DOR BA'O, ,BZOD PA NI LEN PA'O ZHES KYANG 'CHAD DO, ,DA NI SNGAR BSHAD PA'I DAD PA'I YUL GZHAN BRTAN PA'I PHYIR CHOS THAMS CAD CES BYA BA LA SOGS PA GSUNGS TE 'BRAS BU THOB PAR 'DOD PAS NA SEMS DPA'O, ,NYAN THOS DANG RANG SANGS RGYAS KYI THEG PA LAS, KHYAD ZHUGS PAS NA SEMS DPA' CHEN PO'O, ,YON TAN GYI BYE BRAG NI GNAS SKABS KYI STOBS KYIS DRANGS NA BYANG CHUB KYI SEMS BRTAN PAR 'GYUR BA LA BYA'O, , DE LA 'DOD PA'I DAD PA'I YUL BSTAN PA NI, CHOS THAMS CAD CES BYA BA LA SOGS PA STE, CHOS THAMS CAD NI BDEN PA BZHI'O, ,DE LA 'GOG PA NI, GNYEN PO MED PA STE, GDUL BAR MI NUS PA'I PHYIR RO, ,LAM GYI BDEN PA DAG NI, MA 'GAGS PA STE GONG NAS GONG DU YE SHES SKYE BA'I PHYIR RO, ,DE DAG KYANG SPANG BYA YIN PA'I PHYIR 'GOG PA KHO NA'O, ,MA YIN TE SKYES PA'I LAM GTZOR BYED PA'I PHYIR RO, ,SDUG BSNGAL DANG KUN 'BYUNG DAG NI LOG PA'I SHES PA LAS BYUNG BAS 'KHRUL PA YIN PAS BDEN PA BRJOD DU MED PA'O, ,LA LA NA RE YON TAN GYI BYE BRAG NI MDO NYID GTZOR BYAS PA LA'O, ,CHOS NI PHYI NANG GI DNGOS PO THAMS CAD DO, ,CHOS KYI RANG BZHIN STONG PA NYID NI DNGOS POS SGYUR BAR MI NUS PAS GNYEN PO MED PA'O, ,GCIG DANG DU MA DANG BRAL BA LA SOGS PA MA SKYES PA'O, ,CHOS CAN MED PA LA CHOS KYI MTSAN NYID MI 'THAD PAS MA 'GAGS PA'O, , KUN RDZOB DANG DON DAM PA NI GCIG DANG THA DAD PA MI 'THAD PAS BRJOD DU MED PA'O, ,DES NA 'GOG PA'I NGO BO NYID GTZOR BSTAN TO ZHES 'GREL PA GZHAN 'DOD DO, ,DA NI SNGAR BSHAD PA'I DANG BA'I DAD PA'I YUL DE NYID PHRIN LAS KYI YON TAN BRTZAMS PA NI, LHUN GYI SGRUB CING ZHES BYA BA LA SOGS PA'O, ,DE LA MI RTOG PA'I PHRIN LAS NI LHUN GYIS GRUB CING RNAM PAR MI RTOG PA ZHES GSUNGS PA STE, SPYOD PA NI THUGS DANG GSUNG GI PHRIN LAS RNAMS SO, ,SPYOD LAM NI RNAM PA BZHI STE BZHUGS PA DANG, BZHENGS PA DANG, GZIMS PA DANG, 'CHAG PA STE GNAS SKABS @234B BZHIR DON MDZAD PAS NA PHRIN LAS SO, ,BYA BA NI GZHAN DON 'BA' ZHIG PA LA BYA STE, RANG GI DON MDZAD ZIN PA'I PHYIR RO, ,RANG GI DON JI LTAR MDZAD CE NA, BDEN MOD KYI 'ON KYANG RGYAL PO LTA BU SEMS BSKYED PA'I PHYIR RO, ,PHRIN LAS DE DAG KYANG GDUL BYA MA LUS PA'I BYA BA YIN PAS NA KHYAB PA STE, SANGS RGYAS MDZAD PA RGYA CHE'I PHYIR, ,KHYAB PA ZHES NI RAB TU BRJOD, ,CE'O, ,PHRIN LAS DAG KYANG GANG DU MDZAD CE NA, GNAS ZHES SMOS TE, SPRUL PA BZHUGS PA'I RTEN YIN PA'I PHYIR RO, ,PHRIN LAS KYANG GCIG TU ZAD DAM ZHE NA MA YIN TE, GDUL BYA'I BSAM PA'I DBANG GIS SNA TSOGS PA DANG, MI ZAD PA STE PHRIN LAS ZAD PA MED PAS NA, RTAG PA NYID DU MNGON PAR BRJOD, ,CES BYA BA'I TSUL GYIS NA, 'DZAM BU'I GLING GI RDUL ZHES BYA BA LA SOGS PA GSUNGS SO, ,DUS THAMS CAD PA'I PHRIN LAS NI, SENG GE 'BANGS BZANGS ZHES BYA BA LA SOGS PA GSUNGS TE, GZHAN GYI BSAM PA'I DBANG GIS GZHAN DU SPRUL PA DANG, DE YANG 'DAS PA'I DUS DPAG TU MED PA'I SNGA ROL NAS SH'AKYA THUB PA MNGON PAR SANGS RGYAS NAS BSTAN PA DANG, DE'ANG DUS LAS BZHENGS PAS NA DA LTAR BSTAN PA DANG RNAM PA GSUM DU MOS NA ZHES BYA BA NI, MDO RNAM PA GSUM YIN NO, ,DE LA SENG GE 'BANGS BZANGS ZHES BYA BA NI RGYAL PO SENG GE'I BU'I MING NGO, ,RTOGS PA BRJOD PA NI SNGON GYI TSUL LO, ,SEMS CAN YONGS SU SMIN PAR BYA BA NI, SHA'I PHYIR 'KHOR LA SOGS PA KHA BTAGS PA LA BRTAN PAS SO, , MAR ME MDZAD NI BSKAL PA GRANGS MED PA GSUM GYI GRANGS MED PA GNYIS PA'I THA MAR BSNYEN BKUR BA'I YANG DAG PAR RDZOGS PA'I SANGS RGYAS KYI MING NGO, ,BZANG STE ZHES BYA BA NI DE LAS LUNG BSTAN PA THOB NAS SO, ,SANGS RGYAS GCIG GIS MKHYEN PAS NA SANGS RGYAS KYI YUL LO, , SH'AKYA ZHES BYA BA NI MAS DBEN GYI CHUNG MA BLANGS PA LAS BTAGS PA'I MING NGO, ,BSAD PA ZHES BYA BA NI SHI BA'I MING GI RNAM GRANGS TE 'TSO BA DANG BRAL ZHES BYA BA'I DON TE, BSTAN PA ZHES BYA BA NI BDEN PA MTHONG BA'I GANG ZAG RNAMS RGYAL PO 'PHAGS SKYES POS BSAD PAR BSTAN PA'O, , @235A *, ,SMIN PAR BYAS PA NI SKYO BA BSKYED PA'I PHYIR RO, ,MDO KUN LAS BTUS PA'I BSHAD PA LUNG GI TSAD MAS SBYAR BA LAS, DAD PA RNYED PAR DKA' BA'I GTAM BRJOD PA STE BZHI PA'O, ,DAD PA RNYED PAR DKA' BA BSTAN ZIN TO,, ,,DAD PA DANG LDAN PA LA BYANG CHUB KYI SEMS SKYE BAS DAD PA BRTAN PAR BYAS NAS BYANG CHUB KYI SEMS BRTAN PAR BYA BA'I PHYIR RE ZHIG MTSAMS SBYAR BA NI, 'DI DAG KYANG ZHES BYA BA LA SOGS PA GSUNGS TE, RNYED PAR DKA' BA NI SANGS RGYAS THOB PA'I RGYU YIN PA'I PHYIR RO, ,DAM PA'I CHOS PAD MA DKAR PO'I MDO TSAD MAR BYAS NAS 'TSANG RGYA BA'I RGYU JI LTAR YIN ZHES BRGAL BA NI, CI MNGON ZHE NA ZHES BYA BA'O, ,DE NYID DGONGS PA CAN YIN TE DUS GZHAN LA DGONGS PAR BSTAN PA NI, MDO MANG PO ZHES GSUNGS TE, BYANG CHUB KYI SEMS NI RNAM PA GNYIS TE, SMON PA DANG 'JUG PA'I BDAG NYID DO, ,DE CI'I PHYIR ZHE NA, 'BRAS BU DANG RGYU LA 'DOD CES PA'I PHYIR RO, ,DE LTAR ZHE NA, 'BRAS BU'I DAM PA 'DOD PA NI SMON PA YIN LA, DE'I RGYU LA 'BAD PA NI 'JUG PA YIN NO, ,LA LA NA RE DON DAM PA'I BYANG CHUB KYI SEMS STONG PA NYID LA DMIGS PA NI 'JUG PA YIN LA; KUN RDZOB KYI BYANG CHUB KYI SEMS SNYING RJE GTZO BOR GYUR PA NI SMON PA YIN NO ZHES ZER RO, ,LA LA NA RE DGE BA'I RTZA BA MNGON BAR 'DU BYED PA NI 'JUG PA YIN LA, 'DU MI BYED PA NI SMON PA YIN NO ZHES KYANG ZER RO, ,LA LA NA RE BSAM PA RNAM PAR DAG PA NI SMON PAR 'DOD DO, ,SMON LAM YIN PA'I PHYIR RO, ,SBYOR BA PHUN SUM TSOGS PA NI 'JUG PAR 'DOD DE NYAMS SU LEN PA'I PHYIR RO ZHES ZER RO, ,DE BAS DBYE BA BSTAN PA NI GANG DAG CES BYA BA LA SOGS PA'O, ,DE LA GANG DAG CES BYA BA NI DAD PA DANG LDAN PA'O, ,BYANG CHUB TU SEMS BSKYED PA ZHES BYA BA NI SMON PA DANG LDAN PA'O, ,CHAS PA ZHES BYA BA NI 'JUG PA'O, ,BYANG CHUB KYI SEMS KYI PHAN YON BSTAN PA DANG, NGO BO NYID DANG SEMS BSKYED PA'I RANG BZHIN YANG RIG PAR BYA STE, DE LA RE ZHIG PHAN YON SPYIR BSTAN PA NI, SA BON LTA BU'O ZHES BYA BA LA SOGS PA STE, BYANG CHUB KYI SEMS NI SMON PA @235B DANG 'JUG PA'I BDAG NYID DO, ,SANGS RGYAS KYI CHOS NI STOBS LA SOGS PA'O, ,SA BON ZHES BYA BA NI BSKYED PA'I RGYUR GYUR PA'I PHYIR RO, ,'GREL PA MKHAS PA GZHAN DAG NI SDONG PO BKOD PA'I MDO LAS 'BYUNG BA 'DI DAG NI DON DAM PA'I BYANG CHUB KYI SEMS KYI PHAN YON YIN TE ZHES 'DOD DO; ,DE NI 'THAD PA MA YIN TE, GAL TE DON DAM PA ZHES BYA BA 'DOD PA'I BDAG NYID MOS PAS YUL DU BYED PA YIN NO, ,'DI NI 'DOD PA KHO NA'O, ,GAL TE MTHONG BA'I LAM YIN NA NI, DE NYID BSKYED PA'I RGYU'I GTZO BO GANG YIN, GAL TE SEMS BSKYED PA'O ZHE NA, 'DI DAG KYANG MOS PAS SPYOD PA'I SA LA CI'I PHYIR MI 'DOD, SA DE LA NI MED DO ZHE NA, SA 'DI LA'ANG CI'I PHYIR YOD DE, MED PA KHO NA'O, ,SANGS RGYAS KYI CHOS RNAMS KYI SA BON LTA BU ZHES BYA BA'I DON KYANG JI LTAR DRANG, 'DOD PA'I DBANG GIS BYE BRAG GI MNGON RTAGS KYANG GANG ZHIG YOD, GAL TE MTHONG LAM BSKYED PA'I RGYU SEMS BSKYED PA MA YIN NO ZHE NA, BSGOM PA'I LAM BSKYED PA'I RGYU YANG JI LTAR YIN, DES NA BRGAL ZHING BRTAGS PA NI MTSUNGS PA KHO NA'O, ,SPROS PAS SHIN TU CHOG GO, ,DA NI DKYUS MA NYID BSTAN PA'I PHYIR RE ZHIG MNGON PAR RTOGS PA'I DON BSTAN PA NI, TSOGS KYI SA LA DKAR PO'I CHOS KYI SA BON LTA BU STE, YANG DAG PAR BLANGS PA'I BRDA LAS BYUNG BA BSKYED PA'I PHYIR DANG, DROD KYI GNAS SKABS SU CHOS NYID MOS PAS 'DU BYED PAS MTHUN PA'I CHA 'DZIN PAS NA SA BON LTA BU'O, ,RTZE MO'I GNAS SKABS SU LOG PAR LTA BA RGYUN CHAD PA'I PHYIR GANG DU 'PHEL BAR BYED PAS ZHING LTA BU'O, ,BZOD PA DANG LDAN PA MI DGE BA'I LAS 'BRAS BU MI 'BYIN PAS SREG PA'I ME LTA BU'O, ,CHOS KYI MCHOG TU GZUNG BA DANG, 'DZIN PA DANG BRAL BAS LUS LA SOGS PA'I LAS MI DGE BA SPONG BAS SA'I 'OG LTA BU'O, ,RANG DANG GZHAN GYI DON RAB TU SGRUB PA THOB PAS SA DANG PO'I GNAS SKABS SU YID BZHIN GYI NOR BU LTA BU'O, ,DRI MA MED PA LA SOGS PA'I GNAS SKABS SU 'CHAL BA'I TSUL KHRIMS LA SOGS PA SPANGS PA NI LUS PHUN SUM TSOGS PA LA SOGS PA 'DOD PA LA RAG LUS PA'I PHYIR BUM PA BZANG PO LTA BU'O, ,SA BCU'I @236A *, ,GNAS SKABS SU MDZAD PA MTHA' DAG BYED PAS NA LCAGS KYU LTA BU'O, ,SANGS RGYAS KYI SA LA MDZAD PA MTHA' DAG BYED PAS NA MCHOD RTEN LTA BU'O, ,DE LA GUS PA DANG LDAN PAS 'BRAS BU CHUD MI ZA BAS MCHOD RTEN LTA BU'O, ,'O NA YON TAN GYI CHOS DER ZAD DAM ZHE NA, MA YIN TE MTSON PA TZAM MO ZHES DON BSDU BA NI, MDOR NA ZHES GSUNGS TE, RAB TU DBYE NA MTHA' YAS PA NI, SANGS RGYAS KYI CHOS THAMS CAD CES BYA BA LA SOGS PA'O, ,DE LAS SGRUB PAR BYED PA'I LAM GYI TSOGS NI CHOS THAMS CAD DO, ,STOBS LA SOGS PA YON TAN NO, ,'O NA SANGS RGYAS KYI YON TAN LA SOGS PA MA LUS PA DANG LDAN PA'I PHYIR SEMS BSKYED PA NYID NA 'BRAS BU GRUB PA'I PHYIR BSKAL PA MANG POR CI'I PHYIR 'BAD, MA YIN TE 'BRAS BU'I MING RGYU LA BTAGS PAS NA, GONG DU SA BON GYI CHAR DPER BSTAN PAS NA 'GAL BA MED DO ZHES LOG RTOG SPANGS BA'I SGO NAS YON TAN GYI 'THAD PAS BSTAN PA NI, DE CI'I PHYIR ZHE NA ZHES PA LA SOGS PA'O, ,DA NI BYANG CHUB KYI SEMS RNAM PA GNYIS KYI PHAN YON DPES BSTAN PA NI, DPER NA ZHES BYA BA LA SOGS PA STE, RNAM PA THAMS CAD MKHYEN PA NYID RNAM PAR SMIN PA'I 'BRAS BU NI GSER 'GYUR GYI DPES BSTAN TE, BSNGO BA NI CHUD MI ZA BA'I PHYIR RO, ,NYON MONGS PA'I SGRIB PA'I GNYEN PO YIN PAS DON DAM PA'I BYANG CHUB KYI SEMS NI MI MTHUN PA DANG BRAL BA'I 'BRAS BU NI, SGRON MA'I DPES BSTAN TE, SGRIB PA CHEN PO NI GNYEN PO CHUNG NGUS SEL BA'I PHYIR RO, ,SANGS RGYAS THOB PAR 'DOD PA'I BSAM PA CAN MA BSGRAL BA RNAMS BSGRAL BAR 'DOD PA RNAMS SNYING RJE'I GTZUG GI NOR BU DANG LDAN PA'I DBANG GIS 'BRAS BU NI NGAN SONG GI SA THAG BSRINGS PAS NA NOR BU'I COD PAN THOGS PA'I KLU'I RGYAL PO'I DPES BSTAN TE, PHYI ROL DU SMIN PA NI DBANG GI 'BRAS BU'O, ,BYANG CHUB TU SEMS BSKYED PA THOB PA MA NYAMS PA DAG NI TSE GZHAN NAS RANG 'KHRUNGS SU BYANG CHUB KYI SEMS KYIS BYANG CHUB KYI SEMS RNAM PA THAMS CAD MKHYEN PA LA THUG GI BAR DU THUGS BSKYED PAS RANG DANG GZHAN GYI DON SGRUB PAR BYED PA'I RGYU MTHUN PA'I 'BRAS BU NI, NOR BU RIN PO CHE DBANG GI RGYAL PO'I DPES BSTAN TE, RIN DU MI CHOG PA NI @236B DGOS PA MA LUS PA DE NYID LAS 'BYUNG BA'I PHYIR RO, ,DE LA MOS PA SPYOD PA'I GNAS SKABS NI ZAG PA DANG BCAS PA'O, ,MTHONG BA'I LAM LA SOGS PA NI ZAG PA MED PA'O, ,NYAN THOS DANG RANG SANGS RGYAS KYI RIGS CAN DAG KYANG YONGS SU 'DZIN PA'I KHYAD PAR LA SOGS PAS BYANG CHUB TU SEMS BSKYED PA'I SKYES BU'I BYED PAS 'PHRAL LAM, DE MA THAG TU THEG PA DMAN PA 'JIG PA NI, SENG GE'I 'O MA'I DPES BSTAN TO, ,MTSAMS MED PA LA SOGS PA'I LAS DANG LDAN PA YANG BYANG CHUB TU SEMS BSKYED PA'I RTEN GYI STOBS THOB PA'I SKYES BU'I BYED PAS NGAN SONG LA SOGS PA THAG SRID PAR BYED PA NI DPA' BO'I SKYES BU'I DPES BSTAN TO, ,YANG GZHAN DAG NI TSUL GZHAN DU 'CHAD DE, SPROS PAR MI BYA'O, ,DA NI PHAN YON KHYAD PAR DU BRJOD PA'I PHYIR, RIGS KYI BU 'DI LTA STE, DPER NA ZHES BYA BA LA SOGS PA GSUNGS TE, RE ZHIG SMOS PA'I PHAN YON BSHAD PA'I SKABS SU BAB PAS DPES 'DREN PA'O, ,'DIR KHYAD PAR GNYIS TE SMON PA'I KHYAD PAR DANG, 'JUG PA'I KHYAD PAR RO, ,DE LA SMON PA'I PHAN YON GYI KHYAD PAR BZHI STE, BYANG CHUB KYI SEMS BRJED PA ZIL GYIS GNON PA'I KHYAD PAR DANG, 'BRI BA DANG BRAL BA'I KHYAD PAR MTHUN PA'I KHYAD PAR ZIL GYIS GNON PA'I KHYAD PAR DANG, RGYUD DMAN PA ZIL GYIS GNON PA'I KHYAD PAR DANG, TSAD MED PA DANG MI MTHUN PA ZIL GYIS GNON PA'I KHYAD PAR RO, ,DE LA BYANG CHUB KYI SEMS BRJED PA NI RGYU RNAM PA BZHI STE, BLA MA DANG SBYIN GNAS LA LOG PAR SLU BA DANG, GZHAN GNAS MA YIN PA LA 'GYOD PA BSKYED PA DANG, BYANG CHUB SEMS DPA' LA ZHE SDANG BAS NGAN DU BRJOD PA DANG, SEMS CAN LA G-YO DANG SGYUS SPYOD PA'O, ,RGYU DE BZHI BSTAN PA NI, RDO RJE RIN PO CHE CHAG PA LTA BU'O, ,DE'I GNYEN PO NI RNAM PA BZHI STE, SHES BZHIN BZHAD GAD KYI PHYIR YANG BRDZUN MI BRJOD PA DANG, GZHAN DAG RDZOGS PA'I BYANG CHUB LA 'GOD PA DANG BYANG CHUB SEMS DPA' LA STON PA LTAR SEMS PA DANG, GZHAN LA BSAM PA RNAM PAR DAG PA'O, ,CHOS 'DI BZHIS ZIL GYIS GNON PAS GSER GYI RGYAN LTA BU'I YON TAN ZIL GYIS GNON PA'O, ,DE LA 'KHOR BA'I DBUL BA RNAM PAR BZLOG PA NI MNGON PAR MTHO BA THOB PA STE, JI SKAD DU RGYAL PO CHEN @237A *, ,PO KHYOD LAN DU MAR LHA'I NANG DU SKYES ZHES BYA BA LA SOGS PA LTA BU'O, ,MING MI 'DOR BA NI BYANG CHUB KYI SEMS KYI SEMS MI BRJOD PA STE, JI SKAD DU 'OD SRUNGS CHOS BZHI DANG LDAN NA TSE BRJES KYANG BYANG CHUB KYI SEMS MI 'DOR TE ZHES BYA BA LA SOGS PA LTA BU'O, ,KHA CIG NA RE NAN TAN GYI SGRA BSTAN PAS SGRUB PA DANG BRAL BA TZAM LA 'DOD DO, ,LA LA NI 'JUG PA DANG BRAL BA TZAM LA 'DOD DO, ,DA NI 'BRI BA DANG BRAL BA'I MTHUN PA'I KHYAD PAR ZIL GYIS GNON PA BRJOD PAR BYA STE, GONG NAS GONG DU MI SPEL BA NI YON TAN 'BRI BAR 'GYUR BA YIN PAS DE'I GNYEN PO GONG NAS GONG DU SPEL BA'I PHYIR RO, ,RGYAL PO CHEN PO ZHES BYA BA LA SOGS PA GSUNGS TE, CHOS TSOL BA NI CHOS NYAN CING SEMS PA'O, ,CI'I PHYIR ZHE NA, DON DANG ZHES BYA BA LA SOGS PA STE, DON NI MTHO RIS DANG BYAR GROL LA BYA'O, ,PHAN PA NI MA 'ONGS PA'I BDE BA'O, ,BDE BA NI TSE 'DI'I 'DOD PAR BYA BA'O, ,JI LTAR ZHE NA, BSGRAL BA DANG ZHES BYA BA LA SOGS PA STE, NYON MONGS PA DAG NI CHU BO DANG 'DRA BAS, DE SPANG PA'I PHYIR BSGAL [*BSKAL?] BA'O, ,SDUG BSNGAL RNAM PA GSUM NI KHONG BSGRIL DANG 'DRA BAS, DE GCAD PA'I PHYIR DGOL [?] BA'O, ,BDAG TU LTA BA DAG NI NGAL BA'I GNAS YIN PAS CHOS NYID KYI GRONG KHYER GYIS DBEN PAS DE DAG PA STI BA'I PHYIR DBUGS DBYUNG BA'O, ,RNAM PAR RTOG PA DAG NI SDUG BSNGAL BSKYED PAS MYA NGAN GYI GZHI YIN PA'I PHYIR DE YONGS SU SPANG BA'I PHYIR YONGS SU MYA NGAN LAS 'DA' BA'O, ,DE LTAR SNYING RJES RGYUD BRLAN PA DAG NI GZHAN GYI DON DU YE SHES THOB PAR 'DOD PAS, BYANG CHUB TU SEMS BSKYED PA'I PHYIR THAMS CAD MKHYEN PA THOB PAR BYA BA'O, ,SGRIB PA KUN GYI DRI MA MED PAS, RNAM PA THAMS CAD MKHYEN PA NYID THOB PA'O ZHES BYA BAS THAMS CAD MKHYEN PA NYID THOB PA'O, ,JI LTAR THOB CE NA, CHOS THAMS CAD YONGS SU RDZOGS PAR BYA'O ZHES SMOS TE, STOBS LA SOGS PA NI CHOS SO, ,SHIN TU DGYES PAS NGO MTSAR BA'I PHYIR LEGS SO LEGS SO ZHES ZLOS TE GSUNGS PA'O, ,STON PA JI LTA BA BZHIN DU LHA RNAMS RJES SU YI RANG BA NI YANG ZHES BYA BA STE, DAD PA NI 'DOD PA'I DAD PA'O, ,TSOL BA NI SBYOR BAR BYED PA'O, ,SMON PA NI 'BRAS BU'I 'DOD CHES PAS SO, , @237B RJES SU YI RANG BA DNGOS NI PHYOGS DANG PHYOGS SU SNYAN PA BRJOD PA BSNGAGS PA'O, ,SNGON DU BKUR BAR BYED PAS BSTOD PA'O, ,LKOG TU YANG DGA' BA DANG LDAN PAS RJES SU YI RANG BA'O, ,THOG MA DANG BAR DANG THA MAR RJES SU YI RANG BAS NA DGA' BA BSKYED PA LA SOGS PA TSIG GSUM GSUNGS SO, ,'ON SMON PA TZAM LA CI'I PHYIR RJES SU YI RANG BAR BYED CES DE CI'I PHYIR ZHE NA ZHES RGOL BA LEN DU SMON PA NI SANGS RGYAS 'DOD PA'I PHYIR RO, ,DE'I RGYU LA 'JUG PAR BYED PA'I YON TAN GZHAN GYI RTZA BA YIN PAS 'DI LTAR ZHES BYA BA LA SOGS PA GSUNGS TE SANGS RGYAS THOB NA DE'I 'BRAS BU CHOS KYI 'KHOR LO BSKOR BA DANG 'DU BAR 'GYUR RO ZHES PHAN YON GYI 'THAD PA NI ZHUGS PA YIN NO ZHES BYA BA'O, ,KHA CIG NI CHOS KYI 'KHOR LO NI MTHONG BA'I LAM LA BYA'O ZHES ZER RO, ,DE LTAR SNYING RJES BYANG CHUB KYI SEMS SPEL BA NI 'BRI BA STE NYAMS PA'I GNYEN PO YIN PAS, MDO 'DI NYID LAS RGYAL PO CHEN PO KHYOD KYIS NYIN LAN GSUM MTSAN LAN GSUM DU DGE BA'I RTZA BA RDZOGS PA'I BYANG CHUB TU BSNGOS SHING ZHES BYA BA LA SOGS PA RGYA CHER GSUNGS PA YIN NO, ,RGYU DMAN PA NI BSOD NAMS DANG YE SHES KYI TSOGS CUNG ZAD LA BYA STE, DES RDZOGS PA'I BYANG CHUB MI THOB PAS BSOD NAMS DANG YE SHES KYI TSOGS RGYA CHEN POS DE ZIL GYIS GNON PA NI, NAM BYANG CHUB SEMS DPA' ZHES BYA BA LA SOGS PA GSUNGS TE, BSAM PA PHUN SUM TSOGS PAS NI SEMS KYI RIGS LNGA DANG BRAL BAS THAMS CAD MKHYEN PA NYID KYI SEMS DANG MI 'BRAL ZHING NGO, ,SEMS KYI RIGS LNGA NI NYAN THOS KYI SEMS DANG, RANG RGYAL BA'I SEMS DANG, MI DANG LHA DON DU GNYER BA'I SEMS DANG, LUNG DU MI STON PA DANG, MI DGE BA'I SEMS SO, ,SEMS GZHAN NI MI DANG LHA 'DOD PA'I SEMS DANG, LUNG DU MI STON PA DANG, MI DGE BA'I SEMS LA BYA'O, ,DMIGS PA NI THOB PAR 'DOD PA'O, ,NYON MONGS PA NI SER SNA LA SOGS PA'O, ,PHA ROL TU PHYIN PA DRUG NI SBYIN PA LA SOGS PA'O, ,DE LA SHES RAB NI YE SHES KYI TSOGS SO, ,LHAG MA NI BSOD NAMS KYI TSOGS SO, ,BRTZON 'GRUS DANG TING NGE 'DZIN NI TSOGS GNYIS KA YIN NO ZHES BSHAD DO, ,TSAD MED PA NI BYAMS PA LA SOGS PA'O, ,DE DANG MI MTHUN PA NI ZHE SDANG LA SOGS PA STE DE'I GNYEN PO NI, BYAMS @238A *, ,PA CHEN PO DANG ZHES BYA BA LA SOGS PA'O, ,LA LA NI MI MTHUN PA'I PHYOGS NYAN THOS KYI SEMS LA SOGS PA YIN TE, RANG DUL BAR BYED PA'I PHYIR RO ZHES ZER RO, ,GNYEN PO 'DI DAG KYANG BYANG CHUB KYI SEMS YIN PAS PHAN YON ZHES BSTAN TO, ,DA NI 'JUG PA'I PHAN YON GYI KHYAD PAR BSTAN PA'I PHYIR 'JAM DPAL ZHES BYA BA LA SOGS PA GSUNGS TE, 'DIR KHYAD PAR NI RNAM PA LNGA STE, RTEN GYI GANG ZAG GI KHYAD PAR GYI PHAN YON BSTAN PA NI SO SO'I SKYE BO LA BYANG CHUB KYI SEMS SKYE ZHING BYANG CHUB SEMS DPA'I SDOM PA YOD DE CI'I PHYIR 'JAM DPAL KA LA PING KA'I PHRU GU SGO NGA'I NANG NAS SGRA SGROGS PA LTAR, SO SO'I SKYE BO BDAG TU LTA BA CAN YANG DE MA BRTOL ZHING KHAMS GSUM NAS MA BYUNG YANG STONG PA NYID KYI SGRA 'BYIN TO ZHES GSUNGS PA DANG, SNGAR BSTAN PA'I RIGS PAS 'THAD PA NI, SENG GE'I PHRU GU'I DPES BSTAN TE, SHES RAB KYI STOBS NI STONG PA NYID DMIGS PA'O, ,MA RDZOGS PA NI 'CHING BA MTHA' DAG DANG LDAN PAS DNGOS POR LTA BA CAN NO, ,SEMS BSKYED PA NI BRDA LAS BYUNG BA'O, ,BDUD NI LHA'I BU'I BDUD DO, ,BSAM PA'I KHYAD PAR GYI PHAN YON BSTAN PA NI, KUN DGA' BO ZHES BYA BA LA SOGS PA STE, RNAM PA THAMS CAD MKHYEN PA NYID KYI GTZO BO'I SPYOD PA NI 'JUG PA DANG LDAN PA'I SEMS YIN PAS NA, SNYING LTA BU STE BYANG CHUB SEMS DPA' 'TSO BA'I PHYIR RO, ,STONG PA NYID DANG SNYING RJE'I KHYAD PAR GYIS SANGS RGYAS DANG SEMS CAN LA DMIGS PA'I BSAM PA MI PHYED PA DANG LDAN PA NI 'DOD PA LNGA SPYOD DU ZIN KYANG, SPYOD PA RNAM PAR DAG PA'I TSUL KHRIMS CAN YIN PAS BSNGAGS PA NI DBUL YANG BKUR RO ZHES BYA STE, JI SKAD DU, GAL TE BYANG CHUB SEMS DPA' 'DOD YON LNGA SPYOD KYANG, ,SANGS RGYAS CHOS DANG 'PHAGS PA'I DGE 'DUN SKYABS SONG STE, ,SANGS RGYAS 'GRUB BYA SNYAM DU KUN MKHYEN YID BYED NA, ,MKHAS PA TSUL KHRIMS PHA ROL PHYIN GNAS RIG PAR BYA, ,ZHES BSTAN PA LTA BU'O, ,DE LTAR MA YIN NA BDAG MED PA GNYIS RTOGS PA'I 'PHAGS PA DAG KYANG SNYING RJE CHEN PO DANG BRAL BAS BSNGAGS PA MA YIN SO SO'I SKYE BO BSAM PA DMAN PA DAG LTA TSUL KHRIMS DE BOR 'CHAL BA YIN PAS NA, G-YOG BYA BAR MTSON PAR MI MDZAD PA STE, GAL TE BSKAL PA BYE BAR DGE BA'I SA LAM BCU, ,SPYOD KYANG DGRA @238B BCOM RANG RGYAL NYID LA 'DOD BSKYED NA, ,DE TSE TSUL KHRIMS SKYON BYUNG TSUL KHRIMS NYAMS PA YIN, ,TSUL KHRIMS 'CHAL ZHING MI MKHAS DE BZHIN SPYOD PA NYAMS, ,ZHE'O, ,'DIR GANG ZAG GANG GI DBANG DU BYAS SHE NA, KHYIM PA'I BYANG CHUB SEMS DPA' KHO NA'I DBANG DU BYAS TE GSUNGS PA YIN PAR MNGON NO, , JI LTAR ZHE NA, BYANG CHUB SEMS DPA' CHOS 'PHAGS BUD MED DRUG KHRI BRGYAD STONG DANG LHAN CIG 'DOD PA'I YON TAN LNGA LA SPYOD DO ZHES BYA BA LTA BU DANG, DRAG SHUL CAN GYIS ZHUS PA LAS, KHYIM PA'I BYANG CHUB SEMS DPA'I DBANG DU SPYAD PA YANG GSUNGS PA'I PHYIR RO, ,RAB TU BYUNG BA'I BYANG CHUB SEMS DPA' NI 'DOD PA'I YON TAN LNGA THAG RING DU YONGS SU SPANG BAR BYA STE, CI'I PHYIR ZHE NA, SO SOR THAR PA DAG DANG LDAN PA NI, BYANG CHUB SEMS DPA'I SDOM PA DANG 'GAL BAR 'GYUR LA, DE DANG 'GAL BA JI LTAR BYANG CHUB SEMS DPAR 'GYUR, BSAM PA RNAM PAR DAG PA'I SBYOR BA DE LTA MA YIN PA LA YANG HA CANG MI SRID PA 'GYUR RO, , 'DOD PA'I YON TAN LNGA SPYAD PA YANG GZHAN DRANG BA'I PHYIR YIN GYI YANG DAG TU MA YIN NO, ,DE NI 'DOD PA KHO NA'O, ,DE NYID BSTAN PAS KHYIM PA'I BYANG CHUB SEMS DPA' YOD PAR BSTAN TE, GZHAN DU 'DOD PA SPANGS PAR DRANG BA'I PHYIR TE SPYOD PAS DRANG BA JI LTAR 'GYUR, SNYING LAS CHUNG NGU'I SPYOD PA DAG DANG 'GAL BA NI 'DOD PA KHO NA'O, ,DE NI YIN TE TSUL KHRIMS KYI SGRA NI SDOM PA LA 'DOD KYI, GZHAN DU NA RAB TU BYUNG BA'I BYANG CHUB SEMS DPA' ZHES JI LTAR BRJOD, TSANGS PA'I SPYOD PA MA YIN PA'I TSUL KHRIMS DAG KYANG RAB TU BYUNG BA LA GNANG BA MA YIN NAM, DE'I GNANG BA DE YANG TSUL KHRIMS NYID DE SDOM PA NI BCAS PA'I RJES SU 'JUG PA YIN LA, BYANG CHUB SEMS DPA'I SDE SNOD LAS KYANG SROG GCOD PA DON DU 'GYUR BA LA SOGS PA GSUNGS PA'I PHYIR BCAS PA KHO NA'O, ,DE'I PHYIR BSAM PA RNAM PAR DAG PA NI GTZO BO YIN PAR BSTAN PA'I PHYIR MDO SMOS PA YIN NO, ,SBYOR BA'I KHYAD PAR GYI PHAN YON BSTAN PA'I PHYIR 'OD SRUNGS ZHES BYA BA LA SOGS PA GSUNGS SO, ,'DIR GANG DU BSTAN PA'I BSAM PA RNAM PAR DAG PA, SBYOR BA PHUN SUM TSOGS PA, TSUL KHRIMS GNAS PA LA SOGS PA SPYOD PA BZHI DANG LDAN PA DAG NI BSLAB PA LA ZHUGS PA ZHES BYA'O, ,SNGAR BSTAN PA'I TSUL GYIS NA, YON TAN DMAN PAR BSTAN PA @239A *, ,NI PHYAG GI 'OS MA YIN PAS PHYAG MI 'TSAL BA STE, JI SKAD DU, MA SKYES DGRA YI BU MOR GYUR PA NI, ,MYA NGAN MED BYIN YON TAN GZI BRJID LDAN, ,DGRA BCOM LNGA BRGYA DAG NI LHAGS GYUR KYANG, ,DE LA PHYAG BYA'I PHYIR NI DE MA LANGS, ,ZHES BSTAN PA LTA BU'O, ,DE BZHIN GSHEGS PA PAS BYANG CHUNG SEMS DPA' LA GUS PAR BYA BA BSTAN PA NI BYANG CHUB KYI SEMS YONGS SU BSNGAGS PA'I PHYIR TE, 'BRAS BU 'DOD PAS RGYU LA NAN TAN BYA BAR BSTAN PA'I PHYIR RO, ,SBYIN PA PHUN SUM TSOGS PA DE YANG GANG GIS SHE NA, SNYING RJES KHYAD PAR DU 'PHAGS PA BSTAN PA NI, ,YON TAN GYI TSOGS NI BRJOD PAR MI NUS PA'O ZHES GSUNGS TE, YON TAN NI 'BRAS BU'I KHYAD PAR RO, ,SNGAR BSTAN PA'I TSUL GYIS RGOL BA NI, DE CI'I PHYIR ZHE NA ZHES BYA BA'O, ,LAN NI SEMS CAN GYI KHAMS TSAD MED PAS DE LA DMIGS PA'I YON TAN BSOD NAMS KYI TSOGS KYANG TSAD MED DO ZHES BSTAN TO, ,'O NA SEMS CAN MA LUS PA LA PHAN PA BSGRUBS NA CI'I PHYIR SEMS CAN DAG GROL BAR 'GYUR, GROL BA MA YIN PA'I PHAN PA NI PHAN PA BYAS PA YIN PAR MI 'GYUR RO, ,SEMS CAN DAG MA GROL NA 'TSANG RGYA BAR YANG JI LTAR 'GYUR ZHES, DE CI'I PHYIR ZHE NA ZHES RGOL TE, DE'I LAN NI SEMS CAN GYI KHAMS NI MI ZAD PA STE ZHES GSUNGS TE, GROL BAS ZAD PA MED DO ZHES BSTAN TO, ,'O NA SNGAR BSTAN PA'I NYES PAR 'GYUR RO ZHE NA, MA YIN TE, BYANG CHUB SEMS DPA'I BSAM PA RNAM PAR DAG PA KHO NA SPYOD PA'I GTZO BO YIN PA'I PHYIR DANG, SEMS CAN GROL BAS ZAD PAR MI 'GYUR BA NYID KYIS DE DAG LA BRTEN PA'I BSOD NAMS KYANG ZAD PAR MI 'GYUR BAR BSTAN PA NI, JI LTAR ZHES BYA BA LA SOGS PA GSUNGS SO, ,SHES RAB KYIS KHYAD PAR DU 'PHAGS PA BSTAN PA NI, BYANG CHUB KYI SEMS KYI TSOGS NI ZHES BYA BA LA SOGS PA GSUNGS TE, TSOGS ZHES BYA BA NI SHES RAB KYIS STONG PA NYID LA DMIGS PA'I YE SHES KYI TSOGS SO, ,BYANG CHUB KYI SEMS ZHES BYA BA NI DON DAM PA'I SEMS SO, ,DKON MCHOG GSUM GYI RIGS NI STONG PA NYID DANG SNYING RJE'O, ,MI 'CHAD PA NI MNGON PAR SANGS RGYAS PA STE, MNGON PAR SANGS RGYAS NA CHOS KYI 'KHOR LO BSKOR RO, ,DE BSKOR NA 'PHAGS PA'I YE SHES 'BYUNG BAR 'GYUR RO, ,DE BYUNG NA MNGON @239B BAR RDZOGS PAR 'TSANG RGYAS PAR 'GYUR RO ZHES 'KHOR LO'I TSUL DU 'BYUNG BAS NA MI 'CHAD PA'O, ,LA LA NA RE RIGS NI BDEN PA LA SOGS PA BRTEN GZHI LA BYA'O ZHAS ZER RO, ,LA LAN RE MTHONG BA'I LAM GYI BDEN PA BZHIS BSDUS PAS SA DANG PO LA 'JUG PAR BYA'O ZHES ZER RO, ,LA LA NA RE PHA ROL TU PHYIN PA DRUG LA BYA'O ZHES ZER RO, ,LA LA NA RE THABS DANG SHES RAB YIN TE, THABS LA MKHAS PA NI PHA YIN LA, SHES RAB MA YIN PAS DE LAS SKYES PA YIN NO ZHES ZER RO, ,LA LA NA RE SANGS RGYAS KYIS BCAS PA'I BSLAB PA LA BYA'O ZHES ZER RO, ,LA LA NA RE DA LTAR GYI SANGS RGYAS MNGON DU BZHUGS PA'I TING NGE 'DZIN DANG, SNYING RJE CHEN PO YIN NO ZHES 'DOD DO, ,LA LA NI SMON PA DANG 'JUG PA'I SEMS LA BYA'O ZHES ZER RO, ,DE LTAR RGYAS PAR BSHAD NAS PHAN YON MTHA' DAG BSDU BA NI, BYANG CHUB KYI SEMS KYI BSOD NAMS GANG ZHES BYA BA LA SOGS PA GSUNGS TE, LA LA DAG NI SMON PA DANG 'JUG PA'I PHAN YON BSDU BA YIN NO ZHES 'DOD DO, ,LA LA DAG NI 'JUG PA'I PHAN YON BSDU BAR 'DOD DO, ,LA LA DAG NI SBYOR BA PHUN SUM TSOGS PA'I PHAN YON BSDU BAR 'DOD DO, ,LA LA DAG NI DE DAG NGES DON GYI SHES BYED DU 'CHAD DO, ,DA NI BYANG CHUB KYI SEMS KYI NGO BO NYID BSTAN PAR BYA STE, 'DIR NGO BO NYID NI YID KYI RNAM PAR SHES PA YUL KHYAD PAR CAN DU 'PHAGS PA LA DMIGS PA ZAD PA MED PA 'DREN PAR NUS PA STE, YUL NI STONG PA NYID DANG SNYING RJE'O, ,KUN GZHI'I RNAM PAR SHES PA NI MA BSGRIBS PA LUNG DU MA BSTAN PA'I PHYIR DANG, NYON MONGS PA CAN GYI YID NI DRI MA CAN GYI 'KHOR BZHI DANG RTAG TU LDAN PA'I PHYIR DANG, SGO LNGA'I RNAM PAR SHES PA DAG NI, BRTAN PA'I PHYIR YID KYI RNAM PAR SHES PA 'BA' ZHIG SMOS TE, SPRO BA CHE DANG RTZOM PA CHE, ,DON CHE BA DANG 'BYUNG BA CHE, ,BYANG CHUB SEMS DPA' SEMS DPA' CHE, ,DON GNYIS LDAN PA'I SEMS 'BYUNG BA, ,ZHES BSHAD DO, ,GANG GIS KHYAD PAR DU 'PHAGS, GANG LAS KHYAD PAR 'PHAGS SHE NA, SHES RAB DANG SNYING RJE SO SO'I SKYE BO DANG NYAN THOS DANG, RANG RGYAL BA'I SEMS LAS KHYAD PAR DU 'PHAGS PA'O, ,DE BSTAN PA CHOS YANG DAG PAR SDUD PA'I MDO LAS KYANG ZHES BYA BA LA SOGS PA GSUNGS TE, CHOS THAMS CAD CES BYA BA NI DKAR PO'I CHOS MTHA' DAG GO, ,DE LAS 'BYUNG BAS @240A *, ,NA DE SKAD CES BYA'O, ,DE LA SHES RAB KYIS CHOS THAMS CAD STONG PA NYID DU RTOGS PAS NA, CHOS KYI DBYINGS DANG MNYAM PA LA SOGS PA'O, ,KUN RDZOB GZHI MED PA LA DMIGS PAS NA, YE SHES STONG PA'O, ,'KHRUL PA'I RGYU LAS BYUNG BAS NA GLO BUR BA'O, ,SLU BAS NA GNAS PA MA YIN PA'O, ,RTAG TU MI RUNG BAS NA YONGS SU SHES PAR BYA BA MA YIN PA'O, ,DE LTA BU'I 'KHRUL PA SPANGS PA STONG PA NYID GZHAN LA BSTAN PA'I SGO NAS, SNYING RJE BSTAN PA NI SEMS CAN DAG KYANG ZHES BYA BA LA SOGS PA'O, ,GZHAN DAG NI CHOS THAMS CAD NI STONG PA NYID DE NAM MKHA'I DKYIL LTA BU YIN PAS MNYAM PA'O, ,'ON KYANG SNANG BA TZAM MI 'GOG CING SKUR PA MI 'DEBS BAS SHES PAR BYA BA TZAM MO, ,'KHRUL BA DANG BRAL BAS YE SHES STONG PA'O, ,'O NA YE SHES KYI YUL NI KUN RDZOB YIN PAS JI LTAR GNAS SHES NA, GLO BUR BYUNG BA ZHES BYA STE, MA RIG PA BRTAGS PA'I PHYIR RO, ,CHOS NYID DNGOS LA MI BRTEN PAS GNAS PA MA YIN NO, ,MNGON SUM DANG RJES SU DPAG PA'I YUL MA YIN PAS YONGS SU SHES PAR BYA BA MA YIN PA'O ZHES 'DOD DE, DE LA SNYING RJE DANG LDAN PAS SEMS CAD LA DMIGS PA NYAN THOS LA SOGS PA LAS KHYAD PAR DU 'PHAGS PA NI, PHAN PA DANG BDE BA'I SEMS SO ZHES BYA BA LA SOGS PA'O, ,STONG PA NYID KYIS DNGOS POR LTA BA LAS KHYAD PAR DU 'PHAGS PAS NA STONG PA NYID KYIS MI 'GYUR BA'I SEMS LA SOGS PA'O, ,DA NI BYANG CHUB TU SEMS BSKYED PA'I RANG BZHIN BRJOD PAR BYA BA'I PHYIR, THAMS CAD MKHYEN PA NYID DU YONGS SU BSDOS PAS ZHES BYA BA LA SOGS PA GSUNGS TE, RANG BZHIN NI RNAM PA GNYIS TE, BYANG CHUB TU SEMS SMON PA DANG, DE'I RGYU LA 'JUG PA'O, ,DE'I PHYIR DANG PO SMON PA'I SEMS BSKYED PA'I RANG BZHIN BRJOD PA NI THAMS CAD MKHYEN PA NYID DU ZHES BYA BA LA SOGS PA LTA BU'O, ,SMON PA NI SMON LAM YIN PA'I PHYIR YONGS SU BSNGOS [?] PA ZHES BYA'O, ,JI LTAR ZHE NA, BDAG MNGON PAR RDZOGS PAR SANGS RGYAS NAS SEMS CAN GYI DON BYED PAR GYUR CIG CES SMON LAM 'DEBS PA'I PHYIR RO, ,BYANG CHUB KYI SNYING PO NI RNAM PA GNYIS TE, GNAS BYANG CHUB KYI SNYING PO DANG, RTOGS PA BYANG CHUB KYI SNYING PO'O, ,'DIR @240B NI GNAS BYANG CHUB KYI SNYING PO LA 'DOD DO, ,MI DANG LHA'I 'BRAS BU DANG, NYAN THOS DANG RANG RGYAL BA DAG NI BAR MA DO'O, ,'DI SKAD CES KYANG BRJOD PAR BYA STE, BYANG CHUB TU SEMS BSKYED PA'I RGYU NI GANG, RKYEN NI GANG, KHAS LEN PA NI GANG, MI NYAMS PA NI GANG, NYAMS PA NI GANG, NYAMS PA RJES SU GSO BA NI GANG ZHE NA, RGYU NI RNAM PA LNGA STE, TSAD MED PA GOMS PA SEMS CAN GYI SDUG BSNGAL MTHONG BA DANG, SKYABS SU SONG BAS BDAG NYID SHES PA DANG, TSOGS BSAGS PAS RGYUD RNAM PAR DAG PA DANG, RTEN MNGON DU GYUR PAS RGYUD DANG BAR GYUR PA DANG, SNYING RJE GOMS PA'O, ,RKYEN NI DGE BA'I BSHES GNYEN DBANG DU GYUR PA'O, ,KHAS LEN PA NI SBYOR BA PHUN SUM TSOGS PAS DNGOS GZHI LA SMON LAM 'DEBS SHING RJES SU GDAMS NGAG SBYIN PA'O, ,MI NYAMS PA NI BYANG CHUB KYI SEMS BSGOM PA LA SOGS PA SNGAR BSHAD PA RNAMS TE, NYAMS PA NI SNGAR BSHAD PA'I MI MTHUN PA'I PHYOGS SU GYUR PA'O, ,NYAMS PA RJES SU GSO BA NI NYAMS PA LAS PHYIR 'CHOS PA STE, DE LTAR NA RE ZHIG SMON PA'I SEMS SU RIG PAR BYA STE, TSAD MED PA NI BTANG SNYOMS PA DANG, BYAMS PA DANG, SNYING RJE DANG, DGA' BA'O, ,DE LA DANG POR BTANG SNYOMS BSGOM BAR BYA STE, SA GZHI DANG 'DRA BA'I PHYIR RO, ,DE'I RJES LA BYAMS PA NI GSER DANG 'DRA BAS SO, ,SNYING RJE NI SA BON DANG 'DRA BAS SO, ,DGA' BA NI NGO SEL BA LTA BU'O, ,JI LTAR GOMS PAR BYA ZHE NA, RTEN GYI GANG ZAG DBANG PO RTUL POS RIM CAN DU GOMS PA DANG, 'BRING GOS 'BRING DU DANG, DBANG PO RNON POS CIG CAR DU GOMS PAR BYAS PA'O, ,DES RANG DANG GZHAN MNYAM PAR GYUR BA DANG, GZHAN GCES PAR GYUR PA NI DE'I RGYU YIN NO, ,SANGS RGYAS DANG CHOS DANG DGE 'DUN LA DE NYID THOB PAR 'DOD BAS SKYABS SU 'GRO ZHING SKYABS KYI MI NYAMS PA'I CHOS RNAMS RJES SU SGRUB PA YANG RGYU GNYIS TE JI SKAD DU, ,RGYAL BA RNAMS DANG BDE GSHEGS CHOS RNAMS DANG, ,DGE 'DUN RNAMS LA DAD NA SEMS SKYE BAS, ,BYANG CHUB YON TAN BSAM PA'I SEMS SKYE BA, ,RGYU MED MA YIN GYI NA 'BYUNG BA YIN, ,ZHE'O, ,DE NYID THOB BAR 'DOD PA SEMS SKYE BA CIS ZHES SHE NA, DE YANG 'DOD PA SKYID PA RGYAL SRID MIN, ,BDAG BDE'I DON DANG GRAGS DANG @241A *, ,SNYAN PHYIR MIN, ,ZHES 'BYUNG BAS SKYABS KHYAD PAR CAN DU GSAL BAR BSTAN PA YIN NO, ,TSOGS BSAGS PA NI PHYAG 'TSAL BA LA SOGS PA YONGS SU BSNGO BA LA THUG PA'I BAR RNAMS TE, BZANG PO SPYOD PA LAS RGYUR GSAL BAR GSUNGS SO, ,RTEN MNGON DU GYUR PA NI SKU MNGON DU GYUR PA STE, RGYAL PO LA GDAMS PA LAS GZUGS KYI SKU MTHONG MA THAG TU ZHAG BDUN DU MIG MI 'DZUMS PAR LTA ZHING DE THOB PAR 'DOD PA'I SEMS SKYES PAR GYUR TE ZHES GSUNGS PA LTA BU'O, ,SNYING RJE GOMS PA NI SNGAR TSAD MED PA BSHAD PA LTA BU STE, RGYU'I GTZO BO YIN PAS YANG SMOS TE, DE'I PHYIR 'GRO BA'I SDUG BSNGAL MA LUS GZHIL BA'I PHYIR, ,'JIG RTEN PHAN BYED SEMS NI YONGS SU SKYE, ,ZHES GSAL BAR BSTAN TO, ,DGE BA'I BSHES GNYEN NI RNAM PA GNYIS TE, LUNG DANG SGRUB PAR GYUR PA'O, ,YANG GNYIS TE, YONGS SU 'DZIN PA MNGON SUM PA DANG, KHYAD PAR CAN NO, ,'DI NI THA MA GNYIS SU 'DOD DE, CI'I PHYIR ZHE NA, KHAS LEN PA'I TSUL GNYIS YIN PA'I PHYIR RO, ,DE'I PHYIR RGYAL BA KUN DANG CHOS DANG DGE 'DUN DANG, DE BZHIN BLA MAR GYUR PA THAMS CAD LA, ,DAD DANG MOS PAS DGA' BA BSKYED BYA STE, ,SRI ZHUR MCHOD BYAS BYANG CHUB SEMS KYANG SKYE, ,ZHES GSUNGS PA LTA BU'O, ,KHAS LEN PA NI BDAG RNAM PA THAMS CAD MKHYEN PA NYID THOB NAS SEMS CAN GYI DON YANG BYED PAR GYUR CIG CES SMON PA'O, ,LHAG MA NI GSAL BAR ZAD DO, ,DA NI 'JUG PA'I SDOM PA LEN PA'I RANG BZHIN BSTAN PA NI, THABS LA MKHAS PA'I MDO LAS ZHES BYA BA LA SOGS PA GSUNGS TE, 'DIR RGYU DANG RANG BZHIN BRJOD PA DANG, RKYEN DANG, RJES KYI BYA BA DANG, BSRUNG BA'I TSUL GYIS RIG PAR BYA'O, ,DE LA RGYU NI GOMS PAR BYA BA'I SNYING RJES SEMS CAN RJES SU 'DZIN PAR DMIGS PA'O, ,RKYEN NI PHYAG 'TSAL BA DANG, SDIG PA BSHAGS PA DANG, RJES SU YI RANG BA DANG, BSNGO BA DANG, BYANG CHUB TU SMON PA'O, ,DE LA RANG BZHIN BRJOD PA NI KHAS LEN PA STE, SLON DPON GYI MDUN DU PUS MO'I LHA NGA SA LA BTZUGS TE, RGYU DANG RKYEN GYI BYA BA RDZOGS NAS SDOM PA GZUNG BAR BYA STE, SLOB @241B DPON DGONGS SU GSOL, BDAG MING 'DI ZHES BGYI BA ZHES BRJOD NAS GSOL BA BTAB LA, SLOB DPON GYIS 'DI SKAD DU, MI 'GYUR SEMS NI BRTAN GYIS LA, ,BYANG CHUB SEMS NI BSKYED PAR GYIS, ,GAL TE SPYOD PA SPYAD BYAS NA, ,KHYOD NI YANG DAG SANGS RGYAS 'GYUR, ,ZHES BRJOD NAS, SLOB MAS DA NI BDAG GIS BYANG CHUB SEMS DPA'I SDOM PA RLABS PO CHE THOB PAR GYUR CIG SNYAM DU SEMS BSKYED NAS, SLOB DPON DGONGS SU GSOL, BDAG MING 'DI ZHES BGYI BAS NI, ,'KHOR BA THA MA MED PA YI, ,SNGON GYI THA MA JI SRID PA, ,DE SRID SEMS CAN PHAN DON DU, SPYOD PA DPAG YAS SPYAD PAR BYA, ,'JIG RTEN MGON PO'I SPYAN SNGA 'DIR, ,BYANG CHUB DAM PAR SEMS BSKYED DO, ,'GRO BA THAMS CAD MGRON GNYER TE, DBUL ZHING PHONGS LAS DGROL BAR BYA, ,DI RING PHAN CHAD GAL TE YANG, BDAG GIS 'DOD CHAGS SEMS BSKYED NA, ,PHYOGS BCU DAG NA GANG BZHUGS PA'I, , SANGS RGYAS THAMS CAD BSLUS PAR 'GYUR, ,BYANG CHUB NAM ZHIG THOB BAR DU, ,THA BA'I SEMS DANG GNOD SEMS DANG, ,PHRAG DOG DANG NI SER SNA YANG, ,DI RING PHAN CHAD MI BYA'O, ,TSANGS PA'I SPYAD PA BDAG GIS SPYAD, ,SDIG DANG 'DOD PA YONGS SU BTANG, ,TSUL KHRIMS SDOM PA DES PA LA, ,SANGS RGYAS RJES SU BSLAB PAR BYA, ,BDAG NI BYANG CHUB RINGS TSUL DU, ,'TSANG RGYAR MOS SHING SPRO BA MED, ,PHYI MTHAR THUG GI BAR DU YANG, ,SEMS CAN GCIG PHYIR SPYAD PAR BYA, ,TSAD MED BSAM GYIS MI KHYAB PA'I, ,SANGS RGYAS ZHING NI SBYANG BAR BYA, ,PHYOGS NI BCU PO THAMS CAD DU, ,BDAG GI MING NI THOS PAR BYA, ,BDAG GIS BDAG LA LUNG BSTAN TE, ,SANGS RGYAS 'GYUR BAR DGOS PA MED, ,BDAG GI LHAG BSAM RNAM PAR DAG ,BDAG DBANG 'DI NA 'DREN PA RNAMS, ,LUS DANG NGAG GI LAS RNAMS KYANG, ,RNAM PA KUN DU BDAG GIS SBYANG, ,YID KYI LAS KYANG YONGS SU SBYANG, ,MI DGE'I LAS NI SPYAD MI BYA, ,ZHES BRJOD PAR BYA'O, ,'DIS JI LTAR SEMS BSKYED CING SDOM PA GZUNG ZHE NA, SMRAS PA, SMON LAM BTAB CING TSUL KHRIMS RNAM PA GSUM KHAS BLANGS PA'I PHYIR RO, ,TSUL KHRIMS RNAM PA GSUM NI, SDOM @242A *, ,PA'I TSUL KHRIMS DANG, SEMS CAN GYI DON BYED PA DANG, DGE BA'I CHOS YONGS SU SDUD PA'I TSUL KHRIMS SO, ,DE LA DANG PO'I TSIGS SU BCAD PA GCIG GIS NI SMON PA DANG 'JUG PA THUN MONG GI SEMS BSKYED PA BSTAN TO, ,DE NAS TSIGS SU BCAD PA PHYED KYIS NI, SMON PA'I SEMS BSKYED PA BSTAN TE, PHYED KYIS NI 'JUG PA'I SEMS BSKYED PA BSTAN TO, ,LHAG MAS NI 'JUG PA NYID KYI TSUL KHRIMS RNAM PA GSUM DANG LDAN PA STE, DANG PO SDOM PA'I TSUL KHRIMS NGO TSA DANG KHREL YOD PA'I NGO BO NI, DI RING PHAN CHAD GAL TE YANG, ,ZHES BYA BA LA SOGS PA TSIGS SU BCAD PA GCIG GIS MDOR STON TE, SEMS DPA' GTZO BO YIN PAS SEMS BSKYED NA ZHES SMOS SO, ,RLABS PO CHE'I SEMS BSKYED PA YIN PAS DAM BCA'O, ,DGE BA SDUD PA'I TSUL KHRIMS BRTZON 'GRUS KYI NGO BO NYID NI, BYANG CHUB NAM ZHIG THOB PAR DU, ,ZHES BYA BA LA SOGS PA TSIGS SU BCAD PA GNYIS TE, KHYIM PA'I DBANG DU BYAS PAS NI BZOD PA DANG, GTONG BA DANG, TSUL KHRIMS SO, ,DE LA BZOD PA'I MI MTHUN PA'I PHYOGS NI, THA BA DANG GNOD SEMS DANG PHRAG DOG GO, ,SBYIN PA'I MI MTHUN PA NI, PHRAG DOG DANG SER SNA STE, DES NA DE DAG SPANG BAR SPRO BA NI, BZOD PA DANG SBYIN PA'O, ,TSANGS PAR SPYOD PA BDAG GIS SPYAD, ,SDIG PA'I 'DOD PA YONGS SU GTANG, ,ZHES BYA BA NI TSUL KHRIMS TE, DGE BSNYEN ZHES BYA BA'I DON TE SDIG PA LAS DBEN PA'I PHYIR RO, ,DES NA 'PHAGS PA KLU SGRUB NYID KYIS KYANG, SBYIN PA DANG NI TSUL KHRIMS DANG, ,BZOD PA'I CHOS NI KHYAD PAR DU, ,KHYIM PA LA BSHAD SNYING RJE YI, ,SNYING PO CAN DU RTAG BSGOM MDZOD, ,CES GSUNGS SO, ,RAB TU BYUNG BA'I DBANG DU BYAS NAS, TSUL KHRIMS SDOM DANG DES PA LA, ,SANGS RGYAS RJES SU BSLAB PAR BYA, ,ZHES GSUNGS TE, DGE BA SDUD PA'I GTZO BO NI SDOM PA DANG DES PA YIN PA'I PHYIR RO, ,YANG NA PHA ROL TU PHYIN PA DRUG NI DGE BA SDUD PA YIN LA DE MTSON PA'I PHYIR SDOM PA DANG DES PA BSTAN TO, ,YANG SDOM PA NI YANG DAG BLANGS PA'O, ,DES PA NI GZHAN LA MI 'TSE BA'I PHYIR LUS KHYAD PAR CAN DU 'GYUR NA, DGE BA LA SOGS PA BSTAN TO, ,SEMS CAN DON BYED PA'I TSUL @242B KHRIMS SNYING RJE DANG SHES RAB KYI NGO BO NYID NI, BDAG NI BYANG CHUB RINGS TSUL DU, ,ZHES BYA BA LA SOGS PA GSUNGS TE MOS SHING SPRO BA MED CES BYA BA NI, PHYUGS RDZI LTA BUR SEMS BSKYED PA'I PHYIR RO, ,YANG NA MOS PA NI 'DOD PA'O, ,SPRO BA MED CES BYA BA NI MNGON DU MI BYED PA'O, ,CI'I RGYUS SHE NA, SEMS CAN YONGS SU SMIN PAR BYA BA DANG, SANGS RGYAS KYI CHOS YONGS SU RDZOGS PAR BYA BA'I PHYIR TE, DANG PO NI, SEMS CAN GCIG PHYIR SPYAD PAR BYA, ,ZHES BYA BA'O, ,GNYIS PA NI ZHING RNAM PAR SBYONG PAR BYA ZHES BYA STE, MING THOS PAS NI GRAGS PA STE, 'JIG RTEN GYI KHAMS CHE GE MO ZHIG TU ZHES 'BYUNG BA LTA BU'O, ,DE LTAR SDOM PA BZUNG BA'I PHAN YON NI, ,BDAG GIS BDAG LA LUNG BSTAN TE, ,ZHES BYA BA LA SOGS PA'O, ,PHAN YON GYI 'THAD PA NI, LHAG BSAM RNAM PAR DAG CES BYA BA'O, ,LHAG PA'I BSAM PA DAG PAR GANG GIS SHES SHE NA, BDAG DBANG 'DI NA 'DREN PA RNAMS, ,ZHES BYA BA'O, ,DE LTAR TSUL KHRIMS RNAM PA GSUM GYI DON BSDU NA, LUS DANG NGAG GI LAS RNAMS KYANG, ,ZHES BYA BA LA SOGS PA GSUNGS SO, ,'DIR SMRAS PA, BSAM PA DAG PA'I SA LA NI RUNG NA, 'CHING BA MTHA' DAG DANG LDAN PA SLOB PA 'DOD PA GO JI LTAR 'THAD, MA YIN TE 'CHING BA MTHA' DAG DANG LDAN PA KHO NA SPRO BA'I RLABS YOD PAS 'DIR SLOB KYI GZHAN DU NA BSAM PA RNAM PAR DAG PAR YANG JI LTAR 'GYUR, YANG 'JAM DPAL GZHON NUR GYUR PA 'DIS BYANG CHUB TU SEMS BSKYED PHYIN CHAD BSKAL PA GANG G'A'I KLUNG GRANGS MED PA BRGYA STONG PHRAG BDUN GYI BYE MA SNYED 'DAS PAR GYUR TO ZHES GSUNGS PA YANG JI LTAR DRANG, SPROS PAS CHOG GO, ,DE LTA BAS NA RGYU DANG RKYEN DANG, RANG BZHIN BRJOD PA BSTAN PA'I PHYIR, BYANG CHUB SEMS DPA' THABS LA MKHAS, ,ZHES GSUNGS SO, ,THAMS CAD MKHYEN PA'I SEMS KYIS TSAD MED PAR 'GYUR RO ZHES BYA BA NI, THABS MKHAS PA DANG LDAN PAS YONGS SU BSNGOS PA'I PHYIR RO, ,DNGOS PO CHUNG DU THABS MKHAS PA'I BSNGO BAS TSAD MED PAR 'GYUR BA NI DGONGS PA CAN YIN NO ZHE NA, NGES DON DU BSTAN PA NI, BSKAL PA BZANG PO'I MDO LAS KYANG, ,ZHES GSUNGS SO, ,RJES KYI BYA BA NI RNAM PA GNYIS TE, @243A *, ,PHAN YON GYIS SPRO BA SKYED PA DANG, BSLAB PA MDOR BSDUS TE LUNG 'PHOGS [?] PA'O, ,DE LA PHAN YON GYIS SPRO BA BSKYED PA BSTAN PAS BSLAB PA MDOR BSDUS PAR GO BAR 'GYUR BAS DANG POR SMOS TE, YANG, RIN PO CHE YI PHUNG PO LAS, ,ZHES BYA BA'O, ,SEMS BSKYED CING SDOM PA DANG LDAN PA DAG NI RTEN KHYAD PAR CAN YIN PAS SNGAR BSTAN PA LTA BUR BSOD NAMS KYI TSOGS SHIN TU 'PHEL BA RGYU'I BAR DU YANG MI BZOD DO ZHES GSUNGS SO, ,PHAN YON DAG KYANG TSUL KHRIMS RNAM PA GSUM BLANGS PA LAS 'BYUNG BAS, RANG BZHIN BRJOD PA NI BSLAB PA MDOR BSDUS PA NYID DO ZHES GO BAR 'GYUR RO, ,PHAN YON DANG LDAN PA'I 'THAD PA'I LUNG NI, SHES RAB KYI PHA ROL TU PHYIN PA LAS 'BYUNG ZHES GSUNGS PA YIN NO, ,LA LA NI RIN PO CHE'I PHUNG PO'I MDO'I DON NI, DON DAM PAR BYANG CHUB KYI SEMS NGO BO NYID DANG PHAN YON GYIS BSTAN TO, ,THAMS CAD MKHYEN PA NYID DANG LDAN PA'I SEMS ZHES BYA BA NI, MTSAN MA MED PA'I SEMS SO, ,DON DAM PA'I BYANG CHUB KYI SEMS YIN PAR CI MNGON ZHE NA, 'OG NAS SHES RAB KYI PHA ROL TU PHYIN PA LA BSLAB PAR BYA'O ZHES GSUNGS PA'I PHYIR RO ZHES KYANG ZER RO, ,GAL TE DGE BA'I BSHES GNYEN MED NA YANG CHO GA NI 'DI NYID DO, ,MDO KUN LAS BTUS PA'I BSHAD PA LUNG GI TSAD MAR SBYAR BA LAS BYANG CHUB TU SEMS BSKYED PA RNYED PAR DKA' BA'I GTAM BRJOD PA STE LNGA PA'O, ,BYANG CHUB TU SEMS BSKYED PA BSHAD ZIN TO,, ,,DA NI SNYING RJE BRTAN PA BRJOD PAR BYA'O, ,DE CI'I PHYIR ZHE NA; SNGAR SEMS SKYE BA'I RGYU BSHAD PA'I SKABS SU SNYING RJE ZLOS TE GSUNGS PA'I PHYIR LA, DE'I DGOS PA GANG YIN ZHE NA, LUNG LAS, SMON PA DANG NI 'JUG PA DANG, ,DE BZHIN ZAB DANG RGYA CHE DANG, ,MI LDOG 'BRAS BU THOB PAS NA, ,THEG PA CHEN PO KHYAD PAR 'PHAGS, ,DE YI SNGON DU 'GRO BA NI; ,BRTAN PA RNAMS KYI SNYING RJE'O, ,ZHES 'CHAD PA DANG, SLOB DPON DPA' BOS, YON TAN MA LUS BYANG CHUB SEMS LA BRTEN, ,BYANG CHUB MCHOG SEMS SNYING RJE'I RGYU LAS 'BYUNG, ,ZHES 'CHAD DO, ,DE LTA BAS NA SNYING RJE BRTAN PAS BYANG CHUB KYI SEMS BRTAN PAR 'GYUR TE SKYE BA @243B NA GNAS PA DANG MTHAR THUG PA'I RGYU YIN PA'I PHYIR, SEMS CAN RNAMS LA SNYING RJE CHE BA NI, ,RNYED PAR DKA' STE ZHES DAM BCA' BA MDZAD DO, ,'O NA RIGS LAS GYUR PA DANG 'BREL PA LAS GYUR PA DANG, GOMS PA LAS GYUR PA DANG, GLO BUR BA'I RANG BZHIN GYIS JI LTAR RNYED DKA' ZHES DE LA RGOL BA NI CI MNGON ZHE NA ZHES BYA'O, ,'BREL PA DANG GLO BUR DAG NI, NYI TSE BA DANG RE ZHIG PA YIN PAS SMON PAR BYA'O, ,LHAG MA NI DKA' BA KHO NA'O, ,DKA' BA CI MNGON ZHE NA, MDO SDE MANG PO LAS THOS PA'I PHYIR TE ZHES GSUNGS TE, 'DIR SNYING RJE NI RANG GI BDE BA SPONG BA'I MTSAN NYID YIN PAS SNYING RJE'I NGO BO NYID KYI MTSAN NYID NI ZLA BA'I SNYING PO'I LE'U LAS GSUNGS PAS TE, RANG GI BDE BA SEL BAS NA DGRA DPA' BO LAG [?] NA RDO RJE THOGS SHING DRAG SHUL DU 'DEBS PA LAS SGROL BA BZHIN NO ZHES BYA BA'O, ,DGOS PA BSTAN PA NI, BYANG CHUB TU MNGON PAR MOS PA'I SNGON DU 'GRO BA ZHES BYA BA LA SOGS PA GSUNGS TE, SNYING RJE NI BYANG CHUB TU SEMS SKYE BA'I RGYU YIN PAS DANG POR DGOS PA NI MNGON PAR MOS PA'I SNGON DU 'GRO BA ZHES BYA'O, ,GNAS PA'I RGYU YIN PAS MA NYAMS PAR BYED PA NI BAR DU DGOS PA STE, THEG PA CHEN PO YANG DAG PAR SGRUB PA'I SNGON DU 'GRO BA ZHES BYA STE, YANG DAG PAR SGRUB PA NI SPYOD PA MI NYAMS PAR BYED PA'O, ,MTHAR THUG PA'I RGYU YIN PAS 'BRAS BU THOB PAR BYED PA NI THA MAR DGOS PA STE, SANGS RGYAS KYI CHOS NI STOBS LA SOGS PA'O, ,SNGON DU 'GRO BA NI 'DREN PA'O, ,SNYING RJE BSGOM PA'I GNAS SKABS NI RNAM PA GSUM STE, DANG PO RTZA BA BRTAN PAR BYA BA'I PHYIR SO SO'I SKYE BO'I GNAS SKABS SU DANG, THEG PA 'OG MAR MI LHUNG BAR BYA BA'I PHYIR, MTHONG BA'I LAM GYI GNAS SKABS SU DANG, SEMS CAN GYI DON MI NYAMS PAR BYA BA'I PHYIR SA BRGYAD PA'I GNAS SKABS SO, ,DE BAS BSGOM PA'I GNAS SKABS GSUM MTSON PA'I PHYIR DANG SMOS PA NI, BDAG GI 'KHRUL PA LA YANG SO SOR RTOG CING GZHAN GYI 'KHRUL PA LA SNYING RJE BA'O ZHES GSUNGS TE, 'KHRUL PA NI NYES PAR SPYAD PA SPYOD PA STE, SDUG BSNGAL GYI RGYU YIN PA'I PHYIR RO, ,DA NI PHAN YON BSTAN PA'I PHYIR, BYANG CHUB @244A *, ,TU MNGON PAR 'TSANG RGYA BAR 'DOD PAS ZHES BYA BA BSTAN PA LA SOGS PA GSUNGS PA STE, SNGAR SMOS PA NYID PHAN YON YIN MOD KYI 'ON KYANG DE NYID RNAM PA GZHAN GYIS BSTAN PA NI, MNGON PAR MTHO BA DANG, NGES PAR LEGS PA DAG GIS SO, ,JI LTAR ZHE NA, MNGON PAR 'TSANG RGYA BAR 'DOD PAS ZHES BSTAN PA NI NGES PAR LEGS PA'I PHAN YON BSTAN TO, ,MNGON PAR MTHO BA'I PHAN YON NI, ,SNYING RJE CHEN PO'I SEMS BSKYED NAS LUS DANG SROG LA MA CHAGS PA NI BDE 'GROR SKYE STE ZHES BYA BA'O, ,BDAG NYID MA GROL BAS GZHAN DGROL BAR MI NUS PAS NA LUS DANG SROG LA MA CHAGS PAR BYA'O ZHES PA LA SOGS PA'O, ,DA NI SNYING RJE BSGOM PA'I TSUL BSTAN PAR BYA STE, PHAN BDE LA SBYOR BAR BYED PA'I PHA DANG MA LA SOGS PA SDUG CING YID DU 'ONG BA DAG SDUG BSNGAL GYI RGYU DANG DNGOS LA SPYOD PA DAG SDUG BSNGAL BSAL BAR 'DOD PA'I SEMS NI SNYING RJE ZHES BYA STE, SNGAR BSTAN PA'I TSUL GYIS GOMS PAR BYED PAS NA SNYING RJE BA'I BDAG NYID CAN NO, ,YUL GANG LA ZHE NA, SEMS CAN GYI RIGS RNAM PA GNYIS TE, SDUG BSNGAL DNGOS LA GNAS PA DANG, SDUG BSNGAL GYI RGYU LA SPYOD PA'O, ,DE LA SDUG BSNGAL DNGOS LA GNAS PA NI, SEMS CAN SDUG BSNGAL BA DANG ZHES BYA BA LA SOGS PA'O, ,DES 'PHANGS PAS KYE MA BDAG LTA BU 'CHING BA SNA TSOGS KYIS BCINGS PA DAG GIS NI RANG YANG GROL BAR MI NUS NA, GZHAN DAG KYANG LTA CI SMOS KYI MA LA BDAG RNAM PA THAMS CAD MKHYEN PA NYID THOB NAS GDOD SDUG BSNGAL DAG LAS DGROL BAR BYA'O SNYAM PAS NA BYANG CHUB TU SEMS BSKYED DO ZHES SMOS SO, ,SEMS BSKYED NAS MTHONG BA'I LAM LA GNAS PA NI, RANG DANG GZHAN GYI DON SGRUB PA THOB PAS NA, DE'I PHYIR 'BAD PA NI CHOS NYID THOB PAR BYA BA'I PHYIR 'BAD CES BYA BA LA SOGS PA'O, ,DE THOB NAS SDUG BSNGAL GYI RGYU LA SPYOD PA DAG NI SER SNA CAN ZHES BYA BA LA SOGS PA STE, DE DAG SPONG DU 'JUG PA'O, ,RGYU MA SPANGS NA 'BRAS BU SPANGS BAR MI 'GYUR BAS NA RGYU BZLOG PA KHO NA SMOS SO, ,SNYING RJE'I GZHAN DBANG DU GYUR PAS NA NYEN CING BYANG CHUB LAS PHYIR LDOG PAR MI 'GYUR TE, GZHAN DU NA RGYAL PO GSER MDOG GI RTOGS PA BRJOD PA LAS SNYING RJE @244B NYAMS PAS, RANG SANGS RGYAS SU SEMS BSKYED DO ZHES BYA BA LA SOGS PA LTA BU'O, ,DE LA 'DU BYED DANG, 'GYUR BA DANG, SDUG BSNGAL GYI SDUG BSNGAL DAG NI SDUG BSNGAL TE, MI DANG LHA DANG NGAN SONG GSUM DU RIM BZHIN DU SBYAR RO, ,PHAN PA NYE BAR SGRUB PA MED PAS NA SKYABS MED PA'O, , NGES PAR 'BYUNG BA MCHOG GI CHOS STON PA MED PAS NA MGON MED PA'O, ,THEG PA GSUM LA NGES PAR 'GOD PAR BYED PA MED PAS NA RTEN MED PA'O, ,SDUG BSNGAL SEL BA'I GROGS PO MED PAS NA DPUNG GNYEN MED PA'O, ,THOS PA DANG BSAM PA DANG BSGOM PA'I GNAS SKABS SU 'BAD RTZOL BRTZON 'GRUS RTZOM PA'O, ,THABS SNA TSOGS PAS LUS GTONG BA LA SOGS PA NI DKA' BA SPYOD PA'O, ,MI MTHUN PA LAS BZLOG PAS NA SER SNA CAN LA SOGS PA GNYEN PO LA SBYOR BAS NA SBYIN PA LA SOGS PA LA DGOD PA'O, ,MI BZOD PA NI BRNAG MI NUS PA'O, ,RTZUB PA NI LUS GDUNG BAR BYED PA'O, ,TSA BA NI SEMS GDUNG BAR BYED PA'O, ,CHOS BCU NI BYANG CHUB TU SEMS BSKYED PA DANG, CHOS NYID THOB PA LA 'BAD PA DANG, DKA' BA SPYOD PA DANG, PHA ROL TU PHYIN PA DRUG LA SBYOR BA DANG, SDUG BSNGAL GYIS NYEN CING LDOG PAR MI 'GYUR BA'O, ,SNYING RJE BSGOM PA'I TSUL GZHAN BSTAN PA NI, KYE MA ZHES BYA BA LA SOGS PA'O, ,DE LA YUL NI SEMS CAN SRED PA CAN LA SOGS PA'O, ,BSGOM PA'I TSUL NI RANG DBANG YOD CING ZHES BYA BA LA SOGS PA'O, ,DE LA SNGAR BSTAN PA DAG NI, SBYOR BA PHUN SUM TSOGS PA YIN LA, 'DIR NI BSAM PA RNAM PAR DAG PA YIN PAS BSGOM PA'I TSUL RNAM PA GNYIS KYI KHYAD PAR NI DE YIN NO, ,DE LA SNYING RJE BSGOM PA'I YUL SNGAR BSHAD PA DE NYID 'CHAD PA NI, KYE MA ZHES BYA BA LA SOGS PA STE, KYE MA ZHES BYA BA LA SOGS PA NI YID CHES PA'I TSIG BRJOD PA'O, ,'DIR SDUG BSNGAL LA SPYOD PA'I GANG ZAG NI GNYIS TE, KHYIM PA'I PHYOGS SU GTOGS PA DANG, ,DE DAG KYANG CI RIGS PAR BDE BA'I RGYU MA BSAGS PAS SDUG BSNGAL BAR GYUR PA DANG, BSAGS PA PHYIN CI LOG GIS SDUG BSNGAL GYI RGYU GYUR PA DANG, BSAGS PA RGYU MA GYUR BAR ZAD PAS SDUG BSNGAL BA'O, ,DE LA KHYIM PA RNAMS NI BU DANG CHUNG MA LA SOGS PA LA CHAGS PAS SDUG BSNGAL BA DANG, BU DANG CHUNG MA LA SOGS PA 'GRIB PAS SDUG BSNGAL BA'O, ,DE LA CHAGS PAS SDUG BSNGAL BA NI, @245A *, ,SRED PA'I KHOL PO ZHES BYA BA LA SOGS PA'O, ,'GRIB PAS SDUG BSNGAL BA NI, RANG DBANG MED PA ZHES BYA STE, ,MI 'DOD PA'I GZHAN DBANG DU GYUR PA'I PHYIR RO, ,DES NA MI PHONGS PA STE MI PHAN PA'O, ,DE LA SNYING RJE JI LTAR BSGOM ZHE NA, RANG DBANG YOD CING ZHES BYA BA LA SOGS PA STE, LHA DANG MI 'THOB PAR GYUR PAS NA GAR DGA' BAR 'GRO BAR BYA'O SNYAM DU SMON PAS BSAM PA YIN PAR MNGON NO, ,RAB TU BYUNG BA DAG GIS NI NYON MONGS PA 'PHEL BA DANG, TSUL KHRIMS LA SOGS PA 'GRIB PAS SDUG BSNGAL BA NI, PHAN TSUN MI 'PHROD PA ZHES BYA BA LA SOGS PA STE, NYON MONGS PA DAG GI GTZO BO NI ZHE SDANG YIN TE CI'I PHYIR ZHE NA, DGE BA'I RTZA BA 'JOMS PAR BYED PA'I PHYIR, 'OG NAS KYANG, KHONG KHRO BA ZHES BYA BA NI BSKAL PA BRGYAR BSAGS PA'I DGE BA'I RTZA BA RNAMS ZAD PAR BYED PA'I PHYIR RO ZHES GSUNGS PA'I PHYIR RO, ,DE LA MI MTHUN PA NI MI 'PHROD PA STE, RTZOD PAR BYED PA'O, ,KHRO BA NI SEMS 'KHRUGS PA'O, ,ZHE SDANG NI KHONG KHRO BA'O, ,GNOD SEMS NI SEMS CAN LA SDANG BA'O, ,MANG BA NI 'PHEL BAR 'GYUR BA'I PHYIR RO, ,DE SPANG BA'I PHYIR BZOD PA LA DGOD PA NI, SPANG BA'I PHYIR ZHES BYA BA STE, CI'I PHYIR ZHE NA, BZOD PA NI TSUL KHRIMS KYI 'BRAS BU'I RGYU'I GTZO BO YIN PAS JI SKAD DU, BZOD PA DKA' THUB DAM PA BZOD PA NI, ,MYA NGAN 'DAS PA MCHOG CES SANGS RGYAS GSUNGS, ,RAB TU BYUNG BA GZHAN LA GNOD PA DANG, ,GZHAN LA 'TSE BA DGE SBYONG MA YIN NO, ,ZHES GSUNGS PA LTA BU'O, ,YONGS SU 'DZIN PA DANG BRAL BAS TSUL KHRIMS NYAMS SHING SDUG BSNGAL BA NI SDIG PA'I GROGS POS YONGS SU ZIN PA ZHES BYA BA LA SOGS PA GSUNGS TE, TSUL KHRIMS NYAMS PA DANG 'TSO BA NYAMS PA LA SOGS PA NI SDIG PA'I GROGS PO STE, DKON MCHOG SPRIN LAS SDIG PA'I GROGS PO BCU BSHAD PA LTA BU'O, ,SDIG PA'I LAS NI KHA NA MA THO BA STE, DGE BA'I BSHES GNYEN DANG BRAL BAS DE LA 'JUG STE, DPER NA AU DUM W'A RA LTA BU'I MDO LAS BSHES GNYEN NGAN PAS BSLUS PA'I DBANG GIS KHA NA MA THO BA CHEN PO LA ZHUGS PA LTA BU'O, ,DE SPANG BAR BYA BA'I PHYIR YANG DAG PA'I BSHES GNYEN DANG LDAN PAR BYA BAS TSUL KHRIMS LA DGOD PA NI DGE BA'I BSHES GNYEN GYIS YONGS SU ZIN PA DANG ZHES BYA BA LA SOGS PA STE, CI'I PHYIR ZHE NA, DGE BA'I BSHES GNYEN NI TSANGS PAR SPYOD PA YONGS SU RDZOGS @245B PA YIN PAS, KUN DGA' BO TSANGS PA MTSUNGS PAR SPYOD PA NI TSANGS PAR SPYOD PA RIL GYIS YIN NO ZHES GSUNGS PA LTA BU DANG, 'PHAGS PA KLU SGRUB NYID KYIS JI SKAD DU, ,DGE BA'I BSHES GNYEN BSTEN PAS TSANGS PAR SPYOD, ,YONGS SU RDZOGS PAR THUB PA NYID KYIS GSUNGS, ,ZHES GSUNGS SO, ,DE LTAR NYES PA GNYIS DANG LDAN PAS BDE BA'I RGYU MA BSAGS PAS SDUG BSNGAL BAR 'GYUR BA NI BRKAM PA ZHES BYA BA LA SOGS PA GSUNGS TE, BDE BA'I RGYU NI DGE BA'I BSHES GNYEN DAM PA LA BRTEN PAS CHOS NYAN CING SEMS PA DANG, YANG DAG PAR DON BSGOM PA'O, ,DE LA BSHES GNYEN DAM PA LA BRTEN PA DANG, CHOS NYAN CING SEMS PA MED PAS SDUG BSNGAL GYI RGYU LA GNAS PA NI, BRKAM PA ZHES BYA BA LA SOGS PA GSUNGS PA STE, 'PHAGS PA'I SHES RAB NI THOS PA LAS BYUNG BA'I SHES RAB CHOS RAB TU RNAM PAR 'BYED PA'I BDAG NYID DE, DES MI SHES PA LA SOGS PA SIL BA'I PHYIR RO, ,DE MED PAS BRAL BA STE SPANGS PA'I THA TSIG GO, ,TSUL BZHIN YID LA BYED PA NI, ,'DOD CHAGS LA SOGS PA SUN 'BYIN PA'I PHYIR GNYEN PO SEMS PA'O, ,DE MED PAS BRKAM PA STE, DANG POR ZHEN PA'I PHYIR RO, ,CHAGS PA STE BAR DU MI 'BRAL BA'I PHYIR RO, ,CHOG MI SHES PA STE THA MAR YANG DANG YANG DU 'DOD PA'I PHYIR RO, ,DE SPANGS PA'I PHYIR THOS PA DANG BSAM PA'I SHES RAB LA 'GOD PA NI CHAGS PA SPANG BA DANG, 'PHAGS PA'I SHES RAB BSKYED PA'I PHYIR RO, ,YANG DAG PA'I DON BSGOM BA NI GNYIS TE, 'JIG RTEN DANG 'JIG RTEN LAS 'DAS PA STE YANG DAG PA'I LTA BA'O, ,DE LA DANG PO LAS DANG 'BRAS BU LA SKUR PA MI 'DEBS PAS CHAD PA'I MTHA' SPONG BA STE, DE MED PAS LAS KYI RNAM PAR SMIN PA LA MI LTA BA LA SOGS PA STE, RTAG PA NI MI 'GYUR BA'O, ,CHAD PA NI RGYUN CHAD PA STE, MDOR NA 'JIG RTEN PA'I YANG DAG PA'I LTA BA DANG BRAL BA'I DON TO, ,DE SPANG BA'I PHYIR 'JIG RTEN LAS 'DAS PA STE, YANG DAG PA'I LTA BA NI, RTEN CING 'BREL PAR 'BYUNG BA ZAB MO DANG ZHES BYA BA LA SOGS PA GSUNGS TE, ZAB PA NI TSU ROL PAS MI RTOGS PA'I PHYIR RO, ,BYAS PA CHUD MI ZA ZHING MA BYAS PA DANG PHRAD PAR MI 'GYUR BAS NA SKUR PA MI 'DEBS PA DE LA DGOD PA NI GZUD PA'O, ,SHES RAB NI RAB TU RNAM PAR 'BYED PA'I PHYIR, MI SHES PA'I GNYEN PO YIN PAS DE DANG BRAL BAS NI MA RIG PA DANG ZHES BYA BA LA SOGS PA GSUNGS TE, MA RIG PA @246A *, ,NI YOD PA'I NGO BO MA MTHONG BA STE, CI YOD CE NA, 'KHRUL PA SPANGS PA'I RANG BZHIN MI RTOG PA'I NGO BOR YOD PA'I PHYIR RO, ,GTI MUG CES BYA BA NI MED PA MTHONG BA'I DON TE, CI MED CE NA, BDAG LA SOGS PA MED PA'I PHYIR RO, ,LA LA NI DGAG BYA RNAM PAR BCAD PA TZAM LAS MA GTOGS PA'I BSGRUB PAR BYA BA MED PA YIN NAM, JI LTAR MI RTOG PA'I NGO BOR YOD PAR 'GYUR, BDEN MOD KYI, 'DIR YONGS SU GCOD PA'I NGO BO GANG YANG KHAS LEN PA MA YIN TE, CHOS NYID TZAM LA YOD PA'I MING GIS BTAGS PAR ZAD DO, ,DE LTA MA YIN NA 'KHRUL BA'I RGYU YANG JI LTAR 'THAD, MA RIG PA LA SOGS PA GTAN MED PA NYID KYIS 'KHRUL PA'I RGYUR GYUR PA NI MTHONG BA'I LAM GYIS SPANG BAR RIGS LA, YOD PA NYID NA GO JI LTAR SPANGS PAR 'GYUR MIG SER LA SOGS PAS DUNG SER PO LA SOGS PAR SNANG BA YANG NANG GI NGO BO YONGS SU SBYANGS PA YIN GYI, PHYI ROL DU JI LTAR GSAL, KHAB 'DZAG PA NYID SNANG BA YANG MED PA KHO NA LAS 'KHRUL GYI YOD PA YANG ZHIG LAS 'KHRUL, DES NA GNYIS DANG BRAL BA'I NGO BO'I DPE DUNG LTA BU LA GZUNG 'DZIN GYI SER PO LTA BU'O ZHES BYA BA YANG RIGS PA MA YIN NO, ,GAL TE MIG NAD BYANG BA'I TSE DER SNANG NA NI RUNG NA, MIG NAD BYANG BA'I TSE KHAB 'DZAG PA DE NYID GANG DU GNAS, 'KHRUL PA SPANGS PA'I DUS NA RJES KYI SHES PA MNGA' BA ZHIG NA, MA RIG PA'ANG JI LTAR LDOG PAR 'GYUR, DE MA LOG NA SANGS RGYAS ZHES GANG LA MING DU GDAGS ZHES ZER RO, ,LA LA NA RE 'PHAGS PA KLU SGRUB KYI DGONGS PA MA RTOGS PA 'GA' ZHIG DE SKAD DU ZER MOD KYI, GNYIS DANG BRAL BA'I RANG RIG PA NI NGES PAR YOD PA LUNG DANG RIGS PA LAS MNGON LA, DE MED PAR 'DZIN PA NI SKUR BA 'DEBS PA'I LEGS PAR MA ZIN PA'O ZHES 'PHAGS PA THOGS MED KYIS GSAL BAR GSUNGS LA 'PHAGS PA KLU SGRUB KYIS KYANG, MED PAR LTA BA NGAN 'GROR 'GRO, ,YOD PAR LTA BA BDE 'GROR 'GRO, ,YANG DAG JI BZHIN YONGS SHES NA, ,GNYIS LA MI BRTEN THAR PA YIN, ,ZHES BYA BA LA SOGS PA GSUNGS PA DE DAG GI RIGS PA NI 'OG NAS 'CHAD DO ZHES KYANG 'DOD DO, ,DA NI HA CANG SPROS NAS, DKYUS MA NYID BSTAN PAR BYA STE, DGONGS PA NI LONGS PAR GYUR PA'O, ,MED PA NYID GANG ZHE NA, BDAG DANG ZHES BYA BA LA SOGS PA GSUNGS TE, BDAG TU BRJOD PA RNAM @246B GRANGS SO, ,DE LA BDAG LA SOGS PA NI BSHAD ZIN TO, ,KHAM GYI ZAS KYIS GNAS PAS GSO BA'O, ,PU NI LUS LA BYA BAR 'DOD LA DE LA GNAS PAS NA PU RU shA STE SKYES BU'O, ,DE LTA BU'I MA RIG PA SPANGS PA'I PHYIR CHOS BSTAN PA NI 'PHAGS PA'I SHES RAB KYI MIG CES BYA BA STE, 'DI DAG GIS NA BDE BA'I RGYU MA BSAGS PAS SDUG BSNGAL BAR GYUR PA SPANGS PAR BSTAN TO, ,DA NI BSAGS PA PHYIN CI LOG GI SDUG BSNGAL GYI RGYUR GYUR PA SPANGS PA NI, 'KHOR BA LA MNGON PAR DGA' BA ZHES BYA BA LA SOGS PA STE, BSAGS PA'I DGE BA SRID PAR BSNGOS PA NI SDUG BSNGAL LA BDE BAR PHYIN CI LOG PAS NA SDUG BSNGAL GYI RGYUR GYUR PA STE, 'KHOR BA'I PHUNG PO LNGA'O, ,DE NYID SDUG BSNGAL BSKYED PAS BDE BA'I SROG 'PHROG PA NI GSHED MA LTA BU'O, ,DE SPANG BA'I PHYIR MYA NGAN LAS 'DAS PA LA DGOD PA NI, KHAMS GSUM LAS DBYUNG BA ZHES SMOS TE, KHAMS GSUM GYI SDUG BSNGAL SPANG ZHES BYA BA'I DON TO, ,BSAGS PA RGYUR MA GYUR PA NI BAR MA DOR ZAD PA LA BYA STE, 'BRAS BU MA PHYIN PA'I PHYIR RO, ,ZAD PA'I RGYU NI RNAM PA GNYIS TE, DGE BA'I BSHES GNYEN DANG BRAL BAS BDUD KYIS GNOD PAR BYAS PA DANG, DNGOS POR LTA BAS MTSAN MA LA GNAS PA'O, ,DANG PO NI BDUD KYI ZHAGS PAS BCINGS PA ZHES BYA BA STE, BDUD NI 'DIR LHA'I BU'I BDUD DE 'DOD PA'I KHAMS KYI GZHAN 'PHRUL DBANG BYED KYI LHA'O, ,DES JI LTAR ZAD PAR BYAS SHE NA, BCINGS PAS BCINGS ZHES BYA STE, DREGS PAR BYED PA LA SOGS PA'I PHYIR RO, ,DNGOS POR LTA BAS MTSAN MA LA GNAS PA NI, G-YO BA DANG ZHES BYA STE, G-YO BA NI RNAM PAR RTOG PA STE, MI BRTAN PAR BYED PA'I PHYIR RO, ,RLOM SEMS PA NI DNGOS POR LTA BA STE ZHEN PA'I PHYIR RO, ,DE SPANGS PA'I PHYIR RDZOGS PA'I BYANG CHUB LA 'GOD PA NI, RNAM PAR GROL BA ZHES BYA BA LA SOGS PA'O, ,DA NI DNGOS POR LTA BAS MTSAN MA LA GNAS PAS BSAGS PAS RGYUR MA GYUR BAR ZAD PA NYID BSTAN PA NI, MYA NGAN LAS 'DAS PA'I SGO BCAD CING ZHES BYA BA LA SOGS PA STE, DNGOS POR LTA BAS SBYIN PA LA SOGS PA LA YONGS SU MA SMIN PAR BYAS PA NI MYA NGAN LAS 'DAS PA'I SGO GCAD PAR BYA'O, ,DE LA SBYIN PA LA SOGS PA NI SGO LTA BU STE 'JUG PA'I PHYIR RO, ,YONGS SU MA SMIN PA NI BCAD PA LTA BU @247A *, ,STE; ZAD PAR BYAS PA'I PHYIR RO, ,JI LTAR ZAD PAR BYAS SHE NA, KHYIM PAS RAB TU BYUNG BA LA DANG, RAB TU BYUNG BAS RAB TU BYUNG BA LA DANG, KHYIM PA DANG RAB TU BYUNG BAS BYANG CHUB SEMS DPA' LA DANG, BYANG CHUB SEMS DPAS BYANG CHUB SEMS DPA' LA DANG, BYANG CHUB SEMS DPA' KHYAD PAR GYIS KHYAD PAR LA DANG, BYANG CHUB SEMS DPA' KHYAD PAR GYIS SPYI LA DANG, SPYI DANG LDAN PAS SPYI LA DANG, DE BZHIN DU MI SPEL BA DANG, MA THOB PA DANG, 'GYOD PA DANG, SBYAMS [?] PA DANG, THAG BSRINGS PA DANG, SNGAR BSTAN PA'I SRID PAR BSNGOS PA RNAMS NI ZAD PAR BYED PA'I RGYU YIN NO, ,DE SPANG BA'I PHYIR BYANG CHUB SEMS DPA' SNYING RJE BSGOM PA NI MYA NGAN LAS 'DAS PA'I SGO DBYE BA DANG ZHES BYA BA LA SOGS PA'O, ,MDO KUN LAS BTUS PA'I BSHAD PA LUNG GI TSAD MAS SBYAR BA LAS SNYING RJE RNYED PAR DKA' BA'I GTAM STE DRUG PA'O, ,SNYING RJE RNYED PAR DKA' BA BSHAD ZIN TO,, ,,DE LTAR BYANG CHUB TU SEMS BSKYED NAS DA NI BYANG CHUB KYI SEMS DE NYID MI NYAMS PAR RJES SU BSRUNG BA'I TSUL BSHAD PAR BYA STE, 'DIR NYAMS PA'I RGYU NI MI MTHUN PA'I PHYOGS SO, ,DE LTA BAS NA MI MTHUN PA'I PHYOGS SPANG BA BRJOD PAR BYA STE, GANG ZAG LA ZHE SDANG BA DANG, DAM PA'I CHOS SPONGS PA DANG, BDUD KYI LAS DANG, BRNYAS PA'I SEMS DANG, BAR DU GCOD PA'I CHOS BZHI NI MI MTHUN PA'I PHYOGS BYANG CHUB SEMS DPA'I SDOM PA DANG 'BREL BA'O, ,RTZA BA'I LTUNG BA BSTAN PA DAG NI PHAL CHER BYANG CHUB SEMS DPA'I SDOM PA DANG MA 'BREL PA'O, ,SDOM PA DANG MA 'BREL BA DAG CI'I PHYIR BSTAN CE NA, KHA NA MA THO BA CHEN PO'I MTSAN NYID BSTAN PAS GZHAN DGOS PA BSKYED PA'I PHYIR RO, ,DE'I PHYIR BYANG CHUB SEMS DPA'I SDOM PA DANG 'BREL PA'I MI MTHUN PA'I PHYOGS BAR DU GCOD PA'I CHOS SPANG BA BSTAN PA NI; 'DI DAG PAS KYANG ZHES BYA BA LA SOGS PA'O, ,DE NYID RGYAS PAR 'CHAD PA NI, ,DE LA ZHES BYA BA LA SOGS PA GSUNGS PA STE, RMA 'BYIN PA'I NYES PA NI, BYANG CHUB SEMS DPA'I SDOM PA DANG LDAN PAS, BYANG CHUB SEMS DPA' JI LTA BU RUNG BA LA NYES PA 'DIR 'GYUR ZHES BYA BA'I DON @247B TE; SDOM PA NYAMS PA'I GANG ZAG LA'ANG 'GYUR ZHES BYA BA'O, ,LA LA DAG NI THOB PA MA NYAMS PA LA'O ZHES 'DOD DE, BSLAB PA THAMS CAD KYI SPYI'I MTSAN NYID YIN PAS NA GZHAN DU NA HA CANG THAL BAR 'GYUR RO ZHES ZER RO, ,DE LTAR MA YIN TE, 'OG NAS KYANG DE LA RA'I SHING RTA LTA BUS 'GRO BA'I BYANG CHUB SEMS DPA' DANG, GLANG PO CHE'I SHING RTA LTA BUS 'GRO BA DAG NI NYAMS PA'O ZHES 'BYUNG BA'I PHYIR DANG, YANG JI LTA BU YANG RUNG ZHES BYA BA'I SGRA DANG, LUNG LAS KYANG DRI MA DANG KLAN KA'I DPES BSTAN PA'I PHYIR RO, ,'O NA DGE BSNYEN LA SOGS PA CI'I PHYIR BSHAD CE NA, NYES PA 'BRING DU BSTAN PAS YUL BYANG CHUB SEMS DPA' DAG NI SHIN TU NYES PA LCI BA DANG 'OG MA DAG KYANG SPANG BA'I PHYIR NYES PA MED DO, ,DE LA SEMS CAN RNAMS KYI DGE BA'I RTZA BA NI SROG GCOD PA SPANG BA LA SOGS PA DKAR PO'I CHOS RNAMS SO, ,STON PA GZHAN LA MI BRTEN PA NI, SKYABS GSUM BLANGS PA'I PHYIR RO, ,DGE BA'I RTZA BA NI MI DANG LHA 'GRUB PA'I RGYU LA'O, ,DGE SLONG NI GSOL BA DANG BZHI'I LAS KYIS BSNYEN PAR RDZOGS PA'O, ,DGE BA'I RTZA BA NI MYA NGAN LAS 'DAS PA'I RGYUR BSNGOS PA LA BYA'O, ,DAD PAS RJES SU 'BRANG BA NI GANG ZAG LA YID CHES PAS 'JUG PA'O, ,CHOS KYI RJES SU 'BRANG BA NI RANG GI SHES RAB GTZOR BYED PA'O, ,BRGYAD PA NI GRANGS KYI BRGYAD PA'O, ,RGYUN DU ZHUGS PA NI MTHONG LAM THOB PA'O, ,LAN CIG PHYIR 'ONG BA NI 'DOD PA'I KHAMS SU SKYE BA GCIG LUS PA'O, , PHYIR MI 'ONG BA NI 'DOD PA'I KHAMS KYI SKYE BA ZAD PA'O, ,DGRA BCOM PA NI SRID PA'I RTZE MO'I SPANG BYA RNAMS KYANG SPANGS PA'O, ,RANG SANGS RGYAS NI RTEN CING 'BREL PAR 'BYUNG BA NYID KYIS RTOGS NAS 'BRAS BU THOB PA'O, ,RA'I SHING RTA LTA BUS 'GRO BA DANG, GLANG PO CHE'I SHING RTA LTA BUS 'GRO BA NI SO SO'I SKYE BO MI BRTAN PA'O, ,ZLA BA DANG NYI MA LTA BUS 'GRO BA NI, SO SO'I SKYE BO BRTAN PA'O, ,NYAN THOS KYI RDZU 'PHRUL LTA BUS 'GRO BA NI, SA DANG PO NAS SA BDUN PA'I BAR DU'O, ,DE BZHIN GSHEGS PA'I RDZU 'PHRUL LTA BUS 'GRO BA NI RNAM PAR SMIN PA'I SAS @248A *, ,BSDUS PA'O, ,DE LTAR NA SO SO'I SKYE BO BSTAN PA NAS BZUNG STE BSKAL BA GRANGS MED PA DANG PO NI MYUR BA'I DBANG DU BYAS PA'O, ,SA DANG PO NAS BDUN PA'I BAR DU BRTAN PA NI NGES SHING BRTAN PA'I DBANG DU BYAS PA'O, ,SA BRGYAD PA NAS BCU PA'I BAR DU NI SHIN TU BUL BA'I DBANG DU BYAS PA STE, DE LTAR BSKAL PA GRANGS MED PA GSUM DU RIG PAR BYA'O, ,MYUR BA SMOS PAS SHIN TU MYUR BA SRID PA YIN NAM ZHE NA, MA YIN TE, DPER NA DE BZHIN GSHEGS PA SKAR RGYAL LA DE BZHIN GSHEGS PA SH'AKYA THUB PAS BYA'I BRTUL ZHUGS KYIS GNAS TE, TSIGS SU BCAD PA GCIG GIS BSTOD PA LTA BUS KYANG BSKAL PA MANG POR 'DUMS SU ZAD KYANG GRANGS MED PA NI, SUS KYANG 'DUMS PA MI SRID PA'I PHYIR RO, ,SO SO'I SKYE BO BSTAN PA NI 'DI GANG LA BYA ZHE NA, KHA CIG NA RE NGES PAR 'BYED PA'I CHA DANG MTHUN PA LA BYA'O ZHES ZER RO, ,KHA CIG NI TSOGS KYIS NAS BZUNG BAR 'DOD DO, ,LA LA NI BZOD PA THOB NAS 'DOD MOD KYI 'DIR NI DANG PO BRDA'I SEMS BSKYED PA NYID NAS 'DOD DE GZHAN DU NA 'PHAGS PA THOGS MED KYIS MOS PAS SPYOD PA'I SA PA THAMS CAD KYANG MI BRTAN PAR GSUNGS PA'I PHYIR RO, , BSKAL PA NI BSKAL PA CHEN PO LA 'DOD DO, ,GRANGS MED PA ZHES BYA BA NI GRANGS KYI GNAS DRUG CUR PHYIN PA LA 'DOD DO, ,CI'I PHYIR GRANGS MED PA ZHES BRJOD CE NA 'OG MA DAG TU NI GRANGS KYI KHYAD PAR GYI MING CHOS MNGON PA LAS GSUNGS TE, GRANGS NI, RKYANG PA DANG, KHUG PA'O, ,DE LA GRANGS RKYANG PA NI GCIG DANG BCU DANG, BRGYA DANG, STONG DANG, KHRI DANG, 'BUM DANG, SA YA DANG, BYE BA DANG, DUNG PHYUR TE GNAS DGU'O, ,KHUG PA'I GNAS NI GSUM TE, THER 'BUM DANG, KHRAG KHRIG DANG, RAB BKRAM DANG, GTAMS DANG, DKRIGS DANG, MI 'KHRUGS PA DANG, KHYAD SBYIN DANG, DPANG STENG DANG, DED 'DREN ZHES BYA BA DGU STE, CHEN PO DGU BSNAN PAS KHUG PA DANG PO'O, MTHA' SNANG DANG, RGYU RIG DANG, 'OD MDZES DANG, DBANG PO DANG, LEGS BYIN DANG, RTOGS 'GRO DANG, 'GYING BRTUL DANG, RTA RGYAGS DANG, STOBS 'KHOR TE DGU NI SNGA MA LTAR CHEN PO DGU @248B BSNAN PA NI KHUG PA GNYIS PA'O, ,BRDA' SHES DANG, RNAM 'BYUNG DANG, STOBS MIG CES BYA BA GSUM NI, SNGA MA LTAR CHEN PO GSUM BSNAN PAS KHUG PA GSUM STE, DE LTAR NA RKYANG PA DGU DANG, KHUG PA'I GNAS GSUM DU GRANGS BZHI BCU RTZA GNYIS TE, BSDU NA LNGA BCU RTZA GCIG NI MNGON PA LAS SNANG NGO, ,LHAG MA GRANGS BRGYAD NI GZHUNG DU MI SNANG MOD KYI 'ON KYANG KHUG PA'I GNAS SU BRGYAD BSNAN NA, LNGA BCU RTZA DGU NI GRANGS KYI MING DU BTAGS LA, DRUG CU PA NI DE LTA BU'I MING LAS GSUNGS PAS GRANGS MED PA ZHES BYA'O ZHES SLOB DPON DBYIG GNYEN GYIS BSHAD DO, ,DE LA DAD PAS RJES SU 'BRANG BA LA SOGS PA RNAMS KYI DGE BA'I RTZA BA NI RANG RANG GI 'BRAS BU GANG MA THOB PAR 'DOD PA'O, ,DGRA BCOM PA DAG NI GZHAN LA DMIGS PA LA BYA'O, ,RANG SANGS RGYAS DAG NI GNYIS LA DMIGS PA LA BYA'O, ,BYANG CHUB SEMS DPA' DAG NI SANGS RGYAS DANG SEMS CAN GYI DON 'DOD PAS KHYAD PAR BYAS PA'I DGE BA'I RTZA BA GANG YANG RUNG BA'O, ,'DIR DGE BA'I RTZA BA DAG NI SBYIN PA DANG TSUL KHRIMS DANG BSGOM PA LAS BYUNG BA'O, ,KHROS PA NI ZHE SDANG BA'O, ,BRNYAS PA NI KHYAD DU BSAD PA'O, ,DPE GZHAN GYIS BSTAN PA NI GANG LA LA ZHIG CES BYA BA LA SOGS PA STE, SEMS CAN NI LOG SRED CAN LA SOGS PA'O, ,BYANG CHUB SEMS DPA' NI LAS DANG PO BA THEG PA CHEN PO LA MOS PA TZAM YOD PA'O, ,SPYO BA NI TSIG GIS GSHE BA'O, ,BRGYAD PA NI TSUL KHRIMS NYAMS PA LA SOGS PAS MA TSANG 'DRU BA'O, ,NYAMS PA NI DBYUG PA DANG MTSON DANG BONG BA LA SOGS PAS BRDEG PA'O, ,RKYEN DE LAS 'BRAS BU CI MYONG ZHE NA; GANG LA LA ZHES SMOS TE, RKYEN GANG YANG RUNG BA NI TSUL KHRIMS DANG, 'TSO BA NYAMS PA LA SOGS PA'I RKYEN GYIS SO, ,KHYAD DU BSAD PA NI SEMS CAN GYI BSGRUB PA'I KHYAD PAR RO, ,SPYO BA NI SNGA MA LTAR NGAG GI KHYAD PAR RO, ,'BRAS BU NYID RNAM PAR SMIN PA'I 'BRAS BU NI, SEMS CAN DMYAL BA NGU 'BOD CHEN PO ZHES SO; ,NGU 'BOD CHEN PO NI GRANGS KYI GNAS GZHAN LNGA PA'I MING NGO, ,SDUG BSNGAL JI LTA BU MYONG BA ZHE NA, LUS DPAG TSAD LNGA BRGYA PA ZHES BYA BA LA SOGS PA GSUNGS SO, ,SDUG BSNGAL NYID MTSON PA NI LCAGS KYI THONG GSHOL 'BAR BA ZHES SMOS SO, ,'DIR LA LA DAG NI KHYAD DU BSAD DE SPYOS PA'I 'BRAS BU YIN @249A *, ,GYI GONG MA'I 'BRAS BU MA YIN TE, LHAG MA RNAMS KYANG DE BZHIN DU RIG PAR BYA'O ZHES 'DOD DO, ,STONG GSUM GYI STONG CHEN PO'I ZHES BYA BA NI, GLING BZHI PA DANG NYI ZLA DANG, ,RI RAB DAG NI 'DOD LHA DANG, ,TSANGS PA'I 'JIG RTEN STONG LA NI, ,STONG NI SPYI PHUD YIN PAR 'DOD, ,DE STONG LA NI STONG GNYIS PA, ,BAR MA'I 'JIG RTEN KHAMS YIN NO, ,DE STONG LA NI STONG GSUM STE, MNYAM DU 'JIG CING 'BYUNG BA YIN, ,ZHES BYA BA'O, ,THEG PA CHEN PO NYID LAS GZHI BLANGS PA NI, THEG PA CHEN PO NI SANGS RGYAS KYI BKA' MA YIN ZHES SPONG BA'O, ,NYES PA SKYE BA'I RGYU'I MTSAN NYID NI, DE CI'I PHYIR ZHES RGOL BA LA, LAN NI DE BZHIN GSHEGS PA THAMS CAD NI ZHES BYA BA STE, RGYU SPANGS PAS 'BRAS BU BCOM PA YIN PAS NA, DE BZHIN GSHEGS PA LA GNOD PA BYAS PA PAS BYANG CHUB SEMS DPA' LA GNOD PA BYAS PA NYES PA CHE BAR MI 'THAD PAS MA YIN NO ZHES BYA BA'I DON TO, ,THEG PA CHEN PO DAG NI SANGS RGYAS KYI BKA' MA YIN TE, MDO SDE LA MI 'JUG CING 'DUL BA LA MI SNANG STE CHOS NYID DANG 'GAL BA'I PHYIR ZHES BYA BA LA SOGS PAS NA SKUR BA 'DEBS PA'O, ,MI 'KHOR BAR BYED CING SUN 'BYIN PAS NA SPONG BA'O, ,GANG ZAG LA SKUR BA 'DEBS PA JI LTAR SPONG ZHE NA, CHOS GZHAN MA YIN ZHES BYA BA LA SOGS PA STE, CHOS DANG GANG ZAG THA MI DAD PA'I PHYIR RO ZHES BYA BA'I DON TO, ,'DZAM BU'I GLING ZHES BYA BA NI SHING GI BYE BRAG LAS MING BTAGS PA STE, DPAG TSAD DRUG STONG PHYED DANG BZHI'I NANG DU CHUNG BA'I GLING GI MING NGO, ,CI 'DRA YANG RUNG BA NI TSUL KHRIMS TE SO SOR 'CHAL PA LA YANG ZHES BYA BA'I DON TO, ,SO SO'I SKYE BO ZHES BYA BA YIN NO; ,DPE 'DI DAG NI BCOM LDAN 'DAS KYIS 'KHOR GYI BSAM PA LA DGONGS NAS THA DAD DU BSTAN GYI RTOGS PA'I BYE BRAG GIS NI MA YIN TE, THAMS CAD LAS DANG PO PA KHO NA LA YIN NO ZHES BYA'O, ,NYES PA 'DI DAG BYANG CHUB SEMS DPA'I SDOM PA DANG 'BREL BAR CI MNGON ZHE NA, 'PHAGS PA BYAMS PA SENG GE SGRA'I MDO LAS KYANG ZHES GSUNGS PA YIN NO, ,LAS DANG PO PA YIN PAR CI MNGON ZHE NA, GAL TE DES THAMS CAD MKHYEN PA YONGS SU MI GTONG ZHE NA ZHES GSUNGS PAS SO, ,NYON MONGS PA DAG NI SNA TSOGS PA MA YIN NAM CI'I PHYIR ZHE SDANG KHONG NAS RMA 'BYUNG ZHING SMAS PAR 'GYUR ZHE NA, BYANG @249B CHUB SEMS DPA' DAG NI ZHE SDANG KHO NAS LHUNG BAR 'GYUR GYI, LHAG MAS NI MA YIN GYI, DES GZHAN YONGS SU GTONG BAR 'GYUR LA BTANG NA TSUL KHRIMS 'CHAL ZHING DGE BA'I RTZA BA 'CHAD PA'I PHYIR RO, ,'DOD CHAGS DAG NI DE LA MA YIN TE, GZHAN SDUD PAR 'GYUR LA, DES NA BYANG CHUB SEMS DPA'I BYA BA NI GZHAN YONGS SU SDUD PAS MCHOG GO , ,LUNG LAS KYANG BYANG CHUB SEMS DPA'I LTUNG BA NI ZHE SDANG LAS 'BYUNG NGO ZHES PA DANG, YANG BYANG CHUB SEMS DPA'I LTUNG BA NI GNYIS TE, ZHE SDANG DANG, GTI MUG GO ZHES 'BYUNG BA YANG BYANG CHUB SEMS DPA' THABS LA MKHAS PA NI, ZHE SDANG GIS 'JIGS LA THABS MI MKHAS PA NI 'DOD CHAGS KYI LTUNG BAS 'JIGS SO ZHES 'BYUNG BAS ZHE SDANG KHO NA RMA 'BYIN PAR BSTAN PA NI, 'JAM DPAL RNAM PAR ROL PA'I MDO LAS KYANG ZHES BYA BA'O, ,'O NA DE LTAR KHONG KHRO BAS DGE BA'I RTZA BA ZAD PA JI LTA BU DPE STON CIG CE NA, BYANG CHUB SEMS DPA' CHOS SMRA BA RAB TU DGA' BA'I DBANG PO LA BYANG CHUB SEMS DPA' RGYAL BA'I BLO GROS MA DAD CING, KHONG KHRO BA BSKYED PAS SEMS CAN DMYAL BA CHEN POR LTUNG BAR GYUR CING ZHES 'BYUNG BA DANG, SDONG PO BKOD PA LAS KYANG DE DAG PHAN TSUN BRNYAS PA'I SEMS KYI NYES PAS TSE DANG 'OD DANG KHA DOG LAS NYAMS PAR GYUR TO ZHES 'BYUNG BAS; KHONG KHRO BA DANG BRNYAS PA DAG NI DGE BA'I RTZA BA ZAD PA'I RGYUR GSAL BAS DE BSTAN PA NI ZLA BA SGRON MA LAS KYANG ZHES GSUNGS SO, ,DE LA DGE BA'I RTZA BA DAG NI RNAM PA GSUM STE, SBYIN PA LAS BYUNG BA DANG, TSUL KHRIMS LAS BYUNG BA DANG, BSGOM PA LAS BYUNG BA'O, ,DE LA SBYIN PA LAS BYUNG BA NI RNAM PA GNYIS TE, PHAN 'DOGS PA DANG, YON TAN GYI ZHING LAS BYUNG BA NI SBYIN PA DANG SANGS RGYAS MCHOD PA'O, ,LA LA DAG NI SBYIN PAR BYED MI NUS PAS LONGS SPYOD LA CHAGS NA DE'I GNYEN PO SANGS RGYAS MCHOD PA YIN PAS NA SBYIN DANG SANGS RGYAS MCHOD PA ZHES SMOS SO ZHE'O, ,TSUL KHRIMS NI TSUL KHRIMS LAS BYUNG BA'O, ,THOS PA LA SOGS PA NI BSGOM PA LAS BYUNG BA STE, THOS PA'I DON SGOM PAR BYED PA NI LUS DANG SEMS 'DU 'DZI DANG RNAM PAR RTOG PA LAS DBEN PAR BYA BAS NA, DGON GNAS SMOS SO, ,DE LTAR RMA 'BYIN PA'I NYES PA BSTAN NAS, DA NI DANG BA'I PHAN YON BSTAN @250A *, ,PA'I PHYIR DE LTAR ZHES BYA BA LA SOGS PA GSUNGS TE, BSAM PA RNAM PAR DAG PAS NA BYAMS PA'O, ,SBYOR BA BZANG PO NI MIG BSKYED PA'O, ,MOS PA NI LAS DANG PO PA'O, ,DAD PA NI DANG BA'I DAD PA'O, ,BSNGAGS PA NI YON TAN NO, ,DE NYID NGES DON GYI LUNG NI DAD PA'I STOBS BSKYED PA'I MDO LAS ZHES BYA BA'O, ,BSLAB PA NI KHRIMS LNGA LA SOGS PA'O, ,DE LA YUL DMAN PAS NA DGE BSNYEN NO, ,DUS THUNG BAS NA NYIN GCIG GO , ,DNGOS PO DMAN PAS NA ZAN ZHES SMOS SO, ,NYUNG BAS NA GCIG CES SMOS SO, ,CHOS GRANGS MED PA NI SNGA MA YUL MANG BAS 'JIG RTEN GYI KHAMS RDUL SNYED DANG, DUS RING LA BSKAL PA GANG G'A'I BYE MA SNYED DANG, RTAG PAS NA NYIN RE ZHING DANG, DNGOS PO BZANG BAS LHA'I ZAS DANG GOS BYIN PA ZIL GYIS GNON CES BYA'O, ,DE BZHIN GSHEGS PA MTHONG BA TZAM YANG BSOD NAMS MANG DU 'PHEL BA CI'I PHYIR ZHE NA, BSOD NAMS DANG YE SHES MTHAR PHYIN PAS NA DE'I 'BRAS BU NI DON MED PA MA YIN TE, LUNG LAS KYANG, SANGS RGYAS KYI SGRA YANG DON MED PA MA YIN TE, MYA NGAN LAS 'DAS PA'I RGYUR 'GYUR RO ZHES GSUNGS NA GZUGS MTHONG NA CI'I PHYIR MI 'GYUR, DGE 'DUN ZHES BYA BA NI BDUD LA SOGS PAS MI PHYED PA'I PHYIR TE; SANGS RGYAS CHOS DANG DGE 'DUN RNAMS, ,BDUD RNAMS BYE BA BRGYA YIS KYANG, ,GANG PHYIR DBYE BAR MI NUS PA, ,DE PHYIR DGE 'DUN ZHES BYA'O, ,ZHE'O, ,NYAN THOS SMOS PA NI RTAG PA'I PHYIR RO, ,YANG NA DANG BA'I 'BRAS BU CAN YIN PAS SO, ,YANG NA SDOM PA MTSUNGS PAS SO, ,YANG NA MI PHYED PAS SO, ,YANG NA YON TAN DANG LDAN PAS SO, ,YANG NA SPANGS PA 'DRA BAS SO, ,YANG NA GRANGS MANG BA'I PHYIR RO, ,YANG NA MI BRTEN PA MA YIN PAS SO, ,BCOM LDAN 'DAS 'KHOR DANG BCAS PA LA BSNYEN BKUR DUS DE TZAM DU DNGOS PO BZANG PO DANG MANG POS BYAS PA PAS BYANG CHUB SEMS DPA' LA BYAS PA BSOD NAMS CHE BA CI'I PHYIR ZHE NA, LA LA NA RE RGYU GTZO BO YIN PAS RGYU MCHOG TU BSHAD DE, BYANG CHUB SEMS DPA' LAS DE BZHIN GSHEGS PA, DE BZHIN GSHEGS PA LAS NI NYAN THOS 'BYUNG BAR GSUNGS PA'I PHYIR RO ZHES ZER RO, ,LA LA NI BYANG CHUB @250B KYI SEMS BSNGAGS PAR BSTAN PA'I PHYIR ZHES ZER RO, ,RA'I SHING RTA LTA BU'I BSAM PA PHUN SUM TSOGS PA GANG ZHE NA, DANG BA'I BSAM PA LA BYA'O, ,CI'I PHYIR ZHE NA, RGYUN GYI BSAM PA NI PHUN SUM TSOGS PA MA YIN LA, GAL TE DE LTAR YIN NA RA'I SHING RTA LTA BU ZHES JI SKAD BRJOD, SANGS RGYAS LA DGE BA'I RTZA BA BSKYED PA ZHES BYA BA NI SANGS RGYAS LA DMIGS PA'I SBYIN PA LA SOGS PA'O, ,DE LTAR DANG PO'I PHAN YON BSTAN NAS DA NI NGES PA DANG MA NGES PA'I BYANG CHUB SEMS DPA' RNAMS KYI MTSAN NYID BSTAN PA NI, BYANG CHUB SEMS DPA' 'DI LTA STE, ,ZHES BYA BA LA SOGS PA STE, SANGS RGYAS KYI ZHING NI STONG GSUM GYI STONG CHEN PO'O, ,PHYIR PHUL BA ZHES BYA BA NI, DANG PO'I SA'I CHA NAS PHYIR DED PA'O, ,BRJOD DU MED PA'I YANG BRJOD DU MED PA ZHES BYA BA NI GRANGS KYI MTHA' THUG PA STE, DE'I GONG NA GRANGS KYI MING GZHAN MED PAS JI SKAD DU, BRJOD DU MED PA'I BRJOD DU MED PA NI, BRJOD DU MED PAS THAMS CAD TSANG BAR 'GYUR ZHES GSUNGS PA LTA BU'O, ,DE MA YIN PA DE'I 'OG MAR NI GRANGS KYI GNAS GZHAN MING GIS BRJOD PA STE, JI SKAD DU MDO SDE LAS, GRANGS KYI GNAS NI GNYIS TE, KHUG PA DANG, RKYANG PA'O, ,RKYANG PA NI BRGYA BCU DRUG STE, BYE BA DANG, KHOD KHOD DANG, THAD DGU DANG, KHRIG KHRIG DANG, THAMS THAMS DANG, MYAD MYID DANG, GANG YA DANG, BAN BUN DANG, PHYAR PHYUR DANG, LCAG LCIG DANG, BYANG BYING DANG, CHEM CHEM DANG, PHYAL PHYOL DANG, KHYAD KHYUD DANG, ZER ZER DANG, KHRIB KHRIB DANG, YA GANGS DANG, CHO MA DANG, KHRAM KHRIM DANG, NAB NUB DANG, SANG SANG DANG, BRGYUD YAS DANG, GTANG YAS DANG, BKRA YAR DANG, GSA' YAS DANG, MI MTSUNGS DANG, LAM LUM DANG, YAM YOM DANG, KHRAL KHRUL DANG, THAD THUD DANG, BSAM PHYOD DANG, BRANG BRENG DANG, BGROD YAS DANG, BSNGO YAS DANG, ZANG YAG DANG, 'PHRO BKYE DANG, RTZE 'PHYO DANG, YON TAN DANG, 'BRUG G-YOS DANG, SANG YAL DANG, MTHING YUG DANG, YID 'PHYO DANG, NAB NEB DANG, KHRIG THAMS DANG, YAL YAL DANG, BGRANG YAS DANG, THUG YAL DANG, SHANG SHANG DANG, YAG YAG DANG, THAM THIM DANG, RLOM BSNYAL DANG, GZHAL 'PHYO DANG, GZHAL YAL DANG, GZHAL MED @251A *, ,DANG; GZHAL 'KHOR DANG, GZHAL THIM DANG, GAR GZHAL DANG, GZHAL SANGS DANG, GZHAL THAG DANG, GZHAL PHUL DANG, GZHAL GZHI DANG, 'PHYO 'GYUR DANG, NYAR NYER DANG, PHYAG PHYIG DANG, ZAL ZUL DANG, SAL SAL DANG, G-YO LDEG DANG, PHAN PHUN DANG, BRNANG YA DANG, REM 'GROL DANG, RDZI NGAD DANG, RDZI RDUL DANG, PHUN YOL DANG, NGAD NGAD DANG, BGRANG RTZI DANG, ZAB BGRANG DANG, DGA' BRKYANG DANG, GZHUNG MDA' DANG, 'KHRUL CHAD DANG, 'OL PHYOD DANG, GDAB YAS DANG, GCAL YAS DANG, BGRANG YAS DANG, BYIM 'PHYO DANG, YA ME DANG, BSNYAL YAS DANG, LDAB LDEB DANG; 'BAN CHAD DANG, PHANG PHUNG DANG, KHYE'U CHANG DANG, ZHUNG ZUNG DANG, MCHOG YAL DANG, MTHA' BRTUL DANG, YUN 'GYANGS DANG, BUN LOB DANG, LAM LOB DANG, BSNYAD YAS DANG, LANG LING DANG, LJAB LJIB DANG, MI BRTZAL DANG, 'BYAM YAS DANG, NGA 'GRANG DANG, SMOS YAS DANG, BKRA CHAL DANG, LO RGYAS DANG; 'BUM RDIB DANG, GAM GUM DANG, LA LO DANG, BGRANG 'PHYOS TE DE'I STENG DU RTZA BA'I GRANGS BDUN BSNAN NA BRGYA BCU DRUG NI GRANGS RKYANG PA'I DBANG DU BYAS PAS SO, ,KHUG PA'I GNAS NI BCU STE, DPAG YAS DANG, YAL PHYONG DANG, MU YAL DANG, BGRANG YOL DANG, MI 'JAL DANG, BSAM PHYOD DANG, MTHA' 'BYAM DANG, DPAG THAG DANG, BRJOD DU MED PA DANG, BRJOD DU MED PA'I YANG BRJOD DU MED PA STE, DE'I STENG DU BGROD 'PHYOS LA BSGRES PA LA SOGS PA NAS BRJOD DU MED PA BSGRES PA'I BAR DU BCU BSNAN PA NI KHUG PA'I GNAS BCU STE, NYI SHU DANG SPYIR SDOM NA BRGYA SUM CU RTZA DRUG TU NI MING GIS BSTAN PAS SO, ,DPE DE NYID SBYAR BA NI, DE BZHIN DU ZHES BYA BA LA SOGS PA STE, THOS PA'I DBANG DU BYAS PA NI KHA TON BYED PA DANG, KLOG PA DANG, 'DZIN PAR BYED PA'O, ,BSAM PA'I DBANG DU BYAS PA NI, ,TSUL BZHIN YID LA BYED PA'O, ,DPYOD PA NI SHES RAB KYIS ZHIB TU RNAM PAR 'BYED PA'O, ,KUN CHUB PAR BYED PA NI MA LUS PAR 'DZIN PA'O, ,DE LA TSUL DMAN PA LA SPYOD PA DANG, 'DRE BA LA SPYOD PAS NA DPE GNYIS BSTAN NO, ,RANG BZHIN GYI RIGS DANG LDAN ZHING SEMS BSKYED PAS NA THEG PA CHEN PO PA'O, ,BSAM PA RGYA CHE BAS NA MOS PA'O, ,SBYOR BA RGYA CHE BAS KLOG PA DANG, YONGS SU 'DZIN PA'O, ,DE LA @251B KLOG PA NI GZHUNG GI BDAG NYID DO, ,'DZIN PA NI DON RNAM PAR SEMS PA'O, ,GUS PA NI SEMS KYI KHYAD PAR RO, ,ZHE SA NI LUS DANG NGAG GI'O, ,GZHOL BA NI MOS PA'O, ,'BAB PA NI LHAN CIG SPYOD PA'O, ,BRTEN PA NI 'GROGS PA'O, ,TSOL BA NI NYAN PA'O, ,'DZIN PA NI DON MI NYAMS PAR BYED PA'O, ,'CHANG BA NI GLEGS BAM MI GTONG BA'O, ,DE LTAR SGRUB PAS BSTI STANG BYED PA BSTAN NAS, ZANG ZING GIS BSTI STANG BYED PAR BSTAN PA NI, RAB TU GUS PAS ME TOG DANG ZHES BYA BA LA SOGS PA'O, ,BYANG CHUB SEMS DPA'I SPYOD PA'I GTZO BO NI GZHAN LA GUS PA YIN PAS MI BRNYAN PA ZHES SMOS SO, ,PHA ROL TU PHYIN PA DRUG NI ZAB PA DANG RGYA CHE BA'O, ,YANG KUN RDZOB KYI BDEN PA DAG NI ZAB PA YIN LA, DON DAM PA'I BDEN PA STON PA DAG NI RGYA CHE BA YIN NO ZHES KHA CIG 'DOD DO, ,BDEN PA GNYIS DANG LDAN PA'I CHOS MI SPONG BAS MOS PA'O, ,THEG PA CHEN PO'I DON NI SHES RAB DANG SNYING RJE'O, ,YANG NA PHA ROL TU PHYIN PA DRUG GO, ,YANG NA ZAB PA DANG RGYA CHE BA'I DON TO, ,'PHAGS PA THOGS MED KYIS NI SEMS BSKYED PA LA SOGS PA RNAM PA BDUN BSHAD DO, ,'PHAGS PA KLU SGRUB KYIS NI PHA ROL TU PHYIN PA DRUG DANG SNYING RJE LA BSHAD DO, ,LANG KAR GSHEGS PA LAS NI, CHOS LNGA DANG NI RANG BZHIN DANG, ,RNAM PAR SHES PA BRGYAD NYID DANG, ,BDAG MED PA NI RNAM GNYIS KYIS, ,MA LUS THEG PA CHEN PO BSDUS, ,ZHE'O, ,DE LA CHOS LNGA NI MING DANG, RGYU MTSAN DANG, RNAM PAR RTOG PA DANG, DE BZHIN NYID DANG, YANG DAG PA'I YE SHES DANG, KUN BRTAGS PA DANG, GZHAN GYI DBANG DANG, YONGS SU GRUB PA NI RANG BZHIN NO, ,'PHAGS PA BYAMS PA'I ZHAL NAS NI, SA BON DANG, 'JUG PA DANG, BSGRUB PA DANG, GO RIMS DANG, 'BRAS BU DAG NI THEG PA CHEN PO YIN TE, RIGS NI SA BON NO, ,'JUG PA NI SEMS BSKYED PA'O, , SGRUB PA NI RANG DANG GZHAN GYI DON TO, ,GO RIMS NI PHA ROL TU PHYIN PA DRUG GO, ,'BRAS BU NI BYANG CHUB KYI DON TE, DE'I PHYIR, THEG PA MCHOG BSTAN PA YI RNAM PA CHOS KYIS 'GRO BA'I SEMS CAN LA, ,'BYOR PA'I DON TSUL BLA MED GYUR PA RNAM PA LNGA YI BDAG NYID STON, ,ZHES GSUNGS @252A *, ,SO; ,MKHAS PA NI PHYIN CI MA LOG PAR SHES PA'O, ,MI G-YO BAS NA RTAG TU'O, ,SKYABS NI MTHO RIS DANG BYANG GROL LO, ,BYANG CHUB KYI SEMS NI SMON PA DANG, 'JUG PA'O, ,BYAMS PA NI PHAN PAR 'DOD PA'I SEMS SO, ,SNYING RJE NI SDUG BSNGAL BSAL BA'I SEMS SO, ,PHA ROL TU PHYIN PA DRUG NI SBYIN PA LA SOGS PA'O, ,RTON PA BZHI NI THOS PA DANG, ,BSAM PA DANG, SGOM PA'I GNAS SKABS GSUM DU CHOS DANG, DON DANG, NGES PA'I DON DANG, YE SHES LA RTON GYI GANG ZAG DANG, TSIG DANG, DRANG BA'I DON DANG, RNAM PAR SHES PA LA MI RTON PA'O, ,BSDU BA'I DNGOS PO NI SBYIN PA DANG, SNYAN PAR SMRA BA DANG, DON SPYOD PA DANG, DON MTHUN PA'O, ,RANG GI LAM LA GZHAN SBYOR BA NI GZHAN YANG ZHES BYA BA'O, ,DA NI CHOS SPONG BA'I NYES PA BSTAN PA'I PHYIR DAM PA'I CHOS SPONG BA NI GSUNGS TE, GANG ZAG GANG GIS SPONG ZHE NA, BYANG CHUB SEMS DPA'I THEG PA PA ZHES SMOS SO, ,DUS NAM GYI TSE SPONG ZHE NA, SANGS RGYAS BYE BA KHRAG KHRIG CES BYA BA LA SOGS PA GSUNGS TE, BZOD PA MA THOB CING MOS PA YONGS SU MA RDZOGS PA NI, SANGS RGYAS MTHONG YANG KHA NA MA THO BA'I LAS CHEN PO LA 'JUG PA SRID PAS NA DE SMOS SO, ,DMIGS PA'I TSUL ZHES BYA BA NI 'KHOR GSUM YONGS SU DAG PA DANG MI LDAN PA'I PHYIR RO, ,GANG SPONG BA ZHE NA, SHES RAB KYI PHA ROL TU PHYIN PA ZAB MO 'DI ZHES SMOS SO, ,RI MO BYED PA NI SANGS RGYAS KYI BKA' MA YIN ZHES YONGS SU SPONG BA'O, ,JI LTAR RI MO BYED CE NA, , 'KHOR DU 'ONGS NA YANG LUS DANG SEMS KYIS MTHUN PAR MI SPYOD CES BYA BA STE, 'KHOR NI DGE SLONG LA SOGS PA'O, ,'ONGS PA NI CHOS KYI MKHAN PO'I GSANG DRANG BA'I PHYIR LHAGS PA'O, ,'DUD PA LA SOGS PA MED PAS LUS KYIS MTHUN PAR MI BYED PA'O, ,CHOS MA YIN NO ZHES SPONG BAS SEMS KYIS MTHUN PAR MI BYED PA'O, ,DES NYES PA CIR 'GYUR ZHE NA, MTHONG BA'I CHOS LA SOGS PA NI, 'CHAL BA'I SHES RAB TU 'GYUR ZHES BYA BA STE, SHES RAB DANG BRAL BA ZHES BYA BA'I DON TO, ,'DOR BA NI SPONG BA'O, ,DUS GSUM GYI SANGS RGYAS THAMS CAD 'DI LAS SKYES @252B SHING BYUNG BAS NA THAMS CAD MKHYEN PA NYID BOR BA'O, ,DES 'BRAS BU CI MYONG ZHE NA, SKYES NAS MYONG BA'I DBANG DU BYAS NAS, LO BYE BA KHRAG KHRIG CES BYA BA LA SOGS PA GSUNGS SO, ,BAR MA CHAD PA DMYAL BA KHO NA BRGYUD PAS NA 'KHOR BA'O, ,'JIG PA NI DUS MTHA'I ME LA SOGS PA'O, ,CHAGS PA NI DANG PO RLUNG NAS BZUNG STE'O, ,DE'I TSE'ANG 'JIG RTEN GYI KHAMS GZHAN GYI SEMS CAN DMYAL BAR SKYE BAS NA DMYAL BA CHEN PO NAS DMYAL BA CHEN POR ZHES SMOS PA YIN NO, ,DE'I LAS ZAD NAS GONG DU 'PHO BA NI, DUD 'GRO DANG GSHIN RJE'I 'JIG RTEN DU ZHES SMOS PA YIN NO, ,DES NA CIS TE MIR SKYES NA YANG LKUGS PA DANG DMUS LONG LA SOGS PAR SKYE BAS NA DE BZHIN NO ZHES SMOS PA YIN NO, ,'O NA KHA NA MA THO BA CHEN PO NI MTSAMS MED PA MA YIN NAM ZHES RGOL PA LA, LAN NI DE BAS KYANG DAM PA'I CHOS SPONG BA KHA NA MA THO BA CHE BA YIN TE, CI'I PHYIR ZHE NA, DUS GSUM GYI SANGS RGYAS KYI YE SHES KYI RTZA BA BCAD PA'I PHYIR RO ZHES BSTAN PA NI MTSAMS MED PA LNGA DANG 'DRA ZHES MI BYA'O ZHES GSUNGS SO, ,'DI BYANG CHUB SEMS DPA'I SDOM PA DANG 'BREL PAR CI MNGON ZHE NA, BYANG CHUB SEMS DPA'I THEG PA PA ZHES GSUNGS PA'I PHYIR RO, ,DA NI BDUD KYI LAS KYI GNOD PA BSTAN PA'I PHYIR; BYANG CHUB SEMS DPA' RNAMS KYI BDUD KYI LAS NI ZHES GSUNGS TE, 'DIR BDUD DAG NI DU ZHIG LA, GANG ZAG NI GANG GI LA, DUS NI NAM GYI TSE, GNOD PA NI JI LTA BU ZHIG ,BDUD KYI LAS NI DU ZHIG ,DE SPONG BA'I THABS NI GANG ZHIG CE NA SMRAS PA, BDUD NI RNAM PA BZHI STE, PHUNG PO DANG, NYON MONGS PA DANG, 'CHI BDAG DANG, LHA'I BU'I BDUD DO, ,GANG ZAG NI LAS DANG PO PA THEG PA LA GSAR DU ZHUGS PA LA'O, ,DUS NI DAD PA DANG RNAM PAR RTOG PA SHAS CHE BA DANG, BRTZON 'GRUS RTZOM PA DANG, DGE BA'I BSHES GNYEN DANG BRAL BA'I TSE'O, ,'CHING BA LAS YANG DAG PAR 'DA' BAR BYA BA'I PHYIR RAB TU BRTZON PAR BYED PA LA BAR CHAD BYA BA'I PHYIR NYE BAR 'ONG ZHING DE LAS MI 'DA' BAR BYED PA'O, ,BDUD KYI LAS NI BSOD NAMS KYI BAR CHAD BYED PA'I BDUD KYI LAS BRGYAD DANG, YE SHES KYI BAR DU GCOD PA NYI SHU'O, ,BRTAG PA'I THABS NI BZHI STE, RGYUD KYI YON TAN LA BRTAG PA DANG, 'OD ZER LA BRTAG PA DANG, CHOS @253A *, ,BSHAD PA LA BRTAG PA DANG, MCHOD PA LA BRTAG PA'O, ,LA LA NI STONG PA NYID KYIS BRTAG PA DANG LNGA'O ZHES 'DOD DO, ,SPANG BA'I THABS NI YANG DAG PA'I DGE BA'I BSHES GNYEN BSTEN PA'I SGO NAS SPONG BAR BYA BA'O, ,DE LA BDUD BZHI NI BYANG CHUB SEMS DPA'I BDUD DO, ,LAS RNAM PA GNYIS MTSON PA NI, BDUD KYI LAS NI SHES RAB KYI PHA ROL TU PHYIN PA LAS 'BYUNG BA'O ZHES BYA BA'O, ,LAS DANG PO PA THEG PA LA GSAR DU ZHUGS PA LA BDUD 'BYUNG BAS MING LA GNAS PA ZHES SMOS TE, LAS DANG PO PA YIN PAS NA TSIG KHO NA LA'O, ,STON PAS MING LA ZHEN PAS BSLUS PA ZHES BYA'O; ,MING JI LTA BU ZHE NA, KHYOD MNGON PAR RDZOGS PAR SANGS RGYAS PA NA ZHES BYA BA'O, ,LAS DANG PO PA YIN PAS NA PHYIR MI LDOG PA'I LTAS DE DAG MED PAR YANG ZHES BYA STE, PHYIR MI LDOG PA'I LTAS NI THEG PA DMAN PA LA NGAN SONG DAG GIS BROD PA DANG 'JIGS PA BSKYED PA LAS KYANG MI LDOG PA LA SOGS PA'O, ,RLOM SEMS PA NI BDUD KYI TSIG GIS NGA RGYAL BA'O, ,BRNYAS PA NI KHYAD DU GSOD PA'O, ,DE'I PHYIR, BDAG STOD GZHAN LA SMOD PA'I BYANG CHUB SEMS DPA' NI, BDUD KYIS YONGS SU BLANG SHING BLO CHUNG RIG PAR BYA, ,ZHE'O, ,DUS NI RNAM PA BZHI STE, DGE BA'I BSHES GNYEN DANG BRAL BA LAS 'BYUNG BAS NA DE THABS MI MKHAS SHING SHES RAB DANG BRAL BA, DGE BA'I BSHES GNYEN DANG BRAL BA, DGE BA'I BSHES GNYEN GYIS MA ZIN CING ZHES SMOS TE, MANG PO SMOS PA NI MTSON PA'I PHYIR RO, ,LAS GANG BYED CE NA, NYAN THOS KYI SA'AM ZHES BYA BA LA SOGS PA GSUNGS TE; LTUNG BA'I RTZA BA NI SROG GCOD PA LA SOGS PA'O, ,CHES LCI BA NI RNAM PA THAMS CAD MKHYEN PA'I BAR DU GCOD PA'I PHYIR TE, DMYAL BAR 'GRO BA BYANG CHUB LA, ,GTAN GYI GEGS BYED MA YIN TE, ,NYAN THOS DANG NI RANG SANGS RGYAS, ,THEG PA MCHOG LA GEGS SU 'GYUR, ,ZHES BYA BA LTA BU'O, , RNAM PAR RTOG PA DANG LDAN PA LA, BDUD 'BYUNG BA NI, LHA'I BU JI TZAM DU LAS 'JUG PA ZHES BYA BA LA SOGS PA GSUNGS TE, LAS NI LUS LA SOGS PA'I LAS SO, ,'JUG PA NI RNAM PAR RTOG PA'O, ,BDUD NI NYON MONGS PA STE, JI SKAD DU, BYANG CHUB SEMS DPA'I NYON MONGS PA NI RNAM PAR RTOG PA'O ZHES @253B GSUNGS PA'I PHYIR RO, ,SMON PA NI 'BRAS BU 'DOD PA'O, ,'DZIN PA NI RGYU LA 'JUG PA'O, ,MCHOG TU 'DZIN PA NI GTZOR BYED PA'O, ,'DOD PA NI 'DUN PA'O, ,'DU SHES PA NI MTSAN MAR 'DZIN PA'O, ,RLOM SEMS PA NI DNGOS POR LTA BA'O, ,YONGS SU RTAGS PA NI SPYOD PA'O, ,GANG DU LAS 'JUG PA ZHES SMOS PA DE GANG LA JI LTAR ZHE NA, BYANG CHUB KYI SEMS LA ZHES BYA BA LA SOGS PA GSUNGS TE, ZHEN PA NI DNGOS POR LTA BA'O, ,CI'I PHYIR BDUD KYI LAS SU BSHAD CE NA, DNGOS POR LTA BA NI 'CHING BA YIN PAS THAR PA CI THOB CES BYA BA'I THA TSIG GO, ,DNGOS POR LTA BAS KUN NAS BSLANG BA'I SBYIN PA LA SOGS PA'I SBYOR BA YANG 'CHING BA KHO NA YIN PAS, SBYIN PAS RLOM SEMS SU BYED PA DANG ZHES BYA BA LA SOGS PA GSUNGS TE, RLOM SEMS PA NI RANG DANG GZHAN DANG CHOS SU DNGOS PO LTA BA'O, ,MCHOG TU 'DZIN PA NI ZHEN PA'I GNAS SU RTOG PA'O, ,'DZIN PA NI ZHE SDANG LA SOGS PAR BRTAGS PA'O; ,LAN PA NI RTZOL BA'O, ,MTSAN MA NI G-YENG BA'O, ,RGYU BA NI SPYOD PA'O, ,MNGON DU RGYU BA MI 'BYUNG BA TZAM LA GCOR BYED PAS NA, DGON PA LA DGA' ZHING MOS PA DANG, BTANG SNYOMS SU BYED CES SMOS TE, SEMS CAN YAL BAR 'DOR BA NA BTANG SNYOMS SU LTUNG BA'O, ,CHOS GOS LA SOGS PA NGAN PAS CHOG PAS NA 'DOD PA CHUNG BA'O, ,MANG PO MI 'DOD PAS NA CHOG SHES PA'O, ,DE LA 'DOD PA CHUNG BAS NI CHOS BZHI SPONG BA STE, TSUL 'CHOS PA DANG, KHA GSAG DANG, GZHOGS SLONG DANG, THOB KYIS 'JAL BA'O, ,CHOG SHES PAS NI RNYED PAS RNYED PA SPONG NGO, ,LUS LA SOGS PA LAS SU RUNG BAR BYED PAS NA SBYANGS PA'O, ,YON TAN NI BCU GNYIS TE, ZAS LAS GYUR PA GSUM DANG, GOS LAS GYUR PA GSUM DANG, GNAS LAS GYUR PA DRUG GO, ,DE LA MANG DU ZA BA'I GNYEN PO NI, STAN GCIG PA STE, DE YANG STAN GYI MTHA' PA DANG, CHU'I MTHA' PA'O, ,YANG YANG ZA BA'I GNYEN PO NI PHYIS MI LEN PA'O, ,BZANG PO LA ZHEN PA'I GNYEN PO NI BSOD SNYOMS PA STE, DE YANG CI THOB PA LEN PA DANG MTHAR GYIS RGYU BA'O, ,GOS BZANG PO LA CHAGS PA'I GNYEN PO PHYAG DAR KHROD PA STE, DE YANG BOR BA DANG SMAD PA'I DBANG GIS SO, ,MANG PO'I GNYEN PO CHOS GOS GSUM PA'O, ,'JAM PA'I GNYEN PO PHYING PA PA'O, ,'DU 'DZI LA CHAGS PA'I @254A *, ,GNYEN PO NI DGON PA PA'O, ,BLA GAB LA CHAGS PA'I GNYEN PO NI BLA GAB MED PA'O, ,STAN LA CHAGS PA'I GNYEN PO NI GZHI JI BZHIN PA'O, ,GTZUG LAG KHANG LA CHAGS PA'I GNYEN PO NI SHING DRUNG PA'O, ,'KHRIG PA LA CHAGS PA'I GNYEN PO NI DUR KHROD PA'O; ,NYAL BA LA CHAGS PA'I GNYEN PO NI COG PU PA'O, ,YO BYAD KYIS PHONGS PAR BYED PAS NA BSNYUNGS PA'O, ,BSOD NAMS KYI DNGOS PO SBYIN PA LA SOGS PA LA JI LTA BA BZHIN DU YE SHES KYI TSOGS LA ZHEN PA YANG 'CHING BA YIN PAS, STONG PA NYID LA GNAS PA ZHES BYA BA LA SOGS PA GSUNGS TE; STONG PA NYID LA SOGS PA NI LHAG MTHONG NGO, ,SPROS PA MED PA NI ZHI GNAS SO, ,RAB TU DBEN PA NI TING NGE 'DZIN GYI TSOGS SO, ,TSOGS GNYIS NI SANGS RGYAS KYIS GNANG BA'I PHYIR BKA' SGRUB CES BYA BA'O, ,DE LTAR RGYAS PAR BSHAD PA'I DON BSDUS PA NI, JI TZAM DU RTOG PA DANG ZHES BYA BA LA SOGS PA GSUNGS TE, SPYI DANG KHYAD PAR DANG DE GNYIS KAS SPYOD PA NI RTOG PA DANG RNAM PAR RTOG PA DANG YONGS SU RTOG PA'O, ,THA SNYAD BZHIR RTOG PAS NA MTHONG BA LA SOGS PA'O, ,'O NA LAS DANG PO PA DAG JI LTAR 'DUG PAR 'GYUR ZHE NA, STONG PA NYID RNAM PA THAMS CAD KYI MCHOG DANG LDAN PA LA SHES PA YONGS SU GTAD NAS, TSOGS BSAGS PA DE NYID RTOGS PAR 'GYUR ZHING NYES PA MTHA' DAG SPONG BAS LAS DANG PO PAS KYANG SUN 'BYIN PA'I SGO NAS SPONG GI ,GZHAN DU NA RTOG PA DAG NI, BTZAN THABS SU SPANGS PAR 'DOD NA 'DUS BYAS SUN PHYUNG BAS GSOR MI RUNG BAR 'GYUR TE, RNAM PAR DBEN DON MI SHES SHING, ,THOS PA TZAM LA 'JUG BYED PA, ,MI GANG BSOD NAMS MI BYED PA'I, ,SKYES BU THA SHAL DE DAG BRLAB, ,CES 'PHAGS PA NYID KYIS GSUNGS PA DANG, YANG YOD YANG DAG PA'I DNGOS PO LA MED DO ZHES SKUR PA 'DEBS PA'I LEGS PAR MA ZIN PA ZHES BYA STE, DAM PA'I CHOS 'DUL BA 'DI LAS NYAMS PAR RIG PAR BYA'O ZHES, 'PHAGS PA THOGS MED NYID KYIS BYANG CHUB SEMS DPA'I SA LAS KYANG GSUNGS PA'I PHYIR LA, DE'I PHYIR BCOM LDAN 'DAS KYIS KYANG, 'JIG TSOGS SU LTA BA RI RAB DANG MNYAM PA NI BLA YI, MNGON PA'I NGA RGYAL CAN STONG PA NYID DU LTA BA @254B NI GSOR MI RUNG NGO ZHES GSUNGS SO, ,'OG NAS YANG THABS DANG SHES RAB YA BRAL BA NI 'CHING BAR GSUNGS PA DANG, YANG THABS DANG MI LDAN PAR DGE BA SPYOD PA THAMS CAD KYANG BDUD KYI LAS SO ZHES 'CHAD DO, ,DE BAS NA 'KHRUL PA LA 'KHRUL PAR SHES NAS RIM GYIS SPONG BA NI 'KHRUL PA SPANGS PA ZHES BRJOD DE, SNA TSOGS 'DI DAG 'KHRUL PA NA, ,MA 'KHRUL GANG ZHIG YIN ZHE NA, ,'KHRUL PA TZAM DU SPONGS SHES NA, ,MA 'KHRUL YIN PAR SHES PAR BYA, ,ZHES 'DOD SO, ,DA NI BRTZON PA DANG LDAN PA LA BDUD 'BYUNG BAS NA, DE'I MTSAN NYID BRJOD PA NI BDUD KYI LAS NI BRTZON PA LAS 'BYUNG ZHES SMOS SO, ,BRTZON PA GANG DAG NI BDUD KYI MI MTHUN PA'I PHYOGS MA YIN NAM, JI LTAR NA BRTZON PA LA BDUD 'BYUNG ZHES CI'I PHYIR ZHE NA ZHES RGOL BA LA, GANG ZHIG RIN PO CHE DANG BANG MDZOD DANG LDAN PA LA, CHOM RKUN PA DAG GLAGS TSOL ZHING DBUL ZHING PHONGS LA DGRAS CI ZHIG BYAS PAR 'GYUR, DE BZHIN DU DGE BA'I PHYOGS LA BRTZON PA LA BDUD 'BYUNG GI LE LO LA BDUD KYIS CI ZHIG BYA ZHES PA NI, BRTZON PA LA BDUD GLAGS TSOL GYI ZHES GSUNGS PA YIN NO, ,BRTZON PA LA SOGS PA NYID GANG ZHE NA, JI TZAM DU GNYIS LA SBYOR BA ZHES GSUNGS TE, GNYIS ZHES BYA BA NI GZUNG BA DANG, 'DZIN PA'I NGO BO NYID DO, ,GZUNG BA DANG 'DZIN PA DAG NI DNGOS POR GRUB PA MA YIN NAM, LUNG LAS KYANG NGA DE'I TSE RI DAGS KYI RGYAL PO SENG GE YAN LAG MA SMAD PA ZHES BYA BAR GYUR TO ZHES GSUNGS PA DANG, YANG DGE SLONG DAG MTSAN MO NAM LANGS PA NA RI DAGS CE SPYAD SKAD 'BYIN PA'I SGRA THOS SO ZHES GSUNGS PA MA YIN NAM, JI LTAR GZUNG BA DANG 'DZIN PA DGAG CE NA DE CI'I PHYIR ZHE NA ZHES RGOL BA LA, GZUNG BA DANG 'DZIN PA DAG NI THOG MA MED PA'I DUS NAS GOMS PA'I 'KHRUL PA YIN PAS YANG DAG PAR MI RUNG STE, RIGS PA DANG LUNG GIS GNOD PAR GYUR PA YIN LA, BDAG MED PA STON PA'I THA SNYAD KYI SGRO BTAGS PA NI BDAG DANG BDAG GIR GZUNG BA DANG, 'DZIN PA BRJOD PA YIN PAS NYES PA MED DO, ,'JIG RTEN PA DAG NI THOG MA MED PA'I 'KHRUL PAS GOMS PA'I DBANG GIS YANG DAG PAR 'DZIN PA GNYIS LA SBYOR BA'O ZHES BSTAN TO, ,GNYIS DANG BRAL BAS NA SBYOR BA YANG DAG PA STE, PHYIN CI @255A *, ,MA LOG PA ZHES BYA BA'I DON TO, ,DE KHO NA NYID DU NA THOB PAR LTA BA MED PAS THOB PA DAM PA NI SBYOR BA MED PA STE, MI SBYOR BA NYID SBYOR BA YIN PA'I PHYIR RO, ,SPROS PA MED PA ZHES BYA BA NI SPROS PA'I MTHA' BRGYAD DANG BRAL BA NI, DE LTAR BSHAD PA BSDU BA NI GANG NA MIG LA MI SBYOR BA ZHES GSUNGS SO, ,DAD PA DANG LDAN PA'I BDUD KYI LAS NI SHUGS KYIS GO BAS NA 'DIR MA GSUNGS TE, 'DAS MA THAG PA'I BRTZON PA DANG LDAN PA'I SKABS SU SBYAR BAR BYA'O, ,DA NI BDUD KYI GNOD PA GANG BYED PA DE BSTAN TE MTHONG BA'I CHOS LA THEG PA MCHOG LA NYAMS PAR BYED PA DANG, MA MTHONG BA'I TSE RTEN MCHOG LAS NYAMS PAR BYED PA'O, ,DE LTA BAS NA BRDAR BSTAN PA'I TSUL GYIS BRTAG PA RNAM PA LNGAS BRTAGS NAS DGE BA'I BSHES GNYEN LA BRTEN PAS SPANG BAR BYA BA NI, LHA'I BU NYI SHU PO 'DI DAG NI ZHES SMOS TE, BDUD KYI LAS BRGYAD DANG, BDUD KYI SPYOD PA BCO BRGYAD DANG, BDUD KYI LAS YANG DAG PHUL NYI SHU ZHES SMOS PA NI DE BRTAG PA LA MKHAS PAR BYA BA'I PHYIR RO, ,DE LA NYI SHU GANG ZHE NA, RNAL 'BYOR SPYOD PA ZHES GSUNGS TE, RNAL 'BYOR NI ZHI GNAS DANG LHAG MTHONG GI TING NGE 'DZIN TE, SPYOD PA NI RNAM PA GNYIS TE, SEMS RNAM PAR SPYOD PA'I TING NGE 'DZIN SPYOD PA DANG, SPYOD PA NYAMS SU LEN PA'I SPYOD PA STE, DON GYI SKABS 'DIR NI SEMS RNAM PAR SPYOD PA'I SPYOD PA LA 'DOD DO, ,BDUD CES BYA BA NI YON TAN SKYE BA'I BAR DU GCOD PA LA BYA STE, 'DIR NI THEG PA MCHOG LA 'DOD DO, ,YANG DAG PHUL ZHES BYA BA NI BDUD KYI LAS MCHOG YIN NO ZHES BYA BA'I DON TO, ,BDUD KYI LAS NI DPAG TU MED PA YIN NAM, JI LTAR GRANGS NGES ZHES RGOL BA NI, GANG ZHE NA ZHES BYA'O, ,BDEN MOD KYI 'DIR MCHOG BSDUS NAS BSHAD PA NYES PA MED CES BYA BA NI, 'DI LTA STE ZHES MTSAMS SBYOR BA'O, ,DE LA RNAM PA NYI SHU NI 'DI LTA STE, YONGS SU 'DZIN PA'I DBANG DU BYAS PAS BSHES GNYEN DMAN PA LA BRTEN PA NI, RNAM PAR GROL BAR 'DOD CING ZHES BYA BA LA SOGS PA STE, 'KHOR BAS SKRAG PA NI NYAN THOS DANG RANG RGYAL BA'I THEG PA'O, ,DANG PO DANG BAR MA DANG THA MAR NI, GNYEN PO LA SOGS PA GSUM DU SBYAR TE, THEG PA MCHOG GI RTZA BA NI DGE BA'I BSHES GNYEN YIN PAS @255B DE DANG BRAL BA NI, DE'I BAR DU GCOD PA BDUD CES BYA'O, ,DE LTAR YONGS SU 'DZIN PA DANG BRAL NA 'BRAS BU'I MCHOG SGRUB PA DANG BRAL BAS SHES RAB THABS KYIS MA ZIN NA NI GNYIS TE, GZHAN GYI DON GYI THABS DANG BRAL BA NI STONG PA NYID LAS SO SOR RTOG CING SEMS CAN YAL BAR 'DOR BA STE, RANG NYID KYI NYON MONGS PA SPONG BAR 'BAD PA'I PHYIR RO, ,RANG DON GYI THABS DANG BRAL BA NI 'DUS MA BYAS LA SO SOR RTOG CING 'DUS BYAS KYIS YONGS SU SKYO BA ZHES BYA STE, TSOGS YONGS SU RDZOGS PAR MI 'GYUR ZHES BYA'O, ,DE LTAR SHES RAB THABS KYIS YONGS SU MA ZIN PAS ZAG PA MED PA'I SHES RAB KYI RGYU LA LOG PAR ZHUGS PA NI, BSAM GTAN BSKYED CING RNAM PAR LDOG PA TSOL BA STE, ZAG PA MED PA'I SHES RAB KYI RGYU NI TING NGE 'DZIN YIN PA'I PHYIR BSAM GTAN BSKYED PA NI RANG ZHI BAR 'DOD PA'I BSAM PA LA SOGS PA'O, ,LDOG PA NI RNAM PA THAMS CAD KYI MCHOG DANG LDAN PA'I TING NGE 'DZIN TO, ,YANG DAG PA'I TING NGE 'DZIN DANG BRAL BA NI GANG ZAG LA LTOS TE BSAM PA DMAN PA DANG, CHOS LA LTOS TE SBYOR BA DMAN PAR 'GYUR BA'O, ,DE LA GANG ZAG LA LTOS TE BSAM PA DMAN PA NI GNYIS TE, SPYI'I DBANG DU BYAS NAS SNYING RJE DANG BRAL BA NI SNYING RJE CHEN PO BSKYED CES BYA'O, , BYE BRAG GI DBANG DU BYAS NAS BYAMS PA DANG BRAL BA NI KHRO BA ZHES BYA'O, ,CHOS KYI DBANG DU BYAS NAS SBYOR BA DMAN PA NI GNYIS TE, BSHAD PA'I DBANG DU BYAS PA DANG, SGRUB PA'I DBANG DU BYAS PA'O, ,DE LA BSHAD PA'I DBANG DU BYAS PA NI GNYIS TE, SHES RAB DMAN PA LA SBYOR BA NI, NYAN THOS DANG RANG RGYAL BA'I GTAM STON CING ZHES BYA BA LA SOGS PA STE, BDAG MED PA TZAM STON PA'I PHYIR RO, ,SHES RAB 'CHAL BA LA SBYOR BA NI ZAB MO'I GTAM 'CHAB CING ZHES BYA BA LA SOGS PA STE, ZAB MO NI STONG PA NYID LA SOGS PA'O, ,GTAM SNA TSOGS PA NI RGYAN PO'I GTAM LA SOGS PA'O, ,SGRUB PA'I DBANG DU BYAS PA NI LNGA STE, SBYOR BA LA MI BRTZON PA DANG, SBYOR BA NYAMS PA LA BRTZON PA DANG, SBYONG BA MI MTHUN PA LA BRTZON PA DANG, SBYOR BA DANG BRAL BA LA BRTZON PA DANG, SBYOR BA NGAN PA LA BRTZON PA'O, ,SBYOR BA LA MI BRTZON PA NI GNYIS TE, RANG GI LAM SGRUB PA LA MI BRTZON PA NI, LAM @256A *, ,SHES KYANG ZHES BYA BA LA SOGS PA STE, LAM NI PHA ROL TU PHYIN PA DRUG GO, ,GZHAN LAM DU KHRID PA LA MI BRTZON PA NI, RAB TU BRTZON PA'I BSNGAGS PA BRJOD KYANG ZHES BYA BA LA SOGS PA STE, MI SBYOR BA NI KHRID PAR MI BYED PA'O, ,SBYOR BA NYAMS PA LA BRTZON PA NI GNYIS TE, RANG GI SPYOD PA MI SGRUB PA NI, DGE BA'I RTZA BA SOGS KYANG ZHES BYA BA LA SOGS PA STE, BYANG CHUB KYI SEMS NI THEG PA CHEN PO'I LAM DU 'GRO BAR BYED PA'I PHYIR RO, ,RANG GI SPYOD PA LA GZHAN MI SBYOR BA NI, LHAG MTHONG GI RNAL 'BYOR DANG LDAN PAR GNAS KYANG ZHES BYA BA LA SOGS PA STE, BYANG CHUB SEMS DPA' NI GZHAN GCES SU 'DZIN PA'I PHYIR RO, ,SBYOR BA MI MTHUN PA LA BRTZON PA NI, NYON MONGS PA MA LUS PA ZAD PAR TSOL ZHING ZHES BYA BA LA SOGS PA STE, BSAM PA DANG SBYOR BA MI MTHUN PA'I PHYIR RO, ,SBYOR BA DANG BRAL BA LA BRTZON PA NI GNYIS TE, GZHAN DON SGRUB PA'I THABS SNYING RJE DANG BRAL BA NI, SHES RAB KYIS RNAM PAR DPYOD CING ZHES BYA BA LA SOGS PA'O, ,RANG DON BSGRUB PA'I SBYOR BA THABS MA LUS PA DANG BRAL BA NI THABS DANG MI LDAN PAR ZHES BYA BA LA SOGS PA STE, THABS LA MKHAS PA DANG BRAL BA ZHES BYA BA'I DON TO, ,SBYOR BA NGAN PA LA BRTZON PA NI GNYIS TE, BRTZON PAR BYA BA MA YIN PA LA BRTZON PA NI, SDE SNOD MI TSOL GYI ZHES BYA BA LA SOGS PA STE, BYANG CHUB SEMS DPA'I SDE SNOD NI PHA ROL TU PHYIN PA DRUG DANG BSDU BA'I DNGOS PO RNAMS SO, ,'JIG RTEN RGYANG PAN NI CHAD PAR LTA BA DAG GO, ,BRTZON PAR BYAS PA LA LOG PAR BRTZON PA NI MANG DU THOS KYANG ZHES BYA BA LA SOGS PA STE, MANG DU THOS PA NI BRTZON PAR BYA BA YIN YANG, CHOS 'CHAB PA NI LOG PA YIN PAS, LOG PAR BRTZON PA'O, ,DE LTAR DMAN PA LA MOS PA DAG NI, DNGOS POS LTA BAS NA 'JIG RTEN PA'I DGOS PA'I ZHAL TA BYED PA ZHES BYA STE, YANG DAG PAR RDZOGS PA'I SANGS RGYAS NI MANG DU THOS PA LAS SKYES KYI, DNGOS PO YONGS SU 'DZIN PA LAS MA SKYES PA'I PHYIR RO, ,DMAN PA'I SPYOD PA LA SPYOD PA DAG NI DMAN PA'I GROGS PO LA BRTEN PAS, BYANG CHUB SEMS DPA' CHOS SMRA BA LA ZHES BYA BA LA SOGS PA STE, SKAL PA MNYAM PA NI THEG PA CHEN PO'I BGO SKAL LA SPYOD PA'I PHYIR RO, , @256B DMAN PA'I GROGS PO LA BRTEN PA DAG NI DMAN PA LA BAG MED PAR 'GYUR BAS, GANG GI TSE BRGYA BYIN NAM ZHES BYA BA LA SOGS PA STE, 'JIG RTEN SKYONG BA NI YUL 'KHOR SRUNG LA SOGS PA'O, ,DE LTAR NA YANG DAG PA'I LAM LAS ZLOG PAR BYED PA BDUD KYI LAS KYI GO RIMS 'DI NI SRID PA KHO NA'O, ,DA NI GZHAN LA BRNYAS PA'I NYES PA BSHAD PAR BYA'O, ,BYANG CHUB SEMS DPA' GZUGS BZANG ZHING ZHES BYA BA LA SOGS PA NI, GZHAN LA BRNYAS PA'I RGYU'O, ,DE LA LHUN LEGS PA NI GZUGS BZANG BA'O, ,BYAD LEGS PA NI MDZES PA'O, ,PHYUG PA NI 'BYOR PA SNA TSOGS PA'O, ,LONGS SPYOD PAS NOR CHAB NI GSAR LA SOGS PA MANG BA'O, ,LONGS SPYOD NI 'PHRAL GYI DGOS PA'O, ,NOR MANG BA NI GSER LA SOGS PA SNA TSOGS PA'O, ,MDZOD NI SNA TSOGS PA'I GNAS SO, ,BANG BA NI SNA RE RE'I GNAS SO, ,RUS NI BA RA DVA DZA LA SOGS PA'O, ,RIGS NI RGYAL RIGS LA SOGS PA'O, ,G-YOG NI GO RE LONG NGO, ,'KHOR NI RJES SU 'TSO BA'O, ,BSOD NAMS NI SBYIN PA LA SOGS PA'O, ,YE SHES NI THOB PA LA SOGS PA'O, ,BRTZON PA NI LHUR LEN PA'O, ,DBANG PHYUG NI RGYAL PO'I SA LA GNAS PA'O, ,RGYAGS PA NI DREGS PA'O, ,BAG MED PA NI BRTZAM PA DANG MI LDAN PA'O, ,GANG LA BRNYAS SHE NA; BYANG CHUB SEMS DPA' GANG DAG RAB TU BYUNG BAR GTOGS PA ZHES GSUNGS TE, RAB TU BYUNG BA DAG NI RTEN MCHOG YIN PAS NA, GANG DAG KHYIM NA GNAS PAR BYED BZHIN DU, ,BYANG CHUB DAM PA'I MCHOG 'DI THOB PA YI, ,SANGS RGYAS GANG YANG SNGON CHAD MA BYUNG STE, ,MA 'ONGS PA NA MI 'BYUNG GNAS PA MED, ,CES GSUNGS PA'I PHYIR RO, ,KHYIM GYI GNAS NAS MNGON PAR 'BYUNG BA ZHES BYA BA NI, KHYIM SPANGS ZHES BYA BA'I THA TSIG GO, ,KHYIM GYI GNAS NI SDUG BSNGAL DU MA'I GNAS YIN PAS NA, 'PHAGS PA DRAG SHUL CAN GYIS ZHUS PA LAS SMAD PA LTA BU'O, ,YE SHES KYI TSOGS YONGS SU TSOL BA LA BRTZON PA NI, DE GCOR BYED PA'O, ,'O NA TSOGS GNYIS DAG NI LAM MA YIN NAM CI'I PHYIR 'DI MCHOG CE NA, BDEN MOD KYI 'ON KYANG 'BYOR BA MTHA' DAG SPANGS PA NYID KYIS, BSOD NAMS KYI TSOGS BSAGS PA'I PHYIR TE, DE LTA MA YIN NA LUNG LAS KYANG RAB TU BYUNG BAS ZANG ZING GI SBYIN @257A *, ,PA MA GNANG BAS JI LTAR TSOGS SOGS PAR 'GYUR, DE'I PHYIR NA TSOGS GNYIS DANG LDAN PAR 'DOD DO, ,GANG GI PHYIR BRNYAS SHE NA, SHA DANG KHRAG SKAMS PA ZHES BYA STE, DUS MA YIN PA'I KHA ZAS LA SOGS PA SPANG BA'I PHYIR RO, ,RKE BA NI RING BA'O, ,NYAM CHUNG BA NI LUS KYI MTHA' MED PA'O, ,LUS RTZAS YOGS PA NI HA CANG YANG RKE BA'I PHYIR RO, ,DE LTAR CI'I PHYIR LUS GDUNG ZHE NA, MGO DANG GOS LA ME 'BAR BA BZHIN DU ZHES SMOS TE SHIN TU BRTZON ZHES BYA BA'O, ,BRTZON 'GRUS BRTZAMS PA NI DGE BA'I CHOS YONGS SU TSOL BA LA BRTZON PA'O, , THEG PA CHEN PO DAG NI DNGOS PO GTZO BO YIN PAS RKE ZHING NYAM CHUNG BA MDOG NGAN CING MI SDUG PAR RIG NAS BRNYAS PA ZHES GSUNGS TE, PHYI ROL LA SPYAD PA YIN MOD KYI 'ON KYANG THAL BA'I NANG DU ME BYUNG BA LTA BUR NYES PA DANG BCAS ZHES BYA BA'I THA TSIG GO, ,DE LA SNYAM DU SEMS PA ZHES BYA BAS NI BSAM PA BSTAN TO, ,LEGS PAR BSHAD PA NYAN MI 'DOD CES BYA BAS SBYOR BA BSTAN TO, ,CHES DMAN ZHING RMUGS PA ZHES BYA BAS NI, SPYIR ZHING BAG MED PAR 'GYUR ZHES BYA BA'I DON TO, ,DA NI BAR DU GCOD PA'I CHOS BZHI BSTAN PA'I PHYIR, BZHI GANG ZHE NA ZHES SMOS TE, LOG PAR BRJOD PA NI TSIGS SU BCAD PA NGAN PA SGROGS PA'O, ,'DI DAG BYANG CHUB SEMS DPA'I SDOM PA DANG 'BREL PA CI MNGON ZHE NA, THAMS CAD LA BYANG CHUB SEMS DPA' ZHES SMOS PA'I PHYIR DANG, 'DIR YANG THEG PA CHEN PO'I BAR DU GCOD PAR BSTAN PA'I PHYIR DANG, YANG YID CHES PA'I LUNG BDAG GI BLA MA BRGYUD PA LAS 'DI LTAR THOS PA'I PHYIR TE, CI'I PHYIR LUNG TSAD MA YIN ZHE NA, SHIN TU LKOG TU 'GYUR BA'I DON DAG LA NI MNGON SUM DANG RJES SU DPAG PA MI 'JUG PA'I PHYIR, TSAD MA RNAM 'GREL LAS KYANG, GNAS GSUM PAR NI 'PHO BA DANG, ,BSTAN BCOS LEN PA RIGS LDAN YIN, ,ZHES 'BYUNG BA DANG, YANG, LUNG MA RTOGS PA'I RTOG GE LA, ,CHOS RNAMS RNAM PAR GNAS MA YIN, ,DRANG SRONG RNAMS KYI SHES PA GANG, ,DE YANG LUNG GI SNGON DU SONG, ,ZHES GSUNGS PAS LUNG NYID TSAD MAR BYA'O, ,MDO KUN LAS BTUS PA'I BSHAD PA, LUNG GI TSAD MAS SBYAR BA LAS BAR DU GCOD @257B PA'I CHOS SPANG BA RNYED PAR DKA' BA'I GTAM BRJOD PA STE BDUN PA'O,, ,,DA NI KHYIM PA RNAMS KYI SGRUB PA BSHAD PAR BYA'O, ,DE LA YANG DAG PA'I SGRUB PA BSTAN PA NI 'DI DAG LAS KYANG ZHES BYA BA LA SOGS PA GSUNGS TE, CHOS NI BYANG CHUB SEMS DPA'I SDOM PA'O, ,NAN TAN GYIS BSRUNG BA NI MI NYAMS PAR BYED PA'O, ,LHAG PA'I BSAM PA RNAM PAR DAG PA MA YIN PA LA KHYIM JI LTAR GNANG ZHES RGOL BA NI CI 'DRA ZHE NA ZHES BYA BA'O, ,LAN NI 'BAD PA YOD KYANG KHYIM SPANG BAR MI NUS PAS BSTAN TO, ,'O NA GZHAN GYI BUD MED LA LOG PAR MI SGRUB PA YANG 'BAD PA YOD KYANG MI NUS PA'I PHYIR LTUNG BAR MI 'GYUR RO ZHE NA, DE NI MA YIN TE GZHAN GYI CHUNG MA LA BGROD PA NI RANG BZHIN GYIS KHA NA MA THO BA CHEN PO YIN LA, KHYIM GYI GNAS NI BCAS PA'I KHA NA MA THO BA YIN PAR BSTAN PA NI, KHYIM BDAG CES BYA BA LA SOGS PA STE, SKYES BU DAM PA NI SNGON GYI BYANG CHUB SEMS DPA'O, ,LAS NI TSUL KHRIMS RJES SU BSRUNG BA'O, ,SKYES BU NGAN PA NI TSE 'DI'I BDE BA 'DOD PA'O, ,LAS NI KHA NA MA THO BA'O, ,CHOS KYIS LONGS SPYOD TSOL BA NI SROG GCOD PA SPONG BA LA SOGS PAS GZHAN LA MI 'TSE BA'O, ,MTHUN PA NI MCHOD RTEN LA SOGS PA DANG MA 'DRES PA'O, ,YANG DAG PA NI SRANG LA SGYU BYED PA LA SOGS PA MA YIN PA'O, ,DE DAG GIS NI LONGS SPYOD TSOL BA'I DBANG DU BYAS PA'O, ,LONGS SPYOD PA'I DBANG DU BYAS PAS NI, GZHAN LA 'TSE BA MI BYED DE, ,ZHES BYA BA LA SOGS PA STE, MI RTAG PA'I 'DU SHES NI MYUR DU 'BRAL BA'I BSAM PA'O; ,SNYING PO LEN PA NI, PHA MA LA ZHES BYA BA LA SOGS PA STE, GTONG BA 'PHEL BA NI SBYIN PA'I 'BRAS BU YOD PAR BYED PA'O, ,LOG PAR SGRUB PA SPANG BA NI, MING CHEN ZHES BYA BA LA SOGS PA GSUNGS TE, LOG PAR BSGRUBS PA'I 'BRAS BU BSTAN PA NI MI KHOM PAR 'GYUR ZHES SMOS SO, ,DMUS LONG NI MIG MED PAR SKYE BA'O, ,YID SHAS CHUNG BAS NA BLUN PA'O, ,LCE MED PAS NA LKUGS PA'O, ,SHAN PA LA SOGS PA NI GDOL PA'O, ,DE DAG NI RGYU MTHUN PA'I 'BRAS BU'O, ,RNAM PAR SMIN PA'I 'BRAS BU NI, KHYI DANG ZHES BYA BA LA SOGS PA'O, ,'BRAS BU'I RGYU GANG ZHE NA, LOG PAR @258A *, ,SGRUB PA DNGOS BSTAN PA NI, BZHI GANG ZHE NA ZHES GSUNGS TE, LHAG PAR BYA BA BYAS PA NI DGE BA'I RTZA BA BSKYED PA'O, ,MNGON PAR 'BYUNG BA NI THAR PA 'DOD PA'O, ,'PHAGS PA'I LAM NI LAM BSGOM PA'O, ,'DOD PA'I NYES PA BSTAN PA NI, DPER NA ZHES BYA BA LA SOGS PA STE, 'DOD PA DAG NI THAR BAR DKA' BA'I PHYIR 'DAM LTA BU'O, ,NYAM NGA BA'I PHYIR G-YANG SA LTA BU'O, ,RAB TU BSREGS PAS ME LTA BU'O, ,'JIGS PA BSKYED PAS SPU GRI LTA BU'O, ,'DOD PA'I NYES PA DE NYID KYI BYE BRAG TU BSTAN PA NI, RGYAL PO CHEN PO ZHES BYA BA LA SOGS PA GSUNGS TE, DANG PO NI CHAGS PAR GYUR PA'O, ,BAR DU MI 'BRAL BAS NA BAG MED PAR SPYOD PA'O, ,THA MAR YID MI 'BYUNG BAS NA PHYIR ZHING LTA 'DOD PA'O, ,DE'I PHYIR DAM PA MI BSTEN PAS NA TSUL KHRIMS DANG LDAN PA ZHES BYA BA LA SOGS PA GSUNGS TE, YON TAN 'DI THOS PA LA SOGS PA'O, ,RGYU DES NA 'PHAGS PA'I NOR DANG BRAL BAS, DAD PA DANG ZHES BYA BA LA SOGS PA'O, ,DE LA YON TAN DANG BRAL BAS DAD PA DANG BRAL BA ZHES BYA BA LA SOGS PA'O, ,NYES PA DANG DU LEN PAS RMA LA CHAGS PA LA SOGS PA'O, ,ZHI BA NI MYA NGAN LAS 'DAS PA'O, ,'GRO BAR BYA BA MA YIN PA NI NGAN SONG NGO, ,DMAN PA LA ZHEN PAS MI GTZANG BA'I SRIN BU LTA BU'O, ,SNYIGS MA LEN PA NI SMAD PA 'DOD PA'O, ,BRKAM PA NI HA CANG ZHEN PA'O, ,SBYIN PA DANG TSUL KHRIMS DANG BZOD PA SPANGS PAS NA LHA DANG MI'I CHOS LAS NYAMS PA'O, KHA NA MA THO BA LA MI 'DZEM PAS KHREL DANG NGO TSA BOR BA'O, ,LOG PAR 'TSO BAS NA NGAN PAR SMAD PA'I 'TSO BA CAN NO, ,DAM PA'I SPYOD PA MA YIN PAS MKHAS PAS SMAD PA'O, ,BYA BA MI SHES PAS BYIS PA'O, ,DE'I RJES SU 'JUG PA LA BRTEN PA'O, ,KHA NA MA THO BA LA DGA' BAS SDIG PA'I BSAM PA CAN NO, ,KHA NA MA THO BA CAN DANG 'GROGS PAS BRTEN PA'O, ,KHA NA MA THO BA BYED PAS KUN DU 'JUG PA'O, ,KHA NA MA THO BA LA MOS PAS GZHOL BA'O, ,GLAGS RNYED PAS BUD MED KYIS TSUGS PA'O, ,RANG DBANG DU BYAS PAS BUD MED KYIS 'KHOL BA'O, ,'KHRIG PA'I CHOS LA ZHEN PAS DBANG DU SONG BA'O, ,'KHRIG PA'I CHOS LA MOS PAS GZHOL BA'O, ,MI GTONG BAS 'GROGS @258B PA'O, ,DE NYID NI RMA'I SGO'I SPYOD YUL CAN ZHES BYA BA LA SOGS PA'O, ,DE'I PHYIR PHAN 'DOGS PA DANG YON TAN GYI ZHING YONGS SU SPONG BAS PHA MA DANG ZHES BYA BA LA SOGS PA'O, ,DES 'BRAS BU GANG MYANG ZHE NA, SEMS CAN DMYAL BA DANG ZHES BYA BA LA SOGS PA'O, ,PHA MA DAG NI JI LTAR PHAN 'DOGS PA'I ZHING DU 'GYUR ZHE NA, DKA' BA BYAS SHING ZHES BYA BA LA SOGS PA'O, ,DE LTA BU DE DAM PA GANG GIS SMAD PAS NA RGYAL PO CHEN PO ZHES BYA BA LA SOGS PA'O, ,DE NYID NGES DON GYI LUNG BSTAN PA'I SGO NAS BSDU BA NI, ZLA BA SGRON MA'I MDO LAS KYANG ZHES GSUNGS SO, ,DA NI 'DOD PA'I NYES PA DE NYID SPANG BA'I PHYIR, MI SDUG PA LA YANG SBYAR BAR BYA'O ZHES GSUNGS TE, MI SDUG PA NI 'DOD CHAGS KYI GNYEN PO YIN PA'I PHYIR DE BSTAN TE, DE LA MI SDUG PA NI RNAM PA DRUG STE, 'KHRIG PA'I 'DOD CHAGS KYI DBANG DU BYAS PA MI GTZANG BA'I MI SDUG PA DANG, MI BRTAN PAS RAB TU 'JIG PA'I MI SDUG PA STE, DON GYI SKABS 'DIR NI 'KHRIG PA'I GNYEN PO LUS DANG SEMS KYI TSOR BA SDUG BSNGAL BA'I DBANG DU BYAS PA SDUG BSNGAL GYI MI SDUG PA DANG, DMAN PA'I GZHI DANG DMAN PA'I KHAMS GANG YIN PA 'DOD PA'I KHAMS LTA BU'I DBANG DU BYAS PA NGAN PA'I MI SDUG PA DANG, GZUGS MED PA LA LTOS TE GZUGS KYI KHAMS SAM, MYA NGAN LAS 'DAS PA LA LTOS TE SRID PA'I RTZE MO MAN CHAD LTA BU LTOS PA'I MI SDUG PA DANG, KHAMS GSUM GYI KUN DU SBYOR BA DANG, 'CHING BA LA SOGS PA KUN DU NYON MONGS PA'I MI SDUG PA DANG, PHUNG PO LNGA MI RTAG CING MI BRTAN PA RAB TU 'JIG PA'I MI SDUG PA STE, DON GYI SKABS 'DIR NI 'KHRIG PA'I GNYEN PO YIN PAS MI GTZANG BA'I MI SDUG PA LA DGONGS SO, ,DE NI RNAM PA GNYIS TE, NANG LA BRTEN PA DANG, PHYI ROL LA BRTEN PA'O, ,DE LA NANG LA BRTEN PA MI GTZANG BA GANG ZHE NA, RDZAS SUM CU RTZA DRUG STE, SKRA DANG SPU DANG SEN MO SO, ,GLOG PA DRI MA PAGS PA SHA, RUS PA CHU RGYUS MKHAL MA RTZA, ,SNYING DANG MCHIN PA GLO BA DANG, ,RGYU MA GNYE MA PHO BA'O, ,MCHER PA PHYI SA MCHI MA RDUL, ,MCHIL MA SNABS DANG CHU SER ZHAG ,RKANG DANG TSIL DANG BAD KAN MKHRIS, ,RNAG DANG KHRAG DANG GLAD SPRI DANG, ,GLAD @259A *, ,RGYAS DANG NI GCIN DAG DANG, ,MI GTZANG RDZAS NI SUM CU DRUG ,NANG LA BRTEN PA YIN PAR 'DOD, ,RNAM PAR BSNGOS SHING RNAGS PA DANG, ,'BUS GZHIGS RNAM PAR BAM PA DANG, ,ZOS SHING DMAR DANG RNAM 'THOR DANG, ,RUS GONG KENG RUS RNAM PA GNYIS, ,DE BZHIN MI GTZANG GOS PA DANG, ,BSTI BA LJAN LJIN GANG BA RNAMS, ,MI GTZANG PHYI LA BRTEN PA STE, ,BSGOM PA'I DMIGS PA YIN PAR 'DOD, ,CES 'BYUNG NGO, ,DE LA NANG LA BRTEN PA'I MI GTZANG BA'I MI SDUG PA LA DMIGS PA NI NANG GI 'DOD PA RNAMS 'DOD PA LA 'DUN PA'I 'DOD CHAGS LAS SEMS RNAM PAR SPYOD PAR BYED DO, ,DE LA PHYI ROL LA BRTEN PA'I MI GTZANG BA'I MI SDUG PA STONG PA NYID LA DMIGS PA NI, PHYI ROL GYI 'DOD PA RNAMS LA 'KHRIG PA LA 'DUN PA 'KHRIG PA'I 'DOD CHAGS RNAM PA BZHI DANG LDAN PA, KHA DOG DANG, DBYIBS DANG, REG PA DANG, NYE BAR SPYOD PA'I 'DOD CHAGS DANG LDAN PA LAS SEMS RNAM PAR SPYOD PAR BYED DE, DE LA, RNAM PAR BSNGOS SHING RNAGS PA DANG, ,'BUS GZHIGS RNAM PAR BAM PA DANG, ,ZOS SHING ZHES BYA BA YID LA BYED PAS NI KHA DOG LA CHAGS PA SPONG BAR BYED DO, ,DMAR DANG ZHES BYA BAS NI DBYIBS KYI 'DOD CHAGS PA SPONG BAR BYED DO, ,RUS GONG DANG, KENG RUS DANG, RUS PA'I KENG RUS YID LA BYED PA NI RIG PA'I 'DOD CHAGS YONGS SU SPONG NGO, ,RNAM 'THOR DANG ZHES BYA BAS NI NYE BAR SPYOD PA'I 'DOD CHAGS LA SEMS RNAM PAR SBYONG BAR BYED DO, ,DE LTA BAS NA LUNG LAS KYANG BCOM LDAN 'DAS KYIS SHI NAS ZHAG GCIG LON PA'AM ZHES PA GSUNGS TE, DE LA SHI NAS ZHAG GCIG LON PA'AM BDUN LON PA'I BAR GYIS DUR KHROD BYA ROG DANG CHUN LAG DANG, BYA RGOD DANG, KHYI DANG WA DAG GIS ZOS PA MTHONG NAS ZHES BYA BAS NI RNAM PAR BSNGOS NAS ZOS PA'I BAR BSTAN TO, ,PAGS PA DANG SHA DANG KHRAG DANG CHU RGYUS KYI ZUNGS MED PA ZHES BYA BAS NI RNAM PAR DMAR BA BSTAN TO; ,DUR KHROD KYI RUS PA GANG DAG MTHONG NA ZHES BYA BAS NI KENG RUS BSTAN TO, ,LAG PA'I RUS PA YANG LOGS SHIG CES BYA BA LA SOGS PA RNAMS KYIS NI RNAM PAR 'THOR BA BSTAN TO, ,'DI NYID BYANG CHUB SEMS DPAS BSGOM PAR BYA BA YIN PAS NA, LUNG LAS KYANG RNAM PAR BAM PA MI DMIGS @259B PA'I PHYIR RNAM PAR BAM PA'I 'DU SHES BSGOM PAR BYA'O ZHES BYA BA LA SOGS PA GSUNGS PA YIN NO, ,'DIR NI SMOS PAR ZAD KYI RGYAS PAR NI 'OG NAS 'BYUNG NGO, ,DA NI MI DGE BA BCU'I GNOD PAR 'GYUR BA BSTAN PA NI, 'DI LTA STE ZHES BYA BA LA SOGS PA GSUNGS TE, MI DGE BA BCU NI SROG GCOD PA NAS LOG PAR LTA BA'I BAR DU'O, ,DE LA SROG GCOD PA LA SOGS PA DAG GI NI GZHI DANG BSAM PA DANG, NYON MONGS PA DANG, SBYOR BA DANG, MTHAR THUG PA'I DBANG GIS RIG PAR BYA'O, ,DE LA SROG GCOD PA NI PHA ROL YIN PA DANG, SROG CHAGS SU 'DU SHES PA DANG, BSAD PA'I BSAM PA DANG, BRTZAL BA BYAS PA DANG, DES SHI NAS GZHI LA SOGS PA'I KHYAD PAR LAS RIG PAR BYA'O, ,RIGS DANG, CHOS DANG, RGYAL MTSAN GYIS BSRUNGS PA'AM, RANG DBANG BA'I YANG DUS MA YIN PA DANG, GNAS MA YIN PA DANG, YUL MA YIN PA DANG, YAN LAG MA YIN PA LA YANG NGO, ,GZHAN GYIS YONGS SU BZUNG BA DANG, DER 'DU SHES PA DANG, RGYU BA'I BSAM PA DANG, GNAS NAS GNAS SU SPAGS PA LAS SDIG PA'I KHYAD PAR NI RDZAS DE GANG YIN PA'I KHYAD PAR DANG, SBYOR BA LA SOGS PA'I KHYAD PAR GYI MA BYIN PAR LEN PA'I KHA NA MA THO BA RIG PAR BYA'O, , BSLU BA'I BSAM PA DANG, LTA BA YID LA BZHAG NAS DON GO BA LA TSIG GAM LUS KYI REG BYED KYIS GO BAR BYAS PA DANG, THE TSOM ZA BA LA NGES PAR SMRAS NAS YANG BRDZUN DU SMRA BA'I KHA NA MA THO BA BSLU BAR BYA BA'I KHYAD PAR DANG, BSAM PA'I KHYAD PAR LA SOGS PAS RIG PAR BYA'O, ,MI DGA' BAR 'DOD PA'AM DBYE BA'I BSAM PAS 'GA' ZHIG LA MI DGA' BA THOS NAS DE LA BSNYAD PA DANG, DE LA THOS NAS 'DI LA YANG RUNG STE, YANG DAG PA'AM YANG DAG PA MA YIN YANG PHRA MA'I KHA NA MA THO BAR RIG PAR BYA'O, ,YANG DAG PA MA YIN NA, BRDZUN YIN NO ZHE NA, LA LA DAG NA RE, BRDZUN NO ZHES ZER RO, ,LA LA DAG NI MA YIN TE, DBYE BA'I BSAM PAS NA 'DI NI PHRA MA YIN LA, SLU BA'I BSAM PA MED PAS, BRDZUN MA YIN TE, DES NA YANG DAG PA MA YIN PAR TSIG RTZUB MO SMRA NA YANG, BRDZUN DU MI 'GYUR TE, BSAM PA GNYIS CIG CAR MI SRID PA'I PHYIR RO ZHES ZER RO, , @260A *, ,KHROS PA'I SEMS DANG LDAN PA DANG, PHA ROL PO SDUG BSNGAL BAR 'DOD PAS DON GO BAR SMRA NA TSIG RTZUB MO'I KHA NA MA THO BAR RIG PAR BYA'O, ,DON MI GO BAR SMAS PA NI DAG 'KHYAL PA'O, ,DE GSUM MA GTOGS PA TSIG GZHAN GANG ZHIG NYON MONGS PA CAN GYI SEMS KYIS BRJOD NA BAG 'CHAL PA'I KHA NA MA THO BAR RIG PAR BYA'O, ,LAS KYI LAM 'DI GSUM YANG BRDZUN BZHIN DU LUS KYIS KYANG BYED LA, SDIG PA'I KHYAD PAR YANG BRDZUN DANG 'DRA'O, ,GZHAN GYI NOR LA 'DOD PA BSKYED PA LAS NI BRNAB SEMS KYI KHA NA MA THO BAR RIG PAR BYA'O, ,SEMS CAN LA ZHE SDANG BA LAS NI GNOD SEMS KYI KHA NA MA THO BAR RIG PAR BYA'O, ,LOG PAR LTA BA NI SNGAR BSHAD PA BZHIN DU LTA'O, ,LAS KYI LAM 'DI GSUM GYI SDIG PA'I KHYAD PAR NI, BSAM PA'I KHYAD PAR KHO NA LAS RIG PAR BYAS LA, BRNAB SEMS KYI NI DMIGS PA'I DBANG GIS KYANG RIG PAR BYA'O, ,DE LTAR MI DGE BA BCU GZHI LA SOGS PA'I YAN LAG YONGS SU RDZOGS PAR SPYAD PA LAS NI, GNOD PAR 'GYUR BAS NA MI 'DOD PA'I 'BRAS BU ZHES SMOS PA YIN NO, ,STZOGS PA ZHES BYA BA NI BRDZUN DU SMRA BA LA SOGS PAR BSDU'O, ,'BRAS BU NI RNAM PA BZHI STE, RNAM PAR SMIN PA'I 'BRAS BU DANG, RGYU MTHUN PA'I 'BRAS BU DANG, DBANG GI 'BRAS BU DANG, SKYES BU BYED PA'I 'BRAS BU'O, ,DE LA SKYES BU BYED PA'I 'BRAS BU NI, 'PHRAL LA'AM DE MA THAG TU MYONG BAR 'GYUR RO, ,DBANG GI 'BRAS BU NI PHYI ROL DU SMIN PAR 'GYUR RO, ,RGYU MTHUN PA'I 'BRAS BU NI BYED PA DANG, MYONG BA'I DBANG GIS RNAM PA GNYIS SO, ,RNAM PAR SMIN PA'I 'BRAS BU NI NGAN SONG GSUM DU'O, ,DE LTA BAS NA 'BRAS BU BZHI MTSON PA'I DON DU RNAM PAR SMIN PA ZHES SMOS SO, ,'O NA SDOM PA CAN KHO NA LA NYES PAR 'GYUR RAM ZHE NA, MA YIN TE, THAMS CAD DANG THUN MONG YIN PAR BSTAN PA NI, BYANG CHUB SEMS DPA' NYID TSE LA LOG PAR BSGRUB PA BSTAN PA MA YIN GYI ZHES SMOS SO, ,'DIR NI MTSON PAR ZAD KYI ZHIB TU MDO NYID LAS SHES PAR BYA'O ZHES PHYOGS MTSON PA NI RGYA CHER GSUNGS SO ZHES BYA'O, ,DE LA SROG GCOD PA'I RGYU MTHUN PA NI MIR GYUR PA'I TSE RNAM PA GNYIS TE, BYED PA RGYU MTHUN PA DANG, MYONG BA RGYU MTHUN PA'O, ,DE LA BYED PA RGYU MTHUN @260B PA NI THAMS CAD DU BYED PAR DGA' BA STE, THAMS CAD DU RIG PAR BYA'O, ,MYONG BA RGYU MTHUN PA NI 'DI LTA STE TSE THUNG BA DANG NAD MANG BA'O, ,DBANG GI 'BRAS BU NI LO THOG LA SOGS PA KHA BA DANG, SHIN PA DANG, RUL BAR 'GYUR ZHING DES DUS MA YIN PAR 'CHI BA'I RKYEN DU 'GYUR BA'O, ,'DOD PA LA LOG PAR G-YEM PA'I MYONG BA RGYU MTHUN PA'I 'BRAS BU NI, G-YOG 'KHOR MI SRUN PA DANG, LHOD PA DANG BCAS PA'I CHUNG MAR 'GYUR BA'O, ,DBANG GI 'BRAS BU NI LUD KHUNG DANG LJAN LJIN CAN DU SKYA BAR 'GYUR RO, ,MA BYIN PAR LEN PA'I MYONG BA RGYU MTHUN PA'I 'BRAS BU NI, LONGS SPYOD MED PA DANG GZHAN DANG THUN MONG BA'O, ,DBANG GI 'BRAS BU NI SAD DANG MU GE LA SOGS PAR 'GYUR BA'O, ,BRDZUN DU SMRA BA'I MYONG RGYU MTHUN PAS NI SLU BA DANG SKUR PA MANG BA'O, ,DBANG GI 'BRAS BU NI HA CANG CHAR CHE BA LA SOGS PA'O, ,PHRA BA'I MYONG BA RGYU MTHUN PAS NI G-YOG 'KHOR MI 'DUM PA DANG, NGAN PAR 'DU BA'O, , DBANG GI 'BRAS BU NI, SA GZHI GYE [?] GU DANG MTHO DMAN CAN DU SKYE BA'O, ,DAG RTZUB PO'I MYONG BA RGYU MTHUN PA NI, ZHER 'DEBS PA DANG, YID DU MI 'ONG BA'I TSIG THOS PA'O, ,DBANG GI 'BRAS BU NI SA GZHI RTZUB PA DANG TSER MA CAN LA SOGS PA'O, ,TSIG 'KHYAL PA'I MYONG BA RGYU MTHUN PAS NI TSIG MI BTZUN PA DANG; MA BRTAGS PAR SPOBS PA CAN NO, ,DBANG GI 'BRAS BU NI LJON SHING YAL GA DANG LO MA DANG 'BRAS BU MED PAR 'GYUR BA'O, ,BRNAB SEMS KYI MYONG BA RGYU MTHUN NI, 'DOD PA CHE BA DANG CHOG MI SHES PA'O, ,DBANG GI 'BRAS BU NI LONGS SPYOD DANG 'BRU LA SOGS PA JE CHUNG DU 'GYUR PA'O, ,GNOD SEMS KYI MYONG BA RGYU MTHUN PAS GZHAN GYIS 'TSE BA DANG GLAGS LTA BAR 'GYUR BA'O, ,DBANG GI 'BRAS BU NI GCAN GZAN GDUG PA DANG SRIN DANG ME LA SOGS PA MANG BAR 'GYUR BA'O, ,LOG PAR LTA BA'I MYONG BA RGYU MTHUN PAS NI LTA BA NGAN PA DANG, G-YO SGYU CAN NO, ,DBANG GI 'BRAS BUS NI MGON MED CING SKYABS MED PAR 'GYUR BA LA SOGS PA'O, ,DE LTA BAS NA RNAM PAR SMIN PA DANG MYONG BA RGYU MTHUN PA'I DBANG DU MDZAD NAS, 'PHAGS PA SA BCU'I MDO LAS SROG GCOD PA NI SEMS CAN DMYAL BAR KHRID DO, ,DUD 'GRO'I SKYE GNAS SU KHRID DO, ,GSHIN RJE'I 'JIG RTEN DU KHRID DO, ,CI DE BRGYA LA MIR SKYES NA @261A *, ,YANG 'BRAS BU GNYIS MYONG BAR 'GYUR TE, 'DI LTA STE TSE THUNG BA DANG NAD MANG BA'O ZHES BYA BA LA SOGS PA RGYAS PAR GSUNGS PA YIN NO, ,DE LA GTZO BO YIN PAS SEMS CAN DMYAL BA 'BA' ZHIG SMOS TE, ZHIB TU NI DAM PA'I CHOS DRAN PA NYE BAR GZHAG PA NYID LAS RIG PAR BYA'O, , DA NI LONGS SPYOD DANG SROG LA CHAGS PA'I LOG PAR SGRUB PA SPANG BA'I PHYIR, LONGS SPYOD DANG SROG LA CHAGS PA ZHES BYA BA LA SOGS PA GSUNGS TE, LOG PAR SGRUB PA NI BAR DU GCOD PA'I RGYU'O, ,DE LA RE ZHIG SPYIR BSTAN PA NI, RGYAL PO CHEN PO ZHES BYA BA LA SOGS PA STE, LONGS SPYOD DANG LUS LA SOGS PA NI MI RTAG PA NYID YIN LA; MI RTAG PA'I DON NI MED PA'I DON YIN PAS RMI LAM GYI DPES BSTAN TO, ,MI RTAG PA NYID NI, SHING LAS ZHES GSUNGS TE, LONGS SPYOD DANG LUS LA SOGS PA 'PHEL BA MI RTAG PAR BSTAN PA NI, ME TOG BYUNG NAS 'BRAS BU 'BYUNG NGO ZHES BYA BAS DPE BSTAN TO, ,GNAS PA MI RTAG PA NI 'BRAS BU BYUNG NAS YANG MED PA'I DPES BSTAN TO, ,'GRIB PA MI RTAG PA NI 'DAB MA'I DPES BSTAN TO, ,DE LTAR DPE DON DU SBYAR BA NI, DE BZHIN DU ZHES GSUNGS TE, RGYAL SRID NI RIN PO CHE DANG NYE BA'I RIN PO CHE'O, ,DBANG PHYUG NI LONGS SPYOD MTHA' DAG LA DBANG BA'O, ,'DOD PA NI GZUGS LA SOGS PA'O, ,DBANG BA NI DBANG MED PA'O, ,DE DAG GANG ZHE NA GLANG PO CHE DANG ZHES BYA BA LA SOGS PA GSUNGS TE, GLANG PO CHE DANG, RTA DANG, SHING RTA NI THEG PA'I LONGS SPYOD DO, ,DE'I STENG DU DPUNG BU CHUNG BSNAN PA NI DPUNG RNAM PA BZHI STE, BDE BA SKYONG BA'I DBANG DU BYAS PA'O; ,SRAS DANG BTZUN MO DANG GZHON NU ZHES BYA BA NI NANG GI 'KHOR TE, BDE BA SPYOD PA'I DBANG DU BYAS TE, DE LA NANG GI SLAS NI SLAS TE BTZUN MO DAM PA'O, ,BLON PO DANG RTZIS PA DANG SNA CHEN PO LA GTOGS PA ZHES BYA BA NI NYE BA'I 'KHOR TE, LONGS SPYOD KYI BDE BA GONG DU SPEL BA'I DBANG DU BYAS PA STE; DE LA 'KHOR LO'I 'THAB PA'I BLON PO CHEN PO SNA CHEN PO LA GTOGS PA'O, ,SGO BA DANG 'KHOR ZHES BYA BA NI DE DANG NYE BA'I 'KHOR TE, BDE BA DANG MI MTHUN PA LAS BSRUNG BA'I DBANG DU BYAS PA'O, ,PHA MA NAS RTEN GROGS ZHES BYA BA'I BAR NI, 'KHOR GYI GTZO BO STE, BDE BA THOB PA'I DBANG DU BYAS @261B PA'O; ,BRAN PO NAS ZHO SHAS 'TSO BA'I BAR NI, PHYI'I 'KHOR TE, BDE BA'I RGYU CHUD MI GSON PA'I DBANG DU BYAS PA'O, ,YUL GYI MI ZHES BYA BA NI RIS SU GTOGS PA'I 'KHOR TE BDE BA LA SBYAR BA'I DBANG DU BYAS PA'O, ,GSER DANG DNGUL LA SOGS PA NI NOR BU DANG BYA BA DAG GO , ,GOS DANG NOR ZHES BYA BA NI SPYAD PA'I DBANG DU BYAS PA'O, ,'BRU DANG BANG MDZOD CES BYA BA NI BSAG PAR BYA BA'O, ,SOGS PA ZHES BYA BA NI RKANG 'GROS NAS ZHING GI BAR DU BSDU BA STE, 'DI DAG KYANG 'PHEL BA DANG GNAS PA DANG 'JIG PA MI RTAG PAR BSTAN TO, ,LONGS SPYOD JI LTA BA BZHIN DU SROG MI RTAG PAR BSTAN PA NI, BOR TE 'GRO DGOS SO ZHES BYA BA STE, DUS KYIS GNYER TE RGYAL PO 'GRO DGOS NA, ,LONGS SPYOD MDZA' DANG GNYEN GSHES RJES MI 'GRO, ,ZHES GSUNGS SO, ,DA NI JI LTAR MI RTAG PA BSTAN PA DE'I PHYIR MI RTAG PA ZHES BYA BA LA SOGS PA GSUNGS TE, RE ZHIG SPYIR BSTAN PA NI SKAD CIG MA'I MI RTAG PAS NA MI RTAG PA STE SKYES NAS 'JIG PA'I PHYIR RO, ,RGYUN MI RTAG PAS NA MI BRTAN PA STE BLO RTZING GIS KYANG RTOGS PA'I PHYIR RO, ,GLO BUR GYIS MI RTAG PAS NA YID MI BRTAN PA STE, DUS LA MI SDOD PAR 'JIG PA'I PHYIR RO, ,DUS KYIS MI RTAG PAS NA RNAM PAR 'GYUR BA STE DUS KYIS 'GYUR BA'I PHYIR RO, ,DE LTAR MI RTAG PAS NA YUN THUNG STE RING DU MI GNAS PA ZHES SNGA MA PHYI MAS BSHAD PAR BYA'O, ,DA NI KHYAD PAR DU BSHAD PAR BYA STE, RE ZHIG LA TSE MI RTAG PA NI MTHAR SDIG PA ZHES BYA STE, RGAS PA NI YID DU MI 'ONG BA'I PHYIR SDIG PA'O, ,LONGS SPYOD MI RTAG PA NI ZAD CING 'JIG PA STE, ZAD PA NI RANG GI NYAMS PA'O, ,'JIG PA NI GLO BUR GYI RKYEN GYIS SO, ,THAMS CAD KYI RANG BZHIN DE YIN PAS NA SGO ZHES BYA STE, DER 'GRO BA'I PHYIR RO, ,LONGS SPYOD DANG LUS DAG NI SHING RTA'I YAN LAG 'DUS PA LTA BU YIN PAS NA RGUD PA DANG DGA' BA DAG NI SO SOR 'GYES PA LTA BU'O, , NAD MED PA MI RTAG PA NI 'JIGS PA DANG 'TSE BA DANG BCAS PA ZHES BYA BA LA SOGS PA STE, LHAN CIG SKYES PA'I NAD NI SNGAR MA LTA BU'I NGO BO NYID PAS NA, NGAG GI SKRAG PA STE, 'JIGS PA DANG BCAS PA'O, ,GLO BUR BA'I NAD NI MTSON GYI ZUG RDU LTA BU STE, 'PHRAL DU 'BYUNG BAS 'TSE BA DANG BCAS PA'O, , @262A *, ,SROG MI RTAG PAS 'CHI BA NI, SEMS KYI GDUNG BA'I RGYU YIN PAS MYA NGAN MANG BA'O, ,LUS GDUNG BA'I RGYU YIN PAS 'KHRUG PA MANG BA STE, LUS LAS KYANG 'CHI BA'I RKYEN GYI MYA NGAN DANG 'KHRUG PA RNAMS 'BYUNG NGO ZHES GSUNGS SO, ,'CHI BA NYID GANG ZHE NA, TSE DANG DROD DANG RNAM SHES KYIS, ,DE YI LUS NI BOR BA NAS, ,DRAN PA MED DE SHING LTA BUR, ,SA LA 'GYEL NAS NYAL BAR 'GYUR, ,ZHES BYA BA NI 'CHI BA YIN LA, YAN LAG DANG NYID LAG DAG NI SA LA 'BRUL, 'BYUNG BA CHEN PO BZHI'I LUS 'DI 'JIG DBUGS RGYU BA DANG SROG DAG NI 'CHAD, RUS PA DANG SHA DANG KHRAG DANG RGYUS PA LA SOGS PA DAG NI SO SOR 'GYES, SKRA DANG NUS PA DAG NI PHYOGS DANG PHYOGS MTSAMS SU 'THOR ZHES BYA BA'I TSUL GYIS 'BRUL BA LA SOGS PA'I TSIG RNAMS BSHAD PAR BYA'O, ,RNAM PAR 'JIG PA ZHES BYA BA NI NGES PAR ZHES BYA BA'I DON TO, ,DE DAG KYANG DUS NGES PA MED; MDO SDE LAS MTHAR SGO GCIG TU 'DU BAS NI DRI BA MGO GCIG TU LAN GDAB PA'I PHYIR CHOS CAN ZHES BYA BA SMOS PA YIN NO, ,DE NI LOG PAR SGRUB PA SPANG BA'I PHYIR MI RTAG PA NYID LA GDAMS PA NI, DE BAS NA ZHES BYA BA LA SOGS PA GSUNGS TE, 'DIR MI RTAG PA NI RNAM PA GNYIS TE, NANG GI MI RTAG PAR LTA BA DANG, PHYI'I MI RTAG PAR LTA BA'O, ,DE LA NANG GI MI RTAG PA NI SKAD CIG PA DANG, RGYUN MI RTAG PA DANG, GLO BUR GYIS MI RTAG PA'O, ,PHYI'I MI RTAG PA NI DUS KYIS MI RTAG PA STE, RNAM PAR BAM PA LA SOGS PA'O, ,DE DAG KYANG YANG DANG YANG DU GOMS PAR BYA BA DANG, GNAS SKABS RNAM PA DGUR RANG GI LUS DANG MGO BSGRE BAS LOG PAR SGRUB PA SPANG BAR 'GYUR TE, JI SKAD DU, DRAN PA NYE BAR GZHAG PA'I SKABS NAS ZHIB TU 'BYUNG BZHIN DU LTA BA NI MI RTAG PAS LTA BA DANG ZHES BYA'O, ,ZAD PA DANG 'JIG PA DAG NI NANG DANG PHYI ROL LUS LA LTOS PA'O, ,LONGS SPYOD LA CHAGS PA'I GNYEN PO JI LTAR SGOM ZHE NA, LA LA NA RE 'DOD PA'I NYES DMIGS SGOM PA NYID YIN NO ZHES ZER RO, ,LA LA NA RE LUS MI RTAG PA SGOM PA NYID KYIS LONGS SPYOD LA CHAGS PA SPONG BAR 'GYUR RO ZHES ZER RO, ,CHOS KYI RGYAL PO NI CHOS DANG MTHUN PAR BYA'I BAB COL DU MA YIN ZHES BYA BA'O, ,JI @262B LTAR ZHE NA, RJES SU 'JUG PAR GYIS LA ZHES BYA STE, BCOM LDAN 'DAS KYIS JI LTAR GSUNGS PA BZHIN DU 'JUG PAR BYA'O ZHES BYA BA'I DON TO, ,CHOS MA YIN PA NI LUGS MA YIN TE, DPER NA KUN DU RGYU BYANG CHUB KYI SEMS SKYES PA'I RABS LAS BSTAN PA LTA BU'O, ,DA NI GANG GIS MI RTAG PA DE NYID BSTAN PA NI, DPER NA ZHES BYA BA LA SOGS PA STE, RE ZHIG DPER DGOD PA NI RI CHEN PO ZHES BYA BA STE, THOG TU BAB PAS NA RI DPER DGOD PA'O, ,RGA BA LA SOGS PA BSTAN PAR PHYOGS BZHI SMOS SO, ,MI ZLOGS SHING MI SHIGS PAR BSTAN PAS NA SRA BA LA SOGS PA SMOS TE, DBUG PAR MI NUS PAS NA SRA BA'O, ,MKHREGS PAS NA SNYING PO DANG LDAN PA'O, ,'PHAN MED PAS NA MA ZHIG PA'O, ,SER KA MED PAS NA MA GAS PA'O, ,GSENG MED PAS NA KHONG STONG MA YIN PA'O, ,GZHIG PAR MI NUS PAS NA MKHREGS PA'O, ,BAR MED PAS NA GCIG TU 'DUS PA'O, ,'PHANGS DANG RNGAMS CHE BAS NA BYIN CHE ZHING MTHO BA'O, ,DE LTAR BSHAD PA'I DPE NYID SBYAR BA NI, DE BZHIN DU SMOS TE, BZLOG PAR SLA BA MA YIN NO ZHES BYA BA NI, SHUGS KYIS NYON MONGS PA SPANGS NAS 'CHING BA LAS GROL BAR 'GYUR RO ZHES BYA BA NI 'PHANGS PA YIN NO, ,DE LA LUS DANG SROG DANG LONGS SPYOD KYI DBANG DU BYAS NAS 'DIR BZHI BSTAN TE, LUS KYI DBANG DU BYAS NAS RGA BA DANG NA BA'O, ,SROG GI DBANG DU BYAS NAS 'CHI BA'O, ,LONGS SPYOD KYI DBANG DU BYAS NAS RGUD PAR RNAM PAR BZHAG STE, 'JOMS PA NI 'PHROG PA'I PHYIR TE JI SKAD DU DGE SLONG DAG LANG 'TSO NI 'JIG RTEN PA THAMS CAD LA SDUG PA, NA BA, PHANGS PA, YID DU 'ONG BA, MNGON PAR DGA' BAR BYA'O, ,LANG TSO'I MTHA' NI RGA BA STE, DGE SLONG DAG 'JIG RTEN PA THAMS CAD MI SDUG PA DANG, MI NA BA, MI PHANGS PA, YID DU MI 'ONG BA, MNGON PAR DGA' BA BYA BA MA YIN PA'O ZHES BYA BA LA SOGS PA GSUNGS PA LTA BU'O, ,DE LTAR LOG PAR SGRUB PA SPYIR BSTAN NAS, DA NI DE DAG THAMS CAD KYI RTZA BA YIN PAS LUS LA CHAGS PA SPANG BA KHYAD PAR DU BRJOD PAR BYA'O, ,DE LA RE ZHIG LUS MI RTAG PA BSTAN PA NI, 'CHI BA YIN LA, DE YANG MI 'DOD PA GZHAN GYI DBANG YIN PAS RANG DBANG MED PAR BSTAN PA NI, RI DAGS @263A *, ,KYI RGYAL PO SENG GE ZHES DPES BSTAN TO, ,DPE GNYIS SBYAR BA NI DE BZHIN DU ZHES GSUNGS TE, 'CHI BDAG NI GSHIN RJE LA BYA'O, ,GSAL ZHING ZHES BYA BA NI, MI BDE BA'I MING GI RNAM GRANGS SO, ,JI LTAR ZHE NA, RGYAGS PA DANG NI BRAL ZHES BYA BA LA SOGS PA'O, ,JI LTAR MI BDE BAR 'GYUR ZHE NA, SRID PA BZHIR BRGYUD PA'I TSE SDUG BSNGAL RNAM PA BZHI MYONG STE, 'CHI BA'I SRID PA DANG, BAR MA DO'I SRID PA DANG, SNGON DUS KYI SRID PA DANG, SKYE BA'I SRID PA STE RNAM PA BZHIR RGYAGS PA DANG BRAL BA LA SOGS PA'I SDUG BSNGAL RNAM PA BZHI MYONG STE, DE LA RGYAGS PA DANG BRAL ZHES BYA BA LA SOGS PA NI 'CHI BA'I SDUG BSNGAL MANG PO BSTAN TO, ,LAS KYI SRID PA NAS YANG SRID PA LA NI 'JUG CES BYA BA LA SOGS PAS NI, BAR MA DO'I SRID PA'I SDUG BSNGAL BSTAN TE, 'JU ZHES BYA BAS 'BRAS BU'I RGYU LTA BUR CHAD PAR MI 'GYUR BAR 'BYUNG BA LA BYA'O, ,'DIR SDUG BSNGAL NI LUS BYE BRAG MED PA LA SRID PAR 'GYUR BA'O, ,LA LA NA RE BAR MA DO'I SRID PA NI MED DE, LUNG LAS BAR MA DO'I BSHAD PA YANG GNAS GZHAN DU 'GRO BA'I BAR LA BYA'O ZHES ZER RO, ,SNGON DUS KYI SRID PA'I SDUG BSNGAL BSTAN PA NI GANG DU SKYE BA DE'I BYAD GZUGS 'DZIN PA STE, MDO 'DI NYID LAS SEMS CAN DMYAL BAR 'GRO BAR 'GYUR NA, DE SEMS CAN DMYAL BA YANG SOS DANG ZHES BYA BA LA SOGS PA GSUNGS TE DE'I PHYIR MUN PA CHEN POR NI ZHUGS ZHES BYA STE, SDIG PA BYED PA'I SNANG BA YIN PA'I PHYIR RO, ,DES MA 'ONGS PA'I SKYE BA SEMS CAN DMYAL BA LA SOGS PAR SKYE BA NI SRID PA'I SDUG BSNGAL TE, DE DAG TU NYING MTSAMS SBYOR BA NI PHYIR MDO 'DI NYID LAS SKYE BAR 'GYUR RO ZHES GSUNGS PA'I PHYIR RO, ,'O NA SDUG BSNGAL DE LAS SKYOB PAR BYED PA GANG YIN ZHE NA, SBYIN PA DANG ZHES BYA BA LA SOGS PA GSUNGS TE, DKA' THUB NI TSUL KHRIMS SO, ,CHOS NI THOS PA LA SOGS PA'O; ,LA LA NA RA SBYIN PA NI GTONG BA'O, ,DKA' THUB NI YAN LAG BRGYAD DANG LDAN PA'I GSO SBYONG NGO, ,CHOS NI BZOD PA STE, DE GSUM GYIS NI NGAN SONG GIS SPONG BAR 'GYUR BAS, LUNG LAS, SLONG BA CHUNG YANG SBYIN PAR BYA, ,BDEN PAR SMRA BYA KHRO MI BYA, ,RNAM PA 'DI GSUM GNAS BGYIS NA, , @263B LHA YI NANG DU SKYE BAR 'GYUR, ,ZHES ZER RO, ,LA LA NA RE CHOS NI SKYABS SU 'GRO BA'O, ,DKA' THUB NI SDIG PA BSHAGS PA'O, ,SBYIN PA NI DNGOS PO DANG, ZHING DANG, BSAM PA'I KHYAD PAR CAN LA BYA'O ZHES 'DOD DO, ,LA LA DAG NI CHOS NI BZOD PA LA SOGS PA BZHI LA 'DOD DO, ,'JIG RTEN NA CHOS MA YIN PA LA CHOS KYI SGRAR BSHAD PA PHYUGS BSAD PA'I MCHOD SBYIN LA SOGS PA DAG NI BDE BA'I RGYU MA YIN PAS SKYABS GZHAN MED CES BYA BA LA SOGS PA'O, ,LA LA NA RE BU DANG BU MO LA SOGS PA DAG NI, TSE 'DI 'BA' ZHIG GI GROGS YIN PAS, 'PHAGS PA DRAG SHUL CAN GYIS ZHUS PA LAS KYANG DE SKAD BRJOD PAS NA CHOS MA GTOGS PA SKYABS GZHAN MED CES BYA BA LA SOGS PA GSUNGS SO ZHES ZER RO, ,DA NI MI RTAG PA BSGOM PAR GDAMS PA NI, DE LTA BAS NA ZHES GSUNGS TE, DNGOS PO NI 'JIG PA'O, ,SKYO BA SKYE BA'I RGYU YIN PAS NA 'CHI BAS 'JIGS SKRAG PAR BYA'O, ,DES NI CI ZHIG BYA ZHE NA, 'CHI BA LA LAS RJES SU 'BRENG BAS NA LAS MI DGE BA SPANGS PA NI, CHOS KYI RGYAL SRID KYI SA SHIG CES BYA BA LA SOGS PA'O, ,MTHUN PA NI RJES SU 'JUG PA'O, ,'O NA LUS 'DI NI GUS SHING GCES PAR BYA BA YIN TE, YON TAN THAMS CAD DANG LDAN PA'I PHYIR ZHES RGOL BA NI, DE CI'I PHYIR ZHE NA ZHES BYA BA'O; ,LAS NI GUS PAR BYAS SHING GCES SU BYAS PA YANG 'CHI BA'I TSE YON TAN THAMS CAD DANG BRAL BAR 'GYUR BAS DE DON MED PAR 'GYUR ZHES BSTAN PA NI, LEGS PAR YONGS SU BSRUNGS LEGS PAR YANG YONGS SU BTZAS PAS YANG ZHES BYA BA STE, PHYI'I MI MTHUN PA LAS NI BSRUNGS ZHES BYA BA'O,, NANG GI MI MTHUN PA LAS NI BTZAS ZHES BYA BA STE, YON TAN NI GZUGS DANG, SGRA DANG, DRI DANG, RO DANG, REG PA'O, ,LDAN PA ZHES BYA BA NI 'BYOR BA'O, ,YUN RING POR ZHES BYA BA NI NAM 'TSO'I BAR DU, DE LA RO PHUN SUM TSOGS PA'I MI RTAG PA BSTAN PA NI, BZA' BA DANG ZHES BYA BA LA SOGS PA STE, BZA' BA NI 'BRAS CHAN LA SOGS PA'O, ,BCA' BA NI BU RAM SHING LA SOGS PA'O, ,MYANG BA NI SBRANG RTZI LA SOGS PA'O, ,NGOMS PAR 'GYUR BA NI BTUNG BA'I BYE BRAG GO, ,BSOD PA NI YID DU 'ONG BA'O, ,GTZANG BA NI G-YOS LEGS PA'O, ,TSIM PA NI 'BRU LA SOGS PA'O, ,DE NYID KYANG MI @264A *, ,RTAG PAS NA THA MA'I MAL NA 'DUG PA'I TSE ZHES BYA BA LA SOGS PA'O, ,DRI PHUN SUM TSOGS PA MI RTAG PAR BSTAN PA NI, BKRUS SHING BSKUS TE BDUG PAS BSGOS ZHES BYA BA LA SOGS PA STE, DRI NGA BA NI DRI MI ZHIM PA'O, ,REG PA MI RTAG PAR BSTAN PA NI, YUL KA SHI'I RAS DANG ZHES BYA BA LA SOGS PA'O, ,SGRA SNYAN PA MI RTAG PA NI, BUD MED KYI NANG NA 'DUG CES BYA BA LA SOGS PA'O, ,GZUGS MI RTAG PAR BSTAN PA NI, KHYOD KYI KHYIM GYI NANG NA ZHES BYA BA LA SOGS PA GSUNGS TE, GDON MI ZA BA NI NGES PA'O, ,DA NI LONGS SPYOD PA'I KHYAD PAR MI RTAG PAR BSTAN PA'I PHYIR GLANG PO CHE'I BYA BA LA KHA'AM ZHES BYA BA LA SOGS PA GSUNGS TE, GLANG PO CHE DANG, RTA DANG, SHING RTA NI ZHON PA'I LONGS SPYOD DO, ,DUNG LA SOGS PA NI SGRA SNYAN PA'I LONGS SPYOD DO, ,GDUGS NI DGA' BA'I LONGS SPYOD DO, ,RGYAL MTSAN LA SOGS PA NI MTSON PA'I LONGS SPYOD DO, ,GZUGS KYI KHYAD PAR RO, ,NOR BU'I YU BA CAN LA SOGS PA NI BSIL BA'I BYA BA'O, ,GLANG PO CHE DANG RTA DANG DPUNG BU CHUNG NI BDE BA SKYOB PA'I DBANG DU BYAS PA'O, ,BLON PO LA SOGS PA NI SHIS PA RJOD PAR BYED PA'O, ,DE DAG MI RTAG PAR BSTAN PA NI, G-YO BA MED CING ZHES BYA BA LA SOGS PA STE, ZHON PA'I LONGS SPYOD LA MI RTAG PAR BSTAN PA LA SOGS PA DANG RIM PA BZHIN DU SBYAR BAR BYA'O, ,'O NA RGYAL PO 'BA' ZHIG GI LUS MI RTAG GAM ZHE NA, THAMS CAD KYI LUS KYI RANG BZHIN NI 'DI YIN TE ZHES SMOS PAS SKYES PA THAMS CAD NI 'CHI BAR 'GYUR ZHES MGO GCIG TU LAN GDAB PAR BYA'O, ,'O NA 'CHI BA'I SDUG BSNGAL LA SOGS PA DE DAG LAS THABS GANG GIS GROL BAR 'GYUR ZHE NA SPANG BA'I THABS GSUNGS PA NI, MI RTAG PAR LTA BA DANG ZHES BYA BA LA SOGS PA STE, SDUG BSNGAL MTHA' DAG GI RGYU TSE 'DI LA CHAGS PA YIN PAS 'CHI BA RJES SU DRAN PA LA GDAMS PA NI MI RTAG PAR LTA BA DANG, ZAD PA DANG, 'JIG PAR LTA BA'O, ,'CHI BA'I 'OG TU NGAN SONG GI SDUG BSNGAL GYI RGYU MI DGE BA YIN PAS, LAS DANG 'BRAS BU YID CHES PA'I DAD PA SGOM PAR GDAMS PA NI, 'DOD CHAGS KYI CHAGS PA MED PAR ZHES BYA BA LA SOGS PA STE, MI DGE BA BCU'I LAS KYI LAM DAG GI RGYU NI 'DOD CHAGS LA SOGS PA YIN PAS SPANG BAR BYA'O ZHES BYA BA YIN NO, ,'KHOR BA @264B LAS THAR BA MA YIN PAR 'CHI BA'I SDUG BSNGAL MI LDOG PAS, 'KHOR BA'I NYES DMIGS SGOM PAR GDAMS PA NI, RGYAL SRID KYI DBANG PHYUG DANG ZHES BYA BA LA SOGS PA STE, SPANG ZHES BYA BA'I SGRAS SLAR YANG PHYIR 'KHOR BAR 'GYUR BAS SPANG BAR BYA ZHES BYA BA'I DON TE, SLOB DPON NYID KYIS 'KHOR BA MTHON DMAN GYI NYES PA BSHAD PA BZHIN NO, ,SROG CES BYA BA NI TSE'I DON TO, ,NAD MED PA NI LUS KYI SROG DANG LUS KYI BDE BAS KHENGS PAR MI BYA'O ZHES BYA BA'I DON TO, ,'DOD PA DAG NI LONGS SPYAD PAR BYA BA YIN NO ZHES DE CI'I PHYIR ZHEN ZHES RGOL BA LA GANG ZHIG TSIM PAR 'GYUR BA DE NI BRTEN PAR RIG NAS, 'DOD PA DAG NI LAN TSVA'I CHU LTA BU YIN PAS PHYIR ZHING GDUNG BAR 'GYUR BAS DON MED PA'I PHYIR BRTEN PAR MI RIGS SO ZHES BYA BA NI, 'DOD PA RNAMS RNYED PA'AM ZHES BYA BA LA SOGS PA GSUNGS TE, TSOL BA'I DBANG DU BYAS NAS RNYED PA'AM SO SOR RNYED PA'O, ,SRUNG BA'I DBANG DU BYAS NAS BSAGS PA'AM RAB TU BSAGS PA'O, ,LONGS SPYOD PA'I DBANG DU BYAS NAS BRTEN PA'O, ,NGA MI SMRA'O ZHES BYA BA NI 'DOD PAS TSIM PAR MI GSUNG BA STE, ZHAL GYIS MI BZHES SO ZHES BYA BA'I THA TSIG GO, ,'O NA 'BRAS BU YOD PA GANG YIN ZHE NA MYA NGAN LAS 'DAS PA NI BSGRUB PAR BYA'O ZHES PHAN YON BSTAN PA NI, NGOMS PA'I 'PHAGS PA SHES RAB BO, ,ZHES GSUNGS TE, MTHONG BA'I LAM THOB PA LA 'BAD PAR BYA'O ZHES BYA BA'I DON TE, SHES RAB NI BDEN PA MA NOR BA'I SHES RAB BO, ,DE LTAR BCOM LDAN 'DAS KYIS JI LTAR GSUNGS PA BZHIN DU 'JUG PAR BYA BA NI RGYAL BA'I TSUL TE, SLOB DPON 'PHAGS PA KLU SGRUB NYID KYIS RIN PO CHE'I PHRENG BA'I MDO LAS GSUNGS PA YIN NO, ,DE LTAR RTAG PA DANG BDE BA MNGON PAR ZHEN PA'I LOG PAR BSLABS PA SPANGS PA BSHAD NAS, DA NI GTZANG BAR PHYIN CI LOG PA'I LOG PAR SGRUB PA SPANG BA'I PHYIR, RTAG TU LUS LA MI SDUG PAR BSGOM PA DANG LDAN PAR BYA STE ZHES GSUNGS PA'O, ,JI LTAR BSGOM PAR BYA ZHE NA, LUS 'DI LA SKRA DANG ZHES BYA BA LA SOGS PA GSUNGS TE, RE ZHIG NANG GI DBANG DU BYAS PA'O, ,RNAM PAR BAM PA LA SOGS PA NI, PHYI'I DBANG DU BYAS PA'O, ,NANG DANG PHYI'I 'DOD CHAGS KYI GNYEN PO YIN PA'I PHYIR RO, ,KUN RDZOB TU MI @265A *, ,GTZANG BA'I RDZAS SUM CU RTZA DRUG LA SOGS PA BSGOMS NAS CHOS NYID KYI DBANG DU BYAS TE, RANG BZHIN MED PA'I 'OG NAS 'BYUNG BA LTA BU SGOM PA NI MI SDUG PA BSGOM PA'I THABS THEG PA CHEN PO'I DBANG DU BYAS PA'O, ,NYAN THOS KYI THEG PA'I DBANG DU BYAS PA NI, NYAN THOS KYIS LAS 'BYUNG BA BZHIN DU RIG PAR BYA'O, ,BSGOM PA'I THABS SU GNAS BSTAN PA NI, DGON PA NA 'DUG KYANG RUNG ZHES BYA BA LA SOGS PA GSUNGS TE, LUS 'DU 'DZI LAS DBEN PAR BYA BA'I PHYIR RO, ,DE LA RGYAR GRAGS KYI MTHA' NI DGON PA STE, SKYE BO'I RGYUN LUGS DANG SGRA'I TSER MA LAS DBEN PA'I PHYIR RO, ,LO MA DANG LDAN PA SHING GI SHING DRUNG STE, HA CANG RTAG PAR BYA BA ZHEN PAS BSTEN PAR BYA BA YIN NO, ,KHONG STONG GI 'DU 'DZI LA CHAGS PAS BSTAN PAR BYA BA YIN NO, ,YONGS SU RTOG PA NI DPYOD PAR BYED PA'O, ,PHAN PA DANG BDE BA'I DON LA RMONGS PAS NA BYIS PA'O, ,SPYI MI SHES PAS NA BLUN PA'O, ,BYE BRAG MI PHYED PAS NA MI GSAL BA'O, ,PHAN BDE'I THABS LA 'JUG PA MI SHES PAS NA MI MKHAS PA'O, ,DNGOS PO 'DI DAG SHES NAS ZHES BYA BA NI MI GTZANG BRTAGS NA'O, ,DE NYID NGES PA'I DON DU BSTAN PA NI, DON RNAM PAR GDON MI ZA BA'I CHOS KYI RNAM GRANGS LAS ZHES SMOS SO; ,'DIS NI RIL POR 'DZIN PA'I LOG PAR BSGRUB PA SPANG BA YANG BSTAN PA YIN NO, ,DA NI BDAG TU LTA BA BYED PA PO'I BDAG TU ZHEN PA'I LOG PAR SGRUB PA SPANG BA'I PHYIR, LUS 'DI THOG MA DANG THA MA'I RGYU LA SO SOR BRTAG PAR BYA'O ZHES GSUNGS TE, DBANG PHYUG DANG DUS LA SOGS PAS MA BYAS PAS NA BYED PA PO MED PA'O, ,'O NA JI LTAR 'GRUB CE NA, PHA DANG MA PHRAD PA DANG, DRI ZA NYE BAR 'KHOR BA DANG, LAS JI LTAR BSAGS PA STE, RGYU RKYEN DE GNYIS DANG LDAN PA LAS SKYES PAS NA, TSOGS PA TZAM GYIS 'BRAS BU 'BYIN, ,ZHES BYA BA'O, ,DE'I PHYIR, PHA MA'I KHU CHU DANG KHRAG 'DUS PA LAS 'BYUNG STE ZHES SMOS TE, PHA'I SA BON LA GNOD PA MED PA DANG, MA'I ZLA MTSAN DUS DANG LDAN PA DANG, DRI ZA NYE BAR 'KHOR BAS NA 'DUS PA ZHES BYA STE, SKYE BA'I DANG PO KHU KHRAG GNAS, ,DUG CAN SRIN BU'I DUG DANG MTSUNGS, ,ZHES BYA BA'O, ,THA MA ZHES BYA BA NI LUS GNAS PA'O, ,KHAM GYI ZAS @265B ZHES BYA BA NI, DRI DANG RO DANG REG PA'I SKYE MCHED GSUM STE, KHAM GYI ZAS NI 'DOD PA NA, ,SKYE MCHED GSUM GYI BDAG NYID DE, ,ZHE'O, ,DE LAS KYANG RAGS PA YIN PA'I PHYIR RO, ,SKYE MCHED SMOS PA NI BZA' BA'I ZAS ZHES SMOS SO, ,DE LA SPYI BO NAS LHE'U SNA'I BAR NI BAD KAN GYI GNAS PA'O, ,LHE'U SNA NAS LTE BA'I BAR NI MKHRIS PA'I GNAS SO, ,LTE BA NAS RKANG MTHIL GYI BAR DU NI RLUNG GI GNAS SO, ,DE LA RKYANG RKYANG PO NI SLA BAR BYED PA STE, CHU'I KHAMS YIN PA'I PHYIR RO, ,ZHU BAR BYED PA NI ME'I KHAMS YIN PA'I PHYIR RO, ,RNAM PAR 'BYED PA NI G-YO BAR BYED PA'I PHYIR RO, ,DE LTAR RGYAS PAR BSHAD PA BSDU BA'I PHYIR YANG ZHES SMOS TE, MNGON PA'I NGA RGYAL NI GTZANG BAR ZHEN PA'I PHYIR RO, ,JI LTAR MNGON ZHE NA, SNA NAS RNAG GI RNAM PA 'DZAG ,CES PA LA SOGS PA'O, ,DE LTAR BDAG TU MNGON PAR ZHEN PA'I LOG PAR SGRUB PA SPANG BAR BSHAD NAS, DA NI YON TAN DU LTA BA'I LOG PAR SGRUB PA SPANG BA'I PHYIR SGOM PA NI; GROGS PO RNAMS ZHES BYA BA LA SOGS PA GSUNGS TE, NYES DMIGS KYI MTSAN NYID DANG, NYES DMIGS RTOGS NAS SPANG BAR BYA BA DANG, SPANGS PA'I PHAN YON RIG PAR BYA'O, ,DE LA NYES DMIGS KYI MTSAN NYID BSTAN PA NI, LUS 'DI NI 'DI LTAR MI RTAG PAR ZHES BYA BA LA SOGS PA STE, MI RTAG PA'I MTSAN NYID NI MI RTAG PA LA SOGS PA TSIG GSUM SMOS TE, SKAD CIG PA DANG, RGYUN GYIS DANG, GLO BUR GYIS MI RTAG PA'I PHYIR RO, ,STONG PA'I MTSAN NYID NI NYAM CHUNG BA STE, DNGOS POR LTA BA NI BRTAG MI BZOD PA'I PHYIR RO, ,BDAG MED PA'I MTSAN NYID NI SNYING PO MED PA STE, BDAG TU LTA BA DAG NI BTZAL NA MI RNYED PA'I PHYIR GZHAN DU MI DMIGS PA PHUNG PO DAG NI DU MA'I NGO BOR SNANG BA LA, BDAG GI RANG BZHIN NI GCIG TU BRTAG PA'I PHYIR DE MED PAS NA ZHIG PA'O, ,SDUG BSNGAL BA'I MTSAN NYID NI, 'DI LTAR YUN THUNG BA ZHES BYA BA LA SOGS PA STE, 'DU BYED DANG, 'GYUR BA DANG, SDUG BSNGAL GYI SDUG BSNGAL RNAM PA GSUM NI, BDE BA DANG SDUG BSNGAL BA DANG, BTANG SNYOMS KYI TSOR BA GSUM GYI DBANG DU BYAS PA STE, DE LA TSOR BA DANG BTANG SNYOMS KYI DBANG DU BYAS NAS, 'DU BYED KYI SDUG BSNGAL NI YUN THUNG BA ZHES BYA STE, BDE BA DANG SDUG BSNGAL GYI 'DU BYED PAS NA RING @266A *, ,DU MI GNAS PA YIN LA, BDE BA DANG SDUG BSNGAL DAG NI SDUG BSNGAL YIN PA'I PHYIR RO, ,TSOR BA SDUG BSNGAL GYI DBANG DU BYAS NAS, SDUG BSNGAL BA ZHES GSUNGS TE, TSOR BA SDUG BSNGAL BA DAG NI SDUG BSNGAL GYI SDUG BSNGAL YIN PA'I PHYIR RO, ,TSOR BA BDE BA'I DBANG DU BYAS NAS, NAD MANG BA ZHES BYA BA LA SOGS PA GSUNGS TE, LUS KYI BDE BA NAD MED PA'I 'GYUR BA NI NAD MANG BA'O, ,LONGS SPYOD LA SOGS PA NYAMS PA LA SOGS PAS TSOR BA SDUG BSNGAL BSKYED PAS NA 'GYUR BA'I CHOS CAN YIN NO, ,NAD MANG BA CI'I PHYIR ZHE NA, NAD KYI GNAS YIN PA'I PHYIR ZHES BSTAN PA NI, NAD MANG BA'I SNOD DO ZHES GSUNGS SO, ,GNAS NYID BSTAN PA NI, RUS PA LA RGYUS PA 'BREL PA ZHES GSUNGS TE, RUS PA DUM BU NYIS BRGYA BZHI BCU NI CHU RGYUS BRGYA DRUG CUS SPREL ZHING CHU BA CHEN PO BCU DRUG GIS BRTAN PA, SHA SVAR THABS BRGYAD CUS ZHAL ZHAL BYAS PA ZHES BYA BA LA SOGS PA LTA BU YIN LA; GTZO BO YIN PAS RUS PA DANG RGYUS PA SMOS TE, DE'I DPE NI 'KHRUL 'KHOR LTA BU STE, 'GRO BA DANG NYAL BA'I BYA BA BYED PA'I PHYIR, 'DI NI 'GYUR BA'I SDUG BSNGAL GYI DBANG DU BYAS PA'O, ,MKHAS PAS DE LA GNAS PAR MI BYA'O ZHES BYA BA NI, SHES RAB KYIS BRTAGS NAS ZHEN PAR MI BYA'O ZHES GDAMS PA'O, ,DE LTAR NYES DMIGS KYI MTSAN NYID MDOR BSTAN NAS, DA NI RGYAS PAR BSHAD PA'I PHYIR, LUS 'DI NI CANG MI BZOD PA ZHES BYA BA LA SOGS PA GSUNGS TE, KHYAB PA DANG BSTZAGS PA DANG RTEN BYED PA'I PHYIR LUS ZHES BYA STE RE ZHIG SPYIR BTANG BA YIN NO, ,DE LA GZUGS KYI PHUNG PO 'DI DAG NI HA CANG MI BZOD PA ZHES BYA STE, NYAM CHUNG BA'I PHYIR RO, ,DE'I DPE NI DBU BA RDOS PA LTA BU'O, ,LUS ZHES BYA BA NI TSOR BA'I PHUNG PO STE, RING DU MI GNAS PA NI BYUNG NAS 'GAGS PA'I PHYIR RO, ,CHU'I CHU BUR LTA BU ZHES BYA BA NI YANG SKYE ZHING 'GAG PA'I PHYIR DANG, SDUG BSNGAL GYI NGO BO NYID YIN PA STE, LUNG LAS KYANG TSOR BA NI CHU'I CHU BUR LTA BU YIN LA, TSOR BA GANG CI YANG RUNG, DE NI 'DIR SDUG BSNGAL DU RIG PAR BYA'O ZHES GSUNGS PA'I PHYIR RO, ,LUS ZHES BYA BA NI 'DU SHES KYI PHUNG PO STE, NYON MONGS PA'I SRID PA'I 'DOD CHAGS LA SOGS PA YONGS SU GDUNG BAS PHYIN CI LOG TU BRTAGS PA'I PHYIR @266B MTSAN MAR 'DZIN PA'O, ,SMIG RGYU LTA BU ZHAS BYA BA NI CHU MED KYANG DER SNANG BA'I PHYIR RO, ,LA LA NA RE 'DIR NYON MONGS PA'I DGRA NI, 'DOD CHAGS DANG RNAM PAR RTOG PA KHO NA LA BYA STE, 'KHOR BAR 'CHING BA'I RGYU YIN PA'I PHYIR RO ZHES ZER RO, ,LUS ZHES BYA BA NI 'DU BYED KYI PHUNG PO STE, SNYING PO MED PA NI SEMS PA'I TSOGS DRUG 'DUS PA'I PHYIR RO, ,CHU SHING LTA BU ZHES BYA BA NI, SO SOR PHYE NA SNYING PO MED PA'I PHYIR TE, LUNG LAS KYANG 'DU BYED KYI PHUNG PO GANG ZHE NA, SEMS PA'I TSOGS DRUG STE ZHES GSUNGS PA'I PHYIR RO, ,LUS ZHES BYA BA NI, RNAM PAR SHES PA'I PHUNG PO STE, ,PHYIN CI LOG NI MED PA LA; ,RNAM PAR PHYE NA YOD MA YIN, ,RNAM SHES SGYU MA 'DRA BAS NA, ,RGYU RKYEN TSOGS LAS YANG DAG 'BYUNG, ,DE PHYIR DNGOS PO MED CES BYA, ,ZHE'O, ,MED PA LA 'KHRUL PA YOD PAR 'DZIN PA JI LTAR RUNG, 'KHRUL PA NI GZHI DANG BCAS PA YIN NO, ,MA YIN TE, 'KHRUL PA NI MED PA LA RUNG GI; GZHAN DU JI LTAR 'KHRUL, MTHO YOR MED PA LA MIR 'KHRUL PA BZHIN NO, ,DE'I PHYIR GZHI MED PA KHO NA'O, ,DE LTA BAS NA YANG DAG PA MA YIN PA'I KUN DU RTOG PA'I MTSAN NYID YOD DO ZHES BSTAN PA NI, YANG DAG PA MA YIN PA MTHONG ZHES BYA STE, YID KYI SKYE MCHED LA SOGS PA'O, ,RMI LAM LTA BU ZHES BYA BA NI, GZHI MED PA LA 'KHRUL PAS SNANG BA'I PHYIR RO, ,MIG GI KHAMS LA SOGS PA THAMS CAD KYANG DE BZHIN RIG PAR BYA STE, THOG MA MED PA CAN GYI BAG CHAGS DE LTA BU GOMS PA'I PHYIR RO, ,DE DAG RGYU RKYEN TSOGS PA LAS SKYES PAS NA RGYU'I DBANG DU BYAS NAS LAS KYI GZUGS BRNYAN SNANG BA ZHES SMOS TE, SNGON ZHES BYA BA NI TSE SNGA MA LA SOGS PA'O, ,LAS NI DGE BA LA SOGS PA'O, ,GZUGS BRNYAN NI DE DAG RJES SU MTHUN PA'I NGO BO NYID DE, SLOB DPON NYID KYI ZHAL NAS, KHA TON MAR ME ME LONG BRGYA, ,ME SHEL SA BON SGYUR DANG SGRAS, ,PHUNG PO NYING MTSAMS SBYOR BA YANG, ,MI 'PHO BAR YANG MKHAS RTOGS BYA, ,ZHE'O, ,SNANG BA ZHES BYA BA NI LUS BLANGS PA LA SOGS PA'O, ,SNGAR BSHAD PA'I RKYEN MA TSOGS NA, RGYU'I NGO BO YANG 'BRAS BU MI SKYED PAS RKYEN LA RAG LAS PA ZHES BYA STE, BRAG CA LTA BU RKYEN LAS 'BYUNG BA'I PHYIR RO, ,RGYU RKYEN GANG TSOGS @267A *, ,PA LAS PHUNG PO GANG 'GRUB CE NA, 'DOD PA'I KHAMS KYI DGE BA'I LAS ZAG PA DANG BCAS PAS NI MTHO RIS KYI LHA LA SOGS PAR SKYE BA STE, RE ZHIG TSUL KHRIMS KYI 'BRAS BU NI MI'I LUS THOB BO, ,TSUL KHRIMS DANG, SBYIN PA DANG, BZOD PA RLABS PO CHE NI 'DOD PA'I KHAMS KYI LHA'I RIGS SU JI LTAR RIGS PAR SKYE'O, ,SROG GCOD PA'I LAS MANG DU BYAS SHING ZHE SDANG GI SHAS CHE BA NI, DMYAL BAR 'PHEN NO, ,GTI MUG GI SHAS CHE ZHING NYES PA LTUNG BA PHRA MO KHYAD DU BSAD PAS NI DUD 'GRO'I SKYE GNAS SU SKYE'O, ,'DOD CHAGS KYI SHAS CHE ZHING SER SNA'I LAS MANG DU BYAS PAS NI YI DAGS SU SKYE STE, DE'I PHYIR 'DOD PA'I KHAMS NI MNYAM PAR MA BZHAG PAS NA SEMS 'KHRUGS PA'O, ,MTSAN MA NI RTAGS SO, ,GZUGS DANG, GZUGS MED PA'I KHAMS NI ZHI BA'I RNAM PA STE, YID MI BDE BA DANG, BDE BA DAG BSAM GTAN DANG PO NAS BZHI PA'I BAR DU SNYOMS PAR 'JUG PA'I TSE SPANGS PA DANG, GZUGS KYI 'DU SHES LAS RNAM PA THAMS CAD DU YANG DAG PAR 'DAS PA LA SOGS PA GZUGS MED PA'I SKYE MCHED RNAM PA BZHI NI, TING NGE 'DZIN DANG LDAN PAS NA DGYES PA ZHES BYA STE, YID MI BDE BA LA SOGS PA NUB PA'I PHYIR RO, ,SPRIN LTA BU ZHES BYA BA NI 'BYUNG BA DANG NUB PA'I PHYIR RO, ,MTSAN MA ZHES BYA BA NI RTAGS TE MTSON PA'I PHYIR RO, ,DE DAG KYANG JI LTAR RIGS PAR SKAD CIG PA DANG RGYUN GYI NGO BOS 'JIG PAS SKAD CIG TU ZHES BYA BA LA SOGS PA STE, RGYU LA MI LTOS PA'I PHYIR RO, ,GLOG CES BYA BA NI HA CANG MYUR BA'I PHYIR RO, ,LA LA NA RE DA LTAR DANG MA 'ONGS PA'I PHUNG PO NI GLOG DANG SPRIN LTA BU YIN LA 'DAS PA'I DNGOS PO DAG NI RMI LAM LA SOGS PA LTA BU STE, THAMS CAD KYANG MI RTAG PAR BSTAN PA YIN NO ZHES KYANG ZER RO, ,LA LA NA RE SKYE BA MI RTAG PAR BSTAN PA'I PHYIR GZUGS BRNYAN DANG, BRAG CA LTA BUR BSHAD LA, GNAS PA MI RTAG PA NI SPRIN LTA BU'O, ,'CHI BA MI RTAG PA NI GLOG LTA BU STE, DE LTAR SPRIN THAMS CAD KYANG MI RTAG PA ZHES ZER RO, ,DE LTAR PHUNG PO LA SOGS PA'I NYES DMIGS SPANG BAR BSHAD NAS, DA NI GANG ZAG TU LTA BA SPANG BA'I PHYIR RO, ,DER GTOGS PA'I NYES DMIGS KYI MTSAN @267B NYID BSTAN PA NI, RKYEN SNA TSOGS LAS 'BYUNG BA ZHES BYA BA LA SOGS PA STE, RKYEN SNA TSOGS PA NI MI SHES PA DANG, LAS DANG SRED PA'I RANG BZHIN NO, ,BDAG PO ZHES BYA BA NI BYED PA PO STE, DBANG PHYUG LA SOGS PA'O, ,DE DAG BTZAL NA MI RNYED PAS NA MED PA'O, ,DE'I PHYIR PHUNG PO 'DOD RGYAL DUS DANG RANG BZHIN DANG, ,NGO BO NYID LAS MA YIN RGYU MED YIN, ,DBANG PHYUG DE YI RGYU MIN DE LTA BAS, ,MI SHES LAS DANG SRID LAS BYUNG RIG MDZOD, ,CES SLOB DPON NYID KYIS GSUNGS SO, ,SA DANG 'DRA BA NI, SRA BA'I MTSAN NYID DO, ,BYED PA NI LAS TE DBANG PHYUG LA SOGS PAS MA BYAS PA STE SNGA MA BZHIN NO, ,CHU DANG 'DRA BA NI GSHER BA'I MTSAN NYID DO, ,BDAG MED CES BYA BA NI RTAG PA LA SOGS PA MED PA'O, ,ME DANG 'DRA BA NI TSA ZHING SREG PA'I MTSAN NYID DO, ,SROG MED PA NI DROD DE ME YIN PA'I PHYIR RO, ,RLUNG DANG 'DRA BA NI YANG BA DANG G-YO BA'I MTSAN NYID DO; ,GANG ZAG MED PA NI SKYE ZHING 'JIG PA'I MTSAN NYID NI LAS DANG NYON MONGS PA'I DBANG YIN PA'I PHYIR RO, ,NAM MKHA' DANG 'DRA BA NI RANG BZHIN MED PA'I PHYIR TE, RIG PAS BTZAL NA MI RNYED PAS SO, ,DE LTA BAS NA 'BYUNG BA CHEN PO RNAMS KYI GNAS ZHES BYA STE, YANG DAG PA MA YIN PA DAG NI DE KHO NA NYID DU BRDZUN PA'I PHYIR RO, ,JI LTAR ZHE NA, LUS NI SA LA SOGS PA RGYU RKYEN TSOGS PA LAS SKYES PA YIN PAS GNAS ZHES BYA LA, DE DAG KYANG RGYU GCIG GIS 'BRAS BU DU MA MI BYED LA, RGYU GCIG GIS 'BRAS BU GCIG KYANG MI BYED PA'I PHYIR DANG, RGYU DU MAS 'BRAS BU DU MA MI BYED LA, RGYU DU MAS 'BRAS BU GCIG KYANG MI BYED PA'I PHYIR LA, 'ON KYANG MA BRTAGS PA'I MTSAN NYID DU RGYU DANG 'BRAS BU YANG DMIGS PAS YANG DAG PA MA YIN PA'O, ,PHUNG PO LNGA NI BDAG DANG BDAG GIR 'DZIN PA'I GZHI STE, DE YANG RNAM PAR SHES PA LA NI BDAG TU 'DZIN PA LA PHUNG PO LHAG MA LA NI BDAG GIR 'DZIN PAS NA BDAG DANG BDAG GI'O, ,DE DAG KYANG GCIG DANG DU MA'I RANG BZHIN DANG BRAL BA MED PAS TE STONG PA'O, ,CIS STONG ZHE NA, LA LA DAG NI BDAG CES BYA BA DNGOS POR GRUB PAR 'DOD DE, DE DAG KYANG CI BDAG CES BYA BA PHUNG PO'I NGO BO NYID DAM DE LAS MA GTOGS PA ZHIG TU YOD GRANGS NA, PHYOGS @268A *, ,DANG PO LTAR NA PHUNG PO DAG NI MI RTAG LA DU MA'I NGOR SNANG BA'I PHYIR DANG, BDAG CES BYA BA NI RTAG PA DANG GCIG PUR BRTAGS PA'I PHYIR RO, ,PHYOGS GNYIS PA LTAR NA, PHUNG PO LAS MA GTOGS PA'I BDAG NI SNANG DU RUNG BA LAS MI DMIGS PA'I PHYIR DANG, BDAG GI NGO BOR 'DOD PA'I PHYIR MI RUNG BA NYID DO, ,LA LA DAG NI RDUL PHRA RAB 'BYUNG BA LA SOGS PA'I NGO BOR GNAS SO ZHES 'DOD DO, ,DE DAG KYANG CHA SHAS DANG BCAS PA LA SOGS PA'I SKYON DU 'GYUR BA'I PHYIR, GANG YANG MI RUNG BA'O, ,HA CANG SPROS PAS CHOG NAS DA NI DKYUS MA NYID BRJOD PAR BYA STE, BEMS PO ZHES BYA BA NI RTOGS PA DANG BRAL BA'O; ,DA NI DPE NI RTZVA LA SOGS PA'O, ,'O NA CI'I PHYIR GZUGS KYI PHUNG PO 'GRUB CE NA, RNAM PAR SHES PA LA BRTEN PA'I RLUNG GI BYED PAS NA 'KHRUL 'KHOR DANG LDAN PAR 'BYUNG BA'O, ,'O NA BEMS PO MA YIN NO ZHE NA, TSOR BA MED PAS TE NYAMS SU MA MYONG BA'I PHYIR RO, ,'BYUNG BA ZHES BYA BA NI SKYE GNAS NAS RLUNG GIS 'PHEN ZHES BYA BA'I DON TO, ,DE'I DNGOS PO GANG ZHE NA, RNAG DANG MI GTZANG BA BSAGS PA ZHES BYA BA STE, KHU BA DANG KHRAG LAS MCHI GU'I RNAM PA LTA BUR 'GYUR RO, ,SNYING PO MED PAS NA GSOG GO, ,GNAS PA'I 'DU BYED KYIS KYANG DGOD PAS NA RTAG TU BYUG PA LA SOGS PA'O, ,GANG LAS SHE NA; NAD CES SMOS TE, RLUNG DANG MKHRIS PA DANG BAD KAN DANG, 'DUS PA LAS GYUR PA'I NAD BRGYA RTZA GCIG PA BZHI NI BZHI BRGYA RTZA BZHI'O, ,GTZE BA NI GNYEN PO'O, ,RGA BA NI 'BYUNG BA YONGS SU SMIN PA'O, ,ZIL GYIS NON PA NI RTAG TU NYEN PA'O, ,'CHI BA NI RNAM PAR SHES PAS LUS YONGS SU BTANG BA'O, ,DE LA RTZVA'I RKYAL PA LTA BU YIN PAS NA GSOB BO, ,KHRON PA RNYING PA'O, ,DE LTAR NA SKYE BA DANG GNAS PA DANG, NA BA DANG 'CHI BA'I NGO BO NYID PAS NYES DMIGS SNA TSOGS PA BSHAD NAS DA NI MDOR BSDUS TE BSHAD PA NI, PHUNG PO DANG ZHES BYA BA LA SOGS PA STE, PHUNG PO LNGA NI GSHED MA LTA BU STE; 'DIR ZAG PA MED PA'I PHUNG PO LNGA LAS LOGS SHIG TU BSTAN PA'I PHYIR GSHED MA LTA BU ZHES SMOS PA YIN NO, ,KHAMS RNAMS NI DUG DRAG PO ZHES SMOS TE, SPRUL GDUG PA LTA BU'O, ,SKYE MCHED RNAMS NI GRONG STONG PA LTA BU ZHES SMOS TE, 'DI DAG GIS NI NYES DMIGS MTSON PA YIN NO, , @268B PHUNG PO LA SOGS PA LA YON TAN DU BLTA BA NI LOG PAR SGRUB PA YIN PAS MI RTAG PA LA SOGS PA'I MTSAN NYID DU BSHAD NAS, DA NI NYES DMIGS RTOGS NAS DE SPANG BAR BYA BA'I PHYIR GDAMS PA NI, KHYED KYIS DE LTA BU'I LUS DE LA SUN PA DANG ZHES BYA BA LA SOGS PA GSUNGS TE, SUN PA NI DMUS BYUNG BAR BYA'O; ,SKYO BA BSKYED PA NI SPANG BAR BYA'O, ,JI LTAR ZHE NA, SNGAR BSHAD PA LTAR GOMS PAR BYAS LA NYES DMIGS RTOGS PAR 'GYUR RO, ,RTOGS NA SPONG BAR 'GYUR RO, ,'O NA THOB PAR BYA BA GANG YIN ZHE NA, DE BZHIN GSHEGS PA'I SKU LA MOS PA BSKYED PAR BYA'O ZHES GSUNGS TE, 'BRAS BU THOB PAR BYA BA YIN PA'I PHYIR RO, ,SKU NI RNAM PA GNYIS TE, GZUGS KYI SKU DANG, CHOS KYI SKU'O, ,DE LA GTZO BO YIN PA'I PHYIR CHOS KYI SKU SMOS TE, LUNG LAS KYANG, ,GANG ZHIG NGA LA GZUGS SU MTHONG, ,GANG ZHIG NGA LA SGRAR SHES PA, ,LOG PAR SPONG BAS ZHUGS PA STE, ,SKYE BO DES NI NGA MI MTHONG, ,SANGS RGYAS RNAMS NI CHOS KYI SKU, ,'DREN PA RNAMS NI CHOS NYID LTA, ,CHOS NYID SHES PAR BYA MIN PAR, ,DES NI YANG DAG SHES MI NUS, ,ZHES GSUNGS PA DANG, YANG DGE SLONG DAG DE BZHIN GSHEGS PA NI CHOS KYI SKUR YONGS SU RDZOGS PAR LTOS LA 'JIG TSOGS LA SKUR MA 'DZIN CIG CES GSUNGS PA'I PHYIR RO, , DE CI'I PHYIR ZHE NA, CHOS KYI SKU NI SNGAR BSHAD PA LTAR KHYAB PA DANG RTAG PA'I PHYIR LA, GZUGS KYI SKU NI KUN RDZOB YIN PAS DE MED PA'I PHYIR RO, ,RKYEN LAS SKYES PA RANG GI DNGOS MA SKYES, ,RGYAL BA RNAMS KYI SKU NI CHOS KYI SKU, ,CHOS NYID NAM MKHA' LTA BUR RTAG GNAS ZHES, ,BSTAN PAS CHOS SKYONG 'OD ZER 'GRUB PAR 'GYUR, ,ZHES GSUNGS LA, DGE SLONG DAG MTSAN BZANG PO DANG DPE BYAD KYI NGO BOR DE BZHIN GSHEGS PA LTA BA NI, 'KHOR LOS SGYUR BA'I RGYAL PO YANG DE BZHIN GSHEGS PAR 'GYUR RO ZHES GSUNGS PA'I PHYIR DANG, YANG BDAG NI RING BSREL PAS SHES RAB KYI PHA ROL TU PHYIN PA NYID LEN TO ZHES GSUNGS PA'I PHYIR RO, ,DE BZHIN DU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MTSAN SUM CU RTZA GNYIS SU YID LA MI BYED, DPE BYAD BZANG PO BRGYAD CUR YID LA MI BYED DE, DRAN PA MED CING YID LA BYED PA MED PA NI, SANGS RGYAS RJES SU DRAN PA BLA NA MED PA ZHES BYA'O @269A *, ,ZHES GSUNGS PAS NA CHOS KYI SKU NI THOB PAR BYA BA YIN PA'I PHYIR RO, ,DE THOB PA'I THABS LAM GYI BDEN PA GANG ZHE NA, BSOD NAMS LAS SKYES PA ZHES BYA BA LA SOGS PA GSUNGS TE, TSOGS GNYIS KYI 'BRAS BU YIN PA'I PHYIR LA BAR GYI TSIG MI MNGON PAR BYAS PAS BSOD NAMS LAS SKYES PA'O ZHES SBREL TE, DE LTA MA YIN NA, BSOD NAMS YE SHES LAS BYUNG BA'I, ,DAM PA GNYIS NI THOB PAR SHOG, ,CES SLOB DPON NYID KYI LUNG YANG JI LTAR GRANG, LA LA NA RE YON TAN GYI MTSAN NYID TZAM LA CHOS KYI SKUR BSHAD PAS BSOD NAMS LAS SKYES ZHES BYA'O ZHES KYANG ZER RO, ,LA LA NI DE LTA NA NI RGYU NI MA TSANG BA'I PHYIR TE, YON TAN GYI SKU LA CHOS KYI SKUR BSHAD NA, YE SHES KYI CHA LA BSOD NAMS SU CI'I PHYIR MI 'DOGS, 'DOGS NA NI 'DOD PA KHO NA YIN LA MA YIN NA NI RGYU MA TSANG BAR 'GYUR RO ZHES KYANG ZER RO, ,BSOD NAMS NYID GANG ZHE NA, SBYIN PA LAS SKYES PA ZHES BYA BA LA SOGS PA GSUNGS TE, SBYIN PA NI GTONG BA DANG, GTONG BA CHEN PO DANG, SHIN TU GTONG BA'I NGO BO NYID DE, SNGAR BSHAD PA'I PHUNG PO YONGS SU DAG PA GANG YIN PA NI, TSUL KHRIMS LA SOGS PA STE, TSUL KHRIMS NI SDOM PA'I TSUL KHRIMS LA SOGS PA'O, ,TING NGE 'DZIN NI SGYU MA LTA BU LA SOGS PA'O, ,SHES RAB NI MKHYEN PA STE, GSUM CHAR YANG ZAG PA MED PA LA BYA'O, ,RNAM PAR GROL BA NI MTHONG BAS SPANG BAR BYA BA LA SOGS PA'I SGRIB PA THAMS CAD SPANGS PA'O, ,RNAM PAR GROL BA'I YE SHES MTHONG BA NI KHYAD PAR CAN GYI YE SHES MNGON SUM DU BYAS PA'O, ,BYAMS PA LA SOGS PA BZHI NI TSAD MED PA'O, ,SBYIN PA LA SOGS PA NI PHA ROL TU PHYIN PA BCU STE, DUL BA NI NYON MONGS PA 'DUL BA'O, ,YANG DAG PAR SDOM PA NI ZAG PA SDOM PAR BYED PA'O, ,DGE BA BCU NI SROG GCOD PA SPONG BA LA SOGS PA STE TSUL KHRIMS KYI RAB TU DBYE BA'O, ,SDUG BSNGAL LAS JI MI SNYAM PA LA SOGS PA RNAM PA GSUM NI BZOD PA'O, ,GZHAN LA MI 'TSE BA NI NGES PA STE, 'DI GNYIS NI BZOD PA'I RAB TU DBYE BA'O, ,RGYUN MI GCOD PAS NA BRTZON 'GRUS SO, ,BRTZON PA MI 'DOR BAS NA BRTAN PA'O, ,SEMS RAB TU 'DZIN PA'I PHYIR YANG BRTAN PA STE, 'DI GSUM NI SPRO BA'I KHYAD PAR RO, ,BSAM GTAN NI BSAM GTAN DANG PO LA SOGS PA'O, ,RNAM @269B PAR THAR PA NI GZUGS CAN GZUGS RNAMS LA LTA BA LA SOGS PA BRGYAD DO, ,TING NGE 'DZIN NI DPA' BAR 'GRO BA LA SOGS PA RNAMS SO, ,SNYOMS PAR 'JUG PA NI BSAM GTAN BZHI DANG, GZUGS MED PA'I SNYOMS PAR 'JUG PA BZHI DANG, 'GOG PA'I SNYOMS PAR 'JUG PA'O, ,'DI BZHI NI TING NGE 'DZIN GYI RAB TU DBYE BA YIN NO, ,THOS PA NI YID KYI RNAM PAR SHES PA LA DEN SNANG BA'I MIG GI YUL CAN NO, ,SHES RAB NI CHOS RAB TU RNAM PAR 'BYED PA'O, ,THABS NI THABS LA MKHAS PA'I YONGS SU 'DZIN PA'O, ,'DIS NI SMON LAM DANG, STOBS DANG, YE SHES KYANG BSDUS PAR RIG PAR BYA STE, 'DI GSUM NI SHES RAB KYI RAB TU DBYE BA STE; PHA ROL TU PHYIN PA DRUG PO DE DAG KYANG LAM GANG DU SGOM ZHE NA, BYANG CHUB KYI PHYOGS KYI CHOS SUM CU RTZA BDUN ZHES SMOS TE, DRAN PA NYE BAR GZHAG PA BZHI LA SOGS PA LAM BZHI'I NGO BO NYID DU SGOM MO, ,DRAN PA NYE BAR GZHAG PA LA SOGS PA DE DAG JI LTAR BSGOM ZHE NA, ZHI GNAS DANG LHAG MTHONG ZHES GSUNGS TE, ZHI GNAS NI SEMS RTZE GCIG PA'O, ,LHAG MTHONG NI SO SOR RTOG PA'O, ,LAM LNGA PA MI SLOB PA'I LAM LA NI STOBS BCU ZHES SMOS TE, GNAS DANG GNAS MA YIN PA MKHYEN PA LA SOGS PA BCU'O, ,MI 'JIGS PA NI NYON MONGS PA SPANGS PA ZHAL GYIS BZHES PA LA SOGS PA BZHI LA KLAN KA'I RGOL BA CHOS DANG MTHUN PA MED PA BZHI'O, ,MA 'DRES PA BCO BRGYAD NI, SPYOD PA MA 'DRES PA DANG, RTOG PA MA 'DRES PA DANG, PHRIN LAS DANG YE SHES KYI MA 'DRES PA STE, 'KHRUL PA MI MNGA' BA LA SOGS PA BCO BRGYAD DO, ,PHA ROL TU PHYIN PA THAMS CAD NI DAD PA'I STOBS SU BSHAD PA'I YON TAN THAMS CAD KYI MTHAR PHYIN PA'O, ,MNGON PAR SHES PA NI RDZU 'PHRUL LA SOGS PA RNAM PA DRUG SHES PA'O, ,RIG PA NI RNAM PA GSUM SHES PA'O, ,MI DGE BA NI SDUG BSNGAL RNAM PA GSUM MO, ,SPONG BA NI KUN 'BYUNG NGO, ,DGE BA NI 'GOG PA'I NGO BO'O, ,SDUD PA NI LAM MO, ,BDEN PA NI BSOD NAMS KYI TSOGS SO, ,YANG DAG PA NI YE SHES KYI TSOGS SO, ,BAG YOD PA NI YON TAN DE DAG 'GRUB PA'I RGYU'I DBANG DU BYAS PA'O, ,DE LTAR RGYAS PAR BSHAD NAS MDOR BSDU NA, DGE BA'I LAS TSAD MED PA ZHES BYA STE, DNGOS PO DANG DUS SO, ,DE LA DNGOS PO NI, BSOD NAMS DANG YE SHES KYI TSOGS MTHA' DAG GO, , @270A *, ,DUS NI BSKAL PA GRANGS MED PA GSUM MO, ,DE LTAR NA DNGOS PO DANG DUS TSAD MED PAS TSAD MED PA'O, ,RNAM GRANGS GZHAN YANG SNGAR BSHAD PA'I LAM RNAM PA BZHI'I NGO BOR PHYOGS KYI CHOS RNAMS SGOM PAR BYED PA NA, LAM GANG DANG GANG LA GTZOR BYED CAN TSOGS KYIS LA MI DGE BA'I CHOS THAMS CAD SPONG BA ZHES BYA STE, LDOG PA'I TSUL KHRIMS GTZOR BSGOM MO, ,SBYOR BA'I LAM LA DGE BA SDUD PA ZHES BYA STE, 'JUG PA'I TSUL KHRIMS SO, ,MTHONG BA'I LAM LA BDEN PA LAS SKYES PA ZHES BYA STE, YE SHES BCU DRUG LA DMIGS PA'I PHYIR RO, ,BSGOM PA'I LAM LA YANG DAG PA NYID LAS SKYES PA ZHES BYA BA STE, YANG DAG PA NI PHYIN CI MA LOG PA'I CHOS NYID DO, ,NYID CES BYA BA NI JI LTAR MTHONG BA'I DON DE NYID GOMS PAR BYED PA'I PHYIR RO, ,BAG YOD PA ZHES BYA BA NI CHOS DE DAG THAMS CAD KYI RTZA BA YIN PA'I PHYIR MTHA' DAG PAR SBYAR BAR BYA'O, ,DGE BA'I LAS TSAD MED PA ZHES BYA BA NI, BSOD NAMS BRGYA LAS SKYES PA'O ZHES BYA'O,, DE LTAR NA SKU RNAM PA GNYIS NI, TSOGS RNAM PA GNYIS LAS SKYES SO ZHES 'DOD DO, ,'O NA LAM GYI CHOS NI 'PHAGS PA'I LAM YAN LAG BRGYAD PA'O ZHES 'BYUNG BA MA YIN NAM, BDEN MOD KYI 'GAL BA NI MED DE DER NI GTZO BO SMOS TE, 'DIR NI LAM MTHA' DAG GTZOR GZUNG BA YIN NO, ,DE LTAR BDEN PA BZHI SHES PAR BYA BA NI LOG PAR SGRUB PA SPANGS PAR 'GYUR RO, ,DE LTAR KHYIM PA RNAMS KYI SGRUB PA SPYIR BSHAD NAS, DA NI DBANG PHYUG GI GNAS RNYED PA RNAMS KYI SGRUB PA BYE BRAG TU BSHAD PAR BYA'O, ,DE LA YANG DAG PA'I SGRUB PA BSTAN PA'I PHYIR, ,DBANG PHYUG GI GNAS RNYED NA YANG ZHES GSUNGS TE, LOG PAR SGRUB PA NI MI DGE BA LA SOGS PA 'OG NAS 'BYUNG BA RNAMS SO, ,YANG DAG PA'I SGRUB PA NI TSUL RNAM PA BRGYAD LA SOGS PA'O, ,DE NYID BSTAN PA NI SKYE DGU BSKYANG BA LA BRTZON PA'I CHOS KYI RGYAL PO ZHES BYA BA LA SOGS PA GSUNGS TE, SKYE DGU NI RES SU GTOGS PA'O, ,BSKYANG BA NI CHOS KYIS BSKYANG BAR BYA BA'O, ,CHOS KYI RGYAL PO ZHES BYA BA NI CHOS DANG MTHUN PAR BYED PA MTHA' DAG GO, ,LA LA NI CHOS KYI RGYAL PO ZHES BOD PA STE, GANG PHYIR BZOD DANG MI BZOD PA, ,SHES PAR DGA' BAS RGYAL PO NI, ,CHOS MIN RIGS PAS MIN SPYOD KYANG, ,RJES SU 'TSO BAS PHAL CHER BSTOD, ,CES BYA BAS RAB SNANG GTUM PO LA NGOR BSTOD PA BZHIN NO ZHES ZER @270B RO; ,DE NI MA YIN TE, GCER BU BDEN SMRA BA NI NGOR BSTOD PA'I KHA GSAG CAN YANG MA YIN TE, MDO 'DI NYID LAS RGYAL PO CHEN PO KHYOD NI GTUM PO'O KHYOD NI KHRO BO'O ZHES NGOR LDOG PA'I PHYIR DANG, BDE BA'I TSIG NI GONG GI 'BREL BA'I SGRAS DRANGS KYANG MI 'THAD PA'I PHYIR RO, ,BRGYAD CES SMOS PA NI BYE BA'I NGO BO BSDUS PA'I PHYIR TE, ZHIB TU NI RNAM PA'I RAB TU DBYE BA MTHA' YAS PA'I PHYIR RO, ,DE YANG GANG ZHE NA, GZHAN LA LTOS PA'I DBANG DU BYAS PA DANG, RANG LA LTOS PA'I DBANG DU BYAS PA'O, ,GZHAN LA LTOS PA NI RNAM PA GSUM STE, SEMS CAN SDUG BSNGAL LA SPYOD PA DANG, BDE BA LA GNAS PA DANG, RJES SU 'BREL PA'I DBANG DU BYAS PA'O, ,SDUG BSNGAL LA SPYOD PA NI RNAM PA GNYIS TE, RGYU LA ZHUGS PA DANG, SDUG BSNGAL DNGOS LA SPYOD PA'I DBANG DU BYAS PA'O, ,SDUG BSNGAL GYI RGYU LA ZHUGS PA NI RNAM PA GNYIS TE, BAG MED PA DANG LOG PAR SGRUB PA'O, ,DE LA BAG MED PA'I DBANG DU BYAS NAS, RIS SU GTOGS PA LA BU'I 'DU SHES SO ZHES BYA'O, ,LOG PAR SGRUB PA'I DBANG DU BYAS NAS NAD PA'I 'DU SHES ZHES BYA'O, ,SDUG BSNGAL DNGOS LA SPYOD PA'I DBANG DU BYAS NAS SNYING RJE'I 'DU SHES ZHES BYA'O, ,BDE BA LA GNAS PA'I DBANG DU BYAS NAS DGA' BA'I 'DU SHES ZHES BYA'O, ,RJES SU 'BREL PA RNAM PA GNYIS TE; 'KHON PAS RJES SU 'BREL PA DANG, MDZA' BAS RJES SU 'BREL PA'O, ,DE LA 'KHON PAS RJES SU 'BREL PA'I DBANG DU BYAS NAS, DE'I GZHI LA NYES PAR LTA BA'I 'DU SHES ZHES BYA'O, ,MDZA' BAS RJES SU 'BREL PA'I DBANG DU BYAS NAS, RJES SU SRUNG BA'I 'DU SHES ZHES BYA'O, ,RANG LA LTOS PA'I RNAM PA GNYIS TE, LONGS SPYOD KYI DBANG DU BYAS PA DANG, BDAG GI DBANG DU BYAS PA'O, ,DE LA LONGS SPYOD KYI DBANG DU BYAS PA NI, SMAN GYI 'DU SHES ZHES BYA'O, ,BDAG GI DBANG DU BYAS PA NI BDAG MED PA'I 'DU SHES ZHES BYAS SO, ,DE LTAR DBYE BA BSTAN NAS, GSAL BA'I DBYE BA BSTAN PA NI, RGYAL PO CHEN PO ZHES BYA BA LA SOGS PA STE, RGYAL PO CHEN PO ZHES BYA BA NI BDE BA'I MNYES PA'I TSIG GO, ,RIS NI 'KHOR DU GYUR BA'O, ,MI SRUN PA NI 'KHOR DU GYUR PA BAG MED PA'O, ,BAG MED PA NI RNAM PA GNYIS TE, SDIG PA SPYOD PA DANG, SO TSIS MI SHES PA'O, ,TSAR GCAD PA NI RNAM PA BZHI STE, BZHAMS TE BSGO BA DANG, 'KHYIG @271A *, ,CING SDOD PA DANG, TSOGS SU SMA DBAB PA DANG, BSKRAD PA'I LAS BYA BA'O, ,BSKRAD PA NI RNAM PA GNYIS TE, RE ZHIG PA DAG GTAN DU BA'O, ,SNYING RJE'I BSAM PA MI GTONG BA NI, THAMS CAD DU RANG GI NYON MONGS PA LAS SRUNG BA'O, ,NAD PA'I 'DU SHES NI JI SKAD DU, RTAG TU NYES PAS RANG DBANG MED PAR BYAS SEMS KYIS, ,SKYE BO RNAMS LA BLO LDAN NYES PAR MI 'DZIN TE, ,MI 'DOD BZHIN DU LOG PAR SGRUB PAR 'GYUR RO ZHES, ,SKYE BO DAG LA SNYING RJE RNAM PAR 'PHEL PHYIR RO, ,ZHES GSUNGS PA LTA BU'O, ,MI KHRO BA NI BYAMS PA BSGOM PA'O, ,'GYOD PA SPONG BA NI NYES PA SPONG BAR BYED PA'O, ,SDUG BSNGAL NI RNAM PA BRGYAD CU DAG LA CI RIGS PAR SDUG BSNGAL BA'O, ,SNYING RJE NI BSAL BAR 'DOD PA'O, ,GNOD PA SPONG BA NI DE NYID DE'I SNYING RJE'O, ,PHAN PA SGRUB PA NI BYAMS PA'O, ,BDE BA LA GNAS PA NI RNAM PA GSUM STE, DMAN PA DANG, MNYAM PA DANG, MCHOG TU GYUR PA'O, ,DE LA DMAN PA DANG, MNYAM PA'I GANG ZAG GI DBANG DU BYAS NAS BRNAB SEMS MI BSKYED PA'O, ,MCHOG GI DBANG DU BYAS NAS PHRAG DOG MED PA'O, ,MI MDZA' BA NI 'KHON PA RJES SU 'BREL PA'O, ,GZHI NI SEMS LA BYA'O, ,MDZA' BA NI MTHUN PA NYID DO, ,BRTAN PA NI MI G-YO BA'O, ,DE LTA BAS NA ZHE SDANG BA DANG CHAGS PA'I SEMS SPONG BA STE, 'DI GNYIS NI BTANG SNYOMS SU BSHAD PA YIN NO, ,DE LTAR NA SNYING RJE DANG, BYAMS PA DANG, DGA' BA DANG, BTANG SNYOMS TE TSAD MED PA BZHI NI GZHAN DON SGRUB PA'I THABS SU BSTAN PA YIN TE, CI'I PHYIR ZHE NA, GNOD SEMS LA SOGS PA DANG LDAN NA, SEMS CAN YONGS SU SPONG BAR BYED PA'I PHYIR RO, ,LONGS SPYOD NI RNAM PA GNYIS TE, LUS LA BRTEN PA DANG, LONGS SPYOD LA BRTEN PA'O, ,DE LA LUS LA BRTEN PA'I DBANG DU BYAS NAS 'DOD PA LOG PAR MI SPYOD PA ZHES BYA STE, RANG GI CHUNG MAS CHOG SHES PA'O, ,LONGS SPYOD LA BRTEN PA'I DBANG DU BYAS NAS, MA CHAGS PAR YONGS SU SPYOD PA ZHES GSUNGS TE, CHAGS PA NI ZHEN PA'O, ,DES NA 'PHAGS PA NYID KYIS KYANG, KHA ZAS SMAN DANG 'DRA BAR RIG PA YIS, ,CHAGS DANG ZHE SDANG MED PAR BRTEN BGYIS TE, ,RGYAGS PA'I PHYIR DANG SNYEMS PA'I PHYIR MA LAGS, ,'TSAG PHYIR MA LAGS LUS GNAS 'BA' ZHIG PHYIR, ,ZHES GSUNGS SO, ,BDAG GI DBANG DU BYAS PA NI SKYES BU DAM PA BSTEN PA @271B DANG; DAM PA'I CHOS NYAN PA DANG, TSUL BZHIN YID LA BYED PA'O, ,DE LA SKYES BU DAM PA LA BRTEN PA'I DBANG DU BYAS NAS DRUNG DU 'GRO BA SMOS SO, ,DAM PA'I CHOS NYAN PA'I DBANG DU BYAS NAS CHOS DON DU GNYER BA SMOS SO, ,TSUL BZHIN YID LA BYED PA'I DBANG DU BYAS NAS, RJES SU MTHUN PA'I CHOS SGRUB PA SMOS TE, CHOS NI MYA NGAN LAS 'DAS PA'O, ,RJES SU MTHUN PA'I CHOS NI THAR BA DANG RJES SU MTHUN PA'O, ,LA LA NA RE CHOS NI MTHONG BA'I LAM STE, DE DANG RJES SU MTHUN PA NI SBYOR BA'I LAM MO ZHES ZER RO, ,DE LA 'DOD PAS LOG PAR G-YEM PA SPONG BA NI, LUS PHUN SUM TSOGS PA'I RGYU YIN NO, , LONGS SPYOD LA MA CHAGS PAR SPYOD PA NI, LONGS SPYOD PHUN SUM TSOGS PA'I RGYU STE, 'DI GNYIS NI MTHO RIS THOB PAR BYED PA'I THABS SO, ,SKYES BU DAM PA LA BRTEN PA LA SOGS PA NI THAR PA'I RGYU STE, DE LTAR NA MTHO RIS DANG BYANG GROL DAG NI RANG GI PHAN PA YIN TE, DE LTAR NA RANG DON DANG GZHAN DON GNYIS LAS BSGRUB PAR BYA BA GZHAN MED LA, 'DI DAG GI THABS KYANG 'DI DAG GIS BSTAN PAS NA BRGYAD CES BSTAN TO, ,'O NA BDE BA GANG YIN PA BSTAN DGOS SO ZHE NA, PHAN PA'I SPYOD PA LA ZHUGS PA DAG NI BDE BA ZHAR LA 'ONG BAS LOGS SHIG TU BSTAN MI DGOS PA NI, 'DU SHES BRGYAD PO DE DAG LA GNAS PA LA NI ZHES SMOS SO, ,LDOG PA'I SGO NAS BSTAN PA NI, CHOS DANG MI LDAN PAS ZHES BYA BA LA SOGS PA STE, G-YO NI BSLU BA'I SEMS SO, ,'DUN PA NI YO BYAD 'DOD PA'O, ,LA LA NA RE RGYAL PO'I NGOR BYAS PAS NA BRGYAD DU BSTAN TE, CI'I PHYIR ZHE NA, RAB SNANG GTUM PO LA SOGS PA NI RNAM PAR 'TSE BA LA SOGS PA'I SKYON BRGYAD HA CANG SHAS CHE BA'I PHYIR RO, ,DE'I GNYEN PO GLANG PO CHE'I LTA STANGS KYIS BSTAN TO ZHES KYANG ZER RO, ,LA LA NI BYA BA'I MCHOG BSDUS PA YIN ZHES KYANG ZER RO, ,LA LA NI 'KHOR DER TSOGS KYI BSAM PAS BSTAN TO ZHES KYANG 'DOD DO, ,DE LTAR BDEN PA PO'I LE'U LAS KYANG YANG DAG PA'I SGRUB PA BSTAN NAS, DA NI YID GNYIS YANG DAG PAR SEMS PA'I SGRUB PA BSTAN PA'I PHYIR CHOS BZHI DANG LDAN NA ZHES SMOS TE, RANG DANG GZHAN GYI DON 'GRUB PA'I SBYOR BA SPYIR BSTAN NAS, RANG MA DUL BAS GZHAN 'DUL BAR MI 'GYUR BA'I PHYIR, RANG GI DON 'THOB PA'I THABS BYE BRAG TU BSTAN PA'I PHYIR, CHOS @272A *, ,BZHI ZHES SMOS SO, ,RANG GI DON NI RNAM PA GNYIS TE, PHAN PA DANG, BDE BA'O, ,PHAN PA NI RNAM PA GNYIS TE, GTAN DU BA DANG, GTAN DU BA MA YIN PA'O, ,DE LTAR NA BSTAN PA PHAN PA GTAN DU BA MA YIN PA NI, RE ZHIG PA STE LHA DANG MI THOB PA'O, ,DE'I DBANG DU BYAS NAS LOG PAR MI LTUNG BA ZHES GSUNGS TE, LOG PA NI SEMS CAN DMYAL BA LA SOGS PA'O, ,MI LTUNG BA NI DE DAG YONGS SU SPONG BA'O, ,DE LTA BU'I LUS LA BRTEN NAS PHAN PA GTAN DU BA GRUB PAS DE BSTAN PA NI, MYUR DU MNYES PAR BYED PA GSUNGS TE, MNYES PAR BYED PA NI SANGS RGYAS MTHONG BA'O, ,SANGS RGYAS MTHONG BA TZAM GYIS PHAN PA GTAN DU BAR JI LTAR 'GYUR, RGYAL PO MA SKYES DGRAS RTZE MO THOB PA YIN YANG MTSAMS MED PA LA ZHUGS PA LTA BU'O ZHE NA, CHOS CAN ZHES SMOS TE BZOD PA MYUR DU THOB BO ZHES BYA BA'I TSIG GI LHAG MA'O, ,DE'I PHYIR PHAN PA GTAN DU BA NYID DU 'GYUR TE, BZOD PA THOB NAS NGAN SONG DU MI LTUNG BA'I PHYIR RO, ,BDE BA'I DBANG DU BYAS NAS, LONGS SPYOD CHEN PO YANG YONGS SU 'DZIN TO ZHES GSUNGS TE, PHUN SUM TSOGS PA NI, MA LUS PA MTHA' DAG PA'O, ,MA 'ONGS PA'I PHAN PAR 'GYUR BA TSE 'DI'I BDE BA JI LTAR GZHAG ,GAL TE TSE 'DI NYID DU 'DOD DO ZHE NA, MNYES PAR BYED CING ZHES BYA BA'I SGRA'I 'BREL PA JI LTAR GRANG ZHE NA, RTZA BA'I 'BREL PAS SDEBS PA'I PHYIR MNYES PAR BYED CING ZHES 'OG MA NYID DU BSTAN KYANG HVA ZHES BYA BA BDE BA'I BRDA CAN DU BYAS NAS TSE 'DI'I BDE BAR 'GYUR BAR MNGON NO, ,'ANG ZHES BYA BA BSDU BA'I TSIG NI HE'I BYED PAR SNANG GI ,BSDU BA'I TSIG TU MI 'GYUR BA'I YANG PHYIR RO, ,DE LTA MA YIN NA RGYU 'BRAS BU DAG GI ZLOG PA JI LTAR 'THAD, MNGON PA'I MDZOD LAS, RGYU SNGAR YOD PAR BSTAN PA'ANG BSAM PA DMAN PA LA DGONGS PA'I PHYIR RO, ,THEG PA CHEN PO LA RGYU 'BRAS NGES PA MED PAR BSTAN PAS NYES PA MED DO, ,MNGON PAR ZHEN PA BZLOG PAR ZAD KYI 'DIR NI NGES PA CAN KHO NAR 'DOD DO, ,DE LTA MA YIN NA 'BRAS BU DAG JI LTAR THOB PAR 'GYUR, 'BRAS BU 'DOD PA RGYU LA NAN TAN BYAS NA THOB KYI 'BRAS BU LA JI LTAR GZHAN DU 'BAD, HA CANG SPROS PAS CHOG GO, ,'BRAS BU THOB PA'I RGYU NYID GANG ZHE NA, DE BSTAN PA'I PHYIR, BSTAN PA BSRUNG BA'I SLAD DU GNAS PA YIN ZHES BYA @272B BA LA SOGS PA GSUNGS TE, BSTAN PA NI DAM PA'I CHOS LA BYA'O, ,SRUNG BA NI YONGS SU 'DZIN PA'O, ,'DZIN PA'I TSUL NI RNAM PA BZHI STE, SGRUB PA DANG LDAN PAS 'DZIN PA DANG, RIGS PA DANG LDAN PAS 'DZIN PA DANG, DBANG PHYUG DANG LDAN PAS 'DZIN PA DANG, RNAL 'BYOR DANG LDAN PAS 'DZIN PA'O, ,SGRUB PA DANG LDAN PAS 'DZIN PA NI, THOS PA DANG, BSAM PA DANG, SGOM PA LA RAB TU SBYOR BA'O, ,RIGS PA NI RNAM PA MANG STE, MNGON SUM DANG RJES SU DPAG PAS DE DAG GIS JI LTAR 'DZIN CE NA, MNGON SUM DANG RJES SU DPAG PA LA BRTEN NAS CHOS MI MTHUN PAR SMRA BA'I PHYI ROL GYI MU STEGS KUN DU RGYU LA SOGS PA DAG GIS, RTAG PAR 'DZIN PA LA SOGS PA'I GRUB PA'I MTHA' NGAN PA RNAM PAR 'JOMS SHING, YANG DAG PA'I LTA BA LA 'GOD PA DANG, YID CHES PA'I LUNG LA BRTEN NAS, NANG GI MU STEGS KHA CIG BRJED DU MED PA'I GANG ZAG TU LTA BA LA SOGS PA LOG PA'I GRUB PA'I MTHA' LA ZHEN PA RNAMS DE LAS BZLOG CING, YANG DAG PA'I LTA BA LA 'GOD PA DAG NI, REG PA DANG LDAN PAS CHOS YONGS SU 'DZIN PA YIN NO, ,DBANG PHYUG DANG LDAN PAS JI LTAR 'DZIN CE NA, KHA CIG RGYAL PO DBANG PHYUG GI CHE BA NYID THOB PAR 'GYUR BA'I TSE, DE'I 'KHOR DU DGE SBYONG DANG BRAM ZE GANG YANG RUNG, YANG LA LA ZHIG CHEN PO YONGS SU SPANGS SHING BOR, DE BTANG NAS NAG PO BSTAN PA'I CHOS STON CING 'DUL BA LA 'GOD PAS DAM PA'I CHOS NUB PAR BYED PA MTHONG NA, KYE MA SEMS CAN 'DI DAG NI LOG PA'I LAM DU ZHUGS SHING, GZHAN YANG DE'I RJES SU 'KHRID PAR BYED PA LA PHAN PA DANG BDE BA 'BYUNG BA'I RGYU YANG NUB PAR BYED PAS, MA LA BDAG NI NGAN SONG DU LHUNG YANG BLA'I, 'DI DAG NI DE LTA MA YIN NO SNYAM NAS SNYING RJE'I BSAM PAS DE DAG SROG DANG BRAL BA'I BAR DU BYED CING, DES CHOS YUN RING DU GNAS PA NI DBANG PHYUG DANG LDAN PAS YONGS SU 'DZIN PA'O, ,RNAL 'BYOR DANG LDAN PAS 'DZIN PA GANG ZHE NA, 'GA' ZHIG BSAM GTAN GYI MTHU PHUL DU BYUNG ZHING TING NGE 'DZIN LA DBANG THOB PAR 'GYUR BAS, SNGAR BSHAD PA LTA BU'I GANG ZAG LA RDZU 'PHRUL STON CING, SKRAG PA'AM 'DUN PAR BYED PAS DAM PA'I CHOS YUN RING DU GNAS PAR BYED PA NI RNAL 'BYOR DANG LDAN PAS DAM PA'I CHOS YONGS SU 'DZIN PA'O, ,DON GYI SKABS 'DIR NI SGRUB PAS 'DZIN PA'I PHYOGS @273A *, ,GCIG BSTAN TO, ,GNYIS PA NI SDIG PA MI DGE BA'I CHOS LA SMOD PA ZHES BYA STE, KUN RDZOB LA SKUR PA MI 'DEBS PA'I PHYIR RO, ,GSUM PA NI STONG PA NYID DANG ZHES BYA BA LA SOGS PA STE, BZHI PA NI BLA NA MED PA YANG DAG PAR RDZOGS PA'I BYANG CHUB TU SEMS BSKYED PA ZHES GSUNGS TE; BYANG CHUB KYI SEMS NI KUN RDZOB DANG DON DAM PA'O, ,DES NA CHOS YONGS SU 'DZIN PA NI PHAN PA DANG BDE BA'I RGYU YIN NO ZHES BSHAD PAR BYA'O, ,DON 'GRUB PA'I THABS THAMS CAD KYANG PHAN TSUN DU 'DRA BA MA YIN NO ZHE NA, BDEN MOD KYI 'DIR SNGAR BRJOD PA'I RJES SU MTHUN PA'I CHOS SGRUB PAR BSHAD PA DE NYID NI RGYAS PAR BYAS PA YIN PAS DON THOB PA GTZO BO ZHES BSHAD PAR BYA'O, ,DE LTAR YANG DAG PAR SGRUB PAR BSHAD NAS DA NI LOG PAR SGRUB PA BSTAN PA'I PHYIR RE ZHIG MTSAMS SBYAR BA NI MI DGE BA YONGS SU SPANG BAR BYA BA GANG ZHE NA ZHES SMOS TE, SNGAR BSHAD PA DE'I MI MTHUN PA'I PHYOGS NYID MI DGE BA YIN PA NA YIN NAM, DE LAS LHAG PA CI ZHIG YOD CES RGOL BA NI GANG ZHE NA ZHES BYA'O, ,LAN NI DER MA ZAD KYI RTZA BA'I LTUNG BA DAG KYANG YIN NO ZHES BSTAN PA NI NYI MA'I SNYING PO'I LE'U LAS 'BYUNG BA ZHES PA LA SOGS PA GSUNGS SO, ,DE LA RTZA BA'I LTUNG BA NI 'DIR RNAM PA BZHI STE, RGYAL PO'I RTZA BA'I LTUNG BA DANG, BLON PO'I RTZA BA'I LTUNG BA DANG, NYAN THOS KYI RTZA BA'I LTUNG BA DANG, BYANG CHUB SEMS DPA' LAS DANG PO BA'I RTZA BA'I LTUNG BA'O, ,DE LA NYAN THOS KYI RTZA BA'I LTUNG BA NI RNAM PA LNGA STE, SROG GCOD PA DANG, MA BYIN PAR LEN PA NAS MTSAMS MED PA'I LAS KYI BAR DU'O, ,BYANG CHUB SEMS DPA'I RTZA BA'I LTUNG BA NI RNAM PA BRGYAD DE, YONGS SU MA SMIN PA'I GANG ZAG LA STONG PA NYID BRJOD PA LA SOGS PA'O, ,DE LA NYAN THOS KYI RTZA BA'I LTUNG BA DAG NI GONG MA DANG 'BREL PA'O, ,BYANG CHUB SEMS DPA'I RTZA BA'I LTUNG BA DAG NI 'OG MA DANG 'BREL PA'O, ,DE LA NYAN THOS KYI SA DANG 'BREL PA DAG NI NYAN THOS KYI SA RNAMS SU RIG PAR BYA'O, ,BYANG CHUB SEMS DPA'I RTZA BA'I LTUNG BA BRJOD PAR BYA STE, 'PHAGS PA KLU SGRUB NYID KYIS NI BYANG CHUB DPA' LAS DANG PO PA'I RTZA BA'I LTUNG BA NI BCU GNYIS SU BZHED DE GANG ZHE NA, 'PHAGS PA NAM MKHA'I SNYING PO'I MDO LAS RTZA BA'I LTUNG BA RNAM PA BRGYAD DANG, THUN MONG BAR GYUR PA BZHI'O, ,DE LA LAS KYI @273B SBYOR BA DANG, DNGOS GZHI DANG, MJUG YONGS SU RDZOGS PA LAS PHAM PA'I LTUNG BA RNAM PAR GZHAG GO, ,LA LA NA RE 'PHAGS PA KLU SGRUB NYID KYIS NI SNGAR BSTAN PA BRGYAD DANG, DE'I STENG DU SER SNAS SLONG BA LA SBYIN PAR MI BYED PA DANG, CHOS MA YIN PA CHOS SU BRJOD PA DANG, BYANG CHUB KYI SEMS YONGS SU SPONG BA STE, BCO LNGA PO NI BYANG CHUB SEMS DPA'I RTZA BA'I LTUNG BA RNAM PAR GZHAG GO ZHE'O, ,LA LA NA RE 'PHAGS PA THOGS MED DANG RJES SU MTHUN PAR GZHAG GO ZHES ZER RO, ,'PHAGS PA THOGS MED ZHABS KYIS NI BYANG CHUB SEMS DPA'I SA LA RTZA BA'I LTUNG BA RNAM PA BRGYAD DU GSAL BAR GZHAG PA NA'O, ,'DIR RGYAL PO LA SOGS PA'I RTZA BA'I LTUNG BA CI'I PHYIR BSTAN, GAL TE SDOM PA DANG 'BREL PAS SO ZHE NA, DE DAG LAS JI LTAR NGES KYI GZHAN LA MA YIN, MA YIN NA NI RTZA BA'I LTUNG BAR JI LTAR GZHAG ,NYES PA MING DE 'DIR NI DGE BA'I RTZA BA CHAD PA LA DGONGS PA DANG, 'BYUNG BA NYE BAS RTZA BA'I LTUNG BA DANG, RGYAL PO LA SOGS PA LAS GZHAG GO, ,DE LTA BAS NA DGE BA'I RTZA BA SNGON BSKYED PA THAMS CAD CHUD GSAN PAR 'GYUR ZHES 'BYUNG BA DANG, YANG LOG PAR LTA BA DANG GRONG 'JOMS PA DAG SO SOR BSTAN PAS 'BYUNG BA NYE BAR GSAL BA NYID DO, ,GANG LTAR YANG ZAD MOD SDOM PA'I RTZA BAR LTUNG BAR GZHAG GO, ,MA YIN TE; RTZA BA'I LTUNG BA DAG NI SDOM PA GCOD PAR BYED PA'I PHYIR LA, 'DI DAG SDOM PA CAN LAS NA KHA NA MA THO BA CHEN POR 'GYUR DU ZIN KYANG, SDOM PA GCOD PAR BYED PAR MI 'GYUR BAS RTZA BA'I LTUNG BAR GZHAG PAR MI BYA'O, ,MA BYIN PAR LEN PA DANG SROG GCOD PA DAG GIS KYANG MA YIN NAM ZHE NA, MA YIN TE, DE NI 'DOD PA NYID YIN YANG TSUL KHRIMS 'CHAL PA LA ZHE SDANG BA DANG, CHOS SPONG BA DANG, LOG PAR LTA BA DAG JI LTAR GZHAG PAR BYA, BAR DU GCOD PA'I CHOS DANG, MI DGE BA BCU'I GNOD PA ZHES MING DU BSTAN PA LAS NA RTZA BA'I LTUNG BA MA YIN PAR MNGON NO, ,DE LTA BAS NA RGYAL PO DANG BLON PO'I LTUNG BA BSTAN PAS NA, SDOM PA DANG RJES SU 'BREL PA'I RTZA BA'I LTUNG BA MTSON PA YIN NO, ,DE DAG DNGOS SU CI'I PHYIR MI BSTAN ZHE NA, SO SOR THAR PA DANG, NAM MKHA'I SNYING PO'I MDO LAS GSAL BA'I PHYIR RO, ,RGYAL PO LA SOGS PA DAG KYANG 'DRA BA MA YIN NAM ZHE NA, DE NI THE TSOM ZA BA SRID PAS MDO @274A *, ,MANG PO NGES DON DU BYAS PA'I PHYIR DANG, KHYIM PA SGRUB PA YIN PAS DE DAG PHYOGS GCIG TU BSTAN PA'I YANG PHYIR RO, ,SDOM PA DANG RJES SU 'BREL PA'I YANG DE DANG 'DRA BA KHO NA YIN PAS BSTAN PAR RIGS SO ZHE NA, DE NI GONG DU SEMS BSKYED PA BSTAN PAS DE'I MI MTHUN PA'I CHOS SPANG BAR GO BA'I PHYIR DANG, SDOM PA 'JIG PA'I RGYUR GSUNGS PA LA THE TSOM ZA BA MI SRID PA'I PHYIR RO, ,DE LTA BAS NA DANG PO NYI MA'I SNYING PO'I MDO LAS 'BYUNG BA'I RTZA BA'I LTUNG BA BSTAN PA NI, MA 'ONGS PA'I DUS NA ZHES GSUNGS TE, RE ZHIG GANG DANG 'BREL ZHE NA, RGYAL RIGS DANG ZHES BYA BA LA SOGS PA'O, ,GANG GI DANG 'BREL ZHE NA, CHOS KYI GNAS PA'I ZHES BYA BA LA SOGS PA'O, ,DNGOS PO GANG ZHE NA, KHYIM GYI GZHI DANG ZHES BYA BA LA SOGS PA'O, ,JI LTA BUR BYAS PAS SHE NA, RKU BA PA DANG ZHES BYA BA LA SOGS PA STE, 'DI DAG RGYUN MA CHAD PAR KUN DU SPYOD PA DANG, DGA' ZHING MGU LA YON TAN DU LTA BA DANG, NGO TSA DANG KHREL MED PAR 'GYUR BA DANG, GZHAN GYI GSOL BA'I RJES SU MA BTANG BA LAS KHA NA MA THO BAR RIG PAR BYA STE, 'OG MA DAG LA YANG DE BZHIN DU RIG PAR BYA'O, ,DE LA RGYUN MA CHAD PA NI THUN TSOD LAS 'DAS PA'O, ,KUN DU SPYOD PA NI, YUL DANG DUS MA NGES PA'O, ,LHAG MA NI GO BAR ZAD DO, ,DES 'BRAS BU GANG MYONG ZHE NA, GZHI DANG BSAM PA'I KHYAD PAR LAS, ,MTHONG CHOS 'BRAS BU CAN GYI LAS, ,ZHES BYA BA'I TSUL GYIS MTHONG BA'I CHOS LA MYONG BAR 'GYUR BA NI, TSE 'DI LA ZHES GSUNGS TE, SKYES BU BYED PA'I 'BRAS BU YIN PA'I PHYIR RO, ,RNAM PAR SMIN PA'I 'BRAS BU NI, MNAR MED PA ZHES BYA BA LA SOGS PA'O, ,DE LA YI DAGS KYI DBANG DU BYAS NAS, BSKAL PAR 'DUG PA'I TSE ZAD NAS MYA NGAN DGON PA'I ZHES BYA BA LA SOGS PA'O, ,DUD 'GRO'I DBANG DU BYAS NA, RGYA MTSO CHEN POR SHA SNAG GU'I LUS ZHES BYA BA LA SOGS PA SMOS TE, DE LA LAM GYI DBUS NA 'DUS PAS LAM GOL BA'O, ,MNAR MED PA NI BSTI BA'I GNAS MED PA'O, ,BSKAL PA ZHES BYA BA NI BSKAL PA CHEN PO'O, ,BAR DU ZHES BYA BA NI TSE'I MTHAR THUG PAR 'GYUR RO, ,'O NA MNAR MED NI BAR GYI BSKAL PA'O ZHES 'BYUNG BA DANG 'GAL LO ZHE NA, DE NI THEG PA CHUNG NGU'I DBANG DU MDZAD PAS 'GAL BA MED DO, ,LUS DPAG TSAD BRGYA PA ZHES BYA BA NI NYA'I RIGS @274B SO; ,DBANG GI 'BRAS BU NI, SANGS RGYAS MED PA'I ZHING SNYIGS MA LNGA CAN DU SKYE ZHES GSUNGS TE, SNYIGS MA LNGA NI SEMS CAN GYI SNYIGS MA LA SOGS PA'O, ,RGYU MTHUN PA'I 'BRAS BU NI MIG MED LA MI SDUG PA ZHES BYA'O, ,DON BSDU BA NI RGYAL PO CHEN PO ZHES BYA BA LA SOGS PA'O, ,DE LTAR RTZA BA'I LTUNG BA SPYIR BSTAN NAS, DA NI KHYAD PAR DU BRJOD PAR BYA'O, ,DE'I PHYIR DANG PO RTEN GYI KHYAD PAR DU BYAS NAS THUN MONG MA YIN PA'I LUNG BSTAN PA NI, RIGS KYI BU ZHES BYA BA LA SOGS PA GSUNGS TE, RIGS KYI GTZO BO YIN PAS RGYAL PO ZHES SMOS SO, ,RIGS MNYAM PA LAS 'CHOS PA'I BU YIN PAS RGYAL RIGS SO, ,LHA CHEN PO LA SOGS PA'I DKYIL 'KHOR DU ZHUGS PAS NA SPYI BO NAS DBANG BSKUR BA'O, ,NGAN SONG DU 'GRO BAR BYED PAS NA LTUNG BA'O, ,GTZO BO YIN PAS NA RTZA BA'O, ,JI LTAR ZHE NA, LHA DANG MI'I BDE BA GNAS NAS LTUNG STE ZHES SMOS TE, CI'I PHYIR ZHE NA PHAS PHAM ZHING ZHES SMOS TE, DE'I GNYEN POR GYUR PAS ZHES BYA BA'I THA TSIG GO , ,NGAN SONG GI RGYU DAG NI MTHA' YAS PA MA YIN NAM DES RGOL BA NI LNGA GANG ZHE NA, BDEN MOD KYI 'DIR GTZO BO SMOS PAS NYES PA MED CES BSTAN PA NI, RIGS KYI BU ZHES BYA BA LA SOGS PA'O, ,GANG LA BRTEN NAS BSOD NAMS RGYA CHEN PO SKYE BA NI MCHOD RTEN ZHES BYA BA'I DON TO ZHES PA KHA CIG ZER RO, ,LA LA NI LHA YUL NAS BABS PA LA SOGS PA LA BYA'O ZHES 'DOD DO, ,RDZAS NI YO BYAD DO, ,CHOS NI THEG PA GSUM GYI CHOS SO, ,SPONG BA NI MI MKHO BAR BYED PA STE, GLEGS BAM 'JIG PA LA SOGS PA'O, ,'GOG PA NI DON THOB PA'I BAR DU GCOD PA'O, ,NYAN THOS NGES PAR 'BYUNG BA NI, BDEN PA GTZOR STON PA'O, ,RANG SANGS RGYAS NGES PAR 'BYUNG BA NI, RTEN CING 'BREL PAR 'BYUNG BA GTZOR STON PA'O, ,THEG PA CHEN POS NGES PAR 'BYUNG BA NI, SHES RAB DANG SNYING RJE CHEN PO GTZOR STON PA'O, ,YANG NA GSUNG RAB YAN LAG BCU GNYIS LAS, SHIN TU RGYAS PA'I MDO SDE MA GTOGS PA MDO SDE LA SOGS PA NI NYAN THOS DANG RANG SANGS RGYAS NGES PAR 'BYUNG BA'O, ,SHIN TU RGYAS PA DE NI THEG PA CHEN PO LA NGES PAR 'BYUNG BA'O ZHES KYANG KHA CIG 'DOD DO, ,DGE 'DUN 'DUM PA 'BYED PA NI 'KHOR LO PHYE BA'O, ,GRONG NI KHYIM GCIG LA SOGS PA'O, ,LJONGS @275A *, ,NI KHYIM BCU LA SOGS PA'O, ,GRONG KHYER NI RIG PA'I GNAS BCO BRGYAD DANG LDAN PA'O, ,YUL 'KHOR NI RIS SU BCAD PA'O, ,SPONG BA LA SOGS PA NI SNGA MA BZHIN NO, ,YANG NA SPONG BA NI 'DOR BAR BYED PA'O, ,'GOG PA NI SNGA MA BZHIN NO, ,SUBS PAR BYED PA NI GLEGS BAM 'JIG PA'O, ,RTEN GYIS KHYAD PAR DU BYAS PA BSHAD ZIN TO, ,DA NI YUL GYI KHYAD PAR LAS GYUR PA'I RTZA BA'I LTUNG BA THUN MONG BA BSTAN PAR BYA STE, DANG PO ZLA BA SNYING PO'I LE'U LAS DGE SBYONG RTEN GYI KHYAD PAR BRJOD PA NI, GROGS PO DAG CES GSUNGS TE, NYAMS PA LAS RJES SU SGRUB PA'I TSUL BSTAN PA NI, GRONG KHYER DANG ZHES BYA BA LA SOGS PA GSUNGS TE, GAL TE TSUL KHRIMS 'CHAL PA LA SPYOD PA ZHIG NA, RGYAL PO LA SOGS PAS DGE 'DUN BSDUS NAS GSOL BAR BYA STE, DGE 'DUN GYIS KYANG GAnd'I BRDUNGS NAS DGE 'DUN BSDUS TE, LAS BRJOD PA'I SGO NAS DBYUNG BAR BYA BA NI, NYAMS PA LA SGRUB PA'I TSUL LO, ,DE LA GRONG KHYER NI SPYOD YUL GYI GRONG NGO, ,YUL NI MTSAMS JI LTAR BCAD PA'I NANG DU CHUD PA'O, ,GTZUG LAG KHANG NI CHOS DANG LDAN PA 'DU BA'I SA'I KHYAD PAR RO, ,LONGS SPYOD NI LHAN CIG GNAS PA DANG GTAM 'DRE BA LA SOGS PA'O, ,RJES SU MTHUN PA NI BSHAD PA LTAR BYAS PA'O, ,GANG GI CHAD PA NI SONG SHIG PA'I KHYAD PAR BRJOD PA'O, ,TSUL LAS NYAMS PA'I KHYAD PAR DNGOS BSTAN PA NI, SU ZHIG CES GSUNGS TE, KHYIM PA'AM RAB TU BYUNG BA'O, ,BDE BA THAMS CAD NI BDE BA'I RGYU SPANGS PA STE, MTHONG BA DANG MA MTHONG BA'I KHYAD PAR RO, ,'BRAS BU NYAMS PA NI LHA DANG MIR SKYE BA DANG BRAL BA LA SOGS PA'O, ,LTUNG BA SKYED PA'I KHYAD PAR 'THAD PA NI DE NAS ZHES GSUNGS TE, YID DU 'ONG BA'I PHYIR LHA'O, ,THAMS CAD NI 'DOD PA'I KHAMS LA SOGS PA'O, ,NAS ZHES BYA BA NI DANG PO SMOS PA'O, ,LUS SRUL PO NI GANG GIS LUS SRUL BAR BYED PA STE, GDON GYI KHYAD PAR RO, ,BAR DU ZHES BYA BA NI THA MAR GZUNG BA STE, 'KHOR DU GTOGS PA DE BRGYAD DO, ,BSLAB PA 'DRAL BA NI BSLAB PA ZHIG PA STE PHAM PAR GYUR PA'O, ,BSLAB PA BZHIN MI BGYID PA NI RJES SU MI SGRUB PA'O, ,YONGS SU 'DZIN PA MED PA NI, TSUL KHRIMS RAL PAR GYUR PAS SO, ,STON PA NI BCOM LDAN @275B 'DAS SO, ,PHYI'I GNOD PA LAS NI BSRUNG BAR BYA'O, ,NANG GI GNOD PA LAS NI BSKYANG BAR BGYI BA'O, ,DE LTAR MI MTHUN PA'I RKYEN SPANG BA LTAR MTHUN PA'I RKYEN SGRUB PA NI YO BYAD THAMS CAD SBYAR BAR BYA'O, ,DE'I PHYIR DE LA YANG DAG PA'I SGRUB PA'I TSUL LAS NYAMS NA NYES DMIGS BSTAN PA NI, GAL TE ZHES BYA BYA BA LA SOGS PA'O, ,LA LA NI SNGAR BSHAD PA'I TSUL LAS NYAMS PA'I 'BRAS BU GNYIS PA MTHONG BA'I CHOS KYI 'BRAS BU MTSON PA'I PHYIR TE, LHAG MA NI ZHAR LAS BYUNG ZHES KYANG ZER RO, ,DA NI SA'I SNYING PO'I MDO LAS YUL GYI KHYAD PAR LAS BYUNG BA'I RTZA BA'I LTUNG BA BRJOD PAR BYA STE, RE ZHIG LTUNG BA BSKYED PA'I 'THAD PA NI, SNGON 'BYUNG BA ZHES BYA BA LA SOGS PA GSUNGS TE, SRIN PO SHA ZA DANG DUD 'GRO'I GTI MUG PAS KYANG GUS PAR BKUR BA'I PHYIR YUL KHYAD PAR CAN DU GYUR PA MNGON NO ZHES BYA BA'I DON TO, ,BCOM LDAN 'DAS CI'I PHYIR RJES SU DPAG PA 'DZIN CE NA 'KHOR NGES PAR BSKYED PA'I PHYIR RO, ,DE LTA YIN YANG RMONGS PA 'GA' ZHIG NI DE LTA MI SHES SO ZHES SMAD PA NI, YANG MA 'ONGS PA'I DUS NA ZHES BYA BA LA SOGS PA'O, ,LTUNG BAR BYED PA'I MTSAN NYID NI, RKYEN SNA TSOGS LA THA SNYAD BTAGS ZHES BYA BA STE, LTUNG BA'I 'BRAS BU NI RAB TU NYES PAR GYUR PA ZHES BYA BA LA SOGS PA GSUNGS PA YIN NO; ,DGE BA'I RTZA BA CHAD PA ZHES BYA BA NI SBYIN PA LA SOGS PA DGE BA'I RTZA BA ZHIG PA'O, ,SEMS KYI RGYUD SREG PA ZHES PA NI, DKAR PO'I CHOS RGYUD LA MI SKYE BA'O, ,MKHAS PA SPANGS PA NI DAM PAS YONGS SU BOR BA'O, ,LUS LA CHAD PAS BCAD PA 'BA' ZHIG GIS LTUNG BAR 'GYUR BAR MA ZAD KYI LONGS SPYOD DANG PHRAL BAS KYANG 'GYUR RO ZHES BSTAN PA NI GZHAN YANG ZHES BYA'O, ,DE LTAR RTZA BA'I LTUNG BA'I MTSAN NYID BSTAN NAS, 'O NA DBANG PHYUG GI GNAS GANG LA GNANG ZHE NA, BZOD PA THOB PA'I GANG ZAG CES GSUNGS SO, ,DE LA MOS PAS SPYOD PA LA GNAS PA NA BZOD PA THOB PA'O, , 'O NA MOS PA SPYOD PA MA YIN PA'I GANG ZAG DE DAG NI LTUNG BAR 'GYUR RO ZHES THAL BA BRJOD PA NI, GSOL BA ZHES GSUNGS TE, JI LTAR BA NA SONG DU MI 'GRO BAR 'GYUR ZHES BYA BA NI, 'GRO BAR THAL BA KHO NA'O ZHES SKYON BRJOD PA'O, ,MA YIN TE GAL TE BZOD PA MA THOB PA'I SDIG PA LA SPYOD PA DAG NI, DE @276A *, ,LTAR 'DOD PA KHO NA'O, ,LHAG MA NI GTAN TSIGS MA GRUB PA NYID DE, GAL TE BZOD PA MA THOB KYANG CHOS KYI RJES SU 'JUG BA DAG NI NGAN SONG DU 'GRO BAR MI 'GYUR RO ZHES BSTAN PA NI GANG BZOD PA MA THOB KYANG ZHES BYA BA'O, ,DE LTA BAS NA BZOD PA MA THOB KYANG CHOS BZHIN DU'ANG MI BYED PA LA NI; DBANG PHYUG GI GNAS GNANG BA MA YIN LA, DE LA SPYOD PAS NA KHA NA MA THO BA'I LAS RTZA BA'I LTUNG BA 'BYUNG BAS NA BSTAN PA ZAB MO 'DI 'JIG PA STE, BCAS PA LAS DRAL BAR 'GYUR ZHES BYA BA'O, ,GZHAN DAG NI GAL TE, RGYAL PO GDOL PAR GYUR NA DE'I RJES SU GZHAN 'JUG PAS, TSUL KHRIMS BTANG STE, SA'I SNYING PO 'KHOR LO BCU PA'I MDO NUB PAR BYED CING DE'I RJES SU 'JUG PAS NGAN SONG DU 'GRO'O ZHES MDO NYID TSAD MAR BYA'O ZHES KYANG 'DOD DO, ,JI LTAR THAR BAR 'GYUR ZHES BYA BA NI THAR BAR MI 'GYUR BA KHO NA'O ZHES BYA BA'I DON TO, ,DE LTAR GNANG BA DANG MA GNANG BA'I GANG ZAG GI RAB TU DBYE BA BSTAN NAS, DA NI GNANG BA'I GANG ZAG GIS RJES SU SGRUB PA'I THABS BSTAN PA NI, GANG DAD PA'I STOBS KYI GO CHA BGOS TE ZHES BYA BA LA SOGS PA GSUNGS TE, SNGAR RTZA BA'I LTUNG BA'I NYES PA BSTAN PA DE NYID LAS BZLOG PA'I CHOS DANG LDAN PA NI, DE'I GNYEN POS TE, LOG PAR SGRUB PA SPONG BA YIN PAS NA, RJES SU SGRUB PA'I TSUL LO, ,DE LA DAD PA NI YID CHES PA LA SOGS PA'O, ,DE NYID MI MTHUN PA'I PHYOGS KYIS MI BRDZI BAS NA STOBS ZHES BYA'O, ,GO CHA NI BRTZON 'GRUS SO, ,JI LTAR ZHE NA, RGYAL PO'I LTUNG BA'I RTZA BA DANG PO'I GNYEN PO NI, DKON MCHOG GSUM LA DAD PA MANG ZHING ZHES BYA BA STE 'DIR DAD PA MANG ZHING GSUM BSGOM MO, ,RTZA BA'I LTUNG BA GNYIS PA DAM PA'I CHOS SPONG BA'I GNYEN PO NI, THEG PA GSUM GYIS NGES PAR 'BYUNG BA'I CHOS MI SPONG LA ZHES BYA BA LA SOGS PA'O, ,GSUM PA DGE SBYONG LA BRTEN PA'I RTZA BA'I LTUNG BA'I GNYEN PO NI TSUL KHRIMS DANG LDAN PA DANG TSUL KHRIMS 'CHAL PA LA YANG RNAM PAR MI 'TSE ZHES BYA BA LA SOGS PA'O, ,MTSAMS MED PA LA STE, RTZA BA'I LTUNG BA'I GNYEN PO NI, DGE 'DUN DANG MCHOD RTEN GYI RDZAS MI 'PHROGS PA ZHES BYA BA LA SOGS PA STE, LONGS SPYOD 'PHROG PA NI MTSAMS MED PA DANG NYE BA YIN LA, DE SPONG BAS MTSAMS MED @276B PA GA LA ZHIG BYED CES GNYEN POR BSTAN PA YIN NO, ,BZLOG PA NI GZHAN YANG DE LTAR NA RJES SU 'DZIN PAS NA RANG NYID GA LA ZHIG CES BYA BA'I DON TO, ,LOG PAR LTA BA'I GNYEN PO NI, YANG DAG PA'I LTA BA YIN TE, DE'I PHYIR DANG PO YANG DAG PA'I LTA BA SKYE BA'I RGYU SKYES BU DAM PA LA BRTEN PA NI, THEG PA GSUM LA NAN TAN BYED PA'I DGE SLONG RNAMS LA BRTEN PA DANG, BSNYEN BKUR BYED PA'O, ,GNYIS PA DAM PA'I CHOS NYAN PA NI, THEG PA GSUM GYI NGES PAR 'BYUNG BA'I CHOS KYI GTAM NYAN CES BYA BA'O, ,GSUM PA TSUL BZHIN DU YID LA BYED PA NI, JI LTAR THOS PA NYAMS KYIS CI NUS SU SGRUB PA DANG, YI DAM LA BRTAN PA DANG, SEMS CAN RNAMS THEG PA CHEN PO LA YANG DAG PAR 'DZIN DU 'JUG PA DANG, DE LA YI DAM NI RANG GI DAM BCAS PA SNGAR BSTAN PA RNAMS SO, ,GZHAN DE DAG 'GOD PA NI 'KHOR MANG PO KHA NA MA THO BA DAG LA SBYOR BA'I GNYEN PO BSTAN PA YIN TE, SNGAR JI SKAD DU, SEMS CAN MANG PO DAG KYANG DGE BA BCU'I LAS KYI LAM YANG DAG PAR 'DZIN DU 'JUG CING ZHES BSTAN PA'I PHYIR RO, ,DE LTA BAS NA, SKYES BU DAM PA BRTEN PA LA SOGS PA DAG NI, YANG DAG PA'I LTA BA SKYE BA'I RGYU YIN LA, DE SKYES NA LOG PAR LTA BA SPONG BAS NA 'DI NI RTZA BA'I LTUNG BA LNGA PO'I GNYEN POR BZHAG PA YIN NO, ,GRONG 'JOMS PA LA SOGS PA'I GNYEN PO NI MI SLU BA'I SEMS DANG LDAN PA ZHES GSUNGS TE, GRONG LA SOGS PA 'JOMS PA NI G-YO'I SBYOR BA YIN PA'I PHYIR RO, ,DE'I PHAN YON BSTAN PA NI, LOG PAR LTUNG BAR MI 'GYUR BAR ZHES BYA BA'O, ,DE BZHIN DU RJES SU SGRUB PA'I PHAN YON BSTAN PA NI; YANG DAG NYID LAS 'BYUNG BA ZHES SMOS TE, DGE BA NI SNGAR BSHAD PA'I CHOS RNAMS DANG LDAN PA'O, ,LNGA BRGYA THAM ZHES BYA BA NI, PHRAG BCU'I THA MA RTAGS TZAM 'DZIN PA'I DUS SO, ,BDAG BSRUNG BA NI SNGAR BSHAD PA'I NYAMS PA LAS RJES SU SGRUB PA'I TSUL DU BYED PA'O, ,GZHAN BSRUNG BA NI DE LTAR RJES SU SGRUB PAS YUL 'KHOR DU BYA BA THAMS CAD BYED PA STE, NYES PA LAS BZLOG PA'I PHAN YON 'BYUNG BA'O, ,'JIG RTEN PHA ROL BSRUNG BA NI, LHA DANG MI'I SKYE BA LA SOGS PA'O, ,BSTAN PA BSRUNG BA NI DBANG PHYUG GI STOBS LA SOGS PA'O, ,YON TAN NI THOS PA LA SOGS PA'O, ,SNOD NI TSUL @277A *, ,KHRIMS RNAM PAR DAG PA'O, ,SRUNG BAR BYED PA NI 'TSE BA LA SOGS PA LAS BZLOG PA'O, ,MI SPYOD PA NI 'PHROG PA DANG SPYOD PA LAS BZLOG PA'O, ,SPYOD DU MI 'JUG PA NI 'PHROG TU 'JUG PA DANG, SPYOD DU 'JUG PA LAS BZLOG PA'O, ,DE'I PHAN YON BSTAN PA NI, BSOD NAMS KYI PHUNG PO ZHES SMOS TE, MA MTHONG BA'I PHAN YON GYI DBANG DU BYAS NAS BSOD NAMS KYI PHUNG PO TSAD MED CES BYA BA LA SOGS PA STE, TSAD MED PA NI TSAD MED PA'I PHYIR RO, ,GRANGS MED PA NI BGRANG BAR MI NUS PA'I PHYIR RO, ,DPAG TU MED PA NI SHES PAS MI DPOGS PA'O, ,MTHONG BA'I PHAN YON NI, TSE BSRID [?] PA LA SOGS PA STE, BCU TSAN DANG POS NI BDE BA'I RKYEN SGRUB PA'O, ,GNYIS PAS NI MI BDE BA'I RKYEN SPONG BA'O, ,LONGS SPYOD DANG BRAL BAR BYED PA'I LTUNG BA LAS BZLOG PAS NA YONGS SU SKYONG BA ZHES GSUNGS SO, ,LA LA NI THAMS CAD KYI DON BSDUS PA YIN NO ZHES KYANG ZER RO, ,GTONG BA PO NI RKYEN SGRUB PA'I MING NGO; ,SBYIN BDAG NI RGYU SBYOR BA'O, ,DER MA ZAD PAS NA LHA DANG ZHES BYA BA LA SOGS PA GSUNGS SO, ,BSTAN PA 'DZIN PA NI SNGA MA BZHIN NO, ,DES NI CHOS KYI BAR CHAD BYED PA'I GNYEN PO'O, ,CHOS KYI TSUL YUN RING DU GNAS PAR BYED PA NI, CHOS SMRA BA LA BRTEN PA LA SOGS PAS CHOS 'GREL CING BSHAD PAR BYED PA'O, ,DES NI CHOS SMRA BA LA GNOD PAR BYED PA'I GNYEN PO YANG YIN NO, ,RIGS RGYUN MI GCOD PA NI, BYANG CHUB TU SEMS BSKYED PA LA SBYOR BA'O, ,NGAG LAS SKYES PA NI NYAN THOS KYI THEG PA'I 'BRAS BU THOB PA STE, BDEN PA BZHI'I CHOS BSHAD PAS 'BRAS BU RNYED PA'I PHYIR RO, ,CHOS LAS SKYES PA NI, RANG RGYAL BA'I THEG PAS 'BRAS BU THOB PA STE, RTEN CING 'BREL PAR 'BYUNG BA RTOGS PA LAS 'BRAS BU RNYED PA'I PHYIR RO, ,CHOS KYI SPRUL PA NI THEG PA CHEN POS 'BRAS BU THOB PA'I BYANG CHUB SEMS DPA' STE, 'BRAS BU THOB KYANG MNGON DU MI BYED PA'I PHYIR RO, ,GZHAN DAD PA NI SKYABS SU 'GRO BA DANG LDAN PA'O, ,DON DAM PA'I BDEN PA NI, STONG PA NYID BSGOM PA'O, ,'O NA NYAN THOS LA SOGS PA DAG KYANG YIN NO ZHE NA, YANG DAG PAR RDZOGS PA'I ZHES GSUNGS TE, THEG PA MCHOG 'DOD PA ZHES BYA BA'O, ,DE'I PHAN YON NI, LAG TU GTAD DO ZHES GSUNGS TE, MI LDOG PAR 'GYUR RO ZHES BYA BA YIN NO, ,DE LTAR NA YUL @277B GYI KHYAD PAR LAS GYUR PA LTUNG BA THUN MONG BA'I GNYEN PO BSTAN PA YIN NO, ,THUN MONG BA DANG THUN MONG MA YIN PA NYID GANG ZHE NA, RGYAL PO DANG BLON PO'I RTZA BA'I LTUNG BA DAG NI, KHYIM PAR GYUR PA GZHAN DANG THUN MONG MA YIN LA, YUL GYI KHYAD PAR DGE SBYONG LA BRTEN PA DAG NI, RGYAL PO LA SOGS PA'I YANG YIN PAS THUN MONG BAR GZHAG GO, ,DE LTAR NA MI MTHUN PA DANG GNYEN PO JI SKAD BSTAN PA DAG NI PHAL CHER SDOM PA DANG MA 'BREL PAR LTA'O, ,MDO KUN LAS BTUS PA'I BSHAD PA LUNG GI TSAD MAS SBYAR BA LAS DBANG PHYUG GI GNAS RNYED PA RNAMS KYI BSGRUB PA BSTAN ZIN TO,, ,,DE LTAR MI MTHUN PA'I PHYOGS BAR DU GCOD PA SPANG BA'I THABS BSTAN PAR BYA STE, DE'I PHYIR CHOS SGRUB PA LA GNAS PAR 'DOD PAS SEMS LA MKHAS PAR BYA'O ZHES GSUNGS PA STE, CHOS NI JI LTAR BSHAD PA'I TSUL KHRIMS SO, ,BSGRUB PA NI MI NYAMS PAR BYA BAR 'DOD PA'O, ,SEMS NI DRAN PA DANG SHES BZHIN DANG, BAG YOD PA'O; ,MKHAS PA NI 'OG NAS CI ZHES DPYOD PAR BYED PA'O, ,DE DAG 'DAS PA'I DUS SU KHA NA MA THO BAS NYAMS PAR BYAS PA NI STOBS BZHIS DAG PAR BYA BA DANG, DA LTAR GYI NYES PA NI THUN TSOD LAS MA 'DAS PAS, JI LTAR RIGS PAR BSHAD PAR BYA BA DANG, MA 'ONGS PA'I NYES PAS GOS PAR DOGS PAS NI DRAN PA LA SOGS PA GOMS PAR BYA BA YIN NO, ,TSUL KHRIMS NI LUS LA SOGS PA GSUM GYIS BSRUNG BAR BYA BA MA YIN NAM, JI LTAR NA SEMS KHO NA LA MKHAS PAR BYED PA ZHES RGOL BA NI, JI LTAR NI ZHES BYA BA'O, ,BYANG CHUB SEMS DPA' ZHES SMOS PAS NI, SEMS BSKYED PA MI NYAMS PAR BSRUNG BAR BSTAN TO, ,DE'I PHYIR LUS DANG SEMS RAB TU DBEN PAS ZHES SMOS TE, SEMS NYID GTZO BO YIN PAR BSTAN TE, GZHAN DUN DRAN PA LA SOGS PA MED NA, LUS LA SOGS PA NYES PA LA 'JUG PAR 'GYUR BA'I PHYIR RO, ,LUS LA SOGS PA LA DBEN PAR MA GYUR NA YANG DRAN PA 'JUG PAR MI 'GYUR TE, DE'I PHYIR LUS DANG ZHES SMOS SO, ,DE LA LUS DBEN PA NI, 'DU 'DZI LA SOGS PA SPANGS PA'O, ,'DU 'DZI NYID GANG ZHE NA, LA LA NI SKYE BO'I TSOGS LA BYA'O ZHES ZER RO, ,LA LA NA RE TSE 'DI'I RTOGS PA DANG LDAN PA NI GCIG KHO NA YANG 'DU 'DZI'I GNAS YIN NO ZHES ZER RO, ,SEMS RAB @278A *, ,TU DBEN PA NI, 'DOD PA'I RNAM PAR RTOG PA LA SOGS PA SPANGS PA'O, ,DE LA [?] DRAN PA YONGS SU SRUNG BA NI, CI BDAG GIS SEMS 'DI DGE BA LA SPYOD DAM ZHES BYA BA LA SOGS PA'O, ,SHES BZHIN GYI SRUNG BA NI, DGA' BA DANG RANGS PA DANG, MOS PA BSKYED DO ZHES GSUNGS TE, DGA' BA NI THOG MAR SEMS BDE BA'O, ,RANGS PA NI BAR DU MGU BA'O, ,MOS PA NI THA MAR 'GYOD PA MED PA'O, ,BAG YOD PA NI SKYO BA DANG RTOG PA MANG BA STE, SKYO BA MANG BA NI MI MTHUN PA SPONG BA'O, ,RTOG PA NI GNYEN PO BSGOM PA'O, ,DE LTA BAS NA DANG PO DRAN PAS RANG GI SEMS GANG LA SPYOD CES MI BRJED PAR BYED DO, ,SHES BZHIN GYIS DGE BA LA SPYOD CING RJES SU MI 'GYOD PA LA SOGS PA BYED DO, ,BAG YOD PAS DGE BA GOMS SHING SDIG PA SPONG BAR BYED DO, ,DE LTA BU'I TSUL KHRIMS DE GANG GI DON DU ZHE NA, RNAM PA THAMS CAD MKHYEN PA NYID KYI DON DU YIN PAS, MA SKYES DGRA'I MDO LAS KYANG ZHES GSUNGS PA, 'DUN PAS 'GRO BA DANG, ZHE SDANG GIS 'GRO BA DANG, 'JIGS PAS 'GRO BA DANG, GTI MUG GIS 'GRO BA DAG NI BDUD KYI SPYOD YUL YIN PAS GLAGS RNYED PA'O, ,SNYING RJE DANG BYANG CHUB KYI SEMS DANG MI LDAN PA NI, DE BZHIN GSHEGS PA MI MNYES PA STE, SNYING RJE MED NA SEMS CAN YONGS SU GTONG PAR 'GYUR BAS NA DE'I PHYIR, GANG GIS SEMS CAN DAG LA YID KYIS GNOD BYED KYANG, ,NGA LA JI LTAR BRTEN TE DE NI LTOS DANG BRAL, ,ZHES BYA BA LTA BU'O, ,BYANG CHUB KYI SEMS MED PA'ANG JI LTAR RIG PAR BYA'O, ,DNGOS POR LTA BA YANG DE BZHIN TE, 'OG NAS KYANG ZHAL TA BAS RIN PO CHE'I MCHOD RTEN GYIS STONG GSUM GANG BAR BYAS NA'ANG NGA MNYES PAR MI 'GYUR RO ZHE'O, ,MI BRTZON PA'ANG DE BZHIN TE, 'DIR BRTZON 'GRUS KYI SGRA NI THEG PA MCHOG LA SPRO BA'I PHYIR THEG PA DMAN PA'I CHOS YONGS SU BZUNG BAS KYANG, NGA LA BYA BA BYAS PAR MI 'GYUR ZHE'O, ,TSUL KHRIMS DANG SBYIN PA DANG BZOD PA GTZOR GYUR PA'I PHA ROL TU PHYIN PA DRUG DANG BRAL BA NI LHA RNAMS MI DGA' BA STE, RANG GI PHYOGS 'GRIB PA'I PHYIR RO, ,RNAM GRANGS GZHAN YANG PHA ROL TU PHYIN PA DRUG NI, LHA RNAMS DGA' BA'I RGYU YIN PAS TE, MYUR DU MNGON PAR 'TSANG RGYA BA'I PHYIR, RGYAL CHEN BZHI PO NI @278B LHUNG BZED YONGS SU 'BUL BA DANG ZHES BYA BA NA SA TSANGS PA NI GSOL BA GDAB PAR SPRO'O ZHES GSUNGS PA LTA BU'O, ,DMIGS PA NI DGE BA MI ZAD PAR BYED PA'I RGYU YIN PA'I PHYIR DANG, YONGS SU BSNGO BA'ANG DE BZHIN TE, THAMS CAD MKHYEN PAR DMIGS PA NI, MYA NGAN LAS 'DAS PA'I MTHAR THUG PAR 'GYUR RO ZHES 'BYUNG BA DANG, LDOG PA DANG RJES SU 'GRO BA'I SGO NAS SBYOR BA DANG, DNGOS GZHI DANG, RJES KYIS TE PHUN SUM TSOGS PAR BYA BAR BSTAN TO, ,DA NI TSUL KHRIMS 'CHAL PA'I RGYU SPANG BAR BSTAN PA NI, [?] SMRA BA LA DGA' BAR MI BYA STE ZHES GSUNGS TE, MDO 'DI NYID LAS JI SKAD DU, BU RAM SHING SHUN SNYING PO CI YANG MED, DGA' BAR BYA BA'I RO NI NANG NA 'DUG ,SHUN PA ZOS PA'I MIS NI BU RAM RO, ,ZHIM PO MYONG BAR 'GYUR BA MA YIN TE, ,JI LTAR SHUN PA DE BZHIN SMRA BA STE, ,RO LTA BU NI 'DI LA DON SEMS YIN, ,ZHES BYA BA LA SOGS PA GSUNGS TE, BRJED NGAS PA NI DRAN PA DANG BRAL ZHES BYA BA'I DON TO, ,TSUL BZHIN YID LA BYED PA DANG BRAL BA NI SHES BZHIN MED CES BYA BA'O, ,SEMS KYI RGYUD DMU RGOD DU GYUR PA NI, BAG YOD PA DANG BRAL ZHES BYA BA'O, ,DE LTAR TSUL KHRIMS 'CHAL BA LA TING NGE 'DZIN DANG SHES RAB MED PAS NA ZHI GNAS DANG LHAG MTHONG YONGS SU SPANGS PA'O, , BSLAB PA GSUM DANG BRAL BAS NA DAM PAR MI 'GYUR BA'O, ,NANG GI GDUNG BA DANG LDAN PAS NA 'GYOD PA DANG LDAN PA STE, TSUL KHRIMS MED PA'I PHYIR RO, ,CHOS 'CHAD PA NI TSUL KHRIMS 'CHAL BA'I RGYU JI LTAR YIN ZHE NA, BDEN MOD KYI, 'ON KYANG SMRA BA NI RGYUD 'KHRUG PAR BYED PA YIN LA, DES NA DRAN PA NYAMS PA LA SOGS PA'I RKYEN GYIS SO ZHES BYA BA NI, SGRUB PA LA MI GNAS PA YIN NO ZHES GSUNGS TE, YON TAN LEN PAR MI BYED PA'I PHYIR JI SKAD DU, YANG DAG SANGS RGYAS BSTAN PA NI, ,THOS PA TZAM GYIS MI 'GRUB STE, ,LA LA STOBS MED CHU KLUNG GIS, ,NAN GYIS KHYER BAR GYUR PA DAG , SKOM GYIS 'CHI BAR GYUR BA BZHIN, ,MA BSGOMS CHOS KYANG DE BZHIN NO, ,ZHES BYA BA LA SOGS PA GSUNGS PA DANG, SDANG BSHAD PA LTA BU YIN PA'I PHYIR RO, ,'DIS NI LAS LA DGA' BA DANG, SPROS PA LA DGA' BA DANG, GNYED LA DGA' BA DANG, 'DU 'DZI LA DGA' BA DANG, RNYED PA DANG BKUR @279A *, ,STI LA DGA' BA STE, 'JIG RTEN GYI CHOS DRUG SPANG BAR BSTAN PA YIN NO, ,MDO KUN LAS BTUS PA'I BSHAD PA LUNG GI TSAD MAS SBYAR BA LAS TSUL KHRIMS KYI PHA ROL TU PHYIN PA BSHAD ZIN TO,, ,,DE LTAR BYANG CHUB TU SEMS BSKYED CING BYANG CHUB SEMS DPA'I SDOM PA MI NYAMS PAR BSRUNG BA DANG LDAN PA NI, KHYAD PAR DU 'GRO BA'I RGYU BSGRUB PA LA 'JUG PA STE, 'PHAGS PA ZLA BA SGRON MA'I MDO LAS, SGRUB PA MED NA TSUL KHRIMS KYI 'BRAS BU ZAD NAS LTUNG BAR 'GYUR BA GSUNGS PA'I PHYIR RO, ,DE'I PHYIR DANG PO SGRUB PA'I PHAN YON BSTAN PA NI, DMIGS PAR SPYOD PA LA SGRUB PA MED DE ZHES GSUNGS TE, DMIGS PAR SPYOD PA NI, DNGOS POR LTA BAS KUN NAS BSLANG BA'I DGE BA SPYOD PA'O, ,SGRUB PA MED PA DNGOS POR ZHEN NAS GROL BA'I THABS YANG DAG PA LA RMONGS PA'O, ,DE'I PHYIR MANG DU THOS PA DANG ZHES GSUNGS TE, ZAG PA MED PA'I RGYU YIN PA'I PHYIR RO, , NANG DU YANG DAG 'JOG PA NI TSUL BZHIN DU YID LA BYED PA'O, ,DE DAG GANG ZHE NA, MANG DU THOS PA NI RIG PA'I GNAS LNGA LA MKHAS PAR BYED PA'O, ,TSUL BZHIN YID LA BYED PA NI BSAM PA'I SHES RAB BO, ,DES 'PHAGS PA NI BSGOM PA STE, THABS BSGOM PA DANG, SHES RAB BSGOM PA DANG, THABS DANG SHES RAB ZUNG DU 'BREL PAR BSGOM PA'I MTSAN NYID DO, ,DE LTA BAS NA, GAL TE ZHES BYA BA LA SOGS PA GSUNGS SO, ,'O NA GANG GI ZHE NA, GAL TE PHA ROL TU PHYIN PA DANG LDAN PA ZHES BYA BA STE, BSTI STANG NI BSNYEN BKUR BA'O, ,MCHOD RTEN NI BSOD NAMS CHE BA'I RGYUR GRAGS PAS NA, CI'I PHYIR ZHE NA ZHES BRGAL BA LAS, RIGS PA NI, MANG DU THOS PA LAS SKYES KYI, ,ZHES GSUNGS TE, BSOD NAMS CHEN PO THOB PA YIN YANG, MA RIG PA DANG 'GAL BA'I RGYU MA YIN PAS DE DANG 'GAL BA NI THOS PA LA YIN NO ZHES BSTAN TO, ,DE'I PHYIR GAL TE ZHES BYA BAS DMAN PA BSTAN TE, BSOD NAMS MA YIN PA SKYE BA NI, DMAN PA LA SBYAR BA'I PHYIR RO, ,DE LA THOS PA'I PHAN YON BSTAN PA NI, GAL TE ZHES BYA BA'O, ,BSGOM PA'I PHAN YON BSTAN PA NI, NANG DU YANG DAG 'JOG LA BRTZON PA ZHES GSUNGS TE, GNANG BA NI BKA' STZAL PA'O, ,DE LTAR MNGON PAR 'PHAGS PA'I @279B RGYU GANG ZHES DRI BA NI, DE CI'I PHYIR ZHE NA ZHES RTOG PA LA DKA' BA'I LAS TE ZHES GSUNGS TE, DKA' BA NI 'KHOR BA LAS BZLOG PAR CHAS PA'I PHYIR RO, ,'O NA THEG PA 'OG MA DAG KYANG YIN NO ZHE NA BLA NA MED PA ZHES GSUNGS TE, 'KHOR BA'I 'DREN PA DAG KYANG DED DON DAM PAR 'DOD PA'I PHYIR RO, ,DE'I PHYIR KHAMS GSUM PA'I THAMS CAD LAS KHYAD PAR CAN DU GYUR PA STE, THAMS CAD KYI DED DPON YIN PA'I PHYIR RO, ,MNGON PAR 'PHAGS PA NI GTZO BOR GYUR PA'O, ,PHAN YON DE LTA BU DANG LDAN PA'I SGRUB PA GANG ZHE NA, SGRUB PA NI RNAM PA GSUM STE, THOS PA LAS BYUNG BA'I SHES RAB DANG, BSAMS PA LAS BYUNG BA DANG, BSGOMS PA LAS BYUNG BA'I SHES RAB PO, ,DE LTA BAS NA DANG PO THOS PA LAS BYUNG BA'I SHES RAB BSKYED PA'I PHYIR, YANG CHOS SGRUB PA NI ZHES BYA BA LA SOGS PA GSUNGS TE, CHOS NI 'DIR THOS PA'I SHES RAB LA BYA'O, ,SGRUB PA NI DE NYID NYAMS SU LEN PA'O, ,DE LA THOS PA JI LTAR BYA ZHE NA, CHOS THAMS CAD DNGOS PO MED PA'I STON KA'I NYI MA PHYED KYI NAM MKHA'I DKYIL LTA BU SPROS PA'I MTHA' DANG BRAL BA DE LTA BUR RTOGS PA'I THABS SU BYA BAR BSTAN TO, ,THABS GANG GIS SHE NA [?], BSAM PA RNAM PAR DAG PA DANG, SBYOR BA PHUN SUM TSOGS PA'I THABS KYIS SO, ,DE LA BSAM PA NI RNAM PA BZHI STE, BDAG BSGRAGS PA'I BSAM PA MA YIN PA DANG, RTZOD PA LAS RGYAL BAR 'DOD PA'I BSAM PAS MA YIN PA DANG, MTSANG 'DRU BA'I BSAM PAS MA YIN PA DANG, DE'I PHYIR SEMS CAN YONGS SU BSGRAL BAR DMIGS PA DANG, NYON MONGS PA'I DGRA LAS RGYAL BA'I BSAM PA DANG, RNAM PA THAMS CAD MKHYEN PA NYID THOB PAR 'DOD PA'I BSAM PA DANG, CHOS DANG CHOS SMRA BA LA GUS PAR BYA BA'I BSAM PAS MNYAN PAR BYA BA'O, ,SBYOR BA NI RNAM PA GSUM STE, SBYOR BA STONG PA NYID SNYING RJE CHEN PO CAN BYANG CHUB KYIS ZIN CING, GO CHA'I BRTZON 'GRUS DANG LDAN PA DANG, DNGOS GZHI 'KHOR GSUM RNAM PAR DAG PA PHA ROL TU PHYIN PA DRUG DANG LDAN PA DANG, RJES LA MI DMIGS PAS DGE BA RDZOGS PA'I BYANG CHUB TU YONGS SU BSNGO BA STE, THABS DE LTA BUS MNYAN PAR BYA'O ZHES BSTAN TO, ,'DI DAG GI @280A *, ,MTSAN NYID DU NI MDO SDE RGYAN LAS SLOB DPON RTA DBYANGS KYIS BSHAD PAR BLTA PAR BYA'O, ,'DIR NI MDO TZAM DU BRJOD PA'I PHYIR DANG PO SBYOR BA STONG PA NYID LA SOGS PA NI, 'OD SRUNGS ZHES GSUNGS TE, BYANG CHUB KYIS ZIN PA NI THAMS CAD MKHYEN PA'I RGYA MTSO LAS 'JUG PAR 'DOD PA'O; ,STONG PA NYID DANG LDAN PAS BYIS PA SO SO'I SKYE BO'I SA LAS 'DAS PA'O, ,SNYING RJE DANG LDAN PAS NYAN THOS DANG RANG SANGS RGYAS KYI SA LAS 'DA'O, ,GO CHA DANG LDAN PA'I BDAG GI ZHES SMOS TE, PHA'I SPYOD YUL NI RNAM PA THAMS CAD MKHYEN PA NYID DO, ,MDO SDE LAS PHA ROL TU PHYIN PA DRUG NI PHA'I SPYOD YUL DU BSHAD PA'O, ,DNGOS PO 'KHOR GSUM RNAM PAR DAG PA LA SOGS PA NI, RTZA BA MI GCOD PA ZHES BYA STE, BRTZON 'GRUS KYIS BYA BA RNAMS BYED PA'I PHYIR RO, ,RJES KYI YONGS SU BSNGO BA NI, THAMS CAD MKHYEN PA NYID DU BSNGO BA'I PHYIR ZHES BYA BA LA SOGS PA GSUNGS TE, CHOG MI SHES PA NI RGYA MTSO LTA BUS MI NGOMS PA'O, ,ZAG PA MED PA'I LAS YONGS SU SPYOD PA LA BSLAB PA BAG YONGS SU GNAS PAS KHA NA MA THO BA MED PA'O ZHES GSUNGS TE, JI SKAD DU, SHES RAB RNAM PAR GSUM LA 'JUG PA NI, NYES PA DANG LTUNG BA PHRA MO DAG LAS GROL BAR 'GYUR RO ZHES GSUNGS PA LTA BU'O, ,BSAM PA NI RNAM PA BZHI STE, BDAG BSGRAGS PA'I BSAM PAS MA YIN PA NI, SGRUB PA DON DU GNYER BAS ZHES GSUNGS TE, SEMS SNYOMS PA NI BYAMS PA LA SOGS PA'O, ,DE BAS NA RTZOD PA LAS RGYAL BA'I BSAM PAS MA YIN PA LA SOGS PA RNAMS KYANG RIG PAR BYA STE, 'DIR NI MTSON PAR ZAD DO, , RANG BZHIN JI LTA BU ZHIG MNYAN CE NA, RIG PA'I GNAS LNGA LA MKHAS PAR BYA BAR GSUNGS SO, ,'O NA LUNG LAS TSUL GCIG GIS 'TSANG RGYA BAR GSUNGS PA DANG 'GAL LO ZHE NA, DE NI DGONGS PA'I DON DU GSUNGS PA YIN PAR RIG PAR BYA STE, JI LTAR ZHE NA GANG ZAG DBANG PO RTUL PO LA DGONGS PA DANG; 'JIG RTEN PA'I LAM BSKYED PA LA DGONGS PA DANG, GZHAN DRANG BA LA DGONGS PA'I PHYIR RO, ,YANG, RIG PA'I GNAS LNGA DAG LA BRTZON PAR MA BYAS NA, ,'PHAGS MCHOG GIS KYANG THAMS CAD MKHYEN NYID MI 'GYUR TE, ,ZHES GSUNGS PA DANG YANG 'GAL BAR 'GYUR RO, ,DE NI DRANG BA'I @280B DON YIN NO ZHE NA, GAL TE SANGS RGYAS KYI GSUNG NI DGONGS PA SNA TSOGS SU 'JUG PAS RUNG BA ZHIG NA, BKA'I DON GTAN LA 'BEBS PAR BYED PAS CI LTAR GZHAN DU BSHAD, DE LTAR NA NI DON GTAN LA PHAB PAR YANG MI 'GYUR LA, HA CANG THUG PA MED PA'I THAL BAR YANG 'GYUR BA'I PHYIR RO, ,DE LTA BAS NA, LDOG PA'I SGO NAS SPANG BAR BYA BA BSTAN PA NI, 'DU 'DZI'I GTAM NYAN PA DANG ZHES BYA BA LA SOGS PA STE, 'DU 'DZI'I GTAM NI BRTAG PA'I BSTAN BCOS RNAMS SO, ,MNYAN NAS NI RANG BZO BA'I GTAM MO, ,LHAG MA NI GO SLA BA RNAMS TE, 'DI DAG LAS DON DU 'GYUR BA CUNG ZAD BSHAD MOD KYI DON CHEN PO NYAMS BAS NA BAR DU GCOD PA'O, ,DA NI TSUL KHRIMS CI LTA BUS MNYAN PA DE BSHAD PAR BYA STE, DANG PO NYON MONGS PA'I GNYEN POR 'GYUR BAR BYA DGOS PAS RTZOD PA'I BSAM PAS MA YIN PA NI, LHA'I BU ZHES GSUNGS TE, CHOS THAMS CAD LA MI SGRUB PA NI DNGOS POR LTA BA 'DOR BA STE; DNGOS PO NI 'CHING BA'I GNAS YIN PA'I PHYIR RO, ,JI LTAR 'CHING ZHE NA, DNGOS POR ZHEN PA YOD NA BDAG TU RTOG PAR 'GYUR LA, BDAG YOD NA GZHAN DU SHES PAS DE LAS NYON MONGS PA MTHA' DAG 'BYUNG BAR 'GYUR TE, BDAG YOD NA NI GZHAN DU SHES, ,BDAG GZHAN CHA LAS 'DZIN DANG SDANG, ,'DI DAG DANG NI KUN 'BREL LAS, ,SKYE BO KUN NAS NYES TSOGS BSTEN, ,ZHES BYA BA LTA BU'O, ,'O NA DNGOS POR LTA BA NYID THABS GANG GIS 'DOR ZHES DE CI'I PHYIR ZHE NA ZHES RGOL BA LA 'BAD CING RTZOL BA NI RNAM PAR RTOG PA YIN PAS, BYANG CHUB SEMS DPA'I NYON MONGS PAR 'GYUR LA, 'BAD PA MED CING RTZOL BA DANG BRAL BA NI NYON MONGS PA MI SKYED PAS NA CHOS MI BYED PA'O, ,'O NA 'BAD PA MED NA GROL BAR 'GYUR RAM ZHE NA, BYA BA RANG BZHIN NYID DU KHAS BLANGS LA, ,DE NI MA YIN TE, 'DIR, 'BAD PA MED CING RTZOL BA MED, ,CES BYA BA NI DNGOS POR GRUB PA'I NYON MONGS PA SPANG BAR RTZOL PAR MI BYA STE, DE NI LOG PA YIN PA'I PHYIR RO, ,CI LTAR ZHE NA, GAL TE DNGOS PO NYID GRUB PA ZHIG YOD NA DE THABS GANG GIS SEL BAR 'GYUR, GRUB CES BYA BA RANG BZHIN NYID DU KHAS BLANGS LA, RANG BZHIN GZHAN DU 'GYUR BA MI RIGS TE, MA BYAS PA'I PHYIR RO, @281A *, ,DE LTAR NA SPANGS PA'I GROL BA THAG BSRINGS PA YIN TE, GNYEN PO MED PA'I PHYIR RO, ,'O NA JI LTA BU ZHE NA, MED PA LA YOD PAR RTOG PA NI PHYIN CI LOG YIN PAS NYON MONGS PA'I NYES PA BSHAD PA, YOD PA'I RTOG PA DANG BRAL BA NI MA 'KHRUL PA'I SHES PA ZHES BYA'O, , 'O NA MED PAR RTOG PAS SAM ZHE NA, YOD PA'I DNGOS PO MA GRUB NA GANG ZHIG MED PAR 'GYUR, DES NA MED PAR RTOG PA'ANG MI 'BYUNG STE, MTHA' YONGS SU SPANGS PA'I PHYIR RO, ,DE LTA BAS NA, NYON MONGS PA DAG NI BRDZUN LA DNGOS POR MA GRUB PA YIN PA, MI RTOG PA NI BDE BA'I NGO BO NYID DU GNAS PA DE SKYES NA SNANG BAS MUN PA LTAR SEL GYI, YUL GZHAN DU 'PHOS PA'AM DNGOS PO BZHAG PA LTA BU MA YIN PAS NA NANG GI MU STEGS PA 'GA' ZHIG DE LTA BUR 'DOD PA DGAG PA'I PHYIR RO, ,'BAD PA DANG RTZOL BA MED CES BSTAN TO, ,RNAM GRANGS GZHAN YANG MNYAM PAR GZHAG PA'I DUS NA MI RTOG PA'I NGO BO NYID DU GNAS PA NI, YE SHES SKYE BA'I RGYUR 'THAD KYI, ,GZHAN DU NA, BYAMS PA LA SOGS PA NI RMONGS PA DANG 'GAL BA RGYU MA YIN KYANG DE SKAD CES BRJOD DO, ,MI BYED PA NI NYON MONGS PA SPONG BAR MI RTZOL BA'O, ,RNAM PAR MI BYED PA NI GNYEN PO BSKYED PA LA MI 'BAD PA STE, DE'I PHYIR, 'DI LA BSAL BYA CI YANG MED, ,GZHAG PAR BYA BA CUNG ZAD MED, ,YANG DAG NYID LA YANG DAG LTA, ,YANG DAG MTHONG NA RNAM PAR GROL, ,ZHES GSUNGS SO, ,'O NA MI RTAG PA NYID LA THABS GANG GIS SKYED CE NA, RTOG PA LA BRTEN PAS SO, ,RTOG PA NYID GANG GIS SPONG BA ZHE NA, MI RTOG PA NYID KYIS TE; DE'I PHYIR, DMIGS PA LA NI BRTEN NAS SU, ,MI DMIGS PA NI RAB TU SKYE, ,ZHES GSUNGS PA LTA BU'O, ,GNYIS PA RNAM PA THAMS CAD MKHYEN PA'I YE SHES THOB PAR BYA DGOS PAS, RNYED PA DANG BKUR STI'I BSAM PA YIN PA NI, CHOS RNAMS BSGRUB PAR BYA 'DOD PA'O ZHES GSUNGS TE, CHOS NI RNAM PA THAMS CAD MKHYEN PA'I YE SHES SO, ,SGRUB PA NI DE THOB PAR BYA BA'O, ,RNYED PA NI YO BYAD DO, ,BKUR STI NI STAN 'DINGS PA LA SOGS PA'O, ,YONGS SU SPANG BAR BYA BA CI'I PHYIR ZHE NA, MTHONG BA DANG MTHONG BA'I YON TAN THAMS CAD 'JOMS SHING NYES PA THAMS CAD 'PHEL BAR BYED PA'I @281B PHYIR RO, ,DE LA YON TAN NI TSUL KHRIMS LA SOGS PA'O, ,NYES PA NI 'CHAL PA'I TSUL KHRIMS LA SOGS PA'O, ,DE'I PHYIR GTI MUG BSKYED PA ZHES BYA BA LA SOGS PA GSUNGS TE, GTI MUG NI 'DIR SHES BZHIN MA YIN PA LA DGONGS SO, ,DRAN PA 'JOMS PA NI SDOM PA'I TSUL KHRIMS NYAMS PAR BYED PA'O, ,BDAG GI DON NI TSE 'DI'I BDE BA'O, ,G-YO BA SKYED PA NI SEMS CAN GYI DON BYED PA LAS NYAMS PA STE, GZHAN SLU BA NYID DO, ,RGYAGS PA LA SOGS PA NI NGA RGYAL TE, DES YON TAN SBYIN PA LA SOGS PA MI SKYED CING NYAMS PAR BYED PAS NA DGE BA'I CHOS YONGS SU SDUD PAR MI 'GYUR BA'O, ,SO SOR THAR PA'I SDOM PA LAS NYAMS PAR BYED PAS NA GNANG BA MA YIN PA STE, MI DGE BA BCU SPYOD PA'I PHYIR RO, ,BYANG CHUB SEMS DPA'I SDOM PA LAS NYAMS PAR BYED PAS NA, LTUNG BA'I RTZA BA DE PHAM PA LTA BU'I CHOS YIN PA'I PHYIR RO, ,SER SNA BSKYED PAS NA, SNGAR BKUR STI BYED PA ZHES SMOS TE, PHYIS MI BYED PA NI YONGS SU 'DZIN PA'I SKYON GYIS SO, ,SEMS RNAM PAR G-YENG BAS NA BSAM GTAN DANG TSAD MED PA YONGS SU SPANGS PA STE, TSAD MED PA NI TSANGS PAR SKYE BA'I RGYU YIN PA'I PHYIR RO, ,LE LO DANG LDAN PAS NA, LHAG SPYOD KYI SPYOD PA DANG MTSUNGS PA STE; LE LO NI THOB PA'I YON TAN NYAMS PAR BYED PA'I RGYU YIN PA'I PHYIR RO, ,KHONG KHRO BSKYED PAS NA RAB TU 'JUG PA ZHE SDANG NI SEMS LA GNOD PAS NA TSER MA LTA BU YIN PA'I PHYIR RO, ,'CHAL BA'I SHES RAB NI 'DAM LTA BU STE, MI SHES PA NI 'BYUNG BA'I LAM LA RMONGS PA'I PHYIR RO, ,RNAM PAR SMIN PA'I 'BRAS BU NI SEMS CAN DMYAL BA LA SOGS PA'O, ,LA LA NI NYON MONGS PA DANG NYE BA'I NYON MONGS PA BSKYED PAS NA, DRAN PA 'JOMS PA DANG, RGYAGS PA LA SOGS PA BSKYED PA'O, ,BKA' LAS 'DAS PAS NA MA GNANG BA LA SPYOD PA'O, ,TSUL KHRIMS NYAMS PAR BYED PAS NA DGE BA'I RTZA BA STOR BAR BYED PA'O, ,MTHONG BA'I NYES DMIGS NI PHYIS MI BYED PA'O, ,MA THOB PA'I NYAMS PA NI BSAM GTAN DANG TSAD MED PA YONGS SU SPANGS PA'O, ,THOB PA'I NYAMS PA NI LHAG SPYOD KYI CHO GA LTA BU'O, ,PHRAG DOG BSKYED PAS TSER MA LTA BU'O, ,DBRAL BAR DKA' BAS 'DAM LTA BU'O @282A *, ,ZHES KYANG ZER RO, ,SEMS CAN THAMS CAD BSGRAL BAR DMIGS PA'I PHYIR BDAG BSGRAGS PA'I BSAM PA MA YIN PA NI, SO SOR BRTAGS ZHES BYA BA STE, SO SOR BRTAGS NAS ZHES BYA BA NI, SEMS CAN YONGS SU THAR BAR BYA BA NI DMIGS PAR SPYAD NAS SO, ,'DOD PA NI BDAG GI YON TAN NI, ,CHUNG BA DE BSGRAGS PA'I BSAM PA BTANG NAS SO, ,BZLOG PA'I SGO NAS DPE DRANG BA NI, SHING N+YA GRO DHA'I DRUNG NA ZHES SMOS SO, ,GRONG RDAL NI TSONG 'DUS KYI KHYIM MO, ,DRUNG BA NI 'DOD PA CHUNG BA'O, ,DES PA NI NGAD 'JAM PA'O, ,DE LTAR NYES DMIGS KYI SGO NAS SPANG BAR BYA DGOS PAS NA MI ZAD PA ZHES BYA STE, MA RUNGS PA'O, ,BRNYAS PA NI KHYAD DU GSOD PA'O, ,GRAGS PA NI SNYAN PA BRJOD PA'O, ,CHOS DANG CHOS SMRA BA LA GUS PAR BYA DGOS PAS, CHOS KYI MKHAN PO'I MTSANG 'DRU BA'I BSAM PAS MA YIN PA NI, G-YO DANG SGYU YANG YONGS SU SPANG BAR BYA, ,ZHES BYA BA STE, YON TAN LA SOGS PA THOB PAR 'DOD PA'I RE BA'I YID KYIS TSUL GZHAN DU SGYUR BA NI SLU BAS NA G-YO'O, ,DRANG BOR MI BYED PAS NA SGYU'O, ,DE NYID LDOG PA'I SGO NAS BSTAN PA NI BAR DU GCOD PA NA'O ZHES BYA BA'O, ,YONGS SU SPANG BAR NI CHOS DANG CHOS SMRA BA LA GUS PA BSKYED PAR BYA BA'I PHYIR RO, ,DE'I PHYIR LUNG LAS KYANG, CHOS LA NI SMAN GYI 'DU SHES ZHES BYA BA LA SOGS PA GSUNGS SO, ,RJES SU 'GRO BA'I SGO NAS BSTAN PA NI, GZHI'ANG GNYIS TE ZHES BYA BA STE, DRANG PO DANG G-YO MED PA NI GSANG MTSANG 'DRU BA'I BSAM PAS MA YIN PA'O, ,DE LTAR CHOS NYAN PA'I TSUL DE LTA BUS YUL NAS GANG LA MNYAN ZHE NA, YONGS SU 'DZIN PA'I KHYAD PAR BSTAN PA LA NI NAN TAN SGRUB PAR 'DOD PAS ZHES GSUNGS PAS TE, NAN TAN DU BYA BA NI BSGRUB PA'I DON LA'O, ,YONGS SU 'DZIN PA LAS CI'I PHYIR ZHE NA, SHIN TU LKOG TU GYUR PA LA NI LUNG GTZO BO YIN TE, MNGON SUM DANG RJES SU DPAG PA MI 'JUG PA'I PHYIR RO; ,'O NA BYANG CHUB SEMS DPA' THOS PA DRI MA MED PA'I GZI BRJID DANG LDAN PA LA NI CHOS RI SUL DANG, KA BA DANG, RTZIG PA'I NANG DAG TU 'ANG 'BYUNG BAR 'GYUR RO ZHES BSTAN PAS YONGS SU 'DZIN PA JI LTAR BSNGAGS DE NI LHAG PA'I BSAM PA RNAM PAR DAG PA'I PHAN YON DU BSTAN MOD KYI, 'DIR @282B LAS DANG PO PA DAG DKAR PO YONGS SU 'DZIN PA LA MA BRTEN PA NA THABS GANG GIS 'JUG PAR 'GYUR, RANG GI SPYOD PAS SO ZHE NA, GAL TE LHAG PA'I BSAM PA RNAM PAR DAG PA LA 'DOD PA KHO NA STE, RTOG PA RANG SKYE BAR SNGAR BSTAN TO, ,DE LTA YIN PA LA NI CI LTAR RUNG, LUNG CUNG ZAD LA BRTEN PA LA SOGS PA YANG MA YIN TE, CI LTAR, RTOG GE BRTEN CING MA NGES LA, ,MA KHYAB KUN RDZOB SKYO BA CAN, ,BYIS PA LA NI BRTEN PAS NA, ,DE PHYIR DE NI YUL MIN 'DOD, ,CES BYA BA LTA BU'O, ,LUNG CI ZHIG DGONGS SHE NA, DE YANG MA YIN TE, LUNG MED PA'I RTOG GES NI, SNANG BA'I DON KYANG RTOGS PAR MI NUS NA, SHIN TU LKOG TU GYUR BA'I DON LA LTA CI SMOS, 'PHAGS PA THOGS MED KYANG, LUNG MA RTOGS PAR RTOG GE LA, ,CHOS RNAMS RNAM PAR GNAS MA YIN, ,ZHES GSUNGS SO, ,GAL TE RTOGS SHING KHONG DU CHUD PA NYID NA DE NYID KYIS SO ZHE NA, DE YANG MA YIN TE, 'JIG RTEN PA YI TSUL DU YANG; ,RIG PA GLEGS BAM LA BSLABS SHING, ,BLA MA'I KHA NAS MA YIN PA, ,MANG PO'I NANG DU MI MDZES TE, ,'PHYON MA'I BUD MED SBRUM MA BZHIN, ,ZHES 'BYUNG NA, SHIN TU LKOG TU GYUR PA'I DON LA DGE BA'I BSHES GNYEN MED PAR NI, LUNG LAS, GRU YI SKYA BA 'DZIN MED PAS, ,RGYA MTSO'I NGOGS SU PHYIN MI 'GYUR, ,DE BZHIN BLA MA MED PA YI, ,SGRUB POS SRID PA'I MTHAR MI PHYIN, ,CES BYA BA GSUNGS PA LTA BU DANG, YANG 'PHAGS PA NOR BZANGS KYIS DGE BA'I BSHES GNYEN STONG GI BRGYA LAS GDAMS PA BTZAL BA YIN PA'I PHYIR DANG, YANG DGE BA'I BSHES GNYEN NI, SROG GI PHYIR YANG GTANG BAR MI BYA ZHES GSUNGS PA NI, ,YONGS SU 'DZIN PA NGES PAR BRTEN PAR BYA DGOS SO, ,DGOS PA CHEN PO DANG LDAN PA'I YONGS SU 'DZIN PA DU ZHE NA, DE NI RNAM PA GNYIS TE, BLA NA YOD PA'I DGE BA'I BSHES GNYEN DANG, BLA NA MED PA'I DGE BA'I BSHES GNYEN NO, ,DANG PO NI RNAM PA GNYIS TE, LUNG DANG LDAN PA DANG, SGRUB PA DANG LDAN PA'O, ,DE LA LUNG DANG LDAN PA NI GDAMS PA PHYIN CI MA LOG PA DANG LDAN PA'O, ,SGRUB PA DANG LDAN PA NA PHUN SUM TSOGS PA'I DGE BA'I BSHES GNYEN NO, ,DE GANG ZHE NA, CHOS RNAM PA BZHI DANG LDAN PA LA BYA STE, 'DOD PA CHUNG ZHING CHOG SHES PA @283A *, ,DANG; SNYING RJES RJES SU 'DZIN PA DANG, SO SOR THAR PA DANG, BYANG CHUB SEMS PA'I SDOM PA DANG LDAN PA DANG, SHES RAB PHUN SUM TSOGS PA NYID DO, ,LA LA NA RE DUL BA LA SOGS PA CHOS RNAM PA BCU BSHAD PA LA BYA'O ZHES ZER RO, ,LA LA NA RE MANG DU THOS PA LA SOGS PA CHOS RNAM PA LNGA DANG LDAN PA'O ZHES ZER RO, ,LA LA NA RE SDOM PA LA GNAS PA LA SOGS PA CHOS RNAM PA LNGA DANG LDAN PA'O ZHES ZER RO, ,LA LA NA RE TSUL KHRIMS DANG LDAN PAR GNAS PA LA SOGS PA CHOS RNAM PA BDUN DANG LDAN PA LA BYA'O ZHES ZER RO, ,LA LA NA RE TSUL KHRIMS 'CHAL PA LA SOGS PA SKYON RNAM PA GSUM DANG MI LDAN PA NI, PHUN SUM TSOGS PA'I DGE BA'I BSHES GNYEN DU 'DOD DO, ,DE LA LUNG DANG LDAN PA PA NI LUNG LEN PA'I DGE BA'I BSHES GNYEN DANG, SGRUB PA DANG LDAN PA'I DGE BA'I BSHES GNYEN NO, ,DE LA LUNG LAS NI LUNG LEN PA 'BA' ZHIG GO, ,SGRUB PA DANG LDAN PA NI LUNG DANG SGRUB PA GNYIS SO, ,LUNG DANG LDAN PA DANG, SGRUB PA DANG LDAN PA RE RES KYANG GNYIS KA 'GRUB BO, ,GNYIS KYIS NI RE RES 'GRUB PA MA YIN NO, ,DE'I PHYIR 'DIR TSIGS SU BCAD PA, LAG GNYIS DANG PO GNYIS PA DANG, ,DE YI GNYEN PO'I DBYE BA NI, ,DUS DANG MDA' NI RNAM PA GNYIS, ,MDA' GNYIS RE RE DRANG SRONG DANG, ,YON TAN DAG STE DUS GZHAN GYIS, ,'DOD PA MA SPANGS GO BYA'I PHYIR, ,BSTAN GYI LAG PA GNYIS KYI LAS, ,BSDUS TE RNAM PA RE RE GNYIS, ,BSDU BA'I TSIGS SU BCAD PA'O, ,DE LA GTZO BO YIN PAS SGRUB PA ZHES SMOS SO, ,DE LA DGE BA'I BSHES GNYEN BSTEN PA'I MTSAN NYID BSTAN PA NI, DPAL 'BYUNG BA DANG ZHES BYA BA LA SOGS PA GSUNGS TE, DANG PO BSTEN PA'I DNGOS POR BSTAN PA NI, RAG LAS PA'O ZHES BYA BA LA SOGS PA STE, SPYOD PA NI TSUL KHRIMS LA SOGS PA NI RNA BA'I DBANG PO YUL MA GRAGS PA'O, , SGRUB PA'I DBANG DU BYAS NAS, YON TAN YONGS SU RDZOGS PAR BYA BA ZHES GSUNGS TE, YON TAN NI THOS PA LA SOGS PA'O, ,YONGS SU RDZOGS PA NI MA TSANG BA MED PA'O, ,DE LTAR SGRUB PA DANG LDAN PA NI 'JIG RTEN DANG 'JIG RTEN LAS 'DAS PA'O, ,GNAS SKABS RNAMS SU YON TAN GYI TSOGS @283B SKYE BA NAS GNAS SKABS THAMS CAD DU YONGS SU 'DZIN PA'I KHYAD PAR GYIS DANG POR 'JIG RTEN PA'I LAM DU BSKYED PA ZHES BYA BA STE, DGE BA'I RTZA BA NI SBYIN PA LAS BYUNG BA LA SOGS PA SHES RAB KYIS YONGS SU ZIN PA'I KHYAD PAR RO, ,BSLAB PA NAN TAN DU BYA BA NI SPRO BA'I KHYAD PAR TE, BRTZON 'GRUS KYIS SDIG PA MI DGE BA'I CHOS MA SKYES PA MI BSKYED PA LA SOGS PA'O, ,LHAG PA'I BSAM PA YONGS SU DAG PA NI, SEMS PA'I TING NGE 'DZIN LA SOGS PA'O, ,ZHI GNAS DANG LHAG MTHONG GI KHYAD PAR RO, ,BSOD NAMS BSAGS PA NI DAD PA LA SOGS PA'I DBANG POS KHYAD PAR DU BYAS PA'O; ,BYANG CHUB NI JI LTA BA LA SOGS PA SHES PA'I YE SHES TE, DE DANG RJES SU MTHUN PAS NA MGU BAR BYED PA DAD PA LA SOGS PA'I KHYAD PAR BYAS PA'O, ,NGAN SONG DU MI LTUNG BA NI BZOD PA'I GNAS SKABS SU SONG BA'I MYA NGAN LAS 'DAS PA STE, ZIN PA NI RANG BZHIN MED PA RTOGS PA'I KHYAD PAR RO; ,THEG PA CHEN PO NI STONG PA NYID LA BYA BAR DGONGS TE, DE'I KHYAD PAR CHOS THAMS CAD LA BDAG MED PAR YID CHES PA NI MI LDOG PA'O, ,'JIG RTEN LAS 'DAS PA'I GNAS SKABS DANG PO CHOS KYI DBYINGS KUN DU 'GRO BA RTOGS PAS NA, SO SO'I SKYE BO'I SA STE, KUN DU SBYOR BA GSUM LA SOGS PA ZAD PAS NA, YONGS SU 'DA' BA'O, ,BSLAB PA NI SDOM PA'I TSUL KHRIMS LA SOGS PA'O, ,'GAL BA NI SROG GCOD PA LA SOGS PA STE, DE'I NYES PA MI SPYOD PAS NA MI BYED PA'O, ,NYAN THOS DANG RANG SANGS RGYAS KYIS NGES PA NI BDAG MED RTOGS PA'I SHES RAB STE, LHAG PA'I TING NGE 'DZIN GYI STOBS KYIS MI 'JUG PA'O, ,LAM NI SDUG BSNGAL SHES PA'I MTSAN NYID LA SOGS PA STE, DE'I MI MTHUN PA'I PHYOGS LUS KYI GTZANG BAR 'DZIN PA LA SOGS PA NI GOL BA'O, ,YONGS SU BSRUNG BA NI RANG GI SHES RAB SKYED PAR BYED PAS SO, ,CHOS NI RTEN CING 'BREL BAR 'BYUNG BA'O, , CHAR RAB TU 'BEBS PA NI SHES RAB KYI STOBS BSKYED PAS SO, ,DE'I PHYIR 'PHAGS PA NYID KYIS KYANG, ,RTEN CING 'BREL PAR 'BYUNG 'DI RGYAL BA YI, ,GSUNG GI MDZOD KYI GCES PA ZAB MOS TE, ,ZHES GSUNGS SO, ,SANGS RGYAS KYI CHOS NI DRAN PA NYE BAR GZHAG PA LA SOGS PA RNAMS SO, , @284A *, ,GNAS PAR BYED PA NA SNGA MA LTAR RANG GI SHES RAB BSKYED PAS SO, ,PHAN PA NI MTSAN MA MED CING RTZOL BA DANG BCAS PA'O, ,RGYA CHEN PO NI MTSAN MA MED PA STE, MTSAN MA NI RGYA CHUNG BA'I PHYIR RO, ,SANGS RGYAS KYI RIGS NI SNGAR BSHAD PA RNAMS SO, ,YANG SANGS RGYAS KYI RIGS NI MTSAN MA MED PAR RTOGS PA'O, ,BSKYED PA NI LHUN GYIS GRUB PA STE, NGANG GIS 'BYUNG BAS MA LTA BU'O, ,SDIG PA NI MI SHES PA'I RNAM GRANGS TE, DON LA RMONGS PA LA SOGS PA NI SDIG PA'O, ,SO SO YANG DAG PAR RIG PA RNAM GRANGS DANG MTSAN NYID LA RMONGS PA SEL BAS NA BSRUNG BA STE; SO SO YANG DAG PAR RIG PA'I GONG DU BSKYED PAS MA MA LTA BU'O, ,'KHOR BA NI PHUNG PO LNGA'I RANG BZHIN TE, SDUG BSNGAL BRGYUD PA'I PHYIR RO, ,CHU BO NI KHYER BAR BYED PA STE RGYU DANG 'BRAS BU'I CHOS RNAMS SO, ,SGROL BA NI PHRIN LAS YANG DAG PAR RDZOGS PA'I SANGS RGYAS DANG 'DRA BA'I PHYIR RO, , DE'I PHYIR SA BCU PA LA NI SANGS RGYAS NYID DU BRJOD DO ZHE'O, ,RNAM PA THAMS CAD KYI MCHOG MKHYEN PAS NA THAMS CAD MKHYEN PA'O, ,KUN RDZOB MKHYEN PAS NA YE SHES SO, ,GLING NI 'KHOR BA'I SDUG BSNGAL YONGS SU CHAD PA'O, ,RIN PO CHE NI SNGAR BSHAD PA'I 'DRA BA'I PHYIR DPER BRJOD PA NI PHRIN LAS LA BYA'O KHA CIG ZER RO, ,LA LA NI YON TAN MTHA' DAG GI DPE YIN PAR 'DOD DO, ,DE LTAR TSOGS KYI SA NAS MTHAR PHYIN PA'I BAR DU YON TAN MTHA' DAG SKYE BA NI YONGS SU 'DZIN PA'I DBANG LAS 'BYUNG BAR RIG PAR BYA STE, 'DIR NI MDOR BSDUS TE BSTAN GYI ZHIB TU 'PHAGS PA SDONG PO BKOD PA'I MDO LAS SHES PAR BYA'O, ,YONGS SU 'DZIN PA'I PHAN YON GYI DON BSHAD PA NI SLOB DPON RTA DBYANGS KYIS MDO SDE'I RGYAN DU BSHAD PAR RIG PAR BYA'O, ,MOS PAS SPYOD PA NAS MTHAR PHYIN PA'I SA'I BAR DU YON TAN GYI CHOS RNAMS YONGS SU SBYAR BA NI, 'PHAGS PA THOGS MED KYI BYANG CHUB SEMS DPA'I SA LAS SHES PAR BYA'O, ,SA DANG PO NAS MTHAR PHYIN PA'I SA'I BAR DE NYID KYI RGYAS PA NI SA BCU PA LAS RIG PAR BYA'O, ,'DIR SMRAS PA, MDO SDE RNAMS SU SANGS RGYAS 'BYUNG BA RNYED PAR DKA' BA LA SOGS PA MANG DU GSUNGS SHING, MDO GCIG TU YANG DPES MTSON NA SEMS BSKYED PA'I PHAN YON LA @284B SOGS PA MANG DU 'BYUNG BA LAS, MDO GRANGS 'GA' ZHIG TU 'CHAD PA DANG, SEMS BSKYED PA'I PHAN YON LA SOGS PA GRANGS SU CHAD PA BSDUS PA'I DGONGS PA GANG YIN PA BRJOD DGOS SO ZHE NA, LA LA NA RE PHYOGS MTSON PA YIN NO ZHES ZER NA, LA LA NA RE MDO DU MA DANG GCIG TU BSHAD PA BSDUS PAS NI MTHA' DAG PA YIN LA, SEMS BSKYED PA'I YON TAN LA SOGS PA NI PHYOGS MTSON PA YIN NO ZHES BSHAD DO, ,LA LA NA RE DGOS PA'I DBANG GIS DON DU MA DANG GCIG TU BSHAD PA YIN LA PHYOGS MTSON PA RNAMS NI SOGS PA'I SGRA DANG LDAN PA GAD 'BYUNG BA LA JI LTAR RIG PAR SBYAR RO, ,MDO SDE LAS MANG DU GSUNGS PA NYUNG DU BGRANGS PA RNAMS NI SKYES BU'I DON 'GRUB PA'I RGYUR 'GYUR BA RNAMS YIN NO, ,DE'I PHYIR PHYOGS TSOD KYI 'DOD PA RNAMS LA RIGS PA DANG LUNG GANG YANG MED DE, 'DIR NI GZHUNG MANGS KYIS 'JIGS BSAM SPROS TE, BZLOG PA GNOD PA MED PA YANG DE BZHIN NO, ,DE BZHIN DU MTSON PA YANG JI LTAR RIGS PAR SHES PAR BYA'O ZHES BLA MA BRGYUD PA LAS BDAG GIS THOS SO ZHES ZER RO, ,DE LTAR PHAN YON DANG LDAN PA'I YONGS SU 'DZIN PA'I BSNYEN BKUR BAR GDAMS PA NI, DE LTAR YID LA BYA BA RGYUN MI CHAD PAS BSTEN PAR GYIS SHIG CES GSUNGS TE, YID LA BYA BA NI YON TAN GYI SGO NAS SO, ,CI LTAR BSTEN ZHE NA, RNAM PAR DAG PA'I SGO NAS NI, ,SA LTA BU'I SEMS DANG ZHES BYA BA LA SOGS PA STE, KHUR NI DAM BCAS PA'I DON TO, ,BSKUR BA NI RJES SU BSGRUB PA'O, ,MI SKYO BA NI SUN PAR MI BYA BA'O, ,MI PHYED PA NI BDUD DANG BDUD KYI RIS KYIS BYIN GYIS BRLABS PA'I GANG ZAG GI RJES SU MI 'JUG PA'O, ,SDUG BSNGAL NI THA MAL PA'I LAS KYIS DUB PA'O, ,MI 'GUL BA NI G-YO BAR MI NUS PA'O, ,CI DGA' BA NI CI LTAR DGYES PAR BYA'O, ,MI KHRO BA NI GUS PA'I PHYIR RANG BSTEN PA'O, ,CI LTA BUS SHE NA, SNGAR BSTAN PA LTAR GUS PA'I SEMS NI BDAG NI DAD PAR 'DU SHES BSKYED PAR BYA'O ZHES BYA BA LA SOGS PA GSUNGS PA'O, ,DGE BA'I BSHES GNYEN KHO NA LA GUS PA CI'I PHYIR ZHES TE, CI'I PHYIR ZHE NA ZHES RTOG PA LA, YON TAN THAMS CAD KYI RTZA BA YIN PAS ZHES PHAN YON BSTAN PA NI, RIGS KYI BU ZHES BYA BA LA SOGS PA STE, RI GANGS CAN NI @285A *, ,SMAN SNA TSOGS KYI GNAS YIN PAS, DE DAG YONGS SU 'PHEL BA LTAR DGE BA'I BSHES GNYEN YANG YON TAN THAMS CAD SKYE BA'I GNAS YIN PAS GONG DU 'PHEL BA NI RNAM PAR 'PHEL LO ZHES GSUNGS SO, ,RGYA MTSO CHEN PO CHU YONGS SU 'DZIN PA LTAR DGE BA'I BSHES GNYEN YANG YON TAN GYI SNOD YIN PAR BSTAN PA NI SNOD DU 'GYUR RO ZHES GSUNGS SO, ,DE LTAR MA THOB PA'I YON TAN THOB PA DANG, THOB PA MI NYAMS SHING 'PHEL BA'I KHYAD PAR BSTAN NAS DE NYID MDOR NA BSDU BA NI MDOR NA ZHES GSUNGS TE, THOB PA NI RNYED PA'O, ,CHOS NI STOBS LA SOGS PA STE, YONGS SU 'GRUB PA NI MI NYAMS PA'O, ,KHA NA LAS PA NI LUNG LAS SO, ,BYUNG BA NI SGRUB PA DANG LDAN PA LAS SO, ,DE NI YON TAN NYAMS PA SOR CHUD PAR BYED PA'I PHAN YON BSTAN PA NI, 'OD SRUNGS ZHES GSUNGS TE, SHING LEB NI GRU'I TSAL PA CI YANG RUNG BA'AM MI RO LA SOGS PA'O, ,'GRAM NI NGOGS SO, ,DPE DE NYID SBYAR BA NI DE BZHIN DU ZHES PA STE, THAMS CAD MKHYEN PA'I SEMS NI RDZOGS PA'I BYANG CHUB 'DOD PA'I SMON PA'I SEMS SO, ,ZHIG PA'I SEMS NI NYAMS PAR BYED PA'I CHOS BZHI THUN TSOD LAS 'DAS PA DANG, SEMS CAN YAL BAR DOR BA DANG, BYANG CHUB TU SMON PA GTANG BA'O, ,BYANG CHUB NI 'BRAS BU STE THOB PAR BYA BA'O, ,NYAMS PA NI RGYU SPANG BA'I PHYIR RO, ,'ON KYANG YONGS SU 'DZIN PA LA BRTEN NAS, SOR CHUD PAR 'GYUR BA NI GANG ZHES GSUNGS PA YIN NO, ,THAMS CAD MKHYEN PA'I SEMS RAB TU THOB PA NI, MOS PAS SPYOD PA'I LAS SO, ,CHOS THAMS CAD KYI PHA ROL TU SON PA NI PHA ROL TU PHYIN PA BCU SA BCU LA 'DAS NAS SO, ,CHOS KYI DBYINGS NI CHOS THAMS CAD KYI STONG PA NYID DO, ,PHYIN PA NI MNGON DU MDZAD PA STE MNGON PAR SANGS RGYAS PA'O, ,DE NYID MDOR BSDUS PA NI, DE BAS NA ZHES GTAN TSIGS SU BSTAN PAS DON BSDUS PA YIN NO, ,DE LTAR BLA NA YOD PA'I DGE BA'I BSHES GNYEN BSTEN PA PHAN YON DANG BCAS PA BSTAN PA'O, ,BLA NA MED PA'I DGE BA'I BSHES GNYEN BSTEN PA'I TSUL BSTAN PA NI, BLA NA MED PA ZHES GSUNGS TE, 'DIR YONGS SU 'DZIN PA'I KHYAD PAR GNYIS SMOS PA CI'I PHYIR ZHE NA, GONG DU SEMS BSKYED PA'I YUL GNYIS BSTAN PA'I PHYIR TE, @285B YUL YOD PA LAS BLANG BA NI BSGRUB PA'I DGE BA'I BSHES GNYEN GYIS BYA BAR BSTAN TO, ,YUL MED PA LAS BLANGS PAR BSTAN PA NI BLA NA MED PA'I DGE BA'I BSHES GNYEN GYIS SO, ,YOD PA DANG MED PA NYID JI LTA BU ZHE NA, GAL TE DON CHEN PO NYAMS PAR 'GYUR BA NGES PA LAS NI RGYANG GRAGS KYI MTHAR YANG MED PA NYID DO, ,MA NGES PA LAS NI DPAG TSAD BRGYA'I PHA ROL TU YANG YOD PA NYID DO, ,PHUN SUM TSOGS PA ZHES BYA BA CI DNGOS PO'I STOBS KYIS SAM 'ON TE BSAM PA'I DBANG GIS 'DOD CE NA, DNGOS PO'I STOBS KYIS TE, THEG PA CHEN PO NI DNGOS PO'I DBANG GIS GZHAG PAR 'DOD KYI BSAM PA'I DBANG GIS NI MA YIN NO, ,DE CI LTAR SHES SHE NA, LUNG BRGYUD PA LAS TE, GAL TE BSAM PA'I DBANG GIS 'GRUB NA GANG LA 'DU SHES NYE BAR BZHAG PA DANG MA BZHAG PA LAS YON TAN DANG NYE BA DNGOS PO'I DBANG GIS JI LTAR GZHAG 'DU SHES GTZO CHER BYED PA PO YIN PA LA NI DNGOS PO'I STOBS KYIS 'JIGS PAR MI RIGS TE, DPER NA NANG YONGS SU SMIN PA LAS PHYI MA SMIN PA'I DBANG GIS LOG PAR SGRUB PA LAS 'BRAS BU MA RUNG BAR BSHAD PA'I PHYIR LA, DE BZHIN MTHONG BA LA SOGS PA'I GZHI NI THEG PA CHEN PO LA MED DO, ,DNGOS PO LA NYES PA DANG LDAN PAS NA DER MA NYES KYANG BAR CHAD JI LTA BA BZHIN DU BYED PAR 'GYUR RO ZHES THEG PA BSDUS PA LAS 'BYUNG BA'I PHYIR RO, ,YANG BYANG CHUB SEMS DPA'I SDOM PA NI DNGOS PO'I DBANG KHO NA LAS RIG PAR BYA'O, ,NYAN THOS KYI NI BSAM PA'I DBANG GIS SO ZHES BSDU BA LAS GSUNGS SO, ,YANG, BYANG CHUB SEMS DPA'I DGE BA'I BSHES GNYEN NI; ,PHUN SUM TSOGS PA MIN LA DER 'DU SHES, ,YID LA MED PAR 'DU SHES GANG GIS NA, ,DNGOS PO'I DBANG GIS THA MA NYID DER BSHAD, ,CES LUNG BSDUS PA LAS GSUNGS SO, ,HA CANG SPROS PAS DA NI DKYUS MA NYID LA 'JUG PAR BYA'O, ,BLA NA MED PA ZHES BYA BA NI YON TAN MTHAR THUG PA'I PHYIR RO, , DGE BA'I DON DAM LAS DGE BA MYA NGAN LAS 'DAS PA'O, ,DE'I RGYU STON PAS NA BSHES GNYEN NO, ,DE GANG ZHE NA, DE BZHIN GSHEGS PA ZHES BYA BA'O, ,BZHUGS PA NI SKU MNGON SUM PA'O, ,YONGS SU MYA NGAN LAS 'DAS PA NI RTEN MNGON SUM PA'O, ,MCHOD PA NI ZANG ZING DANG SGRUB PA'O, ,RIM GRO NI @286A *, ,SKU MNGON SUM DU GYUR PA LA STAN 'DING BA LA SOGS PA'O, ,BLA NA YOD PA DANG MED PA ZHES BYA BA CI DNGOS PO'I DBANG GIS SAM, BSAM PA'I DBANG LAS GZHAG CE NA, DNGOS PO'I DBANG GIS TE, DE BZHIN GSHEGS PA NI MI'I GTZO BO ZHES BSHAD CING, GZHAN RNAMS NI DE'I RJES SU BSLAB PA GSUNGS PA'I PHYIR LA, BSAM PA'I DBANG GIS NA THAMS CAD KYANG BLA NA MED PA NYID DE, JI SKAD DU BLA MA LA YANG DAG PAR RDZOGS PA'I SANGS RGYAS KYI SKU DANG ZHES BYA BA LA SOGS PA GSUNGS PA'I PHYIR RO, ,MED PA LA YOD PA NYID DU LTA BA NI LOG PA'I 'DU SHES MA YIN NAM ZHE NA MA YIN TE, SKU DANG, GSUNG DANG, THUGS KYI MDZAD PA THA MI DAD PA'I PHYIR TE, YANG DAG PAR RDZOGS PA'I SANGS RGYAS KYI SKU YIS 'DUL BA RNAMS LA SKAL BA MNYAM PA'I GZUGS SU STON PAS MTSAN DANG DPE BYAD MA NGES PA'I PHYIR DANG, GSUNG GIS 'DUL BA RNAMS LA CHOS 'CHAD PA'I BYA BA SNANG BA'I PHYIR DANG, THUGS KYI PHRIN LAS BSAM PA'I DBANG GIS RJES SU STON PA RNAMS YIN LA, SO SO'I SKYE BO'I YONGS SU 'DZIN PA YANG DE DANG THA DAD PA GANG ZHIG YIN, DE'I PHYIR BYA BA LA LTOS TE THA MI DAD PA NYID DE, SEMS CAN DANG SANGS RGYAS DAG NI KHAMS THA MI DAD PA'I PHYIR RO, ,SPROS PAS CHOG NAS, DA NI BLA NA MED PA'I DGE BA'I BSHES GNYEN BSTEN PA'I PHAN YON BSTAN PA'I PHYIR, BSOD NAMS KYI TSOGS DPAG TU MED PA YONGS SU RDZOGS SHING ZHES BYA BA LA SOGS PA GSUNGS TE, TSOGS NI 'BRAS BU LA 'JUG PA'O, ,DPAG TU MED PA ZHES BYA BA NI BSAM PAS MI DPOGS PA'O, ,MI ZAD PA NI YUL KHYAD PAR CAN LA BRTEN PA'I PHYIR RO, ,DNGOS KYI STOBS KYIS SO, ,DE LA YUL GYI DBANG DU BYAS NAS MCHOD PA'I PHAN YON BSTAN PA NI, GANG GIS DE BZHIN GSHEGS PA MTHONG STE ZHES BYA BA LA SOGS PA'O, ,DE LA RAB TU RGYAS PA'I DBANG DU BYAS NAS RING BSREL YUNGS 'BRU TZAM ZHES SMOS SO, ,BSAM PA'I DBANG GI PHAN YON NI, ,SNYING RJE CHEN PO'I MDO LAS KYANG, ,ZHES BYA BA LA SOGS PA GSUNGS PA'O, ,RTEN GYI DBANG GI PHAN YON NI, GAL TE THA NA DBANG GI ZHES BYA BA LA SOGS PA GSUNGS PA'O, ,NGO BO NYID KYI DBANG GI PHAN YON NI KUN DGA' BO ZHES BYA BA LA SOGS PA'O, ,DE LTAR PHAN YON @286B SPYI'I TSUL DU MDOR BSHAD PA NI, KLU'I RGYAL PO ZHES BYA BA LA SOGS PA GSUNGS SO, ,'BRAS BU'I KHYAD PAR 'GRUB PA'I PHAN YON BSTAN PA NI, SANGS RGYAS DANG PHRAD PAR 'GRUB PO ZHES BYA BA LA SOGS PA GANG GSUNGS PA'O, ,YUL GYI KHYAD PAR GYI PHAN YON BSTAN PA NI, BYANG CHUB SEMS DPA'I SDE SNOD LAS KYANG ZHES BYA BA LA SOGS PA GSUNGS TE, YUL NI RTEN GYI NGO BO NYID DE'I PHYIR DANG PO RTEN MCHOD PA'I DBANG DU BYAS NAS, MCHOD RTEN GYI BYI DOR BYED PA ZHES BYA BA LA SOGS PA GSUNGS PA'O, ,RTEN BYED PA'I DBANG DU BYAS NAS SA'AM RDO THAL LAM ZHES BYA BA LA SOGS PA GSUNGS SO, ,GANG ZAG GI KHYAD PAR LAS DMAN PA'I DBANG DU BYAS PA NI, GAL TE MTSAMS MED PA LNGA BYAS SU ZIN KYANG ZHES BYA BA LA SOGS PA GSUNGS PA'O, ,GANG ZAG MCHOG GI DBANG DU BYAS PA NI, BYANG CHUB SEMS DANG LDAN PA ZHES BYA BA LA SOGS PA STE, RTEN DMAN PA'I DBANG DU BYAS NAS, KHYIM PA ZHES KHYAD PAR GYI GZHIR BZHAG PAS RTEN MCHOG TU GYUR PAS NA, DMAN PA DANG KHYAD PAR GYI PHAN YON YANG RIG PAR BYA'O, ,LA LA NA RE MI DGE BA BCU BYED PA ZHES SMOS PA NI RTEN DMAN PA'I DBANG DU BYAS PA YIN LA, KHYIM PA ZHES BYA BA NI GZHI GCIG TU GZHAG PAS NA; GONG MA KHYAD PAR DU 'PHAGS PAR BSTAN PA'I THABS YIN PAS RTEN DMAN PA DANG KHYAD PAR NI DE YIN NO ZHES ZER RO, ,DE LTAR NA MTSAMS MED PA YANG RTEN DMAN PAR JI LTAR MI GZHAG DES NA 'DI MI RIGS ZHES KYANG KHA CIG ZER RO, ,DA NI SPRO BA'I KHYAD PAR DE BRTZON 'GRUS KYI DBANG DU BYAS PA'I PHAN YON BSTAN PA NI, SBYIN GNAS MCHOG LA MCHOD PA DANG, ,ZHES BYA BA LA SOGS PA GANG GSUNGS SO, ,MCHOD PA'I NGO BO NYID KYI KHYAD PAR GYI PHAN YON BSTAN PA NI, BLO GROS RGYA MTSO ZHES GSUNGS TE, KUN RDZOB TU BSOD NAMS KYI SGRUB PA BSTAN PAS RDZAS KYI NGO BO NYID LAS KHYAD PAR 'PHAGS PA NI, GANG BYANG CHUB TU SEMS BSKYED PA DANG ZHES BYA BA LA SOGS PA'O, ,DON DAM PAR YE SHES KYI SGRUB PA BSTAN PAS RDZAS DANG KUN RDZOB PA LAS KHYAD PAR DU GYUR PA BSTAN PA NI, SANGS RGYAS SU 'DU SHES PA LA SANGS RGYAS MTHONG BA YANG MED NA ZHES BYA BA LA SOGS PA GANG @287A *, ,GSUNGS PA'O, ,DE LA SANGS RGYAS SU 'DU SHES PA ZHES BYA BA NI DNGOS POR LTA BA CAN GYI PHYIN CI LOG GI 'DU SHES GZUNG BA DANG 'DZIN PAR BLTA BA'O, ,MTHONG BA YANG MED PA NI GZUGS LA SOGS PAR ZHEN PA'I PHYIR, LOG PAR ZHUGS PAS BSGRIBS PA'I PHYIR, ,GANG ZHIG NGA LA GZUGS SU MTHONG, ,DE BZHIN NGA LA SGRAR SHES PA, ,LOG PAR SPONG BAR ZHUGS PA NA, ,SKYE BO DES NI NGA MI MTHONG, ,ZHES GSUNGS PA LTA BU'O, ,CI SMOS ZHES PA NI DES MNYES PAR MI 'GYUR RO ZHES BYA BA'I THA TSIG GO, ,'O NA CI LTA BU ZHE NA 'DU SHES KYI MTSAN MA MI SKYED PA ZHES GSUNGS TE, CHOS KYI SKUS DMIGS PA'O, ,CI LTAR DMIGS SHE NA, RGYU DANG 'BRAS BU DANG, RANG GI NGO BO NYID RNAMS LA, RANG DANG GZHAN DANG GNYI GA DANG, RGYU MED PA LA SKYE BA MI 'THAD PA DANG, YOD PA DANG MED PA GNYI GA MI SKYE BA DANG, GCIG DANG DU MA'I NGO BO NYID DANG BRAL BA'I MTSAN NYID DRAN PA MED PA DANG, YID LA BYED PA MED PAR SGOM PA NI CHOS KYI SKUR DMIGS PA STE DMIGS PA MED PA ZHES BYA BA'I THA TSIG GO, ,DE'I PHYIR DRAN PA MED CING YID LA BYED PA MED PA NI SANGS RGYAS RJES SU DRAN PA BLA NA MED PA ZHES BSHAD DO, ,MNYAM PAR GZHAG PA'I GNAS SKABS SU 'BAD PA DANG RTZOL BA MED PAR RANG GI CHOS NYID LA 'JUG PA NA, SEMS DANG SEMS LAS BYUNG BA YID LA MI BYED PA STE, GZUGS KYI SKU'I NGO BO SANGS RGYAS NYID KYANG MI DMIGS NA DES MTSAN DANG DPE BYAD KYI KHYAD PAR GA LA ZHIG DMIGS PA DANG, NGO BO DANG RGYU DANG 'BRAS BU MA SKYES PAS SKYE BA MED PA NYID SPROS LA MTHA' DAG ZAD PA NI YANG DAG PAR RDZOGS PA'I SANGS RGYAS ZHES BYA STE, SKYE MED CHOS NI RTAG TU DE BZHIN GSHEGS, ,CHOS RNAMS THAMS CAD DE BZHIN GSHEGS DANG 'DRA, ,BYIS PA BLO CAN MTSAN MAR 'DZIN PA NI, ,'JIG RTEN DAG NA MED PA'I CHOS LA SPYOD, ,CES GSUNGS PAS DNGOS POR SMRA BA RNAMS NI MED PA LA YOD PAR 'KHRUL PA SGRO 'DOGS PAR ZAD KYI RIGS PAS BRTAGS SHING DPYAD NA CI LTAR YANG BDEN PA MA YIN NO, ,'DU SHES MED PA ZHES BYA BA NI SGRO 'DOGS PA DANG BRAL BA'O, ,DE LTA BAS NA KHO BO CAG NI YOD PAR SGRO 'DOGS PA'I 'KHRUL PA DANG MED PAR SKUR PA 'DEBS PA'I 'KHRUL PA STE, DE DAG BSAL BA'I PHYIR @287B BSHAD PA YIN NO, ,DKON MCHOG ZA MA TOG GI MDO LAS, BDAG CAG SANGS RGYAS LTA BA DANG, CHOS MNYAN PA DANG, DGE 'DUN BSNYEN BKUR BA DON DU MI GNYER TE ZHES GSUNGS PA YANG CHOS NYID DON DAM PAR 'BAD PA DANG RTZOL PA DANG BRAL BA'I NGO BO NYID LA DGONGS PAS NA 'DU SHES MED PA 'DI NI MCHOD PA'O ZHES GSUNGS SO, ,DON DAM PA'I MCHOD PA ZANG ZING DANG KUN RDZOB LAS KHYAD PAR DU 'PHAGS PAR BSTAN PA NGES PA'I DON BSGRUB PA NI, SHES RAB KYI PHA ROL TU PHYIN PA LAS KYANG ZHES GSUNGS PA YIN NO, ,RING BSREL NI BSOD NAMS CHEN PO THOB PAR BYED PA'I RGYU YIN NA, CI'I PHYIR GZHAN LAS GUS ZHES RGOL BA NI, DE CI'I PHYIR ZHE NA ZHES BYA BA'O, ,LA LA NI STONG PA NYID THAMS CAD KYI MCHOG DANG LDAN PA BSGOM PA NI NYID KYIS DE LA GUS PAR YANG 'GYUR LA, RNAM GRANGS GZHAN YANG STONG PA NYID GOMS PA MED NA DNGOS POR BLTA BAS GROL BAR YANG MI 'GYUR BAR BSTAN PA NI DE LAS 'BYUNG BAS NA ZHES BYA BA'O, ,MDO KUN LAS BTUS PA'I BSHAD PA LUNG GI TSAD MAS RAB TU SBYAR BA LAS SGRUB PA RNYED PAR DKA' BA'I GTAM BRJOD PA STE BRGYAD PA'O, ,MDO KUN LAS BTUS PA LAS BRTZON 'GRUS KYI PHA ROL TU PHYIN PA RDZOGS SO,, ,,THOS PA LA BRTZON 'GRUS BRTZAMS PA MI ZAD PAR BYA BA'I PHYIR BSAM PA'I SHES RAB KYIS BSRUNG DGOS PAS NA DE BRJOD PAR BYA STE, 'DIR RGYAL BA BYAMS PA'I ZHAL SNGA NAS, SBYIN PA LA SOGS RE RE NI, ,DE DAG SO SOR BSDUS PA YIS, ,GO CHA'I SGRUB PA GANG YIN TE, ,DRUG TSAN DRUG GIS JI BZHIN BSHAD, ,CES YONGS SU SBYAR BA LTAR 'DIR YANG BSAM PA'I RANG BZHIN GO CHA SUM CU RTZA DRUG TU BRJOD PAR BYA STE, LUNG LAS KYANG SBYIN PA NAS SHES RAB KYI BAR DU GSAL BAR GSUNGS PA'I PHYIR, DE'I PHYIR BSAM PA'I RANG BZHIN GO CHA'I TSOGS KYI SA NAS 'JUG PA BRGYUD PA SBYOR BA'I LAM LAS BSGOM PAR BYA BA YIN TE, DE'I GANG ZAG GI MTSAN NYID NI; GANG DAG CES GSUNGS PA YIN TE, THAR PA'I CHA DANG MTHUN PA'I DGE BA'I RTZA BA DANG LDAN PA'I GANG ZAG GANG DAG CES BYA BA'O, ,YONGS SU MYA NGAN LAS 'DAS PA NI MI GNAS PA'I MTSAN NYID DANG LDAN PA'O, ,YANG DAG PA JI LTA BA BZHIN NI DE'I MTSAN NYID PHYIN CI MA LOG PA 'OG NAS @288A *, ,'CHAD PA LTA BU'O, ,DMAN PA LA MOS PA 'GA' ZHIG DE BZHIN GSHEGS PA'I MYA NGAN LAS 'DAS PA'I RANG BZHIN MI SHES PAS 'DUS BYAS KYIS THOB PA DANG BRAL BA 'DUS MA BYAS PA'I RJES YIN NO ZHES ZER LA, LA LA NA RE NAM MKHA'I SPRIN DENGS PA LTA BUR GYUR TO ZHES DNGOS POR LTA BAS BCINGS PAR JI LTA BAR MI SHES PAS RGOL BA NI, CI 'DRA ZHE NA ZHES BYA BA'O, ,LAN NI DBYINGS DANG YE SHES GNYIS SU MED PA'I NGO BO NYID LA DUS RTAG TU BZHUGS PAS 'DUL BA'I NGO BOR MYA NGAN LAS 'DA' BAR SNANG YANG, CHOS NYID LA DE MED PA'I NGO BO NYID DE DNGOS POR LTA BA RNAMS SKRAG PA'I GNAS SU 'GYUR BA YANG SLOB DPON NYID KYIS KYANG, NGES PAR LEGS PA'I CHOS DAG NI, ,PHRA ZHING ZAB PAR SNANG BA YANG, ,BYIS PA THOS DANG MI LDAN RNAMS, ,SKRAG PAR BYED PAR RGYAL BAS GSUNGS, ,ZHES CHOS RNAMS KYI NGO BO NYID SPROS PA THAMS CAD DANG BRAL BA, RTOG GE PA RNAMS KYIS SHES PAR BYA BA MA YIN PA BSAM GYIS MI KHYAB PA'I DBYINGS DE LTA BU NI MYA NGAN LAS 'DAS PA YIN, DE THOB PA GANG LA YOD PA DE NI DE BZHIN GSHEGS PA ZHES BYA'O, ,DE YANG CIS SHES SHE NA, RANG GI RTOG GE MA YIN PAS MDO SDE LAS SHES ZHES BYA BA'O, ,MDO NYID NGES PA'I DON DU BSTAN PAS, DU MA ZHES SMOS SO; ,DE DAG GIS MYA NGAN LAS 'DAS PA'I RANG BZHIN BSTAN PA'I PHYIR, KYE RGYAL BA'I SRAS ZHES GSUNGS TE, DANG PO RANG BZHIN GYI SGO NAS BSTAN PA NI, RANG BZHIN GYI NGO BO NYID LA BLO YONGS SU BTANG STE ZHES GSUNGS TE, RANG BZHIN GYI NI CHOS KYI DBYINGS SO, ,NGO BO NYID NI DE'I RANG BZHIN BSTAN TE DE BZHIN NYID CES BYA BA'O, ,BLO YONGS SU BTANG BA NI SHES RAB KYIS RNAM PAR DPYAD NAS SO, ,CI LTAR DPYAD CE NA, YOD PAR LTA BA NI DNGOS PO'I MTHA' YIN LA, MED PAR LTA BA NI CHAD PA'I MTHA' YIN PAS, DNGOS PO DANG CHAD PA'I MTHA' DANG BRAL BA DBU MA'I LAM LA SHES RAB KYIS YONGS SU ZIN PA'O, , 'DZIN PA NI NGES PAR 'BYED PA'O, ,DE LA YOD PAR LTA BA NI PHYI DANG NANG GIS MU STEGS PA 'GA' ZHIG RTAG PA DANG, KHA CIG MI RTAG PA LA SOGS PAR LTA BA DANG, RDUL PHRA RAB RDZAS KYI NGO BO NYID DU LTA BA STE, BYE BRAG TU SMRA BA DANG, BTZUN PA DGE 'DUN SRUNG DANG, MDO SDE PA DAG NA RE, RDUL PHRA RAB SBYAR @288B BA DANG BSKOR BA DANG BAR MTSAMS MED PAR 'DOD PA DAG GO, ,CHAD PAR LTA BA NI YANG DAG PA'I DNGOS PO GZUNG BA DANG, 'DZIN PA DANG BRAL BA GNYIS SU MED PA'I SHES PA RANG BZHIN GCIG PA'I NGO BO YANG MED PAR LTA BA DAG STE, 'DI GNYIS NI DNGOS PO DANG CHAD PAR LTA BA'I MTHA' STE MTHA' DE GNYIS DANG BRAL BA NI DBU MA'I LAM YANG DAG PA'I DON GYI DE KHO NA NYID CHOS KYI DBYINGS ZHES BYA'O, ,DE NYID MA BCOS SHING RANG BZHIN GYIS 'GYUR BA MED PAS DE BZHIN NYID CES BYA'O, ,DNGOS POR LTA BA NI YANG DAG PA MA YIN PAS, DNGOS PO DANG BRAL BA NI PHYIN CI MA LOG PA'I DON GYIS YANG DAG PA'I MTHA'O, , SPROS PA RNAMS NI BLO YIS BYAS PA'I PHYIR THA DAD PA YIN PAS BLO'I YUL DU MA GYUR PAS DBYER MED PA'I DON GYIS SPROS PA MED PA NI CHOS KYI DBYINGS TE, YON TAN BSKYED PA'I PHYIR DH'A TU STE KHAMS KYI DON TO, ,RGYU DANG RKYEN GYIS 'DUS MA BYAS SHING RANG BZHIN GYIS STONG PAS NAM MKHA'O, ,CHOS RNAMS KYI NGO BO NYID GZUNG BA DANG 'DZIN PA DANG BRAL BA NI SNGA MA LTAR BYAS PA MA YIN PAS RANG BZHIN DANG NGO, ,SPANG BAR BYA BA DANG GNYEN PO NI BTAGS PAS GZHAG PAS DE KHO NA NYID DU 'PHAGS PA KLU SGRUB KYI ZHAL SNGA NAS DANG, 'PHAGS PA BYAMS PA'I ZHAL SNGA NAS KYIS, 'DI LA BSAL BYA CI YANG MED, ,BSNAN PAR BYA BA CUNG ZAD MED, ,YANG DAG NYID LA YANG DAG LTA, ,YANG DAG MTHONG NA RNAM PAR GROL, ,ZHES DON DAM PA LA SPANG BA DANG SPONG BYED MED PAS 'DOD CHAGS DANG BRAL BA'I MTHA'O, ,SNANG BA RNAMS NI SEMS NYID LAS MA GTOGS PA'I PHYI ROL GYI DON MED DE DE'I PHYIR NA, 'PHAGS PA NYID KYIS; 'BYUNG BA CHE LA SOGS BSHAD PA, ,RNAM PAR SHES SU YANG DAG 'DU, ,DE SHES PAS NI 'BRAS 'GYUR LA, ,LOG PAR RNAM BRTAGS MA YIN NAM, ,ZHES GSUNGS PA DANG, 'PHAGS PA BYAMS PA'I ZHAL SNGA NAS KYANG, BDAG DANG CHOS SU GTER 'DOD PAS, ,SNA TSOGS DAG NI GANG BYUNG BA, ,DA NI RNAM PAR SHES PAR 'GYUR, ,GYUR PA DE YANG RNAM GSUM STE, ,RNAM PAR SMIN DANG NGAR SEMS DANG, ,YUL LA RNAM PAR RIG PA'O, ,ZHES RAB TU BYED PA SUM CU PA LAS GSUNGS PA LTA BU'I DON GYI RMI LAM GYI MTHA'O, ,CHOS NYID LA RANG DANG SPYI'I MTSAN NYID MI 'THAD DE @289A *, ,YONGS SU GRUB PA NI GZUNG 'DZIN DANG BRAL BAS MTSAN NYID MED PA'O, ,YANG DAG PA MA YIN PA'I KUN DU RTOG PA LAS BYUNG BA KHAMS GSUM GYI SEMS DANG SEMS LAS BYUNG BA'I MTSAN NYID GZHAN GYI DBANG DU GYUR PA NI CHAGS PA STE DNGOS POR ZHEN CES BYA BA'I DON TE, DE NYID PHYIN CI MA LOG PA'I YE SHES KYI MA SKYES PAR KHONG DU CHUD PAS CHAGS PA MED PA'I MTHA'O, ,PHUNG PO DANG DE LAS GZHAN PAR YOD PAR MI 'THAD PAS, GANG ZAG TU LTA BA RNAMS NI MED PA'I DON GYIS BDAG GI RANG BZHIN GYI MTHA'O, ,GZUNG BA DANG 'DZIN PA'I NGO BO NYID CHOS SU LTA BA RNAMS NI GZUGS LA SOGS PA GCIG DANG DU MA'I RANG BZHIN DANG BRAL BAS NA, CHOS THAMS CAD KYI RANG BZHIN TE NGO BO NYID MED PAS NA MTHA' STE STONG PA NYID DO, ,CI LTA BA BZHIN ZHES PA NI DE DAG THAMS CAD RANG BZHIN GYIS STONG GI YOD PAS BSHIGS PA LTA BU MA YIN PAS SO, ,DAM BCA' BA TZAM NI LDOG PA MA YIN TE, GNOD PA BYED PA'I TSAD MA GZHAN YOD DO, ,DE GANG ZHE NA, DNGOS PO DANG, DNGOS PO MED PA DAG NI PHAN TSUN 'GAL BAR SMRA BA MA YIN NAM, 'DI LAS LHAG PA GANG GIS DNGOS PO MI BRDZUN LA, DE MED PA NI YANG DAG PA YIN, TSAD MA THAMS CAD KYI NANG NAS MNGON SUM GYI TSAD MA NI GTZO BO YIN LA, MNGON SUM GYI TSAD MA YANG DBANG PO NYID GTZO BO YIN PAS THAMS CAD LA GSAL BAR SNANG BA GO CI LTAR BZLOG CES, DE CI'I PHYIR ZHE NA ZHES RGOL BA LA, LAN NI DE LTA MA YIN TE, DNGOS POR LTA BA NI RIGS PAS BRTAGS KYANG BRDZUN PA YIN LA, CHOS RNAMS KYI DNGOS PO MED PA NI BDEN PA NYID DE, DE CI'I PHYIR ZHE NA, RIGS PAS GRUB CING DES GNOD PA MED PA'I PHYIR RO, ,DNGOS POR LTA BA CI LTAR RIGS PAS BRTAG CE NA, THOG MA NAS MA SKYES SHING MA BYUNG BA'I PHYIR TE, ZHES GSUNGS TE, THOG MA ZHES BYA BA NI DANG PO NYID NAS SO, ,DANG PO ZHES BYA BA NI BYIS PA YOD PA'I DNGOS PO BSHIG PA MA YIN TE, DE NI SKUR BA YIN TE SNGAR BSHAD PA BZHIN NO, ,LUNG LAS KYANG, DE BZHIN GSHEGS PA RNAMS 'JIG RTEN DU BYUNG YANG RUNG, MA BYUNG YANG RUNG STE, CHOS RNAMS KYI CHOS NYID NI RTAG TU GNAS PA'O ZHES GSUNGS SO, ,MA SKYES PA NI SKYE BA MED PAS BRJOD DU MED PA'I @289B NGO BO NYID DE, 'PHAGS PA KLU SGRUB NYID KYIS KYANG DBU MA SHES RAB LAS, RANG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYE BA NAM YANG YOD MA YIN, ,ZHES BYA BA LA SOGS PA GSUNGS LA, YANG, RTEN CING 'BREL PAR GANG 'BYUNG BA, ,RANG BZHIN GYIS NI DE MA SKYES, ,RANG BZHIN GYIS NI MA SKYES GANG, ,DE LA SKYE ZHES CI SKAD BRJOD, ,SHIN TU PHRA BA'I DNGOS RNAMS LA, GANG GI SKYE BA RNAMS BRTAGS LA, ,RNAM PAR MI MKHAS DE YIS NI, ,RKYEN LAS BYUNG BA'I DON MA MTHONG, ,ZHES GSUNGS PA DANG, YANG 'PHAGS PA BYAMS PA DANG 'PHAGS PA THOGS MED KYI ZHAL SNGA NAS KYANG, SGRO 'DOGS PA'I LEGS PAR MA ZAN PA DAM PA'I CHOS 'DUL BA LAS NYAMS PA GANG ZHE NA, GAL TE CHOS GANG DAG DANG, DNGOS PO GANG LA YANG JI LTAR BRJOD PA 'JUG PA LTAR CHOS DE DAG DANG DNGOS PO DE'I BDAG NYID DU 'GYUR NA NI DE LTAR NA CHOS GCIG PU DANG, DNGOS PO GCIG PU'I NGO BO NYID RNAM PA SNA TSOGS MANG BAR THAL BAR 'GYUR RO, ,DE CI'I PHYIR ZHE NA, 'DI LTAR CHOS GCIG PU DANG DNGOS PO GCIG PU LA MANG POR DGAG GI RNAM PA SNA TSOGS MANG POR BRJOD CING BTAGS TE 'DOGS LA, BTAGS PA'I TSIG RNAM PA SNA TSOGS MANG PO DAG LAS BRTAGS PA'I TSIG GANG RUNG GCIG CIG CHOS DE DANG DNGOS PO DE LA DE'I BDAG NYID DANG, DE'I RANG BZHIN GYI NGO BO NYID DU GYUR LA, BRTAGS PA'I TSIG GZHAN DAG NI MA YIN NO ZHES BYA BA'I NGES PA CI YANG MI DMIGS TE, DE'I PHYIR BTAGS PA'I TSIG THAMS CAD NI MA LUS PA'AM GCIG KYANG RUNG STE, CHOS THAMS CAD DANG DNGOS PO THAMS CAD KYI DE'I BDAG NYID DU 'GYUR BA'ANG MED LA, DE'I RANG BZHIN GYIS NGO BO NYID DU 'GYUR BA YANG MED DO, ,GZHAN GAL TE GZUGS LA SOGS PA'I CHOS RNAMS 'DOGS PA'I TSIG GI NGO BO NYID MED PA YIN NO ZHE NA, DE LTAR NA DANG PO SNGAR BYUNG BA PHYIS DGA' MGUR 'DOGS PA'I TSIG NYE BAR 'DOGS NA NI 'DOGS PA'I TSIG GIS NYE BAR 'DOGS PA'I SNGA ROL DES NYE BAR MA BTAGS PA'I TSE, CHOS DE DANG DNGOS PO DE NGO BO NYID MED PAR 'GYUR RO, ,NGO BO NYID MED NA YANG @290A *, DNGOS PO MED PA LA NI 'DOGS PA'I TSIG GIS NYE BAR JI LTAR GDAGS, 'DOGS PA'I TSIG GIS NYE BAR 'DOGS PA DE MANG NA YANG, CHOS DANG DNGOS POR 'DOGS PA'I TSIG GI NGO BO NYID YOD PAR MI RUNG NGO, ,GAL TE 'DOGS PA'I TSIG GIS NYE BAR 'DOGS PA'I SNGA ROL NAS GZUGS DA GZUGS KYI BDAG NYID YIN TE, PHYIS KYANG DE LA GDAGS PA'I TSIG GIS BSDUS PA'I DUS SU GZUGS SU NYE BAR 'DOGS PAR BYED NA YANG, DE LTAR NA NI GZUGS ZHES 'DOGS PA'I TSIG NYE BAR 'DOGS PA DE MED BZHIN DU YANG, GZUGS ZHES BYA BAR 'GYUR BA'I CHOS DANG DER 'GYUR BA'I DNGOS PO LA, DE'I BLO 'JUG PAR 'GYUR BAR RIGS NA, DE MI 'JUG PAS NA RIGS PA DANG GTAN TSIGS 'DIS CHOS GZUGS NAS MYA NGAN LAS 'DAS PA'I BAR DU BRJOD PA'I NGO BO NYID DU RIG PAR BYA'O ZHES GSUNGS PA SKYE BA MED CING BRJOD DU MED PA NYID DU RIG PAR BYA'O, ,MA BYUNG BA YANG ZHES BYA BA NI 'BRAS BU LA BTAGS PA STE, RGYU SKYE BA MED PA LA 'BRAS BU YANG SNGAR BSTAN PA LTAR 'BYUNG BA MED PA'I PHYIR RO, ,LA LA NA RE MA SKYES PA DANG MA BYUNG BA NI NGO BO GCIG LA THA SNYAD GNYIS SU BTAGS PA'O ZHES ZER RO, ,LA LA NA RE MA SKYES PA NI DA LTAR RO, ,MA BYUNG BA NI 'DAS PA'O, ,'BRAL BA MED BA NI MA 'ONGS PA NA YANG SKYE BA MED PA'O ZHES KYANG ZER RO, ,GZHAN DAG NI SPANG BYA'I NYON MONGS PA LA SOGS PA NI SKYE BA MED LA, DE'I GNYEN PO NI MA BYUNG BA STE CI'I PHYIR ZHE NA, GNYEN PO NI SPANG BAR BYA BA LA SOGS PA'I PHYIR RO, ,DA LTAR SPANG BYA DANG SPONG BYED MED NA GANG GIS GANG ZHIG CI LTAR SPONG STE; DES NA SPANGS PA'I 'BRAL BA YANG MED DO ZHES ZER RO, ,DE LTAR RGYU DANG 'BRAS BU MA SKYES ZHING MA BYUNG BA DE LA, GNYEN POS BYAR MED PAS NA SPANG BAR BYA BA'I 'BRAL BA YANG MED DO, ,'O NA YOD PA SUN PHYUNG NA MED PAR 'GYUR RO ZHE NA MA YIN TE, KHO BO CAG DBU MA PA NI MED PAR YANG KHAS MI LEN TE; MED PA NI SKUR PA YIN PAS SNGAR BSHAD PA BZHIN NO, ,GTAN TSIGS GZHAN YANG YOD DE, 'PHAGS PA KLU SGRUB KYI ZHAL SNGA NAS KYANG, GANG LA MED PA 'DOD PA LA, ,BYANG CHUB BRTEN PHYIR SEMS MED CING, ,KHAS LEN MED CING SPYOD PA MED, ,DE LA CI LTAR MED PAS SHES, ,ZHES GSUNGS @290B PA DANG; YANG, RNAM PAR DBEN DON MI SHES SHING, ,THOS PA TZAM LA 'JUG BYED PA, ,MI GANG BSOD NAMS MI BYED PA'I, ,SKYES BU THA SHAL DE DAG BRLAG ,CES GSUNGS PA DANG, YANG LUNG LAS, STONG NYID DON NI MI SHES SHING, ,STONG PA NYID DU KHAS 'CHE LA, ,CHAD PAR LTA BAR GYUR BA NI, ,STONG MIN STONG PAR LTA ZHES LA, ,'PHAGS PA BYAMS PA DANG 'PHAGS PA THOGS MED KYIS KYANG, SNGAR BSTAN PA'I RJES THOGS NYID DU SKUR PA 'DEBS PA'I LEGS PAR MA ZIN PA DAM PA'I CHOS 'DUL BA LAS NYAMS PA GANG ZHE NA, GZUGS LA SOGS PA'I CHOS RNAMS KYI DNGOS PO TZAM LA SKUR PA 'DEBS PA NI DE KHO NA YANG MED LA 'DOGS PA YANG MED DE, DE GNYI GA YANG MI RIGS SO, ,'DI LTA STE, DPER NA GZUGS LA SOGS PA'I PHUNG PO RNAMS YOD NA GANG ZAG TU GDAGS SU RUNG GI ,MED DU ZIN NA DNGOS PO MED PA LA GANG ZAG GDAGS SU MED DO, , DE BZHIN DU GZUGS LA SOGS PA'I CHOS RNAMS KYI DNGOS PO TZAM YOD NA, GZUGS LA SOGS PA'I CHOS RNAMS 'DOGS PA'I TSIG NYE BAR GDAGS SU RING GI ,MED NA DNGOS PO MED PA LA GDAGS PA'I TSIG NYE BAR 'DOGS PA MED DO, ,DE LA 'DOGS PA'I GZHI MED DU ZIN NA NI GZHI MED PAR 'GYUR BAS, 'DOGS PA YANG MED PAR 'GYUR RO, ,DE LTA BAS NA GANG ZAG KHA CIG SHES PAR DKA' BA'I MDO SDE THEG PA CHEN PO DANG LDAN PA, ZAB MO STONG PA NYID DANG LDAN PA, DGONGS PA'I DON BSTAN PA DAG THOS NAS, BSHAD PA'I DON YANG DAG PA JI LTA BA BZHIN DU MA SHES NAS TSUL BZHIN MA YIN PAR RNAM PAR BRTAGS TE RIGS PA MA YIN PAS BSKYED PA'I RTOG PA TZAM GYIS 'DI THAMS CAD NI BRTAGS PA TZAM DU ZAD DE 'DI NI DE KHO NA YIN NO, ,SU 'DI LTAR BLTA BA DE NI YANG DAG PAR BLTA BA YIN NO ZHES DE LTAR LTA ZHING DE SKAD SMRA'O, ,DE DAG GI LTAR NA 'DOGS PA'I GZHI'I DNGOS PO TZAM YANG MED PAS 'DOGS PA NYID KYANG THAMS CAD KYI THAMS CAD DU MED PAR 'GYUR NA, BRTAGS PA TZAM GYIS DE KHO NA LTA YOD PAR GA LA 'GYUR, DE BAS NA DE DAG GIS NI DE KHO NA NYID DANG, BRTAGS PA DANG, DE GNYIS KA LA SKUR PA BTAB PAR 'GYUR TE, DE'I PHYIR @291A *, ,MED PAR LTA BA'I GTZO BO YIN PAR RIG PAR BYA'O, ,DE LTAR MED PA DE NI TSANGS PA MTSUNGS PAR SPYOD PA LA MDZANGS PA RNAMS KYIS SMOS PA'I 'OS MA YIN ZHING 'GROGS PAR MI BYA BA STE, DES RANG GANG LTA BA 'DZIN YANG PHUNG BAR BYED PA'I PHYIR RO, ,'DI LA DGONGS NAS BCOM LDAN 'DAS KYIS KYANG 'DI NA LA LA GANG ZAG TU LTA BA NI BLA'I, LA LA STONG PA NYID LA LOG PAR ZIN PA NI GSOR MI RUNG NGO ZHES GSUNGS TE, CI'I PHYIR ZHE NA, GANG ZAG TU LTA BA NI SHES BYA BA LA RMONGS SU ZIN KYANG SHES BYA LA SKUR BA MI 'DEBS PAS NA NGAN SONG DU YANG SKYE BAR MI 'GYUR LA, GZHAN DAG KYANG MI SLU ZHING CHOS DANG BDEN PA LA 'GOD PAR BYED DO, ,BSLAB PA'I GZHI YANG NYAMS SU LEN PAR 'GYUR LA, STONG PA NYID LA LOG PAR ZIN PAS NI DE LAS BZLOG PAR 'GYUR RO, ,CI LTAR LOG PAR ZIN CE NA, GANG LA GANG GIS STONG PA DE LA YANG MI 'DOD LA, GANG GIS GANG STONG PA DE YANG MI 'DOD PA 'DI LTA BU NI LOG PAR ZIN PA ZHES BYA STE, CI'I PHYIR ZHE NA GANG GIS STONG PA MED PA DANG, GANG STONG STE YOD PA'I STONG PA NYID NI RIGS PA'I PHYIR RO, ,THAMS CAD MED NA NI GANG DU CI ZHIG GANG GIS STONG PAR 'GYUR TE, DES DE NYID STONG PA NYID DU 'GYUR DU MI RUNG NGO, ,DE'I PHYIR DA LTA BU NI STONG PA NYID LA LOG PAR ZIN PA YIN NO ZHES GSUNGS SO, ,'O NA CHOS RNAMS KYI NGO BO NYID GANG YIN ZHE NA, BRJOD DU MED PA NYID DE, BRJOD PA NI MTHA' YIN PA'I PHYIR RO, ,DE'I PHYIR 'PHAGS PA 'JAM DPAL GYIS LITZTSA B'I DRI MA MED PAR GRAGS PA LA SOBS PA DRIS NAS, DE CI'I PHYIR ZHE NA ZHES RGOL BA LA, LAN NI CANG MI SMRA BAR GYUR PA DANG, 'PHAGS PA 'JAM DPAL GYIS RJES SU BSTOD PA LTA BU DANG, 'PHAGS PA BYAMS PA DANG 'PHAGS PA THOGS MED KYIS KYANG, YANG DAG MA YIN KUN RTOG YOD, ,DE LA GNYIS PO YOD MA YIN, ,STONG PA NYID NI 'DI LA YOD, , DE LA YANG NI DE YOD DO, ,STONG PA MA YIN MI STONG MIN, ,DE LTA BAS NA THAMS CAD BSHAD, ,YOD PA MED PAS YOD PAS NA, ,DE NI DBU MA'I LAM YIN NO, ,ZHES GSUNGS PAS, YANG DAG PA MA YIN PA'I KUN DU RTOG PA YOD PA DANG GZUNG BA DANG 'DZIN PA MED PA DANG, GZUNG BA DANG 'DZIN @291B PA DANG BRAL BA DANG, RANG RIG PA YOD PAS NA, KHO BO CAG DBU MA PA NI MTHA' GNYIS DANG BRAL BA'I LAM LA LEGS PAR 'JUG PAS LOG PAR ZIN PA'I GANG ZAG PHYI DANG NANG GI MU STEGS BYED KYI RTOG GE BA NGAN PA'I GZHUNG LTA ZHIG GA LA 'DZIN, DE'I PHYIR TSU ROL MTHONG BA'I MNGON SUM LA SOGS PA NI SNANG BA'I DON LA YANG 'KHRUL PAR 'GYUR NA, SHIN TU LKOG TU GYUR PA'I DON LAS KYANG RMONGS PAR 'GYUR, DE'I PHYIR 'PHAGS PA KLU SGRUB DANG THOGS MED KYI LUNG GI RJES SU 'BRANGS PAS LUNG NYID TSAD MA YIN TE, SNGAR BSHAD PA LTA BU'O, ,CI'I PHYIR ZHE NA, 'PHAGS PA KLU SGRUB NI SA DANG PO LA GNAS PA YIN LA 'PHAGS PA THOGS MED NI SA GSUM PA LA GNAS PA YIN PAS GRUB PA'I MTHA' YANG MTSUNGS PA NYID DE, CI LTAR KHO BOS BSGRUB PA BZHIN NO, ,KHO BO CAG SHES BYA NANG GI YIN PAR 'DOD PA LA SUN 'BYIN PA'I GANG ZAG ZHE SDANG BAS SMRA BA RNAMS KYIS LOG PAR ZIN PA'I RNAM GRANGS MANG DU YOD MOD KYI, 'DIR HA CANG SPROS PAS CHOG NAS DA NI DKYUS LA 'JUG PAR BYA STE, GAL TE MYA NGAN LAS 'DAS PA'I RANG BZHIN DE LTA BU RTOGS PAR BYA NA, 'O NA BYANG CHUB SEMS DPA' RNAMS YANG DAG PA'I MTHAR LTUNG BAR 'GYUR RO ZHE NA MA YIN TE, MYA NGAN LAS 'DAS PA'I RANG BZHIN DE DAG GI PHYOGS 'GA' ZHIG RTOGS PAR ZAD KYI MTHA' DAG PA NI SA BCU'I DBANG PHYUG GIS RTOGS PAR 'GYUR BAS, SHIN TU MTHAR THUG PA MI BRJOD MI STON TE ZHES BYA BA'O, ,BRJOD NA NI DER 'GYUR RO ZHES BYA BA'I THA TSIG GO, ,PHYOGS 'GA' ZHIG MA RTOGS NA NI DNGOS BOR LTA BAR 'GYUR LA, THAMS CAD DU RTOGS NA NI YANG DAG PA'I MTHA' MNGON DU BYAS PAR 'GYUR BAS, DE CI'I PHYIR ZHEN ZHES RGOL BA LA, LAN NI 'OG NAS BSHAD PA LTAR THABS DANG SHES RAB ZUNG DU 'BREL PAR SGOM PA'I DBANG GIS SRID PA DANG ZHI BA'I MTHA' BSRINGS PA YIN NO ZHES BSTAN PA NI DE DAG GIS NI ZHES BYA BA'O, ,PHYOGS 'GA' ZHIG CES BYA BA NI MOS PAS SPYOD PA'I SA LA MOS PAS YUL DU BYED PA NA KHONG DU CHUD PAR 'DOD PA STE 'DUN PA'O, ,MOS PAS SPYOD PA'I SA CHEN PO LA BDEN PA RTOGS PA DANG, RJES SU MTHUN PA'I CHOS MOS PAS @292A *, ,YUL DU BYED PA RANG BZHIN GYIS NGO BO NYID LA BLO YONGS SU GTANG BA'O, ,SA DANG PO LA CHOS KYI DBYINGS KUN DU 'GRO BA'I DE BZHIN NYID RTOGS PA NA SANGS RGYAS KYI SA LA CHOS THAMS CAD RNAM PA THAMS CAD DU MNGON PAR RDZOGS PAR SANGS RGYAS PAS NA, CHOS THAMS CAD KYI RANG BZHIN GCIG PA DANG, DU MA DANG BRAL BA'I NGO BO NYID RTOGS PA'I BAR DU YON TAN THAMS CAD GYEN DU LDAN PA YIN PAR SBYAR BAR BYA STE, KHO BOS NI GZHUNG MANGS PA'I DOGS PAS SBYAR BA MA BYAS SO, ,DE LA MNGON DU BYA BA NI GZUGS KYI SKU'I RNAM PA GNYIS TE, JI SKAD DU SA DANG PO LA SANGS RGYAS BRGYA'I ZHAL MTHONG ZHING ZHES BYA BA LA SOGS PA GSUNGS SO, ,SKAD CIG GCIG LA ZHES BYA BA NI TING NGE 'DZIN GYI STOBS KYIS SO, ,DE DAG KYANG DNGOS POR MA ZHEN PAR KUN RDZOB KYI SGO NAS YE SHES KYI SKAD CIG GIS RJES SU 'BRANG BAR BYA ZHES BYA BA STE, YE SHES KYI YUL NI KUN RDZOB YIN PA'I PHYIR LA, TING NGE 'DZIN GYI RDZU 'PHRUL GYI STOBS KYIS NA SKAD CIG KYANG ZHES BYA'O, ,RJES SU 'BREL PA NI RJES SU 'GRO BA'O, ,SKAD CIG DE LA YANG ZHES BYA BA NI DE'I SKAD CIG MA GCIG LA YANG NGO, ,THAMS CAD CES BYA BA NI DUS GSUM PA RNAMS SO, ,MNGON PAR BSGRUB PA NI SEMS CAN YONGS SU SMIN PAR BYA BA DANG, ZHING YONGS SU SBYANG BAR BYA BA'O, ,'O NA DNGOS POR LTA BAR 'GYUR ZHE NA, GNYIS KYI 'DU SHES KYANG BSKYED PAR MI BYA ZHES BYA BA STE, GNYIS NI BDAG GZHAN NO, ,'DU SHES NI RNAM PAR RTOG PA STE, DE BSKYED PAR MI BYA BA NI, BYANG CHUB SEMS DPA'I NYON MONGS PA YIN PA'I PHYIR RO, ,'O NA 'DUS MA BYAS PA 'BA' ZHIG BSGOM PA'AM ZHE NA DE NI MA YIN TE, 'GOG PA'I MTHA' SPANG DGOS PA'I MI GNYIS PA'I 'DU SHES KYANG MA YIN ZHES BYA STE, SGYU MA TZAM DU DMIGS PAR BYA DGOS PA'I PHYIR RO, ,SGYU MA TZAM ZHES SMOS PAS, GANG ZAG DANG CHOS SU BLTA BA'I 'DU SHES SPANG BAR BYA BA NI, SEMS CAN ZHES BYA BA LA SOGS PA'O, ,GNYIS DANG GNYIS MA YIN PA'I LTA BA SPANGS NA CI LTAR 'BRAS BU THOB CES DE CI'I PHYIR ZHE NA ZHES RTOG PA LA, SNGAR BSHAD PA LTAR MTHA' GNYIS NI SPANGS PA YIN PAS @292B YOD PA DANG MED PAR ZHEN PA'I LAM RNAMS DANG BRAL ZHING BDAG DANG CHOS SU LTA BA'I 'DU SHES SPANG DGOS PA NI LAM GYI GEGS YIN PA'I PHYIR RO, ,DE LA ZHEN PA'I 'DOD CHAGS PA'O, ,DE LTAR MYA NGAN LAS 'DAS PA'I RANG BZHIN GYI SGO NAS BSTAN NAS DA NI PHRIN LAS KYI SGO NAS MYA NGAN LAS 'DAS PA'I RANG BZHIN BSTAN PA NI, KYE RGYAL BA'I SRAS ZHES GSUNGS TE, PHRIN LAS NI RNAM PA GNYIS TE, MI RTOG PA DANG, DUS THAMS CAD PA'O, ,DE DAG BSTAN PA NI, GZHAN YANG ZHES BYA STE, 'BYUNG BA'I PHRIN LAS NI DE BZHIN GSHEGS PA 'BYUNG BA ZHES GSUNGS TE; CHOS KYI SKU'I PHRIN LAS SPRUL PA'I NGO BO NYID BSTAN PAS 'DUL BA RNAMS LA YANG DAG PAR RDZOGS PA'I SANGS RGYAS 'PHO BA DANG LHUMS SU 'JUG PA LA SOGS PA SNANG BA NI 'BYUNG BA'O, ,'JIG PA'I PHRIN LAS NI SPRUL PA'I SNANG BA BRTUL BAR BYED PA STE, RTAG PAR 'DZIN PA'I LTA BA BZLOG PAR MDZAD PAS, KU SHA'I GRONG LA SOGS PAR RDO RJE LTA BU'I SKU BSHIGS PAR MDZAD PA, YONGS SU SMIN PAR BYED PA NI YONGS SU MYA NGAN LAS 'DAS PA ZHES BYA BA STE, SKYO BA BSKYED PA NI RTAG PAR LTA BA CAN RNAMS SO, ,'O NA DE BZHIN GSHEGS PA NI 'DUS BYAS PA'O SNYAM DU SEMS NA MI RTOG PA'I PHRIN LAS YIN PAS SKYE BA 'ANG MED CES BYA BA LA SOGS PA STE, DUS RNAMS KUN DU DE BZHIN GSHEGS PA NI, ,DBYINGS DANG YE SHES GNYIS MED RANG BZHIN GYIS, ,CHOS KYI SKU STE DE LA DE ZHUGS NAS, ,MYA NGAN 'DA' MIN GZHAN LAS 'DAS PA MIN, , ZHES BYA BA'O, ,DE'I DPE GANG ZHE NA, 'DI LTA STE DPER NA ZHES BYA BA LA SOGS PA GSUNGS TE, DE BZHIN GSHEGS PA'I PHRIN LAS NI YUL LA KHYAB PAS NA, SANGS RGYAS GCIG GIS KYANG MDZAD PA THAMS CAD DU MDZAD PA MYA NGAN LAS 'DA' BA'ANG THAMS CAD DU STON PA NI NYI MA'I DKYIL 'KHOR CHOS KYI DBYINGS DANG MNYAM PA ZHES DE GSUNGS PA YIN NO, ,MYA NGAN LAS 'DA' BAR SNANG BA YANG THUGS RJE NYI TSE BA MA YIN MOD KYI, 'ON KYANG GDUL BYA RNAMS KYI NYES PAS YIN NA, SNOD CHAG GAM ZHES BYA BA LA SOGS PA'I DPES GSUNGS PA YIN TE, DE LA TSOGS MA @293A *, ,BSAGS PA DANG, DMAN PAR BSAGS PA DANG, BSAGS PA THAG BSRINGS PA GSUM GYI DBANG DU MDZAD NAS CHAG PA DANG LOGS SHIG PHYUNG BA DANG, STONG PAR GYUR PA ZHIG SMOS TE, SNOD CHAG PA LTA BU NI RNAM PAR SMIN PA'I SGRIB PA DANG LDAN PA STE, DES THAG BSRINGS PA'I PHYIR RO, ,LOGS SHIG TU PHYUNG BA LTA BU NI SEMS RNYOG PA DANG LDAN PA STE, DES TSOGS DMAN PAR BSAGS PA'I PHYIR RO, ,STONG PA LTA BU NI LAS DANG NYON MONGS PA'I SGRIB PAS KHEBS PA STE, DE'I DBANG GIS TSOGS MA BSAGS PA'I PHYIR RO, ,DE LTA BU'I SGRIB PA DANG LDAN PAS NA DE DE BZHIN GSHEGS PA MI MTHONG BAS, ,CI LTAR CHU YI SNOD CHAG NA, ,ZLA BA'I GZUGS BRNYAN MI SNANG LTAR, ,DE BZHIN SEMS CAN NGAN PA LA, ,SANGS RGYAS SKU NI MI SNANG NGO, ,ZHES GSUNGS PA LTA BU'O, ,'O NA DE BZHIN GSHEGS PA GCIG GIS PHRIN LAS MDZAD PA ZIN NA, THAMS CAD KYANG MA YIN NAM, LUNG LAS KYANG SANGS RGYAS THAMS CAD NI MDZAD PA GCIG GO ZHES 'BYUNG NGO SNYAM DU SEMS NA, MDZAD PA'I PHRIN LAS NI ME'I DPE GSUNGS TE, ME NI GCIG TU 'BAR BA DANG, SHI BAS THAMS CAD MA YIN PA LTAR DE BZHIN GSHEGS PA'I PHRIN LAS KYANG GCIG TU RDZOGS PAS THAMS CAD DU MA YIN TE, GDUL BYA SHING LTA BU YOD PA DANG MED PA LAS PHRIN LAS ME LTA BU 'BAR BA DANG, MI 'BAR BAR SHES PAR BYA BA DANG, CI LTAR ME NI GZHAN DU 'BAR, ,GZHAN DU SHI BAR GYUR PA LTAR, ,SANGS RGYAS PHRIN LAS SEMS CAN LA, ,SNANG DANG MI SNANG SHES PAR BYA,, ZHES GSUNGS PA LTA BU'O, ,'O NA DANG PO SEMS BSKYED PA'I TSE, SEMS CAN THAMS CAD GDON PAR DAM BCAS NAS THA MA MYA NGAN LAS 'DAS KYANG, SEMS CAN GYI KHAMS 'BRI BA'AM GANG BA MI MNGON PAS MDZAD PA CI LTAR MTHAR PHYIN CE NA, LA LA NI RIGS PA DANG LDAN PA'I GANG ZAG RNAMS LA YIN PAS RIGS MED PA RNAMS CI LTAR DAG PAR 'GYUR RIGS ZHES BYA BA NI THOG MA MED PA'I DUS CAN RGYU DANG RKYEN GYIS 'DUS MA BYAS PA, CHOS NYID KYIS THOB PA, SKYE MCHED KYIS KHYAD PAR YIN PA'I PHYIR RO, ,DE LTA BAS NA RIGS DANG LDAN PA RNAMS NI GROL BA NYID PAS NYES PA MED DO ZHES BYA BA @293B DANG; YANG BSAM PA LA RNAM PAR GZHAG PA BYED PA POS DNGOS PO'I STOBS KYIS MA YIN PAS NYES PA MED PA YIN LA, 'O NA BRDZUN DU SMRA BAR JI LTAR MI 'GYUR ZHE NA MI 'GYUR TE, NANG GI BSAM PA'I DBANG GIS 'DU SHES BSGYUR BA MED PA'I PHYIR LA, RIGS KYI KHYAD PAR GYIS GROL BA DANG, MA GROL BA SRID PA'I PHYIR RO ZHES ZER LA, GZHAN DAG LA NI, MA ZHUM PA YI LUS KYIS NI, ,TSOR BA LHAG PAR BZOD BYED CING, ,MAR ME SHI BAR GYUR PA BZHIN, ,DE YI SEMS NI RNAM PAR GROL, ,ZHES GSUNGS PA'I MYA NGAN LAS 'DAS PA SPANGS NAS, SANGS RGYAS MYA NGAN YOD MI 'DA', , CHOS KYANG NUB PAR MI 'GYUR TE, ,SEMS CAN RNAMS LA PHAN GDAGS PHYIR, ,THABS KYIS MYA NGAN 'DAS PA STON, ,CES GSUNGS PA'I LUNG TSAD MAR BYAS NAS, BDE GSHEGS SNYING PO 'GRO KUN YONGS LA KHYAB, ,SEMS NI RGYA CHE MCHOG TU RAB BSKYED DE, ,'GRO BA 'DI DAG THAMS CAD SANGS RGYAS 'GYUR, ,DE'I PHYIR SNOD MIN SEMS CAN GANG YANG MED, ,CES BYA BA THAMS CAD KYANG DE BZHIN GSHEGS PAR 'GYUR BAS, PHRIN LAS NYID KYI KHYAD PAR DE DAG 'DUL BA'I THABS SU STON PAS, GZHAN YANG YONGS SU MYA NGAN LAS 'DA' BAS GDUL BA RNAMS LA ZHES GSUNGS PA YIN NO; ,THAMS CAD DE BZHIN GSHEGS PA'I SNYING PO CAN DU SGRUB PA NI, BSHAD ZIN 'CHAD PAR 'GYUR BAS GZHAN, ,ZHES BYA BA'I TSUL GYIS RE ZHIG GZHAG GO, ,BRI BA DANG GANG BA MED PA NI SEMS CAN GYI KHAMS MI ZAD PA'I PHYIR LA, MI ZAD PA'ANG SPYI'I DBANG DU BYAS PA'I PHYIR TE, SO SO'I DBANG DU BYAS NAS GROL BA'I PHYIR ZAD PA KHO NA'O, ,SPYI NI SO SO BA 'DUS PA MA YIN LA, SO SOR GROL BA NYID KYIS SPYI CI LTAR MI GROL, GANG ZHIG SNON PA MED LA BRI BA YOD PA DE NI ZAD PA'I CHOS CAN TE, DPER NA 'BRU'I PHUNG PO LTA BU'O ZHE NA MA YIN TE, RIGS SU CHAD PA'I PHYIR DPE 'DRA BA MA YIN NO; ,GANG ZHIG PHA MTHA' YOD PA DE NI ZAD PAR RIGS PA LAS SEMS CAN GYI KHAMS NI NAM MKHA'I KHAMS DANG MNYAM PAS PHA MTHA' MED PAS ZAD PAR CI LTAR RIGS, DE MA GRUB BO ZHE NA, LUNG DANG 'GAL BA'I PHYIR LA, NYES PA ZAD PA'I LUNG NI CHOS DANG MTHUN PAR ZLOG PAR MI RIGS @294A *, ,SO; ,DRANG BA'I DON DU YANG BKRI BAR MI NUS TE, SNGA MA LTAR NGES PA'I DON GYI MTSAN NYID DAG DANG LDAN PA'I PHYIR RO ZHES ZER RO, ,YUL KHYAB PA CI LTA BA BZHIN DU DUS LA KHYAB PA DE NYID KYI DPE GANG ZHE NA, SGYU MA'I MKHAN PO ZHES GSUNGS TE, MKHAS PA NI BZO'I KHYAD PAR LEGS PA'O, ,LOBS PA NI RNAM PA MTHA' DAG SHES PA'O, ,SHIN TU BYANG BA NI MANG DU BYAS PAS MYUR BA NYID DO, ,SNGAGS NI LHA PHO DANG 'BREL PA STE GSANG BA'I PHYIR RO, ,RIG PA NI LHA MO DANG 'BREL BA STE, RIG MA YIN PA'I PHYIR RO, ,DPE DANG SBYAR BA NI DE BZHIN DU ZHES BYA BA LA SOGS PA STE, YE SHES KYI RGYU TSAD MED PA NI, BSKAL PA GRANGS MED PA GSUM DU BSAGS PA'I TSOGS SO, ,LA LA NA RE BSKAL PA GRANGS MED PA SUM CU RTZA GSUM GYIS NGES PAR 'BYUNG NGO ZHES ZER RO, ,THABS NI THABS SU GYUR PA STE THABS NYID DO, ,DE GANG ZHE NA, BSOD NAMS KYI TSOGS TE GSANG SNGAGS LTA BU'O, ,SHES RAB NI DON DAM PA ZHES PA'O, ,YE SHES NI KUN RDZOB SHES PA STE, SHES RAB DANG YE SHES NI RIG MA LTA BU'O, ,MI 'JIGS PA NI 'OG NAS 'BYUNG BA LTAR DUS GSUM LA KHYAB PA'O, ,DE LTAR NA MYA NGAN LAS 'DAS PA NI PHRIN LAS KYI SGO NAS KYANG RIG PAR BYA'O; ,DE LTAR NA MYA NGAN LAS 'DAS PA RANG BZHIN DANG PHRIN LAS KYI SGO NAS RGYAS PAR BSHAD NAS, DE DAG GI DON BSDU BA NI KYE RGYAL BA'I SRAS DE LTAR ZHES BYA BA LA SOGS PA GSUNGS TE, RANG BZHIN GYI SGO NAS BSDU BA NI, TSAD MED PA'I RJES SU SONG BA ZHES BYA BA LA SOGS PA'O, ,DE LA SNGAR BSTAN PA'I RANG BZHIN DANG 'DOD CHAGS DANG BRAL BA DANG, RMI LAM DANG, MTSAN NYID MED PA DANG, BDAG DANG CHOS THAMS CAD KYI RANG BZHIN GYI MTHA' RNAMS NI TSAD MED PA'I RJES SU SONG BA ZHES BYA LA, LHAG MA RNAMS NI GRANGS JI LTA BA BZHIN DU SBYAR BAR BYA'O, ,PHRIN LAS KYI SGO NAS BSDU BA NI, DUS BZHIN RAB TU STON PA ZHES BYA BA LA SOG PA GSUNGS TE, 'BYUNG BA DANG 'JIG PA'I PHRIN LAS YUL LA KHYAB PA NYID NYI MA'I DKYIL 'KHOR LTAR SNANG BA NI, DUS CI BZHIN DU RAB TU STON PA'O, ,DE NYID ME LTAR RGYU YOD PA DANG MED PAS 'BAR BA DANG, MI @294B 'BAR BA NI 'GRO BA THAMS CAD DU RGYUN MI CHAD PA STE, GDUL BYA'I SEMS CAN YOD NA PHRIN LAS RGYUN MI 'CHAD PA YIN NO, ,DUS LA KHYAB PA'I PHRIN LAS SGYU MA BSKAL PAR GNAS PA LTAR PHRIN LAS BSKAL PAR GNAS PA LTAR BYIN GYIS BRLABS PAS, SNGON GYI BYIN GYI RLABS KYIS SHIN TU BYIN GYIS BRLABS PA STE, SNGON GYIS ZHES BYA BA NI BSKAL PA GRANGS MED PA RNAMS SO, ,BYIN GYIS BRLAB PA NI BYIN GYIS RLABS KYI MTHU NYID DO, ,'GRO BA'I ZHING NI GDUL BYA'I GNAS SO, ,CHOS KYI DBYINGS NI KHAMS KYI DON TE, SEMS CAN GYI RJES SU ZHUGS PA ZHES BYA BA'I DON TO, ,DE LTAR MYA NGAN 'DAS PA'I RANG BZHIN BSTAN NAS, DA NI MYA NGAN LAS 'DAS PA SGO SNA TSOGS NAS 'JUG PAR BSTAN PA NI, RAB 'BYOR ZHES BYA BA LA SOGS PA GSUNGS TE, CHOS KYI DAG PA'I SGO NAS 'JUG PA NI RANG BZHIN GYIS STONG PA NYID DO ZHES BYA BA STE, RANG BZHIN GYIS STONG PA NYID DE NI NGO BO NYID KYIS DAG PA'O, ,RTOGS PA THOB PA'I SGO NAS 'JUG PA NI, CHOS THAMS CAD MNYAM PA NYID DU RTOGS PA ZHES GSUNGS TE, MNYAM PA NYID NI DE BZHIN NYID THA MI DAD PA'I PHYIR RO, ,RTOGS PA NI KHONG DU CHUD PA'O, ,BYED PA'I SGO NAS 'JUG PA NI, RIGS KYI BU ZHES GSUNGS TE, BYED PA NI PHRIN LAS NYID DO, ,SPANGS PA'I SGO NAS 'JUG PA NI LAS ZAD PA DANG ZHES BYA BA LA SOGS PA STE, LAS DANG NYON MONGS PA NI RGYU YIN LA, SDUG BSNGAL NI 'BRAS BUR GYUR PA'O, ,ZHI BA NI MNGON DU RGYU SPANGS PA'O, ,BYA BA NI BAG LA NYAL BCOM PA'O, , RNAM PAR ZHI BA NI TSOR BA RGYUN CHAD PA STE, DE NI BTANG SNYOMS KYI NGO BO NYID YIN PA'I PHYIR RO, ,DE LTAR DAG PA DANG PHRIN LAS KYI SGO NAS 'JUG PA MYA NGAN LAS 'DAS PAR BSTAN PA DANG, 'OG NAS MTSAN MA RAB TU ZHI BA LA SOGS PA MYA NGAN LAS 'DAS PAR BSTAN PA RNAMS, RAB TU RMONGS PAS GONG 'OG GI, ,'BREL PA GO BAR BYA PHYIR BSTAN, ,ZHES BYA BA'I TSUL GYIS MYA NGAN LAS 'DAS PA KUN DU BSTAN PA LA 'JUG PA NI MTHA' YAS SO ZHES GSUNGS TE, KUN DU BSTAN PA NI MDO SNA TSOGS SU'O, ,'JUG PA MTHA' YAS PA NI DAG PA LA SOGS PA LA 'JUG PA'I PHYIR RO, ,DE LA @295A *, ,MTSAN MA NI GZUNG BAR BYA STE, GZUGS LA SOGS PA'I MTSAN MA LA'O, ,G-YO BA NI KHAMS GSUM GYI SEMS DANG SEMS LAS BYUNG BA RNAMS TE, GZUNG BA DANG 'DZIN PA 'GAG PAS NA BRAL BA STE, DE'I PHYIR RNAM RTOG ZAD PAS NA DE'I TSE MYA NGAN LAS 'DAS ZHES GSUNGS PA LTA BU'O, ,'DUS MA BYAS PA'I SGO NAS 'JUG PA NI RKYEN GYIS SGRO BTAGS PA MED CES BYA BA STE, SO SOR BRTAGS PA'I 'GOG PA YIN PA'I PHYIR RO, ,DE LAS 'DUS MA BYAS PA NI RGYU DANG RKYEN GYIS MA BYAS PA STE, SGRO BTAGS PA NI MED PA LA BYAS PA YIN PA'I PHYIR TE DE MED PA'O, ,'DUS BYAS PA'I SGO NAS 'JUG PA NI 'DOD CHAGS ZAD PA DANG ZHES BYA BA LA SOGS PA GSUNGS TE, LAM GYI BDEN PAS 'DUS BYAS PA'I SGO NAS NYON MONGS PA SPANGS PA'I PHYIR RO, ,PHRIN LAS KYI SGO NAS 'JUG PA NI, MOOD GAL GYI BUS ZHES BYA BA LA SOGS PA GSUNGS TE, DUS THAMS CAD PA YIN PA'I PHYIR, DE'I TSE DE'I DUS NA ZHES SMOS PA YIN NO, ,DE LA MTHONG BA'I LAM MA SKYES PAS NA BYANG CHUB KYI SEMS LA MA ZHUGS PA'O, ,BYANG CHUB TU SEMS BSKYED PA NAS THEG PA CHEN PO LA ZHUGS PA'O, ,RANG BZOS ZHUGS PAS NA DBANG ZOS PA'O, ,DES THA MA'I RNAM PAR SHES PA DANG, BAR MA DOR LOG PAR SHES PA SKYES PAS NA LTUNG BAR 'GYUR BA'O, ,DE DAG SKAL BA MNYAM PAR SKYE BAR MDZAD PAS NA SPRUL PA STE, THABS SNA TSOGS LA DGOD PAS NA MI BDE BA MYONG ZHES BYA'O, ,THUGS RJE CHEN PO NI DUS THAMS CAD PA'I MDZAD PA'O, ,PHYIR MI LDOG PA NI SA BRGYAD PA LA GZHAG PA'O, ,DE LTA BU'I THAMS CAD PA'I PHRIN LAS BSTAN PA NI, DRANG BA'I DON YIN PAS KHONGS SU MI RUNG ZHE NA, NGES DON DU SGRUB PA NI DGE SLONG DAG CES BYA BA LA SOGS PA'O, ,DE LA GZUGS LA SOGS PA 'DOD PA'I YON TAN LNGA NI 'DOD PA'I BDE BA'O, ,TSANGS PAR SPYOD PA'I PHYOGS GCIG PA'I MYA NGAN LAS 'DAS PA YIN PA'I PHYIR, KHYIM NAS 'BYUNG BA'I BDE BA'O, ,SNGAR BSTAN PA'I DON RNAMS KYIS NA BSAM GTAN BZHI DANG, MTHAR GYIS GNAS PA'I SNYOMS PAR @295B 'JUG PA BDE BA'O, ,MTHONG BA'I LAM THOB PAS NA RDZOGS PA'I BYANG CHUB KYI BDE BA'O, ,DE DAG KYANG MNGON PAR MA ZHEN PAS BYUNG BA DANG BYA BA'I DPES BSTAN TE, DUS THAMS CAD PA NI YIN PAS DE'I TSE ZHES GSUNGS PA YIN NO, ,DE LTAR NA MTSAN MA RAB TU ZHI BA LA SOGS PA'I MDO 'DI RNAMS KYIS SNGA MA'I MDO RNAMS BSHAD PA YIN TE, MTSAN MA RAB TU ZHI BA DANG, G-YO BA DANG ZHI BA DANG BRAL BAS NI RTOGS PA'I DAG PA BSHAD PAR RIG PAR BYA'O, ,RKYEN GYIS SGRO BTAGS PA MED PAS NI CHOS NYID KYIS BSHAD PAR RIG PAR BYA'O, ,'DOD CHAGS ZAD PA LA SOGS PAS NI SPANGS PA'I SGO NAS 'JUG PAR BSHAD PAR RIG PAR BYA'O, ,YE SHES SHIN TU RGYAS PA'I MDO LAS BYUNG BA RNAMS KYIS NI BYED PA'I SGO NAS 'JUG PA BSHAD PAR RIG PAR BYA STE, DE LTA BAS NA BCOM LDAN 'DAS KYIS MDO SDE NI MDO SDE GZHAN GYIS BSHAD PAR BYA'O ZHES GSUNGS PA YIN NO; ,DE LTA BAS NA 'DI DAG GIS NI RANG DANG GZHAN GYI DON MTHAR PHYIN PA MYA NGAN LAS 'DAS PAR RIG PAR BYA'O ZHES BSHAD NAS, DA NI DE DAG GI DON BSDU BA MDO GZHAN GYIS BSTAN PAS, LANG KAR GSHEGS PA LAS ZHES GSUNGS TE, PHRIN LAS RGYUN MI 'CHAD PAS NA BYA BA LA SOGS PA MYA NGAN LAS MI 'DA' BA STE DUS THAMS CAD DANG YUL LA KHYAB PA'I PHYIR RO, ,SNGAR BSTAN PA'I RANG BZHIN DE BZHIN NYID LA SOGS PA RNAMS NI, RANG BZHIN GYIS CHAD PA MED PA'I MTSAN NYID MYA NGAN LAS MI 'DA' BA'O, ,DE BZHIN GSHEGS PA'I MDZAD PA RGYUN CHAD PA MAR ME SHI BA LTA BUR GYUR PA MA YIN PAS DNGOS PO CHAD PA MA YIN DNGOS POR MYA NGAN LAS MI 'DA' BA'O, ,'O NA CI LTA BUR ZHE NA RTOG PA ZAD PA STE, LUNG LAS, BYANG CHUB SEMS DPA'I NYON MONGS PA NI RNAM PAR RTOG PA'O ZHES GSUNGS LA, RNAM RTOG THAMS CAD ZAD PAS NA, DE TSE NGA YI MYA NGAN 'DA', ,ZHES GSUNGS PAS RNAM PAR RTOG PA ZAD PA'O, ,RNAM PAR SHES PA NI MTSAN MAR 'DZIN PA STE, MTSAN MAR 'DZIN PA SPANGS PAS NA RNAM PAR SHES PA ZAD PA'O, ,DE LA RTOGS PA NI SPYIR RTOGS PA'O, ,RNAM PAR SHES PA NI BYE BRAG TU RTOG PAS DE'I KHYAD PAR @296A *, ,NI DE YIN NO, ,MDO KUN LAS BTUS PA'I BSHAD PA LUNG GI TSAD MAS SBYAR BA LAS MYA NGAN LAS 'DAS PA LA MOS PA RNYED PAR DKA' BA'I GTAM BRJOD PA STE DGU PA'O, ,MDO KUN LAS BTUS PA LAS CHOS ZAB MO LA BZOD PA'I LE'U STE DANG PO RDZOGS SO,, ,, DE LTAR THOB BYA 'BRAS BU MYA NGAN LAS 'DAS PA'I RANG BZHIN GYI MTSAN NYID GTAN LA PHAB NAS, DA NI THOB PAR BYED PA'I LAM GYI KHYAD PAR BRJOD PAR BYA STE, 'DIR 'PHAGS PA KLU SGRUB DANG, 'PHAGS PA THOGS MED KYIS GRUB PA'I MTHA' MI SHES PA'I MNGON PA'I NGA RGYAL CAN 'GA' ZHIG 'DI SKAD CES, BCOM LDAN 'DAS KYIS THEG PA GSUM DU GSUNGS PA NI NGES PA'I DON YIN TE, NYAN THOS RANG RGYAL BLA MED KYI, ,THEG PA CHE DAG NGAS BSHAD DO, ,ZHES GSUNGS PA'I MDO TSAD MAR BYAS NAS, 'PHAGS PA THOGS MED KYIS LDEM POR DGONGS TE, THEG PA GSUM DU BSHAD PA YANG NGES PA'I DON YIN NO ZHES BCOM LDAN 'DAS KYIS LUNG DANG 'PHAGS PA THOGS MED KYI DGONGS PA'I DON MI RTOGS PA DE LTA BU'I GANG ZAG 'BYUNG BAR DGONGS NAS, DE DAG LA PHAN GDAGS SHING NGES PA'I DON DU GTAN LA DBAB PAR MDZAD PAS, THEG PA GCIG TU BSTAN PA'I PHYIR THEG PA GCIG LA ZHES SMOS TE MOS PA NI NGES PAR 'DZIN PA'O, ,SHIN TU RNYED PAR DKA' BA NI TSOGS BSAGS PA RUNG BA'I PHYIR, DE DAG 'DI SKAD CES SEMS CAN RNAMS NI RIGS RNAM PA LNGA'I BDAG NYID PAS DE'I 'BRAS BU THEG PA YANG GSUM STE, RIGS GCIG TU GSUNGS PA YANG, DE BZHIN NYID NI THAMS CAD LA, ,KHYAD PAR MED PHYIR DAG GYUR PAS, ,DE BZHIN GSHEGS NYID DE YI PHYIR, ,'GRO KUN DE YI SNYING PO CAN, ,ZHES BYA BA YIN PAS, DE'I PHYIR THEG PA GCIG TU GSUNGS PA YANG, RIGS MA NGES PA DANG; THEG PA CHEN PO PA'I RIGS CAN LA DGONGS PA STE, 'PHAGS PA BYAMS PAS, KHA CIG DAG NI DRANG PHYIR DANG, ,GZHAN DAG NGES PAR GZUNG BA'I PHYIR, ,RDZOGS PA'I SANGS RGYAS RNAMS KYIS NI, ,MA NGES RNAMS LA THEG GCIG BSTAN, ,ZHES ZER TE, DE DAG GIS @296B 'PHAGS PA BYAMS PA LA SOGS PA'I DGONGS PA MA RTOGS SHING MI SHES PAR RIG PAR BYA'O, ,CI'I PHYIR ZHE NA, GAL TE DE BZHIN NYID THAMS CAD LA YOD NA BYE BRAG MED PA'I PHYIR, GANG ZHIG GROL BA CHEN POR MI 'GYUR, BYE BRAG YOD NA DE BZHIN NYID DU CI LTAR 'GYUR, GAL TE RKYEN GYI STOBS KYIS SO ZHE NA, DE NI 'DOD PA KHO NA STE, RIGS LNGA GSUNGS PA NI RKYEN GYIS BYAS PA'I PHYIR RO, ,DE BZHIN NYID NI 'DOD PA MA YIN TE, SKYE MCHED KYI KHYAD PAR RO ZHE NA MA YIN TE, DE BZHIN NYID MED NA, SKYE MCHED KYI KHYAD PAR GANG LAS 'GRUB, RGYU DANG RKYEN GYIS 'DUS MA BYAS PA ZHES 'DOD PA LAS KYANG DE BZHIN DU MNGON NO, ,'O NA KHYED CAG KYANG THEG PA GSUM DU JI LTAR MI 'DOD, ,DE'I PHYIR DE BZHIN NYID LA DBYE BA MED NA, RIGS GCIG PA'I PHYIR DE CI LTAR RUNG, MA YIN TE DE BZHIN NYID GCIG PA NYID LAS KYANG SGRUB PA'I KHYAD PAR GYIS TE, BRTEN PA CHOS KYI BYE BRAG GIS, ,RIGS KYI DBYE BA YONGS SU BRJOD, ,CES 'DOD DO, ,DE NI MTSUNGS SO ZHE NA, GANG DU GNAS SKABS SU'O ZHE NA DE NI MI 'DOD PA MA YIN NO, ,MTHAR THUG PAR RO ZHE NA CI LTAR MTSUNGS TE SNGAR BSTAN PA'I RIGS PA NYID KYIS SO, ,ZAB MO'I DON LA RIGS PA MA YIN TE LUNG YOD DO ZHE NA, RIGS PAS BSTAN PAR MA GYUR PA'I, ,LUNG NI BKRIR BTUB PA'I PHYIR NGES PAR MI 'GYUR LA, BZLOG PA NI NGES PA CAN YIN PAS CHOS KYI DBYINGS NI RIGS KYI DON YIN PAS DBYER MED PA'I PHYIR, THAMS CAD KYANG DE BZHIN GSHEGS PA'I SNYING PO CAN YIN PAS, DE'I 'BRAS BU THEG PA GCIG PA NYID DE; RTOGS PA'I THABS RIM CAN DU THEG PA SNA TSOGS SU BSTAN CING, RIGS DE NYON MONGS PA LA SOGS PAS SNANG BAR MA GYUR PAS, RE ZHIG RIGS LNGAR GSUNGS PA YIN TE, CI LTAR RDO RJE'I PHYI MA'I GSER, ,MIG LAM SNANG BAR MA GYUR PA, ,SBYANGS PAS SNANG BAR GYUR PA BZHIN, ,'JIG RTEN BDE BAR GSHEGS PA BRJOD, ,CES GSUNGS PA'I PHYIR DANG, 'PHAGS PA KLU SGRUB KYIS KYANG, SBRUM MA'I LTO NA 'DUG PA'I BU, ,MIG LAM SNANG BAR MI 'GYUR LTAR, ,NYON MONGS THIBS POS BKAG PA YIS, ,CHOS DBYINGS MIG LAM SNANG MA YIN, ,ZHES GSUNGS SO, ,DE BZHIN @297A *, ,DU 'PHAGS PA BYAMS PAS KYANG, CHOS DBYINGS SNANG BYED 'OD 'BYUNG ZHING, ,DE BZHIN NYID LA THA DAD MED, ,RIGS KYI DON NI SNANG BA'I PHYIR, ,THAMS CAD BDE GSHEGS SNYING PO CAN, ,ZHES GSUNGS PAS DE BZHIN GSHEGS PA'I SNYING PO'I MDO JI LTA BA BZHIN DU NYON MONGS PAS BKRIS SU ZIN KYANG, SAD PA'I RKYEN GYIS 'DUS BYAS NA THAMS CAD THEG PA GCIG TU ZAD DO, ,DE RTOGS PA'I THABS SU THEG PA SNA TSOGS SU BSTAN PA LA 'GAL BA MED DE, SKAS KYI GDANG BU BRE BA'I TSUL GYIS JI SKAD DU, LHA YI THEG DANG TSANGS PA'I THEG ,DE BZHIN NYAN THOS RANG RGYAL DANG, ,BLA NA MED PA'I THEG PA ZHES, ,RNAM PA DU MAR NGAS BSHAD DO, ,ZHES GSUNGS LA, 'OG NAS KYANG THEG PA GSUM DU YANG MA ZAD KYI ZHES 'BYUNG BA DANG, DE YANG SNGAR BSTAN PA LTAR 'OG MA MED NA GONG MA MI SKYE BA'I PHYIR BSTAN LA, DE'I DGOS PA GANG ZHIG CE NA, DBANG PO RTUL PO DRANG BA'I THABS DGON PA CHEN POR GRONG KHYER SPRUL PA DANG 'DRA'O ZHES BSHAD PAR BYA'O, ,DE'I PHYIR THEG PA GCIG TU SGRUB PA'I 'THAD PA GSUNGS PA NI, THEG PA GCIG TU ZAD PA LA, ,ZHES DAM BCA' BAR MDZAD DO, ,GTAN TSIGS GANG ZHE NA, RIGS PA CI LTA BA BZHIN DU LUNG GIS GTAN TSIGS BKOD PA NI, NGA YANG THEG PA GCIG LAS BRTZAMS TE ZHES GSUNGS TE THEG PA GCIG GANG ZHE NA, SANGS RGYAS KYI THEG PA ZHES GSUNGS SO, ,RANG SANGS RGYAS SU THAL BAR 'GYUR ZHES DGONGS NAS THAMS CAD MKHYEN PA'I MTHAR THUG PA ZHES SMOS SO, ,RIGS PA NYID GANG ZHE NA, GNYIS SAM GSUM ZHES BYA BA MED DO ZHES GSUNGS TE, SNGAR BSTAN PA'I RIGS PAS MI 'THAD PA'I PHYIR RO, ,DE LA GNYIS ZHES BYA BA NI THEG PA DMAN PA DANG MCHOG TU GYUR PA'O, ,GSUM ZHES BYA BA NI THEG PA GSUM MO, ,CI LTAR MED CE NA, CHOS KYI DBYINGS LA THA DAD MED PA'I PHYIR RO; ,'KHOR GYIS LOG PAR RTOG PA 'GA' ZHIG SNGAR BSTAN PA LTAR RGOL BA NI, CI'I PHYIR ZHE NA ZHES BYA'O, ,LAN NI RIGS PA LTAR LUNG GI RANG BZHIN TSAD MA'I SKYES BUR BSGRUB PA NI, PHYOGS BCU'I ZHES BYA BA STE BCOM LDAN 'DAS SH'AKYA THUB PA NI SNYIGS MA LNGA DANG LDAN PA'I KHAMS @297B SU BYON PAS DMAN PA'O SNYAM PA'I LOG RTOG BSAL BA'I PHYIR, SANGS RGYAS THAMS CAD MNYAM PA STE, ,SKU TSE MTSAN DANG RIGS KYIS MIN, ,ZHES BYA BA'I TSUL GYIS GANG 'DAS PA'I DUS NA BYUNG BA'I ZHES BYA BA LA SOGS PA GSUNGS PA YIN NO, ,RIM CAN DU GSUNGS PA THAMS CAD MA YIN TE, DBANG PO RNON PO'I GANG ZAG LA NI CIG CAR DU'O ZHES BSTAN PA NI, THEG PA GNYIS SU BRTAGS PA'ANG MED NA ZHES GSUNGS PA YIN TE, DBANG PO RNON POS NI DANG PO NYID NAS THEG PA GCIG TU SLOB PA YIN PA'I PHYIR LA, DE DAG TU'ANG DBANG PO RNON PO 'DUS PAS ZHES BYA BA'I DON TO, ,JI SMOS ZHES BYA BA NI GANG LA ZHIG CES BYA BA'I DON TO, ,DE'I PHYIR 'JAM DPAL ZHES GSUNGS TE, SNYING PO NI GTZO BO'I DON YIN PA'I PHYIR RO, ,'O NA MI MJED KYI 'JIG RTEN 'DIR DBANG PO RTUL PO SHA STAG 'DUS SAM ZHE NA DE NI MA YIN TE, GANG ZAG DBANG PO RNON PO'I DBANG DANG NGES PA'I DON DU NA, NGA LA NYAN THOS DANG RANG SANGS RGYAS KYI THEG PA RNAM PAR DGOD PA MED CES GSUNGS TE, THEG PA GSUM NI BSAM PA DMAN PA LA DGONGS TE BSHAD CES BYA BA'I DON TO, 'O NA, THEG PA GSUM DU NGAS BSHAD DO, ,ZHES GSUNGS PA DANG 'GAL BAS CI'I PHYIR ZHE NA ZHES BYA BA LA, DE NI SPYI'I SGO NAS BYE BRAG MTSON PAS NYES PA MED DO ZHES BYA BA NI LAN YIN NO, ,RNAM GRANGS GZHAN YANG NGAS YI GE GCIG KYANG BRJOD PA MED DO ZHES GSUNGS PA LAS NI 'DUL BA'I BSAM PA'I DBANG GIS RTOG PA SNA TSOGS SU BYUNG DU ZAD KYI, DE BZHIN GSHEGS PA NI RTOG PA SPANGS PAS 'DU SHES SNA TSOGS PA THA DAD KYI 'DU SHES MI MNGA' BAS MED PA'I PHYIR TE, GAL TE 'DU SHES THA DAD PA DANG LDAN NA, DE BZHIN GSHEGS PA MA YIN PAR 'GYUR ZHES BYA BA NI, GAL TE ZHES BYA BA LA SOGS PA GSUNGS PA YIN NO, ,DE LA RTOG PA MA 'GAGS PAS SEMS YONGS SU MA DAG PA'O, ,DE NYID GANG ZHE NA, MNGON PAR ZHEN PA ZHES BYA BA STE ZHEN PA NI 'KHOR 'DUN PA DANG LDAN PA LA CHAGS PA'O, ,NYI TSE BA NI PHYOGS GCIG PA'O, ,'DU SHES THA DAD PA NI CHAGS PA DANG ZHE SDANG BA'O, ,DPE MKHYUD NI GSANG BA STE MDOR NA THEG PA SNA TSOGS SU BSTAN NA NYES PA DANG BCAS PAR 'GYUR ZHES BYA BA'O, ,DE LA THEG PA @298A *, ,GCIG TU BLO SBYANGS PA LA LEGS PA RNAM PA BZHI YOD DE RANG GI LAM LA THE TSOM MI ZA BA DANG, LAM GZHAN LA BRNYAS PA MI SKYE BA DANG, BDUD KYIS BSLU BAR MI BTUB STE, PHAN YON RNAM PA BZHI MTSON PA'I DON DU LEGS PA DANG PO RANG GI LAM LA THE TSOM MI ZA BA BSTAN PA NI, 'JAM DPAL ZHES BYA BA GSUNGS PA YIN NO, ,CHOS GANG DANG GANG BSTAN PA ZHES BYA BA NI, TSUL GZHAN DANG GZHAN GYIS SO, ,THEG PA GCIG TU YANG DAG 'DU BA NI BYANG CHUB LA GZHOL BA'O, ,'BAB PA NI THOGS PAR BYED PA'O, ,SGRUB PA NI DE'I RGYUR GYUR PA'O, , YUL GCIG NI RDZOGS PA'I BYANG CHUB BO, ,DE LTA BAS NA THEG PA GCIG TU BLOS SBYANGS PAS RANG GI LAM THEG PA CHEN POR SHES PAR 'GYUR RO, ,DE LTAR THEG PA GCIG TU LAS KYANG GSUM DU GSUNGS PA'I DGONGS PA GANG ZHE NA, SNGA MA LTAR GANG ZAG GI DBANG PO LA SOGS PA MA YIN PAS NA, 'JAM DPAL ZHES GSUNGS TE, RANG BZHIN GYI RIGS DE LTA BU RTOGS PA'I KHYAD PAR LA DGONGS PAS, THEG PA RNAM PAR DGOD PA GSUNGS TE, RNAM PAR DGOD PA NI RIM PA ZHES PA SA'I DBANG DU BYAS PA NI SA RNAM PAR DGOD PA ZHES GSUNGS TE, CHOS KYI RIGS LA BDAG MED PA TZAM DU RTOGS PA LAS, NYAN THOS DANG RANG SANGS RGYAS KYI SAR GZHAG PA LTA BU'O, ,GANG ZAG NI DBANG PO'I RIM PA STE DAD PA'I RJES SU 'BRANG BA LA SOGS PA GANG ZAG GI RNAM PAR GZHAG PA BYED PA LTA BU'O, ,TSOGS NI RGYU'I DON TE, TSOGS BSAGS PA'I BYE BRAG LAS RTOGS PA THA DAD PA DPER NA CHOS NYID THA DAD PA MED PA'I MDO LAS BSTAN PA LTA BU'O, ,THABS KYI DBANG DU BYAS PA NI 'JUG PA'O, ,DE DAG DGONGS PA CAN DU BSTAN PAS DON DAM PAR ZHES GSUNGS PA YIN NO, ,SHES RAB KYI PHA ROL TU PHYIN PA LAS KYANG THEG PA GSUM DU GSUNGS PA DGONGS PA CAN DU BSTAN PA NI, LHA'I BU ZHES BYA BA LA SOGS PA STE SEMS SKYED PAR BYED PA'O ZHES PA NI THAMS CAD KYANG THEG PA CHEN PO'I SNOD DU BYA BA'I PHYIR RO, ,SEMS BSKYED PA'I MTHU MED DO ZHES BYA BA NI, 'DOD PA DANG SRED PA'I ZAG PA SPANGS PA'I PHYIR DGRA BCOM PAR GYUR PA'O, ,SEMS @298B BSKYED NA NI ZHES BYA BA NI THEG PA GSUM DU GSUNGS PA NI DGONGS PA CAN YIN PA'I PHYIR LA, BAR CHAD MI BYED PA NI RIGS LNGA DANG THEG PA GSUM DU MI SMRA BA'O, ,KHYAD PAR DU 'PHAGS PA NI DGRA BCOM PA THOB PA STE, KHAMS GSUM GYI SPANG BYA SPANG BYA BA'I PHYIR RO, ,SHIN TU KHYAD PAR DU 'PHAGS PA NI, BSAM GYIS MI KHYAB PA SGRUB PA'I SKYE BA LA BRTEN NAS SEMS SKYED PAR BYED PA'O, ,DE BZHIN DU 'DUS PA CHEN PO'I MDO LAS KYANG GSUNGS PA NI, THEG PA GCIG TU YANG DAG PAR 'DU BA NI ZHES GSUNGS TE, RTOGS PA THA DAD PA THAMS CAD KYANG THEG PA CHEN POR PHYIN PAR BYED PAS NA, YANG DAG PAR 'DU BA'O, ,DE CI'I PHYIR ZHE NA, SANGS RGYAS BCOM LDAN 'DAS RNAMS NI ZHES GSUNGS TE, GTAM SNA TSOGS NI THEG PA THA DAD PA'O, ,MI 'BYUNG BA CI'I PHYIR ZHE NA, STONG PA NYID THA DAD PA MED PA'I PHYIR RO, ,DE'I PHYIR CHOS KYI DBYINGS RO GCIG PA ZHES GSUNGS TE, SGRIB PA MED PA ZHES BYA BA NI SGRIB PA MTHA' DAG SPANGS PA'O, ,RO GCIG PA NI GZUGS KYI DE BZHIN NYID KYIS RNAM PA THAMS CAD MKHYEN PA NYID KYI DE BZHIN NYID RJES SU SONG BA ZHES GSUNGS PA LTA BU'O, ,NYID KYIS GZIGS PA'I LAM STON PAS NA KHANG DU CHUD PAR BYA BA'I PHYIR RO, ,PHYIR MI LDOG PA'I 'KHOR LO NI DE LTA MOD KYI, GANG ZAG GI DBANG PO RIM PAS RTOGS PAR BYA BA'I THABS STON PA NI, RE ZHIG DPES GO BAR BYA BA'I PHYIR, DPER NA ZHES GSUNGS PA YIN NO, ,DE LA BSGOM PAR BYA BA'I RIM PA NI NOR BU MKHAN GYIS ZHES BYA BA LA SOGS PA GSUNGS TE, NOR BU MKHAN LTA BU NI THAMS CAD MKHYEN PA'I SANGS RGYAS NYID DE, DES, SA'AM RDO NI NANG DU GSER, ,BAG LA ZHA BA LTA BU NI, ,'DI YI KHAMS NI RNAM DAG PA, ,BAG LA NYAL NI PHRA BAR GZIGS, ,DGE SLONG DAG SEMS CAN GYI KHAMS RNAM PAR DAG PA NI DE BZHIN GSHEGS PAS GZIGS SO ZHES GSUNGS PA LTA BU'O, ,NOR BU SBYANGS PA MA BYAS PA LTA BU NI, 'DOD CHAGS KYI BAG LA NYAL PA LA SOGS PAS DKRIS PA'I KHAMS RNAM PAR DAG PA'O, ,BUL TOG GI CHU LTA BU NI MI RTAG PAS YID 'BYUNG BA LA SOGS PA STE, MI RTAG PA LA SOGS PA NI @299A *, ,BSGOM PA YIN PA'I PHYIR RO, ,TSAD MA'I RGYAN LAS, 'KHOR BA LAS YID MA BYUNG BAR, ,SEMS NI THAR PAR 'DOD MA YIN, ,SDUG BSNGAL ME YIS MA GDUNGS PAR, ,SKYE BO SKYO BA SKYE MI 'GYUR, ,ZHES GSUNGS PA LTA BU'O, ,'PHAGS PA CHOS 'DUL BA'I CHOS THAMS CAD BDAG MED PAR YID CHES PA'O, ,SKRA'I LA BA DPER BYA BA NI, RTZUB PAS MYUR DU REG PAR BYED PA LTAR 'KHOR BA LA YID BYUNG BAR BYED PA'I PHYIR, MI RTAG PA LA SOGS PA NI MI 'DOD PA'I NGO BO NYID YIN PA'I PHYIR LA, DES NA MYUR DU SPONG NGO ZHES BYA BAR DGONGS PA STE, RTAG PAR 'DZIN PA LA SOGS PA PHYIN CI LOG BZHI'I GNYEN PO YIN PA'I PHYIR RO, ,BRTZON 'GRUS MI 'DOR BA NI DE TZAM GYIS CHOG PAR MI 'DZIN PA'I PHYIR RO, ,DNGUL CHU RNON PO LTA BU NI, STONG PA NYID LA SOGS PA STE, NGO BO RGYU DANG 'BRAS BUS STONG PA'I RANG BZHIN BSGOMS NA NYON MONGS PA SPONG BAR 'GYUR BAS, CHOS KYI GRAGS PAS, BYAMS SOGS RMONGS DANG MI 'GAL PHYIR, ,NYES PA SHIN TU TSAR GCOD MIN, ,STONG NYID LTA DANG DE 'GAL PHYIR, ,NYES PA SHIN TU TSAR GCOD BYED, ,CES GSUNGS PA LTA BUR STONG PA NYID SHES PA'I SHES RAB KYIS MTHONG BA'I LAM RTOGS PAR 'GYUR RO ZHES BYA BA STE, DE BZHIN GSHEGS PA'I GTAM GYI TSUL NI RNAM PAR RTOG PA THAMS CAD KYIS DBEN PA'O, ,BCAS PA'I SGRA NI BUL TOG DANG DNGUL CHU 'DRE BAR BYED PA LTAR SHES RAB THABS KYIS ZIN PA BSGOM PA'I PHYIR RO, ,SHING DANG SNAM BU'I BYI DOR NI SNGAR GYI SBRUM MA'I REG BYA 'DOR BAR BYED PA STE DE BAS 'JAM PA'I REG PA'I BYI DOR BYED PA LTAR, 'DI NA BDAG GAM SEMS CAN MED, ,CES BYA BA'I TSUL GYIS MTSAN MAR 'DZIN PA SPONG BA'I PHYIR RO, ,SMAN CHEN PO DPER BYA BA NI PHYIR MI LDOG PA'I 'KHOR LO'I GTAM THABS DANG SHES RAB ZUNG DU 'BREL PAR SGOM PA YIN PAS 'OG NAS KYANG THABS DANG SHES RAB YA BRAL BA NI 'CHING BAR GSUNGS PA'I PHYIR LA, 'KHOR GSUM YONGS SU DAG PA ZHES BYA BA NI, BDAG LA SOGS PA'I 'DU SHES DANG BRAL BA STE, DE BZHIN GSHEGS PA'I YUL NI 'KHOR BA DANG ZHI BAR MI RTOGS PA'O, ,RAS SRAB MO DPER BYA BA NI, SA RNAM PA @299B DGU LA SHES BYA'I SGRIB PA SRAB MO SBYANG DGOS PA'I PHYIR RO, ,DE LTAR RIM GYIS BSGOMS NAS MTHAR PHYIN PAR 'GYUR BA NI, RGYUD DANG ZHES BYA BA LA SOGS PA STE RANG BZHIN NI KHAMS SO, ,SNA TSOGS PA NI BA RU RA'I MDO LAS JI SKAD DU, BA RU RA'I PHUNG PO 'PHANG DU RI RAB DANG MNYAM PA ZHIG LA; SKYES BU 'GA' ZHIG GIS SEMS CAN 'DI'I KHAMS NI 'DI LTA BU'O ZHES BRJOD CING, BA RU RA'I PHUNG PO LAS RE RE NAS DOR YANG, BA RU RA'I PHUNG PO NI ZAD PAR MI 'GYUR RO ZHES GSUNGS PA LTA BU'O, ,'O NA RIGS GCIG NYID NYAMS SO ZHE NA, MNYAM DU ZHUGS NAS ZHES GSUNGS TE, THAMS CAD KYANG MTHAR RIM GYIS SONG BA NAS 'TSANG RGYA BAR 'GYUR TE, DAM PA'I CHOS PADMA DKAR PO'I MDO LAS, DGRA BCOM PA RNAMS SANGS RGYAS SU LUNG BSTAN PA LTA BU DANG, YANG BYANG CHUB SEMS DPA' LAG NA RDO RJE NI, DE'I TSE TSE DANG LDAN PA KUN DGA' BOR GYUR TO ZHES BYA BA LA SOGS PA GSUNGS PA LTA BU NI, CHOS NYID KHONG DU CHUD PA NAS, ,ZHES GSUNGS TE, CHOS NYID KHONG DU CHUD PA NI THAMS CAD RNAM PA THAMS CAD DU MNGON PAR RDZOGS PAR SANGS RGYAS PA'O, ,SBYIN GNAS BLA NA MED PA ZHES BYA BA NI CI SKAD DU, SANGS RGYAS SBYIN GNAS DAM PA MTSUNGS MED 'GYUR, , ZHES BYA BA LTA BU STE SANGS RGYAS NYID DO, ,DE'I PHYIR NGES PA'I SHES BYED BKOD PA NA, PHYIR MI LDOG PA 'KHOR LO'I MDO LAS KYANG ZHES GSUNGS PA YIN NO, ,GZHAN GYI LOG PAR RTOGS PA BSAL BA'I PHYIR 'JAM DPAL GYIS ZHUS PA YIN, 'O NA THEG PA GCIG TU ZAD NAS GSUM DU GSUNGS PA'I DGONGS PA GANG ZHE NA, DGONGS PA BSTAN PA NI, GSOL PA ZHES GSUNGS PA YIN NO, ,DGONGS PA GANG GI SLAD DU CI LTAR THEG PA GSUM STON CE NA, BSAM PA DMAN PA DRANG BA'I PHYIR TE, GAL TE THEG PA CHEN POR BSKAL PA GRANGS MED PA MANG POR RAM, BSOD NAMS DANG YE SHES KYI TSOGS CHEN POS SAM, DE BZHIN DU 'PHAGS PA BYAMS PAS GSUNGS PA LTAR, CHEN PO RNAM PA DU MA BSTAN NA BSAM PA DMAN PA RNAMS DA DANG [?] BAR 'GYUR BAS, SLOB DPON NYID KYIS KYANG, SPONG BAS MA RUNG BDAG NYID CAN, ,MNAR MED PA NI SPYI'U TSUGS 'GRO, ,ZHES NYES PA DE @300A *, ,LTA BU LA SOGS PA SPANG BA'I PHYIR RGYAL PO 'CHAR BYED LA, BTZUN MO SNGO BSANGS MA SHI BA BRDA SPROD PA LTAR, THABS MKHAS PAS DE DAG RIM GYIS SANGS RGYAS KYI SAR NYE BAR KHRID DE, SNGAR LTAR CIG CAR BSTAN NA MI 'JUG PA SPONG BA'I PHYIR RO, ,DE'I THABS MKHAS PA STE MI SKRAG PA MDZAD CES BYA BA'O, ,DE LTAR MI 'JUG CING BSAM PA DMAN PA YANG GANG GIS NYES SHE NA, SNYIGS MA LNGA YI DUS NA BYUNG, ,ZHES BYA BA STE, LTA BA'I SNYIGS MA LA SOGS PAS GOS PA'I PHYIR DANG, YANG, DMAN PAR MOS SHING KHAMS KYANG SHIN TU DMAN, ,GROGS PO DMAN PA DAG GIS YONGS BSKOR BA, ,ZHES GSUNGS PAS, MOS PA STE SPONG BA DAG GO ZHES BYA BA'O, ,DE LTAR RTZA BA'I LUNG BKOD NAS, DA NI DE NYID KYIS SHES PAR BYED PA'I LUNG BKOD PA NI, 'PHAGS PA DPAL PHRENG GI MDO LAS KYANG ZHES GSUNGS TE, YONGS SU MYA NGAN LAS 'DAS PA NI NYAN THOS LA SOGS PA'I MYA NGAN LAS 'DAS PA'O, ,THABS SO ZHES BYA BA NI DGON PAR SPRUL PA LTA BU'O, ,GRANGS SU 'GRO BA NI NANG DU CHUD PA'O, ,DE'I LEGS PA NI KHONG DU CHUD DO ZHES BYA'O, ,DE BZHIN DU LANG KAR GSHEGS PA'I MDO LAS KYANG GSUNGS TE, BAG CHAGS NI NYON MONGS PA DANG RJES SU MTHUN PA'I SPYOD PA STE, DGRA BCOM PA MCHONGS PA CAN DPER BRJOD PA'O, ,TING NGE 'DZIN NI ZHES GNAS SO, ,ZAG PA MED PA NI 'DOD PA DANG SRID PA DANG, MA RIG PA DANG, LTA BA STE DE SPANGS PAS NA MED PA'O, ,'JIG RTEN GYI ZHES PA NI, SPYIR YANG KHAMS 'OG MAR BSAM GYIS MI KHYAB PAR BSGYUR BA'I 'CHI 'PHO BA LA BRTEN NAS SKYE BA'I PHYIR RO, ,'JIG RTEN LAS 'DAS PA'I ZHES BYA BA NI RNAM PA THAMS CAD KYI MCHOG DANG LDAN PA'I STONG PA NYID KYI YE SHES KYI TSOGS RNAMS SO, ,BSKANGS PA NI RDZOGS PAR BYAS PA'O, ,YANG NA YANG ZHES BYA BA NI RGYAL PO'I BU BLO RTUL PO LTAR SNGON DU BYA BA GANG YIN PA NI PHYIS YANG GANG BYED PAR 'GYUR ZHES BYA BA'O, ,SNGAR BSTAN PA LTAR KHA CIG NA RE THEG PA GSUM KHO NA NGES PA'I DON YIN NO SNYAM DU SEMS NA, NGES PA'I DON NI SNGAR BSTAN PA LTAR, THEG PA GCIG TU ZAD LA, DRANG BA'I DON DU NI THEG PA SNA TSOGS @300B PAS GSUM DU YANG MA ZAD KYI ZHES BYA BA NI DE LTA MOD KYI ZHES GSUNGS PA'O, ,DE LTA MOD KYI ZHES BYA BA NI NGES PA'I DON DU NA THEG PA GCIG TU ZAD PA LAS KYANG NGO, ,GDUL BYA LA LTOS NAS NI THEG PA SNA TSOGS SU ZHES BYA BAR DGE BA'I TSOGS SPYOD PA THA DAD PA DANG ZHES BYA BA LA SOGS PA GSUNGS TE, DGE BA NI DON DAM PA MYA NGAN LAS 'DAS PA'O, ,TSOGS NI RGYU'I DON TO, ,DE NYID NI SPYOD PA ZHES PA STE, NYAMS SU LEN PA LA LTOS PA'O, ,'DUL BA'I DBANG NI SLOB MA'I RGYUD KYIS SO, ,THEG PA SNA TSOGS PA NI 'JIG RTEN LAS 'DAS PA'I LAM DU'O, ,SGO NI 'JUG PA'I TSUL LO; ,THA DAD PA NI MCHED LA SOGS PA'O, ,CHOS BSTAN PA NI 'OG NAS 'BYUNG BA RNAMS SO, ,DE DAG GANG ZHE NA, NYAN THOS KYI SA LA BKOD CES BYA BA LA SOGS PA STE, 'DI DAG GIS KYANG THEG PA GSUM DU 'JOG PA SPONG BAR BYED PA STE DE LA BDEN PA'I LAM DANG, RTEN CING 'BREL PAR 'BYUNG BA'I LAM DANG, TING NGE 'DZIN GYI LAM DANG, BRTZON 'GRUS KYI LAM DANG, SHES RAB KYI LAM DANG, DBANG PO'I LAM DANG, STOBS KYI LAM DANG, RNAM PAR THAR PA'I LAM DANG, MNGON PAR SHES PA'I LAM DANG, TSAD MED PA'I LAM DANG, TING NGE 'DZIN GYI LAM DANG, DMIGS PA YONGS SU DAG PA'I LAM DANG, BSAM PA RNAM PAR DAG PA'I LAM DANG, SBYOR BA TSAD MED PA'I LAM DANG, SBYOR BA'I KHYAD PAR GYI LAM DANG, KHYAD PAR 'BRAS BU'I LAM DANG, 'BRAS BU RNAM PAR DBYE BA'I LAM GYI DBANG DU BYAS NAS NYAN THOS KYI SA LA BKOD CES BYA BA LA SOGS PA GSUNGS TE, SDUG BSNGAL LA SOGS PA'I BDEN PA LAS SKYES PAS NA, NYAN THOS TE CHOS KYI 'KHOR LO LAN GSUM GYI RNAM PA BCU GNYIS SU BSKOR BAS 'BRAS BU THOB PA'I PHYIR RO, ,DBANG PO RNAM PA GSUM GYI TSOGS KYI SA LA SOGS PA NAS, RANG GI MA RIG PA'I RKYEN GYIS 'DU BYED LA SOGS PA LUGS SU 'BYUNG BA DANG, BZLOG PA BSGOM PA RANG GI BYANG CHUB MNGON PAR 'DU BYED PAS NA RTEN CING 'BREL PAR 'BYUNG BA'I LAM MO, ,THEG PA CHEN PO LA SOGS KYI LAM DU DRAN PA NYE BAR GZHAG PA DANG, YANG DAG PAR SPONG BA DANG, RDZU 'PHRUL GYI RKANG PA RNAMS BSGOMS PAS @301A *, ,NA; SHES RAB DANG BRTZON 'GRUS DANG TING NGE 'DZIN TE, DE LA RDZU 'PHRUL GYI RKANG PA NI, SHUGS DANG LDAN PA'I SPOBS PA STE, SEMS PA LA SOGS PAS 'PHANGS PA'I STOBS KYIS SHES RAB LA SPOBS PAS SGRIB PA SEL BAS NGES PAR 'BYUNG BA'O, ,YANG DAG PAR SPONG BA NI PHA ROL GNON PA STE, SDIG PA MI DGE BA'I CHOS MA SKYES PA MI SKYED CING, SKYES PA SPONG BAS NA MI MTHUN PA'I PHYOGS PHA ROL GNON PA'O, ,DGE BA'I CHOS MA SKYES PA BSKYED CING SKYES PA GONG DU SPEL BAS NA, DRI MA MED PA'I RGYAL MTSAN 'DZIN TO, ,DRAN PA NYE BAR GZHAG PA NI BDEN PA BZHI RTOGS PAS NA CHOS LA SPOBS PA STE, NGES PAR 'BYUNG BA NI PHYIN CI LOG SPONG BA'I PHYIR RO, ,DBANG BYED PA NI DROD KYI DAD PA LA SOGS PA NI DBANG PO YONGS SU DAG PA STE, DROD DANG RTZE MO'I GNAS SKABS SU RTOGS PA NI SPOBS PA'O, ,MI MTHUN PA'I PHYOGS SPANGS PAS NI NGES PAR 'BYUNG BA STE THAMS CAD DU SBYAR BAR BYA'O, ,MI BRDZI BA'I PHYIR NI STOBS TE DAD PA LA SOGS PA CHEN PO BZOD PA DANG CHOS KYI MCHOG TU MNYAM PA STE, THA MI DAD PAR SPYOD PA STE, MTHONG BA'I LAM GYI CHA DANG MTHUN PAS NA RJES SU 'GRO'O, ,STONG PA NYID LA SOGS PA NI SBYOR BA'I LAM GYI GTZO BOR BYED PA'I CHOS YIN PAS NGO BO NYID MA GRUB PA LA SOGS PAS CHOS TE, MYA NGAN LAS 'DAS PA'I GRONG KHYER LA MNGON PAR PHYOGS PA STE, RJES SU 'GRO BAS DE NYID GTZO BO YIN PAS YUL GYI THEG PA STE, ZHON PA LTA BU KHAMS LA SMON PA MED PAS SRID PA NGES PAR 'BYUNG BA'O, ,MNGON PAR SHES PA DRUG NI GZHAN GYI DON BYED 'GRUB PA'I GTZO BO YIN PAS THAMS CAD DU SONG BA'I RDZU 'PHRUL MI PHYED PA ZHES BYA BA SMOS TE, THAMS CAD CES BYA BA NI KHAMS GSUM MA LUS PA'O, ,DANG PO YIN PAS RDZU 'PHRUL ZHES SMOS SO, ,MI PHYED PA NI MI 'PHROGS PA'O, ,DRO BA LA SOGS PA DE DAG KYANG BYAMS PA LA SOGS PA'I STOBS KYIS THEG PA CHEN POR 'GYUR BAS, CHOS NYID KYI SGO NAS MA YIN TE, KHA CIG GANG ZAG MED PAR RTOGS PAS NYAN THOS SU GYUR TO ZHES LUNG LAS, GZUNG BA'I RTOG PA SPANG PHYIR DANG, ,ZHES 'BYUNG BA'I PHYIR RANG SANGS RGYAS KYIS GZUNG BA RANG BZHIN MED PAR RTOGS PA'I PHYIR 'PHAGS PA BYAMS @301B PA'I DGONGS PA DRANG BA'I DON DU 'JUG PA NGES PAR SBYAR BAR RIG PAR BYA STE, CI'I PHYIR ZHE NA, CHOS SU LTA BA MA SPANGS NA GANG ZAG TU LTA BA LDOG PAR MI 'GYUR TE, 'PHAGS PA NYID KYIS KYANG, CI SRID PHUNG POR 'DZIN YOD PA, ,DE SRID BDAG TU LTA BAR 'GYUR, ,ZHES GSUNGS PAS NA TSAD MED PA LA YANG RAG LUS SO ZHES BYA BA NA, SPYOD PA'I SBYOR BA TSAD MED PA YANG DAG PAR 'DU BA ZHES GSUNGS TE, SPYOD PA NI RANG YONGS SU SMIN PA DANG SEMS CAN YONGS SU SMIN PA'I SPYOD PA'O, ,DE'I SBYOR BA NI BYAMS PA LA SOGS PA'O, ,TSAD MED PA NI YUL GYI DBANG DU BYAS PA STE, YANG DAG PAR 'DU BA SEMS CAN JI SNYED YOD PA LA BRTEN PA RNAMS KYI BSOD NAMS 'DU BA'O, ,DE DAG KYANG CHOS KYI MCHOG CHEN PO 'GRUB PA'I TING NGE 'DZIN LA GNAS PA'O, ,DE BZHIN DU SPYAN LNGAS KYANG YIN PAS, DMIGS PA THAMS CAD KYI YUL YONGS SU DAG PA'I DKYIL 'KHOR ZHES GSUNGS TE; DMIGS PA'I YUL NI SPYAN LNGA'I YUL TE, GZUGS SO SOR NGES PA LA SOGS PA'O, ,YONGS SU DAG PA NI SGRIB PA MED PA'O, ,DE DAG KYANG MTHA' DAG PAS DKYIL 'KHOR ZHES BYA'O, ,DE LA BSAM PA RNAM PAR DAG PA NI SMON PA DANG LDAN PA STE, 'BRAS BU THOB PA'I BSAM PA YIN PA'I PHYIR RO, ,SBYOR BA TSAD MED PA NI TSUL KHRIMS RNAM PA GSUM DANG LDAN PA STE, DES RGYU LA 'JUG PA'I PHYIR RO, ,SBYOR BA'I KHYAD PAR NI GO RIMS LA BYA STE 'DIR PHA ROL TU PHYIN PA RNAMS SO, ,RNAM PAR DAG PA NI SGO GSUM DAG PA'O, ,KHYAD PAR GYI 'BRAS BU NI SA BCU STE, PHA ROL TU PHYIN PA BCUS NGES PAR 'BYUNG BA'I PHYIR RO, ,'BRAS BU RNAM PAR DBYE BA NI RNAM PA GNYIS TE, RGYAL PO LTA BUR SEMS BSKYED PA NI SPYOD PA'I SMON LAM GYIS KHYAD PAR DU GYUR PA ZHES SMOS TE, SPYOD PA NI SNGAR BSTAN PA GNYIS SO, ,SMON LAM GYIS KHYAD PAR DU GYUR PA NI, CI LTA CI LTAR GDUL BYA YIN, , DON RNAMS YONGS SU RDZOGS 'GYUR BA, ,DE LTA DE LTA'I SNANG BA'ANG, ,BDAG LA BRTEN TE 'BYUNG GYUR CIG ,CES DANG PO SMON PA'I STOBS KYIS 'TSANG RGYA BA LA SOGS PAS DON BYED PA'O, ,PHYUGS RDZI LTA BU NI RTAG TU GZHON NU'I SA LA GNAS PA NI, CI SRID SEMS CAN 'GA' ZHIG KYANG, ,GANG @302A *, ,DU MA GROL DE SRID DU, ,DE PHYIR BLA NA MED PA YIS, ,BYANG CHUB THOB KYANG GNAS GYUR CIG ,CES SEMS SMON PAS NA KUN DU BZANG PO'I SPYOD PA'I SMON LAM MO, ,DE LTA BAS NA THEG PA BCU BDUN DU GSUNGS PA, LAS KYANG GDUL BYA LA PHAN PA DPAG TU MED PA MDZAD PA'I THABS MNGA' BAS THEG PA GSUM DU CI LTAR NGES, NGES PA'I DON NI THEG PA GCIG TU SNGAR GTAN LA PHAB PA BZHIN NO, ,MDO KUN LAS BTUS PA'I BSHAD PA, LUNG GI TSAD MAS RAB TU SBYAR BA LAS THEG PA GCIG TU SGRUB PA STE, CHOS ZAB MO LA BZOD PA'I LE'U GNYIS PA RDZOGS SO,, ,, DE LTAR THEG PA GCIG DANG LDAN PAR DAM PA'I CHOS YONGS SU 'DZIN PAR BSTAN PA NI, DAM PA'I CHOS YONGS SU GZUNG BAR BYA'O ZHES GSUNGS TE, RTAG TU ZHES BYA BA NI RGYUN MI 'CHAD PAR ZHES BYA BA'I DON TO, ,DE DAG KYANG SHES RAB KYIS STONG PA NYID LA DMIGS PA DANG, SNYING RJES SEMS CAN LA DMIGS PAS NA YONGS SU GZUNG BAR BYA'O, ,SNGAR BSTAN PA'I THOS PA'I BRTZON 'GRUS LAS LHAG PA CI ZHIG YOD CES RGOL BA NI, GANG ZHE NA ZHES GSUNGS SO, ,SPYI DANG KHYAD PAR GYI DBANG GIS NYES PA MED PA NI 'JAM DPAL ZHES GSUNGS PA STE, GONG DU NI THOS PA 'GA' ZHIG TU BSTAN LA; 'DIR NI DES 'PHANGS PA'I DON BSGRUB PAS SPYIR BSHAD PA YIN NO ZHES BYA BA NI LAN YIN TE, DE'I PHYIR DANG PO CHOS 'DZIN PA'I DGOS PA BSTAN PA NI, DAM PA'I CHOS YONGS SU GZUNG NA ZHES BYA BA LA SOGS PA STE, CHOS DANG CHOS YONGS SU 'DZIN PA THA MI DAD BA'I DON GYIS NA, BYANG CHUB SEMS DPA' ZHES BYA BA LA SOGS PA GSUNGS PA YIN NO, ,RGYU TSOGS PA LAS 'BRAS BU SKYE BAS NA SEMS CAN YONGS SU GZUNG BA YIN NO ZHES GSUNGS PA YIN NO, ,CHU BO TSA SGO CAN GYI MDO LAS, SEMS CAN LA GUS PA SANGS RGYAS KYI RGYUR GSUNGS PAS NA SANGS RGYAS KYI RIGS MI 'CHAD PAR BYA BA YIN NO ZHES GSUNGS SO, ,DE LTAR SPYIR BSTAN NAS DA NI BYE BRAG TU BSHAD PAR BYA'O, ,SANGS RGYAS KYI RIGS ZHES BYA BA LA SOGS PA GSUNGS TE, SANGS RGYAS KYI RIGS NI SNGAR BSTAN PA RNAMS LAS BCAS PA'I BSLAB PA MI DOR BAR BYA BAR DGONGS TE, TSUL KHRIMS RNAM @302B PAR DAG PA BYA BAR 'DOD PAS CHOS YONGS SU BZUNG NGO ZHES BYA BA'O, ,GZHAN LA PHAN PA SGRUB PAR 'DOD PAS KYANG ZHES BYA BA NI SEMS CAN GYI NYON MONGS PA ZHES GSUNGS TE, BYANG CHUB SEMS DPA'I BYA BA NI GZHAN LA PHAN PA GTZO BO YIN PA'I PHYIR RO, ,RANG YONGS SU SMIN PAR BYA BA'I DBANG DU BYAS NAS RE ZHIG MTHO RIS KYI DBANG DU BYAS NAS, NGAN 'GRO KUN GYI SGO GCOD PA, ,ZHES SMOS TE NGAN 'GRO NI SEMS CAN DMYAL BA LA SOGS PA'O, ,SGO NI SROG GCOD PA LA SOGS PA STE, GCOD PA NI CHOS 'DZIN PA'I PHYIR RO, ,MTHO RIS NYID GANG ZHE NA, 'KHOR LOS SGYUR BA ZHES SMOS TE, MI'I PHUN SUM TSOGS PA'I DBANG DU BYAS PA'I PHYIR RO, ,LHA'I PHUN SUM TSOGS PA'I DBANG DU BYAS NAS BRGYA BYIN DANG ZHES BYA BA LA SOGS PA GSUNGS SO, ,BYANG GROL GYI DBANG DU BYAS NAS, BDUD KYI ZHAGS PA GCOD PAR 'DOD PA ZHES BYA BA LA SOGS PA GSUNGS TE; BDUD NI NYON MONGS PA LA SOGS PA'O, ,ZHAGS PA NI 'DOD CHAGS 'PHEL BA LA SOGS PA'O, ,GCOD PA NI TING NGE 'DZIN BSGOM PA LA SOGS PA'O, ,BYANG GROL NYID GANG ZHE NA, BLA NA MED PA ZHES SMOS TE GTZO BO YIN PA'I PHYIR 'DIR SMOS TE, CHUNG NGU BYA BA NI THA NA DANG BA'I SEMS KYIS LTA BA LA SOGS PA'O, ,CHOS 'DZIN PA'I LAS GANG ZHE NA, MDO BLO GROS RGYA MTSO'I DBANG DU BYAS NAS, BLO GROS RGYA MTSO ZHES GSUNGS TE, TSUL KHRIMS RNAM PAR DAG PA DAM PA'I CHOS 'DZIN PA YIN PA NI, BYANG CHUB KYI SEMS MI BRJED CING BAG YOD PA'O ZHES GSUNGS TE, MI BRJED PA NI BYANG CHUB SEMS DPA'I TSUL KHRIMS MI NYAMS PAR BSRUNG BA'O, ,BAG YOD PA NI SO SOR THAR PA'I 'DUL BA MI NYAMS PAR BSRUNG BA'O, ,TSUL KHRIMS KYI NGO BO NYID PAS GCIG PA'I SGRAR BSTAN PA'O, ,DE NYID KYI KHYAD PAR BDAG DANG GZHAN GYI DON SGRUB PA'I DBANG DU BYAS NAS, BDAG BDE BA LA MI CHAGS PA'I SNYING RJE ZHES BYA BA LA SOGS PA GSUNGS TE, GEGS SEL BA'I DUS SU BYAS PAS NA, GZHAN GYI DON LA MI PHYOGS PA NI RNAM PAR 'TSE BA STE DE'I GEGS SEL BA NI SNYING RJE'O, ,RANG GI DON LA MI PHYOGS PA NI, LUS DANG @303A *, ,LONGS SPYOD LA CHAGS PA STE, LUS LA CHAGS PA SPANG BA'I PHYIR CHOS SMRA BA RNAMS LA GUS PA'O, ,LONGS SPYOD LA CHAGS PA SPANG BA'I PHYIR DE BZHIN GSHEGS PA RNAMS LA MCHOD PA'O, ,RGYA MTSO CHUS MI NGOMS PA LTAR CHOG MI SHES PA STE PHYIR ZHING 'DOD PA'O; ,NGO BO NYID THA DAD PAS GCIG PA'I SGRAR SO SOR BSTAN TO, ,DE NYID RNAM PAR DAG PA'I RGYU'I DBANG DU BYAS NAS, YE SHES KYI KHYAD PAR NI SNGA MA LTAR CHOS THAMS CAD MA SKYES PA LA SOGS PA BSGOM PA DANG DNGOS POR BLTA BA NI RNAM PAR MA DAG PA'I PHYIR RO, ,BZOD PA NI BZOD PA NYID DO, ,BYANG CHUB SEMS DPA'I SDE SNOD KYI DBANG DU BYAS NAS RE ZHIG CHOS 'DZIN PA'I PHAN YON NI, BYANG CHUB LAS MI NYAMS TE ZHES BYA BA LA SOGS PA STE, NYAMS PA NI 'BRAS BU MA MYONG BAR ZAD DO, ,RJES SU MTHUN PA NI BSAM PA LTAR 'GRUB PA'O, ,STOBS CHE BA NI LUS KYI DBANG DU BYAS PA'O, ,MTHU CHE BA NI GYAD STOBS PO CHE STE SRED MED KYI BU'O, ,GSANG BA BSAM GYIS MI KHYAB PA LAS KYANG BYANG CHUB SEMS DPA'I LUS KYI STOBS 'GRUB PA'I RGYU GSUNGS PAS NA, DGOS PA MED CES BRTZAD PAR MI BYA'O, ,DE LA MI SHIGS PA NI BRDZI BAR MI NUS PA STE, STOBS MI 'PHROGS PA ZHES BYA'O, ,SRID PA NI DBANG PHYUG NYID DO, ,CHOS 'DZIN PA NYID KYI DBANG DU BYAS NAS BZHI GANG ZHE NA ZHES GSUNGS TE, BSOD NAMS KYI TSOGS SOGS PA'I DBANG DU BYAS NAS, MCHOD RTEN ZHIG PA MTHONG NA ZHES GSUNGS PA YIN NO, ,YE SHES KYI TSOGS SGRUB PA'I DBANG DU BYAS NAS, CHOS 'JIG PA'I TSE BSRUNG BA GSUNGS PA YIN NO, ,DKON MCHOG SPRIN GYI MDO'I DBANG DU BYAS NAS CHOS 'DZIN PA BSTAN PA NI RIGS KYI BU ZHES BYA BA GSUNGS TE, DUS NAM GYI TSE GZUNG BA BSTAN PA NI, PHYI MA'I DUS PHYI MA'I TSE ZHES SMOS TE DUS KYI DBANG DU BYAS PA NI LNGA BRGYA'O, ,CHOS KYI DBANG DU BYAS PA NI RNAM PAR 'JIG PA LA SOGS PA STE 'JIG PA NI NUB PAR GYUR PA'O, ,'KHRUG PA NI GLAG PA'O, ,GANG ZAG GI DBANG DU BYAS PA NI LAM NGAN PAR ZHUGS PA'O, ,'DREN PA MED PAS MYA NGAN LAS 'DAS PA'O, ,DNGOS PO GANG 'DZIN PA BSTAN PA NI @303B MDO SDE ZHES GSUNGS TE, LHAG PA'I SEMS KYI BSLAB PA STON PAS NA MDO SDE STE MA MO LA SOGS PA YANG GZUNG NGO, ,SANGS RGYAS KYI CHOS STOBS LA SOGS PA BSTAN PAS NA RGYA CHE BA'O, ,SA DANG PHA ROL TU PHYIN PA STON PAS NA RGYA CHEN PO ZHES BYA'O, ,PHAN PA 'BYUNG BAS NA DON CHEN PO'O; ,BDE BA 'BYUNG BAS NA MTHU CHE BA'O, ,GZHIR GYUR PAS NAM MO LTA BU'O, ,THABS JI LTA BUS 'DZIN PA NI RTOGS PA'I CHOS BSGRUB PA'I DBANG DU BYAS PA NI 'DZIN CING KLOG PA DANG KHA TON BYED CING KUN CHUB PAR BYED PA STE, 'DZIN PA NI DON BSGRUB PA'O, ,LUNG GI CHOS SMRA BA'I DBANG DU BYAS PA NI BRJOD CING STON LA YANG DAG PAR STON CING GSAL BAR BYED PA STE MI SHES PA'I GANG ZAG LA BRJOD PA'O, ,LOG SHES DANG LDAN PA LA STON PA NI THE TSOM DANG LDAN PA LA YANG DAG PAR STON PA DANG GSAL BAR BYED PA STE MA ZHUGS PA DANG LOG PAR ZHUGS PA DANG THE TSOM GYIS ZHUGS PA'I DBANG DU BYAS PA'O, ,YANG DAG PAR ZHUGS PA'I GANG ZAG GI DBANG DU BYAS NAS DGA' BA DANG DAD PA DANG RANGS PA BYED PA STE, DANG PO DANG BAR DANG THA MAR BSAM PAS RJES SU 'DZIN PA'O, ,SBYOR BAS RJES SU 'DZIN PA NI PHAN 'DOGS PA STE, MTHUN PA'I RKYEN SGRUB PA DANG, MI MTHUN PA'I RKYEN SEL BA'O, ,LUNG DANG RTOGS PA'I CHOS 'GRUB PA'I RKYEN GANG ZHE NA, RGYU'I DBANG DU BYAS NAS SNGAR BSTAN PA'I BSAM PA BZHI DANG LDAN PAS NA ZANG ZING MED PA'I SEMS DANG LDAN PA'O, ,RKYEN GYI DBANG DU BYAS NAS YONGS SU 'DZIN PA'I KHYAD PAR LA GUS PAS NA STON PA STE, YANG DAG PAR RDZOGS PA'I SANGS RGYAS LTAR SEMS PAS CHOS SMRA BA LA GUS PA'O, ,CHOS LA GUS PA NI BDUD RTZIR 'DU SHES PA DANG ZHES BYA BA LA SOGS PA STE, NGES PAR LEGS PA'I DBANG DU BYAS NAS BDUD RTZIR 'DU SHES TE, MYA NGAN LAS 'DAS PA NI 'CHI BA MED PA'I PHYIR RO, ,BCUD BSOD NI BCUD PHAN PA STE, MA 'ONGS PA'I MNGON PAR MTHO BA 'GRUB PA'I BSAM PA'I DBANG DU BYAS PA'O, ,RTZI NI YAN LAG GCIG PA STE, TSE 'DI'I BDE BA MI NYAMS PA'I PHAN YON GYIS DPER BYAS PA YIN NO, ,LA LA NI MA THOB PA'I DON THOB PAR @304A *, ,BYED PA DANG, THOB PA MI NYAMS SHING 'PHEL BAR BYED PA DANG, NYAMS PA SOR CHUD PAR BYED PA DANG, DON 'BYUNG BAS NA DE GSUM DU BSTAN TO ZHES KYANG ZER RO, ,BSAM PA RNAM PAR DAG PA'I SBYOR BA GANG ZHE NA, LUS DANG SROG LA MI LTA BAR ZHES BYA STE, STONG GSUM GYI STONG CHEN PO ME MUR GYIS GANG BA'I 'OBS SU BSKAL PA GCIG GIS KYANG TSIGS SU BCAD PA GCIG KYANG YONGS SU TSOL LO ZHES GSUNGS PA LTA BU'O, ,RNYED PA CHUD MI GZON PAS BSGRUB PA ZHES SMOS TE, DE LTAR NA SKYES BU DAM PA BSTEN PA DANG, DAM PA'I CHOS NYAN PA DANG, TSUL BZHIN YID LA BYED PA DAG GIS CHOS YONGS SU 'DZIN PAS NA, STON PA'I DAM CHOS RNAM GNYIS TE, ,LUNG DANG RTOGS PA'I BDAG NYID DO, ,DE 'DZIN BYED PA SMRA BYED DANG, ,SGRUB PAR BYED PA KHO NA YIN, ,ZHES BSHAD PA YIN NO, ,RAB TU ZHI BA RNAM PAR NGES PA CHO 'PHRUL GYI DBANG DU BYAS NAS, CHOS 'DZIN PA'I NGO BO NYID BSTAN PA NI, BDAG BDE BA LA CHAGS PA DANG ZHES BYA BA LA SOGS PA STE, DE LTAR NA RTEN MCHOG LAS MI NYAMS PA'I RGYU TSUL KHRIMS RNAM PAR DAG PA DANG, THEG PA MCHOG LAS MI NYAMS PA'I RGYU SNYING RJE DANG SPYOD PA CHEN PO'I RGYU SBYIN PA DANG, DGE BA RNAM PAR BYED PA'I YE SHES KYI TSOGS DANG, DGE BA LA NUS PA'I PHYIR LUS DANG SEMS KYI STOBS PHUN SUM TSOGS PA DANG, RNAM PAR DAG PA MTHAR PHYIN PA'I RGYU CHOS BSHAD PA DANG, SGRUB PA DANG, RNAM PAR DAG PA MYUR BA'I RGYU TSAD MED PA BSGOM PA STE, CHOS RNAM PA 'DI BDUN GYIS DGOS PA 'GRUB PAR 'GYUR BAS BSGOM PAR BYA BA YIN NO, ,CI LTAR ZHE NA, SBYOR BA SNYING RJE DANG LDAN PA DANG, DNGOS GZHI PHA ROL TU PHYIN PA DRUG GIS ZIN PA DANG, RJES BSNGO BA YONGS SU BSNGO BA MI DMIGS PA'I RGYAS BTAB PAR BSGOM PA SPRO BA CHEN PO DANG LDAN PA BRTZON 'GRUS KYI NGO BO NYID DU GZHAG PAR BYA'O, ,NGO BO NYID KYI PHAN YON BSTAN PA NI, YANG MDO SDE DE NYID KYI SNGON GYI LE'U LAS ZHES BYA BA LA SOGS PA GSUNGS TE, SNGON GYI TSUL NI 'DAS PA'I GTAM BRJOD PA'O, ,CUNG ZAD TZAM GYIS CHOG PAR 'DZIN PA'I PHYIR YE SHES KYI TSOGS LA DGOD PA NI @304B SHING GI BAR DU ZHES GSUNGS SO, ,CHOS YONGS SU TSOL BA NI YE SHES KYI TSOGS SGRUB PA'O, ,DE LA LUNG 'BOGS PA NI TSIG DANG DON STON PA'O, ,KHA TON LA BRTZON PA NI DE NYID BSTAN PA'O, ,GUS PA NI CHOS SMRA BA LA GUS PA'O, ,SEMS BSKYED PA NA ZHES BYA BA NI ZANG ZING GI SBYIN PA DANG LDAN PA'I DNGOS PO NI YE SHES KYI TSOGS BSKYED PA'I BSAM PAS ZIL GYIS GNON CES BYA BA'I DON TO, ,NAS ZHES BYA BA NI GRANGS DANG, MTHU DANG, RIGS DANG, RGYU DANG, DPER MI BZOD CES BYA BA BSDUS PA'O, ,YE SHES KYI TSOGS SGRUB PA'I BSOD NAMS DE NI RGYAL PO'I NGA RGYAL BCAG PA'I DON DU DGONGS PA YIN NO ZHE NA, NGES PA'I DON DU SGRUB PA NI, ,BYANG CHUB SEMS PA'I BSOD NAMS KYIS, ,ZHES GSUNGS TE, BSOD NAMS NI SBYIN PA LAS BYUNG BA'O, ,LHAG MA NI GO SLA'O, ,PHAN YON CHEN PO DE DAG GANG LA ZHE NA THEG PA CHEN PO NYID LA'O ZHES BYA BA CHOS KYI RANG BZHIN BRJOD PA NI, DAM PA'I CHOS GANG ZHE NA ZHES BYA STE, THAMS CAD LA'ANG SGRAR 'JUG PA'I PHYIR ZHES RGOL BA'O, ,LAN NI MA YIN TE, BSAM PA DANG NI BSTAN PA DANG, ,SBYOR BA DANG NI STON PA DANG, ,DUS 'GAL PHYIR NA DMAN PA DANG, ,DE NI DMAN PA KHO NA YIN, ,ZHES BSTAN PAS NYAN THOS KYI THEG PA LA MA YIN PAS NA THEG PA CHEN PO'I TSIG BLA DAGS SO ZHES BYA BA GSUNGS TE, THEG PA CHEN PO NI SNGAR BSTAN PA NYID DO, ,'O NA NYAN THOS KYI THEG PA MED NA THEG PA CHEN PO ZHES CI LTAR BYA, DE'I PHYIR THUN MONG BA NYID DO ZHES RGOL BA NI, DE CI'I PHYIR ZHE NA ZHES BYA BA'O, , LAN NI DA LTA MA YIN TE, THEG PA CHEN PO NI RGYU YIN PAS, YOD DANG MED DANG YOD MED DANG, ,ZHES BYA BA'I TSUL GYIS THEG PA CHEN PO YOD NA NYAN THOS KYI THEG PA YOD LA DE MED NA'ANG MED PAS RAB TU PHYE BA'I PHYIR RO ZHES GSUNGS SO, ,RNAM GRANGS GZHAN YANG 'DIR RANG GI SDE PA DAG NA RE; DAM PA'I CHOS NI THEG PA CHEN PO ZHES BRJOD PAR MI RIGS TE, THEG PA CHEN PO NI SANGS RGYAS KYI BKA' MA YIN TE, MDO SDE LA MI 'JUG CING 'DUL BA LA MI SNANG LA CHOS NYID DANG YANG 'GAL BA'I PHYIR ZHES RGOL BA NI DE CI'I PHYIR ZHE NA ZHES BYA BA'O, ,LAN NI DE LTA MA YIN TE, SNGAR @305A *, ,LUNG MA BSTAN LHAN CIG BYUNG, ,SPYOD YUL MA YIN GRUB PA DANG, ,YOD DANG MED NA YOD MED DANG, ,GNYEN PO DANG NI SGRA GZHAN PHYIR, ,SANGS RGYAS RNAMS NI MNGON SUM SPYAN, ,BSTAN PA DAG KYANG SRUNG BAR MDZAD, ,DUS LA YE SHES MA BSGRIBS PAS; ,DE PHYIR BTANG SNYOMS MI RUNG NGO, ,MA TSANG BA DANG 'GAL BA DANG, ,THABS MIN DE LTAR MA BSTAN PHYIR, ,NYAN THOS KYI NI THEG PA NI, ,THEG CHEN CHOS ZHES BYA BA MIN, ,BSAM PA DANG NI BSTAN PA DANG, ,SBYOR BA DANG NI STON PA DANG, ,DUS 'GAL PHYIR NA DMAN PA GANG, ,DE NI DMAN PA KHO NA YIN, ,RANG GI NYID LA 'JUG PHYIR DANG, ,RANG GI 'DUL LA SNANG PHYIR DANG, ,ZAB PA'I PHYIR DANG RGYA CHE'I PHYIR, ,CHOS NYID DANG NI 'GAL BA MED, ,CES BYA BA'I TSUL GYIS NYAN THOS DANG ZHES BYA BA LA SOGS PA GSUNGS TE, BCOM LDAN 'DAS NI DUS MKHYEN PA'I PHYIR MA 'ONGS PA'I 'JIGS PA BZHIN DU CI'I PHYIR SNGAR LUNG MA BSTAN CES BYA BA LA SOGS PA 'PHAGS PA THOGS MED KYIS BSTAN CING BSHAD PA BZHIN DU LAN GDAB PAR BYA STE GO SLA BAS 'DIR NI MA BSHAD DO, ,DE DAG KYANG DUS MKHYEN PA NI MDO LAS PHYIS 'BYUNG BA'I PHYIR GSUNGS PA NI, CI'I PHYIR STON PA LA RGOL BAR BYED CES BRTZAD PAR YANG MI BYED DO, ,DE NYID NGES PA'I DON DU BSGRUB PA NI, CHOS YANG DAG PAR SDUD PA'I MDO LAS KYANG GSUNGS PA YIN TE, ZAB MO NI STONG PA NYID LA SOGS PA STE, CI SKAD DU, ZAB MO STONG PA NYID SGRO 'DOGS, ,SKUR BA DANG BRAL ZAG PA YIN, ,ZHE'O, ,MDO KUN LAS BTUS PA'I BSHAD PA LUNG GI TSAD MAS SBYAR BA LAS, DAM PA'I CHOS BZUNG BA BZOD PA'I LE'U STE GSUM PA RDZOGS SO,, ,,DE LTAR BRTZON 'GRUS KYI NGO BO NYID RNAM PAR GSUM DU SPYIR BSHAD PA LAS, DA NI PHA ROL TU PHYIN PA DRUG SEMS KYIS YONGS SU RDZOGS PAS NA, CHOS ZAB MO BSGOM PAR BRJOD PA NI, BYANG CHUB SEMS DPA' GANG ZHES GSUNGS TE, BYANG CHUB SEMS DPA' NI RTEN GYI GANG ZAG GO, ,DMIGS PA'I SPYOD PA NI DNGOS POR LTA BA'O, ,DUS DPAG TU MED PA NI BSKAL PA MANG POR YANG NGO, ,DE BZHIN GSHEGS @305B PA LA MCHOD PA NI ZANG ZING DANG SGRUB PA'O, ,LA LA ZANG ZING GI'O ZHES ZER TE, DE NI 'OG NAS TSANGS PAR SPYOD PA SPYAD CING ZHES 'BYUNG BAS RIGS PA MED PA KHO NA'O, ,LUNG BSTAN PA NI MANG STE 'PHAGS PA DPA' BAR 'GRO BA'I MDO TSAD MAR BYAS NAS, GSANG STE LUNG BSTAN PA LA SOGS PA LUNG BSTAN PA GANG ZHE NA, LA LA NA RE LUNG STON PA LUNG BSTAN PA LA BYA STE, CI'I PHYIR NA YANG ZHES SMOS PA'I PHYIR RO ZHES ZER RO, ,LA LA NA RE MNGON DU LUNG BSTAN PA LA BYA'O ZHES ZER TE, DE'I PHYIR SA BRGYAD PA LA MI SKYE BA'I CHOS LA BZOD PA RAB TU THOB PAS, SPYOD PA THAMS CAD LAS YANG DAG PAR 'DAS SO ZHES GSUNGS TE YONGS SU RDZOGS PA'I KHYAD PAR CAN DANG, KHYAD PAR MED PA'I DBANG DU BYAS PA LAS DANG PO MA YIN PA'I PHYIR TE, GZHAN DU NA 'PHAGS PA SA BCU'I MDO LAS 'BYUNG BA DANG 'GAL BA'I PHYIR RO, ,MAR ME MDZAD NI LA LA NA RE, BSKAL PA GRANGS MED PA GNYIS LA SANGS RGYAS BDUN KHRI DRUG STONG BSNYEN BKUR BA'I MTHA' MTSAN NO, ,LA LA NA RE DE LTA NA SA BRGYAD PA'I GNAS SKABS SU MI 'GYUR TE, BSKAL BA GRANGS MED PA LNGAR BSHAD PA'I DANG PO NI, TSOGS KYI LAM NAS SA DANG PO'I BAR DU RDZOGS PAR 'GYUR BA'I TSE, SANGS RGYAS BDUN KHRI LNGA STONG GI THA MA NI SANGS RGYAS RIN CHEN GTZUG TOR CAN YIN LA, GNYIS PA NAS SA BDUN PA'I BAR DU BSKAL PA GRANGS MED PA GNYIS PA LA SANGS RGYAS BDUN KHRI DRUG STONG GI THA MA NI SANGS RGYAS MAR ME MDZAD YIN NO, ,SA BRGYAD PA NAS SANGS RGYAS KYI SA'I BAR DU BSKAL PA GRANGS MED PA GSUM PA LA SANGS RGYAS BDUN KHRI BDUN STONG GI THA MA SANGS RGYAS RNAM PAR GZIGS YIN PAS NA, RNAM GZIGS MAR ME RIN CHEN GTZUG ,GRANGS MED GSUM GYI THA MAR BYUNG, ,ZHES 'BYUNG BA DANG 'GAL LO ZHES ZER RO, ,LA LA NA RE NYAN THOS BSAM PA DMAN PA LA LTOS NAS DE SKAD BSHAD KYI, GZHAN DU NA SA DANG PO NAS BZUNG STE RNAM PAR THAR PA TSAD MED PA THOB PA'I PHYIR SANGS RGYAS KYI GRANGS JI LTAR NGES, DE LTAR NA NI SA BCU ZHES KYANG CI LTAR RIGS TE, DE'I DGONGS PA'I DON LTAR BYA'O ZHES ZER RO, ,LA LA NA RE GRANGS MED PA @306A *, ,GNYIS PA'I THA MAR BRJOD PA NI GZHAN GYI BSAM PA DANG MTHUN PAR BYA BA'I PHYIR BSTAN GYI THEG PA CHEN PO LA NGES PAR GA LA ZHIG BSAM PA THA DAD PAS LUNG NYID LAS NGES PAR MA GSUNGS TE, KHA CIG TU NI BDUN KHRI LNGA STONG GI THA MA NI YUL 'KHOR SKYONG YIN PA NAS, GNYIS PA LA NI MAR ME MDZAD NAS DBANG PO'I RGYAL MTSAN YIN LA, GSUM PA LA NI LEGS MDZAD NAS 'OD SRUNGS KYI BAR DU'O ZHES GSUNGS PA'ANG DMIGS PA MA NGES PA NYID LA, DE BZHIN DU RTZA BA'I LUNG THA DAD PAR GSUNGS PA THA DAD PAR SNANG BAS NGES PA'I THER ZUG PA'ANG MI SNANG NA DE THEG PA CHEN PO LA SNGAR BSHAD PA LTA BU NI GANG LA NGES, RNAM GRANGS GZHAN YANG GAL TE DE LTAR YIN YANG SNGAR BSTAN PA'I TSUL GYIS BRTAG PA'I PHYIR DANG, MTSAN MA MTHUN PAR MNGA' BA'I PHYIR YANG GZHAN DU DANG GZHAN LAS KYANG NYES PA MED DO ZHES ZER RO, ,LA LA NA RE BSKAL PA GRANGS MED PA SUM CU RTZA GNYIS SANGS KYI SA THOB PA LAS TSOGS KYI LAM NI BSKAL PA GCIG GIS SO, ,SBYOR BA'I LAM NI GNYIS SO, ,SA DANG PO NAS SA BCU PA'I BAR NI BSKAL PA GRANGS MED PA GSUM GSUM GYIS 'DA' BAS NA GRANGS MED PA NI SUM CU RTZA GSUM PO DE'I PHYIR YANG NGES PAR MI GZHAG GO ZHES ZER RO, ,MTHONG MA THAG CES BYA BAS NI, PADMA CAN GYI TSONG 'DUS KYI DBUS SU SPOS 'TSONG GI KHYE'UR GYUR PAS AUTPALA LNGA GTOR BA'I TSE, LUNG BSTAN PA NI MNGON DU LUNG BSTAN PA STE, MA 'ONGS PA'I DUS SU DE BZHIN GSHEGS PA SH'AKYA THUB PA ZHES BYA BAR GYUR TO ZHES BSTAN PA'O, ,LUNG BSTAN PA'I RGYU MTSAN NI, SPYOD PA THAMS CAD LAS 'DAS SO ZHES BYA BA LA SOGS PA'O, ,LA LA NA RE LUNG BSTAN MA THAG TU ZHES PHAN YON DU 'DREN NO, ,'O NA SGRUB PA'ANG DE NYID DU'AM ZHE NA MA YIN TE, DE NI YONGS SU RDZOGS PA'I DBANG DU BYAS PA YIN LA, 'DIR NI DANG PO BSGOM PA'I MTSAN NYID DU BZHAG PAS NYES PA MED DE, SBYIN PA NAS SHES RAB KYI BAR SPYOD PA DANG, DNGOS GZHI DANG RJES LA MI DMIGS PAS YONGS SU ZIN PA BRTZON 'GRUS KYI NGO BO NYID NI GO CHA'I SGRUB PA'O ZHES MKHAS PA DAG GIS BSHAD PA'I RJES SU 'BRANGS PAS YID GNYIS MI BYA'O, ,MDO KUN LAS BTUS PA'I BSHAD PA @306B LUNG GI TSAD MAS SBYAR BA LAS, PHA ROL TU PHYIN PA DRUG GI LE'U STE CHOS ZAB MO BZOD PA BZHI BA RDZOGS SO,, ,,CI SKAD BSHAD PA CHOS ZAB MO LA MOS PAR BYA BA NI, BYANG CHUB SEMS DPA' CHOS ZAB MO LA ZHES GSUNGS TE, RE ZHIG CHOS ZAB MO LA MOS PA BSTAN PA NI, LDOG PA'I SGO NAS BDAG DANG GZHAN GYI DON BYA BA YONGS SU RDZOGS PAR MI 'GYUR ZHES GSUNGS TE, DNGOS POR ZHEN PAS 'BRAS BU MI 'BYUNG BAS NA RDZOGS PAR MI 'GYUR BA'O, ,LDOG PA'I SGO NAS RJES SU 'BRANG BA'I SGO NAS BSTAN PA NI DON DAM PA'I BDEN PA NI ZHES GSUNGS TE, DON DAM PA'I BDEN PA NI SPROS PA'I MTHA' RNAM PA BRGYAD DANG BRAL BA'O, ,BYANG CHUB STE ZHES BYA BA NI SANGS RGYAS KYIS DE RTOGS PA'I PHYIR RO, ,CHOS NYID 'BA' ZHIG LA BZHUGS PA'O, ,DE'I PHYIR, BYANG CHUB NAM MKHA'I MTSAN NYID DE, ,RTOGS PA THAMS CAD SPANGS PA YIN, ,ZHES GSUNGS PA LTA BU'O, ,'O NA CHOS NYID LA THA DAD PA MED PAS NA, STONG PA NYID LA NI THA DAD PA MED PA'O ZHES BYA BAS NYAN THOS DANG, RANG SANGS RGYAS THA DAD PA MED DO ZHES KYANG ZER RO, ,DE NI BDEN TE 'ON KYANG SNYING RJES KHYAB PAR BYAS PAS NA THUN MONG MA YIN NO ZHES GSUNGS TE, STONG PA NYID NI RTOGS PAR 'DRA YANG SNYING RJES YONGS SU BZUNG BA'I PHYIR RO ZHES BYA BAR DGONGS TE, LA LA NA RE GANG ZAG BDAG MED PA DANG GZUNG BA MED PAR RTOGS PA DANG, NYAN THOS DANG RANG SANGS RGYAS KYIS RTOGS PA YIN PAS SO ZHES KYANG ZER RO, ,DE LTAR RNAM PA THAMS CAD KYI MCHOG DANG LDAN PA'I STONG PA NYID BSGOM PA MCHOG YIN PAS NA DE BAS NA ZHES GSUNGS TE, KUN RDZOB KYI BDEN PA NI SLU BA'I PHYIR RO, ,CI LTAR ZHE NA, SPANG PAR BYA BA YIN PA'I PHYIR RO, ,MCHOG CES BYA BA NI DAM PAR GYUR PA STE NYON MONGS PA SPANGS PA'I PHYIR TSOGS YONGS SU RDZOGS PAR 'GYUR RO, ,DGE BA NI DON DAM PA MYA NGAN LAS 'DAS PA'O, ,RTZA BA NI DE'I RGYUR GYUR PA'O, ,DE'I DPE NI DPER NA ZHES BYA BA STE DPE BKOD PA'O, ,THEG PA DMAN PA MI 'GRUB PAS NA RANG GI ZHES GSUNGS PA YIN TE, DE LTA BAS NA CHOS ZAB MO LA MOS PAR BYA'O ZHES BYA BA'I TSIG GI LHAG MA'O, ,DE LTAR CHOS ZAB MO LA MOS @307A *, ,PA'I DGOS PA BSTAN NAS, DA NI CHOS ZAB MO LA MOS PA'I RANG BZHIN BSTAN PA NI, CHOS ZAB MO NI GANG ZHES BYA BA LA SOGS PA GSUNGS TE, KUN RDZOB NYID LAS MA GTOGS PA, ,DON DAM YOD PA MA YIN PAS, ,KUN RDZOB GANG YIN DE NYID NI, ,DAM PA'I DON DU 'DOD PA YIN, ,ZHES GSUNGS PA JI LTA BU ZHES RGOL BA LA, DE NI BDEN MOD KYI THOB PA'I THABS LA 'JUG PA LA DE SKAD CES BYA'O ZHES BSTAN PA NI YANG DAG PA'I LTA BA 'BYUNG BA'I RGYU GNYIS DANG RKYEN GNYIS TE ZHES GSUNGS TE, 'PHAGS PA'I ZHES GSUNGS PA LAS NA, 'JIG RTEN LAS 'DAS PA'I YANG DAG PA'I LTA BA ZHES BSHAD PAR BYA'O, ,GZHAN GYI SGRA NI PHA ROL LAS THOS PA'O, ,TSUL BZHIN YID LA BYED PA NI THOS PA RJES SU BSRUNG BA'O, ,MDOR BSTAN PA DE NYID RGYAS PAR BSHAD PA NI, DRI BAS MTSAMS SBYOR BAR DE ZHES GSUNGS PA YIN NO, ,DE LA DANG PO SBYOR BA NI DBANG DU BYAS NAS 'DI SNYAM DU SEMS PAR GYUR TE ZHES GSUNGS TE, RNAL 'BYOR YID LA BYED PA GANG GIS GZHAN LAS RJES SU MTHUN PAR MA THOB PAR ZHI GNAS TZAM GYIS NI NYON MONGS PA MI SPONG NGO ZHES BYA BA NI, RNAL 'BYOR SPYOD PA ZHES BYA BA LA SOGS PA GSUNGS PA YIN NO, ,DNGOS GZHI YID LA BYED PA'I DBANG DU BYAS NAS, CHOS GANG LA YANG SBYOR BAR MI BYED CES BYA BA LA SOGS PA GSUNGS PA YIN NO, ,SGOM PA RNAM PAR MI BSGOM PA'I, ,SGOM PA DAM PAR 'DOD PA STE, ,THOB PAR BYA BA MED RNAMS KYIS, ,THOB PA YANG NI DAM PAR 'DOD, ,CES BYA BA'I TSUL GYIS MNGON PAR SHES PA'I MTSAN MA YID LA MI BYED PA NI SGRA 'BYIN PAR MI BYED PA'O, ,ZLOS PA'I RTAG TU BRJOD PA'O, ,RGYU MI DMIGS PAS GANG NAS ZHES BYA BA'O, ,CI LTAR ZHE NA, 'BYUNG BA DANG 'GAGS PA'I SNGON DANG PHYI MA'I MTHA' LA SPYOD PAS DE KHO NA NYID DU NA BYED PA PO MED PA LA BYA BA MI 'THAD PAS, DE BZHIN GSHEGS PA LA SOGS PAS CHOS BSHAD PA LA SOGS PA NI BYUNG MA THAG TU RGYU MED PAS 'JIG PAS NA CHOS KYI DBANG DU BYAS PA DANG, GANG ZAG GI DBANG DU BYAS PA DANG, NYON MONGS PA'I DBANG DU BYAS PA DANG, DE SPANG BA'I GNYEN PO'I DBANG DU BYAS NAS @307B 'GAGS PA DANG MI GNAS PA DANG MA BYUNG BA'I DBANG DU BYAS PAS, GANG ZHES BYA BA LA SOGS PA YIN NO, ,MNYAM PAR GZHAG PA'I RJES KYI DUS SU TSUL BZHIN DU SBYOR BAS, BYANG CHUB SEMS DPA' DE LTAR TSUL BZHIN DU SBYOR BAS, JI LTAR NA TSUL BZHIN DU MTHONG ZHES RGOL TE, THOB PA DANG SPANGS PA MED PAR 'GYUR RO ZHES BSAMS PA'O, ,MA YIN TE MDO LAS, GCIG KYANG MTHONG BA MED PA NI, ,DE KHO NA MTHONG BA NYID DO, ,ZHES BSTAN PA NI GANG GI TSE NA ZHES BYA BA LA SOGS PA'O, ,DE LA MTHONG BA'I LAM GYI MNYAM PAR GZHAG PA'I GNAS SKABS RNAM PAR RTOG PA THAMS CAD KYIS DBEN PAS NA RANG BZHIN GYIS 'GAGS PA'O, ,MTHONG BAS SPANG BAR BYA BA BRGYA RTZA SPANGS PA NA NYE BAR ZHI BA STE LOG PA'I 'DU SHES SPANGS PA TZAM DU ZAD PAS, THAMS CAD LA RANG BZHIN GYIS ZHES BYA STE, YOD PA BSHIG PA MA YIN ZHES BYA BA'O, ,DE DAG GI BAG LA NYAL BCOM PAS NA RNAM PAR ZHI BA'O, ,CHOS KUN 'GRO BAR RTOGS PAS NA SNYOMS PAR ZHUGS PA'O, ,SNGAR BSHAD PA LTAR MA SKYES PA DANG MA BYUNG BA'I 'JIG RTEN PA'I DAG PA LAS KHYAD PAR DU GYUR PAS NA SHIN TU ZHES BYA BA'O, ,'JIG RTEN LAS 'DAS PA LAS KHYAD PAR DU GYUR PAS NA MYA NGAN LAS 'DAS PA'O, ,SNGA RABS DAG NA RE, NGO BO NYID KYIS MA SKYES PAS NA RANG BZHIN GYIS 'GAGS PA'O, ,GDOD NAS DAG PAS NYE BAR ZHI BA'O, ,TSOR BA RGYUN CHAD PAS NYE BAR ZHI BA'O, ,GNYEN PO MED PAS SNYOMS PAR ZHUGS PA'O, ,RGYU MED PAS MA SKYES PA'O, ,'BRAS BU MA GRUB PAS MA BYUNG BA'O, ,NGO BO NYID DANG BRAL BAS SHIN TU MA BYUNG BA'O, ,SDUG BSNGAL SPANGS PAS MYA NGAN LAS 'DAS PA'O ZHES KYANG ZER RO, ,RNAM GRANGS GZHAN YANG TSOGS KYIS LA CHOS THAMS CAD LA BDAG TU LTA BA SPANGS PAS BDAG MED PAR YID CHES PAS RANG BZHIN GYIS 'GAGS PAS TE, GANG ZAG TU LTA BA NI RANG GIS NGANG GIS MED PA'I PHYIR RO, ,DROD KYI GNAS SKABS SU CHOS KYI BDAG NYID MED PA'I PHYOGS GCIG KYANG RTOGS PAS RNAM PAR MI RTOG PA'I SNANG BA THOB PAS NYE BAR ZHI BA STE MA RIG PA'I BYE BRAG SPANGS PA'I PHYIR RO, ,RTZE MO'I GNAS SKABS SU BDAG MED PA'I KHYAD PAR DE DAG GONG DU @308A *, ,'PHEL BAS NA, MI MTHUN PA RNAM PAR ZHI BA'O, ,BZOD PA'I GNAS SKABS SU BDAG MED PA'I KHYAD PAR GYIS PHYOGS GCIG RTOGS PAS NA SNYOMS PAR ZHUGS PA'O, ,CHOS KYI MCHOG GI GNAS SKABS SU DE MA THAG TU MTHONG BA'I LAM RTOGS PA'I TING NGE 'DZIN THOB PAS NA MA SKYES PA STE SGRO SKUR DANG BRAL BA'O, ,MTHONG BA'I LAM DU CHOS KYI DBYINGS KUN DU 'GRO BA RTOGS PAS NA 'BRAS BU LA ZHEN PA MED PAS MA BYUNG BAR MTHONG BA'O, ,BSGOM PA'I LAM LA NI JI LTAR MTHONG BA'I DON GOMS PAR BYED PAS SHIN TU MA BYUNG BA STE, GSER LTA BUR YONGS SU SBYONG BA'I PHYIR RO, ,MI SLOB PA'I LAM DU MTHAR PHYIN PAS NA MYA NGAN LAS 'DAS PA MTHONG STE, DE LTAR NA 'JIG RTEN LAS 'DAS PA'I YANG DAG PAR LTA BA RTOGS PA'O ZHES BYA'O, ,RNAM GRANGS GZHAN YANG BAR CHAD MED PA DANG, RNAM PAR GROL BA'I LAM GYIS BSDUS PA'I MTHONG BA'I LAM LA SKAD CIG MA BRGYAD DANG, BRGYAD DE, BDEN PA BZHIS BSDUS PAS NA BZHI DANG, BZHI DANG, BZHI DANG, BZHI STE, DE DAG KYANG GNYIS KYIS BSDUS PA'I GNYIS DANG, GNYIS DANG, GNYIS DANG, GNYIS DANG, GNYIS DANG, GNYIS DANG, GNYIS DANG, GNYIS LA RIM BZHIN DU RANG BZHIN GYIS 'GAGS PAR MTHONG BA LA SOGS PA DANG SBYAR BAR BYA STE, SHES RAB KYI PHA ROL TU PHYIN PA LAS DE SKAD GSUNGS PA'I PHYIR RO, ,RNAM GRANGS GZHAN YANG, MNYAM PAR GZHAG PA'I DUS SU CHOS GZUGS LA SOGS PA NGO BO NYID KYIS 'GAGS PAR RTOGS PA NI, DNGOS PO'I GNAS LUGS TSUL BZHIN DU SHES RAB KYIS MTHONG NGO, ,'GAGS PA GANG ZHE NA NYE BAR ZHI BA STE BSGOMS PAS BRAL BA'I PHYIR RO, ,BSGOMS PAS BRAL BA NYID GANG ZHE NA RNAM PAR ZHI BA STE, BAG LA NYAL SPANGS PA'I PHYIR RO, ,BAG LA NYAL SPANGS PA NYID GANG ZHE NA SNYOMS PAR ZHUGS PA STE, MTSAN MA RGYUN CHAD PA'O, ,MTSAN MA RGYUN CHAD PA NYID GANG ZHE NA, SNGAR BSHAD PA LTAR MA SKYES SHING MA BYUNG BA'O, ,MA SKYES SHING MA BYUNG BA NYID GANG ZHE NA, SHIN TU MA BYUNG BA STE RAB TU BRAL BA'O, ,RAB TU BRAL BA GANG ZHE NA MYA NGAN 'DAS PA STE TSOR BA RGYUN CHAD PA'I PHYIR RO ZHES @308B BSHAD PAR BYA'O, ,DE LTAR SPYOD PA'I SHES RAB NYID LA RTOGS PAS NI, GANG GIS MTHONG BA DE LA'ANG RTOG GE ZHES GSUNGS TE, GANG GIS ZHES BYA BA NI SHES RAB DE NYID KYIS SO, ,MTHONG BA NI MTHONG BA MED PA'I TSUL DU'O, ,RTOGS PA NI DPYOD PAR BYED PA'O, ,MTSAN MA'I 'DU SHES DANG BRAL BAS NA CI NAS KYANG ZHES BYA BA STE, CHOS RNAMS MI 'DZIN GANG YIN DANG, ,DE DAG MTSAN MAR MI MTHONG PHYIR, ,THAMS CAD DMIGS SU MED PAR NI, ,SHES RAB LA NI YONGS SU RTOG, ,CES BYA BA'I TSUL GYIS MI MTHONG BA DANG, MI RTOGS PA'O, ,DE LTAR TSUL BZHIN DU MTHONG BA'I PHAN YON GANG ZHE NA, CHOS GANG LA YANG THE TSOM DANG RMONGS PA MED DO ZHES BYA BA LA SOGS PA STE, 'DI LTAR SLOB STE ZHES BYA BA NI PHAN YON DU LTA BAR BYED PA'O, ,CHOS NI MTSAN NYID 'DZIN PA STE GZUGS LA SOGS PA'O, ,THE TSOM NI YID GNYIS ZA BA'O, ,RMONGS PA NI MI SHES PA'O, ,BSGRIBS PA NI KHEBS PA STE, GZUNG BA DANG 'DZIN PA DANG BRAL BA'I STONG PA NYID MI MTHONG BA'O, ,THAMS CAD SEMS SU SHES PAS NA, ,SGOR MI 'GYUR BA MED PA STE, ,'KHOR BA'I RGYUR GYUR GANG YIN PA, ,DE NYID SBYANGS PA BYAS PA LAS, ,DAG PA DE NI MYA NGAN 'DAS, , CHOS KYI SKU YANG DE NYID DO, ,ZHES SLOB DPON NYID KYIS GSUNGS PA DANG, YANG, 'KHOR BA YONGS SU SHES PAS NA, ,MYA NGAN 'DA' ZHES DE LA BRJOD, ,CES GSUNGS LA, SLOB DPON NYID KYIS RIM PA LNGA PA LAS, CI LTAR CHU LA CHU BZHAG DANG, ,CI LTAR MAR LA MAR BZHAG DANG, , RANG GI RANG GIS YE SHES NI, ,LEGS RTOGS DE NI 'DIR PHYAG YIN, ,ZHES GSUNGS PA LTA BUS NA SPANGS PA'I PHYIR 'BAD PA MED PA NI SPANG BAR BYA BA MI DMIGS PA'I PHYIR RO, ,RTOGS PAR BYA BA 'BAD PA MED PA NI THOB BYA LA DMIGS PA'I PHYIR TE, NYON MONGS PA DAG GNYEN PO NI BRTAGS PA TZAM DU ZAD PA'O, ,GANG PHYIR DE LTAR YIN PA DE'I PHYIR, YANG DAG PAR MTHONG BA ZHES BYA BA LA SOGS PA TE PHYIN CI MA LOG PAS NA YANG DAG PA STE, DNGOS POR LTA BA NA LOG PAR YIN PA'I PHYIR RO, ,CI LTA BA BZHIN NI GNAS LUGS DE RANG BZHIN PA'I PHYIR RO, ,'O NA MED PA LAS RGYU 'BRAS CI LTAR 'THAD @309A *, ,CES GANG ZHE NA ZHES RGOL BA LA, LAN NI YOD PA NI 'KHRUL PA YIN PAS 'KHRUL BA ZAD PA NI YANG DAG PA'O ZHES BYA BAR MA MTHONG BA'O ZHES BYA BA DNGOS POR MA DMIGS PA NI, YANG DAG PA STE RIGS PAS BRTAGS NA YOD PA MI 'THAD PA'I PHYIR RO ZHES BYA'O, ,'O NA CI DNGOS PO BSHIG PAS SAM ZHE NA, MA SKYES PAS ZHES SMOS TE, YOD PA LA SOGS PAR ZHEN PAS SPONG GI DE NI MA YIN NO ZHES BYA BA'I TSIG GO, ,RGYU MED PA LAS 'BRAS BU MI 'THAD PA'O, ,RGYU MA SKYES PAS NA 'BRAS BU MA BYUNG BA'O ZHES BYA BA NI, MA SKYES PA ZHES BYA BA DE NI, DE LTAR RGYU DANG 'BRAS BU MED PA GANG YIN PA NI NGO BO NYID MED PAS NA DE NI MI SNANG BA'I TSIG BLA DAGS TE, DE KHO NA NYID DU NA RGYU MED CES BYA BAS 'BRAS BU MED PAR BSTAN TE, 'BRAS BU NI RGYU LA LTOS PA'I PHYIR RO, ,RGYU DANG 'BRAS BU MED CES BYA BAS RANG GI NGO BO NYID BSAL TE, MED PA LA RGYU DANG 'BRAS BU MI 'THAD PA'I PHYIR ZHES BYA BA'O, ,DE'I PHYIR MDO SDE NI MDO SDE GZHAN GYIS BSHAD PA YIN PAS, LUNG GZHAN BSTAN PA NI MI SKYE BA STE, SGRO SKUR DANG BRAL BAS SHES RAB KYIS RTOGS NA, PHYIN CI MA LOG PA YANG DAG PA'I CHOS NYID RTOGS PAS NA, DE LA 'PHAGS PA'I YANG DAG PA'I LTA BA ZHES BYA BA'O ZHES BSTAN PA NI, 'DU BYED THAMS CAD CES BYA BA LA SOGS PA'O, ,RNAL 'BYOR PA'I THE TSOM NI NANG NAS RTOGS PA YIN PAS NA 'DI SNYAM DU SEMS TE ZHES GSUNGS TE, THOB PA DANG YANGS PA MED DO SNYAM NAS SNGAR BSTAN PA LTA BUR CHOS THAMS CAD NAM MKHA' LTA BU YIN PAS STOBS LA SOGS PA YANG DE LTA BU RTOGS NA, YANG DAG PA'I DON RTOGS PAR 'GYUR RO SNYAM NAS THE TSOM LDOG PA NI, 'DI LTAR SLOB STE ZHES BYA BA LA SOGS PA'O, ,DE LTAR CHOS ZAB MO LA MOS PA'I TSUL BSTAN NAS, DA NI ZAB MO'I DON BSTAN PA'I PHYIR DANG PO YAB DANG SRAS MJAL BA'I MDO LAS KYANG ZHES GSUNGS TE, KHAMS DRUG MED PAR BSTAN PA NI, ,RGYAL PO CHEN PO ZHES BYA BA LA SOGS PA STE, 'JIG RTEN GYI SEMS CAN DANG SNOD KYI BYE BRAG GIS RNAM PA GNYIS TE, DMYAL BA YI DAGS DUD 'GRO DANG, ,MI RNAMS DANG NI LHA DRUG DAG ,'DOD PA'I KHAMS YIN DMYAL BA DAG, @309B GLING DBYE BA LAS TE NYI SHU'O, ,GONG MA'I GNAS DAG BCU BDUN NI, ,GZUGS KHAMS YIN DER SO SO YI, ,BSAM GTAN SA NI GSUM PA YIN, ,BZHI PA SA NI BRGYAD PA YIN, ,GZUGS MED KHAMS NI GNAS MED DO, ,SKYE BA LAS NI RNAM PA BZHI, ,DER NI RIS DANG SROG LA YANG,, SEMS KYI RGYUD NI BRTEN PA YIN, ,ZHES BYA BA LTA BU NI SEMS CAN GYI 'JIG RTEN BSTAN PA'O, ,SNOD KYI 'JIG RTEN GYI DBANG DU BYAS NAS, TSANGS PA'I GZHAL MED KHANG ZHES BYA BA LA SOGS PA GSUNGS TE, TSANGS PA NI GZUGS KYI KHAMS KYI BSAM GTAN DANG PO'I GNAS NI GZHAL MED KHANG ZHES BYA BA'O, ,GNAS PA NI DANG PO CHAGS PA STE, CHAGS PA DANG PO RLUNG NAS NI, ,DMYAL BA SRID PA'I BAR DU'O, ,BAR GYI BSKAL PA NYI SHUR NI, ,CHAGS PAR GYUR PA DUS YIN NO, ,ZHES BYA BA LTA BU'O, ,GZHAN 'PHRUL DBANG BYED NI 'DOD PA'I LHA'I RIS DRUG PA'O, , KHOR YUG TU NI LCAGS RI'I MING NGO, ,KHOR YUG CHEN PO NI STONG GSUM GYI STONG CHEN PO'I MTHA' BSKOR BA'O, ,DE'I RGYU NI LCAGS YIN TE, LA LA NA RE GSER KHA DOG LCAGS SU SNANG BA YIN NO ZHES KYANG ZER RO, ,GZHIG PAR MI NUS PAS NA SRA BA'O, ,MI G-YO BAS NA BRTAN PA'O, ,RNGAM CHE BAS NA LHUN STUG PA'O, ,RI RAB NI DPAG TSAD 'BUM DRUG KHRI YOD PA RIN PO CHE SNA BZHI LAS GRUB PA STE, LHUN PO RIN CHEN BZHI'I RANG BZHIN, ,CHU YI NANG DU BRGYAD KHRI DAG ,NUB PO CHU YI STENG DU YANG, ,DPAG TSAD DAG NI BRGYAD KHRI'O, ,ZHES BYA BA'O, ,GNYA' SHING 'DZIN LA SOGS PA NI RI BDUN TE, DE LA LHUN PO GNYA' SHING 'DZIN, ,GSHOL MDA' 'DZIN DANG SENG LDENG CAN, ,DE BZHIN LTA NA SDUG RI DANG, ,RTA RNA DANG NI RNAM 'DUD DANG, ,MU KHYUD 'DZIN RI DE BDUN GSER, ,PHYED PHYED BRI BA BRGYAD CHAR LA, ,DE DAG ZHENG YANG 'PHANG DANG MNYAM, ,DE RNAMS BAR NI ROL MTSO BDUN, , ZHES BYA STE, DE LA RDO RJE 'DZIN NI RDO RJE LAS GRUB PA'O, ,THE SGRE LA SOGS PA NI 'DZAM BU'I GLING GI RI STE, DE LA SPOS KYI DAD LDAN NI SPOS DAD DANG LDAN PA'I RI'O, ,GANGS RI NI GANGS CAN NO, ,RI NAG PO NI 'BIGS BYED LA SOGS PA'O, ,'JIG PA'I DBANG DU BYAS NAS SA @310A *, ,CHEN PO 'DI MES TSIG PA'AM ZHES BYA BA LA SOGS PA STE, ME DANG CHU DANG RLUNG DAG GIS, ,'JIG PA RNAM PA GSUM DU 'GYUR, ,BSAM GTAN GNYIS SOGS GSUM PO NI, ,GSUM PO DAG GIS RIM BZHIN 'JIG ,NANG GI SKYON DANG CHOS MTHUN PHYIR, ,BZHI PA NA MED G-YO'I PHYIR, ,MI RTAG DE BZHIN GZHAL MED KHANG, ,SEMS CAN BCAS TE 'BYUNG 'JIG PHYIR, ,ME YIS BDUN DU NO CHU YIS GCIG ,DE LTAR MI BDUN THAL NAS KYANG, ,CHU YIS BDUN TE DE NAS NI, ,THA MAR RLUNG GIS 'JIG PA YIN, ,ZHES BYA BA'O, ,DE DAG GIS NI MTSON PA YIN PAS NA DE BZHIN DU ZHES BYA BA LA SOGS PA GSUNGS TE SNGAR BSHAD PA'I SEMS CAN GYI KHAMS KYIS ZIN PA'I 'BYUNG BA'I DBANG DU BYAS PA SKYE BA LA SOGS PA DANG, GNYI GA 'BYUNG BA CHEN PO RNAMS DANG, DE BZHIN DU SKYE MCHED LA SOGS PA DAG KYANG YIN NO ZHES BSTAN PA NI, DE BZHIN DU NANG GI ZHES BYA BA LA SOGS PA'O, ,DE NI CHOS ZAB MO'I DON MA SKYES DGRA'I MDO LAS GSUNGS PA DE BSHAD PAR BYA STE, CI'I PHYIR ZHE NA, SNGAR GANG ZAG LA BDAG MED PAR BSHAD PAS CHOS KYI BDAG MED PA'I SNOD DU BYAS PA'I PHYIR DA NI CHOS KYI BDAG MED PA STON PAS, DE NAS ZHES MTSAMS SBYOR BA'O, ,SHES RAB THABS KYIS YONGS ZIN PA, ,'JIG RTEN BLA NA MED PAR GZHAG ,CES BYA BA'I TSUL GYIS SHES RAB BSGOM PA NI, BSOD NAMS KYI TSOGS SNGON DU 'GRO BA CAN YIN PAS DE BSTAN PA'I PHYIR, RANG GI KHYIM DU BSOD SNYOMS LA SPYAN DRANG BA YIN NO, ,DAM PA'I CHOS NI RIN CHE BAS, ,BCOM LDAN 'DAS LA TSANGS PAS GSOL BA BTAB PA LTAR, 'DIR YANG CHOS RIN CHE BAR BSTAN PA NI GSOL BA BTAB PA YIN NO, ,MTSAMS MED PA LA SOGS PA'I KHA NA MA THO BA RNAMS SEL BA NI, STOBS BZHI YIS YIN LA, DE YANG STONG PA NYID KYI GNYEN PO'I STOBS KYIS BAG CHAGS DANG BCAS PA 'JOMS PAS NA, DPER NA ME STAG GANG GIS KYANG, ,RGYA MTSO ZAB MO SKEM MI NUS, ,DE BZHIN KUN RDZOB BDEN PAS KYANG, ,NYON MONGS RGYA MTSO SKEM MI NUS, ,ZHES BYA BAS NYON MONGS PA DANG, SHES BYA'I SGRIB PA'I GNYEN POR STONG @310B PA NYID BSTAN PA YIN NO, ,STONG PA NYID NI SHES RAB KYI SPYOD YUL YIN PA DANG, DES 'DUL BA'I PHYIR SHES RAB LA MNGA' BRNYES PA 'JAM DPAL GYIS BSTAN PA YIN NO, ,NYES PA DAG NI 'CHAB PAS 'PHEL BA NA, THAMS CAD DU BSGRAGS PAS DAG PAR BSTAN PA NI 'KHOR MANG PO'I NANG DU BSTAN PA YIN NO, ,BYANG CHUB SEMS DPA'I LTUNG BA DAG NI YUL THAMS CAD DU 'CHAGS PAR RUNG PAR BSTAN PA NI, NYAN THOS LA SOGS PA'I MDUN DU BSTAN PA YIN NO, ,DE LTAR GSOL BA BTAB PA LA STONG PA NYID MDOR BSTAN PA NI, RGYAL PO CHEN PO KHYED KYIS 'GYOD PA NI GSAL BAR MI SPYOD DO ZHES GSUNGS TE, CHOS THAMS CAD STONG PA NYID YIN PAS BSAL BAR BYA BA MED DO ZHES BYA BA'O, ,NGO BO NYID KYIS MED PA LA, ,YOD MED GANG GIS SGRO SKUR BYED, ,NAM MKHA' LA NI GANG ZHIG GIS, ,TSON GYIS RI MO BRI BAR NUS, ,ZHES BYA BA'I TSUL GYIS NA BSAL BAR MI SPYOD DO ZHES BYA BA'O, ,DNGOS POR LTA BA 'GA' ZHIG STONG PA NYID LA LOG PAR 'DZIN PAS, CHOS THAMS CAD STONG PA NYID NI DKAR PO'I CHOS YONGS SU SPONGS NGO ZHES SKRAG PAS STONG PA NYID LA LOG PAR RTOG PA NI, SKYABS MA RNYED NAS SHING BCAD PA LTAR SA LA 'GYEL TO ZHES GSUNGS TE, SKYABS NI SDUG BSNGAL SPANG BA'I THABS SO, ,MA RNYED PA NI DNGOS PAR ZHEN PA'I DBANG GIS MA RTOGS PA'O, ,DRAN PA MED PAS NA SHING LTA BUR GYUR PA'O, ,STONG PA NYID NI TSU ROL MTHONG BA'I SHES PAS MI RTOGS PAS SNGAR BSHAD PA LTAR LUNG TSAD MA YIN PAR BSTAN PAS YONGS SU 'DZIN PA LA RAG LUS PA NYID KYIS NA, 'PHAGS PA 'OD SRUNGS KYIS DBUGS DBYUNG BA'I PHYIR BSKUL BA NI, RGYAL PO CHEN PO MA SKYES DGRA LA ,SMRAS PA BZHIN NO, ,YANG DAG PAR RDZOGS PA'I SANGS RGYAS KYI GSUNG GI BSGYUR BA LA SOGS PA LA LDEM POR DGONGS PA YIN PAS, PHA DANG MA NI GSAD BYA ZHING, ,BRAM ZE GTZANG SBRA CAN NYID DANG, ,RGYAL PO YUL 'KHOR BCAS BCOM LA, ,MI DE YONGS SU DAG PAR 'GYUR, ,ZHES BYA BA DANG, YID ME CHES DANG, BYA MI BZOD, ,MI NI GANG GIS KHYIM 'BIGS BYED, ,GO SKABS BCOM DANG SKYUGS PA ZA, ,SKYES BU DE NI DAM PA @311A *, ,YIN; ,ZHES BYA BA LTA BUR LDEM POR DGONGS PA'I SGO NAS, GTING DPAG PAR BYA DKA' BAS SPANG BAR MI RIGS TE, ZAB MO'I DON TSU ROL PAS MI RTOGS PAS, 'PHAGS PA'I SPYOD YUL YIN ZHES BSTAN PA NI DRIS SHIG CES BYA BA'O, ,DE LTA BU'I STONG PA NYID NI SHIN TU LKOG TU GYUR PA LUNG TSAD MA YIN PAS RJES SU 'BRANG BA NI SLAR LANGS TE DON ZHUS PAS BSTAN PA YIN NO, ,DE LTA BU'I GANG ZAG LA STONG PA NYID RGYAS PAR 'CHAD KYI GZHAN DU NA CHUD ZA BAR 'GYUR BA'I PHYIR RO, ,DE LTA BAS NA SNOD DU GYUR PA LA BSTAN PA NI RGYAL PO CHEN PO ZHES GSUNGS TE, RE ZHIG GNYEN PO MA SKYES PAR BSTAN PA NI, SANGS RGYAS BCOM LDAN 'DAS SEMS KYIS DMIGS PAS RAB TU PHYE BAS YIN NAM ZHES BYA BA LA SOGS PA GSUNGS PA STE, SEMS CAN KUN GZHI RNAM PAR SHES PA MA BSGRIBS LA LUNG DU MA BSTAN PA'I NGO BO NYID NI BAG CHAGS THAMS CAD KYI GZHIR GYUR PAS GNYEN PO'I NGO BOR MI 'THAD PA DANG, YID KYI MNGON PAR SHES PA LA SOGS PA MNGON PAR 'DUS BYAS PA RNAMS NI MI RTAG PA'I PHYIR YANG MA YIN PAR BSTAN PA NI, SEMS KYI ZHES BYA BA LA SOGS PA'O, ,DE LA SEMS KYI DMIGS PA RNAMS NI PHYIN CI LOG YIN PAS MED PA LA YOD PAR 'DZIN PA'I NGO BO NYID KYIS NA, 'OG NAS KYANG SANGS RGYAS NI SEMS DANG YID DANG RNAM PAR SHES PA DANG BRAL BA STE, YE SHES LHUN GYIS GRUB PA RAB TU BRNYES PA'I PHYIR RO ZHES GSUNGS PAS DE LAS BYUNG BA MA YIN PA'O, , LHUN GYIS GRUB PA'I YE SHES KYANG, SEMS MNGON PAR 'DU BYED PA LAS BYUNG BA YIN PAS 'O NA ZHES RGOL BA LA, 'DU BYED PA LA RGYU DANG RKYEN GYI NGO BO NYID LAS BYUNG BA YIN LA YE SHES NI RGYU DANG RKYEN DANG BRAL BAS NA PHAN TSUN 'GAL BAS DE MA LAGS SO ZHES BYA'O, ,'O NA MNGON PAR 'DU BYAS PA LAS 'BYUNG BAR MI 'THAD NA, LDOG PA LAS SAM ZHES RGOL BA NI 'ON TE ZHES BYA'O, ,MA YIN TE, 'DUS MA BYAS LA 'DUS MA BYAS PA 'BYUNG BAR RGYU DANG 'BRAS BU'I NGO BO NYID GANG ZHIG SNGA MA DANG PHYI MA'I 'O ZHE NA, SNGA MA NI PHYI MA LA LTOS PA YIN NA PHYI MA GANG GIS SNGA MA'O ZHES @311B BZHAG ,DE BZHIN DU PHYI MA'ANG SNGA MA LA LTOS PA YIN NA, SNGA MA GANG GIS PHYI MA'O ZHES BZHAG ,SNGA MA'I SNGA MA NI DE'I YANG SNGA MA LA LTOS NA MED PA MA YIN LA BZLOG PA TSUL DE NYID PAS CI LTAR RUNG, MA BYAS PAS RGYU DANG 'BRAS BU GANG DU'ANG ME RUNG BAS BSAL BAS NA DE MA LAGS SO ZHES BYA BA'O, ,DE NI MA YIN TE, LAM BSGOMS PAS 'BRAS BU THOB BO ZHES BYA BA NI, 'O NA ZHES RGOL BA'O, ,LAN NI BSGOM PA NI SEMS LA GOMS PAR BYED PA YIN NO, ,GANG GIS GANG ZHIG LA 'DUS BYAS THAMS CAD RGYU MED PAR 'JIG PAS SKAD CIG TU MI GNAS PAS MI RUNG LA, 'DAS PA'I SEMS NI ZHIG CING MA 'ONGS PA NI MA SKYES PA DANG, DA LTAR BYUNG BA NI MI GNAS PAS GANG ZHIG LA SNGA MA'I NUS PA PHYI MA LA'O ZHE NA, 'PHOS PA LA NI 'PHO BA MED LA, MA 'PHOS PA LA 'PHO BA MI 'THAD PAS, DE GNYIS LAS MA GTOGS PA'I NUS PA YOD PA MA YIN PAS MI RUNG NGO; ,RNAM PA DE DAG LAS MA GTOGS PA'I 'PHO BA NI YOD PAR MI RUNG NGO, ,'O NA LAM GOMS PA NYID DO, ,CHOS NYID LA NI 'DOD PA KHO NA STE, SPANG BYA NI GANG ZHIG SPONG BAR BYED PA'I GNYEN PO NI CI LTA BU, NYON MONGS PA NYID NI NYON MONGS PA NYID MA YIN TE, 'DUS BYAS PA'I PHYIR NYON MONGS PA GZHAN LTA BU'O, ,DE'I SNGA ROL NI MED PA NYID LA PHYI MA NI MA BYUNG BA NYID DO, ,DE GNYIS MA BYUNG BA NI YOD PA MA YIN TE SKABS MED PA'I PHYIR RO, ,GNYEN PO NI SPANG BYA LA LTOS PAS NA MED PA LA GANG GIS BYED PAR 'GYUR, BYED PA PO YOD NA NI BYA BA RUNG BA LAS DE GANG ZHIG YIN; RE ZHIG BYAS PA LAS NI BYA BA MED LA, MA BYAS PA LA YANG BYAS PA MED DO, ,DE GNYIS MA YIN PA'I BYED PA NI, GANG NA YANG MED PA STE SKABS MED PA'I PHYIR RO, ,DE LTA YIN YANG 'KHRUL PA SPANGS PA'I RIM PA LAS GZHAG GO ZHE NA, DE GANG ZHIG GANG GIS SPONG, 'KHRUL PA NI BRDZUN PA NYID PAS DE SPONG BAR BYED PA DE DANG THA MI DAD NA CI LTAR SPONG STE, GCIG PA'I PHYIR 'KHRUL PA NYID LTA BU YIN NO, ,THA DAD PA NI CI LTAR SPONG STE, DE MI 'DRA BA'I PHYIR SPANG BAR BYA BA'I NUS PA JI LTAR 'JUG ,THA DAD PAS THA MI DAD PA'I BYA BA BYED PA NI, THA DAD PA DANG THA MI DAD PA'I BYA BA THA DAD @312A *, ,DAM THA MI DAD, BYA BA THA DAD NA THA MI DAD PA NYID NYAMS PA YIN LA, THA MI DAD NA THA DAD PA GANG LA BRJOD PAR BYA'O, ,THA DAD PAS THA DAD PA'I BYA BA BYED NA NI, BYA BA DANG BYED PO NYID KYANG MI 'DRA BA LAS CI LTAR 'JUG PAR 'GYUR, DE'I PHYIR MI 'THAD PAS NA MA LAGS SO ZHES BYA'O, ,DA LTAR YIN YANG SHES BYA THAMS CAD SHES PA LA 'DOD DO ZHES RGOL BA NI SMRAS PA ZHES BYA'O, ,LAN NI MA YIN TE SHES BYA NI BRDZUN PA NYID PAS DE DANG GCIG NA GO CI LTAR YE SHES BDEN PAR 'GYUR, THA DAD NA GANG GIS DE SHES PAR 'GYUR TE SNGAR BSHAD PA BZHIN NO, ,YE SHES LTAR SHES BYA RNAMS BDEN PAR GYUR PA LAS KYANG GCIG PAR MI RUNG NGO ZHES BYA BA NI MA LAGS SO ZHES BYA BA'O, ,DE LTAR BSHAD PA BSDUS PA'I PHYIR CHOS GANG ZHES GSUNGS TE, GNYEN PA'I YE SHES GANG KUN GZHI LA SOGS PA'I DMIGS PA LAS BYUNG BAR MI 'THAD PAS, DE'I PHYIR NYES PA GANG YANG BSAL BAR MI NUS PAS, CHOS THAMS CAD STONG PA NYID DU BSHAD PA NI BSAL BAR NUS SAM ZHES SMRAS PA YIN NO, ,DE LTAR YE SHES STONG PA NYID NI CHOS NYID LA BSHAD KYI, 'ON KYANG KUN RDZOB TU YE SHES BSKYED PAR BYA'I, SKUR BAR MI BYA STE, 'KHRUL PA LAS SNANG ZHES BYA BA NI 'DI LA BSAMS NAS ZHES BYA BA YIN NO, ,GNYEN PO NI SPANG BYA LA GZHAG PAS NA SPANG BYA NYID KYANG MED PAR BSTAN PA NI, GZHAN YANG ZHES GSUNGS TE SNGAR BSHAD PA NYID LA GZHAN PA'I TSUL GYIS ZHES BYA'O, ,DE GANG ZHE NA, SEMS NI RANG BZHIN 'OD GSAL BAS, ,NYON MONGS RNAMS NI MTSAN NYID MED, ,CES BYA BA'I TSUL GYIS SNGAR BSHAD PA LTA BUS NA, CHOS NYID RNAM PAR DAG PA NI DNGOS POR BSGYUR BAS NA, CHOS NYID 'BA' ZHIG LA DMIGS PAR BYA BA NI BRDZUN PA LAS ZHEN PAR NI MI BYA'O ZHES STONG PA NYID BSTAN PA NI, NAM MKHA'I ZHES DPE GSUNGS PA YIN NO, ,GANG ZHIG YOD PA NI BSAL BA SRID NA, MED PA JI LTAR SBYANG ZHES STONG PA NYID BSTAN PA NI, NGES PAR SNANG BA 'DI NI RNAM PAR SBYANG NGO ZHES ZER NA ZHES BYA BA LA SOGS PA'O, ,DE LTA BU NI STONG PA NYID GANG GIS RTOGS SHE NA, DE BZHIN GSHEGS PA RNAMS KYIS ZHES GSUNGS PA YIN NO, ,DE NYID TSAD MA'I @312B SKYES BU YIN PAS DE'I GSUNG GI RJES SU 'BRANG BAR BYA'O ZHES BSTAN PA NI DE DAG GIS ZHES BYA BA'O, ,CHOS NYID DE LTA BU LAS KYANG KUN RDZOB TU NYES PA SPANG BAR BYA'O ZHES BSTAN PA NI NGAS DON GYI DBANG GIS MTHONG NAS ZHES GSUNGS PA YIN NO, ,DE LTAR GNYEN PO DANG SPANG BYA MED PAS SPONG BA'I THABS KYANG MED PAR BSTAN PA NI GZHAN YANG ZHES BYA BA GSUNGS TE, NYES PA NI NANG DU'ANG MI DMIGS, PHYI ROL DU'ANG MI DMIGS TE, DE CI'I PHYIR ZHE NA, NGO BO NYID KYIS MED PA NYID PAS MED PA NI GANG DU'ANG GNAS PA MI RIGS SO ZHES BYA BA NI, GANG NA'ANG ZHES BYA BA LA SOGS PA GSUNGS PA YIN NO, ,DE LTAR SHES NA NYES PA DE SPONG BA YIN NO ZHES BYA BA NI RANG BZHIN TE, NGO BO NYID SHES NA SBRUL GYI RIGS 'DON SHES PA LA, SBRUL GYI GNOD PA MED PA LTAR NYON MONGS PA'I RIGS SHES NA DE SPONG BAR 'GYUR TE DES MI GOS SO ZHES BYA BA NI GNAS MED KYANG ZHES BYA BA LA SOGS PA'O, ,NGO BO NYID KYIS MED PA MI 'THAD DE DMIGS PA'I PHYIR RO ZHES DE CI'I PHYIR ZHE NA ZHES RGOL BA LA LAN NI, MED PA NYID KYIS SNANG BA RUNG STE, RAB RIB CAN LA SKRA SHAD 'DZINGS PA LTA BU'O ZHES BSTAN PA NI LAN YIN NO, ,CI LTAR MED CE NA NGO BO NYID KYIS DBEN PA'O ZHES BYA BA LA SOGS PA GSUNGS PA STE SPANG BAR BYA BA'I NGO BO NYID PAS NA, GCIG DANG DU MA DANG BRAL BAS DBEN PA STE STONG PA DANG, SNANG BA'ANG 'KHRUL PA YIN PAS RIGS PA LA MA GRUB PA NI TSIG GNYIS KYIS BSTAN TO, ,SPONG BAR BYED PA'I GNYEN PO'I DBANG DU BYAS NAS CHOS NYID LA SKYE BA MED PA DANG, MA SKYES PA DANG, MA BYUNG BA STE DNGOS PO MED LA PHRAD PAS STONG PA MED PAR BSTAN PA NI, 'DRE BA MED PA LA SOGS PA'O, ,MI MTHUN PA DANG GNYEN PO MED PA LA BYA BA MI 'THAD PA LA RTZOL BA'I NUS PA MED CING, DE'ANG BEMS PO STE NGO BO NYID KYIS LUNG DU MA BSTAN LA, DE'ANG RNAM PAR RIGS PA'I MTSAN NYID MA YIN PAS NI, BYA BA'I MTHU MED PA LA SOGS PA'O, ,DE LTA BU LA SPANG BA MI 'THAD PA NI, NGO BO NYID MI 'GYUR BAS BYED PA MI 'THAD PA DANG, GZHAN DU MI 'PHRO BAS SPANGS PA MED PA DANG, RTAG PA MED PA'I TSUL GYIS RTAG PA MI 'GYUR BA DANG, THUL BA @313A *, ,MED PAS GNYEN PO MI SKYE BA DANG, MI MTHUN PA DANG GNYEN PO PHRAD PA MED PAS SPANG BA MED PA NI RANG BZHIN GYIS MI 'PHO BA LA SOGS PA'O, ,'O NA 'BAD PA MED PAR CI LTAR THAR PAR MI 'GYUR ZHE NA MA YIN TE, GLO BUR BA'I DRI MA BSAL BA LA RAG LAS PA NI, YOD PA DANG MED PAR LTA BA'I LOG PAR ZHEN PA SPANGS NA YIN PA DANG, SPANG BA'ANG 'BAD PA MED PA NA MI 'GYUR BA DANG, 'BAD PA 'ANG LOG PAR 'BAD PA SPANG BA'I PHYIR, BLA MA RING DANG MTSAN MA DANG, ,BDAG GI BRTZON 'GRUS LHAG LTA BA'I, ,BYANG CHUB SEMS DPA' NGA RGYAL CAN, ,BYANG CHUB LAS NI RING ZHES BYA, , ZHES BYA BA YI TSUL SPANGS NAS, ,CI SKAD BSHAD PA'I SKAD DU NA, ,RTOG PA TZAM DU LTA BA YI, ,BYANG CHUB SEMS DPA' RTOG MED RNAMS, ,BYANG CHUB THOB CES NGES PAR BRJOD, ,CES BYA BA'I TSUL GYIS 'DI DAG RTOG PA TZAM DU BLTA LA, RTOG PA TZAM DE YANG YONGS SU SPONG BA NA, MTHA' GNYIS DANG BRAL BA LA SOGS PA'O, ,DE LA MED PAR LTA BA SPANG BA'I DBANG DU BYAS PA NI MU MED PA LA SOGS PA STE, 'KHRUL PA'I SNANG BA RGYA CHE BAS NA MU MED MTHA' THUG PA MED PA'O, ,MTHA' NI MTHA' STE ZAD PAR DMIGS PA NI MTHAR THUG PA YIN LA, DE MED PAS NA DMIGS PA MED PA'O; ,YOD PAR LTA BA SPANG BAR BYA BA'I DBANG DU BYAS NAS, PHYIN CI LOG MED PAR ZHES BYA BA BSTAN PA YIN NO, ,DE NYID BSHAD PA NI RTAG PA DANG ZHES BYA BA LA SOGS PA'O, ,BSHAD PA DE NYID GSAL BAR BYA BA NI 'BRAL BA MED PA LA SOGS PA STE, DE LTAR NA STONG PA NYID KYI DON GCIG GIS GCIG BSHAD DE, DNGOS POR LTA BA YONGS SU SPANG BAR BSTAN TO, ,'O NA 'THOB PA'I 'BRAS BU MED PAR THAL LO ZHE NA MA YIN TE, STONG PA NYID LA THA DAD NI, ,CUNG ZAD YOD PA MA YIN YANG, ,RTOG MED TSUL GYIS RTOGS PA NA, ,STONG NYID MTHONG ZHES THA SNYAD GDAGS, , ZHES BYA BAS MI RTOG PA NYID KYIS RTOGS PA YOD DO ZHES BSTAN PA NI RGYAL PO CHEN PO ZHES GSUNGS PA YIN TE, SHES RAB KYI PHA ROL TU PHYIN PA LAS JI SKAD DU, NANG STONG PA NYID DANG, PHYI STONG PA NYID DANG, PHYI NANG STONG PA NYID DANG, STONG PA NYID STONG PA NYID DANG, CHEN PO STONG PA @313B NYID DANG, DON DAM PA STONG PA NYID DANG, 'DUS MA BYAS STONG PA NYID DANG, 'DUS MA BYAS STONG PA NYID DANG, MTHA' LAS 'DAS PA STONG PA NYID DANG, THOG MA DANG THA MA MED PA STONG PA NYID DANG, DOR BA MED PA STONG PA NYID DANG, RANG BZHIN STONG PA NYID DANG, CHOS THAMS CAD STONG PA NYID DANG, RANG GI MTSAN NYID STONG PA NYID DANG, MI DMIGS PA STONG PA NYID DANG, DNGOS PO MED PA'I NGO BO NYID STONG PA NYID DE, STONG PA NYID BCU DRUG TU GSUNGS PA NYID BSTAN PA NI CHOS THAMS CAD NI NYE BAR ZHI BA ZHES BYA BA LA SOGS PA STE, NANG NI MIG LA SOGS PA'I DBANG PO RNAMS SO, , ZHI BA NI STONG PA NYID DE, DE'I PHYIR 'GYOD PA STE YID LA GCAGS PA MED PA'O ZHES THAMS CAD DU SBYAR BAR BYA'O, ,CHOS THAMS CAD NI GZUGS LA SOGS PA YUL RNAMS NI RNAM PAR SHES PA NYID DER SNANG BAS NA, 'BYUNG BA CHE LA SOGS BSHAD PA, ,RNAM PAR SHES SU YANG DAG 'DU, ,DE SHES PAS NI 'BRAL 'GYUR NA, ,LOG PAR RNAM RTOG MA YIN NAM, ,ZHES BYA BA'I TSUL GYIS BRDZUN PA'O, ,CHOS NI NANG DANG PHYI'I SKYE MCHED RNAMS TE BZHI PA NI STONG PA NYID DO, ,MTSAN NYID NI DE'I RANG BZHIN TE DE'I GSUM NI STONG PA NYID DANG PO GSUM YIN TE, TSOGS KYI SA LA RTOGS PAR 'GYUR RO; ,CHOS NI NANG GI NGO BO NYID LA SOGS PA'I STONG PA NYID LA DMIGS PA'I SHES PA NYID DE BDAG GIR 'DZIN PA NI DE DAG LA DMIGS PA'I SHES PA'I NGO BO NYID KYANG STONG PAS NA BRAL BA STE, STONG PA NYID DU 'DZIN PA'I RNAM PAR RTOGS PA SPANG BAS NA SBYOR BA'I LAM DU RTOGS PA YIN NO, ,CHOS NI SHAR LA SOGS PA'I PHYOGS BCU PO STE THAMS CAD STONG PA NYID DU RTOGS PAS NA MTHONG BAS SPANG BA LAS RNAM PAR GROL BA'I MTSAN NYID LAS RNAM PAR RTOG PA THAMS CAD KYIS DBEN PAS SA DANG PO LA RO MYANG BA MED DO, ,CHOS NI MYA NGAN LAS 'DAS PA STE, DON DAM PAR THA SNYAD KYIS MING DU GDAGS PA MED PA MING MED PA STE STONG PA NYID NI BRAL BA TZAM YIN PAS MCHOG GI DON GYIS SA GNYIS PA LA'O, ,CHOS NI 'DUS BYAS RNAMS TE RKYEN GYIS 'DUS BYAS PAR GCIG PA NYID KYIS SPYI'I MTSAN NYID THA DAD PA KHAMS GSUM 'DUS BYAS STONG PA NYID DO, , @314A *, ,DNGOS POR MA GRUB PA'I NGO BO NYID KYIS NA GNYEN PO NUS PA'I PHYIR RGYU MTHUN PA'I DON GYI MCHOG SA GSUM PAR RO, ,CHOS NI 'DUS MA BYAS PA STE, SKYE BA DANG 'GAG PA DANG GNAS PA LAS GZHAN DU 'GYUR BA MED PAS, RGYU DANG RKYEN LAS RNAM PAR GROL BAR RO GCIG PAS 'DUS BYAS KYI GNYEN PO SBYOR BAS BTAGS PA'I MTSAN MA MED PAS 'DI NI YONGS SU 'DZIN PA MED PA'I DON GYIS SA BZHI PA'O, ,CHOS NI 'DUS BYAS TE RTAG PA DANG CHAD PA'I MTHA' NI MTSAN MA'O, ,MTHA' DE LAS 'DAS PAS NA MTSAN MA MED PA'I MTHA' STE DBEN PA NI STONG PA NYID DO, ,'DRI NI RGYUD THA DAD PA MED PAS SA LNGA PA LA'O, ,THOG MA DANG DBUS DANG THA MAR GYUR PA'I BYE BRAG MED PAS NA 'JUG PA STE TSAR GCAD DU MED PAS THA DAD PA'I DMIGS PA MED PA'I DAG PA STE KUN NAS NYON MONGS PA DANG RNAM PAR BYANG BA MED PAS SA DRUG PA'O, ,LTA BAR GYUR PA DRUG CU RTZA GNYIS NI DOR BAR BYA BA YIN PA LAS CHOS NYID KYI DBANG DU BYAS NA MED PA STE BRAL BA'I STONG PA NYID DO, ,SNA TSOGS PA MA YIN PAS SA BDUN PA LA'O, ,'PHAGS PA RNAMS KYIS MA MDZAD PAS RANG BZHIN NI 'GYUR BA MED PA'I PHYIR DANG, 'DUS BYAS LA SOGS PA'I CHOS THAMS CAD NI PHAN TSUN LTOS PAS GZHAG PAS NA RANG BZHIN 'GRUB PA MED PAS NA STONG PA 'DI GNYIS NI DUS GSUM LAS 'DAS PAS 'GRIB PA DANG 'PHEL BA MED PA DANG, RNAM PAR MI RTOGS PA ZHING YONGS SU DAG PA LA DBANG BAS 'DUS BYAS PA LA SMOD PA MED PAS SA BRGYAD PA LA'O, ,CHOS RNAMS KYI RANG BZHIN MTSAN NYID BTAGS PA TZAM DU ZAD PA DANG, 'DAS PA LA SOGS PA'I CHOS RNAMS NI 'DU BA LA SOGS PA'I DUS RNAMS GCIG GO, ,BZLOG NA MI DMIGS PAS DUS GSUM YONGS SU CHAD PA STE YE SHES LA DBANG BAS SA DGU PA'O, ,SHIN TU MA SKYES PA NI RTEN CING 'BREL PAR 'BYUNG BA YIN PA'I PHYIR RO, , TSOGS PA DANG LDAN PA'I CHOS RNAMS NI NGO BO NYID KYIS YOD PA MA YIN PAS MYA NGAN LAS 'DAS PA STE, STONG PA NYID YANG DAG PAR 'DU BA STE, GCIG PAS NA LAS LA DBANG BAS NA SA BCU PA'O ZHES STONG PA NYID RTOGS PA'I 'BRAS BU 'BYUNG BAS DE MED PA MA YIN NO ZHES BSTAN PA YIN NO ZHES 'DAS @314B PA BA KHA CIG ZER RO, ,LA LA NI STONG PA NYID BCU DRUG TU GZHAG PA NI SHIN TU RIGS PAS LUNG DANG YANG MI 'GAL BA LAS SA DANG LAM GYI RIM PAR SBYAR BA NI HA CANG RIGS PA MED CES ZER RO, ,DA LTA BA KHA CIG NI TSOGS KYI SA LA 'JUG PA 'BYED PA'I STONG PA NYID GCIG DANG, TSOGS KYI SA LA GSUM DANG; SBYOR BA'I LAM DU GCIG DANG, SA BCU LA DGU RTOGS SO ZHES KYANG ZER RO, ,DE LTAR THAMS CAD STONG PA NYID YIN PA DE'I PHYIR DON BSDU BA'I SGO NAS NGES PA'I SHES PA SKYED PA NI 'DI JI SNYAM DU SEMS ZHES GSUNGS TE, STONG PA NYID NI SGRO SKUR DANG BRAL BAS DE LA 'BRAS BU MI SKYE BA'I NGO BO NYID PAS CHOS THAMS CAD LA NYES PAS GOS PA MED PA NI, CHOS GANG MA SKYES PA ZHES BYA BA LA SOGS PA'O, ,MED PA LA SBAR BAR BYA BA MI 'JUG PAS DE BSAL BAR NUS SAM ZHES GSUNGS SO, ,DE LTA BU GANG GIS RTOGS SHE NA, YANG DAG PA'I DON BSGOMS PA NI, RNAL 'BYOR PAS RTOGS SO ZHES BSTAN PA NI DE LTAR ZHES GSUNGS SO, ,PHAN YON DE LTA BU DANG LDAN PA'I STONG PA NYID LA SBYAR BAR GDAMS PA NI, DE LTA BAS NA ZHES BYA BA LA SOGS PA GSUNGS TE, TSUL BZHIN NI GNAS LUGS TE STONG PA NYID DO, ,PHYIN CI LOG NI DNGOS POR LTA BA'O, ,BSAL BA DANG GZHAG PA MED PA'I SEMS KYIS STONG PA NYID BSGOM PAR BYA BA NI, CI LTAR ZHES BYA BA LA SOGS PA'O, ,DE LA LEN PA NI 'BRAS BU'O, ,DOR BA NI NYES PA'O, ,DE'I 'DUS SHES DANG YANG MI 'GROGS PAS LHAN CIG MI GNAS PA'O, ,SHIN TU DAG PA NI LAS SU RUNG BA'O, ,ZHI BA NI THAR PA'O; ,RANG BZHIN NI NGO BO NYID DO, ,RANG BZHIN MED PA NI MA GRUB PA'O, ,RGYU RKYEN DANG BRAL BAS BDAG PO STE BYED PA PO MED PA'O, ,DE LTA BU'I STONG PA NYID LA BSGOM PAR BYA BAS NA BZOD PAR BYA'O, ,MI BYA BA NI DNGOS POR ZHEN PA'O, ,'O NA 'BAD PA MED NA CI LTAR GROL ZHES DE CI'I PHYIR ZHE NA ZHES RGOL BA LA, 'BAD PA NI KUN RDZOB TU YIN LA DON DAM PA'I BDEN PA NI DE DANG BRAL BAS NA BYA BA MED PA STE ZHES BYA BA LA SOGS PA GSUNGS PA STE, DE LA BYA BA NI RGYUR 'BAD PA'O, ,'GYUR BA NI 'BRAS BU'I MING NGO, ,DE DAG DANG BRAL BAS NA STONG PA NYID NI GDUNG BA MED PAS MYA NGAN @315A *, ,LAS 'DAS PA ZHES BYA'O, ,CHOS BSHAD PA LA YI RANG NAS 'CHAD PA PO LA BSNYEN BKUR BYAS PA NI CHOS DANG CHOS SMRA BA GUS PAR BYA BA'I PHYIR YIN NO, ,DE LTA BU'I STONG PA NYI SNANG BA THAMS CAD DANG BRAL BA'I NGO BO NYID DE BSTAN PA'I PHYIR RO, ,DES RAS K'ARsh'A PA nA BRGYA STONG RI BA DE MA BLANGS PA YIN NO, ,LA LA NA RE CHOS SMRA BA NI ZANG ZING GI PHYIR MA YIN GYI, SNYING RJE 'BA' ZHIG GIS BSTAN PAR BYA BA YIN PAS DE MA BLANGS PA YIN NO ZHES ZER RO, ,LA LA NA RE RANG NYID 'DOD PA CHUNG BAR BSTAN PAS SO ZHES KYANG ZER RO, ,LA LA NA RE STONG PA NYID DNGOS POR LTA BA MI LEN PA'I PHYIR, RANG GI STONG PA NYID RTOGS PAR BSTAN PA'I PHYIR ZHES KYANG ZER RO, ,THAMS CAD DU NANG GI SEMS KYIS TSOGS YONGS SU RDZOGS PA YIN PAR BSTAN PA NI DE'I LUS 'KHOR BA YIN NO, ,RNAM GRANGS GZHAN YANG 'PHAGS PA 'JAM DPAL GYIS BYIN GYIS BRLABS NAS 'DOR DU BCUG PA YIN NO, ,STONG PA NYID NI RNAM PA THAMS CAD DANG BRAL BA YIN PAS RANG GI LUS MI SNANG BAR BYAS PA YIN NO, ,STONG PA NYID NI SGRA'I RJES SU ZHUGS NAS DE BSTAN PA'I DON GOMS PAR BYAS PAS RTOGS PA YIN PAR BSTAN PA NI SGRA GRAGS PAS BSTAN PA YIN NO, ,SHING GNYIS DRUD PA LAS ME BYUNG NAS SHING NYID KYANG TSIG PA LTAR STONG PA NYID SHES RAB KYIS RTOGS NAS SHES RAB NYID KYANG SNGAR BSHAD PA LTAR RANG BZHIN MED PA YIN PAR RTOGS PA NI GANG GIS MTHONG BA DE LAS YANG ZHES GSUNGS PA YIN NO, ,SRID PA THAMS CAD YE NAS STONG PA STE, ,NYI TSE STONG NYID MU STEGS CAN RNAMS YIN, ,ZHES 'BYUNG BAS THAMS CAD STONG PAR BSTAN PA NI SU'I LUS MTHONG BA DE LA ZHES GSUNGS PA YIN NO, ,RGYAL PO MA SKYES DGRA NI RTZE MO THOB PA YIN PAS BZOD PA LA BKOD PA NI RANG GI LUS LA 'DU SHES 'BYUNG BA MA GTOGS PAR GZUGS KYI 'DU SHES DANG BRAL BA STE GZUNG BA MED PAR RTOGS PA MTSAN PA YIN NO, ,'JIG RTEN CHOS KYI MCHOG LA BKOD PA NI RANG GI LUS KYANG MI MTHONG BAR BYA STE, GZUGS KYI 'DU SHES THAMS CAD DANG BRAL BA NI GZUNG BA DANG BRAL BA'I YE SHES RTOGS PAR BSTAN PA YIN NO, ,MTHONG BA'I LAM LA BKOD PA NI, ,ZHES GSUNGS PA YIN @315B TE; RAGS PA NI 'DOD PA'I KHAMS DANG GZUGS KYI KHAMS SO, ,PHRA BA NI GZUGS MED PA STE, DMAN PAR DGAG PA YIN PA'I PHYIR MED PA MA YIN PAS PHRA BA'O, ,MA MTHONG BA NI BZOD PA BRGYAD KYIS BAR CHAD MED PA'I LAM DU'O, ,RNAM PAR MI MTHONG BA NI SHES PA BRGYAD KYIS RNAM PAR GROL BA'I LAM DU'O, ,DNGOS POR MI MTHONG BA NI DE MED PAS MI MTHONG BAS MI RTOG PA'I YE SHES KYIS PHYIN CI MA LOG PAR CHOS KYI DBYINGS SU MTHONG BAS CHOS THAMS CAD MI MTHONG BA NI ZHES BYA BA LA SOGS PA'O, ,RLOM SEMS NI DNGOS POR LTA BA STE, 'JIG RTEN PA'I LAM GYI CHOS THAMS CAD BDAG MED PAR YID CHES PAS BRAL BA'O, ,RNAM PAR RTOG PA NI 'JIG RTEN PA'I LAM GYI NGO BO STE, MTHONG BA'I LAM THOB PA RNAM PAR RTOG PA THAMS CAD KYIS DBEN PA'O, ,TING NGE 'DZIN NI CHOS THAMS CAD STONG PA NYID KYANG KUN RDZOB TU LAS DANG 'BRAS BU MI SLU BAR BSTAN PA NI 'KHOR THAMS CAD MTHONG NGO ZHES GSUNGS PA YIN NO, ,RNAM GRANGS GZHAN YANG MNYAM PAR GZHAG PA'I RJES LA THOB PA LA SNANG BA MI 'GAG PAR BSTAN PA YIN NO ZHES KYANG BSHAD PAR BYA'O, ,DA NI DE LTAR CHOS NYID ZAB MO'I DON GANG ZAG DANG CHOS LA BDAG MED PA'I MTSAN NYID RGYAS PAR BSHAD PA DE NYID MDO GZHAN GYI SGO NAS BSDU BA'I PHYIR BSHAD PA NI, SGYU MA MKHAN BZANG PO'I MDO LAS KYANG ZHES GSUNGS TE, PHYI DANG NANG GI MU STEGS BYED PA 'GA' ZHIG RGYU MED PA LAS SKYE BAR 'DOD PAR DGAG PA NI, CHOS RNAMS BSTEN NAS 'BYUNG STE RGYU MED PA MA YIN PA DANG ZHES GSUNGS TE; RTAG TU YOD PA LA SOGS PAR THAL BAR 'GYUR BA'I PHYIR RO, ,GANG ZAG RGYUR YOD PA DGAG PA'I PHYIR GANG ZAG MED PA'I PHYIR ZHES GSUNGS TE, SNGAR BSHAD PA'I TSUL GYIS NI MA YIN NO, ,NANG GI MU STEGS PA DNGOS POR SMRA BA'I 'DOD PA DGAG PA NI CHOS GANG RTEN CING 'BREL PAR 'BYUNG BA DE MA SKYES PA ZHES BYA BA STE, RANG DANG GZHAN DANG GNYI GA RGYU MED PA LAS SKYE BAR MI 'THAD PAS MA SKYES PA'O, ,GCIG DANG DU MA DANG BRAL BA STE DNGOS PO MED PA'O, ,DNGOS PO MED PA NI NAM MKHA' DANG 'DRA BAS RNAM PAR MI 'JIG PA STE RTAG PA'I PHYIR RO ZHES BYA BA'O, ,DE LTAR CHOS ZAB MO'I @316A *, ,MTSAN NYID SPYIR BSHAD NAS, DA NI KHYAD PAR BSTAN PA'I PHYIR, RNAM GRANGS GZHAN GYIS KYANG ZHES GSUNGS TE, RNAM GRANGS NI BYE BRAG GO, ,CHOS NYID NI STONG PA NYID DO, ,SO SO'I SKYE BOS MA YIN PAS ZAB MO ZHES BSTAN TO, ,DBUGS 'BYIN PA NI PHAN YON GYI MING GI RNAM GRANGS SO, ,YONGS SU SBYONG BA NI THOB PA MI NYAMS PAR BYED PA'O, ,LA LA NI THOB PAR BYED PA'I PHYIR YONGS SU SBYONG BA'O ZHES KYANG ZER RO, ,YONGS SU SBYONG BA'I KHYAD PAR MANG DU BSHAD PA GANG ZHE NA ZHES RGOL BA LA, GTZO BO BSDUS PAS NYES PA MED, ,CES BYA BA NI, 'DI LTA STE ZHES BYA BA'O; ,DE NYID BSTAN PA NI MI DMIGS PA'I ZHES BYA BA STE, STONG PA NYID KUN DU 'GRO BA RTOGS PAS MNYAM PAR GZHAG PA LA SNANG BA NUB PA'O, ,RNAM PAR THAR PA'I YON TAN GYI CHE BA'O, ,KUN RDZOB LA RJES SU DPAG PAR BYA BAS NA YE SHES GNAS PA'O, ,RANG GI RTOGS PA LA GZHAN 'GOD PAS NA GZHAN DAG KYANG ZHES BYA BA'O, ,BSTAN PA DE NYID BSHAD PA NI GANG GNYIS PA DANG ZHES BYA BA LA SOGS PA STE, GZUNG BA DANG 'DZIN PA DANG BRAL BA NI, GNYIS PA DANG RNAM PAR DAG PA STE SPANGS PA'O, ,MTHONG BA'I LAM MTHONG BA NYID KYIS RANG RIG PA'I YE SHES GNYIS SU MED PAR 'DZIN PA'ANG SPANGS PAS NA GNYIS MA YIN PA RNAM PAR DAG PA'O, ,RTEN CING 'BREL PAR 'BYUNG BA YIN PAS, RANG BZHIN MED CES BYA BA'I TSUL GYIS CHOS RNAMS BSTEN TE MI 'BYUNG BAR MOS PA ZHES BYA STE, CHOS NYID BSTEN PAR BYAS NAS SNGAR BSHAD PA LTAR SKYE BA MI 'THAD PA'I PHYIR RO; ,GANG ZHIG RKYEN LAS SKYES PA DE MA SKYES, ,DE LA SKYES PA'I RANG BZHIN YOD MA YIN, ,RKYEN LA RAG LAS GANG DE STONG PA STE, ,GANG ZHIG STONG NYID SHES PA DE BAG YOD, ,CES BYA BA'I TSUL GYIS BSTEN TE MI 'BYUNG BA'O, ,GNAS NI GZHI STE, DNGOS PO ZHES BYA BA'I DON TO, , DNGOS PO NI RDUL PHRA RAB 'DUS PAR 'DOD PAS NA CI SKAD BSHAD PA'I RIGS PAS DE MED PAR BSTAN PA NI, PHYOGS THA DAD PA'I RANG BZHIN YIN LA DE'ANG BTZAL NA DE MI RNYED PAS MED PA'O, ,CI SKAD BSHAD PA'I DON GOMS PA'I 'BRAS BU NYID NI SANGS RGYAS NAM MKHA' DANG 'DRA BAR MOS ZHES @316B BYA BA STE, LUS MED PAS THA DAD PA MED PA'I PHYIR TE, MKHA' LTAR LUS MED PA YI PHYIR, ,SANGS RGYAS DU MA NYID MI 'DOD, ,CES BYA BAS THA DAD PA LA MI GNAS PA'O, ,DBYIBS RNAM PAR DAG PA CI LTA BAR, YE SHES RNAM PAR DAG PA'I DBANG DU BYAS NAS, SEMS DANG ZHES BYA BA LA SOGS PA GSUNGS TE, SEMS NI KUN GZHI RNAM PAR SHES PA'O, ,YID NI NYON MONGS PA CAN NO, ,RNAM PAR SHES PA NI 'JUG PA'I TSOGS DRUG GO, ,YE SHES LHUN GYIS GRUB PA NI KUN GZHI LA SOGS PA GNAS YONGS SU GYUR PA'I NGO BO NYID ME LONG LTA BU LA SOGS PA'I YE SHES SO,, MDO KUN LAS BTUS PA'I BSHAD PA LUNG GI TSAD MAS RAB TU SBYAR BA LAS CHOS ZAB MO LA BZOD PA LNGA PA STE BZOD PA'I PHA ROL TU PHYIN PA BSHAD ZIN TO,, ,,DE LTAR THOS PA LA SOGS PA YONGS SU SHES PAR BYAS PA RNAMS THOB PAR BYA BA'I PHYIR, BSGOMS PA LAS BYUNG BA'I SHES RAB BSKYED PAR BYA STE, GANG GI DON DU DRIS PA RNAMS, ,SANGS RGYAS SRAS PO NGA LA NYON, ,YANG DAG SANGS RGYAS BSTAN PA 'DI, ,THOS PA TZAM GYIS MI 'GRUB STE, ,LA LA STOBS MED CHU KLUNG GIS, ,MI 'DOD BZHIN DU KHYER BA DAG ,SKOM BZHIN 'CHI BAR GYUR BA DAG ,MA BSGOMS CHOS KYANG DE BZHIN NO, ,ZHES BYA BA LA SOGS PA MANG DU GSUNGS PAS NA NGES PAR BSGOM PAR BYA DGOS PAR MNGON NO, ,DE'I PHYIR DANG PO THOB PAR BYA BA'I YUL BSTAN PA NI, SNGAR BSHAD PA'I DBYINGS RNAM PAR DAG PA DANG YE SHES RNAM PAR DAG PA'I NGO BO STE, 'PHAGS PA BYAMS PA'I ZHAL SNGA NAS, THUB PA'I NGO BO NYID KYI SKU, , ZAG MED CHOS NI RNAM KUN DU, ,RNAM PAR DAG 'GYUR GANG YIN PA, ,DE YI RANG BZHIN MTSAN NYID CAN, ,ZHES BYA BA LA SOGS PA GSUNGS PA LTA BU'O, ,DE LA DBYINGS RNAM PAR DAG PA NI CHOS NYID KYI SKU, YE SHES RNAM PAR DAG PA NI ME LONG LTA BU LA SOGS PA'I YE SHES TE, THOB PAR BYA BA NI YE SHES LNGA KHO NAR ZAD PAS, DE'I PHYIR DBYINGS RNAM PAR DAG PA'I DBANG DU BYAS NAS BSAM DU MED PA ZHES GSUNGS TE, BSAM PA LAS 'DAS PAS NA BSAM DU MED PA STE SPROS PA'I MTHA' BRGYAD DANG BRAL BA'I PHYIR RO, ,CHOS NI KUN NAS NYON MONGS PA LA SOGS PA'O, ,RO GCIG PAS @317A *, ,NA TSUL BZHIN TE GNAS LUGS ZHES BYA'O, ,SEMS DANG LDAN PA NI DNGOS POR SMRA BA RNAMS RDZAS LA SOGS PAR 'DOD PA'O, ,YE SHES RNAM PAR DAG PA'I DBANG DU BYAS NAS, DBEN PA'I MTSAN NYID CES GSUNGS TE, DBEN PA NI RNAM PAR RTOG PA RNAMS KYIS STONG PA STE GNAS YONGS SU GYUR PA'I PHYIR RO, ,MI BRTZON PA NI YE SHES TSOL BAR MI 'BAD PA'O, ,LHAG PAR BYED PA NI LOG PAR 'BAD PA STE MTSAN MAR BSTAN PA'O, ,NYAMS SU LEN PA'I MTSAN NYID BSTAN PA NI, SMRAS PA ZHES BYA BA LA SOGS PA GSUNGS PA STE, CHOS SNGAR BSHAD PA'I DBYINGS DANG YE SHES RNAM PAR DAG PA THOB PAR BYED PA NI, LHAG PAR BYED PA LA BRTZON PAS MA YIN NO, ,GANG GIS SHE NA, SMRAS PA ZHES GSUNGS TE, RIGS DANG CHOS DANG CHOS KYI SKU NI GCIG PA'I PHYIR, SEMS CAN GYI DUS NA RIGS ZHES BYA BA DANG, BSGRUB PA NA CHOS ZHES BYA BA DANG, GRUB PA NA CHOS SKU ZHES BRJOD PA'I PHYIR RO, ,DE'I PHYIR RANG GIS RANG GI YE SHES RTOGS NA ZHES GSUNGS PA YIN PAS, CHOS RNAMS ZHES BYA BA CHOS KYI SKU YON TAN DANG BCAS PA RNAMS 'GRUB PA'I RGYU YIN NO, ,DE'I PHYIR GANG LA GNAS NAS SHES RAB STONG PA NYID LA BSGOM PA ZHES SLAR DRIS NA, GNAS PA MED PAR BSGOM PA YIN, ,ZHES BSTAN PA YIN LA CI LA GNAS PA MED CE NA, 'KHOR BA DANG MYA NGAN LAS 'DAS PA RO GCIG PAR RTOGS PAS, SRID PA DANG ZHI BA LA MI GNAS PAR BSGOM MO ZHES BSHAD PA YIN NO, ,DE'I PHYIR LUNG LAS KYANG, BCOM LDAN 'DAS SHES RAB NI TSU ROL NA YANG MI GNAS; PHA ROL NA YANG MI GNAS, DBUS NA YANG MI GNAS TE, DUS GSUM MNYAM PA NYID DU RTOGS PA'I PHYIR ZHES GSUNGS PA YIN NO, ,DE LA MI GNAS PA NI RTOG PA SPANGS PAS MI RTOG PA NYID DO, ,'O NA THOB PA DANG SPANGS PA MED DO ZHE NA, CHOS NYID LA NI 'DOD PA KHO NA STE, THOB PA SPANGS PA NI RTOG PA YIN PA'I PHYIR LA, RTOG PA NI NYON MONGS PA YIN PA'I PHYIR SPANG BAR BYA BA KHO NA'O, ,KUN RDZOB TU NI MI 'GOG PA STE ZHING YONGS SU DAG PA LA SOGS PA'I SBYOR BA GSUNGS PA'I PHYIR RO, ,DE LTA BU CHOS NYID ZAB MO DE GANG GI YUL YIN ZHE NA, 'PHAGS PA'I YE SHES KYI YUL YIN @317B PAS TSU ROL PA'I SHES PA'I YUL MA YIN PAR BSTAN PA NI, KHYOD 'DI LTAR SHES PAR RUNG BAR 'GYUR BA DE LTA BUR STON TAM ZHES DRIS PA STE, MNGON SUM LA SOGS PA'I MTSAN MA'I YUL YIN NA CI LTAR ZAB PA YIN ZHES RGOL BA'O, ,LAN NI DON DAM PA'I MNGON SUM DANG RJES SU DPAG PA'I YUL MA YIN TE, SHIN TU ZAB PAS LUNG MI SLU BA DANG LDAN PA KHO NAS RTOGS PAR BYA BA NI, SANGS RGYAS KYI YE SHES KYIS KYANG KUN SHES PA'AM RNAM PAR SHES PAR MI NUS SO ZHES BYA BA STE, KUN SHES PAR MI NUS PA NI RTOG PA DANG BRAL BA'I SHES PA STE MNGON SUM GYIS KUN DU SHES PAR MI NUS PA'O, ,RNAM PAR SHES PAR MI NUS PA NI, RTOG PA DANG BCAS PA'I SHES PA DNGOS PO'I STOBS KYIS ZHUGS PA'I MTSAN MAS MI RTOGS PA'O, ,TSAD MAS MI RTOGS PA CI'I PHYIR ZHES RGOL BA LA, DE'I YUL MA YIN PAS ZHES BSTAN PA NI CHAGS PA MED PA ZHES BYA BA LA SOGS PA STE, DNGOS PO MA YIN PAS CHAGS PA STE THOGS PA MED CES BYA BA'O, ,DNGOS PO DANG BRAL BA LA SEMS MI 'JUG PAS RNAM PAR RTOG PA MED PAS TE, RTOG PA NI SPYOD PAR BYED PA'O, ,SEMS KYIS BSAM DU MED PA THA SNYAD MI 'JUG PAS BRJOD DU MED PA LA SOGS PA STE, BRJOD PA NI GCIG DANG DU MA LA SOGS PAS BRJOD PA'O, , BSNYAD PA NI 'DI DANG GZHAN PA LA SOGS PA'I THA SNYAD DO, ,SBYOR BA NI MING GIS SGRO 'DOGS PA LA SOGS PA'O, ,TSIG NI RJOD PAR BYED PA'I NGAG GO, ,BSAM PA LAS 'DAS PAS SEMS DANG YID DANG RNAM PAR SHES PA DANG BRAL BA'O, ,RNAM GRANGS GZHAN YANG ME LONG LTA BU LA SOGS PA'I YE SHES DE NI 'DAS PA LA SOGS PA'I DUS GSUM DU MA CHAGS SHING THOGS PA MED PA NYID DANG, DE'ANG NYES PA THAMS CAD SPANGS PA RNAM PAR RTOG PA MED CING, MI RTOG PA MI RTOG PA STE, SNGAR BSHAD PA'I NYI MA LTAR GZHAN GYI DON BYED PA'O, ,DE LTA BU'I SANGS RGYAS DE NI RTEN GYI DBANG DU BYAS NAS NAM MKHA' LTAR LUS MED LA, SNGON GYI RJES SU 'BRANGS NAS DE MA YIN PAS, GCIG DANG DU MAR BRJOD PAR MI BYA BAS BRJOD DU MED PA'O, ,BYED PA'I DBANG DU BYAS NAS GNAS DANG DBYIBS DANG KHA DOG DANG 'KHOR DANG CHOS MA NGES PAS BSNYAD DU MED PA'O, ,DNGOS PO MA YIN PAS SBYOR BA MED PA STE, @318A *, ,SBYOR BA NI DNGOS PO'I MTSAN NYID YIN PA'O, ,BRJOD PA LAS 'DAS PAS BRJOD DU MED PA NI TSIG MED PA'O, ,RNAM PAR SHES PA LAS 'DAS PAS YE SHES KYI NGO BO NYID NI SEMS LA SOGS PA DANG BRAL BA'O, ,RNAM GRANGS GZHAN YANG YE SHES NI CI LTA BA LA SOGS PA MKHYEN PA'O; ,DE NYID NI NYON MONGS PA SPANGS PAS CHAGS PA MED PA RNAM PAR RTOG PA MED PA STE, DE LA CHAGS PA NI 'DOD CHAGS SO, ,RNAM PAR RTOG PA NI GTI MUG STE SGYU 'PHRUL DRA BA LAS KYANG, RNAM PAR RTOG PA MA RIG PA, ,CHEN POS 'KHOR BA'I MTSO CHEN DU, ,KHYER BAS MI RTOG RNAM BSGOMS NA, ,RTOG MED 'GYUR TE NAM MKHA' BZHIN, ,ZHES GSUNGS PA LTA BU'O, ,NYON MONGS PA SPANGS PA NI 'DUS MA BYAS PA YIN PAS RGYU RKYEN DANG BRAL YANG, NYAN THOS PA DAG 'DOD PA LTA BUR MI SHI BA LTAR GYUR PA BZHIN MA YIN PAS, BYA BA 'JUG PAR YANG SNANG BAS BRJOD DU MED PA'O, ,BYED PA NI 'GAL BA PHRUGS SU STON PAS, ME'I DBUS SU PADMA DANG, ,RGYA MTSOR ME CHEN 'BAR BA STON, ,LUS GCIG DAG GIS KUN DU KHYAB, ,RI RAB RDUL PHRAN NANG DU 'DZUD, ,CES BYA BA LTA BUR STON PAS NA, NGES PA'I TSIG GIS GZHAN LA BSNYAD DU MED PA'O, ,DE LTA BU DE LUS KYI 'DU BYED PAS RTOGS PA MA YIN PAS SBYOR BA MED PA'O, ,TSIG GI BRJOD DU MED PAS TSIG MED PA'O, ,SEMS MI 'JUG PAS SEMS LA SOGS PA DANG BRAL BA'O, ,RNAM GRANGS GZHAN YANG CHAGS PA MED PA NI, RNAM PAR RTOG PA MED PA'I PHYIR RO ZHES BYA BA NAS TSIG MED PA SEMS DANG YID DANG RNAM PAR SHES PA DANG BRAL BA'I PHYIR ZHES KYANG BSHAD PAR BYA'O, ,RNAM GRANGS GZHAN YANG DBYINGS RNAM PAR DAG PA NI, CHAGS PA MED PAS NA TSIG MED PA'I BAR TE, CHAGS PA NI DNGOS POR ZHEN PA'O, ,RNAM PAR RTOG PA NI SPYI DANG KHYAD PAR DU SEMS PA'O, ,SEMS PA'I MNGON RTAGS NI BRJOD PA LA SOGS PA STE, SPYIR BRJOD DU MED PA NI BRJOD DU MED PA'O, ,BYE BRAG TU BRJOD DU MED PAS NA BSNYAD DU MED PA'O, ,SBYOR BA NI BYED PA STE SGRO 'DOGS PA'O, ,DE DAG DANG BRAL BAS MED PA'O, ,MYA NGAN LAS 'DAS PAS TSIG TU BRJOD DU MED PA NI TSIG MED PA'O, ,YE SHES RNAM PAR DAG @318B PA NI SEMS LA SOGS PA DANG BRAL BA STE ME LONG LTA BU LA SOGS PA'I YE SHES NI KUN GZHI LA SOGS PA DANG BRAL BA STE GNAS YONGS SU GYUR PA'O, ,RNAM GRANGS GZHAN YANG NGO BO NYID KYI DBANG DU BYAS NAS CHAGS PA MED PA'O, ,RNAM PAR RTOG PA MED PA'O, ,MTSAN NYID KYI DBANG DU BYAS NAS BRJOD DU MED PA'O, ,BYED PA'I DBANG DU BYAS NAS SBYOR BA MED PA'I TSIG MED PA'O, ,RNAM GRANGS KYI DBANG DU BYAS NAS SEMS DANG YID DANG RNAM PAR SHES PA DANG BRAL BA'O, ,DE LA NGO BO NYID NI NYON MONGS PA DANG SHES BYA'I SGRIB PA DANG BRAL BA STE, NYON MONGS PA DANG BRAL BAS CHAGS PA MED PA'O; ,SHES BYA'I SGRIB PA DANG BRAL BAS RTOGS PA MED PA'O, ,MTSAN NYID MED PA MTSAN NYID YIN PAS BRJOD PA DANG BSNYAD PA MED PA'O, ,MI RTOG PA DANG DUS THAMS CAD PA NYID KYIS NA SBYOR BA MED PA STE, DGONGS PA NYE BAR GZHAG PA GSUM DANG LDAN PAS RJES SU CHAGS PA DANG KHONG KHRO BSAL BA'O, ,NGAS YI GE GCIG KYANG MA BRJOD CES GSUNGS KYANG GDUL BYA LA CHOS SNANG BAS TSIG MED PA'O, ,ME LONG LTA BU DANG MNYAM PA NYID DANG SO SOR RTOG PA DANG BYA BA GRUB PA'I YE SHES RNAMS NI, SEMS TE KUN GZHI LA SOGS PA GNAS SU DAG PA'I RNAM GRANGS YIN NO, , 'O NA RNAL 'BYOR GYI MNGON SUM NYID THABS GANG GIS SGRUB CE NA, GAL TE ZHES RGOL BA LA, YONGS SU 'DZIN PA'I THABS KYIS STON ZHES PAS SO ZHES BYA BA NI YI GE RNAMS KYIS ZHES BYA BA'O, ,DE LTAR SGRO BTAGS NAS STON PA MA YIN NO, ,THABS GZHAN MED PAS THABS TE ZHES BYA BA STE SGRO BTAGS NAS ZHES BYA'O, ,DE LTA BU'I ZAB MO'I YE SHES DE THABS KYIS BSGRUB PAR BYA BA'I RNAM PA GANG GIS SGRUB CE NA, RNAM PA JI LTAR YID LA BYA BA BSTAN PA NI, LHA'I BU ZHES GSUNGS TE, BSGOM PA'I ZHES PAS SO ZHES BYA BAR DGONGS SO, ,RGYU TSOGS PA LA 'BRAS BU SKYE BAS TING NGE 'DZIN 'GRUB PA'I RGYU TING NGE 'DZIN GYI TSOGS LA GNAS PA BSTAN PA NI GTZUB SHING GI DPES BSTAN TE, DPER NA SHING SKAM PA DANG, GUS PA DANG, YUN RING BA DANG, BAR MA CHAD PAR GTZUBS PA LAS ME 'BYUNG GI ,YAN LAG GANG YANG RUNG BA ZHIG MA TSANG BA LA MA YIN PA LTAR TING NGE 'DZIN 'GRUB @319A *, ,PA'ANG DE DANG 'DRA'O ZHES BSTAN PA'I PHYIR SDOM PA DANG YO BYAD BSNYUNGS PA'I GTAM ZHES GSUNGS TE, LUS DANG LONGS SPYOD LA CHAGS PA NI SHING RLAN DANG BCAS PA LTA BU NI YIN PAS LUS LA CHAGS PA SPANG NGO ZHES BSTAN PA NI SDOM PA'I GTAM ZHES GSUNGS TE, TSUL KHRIMS LA GNAS TING NGE 'DZIN THOB STE, ,TING NGE 'DZIN THOB NAS SHES RAB SGOM PAR BYED CES GSUNGS PA'I PHYIR RO, ,LONGS SPYOD LA CHAGS PA SPANG BAR BSTAN PA NI, YO BYAD BSNYUNGS PA'I GTAM ZHES GSUNGS TE, ZANG ZING NGAN PA LA ZHEN PA'I, ,G-YENG BAS TING 'DZIN 'GRUB PA YIN, ,'GRUB PA'ANG NYAMS PAR 'GYUR BAS NA, ,YO BYAD BSNYUNGS PAR NGAS BSHAD DO, ,ZHES BYA BA'I TSUL GYIS LONGS SPYOD LA MA CHAGS PA BSGOM PAR BYA STE, MDOR NA LUS DANG LONGS SPYOD LA MA CHAGS PAS ZHI GNAS DANG LHAG MTHONG 'GRUB PAR 'GYUR RO ZHES BYA BAR DGONGS SO, ,DE LA LE LO MED PAS GUS PA'O, , 'BRAS BU MTHAR MI STONG PAS NA YUN RING BA'O, ,GO SKABS MI 'BYIN PAS BAR MA CHAD PA'O, ,DE LA MA CHAGS PA NI TING NGE 'DZIN 'GRUB PA'I TSOGS SO, ,GUS PA LA SOGS PA NI GNAS PA'I TSOGS SO, ,BAR MA CHAD PA NI 'PHEL BA'I TSOGS TE MDOR NA TING NGE 'DZIN GYI TSOGS JI SNYED BSHAD PA DE DAG THAMS CAD KYANG 'DIR 'DUS PAR SHES PAR BYA'O, ,MDO KUN LAS BTUS PA'I BSHAD PA LUNG GI TSAD MAS RAB TU SBYAR BA LAS TING NGE 'DZIN GYI TSOGS KYI LE'U STE LNGA PA RDZOGS SO,, ,,DE LTAR TING NGE 'DZIN GYI TSOGS LA GNAS PAS DMIGS PA LA SEMS GTAD PAR BYA STE, 'PHAGS PA THOGS MED KYI DMIGS PA LA SEMS GTAD PAR BYA BA'I THABS RGYA CHER NI, RNAL 'BYOR SPYOD PA'I SA LA SOGS PAR ZHIB TU GSUNGS PA YIN PAS 'DIR HA CANG SPROS PAR MI BYA'O, ,'PHAGS PA KLU SGRUB KYIS JI LTAR GSUNGS PA DE BZHIN DU RIG PAR BYA'O, ,'DIR NI 'PHAGS PA DE DAG GIS GSUNGS PA MDOR BRJOD PAR BYA'O, ,RE ZHIG DMIGS PA'I YUL NI GANG ZAG DANG CHOS ZHES BYA BA'O, ,DE LA GANG ZAG NI RIL POR 'DZIN PA DANG RTAG PA DANG BDE BA DANG BDAG DANG GTZANG MAR 'DZIN PA'O, ,CHOS NI PHUNG PO DANG KHAMS DANG SKYE MCHED LA SOGS PA'O, ,DE DAG LA JI @319B LTAR RIL POR 'DZIN PA NAS, CHOS KYI BDAG GI BAR DU MED PAR BSGOM PAS GSAL BA DANG, NGES PA DANG, MI RTOG PA DANG, LAS SU RUNG BA DANG, RTZE GCIG PA NI THOB PA'I RNAM PA STE ZHI GNAS KYI LAM MO, ,RGYA CHER NI 'PHAGS PA BYAMS PA DANG, 'PHAGS PA THOGS MED KYIS GSAL BAR GSUNGS PA KHO NA'O, ,ZHI GNAS KYI NYES PA LA SOGS PA KHO NA'ANG DE BZHIN DU RIG PAR BYA'O, ,SPONG BA'I 'DU BYED KYANG DE KHO NA LTAR SHES PAR BYA'O, ,DE LTAR SEMS YONGS SU GZUNG BA DANG YUL GANG LA ZHE NA DE BSGOM PA NI, PHA ROL TU PHYIN PA LA SBYOR BA'I GTAM ZHES BYA BA LA SOGS PA GSUNGS TE, SPYOD PA LA PHA ROL TU PHYIN PA DRUG DANG, ZHI GNAS DANG LHAG MTHONG GIS BSDUS PA'I DRAN PA NYE BAR GZHAG PA LA SOGS PA NI TSUL BZHIN YIN PAS SO, ,DE DAG KYANG LAM GYI GNAS SKABS SU YUL THAMS CAD DU THAMS CAD PA YIN PAS PHA ROL TU PHYIN PA DANG, BYANG CHUB KYI PHYOGS ZHES GNYIS SU SMOS PA YIN NO, ,MDO KUN LAS BTUS PA'I BSHAD PA LUNG GI TSAD MAS SBYAR BA LAS BSAM GTAN GYI PHA ROL TU PHYIN PA BSHAD ZIN TO,, ,,DE LTAR BYANG CHUB KYI SEMS LA SOGS PA BSOD NAMS KYI TSOGS BSKYED NAS, DE DAG KYANG YE SHES KYI TSOGS SU 'GYUR BAR BYA BA'I PHYIR SHES RAB KYI PHA ROL TU PHYIN PA'I RANG BZHIN DGOS PA DE DAG MED PA'I NGO BO NYID DES MDOR BSTAN PA NI, LHA'I BU ZHES GSUNGS TE SHES RAB NI DON DAM PA SHES PA'O ZHES 'PHAGS PA THOGS MED KYIS GSUNGS PA DANG, 'PHAGS PA KLU SGRUB KYIS KYANG, ZAB PA SHES PAS SHES RAB BO, ,ZHES GSUNGS PA DE BSHAD PA NI 'DUS BYAS MA YIN PAS SKYE BA DANG ZHES BYA BA LA SOGS PA STE, 'DUS BYAS CHOS NI SKYE BA DANG, ,RGA DANG GNAS DANG MI RTAG NYID, ,CES GSUNGS PA'I PHYIR RO, ,GNYEN PO DANG MI MTHUN PA'I CHOS DANG BRAL BAS 'DREN PA DANG SEL BA ZHES GSUNGS SO; ,SPANG BA DANG BLANG BA'I MTSAN NYID DANG BRAL BAS NYON MONGS PA DANG RNAM PAR BYANG BA ZHES GSUNGS PA YIN NO, ,NYES DMIGS DANG PHAN YON GYI DBANG DU BYAS NAS, YID 'BYUNG BA MNGON PAR DGA' BA MA YIN PA ZHES GSUNGS PA YIN NO, ,SDUG BSNGAL DANG KUN 'BYUNG GI DBANG DU BYAS NAS @320A *, ,SHES PA DANG SPANG BAR BYA BA ZHES GSUNGS PA YIN NO, ,'GOG PA DANG LAM GYI DBANG DU BYAS NAS MNGON SUM DU BYA BA DANG BSGOM PAR BYA BA ZHES GSUNGS PA YIN NO, ,MNGON PAR RTOGS PA'I DBANG DU BYAS NAS THOB PA DANG MNGON PAR RTOGS PA ZHES GSUNGS TE, THOB PA NI RNYED PA DANG LDAN PA'O, ,MNGON PAR RTOGS PA NI KHONG DU CHUD PA'O, ,DE LA THOB PA NI 'DIS SA DANG PO LA'O, ,MNGON PAR RTOGS PA NI LHAG MA DGU LA STE MNYAM PAR GZHAG PA'I DUS SU CHOS NYID LA DMIGS PA MA YIN ZHES BYA'O, ,DE LA CHOS NYID LA DMIGS PAS NA DAG PA'O, ,'BRAS BU CHOS KYI SKU THOB PAR BYED PAS SNYING PO YOD PA'O, ,DE NYID RGYAS PAR BSHAD PA'I PHYIR, CHOS THAMS CAD SEMS MED CING ZHES BYA BA LA SOGS PA GSUNGS TE, THOB PA DON DAM PA MYA NGAN LAS 'DAS PA'I RANG BZHIN BSTAN PA NI, SNGAR BSTAN PA DE NYID THA SNYAD GZHAN GYIS DMIGS SU MED CING ZHES BYA BA LA SOGS PA GSUNGS TE, CHOS NI GZHAL BAR BYA BA'I MTSAN NYID GZUGS LA SOGS PA'O, NGO BO NYID KYIS STONG PAS NA DMIGS SU MED PA'O, ,SEMS LA SOGS PA DANG BRAL BAS NA SEMS MED PA'O, ,DE GANG ZHE NA, DRI BA SNGON DU BTANG NAS DBYINGS GANG SEMS MA MCHIS PA ZHES BYA BA LA SOGS PA GSUNGS TE, DBYINGS NI KHAMS TE RGYU'I DON TO, ,GANG BSKYED CE NA, MYA NGAN LAS 'DAS PA'I RANG BZHIN NI SEMS MA MCHIS PA'O, ,TSAD MED PAS NA SEMS 'GRO BA MA LAGS PA STE DMIGS PA NI RGYU CHUNG BA'I PHYIR TSAD YOD PA'O, ,DPAG PA NI GZHAL BA STE TSAD MA'I YUL DU BYA BA'O, ,BSAM PA NI THA SNYAD 'DOGS PA STE DE DAG DANG BRAL BAS MA LAGS PA'O, ,'O NA DBYINGS GANG ZHES DRIS PA'I MTSAN NYID BSTAN GYI, BSKYED BYA MA BSTAN NA CI'I PHYIR 'BRAS BU'I MING GIS GDAGS SHE NA, SEMS NYID CES GSUNGS TE, 'KHOR BA'I RGYU NI GANG YIN PA, ,DE NYID SBYANG BAR BYAS PA LAS, , DAG PA DE NI MYA NGAN 'DAS, ,CHOS KYI SKU YANG DE NYID DO, ,ZHES SNGAR BSHAD PA LTAR RGYU YANG DE NYID LAS 'BRAS BU YANG DE NYID DO ZHES BSTAN TO, ,DE NI 'THAD PA MA YIN TE, SEMS CAN DANG SANGS RGYAS DAG THA MI DAD PAR 'GYUR RO ZHES DE CI'I PHYIR ZHE NA, RGOL BA LA LAN NI CHOS NYID DU NI 'DOD PA KHO NA @320B YIN LA; KUN RDZOB TU NI DBUL MO'I KHYIM GYI RIN PO CHE LTAR MA BSGRUBS PAS, MA RTOGS PAR THAD PA ZHES BYA BA NI SEMS LA ZHES BYA BA LA SOGS PA'O, ,DE LA SEMS NI 'KHOR BA PA'I SEMS SO, ,SEMS MED PA MA YIN PA NI RNAM PAR BYANG BA'I SEMS TE KUN GZHI LA SOGS PA YONGS SU GYUR PA RNAMS SO, ,'O NA THA MI DAD PA NYID KYIS THAMS CAD GROL BA'AM MA GROL BA NYID DU JI LTAR MI 'GYUR ZHE NA, SEMS NYID SEMS MA LAGS PA ZHES GSUNGS TE, MI RTAG PA NYID DANG CIG CAR MI SKYE BA NYID KYIS DA LTAR GYI SEMS NI MA 'ONGS PA'I SEMS NYID MA YIN ZHES BYA STE, KUN NAS NYON MONGS PA DANG RNAM PAR BYANG BA NI MTSAN NYID MI 'DRA BA'I PHYIR RO, ,'O NA DE NYID CI LTAR 'THAD CE NA MA YIN TE, 'KHRUL PA DANG MA 'KHRUL PA DBYE BA THA DAD KYIS SEMS KYI CHOS NYID THA DAD PA MED DO ZHES SEMS NI NGO BO NYID KYIS MA MCHIS PA'O ZHES GSUNGS TE, KUN NAS NYON MONGS PA NI 'KHRUL PA YIN PAS NGO BO NYID KYIS TE RIGS PAS MA GRUB PA'O, ,'O NA RNAM PAR BYANG BA CI LTAR 'GRUB CE NA, SEMS CI LTA BA BZHIN PAS ZHES GSUNGS TE, GZUNG BA DANG 'DZIN PA'I MTSAN NYID KYIS NYON MONGS PA DANG, SHES BYA'I SGRIB PA DANG BRAL BA NYID RANG RIG PA'I SEMS 'OD GSAL BA NI JI LTA BA BZHIN NO, , SEMS MA MCHIS PA NI GZUNG BA DANG 'DZIN PA NYID DO, ,SEMS LAGS PA NI DE DANG BRAL BA'I RANG RIG PA'O, ,DE NYID TSU ROL MTHONG BA PAS MI SHES PAS NA BSAM GYIS MI KHYAB PA'I DBYINGS TE, MDOR NA MYA NGAN LAS 'DAS PA ZHES BYA BA NI, RANG RIG PA 'OD GSAL BA NYID RTOGS PA YIN PAR SHES RAB KYIS DPYOD PA'O, ,DE THOB PAR ZHES PA GANG ZHE NA, THOB BYED LAM GYI MTSAN NYID BSTAN PA NI YANG MDO DE NYID LAS ZHES MTSAMS SBYOR TE, SNGAR BSTAN PA'I MYA NGAN LAS 'DAS PA DE NI DMIGS PA MED PA NYID BSGOMS PAS 'THOB BO ZHES BYA BA'O, ,DE'I PHYIR SPONG BA'I TSUL GYIS SLAR DRI BA NI; KHYED KYIS ZHES GSUNGS TE, SEMS CAN LA SOGS PAR DMIGS PA NI 'CHING BA YIN NA CI LTAR DE'I DON DU ZHUGS ZHES RGOL BA'O, ,LAN NI DON DAM PA'I KLAN KA LA KUN RDZOB KYIS LAN GDAB PA NI DMIGS PA LA BRTEN NAS ZHES BYA BA SHUGS KYIS 'PHANGS NAS, 'DIR KHAS LEN @321A *, ,PA'I TSUL GYIS GSOL BA ZHES GSUNGS PA YIN TE, MI DMIGS PA DANG 'GAL ZHES BYA BA NI, SHUGS KYIS PHYOGS SNGA MA YIN TE, SEMS CAN GYI DON DU ZHUGS TE SNGAR BSHAD PA LTAR SEMS BSKYED NAS, DE MI DMIGS NA CI LTAR DON BYED CES SEMS PA'O, ,LAN NI DON DAM PA'I SGO NAS BRI BA'AM ZHES PA LA SOGS PAS GSUNGS TE, BCOM LDAN 'DAS NYID KYIS DANG PO SEMS BSKYED NAS THA MA MDZAD PA RDZOGS KYI BAR DU SEMS CAN BSGRAL [?] YANG 'KHOR BA LA BRI BA'AM MYA NGAN LAS 'DAS PA LA GANG BA MA GZIGS PA LTAR ZHES BYA BA'O, ,RNAM GRANGS GZHAN YANG CHOS NYID LA ZAD PA MED PAS ZHES KYANG BSHAD PAR BYA'O, ,KUN RDZOB TU SO SO'I RGYUD NI DER 'GYUR GYI SPYI NI MA YIN NO ZHES KYANG BSHAD PAR BYA'O, ,DE'I PHYIR MI ZAD PA'I DPE NI, NAM MKHA' ZHES GSUNGS TE GNYEN PO MED PA'I PHYIR RO, ,DPE SNGAR BSHAD PA LTAR STONG PA NYID DU THAMS CAD 'DUS PAS CHOS THAMS CAD NI BYANG CHUB PA'O ZHES GSUNGS TE, CHU KHAMS GSER DANG NAM MKHA' RNAMS, ,DAG PA BZHIN DU DAG PAR 'DOD, ,ZHUGS PA DANG SBYAR BA NI RNAM GRANGS SU RIG PAR BYA'O, ,DE LTAR KHAS LEN PAS MJUG SDUD PA NI DE'I SLAD DU ZHES GSUNGS PA'O, ,'O NA SEMS CAN GYI DON DU ZHUGS PA NYID NYAMS SO ZHE NA LAN NI SEMS CAN ZHIG MCHIS NA NI ZHES GSUNGS TE, CHOS NYID DU NA MED PA'I PHYIR ZHES BYA BA'O, ,DE NYID LDOG PA'I SGO NAS 'GYUR NA ZHES BYA BA'O, ,RJES SU 'GRO BA'I SGO NAS MA MCHIS PAS SO ZHES GSUNGS SO, ,RIG PA GANG GIS SHE NA, DE LTAR NA RTEN CING 'BREL PAR 'BYUNG BA DANG MI 'GAL ZHES GSUNGS TE MA SKYES PA'I PHYIR ZHES BYA BA'O, ,CHOS CAN MED PA LA CHOS NYID MI 'THAD PAS MA MCHIS PAS NI ZHES BYA BA STE MED PA LA THAR PA DANG BCINGS PA MI 'THAD CES BYA'O, ,SNGAR BSHAD PA'I RTEN CING 'BREL PAR 'BYUNG BA DANG CI LTAR MI 'GAL ZHE NA, NGO BO NYID MA MCHIS PA'O ZHES BYA BA LA SOGS PA LA 'JUG GO ZHES GZHAN DAG ZER RO, ,LA LA NI GANG YOD PA DE LA KHYAD PAR GYI CHOS 'THAD DE, MED PA LA KHYAD PAR MED PAS MI 'THAD PA NI RIGS LA SEMS CAN YANG MED PAS ZHES BYA BA NI, SNGAR BSHAD PA'I RTEN CING 'BREL PAR 'BYUNG BA STE, @321B RGYU RKYEN GYI 'THAD PA DANG MI 'GAL BA NI, 'O NA SKYE BA LA SOGS PA DMIGS PAS SO ZHE NA, DON DAM PAR ZHES PA KHA BSKANG BA NI MA MCHIS PA'O ZHES BYA BA LA SOGS PA'O, ,DON DAM PAR SKYE BA LA SOGS PA MED KYANG, KUN RDZOB NI JI LTAR GNAS SO ZHES BSTAN PA NI RTEN NAS 'BYUNG BA'I DON TO ZHES BYA BA'O, ,DE LTA BAS NA SHES RAB DANG LDAN PA NI MED PA LA SGRO 'DOGS PA DANG YOD PA LA SKUR PA GANG YANG MI BYED DO ZHES BYA BA NI BCOM LDAN 'DAS ZHES GSUNGS TE, SHES BYA RNAMS NI 'GAL BA'I DON DU SNANG BAS NA RIGS PAS BRTAGS NA MED PA NYID 'KHRUL PA'I SHES PA LA SNANG BAS NA MED PA LA SNANG BA NI MA MCHIS PA'I DON NI ZHES BYA BA'O, ,MED PA LA SNANG BAS 'KHRUL PA YIN PAS NA, YANG DAG PAR MI 'DZIN PA NI MKHAS PA RNAMS NI ZHES BYA BA STE SGYU MA BYED PA DE'I MTSAN NYID SHES PA LTA BU'O, ,DE'I PHYIR, BRTEN NAS SKYES PA RANG GI DNGOS MA SKYES, ,ZHES 'THAD PAR 'GYUR RO, ,DE LTAR RTOGS PA LA PHAN YON CI YOD CE NA, PHAN YON NI GANG LA RNAM PAR MI RTOG PA DE LA ZHES GSUNGS SO, ,'DAS PA DE RNAMS KYI DPE GANG ZHE NA DPER NA ZHES GSUNGS TE, MED PA LA YOD PAR LTA BA NI LOG PAR LTA BA YIN NO ZHES BYA BA'O, ,'DIS JI LTAR BSTAN CE NA MYA NGAN LAS 'DAS PA THOB PAR BYED PA NI THABS KYIS ZIN PA'I STONG PA NYID BSGOM PA YIN LA, DER 'PHAGS PA RNAMS GSHEGS PAS NA LAM ZHES BYA BA'O ZHES BSHAD DO, ,DE LTA BU'I LAM DE GANG GIS RTOGS SHE NA SPYOD PA'I BDAG NYID KYIS SO ZHES SHES RAB KYI RANG BZHIN BSTAN PA NI, YANG MDO DE NYID LAS ZHES GSUNGS TE NGO BO NYID DANG BYED PA DANG PHAN YON YANG RIG PAR BYA'O, ,DE LA SHES RAB KYI NGO BO NYID NI RAB TU RNAM PAR BYED PA STE, CI LTAR 'BYED CE NA GSAL BAR BYED PA STE MA MTHONG BA RTOGS PAR BYED PA'O, ,DE'I PHYIR DRI BA SNGON DU SONG BA'I LAM NI, SO SOR RTOG PA GANG CHOS LA YANG THA DAD PA ZER RAM, MI BGYID PA GCIG TU YANG MI BGYID DE ZHES GSUNGS TE DON DAM PAR CHOS RNAMS RO GCIG PAR RTOGS PAS THA DAD PA MI BYED PA'O, ,KUN RDZOB SNA TSOGS PAS GCIG TU MI BYED PA STE DE LA THA DAD PA NI DNGOS POR SGRO 'DOGS PA'O, ,GCIG PA NI MED PAR SKUR PA NYID DE @322A *, ,GANG LA DE GNYIS MED PAR SHES PA NI YONGS SU GRUB PA'I NGO BO NYID MI 'GYUR BA DANG PHYIN CI MA LOG PAR RTOGS PA'O, ,'O NA SHES RAB NYID NI CI 'DRA ZHE NA, YANG DAG PAR SO SOR RTOG PA MA MCHIS PA'I TSIG BLA DAGS ZHES GSUNGS TE, SHING GNYIS DRUD PA'I MES SHING NYID TSIG PA LTAR SPYOD PA NYID KYIS DPYAD NA DE NYID KYANG MI DMIGS SO ZHES BYA STE, 'DI NI CHOS RNAM PAR 'BYED PA'I NGO BO NYID DO, ,DE'I BYED PA BSTAN PA NI SO SOR RTOG PA LA BRTEN TE ZHES GSUNGS TE, CI LTAR 'DZIN PA DE LTAR KUN NAS NYON MONGS BSTAN, ,BDAG DANG BDAG GIR MI DMIGS RNAM PAR BYANG BAS GSUNGS, ,DE LA GANG YANG NYON MONGS RNAM DAG 'GYUR MED PAR, ,BYANG CHUB SEMS DPA' SHES RAB PHA ROL PHYIN 'DI RTOGS, ,ZHES THA DAD DU 'DZIN PA SPONG NGO ZHES BSTAN PA'O, ,'O NA KUN NAS NYON MONGS PA DANG RNAM PAR BYANG BAR GZHAG PA DANG 'GAL ZHES DE CI'I PHYIR ZHE NA ZHES RTOG PA LA, LAN NI RNAM PAR GZHAG PA'I SHES PA LA MI DMIGS PA NI CHOS NYID DO ZHES DON DAM PAS LAN GDAB PA NI RJES SU MI MTHONG ZHES GSUNGS SO, ,CHOS NI KUN NAS NYON MONGS PA LA SOGS PA'O, ,'GYUR PA NI BYED PA NYID DE BCINGS PA DANG GROL BA ZHES SBYAR RO, ,SHES RAB KYIS 'JAL BA'I PHAN YON NI SO SOR RTOG PA LA BRTEN NAS RIGS KYI BU'AM ZHES BYA BA LA SOGS PA GSUNGS TE, 'KHOR BA DANG MYA NGAN LAS 'DAS PA MNYAM PAR RTOGS PAR 'GYUR RO ZHES BYA BA STE, RNAM PAR RTOG PA THAMS CAD ZAD PA'I GROL BA THOB BO ZHES BSHAD PA YIN NO, ,GZUNG BA'I DBANG DU BYAS NAS CHOS GANG LA YANG ZHES GSUNGS SO, ,'DZIN PA'I DBANG DU BYAS NAS GANG GIS ZHES GSUNGS SO, ,DE YANG MNYAM PAR GZHAG PA'I DBANG DU BYAS NAS 'DZIN PA YANG ZHES GSUNGS SO, ,DE LTA BU'I SHES RAB DES YUL GANG LA 'JAL ZHE NA DE'I DMIGS PA BSTAN PA NI, NAD GZHI'I DE GANG ZHE NA ZHES GSUNGS TE, NAD NI NYON MONGS PA'I MING GI RNAM GRANGS SO, ,GZHI NI DE BSKYED PA'I YUL LO, ,LHAG PAR DMIGS PA ZHES BYA BA NI MED PA LA YOD PAR ZHEN PA'I MING STE LHAG PA NI SGRO 'DOGS PA'I THA TSIG GO , ,YUL NYID GANG ZHE NA KHAMS GSUM ZHES BYA STE, 'DOD PA LA SOGS PA @322B LA ZHEN CES BYA'O, ,DE LTAR KUN DU 'JUG PA'I DMIGS PA BSTAN NAS LDOG PA'I DMIGS PA NI, GZHI YONGS SU SHES PA ZHES BYA STE, GANG ZAG DANG CHOS SU LTA BA SPONG BA NI NYON MONGS PA SPANGS PAS 'KHOR BA LAS LDOG PA'O, ,LHAG PAR DMIGS PA NI SGRO MI 'DOGS PA'O, ,LDOG PA'I YUL BSTAN PA NI 'DI LTA STE BDAG TU LTA BA DANG ZHES BYA BA LA SOGS TE, BDAG YOD NA NI GZHAN DU SHES, ,BDAG GZHAN CHA LA 'DZIN DANG SDANG, ,'DI DAG DANG NI KUN 'BREL LAS, ,NYES PA THAMS CAD 'BYUNG BA YIN, ,ZHES BYA BA'I TSUL GYIS SO, ,DE LTAR GANG ZAG TU LTA BA LDOG PA'I YUL DU BSTAN NAS CHOS SU LTA BA YANG SPANG DGOS PAS GZUGS NYID CES GSUNGS TE, PHUNG PO LNGA LA SOGS PA'I CHOS NYID MI DMIGS PAR SGRO MI 'DOGS PA NI RANG BZHIN STONG PA'O, ,SNANG BA TZAM DU MI 'GOG PAS SKUR PA MI 'DEBS PA NI BSHIG PAS STONG PA MA YIN PA STE, YOD PA 'JIG PA NI LOG PAR LTA BA YIN PA'I PHYIR RO, ,CHOS CAN LA CHOS NYID THA DAD PA MA YIN PAS NYID CES GSUNGS SO, ,DE LTAR RTOGS PA'I PHAN YON NI GNYIS SU MED PAR 'JUG GO ZHES BYA BA STE GNYIS SU MED PA'I YE SHES THOB BO ZHES BYA BA'O, ,DE LA SHES PA NI THOS PA DANG BSAM PA'I SHES RAB KYIS SO, ,RIG PA NI BSGOMS PA LAS BYUNG BA'I SHES RAB KYIS SO, ,DE LTAR CHOS THAMS CAD GTAN LA PHAB NAS DE BSGOM PA'I THABS BSTAN PA NI SHES RAB KYI PHA ROL TU PHYIN PA LAS ZHES GSUNGS TE DRI BA SNGON DU BTANG BAS 'AN [?] BSTAN PA NI, GZUGS LAS MI SPYOD CES BYA BA LA SOGS PA GSUNGS TE, MNYAM PAR BZHAG PA LA MI RTOG PA'I PHYIR CHOS CAN MI DMIGS PA'O, ,CHOS KYI KHYAD PAR NI MTSAN MA STE SNGON PO DANG RING PO LA SOGS PA'O, ,BYE BRAG NI RTAG PA LA SOGS PA STE, MTHA' GNYIS DANG BRAL BAR BSTAN PA NI THEG PA CHEN PO GANG DU'ANG MI GNAS PA'I PHYIR DANG, BYANG CHUB SEMS DPA'I MTHONG BA'I LAM NI MNYAM PAR GZHAG LA SKAD CIG MA GCIG TU BSTAN PA'I PHYIR RO, ,DE LA RTAG PA MA YIN PA LA SOGS PA NI, BDEN PA BZHI'I RNAM PA RNAMS TE SKAD CIG TU 'JIG PA DANG LDAN PAR RTAG PAR MA YIN NO, ,'DRA BAR 'BYUNG BAS MI RTAG PA MA YIN NO, ,YANG NA KUN DU BRTAGS PA DANG GZHAN GYI DBANG NI MED PA DANG 'GYUR BAS @323A *, ,RTAG PA MA YIN NO, ,CHOS NYID KYIS GZUGS NI SNGA MA PO MED PAS MI RTAG PA MA YIN PA'O, ,YANG NA KUN NAS NYON MONGS PA'I GZUGS NI RTAG PA MA YIN LA MYA NGAN LAS 'DAS PA NI MI RTAG PAR MA YIN PA'O, ,LHAG MA RNAMS KYANG JI LTAR RIGS PAR DE KHO NA BZHIN BRJOD PAR BYA'O; ,DE LTAR MI SPYOD NA JI LTAR SPYOD CES DE CI'I PHYIR ZHE NA ZHES RGOL BA LA, BYANG CHUB SEMS DPA' RNAMS NI MTHA' GNYIS DANG BRAL BAR BSGOM DGOS LA DES NA MI GNAS ZHES BSTAN PA NI, GZUGS KYI STONG PA NYID SPROS PA DANG BRAL BA DE NI DNGOS POR LTA BA SGRO 'DOGS PA'I NGO BO MA YIN LA, YOD PA'I GZUGS SNANG BA LA MED PAR SKUR PA MI 'DEBS PAS MTHA' GNYIS DANG BRAL BA NI, GZUGS KYIS ZHES BYA BA LA SOGS PA'O, ,DE NYID BSDU BA NI GZUGS NYID CES BYA BA LA SOGS PA STE, MTHA' GNYIS SPONG BA'I DGOS PAR BSTAN TO, ,DE LTAR MNYAM PAR GZHAG PA LA MI RTOG PA BSGOM PA NI LANGS PA'I TSE SGYU MA DANG SMIG RGYU LA SOGS PA BSGOM PA STE, RNAM PAR MI RTOG PA LA 'JUG PA LAS 'JIG RTEN LAS 'DAS PA'I YE SHES KYIS CHOS THAMS CAD NAM MKHA'I DKYIL LTA BUR MTHONG LA, RJES LAS THOB PA NI SGYU MA LA SOGS KYI MING LTA BUR YONGS SU SHES SO ZHES GSUNGS PAS DE'I PHYIR SNANG BA YANG NGO BO MED PA DANG, DNGOS PO MED KYANG SNANG BA'I PHYIR DE SPYOD DO ZHES KYANG KHAS MI LEN CES BYA BA LA SOGS PA STE DNGOS POR SNANG BA TZAM GYIS MI SPYOD PA KHAS MI LEN LA SNANG BA RANG BZHIN DANG BRAL BAS SPYOD PAR KHAS MI LEN PA'O, ,DE'I PHYIR CHOS NYID LA LTOS TE 'OG MAR BSHAD PA 'KHRUL PA LA LTOS TE GONG MAR BSHAD PA'O, ,SGRUB PA DANG DGAG PA'I PHUNG PO GSUM PO YANG DE KHO NA LTAR YIN TE, SPYOD PA DANG MI SPYOD PA'I SGRUB PA'I PHUNG PO DANG PO NI GONG MA DANG 'OG MAR RIM PA STON LA, DGAG PA GNYIS PAR NI RIM PA LAS BZLOG PAR BSTAN TE, DE'I RGYU MTSAN NI DNGOS PO MED PA STE CHOS NYID LA GZHAG GO ZHES BYA'O, ,DES NA SGYU MA DANG CHOS MTHUN TE MED KYANG SNANG BA ZHES BYA'O, ,DE LTAR ZAB MO BSGOM PA'I THABS BSTAN NAS, DE NYID KYI THABS LA MKHAS PA BSTAN PA NI YANG ZHES GSUNGS TE, BCOS MA DANG BCOS MA MA YIN PA LA MKHAS PAR BYA BA'I DMIGS PA BSTAN PA NI, @323B GOL BA'I LAM LAS BA ZLOG PA'I PHYIR RO, ,DE LA SPANG BYA LA MKHAS PAR BYA BA'I PHYIR 'DI LA ZHES GSUNGS TE, NANG GI MU STEGS PA 'GA' ZHIG MED PA'I DNGOS PO RDUL PHRA RAB 'BYAR BA LA SOGS PA 'DOD CING, DE DAG SKAD CIG LA SOGS PAS MI RTAG PAR LTA BA ZHES BYA BA'O, ,BLANG BYA LA MKHAS PA NI DE LA ZHES BYA BA LA SOGS PA STE, GTAN TSIGS BKOD PA NI GZUGS NI ZHES BYA BA LA SOGS PA'O, ,DE'I DON NI KUN BRTAGS LA SOGS PA MTSAN NYID LA SOGS PA NGO BO NYID MED PAR BSGOM PA NI BSGOM PA DAM PA'O ZHES BSHAD PAR BYA'O, ,DES KYANG BDEN PA ZUNG DU 'JUG PAR BYA DGOS PAS NA YANG ZHES GSUNGS TE, SHIN TU MA 'DA' ZHES DANG RIG TZAM YANG MED PAR LTA BA NI SKUR PA YIN PAS SO ZHES BYA BA'O, ,MA GNAS SHIG CES BYA BA NI GZUNG BA DANG 'DZIN PAR MA ZHE NA CIG CES BYA BA'O, ,DE'I RGYU MTSAN NI 'DI LTAR GSUNGS TE CHOS THAMS CAD NI BRTAGS PA DANG, GZHAN GYI DBANG DANG YONGS SU GRUB PA'O, ,NGO BO NYID KYIS STONG PA NYID NI MTSAN NYID DANG SKYE BA DANG DON DAM PAR NGO BO NYID MED PA STE RGYAL BA BYAMS PA'I ZHAL SNGA NAS, NGO BO NYID NI RNAM GSUM GYI, ,NGO BO NYID NI RNAM GSUM LA, ,DGONGS NAS CHOS RNAMS THAMS CAD NI, ,RANG BZHIN MED PA NYID DU BSTAN, ,CES GSUNGS SO; ,DNGOS PO MED PA NI, CHOS NYID DE KUN BRTAGS LA SOGS DBEN PAS NA, RGYAL BA BYAMS PA'I ZHAL SNGA NAS 'BYUNG LA RAB TU BYED PA SUM CU PA LAS KYANG, GRUB NI DE DANG SNGA MA'O, ,RTAG TU MED PAR 'GYUR DE NYID, ,CES GSUNGS LA DE BZHIN LA DE BZHIN DU GNYIS PO MED PA'I PHYIR BSHAD DO ZHES KYANG GSUNGS SO, ,SHES RAB NI GNYIS SU MED PA'I YE SHES TE YE SHES NI MNYAM PAR GZHAG PA'I DUS SU CHOS NYID LA DMIGS PAS NA BOR BA DANG ZHI BA'I DBANG DU BYAS NAS DOR BA DANG BLANG BA MED PA'O, ,KUN NAS NYON MONGS PA DANG RNAM PAR BYANG BA'I DBANG DU BYAS NAS DGAG PA DANG BSKYED PAR BYA BA MED PA STE; 'PHAGS PA BYAMS PAS SHES RAB NI DON DAM PA LA DMIGS PA'O ZHES GSUNGS SO, ,DE LTAR THABS LA MKHAS PA BSTAN NAS, DA NI ZAB MO'I DON DE NYID LA 'GA' ZHIG RTZOD PAR RTZOM PA NI, JI TZAM GYIS NA ZHES BYA BA LA SOGS PA STE, DMIGS PA DANG, LAM DANG, 'BRAS BU DANG, THABS @324A *, ,DANG; 'BRAS BU'I BYE BRAG LA SOGS PAR RTOGS PA YIN TE, DE LA DMIGS PA NI GNYIS TE SPANG BAR BYA BA'I DMIGS PA DANG, BLANG BAR BYA BA'I DMIGS PA LA LOG PAR RTOGS PA SPANG BA STE, DANG PO'I DBANG DU BYAS NAS SNGAR BCOS MA NYID DU BSTAN PAS GZUGS NYID KYANG MED NA RTAG PA LTA GA YOD CES BSTAN PAS MED PA YIN NA 'KHRUL PA'I GZHI MED PA'I PHYIR, DE MI 'THAD PAR BRTZAD PA NI, CI TZAM GYIS NA DMIGS PA LAGS, ,ZHES BYA BA STE, THO YOR MED NA GANG LA 'KHRUL PA'I YUL MED PA DANG 'DRA ZHES BSAMS PA'O, ,DE BZHIN DU MED PA NYID LA CI LTAR DMIGS ZHES BYA BA'O, ,DMIGS PA'I MNGON DU SONG BA LAS BKAG PA NI MI DMIGS PA YIN NA MED PA LA CHAD PA NYID JI LTAR GZHAG PA DANG 'DRA BAR CHOS CAN NYID MED PA'I KHYAD PAR GYI CHOS SEMS PA NI NGAL BA KHO NA YIN LA GZHAN DU NA SNGA MA DON MED PA KHO NA'O ZHE NA, LAN NI JI TZAM DU ZHES GSUNGS TE, THO YOR MED NA SKYES BUR 'KHRUL PA'AM SKRA SHAD 'DZINGS PA RTOGS PA LTA BUR MED PA LA YOD PAR ZHEN PAS DMIGS PA YIN LA, DE BSAL BA NI MI DMIGS PA YIN PAS GZHAN DU NA BDEN PA NYID LA LOG PAR BYAS PAR 'GYUR PA'I PHYIR RO, ,DE NI JI SRID 'KHRUL PA MA SPANGS KYI BAR DU GNYIS SU DMIGS PAS, DE LAG PA YIN LA DE SPANGS PA'I TSE GNYIS SU SNANG BA'I 'KHRUL PA LDOG PAS GNYIS PA ZHES BYA BA LA SOGS PA GSUNGS SO, ,DE NYID BSHAD PA NI MIG DANG ZHES BYA BA LA SOGS PA'O, ,DE'I PHYIR MI DMIGS PA NI RNAM PAR BYANG BA'I NGO BO NYID YIN NO ZHES BSHAD PAR BYA'O, ,'O NA DMIGS PA MTHA' DAG BKAG PAS NA GAL TE RNAM PAR BYANG BA MI DMIGS PAS NI NGAL BA TZAM DU ZAD DO, ,KUN NAS NYON MONGS PA MI DMIGS NA NI 'BAD PA MED PAR GROL BA'I PHYIR LA, GAL TE SPANGS PA'I PHYIR NYON MONGS PA MI DMIGS SO ZHE NA NI, SPANG BYA MA DMIGS PA'I PHYIR CI LTAR GNYEN PO'ANG MI DMIGS, GNYEN PO MI DMIGS NA, SPANG BYA CI LTAR DMIGS, DE'I PHYIR SPANG BYA DNGOS POR GYUR PA'AM, GNYEN PO MED PAR THAL BA NI CI ZHES RGOL BA'O, ,DE NI MA YIN TE, 'KHRUL PA LA 'KHRUL PAR SHES NAS SUN PHYUNG BA GOMS PA LAS RAB KYI MTHAR THUG PA'I 'BRAS BU'I DUS NA BSAM GYIS MI KHYAB PA'I RNAM PAR @324B THAR PA THOB CING, DE'ANG DMIGS PA LA SOGS PAR RTOGS PA GOMS PA LAS YIN NO ZHES BSTAN PA NI, RAB 'BYOR ZHES GSUNGS TE, DMIGS PA DANG NI MI DMIGS PA MNYAM PA ZHES BYA BA NI, DMIGS PA MED PA LA BYA STE, DMIGS PA NI THAR PA'I RGYU MA YIN NO, ,LAM LA BRTZAD PA NI YANG DER ZHES GSUNGS TE, BDEN PA GNYIS NI LAM DU 'DOD PAS, GAL TE DON DAM PAR 'BRAS BU THOB NA NI MED PA RGYUR 'GYUR BA'AM, KUN RDZOB DON DAM PAR 'GYUR BAS DON DAM PA LA BRTEN NAS SAM ZHES GSUNGS SO, ,'ON TE KUN RDZOB LAS SO ZHEN NI 'KHRUL PA RGYUR GYUR PAS, 'KHRUL PA DANG MA 'KHRUL PA'I BYE BRAG MED PA'AM CHOS NYID LA RAG MA LAS PAR GYUR PAS, DE LAS BZLOG PAS SAM ZHES GSUNGS SO, ,LAN NI MA YIN NO ZHES GSUNGS TE MTHA' RNAM PAR SPANGS PAS SO ZHES BYA BA'O, ,'O NA JI LTAR 'TSANG RGYA BAR 'GYUR TE, THABS MED PAR RGOL BA NI 'O NA ZHES BYA BA'O, ,LAN NI 'KHOR BA DANG ZHI BA RO GCIG PAR RTOGS PA YIN GYI THA DAD PA NI MA YIN NO ZHES BSTAN PA NI, DE YANG ZHES GSUNGS TE, 'DUS BYAS NI KUN RDZOB STE 'KHOR BA'O, ,'DUS MA BYAS PA NI DON DAM PA STE MYA NGAN LAS 'DAS PA'O, ,MI GNAS PA NI RNAM PAR RTOG PA ZAD PA'I PHYIR RAM RO GCIG PAR RTOGS PAS SAM SHES RAB DANG SNYING RJE DBANG BSKUR BA'I PHYIR RO, ,DE'I RGYU MTSAN BSTAN PA NI DNGOS PO MED PAS ZHES BYA BA LA SOGS PA GSUNGS TE, RGYU MED PAS 'BRAS BU MED PAR 'GRUB NA NI MED PAR RGYU 'BRAS BUR 'GYUR BA'I PHYIR RO, ,DNGOS POS DNGOS PO MED PAR 'GRUB NA NI 'GAL BA GNAS PAR 'GYUR TE, YOD PA DANG MED PA GNYIS PHAN TSUN SPANGS PA'I PHYIR RO, ,DNGOS PO MED PAS DNGOS POR 'GRUB NA NI MED PA RGYUR 'GYUR BA'I PHYIR RO, ,DNGOS PO DNGOS POR 'GRUB NA NI DUS MNYAM PA ZHIG GAM THA DAD PA ZHIG ,DUS MNYAM PA NI RGYU 'BRAS BU 'THAD PA MA YIN LA, THA DAD PA NI BRAD PA MED PA'I PHYIR RO, ,'O NA THOB PA DANG RTOGS PA GANG ZHIG CE NA ZHES 'BRAS BU LA BRTZAD PA NI 'O NA ZHES BYA BA'O, ,LAN NI SPROS PA'I MTHA' DANG BRAL BA RTAG PA 'BRAS BU YIN PAS SPROS PA LA DER MI 'JOG PA NI GANG LA ZHES GSUNGS TE, SPROS PA MED PA NI SPROS PA ZAD PA'O, ,MA SPROS PA NI ZAD PA'I @325A *, ,KHYAD PAR TE CHOS NYID 'BA' ZHIG PA'O, ,SPROS PA ZAD PA NI KHYAD PAR GNYIS PA RTOGS PA'I DAG PA'O, ,'O NA MTHA' GNYIS GANG ZHE NA, GZUGS RTAG CIS BYA BA'AM ZHES BYA BA LA SOGS PA'O, ,DA NI 'THAD PA MA YIN NO ZHES THABS KYIS NGO BO NYID LA BRTZAD PA NI STONG PA NYID 'BA' ZHIG LA GNAS NA, THEG PA 'OG MAR LHUNG NGO ZHES LAN NI, 'DI LTA STE DPER NA ZHES BYA BA LA SOGS PA STE GOMS SHING MNGON DU MI BYED DO ZHES BYA BA'I DON TO, ,'O NA MNGON DU MI BYED PA LAS NI 'BRAS BU'I BYE BRAG MED DO ZHE NA, LAN NI CI LTAR RIGS ZHES GSUNGS SO, ,DE NI 'THAD PA NI GZUNG DU MA MCHIS ZHES BYA BA LA SOGS PA STE, CHOS NYID LA NI 'DOD PA NYID YIN LA, KUN RDZOB TU NI RTOGS PA YOD PAR BSTAN PA NI 'PHAGS PA'I ZHES GSUNGS TE, 'DUS MA BYAS 'GOG PA'I MYA NGAN LAS 'DAS PA NI GCIG PA'I PHYIR RO, ,DE LTAR ZAB MO'I BSGOM PA'I THABS ZHAR LA BYUNG BA DANG BCAS PA BSTAN NAS, DA NI CHOS NYID ZAB MO'I RNAM GRANGS BSTAN PA'I PHYIR, DE BZHIN GSHEGS PAS GSUNGS TE, 'DUL BA NI SLOB MA'I MING GI RNAM GRANGS SO, ,DE'I DBANG NI STONG PA NYID DU RTOGS NA SKRAG PA RNAMS LA MI SPONG BA'I THABS LA MKHAS PA STON TE, THEG PA'I SGO NI 'JUG PA'I TSUL LO, , SNA TSOGS PA NI BSAM PA'I DBANG GIS THABS LA RMONGS PA'O, ,'DI ZHES BYA BA NI LOG PAR RTOG PA SPANG BA'I PHYIR TE STONG PA NYID 'DI ZHES BYA BA'O, ,DE LTAR DGOS PAS MTSAMS SBYAR NAS DE NYID BSTAN PA NI CI LTAR ZHES GSUNGS TE, DE LA DANG PO CHOS NYID KYI NGO BO NYID NI DE BZHIN GSHEGS PA'I SNYING PO ZHES GSUNGS TE, KHAMS NI RANG BZHIN GYI RNAM PAR DAG PA DRI MA DANG BCAS PA'I DA BZHIN NYID DE, MDO GZHAN NI DE BZHIN GSHEGS PA'I SNYING PO LA SOGS PA'O, ,BRJOD PA NI DPE RNAM PA DGU GSUNGS TE, PADMA NGAN LA RGYAL BA'I SKU DANG NI, SBRANG MA'I SBRANG RTZI SHUN PA'I NANG NA GNAS, ,MI GTZANG DONG DU RIN CHEN GSER DANG NI, ,SA YI GTER DANG MYU GU LA SOGS 'BRAS, ,RUL BA'I GOS DANG RGYAL BA'I GZUGS BRNYAN DANG, ,'BANGS MO'I LTO NA RGYAL PO'I SRAS BZHIN DANG, ,SA LA RIN CHEN CI BZHIN DRI MA YIS, ,SGRIB PA'I KHAMS NI 'GRO BA KUN LA GNAS, ,ZHES GSUNGS PA'O, ,DE'I MTSAN @325B NYID NI; RANG BZHIN GYIS 'OD GSAL ZHES BYA BA LA SOGS PA STE, DRI MA THOG MA NYID NAS BRAL BA'I MTSAN NYID DE RNAM PAR DAG PA ZHES BYA BA NI GZUNG 'DZIN DANG BRAL BA'O, ,CHA 'DZIN PAS NA MTSAN SUM CU RTZA GNYIS DANG LDAN PA STE SA BON GYI DON TO, ,LUS KYI NANG ZHES BYA BA NI SEMS LA GNAS PA'I TSIG BLA DGAS SO, ,'O NA JI LTAR 'KHOR ZHE NA, PHUNG PO ZHES BYA BA LA SOGS PA GSUNGS TE G-YOGS PAR BYED PAS GOS DANG 'DRA BA STE, KUN DU ZHEN PAS DKRIS PA'I PHYIR RO, ,'DOD CHAGS LA SOGS PA NI STOBS DANG LDAN PAS GNON PA'I PHYIR RO, ,RTOG PA'I 'KHRUL PAS BAG CHAGS KYIS BSGOS PA'I PHYIR RO, ,SGRIB PA RNAMS KYI MTSAN NYID 'DOD CHAGS KYI BAG LA NYAL BA LA SOGS PA RNAMS NI 'PHAGS PA BYAMS PAS RGYUD BLA MA LAS BSDUS PAR RIG PAR BYA'O, ,SGRIB PAS G-YOGS PA DE'I CHOS NYID NI RTAG PA ZHES BYA BA LA SOGS PA STE, SKAD CIG PA MA YIN PAS RTAG PA'O, ,RGYUN GYIS GNAS PAS BRTAN PA'O, ,MI 'GYUR BAS THER ZUG PA'O, ,RTAG PA LA SOGS PAR GSUNGS PA GZHAN DAG LOG PAR RTOGS PA NI BCOM LDAN 'DAS ZHES GSUNGS TE, CI LTAR MI 'DRA ZHES BYA BA NI 'DRA BAR BSTAN PA'O, ,CI LTAR 'DRA BAS GCIG CE NA, MU STEGS BYED RNAMS KYANG ZHES GSUNGS TE, BDAG GI RANG BZHIN YANG DE LTA BUR SMRA STE, DES NA BDAG SUN PHYUNG NA SNYING PO NYID SUN PHYUNG LA, SNYING PO GRUB NA BDAG GRUB PAR 'GYUR PAS ZHES CI LTAR SPONG ZHES SPONG BA'O, ,LAN NI BDAG TU SMRA BA DANG MTSUNGS PA MA YIN TE ZHES GSUNGS TE, 'DIR CHOS NYID LA MING GZHAN DU BRJOD PA'O ZHES BSTAN PA NI STONG PA NYID DANG ZHES BYA BA LA SOGS PA'O, ,SOGS PA'I SGRA NI DE BZHIN NYID DANG, DON DAM PA DANG, CHOS NYID DANG, CHOS NYID KYI DBYINGS DANG CHOS SKYON MED PA NYID DANG CHOS GNAS PA RNAMS BSDU'O, ,DE LTAR MING GZHAN GYIS BTAGS PA'I DGOS PA NI, BYIS PA RNAMS ZHES GSUNGS TE, DON MI SHES PAS NA BYIS PA'O, ,'JIGS PA NI SKRAG PA'O, ,SPANGS PA NI SKRAG PA SPANGS PA'I PHYIR RO, ,DGOS PA'I 'BRAS BU NI RNAM PAR MI RTOG PA'I GNAS ZHES GSUNGS TE, SGO NI 'JUG PA'I THABS KYI KHYAD PAR RO, ,GNAS NI YUL LO, ,SNANG BA NI 'KHRUL PA'O, , @326A *, ,MED PA NI SPANGS PA STE, 'KHRUL PA DANG BRAL BA'I THABS ZHES BYA'O, ,SPYOD YUL NI SPYOD YUL TE SPYOD YUL NYID DO, ,DE'I PHYIR GDAMS PA NI BLO GROS CHEN PO ZHES GSUNGS SO, ,'JAM DPAL NI SHES RAB DANG LDAN PAS NA 'DI'I SHES RAB PO NAS RTOGS SO ZHES 'PHAGS PA 'JAM DPAL LA GDAMS SO, ,DE'ANG GANG GI CHED DU ZHE NA BYANG CHUB SEMS DPA' SEMS DPA' CHEN PO ZHES GSUNGS TE, NYAN THOS KYI THEG PA DAG LA BSTAN ZHES BYA BA'O, ,'O NA CHOS NYID BRJOD DU MED PA NYID MA YIN NAM, CI LTAR TSIG GIS BSTAN ZHE NA, BDEN MOD KYI THABS KYIS BSTAN TO ZHES DPE BSHAD PA NI; DPER NA ZHES GSUNGS TE, GZHAN DU NA SUS KYANG RTOGS PAR MI 'GYUR RO ZHES BYA BA'O, ,DPE DE NYID DON DANG SBYAR BA NI DE BZHIN DU ZHES GSUNGS TE, RNAM PAR RTOG PA LAS LOG PAR MI RTOGS PA'O, ,SA NYID BRJOD DU MED PA NYID MA YIN NAM CI LTAR TSIG GIS BSTAN ZHE NA, DE NYID JI LTAR BSTAN DU RUNG ZHE NA, SHES RAB THABS KYIS ZHES BYA STE, BRDAR BTAGS NAS STON PA LTAR ZHES BYA BA'O, ,DE NYID BSHAD PA NI SNYING POR BSHAD PA'AM ZHES BYA BA'O, ,DE NYID BSDU BA NI DE'I PHYIR ZHES BYA BA LA SOGS PA'O, ,DE LTAR SNGAR BSTAN PA'I DGOS PA'I DE NYID KHYAD PAR DU BSHAD PA NI DE LTAR ZHES GSUNGS SO, ,DRANG BA NI KHRID PA'I MING NGO, ,GANG ZHE NA MU STEGS BYED CES BYA STE, CI'I PHYIR BRJOD CE NA, BDAG TU SMRA BA LA ZHEN PA'O, ,GANG GI PHYIR ZHE NA, BDAG TU RTOGS PAS ZHES GSUNGS TE, LOG PAR ZHUGS PA DE'I PHYIR ZHES SBYAR RO, ,CI LTAR ZHUGS SHE NA YANG DAG PA MA YIN PAR ZHES BYA STE BDAG NI LOG PA'I PHYIR BRDZUN PAR BRJOD DE, MED PAS BCINGS PA'I PHYIR ZHES SBYAR RO, ,DKA' THUB DRAG PO CAN YANG LOG PA'I BSAM PAS KHRID PAS NGAL BA CAN DU BSTAN PA NI, DER LHUNG BA'I BSAM PA CAN DAG THAR PAR JI LTAR 'GYUR ZHES SBYAR RO, ,THAR PA NYID GANG ZHE NA RNAM PAR THAR PA GSUM ZHES GSUNGS TE, DNGOS POR LTA BAS STONG NYID RTOGS PA MIN, ,MTSAN MED SMON PA DANG BRAL YUL MIN TE, ,DMUS LONG NYI MA'I DKYIL 'KHOR JI BZHIN PAS, ,DE PHYIR THEG CHEN MYA NGAN 'DAS MI REG ,CE'O, ,CI LTAR 'GYUR TE MI 'GYUR ZHES BYA BA'O, ,DE LTA BAS NA DE DAG DE @326B LA REG PAR BYA BA'I PHYIR THABS BSTAN PA NI DE'I DON DU ZHES BYA BA'O, ,DON GYI THABS NYID GANG ZHE NA, LTA BA RNAM PAR LDOG PA'I PHYIR, ,ZHES GSUNGS TE DE'I DON DU 'BAD PAR BYA'O ZHES BSTAN PA YIN NO, ,DE CI'I PHYIR BDAG MED PA KHO NA LA 'JUG PAR BYA ZHE NA, 'DI LTA STE ZHES GSUNGS TE, YANG DAG PA'I LTA BA YIN PA NI CHOS STONG PA NYID DANG ZHES BYA BA LA SOGS PA STE, STONG PA NYID NI DNGOS POR LTA BA 'JOMS PA'I PHYIR GRUB PA'I MTHA' STE GRUB PA'I MTHA' NI MI SHIGS PA'O, ,DE'I MTHA' NI MUR THUG PA'O, ,GONG NA MED PAS NA BLA NA MED PA'O, ,YANG DAG PA'I SPYOD PA YIN PA NI CHOS ZAB MO BSTAN PA NI GZUNG BAS ZHES BYA STE, CHOS 'DZIN PA NI SPYOD PA RNAMS KYI DAM PA YIN TE YANG DAG PA'I LTA BA 'GRUB PA'I RGYU YIN NO, ,SPYOD PA PHUN SUM TSOGS PAR BSTAN PA NI 'DI LTAR ZHES GSUNGS TE, JI LTAR MTHA' DAG GZUNG ZHE NA LAN DU BSTAN PA STE, 'DUS PA'I PHYIR ZHES BYA BAS SHES RAB KYI DBANG DU BYAS PA'I SBYIN PA LA SOGS PA RNAMS NI SPYOD PA PHUN SUM TSOGS PA ZHES BSHAD LA, YANG DAG PA'I LTA BA NI DE'I RGYU YIN PA'I PHYIR RO, ,DE NYID NGES PA'I DON DU BYA BA NI YANG ZHES GSUNGS SO, ,SPYOD PA PHUN SUM TSOGS PAR JI LTAR 'GYUR ZHE NA, DE'I 'THAD PA NI ZLA BA SGRON MA'I MDO LAS ZHES GSUNGS TE STONG NI STONG CHUNG NGU'O, ,DAG CES BYA BA NI MANG POS STON PAR BYED PA STE, STONG GNYIS PA NAS STONG GSUM DU ZHES BYA BA'O, ,NGES NI ZHES BYA BA NI SH'AKYA THUB PA NYID KYIS TE DE'I ZHING STONG GSUM YIN PA'I PHYIR RO, ,LA LA NI STONG NYID LA SOGS PA NI MTSON PA STE, SNGAR BSHAD PA LTAR SANGS RGYAS RNAMS NI MNYAM PA NYID KYIS 'JIG RTEN THAMS CAD DU SANGS RGYAS THAMS CAD KYIS ZHES ZER RO, ,LA LA NI MTSAN 'DRA BA MANG PO GZIGS PAS SO ZHES ZER RO, ,TSIG 'BRU THA DAD PA NI SGRA SNA TSOGS PAS BSHAD PAS SO, ,TSIG GCIG PO GANG ZHE NA THAMS CAD STONG PA NYID CES BYA BA'O,, DON LA MKHAS PA NI SNGAR BSHAD PA LTA BU STE GZHAN DU NA SNGAR BSHAD PA LTAR CHUD ZA BA YIN NO, ,DKON PA MA YIN PA NI MI DKON PA STE MOD PA'O, ,GANG ZHE NA, SANGS RGYAS CHOS RNAMS TE STOBS LA SOGS PA'O, ,DE LTAR ZAB MO LA MOS PA'I DGOS PA BSTAN NAS, DE NYID KHYAD PAR ZAB MO LA MOS PA'I @327A *, ,PHAN YON BSTAN PA NI, CHOS ZAB MO LA MOS PA'I ZHES GSUNGS TE, BSOD NAMS JI LTAR SDUD CE NA, 'JIG RTEN DANG ZHES BYA BA LA SOGS PA'O, ,DE NYID LUNG DANG SBYAR BA NI, DANG PO KHYE'U RIN CHEN GYI MDO LAS BSTAN PA NI, 'JAM DPAL ZHES GSUNGS TE, KHYAD PAR GYI GZHI NI RTEN GYI KHYAD PAR NI BYANG CHUB SEMS DPA' THABS LA MKHAS PA DANG BRAL BA'O, ,DUS NI BSKAL PA BRGYA STONG NGO, ,SPYOD PA NI DRUG STE KHYAD PAR GYI GZHI'O, ,KHYAD PAR GYI MTSAN NYID NI GANG GIS ZHES PA LA SOGS PA STE, THE TSOM NI YID GNYIS SO, ,LUNG 'PHOGS PA NI STON PA'O, , MDO GNYIS PA NI DPE DGOD PAR GANGG'A'I KLUNG GI ZHES BYA BA'O, ,DON GYI KHYAD PAR NI DE SNYED KYI ZHES GSUNGS TE, KHYAD PAR GYI GZHI RTEN NI DE SNYED KYI SKYES PA'AM BUD MED CES SMOS TE RTEN MCHOG YIN PAS SO, ,DNGOS PO NI RIN PO CHE STE DKON PA LA SOGS PA'I PHYIR BZANG BA'O, ,MTHA' DAG PAS SNA BDUN NO; ,MANG PO NI BKANG BA'O, ,YUL BZANG PO NI DE BZHIN GSHEGS PA STE BYAS PA MI ZAD PA'I PHYIR RO, ,KHYAD PAR GYI MTSAN NYID NI, GANG ZHIG CES GSUNGS PA'O, ,PHAN YON GYI 'BRAS BU NYID GANG ZHE NA MNGON PAR MTHO BA'I DBANG DU BYAS NAS, BSOD NAMS 'DOD PA DANG ZHES BYA BA LA SOGS PA GSUNGS TE; BAR ZHES BYA BA NI MTHA' BZUNG BA'O, ,NGES PAR LEGS PA'I DBANG DU BYAS NAS, SH'A RI'I BUS GSOL PA ZHES GSUNGS TE, SA BRGYAD PA'I DBANG DU BYAS NAS NGES PA'O, ,SA DGU PA LA NYE BA'O, ,SA BCU PA LA 'THOB PAS NA SANGS RGYAS NYID DU BLTA BAR BGYI'O, ,LA LA NI MOS PA LA GSUM DU RANG GI RTOGS PA'I DBANG GIS NGES PA LA SOGS PAR BSHAD DO ZHES ZER RO, ,GZHAN DAG NI YUL 'GROL BAS LAS DANG PO PA MOS PA DANG LDAN PA RNAMS NI NGES PA STE MI LDOG PAR 'GYUR BA'O, ,SEMS BSKYED PA RNAMS NI NYE BA STE NYE BAR GYUR PA STE, SPYOD PA LA ZHUGS PA DE BZHIN DU BLTA BAR BYA'O, ,PHYIR MI LDOG PA YANG DE BZHIN NO, ,SKYE BA GCIG GIS THOGS PA NI SANGS RGYAS NYID DU BLTA BAR BGYI'O, ,LA LA NI THAMS CAD KYANG SNYING PO DANG LDAN PAS NGES PAR BZHAG STE, THAMS CAD KYANG DE THOB TU RUNG BAS DE'I RKYEN YUL YIN PAS NGES PA'O, ,RIGS DANG LDAN PAS SEMS BSKYED PAS NI SNGA MA LTAR NYE BA'O, ,SPYOD PA @327B BSGRUB PA YANG SNGA MA LTAR SANGS RGYAS NYID DU BLTA'O ZHES KYANG ZER RO, ,LA LA NI LUNG BSTAN PA'I PHAN YON GSUM STE, GSANG STE LUNG BSTAN PA DANG SEMS BSKYED PAR LUNG BSTAN PA NI NGES PA'O, ,LUNG STON PAR LUNG STON PA NI NYE BA'O, ,DNGOS SU LUNG BSTAN PA NI SANGS RGYAS NYID DU BLTA BAR BYA'O ZHE'O, ,PHAN YON GNYIS PA NI NYES PA THAMS CAD SEL BAS NA LTUNG BA DANG ZHES GSUNGS TE, BCAS PAS RJES SU 'GAL BA NI LTUNG BA STE LTUNG BAR BYED PA DANG SGRIB PAR BYED PA'I PHYIR TE, SGRIB PA NI LAS DANG LAM GYI GEGS BYED PA'I PHYIR RO, ,LHAG MA NI 'GYOD PA STE YID LA GCAGS PA'O, ,YANG NA RGYU NI LTUNG BA'O,, 'BRAS BU NI 'GYOD PA'O, ,GZHAN LTUNG BAS NA LTUNG BA'O, ,SGRIB PAS NA 'GYOD PA'O, ,LAS KYI SGRIB PA NI LAS KYI SGRIB PA'I NGO BO NYID DE LAS KYI SGRIB PA GANG GIS LAS LA SGRIB PA'O, ,YANG NA BYED PAR NYE BAR GZUNG BA NYID NI LAS KYI SGRIB PA'O, ,DE NYID GANG ZHE NA, 'OD SRUNGS ZHES GSUNGS TE SDIG PA'I RNAM GRANGS BRTAG PA'I PHYIR TE, SROG GCOD PA LA SOGS PA 'DI DAG GI BSAM PA LA SOGS PA'I YAN LAG NI SNGAR BSHAD PA NYID DE, KHA NA MA THO BA CHEN PO RNAMS BSDU BA'I PHYIR DANG STONG PA NYID KYI PHAN YON BSTAN PA'I PHYIR RO, ,DE LA MTSAMS MED PA'I LAS GNYIS GZHI GCIG LA BSDU BA NI PHA DANG RANG SANGS RGYAS TE, PHA BSAD PA DANG DGRA BCOM PA BSAD PA'I PHYIR RO, ,DKOR NI DBYIG LA SOGS PA STE YUL GSUM LA BRKUS PA'I PHYIR RO, ,NYE BA NI MA DGRA BCOM MA STE MA NI MA BSKYED MA LA BYA STE MTSAMS MED PA DANG CHA 'DRA BA'I PHYIR RO, ,LHAG MA NI GO SLA BA'O, ,DE DAG GANG LA ZHE NA GCIG LA BSDU BA NI GAL TE ZHES GSUNGS TE, GCIG GI RGYUD KYIS BSDUS PAS NYES PA SHIN TU CHE BA'I PHYIR ZHES BSHAD DO, ,DE 'ANG 'JOMS PAR 'GYUR BAS NA, DE YANG ZHES GSUNGS SO, ,CI LTA NA DE SPANG ZHE NA, RGYU DANG ZHES GSUNGS TE LDAN PA NI 'JOMS PA STE 'PHROD PA NYID DO, ,CI LTAR 'PHROD CE NA LA LA NI RTEN DANG SUN 'BYIN PA DANG SOR CHUD PA DANG GNYEN PO STE STOBS BZHI LDAN PA LA BYA'O ZHES ZER RO, ,LA LA NI RGYU NI NANG GI NYE BAR LEN PA DANG, PHYI ROL GYI RKYEN YONGS SU 'DZIN PAR LDAN PAS KUN RDZOB TU 'GYOD CING GNYEN PO STONG PA NYID BSGOM PA'O ZHES ZER RO, ,LA LA RANG BZHIN MED PA NYID LA BYA STE @328A *, ,GANG ZHIG RKYEN LAS SKYES PA DE MA SKYES PA LTAR BAS NA 'OG NAS KYANG SKYES MA THAG TU 'GAG GO ZHES BYA BA NI MI GNAS PAR BSTAN PA'I PHYIR RO ZHES ZER RO, ,LA LA NI BYAS PA CHUD MI ZA BAR SHES NAS YONGS SU SPANG BA'I PHYIR RTZOL BA LA BYA'O, ,LA LA NI ME LNGA BSTEN PA LA SOGS PA NI RGYU MA YIN PAS NA DE'I RGYU NI DE DAG DANG 'GAL BA YIN PAS DNGOS POR LTA BA DANG, STONG PA NYID DANG 'GAL TE DES NA GANG BYED PA'AM ZHES BYA BA LA SOGS PA LA 'JUG GO ZHES ZER RO, ,DE LTA BAS NA MA BYAS PA NI BYED PA PO MED PA'I PHYIR RO, ,'DUS MA BYAS PA NI RGYU RKYEN TSOGS PA MED PA STE SKYES NAS 'JIG PA'I PHYIR SNGA MA DANG PHYI MA PHRAD PAR MI 'GYUR BA LA BYA'O, ,'O NA MNGON SUM DANG 'GAL ZHE NA SGYU MA'I CHOS NYID CES BYA STE, MA BRTAGS NA SNANG BA'I PHYIR RO, ,STONG PA LA STONG PAS GLAGS MI RNYED PAS NA NYON MONGS PA MED PA'O, ,CI'I PHYIR GLAGS MI RNYED CE NA RANG BZHIN GYIS 'OD GSAL BA STE BSGYUR DU MI NUS PAS SO, ,DE LA RGYU RKYEN MED PAS THOG MA NAS DAG PA'O, ,'O NA THAMS CAD CI'I PHYIR MA GROL LO ZHE NA, MNGON PAR DAD CING MOS PA ZHES BYA'O, ,RANG 'BYUNG RNAMS KYI DAM PA'I DON, ,DAD PA MED NA RTOGS MIN TE, ,NYI MA'I DKYIL 'KHOR 'OD LDAN PA, ,LONG BA RNAMS KYIS JI BZHIN NO, ,ZHE'O, , CHOS RNAMS STONG PA NYID YIN YANG CI'I PHYIR NYES PA DANG LDAN PA RNAMS MI GROL ZHE NA, RIGS PAS SNGAR BSTAN PA BZHIN PAS DNGOS PO MED PA'O, ,CI LTAR MED CE NA, SKYES NAS 'JIG CING 'JU'O, ,CI LTAR SKYE ZHE NA RGYU DANG ZHES BYA BA'O, ,CI LTAR 'JIG CE NA, RGYU LA MA LTOS PAS SKYES MA THAG TU'O, , SEMS CI LTA BAR NYON MONGS PA YANG DE BZHIN PAS GANG ZHES GSUNGS SO, ,NYON MONGS PA ZAD KYANG LAS KYI 'BRAS BU 'BYIN NO ZHE NA, GANG SGRIB PA MED PA DE LA ZHES GSUNGS TE NYON MONGS PA ZAD NA GROL BAR 'GYUR RO ZHES BSTAN TO, ,'O NA NYON MONGS PA ZAD NA LAS SOGS PAR MI BDE LA LAS KYI SGRIB PA NI NYON MONGS PA LAS GROL BAR RIGS PA MA YIN PAS CI LTAR 'THAD CE NA, MDO GNYIS PA BSTAN TE, NYES PA CHEN PO BYAS KYANG DE'I RJES SU RTEN LA SOGS PA'I STOBS NYID SNGON DU BTANG STE, GNYEN PO BSGOMS NA GROL BA NI SNGAR MA SKYES DGRA'I MDO LAS GSUNGS PA BZHIN DU, 'DIR YANG NAM CHOS THAMS @328B CAD SHIN TU DUL BAR SHES TE ZHES BYA BA LA SOGS PA GSUNGS TE, CHOS NI CHOS KYI SGRAR BSTAN PA'AM MTSAN NYID 'DZIN PA'I PHYIR RO, ,YANG NA CHOS MTHUN PAR BSHAD PAS NYES PA RNAMS KYI ZHES BYA STE LTUNG BA RNAMS KYI RGYU NYON MONGS PA DANG, DE'I RGYU STONG PA STE DNGOS POS DBEN PA STE, 'DAS PA NI ZHIG LA MA 'ONGS PA NI MA BYUNG BA DANG DA LTAR NI MI GNAS PAS DBEN PA STE STONG PA NYID DO, ,'GYOD PA SEL BA NI LTUNG BA'I CHOS BZHIN DU'ANG PHYIR BCOS PA STE CHAD PA'I LA SOGS PA'O, ,BRTAN POR MI BYED PA NI 'GYOD PA MI GNAS PAR BYED PA STE, 'GYOD PA NYID SGRIB PA YIN PA'I PHYIR RO, ,LDANG BA'I THABS BSAM PA'AM, LDANG BA'I THABS SBYOR BA PHYIR BCOS PA NYID GANG ZHE NA, DE DAG LA ZHES GSUNGS TE, STOBS BZHIS NI KHA NA MA THO BA CHEN PO 'ANG SEL NA ZHES BYA BA'O, ,DE LA CHO GA NI BCAS PA'I NYES PA PHRA MO LA BYA'O, ,TSUL KHRIMS NI SROG GCOD PA SPONG BA LA SOGS PA'O, , TSUL KHRIMS KYI RNAM PA NI STOBS BZHI DAG PAR BYED PA'O, ,'DAS PA'I NYES PA BSHAGS KYANG YANG NYES PAS GOS NA CI LTAR BYA ZHE NA DE'I RGYU SPANGS PA'I PHYIR RO, ,NYON MONGS PA 'DUL BA LA MKHAS ZHES GSUNGS TE, MI SDUG PA DANG BYAMS PA DANG RTEN CING 'BREL PAR 'BYUNG BA BSGOM ZHES BYA BA'O, , CI LTAR 'DUL ZHE NA, GLO BUR GYI ZHES BYA STE BRDZUN ZHES BYA BA'I DON TO, ,BRDZUN PAR BYAS NAS DE'I DBANG DU MI 'GRO BAS NA KUN NAS NYON MONGS PAR GYUR PA MA YIN PAR RO, ,BAG MED PA LA SOGS PAS LTUNG BA BYUNG NA SKYEN PAR PHYIR 'CHOS PAS NA 'BYUNG BAR 'DU SHES PA'O, ,SNGAR BSTAN PA'I CI LTAR BRTAN POR MI BYED CE NA YUL DANG MTSAN NYID DANG SPONG BA LA MKHAS PAS 'GYOD PA MI GNAS PAR BYED PA STE, YUL NI NAD LA SOGS PA STE NANG LA SOGS PA'I SKYE MCHED RNAMS SU'O, ,GNYIS GA MED PAS NI BAR TE DBANG PO'AM NAM MKHA'O, ,MA YIN NA NI DGAG PA STE CI SKAD SNGAR BSHAD PA NYID YIN NO, ,MTSAN NYID NI GNYIS TE SPONG BAR BYED PA'I MTSAN NYID KHONG DU CHUD PA NYID CES BYA STE, GNYEN PO'I NGO BO GANG GIS RANG BZHIN MED PAR RTOGS NA ZHES BYA BA STE NYON MONGS PA SHES NA DE SPONG BA STE DPER NA KLU'I RIGS 'DON SHES NA GNOD PA MI BYED PA LTA BU'O, ,'O NA JI LTAR KHONG DU CHUD CE NA RTZA BA MED PAR RTOGS PA'O, ,DE'I PHYIR MI @329A *, ,SEL ZHES BYA STE, BSAL BYA MA DMIGS PA'I PHYIR RO, ,MI BSGRUB CES BYA STE RTOG PA SPANGS PA'I PHYIR RO, ,CI LTAR RTZA BA MED PAR BRTAG CE NA, SPANG BAR BYA BA'I MTSAN NYID NI SPRIN DANG ZHES BYA BA LA SOGS PA STE LHAG MTHONG NI SHES RAB BO, ,YE SHES NI YE SHES SO, ,SHES RAB YE SHES KYI DON DAM PA DANG KUN RDZOB TU DPYAD NAS GTOR BA NI BSHIG PA'O, ,DE DAG KYANG RTOG PA LAS BYUNG BAS SGRIB PA'I PHYIR SPRIN DANG 'DRA'O, ,RNAM PAR SHES PA GYUR PA YIN PAS NANG GI SEMS DER SNANG BAS CHU ZLA LTA BU STE, BZHIN NI NANG GI MTHUS SO, ,MI SHES PA LAS BYUNG BAS MUN PA'I SPYOD YUL LO, ,LOG PA'I SHES PA LAS BYUNG BAS NA RKUN PO LA SOGS PA LTA BU STE, LAS NI GLAGS TSOL BA STE BDE BA 'PHROG PAR BYED PA'O, ,DE LA MA RIG PA'I RGYU KUN DU BRTAGS PA'I MA RIG PA NI GNYIS PA STE 'DZIN PAR KUN DU BRTAGS PA'I DPE NI SPRIN LTA BU STE 'DRA BAR GZHAN 'BYUNG BA'I YANG PHYIR RO, ,GZUNG BAR KUN DU BRTAGS PAR NI CHAR SPRIN LTA BU STE, YUL DANG 'DRA BA YANG GZHAN 'BYUNG BA'I YANG PHYIR RO, ,DE'I GNYEN PO NI YE SHES LA SOGS PA STE BDEN PA GNYIS LA MKHAS PAS SPONG BA'I PHYIR RO, ,CI LTAR SPONG ZHE NA, PHYOGS NA 'GRO BA DANG YUL NA GNAS PA MED PA STE DNGOS PO MED PA'I PHYIR RO, ,LHAN CIG SKYES PA'I MA RIG PA'I DPE NI CHU ZLA LTA BU STE THOG MA MED PA'I BAG CHAGS GOMS PA'I PHYIR DER SNANG NGO, ,DE NI GSUM STE LHAN CIG SKYES PA'I 'DOD CHAGS NI CHU ZLA LTA BU STE, NANG GI SEMS KYI SDUG PA LA SOGS PAR BRTAGS PAS YONGS SU RTOG PA'O, ,GTI MUG NI MUN PA LTA BU STE MI SHES PAS RMONGS PA'O; ,ZHE SDANG NI RKUN PO LA SOGS PA LTA BU'O, ,DE LA BSKAL PA STONG LA SOGS PAR BSAGS PA'I DGE BA RKU BAR BYED PAS NA RKUN PO LTA BU STE MI SHES PAS RKYEN BYAS PA'I PHYIR RO, ,KHONG KHRO GNAS MED PAS NA MKHA' 'GRO MA LTA BU STE YUL RNAMS LA RGYUG PA'I PHYIR RO, ,'BRAS BU MI 'DOD PAR BYED PAS GNOD SBYIN LTA BU STE YID DU MI 'ONG BA'I PHYIR RO, ,THAR PA'I GZI BRJID 'PHROG PAS NA SRIN PO DANG GNOD SBYIN LTA BU STE MDANGS 'PHROG PA'I PHYIR RO, ,TSUL BZHIN YID LA BYED PA NI STONG PA NYID DO, ,LA LA NI BYAMS PA LA SOGS PA LA SMRA'O, ,CI LTAR YID LA BYA ZHE NA STONG PA NYID DANG ZHES BYA BA LA SOGS @329B PA'O; ,DE LTA BAS NA DE SPONG BA'I THABS LA MKHAS PA NI RNAM PA THAMS CAD KYI MCHOG DANG LDAN PA NI STONG PA NYID YIN PAS SEMS CAN LA SOGS PA GSUNGS TE, THABS DANG SHES RAB ZUNG DU 'BREL PAS ZHES SBYAR RO, ,DE DAG NGES PA'I DON DU BYA BA NI, MDO GSUM PA STE CHOS KYI RNAM GRANGS NI STONG PA NYID DO, ,DANG PO DANG, BAR PA DANG, THA MAR NI THOS PA DANG MOS PA DANG 'JUG PA'O, ,DE LTA BAS NA RNAM GRANGS SU BSHAD PA NI MDOR BSTAN PA'I LTUNG BA NI CI LTAR SBYONG ZHE NA BDUD 'DUL BA'I LE'U LAS 'BYUNG BA LTA BU'O, ,DE'I 'GYOD PA CI LTAR SEL ZHE NA MA SKYES DGRA'I MDO LAS BSTAN PA LTA BU'O, ,LAS KYI SGRIB PA JI LTAR SBYONG ZHE NA, MDZOD KYI MDO LAS BSTAN PA LTA BU STE DE 'GYOD PA DANG LAS KYI SGRIB PA NI KHYAD PAR DANG, SPYI'I DBANG DU BYAS PA'O ZHES KYANG BSHAD DO, ,LTA BU ZHES BYA BA NI SGRA DRANGS NAS PHAN YON GNYIS PHYOGS YONGS SU MTSON PA NI 'DI NI ZHES GSUNGS PA STE, 'DIR MDOR BSDUS SO ZHES BSHAD PA'O, , BSOD NAMS DANG YE SHES DAG NI SKU GNYIS 'GRUB BO ZHES BYA BAR BSTAN PAS BSOD NAMS DANG YE SHES KYI BYE BRAG BSTAN PA SHES RAB DE'ANG THABS DANG LDAN PAR BSTAN PA NI, THABS MKHAS PA DANG BRAL BAR GSUNGS TE BYANG CHUB SEMS DPA' NI SHES RAB GOMS PAR BYED PA'O, ,DE LTAR BAS NA SBYOR BA YANG DAG PA'O ZHES BYA STE YANG DAG PA'I THAR PA'I THABS SO, ,SBYOR BA NI LAM DE'O, ,DE YANG CI LTAR SHES SHE NA, DE SKAD CES LUNG DANG SBYAR BA NI THABS KYIS MA ZIN PA'I ZHES BYA BA LA SOGS PA GSUNGS TE, ZHING GI RGYAN NI ZHING DANG 'BREL PAR RGYA CES BA STE, SNOD RNAM PAR PAR DAG PA'O, ,LTA BA NI DRUG CU RTZA GNYIS TE TSANGS PA'I 'DRA BA LAS GSUNGS PA LTA BU'O, ,DES NA MDO SDE RGYAN LAS, SHES RAB THABS KYIS YONGS SU ZIN PA DANG, ,SBYIN SOGS SHES RAB KYIS ZIN MI BZANG GZHAG ,CE'O, ,DE LTAR RJES SU 'GRO BA DANG LDOG PA'I SGO NAS DGOS PA BSTAN NAS, ,DE'I NGO BO NYID BSHAD PA NI, THABS DANG ZHES BYA BA LA SOGS PA GSUNGS PA STE, SHES RAB DANG SNYING RJES 'BREL PA DE'I NGO BO NYID NI GANG SO SO'I SKYE BO'I ZHES BYA BA LA SOGS PA'O, ,DE NYID BSHAD PA NI GANG 'KHOR BA YANG ZHES BYA BA LA SOGS PA STE, DE LA DUS MA YIN PA NI TSOGS RDZOGS PA'O, ,NANG DU SO SOR RTOG PA NI MYA NGAN LAS @330A *, ,'DAS PA LA GOMS PA'O, ,MI SKYE BA NI STONG PA NYID DO, ,NGES PAR GYUR PA NI ZHI BA PHYOGS GCIG PA'O, ,DE LA MOS PAS SPYOD PA'I SA RNAMS SU SPYIR BTANG BA NI SHES RAB DANG SNYING RJE 'BREL BA STE, SA 'DI LA GNAS PA'I BYANG CHUB SEMS DPA' NI SO SO'I SKYE BO YIN YANG BYIS PA'I RGYUD LAS 'DAS PAS ZHES BYA BA LA SOGS PA GSUNGS PA'I PHYIR RO, ,DRO BA DANG RTZE MO'I GNAS SKABS SU NI BYE BRAG TU GANG ZAG LA BDAG MED PAR RTOGS PAS MYA NGAN LAS 'DAS PA SPYOD YUL LA DE RTOGS KYANG CHOS KYI DE MA RTOGS PAS 'KHOR BA LA SPYOD YUL BA DANG GZUNG BA MED PAR RTOGS PA DANG 'DZIN PA MED PAR MA RTOGS PAS KYANG NGO, ,BZOD PA'I SA LA CHOS ZAB MO LA BZOD PAS KYANG MYA NGAN LAS 'DA' BAR RTOGS PA GTZOR BSHAD LA, CHOS KYI MCHOG TU MTHONG BA'I LAM MA THOB PAS SPYOD YUL MA YIN PA'O, ,SA DANG PO LA NI BDEN PA SPYOD YUL LO, ,GNYIS PA LA NI NANG DU SO SOR RTOG PA STE 'CHAL PA'I DRI MA SPONG BA'O, ,GSUM PA LA NI BZOD PA DANG LDAN PAS MI SKYE BA GTZOR BSGOM LA, BZHI PA LA SPROS PA DANG LDAN PAS 'OG MA'I NGES PA LA MI 'JUG STE GONG DU YON TAN TSOL BA'O, ,LNGA PA LA BDEN PA GNYIS GOMS PAR BYED PAS 'DU 'DZI'I SPYOD YUL LA SOGS PA'O, ,DRUG PA LA RTEN 'BREL GOMS PAS DE RANG BZHIN MED PA'I STONG PA NYID SPYOD YUL GTZOR BSGOM LA, BDUN PA LA MTSAN MA MED CING RTZOL BA DANG BCAS PAS YON TAN TSOL BA ZHES BSHAD DO, ,SA BRGYAD PA LA MTSAN MA MED PA LHUN GYIS GRUB PAS MNGON PAR 'DU 'DZI BYED LA, DER CHOS NYID KYIS SGRUB PA'I SGO LA BSKUL BAS RGYUN MI GCOD PA'O, ,SA DGU PA LA SO SO YANG DAG PAR RIG PAS SHIN TU ZHI BAR MI LTUNG BA STE DES CHOS BSHAD PA'I SGO NAS DON MED PA LA SBYOR BA SPANG BA'I PHYIR RO, ,SA BCU PA LA GANG CHOS KYI 'KHOR LO BSKOR BA DANG ZHES BYA BA LA SOGS PA STE MDZAD PA BYED PA'I PHYIR LA RANG DON GYI DBANG DU BYAS NAS SHES BYA PHRA BA LA THOGS PAS SPYOD PA MI GTONG NGO, ,DE LTA BAS DE NYID NGES PA'I DON DU BSTAN PA NI LHA'I BU ZHES GSUNGS TE, RE ZHIG PHYIR BSTAN PA NI BRTZON PA MED PA NI SHES RAB KYIS STONG PA NYID DU RTOGS PA YIN LA, CHOS RNAMS SDUD PA NI SNYING RJE LA SOGS PA THABS KYI STOBS KYIS SO, ,BYE BRAG TU 'CHAD PA NI DANG PO TSOGS KYIS NAS BZUNG STE RTZE MO'I BAR DU BDAG MED PA LA @330B SOGS PA STE THEG PA THA MAR MI LTUNG BA'I PHYIR THABS SEMS CAN YONGS SU SMIN PA LA SOGS PA RIG PAR BYA'O, ,BZOD PA DANG CHOS KYI MCHOG TU BLANG BA MED PA LA SOGS PAR SBYOR BA DANG, CHOS YONGS SU 'DZIN PAR SBYOR BA STE DE LA CHOS YONGS SU 'DZIN PAR SBYOR BA NI CHOS KYI MCHOG CHEN PO LA RIG PAR BYA'O; ,SA DANG PO LA NI CHOS KYI DBYINGS DBYER MED PA STE KUN DU 'GRO BA'I DON GYIS SO, ,SA GNYIS PA LA SOGS PA GSUM LA NI THAMS CAD NAM MKHA'I ZHING DU SBYOR BA'O, ,LNGA PA LA SOGS PA GSUM LA NI 'DUS MA BYAS KYI RAB TU 'PHEL BAR SBYOR BA'O, ,BRGYAD PA LA SOGS PA GSUM LA NI, GZIGS PA MED PA'I SKUR RTOGS PAR SBYOR BA'O, ,SA THAMS CAD KYI DBANG DU BYAS NAS NI MA SKYES PA LA SOGS PAR SBYOR BA'O, ,'DI GNYIS KYI KHYAD PAR GZHAN NI RANG DANG GZHAN GYI DON GYI DBANG DU BYAS PA'O, ,DE LTA BU'I THABS DANG SHES RAB ZUNG DU 'BREL PA STE LAM DE RNAMS SU CI LTAR BSGOM ZHE NA, GANG SNYOMS PAR 'JUG PA NA ZHES BYA BA LA SOGS PA STE, DE LA MOS PAS SPYOD PA NAS BZUNG STE SA BDUN PA'I BAR DU NI SEMS CAN LA LTA BA LA SOGS PA STE, DE LA SEMS CAN NI SPYIR YUL DU BYA'O, ,SNYING RJE CHEN PO NI MOS PAS SPYOD PA'I SA LA RIG PAR BYA'O, ,SNYING RJE CHEN PO NI MTHONG BA'I LAM NAS BZUNG STE'O, ,YANG ZHI BA DANG RAB TU ZHI BA NI 'JIG RTEN DANG 'JIG RTEN LAS 'DAS PA'I GNAS SKABS SU RIG PAR BYA'O, ,SA BRGYAD PA NI SNYING RJE CHEN PO DANG YE SHES LA RTEN PA STE, 'DIR YANG SNYING RJE KHYAD PAR DU BSGOM PAR BYA DGOS PA'I PHYIR RO, ,SA DGU PA LA NI CHOS YONGS SU 'DZIN PA LA LTA BA STE SO SO YANG DAG PAR RIG PA'I CHOS 'CHAD PA'I PHYIR RO, ,SA BCU PA LA NI SANGS KYI SKU'I RGYAN LA SOGS PA MNGON DU BYED PA STE, SKU'I RGYAN NI SKU NYID KYI RGYAN LA BYA STE GZUGS KYI SKU NI ZHING GI RGYAN YIN PA'I PHYIR RO, ,'JUG PA NI SBYOR BA LA BSNYEGS PA MA YIN TE HA CANG THAL BAR 'GYUR BA'I PHYIR RO, ,'O NA DAL 'BYOR THOB PA NAS MA YIN NO ZHE NA, CI'I PHYIR GAL TE MTSAN NYID TSANG NA NI 'DOD PA KHO NA YIN LA, DANG PO SGOM PA'I SA NAS NI MA YIN NO ZHES BSTAN PA'I PHYIR RO, ,BSGOM PA'I THABS LA 'JUG PA'I RIM PA BSTAN PA NI PHYAG RGYA GNYIS TE ZHES BYA BA LA SOGS PA STE, 'DEBS PA'I PHYIR PHYAG RGYA'O, ,DE NYID NI KUN RDZOB TU TSIG 'BRU ZHES BYA BA LA DON DAM PAR ZAB MO LA @331A *, ,'JUG PA STE, 'DIS NI SNGAR BSTAN PA'I TSUL THABS DANG SHES RAB LA MI 'DA' BAS RGYAS BTAB PA STE, RNAMS ZHES GSUNGS PAS MTHA' DAG PAR MNGON NO, ,DE LTAR THABS LA 'JUG PA'I YUL BSTAN NAS, DE NYID GANG ZAG DANG SBYAR BA NI DE LA ZHES GSUNGS PA STE, LAS DANG PO PA NI MOS PA'I SA PA'O, ,MA GOS PA NI RTOGS PA SPANG BA'O, ,BSHAD PA DANG SBYAR BAS NA PHYUGS SO, ,BSGYUR BA LA SOGS PAR GSUNGS PA'I LDEM PO DAG GI SNREL ZHI STE GZHAN DU 'KHYOGS PAS NA LDEM PO'O, ,RGYUD NI MA 'DRES PA'I PHYIR RO, ,YUN RING DU TSANGS PAR SPYAD PA NI BSKAL PA GRANGS MED PAR RO, ,'DI NI DAL 'BYOR THOB PA NAS GOMS PAR BSLAB PAR MNGON GYI THAMS CAD DU THABS DANG SHES RAB ZUNG DU 'BREL PAR MA YIN NO ZHES LOG PAR RTOG PAR MI BYA'O, ,GNYIS SU GSUNGS PA NI GTZOR GOMS PAR BYA BAR BSTAN GYI MA YIN PA NI MA YIN TE HA CANG THAL BA'I PHYIR RO, ,DE LTA BU'I GANG ZAG GI 'JUG PA'I TSUL NI LDOG PA'I SGO NAS RMA 'BYIN PA'I NYES PA BSTAN TO, ,NYES DMIGS 'DI LA BSTAN PA NI NGES PAR SEMS PAR MI 'GYUR BA STE, ZAB MO LA MI GUS ZHES BSTAN PA'O, ,DE'I RGYU NYID NI CHOS SPONG BA DANG GANG ZAG LA ZHE SDANG BA STE SNGAR JI SKAD BSHAD PA NYID DO, ,NYES PA GNYIS TE YUN RING DU SPYAD PA'I GANG ZAG LA NI MI SKYE BA'I CHOS LA BZOD PA ZHES GSUNGS SO, ,'JIG RTEN PA'I LAM DU GOMS PA MTHONG BA'I LAM LA BZOD PA DANG SA BDUN PA MAN CHAD DU GOMS PA SA BRGYAD PA LA BZOD PA STE, 'DIR NI DANG PO'I RGYU'I GEGS SU GZUNG NGO, ,DE'I RGYU NA DMAN PA LA KHYAD DU GSOD PA DANG GUS PA LA SER SNA BYED PA STE, 'DIR BSLAB PA NI CHOS ZAB MO LA MOS PA NYID DO, ,RI MO NI DE STON PA NYID YIN LA, DE MI BYED PAS RI MO MI BYED PA'O, ,RNAM GRANGS SU BSLABS PA KHYAD DU GSOD PA STE, DE'I PHYIR DPER NA RAB TU BYUNG BA LA NGAS NI ZANG ZING SBYIN PAR MI GNANG NGO ZHES GSUNGS PA LTA BU'O, ,MDO KUN LAS BTUS PA'I BSHAD PA LUNG GI TSAD MAS RAB TU SBYAR BA LAS SHES RAB KYI PHA ROL TU PHYIN PA BSHAD ZIN TO, ,MDO KUN LAS BTUS PA LAS SPYOD PA'I KHYAD PAR RNYED DKA' BA'I GTAM BRJOD PA STE BCU PA'O,, ,,DE LTAR PHA ROL TU PHYIN PA DRUG LA SLOB PA DE'ANG THOB BYA GANG ZHIG LA DMIGS @331B NAS SLOB CE NA, THOB BYA SKU GNYIS LA STE CHOS KYI SKU NI BSHAD ZIN TO, ,GZUGS KYI SKU NI CHE BA NYID RGYA CHEN PO ZHES GSUNGS TE, NYID CES BYA BA NI NYAN THOS LA SOGS PA DGAR BA'O, ,'JUG PA NI GNYIS TE MOS PAS 'JUG PA DANG THOB PAS 'JUG PA'O, ,DE'ANG JI LTAR ZHE NA LAN NI LUNG GIS SHES TE, 'PHAGS PA DRI MA MED PAR GRAGS PAS BSTAN PA LAS ZHES BYA BA LA SOGS PA'O, ,DE'I PHYIR DANG PO SA DANG PO'I YON TAN BSTAN PA LAS, THABS LA MKHAS PA'I SPYOD PA BSTAN PA NI, BTZUN PA 'OD SRUNGS CHEN PO ZHES GSUNGS TE, SA RNAMS SU PHAN YON GYI KHYAD PAR RMAD DU BYUNG BA RNAMS YOD KYANG SA DANG PO DANG BCU PA NI MTSON PA YIN LA, SA RE RE LA RMAD DU BYUNG BA DRUG LA SOGS PA YANG, DANG PO SBYIN PA LA SOGS PA BRTZAMS PA'I RMAD DU BYUNG BA STON TE, TSOGS YONGS SU RDZOGS PAR BYA BA'I PHYIR DANG, MTHONG BA LA PHAN GDAGS PAR BYA BA DANG, BSAM PA RDZOGS PAR BYA BA DANG; GZHAN RJES SU DRANG BA DANG, RANG GI 'KHRUL PA DGOD PA'I PHYIR NI BSAM GYIS MI KHYAB PA'I RNAM PAR THAR PA THOB PO ZHES GSUNGS SO, ,NYAM NGA BA ZHES BYA BA NI GNYI GA LA BRTAGS PA'O, ,PHAL CHER ZHES SMOS PAS DMAN PA'I DON DAM PA SPANGS PA STE, DE LA DE'I PHYIR ZHES KYANG SBYAR TE GZHAN DU NA BYA BA NYAMS PA'I PHYIR RAM BRDZUN DU SMRA BA'I PHYIR RO, ,DE LTAR NA DBANG MED PAR 'GYUR RO ZHE NA, DANG PO GO SKABS MA PHYE BAR, ,ZHES SMOS SO, ,SBYIN PAR KHAS 'CHES PAR SLONG BA NI MI SRID DE DE CI'I PHYIR ZHE NA, MTHU MED CES BYA STE MI NUS PA'I PHYIR RO, ,CI'I PHYIR RANG NYID KYIS BYED CE NA; DKA' THUB DAG PA STE MYUR BAR 'GRO BA'I PHYIR RO, ,'O NA GANG GI ZHE NA PHAL LA MED CES BYA STE, BYANG CHUB SEMS DPA' NYID KYIS TE SNGAR BSTAN PA'I PHYIR RO, ,DE NYID DPE SGRUB PA NI DPER NA ZHES GSUNGS TE, BZOD PA NI 'DOD PA'O, ,SA BCU PA'I YON TAN BSTAN PA NI GNYIS TE, CHOS SNANG BA'I YON TAN RNAM PAR 'PHRUL PA DANG, KHAMS SNANG BA'I YON TAN RNAMS KYI RNAM PAR 'PHRUL PA'O, ,DE LA DANG PO'I DBANG DU BYAS NAS GTZO BO'I YON TAN RNAM PAR 'PHRUL PA NI, GANG GIS 'PHRUL ZHE NA BYANG CHUB SEMS DPA' DE'O, ,GANG GI THAD DU ZHE NA BCOM LDAN 'DAS SH'AKYA THUB PA'I SPYAN SNGAR RO, , @332A *, ,GANG GI DON DU ZHE NA MTHU RAB TU BSTAN PA'I PHYIR RO, ,RTEN GANG NAS SHE NA, MTSAN DANG ZHES BYA BA LA SOGS PA NAS SO, ,GANG GI YON TAN 'PHRUL ZHE NA, BYANG CHUB SEMS DPA'I 'KHOR LA SOGS PA'O, ,YON TAN GYI CHOS GANG 'PHRUL ZHE NA CHOS SNANG BA'I RNAM PAR 'PHRUL PA NI SNGON GYI SBYIN PA LA SOGS PA'O, ,GNAS BKOD PA'I RNAM PAR 'PHRUL PA NI MI MJED KYI ZHES BYA BA LA SOGS PA'O, ,GDAN BKOD PA'I RNAM PAR 'PHRUL PA NI RDO RJE'I DBANG PO ZHES BYA BA LA SOGS PA'O, ,LUS BKOD PA'I RNAM PAR 'PHRUL PA NI NOR BU'I RGYAL PO ZHES BYA BA LA SOGS PA'O, ,'KHOR GYI YON TAN NI BYANG CHUB SEMS DPA' DE DAG THAMS CAD KYANG ZHES GSUNGS SO, ,DE LA SMON LAM GYIS BYUNG BA NYID NI ZHAL DU LTA BA LA SOGS PA'O, ,KHAMS SNANG BA'I YON TAN GYI RNAM PAR 'PHRUL PA NI YANG SDONG PO BKOD PA DE NYID LAS ZHES GSUNGS SO, ,DANG PO LUS LA DMIGS PA SPRUL PA'I YON TAN GYI DBANG DU BYAS NAS, YON TAN GYI DBANG DU CHOS GANG LA LDAN ZHE NA, TSONG DPON GYI BU NOR BU BZANG PO ZHES BYA STE, CI'I PHYIR ZHE NA, SGYU MA LTA BU'I TING NGE 'DZIN GYIS MTHONG BA'I PHYIR RO, ,GANG NAS 'PHRUL ZHE NA BYANG CHUB SEMS DPA' KUN DU BZANG PO YANG ZHES GSUNGS TE, DNGOS PO GANG ZHE NA STONG GSUM LA SOGS PA'O, ,DE NYID LAS SNOD NI RLUNG GI PHUNG PO LA SOGS PA'O, ,SEMS CAN NI DMYAL BA LA SOGS PA'O, ,DUS NI NYIN ZHAG LA SOGS PA'O, ,PHYOGS NI SHAR PHYOGS LA SOGS PA'O, ,RTEN RNAM PAR 'PHRUL PA NI, BYANG CHUB SEMS DPA' KUN DU BZANG BA YANG ZHES GSUNGS TE, RTEN GANG NA GNAS PA RNAM PAR 'PHRUL PA NI, RNAM PAR SNANG MDZAD KYI SPYAN SNGA NA'O, ,DMIGS PA RNAM PAR 'PHRUL PA NI, DE'I LUS RE RE LAS KYANG ZHES GSUNGS PA'O, ,BRJOD PA RNAM PAR 'PHRUL PA NI, SEMS CAN GYI SGRA LA SOGS PA'O, ,MDZAD PA RNAM PAR 'PHRUL PA NA; CHOS KYI 'KHOR LO BSKOR BA LA SOGS PA'O, ,MTHAR THUG PA'I 'BRAS BU NI DE LA ZHES GSUNGS TE, DE LA TSAD MED PA NI SA BCU'I RNAM PAR RO, ,YE SHES TSAD MED PA NI RNAM PA THAMS CAD DANG MCHOG MKHYEN PA'O, ,DE LA DPE NI DPER NA ZHES BYA BA'O, ,DE BZHIN DU ZHES BYA BA NI DON DANG @332B SBYAR BA'O, ,DE'I 'THAD PA NI DBANG DU BZHUGS TE ZHES BYA STE DE LA 'DI LTA BU ZHES BYA BA NI SA CHOS KYI SGRON MA'O, ,DE DAG GI YON TAN GRANGS KYI DPE NI BU RAM SHING ZHES BYA BA LA SOGS PA STE, SNYING RJE'I GZHAN DBANG DU GYUR PAS 'KHOR BAR GNAS KYANG YON TAN GYI RO YIS MI 'DOR BAS BU RAM SHING LTA BU'O, , NYON MONGS PA DANG MTHUN PA'I SPYOD PA LTAR SNANG YANG NYON MONGS PAS STONG PAS 'DAM BU LTA BU'O, ,SHES RAB PHUN SUM TSOGS PA'I PHYIR DES STONG PA YIN PA NI 'OD MA LTA BU STE YON TAN RNAMS KYI SNOD DU GYUR PAS TIL LTA BU'O, ,DE DAG MANG BAS NA TSAL SMOS TE 'DRA BA RNAMS BSDUS PA'I PHYIR RO, ,DE LTAR YON TAN GYI CHE BA BSTAN NAS, PHRIN LAS KYI CHE BA BSTAN PA NI, 'JAM DPAL ZHES GSUNGS TE, RMAD DU BYUNG BA'I PHRIN LAS DNGOS NI DE LA GCIG TU SRA BA NI SKU GDUNG RING BSREL LA BYA'O, ,DE LTAR MI RTOG PA DANG DUS THAMS CAD PA'I PHRIN LAS DE NYID NGES PA'I DON DU BYA BA NI 'PHAGS PA SANGS RGYAS PHAL PO CHE'I MDO LAS ZHES GSUNGS TE, DPE NI 'DI LTA STE DPER NA ZHES BYA BA STE RMAD DU BYUNG BA'I GZHI BSTAN PA NI, DGE SLONG KUN DGA' BO ZHES BYA BA LA SOGS PA'O, ,RMAD DU BYUNG BA'I PHRIN LAS DNGOS NI DE BZHIN GSHEGS PA ZHES BYA BA LA SOGS PA STE GO BAR BZOD DO, ,DE LTAR 'BRAS BU'I PHAN YON BSHAD NAS, DA NI CHE BA LA MOS PA'I PHAN YON BSHAD PAR MDO SDE ZAB MO ZHES BYA BA LA SOGS PA STE, DE NYID LUNG DANG SBYAR BA NI, MDO DE NYID LAS ZHES BYA BA'O, ,PHAN YON GYI DPE NYID NI DPER NA ZHES GSUNGS PA'O, ,DE LA GNAM 'PHANG DANG ZHANG RGYANG CHE BA NYID NI LHAG GE LA SOGS PA STE, DE LA THEG PA DMA' BA LAS MTHO BA'O, ,DE NYID NI YANGS PA LA SOGS PA STE, YANGS PA DANG CHE BA'I BDEN PA GNYIS KYI DBANG DU BUS PA'O, ,DE'I GZHI NI DNGOS PO DANG DUS DANG GANG ZAG GI PHA ROL TU PHYIN PA LNGA LA SOGS PA'O, ,DE NYID KYI BSOD NAMS KYI KHYAD PAR BSTAN PA NI, 'JAM DPAL ZHES GSUNGS TE, BYANG CHUB NI RANG DUL BAR 'DOD PA'O, ,PHUNG PO MED PA NI MYA NGAN LAS 'DAS PA'O, ,CI'I PHYIR ZHE NA, 'GRO BA LA DMIGS PA MED PAS RGYA CHUNG BA'I PHYIR DANG, 'DI LA MOS PA LA SOGS PA NI RDZOGS PA'I BYANG CHUB KYI RGYU YIN PA'I PHYIR, SNGAR BSHAD PA LTA BU GANG YANG YIN NO, ,MDO KUN @333A *, ,LAS BTUS PA'I BSHAD PA LUNG GI TSAD MAS RAB TU SBYAR BA LAS RGYA CHEN PO LA MOS PA RNYED PAR DKA' BA'I GTAM BRJOD PA STE RNYED PAR DKA' BA BCU GCIG PA BSHAD ZIN TO, ,MDO KUN LAS BTUS PA LAS YON TAN GYI LE'U STE DRUG PA RDZOGS SO,, ,,DA NI DE DAG NGES PAR BYA BA'I PHYIR, LUNG GI TSIGS SU BCAD PA 'DI BRJOD PAR BYA STE, DANG PO BSOD NAMS MIN SPANGS NAS, ,BAR DU BDAG LTA LOG PA STE, ,THA MA KUN LAS LDOG SHES PA, ,RIGS PAR LDAN PHYIR GROL BA'O, ,THAR PA DON DU GNYER 'DOD RNAMS, ,GLANG CHEN LAM DU SONG 'GRO YANG,, GRAGS PHYIR BLO GROS SBYANG 'GA' ZHIG ,DE MA MTHONG PHYIR GRAGS LA BRTEN, ,DE NYID MTHONG BA YIN ZHE NA, ,TSAD MA MIN PHYIR 'DI MTHONG BZHIN, ,DE MA NGES PAR GRAGS SHE NA, ,DE LA TSAD MAS GNOD PHYIR RO, ,TSAD MA DE NYID MIN NA NI, ,DES GZHAL CI PHYIR BRDZUN MI 'GYUR, ,DAM PA'I DON LA GRAGS 'GA' ZHIG ,LUNG MI 'GYUR TE DE NYID BZHIN, ,SNANG GRANGS SPYOD PAS MTHONG ZHE NA, ,DE NYID MA MTHONG CI YI PHYIR, ,YUL MIN ZHE NA DE 'DOD PAS, ,DE LA MKHAS PA CI ZHIG RTZOD, ,LUNG YANG DE LA RAG LUS ZHES, ,SMRA NA CI PHYIR DE LA MIN, ,RGYU MED MI RUNG GANG ZHIG RGYU, ,DE MED NUS PAS MA MTHONG PHYIR, ,GZHAN DU HA CANG THAL BAR 'GYUR, ,DES NA ZAB MOR GYUR PA LA, ,SNGON GYI LUNG RNYING YONGS BTANG STE, ,RANG LTAR GZUNG MIN LUNG LAS GSUNGS, ,BSREGS BCAD BDAR BAS GSER LTA BUR, ,BRTAGS NAS BLANG BAR GSUNGS SHE NA, ,DE YOD MIN TE MA YIN LTAR, ,MA RTOGS GRUB PA'I LAM MED PAR, ,CHOS KYI MIG CAN GYIS MTHONG STE, ,DE YANG DE LA BRTEN ZHE NA, ,BSHAD BZHIN RGYU MIN 'BRAS BU LTAR, ,TSAD MA DE YIS GNOD PA YIN, ,GRUB LAM SNANG BA RTAGS YIN TE, ,RANG NYID BYA BYED MI RTOGS PAR, ,LKOG GYUR JI LTAR 'DZIN PAR 'GYUR, ,DE LA'ANG SGRUB BYED YOD PA MIN, , 'GAL PHYIR MNGON SUM GANG GIS 'DZIN, ,TSAD MAS GNOD PHYIR GSUM PA'ANG MIN, ,GCIG DANG THA DAD MI SNANG NA, ,BDAG SOGS GANG RUNG GNAS PA SMOS, ,MI DMIGS PHYIR DANG 'GAL PHYIR NA, ,DE MA RTOGS DANG DE LAS MIN, ,MTSAN NYID 'DZIN PA 'ANG MA GRUB PAS, ,RANG GI 'DOD PA GANG @333B LA ZHIG ,GCIG MIN DES NA DU MA'ANG MIN, ,RANG GZHAN GNYIS DANG RGYU MED DANG, ,YOD SOGS SKYE BAR MI RUNG BAS, ,NGO BO LA SOGS GANG ZHIG YOD, ,BRTAGS DANG GZHAN DBANG GRUB PA MIN, ,MTSAN NYID LA SOGS DNGOS MED PAR, ,KLU SGRUB THOGS PA MED PAS GSUNGS, ,MA RTOGS 'GA' ZHIG MI MTHUN SMRA, ,MI MTHUN DES ZAB NGA LUNG NI, ,BRDZUN PA NYID DU SMRAS PAS NA, ,DE LAS SKUR PA GANG ZHIG YOD, ,DON GNYIS PHYIR NA GANG ZHIG BRDZUN, ,DE SPANGS BZLOG PA'I RGYU 'GA' ZHIG ,DRANG PHYIR ZHE NA DE BRDZUN MIN, ,DON MED PHYIR NA GNYIS PA BRDZUN, ,'GAL PHYIR GZHUNG GI DON LA REG , 'DOD RGYAL SMRA BA MI MTHUN PAS, ,GLANG CHEN LAM DU BRTEN TE DONG; ,DAM PA NYE BAR BRTEN PA YI, ,DAM PA GANG YIN DE GNYIS MTHUN, ,DKA' BA MDANGS DANG 'JOMS RNYED NAS, ,SDUG BSNGAL DU MA 'BYUNG BA'I GNAS, ,SBRUL GYI TSANG 'DRA MED SOGS LTAR, ,BCAS PA DANG PO YONGS SU BSRUNGS, , DRAN DANG SHES BZHIN BAG YOD PAS, ,GRUB PA'I MTHA' LA BRTEN PA NI, ,NYES PA'I RGYU NI BDAG LTA NYID, ,SHES NAS YONGS SU SPONG BA YIN, ,SHES PA GOMS PAS 'BRAS BU THOB, ,DE RGYU NGES DON ZAB CHOS RTOGS, ,DAM PA'I DON DU CIS MI GZUNG, ,GOMS NA CI ZHIG DKA' PHYIR 'GA', ,SDUG BSNGAL BDE BAR RTOGS BZHIN PAS, ,ZAD MED BRTEN 'GA' CI ZHIG MIN, ,BSAM GYIS MI KHYAB DPE LAS 'DAS, ,BRJOD DU MED PA'I CHOS NYID NI, ,LAG TU THOB PAR DGOS PA MED, ,BTANG SNYOMS LA SOGS TSAD MED PAS, ,TSANGS PA'I GNAS SU SKYE NYID DANG, ,GTONG BAS LONGS SPYOD BZOD PAS GZUGS, ,KHRIMS KYIS MTHO RIS SOGS DON DANG, ,GRAGS DANG RNYED SOGS RGYA MTSO NI, ,'DI DANG GZHAN DU THE TSOM MED, ,SNGAR BSHAD RGYAS PAR BSHAD DE NYID, ,RANG BZHIN LAG PA RANG BZHIN GSUM, ,MDA' DANG MIG DANG YON TAN DANG, ,DUS DANG YON TAN YON TAN DANG, ,DGU NI DANG PO GNYIS PAS 'GRUB, ,GSUM PA BSGRUB PAR BYA BAS TE, ,BZHI PAS DNGOS PO GSUM PA'O, ,DE 'GRUB LNGA SOGS LA RAG LUS, ,DE DON BDUN PAS RIG BYA STE, ,THOB PAR BYED PA BRGYAD PAR GSUNGS, ,YON TAN THA MA DE RNAMS GRANGS, ,SBYIN SOGS SPYOD PA RNAM DRUG @334A *, ,DRUG TU; ,GZHUNG DON CHOS BZHI DE LTAR BSGRAGS, ,RGYAL BA'I SRAS KYI LAM PO CHE, ,RGYAL SRAS RNAMS LA BSTAN PA NI, ,BSDUS PA BSHAD PA LAS BYUNG BA'I, ,BSOD NAMS 'GRUB PAS 'GRO KUN RGYAL, ,GO 'PHANG DAM PA THOB GYUR NAS, ,MI NUB CHOS KYI RGYAL MTSAN NI, ,SNOD DU GYUR PA'I 'GRO BA LA, , ZHI PA'I TSUL DU STON PAR SHOG ,YI GE PA YI DON CHED DU, ,BRTZIS NAS SHLOKA SUM STONG DANG, ,DE LAS LNGA BCU LHAG CIG NI, ,'DI YI TSAD DU BYAS PA YIN, ,BAM PO BCU DANG SHLOKA LNGA BCU YOD DO, ,MDO KUN LAS BTUS PA'I BSHAD PA RIN PO CHE SNANG BA'I RGYAN CES BYA BA LUNG GI TSAD MAS RAB TU SBYAR BA LAS BSDUS PA'I TSIGS SU BCAD PA'O, ,MDO KUN LAS BTUS PA'I BSHAD PA SLOB DPON RIN CHEN 'BYUNG GNAS ZHI BAS MDZAD PA RDZOGS SO,, ,,RGYA GAR GYI MKHAN PO PAndI TA NAG PO'I ZHABS DANG, BOD KYI LO TZ'A BA DGE SLONG TSUL KHRIMS RGYAL BAS BSGYUR CING ZHUS TE GTAN LA PHAB PA'O,, ,, #, ,RGYA GAR SKAD DU, BO DHI STVA TZARYA PRA D'I PI RATNA M'A L'I N'A MA, BOD SKAD DU, BYANG CHUB SEMS DPA'I SPYOD PA BSDUS PA'I SGRON MA RIN PO CHE'I PHRENG BA ZHES BYA BA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,SHES BYA MA LUS DAG NI THUGS CHUD CING, ,NYES PA'I DRI MA DAG NI DRUNGS BYUNG BA, ,PHYOGS BCU DAG NA DUS GSUM BZHUGS PA YI, ,BDE BAR GSHEGS PA RNAMS LA PHYAG 'TSAL LO, ,SPYOD PA BSDUS PA'I SGRON MA RIN CHEN PHRENG BA GANG, ,BDAG GIS DRI MED GSUNG DANG BLA MA'I GDAMS NGAG LA BRTEN TE, ,RAB GSAL BSHAD KYI RNAM RTOG RANG DAGS MIN, , RIN CHEN RGYAL PO LTA BU'I MI YI LUS, ,RIGS LDAN DAL 'BYOR THOB NAS NI, ,BYAMS DANG SNYING RJE SNGON 'GRO BAS, ,GZHI GSUM YON TAN DRAN BYAS TE, ,BYANG CHUB SNYING POR MCHIS KYI BAR, ,DANG PO SKYABS SU 'GRO BAR BYA, ,STON PA GZHAN LA MI PHYOGS PAR, ,BLA NA MED PA'I SANGS RGYAS SKU, ,DPAL LDAN SKYES MCHOG MTSAN 'CHANG BA, ,THOB 'DOD SANGS RGYAS SKYABS SONG YIN, ,'JIG RTEN SKYABS MED BSKYAB PA'I PHYIR, ,SPYOD CING RANG GI DON BTANG STE, ,SANGS RGYAS BSGRUB PHYIR BLO BRTAN NA, ,SANGS RGYAS SKYABS SU SONG BA YIN, ,RGA SHI NAD DANG 'CHI BA @334B LAS; ,SEMS CAN BDE PHONGS BSKYAB PA'I PHYIR, ,SANGS RGYAS NYID NI SMON PA NI, ,SANGS RGYAS SKYABS SU SONG BA YIS, ,BYANG CHUB SEMS DPA'I SPYOD CHEN LA, ,GANG ZHIG SPYOD MED ZHUM MED CING, ,MOS PA CHEN PO SKYED BYED PA, ,SANGS RGYAS SKYABS SU SONG BA YIS, ,BYANG CHUB MCHOG TU SMON BYED DE, ,RANG GI DON LA MI LTA ZHING, ,GZHAN DON BRTZON YANG NGA MED NA, ,SANGS RGYAS SKYABS SU SONG BA YIN, ,DAM CHOS 'KHOR LOS SGYUR BA YI, ,RGYAL PO THOB STE 'CHI MED PA'I, ,LAM GYIS 'GRO BA SKYABS SMON NA, ,CHOS LA SKYABS SU SONG BA YIN, ,BDAG DANG 'JIG RTEN MTHONG MED KYANG,, 'JIG RTEN YONGS SU MI GTONG ZHING, ,DAM CHOS BSGRUB PAR GAR MOS PA, ,CHOS LA SKYABS SU SONG BA YIN, ,'GRO BA'I SDUG BSNGAL BSAL BYA ZHING, ,BDAG GI DAM CHOS BRTAN BYA ZHES, ,SEMS CAN DON LA SEMS MNYEN NA, ,CHOS LA SKYABS SU SONG BA YIN, ,'JIG RTEN MA LUS THAMS CAD LA, , CHOS 'DI SKYABS KYI MCHOG YIN ZHES, ,RTOG CING DAM CHOS SPYOD BYED NA, ,CHOS LA SKYABS SU SONG BA YIN, ,DGE BSHES DAM PA STEN BYED CING, ,NYAN 'DOD TSUL BZHIN DU SEMS LA, ,STON CING NAN TAN LHUR LEN NA, ,CHOS LA SKYABS SU SONG BA YIN, ,DAM CHOS YONGS SU GZUNG BA'I PHYIR, ,SPYOD PA YANG DAG SPYOD BYED CING, ,LUS DANG SROG LA MI LTA NA, ,CHOS LA SKYABS SU SONG BA YIN, ,THABS DANG SHES RAB ZUNG 'BREL BA, ,BDAG DON MA YIN GZHAN DON DU, ,SNYING RJE CHEN POS SPYOD BYED NA, ,CHOS LA SKYABS SU SONG BA YIN, ,GANG ZHIG BDE LA CHAGS MED LA, ,SDUG BSNGAL RNAMS KYIS MI 'JIGS SHING, ,'JIG RTEN PHAN SPYOD DON SHES NA, ,CHOS LA SKYABS SU SONG BA YIN, ,'GRO BA MA LUS THAMS CAD KYANG, ,BDAG GI CHOS LA DGOD BYA ZHES, ,SEMS BSKYED NAN TAN SPYOD BYED NA, ,CHOS LA SKYABS SU SONG BA YIN, ,MOS PA SHIN TU BRTAN PA YIS, ,RGYAL SRAS MCHOG GI DRUNG SONG BA, ,GANG GI BSAM PA MI BZLOG PA, ,DE NI DGE 'DUN SKYABS SONG YIN, ,THEG PA DMAN PAR GYUR PA YI, ,NYAN THOS THEG LA GNAS PA RNAMS, ,BYANG CHUB SEMS NI SKYED BYED NA, ,DGE 'DUN SKYABS SU SONG BA YIN, ,DGE 'DUN YON TAN DRAN BYA ZHING, ,DGE 'DUN BZHIN @335A *, ,DU BKUR GNAS SU, ,SEMS CAN THAMS CAD BKUR MOS NA, ,DE NI DGE 'DUN SKYABS SONG YIN, ,BYANG CHUB GO CHA BRTAN BYED CING, ,DGE 'DUN RNAMS LA YANG DAG MOS, ,DGE 'DUN BSNYEN BSKUR GANG DAD PA, ,DGE 'DUN SKYABS SU SONG BA YIN, ,DRAN DANG SHES BZHIN BAG YOD NA, ,TSUL KHRIMS TING 'DZIN SHES RAB DANG, ,DGE 'DUN YON TAN RIN CHEN GYIS, ,SEMS CAN BRGYAN PAR BYED PA DANG, ,DGE 'DUN RNAMS LA DAD BRTAN PAS, ,'GRO BA MA LUS RNAMS KYIS KYANG, ,DAD PA BZLOG PAR MI NUS NA, ,DE NI DGE 'DUN SKYABS SONG YIN, ,SKYES BU DAM PA RIN PO CHE, ,BCAS PA'I KHA NA MA THO DANG, ,RANG BZHIN KHA NA MA THO DANG, ,BDUD LA SHIN TU DPA' BA YI, ,SKYES MCHOG DE NI DGE 'DUN YIN, ,BYANG CHUB MCHOG SEMS MI LDOG DANG, ,DBANG BCU TSAD MED YON TAN GYIS, ,BRGYAN PA'I YON TAN GANG TSOL BA, ,DE NI DGE 'DUN SKYABS SONG YID, ,DE LTAR GSUM PA SKYABS SONG BA, ,'JIGS PA RNAMS LAS SRUNG BYED PA, ,DKON MCHOG GSUM GYI SKYABS LDAN PA, ,DE PHYIR MI 'JIGS SBYIN BDAG YIN, ,SKYABS SONG BSOD NAMS GANG YIN PA, ,DE YI TSAD GZUNG SHIN TU DKA', ,DE LTAR SKYABS SU SONG BA DES, ,BYANG CHUB SEMS NI RIN PO CHE, ,BLA MA SDOM LA GNAS SHING MKHAS, ,GZHAN GYI DON LA MNGON PHYOGS SHING, ,CHOS DANG ZANG ZING PHAN 'DOGS LA, ,GSOL BA BTAB LA BLANG BAR BYA, ,SANGS RGYAS CHOS DANG DGE 'DUN DANG, ,DE BZHIN BLA MA RNAMS LA YANG, ,SGO GSUM DANG BAS PHYAG 'TSAL TE, ,MA RTOG LA SOGS DNGOS PO DAG ,CI 'BYOR PA YIS MCHOD PA BYA, ,YONGS SU GZUNG BA MED PA DANG, ,KUN DU BZANG PO'I GZHUNG BZHIN DU, ,BLOS SPRUL PA YIS MCHOD PA BYA, ,SDIG BSHAGS PA DANG RJES YI RANG, ,GSOL BA GDAB DANG YONGS BSNGO BYA, ,NYI ZLA LTA BU'I BYANG CHUB SEMS, ,LAN GSUM PAR DU BLANG BAR BYA, ,SANGS RGYAS CHOS LA 'DOD GYUR NA, ,BYANG CHUB MCHOG TU SEMS BSKYED NA, ,KYE MA RNYED PA RNYED PA CHE, ,'DI NI RNYED PA KUN GYI MCHOG ,BYANG CHUB SEMS KYI BSOD NAMS GANG, ,GAL TE DE LA GZAGS MCHIS NA, ,NAM MKHA'I KHAMS NI KUN GANG STE, ,DE NI DE LAS LHAG PAR @335B 'GYUR; ,ZHES GSUNGS SO, ,YID BZHIN NOR BU'I SEMS SKYE BA, ,RGYU MED MA YIN GYI NA MA YIN GYI, ,RGYAL DANG RGYAL BA'I CHOS DANG DGE 'DUN LA, ,DAD DAD DANG BA BSKYED NAS SEMS SKYE'O, ,DE NI 'DOD DANG LONGS SPYOD RGYAL SRID DANG, ,BDAG LA BDE DANG GRAGS DANG SNYAN PHYIR MIN, ,'GRO BA'I SDUG BSNGAL MA LUS BSAL BYA'I PHYIR, ,'JIG RTEN PHAN PAR BYED PA'I SEMS SKYE'O, ,RGYAL BA KUN DANG CHOS DANG DGE 'DUN LA, ,DAD PA'I SGO NAS GUS PAR MCHOD PA DANG, ,BLA MA GUS PAR MCHOD CING SEMS SKYE'O, ,BYANG CHUB SEMS NI RIN CHEN GANG YOD PA, ,MI NYAMS PA SRUNG ZHING YANG DAG SPEL BAR BYA, ,YON TAN PHAN 'DOGS SDUG BSNGAL GYUR PA LA, ,CI 'BYOR PA YI BZA' DANG BTUNG LA SOGS, ,RE BA MED PAR GUS PAS GTANG BAR BYA, ,'JIGS PAS NYEN PA'I SEMS CAN BSKYAB PA DANG, ,MUN NANG 'THOMS PA'I SKYE BO MIG MED LA, ,CHOS KYI SBYIN PA GUS PAR GTANG BAR BYA, , LUS DANG SEMS NI 'KHRUGS PA'I SEMS CAN LA, ,G-YOG DANG SMAN GYI SBYIN PAS GUS PAR BYA, ,PHYI DANG NANG GI DNGOS PO THAMS CAD DAG ,SEMS CAN KUN LA MA LUS GTANG BAR BYA, ,YON TAN MA LUS DAG NI GANG YIN PA, ,DE DAG THAMS CAD SBYIN PA LA SOGS TE, ,BSOD NAMS PHUNG PO GZHAL DKA' DPAG TU MED, ,LEN LA RE BA MED PAR SBYIN PA YONGS GTONG BA, ,NOR RNAMS YONGS SU NYAMS PAR MI 'GYUR TE, ,BANG MDZOD DAG NI RIN CHEN 'THOB PAR 'GYUR, ,SBYIN LA THE TSOM MED PAR GUS PAR GTONG BA DAG ,SANGS RGYAS BYANG CHUB YUN MI RING BAR 'GYUR, ,BDE BAR GYUR PA DAG NI THAMS CAD KYI, ,RGYU YI GTZO BO SBYIN PAR DAM PAS GSUNGS, ,BDE BA RGYA CHEN RGYU YI SBYIN PA 'DI, ,BYED PAR 'DOD LAS MI RTOG RNAL 'BYOR DANG, ,SEMS CAN RNAMS LA SNYING RJE CHEN PO BSKYED, ,LONGS SPYOD RNAMS NI MI RTAG MTHONG GYUR CING, ,SNYING RJE CHEN PO RANG GI DAD GYUR NA, ,SBYIN BDAG GI KHYIM GZHAN DANG GZHAN GYI BAR, ,SHIN TU RIGS PA'I TSUL 'DI RTOGS GYUR LA, ,GANG BYIN DE LA 'JIGS PA SKYE MI 'GYUR, ,KHYIM NA GANG BZHAG DE LA 'JIGS PA 'BYUNG, ,BYIN PAS 'JIG RTEN PHA ROL BDE BA 'GRUB, ,MA BYIN TSE 'DI NYID LA SDUG BSNGAL SKYED, ,MA YI NOR RNAMS SKAR MDA'I RANG @336A *, ,BZHIN LTAR, ,MA BYIN NOR RNAMS MI RTAG MED 'GYUR TE, ,BYIN PAS RTAG TU MI ZAD GTER DU 'GYUR, ,SEMS CAN PHAN PAR SEMS PA GANG YIN PA'I, ,NOR RNAMS SNYING PO MED PA YOD PAR 'GYUR, ,GANG ZHIG YONGS SU GTONG BA MKHAS PAS BSNGAGS, ,SKYE BO BYIS PA DE DAG SOGS LA DGA', ,YONGS SU BZUNG BAS MI 'BRAL GANG YANG MED, ,BYIN PAS RTAG TU PHUN SUM TSOGS PA 'BYUNG, ,GANG ZHIG BYIN PA DE NI LAM GYI MCHOG ,MA BYIN KHYIM DU BZHAG PA DE NI NYON MONGS SKYE, ,SLONG BA SNGON DU 'ONGS NA RGYAL SRAS DES, ,RDZOGS PA'I BYANG CHUB TSOGS NI SPEL BA'I PHYIR, ,LTOS PA MED PAR YONGS SU GTANG BAR BYA, ,DGE BA'I BSHES GNYEN 'DU SHES DE LA BSKYED, ,GANG ZHIG ZANG ZING NOR LA CHAGS BYED PA, ,DE LA BYANG CHUB SEMS MCHOG SKYE BA MED, ,SEMS MCHOG DE NI SKYON DANG MA 'GROGS TE, ,RGYA MTSO CHEN PO RO DANG MI 'GROGS BZHIN, ,DE BAS RTAG TU SKYON RNAMS KUN SPANGS TE, ,BYANG CHUB 'DOD PAS RTAG TU THAMS CAD SBYIN, ,YON TAN MNGA' BA MTHA' YAS 'PHAGS PA'I NOR, ,NOR GZHAN PHAL PA SDUG BSNGAL RGYU, ,BDOG MANG DAG GIS CI ZHIG BYA, ,RGYA MTSO CHE LA CHU BO BZHIN, ,CHOG SHES MED PAR DBUL POR GSUNGS, , SBYIN PA DE NI BYANG CHUB RTZA BA STE, ,ZHUM PA BRTZAL LA SBYIN PA GTANG BAR BYA, ,DE LTAR SBYIN LA GUS DANG LDAN PAR GYUR PA DES, ,DRAN DANG LDAN ZHING SHES BZHIN BAG YOD PAS, ,DBANG PO'I SGO RNAMS RTAG TU BSRUNG BAR BYA, ,GANG ZHIG LUS NGAG YID KYI LAS, ,THAMS CAD LEGS PAR YONGS BRTAGS TE, ,BDAG DANG GZHAN LA PHAN SHES NAS, ,RTAG TU BYED PA DE MKHAS PA, ,MI GSOD PA DANG RKU SPONG DANG, ,GZHAN GYI CHUNG MA SPONG BA DANG, ,BRDZUN DANG PHRA MA TSIG RTZUB DANG, ,MA 'BREL SMRA BA YANG DAG SDOM, ,BRNAB SEMS GNOD SEMS LOG LTA SPANG, ,'DI DAG SPANGS LAS DKAR BCU STE, ,LAS LAM BCU LAS NYAMS MI BYA, ,CHANG MI 'THUNG DANG 'TSO BA BZANG, ,MDOR BSDUS TSUL KHRIMS YIN PAR GSUNGS, ,TSUL RNAMS MA LUS 'BYUNG BA'I GZHI YIN PAS, ,DE PHYIR TSUL KHRIMS BSRUNG LA BRTZON PAR BYA, ,NANG GI SEMS NI DUL GYUR NA, ,PHYI YI DGRA @336B 'DIS GNOD MI NUS, ,NANG GI SEMS NI G-YO BA NA, ,PHYI YI DGRA 'DIS RKYEN BYAS TE, ,NANG GI DGRA 'DIS LUS SEMS BSREG ,DE PHYIR NANG GI DGRA 'DI GZHOM, ,YON TAN MA LUS BYANG CHUB SEMS LAS 'BYUNG, ,BYANG CHUB SEMS MCHOG SNYING RJE'I RGYUD LAS BYUNG, ,DE LAS SNYING RJE'I NGANG TSUL LDAN PAR BYA, ,DGE SBYONG TSUL LA GNAS BYAS NAS, ,DE YIS MI MTHUN PHYOGS SPANG BYA, ,DE LA MI MTHUN GANG ZHE NA, ,'DOD DANG GNOD SEMS RNAM PAR 'TSE, ,BDAG BSTOD GZHAN LA BRNYAS PA DANG, ,MI MTHUN RNYED PA KUN DU TSOL, ,RNYED PAS RNYED PA TSOL BYED DANG, ,DAD PAS BYIN PA CHUD GSON DANG, ,LTUNG BA 'CHAB CING 'DU 'DZI DGA', ,BDAG GI RNYED PAS CHOG MI SHES, ,GZHAN LA PHRAG DOG SER SNA BYED, ,GZHAN GYI RNYED PA 'DOD PAR BYED, ,BDAG GI 'KHRUL PA LA MI RTOG ,GZHAN GYI 'KHRUL PA RTOG PAR BYED, ,SO SOR THAR PA'I 'DUL MI BSRUNG, ,KHVA LTAR MU COR SMRA BA DANG, ,MA GUS RGOD KHENGS LTA BA NGAN LA ZHEN PA DANG, ,'KHOR BA LA NI DGA' BA DANG, ,MYA NGAN 'DAS LA RGYAB PHYOGS DANG, ,ZAB MO'I CHOS NI SPONG BA DANG, ,DKON MCHOG GSUM LA MA GUS DANG, ,BLA MA KHYAD DU GSOD PA STE, ,BRTAGS TE LEGS PAR SPANG BAR BYA, ,DE LTAR TSUL KHRIMS SRUNG BYED NA, ,SNGON CHAD MI SHES SKYE BO THAMS CAD KYANG, ,TSUL KHRIMS LDAN PA'I SKYE BO DE LA 'DUD, ,TSUL KHRIMS RTAG TU LDAN PA'I MI, ,BDE BA NAS NI BDE BA NYID DU 'GYUR, ,DE LTAR TSUL KHRIMS RGYAN DANG LDAN PA DES, ,BDUD KYI LAS RNAMS YONGS SU SPONG BA DANG, ,BZOD PA DGA' ZHING YANG DAG GNAS PAR BYA, ,BZOD PA SHIN TU PHAN PA SGRUB BYED PA, ,DE LA SU ZHIG NAN TAN MI BYED YOD, ,CHOS TSOL BA DANG GZHAN DON BYED PA LA, ,BZOD PA'I GO CHAS MI 'KHRUGS MTSO LTAR BYA, ,GZHAN DON 'DOD PA'I YID DANG LDAN PA LA, ,TSUL KHRIMS DAM PA BZOD PA ZHES BYA GSUNGS, ,GNOD PA SKYE MED TSUL DU RAB MTHONG BA, ,DE NI BZOD PA 'PHRUL ZHES DRANG SRONG DAM PAS GSUNGS, ,BZOD LA GNAS PA'I LUS NI YONGS SU DAG GYUR CING, ,GZUGS RIGS TSE RING NAD MED THOB BYED PA, ,BZOD PA'I GO CHA BRTAN PAR SU MI BYED, ,JI LTAR BZOD PA'I STOBS LA @337A *, ,GNAS PA DE, ,RTAG TU DGE BA'I LAS LA SPRO BA BYED PA GANG, ,DE LA DGE BA'I LO TOG GONG NAS GONG DU 'PHEL, ,BSHAD PAS SEMS CAN RGYUD KUN GROL, ,MA RIG MUN SEL SHES RAB BSKYED, ,NYAN PA BYANG CHUB YAN LAG STE, ,BSAM BSGOM SA GZHI LTA BU STE, , MA BSHAD SHES PA MED PA YIN, ,SANGS RGYAS BSTAN PA YUN THUNG 'GYUR, ,NYAN PAS SHES RAB 'PHEL 'GYUR BAS, ,MA NYAMS BSGOM PA'I RTEN DANG 'BREL, ,BLANG BYA DOR BYA MI SHES PAS, ,GZINGS SPANGS RGYA MTSO BRGAL BA BZHIN, ,RTZOL BAS NAN TAN MA BYAS NA, ,SHING LAS ME 'BYUNG MI SRID BZHIN, ,BSGOM SGRUB NAN TAN MA BYAS PAR, ,'BRAS BU CHEN PO GA LA 'BYUNG, ,RGYUD LA 'BAD PAR MA BYAS PAR, ,BLA MED BYANG CHUB MI 'BYUNG STE, ,DPER NA ZHI BA'I LAS DANG MTSUNGS, ,CHOS SKU RGYU LA RAG LAS PHYIR, ,GSANG SNGAGS MAN NGAG THABS CHEN GYIS, ,TSE 'DIR BYANG CHUB 'BYUNG 'GYUR ZHES, ,SMRA ZHING TSOGS RNAMS MA BSAGS NA, ,BSKAL PA BRGYAR YANG MI 'GRUB PO, ,THABS KYIS 'GRUB CES LTA BA LA, ,NAN TAN MI BYED GANG ZAG NI, ,GAL TE LOG PAR RTOGS GYUR NA, ,GRU MED RGYA MTSO RGAL BA BZHIN, ,RNAL 'BYOR MNGON SUM MA GYUR PA, , RLABS CHEN SPYOD PA BYED GYUR PA, ,KHA NA MA THO LTUNG 'GYUR TE, ,G-YANG SA CHEN POR 'JUG PA BZHIN, ,DE LTAR THOS BSAM SGOM PA LA, ,BRTZON PAR BYAS NAS TSOGS RDZOGS 'GYUR, ,SGRIB PA RNAM PA GNYIS SPANGS TE, ,BYANG CHUB MCHOG NI THOB PAR 'GYUR, ,DE LTAR BRTZON DANG LDAN PA DES; ,DBEN PA LA NI DGA' BAR 'GYUR, ,DON MED RNAM PAR SLU BA YI, ,'JIG RTEN CHOS LA MA CHAGS PAR, ,NAGS TSAL LA SOGS DBEN PA RU, ,SEMS NYID GDOD NAS MA SKYES PA'I, ,RANG 'BYUNG DGON PA YIN MOD KYI, ,LAS DANG PO YI SEMS CAN GYIS, ,PHYI ROL DGON PA THOG MAR BSTEN, ,DE 'OG SEMS NYID DGON PA BTZAL, ,DER YANG DANG PO BYAMS PA DANG, ,SNYING RJE'I SEMS NI GOMS PAR BYA, ,MI GTZANG KENG RUS RTEN 'BREL LA, ,YID NI MNYAM PAR GZHAG PAR BYA, ,SGRIB PA LNGA NI SPANG BYA ZHING, ,BSGOM PA MED NA BYANG CHUB KYI, ,RTZA @337B BA MED DE SGRIB MI SPONG, ,SGRIB PA MA SPANGS SANGS RGYAS PA, ,GRUB MTHA' KUN LAS YONGS MA BSTAN, ,BZLAS PA MA BYAS LHA DANG RING, ,DGE BA KUN LA MI 'JUG NA, ,MNYEN PA MED PA'I GRU BZHIN DU, ,RGYA MTSO'I GTING DU BYING BAR 'GYUR, ,RNAL 'BYOR NAN TAN BYED GYUR KYANG, ,DGE BA GZHAN LA MI BRTZON NA, ,SHING GCIG YAL GA MED PA LAS, ,ME NI 'BAR BA DKA' DANG MTSUNGS, ,THOS SOGS DGE BA LA BRTZON BYA, ,RNAL 'BYOR NAN TAN MI BYED NA, ,MTHO RIS THOB KYANG THAR PA RING, ,BLA MED BYANG CHUB MED PA'I PHYIR, ,RNAL 'BYOR BSGOM LA SPYOD MED NA, ,GROGS DANG BRAL NAS LAM ZHUGS BZHIN, ,DGRA DANG CHOM RKUN BYUNG BA NA, ,BZLOG PAR MI NUS GROGS MED BZHIN, ,MI LUS THOB PA 'ANG CHES DKA' NA, ,DAM CHOS PHRAD PA'ANG DE BAS DKA', ,MI LUS DAL 'BYOR THOB PA LA, ,MKHAS PA DAM CHOS MI NYAN PA, ,RIN CHEN RNYED NAS SLAR DOR BZHIN, DAM PA'I CHOS LA MA ZHUGS PAR, ,DON MED YAL BAR MI 'DUG GO, ,BLA MED THEG CHEN RNYED GYUR NAS, ,DE LA NAN TAN MI BYED NA, ,RIN CHEN RNYED NAS BYI DOR DANG, ,MI BYED DOR BA DAG DANG MTSUNGS, ,MI LUS DAL 'BYOR THOB PA DAG ,YID BZHIN NOR BU DAG DANG MTSUNGS, ,YID BZHIN NOR BU RIN CHEN NI, ,YON TAN KUN GYI 'BYUNG KHUNGS TE, ,BYI DOR BYAS NA DE LAS NI, ,NYIS 'GYUR GYIS KYANG MDZES PAR 'GYUR, ,DE LTAR DAL 'BYOR THOB NAS NI, ,THAR PA'I LAM LA 'JUG PAR BYA, ,NAD DANG MTHUN PA'I SMAN PA BSTEN, ,DE LTAR YUN RING BSGOM GYUR NA, ,LUS SEMS LAS SU RUNG BA DANG, ,MNGON SHES LNGA LA SOGS PA THOB, ,DE LTAR ZHI GNAS GOMS GYUR PA'I, ,YON TAN MA LUS KUN GYI RGYU, ,STONG PA NYID LA 'JUG PAR BYA, ,LUS DANG TSOR BA SEMS DANG CHOS, ,DRAN PA NYER GZHAG BSGOM PAR BYA, ,RANG GZHAN GNYI GA RGYU MED LAS, ,DNGOS PO GANG YANG 'BYUNG MED PA, ,RANG GZHAN GNYI GA RGYU MED LAS, , DNGOS GANG 'DZIN PAR 'GYUR BA MED, ,YOD DANG MED LAS SKYE BA MED PAS NA, ,SKYE BA MED CING GANG YANG 'GAG PA MED, ,DNGOS PO RANG BZHIN MA SKYES STONG PA NYID, ,RANG SEMS GZOD NAS MA SKYES PA, ,STONG PA NYID KYI RANG BZHIN NO, ,STONG PA NYID DU MI BSGOM STE, ,MI STONG PAR YANG BSGOM @338A *, ,MI BYA, ,STONG DANG MI STONG 'DZIN PA LA, ,THA MAL PA YI RNAM RTOG SKYE, ,STONG PA ZHES PA'I RNAM RTOG STE, ,DES NA DE NYID SPANG BAR BYA, ,'GA' YANG MTHONG BA MED PA NI, ,MTHONG BA'I MCHOG CES YIN PAR GSUNGS, ,DNGOS PO RNAMS KYI RANG BZHIN NI, ,GZUGS BRNYAN DANG NI MTSUNGS PA YIN, ,SO SO SKYE BO LA GSUNGS PA, ,GANG YIN DE NI ZAB PA'I CHOS, ,'JIG RTEN SGYU MA LTA BU NYID, ,SANGS RGYAS BSTAN PA BDUD RTZI YIN, ,JI LTAR SGYU MA'I GLANG PO LA, ,SKYE DANG 'JIG RTEN SNANG MOD KYI, ,DE LTAR BRTAGS NA YANG DAG TU, ,SKYE DANG 'JIG PA MED PA LTAR; ,DE LTAR SGYU 'DRA'I 'JIG RTEN LA, ,SKYE DANG 'JIG PA NYID SNANG YANG, ,DAM PA'I DON DU BRTAGS BYAS NA, ,SKYE DANG 'JIG PA YOD MA YIN, ,DNGOS PO 'DI DAG THAMS CAD NI, ,RTAG TU MA SKYES MA 'GAGS NYID, ,YANG DAG DON LA RNAL 'BYOR BYA, ,BYING RGOD DBANG DU MI 'GRO BAR, ZHI GNAS LHAG MTHONG CHA MNYAM MO, ,RANG BZHIN DAG PA'I CHOS NYID LA, ,SHES RAB MIG GIS BLTA BAR BYA, ,DE NYID MTHONG NAS YON TAN SKYE, ,NAGS SOGS DUS KYIS BSGYUR BA MED, ,'DUS BYAS MI RTAG STONG PAR STON, ,NAGS SOGS RGYU 'BRAS SO SO YIS, ,KUN RDZOB SLU BA MED PA STON; ,RO DANG RUS PA CHU SHING SOGS, ,PHYI NANG CHOS KUN BDAG MED STON, ,KUN LA KHYAB PA'I NAM MKHA' YIS, ,DON DAM SPROS BRAL LA SOGS STON, ,RANG BZHIN YONGS SU SHES PA YIS, ,DE TSE YUL NI SNANG NA YANG, ,SGYU MA BZHIN TE GOS PA MED, ,DON DAM RANG BZHIN RTOGS GYUR NA, ,THA SNYAD DAG GIS CI ZHIG BYA, ,DGE BA'I BSHES GNYEN BSTEN PAR BYA, ,GROGS MCHOG RNYED NA SHIN TU LEGS, ,DE LTAR MIN NA GCIG PUR GNAS, ,BLA MA SANGS RGYAS DNGOS 'DRA LA, ,YO BYAD KYIS NI BSNYEN BKUR DANG, ,LUS NGAG SEMS KYI BKUR STI NI, ,DUS GSUM KUN DU BYA BA YIN, ,BLA MA BSNYEN BKUR MA BYAS NA, ,SANGS RGYAS SPANGS TE DAM TSIG NYAMS, ,BLA MA SANGS RGYAS KUN DANG MTSUNGS, ,SLOB DPON GYI NI YON TAN GZUNG, ,SKYON NI RNAM YANG BSAM MI BYA, ,YON TAN BZUNG NA DNGOS GRUB THOB, ,SKYON RNAMS BZUNG NA DNGOS MI THOB, , @338B DE BZHIN TSE NI THUNG BA DANG, ,NGAN 'GRO DAG TU LTUNG BAR 'GYUR, ,SLOB DPON SMOD PAR BYED PA NI, ,NYA PA LA SOGS RIGS SU SKYE, ,NYES PA THAMS CAD BYED 'GYUR YANG, ,MKHAS PAS BLA MA SMAD MI BYA, ,CHOS 'DOD PAS NI RTAG PAR YANG, ,SLOB DPON RAB TU MGU BAR BYA, ,GSER NI STONG PHRAG BRGYA NYID DANG, ,RIN CHEN RNAM PA SNA TSOGS DANG, ,RAS NI ZUNG BRGYA DBUL BAR BYA, ,DE LTAR BLA MA MNYES BYAS NAS, ,MI DGE LAS LAS LDOG BYA ZHING, ,BYANG CHUB SEMS NI BSKYED PA DANG, ,THE TSOM MED PA NYID DANG NI, ,BKA' BZHIN DU NI GUS PAR BSGRUB, ,DE LTAR MI BYED GANG ZAG NI, ,RNAL 'BYOR GYI RGYUD RDO RJE RTZE MO LAS 'DI SKAD DU, BSKAL PA BRGYA PHRAG DAG TU NI, ,CI STE MNGON PAR BRTZON BYAS KYANG, ,GANG ZAG BZHIS NI 'JIG RTEN DU, ,BSGRUBS KYANG 'GRUB PA NYID MI 'GYUR, ,BYANG CHUB SEMS NI MA BSKYED DANG, ,THE TSOM LDAN PA NYID DANG NI, , BKA' BZHIN DU NI MI BYED DANG, ,DAD PA MED KYIS 'GRUB MI 'GYUR, ,ZHES GSUNGS SO, ,MI LUS THOB PA SHIN TU DKA', ,'GRO BA'I TSE YANG SHIN TU THUNG, ,BLO GROS NYAM KYANG SHIN TU CHUNG, ,BSHES GNYEN MCHOG KYANG RNYED DKA' BAS, ,BYIS PA RNAMS NI DON MED 'KHYAM, ,BDAG GIS GZHUNG DANG MI 'GAL BAR, ,SPYOD BSDUS SGRON MA RIN CHEN PHRENG, ,THEG CHEN SGOR ZHUGS BYA BA DAG ,GZHUNG 'DI BYAS PA'I BSOD NAMS DES, ,SEMS CAN THAMS CAD MA LUS PA, ,THUB DBANG GO 'PHANG THOB PAR SHOG ,BYANG CHUB SEMS DPA'I SPYOD PA BSDUS PA'I SGRON MA RIN PO CHE'I PHRENG BA ZHES BYA BA, SLOB DPON MKHAS PA CHEN PO CHOS LDAN RAB 'BYOR DBYANGS KYIS MDZAD PA RDZOGS SO,, ,,RGYA GAR GYI MKHAN PO PRADZNY'A KA RA WARMA DANG, ZHU CHEN GYI LO TZ'A BA DGE SLONG RIN CHEN BZANG POS BSGYUR CING ZHUS TE GTAN LA PHAB PA'O,, ,, #, ,RGYA GAR SKAD DU, S'U TRA SA MUTZTSA YA SANYTZA YA AARTHA:, BOD SKAD DU, MDO KUN LAS BTUS PA'I DON BSDUS PA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,SLOB DPON N'A G'A RDZU NAS MDZAD PA'I RIN PO CHE'I GTAM BRJOD PA MDO @339A *, ,KUN LAS BTUS PA'I DON NI, MAN NGAG GI MDO RNAM PA BDUN GYIS SGRUB PA'I THABS KHYAD PAR CAN RTOGS PAR BYA STE, BSGOM ZHING NYAMS SU BLANG BA NI, 'DI LTA STE, RTEN DAL 'BYOR GYI MDO DANG, GZHI DAD PA'I MDO DANG, RTZA BA BYANG CHUB KYI SEMS KYI MDO DANG; RKYEN BAR CHAD SEL BA'I MDO DANG, SGRUB PA NAN TAN SNYING POR BYA BA'I MDO DANG, BLO THEG PA GCIG TU SBYANG BA'I MDO DANG, LAM CHE BA YON TAN GYIS BGROD PA'I MDO'O, ,DE CI'I PHYIR ZHE NA, SRID PA MAS CHAGS PA THAMS CAD NI RLUNG GI DKYIL 'KHOR LA BRTEN NAS MAS CHAGS PA BZHIN DU DKAR PO'I CHOS THAMS CAD NI RTEN DAL 'BYOR PHUN SUM TSOGS PA LA BRTEN NAS 'BYUNG BAR 'GYUR RO, ,DPER NA RTZI SHING DANG, ME TOG DANG SHING GEL BA DANG, SMAN LA SOGS PA THAMS CAD NI SA GZHI LA BRTEN NAS SKYE BAR 'GYUR BA DE BZHIN DU, YON TAN GYI CHOS THAMS CAD BSRUNG ZHING 'PHEL BAR BYED PA'I GZHI DAD PA LA BRTEN NAS RGYAS PAR 'GYUR RO, ,DPER NA RTZA BA'AM, SA BON MA NOR BA LAS SDONG BU DANG, YAL GA DANG LO MA DANG, ME TOG DANG, 'BRAS BU THAMS CAD RIM GYIS RGYAS SHING SMIN PAR 'GYUR BA DE BZHIN DU THAMS CAD MKHYEN PA NYID DU SEMS BSKYED PA'I RTZA BA LAS THAMS CAD MKHYEN PA'I 'BRAS BU 'BYUNG BAR 'GYUR GYI, NYAN THOS PA DANG, RANG SANGS RGYAS PA DANG, 'JIG RTEN PA RNAMS KYI SEMS BSKYED PA LAS NI RNAM PA THAMS CAD MKHYEN PAR 'GYUR BA MA YIN NO, ,DE LTA BAS NA PHA ROL TU PHYIN PA BCU DANG, THUN MONG MA YIN PA'I BYANG CHUB KYI PHYOGS KYI CHOS SUM CU RTZA BDUN DANG, TSAD MED PA BZHI DANG, DGE SBYONG GI 'BRAS BU BZHI DANG, RTZA BA DANG, BDAG DANG, BDE BA DANG, RTAG PA'I PHA ROL TU PHYIN PA THOB PAR 'DOD PAS THAMS CAD MKHYEN PA NYID SEMS BSKYED PA'I RTZA BA BRTAN POR GZUNG BAR BYA'O, , DPER NA NAS DANG, GRO DANG S'A LU LA SOGS PA'I SA BON LEGS PAR BTAB CING RTZA BA LEGS PAR BTZUGS KYANG, SAD DANG SER BA DANG BTZA' LA SOGS PAS, BAR MA SKABS SU BAR CHAD BYAS NAS, 'BRU'I TSOGS SMIN PAR MI 'GYUR ZHING, KHAM GYI ZAS KYIS 'TSO BAR BYED PA'I @339B LUS CAN RNAMS LA YANG PHAN 'DOGS PAR MI BYED DO, ,DE BZHIN DU DAL 'BYOR THOB CING DAD PA LA GNAS PAS BYANG CHUB SEMS KYI SA BON MA NOR BAR BTAB STE RTZA BA MA NOR BAR BTZUGS KYANG, BAR MA SKABS SU SEMS CAN BLOS SPONG BA DANG, BYANG CHUB SEMS DPA' LA RMA 'BYIN PA DANG, BDUD KYI LAS SNA TSOGS PA DANG, DAM PA'I CHOS SPONG BA DANG, MI DGE BA BCU DANG, SNGO BA MED PA LA SOGS PA TSE 'DI DANG, MA 'ONGS PA'I LUS LA GNOD PA RNAMS KYIS BAR DU GCAD NA, BDAG NYID KYANG CI RIGS PAR RTEN MCHOG LAS NYAMS NAS MI KHOM PA'I GNAS LTUNG BA DANG, THEG PA MCHOG LAS NYAMS NAS NYI TSE BA'I THEG PAR LTUNG BA DANG, BRTZON 'GRUS MCHOG LAS NYAMS NAS RNAM PA THAMS CAD MKHYEN PA NYID LAS RING DU 'GYUR BA'O, ,DE'I PHYIR BRGYUD NAS GZHAN GYI DON LAS KYANG NYAMS PAR 'GYUR TE, RANG DANG GZHAN GYI DON THAMS CAD CHUD ZOS PAR 'GYUR RO, ,DPER NA YID BZHIN GYI NOR BU RIN PO CHE BTZA' RDZIS LEGS PAR MA BSKYANGS NA BAG MED PAS BRLAG PAR 'GYUR BA'I NYEN MCHIS SO, ,DE BZHIN DU THOB PA CHUD MI GSAN PA DANG, DAD PA BRTAN PO DANG, RTZA BA MI 'GYUR BA DANG, GNOD PA'I BAR CHAD BSAL BA LA SGRUB PA NAN TAN SNYING POR MA BYAS NA, BYANG CHUB KYI SEMS KYI NOR BU RIN PO CHE GTAN RLAG PA'I NYEN MCHIS SO, ,DPER NA LAM KHA BRAG PHYIN PA GANG DU 'GRO BA'I PHYOGS LA YID 'KHRUGS SHING NEM NUR CAN DU 'GYUR RO, ,DE BZHIN DU SEMS LTA BA SNA TSOGS KYIS GZENGS PAR GYUR NA CHOS THAMS CAD KYI DE KHO NA NYID RTOGS PAR MI 'GYUR BAS BLO GROS THEG PA SNA TSOGS SU 'GRO BA'I NYEN MCHIS SO, ,PHYI'I LO TOG PHUN SUM TSOGS PAR 'DOD PAS, DO GCIG SO NAM LA NAN TAN BYED PA DE BZHIN DU SANGS RGYAS KYI CHE BA'I YON TAN THAMS CAD THOB PAR 'DOD PAS KYANG DE THOB PAR BYED PA'I RGYU LAM MA BGROD NA LAS DANG PO BA'I SA LAS MI 'PHAGS PAR MCHI'O, ,DE'I PHYIR NA SHING RTA CHEN POS BSDUS PA'I MDO NI MI MANG ZHING MI NYUNG BAR DE KHO NA'O, ,GO RIMS KYANG 'DI LTAR SHES TE, DANG PO GSUM NI RGYU BYA BA BYED PA'I RIGS PA YIN LA BAR MA GSUM NI RKYEN LTOS PA'I RIGS PA YIN ZHING THA MA NI 'BRAS BU CHOS NYID @340A *, ,KYI RIGS PA YIN TE, DPE BDUN NI 'THAD PA SGRUB PA'I RIGS PA YIN PA'I PHYIR RO, ,DE LA, SANGS RGYAS 'BYUNG BA RNYED PAR DKA', ,ZHES BYA BA LA SOGS PAS RKYEN GZHAN GYI 'BYOR PA LNGA MTSON LA, MIR GYUR PA RNYED PAR DKA' ZHES BYA BA LA SOGS PAS RGYU BDAG NYID KYI 'BYOR BA LNGA MTSON NO, ,DAL 'BYOR RNYED PAR DKA' ZHES BYA BAS RGYU RKYEN TSOGS PA'I DAL 'BYOR BCU MTSON PA YIN NO, ,DE BZHIN GSHEGS PA'I BSTAN PA LA DAD PA RNYED PAR DKA' ZHES PAS GZHI DAD PA BSTAN, BYANG CHUB KYI SEMS RNYED PAR DKA' ZHES BYA BA LA SOGS PAS YUL SANGS RGYAS LA DMIGS PA'I SEMS BSKYED PA BSTAN, SEMS CAN THAMS CAD LA SNYING RJE CHEN PO SKYE BAR DKA' ZHES BYA BA LA SOGS PAS SEMS CAN LA DMIGS PA'I SEMS BSKYED PA BSTAN, BYANG CHUB SEMS DPA' LA RMA 'BYIN PA ZHES BYA BA NAS BAR DU GCOD PA'I CHOS SPONG BA RNYED PAR DKA' ZHES BYA BA'I BAR GYIS RKYEN BAR CHAD BSAL BA'I MDO BSTAN, KHYIM PAR GYUR KYANG CHOS RNAMS LA NAN TAN GYIS GCES PAR BSGRUB PA RNYED PAR DKA' ZHES BYA BA LA SOGS PAS NI SGRUB PA NAN TAN SNYING POR BYED PA'I MDO BSTAN, MYA NGAN LAS 'DAS PA LA MOS PA'I SEMS CAN RNYED PAR DKA' ZHES PA NAS THEG PA GCIG LA MOS PA'I SEMS CAN RNYED DKA' ZHES BYA BA'I BAR GYIS BLO THEG PA GCIG LA SBYANG BA'I MDO BSTAN, SANGS RGYAS DANG BYANG CHUB SEMS DPA'I CHE BA NYID RGYA CHEN PO LA 'JUG PA'I SEMS CAN NI RNYED PAR DKA'O ZHES BYA BA LA SOGS PA'I LAM CHE BA'I YON TAN GYIS BGROD PA'I MDO BSTAN, DE LTAR RIGS PA BZHIS MDOR BSTAN, LUNG GI MDO BDUN GYIS RGYAS PAR BSHAD PA'I DON DE BLO LA GO BAR BYAS NAS NYAMS SU BLANGS PAS NA SEMS BSKYED PA'I RIGS BZHI SKYE STE, DANG PO G-YO SMON GYI TSUL DANG, 'JUG CING BSTAN PA DANG GNAS PA DANG MTHAR PHYIN PA'I RIM PA'O, ,DE YANG DANG PO SA BON DANG ZLA GRANGS DANG, YON TAN MTHONG THOS DANG, BYIN RLABS KYI SRUNG MA RNAMS KYIS RTZVA ME BZHIN DU SKYE BO DE'I GZHI'I STENG DU SNYING RJE DANG LDAN PA LA GOMS PAS ZLA BA YAR NGO BZHIN DU 'PHEL BA'I TSE DBANG DANG @340B YO BYAD LA SOGS PA 'JUG CING BSTAN PA'I YAN LAG TU 'GYUR RO, ,DE NAS GNAS PA GSUM GYI MTHU RDZOGS PAR BYED PA KHA CIG 'PHAGS PA RTOGS PA CHEN PO YONGS SU RGYAS PA'I MDO LAS 'GYOD TSANGS KYIS SDIG PA SBYANG STE, MCHOD BSTOD DANG, SKYABS SU GSOL BA DANG, DBANG GZUGS PA DANG, DNGOS PO BSHAGS PA DANG, DAM BCA' ZHING SDOM PA GZUNG BA DANG, KHRUS BYA BA DANG, TSANGS PA THOB PA DANG, RJES SU SPRO BA DANG, GZENGS BSTOD PA'I TSUL GYIS GDAMS PA DANG, DMIGS PA MED CING THEG PA GCIG TU BLO SBYANG PA DANG, DAG PA'I MTSAN MA MTHONG BA DANG, MING GDAGS PA DANG, LAM RGYUD LA BSKYED PA DANG, 'BRAS BU THOB PA'I BAR DU BYED DO, ,KHA CIG NI DE BZHIN GSHEGS PA'I YI GE BRGYA PA LA SOGS PA ZLOS SHING SGRA'I MTHA' LAS GROL BA'I TING NGE 'DZIN GYI BAR DU SBYOR ZHING KHRIMS NYI SHU RTZA LNGA BSRUNGS PAS 'BRAS BU 'THOB PAR BYED DO, ,GANG ZHIG SEMS DPA' GSUM GYI MTHU RDZOGS PAS NA NYI MA GROL BA LTAR DU MTHAR PHYIN PA'I SEMS SU GYUR PA'I TSE BLO SNYING RJE'I DBANG DU GYUR PAS SGYU MA'I DPE BDUN PO LTAR DNGOS PO THAMS CAD LA MA CHAGS SHING RLOM PA MED PAR GZHAN GYI DON LA NYIN MTSAN DU 'BAD PA DANG; THUN MONG GI YON TAN BYANG CHUB KYI CHOS SUM CU RTZA BDUN DANG, THUN MONG MA YIN PA'I STOBS BCU DANG, MI 'JIGS PA BZHI DANG MA 'DRES PA LA SOGS PA 'GRUB PAR BYED DO, ,SLOB DPON D'I PAm KA RA SHR'I DZNY'A NA LA BOD KYI DGE SLONG TSUL KHRIMS RGYAL BAS GSER SRANG BCU BZHI'I SBRANG BU ME TOG DU PHUL NAS BOD DU BYON PA'I ZHU BA PHUL BA LAS SGOM SBYONG BA RNAMS MTHAR PHYIN PAR BYA BA'I DON DU BLA MA ZLA BA BCU DRUG TU LAM DU MA CHUD DO, ,DE NAS BOD DU BYON KHAR SLOB MA SEMS SBYONG BA RNAMS KYIS ZHAL CHEMS GZHAG PAR ZHUS PAS MDO'I DON MAN NGAG TU BYAS PA 'DI ZHAL CHEMS SU GNANG NGO,, DE'I DUS SU RGYA BRTZON SENG GES BSGYUR BAR ZHUS PAS GNANG STE GTAN LA PHAB PO, , *, ,RIM GYIS 'JUG PA'I SGOM DON BZHUGS,, #, ,'JAM DPAL GZHON NUR GYUR PA LA PHYAG 'TSAL LO, ,GANG DAG SGRIB PA MTHA' DAG SPANG BAR 'DOD PA DANG, THAMS CAD MKHYEN PA @341A *, ,NYID MYUR DU THOB PAR 'DOD PA DES ZHI GNAS DANG, LHAG MTHONG BSGOM PA DANG BYANG CHUB TU SEMS BSKYED PAR 'BAD PAR BYA'O, ,DE YANG DMUS LONG DANG 'DRA BA DAG GIS BSTAN PAR MI NUS MOD KYI, 'ON KYANG LUNG DANG BSTAN BCOS GZHAN DAG LA YANG BRTEN NAS BRJOD PAR BGYI'O, ,ZHI GNAS DANG LHAG MTHONG GNYIS LA TSUL BZHIN DU BSGOMS NA RNAM PAR MI RTOG PA'I YE SHES 'BYUNG STE DE BYUNG BAS SGRIB PA MTHA' DAG SPANGS NAS THAMS CAD MKHYEN PA NYID THOB PA NI ZHI GNAS DANG LHAG MTHONG GNYIS LA YUN RING DU NAN TAN BYAS PA LAS 'GYUR TE, DE BAS NA ZHI GNAS DANG LHAG MTHONG GNYIS LA 'BAD PAR BYA'O, ,RGYU MA BSGRUBS NA 'BRAS BU MI 'BYUNG STE SA BON DANG MYU GU BZHIN NO, ,RGYU NOR PA LAS KYANG MI 'BYUNG STE RVA LAS 'O MA BZHO BA BZHIN NO, ,RGYU MTHA' DAG MA SPYAD PA LAS KYANG 'BRAS BU THAMS CAD MKHYEN PA MI 'BYUNG STE SA BON LA SOGS PA GANG YANG RUNG BA ZHIG MED NA 'BRAS BU MI 'BYUNG BA BZHIN NO, ,'PHAGS PA CHOS THAMS CAD YANG DAG PAR BSDUS PA LAS KYANG, GANG DAG NGA YI RJES SU SLOB 'DOD DES, ,ZHI GNAS LHAG MTHONG DAG LA GNAS PAR BYA'O, ,ZHES GSUNGS SO, ,DE BAS NA RNAL 'BYOR PA GANG ZHIG ZHI GNAS DANG, LHAG MTHONG DANG BYANG CHUB TU SEMS BSKYED PAR BYA'O, ,DPER NA RIN PO CHE BEEd'URYA'I KHANG PA NA 'DUG PAS NI PHYI NANG KUN GSAL BAR MTHONG NGO, ,DE BZHIN DU RNAM PAR MI RTOG PA 'DI LA GNAS NA CHOS THAMS CAD KYI DNGOS PO'I MTHA' RTOGS TE, SGRIB PA MTHA' DAG BYANG NAS THAMS CAD MKHYEN PA THOB PA NI RGYU LA RAG LAS PAR NGES SO, ,DE BAS NA RNAM PAR MI RTOG PA LA BSGOM PAR BYA'O, ,DPER NA RI BO MTHON PO'I KHAR PHYIN NA PHAL CHER GSAL BAR MTHONG NGO, ,DE BZHIN DU RNAM PAR MI RTOG PA 'DI LA GNAS NA SHES BYA THAMS CAD LA CHAGS PA MED PA DANG THOGS PA MED PAR 'GYUR RO, , DE BAS NA ZHI GNAS DANG LHAG MTHONG LA BSGOM PAR BYA'O, ,SLOB DPON KLU SGRUB KYI ZHAL SNGA NAS KYANG, GANG BLO YOD DANG MED PA LAS, ,RNAM PAR 'DAS SHING MI GNAS PA, ,DE DAG ZAB MO DMIGS MED PA'I, ,RKYEN GYI DON LA RNAM PAR BSGOM, ,ZHES BSTAN TO, ,'PHAGS PA TING @341B NGE 'DZIN GYI RGYAL PO LAS KYANG, GANG DE CHOS LA BDAG MED SO SOR RTOG ,SO SOR DER BRTAGS GAL TE BSGOM PA NI, ,DE NYID MYA NGAN 'DAS THOB 'BRAS BU'I RGYU, ,RGYU GZHAN GANG YIN DE NI ZHIR MI 'GYUR, ,ZHES GSUNGS SO, ,BCOM LDAN 'DAS KYIS KYANG BKA' STZAL PA, SKYE BA PO YIS LHAG MTHONG DANG, ,ZHI GNAS GOMS PAR BYAS NAS NI, ,GNAS NGAN LEN GYI 'CHING BA DANG, ,MTSAN MA'I 'CHING LAS RNAM GROL 'GYUR, ,ZHE'O, ,'PHAGS PA DGONGS PA NGES PAR 'GREL PA LAS KYANG, BSAM GTAN GYIS NI NYON MONGS PA RNAMS 'JIL LO, ,SHES RAB KYIS NI BAG LA NYAL RAB TU SPONG NGO ZHES GSUNGS SO, ,DE BAS NA SGRIB PA MTHA' DAG SPONG BAR 'DOD PAS ZHI GNAS DANG LHAG MTHONG BSGOM PAR BYA'O, ,ZHI GNAS KYI STOBS KYIS NI MAR ME RLUNG MED PA NA GSAL BA BZHIN DU DMIGS PA LA SEMS MI G-YO BAR 'GYUR RO, ,LHAG MTHONG GIS NI MUN PAR NYI MA SHAR BZHIN DU CHOS KYI DE KHO NA NYID JI LTA BA BZHIN DU RAB TU RTOGS PAS YANG DAG PA'I SNANG BA 'BYUNG STE SGRIB PA MTHA' DAG SPONG BAR 'GYUR RO, ,ZHI GNAS TZAM 'BA' ZHIG GOMS PAR BYAS PAS NI RNAL 'BYOR PA RNAMS KYI SGRIB PA MI SPONG GI, RE ZHIG NYON MONGS PA RNAM PAR GNON PA TZAM DU ZAD DE, SHES RAB KYI SNANG BA BYUNG BA MED PAR BAG LA NYAL LEGS PAR CHOMS MI SRID PA'I PHYIR, BAG LA NYAL LEGS PAR CHOMS PAR MI 'GYUR RO, ,DE BAS NA 'PHAGS PA DGONGS PA NGES PAR 'GREL PA DE NYID LAS, BSAM GTAN GYIS NI NYON MONGS PA RNAMS RNAM PAR GNON TO,, SHES RAB KYIS NI BAG LA NYAL LEGS PAR 'JOMS PAR BYED DO ZHES BKA' STZAL TO, ,'PHAGS PA TING NGE 'DZIN GYI RGYAL PO LAS KYANG, TING NGE 'DZIN DE SGOM PAR BYED MOD KYI, ,DE NI BDAG TU 'DU SHES 'JIGS MI BYED, ,DE NI NYON MONGS ZHI ZHING RAB 'KHRUGS TE, ,LHAG SPYOD 'DI NI TING 'DZIN BSGOM PA BZHIN, ,GAL TE CHOS LA BDAG MED SO SOR RTOGS, ,SO SOR DE BRTAGS GAL TE BSGOM PA NI, ,DE NYID MYA NGAN 'DAS THOB 'BRAS BU'I RGYU, ,RGYU GZHAN GANG YIN GYIS NI ZHIR MI 'GYUR, ,ZHES GSUNGS SO, ,BYANG CHUB SEMS DPA'I SDE SNOD LAS KYANG, @342A *, ,GANG DAG BYANG CHUB SEMS DPA'I SDE SNOD KYI CHOS KYI RNAM GRANGS 'DI MA THOS, 'PHAGS PA'I CHOS 'DUL BA MA THOS PAR TING NGE 'DZIN TZAM GYIS CHOG PAR 'DZIN PA NI NGA RGYAL GYI DBANG GIS 'KHOR BAR LHUNG ZHING SKYE BA DANG, RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUGS PA LAS YONGS SU MI GROL, 'GRO BA DRUG GI 'KHOR BA LAS YONGS SU MI GROL, SDUG BSNGAL GYI PHUNG PO LAS KYANG YONGS SU MI GROL TE DE LA DGONGS NAS DE BZHIN GSHEGS PAS 'DI SKAD CES, GZHAN LAS RJES SU MTHUN PAS THOS PA NI RGA SHI LAS GROL BAR 'GYUR RO ZHES BKA' STZAL PA DE LTA NA SGRIB PA MTHA' DAG SPANGS NAS YONGS SU DAG PA'I YE SHES THOB PAR 'DOD PAS ZHI GNAS LA GNAS SHING SHES RAB BSGOM PAS BYA'O, ,DE SKAD DU 'PHAGS PA DKON MCHOG BRTZEGS PA LAS KYANG BKA' STZAL TE, TSUL KHRIMS LA NI GNAS NAS TING NGE 'DZIN THOB STE, ,TING NGE 'DZIN THOB NAS KYANG SHES RAB SGOM PAR BYED, ,SHES RAB KYIS NI YE SHES RNAM PAR DAG PA THOB, ,YE SHES RNAM PAR DAG PAS TSUL KHRIMS PHUN SUM TSOGS, ,ZHES BKA' STZAL TO; ,'PHAGS PA THEG PA CHEN PO LA DAD PA BSGOM PA'I MDO LAS KYANG RIGS KYI BU SHES RAB LA NYE BAR MI GNAS NA, BYANG CHUB SEMS DPA' RNAMS KYI THEG PA CHEN PO LA DAD PA DANG, [?] THEG PA CHEN PO LA JI LTAR YANG 'BYUNG BAR MI SMRA'O, ,RIGS KYI BU RNAM GRANGS 'DI LTAR BYANG CHUB SEMS DPA' RNAMS KYI THEG PA CHEN PO LA DAD PA THEG PA CHEN PO LAS 'BYUNG BA CI YANG RUNG DE THAMS CAD NI RNAM PAR MA G-YENGS PA'I SEMS KYIS DON DANG CHOS LA YANG DAG PAR BSAMS PA LAS BYUNG BAR RIG PAR BYA'O ZHES BKA' STZAL TE, ZHI GNAS DANG BRAL BA'I LHAG MTHONG 'BA' ZHIG GIS NI RNAL 'BYOR PA'I SEMS YUL RNAMS LA RNAM PAR G-YENG BAR 'GYUR GYI RLUNG GI NANG NA 'DUG PA'I MAR ME BZHIN DU BRTAN PAR MI 'GYUR RO, ,DE BAS NA YE SHES KYI SNANG BA SHIN TU GSAL BAR MI 'BYUNG STE, DE LTA BAS NA GNYI GA 'DRA BAR BRTEN PAR BYA'O, ,DE'I PHYIR 'PHAGS PA YONGS SU @342B MYA NGAN LAS 'DAS PA CHEN PO'I MDO LAS KYANG, NYAN THOS RNAMS KYIS NI, DE BZHIN GSHEGS PA'I RIGS MA MTHONG STE, TING NGE 'DZIN GYI SHAS CHE BA'I PHYIR DANG, SHES RAB CHUNG BA'I PHYIR RO, ,BYANG CHUB SEMS DPA' RNAMS KYIS NI MTHONG MOD KYI MA GSAL TE, SHES RAB KYI SHAS CHE BA'I PHYIR DANG, TING NGE 'DZIN CHUNG BA'I PHYIR RO, ,DE BZHIN GSHEGS PAS NI THAMS CAD GZIGS TE, ZHI GNAS DANG LHAG MTHONG MTSUNGS PAR LDAN PA'I PHYIR ZHES BKA' STZAL TE, ZHI GNAS KYI STOBS KYIS NI MAR ME RLUNG MED PAR BZHAG PA BZHIN DU RNAM PAR RTOG PA'I RLUNG RNAMS KYIS SEMS G-YOS PAR MI 'GYUR RO, ,LHAG MTHONG GIS NI LTA BA NGAN PA'I DRA BA MTHA' DAG SPANGS PAS GZHAN DAG GIS MI PHYED DE, ZLA BA SGRON MA'I MDO LAS JI SKAD DU, ZHI GNAS STOBS KYIS G-YO BA MED PAR 'GYUR, ,LHAG MTHONG STOBS KYIS RI DANG 'DRA BAR 'GYUR; ,ZHES GSUNGS SO, ,DE BAS NA RNAL 'BYOR PAS NYON MONGS PA'I RIGS THAMS CAD SHES SHING ZIL GYIS GNON PAR 'DOD PAS ZHI GNAS DANG LHAG MTHONG GNYIS LA BRTZON PAR BYA STE, DE SKAD BDEN PA GNYIS BSTAN PA'I MDO LAS GSUNGS TE, 'JAM DPAL JI LTAR NYON MONGS PA RNAMS ZIL GYIS GNON PAR 'GYUR, JI LTAR NYON MONGS PA RNAMS YONGS SU SHES PA YIN, 'JAM DPAL GYIS SMRAS PA, LHA'I BU GANG GI TSE NYON MONGS PA RNAMS SNANG BA MED PA'I YE SHES KYI DON DAM PAR SHIN TU STONG PA DANG, SHIN TU MTSAN MA MED PA DANG, SHIN TU DNGOS PO MED PA DANG; SHIN TU RANG BZHIN MED PAR SHES PA DE'I TSE, LHA'I BU NYON MONGS PA RNAMS RAB TU SHES PA YIN NO, ,LHA'I BU 'DI LTA STE, DPER NA GANG SBRUL GDUG PA'I RIGS 'DON PA DES, SBRUL GDUG PA DE'I DUG ZHI BAR 'GYUR RO, ,LHA'I BU DE BZHIN DU NYON MONGS PA RNAMS KYI RIGS RAB TU, SHES PA DE'I NYON MONGS PA RNAMS RAB TU ZHI BAR 'GYUR RO, ,LHA'I BUS SMRAS PA, 'JAM DPAL NYON MONGS PAR GYUR PA RNAMS KYI RIGS GANG, 'JAM DPAL GYIS SMRAS PA, LHA'I BU DON DAM PAR SHIN TU MA SKYES PA DANG, MA BYUNG BA DANG, DNGOS PO MED PA DANG, MTSAN NYID MED @343A *, ,PA'I CHOS THAMS CAD LA KUN DU RTOG PA GANG YIN PA DE NI NYON MONGS PA RNAMS KYI RIGS YIN NO ZHES RGYA CHER 'BYUNG NGO, ,DE BAS NA SHES BYA'I YUL THAMS CAD LAM RMONGS PA, CHOS THAMS CAD KYI DNGOS PO NYID KYI MTHA' RTOGS PAS SGRIB PA MTHA' DAG ZIL GYIS GNON PAR BYED PA DANG, SPONG BA NI ZHI GNAS DANG LHAG MTHONG GNYIS LA BRTEN PAS YIN GYI, GZHAN GYIS NI MA YIN PAR NGES SO, ,DE BAS NA GNYI GA LA RNAL 'BYOR DU 'BAD PAR BYA'O, ,DE LA BYANG CHUB TU SEMS BSKYED PAR BYA'O, ,BYANG CHUB KYI SEMS DE YANG RNAM PA GNYIS TE; KUN RDZOB DANG DON DAM PA'O, ,DE LA KUN RDZOB NI SNYING RJES SEMS CAN MTHA' DAG MNGON PAR GDON PAR DAM BCAS NAS, 'GRO LA PHAN PA'I PHYIR SANGS RGYAS SU GYUR CIG SNYAM DU BLA NA MED PA YANG DAG PAR RDZOGS PA'I BYANG CHUB 'DOD PA'I RNAM PA'I SEMS DANG PO SKYE BA'O, ,DE YANG BYANG CHUB SEMS DPA'I TSUL KHRIMS KYI LE'U LAS BSTAN PA'I CHO GA BZHIN DU, BYANG CHUB SEMS DPA'I SDOM PA LA GNAS PA, MKHAS PA PHA ROL PO LAS MNOD PAR BYA'O, ,MTHUN PA MED NA SANGS RGYAS DANG BYANG CHUB SEMS DPA' RNAMS MNGON DU BYAS LA, 'PHAGS PA 'JAM DPAL RGYAL PO NAM MKHA' ZHES BYA BAR GYUR PA NA, BYANG CHUB TU SEMS BSKYED PAR BYA'O, ,DE NAS DON DAM PA'I BYANG CHUB KYI SEMS BSKYED PA'I PHYIR 'BAD PAR BYA'O, ,DON DAM PA'I BYANG CHUB KYI SEMS NI 'JIG RTEN LAS 'DAS PA SPROS PA'I MTHA' DANG BRAL BA SHIN TU GSAL BA, DON DAM PA'I SPYOD YUL BA, DRI MA MED PA, MI G-YO BA, RLUNG MED PA'I MAR ME'I RGYUN LTAR MI G-YO BA'O, ,RNAM PAR SNANG MDZAD MNGON PAR RDZOGS PAR BYANG CHUB PA'I TANTRA LAS KYANG, BYANG CHUB NAM MKHA'I MTSAN NYID DE, ,RTOG PA THAMS CAD SPANG BA YIN, ,ZHES GSUNGS SO, ,YANG GSUNGS PA, GSANG BA'I BDAG PO SHIN TU PHRA BA'I CHOS KYANG YOD PA MA YIN ZHING DMIGS SU MED DO, ,DES NA BLA NA MED PA YANG DAG PAR RDZOGS PA'I BYANG CHUB CES BYA'O ZHES GSUNGS SO, ,DE SKAD DU ZLA BA SGRON MA'I TING NGE 'DZIN LAS KYANG BCOM LDAN 'DAS KYIS BYANG CHUB KYI RANG GI NGO BO BSTAN PA, SHIN TU PHRA @343B BA'I CHOS KYANG YOD MA YIN, ,SHIN TU PHRA ZHES BYA BA'ANG YOD MA YIN, ,ZHES GSUNGS SO, ,DON DAM PA'I BYANG CHUB NI CHOS KYI SKU YIN NO, ,DE 'GRUB PA NI RTAG TU GUS PAR YUN RING DU ZHI GNAS DANG LHAG MTHONG GI RNAL 'BYOR LA GOMS PAR BYAS PA LAS 'GYUR TE, 'PHAGS PA DGONGS PA NGES PAR 'GREL PA LAS JI SKAD DU, BYAMS PA YANG NYAN THOS RNAMS KYI'AM BYANG CHUB SEMS DPA' RNAMS KYI'AM, DE BZHIN GSHEGS PA RNAMS KYI DGE BA'I CHOS DANG 'JIG RTEN PA'I BDE BA DANG, 'JIG RTEN LAS 'DAS PA THAMS CAD KYANG ZHI GNAS DANG LHAG MTHONG GI 'BRAS BU YIN PAR RIG PAR BYA'O ZHES GSUNGS PA LTA BU'O, ,DE NYID KYI TING NGE 'DZIN THAMS CAD BSDUS PA'I PHYIR RNAL 'BYOR PA THAMS CAD KYIS DUS THAMS CAD DU NGES PAR ZHI GNAS DANG LHAG MTHONG BSTEN PAR BYA STE, 'PHAGS PA DGONGS PA NGES PAR 'GREL PA DE NYID LAS, BCOM LDAN 'DAS KYIS JI SKAD DU, NGAS NYAN THOS RNAMS DANG, BYANG CHUB SEMS DPA' RNAMS DANG, DE BZHIN GSHEGS PA RNAMS KYI TING NGE 'DZIN RNAM PA DU MA BSTAN PA GANG YIN PA DE DAG THAMS CAD ZHI GNAS DANG, LHAG MTHONG GIS BSDUS PAR RIG PAR BYA'O ZHES GSUNGS SO, , BYANG CHUB TU SEMS BSKYED PA BSOD NAMS CHE BAR 'PHAGS PA DPAS BYIN GYIS ZHUS PA LAS, BYANG CHUB SEMS KYI BSOD NAMS GANG, ,DE LA GAL TE GZUGS MCHIS NA, ,NAM MKHA'I KHAMS NI KUN GANG STE, ,DE NI DE BAS LHAG PAR 'GYUR, ,ZHES GSUNGS SO, ,SDONG PO BKOD PA LAS KYANG BSNGAGS TE, RIGS KYI BU BYANG CHUB KYI SEMS NI SANGS RGYAS KYI CHOS THAMS CAD KYI SA BON LTA BU'O ZHES GSUNGS SO, ,BYANG CHUB KYI SEMS DE SGRUB PA MI LDAN YANG 'KHOR BA'I NANG NA 'BRAS BU CHE BAR BYAMS PA'I RNAM PAR THAR PA LAS BKA' STZAL TE, RIGS KYI BU 'DI LTA STE, DPER NA RDO RJE RIN PO CHE CHAG KYANG GSER GYI RGYAN KHYAD PAR DU 'PHAGS PA THAMS CAD ZIL GYIS GNON TO, ,RDO RJE RIN PO CHE'I MING YANG MI 'DOR ZHING DBUL BA THAMS CAD BZLOG GO, ,RIGS KYI BU DE BZHIN DU THAMS CAD MKHYEN PA NYID DU SEMS BSKYED PA NYID RDO RJE RIN PO CHE @344A *, ,SGRUB PA DANG MI LDAN YANG, NYAN THOS DANG RANG SANGS RGYAS KYI RGYAN THAMS CAD ZIL GYIS GNON TO, ,BYANG CHUB SEMS DPA'I MING YANG MI 'DOR ZHING 'KHOR BA'I DBUL BA YANG ZLOG PAR BYED DO ZHES 'BYUNG NGO, ,'PHAGS PA RGYAL PO LA GDAMS PA'I MDO LAS KYANG, RGYAL PO CHEN PO KHYOD BYA BA MANG BA BYED PA MANG STE, THAMS CAD KYI THAMS CAD RNAM PA THAMS CAD KYI THAMS CAD DU SBYIN PA'I PHA ROL TU PHYIN PA LA BSLAB PA NAS SHES RAB KYI PHA ROL TU PHYIN PA'I BAR LA SLOB MI BZOD NA, RGYAL PO CHEN PO RDZOGS PA'I BYANG CHUB LA 'DUN PA DANG, SMON PA DANG; DAD PA DANG, DON DU GNYER BA DUS THAMS CAD DU, 'GRO YANG RUNG, 'GRENG YANG RUNG, 'DUG KYANG RUNG, NYAL YANG RUNG, SAD KYANG RUNG, ZA YANG RUNG, 'THUNG YANG RUNG, RTAG TU RGYUN MI 'CHAD PAR DRAN PAR GYIS SHIG ,YID LA GYIS SHIG ,SGOMS SHIG ,SANGS RGYAS DANG, BYANG CHUB SEMS DPA' DANG, NYAN THOS DANG, SO SO'I SKYE BO THAMS CAD DANG, BDAG GIS 'DAS PA DANG, MA 'ONGS PA DANG, DA LTAR BYUNG BA'I DGE BA'I RTZA BA CI BYAS PA THAMS CAD BSDUS PA LA RJES SU YID RANG BA GYIS SHIG CES 'BYUNG NGO, ,DE BAS NA THAMS CAD MKHYEN PA DE THOB PAR 'DOD PA DES BYANG CHUB TU SEMS BSKYED PAR BYA'O, ,DE LA THOG MAR RE ZHIG RNAL 'BYOR PA GANG ZHIG GIS ZHI GNAS DANG LHAG MTHONG 'GRUB PAR 'GYUR BA'I RGYU ZHI GNAS DANG LHAG MTHONG GI TSOGS LA JE BRTEN PAR BYA'O, ,DE LA ZHI GNAS KYI TSOGS GANG ZHE NA, MTHUN PA'I YUL LA GNAS PA DANG, 'DOD PA CHUNG BA DANG, CHOG SHES PA DANG, BYA BA MANG PO YONGS SU SPANGS PA DANG, TSUL KHRIMS RNAM PAR DAG PA DANG 'DOD PA LA SOGS PA'I RNAM PAR RTOG PA YONGS SU SPANGS PA'O, ,DE LA YON TAN LNGA DANG LDAN PA NI MTHUN PA'I YUL YIN PAR SHES PAR BYA STE GOS DANG ZAS LA SOGS PA CHAGS MED PAR RNYED PA'I PHYIR RNYED SLA BA DANG, SKYE BO MI SRUN PA DANG, DGRA LA SOGS PA MI GNAS PA'I PHYIR GNAS BZANG BA DANG, NAD MED PA'I SA YIN PAS SA BZANG BA DANG, GROGS TSUL KHRIMS DANG LDAN PA MTSUNGS PA YIN PAS GROGS BZANG BA DANG NYIN MO SKYE BO MANG PO DAG @344B GIS MA GANG PA'I PHYIR DANG, MTSAN MO SGRA CHUNG BA'I PHYIR LEGS PAR LDAN PA'O, ,'DOD PA CHUNG BA GANG ZHE NA CHOS GOS LA SOGS PA BZANG PO'AM MANG PO LA LHAG PAR CHAGS PA MED PA'O, ,CHOG SHES PA GANG ZHE NA CHOS GOS LA SOGS PA NGAN NGON TZAM RNYED PAS RTAG TU CHOS SHES PA GANG YIN PA'O; ,BYA BA MANG PO YONGS SU SPANGS PA GANG ZHE NA NYO TSOR LA SOGS PA BYA BA NGAN PA YONGS SU SPANGS PA DANG, KHYIM PA DANG, RAB TU BYUNG BA DAG DANG, HA CANG SMOS 'DRIN BYED PA YONGS SU SPANGS PA DANG, SMAN BYED PA DANG, SKAR MA BRTZI BA LA SOGS PA YONGS SU SPANGS PA GANG YIN PA'O, ,TSUL KHRIMS RNAM PAR DAG PA GANG YIN ZHE NA, SDOM PA GNYIS LA YANG RANG BZHIN DANG BCAS PA'I KHA NA MA THO BA DANG BCAS PA'I BSLAB GZHI MI 'BRAL BA DANG BAG MED PAR RAL NA YANG SKYEN PA SKYEN PAR 'GYOD PAS CHOS BZHIN BYED PA DANG, NYAN THOS KYI SDOM PA LA PHAM PA BCOS SU MI RUNG BAR GSUNGS PA GANG YIN PA DE LA YANG 'GYOD PA DANG LDAN PA DANG, PHYIS MI BYA BA'I SEMS DANG LDAN PA YIN, SEMS GANG GIS LAS BYED PA'I SEMS DE LA YANG NGO BO NYID MED PAR SO SOR BRTAG PA'I PHYIR RAM, CHOS THAMS CAD NGO BO NYID MED PAR BSGOM PA GOMS PAR BYAS NA DE NYID TSUL KHRIMS RNAM PAR DAG PA KHO NA YIN PAR BRJOD PAR BYA'O, ,DE NI 'PHAGS PA MA SKYES DGRA'I 'GYOD PA BSAL BA LAS KHONG DU CHUD PAR BYA'O, ,DE BAS NA DES 'GYOD PA MED PAR BYAS LA BSGOM PA LA BRTZON BAR BYA'O, ,'DOD PA RNAMS LA YANG TSE 'DI DANG TSE PHYI MA LA NYES DMIGS RNAM PA MANG POR 'GYUR BAR YID LA BYAS LA DE DAG LA RNAM PAR RTOG PA SPANG BAR BYA'O, ,RNAM PA GCIG TU NA 'KHOR BA PA'I DNGOS PO SDUG PA'AM MI SDUG PA YANG RUNG STE, DE DAG THAMS CAD NI RNAM PAR 'JIG PA'I CHOS CAN MI RTAG PA STE GDON MI ZA BAR DE DAG THAMS CAD DANG, BDAG RING PO MI THOGS PAR BRAL BAR 'GYUR NA, BDAG DE LA CI ZHIG LHAG PAR CHAGS PA LA SOGS PAS 'GYUR SNYAM DU BSGOMS PAS RNAM PAR RTOG PA THAMS CAD SPANGS PA'O, ,LHAG MTHONG GI TSOGS GANG ZHE NA, SKYES BU DAM PA LA BRTEN PA DANG, MANG DU THOS PA YONGS SU BTZAL BA @345A *, ,DANG TSUL BZHIN SEMS PA'O, ,DE LA SKYES BU DAM PA LA BRTEN PA GANG ZHE NA, MANG DU THOS PA DANG, TSIG GSAL BA DANG, SNYING RJE DANG LDAN PA DANG, SKYO BA BZOD PA'O, ,DE LA MANG DU THOS PA YONGS SU BTZAL BA GANG ZHE NA, GANG SANGS RGYAS BCOM LDAN 'DAS KYI GSUNG RAB YAN LAG BCU GNYIS PO'I NGES PA'I DON DANG DRANG PA'I DON LA GUS PAR BYA LA SHIN TU MNYAN PA STE, 'DI LTAR 'PHAGS PA DGONGS PA NGES PAR 'GREL PA LAS, 'PHAGS PA'I GTAM 'DOD PA BZHIN MA THOS PA NI LHAG MTHONG GI GEGS YIN NO ZHES BKA' STZAL TO, ,DE GNYIS LAS LHAG MTHONG GI THOS PA DANG BSAMS PA LAS BYUNG BA'I LTA BA RNAM PAR DAG PA'I RGYU LAS BYUNG BA YIN NO ZHES GSUNGS SO, ,'PHAGS PA SRED MED KYI BUS ZHUS PA LAS KYANG, THOS PA DANG LDAN PA NI SHES RAB 'BYUNG BAR 'GYUR RO, ,SHES RAB DANG LDAN PA NI NYON MONGS PA RAB TU ZHI BAR 'GYUR RO ZHES BKA' STZAL TO, ,TSUL BZHIN SEMS PA GANG ZHE NA, GANG NGES PA'I DON DANG DRANG BA'I DON GYI MDO LA SOGS PA LEGS PAR GTAN LA 'BEBS PA STE, DE LTAR BYANG CHUB SEMS DPA' THE TSOM MED PA NA BSGOM PA LA GCIG TU NGES PAR 'GYUR RO, ,DE LTA MA YIN NA THE TSOM GYI 'PHYANG MO NYUG PA'I THAG THAG PA LA 'JUG PA NI, LAM KHA BRAG GI MDOR PHYIN PA'I MI LTAR GANG DU YANG GCIG TU NGES PAR MI 'GYUR RO, ,RNAL 'BYOR PAS NI DUS THAMS CAD DU NYA DANG SHA LA SOGS PA SPANGS SHING MI MTHUN PA MA YIN PA DANG, ZAS TSOD ZIN PAR BZA' BAR BYA'O, , DE LA RNAL 'BYOR PAS BSGOM PA'I DUS NA THOG MAR BYA BA CI 'DOD PA THAMS CAD RDZOGS PAR BYAS LA, BSHAD [?] GCI BYAS NA DGRA'I TSER MA MED PAR YID DU 'ONG BA'I SA PHYOGS SU, BDAG GIS SEMS CAN THAMS CAD BYANG CHUB KYI SNYING PO LA DGOD PAR BYA'O SNYAM DU BSAM ZHING 'GRO BA MTHA' DAG MNGON PAR GDON PA'I BSAM PA CAN GYIS SNYING RJE CHEN PO MNGON DU BYAS LA PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD LA YAN LAG LNGAS PHYAG BYAS NAS, SANGS RGYAS DANG BYANG CHUB SEMS DPA'I SKU GZUGS RI MO LA SOGS PA MDUN DU @345B GZHAG GAM GZHAN DU YANG RUNG STE, DE DAG LA CI NUS KYIS MCHOD PA DANG BSTOD PA BYAS LA, RANG GI SDIG PA BSHAGS NAS 'GRO BA MTHA' DAG GI DON BSOD NAMS LA RJES SU YI RANG BAR BYAS LA, STAN SHIN TU 'JAM PO BDE BA LA RJE BTZUN RNAM PAR SNANG MDZAD KYI SKYIL MO KRUNG LTA BU'AM; SKYIL MO KRUNG PHYED DU YANG RUNG, YANG NA SPYOD LAM JI LTAR GNAS KYANG RUNG STE, MIG HA CANG YANG MI ZUM, HA CANG YANG MI DBYE BAR SNA'I RTZE MOR GTAD CING LUS HA CANG YANG MI SGU, HA CANG YANG MI DGYE BAR DRANG POR BSRANG LA DRAN PA NANG DU BZHAG STE 'DUG PAR BYA'O, ,DE NAS PHRAG PA MNYAM PAR GZHAG PA LA MGO MI MTHO MI DMA' ZHING PHYOGS GCIG TU MA YO BAR BZHAG STE SNA NAS LTE BAR DRANG POR GZHAG GO , ,SO DANG MCHU YANG THA MAL PAR GZHAG GO , ,LCE YANG SO'I DRUNG DU GZHAG GO, ,DBUGS PHYI NANG DU RGYU BA YANG SGRA CAN DANG RNGAM PA CAN DANG, DBUGS RGOD PA CAN DU MI GTONG GI CI NAS KYANG MI TSOR BAR DAL BU DAL BUS LHUN GYIS GRUB PA'I TSUL GYIS DBUGS NANG DU RNGUB PA DANG, PHYIR 'BYUNG BA DE LTAR BYA'O, ,DE THOG MAR RE ZHIG ZHI GNAS BSGRUB PAR BYA STE, PHYI ROL GYI YUL LA RNAM PAR G-YENG BA ZHI NAS NANG DU DMIGS PAS RGYUN DU RANG GI NGANG GIS 'JUG LA, DGA' BA DANG, SHIN TU SBYANGS PA DANG LDAN PA'I SEMS NYID LA GNAS PA NI ZHI GNAS ZHES BYA'O, ,ZHI GNAS DE NYID LA DMIGS PA'I TSE, DE KHO NA LA RNAM PAR SPYOD PA GANG YIN PA DE NI LHAG MTHONG YIN TE 'PHAGS PA DKON MCHOG SPRIN LAS JI SKAD DU, ZHI GNAS NI SEMS RTZE GCIG PA NYID DO, ,LHAG MTHONG NI YANG DAG PAR SO SOR RTOG GO ZHES GSUNGS PA LTA BU'O, ,DE BAS NA BCOM LDAN 'DAS KYIS RNAL 'BYOR PA RNAMS KYI DMIGS PA'I DNGOS PO BZHI BSTAN TE, RNAM PAR MI RTOG PA'I GZUGS BRNYAN DANG, RNAM PAR RTOG PA DANG BCAS PA'I GZUGS BRNYAN DANG, DNGOS PO'I MTHA' DANG, DGOS PA YONGS SU GRUB PA'O, ,DE LA ZHI GNAS KYI NI CHOS THAMS CAD KYI GZUGS BRNYAN GANG YIN PA DANG, SANGS RGYAS KYI SKU GZUGS LA SOGS PA LA MOS PA STE, DE NI RNAM PAR MI RTOG PA'I GZUGS BRNYAN @346A *, ,ZHES BYA'O, ,DE LA YANG DAG PA'I DON RNAM PAR RTOG PA MED PAS NA, DE RNAM PAR MI RTOG PA ZHES BYA'O, ,JI LTAR THOS PA DANG, JI LTAR ZIN PA'I CHOS RNAMS KYI GZUGS BRNYAN LA MOS TE DMIGS PAS NA GZUGS BRNYAN ZHES BYA'O, ,RNAL 'BYOR BA DE KHO NA'I DON RTOGS PAR BYA BA'I PHYIR GANG GI TSE LHAG MTHONG GIS GZUGS BRNYAN DE NYID LA DPYOD PA DE'I TSE LHAG MTHONG GI MTSAN NYID DE KHO NA LA RTOGS PA'I RNAM PAR RTOG PA DE KHO NA YOD PAS NA RNAM PAR RTOG PA DANG BCAS PA'I GZUGS BRNYAN ZHES BYA'O, ,RNAL 'BYOR PA GZUGS BRNYAN DE NYID KYI NGO BO NYID LA RTOG PAS CHOS THAMS CAD KYI NGO BO NYID JI LTA BA BZHIN DU KHONG DU CHUD DE, BDAG GI BZHIN GYI GZUGS BRNYAN ME LONG GI NANG DU BYUNG BA LA BRTAGS NA BDAG GI BZHIN LA MI SDUG PA LA SOGS PA MNGON PA BZHIN NO, ,GANG GI TSE DNGOS PO'I MTSAN NYID KYI DE BZHIN NYID RTOGS PAR GYUR PA DE'I TSE, DNGOS PO'I MTHA' KHONG DU CHUD PAS SA DANG PO LA DNGOS PO'I MTHA' LA DMIGS PA ZHES BYA'O, ,DE NI SMAN BCUD KYIS LEN PA ZA BA BZHIN DU, BSGOM PA'I LAM GYIS SA LHAG MA RNAMS SU RIM GYIS SHIN TU RAB TU RNAM PAR DAG PAS SKAD CIG PAS GNAS GYUR NAS GANG GI TSE SGRIB PA MA LUS PA SPANGS PA'I MTSAN NYID DGOS PA YONGS SU RDZOGS PAR GYUR PA DE'I TSE SANGS RGYAS KYI SA LA YE SHES DE NYID DGOS PA YONGS SU GRUB PA LA DMIGS PA ZHES BYA'O, ,DE LTA BU 'DIS CI BSTAN PA YIN ZHE NA, ZHI GNAS DANG LHAG MTHONG GOMS PAR BYAS PAS DNGOS PO'I MTHA' RTOGS PAR 'GYUR TE, DES SGRIB PA MTHA' DAG SPONG BA'I MTSAN NYID DGOS PA YONGS SU GRUB PA 'THOB BO, ,DE NYID SANGS RGYAS NYID YIN TE DE BAS NA SANGS RGYAS NYID THOB PAR 'DOD PAS ZHI GNAS DANG LHAG MTHONG BSGOM PAR BYA'O, ,GANG DE NYID LA MI SGOM PA DE NI DNGOS PO'I MTHA' YANG MI RTOGS, DGOS PA YONGS SU GRUB PA YANG MI 'GYUR RO ZHES BSTAN PAR 'GYUR RO, ,DE LA RNAL 'BYOR PAS THOG MAR DE BZHIN GSHEGS PA'I SKU GZUGS JI LTAR MTHONG BA DANG, JI LTAR THOS PA LAS SEMS BZHAG NAS ZHI GNAS BSGRUB PAR @346B BYA STE, DE BZHIN GSHEGS PA'I SKU GZUGS DE YANG GSER BTZOM BZHIN DU SER LA MTSAN DANG DPE BYAD BZANG POS BRGYAN PA 'KHOR GYI NANG NA BZHUGS SHING THABS RNAM PA SNA TSOGS KYIS SEMS CAN GYI DON MDZAD PA RGYUN DU YID LA BYED PAS, DE'I YON TAN LA 'DOD PA BSKYED CING, BYING BA DANG, RGOD PA LA SOGS PA ZHI BAR BYAS LA, JI SRID DE MDUN DU BZHUGS PA BZHIN DU GSAL BAR MTHONG BAR GYUR PA DE SRID DU BSAM GTAN BYA'O, ,'PHAGS PA TING NGE 'DZIN GYI RGYAL PO LAS, GSER GYI KHA DOG LTA BU'I SKU LUS KYIS, ,'JIG RTEN MGON PO KUN DU MDZES PA STE, ,DMIGS PA DE LA GANG GIS SEMS 'JOG PA, ,BYANG CHUB SEMS DPA' SEMS MNYAM GZHAG CES BYA, ,ZHES GSUNGS SO, ,DE NAS LHAG MTHONG BSGOM PAR BYA STE, JI LTAR DE BZHIN GSHEGS PA'I SKU'I GZUGS BRNYAN 'DI GANG NAS KYANG MA GSHEGS GANG DU YANG MI BZHUD BZHUGS PA BZHIN DU YANG NGO BO NYID KYIS STONG LA, BDAG DANG BDAG GI DANG BRAL BA DE BZHIN DU, CHOS THAMS CAD NGO BO NYID KYIS STONG ZHING 'ONG BA DANG 'GRO BA DANG BRAL BA GZUGS BRNYAN LTA BU STE, YOD PA LA SOGS PA'I NGO BO DANG BRAL BA'O ZHES DPYAD NAS RNAM PAR RTOG PA MED CING BRJOD PA MED PA DANG GCIG TU 'GYUR BA'I YID KYIS DE KHO NA BSGOM ZHING JI SRID 'DOD PAR 'DUG PAR BYA'O, ,TING NGE 'DZIN 'DI NI DA LTAR GYI SANGS RGYAS MNGON DU BZHUGS PA ZHES BYA BA'I TING NGE 'DZIN LAS BSTAN TE, TING NGE 'DZIN 'DI'I PHAN YON NI ZHIB TU MDO DE NYID LAS RIG PAR BYA'O, ,YANG NA 'DI LTAR DPYAD PAR BYA STE, CI DMIGS PA LEGS PAR 'DZIN TAM, 'ON TE BYING NGAM, 'ON TE PHYI'I YUL LA SEMS G-YENGS SAM SNYAM DU DPYAD PAR BYA'O, ,RMUGS PA DANG GNYID KYIS NON PAR GYUR NA, MCHOG TU DGA' BA'I DNGOS PO SANGS RGYAS KYI SKU GZUGS CI 'DRA BA YID LA BYA'O; ,YANG NA MDZAD PA BCU GNYIS SAM, RTEN CING 'BREL PAR 'BYUNG BA YID LA BYAS LA BYING BA DANG, RMUGS PA BSAL BAR BYA'O, ,SNGON MYONG BA'I YUL LA SEMS RGOD PA'AM, RGOD DU DOGS PA'AM, YANG DAG PA'I DON LA SEMS GTAD DU MI BTUB PA 'DRA NA 'DU BYED @347A *, ,THAMS CAD MI RTAG PA DANG, SDUG BSNGAL BA LA SOGS PA DANG, NANG GI MI GTZANG BA SNA TSOGS DANG, PHYI'I DNGOS PO RNAMS LA YANG MYUR DU 'BRAL BA DANG, YID BRTAN DU MI RUNG BA DANG, GTAN DU MI 'GROGS PA'I MTSAN NYID YID LA BYAS LA RGOD PA ZHI BAR BYA'O; ,GANG GI TSE BYING BA DANG RGOD PA MED PAR 'GYUR TE, DMIGS PA LA SEMS RNAL DU 'JUG PA DE'I TSE, RTZOL BA GLOD LA BTANG SNYOMS SU BYA'O, ,MDOR NA DRAN PA DANG SHES BZHIN GYI THAG PAS YID KYI GLANG PO CHE DMIGS PA'I SDONG PO LA GDAGS PAR BYA'O, ,DE NAS RNAL 'BYOR PAS ZHI GNAS LA GNAS NAS SHES RAB KYIS DE KHO NA BTZAL BAR BYA'I, ZHI GNAS 'BA' ZHIG GIS NI CHOG PAR MI BYA'O SNYAM DU BSAM MO, ,DE KHO NA JI LTA BU ZHE NA, DON DAM PAR DNGOS PO THAMS CAD RANG BZHIN MED PA DANG, GANG ZAG DANG PHUNG PO LNGA DANG, CHOS SU BTAGS PA MTHA' DAG STONG PA KHO NA STE, DE YANG GANG GIS RTOGS NA SHES RAB KYIS RTOGS PAR 'GYUR GYI GZHAN GYIS NI MA YIN TE, 'PHAGS PA DGONGS PA NGES PAR 'GREL PA LAS, BCOM LDAN 'DAS BYANG CHUB SEMS DPA' CHOS RNAMS KYI NGO BO NYID MA MCHIS PAR GANG GIS 'DZIN LAGS, SPYAN RAS GZIGS DBANG PHYUG SHES RAB KYI PHA ROL TU PHYIN PAS 'DZIN TO ZHES GSUNGS PA LTA BU'O, ,DE BAS NA ZHI GNAS LA GNAS TE SHES RAB BSGOM PAR BYA'O, ,DE LA RNAL 'BYOR PAS 'DI LTAR RNAM PAR DPYAD PAR BYA STE, GANG ZAG NI PHUNG PO DANG KHAMS DANG SKYE MCHED LAS GUD NA MI DMIGS SO, ,GANG ZAG NI PHUNG PO LA SOGS PA'I NGO BO NYID KYANG MA YIN TE, PHUNG PO LA SOGS PA DE DAG NI MI RTAG PA DANG DU MA'I NGO BO YIN PA'I PHYIR DANG, GANG ZAG NI RTAG PA DANG, GCIG PO'I NGO BO YIN PAS GZHAN DAG GIS BRTAG PA'I PHYIR RO, ,DE NYID DAM GZHAN NYID DU MI RUNG BA'I GANG ZAG GI DNGOS PO YOD PAR MI RUNG STE, DNGOS PO YOD PA'I RNAM PA GZHAN MED PA'I PHYIR RO, ,DE BAS NA 'JIG RTEN GYI NGA DANG NGA'I ZHES BYA BA 'DI NI 'KHRUL PA KHO NA'O ZHES DPYAD PAR BYA'O, ,CHOS LA BDAG MED @347B PA YANG 'DI LTAR BSGOM PAR BYA STE, CHOS ZHES PA NI MDOR BSDU NA PHUNG PO LNGA DANG SKYE MCHED BCU GNYIS DANG KHAMS BCO BRGYAD DO, ,DE LA PHUNG PO DANG SKYE MCHED DANG KHAMS GZUGS CAN GANG YIN PA DE DAG NI DON DAM PAR NA SEMS KYI RNAM PA LAS GUD NA MED DE, DE DAG RDUL PHRA RAB TU BSHIG LA, RDUL PHRA RAB RNAMS KYANG CHA SHAS KYI NGO BO NYID SO SOR BRTAGS NA NGO BO NYID NGES PAR GZUNG DU MED PA'I PHYIR RO, ,DE SKAD DU 'PHAGS PA LANG KAR GSHEGS PA LAS KYANG BKA' STZAL TE, RDZAS NI RDUL DU RNAM GZHIG CING, ,GZUGS LA RNAM PAR MA RTOG CIG; SEMS TZAM RNAM PAR GZHAG PA NI, ,LTA BA NGAN PA MI RTOGS SO, ,ZHES 'BYUNG NGO, ,DE BAS NA THOG MA MED PA'I DUS NAS GZUGS LA YANG DAG PA MA YIN PA LA MNGON PAR ZHEN PA'I DBANG GIS RMI LAM NA DMIGS PA'I GZUGS LA SOGS PA SNANG BA BZHIN DU BYIS PA RNAMS LA SEMS NYID GZUGS LA SOGS PAR PHYI ROL DU CHAD PA BZHIN DU SNANG GI DON DAM PAR NA 'DI LA GZUGS LA SOGS PA NI SEMS KYI RNAM PA LAS GUD NA MED DO ZHES DPYAD PAR BYA'O, ,LANG KAR GSHEGS PA LAS KYANG, PHYI ROL GZUGS NI YOD MA YIN; ,RANG GI SEMS NYID PHYI ROL SNANG, ,ZHES GSUNGS SO, ,YANG LANG KAR GSHEGS PA LAS KYANG, SEMS TZAM LA NI BRTEN NAS SU, ,PHYI ROL DON LA MI BRTAG GO, ,DE BZHIN NYID DU DMIGS NAS NI, ,SEMS TZAM LAS NI BZLA BAR BYA, ,SEMS TZAM LAS NI BZLAS NAS SU, ,SNANG BA MED LA BZLA BAR BYA, ,SNANG MED GNAS PA'I RNAL 'BYOR PA, ,DE YIS THEG PA CHEN PO MTHONG, ,ZHES GSUNGS PA LTA BU STE, PHYI'I YUL DON DAM PAR MED PA DE BZHIN DU, SEMS KYANG 'DI LTAR SNANG DU MI RUNG STE, JI LTA BU ZHE NA, YUL RNAM PAR SHES PA'I RANG BZHIN YIN PAS YUL YANG SHES PA CAN DU 'GYUR RO, ,YANG NA NI RNAM PAR SHES PA NYID GZUGS YIN PAS SEMS KYANG SHES PA MED PAR 'GYUR RO, ,YANG NA NI YUL RNAM PA MANG PO SNA TSOGS YOD PA BZHIN DU SEMS KYANG SNA TSOGS DU MAR 'GYUR @348A *, ,RO; ,YANG NA NI SEMS KYANG GZUGS CAN DU 'GYUR RO, ,YANG NA NI GZUGS KYANG SEMS BZHIN DU BLTAR MI MTHONG BAR 'GYUR RO, ,RNAM PA GCIG TU NA YUL MED KYI SEMS NYID YUL DU SNANG NA NI GZUGS DANG KHA DOG GI RNAM PA JI LTA BUR BSAMS PA DANG, JI LTAR 'DOD PA BZHIN DU THAMS CAD DU YUL DE NYID DU 'BYUNG ZHING SNANG BA'I RIGS SO, ,YANG RNAM PA GCIG TU GZUGS RDUL DU GZHIG STE, RDUL PHRA RAB KYANG CHA SHAS KYIS BSHIG NA MED PA BZHIN DU SEMS KYANG MED PAR 'GYUR RO, ,DE LTAR SEMS NYID YUL DU SNANG DU MI RUNG STE, DE LTA BAS NA YUL DANG YUL CAN DANG RNAM PAR RTOG PA MTHA' DAG RMI LAM DANG MTSUNGS SO, ,THOG MA MED PA NAS GZUGS SU RTOG PA'I BAG CHAGS SMIN PAS GZUGS LA SOGS PA'I RNAM PAR SNANG NGO ZHE NA DE YANG MI RUNG STE, YUL GZOD MA NAS MED PAS DE'I BAG CHAGS KYANG YOD PAR MI RUNG NGO, ,'PHAGS PA SA BCU PA LAS, KHAMS GSUM PA NI SEMS TZAM MO, ,ZHES 'BYUNG BA DANG, 'PHAGS PA LANG KAR GSHEGS PA LAS KYANG, PHYI ROL DON NI YOD MIN TE, ,RANG GI SEMS NI PHYI ROL SNAR, ,ZHES 'BYUNG BA YANG SEMS TZAM DU BSHAD PAS, DNGOS PO DON DAM PAR YOD PAR 'DOD PA DGAG PA DANG, GDUL BYA LA PHAN GDAGS PA'I PHYIR RO, ,DE BAS NA GZUGS LA SOGS PA BRDZUN PA DE BZHIN DU, SEMS KYANG DE LAS GUD NA MED PAS BRDZUN PA NYID DO, ,JI LTAR NA GZUGS LA SOGS PA SNA TSOGS KYI SNANG BA YIN PAS, GCIG DANG DU MA'I NGO BO NYID MA YIN PA DE BZHIN DU, SEMS KYANG DE LAS GUD NA MED PA'I PHYIR GCIG DANG DU MA'I NGO BO NYID MA YIN NA, ,DE LTA BAS NA SEMS NI RTEN CING 'BREL PAR 'BYUNG BA DANG SGYU MA LA SOGS PA'I NGO BO NYID KHO NA'O, , SEMS JI LTA BA DE BZHIN DU CHOS THAMS CAD KYANG RTEN CING 'BREL PAR 'BYUNG BA DANG, SGYU MA LA SOGS PA'I NGO BO NYID LTA BU KHO NA'O ZHES DPYAD PAR BYA'O, ,DES DE LTAR SHES RAB KYI PHA ROL TU PHYIN PAS CHOS THAMS CAD KYI NGO BO NYID LA SO SOR BRTAGS NA, DON DAM PAR @348B CHOS THAMS CAD 'DAS PA'I CHOS KYANG DMIGS SU MED, MA 'ONGS PA'I CHOS KYANG DMIGS SU MED, DA LTAR BYUNG BA YANG DMIGS SU MED DO, ,'PHAGS PA DKON MCHOG SPRIN GYI MDO LAS KYANG BKA' STZAL TE, DE LTAR SKYON LA MKHAS PA DES SPROS PA THAMS CAD DANG BRAL BA'I PHYIR STONG PA NYID BSGOM PA LA RNAL 'BYOR DU BYED DO, ,DES STONG PA NYID BSGOM PA MANG BAS GNAS GANG DANG GANG DU SEMS 'PHRO ZHING SEMS MNGON PAR DGA' BA'I GNAS DE DANG DE DAG GI NGO BO NYID YONGS SU BTZAL NA STONG PAR RTOGS SO, ,SEMS GANG YIN PA DE YANG BRTAGS NA STONG PAR RTOGS SO, ,SEMS GANG GIS RTOG PA DE YANG NGO BO NYID KUN DU BTZAL NA STONG PAR RTOGS SO, ,DE DE LTAR RTOGS PAS MTSAN MA MED PA'I RNAL 'BYOR LA 'JUG CES 'BYUNG NGO, ,DE BAS NA YUL DANG YUL CAN LA SOGS PA'I DNGOS PO RNAMS NI SMIG RGYU'I CHU LA SOGS PA BZHIN DU RANG GI NGO BOS STONG PA YIN NO,, DE DAG LA YANG DE DANG DE DAG LA BRTEN NAS 'BYUNG BA ZHES RTOG PA GANG YIN PA DE NI KUN RDZOB YIN NO, ,DE NYID KYI PHYIR 'PHAGS PA LANG KAR GSHEGS PA LAS, DNGOS PO SKYE BA KUN RDZOB TU, ,DAM PA'I DON DU RANG BZHIN MED, ,CES GSUNGS SO, ,'PHAGS PA RGYA CHER ROL PA LAS KYANG, SH'AKYA'I SRAS POS RTEN CING 'BREL 'BYUNG CHOS, ,RANG BZHIN NGO BO NYID MED MTHONG NAS NI, ,NAM MKHA' LTA BU'I SEMS DANG RAB LDAN PA, ,G-YON CAN DPUNG BCAS MTHONG BAS G-YO BA MED, ,CES 'BYUNG BA DANG, DKON MCHOG TA LA LA LAS KYANG, RKYEN LAS SKYES PA'I RANG GI DNGOS MA SKYES; ,CHOS KYI LUS NI RGYAL BA RNAMS KYI SKU, ,MCHOG NYID RTAG TU GNAS PA NAM MKHA' BZHIN, ,BSTAN NA CHOS RNAMS SBYOR BA 'THOB PAR 'GYUR, ,ZHES 'BYUNG BA DANG, SANGS RGYAS THAMS CAD KYI YUL LA 'JUG PA YE SHES SNANG BA'I RGYAN LAS KYANG, CHOS THAMS CAD KYI RANG BZHIN THOB PA NI CUNG ZAD KYANG SPROS PAR MI BYED DO, ,DE CI'I PHYIR ZHE NA, RGYU DANG RKYEN GYIS BSKYED PA'I PHYIR RO, ,GANG RGYU DANG RKYEN GYIS BSKYED PA DE NI SHIN TU MA SKYES PA'O ZHES 'BYUNG BA DANG, 'PHAGS PA KLU SGRUB KYI ZHAL SNGA NAS KYANG, RTEN CING 'BREL PAR GANG @349A *, ,'BYUNG BA, ,RANG BZHIN GYIS NI DE MA SKYES, ,RANG BZHIN GYIS NI GANG MA SKYES, ,DE LA SKYES ZHES JI SKAD BYA, ,SHIN TU PHRA BA'I DNGOS LA YANG, ,GANG GIS SKYES PAR RNAM BRTAGS PA, ,RNAM PAR MI MKHAS DE YIS NI, ,RKYEN LAS BYUNG BA'I DON MA MTHONG; ,ZHES BYUNG BA NI, DON DAM PAR RANG BZHIN MED KYI KUN RDZOB TU NI RTEN CING 'BREL PAR 'BYUNG BA SGYU MA TZAM DU ZAD DO, ,'PHAGS PA LANG KAR GSHEGS PA LAS KYANG, DNGOS RNAMS SKYE BA KUN RDZOB TU, ,DAM PA'I DON DU RANG BZHIN MED, ,RANG BZHIN MED LA 'KHRUL PA GANG,, DE NI YANG DAG KUN RDZOB 'DOD, ,CES 'BYUNG BA NI DON DAM PAR RANG BZHIN MED PAR DGONGS PA'O, ,DE BAS NA DNGOS PO RNAMS DON DAM PAR BDAG DANG GZHAN DANG GNYI GA DANG RGYU MED PA LAS SKYE BAR MI RUNG STE, JI LTAR BDAG DANG GZHAN LAS MI SKYE BA NI, BDAG RANG LAS MI SKYE BA'O; ,CI STE DNGOS PO RNAMS BDAG LAS SKYE NA BDAG SKYES ZIN PA SKYE'AM MA SKYES PA SKYES, SKYES ZIN PA SKYE ZHES BYA BAR NI, BDAG NYID GRUB PAS SKYED DU MI RUNG NGO, RNAM PA GCIG TU NA SKYES PA SKYE NA NI, NAM YANG MI SKYE BAR MI 'GYUR TE THUG PA MED PAR 'GYUR RO, ,MA SKYES PA SKYE NA NI RI BONG GI RVA DANG MO GSHAM GYI BU DANG NAM MKHA'I ME TOG KYANG SKYE BAR 'GYUR TE DE BAS NA BDAG LAS MI SKYE'O, ,GZHAN LAS KYANG SKYER MI RUNG STE THAMS CAD LAS THAMS CAD SKYE BA'I SKYON DU 'GYUR BA'I PHYIR RO, ,BDAG DANG GZHAN GNYIS LAS KYANG MI SKYE STE, GONG DU SMOS PA'I SKYON GNYI GA 'DU BAR 'GYUR BA'I PHYIR RO, ,RGYU MED PA LAS KYANG MI SKYE STE CI LA YANG RAG MA LUS PAS RTAG TU 'BYUNG BA DANG, DUS THAMS CAD DU 'BYUNG BA NA RGYU LA RAG MA LUS PAS 'DUS BYAS MA YIN PAS RTAG PA'I SKYON DU 'GYUR RO, ,DON DU BSGRUB PA'I BRTZON PA THAMS CAD DON MED PA'I NYES PAR 'GYUR BA'I PHYIR RO, ,DE LTAR NA DNGOS PO THAMS CAD SKYE BA MI 'THAD PA DE'I PHYIR SKYE BA MI SRID DE, SKYE BA BRJOD PA NI THA SNYAD GDAGS PA TZAM DU ZAD DE, DON DAM PAR NA SANGS RGYAS DANG MYA NGAN LAS 'DAS PA YANG MED NA GZHAN LTA SMOS KYANG CI DGOS @349B SNYAM DU DPYAD PAR BYA'O, ,'PHAGS PA SHES RAB KYI PHA ROL TU PHYIN PA LAS RAB 'BYOR SANGS RGYAS KYANG RMI LAM LTA BU SGYU MA LTA BU'O, ,MYA NGAN LAS 'DAS PA YANG RMI LAM LTA BU SGYU MA LTA BU'O, ,MYA NGAN LAS 'DAS PA'I CHOS LAS CHES LHAG PA ZHIG YOD NA YANG DE YANG RMI LAM LTA BU SGYU MA LTA BU'O ZHES GSUNGS SO, ,DE BAS NA 'DUS BYAS DANG 'DUS MA BYAS PA'I CHOS THAMS CAD NI YANG DAG PAR MED PA KHO NA YIN NO SNYAM DU BSGOM PAR BYA'O, ,DE LTAR CHOS SU BRTAG PA MTHA' DAG MED PA KHO NA LA ZHUGS PA DE, YONGS SU BRTAG PAR BYA BA GZHAN MED PAS RTOG PA DANG DPYOD PA DANG BRAL BA BRJOD PA MED PA DANG GCIG TU 'GYUR BA'I YID LA BYED PA RANG GI NGANG GIS 'JUG PA MNGON PAR 'DU BYED PA MED PAS DE KHO NA NYID LA SHIN TU GSAL BAR BSGOM ZHING 'DUG PAR BYA'O, ,DE LTAR GNAS NAS SEMS KYI RGYUD RNAM PAR MI G-YENG BAR BYA'O, , DE LTAR GYUR NA SPROS PA RNAM PAR MI RTOG PA NYID LA ZHUGS PA YIN NO, ,GZUGS LA SOGS PA YANG MI GNAS PA YIN NO, ,SHES RAB KYIS BRTAGS NA DNGOS PO MTHA' DAG GI NGO BO NYID MA DMIGS PA'I PHYIR SHES RAB MCHOG GI BSAM GTAN PA YANG YIN NO, ,GANG GI TSE BAR SKABS SU SEMS PHYI ROL DU RNAM PAR G-YENG BA MTHONG BA DE'I TSE, DE'I NGO BO NYID LA BRTAGS NAS RNAM PAR G-YENG BA ZHI BAR BYAS LA YANG DE NYID DU SEMS GZHAG PAR BYA'O, ,GANG GI TSE DE LA SEMS MNGON PAR MI DGA' BAR MTHONG BA DE'I TSE, TING NGE 'DZIN GYI YON TAN MTHONG BA'I PHYIR DE LA DGA' BA BSGOM PAR BYA'O, ,RNAM PAR G-YENG BA LA NYES PAR MTHONG BA'I PHYIR MI DGA' BA RAB TU ZHI BAR BYA'O, ,CI STE RMUGS PA DANG GNYID KYIS NON PAS RGYU BA MI GSAL BA'I PHYIR SEMS BYING BA'AM BYING DU DOGS PAR MTHONG BA DE'I TSE MCHOG TU DGA' BA'I DNGOS PO SANGS RGYAS KYI SKU GZUGS LA SOGS PA'AM RTEN CING 'BREL PAR 'BYUNG BA'AM, MDZAD PA BCU GNYIS LA SOGS PA YID LA BYAS LA BYING BA ZHI BAR BYAS PA DE KHO NA NYID DE SHIN TU BRTAN PAR GZUNG BAR BYA'O, ,CI STE GANG GI TSE SNGON MYONG BA'I YUL LA 'DOD PAS @350A *, ,BAR SKABS SU SEMS RGOD PA'AM, RGOD DU DOGS PAR MTHONG BA DE'I TSE MI RTAG PA LA SOGS PA'I SKYO BA'I DNGOS PO LA YID LA BYAS LA RGOD PA ZHI BAR BYA'O, ,DE NAS YANG DE KHO NA NYID LA SEMS MNGON PAR 'DU BYA BA MED PAR 'BAD PAR BYA'O, ,GANG GI TSE SEMS YANG DAG PA'I DON LA MI GNAS NA RGOD PA DANG BYING BA YIN PAS ZHI GNAS MED PA YIN PAR RIG PAR BYA'O, ,CI STE GANG GI TSE BYING BA DANG RGOD PA LAS DBEN PA'I PHYIR MNYAM PAR ZHUGS SHING RANG GI NGANG GIS 'JUG PAS DE KHO NA NYID LA SEMS SHIN TU GSAL BA BYUNG BAR GYUR PA DE'I TSE RTZOL BA GLOD LA BTANG SNYOMS SU BYA STE, DE'I TSE ZHI GNAS DANG LHAG MTHONG ZUNG DU MED PA'I LAM GRUB PA YIN PAR RIG PAR BYA'O, ,YANG GANG GI TSE LHAG MTHONG BSGOM PAS SHES RAB SHIN TU CHE BAR GYUR PA DE'I TSE ZHI GNAS CHUNG BA'I PHYIR MAR ME RLUNG LA BZHAG PA BZHIN DU SEMS G-YO BAS DE KHO NA SHIN TU GSAL BAR MI MTHONG BAR 'GYUR TE, DE'I PHYIR DE'I TSE ZHI GNAS BSGOM PAR BYA'O, ,ZHI GNAS KYI SHAS CHE NA YANG GNYID KYIS LOG PA BZHIN DU DE KHO NA SHIN TU GSAL BAR MTHONG BAR MI 'GYUR TE, DE LTA BAS NA DE'I TSE YANG SHES RAB BSGOM PAR BYA'O, , GANG GI TSE GLANG GNYIS ZUNG DU 'BREL TE, MNYAM DU 'JUG PA BZHIN DU, GNYIS KA MNYAM DU ZHUGS PAR GYUR PA DE'I TSE, JI SRID DU LUS DANG SEMS LA GNOD PAR MA GYUR PA DE SRID DU MNGON PAR 'DU BYA BA MED PAR GNAS PAR BYA'O, ,MDOR NA TING NGE 'DZIN THAMS CAD LA NYES PA DRUG YOD DE, LE LO DANG, DMIGS PA BRJOD PA DANG, BYING BA DANG, RGOD PA DANG, MI RTZOL BA DANG, RTZOL BA'O, ,DE DAG GI GNYEN POR SPONG BA'I 'DU BYED BRGYAD BSGOM PAR BYA STE, 'DI LTA STE DAD PA DANG, 'DUN PA DANG, RTZOL BA DANG, SHIN TU SBYANGS PA DANG, DRAN PA DANG, SHES BZHIN DANG, SEMS PA DANG, BTANG SNYOMS SO, ,DE LA DANG PO BZHI NI LE LO'I GNYEN PO STE, 'DI LTAR TING NGE 'DZIN GYI YON TAN RNAMS LA MNGON PAR YID CHES PA'I MTSAN NYID KYI DAD PAS RNAL 'BYOR PA 'DOD PA SKYE BAR 'GYUR RO, ,DE NAS 'DOD PAR GYUR @350B PAS BRTZON 'GRUS RTZOM MO, ,BRTZON 'GRUS LA BRTEN NAS LUS DANG SEMS LAS SU RUNG BA NYID DU BYED DO, ,DE NAS LUS DANG SEMS SHIN TU SBYANGS PAS LE LO LDOG PAR 'GYUR RO, ,DE BAS NA DAD PA LA SOGS PAR LE LO SPONG BAR 'GYUR TE, DE'I PHYIR DE DAG BSGOM PAR BYA'O; ,DRAN PA NI DMIGS PA BRJED PA'I GNYEN PO'O, ,SHES BZHIN NI BYING BA DANG RGOD PA GNYIS KYI GNYEN PO STE, DES DE GNYIS RTOGS NAS SPONG BA'I PHYIR RO, ,BYED PA DANG RGOD PA MA ZHI BA'I DUS NA MI RTZOL BA NYES PA STE, DE'I PHYIR DE'I GNYEN POR SEMS PA BSGOM PAR BYA'O, ,GANG GI TSE BYING BA DANG RGOD PA RAB TU ZHI STE SEMS RNAL DU 'JUG PA DE'I TSE RTZOL BA NYES PA STE, DE'I TSE GNYEN POR BTANG SNYOMS BSGOM PAR BYA'O, ,SEMS MNYAM PAR GZHAG PA'I TSE GAL TE RTZOL BA BYAS NA, DE'I TSE SEMS RNAM PAR G-YENG BAR 'GYUR RO,, SEMS BYING BAR GYUR PA LA GAL TE RTZOL BA MA BYAS NA DE'I TSE LHAG MTHONG MED PA'I PHYIR MI LONG BA BZHIN DU SEMS BYING BAR 'GYUR RO, ,DE LTA BAS NA SEMS ZHUM PA BSAL BA'I PHYIR DANG RGOD PA ZHI BAR BYAS LA MNYAM PAR GYUR PA LA BTANG SNYOMS SU BYA'O, ,DE NAS RNAL 'BYOR JI SRID DU DGA' BA DE SRID DU MNGON PAR 'DU BYA BA MED PA KHO NA SGOM ZHING 'DUG PAR BYA'O, ,LUS DANG SEMS LA GNOD PAR GYUR NA SKABS SKABS SU 'JIG RTEN MTHA' DAG LA BLTAS LA, SGYU MA LTA BU DANG, RMI LAM LTA BU DANG, CHU ZLA LTA BU DANG, MIG YOR LTA BUR RTOGS PAR BYA'O, ,DE SKAD RNAM PAR MI RTOG PAR 'JUG PA LAS KYANG BKA' STZAL TE, 'JIG RTEN LAS 'DAS PA'I YE SHES KYIS CHOS THAMS CAD NAM MKHA'I DKYIL DANG 'DRA BAR MNYAM PAR MTHONG NGO, ,DE'I RJES LA THOB PAS NI SGYU MA DANG, SMIG RGYU DANG, CHU ZLA BZHIN DU MTHONG NGO ZHES 'BYUNG NGO, ,DE LTAR 'GRO BA SGYU MA LTA BUR RTOGS NAS SEMS CAN THAMS CAD LA SNYING RJE CHEN PO MNGON DU BYAS LA 'DI SNYAM DU BSAM PAR BYA STE, BYIS PA'I BLO CAN DE DAG GIS CHOS ZAB MO 'DI LTA BU MA RTOGS NAS GZOD MA NAS ZHI BA'I CHOS RNAMS LA YAN @351A *, ,YOD PA LA SOGS PAR SGRO BTAGS TE, PHYIN CI LOG TU GYUR NAS LAS DANG NYON MONGS PA RNAM PA SNA TSOGS SOGS TE, DE'I PHYIR 'KHOR BAR YONGS SU 'KHYAMS PAS NA, BDAG GIS CI NAS KYANG 'DI DAG CHOS [?] ZAB MO 'DI LTA BU KHONG DU CHUD PAR BYA'O SNYAM DU BSAM PAR BYA'O, ,DE NAS NGAL BSO STE, YANG DE BZHIN DU CHOS THAMS CAD MI SNANG BA'I TING NGE 'DZIN LA 'JUG PAR BYA'O, ,YANG SEMS SKYO BAR GYUR NA YANG NGAL BSO STE, DE BZHIN DU 'JUG PAR BYA'O, ,DE LTA BU'I RIM PA 'DIS CHU TSOD GCIG GAM, MEL TSE THUN PHYED DAM, THUN GCIG GAM, JI SRID DU NUS PA DE SRID DU 'DUG PAR BYA'O, ,DE NAS 'DOD NA TING NGE 'DZIN DE LAS LANGS LA SKYIL MO KRUNG MA BSHIG PAR 'DI SNYAM DU BSAM PAR BYA STE, CHOS 'DI DAG THAMS CAD DON DAM PAR MA SKYES PA YIN YANG, SGYU MA BZHIN DU RGYU DANG RKYEN SO SOR NGES PA SNA TSOGS 'DUS PA'I DBANG GIS BRTAGS NA NYAMS DGA' BA SNA TSOGS KHO NA DAG 'BYUNG STE, DE NI CHAD PAR LTA BAR YANG MI 'GYUR RO, ,SGRO 'DOGS PA'I MTHAR YANG MI 'GYUR TE, 'DI LTAR SHES RAB KYIS RNAM PAR DPYAD NA MI DMIGS TE, DE NA BRTAG PA NYID DANG SGRO 'DOGS PA'I MTHAR YANG MI 'GYUR RO, ,DE LTA MA YIN NA LAS DANG 'BRAS BUR 'BREL PA LA SOGS PA JI LTAR RNAM PAR GNAS PAR 'GYUR, BCOM LDAN 'DAS KYIS KYANG, DNGOS PO SKYE BA KUN RDZOB TU, ,DAM PA'I DON DU RANG BZHIN MED, ,CES BKA' STZAL TO, ,DE LA GANG DAG SHES RAB KYI MIG DANG BRAL BAS PHYIN CI LOG GI BLO CAN DU GYUR CING, BDAG TU MNGON PAR ZHEN NAS LAS SNA TSOGS BYED PA DE DAG NI 'KHOR BA NA YONGS SU 'KHYAM MO, ,GANG DAG 'KHOR BA LAS GCIG TU MI PHYOGS SHING, SNYING RJE CHEN PO DANG BRAL BA DANG; SEMS CAN GYI DON DU SBYIN PA LA SOGS PA PHA ROL TU PHYIN PA RDZOGS PAR MI BYED KYI BDAG 'DUL BA 'BA' ZHIG BYED PA'I SEMS CAN THABS MED PA'I PHYIR NYAN THOS SAM RANG SANGS RGYAS SU LTUNG NGO, ,GANG DAG 'GRO BA NGO BO NYID MED PA KHONG DU CHUD NAS KYANG SNYING RJE @351B CHEN PO'I STOBS KYIS 'GRO BA MTHA' DAG GDON PAR DAM BCAS NAS, SGYU MA MKHAN BZHIN DU BLO PHYIN CI LOG TU MA GYUR PAS, BSOD NAMS DANG LE SHES KYI TSOGS RGYA CHEN PO BSLAB PA DE DAG NI DE BZHIN GSHEGS PA'I GO 'PHANG BRNYES NAS 'KHOR BA NA 'GRO BA MA LUS PA LA PHAN PA DANG BDE BA'I RNAM PA THAMS CAD YANG DAG PAR BSLAB CING BZHUGS SO, ,DE DAG KYANG YE SHES KYI TSOGS KYI STOBS KYIS NYON MONGS PA MTHA' DAG SPANGS PAS 'KHOR BAR YANG MI LTUNG LA, SEMS CAN THAMS CAD LA LTA BAS BSOD NAMS KYI TSOGS RGYA CHE ZHING TSAD MED PA BSAGS PA'I DBANG GIS NI MYA NGAN LAS 'DAS PAR YANG MI LTUNG NGO, ,SEMS CAN THAMS CAD KYI NYE BAR 'TSO BAR YANG 'GYUR RO, ,DE LTA BAS NA SEMS CAN MTHA' DAG LA PHAN PA DANG BDE BA SKYED PAR 'DOD PAS, MI GNAS PA'I MYA NGAN LAS 'DAS PA THOB PAR 'DOD PA DAG GIS BSOD NAMS DANG YE SHES KYI TSOGS RGYA CHEN PO GRUB PA LA, DUS THAMS CAD DU MNGON PAR BRTZON PAR BYA'O SNYAM DU BSAM MO, ,DE DAG DE BZHIN GSHEGS PA'I GSANG BA'I MDO LAS KYANG BKA' STZAL TE, YE SHES KYI TSOGS KYIS NI NYON MONGS PA THAMS CAD SPONG BAR 'GYUR LAGS SO, ,BSOD NAMS KYI TSOGS KYIS NI SEMS CAN THAMS CAD NYE BAR 'TSO BAR 'GYUR LAGS SO, ,BCOM LDAN 'DAS DE LTAR LAGS PAS, BYANG CHUB SEMS DPA' SEMS DPA' CHEN PO BSOD NAMS KYI TSOGS DANG YE SHES KYI TSOGS LA BRTZON PAR BGYI'O ZHES 'BYUNG NGO, ,'PHAGS PA DE BZHIN GSHEGS PA'I SKYE BA 'BYUNG BA'I MDO LAS KYANG BKA' STZAL TE, GANG DE BZHIN GSHEGS PA RNAMS 'BYUNG BA DE NI RGYU GCIG PU MA YIN NO, ,DE CI'I PHYIR ZHE NA, KYE RGYAL BA'I SRAS DE BZHIN GSHEGS PA RNAMS NI YANG DAG PAR 'GRUB PA'I RGYU TSAD MED PA 'BUM PHRAG BCUS YANG DAG PAR 'GRUB STE, BCU GANG ZHE NA, 'DI LTA STE, BSOD NAMS DANG YE SHES TSAD MED PAS MI NGOMS PAR YANG DAG PAR 'GRUB PA'I RGYU DANG ZHES BYA BA LA SOGS PA RGYAS PAR 'BYUNG NGO, ,'PHAGS PA DRI MA MED PAR GRAGS PAS BSTAN PA LAS KYANG BKA' STZAL TE, KYE GROGS PO DAG DE BZHIN GSHEGS PA'I SKU NI BSOD NAMS BRGYA LAS NGES PAR SKYES PA'O, ,DGE @352A *, ,BA'I CHOS THAMS CAD LA NGES PAR SKYES PA'O ZHES BYA BA LA SOGS PA RGYA CHER 'BYUNG NGO, ,DE LTAR BYAS NAS DAL GYIS SKYIL MO KRUNG BSHIG STE, PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD LA PHYAG 'TSAL NAS, DE DAG LA MCHOD PA DANG BSTOD PA BYAS, 'PHAGS PA BZANG PO SPYOD PA LA SOGS PA'I SMON LAM GDAB PO, ,DE NAS STONG PA NYID DANG SNYING RJE CHEN PO BLA NA MED PA'I BYANG CHUB TU YONGS SU BSNGO BA'I SBYIN PA LA SOGS PA'I BSOD NAMS KYI TSOGS BSGRUB PA LA MNGON PAR BRTZON PAR BYA'O, ,DE LA GANG DAG CHOS ZAB MO LA THOS PA TZAM GYIS BYANG CHUB 'THOB STE, , 'PHAGS PA DKON MCHOG 'BYUNG GNAS KYI MDO LAS, MDO 'DI THOS PA DANG, MTHONG BA DANG, LAG TU BLANGS PA TZAM GYIS BYANG CHUB THOB BO ZHES GSUNGS PAS, DE LTA BAS NA BSGOM MI DGOS SO ZHES ZER RO, ,DE LA BSHAD PA DE NI GZHUG PA DANG LDEM POR DGONGS PA YIN GYI YANG DAG PA'I DON MA YIN TE MA BSGRUBS MA BSGOMS PAR SGRIB PA MTHA' DAG MI SPONG LA, THAMS CAD MKHYEN PA YANG MI THOB STE, 'PHAGS PA PHAL PO CHE LAS, BYANG CHUB SEMS DPA' CHOS DPAL GYIS BYANG CHUB SEMS DPA' 'JAM DPAL LA LAN SMRAS PA, ,GANG GI DON DU DRIS PA RNAMS, ,SANGS RGYAS SRAS PO NGA LA NYON, ,YANG DAG SANGS RGYAS BSTAN PA 'DI, ,THOS PA TZAM GYIS MI 'GRUB BO, ,LA LA STOBS MED CHU KLUNG GIS, ,NAN GYIS KHYER BAR GYUR PA DAG ,SKOM BZHIN SHI BAR GYUR PA BZHIN, ,MA BSGOMS CHOS KYANG DE BZHIN NO, ,JI LTAR 'GRO BA MANG PO LA, ,ZAS DANG SKOM DAG SBYIN NAS KYANG, ,BDAG NYID BKRES PAS SHI BA LTAR; ,DE BZHIN CHOS LA MA BSGOMS PA'O, ,JI LTAR SMAN PA LA LA ZHIG ,SMAN RNAMS THAMS CAD BDOG BZHIN DU, ,LTO BA'I NAD KYIS SHI BA BZHIN, ,CHOS LA MA BSGOMS DE BZHIN NO, ,JI LTAR DBYIG GI MDZOD DAG TU, ,RIN CHEN MANG PO BGRANG BYED KYANG, ,NAM PHYED TZAM YANG MI THOB PA, ,CHOS LA MA BSGOMS DE BZHIN NO, ,JI LTAR BDE BA KUN LDAN PA'I, ,RGYAL PO'I PHO BRANG 'KHOR SKYES KYANG, ,ZAS DANG SKOM DAG MI BDOG [?] PA, ,DE BZHIN CHOS LA MA BSGOMS PA'O, ,JI LTAR 'ON PA ROL MO YI, ,SIL SNYAN GLU LA MKHAS PA ZHIG ,GZHAN DAG DE YIS DGA' BYED PA, ,CHOS LA MA BSGOMS DE BZHIN NO, ,JI LTAR @352B DMUS LONG RI MO BZHIN, ,TSONG DUS DBUS SU BRIS GYUR KYANG, ,BDAG NYID KYIS NI MI MTHONG BA, ,CHOS LA MA BSGOMS DE BZHIN NO, ,JI LTAR MTSO CHEN MNYEN PA BZHIN, ,SKYE BO MANG PO SGROL BYED KYANG, ,BDAG NYID DE NANG 'CHI BAR 'GYUR, ,CHOS LA MA BSGOMS DE BZHIN NO, ,ZHES GSUNGS SO, , BKA' DE NI DUS GZHAN LA DGONGS PAS 'BRAS BU YANG DUS RING LA, MA BSGOMS PAR THAMS CAD MKHYEN PA MI 'GRUB PAR GSUNGS SO, ,KHA CIG NA RE SBYIN PA BYAS PA DANG, DKON MCHOG GSUM LA MCHOD PA BYAS PAS BYANG CHUB THOB PAS DGON PA BRTEN CING BSGOM MI DGOS SO ZHES ZER RO, ,DE BSHAD PA; DGON PA LA MA BRTEN MA BSGOMS PAR THAMS CAD MKHYEN PA NYID MI 'THOB STE, 'DI LTAR 'PHAGS PA BYAMS PA SENG GE'I SGRA CHEN PO'I MDO LAS BKA' STZAL PA, 'OD SRUNGS GANG GIS STONG GSUM GYI STONG CHEN PO'I 'JIG RTEN GYI KHAMS 'DI CHU'I PHUNG PO NAS BZUNG STE, TSANGS PA'I 'JIG RTEN GYI MTHAR THUG PA'I BAR DU 'BRU MAR GYIS YONGS SU BKANG STE, MAR ME'I SNYING PO RI RAB TZAM BTZUGS NAS DE BZHIN GSHEGS PA LA MCHOD PA DANG, GZHAN YANG STONG GSUM GYI STONG CHEN PO'I 'JIG RTEN GYI KHAMS 'DIR ME TOG DANG BDUG PA DANG, PHYE MA DANG SPOS DANG, RGYAL MTSAN DANG, BLA RE DANG, 'PHAN GDUGS LA SOGS PAS RAB TU BKANG STE, DE BZHIN GSHEGS PA LA MCHOD PA'I LAS KYI PHYIR LO 'BUM GYI BAR DU NYIN LAN GSUM MTSAN LAN GSUM DU PHUL BAS NI, GANG GIS BYANG CHUB DON DU GNYER ZHING TSUL KHRIMS KYI PHUNG PO LA GNAS PA DES, MKHAN PO'AM SLOB DPON LA LUNG MNOS TE, KHA TON DU BYED CING THA NA TSIG BZHI PA'I DON YID LA BYED PA DANG, 'DU 'DZI'I GTAM GYIS 'JIGS SHING SKRAG ,KHAMS GSUM THAMS CAD KYIS 'JIGS SHING SKRAG ,SEMS CAN GYI DON MNGON PAR BSGRUB PA NA DGON PA LA MNGON PAR PHYOGS TE GOM PA BDUN 'DOR BAR BYED PA DES, DE BAS BSOD NAMS MANG DU BSKYED PAR 'GYUR RO ZHES GSUNGS SO, , GZHAN YANG RGYAL PO MU KHYUD 'DZIN GYIS DE BZHIN GSHEGS PA ME TOG SNA TSOGS LA LO BRGYAD KHRI BZHI STONG GI BAR DU MCHOD PA'I RNAM PA ZHAL ZAS DANG, NA BZA' DANG, GZIMS CHA DANG, BSNYUN GSOS DANG, ME TOG DANG, SPOS DANG, RGYAL MTSAN DANG, BLA RE DANG, @353A *, ,'PHAN GDUGS DANG, RGYAL SRID DANG, RIN PO CHE SNA BDUN LA SOGS PA SBYIN PA BYAS PA BAS, GANG GIS DGON PA'I GNAS SU GNAS NAS CHOS THAMS CAD MA SKYES PA'O ZHES BSGOMS NAS, THA NA SE GOL GTOGS PA TZAM DU BSGOMS NA, SNGA MA DE BAS STONG GI CHA DANG 'BUM GYI CHA DANG BYE BA'I CHA DANG BYE BA PHRAG BRGYA'I CHA DANG, BYE BA PHRAG 'BUM GYI CHA DANG, BYE BA KHRAG KHRIG PHRAG 'BUM GYI BAR GYI CHA DANG, GRANGS DANG, CHA DANG, BGRANG BA DANG, DPE DANG, NYE BAR 'JAL BA DANG, RGYU'I BAR DU YANG NYE BAR MI 'GRO'O ZHES GSUNGS PAS, SBYIN PA NI DON CHUNG BAR GSUNGS PA, DGON PA LA BRTEN TE BSGOM PAS NI DON CHE BAR MDO SDE DU MA LAS KYANG GSUNGS SO, ,'PHAGS PA CHOS BZHI PA'I MDO LAS, DGE SLONG DAG BYANG CHUB SEMS DPA' CHEN PO JI SRID 'TSO'I BAR DU, DGON PA LA GNAS PA SROG GI PHYIR YANG YONGS SU GTANG BAR MI BYA'O ZHES GSUNGS SO, ,'PHAGS PA DKON MCHOG BRTZEGS PA LAS; SNGON GYI SANGS RGYAS 'JIG RTEN MGON, ,GANG DU MYA NGAN 'DAS GYUR PA, ,KUN GYI DGON PA RAB DGON TU, ,BLA MED BYANG CHUB BRNYES PAR 'GYUR, ,MYUR DU DGON PAR GNAS BYED NA, ,'DOD PA'I SRED PA SPONG 'GYUR ZHING, ,NYES PA JI BZHIN RNAM RIG NAS, ,DE DAG LAS NI SEMS RTOG 'GYUR, ,KHYIM NI MYUR DU SPANGS NAS SU, ,DGON PA LA NI GNAS 'GYUR PA, ,MKHAS PA YANG DAG MTHONG BA RNAMS, ,SANGS RGYAS RNAMS KYI RJES SU SLOB, ,GANG DAG BYANG CHUB PHYIR BRTZON PA, ,DE DAG DBEN PA RTEN BYED CING, ,DE DAG DGON PA DGA' 'GYUR GYI, ,DE DAG KHYIM LA DGA' MI 'GYUR, ,DE DAG SANGS RGYAS RNAM DAG GI; ,SPYOD YUL RNAMS DANG SPYOD PA STE, ,GANG ZHIG LAM 'DI 'JUG 'GYUR BA, ,DE LA BYANG CHUB RNYED DKA' MIN, ,ZHES GSUNGS TE, DE BAS NA DGON PA LA BRTEN TE, ZHI GNAS DANG LHAG MTHONG LA BRTZON PAR BYA'O, ,'PHAGS PA 'JAM DPAL GYI ZHING GI YON TAN BKOD PA LAS, YANG SHA RI'I BU BYANG CHUB SEMS DPA' KHYIM PA GANG GIS GANGG'A'I KLUNG GI BYE MA SNYED KYI DE BZHIN GSHEGS PA DGE SLONG GI DGE 'DUN 'KHOR DANG BCAS PA RNAMS LA, GANGG'A'I KLUNG GI BYE MA SNYED KYI BSKAL PAR BDE BAR SBYAR BA THAMS CAD KYIS BSTI STANG DU BYAS PA BAS, BYANG CHUB SEMS DPA' RAB TU BYUNG NAS @353B SAM; RAB TU BYUNG BAR 'DOD PAS DGON PA LOGS SU PHYOGS TE, GOM PA BDUN BOR NA 'DI NI DE BAS BSOD NAMS KYI TSOGS MANG DU BSKYED DO, ,CHES MYUR DU BYANG CHUB THOB PAR 'GYUR RO ZHES GSUNGS TE DE BAS NA DGON PA LA BRTZON PAR BYA'O, ,KHA CIG NA RE 'DRI KLOG BYAS PAS LAS DANG NYON MONGS PA THAMS CAD BYANG BAR 'GYUR BAS TSUL BZHIN YID LA BYA MI DGOS SO ZHES ZER RO, ,DE LA BSHAD PA, 'PHAGS PA DKON MCHOG BRTZEGS PA LAS 'OD SRUNGS 'DI LTA STE DPER NA, KHYIM MAM KHANG PA LO 'BUM 'DAS PAR GYUR KYANG LAN 'GA' YANG MAR ME MA BUS PA DER MI LA LA ZHIG GIS MANG ME BUS NA; 'OD SRUNGS 'DI JI SNYAM DU SEMS, MUN PA MUN NAG DE 'DI SNYAM DU BDAG NI LO 'BUM DU BSAGS PA YIN TE, BDAG NI 'DI NAS MI 'GRO'O SNYAM DU SEMS SAM, GSOL PA BCOM LDAN 'DAS DE NI MI SEMS LAGS TE, MAR ME BUS PAS MUN PA MUN NAG LA MCHIS PA'I MTHU MA MCHIS KYI GDON MI 'TSAL BAR MA MCHIS PAR 'GYUR LAGS SO, ,BCOM LDAN 'DAS KYIS BKA' STZAL PA, 'OD SRUNGS DE BZHIN DU LAS DANG NYON MONGS PAR GYUR PA LO 'BUM DU BSAGS PA YANG TSUL BZHIN DU YID LA BYED PA'I SO SOR RTOG PA GCIG GIS MED PAR 'GYUR RO, ,'OD SRUNGS MAR ME ZHES BYA BA DE NI 'PHAGS PA SHES RAB KYI DBANG PO'I TSIG BLA DAGS SO, ,'OD SRUNGS MUN PA MUN NAG CES BYA BA DE NI LAS DANG NYON MONGS PA'I TSIG BLA DAGS SO ZHES 'BYUNG NGO, ,YANG DE NYID LAS GSUNGS PA, 'OD SRUNGS TSUL BZHIN YID LA BYED PA SO SOR RTOG PA GCIG GIS BSKAL PA 'BUM DU BSAGS PA'I LAS DANG NYON MONGS PA RNAMS BYANG BAR 'GYUR RO ZHES GSUNGS PAS, DE BAS NA 'DRI KLOG GI DON CHUNG BAR GSUNGS SO, ,KHA CIG NA RE KHYIM NA GNAS PA'I DGE BA BYAS PA'I BYANG CHUB THOB PAS DGON PA LA BRTEN TE, ZHI GNAS DANG LHAG MTHONG BSGOM MI DGOS SO ZHES ZER RO, ,DE LA BSHAD PA ZLA BA SGRON MA'I MDO LAS GSUNGS PA, 'DOD PA DAG NI RAB TU RTEN BYED CING, ,BU DANG CHUNG MA DAG LA SRED BSKYED CING, ,SMAD PAR BYA BA'I KHYIM LA BRTEN PA STE, ,BLA MED BYANG CHUB DAM PA GZHAR MI 'THOB, ,GANG DAG 'DOD PA LCI SKAM ME BZHIN SPONG, ,BU DANG CHUNG MA DAG LA SRED SPANGS NAS, ,KHYIM GYIS SKRAG NAS KHYIM NAS @354A *, ,SNGON BYUNG BA, ,DE DAG BYANG CHUB MCHOG 'DI RNYED MI DKA', ,GANG DAG KHYIM NA GNAS PAR BYED BZHIN DU, ,BYANG CHUB DAM PA MCHOG 'DI THOB PA YI, ,SANGS RGYAS GANG YANG SNGON CHAD MA BYUNG STE, ,MA 'ONGS PA YANG MI 'BYUNG GNAS PA MED, ,RGYAL SRID MCHIL MA'I THAL BA BZHIN SPANGS NAS, ,DBEN PA 'DOD DE DGON PAR GNAS BYED PA, ,NYON MONGS SPANGS TE BDUD KYI DPUNG BCOM NAS, ,BYANG CHUB RDUL MED 'DUS MA BYAS 'TSANG RGYA, ,GANG ZHIG BYANG CHUB RAB TU 'DOD BYED CING, ,'DUS BYAS NGAN LAS YID BYUNG SEMS CAN GYI, ,MNGON DU PHYOGS TE DGON PAR GOM BDUN BOR, ,'DI NI DE BAS BSOD NAMS KHYAD PAR 'PHAGS, ,GANG DAG DGA' DANG MI DGA' CUNG ZAD MED, ,DE DAG MI YI 'JIG RTEN RTAG RAB BDE, ,GANG DAG GNAS DANG RI SUL DGA' BA NI, ,DGE SBYONG NYID KYI RAB BDE MYONG BAR 'GYUR, ,GANG DAG BDAG GIR BYED PA CI YANG MED, ,GANG DAG YONGS 'DZIN RNAM PA KUN DU MED, ,BSE RU LTA BUR 'JIG RTEN 'DIR GNAS PA, ,DE DAG NAM MKHA' LA NI RLUNG LTAR 'GRO ,GANG DAG 'JIG RTEN LA NI YID MI CHAGS, ,DE DAG MI YI 'JIG RTEN RAB TU BDE, ,DGA' DANG MI DGA' LA NI CHAGS MED PA, ,DE DAG 'DI NA RTAG TU SEMS RLUNG 'DRA, ,GANG DAG SDUG BSNGAL MDZA' DANG BRAL BA DANG, ,GANG DAG SDUG BSNGAL GNAS PA MI DGA' BA, ,MTHA' DE GNYI GA RAB TU SPANGS NAS SU, ,MI GANG CHOS LA DGA' BA DE DAG BDE, ,YANG GSUNGS PA, NYES PA'I TSOGS MANG THAMS CAD SPANGS NAS SU, ,RNAL 'BYOR CAN NI RTAG TU BYED PA NYUNG, ,RNAL 'BYOR DAG BRTZON NAM YANG RTZOD PA MED, ,DGON PAR GNAS PA DE YI PHAN YON NI, ,DE NI RTAG TU 'DUS BYAS YID 'BYUNG 'GYUR, ,DE NI 'JIG RTEN CI LA 'ANG 'DOD PA MED, ,ZAG PA DAG NI RNAM PAR 'PHEL MI 'GYUR, ,NAGS NA GNAS PA DE YI PHAN YON NI, ,DE NI NAM YANG RTZOD PAR MI 'GYUR TE, ,RTAG TU ZHI ZHING DGA' LA DBEN PAR 'GYUR, ,LUS DANG NGAG DANG YID NI RAB BSDAMS PA, ,DGON PAR GNAS PA 'DI LA YON TAN MANG, ,DE NI THAR PA'I RJES SU MTHUN PA YIN, ,DE NI RNAM GROL ZHI BA MYUR RTOGS BYED, ,NAGS NA GNAS SHING RNAM GROL RTEN BYED NA, ,DGON GNAS DE LA YON TAN 'DI KUN 'BYUNG, ,ZHES GSUNGS @354B SO; ,YANG DE NYID LAS GSUNGS PA, GRONG DANG GRONG KHYER DAG LA DGA' SPANGS LA, ,RTAG TU DBEN ZHING NAGS KHROD BSTEN PAR GYIS, ,BSE RU LTA BUR RTAG TU GNYIS MED BYOS, ,RING POR MI THOGS TING 'DZIN MCHOG 'DI THOB, ,CES GSUNGS SO, ,'PHAGS PA YUL 'KHOR SKYONG GIS ZHUS PA'I MDO LAS KYANG GSUNGS TE, RKYEN GYIS GZINGS PA'I MTHA' YAS KHYIM SPANGS RTAG TU NOR MI SPANGS, ,YON TAN LDAN PA DE DAG DGON PAR DGA' ZHING DBANG PO DUL, ,DE DAG GANG DU'ANG BUD MED RNAMS DANG 'DRIS MI BYED, ,BSE LTAR GCIG PUR GNAS SHING BSAM PA DRI MED DAG LA DRI MA BRAL, ,DE DAG THOB PA RNAMS LA DGA' BAR MI 'GYUR BA THOB YID ZHUM MED, ,'DOD PA CHUNG DE NGAN NGON TZAM LA DGA' ZHING SGYU DANG TSUL 'CHOS SPANGS, ,SEMS CAN DON BYED BRTZON 'GRUS YID LDAN SBYIN DANG DUL BA LA YANG GNAS, ,SANGS RGYAS YE SHES DON GNYER BSAM GTAN BRTZON 'GRUS YON TAN PHA ROL PHYIN, ,LUS DANG DE BZHIN SROG LA MA LTA SDUG PA'I RTZA LAG RNAMS SPANGS TE, ,BSAM PA RDO RJE LTA BUR RAB BRTAN RTAG TU BYANG CHUB LAM LA SBYOR, ,LUS NI DUM BU DUM BUR BCAD KYANG DE DAG SEMS LA G-YO BA MED, ,THAMS CAD MKHYEN NYID RE BA MED PHYIR BRTZON 'GRUS SHIN TU BRTAN 'DIR RTZOM, ,ZHES 'BYUNG NGO, ,GAL TE THOB PA DANG LDAN PA DAL BA PHUN SUM TSOGS PA 'DI RNYED NAS, RNYED PA DANG BKUR STI DANG, CHAGS PA DANG BRAL BA SEMS MI SEL MI SBYONG NA, DE NI LHA DANG BCAS PA'I 'JIG RTEN LA BSLUS PA GCIG PUR 'GYUR RO, ,DE BAS NA KHYIM NAS MNGON PAR RAB TU BYUNG LA DGON PA LA BRTEN TE ZHI GNAS DANG LHAG MTHONG LA BRTZON PAR BYA'O, ,'PHAGS PA DKON MCHOG BRTZEGS PA LAS KYANG GSUNGS TE, 'OD SRUNGS 'DI LTA STE DPER NA MI LA LA ZHIG RGYA MTSO [?] CHEN POS KHYER LA, CHUS SKOM BZHIN DU 'CHI BA'I DUS BYED PA DE BZHIN DU 'OD SRUNGS 'DI LA DGE SBYONG DANG BRAM ZE KHA CIG CHOS MANG PO BLANGS TE, KUN CHUB PAR BYAS KYANG 'DOD PA'I CHAGS PA'I SRED PA MI SEL ZHE SDANG LA SRED PA MI SEL, GTI MUG LA SRED PA MI SEL BA DAG CHOS KYI RGYA MTSOS KHYER LA, NYON MONGS PA'I SKOM PAS 'CHI BA'I DUS BYED PAR 'GYUR TE NGAN 'GROR 'GRO BAR 'GYUR RO ZHES 'BYUNG NGO, ,DE BAS NA RNAL 'BYOR PA SRED PA DANG NYON MONGS @355A *, ,PA KUN LA, SEMS SKAD CIG TZAM YANG BSKYED PAR MI BYA'O, ,KHYIM BDAG DRAG SHUL CAN GYIS ZHUS PA'I MDO LAS KYANG GSUNGS TE, KHYIM BDAG GZHAN YANG, BYANG CHUB SEMS DPA' RAB TU BYUNG BA DGON PA LA GNAS PAS 'DI LTAR BDAG CI'I PHYIR DGON PA LA GNAS PA 'BA' ZHIG NI DGE SBYONG MA YIN TE, 'DI NI MA BYANG BA DANG, MA SBAS PA DANG, MA ZHI BA DANG, MA DUL BA, MI 'GRUS PA, RAB TU MI BRTZON PA 'DI LTA STE, RI DGAS DANG, SPRE'U DANG, BYA MANG PO DANG CHOM RKUN DANG, GDOL PA DAG KYANG MANG DU GNAS TE, DE DAG KYANG DGE SBYONG GI YON TAN DANG LDAN PHA MA YIN PAS, BDAG GANG GI PHYIR BDAG DGON PA LA GNAS PA 'DI LTA STE, DGE SBYONG GI DON DE YONGS SU RDZOGS PAR BYA'O SNYAM DU BRTAG PAR BYA'O, ,KHYIM BDAG GZHAN YANG BYANG CHUB SEMS DPA' RAB TU BYUNG BA DGON PA NA GNAS PAS, BDAG CI'I PHYIR DGON PAR 'ONGS SNYAM DU BRTAG PAR BYA STE, 'DI LTAR BDAG NI 'JIGS SHING SKRAG PA'I PHYIR DGON PAR 'ONGS SO, ,CI ZHIG GIS 'JIGS SHING SKRAG CE NA, 'DU 'DZIS 'JIGS SHING SKRAG GO, ,'GROGS PAS 'JIGS SHING SKRAG GO, ,'DOD CHAGS DANG ZHE SDANG DANG, GTI MUG GIS 'JIGS SHING SKRAG GO, ,NGA RGYAL DANG RGYAGS PA DANG, 'CHAB PAS 'JIGS SHING SKRAG GO; ,CHAGS PA DANG, PHRAG DOG DANG, SER SNAS 'JIGS SHING SKRAG GO, ,GZUGS DANG, SGRA DANG, DRI DANG, RO DANG, REG BYAS 'JIGS SHING SKRAG GO, ,PHUNG PO'I BDUD KYIS 'JIGS SHING SKRAG GO, ,NYON MONGS PA'I BDUD KYIS 'JIGS SHING SKRAG GO, ,'CHI BDAG GI BDUD KYIS 'JIGS SHING SKRAG GO, ,LHA'I BU'I BDUD KYIS 'JIGS SHING SKRAG GO, ,MI RTAG PA LA RTAG PAS PHYIN CI LOG PAS 'JIGS SHING SKRAG GO, ,SDUG BSNGAL BA LA BDE BAS PHYIN CI LOG PAS 'JIGS SHING SKRAG GO, ,BDAG MED PA LA BDAG TU PHYIN CI LOG PAS 'JIGS SHING SKRAG GO ,MI GTZANG BA LA GTZANG BAS PHYIN CI LOG PAS 'JIGS SHING SKRAG GO, ,SEMS DANG YID DANG RNAM PAR SHES PAS 'JIGS SHING SKRAG GO, ,SRID PAS 'JIGS SHING SKRAG GO, ,'KHOR BAS 'JIGS SHING SKRAG GO, ,'JIG TSOGS LA LTA BAS 'JIGS SHING SKRAG GO, ,BDAG TU 'DZIN PA LA BDAG GIR 'DZIN PAS 'JIGS SHING SKRAG GO, , @355B RGOD PAS 'JIGS SHING SKRAG GO, ,'GYOD PA DANG THE TSOM GYIS 'JIGS SHING SKRAG GO, ,SDIG PA'I GROGS POS 'JIGS SHING SKRAG GO, ,RNYED PA DANG BKUR STIS 'JIGS SHING SKRAG GO, ,MI DGE BA'I BSHES GNYEN GYIS 'JIGS SHING SKRAG GO, ,DGE SBYONG GI DRI MAS 'JIGS SHING SKRAG GO, ,GCIG LA GCIG GNOD PAR SEMS PAS 'JIGS SHING SKRAG GO, ,'DOD PA'I KHAMS DANG, GZUGS KYI KHAMS DANG GZUGS MED PA'I KHAMS KYIS 'JIGS SHING SKRAG GO, ,SRID PA'I 'GRO BA THAMS CAD DU 'CHI 'PHO BA DANG SKYE BAS 'JIGS SHING SKRAG GO, ,SEMS CAN DMYAL BA DANG DUD 'GRO'I SKYE GNAS DANG, YI DAGS KYI YUL DU 'GRO BAS 'JIGS SHING SKRAG GO, ,MI KHOM PAS 'JIGS SHING SKRAG GO, ,MDOR NA MI DGE BA'I CHOS THAMS CAD YID LA BYED PAS 'JIGS SHING SKRAG STE, BDAG DE LTA BUS 'JIGS SHING SKRAG PAS 'JIGS NAS DGON PAR 'ONGS SO ZHES 'BYUNG NGO, ,DE LTA BAS NA RNAL 'BYOR DU BYAS PAS KYANG MDO SDE DANG LDAN PAR DGON PAR GNAS PAR BYA'O, ,BSAM PA GZHAN GYIS NI GNAS PAR MI BYA'O, ,YANG GSUNGS PA KHYIM BDAG GZHAN YANG BYANG CHUB SEMS DPA' RAB TU 'BYUNG BA 'JIGS SHING SKRAG NAS DGON PA LA GNAS PA 'DI LA GANG CUNG ZAD 'JIGS PA SKYE BA DE DAG THAMS CAD NI BDAG TU 'DZIN PA LAS SKYES SO, ,BDAG TU MNGON PAR CHAGS PA DANG, BDAG TU YONGS SU 'DZIN PA DANG, BDAG GI GZHI DANG, BDAG TU 'DU SHES PA DANG, BDAG TU SMRA BA NYE BAR LEN PA DANG, BDAG TU LTA BA DANG, BDAG GI GNAS DANG, BDAG YONGS SU RTOG PA DANG, BDAG SRUNG BA LAS SKYES TE, GAL TE BDAG DGON PA LA GNAS LA BDAG TU 'DZIN PA YONGS SUM SPANGS, BDAG TU MNGON PAR CHAGS PA DANG, BDAG TU YONGS SU 'DZIN PA DANG, BDAG GI GZHI DANG, BDAG LA SRED PA DANG, BDAG TU 'DU SHES PA DANG, BDAG TU SMRA BA NYE BAR LEN PA DANG, BDAG TU LTA BA DANG, BDAG GI GNAS DANG, BDAG TU YONGS SU RTOG PA DANG, BDAG SRUNG BA YONGS SU MA SPANGS NA NI BDAG DGON PA LA GNAS PA DON MED PAR 'GYUR RO SNYAM DU BSLAB PAR BYA STE, BDAG TU 'DU SHES PA LA NI DGON PA LA GNAS PA MED DO, ,GZHAN DU 'DU SHES PA LA YANG MED DO SNYAM DU BSAM MO, ,KHYIM BDAG DGON PA LA GNAS PA ZHES BYA BA NI, CHOS @356A *, ,THAMS CAD LA MI BRTEN PAR GNAS PA'O, ,CHOS THAMS CAD LA MI 'DZIN PAR GNAS PA'O, ,MTSAN MA THAMS CAD LA MI CHAGS PAR GNAS PA'O, ,GZUGS THAMS CAD LA MI BRTEN PAR GNAS PA'O, ,SGRA DANG, DRI DANG, RO DANG, REG BYA THAMS CAD LA MI BRTEN PAR GNAS PA'O; ,CHOS THAMS CAD MNYAM PA NYID DANG MI 'GAL BAR GNAS PA'O, ,SEMS SHIN TU ZHI BAS SHIN TU SBYANGS PAR GNAS PA'O, ,'JIGS PA THAMS CAD SPANGS PAS MI 'JIGS PAR GNAS PA'O, ,NYON MONGS PA THAMS CAD LAS RNAM PAR GROL BAS CHU BO LAS RGAL BAR GNAS PA'O, ,BRTAN PAR GNAS PA'O, ,NGAN NGON GYIS CHOG SHES PAR 'DZIN ZHING 'DOD PA CHUNG BAS 'PHAGS PA'I RIGS RNAMS LA RAB TU DGA' BAR GNAS PA'O, ,DGONG SLA ZHING GSO SLA BAR CHOG PAR 'DZIN PAR GNAS PA'O, ,SHES RAB KYI PHYIR TSUL KHRIMS LA SBYOR BAS THOS PA LA GNAS PA'O, ,RNAM PAR THAR PA'I SGO STONG PA NYID DANG, MTSAN MA MED PA DANG, SMON PA MED PA LA GNAS PA DANG, SO SOR THAR PAR GNAS PA'O, ,BCINGS PA THAMS CAD BCAD NAS RNAM PAR GROL BAR GNAS PA'O, ,RTEN CING 'BREL BAR 'BYUNG BA DANG MTHUN PAS MA DUL BA RNAMS NYE BAR ZHI BAR GNAS PA'O, ,SHIN TU RNAM PAR DAG PAS BYA BA BYAS PAR GNAS PA'O ZHES GSUNGS PAS, RNAL 'BYOR PAS KYANG DE LTAR BSAMS TE DGON PA LA GNAS PAR BYA'O, ,YANG GSUNGS PA, KHYIM BDAG 'DI LTA STE DPER NA DGON PA NA RTZVA DANG SHING GEL PA DANG NAGS TSAL GNAS KYANG, 'JIGS PA MED CING MI SKRAG SKRAG PAR MI 'GYUR RO; ,KHYIM BDAG DE BZHIN DU BYANG CHUB SEMS DPA' RAB TU BYUNG BA DGON PA LA GNAS PAS KYANG LUS LA RTZVA DANG SHING GEL PA DANG, SMAN DANG, RTZIG PA DANG, SHING DANG, MIG YOR LTA BU DANG, SGYU MA DANG MTSUNGS PA'I 'DU SHES BSKYED PAR BYA STE, 'DI LA SU ZHIG 'JIGS PAR 'GYUR, ,'DI LA SU ZHIG SKRAG PAR 'GYUR SNYAM PA'I 'DU SHES BSKYED PAR BYA'O ZHES GSUNGS PAS DGON PA BAS DE LTAR SEMS BSKYED PAR BYA'O, ,YANG GSUNGS PA, KHYIM BDAG GZHAN YANG BYANG CHUB SEMS DPA' RAB TU BYUNG BAS SANGS RGYAS KYI DGON PA LA @356B GNAS PAR BKA' STZAL PAR SHES NAS DGON PA LA GNAS PAR BYA STE, DE LA DGE BA'I CHOS THAMS CAD YONGS SU RDZOGS PAR 'GYUR RO, ,DGE BA'I BSHES GNYEN LA BRTEN NAS, PHYIS GRONG DANG, GRONG KHYER DANG, GRONG RDAL DANG, LJONGS DANG YUL DANG, PHO BRANG 'KHOR DAG TU ZHUGS TE CHOS BSTAN PAR BYA'O, ,KHYIM BDAG GAL TE BYANG CHUB SEMS DPA' RAB TU BYUNG BA LUNG DANG KHA TON NOD PA'I PHYIR, TSOGS KYI NANG DU 'JUG 'DOD NAS DES DER GUS PA DANG BCAS PAR BYA STE, SLOB DPON DANG MKHAN PO RNAMS DANG, GNAS BRTAN DANG, BAR MA DANG, DGE SLONG GSAR BU RNAMS LA ZHE SA DANG BCAS PAR BYA, TSUL LA MKHAS PAR BYA'O, ,SNYOM LAS MED PAR RANG GI BYA BA DANG, GZHAN LA GDUNG BA MED PAR BYA'O, ,DES BSNYEN BKUR LA GDU BAR MI BYA'O, ,DES DE LTAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LHA DANG BCAS PA'I 'JIG RTEN DANG, BDUD DANG BCAS PA DANG TSANGS PA DANG BCAS PA DANG DGE SBYONG DANG BRAM ZE'I SKYE DGU DANG BCAS PA DANG, LHA DANG MI DANG LHA MA YIN DU BCAS PAS MCHOD PA SBYIN PA'I GNAS SU GYUR PA DE YANG SEMS CAN THAMS CAD LA GANG LAS KYANG RIM GROR BYAS PA DAG GIR MI MDZAD NA, BDAG CAG MA BSLABS PA SLOB 'DOD PA RNAMS LTA CI SMOS TE, BDAG GIS SEMS CAN THAMS CAD LA BSNYEN BKUR BYA'I, GANG LAS KYANG BSNYEN BKUR BYA BA BDAG GIR NI MI BYA'O SNYAM DU BRTAG PAR BYA'O, ,DE CI'I PHYIR ZHE NA, KHYIM BDAG DGE SLONG BSNYEN BKUR LA GDU BA NI, YON TAN GYI RJES SU BZUNG BA CHUD GZON PA YIN TE, DES GANG DAG SDUD PA DE DAG KYANG 'DI SNYAM DU SEMS TE, BDAG CAG NI BSNYEN BKUR GYI PHYIR SDUD KYI CHOS KYI PHYIR MA YIN NO SNYAM ZHES 'BYUNG NGO, ,YANG DE LAS GSUNGS PA, KHYIM BDAG GAL TE BYANG CHUB SEMS DPA' DGON PA PA CHOS MNYAN PAR 'DOD DAM, MKHAN PO DANG SLOB DPON LTA BAR 'DOD DAM, NAD DRI BA'I PHYIR GRONG GI GNAS SU 'GRO NA DES DGONGS NI SLAR LDOG PAR BYA BA'I PHYIR 'GRO BA'I SEMS BSKYED PAR BYA BA'O, , @357A *, ,DE GAL TE LUNG NOD PA DANG KHA TON BYA BA GZHAN LA DRAG LAS TE GTZUG LAG KHANG NA GNAS NA YANG DES DGON PA LA GZHOL BA'I SEMS KYIS GANG DNGOS PO THAMS CAD LA DGON PAR 'DU SHES PA DANG, CHOS TSOL BAS MI NGOMS PA DE NYID DGON PA LA GNAS PA YIN NO SNYAM DU BSAM PAR BYA'O ZHES 'BYUNG NGO, ,DE BAS NA DGON PA BAS KYANG MDO DE DANG MTHUN PAR SEMS BSKYED PAR BYA'O, ,DGON PA'I GNAS GDAMS PA NI 'PHAGS PA DKON MCHOG SPRIN LAS KYANG GSUNGS TE, GNAS GANG DAG NAS BSOD SNYOMS BLANGS PA'I SPYOD YUL DANG HA CANG YANG MI RING STE, HA CANG YANG MI NYE BA DANG, GNAS GANG DAG NA CHU DANG ZHING RNYOG PA MED PA GTZANG ZHING DRI MA MED PA, TSEGS CHUNG BA YOD PA DANG, GNAS GANG NA SHING PHUN SUM TSOGS PA, ME TOG PHUN SUM TSOGS PA, 'BRAS BU PHUN SUM TSOGS PA, LO MA PHUN SUM TSOGS PA, GCAN GZAN KHRO BO MED PA, PHUG DANG LDAN PA, SMAN GSHONG DANG LDAN PA, BAG THUG DAG MED PA, 'GRO NA BDE BA, ZHI BA, GNYIS SU MED PA'I GNAS DE 'DRA BA DAG TU GNAS SO ZHES GSUNGS SO, ,YANG GSUNGS PA, GAL TE DGE SLONG DGON PA PA'I DRUNG DU RGYAL PO'AM BLON PO'AM DE MA YIN PA GZHAN BRAM ZE'AM RGYAL RIGS SAM GRONG NGAM YUL MI DAG 'ONGS NA DES DE DAG LA GUS PAR LEGS PAR 'ONGS SO ZHES BRJOD PAR BYA'O, ,DES RGYAL PO CHEN PO GDAN BTING BA LA BZHUGS SHIG CES DE SKAD BYAS NAS GAL TE 'DUG NA GNYI GA 'DUG PAR BYA'O, ,DE STE MI 'DUG NA GNYI GA YANG MI 'DUG PAR BYA'O, ,DE STE BRTAN ZHING DUL LA DBANG PO RAB TU ZHI BA ZHIG YIN TE CHOS BSTAN PAR RUNG NA DE LA CHOS SNA TSOGS BSTAN PAR BYA'O, ,DE STE CHOS SNA TSOGS BSTAN PA LA MI DGA' BDE LA SKYO BA DANG MTHUN PA'I CHOS BSTAN PAR BYA'O; ,DE SKYO BA DANG MTHUN PA'I CHOS BSTAN PA LA MI DGA' NA DE LA DE BZHIN GSHEGS PA'I CHE BA DAG BSTAN PAR BYA'O, ,BRAM ZE DANG RGYAL RIGS DANG GRONG PA DANG YUL MI DAG 'ONGS NA CI RIGS PAR CHOS BSHAD PAR BYA'O, ,DE DE LTAR MANG DU THOS PAS CHOS @357B NYAN PA RNAMS KYI SEMS MGU BAR BYED MI NUS NA YANG, SEMS CAN DE DAG KYANG DE LA DGA' BA DANG, DAD PA DANG RANGS PA THOB PAR 'GYUR RO ZHES GSUNGS SO, ,'PHAGS PA RIN PO CHE'I PHUNG PO'I MDO LAS KYANG GSUNGS TE, GAL TE DGE SLONG DGON PA BA 'BRAS BU MA THOB PA SO SO SKYE BO'I DRUNG DU SBRUL DANG, GCAN GZAN GTUM PO 'ONGS NAS DES DE LA 'JIGS PA DANG SKRAG PAR MI BYA'I, DES 'DI SNYAM DU BDAG THOG MA NYID NAS LUS DANG SROG BOR TE DGON PA'I GNAS SU 'ONGS KYIS 'DI LA BDAG GIS 'JIGS PAR MI BYA; SKRAG PAR MI BYA'I, BYAMS PA'I SEMS BSKYED PAR BYA, ZHE SDANG RNAM PAR SPANG BAR BYA, 'JIGS PA RNAM PAR SPANG BAR BYA'O SNYAM DU SEMS BSKYED PAR BYA'O, ,GAL TE SBRUL DANG GCAN GZAN DAG GIS SROG GCOD CING ZA NA YANG, DES 'DI SNYAM DU GCAN GZAN 'DI DAG LA BDAG GIS ZANG ZING TZAM GYIS TSIM PAR BYED MI NUS KYI, DE DAG GIS BDAG GI SHA ZOS NA BDE BA LA REG PAR GNAS PAR 'GYUR LA, BDAG GIS KYANG SNYING PO MED PA'I LUS LAS SNYING PO BLANGS PAR GYUR NA NI, BDAG GIS RNYED PA LEGS PAR RNYED DO SNYAM DU BSAM PAR BYA'O, ,GAL TE DGON PA'I GNAS DE NA GNAS PA NA MI MA YIN PA 'ONGS BA NA, MDOG SDUG KYANG RUNG MDOG MI SDUG KYANG RUNG, DE LA CHAGS PAR MI BYA, KHONG KHRO BAR MI BYA'O, ,GAL TE SNGON STON PA SANGS RGYAS MTHONG BA'I LHA DAG DGE SLONG DGON PA PA'I GAN DU 'ONGS TE DRI BA YONGS SU 'DRI NA, DE LA DGE SLONG DGON PA PA DES JI LTAR THOS PA BZHIN DU LHA DE LA CHOS BSHAD PAR BYA'O, ,CI STE LHA DE DAG ZAB MO'I DRI BA YONGS SU 'DRI STE, DGE SLONG DGON PA PA DES LAN MI THEBS PA LTA NA, DES NGA RGYAL MED PAR BYAS LA 'DI SKAD CES MA BSLABS PA LA BRNYAS PAR MI BYA STE, SANGS RGYAS KYI BSTAN PA LA LUNG MNOD NAS 'BAD DE KHONG DU MA CHUD PA'I CHOS RNAMS KHONG DU CHUD PAR GYUR PA DE'I TSE DE'I DUS NAS DRIS PA THAMS @358A *, ,CAD KYI LAN GDAB PAR BYA'O, ,BDAG NI CHOS NYAN PA YIN GYI KHYAD SPOBS PAR GYIS SHIG CES BRJOD PAR BYA STE, 'OD SRUNGS DGON PA PAS DE LTAR LHA DE DAG LA GO BAR BYA'O, ,YANG GSUNGS PA, DE DGON PA'I GNAS DE NA GNAS PA NA 'DI LTAR SEMS BSKYED PAR BYA STE, ,'DI LTAR BDAG NI LAM RING PO NAS 'DIR 'ONGS LA GCIG PO GNYIS SU MED PA STE LEGS PAR BYAS PA'AM, NYES PAR BYAS PA LA BSKUL BA'I GROGS PO NI GANG YANG MED KYI, LHA DANG KLU DANG GNOD SBYIN DANG, DRI ZA DANG, SANGS RGYAS BCOM LDAN 'DAS GANG DAG BDAG GI SEMS KYI BSAM PA SHES PA DAG YOD DE, BDAG DGON PA'I GNAS NA GNAS LA MI DGE BA'I SEMS KYI DBANG DU SONG NA DE DAG DBANG DU 'GYUR RO ZHES GSUNGS SO, , DE BAS NA DGON PA BAS KYANG DE LTAR SEMS BSKYED PAR BYA'O, ,DE LTAR NA GANG DAG SGRIB PA MTHA' DAG SPANG BAR 'DOD PA DANG, THAMS CAD MKHYEN PA NYID MYUR DU THOB PAR 'DOD PA DES DGON PA LA GNAS PA ZHI GNAS DANG LHAG MTHONG BSGOM PA DANG; BYANG CHUB TU SEMS BSKYED PAR BYA'O, ,MI RTOG RIM GYIS 'JUG PA'I BSGOM DON 'DI, ,BYANG CHUB DON DU GNYER BA'I GANG ZAG GI ,DON DU BSAM PA BZANG PO BSKYED NAS NI, ,YANG DAG DON 'DI BI MA MI TRAS BYAS, ,DE YI BSOD NAMS BDAG GIS CI THOB DES, ,KHAMS GSUM SEMS CAN MTHA' DAG JI SNYED KUN, ,SHES RAB MIG THOB DBU MA'I DON RTOGS NAS, ,THAMS CAD MKHYEN PA MYUR DU THOB PAR SHOG ,RIM GYIS 'JUG PA'I BSGOM DON SLOB DPON BI MA LA MI TRAS MDZAD PA RDZOGS SO,, ,,RGYA GAR GYI MKHAN PO PRA DZNY'A WA RMA DANG ZHU CHEN GYI LO TZ'A BA BANDE YE SHES SDES BSGYUR TE KVA CHUR GTAN LA PHAB PA,, ,,