@1A [DD] #, ,RGYA GAR SKAD DU, SHIKshASA MUTZTSA YA K'A RI K'A, BOD SKAD DU, BSLAB PA KUN LAS BTUS PA'I TSIG LE 'UR BYAS PA, SANGS RGYAS DANG BYANG CHUB SEMS DPA' THAMS CAD LA [DD] PHYAG 'TSAL LO, ,'DI LTAR BDAG DANG GZHAN DAG KYANG, ,'JIGS DANG SDUG BSNGAL MI 'DOD NA, ,BDAG DANG BYE BRAG CI YOD NA, ,GANG DE BSRUNG LA GZHAN MI BSRUNG, ,SDUG BSNGAL MTHAR 'BYIN 'DOD PA DANG, ,BDE BA'I MTHAR YANG 'GRO 'DOD PAS, ,DAD PA'I RTZA BA BRTAN BYA STE, ,BYANG CHUB LA YANG BLO BRTAN BYA, ,BYANG CHUB SEMS DPA'I SDOM PA NI, ,RGYAS PAR THEG PA CHE LAS 'BYUNG, ,GANG GIS LTUNG BAR MI 'GYUR BA'I, ,GNAD KYI GNAS RNAMS 'DIR RIG BYA, ,BDAG GI LUS DANG LONGS SPYOD DANG, ,DGE BA DUS GSUM SKYES PA RNAMS, ,SEMS CAN KUN LA BTANG BA DANG, ,DE BSRUNG DAG PA SPEL BA'O, ,SEMS CAN RNAMS KYIS LONGS SPYAD PHYIR, ,LUS LA SOGS PAS BSRUNG BAR BYA, ,MA BSRUNGS LONGS SPYOD GANG LAS 'ONG, ,GANG MI SPYOD PA CI ZHIG SBYIN, ,DE BAS SEMS @2A *, ,CAN LONGS SPYOD PHYIR, ,DGE BA'I BSHES GNYEN MI GTONG ZHING, ,MDO SDE DAG LA RTAG BLTA BAS, ,LUS LA SOGS PA BSRUNG BAR BYA, ,DE LA LUS BSRUNG GANG ZHE NA, ,GNOD PAR 'GYUR BA SPANG BA STE,, DE KUN GANG GIS 'THOB CE NA, ,'BRAS BU MED PA'I BYED SPANGS PAS, ,DE YANG RTAG TU DRAN PAS 'GRUB, ,DRAN PA SHIN TU GUS LAS 'BYUNG, ,GUS NI ZHI BA'I CHE BA NYID, ,SHES PAR GYUR NAS BRTUN PAS SKYED, ,MNYAM GZHAG YANG DAG JI BZHIN DU, ,SHES PAR 'GYUR ZHES THUB PAS GSUNGS, ,PHYI ROL G-YO BA BZLOG PA YIS, ,SEMS NI ZHI LAS MI G-YO ZHING, ,KUN DU MI RGOD 'JAM PA DANG, ,RAN CING MNYEN PAR SMRA BA YIS, ,SKAL CAN SKYE BO 'DUN PAR 'GYUR, ,GZUNG BAR 'OS PA'ANG SKYE BAR 'GYUR, ,'DI NI GZUNG 'OS MA YIN NA, ,'JIG RTEN RGYAL BA'I MYU GU BRNYAS, ,THAL BAS G-YOGS PA'I ME BZHIN DU, ,SEMS CAN DMYAL LA SOGS PAR SREG ,DE PHYIR RGYAL BAS SDOM PA'I MDOR, ,GANG GIS SEMS CAN MA DAD 'GYUR, ,DE NI BSGRIMS TE RNAM SPANG ZHES, ,DKON MCHOG SPRIN LAS BKA' STZAL TO, ,'DI NI BDAG LUS BSRUNG BA STE, ,SMAN DANG GOS LA SOGS BCAS PAS, ,BDAG @2B LA SRED PAS LONGS SPYAD NA, ,NYON MONGS BCAS PA'I LTUNG BAR 'GYUR, ,LEGS SPYAD DAG LA BRTZAM PAR BYA, ,THAMS CAD LA YANG TSOD RIG BYA, ,DE LTAS BSLAB PA'I GZHI 'DI LAS, ,DE YI LONGS SPYOD BSRUNG MI DKA', ,RANG DON RNAM SMIN SRED SPANGS PAS, , DGE BA KUN DU BSRUNG BAR 'GYUR, ,'GYOD PAR YANG NI MI BYA STE, ,BYAS PAR GYUR KYANG BSGRAG MI BYA, ,RNYED DANG BKUR STIS 'JIGS BYA ZHING, ,KHENGS PA RTAG TU SPANG BAR BYA, ,BYANG CHUB SEMS DPA' DAD BYA ZHING, ,CHOS LA YID GNYIS SPANG BAR BYA, ,LUS NI RNAM PAR SBYANG BYAS NA; ,PHAN PA'I LONGS SPYOD 'GYUR BA STE, ,'BRAS CHAN LEGS PAR TSOS PA DANG, ,GZEGS MED LUS CAN PHAN PA 'DRA, ,JI LTAR LO TOG BTZAS KHEBS NA, ,NAD KYIS ZHUM ZHING RGYAS MI 'GYUR, ,DE LTAR SANGS RGYAS MYU GU YANG, ,NYON MONGS KHEBS NA RGYAS MI 'GYUR; ,LUS KYI DAG PA GANG ZHE NA, ,SDIG DANG NYON MONGS RNAM SBYONG YIN, ,RDZOGS SANGS RGYAS KYIS GSUNGS TSUL DU, ,'BAD PA MED NA NGAN 'GROR 'GRO, ,BZOD BYA THOS PA BTZAL BAR BYA, ,DE NAS NAGS SU GNAS PAR BYA, ,MNYAM PAR GZHAG LA BRTZON BYA ZHING, ,MI SDUG LA SOGS BSGOM PAR BYA, ,YANG DAG 'TSO BA SBYANGS PA YIS, ,LONGS SPYOD DAG PAR SHES PAR BYA, ,STONG PA SNYING RJE'I SNYING PO CAN, ,BSKYED PAS BSOD NAMS DAG PAR 'GYUR, ,GZUNG BAR BYA BA RAB MANG LA, ,'DI NI NYUNG NA 'DIS CI BYA, ,SHIN TU NGOMS PA SKYED MA YIN,, DE PHYIR 'DI NI 'PHEL BAR BYA, ,DE LA LUS 'PHEL GANG ZHE NA, ,LE LO MED DANG STOBS SKYED YIN, ,STONG DANG SNYING RJE'I SNYING PO CAN, ,SBYIN PAS LONGS SPYOD 'PHEL BAR 'GYUR, ,BRTZON DANG BSAM PA BRTAN PAR YANG, ,DANG PO NAN TAN BYAS NAS NI, ,SNYING RJE MDUN DU BZHAG NAS NI, ,DGE BA SPEL LA NAN TAN BYA, ,BZANG PO SPYOD PA'I CHO GA BZHIN, ,PHYAG 'TSAL LA SOGS GUS PAR BYA, ,DAD PA LA SOGS RTAG TU BSGOM, ,BYAMS DANG SANGS RGYAS SOGS DRAN BYA, ,DUS RNAMS KUN DU SEMS CAN DON, ,CHOS KYI SBYIN PA ZANG ZING @3A *, ,MED; ,BYANG CHUB SEMS NI MDOR BSDU NA, ,BSOD NAMS 'PHEL BA'I RGYU YIN NO, ,'GRUB PA YANG DAG SPONG RNAMS TE, ,BAG YOD PA DANG MA BRAL ZHING, ,DRAN PA DANG NI SHES BZHIN DANG, ,TSUL BZHIN DU NI SEMS PA'O, ,BSLAB PA KUN LAS BTUS PA'I TSIG LE'UR BYAS PA, MKHAN PO ZHI BA LHAS MDZAD PA RDZOGS SO,, ,,#, ,RGYA GAR SKAD DU, SHIKshA SA MUTZTSA YA: BOD SKAD DU, BSLAB PA KUN LAS BTUS PA, BAM PO DANG PO, SANGS RGYAS DANG BYANG CHUB SEM DPA' THAMS CAD LA PHYAG 'TSAL LO; ,GANG MA THOS PAS DMYAL BA LA SOGS G-YANG SAR NI, ,BSREG LA SOGS PA'I SDUG BSNGAL MI BZAD MTHA' YAS DAG SEMS MA ZHI BA KHYED KYIS YANG YANG MYONG GYUR PA, ,DE NI MNYAN PHYIR GUS PA SHIN TU RGYA CHER BSTEN, ,GANG THOS NAS KYANG G-YENG BA MED PA'I BDAG CAN GYIS; ,SDIG SPONG SNGON BYAS MANG PO MA LUS ZANG BYED LA, ,SNGON CHAD MA THOB PA YI BDE BA'ANG RAB 'THOB CING, ,BDE BA LAS NI NAM YANG NYAMS PAR MI 'GYUR DANG, ,RDZOGS PA'I BYANG CHUB SEMS DPA'I BDE MCHOG MI ZAD DANG, ,SANGS RGYAS GO 'PHANG MNYAM MED PHUN TSOGS THOB BYED PA, ,SHIN TU RNYED DKA'I RIN CHEN CHOS DE DENG THOB NA, ,LEGS PAR BRJOD PA 'DI LA DAL THOB GUS PAR NYON, ,KHAMS GSUM PHAN MDZAD GCIG PO DE GSUNG MNYAN BYA'I PHYIR, ,LHA DANG KLU DANG GRUB PA DRI ZA GNOD SBYIN DANG, ,MKHA' LDING LHA MIN MI 'AM CI DBANG 'DRE LA SOGS, DGAR BCAS NYAN PAR MOS SHING YID DANG 'DIR SHOG SHIG BDER GSHEGS CHOS KYI SKU MNGA' SRAS BCAS DANG, ,PHYAG 'OS KUN LA'ANG GUS PAR PHYAG 'TSAL TE, ,BDE GSHEGS SRAS KYI SDOM LA 'JUG PA RNAMS, ,MDOR BSDUS DON GYI NGAG GIS BRJOD PAR BYA, ,SNGON CHAD MA BYUNG CI YANG 'DIR BRJOD MED, ,SDEB SBYOR MKHAS PA'ANG BDAG LA YOD MIN TE, ,DE PHYIR GZHAN GYI DON DU BDAG MI 'BAD, ,RANG GI YID LA BSGOM PHYIR NGAS 'DI BRTZAMS, ,DGE BA BSGOM PHYIR BDAG GI DAD PA'I SHUGS, ,'DI DAG GIS KYANG RE ZHIG 'PHEL @3B 'GYUR LA, ,BDAG DANG SKAL BA MNYAM PA GZHAN GYIS KYANG, ,JI STE 'DI DAG MTHONG NA DON YOD 'GYUR, ,DAL 'BYOR SHIN TU RNYED BAR DKA' BA DANG, ,SKYES BU'I DON BSGRUB 'DI NI RNYED GYUR PAS, ,GAL TE 'DI LA PHAN PA MA BSAMS NA, ,PHYIS 'DI YANG DAG 'BYOR PAR GA LA 'GYUR; ,JI SKAD DU 'PHAGS PA SDONG PO BKOD PA'I MDOR 'PHAGS PA RGYAL BA'I DROD KYI SKYE MCHED KYI RNAM PAR THAR PA LAS MI KHOM PA BRGYAD LAS LDOG PA YANG RNYED PAR DKA', MIR 'GYUR BA YANG RNYED PAR DKA', DAL BA PHUN SUM TSOGS PA RNAM PAR DAG PA YANG RNYED PAR DKA', SANGS RGYAS 'BYUNG BA YANG RNYED PAR DKA', DBANG PO MTSANG BA MED PA YANG RNYED PAR DKA', SANGS RGYAS KYI CHOS MNYAN PA YANG RNYED PAR DKA', ,SKYES BU DAM PA DANG 'GROGS PA YANG RNYED PAR DKA', YANG DAG PA'I DGE BA'I BSHES GNYEN RNAMS KYANG RNYED PAR DKA', YANG DAG PA'I TSUL RJES SU BSTAN PA NYE BAR SGRUB PA YANG RNYED PAR DKA', YANG DAG PAR 'TSO BA YANG RNYED PAR DKA', MI'I 'JIG RTEN NA CHOS DANG RJES SU MTHUN PA'I CHOS LA NAN TAN BYED PA YANG RNYED PAR DKA' NA ZHES GSUNGS PA BZHIN NO, ,DE'I PHYIR RNAM PA DE LTA BU DANG PHRAD PA LA BRTEN NAS, ,SEMS CAN CHEN PO GANG LA GANG TSO BDAG DANG GZHAN DAG KYANG, ,'JIGS DANG SDUG BSNGAL MI 'DOD PA, ,DE TSE DE SRUNG GZHAN MI GANG, ,BDAG DANG BYE BRAG CI ZHIG YOD, ,SNYAM PA DE LTA BU'I SO SOR SPYOD PA SKYES NAS DES BDAG DANG SEMS CAN GYI KHAMS RNAMS KYI, SDUG BSNGAL MTHAR 'BYIN 'DOD PA DANG, ,BDE BA'I MTHAR YANG 'GRO 'DOD PAS, ,DAD PA'I RTZA BA BRTAN BYAS TE, ,BYANG CHUB LA YANG BLO BRTAN BYA, ,'DI LTAR DKON MCHOG TA LA LA'I GZUNGS LAS, RGYAL DANG RGYAL BA'I CHOS LA DAD GYUR CING, ,SANGS RGYAS SRAS KYI SPYOD LA DAD BYED PAS, ,BYANG CHUB BLA NA MED LA DAD GYUR NAS, ,SKYES BU CHEN PO RNAMS KYI SEMS SKYE'O, ,DAD PA SNGON 'GRO MA LTAR BA SKYED PA STE, ,YON TAN THAMS CAD SRUNG ZHING 'PHEL BAR BYED, ,DOGS PA SEL ZHING CHU BO RNAMS LAS @4A *, ,SGROL; ,DAD PA BDE LEGS GRONG KHYER MTSON BYED CING, ,DAD PA RNYOG PA MED CING SEMS DANG BYED, ,NGA RGYAL SPONG ZHING GUS PA'I RTZA BA YIN, ,DAD PA GTER DANG NOR DANG RKANG PA'I MCHOG LAG PA BZHIN DU DGE SDUD RTZA BA YIN, ,DAD PA YONGS SU GTONG LA DGA' BAR BYED; ,DAD PA RGYAL BA'I CHOS LA RAB DGA' SKYED, ,DAD PA YON TAN YE SHES KHYAD PAR BYED, ,SANGS RGYAS GO 'PHANG STON CING THOB BYED YIN, ,DBANG PO RNO ZHING RAB TU GSAL BAR BYED, ,DAD PA'I STOBS LA GZHAN GYIS MI BRDZI ZHING, ,NYON MONGS RNAM PAR SEL BA'I GZHI RTEN YIN, ,DAD PA RANG BYUNG YON TAN RNAMS KYANG TSOL, ,DAD PA CHAGS PA'I SGO LA CHAGS PA MED, ,MI DAL SPONG ZHING DAL BA MCHOG CIG YIN, ,DAD PA BDUD KYI LAM LAS 'DA' BYED CING, ,THAR PA'I LAM MCHOG STON PAR BYED PA YIN, ,SA BON MA RUL YON TAN RNAMS KYI RGYU; ,DAD PA BYANG CHUB SHING NI RNAM PAR SKYED, ,YE SHES KHYAD PAR YON TAN 'PHEL BAR BYED, ,DAD PA RGYAL BA THAMS CAD STON BYED YIN, ,GANG DAG RTAG TU SANGS RGYAS DAD GUS BCAS, ,DE DAG TSUL KHRIMS BSLAB PA YONGS MI 'DOR, ,GANG DAG TSUL KHRIMS BSLAB PA MI 'DOR BA, ,YON TAN LDAN DE YON TAN LDAN BAS BSTOD, ,GANG DAG RTAG TU CHOS LA DAD GUS BCAS, ,DE DAG RGYAL BA'I CHOS NYAN NGOMS PA MED, ,GANG DAG RGYAL BA'I CHOS NYAN MI NGOMS PA, ,DE DAG CHOS LA MOS PA BSAM MI KHYAB, ,GANG DAG RTAG TU DGE 'DUN DAD GUS BCAS,, DE DAG MI LDOG DGE 'DUN DAD PA YIN, ,GANG DAG MI LDOG DGE 'DUN RAB DAD PA, ,DE DAG DAD PA'I STOBS KYIS MI LDOG 'GYUR, ,GANG DAG DAD PA'I STOBS KYIS MI LDOG PA, ,DE DAG DBANG PO RNO ZHING RAB TU GSAL, ,GANG DAG DBANG PO RNO ZHING RAB GSAL BA, ,DE DAG SDIG PA'I GROGS PO RNAM PAR SPANGS, ,GANG DAG SDIG PA'I GROGS PO RNAM SPANGS PA, ,DE DAG CHOS LDAN GROGS KYIS YONGS SU BZUNG, ,GANG DAG CHOS LDAN GROGS KYIS YONGS BZUNG BA, ,DE DAG DGE BA RGYA CHEN SOGS PAR BYED, ,GANG DAG DGE BA RGYA CHEN SOGS BYED PA, ,BDAG @4B NYID CHEN PO DE DAG RGYU STOBS LDAN, ,BDAG NYID CHEN PO RGYU STOBS GANG LDAN PA, ,DE DAG MOS PA'I KHYAD PAR RGYA CHEN 'GYUR, ,GANG DAG MOS PA'I KHYAD PAR RGYA CHE BA, ,DE DAG RGYAL BA KUN GYIS RTAG BYIN BRLABS, ,GANG DAG RGYAL BA KUN GYIS BYIN BRLABS PA, ,DE DAG BYANG CHUB DON DU SEMS KYANG SKYE, ,GANG DAG BYANG CHUB DON DU SEMS SKYE BA, ,DE DAG DRANG SRONG CHEN PO'I YON TAN BRTZON, ,DRANG SRONG CHEN PO'I YON TAN GANG BRTZON PA, ,DE DAG RIGS MTHO SANGS RGYAS RIGS SU SKYE, ,GANG DAG RIGS MTHO SANGS RGYAS RIGS SKYES PA, ,DE DAG MNYAM ZHING SBYOR DANG MI SBYOR SPANGS, ,MNYAM ZHING SBYOR DANG MI SBYOR GANG SPANGS PA, ,DE DAG DAD DANG BSAM PA RNAM PAR DAG GANG DAG DAD DANG BSAM PA RNAM DAG PA, ,DE DAG LHAG PA'I BSAM PA DAM PA MCHOG GANG DAG LHAG BSAM DAM PA MCHOG LDAN PA, ,DE DAG RTAG TU PHA ROL PHYIN PA SPYOD; ,GANG DAG RTAG TU PHA ROL PHYIN SPYOD PA, ,DE DAG THEG PA CHEN PO 'DI LA ZHUGS, ,GANG DAG THEG PA CHEN PO 'DIR ZHUGS PA, ,DE DAG SANGS RGYAS RNAMS LA SGRUB PAS MCHOD, ,GANG DAG SGRUB PAS SANGS RGYAS MCHOD BYED PA, ,DE DAG SANGS RGYAS RJES DRAN MI PHYED 'GYUR; ,GANG DAG SANGS RGYAS RJES DRAN MI PHYED PA, ,DE DAG RTAG TU SANGS RGYAS BSAM YAS MTHONG, ,GANG DAG SANGS RGYAS BSAM YAS RTAG MTHONG BA, ,DE LA NAM YANG SANGS RGYAS MI BZHUGS MIN, ,GANG LA NAM YANG SANGS RGYAS MI BZHUGS MIN, ,DE DAG BAR SKABS CHOS LAS NYAMS MI 'GYUR, ,ZHES BYA BA LA SOGS PA GSUNGS PA DANG, DAD PA'I RTZA BA CAN GYI YON TAN RGYA CHEN PO MTHA' YAS PA ZHIG DER GSUNGS TE, ,DE RDZOGS NAS YANG MDOR BSDUS TE GSUNGS PA, 'DI 'DRA CHOS NI GANG DAG DAD GYUR PA, ,SEMS CAN SO SO SKYE BO'I TSOGS NA DKON, ,GANG DAG DGE BSAGS BSOD NAMS BYAS GYUR PA, ,DE DAG RGYU YI STOBS KYIS 'DI LA DANG, ,GANG G'A ZHING BCU'I RDUL SNYED SEMS CAN LA, ,BDE BA KUN GYIS BSKAL PAR BSNYEN BKUR YANG, ,CHOS 'DIR DAD PA'I BSOD NAMS CI 'DRA BA, ,BSOD NAMS KHYAD @5A *, ,PAR DE 'DRA DE LA MED, ,CES GSUNGS PA YIN NO, ,DE SKAD DU CHOS BCU PA'I MDO LAS KYANG, GANG GIS 'DREN PA NGES 'BYUNG BA, ,DAD PA THEG PA MCHOG YIN TE, ,DE'I PHYIR BLO DANG LDAN PA'I MIS, ,DAD PA'I RJES SU 'BRANG BA BSTEN, ,MA DAD PA YI MI DAG LA, , DKAR PO'I CHOS RNAMS MI SKYE STE, ,SA BON ME YIS TSIG PA LAS, ,MYU GU SNGON PO JI BZHIN NO, ,ZHES GSUNGS SO, ,DE BAS NI 'PHAGS PA RGYA CHER ROL PA'I MDO LAS KYANG, KUN DGA' BO DAD PA LA SBYOR BAR BYA STE, 'DI NI DE BZHIN GSHEGS PA LA GSOL BA 'DEBS PA'O ZHES BSTAN TO, ,DE SKAD DU, SENG GES ZHUS PA'I MDO LAS KYANG, DAD PAS MI KHOM SPANG BAR 'GYUR, ,ZHES BKA' STZAL PA YIN NO, ,DE LTAR DAD PA'I RTZA BA BRTAN PAR BYAS LA, BSOD NAMS THAMS CAD SDUD PA'I PHYIR NA BYANG CHUB KYI SEMS BRTAN PAR BYA'O, ,JI SKAD DU SENG GES ZHUS PA LAS, BCOM LDAN 'DAS LA RGYAL BU SENG GES ZHUS PA, CHOS RNAMS THAMS CAD BSDU BA NI, ,CHOS GANG GIS NI THOB PAR 'GYUR, ,GANG DANG GANG DU SKYES PA DER, ,SEMS CAN RNAMS NI DGA' BA 'THOB, ,BCOM LDAN 'DAS KYIS BKA' STZAL PA, SEMS CAN THAMS CAD THAR BYA'I PHYIR, ,BYANG CHUB DON DU SEMS BTUD PA, ,DES NI CHOS RNAMS BSDU BA 'THOB, ,DES NI DGA' BA THOB PAR 'GYUR, ,ZHES GSUNGS PA BZHIN NO, ,DE SKAD DU, 'PHAGS PA SDONG PO BKOD PA'I MDO LAS KYANG, RIGS KYI BU BYANG CHUB KYI SEMS NI SANGS RGYAS KYI CHOS THAMS CAD KYI SA BON LTA BU'O, ,'GRO BA THAMS CAD KYI CHOS DKAR PO RNAM PAR 'PHEL BAR BYED PAS ZHING LTA BU'O, ,'JIG RTEN THAMS CAD RTEN PAS SA LTA BU'O ZHES BYA BA NAS, BYANG CHUB SEMS DPA' THAMS CAD YONGS SU SRUNG BAS PHA LTA BU'O ZHES BYA BA'I BAR DANG, DE BZHIN DU SBYAR TE DBUL BA THAMS CAD YANG DAG PAR GCOD PAS RNAM THOS KYI BU LTA BU'O, ,DON THAMS CAD YANG DAG PAR SGRUB PAS YID BZHIN GYI NOR BU'I RGYAL PO LTA BU'O, ,BSAM PA THAMS CAD YONGS SU RDZOGS PAR BYED PAS BUM PA BZANG PO LTA BU'O, ,NYON MONGS, @5B PA'I DGRA PHAM PAR BYA BA LA MDUNG THUNG LTA BU'O, ,TSUL BZHIN MA YIN PA YID LA BYED PA 'GEBS PAS GO CHA LTA BU'O, ,NYON MONGS PA'I MGO LHUNG BAR BYED PAS RAL GRI LTA BU'O, ,NYON MONGS PA'I SHING GCOD PAS STA RE LTA BU'O, ,'TSE BA THAMS CAD LAS SKYOB PAS MTSON CHA LTA BU'O; ,'KHOR BA'I CHU'I NANG NA GNAS PA STENG DU 'BYIN PAS MCHIL PA LTA BU'O, ,SGRIB PA DANG KHEBS PA'I RTZA BA THAMS CAD RNAM PAR 'THOR BAS RLUNG GI DKYIL 'KHOR LTA BU'O, ,BYANG CHUB SEMS DPA'I SPYOD PA DANG SMON LAM THAMS CAD BSDUS PA'I PHYIR MDOR BSTAN PA LTA BU'O,, LHA DANG MI DANG LHA MA YIN DU BCAS PA'I 'JIG RTEN LA MCHOD RTEN LTA BU STE, RIGS KYI BU DE LTAR BYANG CHUB KYI SEMS NI YON TAN DE DAG DANG, YON TAN GYI BYE BRAG TSAD MED PA GZHAN DANG YANG LDAN NO ZHES BRJOD DO, ,SO SO'I SKYE BO LA YANG BYANG CHUB KYI SEMS SKYE STE, 'DI TSIG TZAM NI MA YIN NO ZHES BYA BAR JI LTAR SHES SHE NA, MDO SDE DU MA MTHONG BA LAS TE, RE ZHIG 'PHAGS PA DRI MA MED PAR GRAGS PAS BSTAN PA LAS, 'JIG TSOGS LA LTA BA RI RAB DANG MNYAM PA DRAN NAS BYANG CHUB KYI SEMS SKYE ZHING DE LAS SANGS RGYAS KYI CHOS RNAMS RNAM PAR SKYE'O ZHES JI SKAD DU BSTAN PA DANG, DKON MCHOG ZA MA TOG GI MDO LAS KYANG, ,SO SO'I SKYE BO LA YANG BYANG CHUB SEMS DPA' ZHES BYA BAR SHES TE, JI SKAD DU 'JAM DPAL 'DI LTA STE DPER NA KA LA BING KA'I PHRU GU SGO NGA'I SBUBS KYI NANG NA 'DUG PA SGO NGA MA BRTOL ZHING SBUBS NAS MA BYUNG YANG KA LA BING KA'I SGRA NYID DU 'BYIN TO, ,'JAM DPAL DE BZHIN DU BYANG CHUB SEMS DPA' MA RIG PA'I SGO NGA'I SBUBS KYI NANG NA 'DUG PA BDAG TU LTA BA MA BRTOL ZHING KHAMS GSUM LAS MA BYUNG YANG SANGS RGYAS KYI SGRA 'DI LTA STE, STONG PA NYID DANG MTSAN MA MED PA DANG SMON PA MED PA'I SGRA 'BYIN TO ZHES GSUNGS SO, ,CHOS THAMS CAD 'BYUNG BA MED PAR BSTAN PA LAS KYANG, BYANG CHUB SEMS DPA' RGYAL BA'I BLO GROS LA SAS PAR MTHONGS PHYE NAS DE 'CHI BA'I DUS BYAS PA DANG SESM CAN DMYAL BA CHEN POR LTUNG STE, DE NI STONG PA NYID LA MA DAD CING STONG PA NYID @6A *, ,DU SMRA BA LA KHONG KHRO BA BYAS PA YIN NO ZHES GSUNGS SO, ,NGES PA DANG MA NGES PA LA 'JUG PA'I PHYAG RGYA'I MDO LAS KYANG, ,PHYUGS KYI SHING RTA LTA BUS 'GRO BA'I BYANG CHUB SEMS DPA' GANG ZHE NA, 'DI LTA STE DPER NA SKYES BU LA LA ZHIG SANGS RGYAS KYI ZHING LNGA'I RDUL PHRA RAB KYI RDUL SNYED KYI 'JIG RTEN GYI KHAMS 'DA' BAR 'DOD NAS, DES PHYUGS KYI SHING RTA LA ZHON TE LAM DU ZHUGS NAS, DE YUN RING POS LAM RING POR DPAG TSAD BRGYAR PHYIN PA LAS, DE DER RLUNG GI DKYIL 'KHOR CHEN POS BZLOG NAS DPAG TSAD KHRIR DE DA DE PHYIR PHUL NA SKYES BU DES PHYUGS KYI SHING RTAS 'JIG RTEN GYI KHAMS DE DAG 'DA' BA 'AM BSKAL PA LAS BRJOD DU MED PA'I YANG BRJOD DU MED PA'I BSKAL PAR YANG 'JIG RTEN GYI KHAMS GCIG KYANG 'DA' BAR NUS SAM GSOL BA, BCOM LDAN 'DAS DE NI MA LAGS SO, , BCOM LDAN 'DAS KYIS BKA' STZAL PA, DE BZHIN DU GANG LA LA ZHIG GIS BYANG CHUB TU SEMS BSKYED LA THEG PA CHEN PO MI 'DZIN MI KLOG PAR, NYAN THOS KYI THEG PA BA RNAMS LA BRTEN CING DE DAG DANG LHAN CIG TU STEN PAR BYED NYAN THOS KYI THEG PA KLOG CING KHA TON BYED DPYOD CING KHONG DU CHUD PAR BYED LA, GZHAN DAG KYANG KLOG TU 'JUG PA NAS, KHONG DU CHUD PAR BYED PA'I BAR DU BYED PA NI, DE NI DES SHES RAB RTUL POR 'GYUR TE, BLA NA MED PA'I YE SHES KYI LAM NAS SLAR DRANGS NAS PHYIR LDOG GO, ,BYANG CHUB SEMS DPA' 'DI'I BYANG CHUB KYI SEMS BSGOMS PA LAS BYUNG BA'I SHES RAB KYI DBANG PO DANG, SHES RAB KYI MIG GANG YIN PA DE YANG RTUL POR 'GYUR ZHING NYAMS PAR BYED DE 'DI NI PHYUGS KYI SHING RTA LTA BUS 'GRO BA'I BYANG CHUB SEMS DPA'O ZHES BSHAD DO, ,DE BAS NA DE LTAR DE DAG GI STONG PA NYID LA MOS PA DANG THEG PA CHEN PO LA MNGON PAR DGA' BA NI, MOS PAS SPYOD PA YONGS SU MA RDZOGS PA LA YANG SBYAR BAR SNANG NA, MOS PA RAB LA SPYOD PA'I BYANG CHUB SEMS DPA' LA LTA CI ZHIG SMOS, DE NI DKON MCHOG SPRIN LAS BYIS PA'I SPYOD PA DANG LOG PAR 'JUG PA THAMS CAD LAS 'DAS @6B PAR BRJOD CING, TING NGE 'DZIN DANG GZUNGS DANG RNAM PAR THAR PA DANG MNGON PAR SHES PA DANG RIG PA GRANGS MED PAS RNAM PAR ROL PA, CHOS MTHA' YAS PA LA DGA' ZHING MOS PAS ZANG ZING MED PA PHYI MA'I MTHA'I BSKAL PA'I MUR THUG PAR RNAM PAR MI RTOG CING LHUN GYIS GRUB PA'I DGA' BA'I SHUGS KYIS SNANG BA THOB PA BSKAL PA BYE BA KHRAG KHRIG BRGYA STONG DU MA DPAG TU MED PAR THEG PA CHEN PO LA ZHUGS PA'I BSGOM PA SNA TSOGS YONGS SU RDZOGS PA GZHAN GYI DON GYI NAN TAN TSAR PHYIN PA, BSOD NAMS DANG YE SHES KYI TSOGS MNGON PAR BSGRUB PA GRUB PA'I SNGON GYI SBYOR BA BRGYA STONG PHUN SUM TSOGS PAR BRJOD DO, ,CI STE 'DI DRANG BA'I DON YIN NA, CI'I PHYIR BYANG CHUB TU SEMS BSKYED PA GZHAN SA 'DI LA MI 'DOD, 'DIR 'DOD PA TZAM GYIS DRANG BA'I DON DU BYED PA'I BYE BRAG GI RTAGS KYANG MI RNYED DO, ,MOS PAS SPYOD PA CHEN PO'I CHOS NYID DU GSUNGS PA LAS KYANG, MOS PAS SPYOD PA 'BRING DANG CHUNG NGU'I RNAM PA YANG CI NAS YOD PA NYID DU RTOGS SO, ,YANG DE BZHIN GSHEGS PA'I GSANG BA'I MDO LAS, JI SKAD DU BCOM LDAN 'DAS BYANG CHUB TU SEMS BSKYED PA SU'I LAGS, RGYAL PO CHEN PO GANG GIS LHAG PA'I BSAM PA MA 'KHRUGS PA'O, ,GSOL BA BCOM LDAN 'DAS SU'I LHAG PA'I BSAM PA MA 'KHRUGS BKA' STZAL PA, RGYAL PO CHEN PO GANG GI SNYING RJE CHEN PO SKYE BA'O, ,GSOL BA BCOM LDAN 'DAS SU'I SNYING RJE CHEN PO SKYE, BCOM LDAN 'DAS KYIS BKA' STZAL PA; RGYAL PO CHEN PO GANG GI SEMS CAN THAMS CAD LA YONGS SU MI GTONG BA'I SEMS SKYE BA'O, ,GSOL BA BCOM LDAN 'DAS JI LTAR SEMS CAN THAMS CAD YONGS SU MA BTANG BA LAGS, BKA' STZAL PA RGYAL PO CHEN PO NAM BDAG BDE BA BTANG BA YIN NO ZHES GSUNGS PA'I DGONGS PA CI ZHIG YIN ZHE NA, BYANG CHUB KYI SEMS TZAM GYIS CHOG PAR 'DZIN PA RNAMS SNYING RJE LA DGA' BA SKYED PA'I PHYIR 'DI GSUNGS TE, DPER NA GANG LA RNAL 'BYOR MED PA DE DAG NI DE BZHIN GSHEGS PA'I BSTAN PA LA RAB TU BYUNG BA MA YIN NO ZHES @7A *, ,GSUNGS PA LTA BU'O, ,DE BZHIN DU 'DIR YANG BYANG CHUB KYI SEMS GZHAN SMAD PAR RIG PAR BYA'I, BYANG CHUB KYI SEMS RNAM PA GZHAN DU MI SKYE BA NI MA YIN NO, ,JI SKAD DU CHOS BCU PA'I MDO LAS, RIGS KYI BU 'DI LA BYANG CHUB SEMS DPA' RIGS LA GNAS PA BYANG CHUB TU SEMS MA BSKYED NA, DE BZHIN GSHEGS PA'AM DE BZHIN GSHEGS PA'I NYAN THOS KYIS BSKUL ZHING SKYO BAR BYAS, YANG DAG PAR 'DZIN DU BCUG STE BLA NA MED PA YANG DAG PAR RDZOGS PA'I BYANG CHUB TU SEMS BSKYED PA 'DI NI BYANG CHUB KYI SEMS LA MOS PA'I RGYU DANG PO'O,, RDZOGS PA'I BYANG CHUB BAM BYANG CHUB KYI SEMS KYI BSNGAGS PA BRJOD PA THOS NAS, BLA NA MED PA YANG DAG PAR RDZOGS PA'I BYANG CHUB TU SEMS BSKYED PA 'DI NI RGYU GNYIS PA'O, ,SEMS CAN MGON MED PA DANG SKYABS MED PA DANG DPUNG GNYEN MED PA RNAMS MTHONG NAS SNYING RJE'I SEMS NYE BAR GZHAG STE BLA NA MED PA YANG DAG PAR RDZOGS PA'I BYANG CHUB TU SEMS BSKYED PA 'DI NI RGYU GSUM PA'O, ,DES DE BZHIN GSHEGS PA'I RNAM PA THAMS CAD KYI MCHOG YONGS SU RDZOGS PA MTHONG NAS DGA' BA BSKYED DE BLA NA MED PA YANG DAG PAR RDZOGS PA'I BYANG CHUB TU SEMS BSKYED PA 'DI NI RGYU BZHI PA'O ZHES GSUNGS PA BZHIN NO, ,BYANG CHUB KYI SEMS DE NI RNAM PA GNYIS TE, BYANG CHUB TU SMON PA'I SEMS DANG BYANG CHUB TU CHAS PA'I SEMS SO, ,JI SKAD DU SDONG PO BKOD PA'I MDO LAS, RIGS KYI BU SEMS CAN GANG DAG BLA NA MED PA YANG DAG PAR RDZOGS PA'I BYANG CHUB TU SMON PA DE DAG NI SEMS CAN GYI KHAMS NA DKON NO, ,DE BAS KYANG GANG DAG BLA NA MED PA YANG DAG PAR RDZOGS PA'I BYANG CHUB TU CHAS PA'I SEMS CAN DE DAG NI SHIN TU DKON NO ZHES GSUNGS PA LTA BU'O, ,DE LA BYANG CHUB TU SMON PA'I SEMS NI NGAS SANGS RGYAS SU 'GYUR BAR BYA'O ZHES SEMS SMON PA LAS SKYES PA YIN TE, 'PHAGS PA DPA' BAR 'GRO BA'I MDO LAS, G-YO BYAS TE BYANG CHUB KYI SEMS BSKYED PAS KYANG SANGS RGYAS KYI RGYUR GSUNGS NA DGE BA SNA 'GA' BYAS TE SEMS BSKYED PA LTA CI SMOS ZHES GSUNGS @7B SO; ,JI SKAD DU BSKAL PA BZANG PO'I MDO LAS, DE BZHIN GSHEGS PA DBYANGS BYIN ZHES BYA BA LA DE BZHIN GSHEGS PA SKAR MA'I RGYAL PO ZHES BYA BA BA LANG RDZIR GYUR PAS BA GU LA'I ME TOG PHUL NAS DANG PO BYANG CHUB TU SEMS BSKYED DO, ,DE BZHIN DU DE BZHIN GSHEGS PA KLOG GI SGRON MA ZHES BYA BA LA DE BZHIN GSHEGS PA GRAGS PA THAG PAR GYUR PAS RAS KYI KHA TSAR PHUL TE, DANG PO BYANG CHUB TU SEMS BSKYED DO, ,DE BZHIN DU DE BZHIN GSHEGS PA 'OD MTHA YAS ZHES BYA BA LA DE BZHIN GSHEGS PA 'OD 'PHRO CAN GRONG KHYER GYI SPRANG POR GYUR PAS RTZA'I SGRON MA PHUL TE DANG PO BYANG CHUB TU SEMS BSKYED DO, ,DE BZHIN GSHEGS PA RNAM PAR GNON BRTEN ZHES BYA BA LA DE BZHIN GSHEGS PA THUB DKA' SHING THUN DU GYUR PAS SO SHING PHUL TE DANG PO BYANG CHUB TU SEMS BSKYED DO, ,DE BZHIN GSHEGS PA 'JAM DPAL GRAGS ZHES BYA BA LA DE BZHIN GSHEGS PA YON TAN RGYAL MTSAN SMAN PA'I RGYAL POR GYUR PAS SKYU RU RA CIG PHUL NAS DANG PO BYANG CHUB TU SEMS BSKYED DO ZHES BYA BA LA SOGS PA GSUNGS PA BZHIN NO, ,DES KYANG 'KHOR BA'I BDE BA MTHA' YAS PA BSKYED PA'I PHYIR BYANG CHUB KYI SEMS SPYOD PA DANG BRAL BA LA YANG BRNYAS PAR MI BYA STE, JI SKAD DU 'PHAGS PA BYAMS PA'I RNAM PAR THAR PA LAS, RIGS KYI BU 'DI LTA STE DPER NA RDO RJE RIN PO CHE NI CHAG KYANG, GSER GYI RGYAN KHYAD PAR DU 'PHAGS PA THAMS CAD ZIL GYIS GNON CING RDO RJE RIN PO CHE'I MING YANG MI 'DOR LA DBUL BA THAMS CAD KYANG RNAM PAR ZLOG GO, ,RIGS KYI BU DE BZHIN DU THAMS CAD MKHYEN PAR SEMS BSKYED PA'I RDO RJE RIN PO CHE NAN TAN DANG BRAL YANG NYAN THOS DANG RANG SANGS RGYAS KYI YON TAN GYI GSER GYI RGYAN THAMS CAD ZIL GYIS GNON CING BYANG CHUB SEMS DPA'I MING YANG MI 'DOR LA 'KHOR BA'I DBUL BA THAMS CAD KYANG RNAM PAR ZLOG GO ZHES GSUNGS PA LTA BU'O, ,'DI LAS KYANG SPYOD PA DANG MI LDAN YANG BYANG CHUB KYI SEMS NI PHAN PAR 'GYUR BAR SHES PAR BYA STE, GANG GI PHYIR RGYAL PO LA GDAMS PA'I MDO LAS, RGYAL PO CHEN PO 'DI LTAR KHYOD NI @8A *, ,BYA BA MANG BYED PA MANG STE, NYIN MTSAN DU THAMS CAD DU THAMS CAD RNAM PA THAMS CAD DU THAMS CAD SBYIN PA'I PHA ROL TU PHYIN PA LA YANG BSLAB PA NAS SHES RAB KYI PHA ROL TU PHYIN PA'I BAR LA BSLAB PAR MI NUS TE, DE BAS NA RGYAL PO CHEN PO KHYOD YANG DAG PAR RDZOGS PA'I BYANG CHUB LA 'DUN PA DANG DAD PA DANG DON DU GNYER BA DANG SMON PA, 'GRO YANG RUNG 'GRENG YANG RUNG 'DUG KYANG RUNG NYAL YANG RUNG SAD KYANG RUNG ZA YANG RUNG 'THUNG YANG RUNG RTAG PAR RGYUN DU DRAN PAR GYIS LA YID LA ZUNG STE SGOMS SHIG ,SANGS RGYAS DANG BYANG CHUB SEMS DPA' DANG; 'PHAGS PA NYAN THOS DANG RANG SANGS RGYAS DANG SO SO'I SKYE BO THAMS CAD DANG BDAG GI 'DAS PA DANG MA 'ONGS PA DANG DA LTAR BYUNG BA'I DGE BA'I RTZA BA THAMS CAD BSDUS SHING GZHAL TE RTZIS LA RJES SU YI RANG BAR GYIS SHIG ,RJES SU YI RANG BA'I MCHOG NAS, NAM MKHA' DANG 'DRA BA DANG, MYA NGAN LAS 'DAS PA DANG, MTSUNGS PA'I BAR GYIS RJES SU YI RANG BAR GYIS SHIG ,RJES SU YI RANG NAS SANGS RGYAS DANG BYANG CHUB SEMS DPA' DANG 'PHAGS PA NYAN THOS DANG RANG SANGS RGYAS THAMS CAD LA MCHOD PA BYA BAR PHUL CIG ,PHUL NAS SEMS CAN THAMS CAD DANG THUN MONG DU GYIS SHIG ,DE NAS SEMS CAN THAMS CAD THAMS CAD MKHYEN PA'I BAR DU THOB PAR 'GYUR BA DANG SANGS RGYAS KYI CHOS THAMS CAD YONGS SU RDZOGS PAR 'GYUR BAR NYIN GCIG BZHIN DU DUS GSUM DU BLA NA MED PA YANG DAG PAR RDZOGS PA'I BYANG CHUB TU SNGOS SHIG , RGYAL PO CHEN PO KHYOD DE LTAR ZHUGS NA RGYAL SRID KYANG BYED LA RGYAL PO'I BYA BA YANG NYAMS PAR MI 'GYUR ZHING, BYANG CHUB KYI TSOGS KYANG YONGS SU RDZOGS PAR 'GYUR RO ZHES GSUNGS SO, ,MDO SDE DE NYID LAS DE'I RNAM PAR SMIN PA YANG GSUNGS PA NI, RGYAL PO CHEN PO KHYOD YANG DAG PAR RDZOGS PA'I BYANG CHUB KYI SEMS KYI DGE BA'I RTZA BA'I LAS KYI RNAM PAR SMIN PAS, LAN DU MAR LHA'I NANG DU SKYES LAN DU MAR MI'I NANG DU SKYES TE, LHA DANG MIR SKYES PA NA THAMS CAD DU YANG DBANG PO BYED PAR GYUR KYANG, DA DUNG RGYAL PO CHEN PO KHYOD KYI YANG DAG PAR RDZOGS PA'I @8B BYANG CHUB KYI SEMS KYI DGE BA'I RTZA BA'I LAS LA BRI BA 'AM, GANG BAR MI MNGON NO, ,DE BZHIN DU SBYAR TE 'ON KYANG RGYAL PO CHEN PO BLA NA MED PA YANG DAG PAR RDZOGS PA'I BYANG CHUB KYI SEMS GCIG GIS KYANG, SEMS CAN THAMS CAD BSGRAL BAR DMIGS PA DANG, SEMS CAN THAMS CAD DGROL BAR DMIGS PA DANG, SEMS CAN THAMS CAD DBUGS DBYUNG BAR DMIGS PA DANG, SEMS CAN THAMS CAD YONGS SU MYA NGAN LAS BZLA BAR DMIGS PA'I PHYIR, DGE BA'I RTZA BA GRANGS MED DPAG TU MED PA SOGS PAR 'GYUR NA, GANG DE LTAR MANG DU BYED PA LTA CI SMOS ZHES BYA BA YIN NO, ,BYANG CHUB KYI SEMS DE YANG GZUGS KYI SKU MTHONG BA LAS SKYES PAR DE LAS SNGON GYI RTOGS PA BRJOD PA LAS 'BYUNG STE, DE LTAN RE ZHIG SMON PA BYANG CHUB KYI SEMS SU RIG PAR BYA'O, ,CA SAR MA CHUD PA LA YANG BYANG CHUB SEMS DPA'I SDOM PA'I DBANG DU BYA BA YOD DAM MED CES BYA BA 'DI BRJOD PAR BYA'O ZHE NA YOD PAR RIG PAR BYA STE, NAM MKHA'I SNYING PO'I MDO LAS, RNYED PA DANG BKUR STI'I RGYU LAS RTZA BA'I LTUNG BAR GSUNGS PA'I PHYIR, SA BCU PA'I MDO LAS NI SA DANG PO LA, BDAG GIS SEMS CAN 'DI DAG LA YO BYAD MANG PO THAMS CAD NYE BAR SBYIN NO SNYAM PA MA GTOGS PAR SU LAS KYANG BKUR STI CI YANG MI 'DOD DO ZHES BSTAN TO, ,DE BZHIN DU BYANG CHUB SEMS DPA'I SA RAB TU DGA' BA LA MI G-YO BA'I TSUL GYIS LEGS PAR GNAS PA YIN NO ZHES GSUNGS PA DANG, YANG DE BZHIN GSHEGS PA'I RIGS SU NGES SHING RDZOGS PA'I BYANG CHUB LA SHIN DU GZHOL BA YIN NO ZHES KYANG GSUNGS SO, ,NAM MKHA'I SNYING PO'I MDO LAS KYANG, NYAN THOS KYI THEG PA YANG DE LA MED NA THEG PA CHEN PO LTA GA LA YOD CES GSUNGS LA, DE BZHIN DU, 'PHAGS PA DRAG SHUL CAN GYIS ZHUS PAR, SER SNAS YONGS SU DKRIS PA LA YANG BSLAB PA'I GNAS BCAS PA DANG RAB TU DGA' BA'I SA LA BDAG TU 'DU SHES PA DANG BRAL BAS BDAG LA CHAGS PA'ANG MED NA, YO BYAD THAMS CAD LA CHAGS PA LTA GA LA YOD CES GSUNGS SO, ,DE BZHIN DU @9A *, ,MGO LA SOGS PA SBYIN PA YANG GSUNGS TE, DE LTA BU LA SOGS PA MDO SDE DAG TU SAR MA CHUD PA LA BSLAB PA BCAS PAR SNANG NGO, ,GANG DU BYANG CHUB SEMS DPA'I DBANG DU BYAS NAS PHYIR BSTAN PA DER YANG GOMS PAR BYAR MI RUNG BA'AM, DGAG PA'I NGAG GIS BYANG CHUB SEMS DPA' LAS DANG PO PAS BSLAB PAR MI BYA BAR 'GYUR TE, DE GNYIS MED NA NI THAMS CAD LA BSLAB PAR BYA'O, ,DE LA YANG BSLAB PA GCIG SGRUB PA NA BSLAB PA GZHAN BSRUNG MA NUS KYANG LTUNG BAR MI 'GYUR TE, DE SKAD DU 'PHAGS PA BLO GROS MI ZAD PAS BSTAN PA'I MDO LAS; SBYIN PA'I DUS NA TSUL KHRIMS LA BRTUL BA BTANG SNYOMS LA SOGS PA RGYA CHER GSUNGS PA YIN NO, ,'DI LA LHOD PAR YANG MI BYA STE, LHAG MA GZHAN LA MI SGRUB PA YANG MA YIN GYI, CI NUS CI 'OS SU DE BZHIN NYID DU SGRUB PO ZHES SA BCU PA'I MDO LAS GSUNGS PA'I PHYIR RO; ,SDOM PA 'DI NI BUD MED NYON MONGS PA CHUNG NGU SEMS BYANG CHUB TU MOS PA LA'ANG 'GRUB STE, GANG GI PHYIR BYANG CHUB SEMS DPA'I SO SOR THAR PA LAS, SH'A RI'I BU CHOS BZHI DANG LDAN NA BYANG CHUB SEMS DPA'I BDEN PAR SMRA BA YIN NO ZHES BYA BA NAS BRTZAMS TE, SH'A RI'I BU 'DI LA RIGS KYI BU 'AM RIGS KYI BU MO BLA NA MED PA YANG DAG PAR RDZOGS PA'I BYANG CHUB TU SEMS BSKYED NAS, DGE BA'I CHOS YONGS SU BTZAL BA'I DON DU BRTZON 'GRUS BRTZAMS TE GNAS PA DANG ZHES GSUNGS PA YIN NO, ,'DI LAS BRTZAMS TE LUNG NOD PA THAMS CAD DANG, SDOM PA BZUNG BA YANG BYANG CHUB SEMS DPA'I BSLAB PA'I GNAS LA GOMS PA LHUR BYED PA SDOM PA DANG LDAN PA LAS BYA STE, DE LTAR BYAS NA DE BSLAB PA LAS 'DAS NA RAB TU NGO MTSAR BAR 'GYUR ZHES BLA MA LA BSLUS PAR DOGS PA'I 'JIGS PA SKYE BA'AM DE LA NAN TAN BYA MI DGOS PAR DGA' BA DANG GUS PAS GRUB PAR 'GYUR RO, ,DE BAS NA BYANG CHUB SEMS DPA' RNAMS DE BZHIN GSHEGS PA'I SPYAN SNGAR BSLAB PA 'DI'I NANG NAS, BSLAB PA GANG YANG RUNG BA GRUB PAR 'DOD PAS YANG DAG PAR LEN PAR BYED DO, ,DE LTAR @9B NA 'DI NI SDOM PA'I SPYI'I CHOS YIN NO, ,YANG NA DE LTA BU'I DGE BA'I BSHES GNYEN MED NA PHYOGS BCU NA BZHUGS PA'I SANGS RGYAS DANG BYANG CHUB SEMS DPA' RNAMS MNGON DU BSGOMS NAS, SDOM PA DANG BDAG GI STOBS DANG YANG SBYAR NAS BLANG STE, DE LTAR MA YIN NA SANGS RGYAS DANG BYANG CHUB SEMS DPA' THAMS CAD DANG LHAR BCAS PA'I 'JIG RTEN BSLUS PAR 'GYUR RO, ,GANG GI PHYIR DAM PA'I CHOS DRAN PA NYE BAR GZHAG PA'I MDO LAS, CHUNG ZAD CIG BSAMS NAS MI SBYIN PA NI YI DAGS SU SKYE LA, DAM BCAS NAS MI SBYIN PA NI SEMS CAN DMYAL BAR 'GRO'I ZHES GSUNGS NA, 'GRO BA MA LUS PA'I BLA NA MED PA'I DON DAM BCAS NAS SGRUB PAR MI BYED PA LTA CI SMOS, DE BAS NA CHOS YANG DAG PAR SDUD PA'I MDO LAS KYANG, RIGS KYI BU BYANG CHUB SEMS DPA' BDEN PA LHUR BYED PAR 'GYUR BAR BYA STE, RIGS KYI BU BDEN PA YANG DAG PAR BRJOD PA NI CHOS YANG DAG PAR BRJOD PA'O, ,RIGS KYI BU DE LA BDEN PA GANG ZHE NA, GANG BYANG CHUB SEMS DPA' BLA NA MED PA YANG DAG PAR RDZOGS PA'I BYANG CHUB TU SEMS BSKYED NAS SEMS DE SROG GI PHYIR YANG MI GTONG ZHING, SEMS CAN RNAMS LA YANG LOG PAR MI BYED PA 'DI NI BYANG CHUB SEMS DPA'I BDEN PA'O, ,GANG BYANG CHUB SEMS DPA' BLA NA MED PA YANG DAG PAR RDZOGS PA'I BYANG CHUB TU SEMS BSKYED LA SEMS DE PHYIS YONGS SU GTONG ZHING, SEMS CAN RNAMS LA'ANG LOG PAR BYED PA 'DI NI BYANG CHUB SEMS DPA'I BRDZUN DU SMRA BA THA MA YIN NO ZHES GSUNGS SO, ,'PHAGS PA BLO GROS RGYA MTSO'I MDO LAS KYANG, BLO GROS RGYA MTSO 'DI LTA STE DPER NA RGYAL PO 'AM RGYAL PO'I BLON POS CHEN POS GRONG KHYER GYI SKYE BO THAMS CAD SANG ZAN SBYIN NO ZHES MGRON DU BOS NAS YAL BAR DOR TE, BZA' BA DANG BTUNG BA MI SBYAR NAS DES SKYE BA'I TSOGS DE DAG THAMS CAD BSLUS PA YIN TE, DE DAG KYANG BZA' BA DANG BTUNG BA MA THOB PAS 'PHYA ZHING SLAR 'DONG BA DE BZHIN DU BLO GROS RGYA MTSO BYANG CHUB SEMS DPA' MA RGAL BA BSGRAL BA DANG, MA GROL BA DGROL BA DANG DBUGS MA PHYIN PA DBUGS DBYUNG BA DANG YONGS @10A *, ,SU MYA NGAN LAS 'DAS PA YONGS SU MYA NGAN LAS BZLA BA'I PHYIR SEMS CAN THAMS CAD LA DBUGS PHYUNG LA, MANG DU THOS PA DANG DE LAS GZHAN PA DGE BA BYANG CHUB KYI PHYOGS KYI CHOS RNAMS LA YANG BRTZON PAR MI BYED NA, BYANG CHUB SEMS DPA' DE NI JI SKAD SMRAS PA DE BZHIN DU BYED PA MA YIN TE, LHA DANG BCAS PA'I 'JIG RTEN LA SLU BA YIN NO, ,DE LTA BU SNGON SANGS RGYAS MTHONG BA'I LHA RNAMS KYIS MTHONG NA 'PHYA ZHING GZHOGS 'PHYAS BYED LA RNAM PAR SMOD DE, GANG DAG MCHOD SBYIN BYA BAR DAM BCAS PA NYAMS 'OG TU CHUD PAR BYED PA'I MCHOD SBYIN GYI BDAG PO DE DAG NI DKON NO, ,BLO GROS RGYA MTSO DE LTA BAS NA TSIG GANG GIS LHA DANG MI DANG LHA MA YIN DU BCAS PA'I 'JIG RTEN SLU BAR 'GYUR BA'I TSIG DE LTA BU BYANG CHUB SEMS DPAS SMRA BAR MI BYA'O, ,BLO GROS RGYA MTSO GZHAN YANG GANG LA LA ZHIG GIS, BYANG CHUB SEMS DPA' GANG LA CHOS KYI DON BYA BAR GSOL BA BTAB PA DE LA BYANG CHUB SEMS DPA' KHO BOS KHYOD KYIS CHOS KYI DON 'DI YONGS SU THOB PAR BYA'O, ,ZHES TSIG SMRAS PAR GYUR NA, BYANG CHUB SEMS DPAS DE LA LUS NI YONGS SU GTANG BAR BYA'I SEMS CAN SLU BAR NI MI BYA'O ZHES GSUNGS SO; ,DE BAS NA RANG GI MTHU DANG SBYAR TE DGE BA'I RTZA BA GCIG TZAM YANG YANG DAG PAR BLANGS LA BSRUNG BAR BYA STE, 'PHAGS PA SA'I SNYING PO'I MDO LAS JI SKAD DU, DGE BA'I LAM BCU PO 'DI DAG GIS SANGS RGYAS SU 'GYUR GYI GANG GIS JI SRID 'TSO'I BAR DU THA NA DGE BA'I LAS KYI LAM GCIG TZAM YANG MI SRUNG LA, 'ON KYANG TSIG 'DI SKAD DU NGA NI THEG PA CHEN PO PA STE NGA BLA NA MED PA YANG DAG PAR RDZOGS PA'I BYANG CHUB TSOL LO ZHES ZER NA, GANG ZAG DE NI SHIN TU TSUL 'CHOS PA BRDZUN CHEN PO SMRA BA, SANGS RGYAS BCOM LDAN 'DAS THAMS CAD KYI SPYAN SNGAR 'JIG RTEN LA SLU BAR BYAD PA CHAD PAR SMRA BA STE, DE RMONGS BZHIN DU 'CHI BA'I DUS BYED CING LOG PAR LTUNG BAR 'GRO'O ZHES GSUNGS PA BZHIN NO, ,DUS JI SRID DU NUS PA DE SRID DU YANG DGE BA YANG DAG PAR BLANGS TE GNAS PAR BYA STE, 'DI NI SMAN GYI BLA BEE d'URYA 'OD KYI RGYAL PO'I MDO LAS BLTA @10B BAR BYA'O; ,SEMS CAN CHEN PO GANG DE LTA BU THOS NAS KYANG, BYANG CHUB SEMS DPA'I SPYOD PA DKA' BA SHES RAB KYIS RTOGS PAR BYAS NAS, SKYE BO MA LUS PA SDUG BSNGAL LAS BSKYAB PAR KHUR KHYER BAR SPRO BA DES NI PHYAG BYA BA DANG MCHOD PA DANG, SDIG PA BSHAGS PA DANG, BSOD NAMS LA RJES SU YI RANG BA DANG, SANGS RGYAS LA BSKUL BA DANG, GSOL BA GDAB PA DANG, BYANG CHUB TU BSNGO BA BYAS LA, DGE BA'I BSHES GNYEN LA GSOL BA GDAB STE, DE'I TSIG GI RJES SU BRJOD PA 'AM, YANG NA BDAG NYID KYIS BRJOD PAS, SLOB DPON DGONGS SU GSOL, BDAG MING 'DI ZHES BGYI BA ZHES SMOS LA, JI LTAR 'JAM DPAL GYI SANGS RGYAS KYI ZHING GI YON TAN BKOD PA'I MDO LAS, BCOM LDAN 'DAS 'PHAGS PA 'JAM DPAL GYIS SNGON GYI TSE'I RTOGS PA BRJOD PA LAS SPYOD PA DANG LDAN PAR BYANG CHUB TU SEMS BSKYED PA DE BZHIN DU SEMS BSKYED PAR BYA'O, ,DES 'DI SKA CES, ,'KHOR BA THOG MA MED PA YIS, ,SNGON GYI THA MA JI SRID PA, ,DE SRID SEMS CAN PHAN DON DU, ,SPYOD PA DPAG YAS SPYAD PAR BGYI, ,'JIG RTEN MGON PO'I SPYAN SNGA 'DIR, ,BYANG CHUB MCHOG TU SEMS BSKYED DE, ,'GRO BA THAMS CAD MGRON GNYER NAS, ,DE DAG DBUL ZHING PHONGS LAS DGROL, ,DE RING PHAN CHAD GAL TE YANG, ,BDAG GIS 'DOD CHAGS SEMS BSKYED NAS, ,PHYOGS BCU DAG NA GANG BZHUGS PA'I, ,SANGS RGYAS THAMS CAD BSLUS PAR 'GYUR, ,BYANG CHUB NAM ZHIG THOB PAR DU, THA BA'I SEMS DANG GNOD SEMS DANG, ,PHRAG DOG DANG NI SER SNA YANG, ,DE RING PHAN CHAD MI BYA'O, ,TSANGS PA'I SPYOD PA BDAG GIS SPYAD, ,SDIG PA'I 'DOD PA YONGS SU GTANG, ,TSUL KHRIMS SDOM DANG DES PA LA, ,SANGS RGYAS RJES SU BSLAB PAR BYA, ,BDAG 'DIR BYANG CHUB RINGS TSUL DU, ,'TSANG RGYAR MOS SHING SPRO BA MED, ,PHYI MTHAR THUG GI BAR DU YANG, ,SEMS CAN GCIG PHYIR SPYAD PAR BGYI, ,TSAD MED BSAM GYIS MI KHYAB PA'I, ,SANGS RGYAS ZHING NI SBYANG BAR BGYI, ,PHYOGS RNAMS BCU PO THAMS CAD DU, ,BDAG GI MING NI @11A *, ,GRAGS PAR BGYI, ,LUS DANG NGAG GI LAS RNAMS KYANG, ,RNAM PA KUN DU BDAG GIS SBYANG, ,YID KYI LAS KYANG SBYANG BAR BGYI, ,MI DGE'I LAS NI SPYAD MI BGYI, ,ZHES BRJOD DO, ,'DI LA DUS THAMS CAD DU SDOM PA BZUNG BA LAS TSE RABS GZHAN DU LTUNG BA 'BYUNG BA'I DOGS PAR YANG MI BYA STE, MDO 'DI NYID LAS MI 'KHRUGS PA'I SMON LAM SNANG BA'I PHYIR RO, ,DE LAS 'DI SKAD DU, JI LTAR DE BZHIN GSHEGS PA MI 'KHRUGS PA DE SNGON BYANG CHUB SEMS DPAR GYUR PA NA TSIG 'DI SKAD DU, GAL TE BDAG TSE RABS THAMS CAD DU RAB TU MA BYUNG NA BDAG GIS SANGS RGYAS THAMS CAD BSLUS PAR 'GYUR RO ZHES BRJOD DE, SH'A RI'I BU BYANG CHUB SEMS DPA' MI 'KHRUGS PA'I RJES SU BSLAB PAR BYA'O, ,SH'A RI'I BU DE LTAR BSLABS NA BYANG CHUB SEMS DPA' SEMS DPA' CHEN PO TSE RABS THAMS CAD DU RAB TU 'BYUNG STE, DE BZHIN GSHEGS PA BYUNG YANG RUNG MA BYUNG YANG RUNG, GDON MI ZA BAR KHYIM GYI GNAS NAS 'BYUNG NGO, ,DE CI'I PHYIR ZHE NA, SH'A RI'I BU 'DI LTAR KHYIM GYI GNAS NAS MNGON PAR 'BYUNG BA 'DI NI BYANG CHUB SEMS DPA' RNAMS KYI RNYED PA'I MCHOG GO, ,DE BZHIN DU SBYAR TE, CHUNG MA DANG BU DANG BU MO LA DE CHAGS PAR MI 'GYUR RO ZHES GSUNGS SO, ,JI LTAR TSE RABS GZHAN DU NYES PA 'DIR MI 'GYUR BA DE LTAR NI 'DI NYID DU 'CHAD PAR 'GYUR BAS DES NA RE ZHIG GZHAG GO, ,DE LTAR SDOM PA YANG DAG PAR BZUNG BA LA LTUNG BA'I MTSAN NYID GANG GIS BRJOD PA'I DNGOS PO BDAG NYID KYIS BRTAGS TE SPONG BA DANG, LTUNG BA'I GZUGS BRNYAN DANG LTUNG BA MA YIN PA'I GZUGS BRNYAN LA RMONGS PAR MI 'GYUR BAR LTUNG BA SPYI'I MTSAN NYID BRJOD DO, ,BYANG CHUB SEMS DPA' SEMS CAN THAMS CAD KYI DA LTAR DANG MA 'ONGS PA'I SDUG BSNGAL DANG YID MI BDE BA THAMS CAD ZHI BAR BYA BA DANG, DA LTAR DANG MA 'ONGS PA'I BDE BA DANG YID BDE BA THAMS CAD BSKYED PA'I PHYIR, G-YO MED PAR LUS DANG NGAG DANG YID BRTZON PAS NAN TAN MI BYED PA DANG, DE'I RKYEN TSOGS PA MI TSOL BA DANG, DE'I BAR DU GCOD PA'I GNYEN PO LA MI 'BAD PA DANG, SDUG @11B BSNGAL BA DANG YID MI BDE BA CHUNG DUS SDUG BSNGAL DANG YID MI BDE BA CHEN PO'I GNYEN POR 'GYUR BA MI SKYED PA DANG, DON CHEN PO SGRUB PA'I PHYIR DON CHUNG NGU NYAMS PAR MI BYED PAS, SKAD CIG GCIG TZAM YANG YAL BAR BOR NA LTUNG BA DANG BCAS PA YIN NO, ,MDOR NA RANG GI NUS PA'I YUL MA YIN PA'I BYA BA RNAMS LA LTUNG BA MED DE, DON DAM PA NYID KYIS DE LA BSLAB PA BCAS PA MED PA'I PHYIR RO, ,GZHAN LA NI RANG BZHIN GYIS KHA NA MA THO BA DANG BCAS PA NYID DU GZUNG BA KHO NA'O, ,RANG GI NUS PA'I SPYOD YUL MA YIN PA GANG ZHIG LA BRTZON PAR BYED NA LTUNG BAR 'GYUR TE; DE NI BSAM MI DGOS PAR SPYIR SDIG PA BSHAGS PA'I NANG DU 'DUS PAS DE LAS GROL BAR 'GYUR RO, ,DE DAG NI MDOR NA, BYANG CHUB SEMS DPA'I BSLAB PA'I KHOG PA YIN TE, RGYAS PAR NI BSKAL PA DPAG TU MED PA MTHA' YAS PAR BSHAD DU YOD DO, ,YANG MDOR NA BYANG CHUB SEMS DPA'I LTUNG BA RNAM PA GNYIS TE, CI NUS PAR RIGS PA DANG MA RIGS PA MA BRTAGS PAR RTZOM PA 'AM RTOG PA 'AM BTANG SNYOMS SU 'JOG PA NI LTUNG BA DANG BCAS PA YIN NO, ,BRTAGS TE GAR 'OS PA LAS 'DA' BAR BYED NA, THA NA GDOL PA'I BRAN GYIS DPYAS NA YANG LTUNG BA DANG BCAS PA YIN NO, ,'DI GANG LAS SHES SHE NA, LHAG PA'I BSAM PA BSKUL BA'I MDO LAS GSUNGS PA LAS SHES TE, BYAMS PA RGYU BZHIS SANGS RGYAS THAMS CAD KYIS GSUNGS PA'I SPOBS PAR RIG PAR BYA'O, ,BZHI GANG ZHE NA, BYAMS PA 'DI LA SPOBS PA DON DANG LDAN PA YIN TE DON MED PA DANG LDAN PA MA YIN PA DANG, CHOS DANG LDAN PA YIN TE CHOS MA YIN PA DANG LDAN PA MA YIN PA DANG, NYON MONGS PA 'BRI BAR BYED PA YIN TE NYON MONGS PA 'PHEL BAR BYED PA MA YIN PA DANG, MYA NGAN LAS 'DAS PA'I YON TAN DANG PHAN YON STON PA YIN TE 'KHOR BA'I YON TAN DANG PHAN YON STON PA MA YIN PA STE 'DI BZHIS SO, ,DE BZHIN DU SBYAR TE BYAMS PA GANG LA LA RGYU 'DI BZHIS SPOBS SAM, SPOBS PAR 'GYUR BA DE LA RIGS KYI BU 'AM RIGS KYI BU MO DAD PA DAG GIS SANGS RGYAS SU 'DU SHES BSKYED PAR BYA'O, ,STON PAR @12A *, ,'DU SHES BYAS TE DAM PA'I CHOS MNYAN PAR BYA'O, ,DE CI'I PHYIR ZHE NA, BYAMS PA GANG CUNG ZAD LEGS PAR SMRAS PA DE THAMS CAD NI SANGS RGYAS KYIS GSUNGS PA YIN NO, ,BYAMS PA DE LA SU SPOBS PA 'DI DAG LA SANGS RGYAS KYIS BSHAD PA MA YIN NO, ,ZHES SPONG BA DANG GANG ZAG DE LA ZHE SDANG BA'I PHYIR, DE DAG LA RI MO MI BYED NA, DES SANGS RGYAS KYIS BSHAD PA'I SPOBS PA THAMS CAD SPANGS PAR 'GYUR RO, ,CHOS SPANGS PAS CHOS KYIS PHONGS PAR 'GYUR BA DANG MTHUN PA'I LAS KYIS NGAN SONG DU 'GRO BAR 'GYUR RO ZHES GSUNGS SO, ,YANG GANG ZHIG GOMS PA'I DON DU 'DI SHES PAR 'DOD PA DES BSLAB PA KUN LAS BTUS PA 'DI LA SPYOD PA'I SGO TZAM BSLAB PA'I PHYIR BRTZON PAR BYAS TE, BSLAB PA LA BRTZON PA 'BRAS BU SHIN TU CHE BA'I PHYIR RO, ,RAB TU ZHI BA'I RNAM PAR NGES PA'I CHO 'PHRUL GYI MDO LAS, 'JAM DPAL GANG GIS, GANG G'A'I KLUNG GI BYE MA SNYED KYI SANGS RGYAS RNAMS LAS, SANGS RGYAS RE RE LA YANG GANG G'A'I KLUNG GI BYE MA SNYED KYI SANGS RGYAS KYI ZHING NOR BU RIN PO CHE DBANG GI RGYAL POS RAB TU BKANG STE DBUL BA PHUL LA DE LTAR 'BUL BAS GANG G'A'I KLUNG GI BYE MA SNYED KYI BSKAL PAR DBUL BA PHUL BA BAS, 'JAM DPAL BYANG CHUB SEMS DPA' GZHAN GANG GIS RNAM PA 'DI LTA BU'I CHOS 'DI THOS NAS PHYOGS GCIG TU SONG STE 'DI LTAR SEMS KYIS MNGON PAR RTOG CING, 'DI LTA BU'I CHOS LA BSLAB PAR BYA'O ZHES SLOB PAR 'DOD NA, DES MA BSLABS SU ZIN KYANG BSOD NAMS CHES MANG DU BSKYED DE, BYANG CHUB SEMS DPA' NOR BU RIN PO CHE DBANG GI RGYAL PO SBYIN PA'I BSOD NAMS NI DE LTA BU MA YIN NO ZHES JI SKAD DU GSUNGS PA BZHIN NO, ,DE BAS NA DE LTA BU'I PHAN YON MTHONG BA'I BYANG CHUB SEMS DPAS CI NAS KYANG PHYIR MI LDOG PAR BYA STE, DE NYID LAS 'JAM DPAL 'DI LTA STE DPER NA, STONG GSUM GYI STONG CHEN PO'I 'JIG RTEN GYI KHAMS KYI RDUL PHRA RAB KYI RDUL SNYED KYI SEMS CAN DE DAG LAS, SEMS CAN RE RE NAS 'DZAM BU'I GLING LA DBANG PA'I RGYAL POR 'GYUR TE, DE DAG THAMS CAD KYIS TSIG 'DI SKAD CES, BDAG @12B CAG GIS GANG THEG PA CHEN PO LEN PA DANG, 'DZIN PA DANG, KLOG PA DANG, KUN CHUB PAR BYED PA DE'I SHA LAS NYI MA RE RE ZHING YANG SRANG LNGA LNGA SEN MOS GCAD PAR BYA STE, DE TSUL DE LTA BUS SROG DANG DBRAL LO ZHES SMRA BA LA, 'JAM DPAL GAL TE BYANG CHUB SEMS DPA' DE DE SKAD SMRA BAS MI SKRAG MI DNGANG DNGANG BAR MI 'GYUR TE, THA NA SKRAG PA'I SEMS GCIG KYANG MI SKYED ZHUM PA MED GANG BA MED THE TSOM MED LA PHYIR ZHING CHOS YONGS SU GZUNG BA LA BRTZON TE, KLOG PA DANG KHA TON BYED PA LA BRTZON PAR 'GYUR BA'I BYANG CHUB SEMS DPA' DE NI, 'JAM DPAL BYANG CHUB SEMS DPA' SBYIN PA LA DPA' BA, TSUL KHRIMS LA DPA' BA, BZOD PA LA DPA' BA, BRTZON 'GRUS LA DPA' BA, BSAM GTAN LA DPA' BA, SHES RAB LA DPA' BA, TING NGE 'DZIN LA DPA' BA ZHES BYA'O, ,'JAM DPAL GAL TE BYANG CHUB SEMS DPA' DE GSOD PA'I MI DE DAG LA MI KHRO ZHING THA BA DANG ZHE SDANG GI SEMS MI SKYED NA, 'JAM DPAL BYANG CHUB SEMS DPA' DE NI TSANGS PA DANG MTSUNGS PA, DBANG PO DANG MTSUNGS PA MI G-YO BA YIN NO ZHES JI SKAD GSUNGS PA BZHIN NO, ,'DI LAS KYANG DA LTAR GYI DUS NA BSLAB PA LA GUS PAR BYED PA 'BRAS BU RNAM PAR SMIN PA CHE BA YIN TE, ZLA BA SGRON MA'I MDO LAS, ,BSKAL PA BYE BA GANG G'A'I BYE SNYED DU, ,SANGS RGYAS DAG NI BYE BA KHRAG KHRIG LA, ,GDUGS DANG BA DAN MAR ME'I PHRENG BA DANG, ,ZAS DANG SKOM GYIS DAD SEMS MCHOD BYAS PAS, ,GANG GIS DAM PA'I CHOS 'DI 'JIG PA'I TSE, ,BDE BAR GSHEGS PA'I BSTAN PA 'GAG PA NA, ,NYIN ZHAG DUS NI BSLAB PA GCIG BZUNG BA, ,DE BAS BSOD NAMS 'DI NI KHYAD PAR 'PHAGS, ,ZHES GSUNGS TE, DE BAS NA BSLAB PA LA GUS PAR BYA'O, ,BCOM LDAN 'DAS KYIS MDO DAG LAS BYANG CHUB SEMS DPA' BSLAB PA'I GZHI RNAMS GSUNGS TE, 'PHAGS PA DKON MCHOG SPRIN LAS, RIGS KYI BU JI LTAR NA BYANG CHUB SEMS DPA' RNAMS BYANG CHUB SEMS DPA'I BSLAB PA'I SDOM PAS BSDAMS PA YIN ZHE NA, 'DI LA BYANG CHUB SEMS @13A *, ,DPA' 'DI LTAR DPYOD DE SO SOR THAR PA'I SDOM PA TZAM GYIS BDAG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR MI NUS KYANG, DE BZHIN GSHEGS PAS GANG 'DI MDO SDE DO DANG DE DAG LAS BYANG CHUB SEMS DPA'I SPYOD PA DANG BYANG CHUB SEMS DPA'I BSLAB PA'I GNAS BCAS PA GANG YIN PA DE DAG LA BDAG GIS BSLAB PAR BYA'O ZHES BYA BA LA SOGS PA RGYA CHER JI SKAD GSUNGS PA LTA BU'O, ,DE LTAR RGYA CHER GSUNGS PAS, BDAG LTA BU BLO ZHAN PAS BYANG CHUB SEMS DPA'I SDOM PA SHES PAR DKA' BAS NA, DE LA JI LTAR BYANG CHUB RIGS SHE NA, ,GANG GIS LTUNG BAR MI 'GYUR BA, ,GNAD KYI GNAS RNAMS 'DIR RIG BYA, ,GNAD KYI GNAS DE DAG KYANG GANG ZHE NA, 'DI LTA STE, ,BDAG GI LUS DANG LONGS SPYOD DANG, ,DGE BA DUS GSUM SKYES PA RNAMS, ,SEMS CAN KUN LA BTANG BA DANG; ,DE BSRUNG DAG PA SPEL BA'O, ,'DI NI BYANG CHUB SEMS DPA'I SDOM PA BSDUS PA YIN TE, 'DI LA BYANG CHUB SEMS DPA' RNAMS BSGOM PA GLOD NA YANG LTUNG BAR 'GYUR BA NI, BYANG CHUB SEMS DPA'I SO SOR THAR PA'I MDO LAS GSUNGS PA BZHIN TE, BYANG CHUB SEMS DPA' SEMS CAN THAMS CAD KYI PHYIR, SDUG BSNGAL ZANG PAR 'GYUR BA'I LAM GANG BZUNG BA DE, BYANG CHUB SEMS DPA' 'DZIN CING GNAS PAS BSKAL PA BYE BA 'DAS NAS, THA NA 'DUG PA TZAM GYIS BDE BA 'DOD PA'I SEMS CIG SKYES NA YANG, DE LA YANG BYANG CHUB SEMS DPAS 'DI LTAR SEMS BSKYED PAR BYA STE, BDAG 'DI LTAR 'DUG PA NI SEMS CAN THAMS CAD LA GNONG SKUR RO ZHES SO, ,'DUL BA YONGS SU DAG PA'I MDO LAS KYANG, 'JAM DPAL GYIS SMRAS PA, LHA'I BU MTSAMS MED PA GANG DAG DANG LDAN NA, BYANG CHUB SEMS DPA' MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BA'I MTSAMS MED PA NI 'DI LTA STE, LNGA GANG ZHE NA, LHA'I BU NAM BYANG CHUB SEMS DPA' LHAG PA'I BSAM PAS BLA NA MED PA YANG DAG PAR RDZOGS PA'I BYANG CHUB TU SEMS @13B BSKYED NAS BAR MA DOR NYAN THOS DANG RANG SANGS RGYAS KYI SAR SEMS MI BSKYED NA LHA'I BU 'DI NI MTSAMS MED PA DANG PO'O, ,BDOG PA THAMS CAD YONGS SU GTANG BAR SEMS BSKYED LA BAR MA DOR SER SNA'I SEMS DANG LHAN CIG MI GNAS PA 'DI NI LHA'I BU MTSAMS MED PA GNYIS PA'O; ,SEMS CAN THAMS CAD BDAG GIS BSKYAB PAR BYA'O ZHES DE LTAR SEMS BSKYED LA BAR MA DOR ZHUM PAR MI BYED PA 'DI NI LHA'I BU MTSAMS MED PA GSUM PA'O, ,CHOS THAMS CAD MA SKYES MA 'GAGS PAR KHONG DU CHUD PAR BYA'O ZHES DE LTAR SEMS BSKYED LA BAR MA DOR LTA BAR GYUR PA'I NANG DU MA LTUNG BA 'DI NI LHA'I BU MTSAMS MED PA BZHI PA'O, ,SKAD CIG MA GCIG DANG LDAN PA'I SHES RAB KYIS CHOS THAMS CAD MNGON PAR RDZOGS PAR 'TSANG RGYA BAR BYA'O ZHES DE LTAR SEMS BSKYED LA THAMS CAD MKHYEN PA NYID MA THOB PAR BAR MA DOR MI 'DUG CING RGYUN MI GCOD PA 'DI NI LHA'I BU MTSAMS MED PA LNGA PA'O ZHES BYA BA'O, ,DE LTA BAS NA LUS DANG LONGS SPYOD DANG BSOD NAMS RGYUN MI 'CHAD PAR GTANG BA DANG BSRUNG BA DANG DAG PA DANG SPEL BA CI RIGS PAR BSGOM PAR BYA'O, ,DE LA RE ZHIG GTANG BA'I PHYIR YONGS SU 'DZIN PA'I NYES PA BSGOM PA'I SGO NAS 'DOD CHAGS DANG BRAL BA BSKYED CING GTONG BA'I PHAN YON YANG BSGOM MO, ,ZLA BA SGRON MA'I MDO LAS JI SKAD DU, ,RUL PAR GYUR PA'I LUS 'DI DANG, ,SROG KYANG G-YO BA DBANG MED CING, ,RMI LAM SGYU MA 'DRA BA LA, ,BYIS PA 'DI DAG CHAGS PAS NA, ,SHIN TU MA RUNGS LAS BYAS TE, ,SDIG PA'I DBANG DU SONG BA DANG, ,MI MKHAS 'CHI BDAG BZHON PAS SONG, ,DE DAG MI BZAD SEMS DMYAL 'GRO, ,ZHES GSUNGS PA BZHIN NO, ,DE SKAD DU SGO MTHA' YAS PA BSGRUB PA'I GZUNGS LAS KYANG, SEMS CAN GANG DAG KHA CIG RTZOD 'GYUR BA; ,DE YI GZHI RTZA YONGS SU 'DZIN PA STE, ,DE LTAS GANG LA SRED PAR 'GYUR BA SPONGS, ,SRED PA SPANGS BA BYAS NA GZUNGS SU 'GYUR, ,ZHES GSUNGS SO, ,BYANG CHUB SEMS DPA'I SO SOR THAR PA LAS KYANG, SH'A RI'I BU GZHAN YANG BYANG CHUB SEMS DPA' NI CHOS @14A *, ,THAMS CAD LA GZHAN GYI 'DU SHES BSKYED DE DNGOS PO CI YANG MI LEN TO, ,DE CI'I PHYIR ZHE NA, LEN PA NI 'JIGS PA YIN NO ZHES GSUNGS SO, ,DRAG SHUL CAN GYIS ZHUS PA LAS KYANG, GANG BYIN PA DE NI YANG BSRUNG BAR BYA BA MA YIN PA'O, ,GANG KHYIM NA GZHAG PA DE NI BSRUNG BAR BYA BA'O, ,GANG BYIN PA DE NI SRID PA ZAD PAR 'GYUR BA'O, ,GANG KHYIM NA GZHAG PA DE NI SRID PA RNAM PAR 'PHEL BA'O, ,GANG BYIN PA DE NI YONGS SU MI 'DZIN PA'O, ,GANG KHYIM NA GZHAG PA DE NI YONGS SU 'DZIN PA DANG BCAS PA'O, ,GANG BYIN PA DE NI 'JIGS PA MED PA'O, ,GANG KHYIM NA GZHAG PA DE NI 'JIGS PA DANG BCAS PA'O, ,GANG BYIN PA DE NI BYANG CHUB KYI LAM NYE BAR STON PA'O, ,GANG KHYIM NA GZHAG PA DE NI BDUD KYI PHYOGS NYE BAR STON PA'O, ,GANG BYIN PA DE NI ZAD MI SHES PA'O, ,GANG KHYIM NA GZHAG PAR GYUR PA DE NI ZAD PAR GYUR PA'O, ,GANG BYIN PA DE NI BDE BA'O, ,GANG KHYIM NA GZHAG PA DE NI KUN BSRUNG DGOS PAS SDUG BSNGAL BA'O, ,GANG BYIN PA DE NI NYON MONGS PA SPONG BAR 'GYUR BA'O, ,GANG KHYIM NA GZHAG PA DE NI NYON MONGS PA 'PHEL BAR BYED PA'O, ,GANG BYIN PA DE NI LONGS SPYOD CHEN POR 'GYUR BA'O, ,GANG KHYIM NA GZHAG PA DE NI LONGS SPYOD CHEN POR MI 'GYUR BA'O, ,GANG BYIN PA DE NI SKYES BU DAM PA'I LAS SO, ,GANG KHYIM NA GZHAG PA DE NI SKYES BU DAM PA'I LAS SO, ,GANG BYIN PA DE NI SANGS RGYAS THAMS CAD KYIS BSNGAGS PA'O, ,GANG KHYIM NA GZHAG PA DE NI BYIS PA'I SKYE BOS BSNGAGS PA'O ZHES BYA BA NAS, GAL TE DES BU LA LHAG PAR SDUG PA BSKYED LA DE BZHIN DU SEMS CAN GZHAN LA MA YIN NA DES SBYO BA GSUM GYIS RANG GI SEMS LA SPYO BAR BYA STE, GSUM GANG ZHE NA, BYANG CHUB NI SEMS SNYOMS NGA'I BYANG CHUB SEMS DPA' YIN GYI SEMS ME SNYOMS PA'I MA YIN NO, ,BYANG CHUB NI YANG DAG PAR SBYOR BA'I BYANG CHUB SEMS DPA' YIN GYI LDOG PAR SBYOR BA NI MA YIN NO, ,BYANG CHUB NI THA DAD PA MED PAR SPYOD PA'I BYANG CHUB SEMS DPA' YIN GYI THA DAD DU SPYOD PA NI MA YIN PA STE SBYO BA GSUM PO 'DI DAG GIS RANG GI SEMS @14B LA SBYOS NAS, BU DE LA MI SDUG PA'I 'DU SHES BSKYED PAR BYA'O, ,'DI NI MI SDUG PA STE, BDAG GI SNYING DU SDUG PA YIN NA, GANG BDAG GIS DE'I DON DU BU DE LA NI LHAG PAR SDUG PA BSKYED LA SEMS CAN GZHAN LA NI DE LTA MA YIN PAS SANGS RGYAS KYIS BKA' STZAL PA'I BSLAB PA DANG 'GAL BAR 'GYUR RO, ,BDAG GIS DE'I PHYIR DGE BA'I RTZA BA LA YANG GNOD PA BYAS SROG LA YANG BAG MED DE GNOD PAR 'GYUR BAS 'DI NI BDAG LA GNOD PAR BYED PA'O, ,BDAG DE'I PHYIR BYANG CHUB KYI LAM DANG MI MTHUN PA'I LAM LA SPYOD PAS, 'DI NI BDAG LA PHYIR RGOL BA'O SNYAM DU 'DU SHES GSUM PO DE DAG BSKYED PAR BYA'O, ,DES BU DE RGYUR BYAS TE, JI LTA JI LTA BUR BU DE LA SDUG PAR SEMS PA DANG LDAN PA BZHIN DU SEMS CAN THAMS CAD LA BYAMS PA BSKYED PA DANG, BDAG PHANGS PAR SEMS PA DANG LDAN PA BZHIN DU BYAMS PA BSKYED PA, DE LTA DE LTA BUR DE SEMS BSKYED PAR BYA'O, ,DE YANG 'DI LTAR 'DI YANG GUD NAS 'ONGS LA BDAG KYANG GUD NAS 'ONGS MOD KYI SEMS CAN THAMS CAD KYANG SNGON BDAG GI BUR GYUR LA BDAG KYANG SEMS CAN THAMS CAD KYI PUR GYUR TE, 'DI LA NI BDAG GI 'AM GZHAN GYI 'AM SU'I SEMS CAN GANG YANG MED DO SNYAM DU TSUL BZHIN DU BRTAG PAR BYA'O, ,KHYIM BDAG DE LTAR BYANG CHUB SEMS DPAS DNGOS PO GANG LA YANG BDAG GI SNYAM DU YONGS SU GZUNG BAR MI BYA CHAGS PAR MI BYA'O, ,G-YO DANG SRED PA'I BAG LA NYAL MI BYA'O, ,KHYIM BDAG GAL TE BYANG CHUB SEMS DPA' KHYIM PA'I DRUNG DU SLOB PA 'ONGS LA, DNGOS PO ZHIG BSLANGS PA LAS, GAL TE DES DNGOS PO MA BTANG NA, DES 'DI LTAR DNGOS PO 'DI BTANG YANG RUNG MA BTANG YANG RUNG STE, BDAG NI DNGOS PO 'DI DANG GDON MI ZA BAR 'BRAL BAR YANG GYUR TE, MI 'DOD BZHIN DU 'CHI BAR YANG 'GYUR ZHING DNGOS PO 'DIS BDAG 'DOR, BDAG GIS KYANG DNGOS PO 'DI 'DOR GYIS, DNGOS PO 'DI BTANG LA YID DGA' BA DANG, SNYING PO BLANGS TE 'CHI BA'I DUS BYA'O, ,'DI YONGS SU BTANG NA BDAG 'CHI BA'I DUS KYI TSE SEMS KUN NAS ZIN TE GNAS PAR MI 'GYUR TE, 'DIS NI @15A *, ,BDAG 'CHI BA'I DUS KYI TSE DGA' BA DANG MCHOG TU DGA' BA DANG RANGS PA DANG 'GYOD PA MED PA SKYE BAR 'GYUR SNYAM DU SEMS NGES PAR BSAM PAR BYA'O, ,GAL TE DE LTAR BSAMS KYANG, DNGOS PO DE GTONG MA NUS NA DES SLONG BA LA KUN GO BAR BYA BA GSUM GYIS GO BAR BYA STE, BDAG NI DA DUNG MTHU CHUNG ZHING DGE BA'I RTZA BA YONGS SU MA SMIN TE, THEG PA CHEN PO LA LAS DANG PO BA DANG BDAG NI MA GTONG BA LA SEMS KYI DBANG DU GYUR PA DANG BDAG NYID NI NYE BAR LEN PA'I LTA BA DANG BCAS PA DANG BDAG TU 'DZIN PA DANG BDAG GIR 'DZIN PA LA GNAS PA LAGS KYI, SKYES BU DAM PA BZOD PAR MDZAD CING YONGS SU GDUNG BAR MI MDZAD DU GSOL, JI LTAR KHYOD DANG SEMS CAN THAMS CAD KYI BDAM PA YONGS SU RDZOGS PAR 'GYUR BA DE LTAR BDAG GIS BGYI'O, ,DE LTAR BSGRUB PO, ,DE LTAR BRTZON 'GRUS BRTZAM MO ZHES KHYIM BDAG DE LTAR BYANG CHUB SEMS DPA' KHYIM PAS SLONG BA LA KUN GO BAR BYA BA GSUM GYIS GO BAR BYA'O ZHES GSUNGS SO, ,SLONG BA LA KUN GO BAR BYED PA 'DI YANG BYANG CHUB SEMS DPA' DE LA MA DAD PA'AM BYANG CHUB SEMS DPA' LA SLONG BA MA DAD PAR GYUR PA'I NYES PA GZHAN SPANG BA'I PHYIR GSUNGS PAR ZAD KYI, SER SNA'I KHA NA MA THO BA MED PA NI MA YIN TE, BCOM LDAN 'DAS KYIS BYANG CHUB SEMS DPA' RNAMS LA 'DI SMOD DO, ,BYANG CHUB SEMS DPA'I SO SOR THAR PA LAS JI SKAD DU, SH'A RI'I BU CHOS 'DI BZHI NI BYANG CHUB SEMS DPA' RNAMS LA MED DO, ,BZHI GANG ZHE NA, BYANG CHUB SEMS DPA' RNAMS LA G-YO MED DO, ,BYANG CHUB SEMS DPA' RNAMS LA SER SNA MED DO, ,BYANG CHUB SEMS DPA' RNAMS LA PHRAG DOG DANG PHRA MA MED DO, ,BYANG CHUB SEMS DPA' RNAMS LA BDAG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR MI NUS SNYAM PA'I ZHUM PA'I SEMS MED DO, ,SH'A RI'I BU GANG LA CHOS BZHI PO 'DI DAG YOD PA DE LA NI MKHAS PA RNAMS KYIS, KYE MA'O 'DI NI TSUL 'CHOS PA'O, ,KYE MA'O 'DI NI KHA GSAG CAN NO, ,KYE MA'O 'DI NI CHOS LAS NYAMS PA'O, ,KYE MA'O 'DI NI KUN NAS NYON MONGS PA'I @15B CHOS CAN NO, ,KYE MA'O 'DI NI 'JIG RTEN GYI ZANG ZING LHUR BYED PA'O, ,KYE MA'O 'DI NI ZAS DANG GOS CHED CHER BYED PA'O ZHES RIG PAR BYA'O, ,SH'A RI'I BU DE BZHIN DU BYANG CHUB SEMS DPA' RNAMS NI SEMS DPA' BA YIN TE, LAG PA'I BAR DU YONGS SU GTONG BA YIN, RKANG PA YONGS SU GTONG BA DANG, SNA YONGS SU GTONG BA DANG, MGO YONGS SU GTONG BA DANG, YAN LAG DANG NYING LAG YONGS SU GTONG BA DANG, BU YONGS SU GTONG BA DANG, BU MO YONGS SU GTONG BA DANG, CHUNG MA YONGS SU GTONG BA DANG, DGA' BA YONGS SU GTONG BA DANG, NOR YONGS SU GTONG BA DANG; BDE BA YONGS SU GTONG BA DANG, KHYIM YONGS SU GTONG BA DANG, GNAS YONGS SU GTONG BA DANG, YUL YONGS SU GTONG BA DANG, RIN PO CHE YONGS SU GTONG BA DANG, BDOG PA THAMS CAD YONGS SU GTONG BA YIN NO ZHES GSUNGS PA BZHIN NO, ,DE SKAD DU SRED MED KYI BUS ZHUS PA LAS KYANG, DNGOS PO GANG LA DE GTONG BA'I SEMS MI SKYE BA DANG GTONG BA'I BLO MI 'JUG PA'I DNGOS PO DE BSREL BAR MI BYA'O, ,YONGS SU 'DZIN PA GANG LA SPANG PA'I SEMS MI SKYE PA'I, YONGS SU 'DZIN PA DE YONGS SU GZUNG BAR MI BYA'O, ,GANG SLONG BA DE DAG GIS BSLANGS NA YONGS SU GTONG BA'I BLO SKYE BAR 'GYUR BA'I G-YOG DE LTA BU BCANG BAR MI BYA'O, ,RGYAL SRID DE GZUNG BAR MI BYA'O, ,LONGS SPYOD DE DAG DANG RIN PO CHE DE DAG BCANG BAR MI BYA'O, ,DNGOS PO GANG LA BYANG CHUB SEMS DPA' YONGS SU MI GTONG BA'I BLO SKYE BAR 'GYUR BA YIN NA, NOR GYI DNGOS PO GANG YANG RUNG BA'I BAR DU BCANG BAR MI BYA'O, ,RIGS KYI BU BYANG CHUB SEMS DPA' SEMS DPA' CHEN POS 'DI LTAR SEMS BSKYED PAR BYA STE, BDAG GI LUS 'DI YANG SEMS CAN THAMS CAD LA BYIN ZHING YONGS SU BTANG NA, PHYI ROL GYI DNGOS PO RNAMS LTA CI SMOS TE, SEMS CAN GANG DANG GANG LA CI DANG CI DGOS PAR 'GYUR BA DE DANG DE DAG LA DE DANG DE SBYIN NO, ,YOD DE YOD NA LAG PA 'DOD PA LA LAG PA SBYIN NO, ,RKANG PA 'DOD PA LA RKANG PA, MIG 'DOD PA LA MIG SBYIN NO, ,SHA 'DOD PA LA SHA, ,KHRAG 'DOD PA LA KHRAG, ,RKANG 'DOD PA LA RKANG, YAN @16A *, ,LAG DANG NYING LAG 'DOD PA LA YAN LAG DANG NYING LAG ,MGO 'DOD PA LA MGO YONGS SU BTANG STE, PHYI ROL GYI DNGOS PO DAG 'DI LTA STE, NOR DANG 'BRU DANG GSER DANG DNGUL DANG RIN PO CHE DANG RGYAN DANG RTA DANG GLANG PO CHE DANG SHING RTA DANG BZHON PA DANG GRONG DANG GRONG KHYER DANG GRONG RDAL DANG LJONGS DANG RGYAL SRID DANG YUL 'KHOR DANG RGYAL PO'I PHO BRANG 'KHOR DANG YUL 'KHOR DANG TSONG DUS DANG BRAN PHO SMOS DANG LAS BYED PA DANG ZHO SHAS 'TSO BA DANG BU DANG BU MO DANG G-YOG RNAMS LTA CI SMOS TE, SEMS CAN GANG DANG GANG LA GANG DANG GANG GIS CI DANG CI DGOS PAR 'GYUR PA, SEMS CAN DE DANG DE DAG LA DE DANG DE YOD PA SBYIN NO, ,CI NAS SEMS CAN 'DI DAG YONGS SU BSDUS PAS, BDAG BYANG CHUB THOB PA'I CHOS SHES PAR 'GYUR RO SNYAM NAS, SEMS CAN LA PHAN GDAGS PA DANG SEMS CAN LA SNYING RJE BA DANG SEMS CAN LA SNYING BRTZE BA'I PHYIR, 'GYOD PA MED CING MYA NGAN DU MI BYED PA DANG, RNAM PAR SMIN PA LA RE BA MED PAR YONGS SU GTONG NGO, ,CHAGS PA MED PAR SBYIN NO, ,DE BZHIN DU SBYAR TE, RIGS KYI BU DPER NA, RTZI'I SDONG PO NI RTZA BA NAS BLANGS KYANG RUNG, SDONG PO LAS BLANGS KYANG RUNG, YAL GA LAS BLANGS KYANG RUNG; SHUN LBAGS LAS BLANGS KYANG RUNG, LO MA LAS BLANGS KYANG RUNG, ME TOG DANG 'BRAS BU DANG SNYING PO LAS BLANGS KYANG RUNG STE, DE 'DI LTAR BDAG RTZA BA NAS BLANGS SO, ,BDAG GI RTZA BA NAS BLANGS SO, ,BDAG GI SNYING PO'I BAR DU BLANGS SO SNYAM DU RNAM PAR RTOG PA MI 'BYUNG MOD KYI, RNAM PAR RTOG PA MED BZHIN DU SEMS CAN RAB 'BRING THA MA RNAMS KYI NAD MED PAR BYED DO, ,RIGS KYI BU DE BZHIN DU BYANG CHUB SEMS DPA' SEMS DPA' CHEN POS KYANG 'BYUNG BA CHEN PO BZHI'I LUS 'DI LA RTZI'I SDONG PO BZHIN DU 'DU SHES BSKYED CING SEMS CAN GANG DANG GANG DAG LA CI DANG CI DGOS PA KHYER TE, LAG PA 'DOD NA LAG PA RKANG PA 'DOD NA RKANG PA KHYER CIG CES SNGA MA BZHIN DU GSUNGS SO, ,'PHAGS PA BLO GROS MI ZAD PA'I MDO LAS KYANG, LUS 'DI BDAG GIS SEMS CAN THAMS CAD KYI BYA BA CI YOD PA DE LA DEBS PAR @16B BYA STE; DPER NA SA'I KHAMS DANG CHU'I KHAMS DANG ME'I KHAMS DANG RLUNG GI KHAMS DANG 'BYUNG BA CHEN PO BZHI PO 'DI DAG SGO SNA TSOGS DANG RNAM GRANGS SNA TSOGS DANG DMIGS PA SNA TSOGS DANG YO BYAD SNA TSOGS DANG LONGS SPYOD SNA TSOGS KYIS SEMS CAN RNAMS NYE BAR LONGS SPYOD PAR BYED PA DE BZHIN DU, BDAG GIS KYANG 'BYUNG BA CHEN PO BZHI'I KHOG PA'I LUS 'DI SGO SNA TSOGS DANG RNAM GRANGS SNA TSOGS DANG DMIGS PA SNA TSOGS DANG YO BYAD SNA TSOGS DANG LONGS SPYOD SNA TSOGS KYIS RGYA CHER SEMS CAN THAMS CAD NYE BAR 'TSO BAR BYA'O SNYAM STE, DE DON GYI DBANG 'DI MTHONG BAS, LUS SDUG BSNGAL BAR YANG SO SOR RTOG LA SEMS CAN LA BLTA BA'I PHYIR LUS SDUG BSNGAL BAS KYANG YONGS SU MI SKYE'O ZHES BSTAN TO,, ,,BAM PO GNYIS PA, BDAG DANG LONGS SPYOD DANG BSOD NAMS BTANG BA NI, 'PHAGS PA RDO RJE RGYAL MTSAN GYI MDO LAS GSUNGS SO; ,DE LTAR BYANG CHUB SEMS DPA' BDAG NYID SEMS CAN THAMS CAD LA GTONG BA NI, DGE BA'I RTZA BA THAMS CAD KYIS PHAN 'DOGS PAS SEMS CAN THAMS CAD LA DGE BA'I RTZA BA DAG GIS SEMS PAR BYED PA DANG, BDAG NYID MAR ME DANG 'DRA BAR SEMS CAN THAMS CAD LA NYE BAR GZHAG PA DANG, BDAG NYID BDE BA DANG 'DRA BAR SEMS CAN THAMS CAD LA BYIN GYIS BRLABS PA DANG, BDAG NYID CHOS KYI SKYE GNAS DANG 'DRA BAR 'GRO BA THAMS CAD YANG DAG PAR 'DZIN PA DANG, BDAG NYID SNANG BA DANG 'DRA BAR SEMS CAN THAMS CAD KYI RJES SU 'GRO BA DANG, BDAG NYID 'GRO BA THAMS CAD KYI GZHIR 'GRO BA DANG, BDAG NYID DGE BA'I RTZA BA'I RKYEN DU GYUR PAR MTHONG BA DANG, BDAG NYID 'GRO BA THAMS CAD KYI RJES SU 'GRO BA DANG, BDAG NYID MDZA' BO DANG 'DRA BAR SEMS CAN THAMS CAD LA NYE BAR SBYOR BA DANG, BDAG NYID SEMS CAN THAMS CAD LA LAM DANG 'DRA BAR STON PA DANG, BDAG NYID SEMS CAN THAMS CAD KYI BLA NA MED PA'I BDE BA'I YO BYAD DU YONGS SU SBYOR BA DANG, BDAG NYID NYI MA DANG 'DRA BAR 'JIG RTEN KUN DU MTSUNGS PAR BYED PA DANG SEMS CAN THAMS CAD LA BDAG NYID DE LTA BU'I CHOS DANG LDAN PAR RAB TU SBYIN PAR BYED PA DANG, @17A *, ,'JIG RTEN THAMS CAD NA BDAG NYID CI 'DOD PA BZHIN DU BYA BA LA DBANG DU GYUR PAR MTHONG BAS 'JIG RTEN KUN TU BDAG NYID MCHOD RTEN GYI MCHOG TU 'GYUR BAR BYA STE BDAG NYID 'GRO BA THAMS CAD KYI MCHOD RTEN DU MTHONG BA DANG, 'JIG RTEN KUN DU SEMS MNYAM PAR BSGRUB PA DANG, BDAG NYID 'GRO BA KUN DU YO BYAD THAMS CAD KYI MU STEGS SU MTHONG BA DANG, BDAG NYID 'JIG RTEN THAMS CAD LA BDE BA SBYIN PAR SO SOR RTOGS PA DANG, BDAG NYID 'GRO BA KUN GYI SBYIN BDAG TU MOS PA DANG, BDAG NYID 'JIG RTEN KUN GYI SHES PA DANG 'DRA BAR BYAS PA DANG, BDAG NYID BYANG CHUB SEMS DPA'I SPYOD PA DANG LDAN PAR BSKYED PA DANG, BDAG NYID JI SKAD SMRAS PA DE BZHIN DU BYED PA LA 'JUG PA DANG, BDAG NYID THAMS CAD MKHYEN PA'I GO CHA BGOS PAR SO SOR RTOGS PA DANG SNGON MGRON DU GNYER BA'I SEMS CAN RJES SU SKYONG BA DANG, BDAG NYID NAN TAN LA GNAS PAR BYED PA DANG, BYANG CHUB SEMS DPA'I GTONG BA'I SEMS YID LA BYED CING SEMS CAN THAMS CAD LA BDAG NYID SKYED MOS TSAL DANG 'DRA BAR LTA BA DANG, 'JIG RTEN THAMS CAD LA BDAG NYID CHOS KYI DGA' BA DANG 'DRA BAR STON PA DANG; BDAG NYID SEMS CAN THAMS CAD LA YID BDE BA SBYIN PA NYID DU GNAS PA DANG, BDAG NYID DGA' BA MTHA' YAS PA BSKYED PAR 'GRO BA THAMS CAD LA GTONG ZHING 'JIG RTEN KUN DU BDAG NYID DKAR PO'I CHOS SKYE BA'I SGO LTA BUR YONGS SU 'DZIN PA DANG, BDAG NYID SEMS CAN THAMS CAD LA SANGS RGYAS KYI BYANG CHUB SBYIN PAR SMON LAM 'DEBS PA DANG, SKYE DGU THAMS CAD LA BDAG NYID PHA DANG 'DRA BAR 'JUG PA DANG, SEMS CAN GYI KHAMS THAMS CAD DU YO BYAD THAMS CAD MA TSANG BA MED PAR BYA BA'I PHYIR BDAG NYID RAB TU GNAS PAS YIN NO, ,DE LTAR BYANG CHUB SEMS DPA' BDAG NYID G-YOG TU SBYIN PAR BYED PA NA, SLONG BA DAG LA DGA' BA YID LA BYED PA'I SEMS DANG LDAN PA, SA LA STAN 'DING BA'I STAN LTA BU'I SEMS DANG LDAN PAR BYA STE, SA DANG 'DRA BAR SDUG BSNGAL THAMS CAD BZOD PA YID LA BYED PA BSGRUB CING, SEMS @17B CAN THAMS CAD KYI RIM GRO BYA BA LA NGAL BA MED PA'I YID DANG LDAN PA, BYIS PA'I SKYE BOS SBYAR BA'I NYES BYAS DANG DU BLANG BA LA BRTAN ZHING SRAN THUB PA'I RANG BZHIN CAN LEGS PAR GNAS PA'I DGE BA'I RTZA BA LA MNGON PAR BRTZON ZHING SEMS CAN GYI KHAMS THAMS CAD KYI RIM GRO BYA BA LA RAB TU ZHUGS PAS YIN NO, ,SLONG BA 'ONGS PA DAG LA RNA BA 'AM SNA YONGS SU GTONG BA NA, BYANG CHUB SEMS DPA'I SPYOD PAS ZIN CING DE BZHIN GSHEGS PA'I RIGS KYIS RIGS MTHO BA LAS BYUNG BA'I SEMS DANG LDAN PA DANG BYANG CHUB SEMS DPA' THAMS CAD RJES SU DRAN PA'I GNAS PA LAS BYUNG BA DANG, 'JIG RTEN GSUM PO THAMS CAD SNYING PO MED PA LAS SNYING POR RTOG PA DANG, RANG GI LUS LA MA CHAGS PA'I RGYU DANG LDAN PA DANG, GNAS MED PA'I SANGS RGYAS KYI CHOS THAMS CAD KYI RJES SU DRAN PA LA GNAS PA DANG, SNYING PO MED PA'I LUS LAS SNYING PO BLANG BA'I BSAM PA DANG LDAN PAS YIN NO, ,DE LTAR BYANG CHUB SEMS DPA' LCE BLANGS MA THAG TU TSIG 'JAM ZHING DGA' BAR 'GYUR BA BYAMS PAR SPYOD PA'I SEMS KYIS RGYAL PO LA 'OS PA'I SENG GE'I KHRI BZANG PO LA BZHAG NAS, SLONG BA DE LA MNGON PAR SMRA STE, SEMS MA KHROS PAR BYAS, SEMS MA SMAS PA DANG, SEMS MA NYAMS PA DANG, SEMS BDAG NYID CHEN PO'I RIGS KYIS MTHO BA DANG, SEMS SANGS RGYAS KYI GDUNG LAS BYUNG BA DANG, SEMS MA RNYOGS PA'I RGYUD DANG MTHU STOBS CHEN PO BSKYED PA DANG, SEMS LUS LA MA CHAGS PA DANG, SEMS KHA BZHIN LA MNGON PAR MA ZHEN CING, PUS MO'I LHA NGA BTZUGS PA'I LUS SU BYAS TE, RANG GI KHA NAS LCE PHYUNG LA SLONG BA'I LUS LA GTAD DE TSIG 'JAM ZHING MNYEN LA DGA' BAR 'GYUR BA BYAMS PA NYE BAR SPYOD PA 'BYIN CING, KHYOD NGA'I LCE KHYER LA JI LTAR KHYOD DGA' BAR 'GYUR BA DANG, YID DGA' BA DANG; YID BDE BA DANG, RAB TU DGA' ZHING RANGS PA DANG, MOS PA SKYE BAR 'GYUR BAR CI 'DOD PA BZHIN GYIS SHIG CES ZER RO, ,DE MGO YONGS SU GTONG BA NA CHOS THAMS CAD KYI MCHOG MGO LTA BU'I YE SHES LA 'JUG CING, SEMS CAN THAMS CAD KYI YONGS SU BSKYAB PA'I MGOS @18A *, ,BYANG CHUB KHONG DU CHUD PAR BYED PA DANG, 'GRO BA THAMS CAD KYI MCHOG DPE MED PA'I YE SHES MGO LTA BU MNGON PAR 'DOD PA DANG, KUN MKHYEN PA'I MGO THOB PA, YE SHES KYI RGYAL PO LA MOS PAR BYED PA DANG, CHOS THAMS CAD KYI DBANG PHYUG GI MGO MTHA' YAS PA YONGS SU RDZOGS PAR 'DOD CING, SLONG BA MTHA' YAS PA DGA' BAS YONGS SU KHYAB PA'I SEMS KYIS YIN NO, ,DE LTAR BYANG CHUB SEMS DPA' SLONG BA DAG LA LAG PA DANG RKANG PA YONGS SU GTONG BA NA DAD PA'I LAG PA DANG LDAN PA DANG, RJES SU PHAN 'DOGS PAR SPYOD PA DANG, BYANG CHUB SEMS DPA'I RTZAL GYIS GTONG BA'I LAG PA BRKYANG ZHING, SBYIN PA LA MNGON PAR DGA' BAR LAG PA YONGS SU GTONG BA DANG, RTEN CHEN PO LA RKANG PA 'DOR BA DANG BYANG CHUB SEMS DPA'I SPYOD PA LA MOS PA DANG, CHOR BAS MA NYAMS PA'I SBYIN PA'I MTHUS SEMS BSKYED PA DRI MA MED PAR GNAS SHING, YE SHES YONGS SU DKRIS PA MED PA DANG, CHOS KYI LUS RGYUN MI 'CHAD PA MI SHIGS PA MI CHOD PA'I LUS DANG LDAN PA, BDUD THAMS CAD KYIS MI BSKYOD PA, SEMS DGE BA'I BSHES GNYEN GYIS NYE BAR BRTAN ZHING 'PHEL BA, BYANG CHUB SEMS DPA' THAMS CAD DANG, SPYOD PA GCIG TU GNAS SHING GTONG BA GCIG PUS NGES PAR 'BYUNG BAS YIN NO, ,DE LTAR BYANG CHUB SEMS DPA' RANG GI LUS DRAL TE SLONG BA DAG LA KHRAG 'BYIN PA NA, BYANG CHUB KYI SEMS KYIS RAB TU DGA' BA DANG, SEMS BYANG CHUB KYI SPYOD PA 'DOD PA DANG, SEMS TSOR BAS YONGS SU MA ZIN PA DANG, SEMS SLONG BA THAMS CAD 'DOD PA DANG, SEMS YONGS SU LEN PA THAMS CAD LA MI SDANG BA DANG, SEMS BYANG CHUB SEMS DPA'I GTONG BA'I LAM THAMS CAD DU ZHUGS PA DANG, SEMS RANG GI LUS LA MI LTA ZHING MI LDOG LA RGYUN MI 'CHAD PAS RANG GI LUS KYI KHRAG SBYIN PAR BYED DO, ,YE SHES KYI SKYE MCHED KYI SEMS THEG PA CHEN PO LA ZHUGS PA, YID CHES PA DANG, YID 'DOD PA DANG, YID TSIM PA DANG, YID RANGS PA DANG, YID MGU BA DANG, YID DGA' BA DANG, YID BDE BA DANG, YID DANG BAR GYUR TE, @18B RAB TU DGA' ZHING MOS PA DANG, RANGS PA DANG, YID BDE BA SKYES PAS YIN NO, ,SLONG BA RNAMS LA RANG GI LUS LAS SHA YONGS SU GTONG BA NA DGE BAR GTONG STE, SLONG BAR 'DOD PA'I TSIG GIS KHYED NGA'I LUS LAS SHA DANG RKANG CIG DGOS PA SBYIN, KHYER CIG CES SLONG BA DE DAG LA SMRA ZHING; DGA' BA MTSUNGS PA MED PA RNAM PAR SPEL BA'I GTONG BA'I SEMS DANG, BYANG CHUB SEMS DPA' MKHAS PA'I TSOGS KYIS BSTEN PA'I DGE BA'I CHOS THAMS CAD KYI GROGS SU GYUR PA DANG, 'JIG RTEN GYI DRI MA BSAL BA'I LHAG PA'I BSAM PA MCHOG RAB DANG, BYANG CHUB SEMS DPA'I MNYAM PA NYID KYIS ZIN PA'I SBYIN PA RTZOM PA CHEN PO YID KYIS 'DOD PAR GYUR PA DANG, SLONG BA THAMS CAD YI MI CHAD PAR SBYIN PA BTANG BA'I DNGOS PO DAG GIS SHIN TU SO SOR BRTAGS PA'I LAS KYI RNAM PAR SMIN PA'I RKYEN DANG, 'JIG RTEN GYI KHAMS THAMS CAD MNGON DU 'GYUR BA'I SANGS RGYAS KYI ZHING GI RGYAN BKOD PA'I MCHOD PA DANG, 'GRO BA THAMS CAD LA MNGON DU PHYOGS PA'I SNYING RJE CHEN POS YONGS SU SKYOB PA DANG, SANGS RGYAS KYI BYANG CHUB MNGON DU GYUR PA'I STOBS BCU RNAM PAR SPYOD PA DANG, 'DAS PA DANG MA 'ONGS PA DANG DA LTAR BYUNG BA'I BYANG CHUB SEMS DPA' THAMS CAD MNGON DU GYUR PA'I DGE BA'I RTZA BA GCIG GIS RIM GROR BYA BA DANG, MI 'JIGS PA THAMS CAD MNGON DU GYUR PA'I KHYU MCHOG DANG SENG GE'I SGRAR SGROGS PA DANG, DUS GSUM MNGON DU GYUR PA'I DUS THAMS CAD MNYAM PA NYID DU SHES PA DANG, 'JIG RTEN THAMS CAD MNGON DU GYUR PA PHYI MA'I MTHA'I MUR THUG PA'I BSKAL PAR BRTZON PA'I BYANG CHUB SEMS DPA'I SMON LAM DANG, YONGS SU YI MA CHAD PA MNGON DU GYUR PA'I MI SKYO BA'I SEMS BSKYED PAS YIN NO, ,BYANG CHUB SEMS DPA' SLONG BA DAG LA RANG GI SNYING GTONG BA NA, SEMS SBYIN PA'I RIGS LA BSLABS PA DANG, SEMS PHA ROL TU PHYIN PA LA SGRUB PA DANG, SEMS BYANG CHUB SEMS DPA'I SBYIN PA THAMS CAD LA MI RGOD PAR SHIN TU GNAS PA DANG, SEMS RTEN DU GYUR BAS SLONG BA THAMS CAD LA RI MOR BYED PA DANG, LHAG PA'I BSAM PA YONGS SU SBYONG BA DANG @19A *, ,'GRO BA THAMS CAD YONGS SU SMIN PAR BYA BA'I PHYIR SMON LAM CHEN PO LA ZHUGS PA DANG, BYANG CHUB SEMS DPA'I SPYOD PA LA GNAS PA DANG, THAMS CAD MKHYEN PA NYID LA 'JUG CING SMON LAM MA BTANG BAS YIN NO, ,DE SLONG BA DAG LA RGYU MA DANG, MKHAL MA DANG; MCHIN PA DANG, GLO BA SBYIN PA NI, SLONG BA LA RAB TU DANG BA DANG, DGA' BA'I RNAM PA'I MIG DANG, BYANG CHUB SEMS DPA' LAS BYUNG BA'I BYAMS PA DANG, MING LA BA'I YID LA BYED PA'I GTONG BA DANG, SNYING PO ME DPA'I LUS LAS LEGS PAR BRTAGS PA'I SNYIN PO LEN PA'I SEMS DANG, MTHAR DUR KHROD DU 'GRO BAR LUS RJES SU DRAN PA'I YID LA BYED PA DANG, LUS GZHAN LA RAG LAS PAR YID LA BYA BA DANG, MI RTAG PA NYID KYIS ZIN PA'I LUS DANG, GZHAN GYI ZAS SU SEMS PAS LUS LA SBYANG KI DANG, CE SBYANG DANG, WA DANG, KHYI'I ZAS SU RTOG CING, DE LTAR CHOS YID LA BYED PA LA ZHUGS PA'I BYANG CHUB SEMS DPA', SLONG BA DE DAG LA MIG MI 'DZUMS SHING SEMS 'DI LTAR BSKYED DE, GAL TE BDAG GIS SLONG BA 'DI LA LUS LAS RGYU MA DANG, MKHAL MA DANG, MCHIN PA DANG, GLO BA BYIN KYANG RUNG GAL TE MA BYIN KYANG RUNG STE, MTHAR TSE ZAD NA 'DI NI MI RTAG STE THA MA DUR KHRONG DU 'GRO'O ZHES DE LTAR YID LA BYED PAR TSIM PAR BYED PA'I RGYUD DANG, DE LTA BU'I CHOS SHES PA'I BSAM PA DANG, DGE BA'I BSHES GNYEN GYI 'DU SHES SU GNAS PAS SLONG BA LA LTA BA DANG, SNYING PO MED PA'I LUS LAS SNYING PO LEN 'DOD PA YIN NO, ,CHOS 'DOD PAS RANG GI SHA SEN MO DANG BCAS PA GTONG BA NA YANG, DE LTAR DGE BA'I RTZA BA YONGS SU SNGO BAR BYED DO, ,LUS BTANG BA BYAS NAS, LONGS SPYOD DANG BSOD NAMS BTANG BA NI DE NYID LAS BYUNG BA, DE LTAR BYANG CHUB SEMS DPA' SBYIN GNAS DANG LEN PA SNA TSOGS PHYOGS GZHAN DANG GZHAN NAS 'ONGS PA'I GANG ZAG DANG, SLONG BA PHONGS PA DANG BKREN PA MANG PO TSAD MED PA BYANG CHUB SEMS DPA'I SGRA THOS TE 'ONGS PA DANG, BYANG CHUB SEMS DPA' LA RE BA'I SKABS KYIS 'ONGS PA DANG, BYANG CHUB SEMS DPA'I SBYIN @19B PA DANG SNGON GYI SMON LAM THOS PA RNAMS DANG, BYANG CHUB SEMS DPA'I SBYIN PA DANG SMON LAM GYI SEMS KYIS MGRON DU GNYER BA RNAMS DANG, THAMS CAD GTONG DU RE BA'I YID CAN RNAMS 'ONGS PA MTHONG NAS, SLONG BA LA RI MOR BYA BAS MI NGOMS PA'I SEMS KYIS SLONG BA 'ONGS PA RNAMS LA BZOD PA GSOL BA'I SEMS DANG LDAN PAS BDAG NYID PHYOGS DE DAG TU SONG LA KHYED 'ONGS PA'I NYON MONGS PAR MI 'GYUR BAR RI MOR BYA BA ZHIG NA ZHES DES SPYI BOS GTUGS TE BZOD PA GSOL LO, ,SLONG BA THAMS CAD LA BZOD PA GSOL KHRUS BYAS LUS NGAL SOS PAR BYAS NAS, YO BYAD CI 'OS PA SBYIN PAR BYED DE, 'DI LTA STE, NOR BU'I SHING RTA 'DZAM BU'I GLING NA BZANG BA'I NA CHUNG RIN PO CHES YONGS SU GANG BA DANG, 'DI LTA STE, GSER GYI SHING RTA YUL GYI NA CHUNG RIN PO CHE RNAM PAR DAG PAS YONGS SU GANG BA DANG, 'DI LTA STE BEE d'URYA'I SHING RTA GLU DBYANGS DANG SIL SNYAN RJES SU MTHUN PA LEN PAS GANG BA DANG, DE BZHIN DU SHEL GYI SHING RTA BU MO RIN PO CHE BZHIN BZANG ZHING CHA BYAD SDUG GUS SHIN DU BRGYAN PA GZUGS BLTA NA SDUG CING TSUL MKHAS PAS GANG BA DAG SBYIN PAR BYED DO ZHES GSUNGS PA DANG, DE BZHIN DU DE NYID LAS, NOR BU'I SHING RTA GLANG PO CHE CANG SHES RIN PO CHE THAMS CAD KYI DRA BAS G-YOGS PA DANG LDAN PA PHRUGS SU MTHUN PAS 'DREN PA DAG RAB TU SBYIN PAR BYED, TZAN DAN GYI SHING RTA RIN PO CHE'I 'PHANG LO DANG RTZIBS SBYAR BA, RIN PO CHE'I SENG GE'I KHRI BTZUGS PA, RIN PO CHE'I GDUGS SNA TSOGS KYIS KHEBS PA, RGYAL MTSAN DANG BA DAN GYIS PHYOGS BZHIR BRGYAN PA, SPOS SNA TSOGS KYIS SHIN TU BDUGS SHING SPOS KYI SNYING PO'I BYUG PA THAMS CAD KYIS LEGS PAR BYUGS PA ME TOG GI BKOD PA RNAM PAR BKRAM PA, BU MO BRGYA STONG RIN PO CHE'I THA GUS 'DREN PA, MI LDOG MI 'GYUR BAR 'GRO ZHING DRAG THAL MA KHYER BAR 'BYOR BA NAS, SPOS KYI DAD YID DU 'ONG ZHING RJES SU MTHUN PA DANG, BU DANG BU MOR BCAS PA'I SMRA BA NYE BAR SBYOR BA DANG LDAN PA, SPOS KYI PHYE MA SNA TSOGS GTOR BAS GTZANG SBRAR BYAS PA DAG SBYIN PAR BYED DO ZHES GSUNGS PA DANG, DE BZHIN DU @20A *, ,GZHAN YANG DE NYID LAS, BDAG NYID SEMS CAN THAMS CAD LA GTONG NGAM, SANGS RGYAS THAMS CAD LA RIM GROR BYA BAR 'BUL LAM, RGYAL SRID YONGS SU GTONG NGAM, MKHAR RAM, GRONG KHYER RAM, RGYAL PO'I PHO BRANG RGYAN THAMS CAD KYIS RNAM PAR SPUD PA'AM; G-YOG THAMS CAD KYANG SLONG BA RNAMS LA CI RIGS PAR YONGS SU GTONG NGAM, SLONG BA DAG LA BU DANG BU MO DANG CHUNG MA SBYIN PAR BYED DAM, KHYIM THAMS CAD BTANG BA NAS, LONGS SPYOD DANG LONGS SU SPYOD PA THAMS CAD SBYIN PAR BYED DO, ,DE BZHIN DU SKOM SBYIN PA DANG, RO'I SBYIN PA YANG BYANG CHUB SEMS DPA'S SBYIN PAR BYED PA NA, BANG ZHING RNAM PA SNA TSOGS PA RGYA CHE BA GTZANG BA RNAM PA THA DAD PA KHA BA DANG TSA BA DANG BSKA BA DANG, LAN TSVA'I RO MCHOG SNA TSOGS DANG LDAN PA SHIN TU TSIM PAR BYE DPA'I RO BRO BA MANG PO DANG LDAN PA DANG, KHAMS 'KHRUGS PA SNYOMS PAR BYED PA, LUS DANG SEMS KYI STOBS STON PA, DGA' BA DANG MOS PA DANG MCHOG TU DGA' BA DANG, BDE BA SKYED PAR BYED PA NAS, PHA ROL GYI GNOD PAR BYED PA SEL BA, NAD THAMS CAD ZHI ZHING NAD MED PA BSKYED PA DAG SBYIN PAR BYED DO, ,DE BZHIN DU GOS SBYIN PA DANG, ME TOG SBYIN PA DANG, SPOS SBYIN PA DANG, BYUG PA SBYIN PA DANG, PHRENG BA SBYIN PA DANG, MAL CHA SBYIN PA DANG, GNAS SBYIN PA DANG, RTEN SBYIN PA DANG, MAR ME SBYIN PA DANG, NA BA'I GSOS SMAN SBYIN PA DANG, YO BYAD NAS KHA ZAS RNAM PA SNA TSOGS YO LANG CHER BSHAMS PA DAG BYANG CHUB SEMS DPAS SBYIN PAR BYED DO, ,BZO SNA TSOGS SU BYAS PA'I SDER GYI SNOD SNA TSOGS PA TSAD MED PAS SPRAS PA RNAM PA DU MA DANG, DBYIG DANG GSER DANG DNGUL GYI PHYE MA RNAMS, SANGS RGYAS BCOM LDAN 'DAS DAG LA DBUL BA NA, SBYIN PA'I GNAS BSAM GYIS MI KHYAB PAR MOS SO, ,'DI DAG BYANG CHUB SEMS DPA' DKON MCHOG LA DBUL NA, DGE BA'I BSHES GNYEN SHIN TU RNYED DKA' BAS SEMS BSKYED PAS DBUL LA, ,'PHAGS PA'I DGE 'DUN LA 'BUL NA SANGS RGYAS KYI CHOS NYE BAR BRTEN PA'I PHYIR DBUL LO, ,GANG ZAG GAM NYAN THOS SAM RANG SANGS RGYAS DAG @20B LA 'BUL NA, 'PHAGS PA'I YON TAN LA SHIN TU DANG BA'I SEMS KYIS 'BUL LO, ,PHA MA LA SBYIN NA BLA MA LA SRI ZHU DANG RIM GRO BYA BA'I SEMS KYIS SBYIN NO, ,SLOB DPON DANG BLA MA DANG SBYIN PA'I GNAS DE DANG DE DAG LA 'BUL NA, BLA MA'I TSOGS KYIS BSTAN PA BSLAB PA LA 'JUG GO, , DBUL PO DANG PHONGS PA DANG SLONG BA DAG LA GOS DANG ZAS SBYIN PA NA, SEMS CAN THAMS CAD LA KHONG KHRO BA MED PA'I MIG DANG, BYAMS PA YONGS SU BSGOMS PAS SBYIN PAR BYED DO, ,DE BZHIN DU SBYAR TE, DE LTAR BYANG CHUB SEMS DPA' GLANG PO CHE CANG SHES YAN LAG BDUN RAB TU GNAS PA; LO DRUG LON PA SO DRUG YOD PA SPU MDOG PADMA 'DRA BA, GDONG RNAM PAR DAG PA GSER GYI RGYAN GYIS BRGYAN PA, LUS GSER GYI DRA BAS G-YOGS PA, SNA RIN PO CHE'I RGYAN SNA TSOGS KYIS G-YOGS PA, BKOD PAS SPRAS PA, GSER GYIS G-YOGS PA, BLTA NA SDUG PA DPAG TSAD STONG DU MI NGAL BAR 'GRO ZHING RGYU BA SBYIN PAR BYED DO, ,RTA CANG SHES BZHON NA BDE ZHING LUS BDE BA DANG LDAN PA, BANG PHUN SUM TSOGS PA, PHYOGS BZHIR BGROD PA BKUR BA'I MGYOGS PA DANG LDAN PA, ZAS PHUN SUM TSOGS PA, LHA'I MTSUNGS PA MED PA'I RGYAN THAMS CAD DANG LDAN PA DAG SBYIN PAR BYED DO, ,DE DAG SBYIN ZHING GTONG BA NA GUS PAS SKYE BO BLA MA DANG DGE BA'I BSHES GNYEN DANG PHA MA DANG DBUL PO DANG PHONGS PA DANG SLONG BA DANG LEN PA'I 'GRO BA THAMS CAD LA LHUG PAR GTANG BA'I SEMS DANG GZUNG BA MED PA'I SEMS NAS, SNYING RJE CHEN POS PHYOGS SU KHYAB PA'I RGYUD KYIS GTONG BA CHEN PO TSAD MED PA BYANG CHUB SEMS DPA'I YON TAN DAG LA NAN TAN BYED PA DANG, RIGS BTZUN PA BYANG CHUB SEMS DPA'I BSAM PA YONGS SU SPYOD CING SBYIN PAR BYED DO, ,DE LTAR SEMS CAN DAG LA STAN SBYIN ZHING GTONG NA RGYAL PO'I KHRI BZANG PO BEEd'UR-YA'I RKANG PA CAN, SENG GES BRTEN PA GSER GYI THA GU DANG RIN PO CHE'I DRA BA'I BLA RE DANG GOS 'JAM PO DU MA BTING BA NYE 'KHOR SPOS KYI SNYING PO THAMS CAD KYIS SHIN TU DRI ZHIM PAR BYAS PA, NOR BU'I RGYAL PO SNA TSOGS KYI RGYAL MTSAN DU MA BSGRENG BA, RIN PO CHE BYE BA KHRAG KHRIG BRGYA STONG DU MA'I RGYAN BKOD PA, @21A *, ,GSER GYI DRA BA'I BLA RE BRES PA, GSER GYI DRIL BU G-YER KHA'I DRA BA 'KHROL BA'I SGRA YID DU 'ONG BA'I DBYANGS 'BYUNG BA, RIN PO CHE'I 'BRU BYE BA KHRAG KHRIG PHRAG BCUS KUN NAS BSKOR TE RNAM PAR PHYE BAS SHING TU 'PHAGS SHING BLTA NA MDZES PA, SROG CHAGS BYE BA KHRAG KHRIG GRANGS MED PAS KUN NAS BLTA BA, GDUGS KHEB GCIG GIS SA CHEN PO THAMS CAD SKYONG BAR DBANG BSKUR BA RGYAL SRID KYI DBANG PHYUG THAMS CAD LA DBANG BA'I STAN DU BYA BA, DE LA 'DUG CING 'KHOR LO THOGS PA MED PAS BSKYAD BA DANG CHIS BYA BA LA RGYAL PO'I BKA' THAMS CAD NYAMS PA MED PAR NYAN PA DE LTA BU'I STEN GYI RNAM PA SBYIN PAR BYED DO, ,DE LTAR BYANG CHUB SEMS DPA' GDUGS RNAMS SBYIN BA NA, RIN PO CHE CHEN PO'I BKOD PAS RAB TU BRGYAN PA, RIN PO CHE'I YU BA CAN DRIL BU G-YER KHA'I DRA BAS KUN NAS KHEBS PA RIN PO CHE'I SRAD BU DANG RNAM RGYAN DANG MGUL RGYAN GYI PHRENG BAS KHUGS CAN DU GYUR PA, NOR BU DANG BEE d'URYA'I PHRENG BA MNGON PAR DPYANGS PA, NYE 'KHOR NA DGA' BA'I DBYANGS DANG YID DU 'ONG BA'I SGRA 'BYUNG BA, GSER GYI DRA BA RNAM PAR DAG PAS NANG LOGS KHEBS PAR BYAS PA, RIN PO CHE'I THUR MA'I RGYAN BRGYA STONG BRIS PA NOR BU RIN PO CHE'I MDZOD KUN DU 'DZIN PA, AA KA RU DANG, TZAN+DAN DANG, SPOS KYI DAM PA BYE BA KHRAG KHRIG BRGYA STONG DU MAS NYE 'KHOR DRI ZHIM POR BSGOS SHING BDUGS PA, 'DZAM BU'I CHU BO'I GSER LTAR 'OD GSAL ZHING DAG PA, RGYAN BYE BA KHRAG KHRIG MTHA' YAS PAS BRGYAN PA'I GDUGS DE 'DRA BA RNAMS DANG, DE BAS KYANG CHES LHAG PA'I GDUGS BYE BA KHRAG KHRIG BRGYA STONG DU MA DANG, ,KHA NA MA THO BA MED PA'I SEMS KYIS SBYIN PAR BYED CING, SEMS CAN THAMS CAD KYI GTZO BO MNGON DU GYUR PA 'AM, DE BZHIN GSHEGS PA YONGS SU MYA NGAN LAS 'DAS PA'I MCHOD RTEN BRGYAN PA'I PHYIR RAM, CHOS BTZAL BA'I PHYIR BYANG CHUB SEMS DPA' DANG, DGE BA'I BSHES GNYEN NAM, BYANG CHUB SEMS DPA' CHOS SMRA BA BTZUN PAR BYA BA DAG GAM, PHA DANG MA 'AM DGE 'DUN DKON MCHOG GAM SANGS RGYAS THAMS CAD KYIS BSTAN PA NAS, LEN @21B PA PO THAMS CAD KYI BAR DAG LA 'BUL BA DANG YONGS SU GTONG BA DANG STER BAR BYED PA DANG, SBYIN PAR BYED PA NA, DE DGE BA'I RTZA BA DE DAG 'DI LTAR YONGS SU BSNGO BA STE ZHES GSUNGS PA DANG, RE ZHIG JI LTAR YONGS SU BSNGO BA DANG POR, DGE BA'I RTZA BA THAMS CAD KYI SKABS NAS JI SKAD DU, SMON LAM 'DI LTA BU YANG 'DEBS TE, CI NAS DGE BA'I RTZA BA 'DI DAG RNAM PAR DAG PAR CHOS KYI MTHA' KLAS PAR 'GRO BA THAMS CAD LA NYE BAR 'TSO BA DANG PHAN PAR GYUR CIG ,DES NA DGE BA'I RTZA BA 'DI DAG GIS SEMS CAN THAMS CAD KYI SEMS CAN DMYAL BA'I NGAN SONG RGYUN CHAD PAR GYUR CIG ,DUD 'GRO'I SKYE GNAS PA DANG, GSHIN RJE'I 'JIG RTEN GYI SDUG BSNGAL BA'I PHUNG PO RNAM PAR LOG PAR GYUR CIG CES SMON LAM 'DEBS SO, ,DGE BA'I RTZA BA DE DAG YONGS SU BSNGO BA NA, DGE BA'I RTZA BA DE DAG 'DI LTAR YONGS SU BSNGO STE, DGE BA'I RTZA BA 'DIS BDAG SDUG BSNGAL GYI PHUNG PO BZLOG PA'I PHYIR SEMS CAN THAMS CAD KYI GNAS SU GYUR CIG ,NYON MONGS PA THAMS CAD LAS YONGS SU DGROL BA'I PHYIR SEMS CAN THAMS CAD KYI SKYOB PAR GYUR CIG ,'JIGS PA THAMS CAD LAS BSUNG BA'I PHYIR SEMS CAN THAMS CAD KYI SKYABS SU GYUR CIG ,SA THAMS CAD KYI RJES SU 'GRO BA'I PHYIR SEMS CAN THAMS CAD KYI RTEN DU GYUR CIG ,SHIN TU GRUB PA DANG BDE BA THOB PAR BYA BA'I PHYIR SEMS CAN THAMS CAD KYI DPUNG GNYEN DU GYUR CIG ,RAB RIB MED PA'I YE SHES KUN DU BSTAN PA'I PHYIR SEMS CAN THAMS CAD LA SNANG BAR GYUR CIG ,MA RIG PA'I MUN PA BZLOG PA'I PHYIR SEMS CAN THAMS CAD KYI SGRON MER GYUR CIG ,SHIN TU RNAM PAR DAG PA LA RAB TU DGOD PA'I PHYIR SEMS CAN THAMS CAD LA GSAL BAR BYED PAR GYUR CIG ,CHOS NYID BSAM GYIS MI KHYAB PA LA GZUD PA'I PHYIR SEMS CAN THAMS CAD KYI 'DREN PAR GYUR CIG ,SGRIB PA MED PA'I YE SHES KYI PHUNG PO NYE BAR BSTAN PA'I PHYIR SEMS CAN THAMS CAD KYI YONGS SU 'DREN PAR GYUR CIG ,DE BZHIN DU SBYAR TE, DE YANG BSAM PA THAG PA NAS YONGS SU BSNGO BA'I TSIG TZAM GYIS NI MA YIN NO, ,DE YANG DGA' BA'I @22A *, ,SEMS KYIS YONGS SU BSNGO'O, ,MGU BA'I SEMS KYIS YONGS SU BSNGO'O, ,DANG BA'I SEMS DANG, RAB TU DGA' BA'I SEMS DANG, MNYEN PA'I SEMS KYIS YONGS SU BSNGO'O, ,BYAMS PA'I SEMS DANG, MDZA' BA'I SEMS DANG, PHAN GDAGS PA'I SEMS DANG, PHAN PA'I SEMS DANG, BDE BA'I SEMS KYIS YONGS SU BSNGO'O, ,DE 'DI LTAR YONGS SU BSNGO STE, BDAG GI DGE BA'I RTZA BA 'DIS SEMS CAN THAMS CAD KYI 'GRO BA RNAM PAR DAG PAR GYUR CIG ,SKYE BA RNAM PAR DAG PAR GYUR CIG ,BSOD NAMS KYI CHE BA'I BDAG NYID YONGS SU DAG PAR GYUR CIG ,ZIL GYIS MI NON PAR GYUR CIG ,YONGS SU ZAD PA MED PAR GYUR CIG ,THUB PAR DKA' BA'I SEMS DANG LDAN PAR GYUR CIG ,BRJED PA MED PAR GYUR CIG ,RTOGS PA DANG BLO GROS DANG, NGES PA DANG LDAN PAR GYUR CIG ,BLO TSAD MED PA DANG LDAN PAR GYUR CIG ,LUS KYI LAS DANG NGAG GI LAS DANG YID KYI LAS YON TAN GYI RGYAN THAMS CAD YONGS SU RDZOGS PA DANG LDAN PAR GYUR CIG ,BDAG GI DGE BA'I RTZA BA 'DIS SEMS CAN DE DAG THAMS CAD SANGS RGYAS THAMS CAD MNYES PAR BYED PAR GYUR CIG ,MNYES PAR BYAS NAS KYANG MI MNYES PAR MI BYED PAR GYUR CIG ,SANGS RGYAS BCOM LDAN 'DAS DE DAG THAMS CAD LA DAD PA MI PHYED PA THOB PAR GYUR CIG ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE DAG LAS CHOS BSTAN PA NYAN PAR GYUR CIG ,MNYAN NAS KYANG THE TSOM THAMS CAD RNAM PAR LDOG PAR GYUR CIG ,JI LTAR THOS PA BZHIN 'DZIN PAR GYUR CIG ,BZUNG NAS KYANG SGRUB PA RDZOGS PAR BYED PAR GYUR CIG ,DE BZHIN GSHEGS PA DE DAG THAMS CAD STEN PAR BYED PAR GYUR CIG ,SEMS LAS SU RUNG BA YANG THOB PAR GYUR CIG , KHA NA MA THO BA MED PA'I LAS RNAMS YANG DAG PAR SGRUB PAR BYED PAR GYUR CIG ,BDAG NYID DGE BA'I RTZA BA CHEN PO RNAMS LA 'JOG PAR GYUR CIG ,SHIN TU DBUL BA THAMS CAD RNAM PAR BZLOG PAR GYUR CIG ,NOR BDUN RNYED PA YONGS SU RDZOGS PAR GYUR CIG ,SANGS RGYAS @22B THAMS CAD KYI RJES SU SLOB PAR GYUR CIG ,DGE BA'I DBANG PO THOB PA RTOGS PAR GYUR CIG ,RGYA CHEN PO LA MOS PA MNYAM PA NYID YONGS SU SGRUB PAR GYUR CIG ,THAMS CAD MKHYEN PA'I YE SHES KYI GO SKABS THOB PAR GYUR CIG ,'GRO BA THAMS CAD LA THOGS PA MED PA'I MIG SKYED PAR GYUR CIG ,MTSAN THAMS CAD RGYAN GYIS BRGYAN PA'I LUS RDZOGS PAR YONGS SU THOB PAR GYUR CIG ,YON TAN THAMS CAD KYI RGYAN DANG LDAN PA'I NGAG YONGS SU DAG PA YONGS SU 'DZIN PAR GYUR CIG ,DBANG PO BSDAMS PA DANG, STOBS BCU DANG LDAN PA'I SEMS DGE BA YANG DAG PAR BSGRUB PAR GYUR CIG ,MI RTEN PAR GNAS PA YONGS SU RDZOGS PAR GYUR CIG ,SANGS RGYAS THAMS CAD BDE BA'I YO BYAD GANG DANG LDAN PA'I BDE BA'I YO BYAD DE SEMS CAN THAMS CAD KYIS THOB PAR GYUR CIG CES BSTAN PA DANG, DE BZHIN DU YONGS SU BSNGO BA DRUG PA LAS GSUNGS PA'I TSUL GYIS YONGS SU BSNGO BA STE, SEMS CAN THAMS CAD CHAGS PA MED PAR ZHUGS PA'I SEMS DANG LDAN ZHING YE SHES KYI ZAS CAN DU GYUR CIG ,ZAS LA ZHEN PA MED CING ZAS YONGS SU SHES PA DANG LDAN PA DANG, DGA' BA ZA ZHING ZANG ZING MED PA'I ZAS DANG LDAN PA NAS, 'DOD PA LA SRED PA RAB TU LDOG PA'I BAR DU GYUR CIG ,SEMS CAN THAMS CAD CHOS KYI KHU SHUGS DANG LDAN PA'I SPRIN LAS CHAR 'BEBS PA DANG, CHOS KYI DGA' BA BLA NA MED PAS SEMS KYI RGYUN TSIM PAR GYUR CIG ,SEMS CAN THAMS CAD RO BRO BA THAMS CAD LA CHAGS PA MED CING RO LA MTSAN MAR MI 'DZIN PAR GYUR CIG ,SANGS RGYAS KYI CHOS THAMS CAD LA SEMS 'JUG PA DANG, THEG PA MA NYAMS PA DANG LDAN PA DANG, THEG PA MCHOG DANG LDAN PA DANG, THEG PA DAM PA DANG LDAN PA DANG, THEG PA MYUR BA DANG LDAN PA DANG, THEG PA STOBS CHEN PO DANG LDAN PAR GYUR CIG; SANGS RGYAS LA DGA' BA 'THOB CING SEMS CAN THAMS CAD KYIS MTHONG NA NGOMS MI SHES PAR GYUR CIG ,SEMS CAN THAMS CAD DGE BA'I BSHES GNYEN MTHONG ZHING SEMS KYI RGYUD LA GNOD PA MED PAR GYUR CIG ,SEMS CAN THAMS CAD KYI DUG SEL BA'I SMAN GYI RGYAL PO LTA BUR @23A *, ,SNANG ZHING SEMS CAN THAMS CAD NYON MONGS PA'I DUG BZLOG PAR GYUR CIG ,SEMS CAN THAMS CAD KYI MUN PA DANG RAB RIB KYI LING TOG SEL BA'I PHYIR, SEMS CAN THAMS CAD KYIS NYI MA'I DKYIL 'KHOR SHAR BA LTA BUR MTHONG BAR GYUR CIG ,CES DE LTAR BDAG NYID NGES PAR BRTAGS NAS RANG GI BSAM PA DANG MTHUN PAR BRJOD PAR BYA STE, SEMS CAN THAMS CAD MNGON PAR MDZES PA MTHONG BAR YONGS SU BSNGO'O, ,SEMS CAN THAMS CAD TSUL KHRIMS KYI DRI DANG LDAN PA DANG MI CHOD PA'I TSUL KHRIMS DANG, BYANG CHUB SEMS DPA'I PHA ROL TU PHYIN PA DANG LDAN PA'I TSUL KHRIMS CAN DU GYUR CIG ,SEMS CAN THAMS CAD GTANG BA THAMS CAD YONGS SU GTONG BA CAN DU GYUR TE SBYIN PAS BSGOS PAR GYUR CIG ,SEMS CAN THAMS CAD MI 'KHRUGS PA'I SEMS RNYED CING BZOD PAS BSGOS PAR GYUR CIG ,SEMS CAN THAMS CAD BRTZON 'GRUS CHEN PO'I GO BGOS SHING BRTZON 'GRUS KYIS BSGOS PAR GYUR CIG ,SEMS CAN THAMS CAD DA LTAR BYUNG BA'I SANGS RGYAS MNGON SUM DU BZHUGS PA'I TING NGE 'DZIN THOB CING BSAM GTAN GYIS BSGOS PAR GYUR CIG ,SEMS CAN THAMS CAD BYANG CHUB SEMS DPA' YONGS SU BSNGO BAS BSGOS PAR GYUR CIG ,SEMS CAN THAMS CAD DKAR PO'I CHOS THAMS CAD KYIS BSGOS PAR GYUR CIG ,SEMS CAN THAMS CAD YE SHES CHEN PO THOB PAR BYA BA'I PHYIR MI DGE BA'I CHOS THAMS CAD SPANGS SHING LHA'I MAL CHA THOB PAR GYUR CIG ,SEMS CAN THAMS CAD SO SO'I SKYE BO MA YIN PA'I BYANG CHUB KYI SEMS KYIS BSGOS PA'I PHYIR 'PHAGS PA'I MAL CHA THOB PAR GYUR CIG ,SEMS CAN THAMS CAD 'KHOR BAR GTOGS PA'I SDUG BSNGAL THAMS CAD YONGS SU SPANG BA'I PHYIR BDE BA'I MAL CHA THOB PAR GYUR CIG ,SEMS CAD THAMS CAD CHOS LA REG PA DANG LDAN ZHING NYAMS BDE BA'I MAL CHA THOB PAR GYUR CIG ,SEMS CAN THAMS CAD YON TAN GYI GNAS DANG LEGS PAR LDAN ZHING GNAS DANG GNAS LAS BSKYOD DE SANGS RGYAS KYI GNAS BLA NA MED PA DANG MI 'BRAL ZHING, SANGS RGYAS KYI ZHING YONGS SU DAG PA SNANG BA LA GNAS PAR @23B GYUR CIG ,SEMS CAN THAMS CAD SANGS RGYAS LA NYE BAR BRTEN CING GNAS PAR GYUR CIG ,SEMS CAN THAMS CAD SANGS RGYAS KYI CHOS THAMS CAD LA SNANG BA MTHA' YAS PA THOB PAR GYUR CIG ,SEMS CAN THAMS CAD CHOS KYI DBYINGS THAMS CAD GCIG TU RGYAS PAR 'GENGS SHING THOGS PA MED PA'I SNANG BA CAN DU GYUR CIG ,SEMS CAN THAMS CAD DE BZHIN GSHEGS PA'I SKU THOB CING LUS LA NAD MED PAR GYUR CIG ,SEMS CAN THAMS CAD RNAM PAR MI 'KHRUGS PA'I CHOS CAN DU GYUR CING SMAN GYI RGYAL PO LTA BUR GYUR CIG ,SEMS CAN THAMS CAD 'GRO BA GSO BA LA ZHUGS SHING THOGS PA MED PA'I SMAN GYI RGYAL PO LTA BUR GYUR CIG ,SEMS CAN THAMS CAD MKHYEN PA'I NAD MED PA THOB CING NAD DANG ZUG RNGU 'GAGS PAR GYUR CIG ,SEMS CAN THAMS CAD BSAM PA JI LTA BA BZHIN DU SMAN SBYOR BYED PAR GYUR CIG ,'GRO BA THAMS CAD KYI SMAN LA MKHAS PAR GYUR CIG ,SEMS CAN THAMS CAD KYI NAD THAMS CAD BZLOG PA'I PHYIR YONGS SU BSNGO'O, ,SEMS CAN THAMS CAD MTHU DANG STOBS YONGS SU MI ZAD PA'I LUS DANG LDAN PAR YONGS SU BSNGO'O, ,SEMS CAN THAMS CAD KHOR YUG GI RI LTAR BRDZI BA MED PA'I LUS KYI STOBS DANG LDAN PAR YONGS SU BSNGO'O, ,SEMS CAN THAMS CAD STOBS THAMS CAD KYIS BRTAN PA LA CHOG MI SHES PAR YONGS SU BSNGO'O, ,SEMS CAN THAMS CAD SNOD TSAD MED PAR GYUR CIG ,SEMS CAN THAMS CAD NAM MKHA'I KHAMS LTAR RGYA CHE BA DANG, DRAN BA'I DBANG PO DANG LDAN PA DANG, 'JIG RTEN PA DANG 'JIG RTEN LAS 'DAS PA'I TSIG THAMS CAD BZUNG ZHING BLANG BA LA DRAN PA RMONGS PA MED PAR GYUR CIG ,SEMS CAN THAMS CAD 'DAS PA DANG MA BYON PA DANG DA LTAR BYUNG BA'I SANGS RGYAS THAMS CAD KYI BYANG CHUB LA DAD PA MI PHYED PA MCHOG 'DZIN CING DGE BA RNAM PAR DAG PA'I SNOD DU GYUR CIG ,SEMS CAN THAMS CAD SANGS RGYAS KYIS KUN DU 'GRO BA 'THOB CING DGA' DGUR 'GRO BAR 'GYUR CIG ,SEMS CAN THAMS CAD SEMS CAN KUN LA KHONG KHRO BA MED PA DANG LDAN PA'I SEMS SU GYUR CIG ,SEMS CAN THAMS CAD @24A *, ,LHUN GYIS GRUB PAR SANGS RGYAS KYI ZHING THAMS CAD YONGS SU KHYAB PAR 'GRO ZHING SEMS KYI SKAD CIG GCIG LA CHOS KYI DBYINGS THAMS CAD NON PAR GYUR CIG ,SEMS CAN THAMS CAD NGAL BA MED PA'I YID KYI LUS THOB CING NGAL BA DANG DUB PA MED PAR 'JIG RTEN GYI KHAMS THAMS CAD DU 'GRO BAR GYUR CIG ,SEMS CAN THAMS CAD BYANG CHUB SEMS DPA'I SPYOD PA THAMS CAD RJES SU CHOL ZHING BDE BAR 'GRO BA LA 'JUG PAR GYUR CIG ,DGE BA'I RTZA BA 'DIS SEMS CAN THAMS CAD BYAS PA GZO BA DANG BYAS BA RJES SU SKYONG BAS DGE BA'I BSHES GNYEN MI GTONG BA'I SEMS MI 'DOR BAR GYUR CIG ,SEMS CAN THAMS CAD DGE BA'I RTZA BA MTHUN PAR 'DZIN PAS DGE BA'I BSHES GNYEN RNAMS DANG DON GCIG PAR GYUR CIG ,SEMS CAN THAMS CAD DGE BA'I BSHES GNYEN BSTEN PA PHUN SUM TSOGS PA LA GNAS PA SEMS SU 'JUG PA'I DGE BA'I BSAM PA CAN DU GYUR CIG ,SEMS CAN THAMS CAD SMON LAM GCIG TU GYUR TE DGE BA'I BSHES GNYEN GYI DGE BA'I RTZA BA'I LAS KYI RNAM PAR SMIN PA RNAM PAR DAG PAR GYUR CIG ,SEMS CAN THAMS CAD THEG PA CHEN PO LA ZHON ZHING YANG DAG PAR ZHUGS NAS THOGS PA MED PAR THAMS CAD MKHYEN PA'I MTHAR 'GRO BAR SHOG SHIG ,SEMS CAN THAMS CAD DGE BA'I RTZA BAS SHIN TU KHEBS SHING SANGS RGYAS THAMS CAD KYIS MNGON SUM DU BSRUNG BA DANG YONGS SU SBA BA THOB PAR GYUR CIG ,SEMS CAN THAMS CAD YON TAN DANG YE SHES KYIS MNGON PAR KHEBS SHING NYON MONGS PA DANG NYE BA'I NYON MONGS PA THAMS CAD LAS LDOG PAR GYUR CIG ,SEMS CAN THAMS CAD LEGS PAR BYAS PA RNAM PAR MA 'KHRUGS SHING DKAR PO'I CHOS CAN DU GYUR LA SANGS RGYAS KYI CHOS KYI RGYUN NYAMS PA MED PAR GYUR CIG ,SEMS CAN THAMS CAD STOBS BCU'I BLA RE DANG LDAN ZHING GDUGS LTA BUR GYUR CIG ,SEMS CAN THAMS CAD BYANG CHUB KYI KHRI STAN SHIN DU THOB PAR GYUR CIG ,SEMS CAN THAMS CAD SANGS RGYAS RNAM PAR ROL PA'I SENG GE'I GDAN KHRI THOB CING 'GRO BA THAMS CAD KYIS BLTA BA'I 'OS SU GYUR CIG CES GSUNGS @24B PA YIN NO, ,'PHAGS PA NAM MKHA' MDZOD KYI MDO LAS KYANG, BDAG GI DGE BA'I RTZA BA 'AM CHOS LA MKHAS PA GANG YIN PA DE SEMS CAN THAMS CAD KYI NYE BAR 'TSO BAR MI 'GYUR BAR MA GYUR CIG CES GSUNGS SO, ,'DAS PA DANG MA 'ONGS PA'I DGE BA'I RTZA BA BTANG BA NI, 'PHAGS PA BLO GROS MI ZAD PA'I MDO LAS, DGE BA'I SEMS DANG SEMS LAS BYUNG BA RNAMS RJES SU DRAN LA RJES SU DRAN NAS KYANG BYANG CHUB TU YONGS SU BSNGO BA LA MKHAS PA 'DI NI 'DAS PA LA MKHAS PA'O, ,GANG MA 'ONGS PA'I DGE BA'I RTZA BA NGES PAR SEMS SHING BYANG CHUB LA MNGON DU PHYOGS PA'I LAS LA SEMS PAS BDAG LA DGE BA'I SEMS BSKYED PA 'BYUNG BA GANG YIN PA DE DAG BLA NA MED PA YANG DAG PAR RDZOGS PA'I BYANG CHUB TU YONGS SU BSNGO'O ZHES GSUNGS SO, ,DE LTAR GOMS PA'I SEMS LAS BYUNG BAS THAMS CAD BTANG BA LA MOS PA YONGS SU RDZOGS NAS GTONG BA'I SEMS KYI SHUGS DANG 'BREL PAS LUS YONGS SU BTANG BAS YONGS SU 'DZIN PA THAMS CAD GTONG BA NI, YONGS SU 'DZIN PA'I RTZA BA LAS BYUNG BA'I SRED PA'I SDUG BSNGAL LAS RNAM PAR GROL BA LA GROL BA ZHES BYA'O, ,BAR DU YANG BSKAL PA GZHAL DU MED CING GRANGS MED PAR 'JIG RTEN PA DANG, 'JIG RTEN LAS 'DAS PA'I BDE BA PHUN SUM TSOGS PA KHYAD PAR DU 'PHAGS PA RNAM PA SNA TSOGS MTHA' YAS PA YANG MYONG BAR 'GYUR RO, ,RANG GI LUS LA SOGS PA MCHIL PA'I GZAN LTA BUR BDAG LONGS SPYOD PAR MI 'DOD PA DES KYANG GZHAN DAG DRANGS NAS SGROL LO, ,DE'I PHYIR 'PHAGS PA DKON MCHOG SPRIN LAS KYANG SBYIN PA NI BYANG CHUB SEMS DPA'I BYANG CHUB PO ZHES GSUNGS SO, ,BSLAB PA KUN LAS BTUS PA LAS SBYIN PA'I PHA ROL TU PHYIN PA'I LE'U STE DANG PO'O,, ,,DE LTAR LUS LA SOGS PA BTANG BA 'DI DAG KYANG BSRUNG BAR BYA STE, DE CI'I PHYIR ZHE NA, 'DI LTAR, ,SEMS CAN RNAMS KYIS LONGS SPYAD PHYIR, ,LUS LA SOGS PA SBYIN PAR BYA, ,MA BSRUNGS LONGS SPYOD GA LAS 'ONGS, ,GANG MI SPYOD PAS CI ZHIG SBYIN, ,DE BAS SEMS CAN LONGS SPYOD PHYIR,, @25A *, ,LUS LA SOGS PA BSRUNG BAR BYA, ,BYANG CHUB SEMS DPA'I SO SOR THAR PA LAS, SH'A RI'I BU GZHAN BSRUNG NGO SNYAM NA BDAG BA SRUNG BAR BYA'O, ,DE BZHIN DU SH'A RI'I BU BYANG CHUB SEMS DPA' SEMS DPA' CHEN PO PHAN PA 'DOD PA DANG LDAN PAS SROG GI PHYIR YANG SDIG PA'I LAS MI BYED DO ZHES BYA BA'I BAR DU GSUNGS SO, ,KHYIM BDAG DPAL PHYIN GYIS ZHUS PA'I MDO LAS KYANG, KHUR GYI DON DU SHING RTA LTAR CHOS KYI BLO 'BA' ZHIG GIS GZUNG BAR BYA'O ZHES GSUNGS SO, ,DE BZHIN DU 'PHAGS PA BLO GROS MI ZAD PAS BSTAN PA'I MDO LAS KYANG, SEMS CAN LA LTA BAS LUS KYI SDUG BSNGAL GYIS YONGS SU MI SKYE'O ZHES GSUNGS SO, ,LUS LA SOGS PA DE LTAR BSKYANG ZHE NA, DGE BA'I BSHES GNYEN MI GTANG ZHING, SDONG PO BKOD PA'I MDO LAS, 'PHAGS PA DPAL 'BYUNG GIS JI SKANG BSTAN PA LTA BU STE, RIGS KYI BU DGE BA'I BSHES GNYEN GYIS YANG DAG PAR ZIN PA'I BYANG CHUB SEMS DPA' RNAMS NI NGAN 'GROR MI LTUNG NGO, ,DGE BA'I BSHES GNYEN GYIS BSAMS PA'I BYANG CHUB SEMS DPA' RNAMS NI BYANG CHUB SEMS DPA'I BSLAB PA DANG 'GAL BAR MI BYED DO, ,DGE BA'I BSHES GNYEN GYIS BSKYANGS PA'I BYANG CHUB SEMS DPA' RNAMS NI 'JIG RTEN LAS MNGON PAR 'PHAGS PA YIN NO, ,DGE BA'I BSHES GNYEN LA BSNYEN BKUR BYAS PA'I BYANG CHUB SEMS DPA' RNAMS NI SPYOD PA THAMS CAD LA MI BRJED PAR SPYOD PA YIN NO, ,DGE BA'I BSHES GNYEN GYIS YONGS SU BZUNG BA'I BYANG CHUB SEMS DPA' RNAMS NI LAS DANG NYON MONGS PA RNAMS KYIS THUB PAR DKA' BA YIN NO, ,DGE BA'I BSHES GNYEN NI BYA BA DANG BYA BA MA YIN PA RNAMS KHONG DU CHUD PAR BYED PA'O, ,BAG MED PA'I GNAS LAS YANG DAG PAR BZLOG PA'O, ,'KHOR BA'I GRONG KHYER NAS 'DON PA'O; ,RIGS KYI BU DE LTA BAS NA DE LTAR YID LA BYA BA RGYUN MI 'CHAD PAS DGE BA'I BSHES GNYEN RNAMS KYI DRUNG DU 'GRO BAR BYA'O, ,KHUR THAMS CAD BKUR BAS YONGS SU MI SKYO BA'I PHYIR SA LTA BU'I SEMS DANG, MI PHYED PA'I PHYIR RDO RJE LTA BU'I SEMS DANG, SDUG BSNGAL THAMS CAD @25B KYIS MI BSGUL BA'I PHYIR KHOR YUG LTA BU'I SEMS DANG, LAS THAMS CAD NYAMS SU BLANG BA LA MI SMOD PAS 'JIG RTEN GYI BRAN LTA BU'I SEMS DANG, NGA RGYAL DANG CHE BA'I NGA RGYAL RNAM PAR SPANG BAS PHYAG DAR BLTA BU'I SEMS DANG, KHUR LCI BA BKUR BAS THEG PA LTA BU'I SEMS DANG, MI KHYO BAS KHYI LTA BU'I SEMS DANG, 'GRO ZHING 'ONG BAS YONGS SU MI SKYO BAS GRU LTA BU'I SEMS DANG, DGE BA'I BSHES GNYEN GYI NGOR LTA BAS BU MDZANGS PA LTA BU'I SEMS KYIS DGE BA'I BSHES GNYEN LA BSNYEN BKUR BYA'O, ,RIGS KYI BU KHYOD KYIS RANG LA NI NAD PA'I 'DU SHES BSKYED PAR BYA'O; ,DGE BA'I BSHES GNYEN LA NI SMAN PA'I 'DU SHES DANG, RJES SU BSTEN PA LA NI SMAN GYI 'DU SHES DANG, NAN TAN NYAMS SU BLANGS PA LA NI NAD 'TSO BA'I 'DU SHES BSKYED PAR BYA'O, ,RIGS KYI BU KHYOD KYIS RANG LA NI 'JIGS PA'I 'DU SHES BSKYED PAR BYA'O, ,DGE BA'I BSHES GNYEN LA NI DPA' BO'I 'DU SHES DANG, RJES SU BSTAN PA LA NI MTSON CHA'I 'DU SHES DANG, NAN TAN LA NI DGRA SEL BA'I 'DU SHES BSKYED PAR BYA'O ZHES BYA BA'O, ,YANG DE NYID LAS DGE BSNYEN MA MI G-YO MA'I RNAM PAR THAR PA LAS KYANG, RIGS KYI BU DGE BA'I BSHES GNYEN GYIS RJES SU BSTAN PA LA ZHUGS PA'I BYANG CHUB SEMS DPA' LA SANGS RGYAS BCOM LDAN 'DAS RNAMS THUGS MNYES PAR 'GYUR RO, ,DGE BA'I BSHES GNYEN GYI TSIG DANG MI 'GAL BAR GNAS PA'I BYANG CHUB SEMS DPA' LA THAMS CAD MKHYEN PA NYE BAR 'GYUR RO, ,DGE BA'I BSHES GNYEN GYI TSIG LA THE TSOM MED PA LA DGE BA'I BSHES GNYEN RNAMS NYE BAR 'GYUR RO, ,DGE BA'I BSHES GNYEN YID LA BYED PA DANG MA BRAL BA LA DON THAMS CAD MNGON DU 'GYUR RO ZHES GSUNGS SE, ,DE NYID KYI PHYIR 'PHAGS PA NOR BZANGS KYIS DGE SLONG RGYA MTSO'I RGYAL MTSAN GYI RKANG PA GNYIS LA MGO BOS PHYAG 'TSAL TE, LAN BRGYA STONG DU MAR BSKOR BA BYAS NAS DGE SLONG RGYA MTSO'I RGYAL MTSAN LA BDUD DE PHYAG 'TSAL NAS, YANG DANG YANG BLTA ZHING YANG DANG YANG MNGON PAR BLTA BA DANG, PHYAG BYA BA DANG, RAB TU 'DUD PA DANG, GUS PAR BYA BA DANG, RIM GROR BYA BA DANG, @26A *, ,YID LA BYA BA DANG, BSAM PA DANG, BSGOM PA DANG, YONGS SU BSGOM PA DANG, CHED DU BRJOD PA CHED DU BRJOD PA DANG, NGO MTSAR DU BYA BA DANG, YON TAN MNGON DU BYA BA DANG, RJES SU BSNGAGS PA DANG, RJES SU 'BRANG BAR BYA BA DANG, RJES SU DRAN PAR BYA BA DANG, BRTAN PAR BYA BA DANG, MI GTONG BA DANG, YID LA BSAM PA DANG, NYE BAR 'BREL PAR BYA BA DANG, SMON LAM GYI RJES SU 'JUG PAR BYA BA DANG, MTHONG BAS DGA' BA DANG, DBYANGS KYI MTSAN MA GZUNG BA DANG, GZUGS KYI RJES SU BSAM PA DANG, MING YONGS SU GZUNG BA'I RJES SU SONG BA'I SEMS DANG LDAN PAR BYA BA DANG, KHA DOG DANG DBYIBS RJES SU DRAN PAR BYA BA DANG, YE SHES KYI YUL RJES SU BSAM PA DANG, TING NGE 'DZIN GYI YUL LA RJES SU 'JUG PAR BYA BA DANG, SMON LAM GYI YUL LA RJES SU 'BRANG BAR BYA BA DANG, SPYOD YUL GYI YUL RNAM PAR DPYAD PAR BYA BA DANG; YE SHES KYI SNANG BA YONGS SU GZUNG BAR BYED CING DGE SLONG RGYA MTSO'I RGYAL MTSAN GYI DRUNG NAS SONG NGO, ,DE BZHIN DU DGE BA'I BSHES GNYEN LAS 'ONGS PA'I THAMS CAD MKHYEN PA NYID LA YANG DAG PAR BLTA ZHING GDANG MCHI MAS GANG BAR DUS TE, DRA BYI LA SPRIN LA LAN BRGYA STONG DU MAR BSKOR BA BYAS NAS YANG DANG YANG BLTAS TE PHYAG 'TSAL ZHING DRA BYI LA SPRIN GYI DRUNG NAS SONG NGO, ,BYANG CHUB SEMS DPA'I SO SOR THAR PA LAS KYANG, SH'A RI'I BU 'DI LA BYANG CHUB SEMS DPA' NI, MKHAN PO DANG SLOB DPON LA GUS PAS GANG YONGS SU MI GTONG PA'I RIN PO CHE DE 'JIG RTEN NA MED DO, ,GANG LUS KYIS RIM GRO MI BYA BA DE MED DO, ,GANG RKANG PAS GTONG BA LA MI SPRO BA DE MED DO, ,GANG NGAG GI LAS LA MI SPRO BA DE MED DO, ,DE BZHIN DU SBYAR TE, DE CI'I PHYIR ZHE NA, CHOS 'DI NI 'CHING BA THAMS CAD GCAD PAR 'GYUR BA'O, ,CHOS 'DI NI SKYE BA DANG RGA BA DANG NA BA DANG 'CHI BA DANG MYA NGAN DANG SMRE SNGAGS 'DON PA DANG SDUG BSNGAL BA DANG YID MI BDE BA GCOD PAR 'GYUR BA'O SNYAM NAS RIN PO CHE'I SEMS BSKYED DO, ,CHOS 'DI NI SEMS CAN THAMS CAD KYI NAD NYE BAR ZHI BAR BYED PAR 'GYUR BAS BDAG GIS SEMS CAN THAMS CAD KYI @26B NAD NYE BAR ZHI BAR BYED PA'I CHOS 'DI LTA BU 'DOD PAR BYA'O SNYAM MO ZHES GSUNGS SO, ,KHYIM BDAG DRAG SHUL CAN GYIS ZHUS PA LAS KYANG KHYIM BDAG GAL TE BYANG CHUB SEMS DPA' LUNG KLOG PA DANG KHA TON BYA BA DON DU GNYER BAS SBYIN PA DANG TSUL KHRIMS DANG BZOD PA DANG BRTZON 'GRUS DANG BSAM GTAN DANG SHES RAB DANG LDAN PA'AM BYANG CHUB SEMS DPA'I LAM GYI TSOGS STZOGS PA DANG LDAN PA'I TSIG BZHI PA'I TSIGS SU BCAD PA SU LAS MNYAN TAM LUNG MNOS SAM BLANGS PA'I SLOB DPON DE LA DES CHOS KYI GUS PA BYA'O, ,MING DANG TSIG DANG YI GE JI SNYED KYI TSIGS SU BCAD PA DE BSTAN PA DE SNYED KYI BSKAL PAR GAL TE SLOB DPON DE LA G-YO MED PAR RNYED PA DANG BKUR STI DANG MCHOD PA THAMS CAD KYIS RIM GRO DANG BSNYEN BKUR BYAS KYANG KHYIM BDAG DA DUNG SLOB DPON LA SLOB DPON GYI GUS PA YONGS SU RDZOGS PA MA YIN NA CHOS KYI GUS PA LTA CI SMOS ZHES GSUNGS SO; ,SHES RAB KYI PHA ROL TU PHYIN PA BRGYAD STONG PA LAS KYANG, RIGS KYI BU KHYOD KYIS DGE BA'I BSHES GNYEN LA SHIN TU GUS PA BSKYED PAR BYA'O, ,PHANGS PAR BYA'O, ,DE NAS BYANG CHUB SEMS DPA' SEMS DPA' CHEN PO RTAG TU DU DE LTA BU'I RANG BZHIN GYI YON TAN DAG DANG BLA MA LA GUS PA YID LA BYED PA DAG DANG LDAN PAS SONG NAS MTHAR GYIS GRONG KHYER GZHAN ZHIG TU PHYIN PA DANG, DE'I GRONG BAR GYI TSONG 'DUS KYI DBUS SU PHYIN NAS DE 'DI SNYAM DU SEMS TE, 'DI LTAR BDAG GI LUS BTZONGS LA, DE'I RIN GYIS BYANG CHUB SEMS DPA' SEMS DPA' CHEN PO CHOS 'PHAGS LA BKUR STI BYA'O, ,YUN RING PO NAS BDAG GI LUS STONG ZHIG CING ZAD DE BTZONGS SO, ,'KHOR BA DPAG TU MED PA NAS 'DOD PA'I PHYIR 'DOD PA'I RGYUS YANG DANG YANG SEMS CAN DMYAL BA'I SDUG BSNGAL DPAG TU MED PA DAG MYONG YANG 'DI LTA BU'I CHOS KYI PHYIR RAM 'DI LTA BU'I SEMS CAN CHEN PO DAG LA BKUR STI BYA BA'I PHYIR MA YIN NO SNYAM MO, ,DE NAS BYANG CHUB SEMS DPA' SEMS DPA' CHEN PO RTAG TU DUS GRONG BAR GYI TSONG 'DUS KYI DBUS SU 'DUG STE, MI SU 'DOD MI SU 'DOD CES SGRA BSGRAGS SHING SKAD KYIS THOS PAR BOS SO, ,DE BZHIN DU SBYAR TE, @27A *, ,DE NAS BDUD SDIG CAN GYIS CI NAS BRAM ZE DANG KHYIM BDAG DE DAG GIS BYANG CHUB SEMS DPA' SEMS DPA' CHEN PO RTAG TU DUS MI SU 'DOD MI SU NGA NYO BAR 'DOD CES ZER BA'I SGRA MI THOS PAR 'GYUR BA DE LTA BUR YONGS SU BSGRIBS SO, ,DE NAS BYANG CHUB SEMS DPA' SEMS DPA' CHEN PO RTAG TU DU GANG GI TSE BDAG NYO BA MA RNYED PA DE'I TSE PHYOGS GCIG TU SONG NAS MCHI MA PHYUNG STE 'DI LTAR BDAG GI LUS BTZONGS LA BYANG CHUB SEMS DPA' SEMS DPA' CHEN PO CHOS 'PHAGS LA BKUR STI BYA SNYAM NA, LUS NYO BA YANG BDAG GIS MA RNYED DE, KYE MA BDAG NI THOB PA NGAN PA THOB BO SNYAM NAS, DE NAS LHA'I DBANG PO BRGYA BYIN 'DI SNYAM DU SEMS TE, DE LTAR BYANG CHUB SEMS DPA' SEMS DPA' CHEN PO RTAG TU NGU 'DI LTA STE CHOS 'DOD PA'I PHYIR BDAG GI LUS YONGS SU GTANG BAR LHAG PA'I BSAM PA PHUN SUM TSOGS PA YIN NAM MA YIN PA, BYANG CHUB SEMS DPA' SEMS DPA' CHEN PO RTAG TU NGU LA BDAG GIS SAD PAR BYA'O SNYAM STE, LHA'I DBANG PO BRGYA BYIN GYIS BRAM ZE'I KHYE'U 'CHI [?] BYAD DU MNGON PAR SPRUL NAS, BYANG CHUB SEMS DPA' SEMS DPA' CHEN PO RTAG TU NGU GA LA BA DER SONG STE 'ONGS NAS, BYANG CHUB SEMS DPA' SEMS DPA' CHEN PO RTAG TU NGU LA 'DI SKAD CES SMRAS SO, ,RIGS KYI BU KHYOD 'DI LTAR YID MI DGA' ZHING YID GDUNG LA MCHI MA 'BYUNG BA CI NYES, DES SMRAS PA, BRAM ZE'I KHYE'U NGA NI CHOS 'DOD PA'I PHYIR BDAG NYID BTZONGS TE, CHOS LA MCHOD PA BYA BAR 'DOD NA, LUS NYO BA DE NGAS MA RNYED NAS DE LA NGA 'DI SNYAM DU SEMS SO, ,KYE MA NGA NI BSOD NAMS CHUNG BAS 'DI LTAR LUS BTZONGS TE, SHES RAB KYI PHA ROL TU PHYIN PA LA MCHOD PAR BYA BA DANG, 'PHAGS PA BYANG CHUB SEMS DPA' SEMS DPA' CHEN PO CHOS 'PHAGS LA YANG BKUR STI BYA SNYAM NA BDAG GI LUS NYO BA MA RNYED DO SNYAM MO, ,DE NAS BRAM ZE'I KHYE'U DES BYANG CHUB SEMS DPA' SEMS DPA' CHEN PO RTAG TU NGU LA 'DI SKAD CES SMRAS SO, ,RIGS KYI BU NGA LA MIS NI BYA BA MED KYI, NGA MCHOD SBYIN ZHIG BYED DE DER MI'I SNYING DANG KHRAG DANG RUS PA DANG RKANG DAG NGA LA DGOS NA DE RIN GYIS NYOR BYIN CIG CES @27B BYAS PA DANG, BYANG CHUB SEMS DPA' SEMS DPA' CHEN PO RTAG TU NGU 'DI SNYAM DU SEMS TE GANG BDAG GIS BRAM ZE'I KHYE'U DES, SNYING DANG KHRAG DANG RUS PA DANG RKANG NYO BA RNYED PA 'DI NI BDAG GIS RNYED PA'I MCHOG LEGS PAR RNYED DO, ,BDAG NI SHES RAB KYI PHA ROL TU PHYIN PA RANG THABS MKHAS PA LA YONGS SU RDZOGS PAR 'GYUR RO SNYAM NAS, DES SEMS DGA' BA DANG SEMS BDE BA DANG SEMS RAB TU DGA' BAR GYUR NAS, BRAM ZE'I KHYE'U LA 'DI SKAD CES SMRAS SO, ,BRAM ZE'I KHYE'U NGA'I LUS 'DI LAS KHYOD GANG 'DOD PA SBYIN NO, ,DES DE LA 'DI SKAD CES SMRAS SO, , RIGS KYI BU KHYOD RIN DU CI 'DOD PA SBYIN NO ZHES BYAS PA DANG, DES DE LA 'DI SKAD CES SMRAS SO, ,BRAM ZE'I KHYE'U KHYOD KYIS GANG YONGS SU GTANG BA DE NGA LA BYIN CIG ,DE NAS BYANG CHUB SEMS DPA' SEMS DPA' CHEN PO RTAG TU DUS MTSON RNON PO THOGS NAS, LAG PA G-YAS PA PHUG STE KHRAG GZAGS SO, ,BRLA G-YAS PA SHA MED PAR BTOGS NAS RUS PA GCOG TU RTZIG PA'I DRUNG DU SONG NGO, ,DE NAS TSONG DPON GYI BU MO ZHIG KHANG PA'I YANG THOG NA 'DUG PA DES, BYANG CHUB SEMS DPA' SEMS DPA' CHEN PO RTAG TU NGU BRLA'I SHA MED PAR BTOGS NAS, RUS PA GTZOG TU RTZIG PA'I DRUNG DU SONG BA MTHONG NAS DE 'DI SNYAM DU SEMS TE, RIGS KYI BU 'DI CI'I PHYIR BDAG NYID LA BDAG NYID 'DI LTA BU'I NA TSA BYED PA BDAG RIGS KYI BU DE'I DRUNG DU SONG STE DRI'O SNYAM NAS TSONG DPON GYI BU MO DE BYANG CHUB SEMS DPA' SEMS DPA' CHEN PO RTAG TU NGU GA LA BA DER [?] SONG STE PHYIN NAS BYANG CHUB SEMS DPA' SEMS DPA' CHEN PO RTAG TU NGU LA 'DI SKAD CES SMRAS SO, ,RIGS KYI BU KHYOD CI'I PHYIR KHYOD BDAG NYID LA 'DI LTA BU'I NA TSA DAG BYED, KHRAG DANG RUS PA DANG RKANG 'DIS CI ZHIG BYA, RTAG TU DUS BU MO DE LA 'DI SKAD CES SMRAS SO, ,BRAM ZE'I KHYE'U 'DI LA BTZONGS [?] TE, SHES RAB KYI PHA ROL TU PHYIN PA LA MCHOD PAR BYA'O, ,'PHAGS PA BYANG CHUB SEMS DPA' SEMS DPA' CHEN PO CHOS 'PHAGS LA YANG BKUR STI BYA'O, ,DE NAS TSONG DPON GYI BU MO DES BYANG CHUB SEMS DPA' SEMS DPA' CHEN PO RTAG TU NGU LA 'DI SKAD CES SMRAS SO, , @28A *, ,RIGS KYI BU KHYOD 'DI LTAR BDAG GI SNYING DANG KHRAG DANG RUS PA DANG RKANG YANG BTZONGS TE RIGS KYI BU DE LA BKUR STI BYA BAR 'DOD PA, KHYOD LA YON TAN GYI RNAM PA CI ZHIG 'GRUB PAR 'GYUR, DES DE LA SMRAS PA BU MO RIGS KYI BU DE GANG LA NGAS BSLAB PAR BYA BA'I SHES RAB KYI PHA ROL TU PHYIN PA DANG THABS LA MKHAS PA DAG STON PAR 'GYUR TE, DE LA NGAS BSLABS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS SEMS CAN THAMS CAD KYI RTEN DU 'GYUR RO, ,DE BZHIN DU SBYAR TE, DE NAS TSONG DPON GYI BU MO DES BYANG CHUB SEMS DPA' SEMS DPA' CHEN PO RTAG TU NGU LA 'DI SKAD CES SMRAS SO, ,RIGS KYI BU KHYOD KYIS 'DI LTAR CHOS RGYA CHEN PO 'DI DAG YONGS SU BRJOD PA NI NGO MTSAR TE, RIGS KYI BU CHOS 'DI LTA BU RE RE'I PHYIR YANG BSKAL PA GANG G'A'I KLUNG GI BYE MA SNYED NGU LUS YONGS SU GTANG BAR BYA BA YIN NA GCIG LTA CI SMOS TE, DE TZAM DU KHYOD KYIS CHOS 'DI DAG RGYA CHER YONGS SU BRJOD NA RIGS KYI BU KHYOD GANG GIS BYANG CHUB SEMS DPA' SEMS DPA' CHEN PO CHOS 'PHAGS LA BKUR STI BYA BA'I GSER RAM NOR BU 'AM MU TIG GAM BEE d'URYA 'AM ZHES BYA BA NAS BDAG KYANG KHYED KYIS STZAL BA'I G-YOG MO LNGA BRGYA 'DI DAG DANG LHAN CIG TU CHOS 'PHAGS LA MCHOD PA BGYI BA'I SLAD DU MCHI'O ZHES BYA BA'I BAR DU RGYA CHER SBYAR RO, ,DE NAS BYANG CHUB SEMS DPA' SEMS DPA' CHEN PO CHOS 'PHAGS STAN LAS LANGS TE, BDAG GI KHYIM DU ZHUGS PA DANG ZHES BYA BA NAS, LO BDUN GYI BAR DU TING NGE 'DZIN GCIG LA SNYOMS PAR ZHUGS TE ZHES BYA BA'I BAR DANG, BYANG CHUB SEMS DPA' SEMS DPA' CHEN PO RTAG TU NGU YANG LO BDUN GYI BAR DU 'DOD PA'I RTOG PA MA BYUNG, GNOD SEMS KYI RTOG PA MA BYUNG, RNAM PAR 'TSE BA'I RTOG PA MA BYUNG, RO LA BRKAM PA MA SKYES TE, GZHAN DU NI BYANG CHUB SEMS DPA' SEMS DPA' CHEN PO CHOS 'PHAGS NAM LDANG BAR GYUR, BDAG CAG KYANG BYANG CHUB SEMS DPA' SEMS DPA' CHEN PO CHOS 'PHAGS KYI CHOS KYI KHRI GANG LA RIGS KYI BU DE 'DUG NAS CHOS STON PAR 'GYUR BA'I CHOS KYI KHRI BSHAMS NA, BDAG GIS SA PHYOGS 'DI CHAG CHAG @28B MA BTAB KYIS LEGS PAR BYUGS LA ME TOG SNA TSOGS GTOR TE, SA PHYOGS GANG DU BYANG CHUB SEMS DPA' SEMS DPA' CHEN PO CHOS 'PHAGS SHES RAB KYI PHA ROL TU PHYIN PA DANG THABS MKHAS PA RAB TU STON PAR 'GYUR BA DER LEGS PAR BYUG PAR BYA'O SNYAM MO, ,TSONG DPON GYI BU MO LA SOGS PA BU MO LNGA BRGYA DE DAG DANG BYANG CHUB SEMS DPA' SEMS DPA' CHEN PO RTAG TU NGU'I RJES SU SLOB CING SPYOD LAM GNYIS KYIS DUS 'DA' BAR BYED PA BYA BA THAMS CAD KYANG DE'I RJES SU 'JUG GO DE NAS BYANG CHUB SEMS DPA' SEMS DPA' CHEN PO RTAG TU NGUS LHA'I SGRA THOS TE, BYANG CHUB SEMS DPA' SEMS DPA' CHEN PO CHOS 'PHAGS NI ZHAG BDUN NA TING NGE 'DZIN LAS LANGS TE, LANGS NAS KYANG GRONG KHYER GYI DBUS SU 'DUG STE CHOS STAN PAR 'GYUR RO ZHES GRAG NAS, BYANG CHUB SEMS DPA' SEMS DPA' CHEN PO RTAG TU NGU LHA'I SGRA DE THOS PA DANG, DGA' MGU YID RANGS RAB TU NGU ZHING DGA' BA DANG YID BDE BA SKYES TE, TSONG DPON GYI BU MO LA SOGS PA BU MO LNGA BRGYA DANG, SA PHYOGS DE PHYAGS NAS, CHOS KYI KHRI RIN PO CHE THAMS CAD KYIS SPRAS PA BSHAMS SO, ,DE NAS BU MO DE DAG GIS RANG RANG GI BLA GOS PHUD DE STAN GANG LA BYANG CHUB SEMS DPA' SEMS DPA' CHEN PO CHOS 'PHAGS 'DUG NAS CHOS STON PAR 'GYUR BA DER BTING NGO, ,DE NAS BYANG CHUB SEMS DPA' SEMS DPA' CHEN PO RTAG TU NGUS SA PHYOGS DER CHAG CHAG GDAB PAR 'DOD NA, BDUD SDIG CAN GYIS CHU THAMS CAD MI SNANG BAR BYAS NAS, CI NAS BYANG CHUB SEMS DPA' SEMS DPA' CHEN PO RTAG TU NGUS CHU MA RNYED NAS YID MI DGA' ZHING SEMS SDUG BSNGAL TE SEMS GZHAN DU 'GYUR BA DANG, DGE BA'I RTZA BA NUB PAR 'GYUR BA DANG, MCHOD PA DE YANG MI MDZES PAR BYA BA'I PHYIR CHU DE DAG MI SNANG BAR BYAS NAS, KUN DU CHU BTZAL NA MA RNYED DO, ,DE NAS BYANG CHUB SEMS DPA' SEMS DPA' CHEN PO RTAG TU NGU 'DI SNYAM DU SEMS TE, BDAG GI LUS PHUG LA KHRAG GIS SA PHYOGS 'DI CHAG CHAG GDAB PO, ,DE CI'I PHYIR ZHE NA, SA PHYOGS 'DI NI RDUL CHE STE, RDUL GYI KHAMS 'DI NAS BYUNG BAS BYANG CHUB SEMS DPA' SEMS DPA' CHEN PO CHOS @29A *, ,'PHAGS KYI LUS LA PHOG NA MI RUNG NA, BDAG GI LUS GDON MI ZA BAR 'JIG PA 'DIS CI ZHIG BYA, BDAG GI LUS 'DI LTA BU'I BYA BA LA ZHIG PA NI BLA'I, NUS PA MED PA'I BYA BA LA 'DOD PA'I PHYIR 'DOD PA'I GZHIS 'KHOR BA DAG NA BDAG GI LUS BRGYA STONG MANG PO DE LTA BU'I GNAS SU ZHIG PA NI CIR YANG MI RUNG NGO SNYAM MO, ,DE NAS BYANG CHUB SEMS DPA' SEMS DPA' CHEN PO RTAG TU NGUS MTSON RNON PO BLANGS TE, BDAG GI LUS KUN DU PHUG NAS RANG GI KHRAG GIS SA PHYOGS DE KHOR YUG TU CHAG CHAG BTAB BO, ,BYANG CHUB SEMS DPA' SEMS DPA' CHEN PO RTAG TU NGU'I RJES SU SLOB PA TSONG DPON GYI BU MO LA SOGS PA BU MO LNGA BRGYA PO DE DAG THAMS CAD KYIS KYANG MTSON RNON PO BLANGS TE RANG RANG GI LUS PHUG NAS RANG RANG GI KHRAG GIS SA PHYOGS DE CHAG CHAG BTAB STE, GANG DE DAG LA BDUD SDIG CAN GYIS DGE BA'I PHYOGS KYI BAR CHAD BYA BAR GLAGS RNYED PAR MI 'GYUR BAS BYANG CHUB SEMS DPA' SEMS DPA' CHEN PO RTAG TU NGU DANG BU MO DE DAG SEMS GZHAN DU 'GYUR BA MED DO ZHES GSUNGS SO, ,DE BAS NA CHOS BZHI PA'I MDO LAS KYANG, DGE SLONG DAG BYANG CHUB SEMS DPA' SEMS DPA' CHEN POS DGE BA'I BSHES GNYEN SROG GI PHYIR YANG YONGS SU GTANG BAR MI BYA BA DANG, ZHES GSUNGS SO, ,DE LTAR DGE BA'I BSHES GNYEN MI BTANG BAS BDAG LA SOGS PA BSRUNG BA LA SOGS PA BYA'O, ,MDO SDE DAG LA BLTA BAS KYANG STE, BYANG CHUB SEMS DPA'I BSLAB PA'I GZHI RNAMS NI PHAL CHER MDO SDE DAG LAS SNANG STE, MDO SDE DE DANG DE DAG LAS BYANG CHUB SEMS DPA'I KUN DU SPYAD [?] PA DANG BYANG CHUB SEMS DPA'I BSLAB PA'I GZHI RNAMS BCAS SO ZHES GSUNGS PA'I PHYIR RO, ,DE LTA BAS NA DE MA BLTAS NA LTUNG BA 'BYUNG BA YANG MI SHES PAS MI SPONG BAR 'GYUR BAS RTAG TU MDO SDE BLTA BA LA GUS PAR BYA'O, ,DES NA 'DIS NI DGE BA'I BSHES GNYEN MI GTANG BA DANG, MDO SDE BLTA BAS DAM PA'I CHOS YONGS SU GZUNG BAR BRJOD PA YIN NO, ,'PHAGS PA BLO GROS RGYA MTSOS ZHUS PA'I MDO LAS, RIGS KYI BU 'ON KYANG YI GE'I NGES PA'I TSIG GANG DAG GIS BRJOD DU MED @29B PA 'DUS MA BYAS KYI CHOS DE BSNYAD PA'I YI GE'I NGES PA'I TSIG DE DAG GANG LEN PA DANG, 'DZIN PA DANG, STON PA DANG, RAB TU SHES PAR BYED PA DANG, 'JOG PA DANG, RNAM PAR 'GREL PA DANG, RNAM PAR 'BYED PA DANG, GSAL BAR BYED PA DANG, YANG DAG PAR RAB TU STON PA 'DI NI DAM PA'I CHOS YONGS SU 'DZIN PA ZHES BYA'O, ,RIGS KYI BU GZHAN YANG CHOS SMRA BA GANG DAG MDO SDE 'DI LTA BU 'DI DAG 'DZIN PA DANG, STON PA DANG SGRUB PA SNYING POR BYED PA'I CHOS SMRA BA DE DAG LA GANG BSNYEN PA DANG BRTEN PA DANG BSNYEN BKUR BYED PA DANG LDAN PA DANG RIM GRO BYED PA DANG, GUS PAR BYED PA DANG, ZHES BYED PA DANG, BSTI STANG BYED PA DANG, KUN TU SRUNG BA DANG, SBED PA DANG, YONGS SU 'DZIN PA DANG, GOS DANG ZAS DANG MAL CHA DANG NA BA'I GSOS SMAN DANG YO BYAD SBYIN PA DANG, LEGS SO ZHES BYA BA SBYIN PA DANG, RJE BO LTAR KUN TU BSRUNG BA DANG, DGE BA KUN TU BSRUNG BA DANG; BSNGAGS PA BRJOD PA DANG, MI SNYEN PA 'CHAB PA 'DI YANG DAM PA'I CHOS YONGS SU 'DZIN PA'O, ,DE BZHIN DU SBYAR TE, RIGS KYI BU GZHAN YANG RTZOD PA MED PA LHUR LEN PA DANG, CHOS MA YIN PAS RTZOD PA RNAMS CHOS DANG MTHUN PAR TSAR GCOD PA 'DI YANG DAM PA'I CHOS YONGS SU 'DZIN PA'O, ,RIGS KYI BU GZHAN YANG ZHE SDANG MED PA'I RGYUD DANG, SEMS CAN THAMS CAD BSDU BA DANG RAB TU THAR BAR BYA BA'I BLO DANG ZONG ZING MED PA'I SEMS KYIS GZHAN DAG LA CHOS SBYIN PA 'DI YANG DAM PA'I CHOS YONGS SU 'DZIN PA'O, ,DE BZHIN DU SBYAR TE, RIGS KYI BU GZHAN YANG GANG CHOS MNYAN PA'I RGYU'AM CHOS BSTAN PA'I RGYUR THA NA GOM PA GCIG 'DOR RAM THA NA DBUGS GCIG 'BYIN TAM RDUB KYANG RUNG STE, 'DI YANG DAM PA'I CHOS YONGS SU 'DZIN PA'O, ,RIGS KYI BU GZHAN YANG GANG CHOS THAMS CAD YONGS SU MI 'DZIN CING MI LEN PA 'DI YANG DAM PA'I CHOS YONGS SU 'DZIN PA ZHES BYA'O, ,DE BZHIN DU SBYAR TE, RIGS KYI BU KYE MA'O SEMS 'DI NI PHYIN CI LOG GI YUL LA RAB TU 'PHYAR BA STE, GANG DE ZLOG PA DANG YONGS SU BSRUNG BA DANG RTZE GCIG TU 'GYUR BA DANG DUL BA DANG ZHI BA DANG NYE BAR ZHI BA DANG, 'DUL BA 'DI NI DAM PA'I CHOS YONGS SU @30A *, ,'DZIN PA ZHES BYA'O, ,DE BZHIN DU SBYAR RO, ,RIGS KYI BU GZHAN YANG CHOS GANG GIS CHOS GANG 'BYUNG BA'I CHOS DE YONGS SU MI 'DZIN PA DANG MI LEN PA 'DI NI DAM PA'I CHOS YONGS SU 'DZIN PA'O ZHES BYA BA LA SOGS PA GSUNGS PA BZHIN NO, ,DE LA CHOS SMRA BA LA BRTEN PA LA SOGS PAS DGE BA'I BSHES GNYEN MI GTANG BA DANG DGE BA'I BSHES GNYEN GYI MTSAN NYID NI BSHAD ZIN TO, ,DE'I PHYIR DAM PA'I CHOS YONGS SU 'DZIN PA 'DI MED NA, SRUNG BAR MI 'GYUR DAG PAR MI 'GYUR, 'PHEL BAR MI 'GYUR LA, DE'I PHYIR DE YANG BYANG CHUB SEMS DPAR MI 'GYUR BAS, NGES PAR DAM PA'I CHOS YONGS SU GZUNG BAR BYA'O, ,DPAL PHRENG SENG GE SGRA'I MDO LAS KYANG, ,BCOM LDAN 'DAS BYANG CHUB SEMS DPA'I SMON LAM GANG G'A'I KLUNG GI BYE MA SNYED GANG LAGS PA DE DAG NI SMON LAM CHEN PO GCIG GI NANG DU 'UB CING 'DUS TE RJES SU ZHUGS PA LAGS TE 'DI LTA STE DAM PA'I CHOS YONGS SU 'DZIN PAR RO, ,BCOM LDAN 'DAS DE LTAR NA DAM PA'I CHOS YONGS SU 'DZIN PA NI YUL CHEN PO LAGS SO ZHES GSUNGS SO, ,YANG DE NYID LAS, LHA MO 'DI LTA STE DPER NA SKYES BU STOBS CHEN PO DANG LDAN PAS, GNAD DU MI DRAG PAR BSNUN NA YANG GNOD PAR 'GYUR ZHING MI BDE BAR BYED DO, ,LHA MO DE BZHIN DU DAM PA'I CHOS YONGS SU 'DZIN PA CHUNG NGUS KYANG BDUD SDIG CAN LA GNOD PAR 'GYUR ZHING MYA NGAN SKYED DE SMRE SNGAGS 'DON PAR BYED PAR 'GYUR RO, ,LHA MO 'DI LTAR DAM PA'I CHOS YONGS SU 'DZIN PA CHUNG NGUS KYANG BDUD SDIG CAN LA GNOD PAR 'GYUR ZHING SDUG BSNGAL BA SKYED DE, SMRE SNGAGS 'DON PAR BYED PA DE LTA BU'I CHOS GZHAN NI NGAS GCIG KYANG MA MTHONG NGO ZHES GSUNGS SO, ,YANG DE LAS, LHA MO 'DI LTA STE DPER NA RI'I RGYAL PO RI RAB KYI GNAM 'PHANG DANG ZHENG RGYAS RI NAG PO THAMS CAD ZIL GYIS MNAN NAS KUN DU THAL LE ZHING MNGON PAR THAL LE 'DUG GO, ,LHA MO DE BZHIN DU THEG PA CHEN PO PA LUS DANG SROG LA MI LTA BA GZUNG BA MED PA'I SEMS DANG LDAN PA'I DAM PA'I CHOS YONGS SU 'DZIN PAS KYANG, THEG PA CHEN PO PA THEG PA LA GSAR DU YANG DAG PAR @30B ZHUGS PA LUS DANG SROG LA LTA BA DANG BCAS PA RNAMS KYI DGE BA'I CHOS THAMS CAD ZIL GYIS GNON NO ZHES BYA BA LA SOGS PA GSUNGS SO, ,DE SKAD DU 'PHAGS PA BLO GROS RGYA MTSOS ZHUS PA'I MDO LAS KYANG, ,DE BZHIN GSHEGS PA'I DAM PA'I CHOS 'DZIN PA, ,RGYAL BA RNAMS KYIS YONGS SU GZUNG BAR 'GYUR, ,LHA DANG KLU DANG MI 'AM CI RNAMS DANG, ,BSOD NAMS YE SHES KYIS NI YONGS SU GZUNG, ,DE BZHIN GSHEGS PA'I DAM PA'I CHOS 'DZIN PA, ,DRAN LDAN BLO GROS LDAN ZHING BLO LDAN 'GYUR, ,SHES RAB RGYA CHEN KUN NAS YE SHES LDAN, ,MKHAS PA BAG CHAGS BCAS PA'I NYON MONGS SPONG, ,DE BZHIN GSHEGS PA'I DAM PA'I CHOS 'DZIN PA, ,DE LA BDUD KYIS SKYON CHAGS RNYED MI 'GYUR, ,DE LA 'GYOD DANG DE BZHIN DOGS PA MED, ,DE LA BCINGS MED SGRIB PA CUNG ZAD MED, ,DE BZHIN GSHEGS PA'I DAM PA'I CHOS 'DZIN PA; ,ZHING STONG DAG TU NAM YANG MI SKYE STE, ,SKYE BA KUN DU DES NI RGYAL BA MTHONG, ,MTHONG NAS DE LA DAD PA RAB TU 'THOB, ,DE BZHIN GSHEGS PA'I DAM PA'I CHOS 'DZIN PA, ,CHOS KYI BDAG NYID CHEN PO SKYE DRAN 'GYUR, ,YANG DANG YAN DU RAB TU 'BYUNG BA THOB, ,SPYOD PA YONGS DAG SGRUB PA SNYING POR BYED, ,DE BZHIN DU SBYAR TE, DE BZHIN GSHEGS PA'I DAM PA'I CHOS 'DZIN PA, ,TSUL KHRIMS THOB PAS 'PHAGS PA'I CHOS SPYOD PA, ,MKHAS PA MNGON SHES LNGA LA MYUR DU REG ,MA SMAN BSAM GTAN RNAM PAR THAR PA THOB, ,DE BZHIN GSHEGS PA'I DAM PA'I CHOS 'DZIN PA, ,DE NI ZAB CHOS RTOGS PAR KHONG DU CHUD, ,SANGS RGYAS SPYOD YUL STONG NYID THE TSOM MED, ,SEMS CAN BDAG MED PAR YANG MOS PAR 'GYUR, ,DE BZHIN GSHEGS PA'I DAM PA'I CHOS 'DZIN PA, ,DE NI SO SO YANG DAG RIG PA 'THOB, ,'JIGS MED SHES RAB RNO ZHING CHAGS MED DAG ,DE NI SROG CHAGS KUN GYI THE TSOM GCOD, ,DE BZHIN GSHEGS PA'I DAM PA'I CHOS 'DZIN PA, ,MKHAS PA DE NI GZUNGS RNAMS THOB PAR 'GYUR, ,BSKAL PA BRGYAR YANG GANG THOS CHUD MI ZA, ,SPOBS DANG LDAN ZHING CHAGS PA MED PAR 'GYUR, @31A *, ,DE BZHIN GSHEGS PA'I DAM PA'I CHOS 'DZIN PA, ,DE LA MKHAS PA RTAG TU DGA' BAR 'GYUR, ,LHA DANG LHA MIN MI CI'I YID DU 'ONG, ,DE LA SANGS RGYAS BU GCIG BZHIN DU BSTOD, ,DE BZHIN GSHEGS PA'I DAM PA'I CHOS 'DZIN PA, ,BRGYA BYIN TSANGS PA DE BZHIN 'JIG RTEN SKYONG, ,'KHOR LOS SGYUR DANG MI YI RGYAL POR 'GYUR, ,BDE DANG YID BDES BYANG CHUB DE 'TSANG RGYA, ,DE BZHIN GSHEGS PA'I DAM PA'I CHOS 'DZIN PA, ,DE LUS SUM CU RTZA GNYIS MTSAN LDAN ZHING, ,MKHAS PA YAN LAG SMAD PA MED PAR 'GYUR, ,DE LA LTA BAS NGOMS PAR YONG MA 'GYUR, ,DE BZHIN GSHEGS PA'I DAM PA'I CHOS 'DZIN PA, ,GANG YANG CHOS KYI PHYAG RGYA 'DI STON PA'I, ,DGE BA'I BSHES GNYEN DE LA DKON MI 'GYUR, ,CHOS MDZOD ZAD MI SHES PA NYAN PAR BYED, ,DE BZHIN GSHEGS PA'I DAM PA'I CHOS 'DZIN PA, , LUS DANG NGAG DANG YID KYANG RNAM PAR DAG ,TSUL KHRIMS TING 'DZIN SHES RAB RNAM PAR DAG ,RNAM GROL YE SHES SHIN TU RNAM PAR DAG ,DE BZHIN GSHEGS PA'I DAM PA'I CHOS 'DZIN PA, ,DE NI BYANG CHUB SEMS BRJED 'GYUR BA MED, ,PHA ROL PHYIN PA SPYOD DANG 'GAL MI 'GYUR, ,DGE BA BRGYA RNAMS KYIS KYANG RAB TU GZUNG, ,ZHES 'BYUNG NGO, ,TSUL KHRIMS KYI PHA ROL TU PHYIN PA'I LE'U LAS, DAM PA'I CHOS YONGS SU BZUNG BA'I LE'U STE GNYIS PA'O,, ,,GSUM PO RNAMS KYI BSRUNG BA LA SOGS PA'I THABS NI SPYIR BSHAD ZIN TE, BSRUNG BA LA SOGS PA BRJOD PAR BYA'O, ,DE LA LUS BSRUNG GANG ZHE NA, GNOD 'GYUR SPONG BA GANG YIN PA'O, ,DE LA ZHES BYA BA NI DAM PA'I CHOS 'DZIN PAR GNAS PA NI, JI LTAR GZHAN NYAMS PAR MI BYED PA DE LTAR DE'I LUS BSRUNG BA DPYAD PAR BYA BA YIN NO, ,GNOD PAR 'GYUR BA SPONG BA 'DI YANG 'PHAGS PA NAM MKHA' MDZOD KYI MDO LAS, BYANG CHUB SEMS DPA' DAM PA'I CHOS 'DZIN PA LA BRTZON PA RNAMS KYIS, ,BCOM LDAN RKANG GNYIS DAM PA NI, ,MYA NGAN 'DAS SLAD BDAG CAG RNAMS, ,LUS DANG SROG TU BCAS BTANG STE, ,DAM PA'I CHOS NI GZUNG BAR SPRO, ,RNYED @31B DANG BKUR STI SPANGS NAS SU, ,RTEN PA KUN KYANG RAB SPANGS TE, ,SANGS RGYAS YE SHES STON BYED PA'I, ,CHOS 'DI YONGS SU MI GTONG NGO, ,DAM PA'I CHOS NI GZUNG SLAD DU, ,GSHE DANG MI SNYAN 'TSE BA DANG, ,NGAN DU SMRA BA'I TSIG RNAMS KYANG, ,BZOD PAS DE DAG DANG DU BLANG, , TSUL 'DI RAB TU BZUNG NAS SU, ,CO 'DRI BA DANG BSDIGS PA DANG, ,MI BSNGAGS PA DANG MI SNYAN PA, ,DE DAG THAMS CAD BZOD PAR BGYI, ,DE BZHIN DU SBYAR TE, DGE SLONG RGYAL PO RAB 'KHRUG CING, ,DE LTAR RAB TU MA RUNGS PA, ,RNAM PAR 'JIG TSE SEMS CAN PHYIR, ,BDAG CAG DAM CHOS GZUNG BAR BGYI, ,MDO SDE GANG DAG RAB ZAB CING, ,RNAM GROL 'BRAS BUR LDAN PA RNAMS, ,RAB TU 'DZIN PAR MI BGYID DE, ,DE DAG SNA TSOGS GTAM RNAMS BGYID, ,DE BZHIN DU SBYAR TE, ,TSUL 'DI RAB TU BZUNG NAS SU, ,GANG DAG CHOS LA MI GNAS PA'I, , SEMS CAN RNAMS LA BYAMS PAR BGYI, ,DE DAG LA NI SNYING RJE'ANG BGYI, ,SEMS CAN RNYED DANG 'DOD GNAS PA, ,TSUL KHRIMS 'CHAL PA MTHONG NAS SU, ,DE YI 'GRO BA CIR 'GYUR ZHES, ,MCHI MA'ANG RAB TU DBYUNG BAR BGYI, ,DAM PA'I CHOS LA SKUR 'DEBS PA, ,DE DAG 'PHRAL DU MTHONG NA YANG, ,DE DAG GSHE BAR MI 'GYUR BAS, ,RING NAS BYAMS PA BTZAL BAR BGYI, ,RAB TU BSNGAMS NAS NGAG GI LAS, ,NYAMS KYIS CI NUS BSRUNG BAR BGYI, ,SDIG PA LA NI RAB GNAS PA, ,DE LA GLO BUR GTAM MI BGYI, ,NOR SBYIN DE BZHIN BSTI STANG GIS, ,MI RNAMS YONGS SU SMIN BGYIS NAS, ,YANG DAG SDIG MED SPYOD YUL GYI, ,SLAD KYIS DE DAG BSKUL BAR BGYI, ,KHYIM DANG STEN PA KUN SPANGS TE, ,DON NYUNG BA DANG BGYID NYUNG BA, ,BAS MTHA' DGON PA'I SPYOD YUL LA, ,RI DAGS BZHIN DU 'GYUR BA BGYI, ,DE BZHIN DU SBYAR TE, ,NGUL BA DANG NI ZHI BA DANG, ,GROL NAS GRONG DU ZHUGS NAS KYANG, ,SEMS CAN GANG DAG CHOS TSOL BA, ,DE LA BDAG CAG CHOS BSTAN TO, ,CHOS 'DONG PAR NI RTOGS NAS SU, ,SHIN TU RING DU'ANG MCHI BAR BGYI, ,CHOS LA DGA' ZHING MOS RNYED NAS, ,LUS CAN RNAMS KYI DON KYANG BGYI, , @32A *, ,SEMS CAN RNAMS KYI 'KHRUL MANG PO, ,DE DAG MNGON DU MTHONG NAS KYANG, ,CHOS DANG DES PA RAB GNAS NAS, ,BDAG LA RAB TU BRTAG PAR BGYI, ,BSTI STANG BGYIS DANG MA BGYIS PA, ,RI RAB LTA BUR GYUR NAS SU, ,'JIG RTEN GYIS NI MI GOS PA, ,'JIG RTEN 'DREN PAR 'GYUR BAR BGYI, ,DGE SLONG TSUL LAS NYAMS RNAMS KYI, ,MI SNYAN PA DAG RTOGS NAS KYANG, ,LAS NI BDAG GIR BYA BAR BGYI, ,DE DAG LAS NI SMIN MA 'GYUR, ,CHOS RNAMS LA NI GNAS PA LA, ,DENG LA DE 'DRA'I CHOS RNAMS NI, ,JI LTA BUR YANG YOD MED CES, ,GSHED MA DAG KYANG 'GYED PAR 'GYUR, ,BDAG CAG MING GI DGE SBYONG STE, ,DGE SBYONG YON TAN MED DO ZHES, ,YANG DAG BSKUL BA THOS PA DANG, ,MDO SDE 'DI NI SPONG BAR 'GYUR, ,SNA DANG RNA CHAD DE DAG NI, ,ME LONG DGA' BAR MI 'GYUR LTAR, ,YANG DAG BSKUL BA THOS PA DANG, ,DE DAG DAM CHOS SPONG BAR 'GYUR, ,DGE SLONG GANG DAG DAM PA'I CHOS, ,RAB TU 'DZIN PA 'BYUNG 'GYUR BA, ,DE DAG DE BZHIN TSUL 'CHOS TE, ,GANG YANG CHOS 'DI MI NYAN TO, ,RGYAL PO RNAMS KYANG BSLU BAR BGYID, ,SKYE BO CHEN PO 'BYED 'GYUR YANG, ,SANGS RGYAS KYIS NI BYIN BRLABS KYIS, , SEMS CAN DE DAG CHOS NYAN 'GYUR, ,DUS NGAN DE TSE BDAG CAG RNAMS, ,SEMS CAN DAG LA PHAN SLAD DU, ,LUS DANG SROG KYANG RAB BTANG STE, ,DAM PA'I CHOS NI GZUNG BAR BGYI, ,ZHES BRJOD PA YIN NO,, ,,BAM PO GSUM PA, 'PHAGS PA DAM PA'I CHOS PAD MA DKAR PO LAS KYANG, ,CHO GA SPYOD YUL BSRUNG BYA ZHING, ,'DU 'JI MED LA GTZANG BAR BYA, ,RGYAL PO DANG NI RGYAL PU DANG, ,'DRES BYED RTAG TU SPANG PAR BYA, ,RGYAL PO'I ZHABS 'BRING GANG YIN DANG, ,GDOL PA ZOL BA CHANG 'TSONG DANG, ,MU STEGS CAN NI DE DAG DANG, ,RNAM PA KUN DU 'DRIS MI BYA; ,DGE SLONG 'DUL DANG LUS GNAS LA, ,DGRA BCOM SNYAM DU SEMS BYED CING, ,NGA RGYAL CAN RNAMS BRTEN MI BYA, ,TSUL KHRIMS 'CHAL RNAMS RNAM PAR SPANG, ,DGOD CING SMRA BA'I SPYOD YUL CAN, ,DGE SLONG MA RNAMS RTAG TU SPANG, ,MI BRTAN PAR NI MNGON PA YI, ,DGE BSNYEN @32B RNAMS KYANG SPANG BAR BYA, ,BUD MED MA NENG SEMS CAN GANG, ,DE DANG 'DRIS BYED RNAM PAR SPANG, ,KHYIM RNAMS SU NI MNA' MA DANG, ,GZHON NU MA RNAMS SPANG BAR BYA, ,KHAMS DANG LEGS PAR DRI BYED PA, ,DE DAG NAM DU'ANG DGA' MI BYED, ,PHAG 'TSONG PA DANG SHAN PA DANG, ,'DRIS PAR BYED PA RNAM PAR SPANG, ,DE BZHIN DU SBYAR TE, ,GANG DAG BUD MED GSO BYED DANG, ,GAR MKHAN GYAD DANG SIL KHROL BA, ,GANG GZHAN DE DANG 'DRA BA SPANG, ,DE DAG RNAMS DANG 'DRIS BYED SPANG, ,RES MA'I GTZO MO BSTEN MI BYA, ,JI SNYED LONGS SPYOD 'TSO BA GZHAN, ,SHIN TU DGA' BA DE DAG KYANG, ,RNAM PA KUN DU YONGS SU SPANG, ,MKHAS PAS BUD MED RNAMS LA YANG, ,GANG GI DUS NA CHOS 'CHAD PA, ,DER NI GCIG PU MI 'GRO STE, ,DGOD CING 'DUG PAR MI BYA'O, ,ZHES GSUNGS SO, ,'DI NI GNOD PA GZHAN YIN TE, 'DI LTA STE BDUD KYI LAS SO, ,SHES RAB KYI PHA ROL TU PHYIN PAS LAS, BYANG CHUB SEMS DPA' THEG PA LA YANG DAG PAR ZHUGS NAS RING PO MA LON PA DE LA BDUD SDIG CAN SHIN TU BRTZON PAR BYED CES GSUNGS PA DANG, DE NYID LAS, KUN DGA' BO GZHAN YANG GANG GI TSE BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA BRTZON PAR BYED PA DE'I TSE, BDUD SDIG CAN RNAMS JI LTAR NA BYANG CHUB SEMS DPA' SEMS DPA' CHEN PO 'DI NUR BA DANG SPU ZING ZHES BYED PAR 'GYUR ZHIG GU, GANG GIS NA 'DI BLA NA MED PA YANG DAG PAR RDZOGS PA'I BYANG CHUB LAS SEMS BSKYED PA GCIG TZAM LA YANG 'BRI BAR 'GYUR ZHIG GU SNYAM NAS BYANG CHUB SEMS DPA' MTHO BTZAMS PA NYE BAR SGRUB PO, ,'JIGS PA KUN DU STON TE, PHYOGS PHYOGS SU SKAR MDA' GTONG NGO, ,PHYOGS SREG PA 'BYIN ZHING KUN DU STON TO ZHES BYA BA DANG, GZHAN YANG RNAM PAR SHES PA LA 'DU SHES PAS YI GER 'DRI BA NAS KUN CHUB PAR BYED PA'I BAR DU BYED CING 'DI LA BDAG CAG GIS RO MYANG BA MI RNYED DO, ,ZHES STAN LAS LANGS TE 'GRO BAR 'GYUR RO, ,DE BZHIN DU GLAL BA DANG, STEG PAS KUN CHUB PAR BYED PA'I BAR DU BYED PAR 'GYUR BA NE BDUD KYI LAS SO, ,DE BZHAN DU LJONGS DANG GRONG @33A *, ,LA SOGS PA LA RNAM PAR RTOG PA DANG, DE BZHIN DU MKHAN PO DANG SLOB DPON DANG PHA MA DANG BLON PO DANG NYE DU DANG SNAG GI GNYEN MTSAMS YID LA BYED PA DANG, DE BZHIN DU CHOM RKUN YID LA BYED PA DANG, DE BZHIN DU GOS LA SOGS PA YID LA BYED PA 'BYUNG NGO, ,GZHAN YANG CHOS SMRA BA NI SHES RAB KYI PHA ROL TU PHYIN PA ZAB MO 'DI YI GER BRI BA NAS, BKLAG PA'I BAR LA 'DUN PAR GYUR LA, CHOS NYAN PA NI LE LO CAN DU GYUR PA DANG, DE LAS BZLOG PA DANG, CHOS SMRA BA NI YUL GZHAN DU 'GRO BAR 'DOD LA CHOS NYAN PA NI DE LTA MA YIN PA YANG DE BZHIN DU SBYAR RO; ,CHOS SMRA BA NI 'DOD PA CHE LA CHOS NYAN PA NI 'DOD PA CHUNG BA YANG DE BZHIN DU SBYAR RO, ,MDOR NA CHOS SMRA BA DANG CHOS NYAN PA GNYIS KYIS MI 'DZOM PAR 'GYUR BA DE DAG THAMS CAD BDUD KYI LAS YIN NO ZHES GSUNGS SO, ,'PHAGS PA NAM MKHA' MDZOD KYI MDO LAS KYANG, DE LTAR MI DGE BA'I CHOS KYI RJES SU 'JUG PA DANG DGE BA'I CHOS SPONG BA DE DAG THAMS CAD NI BDUD KYI LAS SO ZHES GSUNGS SO, ,'PHAGS PA BLO GROS RGYA MTSOS ZHUS PA'I MDO LAS KYANG, BCOM LDAN 'DAS GZHAN YANG BYANG CHUB SEMS DPA' DGON PA PAR GYUR TE, PAS MTHAR GNAS MAL BCA' BAR MNGON PAR DGA' ZHING 'DOD PA CHUNG LA CHOG SHES PA STE RAB TU DBEN PA, KHYIM PA DANG RAB TU BYUNG BA RNAMS DANG MI 'DRE LA DE DON NYUNG BA DANG BGYI BA NYUNG BAS BDE BAR GNAS TE G-YO MA MCHIS KYANG, MANG DU THOS PA YONGS SU BTZAL BA DANG, SEMS CAN YONGS SU SMIN PAR BGYI BA DANG, CHOS NYAN PA LA BRTZON PA MI GNAS PA DANG, CHOS KYI GTAM DANG DON RNAM PAR NGES PA'I GTAM GYI BAR LA RGYUN DGUM PAR SEMS TE YONGS SU 'DRI BA'I RANG BZHIN CAN MA LAGS, DGE BA CI ZHIG TSOL BA LA MI BRTZON, DE DGON PA LA GNAS PA DANG, GCIG PUR DGA' PAS NYON MONGS PA RNAMS KUN DU MI RGYU STE, DE KUN NAS LDANG BA GNON PA TZAM GYIS DGA' BA THOB CING BAG LA NYAL YANG DAG PAR GZHOM PA'I SLAD DU LAM BSGOM PAR MI BGYID DE, DE NI BDAG GI DON DANG, GZHAN GYI DON GYI SLAD DU BRTZON PAR MI 'GYUR BA 'DI NI, BCOM LDAN 'DAS @33B BYANG CHUB SEMS DPA'I DGON PA LA GNAS PA DANG RAB TU LDAN PA'I BDUD KYI LCAGS KYU STE BDUN PA'O, ,DE BZHIN DU SBYAR TE, BCOM LDAN 'DAS GZHAN YANG BYANG CHUB SEMS DPA' DGE BA'I BSHES GNYEN LTAR BCOS PA'I SDIG PA'I GROGS PO GANG DAG DE LA BSDU BA'I DNGOS PO RNAMS LAS 'DUN PA BZLOG PA DANG, SEMS CAN YONGS SU SMIN PAR BGYID PA LAS 'DUN PA BZLOG PA DANG, DAM PA'I CHOS YONGS SU BZUNG BA LAS 'DUN PA BZLOG PA DANG, BSOD NAMS KYI TSOGS LAS 'DUN PA BZLOG PA DANG, RAB TU DBEN PA LA SBYOR BA DANG, DON CHUNG ZHING BGYID PA NYUNG BA LA SBYOR BA DANG, NYAN THOS DANG RANG SANGS RGYAS DANG LDAN PA'I BKA' MCHID DE LA RGYUN DU MANG DU STON PA DANG, THEG PA CHEN PO DANG LDAN PA'I BKA' MCHID DE LA MI STON PA DAG LA BSNYEN CING BA STEN TE, BSNYEN BKUR BGYID PA DANG, GANG GI TSE BYANG CHUB SEMS DPA' DBEN PAR GNAS PAS THEG PA CHEN PO LAS LDANG BA'I TSE, BYANG CHUB SEMS DPA' GDON MI ZA BAR ZHAL TA BYED PAR BYA'O ZHES BYANG CHUB SEMS DPA' ZHAL TA BGYID PA'I DRI MA LA SBYOR BA DANG, GANG GI TSE BYANG CHUB SEMS DPA' ZHAL TA BGYID PA'I DRI MA LA SBYOR BA DE'I TSE DBEN PA LA SBYOR ZHING DE LA 'DI SKAD DU BYANG CHUB NI BYANG CHUB SEMS DPA' BRTZON 'GRUS BRTZAMS PA YIN GYI LE LO CAN NI MA YIN NO, ,GAL TE KHYOD BSKAL PA BRGYAD DAM BCUS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS MA RGYAS NA PHYIS KHYONG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR MI NUS SO ZHES MCHI LA, BCOM LDAN 'DAS DE LA BYANG CHUB SEMS DPA' GANG SGYID LUG NAS 'BRAS BU THOB PAR BGYID PA'I GNAS MCHIS NAS, BCOM LDAN 'DAS 'DI NI BYANG CHUB SEMS DPA'I DGE BA'I BSHES GNYEN LTAR BCOS PA'I BDUD KYI LCAGS KYU STE BCU PA'O, ,DE LAS GZHAN PA BYANG CHUB SEMS DPA'I THEG PA'I GANG ZAG DAG BDUD KYI LCAGS KYUS ZIN PA CHOS NGAN PA LA SPYOD PA DE DAG LA DGA' BA RNYED PA DANG DE DAG KYANG DE BZHIN DU DE'I RJES SU 'JUG PAR 'GYUR PA DANG, DE DMAN PA LA BSTEN CING KHYAD PAR DANG BRAL BAS 'DI LTA STE, ZHAN PA'I 'GRO BA BLUN PA 'ON PA LKUGS PA'I 'GRO BA 'GRO BA DMAN @34A *, ,PA NYID DU MCHI BAR 'GYUR TE 'DI NI BDUD KYI LCAGS KYU BCU GCIG PA'O ZHES GSUNGS TE, GANG GIS DE LTAR BRTZON 'GRUS SHIN TU BRTZAMS PA SKYO BAR GYUR PAS, RTAG TU BYANG CHUB SEMS DPA'I DNGOS PO NYID DU MI 'GYUR BA'O, ,DE BAS NA DKON MCHOG SPRIN LAS, 'DI LA BYANG CHUB SEMS DPA'I SPYOD LAM THAMS CAD DU BRTZON 'GRUS RTZOM PA NA, CI NAS LUS SKYO BAR MI 'GYUR BA DANG SEMS SKYO BA MI 'GYUR BA DE LTAR RTZOM STE 'DI NI BYANG CHUB SEMS DPA'I RTAG PA'I BRTZON 'GRUS ZHES BYA'O ZHES GSUNGS SO, ,GANG GIS SKYO BAR 'GYUR PA'I BRTZON 'GRUS TE CI 'DRA BA ZHIG YIN ZHE NA, GANG 'DI STOBS CHUNG BA LAS LCI BA 'AM DUS RING POR RTZOM PA 'AM MOS PA YONGS SU MA SMIN PA RNAMS BYA DKA' BA'I LAS RTZOM PA STE DPER NA RANG GI SHA SBYIN PA LA SOGS PA LTA BU'O, ,'DIS SEMS CAN RNAMS LA LUS BYIN ZIN MOD KYI, 'ON KYANG DUS MA YIN PAR YONGS SU SPYAD PA LAS BZLOG PAR ZAD DE, GZHAN DU NA SEMS CAN DE DAG LA BYANG CHUB SEMS DPA' SKYO BAR GYUR PAS, BYANG CHUB KYI SEMS KYI SA BON CHUD ZA BA'I PHYIR 'BRAS BU'I PHUNG PO CHEN PO CHUD ZA BAR 'GYUR RO, ,DE'I PHYIR 'PHAGS PA NAM MKHA' MDZOD KYI MDO LAS; DUS MA YIN PAR 'DOD PA NI BDUD KYI LAS SO ZHES GSUNGS SO, ,DUS MA YIN ZHES TE LUS GTANG BA'I SEMS MI BSKYED PA NYID KYANG MA YIN TE, GOMS PA MA BRTZAMS PA'I PHYIR NAM YANG SBYIN PAR MI BYA BAR 'GYUR RO, ,DE LTA BAS NA DE LTAR DRAN PA NYE BAR GZHAG NAS BYANG CHUB KYI SEMS YONGS SU SMIN BA DANG 'GAL BA DANG GTI MUG GIS RANG GI DON LA GNOD PA DANG, SHA ZA BA DANG LAS BYED PA RNAMS LA LUS BSRUNG BAR BYA'O, ,DPER NA SMAN SHING LJON PA BLTA SDUG PA, ,RTZA BA LA SOGS SPYAD 'OS SA BON NI, ,SBYIN YANG DUS MIN SPYAD LAS BSRUNG BYA BA; ,RDZOGS PA'I SANGS RGYAS SMAN SHING DE BZHIN NO, ,MDOR BSDU NA BDUD KYI LAS 'DI NI GNOD PA YIN NO, ,'DI RNAM PAR SPANG BA NI DKON MCHOG SPRIN GYI MDO LAS, RIGS KYI BU JI LTAR NA BYANG CHUB SEMS DPA' BDUD KYI LAS YONGS SU SPONG BA'I THABS LA MKHAS PA YIN ZHE NA, @34B 'DI LA BYANG CHUB SEMS DPA' MI DGE BA'I BSHES GNYEN THAMS CAD KYI THAMS CAD DU YONGS SU SPONG NGO, ,MI MTHUN PA'I YUL NA GNAS PA DANG 'JIG RTEN RGYANG PHAN PA'I GSANG TSIG BSTEN CING SGOM PA DANG, RNYED PA DANG BKUR STI DANG MCHOD PA DANG RIM GRO LA CHAGS PA THAMS CAD NAS THAMS CAD DU YONGS SU SPONG NGO, ,NYE BA'I NYON MONGS PA GANG GZHAN DAG BYANG CHUB KYI PHYOGS KYI LAM GYI BAR DU GCOD PA DE DAG KYANG THAMS CAD NAS THAMS CAD DU YONGS SU SPONG NGO, ,DE DAG GI GNYEN PO YANG BSTEN TO ZHES GSUNGS SO, ,DE NYID LAS MI DGE BA'I BSHES GNYEN GYI MTSAN NYID GSUNGS PA, TSUL KHRIMS NYAMS PA'I GANG ZAG RNAM PAR SPANGS PAS SDIG PA'I GROGS PO YONGS SU SPANGS PAR RIG PAR BYA'O, ,DE BZHIN DU LTA BA NYAMS PA DANG CHO GA NYAMS PA DANG 'TSO BA NYAMS PA'I GANG ZAG RNAM PAR SPANGS PA DANG, 'DU 'DZI LA DGA' BA'I GANG ZAG RNAM PAR SPANGS PA DANG, LE LO CAN GYI GANG ZAG RNAM PAR SPANGS PA DANG, 'KHOR BA LA DGA' BA'I GANG ZAG RNAM PAR SPANGS PA DANG, BYANG CHUB LA RGYAB KYIS PHYOGS PA'I GANG ZAG RNAM PAR SPANGS PA DANG, KHYIM PA DANG BSTEN PA RNAM PAR SPANGS PA DANG, SDIG PA'I GROGS PO YONGS SU SPANGS PAR RIG PAR BYA STE, RIGS KYI BU DES DE DAG YONGS SU SPONG BA'I TSE, GANG ZAG DE DAG LA SDANG BA'I SEMS BSKYED PAR MI BYA'O, ,KHONG KHRO BA'I SEMS DANG BRNYAS PA'I SEMS BSKYED PAR MI BYA'O DES 'DI LTAR BCOM LDAN 'DAS KYIS KYANG SEMS CAN RNAMS NI, , KHAMS SO SO BA BSTEN TE, BSTEN PAR GYUR NAS CHUD ZA BAR 'GYUR RO ZHES BKA' STZAL TO, ,DE BAS NA BDAG GIS BSTEN PA YONGS SU SPANGS PAR SEMS NYE BAR GZHAG PAR BYA'O ZHES GSUNGS SO, ,BYANG CHUB SEMS BRJOD PA 'DI YANG GNOD PA YIN TE, DE'I RGYU NI DKON MCHOG BRTZEGS PA LAS; 'OD SRUNGS BYANG CHUB SEMS DPA' CHOS BZHI DANG LDAN BYANG CHUB KYI SEMS BRJED PAR 'GYUR TE, BZHI GANG ZHE NA, 'DI LTA STE, MKHAN PO DANG SLOB DPON DANG BLA MA DANG, SBYIN GNAS LA SLU BA DANG, GZHAN 'GYOD PA MED PAR DAG LA 'BYOD PA NYE BAR SGRUB PA DANG, THEG PA CHEN PO @35A *, ,LA YANG DAG PAR ZHUGS PA'I SEMS CAN RNAMS LA BSNGAGS PA MA YIN PA DANG MI SNYAN PA DANG BRJOD PA MA YIN PA DANG, TSIGS SU BCAD PA MA YIN PA 'BYIN PA DANG, SGYU DANG G-YOS GZHAN LA NYE BAR SPYOD KYI LHAG PA'I BSAM PAS MA YIN PA ZHES GSUNGS SO, , 'DI RNAM PAR SPANG PA YANG DE NYID LAS, 'OD SRUNGS BYANG CHUB SEMS DPA' CHOS BZHI DANG LDAN NA SKYE BA THAMS CAD DU SKYES MA THAG TU BYANG CHUB KYI SEMS MNGON DU 'GYUR TE, BYANG CHUB KYI SNYING PO LA 'DUG GI BAR DU BAR MA DOR BRJED PAR MI 'GYUR RO, ,BZHI GANG ZHE NA 'DI LTA STE, SROG GI PHYIR RAM THA NA BZHAD GAD GYI PHYIR YANG SHES BZHIN DU BRDZUN GYI TSIG MI SMRA BA DANG, SGYU DANG G-YO MED PAR SEMS CAN THAMS CAD KYI DRUNG NA LHAG PA'I BSAM PAS GNAS PA DANG, BYANG CHUB SEMS DPA' THAMS CAD LA STON PAR 'DU SHES SKYED CING DE DAG GI YANG DAG PA'I BSNGAGS PA PHYOGS BZHIR BRJOD PA DANG, SEMS CAN GANG RNAMS YONGS SU SMIN PAR BYED PA DE DAG THAMS CAD KYANG NYI TSE BA'I THEG PA MI 'DOD PAR BLA NA MED PA YANG DAG PAR RDZOGS PA'I BYANG CHUB YANG DAG PAR 'DIN DU 'JUG PA STE, 'OD SRUNGS BZHI PO DE DAG GO ZHES GSUNG SO, ,SENG GES ZHUS PA LAS KYANG, GANG ZHIG CHOS KYI SBYIN PA LAS, ,NAM YANG BAR CHAD MI BYED PA, ,DE NI DES NA RAB MYUR BA DANG, ,'JIG RTEN MGON DANG PHYAD PAR 'GYUR, ,DE BZHIN DU, CHOS KYI SBYIN PAS SKYE BA DRAN, ,GZHON NU DE LTAR SHES PAR GYIS, ,ZHES GSUNGS PA DANG, DE SKAD DU DE NYID LAS, SKYE BA KUN DU BYANG CHUB SEMS, ,RMI LAM NA YANG SEMS DE NI, ,'DOR MI 'GYUR NA MA NYAL TSE, ,SMROS CI 'TSAL BAR GANG GIS 'GYUR, ,BKA' STZAL PA, GRONG DANG GRONG KHYER RNAMS SU YANG, ,GANG DU GNAS PA'I YUL RNAMS SU, ,BYANG CHUB LA NI YANG DAG 'DZUD, ,DES NA SEMS 'DOR MI 'GYUR RO, ,ZHES GSUNGS SO, ,'PHAGS PA 'JAM DPAL GYI SANGS RGYAS KYI ZHING GI YON TAN BKOD PA'I MDO LAS KYANG, BYANG CHUB SEMS DPA' CHOS BZHI DANG LDAN NA SMON LAM MI 'DOR RO, ,DE BZHIN DU SBYAR TE, NGA RGYAL BCOM PA YIN, PHRAG DOG DANG SER SNA YONGS SU @35B SPANGS PA YIN, PHA ROL GYI 'BYOR PA MTHONG NA YID DGA' BA YIN NO ZHES GSUNGS PA DANG, DKON MCHOG PA RTZEGS PA DE NYID LAS, SPYOD LAM THAMS CAD DU BYANG CHUB KYI SEMS YONGS SU SBYONG BA DANG BYANG CHUB KYI SEMS SNGON DU 'GRO BA DANG ZHES GSUNGS PA GANG YIN PA 'DI NI 'DIR BYANG CHUB KYI RGYUR SHIN TU GSAL BA NYID DO, ,DE SKAD DU ZLA BA SGRON MA'I MDO LAS KYANG, KHYED LA MOS BYA KHONG DU CHUD PAR BYA, ,JI LTAR JI LTAR MANG DU MIS BRTAGS NA, ,DE LA GNAS PA'I RNAM PAR RTOG PA DES, ,DE LTA DE LTAR DE LA SEMS GZHOL 'GYUR, ,ZHES GSUNGS SO, , SPRO BA MED PA YANG GNOD PA MA YIN TE, ,DE SPANG BA NI DKON MCHOG SPRIN LAS MTHONG STE, 'DI LA BYANG CHUB SEMS DPA' 'DI SNYAM DU MIR GYUR PAS NI BYANG CHUB THOG PAR DKA' LA, BDAG GI BRTZON 'GRUS 'DI YANG CHUNG ZHING ZHAN TE, BDAG NI LE LO CAN NO, ,BYANG CHUB NI MGO DANG GOS LA ME 'BAR BA BZHIN DU BSKAL PA MANG PO BSKAL PA BRGYA PHRAG MANG PO BSKAL PA STONG PHRAG MANG PO BSKAL PA BRGYA STONG PHRAG MANG POR BSGRUB DGOS PAS BDAG NI DE LTA BU'I KHUR BKUR BAR MI SPRO'O SNYAM DU SEMS MI BSKYED DE, 'ON KYANG BYANG CHUB SEMS DPA' NI 'DI LTAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GANG DAG MNGON PAR RDZOGS PAR SANGS RGYAS PA DE DAG DANG, GANG DAG MNGON PAR RDZOGS PAR 'TSANG RGYA BA DE DAG DANG, GANG DAG MNGON PAR RDZOGS PAR 'TSANG RGYA BAR 'GYUR BA DE DAG KYANG, TSUL 'DI 'DRA BA DANG LAM 'DI 'DRA BA DANG BRTZON 'GRUS 'DI 'DRA BAS MNGON PAR RDZOGS PAR SANGS RGYAS NAS, MNGON PAR RDZOGS PAR 'TSANG RGYA, MNGON PAR RDZOGS PAR 'TSANG RGYA BAR 'GYUR ZHES BYA BA NAS, DE BZHIN GSHEGS PA DE DAG KYANG DE BZHIN GSHEGS PAR GYUR PA SHA STAG LAS MNGON PAR RDZOGS PAR SANGS RGYAS PA MA YIN GYIS, BDAG KYANG CI NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR BA'I SEMS CAN THAMS CAD DANG THUN MONG GI BRTZON 'GRUS DANG, SEMS CAN THAMS CAD LA DMIGS PA'I BRTZON 'GRUS KYIS BDAG GIS KYANG DE LTA DE LTAR BRTZAL LO 'BAD DO ZHES @36A *, ,GSUNGS SO, ,GZHAN YANG GNOD PA NI DKON MCHOG BRTZEGS PA LAS MTHONG STE, SEMS CAN YONGS SU SMIN PAR MA BYAS PA RNAMS LA YID RTON PA BYANG CHUB SEMS DPA'I 'KHRUL PA DANG, SEMS CAN SNOD DU MA GYUR PA RNAMS LA SANGS RGYAS KYI CHOS RGYA CHEN PO STON PA BYANG CHUB SEMS DPA'I 'KHRUL PA DANG, RGYA CHEN PO LA MOS PA'I SEMS CAN RNAMS LA THEG PA DMAN PA STON PA BYANG CHUB SEMS DPA'I 'KHRUL PA DANG, YANG DAG PAR NYE BAR GNAS PA'I SEMS CAN TSUL KHRIMS DANG LDAN PA DGE BA'I CHOS CAN RNAMS LA BRNYAS SHING TSUL KHRIMS 'CHAL PA SDIG PA'I CHOS CAN SDUD PA NI BYANG CHUB SEMS DPA'I 'KHRUL PA ZHES BYA'O, ,MOS PA MED PA YANG GNOD PA YIN TE, ,'PHAGS PA YUL 'KHOR SKYONG GI MDO LAS KYANG, ,SANGS RGYAS LA YANG MOS PA YOD MIN LA, ,CHOS DANG TSOGS LA DE NI MOS PA MED, ,BSLAB DANG SBYANG BA RNAMS LA DE MI MOS, ,SDIG PA'I BLO CAN NGAN SONG GSUM PHYOGS PA, ,DE NI MI NANG 'DI NAS SHI 'PHOS NAS, ,LAS KYI DBANG GIS MI MKHAS RNAM PAR RMONGS, ,DMYAL BA'AM 'ON TE DUD 'GRO'I 'GRO RNAMS SAM, ,YI DAGS 'GRO BA RNAMS SU SDUG BSNGAL RNYED, ,CES JI SKAD GSUNGS PA LTA BU'O, ,DE RNAM PAR SPANGS PA NI DKON MCHOG BRTZEGS PA'I MDO LAS MTHONG STE, CHOS ZAB MO GANG DAG DE'I BLOS MI RTOGS PA DE LA SANGS RGYAS KYI BYANG CHUB NI MTHA' YAS SHING, SEMS CAN MOS PA THA DAD PA RNAMS LA DE BZHIN GSHEGS PA RNAMS KYIS CHOS BSTAN PA 'JUG STE, DE BZHIN GSHEGS PA NYID KYIS MKHYEN GYI BDAG GIS NI MI SHES TE, DE BZHIN GSHEGS PA NYID DBANG DU GYUR PA YIN NO ZHES BYAS NAS MI SPONG NGO ZHES BYA BA'O, ,ZHAL TA BYED PA'I TSE DON MA YIN PA RNAM PAR SPANG BA LA MKHAS PAR BYA'O, ,BYANG CHUB SEMS DPA'I SO SOR THAR PA LAS, CHOS DANG MTHUN PA DANG CHOS NYAN PA DANG DE BZHIN GSHEGS PA MCHOD PA LA ZHAL TA BYA BAR BSTAN TO, ,DE LA ZHAL TA BYA BA GANG YIN PA NI RIN PO CHE'I PHUNG PO'I MDO LAS GSUNGS TE, DE LA DGE SLONG ZHAL TA BYED PAS DGE SLONG GI DGE 'DUN THAMS CAD KYI SEMS MGU BAR @36B BYA'O; ,DE LA DGE SLONG DGON PA BA BAS MTHA'I GNAS MAL BSTEN PA GANG YIN PA DE DAG NI DGE SLONG ZHAL TA BYED PAS THAMS CAD DU LAS SU BSKO BAR MI BYA'O, ,GAL TE DGE SLONG DGON PA BA LA DGE 'DUN GYI BYA BAR GTOGS PA SLOB PA'I LAS RES BAB NA, DGE SLONG ZHAL TA BYED PA DES LAS DE BDAG GIS BYA'O, ,YANG NA DGE SLONG GZHAN ZHIG BSKOS LA LAS DE BYED DU GZHUG STE, DGE SLONG DGON PA BA LA GNOD PAR MI BYA'O, ,DE LA DGE SLONG BSOD SNYOMS SPYOD PA GANG YIN PA DE LA DGE SLONG ZHAL TA BYED PA DES KHA ZAS BSOD PA BGO BSHA' BYA'O, ,'OD SRUNGS DE LA DGE SLONG GANG RNAL 'BYOR SPYOD PA GANG YIN PA DE DAG LA, DGE SLONG ZHAL TA BYED PAS MTHUN PA'I 'TSOG CHAS DANG NA BA'I GSOS SMAN DANG YO BYAD RNAMS SBYIN PAR BYA'O, ,DGE SLONG RNAL 'BYOR SPYOD PA DES PHYOGS GANG LA GNAS PA'I SA PHYOGS DER DGE SLONG ZHAL TA BYED PA DES SGRA CHEN PO DANG SKAD DRAG PO MI DBYUNG ZHING BYED DU'ANG MI GZHUG GO, ,DGE SLONG ZHAL TA BYED PAS DGE SLONG RNAL 'BYOR SPYOD PA DE BSRUNG ZHING MAL CHA YANG SBYAR BAR BYA'O, ,KHA ZAS BSOD PA DANG YI GAR 'ONG PA DANG RNAL 'BYOR SPYOD PA'I SA DANG MTHUN PA'I BZA' BA DANG BCA' BA RNAMS SBYIN PAR BYA'O, ,DE BZHIN DU SBYAR TE, DGE SLONG GANG DAG MANG DU THOS PAR BYED PA LA BRTZON PA DE DAG SPRO BA BSKYED PAR BYA ZHING, DE DAG LA BSRUNG BA'I BAR DU BYA'O, ,CHOS SMRA BA'I DGE SLONG GANG YIN PA DE DAG LAS SU MI BSKO BAR BYA'O, ,CHOS NYAN PA LA BRTZON PAR 'GYUR PA'I BAR DU BYA'O, ,'KHOR GYI DKYIL 'KHOR BSHAM PAR BYA'O, ,'BEL BA'I GTAM GYIS DKYIL 'KHOR RNAM PAR SBYANG BAR BYA BA NAS DE LA LEGS SO ZHES BYA BA MANG BAR 'GYUR BA'I BAR DU BYA'O, ,DE BZHIN DU SBYAR TE, DNGOS PO GANG LA YANG DBANG BYA BA'I 'DU SHES BSKYED PAR MI BYA'O, ,BYA BA JI TZAM DU CHUNG BA YANG DGE 'DUN GYI GROS BZHIN BYA ZHING RANG DGAR MI BYA'O, ,DGE 'DUN GYI PHYOGS BZHI'I DGE 'DUN GYI DANG MI BSRE BA'I BAR DU BYA STE, BZLOG PA YANG DE BZHIN NO, ,DE BZHIN DU MCHOD RTEN GYI DANG PHAN TSUN BSRE BA YANG BKAG GO, ,GAL TE PHYOGS BZHI'I DGE 'DUN LA BRE YONGS SU GYUR LA DGE 'DUN GYI RNYED PA @37A *, ,CHE BAR GYUR NA DGE SLONG ZHAL TA BYED PA DES DGE SLONG GI DGE 'DUN BSDUS LA GROS MTHUN PAR BGYIS TE, DGE 'DUN GYI RNYED PA LAS PHYOGS BZHI'I DGE 'DUN LA BSHUG PAR BYA'O, ,MCHOD RTEN ZHIG RAL DU GYUR NA YANG DE BZHIN DU BYA'O, ,SBYIN PA PO DANG SBYIN BDAG LA GSOL BA THOB LA MCHOD RTEN GSO BAR BYA'O, ,'OD SRUNGS GAL TE MCHOD RTEN GYI RNYED PA JI LTAR MANG DU GYUR DU ZIN KYANG DE DGE SLONG ZHAL TA BYED PAS DGE 'DUN DANG PHYOGS BZHI'I DGE 'DUN LA BSHU PAR MI BYA STE, DE CI'I PHYIR ZHE NA, DAD CING DANG BA MANG PO DAG GIS MCHOD RTEN LA PHUL BA NI THA NA RAS KYI KHA TSAR GCIG TZAM GANG YIN PA DE YANG LHA DANG BCAS PA'I 'JIG RTEN GYI MCHOD RTEN YIN NA, RIN PO CHE 'AM RIN PO CHER SMOS PA DAG LTA SMOS KYANG CI DGOS, ,MCHOD RTEN LA GOS PHUL BA GANG YIN PA DE NI DE BZHIN GSHEGS PA'I MCHOD RTEN DE NYID DU RLUNG DANG NYI MA DANG CHAR PAS DENGS KYANG BLA'I MCHOD RTEN LA PHUL BA'I GOS DANG ZONG GSER DU BSGYUR DU MI RUNG STE, MCHOD RTEN LA NI MCHOD RTEN GYI ZONG CIS KYANG BREL PHONGS PA MED DO, ,'OD SRUNGS DGE SLONG GI ZHAL TA BYED PA GANG LA LA ZHIG TSUL KHRIMS DANG LDAN PA SBYIN PA'I GNAS RNAMS LA SEMS KHROS SAM DBANG BYED CING BSGO BLAG BYED NA DE MI DGE BA'I LAS DES SEMS CAN DMYAL BAR 'GRO BAR 'GYUR RO, ,GAL TE MI'I 'JIG RTEN DU 'ONGS NA YANG BRAN DANG GZHAN GYI LAS BYED PAR 'GYUR PA DANG KHU TSUR DANG THAL LCAG DANG LAG CHA BA SNYEMS PAS BRDEGS PA DANG PHRAD PAR 'GYUR RO, ,DE BZHIN DU SBYAR TE, DGE SLONG LA CHAD PAS GCOD PA DANG, 'JIGS PAR BYED PA DANG BSDIGS PA DANG, DUS MA YIN PAR MNGAG PA DANG DUS MA YIN PAR BSGO BAR BYED NA, DE MI DGE BA DES NYI TSE BA'I SEMS CAN DMYAL BA PHUR PA MANG PO ZHES BYA BA DER SKYE BAR 'GYUR TE, PHUR PA STONG GI BAR DAG GIS LUS LA ZUG CING, 'BAR RAB TU 'BAR LA, KUN TU RAB TU 'BAR BAR 'GYUR RO, ,DE BZHIN DU SBYAR TE, LCE'I TSAD DPAG TSAD BRGYA BAR 'GYUR ZHING DE'I LCE'I DBANG PO DE LA LCAGS PHUR BRGYA STONG KUN TU 'BAR BA DAG GIS 'BUGS PAR 'GYUR RO, ,'OD SRUNGS DGE SLONG ZHAL TA BYED PA GANG LA LAS DGE 'DUN @37B GYI RNYED PA 'DUS SHING 'DUS PA GZHAG STE DUS DUS SU MI SBYIN ZHING MTHO BA TZAM SA LA GCES NAS SBYIN PA DANG KHA CIG LA MA BYIN NA DE MI DGE BA'I RTZA BA DES YI DAGS KYI SKYE GNAS RKYAG 'JIM BYIN PA NUB CES BYA BA DER SKYE BAR 'GYUR RO, ,DER YI DAGS GZHAN GYIS KHA ZAS BLANGS TE DE LA BSTAN NA, DE BSTAN PA'I TSE, MIG GNYI GA MI 'DZUMS PAR ZAS DE LA BLTA ZHING BKRES PA DANG SKOM PAS NYEN PA'I SDUG BSNGAL GYI TSOR BA MYONG GI LO BRGYA STONG DU YANG ZAS DE NI THOB PAR MI 'GYUR RO, ,JI STE BRGYA LA BRGYA LAM NA ZAS DE THOB KYANG NGAN SKYUGS DANG RNAG KHRAG TU 'GYUR RO ZHES GSUNGS SO, ,DGE 'DUN BSRUNGS KYI RTOGS PA BRJOD PA LAS KYANG GNOD PA GSUNGS TE, DGE 'DUN BSRUNGS KHYOD KYIS SEMS CAN RTZIG PA LTA BU GANG DAG MTHONG BA DE RNAMS NI SNGON DGE SLONG YIN TE, DE DAG GIS DGE 'DUN GYI RTZIG NGOS LA NGAR SNABS KYIS MA RUNGS PAR BYAS PAS LAS DE'I RNAM PAR SMIN PAS RTZIG PA DANG 'DRA BAR GYUR TO, ,DGE 'DUN BSRUNGS KHYOD KYIS SEMS CAN KA BA 'DRA BA GANG DAG MTHONG BA DE RNAMS KYANG SNGON DGE SLONG YIN TE, DE DAG GIS DGE 'DUN GYI KA BA NGAR SNABS KYIS MA RUNGS PAR BYAS PAS DE'I PHYIR KA BA 'DRA BAR GYUR TO, , DGE 'DUN BSRUNGS KHYOD KYIS SEMS CAN SHING LTA BU DANG LO MA LTA BU DANG ME TOG LTA BU DANG 'BRAS BU LTA BU GANG DAG MTHONG BA DE RNAMS KYANG SNGON DGE SLONG YIN TE, DE DAG GIS DGE 'DUN GYI SHING DANG LO MA DANG ME TOG DANG 'BRAS BU RNAMS GANG ZAG GIS YONGS SU SPYAD PAR SPYAD PAS NA DE'I PHYIR SHING DANG LO MA DANG ME TOG DANG 'BRAS BU LTA BUR GYUR TO, ,KHYOD KYIS SEMS CAN THAG PA LTA BU DANG PHYAGS MA LTA BU GANG DAG MTHONG BA DE RNAMS KYANG SNGON DGE SLONG YIN TE, DE DAG GIS DGE 'DUN GYI THAG PA DANG PHYAGS MA GANG ZAG GIS YONGS SU SPYAD PAR SPYAD PAS NA DE'I PHYIR THAG PA LTA BU DANG PHYAGS MA LTA BUR GYUR TO, ,KHYOD KYIS SEMS CAN GZHONG PA LTA BU GANG MTHONG BA DE SNGON DGE TSUL BA YIN TE, DE GZHONG PA 'KHRU ZHING 'DUG PA DANG, DGE SLONG DAG CIG GLO BUR DU LHAGS TE, DE DAG GIS DE MTHONG NAS DRIS PA DGE TSUL PHA CI DENG DGE 'DUN LA SKOM LTA @38A *, ,YOD DAM, DE SER SNAS NON PA'I SEMS KYIS SMAS PA, CI GZHONG PA BKRUS PA'ANG MA MTHONG NGAM SKOM 'THUNGS ZIN TO, ,DE DAG GIS DUS YOL ZIN PA LTA SNYAM DU BSAMS NAS RE BA CHAD DE DMAN ZHING YI BSAD PA'I BZHIN GYIS DONG NGO, ,DE NI LAS DE'I RNAM PAR SMIN PAS GZHONG PA LTA BUR GYUR TO, ,KHYOD KYIS SEMS CAN GTUN LTA BU GANG MTHONG BA DE YANG SNGON DGE SLONG YIN TE, DE LA LHUNG BZED KYI LAS SHIG BYUNG BA DE'I TSE, DGE TSUL PHA DGRA BCOM PA GCIG CIG LA DAM GZHAG PA'I LAS RES BAB NAS DE LA DES SMRAS PA, DGE TSUL PHA TSIGS MA CUNG ZHIG RDUNGS LA KHO BO LA BYIN, NGES SMRAS PA GNAS BRTAN BDAG BREL GYIS CUNG ZHIG GZHES SHIG ,SLAD KYIS BRDUNGS TE GSOL LO ZHES BYAS PA DANG, DE KHROS NAS SMRAS PA, DGE TSUL PHA GAL TE KHO BO GTUN LA REG TU RUNG NA NI, KHYOD NYID KHO BOS GTUN GYI NANG DU BCUG STE BRDUNGS NA TSIGS MA NYUNG ZAD BRDUNGS PA LTA CI SMOS, ,DGE TSUL PHA DES DE KUN NAS DKRIS PA DRAG POS DKRIS PAR RIG NAS, GAL TE BDAG GIS DE LA LAN BLAN NA DE BAS KYANG KHROS PAR 'GYUR RO SNYAM NAS KHA ROG STE 'DUG GO, ,GANG GI TSE DE KUN NAS DKRIS PA DANG BRAL BAR GYUR PA DE'I TSE DE'I GAN DU SONG NAS SMRAS PA, GNAS BRTAN KHYOD KYIS KHO BO SU LAGS MKHYEN TAM, DES SMRAS PA SHES TE KHYOD NI YANG DAG PAR RDZOGS PA'I SANGS RGYAS 'OD SRUNGS KYI BSTAN PA LA RAB TU BYUNG BA'I DGE TSUL LO, ,KHO BO NI DGE SLONG GNAS BRTAN NO, ,DGE TSUL PHAS SMRAS PA, DE LTA YIN DU ZIN KYANG KHO BOS NI RAB TU BYUNG NAS BYA BA GANG YIN PA DE BYAS SO, ,CI ZHIG BYAS, NYON MONGS PA SPANGS SO, ,'CHING BA MTHA' DAG BCAD DO, ,BCINGS PA LAS RNAM PAR GROL LO, ,KHYOD KYIS NI ZHE GCOD PA'I NGAG GI LAS SMRAS KYI NYES PA LA NYES PAR MTHOL CIG ,'ON TANG LAS DE YONGS SU BYANG ZHING BSRABS TE, YONGS SU ZAD PAR 'GYUR RO, ,DES KYANG NYES PA LA NYES PAR BSHAGS SO, ,LAS DAS NA GTUN LTA BUR GYUR TO, ,KHYOD KYIS SEMS CAN PHRU CHEN LTA BU GANG DAG MTHONG BA DE DAG NI SNGON DGE SLONG RNAMS KYI @38B RIM GRO BA RUNG BA BYED PA YIN TE, DE DAG SMAN 'TSED PA'I TSE DGE SLONG RNAMS KYIS MI SNYAN PA SMRAS PAS DE DAG SEMS 'KHRUGS NAS PHRU CHEN BCAG PAS DE'I PHYIR PHRU CHEN LTA BUR GYUR TO, ,KHYOD KYIS SEMS CAN RKED PAR CHAD LA SKUD PAS THOGS PAR GANG MTHONG BA DE YANG SNGON DGE SLONG YIN TE; ,RNYED PA 'DZIN PAR BYED PA NI, ,DE SER SNAS NON PAS DUS BSNOR TE DBYAR GYI GANG YIN PA DE NI DGUN GYIR BYAS DGUN GYI GANG YIN PA DE NI DBYAR GYIR BYAS PAS LAS DE'I RNAM PAR SMIN PAS RKED PAR CHAD LA SKUD PAS THOGS SHING 'GRO'O ZHES BYA BA'O, ,CHOS SMRA BA LA SOGS PA BSRUNG BA'I LE'U STE GSUM PA'O,, ,,GZHAN YANG MDO SDE DAG LAS GNOD PA CHEN PO DAG GSUNGS TE, RE ZHIG 'PHAGS PA NAM MKHA'I SNYING PO'I MDO LAS, RIGS KYI BU RGYAL PO RGYAL RIGS SPYI BO NAS DBANG BSKUR BA'I RTZA BA'I LTUNG BA LNGA STE, RTZA BA'I LTUNG BA DE DAG GIS RGYAL RIGS SPYI BO NAS DBANG BSKUR BA DGE BA'I RTZA BA SNGON BSKYED PA THAMS CAD THAL BAR RLOG STE, PHAM PAR GYUR CING LHA DANG MI'I BDE BA'I GNAS THAMS CAD LAS LHUNG NAS NGAN SONG DU 'GRO BAR 'GYUR RO, ,LNGA GANG ZHE NA, RIGS KYI BU RGYAL RIGS SPYI BO NAS DBANG BSKUR BAS MCHOD RTEN GYI RDZAS 'PHROG GAM DGE 'DUN GYI DANG PHYOGS BZHI'I DGE 'DUN LA PHUL BA 'PHROG GAM 'PHROG TU 'JUG PA 'DI NI RTZA BA'I LTUNG BA DANG PO'O, ,GANG YANG CHOS SPONG ZHING 'GOG TU 'JUG STE, NYAN THOS NGES PAR 'BYUNG BA BSHAD PA'AM, RANG SANGS RGYAS NGES PAR 'BYUNG BA BSHAD PA'AM, THEG PA CHEN PO'I NGES PAR 'BYUNG BA BSHAD PA SPONG ZHING 'GOG TU 'JUG PA 'DI NI RTZA BA'I LTUNG BA GNYIS PA'O, ,GANG YANG NGA'I PHYIR RAB TU BYUNG STE SKRA DANG KHA SPU BREGS NAS GOS NGUR SMRIG GYON PA, BSLAB PA GZUNG YANG RUNG MA GZUNG YANG RUNG, TSUL KHRIMS 'CHAL PA YANG RUNG TSUL KHRIMS DANG LDAN PA YANG RUNG STE, DE'I GOS NGUR SMRIG 'PHROG GAM KHYIM NA GNAS PAR BYED DU 'JUG GAM LUS LA LAG CHAS BSNUN NAM BTZON RAR 'JUG GAM SROG DANG BRAL BAR BYED DU 'JUG PA 'DI NI RTZA BA'I LTUNG BA GSUM PA'O, ,RGYAL RIGS GANG YANG CHED DU BSAMS TE, MA'I @39A *, ,SROG GCOD PA DANG PHA DANG BCOM LDAN 'DAS KYI NYAN THOS DGRA BCOM PA'I SROG GCOD PA DANG, DGE 'DUN MTHUN PA 'BYED PA DANG, CHED DU BSAMS TE YANG DAG PAR RDZOGS PA'I SANGS RGYAS LA NGAN SEMS KYIS KHRAG 'BYIN PA STE, MTSAMS MED PA'I LAS LNGA PO 'DI DAG LAS GANG YANG RUNG BA'I LAS BYED PA 'DI NI RTZA BA'I LTUNG BA BZHI PA'O, ,RGYAL RIGS GANG YANG RGYU MED PAR SMRA BAR GYUR LA, 'JIG RTEN PHA ROL PA G-YEL TE, MI DGE BA BCU'I LAS KYI LAM YANG DAG PAR BZUNG NAS GNAS SHING SEMS CAN GZHAN MANG PO DAG KYANG MI DGE BA BCU'I LAS KYI LAM YANG DAG PAR 'DZIN DU 'JUG STE, 'DUL ZHING 'DZUD LA 'GOD PA 'DI NI RTZA BA'I LTUNG BA LNGA PA'O, ,DE BZHIN DU SBYAR TE GANG YANG GRONG 'JOMS PA DANG LJONGS 'JOMS PA DANG GRONG KHYER 'JOMS PA DANG, YUL 'KHOR 'JOMS PAR BYED PA 'DI YANG RTZA BA'I LTUNG BA'O; ,DE BZHIN DU SBYAR TE, RIGS KYI BU 'AM RIGS KYI BU MO THEG PA CHEN PO LA YANG DAG PAR ZHUGS PA LAS DANG PO PA RNAMS KYI RTZA BA'I LTUNG BA BRGYAD DE RTZA BA'I LTUNG BA DE DAG GIS THEG PA CHEN PO LA YANG DAG PAR ZHUGS PA LAS DANG PO PA 'KHRUL PA RNAMS DGE BA'I RTZA BA SNGON BSKYED PA THAMS CAD THAL BAR RLOG STE PHAM PAR GYUR CING, LHA DANG MI'I THEG PA CHEN PO'I BDE BA'I GNAS LAS LHUNG NAS NGAN SONG DU 'GRO BAR 'GYUR, YUN RING POR 'KHOR BA NA 'KHOR BAR 'GYUR, DGE BA'I BSHES GNYEN DANG BRAL BAR 'GYUR RO, ,BRGYAD GANG ZHE NA, SEMS CAN GANG DAG SNGON NYES PAR SPYAD PA'I RGYUS SNYIGS MA LNGA DANG LDAN PA NYON MONGS PA CAN GYI 'JIG RTEN GYI KHAMS 'DIR SKYES PA DE DAG NI DGE BA'I RTZA BA CHUNG BA STE, DGE BA'I BSHES GNYEN LA BRTEN NAS THEG PA CHEN PO MCHOG TU ZAB PA 'DI NYAN TO, ,RIGS KYI BU BLO CHUNG DU DE DAG KYANG BLA NA MED PA YANG DAG PAR RDZOGS PA'I BYANG CHUB TU SEMS SKYED PAR BYED LA DE DAG GI NANG NAS BYANG CHUB SEMS DPA'I LAS DANG PO GANG DAG STONG PA NYID DANG LDAN PA'I MDO SDE MCHOG TU ZAB PA 'DI NYAN PA DANG LUNG NOD PA DANG KLOG PA DANG KHA TON BYED PA DE DAG JI LTAR THOS PA DANG JI LTAR CHUB @39B PAR BYAS PA DE BZHIN DU, SNGA MA'I BLO DANG 'DRA BA GZHAN DAG GI MDUN DU, DON BZANG PO DANG TSIG 'BRU BZANG PO RGYAS PAR DRAN PAR BYED CING RAB TU STON LA, DE DAG NI NAN TAN TU MA SBYANGS PA'I BYIS PA SO SO'I SKYE BO DAG STE, MNYAN NAS SKRAG CING DNGANG STE DNGANG BAR 'GYUR ZHING, DE DAG DNGANGS NAS BLA NA MED PA YANG DAG PAR RDZOGS PA'I BYANG CHUB KYI SEMS LAS PHYIR LOG STE NYAN THOS KYI BYANG CHUB LA SMON NA 'DI NI BYANG CHUB SEMS DPA' LAS DANG PO PA'I RTZA BA'I LTUNG BA DANG PO STE, RTZA BA'I LTUNG BA DES RIGS KYI BU DE DGE BA'I RTZA BA SNGON SKYES PA THAMS CAD THAL BAR RLOG STE PHAM PAR GYUR CING MTHO RIS DANG THAR PA'I BDE BA'I GNAS LAS LTUNG BA DANG DE'I BYANG CHUB KYI SEMS KYANG BSLUS SHING NGAN SONG DU 'GRO BAR 'GYUR RO, ,DE LTA BAS NA BYANG CHUB SEMS DPA' SEMS CAN GZHAN DAG DANG GANG ZAG GZHAN RNAMS KYI BSAM PA DANG BAG LA NYAL SHES PAR BYAS LA, BSAM PA JI LTA BA BZHIN DU SEMS CAN RNAMS LA BAGS KYIS CHOS BSTAN PAR BYA STE, DPER NA RGYA MTSO CHEN POR BAGS KYIS 'JUG PA BZHIN DU BYA'O, ,DE BZHIN DU SBYAR TE, GZHAN YANG BYANG CHUB SEMS DPA' LAS DANG PO PA KHA CIG LA 'DI SKAD DU KHYOD KYIS PHA ROL TU SBYIN PA DRUG LA SPYOD PA SPYAD PAR MI NUS, KHYOD KYIS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR MI NUS KYI, KHYOD NYAN THOS KYI THEG PA DANG RANG SANGS RGYAS KYI THEG PAR MYUR DU SEMS SKYED CIG DANG, DES NA KHYOD 'KHOR BA LAS NGES PAR 'BYUNG NGO ZHES SMRAS PA 'DI NI BYANG CHUB SEMS DPA' LAS DANG PO PA'I RTZA BA'I LTUNG BA GNYIS PA STE, GONG DU JI LTAR SMOS PA'I BAR DU'O, ,GZHAN YANG BYANG CHUB SEMS DPA' LAS DANG PO PA KHA CIG LA 'DI SKAD DU KYE SO SOR THAR PA DANG 'DUL BA'I TSUL KHRIMS LA LEGS PAR BSRUNGS PAS CI ZHIG BYA, KHYOD MYUR DU BLA NA MED PA YANG DAG PAR RDZOGS PA'I BYANG CHUB TU SEMS BSKYED LA THEG PA CHEN PO LHOGS SHIG DANG, DES NA KHYOD KYIS NYON MONGS PA'I RKYEN GYIS LUS DANG NGAG DANG YID RNAMS KYIS MI DGE BA'I LAS GANG BSGRUBS PA DE DAG RNAM PAR SMIN PAR MI 'GYUR BAR DAG PAR 'GYUR RO ZHES SMRA BA 'DI NI BYANG CHUB @40A *, ,SEMS DPA'I LAS DANG PO PA'I RTZA BA'I LTUNG BA GSUM PA STE GONG DU JI SKAD SMOS PA'I BAR DU'O, ,RIGS KYI BU GZHAN YANG BYANG CHUB SEMS DPA' LAS DANG PO PAS KHA CIG LA 'DI SKAD DU RIGS KYI BU DAG KHYED NYAN THOS KYI THEG PA'I GTAM MA NYAN CIG ,MA KLOG CIG , GZHAN DAG LA LUNG MA 'BOGS SHIG ,NYAN THOS KYI THEG PA'I GTAM CHOBS SHIG ,DES NI KHYOD KYIS 'BRAS BU CHEN PO RNYED PAR MI 'GYUR ZHING GZHI DES NI KHYED KYIS NYON MONGS PA MTHAR 'BYIN PAR MI NUS KYI, THEG PA CHEN PO'I GTAM 'DI NYID LA DAD PAR GYIS SHIG ,THEG PA CHEN PO NYON CIG ,THEG PA CHEN PO LHOGS SHIG ,GZHAN DAG LA YANG LUNG PHOG SHIG DANG DES NA KHYED KYIS NGAN 'GRO DANG NGAN SONG GI LAM THAMS CAD ZHI BAR 'GYUR BLA NA MED PA YANG DAG PAR RDZOGS PA'I BYANG CHUB KYANG MYUR DU MNGON PAR RDZOGS PAR 'TSANG RGYA BAR 'GYUR RO ZHES SMRAS LA, GAL TE DE DAG GIS DE'I TSIG BZHIN DU MNYAN TE 'DI 'DRA BA'I LTA BAR GYUR PA BLANGS NA GNYIS KA LA YANG RTZA BA'I LTUNG BAR 'GYUR TE, DE NI BYANG CHUB SEMS DPA' LAS DANG PO PA'I RTZA BA'I LTUNG BA BZHI PA'O, ,GZHAN YANG BYANG CHUB SEMS DPA' LAS DANG PO PA DAG LCE GNYIS BYED PA YIN TE, GZHAN DU STON CING BRJOD PA DANG SGRA DANG TSIGS SU BCAD PA DANG 'THOB PA DANG BKUR STI'I PHYIR THEG PA CHEN PO 'DI TSIG TU 'DON PA DANG, KHA TON BYED PA DANG, KLOG PA DANG STON PA DANG, THOS PA TZAM GZHAN LA YANG STON LA, 'DI SKAD DU BDAG NI THEG PA CHEN PO PA YIN GYI GZHAN NI MA YIN NO ZHES SMRA ZHING, GZHAN DAG GIS PHA ROL PO GANG DAG LAS LONGS SPYOD DANG YONGS SU SPYOD PA RNYED PAR 'GYUR BA DE'I RKYEN GYIS, 'THOB PA DANG BKUR STI'I PHYIR DE DAG GZHAN LA PHRAG DOG BYED DE, DE DAG 'KHRUGS PAR 'GYUR ZHING, DE DAG GI BSNGAGS PA MA YIN PA BRJOD DO, ,SMOD DO, , BSHUNG NGO, ,RNAM PAR SMOD DO, ,DE DAG LA 'DUD PA DE RNAMS LA YANG PHRAG DOG GI RGYUS BDAG BSTOD CING MI'I CHOS BLA MA BDAG NYID LA SGROGS SO, ,DE'I PHYIR DE DAG DNGOS PO DES PHAM PAR 'GYUR ZHING THEG PA CHEN PO'I BDE BA LAS LHUNG STE, DE DAG LA LCI BA CHEN PO'I LTUNG BA DE 'BYUNG ZHING, @40B DES NA NGAN SONG DU 'GRO BAR 'GYUR RO, ,DPER NA MI LA LA ZHIG RIN PO CHE'I GLING DU 'GRO BAR 'DOD NAS GRU LAS RGYA MTSOR ZHUGS LA, DE RGYA MTSO CHEN PO'I NANG DU BDAG NYID KYIS GRU BSHIG NAS DE NYID DU 'CHI BAR 'GYUR BA DE BZHIN DU, BYANG CHUB SEMS DPA' LAS DANG PO PA THEG PA CHEN PO'I RGYA MTSOR 'JUG PAR 'DOD PA GANG DAG PHRAG DOG GI RGYUS DE DANG DE SMRA STE DE'I RKYEN GYIS DE DAG DAD PA'I GRU ZHIG NAS SHES RAB KYI SROG DANG BRAL BAR 'GYUR RO, ,DE LTAR NA BYANG CHUB SEMS DPA' LAS DANG PO PA BYIS PA DE DAG LA PHRAG DOG GI RGYU DANG BRDZUN GYI RKYEN GYIS LCI BA CHEN PO'I LTUNG BA 'BYUNG STE; 'DI NI BYANG CHUB SEMS DPA' LAS DANG PO PA'I RTZA BA'I LTUNG BA LNGA PA'O, ,GZHAN YANG MA 'ONGS PA'I DUS NA KHYIM NA GNAS PA DANG RAB TU BYUNG BA LAS DANG PO PA'I BYANG CHUB SEMS DPA' DAG BYANG CHUB SEMS DPA' NAN TAN DU SBYANGS PA MKHAS PA SKYES BU CHEN PO GZUNGS DANG BZOD PA DANG TING NGE 'DZIN GYI SA LA LEGS PAR SBYANG BA BYAS PA RNAMS KYI SPYOD YUL MDO SDE ZAB MO STONG PA NYID DANG LDAN PA GANG YIN PA THEG PA CHEN PO'I MDO SDE DE DAG 'DZIN CING TSIG TU 'DON LA KHA TON BYED CING GZHAN DAG LA YANG RGYA CHER KLOG CING RAB TU STON TO, ,CHOS 'DI DAG NI KHO BO NYID KYI BLOS RTOGS NAS KHO BO SNYING RJE BAS DE BZHIN DU KHYOD LA BSTAN GYI KHYOD KYIS KYANG CI NAS 'DI SANGS RGYAS KYI CHOS ZAB MO RNAMS LA MNGON SUM DU 'GYUR BA DE LTAR SGOMS SHIG ,DE LTAR BYAS NAS KHYOD DA LTAR KHO BO BZHIN DU YE SHES MTHONG BAR 'GYUR RO ZHES SMRA'I 'DI SKAD DU KHO BOS MDO SDE ZAB MO ZAB PA 'DI LTA BU 'DI BKLAGS PA TZAM GYIS BSTAN PAR ZAD KYI MNGON SUM DU BYAS NAS NI MA YIN NO ZHES NI MI SMRA STE RNYED PA DANG BKUR STI'I PHYIR BDAG 'TSONG ZHING, DE'I RKYEN GYIS DUS GSUM DU GSHEGS PA'I DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DANG BYANG CHUB SEMS DPA' DANG 'PHAGS PA'I GANG ZAG THAMS CAD KYI SPYAN SNGAR NYES PA DANG BCAS PA YIN TE LCI BA CHEN PO'I LTUNG BAR 'GYUR RO, ,THEG PA CHEN POS LHA DANG BCAS PA'I 'JIG RTEN BSLUS PAR 'GYUR RO, ,DE NI NYAN THOS KYI THEG PAR YANG MI @41A *, ,'GYUR NA THEG PA CHEN PO LA 'JUG PA'I KHYAD PAR 'THOB PA LTA SMOS KYANG CI DGOS, BLA NA MED PA YANG DAG PAR RDZOGS PA'I BYANG CHUB LTA SMOS KYANG CI DGOS DPER NA MI LA LA ZHIG 'BROG DGON PA CHEN POR CHAS LA BKRES PA DANG SKOM PAS NYEN NAS DE DER KHA ZAS KYI PHYIR 'BRAS BU CHEN PO'I SHING LA 'JOGS LA, DRI PHUN SUM TSOGS PA DANG RO PHUN SUM TSOGS PA MA MYANGS PAR 'BRAS BU CHEN PO'I SHING BOR TE, DUG GI SHING LA 'DZEGS NAS DUG SHING GI 'BRAS BU ZOS LA ZOS NAS KYANG 'CHI BA'I DUS BYAS PA LTAR GANG ZAG DE YANG DE DANG 'DRA'O ZHES SMRA'O, , DE DAG RNYED PAR DKA' BA'I MI RNYED LA RNYED NAS KYANG DGE BA'I BSHES GNYEN LA BRTEN TE THEG PA CHEN PO LA 'JUG PAR 'DOD LA, RNYED PA DANG BKUR STI'I RGYUS BDAG LA BSTOD CING GZHAN LA SMOD PAS LCI BA CHEN PO'I LTUNG BA 'DI LTA BU 'DI BYUNG STE, LTUNG BA LCI BA DES MKHAS PA THAMS CAD KYIS SMAD PAR GYUR PA NGAN SONG DU 'GRO BA'I MI GANG ZAG DE LTA BU NI RGYAL RIGS DANG BRAM ZE DANG RJE'U RIGS DANG, DMANGS RIGS THAMS CAD KYIS BSTEN PAR BYA BA MA YIN NO, ,GANG DE LA BRTEN PA DE NI MKHAS PA THAMS CAD KYIS SPANG BAR 'GYUR TE, 'DI NI BYANG CHUB SEMS DPA' LAS DANG PO PA'I RTZA BA'I LTUNG BA DRUG PA'O, ,RIGS KYI BU GZHAN YANG MA 'ONGS PA'I DUS NA, RGYAL RIGS RNAMS KYI MDUN NA 'DON GDOL BA DANG, BLON PO GDOL PA DANG SHOR BA GDOL PA DANG BLON PO MKHAS PA'I NGA RGYAL CAN NOR CHE BA LONGS SPYOD CHE BA DAG 'BYUNG STE, DE DAG SBYIN PA LAS BYUNG BA'I BSOD NAMS BYA BA'I DNGOS PO RNAM PA MANG PO DAG LA SNANG STE, GTONG BAS RGYAGS SHING DREGS PA DE DAG NGA RGYAL DANG RGYAGS PA DANG DREGS PA DANG, RGYAL RIGS DANG DGE SBYONG DANG RGYAL RIGS RNAMS 'BYED PA'I DBYEN BYED CING DE DAG RGYAL RIGS LA BRTEN NAS DGE SBYONG RNAMS LA CHAD PAS GCOD DU 'JUG CHAD PAS NOR 'PHROG TU 'JUG STE, GNOD PA DES DGE SBYONG DE DAG GANG ZAG GI 'AM DGE 'DUN GYI 'AM PHYOGS BZHI'I DGE 'DUN GYI 'AM MCHOD RTEN GYI DAG DGE SBYONG RNAMS RKUR BCUG NAS DE DAG LA GSUG TU 'BUL LO, ,GDOL PA DE DAG GIS KYANG RGYAL RIGS DE DAG LA 'BUL @41B BAR 'GYUR TE DE DAG GNYI GA LA RTZA BA'I LTUNG BAR 'GYUR RO, ,'DI NI RTZA BA'I LTUNG BA BDUN PA'O, ,RGYAL RIGS GDOL PA DE DAG KYANG DGE SBYONG RNAMS LA RAB TU SDANG BAR 'GYUR TE, CHOS 'DI LTA BU NI CHOS MA YIN PAR 'DOGS SHING CHOS SPANGS NAS CHOS MA YIN PA LA 'JOG PAR 'GYUR RO, , MDO SDE DANG 'DUL BA DANG BSLAB PA LA MI LTA ZHING, NAG PO BSTAN PA DANG CHEN PO BSTAN PA SPANGS TE, SNYING RJE CHEN PO'I TSUL DANG SHES RAB KYI PHA ROL TU PHYIN PA'I BSLAB PA DANG, THABS LA MKHAS PA'I BSLAB PA DANG MDO SDE GZHAN DAG LAS BSLAB PA BSTAN PA DE DAG KYANG SPANGS NAS CHOS 'DI LTA BU DANG LDAN PA'I DGE SLONG RNAMS LA GTZO BA'I PHYIR BKA' KHRIMS GANG GIS DGE SLONG RNAMS LA GNOD PAR 'GYUR BA DANG, ZHI GNAS DANG LHAG MTHONG DANG MTHUN PA'I RNAL 'BYOR YID LA BYED PA 'DOR BAR BYED PA DANG, 'PHYA BA DANG GNOD PA MANG DU 'GYUR BA'I KHRIMS 'CHA' BAR BYED DO, , RGYU DES NA DGE SLONG RNAMS NYE BAR MA ZHI BA'I NYON MONGS PA RNAMS NYE BAR ZHI BAR MI 'GYUR BSLABS PAR MI 'GYUR RO, ,DE'I TSE DGE SLONG DE DAG BSAM PA NYAMS PAR 'GYUR, TSUL KHRIMS NYAMS PAR 'GYUR, TSIG NYAMS PAR 'GYUR, LTA BA NYAMS PAR 'GYUR RO, ,DE CI'I PHYIR NA; SGYID LU GA PAR 'GYUR BA DANG, BYA BA MANG BAR 'GYUR BA DANG, DGE SBYONG MA YIN PAR DGE SBYONG DU KHAS 'CHE BA DANG, TSANGS PAR SPYOD PA MA YIN PAR TSANGS PAR SPYOD PAR KHAS 'CHE ZHING LUNG BONG LTAR SPYOD PAS SO, ,RIG PAR BYA BA'I CHOS STON PA DE DAG LHAG PAR RGYAL RIGS 'KHOR DANG BCAS PAS BKUR STI BYAS PAR 'GYUR RIM GRO DANG MCHOD PA BYAS PAR 'GYUR RO, ,DE DAG KYANG KHYIM PA RNAMS LA DGE SLONG SPONG BA LA BRTZON PA RNAMS KYI BSNGAGS PA MA YIN PA BRJOD PAR 'GYUR RO, ,RGYAL RIGS 'KHOR DANG BCAS PA DE YANG DGE SLONG SPONG BA LA BRTZON PA RNAMS LA RAB TU SDANG BAR 'GYUR 'PHYA BAR 'GYUR TE, DES NA DGE SLONG SPONG BA LA BRTZON PA RNAMS KYI LONGS SPYOD DANG NYE BAR SPYOD PA GANG YIN PA DE DGE SLONG KHA TON BYED PA LA DGA' BA RNAMS LA BYIN PAR 'GYUR TE, DE DAG GNYI GA LA YANG RTZA BA'I LTUNG BAR 'GYUR RO, ,DE CI'I PHYIR ZHE NA, DGE SLONG BSAM GTAN PA NI @42A *, ,ZHING DAM PA YIN GYI, KLOG PA DANG ZHAL TA BYED PA LA GNAS PA DANG KLOG PA LA BRTZON PA NI TING NGE 'DZIN DANG GZUNGS DANG BZOD PA'I SA RNAMS KYI SNOD DU GYUR PA 'AM SHIN TU SBYIN GNAS SU GYUR PA'AM, SNOD DU GYUR BA DANG, 'JIG RTEN LA SNANG BAR BYED PA'AM LAM NYE BAR STON PAR BYED PA'AM LAS KYI ZHING DANG NYON MONGS PA'I ZHING LAS SEMS CAN RNAMS SGROL BA DANG MYA NGAN LAS 'DAS PAR 'GRO BA'I LAM LA 'JOG PA MA YIN PA'I PHYIR TE, RIGS KYI BU BRGYAD PO 'DI DAG NI RTZA BA'I LTUNG BA'O ZHES GSUNGS SO, ,'DI DAG GIS NGES PAR 'BYUNG BA YANG MDO 'DI LAS GSUNGS PA NI, GAL TE BYANG CHUB SEMS DPA' DE DAG BYANG CHUB SEMS DPA' SEMS DPA' CHEN PO NAM MKHA'I SNYING PO'I MING THOS NAS NGAN SONG DU LTUNG BAS 'JIGS PA'I PHYIR MTHONG BAR 'DOD CING RTZA BA'I LTUNG BA 'CHAGS PAR 'DOD LA, GAL TE DE DAG BYANG CHUB SEMS DPA' NAM MKHA'I SNYING PO LA PHYAG 'TSAL ZHING DE'I MING YANG BRJOD NA, RIGS KYI BU DE DAG GI MDUN DU SKAL PA JI LTA BA BZHIN DU DE RANG GI GZUGS KYIS GNAS PAR 'GYUR TE, BRAM ZE'I GZUGS NAS BU MO'I GZUGS KYI BAR GYIS MDUN DU GNAS PAR 'GYUR RO, ,BYANG CHUB SEMS DPA' LAS DANG PO PA DE LA LTUNG BA JI LTA BU BYUNG BA DE DAG 'CHAGS SU 'JUG GO, ,DE THABS LA MKHAS PA ZAB MO DANG, THEG PA CHEN PO LA SPYAD PA'ANG NYE BAR STON TO, ,PHYIR MI LDOG PA'I SA'I BAR LA YANG RAB TU 'JOG GO, ,DE BZHIN DU SBYAR TE, GAL TE DE LA GSOL BA 'DEBS PA GANG YIN PA DE DAG LA MNGON DU STON PAR MI BYED NA BYANG CHUB SEMS DPA' LAS DANG PO PA NYES PA DANG BCAS PA DES THO RANGS LANGS LA SHAR PHYOGS SU BLTAS TE 'DUG LA BDUG PAS BDUG PAR BYA, LHA'I BU SKYA RENGS LA GSOL BA GDAB PAR BYA STE, TSIG 'DI SKAD DU SKYA RENGS SKYA RENGS SNYING RJE CHEN PO SKAL BA CHEN PO KHYOD 'DZAM BU'I GLING DU SHAR MA THAG TU SNYING RJES BDAG LA KHEBS PAR MDZAD DU GSOL, ,NAM MKHA'I SNYING PO SNYING RJE CHEN PO DANG LDAN PA LA YANG BDAG GI TSIG GIS MYUR DU BSKUL TE THABS GANG GIS BDAG LTUNG BA 'CHAGS PAR 'GYUR BA DANG, THEG PA @42B CHEN PO 'PHAGS PA LA THABS DANG SHES RAB 'THOB PAR 'GYUR BA'I THABS DE DAG BDAG GI RMI LAM DU BSTAN DU GSOL ZHES SMRAS PA, DE'I TSE DE MAL DU GNYID LOG PAR BYA STE 'DZAM BU GLING 'DIR SKYA RENGS SHAR MA THAG TU BYANG CHUB SEMS DPA' SEMS DPA' CHEN PO NAM MKHA'I SNYING PO DANG PHRAD PAR 'GYUR TE, BYANG CHUB SEMS DPA' LAS DANG PO PA DE'I RMI LAM DU DE'I GZUGS MDUN DU 'DUG STE RTZA BA'I LTUNG BA DE DAG 'CHAGS SU 'JUG GO, ,DE LA THEG PA CHEN PO'I THABS KYI THABS SHES PA 'DI LTA BU YANG BSTAN TE, THABS SHES PA LA MKHAS PA DES BYANG CHUB SEMS DPA' LAS DANG PO PA DES DE NYID DU BYANG CHUB KYI SEMS MI BRJED PA ZHES BYA BA'I TING NGE 'DZIN 'THOB PO, ,THEG PA CHEN PO LA BRTAN POR GNAS PAR YANG 'GYUR RO ZHES BYA BA LA SOGS PA YIN NO, ,YANG NA MDO SDE DE NYID LAS GSOL BA GDAB PA'I SNGAGS SNGAR SMOS PA GANG YIN PA DES CHO GA 'DI BYAS TE DE LAS 'DI SKAD DU BYUNG NGO, ,DGON PA'AM NAGS 'DAB BAM BLA GAB MED PAR AA KA RU'AM RGYA SPOS SAM DUS KYI RJES SU 'BRANG BAS BDUGS LA THAL MO SBYAR TE PHYOGS DANG PHYOGS MTSAMS KUN DU YAN LAG LNGAS PHYAG BYAS LA, SNGAGS KYI TSIG 'DI DAG BRJOD PAR BYA'O, ,'DI LTA STE, SU SMRI SHA SU SMRI SHA ,K'A RU nI KA TZA RA TZA RA, BI TZA RA BI TZA RA, SANYTZA RA, K'A RU nI KA ,MU RA MU RA BE GA DH'A RI, M'A TZA LE, BHU DZ'A SHA TA, K'A RU nI KA ,TZINTA MA nI P'U R'A YA, K'A RU nI KA SARBA SHA ME STH'A PA YA, A'A DZNY'A DH'A R'I SPHU GUNG SPHU GUNG, RU TI BI BE KA GU, DRI shtI BI BE KAm GU, P'U RA YA K'A RU nI KA ,P'U RA YAN TU MA MA SARBA A'A SHA ,SARBA PA THAm TZA, AA SHO KA GA TI SV'AH'A, CHO GA NI SNGA MA BZHIN NO, ,NAD DANG SDUG BSNGAL THAMS CAD DANG 'JIGS PA THAMS CAD DANG YO BYAD KYIS PHONGS PA THAMS CAD BSAL BA DANG 'DOD PA THAMS CAD SGRUB PA'I PHYIR BYA'O, ,GAL TE RGYAL RIGS LA SOGS PA BYANG CHUB SEMS DPA' YIN NA JI LTAR DE DAG GI LTUNG BA NGES SHING GZHAN DAG NI MA NGES JI STE DE DAG SDOM PA CAN MA YIN NA NI, DE DAG GIS LTUNG BAR JI LTAR RNAM PAR GZHAG CING, SDOM PA CAN DAG NYES PA DES ZIN PAR YANG JI LTAR 'GYUR ZHE NA, 'DI NI NYES PA MED DE GANG DU @43A *, ,GANG DAG LA MANG DU 'BYUNG BA DE DAG LA DER RANG GI MING NAS SMOS TE BSTAN NAS 'JIGS PA BSKYED PA'I PHYIR BZLOG GO, ,THAMS CAD KYIS KYANG PHAN TSUN DU LTUNG BA THAMS CAD SPRANG BAR BYA'O, ,RANG BZHIN GYIS KHA NA MA THO BA CHE BAS NA GANG GI YANG DAG PAR MA BLANGS BA NA YANG SKAL BA MED PA DANG DGE BA'I RTZA BA 'CHAD PAR 'GYUR BA DES SDOM BCAN LA SHIN TU CHES 'GYUR TE DE LTAR DPYAD PAS CHOG GO, ,THABS LA MKHAS PA'I MDO LAS KYANG RTZA BA'I LTUNG BA GSUNGS TE, RIGS KYI BU GZHAN YANG BYANG CHUB SEMS DPA' SO SOR THAR PA'I BSLAB PA LA SLOB CING BSKAL PA BRGYA STOD DU RTZA BA DANG 'BRAS BU ZA BAR GYUR LA, SEMS CAN RNAMS KYIS LEGS PAR SMRAS PA DANG NYES PAR SMRAS PA BZOD KYANG NYAN THOS DANG RANG SANGS RGYAS DANG LDAN PA'I YID LA BYED PAS GNAS NA 'DI NI BYANG CHUB SEMS DPA'I LTUNG BA LCI BA'O, ,RIGS KYI BU 'DI LTA STE DPER NA NYAN THOS KYI THEG PA CAN LA RTZA BA'I LTUNG BA BYUNG NA PHUNG PO DE NYID KYIS YONGS SU MYA NGAN LAS 'DA' BA'I SKAL PA MED DO, ,RIGS KYI BU DE BZHIN DU LTUNG BA MA BSHAGS SHING NYAN THOS DANG RANG SANGS RGYAS YID LA BYED PA DE MA SPANGS NA SANGS RGYAS KYIS LA YONGS SU MYA NGAN LAS 'DA' BA'I SKAL PA MED DO ZHES 'BYUNG NGO, ,RTZA BA'I LTUNG BA 'DI DAG BDE BLAG TU GZUNG BA DANG 'GA' ZHIG GI LUGS GNAS PAR BYA BA'I PHYIR BSDU BA'I TSIG LE'UR BYAS PA DAG BRJOD PAR BYA'O, ,DKON MCHOG GSUM GYI DKOR 'PHROGS PA, ,PHAS PHAM PA YI LTUNG BAR 'DOD, ,DAM PA'I CHOS NI SPONG BYED PA; ,GNYIS PAR THUB PAS GSUNGS PA YIN, ,TSUL KHRIMS 'CHAL PA'I DGE SLONG LA'ANG, ,NGUR SMRIG 'PHROG DANG BRDEG PA DANG, ,BCON RAR 'JUG PAR BYED PA DANG, ,RAB TU BYUNG LAS 'BEBS PA DANG, ,MTSAMS MED LNGA PO BYED PA DANG, ,LOG PAR LTA BA 'DZIN PA DANG,, GRONG LA SOGS PA 'JIG PA YANG, ,RTZA BA'I LTUNG BAR RGYAL BAS GSUNGS, ,BLO SBYANGS MA BYAS SEMS CAN LA, ,STONG PA NYID NI BRJOD PA DANG, ,SANGS RGYAS NYID LA ZHUGS PA DAG ,RDZOGS PA'I BYANG CHUB ZLOG PA DANG, ,SO SOR THAR PA YONGS SPANGS TE, ,THEG PA CHEN LA SBYOR BA DANG, , @43B SLOB PA'I THEG PAS CHAGS LA SOGS, ,SPONG BAR 'GYUR BA MIN ZHES 'DZIN, ,PHA ROL DAG KYANG 'DZIN 'JUG DANG, ,RANG GI YON TAN BRJOD PA DANG, ,RNYED PA DANG NI BKUR STI DANG, ,TSIGS BCAD RGYU YIS GZHAN SNOD DANG, ,BDAG NI ZAB MO BZOD PA'O ZHES, ,LOG PA NYID NI SMRA BA DANG; ,DGE SBYONG CHAD PAS GCOD 'JUG DANG, ,DKON MCHOG GSUM GYI SBYIN BYED DANG, ,SBYIN PA LEN PAR BYED PA DANG, ,ZHI GNAS 'DOR BAR BYED PA DANG, ,YANG DAG 'JOG GI LONGS SPYOD RNAMS, ,KHA TON BYED LA SBYIN PA RNAMS, ,DE DAG RTZA BA'I LTUNG BA STE, ,SEMS CAN DMYAL BA CHEN PO'I RGYU, ,RMI LAM 'PHAGS MKHA' SNYING PO YI, ,MDUN DU 'DUG STE BSHAGS PAR BYA, ,BYANG CHUB SEMS NI YONGS 'DOR DANG, ,CHAGS DANG SER SNA MI ZAD PAS, ,SLONG LA SBYIN PAR MI BYED DANG, ,BSGRIMS TE DGA' BAR BYED PA NA, ,SEMS CAN LA NI MI BZOD PAR, ,KHROS PAS SEMS CAN BRDEGS PA DANG, ,NYON MONGS PA DANG GZHAN MTHUN PAS, ,CHOS LTAR BCOS PA BRJOD PA'O, ,'PHAGS PA SA'I SNYING PO'I MDO LAS KYANG, TSANGS PA CHEN PO GANG DE'I PHYIR RAB TU BYUNG BA, TSUL KHRIMS 'CHAL PA SDIG PA SPYOD PA'I, DGE SLONG MDONGS PA SHING RUL PA LTA BUR GYUR PA, DGE SBYONG MA YIN PA LA DGE SBYONG DU KHAS 'CHE BA, TSANGS PAR SPYOD PA MA YIN PA LA TSANGS PAR SPYOD PAR KHAS 'TSE BA, NYON MONGS PA SNA TSOGS KYIS BSHIG PA LTUNG BA PHAM PA YIN YANG TSUL KHRIMS 'CHAL PA SDIG PA SPYOD PA'I DGE SLONG DE DE'I TSE NA YANG LHA THAMS CAD DANG MI RNAMS KYI BAR DANG BSOD NAMS KYI GTER DAG GI BAR STON PA DANG DGE BA'I BSHES GNYEN YIN NO, ,DE SNOD DU GYUR PA MA YIN DU ZIN KYANG, SKRA DANG KHA SPU BREGS TE GOS NGUR SMRIG BGOS PA DANG SPYOD LAM BSTAN PA'I RGYU DES KYANG SEMS CAN MANG PO DAG GI DGE BA'I RTZA BA SNA TSOGS STON PAR BYED PA DANG BDE 'GRO'I LAM STON PA YIN NO, ,DE LTA BAS NA NGA'I PHYIR RAB TU BYUNG BA TSUL KHRIMS DANG LDAN PA'AM TSUL KHRIMS 'CHAL PA YANG RUNG STE, GANG NGA'I PHYIR RAB TU BYUNG BA LA 'KHOR LOS SGYUR BA'I RGYAL PO YANG CHOS DANG MTHUN PAS KYANG LUS LA CHAD @44A *, ,PAS GCOD PA DANG BTZON RAR 'JUG PA DANG YAN LAG DANG NYING LAG GCOD PA DANG SROG GCOD DU MI GNANG NA CHOS MA YIN PA LTA CI SMOS, CHOS 'DUL BA LA SHI BA LTA BUR BRJOD DU ZIN NA GANG ZAG DE GI WANG DANG GLA RTZI DANG MTSUNGS SO ZHES GSUNGS SO, ,YANG DE NYID LAS; NGA'I PHYIR RAB TU BYUNG BA SNOD DU GYUR TAM SNOD DU MA GYUR KYANG RUNG BA RNAMS LA GANG DAG 'TSE BA DE DAG THAMS CAD NI DUS GSUM DU GSHEGS PA'I SANGS RGYAS THAMS CAD LA SHIN TU NYES PA DANG BCAS PA YIN NO, ,DGE BA'I RTZA BA CHAD PA DANG RGYUD TSIG PA DANG MNAR MED PAR GZHOL BA YIN NO ZHES GSUNGS PA DANG, YANG DE NYID LAS, 'DI LTA STE, SANGS RGYAS THAMS CAD KYIS BYIN GYIS BRLABS PA'I GOS NGUR SMRIG 'DI NI THAR PA'I RGYAL MTSAN YIN NO ZHES GSUNGS PA DANG, YANG DE NYID LAS DE'I TSE NYAN THOS KHRAG KHRIG BRGYA STONG MANG PO DANG, BYANG CHUB SEMS DPA' KHRAG KHRIG BRGYA STONG MANG PO DAG SNGON BYAS PA'I LAS KYI SGRIB PA 'DI LTA BU BCOM LDAN 'DAS LA 'CHAGS TE, BTZUN PA BCOM LDAN 'DAS BDAG CAG GIS NI SNGON GYI DE BZHIN GSHEGS PA RNAMS KYI GSUNG RAB LA SNOD DU GYUR PA DANG SNOD DU MA GYUR PA RNAMS DANG, SANGS RGYAS BCOM LDAN 'DAS RNAMS KYI NYAN THOS KYI THEG PA CAN GYI GANG ZAG LA SMAD DO, ,BSHUNGS SO KHROS SO, ,BSNGAGS PA MA LAGS PA DANG MI SNYAN PA'I BDA' MCHID BRJOD DO, ,LAS KYI SGRIB PA DES NA BDAG CAG NGAN SONG GSUM DU SDUG BSNGAL GYI TSOR BA DRAG PO MI BZAD PA RNAM PA MANG PO MYONG NGO, ,DE BZHIN DU SBYAR TE, BDAG CAG LAS KYI SGRIB PA'I LHAG MA DE DA LTAR BCOM LDAN 'DAS LA 'CHAGS SO, ,KHA CIG NI BDAG CAG GIS BCOM LDAN 'DAS KYI NYAN THOS RNAMS LA TSIG GIS BSDIGS SO, ,SPYOS BRGYAD DO ZHES 'DZER TO, ,KHA CIG NI BDAG CAG GIS BCOM LDAN 'DAS KYI NYAN THOS SNOD DU GYUR PA DANG, SNOD DU MA GYUR PA RNAMS LA BRDEGS, BSNUN TO ZHES 'DZER TO, ,KHA CIG NI BDAG CAG GIS BCOM LDAN 'DAS KYI NYAN THOS KYI GOS PHROGS SO ZHES 'DZER TO, ,KHA CIG NI BDAG CAG GIS BCOM LDAN 'DAS KYIS @44B NYAN THOS RNAMS KYI LONGS SPYOD PA DANG YONGS SU SPYOD PA RNAMS PHROGS SO ZHES 'DZER TO, ,KHA CIG NI BDAG CAG GIS BCOM LDAN 'DAS KYI PHYIR RAB TU BYUNG BA RNAMS KHYIM PAR PHAB STE, GNAS MA LAGS PA THOB PAR BGYIS SO ZHES 'DZER TO, ,KHA CIG NI BCOM LDAN 'DAS BDAG CAG GIS SANGS RGYAS BCOM LDAN 'DAS RNAMS KYI NYAN THOS SNOD DU GYUR PA DANG SNOD DU MA GYUR PA DANG SNOD DU MA GYUR PA NONGS PA MA MCHIS PA RNAMS KHRI MON DU STZAL TE BDAG CAG LAS KYI SGRIB PA DES BSKAL PA MANG POR NGAN SONG GSUM DU SDUG BSNGAL DRAG PO MI BZAD PA RNAM PA MANG PO MYONG NGO ZHES 'DZER TO, ,DE BZHIN DU SBYAR TE, BDAG CAG DA LTAR LAS KYI SGRIB PA'I LHAG MA DE BCOM LDAN 'DAS LA 'CHAGS SO, ,SLAN CHAD KYANG SDOM PAR BGYID DO, ,BDAG CAG LA THUGS BRTZE BA'I SLAD DU BCOM LDAN 'DAS KYIS GZUNG DU GSOL, ,BCOM LDAN 'DAS KYIS BDAG CAG NGAN SONG MI BZANG PA LAS GDON DU GSOL ZHES RGYA CHER GSUNGS SO,, ,,BAM PO BZHI PA, RAB TU BYUNG BA'I BAR DU GCOD PA'I MDO LAS KYANG GNOD PA GSUNGS TE, MING CHEN KHYIM PA CHOS BZHI DANG LDAN NA SKYE BA DE DANG DER MI DAL BA RNYED PAR 'GYUR; DMUS LONG DANG BLUN PA DANG LCE MED PA DANG GDOL PAR 'GYUR, NAM DU YANG BDE BAR MI 'GYUR, SKUR BA 'DEBS PA MANG BAR 'GYUR, ZA MA DANG MA NING DANG, RTAG PAR BRAN DANG BUD MED DU 'GYUR, KHYI DANG PHAG DANG BONG BU DANG RNGA MO DANG, SBRUL GDUG PAR 'GYUR RO, , BZHI GANG ZHE NA, MING CHEN 'DI LA KHYIM PA SNGON GYI RGYAL BA RNAMS LA LHAG PAR BYAS PA'I SEMS CAN RNAMS KYI MNGON PAR 'BYUNG BA'I SEMS DANG RAB TU 'BYUNG BA'I SEMS DANG 'PHAGS PA'I LAM GYI SEMS KYI BAR CHAD BYED PA 'DI NI DANG PO'O, ,GZHAN YANG NOR LA CHAGS SHING BU LA CHAGS NAS LAS KYI RNAM PAR SMIN PA LA YID MI CHES TE, BU 'AM BU MO 'AM CHUNG MA 'AM NYE DU'I TSOGS DBANG PHYUG GI GNAS LA 'KHOD PA RAB TU 'BYUNG BA'I BAR CHAD BYED PA 'DI NI GNYIS PA'O ZHES GSUNGS SO, ,GZHAN GNYIS NI DAM PA'I CHOS SPONG BA DANG, DGE SBYONG DANG @45A *, ,BRAM ZE RNAMS LA KHONG KHRO BA'O, ,MI DGE BA BCU'I LAS KYI LAM GYI GNOD PA NI DAM PA'I CHOS DRAN PA NYE BAR GZHAG PA LAS, RNAM PAR SMIN PA DRAG PO GSUNGS PA LTA BUR BLTA STE, DE LAS CUNG ZAD TZAM ZHIG BRJOD PAR BYA'O, ,SROG GCOD PA'I RNAM PAR SMIN PA NYUNG ZAD CIG SMOS PA 'DI LTA STE, ME LCE LA RGYU BA ZHES BYA BA'I BYA NI GANG DAG ME'I RTZE MO LA GNAS KYANG MI 'TSIG PA STE, SHIN TU DGA' ZHING SEMS CAN DMYAL BA PA RNAMS KYI MGO BRTOL NAS KHRAG 'THUNG NGO, ,THOD PA'I PHRAG NA RGYU BA ZHES BYA BA'I BYA NI GANG DAG GLAD PA BA RTOL NAS RAB TU 'BAR ZHING GLAD RGYAS 'THUNG BA'O, ,LCE'I SHA ZA ZHES BYA BA'I BYA NI GANG DAG LCE DRAL NAS MNGON DU ZA BA STE, LCE DE ZOS SHING ZOS NAS YANG SKYE STE, PAD MA'I 'DAB MA BAS KYANG 'JAM MO, ,DE LTAR DON DANG MTHUN PA'I MING CAN NO, ,SO 'BYIN ZHES BYA BA DANG, MGUL BA'I MING PA 'DREN ZHES BYA BA DANG, GLO BA LA GNAS PA DANG, PHO BA ZA BA DANG, MCHIN PA BZLOG PA DANG, RGYU MA'I NANG SPRI ZA BA DANG, SGAL TSIGS LA DGA' BA ZHES BYA BA DANG GSHIS KYI GSANG BA PA ZHES BYA BA'I BYA RNAMS NI GANG DAG GSHIS THAMS CAD PHYE STE GSHIS KYI BU GA BRTOL NAS BU GAR ZHUGS TE DU BZHIN PA RNAMS KYI RKANG GI SNYING KHU 'THUNG BA'O, ,KHAB KYI BU GA ZHES BYA BA'I BYA BA'I BYA NI GANG DAG KHAB LTA BU'I MCHUS KHRAG 'THUNG BA'O, ,DE BZHIN DU RUS PA'I PHRAG NA GNAS PA DANG, PAGS PA DAG ZA BA DANG, SDER MOS 'BRANG PA DANG, TSIL ZA BA DANG, RGYUS PA 'DON PA DANG, SKRA SHAD 'DZINGS PA PA RNAMS KYI RKANG GI SNYING KHU 'THUNG BA'O, ,KHAB KYI BU GA ZHES BYA BA'I BYA NI GANG DAG KHAB LTA BU'I MCHUS KHRAG 'THUNG BA'O, ,DE BZHIN DU RUS PA'I PHRAG NA GNAS PA DANG, PAGS PA DAG ZA BA DANG, SDER MOS 'PHRAD PA DANG, TSIL ZA BA DANG, RGYUS PA 'DON PA DANG, SKRA SHAD 'DZINGS PA ZHIG NA DE LAS THAR KYANG DE SDUG BSNGAL MANG POR BSKOR TE, SA PHYOGS GNYIS PA G-YANG SA'I NGAM GROG CIS BYA BA DER 'GRO ZHING MGON TSOL SKYABS TSOL DPUNG GNYEN TSOL LO, ,KHOR YUG TU ME'I PHUNG PO BCU GCIG GIS BSKOR TE, LAS KYI ZHAGS PAS BCINGS SHING GROGS MED PA , @45B DGRA RNAMS KYIS KHOR YUG TU BSKOR TE DGON PAR PHYIN TE, DE SNGAR GYI SEMS CAN DMYAL BA'I TSOGS THAMS CAD PAS CHES LHAG PA'I SDUG BSNGAL RNYED CING NGAM GROG RAB LHUNG ZHES BYA BA'I G-YANG SA'I PHYOGS SU RGYUG STE, LTUNG NAS RKANG PA SHIN TU ZHU'O, ,BTEG NA NI YANG SHIN TU GZHON ZHING SHIN TU 'JAM PAR SKYE LA TSOR BA DRAG PO MI BZAD PA RNAMS KYIS NYEN TO, ,DE LTAR 'JIGS PAS DKRUGS PA'I BZHIN DU GYUR NAS RKANG LAG DANG YAN LAG DANG NYING LAG THAMS CAD RAB TU ZHU BA DE LA SA PHYOGS DER NGAM GROG CES BYA BA'I G-YANG SA 'BYUNG STE, DE PHYOGS DAR LHUNG ZHING NGAM PA NAS DPAG TSAD SUM 'BUM DU YANG G-YANG DU LHUNG ZHING, YANG LAS KYIS BYAS PA'I RLUNG GIS 'DEBS SO, ,DE LHUNG BA NA BYA KANG KA DANG KHVA DANG, BYA RGOD DANG 'UG PA RNAMS ZA'O, ,DE LTAR DE BTEG CING LHUNG BA NI LO BRGYA STONG PHRAG DU MA 'DA' BAR 'GYUR RO, ,BRGYA LA ZHIG NA DE NAS THAR KYANG YONGS SU BSKOR BA'I 'KHOR LO'I MTSAN MA'I PHRAG CES BYA BA'I PHYOGS SU RGYUG STE, SA PHYOGS DER YANG 'KHOR LO RDO RJE'I STE BA CAN ME LCE RNON PO 'BAR BA MYUR DU BSKOR BA'I 'KHOR LO STONG 'BYUNG BAR 'GYUR TE, DE NGER SONG MA THAG TU LUS LA 'KHOR LO DE DAG BAB NAS 'KHOR RO, ,DE BZHIN DU SBYAR TE, YAN LAG SO SO THAMS CAD KYANG BSHIG NAS BSREG GO, ,DE'I RKANG MTHIL NAS NI GSAL SHING GIS 'BIGS SO, ,DE LTAR GNAD 'JOMS PA'I RI LA GNAD 'JOMS PA'I SROG NGAGS SU GYUR PA RNAMS KYIS PHYI NANG RDUL PHRA RAB TZAM YAN CHAD KYANG ZOS PAR 'GYUR RO, ,ZOS SHING ZOS NAS KYANG YANG SHIN TU GZHON BAR SKYE'O, ,SHIN TU GZHON SHA CAN NYID KYIS KYANG SDUG BSNGAL DRAG PO 'BYUNG BAR 'GYUR TE, ZOS SHING ZOS NAS KYANG DE LA SHA CHES CHE BAR 'GYUR TE, SROG GCOD PA BYAS SHING BSAGS PA DE'I 'BRAS BU NI DE YIN NO, ,MA BYIN PAR LEN PA'I RNAM PAR SMIN PA GSUNGS PA, NYES PAR BYAS PA'I LAS KYI MTHA' BYED PA DE, MGAL ME BSKOR BA DANG SPRUL PA DANG DRI ZA'I GRONG KHYER DANG SMIG RGYU LTA BU'I NOR GYI RNAM PA CHEN POR GYUR PA RIN PO CHE DANG GOS DANG NOR DANG 'BRU MANG PO MTHONG STE, @46A *, ,CHAGS PAS ZIL GYIS NON CING LAS KYIS RMONGS PAR GYUR PA DE 'DI NI BDAG GI YIN NO SNYAM DU SEMS TE, DE LTAR RMONGS PA SDIG PA BYED PA DE, ME MDAG DANG LCI SKAM GYI ME RAB TU 'BAR BA 'PHOGS NAS, NOR YOD PA DER BRGYUGS PA DANG, DER GSHIN RJE'I MI LAS KYIS BYAS PA RNAMS KYIS BZUNG NAS MTSON CHA 'BAR BA'I NANG DU KHRID DE YAN LAG DANG NYING LAG THAMS CAD GSHEGS GTUBS NAS, BSREGS TE RUS PA 'BA' ZHIG LUS PAR BYED DE, DE LTA BU'I GNAS SU SON KYANG DE'I CHAGS PA THOG MA MED PA NAS ZHUGS PA DE YONGS SU 'BRI BAR MI 'GYUR RO ZHES BYA BA'O, ,'DOD PAS LOG PAR G-YEM BA'I DBANG DU BYAS TE, DE LTAR SDIG PA BYED PA DE MTSON CHA'I NYAM NGA BA DE LAS THAR NAS ME MDAG DANG LCI SKAM GYI MER 'BOGS TE, LAS KYIS BSKOS PA'I SA PHYOGS LOG PAR MTHONG BA ZHES BYA BA GZHAN DU 'GRO'O, ,DER YANG DRAN PA NYAMS PAR GYUR PA DES SNGON GANG DAG MTHONG BA LTA BU'I BUD MED LAS KYIS BYAS PA DAG MTHONG STE, MTHONG NAS KYANG DE'I 'DOD CHAGS THOG MA MED PA'I DUS NAS GOMS PA'I ME 'BYUNG NGO, ,DE BUD MED DE DAG GA LA BA DER BRGYUGS PA DANG, LAS KYIS BYAS PA'I LCAGS KYI RANG BZHIN GYI MI DE DAG GIS DE BZUNG STE, BZUNG NAS KYANG KHA'I MCHU LA SOGS PA CI NAS LUS DE LA LHAG MA YUNGS 'BRU TZAM YANG MI LUS PA DE LTAR ZA YANG YANG SKYE'O YANG ZA'O, ,DE TSOR BA DRAG PO MI BZAD PA MYONG YANG 'DOD CHAGS KYI ME DE LAS MI LDOG STE BUD MED DE DAG GA LA BA DER YANG RGYUG GO, DE'I GNOD PA DE NI 'DOD CHAGS KYI ME JI LTA BA DE LTAR MI GNOD PA MA YIN NO, ,RDO RJE DANG LCAGS KYI BUD MED DE DAG KYANG LUS RAB TU 'BAR ZHING ME LCE 'KHRUG PAS MI DE BZUNG NAS SEMS CAN DMYAL BA PA DE'I LUS THAMS CAD BYE MA BCANGS PA BZHIN DU BKRUM YANG SLAR 'BYUNG STE SNGA MA BZHIN NO, , DE BZHIN DU SBYAR TE, ,RNAM PA KUN TU NOR 'JIG DANG, ,NGAN SONG RTZA BA BUD MED YIN, ,MI GANG DAG NI BUD MED 'DOD, ,DE DAG BDE BAR GA LA 'GYUR, ,ZHES BYA BA NAS, ,BUD MED PHUNG BAR BYED PA STE, ,'JIG RTEN 'DI DANG PHA ROL PHUNG, ,GAL TE BDAG LA PHAN 'DOD NA, ,DE BAS @46B BUD MED RNAM PAR SPANG, ,ZHES BYA BA'I BAR DU GSUNGS SO, ,BRDZUN DU SMRA BA'I DBANG DU BYAS TE, DE GSHIN RJE'I MI DE DAG GIS BZUNG STE, BZUNG NAS KYANG DE'I KHA PHYE NAS DE NAS LCE 'DREN TE, LAS KYI DBANG DANG BRDZUN DU SMRA BA DE'I 'BRAS BUS LCE [?] DPAG TSAD LNGA BRGYA PAR 'GYUR TE, DE'I LCE 'BYUNG BA'I DUS NA GSHIN RJE'I MI DAG GIS LCAGS KYIS RAB TU 'BAR BA LA BLDAG TU 'JUG GO, ,LAS KYIS BYAS PA'I GSHIN RJE'I THONG LCAGS 'BAR BA DANG LDAN PA STONG YANG 'BYUNG ZHING GLANG BU STOBS DANG LDAN PA RNAMS KYIS DE'I LCE LA RMO BAR 'GYUR TE, DER RNAG DANG KHRAG DANG SRIN BU 'DZAG PA'I CHU 'BAB PAR 'GYUR RO, ,DE BZHIN DU SBYAR TE LCE DE YANG LHA RNAMS KYI MIG JI LTA BA DE BZHIN DU SHIN TU GZHON PA NAS, DE TSOR BAS NYAM THAG PA ZHES BYA BA'I BAR DU STE, 'KHUN CING DU LA KU CO 'DON KYANG DE LA SDUG BSNGAL SAL BA SU YANG MAD DO, ,ZHES RGYA CHER GSUNGS PA DANG, DE LTAR TSOR BA DRAG PO MYONG BA LCE DE LA LO BRGYA STONG DU MAR LCE RMO BAR 'GYUR ZHING DE'I LCE DE JI STE NA DMYAL BA PA'I KHA'I NANG DU CHUD PAR 'GYUR RO, ,DE 'JIGS PAS DKRUGS PA'I GZHIN DU GYUR CING GANG BAB BAB TU 'BROS SO, ,ME MDAG DANG LCI SKAM GYI ME'I NANG DU NUB CING TSIG LA DE DE LTAR SDUG BSNGAL GYIS NYAM THAG PA NA, SKYABS MED DPUNG GNYEN MED CING GSHIN RJE'I MI LAG NA THO BA DANG RAL GRI THOGS PA DAG 'BYUNG STE, DE DAG GIS MI DE'I GLAD PA NAS RKANG PA'I BAR DU PHYE MAR RLOG GO ZHES BYA BA LA SOGS PA GSUNGS PA YIN NO, ,PHRA MA BYAD PA'I RNAM PAR SMIN PA NI BRDZUN DU SMRA BA DANG MTHUN NO, ,LCE DPAG TSAD SUM BRGYA PAR 'GYUR TE ZHES BYA BA NI BYE BRAG STE, GSHIN RJE'I MI SNYING RJE MED PA DE DAG GIS LCE RAB TU 'BAR BA LA BZUNG NAS GSHEGS PAR BYED DO, ,WA DAG KYANG PHYOGS GZHAN NAS ZA ZHING MCHOG TU DRAG PA'I SDUG BSNGAL MYONG LA DU ZHING KU CO 'DON TO, ,LCE MED PAS SGRA MI GSAL LO ZHES BYA BA LA SOGS PA'O, ,NGAG RTZUB MO'I RNAM PAR SMIN PA GSUNGS PA NI, DE DAG GIS DE'I KHA PHYE NAS LCE BZUNG STE, BZUNG NAS KYANG MTSON RNON POS BCAD DE, DE NYID KYI ZAS SU SLAR YANG KHAR BCUG LA DE YANG BKRES PAS NYAM THAG CING BKRES PA'I @47A *, ,RANG BZHIN GYIS RANG GI KHRAG DANG KHA CHU 'DZAG PA DANG LCE DE NYID ZA'O, ,LCE DE YANG BCAD CING BCAD NAS KYANG LAS KYI DBANG GIS SLAR YANG SKYE ZHING, DE SDUG BSNGAL GYIS NYAM THAG PAS SA LA 'DRE LDOG CING KU CO 'DON TO, ,DE LTAR SDUG BSNGAL KYIS NYAM THAG CING MIG GI 'BRAS BU YONGS SU 'GYUR LA SDUG BSNGAL GYIS NYAM THAG PA DMAN PA GROGS MED PA GCIG PUR GYUR PAS RANG GIS BYAS PA LA SPYOD PA DE LA GSHIN RJE'I MI RNAMS KYIS RJES SU BSTAN PA'I TSIGS SU BCAD PA SMRAS PA, KHYOD KYIS LCE YI GZHU YIS NI, ,RTZUB MO ZHES NI GANG BRJOD PA, ,NGAG GI MDA' RNON 'PHANGS GYUR PAS, ,DE YI 'BRAS BU 'DI 'ONGS SO, ,ZHES BYA BA'O, ,TSIG 'KHYAL BA'I RNAM PAR SMIN PA GSUNGS PA NI, DE'I LCE DE ZANGS RAB TU 'BAR BAS BSREG GO, ,LCE BSREGS NAS MGUL PA BSREG GO, ,MGUL PA BSREGS NAS SNYING BSREG GO,, SNYING BSREGS NAS RGYU MA BSREG GO, ,RGYU MA BSREGS NAS PHO BA BSREG GO, ,PHO BA BSREGS NAS KYANG THUR DU 'BYUNG NGO, ,GSHIN RJE'I MIS TSIGS SU BCAD PA, SNGA PHYI'I TSIG NI MA 'BREL CING, ,DON MED PA DANG 'CHAL GYUR LA, ,MA 'BREL KHYOD KYIS GANG SMRAS PA, ,DE YI 'BRAS BU 'DIR 'ONGS SO, ,GANG DAG BDEN BAR MI SMRA ZHING, ,KHA TON LHUR LEN MI BYED PA, ,DE LA MKHAS PAS LCER MTHONG GI ,SHA DUM NYID DU MIN NAM CI, ,ZHES BYA BA'O, ,BRNAB SEMS KYI RNAM PAR SMIN PA GSUNGS PA NI, DE LA LAS KYIS BYAS BA'I RDZAS GZHAN GYIS YONGS SU BZUNG BA GSOB GSOG SNYING PO MED PA MTHONG NAS LAS KYIS BSKUL BA RMONGS PA DE 'DI SNYAM DU 'DI NI BDAG GI YIN NO SNYAM DU SEMS TE, DE NAS SEMS CAN DMYAL BA PA DE RDZAS GA LA BDER BRGYUG GO, ,SEMS CAN DMYAL BA DES NOR GANG MTHONG BA DE NI BRNAB SEMS ZHES BYA BA YID KYIS MI DGE BA KUN TU BSTEN CING BSGOMS LA MANG DU BYAS PA DE'I 'BRAS BU YIN TE, DE LTAR MTHONG BA NA BRNAB SEMS MANG BA DE'I LAG NAS MTSON CHA 'BYUNG STE, DES DER BRGYUGS PA DANG SEMS CAN DMYAL BA PA GZHAN DE DAG GI LAG NAS KYANG MTSON CHA RNAMS 'BYUNG STE, DE DAG DANG DE MTSON CHAS 'THAB PA @47B LA CI NAS LUS LA SHA YUNGS 'BRU TZAM YANG MI LUS PA DE LTAR BZHAR TE KENG RUS NYI TSE LUS PAR BYED DO, ,DE BZHIN DU SBYAR TE, ,GZHAN DAG 'BYOR PA MTHONG NAS NI, ,BDAG GIR GYUR CIG SNYAM BSAMS PA, ,BRNAB SEMS YANG DAG BSKYED GYUR PA, ,LAS DE'I 'BRAS BU 'ONGS PA YIN, ZHES BYA BA'O, ,GNOD SEMS KYI 'BRAS BU GSUNGS PA NI, LAS KYIS BSKYED PA'I SENG GE DANG GZHIG DANG SBRUL KHRO BAS ZIL GYIS NON PA RNAMS DE'I MDUN NA 'DUG PA DE DAG GIS DE 'JIGS SKRAG NAS GANG BAB BAB TU BROS KYANG MI DGE BA'I LAS KYIS DE 'BROS JI LTAR NUS, DE DAG GIS DE BZUNG STE BZUNG NAS KYANG THOG MAR GLAD PA LA ZA BA NAS SBRUL MCHE BA GDUG PA RNAMS KYIS RTZI BA LOGS KYI BAR DU BZUNG ZHING ZA LA STAG RNAMS NI RGYAB NAS ZA BAR 'GYUR RO, ,RKANG PA NI MES BSREGS SO, ,GSHIN RJE'I MI RNAMS KYANG RGYANG RING PO NAS MDA' 'PHEN TO ZHES RGYA CHER RO, ,LOG PAR LTA BA'I 'BRAS BU NI DPAG TU MED PA GSUNGS TE MDOR BSDUS NAS BRJOD PA NI MTSON CHA'I CHAR DANG, MTSON RTZE GCIG PA DANG, RDO RJE'I CHAR DANG, GNAM LCAGS DANG, RDO'I CHAR RNAMS KYIS BTAB CING ME'I PHUNG PO BCU RNAMS DANG KHA NAS BKRES PA DANG SKOM PA'I MI 'BYUNG BAS KYANG RGYUN TU SREG GO ZHES BYA'O; ,'DOD PA NI GNOD PA THAMS CAD KYI RTZA BA STE, DE DAG GIS SHIN TU YID 'BYUNG BAR BYA'O, ,JI LTAR 'DI NYID LAS, ME THAB CES BYA BA'I SEMS CAN DMYAL BA YOD DE, DER LAS GANG GIS SEMS CAN RNAMS SKYE ZHE NA, GANG DGE SBYONG MA YIN PA LA DGE SBYONG DU KHAS 'CHE ZHING BUD MED KYI GLU DANG GAR DANG RGYAN RNAMS KYI SGRA THOS PA DANG DGOD PA DANG 'JO BA DANG RTZE BA RNAMS THOS NAS, TSUL BZHIN MA YIN PA YID LA BYED PAS 'PHANGS PA'I BLOS KHU BA 'CHOR PAR 'GYUR RO, ,DE BZHIN DU SBYAR TE, DER SEMS CAN DMYAL BA PA DE DAG LCAGS KYI CHAR PAS YAN LAG DANG NYING LAG THAMS CAD PHYE MAR RLOG LA ME MA MUR GYI CHAR GYIS KYANG SREG CING 'TSIG GO ZHES BYA BA LA SOGS PA GSUNGS PA BZHIN NO, ,DE LTAR SNGON 'DOD PA NYAMS SU BLANGS PA DRAN PAS PAD MA ZHES BYA BA'I SEMS CAN DMYAL BA GSUNGS TE, MYONG BA RMI LAM DU DRAN PAS KYANG DER SEMS CAN DMYAL BA @48A *, ,PA DE DAG PHRU BA RNAMS SU BTZO ZHING GZHONG KHONG DU LCAGS KYI GTUN RNAMS KYIS BRDUNG NGO ZHES RGYA CHER RO, ,DE DE LTAR LHA'I BU MO 'DOD PA'I PHYIR TSANGS PAR SPYOD PA YONGS SU BSNGO BAS NA, PAD MA CHEN PO ZHES BYA BA'I SEMS CAN DMYAL BAR GSUNGS TE, DE NA TSA SGO CAN GYI 'BAB CHU DBA' RLABS CAN ZHES BYA BA 'BAB STE, 'BAB CHU DE LA NYA GANG YIN PA DE DAG NI SEMS CAN DMYAL BA PA DE DAG GO, ,RUS PA GANG YIN PA DE DAG NI RDO BA'O, ,'JIM PA GANG YIN PA DE DAG NI SKRA'O, ,'DAM RDZAB GANG YIN PA DE DAG NI SHA'O, ,CHU GANG YIN PA DE DAG NI RO NYE BSKOL BA'O ZHES BYA BA LA SOGS PA'O, ,DE BZHIN DU SKYES PAS SKYES PA LA 'KHRIG PA LOG PAR BCUG PA'I CHAD PA'I BYE BRAG DPAG TU MED PAR BRJOD DO, ,DE BZHIN DU BYIS PA RNAMS LA LOG PAR 'JUG PA YANG TSA SGO CAN GYI CHUS KHYER BA'I KHYE'U DAG MTHONG NAS DE DAG GIS DE LA BOS PA DANG, DE BYIS PA DE DAG LA SHIN TU SDUG PAR SEMS PA DANG LDAN ZHING MYA NGAN DANG SDUG BSNGAL GYI SHUGS KYIS CHU DER 'JUG GO, ,BA DANG RTA RGOD MA DANG RA MO DANG LUG MO LA SOGS PA LA YANG DE BZHIN TE, 'DOD PA LA LOG PAR G-YEM PA NI RANG BZHIN GYIS KHA NA MA THO BA DANG BCAS PA RNAM PAR SMIN PA SHIN TU DRAG PAR GSUNGS SO, ,DUD 'GRO LA 'DOD PA BSTEN PA DE NI MI DGE BAS SBRUL PA'I LCAGS KYI BA DANG RTA RGOD MA LA SOGS PA 'BAR BA DE DAG NYID KYI SKYE GNAS KYI LAM NAS 'JUG STE DE DAG GI LTOR ME MDAG RAB TU 'BAR BA'I PHUNG POS YONGS SU GANG BAR DE LO BRGYA STONG MANG POR 'TSED CING SREG GO ZHES TE RGYA CHER DE NYID DU BLTA'O, ,DE BZHIN DU GZHAN GYIS NYAL PO BYAS ZIN PA'I DGE SLONG MA RNAMS LA LOG PAR ZHUGS PA RNAMS KYI CHAD PA YANG SEMS CAN DMYAL BA CHEN POR BSHAD DO, ,RANG GI CHUNG MA LA SKYE GNAS KYI LAM MA YIN PAR BYAS PA YANG DE BZHIN NO, ,GZHAN GYI CHUNG MA LA NAN GYIS BYAS PA DANG MI DBANG BA'I BU MO LA BYAS PA YANG DE BZHIN NO, ,BSNYEN GNAS LA GNAS PA RNAMS LA BYAS PA YANG DE BZHIN NO, ,BLA MA RNAMS KYI CHUNG MA LA BYAS PA YANG DE BZHIN NO, ,GNYEN DU 'THAMS PA RIM GRO BYAS PA RNAMS LA LOG PAR ZHUGS PA'I CHAD PA YANG DRAG CING DPAG TU @48B MED DE, SEMS CAN DMYAL BA CHEN PO YIN PAR BSHAD DO, ,'KHRIG PA BDUN DANG LDAN PA'I MDO LAS KYANG, BRAM ZE 'DI LA KHA CIG BDAG TSANGS PAR SPYOD PAR KHAS 'CHE ZHING DE BUD MED DANG GNYIS KYIS GNYIS MI SBYOR YANG BUD MED LA MIG GIS GZUGS LA NGES PAR SEMS SHING BLTA STE, DES DE'I RO MYONG ZHING RTOG LA ZHEN TE, LHAG PAR ZHEN NAS GNAS PA 'DI NI BRAM ZE TSANGS PAR SPYOD PA 'KHRIG PA'I CHOS DANG LDAN PA YIN GYI MI LDAN PA MA YIN TE, TSANGS PAR SPYOD PA YONGS SU MA DAG PAR SPYOD PA'O, ,DE BZHIN DU BUD MED DANG LHAN CIG RTZE BA DANG CA CO 'DON PA NYAMS SU LEN PA YANG TSANGS PAR SPYOD PA YONGS SU MA DAG PA'O ZHES GSUNGS PA DANG, BUD MED KYIS BSNYEN BKUR BYAS PA NYAMS SU LEN PA YANG DE BZHIN NO, ,RTZIG PAS CHOD PA 'AM YOL BAS CHOD PA'I BUD MED KYI RGYAN DANG GLU DANG GAR LA SOGS PA'I SGRA NYAMS SU LEN PA'ANG DE BZHIN DU 'KHRIG PA DANG LDAN PA YIN NO ZHES GSUNGS SO, ,PHA ROL PO 'DOD PA'I YON TAN LNGA DANG LDAN PA LA BLTAS NAS NYAMS SU LEN PA YANG DE BZHIN NO, ,LHA LA SOGS PA'I GNAS SU TSANGS PAR SPYOD PA YONGS SU BSNGO BA YANG DE BZHIN TE 'KHRIG PA'I CHOS DANG LDAN PA YIN GYI MI LDAN PA MA YIN NO ZHES GSUNGS SO, ,DE'I PHYIR DE LTAR DRAN PA DANG SMON PA'I YUL DU GYUR PA 'DOD PA DE DAG NI GNOD PA BYED PA NYID DO, ,DE'I PHYIR 'DOD PA LA GDAMS PA'I MDO LAS, DGE SLONG 'DOD PA RNAMS LAS SEMS ZLOG SHIG ,LAM 'DI NI 'JIGS PA DANG BCAS PA'O, ,RAB TU 'JIGS PA DANG BCAS PA'O, ,TSER MA DANG BCAS PA'O, ,THIBS PO DANG BCAS PA'O LAM GOL BA'O, ,LAM NGAN PA'O, ,LAM KHA BRAG GO, ,SKYES BU DAM PA MA YIN PAS BSTEN PA'O, ,KHYOD 'DI LTAR 'DOD PA RNAMS NI RO MYONG BA CHUNG BA STE, BCOM LDAN 'DAS KYIS KYANG SDUG BSNGAL MANG BA GNOD PA MANG BA 'KHRUGS PA MANG BSTE 'DI LA NI NYES DMIGS MANG NGO, ,DGE SLONG DAG 'DOD PA RNAMS NI NAD DANG 'BRAS DANG ZUG RNGU DANG SDIG PA DANG SRID PA'I RTZA BA DANG SHA DANG BCAS PA'I MCHIL PA LTA BU YIN LA, 'DOD PA DAG NI 'CHI BA MI RTAG PA SOGS BRDZUN PA SLU BA'I CHOS CAN TE, 'DOD @49A *, ,PA RNAMS NI RMI LAM LTA BU YIN ZHING 'DI DAG NI BYIS PA 'DRID PA'O ZHES GSUNGS PA SNYAM DU MI SEMS SAM, DE BZHIN DU SBYAR TE, DPER NA RI DAGS BSHOR BA'I KHOG TSE DANG, BYA BSHOR BA'I RGYA DANG, NYA BSHOR BA'I DOL DANG, SPRE'U BSHOR BA'I RNYONG DANG, PHYE MA LEB BSHOR BA'I ME'I PHUNG PO JI LTA BAR 'DOD PA RNAMS KYANG DE BZHIN NO, ,DE BZHIN DU SBYAR TE, 'DOD PA TSOL ZHING SPYOD PA NA YUN RING POR SENG GE RNAMS KYI KHAR CHUD PA'I MTHA' YANG MI MNGON PA NAS BA LANG GSOD CING BA LANG GI SHA ZA BA RNAMS KYI KHAR CHUD PA'I BAR GYI MTHA' YANG MI MNGON NO, ,SBAL PA DAG TU GYUR NAS SBRUL RNAMS KYI KHAR CHUD PA'I BAR GYI MTHA' YANG MI MNGON NO, ,YUN RING POR 'DOD PA BSTEN PA NA CHOM RKUN YIN ZHES BZUNG NAS MGO BCAD PA'I MTHA' YANG MI MNGON NO, ,GZHAN GYI CHUNG MA LA 'PHYO BA DANG RKUN PO DANG GRONG 'JOMS PA DANG LJONGS 'JOMS PA DANG MDUD PA 'GREL BA'I BAR YIN NO ZHES BZUNG NAS MGO BCAD PA'I MTHA' YANG MI MNGON NO, ,SDUG BSNGAL DRAG PA RTZUB PA MI BZAD PA NYAMS SU MYONG BA'I KHRAG GZAGS SHING BAB PA NI RGYA MTSO CHEN PO BZHI'I CHU BAS KYANG MANG NGO, ,DE BZHIN DU SBYAR TE, LUS NYES DMIGS MANG BA 'DI NI RUS PA 'DUS PA, CHU RGYUS KYIS SBREL BA, SHAS GLAN PA, PAGS PAS DKRIS SHING PHYI ROL G-YOGS PA, BU GA CHE CHUNG CAN, SRIN BU'I TSOGS GNAS PA, SEMS CAN RNAMS LA GNOD PA, NYON MONGS PA'I CHOS RNAMS KYI GNAS YIN NO, ,LUS 'DI LA NAD KYI RNAM PA 'BYUNG BA 'DI LTA STE; MIG NAD DANG RNA NAD NAS GZHANG 'BRUM DANG PHOL MIG DANG MTSAN BAR RDOL GYI BAR DAG GO, ,DE BZHIN DU SBYAR TE, LUS KYI KUN TU GDUNG BA RNAMS DANG, LUS KYI SDUG BSNGAL DANG, LUS KYI 'KHOGS PA DANG, SGU BA DANG, SGUR BA DANG, SPYI CER DANG, SKRA SKYA DANG, GNYER MA MANG BA DANG, DBANG PO RNAMS YONGS SU SMIN PA DANG, YONGS SU 'JIG PA DANG, 'DU BYED RNAMS RNYINGS PAR GYUR PA DANG, SHAG SHIG TU GYUR PA NAS 'JAG PA DANG, RAB TU 'DZAG PA DANG, SMAD PA'I BAR GYI LUS 'DI LTA BU 'DI NI BSTEN PA'I 'OS MA YIN NO, ,DE BZHIN @49B DU SBYAR TE, DGE SLONG KHYOD KYIS 'DOD PA DAG YOD PA GANG YIN, KHYOD GANG LA RAB TU CHAGS, KHYOD JI LTAR BCINGS SHING BRGYAL TE ZHEN CING LHAG PAR ZHEN PAR GYUR, NAM NGA YONGS SU MYA NGAN LAS 'DAS SHING DAM PA'I CHOS KYANG NUB PAR GYUR LA, KHYOD KYANG 'DOD PA RNAMS BSTEN NAS RNAM PAR LTUNG BAR SONG BA NA NAM ZHIG DGA' BA DANG 'CHI BA LAS BDAG THAR PAR GYUR, DGE SLONG CHOG GI 'DOD PA RNAMS LAS SEMS ZLOG SHIG ,'DI NI 'DOD PA BTZAL BA'I DUS MA YIN GYI CHOS BTZAL BA'I DUS YIN NO ZHES GSUNGS SO, ,KHYIM BDAG DRAG SHUL CAN GYIS ZHUS PA'I MDO LAS KYANG, DES 'DOD PA LA LOG PAR G-YEM PA SPANG BAR BYA STE, BDAG GI CHUNG MAS CHOG PAR 'DZIN PA DANG, GZHAN GYI CHUNG MA LA 'DOD PA MED PA DANG, MA CHAGS PA'I MIG GIS BLTA BA DANG YID BYUNG BA'I YID DANG 'DOD PA DAG NI SHIN TU SDUG BSNGAL BA'O SNYAM DU MA CHAGS PA'I YID LA BYED PA LA BRTZON BAR BYA'O, ,DE GANG GI TSE RANG GI CHUNG MA LA RNAM PAR RTOG PA BYUNG BA DE'I TSE YANG NYON MONGS PA'I DBANG DU GYUR PAS NA, DES RANG GI CHUNG MA LA MI SDUG PAR RJES SU LTA BA DANG, SKRAG PA'I YID KYIS 'DOD PA BSTEN PAR BYA'I ZHEN PAS ZIN BZHIN DU NI MA YIN TE, RTAG TU MI RTAG PA DANG, BDAG MED PA DANG MI GTZANG BA'I 'DU SHES SU BYA'O, ,DES DE LTAR DRAN PA NYE BAR GZHAG NAS CI NAS YID KYI DGU LA YANG 'DOD PA SPYAD PAR MI BYA NA, MTSAN GNYIS SPRAD PA 'AM YAN LAG MA YIN PAR 'JUG PA LTA CI SMOS TE, BDAG GIS DE LTAR BYA'O SNYAM MO ZHES GSUNGS PA DANG, YANG DE NYID LAS BYANG CHUB SEMS DPAS RANG GI CHUNG MA LA 'DU SHES GSUM BSKYED PAR BYA STE, GSUM GANG ZHE NA, 'DI NI DGA' ZHING RTZE BA'I GROGS YIN GYI 'DI 'JIG RTEN PHA ROL GYI GROGS NI MA YIN NO, ,'DI NI BZA' BA DANG BTUNG BA'I GROGS YIN GYI, 'DI LAS KYI RNAM PAR SMIN PA MYONG BA'I GROGS NI MA YIN NO, ,'DI NI BDE BA'I GROGS YIN GYI 'DI SDUG BSNGAL GYI GROGS NI MA YIN NO SNYAM PA'O ZHES BYA BA NAS YANG GSUM STE, TSUL KHRIMS KYI BAR DU GCOD PAR 'DU SHES PA DANG, TING @50A *, ,NGE 'DZIN GYI BAR DU GCOD PAR 'DU SHES PA DANG, SHES RAB KYI BAR DU GCOD PAR 'DU SHES PA'O, ,YANG GSUM STE, CHOM RKUN DU 'DU SHES PA DANG, BTZON SRUNG DU 'DU SHES PA DANG, SEMS CAN DMYAL BA'I SRUNG MAR 'DU SHES PA'O ZHES GSUNGS SO, ,BU MO ZLA MCHOG GIS ZHUS PA LAS KYANG BSHAD DE, DE NAS BU MO ZLA MCHOG GIS SKYE BO PHAL PO CHE BRGYUG PA DE MTHONG MA THAG TU, DE'I TSE NAM MKHA' BAR SNANG LA SHING TA LA'I SRID DU MNGON PAR 'PHAGS TE 'DUG NAS, SKYE BO PHAL PO CHE DE LA TSIGS SU BCAD DE SMRAS PA, GSER GYI KHA DOG LTA BUR RAB 'BAR ZHING, ,YID DU 'ONG BA'I BDAG LUS 'DI LA LTOS, ,KYE MA RAB TU LUS MDZES 'DI LTA BU, ,CHAGS PA'I SEMS DANG LDAN LA YOD RE SKAN, ,GANG DAG YUL RNAMS LA NI CHAGS MED CING, ,ME MDAG LTA BUR 'DOD PA RAB SPONG DANG, ,DBANG PO DRUG PO SDOM BAS BSNGAMS PA DANG, ,GANG DAG TSANGS SPYOD RNAM PAR DAG SPYOD DANG, ,GANG DAG GZHAN GYI CHUNG MA MTHONG GYUR NA, ,MA DANG SRING MO'I 'DU SHES SKYED BYED PA, ,DE DAG MDZES SHING BLTA NA SDUG PA DANG, ,RTAG PAR MCHOG TU YID DU 'ONG BAR 'GYUR, ,GRONG KHYER 'DI LA KUN DU GSAL BLTAS DANG, ,BDAG SPU KHUNG NAS SPOS NGAD GANG BYUNG BA, ,BDAG GIS 'DOD CHAGS SEMS KYIS DE MA BSGRUBS, ,'DI NI SBYIN DANG DUL BA'I 'BRAS BU YIN, ,BDAG LA 'DOD CHAGS SEMS NI SKYE BA MED, ,'DOD CHAGS BRAL BA LA YANG CHAGS MI SKYED, ,JI LTAR BDEN BAR SHES KYI LOG MIN PAR, ,BDAG GI MDUN BZHUGS THUB DBANG 'DI DPANG YIN, ,KHYOD NI SNGON CHAD BDAG GI PHAR GYUR CING, ,BDAG KYANG KHYED CAG RNAMS KYI MAR GYUR LA, ,MING SRING DAG DANG PHAR YANG GYUR GYUR NA, ,MA LA 'DOD CHAGS SEMS NI SU ZHIG SKYED, , BDAG GIS SNGON CHAD KHYOD RNAMS THAMS CAD BSAD, ,BDAG KYANG KHYED KYIS SNGON CHAD GSHEGS SHING GTUBS, ,KUN KYANG PHAN TSUN DGRA DANG GSOD PA YIN, ,KHYED CAG JI LTAR 'DOD CHAGS SEMS KYANG SKYED, ,'DOD CHAGS CAN NI GZUGS DANG LDAN MI 'GYUR, , @50B 'DOD CHAGS SEMS LDAN BDE 'GROR 'GRO MA YIN, ,'DOD CHAGS SEMS LDAN MYA NGAN 'DAS MI 'GRO, ,DE LTA BAS NA 'DOD CHAGS YONGS SU SPANG, ,'DOD PA'I RGYUS NI SEMS CAN DMYAL BAR LTUNG, ,'DOD CHAGS KYIS NI YI DAGS DUD 'GROR 'GYUR, ,GANG DAG 'DOD CHAGS SEMS NI LDAN PA RNAMS, ,GRUL BUM GNOD SBYIN LHA MI SHA ZAR 'GYUR, ,'DOD CHAGS KYIS NI MI SDUG GZUGS CAN DANG, ,LCE MED PA DANG GYOL DANG ZHAR BAR 'GYUR, ,GANG DAG SMAD PA'I SPYAD PA SPYOD BYED PA, ,DE DAG RNAM PA SNA TSOGS SKYON LDAN 'GYUR, ,'KHOR LOS SGYUR BA NYID NI THOB PA DANG, ,SUM CU RTZA GSUM DBANG PHYUG BRGYA BYIN DANG, ,TSANGS DANG DBANG LDAN DBANG SGYUR GANG YIN PA, ,DE NI TSANGS SPYOD RGYA CHEN SPYAD PAS GYUR, ,'DOD LA BRKAM PA RTAG TU DMUS LONG DANG, ,'ON PA GLEN BA PHAG DANG RNGA MO DANG, ,LUNG BONG SPRA'U DANG GLANG CHEN BA LANG DANG, , STAG DANG RTA DANG PHYE LEB SBRANG MAR 'GYUR, ,GANG DAG TSANGS SPYOD RGYA CHER SPYAD PA NI, ,RGYAL PO DGA' DANG LDAN PA NYID DU 'GYUR, ,TSONG DPON KHYIM BDAG BLON PO RNAMS SU'ANG 'GYUR, ,BDE DANG YING BDE BA YANG 'PHEL BAR 'GYUR, ,'DOD PA'I KHOL PO RNAMS NI GSHEGS SHING GTUB, , DU BAS BDUG CING BCING DANG BRDEG PA DANG, ,BSDIGS DANG MGO DANG RNA BA LAG PA DANG, ,MIG DANG SNA DANG RKANG PA'ANG BCAD PHYUNG 'GYUR, ,ZHES GSUNGS SO, ,BAD SA'I RGYAL PO 'CHAR BYED KYIS ZHUS PA LAS KYANG SMAD DE, ,RMA MTHONG NAS NI SPRANG MA BRGYUG PA DANG, ,MI GTZANG MTHONG NAS LUNG BONG BRGYUG PA DANG, ,PHYUGS KYI SHA PHYIR KHYI YANG BRGYUG PA LTAR, ,MI MKHAS BUD MED DGA' BA DE BZHIN BRGYUG ,BYIS PA RNAMS NI MA RIG BSGRIBS, ,MUN PA'I PHUNG POS KUN TU BSGRIBS, ,BUD MED CHAGS PA DE BZHIN RMONGS, ,NGAN SKYUGS GNAS LA BYA KHVA BZHIN, ,NGAN 'GROR GANG DAG ZHUGS PA DANG, ,MYONG BA'I 'DU SHES CHAGS BYED DE, ,NGAN SKYUGS GNAS SU SRIN BU 'DRA, ,DE DAG BDUD KYI SPYOD YUL YIN, ,NGAN SKYUGS BUM PA RI MO CAN, ,GANG DANG GANG DU SNANG BA YANG, ,GCIN DANG BSHANG BAS GANG BA DANG, ,RKYAL @51A *, ,PA RLUNG GIS GANG BA BZHIN, ,SNABS DANG MCHIL MA KHA CHU DANG, ,BAD KAN RNAG DANG GLAD RGYAS DANG, ,BYIS PA RNAMS KYI LUS LAS NI, ,DRING 'DZAG STE SBRANG RTZI BZHIN, ,RUS PAS RGYAS GYUR KHA SGO CAN, ,PAGS DANG SHA LA SOGS PAS DKRIS, ,LUS 'DI PHOL MIG 'DRA BA STE, ,SMAD PA YIN ZHING DRI NGA CAN, ,DPER NA PHOL MIG RMA KHA NI, ,SROG CHAGS SNA TSOGS RNAMS KYIS GANG, ,DE BZHIN DU NI LUS 'DI YANG, ,MI GTZANG SNA TSOGS SNOD YIN NO, ,LTO NI GNYE MAS GANG BA STE, ,MTSER PA DANG NI GLO BA DANG, ,MKHAL MA KHRAG DANG MKHRIS PA DANG; ,GLAD RGYAS RUS PA RKANG GIS GANG, ,GANG DAG KHONG NA GNAS PA NI, ,SRIN BU'I GRONG KHYIM BRGYAD KHRI YIN, ,GTI MUG DRA BAS BSGRIBS PAS NA, ,BYIS PA RNAMS KYIS MI SHES SO, ,BU GA'I SGO NI DGU DAG NAS, ,MI GTZANG RNAG DANG DRI NGA 'DZAG ,SMRA BA DANG NI MTHONG BAS KYANG, ,BYIS PA DAG NI MTSAN MAR 'DZIN, ,BYIS PA NGAN SKYUGS SPYOD YUL CAN, ,MCHIL MA DANG NI SNABS ZA BA, ,CHAGS PAR 'GYUR NAS PHYOGS GANG ZHING, ,KUN TU SMAD PA MI SHES SO, ,SBRANG MA RNAMS KYIS RMA MTHONG LTAR, ,SMAD PA'I GNAS LA CHAGS PAR BYED, ,MTSAN [?] KHUNG GNYIS NAS RDUL 'DZAG CING, ,BTZOG PA'I DRI NI 'BYUNG BAR 'GYUR, ,GANG GIS NGAN 'GROR 'GRO BA YI, ,NYES PAR BYED PA'I LAS BYED CING, ,'DOD PA DMAN PA BSTEN PA DANG, ,DMAN PA'I CHOS RNAMS STEN BYED PA, ,SHES RAB 'CHAL PA MNAR MED SONG, ,SDUG BSNGAL TSOR BA MYONG BAR 'GYUR, ,NGAN SKYUGS BZHIN DU DRI NGA ZHES, ,SANGS RGYAS RNAMS KYIS BUD MED SMAD, ,DE LTA BAS NA DMAN PA NI, ,BUD MED DMAN PA RNAMS DANG 'DRE, ,BYIS PA GANG ZHIG NGAN SKYUGS KYI, ,RKYAL PA THOGS NAS KHYIM DU 'GRO, ,LAS NI CI 'DRA BYED BA YI; ,'BRAS BU YANG NI DE 'DRA THOB, ,CES GSUNGS SO, ,YANG DE NYID LAS GSUNGS PA, SDUG BSNGAL BAS BTZAL BA'I LONGS SPYOD BDAG RANG GSO BA'I PHYIR BSGRUBS PA DAG DGE SBYONG DANG BRAM ZE RNAMS DANG, BKREN PA DANG SDUG PHONGS PA DANG SLONG BA RNAMS LA SBYIN PA @51B GTONG BAR MI NUS TE, BUD MED KYI DBANG DU GYUR CING, BUD MED KYI THUL 'OG TU CHUD LA BUD MED KYIS TSAR CHOD PA BUD MED KYIS 'KHOL BA RNAMS NI, BUD MED LA DGA' BA DE NYID KYIS DE GSO BA'I PHYIR SBYIN PA GTONG BAR MI NUS TSUL KHRIMS YANG DAG PAR 'DZIN MI NUS SO, ,DE DE LA CHAGS PAS BUD MED KYIS SPYO PA'ANG BZOD BSDIGS SHING LTA BA DANG BRGYAD PA'ANG BZOD DO, ,BUD MED KYIS BSDIGS PA'I MI DE ZHUM ZHING SRO SHI LA DE'I GDONG DU BLTA STE 'DOD PA'I RGYU DANG 'DOD PA'I GZHI'I DBANG DU SONG BA YIN NO, ,RGYAL PO CHEN PO 'DI NI 'DOD PA LA BRKAM PA NGAN SKYUGS KYI SGO LA GDU BA MI GTZANG BA LA DGA' BA SHES BZHIN MED PAR SPYOD PA'I MI'I SKYON YIN NO, ,DE BZHIN DU SBYAR TE, 'DI 'DRA THOS KYANG SKYO BA DANG, ,YID 'BYUNG MI 'GYUR DE DAG NI, ,RAB TU RMONGS NAS BUD MED DANG, ,PHYIR ZHING STEN PAR BYED PAR 'GYUR, ,BTZOG CING SHIN TU SMAD BYA BA, ,'DOD PA SDUG BSNGAL STEN BYED CING, ,CHOS THOS NAS NI RAB RMONGS SHING, ,LEGS PAR SMRAS ZHES SMRA BAR BYED, ,DE YI SEMS NI MO PHYIR SONG, ,BYI BA LA NI BYI LA BZHIN, ,RGYAL BAS BSHAD PA THOS NAS NI, ,YUD TZAM ZHIG NI YID 'BYUNG 'GYUR, , DE NAS DE NI YANG 'KHRUG STE, ,DPER NA DRAG PO'I DUG DANG 'DRA, ,JI LTAR PHAG NI YUD TZAM ZHIG ,SDANGS SHING SKRAG PAR GYUR KYANG NI, ,NGAN SKYUGS MTHONG BAR GYUR PA DANG, ,DE NI BRKAM PA SKYED PA BZHIN, ,DE LTAR BYIS PA BDE 'DOD PA, ,RGYAL BA'I BSTAN PA SPANGS NAS SU, , GANG GIS NGAN 'GROR 'GRO BA YI, ,'DOD PA DMAN PA STEN PAR BYED, ,'DOD PA RNAMS LA CHAGS ZHEN NAS, ,SHIN TU SDIG PA'I LAS BYAS TE, ,TSUL KHRIMS LDAN LA SKUR BA NI, ,PHYI NAS NGAN 'GROR 'GRO BAR 'GYUR, ,SKYES BU GANG ZHIG CHOS TSUL 'DI 'DRA BA, ,RIGS NAS BUD MED RNAMS LA BAG BYED PA, ,DES NI MTHO RIS LAM YANG RTAG PAR SBYANGS, ,DE LA BYANG CHUB RAB MCHOG DKON MA YIN, ,DAL RNYED SHES RAB LDAN GYUR CING, ,'DI 'DRA BA YI CHOS THOS PA, ,'DOD PA THAMS CAD 'DIR SPANGS TE, ,MKHAS PA RAB 'BYUNG MNGON PAR @52A *, ,'BYUNG; ,ZHES GSUNGS SO, ,RAB TU ZHI BA RNAM PAR NGES PA'I CHO 'PHRUL GYI MDO LAS KYANG GNOD PA GZHAN GSUNGS TE, 'JAM DPAL RIGS KYI BU'AM RIGS KYI BU MO GANG LA LAS 'DZAM BU'I GLING PA'I SEMS CAN THAMS CAD KYI SROG BCAD DAM DE DAG GI BDOG PA THAMS CAD PHROGS PA BAS, 'JAM DPAL RIGS KYI BU'AM RIGS KYI BU MO GANG GZHAN ZHIG GIS BYANG CHUB SEMS DPA' DGE BA'I RTZA BA GCIG GIS SEMS BSKYED PA, THA NA DUD 'GRO'I SKYE GNAS SU SONG BA LA ZAN CHANGS CIG SBYIN PA DANG LDAN PA'I DGE BA'I RTZA BA'I BAR CHAD BYAS NA; DE DE BAS CHES SDIG PA GRANGS MED PAR SKYED DO, ,DE CI'I PHYIR ZHE NA, SANGS RGYAS 'BYUNG BA SKYED PA'I DGE BA'I RTZA BA'I BAR CHAD BYED PAR GNAS PA'I PHYIR RO, ,'JAM DPAL BYANG CHUB SEMS DPA' GANG LA LA GZHAN GYI KHYIM RNAMS SU BYANG CHUB SEMS DPA' LA PHRAG DOG DANG SER SNA BYED NA, DES DE'I TSE GZHI DE LAS 'JIGS PA CHEN PO GSUM SHES PAR BYA STE, GSUM GANG ZHE NA SEMS CAN DMYAL BAR SKYE BA'I 'JIGS PA DANG, DMUS LONG GIS 'JIGS PA DANG, YUL MTHA' 'KHOB TU SKYE BA'I 'JIGS PA ZHES BYA BA'O, ,YANG GSUNGS PA, , MI GANG DE LA DGA' BAR MI BYED CING, ,YOD PA MIN DANG BSNGAGS PA MI SMRA DANG, ,MI GANG KHROS NAS MI SNYAN SMRA BA'AM, ,YANG NA DE LA 'KHRUG PA BYED PA DAG ,SEMS CAN DMYAL BAR SKYE 'GYUR TE, ,LUS NI CHEN POR GYUR NAS SU, ,DE YIS SDUG BSNGAL MYONG 'GYUR TE, ,YID RAB MI BDE MA RUNGS 'GYUR, ,DPAG TSAD LNGA BRGYA'I TSAD TZAM DU, ,DE YI LUS NI SKYE BAR 'GYUR, ,SDIG PA'I LAS KYIS RTAG TU KHYI, ,BYE BAS BSKOR NAS ZA BAR 'GYUR, ,BSKAL PA DAG NI DU MAR YANG, ,LUS NI DPAG TSAD LNGA BRGYAR 'GYUR, ,DE LA MGO YANG LNGA BRGYA STE, ,DE LAS NYUNG BAR MI 'GYUR RO, ,MGO RNAMS RE RE DAG LA YANG, ,LNGA BRGYA'I LCE LAS MI NYUNG STE, ,LCE GCIG LA YANG THONG GSHOL NI, ,LNGA BRGYAR TSANG STE MI NYUNG BA, ,'BAR BAS DE LA RMO BYED DE, ,SKUR 'DEBS BRDEGS PA'I LAS KYIS SO, ,TSIG RTZUB DAG NI SMRAS PAS NI, ,SHIN TU TSA @52B PAR SREG PAR 'GYUR, ,GANG DAG SDOM PAR MI BYED CING, ,BYANG CHUB SEMS DPA' GNOD BYED PA, ,DE NI SEMS CAN DMYAL RNYED DE, ,DUD 'GRO'I SKYE GNAS 'GRO BAR 'GYUR, ,TSUL 'DI SPONG BAR BYED PA NI, ,BSKAL PA BYE BA STONG RNAMS DANG, ,BRGYA DANG KHRAG KHRIG RNAMS SU YANG, ,MNAR MED PAR NI SDUG BSNGAL RNYED, ,DE NAS SHI 'PHOS RAB GDUG CING, ,SHIN TU MI BZAD SPRUL DU 'GYUR, ,BKRES SHING SKOM PAS MNGON GZIR KYANG, ,SHIN TU MI BZAD LAS RNAMS BYED, ,BZA' BA RNYED KYANG SDIG PA YIS, ,NAM YANG TSIM PAR MI 'GYUR RO, ,GAL TE DE NAS SHI 'PHOS NAS, ,MI YI NANG DU SKYES NA YANG, ,YID MI GZHUNGS SHING DMUS LONG 'GYUR, ,GNOD PAR SEMS SHING SDOM PA MED, ,NYES PA'I TSIG RNAMS SMRAS NAS NI, ,'PHAGS PA MNYES PAR MI BYED PA, ,MI YI NANG NAS SHI 'PHOS NAS; ,SLAR YANG NGAN 'GROR 'GRO BAR 'GYUR, ,BSKAL PA BYE BA STONG RNAMS SU, ,NAM YANG SANGS RGYAS MTHONG MI 'GYUR, ,ZHES GSUNGS SO, ,YANG DE NYID LAS, 'JAM DPAL BYANG CHUB SEMS DPAS BYANG CHUB SEMS DPA' LA KHONG KHRO BA'I SEMS BSKYED PA'AM, BRNYAS PA'I SEMS BSKYED PA JI TZAM PA DE SNYED KYIS BSKAL PAR BYANG CHUB SEMS DPA' DES SEMS CAN DMYAL BA PA RNAMS SU GNAS PAR GO CHA BGO BAR BYA'O, ,'JAM DPAL BYANG CHUB SEMS DPA' LA SKUR PA BTAB PA MA GTOGS PAR BYANG CHUB SEMS DPA' LAS GZHAN GANG GIS KYANG LOG PAR LTUNG BAR MI NUS SO, ,'JAM DPAL 'DI LTA STE, DPER NA NOR BU RIN PO CHE RDO RJE NI RDO RJE NYID MA GTOGS PAR SHING DAM BONG BA 'AM DBYUG PA 'AM RDO BA'AM MTSON CHAS BCAG PAR MI NUS SO, ,'JAM DPAL DE BZHIN DU BYANG CHUB SEMS DPA' YANG BYANG CHUB SEMS DPA' LA SKUR BA BTAB PA MA GTOGS PAR LAS GZHAN GYIS LOG PAR LTUNG BAR BYED MI NUS SO ZHES GSUNGS SO, ,DAD PA'I STOBS BSKYED PA LA 'JUG PA'I PHYAG RGYA'I MDO LAS KYANG, 'JAM DPAL RIGS KYI BU 'AM RIGS KYI BU MO GANG LA LA ZHIG GIS @53A *, ,KHROS NAS PHYOGS BCU'I 'JIG RTEN GYI KHAMS THAMS CAD KYI SEMS CAN THAMS CAD BTZON RA MUN NAG DAG TU BCUG PA BAS, RIGS KYI BU 'AM RIGS KYI BU MO GANG LA LA KHROS TE BYANG CHUB SEMS DPA' LA RGYAB KYIS PHYOGS TE 'DUG NAS MA RUNGS PA 'DI MI BLTA'O, , ZHES ZER NA 'DI NI DE BAS SDIG PA CHES GRANGS MED PAR SKYED DO, ,'JAM DPAL RIGS KYI BU 'AM RIGS KYI BU MO GANG LA LA ZHIG GIS 'DZAM BU'I GLING GI SEMS CAN THAMS CAD KYI BDOG PA THAMS CAD PHROGS PA BAS, GZHAN GANG GIS BYANG CHUB SEMS DPA' JI LTA BU YANG RUNG BA LA SMAD NA 'DI NI DE BAS CHES SDIG PA GRANGS MED PAR SKYED DO ZHES GSUNGS SO, ,YANG DE NYID LAS, 'JAM DPAL RIGS KYI BU 'AM RIGS KYI BU MO GANG LA LA ZHIG GIS MCHOD RTEN GANG G'A'I KLUNG GI BYE MA SNYED BSHIG PA DANG BSREGS PA BAS, RIGS KYI BU 'AM RIGS KYI BU MO GZHAN GANG ZHIG GIS THEG PA CHEN PO LA MOS PA'I BYANG CHUB SEMS DPA' LA GNOD SEMS DANG THA BA DANG KHRO BA'I SEMS BSKYED DE GSHE BA DANG MI SNYAN PAR SMRA NA 'DI NI DE BAS CHES SDIG PA GRANGS MED PAR SKYED DO, ,DE CI'I PHYIR ZHE NA, BYANG CHUB SEMS DPA' LAS SANGS RGYAS BCOM LDAN 'DAS RNAMS NGES PAR 'BYUNG LA, SANGS RGYAS LAS MCHOD RTEN RNAMS DANG LHA'I RIGS THAMS CAD KYI BDE BA'I YO BYAD THAMS CAD 'BYUNG NGO, ,BYANG CHUB SEMS DPA' LA BSTI STANG MA BYAS PA NI SANGS RGYAS THAMS CAD LA BSTI STANG MA BYAS PA YIN NO, ,BYANG CHUB SEMS DPA' LA BSTI STANG BYAS PA NI SANGS RGYAS THAMS CAD LA BSTI STANG BYAS PA YIN NO, ,SANGS RGYAS THAMS CAD LA MCHOD PA BLA NA MED PAS MCHOD PA BYED 'DOD PAS BYANG CHUB SEMS DPA' RNAMS MCHOD PAR BYA'O ZHES GSUNGS SO, ,DE LTAR MCHOD PA'I RNAM PAR SMIN PA NI RAB TU ZHI BA RNAM PAR NGES PA'I CHO 'PHRUL GYI MDO LAS KYANG, GANG ZHIG CHOS DANG LDAN PA NI, ,CHOS SMRA DE DAG SRUNG BYED PA, ,NGAN 'GRO RNAMS NI KUN SPANGS NAS, ,BRGYA BYIN RDZU 'PHRUL CHEN POR 'GYUR, ,TSANGS PA DGA' LDAN 'THAB BRAL DANG, ,DBANG BYED PAR YANG DE 'GYUR RO, , @53B GAL TE MIR NI GYUR NA YANG, ,RTAG TU 'KHOR LOS SGYUR BAR 'GYUR, ,TSONG DPON DANG NI KHYIM BDAG 'GYUR, ,RTAG TU SKYID CING NOR CHEN 'GYUR, ,JI LTAR GANG GA'I BYE SNYED KYI, ,BSKAL PA DE SNYED RTAG TU YANG, ,'JIGS MED DRAN PA PHUN SUM TSOGS, ,BDE DANG LDAN ZHING GNOD PA MED, ,CES GSUNGS SO, ,PHAN PA BYED PA DANG GNOD PA BYED PA BSAM PA 'DI BYANG CHUB SEMS DPA' GANG GI DBANG DU BYAS SHE NA, SO SO'I SKYE BO NYID KYI DBANG DU BYAS PA STE, DAD PA'I STOBS SKYED PA LA 'JUG PA'I PHYAG RGYA'I MDO LAS JI SKAD DU, 'JAM DPAL RIGS KYI BU 'AM RIGS KYI BU MO GANG LA LA ZHIG GIS SEMS CAN 'JIG RTEN GYI KHAMS THAMS CAD KYI RDUL SNYED DAG LA BSKAL PA GANG G'A'I KLUNG GI BYE MA SNYED DU NYIN GCIG BZHIN LHA'I ZAS RO BRGYA DANG LDAN PA BYIN PA DANG DE BZHIN DU LHA'I GOS RNAMS SBYIN PA BYIN PA BAS RIGS KYI BU 'AM RIGS KYI BU MO GZHAN GANG ZHIG GIS DGE BSNYEN STON PA GZHAN LA MI BRTEN PA DGE BA BCU'I LAS KYI LAM DANG LDAN PA ZHIG LA, 'DI NI SANGS RGYAS BCOM LDAN 'DAS KYI BSLAB PA LA BSLABS PA'O SNYAM DU BSAMS NAS NYIN GCIG ZAN CIG BYIN NA 'DI NI DE BAS CHES BSOD NAMS GRANGS MED PAR SKYED DO, ,'JAM DPAL RIGS KYI BU 'AM RIGS KYI BU MO GANG LA LA ZHIG GIS DGE BSNYEN STON PA GZHAN LA MI BRTEN PA DGE BA BCU'I LAS KYI LAM DANG LDAN PA 'JIG RTEN GYI KHAMS THAMS CAD KYI RDUL SNYED DAG LA, BSKAL PA GANG G'A'I KLUNG GI BYE MA SNYED DU NYIN GCIG BZHIN LHA'I ZAS RO BRGYA DANG LDAN PA BYIN PA DANG DE BZHIN DU LHA'I GOS RNAMS SBYIN PA BYIN PA BAS RIGS KYI BU 'AM RIGS KYI BU MO GZHAN GANG ZHIG GIS DGE SLONG GCIG LA NYIN GCIG ZAN CIG BYIN NA, 'DI NI DE BAS CHES BSOD NAMS GRANGS MED PAR SKYED DO ZHES GSUNGS PA BZHIN NO, ,NGES PA DANG MA NGES PA LA 'JUG PA'I PHYAG RGYA'I MDO LAS KYANG, 'JAM DPAL YONGS SU BRTAG PA NYE BAR BZUNG STE, GAL TE PHYOGS BCU'I 'JIG RTEN GYI KHAMS THAMS CAD KYI SEMS CAN KUN GYI MIG PHYUNG BAR GYUR LA, YONGS SU BRTAG PA @54A *, ,NYE BAR BZUNG STE RIGS KYI BU 'AM RIGS KYI BU MO GANG GIS BYAMS PA'I SEMS KYIS SEMS CAN DE DAG THAMS CAD LA MIG DE DAG BSKYED PA BAS, 'JAM DPAL RIGS KYI BU 'AM RIGS KYI BU MO GZHAN GANG GIS THEG PA CHEN PO LA MOS PA'I BYANG CHUB SEMS DPA' LA DAD PA'I SEMS KYIS BLTA NA, 'DI NI DE BAS CHES BSOD NAMS GRANGS MED PAR SKYED DO, ,'JAM DPAL RIGS KYI BU 'AM RIGS KYI BU MO GANG LA LAS PHYOGS BCU'I SEMS CAN BTZON RAR BCUG PA THAMS CAD BTZON RA NAS BTON TE, 'KHOR LOS SGYUR BA'I BDE BA 'AM TSANGS PA NYID KYI BDE BA LA BKOD PA BAS, 'JAM DPAL RIGS KYI BU 'AM RIGS KYI BU MO GZHAN GANG GIS THEG PA CHEN PO LA MOS PA LA DANG BA'I SEMS KYIS LTA 'DOD PAR GYUR CING DE'I BSNGAGS PA YANG BRJOD NA, 'DI NI DE BAS CHES BSOD NAMS GRANGS MED PAR SKYED DO ZHES GSUNGS SO, ,DE SKAD DU SA'I SNYING PO'I MDO LAS KYANG, BTZUN PA BCOM LDAN 'DAS RGYAL RIGS DGE BA 'AM BLON PO DGE BA 'AM SHOR BA DGE BA 'AM DGE SBYONG DGE BA 'AM BRAM ZE DGE BA GANG ZHIG GZHAN SRUNG BA DANG BDAG SRUNG BA DANG 'JIG RTEN PHA ROL SRUNG BA DANG; BCOM LDAN 'DAS KYIS BSTAN PA DANG, NYAN THOS SNOD DU GYUR PA DANG SNOD DU MA GYUR PA YANG RUNG SKRA BREGS NAS GOS NGUR SMRIG GI TSAL BU BGOS PA YONGS SU SRUNG BA DANG, NYAN PA DANG, MCHOD PA DANG, NYAN THOS KYI GTAM DANG, RANG SANGS RGYAS KYI GTAM DANG, THEG PA CHEN PO'I GTAM NYAN PA DANG, THEG PA CHEN PO LA YANG DAG PAR ZHUGS PA'I GANG ZAG TSUL KHRIMS DANG LDAN PA YON TAN GYIS PHYUG PA GROL BA DANG, RIGS PA'I SPOBS PA CAN DAG LA MCHOD PA DANG, DE DAG DANG LHAN CIG TU DGA' BA DANG RTZE BA DANG YONGS SU 'DRI BA DANG YONGS SU 'DRIR 'JUG PA DANG DE DAG LAS MNYAN CING BYA'O SNYAM DU SEMS ZHES BYA BA NAS, DE BZHIN DU SBYAR TE, DE'I SDIG PA JI TZAM ZHIG 'BYANG BAR 'GYUR, BCOM LDAN 'DAS KYIS BKA' STZAL PA, RIGS KYI BU 'DI LTA STE DPER NA MI LA LA ZHIG SKYES LA, DES 'DZAM @54B BU'I GLING THAMS CAD RIN PO CHE SNA BDUN GYIS BKANG STE, SANGS RGYAS BCOM LDAN 'DAS BZHUGS PA RNAMS LA DBUL BA PHUL LA NYI MA GUNG GI DUS SU YANG DE BZHIN PHYE MA RED KYI DUS SU YANG DE BZHIN 'BUL ZHING, RNAM GRANGS 'DIS LO BRGYA STONG DU 'DI LTAR DBUL BA PHUL NA, 'DI JI SNYAM DU SEMS MI DE BSOD NAMS MANG DU BSKYED DAM, GSOL PA, BTZUN PA BCOM LDAN 'DAS MI DE BSOD NAMS KYI PHUNG PO MANG PO GRANGS MA MCHIS DPAG TU MA MCHIS PA SKYED DO, ,DE'I BSOD NAMS KYI PHUNG PO NI DE BZHIN GSHEGS PA MA GTOGS PAR GZHAN GANG GIS KYANG TSAD GZUNG BAR NUS PA MA LAGS SO, ,BCOM LDAN 'DAS KYIS BKA' STZAL PA, RGYAL RIGS DGE BA 'AM ZHES BYA BA NAS GONG DU JI SKAD SMOS PA'I BAR DU DE BZHIN DU SBYAR TE, DE BSOD NAMS KYI PHUNG PO SHIN TU MANG DU SKYED PA NAS, BSOD NAMS KYI PHUNG PO SHIN TU YANGS PA DANG SHIN TU TSAD MED PA DANG SHIN TU GRANGS MED PA'I BAR DU SKYED DO, ,GANG ZHIG LNGA BRGYA PA THA MA LA NGA'I DAM PA'I CHOS KYI TSUL SRUNG BA DE NI BDAG SRUNG BA DANG GZHAN SRUNG BA DANG 'JIG RTEN PHA ROL SRUNG BA DANG NGA'I BSTAN PA SRUNG BA DANG, NYAN THOS SNOD DU GYUR PA 'AM SNOD DU MA GYUR PA YANG RUNG SKRA BREGS TE GOS NGUR SMRIG BGOS PA RNAMS YONGS SU SRUNG BA DANG, MI 'TSE BA NAS RANG GI YUL 'KHOR DANG GZHAN GYI YUL 'KHOR GYI BAR DU 'PHEL BAR BYED PA DANG, NGAN SONG ZAD PAR BYED PA DANG, LHA'I GNAS 'PHEL BAR BYED PA DANG, TSE RING DU SKYONG BA DANG; RANG GI NYON MONGS PA DANG GZHAN GYI NYON MONGS PA RNAMS SEL BA DANG, RDZOGS PA'I BYANG CHUB KYI LAM PHA ROL TU PHYIN PA DRUG STON PA DANG, NGAN SONG THAMS CAD RNAM PAR SPONG BA DANG, 'KHOR BA NI RING DU MI 'KHOR BA DANG, RTAG TU DGE BA'I BSHES GNYEN RNAMS DANG SANGS RGYAS BCOM LDAN 'DAS RNAMS DANG, BYANG CHUB SEMS DPA' SEMS DPA' CHEN PO RNAMS DANG PHRAD CING, RTAG TU DGE BA'I BSHES GNYEN RNAMS DANG MI 'BRAL BAR 'GYUR RO, ,JI LTAR BSAMS PA'I SANGS RGYAS KYI ZHING DU RING PO MI THOGS PAR BLA NA MED PA YANG @55A *, ,DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO, ,DE NAS LHA'I DBANG PO THAMS CAD 'KHOR DANG BCAS PA NAS SHA ZA'I DBANG PO'I BAR DU 'KHOR DANG BCAS PA STAN LAS LANGS TE, BCOM LDAN 'DAS GAL BA DE LOGS SU THAL MO SBYAR BA BTUD NAS 'DI SKAD CES GSOL TO, ,BTZUN PA BCOM LDAN 'DAS DA LTAR DANG MA 'ONGS PA'I DUS LNGA BRGYA PA THA MA'I BAR DU RGYAL RIGS DGE BA RNAMS DANG KHYIM BDAG DGE BA'I BAR DAG DANG DE BZHIN DU SBYAR TE, DE LTAR DAM PA'I CHOS SRUNG BA DANG DE LTAR DKON MCHOG GSUM GYI RIGS 'BAR BAR BGYID PA'I RGYAL RIGS DGE BA NAS KHYIM BDAG DGE BA'I BAR DE DAG LA BDAG CAG 'KHOR DANG BCAS PA THAMS CAD KYIS KYANG RNAM PA BCU'I BAR GYIS BSRUNG BAR BGYI, YONGS SU BSKYANG BAR BGYI 'PHEL BAR BGYI'O, ,BCU GANG ZHE NA, DE'I TSE 'PHEL BAR BGYI BA DANG, TSE'I BAR CHAD KYANG CHOS KYIS BZLOG PAR BGYI BA DANG, BRO NAD MA MCHIS PA DANG, 'KHOR DANG BCAS PA DANG, CHOS KYI PHUNG PO DANG, LONGS SPYOD PA DANG, DBANG PHYUG DANG, SNYAN PA DANG, DGE BA'I BSHES GNYEN RNAMS DANG, SHES RAB PHUN SUM TSOGS PA YANG 'PHEL BAR BGYI BA STE, BCU PO DE DAG GIS BSRUNG BAR BGYI'O, ,ZHES RGYA CHER GSUNGS SO, ,DE LTAR NA SAR MA CHUD PA RNAMS LA YANG RNAM PAR SMIN PA 'DI RGYA CHER BLTA BAR BYA'O, ,SPYAN RAS GZIGS KYI MDO LAS KYANG, ,SROG CHAGS KUN LA PHAN PA'I PHYIR, ,BYANG CHUB TU NI SEMS BSKYED NAS, ,'JIG RTEN MGON GYI MCHOD RTEN LA, ,SU ZHIG SKOR BAR BYED PA NI, ,SKYE BA DAG NI THAMS CAD DU, ,BYANG CHUB SPYAD PA SPYOD PA'I TSE, ,DRAN DANG LDAN ZHING BLO GROS LDAN, ,BSOD NAMS LDAN ZHING 'JIGS MED 'GYUR, , ZHES BYA BA LA SOGS PA GSUNGS NAS BKA' STZAL PA, SANGS RGYAS SRAS PO DE DAG LA, ,MI GANG MI DGA' BYED PA DER, ,LHA DANG MI NI SPANGS NAS SU, ,DE DAG SEMS DMYAL SPYOD YUL 'GYUR, ,ZHES RGYA CHER GSUNGS SO, ,GONG MA BZHIN DU 'DIR YANG KHYAD PAR GYI RGYU GANG @55B YANG BSTAN PAR MI NUS TA, DE LTAR DPYAD PAS CHOG GO, ,LAS KYI SGRIB PA RNAM PAR DAG PA'I MDO LAS KYANG, SGRIB PA'I SGRA NI GNOD PAR GSUNGS TE, 'JAM DPAL SGRIB PA ZHES BYA BA NI, 'DOD CHAGS SGRIB PA, ZHE SDANG SGRIB PA, GTI MUG SGRIB PA, SBYIN PA SGRIB PA, TSUL KHRIMS SGRIB PA, BZOD PA SGRIB PA, BRTZON 'GRUS SGRIB PA, BSAM GTAN SGRIB PA, SHES RAB SGRIB PA'O, ,DE BZHIN DU SBYAR TE, DE CI'I PHYIR ZHE NA, 'JAM DPAL BYIS PA SO SO'I SKYE BO RNAMS SBYIN PA BYIN PA'I TSE SER SNA CAN RNAMS LA MA DAD PAR BYED DE, DE DAG MA DAD PA DES KHONG KHRO BA'I SEMS BSKYED PA NAS, KHONG KHRO BA'I THA BA'I SKYON DES SEMS CAN DMYAL BA CHEN PO RNAMS SU SKYE'O, ,DE DAG TSUL KHRIMS SRUNG BA'I TSE 'CHAL PA'I TSUL KHRIMS CAN LA SMOD CING GSHE LA DE DAG GIS MI SNYAN PAR SMRA'O, ,DE DAG LAS DE DAG GI SKYON THOS NAS SKYE BO MANG PO MA DAD PAR BYED DO, ,DE DAG MA DAD PA DES NA NGAN 'GROR 'GRO BAR 'GYUR RO, ,DE DAG BZOD PA SGOM PA'I TSE BDAG CAG NI BZOD PA DANG LDAN PA YIN, DE DAG GZHAN NI GNOD SEMS KYI SEMS DANG LDAN PA YIN NO SNYAM DU BZOD PA'I PHYAGS BAS BAG MED PAR 'GYUR TE, BZOD PA'I RKYAGS PAS BAG MED PA DE DAG BAG MED PA'I RTZA BA LAS BYUNG BA'I SDUG BSNGAL RNAMS MYONG BAR 'GYUR RO, ,DE DAG BRTZON 'GRUS RTZOM PA'I CHE DGE SLONG 'DI DAG NI LE LO CAN DU GNAS PA MNGON PAR MI BRTZON PA DAD [?] PAS BYIN PA YONGS SU SPYOD PA STE; 'DI DAG NI CHU PHOR GANG GI 'OS KYANG MA YIN NO SNYAM DU BDAG LA BSTOD DE, DE DAG BRTZON 'GRUS RTZOM PA DES BDAG LA BSTOD CING GZHAN LA SMOD PA DE DAG NI BYIS PA YIN NO ZHES NGA SMRA'O, ,DE DAG BSAM GTAN LA MNYAM PAR 'JOG PA'I TSE BSAM GTAN DANG SNYOMS PAR 'JUG PA DES 'DOD PA SKYED CING DE DAG 'DI SNYAM DU SEMS TE, BDAG CAG NI TING NGE 'DZIN LA GNAS PA YIN, DGE SLONG 'DI DAG GZHAN NI SEMS G-YENG BAR GNAS PA YIN TE, 'DI DAG NI SANGS RGYAS SU GA LA 'GYUR ZHES RGYA CHER RO, ,CHOS THAMS CAD 'BYUNG BA @56A *, ,MED PAR BSTAN PA LAS KYANG, BYANG CHUB SEMS DPA' LA LTUNG BAS GLENG NA BYANG CHUB DANG RING BAR 'GYUR RO, ,LAS KYI SGRIB PA YANG YONGS SU 'DZIN TO, ,PHRAG DOG GIS GLENG NA BYANG CHUB DANG RING BAR 'GYUR RO, ,SPYOD LAM GYIS GLENG NA BYANG CHUB DANG RING BAR 'GYUR RO; ,GAL TE BYANG CHUB SEMS DPAS BYANG CHUB SEMS DPA' LA DMAN PA'I 'DU SHES DANG BDAG LA RGYA CHE BA'I 'DU SHES BSKYED PA BDAG SMAS PA DANG LAS KYI SGRIB PA YONGS SU 'DZIN TO, ,GAL TE DE BYANG CHUB YONGS SU MI GTONG NA 'DI LA BYANG CHUB SEMS DPAS BYANG CHUB SEMS DPA' LA GDAMS PA DANG RJES SU BSTAN PA'I TSE STON PA'I 'DU SHES NYE BAR GZHAG STE GDAMS PAR BYA, RJES SU BSTAN PAR BYA'I BYANG CHUB SEMS DPAS BYANG CHUB SEMS DPA' LA BRNYAS PA'I SEMS BSKYED PAR NI MI BYA'O, ,LHA'I BU JI LTAR BYANG CHUB SEMS DPA' CIG SHOS LA BRTEN NAS BYANG CHUB SEMS DPA'I DGE BA'I RTZA BA 'DI CHAD PA DE LTA BU NI GANG NA YANG MED DO ZHES GSUNGS SO, ,BYANG CHUB TU SEMS MA BSKYED PA'I SEMS CAN BYANG CHUB KYI SKAL PA CAN LA YANG BRNYAS PA BKAG NA BYANG CHUB TU SEMS BSKYED PA LTA SMOS KYANG CI DGOS, DPA' BAR 'GRO BA'I TING NGE 'DZIN GYI MDO LAS, BLO GROS BRTAN PA, DE LA BYANG CHUB TU SEMS MA BSKYED PAR LUNG BSTAN PA GANG ZHE NA, BLO GROS BRTAN PA 'DI LA GANG ZAG LA LA ZHIG 'GRO BA LNGA'I 'KHOR BAR YANG NA SEMS CAN DMYAL BA 'AM, YANG NA DUD 'GRO'I SKYE GNAS SAM, YANG NA GSHIN RJE'I 'JIG RTEN NAM, YANG NA LHA 'AM, YANG NA MIR SKYES PAR GYUR LA, GANG ZAG DE YANG DBANG PO RNO BA RGYA CHEN PO LA MOS PA YIN NO, DE LA DE BZHIN GSHEGS PAS RAB TU MKHYEN TE, SKYES BU GANG ZAG 'DI NI BSKAL PA 'DI SNYED BSKAL PA BRGYA PHRAG 'DI SNYED BSKAL PA STONG PHRAG 'DI SNYED BSKAL PA BRGYA STONG PHRAG 'DI SNYED BSKAL PA BYE BA KHRAG KHRIG BRGYA STONG PHRAG 'DI SNYED NA BYANG CHUB MNGON PAR RDZOGS PAR 'TSANG RGYA BAR 'GYUR RO ZHES BYA BA NAS, DE BZHIN DU SBYAR TE, BLO GROS BRTAN PA DE NI BYANG CHUB TU SEMS MA BSKYED PAR LUNG BSTAN PA @56B ZHES BYA'O, ,DE NAS BCOM LDAN 'DAS LA TSE DANG LDAN PA 'OD SRUNGS CHEN POS 'DI SKAD CES GSOL TO, ,BCOM LDAN 'DAS BDAG CAG DENG SLAN CHAD SEMS CAN THAMS CAD LA STON PAR 'DU SHES BSKYED PAR BGYI'O, ,DE CI'I PHYIR ZHE NA, SEMS CAN GANG LA BYANG CHUB TU YONGS SU SMIN PA'I DBANG PO RNAMS MCHIS PA DANG GANG LA MA MCHIS PA 'TSAL BAR 'JUG PA DE BDAG CAG LA MA MCHIS PA'I SLAD DU STE, BCOM LDAN 'DAS BDAG CAG LA 'TSAL BA MA MCHIS PAS SEMS CAN DE LTA BU DAG LA SMIN PA'I 'DU SHES BSKYED NA, DES BDAG CAG SMAS PAR 'GYUR RO, , BCOM LDAN 'DAS KYIS BKA' STZAL PA, 'OD SRUNGS LEGS SO LEGS SO, ,TSIG 'DI NI LEGS PAR SMRAS PA'O, ,'OD SRUNGS NGAS DON GYI DBANG 'DI MTHONG NAS DGE SLONG DAG NGA 'AM NGA DANG 'DRA BAS GANG ZAG GI DROD GZUNG GI ,GANG ZAG GIS GANG ZAG LA DROD MI GZUNG NGO, ,DGE SLONG DAG GANG ZAG GIS GANG ZAG LA DROD BZUNG NA SMAS PAR 'GYUR BAR SHES PAR GYIS SHIG CES KHYOD LA DE LTA BU'I CHOS BSTAN TE, 'OD SRUNGS BSTAN PA DES BYANG CHUB SEMS DPA' 'AM NYAN THOS KYIS 'DI NA BYANG CHUB SEMS DPA'I THEG PA PA'I GANG ZAG YID DU 'ONG ZHES SEMS CAN THAMS CAD LA STON PAR 'DU SHES BSKYED PAR BYA'O, ,DES NA DER BDAG BSRUNG BAR BYA'O ZHES JI SKAD GSUNGS PA BZHIN NO, ,GANG LA NGES PAR BYANG CHUB 'THOB PA'I MTSAN MA YOD PA DE LA BRNYAS PA SHIN TU BSRUNG BAR BYA STE, DAM PA'I CHOS PAD MA DKAR PO'I MDO LAS, SA DANG SO PHAG LAS NI BRTZIGS PA YI, ,RGYAL BA'I MCHOD RTEN DGA' BZHIN BYAS PA DANG, ,DE PHYIR SA RDUL PHUNG PO DAG LAS KYANG, ,MYA NGAN DGON PA DAG TU BYAS PA DANG, ,BYIS PAS RTZED MOR DE DANG DE DAG TU, ,GANG GIS RGYAL BA DE PHYIR MCHOD RTEN DAG ,BYE MA LAS NI PHUNG POR BYAS PA YANG, ,DE RNAMS KYIS KYANG BYANG CHUB THOB PAR 'GYUR, ,ZHES BYA BA NAS, GANG GIS RTZIG NGES GZUGS KYI RI MO DAG ,BSOD NAMS BRGYA MTSAN YONGS SU RDZOGS PA'I SKU, ,BDAG GIS BRIS SAM 'DRI RU BCUG KYANG RUNG, ,DE DAG THAMS CAD BYANG CHUB THOB @57A *, ,PAR 'GYUR, ,SKYES BU RGAN NAM 'ON TE GZHON NU'ANG RUNG, ,GANG DAG LA LA DE NI SLOB PA'I TSE, ,RTZED MO DGA' DANG BSANG BA BYED PA NA, ,RTZIG NGOS SEN MO SHING BUS GZUGS BRIS PA, ,DE DAG THAMS CAD BYANG CHUB THOB PAR 'GYUR, ,ZHES BYA BA'I BAR DU'O,, DE BZHIN DU SBYAR TE, ,BDE BAR GSHEGS PA RNAMS LA MCHOD PA'I PHYIR, ,GANG DAG LCAGS KYI SIL KHROL BRDUNG BCUG DANG, ,CHU LA BRDABS DANG THAL MOS BRDABS PA DANG, ,YID DU 'ONG ZHING SNYAN PA'I GLU DBYANGS DANG, ,RING BSREL DE DAG RNAM MANG MCHOD BYAS PA, ,DE DAG THAMS CAD 'JIG RTEN SANGS RGYAS 'GYUR, ,BDE GSHEGS RING BSREL LA NI CHUNG ZAD DANG, ,SIL SNYAN GCIG BRDUNGS PA YI SGRA PHYUNG NGAM, ,ME TOG GCIG TZAM GYIS NI MCHOD PA DANG, ,BDE GSHEGS GZUGS DANG RTZIG NGOS BRIS PA LA, ,'KHRUG BZHIN PA YI SEMS KYIS MCHOD NA YANG; ,DE DAG RIM GYIS SANGS RGYAS BYE BA MTHONG, ,MCHOD RTEN DE LA GANG GIS THAL MO SBYAR, ,YONGS SU TSANGS PA'AM THAL MO YA GCIG GAM, ,YANG NA MGO BO SKAD CIG BTUD PA DANG, ,DE BZHIN LAN CIG LUS KYANG BTUD PA DANG, ,GANG GIS RING BSREL GNAS PA DE DAG LA; ,G-YENG BA'I SEMS KYIS PHYAG 'TSAL SANGS RGYAS ZHES, ,TSIG GCIG LAN 'GA' BRJOD PAR BYAS PA YANG, ,DE DAG KUN GYIS BYANG CHUB MCHOG 'DI THOB, ,DE TSE BDE BAR GSHEGS PA DE DAG NI, ,MYA NGAN 'DAS SAM YANG NA BZHUGS KYANG RUNG, ,SEMS CAN GANG GIS CHOS 'DI'I MING THOS PA, ,DE DAG THAMS CAD BYANG CHUB THOB PAR 'GYUR, ,ZHES JI SKAD GSUNGS PA BZHIN NO, ,SNYING RJE CHEN PO'I MDO LAS KYANG, 'DI LTA STE DPER NA NYA PA MCHIL PA THOGS PAS NYA BSHOR BA'I PHYIR MCHIL PA GZAN MA DANG BCAS PA MTSO CHEN POR BCUG LA DE BCUG PA DE NYAS MID PAR GYUR NA, NYA DE MTSO CHU'I NAD NA 'PHYO YANG DE SRAD BU SRA BA YU BA SKAM SA LA BTAGS PAS BRTOD PA ZHES BRJOD PAR BYA STE, NYA BA MCHIL PAS 'TSOR [?] BAR 'ONGS NAS SRAD BU THANGS ZHES BYED PA LAS NYA ZIN PAR SHES TE DES SRAD BU DRANGS NAS DE SKAM LA PHYUNG STE DGA' @57B MGUR SPYOD DO, ,DE BZHIN DU SEMS CAN GANG DAG BCOM LDAN 'DAS LA DAD PA'I SEMS KYIS DGE BA'I RTZA BA BSKYED NA, THA NA DAD PA'I SEMS GCIG BSKYED NA YANG SEMS CAN DE DAG NYES PAR BYAS PA'I LAS KYI SGRIB PAS MI DAL BA RNAMS SU SKYES SU ZIN KYANG SANGS RGYAS BCOM LDAN 'DAS RNAMS KYIS SANGS RGYAS KYI YE SHES DANG BSDU BA'I DNGOS PO'I SRAD BUS SEMS CAN DE DAG BZUNG NAS 'KHOR BA'I MTSO CHU LAS BTON TE MYA NGAN LAS 'DAS PA'I THANG LA 'JOG GO ZHES GSUNGS SO, ,DE LTA BAS NA DE DAG LA STON PA'I 'DU SHES BSKYED PAR BYA'O; ,PHA ROL PHYAG 'TSAL BA'I TSE 'DI GSAR BU YIN YANG, BYANG CHUB KYI SEMS KYI STOBS BSKYED PAS PHYAG BYA BA'I 'OS YIN NO SNYAM DU BSAMS LA YID KYIS PHYAG BYAS TE, DPER NA DRA BYI LA SPRIN BYANG CHUB SEMS DPA' CHEN PO YIN YANG GSAR BU 'PHAGS PA NOR BZANGS LA LUS THAMS CAD KYIS GTUGS NAS PHYAG BYAS PA LTA BU DANG LHAG PA'I BSAM PA BSKUL BA LA SOGS PA LAS KYANG BYANG CHUB SEMS DPA'I THEG PA PA'I GANG ZAG THAMS CAD LA PHYAG BYA BAR GSUNGS PA LTA BU YIN TE, 'DI NI NGES PA'I DON YIN NO, ,PHYAG BYA BA DANG PHYAG BYED PA GNYIS GCIG LA BSDU BA JI LTAR MI 'GAL ZHE NA, PHAN TSUN PHYAG BYA BAR DMIGS PA'I PHYIR RO, ,NYAMS SU BLANGS PA MED PAS BSOD NAMS MA YIN PAR YANG MI 'GYUR RO, ,CI SANGS RGYAS RNAMS KYANG DE LTA 'AM ZHE NA MA YIN TE, THUG PA MED PA DANG GCIG DMA' BAR 'GYUR BA'I PHYIR RO, ,'PHAGS PA RNAM PAR 'THAG PA THAMS CAD BSDUS PA'I MDO LAS KYANG GNOD PA GSUNGS TE, 'JAM DPAL DAM PA'I CHOS SPONG BA'I LAS KYI SGRIB PA NI PHRA'O, ,'JAM DPAL GANG LA LA DE BZHIN GSHEGS PAS GSUNGS PA'I CHOS LAS, LA LA NI BZANG BAR 'DU SHES LA LA NGAN PAR 'DU SHES NA DAM PA'I CHOS SPONG PA'O, ,DAM PA'I CHOS SPANGS PAS DE BZHIN GSHEGS PA LA SKUR PA 'DEBS PA YIN, DGE 'DUN LA NGAN DU BRJOD PA YIN NO, ,'DI NI RIGS PA'O 'DI NI MI RIGS PA'O ZHES ZER NA DE DAM PA'I CHOS SPONG BA @58A *, ,YIN NO NGAS 'DI NA NYAN THOS KYI THEG PA DANG LDAN PA 'AM RANG SANGS RGYAS KYI THEG PA DANG LDAN PA 'AM THEG PA CHEN PO DANG LDAN PAR CHOS THA DAD PAR BSTAN PA GANG YANG MED NA, MI BLUN PO DE DAG NGA'I CHOS 'DI LA 'DI NI NYAN THOS RNAMS LA BSHAD PA 'DI NI RANG SANGS RGYAS RNAMS LA BSHAD PA'O ZHES THA DAD DU 'BYED DE, DE THA DAD PA'I 'DU SHES KYIS DAM PA'I CHOS SPONG BA YIN NO, ,'DI NI BYANG CHUB SEMS DPA'I BSLAB PA'O 'DI NI BYANG CHUB SEMS DPA'I BSLAB PA MA YIN NO ZHES ZER NA DAM PA'I CHOS SPONG BA YIN NO, ,CHOS SMRA BA LA SPOBS PA YOD DO ZHE 'AM, SPOBS [?] PA MED DO ZHES ZER NA CHOS SPONG BA YIN NO, ,CHOS NI CHOS MA YIN PAR STON TO ZHES ZER NA CHOS SPONG BA YIN NO, ,SANGS RGYAS 'BYUNG BA MED PAR GZUNGS THOB PA MED DO ZHES ZER NA CHOS SPONG BA YIN NO, ,CHOS SMRA BA LA GZUNGS THOB PA MED DO ZHES ZER NA CHOS SPONG BA YIN NO, ,CHOS SMRA BA'I SPYOD PA LA SUN 'BYIN NA CHOS SPONG BA YIN NO, ,CHOS SMRA BA SGRUB PA PHUN SUM TSOGS PA MA YIN NO ZHES ZER NA CHOS SPONG BA YIN NO, ,BAG MED PAR GLENG NA CHOS SPONG BA YIN NO, ,SPYOD LAM GYIS GLENG NA CHOS SPONG BA YIN NO, ,SPYOD PA DANG TSUL KHRIMS NYAMS PAS GLENG NA CHOS SPONG BA YIN NO, ,SPOBS PAS GO BAR MI BYED DO ZHES ZER NA CHOS SPONG BA YIN NO, ,CHOS RNAMS KYI SNANG BA LEGS PAR MA BSHAD DO ZHES ZER NA CHOS SPONG BA YIN NO, ,KHONG DU MA CHUD PAS TSIG DANG TSIG TU 'GAL BAR BYAS SO ZHES ZER NA CHOS SPONG BA YIN NO, ,YI GE'I MING GIS DE BZHIN GSHEGS PA'I BKA' LA 'JUG GO ZHES ZER NA CHOS SPONG BA YIN NO, ,MDO SDE DANG MDO SDER 'GAL BAR BYAS SO ZHES ZER NA CHOS SPONG BA YIN NO TSIGS SU BCAD PA DANG TSIGS SU BCAD PA 'GAL BAR BYA'O ZHES ZER NA CHOS SPONG BA YIN NO, ,DON LA LA LA MOS SHING LA LA LA MA MOS SO ZHES ZER NA CHOS SPONG BA YIN NO, ,CHOS 'CHAD PA'I TSE GTAM GZHAN DU BSGYUR NA CHOS SPONG BA YIN NO, ,DKRUGS MA BYED NA CHOS SPONG BA YIN NO, ,KUN DU RTOG PAS SMRA NA CHOS SPONG BA YIN NO, ,'DI LA @58B SPYAD 'DI LA MI SPYAD CES ZER NA CHOS SPONG BA YIN NO, ,'DI NI LEGS PAR GSUNGS PA 'DI NI LEGS PAR GSUNGS PA MA YIN NO ZHES ZER NA CHOS SPONG BA YIN NO, ,'DIS NI SANGS RGYAS KYI GSUNG GI DAM TSIG SMRAS SO 'DIS NI SANGS RGYAS KYI GSUNG GI DAM TSIG MA SMRAS SO ZHES ZER NA CHOS SPONG BA YIN NO, ,'JAM DPAL DE LTAR NA JI TZAM DU CUNG ZAD 'GAL BAR BYED PA DE TZAM DU CHOS SPONG BA YIN NO, ,DGE SLONG NGAM DGE SLONG MA 'AM, DGE BSNYEN NAM DGE BSNYEN MAS CHOS SMRAS PA LA 'DI NI 'DI 'DRA'O ZHES SEMS SAM SMRA NA THAMS CAD DAM PA'I CHOS SPONG BA YIN NO ZHES BYA BA LA SOGS PA'O, ,YANG DE NYID LAS GSUNGS PA, RIGS KYI BU DE BZHIN GSHEGS PA MYA NGAN LAS 'DAS PA NA 'GA' ZHIG MOS PA JI LTA BA BZHIN DU SEMS CAN RNAMS LA CHOS STON PAR BYED PA NA 'KHOR DE LAS SEMS CAN KHA CIG BA SPU ZING ZHES BYED DAM KHA CIG MCHI MA 'BYUNG BA DE DAG THAMS CAD KYANG DE BZHIN GSHEGS PA'I MTHUS GYUR PA YIN NO, ,DE LA SKYES BU BLUN PO BYANG CHUB SEMS DPA' MA YIN PAR BYANG CHUB SEMS DPAR KHAS 'CHE BA DANG BYANG CHUB SEMS DPA' SUN 'BYIN PA CHOS RKU BA TSUL 'CHOS PA DE DAG 'DI SKAD CES STON PA RNAMS LA 'DIS CI ZHIG RTOGS ZHES ZER BA LA SOGS PA LA YANG DE BZHIN DU SBYAR TE, GANG DAG BYANG CHUB SEMS DPA' RNAMS LA BRNYAS PA DE DAG NI SEMS CAN DMYAL BA NA GNAS PA'I MTHAR PHYIN PAR NGA MI SMRA'O, ,DE CI'I PHYIR ZHE NA, GANG BYANG CHUB SEMS DPA' CHOS SMA BA LA BRNYAS PA DE NI SANGS RGYAS LA SMOD PA YIN NO, ,DE NI CHOS SPONG BA YIN NO, ,DE NI DGE 'DUN LA BSHUNG BA YIN NO, ,GANG CHOS SMRAS PA LA SMOD PA DE NI SANGS RGYAS LA MI GUS PA YIN NO, ,GANG CHOS SMRA BA LA MI GUS PA DE SANGS RGYAS MTHONG BAR MI 'DOD PA YIN NO, , GANG CHOS SMRA BA MTHONG BAR MI 'DOD PA DE SANGS RGYAS LA MI SNYAN PAR BRJOD PA YIN NO, ,GANG CHOS SMRA BA LA MI SNYAN PAR BRJOD PA DE SANGS RGYAS YONGS SU GTONG BA YIN NO, ,GANG SEMS DANG PO BSKYED PA'I BYANG CHUB SEMS DPA' LA KHONG KHRO BA'I SEMS SU BYED PA YANG DE BZHIN DU @59A *, ,SBYAR RO; ,BYAMS PA BYANG CHUB SEMS DPA' RNAMS KYIS BYANG CHUB KYI PHYIR PHA ROL TU PHYIN PA DRUG YANG DAG PAR BSGRUB PA GANG YIN PA DE LA MI BLUN PO DE DAG 'DI SKAD DU, SHES RAB KYI PHA ROL TU PHYIN PA NYID BYANG CHUB SEMS DPAS BSLAB PAR BYA BA'I PHA ROL TU PHYIN PA LHAG MA RNAMS KYIS CI ZHIG BYA ZHES ZER ZHING, DE DAG PHA ROL TU PHYIN PA GZHAN LA SUN 'BYIN PAR SEMS NA, MA PHAM PA 'DI JI SNYAM DU SEMS, KA SHI'I RGYAL POR GYUR PAS PHUG RON GYI PHYIR KHRA LA RANG GI SHA BYIN PA DE 'CHAL PA'I SHES RAB CAN YIN NAM, BYAMS PAS GSOL BA, BCOM LDAN 'DAS DE NI MA LAGS SO, ,BCOM LDAN 'DAS KYIS BKA' STZAL PA, BYAMS PA NGAS BYANG CHUB SEMS KYI SPYOD PA SPYAD PA NA PHA ROL TU PHYIN PA DRUG DANG LDAN PA'I DGE BA'I RTZA BA GANG DAG SGRUB PA'I DGE BA'I RTZA BA DE DAG GI GNOD PAR GYUR TAM, BYAMS PAS GSOL PA, BCOM LDAN 'DAS DE NI MA LAGS SO, ,BCOM LDAN 'DAS KYIS BKA' STZAL PA, MA PHAM PA KHYOD KYIS BSKAL PA DRUG CUR SBYIN PA'I PHA ROL TU PHYIN PA YANG DAG PAR BSGRUBS, BSKAL PA DRUG CUR TSUL KHRIMS KYI PHA ROL TU PHYIN PA DANG, BSKAL PA DRUG CUR BZOD PA'I PHA ROL TU PHYIN PA DANG, BSKAL PA DRUG CUR BRTZON 'GRUS KYI PHA ROL TU PHYIN PA DANG, BSKAL PA DRUG CUR BSAM GTAN GYI PHA ROL TU PHYIN PA DANG, BSKAL PA DRUG CUR SHES RAB KYI PHA ROL TU PHYIN PA YANG DAG PAR BSGRUBS PA DE LA, MI GTI MUG CAN DE DAG 'DI SKAD DU, 'DI LTA STE, BYANG CHUB NI STONG PA NYID KYI TSUL DU TSUL GCIG PA YIN NO ZHES ZER NA DE DAG SPYOD PA YONGS SU MA DAG PA YIN NO ZHES BYA BA LA SOGS PA 'BYUNG NGO, ,LE'U BZHI PA'O,, ,,BAM PO LNGA PA, GNOD PA MDO TZAM BSHAD ZIN TE, DE RNAMS SPANG BAR BYA BA'I THABS NI LHAG PA'I BSAM PA BSKUL BA'I MDO LAS, LAS DANG PO PA'I BYANG CHUB SEMS DPA' RNAMS KYIS GNOD PA RNAM PA 'DI LTA BU DAG THOS NAS SKRAG STE, YI DAM BLANGS PAR GSUNGS PA DE BZHIN DU BYA'O, ,DE DAG GIS NI 'DI SKAD CES BCOM @59B LDAN 'DAS DENG SLAN CHAD BDAG CAG DE BZHIN GSHEGS PA'I SPYAN SNGAR YI DAM 'DI LTA BUR BCA' BAR BGYI'O, ,BCOM LDAN 'DAS GAL TE BDAG CAG GIS DENG SLAN CHAD BYANG CHUB SEMS DPA'I THEG PA PA'I GANG ZAG GI LTUNG BA MAD DAM MI MAD KYANG RUNG STE, GLENG NA BDAG CAG GIS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA BSLUS PAR 'GYUR RO, ,BCOM LDAN 'DAS GAL TE BDAG CAG GIS DENG SLAN CHAD BYANG CHUB SEMS DPA'I THEG PA PA'I GANG ZAG LA BRNYAS SAM DE LA MI SNYAN PAR BRJOD PA NA BDAG CAG GIS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA BSLUS PAR 'GYUR RO, ,BCOM LDAN 'DAS GAL TE BDAG CAG GIS DENG SLAN CHAD BYANG CHUB SEMS DPA'I THEG PA PA'I GANG ZAG KHYIM PA 'AM RAB TU BYUNG BA YANG RUNG STE, 'DOD PA'I YON TAN LNGA LA RTZE ZHING YONGS SU SPYOD PA MTHONG NAS MA DAD PAR BGYID DAM MA RANGS PA'I SEMS BSKYED DAM MA GUS PA'I SEMS BSKYED DAM DE LA STON PAR 'DU SHES MA BSKYED NA, BDAG CAG GIS DE BZHIN GSHEGS PA LA BSLUS PAR 'GYUR RO, ,BCOM LDAN 'DAS GAL TE BDAG CAG GIS DENG SLAN CHAD MDZA' BSHES KYI KHYIM MAM, SLONG MO STER BA'I KHYIM GYI RGYUS BYANG CHUB SEMS DPA'I THEG PA PA'I GANG ZAG RNAMS KYI LUS LA GNOD PA 'AM, SEMS LA GNOD PA BGYIS NA BDAG CAG GIS DE BZHIN GSHEGS PA LA BSLUS PAR 'GYUR RO,, BCOM LDAN 'DAS GAL TE BDAG CAG GIS DENG SLAN CHAD BYANG CHUB SEMS DPA'I THEG PA PA'I GANG ZAG MTHONG NA YID DU MI 'ONG BA'I TSIG GCIG TZAM ZHIG SMRAS NA YANG BDAG CAG GIS DE BZHIN GSHEGS PA LA BSLUS PAR 'GYUR RO, ,BCOM LDAN 'DAS GAL TE BDAG CAG GIS DANG SLAN CHAD NYIN LAN GSUM MTSAN LAN GSUM DU BYANG CHUB SEMS DPA'I THEG PA PA'I GANG ZAG LA PHYAG MA BGYIS NA BDAG CAG GIS DE BZHIN GSHEGS PA LA BSLUS PAR 'GYUR RO, ,BCOM LDAN 'DAS GAL TE BDAG CAG GIS DENG SLAN CHAD BRTUL ZHUGS DE YANG DAG PAR @60A *, ,BLANG BA'I SLAD DU RGYAL SRID THOB PA 'AM NOR THOB PA 'AM LUS DANG SROG KYANG YONGS SU MA BTANG NA BDAG CAG GIS DE BZHIN GSHEGS PA LA BSLUS PAR 'GYUR RO, ,BCOM LDAN 'DAS GAL TE BDAG CAG GIS DENG SLAN CHAD NYAN THOS KYI THEG PA PA 'AM RANG SANGS RGYAS KYI THEG PA PA'I GANG ZAG LA BRNYAS TE BDAG CAG NI CHES DRAG GI ,DE DAG NI DE LTA MA YIN NO SNYAM NA BDAG CAG GIS DE BZHIN GSHEGS PA LA BSLUS PAR 'GYUR RO, ,BCOM LDAN 'DAS GAL TE BDAG CAG GIS DENG SLAN CHAD DMA' BA'I SEMS DANG GDOL BA'I SEMS DANG KHYI'I SEMS LTA BUR GNAS PAR MA BGYIS NA BDAG CAG GIS DE BZHIN GSHEGS PA LA BSLUS PAR 'GYUR RO, ,BCOM LDAN 'DAS GAL TE BDAG CAG GIS DENG SLAN CHAD BDAG LA BSTOD CING GZHAN LA SMAD NA BDAG CAG GIS DE BZHIN GSHEGS PA LA BSLUS PAR 'GYUR RO, ,BCOM LDAN 'DAS GAL TE BDAG CAG GIS DENG SLAN CHAD GNOD SEMS DANG, RTZOD PA'I 'JIGS PAS BSKUL MA THAG TU DPAG TSAD DAM DPAG TSAD BRGYAR MA BYOL NA BDAG CAG GIS DE BZHIN GSHEGS PA LA BSLUS PAR 'GYUR RO, ,BCOM LDAN 'DAS GAL TE BDAG CAG GIS DENG SLAN CHAD BDAG NYID TSUL KHRIMS DANG LDAN PAR KHAS 'CHE 'AM, MANG DU THOS PA DANG, SBYANGS PA'I YON TAN DANG LDAN PA 'AM YON TAN GANG YANG RUNG BA ZHIG GIS BDAG BRJOD NA BDAG CAG GIS DE BZHIN GSHEGS PA LA BSLUS PAR 'GYUR RO, , BCOM LDAN 'DAS GAL TE BDAG CAG GIS DENG SLAN CHAD DGE BA MI SPYOMS SHING SDIG PA MI 'CHAB PAR GNAS PAR MA BGYIS NA BDAG CAG GIS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA BSLUS PAR 'GYUR RO ZHES SMRAS PA DANG, DE BZHIN DU SBYAR TE, DE'I TSE BCOM LDAN 'DAS KYIS BYANG CHUB SEMS DPA' SEMS DPA' CHEN PO BYAMS PA LA BKA' STZAL PA, BYAMS PA RIGS KYI BU 'AM RIGS KYI BU MO GANG LAS KYI SGRIB PA SPANG BAR 'DOD PAS, JI LTAR RIGS KYI BU 'DI DAG GIS BYAS PA DE BZHIN DU YI DAM @60B DU BCA'O ZHES GSUNGS PA LTA BU'O, ,CHOS THAMS CAD 'BYUNG BA MED PA BSTAN PA LAS KYANG, NYIN DANG MTSAN MO DE BZHIN LAN GSUM DU, ,BYANG CHUB SEMS DPA' RNAMS LA MGOS PHYAG 'TSAL, ,RTAG TU 'DOD BZHIN SPYAD PA SPYOD PA NA, ,DE DAG 'KHRUL PA TZAM YANG MI BTZAL LO, ,GANG TSE 'DOD PA'I YON TAN LNGAS RTZE MTHONG, ,DE LAS 'KHRUL PA CI YANG MI BTZAL TE, ,BYANG CHUB SPYOD MCHOG YON TAN MTHA' YAS PA, ,DE LA DE DAG RE ZHIG REG SNYAM BSAM, ,RIGS PA'I RIM DANG BYA BA'I RIM GYIS NI, ,RGYAL BAR 'GYUR GYI THANG CIG GIS MI 'GYUR, ,BSKAL PA BYE BA KHRAG KHRIG MANG ZHIG NA, ,DE DAG GO CHA 'JUG 'GYUR GZHAN DU MIN, ,ZHES GSUNGS SO, ,DE NYID LAS RIGS KYI BU GANG DAG LAS KYI SGRIB PA 'DI LTA BU GNOD PAR 'GYUR BA DE DAG GIS BYANG CHUB SEMS DPA' CIG SHOS KYI BSLAB PA THAMS CAD LOG PAR MI BSGRUB PAR MI BYA'I DE'I BYA BA THAMS CAD LA MOS PAR BYAS TE, 'DI SNYAM DU SEMS CAN GYI SPYOD PA NI SHES PAR DKA' BAS BDAG GIS PHA ROL GYI SEMS MI SHES SO SNYAM DU SEMS BSKYED PAR BYA'O, ,RIGS KYI BU DE BZHIN GSHEGS PAS DON GYI DBANG 'DI GZIGS NAS GANG ZAG GIS GANG ZAG GI DROD MI GZUNG GI ,NGA 'AM GANG NGA DANG 'DRA BAS GANG ZAG GI DROD GZUNG NGO ZHES DE SKAD DU CHOS STON TO, ,RIGS KYI BU GANG BDAG BSRUNG BAR 'DOD PA DE SU'I SPYOD PA YANG RNAM PAR DBYE BAR MI BYED DO, ,'DI NI 'DI 'DRA'O 'DI NI 'DI 'DRA'O ZHES GZHAN LA DPYAS PAR MI BYA'O, ,SANGS RGYAS KYI CHOS LA NYIN MTSAN DU CHOS KYIS YONGS SU DGA' BA'I YID KYIS BRTZON PAR BYA'O ZHES GSUNGS SO, ,DE SKAD DU SA'I SNYING PO'I MDO LAS KYANG, DE NAS DE'I MOD LA SEMS CAN MKHAS PA BRGYA STONG MANG PO STAN LAS LANGS TE, BCOM LDAN 'DAS GA LA BA DER LOGS SU THAL MO SBYAR BA BTUD NAS 'DI SKAD CES GSOL TO, ,BDAG CAG BTZUN PA BCOM LDAN 'DAS KYI SPYAN SNGAR SMON LAM 'DI SKAD CES 'TSAL TE, BTZUN PA BCOM LDAN 'DAS BDAG CAG YUN RING PO JI SRID DU 'KHOR BA NA 'KHOR BA DE SRID @61A *, ,DU; BZOD PA MA THOB PAR RGYAL PO'I GNAS 'THOB PAR MA GYUR CIG ,BLON PO'I GNAS SU MA GYUR CIG ,GRONG KHYER GYI GTZO BO'I GNAS SU MA GYUR CIG ,GRONG GI GTZO BO'I GNAS SU MA GYUR CIG ,GRONG RDAL GYI GTZO BO'I GNAS SU MA GYUR CIG ,MDUN NA 'DON GYI GTZO BO'I GNAS SU MA GYUR CIG ,SHOR BA'I GTZO BO'I GNAS SU MA GYUR CIG ,DED DPON GYI GTZO BO'I GNAS SU MA GYUR CIG ,MKHAS PA'I GTZO BO'I GNAS SU MA GYUR CIG ,DGE SBYONG GI GTZO BO'I GNAS SU MA GYUR CIG ,KHYIM BDAG GI GTZO BO'I GNAS SU MA GYUR CIG ,KHAB SO PA'I GTZO BO'I GNAS SU MA GYUR CIG ,BDAG CAG BZOD PA MA THOB KYI BAR DU BDAG CAG GZHI GANG LAS SANGS RGYAS BCOM LDAN 'DAS RNAMS KYI BSTAN PA LA LAS SHIN TU MI BZAD PA 'DI LTA BU 'PHEL BAR GYUR PA, SEMS CAN RNAMS KYI BDAG PO'I BAR GYI GNAS DAG THAMS CAD DU THOB PAR MA GYUR CIG CES RGYA CHER GSUNGS SO, ,ZLA BA SGRON MA'I MDO LAS KYANG, GZHON NUR GYUR PA DE DAG NI, ,SDIG PA MI BYED YONGS MED DE, ,PHYI MA'I DUS NA DE DAG DANG, ,KHYOD NI STEN PAR MA BYED CIG ,SMRA BA DANG NI GTAM GYIS LA, , DE DAG LA NI RI MOR GYIS, ,BYANG CHUB DAM PA'I DON GYI PHYIR, ,ZHUM PA MED PAR BKUR STI GYIS, ,LO GRANGS DU LON KUN DRIS LA, ,DE DAG RGAN PAR GYUR NA YANG, ,DE LA RI MO LEGS GYIS LA, ,RKANG PA LA YANG MGOS PHYAG 'TSOL, ,BYANG CHUB SNYING PO RNAMS BLTAS NA, ,DE DAG 'KHRUL PA MI BLTA'O, ,DE LA KHONG KHRO MI BSKYED CING, ,RTAG TU BYAMS PA'I SEMS SU BYA, ,GANG GI 'KHRUL PA CI MTHONG YANG, ,DE DAG NYES PA MI BSGRAG STE, ,CI 'DRA BA YI LAS BYAS PA, ,'BRAS BU DE 'DRA THOB PAR 'GYUR, ,ZLA BA'I BZHIN NI 'DZUM BZHIN DU, ,RGAN RABS DANG NI GSAR BU LA, ,RTAG TU GSONG POR SMRA BA DANG, ,DES SHING NGA RGYAL BCOM PAR BYA, ,GOS RNAMS DANG NI ZAS DAG GIS, ,DE DAG LA NI PHAN GDAGS SHING, ,'DI DAG THAMS CAD 'DREN 'GYUR ZHES, ,DE LTAR KHYOD KYIS SEMS ZHOG SHIG, @61B CES GSUNGS SO, ,BYANG CHUB TU SEMS BSKYED PA LA GANG ZHIG DAD PA DANG GUS PA MI BSKYED PA DES BDAG NGAN 'GROR LTUNG BAS 'JIGS PA LAS BSRUNG BA DANG TSE 'DI DANG TSE GZHAN LA MCHOG TU DGA' BA MYONG BAR BYA BA DANG, RANG GI SEMS KYI RNYOG PA GDANG BA DANG SEMS DGE BA DANG LAS SU RUNG BA THOB PAR BYA BA'I PHYIR SDONG PO BKOD PA'I MDO LAS, BCOM LDAN 'DAS 'PHAGS PA BYAMS PAS 'PHAGS PA NOR BZANGS KYI CHED DU BYANG CHUB TU SEMS BSKYED PA'I YON TAN JI SKAD BRJOD PA DE BZHIN DU BSGOM PAR BYA STE, 'DIS NI RGA DANG NAD KYIS MNAR BA YI, ,SROG CHAGS SDUG BSNGAL BRGYA YIS GTZES PA RNAMS, ,SKYE SHI MYA NGAN 'JIGS PAS GDUNGS MTHONG NAS, ,DE DAG DON DU SNYING RJE'I SEMS KYIS SPYOD, ,'GRO BA RGYUD LNGA'I 'KHOR LO'I DKYIL 'KHOR DU, ,SDUG BSNGAL 'KHRUL 'KHOR BTZIR BA'I 'GRO MTHONG NAS, ,SDUG BSNGAL 'KHRUL 'KHOR 'KHOR LO 'JOMS PA YI, ,YE SHES RDO RJE SRA BA 'DI TSOL LO, ,'DOD CHAGS ZHE SDANG RTZA SDONG TSER MA CAN, ,LTA CHAGS RTZA MANG YONGS SU 'DZIN PA YI, ,SEMS CAN ZHING NI YONGS SU SBYANG BA'I PHYIR, ,SHES RAB GSHOL BRTAN BZANG PO 'DI TSOL LO, ,GTI MUG MA RIG THIBS PO'I BSAM PA CAN, ,'GRO BA SHES RAB MIG STOR DMIGS MED PA, ,DE LA PHYOGS BDE STON PA'I MTHU YOD PA'I, ,'GRO BA'I DED DPON BZANG POR 'DI 'GYUR RO, ,BZOD PA'I GO BGOS RNAM THAR BZHON PA ZHON; ,SHES RAB RAL GRI MYA NGAN DGRA 'JOMS PAS, ,MI 'JIGS SBYIN PA'I DPA' BOR GYUR PA 'DI, ,'GRO BA RNAMS KYI LAM STON 'GYUR BA YIN, ,'DI NI CHOS KYI GRU RAB SBYOR BA STE, ,YE SHES RGYA MTSO'I LAM LA BSLABS PA'O, ,ZHI BA RIN CHEN MCHOG GI GLING SKYEL BA; ,'DI NI KHAMS GSUM MTSO YI SKYA BA 'DZIN, ,YE SHES 'OD ZER SMON LAM DKYIL 'KHOR CAN, ,SEMS CAN KUN GYI GNAS SU SNANG BYED PA'I, ,CHOS DBYINGS MKHA' LA 'OD CHEN RAB LDAN PAR, ,'DI NI SANGS RGYAS NYI MAR 'CHAR BAR 'GYUR, ,BYAMS PA'I @62A *, ,DGA' LDAN TING 'DZIN NGAD BSIL BA'I, ,SEMS CAN KUN LA SNYOMS SEMS 'OD BZANG LA, ,DKAR PO'I CHOS KYI DKYIL 'KHOR YONGS RGYAS PA'I, ,SANGS RGYAS ZLA BAR 'DI NI 'CHAR BAR 'GYUR, ,BSAM PA'I GZHI RTEN BRTAN LA RAB GNAS PA, ,BYANG CHUB SPYOD PA RIM GYIS 'PHAGS PA BSTEN, ,CHOS KUN RIN CHEN 'BYUNG GNAS LDAN PA YI, ,YE SHES RGYA MTSO'I MCHOG TU 'DI 'GYUR RO, ,BYANG CHUB SEMS KYI KLU YI DBANG POS PHYUNG, ,CHOS KYI DBYINGS KYI MKHA' LA MNGON PAR 'PHAGS, ,DKAR PO'I 'BRAS BU'I LO THOG 'PHEL BYED PA'I, ,'DI NI 'GRO BAR CHOS SPRIN CHAR 'BEBS 'GYUR, ,DAG PA'I SNYING PO DRI BSUNG MUN SEL BA, ,BYAMS PA'I SNUM YOD DRAN PA'I SNOD BRTAN LA, ,DRI MED BYANG CHUB SEMS MED 'OD BZANG BA'I, ,CHOS KYI MAR ME 'DI NI 'BAR BYED 'GYUR, ,BYANG CHUB SEMS NI MER MER SNYING RJE SKAD, ,BYAMS PA RDOS PA MI G-YO BSAM PA MKHREGS, ,BYANG CHUB YAN LAG MTHAR GYIS BYUNG BA YI, ,SANGS RGYAS SRAS SU 'DI NI YANG DAG SKYE, ,BSOD NAMS SNYING PO MNGON PAR 'PHEL BAR BYED, ,YE SHES SNYING PO YONGS SU SBYONG BAR 'GYUR, ,'DI NI SHES PA'I SNYING PO 'CHAR BAR BYED, ,SMON LAM JI BZHIN SNYING PO YANG DAG BYUNG, ,SNYING RJE BYAMS PAS SPRUL PA 'DI 'DRA BA, ,SEMS CAN DGROL BLOS PHAN PA'I BSAM LDAN PA, ,RNAM DAG YID CAN 'DI NI CI 'DRA BA, ,DE 'DRA'I 'GRO BA LHA DANG MI BCAS DKON, ,'DI 'DRA'I BSAM PA RAB TU RTZA BRTAN PA, ,'DI 'DRA'I SBYOR BA BRTAN PAS RNAM 'PHEL ZHING, ,SRID GSUM LOG PAR BYED PA 'DI 'DRA BA'I, ,YE SHES 'BRAS CAN SHING CHEN 'BYUNG BA DKON, ,'DI NI YON TAN KUN GRUB DON DU GNYER, ,CHOS RNAMS THAMS CAD YONGS SU DRIS PAR MOS, ,THE TSOM THAMS CAD RNAM PAR BSAL DON DU, ,LE LO MED PAR BSHES GNYEN THAMS CAD BSTEN, ,'DI NI BDUD KYI DKRUGS MA NYON MONGS 'JOMS, ,'DI NI LTA BA'I DRI MA SRED PA SEL, ,'DI NI 'GRO BA THAMS CAD DGROL LA BRTZON, ,MKHAS PA 'DI NI RTAG TU KHYAD PAR @62B TSOL; ,YON TAN LAM LA NOR BZANGS 'DI GNAS PAS, ,'DI NI NGAN SONG THAMS CAD SBYONG BAR 'GYUR, ,MTHO RIS LAM YANG NYE BAR STON PAR GYUR, ,THAR PA'I LAM DU 'GRO BA 'DZUD PAR 'GYUR, ,'DI NI 'GRO RGYUD KUN GYI SDUG BSNGAL SEL, ,'DI NI 'GRO RGYUD KUN GYIS BDE BA STOBS, ,'DI NI SRID PA KUN GYI ZHAGS PA 'THUB, ,SRID PA'I 'GRO RGYUD THAMS CAD SEL BAR 'GYUR, ,ZHES GSUNGS SO, ,DE LTAR BSGOMS PAS 'DIS GNOD PA RNAM PAR SPANG SLA BAR 'GYUR RO, ,DE SKAD DU LHAG PA'I BSAM PA BSKUL BA'I MDO LAS KYANG, GNOD PA RNAM PAR SPANG BA GSUNGS TE, BYAMS PA BYANG CHUB SEMS DPA'I THEG PA PA'I GANG ZAG CHOS BZHI DANG LDAN NA, PHYI MA LNGA BRGYA PA THA MA LA DAM PA'I CHOS RNAM PAR 'JIG PA'I TSE, MA SNAD CING MA SMAS LA BDE BAR YONGS SU THAR BAR 'GYUR RO, ,BZHI GANG ZHE NA, BDAG GI 'KHRUL PA LA SO SOR RTOG PA DANG, BYANG CHUB SEMS DPA'I THEG PA PA'I GANG ZAG GZHAN GYI NYES PA MI GLENG BA DANG, MDZA' BSHES KYI KHYIM DANG SLONG MO STER BA'I KHYIM LA MI LTA BA DANG, YID DU MI 'ONG BA'I TSIG SPONG BA STE, BYAMS PA CHOS BZHI PO DE DAG DANG LDAN NA ZHES BYA BA SNGA MA BZHIN NO, ,YANG BZHI STE, BZHI GANG ZHE NA, THOS PA NYUNG NGU'I SEMS CAN YONGS SU SPANG BA DANG, 'KHOR MI BSDU BA DANG, BAS MTHA'I GNAS MAL BSTEN PA DANG, BDAG DUL BA DANG ZHI GNAS KYI RNAL 'BYOR LA BRTZON PA STE BZHI PO DE DAG GO ZHES BYA BA DANG, YANG DE NYID LAS BYAMS PA BYANG CHUB SEMS DPA' LAS DANG PO PAS SHES RAB KYI STOBS BSKYED PA THOB PA DANG, RNYED PA DANG BKUR STI YONGS SU SPANG BA DANG RNYED PA DANG BKUR STI'I NYES PA MTHONG BAR BYA'O, ,DE BZHIN DU SBYAR TE 'DU 'DZI LA DGA' BA YONGS SU SPANG BA DANG 'DU 'DZI LA DGA' BA'I NYES PA MTHONG BAR BYA'O, ,SMRA BA LA DGA' BA YONGS SU SPANG BA DANG, SMRA BA LA DGA' BA'I NYES PA MTHONG BAR BYA'O, ,GNYID LA DGA' BA YONGS SU SPANG BA DANG, GNYID LA DGA' BA'I NYES PA MTHONG BAR BYA'O, ,LAS LA DGA' BA @63A *, ,YONGS SU SPANG BA DANG LAS LA DGA' BA'I NYES PA MTHONG BAR BYA'O, ,SPROS PA LA DGA' BA YONGS SU SPANG BA DANG SPROS PA LA DGA' BA'I NYES PA MTHONG BAR BYA STE, DE BZHIN DU SBYAR RO, ,BYAMS PA 'DI LA BYANG CHUB SEMS DPA' SEMS DPA' CHEN POS RNYED PA DANG BKUR STI NI 'DOD CHAGS BSKYED PA YIN PAR BRTAG PAR BYA'O, ,RNYED PA DANG BKUR STI NI DRAN PA 'JOMS PAR BYED PAR BRTAG PAR BYA'O, ,RNYED PA DANG BKUR STI NI RNYED PA DANG, MA RNYED PAS KHENGS PA DANG 'DUD PAR BRTAG PAR BYA'O, ,RNYED PA DANG BKUR STI NI GTI MUG BSKYED PAR BRTAG PAR BYA'O, ,RNYED PA DANG BKUR STI NI BDAG GI DON SGRUB PAS KHYIM LA SER SNA BYED PA DANG CHAGS PA BYED PAR BRTAG PAR BYA'O, ,RNYED PA DANG BKUR STI NI G-YO SKYED PAR BRTAG PAR BYA'O, ,RNYED PA DANG BKUR STI NI 'PHAGS PA'I RIGS BZHI YONGS SU SPONG PAS NGO TSA MI SHES PA DANG, KHREL MED PA BSKYED PAR BRTAG PAR BYA'O, ,RNYED PA DANG BKUR STI NI SANGS RGYAS THAMS CAD KYIS MA GNANG BAR BRTAG PAR BYA'O, ,RNYED PA DANG BKUR STI NI NGA RGYAL DANG RGYAGS PA DANG DREGS PA BSKYED PAR BRTAG PAR BYA'O, ,RNYED PA DANG BKUR STI NI BLA MA RNAMS LA KHYAD DU GSOD PAR BRTAG PAR BYA'O, ,RNYED PA DANG BKUR STI NI BDUD KYI PHYOGS YIN PA DANG GCIG TU BAG MED PA'I RTZA BA YIN PA DANG, RNYED PA DANG BKUR STI NI DGE BA'I RTZA BA 'PHROG PA DANG, RNYED PA DANG BKUR STI NI GLOG DANG 'KHOR LO DANG LCE 'BAB PA LTA BU DANG, RNYED PA DANG BKUR STI NI SPAGS PA MANG POS SPAGS PA DANG, MDZA' BSHES KYI KHYIM DANG SLONG MO STER BA'I KHYIM LA LTA BA DANG YID MI BDE BA BSKYED PA DANG, BLO RNAM PAR 'KHRUG PAR BYED PA DANG, RNYED PA DANG BKUR STI NI SDUG PA'I DNGOS PO RNAM PAR 'GYUR BAR BYED PA'I PHYIR MYA NGAN SKYED PAR BYED PA DANG, DRAN PA NYE BAR GZHAG PA BZHI RJOD PAR BYED PA DANG, DKAR PO'I TSES NYAM CHUNG BAR BYED PA DANG, RNYED PA DANG BKUR STI NI YANG DAG PAR SPONG BA BZHI YONGS SU YONGS SU NYAMS PAR BYED PA DANG, RDZU 'PHRUL DANG MNGON PAR SHES PA YONGS SU NYAMS PAR BYED PA DANG, SNGAR @63B BKUR STI BYED PA LA PHYIS BKUR STI MI BYED PAR BYED PA DANG, RNYED PA DANG BKUR STI NI MI MDZA' BA DANG GNAS PAR BYED PA DANG MDZA' BO SPONG BA DANG, RNYED PA DANG BKUR STI NI PHA ROL 'DRID PAS SMAD 'CHONG MA 'DRA BA DANG, RNYED PA DANG BKUR STI NI BSAM GTAN DANG TSAD MED PA YONGS SU SPONG BA DANG; SEMS CAN DMYAL BA DANG DUD 'GRO'I SKYE GNAS DANG, GSHIN RJE'I 'JIG RTEN DU LTUNG BAR BYED PA DANG, RNYED PA DANG BKUR STI NI LHAS BYIN DANG LHAG SPYOD KYI CHO GA DANG MTHUN PAR BRTAG PAR BYA'O, ,BYAMS PA BYANG CHUB SEMS DPA' RNYED PA DANG BKUR STI LA NYES DMIGS GANG DAG BRTAG PAR BYA BA NI 'DI LTA BU 'DI DAG GO, ,BRTAGS NAS KYANG 'DOD PA CHUNG BAR BYA'I YONGS SU GDUNG BAR NI MI BYA'O, ,DE CI'I PHYIR ZHE NA, BYAMS PA 'DOD PA CHUNG BA LA SKYON 'DI LTA BU 'DI DAG MED PA'I PHYIR TE, DE'I PHYIR SANGS RGYAS KYI CHOS RNAMS LA BAR CHAD MED PA YIN, KHYIM PA DANG RAB TU BYUNG BA DAG YID BYUNG BAR MI 'GYUR BA YIN, LHA DANG MI RNAMS BSAM PA YONGS SU DAG PAR BYA BA'I PHYIR GNAS PAS RJES SU BSRUNG BAR 'OS PA YIN, NGAN 'GRO LOG PAR LTUNG BA THAMS CAD KYIS SKRAG PA MED PA YIN, BSDIGS PA DANG BRAL BAS ZIL GYIS MI NON PA YIN; BDUD KYI YUL LAS YONGS SU GROL BAS MI 'PHROGS PA YIN, SDUG BSNGAL THAMS CAD KYIS MI TSUGS PA YIN, LHA DANG MI RNAMS KYIS MNGON PAR 'DOD PAR BYA BA YIN, BSAM GTAN LA GOMS PAR BYED PAR GNAS PAS GSAL BA YIN, G-YO DANG SGYU SPANGS PA DANG 'DOD PA'I YON TAN LNGA LA SKYON DU LTA BAS BAG YOD PA YIN, 'PHAGS PA'I RIGS LA GNAS PAS JI SKAD SMRAS PA DE BZHIN BYED PA YIN, MKHAS PA RNAMS DANG TSANGS PA MTSUNGS PAR SPYOD PA RNAMS KYIS 'DOD PA YIN TE, BYAMS PA PHAN YON 'DI LTA BU 'DI DAG SHES NAS BYANG CHUB SEMS DPA' MKHAS PAS RNYED PA DANG BKUR STI THAMS CAD SPONG BA'I PHYIR LHAG PA'I BSAM PAS 'DOD PA CHUNG BA LA GNAS PAR BYA ZHING 'DOD PA CHUNG BA LA BRTEN PAR BYA'O ZHES BYA BA'O, ,'DU 'DZI LA DGA' BA'I DBANG DU BYAS TE GSUNGS PA, 'DOD CHAGS SPANGS SHING @64A *, ,ZHE SDANG RAB SPANGS NAS, ,RNAL 'BYOR CAN NI 'DU 'DZIR MI GNAS TE, ,DE NI DE LA GZHOL ZHING DE LA 'BAB, ,NYES PA DES NA DGA' BAR BYED MI 'GYUR, ,DGOD DANG BZHAD GAD DE BZHIN RNAM RTOG PA, ,'DI DAG THAMS CAD 'DU 'DZI RNAMS LAS BYUNG, ,SNYING PO MED PA'I 'DU 'DZI SU BYED PA, ,DE NI YANG LONGS SPYOD CING MA BSDAMS YIN, ,BYIS PA DAG NI 'JIG RTEN SMRA LA DGA', ,BYIS PA DE DAG MCHOG GI GTAM LAS NYAMS, ,ZHE SDANG 'PHEL ZHING RNAM RTOG SHAS KYANG CHE, ,NYES PA DES NI DE LA MI CHAGS SO, ,RIGS PA MA YIN SMRA LA DGA' BSKYED NAS; ,DGE SLONG THOS PA RNAM PAR 'PHEL MI BYED, ,DE LTA BAS NA MI RIGS SMRA SPONGS LA, ,CHOS LA RTAG TU DGA' BA THOB PAR GYIS, ,BYANG CHUB MNGON PAR 'DOD PHYIR NGA YIS NI, ,RANG GI YAN LAG LAN STONG SNYED DU BTANG, ,CHOS NYAN PAS NI NGA LA NGOMS MED NA, ,DE DAG CHOS NYAN PA LA SKYO BAR 'GYUR, ,RIGS MIN SMRA DANG DAM PA MA YIN SMRA, ,RNAM PA KUN DU YONGS SU SPANG BAR BYA, ,BSKAL PA BRGYA PHRAG DU MAR GANG DKON PA, ,CHOS KYI DAM PA DE LA DGA' SKYED CIG ,YON TAN 'DOD PA NAGS NA GNAS PA YIS, ,PHA ROL DAG GI SKYON LA BRTAG MI BYA, , BDAG NI KHYAD PAR 'PHAGS SHING BDAG MCHOG CES, ,DE SNYAM DU NI SEMS BSKYED MI BYA'O, ,RGYAGS 'DI BAG MED KUN GYI RTZA BA STE, ,DGE SLONG DMAN LA BRNYAS PAR YONG MI BYA, ,BSKAL PA GCIG GIS THAR PA THOB MI 'GYUR, ,'DI NI BSTAN PA 'DI LA GO RIMS YIN, ,ZHES GSUNGS SO, ,DE NYID LAS SMRA BA LA DGA' BA'I DBANG DU BYAS TE GSUNGS PA, THOS PAS RGYAGS NAS GUS PAR MI 'GYUR TE, ,RNAM PAR 'BYED PA'I SMRA BA RNAMS LA CHAGS, ,BRJED PAR 'GYUR ZHING SHES BZHIN MED PAR GYUR, ,SMRA LA DGA' BA'I NYES PA 'DI DAG GO, , NAD GI SEMS LAS SHIN DU RING BAR 'GYUR, ,LUS DANG SEMS KYANG RAB SBYANGS MA YIN 'GYUR, ,KHENGS PA DANG NI 'DUD PA MANG POR 'GYUR, ,SMRA LA DGA' BA'I NYES PA 'DI DAG GO, ,BYIS PA DAM PA'I CHOS BSAM RAB TU NYAMS, ,SEMS NI MI MNYEN SHIN TU RTZUB PAR 'GYUR, , @64B ZHI GNAS LHAG MTHONG DAG DANG RAB TU RING, ,SMRA LA DGA' BA'I NYES PA 'DI DAG GO, ,RTAG TU BLA MA DAG LA GUS PA MED, ,SPAGS PA'I GTAM DAG LA NI DGA' BA SKYED, ,SNYING PO MED LA GNAS SHING SHES RAB NYAMS, ,SMRA LA DGA' BA'I NYES PA 'DI DAG GO, ,DE NI LHA TSOGS RNAMS KYIS MI BKUR ZHING, ,DE TSE DE LA 'DOD PA YANG MI SKYED, ,DE NI SO SO YANG DAG RIG LAS NYAMS, ,SMRA LA DGA' BA'I NYES PA 'DI DAG GO, ,GANG DAG LUS NI MNGON SUM MANG YOD PA, ,MKHAS PA DE DAG GIS NI SPYO BAR 'GYUR, ,DE YI SROG NI DON MED 'GYUR BA STE, , SMRA LA DGA' BA'I NYES PA 'DI DAG GO, ,BDAG NI BSGRUBS NYAMS DA NI CI BYA ZHES, ,'CHI BA'I DUS TSE BYIS PA MYA NGAN BYED, ,GTING RNYED MA GYUR SHIN TU SDUG BSNGAL 'GYUR, ,SMRA LA DGA' BA'I NYES PA 'DI DAG GO, ,RTZVA BSKYOD BZHIN DU 'GUL ZHING G-YO BA STE, ,DE NI DE LTAR THE TSOM 'GYUR DU NGES, ,DE NI NAM YANG BLO BRTAN MI 'GYUR TE, ,SMRA LA DGA' BA'I NYES PA 'DI DAG GO, ,GAR MKHAN LTAD MO'I KHROM NANG 'DUG PA ZHIG ,DPA' BO GZHAN GYI YON TAN RJOD BYED LA, ,BDAG NYID BSGRUB LAS NYAMS PAR 'GYUR BA BZHIN, ,SMRA LA DGA' BA'I NYES PA 'DI DAG GO, ,DE NI G-YO LDAN YANG ZHING RE BRAL 'GYUR, ,PHYI PHYIR ZHING NI RNAM PAR 'GYED PA RTZOM, ,'PHAGS PA'I DAM PA'I CHOS LAS RAB TU RING, ,SMRA LA DGA' BA'I NYES PA 'DI DAG GO, ,MTHU CHUNG BSTI STANG GIS NI DGAR 'GYUR TE, ,MI SHES LDAN PA 'KHRUG CING RNAM PAR 'GYUR, SPRE'U LTAR DE YI SEMS NI G-YO BAR 'GYUR, ,SMRA LA DGA' BA'I NYES PA 'DI DAG GO, ,ZHES BYA BA DANG, DE BZHIN DU SBYAR TE, YUN RINGS DUS NAS SMRA LA DGA' BAS NA, ,DE NI BDAG NYID DGA' BA MI 'THOB PO, ,TSIG GANG DGA' BA MTHA' YAS 'THOB 'GYUR BA, ,TSIG GCIG TZAM ZHIG BSAMS KYANG MCHOG YIN NO, ,BU RAM SHING SHUN SNYING PO CI YANG MED, ,DGA' BAR BYA BA'I RO NI NANG NA 'DUG ,SHUN PA ZOS NAS MIS NI BU RAM RO, ,ZHIM PO RNYED PAR NUS PA MA YIN NO, ,JI LTAR SHUN PA DE BZHIN SMRA BA STE, ,RO LTA BU NI 'DI LA DON SEMS YIN, , @65A *, ,DE LTA BAS NA SMRA LA DGA' SPANGS TE, ,RTAG TU BAG YOD BYOS LA DON SOMS SHIG ,CES GSUNGS SO, ,GNYID LA DGA' BA'I NYES PA'I DBANG DU BYAS TE, GANG ZHIG RMUGS DANG GNYID LA DGA' 'GYUR BA, ,DE NI GTI MUG DRA BA CHEN PO 'PHEL, ,DE NI LTA BA RNYED NAS THE TSOM 'GYUR, ,DE LA LTA GYUR GZHAN YANG MANG DU 'BYUNG, ,GANG ZHIG RMUGS DANG GNYID LA DGA' 'GYUR BA, ,DE NI SHES RAB SHIN TU NYAM CHUNG 'GYUR, ,DE YI BLO YANG YONGS SU NYAMS PAR 'GYUR, ,YE SHES LAS NI RTAG TU DE NYAMS 'GYUR, ,GANG ZHIG RMUGS DANG GNYID LA DGA' 'GYUR BA, ,MI SHES LE LO SNYOM LAS SHES RAB 'CHAL, ,DE LA MI MA YIN PAS GLAGS RNYED DE, ,NAGS NA GNAS PA'I TSE NI 'TSE BAR 'GYUR, ,GANG ZHIG RMUGS DANG GNYID LA DGA' 'GYUR BA, ,DE NI DGE SEMS RTAG TU MI 'DOD DE, ,DE NI CHOS LA 'DUN PA SKYED MI BYED, ,PHYIR ZHING CHOS MA YIN LA DE DGA' 'GYUR, ,GANG ZHIG RMUGS DANG GNYID LA DGA' 'GYUR BA, ,DE NI RMONGS SHING CHOS LA 'DUN PA NYAMS, ,BYIS PA YON TAN KUN LAS YONGS SU NYAMS, ,DKAR PO 'JOMS SHING MUN PAR 'GRO BAR 'GYUR, , GANG ZHIG RMUGS DANG GNYID LA DGA' 'GYUR BA, ,'JIGS PAR 'GYUR ZHING SEMS KYANG RAB TU ZHUM, ,DE NI RTAG PAR MCHOG TU DGA' MI 'GYUR, ,GNYID KYIS NON PA LUS KYANG LHOD PAR 'GYUR, ,GANG ZHIG RMUGS DANG GNYID LA DGA' 'GYUR BA, ,BDAG NYID MI SHES LE LO CAN GYUR NAS, ,BRTZON 'GRUS STOBS DANG LDAN LA PHRAG DOG BYED, ,BRTZON 'GRUS LDAN PA RNAMS LA MI SNYAN SMRA, ,ZHES BYA BA DANG, DE BZHIN DU SBYAR TE, GANG ZHIG SDUG BSNGAL MUN PA KUN 'JIG CING, ,NGAN SONG YONGS SPONGS RTZA BAR GYUR PA DANG, ,SANGS RGYAS KUN GYIS BSNGAGS PAR 'GYUR BA YI, ,BRTZON 'GRUS 'PHAGS PA DE LA RTAG TU BRTAN, ,ZHES GSUNGS SO, ,LAS LA DGA' BA'I DBANG DU BYAS NAS, BLA MAS BSKUL NA BKA' BLO MI BDE ZHING, ,RJES SU BSTAN PA MTHUN PAR 'DZIN MI BYED, ,DE NI MYUR DU TSUL KHRIMS @65B NYAMS PAR 'GYUR, ,NYES PA 'DI DAG LAS LA DGA' BA'I YIN, ,KHYIM NA GNAS PA'I LAS RNAMS RTAG SEMS PAS, ,DE NI RTAG TU GDUNG BAR 'GYUR BA STE, ,BSAM GTAN DANG NI SPONG BA DE MI BYED, ,NYES PA 'DI DAG LAS LA DGA' BA'I YIN, ,DE YI 'DOD CHAGS SHAS NI CHE BAR SKYE, ,DE NI RO BRO RNAMS LA CHAGS SHING ZHEN, ,DE NI NGAN NGON TZAM GYIS DGAR MI 'GYUR, ,NYES PA 'DI DAG LAS LA DGA' BA'I YIN, ,DE NI 'KHOR MANG PO LA DGA' 'GYUR TE, ,DE NYAMS NA NI SHIN TU SDUG BSNGAL 'GYUR, ,DE NI BONG BU BZHIN DU 'DRE BAR 'GYUR, NYES PA 'DI DAG LAS LA DGA' BA'I YIN, ,DE BZHIN DU SBYAR TE, NYIN DANG MTSAN MO SEMS GZHAN MED PAR NI, ,ZAS DANG GOS LA RGYUN DU SEMS PAR BYED, ,DE NI RTAG TU YON TAN 'DOD MA YIN, ,NYES PA 'DI DAG LAS LA DGA' BA'I YIN, ,DE NI 'JIG RTEN PA YI BYA BA 'DRE; ,RIGS PA MIN PA'I SMRA BA RNAMS LA DGA', ,RIGS PA'I SMRA LA DE NI DGA' MI 'GYUR, ,NYES PA 'DI DAG LAS LA DGA' BA'I YIN, ,DE BZHIN DU SBYAR TE, DE NAS BCOM LDAN 'DAS LA BYANG CHUB SEMS DPA' SEMS DPA' CHEN PO BYAMS PAS 'DI SKAD CES GSOL TO, ,GANG DAG MCHOG GI CHOS YONGS SU SPANGS NAS LAS NGAN PA RNAMS RTZOM PA'I BYANG CHUB SEMS DPA' DE DAG NI SHES RAB SHIN TU CHUNG ZHING SHES RAB RNAM PAR NYAMS PAR 'GYUR BA LAGS SO, ,DE SKAD CES GSOL BA DANG, BCOM LDAN 'DAS KYIS BYANG CHUB SEMS DPA' SEMS DPA' CHEN PO BYAMS PA LA 'DI SKAD CES BKA' STZAL TO, BYAMS PA DE DE BZHIN TE JI SKAD SMRAS PA DE DE BZHIN NO, ,GANG DAG MCHOG GI CHOS YONGS SU SPANGS NAS LAS NGAN PA RNAMS RTZOM PA'I BYANG CHUB SEMS DPA' DE DAG NI SHES RAB SHIN TU CHUNG BAR 'GYUR RO, ,BYAMS PA KHYOD LA BSTAN TO, ,KHYOD KYIS KHONG DU CHUD PAR BYA'O, ,GANG DAG LA BRTZON PA MED PA DANG, BSAM GTAN MED PA DANG, SPONG BA MED PA DANG, KHA TON BYA BA DANG MANG DU THOS PA YONGS SU TSOL BA MED PA'I BYANG CHUB SEMS DPA' DE DAG NI DE BZHIN @66A *, ,GSHEGS PA'I BSTAN PA LA RAB TU BYUNG BA MA YIN NO, ,BYAMS PA DE BZHIN GSHEGS PA'I BSTAN PA NI BSAM GTAN DANG SPONG BAS RAB TU PHYE BA, YE SHES KYIS 'DUS BYAS PA YE SHES KYIS MNYAM PAR GZHAG PA, MNGON PAR BRTZON BAS RAB TU PHYE BA YIN GYI KHYIM PA'I LAS KYI MTHA' DANG ZHAL TA BYED PAS RAB TU PHYE BA NI MA YIN NO, ,MI RIGS PA LA BRTZON PA DANG 'KHOR BA LA MNGON BAR DGA' BA RNAMS KYI LAS NI 'DI YIN TE, 'DI LTAR ZHAL TA BYED PA DANG 'JIG RTEN PA'I BYA BAS GZINGS PA STE, DE LA BYANG CHUB SEMS DPA' RNAMS KYIS 'DOD PA BSKYED PAR MI BYA'O, ,BYAMS PA ZHAL TA BYED PA LA BRTZON PA'I BYANG CHUB SEMS DPA' GAL TE RIN PO CHE SNA BDUN GYI MCHOD RTEN RNAMS KYIS STONG GSUM GYI STONG CHEN PO'I 'JIG RTEN GYI KHAMS 'DI BKANG YANG DES NGA MNYES PAR BYAS PAR MI 'GYUR RIM GRO BYAS PAR MI 'GYUR BSTI STANG BYAS PAR MI 'GYUR RO, ,DE BZHIN DU SBYAR RO, ,DE LA ZHAL TA BYED PA'I BYANG CHUB SEMS DPA' 'DZAM BU'I GLING YONGS SU GANG BA DE DAG GIS, LUNG 'BOGS PA DANG KHA TON LA BRTZON PA'I BYANG CHUB SEMS DPA' GCIG LA RIM GRO DANG BSNYEN BKUR BYA'O, ,LUNG DBOG PA DANG KHA TON LA BRTZON PA'I BYANG CHUB SEMS DPA' 'DZAM BU'I GLING GI TSAD RNYED KYIS, NANG DU YANG DAG 'JOG LA MNGON BAR BRTZON PA'I BYANG CHUB SEMS DPA' GCIG LA RIM GRO DANG BKUR STI BYA'O, ,DE BZHIN DU SBYAR TE, DE CI'I PHYIR ZHE NA, 'DI LTA STE SHES RAB KYI LAS 'DI NI BYA DKA' BA'I LAS YIN NO BLA MA'O, ,BLA NA MED PA'O 'JIG RTEN GSUM PO THAMS CAD LAS KHYAD PAR DU 'PHAGS PA'O, ,MNGON PAR 'PHAGS PA'O, ,BYAMS PA DE LTA BAS NA BYANG CHUB SEMS DPA' BRTZON PA 'DOD PA DANG, BRTZON 'GRUS RTZOM PAR 'DOD PAS SHES RAB LA BRTZON PAR BYA'O ZHES GSUNGS SO, ,SPROS PA LA DGA' BA'I DBANG DU BYAS NAS, ,DE NI MI KHOM BRGYAD DANG RING MI 'GYUR, ,DE NI DAL BA PHUN TSOGS MCHOG MI 'GYUR, ,DE LA GNOD PA 'DI DAG RTAG 'BYUNG STE, ,SPROS SPYOD DE YI NYES PA DE DAG GO, ,DE BZHIN DU SBYAR TE, ,MKHAS PAS NYES 'DI YANG @66B DAG RIG NAS NI, ,SPROS PA THAMS CAD YONGS SU SPANG BAR BYA, ,SPROS SPYOD DAG NI GNOD PA RNYED PAR SLA, ,DE LTA BAS NA SPROS LA GNAS MI BYA, ,GANG NA SPROS PA 'AM RTZOD PA YOD PA LAS, ,DPAG TSAD BRGYA YI PHA ROL 'GRO BA MCHOG ,GANG NA NYON MONGS YOD PA DE DAG TU, ,YUD TZAM ZHIG KYANG GNAS SHING 'DUG MI BYA, ,RAB BYUNG DON 'DOD YON TAN 'DOD PA RNAMS, ,SDANG BA'I SEMS KYIS RTZOD PAR MA BYED CIG ,GANG GI DON DU SPROS PA 'DI 'BYUNG BA, ,KHYED LA ZHING MED ZHING LAS TSONG BYA MED, ,KHYED LA CHUNG MA BU DANG BU MO MED, ,KHYIM DANG GNYEN GYI TSOGS KYANG YOD PA MIN, ,BRAN PHO DRAN MO MED CING DBANG PHYUG MED, ,RAB TU BYUNG NAS RTZOD PAR MA BYED CIG ,ZHI ZHING RAB TU ZHI BAS BSTEN PA YI, ,NGUR SMRIG GOS DAG DAD PAS BLANGS NAS NI, ,ZHI ZHING RAB ZHI NYE BAR ZHI BAR BYOS, ,SPROS PA RNAM PAR SPONGS LA BZOD PA SKYED, , MI BZAD SEMS NI SBRUL GDUG 'DRA BAR SRUNGS, ,SPROS LA SPYOD PA SEMS CAN DMYAL BA DANG, ,DUD 'GRO GSHIN RJE'I YUL DANG RING MI 'GYUR, ,DE LTA BAS NA BZOD DANG BRTZON 'GRUS SKYED, ,DE BZHIN DU SBYAR TE, THEG PA'I STOBS 'DI YIS NI DAG 'GYUR ZHING, ,LAS KYI SGRIB PA MA LUS BYANG NAS NI, ,STOBS DANG BCAS SHING BZHON BCAS BDUD THUL CIG ,BSTAN PA GANG YIN DES NI BZOD PA SKYED, ,CES GSUNGS SO, ,GNOD PA RNAM PAR SPANG BA MDOR BSTAN PAS BYAMS PA DE LTA BAS NA BYANG CHUB SEMS DPA'I THEG PA PA'I RIGS KYI BU 'AM RIGS KYI BU MOS PHYI MA LNGA BRGYA THA MA LA DAM PA'I CHOS RNAM PAR 'JIG PA'I TSE, MA SNAD CING MA SMAS LA BDE BAR YONGS SU THAR BAR 'DOD PA DANG LAS KYI SGRIB PA THAMS CAD BYANG BAR 'DOD PAS, 'DU 'DZI MED PA LA DGA' BA DANG DGON PA DANG NAGS DANG, BAS MTHAR GNAS PA LA BRTZON BAR BYA ZHING, MNGON BAR MI BRTZEN PA'I SEMS CAN YONGS SU SPANG BA DANG, BDAG GI 'KHRUL PA LA BLTA BA DANG, GZHAN GYI 'KHRUL PA LA MI BLTA BA DANG, CANG MI SMRA BA LA DGA' BA DANG, SHES RAB KYI PHA ROL TU PHYIN PA LA GNAS PA LA BRTZON PAR BYA'O @67A *, ,ZHES GSUNGS SO, ,'PHAGS PA DKON MCHOG SPRIN LAS KYANG, GNOD PA RNAM PAR SPANGS PA GSUNGS PA NI, NAM DE'I DON GRUB PAR GYUR GYI BAR DU BSOD SNYOMS LA SPYOD DE GZHAN DU NA GNAS GANG NA KHYI ZA BA 'AM BA DRUS MA 'AM DUD 'GRO'I SKYE GNAS SU GTOGS PA RANG BZHIN GYIS NGANG TSUL NGAN PA'I SROG CHAGS SAM, BUD MED DANG SKYES PA DANG KHYE'U DANG BU MO KYAL KA BYA BA'I BSAM PA CAN DAG YOD PA'AM SMAD PA'I GNAS DE DAG THAMS CAD NAS THAMS CAD YONGS SU SPONG ZHES BYA BA STE, 'DIS NI TSE 'DI LA YANG GNOD PAR 'GYUR BA RNAM PA DE LTA BU MA SPANGS NA LTUNG BAR 'GYUR RO ZHES BSTAN PAR 'GYUR RO, ,'DI LTA BU LA SOGS PAS GNOD PA RNAM PAR SPANG BA GANG YIN PA, ,DE KUN GANG GIS 'THOB CE NA, ,'BRAS BU MED PA'I BYED SPONG BAS, ,'DI LA 'BRAS BU NI GZHAN GYI DON BYA BA STE, DE'I DON DU GANG SPYOD PAR MI 'GYUR BA DE NI 'BRAS BU MED PA YIN PAS YONGS SU SPANG BAR BYA BA YIN TE, ZLA BA SGRON MA'I MDO LAS, LUS KYI SDOM PA'I SKABS NAS JI SKAD DU LAG PA MI RGOD RKANG PA MI RGOD CING RKANG LAG BSDAMS PA ZHES BYA BA'I BAR DU GSUNGS PA LTA BU'O, ,DE SKAD DU CHOS BCU PA'I MDO LAS KYANG, LAG PA BSKYOD PA DANG RKANG PA BSKYOD PA DANG KUN DU RGYUG PA DANG YONGS SU RGYUG PA DANG MCHONG BA DANG RKYAL BA 'DI NI LUS KYI GNAS NGAN LEN ZHES BYA'O ZHES BSTAN TO, ,'PHAGS PA CHOS YANG DAG PAR SDUD PA'I MDO LAS KYANG, JI LTAR BYANG CHUB SEMS DPA' RNAMS GZHAN GYI DON BYA BA LAS LAS GZHAN MI BYED PA DE LTA BU GSAL BAR YONGS SU BSTAN TE, BCOM LDAN 'DAS BYANG CHUB SEMS DPA' RNAMS KYI LUS KYI LAS GANG CI YANG RUNG, NGAG DANG YID KYI LAS GANG CI YANG RUNG, DE THAMS CAD NI SEMS CAN THAMS CAD LA LTA BAS 'JUG GO, ,SNYING RJE CHEN PO'I DBANG DU 'GYUR BA'O, ,SEMS CAN LA PHAN PA'I GNAS KYI RGYU'O, ,SEMS CAN THAMS CAD LA PHAN PA DANG BDE BA'I LHAG PA'I BSAM PA LAS 'BYUNG NGO, ,DE'I PHAN PA'I BSAM PA 'DI LTA BUS 'DU SHES 'DI LTA BUR 'GYUR TE, GANG @67B SEMS CAN THAMS CAD LA PHAN PA SGRUB PA DANG BDE BA SGRUB PA'I SGRUB PA DE BDAG GIS SGRUB PO SNYAM MO, ,DE BZHIN DU SBYAR TE, SKYE MCHED RNAMS LA GRONG STONG LTA BUR SO SOR RTOG PA SGRUB KYANG SKYE MCHED YONGS SU DOR BAR YANG MI 'TSAL LO ZHES GSUNGS SO, ,'PHAGS PA NAM MKHA' MDZOD KYI MDO LAS KYANG, 'DI LTA STE DPER NA BU GA NAS RLUNG 'JUG PA DE BZHIN DU GANG DANG GANG NAS SEMS LA SKYON BYUNG BA DE DANG DE NYID NAS BDUD KYIS GLAGS RNYED DO, ,DE LTA BAS NA BYANG CHUB SEMS DPA' RTAG TU SEMS LA SKYON MED PAR BYA'O, ,DE LA SEMS LA SKYON MED PA NI 'DI YIN TE, 'DI LTAR RNAM PA THAMS CAD KYI MCHOG DANG LDAN PA'I STONG PA NYID YONGS SU RDZOGS PA'O ZHES GSUNGS SO, ,RNAM PA THAMS CAD KYI MCHOG DANG LDAN PA'I STONG PA NYID DE GANG ZHE NA, GANG 'DI BYANG CHUB SEMS DPA'I SPYOD PA YONGS SU MI GTONG BAS DNGOS PO THAMS CAD STONG PA NYID DU GOMS PAR BYED PA 'AM GOMS PAR BYAS PA STE, DE NI GTZUG NA RIN PO CHE'I MDO LAS RGYA CHER BSTAN TO, ,DE SKAD DU BLO GROS MI ZAD PA'I MDO LAS KYANG, SDIG PA MI DGE BA'I CHOS RNAMS SPANG BA'I PHYIR 'DUN PA SKYED DO ZHES BYA BA'I SKABS DE NAS, GANG TING NGE 'DZIN GYI PHUNG PO LA G-YENG BAR 'GYUR BA SEMS G-YENG BAR BYED PA GZHAN DANG GZHAN GANG YANG RUNG STE, DE NI TING NGE 'DZIN GYI G-YENG BA ZHES BYA'O ZHES BYA BA NAS 'DI DAG NI SDIG PA MI DGE BA'I CHOS RNAMS ZHES BYA'O ZHES BYA BA'I BAR DU GSUNGS SO, ,BSLAB PA KUN LAS BTUS PA LAS TSUL KHRIMS KYI PHA ROL TU PHYIN PA'I GNOD PA RNAM PAR SPANG BA ZHES BYA BA STE LE'U LNGA PA'O,, ,,'BRAS BU MED PA'I SPYOD PA RNAM PAR SPANG BA BSHAD ZIN TO, ,DE JI LTAR 'GRUB CE NA, SMRAS PA, DE YANG RTAG TU DRAN BAS 'GRUB CES BYA'O, ,DRAN PA BCU GNYIS PO 'DI DAG NI 'BRAS BU MED PA'I SPYOD PA SPONG BAR 'GYUR BA STE, 'DI LTAR DE BZHIN GSHEGS PA'I BKA' LAS MI 'DA' BAR SRUNG ZHING RNAM PAR SMIN PA LA GUS PAR BYA BA'I DRAN PA DANG, LUS THAMS CAD MI G-YO BA'I NGO BO NYID DU GNAS PAR BYA BA'I DRAN PA DANG, SEMS CAN @68A *, ,GYI DON BYA BA NA YAN LAG GANG MKHO BA DE LA DRAN PA BRTAN PAS BLTAS TE MI G-YO BAR GZHAG LA MOS PA GZHAN GYI KHA NA LAS PAR BYAS PAS BRTAN PA THAMS CAD KYI SPYOD PA DRAN PA DANG, GSAR BU'I 'JIGS PA DANG DGA' STON LA SOGS PA DANG 'BREL BA'I GUS PAR BYA BA LA LUS BSKYOD PA'I DRAN PA DANG, SPYOD LAM BZHI BYA BA LA SPYOD PA'I DRAN PA DANG, SKABS SKABS SU SPYOD LAM 'KHRUGS PA BSRUNG BA'I PHYIR SPYOD LAM PHUN SUM TSOGS PAR BYA BA LA BLTA BA'I DRAN PA DANG, SMRA BA'I DUS LA BAB PA NA MA DAD PA DANG, RGOD PA DANG KHROS PA DANG NYE MGON GYI PHYOGS SU LHUNG BA LA SOGS PA'I DBANG GIS RKANG LAG DANG MGO DANG GDONG GI 'GYUR BA SHIN TU MI MDZES PAR 'GYUR BA BSDAMS PA'I DRAN PA DANG, NYAN BA LA BRJOD PAR BYA BA GANG YIN PA DE SGRA JI TZAM GYIS DON RTOGS PAR 'GYUR BA'I SGRA DE LAS LHAG PAR SMRA BAR MI BYA BA'I DRAN PA DANG, GZHAN DOGS PAR 'GYUR BA'I NYES PA BYUNG ZHING MA BSLABS PA'I SKYE BO DANG PHRAD DE NYAM NGA BA NA RANG GI SEMS DANG BAR BYA BA DE LA BSGRIM PA'I DRAN PA DANG, SEMS NANG DU LHAG MTHONG DANG ZHI GNAS KYI KA BA LA RTAG TU GDAGS PA'I DRAN PA DANG, YANG NAS YANG DU SEMS KYI GNAS PA LA SO SOR BRTAGS PA'I DRAN PA DANG, SKYE BO PHAL PO CHE TSOGS PA NA GANG YANG RUNG PHAL CHER MA SHOR DU ZIN KYANG JI SKAD BSTAN PA BZHIN DU DRAN PA BSRUNG BA DE LA BSGRIM PA'I DRAN PA STE, DE LTAR DRAN PA DE DAG GIS 'BRAS BU MED PA'I SPYOD PA RNAM PAR SPANG BA 'GRUB PO, , DRAN PA DE YANG SHIN TU GUS LAS 'BYUNG, DE LA GUS PA NI BYA BA RNAMS LA SNYING NAS MNGON DU PHYOGS PAR TE KHYAD DU GSOD PA'I GNYEN PO YIN NO, ,GUS PA DE NI ZHI BA'I CHE BA NYID, ,SHES PAR GYUR NA BRTUN PA SKYE, ,ZHE BA ZHES BYA BA DE GANG ZHE NA, 'PHAGS PA BLO GROS MI ZAD PAS BSTAN PA'I MDO LAS, ZHI GNAS SU BSTAN PA GANG YIN PA STE, DE DE LA ZHI GNAS MI ZAD PA GANG ZHE NA, GANG SEMS ZHE BA DANG, RAB TU ZHI BA DANG, NYE BAR ZHI BA DANG, MI G-YENG BA DANG, DBANG PO BSDAMS PA DANG, MI RGOD PA DANG, MI 'PHYAR BA DANG, MU COR MI @68B SMRA BA DANG, MI BRTAN PA MED PA DANG, MI G-YO BA DANG, DES PA DANG, BSRUNGS PA DANG, CANG SHES PA DANG, CANG SHES PA DANG, LAS SU RUNG BA DANG, RTZE GCIG PA DANG, GCIG PUR DGA' BA DANG, 'DU 'DZIN RNAM PAR SPONG BA DANG, DBEN PA LA DGA' BA DANG, LUS DBEN PA DANG, SEMS BSLAD PA MED PA DANG, DGON PA LA PHYOGS SHING YID LA BYED PA DANG, SDIG PA 'DOD PA MA YIN PAS NA SPYOD LAM BSRUNG BA'I BAR DANG, DUS SHES PA DANG, TSOD SHES PA DANG, RAN PA SHES PA DANG, RIGS PA SHES PA DANG, MGU SLA BA DANG, GSO SLA BA ZHES BYA BA LA SOGS PA GSUNGS SO, , ZHI BA DE'I CHE BA NYID JI LTA BU ZHE NA, YANG DAG PA JI LTA BA BZHIN DU SHES PA BSKYED NUS PA STE, 'DI LTAR, MNYAM GZHAG YANG DAG JI BZHIN DU, ,SHES PAR 'GYUR ZHES THUB PAS GSUNGS, ,CHOS YANG DAG PAR SDUG PA'I MDO LAS JI SKAD DU, YID MNYAM PAR BZHAG PAS YANG DAG PA JI LTA BA BZHIN DU MTHONG BAR 'GYUR RO, ,YANG DAG PA JI LTA BA BZHIN DU MTHONG BAS BYANG CHUB SEMS DPA' SEMS CAN RNAMS LA SNYING RJE CHEN PO 'JUG GO SNYAM MO, ,DE YANG 'DI SNYAM DU SEMS TE, BDAG GIS SEMS CAN THAMS CAD LA TING NGE 'DZIN GYI SGO 'DI DANG CHOS THAMS CAD YANG DAG PA JI LTA BA BZHIN DU MTHONG BA 'DI GRUB PAR BYA'O SNYAM MO, ,DE SNYING RJE CHEN PO DES BSKUL BAS LHAG PA'I TSUL KHRIMS DANG, LHAG PA'I SEMS DANG, LHAG PA'I SHES RAB LA BSLAB PA YONGS SU RDZOGS PAR BYAS NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA'O, ,DE LTA BAS NA BDAG GIS TSUL KHRIMS LA MI G-YO BA DANG, MI LHOD PAR GNAS PAR BYA'O ZHES GSUNGS PA LTA BU'O, ,ZHI BA'I CHE BA NYID 'DI DAG DANG GZHAN NGAN SONG LA SOGS PA'I SDUG BSNGAL MTHA' YAS PA LAS YANG DAG PAR 'DA' BA DANG 'JIG RTEN PA DANG 'JIG RTEN LAS 'DAS PA'I BDE BA PHUN SUM TSOS PA'I PHA ROL TU PHYIN PA'I BDAG NYID 'DI RTOGS NAS, KUN DU 'BAR BA'I KHYIM GYI NANG DU CHUD PA CHU BSIL BA 'DOD PA BZHIN DU DE 'DOD PAS BRTUN PA BSGOM PAR BYA STE, DES NI BSLAB PA @69A *, ,RNAMS LA GUS PAR 'GYUR ZHING DE LAS KYANG DRAN PA NYE BAR 'JOG LA DRAN PA NYE BAR BZHAG PAS NI 'BRAS BU MED PA RNAM PAR SPONG BAR BYED CING 'BRAS BU MED PA RNAM PAR SPANGS PA GANG YIN PA DE LA GNOD PA MI 'BYUNG NGO, ,DE LTA BAS NA LUS BSRUNG BAR 'DOD PAS DRAN PA'I RTZA BA BTZAL TE RTAG TU DRAN BA NYE BAR GZHAG PAR BYA'O, ,DE BAS NA DRAG SHUL CAN GYIS BYIN PAS ZHUS PA LAS, BYANG CHUB SEMS DPA' KHYIM PA'I DBANG DU BYAS TE GSUNGS PA, DES 'BRU'I CHANG DANG SBYAR BA'I CHANG MYOS PAR 'GYUR BA'I BTUNG BA SPANG BAR BYA STE, DE RA RO BA MED PA DANG MYOS PA MED PA DANG 'KHRUL PA MED PA DANG, TSIG MI 'CHAL BA DANG MI 'PHYAR BA DANG MI RGOD PA DANG MI G-YENG BA DANG DRAN PA NYE BAR GNAS PA DANG SHES BZHIN DANG LDAN PAR BYA'O ZHES GSUNGS SO, ,DE NYID LAS RAB TU BYUNG BA'I BYANG CHUB SEMS DPA'I DBANG DU BYAS TE DRAN PA DANG SHES BZHIN NI MI G-YENG BA'O ZHES GSUNGS SO, ,DE LA DRAN PA NI 'PHAGS PA GTZUG NA RIN PO CHE'I MDO LAS, DRAN PA GANG GIS NYON MONGS PA THAMS CAD 'BYUNG BAR MI 'GYUR BA DANG, DRAN BA GANG GIS BDUD KYI LAS THAMS CAD KYI GO SKABS MI 'BYED PA DANG, DRAN PA GANG GIS LAM GOL BA DANG LAM NGAN BAR MI 'GRO BA DANG, DRAN PA SGO BA LTA BU GANG GIS SEMS DANG SEMS LAS BYUNG BA'I CHOS MI DGE BA THAMS CAD KYI SKABS MI 'BYED PA 'DI NI YANG DAG PA'I DRAN PA ZHES BYA'O ZHES GSUNGS SO, ,SHES BZHIN NI SHES RAB KYI PHA ROL TU PHYIN PA LAS GSUNGS TE, SPYOD NA YANG BDAG SPYOD DO ZHES RAB TU SHES SO, ,'GRENG NA YANG BDAG 'GRENG NGO ZHES RAB TU SHES SO, ,'DUG NA YANG BDAG 'DUG GO ZHES RAB TU SHES SO, ,NYAL NA YANG BDAG NYAL LO ZHES RAB TU SHES SO, ,DE'I LUS JI LTA JI LTA BUR GNAS PAR GYUR BA DE LTA DE LTA BUR RAB TU SHES SO; ,DE BZHIN DU SBYAR TE, DE 'GRO BA DANG 'ONG BA NA YANG SHES BZHIN DU SPYOD PA YIN NO, ,LTA BA DANG, RNAM PAR LTA BA DANG BSKUM PA DANG, MYANG BA DANG CHOS GOS SNAM SBYAR DANG THANG BA DANG LHUNG BZED DANG CHOS GOS GYON PA DANG ZA BA DANG 'THUNG BA DANG 'CHA' BA DANG GNYID DANG SNYOM PA BSAL @69B BA DANG 'ONG BA DANG 'GRO BA DANG 'GRENG BA DANG 'DUG PA DANG GNYID KYIS LOG PA DANG, GNYID KYIS MA LOG PA DANG SMRA BA DANG CANG MI SMRA BA DANG, NANG DU YANG DAG 'JOG PA SHES BZHIN DU SPYOD DO ZHES GSUNGS SO, ,TSUL KHRIMS NI TING NGE 'DZIN 'GRUB PA YIN TE, ZLA BA SGRON MA'I MDO LAS JI SKAD DU, ,NYON MONGS MED PA'I TING 'DZIN MYUR THOB STE, ,'DI NI TSUL KHRIMS RNAM DAG PHAN YON NO, ,ZHES GSUNGS PA LTA BU'O, ,DE BAS NA TING NGE 'DZIN GYI RGYU'I SBYOR BA GANG CI YIN PA DE DAG NI TSUL KHRIMS KYI NANG DU 'DUS PAR SHES SO, ,DE LTA BAS NA TING NGE 'DZIN DON DU GNYER BAS DRAN PA DANG SHES BZHIN GYI NGANG TSUL CAN DU BYA'O, ,DE BZHIN DU TSUL KHRIMS DON DU GNYER BAS KYANG TING NGE 'DZIN LA 'BAD PAR BYA STE, MDO DE NYID LAS TING NGE 'DZIN GYI PHAN YON GYI SKABS NAS, DE NI CHO GA MED MA YIN, ,CHO GA DAG LA RAB TU GNAS, ,SPYOD YUL LA NI RNAL 'BYOR PA, SPYOD CING SPYOD YUL MA YIN SPONG, ,YONGS SU GDUNG BA MED PAR GNAS, ,DBANG PO BSRUNG ZHING BSDAMS PA YIN, ,ZHES GSUNGS SO, ,TSUL KHRIMS DANG TING NGE 'DZIN GCIG GIS GCIG 'PHEL BAR BYED PA 'DI GNYIS KYIS KYANG SEMS YONGS SU SBYONG BA YONGS SU 'GRUB PO,, BYANG CHUB SEMS DPA'I BSLAB PA 'DI NI, 'DI LTA STE, SEMS YONGS SU SBYONG BA'O, ,'DI NI CHOS THAMS CAD KYI RTZA BA YIN TE, 'PHAGS PA DKON MCHOG SPRIN LAS SEMS NI CHOS THAMS CAD KYI SNGON DU 'GRO BA STE SEMS YONGS SU SHES NA CHOS THAMS CAD YONGS SU SHES PAR 'GYUR RO ZHES BYA BA DANG, ,YANG 'JIG RTEN SEMS KYIS KHRID PA STE, ,SEMS KYIS SEMS NI MI MTHONG NGO, ,DGE BA 'AM 'ON TE MI DGE BA'I, ,LAS NI SEMS KYIS BSAGS PA YIN, ,SEMS NI MGAL ME BZHIN DU 'KHOR, ,SEMS NI RLABS DANG 'DRA BAR G-YO, , SEMS NI NAGS KYI ME BZHIN SREG ,SEMS NI CHU CHEN BZHIN DU SKYED, ,DES DE LTAR BRTAGS PAS SEMS LA DRAN PA NYE BAR GZHAG PAR GNAS TE SEMS KYI DBANG DU MI 'GRO'I SEMS DE'I DBANG DU 'GRO'O, ,SEMS DE'I DBANG DU GYUR NA CHOS THAMS CAD LA DBANG DU GYUR PA @70A *, ,YIN NO ZHES GSUNGS SO, ,CHOS YANG DAG PAR SDUD PA'I MDO LAS KYANG, BYANG CHUB SEMS DPA' RNAM PAR GNON PA'I BLO GROS KYIS GSOL PA, CHOS CHOS ZHES BGYI BA'I CHOS GANG LAGS PA DE NI YUL NA MI GNAS PHYOGS NA MI GNAS TE GZHAN DU NA CHOS NI RANG GI SEMS LA RAG LAS SO, ,DE LTA BAS NA BDAG GIS RANG GI SEMS SHIN TU GZUNG BA DANG, SHIN TU MTHAR THUG PA DANG, SHIN TU THUL BA DANG, SHIN TU MNYAM PAR BRTZAM PA DANG, SHIN TU TSAR GCAD PAR BYA'O, ,DE CI'I PHYIR ZHE NA, SEMS GANG NA YOD PA DE NA YON TAN DANG NYES PA RNAMS YOD KYI, SEMS MED PA LA NI YON TAN DANG NYES PA RNAMS MED DO SNYAM STE, DE LA BYANG CHUB SEMS DPA' NYES PA RNAMS LAS SEMS BZLOG NAS YON TAN RNAMS LA 'JUG STE, DE LTA BAS NA CHOS NI SEMS LA RAG LAS BYANG CHUB NI CHOS LA RAG LAS ZHES BGYI'O, ,BCOM LDAN 'DAS 'DI NI CHOS YANG DAG PAR 'DZIN PA LAGS TE, BDE BAR MNGON BAR RDZOGS PAR BYANG CHUB PAR 'GYUR RO ZHES GSUNGS SO, ,'PHAGS PA SDONG PO BKOD PA'I MDO LAS KYANG, BYANG CHUB SEMS DPA'I SPYOD PA THAMS CAD NI RANG GI SEMS LA BRTEN TE, SEMS CAN THAMS CAD YONGS SU SMIN PAR BYA BA DANG GDUL BA NI RANG GI SEMS LA BRTEN TO, ,DE BZHIN DU SBYAR TE, RIGS KYI BU BDAG 'DI SNYAM DU SEMS TE, DGE BA'I RTZA BA THAMS CAD KYIS RANG GI SEMS NYE BAR BRTAN PAR BYA'O, ,CHOS KYI SPRIN RNAMS KYIS RANG GI SEMS YONGS SU BRLAN PAR BYA'O, ,SGRIB PAR 'GYUR PA'I CHOS RNAMS LAS RANG GI SEMS YONGS SU SBYANG BAR BYA'O, ,BRTZON 'GRUS KYIS RANG GI SEMS BRTAN PAR BYA'O ZHES BYA BA LA SOGS PA BRJOD PA YIN NO, ,DE BZHIN DU DE NYID LAS, 'PHAGS PA NOR BZANGS LHA MO SGYU MA MTHONG BAS BRKAM PAR GYUR PA LA, GRONG GI LHA MO RIN CHEN MIG GIS DE MTHONG BA'I DON DU 'DI SKAD CES RJES SU BSTAN TE, RIGS KYI BU KHYOD KYIS 'KHOR BA'I YUL THAMS CAD LA DGA' BAR MI GNAS PAS SEMS KYI GRONG KHYER YONGS SU @70B BSRUNG BA LA BRTZON PAR GYIS SHIG ,RIGS KYI BU KHYOD KYIS DE BZHIN GSHEGS PA'I STOBS BCU LA LHAG PAR DMIGS PAS SEMS KYI GRONG KHYER BRGYAN PA LA BRTZON PAR GYIS SHIG ,RIGS KYI BU KHYOD KYIS PHRAG DOG DANG SER SNA DANG G-YO DANG BRAL BAS SEMS KYI GRONG KHYER YONGS SU SBYANG BA LA BRTZON BAR GYIS SHIG ,RIGS KYI BU KHYOD KYIS CHOS THAMS CAD KYI RANG BZHIN NGES PAR RTOGS PAR BYA BAS SEMS KYI GRONG KHYER GYI YONGS SU GDUNG BA RAB TU ZHI BAR BYA BA LA BRTZON BAR GYIS SHIG ,RIGS KYI BU KHYOD KYIS THAMS CAD MKHYEN PA NYID KYI TSOGS LA BRTZON 'GRUS CHEN PO'I SHUGS RNAM PAR SPEL BAS SEMS KYI GRONG KHYER RNAM PAR SPEL BA LA BRTZON PAR GYIS SHIG ,RIGS KYI BU KHYOD KYIS TING NGE 'DZIN DANG SNYOMS PAR 'JUG PA DANG BSAM GTAN DANG, RNAM PAR THAR PA DANG CHOS KYI GZHAL MED KHANG YANGS PA'I RNAM PAR SPYOD PA LA DBANG BSGYUR BAS SEMS KYI GRONG KHYER DANG GNAS KYI MDZOD BRGYAN PA DANG BSRUNG BA LA BRTZON PAR GYIS SHIG ,RIGS KYI BU KHYOD KYIS DE BZHIN GSHEGS PA THAMS CAD KYI 'KHOR GYI DKYIL 'KHOR YANG DAG PA SGRUB PA'I SA THAMS CAD KYI SHES RAB KYI PHA ROL TU PHYIN PA RAB TU THOB PAR BTZAL BAS SEMS KYI GRONG KHYER SNANG BAR BYA BA LA BRTZON BAR GYIS SHIG ,RIGS KYI BU KHYOD KYIS DE BZHIN GSHEGS PA THAMS CAD YANG DAG PAR 'BYUNG BA'I THABS KYI LAM GYIS RANG GI SEMS KYI GRONG KHYER NYE BAR BSTAN PA LA BRTZON PAR GYIS SHIG ,RIGS KYI BU KHYOD KYIS BYANG CHUB SEMS DPA' KUN DU BZANG PO SPYAD PA SPYOD PA'I SMON LAM MNGON PAR BSGRUB PA'I SEMS RNAM PAR DAG PAS SEMS KYI GRONG KHYER GYI RA BA BRTAN PA MNGON BAR BSGRUB PA LA BRTZON BAR GYIS SHIG ,RIGS KYI BU KHYOD KYIS NYON MONGS PA DANG BDUD KYI RIGS KYI SDIG PA'I GROGS PO DANG BDUD KYI 'KHOR GYIS MI CHOMS PAR BYA BAS SEMS KYI GRONG KHYER RGAL DKA' BA DANG MI SHIGS PA MNGON PAR BSGRUB PA LA BRTZON PAR GYIS SHIG ,RIGS KYI BU KHYOD KYIS BYAMS PA CHEN PO 'GRO BA THAMS CAD LA RGYAS PAR DGA' BAS SEMS KYI GRONG @71A *, ,[page missing] @71B [page missing] @72A *, ,DBEN BA'I GNAS LA SEGS PAR GNAS PAR MI BYA'O ZHES 'JIG RTEN BSRUNG BA MDZAD PAR GYUR TO, ,DE LTAR NA LONGS SPYOD PA'I CHU 'AM THANG LA GCIN DANG PHYI SA DANG MCHIL MA DANG RNAG LA SOGS PA SMAD PA RNAMS DBEN YANG RUNG MI DBEN YANG RUNG STE LHA DANG MI'I SEMS BSRUNG BA'I PHYIR MI 'DOR RO; ,DAM PA'I CHOS DRAN PA NYE BAR GZHAG PA LAS KYANG, LKOG TU LHAG MAR BYAS TE, LHAG MA MI ZA BA DAG LA BYIN NA YI DAGS KYI 'GRO BAR 'GYUR RO ZHES GSUNGS SO, ,DE BZHIN DU BYANG CHUB SEMS DPA'I SO SOR THAR PA LAS KYANG, MA DAD PA SPANG BA'I PHYIR MDUN DU SO SHING BZA' BAR MI BYA MCHIL MA DOR BAR MI BYA'O ZHES GSUNGS SO, ,GUS PA DANG 'DZEM PAR BYA BA'I CHO GA 'DI NI TSANGS PA MTSUNGS PAR SPYOD PA NYI TSE LA BYA BA MA YIN GYI THAMS CAD DU BYA BAR BLTA'O, ,MDO 'DIR NI DE DAG GI MDUN DU BYAS NA NYES PA SHIN TU LCI BA'I 'JIGS PA BSTAN PA'I PHYIR TSANGS PA MTSUNGS PAR SPYOD PA'I CHED DU BSTAN PA YIN TE, JI LTAR 'DI NYID LAS SGRA DRAG PO MI BYA'O ZHES GSUNGS PA'I CHO GA 'DI NYI TSE BA MA YIN PA BZHIN NO, ,DE SKAD DU TSANGS PAS ZHUS PA'I MDO LAS KYANG, BAG SAR BZHIN DU BYA'O ZHES GSUNGS SO, ,DE BZHIN DU SO SOR THAR PA LAS, 'JIG RTEN MA DAD PAR BYED PAR BSTAN PA BRTAGS TE BSAL BAR BYA'O, ,DE LA RE ZHIG ,KHA BKANG BA DANG SGRAR BCAS DANG, ,KHA GDANGS NAS NI BZA' MI BYA, ,RKANG PA BRKYANG STE MI 'DUG CING, ,LAG PA MNYAM DU MI MNYE'O, ,DE BZHIN DU RANG GIS KYANG BRTAGS PA DANG, MTHONG BA DANG THOS PAS 'JIG RTEN MA DAD PAR 'GYUR BA BSRUNG BAR BYA'O,, ,,BAM PO DRUG PA, MA DAD PAR BYED PA'I TSIG SPANG BA NI BLA STE DRAN PA BSKUL BA TZAM GYI PHYIR BSTAN PAR BYA'O, ,'PHAGS PA BLO GROS RGYA MCHOS ZHUS PA'I MDO LAS, TSIG ZHUM PA MED PA YIN, TSIG SUB SUB PO MED PA YIN, TSIG NOG NOG PO MED PA YIN, 'BAR BAR BYED PA'I TSIG MED PA YIN, CO 'DRI BA'I TSIG MED PA YIN, 'DOD CHAGS KYI RJES SU CHAGS PA'I TSIG MED PA YIN, PAL PA'I TSIG MED PA YIN, KUN DU MA BSRUNGS BA'I TSIG MED PA YIN, GNOD SEMS 'BAR BA'I TSIG MED PA YIN, 'THAB PA DANG RTZOD PA DANG 'GYED PA'I TSIG MED PA YIN, THOB KYIS 'JAL BA'I TSIG MED PA YIN, @72B TSIG 'GYUR BA MED PA YIN, TSIG MI BRTAN PA MED PA YIN, MU COR SMRA BA'I TSIG MED PA YIN, GAR GYI LTAD MO LTA BA'I TSIG MED PA YIN, NGOR SKUR PA 'DEBS PA'I TSIG MED PA YIN NO ZHES GSUNGS SO, ,'PHAGS PA DE BZHIN GSHEGS PA'I GSANG BA'I MDO LAS KYANG, ZHI BA'I BLO GROS BYANG CHUB SEMS DPA'I NGAG NI CHAGS PA'AM SDANG PA'AM, RMONGS PA'AM, NYON MONGS PA'AM, THOGS PA'AM, NYE BAR THOGS PA'AM, RANG GI PHYOGS BSTOD PA'I TSIG GAM, GZHAN GYI PHYOGS TSAR GCOD PA'I TSIG GAM, BDAG BSTOD PA LA RJES SU CHAGS PA'I TSIG GAM, GZHAN GYI BSTOD PA LA BAR DU GCOD PA'I TSIG GAM, KHA 'OG TU LUS 'KHRUS PAR MI BYED PA'I TSIG GAM, MNGON PA'I NGA RGYAL GYIS BRDA SPROD PA'I TSIG MI 'BYIN ZHES BYA BA LA SOGS PA GSUNGS SO, ,'PHAGS PA SA BCU PA'I MDO LAS KYANG, NGAG GANG DAG YID DU MI 'ONG BAS SNYING NA BAR BYED CING, GDUNG BAR BYED PA DANG, BDAG GI RGYUD DANG GZHAN GYI RGYUD MA RUNG BAR BYED PA'I TSIG GI RNAM PA DE LTA BU SPANGS TE, NGAG 'DI 'JAM PA DANG MNYEN PA DANG, YID DU 'ONG BA DANG, BRDZUN MA YIN PA DANG, RNAR SNYAN PA DANG, SNYING DU SDUG PA DANG, GRONG KHYER BA DANG, SKYE BO MANG PO'I YID DU 'ONG BA DANG, YID DGA' BAR BYED PA DANG, YID TSIM PAR BYED PAS BDAG GI RGYUD DANG GZHAN GYI RGYUD DANG BAR BYED PA DANG, LAN LEGS PAR LDON PA'I TSIG DANG, DUS SU SMRA BA DANG, YANG DAG PAR SMRA BA DANG, CHOS SMRA BA DANG, RIGS PA SMRA BA DANG, 'DUL BA SMRA BA DE LTA BU'I TSIG BRJOD DE, DE THA NA BZHAD GAD DU BYA BA'I TSIG YONGS SU SPANG BAR BYA BA YANG YONGS SU SPONG NA, TSIG GIS GZHAN RNAM PAR G-YENG BA LTA CI SMOS ZHES BYA BA'I BAR DU GSUNGS SO, ,'PHAGS PA NAM MKHA' MDZOD KYI MDO LAS KYANG, BLA MA'I NGAG MI GCOG PA DANG PHA ROL GYI TSIG MI ZLOG PAS TSIG GZUNG BAR 'OS PAR 'GYUR RO ZHES GSUNGS SO, ,CHOS YANG DAG PAR SDUD PA'I MDO LAS, BYANG CHUB SEMS DPA' NAM MKHA' MDZOD KYIS GSOL BA LAS KYANG, BYANG CHUB SEMS DPA'I GANG GIS SEMS CAN RNAMS LA GNOD PAR 'GYUR BA'I TSIG DE SMRA BAR MI BGYI'O, ,GANG GIS GZHAN LA GDUNG BAR 'GYUR @73A *, ,BA'I TSIG DE SMRA BAR MI BGYI'O, ,BYANG CHUB SEMS DPA' GANG GZHAN GYIS 'TSAL BAR MI 'GYUR BA'I TSIG DE SMRA BAR MI BGYI'O, ,GANG GZHAN GYI DON MA LAGS PA DANG, DON MA MCHIS PA'I TSIG DE SMRA BAR MI BGYI'O, ,GANG SEMS CAN RNAMS KYI SNYING LA MI 'BAB PA DANG, 'KHOR GO BA MA LAGS PA DANG RNAR MI SNYAN BA'I TSIG DE SMRA BAR MI BGYI'O ZHES GSUNGS SO, ,MDOR NA GZHAN DAD PAR MI 'GYUR BA BSRUNG BAR BYA BAR 'PHAGS PA BLO GROS RGYA MTSOS ZHUS PA'I MDO LAS BSTAN TE, GZHAN YANG THEG PA CHEN PO SDUD PAR 'GYUR BA'I CHOS GCIG STE, BDAG GIS 'KHRUL PA LA RTOG PAS SEMS CAN THAMS CAD RJES SU SRUNG BA'O ZHES BYA'O, ,GANG GIS SEMS CAN THAMS CAD SRUNG BAR BYED PA 'DI NI BDAG LUS BSRUNG BA STE, CI NAS GZHAN DAG GIS MA RUNG BAR MI 'GYUR BA DANG CI NAS GZHAN DAG RUNG BAR MI 'GYUR BA'O, ,GZHUNG RGYAS PA 'DI'I DON BSDUS PA 'DI NI BYANG CHUB SEMS DPAS YID KYIS RTAG TU GZUNG BAR BYA STE, ,SHIN TU NGES SHING RAB DAD DANG, ,BRTAN ZHING GUS BCAS ZHE SAR BCAS, ,NGO TSAR BCAS SHING 'JIGS BCAS DANG, ,ZHI ZHING GZHAN DGA' BYED LA BRTZON, ,PHAN TSUN MI MTHUN BYIS PA YI, ,'DOD PA RNAMS KYIS MI SKYO ZHING, ,NYON MONGS SKYES PAS 'DI DAG GI, ,SEMS 'DI YIN SNYAM BRTZER LDAN DANG, ,KHA NA MA THO MED DNGOS LA, ,BDAG DANG SEMS CAN DBANG BYAS NAS, ,SPRUL PA BZHIN DU NGA MED PAR, ,YID NI RTAG TU GZUNG BAR BYA, ,ZHES BYA BA'O, ,CI BDAG BSRUNG BA 'DI DE TZAM DU ZAD DAM ZHE NA MA YIN NO, ,'O NA CI ZHE NA, ,SMAN DANG GOS LA SOGS BCAS PAS, ,DE LA SMAN NI RNAM PA GNYIS TE, GTAN DU BA'I SMAN DANG NA BA'I RKYEN SMAN NO, ,DE LA GTAN DU BA'I SMAN GYI DBANG DU BYAS TE, 'PHAGS PA DKON MCHOG SPRIN LAS, BSOD SNYOMS DE LAS CHA GCIG NI TSANGS PA MTSUNGS PAR SPYOD PA RNAMS KYI SPYIR GZHAG GO, ,GNYIS PA NI SDUG BSNGAL BA RNAMS KYI SPYIR GZHAG GO, ,GSUM PA NI SEMS CAN LOG PAR LTUNG BA RNAMS KYI SPYIR GZHAG GO, ,CHA BZHI PA NI BDAG ZA'O, ,DE ZA BA NA 'DOD CHAGS MED PAR ZA STE CHAGS PAR MA YIN BRKAM PAR MA @73B YIN ZHEN PAR MA YIN GYI GZHAN DU NA JI TZAM DU LUS GNAS PAR 'GYUR BA DANG 'TSO BAR BYA BA'I PHYIR ZA STE JI LTAR HA CANG YANG NYAMS DMA' BA DANG HA CANG YANG LUS LCI BAR MI 'GYUR BA DE LTAR ZA'O, ,DE CI'I PHYIR ZHE NA, HA CANG YANG NYAMS DMAS NA NI DGE BA'I PHYOGS LA RGYAB KYIS BLTAS PAR 'GYUR RO; ,LUS HA CANG YAN LCIS NA NI GNYID KYIS NON PAR 'GYUR RO, ,DE BAS NA BSOD SNYOMS DE ZOS NAS DGE BA'I PHYOGS LA MNGON DU PHYOGS PAR BYA'O ZHES BYA BA LA SOGS PA GSUNGS SO, ,'PHAGS PA RIN PO CHE'I PHUNG PO'I MDO LAS, DES GRONG NGAM GRONG KHYER RAM GRONG RDAL DU BSOD SNYOMS SPYOD PA NA CHOS KYI GO CHA BGOS LA BSOD SNYOMS SPYAD PAR BYA'O, ,DE LA CHOS KYI GO CHA GANG ZHE NA, MIG GIS YID DU 'ONG BA'I GZUGS RNAMS MTHONG NA RJES SU CHAGS PAR MI BYA'O, ,YID DU MI 'ONG BA'I GZUGS RNAMS MTHONG NA KHONG KHRO BAR MI BYA'O, ,DE BZHIN DU SGRA DANG DRI DANG RO DANG REG PA YID DU MI 'ONG BA DANG, YID DU 'ONG BA RNAMS LA RJES SU CHAGS PA DANG KHONG KHRO BAR MI BYA'O, ,DBANG PO SHIN TU BSDAMS PA DANG MIG MI G-YENG BA DANG GNYA' SHING GANG TZAM DU BLTA BA DANG DUL BA DANG CANG SHES KYI SEMS DANG SNGON YID LA BYED PA'I CHOS MI 'DOR BA DANG ZANG ZING GIS MA 'BAGS PA'I RGYUD KYIS BSOD SNYOMS SPYAD PAR BYA'O, ,MTHAR CHAGS SU BSOD SNYOMS BLANG BAR BYA'O, ,GANG NAS BSOD SNYOMS RNYED PA DER RJES SU CHAGS PAR MI BYA'O, ,GANG NAS MA RNYED PA DER YANG KHONG KHRO BAR MI BYA'O, ,KHYIM BCUR BSLANGS PA LAS KHYIM BCU GCIG PA LAS BSOD SNYOMS MA RNYED NA YANG YONGS SU YI CHAD PAR MI BYA'I, DE 'DI SNYAM DU BRAM ZE DANG KHYIM BDAG 'DI DAG NI BYA BA MANG BA DAG YIN PAS DE DAG GIS BDAG LA SBYIN PAR NGES PA MED DE DE DAG BDAG LA SEMS PA YANG NGO MTSAR CHE NA BSOD SNYOMS SBYIN PA LTA SMOS KYANG CI DGOS SNYAM PA'I 'DU SHES BSKYED PAR BYA STE, DES DE LTAR YONGS SU YI CHAD PA MED PAR BSOD SNYOMS SPYAD PAR BYA'O, ,SEMS CAN GANG DAG DE'I MIG LAM DU SNANG BAR GYUR PA SKYES PA DANG BUD MED DANG KHYE'U DANG BU MO DANG THA NA DUD 'GRO'I SKYE GNAS SU SONG BA DE DAG LA YANG BYAMS PA DANG SNYING RJE'I SEMS @74A *, ,BSKYED PAR BYA'O, ,JI NAS KYANG SEMS CAN GANG DAG BDAG GI MIG LAM DU SNANG BAR GYUR PA 'AM BSOD SNYOMS SBYIN PA DE DAG MTHO RIS SU 'GRO BAR 'GYUR BA DE LTAR BYA'O, ,DE LTAR BRTZON PAR BYA'O, ,DES BSOD SNYOMS NGAN NAM BZANG YANG RUNG BLANGS TE, GRONG NGAM GRONG KHYER RAM GRONG RDAL 'DI NA BDAG GI BSOD SNYOMS 'DI LA BGO BSHA' BYA DGOS PA'I SEMS CAN DBUL PO SU YOD SNYAM DU PHYOGS BZHI KUN DU BLTA BAR BYA'O, ,GAL TE SEMS CAN DBUL PO ZHIG MTHONG NA DES BSOD SNYOMS DE LA BGO BSHA' BYA'O, ,GAL TE SEMS CAN DBUL PO MA MTHONG NA DES 'DI LTAR GANG DAG BDAG GI MIG LAM DU SNANG BAR MA GYUR TE, MI SNANG BA'I SEMS CAN DE DAG LA BSOD SNYOMS KYI THOG MA'I CHA SKAL SBYIN GYI BYIN NAS LEN PA DAG YONGS SU SPYOD CIG SNYAM DU SEMS BSKYED LA, DES BSOD SNYOMS DE KHYER TE DGON PA'I GNAS DER SONG LA LHUNG BZED DANG LAG PA BKRUS TE, DGE SBYONG GI SPYOD PA CHO GA DAG LDAN PA'I SPYOD PA BZANG POS BYIN GYIS BRLABS LA DES SKYIL MO KRUNG BCAS TE BSOD SNYOMS DE BZA' BAR BYA'O, ,DE BZHIN DU SBYAR TE, ZAS ZOS NAS 'DI SNYAM DU LUS 'DI LA SRIN BU'I RIGS BRGYAD KHRI YOD PA DAG 'DI'I MTHUS BDE BAR GNAS PAR GYUR CIG ,DA LTA NI 'DI DAG ZANG ZING GIS BSDU BAR BYA'O, ,BYANG CHUB THOB NAS NI CHOS KYIS BSDU BAR BYA'O SNYAM DU SEMS BSKYED PAR BYA'O, ,GAL TE DE'I NYUNG BAR GYUR NA DES 'DI SNYAM DU KHA ZAS NYUNG BAS NI BDAG GI LUS YANG BAR 'GYUR, SPONG BA BZOD PAR 'GYUR, BDAG GI BSHANG GCI 'BYUNG BA NYUNG BAR 'GYUR, BDAG LA DAD PAS BYIN PA CHUNG BAR 'GYUR, BDAG GI LUS YANG BA DANG SEMS YANG BAR 'GYUR, BDAG RMUGS PA DANG GNYID CHUNG BAR 'GYUR RO SNYAM DU SEMS BSKYED PAR BYA'O, ,DE BZHIN DU SBYAR TE, GAL TE DES BSOD SNYOMS MANG ZHIG RNYED NA DE LA YANG RAN BAR BZA' BAR BYA'O, ,DOR BA'I CHOS NYID DU YANG BYA STE, BSOD SNYOMS DE LAS RDO LEB GANG YANG RUNG BA'I STENG DU GTOR LA 'DI SNYAM DU GCAN GZAN DANG BYA'I TSOGS GANG LA LA ZANG ZING GI ZAS 'DOD PA BYIN @74B NAS LEN PA DE DAG BYIN PA'I SBYIN PA BYIN PA 'DI LA ZO ZHIG SNYAM DU SEMS BSKYAD PAR BYA'O ZHES GSUNGS SO, ,YANG BKA' STZAL PA, DES KHA ZAS BZANG PO RNAMS LA RO BRO BA'I 'DU SHES THAMS CAD KYI THAMS CAD DU BSKYED PAR MI BYA'O, ,DES 'DI LTAR BDAG GIS GDOL BU LTA BU DANG LUS DANG SEMS GTZANG MAR BYA'I KHA ZAS KYIS LUS GTZANG MAR NI MI BYA'O, ,DE CI'I PHYIR ZHE NA, ZAS BZANG PO JI SNYED CIG ZOS KYANG DE THAMS CAD NI THA MAR RNAG TU ZAG GO, ,THA MAR MI MTHUN NO, ,THA MAR DRI NGA BA'O, ,DE LTA BAS NA BDAG GIS ZAS BZANG PO 'DOD PAR MI BYA'O SNYAM DU BSLAB PAR BYA'O, ,DE BZHIN DU SBYAR RO, ,DES 'DI LTAR SEMS BSKYED PAR BYA STE, BDAG LA SKYES PA BSOD SNYOMS STER GYI BUD MED NI MA YIN NO ZHE 'AM, BDAG LA BUD MED BSOD SNYOMS STER GYI SKYES PA NI MA YIN NO ZHE 'AM, BDAG LA KHYE'U BSOD SNYOMS STER GYI BU MO NI MA YIN NO ZHE 'AM; BDAG LA BU MO BSOD SNYOMS STER GYI KHYE'U NI MA YIN NO ZHE 'AM, BDAG GIS BZANG PO RNYED KYI NGAN PA NI MA YIN NO ZHE 'AM, BDAG GIS BSTI STANG DU BYAS NAS RNYED KYI BSTI STANG MA BYAS PAR NI MA YIN NO ZHE 'AM, BDAG GIS BDE BLAG TU RNYED KYI SHA THANG PAR NI MA YIN NO ZHE 'AM, BDAG LA SKYES PA DANG BUD MED DANG, KHYE'U DANG BU MO RTZI BAR 'GYUR RO ZHE 'AM, PHYIN MA THAG TU BDAG LA SEMS PAR 'GYUR RO, ,BDAG SDOD DGOS PAR 'GYUR RAM, SHIN TU BSDOGS PA RNYED PAR 'GYUR RAM, BDAG GIS BZANG PO RO SNA TSOGS DANG LDAN PA RNYED PAR 'GYUR GYI DBUL PO'I ZAS LTA BU NGAN PA NI RNYED PA MA YIN NO SNYAM DU DES MI DGA' BA YID LA BYED PA THAMS CAD BSKYED PAR MI BYA'O, ,DE BZHIN DU SBYAR TE, SEMS CAN PHAL CHER NI RO LA BRKAM STE, ZAS KYI PHYIR SDIG PA'I LAS RNAMS BYAS NAS SEMS CAN DMYAL BAR SKYE'O, ,GANG DAG CHOS SHES PA MI BRKAM PA MA ZHEN PA RO LA MI GDU BA LCE'I DBANG PO CHOG SHES PA ZAS NGAN NGON JI TZAM GYIS KYANG 'TSO BA DE DAG NI SHI 'PHOS TE SHI BA'I DUS BYAS NAS MTHO RIS SU SKYE BAR 'GYUR, LHA DANG MI RNAMS KYI NANG DU BDE 'GROR 'GRO BAR 'GYUR, LHAR SKYES NAS BDUD RTZI ZA BAR 'GYUR RO, ,'OD @75A *, ,SRUNGS DE LTAR NA BSOD SNYOMS SPYOD PA'I DGE SLONG GIS RO LA SRED PA ZLOG STE, SEMS NGES PAR SEMS PAS LHAD ZAN ZHAG BDUN LON PA ZA YANG YI 'CHAD PAR MI BYA'O, ,DE CI'I PHYIR ZHE NA, LUS GSO BA DANG 'PHAGS PA'I LAM GYI TSOGS BSAGS PA'I DON DU BDAG GIS ZAS BZA'O SNYAM PA'I PHYIR RO, ,DE BZHIN DU SBYAR TE, 'OD SRUNGS GAL TE SPRIN 'DUS SHING CHAR 'BAB STE, BSOD SNYOMS SPYOD PA'I DGE SLONG BSOD SNYOMS LA 'JUG MI NUS PA'I DUS KYI TSE, BYAMS PA'I ZAS KYI GO BGO STE, CHOS SEMS PA YID LA BYED PA LA GNAS NAS ZHAG GNYIS SAM ZHAG GSUM ZHIG ZAN CHAD NA, 'DI LTAR YI DAGS GSHIN RJE'I 'JIG RTEN PA NYES PAR BYED PA'I LAS BYAS PA GANG DAG LO BRGYAR YANG MCHIL MA'I THAL BA 'GA' BZA' MI RNYED PA DAG KYANG YOD DE, DE LTA BAS NA BDAG TSUL BZHIN DU CHOS SEMS PA LA GNAS PAS, LUS NYAM CHUNG BA 'AM SEMS NYAM CHUNG BA BSKYED PAR MI BYA STE, BKRES PA DANG SKOM PAS JI MI SNYAM PAR BYA'O, ,'PHAGS PA'I LAM BSGOM PA LA BRTZON 'GRUS RGYUN MI 'CHAD PAR BYA'O SNYAM DU 'DU SHES BSKYED PAR BYA'O, ,DE BZHIN DU SBYAR TE, KHYIM GANG NA BSOD SNYOMS GTZANG MA BYED PA'I KHYIM DER STAN LA 'DUG STE BSOD SNYOMS GTZANG MA BYED MA ZIN GYI BAR DU CHOS KYI GTAM BRJOD PAR BYA'O, ,DE NAS BSOD SNYOMS DE BLANGS LA STAN LAS LANGS TE 'GRO BAR BYA'O, ,'OD SRUNGS BSOD SNYOMS SPYOD PA'I DGE SLONG GIS 'KHONG BAR MI BYA, KHA GSAG MI BYA, TSUL 'CHOS PAR MI BYA'O, , DE LA 'KHONG BA GANG ZHE NA, GANG GZHAN DAG LA TSIG 'DI SKAD DU SMRA BA STE, BDAG GI BSOD SNYOMS NI NGAN PA'O BDAG GI BSOD SNYOMS NI RTZUB PA'O, ,BDAG GIS SNGON 'DI LTA BU DANG MA 'GRANGS PAR MA ZOS SO, ,BDAG GI BSOD SNYOMS NI SKYE BO MANG PO DANG THUN MONG DU BYAS SO, ,BDAG GIS NYUNG ZHIG ZOS TE BDAG MA 'GRANGS PAS BDAG GI LUS NYAM CHUNG NGO ZHES BYA BA STE 'DI LTAR 'KHONG BA'I MTSAN MA GANG CI YANG RUNG BA 'DI LTA BU 'DI NI SEMS KYI TSUL 'CHOS PA ZHES BYA STE, DGE SLONG BSOD SNYOMS SPYOD PAS DE DAG THAMS CAD MI BYA'O, ,GANG LHUNG BZED DU 'ONGS PA NGAN @75B KYANG RUNG BZANG YANG RUNG NYUNG YANG RUNG MANG YANG RUNG GTZANG YANG RUNG MI GTZANG YANG RUNG STE DE BZA' BAR BYA'O, ,YONGS SU GDUNG BA MED PA DANG, BSAM PA YONGS SU DAG PA DANG, CHOS NGES PAR SEMS PA MANG BA DANG, LUS GSO BA DANG 'PHAGS PA'I LAM NYE BAR BSTAN PA'I PHYIR DES BSOD SNYOMS BZA' BAR BYA'O ZHES BYA BA'O, ,DE SKAD DU DRAG SHUL CAN GYIS BYIN PAS ZHUS PA'I MDO LAS KYANG, GANG LA LA BSOD SNYOMS BLANGS TE, BDAG DANG GZHAN GYI DON RDZOGS PAR BYED NUS NA NGAS BYANG CHUB SEMS DPA' DE MGRON DU 'GRO BAR GNANG NGO ZHES GSUNGS SO, ,DE LTAR RE ZHIG RTAG TU BA'I SMAN GYIS LUS BSRUNG BAR BYA BA YIN NO, ,DE LA YANG NYA DANG SHAS NI MA YIN TE, LANG KAR GSHEGS PA'I MDO LAS BKAG PA'I PHYIR TE, 'DI LTAR BYANG CHUB SEMS DPA' SNYING BRTZE BA'I BDAG NYID CAN GYIS SHA THAMS CAD MI BZA'O ZHES BSHAD DO, ,DE BZHIN DU SBYAR TE, ,'KHRUL PA DANG NI GNYEN BSHES DANG, ,KHU CHU KHRAG LAS BYUNG BA'I PHYIR, ,'BYUNG PO RNAMS NI DNGANG 'GYUR BAS, ,RNAL 'BYOR CAN GYIS SHA MI BZA', ,SHA RNAMS DANG NI SGOG BTZONG DANG, ,CHANG DAG RNAM PA SNA TSOGS DANG, ,KE'U DANG SGOG SKYA DE BZHIN DU, ,RNAL 'BYOR CAN GYIS RTAG TU SPANG, , 'BRU MAR GYIS KYANG BYUGS PA SPANG, ,KHRI LA BRTEN PA'I SEMS CAN RNAMS, ,BU GA BU GAR 'JIG 'GYUR PHYIR, ,KHRI LA NYAL BAR MI BYA'O, ,DE BZHIN DU SBYAR TE, ,KHE YI PHYIR NI SEMS CAN GSOD, ,SHA YI PHYIR NI NOR SBYIN BYED, ,DE DAG GNYI GA SDIG PA CAN, ,NGU 'BOD BYED LA SOGS PAR BTZO, ,GANG GIS THUB PA'I TSIG 'DAS TE, ,BSAM PA NGAN PAS SHA ZA NA, ,'JIG RTEN GNYIS NI GZHIG PA'I PHYIR, ,SH'AKYA'I BSTAN LAS BRTUL ZHUGS BLANGS, ,SHIN TU MI BZAD DMYAL BAR YANG, ,SDIG PA'I LAS CAN DE DAG 'DOD, ,MA RUNGS DU 'BOD LA SOGS SU; ,SHA ZA DE DAG BTZO BAR 'GYUR, ,RNAM GSUM DAG PA'I SHA RNAMS NI, ,MA BRTAGS PA DANG MA BLANGS DANG, ,MA BSKUL BA YANG SPONG MED PAS, ,DE BAS SHA NI MI BZA'O, ,RNAL 'BYOR CAN GYIS SHA MI BZA', ,NGA DANG SANGS RGYAS DAG GIS BSHAD, ,SEMS CAN GCIG LA @76A *, ,GCIG ZA BA, ,SHA ZA DAG GI RIGS SU SKYE, ,DRI MI ZHIM ZHING SMAD PA DANG, ,SMYON PA RNAMS SU SKYE BAR 'GYUR, ,GDOL PA SME SHA CAN RIGS DANG, ,BTZO BLAG MKHAN DU YANG YANG SKYE, ,MKHA' 'GRO'I RIGS KYI SKYE GNAS DANG, ,SHA ZA'I RIGS SU SKYE BAR 'GYUR, ,MI YI THA MA DE DAG NI, ,SRIN PO BYI LA'I MNGAL DU SKYE, ,GLANG PO RTZAL DANG SPRIN CHEN DANG, ,MYA NGAN 'DAS DANG SOR PHRENG DANG, ,LANG KAR GSHEGS PA'I MDO LAS KYANG, ,NGAS NI SHA YANG RNAM PAR SPANGS, ,SANGS RGYAS BYANG CHUB SEMS DPA' DANG, ,NYAN THOS RNAMS KYIS SMAD PA LA, ,NGO MI TSA BAR ZA BA NI, ,RTAG TU SMYON BAR SKYE BAR 'GYUR, ,SHA LA SOGS PA SPANG BA'I PHYIR, ,BRAM ZE'I RIGS DANG RNAL 'BYOR CAN, ,SHES RAB CAN DANG NOR LDAN BAR, ,DE DAG RNAMS NI SKYE BAR 'GYUR, ,MTHONG DANG THOS DANG DOGS PA YIS, ,SHA RNAMS THAMS CAD RNAM PAR SMAD, ,SHA ZAN RIGS SU SKYES PA YI, ,RTOG GE BA RNAMS MI SHES SO, ,JI LTAR 'DOD CHAGS THAR PA LA, ,BAR CHAD BYED PAR 'GYUR BA BZHIN, ,DE LTAR SHA DANG CHANG LA SOGS, ,BAR CHAD BYED PAR 'GYUR BA'O, ,MA 'ONGS PA YI DUS NA NI, ,SHA ZA GTI MUG SMRA BA DAG ,SHA NI SDIG MED RUNG BA'O ZHES, ,SANGS RGYAS RNAMS KYIS BSHAD CES ZER, ,ZAS LA SMAN DANG 'DRA BA DANG, ,BU YI SHA DANG MTSUNGS PAR YANG, ,RAN PA DANG NI MI 'PHROD PAR, ,RNAL 'BYOR CAN GYIS ZAS LA SPYOD, ,SENG GE DAG DANG STAG RNAMS DANG, ,WA LA SOGS DANG 'GROGS 'GYUR BAS, ,NGAS NI BYAMS PAS GNAS PA LA, ,RTAG PAR RNAM PA KUN DU SMAD, ,THAR PA'I CHOS DANG 'GAL BA'I PHYIR, ,MI RNAMS DANG BAR 'GYUR BA'I SHA, ,DE PHYIR BZA' BAR MI BYA STE, ,'DI NI 'PHAGS PA'I RGYAL MTSAN NO, ,ZHES GSUNGS SO, ,YE SHES LDAN GYI LE'U LAS, SHA ZA BA GANG 'BYUNG BA DE NI DON CHEN POR BSGRUB PA'I PHYIR NYES PA MED DE, DE LAS 'DI SKAD DU, DGE SLONG 'DI NI 'CHI BA'I DUS BGYIS NA, ,'DZAM BU'I GLING DU TING 'DZIN SGRA YANG NI, ,SEMS CAN RNAMS LA RTAG TU NUB PAR 'GYUR, ,'DIS GSOS PAS NI TING 'DZIN RNAMS KYANG THOB, ,CES GSUNGS SO, ,DE NI @76B SNYING RJE CHEN PO LA MNGON PAR BRTZON BA STE, DE LA BYAMS PA MED DU MI DOGS PAS NYES PA MED DO, ,'PHAGS PA DKON MCHOG SPRIN LAS, DUR KHROD PAS SHA DANG 'PHAGS PA MED PAR BYA'O ZHES GSUNGS PA GANG YIN PA DE NI DE LAS GZHAN PA'I RANG BZHIN CAN GYI SEMS CAN GYI DON DU BSTAN PA'I PHYIR RO, ,'DUL BA LAS DE LA RNAM PA GSUM YONGS SU DAG PA ZOS NA SPANG BA'I BAR CHAD DU MI 'GYUR RO ZHES GANG GNANG BA DE NI YONGS SU SPANGS PAS DAG PAR LTA BA RNAMS KYIS MNGON PA'I NGA RGYAL BSAL BA DANG, SKAL BA YOD KYANG DE LA CHAGS PAS BSTAN PA LA 'JUG MI NUS PA SPANG BA'I PHYIR RO, ,DE SKAD DU LANG KAR GSHEGS PA'I MDO LAS KYANG, BSTAN PA BRJOD PA DE DANG DE LAS BSLAB PA'I GZHI RIM PAR BCA' BA SKAS KYI GDANG BU BRE BA'I TSUL DU RNAM PA GSUM BCAS NAS DE'I CHED DU BYAS PA RNAMS KYANG BKAG STE, DE NAS THA NA RANG SHI BA BCU'I SHA YANG BKAG GO ZHES GSUNGS SO, ,RTAG TU BA'I SMAN BSHAD ZIN TO, ,NA BA'I GSOS SMAN YANG BRJOD PAR BYA BA NYID DO, ,BDAG GI DON DANG TSANGS PAR SPYOD PA GNAS PAR BYA BA'I PHYIR NYAN THOS KYI 'DUL BA LAS KYANG, LHUNG BZED DANG CHOS GOS KYANG BTZONGS LA LUS BSRUNG BAR GSUNGS NA, SKYE BO DPAG TU MED PA YONGS SU BSKYAB PA'I RGYU BYANG CHUB SEMS DPA'I LUS LTA CI SMOS TE, DAL BA'I DGA' BA PHUN SUM TSOGS PA 'DI LTA BU NI RNYED PAR DKA'O, ,DE RAB TU BSTAN PA'I PHYIR, BCOM LDAN 'DAS KYIS DE DANG DER BDAG NYID SMAN LA NYE BAR SBYOR BAR BSTAN TO, ,'PHAGS PA DKON MCHOG SPRIN GYI MDO LAS KYANG, DE NAM CHOD BZUNG BAR GYUR PA DE'I TSE, NYI TSOD YOD DAM MED KYANG RUNG STE, DE DAG GI LUS GSO BA'I YO BYAD 'DI LTA STE, MAR RAM, 'BRU MAR RAM, SBRANG RTZI 'AM, BU RAM MAM, RTZI'I KHU BA 'AM, SDONG PO'I KHU BA 'AM, 'BRAS BU'I KHU BA DE LTA BU DAG BZAR MI RUNG STE, GZHAN ZA BA MTHONG NA YANG KHONG KHRO BA'I SEMS DANG 'JUNGS PA'I SEMS KYANG MI BSKYED DO, ,YANG GAL TE ZAS PHYIS MI LEN PA'I BYANG CHUB SEMS DPA' DE JI LTA BU'I NAD KYIS SROG GI BAR CHAD DU 'GYUR BA 'AM, DGE BA'I PHYOGS KYI BAR CHAD DU 'GYUR TE, NAD TSABS CHE @77A *, ,NA DES 'GYOD PA MED CING THE TSOM MED PAR BYAS LA DES SMAN YIN PAR SEMS NYE BAR BZHAG STE SPYAD PAR BYA'O ZHES GSUNGS SO, ,GOS KYI LONGS SPYOD KYI SBYOR BA NI DRAG SHUL CAN GYIS ZHUS PA'I MDO LAS BSTAN TE, NGO TSA ZHING 'DZEM BAS KHREL YOD PAS DKRI BA DANG, SHA SBRANG DANG SBRANG BU DANG RLUNG DANG NYI MA DANG SDIG SBRUL GYIS REG PAR 'GYUR BA G-YOGS PA DANG, DGE SBYONG GI RTAGS BRTAN PA DANG, NGUR SMRIG DE DAG NI LHA DANG MI DANG LHA MA YIN DU BCAS PA'I 'JIG RTEN GYI MCHOD RTEN NO SNYAM NAS MCHOD RTEN GYI PHYIR YANG DAG PAR GZUNG BAR BYA BA DANG, DE DAG NI YID BYUNG BA DANG 'DOD CHAGS DANG BRAL BAS KHA DOG BSGYUR BA YIN GYI, 'DOD CHAGS KYIS KHA DOG BSGYUR BA MA YIN PA DANG, 'DI DAG NI NYE BAR ZHI BA DANG MTHUN PA YIN GYI NYON MONGS PA 'BAR BA DANG MTHUN PA MA YIN PA DANG, NGUR SMIG 'DI DAG GIS DKRIS SHING G-YOGS NAS SDIG PA LAS LDOG PAR BYA BA DANG, LEGS PAR BYA BA'I LAS BYA BA DANG, CHOS GOS KYIS CHA SBYOR BA LA BRTZON PA MA YIN PA DANG, NGUR SMRIG 'DI DAG 'PHAGS PA'I LAM GYI TSOGS DANG MTHUN PA YIN PAR SHES NAS SKAD CIG GCIG LA YANG RNYOG PA DANG 'GROGS PAR MI BYA BAR NGUR SMRIG RNAMS BCANG BAR BYA BA STE ZHES GSUNGS SO, ,'DI LA CHAD PA NI RIN PO CHE'I PHUNG PO'I MDO LAS, 'OD SRUNGS GANG DAG LHOD CING YANG DAG PAR MI SDOM PA DANG DGE SBYONG GI YON TAN GYI CHOS 'DI DAG LAS NYAMS PA LUS LA NGUR SMRIG DAG 'CHANG BA RNAMS NI DE LA GUS PA MI SKYED DO, ,'OD SRUNGS DE LA DGE SBYONG GI KHA DOG DANG GZUGS CAN LA GNOD PA BYED PA ZHES BYA BA'I NYI TSE BA'I SEMS CAN DMYAL BA YOD DO, ,'OD SRUNGS NYI TSE BA'I SEMS CAN DMYAL BA DER DGE SBYONG GI GZUGS SU GYUR BZHIN DU GOS 'BAR BA DAG DANG MGO 'BAR BA DAG DANG LHUNG BZED 'BAR BA DAG DANG STAN 'BAR BA DAG DANG MAL CHA 'BAR BA DAG GNOD PA BYED DE, DE DAG GI LONGS SPYOD DANG YONGS SU SPYAD PA GANG CI YOD PA DE THAMS CAD 'BAR RAB TU 'BAR TE KUN TU RAB TU MCHED CING 'BAR LA DE ME LCE GCIG TU GYUR TE, DGE SBYONG GI KHA DOG DANG GZUGS KYIS GNOD PA DE DAG MYONG BAR 'GYUR RO ZHES GSUNGS SO, ,'PHAGS PA DKON @77B MCHOG SPRIN GYI MDO LAS KYANG, BYANG CHUB SEMS DPA' BLA GAB MED PA LA LUS NA 'AM LUS KYIS MI NUS PAR GYUR NA DES GTZUG LAG KHANG DU GNAS TE, 'DI SNYAM DU NYON MONGS PA'I GNYEN PO'I PHYIR DE BZHIN GSHEGS PA'I SBYANGS PA'I YON TAN BCAS TE CI NAS KYANG BDAG GTZUG LAG KHANG NA GNAS BZHIN DU NYON MONGS PA RNAMS SPONG BAR 'DOD PA STE DE LTAR BYA STE, GTZUG LAG KHANG DE LA YANG CHAGS PA MI SKYED DE ZHEN PAR MI BYA'O SNYAM DU SEMS BSKYED DO, ,DE 'DI LTAR SEMS TE SBYIN PA'I BDAG PO RNAMS LA PHAN GDAGS PAR BYA'I BDAG CAG GIS BDAG NYID GSO BAR NI MI BYA'O SNYAM MO ZHES GSUNGS SO, ,YANG DE NYID LAS, DE DAG NYAL BA NA GLO G-YAS PAS NYAL BAR BYED DE RKANG PA'I STENG DU RKANG PA BZHAG NAS, LUS CHOS GOS DAG GIS SHIN TU G-YOGS SHING, DRAN PA DANG SHES BZHIN DANG LDAN BZHIN DU SNANG BA'I 'DU SHES DANG LDANG BA'I 'DU SHES SU NYAL BAR BYED DE GNYID KYI BDE BA LA CHAGS PAR MI BYED DO, ,SNYES PA'I BDE BA LA YANG MA CHAGS TE, GZHAN DU NA DE DAG JI TZAM DU 'BYUNG BA CHEN PO RNAMS GNAS SHING 'TSO BA'I PHYIR NYAL BAR BYED LA RTAG TU RGYUN MI 'CHAD PA YANG DGE BA'I PHYOGS LA MNGON DU PHYOGS PA YIN NO ZHES GSUNGS SO; ,PHYOGS 'DIS YONGS SU SPYAD PA THAMS CAD SEMS CAN GYI DON DU BYIN GYIS BRLAB PAR BYA STE, DES NA, BDAG LA SRED PAS LONGS SPYAD NA, ,NYON MONGS BCAS PA'I LTUNG BAR 'GYUR, ,ZLA BA SGRON MA'I MDO LAS JI SKAD DU, ,DE DAG KHA ZAS RO ZHIM BSOD PA DAG ,RNYED NAS RNAL 'BYOR MI BRTZON ZA ZHING 'THUNG, ,DE DAG LA NI ZAS DE GDUG PAR 'GYUR, ,BA LANG PHRU GUS PAD RTZA MA BKRUS BZHIN, ,ZHES GSUNGS PA LTA BU'O, ,'PHAGS PA RIN PO CHE'I PHUNG PO'I MDO LAS KYANG, ,BCOM LDAN 'DAS KYIS DAD PAS BYIN PA YONGS SU SPYOD PA YONGS SU BSTAN PA DANG; DE NAS 'KHOR DE NYID NAS RNAL 'BYOR SPYOD PA'I DGE SLONG NYIS BRGYAS CHOS KYI RNAM GRANGS 'DI THOS NAS RAB TU DUS TE MCHI MA ZAG CING TSIG 'DI SKAD CES BCOM LDAN 'DAS BDAG CAG NI GUM YANG RUNG STE 'BRAS BU MA THOB KYI BAR DU DAD PAS STZAL BA'I BSOD SNYOMS CIG TZAM @78A *, ,YANG YONGS SU SPYAD PAR MI BGYI'O ZHES SMRAS SO, ,BCOM LDAN 'DAS KYIS BKA' STZAL PA, SKYES BU DAM PA DAG LEGS SO LEGS SO, ,NGO TSA SHES PA DANG 'GYOD PA DANG LDAN PA DANG 'JIG RTEN PHA ROL DU KHA NA MA THO BAS 'JIGS PAR LTA BA RNAM PA 'DI LTA BU DAG GIS GSUNG RAB 'DI MDZES SO, ,'OD SRUNGS NGAS DGE SLONG GNYIS LA DAD PAS BYIN PA GNANG STE, GNYIS GANG ZHE NA, LDAN PA DANG GROL BA'O, ,DGE SLONG DAG DGE SLONG LDAN PA RNAL 'BYOR SPYOD PA NGA'I BSTAN PA LA ZHUGS PA 'DU BYED THAMS CAD MI RTAG PAR MTHONG, 'DU BYED THAMS CAD SDUG BSNGAL BAR RIG ,CHOS THAMS CAD LA BDAG MED PAR MOS, MYA NGAN LAS 'DAS PA ZHI BAR RTOGS BAS NI RI RAB TZAM GYI KHAMS DAG GIS DAD PAS BYIN PA YONGS SU SPYAD KYANG DE'I YON TAN SHIN TU YONGS SU DAG PAR 'GYUR RO, ,SBYIN PA PO DANG SBYIN BDAG GANG DAG LAS DAD PAS BYIN PA YONGS SU SPYAD PA DE LAS DE DAG GI BSOD NAMS KYI RNAM PAR SMIN PA 'BYOR PA CHEN PO DANG PHAN YON CHEN POR 'GYUR RO, ,DE CI'I PHYIR ZHE NA, DGE SLONG DAG RDZAS LAS BYUNG BA'I BSOD NAMS BYA BA'I DNGOS PO RNAMS LAS GANG BYAMS PA'I SEMS LA SNYOMS PAR 'JUG PA DE MCHOG YIN PA'I PHYIR RO, ,'OD SRUNGS DGE SLONG GANG ZHIG SBYIN PA PO DANG SBYIN BDAG GI CHOS GOS DANG BSOD SNYOMS DANG MAL CHA DANG YO BYAD RNAMS YONGS SU SPYAD NAS SEMS RNAM PAR GROL BA TSAD MED PA LA SNYOMS PAR 'JUG NA SBYIN PA PO DANG SBYIN BDAG DE'I RNAM PAR SMIN PA YANG TSAD MED PAR SHES PAR BYA'O, ,'OD SRUNGS STONG GSUM GYI STONG CHEN PO'I 'JIG RTEN GYI KHAMS NA YOD PA'I RGYA MTSO CHEN PO RNAMS NI YONGS SU ZAD PAR 'GYUR YANG SRID KYI DE'I BSOD NAMS KYI RGYU MTHUN PA NI YONGS SU ZAD PAR GANG YANG MI 'GYUR RO ZHES GSUNGS SO, ,DE LTAR BSOD SNYOMS LA 'GRO BAR RTZOM MAM, ZAS ZA BAR RTZOM PA DANG; SBYIN PA PO LA PHAN GDAGS PA DANG, LUS KYI SRIN BU BSDU BA DANG, SEMS CAN THAMS CAD KYI DON GRUB PA STE GNAS GSUM LA DRAN PA NYE BAR GZHAG NAS, DAM PA'I CHOS YONGS SU GZUNG BA DANG, DE BZHIN GSHEGS PA'I BKA' BSGRUB PA DANG, BYA BA THAMS CAD LA DRAN PA @78B DANG LDAN PAR BYA'O, ,STZOGS PA ZHES BYA BA NI GSANG SNGAGS RNAMS KYIS KYANG YONGS SU BSRUNG BAR BYA'O, ,DE LA THOG MAR RE ZHIG DKYIL 'KHOR DANG DAM TSIG GI PHYIR, DAM TSIG GSUM GYI RGYAL PO LAS 'BYUNG BA'I RIG SNGAGS 'DI BRJOD PAR BYA'O, ,NA MA SARBA BUD DHA BO DHI SA TV'A N'Am, AOm BI RA DZI BI RA DZI, MA H'A BADZRI, SA TA SA TA, S'A RA TE S'A RA TE, TRA YI TRA YI, BI DHA MA NI, SAm BHANYDZA NI, HA RA MA TI, SID DHA AA GRE TRAm SV'A H'A, 'DIS DKYIL 'KHOR THAMS CAD DU ZHUGS PAR 'GYUR RO, ,YANG NA DE BZHIN GSHEGS PA'I SNYING PO BRGYA STONG BZLAS NA 'JIG RTEN PA DANG 'JIG RTEN LAS 'DAS PA'I DKYIL 'KHOR THAMS CAD DU ZHUGS PAR 'GYUR RO, ,DE GANG ZHE NA, NA MA STEE YA DHVI K'A N'Am TA TH'A GA T'A N'Am, SARBA TRA AA PRA TI HA T'A B'A PTI DHARMA T'A BA LI N'Am, Am AA: SA MA SA MA, SA MANTA TONYA NANTA T'A B'ABTI SH'A SA NI, HA RA HA RA, SMA RA SMA RA nA, BI GA TE, R'A GA BUD DHA DHA RMA TE, SA RA SA RA, SA MA BA L'A, HA SA HA SA, TRA YA TRA YA, GA GA NA MA H'A BA RA LAKshA nE, DZVA LA DZVA LA NA S'A GA RE SV'A H'A, 'DI NI DE BZHIN GSHEGS PA THAMS CAD KYI SKU YIN TE 'DI LA GUS PA BLA NA MED PAR BYA'O, ,'DIS LAS DANG PO PA DAG KYANG SEMS CAN RNAMS LA SANGS RGYAS KYI MDZAD PA MTHA' YAS PA BYED PAR 'GYUR RO, , 'DI NYID BDUD LA SOGS PA DANG MA RUNGS PA THAMS CAD LAS SRUNG BAR BYED PA'I MCHOG YIN NO, ,THAL MO BRDABS PA 'AM, THAL BA 'AM, YUNGS KAR RAM, CHU 'AM, LTA BA'AM, YID KYIS KYANG MTSAMS GCOD PAR BYED DO, ,NAD KYIS BTAB NA SMAN NAM CHU LA SNGAGS KYIS BTAB STE BTUNG NGO, ,YANG NA MCHOD RTEN NAM SKU GZUGS SAM DAM PA'I CHOS KYI GLEGS BAM LA NAGS KYI ME TOG SEMS MNYAM PAR GZHAG STE 'BUL ZHING ZLA BA PHYED SBYOR BA BYAS NA NAD CHEN PO DAG LAS THAR BAR 'GYUR RO, ,SANGS RGYAS DANG BYANG CHUB SEMS DPA' LA DMIGS PA DANG SEMS CAN THAMS CAD LA DMIGS PA DANG SEMS CAN THAMS CAD KYI DON BYA BAR 'DOD PA'I SEMS KYIS BZANG PO'I SPYOD PA MNGON DU BYA BAS BZLAS BRJOD BYA'O, ,CHO GA 'DI NI CHO GA 'DI'I MJUG NAS 'BYUNG NGO, ,DAM TSIG GSUM GYI BZLAS BRJOD BYED PAS NI KHRUS MA BYAS KYANG NYES PA MED DO, ,LHAG @79A *, ,MA DANG MI GTZANG BAS KYANG NYES PA MED DO, ,PHYAG RGYA 'DRA BA DAG MI BZA'O MI BGOM MO KHRI LA NYAL BAR MI BYA'O, ,CHANG MI BTUNG NGO, ,MOS PAS SPYOD PA'I BSLAB PA'I GZHI DAG LAS MI G-YO BA DANG THE TSOM MED NA SNGON DANG TSUL NGAN PAR GYUR KYANG 'GRUB BO, ,MKHAS SAM MI MKHAS KYANG RUNG STE NGES PAR 'GRUB BO, ,DE SKAD DU DE NYID LAS, ,GANG ZHIG BYANG CHUB SEMS BRTAN ZHING, ,BLO GROS CHAGS PA MED PA DANG, ,THE TSOM DAG KYANG MI BYED PA, ,DES 'DI NGES PAR 'GRUB PAR 'GYUR, ,ZHES GSUNGS SO, ,BYANG CHUB KYI SEMS BRTEN PA NI 'DIR SO SO'I SKYE BO'I SEMS STOBS DANG LDAN PAR NGES PAR BYA BA'I PHYIR GSUNGS KYI SAR CHUD PA'I DBANG DU BYAS PA NI MA YIN TE, 'DI LTAR DE NYID LAS, SLAR DBYUNG BAR BYA BA DANG, SNANG BAR BYA BA THOB PAR 'DOD PA DANG, MUN PA CHEN PO'I KHROD NAS SNANG BAR 'JUG PAR 'DOD PA DANG, LOG PAR LTUNG BAS LHAG PAR BSGRUB PAR BYA'O ZHES GSUNGS SO, ,DE BZHIN DU BDAG LTA BU BSOD NAMS CHUNG NGU LA 'GRUB PAR GA LA 'GYUR ZHES SEMS ZHUM PA BKAG GO, ,SA LA GNAS PA NGAN 'GRO LAS SHIN TU 'DAS PA SPRO BA'I RLABS MANG BA BSOD NAMS KYI PHUNG PO DPAG TU MED PA BSTZAGS PA LA NI GONG DU SMOS PA'I NYES PA NYID MI SRID DO, ,'DI LA MA SHES NAS SNGAGS RNAMS YI GE LHAG PAR BRJOD KYANG NYES PA MED DO, ,NYUNGS KYANG NYES PAR MI 'GYUR RO, ,CHO GA NYAMS KYANG NYES PAR MI 'GYUR RO, ,'ON KYANG DAD PA'I SHUGS DANG BYANG CHUB KYI SEMS KYI SHUGS DANG, RANG GI DON DOR BA'I SHUGS BRTZAN PAR BYA STE, RNAM PAR MI RTOG PAR BRJOD NA GDON MI ZA BAR TSE 'DI NYID LA BYANG CHUB SEMS DPA' MTHONG BA DANG CI 'DOD PA YANG 'GRUB PAR 'GYUR RO, ,YANG NA RDO RJE 'DZIN THAMS CAD KYI SNGAGS 'DIS BSRUNG BAR BYA'O, ,NA MA STREE YA DHVI K'A N'Am, TA TH'A GA T'A N'Am, SARBA BADZRA DHA R'A N'Am, AOm TZA nA RA LA TZA nA RA LA, BA LA BA LA, BADZRA BADZRA SH'ANTA NE SH'ANTA NE, PHA LA NA PHA LA NA, BA RA BA RA, M'A RA M'A RA, BADZRA DHA LA, SPU tA SPHU tA, LA LAm TA SHI KHA RA, SA MANTA BADZR'I nI, DZVA LA NE DZVA LA NE, NA MO STU STE, AA GRONYA GRA SH'A S'A K'A N'Am, RA nA RA nA, H'Um H'Um SPHO tA SPHO tA BADZRO TTA ME SV'A H'A, 'DI BTON PA TZAM GYIS BGEGS DANG, RNAM @79B PAR LOG 'DREN THAMS CAD MI 'ONG NGO, ,LHA DANG KLU LA SOGS PA THAMS CAD KYIS MI BZOD DO, ,BZA' BA DANG BTUNG BA DANG MAL CHA DANG MCHOD PA'I YO BYAD RNAMS KYANG SNGAGS CHU 'AM, BLTA BA'AM YID KYIS BSRUNG NGO, ,YANG NA MI G-YO BA'I SNYING POS DE THAMS CAD BYA'O, ,DE NI 'DI YIN TE; NA MA: SA MANTA BADZRA n'Am TRA tA, AA MO GHA TZAndA, MA H'A RO shA nA SPHO tA YA, H'Um BHRA MA YA BHRA MA YA, H'Um TRAtA, H'Am M'Am AOm BA LANDA DE TE DZO MA LI NI SV'A H'A, 'DIS KHAM DANG PO LA LAN BRGYAD BSNGAGS LA SANGS RGYAS DANG BYANG CHUB SEMS DPA' RNAMS KYI SMAN GYI RGYAL PO NYID DU BSAMS TE BZA', ,DUG GZHIL BA NI'DI LTA STE, AI LI MITTE, TI LI MI MITTE, AI LI MI LI MITTE, TI LI MI LI MITTE, DUM BE DUM BE, DU B'A L'I, DU MA HE, DUSSE, TAKKE, TAKKA RA nE, MA MA MEm MA MA MA RA nE, KAshM'I RA, MUKTE, AI LI TI LI ME, AA GHA NE, A'A GHA N'A GHA NE, AI LI AI LI YE, MI LI MI L'I YE, AA GA AI YA, AA AA AAI YI; SHVE TE, SHVE TE TUndE, AA N'A NU RAKTE, AA RU RUKKE TR'Am AOm, BI SHA NI KE TA NI SV'A H'A, GANG ZHIG RIG SNGAGS 'DI LAN CIG THOS PAS KYANG DE LA SBRUL GYIS MI ZA'O, ,DE'I LUS LA DUG GIS MI TSUGS SO, ,SPRUL GANG DE LA ZA BA DE'I MGO AA RDZA KA'I DOG PA BZHIN DU TSAL PA BDUN DU 'GAS SO; ,SU RIG SNGAGS 'DI 'CHANG BA DE LA JI SRID 'TSO'I BAR DU SBRUL GYIS MI ZA'O, ,DE'I LUS LA DUG GIS MI TSUGS SO, ,GSANG SNGAGS KYI TSIG 'DI DAG SPRUL GYI MDUN DU GDON PAR MI BYA'O, ,DE CI'I PHYIR ZHE NA, SPRUL 'CHI BAR 'GYUR PA'I PHYIR RO, ,'DI LTA STE, AI LA LA, TZI LA LA, TZAKKO B'AKKO, KO d'A, KO d'I TI, KU RA d'A, KU RA d'I TI, PO d'A, PO d'I TI, PU RU D'A, PU RU d'E TI, MO t'A, MO d'I TE, NI KU RU d'A, NI KU RU d'A TI, MU RU d'A, MU RU d'I TI, NI MA MU RU d'A, NI MA MU RU d'I TI, PHU RU dE, PHUttA RA HE, PHUttA RA HE, PHUttA DDANTA RA HE, PHUttA DDANTA RA HE, NA GA RA HE, NA GA tAttANDA HA RE, SARBA HA RE, SARBA TA tAttANDA HA RE, AA TZTSE, AATZTSE, AATZTSA LE, TSA LA BI shI, SH'I TE SH'I TA, BATT'A LE, M'A T'A LE, HA LE HA LE, HA LA HA LA, HA LA LE, AI LA LE, KE PA TZA LE, MI LA LE, DANTI DANTI, TA tA TA tA, SPHU tA SPHU tA, PHAt PHAt SV'A H'A, DGE SLONG DAG DE LTAR NA DUG SEL GYIS 'BYUNG PO 'DUS PA THAMS CAD LA RIG SNGAGS BRJOD PA @80A *, ,DE DAG THAMS CAD NI DE BZHIN NO, ,GZHAN MA YIN PA DE BZHIN NO, ,YANG DAG PA'O, ,BDEN PA'O, ,MA NOR BA'O, ,PHYIN CI MA LOG PA'O, ,DUG 'DI MI 'DUG PAR GYUR CIG ,SBYIN PAR BYED PA'I GAN DU SONG SHIG ,'DZIN PA'I GAN DU SONG SHIG ,ME'I NANG DU SONG SHIG ,CHU'I NANG DU SONG SHIG ,THANG LA SONG SHIG ,KA BA'I NANG DU SONG SHIG ,RTZIG PA'I NANG DU SONG SHIG ,NAM MKHA' LA SONG SHIG ,SA'I NANG DU SONG SHIG ,ZHI BAR GYUR CIG SV'A H'A, RKUN PO LA SOGS PA BZLOG PA'I PHYIR 'OD ZER CAN BZLAS PAR BYA'O, ,PADM'A KRA MA SI, PA R'A KRA MA SI, AA PA R'A KRA MA SI, AU DA MA SI, NA DA MA SI, NI RE MA SI, AARKA MA SI, AO RMA SI, BA NA MA SI, GULMA MA SI, TZEE BA RA MA SI, A'ANTA RA DHA NA MA SI SV'A H'A, LHA MO 'OD ZER CAN BDAG LAM DU SKYOBS SHIG ,LAM LOG PA LAS SKYOBS SHIG ,BDAG SKYE BO'I 'JIGS PA LAS SKYOBS SHIG ,BDAG RGYAL PO'I 'JIGS PA LAS SKYOBS SHIG ,BDAG RKUN PO'I 'JIGS PA LAS SKYOBS SHIG ,BDAG KLU'I 'JIGS PA LAS SKYOBS SHIG ,BDAG GLANG PO'I 'JIGS PA LAS SKYOBS SHIG ,BDAG SENG GE'I 'JIGS PA LAS SKYOBS SHIG ,BDAG STAG GI 'JIGS PA LAS SKYOBS SHIG ,BDAG SBRUL GYI 'JIGS PA LAS SKYOBS SHIG ,BDAG ME'I 'JIGS PA LAS SKYOBS SHIG ,BDAG PHYIR RGOL BA DANG GROGS PO NGAN PA THAMS CAD LAS SKYOBS SHIG ,'KHRUGS PA DANG MA 'KHRUGS PA DANG, NYAMS PA DANG MA NYAMS PA DAG TU YANG BDAG LA SRUNGS SHIG ,BDAG LA SRUNGS SHIG SRUNGS SHIG ,'DI LTA STE, A'A LO, ,TA LO, ,KA LO, ,KO LI, AATZTSINTE, TATZTSI TTE, BDAG LA 'TSE BA DANG 'JIGS PA DANG, NAD THAMS CAD LAS SRUNGS SHIG SRUNGS SHIG S'A H'A, DKON MCHOG GSUM LA PHYAG 'TSAL LO, ,LHA MO 'OD ZER CAN LA PHYAG 'TSAL LO, ,LHA MO 'OD ZER CAN GYI SNYING PO BRJOD PAR BYA'O, ,'DI LTA STE, AOm BATT'A LI, BA R'A LI, BA R'A HA MU KHI, SARBA DUsht'A NA, NI B'A R'A YA, BAN DHA BAN DHA, BAN DHA MU KHI, DZAMBHA YA, STAm BHA YA, MO HA YA SV'A H'A, AOm M'A R'I TZYEE SV'A H'A, AOm BA RA LE, BA DA LE, BA R'A HA MU KHI, SARBA DUsht'A NA, BAN DHA BAN DHA SV'A H'A, 'JIGS PA THAMS CAD LAS BSRUNG BA'I PHYIR RIG SNGAGS 'CHANG BA'I @80B STE SNOD LAS 'BYUNG BA'I RIG SNGAGS TSE RABS MTHA' YAS PA DRAN PAR 'GYUR BA'I RGYU MTHU CHE BA YI GE LNGA BCU RTZA BDUN PO 'DI LA YANG SBYAR BAR BYA'O, ,'DI LTA STE, AAttE, BAttE, NAttE KU NAttE, tA KE thA KE, thA RA KE thA KE, AU RU MA TI, RU RU MA TI, TU RU HI LI MI LI, SARBA NYA TZA BI PA DAGGA, NA MO SAm, PA SAm MA SAm BUD DH'A n'Am, SID DHANTU ME MANTRA PA DEE: SV'A H'A, 'DI NI BDAG LUS BSRUNG BA STE, SMAN DANG GOS LA SOGS BCAS PAS KYANG, SEMS CAN GYI DON BYED PA'I DRAN PA SNGAR BYAS LA BYA'O, ,BDAG LA SRID PAS LONGS SPYOD NA, ,NYON MONGS BCAS PA'I LTUNG BAR 'GYUR, ,ZHES BYA BA LA, BYANG CHUB SEMS DPA' THAMS CAD SEMS CAN THAMS CAD LA GTANG BA DE LA, GAL TE BRJED NAS GZHAN GYI RDZAS BDAG GSO BA'I SRED PAS SPYAD NA NYON MONGS PA CAN GYI LTUNG BAR 'GYUR RO, ,JI STE SRED PA NI MED LA GZHAN LA CHAGS SAM SEMS CAN GYI BYA BA BRJED NAS SPYOD NA NYON MONGS PA CAN MA YIN PA'I LTUNG BAR 'GYUR RO, ,GZHAN GYI RDZAS SU 'DU SHES LA BDAG GI PHYIR SPYOD NA BRKUS PA'I LTUNG BAR 'GYUR RO, ,RIN THANG TSANG NA SO SOR THAR PA LAS PHAM PAR 'GYUR RO, ,BDAG PO DANG BCAS PA'I LONGS SPYOD RNAMS KYIS BDAG PO DANG BCAS PA'I LUS BSRUNG NGO SNYAM PAS SPYAD NA NYES PA MED DE, BRAN RTAG TU RJE BO'I LAS BYED PA GANG GIS 'TSO BA BDAG GI RDZAS YOD PA NI MA YIN NO, ,CHOS YANG DAG PAR SDUD PA'I MDO LAS KYANG, SEMS CAN THAMS CAD KYI CI BYA BA THOB PAR BYA BA'I PHYIR BYANG CHUB SEMS DPA' BRAN LTA BU BYA'O ZHES GSUNGS SO, ,SHIN TU RJE BO'I DON LA BRTZON PA'I BRAN GYIS RJE BO NA BA LA SOGS PAS RMYA BA'I BLO CAN GYIS GNANG BA MED PAR SPYAD KYANG NYES PA MED DO, ,DE LTAR SPYOD PA'I BYANG CHUB SEMS DPA'I THAD DU 'GA' ZHIG GIS DE KHA NA MI RIGS PAR MA DAD PAR BYA BA NI MI RIGS TE, GTONG BA'I SEMS NGO MTSAR CHEN PO CAN YONGS SU MI SHES PA'I PHYIR RO, ,TSUL 'DI LA NI 'GA' ZHIG GIS THE TSOM BYA BAR MI RIGS SO, ,THAMS CAD GTANG BA NI BCOM LDAN 'DAS KYI ZHAL NAS GSUNGS PAS GONG DU BSHAD PA YIN NO, ,DE LTAR NA LUS BSRUNG BA NI SEMS CAN GYI DON NYID DU BSTAN PA DE, GSAL BAR RTOGS PAR BYA BA'I PHYIR RIGS PA @81A *, ,'DI GSAL BAR BYAS SU ZAD KYI RANG DGAR BYAS PA NI MA YIN NO, ,BSLAB PA KUN LAS BTUS PA LAS LUS BSRUNG BA'I LE'U STE DRUG PA'O,, ,,DE LTAR RE ZHIG LUS BSRUNG BAR RIG PAR BYA'O, ,LONGS SPYOD BSRUNG BA BRJOD PAR BYA'O, ,ZHES BYA BA STE, LEGS SPYAD DAG LA BRTZAM PAR BYA, ,THAMS CAD LA YANG TSOD RIG BYA, ,DE LTAR BSLAB PA'I GZHI 'DI LAS, ,DE YI LONGS SPYOD BSRUNG MI DKA', ,DRAG SHUL CAN GYIS ZHUS PA LAS KYANG, SHIN TU BRTAGS TE LAS BYED PA DANG LEGS PAR BYA BA'I LAS BYED PA ZHES BSLAB PA'I GZHI GSUNGS PAS LONGS SPYOD RNAMS BZHAG NYES PA DANG MA BRTAGS PA DANG G-YEL BA BKAG PA GRUB PA YIN NO, ,ZHI GNAS KYI SKABS NAS KYANG TSOD SHES PA DANG RIGS PA SHES PAR GSUNGS TE, DES NA GANG 'DI LONGS SPYOD CHUNG NGU DANG NGAN PAS KYANG DGOS PA 'GRUB PA LTA NA BDAG GAM GZHAN DAG GIS KYANG RUNG STE, LONGS SPYOD MANG PO DANG BZANG PO CHUD GSON PA LA YAL BAR MI DOR BA DE GRUB PA YIN NO, ,DE BAS NA DRAG SHUL CAN GYIS ZHUS PA'I MDO LAS KYANG, BU DANG CHUNG MA DANG BRAN PHO DANG BRAN MO DANG LAS BYED PA DANG ZHO SHAS 'TSO BA RNAMS YANG DAG PAR YONGS SU SPYAD PA ZHES GSUNGS TE, CI NAS KYANG BDAG DANG GZHAN GYI BYANG CHUB KYI PHYOGS DANG THOS PA LA SOGS PA'I BAR CHAD DU 'GYUR BA'I GTONG BA'AM MI GTONG BA GNYI GA MI BYA'O, ,SEMS CAN GYI DON LA NUS PA CHE BA'AM NUS PA MTSUNGS PA'I BYANG CHUB SEMS DPA'I LHAG PA'AM, MTSUNGS PA'I DGE BA'I BAR CHAD BYED PA'I GTONG BA DANG, MI GTONG BA MI BYA BAR GRUB PA YIN NO, ,'DI LA DGONGS NAS, BYANG CHUB SEMS DPA'I SO SOR THAR PA LAS KYANG BSTAN TE, SH'A RI'I BU BYANG CHUB SEMS DPA'I KHYIM GYI GNAS NAS MNGON PAR BYUNG BA BYANG CHUB KYI YAN LAG LA MNGON PAR BRTZON PA GANG YIN PA DES JI LTAR SBYIN PA SBYIN PAR BYA, SBYIN PA JI TZAM ZHIG SBYIN PAR BYA, SBYIN PA'I RANG BZHIN CI 'DRA BA ZHIG SBYIN PAR BYA, DE BZHIN DU SBYAR TE, CHOS SBYIN PA DANG CHOS KYI SBYIN BDAG TU BYA'O, ,SH'A RI'I BU BYANG CHUB SEMS DPA' KHYIM PA GANG GIS SANGS RGYAS KYI ZHING GANG G'A'I KLUNG GI BYE MA SNYED DAG RIN PO CHE SNA BDUN GYIS RAB TU BKANG STE, DE BZHIN @81B GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LA DBUL BA PHUL BA BAS, SH'A RI'I BU RAB TU BYUNG BAR GYUR PA'I BYANG CHUB SEMS DPA' GANG ZHIG TSIG BZHI PA'I TSIGS SU BCAD PA GCIG BSTAN NA 'DI NI DE BAS CHES BSOD NAMS MANG DU BSKYED DE, SH'A RI'I BU DE BZHIN GSHEGS PAS NI RAB TU BYUNG BAS ZANG ZING GI SBYIN PA BYIN PAR MA GNANG NGO, ,DE BZHIN DU SBYAR TE, SH'A RI'I BU, GANG GIS LHUNG BZED DU 'ONGS PA LHUNG BZED DU CHUD PA'I RNYED PA CHOS DANG MTHUN PA CHOS KYIS RNYED PAR GYUR NA, DES TSANGS PA MTSUNGS PAR SPYAD PA RNAMS DANG THUN MONG DU BZA' BAR BYA'O, ,GAL TE LA LA ZHIG 'ONGS NAS LHUNG BZED DANG CHOS GOS SLONG LA GAL TE SANGS RGYAS KYIS GNANG BA'I CHOS GOS GSUM LAS LHAG PAR GYUR NA JI LTAR BTANG BA BZHIN DU SBYIN PAR BYA'O, ,GAL TE DE LA CHOS GOS NYUNG BAR GYUR NA GANG LA BRTEN TE, TSANGS PAR SPYOD PA LA GNAS PA DE NI YONGS SU GTONG BAR MI BYA'O, ,DE CI'I PHYIR ZHE NA, DE BZHIN GSHEGS PAS CHOS GOS GSUM GTANG BAR MI BYA'O ZHES GSUNGS PA'I PHYIR RO, ,SH'A RI'I BU GAL TE BYANG CHUB SEMS DPAS CHOS GOS GSUM YONGS SU GTANG STE, SLONG BA PO GTZO BOR BYED PAR GYUR NA DES 'DOD PA CHUNG BA BSTEN PA MA YIN NO, ,SH'A RI'I BU BYANG CHUB SEMS DPAS GANG KHYIM GYI GNAS NAS MNGON PAR BYUNG BA DES CHOS LA BRTEN PAR BYA STE, DES DE LA MNGON PAR BRTZON PAR BYA'O ZHES GSUNGS SO, ,GZHAN DU NA SEMS CAN GCIG BSDU BA'I PHYIR SEMS CAN GYI TSOGS CHEN PO DANG, SEMS CAN DES KYANG BYANG CHUB SEMS DPA'I BSAM PA YONGS SU SBYAR BAR BYA BA'I BAR CHAD BYAS PAS, DON CHEN PO DMAS PAR BYAS PAR 'GYUR RO, ,DE BAS NA DGE BA'I PHYOGS RGYA CHEN PO RNAM PAR SPANGS PAS MA BSRUNGS PA ZHES BYA'O, ,DE LTAR RE ZHIG GTONG BA BKAG GO, ,MI GTONG BA DGAG PA NI, 'PHAGS PA BLO GROS RGYA MTSOS ZHUS PA'I MDO LAS KYANG, THEG PA CHEN PO'I BAR DU GCOD PA'I RNYED PA MANG PO JI SKAD GSUNGS PA LTA BU'O, ,BDAG GI CHO GAR BSTAN PA GANG YIN PA DE BYANG CHUB SEMS DPA' GZHAN LA YANG BSGRUB PAR BYA'O ZHES BYA BAR CI MNGON ZHE NA, 'PHAGS PA DRAG SHUL CAN GYIS ZHUS PA'I MDO @82A *, ,LAS BSTAN PA'I PHYIR TE, GZHAN GYI BYA BA BYAS SHING RANG GI BYA BA YONGS SU GTANG BAR BYA'O ZHES GSUNGS PA LTA BU'O, ,DE SKAD DU DRI MA MED PAR GRAGS PAS BSTAN PA'I MDO LAS KYANG, 'KHOR BA'I 'JIGS PAS SKRAG PAS CI LA BRTEN PAR BYA, SMRAS PA, 'JAM DPAL 'KHOR BA'I 'JIGS PAS SKRAG PA'I BYANG CHUB SEMS DPAS SANGS RGYAS KYI CHE BA NYID LA BRTEN PAR BYA'O, ,SMRAS PA, SANGS RGYAS KYI CHE BA NYID LA GNAS PAR 'DOD PAS JI LTAR GNAS PAR BYA, SMRAS PA, SANGS RGYAS KYI CHE BA NYID LA GNAS PAR 'DOD PAS SEMS CAN THAMS CAD MNYAM PA NYID LA GNAS PAR BYA'O; ,SMRAS PA, SEMS CAN THAMS CAD MNYAM PA NYID LA GNAS PAR 'DOD PAS GANG DU GNAS PAR BYA, ,SMRAS PA, SEMS CAN THAMS CAD RAB TU THAR BAR BYA BA LA GNAS PAR BYA'O ZHES GSUNGS SO, ,DE SKAD DU CHOS YANG DAG PAR SDUD PA LAS, BYANG CHUB SEMS DPA' DED DPON GYIS GSOL PA, BCOM LDAN 'DAS BYANG CHUB SEMS DPA' NI THOG MA KHO NAR SEMS CAN THAMS CAD BYANG CHUB BAR 'TSAL BAR BGYI STE BDAG NYID NI MA LAGS SO ZHES BYA BA NAS, BCOM LDAN 'DAS 'DI NI CHOS YANG DAG PAR BRJOD PA LAGS SO ZHES BYA BA'I BAR DU GSUNGS SO, ,GTANG BAS DE'I RANG GI DON BYA BA MED PAR GRUB MOD KYI, 'ON KYANG SEMS CAN GYI DON NYAMS PAS 'JIGS PA'I PHYIR SKAL BA MED PA'I SEMS CAN LA RANG GI KHUR KHAS 'CHI BAR MI BYED DO, ,GANG DU SEMS CAN GYI DON NYAMS PAR MA MTHONG BA DER RANG GIS BYAS SAM GZHAN GYIS 'GRO BA LA PHAN PAR SPYAD PAR BYE BRAG CI YOD NA, DE BYANG CHUB SEMS DPA' GZHAN GYI DGE BA SGRUB PA'I PHYIR, RANG GI DGE BA MI 'DOR, CI STE BDAG NGAN 'GRO'I SDUG BSNGAL GYIS 'JIGS NA CIG SHOS KYANG SDUG BSNGAL DE NYID KYIS 'JIGS SO, ,JI STE DE SDUG BSNGAL BAS BDAG LA GNOD PA MED DO SNYAM DU YAL BAR 'DOR NA GONG DU SMOS PA'I MDO RNAMS LAS 'BYUNG BA BZHIN DU NYES PA DANG BCAS PAR 'GYUR RO, ,YANG DKON MCHOG BRTZEGS PA'I MDO LAS, 'OD SRUNGS BZHI PO 'DI DAG NI BYANG CHUB SEMS DPA' LTAR BCOS PA'O ZHES BYA BA LAS BRTZAMS TE, BDAG GIS BDE BA DON DU GNYER BA YIN TE SEMS CAN GYI SDUG BSNGAL @82B BSAL BA DON DU GNYER BA MA YIN PA'O ZHES GSUNGS SO, ,DE LTA BAS NA DRAG SHUL CAN GYIS ZHUS PA'I TSUL LTAR SNGA MA YIN BZHIN DU BDAG LA SMAD PAR BYA'O, ,BYANG CHUB SEMS DPA'I BSLAB PA 'DI NI CHOS YANG DAG PAR SDUD PA'I MDO LAS, 'PHAGS PA RTZOM PA MED KYIS JI SKAD BSTAN PA LTA BU STE; RIGS KYI BU SGRUB PA LA GNAS PAR JI LTAR RIG PAR BYA, SMRAS PA, GANG SEMS CAN RNAMS LA LOG PAR MI SGRUB PA'O, ,SMRAS PA, SEMS CAN RNAMS LA LOG PAR MI SGRUB PA JI LTA BU, SMRAS PA, GANG SEMS CAN RNAMS LA BYAMS PA CHEN PO DANG SNYING RJE CHEN PO MI 'DOR BA'O, , RAB 'BYOR GYIS SMRAS PA, BYANG CHUB SEMS DPA' RNAMS KYI BYAMS PA CHEN PO GANG YIN, SMRAS PA, GANG LUS DANG SROG DANG DGE BA'I RTZA BA THAMS CAD SEMS CAN THAMS CAD LA SBYIN ZHING LAN DU PHAN 'DOGS PAR RE BA YANG MED DO, ,SMRAS PA, BYANG CHUB SEMS DPA' RNAMS KYI SNYING RJE CHEN PO GANG YIN; SMRAS PA, GANG THOG MA KHO NAR SEMS CAN THAMS CAD BYANG CHUB PAR 'DOD KYI BDAG NI MA YIN PA'O ZHES BYA'O, ,YANG DE NYID LAS, SNYING RJE CHEN PO NI BYANG CHUB SEMS DPA'I BSLAB PA THAMS CAD KYI RTZA BA'O ZHES GSUNGS SO, ,BYANG CHUB SEMS DPA' DON DU GNYER BA GANG YANG RUNG BAS DON DU GNYER BAR BYA BA YIN PA'I PHYIR NA, GANG GIS SBYIN PA PO YON GNAS CHEN POS DON CHEN PO SBYIN PA LAS BSOD NAMS KYI RGYA MTSO'I PHUNG PO CHEN PO SNANG BAR 'GYUR BA 'DI NI GDON MI ZA BAR BCOM LDAN 'DAS KYIS BZLOG PAR BYA BA MA YIN PA DANG, GDON MI ZA BAR BSTAN TO ZHES BYA BAR YONG NGES PA YIN TE, DE LTA MA YIN NA NI PHONGS PAS 'CHI BAR 'GYUR BA 'BA' ZHIG TU ZAD DO, ,RAB TU ZHI BA RNAM PAR NGES PA'I CHO 'PHRUL GYI MDO LAS, RGYAL PO CHEN PO KHYOD KYIS LO STONG GI 'GOD PA GANG YIN PA DE DAG THAMS CAD BSDOMS TE, DGE SLONG GCIG LA BYIN PAR GYUR CING, DE BZHIN DU THAMS CAD DGE SLONG THAMS CAD LA SO SOR BYIN PAR GYUR LA, GANG YANG LUNG 'BOGS PA DANG KHA TON LA BRTZON PA'I BYANG CHUB SEMS DPA' GUS PA DANG BCAS PA CHOS 'DOD PA ZHIG GIS DAD PAS BYIN PA CHEN PO LA 'OS PA BLANGS TE, 'DI LTAR SBYIN PA 'DIS BDAG GIS CHOS YONGS SU BTZAL BA BRTZAM MO SNYAM DU SEMS BSKYED NA, DGE BA'I RTZA BA 'DI LA GTANG BAR BYA @83A *, ,BA'I CHOS YONGS SU GTANG BA DES BRGYA'I CHAR YANG NYE BAR MI 'GRO'O ZHES GANG BSTAN PA DE NI KHYIM GYI BDE BA LA CHAGS PA'I DBANG DU BYAS NAS GSUNGS PA STE, SNGAR BSTAN PA'I TSUL GYIS NYES PA CI YANG MED DO, LONGS SPYOD BSRUNG BA MDO TZAM BSTAN ZIN TO, ,BSOD NAMS BSRUNG BA BRJOD PAR BYA STE, DE LA, RANG DON RNAM SMIN SRED SPANGS PAS, ,DGE BA KUN TU BSRUNG BAR 'GYUR, ,SRED MED KYI BUS ZHUS PA LAS JI SKAD DU, DE RGYAL SRID KYI PHYIR TSUL KHRIMS MI SRUNG, MTHO RIS KYI PHYIR MA YIN, BRGYA BYIN GYI PHYIR MA YIN, TSANGS PA'I PHYIR MA YIN, LONGS SPYOD KYI PHYIR MA YIN, DBANG PHYUG GI PHYIR MA YIN, GZUGS KYI PHYIR MA YIN, KHA DOG GI PHYIR MA YIN, SNYAN PA'I PHYIR MA YIN NO, ,DE BZHIN SBYAR RO, ,DMYAL BA'I 'JIGS PAS 'JIGS NAS TSUL KHRIMS BSRUNG BA MA YIN, DE BZHIN DU DUD 'GRO'I SKYE GNAS DANG GSHIN RJE'I 'JIG RTEN GYIS 'JIGS SKRAG PAS TSUL KHRIMS BSRUNG BA MA YIN TE, GZHAN DU NA SANGS RGYAS KYI TSUL LA DGOD PA'I PHYIR TSUL KHRIMS BSRUNG BA NAS, SEMS CAN THAMS CAD LA PHAN PA DANG BDE BA GRUB PA DANG BDE BA DON DU GNYER BAS TSUL KHRIMS SRUNG NGO, ,DE BZHIN DU SBYAR TE, TSUL KHRIMS KYI PHUNG PO DE LTA BU DANG LDAN PA'I BYANG CHUB SEMS DPA' DE CHOS BCU LAS YONGS SU NYAMS PAR MI 'GYUR RO, ,BCU GANG ZHE NA, 'DI LTA STE, 'KHOR LOS SGYUR BA'I RGYAL SRID LAS YONGS SU MI NYAMS TE DE LA YANG BAG YOD CING BYANG CHUB 'DOD PA YIN, BRGYA BYIN LAS YONGS SU MI NYAMS TE DE LA YANG BAG YOD CING BYANG CHUB 'DOD PA DANG, SANGS RGYAS MTHONG BAR 'DOD PA YIN; DE BZHIN DU TSANGS PA DANG, SANGS RGYAS MTHONG BA MI PHYED PA THOB PA DANG, CHOS NYAN PA LAS YONGS SU MI NYAMS PA NAS JI LTAR THOB PA'I CHOS BSGRUB PA LA NAN TAN BYED PA DANG, BYANG CHUB SEMS DPA'I YI DAM GYI BAR LAS YONGS SU MI NYAMS PA DANG, SPOBS PA RGYUN MI 'CHAD PA DANG, DGE BA'I CHOS THAMS CAD DON DU GNYER BA DANG, BSAM GTAN LAS YONGS SU MI NYAMS PA'O, ,DE BZHIN DU SBYAR TE, DE LTAR TSUL KHRIMS KYI PHUNG PO LA GNAS PA'I BYANG CHUB SEMS DPA' SEMS DPA' CHEN PO NI LHA RNAMS KYIS RTAG TU PHYAG BYAS PA YIN, KLU RNAMS KYIS RTAG TU BSNGAGS PA YIN, @83B GNOD SBYIN RNAMS KYIS RTAG TU PHYAG BYAS PA YIN, DRI ZA RNAMS KYIS RTAG TU MCHOD PA YIN, KLU'I DBANG PO DANG LHA MA YIN GYI DBANG PO RNAMS KYIS RTAG TU RJED PA YIN, BRAM ZE DANG RGYAL RIGS DANG TSONG DPON DANG KHYIM BDAG RNAMS KYIS RTAG TU GSOL BA YIN, MKHAS PA RNAMS KYIS RTAG TU 'GRO BAR BYA BA YIN, SANGS RGYAS RNAMS KYIS RTAG TU DGONGS PA YIN, LHA DANG BCAS PA'I 'JIG RTEN GYIS STON PA DANG MTSUNGS PAR BKUR BA YIN, SEMS CAN THAMS CAD LA SNYING BRTZE BA YIN NO, ,DE BZHIN DU SBYAR RO, ,'GRO BA BZHIR MI 'GRO STE, BZHI GANG ZHE NA 'DI LTA STE, SEMS CAN YONGS SU SMIN PAR BYA BA MA GTOGS PAR MI KHOM PA'I 'GRO BAR MI 'GRO BA DANG, SANGS RGYAS MED PA'I ZHING GI 'GRO BAR MI 'GRO BA DANG, LOG PAR LTA BA CAN GYI RIGS SU SKYE BA'I 'GRO BAR MI 'GRO BA DANG, NGAN 'GRO'I 'GRO BA THAMS CAD DU MI 'GRO BA'O ZHES GSUNGS PA LTA BU'O, ,DE LTAR SNGAR BTANG BA'I BSOD NAMS NYON MONGS PA'I DBANG GIS YANG LEN PA BSRUNG BAR BYA'O, ,BSOD NAMS BYIN PA'I BSOD NAMS GANG YIN PA DE LAS GZHAN GYI DON LAS MA GTOGS PA RNAM PAR SMIN PA MI 'DOD PAR BYA'O, ,GZHAN YANG BSOD NAMS BSRUNG BAR 'DOD PAS, 'GYOD PAR YANG NI MI BYA STE, ,DRAG SHUL CAN GYIS ZHUS PA LAS JI SKAD DU, BYIN NAS 'GYOD PA'I SEMS BSKYED PAR NI MI BYA'O ZHES GSUNGS PA LTA BU STE, MJUG MTHU CHUNG BAR BYAS PAS MTHU CHUNG BAR 'GYUR TE, 'GYOD PAS SDIG PA ZAD PA BZHIN DU BSOD NAMS KYANG ZAD PAR 'GYUR BAR DGONGS PA'O, ,BYAS PAR GYUR KYANG BSGRAGS MI BYA, ,BCOM LDAN 'DAS KYIS RNAM GRANGS DU MAR DGE BA MI SBYOMS PA DANG, SDIG PA BSHAGS PA GSUNGS SO, ,DE LA YID MI BDE BA'I PHYIR SDIG PA NI, BSHAGS PAS ZAD PAR 'GYUR RO, ,BSOD NAMS NI DE LTAR ZAD PAR MI 'GYUR TE, YID BDE BA'I PHYIR YANG MI ZAD DE, SEMS CAN GYI DON GYI PHYIR ZANG ZING MED PA'I SEMS KYIS BSGRAGS PA NI NYES PA MED DO; ,DKON MCHOG SPRIN LAS JI SKAD DU, SMAN PA'I DPES BDAG BSTOD PA NYES PA MED PAR BSTAN PA LTA BU'O, ,YANG BSOD NAMS BSRUNG BAR 'DOD PAS, ,RNYED DANG BKUR STIS 'JIGS BYA ZHING, ,KHENGS PA RTAG TU SPANG BAR BYA, ,BYANG CHUB SEMS DPA' DANG BYA ZHING, ,CHOS LA YID GNYIS SPANG BAR @84A *, ,BYA; ;'DI NI DKON MCHOG BRTZEGS PA LAS RAB TU BSTAN TE, 'OD SRUNGS BYANG CHUB SEMS DPA' CHOS BZHI DANG LDAN PA'I DGE BA'I CHOS SKYES SHING BYUNG BA RNAMS YONGS SU ZAD PAR 'GYUR TE DGE BA'I CHOS DE DAG GIS RGYAS PAR MI 'GYUR RO, ,BZHI GANG ZHE NA, 'DI LTA STE, MNGON PA'I NGA RGYAL GYIS 'JIG RTEN RGYANG 'PHEN PA'I GSANG TSIG TSOL BA DANG, RNYED PA DANG BKUR STI LA LHAG PAR ZHEN PAS KHYIM LA LTA BA DANG, BYANG CHUB SEMS DPA' LA RNAM PAR SDANG ZHING SKUR BA 'DEBS PA DANG, MA THOS PA DANG MA ZIN PA'I MDO SDE RNAMS SPONG BA'O ZHES BSTAN TO, ,'PHAGS PA THAMS CAD YOD PAR SMRA BA RNAMS KYI GZHUNG LAS KYANG, DGE SLONG DAG DGE SLONG GIS 'DI LTAR SKRA DANG SEN MO'I MCHOD RTEN LA YAN LAG THAMS CAD KYIS PHYAG 'TSAL TE SEMS DANG BAR BYED PA LA LTOS, ,BTZUN PA DE LTA LAGS SO, ,DGE SLONG DAG DGE SLONG 'DIS SA JI TZAM ZHIG NON PA'I 'OG DPAG TSAD BRGYAD KHRI BZHI STONG NA YOD PA'I GSER GYI 'KHOR LO LA THUG PA'I BAR NA BYE MA JI SNYED YOD PA DE SNYED DU DGE SLONG 'DIS 'KHOR LOS SGYUR BA'I RGYAL SRID STONG 'GYUR DU LONGS SPYOD PAR 'GYUR RO ZHES BYA BA NAS DE NAS TSE DANG LDAN PA NYE BAR 'KHOR GYIS, BCOM LDAN 'DAS GA LA BA DE LOGS SU THAL MO SBYAR BA BTUD DE, BCOM LDAN 'DAS LA 'DI SKAD CES GSOL TO, ,BCOM LDAN 'DAS KYIS DGE SLONG GI DGE BA'I RTZA BA DE LTA BUR CHE BAR GSUNGS NA BCOM LDAN 'DAS DGE BA'I RTZA BA DE DAG GANG DU BSRABS PA DANG YONGS SU BYANG BA DANG YONGS SU ZAD PAR 'GYUR, NYE BA 'KHOR JI LTAR TSANGS PA MTSUNGS PAR SPYOD PAS TSANGS PA MTSUNGS PAR SPYOD PA LA RMA BYUNG BA DANG RMAS PAR BYAS PA DE LTA BU NI NGAS MA MTHONG STE, NYE BA 'KHOR DES DGE BA'I RTZA BA CHEN PO 'DI DAG BSRABS PA DANG YONGS SU BYANG BA DANG YONGS SU ZAD PAR 'GYUR RO, ,NYE BA 'KHOR DE LTA BAS NA CI NAS 'GAL BA LA YANG SEMS KYIS GNOD PAR MI BYA NA RNAM PAR SHES PA DANG BCAS PA'I LUS LTA SMOS KYANG CI DGOS ZHES 'DON TO, ,'PHAGS PA 'JAM DPAL RNAM PAR ROL PA'I MDO LAS, KHONG KHRO BA KHONG KHRO BA ZHES BYA BA NI BSKAL PA BRGYAR BSAGS PA'I DGE BA'I RTZA BA 'JOMS PAS DE'I PHYIR KHONG KHRO BA ZHES BYA'O ZHES GSUNGS SO, ,'PHAGS PA SDONG PO BKOD PA'I MDO LAS, MTSAN MO'I LHA MO SEMS @84B CAN KUN SKYOB PA'I DPAL GYIS SNGON GYI RTOGS PA BRJOD PA BSNYAD PA LAS KYANG, DE DAG PHAN TSUN BRNYAS PA'I MI DGE BA 'DUS PAS TSE'I TSAD KYANG NYAMS PAR 'GYUR, KHA DOG DANG STOBS DANG BDE BA LAS KYANG YONGS SU NYAMS PAR 'GYUR ZHES GSUNGS SO, ,'DIR NI BRGYA LAM NA YANG KHENGS PAR MI BYA'O ZHES RAB TU BSTAN PA'I PHYIR RTAG TU ZHES BRJOD DO, ,RNYED PA DANG BKUR STI NI JI STE NA KHAS BLANG BAR BYA STE, DKON MCHOG SPRIN LAS JI SKAD DU, 'DI LA BYANG CHUB SEMS DPA'I RIN PO CHE'I PHUNG PO RI RAB TZAM THOB NA YANG LEN TO, ,DNGOS PO NGAN PA ZHIG THOB NA YANG LEN TO, ,DE CI'I PHYIR ZHE NA, DE 'DI LTAR SEMS TE SEMS CAN 'DI DAG NI SER SNA CAN BRKAM PA 'DOD PAS BKOL BA 'JUNGS PA YIN TE, RGYU DE DANG RKYEN DE DANG GZHI DES CHU'I PHUNG PO CHEN POS NON PA BZHIN DU 'KHOR BA'I RGYA MTSOR 'BYUNG NUB BYED PA DE DAG LA YUN RING POR DON DANG PHAN PA DANG BDE BA CHEN POR 'GYUR RO SNYAM STE, DE BLANGS NAS BDAG GIR MI BYED CHAGS PA'I SEMS MI BSKYED DO, ,GZHAN DU NA SEMS CAN THAMS CAD DANG THUN MONG DU SANGS RGYAS DANG CHOS DANG DGE 'DUN DAG LA YANG BYA BA BYED DO, ,SEMS CAN SDUG BSNGAL BA RNAMS LA YANG PHAN PAR BYED DO, ,SBYIN PA'I BDAG PO DE YANG GZENGS BSTOD PA DANG SHIN TU DGA' BAR BYED DO ZHES GSUNGS PA LTA BU'O, ,DE BZHIN DU DE NYID LAS, SBYIN PA DES KHENGS PAR YANG MI 'GYUR ZHES GSUNGS SO, ,YANG DE NYID LAS, GAL TE YANG RGYU DE DANG RKYEN DE DANG GZHI DES GRAGS PA DANG SGRA DANG TSIGS SU BCAD PA ZHIG BYUNG YANG DES KHENGS PAR MI 'GYUR NGA RGYAL MI SKYE RGYAGS PA MI SKYE STE DE 'DI SNYAM DU SEMS SO, ,RING POR MI THOGS PAR GRAGS PA DANG SGRA DANG TSIGS SU BCAD PA 'DI SU LA NYE BAR GNAS PA DANG, SU DAG GIS NYE BAR GNAS PAR BYAS PA DANG, GRAGS PA DANG SGRA DANG TSIGS SU BCAD PA GANG ZHIG NYE BAR GNAS PA 'DI GSUM GANG YANG THAMS CAD DU THAMS CAD MED PAR 'GYUR NA DE LA MKHAS PA'I RANG BZHIN CAN SU ZHIG MI RTAG CING MI GNAS PA'I CHOS MI BRTAN PA YID BRTAN DU MI RUNG BA DAG LA DGA' BA'I SEMS BSKYED PA'AM, KHENGS PAR 'GYUR BA'AM, NGA RGYAL DANG RGYAGS PAS DREGS PAR 'GYUR SNYAM STE, DE LTAR NA BYANG CHUB SEMS DPA' RNYED PA DANG BKUR STI DANG GRAGS @85A *, ,PA DANG SGRA DANG TSIGS SU BCAD PA RNAMS LA DRAN PA SHIN TU NYE BAR GZHAG CING GNAS SO ZHES GSUNGS SO, ,GZHAN YANG DMAN PA'I YID KYIS GDOL BU LTA BUR 'JIG RTEN NA SPYOD PA YIN, RTAG TU RGYUN MI 'CHAD PAR BSOD SNYOMS SLONG BA'I 'DU SHES NYE BAR GZHAG PAS DMAN ZHING DMAN PA'I YID KYIS NGA RGYAL DANG RGYAGS PA DANG DREGS PA DANG BRAL BA RNAMS YIN NO ZHES GSUNGS SO, ,YANG GSUNGS PA, RIGS KYI BU 'DI LA BYANG CHUB SEMS DPA' KHYIM GYI GNAS NAS MNGON PAR BYUNG STE RAB TU BYUNG NAS BDAG GI GROGS PO DANG BLON PO DANG GNYEN BSHES DANG SNAG GI GNYEN MTSAMS LA SHI BA DANG 'DRA'O ZHES NGA RGYAL BCOM PA YIN, BDAG GI GZUGS MI SDUG PAR KHAS BLANGS SHING BDAG GIS GOS KHA DOG MI SDUG PA BGOS TE TSUL GZHAN DU BSGYUR RO ZHES NGA RGYAL BCOM PA YIN, SPRANG BA'I RGYU SPRANG BA'I PHYIR MGO BREGS SHING LAG NA LHUNG BZED THOGS NAS GRONG NAS GRONG DU 'GRO'O ZHES NGA RGYAL BCOM PA YIN, GDOL BU DANG 'DRA BAR DMAN PA DMAN PA'I SEMS KYIS BSOD SNYOMS KYI PHYIR 'GRO'O ZHES NGA RGYAL BCOM PA YIN, BDAG NI BSOD SNYOMS PA STE BDAG GI 'TSO BA GZHAN LA RAG LUS SO ZHES NGA RGYAL BCOM PA YIN, BRNYAS PA'I BSOD SNYOMS NGAN NGON LEN TO ZHES NGA RGYAL BCOM PA YIN, BDAG GIS SLOB DPON DANG BLA MA DANG SBYIN PA'I GNAS RNAMS MNYES PAR BYA DGOS SO ZHES NGA RGYAL BCOM PA YIN, BDAG GIS TSANGS PA MTSUNGS PAR SPYOD PA RNAMS LA 'DI LTA STE, CHO GA DANG SPYOD YUL DANG KUN SPYOD PA DE DANG DES MGU BAR BYA'O ZHES NGA RGYAL BCOM PA YIN, SANGS RGYAS KYI CHOS MA THOB PA RNAMS THOB PAR BYA'O ZHES NGA RGYAL BCOM PA YIN, SEMS CAN KHROS PA DANG GNOD SEMS RNAMS KYI NANG NA BZOD PA MANG BAR BYA'O ZHES NGA RGYAL BCOM PA YIN NO ZHES GSUNGS SO,, ,,BAM PO BDUN PA, 'PHAGS PA BLO GROS RGYA MTSOS ZHUS PA'I MDO LAS KYANG, DE LUS YONGS SU DAG PA YIN TE, LUS MTSAN GYIS LEGS PAR BRGYAN PA DANG, LAG PA DANG RKANG PA 'JAM ZHING MNYEN PA DANG, BSOD NAMS KYI RGYU MTHUN PA'I LUS SHIN TU RNAM PAR PHYE BA DANG, DBANG PO MA TSANG BA MED PA DANG, YAN LAG DANG NYING LAG THAMS CAD YONGS SU RDZOGS PA YIN YANG, @85B GZUGS KYIS RGYAGS SHING DREGS PA MED PA YIN TE, LUS CHE BA'I TSUL DANG LDAN PA MA YIN NO, ,DE CHOS GZUNG BAR BYA BA'I PHYIR SEMS CAN CI TZAM DU DMAN PA GZUGS MA TSANG BA RNAMS LA YANG 'DUD DO RAB TU 'DUD DO ZHES GSUNGS SO, ,YANG DE NYID LAS BCOM LDAN 'DAS 'DI LTA STE, DPER NA GANG GI TSE RGYA MTSO CHEN PO MCHIS PAR 'GYUR BA DE'I TSE GZHOL BA'I PHYOGS NA MCHIS PAR 'GYUR RO, ,DE GZHOL BA'I SLAD DU CHU KLUNG THAMS CAD DANG CHAB MIG DANG 'BAB CHU THAMS CAD TSEGS CHUNG NGUS DER 'BAB BO, ,BCOM LDAN 'DAS DE BZHIN DU BYANG CHUB SEMS DPA' NGA RGYAL MA MCHIS PA BLA MA DANG SBYIN GNAS LA GUS PA LA YANG TSOGS CHUNG DUS CHOS ZAB MO'I SGO RNAMS RNA BA'I DBANG PO LA GRAG PAR 'GYUR ZHING DRAN PA LA YANG GNAS PAR 'GYUR RO, ,BCOM LDAN 'DAS DE LTA BAS NA BYANG CHUB SEMS DPA' NGA RGYAL GYIS KHENGS NGA RGYAL GYIS RENGS PAR GYUR TE, BLA MA DANG SBYIN GNAS RNAMS LA KUN DU MI 'DUD CING 'DUD PAR MI BGYID LA RAB TU MI 'DUD NA, BCOM LDAN 'DAS KYI MA'O BYANG CHUB SEMS DPA' 'DI NI NGA RGYAL GYI LCAGS KYUS ZIN PAR RIG PAR BGYI'O ZHES GSUNGS SO, ,'PHAGS PA 'JIG RTEN LAS 'DAS PA'I LE'U LAS KYANG, KYE RGYAL BA'I SRAS BCU PO 'DI DAG NI BYANG CHUB SEMS DPA' RNAMS KYI NGA RGYAL GYI LAS SO, ,BCU GANG ZHE NA, 'DI LTA STE, BLA MA DANG SBYIN GNAS DANG SLOB DPON DANG PHA MA DANG DGE SBYONG DANG BRAM ZE DANG YANG DAG PAR SONG BA DANG YANG DAG PAR ZHUGS PA RNAMS LA MI GUS PA NI NGA RGYAL GYI LAS SO, ,CHOS SMRA BA DANG, KHYAD PAR CAN GYI CHOS KHONG DU CHUD PA DANG, CHOS RGYA CHEN PO STON PA DANG THEG PA CHEN PO LA ZHUGS PA DANG 'BYUNG BA'I LAM GYI TSUL SHES PA DANG, GZUNGS DANG MDO SDE LA SHIN TU BYANG BA RNAMS LA MI 'DUD DE, KHENGS SHING 'GYING LA CHOS DANG CHOS SMRA BA LA GUS PA MI SKYED CING SRI ZHU DANG ZHES MI BYED PA NI, NGA RGYAL GYI LAS SO, ,CHOS MNYAN PA DANG YANG DAG PA'I GTAM BYA BAR 'DUG PA NA, CHOS KYI SHUGS RGYA CHEN PO SKYES KYANG LA LA ZHIG 'DI LA DAD PA SKYES PAR 'GYUR DU 'ONG SNYAM STE CHOS SMRA BA LA LEGS SO ZHES BYA BA SBYIN PAR MI BYED PA NI NGA RGYAL GYI LAS SO, ,MNGON PA'I NGA RGYAL BSKYED NAS BDAG GI GZENGS BSTOD CING PHA ROL KHYAD DU GSOD PA DANG BDAG SHES PA @86A *, ,LA MI 'JUG CING SEMS KYI NGES PAR SEMS PA MI SKYED PA NI NGA RGYAL GYI LAS SO, ,LHAG PA'I NGA RGYAL BSKYED NAS SHES SHING RTOGS BZHIN DU BSNGAGS PAR 'OS PA'I GANG ZAG RNAMS KYI BSNGAGS PA 'CHAB PA DANG MI SNYAN PAR BRJOD CING GZHAN GYI YON TAN BSNGAGS PAS YID MI DGA' BAR 'GYUR BA NI NGA RGYAL GYI LAS SO, ,'DI NI CHOS SO, ,'DI NI 'DUL BA'O, ,'DI NI YANG DAG PAR RDZOGS PA'I SANGS RGYAS KYI BKA' YIN NO ZHES BYA BAR YANG DAG PAR SHES LA, GANG ZAG LA ZHE SDANG ZHING CHOS LA ZHE SDANG BA DANG DAM PA'I CHOS SPONG BA DANG GZHAN DAG KYANG RTZOD DU 'JUG CING LDOG PAR BYED PA NI NGA RGYAL GYI LAS SO, ,STAN MTHON PO 'DOD PA DANG GCES TE LAS SU MI BSKO BA'I CHOS TSOL BA DANG GZHAN GYI RIM GRO BYA BAR SDOD CING MNGON BAR DGA' BA DANG GNAS BRTAN RGAN PO TSANGS PAR SPYOD PA YUN RING DU SPYAD PA RNAMS LA MI LDANG ZHING MI SU BA DANG BSNYEN BKUR MI BYED PA NI NGA RGYAL GYI LAS SO; ,BZHIN KHRO GNYER CAN DU BYAS SHING MI 'DZUM PA DANG, TSIG 'JAM ZHING MNYEN PA MED LA RTAG TU KHENGS PA'I SEMS KYIS GLAGS LTA SKABS TSOL BA NI NGA RGYAL GYI LAS SO, ,MNGON PA'I NGA RGYAL CAN DU LHUNG ZHING MKHAS PA'I GAN DU MI 'GRO MI BSNYEN MI BSTEN BSNYEN BKUR MI BYED YONGS SU MI 'DRI ZHING DGE BA NI CI MI DGE BA NI CI, CI BYAS NA YUN RING POR DON DANG PHAN PA DANG BDE BAR 'GYUR, CI BYAS NA YUN RING POR GNOD PA DANG MI PHAN PA DANG MI BDE BAR 'GYUR ZHES MI 'DRI STE, DE RMONGS PA LAS CHES RMONGS PAR GYUR NAS, GTI MUG GIS BLONG ZHING NGA RGYAL GYIS BRGYAL TE 'BYUNG BA MI MTHONG BA NI NGA RGYAL GYI LAS SO, ,MNGON PA'I NGA RGYAL GYIS ZIL GYIS NON PAS SANGS RGYAS 'BYUNG BA MNYES PAR MI BYED PA DANG SNGON GYI DGE BA'I RTZA BA ZAD PAR BYED PA DANG GSAR MI SKYED PA DANG, BSHAD PAR MI BYA BA 'CHAD PA DANG 'THAB MO BYED CING RTZOD PA MANG BAR GYUR TE, 'DI LTA BU'I CHOS LA GNAS PAS 'DOD RGYAL CHEN POR LHUNG BA'I GNAS SU GYUR KYANG, BYANG CHUB KYI SEMS KYI STOBS SKYED PAS DBANG PHYUG THOB PAR 'GYUR YANG, DES BSKAL PA BRGYA STONG DU SANGS RGYAS 'BYUNG BA YANG MI MTHONG NA CHOS NYAN PAR LTA GA LA 'GYUR TE 'DI NI NGA RGYAL GYI LAS BCU PA'O, ,KYE RGYAL BA'I SRAS BYANG CHUB SEMS DPA' DAG GIS @86B NGA RGYAL GYI LAS BCU PO DE LTA BU DE DAG YONGS SU SPANGS NAS, YE SHES KYI LAS BCU THOB PAR 'GYUR RO ZHES GSUNGS SO, ,DE NYID LAS SEMS CAN THAMS CAD LA NGA RGYAL MED PA ZHES YE SHES KYI LAS LEGS PAR BSHAD DO, ,'PHAGS PA YUL 'KHOR SKYONG GIS ZHUS PA'I MDO LAS KYANG, RMONGS PA DE DAG NGA RGYAL DBANG GIS NA, ,NGAN SONG PA DANG MI KHOM SKYE BA DANG, ,DBUL DANG DMAN PA'I RIGS SU SKYE BA DANG, ,DMUS LONG MDOG NGAN MTHU CHUNG NYID 'DZIN BYED, ,CES GSUNGS SO, ,CHOS YANG DAG PAR SDUD PA LAS KYANG, SEMS CAN GYI ZHING NI BYANG CHUB SEMS DPA'I SANGS RGYAS KYI ZHING STE; SANGS RGYAS KYI ZHING GANG LAS SANGS RGYAS KYI CHOS RNAMS 'THOB PAR 'GYUR BA DE LA LOG PAR BSGRUB PA MI RIGS SO SNYAM MO, ,DE YANG 'DI SNYAM DU LEGS PAR SPYAD PA DANG NYES PAR SPYAD PA THAMS CAD NI SEMS CAN LA BRTEN NAS 'BYUNG NGO, ,NYES PAR SPYAD PA LA BRTEN NAS NI NGAN SONG RNAMS 'BYUNG NGO; ,LEGS PAR SPYAD PA LA BRTEN NAS NI LHA DANG MIR 'GYUR RO SNYOM MO ZHES GSUNGS SO, ,DE BAS NA DKON MCHOG TA LA LA'I GZUNGS LAS KYANG, KYE RGYAL BA'I SRAS DAG 'DI LA BYANG CHUB SEMS DPA' LAS DANG PO PA'I BYANG CHUB SEMS DPA' NI SEMS CAN RNAMS LA THOG MA NYID DU SEMS RNAM PA BCU BSKYED DE, RNAM PA BCU GANG ZHE NA 'DI LTA STE, PHAN PA'I SEMS DANG, BDE BA'I SEMS DANG, SNYING BRTZE BA'I SEMS DANG, MNYEN PA'I SEMS DANG, SDUG PA'I SEMS DANG, PHAN GDAGS PA'I SEMS DANG, KUN DU SRUNG BA'I SEMS DANG, SNYOMS PA'I SEMS DANG, SLOB DPON GYI SEMS DANG, STON PA'I SEMS TE, SEMS RNAM PA BCU PO 'DI DAG BSKYED DO ZHES GSUNGS SO, ,DAD PA'I STOBS BSKYED PA LA 'JUG PA'I PHYAG RGYA'I MDO LAS, BDAG NYID NI SEMS CAN THAMS CAD KYI SLOB MAR KHAS LEN PA LA GNAS SHING SEMS CAN GZHAN DAG KYANG SLOB MAR KHAS LEN PA LA GZHAG GO SNYAM DU DBUGS DBYUNG BA RNYED DO, ,DE BZHIN DU SBYAR TE, RNAM PAR 'DUD PA DANG RAB TU 'DUD PA LA GZHAG GO SNYAM DU DBUGS DBYUNG BA RNYED DO, ,ZHES GSUNGS SO, ,DE LA RNAM PAR 'DUD PA DANG RAB TU 'DUD PA NI SEMS CAN THAMS CAD LA NGA RGYAL MED PA NYID DO, ,DE BZHIN DU 'PHAGS PA DRI MA MED PAR GRAGS @87A *, ,PAS BSTAN PA LAS KYANG, SANGS RGYAS KYI ZHING YONGS SU DAG PAR SKYE BAR BYA BA'I PHYIR SEMS CAN THAMS CAD LA STON PA LTAR GCES PAR BYED CES GSUNGS SO, ,STAN 'DING BA DANG RKANG PA 'KHRU BA LA SOGS PA'I LAS BYED PA NA YANG 'JIG RTEN MA DAD PAR 'GYUR BA BSRUNG BA'I PHYIR; SEMS KYIS GCES PA DANG GUS PAR BSAM PA GOMS PAR BYA'O, ,'PHAGS PA SDONG PO BKOD PA'I MDO LAS KYANG GSUNGS TE, DES SENG GE'I KHRI CHEN PO DE LA 'DUG MA THAG TU SKYE BO MANG PO DE DAG MNGON DU PHYOGS PAR 'GYUR TE THAL MO SBYAR NAS RGYAL PO DE LA PHYAG 'TSAL LO, ,DE BZHIN DU SBYAR TE; RGYAL PO CHOS THAMS CAD KYI NGA RO'I GDUGS KYI DKYIL 'KHOR RAB TU SGROGS PA DES SLONG MO PA DE DAG MTHONG BA'I MDO DE LA DE'I RGYUS CHES DGA' BAR GYUR GYI, BSKAL PA TSAD MED PA'I MTHAS KLAS PAR ZHES BYA BA NAS, GNAS GTZANG MA'I LHA'I RNAM PAR THAR PA ZHI BA'I BDE BA LA GNAS PA THOB PAS NI MA YIN NO ZHES BYA BA'I BAR DU'O, ,RIGS KYI BU 'DI LTA STE, DPER NA, SKYES BU SRED PA LA SPYOD PA PHA MA DANG PHU NU DANG BU SRING DANG MDZA' BO DANG BLON PO DANG GNYEN BSHES DANG BU DANG BU MO DANG CHUNG MA DANG YUN RING MO ZHIG TU BRAL BA LA 'BROG DGON PAR 'KHYAMS TE, DE DAG MTHONG BAR 'DOD PA LAS DE DAG DANG PHRAD NA DE DAG MTHONG BAS MI NGOMS SHING DGA' BA DANG CHAGS PA CHEN PO SKYE BAR 'GYUR RO, ,RIGS KYI BU DE BZHIN DU RGYAL PO CHOS THAMS CAD KYI NGA RO'I GDUGS KYI DKYIL 'KHOR RAB TU SGROGS PAS SLONG MO PA DE DAG MTHONG BAR GYUR PA'I MOD LA DGA' BA'I SHUGS CHEN PO SKYES SO, ,SEMS KYI DGA' BA'I RO BDE BA DANG LDAN PAR GYUR TO, ,SEMS SPRO BA'I SHUGS RAB TU BYUNG NGO ZHES BYA BA NAS, SLONG MO PA DE DAG LA BU GCIG PA'I 'DU SHES SKYED PA'I PHYIR RO, ,PHA MA'I 'DU SHES DANG SBYIN PA'I GNAS KYI 'DU SHES DANG DGE BA'I BSHES GNYEN GYI 'DU SHES DANG, DKON PA'I 'DU SHES DANG, DKA' BA BYED PA'I 'DU SHES DANG, GCES SPRAS BYED PA'I 'DU SHES DANG, PHAN 'DOGS PA DAM PA'I 'DU SHES DANG, BYANG CHUB KYI LAM NYE BAR STON PA'I 'DU SHES DANG, MKHAN PO'I 'DU SHES DANG, STON PA'I 'DU SHES SKYED PA'I PHYIR TE ZHES BYA BA'I BAR DU GSUNGS SO, ,DE LTA BU'I THABS GZHAN MED NA SEMS CAN @87B GYI GAN DU 'GRO BA DANG RIM GRO BYED PA'I TSE THAMS CAD DU GTANG BA DRAN PAR BYA STE, BDAG GI LUS 'DI NI 'DI DAG GI YIN GYI, BDAG BDE BA'I DON DU SA BYI DOR BYED PA DANG BSKU BA LA SOGS PA BYED PA BZHIN DU 'DI LA CI DGAR SPYOD CIG SNYAM DU BSAM MO, ,YANG NA RJE BO MI DGA' BAS 'JIGS PA DE DGA' BAR 'DOD PAS DES BSGO BA BSGRUBS PA LTAR YID LA BYA'O, ,RTEN GZHAN MED PA'I PHYIR BCOM LDAN 'DAS KYIS RIM GRO MDZAD PA YANG DGE SLONG NAD PAS NYAMS SU BLANGS SO, ,DGE SLONG GI BYA BA RGYAS PA LAS JI SKAD DU, BCOM LDAN 'DAS KYIS BKA' STZAL PA, DGE SLONG MA 'JIGS SHIG , DGE SLONG NGAS KHYOD KYI RIM GRO BYA'O, ,DGE SLONG KHYOD KYI GOS RNAMS TSUR BYIN CIG NGAS BKRU'O, ,DE SKAD CES BKA' STZAL PA DANG, BCOM LDAN 'DAS LA TSE DANG LDAN PA KUN DGA' BOS 'DI SKAD CES GSOL TO, ,BCOM LDAN 'DAS KYIS DGE SLONG NAD PA 'DI'I GOS MI GTZANG BAS 'PHAGS PA RNAMS MI BKRU BAR GSOL LO, ,BCOM LDAN 'DAS DE BDAG GIS BKRU BAR 'TSAL LO, ,BCOM LDAN 'DAS KYIS BKA' STZAL PA, KUN DGA' BO DE'I PHYIR KHYOD KYIS DGE SLONG 'DI'I GOS RNAMS KHRUS SHIG ,DE BZHIN GSHEGS PAS NI CHU BLUGS SO, ,DE NAS TSE DANG LDAN PA KUN DGA' BOS DGE SLONG NAD PA DE'I GOS BKRUS SO, ,BCOM LDAN 'DAS KYIS NI CHU BLUGS SO, ,DE BZHIN DU SBYAR TE, DE NAS TSE DANG LDAN PA KUN DGA' BOS DGE SLONG NAD PA DE SHIN TU LEGS PAR BLANGS TE PHYI ROL DU PHYUNG NAS BKRUS SO, ,BCOM LDAN 'DAS KYIS NI CHU BLUGS SO ZHES GSUNGS PA BZHIN NO, ,YANG SMRAS PA, GANG DAG MGU BAS CHE NYID DANG, ,MA MGUS MI BZANG RGUD 'GYUR BA, ,DE DAG SROG KYANG YONGS BTANG NAS, ,MGU BAR BYA BAR RIGS PA YIN, ,GANG DAG MGU BYAS MANG PO RNAMS, ,GRUB DE SEMS CAN 'DI DAG NYID, ,'JIG RTEN NA NI SEMS CAN LAS, ,GRUB PA'I ZHING GZHAN YOD MA YIN, ,'DI DAG YID BZHIN NOR BU DANG, ,BUM BZANG 'DOD 'JO'I BA DANG NI, ,BLA MA DANG NI LHA 'DRA BA, ,DES NA 'DI DAG MGU BAR BYA, ,GZHAN YANG G-YO MED GNYEN GYUR CING, ,PHAN PA DPAG MED MDZAD RNAMS LA, ,SEMS CAN MGU BYA MA GTOGS PAR, ,GZHAN 'GA' ZHIG GIS LAN LON 'GYUR, , @88A *, ,RAL PA'I NANG GNAS SEMS CAN RNAMS, ,'BAD PAS G-YO BA MED PAR NI, ,JI LTAR BZHEN BZHIN MGON POS SNGON, ,DBU YIS BZUNG BAR GYUR PA YIN, ,GANG PHYIR SKU GTONG MNAR MED 'JUG PA LA, ,DE LA BYAS PAS LAN LON NYID 'GYUR BA, ,DES NI GNOD CHEN BYED KYANG DE DAG LA, ,LEGS PAS THAMS CAD RAB TU SPYAD PAR BYA, ,RE ZHIG BDAG GI RJER GYUR NYID KYANG NI, ,GANG PHYIR RANG GI SKU LA'ANG MI GZIGS PA, ,RJE BO DE DANG DE LA JI LTAR BDAG ,NGA RGYAL BYED CING BRAN GYI DNGOS MI BYED, ,GANG DAG BDE BAS THUB RNAMS DGYES 'GYUR ZHING, ,GANG LA GNOD NA MI DGYES 'BYUNG 'GYUR BA, ,DE DAG DGA' BAS THUB DBANG KUN DGYES SHING, ,DE LA GNOD BYAS THUB LA GNOD PA BYAS, ,JI LTAR LUS LA KUN NAS ME 'BAR BA, ,'DOD PA KUN GYIS YID BDER MI 'GYUR BA, ,DE BZHIN SEMS CAN GNOD PA BYAS NA YANG, ,THUGS RJE CHE RNAMS DGYES PA'I THABS MED DO, ,DE BAS BDAG GIS 'GRO LA GNOD BYAS PAS, ,THUGS RJE CHE KUN MI DGES GYUR PA GANG, ,SDIG DE DI RING SO SOR BSHAGS BGYI YIS, ,MI DGES GANG LAGS DE THUB BZOD PAR GSOL, ,DE BZHIN GSHEGS RNAMS MNYES PAR BGYID SLAD DENG, ,BDAG NYID KUN GYIS 'JIG RTEN BRAN DU MCHI, ,'GRO MANG BDAG 'DI'I MGO LA RDOG BSNUN NAM, ,YANG NA GNOD PAR BYED BZOD 'JIG RTEN MGON, ,'GRO BA 'DI KUN THUGS RJE'I BDAG CAN DES, ,BDAG TU MDZAD PA 'DI LA THE TSOM MED, ,SEMS CAN NGO BOR MTHONG BA 'DI DAG NI, ,MGON DE BDAG NYID CI PHYIR GUS MI BYED, ,'DI NYID DE BZHIN GSHEGS PA MNYES BYED YIN, ,RANG DON YANG DAG SGRUB BYED 'DI NYID YIN, ,'JIG RTEN SDUG BSNGAL SEL BA'ANG 'DI NYID DE, ,DES NA BDAG NYID RTAG TU DE NYID BYA, ,DPER NA RGYAL PO'I MI 'GA' ZHIG , ,SKYE BO MANG LA GNOD BYED KYANG, ,SKYE BO MIG RGYANG RING PO DAG , NUS KYANG SLAR GNOD MI BYED DE, ,'DI LTAR DE GCIG MA YIN GYI, ,RGYAL PO'I MTHU STOBS DE YI MTHU, ,DE BZHIN GNOD BYED NYAM CHUNG BA, ,'GA' YANG KHYAD DU GSAD MI BYA, ,'DI LTAR DMYAL BA'I SRUNG MA DANG, ,THUGS RJE LDAN RNAMS DE YI DPUNG, ,DES NA DMANGS KYIS RGYAL GTUM BZHIN, , @88B SEMS CAN RNAMS NI MGU BAR BYA, ,RGYAL PO LTA ZHIG KHROS NA YANG, ,SEMS CAN MI MGU BYAS PA YIS, ,MYONG BAR 'GYUR BA GANG YIN PA, ,DMYAL BA'I GNOD PA DES BYED DAM, ,RGYAL PO LTA ZHIG MGU NA YANG, ,SEMS CAN MGU BAR BYAS PA YI, ,THOB PAR 'GYUR BA GANG YIN PA, ,SANGS RGYAS NYID SBYIN MI SRID DO, ,SEMS CAN MGU LAS BYUNG BA YI, ,MA 'ONGS SANGS RGYAS 'GRUB LTA ZHOG, ,TSE 'DI NYID LA DPAL CHEN DANG, ,GRAGS DANG SKYID GYUR CIS MA MTHONG, ,MDZES PA NYID DANG NAD MED DANG, ,RAB DGA' YUN RING 'TSO BA DANG, ,'KHOR LOS SGYUR BA'I BDE RGYAS NI, ,'KHOR TSE BZOD PAS THOB PAR BYED, ,BYAMS SEMS LDAN LA MCHOD BYAS GANG, ,DE NI SEMS CAN CHE BA NYID, ,SANGS RGYAS DANG BA'I BSOD NAMS GANG, ,DE NI SANGS RGYAS CHE BA NYID, ,DE LTA BAS NA ZLO BA SGRON MA'I MDO LAS KYANG, BYAMS PA BSGOMS PA'I 'BRAS BU BRJOD DE, ,MCHOD PA TSAD MED RNAM MANG JI SNYED PA, ,ZHING NI BYE BA KHRAG KHRIG GTAMS SNYED DU, ,SKYES BU MCHOG LA MCHOD PA DE BYAS PAS, ,BYAMS PA'I SEMS LA GRANGS DANG CHAR MI PHOD, ,CES BYA BA'O, ,DE LTA BAS NA SBYIN PA'I GNAS CHEN PO DE LTA BU DAG LA KHENGS PA RTAG TU SPANG BAR BYA, KHENGS PA 'DI NI TSUL BZHIN MA YIN PA YID LA BYED PA LAS BYUNG BA'I PHYIR DE LA MI 'JUG PAR SGRIM PAR BYA STE, DKON MCHOG SPRIN LAS JI SKAD DU, RIGS KYI BU JI LTAR NA BYANG CHUB SEMS DPA' TSUL BZHIN MA YIN PA'I YID LA BYED PA DANG BRAL BA YIN ZHE NA, 'DI LA BYANG CHUB SEMS DPA' GCIG PU KLOG TU SONG STE, RAB TU DBEN PAR GNAS SHING; 'DI LTAR BDAG NI MA 'DRES PAR GNAS PA STE, BDAG NI RAB TU DBEN PA NA GNAS PA'O, ,BDAG NI DE BZHIN GSHEGS PA'I CHOS 'DUL BA LA ZHUGS PA'O, ,DGE SBYONG NGAM BRAM ZE GZHAN GANG YIN PA DAG NI KUN KYANG 'DRES PAS GNAS PA, 'DU 'DZI MANG BA DE BZHIN GSHEGS PA'I CHOS 'DUL BA LAS NYAMS PA'O SNYAM DU SEMS MI SKYED DE, DE LTAR NA BYANG CHUB SEMS DPA' TSUL BZHIN MA YIN PA'I YID LA BYED PA DANG BRAL BA YIN NO ZHES GSUNGS PA LTA BU'O, ,YANG DE NYID LAS 'DI LA BYANG CHUB SEMS DPA' BRTZON 'GRUS RTZOM PA NI BRTZON 'GRUS DE'I RO MYONG BAR MI BYED DE, BRTZON @89A *, ,'GRUS DES GZHAN LA MI SMOD BDAG LA MI STOD DO, ,DE 'DI SNYAM DU SHES RAB DANG LDAN PA'I RANG BZHIN CAN SU ZHIG BDAG GI LAS LA BRTZON PAS GZHAN LA SMOD SNYAM DU SEMS TE, RIGS KYI BU DE LTAR NA BYANG CHUB SEMS DPA' BSNYEMS PA MED PA'I BRTZON 'GRUS CAN YIN NO ZHES GSUNGS SO, ,BSOD NAMS BSRUNG BA MDOR BSDUS PA NI 'DI YIN TE, BYANG CHUB TU YONGS SU BSNGO BA GANG YIN PA'O, ,JI SKAD DU 'PHAGS PA BLO GROS MI ZAD PAS BSTAN PA'I MDO LAS, DGE BA'I RTZA BA BYANG CHUB TU YONGS SU BSNGOS PA NI BYANG CHUB KYI SNYING PO LA 'DUG GI BAR DU BAR MDOR 'GA' YANG ZAD PAR MI 'GYUR RO, ,BTZUN PA SHA RA DVA TI'I BU 'DI LTA STE, DPER NA CHU'I THIGS PA RGYA MTSO CHEN POR LHUNG BA NI BSKAL PA'I MTHAR THUG GI BAR DU BAR MDOR ZAD PA MED DO ZHES GSUNGS SO, ,BSLAB PA KUN LAS BTUS PA LAS LONGS SPYOD DANG BSOD NAMS BSRUNG BA'I LE'U STE BDUN PA'O,, ,,LUS LA SOGS PA GSUM BSRUNG BA BSHAD ZIN TE, DA NI DAG LA BRJOD PAR BYA'O, ,CI'I DON DU ZHE NA, LUS NI RNAM PAR SBYANG BYAS NA, ,PHAN PA'I LONGS SPYOD 'GYUR BA STE, ,'BRAS CHAN LEGS PAR TSES PA DANG, ,GZEG MED LUS CAN PHA PA 'DRA, ,'PHAGS PA DE BZHIN GSHEGS PA'I GSANG BA'I MDO LAS JI SKAD DU GANG YANG GRONG KHYER CHEN PO DAG GI DUR KHROD CHEN PO SROG CHAGS BRGYA STONG DU MAS GANG BAR GYUR BA DER YANG BYANG CHUB SEMS DPA' SEMS DPA' CHEN PO DES BDAG GI LUS CHEN PO SHI ZHING DUS LAS 'DAS PAR STON TO, ,DER SEMS CAN DUD 'GRO'I SKYE GNAS SU GYUR PA DE DAG GIS JI TZAM 'DOD PAR SHA LA ZOS NAS TSE'I MTHAR PHYIN TE 'CHI BA'I DUS SU GYUR CING SHI NAS BDE 'GRO MTHO RIS KYI 'JIG RTEN DU LHA'I NANG DU SKYE BA DANG, DE DAG GI YONGS SU MYA NGAN LAS 'DA' BA'I BAR GYI RGYUR 'GYUR BA GANG YIN PA DE YANG BYANG CHUB SEMS DPA' DE NYID KYI SNGON GYI SMON LAM YONGS SU DAG PA'I PHYIR TE, SEMS CAN GANG DAG GIS BDAG 'CHI BA'I DUS SU GYUR PA'I SHA ZOS PA DE DAG LA DE NYID MTHO RIS SU SKYE BA NAS YONGS SU MYA NGAN LAS 'DA' BA'I BAR GYI RGYUR GYUR CIG CES GANG GIS YUN RING PO NAS SMON LAM BTAB STE TSUL KHRIMS DANG LDAN PA DE'I BSAM PA GRUB PA @89B DANG DON DU GNYER BA GRUB PA DANG SMON LAM GRUB PA YIN NO ZHES GSUNGS PA LTA BU'O, ,YANG DE NYID LAS DE CHOS KYI SKUS RAB TU PHYE BAS NA MTHONG BAS KYANG SEMS CAN RNAMS KYI DON BYED DO, ,THOS PA DANG REG PAS KYANG SEMS CAN RNAMS KYI DON BYED DO, ,ZHI BA'I BLO GROS 'DI LTA STE DPER NA, SMAN PA'I RGYAL PO 'TSO BYED KYIS RTZI THAMS CAD BSDUS TE RTZI SHING MANG PO LAS BU MO'I GZUGS BZANG ZHING MDZES PA BLTA NA SDUG PA LEGS PAR BYAS TE LEGS PAR ZIN CING LEGS PAR BYI DOR BYAS PA DE 'ONG NGAM 'GRO 'AM 'GRENG NGAM 'DUG GAM NYAL YANG RTOG PA MED CING RNAM PAR RTOG PA MED DO, ,DER NAD PA GANG DAG BTZUN PA BTZUN PA RGYAL PO'AM RGYAL PO'I BLON PO CHEN PO'AM RGYAL PO'I BU 'AM TSONG DPON NAM KHYIM BDAG GAM BLON PO 'AM RGYAL PHRAN GANG DAG 'ONG BA DE DAG SMAN PA'I RGYAL PO 'TSO BYED KYIS SMAN GYI BU MO DE DANG DE DAG PHRAD MA THAG TU NAD THAMS CAD BYANG STE NAD MED CING BDE BA LAS NYAMS PA MED PAR 'GYUR RO, ,ZHI BA'I BLO GROS SMAN PA GZHAN LA MED PA SMAN PA'I RGYAL PO 'TSO BYED KYIS 'JIG RTEN GYI NAD GSO BA'I SHES PA LA LTOS, ,ZHI BA'I BLO GROS DE BZHIN DU BYANG CHUB SEMS DPA' CHOS KYI SKUS RAB TU PHYE BA YANG SEMS CAN BUD MED DANG SKYES PA DANG KHYE'U DANG BU MO 'DOD CHAGS DANG ZHE SDANG DANG GTI MUG GIS YONGS SU GDUNGS PA JI SNYED PA DE DAG GI LUS LA REG NA, REG MA THAG TU DE DAG GI NYON MONGS PA THAMS CAD SEL BAR 'GYUR RO, ,LUS YONGS SU GDUNG BA DANG BRAL BAR YANG SHES SO, ,'DI NI 'DI LTAR BYANG CHUB SEMS DPA' DE NYID KYI SNGON GYI SMON LAM SHIN TU YONGS SU DAG PA'I PHYIR RO ZHES GSUNGS TE, DE'I DON DU LUS SBYANG BAR BYA'O, ,GZHAN YANG, JI LTAR LO THOG RTZAS KHEBS NA, ,NAD KYIS ZHUM ZHING RGYAS MI 'GYUR, ,DE LTAR SANGS RGYAS MYU GU YANG, ,NYON MONGS KHEBS NA RGYAS MI 'GYUR, ,GNYEN POS BSAL NA 'PHEL BAR 'GYUR, , ZHES BYA BAR DGONGS PA'O, ,LUS KYI DGA PA GANG ZHE NA, SDIG DANG NYON MONGS RNAMS SBYANG YIN, ,RDZOGS SANGS RGYAS KYIS GSUNGS TSUL DU, ,'BAD PA MED NA NGA SONG 'GRO, ,DE LA SDIG PA SBYANG BA NI CHOS BZHI BSTAN PA'I MDO LAS BSTEN TE, BYAMS PA BYANG CHUB SEMS DPA' SEMS DPA' @90A *, ,CHEN PO CHOS BZHI DANG LDAN NA SDID PA BYAS SHING BSAGS PA ZIL GYIS NON PAR 'GYUR RO, ,BZHI GANG ZHE NA 'DI LTA STE, RNAM PAR SUN 'BYIN PA KUN TU SPYOD PA DANG, GNYEN PO KUN TU SPYOD PA DANG, NYES PA LAS ZLOG PA'I STOBS DANG, RTEN GYI STOBS SO, ,DE LA RNAM PAR SUN 'BYIN PA KUN TU SPYOD PA NI MI DGE BA'I LAS SPYOD PA DE LA 'GYOD PA MANG BA YIN NO, ,DE LA GNYEN PO KUN TU SPYOD PA NI MI DGE BA'I LAS BYAS NAS KYANG DGE BA'I LAS LA SHIN TU BRTZON PA'O, ,DE LA NYES PA LAS ZLOG PA'I STOBS NI SDOM PA YANG DAG PAR BLANGS PAS MI BYED PA'I SDOM PA THOB PA'O, ,DE LA RTEN GYI STOBS NI SANGS RGYAS DANG CHOS DANG DGE 'DUN LA SKYABS SU 'GRO BA DANG BYANG CHUB KYI SEMS MI GTONG BA STE, DE STOBS DANG LDAN PA LA BRTEN PAS SDIG PAS ZIL GYIS GNON PAR MI NUS SO, ,BYAMS PA BYANG CHUB SEMS DPA' SEMS DPA' CHEN PO CHOS BZHI PO DE DAG DANG LDAN NA SDIG PA BYAS SHING BSAGS PA ZIL GYIS NON PAR 'GYUR RO ZHES BYA BA'O, ,DE LA RNAM PAR SMOD PA KUN TU SPYOD PA JI LTAR BSGOM PAR BYA ZHE NA, GSER 'OD DAM PA'I MDO LAS JI SKAD BSTAN PA LTA BU STE, SANGS RGYAS RKANG GNYIS DAM PA DAG ,THUGS BRTZE THUGS RJE LDAN PA'I THUGS, , GANG DAG PHYOGS BCU'I 'JIG RTEN NA, ,BZHUGS PA BDAG LA DGONGS SU GSOL, ,BDAG GIS SNGON CHAD SDIG PA'I LAS, ,SHIN TU MI BZAD GANG BGYIS PA, ,STOBS BCU'I SPYAN SNGAR MCHIS NAS NI, ,DE DAG THAMS CAD BSHAGS PAR BGYI, ,PHA MA DAG TU MI 'DZIN DANG, ,SANGS RGYAS RNAMS SU MI 'DZIN DANG, ,DGE BA DAG TU MI 'DZIN PAS, ,SDIG PA BDAG GIS GAN BGYIS DANG, ,PHYUG PA'I RGYAGS PAS DREGS PA DANG, ,RIGS DANG LONGS SPYOD RGYAGS PA DAG, ,GZHON PA'I RGYAGS PAS DREGS PA YIS, ,BDAG GIS SDIG PA GANG BGYIS DANG, ,NYES PA'I DMIGS SU MA MTHONG BAS, ,NYES PA BGYIS PA'I LAS DANG NI, ,NYES PAR BSAGS SHING NYES SMRAS PA'I, ,SDIG LAS BDAG GIS GANG BGYIS DANG, ,BYIS PA'I BLO YIS 'JUG PA DANG, ,MI SHES MUN PA'I SEMS DANG NI, ,SDIG PA'I GROGS PO'I DBANG GYUR DANG, ,NYON MONGS RNAM PAR 'KHRUG SEMS @90B DANG; ,RTZED MO DGA' BA'I DBANG NYID DANG, ,MYA NGAN DANG NI NAD DBANG DANG, ,NOR GYIS MA CHOG NYES PA YIS, ,BDAG GIS SDIG PA GANG BGYIS DANG, ,'PHAGS MIN SKYE BO 'DRE BA DANG, ,PHRAG DOG SER SNA SGYU DANG NI, ,G-YO DANG DBUL BA'I NYES PA YIS, ,BDAG GIS SDIG PA GANG BGYIS DANG; ,PHONGS DANG RGUD PA'I DUS KYI TSE, ,'DOD PA RNAMS KYI 'JIGS RGYU DANG, ,PHYUG PO MA YIN GYUR PA YIS, ,BDAG GIS SDIG PA GANG BGYIS DANG, ,G-YO BA'I SEMS KYI DBANG NYID DANG, ,'DOD DANG KHRO BA'I DBANG DAG DANG, ,BKRES DANG SKOM GYIS NYEN PA YIS, ,BDAG GIS SDIG PA GANG BGYIS DANG, ,BZA' BA DAG DANG BTUNG BA DANG, ,BUD MED RGYU DANG GOS KYI PHYIR, ,NYON MONGS GDUNG BA SNA TSOGS KYIS, BDAG GIS SDIG PA GANG BGYIS DANG, ,LUS DANG NGAG DANG YID KYI SDIG ,NYES SPYAD RNAM PAR GSUM BSAGS NI, ,'DI 'DRA'I TSUL GYIS GANG BGYIS PA, ,DE DAG THAMS CAD BDAD 'CHAGS SO, ,SANGS RGYAS RNAMS DANG CHOS RNAMS DANG, ,DE BZHIN NYON THOS RNAMS LA YANG, ,GUS PA MA LAGS GANG BGYIS PA, ,DE DAG THAMS CAD BDAG 'CHAGS SO, ,GANG YANG RANG SANGS RGYAS RNAMS DANG, ,BYANG CHUB SEMS DPA' RNAMS LA YANG, ,GUS PA MA LAGS BGYIS PA RNAMS, ,DE DAG THAMS CAD BDAG 'CHAGS SO, ,DAM CHOS SMRA BA RNAMS LA YANG, ,GUS PA MA LAGS BGYIS PA DANG, ,CHOS LA'ANG GUS PAR MA BGYIS PA, ,DE DAG THAMS CAD BDAG 'CHAGS SO, ,BDAG GIS RTAG TU MI SHES PAS, ,DAM PA'I CHOS NI SPANGS PA DANG, ,PHA MA RNAMS LA MA GUS DANG, ,DE DAG THAMS CAD BDAG 'CHAGS SO, ,BLUN PA DANG NI BYIS PA DANG, ,'DOD CHAGS ZHE SDANG GTI MUG DANG, ,NGA RGYAL DREGS PAS BSGRIBS BGYIS PA, ,DE DAG THAMS CAD BDAG 'CHAGS SO, ,BDAG GIS PHYOGS BCU'I 'JIG RTEN DU, ,STOBS BCU RNAMS LA MCHOD PAR BGYI, ,BDAG GIS PHYOGS BCU'I SEMS CAN RNAMS, ,SDUG BSNGAL KUN LAS GDON PAR BGYI, ,SEMS CAN BSAM GYIS MI KHYAB KUN, ,SA BCU LA NI DGOD PAR BGYI, ,SA BCU LA NI GNAS NAS KYANG, ,THAMS CAD DE BZHIN GSHEGS GYUR CIG ,JI SRID SDUG BSNGAL RGYA MTSO @91A *, ,LAS; ,DE KUN MTHAR BGYI NUS SRID DU, ,SEMS CAN RE RE'I PHYIR YANG NI, ,BSKAL PA BYE BAR SPYAD PAR BGYI, ,GSER 'OD DAM PA ZHES BGYI BA, ,LAS RNAMS THAMS CAD BYANG BGYID PA, ,ZAB MO DAG NI STON PA 'DI, ,SEMS CAN DE DAG BSTAN PAR BGYI, ,GANG GIS BSKAL BA STONG RNAMS SU, ,SDIG PA SHIN TU MI BZAD BGYIS, ,LAN CIG RAB TU BSHAGS PA YIS, ,DE DAG THAMS CAD BYANG BAR 'GYUR, ,GANG GIS LAS KYI SGRIB PA RNAMS, ,MYUR DU YANG DAG ZAD 'GYUR BA, ,GSER 'OD DAM PA DGE BA YIS, ,BSHAGS PA 'DI DAG BSHAGS NAS NI, ,RIN CHEN 'BYUNG GNAS MCHOG BCU PO, ,SA BCU LA NI GNAS PAR BGYI, ,SANGS RGYAS YON TAN SNANG BAR BGYI, ,SRID PA'I MTSO LAS BSGRAL BAR BGYI, ,SANGS RGYAS RGYA MTSO CHU BO DANG, ,YON TAN RGYA MTSO ZAB MO DE, ,SANGS RGYAS YON TAN BSAM YAS KYIS, ,THAMS CAD MKHYEN DU RDZOGS PAR BGYI, ,TING 'DZIN BRGYA PHRAG STONG RNAMS DANG, ,GZUNGS RNAMS BSAM GYIS MI KHYAB DANG, ,DBANG STOBS BYANG CHUB YAN LAG GIS, ,STOBS BCU DAM PAR 'GYUR BAR BGYI, ,DGONGS PA'I THUGS KYIS SANGS RGYAS RNAMS, ,BDAG LA RNAM PAR GZIGS SU GSOL,, THUGS RJE LDAN PA'I THUGS KYIS NI, ,NONGS PAR RAB TU GZUNG DU GSOL, ,BDAG GIS BSKAL PA BRGYA RNAMS SU, ,SNGAN CHAD SDIG PA GANG BGYIS PA, ,DE PHYIR BDAG NI MYA NGAN SEMS, ,PHONGS DANG MYA NGAN 'JIGS PAS GZIR, ,SDIG PA'I LAS LA 'JIGS PAR BGYI, ,YID NI RTAG TU DMAN PAR GYUR, ,GANG DANG GANG DU SPYOD BGYID PA, ,BDAG NI GANG DU'ANG DGA' MA MCHIS, ,SANGS RGYAS THAMS CAD THUGS RJE LDAN, ,'GRO BA KUN GYI 'JIGS SEL BAS, ,NONGS PAR RAB TU GZUNG DU GSOL, ,'JIGS PA DAG LAS BDAG THAR MDZOD, ,BDAG GI NYON MONGS LAS RNAMS KYI, ,DRI MA DE BZHIN GSHEGS PAS SOL, ,SANGS RGYAS RNAMS KYIS BDAG LA NI, ,SNYING RJE'I CHU YIS BKRU BAR GSOL, ,SDIG PA THAMS CAD BSHAGS PAR BGYI, ,SNGON CHAD BDAG GIS GANG BGYIS DANG, ,DE LTAR BDAG GI SDIG PA GANG, ,DE DAG THAMS CAD BDAG 'CHAGS SO, ,NONGS @91B PAR BGYIS PA'I LAS RNAMS KUN, ,SLAN CHAD MI BGYID BSDAMS PAR BGYI, ,BDAG GIS NONGS PAR BGYIS PA GANG, ,SDIG DE BCAB PAR MI BGYI'O, ,LUS KYI LAS NI RNAM GSUM DANG, ,NGAG GI RNAM PA BZHI DAG DANG, ,YID KYI RNAM PA GSUM PO RNAMS, ,DE DAG THAMS CAD BDAG 'CHAGS SO, ,LUS KYIS BGYIS DANG NGAG GI LAS, ,YID KYIS RNAM PAR BSAMS PA DANG, ,LAS RNAMS BCU PO BGYIS PA DAG ,DE DAG THAMS CAD BDAG 'CHAGS SO, ,MI DGE'I LAS BCU SPANGS NAS SU, ,DGE BA BCU PO BSTEN BGYIS TE, ,SA BCU LA NI BDAG GNAS BGYI, , STOBS BCU MCHOG TU 'GYUR BAR BGYI, ,BDAG GI SDIG PA'I LAS GANG DAG ,MI 'DOD 'BRAS BU THOB BGYID PA, ,SANGS RGYAS SPYAN SNGAR MCHIS NAS NI, ,DE DAG THAMS CAD BSHAGS PAR BGYI, ,'DZAM BU'I GLING 'DIR GANG DAG GANG, ,'JIG RTEN KHAMS NI GZHAN DAG TU, ,GANG RNAMS DGE BA'I LAS BGYID PA, ,DE DAG KUN LA YI RANG NGO, ,LUS DANG NGAG DANG YID KYIS KYANG, ,BDAG GIS BSOD NAMS GANG BSGRUBS PA, ,BDAG NI DGE BA'I RTZA BA DES, ,BYANG CHUB MCHOG LA REG PAR BGYI, ,SRID MTSO NYAM NGAR BYIS PAS BLO YIS NI, ,SHIN TU MI BZAD SDIG PA GANG BGYIS PA, ,STOBS BCU MNGA' BA'I SPYAN SNGAR MCHIS NAS NI, ,SDIG PA DE KUN SO SOR BSHAGS PAR BGYI, ,SKYE BA NYAM NGA SRID PA NYAM NGA DANG, ,'JIG RTEN NYAM NGA G-YO SEMS NYAM NGA BAR, ,LUS KYI SPYOD PA NYAM NGA SNA TSOGS KYIS, ,BDAG GIS SDIG PA GANG BSAGS DE 'CHAGS SO, , BYIS PA BLUN BYAS NYON MONGS NYAM NGA DANG, ,SDIG PA'I GROGS DANG PHRAD PA NYAM NGA DANG, ,SRID PA NYAM NGA 'DOD CHAGS NYAM NGA DANG, ,ZHE SDANG GTI MUG MUN PA NYAM NGA DANG, ,DAL BA'I NYAM NGA DUS KYI NYAM NGA DANG, ,BSOD NAMS BSGRUB PA NYAM NGA DAG GIS KYANG, ,RGYAL BA YANG DAG MNGON SUM MCHIS NAS NI, ,SDIG PA DE KUN SO SOR BSHAGS PAR BGYI, ,ZHES GSUNGS SO, ,KHYAD PAR DU NA BYANG CHUB SEMS DPA'I LTUNG BA LCI BA DANG YANG BA RNAMS BSHAGS PA NI 'PHAGS PA NYE BA 'KHOR GYIS ZHUS PA LAS GSUNGS PA GANG YIN PA'O, ,LTUNG BA LCI BA YANG GANG YIN ZHE NA, SPYIR DE LAS @92A *, ,GSUNGS PA NI, NYE BA 'KHOR GAL TE THEG PA CHEN PO LA YANG DAG PAR ZHUGS PA'I BYANG CHUB SEMS DPA' LA 'DOD CHAGS DANG LDAN PA'I LTUNG BA GANG G'A'I KLUNG GI BYE MA SNYED BYUNG LA, GANG ZHE SDANG DANG LDAN PA'I LTUNG BA GANG YIN PA NI GCIG BYUNG NA BYANG CHUB SEMS DPA'I THEG PA BRTZAN BAR BYA NA, DE GNYIS LAS GANG ZHE SDANG DANG LDAN NA LTUNG BA DE NI SHIN TU LCI'O, ,DE CI'I PHYIR ZHE NA, NYE BA 'KHOR ZHE SDANG GIS NI SEMS CAN YONGS SU GTONG BAR BYED LA, 'DOD CHAGS NI SEMS CAN SDUD PAR BYED PA'I PHYIR RO, ,NYE BA 'KHOR DE LA NYON MONGS PA GANG SEMS CAN SDUD PAR 'GYUR BA DE LA NI BYANG CHUB SEMS DPA' 'DZEM PA'ANG MED 'JIGS PA YANG MED DO, ,DE BZHIN DU SBYAR TE, NYE BA 'KHOR DE LTA BAS NA KHYOD LA 'DOD CHAGS DANG LDAN PA'I LTUNG BA THAMS CAD NI LTUNG BA MA YIN PAR BSHAD DO ZHES BYA'O, ,'DI LA DGONGS PA GANG ZHE NA, SEMS CAN SDUD PA NYID DE SNGAR BYE BRAG TU BYAS PA'I PHYIR RO, ,BSTAN PA 'DI NI LHAG PA'I BSAM PA DANG SNYING BRTZE BA DANG LDAN PA LAS YIN TE, DE NYID LAS DE MA THAG TU NYE BA 'KHOR, DE LA GANG THABS LA MI MKHAS PA'I BYANG CHUB SEMS DPA' DE DAG NI 'DOD CHAGS DANG LDAN PAS 'JIGS KYI ZHE SDANG DANG LDAN PAS NI MA YIN NO; ,NYE BA 'KHOR BYANG CHUB SEMS DPA' GANG DAG THABS LA MKHAS PA DE DAG NI ZHE SDANG DANG LDAN PA'I LTUNG BAS 'JIGS KYI 'DOD CHAGS DANG LDAN PAS NI MA YIN NO ZHES GSUNGS SO, ,THABS MKHAS PA YANG GANG ZHE NA, GANG DAG SHES RAB DANG SNYING RJE GNYIS KYIS SEMS CAN GTONG BA LAS ZLOG PA'O, ,GNYI GA LTAR YANG SEMS CAN GTONG BAR 'GYUR TE, SHES RAB GCIG PUS NI SDUG BSNGAL STONG PA NYID DU KHONG DU CHUD PA'I PHYIR DANG, SNYING RJE GCIG PUS NI NYON MONGS PA'I DBANG GIS RING POR MI THOGS PAR SNYING RJE NYAMS PAR 'GYUR BA'I PHYIR RO, ,THABS LA MKHAS PA'I MDO LAS KYANG, RIGS KYI BU DPER NA, GSANG SNGAGS DANG RIG SNGAGS 'DZIN PA'I MI'I RGYAL POS BZUNG STE, THAG PA LNGA'I BCING BAS BCINGS SU ZIN KYANG DE GANG GI TSE 'GRO BA 'DOD PA DE'I TSE GSANG SNGAGS DANG RIG SNGAGS KYI STOBS BSKYED PA GCIG GIS BCINGS PA THAMS CAD @92B GTUBS TE 'GRO'O, ,RIGS KYI BU DE BZHIN DU, BYANG CHUB SEMS DPA' THABS LA MKHAS PA YANG GANG GI TSE 'DOD PA'I YON TAN LNGA LAS DGA' BAR MYONG ZHING DE DAG DANG LANG LONG DU GYUR PAS GNAS KYANG GANG GI TSE 'DOD PAR GYUR PA DE'I TSE SHES RAB KYI STOBS BSKYED PA DANG THAMS CAD MKHYEN PA NYID KYI SEMS GCIG GIS 'DOD PA'I YON TAN THAMS CAD BCOM NAS TSANGS PA'I 'JIG RTEN DU SKYE'O ZHES GSUNGS SO, ,ZHE SDANG LA YANG DE LTAR CI'I PHYIR 'DOD PAR MI BYED CE NA, RANG BZHIN GYIS KHA NA MA THO BA DANG BCAS PA'I PHYIR DANG SNYING RJE DANG BRAL BAS NA THABS NYID MI SRID PA'I PHYIR RO, ,YANG NA GZHAN GYI DON GRUB PA RANG GI DON LAS SHIN TU LCI BAR LHAG PAR MOS PA NA, KHRO BA LA GNAS PAS KYANG GZHAN LA RJES SU BSTAN NAS GDUNG BA SNGON DU 'GRO BAS DE MA THAG TU PHYIN CHAD MI BYED PA'I SDOM PA 'THOB BO, ,GNOD PA LAS BZLOG PA'I PHYIR KHROS PA LA NYES PA CI YOD CE NA, SKABS PHYE NA DE'I BAG CHAGS GSOS PAR 'GYUR BAS SNYING RJE NYAMS PA'I NYES PAR 'GYUR RO, ,DE BCAD NA RTZA BA 'CHAD PAR 'GYUR RO ZHES 'OG NAS BSTAN PAR BYA'O, ,GAL TE SEMS CAN DE LA PHAN DU ZIN KYANG BYANG CHUB SEMS DPA' SNYING RJE NYAMS PAS SEMS CAN GYI DON CHEN PO'I RGYUN NYAMS PAR 'GYUR RO, ,'PHAGS PA BDEN PA PO'I LE'U'I DPES NI SNYING RJE LA GNAS PA YIN PAR RIG PAR BYA'O, ,DER HA CANG SNYING RJE BKAG PA GANG YIN PA DE NI 'JIG RTEN GYI DON LA MKHAS PAS 'JIG RTEN PA 'DUN PAR BYA BA'I PHYIR RO, ,ZLOG PA NA YANG GAL TE PHAN PAR 'DOD PA'I BYANG CHUB SEMS DPA' LA KHONG KHRO BAR GYUR NA, DE YANG BYANG CHUB SEMS DPA' MA YIN PAR 'GYUR ZHING GNYI GA LA GNOD PAR 'GYUR RO, ,'DOD CHAGS KYANG NYES PA YIN TE, 'DOD PA DAG LA BRTEN PA'I MI, ,LDONGS 'GYUR PHA MA GSOD PAR 'GYUR, ,'DOD BSTEN TSUL KHRIMS LDAN PA 'ANG GSOD, ,DES NA RTAG TU SPANG BAR BYA, ,ZHES BSTAN TE, BDAG BDE BA LA CHAGS PAS NI GZHAN GYI SDUG BSNGAL YAL BAR 'DOR BAR MTHONG NGO ZHE NA, GANG GZHAN GYI SDUG BSNGAL BDAG GI SDUG BSNGAL DU MA GOMS PA DE LA NI MTHONG BA BDEN TE, GANG SHIN TU GOMS PA DE LA NI NYES PA GNYI GA MI 'BYUNG NGO, ,ZLA BA @93A *, ,SGRON MA'I MDO LAS JI SKAD DU, KUN DGA' BO 'DI LTA STE, DPER NA 'DI LA SKYES BU LA LA ZHIG RKANG PA NAS SPYI BO'I BAR DU 'BAR BAR GYUR TE RAB TU 'BAR ZHING ME LCE GCIG TU GYUR PA DE LA, SKYES BU LA LA ZHIG DER NYE BAR 'ONGS TE, 'DI SKAD DU KYE SKYES BU TSUR SHOG , , LUS LA ME 'BAR BA MA ZHI BAR 'DOD PA'I YON TAN LNGA DANG PHRAD CING LDAN PAR RTZES SHIG DGA' BAR GYIS SHIG DGA' MGUR SPYOD CIG CES ZER NA KUN DGA' BO 'DI JI SNYAM DU SEMS, SKYES BU DE LUS LA ME 'BAR BA MA ZHI BAR 'DOD PA'I YON TAN LNGA DANG PHRAD CING LDAN PAR 'GYUR TE RTZE BA DANG DGA' BA DANG DGA' MGUR SPYOD PAR BYED DAM, KUN DGA' BOS GSOL PA, BCOM LDAN 'DAS DE NI MA LAGS SO, ,BCOM LDAN 'DAS KYIS BKA' STZAL PA, KUN DGA' BO YONGS SU BRTAG PA BZUNG STE SKYES BU DE LUS LA ME 'BAR BA MA ZHI BAR 'DOD PA'I YON TAN LNGA DANG PHRAD CING LDAN PAR 'GYUR TE, RTZE BA DAN DGA' BA DANG DGA' MGUR SPYOD DU ZIN KYANG DE BZHIN GSHEGS PA SNGON BYANG CHUB SEMS DPA'I SPYAD PA SPYOD PA NA SEMS CAN RNAMS NGAN SONG GSUM GYIS SDUG BSNGAL BAR GYUR CING DBUL BA DAG MTHONG NAS YID BDE BA 'AM SEMS BDE BA MA BYUNG NGO ZHES RGYAS PAR GSUNGS PA LTA BU'O, ,'JIG RTEN NA YANG BU GSAL SHING LA BSKYON PA MTHONG BA NA PHA MA LA RANG GI TSUL DANG MTHUN PAR SNYING RJE BA'I DBANG GIS RANG GI BDE BA LA MI CHAGS PAR SNANG NGO, ,DBEN PA ZHIG TU BYAS NA KHYO YOD PA 'AM, MGO GTZANG MA RIGS DANG CHOS DANG RGYAL MTSAN GYIS BSRUNGS PA LA YANG RUNG STE 'DOD PA LA LOG PAR G-YEM PAR MI 'GYUR RO, ,SEMS CAN GYI DON DU 'GYUR LA SEMS CAN LA YANG MI GNOD PA BSGRUBS NA NYES PA MED DO, ,YANG DAG PAR TSANGS PAR SPYOD PA RNAMS NI DON BYAS PA'I PHYIR DE DAG LAM SRID LA SOGS PA BZHIN DU RING DU SPANG ZHING MCHOD DO, ,DE LTA NA NI DGE SLONG GIS KYANG BYA BAR 'GYUR RO, ,DE LTA MA YIN TE; DE BZHIN DU TSANGS PAR SPYOD PA'I RNAM PAS SEMS CAN GYI DON BSGRUB PA'I PHYIR RO, ,DE SKAD DU 'PHAGS PA BLO GROS MI ZAD PA'I MDO LAS, DES DUS DANG DUS MA YIN PA BTANG SNYOMS SU BYA'O ZHES GSUNGS SO, ,CI STE DE LAS SEMS CAN GYI DON DU 'GYUR BA LHAG PA MTHONG NA BSLAB PA @93B DBUL LO, ,BSKAL PA MANG POR GOMS PAS BDAG NYID DU GYUR PA'I SNYING RJE CHEN PO DANG THABS LA MKHAS PA LA SOGS PA YONGS SU RDZOGS PA'I DGE BA'I RTZA BA CAN GYI BYANG CHUB SEMS DPA' RNAMS LA 'DOD CHAGS KYIS BAR DU GCOD PAR BYED PAR 'GYUR RAM CI 'DI NI MI SRID PA NYID DO, , THABS LA MKHAS PA'I MDO LAS KYANG BSTAN TE, BRAM ZE'I KHYE'U SKAR MA LO BZHI KHRI NYIS STONG GI BAR DU TSANGS PAR SPYOD PA'I DBANG DU BYAS NAS DES GOM PA BDUN PA LA GNAS TE SNYING RJE SKYES NAS BDAG GI BRTUL ZHUGS 'DI BSHIG STE, SEMS CAN DMYAL BAR SONG BAR GYUR KYANG SEMS CAN DMYAL BA'I SDUG BSNGAL DE MYONG BAR BZOD KYI, BUD MED 'DI SHIR 'ONG GIS BDE BAR GYUR CIG CES RIGS KYI BU BRAM ZE'I KHYE'U SKAR MA DE SLAR LOG STE BUD MED DE LA LAG PA G-YAS PA NAS BZUNG NAS SRU MO KHYOD CI 'DOD PA BYA'I LONGS SHIG CES DE SKAD CES SMRAS SO, ,DE BZHIN DU SBYAR TE, RIGS KYI BU NGA 'DOD PA NGAN PA DANG LDAN PA'I SNYING RJE CHEN PO'I SEMS BSKYED PAS KYANG BSKAL PA KHRIR 'KHOR BA PHYIR BSNYIL TE SPANGS PAR GYUR TO, ,RIGS KYI BU SEMS CAN GZHAN GANG DAG SEMS CAN DMYAL BAR SKYE BAR 'GYUR BA DES BYANG CHUB SEMS DPA' THABS LA MKHAS PA TSANGS PA'I 'JIG RTEN DU SKYES PA LA LTOS ZHES GSUNGS SO, ,YANG DE NYID LAS, GAL TE BYANG CHUB SEMS DPA' SEMS CAN GCIG GI DGE BA'I RTZA BA SKYE BAR 'GYUR BA LTA NA, LTUNG BA JI LTA BU BYUNG BA BSKAL PA BRGYA STONG DU SEMS CAN DMYAL BAR 'TSO BAR 'GYUR BA DE 'DRA BA'I LTUNG BA BYUNG YANG BCOM LDAN 'DAS BYANG CHUB SEMS DPA' LTUNG BA BYUNG BA DANG SEMS CAN DMYAL BA'I SDUG BSNGAL DE LA SPRO BA NYID DU BGYI STE, SEMS CAN GCIG PO DE'I DGE BA'I RTZA BA YONGS SU BTANG BA DANG YONGS SU BRI BAR NI MI BGYI'O ZHES GSUNGS SO, ,YANG DE NYID LAS, RIGS KYI BU 'DI LA BYANG CHUB SEMS DPA' THABS MKHAS PA BRGYA LA LA ZHIG TU SDIG PA'I GROGS PO'I DBANG GIS NYES PA BYUNG NA DE 'DI LTAR SLOB STE, GAL TE BDAG GIS PHUNG PO 'DI DAG GIS YONGS SU MYA NGAN LAS 'DA' BAR BYA NA NI BDAG GI SEMS YONGS SU GDUNG BA DANG LDAN PAR YANG 'GYUR GYIS 'DI LTAR BDAG GIS SEMS CAN @94A *, ,YONGS SU SMIN PAR BYA BA'I PHYIR PHYI MA'I MTHA'I MUR THUG PAR GNAS PA DE LTA BU'I GO CHA BGOS LA, BDAG GI SEMS LA GDUNG BAR NI MI BYA'I, JI LTA JI LTAR 'KHOR BAR 'KHOR BAR 'GYUR BA DE LTA DE LTAR SEMS CAN YONGS SU SMIN PAR BGYI'O, ,LTUNG BA 'DI YANG CHOS BZHIN DU GSO BAR BYA'O, ,PHYIS NYES PAR MI BYA'O SNYAM DU SEMS SO, ,RIGS KYI BU YONGS SU BRTAG PA BZUNG NA GAL TE RAB TU BYUNG BA'I BYANG CHUB SEMS DPA' RTZA BA'I LTUNG BA BZHI PO THAMS CAD ZHIG PAR GYUR KYANG, THABS LA MKHAS PA 'DIS SEL BAR BYED PA LTA NA, BYANG CHUB SEMS DPA' LA LTUNG BAR MI 'GYUR BAR NGA SMRA'O ZHES GSUNGS SO, ,'DI NI DKON MCHOG SPRIN LAS KYANG GSAL BA NYID DE, MTSAMS MED PA BYED PAR 'DOD PA'I MI GSAD PAR GNANG BA'I PHYIR RO, ,NYAN THOS KYI 'DUL BA LAS KYANG, RTZA BA'I LTUNG BA'I GNAS NYID LA SNYING RJE BAS RI DAGS LA SOGS PA BTANG BAS NYES PA MED PAR GSUNGS SO, ,GANG BYANG CHUB SEMS DPA' LA 'DOD CHAGS SKYES NAS BDE 'GRO 'THOB PA 'DI NI 'DOD CHAGS YON TAN CAN YIN TE KHRO BA NI DE LTA MA YIN NO, ,'PHAGS PA THABS LA MKHAS PA'I MDO LAS JI SKAD DU, BYANG CHUB SEMS DPA' DGA' BYED LA BU MO DPAL YON CAN GYI MCHOG CHAGS PAR GYUR BA'I DBANG DU BYAS NAS, ,DGA' BYED SMON LAM PHYI PHYIR 'DEBS PA NI, ,BUD MED GANG DAG CHAGS SEMS KYIS BLTA BA, ,DE NI BUD MED LUS KYANG YONGS SPANGS TE, ,SKYES BU SPANGS PA'I SEMS CAN 'GYUR BAR SHOG ,GANG GIS SEMS CAN GZHAN DAG DMYAL 'GRO BA; ,DES NI DPA' BO DAG LA CHAGS BSKYED NA, ,MTHO RIS 'GRO ZHING SKYES PA NYID 'GYUR BA, ,DE YI YON TAN 'DI 'DRA KUN DGA' LTOS, ,DE BZHIN DU SBYAR TE, ,SU ZHIG RTZI RGYAL GRAGS PA CHEN PO YI, ,BYANG CHUB SEMS DPA' RNAMS LA ZHE SDANG SKYED, ,DE DAG NYON MONGS LAS KYANG BDE SBYIN NA,, DE LA BKUR STI BYED PA SMOS CI DGOS, ,ZHES GSUNGS SO, ,DE LTAR SEMS CAN GYI DON GYI THABS GZHAN MED NA, 'DOD CHAGS LAS BYUNG BA'I NYES PA YANG NYES PA MA YIN PAR BSHAD DO, ,THABS LA MKHAS PA'I MDO LAS KYANG, SMAD 'TSONG MA LTAR DON BYED NAS BYANG CHUB SEMS DPA' BTANG @94B SNYOMS RJES SU BYED DE SEMS CAN DE 'DOR RO ZHES RGYAS PAR GSUNGS SO, ,SA THOB PA PHA ROL TU PHYIN PA DRUG SPYAD PA LA 'DI BSAM PAR BYA'I GZHAN LA NI MA YIN NO, ,DE LTAR ZHAR LA 'ONGS PA YIN TE RE ZHIG GZHAG GO, ,DE'I PHYIR ZHE SDANG SKABS DBYE BAR MI BYA'O, ,NYE BA 'KHOR GYIS ZHUS PA LAS KYANG BKA' STZAL TE, SH'A RI'I BU BYANG CHUB SEMS DPA' RNAMS KYI KHA NA MA THO BA CHEN PO DANG BCAS PA'I LTUNG BA GNYIS TE, GNYIS GANG ZHE NA, 'DI LTA STE, ZHE SDANG DANG LDAN PA DANG, GTI MUG DANG LDAN PA'O, ,DE BZHIN DU SBYAR TE, SH'A RI'I BU DE LA BYANG CHUB SEMS DPA' DANG POS THOG MA'I LTUNG BA SDE BCU LAS LCI BA RNAMS BSHAGS PAR BYA'O, ,LTUNG BA YOD PA SDE LNGA LAS LCI BA RNAMS BSHAGS PAR BYA'O, ,SH'A RI'I BU BUD MED KYI LAG NAS 'DZIN PA DANG, MIG GIS BLTA BA DANG, GNOD SEMS KYANG LTUNG BA STE GANG ZAG GCIG GAM GNYIS LA YANG BSHAGS PAR BYA'O, ,BYANG CHUB SEMS DPA' MTSAMS MED PA LNGA DANG DAN PA'I LTUNG BA DANG, BUD MANG LAS LTUNG BA BYUNG BA DANG LAG PA LAS LTUNG BA BYUNG BA DANG KHYE'U LAS LTUNG BA BYUNG BA DANG, MCHOD RTEN LAS LTUNG BA BYUNG BA DANG, DGE 'DUN LAS LTUNG BA BYUNG BA DANG, DE LAS GZHAN PA'I LTUNG BA LCI BA RNAMS NI SANGS RGYAS BCOM LDAN 'DAS SUM CU RTZA LNGA LA GCIG POS NYIN MTSAN DU LTUNG BA LCI BA RNAMS BSHAGS PAR BYA'O, ,DE LA LTUNG BA BSHAGS PA NI 'DI LTA STE, BDAG MING 'DI ZHES BGYI BA SANGS RGYAS LA SKYABS SU MCHI'O, ,CHOS LA SKYABS SU MCHI'O, ,DGE 'DUN LA SKYABS SU MCHI'O, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SH'AKYA THUB PA LA PHYAG 'TSAL LO, ,RDO RJE SNYING POS RAB TU 'JOMS PA LA PHYAG 'TSAL LO, ,RIN CHEN 'OD 'PHRO LA PHYAG 'TSAL LO, ,KLU DBANG GI RGYAL PO LA PHYAG 'TSAL LO, ,DPA' BO'I SDE LA PHYAG 'TSAL LO, ,DPAL DGYES LA PHYAG 'TSAL LO, ,RIN CHEN ME LA PHYAG 'TSAL LO, ,RIN CHEN ZLA 'OD LA PHYAG 'TSAL LO, ,MTHONG BA DON YOD LA PHYAG 'TSAL LO, ,RIN CHEN ZLA BA LA PHYAG 'TSAL LO, ,DRI MA MED PA LA PHYAG 'TSAL LO, ,DPAS BYIN LA PHYAG 'TSAL LO, ,TSANGS PA LA PHYAG 'TSAL LO, ,TSANGS PAS BYIN LA PHYAG 'TSAL LO, ,CHU LHA LA PHYAG 'TSAL LO, ,CHU LHA'I LHA LA PHYAG 'TSAL LO,, @95A *, ,DPAL BZANG LA PHYAG 'TSAL LO, ,TZANDAN DPAL LA PHYAG 'TSAL LO, ,GZI BRJID MTHA' YAS LA PHYAG 'TSAL LO, ,'OD DPAL LA PHYAG 'TSAL LO, ,MYA NGAN MED PA'I DPAL LA PHYAG 'TSAL LO, ,SRED MED KYI BU LA PHYAG 'TSAL LO, ,ME TOG DPAL LA PHYAG 'TSAL LO, ,DE BZHIN GSHEGS PA TSANGS PA'I 'OD ZER RNAM PAR ROL PAS MNGON PAR MKHYEN PA LA PHYAG 'TSAL LO, ,DE BZHIN GSHEGS PA PADMA'I 'OD ZER RNAM PAR ROL PAS MNGON PAR MKHYEN PA LA PHYAG 'TSAL LO, ,NOR DPAL LA PHYAG 'TSAL LO, ,DRAN PA'I DPAL LA PHYAG 'TSAL LO; ,MTSAN DPAL SHIN TU YONGS BSGRAGS LA PHYAG 'TSAL LO, ,DBANG PO TOG GI RGYAL MTSAN GYI RGYAL PO LA PHYAG 'TSAL LO, ,SHIN TU RNAM PAR GNON PA'I DPAL LA PHYAG 'TSAL LO, ,G-YUL LAS SHIN TU RNAM PAR RGYAL BA LA PHYAG 'TSAL LO, ,RNAM PAR GNON PAS GSHEGS PA LA PHYAG 'TSAL LO, ,KUN NAS SNANG BA BKOD PA'I DPAL LA PHYAG 'TSAL LO, ,RIN CHEN PAD MOS RNAM PAR GNON PA LA PHYAG 'TSAL LO, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIN PO CHE PADMA LA RAB TU BZHUGS TE RI DBANG GI RGYAL PO LA PHYAG 'TSAL LO, , DE DAG LA SOGS PA 'JIG RTEN GYI KHAMS THAMS CAD NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS JI SNYED BZHUGS TE 'TSO ZHING GZHES PA'I SANGS RGYAS BCOM LDAN 'DAS DE DAG BDAG LA DGONGS SU GSOL, ,GANG BDAG GIS SKYE BA 'DI DANG SKYE BA GZHAN DAG THOG MA MA MCHIS PA'I SKYE BA NAS 'KHOR BAR 'KHOR BA NA, SDIG PA'I LAS BGYIS PA DANG, BGYID DU STZAL BA DANG, BGYID PA LA RJES SU YI RANG BA DANG, MCHOD RTEN GYI DANG DGE 'DUN GYI DANG, PHYOGS BZHI'I DGE 'DUN GYI NOR PHROGS PA DANG, 'PHROG TU STZAL BA DANG 'PHROG PA LA RJES SU YI RANG BAR GYUR BA DANG, MTSAMS MA MCHIS PA'I LAS BGYIS PA DANG BGYID DU STZAL BA DANG BGYID PA LA RJES SU YI RANG BAR GYUR PA DANG, MI DGE BA BCU'I LAS KYI LAM BZUNG STE SPYOD PA DANG SPYOD DU STZAL BA DANG RJES SU YI RANG BAR GYUR BA DANG, LAS KYI SGRIB PA GANG GIS BSGRIBS NAS SEMS CAN DMYAL @95B BAR MCHI BA'AM, DUD 'GRO'I SKYE GNAS DANG GSHIN RJE'I YUL DU MCHI BA'AM, YUL MTHA' 'KHOR KYI KLA KLO RNAMS SU SKYE BAR 'GYUR BA'AM, LHA TSE RING POR SKYE BAR 'GYUR BA'AM, DBANG PO MA TSANG BAR 'GYUR BA DANG, LOG PAR LTA BA YONGS SU 'DZIN PA DANG, SANGS RGYAS 'BYUNG BA LA MNYES PAR MI BGYID PA'I LAS KYI SGRIB PA DE DAG THAMS CAD YE SHES SU GYUR PA, SPYAN DU GYUR PA DPANG DU GYUR PA TSAD MAR GYUR PA'I SANGS RGYAS BCOM LDAN 'DAS MKHYEN CING GZIGS PA DE DAG GI SPYAN SNGAR SO SOR BSHAGS SO, ,MTHOL LO, ,MI 'CHAB BO, ,SLAN CHAD KYANG SDOM PAR BGYI'O, ,SANGS RGYAS BCOM LDAN 'DAS DE DAG BDAG LA DGONGS SU GSOL, ,GANG BDAG GIS SKYE BA 'DI DANG SKYE BA GZHAN DANG THOG MA MA MCHIS PA'I SKYE BA NAS 'KHOR BAR 'KHOR BA'I TSE, THA NA DUD 'GRO'I SKYE GNAS SU GYUR PA LA ZAN CHANG CIG TZAM SBYIN PA STZAL BA DANG, TSUL KHRIMS BSRUNGS PAR GYUR PA DANG; GANG BDAG GIS TSANGS PAR SPYAD PAR GNAS PA'I DGE BA'I RTZA BA DANG, GANG BDAG GIS SEMS CAN YONGS SU SMIN PAR BGYIS PA'I DGE BA'I RTZA BA DANG GANG BDAG GIS BYANG CHUB KYI SEMS KYI DGE BA'I RTZA BA DANG, GANG BDAG GIS BLA NA MED PA'I YE SHES KYI DGE BA'I RTZA BA DE DAG THAMS CAD GCIG TU BSDUS, GCIG TU SPUNGS BCAL TE, MNGON PAR BSDUS NAS, BLA MA'I YANG BLA MA BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BAS YONGS SU BSNGO BAR BGYI'O, ,JI LTAR 'DAS PA'I SANGS RGYAS BCOM LDAN 'DAS RNAMS KYIS YONGS SU BSNGO BA PA DANG, JI LTAR MA BYON PA'I SANGS RGYAS BCOM LDAN 'DAS RNAMS YONGS SU BSNGO BAR 'GYUR BA DANG, JI LTAR DA LTAR BYUNG BA'I SANGS RGYAS BCOM LDAN 'DAS RNAMS YONGS SU BSNGO BA DE BZHIN DU BDAG GIS KYANG YONGS SU BSNGO'O, ,SDIG PA THAMS CAD SO SOR BSHAGS SO, ,BSOD NAMS THAMS CAD KYI RJES SU YI RANG NGO, ,SANGS RGYAS THAMS CAD LA GSOL BA GDAB BO, ,BDAG BLA NA MED PA'I YE SHES SU GYUR CIG ,MI MCHOG RGYAL BA GANG DAG DA LTAR BZHUGS PA DANG, ,GANG DAG 'DAS PA DAG DANG DE BZHIN GANG MA BYON, ,YON TAN BSNGAGS PA MTHA' YAS RGYA MTSO 'DRA KUN LA, , @96A *, ,THAL MO SBYAR BA BGYIS TE SKYABS SU NYE BAR MCHI, ,BYANG CHUB SEMS DPA'I GANG DAG SNYING RJE'I STOBS LDAN ZHING, ,DPA' BO SEMS CAN RNAMS LA PHAN PHYIR SPYOD BYED PA, ,DE DAG RNAMS KYIS SKYABS MED SDIG BYED BDAG LA SKYOBS, ,BYANG CHUB SEMS DPA' DE DAG RNAMS LA BDAG SKYABS MCHI, SH'A RI'I BU 'DI LTAR BYANG CHUB SEMS DPA', SANGS RGYAS SUM CU SO LNGA 'DI DAG LA SOGS PA DE BZHIN GSHEGS PA THAMS CAD KYI RJES SU SONG BA'I YID LA BYED PAS SDIG PA THAMS CAD RNAM PAR DAG PAR BYA'O, ,DE DE LTAR SDIG PA THAMS CAD RNAM PAR DAG PAS SEMS CAN RNAM PAR THAR BAR BYA BA'I PHYIR DE LA SANGS RGYAS BCOM LDAN 'DAS RNAMS ZHAL NYE BAR STON TO, ,DE BZHIN DU BYIS PA SO SO'I SKYE BO 'KHRUL PA RNAMS YONGS SU SMIN PAR BYA BA'I PHYIR TSIG 'BRU SNA TSOGS RNAM PAR NYE BAR STON KYANG CHOS KYI DBYINGS LAS MI G-YO'O, ,DE BZHIN DU SBYAR RO, , BYANG CHUB SEMS DPA' NYIN MTSAN DU SANGS RGYAS BCOM LDAN 'DAS DE DAG GI MTSAN 'DZIN PA DANG YONGS SU BRJOD PA DANG PHUNG PO GSUM PA'I CHOS KYI RNAM GRANGS KLOG PAS LTUNG BA 'GYOD PA LAS BYUNG BA DANG, TING NGE 'DZIN KYANG THOB PA GANG YIN PA DE NI NYAN THOS DANG RANG SANGS RGYAS KYI THEG PA THAMS CAD KYIS LTUNG BA 'GYOD PA'I GNAS RNAM PAR SBYANG BAR MI NUS SO ZHES GSUNGS SO, ,RNAM PAR SUN 'BYIN PA KUN DU SPYOD PA BSHAD ZIN TO, ,GNYEN PO KUN DU SPYOD PA BSHAD PAR BYA STE, DE LA MDO SDE ZAB MO LA BRTEN PAS KYANG SDIG PA ZAD PAR 'GYUR TE, RDO RJE GCOD PA LAS JI SKAD DU RAB 'BYOR RIGS KYI BU 'AM RIGS KYI BU MO GANG DAG 'DI LTA BU'I MDO SDE TSIG 'DI DAG LEN PA DANG, 'DZIN PA DANG KLOG PA DANG, KUN CHUB PAR BYED PA DE DAG NI MNAR BAR 'GYUR SHIN TU MNAR BAR 'GYUR RO, ,DE CI'I PHYIR ZHE NA, RAB 'BYOR 'DI LTAR SEMS CAN DE DAG GI TSE RABS SNGA MA'I MI DGE BA'I LAS NGAN SONG DU SKYE BAR 'GYUR BA DANG MTHUN PA BYAS PA GANG DAG YIN PA'I TSE RABS SNGA MA'I MI DGE BA'I LAS DE DAG TSE 'DI LA MNAR BAS 'BYANG BAR 'GYUR TE, SANGS RGYAS KYI BYANG CHUB KYANG THOB PAR 'GYUR RO ZHES GSUNGS SO, ,STONG PA NYID LA MOS PAS KYANG SDIG PA DAG PAR 'GYUR TE, DE @96B BZHIN GSHEGS PA'I MDZOD KYI MDO LAS GSUNGS PA, 'OD SRUNGS GANG GIS PHA YANG YIN LA, RANG SANGS RGYAS KYANG YIN PA DE SROG BCAD NA DE'I SROG GCOD PA'I NANG NAS MA RUNGS PA'O, ,'DI LTA STE, DKON MCHOG GSUM GYI DKOR RKU BA 'DI NI MA BYIN PAR LEN PA'I NANG NA MA RUNGS PA'O, , 'DI LTA STE MA YANG YIN LA DGRA BCOM MA YANG YIN PA DE LA LOG PAR SPYAD PA 'DI NI 'DOD PA LA LOG PAR SPYOD PA RNAMS KYI NANG NA MA RUNGS PA'O, ,'DI LTA STE, DE BZHIN GSHEGS PA LA SKUR PA 'DEBS PA 'DI NI BRDZUN DU SMRA BA'I NANG NA MA RUNGS PA'O, ,'DI LTA STE, 'PHAGS PA'I DGE 'DUN LA MI SNYAN PA BRJOD PA 'DI NI PHRA MA'I NANG NA MA RUNGS PA'O, ,'DI LTA STE 'PHAGS PA RNAMS LA GNOD PA 'DI NI TSIG RTZUB PO'I NANG NA MA RUNGS PA'O, ,'DI LTA STE CHOS 'DOD PA RNAMS RNAM PAR G-YENG BAR BYED PA 'DI NI TSIG KYAL PA'I NANG NA MA RUNGS PA'O, ,'DI LTA STE MTSAMS MED PA BYED PAR SHOM PA 'DI NI GNOD SEMS KYI NANG NA MA RUNGS PA'O, ,'DI LTA STE, YANG DAG PAR SONG BA RNAMS KYI RNYED PA 'PHROG PA'I SEMS 'DI NI BRNAB SEMS KYI NANG NA MA RUNGS PA'O, ,'DI LTA STE LTA BAS GZINGS PA 'DI NI LOG PAR LTA BA'I NANG NA MA RUNGS PA STE, 'OD SRUNGS 'DI NI MI DGE BA BCU'I LAS KYI LAM 'DI NI KHA NA MA THO BA CHEN PO DANG BCAS PA'O, ,'OD SRUNGS GAL TE SEMS CAN GCIG CIG MI DGE BA BCU'I LAS KYI LAM KHA NA MA THO BA CHEN PO DANG BCAS PA 'DI DAG DANG LDAN PAR GYUR LA, DA YANG DE BZHIN GSHEGS PAS RGYU DANG RKYEN DANG LDAN PA'I CHOS STON PA LA 'JUG STE, 'DI LA BDAG GAM, SEMS CAN NAM, SROG GAM, GANG ZAG GAM, GANG BYED PA'AM, GANG MYONG BA NI GANG YANG MED DO SNYAM NAS, CHOS THAMS CAD NI BYAS PA MED PA DANG, MNGON PAR 'DUS BYAS PA MED PA DANG, SGYU MA LTA BU'I CHOS NYID DANG, KUN NAS NYON MONGS PA MED PA'I CHOS NYID DANG, RANG BZHIN GYIS 'OD GSAL BA'I CHOS NYID LA 'JUG CING, CHOS THAMS CAD GDOD MA NAS DAG PAR YID CHES TE MOS NA, SEMS CAN DE DAG NGAN SONG DU 'GRO BAR NGA MI SMRA'O ZHES GSUNGS SO, ,LAS KYI SGRIB PA RNAM PAR DAG PA'I MDO LAS KYANG, 'JAM DPAL GZHAN YANG BYANG CHUB SEMS DPA' @97A *, ,GANG GIS LTUNG BA LA LTUNG BA MA YIN PAR MTHONG BA DANG 'DUL BA MA YIN PA LA 'DUL BAR MTHONG BA DANG, KUN NAS NYON MONGS PA LA RNAM PAR BYANG BAR MTHONG BA DANG, 'KHOR BA'I KHAMS LA MYA NGAN LAS 'DAS PA'I DBYINGS SU MTHONG BA DES LAS KYI SGRIB PA RNAM PAR DAG PA THOB PO ZHES GSUNGS SO, ,DAM TSIG GSUM GYI RGYAL PO LAS KYANG, SDIG PA'I GNYEN PO KUN DU SPYAD PAR GSUNGS TE, MIG BTZUMS LA SANGS RGYAS DANG BYANG CHUB SEMS DPA' LA DMIGS PA'I SEMS KYIS YI GE BRGYA PA LAN STONG PHRAG BRGYAD BZLAS BRJOD BYAS NA, MIG BTZUMS BZHIN DU SANGS RGYAS DANG BYANG CHUB SEMS DPA' MTHONG BAR 'GYUR, SDIG PA DANG BRAL BAR 'GYUR RO, ,YANG NA MCHOD RTEN LA SKOR BA BYED CING STONG PHRAG BRGYAD BZLAS PAR BYA'O, ,SKU GZUGS DANG DAM PA'I CHOS KYI GLEGS BAM GANG YANG RUNG BA ZHIG MDUN DU BZHAG NAS KYANG BSKOR ZHING LAN STONG BZLAS PAR BYA STE CHO GA NI 'DI NYID DO ZHES GSUNGS SO, ,SKUL BYED MA'I GZUNGS LAS KYANG, JI SRID DU SDIG PA BYAD PA'I MTSAN MA MTHONG BA DE SRID DU BZLAS BRJOD BYA STE, RMI LAM NA ZAS NGAN PA SKYUG PA DANG, ZHO DANG 'O MA LA SOGS PA 'THUNGS PA DANG, SKYUGS PA DANG, NYI MA DANG ZLA BA MTHONG BA DANG, NAM MKHA' LA 'GRO BA DANG, ME 'BAR BA DANG MA HE DANG MI NAG PO THUB PA DANG, DGE SLONG DANG DGE SLONG MA'I DGE 'DUN MTHONG BA DANG, 'O MA 'BYUNG BA'I SHING DANG GLANG PO DANG KHYU MCHOG DANG, RI DANG SENG GE'I KHRI DANG KHANG BZANGS KYI STENG DU 'DZEG PA DANG, CHOS NYAN PA RMIS NA SDIG PA DANG BRAL BAR 'GYUR TE, SDIG PA BYANG BAR SHES PAR BYA'O ZHES GSUNGS SO, ,DE BZHIN GSHEGS PA'I GZUNGS KYI LE'U LAS KYANG GNYEN PO KUN DU SPYOD PAR GSUNGS TE, DPER NA MI ZHIG NGAN SKYUGS KYIS REG PA LAS LEGS PAR BKRUS TE KHRUS BYAS NAS SPOS KYIS BYUGS NA, DE'I DRI NGA BA MED CING BRAL BAR 'GYUR RO, ,DE BZHIN DU MTSAMS MED PA LNGA BYED PA'I SDIG PA DE BYANG BAR 'GYUR RO, ,GANG YANG MI DGE BA BCU'I LAS KYI LAM DANG LDAN PAR GYUR LA, DE BZHIN GSHEGS PA LA DAD PA RNYED NAS DE BZHIN GSHEGS PA DE'I SKU GZUGS BYED NA DE'I SDIG PA YANG MI MNGON PAR 'GYUR, BYE BRAG TU NI BYANG CHUB KYI SEMS DANG LDAN PA @97B DANG; BYE BRAG TU NI KHYIM GYI GNAS NAS 'BYUNG BA TSUL KHRIMS DANG LDAN PA'I SDIG PA BYANG BAR 'GYUR RO ZHES GSUNGS SO, ,ME TOG BRTZEGS PA'I GZUNGS LAS KYANG GSUNGS TE, SENG GE RNAM PAR RTZE BA GANG GIS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA LO GCIG GAM LO BRGYA 'AM LO STONG YANG RUNG STE, BDE BA'I YO BYAD THAMS CAD KYIS BSNYEN BKUR BYAS PA DANG, BYANG CHUB KYI SEMS KYIS YANG DAG PAR ZIN PA GANG GIS DE BZHIN GSHEGS PA LA MCHOD PA'I PHYIR, DE BZHIN GSHEGS PA YONGS SU MYA NGAN LAS 'DAS PA'I MCHOD RTEN LA ME TOG 'GA' 'BUL LAM CHU SNYIM PA GANG TZAM 'THOR RAM, BYUG PA'I THIG LE 'DRI 'AM, ME TOG GI NYAL NYIL 'PHYAG GAM, BYUG PA 'BUL LAM, ME TOG 'BUL LAM, BDUG SPOS 'BUL LAM, MAR ME 'BUL TE PHUL NAS DGA' BA'I SEMS KYIS GOM PA'I GAR STABS 'GA' BOR TE, SANGS RGYAS BCOM LDAN 'DAS DE LA PHYAG 'TSAL LO ZHES SMRA BA DE DAG NI, SENG GE RNAM PAR RTZE BA BSKAL PAR RAM BSKAL PA BRGYA 'AM BSKAL PA STONG DU 'AM, BSKAL PA BRGYA PHRAG STONG DU YANG NGAN 'GRO LOG PAR LTUNG BAR 'GYUR BA DE'I GNAS MED DO ZHES GSUNGS SO, ,SMAN GYI BLA BEE d'URYA'I 'OD KYI RGYAL PO'I MDO LAS KYANG; GANG DAG YANG BSLAB PA'I GZHI LNGA PO DAG 'DZIN PA DANG, GANG DAG BSLAB PA'I GZHI BCU PO DAG 'DZIN PA DANG, GANG DAG BYANG CHUB SEMS DPA'I SDOM PA BSLAB PA'I GZHI BZHI BRGYA PO DAG 'DZIN PA DANG, KHYIM GYI GNAS NAS BYUNG BA'I DGE SLONG GANG DAG BSLAB PA'I GZHI NYIS BRGYA LNGA BCU PO DAG 'DZIN PA DANG, DGE SLONG MA GANG DAG BSLAB PA'I GZHI LNGA BRGYA PO DAG 'DZIN PA STE, GANG DAG JI LTAR YONGS SU BZUNG BA'I BSLAB PA'I SDOM PA DE DAG GI NANG NAS, BSLAB PA'I GZHI GANG YANG RUNG BA ZHIG LAS NYAMS PAR GYUR TE, NGAN 'GRO NGAN SONG GIS 'JIGS SKRAG PA DE DAG BCOM LDAN 'DAS DE BZHIN GSHEGS PA SMAN GYI BLA BEE d'URYA'I 'OD DE LA MCHOD PA RNAM PA SNA TSOGS BYED NA, DE DAG LA NGAN SONG GSUM GYI SDUG BSNGAL MED PAR SHES PAR BYA'O, ,BUD MED GANG LA LA BU BTZA' BA'I DUS NA SDUG BSNGAL MA RUNGS PA DRAG PO BYUNG BA DES, BCOM LDAN 'DAS DE BZHIN GSHEGS PA @98A *, ,SMAN GYI BLA BEE d'URYA'I 'OD DE LA MCHOD NA DE MYUR DU YONGS SU THAR BAR 'GYUR, BU YANG YAN LAG YONGS SU TSANG BAR BTZA' ZHING GZUGS BZANG BA DANG MDZES PA DANG, BLTA NA SDUG PA DANG, DBANG PO RNO BA DANG, BLO DANG LDAN PA DANG, NAD MED CING GNOD PA NYUNG BAR 'GYUR RO, , DE LA MI MA YIN PAS MDANGS 'PHROGS PAR MI NUS SO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO GANG GI PHYIR NGA BCOM LDAN 'DAS DE BZHIN GSHEGS PA SMAN GYI BLA BEE d'URYA'I 'OD DE'I MCHOD PA RNAM PA SNA TSOGS BYED NA, DE DAG LA NGAN SONG GSUM GYI SDUG BSNGAL MED PAR SHES PAR BYA'O, ,YON TAN BRJOD PAR KHYOD DAD DAM YID CHES SAM, YANG NA KHYOD SANGS RGYAS KYI SPYOD YUL ZAB MO 'DI LA YID GNYIS SAM SOM NYI 'AM, THE TSOM ZA BA MED DAM DE NAS BCOM LDAN 'DAS LA TSE DANG LDAN PA KUN DGA' BOS 'DI SKAD CES GSOL TO; ,BTZUN PA BCOM LDAN 'DAS BDAG DE BZHIN GSHEGS PAS GSUNGS PA'I CHOS RNAMS LA YID GNYIS SAM SOM NYI 'AM THE TSOM 'TSAL BA MA LAGS SO, ,DE CI'I SLAD DU ZHE NA, DE BZHIN GSHEGS PA RNAMS LA SKU DANG GSUNG DANG THUGS KYI KUN DU SPYOD PA YONGS SU MA DAG PA MI MNGA' BA'I SLAD DU'O, ,BCOM LDAN 'DAS GDUGS DANG DGUNG ZLA 'DI LTAR RDZU 'PHRUL CHE BA 'DI GNYIS NI DOG SA LA LTUNG YANG GDA', RI'I RGYAL PO RI RAB NI GNAS NAS 'PHO YANG GDA'I SANGS RGYAS RNAMS KYI BKA' NI GZHAN DU MI 'GYUR LAGS SO, ,BTZUN PA BCOM LDAN 'DAS DE LTAR LAGS KYIS KYANG, SEMS CAN DAD PA'I DBANG PO DANG BRAL BA DAG MCHIS TE, SANGS RGYAS RNAMS KYI SANGS RGYAS KYI SPYOD YUL 'DI THOS NA DE DAG 'DI SNYAM DU SEMS PAR 'GYUR TE, DE BZHIN GSHEGS PA'I MTSAN 'DI DRAN PA TZAM GYIS JI LTAR SHIN TU YON TAN DANG PHAN YON DU 'GYUR SNYAM NAS DE DAG MI DAD CING YID MI CHES TE SPONG BAS YUN RING POR GNOD PA DANG MI SMAN PA DANG YID MI BDE BA DANG RNAM PAR LTUNG BAR 'GYUR RO, ,BCOM LDAN 'DAS KYIS BKA' STZAL PA, KUN DGA' BO DE BZHIN GSHEGS PA DE'I MTSAN SU'I RNA LAM DU GRAG PAR GYUR PA DE, NGAN 'GRO NGAN SONG DU 'GRO BAR 'GYUR BA NI GNAS MED DE GO SKABS @98B MA YIN NO, ,KUN DGA' BO SANGS RGYAS RNAMS KYI SANGS RGYAS KYI SPYOD YUL NI YID CHES PAR DKA'O, ,KUN DGA' BO KHYOD DAD CING YID CHES PAR GYUR PA DE NI, DE BZHIN GSHEGS PA'I MTHU YIN PAR BLTA'O, ,BYANG CHUB SEMS DPA' SEMS DPA' CHEN PO SKYE BA GCIG GIS THOGS PA RNAMS MA GTOGS PAR 'DI NYAN THOS DANG RANG SANGS RGYAS THAMS CAD KYIS MA YIN NO ZHES GSUNGS SO, ,YANG DE NYID LAS DAD PA'I RIGS KYI BU'AM RIGS KYI BU MO GANG DAG YAN LAG BRGYAD DANG LDAN PA'I BSNYEN GNAS LA NYE BAR GNAS TE, LO GCIG GAM ZLA BA GSUM DU BSLAB PA'I GZHI RNAMS 'DZIN CING, GANG DAG GI BSAM PA 'DI LTA BUS, BDAG GI DGE BA'I RTZA BA 'DIS NUB PHYOGS GANG NA DE BZHIN GSHEGS PA TSE DPAG MED BZHUGS PA'I 'JIG RTEN GYI KHAMS BDE BA CAN DU SKYE BAR SHOG SHIG CES SMON LAM DE LTA BU BTAB PA DAG LAS, GANG DAG GIS BCOM LDAN 'DAS DE BZHIN GSHEGS PA SMAN GYI BLA BEE d'URYA'I 'OD DE'I MTSAN THOS PAR GYUR PA DE DAG 'CHI BA'I DUS KYI TSE BYANG CHUB SEMS DPA' BRGYAD RDZU 'PHRUL GYIS LHAGS NAS LAM STON PAR 'GYUR TE, DE DAG DER PADMA TSON KHA DOG SNA TSOGS RNAMS LAS RDZUS TE SKYE BAR 'GYUR RO, ,GANG LA LA DAG LHA'I 'JIG RTEN DU SKYA BAR 'GYUR BA DE DAG NI, DER SKYES NAS SNGON GYI DGE BA'I RTZA BA DE ZAD PAR MI 'GYUR ZHING NGAN 'GROR 'GRO BAR MI 'GYUR RO, ,DE NAS SHI 'PHOS NAS KYANG MI'I 'JIG RTEN 'DIR GLING BZHI PA'I DBANG PHYUG 'KHOR LOS SGYUR BA'I RGYAL POR 'GYUR TE, SEMS CAN BYE BA KHRAG KHRIG BRGYA STONG DU MA DAG DGE BA BCU'I LAS KYI LAM LA 'GOD PAR 'GYUR RO, ,YANG GZHAN DAG NI RGYAL RIGS SHING S'A LA CHEN PO LTA BU'I KHYIM DAG TU SKYE BAR 'GYUR, BRAM ZE SHING S'A LA CHEN PO LTA BU'I KHYIM DAG DANG, KHYIM BDAG SHING S'A LA CHEN PO LTA BU'I KHYIM DAG DANG, NOR DANG 'BRU DANG MDZOD DANG BANG BA MANG PO 'BYOR PA'I KHYIM DAG TU SKYE BAR 'GYUR TE, GZUGS PHUN SUM TSOGS PA DANG, DBANG PHYUG PHUN SUM TSOGS PA DANG, G-YOG PHUN SUM TSOGS PA DANG DPA' BA DANG RTUL PHOD PA DANG TSAN PO CHE CHEN PO'I STOBS KYI SHUGS DANG LDAN PAR 'GYUR RO, ,BUD MED GANG GIS DE BZHIN GSHEGS PA DE'I @99A *, ,MTSAN THOS SHING BZUNG BA DE'I BUD MED KYI DNGOS PO DE THA MA YIN PAR SHES PAR BYA'O ZHES GSUNGS SO,, ,,BAM PO BRGYAD PA, 'JAM DPAL GYI SANGS RGYAS KYI ZHING GI YON TAN BKOD PA'I RGYAN LAS KYANG, YE SHES BLA MA 'OD KYI TOG , ,DE BZHIN SMON LAM BLO GROS DANG, ,DBANG PO ZHI DANG 'JAM DBYANGS LA, ,BDAG NI GUS PAS PHYAG 'TSAL LO, ,SU ZHIG BYANG CHUB SEMS DPA' 'DI DAG GI MING 'DZIN PA DE BUD MED KYI DNGOS POR MI 'GYUR RO ZHES GSUNGS SO, ,GNYEN PO KUN TU SPYAD PA MNGON PAR BSTAN ZIN TO, ,DA NI NYES PA LAS BZLOG PA'I STOBS BRJOD PAR BYA STE, 'PHAGS PA SA'I SNYING PO'I MDO LAS JI SKAD DU GSUNGS PA LTA BU STE, SROG GCOD PA SPONG BA'I BYANG CHUB SEMS DPA' NI SEMS CAN THAMS CAD LA MI 'JIGS PA SBYIN PA YIN TE, SKRAG PAR MI BYED 'KHRUG PAR MI BYED SKU ZING ZHES 'GYUR BAR MI BYED DO, ,DE DGE BA'I LAS KYI RNAM PAR SMIN PA DE DANG SROG GCOD PA SPONG BA'I 'KHOR LO DES SNGON GYI MTHA'I MU NAS 'GRO BA LNGA'I 'KHOR LOR ZHUGS SHING 'KHOR BA'I CHU NGOS KHYER NAS, SROG GCOD PA'I RGYUS LUS DANG NGAG DANG, YID KYI LAS KYI SGRIB PA DANG NYON MONGS PA'I SGRIB PA DANG CHOS KYI SGRIB PA BYAS PA DANG BYED DU BCUG PA DANG RJES SU YI RANG BA GANG YIN PA THAMS CAD 'JOMS TE, MA LUS PAR RNAM PAR SMIN PAR MI 'GYUR BA'I BAR DU BYED DO, ,DE LA RIGS MTHUN PA'I LHA DANG MI RNAMS DGA' BAR 'GYUR RO, ,NAD MED PA DANG TSE RING BAR 'GYUR RO, ,RIGS KYI BU GZHAN YANG BYANG CHUB SEMS DPA' SEMS DPA' CHEN PO GANG JI SRID 'TSO'I BAR DU MA BYIN PAR LEN PA SPANGS PAR GYUR CING SEMS CAN THAMS CAD LA MI 'JIGS PA SBYIN LA GZHAN LA 'GRAN PA MED PA DANG 'KHRUG PA MED PAR RANG GI RNYED PAS CHOG SHES SHING, CHOS MA YIN PA'I LONGS SPYOD MI 'DOD DE, DGE BA'I RTZA BA DES MA BYIN PAR LEN PA'I RGYU LAS BYUNG BA'I BAR GYI LAS KYI SGRIB PA 'JOMS SO, ,RAB TU 'JOMS SO, ,MA LUS PAR RNAM PAR SMIN PAR MI 'GYUR BA'I BAR DU BYED DO, ,DE BZHIN DU SBYAR TE, DGE BA BCU'I LAS KYI LAM RNAMS KYIS RANG GI MI MTHUN PA'I PHYOGS MI DGE BA RNAMS 'JOMS PAR GSUNGS SO, ,DE SKAD DU ZLA BA SGRON MA'I MDO LAS KYANG, GNOD SEMS @99B SPANGS PAS SDIG PA ZAD PAR 'GYUR BA 'BYUNG STE, JI SKAD DU, ,'DIR NI YANG DAG MA LAGS PAR, ,BYIS PA RNAMS KYIS MTSANG BRUS DANG, ,SPYOD PA DAG NI BZOD BGYI STE, ,SMOD PA'ANG 'DREN PA DANG DU BLANG, ,BYANG CHUB SEMS DPAS GZHAN DAG LA, ,BDAG GIS GNOD SEMS BSKYED PA DANG; ,SNGON CHAD BDAG GIS SDIG PA'I LAS, ,BGYIS PA RNAMS NI SBYANG BAR BGYI, ,ZHES GSUNGS PA LTA BU'O, ,NYES PA LAS ZLOG PA'I STOBS BSHAD ZIN TO, ,RTEN GYI STOBS BRJOD PAR BYA STE, 'DIR PHAG GI RTOGS PA BRJOD PA DPER BYA'O, ,GANG DAG SANGS RGYAS SKYABS DONG BA, ,DE DAG NGAN 'GROR 'GRO MI 'GYUR, ,MI YI LUS NI SPANGS NAS SU, ,DE DAG LHA YI LUS THOB PO, ,ZHES GSUNGS TE, DE BZHIN DU CHOS DANG DGE 'DUN GYI DBANG DU BYAS TE GDON TO, ,'PHAGS PA BYAMS PA'I RNAM PAR THAR PA LAS KYANG, BYANG CHUB KYI SEMS KYIS SDIG PA RNAM PAR DAG PAR GSUNGS TE; NYES PA BYAS PA THAMS CAD BSREGS PAS SREG PA'I BSKAL PA'I ME LTA BU'O, ,MI DGE BA'I CHOS THAMS CAD ZAD PAR BYED PAS SA'I 'OG LTA BU'O, ,DE BZHIN DU SBYAR TE, RIGS KYI BU 'DI LTA STE, DPER NA DNGUL CHU'I RIGS GSER DU SNANG BA ZHES BYA BA YOD DE, DE NI SRANG GCIG GIS KYANG LCAGS SRANG STONG GSER DU 'GYUR RO, ,DNGUL CHU SRANG GCIG PA DA NI LCAGS SRANG STONG PO DES ZAD PAR BYAS PA'AM LCAGS SU BSGYUR BAR MI NUS SO, ,DE BZHIN DU THAMS CAD MKHYEN PA NYID DU SEMS BSKYED PA'I DNGUL CHU'I KHAMS DGE BA'I RTZA BA YONGS SU BSNGO BA DANG YE SHES KYIS BZUNG BA GCIG GIS LAS DANG NYON MONGS PA'I SGRIB PA'I LCAGS THAMS CAD ZAD PAR BYAS TE, CHOS THAMS CAD THAMS CAD MKHYEN PA NYID KYI KHA DOG TU BYED KYANG, THAMS CAD MKHYEN PA NYID DU SEMS BSKYED PA'I DNGUL CHU'I KHAMS GCIG PO DE NI LAS DANG NYON MONGS PA'I LCAGS THAMS CAD KYIS KYANG KUN NAS NYON MONGS PAR BYA BA'AM ZAD PAR MI NUS SO, ,RIGS KYI BU 'DI LTA STE DPER NA MAR ME GCIG GIS KHYIM MAM KHANG BU JI LTA BUR BCUG KYANG RUNG STE BCUG MA THAG TU LO STONG DU BSAGS PA'I MUN PA YANG RNAM PAR SEL CING SNANG BAR BYED DO, ,DE BZHIN DU THAMS CAD MKHYEN PA'I @100A *, ,SEMS BSKYED PA'I MAR ME GCIG GIS KYANG SEMS CAN GYI BSAM PA'I THIBS PO MA RIG PA'I MUN PA DANG LDAN PA JI LTA BU YANG RUNG BAR ZHUGS NA ZHUGS MA THAG TU BSKAL PA BRGYA STONG BRJOD DU MED PAR BSAGS PA'I LAS DANG NYON MONGS PA'I SGRIB PA DANG MUN PA THAMS CAD RNAM PAR SEL ZHING YE SHES KYI SNANG BA SKYED DO, ,RIGS KYI BU 'DI LTA STE DPER NA NOR BU RIN PO CHE YID BZHIN GYI RGYAL PO'I COD PAN THOGS PA'I KLU'I RGYAL PO CHEN PO RNAMS LA GZHAN GYIS GNOD PAR BYA BA'I 'JIGS PA MED DO, ,DE BZHIN DU BYANG CHUB KYI SEMS DANG SNYING RJE CHEN PO'I NOR BU RIN PO CHE'I YID BZHIN GYI RGYAL PO'I COD PAN THOGS PA'I BYANG CHUB SEMS DPA' RNAMS LA YANG, NGAN SONG DANG NGAN 'GROS GNOD PAR BYA BA'I 'JIGS PA MED DO ZHES BYA BA'O, ,'PHAGS PA NYE BA 'KHOR GYIS ZHUS PA LAS KYANG GSUNGS TE, NYE BA 'KHOR 'DI LA THEG PA CHEN PO LA YANG DAG PAR ZHUGS PA'I BYANG CHUB SEMS DPA' GAL TE SNGA DRO'I DUS NA LTUNG BA BYUNG BA YANG, PHYI DRO'I DUS NA THAMS CAD MKHYEN PA'I SEMS DANG MI 'BRAL BAR GNAS TE, DE LTAR NA THEG PA CHEN PO LA YANG DAG PAR ZHUGS PA'I BYANG CHUB SEMS DPA'I TSUL KHRIMS KYI PHUNG PO MTHA' MED DO, ,GAL TE PHYI DRO'I DUS NA LTUNG BA BYUNG BA YANG; PHYE MA RED KYI DUS NA THAMS CAD MKHYEN PA'I SEMS DANG MI 'BRAL BAR GNAS TE, DE LTAR NA THEG PA CHEN PO LA YANG DAG PAR ZHUGS PA'I BYANG CHUB SEMS DPA'I TSUL KHRIMS KYI PHUNG PO'I MTHA' MED DO, ,GAL TE PHYE MA RED KYI DUS NA LTUNG BA BYUNG BA YANG SROD LA THAMS CAD MKHYEN PA'I SEMS DANG MI 'BRAL BAR GNAS TE, DE LTAR NA TSUL KHRIMS KYI PHUNG PO MTHA' MED DO, ,GAL TE SROD LA LTUNG BA BYUNG BA YANG NAM PHYED NA THAMS CAD MKHYEN PA'I SEMS DANG MI 'BRAL BAR GNAS TE, DE LTAR NA TSUL KHRIMS KYI PHUNG PO MTHA' MED DO, ,GAL TE NAM PHYED NA LTUNG BA BYUNG NA YANG THO RANGS THAMS CAD MKHYEN PA'I SEMS DANG MI 'BRAL BAR GNAS TE, DE LTA NA THEG PA CHEN PO LA YANG DAG PAR ZHUGS PA'I BYANG CHUB SEMS DPA'I TSUL KHRIMS KYI PHUNG PO'I MTHA' MED DO, ,NYE BA 'KHOR DE LTA NA THEG PA CHEN PO LA YANG DAG PAR ZHUGS PA'I BYANG CHUB SEMS DPA' RNAMS KYI BSLAB PA NI BCOS SU @100B RUNG BA YIN NO, ,DE LA BYANG CHUB SEMS DPA' 'GYOD PAS KUN NAS LDANG BA DE SKYES NA HA CANG YANG MI DGA' BAR MI BYA'O, ,NYE BA 'KHOR DE LA GAL TE NYAN THOS KYI THEG PA PA'I GANG ZAG LA, LTUNG BA YANG DANG YANG BYUNG NA, ,NYAN THOS KYI THEG PA PA'I GANG ZAG GI TSUL KHRIMS KYI PHUNG PO NYAMS PAR RIG PAR BYA'O ZHES GSUNGS SO, ,BSLAB PA KUN LAS BTUS PA LAS SDIG PA SBYANG BA'I LE'U STE BRGYAD PA'O,, ,,TSUL KHRIMS KYI PHA ROL TU PHYIN PA RDZOGS SAHO,, ,,DES NA DE LTAR RGYUN MI 'CHAD PAR SDUG BSNGAL MANG PO DANG LDAN PA'I 'CHAL PA'I TSUL KHRIMS SKYE BA BSRUNG ZHING DE LTAR LAS KYI SGRIB PA'I GEGS SEL BA DES NYON MONGS PA RNAM PAR SBYONG BA LA 'BAD PAR BYA'O, ,DE LA THOG MAR RE ZHIG BZOD PAR BYA'O, ,MI BZOD PA NI SKYO BA NI SRON MI NUS PA'I PHYIR THOS PA LA SOGS PA LA BRTZON PA NYAMS PAR 'GYUR ZHING, THOS PA DANG MI LDAN PAS NI BSAM GTAN GYI THABS DANG NYON MONGS PA RNAM PAR SBYONG BA'I THABS KYANG MI SHES TE, DE BAS NA SKYO BA MED PAR THOS PA BTZAL BAR BYA, SHES SU ZIN KYANG 'DREN MAR SPYOD PAS MNYAM PAR GZHAG DKA' BAR 'GYUR TE, DE'I PHYIR, DE NAS NAGS SU GNAS PAR BYA, ,DER YANG RNAM PAR G-YENG BA ZHI BAR BYA BA LA MI BRTZON PAS SEMS MNYAM PAR 'JOG PAR MI 'GYUR BAS, ,MNYAM PAR GZHAG LA BRTZON BYA ZHING, ,MNYAM PAR BZHAG PA'I 'BRAS BU NI NYON MONGS PA SBYANGS PA MA GTOGS PA CI YANG MED PAS DE'I PHYIR, MI SDUG LA SOGS BSGOM PAR BYA, ,DE LTAR 'DI DAG NI RE ZHIG SDIG PA SBYONG BA BSTAN PA'I TSIG GO , ,DA NI BSHAD PA BRJOD DO, ,DE LA BZOD PA NI, CHOS YANG DAG PAR SDUD PA'I MDO LAS, SDUG BSNGAL DANG DU LEN PA'I BZOD PA DANG CHOS LA NGES PAR SEMS PA'I BZOD PA DANG GZHAN GYIS GNOD PA BYAS PA LA JI MI SNYAM PA'I BZOD PA'O ZHES RNAM PA GSUM GSUNGS SO; ,DE LA SDUG BSNGAL NYAMS SU LEN PA'I BZOD PA'I MI MTHUN PA'I PHYOGS NI, SDUG BSNGAL GYIS 'JIGS PA NYID MI 'DOD PA BYUNG BA DANG PHRAD PA DANG, RANG GI BDE BA LA MNGON PAR CHAGS PA NYID 'DOD PA'I GEGS BYED PA DANG PHRAD PA STE, DE DAG LAS YID MI BDE ZHING, DE LAS NI @101A *, ,SDANG BA'AM ZHUM PA NYID DO, ,DE BAS NA ZLA BA SGRON MA'I MDO LAS KYANG, BDE BA LA MI CHAGS PA DANG, ,SDUG BSNGAL LA MI SKYO BA'O, ,ZHES GSUNGS SO, ,DKON MCHOG SPRIN GYI MDO LAS KYANG, GANG NANG GI MYA NGAN DANG SMRE SNGAGS 'DON PA DANG SDUG BSNGAL BA DANG YID MI BDE BA DANG 'KHRUG PA DE DAG BZOD CING DANG DU LEN TO ZHES GSUNGS SO, ,'PHAGS PA DRAG SHUL CAN GYIS ZHUS PA LAS KYANG, KHYIM BDAG GZHAN YANG BYANG CHUB SEMS DPA' KHYIM PAS RJES SU CHAGS PA DANG KHONG KHRO BA MED PAS 'JIG RTEN GYI CHOS BRGYAD LA MNYAM PA NYID THOB PAR BYA'O, ,DES LONGS SPYOD RNYED DAM CHUNG MA DANG BU RNYED DAM NOR DANG 'BRU DANG RDZAS RNYED KYANG KHENGS PAR YANG MI BYA'O, ,THAMS CAD MA 'BYOR YANG DE ZHUM PAR YANG MI BYA YI MUG PAR YANG MI BYA'O, ,DES 'DI LTAR BRTAG PAR BYA STE, 'DUS BYAS THAMS CAD NI SGYU MA'I RNAM PA LTA BU RNAM PAR BSGRUB PAS SO SOR NYE BAR GNAS PA'I MTSAN NYID DO, ,'DI LTA STE, PHA MA DANG CHUNG MA DANG BRAN DANG LAS BYED PA DANG ZHO SHAS 'TSO BA DANG MDZA' BSHES DANG BLON PO DANG NYE DU DANG SNAG GI GNYEN MTSAMS DE DAG NI LAS KYI RNAM PAR SMIN PAS GRUB PA YIN TE, BDAG DBANG BA MA YIN LA NGA YANG 'DI DAG GI NI MA YIN NO ZHES GSUNGS SO; GZHAN YANG, GAL TE BCOS SU YOD NA NI, ,DE LA MI DGA' BA CI DGOS, ,DE STE BCOS SU MED NA NI, ,DE LA MI DGA' BYAS CI PHAN, ,BCOS KYANG YID MI BDE NA NI, ,KHRO BAS RGYAL BAS 'THAD PA 'AM, ,ZHUM PA'I PHYIR NA SPRO NYAMS PAS, ,RGUD PA CHEN POS ZIN PAR 'GYUR, ,DE LA YANG DANG YANG SEMS PAS, ,TSE YANG THUNG BAR 'GYUR BA YIN, ,DE LTA BAS NA GOMS PA LAS, ,GNOD PA BZHIN DU DON MED SPANG, ,YID MI BDE BA SPANG BA YANG JI LTAR GOMS PAR BYA ZHE NA, YANG BA DANG SNYI BA'I SEMS SPANGS PA LAS TE, DRAG SHUL CAN GYIS ZHUS PA LAS JI SKAD DU, SHING BAL GYI 'DA' BA LTA BU'I SEMS DANG BRAL BAR BYA'O ZHES GSUNGS PA LTA BU'O, ,'PHAGS PA SDONG PO BKOD PA LAS KYANG, BU MO KHYOD KYIS NYON MONGS PA THAMS CAD GZHOM PA'I PHYIR THUB PAR DKA' BA'I SEMS BSKYED PAR BYA'O, ,MNGON PAR ZHEN PA THAMS CAD GZHOM PA'I PHYIR GZHAN GYIS MI THUB PA'I @101B SEMS BSKYED PAR BYA'O, ,MI MTHUN PA'I BSAM PA CAN GYI SEMS CAN RGYA MTSO'I GLONG 'KHYIL BA LTA BU BAB PA RNAMS LA MI 'KHRUGS PA'I SEMS BSKYED PAR BYA'O ZHES GSUNGS SO, ,GOMS PAR GYUR NA DKA' BA CUNG ZAD KYANG MED DE, 'DI LTAR RE ZHIG SHIN TU BLUN PA KHUR RTZA BA DANG NYA PA DANG ZHING PA LA SOGS PA DAG KYANG SDUG BSNGAL LA GOMS PA LAS 'BRAS BU SHIN TU CHUNG NGU DANG LDAN PA'I DNGOS PO LA YANG YUN RING PO NAS RMAD DU GYUR PA'I MTSAN MA CAN GYI SEMS MKHRANG BA DANG, SGYID LUG PAS ZIL GYIS MI NON NA, 'KHOR BA'I BDE BA THAMS CAD DANG BYANG CHUB SEMS DPA'I BDE BA THAMS CAD DANG BLA NA MED PA'I GO 'PHANG THOB PA'I 'BRAS BU CAN GYI LAS LA SMOS SU YOD DAM CI, 'DI LTAR PHAL PA DAG KYANG CUNG ZAD GNOD PA BYED PA BDAG GI NYES PAR BYAS PAS BCOM ZHING RANG NYID 'CHI BA RNAMS LA BRDEG PA'I CHED DU, DRAG TU BRDEGS PA MYONG YANG G-YUL DU 'JUG NA, DUS SHIN TU RING POR GNOD PA BYED PA DKA' BAS BSGRUBS PA'I DGE BA'I NOR BAG TZAM PA'I RKUN PO DMYAL BA NYID KYI GSOD SAR GSAD BYA'I GSHED MAR GYUR PA SRID PA'I GTZON RA'I SRUNG MAR NGES PAR 'BYUNG BA'I LAM GYI PHYIR PHYOGS MA RUNG BAR BYED PA RJES SU MTHUN PA 'DRA YANG GNOD PA DRAG PO BYED PA GNOD PA MA BYAS PAR DGRAR GYUR PA, THOG MA MED PA'I BSKAL PA LAS DAM DU 'BREL BA'I SHA 'KHON CAN, NYON MONGS PA'I DGRA RNAMS LA GZHOM PAR SPRO BA'AM SDUG BSNGAL BZOD PAR GO JI LTAR MI 'GYUR TE, SA GSUM LAS RNAM PAR RGYAL BAR BYA BA'I PHYIR CHAS SHING BDUD KYI RI KHROD PA'I BDAG POS ZIN PA'I 'GRO BA GNANG BCON THAR BAR BYA BA'I PHYIR G-YUL NGOR ZHUGS PA NI KHYAD PAR DU YANG 'GYUR BA KHO NA'O, ,DE LA SDUG BSNGAL CHUNG NGU LA GOMS PAR BYA BA SNGON DU BTANG NA, DKA' BA DANG SHIN TU DKA' BA LA YANG GOMS PA 'GRUB STE, DPER NA GOMS PA'I DBANG GIS SEMS CAN THAMS CAD SDUG BSNGAL LA BDE BAR 'DU SHES PA DE BZHIN DU SDUG BSNGAL 'BYUNG BA THAMS CAD LA BDE BAR 'DU SHES NYE BAR GZHAG PA GOMS PAS BDE BA'I 'DU SHES NYID DU NYE BAR GNAS PAR 'GYUR RO, ,'DI'I RGYU MTHUN PA'I 'BRAS BU NI CHOS THAMS CAD BDE BAS NON PA ZHES BYA BA'I TING NGE 'DZIN THOB PA YIN NO, , @102A *, ,YAB DANG SRAS MJAL BA'I MDO LAS, BCOM LDAN 'DAS CHOS THAMS CAD LA BDE BAS NON PA ZHES BGYI BA'I TING NGE 'DZIN MCHIS TE, TING NGE 'DZIN DE THOB PAS BYANG CHUB SEMS DPA' SEMS DPA' CHEN PO DMIGS PA'I DNGOS PO THAMS CAD LA BDE BA'I TSOR BA SHA STAG MYONG BAR 'GYUR ZHING SDUG BSNGAL GYI TSOR BA MI MYONG LA SDUG BSNGAL YANG MA LAGS, BDE BA YANG MA LAGS PA YANG MI MYONG STE, SEMS CAN DMYAL BA'I GNOD PAS GNOD PAR BGYIS KYANG BDE BA'I 'DU SHES NYE BAR GNAS PA DANG, MI'I GNOD PAS GNOD PAR BGYIS KYANG BDE BA'I 'DU SHES NYE BAR GNAS PA DANG, LAG PA BCAD DAM RKANG PA BCAD DAM, RKANG LAG BCAD DAM, RNA BA'AM, SNA'AM, RNA BA DANG SNA GTUBS KYANG BDE BA'I 'DU SHES NYE BAR GNAS PAR 'GYUR BA DANG, SBA LCAG GIS GZHUS SAM, SBA LCAG PHYED TSAL LAM, LCAG GIS GZHUS KYANG BDE BA'I 'DU SHES NYE BAR GNAS PAR 'GYUR BA DANG, BTZON RAR BCUG GAM, LCAGS SGROG DANG SHING SGROG TU BCUG GAM, BTZON CHA DAM PO LA RGYAS BTAB BAM, BYIS PA'I GTZUG PHUD LTAR BCINGS SAM, DUGS KYI SNOD LTAR BDUGS SAM, BU RAM SHING BRDUNGS PA LTAR BRDUNGS SAM, 'DAM BU GZHOM PA LTAR BCOM MAM 'BRU MAR GYI MAR ME ME LTAR 'BAR BAR BYAS SAM, MAR GYI MAR ME DANG, ZHO BSKOL BA LTAR 'BAR BAR BYAS KYANG BDE BA'I 'DU SHES NYE BAR GNAS PAR 'GYUR BA DANG, ME'I NANG DU BOR RAM, SENG GE'I KHAR BSTABS SAM, STAG GI KHAR BSTABS SAM, DE BZHIN DU SBYAR TE, SKAM DRIL BYA BA LTAR DRIL TAM, BYI BO'I CHAD PA LTA BUS BCAD DAM, NYES PA BYUNG BA BSGRAGS PA LTAR BSGRAGS SAM, K'ARshA PA nA TZAM DU GTUBS SAM, 'BRAS PHYE BTZO BA LTAR BTZOS SAM, GLANG PO CHE RNAMS KYIS BCOM YANG BDE BA'I 'DU SHES NYE BAR GNAS PAR 'GYUR BA DANG, MIG PHYUNG NGAM, GSAL SHING GI RTZE MO LA GZHAG GAM, GSAD PA'I GNAS SU KHRID DE RNAM PA THAMS CAD DU MGO BCAD KYANG BDE BA'I 'DU SHES NYE BAR GNAS PAR 'GYUR TE BDE BA YANG MA LAGS MI BDE BA YANG MA LAGS PA'I 'DU SHES RNAM PA THAMS CAD DU MI 'BYUNG NGO, ,DE CI'I SLAD DU ZHE NA, 'DI LTAR BYANG CHUB SEMS DPA' SEMS @102B DPA' CHEN PO DES, YUN RING PO NAS SPYAD PA SPYOD PA'I TSE, SMON LAM 'DI LTAR BTAB STE GANG GIS BDAG LA KHA ZAS BYIN PA DE DAG NYE BAR ZHI BA'I BDE BA THOB PAR GYUR CIG ,GANG GIS BDAG LA SKOM BLUD PA DE DAG DANG, GANG GIS BDAG LA RIM GROR BYAS PA DANG BKUR STI BYAS PA DANG BSTI STANG BYAS PA DANG MCHOD PA BYAS PA DE DAG THAMS CAD KYANG NYE BAR ZHI BA'I BDE BA THOB PAR GYUR CIG ,GANG YANG BDAG LA GSHE BAR BYED PA DANG MI BDE BA BYED PA DANG RDEG PA DANG MTSON GYIS 'DEBS PA DANG RNAM PA THAMS CAD DU SROG GCOD PA'I BAR DU BYED PA DE DAG THAMS CAD KYANG BYANG CHUB KYI BDE BA THOB CING BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR GYUR CIG CES SMON LAM BTAB STE, DE YID LA BYA BA DE DAG DANG LDAN ZHING, DE LTA BU'I LAS DANG DE LTA BU'I SMON LAM DANG LDAN PAS SEMS CAN THAMS CAD KYI RJES SU SONG BA'I BDE BA'I 'DU SHES LA BRTEN ZHING BSNYEN LA BSGOM ZHING MANG DU BYED DE, DE LAS DE'I RNAM PAR SMIN PAS CHOS THAMS CAD LA BDE BAS NON PA ZHES BYA BA'I TING NGE 'DZIN RAB TU THOB PO, ,GANG GI TSE BYANG CHUB SEMS DPA' CHOS THAMS CAD LA BDE BAS NON PA'I TING NGE 'DZIN THOB PAR GYUR PA DE'I TSE BDUD KYI LAS THAMS CAD KYIS MI 'PHROGS SHING MI 'KHRUGS PAR 'GYUR RO ZHES RGYAS PAR GSUNGS SO, ,SBYOR BA 'DI NI GTONG BA THAMS CAD YONGS SU RDZOGS PAR BYED PA DANG, BYA BAR DKA' BA'I SPYOD PA THAMS CAD BSGRUBS PA DANG, BZOD PA THAMS CAD BRTAN PAR BYED PA DANG, BRTZON 'GRUS THAMS CAD LA NUR BA MED PAR BYED PA DANG, BSAM GTAN DANG SHES RAB KYI YAN LAG GI TSOGS THAMS CAD LA SBYOR BA YIN NO ZHES GSUNGS PA, DE LTA BAS NA RTAG TU DGA' BAR BYA STE, ZLA BA SGRON MA'I MDO LAS, GUS DANG BCAS SHING YID NI RTAG TU DGA' BAR BYA, ,ZHI BA'I LTA BA LA NI RTAG TU GNAS PAR 'GYUR, ,ZHES JI SKAD GSUNGS PA LTA BU'O, ,'PHAGS PA BLO GSOS MI ZAD PAS BSTAN PA'I MDO LAS KYANG GSUNGS SO, ,DE LA DGA' BA CHEN PO GANG ZHE NA, GANG SANGS RGYAS KYI CHOS RNAMS DRAN PA DANG RJES SU DRAN PA DANG DGA' BA DANG, DAD PA DANG MCHOG TU DGA' BA DANG SEMS MA GONG ZHING MI BRDZI BA DANG SRID PA @103A *, ,MED PA DANG, 'DOD PA'I DGA' BA THAMS CAD GTONG BA DANG, CHOS KYI DGA' BA THAMS CAD KYI RTEN DANG SEMS RAB TU DGA' BA DANG, LUS RAB TU SIM PA DANG, SANGS RGYAS LA DGA' ZHING YID 'PHAR BA DANG, DE BZHIN GSHEGS PA'I SKU LA DGA' ZHING MOS PAS MTSAN DANG DPE BYAD BZANG PO'I RKYEN TSOL BA LA MKHAS PA DANG, DGE BA'I CHOS MNYAN PAS MI SKYO BA DANG, DE KHO NA'I CHOS LA BRTEN PA'I NAN TAN DANG, DGA' BA DANG MGU BA DANG RANGS PA DANG RAB TU DGA' BAS CHOS LA MOS PA DANG, RTAG TU RGYUN MI 'CHAD PAR SEMS CAN RNAMS LA KHONG KHRO BA MED PA'I BLO DANG, SANGS RGYAS KYI CHOS TSOL BA LA 'DUN PA DANG, CHOS LA 'DUN PA DE YANG MI 'DOR BA DANG, SANGS RGYAS KYI CHOS RGYA CHEN PO LA MOS SHING RNAM PAR GROL BA DANG, NYI TSE BA'I THEG PA DANG MA 'DRES PA'I SEMS BSKYED PA DANG, SER SNA MED PAS MA ZHUM PAR SEMS BSKYED PA DANG, NOR GANG SEMS KYIS SBYIN 'DOD PA DE SBYIN ZHING BYIN NAS KYANG 'KHOR GSUM DAG PAR YONGS SU SBYANGS PA DANG, SBYIN PA LA DGA' BA DANG, TSUL KHRIMS DANG LDAN PA RNAMS LA RTAG TU DANG BA DANG, TSUL KHRIMS 'CHAL PA RJES SU 'DZIN CING BYAMS PA DANG, BDAG GI TSUL KHRIMS YONGS SU DAG PA DANG, NGAN 'GRO'I 'JIGS PA THAMS CAD LAS SHIN TU 'DAS PAR DBUGS 'BYIN PA DANG, DE BZHIN GSHEGS PA'I TSUL KHRIMS KYI BSNGO BA DANG, BRTAN ZHING MI PHYED PA DANG, PHA ROL GYIS NGAN PAR BRJOD PA DANG NGAN PAR SMRAS PA'I TSIG GI LAM LA KHONG KHRO BA MED PA'I SEMS NYID DANG, BZOD CING NGES PA DANG, NGA RGYAL MED PA DANG, BLA MA LA 'DUD CING RIM GRO BYED PA DANG, RTAG TU BZHIN 'DZUM PA DANG, KHRO GNYER MED PA DANG, SNGON DU GSONG POR SMRA BA DANG, TSUL 'CHOS PA MED PA DANG, KHA GSAG MED PA DANG, THOB KYIS 'JAL BA MED PA DANG, BSAM PA DAG PA DANG, SEMS LA BRLANG BA MED PA DANG, GYA GYU MED PA DANG, THAMS CAD LA LEGS PAR LTA BA DANG, SKYON MED PAR LTA BA DANG, LTUNG BA MI GLENG BA DANG, YANG DAG PAR DGA' BAR 'GYUR BA'I CHOS KYI RJES SU 'JUG PA DANG, BYANG CHUB SEMS DPA' RNAMS LA STON PA LTAR PHANGS PAR 'DZIN PA DANG, CHOS RNAMS LA BDAG BZHIN PHANGS PAR @103B 'DZIN PA DANG, DE BZHIN GSHEGS PA RNAMS LA SROG BZHIN DU PHANGS PAR 'DZIN PA DANG, BLA MA LA PHA MA BZHIN DU PHANGS PAR 'DZIN PA DANG, SEMS CAN RNAMS LA BU BZHIN DU PHANGS PAR 'DZIN PA DANG, MKHAN PO DANG SLOB DPON LA SANGS RGYAS BZHIN DU PHANGS PAR 'DZIN PA DANG, NAN TAN LA YAN LAG GI DAM PA MGO BZHIN DU PHANGS PAR 'DZIN PA DANG, PHA ROL TU PHYIN PA RNAMS LA RKANG LAG BZHIN DU PHANGS PAR 'DZIN PA DANG, CHOS SMRA BA RNAMS LA RIN PO CHE THAMS CAD BZHIN DU PHANGS PAR 'DZIN PA DANG, SANGS RGYAS KYI CHOS THAMS CAD LA YID BZHIN GYI NOR BU BZHIN DU PHANGS PAR 'DZIN PA DANG, RJES SU BSTAN PA LA DGA' BA'I RTZED MO BZHIN DU PHANGS PAR 'DZIN PA DANG, CHOG SHES PA LA NAD MED PA BZHIN DU PHANGS PAR 'DZIN PA DANG, CHOS TSOL BA LA SMAN BZHIN DU PHANGS PAR 'DZIN PA DANG, SKUL ZHING DRAN PAR BYED PA LA SMAN PA BZHIN DU PHANGS PAR 'DZIN PA STE, DE LTAR GANG DBANG PO THAMS CAD LA DBANG PO MA GONG BA 'DI NI DGA' BA ZHES BYA'O ZHES BYA BA LA SOGS PA GSUNGS SO, ,'DI LA BSLABS PA'I BYANG CHUB SEMS DPA' RNAMS NI, 'PHAGS PA SPRIN CHEN PO'I MDO LAS, SEMS CAN DMYAL BA'I 'GRO BA LA DGA' BAR YANG 'GYUR BA DANG, SEMS CAN DMYAL BA'I 'GRO BA LA SEMS SHING RTAG TU BSAM PA GTONG BA'I NGANG TSUL CAN DU'ANG 'GYUR BA DANG, SEMS CAN DMYAL BA'I TSONG RDAL GYI TSONG PAR YANG 'GYUR BA DANG, SEMS CAN DMYAL BA'I 'THOB PA MI GTONG BAR YANG 'GYUR BA DANG, SEMS CAN DMYAL BA'I ME LA SEMS RGYAS PAR 'GYUR ZHES GSUNGS PA'I TSIG 'DIS BRGYAN PAR BYED DO, ,SDUG BSNGAL DANG DU LEN PA'I BZOD PA BSHAD ZIN TO, ,'PHAGS PA BLO GROS RGYA MTSOS ZHUS PA'I MDO LAS KYANG BZOD PA RNAM PA GSUM BSTAN TE, BLO GROS RGYA MTSO 'DI LA BYANG CHUB SEMS DPA' SEMS DPA' CHEN PO THAMS CAD MKHYEN PAR SEMS BSKYED PA RIN PO CHE DE LTAR BSKYED NAS, 'PHAGS PA MA YIN PA TSUL KHRIMS 'CHAL PA'I SEMS CAN RNAMS SAM, BDUD RNAMS SAM, BDUD KYI RIS KYI LHA RNAMS SAM, BDUD KYIS BYIN GYIS BRLABS PA RNAMS SAM, BDUD KYI PHO NYA RNAMS KYIS GTZES SAM RNAM PAR GTZES SAM BSKYOD @104A *, ,DAM KUN TU BSKYOD DAM, DKRUGS SAM KUN TU DKRUGS SAM, SPYOS SAM BSDIGS SAM BRDEGS KYANG, BYANG CHUB TU BSAM PA'I SEMS BSKYED PA DE LAS MI PHYED PA DANG, SEMS CAN THAMS CAD RAB TU THAR BAR BYED PA'I SNYING RJE CHEN POS, ,BRTZON 'GRUS BRTZAMS PA LAS MI PHYED PA DANG, DKON MCHOG GSUM GYI RIGS MI 'CHAD PAR BYA BA LA BRTZON PA LAS MI PHYED PA DANG, SANGS RGYAS KYI CHOS THAMS CAD YANG DAG PAR BSGRUB PA'I DGE BA'I RTZA BA LA SBYOR BA LAS MI PHYED PA DANG, MTSAN DANG DPE BYAD BZANG PO YONGS SU BSGRUB PAR 'GYUR BA'I BSOD NAMS KYI TSOGS BSAGS PA LAS MI PHYED PA DANG, SANGS RGYAS KYI ZHING YONGS SU SBYANG BA MNGON PAR BSGRUB PAR BRTZON PA LAS MI PHYED PA DANG, LUS [?] DANG SROG 'DOR ZHING DAM PA'I CHOS YONGS SU 'DZIN PAR MNGON PAR BRTZON PA LAS MI PHYED PA DANG, SEMS CAN THAMS CAD YONGS SU SMIN PAR BYA BA LA MNGON PAR BRTZON ZHING BDAG BDE BA LA MI CHAGS PA LAS MI PHYED PA STE, DE DE LTAR LHAG PA'I BSAM PA PHUN SUM TSOGS PAR GYUR PAS, SEMS CAN THAMS CAD KYIS CO DRIS KYANG BZOD, THING SLAD BYAS PA DANG, SMAD PA DANG, BSHUNG BA BYAS KYANG BZOD, ,SEMS CAN THAMS CAD KYIS MTSANG BRUS SAM SPYOS SAM, BSDIGS SAM, NGAN DU BRJOD DAM, NGAN DU SMRAS PA'I TSIG GI LAM KYANG BZOD, SEMS CAN THAMS CAD KYI GNOD PA YANG BZOD, SEMS CAN THAMS CAD KYI KHUR YANG BZOD, SGROL BAS KYANG SKYO BA MED, ZHUM PA MED, KUN DU ZHUM PA MED, SGYID LUG PA MED, YI CHAD PA MED; STOBS NYE BAR STON PAR BYED, MTHU SKYED PAR BYED CING BRTZON 'GRUS RTZOM PAR BYED LA, BRTUL BA SA BRTUL BAR BYED DE DE SPRO BA SKYED CING RMONGS PA'I SEMS MI 'DZIN TO, ,MTSANG BRUS KYANG SLAR MTSANG MI 'BRU BA DANG, BRDEGS KYANG SLAR MI RDEG ,KHROS KYANG SLAR MI KHRO, ,GSHE BA LA SLAR MI GSHE BA STE, DE LTAR SEMS 'GRANG BA'I GO CHA GYON NO, ,'DI LTA STE THEG PA CHEN PO'I MDO 'DI NI 'JIG RTEN THAMS CAD DANG MI MTHUN PA'I THEG PA'O, ,DE CI'I PHYIR ZHE NA, SEMS CAN DE DAG NI RGYUN GYI RJES SU 'GRO BA DAG GO, ,BDAG NI RGYUN LAS LDOG PAR RTZOL BAR 'DOD PA'O, ,SEMS CAN DE DAG NI @104B PHAN TSUN MI MTHUN PA DAG GO, ,BDAG NI SEMS CAN THAMS CAD KYI MI MTHUN PA SPANG PA'I PHYIR GO CHA BA GOS PA'O, ,SEMS CAN DE DAG NI GNOD SEMS LA DPA' BDAG GO, ,BDAG NI BZOD PA DANG DES PA YONGS SU TSOL BA'O, ,SEMS CAN DE DAG NI GCIG LA GCIG 'DRID CING YONGS SU 'DRID PAR GNAS PA DAG GO, ,BDAG NI SHES RAB KYIS NGOMS PA YONGS SU TSOL BA'O, ,DE BZHIN DU SBYAR TE, GAL TE PHYOGS BCU'I RAB TU DBYE BAS RAB TU PHYE BA'I SEMS CAN JI SNYED PA DE DAG THAMS CAD, RAL GRI DANG SHAG TI DANG MDUNG THUNG DANG MTSON RTZE GNYIS PA LA SOGS PA LAG NA THOGS TE BDAG GI PHYI BZHIN 'BRANG YANG SA PHYOGS GANG DU 'GRENG NGAM 'DUG GAM 'CHAG GAM NYAL YANG RUNG STE BYANG CHUB KYI SEMS SKYE BAR 'GYUR BA DANG, SBYIN PA'I SEMS SAM, TSUL KHRIMS KYI SEMS SAM, BZOD PA'I SEMS SAM, BRTZON 'GRUS KYI SEMS SAM, BSAM GTAN GYI SEMS SAM, SHES RAB KYI SEMS SAM, THOS PA'I DGE BA'I RTZA BA'I SEMS SKYE BAR 'GYUR BA'I SA PHYOGS DER BDAG LUS RGYA SHUG GI LO MA'I BRGYA CHA TZAM DU GTUBS SAM RNAM PAR GTOR RAM, RNAM PAR BCOM MAM, SEMS CAN DE DAG THAMS CAD LAS GZHAN MI BYED PAR RGYUN DU GSHE'AM, BSDIGS SAM; SMOD DAM, BSHUNG NGAM, TSIG NGAN PA DANG, NGAG RTZUB PO SMRA BAR GYUR KYANG BDAG GIS SEMS CAN 'GA' LA YANG 'KHRUG PA'I SEMS BSKYED PAR MI BYA'O, ,DE CI'I PHYIR ZHE NA, SNGON GYI MTHA' NAS 'KHOR BA TSAD MED PAR BYAS TE, GANG DU BDAG GI LUS 'DI SEMS CAN DMYAL BAR SONG NGAM, DUD 'GRO'I SKYE GNAS SU SONG NGAM, GSHIN RJE'I 'JIG RTEN DU SONG NGAM, MIR GYUR KYANG RUNG STE, 'DOD PA'I ZAS KYI DRI MAS DRI MA CAN DU GYUR NAS CHOS THOS PA DANG MI LDAN ZHING, YANG BA'I 'TSO BA'I SPYOD YUL DON MED PAS 'TSO BA CAN DU 'GYUR TE, YAN LAG DANG NYING LAG RNAM PA BRGYAR GSHAGS SHING GTUBS TE PHYE ZHING PHRAL LA BYA BA RNAM PA MANG PO BYAS KYANG BDAG GIS GZHI DE LAS BDAG GI DON BYAS KYI, GZHAN GYI DON MA BYAS KYI GAL TE SEMS CAN DE DAG THAMS CAD KYIS PHYI MA'I MTHAR BDAG GI LUS GSHEGS GTUBS RNAM PAR GTOR RNAM PAR BCOM PA DE LTA BUR GYUR KYANG BDAG GIS @105A *, ,THAMS CAD MKHYEN PA YONGS SU MI GTONG NGO, ,SEMS CAN THAMS CAD YONGS SU MI GTONG NGO, ,DGE BA'I CHOS 'DOD PA YONGS SU MI GTONG NGO, ,DE CI'I PHYIR ZHE NA, LUS GTUBS PA'I LUS KYI GNOD PA 'DI THAMS CAD KYIS NI SEMS CAN DMYAL BA PA'I SDUG BSNGAL GYI BRGYA'I CHAR YANG NYE BAR MI 'GRO BA NAS RGYU'I BAR DU YANG MI BZOD DO, ,BDAG NI SEMS CAN DMYAL BAR GNAS PAR SPRO'I BDAG GIS SANGS RGYAS KYI CHOS GTANG BAR NI MI BYA'O, ,DE BZHIN DU SBYAR TE, GANG GI GZHI LAS GNOD SEMS BYUNG BA'I CHOS DE BDAG GIS SPANG BAR BYA'O SNYAM MO, ,CHOS DE GANG ZHE NA; 'DI LTA STE, LUS LA DGA' BA DANG LUS LA GNAS PA DANG LUS LA CHAGS PA STE, LUS GTANG NA GNOD SEMS KYANG GTONG NGO, ,BLO GROS RGYA MTSO DE LTAR CHOS 'GRANG BA LA ZHUGS PA'I BYANG CHUB SEMS DPA' SEMS DPA' CHEN PO NI SEMS CAN THAMS CAD KYI GNOD PA BZOD DE MI SKYO MI KHRO'O, , DE BZHIN DU SBYAR TE, BLO GROS RGYA MTSO DE LA THABS MKHAS PA'I BYANG CHUB SEMS DPA'I LUS GCOD PA NI, PHA ROL TU PHYIN PA DRUG BSGOM PA YONGS SU RDZOGS PAR 'GYUR RO, ,BLO GROS RGYA MTSO JI LTAR NA THABS LA MKHAS PA'I BYANG CHUB SEMS DPA'I LUS GCOD PA NA, PHA ROL TU PHYIN PA DRUG BSGOM PA YONGS SU RDZOGS PAR 'GYUR ZHE NA, GANG LUS 'DOR BA DANG LUS YONGS SU GTONG BA DANG LUS LA MI LTA BA 'DI NI, DE'I SBYIN PA'I PHA ROL TU PHYIN PA'O, ,GANG LUS GCOD PA NA SEMS CAN THAMS CAD LA BYAMS PAS KHYAB PAR BYED PA DANG, TSOR BA RNAMS KYIS MI 'PHROGS PA 'DI NI DE'I TSUL KHRIMS KYI PHA ROL TU PHYIN PA'O, ,GANG LUS YONGS SU GCOD PA NA GANG DAG DE'I LUS GCOD PA DE DAG NYID RAB TU THAR BAR BYA BA'I PHYIR BZOD CING SEMS KYIS RMA MI 'BYIN TE, BZOD PA'I STOBS NYE BAR STON PA 'DI NI DE'I BZOD PA'I PHA ROL TU PHYIN PA'O, ,BRTZON 'GRUS GANG GIS THAMS CAD MKHYEN PA DE LA 'DOD PA MI 'DOR ZHING SEMS KYI STOBS BSKYED PA YANG RAB TU 'DZIN LA, 'KHOR BA'I RJES SU YANG 'BRANG ZHING DGE BA'I RTZA BA BRTZAM PA YANG RTZOM PA 'DI NI, DE'I BRTZON 'GRUS KYI PHA ROL TU PHYIN PA'O, ,GANG LUS RNAM PAR 'DOR BA NA THAMS CAD MKHYEN PAR SEMS BSKYED PA RIN PO CHE DE MI BRJOD CING BYANG CHUB NYID LA LTA BA @105B DANG; ZHI BA DANG RAB TU ZHI BA LA SO SOR RTOG PA 'DI NI DE'I BSAM GTAN GYI PHA ROL TU PHYIN PA'O, ,GANG LUS GCOD PA NA LUS LA RTZVA DANG RTZIG PA DANG SHING DANG RDO DANG MIG YOR LTA BUR SO SOR RTOG CING, LUS LA SGYU MA'I CHOS NYID DU 'JUG PA DANG YANG DAG PAR NA MI RTAG PA NYID DANG YANG DAG PAR NA SDUG BSNGAL BA NYID DANG YANG DAG PAR NA BDAG MED PA NYID DANG, YANG DAG PAR NA ZHI BA NYID DU LUS LA RTOG PA 'DI NI, DE'I SHES RAB KYI PHA ROL TU PHYIN PA'O, ,DE BZHIN DU SBYAR TE, GZHAN YANG DE 'DI SNYAM DU SEMS TE, SEMS CAN 'DI NI LE LO CAN DGE BA'I CHOS DANG BRAL BA STE, DE NI BDAG LA MTSANG 'BRU ZHING GSHE BA'O, ,BDAG NI BRTZON 'GRUS BRTZAM PAR BYA, DGE BA'I RTZA BA YONGS SU BTZAL BAR BRTZON PA LA MI NGOMS PAR BYA STE, SEMS CAN 'DI BYANG CHUB KYI SNYING POR SNGAR JE 'DUG PAR BYAS LA, PHYIS BDAG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR BYA'O, , SNYAM DU DE LTAR GO CHA GYON PA 'DI NI, DE'I BRTZON 'GRUS KYI PHA ROL TU PHYIN PA'O, ,DE BZHIN DU SBYAR TE, SEMS CAN MA DUL BA, MA ZHI BA, MA SBAS PA, NYE BAR MA ZHI BA, 'DI LTA BU 'DI DAG GI DON DU BDAG GIS GO CHA CHEN PO BGOS TE, 'DI LTAR SEMS NGES PAR SEMS SU GZHUG GO SNYAM PA 'DI NI, DE'I BSAM GTAN GYI PHA ROL TU PHYIN PA'O, ,DE BZHIN DU SBYAR TE, BDAG NI CHOS NYID LA BRTEN PAR BYA'O SNYAM NAS, DE LA GSHE BA DANG KHRO BA SU YIN ZHES DES YONGS SU TSOL BA NA GANG GSHE BA DANG KHRO BA'I CHOS DE MI DMIGS SO, ,DE BDAG DANG GZHAN MI DMIGS PAS DMIGS PAR LTA BA DANG BRAL BAR BZOD PA 'DI NI; DE'I SHES RAB KYI PHA ROL TU PHYIN PA'O ZHES GSUNGS SO, ,BCOM LDAN 'DAS MA LAS KYANG GSUNGS TE, 'DI LTAR BDAG GIS SEMS CAN THAMS CAD KYI RTZOD PA DOR BAR BYA BA YIN NO, ,BDAG NYID RTZOD PAR BYED DAM, BDAG GANG SMRA BA LA SLAR SMRA NA NI, BDAG GIS MA RNYED PA DANG SNYED PA RNYED PAR 'GYUR RO, ,JI LTAR BDAG GIS NI SEMS CAN THAMS CAD KYI ZAM PA LTA BUR BYA NA, BDAG GZHAN LA KHYOD CES BYA BA'I TSIG GAM TSIG RTZUB PO SMRA BAR BYA BA'AM, 'DI NI BDAG GIS SMRA BAR MI BYA STE, 'THAB PA DANG, RTZOD PA'I NANG DU BDAG GIS BEM PO LTA BU DANG, LUG LTAR LKUGS PA LTA BUR BYA'O, , @106A *, ,GZHAN GYIS NGAN DU SMRAS PA DANG NGAN DU BRJOD PA'I TSIG GI LAN THOS NA SEMS KYI KUN DU GNOD SEMS SU MI BYA'O, ,BDAG GIS GZHAN DAG LA GANG GZHAN GYIS NYES PA GZHAN SKYES NA DE NI BDAG LA LEGS PA MA YIN PA DAG GI CHA MA YIN NO, ,GANG BDAG GIS GZHAN DAG GI NYES PA GZHAN MNYAM PAR BSAMS PA DE NI BDAG GI CHA MA YIN NO, ,DE CI'I PHYIR ZHE NA, BDAG GIS BSAM PA RNAM PAR 'KHRUGS PAR MI BYA'O, ,'DI LTAR BDAG GIS NI SEMS CAN THAMS CAD BDE BAR SBYAR BA THAMS CAD KYIS BDE BAR BYA ZHING BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR BYA STE, MYA NGAN LAS 'DAS PAR BYA BA YIN NA, DE LA BDAG GNOD SEMS SU BYED DAM, SHIN TU NYES PA BYAS KYANG GZHAN DAG LA GNOD SEMS MI BYA BA YIN NA DE LA BDAG GTI MUG TU 'GYUR RAM, 'DI NI BDAG GIS BYA BA'I CHA YIN TE, BRTUL BA BRTAN PAR BRTUL PAR BYA'O, ,SROG GI BAR CHAD BYED KYANG BDAG GIS 'KHRUGS PAR MI BYA'O, ,BDAG GIS KHRO GNYER CAN GYI BZHIN DBYUNG BAR MI BYA'O ZHES DE LTAR SEMS BSKYED DO ZHES GSUNGS SO, ,BYANG CHUB SEMS DPA'I SO SOR THAR PA LAS KYANG, SEMS CAN GANG DAG KHROS PA DE DAG LA DBUGS 'BYIN TO YID PHE BAS PAR BYED DO BZOD PA GSOL LO RJES SU MTHUN PAR BYED DO, ,CHOS KYIS TSIM PAR BYED DO ZHES GSUNGS SO, ,BSLAB PA KUN LAS BTUS PA LAS, BZOD PA'I LE'U STE DGU PA'O,, ,,DE LTAR BZOD PA LA GNAS NAS THOS PA LA BRTZON 'GRUS RTZOM STE, GZHAN DU NA DE'I THOS PA CHUD ZA BA NYID DU 'GYUR TE, ZLA BA SGRON MA'I MDO LAS JI SKAD DU, JI SNYED CHOS RNAMS MANG PO CHUB BYAS KYANG, ,THOS PAS RGYAGS NAS TSUL KHRIMS MI SRUNG BA, ,TSUL KHRIMS 'CHAL PA NGAN 'GROR GANG 'GRO BA, ,DE LA MANG DU THOS PAS SKYONG MI NUS, ,ZHES GSUNGS PA LTA BU'O, ,MANG DU THOS PA'I BSNGAGS PA NI SRED MED KYI BUS ZHUS PA'I MDO LAS GSUNGS TE, 'DI LTAR RIGS KYI BU THOS PA DANG LDAN NA SHES RAB 'BYUNG BAR 'GYUR RO, ,SHES RAB DANG LDAN NA NYON MONGS PA RAB TU ZHI BAR 'GYUR RO, ,NYON MONGS PA MED PA LA BDUD KYIS GLAGS MI RNYED DO ZHES BYA BA'O, ,DE LAS YANG DRANG SRONG CHEN PO BLA MA'I SKYES PA'I RABS RGYA CHER MDZAD @106B NAS GSUNGS TE, BYANG CHUB SEMS DPA' SEMS DPA' CHEN PO CHOS 'DOD PA BSAM PA PHUN SUM TSOGS PA GUS PA DANG BCAS PA RNAMS LA 'JIG RTEN GYI KHAMS GZHAN NA BZHUGS PA'I SANGS RGYAS BCOM LDAN 'DAS DAG ZHAL NYE BAR STON TO, ,CHOS KYANG THOS PAR MDZAD DO, ,DRI MA MED PA'I GZI BRJID BYANG CHUB SEMS DPA' SEMS DPA' CHEN PO CHOS 'DOD PA DAG LA NI CHOS KYI GTER RI SUL DANG SHING GI NANG DU BCUG PA DANG CHOS KYI GLEGS BAM DU GYUR PA MTHA' YAS PA DAG KYANG LAG MTHIL DU GNAS PAR 'GYUR RO, ,DRI MA MED PA'I GZI BRJID BYANG CHUB SEMS DPA' SEMS DPA' CHEN PO CHOS 'DOD PA RNAMS LA SNGON SANGS RGYAS MTHONG BA'I LHA RNAMS SPOBS PA NYE BAR SGRUB BO, ,DE BZHIN DU SBYAR TE, TSE YONGS SU ZAD NA YANG SANGS RGYAS BCOM LDAN 'DAS RNAMS DANG LHA RNAMS TSE DANG STOBS NYE BAR SGRUB PO, ,DE DAG SANGS RGYAS KYI BYIN GYI RLABS DANG LHA'I BYIN GYI RLABS KYIS 'DOD NA LO STONG DU YANG GNAS SO, ,DE BZHIN DU SBYAR TE, BSKAL PA'AM BSKAL PA'I LHAG MA NAS JI TZAM DU 'DOD PA DE TZAM DU GNAS SO, ,BYANG CHUB SEMS DPA' SEMS DPA' CHEN PO CHOS LA GUS PA BSKYED PA RNAMS LA SANGS RGYAS BCOM LDAN 'DAS RNAMS RGA BA YANG SEL BAR MDZAD DO, ,NAD KYANG SEL BAR MDZAD DO, ,DRAN PA NYE BAR SGRUB PO, ,RTOGS PA DANG DANG BLO GROS DANG SPOBS [?] PA YANG NYE BAR SGRUB PO, ,DE BZHIN DU SBYAR TE, LTA BAR GYUR BA YANG SEL TO, ,YANG DAG PAR LTA BA YANG NYE BAR SGRUB BO, ,DRI MA MED PA'I GZI BRJID BYANG CHUB SEMS DPA' SEMS DPA' CHEN PO CHOS LA GUS PA RNAMS LA PHA ROL GYI GNOD PA'I 'JIGS PA THAMS CAD MI 'BYUNG NGO, ,DRI MA MED PA'I GZI BRJID DE LTA BAS NA BYANG CHUB DPA' SEMS DPA' CHEN POS THOS PA'I TSOGS MKHAS PA LA MNGON PAR BRTZON PAR BYA'O ZHES GSUNGS SO, ,THOS PA'I RNAM PA JI LTA BU BYANG CHUB SEMS DPA'I 'DUL BA LA BSNGAGS SHE NA, 'PHAGS PA BLO GROS MI ZAD PAS ZHUS PA'I MDO LAS, THOS PA'I RNAM PA NI BRGYAD CU STE, 'DI LTA STE, 'DUN PA'I RNAM PA DANG, BSAM PA'I RNAM PA DANG, LHAG PA'I BSAM PA'I RNAM PA DANG, SBYOR BA'I RNAM PA DANG, DGE BA'I BSHES GNYEN GYI RNAM PA DANG, NGA RGYAL MED PA'I RNAM PA DANG, BAG YOD PA'I RNAM PA DANG, RI MOR @107A *, ,BYED PA'I RNAM PA DANG, MTHUN PA'I RNAM PA DANG, BKA' BLO BDE BA'I RNAM PA DANG, BSNYEN BKUR BYED PA'I RNAM PA DANG, RNA BLAGS TE NYAN PA'I RNAM PA DANG, YID LA BYED PA'I RNAM PA DANG, MI G-YENG BA'I RNAM PA DANG, GNAS KYI RNAM PA DANG, RIN PO CHER 'DU SHES PA'I RNAM PA DANG, SMAN DU 'DU SHES PA'I RNAM PA DANG, NYON MONGS PA'I NAD THAMS CAD ZHI BAR BYED PA'I RNAM PA DANG, DRAN PA'I SNOD KYI RNAM PA DANG, SHES PA RTOGS PA'I RNAM PA DANG, BLO GROS RTOGS PA'I RNAM PA DANG, BLO LA 'JUG PA'I RNAM PA DANG, SANGS RGYAS KYI CHOS LA MI NGOMS PAR NYAN PA'I RNAM PA DANG, GTONG PA SPEL PA'I RNAM PA DANG, DUL ZHING CANG SHES PA'I RNAM PA DANG, MANG DU THOS PA LA BRTEN PA'I RNAM PA DANG, GUS PAR DGA' BA MYONG BAR BYED PA'I RNAM PA DANG, LUS BDE BA'I RNAM PA DANG, SEMS RAB TU DGA' BA'I RNAM PA DANG, MI SKYO BAR NYAN PA'I RNAM PA DANG, DON NYAN PA'I RNAM PA DANG, CHOS NYAN PA'I RNAM PA DANG, NAN TAN NYAN PA'I RNAM PA DANG, GZHAN GYIS BSTAN PA NYAN PA'I RNAM PA DANG, CHOS MA THOS PA NYAN PA'I RNAM PA DANG, MNGON PAR SHES PA NYAN PA'I RNAM PA DANG, THEG PA GZHAN LA 'DOD PA MED PA'I RNAM PA DANG, PHA ROL TU PHYIN PA NYAN PA'I RNAM PA DANG, RIN PO CHE NYAN PA'I RNAM PA DANG, BYANG CHUB SEMS DPA'I SDE SNOD NYAN PA'I RNAM PA DANG, BSDU BA'I DNGOS PO NYAN PA'I RNAM PA DANG, THABS LA MKHAS PA NYAN PA'I RNAM PA DANG, TSANGS PA'I GNAS PA NYAN PA'I RNAM PA DANG, DRAN PA DANG SHES BZHIN NYAN PA'I RNAM PA DANG, SKYE BA LA MKHAS PA NYAN PA'I RNAM PA DANG, MI SKYE BA LA MKHAS PA NYAN PA'I RNAM PA DANG, MI SDUG PA'I RNAM PA DANG, BYAMS PA'I RNAM PA DANG, RTEN CING 'BREL BAR 'BYUNG BA'I RNAM PA DANG, MI RTAG PA'I RNAM PA DANG, SDUG BSNGAL BA'I RNAM PA DANG, BDAG MED PA'I RNAM PA DANG, ZHI BA'I RNAM PA DANG, STONG PA NYID KYI RNAM PA DANG, MTSAN MA MED PA'I RNAM PA DANG, SMON PA MED PA'I RNAM PA DANG, MNGON PAR 'DU MI BYED PA'I RNAM PA DANG, DGE BA'I MNGON PAR 'DU BYED PA'I RNAM PA DANG, BDEN PAR BYIN GYIS BRLABS PA'I RNAM PA DANG, CHUNG MI GZAN PA'I RNAM PA DANG, RANG DBANG GI RNAM PA DANG, BDAG GI SEMS SRUNG BA'I RNAM PA DANG, BRTZON 'GRUS MI GTONG BA'I RNAM PA DANG, CHOS LA NGES PAR RTOG PA'I RNAM PA DANG, NYON @107B MONGS PA'I GNYEN PO'I RNAM PA DANG, BDAG GI PHYOGS SRUNG BA'I RNAM PA DANG, PHA ROL GYI PHYOGS DANG NYON MONGS PA TSAR GCOD PA'I RNAM PA DANG, NOR BDUN LA BRTEN PA'I RNAM PA DANG, DBUL BA THAMS CAD TSAR GCOD PA'I RNAM PA DANG, MKHAS PAS BSNGAGS PA'I RNAM PA DANG, MKHAS PA MNGON PAR DGA' BA'I RNAM PA DANG, 'PHAGS PAS KUN SHES PA'I RNAM PA DANG, 'PHAGS PA MA YIN PA RNAMS MOS PAR BYED PA'I RNAM PA DANG, BDEN PA MTHONG BA'I RNAM PA DANG, PHUNG PO'I NYES PA SPANG BA'I RNAM PA DANG, 'DUS BYAS KYI NYES PA YONGS SU 'JAL BA'I RNAM PA DANG, DON LA BRTEN PA'I RNAM PA DANG; CHOS LA BRTEN PA'I RNAM PA DANG, YE SHES LA BRTEN PA'I RNAM PA DANG, NGES PA'I DON GYI MDO SDE LA BRTEN PA'I RNAM PA DANG, SDIG PA THAMS CAD MI BYA BA'I RNAM PA DANG, BDAG DANG GZHAN LA PHAN PA'I RNAM PA DANG, LEGS PAR BYAS PA'I LAS KYI RNAM PA DANG, MI 'GYOD PA'I RNAM PA DANG, BYE BRAG TU 'GRO BA'I RNAM PA DANG, SANGS RGYAS KYI CHOS THAMS CAD 'THOB PA'I RNAM PA STE, 'DI DAG NI BYANG CHUB SEMS DPA' RNAMS KYI THOS PA'I RNAM PA BRGYAD CU ZHES GSUNGS SO, ,YANG DE NYID LAS GSUNGS PA, GANG CHOS KYI TSOGS LA SBYOR BA DE NI DE'I YE SHES KYI TSOGS YIN NO, ,DE LA CHOS KYI TSOGS SU SBYOR BA GANG ZHE NA, GANG 'DI NI DON NYUNG BA DANG SMRA BA NYUNG BA DANG YO BYAD NYUNG BA DANG SROD DANG THO RANGS LA MI NYAL ZHING RNAL 'BYOR LA BRTZON BAS, THOS PA'I DON LA RTOGS PA DANG, YANG DANG YANG TSOL BA DANG, SEMS LA RNYOG PA MED PA DANG, SGRIB PA RNAMS GNON PA DANG, LTUNG BA RNAMS LAS 'BYUNG BA SHES SHING 'GYOD PA MED PA DANG KUN NAS LDANG BA MED PA DANG, NAN TAN SNYING POR BYED PA DANG, CHOS LA GZHOL PA DANG, CHOS LA 'BAB PA DANG, CHOS LA BAB PA DANG, MTHU DANG LDAN PA DANG, YE SHES TSOL BA LA MGO DANG GOS LA ME 'BAR BA LTA BU DANG, DE LA MA CHAGS PAR GNAS PA DANG, TSUL KHRIMS MI LHOD PA DANG, BRTZON PA MI GTONG BA DANG, BYE BRAG TU 'GRO BA DANG, 'DU 'DZI LA MI DGA' BA DANG, GCIG PUR DGA' BA DANG, DGON PA LA MNGON PAR PHYOGS SHING YID LA BYED PA DANG, 'PHAGS PA'I RIGS KYIS CHOG SHES PA DANG, SBYANGS PA'I YON TAN LAS MI G-YO BA DANG, CHOS KYI DGA' BA @108A *, ,LA DGA' ZHING MOS PA DANG, 'JIG RTEN PA'I SNGAGS DRAN PAR MI BYED PA DANG, 'JIG RTEN LAS 'DAS PA'I CHOS TSOL BA DANG, DRAN PA NYAMS PA MED PA DANG, DON RTOGS PA'I RJES SU 'GRO BA DANG, BLO GROS KYI LAM DANG MTHUN PA DANG, BSTAN PAS SNGOM PA DANG, RKYEN GYIS YE SHES KYI RJES SU 'GRO BA DANG, KHREL YOD PA DANG NGO TSA SHES PA SA BRGYAN PA DANG, YE SHES KYI RJES SU 'GRO BA LHUR BYED PA DANG, MI SHES PA SEL BA DANG, MA RIG PA DANG, GTI MUG GI MUN PA DANG RAB RIB KYI MUN PAS CHOD PA BSAL BA DANG, SHES RAB KYI MIG RNAM PAR DAG PA DANG, BLO SHIN TU RNAM PAR DAG PA DANG; BLO RGYA CHE BA DANG, BLO MA ZHUM PA DANG, BLO MA GYES PA DANG, MNGON SUM DU SHES PA DANG, YON TAN GZHAN LA RAG MA LUS PA DANG, BDAG GI YON TAN MI BSNYEMS PA DANG, GZHAN GYI YON TAN KUN LA BRJOD PA DANG, LEGS PAR BYA BA'I LAS BYED PA DANG, LAS KYI RNAM PAR SMIN PA DANG 'GAL BAR MI BYED PA DANG, LAS YONGS SU DAG PA'I YE SHES 'DI NI, BTZUN PA SHA RA DVA TI'I BU BYANG CHUB SEMS DPA' RNAMS KYI YE SHES KYI TSOGS MI ZAD PA ZHES 'BYUNG NGO, ,CI MNYAN PAR BYA ZHE NA, BCOM LDAN 'DAS KYIS YE SHES SHIN TU RGYAS PA'I MDO LAS, DON DANG BCAS PA'I GZHON NU RTZE BA'I BSTAN BCOS RNAMS BSLAB PAR BYA'O, ,DON MED PA RNAMS YONGS SU SPANG BAR BYA'O, ,'DI LTA STE, 'JIG RTEN RGYANG 'PHEN PA'I BSTAN BCOS RNAMS DANG, CHAD PA'I TSUL GYI BSTAN BCOS RNAMS DANG, BYAD STEMS KYI BSTAN BCOS RNAMS DANG, SMRA BA'I RIG PA'I BSTAN BCOS RNAMS DANG, GZHON NU RTZE BA'I BSTAN BCOS RNAMS DANG, RMUGS BYED KYI RIG PA'I BSTAN BCOS RNAMS SO, ,DE BZHIN DU SBYAR TE, DE LAS GZHAN PA GANG CI YANG RUNG STE, RNAM PAR THAR PA DANG MI MTHUN PA'I BSTAN BCOS SHES PA RMONGS PAR 'GYUR BA DE DAG THAMS CAD BYANG CHUB SEMS DPA'I THEG PA LA YANG DAG PAR ZHUGS PAS SPANG BAR BYA'O ZHES GSUNGS SO, ,DE LTAR THOS PA DANG LDAN PA SEMS SBYANG BA'I PHYIR DGON PAR GNAS PAR BYA'O, ,DRAG SHUL CAN GYIS ZHUS PA LAS, BSAM PA PHUN SUM TSOGS PA MA YIN PA LA YANG KHYIM GNANG BA JI LTAR YIN ZHE NA, 'BAD PA DANG LDAN MI NUS PA'I PHYIR RO, ,'O NA GZHAN @108B GYI CHUNG MA LA YANG LTUNG BA MED PAR 'GYUR RO, ,DE NI MA YIN TE, DE DAG LA MI NUS SU ZIN KYANG RANG BZHIN GYIS SKYON DU 'GYUR BA'I PHYIR RO, ,KHYIM DU GNAS PA NI BCAS PA'I KHA NA MA THO BA DANG BCAS PA'I PHYIR RO, ,BSLAB PA KUN LAS BTUS PA LAS, BRTZON 'GRUS KYI LE'U STE BCU PA'O,, ,, DE LTAR NA DRAG SHUL CAN GYIS ZHUS PA'I TSUL GYIS KHYIM GYI SKYON RNAMS BSGOMS TE DGON PA LA GNAS PAR BYA'O ZHES BYA BAR GNAS SO, ,JI SKAD DU ZLA BA SGRON MA'I MDO LAS, ,'DOD PA DAG NI RAB TU STEN BYED CING, ,BU DANG CHUNG MA DAG LA SRED BYED NA, ,SMAD PAR BYA BA'I KHYIM LA BRTEN PA DE, ,NAM YANG BLA MED BYANG CHUB MCHOG MI 'THOB, ,GANG DAG 'DOD PA LCI SKAM ME BZHIN SPONG, ,BU DANG CHUNG MA DAG LA SRED SPANGS NAS, ,KHYIM GYIS SKRAG STE KHYIM NAS MNGON BYUNG BA, ,DE DAG BYANG CHUB MCHOG 'DI RNYED MI DKA', ,GANG DAG KHYIM NA GNAS PAR BYED BZHIN DU, ,BYANG CHUB DAM PA MCHOG 'DI 'THOB PA YI, , SANGS RGYAS GANG DAG SNGON CHAD MA BYUNG STE, ,MA 'ONGS PA NA'ANG MI 'BYUNG GNAS PA MED, ,RGYAL SRID MCHIL MA'I THAL BA BZHIN SPANGS NAS, ,DBEN PA 'DOD DES DGON PAR GNAS BYED PA, ,NYON MONGS SPANGS NAS BDUD NI BCOM NAS SU, ,BYANG CHUB RDUL MED 'DUS MA BYAS 'TSANG RGYA, ,DE BZHIN DU SBYAR TE; RAB TU BYUNG NAS CHOS SPYOD CI 'DRA BA, ,ZAS DANG SKOM DANG DE BZHIN GOS RNAMS DANG, ,ME TOG SPOS DANG PHRENG BA RNAMS KYIS NI, ,KHYU MCHOG RNAMS LA BSNYEN BKUR BYAS MI 'GYUR, ,GANG ZHIG BYANG CHUB RAB TU 'DOD BYED CING, ,'DUS BYAS NGAN LAS YID BYUNG SEMS CAN GYI, ,DON DU DGON PAR PHYOGS TE GOM BDUN BOR, ,'DI NI DE BAS BSOD NAMS KHYAD PAR 'PHAGS, ,ZHES GSUNGS SO, ,GAL TE SKAL BA MI 'DRA BA'I SEMS CAN LA RJES SU CHAGS PA DANG 'KHOR 'DOD PA DANG RNYED PA LA SOGS PA 'DOD PAS DBEN PA'I PHYOGS NA SDOD NA, DE'I PHYIR 'DI LAS GSUNGS BA, 'DI DAG BDAG LA GNOD SEMS LDAN PA ZHES, ,MKHAS PAS BYIS PA RNAMS DANG RTZOD MI BYED, ,BSTI STANG BYAS TE BYIS PA YONGS SU SPONG, ,BYIS PA'I CHOS LA 'DRIS PAR YONGS MI BYED, ,BYIS PA JI SRID YUN RINGS LEGS BSTEN KYANG, ,DE DAG PHYIR ZHING MI MDZA' 'GRAS 'GYUR ZHES, ,BYIS PA'I NGO @109A *, ,BO NYID KYI RGYUS SHES NAS, ,MKHAS PA BYIS PA DAG DANG STEN MI BYED, ,BYIS PA RANG BZHIN NGO BO THA DAD DE, ,SO SO 'I SKYE BO RNAMS LA MDZA' MED CES, ,BYIS PA RNAMS KYI NGO BO NYID SHES NAS, ,MKHAS PA 'DIR BYIS PA RNAMS LA YID MI RTON, ,CHOS DANG MTHUN PA'I TSIG GIS SMRAS GYUR KYANG, ,KHRO DANG ZHE SDANG YID MI CHES BA DAG ,RAB TU SMRA STE 'DI NI BYIS PA'I CHOS, ,DON DE RNAM PAR SHES NAS YID MI RTON, ,BYIS PA RNAMS NI BYIS PA DAG DANG MTSUNGS, ,DPER NA NGAN SKYUGS DANG NI NGAN SKYUGS BZHIN, ,MKHAS PA RNAMS NI MKHAS PA DANG LHAN CIG STE, ,MAR DANG MAR GYI NYID KHUd MTSUNGS PA BZHIN, ,ZHES BYA'O, ,DE SKAD DU YANG DE NYID LAS, ,GANG DAG DGA' DANG MI DGA' CUNG ZAD MED, ,DE DAG MI YI 'JIG RTEN RTAG RAB BDE, ,GANG DAG NAGS DANG RI SUL LA DGA' BA, ,DGE SBYONG NYID KYI RAB BDE MYONG BAR 'GYUR, ,GANG DAG BDAG GIR BYED PA CI YANG MED, ,GANG DAG YONGS 'DZIN RNAM PA KUN TU MED, ,BSE RU LTA BUR 'JIG RTEN 'DIR GNAS PA, ,DE DAG NAM MKHA' LA NI RLUNG LTAR 'GRO, ,GANG DAG 'JIG RTEN LA NI YID MI CHAGS, ,DE DAG MI YI 'JIG RTEN RAB TU BDE, ,DGA' DANG MI DGA' LA NI CHAGS MED PA, ,DE DAG 'DI NA RTAG TU SEMS RLUNG 'DRA, ,GANG DAG MI SDUG DE PHRAD SDUG BSNGAL TE, ,GANG DAG SDUG DE DANG BRAL SDUG BSNGAL YIN, ,MTHA' DE GNYI GA RAB TU SPANGS NAS SU, ,MI GANG CHOS LA DGA' BA DE DAG BDE, ,ZHES GSUNGS SO, ,YANG DE NYID LAS, NYES PA'I TSOGS MANG THAMS CAD SPANGS NAS SU, ,RNAL 'BYOR CAN NI RTAG TU BYED PA NYUNG, ,RNAL 'BYOR CAN BRTZON NAM YANG RTZOD PA MED, ,DGON PAR GNAS PA DE YI YON TAN 'DI, ,DE NI RTAG TU 'DUS BYAS YID 'BYUNG 'GYUR, ,DE NI 'JIG RTEN CI LA'ANG 'DOD PA MED, ,ZAG PA DAG NI RNAM PAR 'PHEL MI 'GYUR, ,NAGS NA GNAS PA 'DI YI YON TAN 'DI, ,DE NI NAM YANG RTZOD PAR MI 'GYUR TE, RTAG TU ZHI ZHING DGA' LA DBEN PAR RGYU, ,LUS DANG NGAG DANG YID KYANG RAB BSDAM 'GYUR, ,DGON PAR GNAS PA 'DI LA YON TAN MANG, ,DE NI THAR PA'I RJES SU MTHUN PA YIN, ,DE NI RNAM 'GROL ZHI BA MYUR RTOGS BYED, ,NAGS NA GNAS SHING RNAM 'GROL STEN BYED NA, ,DGON GNAS DE LA YON TAN 'DI KUN [?] @109B 'BYUNG; ,ZHES GSUNGS SO, ,YANG DE NYID LAS, GRONG DANG GRONG KHYER DAG LA DGA' SPANGS LA, ,RTAG TU DBEN ZHING NAGS KHROD BSTEN PAR GYIS, ,BSE RU LTA BUR RTAG TU GNYIS MED BYOS, ,RING POR MI THOGS TING 'DZIN MCHOG THOB 'GYUR, ,ZHES GSUNGS SO, ,'PHAGS PA YUL 'KHOR SKYONG GIS ZHUS PA'I MDO LAS KYANG, ,SKYON GYIS GZINGS PA MTHA' YAS LDAN PA'I KHYIM SPANGS RTAG TU NOR MI LTA, ,DES SHING YON TAN LDAN PA DE DAG DGON PAR DGA' ZHING DBANG PO DUL, ,DE DAG GANG DU'ANG BUD MED RNAMS DANG SKYES PA DAG DANG 'DRIS MI BYED, ,BSE LTAR GCIG PUR GNAS SHING BSAM PA DRI MED DAG LA DRI MA BRAL, ,DE DAG THOB PA RNAMS KYIS DGA' BAR MI 'GYUR MA THOB YID ZHUM MED, ,'DOD PA CHUNG STE NGAN NGON TZAM LA DGA' ZHING SGYU DANG TSUL 'CHOS SPONGS, ,SEMS CAN DON PHYIR BRTZON 'GRUS YID LDAN SBYIN DANG DUL BA LA YANG GNAS, ,SANGS RGYAS YE SHES DON GNYER BSAM GTAN BRTZON 'GRUS YON TAN PHA ROL PHYIN, ,LUS DANG DE BZHIN SROG LA MI LTA SDUG PA'I RTZA LAG RNAM SPANGS TE, ,BSAM PA RDO RJE LTA BUR RAB BRTAN RTAG TU BYANG CHUB LAM LA SBYOR, ,LUS NI DUM BU DUM BUR BCAD KYANG DE DAG SEMS LA G-YO BA MED, ,THAMS CAD MKHYEN NYID RE BA PHYIR ZHING BRTZON 'GRUS SHIN TU BRTAN 'DIR RTZOM, ,ZHES GSUNGS SO, ,DRAG SHUL CAN GYIS ZHUS PA LAS KYANG, BDAG NI SEMS CAN DANG 'DRE BAR MI BYA'O, ,BDAG GIS SEMS CAN GCIG GI DGE BA'I RTZA BA BSKYED PAR MI BYA'O ZHES BYA BA LA SOGS PA GSUNGS SO, ,GAL TE THOS PA DANG LDAN PA DAL BA PHUN SUM TSOGS PA 'DI RNYED NAS RNYED PA LA SOGS PA LA CHAGS PA'I SEMS MI SBYONG NA DE NI LHA DANG BCAS PA'I 'JIG RTEN LA SLU BA GCIG PUR 'GYUR RO, ,'PHAGS PA DKON MCHOG BRTZEGS PA LAS KYANG, ,'OD SRUNGS 'DI LTA STE DPER NA MI LA LA ZHIG RGYA MTSO'I CHU CHEN POS KHYER LA CHUS SKOM BZHIN DU 'CHI BA'I DUS BYED PA DE BZHIN DU 'OD SRUNGS 'DI NI DGE SBYONG DANG BRAM ZE KHA CIG CHOS MANG PO BLAD SA TE KUN CHUB PAR BYAS KYANG, 'DOD CHAGS LA SRED PA MI SEL ZHE SDANG LA SRID PA MI SEL GTI MUG LA SRID PA MI SEL BA DE DAG NI CHOS KYI RGYA MTSO CHEN POS KHYER LA, NYON MONGS PA'I SKOM PAS 'CHI BA'I DUS BYED PAR 'GYUR TE, NGAN 'GROR 'GRO BAR @110A *, ,'GYUR RO ZHES GSUNGS SO, ,DE LTA BAS NA GDON MI ZA BAR DGON PA LA GNAS PAR BYA'O, ,GNAS DE LTA BU DAG NI 'PHAGS PA DKON MCHOG SPRIN LAS KYANG, GNAS GANG DAG NA BSOD SNYOMS BLANG BA'I SPYOD YUL DANG HA CANG YANG MI RING HA CANG YANG MI NYE BA DANG, GNAS GANG DAG NA CHU DANG ZHING RNYOG PA MED PA GTZANG ZHING DRI MA MED PA TSOGS CHUNG BA YOD PA DANG, GNAS GANG NA SHING PHUN SUM TSOGS PA ME TOG PHUN SUM TSOGS PA 'BRAS BU PHUN SUM TSOGS PA LO MA PHUN SUM TSOGS PA, GCAN GZAN KHRO BO MED PA PHUG DANG LDAN PA SMAN GSHONG DANG LDAN PA THAG THUG MED PA 'GRON BDE BA GNYIS SU MED PA'I GNAS DE 'DRA BA DAG NA GNAS SO, ,DE GNAS DE DAG NA GNAS SHING, GANG DES SNGON BLANGS PA DANG SNGON THOS PA DE NYIN LAN GSUM MTSAN LAN GSUM DU HA CANG YANG MI CHE HA CANG YANG MI CHUNG BA DANG, DBANG PO MI RGOD CING PHYI ROL DU MA SONG BA'I SEMS DANG DAD PAS NYE BAR 'TSO ZHING TSIG NYE BAR BZUNG STE, MTSAN MAR 'DZIN CING GNYID KYIS MA LOG PAR KHA TON BYED DO, ,GAL TE DGE SLONG DGON PA'I DRUNG DU RGYAL PO'AM BLON PO'AM DE MA YIN PA GZHAN BRAM ZE'AM RGYAL RIGS SAM GRONG PA'AM YUL GYI MI DAG 'ONGS NA, DES DE DAG LA GUS PAR LEGS PAR 'ONGS SO ZHES BRJOD PAR BYA STE, DES RGYAL PO CHEN PO JI LTAR STAN BTING BA LA BZHUGS SHIG CES DE SKAD BYAS NAS GAL TE 'DUG NA GNYI GA YANG 'DUG PAR BYA'O, ,DE STE MI 'DUG NA YANG GNYI GA MI 'DUG PAR BYA'O, ,GAL TE DBANG PO RGOD PAR GYUR NA RGYAL PO CHEN PO GANG KHYOD KYIS SA PHYOGS NA DGE SLONG DANG BRAM ZE RNAMS TSUL KHRIMS DANG LDAN PA YON TAN DANG LDAN PA MANG DU THOS PA DAG MI RGOD DANG SPRE'U RNAMS KYIS MA GTZES PAR GNAS PA DE NI RNYED PA LEGS PAR RNYED DO ZHES BSTAN PAR BYA'O, ,DE STE BRTAN ZHING DUL BA DBANG PO RAB TU ZHI BA ZHIG YIN TE CHOS BSTAN PAR RUNG NA DE LA CHOS SNA TSOGS BSTAN PAR BYA'O, , DE STE CHOS SNA TSOGS BSTAN PA LA MI DGA' NA DE LA SKYO BA DANG MTHUN PA'I CHOS BSTAN PAR BYA'O, ,DE STE SKYO BA DANG MTHUN PA'I CHOS BSTAN PA LA YANG MI DGA' NA DE LA DE BZHIN GSHEGS PA'I CHE BA RGYA CHE BA DAG BSTAN PAR BYA'O, ,BRAM ZE DANG RGYAL RIGS DANG GRONG PA DANG YUL GYI MI DAG 'ONGS NA YANG @110B CI RIGS PAR BYA BA DAG BYA'O, ,DE DE LTAR MANG DU THOS PAS CHOS NYAN PA RNAMS KYI SEMS MGU BAR BYED NUS PA YIN TE, SEMS CAN DE DAG KYANG DE LA DGA' BA DANG DAD PA DANG RANGS PA 'THOB PAR 'GYUR RO ZHES GSUNGS SO,, ,,BAM PO DGU PA, KHYIM BDAG DRAG SHUL CAN GYIS ZHUS PA'I MDO LAS KYANG, KHYIM BDAG GZHAN YANG BYANG CHUB SEMS DPA' RAB TU BYUNG BA DGON PA LA GNAS PAS 'DI LTAR BDAG CI'I PHYIR DGON PA LA GNAS, DGON PA NA GNAS PA 'BA' ZHIG NI DGE SBYONG MA YIN TE, 'DI NA MA BYANG BA MA SBAS PA MA ZHI BA MA DUL BA MI 'GRUS PA RAB TU MI BRTZON PA; 'DI LTA STE RI DAGS DANG SPRE'U DANG BYA MANG PO DANG CHOM RKUN DANG, GDOL PA DAG KYANG MANG DU GNAS TE, DE DAG KYANG DGE SBYONG GI YON TAN DANG LDAN PA MA YIN PAS, GANG GI PHYIR BDAG DGON PA LA GNAS PA 'DI LTA STE, DGE SBYONG GI DON DE YONGS SU RDZOGS PAR BYA'O SNYAM DU BRTAG PAR BYA'O, ,DE BZHIN DU SBYAR TE, KHYIM BDAG GZHAN YANG BYANG CHUB SEMS DPA' RAB TU BYUNG BA DGON PA NA GNAS PAS BDAG CI'I PHYIR DGON PAR 'ONGS SNYAM DU BRTAG PAR BYA STE DE YANG 'DI LTAR BDAG NI 'JIGS SHING SKRAG PA'I PHYIR DGON PAR 'ONGS SO, ,CI ZHIG GIS 'JIGS SHING SKRAG CE NA, 'DU 'DZIS 'JIGS SHING SKRAG GO; ,'GROGS PAS 'JIGS SHING SKRAG GO, ,'DOD CHAGS DANG ZHE SDANG DANG GTI MUG GIS 'JIGS SHING SKRAG GO, ,NGA RGYAL DANG RGYAGS PA DANG, 'CHAB PAS 'JIGS SHING SKRAG GO, ,CHAGS PA DANG PHRAG DOG DANG SER SNAS 'JIGS SHING SKRAG GO, ,GZUGS DANG SGRA DANG DRI DANG RO DANG REG BYAS 'JIGS SHING SKRAG GO, ,PHUNG PO'I BDUD KYIS 'JIGS SHING SKRAG GO, ,NYON MONGS PA'I BDUD KYIS 'JIGS SHING SKRAG GO, ,'CHI BDAG GI BDUD KYIS 'JIGS SHING SKRAG GO, ,LHA'I BU'I BDUD KYIS 'JIGS SHING SKRAG GO, ,MI RTAG PA LA RTAG PAR PHYIN CI LOG PAS 'JIGS SHING SKRAG GO, ,SDUG BSNGAL LA BDE BAR PHYIN CI LOG PAS 'JIGS SHING SKRAG GO, ,BDAG MED PA LA BDAG TU PHYIN CI LOG PAS 'JIGS SHING SKRAG GO, ,MI GTZANG BA LA GTZANG BAR PHYIN CI LOG PAS 'JIGS SHING SKRAG GO, ,SEMS DANG YID DANG RNAM PAR SHES PAS 'JIGS SHING SKRAG GO, ,SRED PAS 'JIGS SHING SKRAG GO, , @111A *, ,'KHOR BAS 'JIGS SHING SKRAG GO, ,SGRIB PA DANG CHOD PA DANG KUN NAS LDANG BAS 'JIGS SHING SKRAG GO, ,'JIG TSOGS LA LTA BAS 'JIGS SHING SKRAG GO, ,BDAG TU 'DZIN PA DANG, BDAG GIR 'DZIN PAS 'JIGS SHING SKRAG GO, ,RGOD PAS 'JIGS SHING SKRAG GO, ,'GYOD PA DANG THE TSOM GYIS 'JIGS SHING SKRAG GO, ,SDEG PA'I GROGS POS 'JIGS SHING SKRAG GO, ,RNYED PA DANG BKUR STIS 'JIGS SHING SKRAG GO, ,MI DGE BA'I BSHES GNYEN GYIS 'JIGS SHING SKRAG GO, ,MA MTHONG BAR MTHONG NGO SNYAM DU 'DZIN PAS 'JIGS SHING SKRAG GO, ,MA THOS PAR THOS SO SNYAM DU 'DZIN PAS 'JIGS SHING SKRAG GO, ,MA DRAN PAR DRAN NO SNYAM DU 'DZIN PAS 'JIGS SHING SKRAG GO, ,BYE BRAG MA PHYED PAR BYE BRAG PHYED DO SNYAM DU 'DZIN PAS 'JIGS SHING SKRAG GO, ,MI SHES PAR SHES SO SNYAM DU 'DZIN PAS 'JIGS SHING SKRAG GO, ,DGE SBYONG GI DRIMS 'JIGS SHING SKRAG GO, , GCIG LA GCIG GNOD PAR SEMS PAS 'JIGS SHING SKRAG GO, ,'DOD PA'I KHAMS DANG GZUGS KYI KHAMS DANG GZUGS MED PA'I KHAMS KYIS 'JIGS SHING SKRAG GO, ,SRID PA'I 'GRO BA THAMS CAD DU 'CHI 'PHO DANG SKYE BAS 'JIGS SHING SKRAG GO, ,SEMS CAN DMYAL BA DANG DUD 'GRO'I SKYE GNAS DANG YI DAGS KYI YUL DU 'GRO BAS 'JIGS SHING SKRAG GO, ,MI KHOM PAS 'JIGS SHING SKRAG GO, ,MDOR NA MI DGE BA'I CHOS THAMS CAD YID LA BYED PAS 'JIGS SHING SKRAG STE, BDAG DE LTA BU'I 'JIGS SHING SKRAG PAS 'JIGS NAS DGON PAR 'ONGS SO, ,DE BZHIN DU SBYAR TE, KHYIM BDAG GZHAN YANG BYANG CHUB SEMS DPA' RAB TU BYUNG BA 'JIGS SHING SKRAG NAS, DGON PA LA GNAS PAS 'DI LA GANG CUNG ZAD 'JIGS PA SKYE BA DE DAG THAMS CAD NI BDAG TU 'DZIN PA LAS SKYES SO, ,DE BZHIN DU SBYAR TE, BDAG TU MNGON PAR CHAGS PA DANG, BDAG TU YONGS SU 'DZIN PA DANG, BDAG GI GZHI DANG BDAG LA SRED PA DANG, BDAG TU 'DU SHES PA DANG, BDAG TU SMRA BA NYE BAR LEN PA DANG, BDAG TU LTA BA DANG, BDAG GI GNAS DANG, BDAG TU YONGS SU RTOG PA DANG, BDAG BSRUNG BA LAS SKYES TE, GAL TE BDAG DGON PA LA GNAS LA BDAG TU 'DZIN PA YONGS SU MA SPANGS, @111B BDAG TU MNGON PAR CHAGS PA DANG, BDAG TU YONGS SU 'DZIN PA DANG, BDAG GI GZHI DANG, BDAG LA SRED PA DANG, BDAG TU 'DU SHES PA DANG, BDAG TU SMRA BA NYE BAR LEN PA DANG, BDAG TU LTA BA DANG, BDAG GI GNAS DANG, BDAG TU YONGS SU RTOG PA DANG, BDAG SRUNG BA YONGS SU MA SPANGS NA NI; BDAG DGON PA LA GNAS PA DON MED PAR 'GYUR RO SNYAM DU SEMS PAR BYA STE, BDAG TU 'DU SHES PA LA NI DGON PA LA GNAS PA DON MED DO, ,GZHAN DU 'DU SHES PA LA YANG MED DO, ,DE BZHIN DU SBYAR TE, KHYIM BDAG DGON PA LA GNAS PA ZHES BYA BA NI CHOS THAMS CAD LA MI BRTEN PAR GNAS PA'O; ,CHOS THAMS CAD LA MI 'DZIN PAR GNAS PA'O, ,MTSAN MA THAMS CAD LA MI CHAGS PAR GNAS PA'O, ,DE BZHIN DU SBYAR TE, GZUGS THAMS CAD LA MI BRTEN PAR GNAS PA'O, ,SGRA DANG DRI DANG RO DANG REG PA THAMS CAD LA MI BRTEN PAR GNAS PA'O, ,CHOS THAMS CAD MNYAM PA NYID DANG MI 'GAL BAR GNAS PA'O, ,SEMS SHIN TU ZHI BAS SHIN TU SBYANGS PAR GNAS PA'O, ,'JIGS PA THAMS CAD SPANGS PAS MI 'JIGS PAR GNAS PA'O, ,NYON MONGS PA THAMS CAD LAS RNAM PAR GROL BAS CHU BO LAS RGAL BAR GNAS PA'O, ,BRTEN PAR GNAS PA'O, ,NGAN NGON GYIS CHOG SHES PAR 'DZIN CING 'DOD PA CHUNG BAS 'PHAGS PA'I RIGS RNAMS LA RAB TU DGA' BAR GNAS PA'O, ,DGANG SLA ZHING GSO SLA BAS CHOG PAR 'DZIN PAR GNAS PA'O, ,SHES RAB KYI PHYIR TSUL BZHIN LA SBYOR BAS THOS PA LA GNAS PA'O, ,RNAM PAR THAR PA'I SGO STONG PA NYID DANG MTSAN MA MED PA DANG SMON PA MED PA LA SO SOR RTOG PAS THAR PAR GNAS PA'O, ,BCINGS PA BCAD PAS RNAM PAR GROL BAR GNAS PA'O, ,RTEN CING 'BREL BAR 'BYUNG BA DANG MTHUN PAS MA DUL BA RNAMS NYE BAR ZHI BAR GNAS PA'O, ,SHIN TU RNAM PAR DAG PAS BYA BA BYAS PAR GNAS PA'O, ,KHYIM BDAG 'DI LTA STE DPER NA, DGON PA LA RTZVA DANG SHING GEL BA DANG NAGS TSAL GNAS KYANG 'JIGS PA MED CING MI SKRAG SKRAG PAR MI 'GYUR RO, ,KHYIM BDAG DE BZHIN DU BYANG CHUB SEMS DPA' RAB TU BYUNG BA DGON PA LA GNAS PAS KYANG LUS LA RTZVA DANG SHING GEL PA DANG SMAN DANG RTZVIG PA DANG SHING DANG MIG YOR LTA BU DANG SGYU @112A *, ,MA DANG MTSUNGS PA'I 'DU SHES BSKYED PAR BYA STE, 'DI LA SU ZHIG 'JIGS PAR 'GYUR 'DI LA SU ZHIG SKRAG PAR 'GYUR SNYAM DU SEMS BSKYED PAR BYA'O, ,DES 'JIGS SHING SKRAG PAR LTA NA, 'DI LTAR LUS 'DI LA NI BDAG GAM SEMS CAN NAM SROG GAM SKYE BA'AM GSO BA'AM SKYES BU'AM GANG ZAG GAM SHED LAS SKYES PA'AM SHED BU MED DE, 'DI LTAR 'JIGS PA ZHES BYA BA 'DI NI, YANG DAG PA MA YIN PA KUN BRTAGS PA YIN GYI BDAG GIS NI YANG DAG PA MA YIN PA KUN BRTAGS PA DE LA BRTAG PAR MI BYA'O SNYAM DU LUS LA TSUL BZHIN DU BRTAG PAR BYA'O, ,DES JI LTAR DGON PA LA RTZVA DANG SHING GEL BA DANG SMAN DANG NAGS TSAL GNAS PA RNAMS NGA'I BA MED PAS YONGS SU 'DZIN PA MED PA DE BZHIN DU BYANG CHUB SEMS DPA' YANG NGA'I PA MED PA YONGS SU 'DZIN PA MED PAS CHOS THAMS CAD DGON PA NYID DO SNYAM DU SHES NAS NYE BAR BSGRUBS TE GNAS PAR BYA'O, ,DE CI'I PHYIR ZHE NA, DGON PA LA GNAS PA DE NI NYON MONGS PA GCOD PA STE NGA'I BA MED PAS YONGS SU 'DZIN PA MED PA'O, ,DE BZHIN DU SBYAR TE, KHYIM BDAG GZHAN YANG BYANG CHUB SEMS DPA' RAB TU BYUNG BAS SANGS RGYAS KYIS DGON PA LA GNAS PAR BKA' STZAL PAR SHES NAS DGON PA LA GNAS PAR BYA STE; DER DGE BA'I CHOS THAMS CAD YONGS SU RDZOGS PAR 'GYUR RO, ,DGE BA'I RTZA BA NYE BAR BRTAN NAS, PHYIS GRONG DANG GRONG KHYER DANG GRONG RDAL DANG LJONGS DANG YUL DANG PHO BRANG 'KHOR DAG TU ZHUGS TE CHOS BSTAN PAR BYA'O, ,DE BZHIN DU SBYAR TE, KHYIM BDAG GAL TE BYANG CHUB SEMS DPA' RAB TU BYUNG BA LUNG DANG KHA TON MNOD PA'I PHYIR TSOGS KYI NANG DU 'JUG NA DES DER GUS PA DANG BCAS PAR BYA STE, SLOB DPON DANG MKHAN PO RNAMS DANG, GNAS BRTAN DANG BAR MA DANG DGE SBYONG GSAR BU RNAMS LA ZHE SA DANG BCAS PAR BYA'O, ,TSUL MKHAS PAR BYA'O, ,SNYOM LAS MED PAR RANG GIS BYA BA DANG GZHAN LA GDUNG BA MED PAR BYA'O, ,DES BSNYEN BKUR LA GDU BAR MI BYA'O, ,DES 'DI LTAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LHA DANG BCAS PA'I 'JIG RTEN DANG, BDUD DANG BCAS PA DANG, TSANGS PA DANG BCAS PA DANG, DGE SBYONG DANG BRAM ZE'I SKYE DGU DANG @112B BCAS PA DANG, LHA DANG MI DANG LHA MA YIN DU BCAS PAS MCHOD PAS, SBYIN GNAS SU GYUR PA DE YANG SEMS CAN THAMS CAD LA GANG LAS KYANG RIM GROR BYA BA BDAG GIR MI MDZAD NA, BDAG CAG MA BSLABS PA SLOB DPON 'DOD PA RNAMS LTA CI SMOS TE, BDAG GIS SEMS CAN THAMS CAD LA BSNYEN BKUR BYA'I, GANG LAS KYANG BSNYEN BKUR BYA BA BDAG GIR MI BYA'O SNYAM DU BRTAG PAR BYA'O, ,DE CI'I PHYIR ZHE NA, KHYIM BDAG DGE SBYONG BSNYEN BKUR LA GDU BA NI YON TAN GYI CHOS RJES SU GZUNG BA CHUD GZON PA YIN TE, DES GANG DAG SDUD PA DE DAG KYANG 'DI SNYAM DU SEMS TE, BDAG CAG NI BSNYEN BKUR GYI PHYIR SDUD KYI CHOS KYI PHYIR NI MA YIN NO SNYAM MO ZHES GSUNGS SO, ,YANG DE NYID LAS, KHYIM BDAG GAL TE BYANG CHUB SEMS DPA' DGON PA PA CHOS NYAN PAR 'DOD DAM, MKHAN PO DANG SLOB DPON LA LTA BAR 'DOD NAS, NAD 'DRI BA'I PHYIR GRONG GI GNAS SU 'ONGS NAS, DES DGONGS SU SLAR LDOG PAR BYA BA'I PHYIR 'GRO BA'I SEMS BSKYED PAR BYA'O, ,DE GAL TE LUNG MNOD PA DANG KHA TON BYA BA GZHAN LA RAG LAS TE GTZUG LAG KHANG NA GNAS NA YANG, DES DGON PA LA GZHOL BA'I SEMS KYIS, GANG DNGOS PO THAMS CAD LA DGON PAR 'DU SHES PA DANG CHOS TSOL BAS MI NGOMS PA DE NYID DGON PA LA GNAS PA YIN NO SNYAM DU BSAM PAR BYA'O ZHES GSUNGS SO, ,'PHAGS PA RIN PO CHE'I PHUNG PO'I MDO LAS KYANG, GAL TE DGE SLONG DGON PA PA 'BRAS BU MA THOB PA SO SO'I SKYE BO'I DRUNG DU SDIG SBRUL DANG GCAN GZAN GTUM PO DAG 'ONGS NA DES DE LA 'JIGS PA DANG SKRAG PAR MI BYA'I, DES 'DI SNYAM DU BDAG THOG MA NYID NAS LUS DANG SROG BOR TE DGON PA'I GNAS SU 'ONGS KYANG 'DI LA BDAG GIS 'JIGS PAR MI BYA SKRAG PAR MI BYA'I, BYAMS PA'I SEMS BSKYED PAR BYA ZHE SDANG RNAM PAR SPANG PAR BYA 'JIGS PA SPANG BAR BYA'O SNYAM DU SEMS BSKYED PAR BYA'O, ,GAL TE DE LTAR BYAS NAS SBRUL DANG GCAN GZAN DE DAG GIS SROG GCOD CING ZA NA YANG DES 'DI SNYAM DU GCAN GZAN 'DI DAG LA BDAG GIS ZANG ZING TZAM GYIS TSIM PAR BYED MI NUS KYI, DE DAG GIS BDAG GI SHA ZOS NAS BDE BA LA REG PAR GNAS PAR 'GYUR LA, BDAG GIS KYANG SNYING PO MED PA'I LUS LAS SNYING PO BLANGS PAR 'GYUR BA NI BDAG GIS RNYED PA @113A *, ,LEGS PAR RNYED DO, ,DE BZHIN DU SBYAR TE, GAL TE DGON PA'I GNAS DE NA GNAS PA NA MI MA YIN PA 'ONGS NA MDOG SDUG KYANG RUNG MI SDUG KYANG RUNG, DE LA CHAGS PAR MI BYA KHONG KHRO BAR MI BYA'O, ,GAL TE SNGON SANGS RGYAS MTHONG BA'I LHA DAG DGE SLONG DGON PA PA'I GAN DU 'ONGS TE DRI BA YONGS SU 'DRI NA, DE LA DGE SLONG DGON PA PA DES JI LTAR THOS PA BZHIN DU LHA DE DAG LA CHOS BSHAD PAR BYA'O, ,CI STE LHA DE DAG ZAB MO'I DRI BA YONGS SU DRIS TE DGE SLONG DGON PA DES LAN MI THEBS PA LTA NA, DES NGA RGYAL MED PAR BYAS LA 'DI SKAD CES MA BSLABS PA LA BRNYAS PAR MI BYA STE SANGS RGYAS KYI BSTAN PA LA LUNG MNOS NAS 'BAD DE KHONG DU MA CHUD PA'I CHOS RNAMS KHONG DU CHUD PAR GYUR PA DE'I TSE DE'I DUS NA DRIS PA THAMS CAD KYI LAN GDAB PAR BYA'O, ,BDAG NI CHOS NYAN PA YIN GYI KHYED SPOBS PAR GYIS SHIG CES BRJOD PAR BYA STE, 'OD SRUNGS DGE SLONG DGON PA PA DE LTAR LHA DE DAG LA GO BAR BYA'O, ,DE BZHIN DU SBYAR TE, DGON PA'I GNAS DE NA GNAS PA DES RTZVA DANG SHING GEL BA DANG SMAN DANG NAGS TSAL DE DAG JI LTAR 'BYUNG BA DAD JI LTAR 'JIGS PAR 'GYUR BA DANG, JI LTAR PHYI ROL GYI DNGOS PO 'DI DAG BDAG PO MED PA, G-YO BA MED PA, BYED PA MED PA, RGYU DANG RKYEN TSOGS PA LAS 'BYUNG GI ,RGYU DANG RKYEN MA TSANG NA MI 'BYUNG BA STE, 'DI LA DON DAM PAR SKYE BA DANG 'GAG PA'I CHOS GANG YANG MED DO SNYAM DU MTSAN MAR GZUNG BAR BYA'O ZHES GSUNGS SO, ,YANG GSUNGS PA, DGON PA'I GNAS DE NA GNAS PA NA 'DI LTAR SEMS BSKYED PAR BYA STE, 'DI LTAR BDAG NI 'AM RING PO NAS 'DIR 'ONGS LA GCIG PU GNYIS SU MED PA STE, LEGS PAR BYAS PA'AM NYES PAR BYAS PA BSKUL BA'I GROGS NI GANG YANG MED KYI, LHA DANG KLU DANG GNOD SBYIN DANG DRI ZA DANG SANGS RGYAS BCOM LDAN 'DAS GANG BDAG GI SEMS KYI BSAM PA SHES PA DAG YOD DE, BDAG DGON PA'I GNAS NA GNAS LA MI DGE BA'I SEMS KYI DBANG DU SONG NA DE DAG DBANG DU 'GYUR RO, ,BDAG LAM RING PO NAS 'ONGS SHING GCIG PU GNYIS SU MED DE, RTEN PA MED BDAG GI MED YONGS SU 'DZIN PA MED LA, GAL TE 'DOD PA LA RNAM PAR RTOG PAS RNAM PAR RTOG ,GNOD SEMS KYI RNAM PAR RTOG PAS RNAM PAR RTOG , @113B 'TSE BA'I RNAM PAR RTOG PAS RNAM PAR RTOG GAM, MI DGE BA GZHAN LA RNAM PAR RTOG PAS RNAM PAR RTOG PAR GYUR NA, GANG 'DU 'DZI DANG 'DU BA LA MNGON PAR DGA' BA'I SEMS CAN RNAMS DANG BYE BRAG MED PAR 'GYUR TE, BDAG GIS LHA DANG KLU DANG GNOD SBYIN DANG DRI ZA RNAMS LA BSLUS PAR 'GYUR ZHING, SANGS RGYAS BCOM LDAN 'DAS RNAMS KYANG MI MNYES PAR BYAS PAR 'GYUR GYIS, CI NAS KYANG BDAG LA LHA RNAMS 'PHYA BAR MI 'GYUR BA DANG, SANGS RGYAS BCOM LDAN 'DAS RNAMS KYANG DGYES PAR 'GYUR BA DE LTAR BYA'O SNYAM DU SEMS BSKYED PAR BYA'O ZHES GSUNGS SO, ,BSLAB PA KUN LAS BTUS PA LAS, DGON PAR GNAS PAR BRJOD PA ZHES BYA BA'I LE'U STE BCU GCIG PA'O,, ,,DE LTAR DGON PA LA GNAS NAS MNYAM PAR GZHAG PA LA SBYAR BAR BYA STE, BCOM LDAN 'DAS MA LAS, DES SEMS CAN DE DAG GI DON DU BSAM GTAN GYI PHA ROL TU PHYIN PA LA SPYOD PAS SEMS G-YENG BAR MI 'GYUR RO, ,DE CI'I PHYIR ZHE NA, 'DI LTAR DE 'DI SNYAM DU SEMS G-YENG BA LA NI 'JIG RTEN PA'I BSAM GTAN BSKYED PA'ANG DKON NA, BLA NA MED PA YANG DAG PAR RDZOGS PA'I BYANG CHUB LTA CI SMOS, DE LTA BAS NA BDAG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS MA RGYAS KYI BAR DU SEMS MI G-YENG BAR BYA'O SNYAM DU SEMS SO ZHES GSUNGS SO, ,YANG DE NYID LAS, RAB 'BYOR GZHAN YANG, BYANG CHUB SEMS DPA' SEMS DPA' CHEN PO SEMS DANG PO BSKYED PA NAS NYE BAR BZUNG STE, BSAM GTAN GYI PHA ROL TU PHYIN PA LA SPYOD CING RNAM PA THAMS CAD MKHYEN PA NYID DANG LDAN PA'I YID LA BYED PAS BSAM GTAN LA SNYOMS PAR 'JUG STE, DE MIG GIS GZUGS RNAMS MTHONG YANG MTSAN MAR MI 'DZIN CING MNGON RTAGS SU MI 'DZIN PA YIN NO, ,GANG GI PHYIR MIG GI DBANG PO SDOM PAS MA BSDAMS PAR GNAS TE, BRNAB SEMS DANG YID MI BDE BA DANG SDIG PA MI DGE BA'I CHOS GZHAN LA YANG SEMS RJES SU 'JUG PA DE DAG SDOM PAR BYED MIG GI DBANG PO SRUNG BAR BYED DO, ,DE BZHIN DU RNA BAS SGRA THOS PA DANG, SNAS DRI TSOR BA DANG, LCES RO MYANG BA DANG, LUS KYIS REG BYA LA REG PA DANG, YID KYIS CHOS RNAM PAR RIG PA NA MTSAN MAR MI 'DZIN CING MNGON RTAGS SU MI 'DZIN PA YIN NO, ,GANG GI PHYIR @114A *, ,YID KYI DBANG PO SDOM PAS MA BSDAMS TE SDIG PA MI DGE BA'I CHOS RNAMS LA RJES SU 'JUG PA DE DAG SDOM PAR BYED YID KYI DBANG PO SRUNG BAR BYED DO, ,DE 'GRO'AM 'GRENG NGAM 'DUG GAM NYAL LAM SMRA'AM MI SMRA YANG RUNG STE, MNYAM PAR GZHAG PAR GNAS PA DANG ZHI BAR GNAS PA MI 'DOR RO, ,DE LAG PA MI RGOD PA DANG, RKANG PA MI RGOD PA DANG, MU COR MI SMRA BA DANG, TSIG 'CHAL BA MED PA DANG, DBANG PO MI G-YENG BA DANG, MI RGOD PA DANG, YAB YAB PO MA YIN PA DANG, GZU SEMS CAN MA YIN PA DANG, LUS 'KHRUL PA MED PA DANG, SEMS 'KHRUL PA MED PA DANG, LUS ZHI BA DANG, NGAG ZHI BA DANG, SEMS ZHI BA DANG, DBEN YANG RUNG MI DBEN YANG RUNG STE SPYOD LAM BCOS PA MED PA YIN NO, ,DE BZHIN DU SBYAR TE, CHOG SHES PA DANG, GSO SLA BA DANG, DGANG SLA BA DANG, 'GROGS NA BDE BA DANG, CHO GA DANG SPYOD YUL BDE BA DANG, 'DU 'DZI'I NANG NA YANG SPYOD YUL DBEN PA DANG, RNYED PA DANG MA RNYED PA LA YANG MNYAM ZHING 'GYUR BA MED PA YIN, KHENGS PA MED CING 'DUD PA DANG, DE BZHIN DU BDE BA DANG SDUG BSNGAL BA DANG, BSTOD PA DANG SMAD PA DANG, SNYAN PA DANG MI SNYAN PA DANG, 'TSO BA DANG 'CHI BA YANG MNYAM ZHING 'GYUR BA MED PA YIN, KHENGS PA MED CING 'DUD PA DANG; DE BZHIN DU DGRA DANG MDZA' BO DANG, YID DU 'ONG BA DANG YID DU MI 'ONG BA DANG, 'PHAGS PA DANG 'PHAGS PA MA YIN PA DANG, SGRA DANG GZUGS SDUG PA DANG MI SDUG PA RNAMS LA YANG MNYAM ZHING 'GYUR BA MED PA YIN, KHENGS PA MED CING 'DUD PA YIN, RJES SU CHAGS PA DANG MI MTHUN PA DANG BRAL BA YIN NO, ,DE CI'I PHYIR ZHE NA, 'DI LTAR CHOS THAMS CAD RANG GI MTSAN NYID KYIS STONG ZHING BYUNG BA MED PA DANG RDZOGS PA MED PA DANG, MNGON DU GRUB PA MED PAR MTHONG BA'I PHYIR RO ZHES RGYA CHER GSUNGS SO, ,DE LA YID ZHUM NA DGA' BA BSGOM PAS GZENGS BSTOD PAR BYA'O, ,RGOD PAR GYUR NA MI RTAG PA YID LA BYA BAS RAB TU ZHI BAR BYA'O, ,GNYI GA'I GNYEN PO'I DON DU NI, 'PHAGS PA YUL 'KHOR SKYONG GIS BRJOD PA'I TSIGS SU BCAD PA DRAN PAR BYA STE, SANGS RGYAS 'JIG RTEN PHAN PA DRANG SRONG CHE, ,BSKAL PA BYE MANG BRGYA LAM 'BYUNG BAR 'GYUR, ,DA LTA DAL BA DAM PA RNYED PA LA, ,GAL TE @114B THAR 'DOD BAG MED SPONG BAR GYIS, ,ZHES GSUNGS SO, ,DE BZHIN DU, 'DI NI SGYU MA LTA BUR BDEN PA MIN, ,'DUS BYAS RMI LAM MTSUNGS PAR BRTAGS NAS NI, ,'DI NI RTAG TU SDUG PA THAMS CAD DANG, ,MYUR DU 'BRAL BAR MI 'GYUR GANG YANG MED, ,PHA ROL PHYIN DANG STOBS RNAMS LA, ,RTAG TU BRTZON BAR GYIS LA 'BAD PAR GYIS, ,RDUL MED BYANG CHUB SANGS RGYAS MA GYUR PAR, ,BRTZON 'GRUS NAMS KYANG NYAMS PAR GYUR TA RE, ,ZHES GSUNGS SO, ,'PHAGS PA RGYA CHER ROL PA'I MDO LAS KYANG, SRID GSUM RGA DANG NAD KYI SDUG BSNGAL 'BAR, ,'DI NI 'CHI MED RAB 'BAR MGON MED PA; ,SRID LAS 'BYUNG LA 'GRO BA RTAG TU RMONGS, ,BUM PAR CHUD PA'I BUNG BA 'KHOR BA BZHIN, ,SRID GSUM MI BRTAN STON KA'I SPRIN DANG 'DRA, ,'GRO BA'I SKYE 'CHI GAR LA LTA DANG MTSUNGS, ,'GROB 'AI TSE 'GRO NAM MKHA'I GLOG 'DRA STE, ,RI GZAR 'BAB CHU LTA BUR MYUR MGYOGS 'GRO, ,SRID SRED MA RIG DBANG GIS SKYE BO RNAMS, ,MI DANG LHA GNAS NGAN SONG LAM GSUM PO, ,'GRO BA LNGA PO DAG TU MI MKHAS 'KHOR, ,DPER NA RDZA MKHAN 'PHANG LO 'KHOR BA BZHIN, ,RTAG TU GZUGS SDUG MCHOG DANG SGRA SNYAN DANG, ,DRI ZHIS RO MCHOG REG PA BDE BYED PA, ,DUS NGAN RNYIL 'GRO BA 'DI DAG THOGS, , DPER NA RNGON PA'I RNYI LA SPRE'U THOGS BZHIN, ,'DOD PA'I YON TAN MYA NGAN GNOD PA MANG, ,'JIGS BCAS RTAG TU DGRA BYED NYON MONGS BCAS, ,RAL GRI'I SA [?] LO MA MTSUNGS, ,NGAN SKYAGS SNOD LTAR 'PHAGS PA'I SKYE BOS SPANGS, ,'DOD PA'I YON TAN 'JIGS BCAS NYON MONGS BCAS, ,RTAG TU DRAN PA BRJED BYED NUN PA BYED, ,RTAG TU 'JIGS PA'I RGYU BYED SDUG BSNGAL RTZA, ,SRID PA'I SRED PA'I 'KHRI SHING 'PHEL BAR BYED, ,JI LTAR ME 'BAR 'OBS NAS 'JIGS BCAS PA, ,DE LTAR 'DOD 'DI 'PHAGS PA'I SKYE BOS RIG ,'DAM RDZAB CHE 'DRA RAL GRI GSHEGS GNAS 'DRA, ,RAL GRI'I SO LA SBRANG RTZIS BSKUS DANG MTSUNGS, ,JI LTAR SBRUL GYI MGO DANG NGAN SKYUGS SNOD, ,DE LTAR 'DOD 'DI MKHAS PA RNAMS KYIS RIG ,BYA SHA KHAM BU 'DRA ZHING GSAL SHING 'DRA, ,ROL KHYI LTAR DGRA DANG BCAS PA YIS, ,'DOD PA'I YON TAN 'DI DAG CHU ZLA 'DRA, ,GZUGS BRNYAN MTSUNGS SHING BRAG CA 'DRA BA DANG, @115A *, ,[page missing] @115B [page missing] @116A *, ,DBANG MED PAR 'GYUR RO, ,RGYAL PO CHEN PO DE BZHIN DU 'CHI BDAG GI GSAL SHING GIS ZUG STE, RGYAGS PA DANG NI BRAL, MGON NI MED SKYABS NI MED, DPUNG GNYEN NI MED, GSHIS NI 'JIGS, TSIGS NI 'BYE 'BRAL, SHA DANG KHRAG NI SKAM, LUS NI NAD KYIS GDUNGS SKOM NI SKOM, BZHIN NI 'GYUR, RKANG LAG NI G-YO BA, LAS NI MI NUS, MTHU NI MED, KHA CHU DANG SNABS DANG GCIN DANG NGAN SKYUGS KYIS NI LUS LA GOS, MIG DANG RNA BA DANG SNA DANG LCE DANG LUS DANG YID KYI DBANG PO DAG NI 'GAG ,SKYIGS BU NI 'BYUNG, SGRA NGAR NGAR PO NI 'THON, SMAN PAS NI BOR, SMAN DANG KHA ZAS DANG BZA' BA DANG THUG PA THAMS CAD KYIS NI KLES LA BOR TE, 'GRO BA GZHAN DAG TU 'GRO BAR MAL GYI THA MA LA NI NYAL, THOG MA MED PA'I SKYE BA DANG RGA BA DANG NA BA DANG 'CHI BA'I 'KHOR BA'I RGYUD DU NI NUB, SROG NI CUNG ZAD CIG LAS, GSHIN RJE'I MIS NI 'JIGS SKRAG ,BYUR GYI DBANG DU NI SONG; ,DBUGS RGYU BA NI CHAD, KHA DANG SNA NI GDANGS, SO NI GTZEGS, SBYIN PA SBYIN NO ZHES DE SKAD GSOL BA NI 'DEBS, LAS KYI SRID PA NAS YANG SRID PA LA NI 'JUG ,GCIG PU GNYIS SU MED CING GROGS NI MED DE, 'JIG RTEN 'DI NI 'DOR, 'JIG RTEN PHA ROL DU NI 'GRO, ,SKYAS CHEN PO NI 'DEBS, MUN PA CHEN POR NI ZHUGS, G-YANG SA CHEN POR NI LTUNG, KHROD STUG POR NI 'JUG ,DGON PA CHEN POR NI 'GRO, ,RGYA MTSO CHEN POS NI KHYER, LAS KYI RLUNG GIS NI BDAS, SA TSUGS MED PA'I PHYOGS SU NI 'GRO, ,G-YUL NGO CHEN POR NI 'JUG ,GDON CHEN POS NI ZIN, NAM MKHA' LA NI 'CHEL, PHA MA DANG PHU NU DANG, SRING MO DANG BU DANG BU MOS NI BSKOR, DBUGS NI 'CHAD, NOR LA BGO BSHA' BYA ZHES NI ZER, KYI HUD MA KYI HUD PHA KYI HUD BU ZHES NI ZER, SKRA NI ZHIG STE, SBYIN PA DANG DKA' THUB DANG CHOS 'BA' ZHIG GROGS SU GYUR PA NA CHOS MA GTOGS PAR SKYABS GZHAN MED, MGON GZHAN MED GNAS GZHAN MED DPUNG GNYEN GZHAN MED DO, ,RGYAL PO CHEN PO DE'I TSE DE'I DUS NA, CHOS NI GLING DANG GNAS DANG MGON DANG SKYABS DANG DPUNG GNYEN DANG STON PAR 'GYUR RO, ,RGYAL PO CHEN PO 'DI LTA STE DPER NA, GRANG BAS NYEN PA LA ME DANG, MES RAB TU GDUNGS BAR GYUR @116B PA LA ME GSOD PA DANG, TSA BAS NYEN PA LA BSIL BA DANG, 'GRON PO NGAL BA LA GRIB MA DANG RLUNG BSIL BA DANG, LAM DU ZHUGS PA LA BZHON PA DANG, NYAL BA LA MAL 'JAM PO DANG, SKOM PA LA CHU GRANG MO DANG, SHIN TU BKRES PA LA ZAS BZANG PO DANG, MYA NGAN GYIS NON PA LA DBUGS 'BYIN PA DANG; GDUNGS PA LA SIM PAR BYED PA DANG, DGON PAR LAM STOR BA LA LAM MTSON PAR BYED PA DANG, NAD KYIS BTAB PA LA SMAN PA DANG SMAN DANG NAD G-YOG BYED PA DANG, CHUS KHYER BA LA GZINGS DANG, 'DAM DU BYING BA LA 'JU SA DANG, RGAL DKA' BA LA ZAM PA DANG, NYAM NGA BA LA 'BAB STEGS DANG, MUN KHUNG NA SGRON ME DANG, RGYA MTSO CHEN PO LA GRU DANG, LHAGS PAS NYEN PA LA RLUNG MED PA'I GNAS DANG, YUL GZHAN DU 'GRO BA'I LAM RGYAGS DANG, DBUL PO LA NOR DANG, BYED PAR 'DOD PA LA GROGS DANG, GCAD PAR 'DOD PA LA LAG CA DANG, GZHIG PAR 'DOD PA LA RDO RJE DANG; G-YUL NGOR ZHUGS PA LA GO CHA DANG, 'JIGS PA LA STOBS DANG LDAN PA'I GROGS DANG, 'THAB PA LA DPUNG GNYEN DANG, DOG PA LA GO 'BYED PA DANG, MU GE LA NOR DANG LDAN PA DAG MGON DANG SKYABS DANG GNAS DANG RTEN DU 'GYUR BA DE BZHIN DU, RGYAL PO CHEN PO 'CHI BDAG GI GSAL SHING GIS ZUG STE, RGYAGS PA DANG NI BRAL, MGON NI MED, SKYABS NI MED, DPUNG GNYEN NI MED, GSHIS NI 'JIG ,TSIGS NI 'BYE 'BRAL, SHA DANG KHRAG NI SKAM, LUS NI NAD KYIS GDUNG, SKOM NI SKOM, BZHIN NI 'GYUR, RKANG LAG NI G-YOB, LAS NI MI NUS, MTHU NI MED, KHA CHU DANG SNABS DANG GCIN DANG NGAN SKYUGS KYIS NI LUS LA GOS, MIG DANG, RNA BA DANG, SNA DANG, LCE DANG LUS DANG YID KYI DBANG PO DAG NI 'GAG ,SKYIGS BU NI 'BYUNG, SGRA NGAR NGAR PO NI 'THON, SMAN PAS NI BOR, SMAN DANG KHA ZAS DANG BZA' BA DANG, THUG PA THAMS CAD KYIS NI KLES LA BOR TE, 'GRO BA GZHAN DAG TU 'GRO BAR MAL GYI THA MA LA NI NYAL, THOG MA MED PA'I SKYE BA DANG RGA BA DANG 'CHI BA'I 'KHOR BA'I RGYUD DU NI NUB, SROG NI CUNG ZAD CIG LAS, GSHIN RJE'I MIS NI 'JIGS SKRAG ,BYUR GYI DBANG DU NI SONG, DBUGS RGYU BA NI 'CHAD, KHA DANG SNA NI GDANGS, SO NI GTZEGS, SBYIN PA NI SBYIN @117A *, ,NO ZHES DE SKAD GSOL BA NI 'DEBS, LAS KYI SRID PA NAS YANG SRID PA LA NI 'JUG ,GCIG PU GNYIS SU MED CING GROGS NI MED DE, 'JIG RTEN 'DI NI 'DOR, 'JIG RTEN PHA ROL DU NI 'GRO, ,SKYAS CHEN PO NI 'DEBS, MUN PA CHEN POR NI ZHUGS, G-YANG SA CHEN POR NI LTUNG; KHROD STUG POR NI 'JUG ,DGON PA CHEN POR NI 'GRO, ,RGYA MTSO CHEN POS NI KHYER, LAS KYI RLUNG GIS NI BDAS, SA TSUGS MED PA'I PHYOGS SU NI 'GRO BA NA CHOS MA GTOGS PAR MGON GZHAN MED, SKYABS GZHAN MED, DPUNG GNYEN GZHAN MED DO, ,RGYAL PO CHEN PO CHOS NI DE'I TSE DE'I DUS NA, GLING CHEN PO DANG GNAS DANG MGON DANG SKYABS DANG DPUNG GNYEN DANG STON PAR 'GYUR RO, ,RGYAL PO CHEN PO DE'I TSE, 'DI SNYAM DU SEMS TE, KYI HUD GANG DU 'GRO BAR 'GYUR, PHYOGS GAR 'GRO BAR 'GYUR, GANG DU YONGS SU 'DZIN PAR BYED PAR 'GYUR, BDAG GI MAR NI SU ZHIG 'GYUR SNYAM PA LAS, DES SEMS CAN DMYAL BAR SKYE BAR MTHONG BAR 'GYUR NA 'DI LTA STE, MNAR MED PA DANG, TSA BA DANG, RAB TU TSA BA LA SOGS PA'I SEMS CAN DMYAL BA RNAMS SU LO MANG PO LO BRGYA PHRAG MANG PO LO BRGYA STONG PHRAG MANG POR SDUG BSNGAL CHEN PO SDUG BSNGAL MI BZAD PA DRAG PA RTZUB PA YID DU MI 'ONG BA'I TSOR BA MYONG STE, JI SRID DU SEMS CAN DMYAL BA MYONG BAR 'GYUR BA'I SDIG PA MI DGE BA'I LAS THAMS CAD KYI THAMS CAD DU ZAD CING BYANG BAR MA GYUR PA DE SRID DU 'CHI BA'I DUS BYED PAR MI 'GYUR RO, ,DE DUD 'GRO'I SKYE GNAS SU SKYE BA MTHONG BAR GYUR NA, 'DI LTA STE, RGYA MTSO CHEN PO'I NANG DU NYA RLON DANG NYA RLON MID LA SOGS PA SROG CHAGS GCIG GIS GCIG GSOD PA DANG 'TSE BA DANG DBANG MED PAR SKYE'O, ,BDAG YI DAGS KYI NANG DU SKYE BAR MI 'GYUR RAM SNYAM NA, 'DI LTA STE, LO MANG PO DANG LO BRGYA PHRAG MANG PO DANG LO BRGYA STONG PHRAG MANG POR CHU'I SGRA YANG MI THOS NA MTHONG BA LTA CI SMOS PAR 'GYUR RO, ,RGYAL PO CHEN PO DE LTA BAS NA KHYOD KYIS MI RTAG PAR BLTA ZHING ZAD PA DANG DENGS PAR BLTA BAR BYA STE, 'CHI BAS 'JIGS SKRAG PAR BYA'O, ,CHOS KYIS RGYAL SRID GYIS SHIG ,CHOS MA YIN PAS NI MI BYA'O, ,KHYOD CHOS DANG MTHUN PAR GYIS SHIG ,CHOS MA YIN PA DANG MTHUN @117B PAR NI MI BYA'O, ,DE CI'I PHYIR ZHE NA, RGYAL PO CHEN PO KHYOD KYI LUS 'DI, 'DI LTAR LEGS PAR YONGS SU BSRUNGS LEGS PAR YONGS SU BTZAS PA YANG 'CHI BA'I DUS BYED PAR 'GYUR RO, ,YON TAN THAMS CAD DANG LDAN ZHING SHIN TU YUN RING POR BZA' BA DANG, BCA' BA DANG MYANG BA DANG NGOMS PAR 'GYUR BA BSOD PA DANG GTZANG MA MANG POS TSIM PAR BYAS TE BSKYED BSKYED PA YANG THA MA'I MAL NA 'DUG PA'I TSE, SMAN PAS BOR ZHING SMAN DANG KHA ZAS DANG BZA' BA DANG THUG PAS KYANG KLES LA BOR NAS BKRES PA DANG SKOM PAS NYEN CING YID MI BDE BAR 'CHI BA'I DUS BYED PAR 'GYUR RO, ,RGYAL PO CHEN PO 'DI LTAR KHYOD KYIS LUS BKRUS SHING BSKUS TE BDUG PAS BSGOS ME TOG DRI ZHIM POS BSGOS KYANG, GDON MI ZA BAR 'CHI BA'I DUS SU RANG BZHIN GYIS LHAN CIG SKYES PA'I DRI NGA BA 'BYUNG BAR 'GYUR RO, ,RGYAL PO CHEN PO 'DI LTAR GOS YUL KA SHI PA'I RAS DANG, SRIN BAL DANG, DU GU LA DANG, DAR DANG, 'DAB MA DANG, BAL DANG, GSO RAS LA SOGS PA'I GOS KYI BYE BRAG GIS G-YOGS KYANG THA MA'I MAL NA 'DUG PA'I TSE, SNUM RNAM PA MANG PO DANG CHUS REG CING GOS DRI MA CAN GON ZHING 'CHI BA'I DUS BYED PAR 'GYUR RO, ,RGYAL PO CHEN PO KHYOD DE LTAR BUD MED KYI NANG NA 'DUG BTZUN MO'I 'KHOR GYI NANG NA 'DUG STE, BUD MED KYI TSOGS KYIS BSKOR ZHING GAR DANG GLU DANG ROL MO DANG SIL SNYAN BYED, PHEG RDOB PI BANG DANG GLING BU LEN, RNGA RDUNG ZHING YID BDE BAR RTZE DGA' ZHING DGA' MGUR SPYOD PA YANG 'CHI BAS 'JIGS SKRAG NAS SHIN TU YID ME BDE ZHING 'CHI BA'I DUS BYED PAR 'GYUR RO, , RGYAL PO CHEN PO 'DI LTAR KHYOD KYI KHYIM GYI NANG NA SPOS DRI ZHIM PO'I BSKUBS NI BSKUS, GTAN PA NI BCUG ,SKAR KHUNG NI LEGS PAR BCAD, BYUG PA MANG POS NI BYUGS, 'BRU MAR DRI ZHIM PO DANG LDAN PA'I MAR ME NI 'BAR, DAR GYI LNGA LDI MANG PO NI BRES, ME TOG DRI ZHIM PO'I SIL MA MANG POS NI CHAL BAR BKRAM, POG PHOR NAS NI BDUGS, KHRI'I RTZA BA GSER DANG DNGUL DANG BEE d'U RYA LAS NI BYAS, PA TI KA DANG, DRE'U RDOG GI STAN DANG, STAN NANG TSANGS CAN DANG, ZA 'OG GI STAN DANG, YUL KA LING KA'I STAN DANG, STENG DU GDING BA DANG, DE'I STENG DU GDING BAS NI BKAB, @118A *, ,G-YAS G-YON DU DAR MANG PO'I SNGAS NI BZHAG PA'I KHRI LA NYAL BA YANG BYA ROG DANG BYA RGOD DANG, WA DANG, RO DANG, SHA DANG, RUS PA DANG, SKRA DANG, KHRAG DANG, ZHAG DANG, CHU SER DANG RNAG GI GNAS MCHOG TU 'JIGS SU RUNG BA'I DUR KHROD CHEN POR BOR NAS LUS G-YO BA MED CING SA LA NYAL DU GDON MI ZA'O, ,RGYAL PO CHEN PO 'DI LTAR YANG KHYOD GLANG PO CHE'I BYA LA KHA 'AM RTA'I RGYAB BAM SHING RTA LA ZHON TE, DUNG DANG RNGA DANG RDZA RNGA DANG, 'KHAR RNGA DANG, ROL MO'I SIL SNYAN GYI BYE BRAG LEN PA DANG, GDUGS DANG RGYAL MTSAN DANG BA DAN DANG RNAM PAR RGYAL BA'I BA DAN NI BSGRENG, BSIL YAB NOR BU'I YU BA CAN DANG, RNGA YAB DANG SHING T'A LA LAS BYAS PA NI G-YOB CING, GLANG PO CHE DANG RTA PA DANG DPUNG BU CHUNG DU MA NI PHYI BZHIN 'BRANG, RGYAL BU DANG BRAM ZES BSLAB PA PHOG PA'I BLON PO DANG MDUN NA 'NGON PA DANG SKYE BO THAL MO SBYAR BA BRGYA STONG DU MAS NI PHYAG BYA ZHING RGYAL BAR SBYON CIG RGYAL BAR SBYON CIG CES SNYAN PA BRJOD DE PHYIR 'BYUNG MYONG BA YANG RING POR MI THOGS PAR G-YO BA MED CING MAL DU SHI NAS MI BZHIS BTEG STE, PHA DANG MA DANG PHU NU DANG SRING MO DANG CHUNG MA DANG BU PHO DANG BU MO DANG, BRAN PHO DANG BRAN MO DANG, LAS BYED PA DANG, ZHO SHAS 'TSO BA DANG, CHAL ZA BA DANG; BLON PO DANG, GRONG KHYER BA'I SKYE BO DAG MYA NGAN GYI DBANG DU SONG STE, LAG PA BTEG NAS BRANG RDUNG ZHING MCHOG TU SNYING RJE BAR, KYI HUD BU KYI HUD MGON PO KYI HUD PHU BO KYI HUD JO BO ZHES NGU ZHING, ZHAM 'BRING BA DANG GRONG KHYER PA'I SKYE BO DAG GIS 'JIGS PA DANG BCAS PAR MTHONG STE, GRONG KHYER GYI LHO PHYOGS KYI SGOR PHYUNG NAS, SA'I 'OG TU BCUG GAM, 'BROG DGON PAR SA'I NANG DU BCUG KYANG, BYA ROG DANG BYA RGOD DANG WA LA SOGS PAS ZOS SHING, RUS PA DE DAG MES BSREGS SAM CHUR BSKYUR RAM SA'I 'OG TU BCUG KYANG RLUNG DANG NYI MA DANG CHAR PAS PHYE MAR BYAS TE, PHYOGS PHYOGS SU GTOR ZHING DE NYID DU RUL PAR 'GYUR RO, ,RGYAL PO CHEN PO DE LTAR SEMS CAN THAMS CAD KYI LUS KYANG 'DI BZHIN DU 'GYUR RO, ,RGYAL PO CHEN PO 'DU BYED THAMS CAD NI DE LTAR MI RTAG PA DE LTAR MI BRTAN PA ZHES RGYA CHER GSUNGS SO, ,DE LA NYON MONGS PA NI GTZOR 'DOD CHAGS DANG ZHE @118B SDANG DANG GTI MUG RNAMS TE, DE DAG GI NANG NAS GANG LA MCHOG TU GNOD PAR BYED PA'I GNYEN PO GANG YIN PA DE THOG MAR BSGOM ZHING DE'I GZHI YANG YONGS SU SPANG BAR BYA'O, ,DE LA RE ZHIG 'PHAGS PA DKON MCHOG SPRIN LAS, DE 'DOD CHAGS KYI GNYEN PO LA BRTEN CING 'DOD CHAGS SKYE BA'I RKYEN RNAMS YONGS SU SPANG NGO, ,'DOD CHAGS KYI GNYEN PO DE NI GANG, 'DOD CHAGS SKYE BA'I RKYEN DE DAG NI GANG ZHE NA, MI SDUG PA BSGOM PA NI 'DOD CHAGS KYI GNYEN PO'O, ,YUL GYI BZANG MO NI 'DOD CHAGS SKYE BA'I RKYEN NO, ,MI SDUG PA BSGOM PA DE YANG GANG ZHI NA, 'DI LTA STE, LUS 'DI LA SKRA DANG SPU DANG SEN MO DANG SO DANG RDUL DANG, DRI MA DANG, PAGS PA DANG SHA DANG RUS PA DANG RGYUS PA DANG RTZA DANG MKHAL MA DANG SNYING DANG MCHIN PA DANG GLO BA DANG RGYU MA DANG GNYE MA DANG PHO BA DANG SUL MNGAS DANG LONG KA DANG MCHER PA DANG PHYI SA DANG MCHIL MA DANG RDUL DANG SNABS DANG NGAR SNABS DANG ZHAG DANG CHU SER DANG RKANG DANG TSIL DANG MKHRIS PA DANG BAD KAN DANG RNAG DANG KHRAG DANG KLAD PA DANG KLAD RGYAS DANG GCIN DAG YOD DE, DNGOS PO DE DAG LA BYANG CHUB SEMS DPA' YONGS SU RTOG PA'I RANG BZHIN CAN YIN TE, YONGS SU RTOG PA'I RANG BZHIN CAN DE 'DI SNYAM DU BYIS PA BLUN PO MI GSAL BA MI MKHAS PA DE YANG DNGOS PO 'DI DAG SHES NAS 'DOD CHAGS KYI SEMS MI SKYE NA SHES RAB DANG LDAN PA'I RANG BZHIN CAN LTA SMOS KYANG CI DGOS SNYAM STE, DE LTAR NA BYANG CHUB SEMS DPA' MI SDUG PA MANG DU BSGOM PA YIN NO ZHES GSUNGS SO, ,BCOM LDAN 'DAS MA LAS KYANG, GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA NA, LUS 'DI YANG DAG PA JI LTA BA BZHIN DU RAB TU SHES SO, ,RAB 'BYOR 'DI LTA STE DPER NA BA LANG GI SHAN PA'AM BA LANG GI SHAN PA'I SLOB MAS BA LANG BSAD DE GRI RNON POS BAG BZHIR GSHEGS NAS 'GRENG NGAM 'DUG STE SO SOR RTOG GO, ,RAB 'BYOR DE BZHIN DU BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA NA YANG, LUS 'DI LA YOD PA NI SA'I KHAMS DANG CHU'I KHAMS DANG ME'I KHAMS DANG RLUNG GI KHAMS SO ZHES LUS 'DI LA KHAMS KYIS YANG DAG PA JI LTA BA BZHIN DU SO SOR RTOG GO ZHES BYA BA NAS, @119A *, ,DE BZHIN DU SBYAR TE, RAB 'BYOR 'DI LTA STE DPER NA, CHUN PA'I RDZAS, 'BRAS S'A LU DANG, 'BRU DANG, TIL DANG, 'BRAS DANG, MON SRAN SDE'U DANG, MON SRAN GRE'U DANG, NAS DANG, GRO DANG, SRAN CHUNG DANG, YUNGS KAR DANG, 'BRU SNA TSOGS KYIS GANG BA DE DAG LA, SKYES BU MIG DANG LDAN PAS BRTAGS NA, 'DI LTAR 'DI DAG NI 'BRAS S'A LU'O, ,'DI DAG NI 'BRU'O, ,'DI DAG NI TIL LO, ,'DI DAG NI 'BRAS SO, ,'DI DAG NI MON SRAN SDE'U 'O, ,'DI DAG NI MON SRAN SDE'U 'O, ,'DI DAG NI NAS SO, ,'DI DAG NI GRO'O, ,'DI DAG NI SRAN CHUNG NGO, ,'DI DAG NI YUNGS KAR RO ZHES BYA BAR SHES SO, ,RAB 'BYOR DE BZHIN DU BYANG CHUB SEMS DPA' SEMS DPA' CHEN PO YANG, SHES RAB KYI PHA ROL TU PHYIN PA LA SPYOD PA NA, LUS 'DI LA RKANG MTHIL YAN CHAD KLAD RGYAS MAN CHAD SEN MO DANG SPU DANG PAGS PA LA THUG PA MI GTZANG BA RNAM PA SNA TSOGS KYIS GANG BA STE, LUS 'DI LA YOD PA NI SKRA DANG, SPU DANG KLAD PA DANG KLAD RGYAS DANG MIG GI RNGU MA DANG RNA SPABS KYI BAR DAG GO ZHES SNGA MA LTAR YANG DAG PA JI LTA BA BZHIN DU SO SOR RTOG GO, ,DE BZHIN DU SBYAR TE, RAB 'BYOR GZHAN YANG BYANG CHUB SEMS DPA' DUR KHROD DU SONG STE, DUR KHROD DU BOR BA RO'I GNAS SU BSKYAL BA SHI NAS ZHAG GCIG LON PA'AM, SHI NAS ZHAG GNYIS LON PA'AM, SHI NAS ZHAG GSUM LON PA'AM, SHI NAS ZHAG BZHI LON PA'AM, SHI NAS ZHAG LNGA LON PA'AM, RNAM PAR BAM PA'AM, RNAM PAR BSNGOS PA'AM, RNAM PAR RNAGS PA'AM, RNAM PAR 'BUS GZHIGS PA'I RO SNA TSOGS MTHON NA, DE LUS 'DI YANG DE LTA BU'I RANG BZHIN CAN NO, ,DE LTA BU'I CHOS CAN NO, ,CHOS NYID 'DI LAS MA 'DAS PA'O ZHES LUS 'DI LA YANG DE DANG SBYOR RO, ,RAB 'BYOR DE LTAR NA BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA NA, DE LUS LA LUS KYI RJES SU LTA ZHING GNAS SO, ,DE BZHIN DU SBYAR TE, GZHAN YANG GANG GI TSE SHI BA'I RO DUR KHROD DU BOR BA, SHI NAS ZHAG DRUG LON PA'AM, SHI NAS ZHAG BDUN LON PA'AM, BYA ROG GIS BTOGS PA'AM, NE'U LE'AM, BYA RGOD DAM, KHYI 'AM, CE SBYANG NGAM, DE LAS GZHAN PA SROG CHAGS RNAM PA SNA TSOGS KYIS ZA BA MTHONG NA DE @119B LUS 'DI YANG DE LTA BU'I RANG BZHIN CAN, DE LTA BU'I CHOS CAN NO, ,CHOWS NYID 'DI LAS MA 'DAS PA'O ZHES LUS 'DI YANG DE DANG SBYAR RO, ,DE BZHIN DU SBYAR TE, GZHAN YANG GANG GI TSE SHI BA'I RO DUR KHROD DU BOR NA, RNAM PAR ZOS PA, MI GTZANG BA, DRI NGA BA MTHONG NA, DE LUS 'DI YANG DE DANG SBYAR RO ZHES BYA BA SNGA MA BZHIN NO, ,GZHAN YANG GANG GI TSE, DUR KHROD NA KENG RUS DANG, SHA DANG KHRAG RA RI CHAGS PA CHU RGYUS BRANG BRENG THOGS PA MTHONG NA, DE LUS 'DI YANG DE DANG SBYAR RO ZHES BYA BA SNGA MA BZHIN NO, ,GZHAN YANG GANG GI TSE, DUR KHROD NA KENG RUS SU GYUR PA SHA DANG KHRAG DANG CHU RGYUS MED PA MTHONG NA, DE LUS 'DI YANG ZHES BYA BA SNGA MA BZHIN NO, ,GZHAN YANG GANG GI TSE DUR KHROD NA RUS PA PHYOGS DANG PHYOGS MTSAMS SU 'THOR BA 'DI LTA STE, RJE NGAR GYI RUS PA YANG GZHAN NA, BRLA'I RUS PA YANG GZHAN NA, 'DONG MO YANG GZHAN NA, SGAL TSIGS KYANG GZHAN NA, RTZIB MA YANG GZHAN NA, MJING TSIGS KYANG GZHAN NA, DPUNG PA'I RUS PA YANG GZHAN NA 'DUG PA MTHONG NA, DE LUS 'DI YANG DE LTA BU'I RANG BZHIN CAN NO, ,DE LTA BU'I CHOS CAN NO, ,CHOS NYID 'DI LAS MA 'DAS PA'O ZHES LUS 'DI YANG DE DANG SBYAR RO, ,DE BZHIN DU SBYAR TE, RAB 'BYOR GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA NA, DUR KHROD NA RUS PA LO DU MA LON PA RLUNG DANG NYA MAS GDUGS PA DKAR BA DUNG LTA BU MTHONG NA, DE LUS 'DI YANG DE LTA BU'I RANG BZHIN NO, ,DE LTA BU'I CHOS CAN NO, ,CHOS NYID 'DI LAS MA 'DAS PA'O ZHES LUS 'DI YANG DE DANG SBYAR RO, ,RAB 'BYOR GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA SPYOD PA NA, DUR KHROD RUS PA LO DU MA LON PA THI BA'I MDOG LTAR SNGO BA SOB SOB POR GYUR PA ZEGS PA SA LA RDUL DANG MTSUNGS SHING MNYAM PAR GYUR PA MTHONG NA, DE LUS 'DI YANG DE LTA BU'I RANG BZHIN NO, ,DE LTA BU'I CHOS CAN NO, ,CHOS NYID 'DI LAS MA 'DAS PA'O ZHAS LUS 'DI YANG DE DANG SBYAR RO ZHES GSUNGS SO, ,'DI NI RE ZHIG 'DOD CHAGS LA KUN DU SPYOD PA'I GNYEN PO MDOR BSDUS PA'O, ,ZHE SDANG GI GNYEN PO NI BYAMS PA DANG MI SDUG PA'I SEMS @120A *, ,CAN MI MTHONG BA 'AM DE DANG LHAN CIG TU ZAS LA SOGS PA DON GCIG PAS DGA' BA SKYE'O, ,DE LA GZHAN LA BDE BA 'DOD PA DANG DON DU GNYER BA DANG MOS PA DANG MNGON PAR DGA' BA NI BYAMS PA STE, 'DOD PA LA 'DOD CHAGS DANG LAN DU PHAN 'DOGS PA'I RGYU DAG LAS NYON MONGS PA CAN MA YIN PA'I CHAGS PA ZHES BYA BA'I THA TSIG GO, ,DE NI RNAM PA GSUM STE, 'PHAGS PA BLO GROS MI ZAD PA'I MDO LAS, SEMS CAN LA DMIGS PA'I BYAMS PA NI SEMS DANG PO BSKYED PA'I BYANG CHUB SEMS DPA' RNAMS KYI'O, ,CHOS LA DMIGS PA'I BYAMS PA NI SPYOD PA LA ZHUGS PA'I BYANG CHUB SEMS DPA' RNAMS KYI'O, ,DMIGS PA MED PA'I BYAMS PA NI MI SKYA BA'I CHOS LA BZOD PA THOB PA'I BYANG CHUB SEMS DPA' RNAMS KYI'O ZHES GSUNGS SO, ,YANG SANGS RGYAS LA DMIGS PA DANG, BYANG CHUB SEMS DPA' LA DMIGS PA DANG, NYAN THOS DANG RANG SANGS RGYAS LA DMIGS PA DANG, SEMS CAN LA DMIGS PA'O, ,DE LA SEMS CAN LA DMIGS PA NI GANG THOG MAR SNYING DU SDUG PA'I SEMS CAN LA PHAN PA DANG BDE BA NYE BAR BSGRUB PAR BSAM PAR GOMS PAR BYED CING DE DANG MTHUN PA'I BYAMS PA NYE BAR BSGRUB PO, ,DE'I 'OG TU 'DRES PA RNAMS LA'O, ,DE'I 'OG TU THA MAL PA RNAMS LA'O, ,DE'I 'OG TU NYE 'KHOR BA RNAMS LA'O, ,DE'I 'OG TU RANG GI GRONG NA GNAS PA RNAMS LA'O, ,DE BZHIN DU GZHAN GYI GRONG PA NAS PHYOGS GCIG GI BAR DU MOS PAR BYAS TE KHYAB PAR BYAS NAS RDZOGS PAR BYAS TE GNAS SO, ,PHYOGS BCUR YANG DE BZHIN NO, ,SANGS RGYAS LA SOGS PA LA DMIGS PA LA NI SBYOR BA 'DI MED DE, DE NI RDO RJE RGYAL MTSAN GYI YONGS SU BSNGO BA LAS, DE BYANG CHUB SEMS DPA'I SPYAD PA SPYOD PA NA, GZUGS YID DU 'ONG BA'AM YID DU MI 'ONG BA GANG JI SNYED CIG MTHONG BA DANG, DE BZHIN DU SGRA DANG DRI DANG RO DANG REG BYA DANG CHOS YID DU 'ONG BA'AM, YID DU MI 'ONG BA'AM KHA NA MA THO BA MED PA DAG LA BDE BA RGYA CHE BA 'OD GSAL BA'AM, GANG GIS YID BDE BA SKYE BA DANG, BDE BA BSGRUB PA DANG, DAD PA SKYE PA DANG, DGA' BA 'BYUNG BA DANG, MCHOG TU DGA' BA LA GNAS PA DANG, MGU BA 'BYUNG BA DANG, @120B YID MI BDE BA LDOG PA DANG, SEMS DGE BA 'BYUNG BA DANG, SEMS LAS SU RUNG BAR 'GYUR BA DANG, BSAM PA MNYEN PAR 'GYUR BA DANG, DBANG PO RAB TU TSIM PAR 'GYUR BA'I BDE PA DE MYONG BA NA, SANGS RGYAS THAMS CAD LA 'DI LTAR YENGS SU BSNGO STE, YONGS SU BSNGO BA 'DIS SANGS RGYAS BCOM LDAN 'DAS DE DAG DE BAS KYANG SANGS RGYAS KYI GNAS PA'I BDE BA BSAM GYIS MI KHYAB PA DANG LDAN PAR GYUR CIG ,SANGS RGYAS KYI TING NGE 'DZIN GYI BDE BA MTSUNGS PA MED PAS LEGS PAR ZIN PAR GYUR CIG ,SANGS RGYAS KYI BDE BA MTHA' YAS PAS RGYA CHER BRTAN PAR GYUR CIG , SANGS RGYAS KYI RNAM PAR THAR BA'I BDE BA TSAD MED PA DANG LDAN PAR GYUR CIG ,SANGS RGYAS KYI CHOS 'PHRUL GYI BDE BA DPAG TU MED PAS LEGS PAR ZIN PAR GYUR CIG ,SANGS RGYAS KYI GNAS BA CHAGS PA MED PA'I BDE BA BSAM GYIS MI KHYAB PAS LEGS PAR YONGS SU ZIN PAR GYUR CIG ,SANG RGYAS KYI KHYU MCHOG TU GYUR PA'I BDE BA BSNYEN PAR DKA' BA RGYUN MI 'CHAD PAR GYUR CIG ,SANGS RGYAS KYI STOBS KYI BDE BA DPAG TU MED PAS SHIN TU BDE BAR GYUR CIG ,TSOR BA THAMS CAD ZHI BAR MI SKYE BA'I BDE BAS 'GYUR BA MED PAR BDE BAR GYUR CIG ,DE BZHIN GSHEGS PA'I BDE BA'I CHAGS PA MED PAR GNAS PAR RTAG TU MNYAM PAR GZHAG PA GNYIS SU KUN DU MI SPYOD PAS RNAM PAR MI 'KHRUGS PAR BDE BAR GYUR CIG ,BYANG CHUB SEMS DPAS DE LTAR DGE BA'I RTZA BA DE DE BZHIN GSHEGS PA RNAMS LA YONGS SU BSNGOS NAS BYANG CHUB SEMS DPA' RNAMS LA YONGS SU BSNGO STE, GANG 'DI BSAM PA YONGS SU MA RDZOGS PA RNAMS KYI BSAM PA YONGS SU RDZOGS PAR BYA BA DANG, THAMS CAD MKHYEN PA'I LHAG PA'I BSAM PA YONGS SU MA DAG PA RNAMS YONGS SU DAG PAR BYA BA DANG, PHA ROL TU PHYIN PA THAMS CAD YONGS SU RDZOGS PA YONGS SU RDZOGS PAR BYA BA DANG, BYANG CHUB KYI SEMS BSKYED PA RDO RJE LTA BU'I GNAS SU BYA BA DANG THAMS CAD MKHYAN PA LAS PHYIR MI LDOG PA'I GO CHA RGYUN MI GCAD PA DANG, BYANG CHUB KYI SGE'I DGE BA'I RTZA BA RNAMS BSKYED PA DANG, 'GRO BA THAMS CAD LA MNYAM PA NYID DU GNAS PA'I SMON LAM CHEN PO YONGS SU RDZOGS PAR BYA BA DANG, BYANG CHUB @121A *, ,SEMS DPA'I GNAS PA THAMS CAD RTOGS PAR BYA BA DANG, BYANG CHUB SEMS DPA'I DBANG PO THAMS CAD MNGON PAR SHES PA RNO BAR BYA BA DANG, BYANG CHUB SEMS DPA'I DGE BA'I RTZA BA THAMS CAD MKHYEN PA NYID DU REG PAR BYA BA'I PHYIR YONGS SU BSNGO'O, ,DE DE LTAR BYANG CHUB SEMS DPA' RNAMS KYI DON DU DGE BA'I RTZA BA YONGS SU BSNGOS NAS, SANGS RGYAS KYI BSTAN PA LA SPYOD PA DANG NYAN THOS DANG RANG SANGS RGYAS THAMS CAD LA DGE BA'I RTZA BA DE 'DI LTAR YONGS SU BSNGO STE, SEMS CAN GANG LA LA DAG SE GOL CIG GTOGS PA SRID DU SANGS RGYAS KYI SGRA NYAN PA'AM; CHOS KYI SGRA NYAN PA'AM, 'PHAGS PA'I DGE 'DUN LA BSNYEN BKUR BYED PA DE DAG GI DGE BA'I RTZA BA DE, BLA NA MED PA YANG DAG PAR RDZOGS PA'I BYANG CHUB TU YONGS SU BSNGO'O, ,SANGS RGYAS RJES SU DRAN PA YONGS SU RDZOGS PAR BYA BA'I PHYIR YONGS SU BSNGO'O, ,CHOS RJES SU DRAN PA LA SBYOR BAR BYA BA'I PHYIR YONGS SU BSNGO'O, ,'PHAGS PA'I DGE 'DUN LA GUS PAR BYA BA'I PHYIR YONGS SU BSNGO'O, ,SANGS RGYAS MTHONG BA DANG MI 'BRAL BAR BYA BA'I PHYIR YONGS SU BSNGO'O, ,SEMS YONGS SU DAG PAR BYA BA'I PHYIR YONGS SU BSNGO'O, ,SANGS RGYAS KYI CHOS RAB TU RTOGS PAR BYA BA'I PHYIR YONGS SU BSNGO'O, ,YON TAN DPAG TU MED PA BSGRUB PAR BYA BA'I PHYIR YONGS SU BSNGO'O, ,MNGON PAR SHES PA THAMS CAD KYI DGE BA YONGS SU DAG PAR BYA BA'I PHYIR YONGS SU BSNGO'O, ,CHOS LA YID GNYIS ZLOG PA'I PHYIR YONGS SU BSNGO'O, ,JI LTAR SANGS RGYAS KYI BSTEN PA LA ZHUGS PA RNAMS DANG NYAN THOS DANG RANG SANGS RGYAS RNAMS LA YONGS SU BSNGO BA DE BZHIN DU, BYANG CHUB SEMS DPA' DE SEMS CAN THAMS CAD LA DGE BA'I RTZA BA DE YONGS SU BSNGO STE, GANG 'DI SEMS CAN DMYAL BA PA'I LAM LAS BZLOG PA'I PHYIR YONGS SU BSNGO'O, ,DUD 'GRO'I SKYE GNAS RNAM PAR GCAD PA'I PHYIR YONGS SU BSNGO'O, ,GSHIN RJE'I 'JIG RTEN NYE BAR GCAD PA'I BDE BA'I PHYIR YONGS SU BSNGO'O, ,NGAN SONG MA LUS PA THAMS CAD KYI 'GRO BAR SKYE BA RNAM PAR GCAD PA'I PHYIR YONGS SU BSNGO'O, ,DE BZHIN DU SBYAR TE, SEMS CAN DE DAG BLA NA MED PA'I BYANG CHUB LA MOS PA @121B RNAM PAR SPEL BA'I PHYIR YONGS SU BSNGO'O, ,THAMS CAD MKHYEN PA NYID KYI SEMS KYI LHAG PA'I BSAM PA THOB PAR BYA BA'I PHYIR YONGS SU BSNGO'O, ,SANGS RGYAS KYI CHOS THAMS CAD MI SPONG BA'I PHYIR YONGS SU BSNGO'O, ,THAMS CAD MKHYEN PA NYID KYI SHIN TU BDE BA BSGRUB PAR BYA BA'I PHYIR YONGS SU BSNGO'O, ,SEMS CAN THAMS CAD SHIN TU RNAM PAR DAG PAR BYA BA'I PHYIR YONGS SU BSNGO'O, ,SEMS CAN THAMS CAD YE SHES MTHA' YAS PA RTOGS PAR BYA BA'I PHYIR YONGS SU BSNGO'O, ,DE BZHIN DU SBYAR TE, BYANG CHUB SEMS DPA' THAMS CAD MKHYEN PA NYID LA DMIGS PA DANG LDAN PA, SEMS CAN THAMS CAD LA PHAN PA DANG BDE BA'I SEMS DANG LDAN PA DANG, DE BZHIN DU SBYAR TE, 'GRO BA THAMS CAD YONGS SU BSKYAB PA'I YID DANG LDAN PA DANG, DGE BA'I RTZA BA LA RTAG TU BRTZON PA, RGYAGS PA DANG BAG MED PA BZLOG PA DANG, DE BZHIN DU SBYAR TE, NYON MONGS PA THAMS CAD LA RGYAB KYIS PHYOGS PA, BYANG CHUB SEMS DPA' THAMS CAD KYI RJES SU SLOB PA'I SEMS DANG LDAN PA, THAMS CAD MKHYEN PA NYID KYI LAM DANG ZHE MA 'GRAS PA, YE SHES KYI SA LA BRTEN PA, MKHAS PA DANG 'GROGS PAR DGA' BA DANG, DE BZHIN DU SBYAR TE, BUNG BA LTAR DGE BA'I RTZA BA SOGS PA 'GRO BA THAMS CAD LA SKYOB PA'I RGYU DANG LDAN PA, 'DUS BYAS THAMS CAD LA MNGON PAR ZHEN PA MED PA DE'I, GOS DANG ZAS DANG NA BA'I GSOS SMAN DANG YO BYAD DANG 'ONG BA DANG 'GRO BA DANG, LUS KYI BSNYEN BKUR DANG, 'DUG PA LA SOGS PA RTEN PA'I GNAS LA 'JUG PA'I LAS DANG, SPYOD LAM GYI GNAS DANG, SPYOD LAM RNAM PAR MI 'KHRUGS PA DANG, LUS KYI LAS DANG, NGAG GI LAS DANG, YID KYI LAS LEGS PAR SPYAD PA DANG, DBANG PO DRUG SDOM PA DANG, RANG GI LUS G-YOGS PA DANG, MNYE BA DANG BKRU BA'I LAS DANG, ZOS PA DANG, 'CHOS PA DANG, MYANGS PA DANG, BSKUM PA DANG; BRKYANG BA DANG, LTA BA DANG, RNAM PAR LTA BA DANG, GNYID KYIS LOG PA DANG, GNYID KYIS LOG PA DANG, RANG GI LUS SU GTOGS PA'I BSNYEN BKUR CI GANG YANG RUNG STE, DE THAMS CAD THAMS CAD MKHYEN PA NYID DU YONGS SU MA BSNGOS PA CUNG ZAD KYANG MED DO ZHES BYA BA NAS, @122A *, ,RANG GI BA RNAMS DANG DE LAS GZHAN DUD 'GRO'I SKYE GNAS SU SONG BA RNAMS LA, 'BRAS CHAN PHO TSUM GANG NGAM ZAN CHANG CIG TZAM YONGS SU GTONG PA YANG SKYE BA DE DANG DE DAG TU DE DAG NYID LA PHAN PA DANG DE DAG NYID YONGS SU DGROL BA'I PHYIR DE THAMS CAD YONGS SU BSNGO'O, , SEMS CAN DE DAG DUD 'GRO'I SKYE GNAS DE DANG SDUG BSNGAL GYI RGYA MTSO DANG SDUG BSNGAL NYE BAR LEN PA DE DANG SDUG BSNGAL GYI PHUNG PO DE DANG SDUG BSNGAL GYI TSOR BA DE DANG, SDUG BSNGAL NYE BAR BSAGS PA DE DANG, SDUG BSNGAL MNGON PAR 'DU BYED PA DANG, SDUG BSNGAL GYI GZHI DANG, SDUG BSNGAL GYI RTZA BA DE DANG, SDUG BSNGAL GYI GNAS DE LAS RNAM PAR BZLOG PA'I PHYIR YONGS SU BSNGO'O, ,DE LA DMIGS PAS SEMS CAN THAMS CAD LA DMIGS PAR BYED DO, ,SEMS CAN RNAMS LA MNGON DU BYED DO, ,YID LA BYED DO, ,'DI LTA STE THAMS CAD MKHYEN PA NYID DU YONGS SU SNGO BAR BYED PAS DGE BA'I RTZA BA DE LA MNGON DU 'GRO BAR BYED DO, ,BYANG CHUB SEMS BSKYED PAS RAB TU 'DZIN TO, ,DGE BA'I RTZA BA DE LA SBYOR RO, ,'KHOR BA'I DGON PA LAS RNAM PAR ZLOG GO, ,SANGS RGYAS KYI BDE BA SGRIB PA MED PA MNGON DU BYED DO, ,'KHOR BA'I RGYA MTSO LAS 'BYIN TO, ,SANGS RGYAS KYI CHOS DANG LDAN PA'I BYAMS PAS KHYAB PAR BYED DO ZHES BYA BA LA SOGS PA GSUNGS SO, ,GSER 'OD DAM PA LAS GSUNGS PA'I BYAMS PA DANG SNYING RJE'I SNYING PO CAN GYI TSIGS SU BCAD PA 'DI DAG GUS PA THAMS CAD KYIS BA SAMS TE, THA NA TSIG GIS KYANG BSGOM PAR BYA'O, ,GSER 'OD DAM PA'I RNGA CHEN SGRA YIS NI, ,STONG GSUM 'JIG RTEN 'JIG RTEN GSUM 'DI NA, ,NGAN SONG SDUG BSNGAL GSHIN RJE'I SDUG BSNGAL DANG, ,DBUL BA'I SDUG BSNGAL SDUG BSNGAL ZHI BAR SHOG ,RNGA BO CHE YI SGRA SKAD 'DI YIS NI, ,'JIG RTEN PHONGS PA THAMS CAD ZHI GYUR CIG ,JI LTAR THUB DBANG 'JIGS MED 'JIGS ZHI LTAR, ,SEMS CAN 'JIGS MED 'JIGS DANG BRAL BAR SHOG ,JI LTAR 'KHOR BAR KUN MKHYEN THUB DBANG PO, ,'PHAGS PA'I YON TAN KUN DANG LDAN PA LTAR, ,SKYE DGU TING 'DZIN BYANG CHUB YAN LAG GI ,YON TAN LDAN ZHING YON TAN RGYA @122B MTSOR GYUR, ,RNGA BO CHE YI SGRA SKAD 'DI YIS NI, ,SEMS CAN THAMS CAD TSANGS PA'I DBYANGS LDAN GYUR, ,SANGS RGYAS BYANG CHUB DAM PA MCHOG REG SHOG ,CHOS KYI 'KHOR LO DGE BA SKOR GYUR CIG ,BSKAL PA BSAM GYIS MI KHYAB BZHUGS PAR SHOG ,'GRO LA PHA PHYIR CHOS NI STON GYUR CIG ,NYON MONGS 'JOMS 'GYUR SDUG BSNGAL SEL BAR SHOG ,'DOD CHAGS ZHE SDANG GTI MUG ZHI GYUR CIG ,SEMS CAN GANG DAG NGAN SONG SAR GNAS TE, ,RUS PA DANG NI LUS GDUNGS RAB 'BAR BA, ,DE DAG RNGA CHEN BSGRAGS PA THOS GYUR NAS, ,SANGS RGYAS PHYAG 'TSAL LO ZHES TSIG SMRA SHOG ,SEMS CAN KUN GYI SKYE BA BRGYA DAG DANG, ,SKYE BA STONG PHRAG BYE BA SKYE DRAN SHOG ,THUB PA'I DBANG PO RTAG TU DRAN GYUR CIG ,DE DAG GIS NI RGYA CHEN GSUNG THOS SHOG ,RNGA BO CHE YI SGRA SKAD 'DI YIS NI, ,SANGS RGYAS RNAMS DANG RTAG TU 'GROGS RNYED GYUR, ,SDIG PA'I LAS RNAMS RNAM PAR SPONG BAR SHOG ,BYA BA DGE BA RNAMS NI SPYOD GYUR CIG ,DE BZHIN DU SBYAR TE, ZHING RNAMS KUN NA SROG CHAGS THAMS CAD KYANG, ,'JIG RTEN DAG NA SDUG BSNGAL KUN ZHI GYUR, ,SEMS CAN DBANG PO MA TSANG YAN LAG NYAMS, ,DE KUN DA LTAR DBANG PO TSANG BAR SHOG , GANG DAG NAD BTAB NYAM CHUNG LUS NYAMS DANG, ,PHYOGS BCU DAG NA SKYABS MED GYUR PA RNAMS, ,DE KUN MYUR DU NAD LAS THAR GYUR CIG ,NAD MED STOBS DANG DBANG PO RNYED PAR SHOG ,GANG DAG RGYAL PO CHOM RKUN SHOR BAS BSDIGS BSAD 'OS, ,SDUG BSNGAL RNAM PA SNA TSOGS BRGYA YIS PHONGS GYUR PA, ,SEMS CAN NYAM THAG GYUR CING SDUG BSNGAL DE DAG KUN, ,'JIGS MCHOG MI BZAD BRGYAD PO DE LAS THAR GYUR CIG ,GANG DAG BRDEGS SHING BCINGS DANG BCINGS PAS GZIR, ,PHONGS PA SNA TSOGS DAG NA GNAS GYUR CING, ,NYON MONGS STONG PHRAG DU MAS DKRUGS NAS KYANG, ,'JIGS PA MI BZANG MYA NGAN SNA TSOGS RNYED, ,DE DAG THAMS CAD BCINGS LAS GROL GYUR CIG ,MNAR BA DAG NI BRDEGS LAS THAR BAR SHOG ,GSAD BYA RNAMS KYANG SROG DANG LDAN GYUR SHOG ,PHONGS GYUR THAMS CAD 'JIGS PA MED PAR SHOG ,SEMS CAN GANG DAG @123A *, ,BKRES SRED SKOM GYIS GZIR, ,DE DAG ZAS SKOM SNA TSOGS RNYED PAR SHOG ,LONG BAS GZUGS RNAMS SNA TSOGS MTHONG GYUR CIG ,'ON BAS YID 'ONG SGRA RNAMS THOS PAR SHOG ,GCER BU RNAMS KYIS SNA TSOGS GOS RNYED GYUR, ,SEMS CAN DBUL POS GTER RNAMS RNYED PAR SHOG ,NOR 'BRU RIN CHEN SNA TSOGS MANG PO YIS, ,SEMS CAN THAMS CAD BDE DANG LDAN PAR SHOG ,GANG YANG SDUG BSNGAL TSOR BAS GNOD MA GYUR, ,SEMS CAN THAMS CAD BLTA NA SDUG PA DANG, ,GZUGS BZANG MDZES SHING TSUL DU SHIS PAR SHOG , RTAG TU BDE BA DU MA STZOGS [?] GYUR CIG ,YID KYIS ZAS SKOM RAB 'BYOR BSOD NAMS DAG ,BSAMS MA THAG TU DE DAG GRUB GYUR CIG ,RDZA RNGA PHEG RNGA PI BANG SGRA SNYAN DANG, ,CHU MIG MTSE'U DANG RDZING BU LTENG KA DAG ,GSER GYI PADMA AUTPALA PADMA CAN, ,ZAS SKOM GOS NOR MU TIG NOR BU DBYIB, RGYAN GSER RIN CHEN SNA TSOGS BEE d'U RYA, DE DAG BSAMS MA THAG TU GRUB GYUR CIG ,DE BZHIN DU SBYAR TE, 'JIG RTEN GANG NA'ANG SDUG BSNGAL SGRA MI 'BYUNG, ,SEMS CAN GCIG KYANG MI 'PHROD MTHONG MA 'GYUR, ,DE DAG THAMS CAD KHA DOG RGYA CHEN DANG, ,PHAN TSUN DU NI 'OD BYED GYUR PAR SHOG , MI YI 'JIG RTEN PHUN SUM TSOGS GANG YOD, ,DE DAG BSAMS PAS SKYE BAR DE DAG GYUR, ,BSAM PA THAMS CAD BSAMS MA THAG TU YANG, ,BSOD NAMS 'BRAS BU YONGS SU RDZOGS PAR SHOG ,SPOS DANG PHRENG BA DAG DANG BYUG PA DANG, ,GOS DANG PHYE MA ME TOG SNA TSOGS DAG ,LJON SHING DAG LAS DUS GSUM 'BAB PAR SHOG ,SEMS CAN MTHA' DAG LEN CING DGAR GYUR CIG ,DE BZHIN GSHEGS PA BSAM YAS THAMS CAD DANG, ,RDZOGS PA'I BYANG CHUB SEMS DPA' NYAN THOS DANG, ,RDUL BRAL DRI MED BRTAN PA'I CHOS LA YANG, ,PHYOGS BCU RNAMS SU MCHOD PA BYED PAR SHOG ,'GRO BA DMAN PA THAMS CAD SPONG GYUR CIG ,MI KHOM BRGYAD PO DAG LAS 'DAS PAR SHOG ,DAL BA'I RGYAL PO DAM PA THOB GYUR CIG ,RTAG TU SANGS RGYAS 'GROGS PA THOB PAR SHOG ,DE BZHIN DU SBYAR TE, RTAG TU MTHON PO'I GNAS SU SKYE BAR SHOG ,NOR DANG @123B 'BRU YI MDZOD RNAMS 'BYOR GYUR CIG ,SNYAN DANG GRAGS DANG GZUGS DANG KHA DOG GIS, ,BSKAL PA DU MAR LEGS PAR BRGYAN PAR SHOG ,BUD MED THAMS CAD RTAG TU POR GYUR TE, ,DPA' ZHING RTUL PHOD MKHAS SHING GSAL BAR SHOG ,DE KUN RTAG TU BYANG CHUB PHYIR SPYOD GYUR, , PHA ROL PHYIN PA DRUG LA SPYOD PAR SHOG ,PHYOGS BCU DAG NA RIN CHEN SHING DBANG DRUNG, ,SANGS RGYAS BDER BZHUGS RIN CHEN BEE d'U RYA'I, ,KHRI LA BZHUGS PA DAG NI MTHONG GYUR CIG ,CHOS BSTAN PA YANG BDAG GIS DE THOB SHOG ,CES BYA BA'O,, ,,BAM PO BCU PA, GTI MUG GI PHRA RGYAS KYI GNYEN PO NI RTEN CING 'BREL PAR 'BYUNG BA LA LTA BA'O, ,DE LA RTEN CING 'BREL BAR 'BYUNG BA NI, ,S'A LU LJANG PA'I MDO LAS BSTAN PA STE, DE LA NANG GI RTEN CING 'BREL BAR 'BYUNG BA RGYU DANG 'BREL PA GANG ZHE NA, GANG 'DI MA RIG PA'I RKYEN GYIS 'DU BYED RNAMS ZHES BYA BA NAS SKYE BA'I RKYEN GYIS RGA SHI ZHES BYA BA'I BAR DU'O, ,GAL TE MA RIG PA MA BYUNG NA 'DI SNYAM DU BDAG GIS 'DU BYED KYANG MA MTHONG ZHING, DE BZHIN DU SKYE BA MA BYUNG DU ZIN NA RGA SHI'I BAR DU YANG MI MTHONG BA ZHIG NA, 'ON KYANG MA RIG PA YOD PA LAS 'DU BYED RNAMS MNGON PAR 'GRUB PAR 'GYUR BA NAS SKYE BA YOD PA LAS RGA SHI'I BAR DU MNGON PAR 'GRUB PAR 'GYUR RO, ,DE LA MA RIG PA YANG 'DI SNYAM DU BDAG GIS 'DU BYED RNAMS MNGON PAR BSGRUB PO SNYAM DU MI SEMS SO, ,'DU BYED RNAMS KYANG 'DI SNYAM DU BDAG CAG NI MA RIG PAS MNGON PAR BSGRUB PO SNYAM DU MI SEMS PA NAS, DE BZHIN DU SKYE BA YANG 'DI SNYAM DU BDAG GIS RGA SHI MNGON PAR BSGRUB PO SNYAM DU MI SEMS SHING, RGA SHI YANG 'DI SNYAM DU BDAG NI SKYE BAS MNGON PAR BSGRUB PO SNYAM DU MI SEMS PA'I BAR DU STE, 'ON KYANG MA RIG PA YOD PA LAS 'DU BYED RNAMS MNGON PAR 'GRUB CING, 'BYUNG BAR 'GYUR BA NAS, DE BZHIN DU SKYE BA YOD PA LAS RGA SHI'I BAR DU MNGON PAR 'GRUB CING 'BYUNG BAR 'GYUR TE, DE LTAR NA NANG GI RTEN CING 'BREL BAR 'BYUNG BA'I RGYU DANG 'BREL PAR BLTA'O, ,NANG GI RTEN CING 'BREL PAR 'BYUNG BA RKYEN DANG 'BREL BA JI LTAR LTA ZHE NA KHAMS DRUG 'DUS PA'I PHYIR @124A *, ,TE; KHAMS DRUG PO GANG DAG 'DUS PA'I PHYIR ZHE NA, 'DI LTA STE, SA DANG CHU DANG ME DANG RLUNG DANG NAM MKHA' DANG RNAM PAR SHES PA'I KHAMS 'DUS PA LAS NANG GI RTEN CING 'BREL BAR 'BYUNG BA RKYEN DANG 'BREL PAR BLTA'O, ,DE LA NANG GI RTEN CING 'BREL PAR 'BYUNG BA'I SA'I KHAMS GANG ZHE NA, GANG 'DI 'DUS NAS LUS KYI SRA BA'I DNGOS PO MNGON PAR 'GRUB PAR BYED PA 'DI NI SA'I KHAMS ZHES BYA'O, ,GANG LUS SDUD PA'I BYA BA BYED PA 'DI NI CHU'I KHAMS ZHES BYA'O, ,GANG LUS KYI BROS PA DANG 'THUNGS PA DANG 'CHOS PA DANG MYANGS PA RNAMS 'JU BAR BYED PA 'DI NI ME'I KHAMS ZHES BYA'O, ,GANG LUS KYI DBUGS PHYI NANG DU RGYU BA'I BYA BA BYED PA DE NI RLUNG GI KHAMS ZHES BYA'O, ,GANG LUS KYI NANG SBUBS YOD PAR BYED PA 'DI NI NAM MKHA'I KHAMS ZHES BYA'O, ,GANG MDUNG KHYIM GYI TSUL DU LUS KYI MING DANG GZUGS KYI MYU GU MNGON PAR 'GRUB PAR BYED PA RNAM PAR SHES PA LNGA'I TSOGS SU GTOGS PA DANG ZAG PA DANG BCAS PA'I YID KYI RNAM PAR SHES PA 'DI NI RNAM PAR SHES PA'I KHAMS ZHES BYA'O, ,RKYEN 'DI DAG MED PAR LUS SKYE BAR MI 'GYUR GYI NAM NANG GI SA'I KHAMS TSANG ZHING DE BZHIN DU CHU DANG ME DANG RLUNG DANG NAM MKHA' DANG RNAM PAR SHES PA'I KHAMS RNAMS KYANG TSANG BAR GYUR LA, THAMS CAD 'DUS PA DE LAS LUS MNGON PAR 'GRUB PAR 'GYUR RO, ,DE LA SA'I KHAMS KYANG 'DI SNYAM DU BDAG GIS LUS KYI SRA BA'I DNGOS PO MNGON PAR BSGRUB PO SNYAM DU MI SEMS SO, ,CHU'I KHAMS KYANG 'DI SNYAM DU BDAG GIS LUS SDUD PA'I BYA BA 'DI BYA'O SNYAM DU MI SEMS SO, ,ME'I KHAMS KYANG 'DI SNYAM DU BDAG GIS LUS KYIS ZOS PA DANG 'THUNGS PA DANG 'CHOS PA DANG MYANGS PA RNAMS 'JU BAR BYA'O SNYAM DU MI SEMS SO, ,RLUNG GI KHAMS KYANG 'DI SNYAM DU BDAG GIS LUS KYI DBUGS PHYI NANG DU RGYU BA'I BYA BA BYA'O SNYAM DU MI SEMS SO, ,NAM MKHA'I KHAMS KYANG 'DI SNYAM DU BDAG GIS LUS KYI NANG SKABS YOD PAR BYA'O SNYAM DU MI SEMS SO, ,RNAM PAR SHES PA'I KHAMS KYANG 'DI SNYAM DU BDAG GIS LUS KYI MING DANG GZUGS MNGON PAR BSGRUB PO SNYAM DU MI SEMS SO, ,LUS @124B KYANG 'DI SNYAM DU BDAG NI RKYEN 'DI DAG GIS BSKYED DO SNYAM DU MI SEMS MOD KYI, 'ON KYANG RKYEN 'DI DAG YOD NA LUS SKYE BAR 'GYUR RO, ,DE LA SA'I KHAMS NI BDAG MA YIN, SEMS CAN MA YIN, SROG MA YIN, SKYE BA PO MA YIN, SHED LAS SKYES PA MA YIN, SHED BU MA YIN, BUD MED MA YIN, SKYES PA MA YIN, MA NING MA YIN, NGA MA YIN, BDAG GI MA YIN, GZHAN SU'I YANG MA YIN NO, ,DE BZHIN DU SA'I KHAMS DANG, CHU'I KHAMS DANG, ME'I KHAMS DANG, RLUNG GI KHAMS DANG, NAM MKHA'I KHAMS DANG, RNAM PAR SHES PA'I KHAMS KYANG BDAG MA YIN, SEMS CAN MA YIN, SROG MA YIN, SKYE BA PO MA YIN, SHED LAS SKYES PA MA YIN, SHED BU MA YIN, BUD MED MA YIN, SKYES PA MA YIN, MA NING MA YIN, NGA MA YIN, BDAG GI MA YIN, GZHAN SU'I YANG MA YIN NO, ,DE LA MA RIG PA GANG ZHE NA, KHAMS DRUG PO 'DI DAG NYID LA GANG GCIG PUR 'DU SHES PA DANG, RIL POR 'DU SHES PA DANG, RTAG PAR 'DU SHES PA DANG, BRTAN PAR 'DU SHES PA DANG, THER ZUG TU 'DU SHES PA DANG, BDE BAR 'DU SHES PA DANG, BDAG TU 'DU SHES PA DANG, SEMS CAN DANG, SROG DANG SKYE BA PO DANG, GSO BA DANG; SKYES BU DANG, GANG ZAG TU 'DU SHES PA DANG SHED LAS SKYES PA DANG, SHED BUR 'DU SHES PA DANG, NGA ZHES BYA BA DANG BDAG GI ZHES BYA BAR 'DU SHES PA STE, 'DI LTA BU LA SOGS PA MI SHES PA RNAM PA SNA TSOGS PA 'DI NI MA RIG PA ZHES BYA'O, ,DE LTAR MA RIG PA YOD PAS YUL RNAMS LA 'DOD CHAGS DANG ZHE SDANG DANG GTI MUG 'JUG STE, DE LA YUL RNAMS LA 'DOD CHAGS DANG ZHE SDANG DANG GTI MUG GANG YIN PA 'DI NI MA RIG PA'I RKYEN GYIS 'DU BYED RNAMS ZHES BYA'O, ,DNGOS PO SO SOR RNAM PAR RIG PA NI RNAM PAR SHES PA'O, ,RNAM PAR SHES PA DANG LHAN CIG BYUNG BA NYE BAR LEN PA'I PHUNG PO BZHI PO 'DI DAG NI MING DANG GZUGS SO, ,MING DANG GZUGS LA BRTEN PA'I DBANG PO RNAMS NI SKYE MCHED DRUG GO, ,CHOS GSUM 'DUS PA NI REG PA'O, ,REG PA MYONG BA NI TSOR BA'O, ,TSOR BA LA ZHEN PA NI SRED PA'O, ,SRED PA 'PHEL BA NI LEN PA'O, ,LEN PA LAS @125A *, ,SKYE BA YANG SRID PA SKYE BA'I LAS NI SRID PA'O, ,RGYU DE LAS PHUNG PO 'BYUNG BA NI SKYE BA'O, ,SKYES NAS PHUNG PO SMIN PA NI RGA BA'O, ,RGAS NAS PHUNG PO 'JIG PA NI 'CHI BA'O, ,'CHI BA NA RMONGS PA MNGON PAR CHAGS PA DANG BCAS PA'I NANG GI YONGS SU GDUNG BA NI MYA NGAN TO, ,MYA NGAN LAS BYUNG BA'I TSIG TU SMRE BA NI SMRE SNGAGS 'DON PA'O, ,RNAM PAR SHES PA LNGA'I TSOGS DANG LDAN PA'I MI BDE BA MYONG BA NI SDUG BSNGAL LO, ,YID LA BYED PA DANG LDAN PA YID KYI SDUG BSNGAL NI YID MI BDE BA'O, ,GZHAN YANG 'DI LTA BU LA SOGS PA NYE BA'I NYON MONGS PA GANG YIN PA DE DAG NI 'KHRUG PA ZHES BYA'O, ,DE BZHIN DU SBYAR TE, DE LA MUN PA CHEN PO'I PHYIR MA RIG PA'O, ,MNGON PAR 'DU BYED PA'I PHYIR 'DU BYED RNAMS SO, ,RNAM PAR RIG PA'I PHYIR RNAM PAR SHES PA'O, RTEN PA'I PHYIR MING DANG GZUGS SO, ,SKYE BA'I SGO'I PHYIR SKYE MCHED DRUG GO, ,REG PA'I PHYIR REG PA'O; ,MYONG BA'I PHYIR TSOR BA'O, ,SKOM PA'I PHYIR SRED PA'O, ,NYE BAR LEN PA'I PHYIR LEN PA'O, ,YANG SRID PA SKYED PA'I PHYIR SRID PA'O, ,PHUNG PO 'BYUNG BA'I PHYIR SKYE BA'O, ,PHUNG PO SMIN PA'I PHYIR RGA BA'O, ,'JIG PA'I PHYIR 'CHI BA'O, ,MYA NGAN BYED PA'I PHYIR MYA NGAN TO, ,TSIG GIS SMRA BA'I PHYIR SMRE SNGAGS 'DON PA'O, ,LUS LA GNOD PA'I PHYIR SDUG BSNGAL LO, ,SEMS LA GNOD PA'I PHYIR YID MI BDE BA'O, ,NYON MONGS PA'I PHYIR 'KHRUG PA'O, ,GZHAN YANG DE KHO NA MI RTOGS SHING LOG PAR RTOGS PA'I MI SHES PA NI MA RIG PA'O, ,DE LTAR MA RIG PA YOD PA NA 'DU BYED RNAM PA GSUM MNGON PAR 'GRUB STE, BSOD NAMS SU NYE BAR 'GRO BA DANG, BSOD NAMS MA YIN PAR NYE BAR 'GRO BA DANG, MI G-YO BAR NYE BAR 'GRO BA STE 'DI NI MA RIG PA'I RKYEN GYIS 'DU BYED RNAMS ZHES BYA'O, ,BSOD NAMS SU NYE BAR 'GRO BA'I 'DU BYED RNAMS LAS BSOD NAMS SU NYE BAR 'GRO BA'I RNAM PAR SHES PA NYID DU 'GYUR, ,BSOD NAMS MA YIN PAR NYE BAR 'GRO BA'I 'DU BYED RNAMS LA BSOD NAMS MA YIN PAR NYE BAR 'GRO BA'I RNAM PAR SHES PA NYID DU 'GYUR, MI G-YO BAR NYE BAR 'GRO BA'I 'DU BYED RNAMS LAS MI G-YO BAR NYE BAR 'GRO BA'I RNAM PAR SHES PA NYID DU 'GYUR TE, @125B 'DI NI 'DU BYED KYI RKYEN GYIS RNAM PAR SHES PA ZHES BYA'O, ,MING DANG GZUGS KYANG DE BZHIN NO, ,MING DANG GZUGS RNAM PAR 'PHEL BAR SKYE MCHED DRUG GI SGO NAS BYA BA BYED PA RNAMS 'BYUNG STE, DE NI MING DANG GZUGS KYI RKYEN GYIS SKYE MCHED DRUG CES BYA'O, ,SKYE MCHED DRUG PO DAG LAS REG PA'I TSOGS DRUG 'BYUNG STE, DE NI SKYE MCHED DRUG GI RKYEN GYIS REG PA ZHES BYA'O, ,JI LTA BUR REG PA 'BYUNG BA DE LTA BUR TSOR BA 'BYUNG STE, DE NI REG PA'I RKYEN GYIS TSOR BA ZHES BYA'O, ,TSOR BA'I BYE BRAG DE DAG MYONG BA DANG, MNGON PAR DGA' BA DANG LHAG PAR ZHEN PA DANG, LHAG PAR ZHEN NAS 'DUG PA DE NI TSOR BA'I RKYEN GYIS SRID PA ZHES BYA'O, ,MYONG BA DANG MNGON PAR DGA' BA DANG LHAG PAR ZHEN PA DANG LHAG PAR ZHEN NAS 'DUG PA LAS BDAG SDUG PA'I NGO BO DANG BDE BA'I NGO BO DANG 'BRAL BAR MA GYUR CIG SNYAM DU MI GTONG BA DANG PHYIR ZHING DON DU GNYER BA 'DI NI SRID PA'I RKYEN GYIS LEN PA ZHES BYA'O, , DE LTAR DON DU GNYER BA NAS YANG SRID PA SKYED PA'I LAS LUS DANG NGAG DANG YID KYIS KUN NAS SLONG BA DE NI LEN PA'I RKYEN GYIS SRID PA ZHES BYA'O, ,LAS DE LAS SKYES PA'I PHUNG PO RNAMS GRUB PA GANG YIN PA DE NI SRID PA'I RKYEN GYIS SKYE BA ZHES BYA'O, ,SKYES NAS MNGON DU GRUB PA'I PHUNG PO RNAMS KYI 'PHEL BA DANG YONGS SU SMIN PA LAS 'JIGS PAR 'GYUR BA DE NI SKYE BA'I RKYEN GYIS RGA SHI ZHES BYA'O, ,DE BZHIN DU SBYAR TE, DE LTAR RTEN CING 'BREL BAR 'BYUNG BA'I YAN LAG BCU GNYIS PA 'DI DAG NI GCIG GI RGYU GCIG GCIG GI RKYEN GCIG ,RTAG PA MA YIN MI RTAG PA YANG MA YIN, 'DUS BYAS MA YIN 'DUS MA BYAS MA YIN, RGYU MED PA MA YIN RKYEN MED PA MA YIN, MYONG BA YOD PA MA YIN, ZAD PA'I CHOS MA YIN, 'JIG PA'I CHOS MA YIN, 'GOG PA'I CHOS MA YIN TE, THOG MA MED PA'I DUS NAS ZHUGS PA RGYUN MA CHAD PAR RLUNG GI RGYUN BZHIN DU RJES SU ZHUGS MOD KYI, 'ON KYANG YAN LAG BZHI PO 'DI DAG NI RTEN CING 'BREL BAR 'BYUNG BA'I YAN LAG BCU GNYIS PO DE BSDU BAR BYA BA'I RGYUR 'GYUR RO, ,BZHI GANG ZHE NA, 'DI LTA STE, MA RIG PA DAGN SRED PA DAN LAS DANG RNAM PAR SHES PA'O, ,DE LA RNAM PAR SHES PA NI SA BON GYI RANG BZHIN GYIS RGYU BYED DO, ,LAS NI ZHING @126A *, ,GI RANG BZHIN GYIS RGYU BYED DO, ,MA RIG PA DANG SRED PA NI NYON MONGS PA'I RANG BZHIN GYIS RGYU BYED DO, ,DE LA LAS DANG NYON MONGS PA DAG NI SA BON RNAM PAR SHES PA BSKYED DO, ,DE LA LAS NI SA BON RNAM PAR SHES PA'I ZHING GI BYA BA BYED DO, ,SRID PA NI SA BON RNAM PAR SHES PA BRLAN PAR BYED DO, ,MA RIG PA NI SA BON RNAM PAR SHES PA 'DEBS TE RKYEN DE DAG MED NA SA BON RNAM PAR SHES PA MNGON PAR 'GRUB PAR MI 'GYUR RO, ,DE LA LAS KYANG 'DI SNYAM DU BDAG GIS SA BON RNAM PAR SHES PA'I ZHING GI BYA BA BYA'O SNYAM DU MI SEMS SO, ,SRED PA YANG 'DI SNYAM DU BDAG GIS SA BON RNAM PAR SHES PA BRLAN PAR BYA'O SNYAM DU MI SEMS SO, ,MA RIG PA YANG 'DI SNYAM DU BDAG GIS SA BON RNAM PAR SHES PA GDAB PO SNYAM DU MI SEMS SO, ,SA BON RNAM PAR SHES PA YANG 'DI SNYAM DU BDAG NI RKYEN 'DI DAG GIS BSKYED DO SNYAM DU MI SEMS TE 'ON KYANG SA BON RNAM PAR SHES PA LAS KYI ZHING LA BRTEN PA SRED PA'I RLAN GYIS BRLAN PA MA RIG PAS BTAB PA SKYE BA NA, SKYE BA'I GNAS NYING MTSAMS SBYOR BA MA'I MNGAL DE DANG DER MING DANG GZUGS KYI MYU GU MNGON PAR 'GRUB STE, MING DANG GZUGS KYI MYU GU DE YANG BDAG GIS MA BYAS GZHAN GYIS MA BYAS GNYI GAS MA BYAS, DBANG PHYUG GIS MA BYAS DUS KYIS MA BSGYUR RANG BZHIN LAS MA BYUNG BYED PA LA RAG LAS PA MA YIN RGYU MED PA LAS KYANG MA SKYES TE, 'ON KYANG PHA DANG MA PHRAD PA DANG DUS DANG LDAN PA DANG RKYEN GZHAN TSOGS NA BDAG PO MED PA'I CHOS BDAG GI MED PA 'DZIN PA MED PA NAM MKHA' DANG MTSUNGS PA, SGYU MA'I MTSAN NYID KYI RANG BZHIN DAG LA RGYU DANG RKYEN MA TSANG BA MED PA'I PHYIR SKYE GNAS SU NYING MTSAMS SBYOR BA MA'I MNGAL DE DANG DER MYONG BA DANG LDAN PA'I SA BON RNAM PAR SHES PA MING DANG GZUGS KYI MYU GU MNGON PAR SGRUB PO, ,'DI LTA STE, MIG GI RNAM PAR SHES PA NI RGYU LNGA LAS 'BYUNG STE, LNGA GANG ZHE NA, MIG LA BRTEN PA DANG GZUGS DANG SNANG BA DANG NAM MKHA' DANG DE BSKYED PA'I YID LA BYED PA BRTEN NAS MIG GI RNAM PAR SHES PA 'BYUNG NGO, ,DE LA MIG NI MIG GI RNAM PAR SHES PA'I RTEN GYI BYA BA BYED DO, ,GZUGS NI MIG GI RNAM PAR SHES PA DMIGS PA'I BYA BA BYED @126B DO; ,SNANG BA NI MNGON PA'I BYA BA BYED DO, ,NAM MKHA' NI MI SGRIB PA'I BYA BA BYED DO, ,DE BSKYED PA'I YID LA BYED PA NI SEMS PA'I BYA BA BYED DO, ,RKYEN DE DAG MED NA MIG GI RNAM PAR SHES PA 'BYUNG BAR MI 'GYUR GYI, NAM NANG GI SKYA MCHED MIG MA TSANG BAR MA GYUR LA, DE BZHIN DU GZUGS DANG SNANG BA DANG, NAM MKHA' DANG DE SKYED PA'I YID LA BYED PA DAG KYANG MA TSANG BAR MA GYUR TE, THAMS CAD 'DUS PA DE LAS MIG GI RNAM PAR SHES PA 'BYUNG BAR 'GYUR RO, ,DE LA MIG NI 'DI SNYAM DU BDAG GIS MIG GI RNAM PAR SHES PA'I RTEN GYI BYA BA BYA'O SNYAM DU MI SEMS SO, ,GZUGS KYANG 'DI SNYAM DU BDAG GIS MIG GI RNAM PAR SHES PA'I DMIGS PA'I BYA BA BYA'O SNYAM DU MI SEMS SO, ,SNANG BA YANG 'DI SNYAM DU BDAG GIS MIG GI RNAM PAR SHES PA'I MNGON PA'I BYA BA BYA'O SNYAM DU MI SEMS SO, ,NAM MKHA' YANG 'DI SNYAM DU BDAG GIS MIG GI RNAM PAR SHES PA'I MI SGRIB PA'I BYA BA BYA'O SNYAM DU MI SEMS SO, ,DE BSKYED PA'I YID LA BYED PA YANG 'DI SNYAM DU BDAG GIS MIG GI RNAM PAR SHES PA'I SEMS PA'I BYA BA BYA'O SNYAM DU MI SEMS SO, ,MIG GI RNAM PAR SHES PA YANG 'DI SNYAM DU BDAG NI RKYEN 'DI DAG GIS BSKYED DO SNYAM DU MI SEMS TE 'ON KYANG RKYEN 'DI DAG YOD PA LAS MIG GI RNAM PAR SHES PA SKYE BAR 'GYUR RO, ,DE BZHIN DU DBANG PO LHAG MA RNAMS LA YANG CI RIGS SU BYA'O, ,DE LA CHOS GANG YANG 'JIG RTEN 'DI NAS 'JIG RTEN PHA ROL TU MI 'PHO MOD KYI, RGYU DANG RKYEN MA TSANG BA MED PA'I PHYIR LAS KYI 'BRAS BUR MNGON PAR YANG YOD DO, ,DE BZHIN DU SBYAR TE, 'DI LTA STE DPER NA RAB TU PHYIS PA'I ME LONG GI DKYIL 'KHOR LA BZHIN GYI GZUGS BRNYAN SNANG BA YANG BZHIN ME LONG GI DKYIL 'KHOR DU MA 'PHOS MOD KYI, RGYU DANG RKYEN MA TSANG BA MED PA'I PHYIR BZHIN DU MNGON PA YANG YOD DO, ,DE BZHIN DU 'DI NAS KYANG SU YANG SHI 'PHOS PA MED LA GZHAN DU YANG MA SKYES TE, RGYU DANG RKYEN RNAMS MA TSANG BA MED PA'I PHYIR LAS KYI 'BRAS BUR MNGON PA YANG YOD DO, ,'DI LTA STE DPER NA, ZLA BA'I DKYIL 'KHOR NI DPAG TSAD BZHI KHRI NYIS STONG NAS 'GRO STE, 'ON KYANG SNOD CHUNG NGU CHUS GANG BAR @127A *, ,ZLA BA'I DKYIL 'KHOR GYI GZUGS BRNYAN SNANG BA YANG ZLA BA'I DKYIL 'KHOR NI GNAS DE NAS MA 'PHOS TE, SNOD CHUNG NGU CHUS GANG BA'I NANG DU SONG BA YANG MED MOD KYI RGYU DANG RKYEN MA TSANG BA MED PA'I PHYIR ZLA BA'I DKYIL 'KHOR DU SNANG BA YANG YOD DO, ,DE BZHIN DU 'DI NAS KYANG SU YANG SHI 'PHOS PA MED LA, GZHAN DU YANG MA SKYES MOD KYI RGYU DANG RKYEN RNAMS MA TSANG BA MED PA'I PHYIR LAS KYI 'BRAS BUR MNGON PA YANG YOD DO, ,'DI LTA STE DPER NA, ME NI RGYU DANG RKYEN MA TSANG NA MI 'BAR GYI RGYU DANG RKYEN TSOGS PA LAS 'BAR RO, ,DE BZHIN DU BDAG PO MED PA'I CHOS BDAG GI MED PA 'DZIN PA MED PA NAM MKHA' DANG MTSUNGS PA SGYU MA'I MTSAN NYID KYI RANG BZHIN DAG LA RGYU DANG RKYEN RNAMS MA TSANG BA MED PA'I PHYIR SKYE BA'I GNAS NYING MTSAMS SBYOR BA MA'I MNGAL DE DANG DER SA BON RNAM PAR SHES PA LAS DANG NYON MONGS PA RNAMS KYIS BSKYED PA MING DANG GZUGS KYI MYU GU MNGON PAR SGRUB PO; ,DE LA NANG GI RTEN CING 'BREL BAR 'BYUNG BA RNAM PA LNGA STE, LNGA GANG ZHE NA, RTAG PAR MA YIN PA DANG, CHAD PAR MA YIN PA DANG, 'PHO BAR MA YIN PA DANG, RGYU CHUNG NGU LAS 'BRAS BU CHEN POR 'BYUNG BA DANG, DE DANG 'DRA BA'I RGYUD DU'O, ,JI LTAR RTAG PAR MA YIN NO ZHE NA, GANG GI PHYIR THA MA 'CHI BA'I PHUNG PO RNAMS KYANG GZHAN LA SKYE BA'I CHAR GTOGS PA RNAMS KYANG GZHAN TE, THA MA 'CHI BA'I PHUNG PO GANG YIN PA DE NYID SKYE BA'I CHAR GTOGS PA RNAMS MA YIN GYI, THA MA 'CHI BA'I PHUNG PO RNAMS KYANG 'GAGS LA SKYE BA'I CHAR GTOGS PA'I PHUNG PO RNAMS KYANG 'BYUNG BAS DE'I PHYIR RTAG PAR MA YIN NO, ,JI LTAR CHAD PAR MA YIN ZHE NA, THA MA 'CHI BA'I PHUNG PO RNAMS 'GAGS PA LAS SKYE BA'I CHAR GTOGS PA'I PHUNG PO RNAMS 'BYUNG BA MA YIN 'GAGS PA LAS KYANG MA YIN GYI THA MA 'CHI BA'I PHUNG PO RNAMS KYANG 'GAGS LA DE NYID KYI TSE SKYE BA'I CHAR GTOGS PA'I PHUNG PO RNAMS SRANG MDA'I MTHON DMAN BZHIN DU 'BYUNG BAR 'GYUR TE DE'I PHYIR CHAD PAR MA YIN NO, ,JI LTAR 'PHO BAR MA YIN ZHE NA, SEMS CAN GYI RIS MI 'DRA BA NAS SKAL BA MNYAM PA'I SKYE BAR SKYE BA MNGON PAR 'GRUB PAS DE'I PHYIR 'PHO BAR MA YIN NO, ,JI LTAR RGYU CHUNG NGU LAS 'BRAS BU CHEN PO 'BYUNG ZHE NA, @127B LAS CHUNG NGU BYAS PA LAS 'BRAS BU CHEN PO'I RNAM PAR SMIN PA MYONG STE DE'I PHYIR RGYU CHUNG NGU LAS 'BRAS BU CHEN PO MNGON PAR 'GRUB PO, ,JI LTAR MYONG BAR 'GYUR BA'I LAS BYAS PA DE LTA BUR MYONG BAR 'GYUR BA'I RNAM PAR SMIN PA MYONG BAS DE'I PHYIR DE DANG 'DRA BA'I RGYUD DU'O, ,BTZUN PA SH'A RI'I BU RTEN CING 'BREL BAR 'BYUNG BA BCOM LDAN 'DAS KYIS YANG DAG PAR GSUNGS PA 'DI GANG LA LA ZHIG GIS YANG DAG PA'I SHES RAB KYIS 'DI LTAR YANG DAG PA JI LTA BA BZHIN DU RTAG PAR RGYUN DU SROG MED PA DANG SROG DANG BRAL BA DANG, JI LTA BA NYID DANG, MA NOR BA DANG, MA SKYES PA DANG, MA BYUNG BA DANG, MA BYAS PA DANG, 'DUS MA BYAS PA DANG, THOGS PA MED PA DANG, DMIGS PA MED PA DANG, ZHI BA DANG, 'JIGS PA MED PA DANG, MI 'PHROGS PA DANG, MI ZAD PA DANG, RNAM PAR MA ZHI BA'I RANG BZHIN DU MTHONG BA DANG, MED PA DANG, GSOG DANG, GSOB DANG, SNYING PO MED PA DANG, NAD DANG, 'BRAS DANG, ZUG RDU DANG, SDIG PA DANG, MI RTAG PA DANG, SDUG BSNGAL BA DANG, STONG PA DANG BDAG MED PAR YANG DAG PAR RJES SU MTHONG BA DE NI, CI BDAG SNGON GYI DUS NA BYUNG BA ZHIG GAM 'ON TE MA BYUNG BA ZHIG SNYAM DU SNGON GYI MTHA' LA MI RTOG GO, ,MA 'ONGS PA'I DUS NA CIR 'GYUR CI LTA BUR 'GYUR ZHES MA 'ONGS PA'I MTHA' LA MI RTOG GO, ,'DI CI ZHIG 'DI CI LTA BU ZHIG CI ZHIG YOD CIR 'GYUR SEMS CAN 'DI DAG GANG NAS 'ONGS 'DI NAS SHI 'PHOS NAS GANG DU 'GRO BAR 'GYUR ZHES DA LTAR BYUNG BA LA YANG MI RTOG GO ZHES BYA BA'O, ,'PHAGS PA SA BCU'I MDO LAS KYANG GSUNGS TE, DE LA MA RIG PA DANG SRED PA DANG LEN PA NI NYON MONGS PA'I LAM GYI RGYUN MI 'CHAD PA'O, ,'DU BYED DANG SRID PA NI LAS KYI LAM GYI RGYUN MI 'CHAD PA'O, ,LHAG MA RNAMS NI SDUG BSNGAL GYI LAM GYI RGYUN MI 'CHAD PAR RAB TU RNAM PAR PHYE'O, ,DE BZHIN DU SBYAR TE, MA RIG PA'I RKYEN GYIS 'DU BYED RNAMS ZHES BYA BA GANG YIN PA DE NI SNGON GYI MTHA' LA LTOS PA'O, ,RNAM PAR SHES PA NAS TSOR BA'I BAR DE NI DA LTAR BYUNG BA LA LTOS PA'O, ,SRED PA NAS SRID PA ZHES BYA BA'I BAR DE NI PHYI MA'I MTHA' LA LTOS PA STE, DE PHAN CHAD YANG DE DAG RAB TU 'BYUNG NGO, ,DE BZHIN DU SBYAR TE, DE 'DI SNYAM @128A *, ,DU SEMS TE, LDAN PA LAS NI 'DUS BYAS 'BYUNG NGO, ,BRAL BA LAS NI 'DUS BYAS MI 'BYUNG NGO, ,TSOGS PA LAS NI 'DUS BYAS 'BYUNG NGO, ,MA TSOGS PA LAS NI 'DUS BYAS MI 'BYUNG NGO, ,MA LA DE LTAR BDAG GIS 'DUS BYAS NYES PA MANG PO'I SKYON CHAGS PA 'DI LTA BU 'DI SHES PAR BYAS LA, 'DU BA 'DI DANG TSOGS PA 'DI'I RGYUN GCAD PAR YANG BYA'O, ,SEMS CAN YONGS SU SMIN PAR BYA BA'I PHYIR 'DU BYED RNAMS SHIN TU ZHI BAR BYA BA THOB PAR YANG MI BYA'O SNYAM MO ZHES GSUNGS STE, ,'DI NI GTI MUG SBYANG BA MDOR BSDUS PA'O, ,BSLAB PA KUN LAS BTUS PA LAS; SEMS YONGS SU SBYANG BA'I LE'U STE BCU GNYIS PA'O,, ,,DE LTAR SEMS LAS SU RUNG NAS DRAN PA NYE BAR GZHAG PA LA 'JUG STE, DE LA MI SDUG PA'I SKABS NAS LUS DRAN PA NYE BAR GZHAG PA BSHAD ZIN TO, ,DE NYID DBYE BA'I BAG TZAM ZHIG CHOS YANG DAG PAR SDUD PA'I MDO LAS GSUNGS TE, RIGS KYI BU GZHAN YANG BYANG CHUB SEMS DPA' NI 'DI LTAR LUS 'DI NI RKANG PA DANG, RKANG SOR DANG, BYIN PA DANG, BRLA DANG, DKU DO DANG, LTO BA DANG, LTE A DANG, SGAL TSIGS DANG, SNYING DANG, RTZIB LOGS DANG, SOG PA DANG, LAG PA DANG, LAG NGAR DANG, DPUNG PA DANG; THAL GONG DANG, MJING PA DANG, 'GRAM PA DANG, DPRAL BA DANG, MGO DANG, MGO'I THOD PA 'DUS PA TZAM STE, LAS 'BYUNG BA'I BYED PA POS BSAGS PA, NYON MONGS PA DANG NYE BA'I NYON MONGS PA DANG KUN DU RTOG PA DANG, RNAM PAR RTOG PA THA DAD PA BRGYA STONG GI GNAS SU GYUR PA'O, , 'DIR KHAMS KYI RDZAS MANG PO 'DUS PA NI 'DI LTA STE, SKRA DANG KHA SPU DANG SEN MO DANG SO DANG RUS PA DANG PAGS PA DANG SHA DANG SHA'I SPRI DANG RGYUS PA DANG TSIL DANG ZHAG DANG CHU SER DANG MCHER PA DANG GCIN DANG PHYI SA DANG, PHO BA DANG LONG KA DANG KHRAG DANG SNABS DANG MKHRIS PA DANG, RNAG DANG MCHIL MA DANG KLAD PA DANG KLAD RGYAS RNAMS TE, DE LTAR RDZAS MANG PO 'DUS PA YIN NO, ,'DI LA LUS ZHES JI SKAD DU BYA SNYAM DU LUS DRAN PA NYE BAR 'JOG GO, ,DE LA SO SOR RTOG PA NA 'DI SNYAM DU SEMS TE, LUS 'DI NI NAM MKHA' DANG MTSUNGS SO SNYAM NAS DE LUS LA NAM MKHA' LTAR DRAN PA NYE @128B BAR 'JOG GO, ,DE THAMS CAD NAM MKHA' LTAR MTHONG NGO, ,DE LUS YONGS SU SHES PA'I PHYIR GANG DU YANG DRAN PA NYE BAR MI 'JOG GO, ,RNAM PAR MI 'JOG GO, ,RNAM PAR MI 'PHRO'O ZHES BYA BA'O, ,YANG GSUNGS PA, LUS 'DI NI SNGON GYI MTHA' NAS KYANG MA 'ONGS, PHYI MA'I MTHAR YANG MI 'GRO ,SNGON GYI MTHA' DANG PHYI MA'I MTHA' LA YANG MI GNAS TE, GZHAN DU NA YANG DAG PA MA YIN PA PHYIN CI LOG LAS BYUNG BA, BYED PA PO DANG TSOR BA PO MED PA, THOG MA DANG THA MA DANG DBUS MED PA, RTZA BA GNAS PA MED PA, BDAG PO MED PA NGA'I BA MED PA YONGS SU 'DZIN PA MED PA STE, TSOGS ZHES BYA BA DANG LUS ZHES BYA BA DANG LONGS SPYOD CES BYA BA DANG GNAS ZHES BYA BA DANG RTEN ZHES BYA BA DANG TSANG ZHES BYA BA DANG, SKYE MCHED CES BYA BA NI GLO BUR GYI THA SNYAD RNAMS KYIS THA SNYAD BTAGS PA'O, ,LUS 'DI NI SNYING PO MED PA STE, PHA DANG MA'I KHU BA DANG KHRAG LAS BYUNG BA MI GTZANG BA RUL BA RANG BZHIN GYIS DRI MI ZHIM PA, 'DOD CHAGS DANG ZHE SDANG DANG GTI MUG DANG 'JIGS PA DANG SGYID LUG PA'I RKUN POS DKRUGS PA, RTAG TU 'JIG PA 'BRAL BA 'BRUL BA RNAM PAR 'THOR BA RNAM PAR 'JOMS PA'I CHOS CAN, NAD THA DAD PA BRGYA STONG GI TSANG NGO SNYAM DU LUS LA DRAN PA NYE BAR 'JOG GO ZHES BYA BA'O, ,'PHAGS PA GTZUG NA RIN PO CHE'I MDO LAS KYANG, KYE MA'O LUS 'DI NI MI RTAG PA'I RNAM PA STE RING POR MI GNAS PA THA MAR 'CHI BA YIN PAR SHES NAS LUS KYI PHYIR MI MTHUN PA'I 'TSO BA MI SPYOD CING SNYING PO LEN TO, ,DE SNYING PO GSUM LEN TE, GSUM GANG ZHE NA, LUS KYI SNYING PO DANG, LONGS SPYOD KYI SNYING PO DANG, 'TSO BA'I SNYING PO'O, ,DE LUS MI RTAG GO SNYAM NAS SEMS CAN THAMS CAD KYI BRAN DANG SLOB MAR KHAS BLANGS TE CI BYA'O COG LA 'BAD PA YIN, LUS MI RTAG GO SNYAM NAS LUS KYI NYES PA YON PO DANG G-YO DANG TSUL 'CHOS PA THAMS CAD MI BYED DO, ,LUS MI RTAG GO SNYAM NAS SROG LA BAG MI STON PAR 'GYUR TE SROG GI PHYIR YANG SDIG PA'I LAS MI BYED DO, ,LUS MI RTAG GO SNYAM NAS LONGS SPYOD LA SPYOD PA SRED CING CHAGS PAR MI BYED DE DE BDOG PA THAMS CAD YONGS SU GTONG BA YIN NO, ,RIGS KYI BU @129A *, ,GZHAN YANG BYANG CHUB SEMS DPA' LUS LA LUS KYI RJES SU LTA BA'I DRAN PA NYE BAR GZHAG PA BSGOM PA, BDAG GI LUS DE LAS SEMS CAN THAMS CAD KYI LUS NYE BAR 'DOGS SHING BDAG GIS SEMS CAN THAMS CAD KYI LUS SANGS RGYAS KYI SKU'I GNAS LA GNAS PAR BYA'O SNYAM STE, JI LTAR DE BZHIN GSHEGS PA'I SKU ZAG PA MED PA LTAR RANG GI LUS KYI CHOS NYID LA YANG DE BZHIN DU RTOG GO, ,DE ZAG PA MED PA'I CHOS LA MKHAS PAS SEMS CAN THAMS CAD KYI LUS KYANG DE'I MTSAN NYID DU RAB TU SHES SO ZHES BYA BA LA SOGS PA GSUNGS SO, ,KHYIM BDAG DPAS BYIN GYIS ZHUS PA LAS KYANG, 'DI LTA STE LUS 'DI MTHAR GYIS 'GRUB PA DANG MTHAR GYIS 'JIG PA DANG RDUL PHRA RAB BSTZAGS PA DANG KHONG STONG DANG GYE GU CAN DANG BU GA DGU DANG SPU'I KHUNG BU NAS ZAG PA DANG, GROG MKHAR LNGAR SPRUL GDUG PA'I GNAS SU GYUR PA DANG, MA SKYES DGRA'I SPRE'U LTAR GROGS LA 'KHU BA DANG, BSHES GNYEN NGAN PA LTAR 'DRID PA'I BDAG NYID CAN DANG, DBU BA RDOS PA LTAR RANG BZHIN GYIS NYAM CHUNG BA DANG, CHU'I CHU BUR LTAR BYUNG NAS 'JIG CING 'JU BA DANG, SMIG RGYU LTAR SLU BA'I BDAG NYID CAN DANG, CHU SHING LTAR BSHIG NA SNYING PO MED PA DANG, SGYU MA LTAR SLU BA'I BDAG NYID CAN DANG, RGYAL PO LTAR BSGO BLAG MANG BA DANG, DGRA LTAR GLAGS LTA BA DANG, RKUN PO LTAR YID BRTAN DU MI RUNG BA DANG GSHED MA LTAR RJES SU CHAGS PA MED PA DANG, MI MDZA' BA LTAR MI PHAN PAR 'DOD PA DANG, GSOD PA LTAR SHES RAB KYI SROG GI BAR CHAD BYED PA DANG, GRONG STONG LTAR BDAG DANG BRAL BA DANG, RDZA MKHAN GYI SNOD LTAR MTHAR 'JIG PA DANG, RDZING LTAR MI GTZANG BA SNA TSOGS KYIS YONGS SU GANG BA DANG, SBANG MA'I SNOD LTAR MI GTZANG BA ZAG PA DANG, DE BZHIN DU SBYAR TE, RMA LTAR BSKYOD MI BZOD PA DANG, ZUG RNGU LTAR GNOD PA'I BDAG NYID CAN DANG; KHANG RNYING LTAR BCOS LEGS BYA ZHING BRTEN PA DANG, GRU RNYING LTAR BCOS LEGS BYA ZHING SPYAD PA DANG, BUM PA SO MA BTANG BA LTAR NAN TAN GYIS BAG BYA DGOS PA DANG, DE BZHIN DU SBYAR TE, CHU 'GRAM GYI SHING LTAR G-YO ZHING 'GUL BA DANG, CHU KLUNG CHEN PO'I RGYUN LTAR MTHAR 'CHI @129B BA'I RGYA MTSOL THUG PA DANG, GLO BUR BA'I KHYIM LTAR SDUG BSNGAL THAMS CAD KYI GNAS SU GYUR PA DANG, MGON MED PA'I GNAS KHANG LTAR YONGS SU GZUNG BA MED PA DANG, BCON SRUNG LTAR GSUG GIS BSGRUB PAR BYA BA DANG, DE BZHIN DU SBYAR TE, BYIS PA CHUNG NGU LTAR RTAG TU YONGS SU BSKYANG DGOS PA'O ZHES GSUNGS SO, ,YANG GSUNGS PA, 'DI LTAR MI GTZANG PHUNG PO'I LUS LA NI, ,GZUGS KYI NGA RGYAL CAN GANG GCES 'DZIN PA, ,BYIS PA'I BLO CAN DE NI MNGON BZHIN DU, ,MI SHES NGAN SKYUGS BUM PA THOGS SHING 'GRO, ,DE YI SNA NAS RNAG GI RNAM PA 'DZAG ,KHA NAS DRI MI ZHIM PA RTAG TU 'BYUNG, ,SKYE BO'I KHA 'GRAM MIG NI SRIN BU BZHIN, ,DE LA SU ZHIG CHAGS SHING GCES PAR BYED, ,DPER NA BYIS PA SOL BA THOGS NAS SU, ,'DI NI DKAR POR BYA ZHES BDAR BYED KYANG, ,DKAR PO'I DNGOS POR MI 'GYUR ZAD PAR 'GYUR, ,BYIS BLO PHYIN CI LOG TU MNGON PAR RLOM, ,DE LTAR MI GANG GTZANG SBRA'I BLO GROS LDAN, ,NGA YI LUS 'DI GTZANG MAR BYA ZHES TE, ,BSKUS PHYIS 'BAB STEGS BRGYAR NI KHRUS BYAS KYANG, ,'CHI BDAG DBANG GIS ZAD 'GYUR GTZANG MI 'GYUR, ,BYANG CHUB SEMS DPA' DE LTAR LUS LA 'JIG PA DANG, BU GA DGU'I SGO NAS 'DZAG PAR BRTAG PAR BYA BA NAS BYANG CHUB SEMS DPA'I LUS LA SRIN BU'I RIGS BRGYAD KHRI BZHI STONG GI GNAS SU BRTAG PAR BYA BA'I BAR DU'O, ,DE BZHIN DU SBYAR TE, BYANG CHUB SEMS DPA' LUS LA SPYANG KI DANG CE SPYANG DANG KHYI DANG RJEN SHA ZA BA GZHAN GYI ZAS SU BRTAG PAR BYA, BYANG CHUB SEMS DPA' LUS LA RUS PA DANG RGYUS PA'I BOG RES SBREL BAS 'KHRUL 'KHOR LTA BUR BRTAG PAR BYA, BYANG CHUB SEMS DPA' LUS LA ZAS DANG SKOM LAS BYUNG BA STE RANG GI KHA NA LAS PA MA YIN PAR BRTAG PAR BYA'O ZHES TE RGYA CHER NI DE NYID LAS SHES PAR BYA'O, ,TSOR BA DRAN PA NYE BAR GZHAG PA NI; RE ZHIG 'PHAGS PA GTZUG NA RIN PO CHE'I MDO LAS JI SKAD DU, RIGS KYI BU 'DI LA BYANG CHUB SEMS DPA' TSOR BA RNAMS LA TSOR BA'I RJES SU LTA BA'I DRAN PA NYE BAR GZHAG PA BSDOM PA NI TSOR BA BDE BAR GNAS PA'I SEMS CAN RNAMS LA SNYING RJE CHEN PO THOB PAR 'GYUR RO, , @130A *, ,DE 'DI LTAR GANG LA TSOR BA MED PA DE NI BDE BA YIN NO ZHES SLOB STE, DES SEMS CAN THAMS CAD KYI TSOR BA SPANG BA'I PHYIR TSOR BA RNAMS LA TSOR BA'I RJES SU LTA BA'I DRAN PA NYE BAR GZHAG PA BSGOM MO, ,DE SEMS CAN RNAMS KYI TSOR BA 'GOG PA'I PHYIR GO CHA BGOS KYANG BDAG GI TSOR BA 'GOG PAR YANG MI BYED DO, ,DES TSOR BA GANG CI MYONG YANG TSOR BA DE DAG THAMS CAD SNYING RJE CHEN POS YONGS SU BZUNG ZHING MYONG BAR BYED DO, ,DE NAM BDE BA'I TSOR BA MYONG BA'I TSE NA 'DOD CHAGS LA SPYOD PA'I SEMS CAN RNAMS LA SNYING RJE CHEN PO RNYED DE BDAG GI 'DOD CHAGS KYI CHA BAG LA NYAL BA YANG YONGS SU SPONG NGO, ,NAM SDUG BSNGAL GYI TSOR BA MYONG BA'I TSE NA ZHE SDANG LA SPYOD PA'I SEMS CAN RNAMS LA SNYING RJE CHEN PO RNYED DE BDAG GI ZHE SDANG GI BDAG LA NYAL YANG YONGS SU SPONG NGO, ,NAM BDE BA YANG MA YIN SDUG BSNGAL YANG MA YIN PA'I TSOR BA MYONG BA'I TSE NA GTI MUG LA SPYOD PA'I SEMS CAN RNAMS LA SNYING RJE CHEN PO RNYED DE BDAG GI GTI MUG GI BAG LA NYAL YANG RAB TU SPONG NGO, ,BDE BA'I TSOR BA LA RJES SU CHAGS PAR MI 'GYUR TE RJES SU CHAGS PA LEGS PAR 'JOMS PAR YANG BYED DO, ,SDUG BSNGAL GYI TSOR BA LA KHONG KHRO BAR YANG MI 'GYUR TE; KHONG KHRO BA LEGS PAR 'JOMS PAR YANG BYED DO, ,SDUG BSNGAL BA YANG MA YIN BDE BA YANG MA YIN PA'I TSOR BA LA MA RIGS PA DANG LDAN PAR MI 'GYUR TE MA RIG PA LEGS PAR 'JOMS PAR YANG BYED DO, ,DES TSOR BA GANG CI MYONG BA DE DAG THAMS CAD KYANG MI RTAG PAR SHES SHING MYONG BAR BYED DO, ,SDUG BSNGAL DU SHES SHING MYONG BAR BYED DO, ,BDAG MED PAR SHES SHING MYONG BAR BYED DO, ,DE BDE BA'I TSOR BA LA NI MI RTAG PAR SHES PAR 'GYUR RO, ,SDUG BSNGAL GYI TSOR BA LA NI ZUG RGUR SHES PAR 'GYUR RO, ,SDUG BSNGAL YANG MA YIN BDE BA YANG MA YIN PA'I TSOR BA LA NI ZHI BAR SHES PAR 'GYUR RO, ,DE LTAR NA GANG BDE BA DE NI MI RTAG PA'O, ,GANG SDUG BSNGAL BA DE NI SDUG BSNGAL BA NYID DO, ,GANG BDE BA YANG MA YIN SDUG BSNGAL BA YANG MA YIN PA DE NI BDAG MED PA'O ZHES BYA BA LA SOGS PA GSUNGS PA BZHIN NO, ,'PHAGS PA BLO GROS @130B MI ZAD PA'I MDO LAS KYANG, SDUG BSNGAL GYI TSOR BAS REG NA NGA NA SONG DANG MI KHOM PAR SKYES PA'I SEMS CAN THAMS CAD LA SNYING RJE CHEN PO BSKYED DO, ,DE BZHIN DU SBYAR TE, TSOR BA NI MNGON PAR ZHEN PA'O, ,TSOR BA NI YONGS SU 'DZIN PA'O, ,TSOR BA NI NYE BAR LEN PA'O, ,TSOR BA NI DMIGS PA'O, ,TSOR BA NI PHYIN CI LOG GO, ,TSOR BA NI RNAM PAR RTOG PA'O ZHES BYA BA LA SOGS PA GSUNGS SO, ,CHOS YANG DAG PAR SDUD PA'I MDO LAS KYANG, TSOR BA MYONG BAR RAB BSTAN PA, ,TSOR BA LAS GZHAN TSOR BA PO, ,GUD NA YOD PA MA YIN NA, ,GANG GIS DE NI TSOR BAR 'GYUR, ,BYANG CHUB CI 'DRA DE BZHIN DU, ,ZHI ZHING DAG LA 'OD GSAL BAR, ,TSOR BA 'DI LA MKHAS PA RNAMS, ,DRAN PA DE LTAR NYE RA GZHAG CES GSUNGS SO, ,DE NI TSOR BA DRAN PA NYE BAR GZHAG PA MDOR BSDUS PA'O, ,SEMS DRAN PA NYE BAR GZHAG PA NI DKON MCHOG BRTZEGS PA LAS JI SKAD DU, DE 'DI LTAR SEMS YONGS SU TSOR TE, 'DOD CHAGS PAR 'GYUR BA'AM ZHE SDANG BAR 'GYUR BA'AM GTI MUG PAR 'GYUR BA'I SEMS DE DAG GANG YIN, CI 'DAS PA'AM MA 'ONGS PA'AM DA LAR BYUNG BA ZHIG YIN, DE LA SEMS 'DAS PA YANG YIN PA DE NI ZAD PA'O; ,MA 'ONGS PA GANG YIN PA DE NI MA PHYIN PA'O, ,DA LTAR BYUNG BA NI GNAS PA MED DO SNYAM MO, ,'OD SRUNGS SEMS NI NANG NA YANG MED PHYI ROL NA YANG MED GNYI GA NA YANG MED CING MI DMIGS SO, ,'OD SRUNGS SEMS NI GZUGS MED PA, BSTAN DU MED PA, THOGS PA MED PA, RTEN MED PA, SNANG BA MED PA, RNAM PAR RIG PA MED PA, GNAS MED PA'O, ,'OD SRUNGS SEMS NI SANGS RGYAS THAMS CAD KYIS KYANG MA GZIGS MI GZIGS GZIGS PAR MI 'GYUR RO, ,LOG PAR ZHUGS PA'I 'DU SHES LAS CHOS RNAMS 'BYUNG BA MA GTOGS PAR, ,SANGS RGYAS THAMS CAD KYIS KYANG MA GZIGS MI GZIGS GZIGS PAR MI 'GYUR BA GANG YIN PA DE'I RGYU BA CI 'DRA BAR RIG PAR BYA ZHE NA, 'OD SRUNGS SEMS NI SGYU MA DANG MTSUNGS TE YANG DAG PA MA YIN PA KUN DU RTOG PAS SKYE BA RNAM PA MANG PO YONGS SU 'DZIN TO, ,DE BZHIN DU SBYAR TE, 'OD @131A *, ,SRUNGS SEMS NI 'BAB CHU'I RGYUN DANG MTSUNGS TE MI GNAS PA SKYES NAS 'JIG CING DENGS PA'O, ,'OD SRUNGS SEMS NI RLUNG DANG MTSUNGS TE RING DU 'GRO ZHING GZUNG DU MED PAR RGYU BA'O, ,'OD SRUNGS SEMS NI MAR ME'I 'OD 'PHRO BA DANG MTSUNGS TE RGYU DANG RKYEN LAS BYUNG BA'O; ,'OD SRUNGS SEMS NI NAM MKHA' DANG MTSUNGS TE NYON MONGS PA DANG NYE BA'I NYON MONGS PA GLO BUR BA RNAMS KYIS NYE BAR NYON MONGS PA'O, ,'OD SRUNGS SEMS NI GLOG DANG MTSUNGS TE SKAD CIG GCIG TU 'JIG CING MI GNAS PA'O, ,DE BZHIN DU SBYAR TE, 'OD SRUNGS SEMS NI SDUG BSNGAL THAMS CAD BSKYED PA'I PHYIR MI MDZA' BA DANG MTSUNGS SO, ,'OD SRUNGS SEMS NI DGE BA'I RTZA BA THAMS CAD 'JIG PAR BYED PA'I PHYIR BYE MA'I KHANG PA DANG MTSUNGS SO, ,'OD SRUNGS SEMS NI SDUG BSNGAL BA LA BDE BAR 'DU SHES PA'I PHYIR NYA'I MCHIL PA DANG MTSUNGS SO, , 'OD SRUNGS SEMS NA BDAG MED PA LA BDAG TU 'DU SHES PA'I PHYIR RMI LAM DANG MTSUNGS SO, ,'OD SRUNGS SEMS NI MI GTZANG BA LA GTZANG BAR 'DU SHES PA'I PHYIR SBRANG MA SNGON PO DANG MTSUNGS SO, ,'OD SRUNGS SEMS NI GNOD PA RNAM PA MANG PO BYED PAS PHYIR RGOL BA DANG MTSUNGS SO, ,'OD SRUNGS SEMS NI RTAG TU KLAN KA TSOL BA'I PHYIR GNOD SBYIN MDANGS 'PHROG PA DANG MTSUNGS SO, ,'OD SRUNGS SEMS NI RTAG TU GLAGS LTA BAS DGRA DANG MTSUNGS SO, ,'OD SRUNGS SEMS NI RJES SU CHAGS PA DANG KHONG KHRO BA DANG LDAN PAS RTAG TU MTHO DMAN CAN NO, ,'OD SRUNGS SEMS NI DGE BA'I RTZA BA THAMS CAD RKU BAS CHOM RKUN DANG MTSUNGS SO, ,'OD SRUNGS SEMS NI GZUGS LA DGA' BAS PHYI BYI ZHI LA'I MIG DANG MTSUNGS SO, ,'OD SRUNGS SEMS NI SGRA LA DGA' BAS G-YUL GYI RNGA DANG MTSUNGS SO, ,'OD SRUNGS SEMS NI PHAG MI GTZANG BA'I DRI LA DGA' BA BZHIN DU DRI LA DGA'O; ,'OD SRUNGS SEMS NI RO LA DGA' ZHING ZAS KYI LHAG MA ZA BA'I BRAN MO DANG MTSUNGS SO, ,'OD SRUNGS SEMS NI REG PA LA DGA' BAS SPRANG MA 'BRU MAR GYI SNOD LA CHAGS PA DANG MTSUNGS SO, ,'OD SRUNGS SEMS NI KUN DU BTZAL YANG MI RNYED DO, ,GANG MI RNYED PA DE NI MI DMIGS @131B PA'O; ,GANG MI DMIGS PA DE NI 'DAS PA YANG MA YIN MA 'ONGS PA YANG MA YIN DA LTAR BYUNG BA YANG MA YIN NO, ,GANG 'DAS PA YANG MA YIN MA 'ONGS PA YANG MA YIN DA LTAR BYUNG BA YANG MA YIN PA DE NI DUS GSUM LAS YANG DAG PAR 'DAS PA'O, ,GANG DUS GSUM LAS YANG DAG PAR 'DAS PA DE NI YONG PA YANG MA YIN MED PA YANG MA YIN NO ZHES BYA BA LA SOGS PA GSUNGS PA BZHIN NO, ,'PHAGS PA GTZUG NA RIN PO CHE'I MDO LAS KYANG, DE SEMS KUN DU TSOL BAS NA SEMS NANG NA YANG YANG DAG PAR RJES SU MI MTHONG, SEMS PHYI ROL NA YANG YANG DAG PAR RJES SU MI MTHONG, SEMS PHYI NANG NA YANG YANG DAG PAR RJES SU MI MTHONG, PHUNG PO RNAMS LA YANG SEMS YANG DAG PAR RJES SU MI MTHONG, KHAMS RNAMS LA YANG SEMS YANG DAG PAR RJES SU MI MTHONG, SKYE MCHED RNAMS LA YANG SEMS YANG DAG PAR RJES SU MI MTHONG, DES SEMS YANG DAG PAR RJES SU MI MTHONG BAS, SEMS GANG LAS BYUNG ZHES SEMS KYI RGYUN KUN DU TSOL ZHING DE 'DI SNYAM DU SEMS TE, DMIGS PA YOD PA LAS SEMS 'BYUNG BAR 'GYUR RO SNYAM MO, ,DE YANG 'DI SNYAM DU SEMS TE, CI DMIGS PA DE YANG GZHAN LA SEMS DE YANG GZHAN NAM, 'ON TE DMIGS PA GANG YIN PA DE NYID SEMS YIN GAL TE DMIGS PA YANG GZHAN LA SEMS DE YANG GZHAN NA NI, SEMS DE GNYIS SU 'GYUR RO, ,'ON TE DMIGS PA GANG YIN PA DE NYID SEMS YIN NA NI SEMS KYIS SEMS DE NYID JI LTAR MTHONG BAR 'GYUR TE, SEMS KYIS SEMS MTHONG BAR MI RUNG NGO, ,'DI LTA STE DPER NA RAL GYI'I SO DE NYID KYIS RAL GYI'I SO DE NYID GCAD PAR MI NUS PA DANG SOR MO'I RTZE MO DE NYID KYIS SOR MO'I RTZE MO DE NYID LA REG PAR MI NUS PA DE BZHIN DU SEMS DE NYID KYIS KYANG SEMS DE NYID MTHONG BAR MI NUS SO SNYAM MO, ,DE BZHIN DU SBYAR TE, RIGS KYI BU GZHAN YANG GANG MGYOGS PA RAB TU MGYOGS PA MI GNAS PAR RGYU BA SPRE'U DANG RLUNG DANG 'DRA BA 'BAB CHU'I RGYUN DANG 'BRU MAR GYI MAR ME DANG 'DRA BA RGYANG RING POR 'GRO BA, LUS MED PA, YUL LA BRKAM PA, SKYE MCHED DRUG LA SPYOD PA, GZHAN DANG GZHAN GYI SHES PA DANG LDAN PA'I SEMS, GNAS PA, RTZE GCIG PA, MI 'PHRO BA, @132A *, ,RNAM PAR MI 'PHRO BA, ZHI GNAS LA RTZE GCIG PA, G-YENG BA MED PA 'DI NI SEMS GNAS PA ZHES BYA'O ZHES GSUNGS SO, ,'PHAGS PA BLO GROS MI ZAD PA'I MDO LAS KYANG, BDAG GIS RNAM PAR BSGRUB PAR BYA BA LA BRTZON PAR BYA STE SEMS KYI CHOS NYID 'DI YANG MI 'DOR RO SNYAM MO, ,DE LA SEMS KYI CHOS NYID NI GANG RNAM PAR BSGRUB PA NI GANG ZHE NA, SEMS NI SGYU MA LTA BU STE 'DI LA GANG YANG SBYIN PA DE NI SEMS KYI CHOS NYID CES BYA'O, ,GANG YANG BDOG PA THAMS CAD YONGS SU BTANG STE SANGS RGYAS KYI ZHING THAMS CAD YONGS SU DAG PAR BYA BA'I PHYIR YONGS SU BSNGO BA 'DI NI RNAM PAR BSGRUB PA ZHES BYA'O ZHES BYA BA LA SOGS PA GSUNGS SO, ,CHOS RJES SU DRAN PA NI RE ZHIG DE NYID LAS JI SKAD DU, BYANG CHUB SEMS DPA' CHOS LA CHOS KYI RJES SU LTA ZHING GNAS PA NI GANG LAS SANGS RGYAS KYI CHOS MED PA DANG, GANG LAS BYANG CHUB MED PA DANG, GANG LAS LAM MED PA DANG, GANG LAS THAR PA MED PA DANG, GANG LAS NGES PAR 'BYUNG BA MED PA'I CHOS DE GANG YANG MI MTHONG NGO, ,DES CHOS THAMS CAD 'BYUNG BAR SHES NAS SEMS CAN RNAMS LA SGRIB PA MED PAR SHES PAR BYA BA'I PHYIR SNYING RJE CHEN PO'I TING NGE 'DZIN GYI SGO THOB PAR 'GYUR RO, ,DE CHOS THAMS CAD DANG NYON MONGS PA THAMS CAD LA YANG SGYU MAR 'DU SHES PA THOB STE, CHOS 'DI DAG NI NYON MONGS PA MED PA STE 'DI DAG NI NYON MONGS PA DANG BCAS PA MA YIN PA'O, ,DE CI'I PHYIR ZHE NA, 'DI LTAR DE DAG NI NGES PA'I DON LA RTOG PA STE, NYON MONGS PA RNAMS LA NI TSOGS MED, PHUNG POR GYUR PA MED, 'DOD CHAGS KYI DNGOS PO MED, ZHE SDANG GI DNGOS PO MED, GTI MUG GI DNGOS PO MED PA STE, NYON MONGS PA 'DI DAG NYID RTOGS PA'I PHYIR BYANG CHUB PO, ,NYON MONGS PA'I NGO BO NYID GANG YIN PA BYANG CHUB KYI NGO BO NYID KYANG DE YIN NO ZHES DE LTAR DRAN PA NYE BAR 'JOG GO ZHES GSUNGS SO, ,'PHAGS PA GTZUG NA RIN PO CHE LAS KYANG, RIGS KYI BU 'DI LA BYANG CHUB SEMS DPA' CHOS RNAMS LA CHOS KYI RJES SU LTA BA'I DRAN PA NYE BAR GZHAG PA LA GNAS PA 'DI SNYAM DU SEMS TE, SKYE BA NA CHAS RNAMS KHO NA SKYE, 'GAG PA NA CHOS @132B RNAMS KHO NA 'GAG STE, 'DI LA BDAG GAM SEMS CAN NAM SROG GAM SKYE BA PO 'AM GSO BA'AM SKYES BU 'AM GANG ZAG GAM SHED LAS SKYES PA'AM SHED BU 'AM GANG SKYE BA 'AM RGA BA 'AM 'CHI BA 'AM, 'PHO BA 'AM SKYE BAR 'GYUR BA GANG YANG MED DO, ,'DI NI CHOS RNAMS KYI CHOS NYID DO; ,GAL TE BSGRUBS NA NI GRUB PO, ,GAL TE MA BSGRUBS NA NI MI 'GRUB STE, DGE BA YANG RUNG MI DGE BA YANG RUNG MI G-YO BA YANG RUNG STE JI LTAR BSGRUBS PA DE LTA BUR 'GRUB MOD KYI, CHOS RNAMS LA SGRUB PAR BYED PA YANG MED LA, CHOS RNAMS RGYU MED PAR YANG GANG YANG MI SKYE'O SNYAM MO ZHES BYA BA LA SOGS PA GSUNGS SO, ,YANG DE NYID LAS, DE GANG CUNG ZAD CHOS ZAB MO LA SO SOR RTOG KYANG THAMS CAD MKHYEN PA NYID KYI BYANG CHUB KYI SEMS RJES SU DRAN PA DE YANG MI 'DOR ZHES GSUNGS SO, ,'PHAGS PA RGYA CHER ROL PA LAS KYANG, ,'DU BYED MI RTAG BRTAN PA MA YIN TE, ,RDZA SO MA BTANG LTA BUR 'JIG PA'I BDAG ,GZHAN GYI RDZAS NI BRNYAN PO BYAS DANG MTSUNGS, ,BYE MA'I GRONG KHYER LTA BUR RING MI THOGS, ,'DU BYED 'DI DAG 'JIG PA'I CHOS CAN TE, ,DBYAR GYI ZHAL ZHAL JI LTAR 'GOGS PA BZHIN, ,CHU NGOGS BYE MA YOD PA 'DRA BA STE, ,RKYEN LA RAG LAS RANG BZHIN NYAM CHUNG BAR, ,'DU BYED MAR ME'I 'OD 'GRO 'DRA BA STE, ,MYUR DU 'BYUNG ZHING 'GAG PA'I CHOS CAN YIN, ,RLUNG DANG MTSUNGS PAR RING DU MI GNAS LA, ,SBU BA LTA BUR NYAM CHUNG SNYING PO MED, ,'DU BYED G-YO BA MED CING STONG PA STE, ,BRTAGS NA CHU SHING DAG GI PHUNG PO 'DRA,, SGYU MA LTA BUR SEMS NI RMONGS PAR BYED, ,LAG BCANGS STONG PAS BYIS PA 'DRID DANG MTSUNGS, ,'DUS BYAS GYUR PA THAMS CAD RGYU DAG DANG, ,RKYEN RNAMS KYIS NI RAB TU 'BYUNG BA STE, ,GCIG GIS GCIG RGYU BYAS TE BRTEN NAS BYUNG, ,BYIS PA'I SKYE BOS 'DI 'DRA 'DI MA RTOGS, ,DPER NA GRES MA MUN DZA BRTEN BYAS LA, ,BRTZAL BA'I STOBS KYIS THAG PAR 'GYUR BA DANG, ,ZO CHUN RGYUD MO 'KHOR 'BYUNG BCAS PA YANG, ,DE DAG RE RES 'GRUB PAR 'GYUR BA MED, ,DE LTAR SRID PA'I YAN LAG KUN 'GRUB PA, ,GZHAN DANG GZHAN TSOGS PA LA BRTEN NAS NI, ,DE DAG SO SO RE RE 'GRUB @133A *, ,BA NI; ,SNGON GYI MTHA' DANG PHYI MA'I MTHA' MI DMIGS, ,SA BON YOD NA MYU GU JI BZHIN TE, ,SA BON GANG YIN DE NYID MYU GU MIN, ,DE LAS GZHAN MIN DE YANG MA YIN TE, ,DE LTAR RTAG MIN CHANG MIN CHOS NYID DE, ,MA RIG PA NI 'DU BYED RKYEN YIN TE, ,'DU BYED DE YANG YANG DAG NYID DU MED, ,MA RIG PA DANG 'DU BYED DE DAG KYANG, ,RANG BZHIN STONG STE G-YO BA MED PA YIN, ,RGYA LAS RGYA YI 'BUR NI SNANG MOD KYI, ,RGYU DE 'PHOS PAR DMIGS PA 'ANG YOD MA YIN, ,DE LA DE MED GZHAN LAS MA YIN TE, ,DE LTAR 'DUS BYAS RTAG MED CHAD PA MED, , MIG DANG GZUGS LA BRTEN PA BYAS NAS SU, ,MIG GI RNAM PAR SHES PA 'DIR BYUNG YANG, ,MIG NI GZUGS LA BRTEN PA MA YIN LA, ,GZUGS KYANG MIG LAS 'PHO BA YOD MA YIN, ,'DI DAG BDAG MED MI SDUG CHOS CAN YIN, ,DE DAG BDAG DANG SDUG PAR BRTAGS PA STE, , NOR PA YANG DAG MA YIN BRTAGS YIN YANG, ,DE LAS MIG GI RNAM PAR SHES PA 'BYUNG, ,RNAM PAR SHES PA 'GAGS NAS 'BYUNG GYUR TE, ,MKHAS PAS SKYE DANG 'JIG PA RNAM PAR MTHONG, ,GANG DU MA SONG GANG NAS 'ONG BA MIN, ,RNAL 'BYOR PAS NI STONG PA SGYU LTAR MTHONG, ,DPER NA GTZUB SHING DANG NI GTZUB STAN DANG, ,LAG PAS BRTZAL BA BYAS PA GSUM TSOGS PA, ,DE LA BRTEN NAS ME NI 'BYUNG 'GYUR TE, ,BYUNG NAS RING POR MI THOGS 'GAG PAR 'GYUR, ,DE NAS MKHAS PA LA LAS BRTAGS BYAS TE, ,'DI NI GANG NAS 'ONGS LA GAR SONG ZHES, ,PHYOGS DANG PHYOGS MTSAMS KUN DU BRTAGS BYAS NA, ,DE NI 'ONG BA'AM 'GRO BA MI DMIGS SO, ,PHUNG PO DAG DANG SKYE MCHED KHAMS RNAMS KYI, ,RKYEN NI MA RIG PA DANG SRED DANG LAS, ,DE DAG TSOGS PA SEMS CAN ZHES BRJOD KYANG, ,DE NI DAM PA'I DON DU DMIGS SU MED, ,CES BYA BA LA SOGS PA GSUNGS SO, ,BSLAB PA KUN LAS BTUS PA LAS DRAN PA NYE BAR GZHAG PA'I LE'U STE BCU GSUM PA'O, ,DRAN PA NYE BAR GZHAG PA BSHAD ZIN TO,, ,,DE LTAR SEMS 'OS SU GYUR NAS YANG STONG PA NYID LA 'JUG PAR BYA STE, GANG ZAG STONG PA NYID NI @133B DE LTAR SHIN TU GRUB PA YIN NO, ,DE'I PHYIR RTZA BA CHAD PAS NYON MONGS PA THAMS CAD KUN DU MI 'BYUNG NGO, ,'PHAGS PA DE BZHIN GSHEGS PA GSANG BA'I MDO LAS JI SKAD DU, ZHI BA'I BLO GROS 'DI LTA STE, DPER NA SHING RTZA BA NAS BCAD NA YAL GA DANG LO MA DANG YAL GA PHRA MO THAMS CAD SKAM PAR 'GYUR RO, ,ZHI BA'I BLO GROS DE BZHIN DU 'JIG TSOGS LA LTA BA NYE BAR ZHI NA NYON MONGS PA DANG NYE BA'I NYON MONGS PA THAMS CAD ZHI BAR 'GYUR RO ZHES GSUNGS PA LTA BU'O, ,STONG PA NYID BSGOM PA'I PHAN YON NI MU MED DO, ,RE ZHIG ZLA BA SGRON MA'I MDO LAS JI SKAD DU, DE NI NAM YANG BDE GSHEGS RNAMS KYI BSLAB MI 'DOR, ,DPA' BO DE NI NAM YANG BUD MED DBANG MI 'GRO, ,DE NI BDE GSHEGS RNAMS KYI BSTAN LA DGA' BA RNYED, ,'DI NI CHOS KYI RANG BZHIN RAB TU ZHI BA SHES, ,DE 'DIR RING PO MI THOGS RKANG GNYIS DBANG POR 'GYUR, ,DE NI BDE BA SBYIN PAR BYED PA'I SMAN PAR 'GYUR, ,DE NI SDUG BSNGAL RNAMS KYI ZUG RDU KUN DU 'BYIN, ,DE NI CHOS KYI RANG BZHIN RAB TU ZHI BA SHES, ,MI YI ZLA BA DE NI BZOD PA'I STOBS KYIS 'PHAGS, ,DE NI RDO DBYUG DAG GIS BSNUN KYANG 'KHRUGS MI 'GYUR, ,DE YI YAN LAG NYID LAG BCAD KYANG 'KHRUGS PA MED; ,DE NI CHOS KYI RANG BZHIN RAB TU ZHI BA SHES, ,DE NI NAM YANG NGAN 'GROR SKYE BAR 'GYUR MA YIN, ,RTAG TU GZUGS MDZES SHING NI MTSAN DANG LDAN PAR 'GYUR, ,DES NI RTAG TU MNGON SHES LNGA PO 'DI DAG BSGOM, ,DPA' DE 'DIR RTAG BDE GSHEGS RNAMS KYI MDUN NA GNAS, , ZHES BYA BA LA SOGS PA GSUNGS PA BZHIN NO, ,BCOM LDAN 'DAS MA LAS KYANG, SH'A RI'I BU GZHAN YANG BYANG CHUB SEMS DPA' SEMS DPA' CHEN PO SANGS RGYAS KYI SKU YONGS SU BSGRUB PAR 'DOD PA DANG, SKYES BU CHEN PO'I MTSAN SUM CU RTZA GNYIS DANG DPE BYAD BZANG PO BRGYAD CU THOB PAR 'DOD PA DANG, SKYE BA THAMS CAD DU SKYE BA DRAN PA DANG BYANG CHUB KYI SEMS CHUD MI ZA BA DANG BYANG CHUB SEMS DPA'I SPYOD PA MING RJED PA THOB PAR 'DOD PA DANG, SDIG PA'I BSHES GNYEN DANG SDIG PA'I GROGS PO THAMS CAD YONGS SU SPONG BAR 'DOD PA DANG, SANGS RGYAS DANG BYANG CHUB @134A *, ,SEMS DPA' DANG DGE BA'I BSHES GNYEN THAMS CAD MNYES PAR BYA BAR 'DOD PA DANG, BDUD KYI RIS KYI LHA THAMS CAD GDUL BAR 'DOD PA DANG, SGRIB PA THAMS CAD RNAM PAR SBYANG BAR 'DOD PA DANG, CHOS THAMS CAD LA BSGRIB PA MED PA THOB PAR 'DOD PAS SHES RAB KYI PHA ROL TU PHYIN PA LA BSLAB PAR BYA'O, ,SH'A RI'I BU GZHAN YANG BYANG CHUB SEMS DPA' SEMS DPA' CHEN PO PHYOGS BCU DAG NA SANGS RGYAS BCOM LDAN 'DAS GANG DAG BZHUGS PA DE DAG BDAG GIS BSNGAGS PA BRJOD DO SNYAM NA SHES RAB KYI PHA ROL TU PHYIN PA LA BSLAB PAR BYA'O; ,SH'A RI'I BU GZHAN YANG BYANG CHUB SEMS DPA' SEMS DPA' CHEN PO SEMS BSKYED PA GCIG GIS SHAR PHYOGS SU 'JIG RTEN GYI KHAMS GANG G'A'I KLUNG GI BYE MA SNYED 'DA' BAR 'DOD PA DANG, DE BZHIN DU SBYAR TE, PHYOGS BCU THAMS CAD 'DA' BAR 'DOD PAS SHES RAB KYI PHA ROL TU PHYIN PA LA BSLAB PAR BYA'O ZHES BYA BA LA SOGS PA RGYA CHER GSUNGS SO, ,DE LA JI LTAR CHOS THAMS CAD BDAG MED KYANG LAS DANG 'BRAS BUR 'BREL PA MI 'GAL BA DANG, RANG BZHIN MED KYANG JI LTAR MTHONG BZHIN PA'I CHOS THAMS CAD MI 'GAL BA DE LTAR NI, YAB DANG SRAS MJAL BA'I MDO LAS BSTAN TE, RGYAL PO CHEN PO SKYES BU 'DI NI KHAMS DRUG PA, REG PA'I SKYE MCHED DRUG PA, YID KYI NYE BAR SPYOD PA BCO BRGYAD PA'O, ,RGYAL PO CHEN PO SKYES BU 'DI NI KHAMS DRUG PA ZHES GANG SMRAS PA DE CI LA BRTEN TE SMRAS SHE NA, RGYAL PO CHEN PO KHAMS DRUG NI 'DI DAG GO; ,DRUG GANG ZHE NA, 'DI LTA STE, SA'I KHAMS DANG, CHU'I KHAMS DANG, ME'I KHAMS DANG, RLUNG GI KHAMS DANG, NAM MKHA'I KHAMS DANG, RNAM PAR SHES PA'I KHAMS DANG, RGYAL PO CHEN PO DE DAG NI KHAMS DRUG STE, SKYES BU 'DI DAG NI KHAMS DRUG PA'O ZHES GANG NGAS SMRAS PA DE NI DE LA BRTEN TE SMRAS SO, ,SKYES BU 'DI NI REG PA'I SKYE MCHED DRUG PA'O ZHES GANG SMRAS PA DE CI LA BRTEN TE SMRAS SHE NA, RGYAL PO CHEN PO REG PA'I SKYE MCHED DRUG NI 'DI DAG STE, DRUG GANG ZHE NA, GZUGS RNAMS LA LTA BA'I PHYIR MIG REG PA'I SKYE MCHED DANG, SGRA RNAMS LA NYAN PA'I @134B PHYIR RNA BA REG PA'I SKYE MCHED DANG, DRI RNAMS LA SNOM PA'I PHYIR SNA REG PA'I SKYE MCHED DANG, RO RNAMS LA MYANG BA'I PHYIR LCE REG PA'I SKYE MCHED DANG, REG BYA RNAMS LA REG PA'I PHYIR LUS REG PA'I SKYE MCHED DANG, CHOS RNAMS RNAM PAR SHES PA'I PHYIR YID REG PA'I SKYE MCHED DO, ,RGYAL PO CHEN PO DE DAG NI REG PA'I SKYE MCHED DRUG STE, SKYES BU 'DI DAG NI REG PA'I SKYE MCHED DRUG PA'O ZHES GANG NGAS SMRAS PA DE NI DE LA BRTEN TE SMRAS SO, ,RGYAL PO CHEN PO SKYES BU 'DI NI YID KYI NYE BAR SPYOD PA BCO BRGYAD PA'O ZHES GANG SMRAS PA DE CI LA BRTAN TE SMRAS SHE NA, RGYAL PO CHEN PO YID KYI NYE BAR SPYOD PA BCO BRGYAD NI 'DI DAG STE, BCO BRGYAD GANG ZHE NA, 'DI LA MIG GIS GZUGS MTHONG NA YID BDE BA DANG YID MI BDE BA DANG BTANG SNYOMS SU 'GYUR BAR GZUGS LA NYE BAR SPYOD DO, ,DE BZHIN DU RNA BA LA SOGS PA LA YANG BRJOD PAR BYA'O, ,RGYAL PO CHEN PO DE LA GANG DAG YID BDE BAR NYE BAR SPYOD PA DRUG DANG, GANG DAG YID MI BDE BAR NYE BAR SPYOD PA DRUG DANG, GANG DAG BTANG SNYOMS SU NYE BAR SPYOD PA DRUG PO DE DAG GCIG TU BSDUS NA YID KYI NYE BAR SPYOD PA BCO BRGYAD DU 'GYUR RO, ,DE BZHIN DU SBYAR TE, RGYAL PO CHEN PO NANG GI SA'I KHAMS GANG ZHE NA; GANG CI YANG RUNG STE, LUS 'DI LA NANG GI KHONG NA SRA BA DANG MKHRANG BA'I RNAM PA DANG NYE BAR GYUR PA DANG ZIN PA'O, ,DE YANG GANG ZHE NA, 'DI LTA STE, SKRA DANG SPU DANG, SEN MO DANG ZHES BYA BA LA SOGS PA'O, ,RGYAL PO CHEN PO PHYI ROL GYI SA'I KHAMS GANG ZHE NA, GANG CI YANG RUNG STE, PHYI ROL GYI SRA BA DANG MKHRANG BA'I RNAM PA DANG, NYE BAR MA GYUR PA DANG MA ZIN PA 'DI NI PHYI ROL GYI SA'I KHAMS ZHES BYA'O, ,RGYAL PO CHEN PO DE LA NANG GI SA'I KHAMS 'BYUNG BA'I TSE GANG NAS KYANG MI 'ONG, 'GAG PA'I TSE GANG DU YANG STZOGS PAR MI 'GYUR RO, ,RGYAL PO CHEN PO BUD MED NANG DU BDAG NI BUD MED DO ZHES RTOG PA'I DUS DE YOD DO, ,DE NANG DU BUD MED CES BRTAGS NAS PHYI ROL DU SKYES PA LA SKYES PA ZHES RTOG GO, ,DE PHYI ROL DU SKYES PA LA SKYES PA ZHES BRTAGS NAS CHAGS PAR GYUR TE PHYI ROL GYI SKYES PA DANG PHRAD PAR 'DOD DO, ,SKYES PA YANG NANG DU @135A *, ,BDAG NI SKYES PA'O ZHES RTOG STE DE NANG DU BDAG NI SKYES PA ZHES BRTAGS NAS PHYI ROL DU BUD MED LA BUD MED CES RTOG GO, ,PHYI ROL DU BUD MED LA BUD MED CES BRTAGS NAS CHAGS PAR 'GYUR TE, PHYI ROL GYI BUD MED DANG PHRAD PAR 'DOD DO, ,PHRAD PAR 'DOD PAS PHRAD PAR 'GYUR RO, ,PHRAD PA'I RKYEN GYIS MER MER PO SKYE BAR 'GYUR BA'I DUS DE YOD DO, ,RGYAL PO CHEN PO DE LA KUN DU RTOG PA GANG YIN PA DANG, GANG KUN DU RTOG PA PO GANG YIN PA DE GNYIS KA YANG MED DO, ,BUD MED LA NI BUD MED MED DO, ,SKYES PA LA NI SKYES PA MED DO, ,DE LTAR MED CING YANG DAG PA MA YIN PAR KUN DU RTOG PA SKYE STE, KUN DU RTOG PA DE YANG NGO BO NYID KYIS MED DO, ,KUN DU RTOG PA JI LTA BA BZHIN DU PHRAD PA DANG MER MER PO YANG NGO BO NYID KYIS MED DO, ,GANG NGO BO NYID KYIS MED PA DE JI LTAR SRA BA SKYED PAR 'GYUR, RGYAL PO CHEN PO DE LTAR KUN DU RTOG PA SHES PAR BYAS NAS SRA BA NYID RTOG PAR BYA STE, CI NAS SRA BA NI SKYE BA'I TSE GANG NAS KYANG MI 'ONG BAR SHES PAR BYA'O, ,RGYAL PO CHEN PO 'DI LTAR GANG LUS 'DI DUR KHROD KYI MTHAR 'GYUR BA'I DUS DE YOD DO, ,DE'I SRA BA DE 'JIG CING 'GAG PAR 'GYUR BA'I TSE, SHAR PHYOGS SU MI 'GRO, LHO PHYOGS DANG, NUB PHYOGS DANG, BYANG PHYOGS DANG, STENG DANG 'OG DANG, PHYOGS MTSAMS RNAMS SU YANG MI 'GRO STE, RGYAL PO CHEN PO NANG GI SA'I KHAMS NI DE LTAR BLTA'O, ,RGYAL PO CHEN PO 'JIG RTEN GNAS PA 'DI NAM MKHAR GYUR PA LA, TSANGS PA'I GZHAL MED KHANG RIN PO CHE SNA BDUN GYI RGYU LAS GRUB PA LA GNAS PA'I DUS DE YOD DO, ,RGYAL PO CHEN PO DE'I SRA BA DE 'BYUNG BA'I TSE GANG NAS KYANG MI 'ONG NGO, ,GZHAN 'PHRUL DBANG BYED KYI LHA RNAMS KYI GZHAL MED KHANG RIN PO CHE SNA BDUN GYI RGYU LAS GRUB PA BYUNG YANG RGYAL PO CHEN PO DE'I SRA BA DE 'BYUNG BA'I TSE GANG NAS KYANG MI 'ONG NGO, ,KHOR YUG DANG KHOR YUG CHEN PO'I RI RDO RJE'I RGYU LAS GRUB PA SRA ZHING BRTAN LA LHUN STUG PA RNAMS GNAS PAR GYUR KYANG DE DAG GI SA BA DE 'BYUNG BA'I TSE GANG NAS KYANG MI 'ONG NGO, ,RI'I RGYAL PO RI RAB DAG DANG, GNYA' SHING 'DZIN DAG DANG, MU KHYUD 'DZIN DAG DANG, @135B GSHOL MDA' 'DZIN DAG [?] DANG, RDO RJE 'DZIN DAG DANG, SENG LDENG CAN DAG DANG, RNAM PAR 'DUD DAG DANG, RI RTA RNA DAG DANG, BLTA NA SDUG DAG DANG, BLTA NA SDUG CHEN PO DAG DANG, THER SGRE DAG DANG, SPOS KYI DAD LDANG DAG DANG, GANGS KYI RI DAG DANG, DE MA YIN PA'I RI NAG PA' [?] BAR DAG GNAS PA DAG DANG, THAMS CAD DANG LDAN PA'I STONG GSUM GYI STONG CHEN PO'I 'JIG RTEN GYI KHAMS GNAS PA DAG DANG, RNGAMS SU DPAG CHAD BRGYAD KHRI BZHI STONG YOD LA RGYAR DPAG TSAD DRUG KHRI YOD PA'I SA CHEN PO GNAS PAR GYUR KYANG RGYAL PO CHEN PO SRA BDE 'BYUNG BA'I TSE GANG NAS KYANG MI 'ONG NGO, ,RGYAL PO CHEN PO 'JIG RTEN 'DI 'JIG PAR 'GYUR BA'I TSE SA CHEN PO 'DI MES TSIG PA'AM, CHUS BSHIG PA'AM, RLUNG GIS GTOR BAR 'GYUR BA'I DUS DE YOD DO, ,DE MES TSIG NA NI DU BA YANG MI MNGON THAL BA'I LHAG MA YANG MI MNGON BAR 'GYUR RO, ,'DI LTA STE DPER NA, MAR RAM 'BRU MAR MES BSREGS NA DU BA YANG MI MNGON ZHING THAL BA'I LHAG MA YANG MI MNGON PAR 'GYUR RO, ,DE BZHIN DU STONG GSUM GYI STONG CHEN PO 'JIG RTEN GYI KHAMS 'DI MES TSIG PA'I TSE DU BA YANG MI MNGON ZHING THAL BA'I LHAG MA YANG MI MNGON PAR 'GYUR RO, ,CHUS BSHIG PA'I TSE, YANG LHAG MA CI YANG MI MNGON PAR 'GYUR TE, 'DI LTA STE DPER NA LAN TSVA CHU'I NANG DU ZHU BA NI LHAG MA CUNG ZAD MI MNGON PAR 'GYUR RO, ,DE BZHIN DU STONG GSUM GYI STONG CHEN PO'I 'JIG RTEN GYI KHAMS 'DI YANG CHUS BSHIG PA'I CHE LHAG MA CUNG ZAD KYANG MI MNGON PAR 'GYUR RO, ,RLUNG GIS GTOR BA'I TSE YANG LHAG MA CUNG ZAD KYANG MI MNGON PAR 'GYUR TE, 'DI LTA STE DPER NA RNAM PAR 'THOR RLUNG GIS BDAS PA'I BYE'U NI LHAG MA CUNG ZAD KYANG MI MNGON PAR 'GYUR RO, ,DE BZHIN DU STONG GSUM GYI STONG CHEN PO'I 'JIG RTEN GYI KHAMS 'DI YANG RLUNG GIS GTOR BA'I TSE LHAG MA CUNG ZAD KYANG MI MNGON PAR 'GYUR RO, ,RGYAL PO CHEN PO DE LTAR SA'I KHAMS DE 'BYUNG BA YANG STONG, SA'I KHAMS 'JIG PA DANG 'BYUNG BA YANG NGO BO NYID KYIS STONG NGO, ,RGYAL PO CHEN PO'I SA'I KHAMS NI THA SNYAD TZAM MA GTOGS PAR SA'I @136A *, ,KHAMS NYID DU MI DMIGS TE, THA SNYAD DA YANG BUD MED MA YIN, SKYES PA MA YIN GYI, RGYAL PO CHEN PO DE LTAR YANG DAG PA JI LTA BA BZHIN GYI SHES RAB KYIS RTOGS SHIG ,RGYAL PO CHEN PO DE LA CHU'I KHAMS NI RNAM PA GNYIS TE, NANG DANG, PHYI ROL GYI'O, , NANG GI CHU'I KHAMS GANG ZHE NA, GANG CI YANG RUNG STE LUS 'DI LA NANG GI KHONG NA CHU DANG CHU'I RNAM PA DANG CHU NYID DANG, RLAN PA DANG, RLAN PA'I RNAM PA DANG RLAN PA NYID DANG GSHER BA NYID DANG, NYE BAR GYUR PA DANG ZIN PA'O, ,DE YANG GANG ZHE NA, 'DI LTA STE, MCHI MA DANG, RDUL DANG, MCHIL MA DANG; SNABS DANG, CHU SER DANG, TSIL DANG, MKHRIS PA DANG, NGAR SNABS DANG, RNAG DANG, KHRAG DANG, 'O MA DANG, GCIN DANG, GZHAN YANG GANG LUS 'DI'I NANG GI KHONG NA, CHU DANG CHU'I RNAM PA DANG CHU NYID DANG RLAN PA DANG RLAN PA'I RNAM PA DANG RLAN PA NYID DANG GSHER BA NYID DANG, NYE BAR GYUR PA DANG ZIN PA 'DI NI NANG GI CHU'I KHAMS ZHES BYA'O, ,DE BZHIN DU SBYAR TE, RGYAL PO CHEN PO'I SDUG PA MTHONG NA MCHI MA 'BYUNG BA DANG, SDUG BSNGAL GYIS NYEN PA DANG CHOS KYI SHUGS KYIS MCHI MA 'BYUNG BA DANG RLUNG GIS BTAB BAM, RNAM PA GZHAN DAG GIS KYANG MCHI MA 'BYUNG STE; DPYAD BYAS PAS KYANG NANG GI CHU'I KHAMS 'PHEL BAR 'GYUR BA'I DUS DE YOD DE, RGYAL PO CHEN PO CHU'I KHAMS DE 'BYUNG BA'I TSE GANG NAS KYANG MI 'ONG NGO, ,RGYAL PO CHEN PO GANG NANG GI CHU'I KHAMS DE YONGS SU SKAM PAR 'GYUR BA'I DUS DE YOD DE, DE YONGS SU SKAM ZHING 'GAG PA'I TSE GANG DU YANG MI 'GRO'O, ,RGYAL PO CHEN PO GANG NANG GI ME'I KHAMS SHAS CHE BAR GYUR NA, DES NANG GI CHU'I KHAMS YONGS SU GDUNG BAR 'GYUR BA'I DUS DE YOD DE, GDUNGS PA'I TSE GANG DU YANG MI 'GRO'O, ,RGYAL PO CHEN PO DE BZHIN DU NANG GI CHU'I KHAMS 'BYUNG BA'I TSE GANG NAS KYANG MI 'ONG NGO, ,'GAG PA'I TSE GANG DU YANG MI 'GRO'O, ,RGYAL PO CHEN PO GANG 'JIG RTEN 'DI CHAGS PAR 'GYUR BA'I DUS DE YOD DE, 'JIG RTEN GYI KHAMS 'DI CHAGS PAR 'GYUR BA'I TSE, NAM MKHA' 'DI LA KUN DU SPRIN SHIN TU STUG PO'I TSOGS [?] SUM CU RTZA @136B GNYIS 'KHRIGS PAR 'GYUR TE, DE DAG 'KHRIGS PAS THAMS CAD DANG LDAN PA'I STONG GSUM GYI STONG CHEN PO'I 'JIG RTEN GYI KHAMS 'DI THAMS CAD G-YOGS PAR 'GYUR TE, DE LAS BSKAL PA BAR MA LNGA'I BAR DU GSHOL MDA' TZAM GYI CHAR GYI RGYUN 'BAB PO, ,BSKAL PA BAR MA LNGA'I BAR DU GLANG PO CHE'I PHO MTSAN TZAM GYI CHAR 'BAB PO, ,BSKAL PA BAR MA LNGA'I BAR DU RGYUN MI 'CHAD PA'I CHAR 'BAB PO, ,BSKAL PA BAR MA LNGA'I BAR DU THIGS PA CHEN PO'I CHAR 'BAB PO, ,DES SA CHEN PO 'DI NAS TSANGS PA'I 'JIG RTEN GYI BAR DU CHUS KHYAB PAR GANG BAR 'GYUR TE, RGYAL PO CHEN PO CHU'I PHUNG PO CHEN PO DE 'BYUNG BA'I TSE'ANG GANG NAS MI 'ONG NGO, ,RGYAL PO CHEN PO GANG 'JIG RTEN 'DI 'JIG PAR 'GYUR BA'I DUS DE YOD DE, 'JIG RTEN GYI KHAMS 'JIG PAR 'GYUR BA'I TSE, NYI MA GNYIS 'JIG RTEN DU 'BYUNG BAR 'GYUR TE, NYI MA GNYIS 'JIG RTEN DU BYUNG BAS CHU MIG DANG CHU BRAN RNAMS SKAM PAR 'GYUR RO, ,DE NAS NYI MA GSUM 'JIG RTEN DU 'BYUNG STE, NYI MA GSUM 'JIG RTEN DU BYUNG BA NA CHU MIG CHEN PO DANG CHU KLUNG CHEN PO RNAMS SKAM PAR 'GYUR RO, ,DE NAS NYI MA BZHI 'JIG RTEN DU 'BYUNG STE, NYI MA BZHI 'JIG RTEN DU BYUNG BAS GANG NAS CHU KLUNG CHEN PO BZHI PO DE DAG 'BAB PA'I MTSO CHEN PO MA DROS PA DE DE YANG THAMS CAD KYI THAMS CAD DU SKAM PAR 'GYUR THIM PAR 'GYUR TE MED PAR 'GYUR RO, ,DE NAS NYI MA LNGA 'JIG RTEN DU 'BYUNG STE, NYI MA LNGA 'JIG RTEN DU BYUNG BAS RGYA MTSO CHEN PO YANG DPAG TSAD GCIG TZAM GYI CHU YONGS SU ZAD CING YONGS SU 'GRIB PAR 'GYUR RO, ,DPAG TSAD GNYIS DANG, DPAG TSAD GSUM DANG, BZHI DANG, LNGA DANG, BCU DANG, NYI SHU DANG, SUM CU DANG, BZHI BCU DANG, DPAG TSAD LNGA BCU TZAM GYI CHU YONGS SU ZAD CING YONGS SU 'GRIB PAR 'GYUR BA NAS, DPAG TSAD BZHI KHRI'I BAR GYI CHU LAS PAR 'GYUR BA DANG, SHING TA LA GNYIS TZAM NAS MTSAN KHUNG NU BA TZAM DANG, BA LANG GI RJES KYI CHU TZAM GYI BAR DU LAS PAR 'GYUR BA'I DUS DE YOD DO, ,RGYAL PO CHEN PO GANG RGYA MTSO CHEN PO DE LAS ZIL PA PHRAM PHRUM TZAM @137A *, ,LAS PAR 'GYUR BA'I DUS DE YOD DO, ,RGYAL PO CHEN PO GANG RGYA MTSO CHEN PO DE LA MDZUB MO SNUBS PA TZAM GYI CHU'ANG MA LAS PAR 'GYUR BA'I DUS DE YOD DO, ,RGYAL PO CHEN PO DE TZAM DU YANG CHU'I KHAMS DE 'GAG PA'I TSE YANG GANG DU YANG MI 'GRO STE, SHAR PHYOGS DANG; LHO PHYOGS DANG NUB PHYOGS DANG BYANG PHYOGS DANG STENG DANG 'OG DANG, PHYOGS MTSAMS RNAMS SU MI 'GRO'O, ,RGYAL PO CHEN PO CHU'I KHAMS DE NI SKYE BA YANG STONG, 'JIG PA YANG STONG, GNAS PA'I TSE YANG CHU'I KHAMS DE RANG BZHIN GYIS STONG STE, RGYAL PO CHEN PO CHU'I KHAMS DE NI THA SNYAD TZAM MA GTOGS PAR CHU'I KHAMS KYIS STONG ZHING MI DMIGS PA STE, THA SNYAD DE YANG BUD MED MA YIN, SKYES PA MA YIN NO ZHES BYA BA SNGA MA BZHIN NO, ,ME'I KHAMS NI RNAM PA GNYIS TE, NANG GI DANG, PHYI ROL GYI'O, ,NANG GI ME'I KHAMS GANG ZHE NA, GANG CI YANG RUNG STE LUS 'DI LA ME DANG ME'I RNAM PA DANG, DRO BA DANG DRO BA'I RNAM PA DANG, NYE BAR GYUR PA DANG ZIN PA'O, ,DE YANG GANG ZHE NA, GANG GIS LUS 'DI GDUNG BA DANG, KUN DU GDUNG BA DANG YONGS SU GDUNG BA DANG, GANG GIS ZOS PA DANG 'THUNGS PA DANG, 'CHOS PA DANG MYANGS PA RNAMS BDE ZHING LEGS PAR ZHU BAR 'GYUR BA DANG, GANG GI SHAS CHE NA, RIM MO RIM MO ZHES BYA BA'I GRANGS SU 'GRO BA DANG ZHES BYA BA LA SOGS PA'O, ,PHYI ROL GYI ME'I KHAMS GANG ZHE NA, GANG PHYI ROL GYI ME DANG ME'I RNAM PA DANG, DRO BA DANG DRO BA'I RNAM PA DANG, NYE BAR MA GYUR PA DANG MA ZIN PA STE, DE DAG NI MI DAG GTZUB SHING DANG LDAN PA DANG RTZVA DANG LDAN PA'AM, BA LANG GI LCI BA'I SBUR MA'AM SHING BAL GYI 'DA' BA DANG LDAN PAR BYAS SHING ME 'BYIN TE, DE BYUNG NAS GRONG YANG TSIG GRONG GI PHYOGS KYANG TSIG ,GRONG KHYER RAM GRONG KHYER GYI PHYOGS SAM YUL LAM YUL GYI PHYOGS SAM, GLING NGAM, RTZVA'I GTOS SAM, NAGS SAM, SHING NGAM, RTZVA'AM, BA LANG GI LCI BA DAG SREG CING 'GRO BA DANG ZHES BYA BA LA SOGS PA'O, ,RGYAL PO CHEN PO DE LA PHYI ROL GYI ME'I KHAMS NI 'BYUNG BA'I TSE'ANG GANG NAS KYANG MI 'ONG, 'GAG PA'I TSE YANG GANG DU @137B YANG MI 'GRO STE, DI NI RANG BZHIN DANG BRAL BA'I PHYIR MED PA, LAS YOD PAR 'GYUR ZHING YOD PAR GYUR NAS KYANG MED PAR 'GYUR RO ZHES BYA BA LA SOGS PA'O, ,DE LA NANG GI RLUNG GI KHAMS GANG ZHE NA, GANG LUS 'DI LA RLUNG DANG RLUNG GI RNAM PA DANG, YANG BA NYID DANG G-YO BA NYID DANG, NYE BAR GYUR PA DANG ZIN PA'O, ,DE YANG GANG ZHE NA, 'DI LTA STE, GYEN DU 'GRO BA'I RLUNG DANG, THUR DU 'GRO BA DANG, THAD KAR 'GRO BA DANG, RGYAB TU 'GRO BA DANG, RGYAB NA GNAS PA DANG, LTO NA GNAS PA DANG, 'CHAD PAR BYED PA DANG, 'GAS PAR BYED PA DANG, GZER BA DANG, 'DAR BU DANG, SNA SKAD DANG, RLUNG SKRAN DANG, DBUGS 'BYUNG BA DANG, RDUB PA DANG LDAN PA DANG, YAN LAG DANG YAN LAG LA GNAS PA'I RLUNG DAG DANG ZHES BYA BA LA SOGS PA'O, ,PHYI ROL GYI RLUNG DE YANG SHAR PHYOGS KYI RLUNG YOD DO, ,LHO PHYOGS DANG, NUB PHYOGS DANG, BYANG PHYOGS KYI RLUNG YOD DO; ,RDUL DANG BCAS PA DANG, RDUL MED PA DANG CHUNG BA DANG CHE BA'I RLUNG YOD DO, ,KUN DU KHYAB PA'I RLUNG DANG, RNAM PAR 'THOR BA'I RLUNG DANG, TSUB MA'I RLUNG DAG KYANG YOD DO, ,RGYAL PO CHEN PO RLUNG GI PHUNG PO CHEN PO LANGS NA SHING DAG KYANG GCOG ,RTZIG PA'I KHA DAG DANG RI'I RTZE MO DAG KYANG BSNYIL ZHING BSNYIL NAS RMEG MED PAR 'GYUR BA DAG DANG, YANG SEMS CAN DAG GOS KYI MTHA' MA 'AM SBUD PA'AM RLUNG G-YAB DAG GIS RLUNG G-YOB PA'I DUS DE YOD DO, ,GZHAN YANG GANG TSUL 'DI DANG 'DRA BA DE NI PHYI ROL GYI RLUNG GI KHAMS ZHES BYA BA LA SOGS PA SNGA MA BZHIN NO,, ,, BAM PO BCU GCIG PA, NANG GI NAM MKHA'I KHAMS GANG ZHE NA, GANG CI YANG RUNG STE, LUS 'DI LA NANG GI KHONG NA NYE BAR GYUR PA DANG, ZIN PA DANG, NAM MKHA' DANG NAM MKHA'I RNAM PA NANG ZHES BYA BA'I GRANGS SU 'GRO BA, MA GANG BA DANG PAGS PA DANG SHA DANG KHRAG GIS GANG BAR BYA BA MA YIN PA'O, ,DE YANG GANG ZHE NA, LUS 'DI LA MIG GI NANG ZHE'AM, RNA BA DANG, SNA'I NANG ZHE'AM, KHA'AM KHA'I NANG ZHE'AM, KHA'I SGO ZHE'AM, LKOG MA ZHE'AM, MID PA ZHE'AM, GANG NAS KYANG MID PA DANG, GANG DU GNAS PA DANG, GANG GIS ZOS PA DANG 'THUNGS BA DANG 'CHOS PA @138A *, ,DANG MYANGS PA RNAMS THUR DU RGYU BAR BYED PA DANG, GZHAN YANG GANG LUS 'DI LA NANG GI KHONG NA NYE BAR GYUR BA DANG, ZIN PA DANG, PHUNG POR GYUR PA'AM KHAMS SU GYUR PA'AM SKYE MCHED DU GYUR PA DAG NI NAM MKHA'I DANG, NAM MKHA'I RNAM PA DANG, MA GANG BA DANG PAGS PA DANG SHA DANG KHRAG GIS GANG BAR BYA BA MA YIN PA NANG GI GRANGS SU 'GRO BA KHONG STONG DANG BU GA ZHES BYA BA DAG STE, DE DAG NI NANG GI NAM MKHA'I KHAMS ZHES BYA'O, ,PHYI ROL GYI NAM MKHA'I KHAMS GANG ZHE NA, GANG TSA YANG RUNG STE, PHYI ROL GYI NAM MKHA' DANG NAM MKHA'I RNAM PA DANG; MA GANG BA DANG, GZUGS SU GYUR PAS GANG BAR BYA BA MA YIN PA, MA 'DRES PA KHONG STONG DANG BU GAR GYUR PA 'DI NI PHYI ROL GYI NAM MKHA'I KHAMS ZHES BYA'O, ,RGYAL PO CHEN PO GANG LAS KYI RKYEN GYIS SKYE MCHED RNAMS 'BYUNG BA'I DUS DE YOD DO, ,DE DAG NAM MKHA'I KHAMS LA KUN NAS SKOR BAR BYED DO, ,DE NANG GI NAM MKHA'I KHAMS ZHES BYA BA'I GRANGS SU 'GRO YANG DE NI GANG LAS KYANG MA 'ONGS SO, ,RGYAL PO CHEN PO GZUGS ZHIG NA THAMS CAD NAM MKHA' 'GYUR BA'I DUS DE YOD DO, ,DE CI'I PHYIR ZHE NA, NAM MKHA'I KHAMS NI ZAD MI SHES PA'I PHYIR RO, , DE LTA NA NANG GI NAM MKHA'I KHAMS NI GNAS SHING MI G-YO BA'O, ,RGYAL PO CHEN PO 'DI LTA STE DPER NA, 'DUS MA BYAS DE NI MYA NGAN LAS 'DAS PA'I DBYINGS TE, DE BZHIN DU NAM MKHA'I KHAMS KYANG THAMS CAD DU SONG BAR BLTA BAR BYA'O, ,RGYAL PO CHEN PO 'DI LTA STE DPER NA, MI ZHIG GIS THANG LA KHRON PA'AM RDZING BU'AM KHRON RINGS SAM RDZING ZHIG BRKOS NA, RGYAL PO CHEN PO 'DI JI SNYAM DU SEMS, DE'I NAM MKHA' DE GA LAS 'ONGS, GSOL PA, BCOM LDAN 'DAS DE NI GANG LAS KYANG MA MCHIS SO, ,RGYAL PO CHEN PO 'DI LTA STE DPER NA, ME DES KHRON PA NAS RDZING GI BAR DE DAG PHYIR BKANG NA RGYAL PO CHEN PO DE JI SNYAM DU SEMS, DE'I NAM MKHA' DE GANG DU SONG, GSOL PA, BCOM LDAN 'DAS DE NI GANG DU YANG MA MCHIS TE, DE'I SLAD DU ZHE NA, NAM MKHA'I KHAMS NI 'GRO BA'AM 'ONG BAR NYE BAR GNAS PA MA LAGS, @138B BUD MED KYI DNGOS PO DANG SKYES PA'I DNGOS POR NYE BAR GNAS PA MA LAGS PA'I SLAD DU'O, ,BKA' STZAL PA, RGYAL PO CHEN PO DE LTAR NA PHYI ROL GYI NAM MKHA'I KHAMS NI MI G-YO MI 'GYUR PA'O, ,DE CI'I PHYIR ZHE NA, NAM MKHA'I KHAMS NI NAM MKHA'I KHAMS KYIS STONG ZHING NAM MKHA'I KHAMS DANG BRAL BA STE, NAM MKHA'I KHAMS NI BUD MED KYI DNGOS POR NYE BAR MI GNAS, SKYES PA'I DNGOS POR NYE BAR MI GNAS KYIS, DE LTAR YANG DAG PA JI LTA BA BZHIN DU YANG DAG PA'I SHES RAB KYIS RTOGS SHIG ,RGYAL PO CHEN PO DE LA RNAM PAR SHES PA'I KHAMS GANG ZHE NA, MIG GI DBANG PO NI BDAG PO, ,GZUGS NI DMIGS PA, GZUGS SO SOR RNAM PAR RIG PA STE, SNGON PO RNAM PAR RIG PA'AM, SER PO DANG DMAR PO DANG KHRA BO RNAM PAR RIG PA'AM, RING PO DANG THUNG NGU DANG, SBOM PO DANG PHRA MO RNAM PAR RIG PA STE, RGYAL PO CHEN PO DE LTAR GANG CI YANG RUNG, KHA DOG DANG DBYIBS RNAM PAR RIG PA 'DI NI MIG GI RNAM PAR SHES PA'I KHAMS ZHES BYA'O, ,DE BZHIN DU GANG CI YANG RUNG, RNA BA'I DBANG PO NI BDAG PO NAS, YID KYI DBANG PO NI BDAG PO, ,CHOS NI DMIGS PA STE, SGRA RNAM PAR RIG PA'AM, DRI RNAM PAR RIG PA'AM, RO RNAM PAR RIG PA'AM, RIG PA RNAM PAR RIG PA'AM, CHOS RNAM PAR RIG 'DI NI, RNA BA'I RNAM PAR SHES PA'I KHAMS NAS YID KYI RNAM PAR SHES PA'I KHAMS KYI BAR TE, DE LTAR DBANG PO DRUG NI BDAG PO, ,YUL DRUG NI DMIGS PA YIN LA, YUL RNAM PAR RIG PA 'DI NI RNAM PAR SHES PA'I KHAMS ZHES BYA'O, ,RGYAL PO CHEN PO RNAM PAR SHES PA'I KHAMS DE NI DBANG PO LA MI BRTEN, YUL RNAMS LAS MA 'ONGS, BAR GYI DBUS NA MI GNAS TE, DE NI NANG NA YANG MA YIN, PHYI ROL LAN YANG MA YIN, GNYI GA MED PAR YANG MA YIN NO, ,RNAM PAR SHES PA'I KHAMS DE NI DNGOS PO SO SOR RNAM PAR RIG NAS 'GAG STE, DE 'BYUNG BA'I TSE GANG NAS KYANG MA 'ONGS, 'GAG PA'I TSE GANG DU YANG MI 'GRO'O, ,RNAM PAR SHES PA'I KHAMS DE 'BYUNG BA YANG STONG, 'JIG PA YANG STONG STE, RNAM PAR SHES PA'I KHAMS DE 'BYUNG BA YANG RANG BZHIN GYIS @139A *, ,STONG NGO; ,RGYAL PO CHEN PO DE LTAR NA, THA SNYAD MA GTOGS PAR RNAM PAR SHES PA'I KHAMS DE NI RNAM PAR SHES PA'I KHAMS NYID KYIS STONG STE, THA SNYAD DE YANG SKYES PA MA YIN, BUD MED MA YIN GYI, DE NI DE LTAR YANG DAG PA JI LTA BA BZHIN DU YANG DAG PA'I SHES RAB KYI SA RTOGS SHIG ,RGYAL PO CHEN PO DE LA MIG GI SKYE MCHED GANG ZHE NA, DE NI 'BYUNG BA CHEN PO BZHI DANG BA STE, 'DI LTAR SA'I KHAMS DANG, CHU'I KHAMS DANG, ME'I KHAMS DANG, RLUNG GI KHAMS SO, ,DE LA SA'I KHAMS DANG BA NI SKYE MCHED MA YIN NO, ,CHU'I KHAMS DANG BA YANG MA YIN NO, ,ME'I KHAMS DANG BA YANG MA YIN NO, ,RLUNG GI KHAMS DANG BA YANG MIG GI SKYE MCHED MA YIN NO, ,DE CI'I PHYIR ZHE NA, SA'I KHAMS DANG BA NI CHOS GANG LA YANG SKYE MCHED DAM SKYE MCHED THOB PAR BYA BAR NYE BAR MI GNAS SO, ,DE BZHIN DU RLUNG GI KHAMS KYI BAR DANG BA NI TSES GANG LA YANG SKYE MCHED DAM SKYE MCHED THOB PAR BYA BAR NYE BAR MI GNAS SO, ,DE CI'I PHYIR ZHE NA, CHOS DE DAG NI SEMS PA MED CING BYED PA MED LA CI LA YANG MI NUS PA STE, RGYAL PO CHEN PO CHOS RNAMS NI RE RE NAS BTZAL NA THA SNYAD TZAM MA GTOGS PAR MIG GI SKYE MCHED MI DMIGS SO, ,DE CI'I PHYIR ZHE NA, SA'I KHAMS DANG BA NI SA'I KHAMS DANG BAS STONG, RLUNG GI KHAMS DANG BA'I BAR NI RLUNG GI KHAMS DANG BAS STONG STE, CHOS GANG DAG RANG BZHIN GYIS STONG PA DE DAG LA DANG BA'AM 'KHRUGS PAR 'GYUR BA'ANG GA LA YOD DE, GANG LA YANG DANG BA'AM 'KHRUGS PA MI DMIGS PA DE DAG JI LTAR GZUGS LA LTA BAR 'GYUR, DE LTAR MIG GI SKYE MCHED NI MIG GI SKYE MCHED KYI RANG BZHIN GYIS SHIN TU STONG STE, DE NI 'ONG BA DANG 'GRO BA MED PA'I PHYIR SNGON GYI MTHA' YANG MI DMIGS PHYI MA'I MTHA' YANG MI DMIGS SO, ,RANG BZHIN MED PA'I PHYIR DE LA GNAS PA YANG MI DMIGS SO, ,GANG RANG BZHIN GYIS MED PA DE NI BUD MED KYANG MA YIN SKYES PA YANG MA YIN NO, ,GANG BUD MED KYANG MA YIN SKYES PA YANG MA YIN PA DE NI DES RLOM SEMS SU LTA GA LA 'GYUR TE, RGYAL PO CHEN PO RLOM SEMS NI BDUD KYI SPYOD YUL LO, ,RLOM @139B SEMS MED PA NI SANGS RGYAS KYI SPYOD YUL LO, ,DE'I CI'I PHYIR ZHE NA, CHOS THAMS CAD NI RLOM SEMS DANG BRAL BA'O, ,DE BZHIN DU SBYAR TE, RGYAL PO CHEN PO DE LA RNA BA'I SKYE MCHED NAS LUS KYI SKYE MCHED KYI BAR GANG ZHE NA, GANG 'BYUNG BA CHEN PO BZHI DANG BA'O, ,RGYAL PO CHEN PO DE LTAR NA CHOS THAMS CAD KYI BAR NI, RNAM PAR THAR PA LA MNGON PAR PHYOGS PA CHOS KYI DBYINGS SU NGES PA, NAM MKHA'I KHAMS KYI MTHAS KLAS PA, GDAGS SU MED PA, THA SNYAD MED PA, BRJOD DU MED PA, BRJOD PAR BYA BA MA YIN PA'O, ,RGYAL PO CHEN PO GANG LA DBANG PO RNAMS THOGS PAR 'GYUR BA DE NI YUL RNAMS ZHES BYA STE, MIG GIS GZUGS RNAMS LA THOGS PAR 'GYUR BA DE'I PHYIR GZUGS RNAMS NI MIG GI YUL ZHES BYA'O, ,DE BZHIN DU RNA BA'I SGRA RNAMS ZHES BYA BA LA SOGS PA'O, ,DE LA MIG GZUGS RNAMS LA THOGS SO ZHES BYA BA 'DI NI 'BAB PA'I THOGS PAR 'GYUR BAR BSTAN TE, 'DI LTAR MIG NI GZUGS RNAMS LA RNAM PAR GSUM DU 'BAB STE, MTHUN PA RNAMS LA SDUG PA'I 'DU SHES KYIS 'BAB PA DANG, MI MTHUN PA RNAMS LA KHONG KHRO BA'I 'DU SHES KYIS 'BAB PA DANG, MTHUN PA YANG MA YIN MI MTHUN PA YANG MA YIN PA RNAMS LA BTANG SNYOMS KYI 'DU SHES KYIS 'BAB PA, ,DE BZHIN DU YID NI CHOS RNAMS LA ZHES BYA BA LA SOGS PA STE, YUL DE DAG NI YID KYI SPYOD YUL ZHES BYA BA STE, DE LA YID SPYOD CING RNAM PAR SPYOD PAS DE'I PHYIR YID KYI SPYOD YUL ZHES BYA'O, ,RGYAL PO CHEN PO YID DE MTHUN PA'I GZUGS RNAMS LA RJES SU CHAGS PAR SPYOD PA DES NI DE'I 'DOD CHAGS SKYE BAR 'GYUR, MI MTHUN PA'I GZUGS RNAMS LA KHONG KHRO BAR SPYOD PA DES NI DE'I ZHE SDANG SKYE BAR 'GYUR, MTHUN PA YANG MA YIN MI MTHUN PA YANG MA YIN PA RNAMS LA RMONGS PAR SPYOD BDES NI DE'I GTI MUG SKYE BAR 'GYUR TE, DE BZHIN DU SGRA DANG DRI DANG RO DANG REG BYA RNAMS LA YANG CHOS RNAM PA GSUM GSUM LA DMIGS PA MYONG BAR 'GYUR TE SNGA MA BZHIN NO, ,RGYAL PO CHEN PO DE LA DBANG PO RNAMS NI SGYU MA LTA BU YUL RNAMS NI RMI LAM LTA BUR SHES PAR BYA'O, , @140A *, ,RGYAL PO CHEN PO 'DI LTA STE DPER NA MI ZHIG NYAL BA'I RMI LAM NA YUL GYI BZANG MO DANG LHAN CIG TU YONGS SU SPYOD PAR RMIS LA, DE NYAL BA LAS SAD NAS BUD MED YUL GYI BZANG MO DE RJES SU DRAN PAR GYUR NA, RGYAL PO CHEN PO 'DI JI SNYAM DU SEMS, RMI LAM NA MTHONG BA'I YUL GYI BZANG MO DE YOD DAM GSOL PA, BCOM LDAN 'DAS DE NI MA MCHIS SE, ,BKA' STZAL PA RGYAL PO CHEN PO 'DI JI SNYAM DU SEMS SKYES BU GANG RMI LAM NA YUL GYI BZANG MO MTHONG BA'I BUD MED DE DANG LHAN CIG TU RTZE BA DANG DGA' BA DANG, MNGON PAR ZHEN PAR 'GYUR BA DE MKHAS PA'I RANG BZHIN CAN YIN NAM GSOL PA, BCOM LDAN 'DAS DE NI MA LAGS TE, DE CI'I SLAD DU ZHE NA, BCOM LDAN 'DAS RMI LAM NI MTHONG BA'I YUL GYI BZANG MO DE NI SHIN TU MA MCHIS SHING MI DMIGS NA, DE DANG LHAN CIG TU YONGS SU SPYOD PA LTA GA LA MCHIS TE GZHAN DU NA GANG DE LA ZHEN PA'I MI DE NI SHIN TU PHONGS SHING DUB PA'I SKAL BA CAN DU 'GYUR RO, ,BCOM LDAN 'DAS KYIS BKA' STZAL PA, RGYAL PO CHEN PO DE BZHIN DU BYIS PA SO SO'I SKYE BO THOS PA DANG MI LDAN PA YANG MIG GIS GZUGS MTHONG NA YID BDE BAR 'GYUR BA RNAMS LA MNGON PAR ZHEN PAR 'GYUR TE, DE MNGON PAR ZHEN NAS RJES SU CHAGS PAR 'GYUR RO, ,RJES SU CHAGS PAR GYUR NAS YONGS SU CHAGS PAR 'GYUR RO, ,YONGS SU CHAGS PAR GYUR NAS 'DOD CHAGS LAS BYUNG BA'I LUS KYIS NI RNAM PA GSUM NGAG GIS NI RNAM PA BZHI YID KYIS NI RNAM PA GSUM MNGON PAR 'DU BYED DE, LAS MNGON PAR 'DU BYAS PA DE YANG THOG MA NYID NAS ZAD CING 'GAGS LA BRAL ZHING RNAM PAR 'GYUR BA STE, SHAR PHYOGS SU BRTEN TE GNAS PA MA YIN, LHO PHYOGS DANG NUB PHYOGS DANG BYANG PHYOGS DANG, STENG DANG, 'OG DANG, PHYOGS MTSAMS RNAMS SU BRTEN TE GNAS PA MA YIN, 'DI NA MA YIN PHA BI NA MA YIN PAR BAR MA DOR [?] MA YIN TE, DUS GZHAN NA 'CHI BA'I DUS DANG TSOD NYE BAR GNAS PA'I TSE, SROG GI DBANG PO 'GAGS TE TSE YONGS SU ZAD CING DE DANG SKAL BA 'DRA BA'I LAS RNAMS KYANG ZAD NAS RNAM PAR SHES PA THA MA @140B 'GAGS PA'I TSE, 'DI LTA STE DPER NA NYAL NYAL BA LAS SAD PA'I YUL GYI BZANG MO DANG 'DRA BAR YID KYIS DMIGS PAR 'GYUR RO, ,RGYAL PO CHEN PO DE LA RNAM PAR SHES PA THA MA'I DBANG DANG LAS DMIGS PA DE DANG RKYEN GNYIS KYIS SKYE BA'I CHAR GTOGS PA'I RNAM PAR SHES PA DANG PO 'BYUNG STE, YANG NA NI SEMS CAN DMYAL BAR, YANG NA NI DUD 'GRO'I SKYE GNAS SU, YANG NA NI GSHIN RJE'I 'JIG RTEN DU, YANG NA NI LHA MA YIN GYI RIS SU, YANG NA NI MI'I NANG DU, YANG NA NI LHA'I NANG DU SKYE BAR 'GYUR TE, RNAM PAR SHES PA DANG PO SKYE BA'I CHAR GTOGS PA DE, DE 'GAGS MA THAG TU BAR MA CHAD PAR, GANG LA RNAM PAR SMIN PA MYONG BAR 'GYUR BA MNGON PA'I SEMS KYI RGYUD SKAL BA 'DRA BAR 'BYUNG NGO, ,DE LA GANG RNAM PAR SHES PA THA MA 'GAG PA DE NI 'CHI 'PHO ZHES BYA BA'I GRANGS SU 'GYUR RO, ,GANG RNAM PAR SHES PA DANG PO 'BYUNG BA DE LA NI SKYE BA ZHES BYA'O, ,RGYAL PO CHEN PO DE LTA NA CHOS GANG YANG 'JIG RTEN 'DI NAS 'JIG RTEN PHA ROL DU 'PHO BA'ANG MED LA 'CHI 'PHO DANG SKYE BAR MNGON PA'ANG YOD DE, RGYAL PO CHEN PO RNAM PAR SHES PA THA MA DE SKYE BA'I TSE YANG GANG NAS KYANG MI 'ONG, ,'GAG PA'I TSO GANG DU YANG MI 'GRO'O, ,LAS KYANG SKYE BA'I TSE GANG NAS KYANG MI 'ONG 'GAG PA'I TSE GANG DU YANG MI 'GRO'O, ,RNAM PAR SHES PA DANG PO SKYE BA'I TSE YANG GANG NAS KYANG MI 'ONG 'GAG PA'I TSE YANG GANG DU YANG MI 'GRO'O, ,DE CI'I PHYIR ZHE NA, NGO BO NYID MED PA'I PHYIR TE, RNAM PAR SHES PA THA MA NI RNAM PAR SHES PA THA MAS STONG, LAS NI LAS KYIS STONG, RNAM PAR SHES PA DANG PO NI RNAM PAR SHES PA DANG POS STONG, 'CHI 'PHO NI 'CHI 'PHOS STONG, SKYE BA NI SKYE BAS STONG LA, LAS RNAMS 'BRAS BU MED PAR MI 'GYUR ZHING RNAM PAR SMIN PA MYONG BAR MNGON PA YANG YOD DE, DE LA MING GI BRDA TZAM MA GTOGS PAR BYED PA PO'AM ZA BA PO GANG AYANG MED DO, ,RGYAL PO CHEN PO 'DI LTA STE DPER NA, MI ZHIG NYAL BA'I RMI LAM NA DGRA DANG 'THAB PA ZHIG RMIS LA, NYAL BA LAS SAD NAS DE NYID DRAN PAR GYUR NA, RGYAL PO CHEN PO 'DI JI SNYAM DU @141A *, ,SEMS RMI LAM DU RMIS PA'I DGRA DE 'AM DGRA DE DANG 'THAB PA YOD DAM, GSEL BA BCOM LDAN 'DAS DE NI MA MCHIS SO, ,BKA' STZAL PA, RGYAL PO CHEN PO 'DI JI SNYAM DU SEMS 'O NA SKYES BU GANG RMI LAM GYI DGRA LA MNGON PAR ZHEN PA'AM, DGRA DANG 'THAD PAR 'GYUR BA DE MKHAS PA'I RANG BZHIN CAN YIN NAM, GSOL PA BCOM LDAN 'DAS DE NI MA LAGS TE, DE CI'I SLAD DU ZHE NA, BCOM LDAN 'DAS RMI LAM NA MTHONG BA'I DGRA DE NYID KYANG SHIN TU MA MCHIS SHING MI DMIGS NA DE DANG 'THAB PA LTA GA LA MCHIS TE GZHAN DU NA GANG DE LA MNGON PAR ZHEN PA'I MI DE NI PHONGS SHING DUB PA'I SKAL BA CAN DU 'GYUR RO, ,BCOM LDAN 'DAS KYIS BKA' STZAL PA, RGYAL PO CHEN PO DE BZHIN DU BYIS PA SO SO'I SKYE BO THOS PA DANG MI LDAN PA YANG MIG GIS GZUGS MTHONG NA YID MI BDE BAR 'GYUR BA RNAMS LA YANG MNGON PAR ZHEN PAR 'GYUR TE MNGON PAR ZHEN NAS KHONG KHRO BAR 'GYUR RO, ,KHONG KHRO BAR GYUR NAS ZHE SDANG BAR 'GYUR, ZHE SDANG BAR GYUR NAS ZHE SDANG LAS BYUNG BA'I LAS LUS KYIS NI RNAM PA GSUM NGAG GIS NI RNAM PA BZHI YID KYIS NI RNAM PA GSUM MNGON PAR 'DU BYED DE SNGA MA BZHIN NO, ,RGYAL PO CHEN PO 'DI LTA STE, DPER NA, MI ZHIG GNYID KYIS LOG PA'I RMI LAM NA 'DRES NON PAR RMIS TE 'JIGS PAS SHIN TU RMONGS PAR 'GYUR LA, NYAL BA LAS SAD NAS 'DRE DANG SHIN TU RMONGS PAR GYUR PA DE DRAN PAR GYUR NA, RGYAL PO CHEN PO DE JI SNYAM DU SEMS RMI LAM NA MTHONG BA'I 'DRE DE DANG SHIN TU RMONGS PAR GYUR PA DE YOD DAM, GSOL PA BCOM LDAN 'DAS DE NI MA MCHIS SO, ,BKA' STZAL PA, RGYAL PO CHEN PO 'DI JI SNYAM DU SEMS 'O NA DE LTAR RMI LAM NA MTHONG BA'I 'DRE DE LA MNGON PAR ZHEN CING SHIN TU RMONGS PAR 'GYUR BA'I MI DE MKHAS PA'I RANG BZHIN CAN YIN NAM, GSOL PA BCOM LDAN 'DAS DE NI MA LAGS TE, DE CI'I SLAD DU ZHE NA, BCOM LDAN 'DAS RMI LAM GYI 'DRA DE NI SHIN TU MA MCHIS SHING MI DMIGS NA SHIN TU RMONGS PA LTA GA LA MCHIS TE, GZHAN DU NA GANG DE LA MNGON PAR ZHEN PA'I MI DE NI PHONGS SHING DUB PA'I SKAL BA CAN DU 'GYUR RO, , @141B BCOM LDAN 'DAS KYIS BKA' STZAL PA, RGYAL PO CHEN PO DE BZHIN DU BYIS PA SO SO'I SKYE BO THOS PA DANG MI LDAN PA YANG MIG GIS GZUGS MTHONG NA BTANG SNYOMS SU 'GYUR BA RNAMS LA YANG MNGON PAR ZHEN PAR 'GYUR TE, MNGON PAR ZHEN NAS SHIN TU RMONGS PAR 'GYUR RO, ,SHIN TU RMONGS NAS KUN NAS NYON MONGS PAR 'GYUR RO, ,KUN NAS NYON MONGS NAS GTI MUG LAS BYUNG BA'I LAS LUS KYIS NI RNAM PA GSUM NGAG GIS NI RNAM PA BZHI YID KYIS NI RNAM PA GSUM MNGON PAR 'DU BYED DE ZHES BYA BA LA SOGS PA SNGA MA BZHIN NO, ,RGYAL PO CHEN PO 'DI LTA STE DPER NA MI ZHIG NYAL BA'I RMI LAM NA YUL GYI BUD MED BZANG MO GLU LEN PA'I GLU SNYAN PA DANG PI BANG LEN PA'I SGRA SNYAN PA NYAN CING DE GLU DANG ROL MO'I SGRA DES YONGS SU SPYOD PA RMIS LA, NYAL BA LAS SAD NAS GLU DANG ROL MO'I SGRA DE NYID DRAN PAR GYUR NA, RGYAL PO CHEN PO 'DI JI SNYAM DU SEMS RMI LAM NA MTHONG BA'I YUL GYI BUD MED BZANG MO DANG, GLU DANG ROL MO'I SGRA DE YOD DAM, GSOL PA BCOM LDAN 'DAS DE NI MA MCHIS SO, ,BCOM LDAN 'DAS KYIS BKA' STZAL PA, RGYAL PO CHEN PO 'O NA RMI LAM NA MTHONG BA'I YUL GYI BUD MED BZANG MO DE GLU DANG ROL MO'I SGRA LA MNGON PAR ZHEN PA'I MI DE MKHAS PA'I RANG BZHIN CAN YIN NAM, GSOL BA BCOM LDAN 'DAS DE NI MA LAGS TE, DE CI'I SLAD DU ZHE NA, RMI LAM NA MTHONG BA'I YUL GYI BUD MED BZANG MO DE NI SHIN TU MA MCHIS SHING MI DMIGS NA, DE'I GLU DANG ROL MO'I SGRA LTA GA LA MCHIS TE, GZHAN DU NA GANG DE LA ZHEN PA'I MI DE NI PHONGS SHING DUB PA'I SKAL BA CAN DU 'GYUR RO, ,BCOM LDAN 'DAS KYIS BKA' STZAL PA, RGYAL PO CHEN PO DE BZHIN DU BYIS PA SO SO'I SKYE BO THOS PA DANG MI LDAN PA YANG RNA BAS SGRA THOS NA YID DU 'ONG BA RNAMS LA MNGON PAR ZHEN PAR 'GYUR TE ZHES BYA BA LA SOGS PA SNGA MA BZHIN NO, ,DE BZHIN DU DRI LA SOGS PA LA YANG RNAM PA GSUM GSUM DU RIG PAR BYA'O, ,DE BZHIN DU SBYAR TE, RGYAL PO CHEN PO KHYOD KYIS JI LTAR NA BDAG LHA DANG BCAS PA'I 'JIG RTEN GYI MIG DANG, SGRON MA DANG, MAR ME DANG, SNANG BA DANG, GRU DANG, DOGS [?] @142A *, ,DANG; 'BAB STEGS DANG, 'DREN PA DANG, YONGS SU 'DREN PA DANG, STON PA DANG, DED DPON DANG, SNGON DU 'GRO BAR 'GYUR SNYAM PA DANG, BDAG GROL NAS DGROL BAR BYA'O, ,RGAL NAS BSGRAL BAR BYA'O, ,DBUGS PHYIN NAS DBUGS DBYUNG BAR BYA'O, , YONGS SU MYA NGAN LAS 'DAS NAS YONGS SU MYA NGAN LAS 'DA' BAR BYA'O SNYAM DU YID LA GZHAG PAR BYA'O, ,RGYAL PO CHEN PO DBANG PHYUG LTA ZHIG NI SNGON MYONG BAR GYUR PA'I MTHA' YANG MI MNGON TE, RGYAL PO CHEN PO DE LTAR DBANG PO RNAMS NI SGYU MA LTA BU STE CHOG MI SHES SO, ,TSIM PAR MI 'GYUR BA'O, ,YUL RNAMS NI RMI LAM LTA BU STE TSIM PAR MI NUS PA NGOMS PAR MI NUS PA'O ZHE'O, ,DE LA 'KHOR LOS SGYUR BA'I RGYAL PO GRAGS PA MTHA' YAS KYI GTAM RGYUD LAS MTHO RIS NAS LHUNG STE, DE'I TSE RGYAL PO CHEN PO DANG GRONG KHYER PAS BSKOR BA LAS 'DI SKAD 'BYUNG STE, 'DI LTA STE, DPER NA, MAR GYI GONG BU 'AM, MAR GSAR GYI GONG BU BYE MA CHA BA LA GZHAG PA NI 'JU ZHING MI GNAS SO, ,DE BZHIN DU RGYAL PO CHEN PO GRAGS PA MTHA' YAS KYANG BYING ZHING MI GNAS PAR GYUR TO, ,DE NAS RGYAL PO CHEN PO DGA' BYED KYIS, RGYAL PO CHEN PO GRAGS PA MTHA' YAS DE LTAR BYING BA DE LA 'DI SKAD CES SMRAS SO, ,RGYAL PO CHEN PO GRAGS PA MTHA' YAS KYIS LEGS PAR BRJOD PA JI SKAD CIG GSUNGS ZHES MCHIN BDAG GIS 'JIG RTEN PA RNAMS LA JI SKAD CIG LUNG BSTAN PAR BGYI, DES SMRAS PA, RGYAL PO CHEN PO GRAGS PA MTHA' YAS NI GLING CHEN PO BZHIR RGYAL SRID KYI DBANG PHYUG LA DBANG BYAS SHING BSAM PA YID BZHIN DU GRUB LA DON MED PAR MA GYUR PA'ANG MYONG, SHING THAMS CAD NA DUS MA YIN PAR YID BZHIN DU 'BRAS BU CHAGS PA DANG, GNOD PA THAMS CAD RGYUN CHAD PA DANG, SEMS CAN THAMS CAD KYI YID LA BSAMS PA DON YOD PA DANG, SPOS CHU'I CHAR DBAB PA DANG, LHA'I YID BZHIN GYI GOS KYI CHAR DBAB PA DANG, DBYIG GI CHAR DBAB PA DANG, GSER GYI CHAR DBAB PA DANG, RIN PO CHE SNA TSOGS KYI CHAR DBAB PA DANG, YO BYAD THAMS CAD KYI CHAR DBAB PA YANG MYONG BAR GYUR NAS, GLING @142B CHEN PO BZHI DAG TU GNAS TE GLING CHEN PO BZHI'I RGYAL SRID KYI DBANG PHYUG LA DBANG BYAS NAS, BRGYA BYIN GYI STAN PHYED MNAN PA LA 'DOD PA CHEN POS MA BTANG STE, 'DOD PAS MA NGOMS BZHIN DU 'CHI BA'I DUS BYAS SO ZHES RGYAL PO CHEN PO KHYOD KYIS LUNG STON CIG DE BAS NA RGYAL PO CHEN PO KHYOD KYI DBANG PO RNAMS NI SGYU MA LTA BU, YUL RNAMS NI RMI LAM LTA BU'O ZHES DE LTAR RIG PAR BYAS NAS SEMS NGES PAR GZHAG PAR BYA STE, GZHAN GYI DRING MI 'JOG PAR BYA'O, ,RGYAL PO CHEN PO 'DI LTA STE DPER NA, SMIG RGYU'I RANG BZHIN NI MA BYUNG MI 'BYUNG DA LTAR YANG MED DO, ,DE BZHIN DU GZUGS DANG TSOR BA DANG 'DU SHES DANG 'DU BYED DANG RNAM PAR SHES PA'I RANG BZHIN YANG MA BYUNG MI 'BYUNG DA LTAR YANG MED DO ZHES BYA BA LA SOGS PA'O, ,YANG DE NYID LAS GSUNGS PA, 'DI LTAR DE BZHIN GSHEGS PAS KUN RDZOB DANG DON DAM PA GNYIS THUGS SU CHUD DE SHES PAR BYA BA YANG KUN RDZOB DANG DON DAM PA'I BDEN PA 'DIR ZAD DO, ,DE YANG BCOM LDAN 'DAS KYIS STONG PA NYID DU RAB TU GZIGS RAB TU MKHYEN LEGS PAR MNGON DU MDZAD PAS DE'I PHYIR THAMS CAD MKHYEN PA ZHES BYA'O, ,DE LA KUN RDZOB NI 'JIG RTEN GYI SPYOD PAR DE BZHIN GSHEGS PAS GZIGS SO, , DON DAM PA GANG YIN PA DE NI BRJOD DU MED PA STE, SHES PAR BYA BA MA YIN PA, RNAM PAR SHES PAR BYA BA MA YIN PA, YONGS SU SHES PAR BYA BA MA YIN PA, MA BSTAN PA, RAB TU MA BSTAN PA, MA THOS PA, THOS PAR MA BYAS PA, MA SHES PA, RNAM PAR MA SHES PA, MA BSTAN PA; MA MTHONG BA, MA BTAGS PA, 'DZIN DU MA BCUG PA, RTOGS PAR MA BYAS PA, THOB PAR MA BYAS PA, MA THOB PA, NYE BAR MA BSNYAN [?] PA, MA BOR BA, MA BZHAG PA, MA SPANGS PA, BYA BA MED PA, BYED PA MED PA, RAB TU ZHI BA MED PA, MA SMAD PA, MA BSTOD PA, THOGS PA MA YIN PA, MA THOGS PA MA YIN PA, BDE BA MA YIN PA, SDUG BSNGAL BA MA YIN PA, SNYAN PA MA YIN PA, MI SNYAN PA MA YIN PA, GZUGS MA YIN PA, GZUGS MED PA MA YIN PA ZHES BYA BA LA SOGS PA DANG, GANG GI BDE BAR GSHEGS LA 'GRO BA RNAMS, , @143A *, ,BDE BA'I DON DU DAD PA SKYE 'GYUR BA, ,RGYAL BAS 'GRO BA RNAMS KYI DON SLAD DU, ,'JIG RTEN PHAN PHYIR KUN RDZOB DE BSTAN TO, ,SEMS CAN TSOGS KYI 'GRO DRUG GANG BSTAN PA, ,SEMS CAN DMYAL DANG DUD 'GRO YI DAGS DANG, ,LHA MIN RIS DANG MI DANG LHA YI RNAMS; ,MI YI SENG GES KUN RDZOB BTAGS PA MDZAD, ,RIGS DMAR DE BZHIN MTHO BA'I RIGS RNAMS DANG, ,PHYUG PO'I KHYIM DANG DBUL BA'I RIGS RNAMS DANG, ,ZHES BYA BA LA SOGS PA'O, ,YANG GSUNGS PA, GANG BCOM LDAN 'DAS KYIS BLA NA MED PA YANG DAG PAR RDZOGS PA'I BYANG CHUB TU LUNG BSTAN PA'I CHOS DE GANG ZHIG CI GZUGS SAM, 'ON TE TSOR BA'AM, 'ON TE 'DU SHES SAM, 'ON TE 'DU BYED DAM, 'ON TE RNAM PAR SHES PA ZHIG BCOM LDAN 'DAS KYIS BLA NA MED PA YANG DAG PAR RDZOGS PA'I BYANG CHUB TU LUNG BSTAN SNYAM NAS, DE DAG 'DI SNYAM DU SEMS TE, GZUGS NI BCOM LDAN 'DAS KYIS BLA NA MED PA YANG DAG PAR RDZOGS PA'I BYANG CHUB TU LUNG MA BSTAN PA NAS, RNAM PAR SHES PA'I BAR DU MA YIN NO, ,DE CI'I PHYIR ZHE NA, GZUGS KYANG MA SKYES PA, BYANG CHUB KYANG MA SKYES PA STE, JI LTAR MA SKYES PAS MA SKYES PAR MNGON PAR RDZOGS PAR 'TSANG RGYA BAR BYA, DE BZHIN DU RNAM PAR SHES PA'I BAR DU SHES PAR BYA'O, ,DE BZHIN DU SBYAR TE, DE LTAR CHOS THAMS CAD MI DMIGS NA, 'DI LA SANGS RGYAS NI GANG, BYANG CHUB SEMS DPA' NI GANG, BYANG CHUB NI GANG, LUNG BSTAN PA NI GANG; GZUGS NI GZUGS KYIS STONG PA NAS RNAM PAR SHES PA'I BAR DU'O, ,DE BZHIN DU SBYAR TE, DE DAG NI THA SNYAD TZAM MING TZAM BRDA TZAM KUN RDZOB TZAM BRJOD PA TZAM GDAGS PA TZAM STE, DE LA MKHAS PA RNAMS KYIS MNGON PAR ZHEN PAR BYA BA'I MI CHA'O ZHE'O, ,YANG DE NYID LAS 'DI SKAD CES GSUNGS TE, 'PHRUL DGA'I LHA RNAMS KYIS GSOL PA, BCOM LDAN 'DAS KYIS GSUNGS PA'I DON BDAG CAG GIS 'TSAL BA LTAR NA, CHOS THAMS CAD NI YANG DAG PA'I MTHA' DANG, SGRIB PA MA MCHIS PA'I MTHA' DANG, MTHA' YAS PA'I MTHA' DANG, MI @143B GNAS PA'I MTHA' ZHES BYA BA LA SOGS PA DANG, BCOM LDAN 'DAS CHOS THAMS CAD RANG BZHIN MA YIN PA NI BYANG CHUB LEGS PAR RIG PAR BGYI'O, ,THA NA MTSAMS MED PA RNAMS KYANG BYANG CHUB PO, ,DE CI'I SLAD DU ZHE NA, BCOM LDAN 'DAS BYANG CHUB NI RANG BZHIN MA MCHIS PA STE, MTSAMS MED PA RNAMS KYANG RANG BZHIN MA MCHIS PA LAGS PAS DE'I SLAD DU MTSAMS MED PA RNAMS KYANG BYANG CHUB CES BGYI'O, ,BCOM LDAN 'DAS GANG SU DAG YONGS SU MYA NGAN LAS 'DAS PAR 'TSAL BA DE DAG NI GNOD PAR 'GYUR BA'I CHOS CAN TE, DE CI'I SLAD DU ZHE NA, GAL TE 'KHOR BAR ZHUGS PA ZHIG MCHIS NA NI MYA NGAN LAS 'DAS PA YANG 'TSAL BAR 'GYUR NA ZHES BYA BA'O, ,GZHAN 'PHRUL DBANG BYED KYI LHA RNAMS KYIS GSOL PA, BCOM LDAN 'DAS 'PHRUL DGA'I LHA RNAMS KYIS YANG DAG PA'I MTHA' ZHES GANG SMRAS PA DE LA BDAG CAG GIS NI YANG DAG PA YANG MA DMIGS NA DE'I MTHA' LTA SMOS KYANG CI 'TSAL, DE CI'I SLAD DU ZHE NA, BCOM LDAN 'DAS GANG LA LA ZHIG GIS YANG DAG PAR DMIGS NA NI, MTHA' YANG DES DMIGS PAR 'GYUR TE, DE NI GNYIS KYIS SPYOD PA'O ZHES SO, ,DE NYID LAS 'DI SKAD DU, MI MDZOD [?] KYI BDAG POS STON PA LA BSTOD PA, ,JI LTAR MI ZHIG RMI LAM BKRES GYUR PAS, ,KHA ZAS RO BRGYA ZOS PAS 'GRANGS 'GYUR BA, ,DE LA BKRES MED ZAS MED SEMS CAN MED, ,RMI LAM DE 'DRAR CHOS RNAMS THAMS CAD GZIGS, ,MI ZHIG YID DU 'ONG BA'I TSIG SMRAS NA, , DGA' BAR 'GYUR YANG TSIG LA 'PHO BA MED, ,TSIG NYID MED CING DGAR 'GYUR DNGOS KYANG MED, ,DE MKHYEN DE LA THE TSOM YANG MI MNGA', ,PI WANG SGRA SNYAN MNYAN NA RNAR SNYAN TE, ,SGRA DE RANG BZHIN GANG YANG YOD MA YIN, ,DE LTAR MKHAS PAS PHUNG PO 'DI GZIGS NA, ,PHUNG PO'I RANG BZHIN GANG YANG DMIGS MI MNGA', ,JI LTAR MI YIS DUNG GI SGRA THOS TE, ,SGRA 'DI GANG LAS BYUNG ZHES BRTAGS BYAS KYANG, ,RANG BZHIN STONG PA'I DNGOS DE MI DMIGS PA, ,MI DBANG KHYOD KYIS DE BZHIN CHOS KUN GZIGS, ,JI LTAR MI ZHIG BSOD PA'I KHA ZAS LA, ,YAN LAG @144A *, ,SROG PHAN JI LTAR 'GYUR BRTAGS NA, ,DNGOS MED YAN LAG SROG KYANG DE BZHIN TE, ,DRANG SRONG CHEN POS DE BZHIN CHOS KUN GZIGS, ,JI LTAR MI ZHIG NAM MKHA'I 'JA' MTHONG NA, ,YAN LAG GZHIGS BRTAGS RANG BZHIN MED PHYIR STONG, ,'JA' 'DRAR YAN LAG DE DAG STONG PA NYID, ,DRANG SRONG CHE KHYOD DE BZHIN CHOS KUN GZIGS, ,GRONG KHYER MCHOG KYANG YAN LAG RNAMS GZIGS NA, ,GRONG KHYER RANG BZHIN DE BZHIN MING MI DMIGS, ,GRONG KHYER JI BZHIN DE LTAR YAN LAG STONG, ,MI DBANG KHYOD KYIS DE BZHIN CHOS KUN GZIGS, ,SKYES BU DGA' BAR RNGA ZHIG BRDUNGS BGYIS NA, ,DGA' BA SKYES KYANG SGRA YI RANG BZHIN STONG, ,JI LTAR SGRA BZHIN DE YI YAN LAG STONG, ,MI DBANG KHYED KYIS DE BZHIN CHOS KUN GZIGS, ,SKYES BUS JI SKAD RNGA DE BRDUNGS PA'I TSE, ,SGRA NI PHYOGS SU MI 'GRO 'BYUNG BA MED; ,PHYOGS SU DE BZHIN 'GAG PAR MI 'GYUR TE, ,MI DBANG KHYED KYIS DE BZHIN CHOS KUN GZIGS, ,SKYES BUS JI LTAR RNGA DE BRDUNGS PA'I TSE, ,THOGS PA MED CING SNYAN PA'I RANG BZHIN TE, ,SGRA 'DRAR DE YI YAN LAG DE RANG BZHIN, ,MI DBANG KHYOD KYIS CHOS KUN DE LTAR GZIGS, , SKYES BUS JI LTAR RNGA DE BRDUNGS PA'I TSE, ,SGRA DE 'JIG RTEN DGA' BYAR RTOG PA MED, ,SGRA 'DRAR DE YI YAN LAG DE RANG BZHIN, ,MI DBANG KHYOD KYIS CHOS KUN DE LTAR GZIGS, ,SKYES BUS JI LTAR RNGA DE BRDUNGS PA'I TSE, ,G-YO BA MED CING ZHI BA'I DNGOS KYANG MED, ,SGRA 'DRAR DE YI YAN LAG DE RANG BZHIN, ,MI DBANG KHYOD KYIS CHOS KUN DE LTAR GZIGS, ,SKYES BUS JI LTAR RNGA DE BRDUNGS PA'I TSE, ,SGRA DE RANG DBANG MA BYUNG YAN LAG MIN, ,JI LTAR SGRA BZHIN KHYOD KYI YAN LAG STONG, ,MI DBANG KHYOD KYIS CHOS KUN DE LTAR GZIGS, ,ZHE'O, ,YANG GSUNGS PA; BYAMS PA DGE BSGOMS SEMS CAN DMIGS PA YIN ZHES 'DREN PAS BKA' STZAL PA, ,SEMS CAN RNAM PAR BSHIG CING 'GRO BA THAMS CAD SEMS CAN MED PAR MKHYEN, ,DE LTAR RKANG GNYIS DAM PA RNYOG PA MI MNGA' THE TSOM BRAL THUGS LDAN, ,DES NA BDE GSHEGS @144B RNAMS BRTAGS BLO MNGA' MCHOD 'OS KHYOD LA MCHOD PAR 'TSAL, ,BDE BAR GSHEGS PAS SDUG BSNGAL PHYOGS BCUR GNAS PA KUN DU MI DMIGS KYANG, ,LHA YI LHAR GYUR KHYOD KYIS SEMS CAN RNAMS LA SNYING RJE BGYI BAR GSUNGS, ,DE LTAR RGYAL MCHOG BDAG CAG RGYAL BA'I DGONGS PA JI BZHIN 'TSAL, ,DES NA RKANG GNYIS GTZO BO MI MCHOG 'OS KHYOD LA MCHOD PAR 'TSAL, ,THUB PA KHYOD KYIS SEMS CAN DANG NI BSAL BGYI SDUG BSNGAL MA GZIGS LA, ,DGYES PA SKYES NAS RAB TU DGYES PA'I THUGS KYIS MI DGYES RNAM PAR BSAL, DE LTAR SANGS RGYAS TSUL NI BSAM GYIS MI KHYAB TSUL 'DI JI BZHIN 'TSAL, ,DES NA MI MCHOG KHYOD LA MCHOG NAS MNYES PA'I 'BRAS BU THOB PAR BGYI, ,THUB PAS SKU NI RNAM PAR SPANGS PAS SKU BTZAL MDZAD NA MA BSNYENGS KYANG, ,DE LTAR 'DREN PA DRAN BA MA GSUNG MA LAGS BSNYEL BA YONG [?] MI MNGA', ,BDE BAR GSHEGS PAS LUS LA SONG BA'I BSGOM PA BSGOM PAR GYIS ZHES GSUNGS, ,SANGS RGYAS TSUL 'DI RIG NAS BDE BAR GSHEGS PA SKYO BA LA MCHOD PAR BGYIS, ,SDUG BSNGAL ZHI BYA PHYIR NI ZHI GNAS LHAG MTHONG LAM YANG BSGOMS ZHES GSUNGS, ,BCOM LDAN GANG GIS 'GRO BA NYON MONGS BAG CHAGS DRI MA DE DAG ZHI, ,THUB PA ZHI GNAS LHAG MTHONG DRI MA THAMS CAD STONG PA STE, ,'DI LA LHA TSOGS GANG DU'ANG THE TSOM MA MCHIS SKYON BRAL KHYOD LA MCHOD, ,YANG GSUNGS PA, MIG NI MIG GI RANG BZHIN DANG BRAL BA; KHAMS NI KHAMS KYI RANG BZHIN DANG BRAL BA'I SLAD DU STE, CHOS GANG LA RANG BZHIN MA MCHIS PA DE NI DNGOS PO MA MCHIS PA'O, ,GANG LA DNGOS PO MA MCHIS PA DE NI YONGS SU MA GRUB PA'O, ,GANG YONGS SU MA GRUB PA DE LA NI SKYE BA MA MCHIS SO, ,GANG SKYE BA MA MCHIS PA DE LA NI 'GAG PA MA MCHIS SO, ,DE BZHIN DU SBYAR TE, GANG DUS GSUM DU MI DMIGS PA DE NI MIG MA LAGS DBANG PO MA LAGS SO, ,GANG MIG MA LAGS SHING DBANG PO MA LAGS PA DE'I THA SNYAD JI LTAR 'TSAL BAR BGYI, 'DI LTA STE DPER NA, CHANG PA STONG PA NI @145A *, ,BRDZUN PA YANG DAG PA MA LAGS PA MA MCHIS PA STE, 'DI LTAR MING DU GDAGS PAR BAS KYI DON DAM PA'I NI STONG PAR YANG MI DMIGS CHAD PAR YANG MI DMIGS SO, ,DE BZHIN DU MIG DANG DBANG PO YANG CHANG PA STONG PA LTAR BRDZUN ZHING MA MCHIS LA YANG DAG PA MA LAGS PA STE; GSOB GSOG LOG PA SLU PA'I CHOS CAN BYIS PA 'DRID PA GLEN PA RMONGS PAR BGYIS PA STE, 'DI LTAR MING DU GDAGS PAR BAS KYI DON DAM PAR NI MIG KYANG MI DMIGS ZHES BYA BA'O, ,YANG DE NYID LAS GSUNGS PA, RMI LAM CHAR CHEN 'BAB PA LTAR, ,DE BZHIN ZAG PA RNAMS 'BYUNG BAR, ,ZAG PA 'BYUNG BA MKHAS PA PO, ,DPA' BO CHEN PO KHYOD KYIS BSTAN, ,RMI LAM DAG NA MGO BCAD BZHIN, ,KHYOD KYIS ZAG PA ZAD PA GZIGS, ,DE NI MKHAS PA RNAMS LA BSTAN, ,THAMS CAD GZIGS LA PHYAG KYANG 'TSAL, ,ZHES SO, ,'DI NYID LAS MI 'AM CI'I RGYAL PO LJON PAS ZHUS NAS, BCOM LDAN 'DAS KYIS BKA' STZAL PA, STONG PA NYID DANG LUNG BSTAN PA, ,BDAG GIS MA 'TSAL ZHES SMRAS PA, ,GAL TE 'GA' ZHIG MI STONG NA, ,RGYAL BAS DE LUNG BSTAN MI GSUNGS, ,CI PHYIR ZHE NA 'DI LTA BUR, ,RANG GI RANG BZHIN GNAS GYUR NAS, ,'GYUR BA MED CING THER ZUG STE, ,DE LA 'PHEL MED 'GRIB PA MED, ,DPER NA RANG BZHIN STONG PA YI, ,ME LONG DKYIL 'KHOR YONGS DAG LA, ,GZUGS BRNYAN SNANG BA DE BZHIN DU, ,LJON PA CHOS RNAMS SHES PAR GYIS, ,CHOS KYI DBYINGS NI 'GYUR MED NA; ,MCHOD PA'I YAN LAG 'GYUR GANG ZHES, ,YAN LAG RNAMS LA RTAG BYOS LA, ,LJON PA MCHOD PA 'DI LA SPYOD, ,G-YO BA MA MCHIS BGYI BA RNAMS, ,BSTAN PA MA 'TSAL ZHES SMRAS PA, ,SHING RTA'I YAN LAG 'DUS PA DANG, ,SHING RTA'I BYA BA BZHIN DU RTOGS, ,NGAS NI LAS KYI RNAM PA BSTAN, ,BYED PO PHYOGS BCU RNAMS NA MED, ,SHING RNAMS RLUNG GIS BSGUL BA LAS, ,ME 'BYUNG 'GYUR BA JI BZHIN NO, ,BDAG CAG ME 'DI BSKYED BYA ZHES, ,RLUNG DANG SHING LA SEMS PA MED, ,'ON KYANG ME NI 'BYUNG BA LTAR, ,LAS KYI BYED PA DE BZHIN NO, , @145B GANG YANG BSOD NAMS TSOGS DANG NI, ,BYANG CHUB YANG DAG BSGRUB PA DANG, ,LEGS SPYOD YOD MIN ZHES ZER BA, ,DE TSUL YANG DAG MNYAN PAR BYOS, ,MI YI TSE TSAD LO BRGYA NI, ,'TSO BA YIN ZHES JI SKAD BRJOD, ,LO LA PHUNG PO SPUNGS PA MED, ,SGRUB PA DE YANG DE DANG MTSUNGS, , ZHES SO, ,BCOM LDAN 'DAS MA LAS KYANG, TSE DANG LDAN PA RAB 'BYOR CI CHOS MA SKYES PA SKYE 'AM 'ON TE SKYES PA SKYE, RAB 'BYOR GYIS SMRAS PA, TSE DANG LDAN PA SH'A RI'I BU KHO BO NI CHOS MA SKYES PA SKYE BAR YANG MI 'DOD SKYES PA SKYE BAR YANG MI 'DOD DO ZHES GSUNGS SO, ,'PHAGS PA CHOS YANG DAG PAR SDUD PA LAS KYANG, RIGS KYI BU DE BZHIN NYID CES BYA BA DE NI STONG PA NYID KYI TSIG BLA DAGS TE STONG PA NYID NI MI SKYE MI 'GAG GO SMRAS PA, BCOM LDAN 'DAS KYIS KYANG 'DI SKAD DU CHOS THAMS CAD NI STON GPA'O ZHES GSUNGS TE, DE BAS NA CHOS THAMS CAD NI MI SKYE MI 'GAG GO BYANG CHUB SEMS DPA' RTZOM PA MED KYIS SMRAS PA, RIGS KYI BU DE DE BZHIN NO, ,JI LTAR KHONG DU CHUD PA BZHIN TE, CHOS THAMS CAD NI MI SKYE MI 'GAG GO SMRAS PA, GANG 'DI BCOM LDAN 'DAS KYIS 'DUS BYAS KYI CHOS THAMS CAD NI SKYE'O 'GAG GO ZHES GSUNGS NA DE BZHIN GSHEGS PAS 'DI CI LAS DGONGS TE GSUNGS, ,SMRAS PA RIGS KYI BU 'JIG RTEN GNAS PA SKYE BA DANG 'GAG PA LA MNGON BAR CHAGS PAS DE LA DE BZHIN GSHEGS PAS THUGS RJE CHEN POS 'JIG RTEN DANG NGA A'I GNAS BSAL BA'I PHYIR THA SNYAD KYI DBANG GIS SKYE'O 'GAG GO ZHES GSUNGS TE, 'DI LA CHOS GANG YANG SKYE BA DANG 'GAG PA MED DO ZHES GSUNGS SO, ,YANG DE NYID LAS, BCOM LDAN 'DAS DE LA MIG GIS GZUGS RNAMS LA SGRA MI 'BYIN, RNA BAS SGRA RNAMS DANG, SNAS DRI RNAMS DANG, LCES RO RNAMS DANG, LUS KYIS REG BYA RNAMS DANG, YID KYIS CHOS RNAMS LA SGRA MI 'BYIN PA DE NI CHOS SO, ,DE LA JI LTAR NA MIG GIS GZUGS RNAMS LA SGRA MI 'BYIN ZHE NA, PHRAD PA MA MCHIS PA'I SLAD DU'O, ,MIG NI GZUGS LA PHRAD PAR MI BGYID PA NAS, RNA BAS SGRA LA MA LAGS, SNAS DRI LA MA LAGS, LCES RO LA MA LAGS, LUS KYIS RE @146A *, ,BYA LA MA LAGS, YID KYIS CHOS KYI BAR LA PHRAD PAR MI BGYID DO, ,GANG PHRAD PAR MI BGYID PA DE NI SGRA MI 'BYIN PA'O, ,BCOM LDAN 'DAS GNYIS SU MA MCHIS NA CHOS LA SGRA 'BYIN PA MA MCHIS PA'O, ,BCOM LDAN 'DAS CHOS THAMS CAD NI GNYIS SU MA MCHIS PA STE GCIG GIS GCIG MA 'TSAL RNAM PAR MA 'TSAL, MI RTOG RNAM PAR MI RTOG ,'BYUNG BAR MI BGYID 'JIG PAR MI BGYID, 'BRI BAR MI BGYID, 'PHEL BAR MI BGYID, CHAGS PAR MI BGYID MI CHAGS PAR MI BGYID, 'KHOR BAR MI BGYID, YONGS SU MYA NGAN LAS 'DA' BAR MI BGYID DE, 'DI DAG NI SU'I YANG MA LAGS, 'DI DAG GI SU YANG MA LAGS SO, ,BCOM LDAN 'DAS CHOS 'DI DAG NI SKYO BAR YANG MI BGYID CHAGS PAR YANG MI BGYID DO, ,BCOM LDAN 'DAS CHOS 'DI DAG NI KUN NAS NYON MONGS PAR YANG MI 'GYUR RNAM PAR BYANG BAR YANG MI 'GYUR RO, , BCOM LDAN 'DAS BDAG GIS DE LTAR 'TSAL TO, ,BDAG GIS DE LTAR RTOGS SO, ,BCOM LDAN 'DAS GANG BDAG 'DI LTAR 'TSAL 'DI LTAR RTOGS SO ZHES DE LTAR MCHI BA DE NI SKYE MCHED RNAMS KYIS 'GYUR BA'O, ,BCOM LDAN 'DAS SKYE MCHED RNAMS NI 'DI SNYAM DU 'DI DAG NI BDAG GI 'GYUR BA'O SNYAM DU MI SEMS SO, ,GANG DE LTAR 'TSAL BA DE NI SU DANG YANG MI RTZOD DO, ,GANG MI RTZOD PA DE DAG NI DGE SBYONG GI CHOS KYI RJES SU 'JUG PA'O, ,GANG DGE SBYONG GI CHOS KYI RJES SU 'JUG PA DE NI GANG NAS KYANG 'JUG PAR MI BGYID MI 'JUG PAR YANG MI BGYID, SBYOR BAR YANG MI BGYID MI SBYOR BA YANG MI BGYID, 'GRO BAR YANG MI BGYID SDOD PAR YANG MI BGYID 'BRI BAR YANG MI BGYID 'PHEL BAR YANG MI BGYID DE, THAMS CAD CHOS KYI TSUL DU MTHONG NGO, ,THAMS CAD RNAM PAR GROL BA'I CHUL DU MTHONG NGO, ,CHOS KYI DBYINGS NYID DU MTHONG NGO, ,DE LTAR THAMS CAD 'BYUNG BAR MTHONG STE, GANG 'BYUNG BA DE YANG YANG DAG PAR RJES SU MI MTHONG NGO, ,GZHAN DU NA MING TZAM DANG BTAGS PA TZAM DANG THA SNYAD TZAM DU MTHONG BA NI MA MCHIS PA MA LAGS SO, ,MING DE YANG MING MA MCHIS PA'O, ,BTAGS PA YANG BTAGS PA MA MCHIS PA'O, ,THA SNYAD @146B KYANG THA SNYAD MA MCHIS PA'O, ,CHOS MTHONG BAS SANGS RGYAS MTHONG NGO, ,SANGS RGYAS MTHONG BAS SEMS CAN THAMS CAD MTHONG NGO, ,SEMS CAN THAMS CAD MTHONG BAS RGYU DANG RKYEN MTHONG NGO, ,RGYU DANG RKYEN MTHONG BAS STONG PA NYID MTHONG NGO, ,STONG PA NYID MTHONG BA NI MTHONG BA MA MCHIS PA'O, ,BCOM LDAN 'DAS CHOS THAMS CAD MA MTHONG BA NI YANG DAG PA MTHONG BA'O ZHES GSUNGS SO, ,GNAS MED PA KUN RDZOB TU JI LTAR RUNG ZHE NA, JI LTAR MI RUNG STE, JI LTAR SDONG PO MED NA SKYES BUR 'KHRUL PA BZHIN NO, ,GANG LA BRTEN NAS SKYES BUR 'KHRUL PAR 'GYUR BA STONG PA NYID DU SMRA BA LA SDONG PO DE DON DAM PAR JI LTAR GRUB, CHOS THAMS CAD NI RTZA BA MED PA STE, YANG DAG PAR NA RTZA BA MI 'THAD PA'I PHYIR RO, ,DE SKAD DU 'PHAGS PA DRI MA MED PAR GRAGS PAS BSTAN PA LAS KYANG, YANG DAG PA MA YIN PA'I KUN DU RTOG PA'I RTZA BA GANG YIN, SMRAS PA YANG DAG PA MA YIN PAR KUN DU RTOG PA'I RTZA BA NI PHYIN CI LOG GI 'DU SHES SO, ,SMRAS PA PHYIN CI LOG GI 'DU SHES KYI RTZA BA GANG YIN, SMRAS PA PHYIN CI LOG GI 'DU SHES KYI RTZA BA NI RTEN MED PA'O, ,SMRAS PA RTEN MED PA'I RTZA BA GANG YIN, SMRAS PA 'JAM DPAL GANG RTEN MED PA DE'I RTZA BAR 'GYUR BA CI ZHIG YOD, DE LTAR CHOS THAMS CAD NI RTEN MED PA'I RTZA BA LA GNAS PA'O ZHES GSUNGS SO, ,'DI NI SEMS SBYANG BAR 'DOD PAS SHES RAB KYI PHA ROL TU PHYIN PA BSGOM PAR BYA BA MDOR BSDUS PA STE, BSGOMS NAS KYANG NYON MONGS PA'I DGRA DANG 'THAB PA LA MKHAS PAR BYA'I RANG GI KHYIM NA DPA' BAR NI MI BYA'O, ,'PHAGS PA CHOS YANG DAG PAR SDUD PA'I MDO LAS JI SKAD GSUNGS PA LTA BU STE, STONG PA NYID SMRA BA NI MI GNAS PA'I PHYIR 'JIG RTEN GYI CHOS RNAMS KYIS MI 'PHROGS TE, RNYED PAS DGA' BA YANG MED MA RNYED PAS MI DGA' BA YANG MED, GRAGS PAS YI SOS PA YANG MED MA GRAGS PAS SRO SHI BA YANG MED, SMAD PAS ZHUM PA YANG MED BSTOD PAS DGA' BAR SEMS PA YANG MED, BDE BAS CHAGS PAR 'GYUR BA YANG MED SDUG BSNGAL BAS YID 'BYUNG BAR 'GYUR BA'ANG MED, GANG DE LTAR 'JIG RTEN GYI CHOS RNAMS KYIS MI @147A *, ,'PHROGS PA DE NI STONG PA NYID SHES PA STE, DE LTAR MI 'PHROGS PAS STONG PA NYID KHONG DU CHUD PAR BYA'O ZHES BYA BA DANG, DE BZHIN DU STONG PA NYID SMRA BA NI GANG DU YANG CHAGS PA'AM MI CHAGS PA MED DO, ,GANG LA CHAGS PA DANG GANG LA MI CHAGS PA DE STONG PA NYID DU SHES PA STONG PA NYID DU MTHONG NGO, ,GANG GI CHOS GANG LA CHAGS PA DANG CHAGS PA MED PA DES NI STONG PA NYID DU SHES SO, ,DE BZHIN DU GANG LA LA 'THAB CING RTZOD PAR BYED PA DE NI STONG PA NYID MI SHES TE, DE GANG DANG 'THAB CING RTZOD PAR BYED PA DE STONG PA NYID DU SHES DE STONG PA NYID DU MTHONG NGO ZHES BYA BA LA SOGS PA'O, ,'DI NI SEMS SBYANG BA MDOR BSDUS PA'O, ,GANG LA 'BAD PA BYAS NA MYUR DU SEMS DAG PAR 'GYUR ZHE NA, BDAG BSTOD PA DANG GZHAN LA BRNYAS PA SPANG BAS SO, ,'DI NYID KYI RTZA BA NI BDAG DANG SEMS CAN DU LTA BA STE, DE YANG 'DI GOMS PAR BYAS NA YANG SLA BAR 'GYUR TE, GZHAN LA GUS PAR BYA BA DANG BDAG KHYAD DU BSAD PA DE LTAR BSGOM PAR BYA'O, ,GAL TE SEMS CAN PHUNG PO RNAMS, ,RNAM PA KUN DU MNYAM GNAS NA, ,GCIG LA BDAG DANG GZHAN NYID DU, ,'GAL BAR 'BYUNG BA JI LTAR 'GYUR, ,DE NI DMIGS PA MED PAR YANG,, THOG MED RTOGS PA GOMS PA YIS, ,LUS CAN DAG NI KUN DU SPYOD, ,GOMS NA DGA' BA CI ZHIG YOD, ,DE LTAR GOMS PA'I BDAG NYID DU, ,MTSUNGS NA CI PHYIR BDE BA'I RGYU, ,GZHAN LA GUS BYAS BTANG NAS NI, ,RANG SDUG 'GYUR BA GZHAN 'DOD BYED, ,YID BZHIN NOR BU'I GTAM BRJOD LAS, ,GUS PAR BYA BA'I RGYU YOD DO, ,BDAG LA GUS BYED SKAL NGAN GYI, ,SKYE BO LAS 'DIR BDE BA'ANG MED, ,DE LTAR BDAG LA CHAGS LDAN PA, ,BRLANG ZHING NGA RGYAL SER SNA CAN, ,KUN LAS 'PHAGS PA'I TSUL LTA BU, ,DE LAS ZLOG STE BSGOM PAR BYA, ,BDAG LA GUS PAR BYED PA 'DI, ,BSTOD SMAD LA SOGS CHUS BCUS PAS, ,'PHEL TE DMYAL BA'I TSIL ZHAG GIS, ,BTAB PAS DMYAL BA'I ME BZHIN NO, ,RE ZHIG DGRA LA SEMS MED PHYIR, ,BDAG LA BSTOD DO SNYAM MI SRID, ,BDAG LA GZHAN DGA' GRAGS SNYAM PA, ,'DI NI @147B BDAG GI BLO GROS 'KHRUL, ,DE MGU BA LA BDAG DGA' BA, ,DE NI RTAG TU SPYIR 'GYUR MOD, ,DE BDES BYA BA MED CE NA, ,DGA' DES BDAG LA CI ZHIG BYA, ,GZHAN NAM YANG NA BDAG LA'ANG RUNG, ,GZHAN DAGS BDAG LA CI ZHIG BYA, ,'DI NI GZHAN GYI DGA' BAS BDAG ,LUS KYIS BDE BA 'DOD MA YIN, ,DE LTAR SHES NAS GZHI MED KYI, ,RNAM PAR RTOG PA SPANG BAR BYA, ,MA GRAGS SMAD DANG MA BKUR BA, ,DE LTA DON MED SHES PAR BYA, ,PHYAG 'TSAL SOGS PAS CHOS MI 'GYUR, ,TSE DANG NAD MED STOBS MI 'GYUR, ,CO 'DRI BYED PA'I TSE NA NI, ,GZHAN GYIS LUS SGYUR BYED DANG MTSUNGS, ,DGA' 'AM 'ON TE MI DGA' YANG, ,RNYED DANG MA RNYED MTSUNGS PAR 'GYUR, ,DE LTAR DON MED RNAM SPANG STE, ,RI DANG MTSUNGS PA'I YID DU BYA, ,'DRIS PA SPANGS PAS SEMS MYUR DU DAG PAR 'GYUR RO, ,'DIR YANG BSAM PAR BYA STE, ,MTSAN MAR 'DZIN PA LAS BYUNG BA'I, ,NGO SHES PAS NI YANG DANG YANG, ,RJES SU CHAGS PA SKYE BAR BYED, ,DE LA KHONG KHRO 'BYUNG BAR 'GYUR, ,GANG LA RJES CHAGS KHONG KHRO YOD, ,DES NI SDIG PA BZLOG MA YIN, ,PHRAG DOG SER SNA LHAN CIG TU, ,SKUR PA 'DEBS PA SNA TSOGS 'BYUNG, ,RNYED LA SOGS PA 'DOD PA DANG,, NGA RGYAL LA SOGS MANG PO 'BYUNG, ,DES NA 'BAD PA THAMS CAD KYIS, ,THUB PAS 'DRIS PA YONGS SU SPANG, ,'DRA PHYIR 'DI NI GZHAN YIN YANG, ,'KHRUL PAS DE NI 'DI'O ZHES, ,RGYUN RGYUD BZHIN DU RTOG DE'I PHYIR, ,STOBS KYIS DE NYID LA GNAS BYA, ,'DRA BA 'DI NI DNGOS MED DE, ,KHYED LA SDUG BSNGAL BSKYED PAR 'GYUR, ,NGA DANG DE DAG THAMS CAD KYANG, ,RING POR MI THOGS MED PAR 'GYUR, ,BSLAB PA KUN LAS BTUS PA LAS LUS YONGS SU DAG PA'I LE'U STE BCU BZHI PA'O,, ,,YANG DAG 'TSO BA SBYANGS PA YIS, ,LONGS SPYOD DAG PAR SHES PAR BYA; ,KHYIM BDAG DRAG SHUL CAN GYIS ZHUS PA LAS JI SKAD DU, KHYIM BDAG 'DI LA BYANG CHUB SEMS DPA' KHYIM PA CHOS KYIS LONGS SPYOD TSOL GYI CHOS MA YIN PAS NI MI TSOL LO, ,MTHUN PAS TSOL GYI MI MTHUN PAS MA YIN NO, ,YANG DAG PAS 'TSO BA YIN GYI LOG PAS @148A *, ,'TSO BA MA YIN NO ZHES GSUNGS PA LTA BU'O, ,'PHAGS PA DKON MCHOG SPRIN LAS KYANG, BYANG CHUB SEMS DPA' NI SBYIN PAR BYED PA DANG SBYIN PA'I BDAG PO MTHONG NA SPYOD LAM MI 'CHOS SO, ,JI LTAR NA SPYOD LAM MI 'CHOS SHE NA, GNYA' SHING GANG TZAM DU BLTA BA DANG; SKYO BAR BLTA BA DANG, SGRIM PA MED PAR BLTA BAS GOM PAS BAGS KYIS DAL NAS DAL NAS 'DOR ZHING 'DEBS PA MA YIN TE, DE LTAR NA LUS KYIS TSUL 'CHOS PA MI BYED DO, ,NGAG GIS TSUL 'CHOS PAR MI BYED DO, ,JI LTAR NGAG GIS TSUL 'CHOS PAR MI BYED CE NA, BYANG CHUB SEMS DPA' NI RNYED PA'I RGYU RNYED PA'I PHYIR GCOM BSKYUNGS SHING SMRA BA MA YIN 'JAM POR SMRA BA MA YIN DGA' BAR SMRA BA MA YIN, RJES SU 'BRANG BA'I TSIG BRJOD PA MA YIN TE, DE LTAR NA NGAG GIS TSUL 'CHOS PA MI BYED DO, ,JI LTAR NA SEMS KYIS TSUL 'CHOS PAR MI BYED CE NA, BYANG CHUB SEMS DPA' NI SBYIN PA BYED PA'AM SBYIN PA'I BDAG POS RNYED PA BSTAN NA, TSIG GIS 'DOD PA CHUNG BAR STON CING SEMS KYIS 'DOD PA BSKYED PA MA YIN NO, ,RIGS KYI BU 'DI LTA STE, TSIG GIS 'DOD PA CHUNG LA SEMS KYIS RNYED PA 'DOD PA 'DI NI NANG GI GDUNG BA YIN TE, DE LTAR NA SEMS KYIS TSUL 'CHOS PA MI BYED DO, ,DE LTAR NA BYANG CHUB SEMS DPA' TSUL 'CHOS PA DANG KHA GSAG GI RNYED PA DANG BRAL BA YIN NO, ,JI LTAR NA GZHOGS SLONG GI RNYED PA DANG BRAL BA YIN ZHE NA, BYANG CHUB SEMS DPA' NI SBYIN PA BYED PA 'AM SBYIN BDAG MTHONG NA BDAG GOS KYIS PHONGS SO BDAG LHUNG BZED KYI PHONGS SO, ,BDAG NA BA'I GSOS SMAN GYIS PHONGS SO ZHES GZHOGS SLONG MI BYED CING, SBYIN PA BYED PA'AM SBYIN PA'I BDAG PO LA MI SLONG ZHING TSIG TU MI BRJOD DE, DE LTAR NA BYANG CHUB SEMS DPA' GZHOGS SLONG GI RNYED PA DANG BRAL BA YIN NO, ,JI LTAR NA THOB KYIS 'JAL BA'I RNYED PA DANG BRAL BA YIN ZHE NA, BYANG CHUB SEMS DPA' NI SBYIN PA BYED PA DANG SBYIN PA DAG MTHONG NA BDAG LA SBYIN PA'I BDAG PO CHE GE MO ZHIG GIS DNGOS PO CHE GE MO ZHIG BYIN TE, DE LA BDAG GIS KYANG PHAN PA CHE GE MO ZHIG BYAS SO, ,'DIS KYANG BDAG LA 'DI NI TSUL KHRIMS DANG @148B LDAN PAR RIG STE MANG DU THOS PA'O 'DOD PA CHUNG BA'O ZHES 'DI DANG 'DI BYIN NO, ,BDAG GIS KYANG DE LA SNYING RJE BA'I SEMS NYE BAR GZHAG STE BLANGS SO ZHES DE SKAD KYI TSIG MI BRJOD DO, ,DE LTAR NA BYANG CHUB SEMS DPA' THOB KYIS 'JAL BA'I RNYED PA DANG BRAL BA YIN NO, ,JI LTAR NA BYANG CHUB SEMS DPA' MI RIGS PAR BTZAL BA'I RNYED PA DANG BRAL BA YIN ZHE NA, RIGS KYI BU BYANG CHUB SEMS DPA' NI LUS LA RMA BYUNG BA DANG SEMS LA RMA BYUNG BAR RNYED PA TSOL BA MA YIN NO, ,DE LA LUS KYI RMA NI 'DI LTA STE, RNYED PA'I RGYU RNYED PA'I PHYIR BRGYUG PA DANG KUN DU BRGYUG PA DANG, TSUL KHRIMS 'CHAL PA LA SPYOD PA'O, ,SEMS KYI RMA NI 'DI LTA STE, RNYED PA LA SMON PA DANG TSANGS PA MTSUNGS PAR SPYOD PA GZHAN GYI RNYED PA DAG LA GNOD SEMS MANG BA STE, DE LTAR NA BYANG CHUB SEMS DPA' MI RIGS PAR BTZAL BA'I RNYED PA DANG BRAL BA YIN NO, ,JI LTAR NA BYANG CHUB SEMS DPA' CHOS MA YIN PA'I RNYED PA DANG BRAL BA YIN ZHE NA, RIGS KYI BU 'DI LTAR BYANG CHUB SEMS DPA' SRANG LA SGYU MED PA DANG BTZAL BA LA SGYU MED PA DANG YID BRTAN PA LA GNOD PAR BYED PA MED PA DANG G-YOS RNYED PA MI SGRUB PA STE, DE LTAR NA BYANG CHUB SEMS DPA' CHOS MA YIN PA'I RNYED PA DANG BRAL BA YIN NO, ,JI LTAR NA BYANG CHUB SEMS DPA' YONGS SU MA DAG PA'I RNYED PA DANG BRAL BA YIN ZHE NA, 'DI LA BYANG CHUB SEMS DPA' GANG MCHOD RTEN GYI DANG 'DRES PA'AM CHOS KYI DANG 'DRES PA'AM, DGE 'DUN GYI DANG 'DRES PA'AM MA BYIN PA MA GNANG BA DE DAG MI LEN CING BDAG GIR MI BYED CHAGS PA'I SEMS MI SKYED DE, DE LTAR NA BYANG CHUB SEMS DPA' YONGS SU MA DAG PA'I RNYED PA DANG BRAL BA YIN NO, ,JI LTAR NA BYANG CHUB SEMS DPA' RNYED PA LA ZHEN PA MED PA YIN ZHE NA, RIGS KYI BU 'DI LA BYANG CHUB SEMS DPA' RNYED PA RNYED KYANG BDAG GIR MI BYED, NOR DU MI RTZI TSOGS SU MI BYED CING, DUS DUS SU DGE SBYONG DANG BRAM ZE DANG PHA MA DANG MDZA' BO DANG BLON PO DANG GNYEN BSHES DANG SNAG GI GNYEN MTSAMS DAG LA GTONG ZHING DUS DUS SU BDAG KYANG YONGS SU SPOD LA YONGS SU SPYOD PA'I TSE CHAGS PA MED PA DANG ZHEN PA MED PAR YONGS SU SPYOD DO, , @149A *, ,RNYED PA MA RNYED NA YANG SKYO BA'I SEMS MI SKYED CING YONGS SU YI MI 'CHAD DE, SBYIN PA BYED PA DANG SBYIN BDAG RNAMS MA DAD PAR MI 'DZIN PA YIN TE ZHES BYA BA LA SOGS PA GSUNGS SO, ,STONG PA SNYING RJE'I SNYING PO CAN, ,SPYOD PAS BSOD NAMS DAG PAR 'GYUR, 'PHAGS PA NAM MKHA'I MDZOD KYI MDO LAS GSUNGS PA, 'DI LTA STE, NGAR 'DZIN PA RNAM PAR DAG PAR SBYIN PA DE SBYIN NO, ,NGA YIR 'DZIN PA RNAM PAR DAG PAR SBYIN PA DE SBYIN, RGYU RNAM PAR DAG PAR SBYIN PA DE SBYIN, LTA BA RNAM PAR DAG PAR SBYIN PA DE SBYIN, MTSAN MA RNAM PAR DAG PAR SBYIN PA DE SBYIN, THA DAD PA RNAM PAR DAG PAR SBYIN PA DE SBYIN, RNAM PAR SMIN PA LA MI RE BA RNAM PAR DAG PAR SBYIN PA DE SBYIN, NAM MKHA' DANG MTSUNGS PA'I SEMS RNAM PAR DAG PAR SBYIN PA DE SBYIN NO, ,RNAM PAR DAG PA BRGYAD PO 'DI DAG GI SGO NAS SBYIN PA DE SBYIN NO, ,JI LTAR NAM MKHA' MTHA' MED PA BZHIN DU SEMS CAN MTHA' MED PAR BYAS TE SBYIN PA DE SBYIN, JI LTAR NAM MKHA' RGYA CHE ZHING SGRIB PA MED PA DE BZHIN DU BYANG CHUB TU BSNGOS TE SBYIN PA DE SBYIN, JI LTAR NAM MKHA' LA GZUGS MED PA DE BZHIN DU GZUGS THAMS CAD LA MI GNAS PAR SBYIN PA DE SBYIN, JI LTAR NAM MKHA' LA TSOR BA MED PA DE BZHIN DU TSOR BA THAMS CAD DANG BRAL BAR SBYIN PA DE SBYIN, JI LTAR NAM MKHA' LA 'DU SHES MED PA DE BZHIN DU 'DU SHES THAMS CAD KYI MDUD PA MED PAR SBYIN PA DE SBYIN, JI LTAR NAM MKHA' 'DUS MA BYAS PA DE BZHIN DU 'DUS BYAS THAMS CAD MED PA SBYIN PA DE SBYIN, JI LTAR NAM MKHA' MTSAN NYID RNAM PAR RIG PA MED PA DE BZHIN DU RNAM PAR SHES PA LA MI GNAS PAR SBYIN PA DE SBYIN, JI LTAR NAM MKHA' SANGS RGYAS KYI ZHING THAMS CAD LA KHYAB PA DE BZHIN DU SEMS CAN THAMS CAD LA BYAMS PAS KHYAB PAR SBYIN PA DE SBYIN, JI LTAR NAM MKHA' SEMS CAN THAMS CAD KYI GO SKABS 'BYED PA DE BZHIN DU SEMS CAN THAMS CAD NYE BAR 'TSO BAR SBYIN PA DE SBYIN, JI LTAR NAM MKHA' LA NGA'I BA MED PA DE BZHIN DU SEMS CAN THAMS CAD YID LA BYED PA THAMS CAD DANG BRAL BAR SBYIN PA DE SBYIN, JI LTAR SPRUL PAS @149B SPRUL PA LA SBYIN PA SBYIN PA LTA BUR RNAM PAR MI RTOG CING LHUN GYIS GRUB STE SEMS DANG YID DANG RNAM PAR SHES PA DANG BRAL ZHING CHOS THAMS CAD LA RE BA MED PA DE LTAR RNAM PAR SHES PA DANG BRAL BA'I PHYIR SGYU MA'I MTSAN NYID KYI NGO BO NYID RNAM PAR DAG PAR BYANG CHUB SEMS DPAS SBYIN PA DE SBYIN TE, RIGS KYI BU GANG DE LTA BUR SBYIN PA YONGS SU GTONG BA DE NI, SHES RAB KYI YE SHES KYIS NI SEMS CAN THAMS CAD KYI NYON MONGS PA YONGS SU 'DOR ZHING THABS KYI YE SHES KYIS NI SEMS CAN THAMS CAD MI GTONG BA STE, RIGS KYI BU DE LTA BUR GTONG BA'I SEMS NI BYANG CHUB SEMS DPAS SBYIN PA NAM MKHA' DANG MTSUNGS PA YIN NO ZHES GSUNGS SO, ,'PHAGS PA BLO GROS MI ZAD PA'I MDO LAS KYANG, SEMS CAN THAMS CAD LA GNOD PA'I SBYIN PA MED PA NAS, JI SKAD SMOS PA LAS BRI BA'I SBYIN PA MED PA'I BAR DANG, SEMS CAN THAMS CAD LA SBYIN GNAS MA YIN NO ZHES BRNYAS PA'I SBYIN PA MED PA'I BAR DANG, DE BZHIN DU SBYAR TE, SMRE BA'I SBYIN PA MED DO, ,SLONG BA RNAMS LA GNOD PA'I BAR GYI SBYIN PA MED DO, ,BSTING BA DANG BRID PA'I SBYIN PA MED DO, ,RGYAB KYIS PHYOGS PA'I SBYIN PA MED DO, ,BOR BA'I SBYIN PA MED DO, ,BRNYAS PA'I SBYIN PA MED DO, ,RANG GIS LAG MA DAR BA'I SBYIN PA MED DO, ,DE BZHIN DU SBYAR TE, MI RUNG BA'I SBYIN PA MED DO, ,DUS MA YIN PA'I SBYIN PA MED DO, ,DUG DANG MTSON CHA SBYIN PA MED DO, ,SEMS CAN RNAMS LA RNAM PAR 'TSE BA'I SBYIN PA MED DO ZHES GSUNGS SO, ,DRAG SHUL CAN GYIS ZHUS PA'I MDO LAS, DES GZHAN DAG LA CHANG YANG SBYIN TE, DAS 'DI SNYAM DU 'DI NI SBYIN PA'I PHA ROL TU PHYIN PA'I DUS YIN TE, GANG CI 'DOD PA DE LA DE SBYIN PA'I DUS LA BAB KYI BDAG GIS 'DI LTAR BYA STE, GANG DANG GANG LA 'DI LTAR CHANG YANG BYIN NAS GANG 'DI 'KHRUL PA MED PA'I SPYOD PA LA DE DANG DE DAG DRAN PA DANG SHES BZHIN YANG DAG PAR 'DZIN DU GZHUG GO SNYAM PA'I 'DU SHES BSKYED PAR BYA'O ZHES GANG GSUNGS PA NI, CHANG GI SGO NAS KYANG BYANG CHUB SEMS DPA' LA RE THAG CHAD DE KHONG KHRO BA LCI BAR 'GYUR BAS, 'DIS SEMS CAN BSDU BA NYAMS PAR 'GYUR TE, @150A *, ,GZHAN DAD PAR BYA BA'I THABS SU 'GYUR BAS CHANG SBYIN NO ZHES BYA BAR DGONGS PA'O, ,MTSON CHA LA SOGS PA YANG GAL TE GNOD PAR MI 'GYUR BA LTA NA LCI YANG BRTAGS TE, BYIN NA LTUNG BA MED PAR 'DI NYID KYIS MNGON NO, ,MDO SDE LAS NI SPYIR BKAG PA GSUNGS SO,, SBYIN PA RNAM PAR DAG PA'I PHYOGS TZAM ZHIG BSHAD ZIN TO, ,TSUL KHRIMS RNAM PAR DAG PA NI, 'PHAGS PA NAM MKHA' MDZOD KYI MDO LAS GSUNGS TE, SEMS CAN RNAM PAR DAG PA'I PHYIR BYANG CHUB KYI SEMS DANG MI 'BRAL BA DANG, TSAD MAR GYUR PA RNAM PAR DAG PA'I PHYIR NYAN THOS DANG RANG SANGS RGYAS KYI SEMS MED PA ZHES BYA BA LA SOGS PA'O, ,GZHAN YANG TSUL KHRIMS RNAM PAR DAG PA NI NAM MKHA' DAG PA STE, TSUL KHRIMS DE YANG DAG PA'O, ,NAM MKHA' DRI MA MED PA STE TSUL KHRIMS DE YANG DRI MA MED PA'O, ,NAM MKHA' ZHI BA STE TSUL KHRIMS DE YANG ZHI BA'O,, NAM MKHA' MI MTHONG BA STE TSUL KHRIMS DE YANG MI MTHONG BA'O, ,NAM MKHA' MI DMA' BA STE TSUL KHRIMS DE YANG MI DMA' BA NAS, NAM MKHA' MI CHOD MI PHYED PA STE TSUL KHRIMS DE YANG MI CHOD MI PHYED PA LA SOGS PA'I BAR DU'O, ,NAM MKHA' LA ZHE 'GRAS PA MED DE, SEMS CAN THAMS CAD LA ZHE 'GRAS PA MED PA'I BZOD PA YONGS SU DAG PA DANG, NAM MKHA' NI MNYAM PAR SBYOR BA STE SEMS CAN THAMS CAD LA SEMS MNYAM PA'I BZOD PA YONGS SU DAG PA ZHES BYA BA LA SOGS PA'O, ,'DI LTA STE DPER NA SHING S'A LA CHEN PO'I TSAL YOD PAR LA LA ZHIG 'ONGS TE SHING S'A LA BCAD NA, DE LA SHING S'A LA BCAD PA'I LHAG MA RNAMS 'DI SNYAM DU 'DI DAG NI BCAD DO, ,BDAG GIS BCAD DO SNYAM DU MI SEMS TE, DE DAG LA RJES SU CHAGS PA YANG MED DO, ,KHONG KHRO BA YANG MED DO, ,MI RTOG RNAM PAR MI RTOG YONGS SU MI RTOG GO, ,DE BZHIN DU GANG BZOD PA NI BYANG CHUB SEMS DPA'I BZOD PA NAM MKHA' DANG MTSUNGS PAR YONGS SU DAG PA'I MCHOG GO ZHES SO, ,'PHAGS PA GTZUG NA RIN PO CHE'I MDO LAS, RGYA CHER SMOS TE GSUNGS PA 'DI NI BRTZON 'GRUS KYI PHA ROL TU PHYIN PA ZHES BYA'O, ,DE'I YONGS SU DAG PA GANG ZHE NA, GANG @150B LUS LA MI G-YOR DANG GZUGS BRNYAN DU SHES PA, TSIG BRJOD DU MED PAR SHES PA, SEMS CAN LA SHIN TU NYE BAR ZHI BAR SHES PA'O, ,DE BZHIN DU BYAMS PA CHEN PO'I GO CHA BGOS, SNYING RJE CHEN PO'I GNAS LA GNAS TE, RNAM PA THAMS CAD KYI MCHOG DANG LDAN PA'I STONG PA NYID KYI RNAM PAS MNGON PAR BSGRUBS PAS BSAM GTAN DU BYED DO, ,DE LA RNAM PA THAMS CAD KYI MCHOG DANG LDAN PA'I STONG PA NYID GANG ZHE NA, SBYIN PA MA TSANG BA MED PA NAS THABS MA TSANG BA MED PA'I BAR DANG, BYAMS PA CHEN PO DANG SNYING RJE DANG DGA' BA DANG BTANG SNYOMS MA TSANG BA MED PA DANG, BDEN PA SHES PA LA 'JUG PA MA TSANG BA MED PA DANG, BYANG CHUB KYI SEMS SEMS CAN LA LTA BA MA TSANG BA MED PA DANG, BSAM PA DANG LHAG PA'I BSAM PA'I SBYOR BA MA TSANG BA MED PA DANG, SBYIN PA DANG SNYAN PAR SMRA BA DANG DON SPYOD PA DANG DON MTHUN PA MA TSANG BA MED PA DANG, DRAN PA DANG SHES BZHIN MA TSANG BA MED PA DANG, DRAN PA NYE BAR GZHAG PA DANG YANG DAG PAR SPONG BA DANG, RDZU 'PHRUL GYI RKANG PA DANG, DBANG PO DANG STOBS DANG BYANG CHUB KYI YAN LAG DANG 'PHAGS PA'I LAM YAN LAG BRGYAD PA MA TSANG BA MED PA DANG, ZHI GNAS DANG LHAG MTHONG MA TSANG BA MED PA DANG, DE BZHIN DU SBYAR TE, RANG BZHIN GYIS NYE BAR ZHI BA LA LAS DANG NYON MONGS PA RNAMS KYIS NYE BAR MA ZHI BA DANG, CHOS NYID KYIS BTANG SNYOMS PA, SANGS RGYAS KYI CHOS THAMS CAD LA LTA BA, RANG GI MTSAN NYID KYIS BEMS PO DANG, BYIN GYI RLABS BYA BA'I PHYIR RNAM PAR 'GRO BA MED PA DANG, RANG GI NGANG GIS MI LDOG PA DANG, SANGS RGYAS KYI BYA BA LA RTAG TU BRTZON PA DANG, NYE BAR ZHI BAS BSIL BAR GYUR PA DANG, SEMS CAN YONGS SU SMIN PAR BYA BA LA RTAG TU 'BAD PA STE, 'DI NI RNAM PA THAMS CAD KYI MCHOG DANG LDAN PA'I STONG PA NYID CES BYA BA NAS, RIGS KYI BU 'DI NI BYANG CHUB SEMS DPA'I BSAM GTAN GYI PHA ROL TU PHYIN PA'I SPYOD PA YONGS SU DAG PA'O ZHES BYA BA'I BAR DU'O, ,'DIS SHES RAB YONGS SU DAG PA YANG RIG PAR BYA STE, BSOD NAMS THAMS CAD LA YANG DE BZHIN NO, ,BSLAB PA KUN LAS BTUS PA LAS, LONGS SPYOD DANG BSOD @151A *, ,NAMS DAG PA'I LE'U STE BCO LNGA PA'O,, ,,DA NI GSUM CHAR GYIS 'PHEL BA YANG BRJOD PAR BYA STE, CI'I DON DU ZHE NA, GZUNG BAR BYA BA RAB MANG LA, ,'DI NI NYUNG NA 'DIS CI BYA, ,SHIN TU NGOMS PA BSKYED MA YIN, ,DE PHYIR 'DI NI 'PHEL BAR BYA; ,SHIN TU NGOMS PA NI SANGS RGYAS NYID DE, DE NI NYAN THOS DANG THUN MONG BA'I DAG PA TZAM GYIS SEMS CAN RNAMS LA MI BSKYED DO ZHES BYA BA'I THA TSIG GO, ,LUS 'PHEL BYA BA GANG ZHE NA, LE LO MED DANG STOBS BSKYED YIN, ,DE LA 'PHAGS PA DKON MCHOG SPRIN LAS STOBS GSUNGS TE, GANG BYANG CHUB SEMS DPA'I STOBS LA STOBS KYIS BRDZI BA'I SEMS CAN DE NI SEMS CAN GYI RIS NA MED DO ZHES BYA BA LA SOGS PA'O, ,DE BSKYED PA JI LTA BU ZHE NA, GANG 'PHAGS PA DE BZHIN GSHEGS PA'I GSANG BA'I MDO LAS KYANG MA SKYES DGRAS, 'PHAGS PA LAG NA RDO RJE'I STOBS MTHONG NAS NGO MTSAR DU GYUR CES ZHUS NAS, BCOM LDAN 'DAS KYIS GSUNGS PA, RGYAL PO CHEN PO BYANG CHUB SEMS DPA' CHOS BCU DANG LDAN NA STOBS 'DI LTA BU THOB STE, BCU GANG ZHE NA, RGYAL PO CHEN PO 'DI LA BYANG CHUB SEMS DPA' LUS DANG SROG NI YONGS SU GTONG GI DAM PA'I CHOS NI YONGS SU MI GTONG BA DANG SEMS CAN THAMS CAD LA 'DUD CING NGA RGYAL 'PHEL BAR MI BYED PA DANG, SEMS CAN MTHU CHUNG BA RNAMS LA BZOD CING KHONG KHRO BAR MI BYED PA DANG, SEMS CAN BKRES PA RNAMS LA KHA ZAS BZANG PO MCHOG SBYIN PA DANG, SEMS CAN 'JIGS PA RNAMS LA MI 'JIGS PA SBYIN PA DANG, SEMS CAN NAD PA RNAMS LA YANG DAG PA'I GSO BAR BYA BAR SPRO BA DANG, SEMS CAN DBUL PO RNAMS LA LONGS SPYOD DAG GIS TSIM PAR BYED PA DANG, DE BZHIN GSHEGS PA'I MCHOD RTEN LA RDO THAL GYIS SKUD PA DANG, SEMS CAN RNAMS LA KUN TU DGA' BAR 'GYUR BA'I TSIG SGROGS PA DANG, SEMS CAN DBUL PO SDUG BSNGAL BA NGAL BA CHAD PA RNAMS KYI KHUR KHYER BA STE, RGYAL PO CHEN PO BYANG CHUB SEMS DPA' CHOS BCU PO DE DAG DANG LDAN NA STOBS 'DI LTA BU 'THOB PO ZHES BYA BA'O, ,LE LO MED PA BSKYED PA GANG ZHE NA, @151B GANG BRTZON 'GRUS BSKYED PA STE, 'PHAGS PA BLO GROS RGYA MTSOS ZHUS PA'I MDO LAS JI SKAD GSUNGS PA LTA BU STE, BLO GROS RGYA MTSO BYANG CHUB SEMS DPA' RTAG TU BRTUL BA BRTAN PAR BRTZON 'GRUS BRTZOM PAR BYA'O, ,BYANG CHUB SEMS DPA' GCES PA MI 'DOR BAR MOS PA DRAG PO BYA'O, , BLO GROS RGYA MTSO BRTZON 'GRUS BRTZAMS PA RNAMS LA NI BLA NA MED PA YANG DAG PAR RDZOGS PA'I BYANG CHUB DKA' BA MA YIN NO, ,DE CI'I PHYIR ZHE NA, BLO GROS RGYA MTSO GANG NA BRTZON 'GRUS YOD PA DE NA BYANG CHUB YOD DO, ,LE LO CAN LA NI BYANG CHUB SHIN TU RING ZHING RNAM PAR RING NGO, ,LE LO CAN RNAMS LA NI SBYIN PA MED PA NAS SHES RAB KYI BAR DU MED DO, ,LE LO CAN RNAMS LA NI GZHAN GYI DON MED DO ZHES BYA'O, ,ZLA BA SGRON MA'I MDO LAS KYANG, ,{AUTPAL} CHU NANG JI BZHIN DU, ,DE NAS MTHAR GYIS RNAM PAR 'PHEL, ,ZHES BYA BA LA SOGS PA GSUNGS SO, ,'DI NI LUS 'PHEL BA MDOR BSDUS PA'O, ,STONG DANG SNYING RJE'I SNYING PO CAN, ,SBYIN PAS LONGS SPYOD 'PHEL BAR 'GYUR, ,RDO RJE GCOD PA LAS, BYANG CHUB SEMS DPA' GANG MI GNAS PAR SBYIN PA SBYIN PA DE'I BSOD NAMS KYI PHUNG PO TSAD GZUNG BAR SLA BA MA YIN NO ZHES JI SKAD DU GSUNGS PA BZHIN NO, ,SHES RAB KYI PHA ROL TU PHYIN PA CHEN PO LAS KYANG, {SH'A} RI'I BU GZHAN YANG BYANG CHUB SEMS DPA' SEMS DPA' CHEN PO, SEMS CAN THAMS CAD LA SBYIN PA CHUNG NGU ZHIG BYIN LA, THABS MKHAS PAS RNAM PA THAMS CAD MKHYEN PAR YONGS SU BSNGOS PAS GRANGS MED DPAG TU MED PAR BYA BAR 'DOD PAS SHES RAB KYI PHA ROL TU PHYIN PA LA BSLAB PAR BYA'O, ,GSER DANG DNGUL DANG SKYED MOS TSAL DANG RGYAL SRID LA SOGS PA'I YO BYAD KYI BAR GYIS SEMS CAN THAMS CAD KYI BSAM PA YID BZHIN DU YONGS SU RDZOGS PAR BYED PAR 'DOD PAS SHES RAB KYI PHA ROL TU PHYIN PA LA BSLAB PAR BYA'O ZHES GSUNGS SO, ,BYANG CHUB SEMS DPA' RNAMS NI SNYING RJE MED PAR CI YANG MI SPYOD DO ZHES BRJOD PAR BYA'O, ,'DI NI LONGS SPYOD 'PHEL BA MDOR BSDUS PA'O,, ,,BAM PO BCU GNYIS PA, BSOD NAMS @152A *, ,'PHEL BA NI SPEL BA RNAMS KYI RTZA BA YIN PA DES NA DE'I DON DU GRABS BSHAM PA BRJOD PAR BYA'O, ,BRTZON DANG BSAM PA BRTAN PA YANG, ,DANG POR NAN TAN BYAS NAS NI, ,SNYING RJE MDUN DU GZHAG NAS SU, ,DGE BA SPEL LA NAN TAN BYA, ,SEMS SBYANG BA'I PHYIR BRTZON 'GRUS DANG POR DUS SU BSGOM PA SBYOR BA RTZOM PA'I TSE YANG SNGON DU BYED PAS BRTAN PAR BYA BA'I PHYIR TSIGS SU BCAD PA'O, ,'THOB PA'I DUS NYE BAR 'GYUR BA'I TSE MTSON CHA LA MKHAS PA LA GUS PA BZHIN DU SBYOR BA DANG DUS MNYAM DU BRTAN PAR BYA'O ZHES LHOD PAR BZLOG PA'I PHYIR DANG PO ZHES BYA BA SMOS SO, ,DE LA BRTZON PA BRTAN PAR BYED PA JI LTA BU ZHE NA, JI LTAR 'PHAGS PA NOR BZANGS BYANG CHUB SEMS DPA'I SPYOD PA RJES SU BSTAN PA DE NI RJES SU RNAM PAR SEMS, SNGON GYI MTHA'I MUR THUG PA'I LUS MANG PO YANG DAG PA'I SPYOD PA NYAMS SU MA BLANGS PAR CHUD ZOS PA LA BSAM PAS NI LUS KYI STOBS RAB TU BRTAN PAR BYED, SNGON GYI MTHA'I MUR THUG PA'I LUS DANG SEMS YONGS SU DAG KYANG DON MED PAR 'KHOR BA'I SEMS KYI RGYUD DU GYUR PA LA BSAM PAS NI SEMS DANG YID LA BYA BA SHIN TU TSAR GCOD, SNGON GYI MTHA'I MUR THUG PA'I LAS YANG DAG PA MA YIN PAS 'JIG RTEN GYI DON DU G-YEN SPYO STE DON MED PAR SHA THANG BA LA BSAM PAS NI DA LTAR BYUNG BA'I DON SHIN TU GCES PA LA LEGS PAR BSGRUB PAR RNAM PAR SEMS, SNGON GYI MTHA'I MUR THUG PA'I YANG DAG PA MA YIN PA'I KUN DU RTOG PAS KUN NAS BSLANG BA'I PHYIN CI LOG GI KUN DU RTOG PAS YANG DAG PAR BRTAN PA'I YID LA BYED PA'I BSAM PAS NI BYANG CHUB SEMS DPA'I SPYOD PA THAMS CAD YANG DAG PA'I RTOG PAS MNGON PAR 'DU BYAS PA'I STOBS YANG DAG PAR BSKYED, 'DAS PA'I LUS KYIS BDAG GI DON GYI SBYOR BA LA RTZOM PA'I YUL LA YONGS SU BSAM PAS NI SEMS CAN THAMS CAD KYI SBYOR BA LAS KHYAD PAR DU 'PHAGS PAR LHAG PA'I BSAM PA'I STOBS RAB TU BRTAN PAR BYED, 'DAS PA'I 'DOD PA YONGS SU TSOL BA'I SPYOD PA RO MED PA LA YONGS SU BSAM PAS NI SANGS RGYAS KYI CHOS THAMS CAD THOB PA'I SBYOR BAS DBUGS PHYIN PA CHEN PO 'THOB PA'I DBANG PO'I SHUGS DRAG PO RNAM @152B PAR 'PHEL BAR BYED, 'DAS PA'I DUS KYI BSAM PA PHYIN CI LOG DANG LDAN PA'I SBYOR BA LA YONGS SU BSAM PAS NI DA LTAR BYUNG BA'I DUS SU PHYIN CI LOG MED PA DANG LDAN PA'I YANG DAG PA'I LTA BA DANG BYANG CHUB SEMS DPA'I SMON LAM LA YI DAM BCA' BAS SEMS KYI RGYUD YONGS SU RGYAS PAR BYED; SNGON GYI MTHA'I BRTZON 'GRUS BRTZAMS PA MI CHA LA DON MA YIN PA DANG, YONGS SU MA GRUB PA'I BRTZON 'GRUS NYAMS SU BLANGS PA LA YONGS SU BSAM PAS NI DA LTAR BYUNG BA'I DUS SU SANGS RGYAS KYI CHOS YONGS SU BSDU BA LA STA GON DU GNAS PA'I BRTZON 'GRUS CHEN PO RTZOM PA'I RNAM PAR GNON PAS LUS DANG SEMS KYI GZENGS MTHO BA YANG DAG PAR BSKYED, SNGON GYI MTHA'I MUR THUG PA'I 'GRO BA LNGA'I RGYUD KYI NGAN SONG DU BDAG DANG GZHAN BOR BA LA BRTAGS PAS LUS 'TSO BA MED PA YONGS SU BZUNG BA LA YANG DAG PAR BSAM PAS NI SANGS RGYAS KYI CHOS THAMS CAD YONGS SU BSGRUB PA DANG 'GRO BA THAMS CAD NYE BAR 'TSO BA DAG DGE BA'I BSHES GNYEN THAMS CAD BSNYEN BKUR BAR NUS PA'I LUS YONGS SU BZUNG BAS DGA' BA DANG MCHOG TU DGA' BA'I SHUGS DRAG PO RGYA CHEN PO RNAM PAR 'PHEL BAR BYED, DA LTAR BYUNG BA'I SKYE BA MNGON PAR 'GRUB PA'I RGA BA DANG NA BA DANG 'CHI BA DANG MYA NGAN GYI 'BYUNG GNAS SU 'GYUR TE 'DU BA DANG 'BRAL BA'I GTER DU GYUR PA'I LUS KYANG, PHYI MA'I MTHA'I BSKAL PA'I MUR THUG PA'I BYANG CHUB SEMS DPA'I SPYOD PA SPYAD PA LA BRTZON PA DANG SEMS CAN YONGS SU SMIN PAR BYA BA DANG SANGS RGYAS KYI CHOS YONGS SU BSDU BAS BRTZON PA DANG DE BZHIN GSHEGS PA'I ZHAL BLTA ZHING ZHING THAMS CAD DU RGYU BA DANG, CHOS SMRA BA THAMS CAD LA RIM GRO BYA BA DANG DE BZHIN GSHEGS PA THAMS CAD KYI BSTAN PA YONGS SU BZUNG BA LA BRTZON PA DANG CHOS THAMS CAD YONGS SU BTZAL BA'I GROGS SU GYUR PA DANG DGE BA'I BSHES GNYEN THAMS CAD MTHONG BAR BYA BA DANG SANGS RGYAS KYI CHOS THAMS CAD YANG DAG PAR BSDU BA LA BRTZON PA'I BYANG CHUB SEMS DPA'I SMON LAM DANG YE SHES KYI RGYU DANG RKYEN DU GYUR PA LA BLTAS SHING DGE BA'I RTZA BA'I DBANG PO DANG SHUGS BSAM GYIS MI KHYAB PA RNAM PAR 'PHEL BAR BYED CING 'PHAGS PA @153A *, ,BYAMS PA'I DRUNG DU SONG BA BZHIN NO, ,'PHAGS PA BLO GROS MI ZAD PA'I MDO LAS KYANG, BYANG CHUB SEMS DPA' NI GCIG PU GNYIS SU MED CING GROGS MED PA BLA NA MED PA YANG DAG PAR RDZOGS PA'I BYANG TU GO CHA GYON TE, DE BRTZON 'GRUS KYI STOBS KYIS YONGS SU ZIN PA'I LHAG PA'I BSAM PAS, PHA ROL GYI SKABS MI 'BYED PAR BDAG NYID BYED DO, ,RANG GI STOBS KYIS 'PHAGS SO, ,DE DE LTAR GO CHA SRA BA BGOS PAS SEMS CAN THAMS CAD KYIS YONGS SU THOB PAR BYA BA GANG CI YIN PA DE BDAG GIS THOB PAR BYA'O, ,GANG 'PHAGS PA THAMS CAD DANG THEG PA LA GSAR DU YANG DAG PAR ZHUGS PA'I BYANG CHUB SEMS DPA' RNAMS KYIS THOB PAR MI 'GYUR BA DE BDAG GIS YONGS SU THOB PAR BYA'O, ,SBYIN PA NI BDAG GI GROGS MA YIN GYI BDAG NI SBYIN PA'I GROGS SO, ,TSUL KHRIMS DANG BZOD PA DANG BRTZON 'GRUS DANG BSAM GTAN DANG SHES RAB NI BDAG GI GROGS MA YIN GYI, BDAG NI TSUL KHRIMS DANG BZOD PA DANG BRTZON 'GRUS DANG BSAM GTAN DANG SHES RAB RNAMS KYI GROGS YIN NO, ,PHA ROL TU PHYIN PA RNAMS KYIS BDAG LA BSNYEN BKUR MI BYA'I, BDAG GIS PHA ROL TU PHYIN PA RNAMS LA BSNYEN BKUR BYA'O, , DE BZHIN DU BSDU BA'I DNGOS PO RNAMS DANG DGE BA'I RTZA BA THAMS CAD LA YANG SBYAR RO, ,JI TZAM DU BDAG GCIG PU GNYIS SU MED CING GROGS MED PAR RDO RJE'I RANG BZHIN GYI SA'I DKYIL 'KHOR LA GNAS TE, BDUD STOBS DANG BCAS PA BTUL NAS SEMS KYI SKAD CIG GCIG DANG LDAN PA'I SHES RAB KYIS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR BYA'O ZHES GSUNGS SO, ,'PHAGS PA RDO RJE RGYAL MTSAN GYI MDO LAS KYANG, 'DI LTA STE, DPER NA LHA'I BU NYI MA 'CHAR BA NA DMUS LONG GI NYES PAS MI 'DUG GO, ,DRI ZA'I GRONG KHYER GYI NYES PAS MI 'DUG GO, ,GLING BZHI PA'I 'JIG RTEN GYI KHAMS KYI SA'I RDUL GYI NYES PAS MI 'DUG GO, ,LHA MA YIN GYI DBANG PO SGRA GCAN GYI NYES PAS MI 'DUG GO, ,DU BA'I DKYEL 'KHOR GYI NYES PAS MI 'DUG GO, ,'DZAM BU'I GLING GI NYE BA'I NYON MONGS PA'I NYES PAS MI 'DUG GO, , @153B GRIB MA THA DAD PA'I NYES PAS MI 'DUG GO, ,RI MI MNYAM PA'I NYES PAS MI 'DUG GO, ,DE BZHIN DU BYANG CHUB SEMS DPA' SEMS DPA' CHEN PO DRAN PA DANG SHES BZHIN CAN SEMS ZAB CING RGYA CHE BA RNAM PAR MA ZHUM PA YON TAN GYI SPYOD PA DANG YE SHES KYI SPYOD PA MTHAS GTUGS PA NI SEMS CAN 'KHU BA'I NGANG TSUL CAN GYI NYES PAS MI LDOG GO, ,SEMS CAN DMU RGOD KYI NYES PAS MI LDOG GO, ,DGE BA'I RTZA BA YONGS SU BSNGO BA MED PAR MI GNAS SO, ,SEMS CAN DANG LTA BA'I SNYIGS MA'I NYES PAS MI LDOG GO, ,SEMS CAN SEMS 'KHRUGS PA RNAMS DANG RING BAR MI 'GYUR RO, , SEMS CAN SEMS MA RUNG BAR GYUR PAS BYANG CHUB KYI GO CHA RGYUN GCOD PAR MI BYED DO, ,SEMS CAN GYI 'THAB PA'I RNYOG PA RNAMS KYIS 'GRO BA THAMS CAD YONGS SU BSKYAB PA'I SMON LAM RGYUN GCOD PAR MI BYED DO, ,JI TZAM DU BYIS PA'I SKYE BO DANG 'GROGS PA DANG SEMS CAN GZHAN GYI NYES PA RNAMS KYIS SKYO BAR MI BYED DO, ,DE CI'I PHYIR ZHE NA, 'DI NI 'DI LTA STE, 'GRO BA THAMS CAD RNAM PAR DAG PAR GDUL BA'I PHYIR SGRIB PA MED PA'I DKYIL 'KHOR DU 'CHAR DO, ,DE BZHIN DU SBYAR TE, GANG SEMS CAN DE DAG THAMS CAD KYI SDUG BSNGAL GYI PHUNG PO DANG, SGRIB PA SNA TSOGS DANG LAS NYE BAR GNAS PA'I SGRIB PA GANG DAG GIS DE DAG SANGS RGYAS MTHONG BAR MI 'GYUR BA DANG, CHOS NYAN PAR MI 'GYUR BA DANG DGE 'DUN SHES PAR MI 'GYUR BA DE DAG GIS DE DAG GI SGRIB PAR 'GYUR BA DE DAG GI LAS RNAM PA GSUM BSAGS PA'I SDUG BSNGAL GYI PHUNG PO RANG GI LUS 'DIS BLANG BAR BYA'O, ,SEMS CAN DMYAL BAR SKYE BA DE DAG DANG NGAN SONG GI SA LA GNAS PA'I SEMS CAN DE DAG THAMS CAD DE NAS SHI 'PHOS PAR GYUR CIG ,BDAG GIS SDUG BSNGAL GYI PHUNG PO CHEN PO 'DI BLANG BAR BYA'O, ,BRTZON PAR BYA'O, ,SPRO BAR BYA'O, ,MI LDOG PAR BYA'O, ,MI 'BROS PAR BYA'O, ,MI SKRAG PAR BYA'O, ,MI 'JIGS PAR BYA'O, ,PHYIR MI LDOG PAR BYA'O, ,SGYID MI LUG PAR BYA'O, ,DE CI'I PHYIR ZHE NA, BDAG GIS NI SEMS CAN THAMS CAD KYI KHUR BSKUR BAR BYA'O, ,BDAG NI 'DOD DGAR BYED PA MA YIN TE, BDAG NI SEMS CAN @154A *, ,THAMS CAD BSGRAL BA'I SMON LAM CAN YIN GYI BDAG GIS SEMS CAN YONGS SU SMIN PAR BYA'O, ,BDAG GIS 'GRO BA THAMS CAD BSGRAL BAR BYAS TE, SKYE BA'I DGON PA DANG, RGA BA'I DGON PA DANG, NAD KYI DGON PA DANG, 'CHI 'PHO DANG SKYE BA'I DGON PA DANG, NGAN SONG THAMS CAD KYI DGON PA DANG, MI KHOM PA'I DGON PA DANG, 'DU BYED THAMS CAD KYI DGON PA DANG, LTA BA THIBS PO THAMS CAD KYI DGON PA DANG, DGE BA'I LAS CHUD ZA BA'I DGON PA DANG MI SHES PA KUN NAS LANGS PA'I DGON PA DE DAG THAMS CAD LAS, BDAG GIS SEMS CAN THAMS CAD YONGS SU THAR BAR BYA'O, ,SRID PA'I DRA BAR CHUD PA, MA RIG PA'I SGRIB PAS BSGRIBS PA, SRID PA'I SRED PA DANG LDAN PA, MTHAR RAB TU 'JIG PAR 'GYUR BA, SDUG BSNGAL GYI GZEB TU BCUG PA, 'KHOR BA'I BRTZON RA NA GNAS PA, MI MKHAS PA, DAM BCAS PA DANG 'GAL BA, THE TSOM ZA BAR GYUR BA, RTAG TU YID GNYIS ZA BA, MI BDE BA MTHONG BA, 'BYUNG BA MI MKHAS PA, SRID PA'I RGYA MTSO KLONG 'KHYIL BA'I DKYIL 'KHOR NA GCIG PU RGYU BA'I SEMS CAN THAMS CAD BLA NA MED PA'I YE SHES KYI RGYAL SRID LA DGOD PA'I PHYIR BDAG GIS SPYOD PA SPYAD PAR BYA'O, ,BDAG NI BDAG 'BA' ZHIG YONGS SU THAR BAR BYA BA LA BRTZON PA MA YIN GYI, BDAG GIS SEMS CAN 'DI DAG THAMS CAD THAMS CAD MKHYEN PA NYID KYI SEMS KYI GZING KYIS 'KHOR BA BGROD DKA' BA LAS BSGRAL BAR BYA'O, ,G-YANG CHEN PO LAS DBYUNG BAR BYA'O, ,GNOD PA THAMS CAD LAS YONGS SU THAR BAR BYA'O, ,'KHOR BA'I RGYUN LAS BSGRAL BAR BYA'O, ,BDAG NYID KYIS SEMS CAN THAMS CAD KYI SDUG BSNGAL GYI PHUNG PO KHAS BLANGS SO, ,JI TZAM GYIS 'JIG RTEN GYI KHAMS THAMS CAD DU GTOGS PA'I NGAN SONG THAMS CAD KYI SDUG BSNGAL GYI GNAS MYONG BAR SPRO BAR BYA'O, ,BDAG GIS DGE BA'I RTZA BA RNAMS KYIS SEMS CAN THAMS CAD MI DOR BAR BYA'O, ,BDAG NGAN SONG GCIG TU YANG PHYI MA'I MTHA'I MU'I BSKAL PAR GNAS PAR BRTZON PAR BYA'O, ,NGAN SONG GCIG LA JI LTAR BA BZHIN DU 'JIG RTEN GYI @154B KHAMS THAMS CAD DU GTOGS PA'I NGAN SONG MA LUS PA THAMS CAD DU GNAS PA'I SEMS CAN THAMS CAD YONGS SU THAR BAR BYA BA'I PHYIR YANG DE BZHIN NO, ,DE CI'I PHYIR ZHE NA, BDAG GCIG PU SDUG BSNGAL BAR GYUR PA NI BLA'I, BDAG GI SEMS CAN THAMS CAD NGAN SONG GI SAR RAB TU LTUNG BA NI DE LTA BU MA YIN TE, BDAG GIS 'DIR BDAG NYID GTAR BCUG LA SEMS CAN DMYAL BA DANG DUD 'GRO'I SKYE GNAS DANG GSHIN RJE'I 'JIG RTEN GYI DGON PA LAS 'GRO BA THAMS CAD BLU BAR BYA'O, ,BDAG NI SEMS CAN THAMS CAD KYI DON DU SDUG BSNGAL GYI TSOR BA'I PHUNG PO THAMS CAD BDAG NYID KYI LUS 'DIS MYONG BAR BYA'O, ,SEMS CAN THAMS CAD KYI CHED DU BDAG NYID SEMS CAN THAMS CAD KYI GNYA'O, ,BDEN PAR SMRA BA YID CHES SU RUNG BA MI SLU BA BYA BAR SPRO STE BDAG GIS SEMS CAN THAMS CAD YONGS SU MI GTONG NGO, ,DE CI'I PHYIR ZHE NA, BDAG NI SEMS CAN THAMS CAD LA DMIGS NAS THAMS CAD MKHYEN PA NYID KYI SEMS BSKYED PA STE, 'DI LTAR 'GRO BA THAMS CAD YONGS SU THAR BAR BYA BA'I PHYIR BDAG DGA' BA 'DOD PA MA YIN PAR BLA NA MED PA YANG DAG PAR RDZOGS PA'I BYANG CHUB TU YANG DAG PAR ZHUGS SO, ,BDAG NI 'DOD PA'I YON TAN LNGA'I DGA' BA MYONG BAR BYA BA MA YIN, 'DOD PA'I YUL BSTEN PA'I PHYIR MA YIN, BDAG NI 'DOD PA'I KHAMS SU GTOGS PA'I DGA' BA BKOD PA GZHAN DANG GZHAN SGRUB PA'I PHYIR MA YIN PAR BYANG CHUB SEMS DPA'I SPYOD PA SPYAD PAR BYA'O, ,DE CI'I PHYIR ZHE NA, 'JIG RTEN THAMS CAD KYI DGA' BA 'DI NI DGA' BA MA YIN PA'I PHYIR RO, ,'DI LTA STE 'DOD PA BSTEN PA 'DI NI BDUD KYI SPYOD YUL LO, ,'DI LTA STE 'DOD PA BSTEN PA'I LAM 'DI NI BLO NGAN PAS BSTEN PA'O, ,NYE BAR BSTEN PA 'DI NI SANGS RGYAS THAMS CAD KYIS MA BSNGAGS PA'O, ,DE'I PHYIR NYE BAR BSTEN PA 'DI NI SDUG BSNGAL GYI PHUNG PO THAMS CAD 'BYUNG BA NYID YIN TE, DE NYID LAS SEMS CAN DMYAL BA DANG DUD 'GRO'I SKYE GNAS DANG GSHIN RJE'I 'JIG RTEN RNAMS 'BYUNG NGO, ,SEMS CAN RNAMS 'THAB PA DANG RTZOD PA DANG MTSANG 'BRU BA DANG 'GYED PA DANG, 'KHRUGS PA DANG, KUN DU 'KHRUGS PA RNAMS 'BYUNG @155A *, ,NGO; ,SEMS CAN DE DAG GIS 'DOD PA BSTEN NA SANGS RGYAS BCOM LDAN 'DAS RNAMS LAS THAG RING DU 'GYUR RO, ,'DOD PA 'DI DAG NI MTHO RIS SU SKYE BA'I BAR CHAD DU YANG 'GYUR NA BLA NA MED PA'I YE SHES KYI RGYAL SRID, SEMS CAN THAMS CAD KYI GRUB PA DANG BDE BA LA LTA SMOS KYANG CI DGOS TE, DE LTAR BDAG GIS 'DOD PA SKYON TSAD MED PA DANG LDAN LA RAB TU 'BAR ZHING KUN DU RAB TU 'BAR BAR MTHONG GIS, DE LTA BAS NA BDAG GZHI DE LA MI SPYOD PAR NAN TAN BYA'O, ,DE BZHIN DU SBYAR TE, JI LTA JI LTAR SEMS CAN THAMS CAD SHIN TU BDE BA DANG, MYONG BA MED PA'I BDE BA NAS THAMS CAD MKHYEN PA NYID KYI BDE BA'I BAR DU THOB PAR 'GYUR BA DE LTA DE LTAR, BDAG KHA LO SGYUR BA, YONGS SU 'DREN PA BDAG SGRON MA 'DZIN PA, BDAG ZHI BA'I 'GRO BA STON PA, BDAG LA BA'I 'GRO BA THOB PA, BDAG THABS SHES PA, BDAG DON LA MKHAS PA, BDAG 'KHOR BA'I RGYA MTSO NAS THAMS CAD MKHYEN PA'I YE SHES KYI GRUS YUL CHEN PO LA GNAS PA, BDAG YONGS SU BSNGO BA LA MKHAS PA, PHA ROL STON PA BDAG GIS DE LTA DE LTAR DGE BA'I RTZA BA THAMS CAD YONGS SU BSNGO BAR BYA'O, ,DE BZHIN DU SBYAR TE, GLING BZHI PA'I 'JIG RTEN GYI KHAMS SNANG BAR BYA BA'I PHYIR GLING BZHI PA'I 'JIG RTEN GYI KHAMS NA SEMS CAN JI SNYED PA DE SNYED KYI NYI MA 'CHAR BA MA YIN GYI GLING BZHI BA SNANG BAR BYA BA'I PHYIR NYI MA GCIG PO 'DI KHO NA 'CHAR RO, ,GANG GIS DE DAG NYIN MO'I GRANGS SU SHES PAR 'GYUR BA DANG RANG GI BYA BA YONGS SU THOB PAR 'GYUR BA DANG, LO TOG YONGS SU SMIN PAR BYED PAR 'GYUR BA DANG, NYIN GCIG BZHIN DU SKYED MOS TSAL DANG GRONG KHYER RNAMS SU DGA' ZHING RTZE LA DGA' DGUR SPYOD PA MYONG BAR 'GYUR BA DANG, PHYOGS MTHONG BAR 'GYUR BA DANG, GRONG DANG GRONG KHYER DANG GRONG RDAL DAN, YUL 'KHOR DANG RGYAL PO'I PHO BRANG 'KHOR RNAMS SU 'ONG BA DANG 'GRO BAR 'GYUR BA'I SNANG BA GLING BZHI PAR SKYES PA'I SEMS CAN RE RE'I LUS LAS 'BYUNG BA MA YIN NO, ,DE BZHIN DU SBYAR TE, LHA'I BU NYI MA 'CHAR BA NA NYI MA'I DKYIL 'KHOR GCIG PU GNYIS SU MED PAR GLING BZHI PA'I KHAMS KYI @155B SEMS CAN RNAMS LA SNANG BAR 'BYUNG NGO, ,DE BZHIN DU BYANG CHUB SEMS DPA' DGE BA'I RTZA BA BSGRUB CING DGE BA'I RTZA BA YONGS SU BSNGO BA YANG 'DI LTAR SEMS BSKYED DE, SEMS CAN 'DI DAG LA NI GANG GIS 'DI DAG BDAG YONGS SU SKYOB PAR 'GYUR BA'I DGE BA'I RTZA BA DE MED NA, GZHAN SKYOB PAR LTA SMOS KYANG CI DGOS, BDAG NI SEMS CAN THAMS CAD KYI CHED DU DGE BA'I RTZA BA RNAMS YANG DAG PAR BSGRUB PAR BYA'O, ,DGE BA'I RTZA BA YONGS SU BSNGO BAR BYA'O, ,'DI LTA STE, SEMS CAN THAMS CAD THAR BAR BYA BA DANG, SEMS CAN THAMS CAD LA SNANG BAR BYA BA DANG, SEMS CAN THAMS CAD SHES PAR BYA BA DANG, SEMS CAN THAMS CAD BSGROL BAR BYA BA DANG, SEMS CAN THAMS CAD YONGS SU BZUNG BA DANG, SEMS CAN THAMS CAD YONGS SU BSGRUB PA DANG, SEMS CAN THAMS CAD RAB TU TSIM PAR BYA BA DANG, SEMS CAN THAMS CAD KYI THE TSOM BCAD PA'I PHYIR, BDAG NYI MA'I DKYIL 'KHOR LTA BUR BYAS TE, GZHAN LA MI LTOS PAR BYA, GZHAN LA SKABS PHYE ZHING SEMS CAN LA GO CHA DOR BAR MI BYA, SEMS CAN THAMS CAD KYI THAD DU SEMS CAN BSKYAB PA'I BRTZON PA LAS LDOG PAR MI BYA, SDUG BSNGAL THAMS CAD BSAL BA'I YONGS SU BSNGO BA LAS LDOG PAR MI BYA, DGE BA'I RTZA BA CHUNG NGU YONGS SU BZUNG BAR MI BYA, YONGS SU BSNGO BA CHUNG NGU CHOG PAR MI BSAM MO ZHES BYA BA LA SOGS PA GSUNGS SO, ,'PHAGS PA BLO GROS MI ZAD PAS ZHUS PA'I MDO LAS KYANG, DE BSKAL PA 'DI SNYED CIG TU GO CHA BGO'O, , BSKAL PA 'DI SNYED CIG TU GO CHA MI BGO'O, ,ZHES BSKAL PA GRANG PAS BYANG CHUB MI TSOL GYI BSAM GYIS MI KHYAB PA'I GO CHA GYON PAR BYED DO, ,GAL TE 'KHOR BA'I SNGON GYI MTHA' JI TZAM PA DE TZAM LA NYIN ZHAG GCIG TU GYUR LA, NYIN ZHAG GI TSUL DE LTAR BU'I NYI MA BCO LNGAS ZLA BA PHYED DU GYUR LA, NYI MA SUM CUS ZLA BA GCIG TU GYUR TE, ZLA BA BCU GNYIS KYIS LO GCIG TU GYUR LA, LO BGRANG BA 'DIS LO 'BUM LA BYANG CHUB KYI SEMS GCIG BSKYED CING, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GCIG MTHONG LA, 'JUG PA @156A *, ,'DI DANG BGRANG BA 'DIS GANG G'A'I KLUNG GI BYE MA SNYED KYI SEMS BSKYED PA DANG DE BZHIN GSHEGS PA MTHONG BAS SEMS CAN GCIG GI SEMS DANG SPYOD PA SHES PAR GYUR LA, 'JUG PA 'DI DANG BGRANGS PA 'DIS DE SNYED KYI SEMS BSKYED PA DANG, DE BZHIN GSHEGS PA MTHONG BAS SEMS CAN THAMS CAD KYI SEMS DANG SPYOD PA RNAMS SHES PAR GYUR KYANG, MI ZHUM PA'I GO CHA 'DI NI BYANG CHUB SEMS DPA'I GO CHA MI ZAD PA ZHES GSUNGS SO, ,DE BZHIN DU SBYIN PA LA SOGS PA DANG BYANG CHUB KYI PHYOGS DANG SKYES BU CHEN PO'I MTSAN RNAMS LA YANG SBYAR RO, , 'PHAGS PA DKON MCHOG SPRIN LAS KYANG, 'DI LA BYANG CHUB SEMS DPA' SEMS CAN DMU RGOD SEMS CAN GDUL DKA' BAR RIG STE, DE RNAMS KYIS YI CHAD NAS 'DI LTA BU'I DMU RGOD 'DI LTA BU'I GDUL DKA' BA'I SEMS CAN 'DI DAG GIS CHOG GO ZHES TE, GZHI DE LAS YONGS SU SKYO ZHING RGYAB KYIS PHYOGS PAR 'GYUR TE, GANG NA SEMS CAN 'DI LTA BU DAG GI MING YANG MI THOS PA'I 'JIG RTEN GYI KHAMS YONGS SU DAG PAR SMON LAM NI 'DEBS SO, ,SEMS CAN GYI DON LA MA PHYOGS PA'I BYANG CHUB SEMS DPA' NI YONGS SU DAG PA'I 'JIG RTEN GYI KHAMS SU YANG SKYE BAR MI 'GYUR TE, DE LA BYANG CHUB SEMS DPA' SHES RAB CAN NI 'DI LTAR SEMS CAN GYI KHAMS THAMS CAD NA SEMS CAN GANG RNAMS NGAN PA BRTZON 'GRUS CHUNG BA BLUN PO GLEN PA LUG LTAR LKUGS PA'I RANG BZHIN CAN YONGS SU MYA NGAN LAS MI 'DA' BA'I CHOS CAN, SEMS CAN GYI KHAMS MA LUS PA 'DI LAS BSNYIGS PA SANGS RGYAS THAMS CAD DANG BYANG CHUB SEMS DPA' THAMS CAD KYIS SPANG BAR GYUR PA YOD PA DE DAG BDAG GI SANGS RGYAS KYI ZHING DU 'DUS PAR GYUR LA, BDAG GIS DE DAG BYANG CHUB KYI SNYING PO LA 'DUG TU BCUG STE, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR BYA'O SNYAM DU SEMS BSKYED DE, BYANG CHUB SEMS DPA' DE LTAR SEMS PA'I SEMS BSKYED PA RE RE LA YANG BDUD KYI GNAS THAMS CAD RAB TU G-YO'O, ,SANGS RGYAS THAMS CAD KYANG DE'I BSNGAGS PA GSUNG PAR 'GYUR RO ZHES GSUNGS SO, ,DE LTAR @156B RE ZHIG BSOD NAMS MNGON PAR SPEL BAR 'DOD PAS BRTZON PA BRTAN PAR BYA'O, ,DA NI BSAM PA BRTAN PAR BYA BA BRJOD PAR BYA STE, BRTAN PAR BYA BA 'DIS CI BYA SNYAM DU RTOG PA BSAL BA'I PHYIR, 'PHAGS PA CHOS YANG DAG PAR SDUD PA'I MDO LAS GSUNGS PA, BCOM LDAN 'DAS BSAM PA PHUN SUM TSOGS PA NI CHOS RNAMS KYI RTZA BA STE, GANG LA BSAM PA MA MCHIS PA DE LA SANGS RGYAS KYI CHOS THAMS CAD RING BA LAGS SO, ,BCOM LDAN 'DAS BSAM PA PHUN SUM TSOGS PA LA NI, GAL TE SANGS RGYAS MI BZHUGS NA YANG NAM MKHA'I DKYIL DANG RTZIG PA DANG SHING RNAMS LAS CHOS 'BYUNG NGO, ,BYANG CHUB SEMS DPA' BSAM PA DAG PA LA NI RANG GI YID KYI SPYOD PA NYID LAS GDAMS NGAG DANG RJES SU BSTAN PA 'BYUNG NGO, ,BCOM LDAN 'DAS DE BAS NA BYANG CHUB SEMS DPA' BSAM PA PHUN SUM TSOGS PAR BGYI'O, ,BCOM LDAN 'DAS 'DI LTA STE, DPER NA GANG LA RKANG PA MCHIS PA DE LA 'GRO BA MCHIS SO, ,BCOM LDAN 'DAS DE BZHIN DU GANG LA BSAM PA MCHIS PA DE LA SANGS RGYAS KYI CHOS RNAMS MCHIS SO, ,BCOM LDAN 'DAS 'DI LTA STE DPER NA, YAN LAG GI DAM PA MGO GANG LA MCHIS PA DE LA 'TSO BA MCHIS SO, ,BCOM LDAN 'DAS DE BZHIN DU BSAM PA GANG LA MCHIS PA DE LA SANGS RGYAS KYI BYANG CHUB MCHIS SO, ,BCOM LDAN 'DAS 'DI LTA STE, DPER NA GANG LA 'TSO BA MCHIS PA DE LA RNYED PA MCHIS SO, ,BCOM LDAN 'DAS DE BZHIN DU GANG LA BSAM PA MCHIS PA DE LA SANGS RGYAS KYI RNYED PA MCHIS SO, ,BCOM LDAN 'DAS 'DI LTA STE, DPER NA ZHUGS SHING MCHIS NA ZHUGS 'BAR GYI ZHUGS SHING MA MCHIS NA ZHUGS MI 'BAR RO, ,BCOM LDAN 'DAS DE BZHIN DU BSAM PA MCHIS PA'I BYANG CHUB SEMS DPA' DE LA SANGS RGYAS KYI CHOS RNAMS 'BAR GYI BSAM PA MA MCHIS PA LA MI 'BAR RO, ,BCOM LDAN 'DAS 'DI LTA STE, DPER NA SPRIN CHAGS NA CHAR 'BAB KYI SPRIN MA CHAGS NA CHAR MI 'BAB PO, ,BCOM LDAN 'DAS DE BZHIN DU BSAM PA MA MCHIS NA SANGS RGYAS KYI CHOS RNAMS 'BYUNG GI BSAM PA MCHIS NA MI 'BYUNG NGO, ,BCOM LDAN 'DAS 'DI LTA STE, DPER NA ZHUGS SHING @157A *, ,GANG RTZA BA NYAMS PA DE LAS ME TOG DANG 'BRAS BU RNAMS MI 'BYUNG NGO, ,BCOM LDAN 'DAS DE BZHIN DU GANG BSAM PA LOG PAR ZHUGS PA DE LAS DGE BA'I CHOS THAMS CAD MI 'BYUNG NGO, ,BCOM LDAN 'DAS DE BAS NA BYANG CHUB SEMS DPA' SANGS RGYAS KYI BYANG CHUB TSOL BAS RANG GI BSAM PA SHIN TU BZUNG BA DANG SHIN TU BSRUNG BA DANG SHIN TU SBYANG BAR BGYI'O ZHES BYA BA'O, ,BSAM PA ZHES BYA BA 'DI JI LTA BU ZHE NA, 'PHAGS PA BLO GROS MI ZAD PA'I MDO LAS, BSAM PA DE YANG MA BYAS PAS NA BCOS MA MA YIN NO, ,G-YO MED PAS NA MA BYAS PA'O, ,RAB TU RTOGS PAS NA G-YO MED PA'O, ,SGYU MED PAS NA RAB TU RTOGS PA'O, ,DAG PAS NA SGYU MED PA'O, ,DRANG BAS NA DAG PA'O, ,GYA GYU MED PAS NA DRANG BA'O, ,GSAL BAS NA GYA GYU MED PA'O, ,MI MNYAM PA MED PAS NA GSAL BA'O, ,SRA BAS NA MNYAM PA MED PA'O, ,MI PHYED PAS NA SRA BA'O; ,MKHRANG BAS NA MI PHYED PA'O, ,MI G-YO BAS NA MKHRANG BA'O, ,MI GNAS PAS NA MI G-YO BA'O ZHES BYA BA LA SOGS PA'O, ,'DI NYID YON TAN LHAG PA THOB PAR BYA BA'I PHYIR ZHUGS PA NI LHAG PA'I BSAM PA ZHES BYA'O, ,DE NYID LAS JI SKAD DU, BYE BRAG TU 'GRO BA'I PHYIR RGYAL BA'I LHAG PA'I BSAM PA ZHES BYA BA LA SOGS PA GSUNGS PA DANG, YANG LHAG PA'I BSAM PA ZHES BYA BA NI 'BYUNG PO RNAMS LUS NGES PA'O, ,SEMS CAN THAMS CAD LA BYAMS PA'O, ,'PHAGS PA RNAMS LA PHAN PAR SEMS PA'O, ,'PHAGS PA MA YIN PA LA SNYING RJE BA'O, ,BLA MA LA RIM GRO BYED PA'O, ,DPUNG GNYEN MED PA RNAMS LA DPUNG GNYEN NO, ,SKYABS MED PA RNAMS LA SKYABS SO, ,GLING MED PA RNAMS LA GLING NGO, MGON MED PA RNAMS LA MGON NO, ,GROGS MED PA RNAMS LA GROGS SO, ,GYA GYU CAN RNAMS LA DRANG BA'O, ,DMU RGOD RNAMS LA GSAL BA'O, ,G-YO CAN RNAMS LA G-YO MED PA'O, ,SGYU CAN RNAMS LA SGYU MED PA'O, ,BYAS PA MI GZO BA RNAMS LA BYAS PA GZO BA'O, ,'KHU BA RNAMS LA BYAS PA TSOR BA'O, ,MI PHAN PA RNAMS LA PHAN 'DOGS PA'O, ,LOG PAR ZHUGS PA LA BDEN PA'O, ,PHO THEGS @157B CAN LA NGA RGYAL MED PA'O, ,LEGS PAR BYAS PA RNAMS LA MI SMOD PA'O, ,GZHAN GYI 'KHRUL PA LA MI RTZOD PA'O, ,LOG PAR ZHUGS PA RNAMS LA KUN DU SRUNG BA'O, ,THABS KYI DGE BA SPYOD PA THAMS CAD LA NYES PAR MI LTA BA'O, ,SBYIN PA'I GNAS RNAMS LA RIM GRO BYED PA'O, , BSTAN PA LA MTHUN PAR 'DZIN PA'O ZHES BYA BA LA SOGS PA GSUNGS PA LTA BU'O, ,DE LTAR BRTZON PA DANG BSAM PA LA BRTAN PAR BYAS NAS, SNYING RJE MDUN DU BZHAG NAS SU, ,DGE BA SPEL LA NAN TAN BYA, ,CHOS YANG DAG PAR SDUD PA'I MDO LAS JI SKAD GSUNGS PA LTA BU STE, DE NAS BCOM LDAN 'DAS LA BYANG CHUB SEMS DPA' SPYAN RAS GZIGS DBANG PHYUG GIS 'DI SKAD CES GSOL TO, ,BCOM LDAN 'DAS BYANG CHUB SEMS DPAS CHOS SHIN TU MANG PO LA BSLAB PAR MI BGYI'O, ,BCOM LDAN 'DAS BYANG CHUB SEMS DPAS CHOS GCIG RAB TU GZUNG ZHING RAB TU RTOGS PAR BGYIS NA, BCOM LDAN 'DAS SANGS RGYAS KYI CHOS THAMS CAD DE'I LAG MTHIL DU MCHIS PA LAGS SO, ,CHOS GCIG PU GANG ZHE NA, 'DI LTA STE, SNYING RJE CHEN PO'O, ,BCOM LDAN 'DAS SNYING RJE CHEN POS NI SANGS RGYAS KYI CHOS THAMS CAD BYANG CHUB SEMS DPA' RNAMS KYI LAG MTHIL DU MCHIS PA LAGS SO, ,BCOM LDAN 'DAS 'DI LTA STE, DPER NA 'KHOR LOS SGYUR BA'I RGYAL PO'I 'KHOR LO RIN PO CHE GANG DU MCHI BA DER DPUNG GI TSOGS THAMS CAD MCHI'O, ,BCOM LDAN 'DAS DE BZHIN DU BYANG CHUB SEMS DPA'I SNYING RJE CHEN PO GANG DU MCHI BA DER SANGS RGYAS KYI CHOS THAMS CAD MCHI'O, ,BCOM LDAN 'DAS 'DI LTA STE, DPER NA GDUGS SHAR NA SEMS CAN RNAMS KYI BYA BA THAMS CAD SHIN TU MANG BAR 'GYUR RO, ,BCOM LDAN 'DAS DE BZHIN DU SNYING RJE CHEN PO GANG DU SHAR BAR GYUR PA DER BYANG CHUB BYED PA'I CHOS KYI BYA BA GZHAN RNAMS KYANG SHIN TU MANG BAR 'GYUR RO; ,BCOM LDAN 'DAS 'DI LTA STE, DPER NA YID KYIS BYIN GYIS BRLABS PA'I DBANG PO THAMS CAD NI RANG RANG GI YUL 'DZIN PA LA 'JEBS PAR 'GYUR RO, ,BCOM LDAN 'DAS DE BZHIN DU SNYING RJE CHEN POS BYIN GYIS BRLABS PA'I BYANG CHUB PAR BYED PA'I CHOS RNAMS RANG RANG GI BYA BA LA RAB TU @158A *, ,'JEBS PAR 'GYUR RO, ,BCOM LDAN 'DAS 'DI LTA STE, DPER NA SROG GI DBANG PO MCHIS NA DBANG PO GZHAN RNAMS 'BYUNG BAR 'GYUR RO, ,BCOM LDAN 'DAS DE BZHIN DU SNYING RJE CHEN PO MCHIS NA BYANG CHUB PAR BYED PA'I CHOS GZHAN RNAMS KYANG 'BYUNG BAR 'GYUR ZHES BYA BA'O; ,'PHAGS PA BLO GROS MI ZAD PA'I MDO LAS KYANG, BTZUN PA SHA RA DVA TI'I BU 'DI LTA STE, DPER NA DBUGS 'BYUNG BA DANG RNGUB PA NI, SKYES BU'I SROG GI DBANG PO'I SNGON DU 'GRO BA'O, ,DE BZHIN DU BYANG CHUB SEMS DPA' THEG PA CHEN PO BSGRUB PA'I SNYING RJE CHEN PO YANG SNGON DU 'GRO BA'O; ,DE BZHIN DU SBYAR TE, 'DI LTA STE, DPER NA TSONG DPON NAM KHYIM BDAG BU GCIG PA LA SNYING THAG PA NAS SDUG PAR 'DZIN PA DE BZHIN DU, BYANG CHUB SEMS DPA' SNYING RJE CHEN PO LA GNAS PA YANG SEMS CAN THAMS CAD LA SNYING THAG PA NAS SDUG PAR 'DZIN PA YIN NO ZHES GSUNGS SO, ,'DI JI LTAR BSGOM PAR BYA ZHE NA, RANG GIS SNGON MYONG BA DANG MYONG BAR 'GYUR BA'I SDUG BSNGAL DANG 'JIGS PA RNAM PA DU MA RANG GIS SHIN TU MI 'DOD PA BSGOMS TE, BYAMS PA DANG LDAN PAS SDUG PA LA SOGS PA LA BYAMS PA BZHIN DU BSGOM PAR BYA BA'AM DA LTAR BYUNG BA'I SDUG BSNGAL GYIS NYEN PA RNAMS DANG SDUG BSNGAL CHEN PO'I RGYA MTSO 'KHOR BA YUN RING PO DUS TSIGS MED PA NA SDUG BSNGAL DANG LDAN PA RNAMS LA BSGOM PAR BYA'O, ,'PHAGS PA SA BCU PA LAS JI SKAD GSUNGS PA LTA BU STE, DE 'DI SNYAM DU SEMS TE, KYE MA'O BYIS PA SO SO'I SKYE BO 'DI DAG NI MI SHES PA RMONGS PA DAG STE, DE DAG GI LUS GRANGS MED PA 'GAGS LA 'GAG PAR 'GYUR ZHING 'GAG BZHIN TE, DE LTAR MCHI YANG LUS LA YID 'BYUNG BA MI SKYED CING, SDUG BSNGAL GYI 'KHRUL 'KHOR JE BAS JE 'PHEL DU BYED, 'KHOR BA'I RGYUD LAS MI LDOG PHUNG PO'I GNAS MI 'DOR, ,KHAMS KYI SBRUL DAG GIS SKYO BAR MI 'GYUR, DGA' BA'I 'DOD CHAGS KYIS RMONGS PA RTOGS PAR MI BYED, SKYE MCHED KYI GRONG STONG PA LA MI LTA, NGAR 'DZIN PA DANG NGA YIR 'DZIN PA'I PHRA RGYAS MI SPONG, NGA RGYAL DANG LTA BA'I ZUG RDU MI 'BYIN, 'DOD CHAGS DANG ZHE @158B SDANG DANG GTI MUG GI ME LCE 'BAR BA ZHI BAR MI BYED, MA RIG PA'I MUN PA MI SEL, SRED PA'I RGYA MTSO MI SKEMS, STOBS BCU'I DED DPON YONGS SU MI TSOL ZHING BDUD KYI BSAM PA THIBS PO'I RJES SU SONG BA STE, 'KHOR BA'I RGYA MTSO RNAM PAR RTOG PA RNAM PA SNA TSOGS KYI CHU SRIN 'DZIN KHRIS DKRUGS PAS YONGS SU G-YENGS PA NGO MTSAR CHE STE, MA LA BDAG GIS SEMS CAN DE LTAR SDUG BSNGAL GYIS NYAM THAG PA, MGON MED PA, DPUNG GNYEN MED PA, SKYABS MED PA, GNAS MED PA, GZHI MED PA, RTEN MED PA, LONG BAR GYUR PA, MA RIG PA'I SGO NGA'I SBUBS DANG SPRIS G-YOGS PA, MUN PAS ZIL GYIS NON PA DE DAG GI DON DU GCIG PU GNYIS SU MED PAR GYUR NAS, BSOD NAMS DANG YE SHES KYI TSOGS BSAG PAR BYA BA RNAM PA JI LTA BUS SEMS CAN DE DAG SHIN TU RNAM PAR DAG PA 'THOB PAR 'GYUR BA NAS, STOBS BCU'I STOBS KYIS YE SHES CHAGS PA MED PA'I BAR GYI MTHAR THUG PA 'THOB PAR 'GYUR BA'I RNAM PA DE LTA BU'I BSOD NAMS DANG YE SHES KYI TSOGS BSAG PAR BYA'O SNYAM MO ZHES BYA'O, ,YANG DE NYID LAS GSUNGS PA, KYE MA'O SEMS CAN 'DI DAG NI 'KHOR BA'I MYA NGAN GYI LAM DU ZHUGS PA, SEMS CAN DMYAL BA DANG DUD 'GRO'I GNAS DANG GSHIN RJE'I 'JIG RTEN GYI G-YANG SA LA MNGON DU PHYOGS PA, LTA BA NGAN PA'I DRA BA NYAM NGA BAR ZHUGS PA GTI MUG GI THIBS POS KUN NAS YOG PA, LOG PA'I LAM DU ZHUGS PA, LDONGS PAR GYUR PA, YONGS SU 'DREN PA MED PA ZHES BYA BA NAS, DE BZHIN DU SBYAR TE, 'KHOR BA RGYUN GYIS BDAS PA, SRID PA'I KLUNG DU ZHUGS PA, SHUGS DRAG POS BDAS TE BLTA BA'I MTHU MED PA 'DOD PA DANG GNOD SEMS DANG RNAM PAR 'TSE BA'I RNAM PAR RTOG PA MANG PO'I RJES SU ZHUGS PA, 'JIG TSOGS LA LTA BA CHU SRIN CHEN POS ZIN PA, 'DOD PA THIBS PO'I KLONG DU ZHUGS PA, DGA' BA CAN DANG 'DOD CHAGS KYI DKYIL DU KUN DU THOGS PA, NGA'O SNYAM PA'I NGA RGYAL GYI THANG LA 'KHYAMS PA, DPUNG GNYEN MED PA, SKYE MCHED KYI GRONG NAS MA 'PHAGS PA, SGROL BA LA MKHAS PA DANG BRAL BAR GYUR PA YIN GYI, DE DAG BDAG GIS SNYING @159A *, ,RJE CHEN PO DANG DGE BA'I RTZA BA'I STOBS KYIS BTON TE, THAMS CAD MKHYEN PA'I GLING 'TSE BA MED PA RDUL MED PA 'JIGS PA DANG SKRAG PA THAMS CAD MED PA LA RAB TU DGOD PAR BYA'O, ,KYE MA'O SEMS CAN 'DI DAG NI SDUG BSNGAL BA DANG YID MI BDE BA DANG 'KHRUG PA MANG PO MANG BA, SDUG PA DANG MI SDUG PA DANG 'BREL PA, MYA NGAN DANG SMRE SNGAGS 'DON PA DANG BCAS PA'I RJES SU RGYU BA, SRED PA'I SGROG TU BCUG, KHAMS GSUM PA'I MA RIG PA'I THIBS POS KUN NAS KHEBS PA YIN GYI, DE DAG BDAG GIS KHAMS GSUM PA'I GNAS THAMS CAD LA DBEN PA, MYA NGAN LAS 'DAS PA LA RAB TU DGOD PAR BYA'O ZHES BYA BA LA SOGS PA'O, ,DE LTAR BRTZON PA DANG BSAM PA DANG SNYING RJE GCIG GIS GCIG BRTAN PAR BYAS PA DE DAG GI BSOD NAMS MNGON PAR SPEL PA RTZOM MO, ,DE LA RE ZHIG BZANG PO SPYOD PA'I CHO GA BZHIN, ,PHYAG 'TSAL LA SOGS GUS PAR BYA; ,DRAG SHUL CAN GYIS ZHUS PA LAS, NYIN LAN GSUM MTSAN LAN GSUM DU, GTZANG BA DANG GOS GTZANG MA BGOS TE PHUNG PO GSUM PA BKLAG PAR BYA'O ZHES GSUNGS SO, ,DE LA PHUNG PO GSUM NI SDIG PA BSHAGS PA DANG, BSOD NAMS KYI RJES SU YI RANG BA DANG, SANGS RGYAS LA BSKUL BA ZHES BYA BA STE BSOD NAMS KYI PHUNG PO YIN PA'I PHYIR RO, ,DE LA PHYAG 'TSAL BA NI SDIG PA BSHAGS PA'I NANG DU 'DUS TE SANGS RGYAS LA PHYAG 'TSAL NAS SDIG PA BSHAGS SO ZHES NYE BA 'KHOR GYIS ZHUS PA LAS BSTAN PA'I PHYIR RO, ,GSOL BA GDAB PA NI BSKUL BA DANG DON GCIG PA'I PHYIR RO, ,MCHOD PA NI 'BYOR PA MED PA'I PHYIR MI RTAG PAS MA SMOS SO, ,YID DANG NGAG NI MDO SDE GZHAN LAS GRAGS PA'I PHYIR MA BSHAD DE, ,TSIG GSUM NI GTZO BO YIN PAR SHES PAR BYA'O, ,DE LA PHYAG 'TSAL BA NI SANGS RGYAS THAMS CAD LA PHYAG 'TSAL LO ZHES BYA BA LTA BU STE, TSIGS SU BCAD PA BZHI PA DANG, JI LTAR STON PA'I BSTOD PA DANG, BZANG PO SPYOD PA LA SOGS PA'I TSIGS SU BCAD PA RNAMS KYIS SO, ,MCHOD PA NI 'PHAGS PA DKON MCHOG SPRIN GYI MDO LAS JI SKAD GSUNGS PA LTA BU STE, RIGS KYI BU 'DI LA BYANG CHUB SEMS DPA' @159B ME TOG GI RNAM PA'AM 'BRAS BU'I RNAM PA NGA YIR BYA BA MED PA YONGS SU GZUNG BA MED PA GANG YIN PA DE RNAMS NYIN LAN GSUM MTSAN LAN GSUM SANGS RGYAS DANG BYANG CHUB SEMS DPA' RNAMS LA 'BUL LO, ,DGE BA'I RTZA BA DE YANG BLA NA MED PA YANG DAG PAR RDZOGS PA'I BYANG CHUB TU YONGS SU BSNGO'O, ,DE BDUG PA'I SHING NGAM SPOS KYI SHING NGAM RIN PO CHE'I SHING NGAM DPAG BSAM GYI SHING NGAM ME TOG GI SHING NGAM 'BRAS BU'I SHING NGA YIR BYA BA MED PA YONGS SU GZUNG BA MED PA GANG YIN PA DE LTA BU DE DAG KYANG NYIN LAN GSUM MTSAN LAN GSUM SANGS RGYAS DANG BYANG CHUB SEMS DPA' RNAMS LA 'BUL LO ZHES BYA BA'O, ,DAM TSIG GSUM BKOD PA'I RGYAL PO LAS KYANG THANG LAS SKYES PA'I RIN PO CHE'I RNAMS DANG CHU LAS SKYES PA'I RIN PO CHE'I RI RNAMS DANG THANG LAS SKYES PA'I RIN PO CHE LA SOGS PA PHYOGS BCU NA RNAMS PAR GNAS PA NGA YIR BYA BA MED PA YONGS SU GSUNG BA MED PA RNAMS 'BUL LO ZHES GSUNGS SO, ,PHYOGS 'DIS SMAN THAMS CAD DANG BCUD KYIS LEN THAMS CAD DANG CHU THAMS CAD DANG KHA NA MA THO BA MED PA'I CHU'I DKYIL 'KHOR DANG GSER GYI DKYIL 'KHOR THAMS CAD DANG, 'JIG RTEN GYI KHAMS CHAGS PA RNAMS NA RO DANG REG PA MCHOG TU PHUN SUM TSOGS PA'I SA ZHAG DANG BDUD RTZI'I SBU GU DANG MA RMOS MA BTAB PA'I 'BRAS BU SVA LU DANG BYANG GI SGRA MI SNYAN GYI GLING DANG 'JIG RTEN GYI KHAMS YONGS SU DAG PA RNAMS NA YOD PA MCHOG TU NYAMS DGA' BA'I LONGS SPYOD RNAMS 'BUL LO, ,'PHAGS PA DKON MCHOG SPRIN LAS 'DI SKAD DU, DE MDO SDE RNAMS LAS MCHOD PA DANG RIM GRO BYA BA RGYA CHEN PO GANG YIN PA DE LTA BU DAG NYAN CING, DE DAG SNYING THAG PA NAS LHAG PA'I BSAM PA MCHOG GIS SANGS RGYAS DANG BYANG CHUB SEMS DPA' RNAMS LA YONGS SU BSNGO'O ZHES BYA BA DANG, DE BZHIN DU MCHOD PA DANG RIM GRO SNA TSOGS BYA BA RJES SU SEMS SO ZHES GSUNGS SO, ,BSHAGS PA NI SNGAR BRJOD PA NYID DO, ,'PHAGS PA BLO GROS MI ZAD PA'I MDO LAS NI, BDAG DANG GZHAN GYI SDIG PA BSHAGS PA NI BSOD NAMS KYI TSOGS SU BRJOD DO, ,RJES SU YI RANG BA NI BZANG PO SPYOD PA'I TSIGS @160A *, ,SU BCAD PA'AM, ZLA BA SGRON MA'I RJES SU YI RANG BA'I LE'U LAS SO, ,GSOL BA GDAB PA NI BZANG PO SPYOD PA NYID KYIS SO, ,YONGS SU BSNGO BA NI MTHA' DAG BZANG PO SPYOD PA NYID DU RDZOGS PA'AM, RDO RJE RGYAL MTSAN GYI YONGS SU BSNGO BA YANG YIN PAR BLTA'O, , YANG NA SA BCU PA LAS GSUNGS PA'I SMON LAM CHEN PO RNAMS TE, 'DI LTA STE, SANGS RGYAS MA LUS PA LA MCHOD PA DANG, RIM GRO LHAG MA MED PA MTHA' DAG BYA BA'I PHYIR RNAM PA THAMS CAD KYI MCHOG DANG LDAN PA, MOS PA RGYA CHEN PO RNAM PAR DAG PA CHOS KYI DBYINGS KYIS KLAS PAR RGYA CHE BA, NAM MKHA'I KHAMS KYI MTHAS GTUGS PA, PHYI MA'I MTHA'I MUR THUG PA, BSKAL PA BGRANG BAR SANGS RGYAS 'BYUNG BA BGRANGS PA THAMS CAD LA MCHOD PA DANG RIM GRO CHEN PO BYA BA RGYUN MI 'CHAD PA'I SMON LAM CHEN PO DANG PO MNGON PAR BSGRUB PO, ,'DI LTA STE, DE BZHIN GSHEGS PA THAMS CAD KYIS GSUNGS PA'I CHOS KYI TSUL YANG DAG PAR BZUNG BA DANG, SANGS RGYAS THAMS CAD KYI BYANG CHUB YANG DAG PAR YONGS SU BZUNG BA DANG, YANG DAG PAR RDZOGS PA'I SANGS RGYA THAMS CAD KYI BSTAN PA YONGS SU BSRUNG BA'I PHYIR, CHOS KYI DBYINGS KYIS KLAS PAR RGYA CHE BA, NAM MKHA'I KHAMS KYI MTHAS GTUGS PA, PHYI MA'I MTHA'I MUR THUG PA, BSKAL PA BGRANG BAR SANGS RGYAS 'BYUNG BA BGRANGS PA THAMS CAD KYIS DAM PA'I CHOS YONGS SU BZUNG BA RGYUN MI 'CHAD PA'I SMON LAM CHEN PO GNYIS PA MNGON PAR BSGRUB PO, ,'DI LTA STE, 'JIG RTEN GYI KHAMS RAB 'BYAM MA LUS PA THAMS CAD DU SANGS RGYAS 'BYUNG BA THAMS CAD KYI DGA' LDAN GYI PHO BRANG NA BZHUGS PA THOG MAR MDZAD DE, 'PHO BA DANG GSHEGS PA DANG, LHUMS NA BZHUGS PA DANG, BLTAM PA DANG, GZHON NU ROL PA DANG, BTZUN MO'I 'KHOR GYI NANG NA BZHUGS PA DANG, MNGON PAR 'BYUNG BA DANG, DKA' BA SPYAD PA DANG, BYANG CHUB KYI SNYING POR GSHEGS PA DANG, BDUD 'DUL BA DANG, MNGON PAR RDZOGS PAR BYANG CHUB PA DANG, CHOS KYI 'KHOR LO BSKOR BAR BSKUL BA DANG, YONGS SU MYA NGAN LAS 'DAS PA CHEN PO STON PA'I DRUNG DU 'GRO ZHING MCHOD PA DANG @160B CHOS KYIS YANG DAG PAR BSDU BA'I SBYOR BA SNGON DU 'GRO BAS THAMS CAD DUS GCIG TU BSGRUB PA'I PHYIR, CHOS KYI DBYINGS KYI MTHAS KLAS PAR RGYA CHEN BA, NAM MKHA'I KHAMS KYI MTHAS GTUGS PA, PHYI MA'I MTHA'I MUR THUG PA, BSKAL PA BGRANG BAR SANGS RGYAS 'BYUNG BA BGRANGS PA THAMS CAD KYI GAN DU 'GRO BA RGYUN MI 'CHAD PA'I SMON LAM CHEN PO GSUM PA MNGON PAR BSGRUB PO, ,'DI LTA STE, BYANG CHUB SEMS DPA'I SPYOD PA THAMS CAD SHIN TU RGYAS PA, CHE BA, TSAD MED PA, THA MI DAD PA, PHA ROL TU PHYIN PA THAMS CAD KYIS BSDUS PA, SA YONGS SU SBYONG BA, YAN LAG DANG, NYE BA'I YAN LAG TU BCAS PA BSGRUB PA DANG, MTSAN NYID 'DRA BA DANG, MI 'DRA BA DANG, 'DU BA DANG, RGYAS PA DANG BCAS PA'I BYANG CHUB SEMS DPA'I SPYOD PAR GYUR PA'I SA'I LAM THAMS CAD JI LTA BA BZHIN DU STON PAS PHA ROL TU PHYIN PA YONGS SU SBYANG BAR BYA BA'I GDAMS NGAG DANG RJES SU BSTAN PA RAB TU SBYIN PAS BRTAN PA'I SEMS BSKYED PA MNGON PAR BSGRUB PA'I PHYIR, CHOS KYI DBYINGS KYIS KLAS PAR RGYA CHE BA, NAM MKHA'I KHAMS KYI MTHAS GTUGS PA, PHYI MA'I MTHA'I MUR THUG PA, BSKAL PA BGRANG BAR SPYOD PA, BGRANGS PA THAMS CAD DU RGYUN MI 'CHAD PAR MNGON PAR BSGRUB PA'I SMON LAM CHEN PO BZHI PA MNGON PAR BSGRUB PO, ,'DI LTA STE, SEMS CAN GYI KHAMS MA LUS PA THAMS CAD GZUGS CAN DANG, GZUGS MED PA DANG, 'DU SHES CAN DANG, 'DU SHES CAN MA YIN PA DANG, 'DU SHES MED 'DU SHES MED MIN DANG, SGO NGA LAS SKYES PA DANG, MNGAL NAS SKYES PA DANG, DROD GSHER LAS SKYES PA DANG, RDZUS TE SKYES PA DANG, KHAMS GSUM DU GTOGS PA, 'GRO BA DRUG TU 'DUS PA, SKYE BA THAMS CAD DU GTOGS PAR, MING DANG GZUGS KYIS BSDUS PA'I SEMS CAN MA LUS PA THAMS CAD YONGS SU SMIN PAR BYA BAR SANGS RGYAS KYI CHOS LA GZUD PA DANG 'GRO BA BGRANGS PA THAMS CAD GCAD PA DANG THAMS CAD MKHYEN PA'I YE SHES LA RAB TU DGOD PA'I PHYIR, CHOS KYI DBYINGS KYIS KLAS PAR RGYA CHE BA, NAM MKHA'I KHAMS KYI MTHAS GTUGS PA, PHYI MA'I MTHA' @161A *, ,MUR THUG PA BSKAL PA BGRANG BAR SEMS CAN GYI KHAMS BGRANGS PA THAMS CAD YONGS SU SMIN PAR BYA BA RGYUN MI 'CHAD PA'I SMON LAM CHEN PO LNGA PA MNGON PAR BSGRUB PO, ,'DI LTA STE, 'JIG RTEN GYI KHAMS SHIN TU RGYAS PA DANG, THA GRU CHE BA DANG, TSAD MED PA DANG, PHRA BA DANG, RAGS PA DANG, SNREL ZHI DANG, SBYI'U TSUGS DANG, NGOS PHYAL BA DANG, 'JUG PA'I KHYIM CAN DANG, MIG 'PHRUL LTAR RNAM PAR PHYE BA DANG, PHYOGS BCU RNAM PA THA DAD PA RNAM PAR 'BYED PA LA 'JUG PA LA MA LUS PA, YE SHES KYI KHONG DU CHUD PAR BYA ZHING MNGON DU 'GYUR BAR BYA BA'I PHYIR, CHOS KYI DBYINGS KYIS KLAS PAR RGYA CHE BA, NAM MKHA'I KHAMS KYI MTHAS GTUGS PA, PHYI MA'I MTHA'I MUR THUG PA, BSKAL PA BGRANG BAR 'JIG RTEN GYI KHAMS BGRANGS PA THAMS CAD DU 'JUG PA RGYUN MI 'CHAD PA'I SMON LAM CHEN PO DRUG PA MNGON PAR BSGRUB PO, ,'DI LTA STE, ZHING THAMS CAD ZHING GCIG DANG, ZHING GCIG ZHING THAMS CAD DU YANG DAG PAR GZHOL BAR BYA BA YONGS SU SBYONG BA DANG, SANGS RGYAS KYI ZHING TSAD MED PA DAG 'OD DANG RNAM PAR BKOD PA'I RGYAN GYIS RAB TU BRGYAN PA DANG, YONGS SU DAG PA'I LAM DANG LDAN PAS NYON MONGS PA THAMS CAD BSAL BA DANG, SEMS CAN YE SHES KYI 'BYUNG GNAS TSAD MED PAS RAB TU GANG BA DANG, SANGS RGYAS KYI YUL RGYA CHEN PO LA YANG DAG PAR GZHOL BA DANG, SEMS CAN GYI BSAM PA JI LTA BA BZHIN DU YANG DAG PAR BSTAN CING SHIN TU TSIM PAR BYA BA'I PHYIR, CHOS KYI DBYINGS KYIS KLAS PAR RGYA CHE BA, NAM MKHA'I KHAMS KYI MTHAS GTUGS PA, PHYI MA'I MTHA'I MUR THUG PA, BSKAL PA BGRANG BAR SANGS RGYAS KYI ZHING BGRANGS PA THAMS CAD YONGS SU SKYONG BA RGYUN MI 'CHAD PA'I SMON LAM CHEN PO BDUN PA MNGON PAR BSGRUB PO, ,'DI LTA STE, BYANG CHUB SEMS DPA' THAMS CAD DANG BSAM PA DANG SBYOR BA GCIG PAR BYA BA DANG, 'GRAN ZLA MED PA'I DGE BA'I RTZA BA BSAG PAR BYA BA DANG, BYANG CHUB SEMS DPA' THAMS CAD DANG DMIGS PA GCIG PAS MNYAM PA NYID DU BYA BA DANG, RTAG TU RGYUN MI 'CHAD PAR BYANG CHUB SEMS DPA' DANG 'GROGS SHING @161B MI 'BRAL BAR BYA BA DANG, SANGS RGYAS 'BYUNG BA CI DGAR BSTAN PAR BYA BA DANG, RANG GI SEMS BSKYED PAR DE BZHIN GSHEGS PA'I MTHU YE SHES KYI MTHU KHONG DU CHUD PAR BYA BA DANG, MA NYAMS SHING RJES SU 'GRO BA'I MNGON PAR SHES PA RAB TU THOB PAR BYA BA DANG, 'JIG RTEN GYI KHAMS THAMS CAD RNAM PAR RGYU BAR BYA BA DANG, 'KHOR GYI DKYIL 'KHOR THAMS CAD DU SNANG BA THOB PAR BYA BA DANG, SKYE BA THAMS CAD DU RANG GI LUS RJES SU 'GRO BAR BYA BA DANG, THEG PA CHEN PO BSAM GYIS MI KHYAB PA DANG LDAN PAR BYA BA DANG, BYANG CHUB SEMS DPA'I SPYOD PA SPYAD PAR BYA BA'I PHYIR, CHOS KYI DBYINGS KYIS KLAS PAR RGYA CHE BA, NAM MKHA'I KHAMS KYI MTHAS GTUGS PA, PHYI MA'I MTHA'I MUR THUG PA, BSKAL PA BGRANG BAR SPYOD PA BGRANGS PA THAMS CAD DU THEG PA CHEN PO LA 'DZUD PA RGYUN MI 'CHAD PA'I SMON LAM CHEN PO BRGYAD PA MNGON PAR BSGRUB PO, ,'DI LTA STE, PHYIR MI LDOG PA'I 'KHOR LO LA YANG DAG PAR GNAS PA'I BYANG CHUB SEMS DPA'I SPYOD PA SPYAD PAR BYA BA DANG, LUS DANG NGAG DANG YID KYI LAS DON YOD PAR BYA BA DANG, MTHONG MA THAG TU SANGS RGYAS KYI CHOS NGES PAR THOB PAR BYA BA DANG, DBYANGS BRJOD MA THAG TU YE SHES KHONG DU CHUD PAR BYA BA DANG, DAD PAR GYUR MA THAG TU NYON MONGS PA LDOG PAR BYA BA DANG, SMAN GYI RGYAL PO LTA BU'I LUS THOB PAR BYA BA DANG, YID BZHIN GYI NOR BU LTA BU'I LUS THOB PAR BYA BA DANG, BYANG CHUB SEMS DPA' SEMS DPA' CHEN PO'I SPYOD PA SPYAD PA'I PHYIR, CHOS KYI DBYINGS KYIS KLAS PAR RGYA CHE BA, NAM MKHA'I KHAMS KYI MTHAS GTUGS PA, PHYI MA'I MTHA'I MUR THUG PA, BSKAL PA BGRANG BAR SPYOD PA BGRANGS PA THAMS CAD DON YOD PAR RGYUN MI 'CHAD PA'I SMON LAM CHEN PO DGU PA MNGON PAR BSGRUB PO, ,'DI LTA STE, 'JIG RTEN GYI KHAMS THAMS CAD DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PAR BYA BA DANG, BYIS PA'I LAM GCIG DANG THA MI DAD PAR BYIS PA'I LAM THAMS CAD DU SKYE BA DANG, BYANG CHUB KYI SNYING POR GSHEGS PA DANG CHOS KYI 'KHOR LO BSKOR BA DANG, YONGS SU MYA NGAN LAS 'DAS PA CHEN PO BSTAN PAR BYA BA DANG, @162A *, ,SANGS RGYAS KYI YUL CHEN PO MTHU DANG YE SHES KYI RJES SU 'GRO BAS SEMS CAN GYI KHAMS THAMS CAD KYI BSAM PA JI LTA BA BZHIN DU, SANGS RGYAS 'BYUNG BAR DAL BA, DAL BA LA RTOGS PAR BYED, ZHI BAR BYED, THOB PAR BYED CING BSTAN PAR BYA BA DANG, GCIG MNGON DU YANG DAG PAR RTOGS PAS CHOS KYI DBYINGS THAMS CAD MYA NGAN LAS 'DAS PAS RGYAS PAR BYA BA DANG, DBYANGS GCIG BRJOD PAS SEMS CAN GYI KHAMS THAMS CAD KYI SEMS TSIM PAR BYA BA DANG, YONGS SU MYA NGAN LAS 'DAS PA CHEN PO BSTAN KYANG SPYOD PA'I STOBS RGYUN MI GCAD PA DANG; YE SHES CHEN POS CHOS THAMS CAD 'BYUNG BAR BYED PA BSTAN PAR BYA BA DANG, CHOS SHES PAR BYA BA DANG, RDZU 'PHRUL DANG SGYU MA'I MNGON PAR SHES PAS 'JIG RTEN GYI KHAMS THAMS CAD RGYAS PAR BYA BA'I PHYIR, CHOS KYI DBYINGS KYIS KLAS PAR RGYA CHE BA, NAM MKHA'I KHAMS KYI MTHAS GTUGS PA, PHYI MA'I MTHA'I MUR THUG PA, BSKAL PA BGRANG BAR MNGON PAR RDZOGS PAR BYANG CHUB PA BGRANGS PA THAMS CAD DU THEG PA CHEN PO MNGON PAR BSGRUB PA RGYUN MI 'CHAD PA'I SMON LAM CHEN PO BCU PO MNGON PAR BSGRUB STE, SMON LAM BCU PO 'DI DAG MNGON PAR BSGRUB PO, ,ZHES BYA BA'O; ,'DI BSGOM PA'I TSE THAMS CAD LA YANG YONGS SU BSNGO 'O ZHES BYA BAR SBYAR RO, ,'PHAGS PA SPYAN RAS GZIGS DBANG PHYUG GI RNAM PAR THAR PA LAS GANG GSUNGS PA DE YANG 'DI LTAR BYA STE, DGE BA'I RTZA BA 'DI SEMS CAN THAMS CAD G-YANG SA'I 'JIGS PA DANG BRAL BAR BYA BA'I PHYIR YONGS SU BSNGO'O, ,SEMS CAN THAMS CAD KYI RGYUN LAS BYUNG BA'I 'JIGS PA RAB TU ZHI BAR BYA BA DANG, SEMS CAN THAMS CAD KYI RMONGS PA'I 'JIGS PA BZLOG PA'I PHYIR YONGS SU BSNGO'O, ,SEMS CAN THAMS CAD KYI BCING BA'I 'JIGS PA BCAD PA DANG, SEMS CAN THAMS CAD KYI SROG 'CHAD PAR BYED PA'I 'JIGS PA RNAM PAR BZLOG PA DANG, SEMS CAN THAMS CAD KYI YO BYAD DANG BRAL BA'I 'JIGS PA BSAL BA DANG, SEMS CAN THAMS CAD KYI 'TSO BA MED PA'I 'JIGS PA NYE BAR ZHI BAR BYA BA DANG, SEMS CAN THAMS CAD KYI TSIGS SU BCAD PA @162B MED PA'I 'JIGS PA LAS SHIN TU BZLA BA'I PHYIR YONGS SU BSNGO'O, ,SEMS CAN THAMS CAD KYI 'KHOR BA'I 'JIGS PA NYE BAR ZHI BAR BYA BA DANG, SEMS CAN THAMS CAD 'KHOR GYI NANG DU BAG TSA BA'I 'JIGS PA DANG BRAL BAR BYA BA DANG, SEMS CAN THAMS CAD 'CHI BA'I 'JIGS PA LAS SHIN TU BZLOG PA DANG, SEMS CAN THAMS CAD NGAN 'GRO'I 'JIGS PA LAS RNAM PAR BZLOG PAR BYA BA DANG, SEMS CAN THAMS CAD YANG BA'I 'GRO BA MUN PA MUN NAG CAN BZLOG PA LA SNANG BAR BYA BA'I PHYIR YONGS SU BSNGO'O, ,SEMS CAN THAMS CAD RIS MI MTHUN PA DANG PHRAD PA'I 'JIGS PA DANG SHIN TU BRAL BAR BYA BA DANG, SEMS CAN THAMS CAD KYI SDUG PA DANG BRAL BA'I 'JIGS PA 'GAG PA DANG, SEMS CAN THAMS CAD KYI MI SDUG PA DANG 'GROGS PA'I 'JIGS PA BSAL BA DANG, SEMS CAN THAMS CAD LUS LA YONGS SU GNOD PA'I 'JIGS PA DANG SHIN TU BRAL BAR BYA BA DANG, SEMS CAN THAMS CAD SEMS LA YONGS SU GNOD PA'I 'JIGS PA LAS THAR BAR BYA BA DANG, SEMS CAN THAMS CAD SDUG BSNGAL DANG YID MI BDE BA DANG 'KHRUGS PA LAS YANG DAG PAR BZLA BA'I PHYIR YONGS SU BSNGO'O ZHES BYA BA'O,, MDOR NA BZANG PO SPYOD PA LAS TSIGS SU BCAD PA GNYIS 'BYUNG BA 'DI NI YONGS SU BSNGO BA BLA NA MED PA STE, 'JAM DPAL DPA' BOS JI LTAR MKHYEN PA DANG, ,KUN DU BZANG PO DE YANG DE BZHIN TE, ,DE DAG GI NI RJES SU BDAG SLOB CING, ,DGE BA 'DI DAG THAMS CAD YONGS SU BSNGO, , DUS GSUM GSHEGS PA RGYAL BA THAMS CAD KYIS, ,BSNGO BA GANG LA MCHOG TU BSNGAGS PA DES, ,BDAG GIS DGE BA 'DI DAG THAMS CAD KYANG, ,BZANG PO SPYOD PA MCHOG PHYIR BSNGO BAR BGYI, ,ZHES BYA BA'O, ,BSLAB PA KUN LAS BTUS PA LAS LE'U BCU DRUG PA'O,, ,, BAM PO BCU GSUM PA, PHYAG 'TSAL BA LA SOGS PA BSHAGS PA DES BSOD NAMS 'PHEL BAR 'GYUR BAR CI MNGON ZHE NA, 'PHAGS PA SPYAN RAS GZIGS KYI MDO LAS SHES TE, DE LAS 'DI SKAD DU, NGAS NI GANG DAG BSTAN PA YI, ,MI KHOM BRGYAD PO DE DAG SPONG, ,SANGS RGYAS @163A *, ,'BYUNG BA RAB MDZES PA, ,MNYES PAR BYED 'DI DAL BA GCIG ,MDOG LDAN GZUGS NI PHUN SUM TSOGS, ,MTSAN GYIS LEGS PAR BRGYAN PA DANG, ,MTHU DANG STOBS DANG LDAN PAR 'GYUR, ,LE LO CAN DU DE MI 'GYUR, ,DE NI PHYUG CING NOR CHER 'GYUR, , BSOD NAMS LDAN ZHING BRDZI BA MED, ,'JIG RTEN SGRON MA MNYES BYAS NAS, ,YANG DANG YANG DU BSTI STANG BYED, ,TSONG DPON KHYIM NI RGYAS PA DANG, ,PHYUG PO RNAMS SU SKYE BAR 'GYUR, ,DPA' ZHING SBYIN PA'I BDAG POR 'GYUR, ,LHUG PAR GTONG ZHING SER SNA MED, ,RIS BSKOR RGYA MTSO TSUN CHAD KYI, ,SA KUN LA NI DE BRTEN ZHING, ,DE NI MNGA' BDAG GLING BZHI YI, ,DBANG PHYUG RGYAS PA CHOS LDAN 'GYUR, ,'KHOR LOS SGYUR BA RDZU 'PHRUL CHE, ,RIN CHEN BDUN DANG LDAN PAR 'GYUR, ,RGYAL SRID GNAS NAS SANGS RGYAS LA, ,YANG DANG YANG DU BSTI STANG BYED, ,'DI NAS SHI 'PHOS MTHO RIS SU, ,SONG NAS SANGS RGYAS BSTAN LA DANG, ,LHUN PO'I STENG GI DBANG PHYUG PO, ,LHA YI DBANG PO BRGYA BYIN 'GYUR, ,'JIG RTEN MGON GYI MCHOD RTEN LA, ,MI GANG SKOR BA BYED PA YI, ,BSNGAGS PA BSKAL PA BYE BAR YANG, ,BRJOD PAS ZAD PAR BYA MI NUS, ,SU ZHIG BYANG CHUB SEMS BSKYED NAS, ,STON PA'I MCHOD RTEN PHYAG 'TSAL BA, ,DE NI BSKAL PA BYE BAR YANG, ,NAM YANG LONG ZHING 'THENG MI 'GYUR, ,MCHOD RTEN BSKOR BA BYAS NAS NI, ,BRTZON 'GRUS BRTAN ZHING MTHU BRTEN LA, ,BRTEN ZHING RNAM PAR GNON BRTAN DANG, ,DE NI MYUR DU MKHAS PAR 'GYUR, ,GANG ZHIG SANGS RGYAS BYE BA KHRAG KHRIG BRGYA STONG LA, ,BSKAL PA BYE BA GZHAL BYAS BSTI STANG BYAS PA BAS, ,GANG ZHIG PHYI MA MI BZANG BSKAL PA 'DI LA NI, ,MCHOD RTEN PHYAG 'TSAL DE YI BSOD NAMS SHIN TU CHE, ,SANGS RGYAS DAM PA SBYIN GNAS MTSUNGS PA MED GYUR PA, ,SPYOD PA DAM PA SPYAD NAS KHYAD PAR BRNYES GYUR PA, ,MI YI KHYU MCHOG DE LA 'DIR NI MCHOD BYAS NA, ,RNAM PAR SMIN PA DAM PA MTSUNGS MED RANG BZHIN 'GYUR, ,MI YI NANG NAS SHI 'PHOS NAS, ,SUM CU GSUM DU 'GRO BAR 'GYUR, ,DER NI RIN CHEN SNA TSOGS KYI, ,GZHAL MED KHANG PA THOB PAR 'GYUR, , @163B MCHOD RTEN PHRENG BA 'DIR PHUL NA, ,KHANG BZANG DAG DANG KHANG BRTZEGS PA, ,LHA YI BU MOS BSNYEN PA RNAMS, ,SUM CU RTZA GSUM SPYOD PAR 'GYUR, ,YAN LAG BRGYAD LDAN CHUS GANG ZHING, ,GSER GYI BYE MA BDAL GYUR PA, ,BEE d'URYA DANG SHEL DAG GI, ,LHA YI RDZING BU THOB PAR 'GYUR, , DER NI LHA YI DGA' SPYAD NAS, ,MKHAS PAS TSE TSAD RDZOGS PAR 'GYUR, ,LHA YI 'JIG RTEN SHI 'PHOS NAS, ,MI NANG LONGS SPYOD LDAN PAR 'GYUR, ,MCHOD RTEN PHRENG BA 'BUL BYED PA, ,TSE RABS BYE BA STONG RNAMS DANG, ,KHRAG KHRIG DAG NI BRGYA BGRANGS PA, ,KUN DU BKUR STI BYAS PAR 'GYUR, ,MCHOD RTEN BYE BA 'BUL BYED PA, ,DE NI 'KHOR LOS SGYUR RGYAL 'GYUR, ,BRGYA BYIN LHA YI DBANG PHYUG 'GYUR, ,TSANGS PA'I 'JIG RTEN TSANGS PAR 'GYUR, ,'JIG RTEN MGON PO SKYOB PA LA, ,DAR GYI DBUL BA PHUL BYAS NA, ,LHA YI DAG DANG MI RNAMS KYI, ,DON RNAMS THAMS CAD 'GRUB PAR 'GYUR, ,'JIG RTEN MGON PO SKYOB PA LA, ,PHRENG BA'I KHANG PA BYAS NAS NI, ,DE YI G-YOG 'KHOR MI BYED CING, ,RGYAL PO 'BYOR BA CHEN POR 'GYUR, ,'PHAGS PA RNAMS KYIS GANG SPANGS PA, ,SDIG PA'I LAS NI SPONG BAR BYED, ,RDZOGS SANGS RGYAS KYIS BSHAD PA YI, ,DGE BA'I LAS LA RTEN PAR BYED, ,LHA 'AM 'ON TE KLU RNAMS SAM, ,'JIG RTEN DAG NI GANG MKHAS PA, ,DE DAG DGA' ZHING MGU BA DANG, ,BSTI STANG BYAS SHING BSNGAGS PAR 'GYUR, ,BRTAN PA DE NI GAR SKYES PAR, ,BSOD NAMS GZI YIS SHIN TU BRJID, ,YUL 'KHOR DAG DANG GRONG KHYER DANG, ,RIGS DIR BSTI STANG BYAS PAR 'GYUR, ,GANG GIS SPOS CHU YUNGS 'BRU TZAM BLANGS TE, ,BCOM LDAN MCHOD RTEN LA NI BDUG BYED PA, ,DE YI PHAN YON BRJOD KYIS SEMS DANG ZHING, ,RDUL DANG DRI MA SPANGS LA MNYAN PAR GYIS, ,DE NI BSOD NAMS LDAN ZHING PHYOGS KUN RGYU, ,NAD MED GYUR CING BLO BRTAN BAG YOD LDAN, ,SPYAD PA RNAM PAR SPYOD TSE MYA NGAN 'DUL, ,SKYE BO MANG PO DGA' ZHING YID DU 'ONG, ,RGYAL SRID THOB NAS RGYAL BA MCHOG BKUR 'GYUR, ,MTHU CHEN RAB MKHAS 'KHOR LOS SGYUR 'GYUR TE, ,GSER GYI MDOG LDAN MTSAN GYI @164A *, ,GO CHA CAN, ,'JIG RTEN KUN NA YID 'ONG DRI LDAN THOB, ,BCOM LDAN MCHOD RTEN GOS KYIS DKRIS BYAS NA, ,DE NI BTZAS MA THAG TU GOS MCHOG THOB, ,LHA YI KHYAD 'PHAGS DAR GOS RAB BZANG RNYED, ,BTZAS MA THAG TU DE LUS SHIN TU BDE, ,GANG ZHIG GOS KYIS BCOM LDAN MCHOD RTEN DANG, ,'DREN PA MTSUNGS MED RNAMS LA MCHOD BYED PA, ,DE 'DIR MTSUNGS PA MED PA'I LUS 'THOB STE, ,SUM CU RTZA GNYIS MTSAN GYI ME TOG RGYAS, ,BCOM LDAN MCHOD RTEN GOS KYIS DKRIS BYAS NA, ,LAG MTHIL NAS NI MU TIG PHRENG MDZES PA, ,SNA TSOGS DAG DANG SENG GE'I PHRENG BA DANG, ,GSER SKUD RAB MDZES BSKAL PA MTHA' YAS 'BYUNG, ,'JIG RTEN SANGS RGYAS 'GYUR ZHES MOS BSKYED DE, ,BCOM LDAN MCHOD RTEN BA DAN PHUL BYAS NA, ,DE NI SKYE BO MANG PO'I MCHOD 'OS 'GYUR, ,BYANG CHUB SPYOD MCHOG DAM PA ZHI BA SPYOD, ,RDUL BSAL SEMS CAN MCHOG LA RGYAL MTSAN PHUL, ,RING POR MI THOGS NOR MANG RNYED PAR 'GYUR, ,SHES RAB MTHA' YAS MDZOD NI MANG LDAN YANG, ,SEMS CHUNG MI 'GYUR DMAN PA'I SEMS MI 'GYUR, ,DE NI GZHAN LA GNOD PA'I SEMS MI SKYED, ,SEMS NI RAB DANG RTAG TU BAG YOD LDAN,, DE LA ME DANG DUG DANG MTSON MI TSUGS, ,SKYE BO TSOGS CHEN GYIS NI BLTA BAR 'GYUR, ,SANGS RGYAS MCHOD RTEN MAR ME GCIG PHUL NA, ,'DI NAS BZUNG STE SRID PA'I RTZE MO'I BAR, ,SANGS RGYAS ZHING NI 'DZAM GLING GSER GYIS GANG, ,DE 'DRA'I DPAL DE ZAD PAR BYA MI NUS, ,BCOM LDAN MCHOD RTEN MAR ME PHUL BYAS NA, ,DE YI LUS NI MDOG NGAN YONG MI 'GYUR, ,GZUGS MCHOG SRA ZHING LAG PA GZU BA 'DRA, ,SNANG BA THOB NAS 'JIG RTEN KUN DU RGYU, ,GAL TE KHRAG KHRIG BRGYA STONG SANGS RGYAS ZHING, ,YUNGS 'BRU DAG GIS BYUR BUR GANG GYUR PA, ,BGRANG BA DANG NI GZHAL ZHING BRJOD PAR NUS, ,BDE GSHEGS MAR ME GCIG PHUL DE LTA MIN, ,RGYAN GYIS BRGYAN PA'I GZUGS MDZES BLTA SDUG PA, ,SU ZHIG BCOM LDAN MCHOD RTEN 'BUL BYED PA, ,DE 'DIR LUS NI MTSUNGS PA MED 'GYUR TE, ,GANG GIS RGYAL BA'I SKU NI RAB 'BAR BA, ,SUM CU @164B RTZA GNYIS MTSAN GYI GO BGOS 'GYUR, ,KHYAD PAR 'PHAGS PA'I GZUGS DANG GSER 'DRA DANG, ,'DZAM GLING GSER LTAR RAB MDZES BLTA NA SDUG ,MTSAN GYI ME TOG RGYAS PAS MNGON DU GANG, ,MNGON PAR SHES PA 'THOB CING DBANG CHER GRAGS, ,BYANG CHUB SPYOD MCHOG DAM PA ZHI BA SPYOD; ,DE NI NAMS KYANG LONGS SPYOD 'GRIB MI 'GYUR, ,LHAS KYANG BSTI STANG BYA ZHING MCHOD PAR 'OS, ,BRTAN PA 'DOD PA'I LONGS SPYOD GZHAR MI DGA', ,TSUL KHRIMS RNAM DAG RAB MKHAS TSANGS PAR SPYOD, ,YI DAM BCAS NAS NAGS DANG NAGS 'DAB SONG, ,MNGON SHES 'THOB CING KHYAD PAR 'THOB PAR 'GYUR, ,BCOM LDAN MCHOD RTEN RNAMS LA GDUGS 'BUL BA, ,JI LTA BUR YANG BYANG CHUB SEMS MI 'DOR, ,BYAMS LA GNAS SHING MI DMAN SEMS SU 'GYUR, ,DE YI SHES PA RNAMS KYANG NYAMS PA MED, ,ROL MO SGRA YIS MI MCHOG MCHOD BYAS NA, , MYA NGAN MED CING DBANG LDAN RGYAL POR 'GYUR, ,MI YI 'JIG RTEN YID 'ONG SGRA LDAN 'GYUR, ,DE SGRA YAN LAG TSANG ZHING DAG PAR 'ONG, ,BCOM LDAN MCHOD RTEN ROL MO'I SGRA BYAS NA, ,SHES BZHIN LDAN ZHING MIG NI RNAM DAG 'GYUR, ,RNA BA RNAM PAR DAG CING SEMS KYANG DAG ,SNA YI DBANG PO MCHOG DANG LDAN PAR 'GYUR, ,DE YI LCE NI RAB MDZES BLTA NA SDUG ,THOG MAR RAB MNYEN MDZES SHING SGRA YID 'ONG, ,DPER NA LHA YI RIN CHEN BYI RU 'DRA, ,SGRA SKAD YAN LAG BYE BA DPAG MED 'BYIN, ,BCOM LDAN MCHOD RTEN ROL MO'I SGRA BYAS NA, ,NAMS KYANG SBRUL DU MI 'GYUR LCE MED MIN, , ZHAR BA SGUR PO YA YO CAN MI 'GYUR, ,LUS NI KHYAD PAR 'PHAGS SHING SHIN TU MDZES, ,BCOM LDAN MCHOD RTEN ROL MO'I SGRA BYAS NA, ,LHA 'AM KLU 'AM MI 'AM LTO 'PHYE CHE, ,SU YANG DE LA MA DAD SKYED MI 'GYUR, ,DBUGS PHYIN THOB NAS 'JIG RTEN KUN DU RGYU, ,BCOM LDAN MYA NGAN 'DAS PA'I MCHOD RTEN PHYAGS, ,BSKAL PA BYE BA KHRAG KHRIG BRGYA STONG DU, ,YAN LAG MA SMAD KHYAD 'PHAGS LUS THOB CING, ,MDZES LA MTSAN GYIS GO CHAR BYAS PAR 'GYUR, ,BCOM LDAN MYA NGAN 'DAS PA'I MCHOD RTEN PHYAGS, ,LHA YI TZANDAN KHYAD 'PHAGS RAB MDZES PA'I, ,GZHAL MED KHANG MCHOG @165A *, ,YID 'ONG DRI LDAN 'THOB, ,DE NI DE LA NAM YANG SRED MI SKYED, ,RGYAL BA'I MCHOD RTEN SPOS BYUG PHUL BYAS NA, ,BCOM LDAN 'DAS KYI BSTAN PA 'JIG 'GYUR TSE, ,'DZAM BU'I GLING DU SKYE BAR MI 'GYUR ZHING, ,DE NI DE TSE MTHO RIS BDAG POR 'GYUR, ,RGYAL BA'I MCHOD RTEN SPOS BYUG PHUL BYAS NA, ,DRI MI ZHIM DANG MI GTZANG SMAD PA RNAMS, ,RTAG TU SPONG ZHING TSUL KHRIMS PHUNG POR GNAS, ,DE NI RTAG TU TSANGS SPYOD MCHOG 'DI SPYOD, ,RGYAL BA'I MCHOD RTEN SPOS BYUG PHUL BYAS NA, ,'DI NAS SHI 'PHOS MTHO RIS LHA DBANG 'GYUR, ,RING POR MI THOGS DON STONG RNAMS LA RTOG ,LHA RNAMS LA NI RGYA CHEN DON KYANG BYED, ,RGYAL BA'I MCHOD RTEN SPOS BYUG PHUL BYAS NA, ,KHYAD 'PHAGS TSIG LDAN SGRA DBYANGS YID 'ONG 'GYUR, ,SKYE BO MANG PO'I YID 'ONG DGA' ZHING BKUR, ,DE YI KHA BZHIN RTAG TU GSAL BAR 'GYUR, ,RGYAL BA'I MCHOD RTEN SPOS BYUG PHUL BYAS NA; ,DE NI NGAN SONG SA RNAMS MA LUS SPONG, ,DE BZHIN GSHEGS DANG NYE BA 'THOB PAR 'GYUR, ,DAD PA THOB CING RTAG TU BDE BA DGA', ,BCOM LDAN MCHOD RTEN BA RGYA BSAL BYAS NA, ,DE NI MI KHOM BRGYAD PO KUN SPONG ZHING, ,DE NI DAL 'GYUR DE NI KHYAD PAR 'PHAGS, ,DE NI SANGS RGYAS MTSUNGS MED MCHOD PAR BYED, ,BCOM LDAN MCHOD RTEN BA RGYA BSAL BYAS NA, ,BAG YOD BLO GROS BRTAN LA DPA' BOR 'GYUR, ,'DOD PA'I YON TAN DAG LA DGA' MI BSKYED, ,MI DMAN SEMS KYIS MNGON PAR 'BYUNG BAR 'GYUR, ,BCOM LDAN MCHOD RTEN BA RGYA BSAL BYAS NA, ,DE NI NAMS KYANG BYANG CHUB SEMS MI 'DOR, ,TSUL KHRIMS SKYON MED SHIN TU BSDAMS PAR 'GYUR, ,RNAM DAG 'DOD CHAGS BRAL BA'I CHOS KYANG 'THOB, ,BCOM LDAN MCHOD RTEN BA RGYA BSAL BYAS NA, ,DE NI MDOG NGAN DUS RNAMS RTAG TU SPONG, ,'CHAL BA'I SHES RAB MA LUS RNAM PAR SPONG, ,SHES RAB RGYA CHEN GYUR NAS SPYOD LA GNAS, ,BCOM LDAN MCHOD RTEN BA RGYA BSAL BYAS NA, ,KHA ZAS GTZANG MA DAG KYANG RNYED 'GYUR ZHING, ,KHYAD 'PHAGS KHA DOG LDAN ZHING BLTA SDUG PA, ,REG DANG LDAN ZHING RAB MDZES GOS RNAMS 'THOB, ,DAD PA'I SHUGS BSKYED BCOM LDAN MCHOD RTEN LA, ,ME TOG @165B SKOM PO NYAL NYIL PHYAGS BYAS NA, ,'DOD PA SMAD PA SDUG BSNGAL BYE BA SPONG, ,STOBS BCU MNGA' BA'I DED DPON MNYES PAR BYED, ,MCHOD RTEN ME TOG RNYING PA SU 'PHYAG PA, ,DE NI MDZES SHING RNAM DAG LUS SU 'GYUR, ,SKYE BO MANG POS MCHOD 'OS BLTA 'OS 'GYUR, ,DE LA RGYAL PO GNOD PAR SEMS MI 'GYUR, ,BCOM LDAN MCHOD RTEN DAG LA SNGA RABS MIS, ,ME TOG PHUL BA SKAM PO PHYAGS BYAS NA, ,NGAN SONG SA YI LAM NGAN THAMS CAD GCOD, ,BYANG CHUB SEMS DPA' TSUL KHRIMS PHUNG POR GNAS, ,MCHOD RTEN ME TOG RNYING PA SU 'PHYAG PA, ,BAG YOD MYA NGAN RNAMS DANG SKYON RNAMS SPONG, ,NAD RNAMS DU MA MA LUS RNAM PAR SPONG, ,BSKAL PA MTHA' YAS RNAMS SU DBUGS 'BYIN 'THOB, ,MCHOD RTEN ME TOG RNYING PA SU 'PHYAG PA, ,SBYIN GNAS MTSUNGS MED SEMS RGYAS 'THOB PAR 'ONG, ,MTSUNGS MED THOB CING LHA MIS MCHOD 'OS 'GYUR, , RNAM DAG LUS LDAN RGYAN GYIS BRGYAN PAR 'GYUR, ,LHA YI ME TOG RAB MDZES MANDA RA, ,MTSUNGS MED PA TA LA YANG SU 'BUL DANG, ,MCHOD RTEN ME TOG NYAL NYIL SU 'PHYAG PA, ,DE DAG RNAM SMIN 'DRA STE MCHOG TU 'GYUR, ,'JIG RTEN SANGS RGYAS 'GYUR BYAR MOS BSKYED DE, ,STON PA'I MCHOD RTEN THAL SBYAR PHYAG 'TSAL BA, ,'JIG RTEN DAG NA BLA MAR BKUR STI BYA, ,DE NI MDZES SHING BLTA NA SDUG PAR 'GYUR, ,DE 'DIR RGYAL SRID THOB NAS LHA KLU MI, ,LTO 'PHYE CHE DANG 'JIG RTEN THAMS CAD 'DUD, ,STONG GI 'JIG RTEN KHAMS KUN RGYAS PAR 'GYUR, ,DBANG PHYUG NYID DU DBANG THOB RGYAL SRID BSTAN, ,DE YI YUL LA SEMS CAN GANG GNAS PA, ,DE KUN SANGS RGYAS YE SHES RDZOGS PAR 'GOD, ,DES NI NGAN SONG SA YANG RNAM PAR SPONG, ,DE DAG RNAMS KYIS DON MCHOG DAM PA BYED, ,BSOD NAMS BLO GROS DRAN LDAN MCHOD 'OS 'GYUR, ,DBUGS PHYIN THOB NAS 'JIG RTEN KUN DU RGYU, ,DE YI G-YOG 'KHOR YID 'ONG SGRA SKAD LDAN, ,BSAM PA JI BZHIN DE DAG DGA' BA BSKYED, ,GSAL SNYAN NGAG GIS SEMS CAN GO BAR BYED, ,DE SROG DBANG PHYUG SUS KYANG PHAN MI BYED, ,SKYE BO TSOGS CHEN DAG GIS BLTA 'OS 'GYUR, ,DE YI G-YOG KYANG DBYANGS @166A *, ,LDAN YAN LAG DAG ,SANGS RGYAS MCHOD RTEN THAL SBYAR PHYAG 'TSAL BA, ,SBYIN DANG SNYAN PAR SMRA DANG DON SPYOD DANG, ,DON MTHUN PA DAG SKYE BO MANG LA BYED, ,SPYOS SHING BRGYAD KYANG KHRO BA'I DNGOS MI BSKYED, ,SANGS RGYAS MCHOD RTEN THAL SBYAR PHYAG 'TSAL BA, ,MTHO RIS 'JIG RTEN GNAS SHING LHA DBANG 'GYUR, ,MIR GYUR NA YANG MI YI RGYAL PO 'OS, ,DE NI NAM YANG YONGS SU NYAMS MI 'GYUR, ,SANGS RGYAS MCHOD RTEN THAL SBYAR PHYAG 'TSAL BA, ,DE NI NAM YANG NGAN SONG PHYIS MI LTUNG, ,'JIG RTEN 'DIR DE RTAG TU 'DOD PA SPONG, ,NOR CAN NANG NA PHYUG CING NOR MANG 'GYUR, ,YON TAN LDAN LA TSIG GCIG SU SMRA BA, ,DE NI NAM YANG MI RIGS BSNGAGS MI SPYOD, ,MI YI 'JIG RTEN GNAS MIN SPYOD MI 'GYUR, ,DE LA SEMS CAN MI NGOMS DGA' BAR 'GYUR, ,ZHES GSUNGS SO, ,SNYING RJE CHEN PO PAD MA DKAR PO'I MDO LAS KYANG, KUN DGA' BO NGA 'DUG PA LA MNGON SUM DU BSTI STONG BYED PA DANG BLA MAR BYED PA NAS MCHOD PAR BYED PA'I BAR LTA ZHOG ,GANG NGA YONGS SU MYA NGAN LAS 'DAS NAS RING BSREL YUNGS 'BRU TZAM LA BSTI STONG BYED PA LTA YANG ZHOG ,NGA'I PHYIR MCHOD RTEN BYAS PA LA GANG BSTI STONG BYED PA LTA YANG ZHOG STE; KUN DGA' BO GANG DAG KHA CIG SANGS RGYAS LA DMIGS NAS THA NA SANGS RGYAS LA DMIGS PA'I SEMS KYIS ME TOG GCIG NAM MKHA' LA 'DOR NA, BSOD NAMS KYI PHUNG PO DE'I RNAM PAR SMIN PA DGE BA'I RTZA BA DE DAG THAMS CAD KYI 'BRAS BU MYA NGAN LAS 'DAS PA YIN TE, THA MA MYA NGAN LAS 'DAS PAR NGA SMRA'O, ,KUN DGA' BO GANG DAG KHA CIG SANGS RGYAS LA DMIGS NAS THA NA SANGS RGYAS LA DMIGS PA'I SEMS KYIS ME TOG GCIG NAM MKHA' LA 'DOR NA, DE'I RNAM PAR SMIN PA GANG YIN PA DE NI, KUN DGA' BO GAL TE SEMS CAN 'GA' ZHIG BSKAL PA GCIG TU 'KHOR BA LA 'DI JI SRID PAR KUN DU BRGYUG CING 'KHOR YANG, 'KHOR BA'I SNGON GYI MTHA' MI SHES PA BZHIN DU BSOD NAMS MNGON PAR 'DU BYA BA'I DGE BA'I RTZA BA MNGON PAR 'DU BYAS PA DE'I MTHA' DE NI BRGYA BYIN NYID RNAMS KYIS RNYED PAR SLA BA MA YIN NO, ,DE CI'I PHYIR ZHE NA, @166B KUN DGA' BO 'DI LTAR SANGS RGYAS LA PHUL BA'I YON TAN NI 'KHOR BA NA SPYOD PA'I BDE BA THAMS CAD KYI MTHAS GTUGS PAR SLA BA MA YIN TE, GZHAN DU NA DGE BA'I RTZA BA DE'I 'BRAS BU MYA NGAN LAS 'DAS PA NYID 'BRAS BU YIN PAS THA MA MYA NGAN LAS 'DA' BAR NGA SMRA'O, ,KUN DGA' BO GANG DAG KHA CIG MNGON DU BSTI STANG BYED PA LTA YANG ZHOG ,GANG NGA'I SKU GDUNG DANG RING BSREL YUNGS 'BRU TZAM LA SKU GDUNG GI MCHOD PA BYED PA LTA YANG ZHOG ,GANG NGA'I PHYIR MCHOD RTEN BYAS PA RNAMS LA BSTI STANG BYED PA LTA YANG ZHOG ,GANG SANGS RGYAS LA DMIGS NAS THA NA ME TOG GCIG NAM MKHA' LA 'DOR BA YANG LTA YANG ZHOG STE, KUN DGA' BO GAL TE SEMS CAN MYA NGAN LAS 'DAS PA'I SKAL PA MED PA ZHIG GIS SANGS RGYAS LA DMIGS NAS THA NA ME TOG GCIG NAM MKHA' LA 'DOR NA YANG KUN DGA' BO DGE BA'I RTZA BA DE'I 'BRAS BU DE YANG MYA NGAN LAS 'DAS PA'I 'BRAS BU YIN TE, MYA NGAN LAS 'DAS PAS KLAS PA DANG MYA NGAN LAS 'DAS PA'I MTHAS GTUGS PAR NGA SMRA'O ZHES GSUNGS SO, ,KLU'I RGYAL PO RGYA MTSOS ZHUS PA CHEN PO LAS KYANG, KLU'I BDAG PO BYANG CHUB SEMS DPA' CHOS BRGYAD DANG LDAN NA, RTAG TU RGYUN MI 'CHAD PAR SANGS RGYAS DANG PHRAD PA 'THOB PO, ,BRGYAD GANG ZHE NA, SEMS CAN SANGS RGYAS KYI GZUGS LA LTA BA YANG DAG PAR 'DZIN DU 'JUG PA DANG, DE BZHIN GSHEGS PA LA RIM GRO BYED PA DANG, RGYUN MI 'CHAD PAR DE BZHIN GSHEGS PA'I BSNGAGS PA BRJOD PA DANG, DE BZHIN GSHEGS PA'I SKU GZUGS BYAD PA DANG, SEMS CAN THAMS CAD DE BZHIN GSHEGS PA LA BLTA BA YANG DAG PAR 'DZIN DU 'JUG PA DANG, SANGS RGYAS KYI ZHING GANG NA DE BZHIN GSHEGS PA'I SGRA GRAG PA'I SANGS RGYAS KYI ZHING DER SMON LAM 'DEBS PA DANG, RGYUN ZHUM PA MED PA DANG, RGYUN RGYA CHEN POR GYUR NAS SANGS RGYAS KYI YE SHES TSOL BA'O ZHES GSUNGS SO, ,BSOD NAMS 'PHEL BAR 'DOD PA LA SANGS RGYAS DANG 'PHRAD PA CI DGOS SHE NA, DE'I MTHA' NI THAMS CAD MKHYEN PA MA YIN PAS MI SHES TE, 'PHAGS PA SDONG PO BKOD PA LAS JI SKAD BSNGAGS PA LTA BU'O, , @167A *, ,BSKAL PA BYE BA PHRAG BRGYAR YANG, ,SANGS RGYAS SGRA NI RAB BKOD NA, ,THE TSOM THAMS CAD GCOD PA'I MCHOG ,MTHONG BAR 'GYUR BA SMOS CI DGOS, ,CHOS KUN RTOGS PAR THUGS CHUD CING, ,'JIG RTEN GSUM GYI BSOD NAMS STEGS, ,SEMS CAN THAMS CAD RNAM SBYONG BA, ,'JIG RTEN SGRON MA MTHONG BA LEGS, ,BSOD NAMS CHE LAS GRUB PA'I ZHING, ,YE SHES DKYIL 'KHOR RAB SHAR BA, ,'JIG RTEN DPAG MED SNANG BAR MDZAD, ,BSOD NAMS PHUNG PO RNAM PAR 'PHEL, ,SDUG BSNGAL DRA BA GCOD MDZAD CING, ,YE SHES PHUNG PO SBYONG BA YI, ,RGYAL BA GANG GIS MNYES BYAS PA, ,DE DAG NGAN 'GRO'I 'JIGS PA MED, ,RKANG GNYIS DAM PA MTHONG NA NI, ,SEMS RGYA CHEN PO SKYE 'GYUR ZHING, ,SHES RAB STOBS NI 'OD GSAL BA, ,GRANGS MED PA YANG SKYE BAR 'GYUR, ,ZHES GSUNGS SO, ,YANG DE NYID LAS, SEMS CAN KUN GYI DON GYI PHYIR, ,BRTAN ZHING THUGS RJE CHE LDAN LA, ,CHOS KYI 'KHOR LO RAB BSKOR BA, ,DE BZHIN GSHEGS PA RNAMS KYANG 'BYUNG, DON KUN BRTZON PA'I SANGS RGYAS LA, ,BSKAL PA BYE BA PHRAG BRGYAR YANG, ,LUS CAN DAG NI THAMS CAD KYIS, ,LAN DU PHAN GDAGS JI LTAR NUS, ,NGAN SONG GSUM PO MI BZAD DU, ,BSKAL PA BYE BAR BSREG BLA YI, ,CHAGS PA THAMS CAD RNAM BZLOG PA, ,STON PA MI MTHONG DE LTA MIN, ,'JIG RTEN JI SNYED THAMS CAD KYI, ,NGAN SONG 'GRO BA SO SO DER, ,SHIN TU YUN RING GNAS BLA YI, ,SANGS RGYAS MI THOS DE LTA MIN, ,CI YI PHYIR NA NGAN SONG DU, ,YUN RING GNAS PAR 'DOD CE NA, ,GANG PHYIR RGYAL BA'I DBANG PO DAG ,MTHONG NA YE SHES 'PHEL PHYIR RO, ,'JIG RTEN DBANG PHYUG RGYAL MTHONG NA, ,SDUG BSNGAL THAMS CAD RGYUN CHAD 'GYUR, ,RDZOGS PA'I SANGS RGYAS SPYOD YUL GYIS, ,YE SHES LA YANG 'JUG PAR 'GYUR, ,MI MCHOG SANGS RGYAS MTHONG NA NI, ,SGRIB PA THAMS CAD ZAD PAR 'GYUR, ,GANG GIS BYANG CHUB THOB 'GYUR BA'I, ,BSOD NAMS DPAG TU MED PA 'PHEL, ,ZHES GSUNGS SO, ,BSOD NAMS RAB TU 'PHEL BAR BYA BA LA SANGS RGYAS DANG PHRAD PA NI DE LTAR @167B DGOS PA YOD DO, ,DE BZHIN GSHEGS PA RNAMS KYI SKU GZUGS TZAM MTHONG BA YANG DE TZAM DU 'BRAS BU DPAG TU MED NA, RANG GI NGO BO MTHONG BA LTA SMOS KYANG CI DGOS, DAD PA'I STOBS BSKYED PA LA 'JUG PA'I PHYAG RGYA'I MDO LAS, 'JAM DPAL RIGS KYI BU 'AM RIGS KYI BU MO GANG LA LA ZHIG GIS, BSKAL PA GANG {G'A'I} KLUNG GI BYE MA SNYED DU 'JIG RTEN GYI KHAMS THAMS CAD KYI RDUL SNYED KYI RANG SANGS RGYAS DAG LA NYIN GCIG BZHIN DU LHA'I ZAS RO BRGYA DANG LDAN PA BYIN PA DANG DE BZHIN DU LHA'I GOS RNAMS SBYIN PA BYIN PA BAS, 'JAM DPAL RIGS KYI BU 'AM RIGS KYI BU MO GZHAN GANG ZHIG GIS SANGS RGYAS RI MOR BRIS PA 'AM GZUGS SU BYAS PA MTHONG NA, 'DI NI DE BAS CHES BSOD NAMS GRANGS MED PA BSKYED NA, THAL MO SBYAR BA 'AM ME TOG GAM BDUG PA'AM SPOS SAM MAR ME 'BUL BA LTA CI SMOS TE, 'DI NI DE BAS CHES BSOD NAMS GRANGS MED PA BSKYED DO ZHES GSUNGS SO, ,BYANG CHUB SEMS DPA'I SDE SNOD LAS KYANG, BSOD NAMS SPEL BA'I THABS GSUNGS TE, GANG DE BZHIN GSHEGS PA'I MCHOD RTEN 'PHYAG PA DE SMON LAM RNAM PAR DAG PA MCHOG BZHI 'THOB STE, BZHI GANG ZHE NA, GZUGS LA SMON LAM RNAM PAR DAG PA MCHOG DANG, MNYAM PAR GZHAG PA BRTAN PA LA SMON LAM RNAM PAR DAG PA MCHOG DANG, DE BZHIN GSHEGS PA MTHONG BA LA SMON LAM RNAM PAR DAG PA MCHOG DANG, MTSAN PHUN SUM TSOGS PA LA SMON LAM RNAM PAR DAG PA MCHOG CES BYA BA'O, ,YANG DE NYID LAS, DE BZHIN GSHEGS PA'I MCHOD RTEN RNAMS LA ME TOG 'BUL BA 'AM SPOS RIS 'DRI NA MA TSANG BA MED PA BRGYAD 'THOB STE, BRGYAD GANG ZHE NA, GZUGS MA TSANG BA MED PAR 'GYUR BA DANG, LONGS SPYOD MA TSANG BA MED PA DANG, G-YOG 'KHOR MA TSANG BA MED PA DANG, TSUL KHRIMS MA TSANG BA MED PA DANG, TING NGE 'DZIN MA TSANG BA MED PA DANG, THOS PA MA TSANG BA MED PA DANG, SHES RAB MA TSANG BA MED PA DANG, SMON LAM MA TSANG BA MED PA ZHES GSUNGS SO, ,RIN PO CHE'I PHUNG PO'I MDO LAS KYANG, GANG DAG SRID PA GSUM DU GTOGS PA'I SEMS CAN DE DAG THAMS CAD SO SO NAS DE BZHIN @168A *, ,GSHEGS PA'I MCHOD RTEN 'PHANG DU 'DI LTA STE, RI'I RGYAL PO RI RAB LTA BU BYED LA DE DAG LA YANG SO SO NAS GANG {G'A'I} KLUNG GI BYE MA SNYED KYI BSKAL PAR BSTI STANG BYA BA THAMS CAD KYIS BSTI STANG BYED PA BAS BYANG CHUB SEMS DPA' GANG THAMS CAD MKHYEN PA NYID KYI SEMS DANG MA BRAL BAS ME TOG GCIG 'DOR NA, DE NI BSOD NAMS KYI PHUNG PO SNGA MA BAS BSOD NAMS CHES MANG DU BSKYED DO ZHES GSUNGS SO, ,YANG DE NYID LAS, STONG GSUM GYI STONG CHEN PO'I 'JIG RTEN GYI KHAMS NA SEMS CAN GANG DAG YOD PA DE DAG THAMS CAD THEG PA CHEN PO LA YANG DAG PAR ZHUGS PAR GYUR LA, THAMS CAD 'KHOR LOS SGYUR BA'I RGYAL SRID DANG LDAN PAR GYUR TE, 'KHOR LOS SGYUR BA'I RGYAL PO RE RES KYANG MAR ME'I SNOD RGYA MTSO CHEN PO TZAM BYAS TE, RI RAB TZAM GYI MAR ME'I SNYING POS MAR ME BUS LA, SO SO NAS DE LTA BU'I MAR ME'I MCHOD PAS DE BZHIN GSHEGS PA'I MCHOD RTEN RNAMS LA MCHOD PA BAS, BYANG CHUB SEMS DPA' KHYIM GYI GNAS NAS 'BYUNG BA GANG GIS MAR ME'I SNYING PO 'BRU MAR GYIS BSKUS TE DE BZHIN GSHEGS PA'I MCHOD RTEN GYI DRUNG DU 'DZIN NA, RAS 'BRU MAR GYIS BSKUS PA'I MAR ME 'DI LA SNGA MA'I MAR ME PHUL BA DES BRGYA'I CHAR YANG MI PHOD PA NAS RGYU'I BAR DU YANG MI BZOD DO, ,'KHOR LOS SGYUR BA'I RGYAL PO DE DAG GIS SANGS RGYAS LA SOGS PA'I DGE SLONG GI DGE 'DUN LA BDE BAR SBYAR BA THAMS CAD KYIS PHU DUD BYED PA BAS, BYANG CHUB SEMS DPA' KHYIM GYI GNAS NAS MNGON PAR BYUNG BA GANG GIS BSOD NAMS SNYOMS BLANGS TE, LHUNG BZED DU CHUD PA DE BZHIN DAG DANG BGO BSHA' BYAS TE ZAN DE NI DE BAS CHES MANG ZHING CHES RIN CHE'I, ,GANG YANG RGYAL PO CHEN PO DAG GIS RI RAB TZAM GYI GOS KYI PHUNG PO SANGS RGYAS LA SOGS PA DGE SLONG GI DGE 'DUN LA PHUN BA BAS, BYANG CHUB SEMS DPA' KHYIM GYI GNAS NAS MNGON PAR BYUNG BA GANG GIS PHYI ROL DU BYUNG STE, SANGS RGYAS LA SOGS PA THEG PA CHEN PO LA YANG DAG PAR ZHUGS PA'I DGE SLONG GI DGE 'DUN DANG, DE BZHIN GSHEGS PA'I MCHOD RTEN LA CHOS GOS GSUM PHUL NA, DGE SLONG GI CHOS GOS BYIN PA 'DIS GOS SBYIN PA SNGA MA DE ZIL GYIS NON PAR @168B 'GYUR RO; ,YANG RGYAL PO DE DAG RE RES 'DZAM BU'I GLING THAMS CAD ME TOG GIS MDZES PAR BYAS TE, DE BZHIN GSHEGS PA'I MCHOD RTEN LA PHUL BA BAS, BYANG CHUB SEMS DPA' KHYIM GYI GNAS NAS BYUNG BA GANG GIS THA NA DE BZHIN GSHEGS PA'I MCHOD RTEN LA ME TOG GCIG PHUL NA SBYIN PA 'DI LA SBYIN PA SNGA MA BAS DES BRGYA'I CHAR YANG MI PHOD PA NAS RGYU'I BAR DU YANG MI PHOD DO ZHES GSUNGS SO, ,MTHAR GYIS YANG DAG PAR 'PHAGS PA'I LE'U LAS KYANG BSTAN TE, PHAN YON BZANG PO BZHI PO 'DI DAG MTHONG NAS BYANG CHUB SEMS DPA' DE BZHIN GSHEGS PA MCHOD PA LA SPRO BAR 'GYUR TE, BZHI GANG ZHE NA, BDAG GIS SBYIN GNAS KYI MCHOG LA MCHOD PA BYAS PAR 'GYUR BA DANG, BDAG MTHONG NAS GZHAN DAG KYANG DE BZHIN DU SLOB PAR 'GYUR BA DANG, DE BZHIN GSHEGS PA LA MCHOD PAS BYANG CHUB KYI SEMS BRTAN PAR 'GYUR BA DANG, MNGON SUM DU MTHONG BAS SKYES BU CHEN PO'I MTSAN SUM CU RTZA GNYIS KYI DGE BA'I RTZA BA SOGS PAR 'GYUR BA STE, BZHI PO 'DI DAG GO ZHES SO, ,'DI NI DE BZHIN GSHEGS PA LA MCHOD PA DANG RIM GRO BYED PA BLA NA MED PA STE, BLO GROS RGYA MTSOS ZHUS PA'I MDO LAS JI SKAD DU, BLO GROS RGYA MTSO GSUM PO 'DI DAG NI DE BZHIN GSHEGS PA LA MCHOD PA DANG RIM GRO BYED PA BLA NA MED PA'O, ,GSUM GANG ZHE NA, GANG BYANG CHUB TU SEMS BSKYED PA DANG, GANG DAM PA'I CHOS YONGS SU 'DZIN PA DANG, GANG SEMS CAN RNAMS LA SNYING RJE CHEN PO BSKYED PA'O ZHES GSUNGS PA LTA BU'O, ,'PHAGS PA DKON MCHOG SPRIN LAS KYANG BSTAN TE, RIGS KYI BU BYANG CHUB SEMS DPA' CHOS BCU DANG LDAN NA MNGAL GYI DRI MAS MI GOS PAR SKYE'O, ,BCU GANG ZHE NA, 'DI LTA STE, DE BZHIN GSHEGS PA'I GZUGS BYED PA DANG, MCHOD RTEN ZHIG PA 'CHOS PA DANG, DE BZHIN GSHEGS PA'I MCHOD RTEN DAG LA SPOS KYI BYUG PA 'BUL BA DANG, DE BZHIN GSHEGS PA'I SKU GZUGS DAG LA KHRUS KYI SPOS CHU 'BUL BA DANG, DE BZHIN GSHEGS PA'I MCHOD RTEN DAG LA PHYAG NGAR DANG SKYANG NUL BYA BA 'BUL BA DANG, PHA MA LA LUS KYI RIM GRO BYED PA DANG, MKHAN PO DANG SLOB DPON DAG LA LUS KYI RIM GRO BYED PA DANG, @169A *, ,TSANGS PA MTSUNGS PAR SPYOD PA RNAMS LA LUS KYI RIM GRO BYED PA DANG, DE YANG ZANG ZING MED PA'I SEMS KYIS TE ZANG ZING DANG BCAS PAS MA YIN PA DANG, DGE BA'I RTZA BA DE YANG 'DI LTAR, DGE BA'I RTZA BA 'DIS SEMS CAN THAMS CAD MNGAL GYI DRI MAS MA GOS PAR SKYE BAR GYUR CIG CES YONGS SU BSNGO ZHING DE YANG BSAM PA THAG PA NAS SEMS PA STE, RIGS KYI BU CHOS BCU PO DE DAG GO ZHES BYA BA'O, ,RJES SU YI RANG BA'I PHAN YON NI SHES RAB KYI PHA ROL TU PHYIN PA LAS GSUNGS TE, GANG THEG PA LA DANG PO YANG DAG PAR ZHUGS PA'I BYANG CHUB SEMS DPA' SEMS DPA' CHEN PO RNAMS KYI SEMS BSKYED PA DE LA RJES SU YI RANG BAR BGYID, BYANG CHUB SEMS DPA'I SPYAD PA SPYAD PA RNAMS KYI SEMS BSKYED PA DE LA RJES SU YI RANG BAR BGYID, BYANG CHUB SEMS DPA' SEMS DPA' CHEN PO PHYIR MI LDOG PA RNAMS KYI PHYIR MI LDOG PA'I CHOS DE NYID LA RJES SU YI RANG BAR BGYIS NA, BCOM LDAN 'DAS RIGS KYI BU 'AM RIGS KYI BU MO DE'I BSOD NAMS KYI PHUNG PO JI SNYED CIG BSKYED PAR 'GYUR, DE SKAD CES GSOL BA DANG, BCOM LDAN 'DAS KYIS LHA'I DBANG PO BRGYA BYIN LA 'DI SKAD CES BKA' STZAL TO, ,{KOO} SHI KA STONG GSUM GYI STONG CHEN PO'I 'JIG RTEN GYI KHAMS NI SRANG TSAD KYIS GZHAL BAS TSAD GZUNG BAR NUS KYI, {KOO} SHI KA BYANG CHUB SEMS DPA' SEMS DPA' CHEN PO'I RJES SU YI RANG BA'I MDO LAS SKYES PA'I SEMS BSKYED PA DE DAG GI BSOD NAMS NI TSAD GZUNG BAR MI NUS SO, ,DE SKAD CES BKA' STZAL PA DANG, BCOM LDAN 'DAS LA LHA'I DBANG PO BRGYA BYIN GYIS 'DI SKAD CES GSOL TO, ,BCOM LDAN 'DAS SEMS CAN GANG DAG BYANG CHUB SEMS DPA' SEMS DPA' CHEN PO SEMS DANG PO BSKYED PA NAS NYE BAR BZUNG STE, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA'I BAR LA RJES SU YI RANG BA LAS SKYES PA'I BSOD NAMS 'DI LTAR DPAG TU MED DO ZHES BYA BA MI NYAN PA DANG MA 'TSAL BA DANG RJES SU YI RANG BAR MI BGYID PA DANG MI SEMS PA DE DAG NI BDUD KYIS BYIN GYIS BRLABS PA LAGS SO, ,SEMS CAN DE DAG NI BDUD KYI PHYOGS SU 'GYUR BA LAGS SO, , @169B BCOM LDAN 'DAS KYIS BKA' STZAL PA, {KOO} SHI KA BYANG CHUB SEMS DPA'I THEG PA PA'AM RANG SANGS RGYAS KYI THEG PA PA'AM NYAN THOS KYI THEG PA PA'I RIGS KYI BU 'AM RIGS KYI BU MO GANG DAG GIS SEMS BSKYED PA LA RJES SU YI RANG BA DE DAG GIS MYUR DU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS MNYES PAR BYED PAR 'GYUR GYI MI MNYES PAR BYED PAR MI 'GYUR RO, ,DE LTAR RJES SU YI RANG BA'I MDO LAS SKYES PA'I SEMS BSKYED PA'I DGE BA'I RTZA BA DE DAG GIS GANG DANG GANG DU SKYE BA DE DANG DER PHU DUD DU BYA BAR 'GYUR BLA MAR BYA BAR 'GYUR RI MOR BYA BAR 'GYUR MCHOD PAR BYA BAR 'GYUR RJED PAR 'GYUR GSOL BAR 'GYUR RO, ,DE DAG NI YID DU MI 'ONG BA'I GZUGS RNAMS MTHONG BAR MI 'GYUR RO, ,DE DAG NI YID DU MI 'ONG BA'I SGRA RNAMS THOS PAR MI 'GYUR RO, ,DE BZHIN DU DRI DANG RO RNAMS MA YIN ZHING REG BYA RNAMS REG PAR MI 'GYUR RO, ,DE DAG NI NGAN SONG DU SKYE BAR MI 'GYUR BAR SHES PAR BYA'O, ,DE DAG NI MTHO RIS SU SKYE BAR SHES PAR BYA'O, ,DE CI'I PHYIR ZHE NA, 'DI LTAR SEMS CAN DE DAG GIS SEMS CAN GRANGS MED PA'I DGE BA'I RTZA BA SEMS CAN DE DAG THAMS CAD LA BDE BA SKYED PA DAG LA RJES SU YI RANG BA'I PHYIR TE, DE DAG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS SEMS CAN GRANGS MED PA DPAG TU MED PA DAG YONGS SU MYA NGAN LAS 'DA' BA'I BAR DU BYED PAR 'GYUR RO ZHES BYA BA'O, ,YANG DE NYID LAS, RAB 'BYOR STONG GSUM GYI STONG CHEN PO'I 'JIG RTEN GYI KHAMS GANG {G'A'I} KLUNG GI BYE MA SNYED NA SEMS CAN GANG DAG YOD PA DE DAG THAMS CAD BLA NA MED PA YANG DAG PAR RDZOGS PA'I BYANG CHUB LA GNAS PAR GYUR LA, BLA NA MED PA YANG DAG PAR RDZOGS PA'I BYANG CHUB LA GNAS NAS KYANG BSKAL PA GANG {G'A'I} KLUNG GI BYE MA SNYED DU DMIGS PA'I 'DU SHES KYIS; BSAM GTAN BZHI PA LA SNYOMS PAR 'JUG PA BAS, BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA 'DI DANG THABS MKHAS PAS ZIN PA GANG GIS, 'DAS PA DANG MA BYON PA DANG, DA LTAR BYUNG BA'I SANGS RGYAS BCOM LDAN 'DAS RNAMS KYI @170A *, ,TSUL KHRIMS DANG TING NGE 'DZIN DANG, SHES RAB DANG RNAM PAR GROL BA DANG, RNAM PAR GROL BA'I YE SHES MTHONG BA'I PHUNG PO DANG, RANG SANGS RGYAS KYI TSUL KHRIMS DANG TING NGE 'DZIN DANG, SHES RAB DANG, RNAM PAR GROL BA DANG, RNAM PAR GROL BA'I YE SHES MTHONG BA'I PHUNG PO DANG, NYAN THOS KYI TSUL KHRIMS DANG, TING NGE 'DZIN DANG, SHES RAB DANG, RNAM PAR GROL BA DANG, RNAM PAR GROL BA'I YE SHES MTHONG BA'I PHUNG PO THAMS CAD GCIG TU BSDUS TE, BZLUMS SHING GZHAL LA, MA LUS PA LA RJES SU YI RANG BA'I MCHOG GIS RJES SU YI RANG BA DANG, GTZO BO DANG DAM PA DANG RAB DANG PHUL DANG GYA NOM PA DANG BLA MA DANG BLA NA MED PA DANG BLA MA'I BLA MA DANG MNYAM PA MED PA DANG, MI MNYAM PA DANG MNYAM PA DANG DPE ZLA MED PAS RJES SU YI RANG LA RJES SU YI RANG BA'I MOD LAS SKYES PA'I BSOD NAMS BYA BA'I DNGOS PO YANG BLA NA MED PA YANG DAG PAR RDZOGS PA'I BYANG CHUB TU YONGS SU BSNGO NA, RAB 'BYOR RJES SU YI RANG BA'I MOD LAS SKYES PA'I BSOD NAMS BYA BA'I DNGOS PO 'DI LA, BYANG CHUB SEMS DPA' DMIGS PA CAN GYI BSAM GTAN BZHI'I BSOD NAMS MNGON PAR 'DU BYED PA SNGA MA DES BRGYA'I CHAR YANG NYE BAR MI 'GRO BA NAS RGYU'I BAR DU YANG MI BZOD DO ZHES GSUNGS SO, ,TSUL 'DI NYID NI YONGS SU BSNGO BA LA YANG GSUNGS SO, ,GSOL BA GDAB PA'I PHAN YON NI DRAG SHUL CAN GYIS ZHUS PA LAS, CHOS YONGS SU GZUNG BAR BYA BA'I PHYIR SANGS RGYAS KYI ZHING GZHAL DU MED GRANGS MED PA RNAMS SU TSE YONGS SU BSGYUR TSUL KHRIMS GYIS BSOD NAMS 'PHEL BAR BSHAD ZIN TO,, ,,'DI YANG PA KUN LAS BTUS PA LAS PHYAG 'TSAL BA LA SOGS PA'I PHAN YON GYI LE'U STE BCU BDUN PA'O, ,BZANG PO SPYOD PA LA SOGS PA'I TSUL KHRIMS GYIS BSOD NAMS 'PHEL BAR BSHAD ZIN TO,, ,,'DI YANG 'DI'I RGYU GZHAN YIN TE, DAD PA LA SOGS PA RTAG TU BSGOM PA GANG YIN PA'O, ,DE BZHIN GSHEGS PA'I GSANG BA'I MDO LAS JI SKAD GSUNGS PA LTA BU STE, RGYAL PO CHEN PO CHOS BZHI PO 'DI DAG NI THEG PA CHEN PO LA YANG DAG PAR ZHUGS PA RNAMS YONGS SU MI NYAMS SHING KHYAD PAR DU 'GRO BAR 'GYUR BA'O, ,BZHI GANG ZHE NA, RGYAL PO CHEN PO DAD PA NI YONGS @170B SU MI NYAMS SHING KHYAD PAR DU 'GRO BAR 'GYUR BA'O, ,DAD PA GANG ZHE NA, DAD PA GANG GIS 'PHAGS PA'I DRUNG DU NYE BAR 'GRO BA DANG MI BYA BA MI BYED PA'O, ,RGYAL PO CHEN PO GUS PA NI KHYAD PAR DU 'GRO BAR 'GYUR BA STE, GUS PA GANG GIS 'PHAGS PA RNAMS KYIS LEGS PAR BSHAD PA RNAMS GUS PAR NYAN PA DANG RNA BLAGS TE CHOS NYAN PA'O, ,RGYAL PO CHEN PO NGA RGYAL MED PA NI KHYAD PAR DU 'GRO BAR 'GYUR BA STE, NGA RGYAL MED PA GANG GIS 'PHAGS PA RNAMS LA MNGON PAR 'DUD PA DANG RAB TU 'DUD PA LA PHYAG 'TSAL BA'O, ,RGYAL PO CHEN PO BRTZON 'GRUS NI KHYAD PAR DU 'GRO BAR 'GYUR BA STE, BRTZON 'GRUS GANG GIS LUS YANG BA DANG SEMS YANG BA 'THOB PA DANG BYA BA THAMS CAD KYANG NYAMS 'OG TU CHUD PAR BYED PA STE, RGYAL PO CHEN PO CHOS BZHI PO 'DI DAG NI THEG PA CHEN PO LA YANG DAG PAR ZHUGS PA RNAMS YONGS SU MI NYAMS SHING KHYAD PAR DU 'GRO BAR 'GYUR BA'O ZHES BYA BA STE, DAD PA LA SOGS PA 'DI DAG LA RTAG TU GOMS PAR BYA'O, ,YANG NA DAD PA LA SOGS PA GZHAN DAG LA STE, 'PHAGS PA BLO GROS MI ZAD PA'I MDO LAS JI SKAD DU, BTZUN PA SHA RA {DVA} TI'I BU GZHAN YANG BYANG CHUB SEMS DPA' RNAMS KYI DBANG PO LNGA RNAMS MI ZAD PA STE; DE LA DBANG PO LNGA GANG ZHE NA, GANG 'DI DAD PA'I DBANG PO DANG, BTZON 'GRUS KYI DBANG PO DANG, DRAN PA'I DBANG PO DANG, TING NGE 'DZIN GYI DBANG PO DANG, SHES RAB KYI DBANG PO'O, ,DE LA DAD PA'I DBANG PO GANG ZHE NA, DAD PA GANG GIS CHOS BZHI LA DAD PA STE, BZHI GANG ZHE NA, 'DI LTA STE; 'KHOR BA NA SPYOD PA'I 'JIG RTEN PA'I YANG DAG PA'I LTA BA LA DAD PA STE, DE LAS KYI RNAM PAR SMIN PA LA STON PA YIN, DGE BA'AM SDIG PA'I LAS GANG DANG GANG BYAS PA DE DANG DE'I RNAM PAR SMIN PA MYONG BAR 'GYUR RO SNYAM STE SROG GI PHYIR YANG SDIG PA'I LAS MI BYED PA DANG, BYANG CHUB SEMS DPA'I SPYOD PA LA DAD PA STE, SPYOD PA DE LA ZHUGS NAS KYANG THEG PA GZHAN LA 'DOD PA MI BSKYED PA DANG, CHOS THAMS CAD LA DON DAM PA NGES PA'I DON ZAB MO, RTEN CING 'BREL BAR 'BYUNG BA BDAG MED PA SEMS CAN MED PA SROG MED PA GSO BA MED PA GANG ZAG MED PAR RNAM PAR @171A *, ,DPYOD PA DANG, STONG PA NYID DANG MTSAN MA MED PA DANG SMON PA MED PA'I MTSAN NYID DU DAD PA STE, LTA BAR GYUR PA THAMS CAD BAG LA NYAL BAR MI BYED PA DANG, STOBS DANG MI 'JIGS PA LA SOGS PA SANGS RGYAS KYI CHOS THAMS CAD LA DAD PA STE, DAD PA'I PHYIR THE TSOM DANG NEM NUR DANG BRAL BAS SANGS RGYAS KYI CHOS DE DAG YANG DAG PAR SGRUB PA STE 'DI NI DAD PA'I DBANG PO ZHES BYA'O, ,DE LA BRTZON 'GRUS KYI DBANG PO GANG ZHE NA, CHOS GANG LA DAD PA'I DBANG POS DAD PAR 'GYUR BA'I CHOS DE DAG BRTZON 'GRUS KYI DBANG POS YANG DAG PAR SGRUB PA STE, 'DI NI BRTZON 'GRUS KYI DBANG PO ZHES BYA'O, ,DE LA DRAN PA'I DBANG PO GANG ZHE NA, CHOS GANG BRTZON 'GRUS KYI DBANG POS YANG DAG PAR BSGRUB PA'I CHOS DE DAG DRAN PA'I DBANG POS CHUD MI GSON TE, 'DI NI DRAN PA'I DBANG PO ZHES BYA'O, ,DE LA TING NGE 'DZIN GYI DBANG PO GANG ZHE NA, DRAN PA'I DBANG POS CHOS GANG CHUD MI GSON PA'I CHOS DE DAG TING NGE 'DZIN GYI DBANG POS RTZE GCIG TU BYED DE, 'DI NI TING NGE 'DZIN GYI DBANG PO ZHES BYA'O, ,DE LA SHES RAB KYI DBANG PO GANG ZHE NA, CHOS GANG TING NGE 'DZIN GYI DBANG POS RTZE GCIG TU BYAS PA'I CHOS DE DAG SHES RAB KYI DBANG POS RAB TU RTOG CING SHIN TU RTOG PAR BYED DE, GANG CHOS DE DANG DE DAG LA GZHAN GYI DRING MI 'JOG PAR SHES SHING SO SOR RANG GIS SHES PA 'DI NI SHES RAB KYI DBANG PO ZHES BYA'O, ,DE LTAR NA DBANG PO LNGA PO 'DI DAG NI LHAN CIG TU 'GROGS SHING RJES SU 'BREL BA STE, SANGS RGYAS KYI CHOS THAMS CAD YONGS SU RDZOGS PAR BYED DO; ,LUNG BSTAN PA'I SAR YANG GZHOG GO ZHES GSUNGS PA BZHIN NO, ,DAD PA LA SOGS PA'I STOBS RNAMS LA YANG RTAG TU GOMS PAR BYA STE, 'PHAGS PA GTZUG NA RIN PO CHE'I MDO LAS JI SKAD DU, RIGS KYI BU DE LA BYANG CHUB SEMS DPA'I STOBS KYI SPYOD PA YONGS SU DAG PA GANG ZHE NA, GANG DBANG PO DE DAG GIS NYE BAR BSTAN NAS BDUD THAMS CAD KYIS MI BRDZI BAR 'GYUR BA DANG, NYAN THOS DANG RANG SANGS RGYAS KYI THEG PA GNYIS KYIS MI 'PHROGS PAR 'GYUR BA DANG, THEG PA CHEN PO 'DI LAS PHYIR MI LDOG PAR 'GYUR BA DANG, NYON MONGS PA THAMS CAD KYIS MI @171B THUL BAR 'GYUR BA DANG, SNGON GYI DAM BCAS PA LA BRTAN PAR 'GYUR BA DANG, SEMS KYI STOBS SHIN TU BRTAN PAR 'GYUR BA DANG, LUS KYI STOBS DANG LDAN PAR 'GYUR BA DANG, DBANG PO RNAMS SBED PAR 'GYUR BA DANG, DGRA RNAMS KYIS MI TSUGS PAR 'GYUR BA DANG, PHYIR RGOL BA THAMS CAD KYIS MI BSKYOD PAR 'GYUR BA'O ZHES BYA BA LA SOGS PA GSUNGS PA BZHIN NO, ,DE LTAR, ,RE ZHIG BSOD NAMS SPEL BA'I PHYIR, ,DAD PA LA SOGS RTAG TU BSGOM, ,GZHAN YANG BYAMS DANG ZHES BYA BA NI, ZLA BA'I SGRON MA'I MDO LAS JI SKAD DU, ,BYE BA KHRAG KHRIG DKRIGS PA'I ZHING DAG NA, ,MCHOD PA RNAM MANG DPAG MED JI SNYED PA, ,SKYES MCHOG RNAMS LA DE YIS RTAG MCHOD PAS, ,BYAMS PA'I SEMS KYI GRANGS DANG CHAR MI PHOD, ,CES GSUNGS PA LTA BU'O, ,GZHAN YANG SANGS RGYAS STZOGS DRAN BYA, ,SANGS RGYAS LA SOGS PA RJES SU DRAN PA DE YANG GANG ZHE NA, 'PHAGS PHA YUL 'KHOR SKYONG GIS ZHUS PA'I MDO LAS BSNGAGS PA STE, MTSAN MCHOG LDAN PA DRI MED ZLA BA'I ZHAL, ,GSER MDOG 'DRA BA KHYOD LA PHYAG 'TSAL LO, ,RDUL BRAL KHYOD 'DRA SRID PA GSUM MA MCHIS, ,MNYAM MED MKHYEN CAN KHYOD LA PHYAG 'TSAL LO,, RGYAL BA'I DBU SKRA 'JAM MDZES SNUM ZHING BZANG, ,KHYOD KYI GTZUG TOR 'DI NA RI RGYAL BZHIN, ,GTZUG TOR MI MTHONG KHYOD DANG MTSUNGS MA MCHIS, ,THUB PA KHYOD KYI SMIN MTSAMS MDZOD SPUS MDZES, ,KUN DA ZLA BA KHA BA DUNG LTAR DKAR, ,THUGS RJE GANG GIS 'GRO BA 'DI GZIGS PA, ,SPYAN MCHOG BZANG PO AUTPALA SNGON PO 'DRA, ,RGYAL BA DRI MED SPYAN LA PHYAG 'TSAL LO, ,LJAGS YANGS SRAB LA ZANGS KYI MDOG 'DRA BA, ,DE YIS RANG GI ZHAL GYI GDONG YANG KHEBS, ,CHOS GSUNGS PAS NI 'GRO BA 'DUL BAR BGYI, ,'JAM SNUM GSUNG LDAN KHYOD LA PHYAG 'TSAL LO, ,TSEMS BZANGS SHIN TU BRTAN PA RDO RJE 'DRA, ,BCU DANG SUM CU SNYOMS SHING THAGS BZANG BA, ,'DZUM PA MDZAD NAS 'GRO BA 'DUL BAR BGYID, ,BDEN GTAM SNYAN PA KHYOD LA PHYAG 'TSAL LO, ,RGYAL BA KHYOD KYI GZUGS DANG MTSUNGS MA MCHIS, ,'OD KYIS @172A *, ,ZHING BRGYA DAG KYANG SNANG BAR BGYID, ,'JIG RTEN NA NI TSANGS DBANG SKYONG DE DAG ,BCOM LDAN KHYOD KYI 'OD KYIS ZIL DU BRLAG ,AE NA'I BYIN PA MNYAM MED BCOM LDAN 'DAS, ,GLANG PO'I RGYAL PO RMA BYA SENG GE'I STABS, ,BCOM LDAN GNYA' SHING GANG DU GZIGS SHING GSHEGS, ,SA DANG RI DANG NGAM PA G-YO BAR MDZAD, ,BCOM LDAN 'DAS SKU MTSAN GYIS BRGYAN PA STE, ,KHYOD KYI PAGS PA 'JAM ZHING GSER MDOG 'DRA, ,'GRO BA GZUGS 'DI LTA BAS NGOMS MI 'GYUR, ,KHYOD NI MTSUNGS PA MA MCHIS GZUGS DANG LDAN, ,KHYOD SNGON BSKAL PA BRGYAR NI DKA' THUB SPYAD, ,KHYOD GTONG DUL DANG SBYIN PA KUN LA DGYES, ,SEMS CAN KUN LA THUGS RJE BYAMS THUGS LDAN, ,MCHOG TU THUGS RJE CAN LA PHYAG 'TSAL LO, ,KHYOD NI SBYIN DANG TSUL KHRIMS RTAG TU DGYES, ,KHYOD NI BZOD DANG BRTZON 'GRUS DGES RAB BRTAN, ,KHYOD NI BSAM GTAN SHES RAB 'OD GZIGS MNGA', ,MTSUNGS MED YE SHES MNGA' LA PHYAG 'TSAL LO, ,KHYOD NI SMRA BA NGAN PA'I TSOGS CAN 'JOMS, ,KHYOD NI SENG GE LTA BUR 'KHOR DU SGROGS, ,KHYOD NI SMAN PA'I RGYAL PO DRI GSUM SEL, ,MCHOG TU DGA' MDZAD KHYOD LA PHYAG 'TSAL LO, ,THUB PA SKU GSUNG THUGS NI RNAM PAR DAG ,PAD MA CHU LTAR SRID PA GSUM MI GOS, ,KHYOD NI TSANGS DBYANGS KA LA PING KA'I SKAD, ,SRID GSUM PHA ROL GSHEGS LA PHYAG 'TSAL LO, ,KHYOD KYIS 'GRO 'DI SGYU MA LTA BU DANG, ,GAR LA LTA DANG RMI LAM 'DRA BA DANG, ,BDAG MED SEMS CAN MED CING SROG 'GRO MED; ,CHOS RNAMS SMIG RGYU CHU ZLA 'DRA BAR MKHYEN, ,STONG PA ZHI BA SKYE BA MED PA'I TSUL, ,MA SHES PAS NA 'GRO BA 'KHYAMS 'GYUR TE, ,THUGS RJE THABS TSUL RIG PA BRGYA DAG GIS, ,DE DAG RNAMS NI 'DZUD PAR MDZAD PA LAGS, ,'DOD CHAGS LA SOGS NAD MANG BRGYA DAG GIS, ,SKRAG PAR 'GYUR BA'I 'GRO LA RTAG GZIGS TE, ,BDE GSHEGS SEMS CAN BRGYA DAG YONGS 'GREL CING, ,ZLA MED DMAN PA LTA BU RNAM PAR RGYU, ,SKYE DANG RGA DANG 'CHI DANG MYA NGAN NON, ,SDUG DANG BRAL DANG SMRE SNGAGS 'DON PA BRGYAS, ,RTAG TU NA BA'I 'GRO BA GZIGS NAS NI, ,THUB PA @172B THUGS RJES YONGS SU 'GREL ZHING RGYU, ,DUD 'GRO YID DAGS DMYAL BA'I 'GRO RNAMS SU, ,'GRO KUN SHING RTA'I 'PHANG LO BZHIN DU 'KHOR, ,GLEN PA DMIGS BU MA MCHIS MGON MA MCHIS, ,DE LA LAM GYI DAM PA STON MDZAD PA, GTZO BO MTSUNGS PA MED PAS GANG BSTAN PA, ,'PHAGS LAM DE NYID GANG DAG SNGON CHAD KYI, ,CHOS KYI DBANG PHYUG 'GRO BA'I DON MDZAD PA, ,RGYAL BA DE DAG RNAMS KYIS RAB TU GSUNGS, ,'JAM ZHING MNYEN LA YID DU 'ONG BA'I MCHOG ,TSANGS LAS LHAG PAR MCHOG TU DGA' BGYID PA, ,DRI ZA MI CI LHA YI BU MO MCHOG ,SGRA DE ZIL GYIS MNAN NAS GSUNG PA MDZAD, ,BDEN DANG DRANG BA MI ZAD THABS TSUL GYIS, ,YONGS SBYANGS YON TAN MTHA' YAS LDAN PA'I GSUNG, ,DE THOS SEMS CAN KHRAG KHRIG PHRAG BRGYA DAG ,THEG PA GSUM GYIS ZHI BAR MCHI BAR BGYID, ,KHYOD LA MCHOD PAS LHA YI BDE BA NI, ,RNAM PA MANG DANG DE BZHIN MI YIS 'THOB, ,MI YI BDAG PO 'GRO LA PHAN BGYID PA, ,PHYUG CING NOR CHE 'BYOR BA CHEN POR 'GYUR, ,MTSUNGS MED KHYOD LA DAD PA BSKYED PA NI, ,GLING BZHI BDAG PO 'KHOR LOS SGYUR BA MCHOG ,'GRO LA DGE BA BCU PO KUN 'BYED PA, ,RIN CHEN RAB BZANGS BDUN LDAN THOB PAR 'GYUR, ,RGYAL BA KHYOD LA MCHOD PA BGYIS PAS NI, ,TSANGS PA BRGYA BYIN 'JIG RTEN BDAG PO DANG, ,YONGS SU DGA' LDAN LHA YI BDAG PO DANG, ,GZHAN 'PHRUL BA DANG 'THAB BRAL RAB DGAR 'GYUR, ,'GRO BA'I SDUG BSNGAL RNAM MANG SEL MDZAD PA, ,MNYAM MED KHYOD LA MCHOD DANG MTHONG BA DANG, ,THOS PA'ANG DE LTAR 'BRAS BU MCHIS LAGS TE, ,GNAS MCHOG RGA SHI MED PA 'THOB PAR 'GYUR, ,BCOM LDAN LAM LA MKHAS SHING LAM MKHYEN PA, ,'JIG RTEN 'DI NI NGAN PA'I LAM LAS ZLOG ,BCOM LDAN 'GRO BA DAG NI 'PHAGS PA'I LAM, , BDE BA ZHI BA RDUL DANG BRAL LA 'GOD, ,BSOD NAMS GTER KHYOD BSOD NAMS DON GNYER BA'I, ,BSOD NAMS BGYI BA RTAG TU MI BAS TE, ,BYANG CHUB DAM PA MA THOB BAR DU NI, ,BSKAL PA BYE BA MANG POR BAS MI 'GYUR, ,GZHAN 'PHRUL 'DRA BA RTAG TU DGA' BGYID PA, ,YONGS SU @173A *, ,DAG CING MDZES PA THOB PAR 'GYUR, ,DAM PA'I ZHING DU LUS DANG NGAG YID KYIS, ,SEMS CAN DAG NI RNAM PAR DAG PAR 'GYUR, ,RGYAL BA MCHOD PA'I MI YIS 'DI LA SOGS, ,YON TAN RNAM PA DU MA THOB PAR 'GYUR, ,MTHO RIS THAR PA MI YI BDE BA DANG, , 'GRO BA KUN GYI BSOD NAMS GTER THOB 'GYUR, ,KHYOD KYI BRJOD DANG GRAGS PA RGYA CHEN PO, ,PHYOGS RNAMS KUN GYI ZHING MANG BRGYAR YANG MCHIS, ,RGYAL BA KHYOD KYI BSNGAGS PA'I PHRENG BA NI, ,BDE BAR GSHEGS RNAMS 'KHOR DU RTAG PAR SGROGS, ,RIMS NAD BRAL ZHING 'GRO BA THAR MDZAD PA,, MTHONG NA DGA' BA THUGS RJE MCHOG LDAN PA, ,BCOM LDAN DBANG PO ZHI BA ZHI DGES PA, ,MI MCHOG DAM PA KHYOD LA PHYAG 'TSAL LO, ,BDAG GIS RGYAL BA KHYOD KYI GSUNG THOS NAS, ,MNGON PAR SHES PA LNGA THOB MKHA' LA GNAS, ,DPA' BO BDE GSHEGS MTSUNGS PAR BDAG GYUR TE, , DRI MED CHOS NI 'GRO LA RNAM PAR DBYE, ,LHA DANG MI DANG KLUS MCHOD BDE BAR GSHEGS, ,YON TAN KUN GYI MTHAR PHYIN DENG BSTOD PAS, ,BSOD NAMS RGYA CHEN GANG BSGRUBS GYUR PA 'DIS, ,'GRO BA SANGS RGYAS GO 'PHANG THOB PAR SHOG ,CES BYA'O, ,YANG NA CHOS YANG DAG PAR SDUD PA'I MDO LAS GSUNGS PA STE, GZHAN YANG SANGS RGYAS BCOM LDAN 'DAS RNAMS NI BSOD NAMS DANG YE SHES KYI TSOGS CHEN PO MNGA' BA, BYAMS PA CHEN PO DANG SNYING RJE CHEN PO'I SPYOD YUL CAN, ,SEMS CAN GYI PHUNG PO CHEN PO'I SKYABS SU GYUR PA, MGON DU GYUR PA, SMAN PA CHEN PO THUG RDU 'BYIN PA, SEMS CAN THAMS CAD LA SEMS SNYOMS PA, RTAG TU TING NGE 'DZIN GYI SPYOD YUL PA, 'KHOR BA DANG MYA NGAN LAS 'DAS PA LAS RNAM PAR GROL BA NAS, SEMS CAN THAMS CAD KYI PHA MA LTA BUR GYUR PA DGRA ZIN LA SEMS SNYOMS PA'I BAR DU'O, ,DE BZHIN DU SBYAR TE, 'JIG RTEN THAMS CAD ZIL GYIS GNON PA, 'JIG RTEN THAMS CAD KYI SNANG BAR GYUR BA, RNAL 'BYOR CHEN PO LA RNAL 'BYOR PA, BSAM GTAN CHEN PO'I SPYOD YUL BA, RNAM PAR GROL BA PHUN SUM TSOGS PA, BDAG NYID CHEN PO, ,SKYE BO CHEN PO'I ZHAM 'BRING BA DANG LDAN PA, SKYE BO KHYAD @173B PAR CAN GYI ZHAM 'BRING BA DANG LDAN PA, LTA BA DANG NYAN PA DANG BRTEN PA DANG BSNYEN BKUR BYED PA MI ZLOGS PA, BDAG BDE BA LA MI LTA BA, GZHAN GYI SDUG BSNGAL ZHI BAR BYED PA LA DGYES PA, CHOS LA GZHOL BA, CHOS KYI NOR CAN, CHOS KYI ZAS CAN, CHOS KYI SMAN CAN, CHOS KYI GTER CHEN; CHOS KYI DBANG PHYUG ,CHOS KYI BDAG PO, CHOS KYI SBYIN BDAG ,RTAG TU GTONG BA LA MNGON PAR DGYES PA, RTAG TU BAG YOD PA, RTAG TU DBEN PA LA MNGON PAR DGYES PA, THAMS CAD DU STEGS DANG ZAM PAR GYUR PA, RGYAL PO'I LAM CHEN PO DANG 'DRA BA, NYI MA CHEN PO DANG 'DRA BA; TSANGS PA CHEN PO DANG 'DRA BA, YE SHES CHEN PO'I RDO RJE 'CHANG BA, CHOS CHEN POS DBUGS 'BYIN PA, GZUGS LTA BAS MI NGOMS PA MTHONG BAS MI NGOMS PA STE, SANGS RGYAS BCOM LDAN 'DAS DE DAG DE LTAR RJES SU DRAN NO, ,DE DAG DE LTAR RJES SU DRAN PAS DE DAG GI YON TAN YONGS SU SGRUB PA'I PHYIR SBYOR RO, ,DRAN PA NYE BAR 'JOG GO, ,BRTZON 'GRUS RTZOM MO, ,DE'I PHYIR SANGS RGYAS RJES SU DRAN PA ZHES BYA STE, 'DI NI BYANG CHUB SEMS DPA'I SANGS RGYAS RJES SU DRAN PA DRAN PA NYE BAR GZHAG PA ZHES BYA'O, ,'DI NYID LAS CHOS RJES SU DRAN PA GSUNGS PA; 'DI LA BYANG CHUB SEMS DPA' 'DI SNYAM DU SEMS TE, GANG SANGS RGYAS BCOM LDAN 'DAS DE DAG NI YON TAN MTHA' YAS MU MED PA STE, DE DAG NI CHOS LAS SKYES PA, CHOS KYI BGO SKAL LA SPYOD PA, CHOS KYIS SPRUL PA, CHOS BDAG POR GYUR PA, CHOS LAS BYUNG BA, CHOS KYI SPYOD YUL, CHOS LA BRTEN PA, CHOS KYIS GRUB PA STE, GANG SANGS RGYAS BCOM LDAN 'DAS RNAMS KYI MTSAN DANG DPE BYAD BZANG PO DE DAG KYANG, CHOS LAS SKYES PA, CHOS LAS RNYED PA CHOS KYIS GRUB PA'O, ,GANG DE BZHIN GSHEGS PA RNAMS KYI, DE BZHIN GSHEGS PA'I STOBS BCU DANG MI 'JIGS PA BZHI PO DE DAG KYANG CHOS LAS SKYES PA CHOS LAS RNYED PA CHOS KYIS GRUB PA'O, ,GANG DE BZHIN GSHEGS PA RNAMS KYI SANGS RGYAS KYI CHOS MA 'DRES PA BCO BRGYAD PO DE DAG KYANG CHOS LAS SKYES PA CHOS LAS RNYED PA CHOS KYIS GRUB PA'O, ,GANG 'JIG RTEN PA DANG @174A *, ,'JIG RTEN LAS 'DAS PA'I BDE BA'I YO BYAD DE DAG KYANG CHOS LAS SKYES PA CHOS LAS RNYED PA CHOS KYIS GRUB PA'O, ,DE BAS NA BDAG SANGS RGYAS KYI BYANG CHUB TSOL BAS CHOS GTZO BOR BYA'O, ,CHOS SPYOD YUL BA DANG, CHOS LA BRTEN PA DANG, CHOS LA GZHOL BA DANG, CHOS SNYING POR BYED PA DANG, CHOS RJES SU MTHUN PA'I CHOS BSGRUB PAR BYA'O SNYAM PA 'DI NI BYANG CHUB SEMS DPA'I CHOS RJES SU DRAN PA DRAN PA NYE BAR GZHAG PA ZHES BYA'O, ,GZHAN YANG BYANG CHUB SEMS DPA' 'DI SNYAM DU SEMS TE, CHOS NI SEMS CAN THAMS CAD LA MNYAM PAR 'JUG PAS CHOS NI THA MA DANG 'BRING DANG RAB MTHONG NAS 'JUG PA MA YIN TE, DE LTAR BDAG GIS KYANG CHOS DANG 'DRA BA'I SEMS SU BYA'O, ,CHOS NI PHYOGS SU MA LHUNG BAS CHOS NI NGOR LTA ZHING 'JUG PA MA YIN TE, DE LTAR BDAG GIS KYANG CHOS DANG 'DRA BA'I SEMS SU BYA'O, ,CHOS NI DUS CHAD PA MED PA; 'DI MTHONG BA LA DON YOD PA RANG GI RIG PAS CHOS NI DUS LA LTA ZHING 'JUG PA MA YIN TE, DE LTAR BDAG GIS KYANG CHOS DANG 'DRA BA'I SEMS SU BYA'O, ,CHOS NI MTHON DMAN MED PAS CHOS NI RGYA CHE BA LA 'JUG PA MA YIN DMAN PA LA 'JUG PA MA YIN TE, ,DE LTAR BDAG GIS KYANG CHOS DANG MTHUN PA'I SEMS SU BYA'O, ,CHOS NI MCHOG DANG THA MA DANG BRAL BAS CHOS NI RNAM PAR DAG PA LA YANG 'JUG PA MA YIN NYAMS PA LA 'JUG PA YANG MA YIN TE, DE LTAR BDAG GIS KYANG CHOS DANG 'DRA BA'I SEMS SU BYA'O, ,CHOS NI ZHING DANG ZHING MA YIN PA'I LTA BA DANG BRAL BAS CHOS NI 'PHAGS PA LA 'JUG PA YANG MA YIN SO SO'I SKYE BO LA 'JUG PA YANG MA YIN TE, DE LTAR BDAG GIS KYANG CHOS DANG 'DRA BA'I SEMS SU BYA'O, ,CHOS NI RTAG TU RGYUN MI 'CHAD PAR 'JUG PAS CHOS NI NYIN MO 'JUG PA MA YIN MTSAN MO 'JUG PA MA YIN, MTSAN MO 'JUG LA NYIN MO MI 'JUG PA MA YIN TE, DE LTAR BDAG GIS KYANG CHOS DANG 'DRA BA'I SEMS SU BYA'O, ,CHOS NI GANG LA YANG NAM YANG SDOD PA MA YIN PAS CHOS NI 'DUL BA'I DUS LAS KYANG MI 'DA' STE, DE LTAR BDAG GIS KYANG CHOS DANG 'DRA BA'I SEMS SU BYA'O, ,CHOS NI @174B THAMS CAD DU 'DOD PA MED PAS CHOS NI SDANG BA RNAMS LA ZHE 'GRAS PA YANG MED DAD PA RNAMS LA RJES SU CHAGS PA YANG MED DE, DE LTAR BDAG GIS KYANG CHOS DANG 'DRA BA'I SEMS SU BYA'O, ,CHOS NI BRI BA YANG MA YIN GANG BA YANG MA YIN TE DPAG TU MED GRANGS MED PAS NAM MKHA' LTAR 'BRI BA YANG MA YIN 'PHEL BA YANG MA YIN TE, DE LTAR BDAG GIS KYANG CHOS DANG 'DRA BA'I SEMS SU BYA'O, ,CHOS NI SEMS CAN RNAMS KYIS SRUNG BA MA YIN GYI CHOS KYIS SEMS CAN RNAMS SRUNG BA STE, DE LTAR BDAG GIS KYANG CHOS DANG 'DRA BA'I SEMS SU BYA'O, ,CHOS NI SKYABS YONGS SU TSOL BA MA YIN PAS CHOS NI 'JIG RTEN THAMS CAD KYI SKYABS YIN TE, DE LTAR BDAG GIS KYANG CHOS DANG 'DRA BA'I SEMS SU BYA'O, ,CHOS NI THOGS PA MED PA'I MTSAN NYID PAS CHOS NI GANG LA YANG THOGS PA MED DE, DE LTAR BDAG GIS KYANG CHOS DANG 'DRA BA'I SEMS SU BYA'O, , CHOS NI BAG LA NYAL MED PAS BAG LA NYAL MI 'JUG STE, DE LTAR BDAG GIS KYANG CHOS DANG 'DRA BA'I SEMS SU BYA'O, ,CHOS NI RTAG TU RNAM PAR MI RTOG PAS CHOS NI 'KHOR BAS 'JIGS SKRAG PA YANG MA YIN MYA NGAN LAS 'DAS PA LA RJES SU CHAGS PA YANG MA YIN TE, DE LTAR BDAG GIS KYANG CHOS DANG 'DRA BA'I SEMS SU BYA'O SNYAM MO, ,DE LTAR NA BYANG CHUB SEMS DPA' CHOS LTAR DRAN PA NYE BAR 'JOG PAS DE'I PHYIR CHOS RJES SU DRAN PA ZHES BYA STE, RIGS KYI BU 'DI NI BYANG CHUB SEMS DPA' CHOS RJES SU DRAN PA DRAN PA NYE BAR GZHAG PA ZHES BYA'O ZHES SO, , YANG DE NYID LAS GSUNGS PA, DGE 'DUN NI CHOS SMRA BA, CHOS SPYOD PA, CHOS SEMS PA, CHOS KYI ZHING, CHOS 'DZIN PA, CHOS LA STON PA, CHOS LA MCHOD PA, CHOS KYI BYA BA BYED PA, CHOS KYI SPYOD YUL BA, CHOS SPYOD PA PHUN SUM TSOGS PA, RANG BZHIN GYIS DRANG BA, RANG BZHIN GYIS DAG PA, SNYING RJE'I CHOS CAN, SNYING RJE DANG LDAN PA, RTAG TU DBEN PA'I SPYOD YUL BA, RTAG TU CHOS LA GZHOL BA, RTAG TU DKAR PO SPYOD PA'O SNYAM MO ZHES BYA BA LA SOGS PA'O, ,DE LA BYANG CHUB SEMS DPA'I DGE 'DUN RJES SU DRAN PA NI 'DI LTA BU YIN TE, @175A *, ,DGE 'DUN GYI YON TAN YANG DAG PA GANG YIN PA DE DAG BDAG GIS, BDAG DANG SEMS CAN THAMS CAD LA BSGRUB PAR BYA'O SNYAM PA STE, 'PHAGS PA DRI MA MED PAR GRAGS PAS BSTAN PA LAS, BYANG CHUB SEMS DPA'I YON TAN JI SKAD DU 'BYUNG BA DE LTA BUR DGE 'DUN RJES SU DRAN PA BSGOM PAR BYA'O, ,SEMS CAN KUN GYI GZUGS DANG NI, ,SKAD DANG DBYANGS SU GANG BRJOD PA, ,BYANG CHUB SEMS DPA' MKHAS RNAMS KYIS, ,SKAD CIG GCIG LA STON PAR BYED, ,SGYU MA'I CHOS KYIS RNAM RTZEN PA, ,DE DAG SEMS CAN SMIN BYA'I PHYIR; ,RGA BA DANG NI NA BAR 'GYUR, ,BDAG NYID SHI BAR RAB TU STON, ,SA RNAMS KUN DU TSIG PAR NI, ,BSKAL PAS BSREG PAR KUN STON TE, ,SEMS CAN RTAG PAR 'DU SHES PA, ,MI RTAG PAR NI RAB BSTAN TO, ,SEMS CAN BYE BA STONG RNAMS KYANG, ,YUL GCIG TU NI MGRON DU GNYER, ,THAMS CAD KHYIM DU ZAN BYIN TE, ,THAMS CAD BYANG CHUB PHYIR BSNGO'O, ,SNGAGS DANG RIG PA CI YOD DANG, ,BZO GNAS RNAM PA MANG PO DAG ,THAMS CAD KYI YANG PHA ROL PHYIN, ,SEMS CAN THAMS CAD BDE THOB BYED, ,'JIG RTEN YA MTSAN JI SNYED PA, ,DE DAG KUN DU RAB BYUNG NAS, ,LTA BA THA DAD GYUR PA YI, ,SEMS CAN RNAMS NI YONGS SU 'GROL, ,ZLA BA'AM NYI MAR DE GYUR TE, ,BRGYA BYIN TSANGS PA SKYE DGU'I BDAG ,CHU DANG ME YANG RAB 'GYUR TE, ,SA DANG RLUNG DU'ANG DE BZHIN NO, ,NAD KYI BSKAL PA BAR MA LA, ,DE NI RTZI MCHOG DAM PAR 'GYUR, ,DES NI SEMS CAN RNAM GROL ZHING, ,NAD RNAMS MED CING BDE BAR 'GYUR, ,MU GE'I BSKAL PA BAR MA LA, ,ZAS DANG SKOM DU BSGYUR NAS SU, ,BKRES SHING SKOM PA MED BYAS TE, ,SROG CHAGS RNAMS LA CHOS STON TO, ,MTSON GYI BSKAL PA BAR MA LA, ,DE DAG BYAMS PA BSGOM 'GYUR TE, ,SEMS CAN BYE BA BRGYA MANG PO, ,GNOD SEMS MED LA 'DZUD PAR BYED, ,G-YUL CHEN 'DRES PA'I NANG DU NI, ,DE DAG PHYOGS LA MNYAM PAR 'GYUR, ,BYANG CHUB SEMS DPA' STOBS CHEN RNAMS, ,'DUM ZHING 'DU BAR DGA' BAR BYED, ,SANGS RGYAS @175B ZHING NI JI SNYED PA, ,BSAM GYIS MI KHYAB DMYAL BAR YANG, ,SEMS CAN RNAMS LA PHAN BYA'I PHYIR, ,BSAMS BZHIN DU NI DER 'GRO'O, ,JI SNYED DUD 'GRO'I SKYE GNAS KYI, ,'GRO BA'I BAR DU BSTAN PA NI, ,THAMS CAD DU YANG CHOS STON TE, ,DE'I PHYIR RNAM PAR 'DREN CES BYA, , 'DOD PA'I LONGS SPYOD RNAMS KYANG STON, ,BSAM GTAN PA LA BSAM GTAN STON, ,BDUD RNAMS RAB TU 'JOMS BYED CING, ,DE DAG GLAGS SU 'GYUR MI BYED, ,ME DBUS NA NI PAD MA LTAR, ,BYUNG MA MYONG BA DE STON TE, ,DE BZHIN 'DOD DANG BSAM GTAN YANG, ,BYUNG MA MYONG BA DE STON TO, ,BSAMS BZHIN SMAD 'TSONG RNAMS SU SGYUR, ,SKYES PA RNAMS NI BSDU BA'I PHYIR, ,'DOD CHAGS LCAGS KYUS DRONGS NAS SU, ,DE DAG SANGS RGYAS YE SHES 'GOD, ,SEMS CAN RNAMS LA PHAN PA'I PHYIR, ,GRONG MI DANG NI DED DPON DANG, ,MDUN NA 'DON DANG BLON PO DANG; ,BLON PO CHEN POR RTAG TU 'GYUR, ,SEMS CAN DBUL PO RNAMS LA NI, ,ZAD MI SHES PA'I GTER DU GYUR, ,GANG LA SBYIN PA BYIN PA YANG, ,DE DAG BYANG CHUB SEMS BSKYED BTZUD, ,NGA RGYAL KHENGS PA'I SEMS CAN LA, ,DE DAG TSAN CHEN MCHOG GYUR TE, ,NGA RGYAL KUN KYANG BCOM NAS SU, ,BLA MED BYANG CHUB TSOL DU BTZUD, ,'JIGS SKRAG SEMS CAN RNAMS LA NI, ,RTAG TU DE YI MDUN NA 'DUG ,DE DAG MI 'JIGS BYIN NAS KYANG, ,BYANG CHUB TU NI SMIN PAR BYED, ,DE DAG LNGA MNGON SHES PA YI, ,DRANG SRONG TSANGS PAR SPYOD GYUR TE, , BZOD DANG DES DANG TSUL KHRIMS DANG, ,SDOM PA LA NI SEMS CAN 'GOD, ,RIM GRO LHUR BYED SEMS CAN RNAMS, ,'JIGS PA MED PAS 'DIR MTHONG NAS, ,BRAN DANG G-YOG TU SHIN TU 'GYUR, ,SLOB MAR YANG NI NYE BAR 'GRO, ,YAN LAG GANG DANG GANG RNAMS KYIS, ,SEMS CAN CHOS LA DGAR GYUR PA, ,THABS CHEN SHIN TU BSLABS PA DAG ,BYA BA DAG NI THAMS CAD STON, ,DE DAG SLOB MA MTHA' YAS SHING, ,SPYOD YUL RNAMS KYANG MTHA' YAS TE, ,YE SHES MTHA' YAS RDZOGS PAS NA, ,SROG CHAGS MTHA' YAS GROL BAR BYED, ,BSKAL PA BYE BA PHRAG @176A *, ,BRGYAR NI; ,BCOM LDAN SANGS RGYAS RNAMS KYIS KYANG, ,DE YI YON TAN MTHA' BRJOD DKA', ,ZHES BYA BA'O,, ,,BAM PO BCU BZHI PA STE THA MA, BYANG CHUB SEMS DPA'I YON TAN RNAMS NI, DKON MCHOG TA LA LA'I GZUNGS LAS JI SKAD GSUNGS PA DE LTAR BSGOM PAR BYA STE, ME TOG PHAL CHER ME TOG BLA RE DANG, ,ME TOG BKOD PA'I 'OD ZER RAB BKYE STE, ,ME TOG SNA TSOGS KUN DU BKRAM BYAS SHING, ,BDAG NYID CHEN PO DE DAG RGYAL BA MCHOD, ,BDUG PA PHAL CHER BDUG PA'I BLA RE DANG, ,BDUG PA BKOD PA'I 'OD ZER RAB BKYE STE; ,BDUG PA SNA TSOGS KUN DU BKRAM BYAS SHING, ,BDAG NYID CHEN PO DE DAG RGYAL BA MCHOD, ,PHAL CHER SPOS DANG SPOS KYI BLA RE DANG, ,SPOS KYI BKOD PA'I 'OD ZER RAB BKYE STE, ,SNA TSOGS SPOS RNAMS KUN DU BKRAM BYAS SHING, ,BDAG NYID CHEN PO DE DAG RGYAL BA MCHOD, , PHRENG BA PHAL CHER PHRENG BA'I BLA RE DANG, ,PHRENG BA BKOD PA'I 'OD ZER RAB BKYE STE, ,PHRENG BA SNA TSOGS KUN DU BKRAM BYAS SHING, ,BDAG NYID CHEN PO DE DAG RGYAL BA MCHOD, ,PHYE MA PHAL CHER PHYE MA'I BLA RE DANG, ,PHYE MA BKOD PA'I 'OD ZER RAB BKYE STE, ,PHYE MA SNA TSOGS KUN DU BKRAM BYAS SHING; ,BDAG NYID CHEN PO DE DAG RGYAL BA MCHOD, ,NA BZA' PHAL CHER NA BZA'I BLA RE DANG, ,NA BZA' BKOD PA'I 'OD ZER RAB BKYE STE, ,NA BZA' SNA TSOGS KUN DU BKRAM BYAS SHING, ,BDAG NYID CHEN PO DE DAG RGYAL BA MCHOD, ,PHAL CHER GDUGS DANG GDUGS KYI BLA RE DANG, ,GDUGS KYI BKOD PA'I 'OD ZER RAB BKYE STE, ,SNA TSOGS GDUGS RNAMS KUN DU BKRAM BYAS SHING, ,BDAG NYID CHEN PO DE DAG RGYAL BA MCHOD, ,RIN CHEN PHAL CHER RIN CHEN BLA RE DANG, ,RIN CHEN BKOD PA'I 'OD ZER RAB BKYE STE, ,RIN CHEN SNA TSOGS KUN DU BKRAM BYAS SHING, ,BDAG NYID CHEN PO DE DAG RGYAL BA MCHOD, ,PAD MA PHAL CHER PADMA'I BLA RE DANG, ,PAD MA BKOD PA'I 'OD ZER RAB BKYE STE, ,PAD MA SNA TSOGS KUN DU BKRAM BYAS SHING, ,BDAG NYID CHEN PO DE DAG RGYAL BA MCHOD, ,RGYAN PHRENG PHAL CHER RGYAN PHRENG BLA RE DANG, ,RGYAN PHRENG BKOD PA'I 'OD ZER RAB BKYE @176B STE; ,RGYAN PHRENG SNA TSOGS KUN DU BKRAM BYAS SHING, ,BDAG NYID CHEN PO DE DAG RGYAL BA MCHOD, ,RGYAL MTSAN MCHOG BKOD 'OD ZER RAB BKYE ZHING, ,DE DAG RGYAL MTSAN DKAR DMAR SER PO DANG, ,SNGO DANG RGYAL MTSAN BKOD PA SNA TSOGS PA, ,DU MAS RGYAL BA'I ZHING RNAMS BRGYAN PAR BYED, , NOR BU'I DRA BA SNA TSOGS BKOD PA'I GDUGS, ,DAR GYI LNGA LDI BA DAN RAB DPYANGS SHING, ,DRIL G-YER DRA BA RGYAL BA'I GSUNG SGROGS PA, ,DE BZHIN GSHEGS KYI DBU LA DE DAG 'DZIN, ,LAG PA'I MTHIL NAS MCHOD PA BSAM BYAS RNAMS, ,RGYAL BA GCIG LA MCHOD PA BYED PA LTAR, , RGYAL BA MA LUS KUN LA'ANG DE BZHIN TE, ,DRANG SRONG TING 'DZIN RNAM 'PHRUL 'DI 'DRA'O, ,DE DAG 'GRO BA SDUD PA'I YE SHES KYIS, ,RNAM PAR 'PHRUL DANG TING 'DZIN MCHOG BSGRUBS SHING, ,BYA BA DAG DANG BSNYEN BKUR KUN GYI SGO, ,THABS STONG DAG GIS SEMS CAN 'DUL BAR BYED, ,KHA CIG DE BZHIN GSHEGS PA MCHOD SGO DANG, ,SBYIN PA BSAM GYIS MI KHYAB GTONG SGO DANG, ,SBYANGS PA'I YON TAN TSUL KHRIMS SRUNG SGO DANG, ,BZOD PA MI ZAD MI 'KHRUGS SGO DAG DANG, ,KHA CIG BRTUL ZHUGS DKA' THUB BRTZON SGO DANG, ,BSAM GTAN RAB TU ZHI BAR GNAS SGO DANG, ,DON LA RNAM NGES SHES RAB SGO RNAMS DANG, ,SPYOD PA KUN LDAN THABS KYI SGO DAG DANG, ,TSANGS PA'I GNAS PA DAG DANG MNGON SHES SGO, ,BSDU BA'I DNGOS POS PHAN PAR 'DOD SGO DANG, ,BSOD NAMS BSAGS DANG YE SHES SGO DAG DANG, ,BDEN DANG RTEN DANG RNAM THAR SGO DAG DANG, ,KHA CIG STOBS DANG DBANG PO LAM SGO DANG, ,NYAN THOS THEG PAS RNAM PAR GROL SGO DANG, ,RKYEN GYI THEG PAS RNAM PAR DAG SGO DANG, ,THEG PA MCHOG GI RNAM PAR 'PHRUL SGO DANG, ,KHA CIG MI RTAG NYID DANG SDUG BSNGAL SGO, ,KHA CIG BDAG MED SROG MED SGO DAG DANG, ,MI SDUG 'DU SHES 'DOD CHAGS BRAL SGO DANG, ,ZHI 'GOG TING NGE 'DZIN GYI SGO YIS 'DUL, ,'GRO BA SPYOD PA'I SGO RNAMS JI SNYED PA, ,DE SNYED CHOS KYI SGO LA RAB ZHUGS TE, ,DE DAG KUN DU RNAM THAR SGO DAG NAS, ,BSAM PA JI BZHIN 'JIG RTEN SEMS CAN 'DUL, ,GANG DAG KUN DU RNAM THAR SGO DAG NAS, ,BSAMS @177A *, ,BZHIN 'JIG RTEN SEMS CAN 'DUL BYED PA, ,DE DAG SUS KYANG MTSAN MAR GZUNG MI NUS, ,TING 'DZIN RNAM PAR 'PHRUL BA DE 'DRA'O, ,DE DAG DGA' BA BKOD PA TING 'DZIN MCHOG ,'GRO BA THAMS CAD YONGS SMIN MTHUN BYED PA, ,DGA' BDE SPRO BA RAB DGA' KUN LDAN RNAMS, ,BSAMS SHING BSTAN ZHING SEMS CAN 'DUL BAR BYED, ,GANG DU LO NYES 'JIG RTAN YO BYAD GANG, ,BDE BYED THAMS CAD RAB TU DKON GYUR PA, ,DER NI KUN GYI BSAMS BZHIN BYA BA YIS, ,SBYIN PA SBYIN ZHING 'GRO BA'I DON RNAMS BYED, ,DE DAG ZAS SKOM MCHOG DANG RO MCHOG DANG; ,GOS DANG BGO BA RIN CHEN SNA TSOGS DANG, ,RGYAL SRID NOR DANG BDAG PHANGS YONGS GTONG BAS, ,SBYIN LA MOS PA'I 'GRO BA 'DUL BAR BYED, ,BRTEN PA DE DAG MTSAN MCHOG LUS SPRAS SHING, ,GOS DANG RGYAN MCHOG BGOS SHING BRGYAN BYAS TE, , PHRENG BAS BRGYAN CING SPOS KYIS BSKUS PA YIS, ,GZUGS RNAMS BSTAN PAS SEMS CAN 'DUL BAR BYED, ,MTHONG NA DGA' TSEM RAB TU DGA' RNAMS LA, ,BLO MCHOG DE DAG MCHOG TU GZUGS BZANG BA, ,GZUGS KYI DAM PA YONGS SU STON BYED CING, ,GZUGS LA MOS PA'I SEMS CAN 'DUL BAR BYED, ,DE DAG KA LA PING KA'I SGRA SNYAN DANG, ,KHU BYUG KUN LA NGANG PA'I SGRA SKAD DANG, ,RNGA DANG TSANGS DANG MI 'AM CI YI SGRAS, ,MOS PA KUN LA DE BZHIN CHOS KYANG STON, ,STONG PHRAG BRGYAD CU RTZA BZHI GANG YIN PAS, ,RGYAL BA GANG DAG 'GRO BA'I DON MDZAD PA'I, , CHOS KYI BYE BRAG SGO MO DE DAG GIS, ,BSAM PA JI BZHIN 'JIG RTEN SEMS CAN 'DUL, ,DE DAG BDE DANG SDUG BSNGAL GROGS KYANG BYED, ,DON DANG GNOD PA'I GROGS KYANG DE BZHIN BYED, ,BYA BA KUN LA GROGS SU 'GYUR BYAS SHING, ,GROGS KYI SGO NAS SEMS CAN 'DUL BAR BYED, , SDUG BSNGAL GNOD PA 'DUS BYAS SKYON RNAMS LA, ,GROGS KYI DON DU DE DAG BZOD BYED CING, ,'GRO BA KUN LA PHAN DON BDE DON DU, ,DE DAG GROGS DON GNOD PA DANG DU LEN, ,GANG NA SNGON BYUNG MED CING CHOS MED DE, ,DGON PAR 'GRO DANG THAR PA MI DMIGS PA, ,DER NI RGYAL SRID @177B 'BYOR PA RAB SPANGS TE, ,ZHI BA'I YID KYIS GNAS MED MNGON PAR 'BYUNG, ,DE DAG KHYIM DANG 'CHING DANG BSREG PA'I GNAS, ,'GRO BA THAMS CAD YONGS SU DGROL BA'I RGYUR, ,'DOD PA'I DGA' BA KUN LA MI GNAS PAR, ,MNGON PAR BYUNG ZHING THAR PA RAB TU BRJOD, ,DE DAG SPYOD PA BCU RNAMS RJOD BYED CING, ,SKYES CHEN RNAMS KYI CHOS SPYOD GANG YIN DANG, ,DRANG SRONG RNAMS KYI SPYOD YUL MA LUS PAR, ,YONGS SU BRJOD CING 'GRO BA'I DON RNAMS BYED, ,GANG NA SEMS CAN DPAG MED TSE LDAN ZHING, ,BDE DANG LDAN LA NYON MONGS CHUNG YOD PA, ,DER NI RGA BAS NYEN CING NAD BU CAN, , BDAG LA DBANG MED 'CHI BA'I DBANG GYUR STON, ,'DOD CHAGS 'BAR ZHING ZHE SDANG RAB 'BAR LA, ,'JIG RTEN GTI MUG ME CHEN RAB 'BAR ZHING, ,RGA DANG NA DANG 'CHI BA RAB 'BAR BA'I, ,'JIG RTEN BSTAN GNAS SEMS CAN 'DUL BAR BYED, ,DE DAG SANGS RGYAS STOBS BCU BRTZON BZHI DANG, ,CHOS KYI KHYAD PAR BCO BRGYAD RNAMS KYIS KYANG, ,SANGS RGYAS CHE BA'I BDAG NYID RJOD BYED CING, ,SANGS RGYAS YON TAN RNAMS KYIS 'GRO DON BYED, ,DE DAG KUN BRJOD RDZU 'PHRUL RJES BSTAN PAS, ,GZUGS KYI BYIN RLABS STOBS KYIS THAMS CAD DU, ,DE BZHIN GSHEGS PA'I RDZU 'PHRUL STON BYED CING, ,RDZU 'PHRUL RNAM PAR 'PHRUL PAS SEMS CAN 'DUL, ,DE DAG THABS TSUL RNAM PA SNA TSOGS KYIS, ,'JIG RTEN RGYU ZHING 'GRO BA'I DON RNAMS BYED, ,'JIG RTEN MI CHAGS CHU LA PAD MA BZHIN, ,DGA' ZHING DAD PAR BYED LA RNAM PAR RGYU, ,DE DAG SNYAN DANG GAS MKHAN RGYAL SNYAN DANG GAS SBYOR, ,GAR MKHAN RNGA MKHAN GYAD DANG ROL MO MKHAN, ,BZHUGS MDZES RGYAN PHRENG THOGS SHING GAR BYED DANG, ,SGYU MA MKHAN PO GZUGS MANG KUN DU STON, ,GRONG PA GRONG DPON KHA LO SGYUR BAR 'GYUR, ,DE BZHIN DED DPON TSONG DPON KHYIM BDAG 'GYUR, , RGYAL PO BLON PO MDUN 'DON PHO NYA DANG, ,SMAN PA 'JIGS MED BSTAN BCOS CHO GA MKHAN, ,DE DAG DGON PAR LJON SHING CHEN POR 'GYUR, ,SMAN DANG RIN CHEN MI ZAD GTER RNAMS DANG, ,YID BZHIN NOR BU 'DOD SBYIN SDONG PO DANG, ,LAM GOL DONG BA RNAMS LA LAM STON 'GYUR, , @178A *, ,'JIG RTEN BYUNG NAS MI RING SHES GYUR CIG ,SEMS CAN LAM GYI TSUL RNAMS MI SHES PA, ,DE DAG KUN LA RMONGS CHOS TSONG THABS DANG, ,SNA TSOGS BZO RNAMS 'JIG RTEN RJOD PAR BYED, ,'TSE MED GNOD SEMS MED PA'I SBYOR BA GANG, ,SEMS CAN BDE BYED MKHAS PAS RAB BSNGAGS PA, ,RIG STOBS SMAN DANG BSTAN BCOS SNA TSOGS KUN, ,DRANG SRONG DE DAG RNAMS KYIS RAB TU BRJOD, ,GANG LA LHAR BCAS 'JIG RTEN RMONGS 'GYUR BA, ,DRANG SRONG SPYOD MCHOG DAM PA GANG YIN DANG, ,BRTUL ZHUGS DKA' SPYAD DKA' THUB SPYOD KUN KYANG, , MKHAS PAS DE DAG RNAMS KYIS RAB TU BRJOD, ,DE DAG SPYOD CAN KUN RGYU MU STEGS CAN, ,GDUNG BA GOO TAM DANG MI SMRAR SPYOD, ,GCER BU GOS MED LHUR LEN DGE SBYONG LA, ,MU STEGS CAN GYI SLOB DPON MKHAS PAR STON, ,DE DAG KUN DU 'TSO BA'I CHOS 'DZIN DANG, ,BLA NA YOD DANG BLA NA MED RNAMS DANG, ,RAL PA RING DANG GZHON NU'I BRTUL ZHUGS CAN, ,DE DAG TU YANG SLOB DPON 'GYUR BA YIN, ,NYI MA'I RJES LTA DKA' THUB LNGA LDAN DANG, ,KHYI DANG BA LANG BRTUL ZHUGS RI DAGS SPYOD, ,GLE'U CAN DANG MU STEGS SUM CU PA, ,DE DAG TU YANG DE DAG SLOB DPON 'GYUR, , LHAG PA'I SHES LA 'JUG PAR DGA' RNAMS DANG, ,MU STEGS NYE REG YUL DU RGYU RNAMS SU, ,RTZA BA 'BRAS BU CHU SPYOD GYUR NAS KYANG, ,BSAM YAS CHOS LA DE DAG DAM PA MCHOG ,TZOG PUR 'DUG DANG GCIG PUR RGYU BA DANG, ,TSER MA RTZVA DANG THAL BAR NYAL BA DANG, ,GANG DAG GTUN SHING MAL CAN GNAS PA DANG, ,DE DAG TU YANG DE DAG SLOB DPON 'GYUR, ,PHYI ROL MU STEGS CAN RNAMS JI SNYED PA, ,DE DAG BSAM PA MOS PA RTOGS BYAS SHING, ,BSNYEN DKA' MI BZAD DRAG SHUL DKA' THUB KYIS, ,MU STEGS CAN GYI SDUG BSNGAL SPANG BAR 'DUL, ,'JIG RTEN LTA BAS 'KHRUG PA SHES BYAS NAS, ,LTA BA NGAN LA GNAS PA'I MU STEGS CAN, ,KUN LA PHRA BA'I GZHI DANG THABS TSUL GYIS, ,DE DAG RNAMS LA BDEN PA STON PAR BYED, ,LA LAR 'GRO LDING BA YI SNGAGS KYI GZHI, ,SHIN TU GSANG BA'I GZHI YIS BDEN PA STON, ,LA LA DAG LA @178B GSAL ZHING DRANG TSIG GIS, ,LA LA DAG LA LHA YI GSANG TSIG GIS, ,LA LA DAG LA YI GE DBYE TSIG DANG, ,DON LA RNAM NGES RDO RJE'I TSIG RNAMS DANG, ,RGOL BA 'DUL BAR SHES PA'I TSIG RNAMS DANG, ,BSTAN BCOS THUB MED THAR PA'I TSIG RNAMS KYIS, ,LA LA DAG LA MI SKAD TSIG RNAMS DANG, ,KUN LA 'JUG PA NGES TSIG RNAMS KYIS SU, ,LA LA DAG LA LHA YI NGES TSIG DANG, ,KLU YI NGES TSIG GNOD SBYIN NGES TSIG GIS, ,LA LAR SRIN PO 'BYUNG PO SHA ZA DANG, ,DRI ZA GRU LA BUM LTO 'PHYE CHE TSIG DANG, ,MI CI LHA MIN MKHA' LDING TSIG RNAMS KYIS, ,BDEN PA BSTAN CING THAR PAR 'DREN PAR BYED, ,DE DAG BDEN DANG NGES TSIG TSUL SHES TE, ,DE LTAR RGYAL BA'I CHOS RNAMS MA LUS PA'I, ,CHOS NYID BSAM BYAS TSIG LAM SHES PAR STON, ,DE DAG TING 'DZIN RNAM 'PHRUL DE 'DRA'O, ,DE DAG 'GRO BA DE MCHOG GI TING NGE 'DZIN, ,'GRO BA KUN LA MNGON PAR SGRUB BYED CING, ,'OD ZER BSAM GYIS MI KHYAB RAB BKYE STE, ,'OD ZER BKYE NAS SEMS CAN 'DUL BAR BYED, ,MTHONG NA LEGS PA'I 'OD ZER RAB GTONG ZHING, ,SEMS CAN JI SNYED 'OD ZER DE SHES PA, ,DE DAG MTHONG LEGS DON MED MA YIN TE, ,BLA NA MED PA'I YE SHES MCHOG GI RGYU; ,MI RNAMS KUN LA SANGS RGYAS YONGS BSTAN DANG, ,CHOS KYANG YONGS SU BSTAN DE LAM BSTAN CING, ,RGYAL BA'I SKU GZUGS MCHOD RTEN BSTAN BYAS PAS, ,DES NA MTHONG LEGS 'OD ZER GRUB PAR 'GYUR, ,LHA YI 'OD ZER ZIL GYIS GNON PA YI, ,'OD ZER 'OD BYED CES BYA RAB GTONG ZHING, ,RDUL DANG MUN PA THAMS CAD BSAL BYAS TE, ,'JIG RTEN PHAN PA'I 'OD DE RAB TU SNANG, ,SEMS CAN GANG DAG 'OD NGES BSKUL BYAS PA, ,DE DAG RGYAL BA MCHOD PHYIR SGRON MA 'DZIN, ,DE DAG RGYAL BA MCHOD PHYIR SGRON BZUNG BAS, ,'JIG RTEN SGRON MA MDZAD PA'I RGYAL BAR GYUR, ,'BRU MAR MAR ME MAR GYI MAR ME DANG, ,RTZVA SHING 'DAM BU 'OD MA'I SGRON MA DANG, ,SPOS DANG BCUD LEN RIN CHEN SGRON MA DAG ,RGYAL BA RNAMS LA PHUL NAS 'OD BYED THOB, ,SGROL ZHES BYA BA'I 'OD ZER RAB GTONG ZHING, ,SEMS CAN GANG DAG 'OD DES @179A *, ,BSKUL BYAS LA, ,DE DAG SRED SPANGS SRED PA'I RGYA MTSO LAS, ,SEMS CAN SGROL BA'I DON DU GO CHA GYON, ,GANG DAG SRED SPANGS SRED PA'I RGYA MTSO LAS, ,SEMS CAN SGROL BA'I DON DU GO GYON PA, ,DE DAG CHU BO BZHI LAS RAB TU SGROL, ,MYA NGAN MED PA'I BDE BA'I GRONG KHYER STON, ,STEGS DANG ZAM PA DU MA BYAS PA DANG, ,CHU KLUNG LAM LA SGROL BA'I GRU BYIN TE, ,'DUS BYAS SUN PHYUNG ZHI BA BSNGAGS BYAS PAS, ,DES NA SGROL BA'I 'OD ZER GRUB PAR 'GYUR, ,SKOM PA SEL BA'I 'OD ZER RAB GTONG ZHING, ,SEMS CAN GANG DAG 'OD DES BSKUL BYAS PA, ,'DOD PA'I YON TAN SKOM PA RAB SPANGS SHING, ,CHOS LA MOS PA'I RO NI DON DU GNYER, ,'DOD PA'I YON TAN SKOM PA RAB SPANGS TE, ,CHOS MOS RO LA DON DU GNYER GYUR PAS, ,BDUD RTZI CHAR PA 'BEBS PA'I SANGS RGYAS 'GYUR, ,'JIG RTEN SKOM PA'I SRED PA RNAM PAR SEL, ,RDZING DANG KHRON PA CHU KLUNG CHU RDO DANG, ,MTSO RNAMS BYANG CHUB DON DU BYED BTZUD DE, ,'DOD PA SMAD CING BSAM GTAN BSNGAGS BYAS PAS, ,DES NA SKOM PA SEL BA GRUB PAR 'GYUR, ,DGA' BAR BYED PA'I 'OD ZER RAB GTONG ZHING, ,SEMS CAN GANG DAG 'OD DES BSKUL BYAS PA, ,DGA' BAS RGYAS SHING BYANG CHUB MCHOG DON DU, ,RAB 'BYUNG 'GYUR BAR BYA ZHES SEMS BSKYED DO, ,THUGS RJE LDAN PA'I SKU GZUGS MTSAN BRGYAN PA, ,PADMA'I GDAN LA BZHUGS PA RNAMS BYAS SHING, ,RTAG TU SANGS RGYAS YON TAN RNAMS BRJOD PA, ,DES NA DGA' BYED 'OD ZER GRUB PAR 'GYUR, ,MGU BAR BYED PA'I 'OD ZER RAB GTONG ZHING, ,SEMS CAN GANG DAG 'OD DES BSKUL BYAS PA, ,RTAG TU SANGS RGYAS LA NI DGA' MGU ZHING, ,CHOS LA DGA' MGU DGE 'DUN DGA' MGU'O, ,DE DAG RTAG TU SANGS RGYAS DGA' MGU ZHING, , CHOS LA DGA' MGU DGE 'DUN DGA' MGU NAS, ,SANGS RGYAS CHOS DANG 'PHAGS PA'I TSOGS RNAMS DANG, ,RTAG TU 'GROGS THOB BZOD PA BLA MED 'THOB, ,SANGS RGYAS RJES DRAN CHOS DANG TSOGS MCHOG LA, ,SEMS CAN MANG PO BSKUL ZHING DRAN BYAS TE, ,BYANG CHUB @179B SEMS KYI YON TAN RAB BRJOD PAS, ,DES NA MGU BYED 'OD ZER GRUB PAR 'GYUR, ,BSOD NAMS BSAGS PA'I 'OD ZER RAB GTONG ZHING, ,SEMS CAN GANG DAG 'OD DES BSKUL BYAS PA, ,BLA NA MED PA'I BYANG CHUB DON GNYER ZHING, ,SBYIN PA SNA TSOGS DU MA SBYIN PAR BYED, ,GTAN PA MED PA'I MCHOD PA DE BYED TSE, ,SLONG BA RNAMS KYI BSAM PA RDZOGS BYED DE, ,BSAM PA THAMS CAD SBYIN PA BYIN BYAS PAS, ,BSOD NAMS BSAGS PA'I 'OD ZER GRUB PAR GYUR, ,YE SHES LDAN PA'I 'OD ZER RAB GTONG ZHING, ,SEMS CAN GANG DAG 'OD DES BSKUL BYAS PA, , CHOS GCIG SGO MO NAS NI DU MA YI, ,CHOS KYI SGO RNAMS YUD KYIS KHONG DU CHUD, ,CHOS KYI DBYE BA SEMS CAN 'DZIN BTZUD DE, ,DON LA NGES PA'I YE SHES RNAMS PHYE ZHING, ,CHOS KYI TSIG DON BRJOD PA BYAS PAS NA, ,DES NA YE SHES LDAN PA'I 'OD ZER 'GRUB, ,SHES RAB SGRON MA'I 'OD ZER RAB GTONG ZHING, ,SEMS CAN GANG DAG 'OD DES BSKUL BYAS PA, ,STONG PA BDAG MED MA SKYES MA BYUNG ZHING, ,RANG BZHIN MED PA'I CHOS LA RAB TU 'JUG ,BDAG PO MED CHOS STONG PA BYED MED PA, ,SGYU MA SMIG RGYU CHU ZLA MTSUNGS 'DRA ZHING, ,RMI LAM MTSUNGS LA GZUGS BRNYAN 'DRA BA DAG ,STON PAS SHES RAB SGRON MA DE GRUB PO, ,CHOS KYI RNAM 'PHRUL 'OD ZER RAB GTONG ZHING, ,SEMS CAN GANG DAG 'OD DES BSKUL BYAS PA, ,MI ZAD MDZOD KYI GZUNGS NI THOB GYUR NAS, ,DE BZHIN GSHEGS PA KUN GYI MDZOD KYANG 'DZIN, ,CHOS 'DZIN RNAMS LA YONGS SU PHAN BTAGS TE, ,DRANG SRONG RNAMS LA CHOS KYIS BSRUNG BYAS SHING, ,'GRO BA CHOS KYI RJES SU GZUNG BYAS PAS, ,CHOS KYI RNAM 'PHRUL 'OD ZER GRUB PAR 'GYUR, ,GTONG DANG LDAN PA'I 'OD ZER RAB GTONG ZHING, ,SEMS CAN 'JUNGS PA GANG DAG DES BSKUL BA, , LONGS SPYOD MI RTAG MI BRTAN SHES GYUR NAS, ,DE DAG RTAG TU GTONG LA DGA' MOS 'GYUR, ,MA DUL GDUL DKA'I SEMS CAN SER SNA CAN, ,NOR RNAMS RMI LAM SPRIN DANG 'DRAR SHES NAS, ,DGA' BA'I YID KYIS SBYIN PA SPEL BYAS PAS, ,DES NA GTONG DANG LDAN PA'I 'OD GRUB @180A *, ,PO; ,YONGS SU GDUNG MED 'OD ZER RAB GTONG ZHING, ,KHRIMS 'CHAL SEMS CAN GANG DAG DES BSKUL BA, ,TSUL KHRIMS RNAM PAR DAG LA GNAS GYUR NAS, ,RANG 'BYUNG 'GYUR BAR BYA ZHES SEMS BSKYED DO, ,DGE BA'I LAS LAM YONGS SU DAG PA DANG; ,TSUL KHRIMS LA YANG SEMS CAN MANG 'DZUD CING, ,BYANG CHUB SEMS KYANG YANG DAG 'DZIN BCUG PAS, ,YONGS GDUNG MED PA'I 'OD ZER DE GRUB PO, ,BZOD PA BKOD PA'I 'OD ZER RAB GTONG ZHING, ,MI BZOD SEMS CAN GANG DAG DES BSKUL BA, ,KHRO DANG THA BA NGA RGYAL YONGS SPONGS SHING, ,DE NI RTAG TU BZOD MOS DGA' BAR 'GYUR, ,SDIG LDAN RNAMS KYIS NYES BYAS BZOD BYAS TE, ,BYANG CHUB DON DU 'KHRUG PA MA BYAS SHING, ,BZOD PA'I YON TAN RTAG TU BSNGAGS BRJOD PAS, ,DES NA BZOD PA BKOD PA DE GRUB PO, ,BRTUN DANG LDAN PA'I 'OD ZER RAB GTONG ZHING, ,LE LO'I SEMS CAN GANG DAG DES BSKUL BA, ,RIGS PAR BRTZON PA DKON MCHOG GSUM RNAMS LA, ,SBYOR BA SKYO MED MCHOD PA BYED PAR 'GYUR, ,RIGS PAR BRTZON PA DKON MCHOG GSUM RNAMS LA, ,SBYOR BA SKYO BA MED PAS MCHOD BYAS NAS, ,DE DAG BDUD BZHI'I LAM LAS RAB 'DAS TE, ,BYANG CHUB BLA MED MYUR DU REG PAR 'GYUR, ,SEMS CAN MANG PO BRTZON 'GRUS 'DZIN BCUG STE, ,DKON MCHOG GSUM LA MCHOD PA RAB BYAS NAS, ,ZAD PA'I DUS NA DAM CHOS YONGS BZUNG BAS, ,DES NA BRTUN PAR LDAN PA'I 'OD THOB BO, ,ZHI BAR BYED PA'I 'OD ZER RAB GTONG ZHING, ,RNAM 'KHRUG SEMS CAN JI SNYED DES BSKUL BA, ,DE DAG CHAGS DANG SDANG DANG RMONG MED CING, ,RTOGS PAR GYUR NAS MNYAM GZHAG SEMS SU 'GYUR, ,SDIG PA'I GROGS PO SKYON LDAN SPYOD CAN DANG, , 'DRE BA YONGS SU RNAM PAR SPANGS BYAS TE, ,DGON PAR RAB ZHI BSAM GTAN RAB BRJOD PAS, ,DES NA ZHI BAR BYED PA'I 'OD GRUB BO, ,SHES RAB BKOD PA'I 'OD ZER RAB GTONG ZHING, ,SHES 'CHAL SEMS CAN JI SNYED DES BSKUL BA, ,BDEN DANG RTEN DANG RNAM THAR TSUL RNAMS DANG, , @180B DBANG PO SHES PA RTOGS PAR KHONG CHUD CING, ,NYI MA'I SGRON MA'I TING 'DZIN THOB GYUR NAS, ,SHES RAB SNANG BAR MDZAD PA'I RGYAL BAR 'GYUR, ,RGYAL SRID NOR DANG BDAG PHANGS YONGS BTANG STE, ,BYANG CHUB DON DU CHOS GANG BTZAL BYAS PA, ,CHOS DE GUS PAR BYAS NAS RAB BSHAD PAS; ,SHES RAB BKOD PA'I 'OD ZER DE GRUB PO, ,SANGS RGYAS LDAN PA'I 'OD ZER RAB GTONG ZHING, ,SEMS CAN GANG DAG 'OD DES BSKUL BYAS PA, ,SANGS RGYAS STONG PHRAG DU MA BSAM YAS RNAMS, ,PADMA DAM PA RNAMS LA BZHUGS PAR MTHONG, ,SANGS RGYAS CHE DANG SANGS RGYAS RNAM THAR DANG, ,SANGS RGYAS RNAM 'PHRUL MTHA' YAS BRJOD BYAS SHING, ,SANGS RGYAS STOBS DANG RDZU 'PHRUL RAB BRJOD PAS, ,DES NA SANGS RGYAS LDAN PA'I 'OD GRUB PO, ,MI 'JIGS SBYIN PA'I 'OD ZER RAB GTONG ZHING, ,'JIGS NYEN SEMS CAN GANG LA DES REG PA, ,'BYUNG PO GZA' DANG GSAD BRDEG BCING BA DANG, ,NAD 'GO 'JIGS PA KUN LAS THAR BAR 'GYUR, ,MI 'JIGS SBYIN PAS SEMS CAN BSKYAB PA DANG, ,SROG CHAGS GSOD LAS BZLOG PAR BYAS PA DANG, ,'JIGS PA SKYABS TSOL RNAMS LA SKYABS BYAS PAS, ,MI 'JIGS SBYIN PA'I 'OD ZER DE GRUB PO, ,BDE BA KUN BYED 'OD ZER RAB GTONG ZHING, ,NAD PA NA BA GANG DAG DES REG PA, ,RNAM PA KUN DU NAD KYI SDUG BSNGAL THAR, ,BSAM GTAN TING 'DZIN BDE BA RNAMS KYANG 'THOB, ,NAD GSOS 'BRAS BU SMAN DANG RTZA BA DANG; ,RIN CHEN BCUD LEN SPOS DANG BYUG PA DANG, ,BU RAM SBRANG RTZI 'O MA MAR DAG DANG, ,'BRU MAR ZAS SKOM BYIN PAS DE THOB PO, ,SANGS RGYAS STON PA'I 'OD ZER RAB GTONG ZHING, ,TSE ZAD THA MAR GANG DAG DES BSKUL BA, ,SANGS RGYAS RJES DRAN SANGS RGYAS MTHONG BAR 'GYUR, , DE DAG SHI 'PHOS SANGS RGYAS BZHUGS SHING 'GRO, ,'CHI BA'I DUS SU SANGS RGYAS DRAN BYAS TE, ,DGA' BYED RGYAL BA'I SKU GZUGS BSTAN BYAS SHING, ,'CHI KAR SANGS RGYAS SKYABS SU GTANG BRJOD PAS, ,SANGS RGYAS STON PA'I 'OD ZER DE THOB PO, ,CHOS RAB BRJOD PA'I 'OD ZER RAB @181A *, ,GTONG ZHING, ,SEMS CAN GANG DAG 'OD DES BSKUL BYAS PA, ,CHOS NYAN KLOG CING YI GER 'DRI BAR BYED, ,DE DAG RTAG TU CHOS LA DGA' MOS 'GYUR, ,CHOS KYI MU GE BYUNG TSE CHOS BRJOD DE, ,CHOS TSOL RNAMS KYI BSAM PA RDZOGS BYAS SHING, ,'DUN PA BSKYED DE CHOS LA BRTZON GYIS ZHES, ,BRJOD PAS CHOS RAB BRJOD PA DE THOB PO, ,SANGS RGYAS SRAS RNAMS YONGS SU BSKUL BA'I PHYIR, ,DBYANGS DANG LDAN PA'I 'OD ZER RAB GTONG ZHING, ,'JIG RTEN GSUM NA SGRA RGYUN JI SNYED PA, ,KUN KYANG DE BZHIN GSHEGS PA'I GSUNG DU THOS, ,GSANG BSTOD SGRA YIS DRANG SRONG CHE BSTOD DE, ,RGYAL BA'I GSUNG SGRA DON DU SIL SNYAN DANG, ,SGRA CHEN DRIL BU SBYIN RNAMS 'GRO KUN LA, ,RAB TU BSNGAGS PAS DBYANGS LDAN 'OD GRUB PO, ,'CHI MED SBYIN PA'I 'OD ZER RAB GTONG ZHING, ,SEMS CAN GANG DAG 'OD DES BSKUL BYAS PA, , BAG MED SPYOD PA THAMS CAD RAB SPANGS TE, ,YON TAN KUN LA BRTZON PA NYAMS SU LEN, ,'DUS BYAS RTAG TU BDE BA MED PA STE, ,SDUG BSNGAL 'TSE BA DU MAS YONGS SU GANG, ,'GOG PA RTAG TU BDE ZHING ZHI SPYOD CES, ,BRJOD PAS 'CHI MED SBYIN PA DE THOB PO, ,KHYAD PAR LDAN PA'I 'OD ZER RAB GTONG ZHING, ,SEMS CAN GANG DAG 'OD DES BSKUL BYAS PA, ,RGYAL BA RNAMS KYI TSUL KHRIMS KHYAD PAR DANG, ,TING 'DZIN KHYAD PAR SHES RAB KHYAD PAR THOB, ,THUB CHEN RGYAL PO KHRIMS KYI MCHOG GYUR CING, ,TING 'DZIN MCHOG DANG SHES RAB MCHOG GYUR CES; ,BYANG CHUB DON DU BSTOD CING BSNGAGS BRJOD PAS, ,DES NA KHYAD PAR LDAN PA'I 'OD GRUB PO, ,RIN CHEN BKOD PA'I 'OD ZER RAB GTONG ZHING, ,SEMS CAN GANG DAG 'OD DES BSKUL BYAS PA, ,RIN CHEN MI ZAD GTER RNAMS THOB GYUR NAS, ,DRANG SRONG CHE LA RIN CHEN DAM PAS MCHOD; ,RGYAL DANG RGYAL BA'I MCHOD RTEN RIN CHEN PHUL, ,SKYE BO NYON MONGS RIN CHEN RNAMS KYIS BSDUS, ,RGYAL BA RNAMS LA RIN CHEN RAB PHUL BAS, ,RIN CHEN BKOD PA'I 'OD ZER GRUB PAR GYUR, ,SPOS RAB SNANG BA'I 'OD ZER RAB GTONG ZHING, ,SEMS CAN GANG DAG 'OD DES @181B BSKUL BYAS PAS, ,MI LA MED SPOS YID 'ONG TSOR GYUR NAS, ,SANGS RGYAS YON TAN RNAMS LA NGES PAR 'GYUR, ,MI DANG LHA YI SPOS DANG BYUG PA YIS, ,MI YI GTZO LA MCHOD PA RAB BYAS TE, ,SPOS LAS RGYAL BA'I GZUGS DANG MCHOD RTEN DAG ,BYAS PAS SPOS RAB SNANG BA DE GRUB PO, ,SNA TSOGS BKOD PA'I 'OD ZER RAB GTONG ZHING, ,RGYAL MTSAN BA DAN GDUGS MCHOG SNA TSOGS DANG, ,SIL SNYAN BSGRAGS SHING SPOS KYI BDUG PA YIS, ,PHO BRANG DAM PA MDZES BYAS ME TOG BKRAM, ,SIL SNYAN DAG GIS RGYAL BA RNAMS BSU ZHING, ,ME TOG BDUG PA BDUG SPOS PHYE MA DANG, ,RGYAL MTSAN BDAN GDUGS MCHOG RNAMS KYIS MCHOD, ,DES NA SNA TSOGS BKOD PA GRUB PAR GYUR, ,SHIN TU DANG BYED 'OD ZER RAB GTONG ZHING, ,SA RNAMS LAG MTHIL BZHIN DU GNAS PAR BYED, ,MCHOD RTEN DRANG SRONG GNAS RNAMS SBYANG BYAS PAS, ,DES NA SHIN TU DANG BYED 'OD GRUB PO, ,SPRIN DANG LDAN PA'I 'OD ZER RAB GTONG ZHING, ,SPOS KYI CHAR 'BEBS SPRIN RNAMS KUN DU GNAS, ,MCHOD RTEN 'KHOR SAR SPOS KYI CHUS BTANG PAS, ,SPRIN DANG LDAN PA'I 'OD DE RAB TU 'THOB, ,LHAB LHUB BKOD PA'I 'OD ZER RAB GTONG ZHING, ,GCER BU GOS GYON RGYAN DANG LDAN PAR 'GYUR, ,GOS DANG BGO BA RGYAN PHRENG SNA TSOGS DAG ,SBYIN PA BYAS PAS LHAB LHUB BKOD PA GRUB, ,RO MCHOG LDAN PA'I 'OD ZER RAB GTONG ZHING, ,BKRES PA KHA ZAS RO MCHOG THOB PAR 'GYUR, ,ZAS DANG SKOM DANG RO MCHOG SNA TSOGS RNAMS, ,BYIN PAS RO MCHOG LDAN PA'I 'OD GRUB PO, ,NOR RNAMS STON PA'I 'OD ZER RAB GTONG ZHING, ,DBUL PO DAG GIS RIN CHEN GTER RNAMS 'THOB, ,DKON MCHOG GSUM LA GTER GZHI MI ZAD PA, ,DBUL BA BYAS PAS NOR STON 'OD THOB PO, , MIG RNAMS SBYONG BA'I 'OD ZER RAB GTONG ZHING, ,DE TSE LONG BAS SNA TSOGS GZUGS RNAMS MTHONG, ,RGYAL BA DAG DANG RGYAL BA'I MCHOD RTEN LA, ,MAR ME PHUL BAS MIG SBYONG 'OD ZER GRUB, ,RNA BA RNAM SBYONG 'OD ZER RAB GTONG ZHING, ,RNA BA NYAMS PAS SGRA MANG THOS PAR 'GYUR, , @182A *, ,RGYAL BA RNAMS DANG RGYAL BA'I MCHOD RTEN LA, ,SIL SNYAN PHUL BAS RNA SBYONG 'OD GRUB PO, ,SNA RNAMS SBYONG BA'I 'OD ZER RAB GTONG ZHING, ,SNGON CHAD MA TSOR DRI ZHIM TSOR BAR 'GYUR, ,RGYAL BA RNAMS DANG RGYAL BA'I MCHOD RTEN LA, ,SPOS RAB PHUL BAS SNA SBYONG 'OD ZER GRUB, ,LCE RNAM SBYONG BA'I 'OD ZER RAB GTONG ZHING, ,SGRA SNYAN YID 'ONG RNAMS KYIS SANGS RGYAS BSTOD, ,MI SNYAN BSLANG BAR SMRA BA RNAMS SPONGS TE, ,'JAM PAR SMRAS PAS LCE SBYONG 'OD ZER GRUB, ,LUS RNAMS SBYONG BA'I 'OD ZER RAB GTONG ZHING, ,DBANG PO NYAMS PA DBANG PO LDAN PAR 'GYUR, ,RGYAL BA RNAMS DANG RGYAL BA'I MCHOD RTEN LA, ,LUS BTUD BYAS PAS LUS RNAMS SBYONG BA THOB, ,SEMS RNAMS SBYONG BA'I 'OD ZER RAB GTONG ZHING, ,SMYOS PA THAMS CAD SEMS DANG LDAN PAR 'GYUR, ,TING 'DZIN DBANG RJES SEMS 'GRO BYAS PAS NA, ,SEMS RNAMS SBYONG BA'I 'OD ZER DE GRUB PO, ,GZUGS RNAMS SBYONG BA'I 'OD ZER RAB GTONG ZHING, ,MI DBANG RNAMS KYI BSAM YAS SKU MTHONG STE, ,SKU GZUGS RI MO SNA TSOGS MANG PO DANG, ,MCHOD RTEN BRGYAN BYAS GZUGS SBYONG 'OD GRUB PO, ,SGRA RNAMS SBYONG BA'I 'OD ZER RAB GTONG ZHING, ,SGRA NI SGRA MIN STONG PAR RAB TU SHES, ,RKYEN LAS BYUNG BAS BRAG CA 'DRA'O ZHES, ,SGRA RNAMS BSTAN PAS 'OD ZER DE GRUB PO, ,DRI RNAMS SBYONG BA'I 'OD ZER RAB GTONG ZHING, ,DRI NGA THAMS CAD DRI ZHIM MCHOG TU 'GYUR, ,SPOS RAB MCHOG CHUS RGYAL BA'I MCHOD RTEN DAG ,KHRUS BYAS BYANG CHUB ZHING GI 'OD DE YIN, ,RO BRO SBYONG BA'I 'OD ZER RAB GTONG ZHING, ,DUG CAN DUG MED RO'I MCHOG TU 'GYUR, ,SANGS RGYAS NYAN THOS BCAS DANG PHA MA LA, ,RO MCHOG THAMS CAD PHUL BA'I 'OD DE YIN, ,REG RNAM SBYONG BA'I 'OD ZER RAB GTONG ZHING, ,REG NA RTZUB PA 'JAM ZHING BDE BAR 'GYUR, ,MDUNG THUNG RTZE GSUM RAL GRI MDA' CHEN CHAR, ,PHRENG BA 'JAM PA PADMA AUTPAL 'GYUR, ,BCOS BU'I RAS MANG 'JAM ZHING REG BDE RNAMS, ,RGYAL BA RNAMS KYI GSHEGS SHUL BTING BKRAM STE, ,ME TOG BYUG PA NA BZA' @182B 'JAM RNAMS DANG, ,PHRENG BA BLA RE PHUL BA'I 'OD DE YIS, ,CHOS RNAM SBYONG BA'I 'OD ZER RAB GTONG ZHING, ,'JIG RTEN PHAN MDZAD RGYAL BA THAMS CAD KYI, ,SPU RNAMS KUN NAS CHOS RNAMS BSAM MI KHYAB, ,BYUNG BA THOS NAS MOS PA THAMS CAD TSIM, ,RKYEN LAS BYUNG BAS MA SKYES NGO BO NYID, ,RGYAL BA RNAMS KYI SKU NI CHOS SKU STE, ,CHOS NYID NAM MKHA' BZHIN DU GNAS SO ZHES, ,BRJOD PAS CHOS RNAM SBYONG BA THOB PAR 'GYUR, ,'OD ZER SGO MO DE DAG LA SOGS PA, ,DRANG SRONG RNAMS KYI SPU YI SGO GCIG NAS, ,'OD ZER GANG GA'I BYE MA SNYED 'BYUNG STE, , KUN LA SBYOR BA THA DAD TSUL CAN NO, ,JI LTAR SKU YI SPU YI SGO GCIG NAS, ,'OD ZER GANG G'A'I BYE MA SNYED 'BYUNG BA, ,MA LUS SPU RNAMS KUN NAS DE BZHIN TE, ,DRANG SRONG TING 'DZIN RNAM 'PHRUL 'DI 'DRA'O, ,YON TAN GANG GIS 'OD ZER GANG 'GRUB PA'I, ,YON TAN DE GROGS SNGON CHAD GANG GYUR PA, ,DE DAG NYID LAS 'OD ZER RAB 'BYUNG STE, ,DRANG SRONG YE SHES RNAM 'PHRUL 'DI 'DRA'O, ,DE DAG BSOD NAMS SNGON GROGS GANG YIN LA, ,RJES SU YI RANG GSOL BA SUS BTAB DANG, ,GANG GIS MTHONG STE DGE BA BSAGS GYUR PA, ,DE DAG KUN GYIS 'OD ZER DE DAG SHES; ,GANG DAG BSOD NAMS BYAS SHING DGE BSAGS DANG, ,GANG DAG YANG YANG SANGS RGYAS RNAMS MCHOD CING, ,SANGS RGYAS YON TAN 'DUN TE DON GNYER BA, ,DE DAG KUN LA 'OD ZER DE DAG BSKUL, ,DPER NA DMUS LONG NYI MA MI MTHONG YANG, ,DE MED MA YIN 'JIG RTEN KUN DU 'CHAR, ,MIG DANG LDAN PAS SHAR BAR SHES GYUR NAS, ,KUN KYANG RANG RANG SO SO'I LAS LA 'JUG ,DE BZHIN SKYES CHEN 'OD ZER DE DAG KUN, ,RAB TU BYUNG YANG LOG PAS NYEN GYUR CING, ,MOS NYAMS PHAL PA RNAMS KYIS MI MTHONG STE, ,BLO GROS YANGS PA RNAMS LA DE DAG MOD, ,DPER RGYAN NOR BU BZHON PA GZHAL MED KHANG, ,BCUD KYIS LEN DANG RIN CHEN BYUG PA SPOS, ,DE DAG SKYE BO CHE LA YOD MOD KYI, ,PHONGS PAR GYUR PA RNAMS LA DE DAG MED, ,DE BZHIN SKYES CHEN 'OD ZER DE DAG KUN, ,DE DAG YOD KYANG LOG PAS NYEN GYUR CING, ,MOS @183A *, ,PA NYAMS PA RNAMS KYIS MI MTHONG STE, ,BLO GROS YANGS PA RNAMS LA DE DAG MOD, ,GANG DAG 'OD ZER DBYE BA 'DI THOS NAS, ,DAD CING MOS LA DANG BA SKYES GYUR NAS, ,BDAG NI YON TAN CHE RGYUR MI 'GYUR ZHES, ,DE DAG DOGS DANG SOM NYI MI BSKYED DO, ,DE DAG G-YOG 'KHOR BKOD PA RNAM 'PHRUL PA, ,TING 'DZIN DAM PA MNGON PAR GRUB BYED CING, ,PHYOGS BCU KUN DU DO ZLA MED RNAMS KYI, ,ZHAM RING SANGS RGYAS SRAS RNAMS STON PAR BYED, ,'OD BKOD DE DAG PADMA SNA TSOGS PA, ,STONG GSUM TSAD TZAM BYIN GYIS BRLAB BYAS NAS, ,SKYIL KRUNG BCAS PA'I LUS KYIS KUN KHYAB STE, ,TING 'DZIN RNAM PAR 'PHRUL PA 'DI 'DRA'O, ,DE DAG ZHING BCU'I RDUL SNYED PADMA GZHAN, ,'KHOR DANG BCAS PAS BYIN GYIS BRLAB BYAS SHING, ,SANGS RGYAS SRAS KYIS THAMS CAD YONGS SU BSKOR, ,DE DAG TING 'DZIN TING 'DZIN MED PAR GNAS, ,DRANG SRONG DE YIS SEMS CAN GANG DAG RNAMS, ,YONGS SU SMIN BYAS SANGS RGYAS LEGS BSGRUBS PAS, ,DE DAG PADMA CHEN PO DE BSKOR ZHING, ,KUN KYANG THAL MO SBYAR NAS LTA ZHING 'KHOD, ,GANG DAG TING 'DZIN GNAS PAR RAB ZHUGS PA, ,SKYES CHEN RNAMS KYI CHOS NYID 'DI YIN TE, ,RANG GI SLOB MAS KUN KYANG YONGS BSKOR NAS, ,SKAR MA'I TSOGS KYIS ZLA BA BSKOR BA BZHIN, ,DE DAG JI LTAR PHYOGS GCIG RAB 'JUG CING, ,ZHAM 'BRING SANGS RGYAS SRAS RNAMS STON BYED PA, ,DE BZHIN GSHEGS RNAMS MA LUS KUN DU STON, ,TING 'DZIN RNAM PAR 'PHRUL PA 'DI 'DRA'O, , DE DAG PHYOGS KYI DRA BA KHYAB GNAS PA'I, ,TING 'DZIN DAM PA MNGON PAR SGRUB BYED CING, ,KHA CIG MNYAM GZHAG KHA CIG LDAN PAR YANG, ,PHYOGS RNAMS KUN DU RANG GI LUS STON TO, ,DE DAG SHAR GYI PHYOGS SU MNYAM GZHAG CING, ,NUB KYI PHYOGS SU DPA' BO RNAM PAR LDANG, ,NUB KYI PHYOGS SU MNYAM PAR BZHAG GYUR CING, ,BDAG NYID CHEN PO SHAR GYI PHYOGS NAS LDANG, ,DE BZHIN PHYOGS BCU RNAMS SU RAB TU 'JUG ,GZHAN GYI PHYOGS SU MNYAM PAR BZHAG GYUR LA, ,YE SHES YON TAN PHYUG PO GZHAN NAS LDANG, ,DRANG SRONG TING 'DZIN RNAM 'PHRUL 'DI 'DRA'O, , @183B SHAR PHYOGS SANGS RGYAS ZHING RNAMS GANG YIN PA, ,GRANGS MED MA LUS DAG NA RANG BYUNG BA, ,DE DAG SPYAN SNGAR ZHABS DRUNG DE DAG RNAMS, ,ZHI BA'I TING NGE 'DZIN LA RNAM PAR SNANG, ,PHYOGS DER MNYAM PAR GZHAG PA BRTAN BYAS NAS, ,DPA' BO NUB KYI ZHING KHAMS MA LUS PAR, ,RNAM PAR LDANG ZHING MNGON SUM RGYAL KUN LA, ,MCHOD PA DU MA RAB TU BYED PAR SNANG, ,NUB PHYOGS SANGS RGYAS ZHING RNAMS GANG YIN PA, ,GRANGS MED MA LUS DAG NA BZHUGS SANGS RGYAS, ,DE DAG SPYAN SNGAR ZHABS DRUNG DE DAG RNAMS, ,ZHI BA'I TING NGE 'DZIN LA GNAS PAR SNANG, ,PHYOGS DER MNYAM PAR GZHAG PA BRTAN BYAS NAS, ,DPA' BO SHAR GYI ZHING RNAMS MA LUS PAR, ,RNAM PAR LDANG ZHING MNGON SUM RGYAL KUN LA, ,MCHOD PA DU MA RAB TU BYED PAR SNANG, ,DE BZHIN PHYOGS BCU DAG GI ZHING RNAMS SU, ,PHYOGS RNAMS MA LUS KUN DU BRTAN LA 'JUG ,KHA CIG MNYAM GZHAG KHA CIG LANGS GYUR CING, ,'JIG RTEN SGRON MA RNAMS MCHOD BYED PAR SNANG, ,DE DAG MIG GI LAM LA MNYAM GZHAG CING, ,GZUGS KYI LAM NAS BDAG NYID CHEN PO LDANG, ,GZUGS RNAMS BSAM GYIS MI KHYAB STON PA NA, ,DE LA LHAR BCAS 'JIG RTEN RMONGS PAR 'GYUR, , GZUGS KYI LAM LA MNYAM PAR BZHAG GYUR LA, ,MI NI MA SKYES MA BYUNG RANG BZHIN TE, ,STONG PA BYED PA MED PAR RAB STON CING, ,MIG GI LAM NAS DRAN LDAN RNAM PAR LDANG, ,DE DAG RNA BA'I LAM LA MNYAM GZHAG CING, ,SGRA YI LAM NAS BDAG NYID CHEN PO LDANG, ,GANG LA LHAR BCAS 'JIG RTEN RMONGS GYUR PA, ,SGRA DANG SKAD RNAMS LAN LA RAB TU ZHUGS, ,SGRA YI LAM LA MNYAM PAR BZHAG GYUR CING, ,RNA BA MA SKYES MA BYUNG RANG BZHIN TE, ,STONG PA BYED PA MED PAR RAB STON CING, ,RNA BA'I LAM NAS DRAN LDAN RNAM PAR LDANG, ,DE DAG SNA YI LAM LA MNYAM GZHAG CING, , DRI YI LAM NAS BDAG NYID CHEN PO LDANG, ,GANG DU LHAR BCAS 'JIG RTEN RMONGS GYUR PA, ,DRI MCHOG DAM PA 'JUG PAR RAB TU ZHUGS, ,DRI YI LAM LA MNYAM PAR BZHAG GYUR CING, ,SNA NI MA SKYES MA BYUNG RANG BZHIN TE, ,STONG PA BYED PA MED PAR RAB STON CING, ,SNA YI LAM NAS DRAN LDAN @184A *, ,RNAM PAR LDANG, ,DE DAG LCE YI LAM LA MNYAM GZHAG CING, ,RO MCHOG KUN GYI LAM NAS RNAM PAR LDANG, ,GANG DU LHAR BCAS 'JIG RTEN RMONGS GYUR PA, ,BDAG NYID CHEN PO RO MCHOG RNAM PAR LDANG, ,RO MCHOG RNAMS LA MNYAM PAR BZHAG GYUR CING, ,LCE NI MA SKYES MA BYUNG RANG BZHIN TE, ,STONG PA BYED PA MED PAR RAB STON CING, ,LCE YI LAM NAS DRAN LDAN RNAM PAR LDANG, ,DE DAG LUS KYI LAM LA MNYAM GZHAG CING, ,REG PA'I LAM NAS BDAG NYID CHEN PO LDANG, ,GANG DU LHAR BCAS 'JIG RTEN RMONGS GYUR PA, ,'JIG RTEN BDE BA BSKYED PA'I REG LA BZHUGS, ,REG PA'I LAM LA MNYAM PAR BZHAG GYUR CING, ,LUS NI MA SKYES MA BYUNG RANG BZHIN TE, ,STONG PA BYED PA MED PAR RAB STON CING, ,LUS KYI LAM NAS DRAN LDAN RNAM PAR LDANG, ,DE DAG SEMS KYI LAM LA MNYAM GZHAG CING, ,CHOS KYI LAM NAS BDAG NYID CHEN PO LDANG, ,GANG DU LHAR BCAS 'JIG RTEN RMONGS GYUR PA, ,CHOS LA GNAS PA'I 'JUG PAR RAB TU ZHUGS, ,CHOS KYI LAM LA MNYAM PAR BZHAG GYUR CING, ,SEMS NI MA SKYES MA BYUNG RANG BZHIN TE, ,STON PA BYED PA MED PAR RAB STON CING, ,SEMS KYI LAM NAS DRAN LDAN RNAM PAR LDANG, ,DE DAG BYIS PA'I LUS LA MNYAM GZHAG CING, ,LANG TSO SHUGS LA GNAS PA RNAMS LAS LDANG, ,LANG TSO SHUGS GNAS RNAMS LA MNYAM GZHAG CING, ,RGAS SHING 'KHOGS PA'I LUS LAS RNAM PAR LDANG, ,RGAS SHING 'KHOGS PA'I LUS LA MNYAM GZHAG CING, ,DAD PA'I DGE BSNYEN MA YI LUS LAS LDANG, ,DGE BSNYEN DAD PA'I LUS LA MNYAM GZHAG CING, ,DAD PA'I DGE BSNYEN LUS LAS RNAM PAR LDANG, ,DAD PA'I DGE BSNYEN LUS LA MNYAM GZHAG CING, ,DGE SLONG MA YI LUS LAS RNAM PAR LDANG, ,DGE SLONG MA YI LUS LA MNYAM GZHAG CING, ,DGE SLONG MANG DU THOS PA'I LUS LAS LDANG, ,DGE SLONG MANG THOS LUS LA MNYAM GZHAG CING, ,SLOB DANG MI SLOB LUS LAS RNAM PAR LDANG, ,SLOB DANG MI SLOB LUS LA MNYAM GZHAG CING, ,RKYEN GYIS SANGS RGYAS LUS LAS RNAM PAR LDANG, ,RKYEN GYIS SANGS @184B RGYAS LUS LA MNYAM GZHAG CING, ,SANGS RGYAS SKU MCHOG RAB LAS RNAM PAR LDANG, ,SANGS RGYAS SKU MCHOG RAB LA MNYAM GZHAG CING, ,LHA YI LUS GZUGS LAS NI RNAM PAR LDANG, ,LHA YI LUS GZUGS LA NI MNYAM GZHAG CING, ,RDZU 'PHRUL CHEN PO KLU YI LUS LAS LDANG, , RDZU 'PHRUL KLU YI LUS LA MNYAM GZHAG CING, ,RDZU 'PHRUL GNOD SBYIN LUS LAS RNAM PAR LDANG, ,'PHRUL CHEN GNOD SBYIN LUS LA MNYAM GZHAG CING, ,'BYUNG PO KUN GYI LUS LAS RNAM PAR LDANG, ,'BYUNG PO KUN GYI LUS LA MNYAM GZHAG CING, ,SPU YI SGO GCIG NAS NI RNAM PAR LDANG, ,SPU SGO GCIG LA MNYAM PAR BZHAG GYUR CING, ,SPU SGO THAMS CAD LAS NI RNAM PAR LDANG, ,SPU SGO KUN LA MNYAM PAR BZHAG GYUR CING, ,SKRA RTZE GCIG GI KHYON LAS RNAM PAR LDANG, ,SKRA RTZE GCIG GI KHYON LA MNYAM GZHAG CING, ,SKRA RTZE KUN GYI KHYON LAS RNAM PAR LDANG; ,SKRA RTZE KUN GYI KHYON LAS MNYAM GZHAG CING, ,PHRA RAB RDUL GYI RDUL LAS DE DAG LDANG, ,RDUL GCIG LA NI MNYAM PAR BZHAG GYUR CING, ,MA LUS RDUL RNAMS KUN LAS RNAM PAR LDANG, ,RDUL RNAMS MA LUS KUN LA MNYAM GZHAG CING, ,RGYA MTSO RDO RJE'I GZHI LAS RNAM PAR LDANG; ,RGYA MTSO RDO RJE'I GZHI LA MNYAM GZHAG CING, ,NOR BU'I SHING THOG DAG LAS RNAM PAR LDANG, ,SHING THOG DAG LA MNYAM PAR BZHAG GYUR CING, ,RGYAL BA RNAMS KYI 'OD ZER SGO NAS LDANG, ,RGYAL BA'I 'OD ZER SGO LA MNYAM GZHAG CING, ,RGYA MTSO'I CHU YI CHU KLUNG RNAMS LAS LDANG, , RGYA MTSO'I CHU KLUNG RNAMS LA MNYAM GZHAG CING, ,BDAG NYID CHEN PO ME YI LAM LAS LDANG, ,ME YI LAM LA MNYAM PAR BZHAG GYUR CING, ,RLUNG GI LAM LAS DRAN LDAN RNAM PAR LDANG, ,RLUNG GI LAM LA MNYAM PAR BZHAG GYUR CING, ,BDAG NYID CHEN PO SA YI GZHI LAS LDANG, ,SA YI GZHI LA MNYAM PAR BZHAG GYUR CING, ,LHA KUN GZHAL MED KHANG LAS RNAM PAR LDANG, ,LHA KUN GZHAL MED KHANG LA MNYAM GZHAG CING, ,DRAN LDAN DE NI MKHA' LAS RNAM PAR LDANG, ,YON TAN MTHA' YAS BSAGS PA DE DAG GI ,TING 'DZIN RNAM THAR DE DAG BSAM MI KHYAB, ,RGYAL BA @185A *, ,KUN GYIS BSKAL PA BSAM YAS SU, ,BSHAD PA MDZAD KYANG ZAD PAR MDZAD MI SPYOD, ,'GRO LAS RNAM SMIN BSAM GYIS MI KHYAB STE, ,RGYAL BA KUN GYIS DE DAG GSUNGS PA NI, ,LHA KLU'I RNAM 'PHRUL SANGS RGYAS RNAM 'PHRUL DANG, ,BSAM BYED BSAM GTAN RNAM 'PHRUL BSAM MI KHYAB, ,DE DAG LA YANG DPES STON BRJOD PAR BYA, ,DE DAG 'DRA BA'I DPE LTA CANG MED DE, ,MKHAS SHING RIG PA'I SKYE BO DPE RNAMS KYIS, ,BSTAN NA MYUR DU DON RNAMS SHES PAR 'GYUR, ,RNAM THAR BRGYAD KYI DBANG LA GNAS PA YI, ,NYAN THOS GCIG TU GYUR NAS MANG POR 'GYUR; ,MANG POR GYUR NAS PHYIR YANG GCIG 'GYUR TE, ,MKHA' LA BSAM GTAN 'CHA' ZHING 'BAR BAR BYED, ,SMAD NAS ME 'BAR STOD NAS CHU YI RGYUN, ,STOD NAS ME 'BAR SMAD NAS CHU YI RGYUN, ,'GRO DANG 'GRENG DANG NYAL DANG 'DUG PA DANG, ,LUS 'PHRUL SKAD CIG GCIG LA BSAM MI KHYAB, ,DE NI SNYING RJE CHE DANG MI LDAN ZHING, ,BYANG CHUB MI TSOL 'JIG RTEN YAL 'DOR YANG, ,LUS KYI RNAM 'PHRUL BSAM YAS STON BYED NA, ,'JIG RTEN PHAN 'DOD CI PHYIR STON MI BYED, ,NYI ZLA MKHA' LAS RNAM PAR RGYU 'DOD CING, ,PHYOGS RNAMS KUN GYI CHU YI NGOGS DAG DANG, , MTSO MTSE'U MTSO BRAN SNOD DANG RIN CHEN DANG, ,RGYA MTSO CHU KLUNG RNAMS DANG GZUGS BRNYAN STON, ,DE BZHIN GZUGS RNAMS BSAM GYIS MI KHYAB PA, ,SKYES BU DPA' BO PHYOGS BCU KUN DU STON, ,TING 'DZIN RNAM THAR KUN GYI TSUL LA MKHAS, ,DE LA DE BZHIN GSHEGS PA RANG BYUNG DPANG, ,DANG BA'I MTSE LA YAN LAG BZHI PA'I DMAG ,DE DAG SO SO'I RANG GI GZUGS BRNYAN MTHONG, ,RAL GRI MDA' CHEN GZHU DANG MDA' RNAMS DANG, ,GO GYON BZHON DANG THEG PAR BCAS SU MTHONG, ,GANG GI GZUGS GANG GNAS GANG CHA BYAD GANG, ,DE DANG DE DAG DE LTAR CHU LAS MTHONG, ,'ON KYANG CHU LA BYAMS SDANG RNAM RTOG MED, ,DRANG SRONG TING 'DZIN RNAM 'PHRUL 'DI 'DRA YI, ,RGYA MTSO'I LHA MO SGRA LDAN ZHES BYA BA, ,SEMS CAN RGYA MTSOR JI SNYED SKYES RNAMS KYI, ,SKRA YI YAN LAG DBYANGS KYI TSUL MKHAS TE, ,RANG GI SKAD KYIS 'GRO KUN TSIM PAR BYED, ,SGRA LDAN CHAGS @185B SDANG GTI MUG LDAN DE YANG, ,SKAD RNAMS KUN GYI SGRA YI TSUL MKHAS NA, ,GZUNGS DANG CHOS KYI STOBS LA DBANG THOB RNAMS, ,LHAR BCAS 'JIG RTEN CI PHYIR MGU MI BYED, ,TAM BU RA YI CHUNG MA DBYANGS LDAN NAM, ,TSANGS PA'I BU MO YID LA BYUNG BA DE, ,BDEN DANG DAM BCAS MI TSE DGA' RNAMS KYI, ,SEMS DANG YID DANG KHA YI SGOR 'JUG STE, ,DBYANGS LDAN CHAGS BCAS ZHE SDANG CAN DE YANG, ,BRTUL ZHUGS GRUB MTHUN DBYANGS KYI YAN LAG GIS, ,YID 'ONG SKAD KYIS 'JIG RTEN MGU BYED NA, ,YE SHES YON TAN PHYUG RNAMS CIS MI BYED, ,RIG SNGAGS TSUL MKHAS SGYU MA'I MKHAN PO NI, ,SNA TSOGS GZUGS MANG MTHA' YAS STON PA BYED, ,NYIN MTSAN YUD DANG ZLA BA LO BRGYA DANG, ,KHYIM BZANG RGYAS PA SHIN TU MDZES PA STON, ,'DOD CHAGS SDANG LDAN SGYU MA'I MKHAN PO YANG, ,SGYU MA'I 'PHRUL GYIS 'JIG RTEN MGU BYED NA,, BSAM GTAN MNGON SHES RNAM THAR RAB BSLABS PA, ,SPYOD TSUL MKHAS RNAMS CI PHYIR MGU MI BYED, ,LHA DANG LHA MIN DBANG PO 'THAB PA'I TSE, ,RGYAL LDAN LHA YIS LHA MIN PHAM BYAS NA, ,DE DAG 'JIGS PAS GDUGS BCAS BZHON BCAS SHING, ,THEG BCAS DMAG BCAS GO GYON BZHIN DU 'BYER, ,'DOD CHAGS SDANG LDAN LHA DBANG DE DAG KYANG, ,LUS KYI RNAM 'PHRUL BSAM YAS STON BYED NA, ,DBANG PHYUG RDZU 'PHRUL DBANG GNAS DPA' BA RNAMS, ,LUS KYI RNAM 'PHRUL CI PHYIR STON MI BYED, ,RDO RJE 'CHANG BA'I GLANG POS SRUNG BU, ,DBANG PO'I 'KHOR GYUR RDZU 'PHRUL CHEN PO DE, ,MGO BO SUM CU RTZA GSUM MNGON SPRUL ZHING, ,MGO RNAMS KUN LA'ANG MCHE BA DRUG DRUG STE, ,MCHE BA DE DAG SO SO RE RE LA'ANG, ,RDZING BU CHUS GANG BDUN BDUN SPRUL PA BYED, ,RDZING BU RE RE'ANG PADMA SNA TSOGS PA, ,RNAM PAR BKOD PA BDUN BDUN SPRUL PA BYED, ,PADMA RE LA'ANG LHA YI BU MO DAG ,SGYU RTZAL KUN SHES BDUN BDUN SPRUL PA BYED, ,DE DAG RTZED MO GLU GAR TSUL LA MKHAS, ,SUM CU RTZA GSUM DBANG PO DE DANG RTZE, ,GLANG PO DE YANG LUS NI BSGYUR BYAS TE, ,LHA RNAMS KUN DANG 'GROGS SHING BDE BAR BYED, ,SPYOD PA'I TSUL DANG LONGS SPYOD KUN KYANG MTHUN, ,GLANG PO @186A *, ,MCHOG GI RNAM 'PHRUL DE LTAR SNANG, ,GLANG PO CHAGS SDANG GTI MUG LDAN DE YANG, ,'DI 'DRA'I RDZU 'PHRUL RAB TU STON BYED NA, ,SHES RAB THABS KYIS STOBS LA SBYANGS PA RNAMS, ,TING 'DZIN BRGYA YI RNAM 'PHRUL CIS MI BYED, ,SGRA GCAN JI LTAR 'DOD BZHIN LUS SPRUL TE; ,RDO RJE'I GZHI LA RKANG PA 'JOG BYED CING, ,RGYA MTSO LTE BAR PHYIN PA TZAM DU STON, ,RI RAB RTZE DANG NYID KYI MGO YANG SNYOMS, ,SGRA GCAN CHAGS SDANG GTI MUG LDAN DE YANG, ,'DI 'DRA'I RDZU 'PHRUL KUN DU STON BYED NA, ,'JIG RTEN SGRON MA BDUD RNAMS RAB 'BYAM PA, ,RDZU 'PHRUL MTHA' YAS CI STE STON MI BYED, ,BRGYA BYIN RNAM 'PHRUL BSAM YAS PA LA LTOS, ,LHA DANG LHA MIN DBANG PO G-YUL 'GYED TSE, ,LHA MIN BYE BA 'BYER BA JI SNYED PA, ,DE SNYED BRGYA BYIN RANG GI LUS LAS SPRUL, ,LHA MIN DBANG DANG LHA MIN PHAL KUN GYIS, ,BRGYA BYIN RANG RANG MDUN DU 'DUG PAR SHES, ,DE NI RDO RJE 'CHANG BAS GZUNG NGO ZHES, ,LHA MIN DBANG PO KUN KYANG MGO MYOS GYUR, ,'JIGS PAR BYED PA'I MIG STONG RAB BSTAN TE, ,RDO RJE ME LCE 'BAR BA THOGS BYED CING, ,LUS LA GO BGOS GZI BRJID BSNYEN DKA' BA'I, ,BRGYA BYIN MTHONG NAS LHA MIN DBANG PO 'BYER, , DE YANG BSOD NAMS PHAL PA'I MTHU STOBS KYIS, ,LHA RGYAL DON DU RNAM PAR 'PHRUL BYED NA, ,'GRO BA MA LUS KUN GYI SKYABS GYUR PA, ,BSOD NAMS MI ZAD RNAMS LTA CIS MI 'PHRUL, ,LHA LA SKUL MA 'DEBS PA'I LHA YI RNGA, ,LHA LAS RNAM PAR SMIN PAS GRUB GYUR PA, ,LHA RNAMS BAG MED GNAS PAR SHES GYUR NAS, ,RNGA DE NAM MKHA' LAS NI SGRA SGROGS TE, ,'DOD PA THAMS CAD MI RTAG THER ZUG MIN, ,THA SHAL MI BRTAN DBU BA'I NGO BO NYID, ,SGYU MA SMIG RGYU CHU ZLA MTSUNGS 'DRA ZHING, ,SRID PA THAMS CAD RMI LAM SPRIN DANG MTSUNGS, ,BAG MED THAMS CAD DGRA BCAS MYA NGAN CAN, ,'CHI BA'I LAM YIN MI 'CHI'I LAM MA YIN, ,JI SNYED SU DAG BAG MED GNAS GYUR PA, ,DE DAG 'CHI BDAG CHU SRIN CHEN POS ZIN, ,SDUG BSNGAL RTZA BA YONGS 'DZIN THAMS CAD YIN, ,SKYE BA THAMS CAD 'PHAGS PA RNAMS KYIS SMAD, ,'DOD PA'I YON TAN @186B RNAMS KYI YUL LA RMONGS, ,CHOS KYI STOBS LA RTAG DGA' GYIS ZHES BSKUL, ,RNGA DES BSKUL NAS BRGYA BYIN LHA RNAMS DANG, ,LHA YI 'DUN SA CHOS BZANGS 'DUG NAS SU, ,GTAM GANG ZHI ZHING 'DOD CHAGS BRAL MTHUN PA, ,CHOS KYI GTAM DE LHA RNAMS KUN LA BRJOD, ,RNGA DE GZUGS MED BSTAN DU MI RUNG YANG, ,DE LTAR RNGA SGRAS DON CHEN RAB BYED NA, ,BSAM PA JI BZHIN GZUGS NI YONGS STON RNAMS, ,'GRO BA KUN GYI DON CHEN CIS MI BYED, ,LHA DANG LHA MIN DBANG PO G-YUL 'GYED TSE, ,LHA YI BSOD NAMS KHYAD PAR MTHU STOBS KYIS, ,LHA LA SKUL MA 'DEBS PA'I LHA YI RNGA, ,LHA RNAMS MA 'JIGS SHIG CES SGRA 'BYIN TE, ,RNGA YIS BSKUL NAS LHA RNAMS RAB DGA' ZHING, ,SKRAG PA MED DE STOBS KYANG SKYES PAR GYUR, ,LHA MIN DBANG PO SKRAG PAS NYEN PA RNAMS, ,'JIGS NAS DMAG BCAS DE YI MOD LA 'BYER, , DE LTAR RNGA SKAD 'BYIN PA'I RNGA 'DRA BA, ,'GRO BA KUN GYI SKYABS DANG DPUNG GNYEN PO, ,NYON MONGS BDUD BCOM SNYING RJE CHE LDAN RNAMS, ,ZHI BA'I SGRA BSGRAGS NYON MONGS SEL BAR BYED, ,DBANG PO LHA YI BU MO DGU BCU GNYIS, ,DBANG PO'I SPRUL PAS KUN KYANG DGA' BAR 'GYUR; ,GCIG KYANG BDAG DANG BRGYA BYIN RTZE BAR SHES, ,GCIG LTAR LHA MO KUN KYANG DE BZHIN NO, ,LHA MO KUN DANG DGA' BAR GNAS SNANG ZHING, ,CHOS BZANGS 'DUN SA NA YANG DE BZHIN 'DUG ,LHA RNAMS KUN LA CHOS RAB STON SNANG ZHING, ,BRGYA BYIN SKAD CIG GCIG LA RNAM PAR 'PHRUL, ,BRGYA BYIN CHAGS SDANG GTI MUG LDAN PA YANG, ,SPRUL PAS RANG GI 'KHOR RNAMS DGA' BYED NA, ,'GRO DON MI SKYO SBYOR RNAMS CI YI PHYIR, ,RDZU 'PHRUL STOBS KYIS 'JIG RTEN MGU MI BYED, ,BDUD KYIS DKRUGS MA 'GRO BA'I DBANG SGYUR BA, ,DE YI DBANG DU SEMS CAN 'DI KUN 'DONG, ,LAS DANG NYON MONGS KUN DU ZHUGS PA YIS, ,SO SO'I SKYE BO THAMS CAD BDUD DES BCINGS, ,CHAGS SDANG GTI MUG LDAN PA'I BDUD DE YANG, ,'GRO BA THAMS CAD DBANG DU 'GYUR BYED NA, ,DBANG BCU DBANG THOB RNAMS LA CI ROB STE, ,'GRO BA THAMS CAD RANG GI @187A *, ,PHYOGS MA BZHAG ,STONG GSUM GNAS KYI BDAG PO TSANGS PA YANG, ,STONG GSUM TSANGS GNAS JI SNYED YOD PA NA, ,DE DAG KUN NA 'DUG PAR RAB SNANG ZHING, ,TSANGS PA'I SGRA DBYANGS SHIN TU YID 'ONG SGROGS, ,TSANGS DE 'JIG RTEN PA YI TSANGS LAM GYI, ,BSAM GTAN MNGON SHES RNAM PAR 'PHRUL BYED NA, ,'JIG RTEN RAB 'DAS BLA NA MED PA YI, ,BSAM GTAN RNAM THAR GNAS PA CIS MI 'PHRUL, ,DBANG PHYUG CHEN PO'I SHES PA'I RNAM 'PHRUL LTOS, ,RGYA MTSO'I SPRIN GYIS CHAR THIGS RAB BKYE BA, ,SKAD CIG GCIG LA THAMS CAD BGRANG BAR BYED, , THIGS 'GA'I ZER KYANG MA SHES DE MED NA, ,BSLABS PA BSKAL PA BSAM YAS RAB BSLABS TE, ,BYANG CHUB BLA MED YE SHES THOB PA RNAMS, ,CI PHYIR SKAD CIG GCIG LA SEMS KYIS NI, ,'GRO BA MA LUS KUN GYI SEMS MI SHES, ,SEMS CAN LAS SMIN BSAM GYIS MI KHYAB PAS, , 'JIG RTEN 'DI KUN RLUNG LAS YONGS SU BYUNG, ,RGYA MTSO RI DANG LHA YI GZHAL MED KHANG, ,RIN CHEN RNAM PHYES SA BON BKRAM PA'ANG BYUNG, ,RLUNG LAS BYUNG GYUR SPRIN GYIS CHAR 'BEBS SHING, ,SLAR YANG RLUNG NYID KYIS NI SPRIN ZHI BYED, ,'JIG RTEN GYI NI LO TOG RLUNG GIS BSKYED, ,'GRO BA KUN GYI BDE MANG RLUNG GIS BYAS, ,RLUNG DES PHA ROL PHYIN LAM BSLABS SHING, ,SANGS RGYAS YON TAN RNAMS LA MA BSLABS PAR, ,'JIG RTEN RNAM SMIN BSAM MI KHYAB STON NA, ,MCHOG THOB PA DAG CI STE STON MI BYED, ,CES BYA BA'O, ,BSLAB PA KUN LAS BTUS PA LAS DKON MCHOG GSUM RJES SU DRAN PA'I LE'U STE BCO BRGYAD PA'O,, ,,BSOD NAMS 'PHEL BA'I DON DU RGYU GZHAN YANG BYA STE, GANG ZHIG DUS RNAMS KUN DU SEMS CAN DON BYA BA 'DI YIN NO, ,'ID NI DKON MCHOG SPRIN LAS, DE DE BZHIN GSHEGS PA'I MCHOD RTEN NAM DE BZHIN GSHEGS PA'I SKU GZUGS LA ME TOG GAM BDUG PA'AM SPOS GSOL NA, SEMS CAN THAMS CAD KYI NGANG TSUL NGAN PA'I DRI NGA BA BSAL BA DANG, DE BZHIN GSHEGS PA'I TSUL KHRIMS KYI DRI BRO BAR YONGS SU BSNGO'O, ,DE PHYAG DAR DANG ZHAL ZHAL BYED NA SEMS CAN THAMS CAD KYI SPYOD LAM MI SDUG PA MED PAR 'GYUR BA DANG SPYOD @187B LAM MDZES PA PHUN SUM TSOGS PAR YONGS SU BSNGO'O, ,DE ME TOG GI GDUGS GSOL NA SEMS CAN THAMS CAD KYI NYON MONGS PA DANG NYE BA'I NYON MONGS PA'I GDUNG BA MED PAR BYA BA'I PHYIR YONGS SU BSNGO'O, ,DE GTZUG LAG KHANG GI NANG DU 'GRO NA 'DI LTAR SEMS CAN THAMS CAD MYA NGAN LAS 'DAS PA'I GRONG KHYER DU GZUD DO SNYAM DU SEMS BSKYED DO, ,DE PHYIR 'BYUNG NA 'DI LTAR SEMS CAN THAMS CAD 'KHOR BA'I BTZON RA NAS GDON TO SNYAM DU SEMS BSKYED DO, ,DE GNAS KHANG GI SGO 'BYED NA 'DI LTAR 'JIG RTEN LAS 'DAS PA'I YE SHES KYI BDE 'GRO THAMS CAD KYI SGO DBYE'O SNYAM DU SEMS BSKYED DO, ,DE SGO GCOD NA 'DI LTAR NGAN 'GRO THAMS CAD KYI SGO RNAMS BCAD DO SNYAM DU SEMS BSKYED DO, ,DE 'DUG NA 'DI LTAR SEMS CAN THAMS CAD BYANG CHUB KYI SNYING PO LA 'GOD DO SNYAM DU SEMS BSKYED DO, ,DE GLO G-YAS PAS NYAL NA 'DI LTAR SEMS CAN THAMS CAD SANGS RGYAS KYI MYA NGAN LAS 'DA' BAS YONGS SU MYA NGAN LAS 'DA'O SNYAM DU SEMS BSKYED DO, ,DE DE NAS LDANG NA 'DI LTAR SEMS CAN THAMS CAD NYON MONGS PA KUN NAS LDANG BA RNAMS LAS BSLANG NGO SNYAM DU SEMS BSKYED DO, ,DE LUS KYI CHED LA 'GRO NA 'DI LTAR SEMS CAN THAMS CAD SKYES BU CHEN PO'I 'GROS SU 'GRO BAR GYUR CIG SNYAM DU SEMS BSKYED DO, ,DE DE LTAR 'DUG NA 'DI LTAR SEMS CAN THAMS CAD KYI 'DOD CHAGS DANG ZHE SDANG DANG GTI MUG GI ZUG RNGU 'BYUNG NGO SNYAM DU SEMS BSKYED DO, ,DE BKRU BSHAL BYED NA 'DI LTAR SEMS CAN THAMS CAD KYI NYON MONGS PA'I DRI MA'I SKYON RNAMS BKRU'O SNYAM DU SEMS BSKYED DO, ,DE LAG PA BSNYAL NA 'DI LTAR SEMS CAN THAMS CAD KYI NYON MONGS PA'I DRI NGA BA RNAMS BSAL LO SNYAM DU SEMS BSKYED DO, ,DE RKANG PA 'KHRU NA 'DI LTAR SEMS CAN THAMS CAD KYI NYON MONGS PA'I RDUL RNAM PA SNA TSOGS BSAL LO SNYAM DU SEMS BSKYED DO, ,DE GDONG 'KHRU NA 'DI LTAR SEMS CAN THAMS CAD KYI CHOS THAMS CAD KYI SGO YONGS SU SBYANG NGO SNYAM DU SEMS BSKYED DO, ,DE SO SHING ZA NA 'DI LTAR SEMS CAN THAMS CAD KYI DRI MA RNAM PA SNA TSOGS BSAL LO SNYAM DU SEMS BSKYED DO, ,DE @188A *, ,LUS KYI G-YO BA THAMS CAD SEMS CAN THAMS CAD LA PHAN PA DANG BDE BAR YONGS SU BSNGO'O, ,DE DE BZHIN GSHEGS PA'I MCHOD RTEN LA PHYAG 'TSAL NA 'DI LTAR SEMS CAN THAMS CAD LHA DANG BCAS PA'I 'JIG RTEN GYIS PHYAG BYA BAR SHOG CIG SNYAM DU SEMS BSKYED DO ZHES JI SKAD GSUNGS PA LTA BU'O, ,YANG NA SHES RAB KYI PHA ROL TU PHYIN PA LAS JI SKAD GSUNGS PA LTA BU STE, SH'A RI'I BU GZHAN YANG GCAN GZAN KHRO BO'I DGON PAR SONG NA, BYANG CHUB SEMS DPA' SEMS DPA' CHEN POS 'JIGS PAR MI BYA SKRAG PAR MI BYA DANG NGA BAR MI BYA'O, , DE CI'I PHYIR ZHE NA, 'DI LTAR DES SEMS CAN THAMS CAD KYI DON DU THAMS CAD YONGS SU GZUNG BA'I PHYIR TE, DES 'DI SNYAM DU GAL TE GCAN GZAN DAG GIS BDAG ZOS NA 'DI LTAR SBYIN PA DE BYIN PAR GYUR CIG ,BDAG GI SBYIN PA'I PHA ROL TU PHYIN PA YONGS SU RDZOGS PAR 'GYUR, BLA NA MED PA YANG DAG PAR RDZOGS PA'I BYANG CHUB LA YANG SHIN TU NYE BAR 'GYUR RO, ,JI LTAR BDAG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA'I TSE, SANGS RGYAS KYI ZHING DE NA DUD 'GRO'I SKYE GNAS SU SONG BA'I SEMS CAN YONG YE MED PAR 'GYUR BA DE LTAR BYA'O SNYAM DU SEMS BSKYED DO, ,SH'A RI'I BU RKUN PO'I DGON PAR SONG NA BYANG CHUB SEMS DPA' SEMS DPA' CHEN POS 'JIGS PAR MI BYA SKRAG PAR MI BYA DANG BAR MI BYA'O, ,DE CI'I PHYIR ZHE NA, BYANG CHUB SEMS DPA' SEMS DPA' CHEN PO DE DAG NI BDOG PA THAMS CAD YONGS SU GTONG BA LA MKHAS PA YIN TE, BYANG CHUB SEMS DPA' SEMS DPA' CHEN POS LUS KYANG YONGS SU BTANG BA YIN, YO BYAD DANG 'TSOG CHAS KYANG YONGS SU BTANG BA YIN, DES 'DI SNYAM DU GAL TE SEMS CAN DE DAG GIS BDAG GI YO BYAD DANG 'TSOG CHAS RNAMS PHROGS NA DE DAG LA SBYIN PA DE BYIN PAR GYUR CIG ,GAL TE DE DAG GIS BDAG GI SROG BCAD PAR GYUR KYANG DE LA BDAG GIS ZHE SDANG DANG KHONG KHRO BSKYED BAR MI BYA, BDAG GIS DE DAG LA LUS DANG NGAG DANG YID KYIS KYANG NYES PAR MI BYA'O, ,DE LTAR NA DE'I TSE SBYIN PA'I PHA ROL TU PHYIN PA DANG, TSUL KHRIMS KYI PHA ROL TU PHYIN PA DANG, @188B BZOD PA'I PHA ROL TU PHYIN PA YONGS SU RDZOGS PAR 'GYUR ZHING, BDAG BLA NA MED PA YANG DAG PAR RDZOGS PA'I BYANG CHUB LA SHIN TU NYE BAR 'GYUR TE, JI LTAR BDAG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA'I TSE, SANGS RGYAS KYI ZHING DE NA NYES PA 'DI DANG GZHAN YANG YONG YE RNAM PA THAMS CAD DU MI 'BYUNG ZHING MED PAR 'GYUR BA DE LTAR BYA'O, ,DE LTAR BSGRUB PO SNYAM DU SEMS BSKYED PAR BYA'O, ,SH'A RI'I BU CHU'I DGON PAR PHYIN NA, BYANG CHUB SEMS DPA' SEMS DPA' CHEN POS 'JIGS PAR MI BYA SKRAG PAR MI BYA DANG BAR MI BYA'O, ,DE CI'I PHYIR ZHE NA, BYANG CHUB SEMS DPA' SEMS DPA' CHEN PO RNAMS NI MI 'JIGS PA'I CHOS CAN YIN TE, DES 'DI SNYAM DU BDAG GIS SEMS CAN THAMS CAD KYI SRED PA THAMS CAD GCOD PAR BSLAB PAR BYA'O, ,BYANG CHUB SEMS DPA' SEMS DPA' CHEN POS SKRAG PAR MI BYA'O, ,GAL TE BDAG SKOM PAS 'CHI BA'I DUS BYAS PAR GYUR NA SEMS CAN THAMS CAD LA SNYING RJE CHEN PO'I SEMS BSKYED PAR BYA STE, KYE MA 'DI LTAR 'JIG RTEN NA CHU'I DGON PA 'DI LTA BU SNANG BAS SEMS CAN 'DI DAG NI BSOD NAMS CHUNG BA DAG STE, JI LTAR BDAG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA'I TSE, SANGS RGYAS KYI ZHING DE NA CHU'I DGON PA YONG YE RNAM PA THAMS CAD DU MI 'BYUNG BA DANG MI SNANG BAR 'GYUR BA DE LTAR BYA'O DE LTAR BSGRUB PO, ,JI LTAR YAN LAG BRGYAD DANG LDAN PA'I CHU RNYED PAR 'GYUR BA DE LTAR BSOD NAMS KYI LAS LA SEMS CAN RNAMS SBYAR BAR BYA'O, ,JI LTAR DE'I TSE BRTZON 'GRUS KYI PHA ROL TU PHYIN PA YONGS SU RDZOGS PAR 'GYUR BA DE LTAR SEMS CAN THAMS CAD KYI DON DU BRTZON 'GRUS BRTAN PA BRTZAM PAR BYA'O SNYAM DU SEMS BSKYED PAR BYA'O, ,SH'A RI'I BU GZHAN YANG BKRES PA'I DGON PAR SONG NA, BYANG CHUB SEMS DPA' SEMS DPA' CHEN POS 'JIGS PAR MI BYA SKRAG PAR MI BYA DNGANG BAR MI BYA'O, ,DES 'DI LTAR 'DIS GO CHA BGO STE, JI LTAR BDAG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA'I TSE, SANGS RGYAS KYI ZHING DE NA BKRES PA'I DGON @189A *, ,PA 'DI LTA BU YONG YE RNAM PA THAMS CAD DU MI 'BYUNG BA DANG, MI SNANG BAR 'GYUR BA DANG SEMS CAN DE DAG THAMS CAD BDE BAR 'GYUR ZHING BDE BA LA DBANG BA DANG, BDE BA DANG LDAN PAR 'GYUR BA DE LTAR BRTZON 'GRUS BRTAN PO BRTZAM PAR BYA STE, DE LTAR RANG GI SANGS RGYAS KYI ZHING YONGS SU SBYANG BAR BYA'O, ,JI LTAR NA SEMS CAN DE DAG GANG CI SEMS PAR 'GYUR BA DANG YID KYIS GANG DANG GANG 'DOD PA DE DANG DE 'BYUNG BAR 'GYUR BA, 'DI LTA STE DPER NA SUM CU RTZA GSUM PA'I LHA RNAMS KYI YID LA BSAM PA THAMS CAD 'GRUB PA DANG, YID LA BSAM PA THAMS CAD 'BYUNG BA BZHIN DU DE LTAR BYA'O, ,JI LTAR SEMS CAN DE DAG CHOS DANG LDAN PA'I BSAM PA YONGS SU RDZOGS PAR 'GYUR BA DANG, SEMS CAN THAMS CAD THAMS CAD DU THAMS CAD LAS 'TSO BA'I YO BYAD DANG BRAL BAR MI 'GYUR BA DE LTAR BRTZON 'GRUS BRTAN PO BRTZAM PAR BYA'O SNYAM DU SEMS BSKYED PAR BYA'O ZHES BYA'O, ,DE LTAR DUS RNAMS RTAG TU SEMS CAN GYI DON BYA BA 'DI NI BSOD NAMS 'PHEL BA'I RGYU STE, ZHIB TU NI SPYOD YUL YONGS SU DAG BA'I MDO LAS BLTA BAR BYA'O, ,GZHAN YANG, CHOS KYI SBYIN PA ZANG ZING MED, ,BSOD NAMS 'PHEL BA'I RGYUR 'GYUR TE, ,LHAG PA'I BSAM PA BSKUL BA'I MDO LAS JI SKAD GSUNGS PA LTA BU STE, BYAMS PA GANG ZHIG THOB BA DANG BKUR STI MI 'DOD PAR CHOS KYI SBYIN PA BYIN NA, CHOS KYI SBYIN PA ZANG ZING MED PA'I PHAN YON NYI SHU STE, NYI SHU GANG ZHE NA, 'DI LTA STE, DRAN PA DANG LDAN PA YIN, BLO DANG LDAN PA YIN, BLO GROS DANG LDAN PA YIN, MOS PA DANG LDAN PA YIN, SHES RAB DANG LDAN PA YIN, 'JIG RTEN LAS 'DAS PA'I SHES RAB RJES SU RTOGS PAR 'GYUR PA YIN, 'DOD CHAGS CHUNG BA YIN, ZHE SDANG CHUNG BA YIN, GTI MUG CHUNG BA YIN, BDUD KYIS DE LA GLAGS MI RNYED PA YIN, SANGS RGYAS BCOM LDAN 'DAS RNAMS KYIS DGONGS PA YIN, MI MA YIN PA RNAMS KYIS DE SRUNG BA YIN, LHA RNAMS DE'I LUS LA MA DANGS 'JUG PA YIN, MI MDZA' BA RNAMS KYIS DE LA GLAGS MI RNYED PA YIN, DE MDZA' BO RNAMS DANG MI PHYED PA YIN, TSIG @189B GZUNG BAR 'OS PA YIN, MI 'JIGS PA THOB PA YIN, YID BDE BA MANG BA YIN, MKHAS PAS BSNGAGS PA YIN, DE CHOS KYI SBYIN PA DE RJES SU DRAN PAR 'GYUR BA YIN TE, BYAMS PA PHAN YON NYI SHU PO DE DAG GO ZHES BYA BA'O, ,SHES RAB KYI PHA ROL TU PHYIN PA LAS KYANG GSUNGS TE, GAL TE KUN DGA' BO KHYOD KYIS NYAN THOS KYI THEG PA'I GANG ZAG RNAMS LA NYAN THOS KYI SA'I CHOS BSTAN LA, CHOS BSTAN PA DES KYANG GANG DAG STONG GSUM GYI STONG CHEN PO'I 'JIGS RTEN GYI KHAMS KYI SEMS CAN DE DAG THAMS CAD DGRA BCOM PA NYID MNGON DU BYAS PAR GYUR KYANG, DA DUNG NYAN THOS KHYOD KYIS NGA LA NYAN THOS KYI BYA BA BYAS PAR MI 'GYUR RO, ,KUN DGA' BO GAL TE KHYOD KYIS BYANG CHUB SEMS DPA' SEMS DPA' CHEN PO LA, SHES RAB KYI PHA ROL TU PHYIN PA DANG LDAN PA'I TSIG GCIG CIG BSTAN NAM BSHAD NA, DE LTAR NA NYAN THOS KYIS NGA MNYES PAR BYAS PAR 'GYUR RO, , CHOS BSTAN PA SNGA MAS GANG DAG STONG GSUM GYI STONG CHEN PO'I 'JIG RTEN GYI KHAMS KYI SEMS CAN DE DAG THAMS CAD DGRA BCOM PA NYID THOB PAR GYUR LA, DGRA BCOM PA DE DAG GI SBYIN PA LAS BYUNG BA'I BSOD NAMS BYA BA'I DNGOS PO DANG, TSUL KHRIMS LAS BYUNG BA'I BSOD NAMS BYA BA'I DNGOS PO DANG, BSGOMS PA LAS BYUNG BA'I BSOD NAMS BYA BA'I DNGOS PO GANG YIN PA DE LA KUN DGA' BO JI SNYAM DU SEMS, BSOD NAMS KYI PHUNG PO MANG BA YIN NAM, GSOL BA, BCOM LDAN 'DAS MANG LAGS SO, ,BDE BAR GSHEGS PA MANG LAGS SO, ,BCOM LDAN 'DAS KYIS BKA' STZAL PA, KUN DGA' BO DE LTA BAS KYANG SU ZHIG BYANG CHUB SEMS DPA' SEMS DPA' CHEN PO RNAMS LA SHES RAB KYI PHA ROL TU PHYIN PA DANG LDAN PA'I CHOS STON NA, NYAN THOS KYI THEG PA'I GANG ZAG DE BSOD NAMS KYI PHUNG PO CHES MANG DU BSKYED DE, ,KUN DGA' BO DE BAS KYANG GANG SU ZHIG BYANG CHUB SEMS DPA' SEMS DPA' CHEN PO RNAMS LA SHES RAB KYI PHA ROL TU PHYIN PA DANG LDAN PA'I CHOS THA NA NYI MA GCIG STON NA DE BSOD NAMS KYI PHUNG PO CHES MANG DU BSKYED DO, ,KUN DGA' BO NYI MA GCIG LTA ZHOG LA THA NA SNGA DRO 'AM, KUN DGA' BO SNGA DRO LTA ZHOG LA THA NA CHU TSOD GCIG NAS @190A *, ,SKAD CIG GCIG CES BYA'O, ,DE BZHIN DU SBYAR TE, KUN DGA' BO 'DI NI BYANG CHUB SEMS DPA' SEMS DPA' CHEN PO DE'I CHOS SBYIN PA STE, NYAN THOS KYI THEG PA THAMS CAD DANG RANG SANGS RGYAS KYI THEG PA'I GANG ZAG THAMS CAD KYI DGE BA'I RTZA BA ZIL GYIS, MNAN PA'O, ,KUN DGA' BO BYANG CHUB SEMS DPA' SEMS DPA' CHEN PO DGE BA'I RTZA BA 'DI LTA BU DANG LDAN PA, DGE BA'I RTZA BA 'DI LTA BU SEMS PA LA NI GNAS MA YIN ZHING GO SKABS MED DE, GANG BYANG CHUB SEMS DPA' SEMS DPA' CHEN PO DE BLA NA MED PA YANG DAG PAR RDZOGS PA'I BYANG CHUB LAS PHYIR LDOG PA DE NI GNAS MED DO ZHES BYA BA'O, ,CHOS KYI SBYIN PA JI LTAR SBYIN PAR BYA ZHE NA, 'PHAGS PA DAM PA'I CHOS {PADMA} DKAR PO'I MDO LAS GSUNGS PA, MKHAS PA DUS SU SEMS PAR BYED PA NA, ,KHANG BUR ZHUGS TE DE BZHIN SGO BCAD NAS, ,CHOS 'DI THAMS CAD LA NI TSUL BZHIN BLTA, ,LANGS NAS ZHUM PA MED PA'I SEMS KYIS SHOD, ,MKHAS PA BDE LA RTAG TU GNAS PAR 'GYUR, ,BDE LA 'DUG NAS DE BZHIN CHOS KYANG STON, ,GTZANG ZHING YID DU 'ONG BA'I SA PHYOGS SU, ,YANGS PA'I STAN NI RAB TU BSHAMS BTING STE, ,BZANG PO'I TSON GYIS LEGS PAR KHA BSGYUR BA, ,CHOS GOS GTZANG MA DE NI RAB BGOS NAS, ,RDUL GZAN NAG PO DE BZHIN BSHAMS BYAS LA, ,SHAM THABS CHE TSAD LEGS PAR RAB BGOS NAS, ,BCOS BU'I RAS RNAMS SNA TSOGS LEGS PA BTING BA, ,RKANG RTEN BCAS PA'I KHRI LA RAB 'DUG CING, RKANG PA LEGS PAR BKURS TE STENG 'DZEGS NAS, ,GDONG DANG BZHIN GYI MDANGS NI RAB SNUM ZHING, ,CHOS KYI STAN DE LA NI RAB 'DUG NAS, ,SEMS CAN LHAGS PA RTZE GCIG GYUR RNAMS LA, ,GTAM MANG SNA TSOGS MANG PO SMRA BA DANG, ,DGE SLONG DAG DANG DGE SLONG MA RNAMS DANG, ,DGE BSNYEN RNAMS DANG DGE BSNYEN MA DAG DANG, ,RGYAL PO DAG DANG RGYAL BU RNAMS LA YANG, ,MKHAS DE RTAG TU PHRAG DOG MED PAR NI, ,SNA TSOGS DON LDAN SNYAN PA'I GTAM YANG STON, ,LE LO DAG KYANG RNAM PAR RAB SPANGS NAS, ,SKYO BA YI NI 'DU SHES BSKYED MI BYA, ,MKHAS PAS MI DGA' THAMS @190B CAD RNAM PAR SPANG, ,BYAMS PA'I STOBS NI 'KHOR LA BSGOM PAR BYA, ,NYIN MTSAN DU YANG CHOS MCHOG RAB TU BSGOM, ,MKHAS PA DE NI BYE BA KHRAG KHRIG DPES, ,'KHOR RNAMS MGU ZHING DE BZHIN DGA' BAR BYED, ,DE LA NAM YANG 'DOD PA CHUNG ZAD MED, ,ZAS DANG SKOM DANG BZA' DANG BCA' BA DANG; ,GOS DANG MAL CHA CHOS GOS RNAMS DANG NI, ,NA BA'I GSOS SMAN DAG KYANG MI BSAM STE, ,'KHOR RNAMS LA NI CI YANG MI BSLANG NGO, ,GZHAN DU MKHAS PA RTAG TU BDAG NYID DANG, ,SEMS CAN 'DI DAG SANGS RGYAS 'GRUB PAR SHOG ,PHAN PHYIR 'JIG RTEN CHOS GANG BSTAN PA DE, , BDAG GI BDE BA'I YO BYAD KUN SNYAM SEMS, ,ZHES BYA'O, ,YANG DE NYID LAS, CHOS KYI RNAM GRANGS 'DI RAB TU STON PA NA, CHOS KYI DGA' BA SNYOMS PA BYED DE THA NA 'GA' TZAM LA YANG CHOS KYI DGA' BAS LHAG PAR PHAN 'DOGS PAR MI BYED DO ZHES GSUNGS SO, ,ZLA BA SGRON MA'I MDO LAS KYANG, CHOS KYI SBYIN PA'I CHED KYI PHYIR, ,GAL TE KHYOD LA GSOL 'DEBS NA, ,RAB RGYAS DAG GIS MA BRLABS ZHES, ,THOG MAR TSIG DE BRJOD PAR BYA, ,KHYOD NI SHES SHING MKHAS YIN NA, ,BDAG NYID CHEN PO'I MDUN DU NI, ,BDAG GIS JI LTAR BSHAD NUS ZHES, ,KHYOD KYIS DE SKAD BRJOD PAR BYA, , 'PHRAL DU BRJOD PAR MI BYA YI, ,SNOD LA BRTAG PA BYAS NAS BYA, ,GAL TE SNOD NI SHES GYUR NA, ,GSOL MA BTAB KYANG BSHAD PAR BYA, ,'KHOR NI MANG PO 'KHOR NANG DU, ,GAL TE NGANG TSUL NGAN MTHONG NA, ,KHYOD KYI YO BYAD BSNYUNGS MI BSHAD, ,SBYIN PA'I BSNGAGS PA BRJOD PAR BYA, ,GAL TE 'DOD PA CHUNG GYUR TE, ,TSUL KHRIMS DAG PAR GNAS YIN NA, ,KHYOD KYIS BYAMS PA'I SEMS BSKYED LA, ,YO BYAD BSNYUNGS PA'I GTAM GYIS SHIG ,GAL TE SDIG 'DOD NYUNG GYUR CING, ,TSUL KHRIMS LDAN PA MANG GYUR LA, ,GNYEN PO RNYED PA DE YI TSE, ,TSUL KHRIMS BSNGAGS PA BRJOD PAR BYA; ,ZHES GSUNGS SO, ,'PHAGS PA BLO GROS RGYA MTSOS ZHUS PA'I MDO LAS KYANG, 'DI LTA STE, SHA ME SHA MA BA TI, SHA MI TA SHA TRU AAm KU RE, MAm KU RE, M'A RA DZI TE, KA RO TI, KE Y'U RE, A'U KO H'A YA TI, BI SHA THA NI RMA LE, MA L'A PA NA YA, AU KHA RE, KHA RO GRA SE, GRA SA NE, HE M'U KH'I, PA R'A @191A *, ,MU KH'I, A'A M'A KH'I, SHA MI T'A NI, SARBA GRA HA BANDHA N'A NI, NI GRi H'I TVA, SARBA PA RA PRA B'A DI NA PI MU KT'A M'A RA PRA SH'A STH'A PI T'A, BUDDHA MU DR'A, SA MU DGHA TI T'A SARBA M'A RA, AA TZA LI TA PA DA PA RI SHUDDHE, BI GA TZTSANTU, SARBA M'A KARMA nI, BLO GROS RGYA MTSO SNGAGS KYI TSIG 'DI DAG NI BDUD TSAR GCAD PA'I TSIG NYON MONGS PA BSAL BA'I TSIG STE, DE DAG CHOS SMRA BA DES LEGS PAR KHA TON DU BYAS LA CHOS KYI KHRI LA 'DUG STE, BYANG CHUB KYI RNAM PAS MNGON PAR SGRUB PA'I BYAMS PAS 'KHOR THAMS CAD LA KHYAB PAR BYAS LA, BDAG LA SMAN PA'I 'DU SHES BSKYED DE, CHOS LA SMAN GYI 'DU SHES DANG, CHOS NYAN PA LA NAD PA'I 'DU SHES DANG, DE BZHIN GSHEGS PA LA SKYES BU DAM PA'I 'DU SHES DANG, CHOS KYI TSUL LA YUN RING DU GNAS PA'I 'DU SHES BSKYED LA, SNGAGS KYI TSIG 'DI DAG MNGON DU BYAS TE, DE CHOS KYI GTAM BYED NA, DE'I KHOR YUG DPAG TSAD BRGYA TSUN CHAD DU BDUD KYI RIS KYI LHA RNAMS MTHO BTZAM PAR BYA BA'I PHYIR 'ONG BAR MI 'GYUR RO, ,GANG DAG 'ONG BA DE DAG GIS KYANG BAR CHAD BYED PAR MI NUS SO ZHES GSUNGS SO, ,YANG DE NYID LAS GSUNGS PA, CHOS SMRA BAS GTZANG SBRA DANG, KUN DU SPYOD PA GZOB PA DANG; LEGS PAR BKRUS PA DANG, LEGS PAR GOS BGO BAR BYA'O ZHES SO, ,DE LTAR CHOS KYI SBYIN PA DANG, ,BYANG CHUB SEMS NI MDOR BSDU NA, ,BSOD NAMS 'PHEL BA'I RGYU YIN NO, ,DKON MCHOG ZA MA TOG GI MDO LAS JI SKAD DU 'JAM DPAL 'DI LTA STE, DPER NA SPOS GYI SHING LJON PA SNA TSOGS NI KHAMS BZHIS BZUNG NAS RNAM PAR 'PHEL LO, ,'JAM DPAL DE BZHIN DU TSOGS SNA TSOGS BSAGS PA'I BYANG CHUB SEMS DPA'I DGE BA'I RTZA BA YANG BYANG CHUB KYI SEMS KYIS BZUNG ZHING THAMS CAD MKHYEN PA NYID DU YONGS SU BSNGOS NA RNAM PAR 'PHEL LO ZHES GSUNGS PA BZHIN NO, ,PHYOGS 'DI NI LAS DANG PO BA RNAMS 'PHRAL DU BYANG CHUB SEMS DPA'I BSLAB PA DRAN PAR BYA BA'I PHYIR BSTAN TE, RGYA CHER NI SANGS RGYAS KYI YUL NYID YIN NO, ,'DIR, BSLAB PA JI LTAR BRJOD PA 'DI'I, ,'GRUB PA YANG DAG SPONG RNAMS TE, ,BAG YOD PA DANG MA BRAL ZHING,, @191B DRAN PA DANG NI SHES BZHIN DANG, ,TSUL BZHIN DU NI SEMS PAS SO, ,DE LA SDIG PA MI DGE BA'I CHOS MA SKYES PA RNAMS MI BSKYED PA'I PHYIR 'DUN PA SKYED DO 'BAD DO BRTZON 'GRUS RTZOM MO SEMS RAB TU 'DZIN TO YANG DAG PAR RAB TU 'JOG GO ZHES BYA BA 'DIS NI BSRUNG BA'O, ,SDIG PA MI DGE BA'I CHOS SKYES PA RNAMS SPANG BA'I PHYIR 'DUN PA SKYED CES BYA BA 'DIS NI DAG PA'O, ,DGE BA'I CHOS MA SKYES PA RNAMS BSKYED PA'I PHYIR 'DUN PA SKYED PA DANG, SKYES PA RNAMS GNAS PA DANG 'PHEL BAR BYA BA'I PHYIR ZHES BYA BA 'DIS NI 'PHEL BA BSTAN TO, ,DE DAG KYANG RTAG TU BAG YOD PA DANG, MA BRAL BAR BYA STE, DE NI DGE BA THAMS CAD KYI RTZA BA YIN PA'I PHYIR RO, ,ZLA BA SGRON MA'I MDO LAS JI SKAD DU, TSUL KHRIMS THOS DANG GTONG DANG DE BZHIN BZOD, ,DGE BA'I CHOS SU BRJOD PA JI SNYED PA, ,KUN GYI RTZA BA BAG YOD 'DI YIN TE, ,GTER 'THOB BYED CES BDE BAR GSHEGS PAS BSTAN; ,ZHES GSUNGS PA BZHIN NO, ,BAG YOD PA ZHES BYA BA 'DI JI LTA BU ZHE NA, 'DOD PA LAS NYAMS PA DANG MI 'DOD PA BYUNG BAR DOGS PA SNGON DU 'GRO BAS GZOB PA LHUR LEN PA STE, 'DI LTA STE, DPER NA RGYAL PO DRAG PO KHRO ZHING MGU DKA' BA'I BRAN SMAN GYI 'BRU MAR GYIS GANG BA'I SNOD THOGS TE, STEGS 'DRED PA LA 'GRO BAS BYA BA BZHIN NO, ,DE BZHIN GSHEGS PA'I GSANG BA'I MDO LAS GSUNGS TE, DE LA BAG YOD PA GANG ZHE NA, GANG 'DI DBANG PO SDOM PA'O, ,DE MIG GIS GZUGS RNAMS MTHONG NA MTSAN MAR MI 'DZIN CING MNGON RTAGS SU MI 'DZIN PA NAS, YID KYIS CHOS RNAMS RNAM PAR SHES NA MTSAN MAR MI 'DZIN CING MNGON RTAGS SU MI 'DZIN PA YIN TE, CHOS RNAMS KYI RO MYANG BA DANG NYES DMIGS DANG 'BYUNG BA YANG YANG DAG PA JI LTA BA BZHIN DU RAB TU SHES PA STE, 'DI NI BAG YOD PA ZHES BYA'O, ,GZHAN YANG BAG YOD PA NI GANG RANG GI SEMS 'DUL BA DANG, GZHAN GYI SEMS RJES SU SRUNG BA DANG, NYON MONGS PA LA DGA' BA SEL BA DANG, CHOS LA DGA' BA'I RJES SU 'JUG PA LA SOGS PA 'DI NI BAG YOD PA ZHES BYA'O, ,GSANG BA PA'I BDAG PO SU DAD PA DANG LDAN ZHING BAG YOD PA DANG LDAN PA DES NI @192A *, ,BRTZON 'GRUS GANG GIS BAG YOD PAR BYED PA DANG DAD PAR BYED PA'I CHOS DE DAG YANG DAG PAR SGRUB PAR 'GYUR BA'I BRTZON 'GRUS DANG LDAN PAR BYA'O, ,GSANG BA PA'I BDAG PO SU DAD PA DANG BAG YOD PA DANG BRTZON 'GRUS DANG LDAN PA DES NI, DRAN PA DANG SHES BZHIN GANG GIS BYANG CHUB KYI PHYOGS KYI CHOS RNAMS CHUD ZA BAR MI 'GYUR BA'I DRAN PA DANG SHES BZHIN DANG LDAN PAR BYA'O, ,GSANG BA PA'I BDAG PO SU DAD PA DANG BAG YOD PA DANG, BRTZON 'GRUS DANG DRAN PA DANG SHES BZHIN DANG LDAN PA DES TSUL BZHIN DU SBYOR BA LA BRTZON PAR BYA'O,, GSANG BA PA'I BDAG PO TSUL BZHIN LA BRTZON PA'I BYANG CHUB SEMS DPA' NI GANG YOD PA DE YANG YOD PAR RAB TU SHES SO, ,GANG MED PA DE YANG MED PAR RAB TU SHES ZHES BYA BA NAS, KUN RDZOB TU MIG LA SOGS PA YOD DO ZHES BYA BA'I BAR DU'O, ,DE BZHIN DU DE NYID LAS, SEMS CAN DON BRTZON BYANG CHUB SEMS DPA' NI, ,TSUL BZHIN NYID KYIS DBEN SEMS GANG YIN DANG, ,RTAG TU BAG YOD 'CHI MED RGYU YIN TE, ,YONGS SU 'DZIN MED BDE BA KUN GYI RGYU, ,ZHES GSUNGS SO, ,YANG SMRAS PA, BDAG GZHAN MNYAM NYID GOMS BYAS PAS, , BYANG CHUB SEMS NI BRTAN PAR 'GYUR, ,BDAG DANG GZHAN NYID LTOS PA STE, ,PHA ROL TSU ROL JI BZHIN BRDZUN, ,DOGS DE RANG GIS PHA ROL MIN, ,GANG LA LTOS TE TSU ROL 'GYUR, ,BDAG NYID RANG GIS MI GRUB NA, ,GANG LA LTOS TE GZHAN DU 'GYUR, ,GAL TE DE LA SDUG BSNGAL BAS, ,BDAG LA MI GNOD PHYIR MI SRUNG, ,MA 'ONGS SDUG BSNGAL KHYOD LA NI, ,GNOD MI BYED PAS CI STE SRUNG, ,DE TSE'ANG BDAG NYID YIN SNYAM PA'I, ,RNAM RTOG DE NI LOG PA STE, ,GANG PHYIR 'CHI BA GZHAN NYID LA, ,DER SKYE BA YANG GZHAN NYID YIN, ,GAL TE GZHAN ZHIG DER SKYES NA, ,BSOD NAMS KYIS NI CI ZHIG DGOS, ,CI PHYIR GZHON TSE LUS RGAS PA, ,BDE BAR BYA PHYIR NOR STZOGS BYED, ,MNGAL NA GNAS PA ZHIG PA LAS, ,BYIS PAR GYUR PA GZHAN YIN LA, ,BYIS PA ZHIG NAS GZHON NU NYID, ,DE ZHIG NAS NI DAR LA BAB, ,DE ZHIG NAS @192B NI RGAS GYUR TE, ,LUS NI JI LTAR GCIG PAR 'DOD, ,DE LTAR SKAD CIG SO SO BAS, ,LUS GZHAN SEN MO SKRA TSOGS BZHIN, ,CI STE BYIS PA'I TSANG BOR NAS, ,BYIS PA GZHON NU NYID GYUR NA, ,GANG ZHIG GNAS SKABS BRAL GNAS PA, ,LUS KYI RANG BZHIN BRJOD PAR GYIS,, LUS NI SKU GZUGS 'DRA ZHE NA, ,MAR ME THAL BA LA DE MED, ,GAL TE RAGS SPANGS PHRA DNGOS SU, ,DE LA RNAM PAR GNAS SHE NA, ,RANG NYID BSTAN PA TZAM 'GYUR BAS, ,DE NI LUS ZHES BRJOD MI BYA, ,DE LA BDAG NI BSAM PA MED, ,SNANG BA'I LUS NI 'JIG DANG LDAN, , GNAS SKABS RNAMS DANG 'BREL GYUR PA, ,KUN RDZOB NYID DU SNANG BA YIN, ,LUNG GIS KYANG NI DE YOD NA, ,RIGS PA DANG NI LUNG GIS BZLOG ,'DI LTAR YON TAN MA GTOGS PAR, ,GTZO BO YOD PA MA YIN LA, ,GTZO BO GSUM YANG YOD MA YIN, ,DE BZHIN YON TAN YOD NA YANG; ,DE NI SO SO RNAM GSUM BDAG ,'GRO BA LHAG MA RNAM PA DGUR, ,SEMS PA MED PA GOS LA SOGS, ,DE BDE'I BDAG NYID JI LTA BU, ,SNAM STZOGS LAS SKYES BDE SOGS MIN, ,SNAM STZOGS LAS NI BDE SOGS YIN, ,SNAM BU LA SOGS RGYU MED PHYIR, ,MED NA DE BDE GA LA YOD, ,DE LTAR LUNG DANG RIGS PA YIS, ,'DUS BYAS THAMS CAD MI RTAG PA, ,DE YI RGYU 'BRAS 'BREL BA NI, ,MNGON SUM YIN PAS MI GNOD DO, ,DE NI RANG GI RGYUD LAS MTHONG, ,RTAG PA LA NI JI LTA BUR, ,PHRA RAB RDUL YANG GCIG MIN TE, ,PHYOGS KYI DBYE BA MI 'THAD PHYIR, ,MAR ME'I 'BRU MAR ZAD 'GYUR BA, ,ZAD 'GYUR TSE NA MNGON PA MED, ,DE LTAR DNGOS PO ZAD PAR YANG, ,SKAD CIG RE RE MI MNGON NO, ,RGYUD DANG TSOGS ZHES BYA BA YANG, ,PHRENG BA DMAG LA SOGS BZHIN BRDZUN, ,DE LA GOMS PAS NGAR 'DZIN NA, ,GZHAN LA CI PHYIR SKYE MI 'GYUR, ,DE PHYIR SKYE MCHED TSOGS BZHIN DU, ,'GRO BA GCIG TU SHES PAR BYA, ,MA BYUNG NYID NAS SDUG BSNGAL DE, ,GZHAN GYI BDAG LAS PHYIR BZLOG BYA, ,DE YANG MI RIGS 'GYUR ZHE NA, ,GZHAN LA'ANG RANG GI BDAG NYID MED, ,BDAG GZHAN MI @193A *, ,RIGS GANG YIN DE, ,CI RIGS PAR NI BZLOG BYA YIN, ,SNYING RJES SDUG BSNGAL MANG GYUR PAS, ,CI PHYIR NAN GYIS SKYED CE NA, ,'GRO BA'I SDUG BSNGAL BRTAG BYAS NA, ,JI LTAR SNYING RJE SDUG BSNGAL MANG, ,DE LTAR RGYUD NI GOMS GYUR PA, ,GZHAN GYI SDUG BSNGAL ZHI DGA' BAS, ,PADMA'I NAGS SU NGANG PA LTAR, ,MNAR MED PAR YANG 'JUG PAR 'GYUR, ,SEMS CAN RNAM PAR GROL BA NA, ,DGA' BA'I RGYA MTSO GANG YIN PA, ,DE NYID KYIS NI CHOG MIN NAM, ,RO MED THAR PAS CI ZHIG BYA, ,DE LTAR GZHAN GYI DON BYAS PAS; ,RLOM SEMS DANG NI NGO MTSAR MED, ,GCIG TU GZHAN DON LA DGA' BAS, ,RNAM SMIN 'BRAS BU RE BA MED, ,PHYOGS BCU'I SEMS CAN PHUN TSOGS DE'I, ,BDAG GI YIN PAR GDON MI ZA, ,GZHAN BDE BDAG GIR 'DU SHES PAS, ,BDAG LA PHRAG DOG GO SKABS MED; ,SDIG PA BSHAGS PAR BYA BA DANG, ,BSOD NAMS RJES SU YI RANG DANG, ,SANGS RGYAS BSKUL DANG GSOL GDAB PA, ,GZHAN DANG BDAG GI PHYIR BYED DO, ,YONGS SU BSNGO BA DE BZHIN TE, ,BYE BRAG MED PAR RAB TU 'JUG ,DE LTAR SEMS CAN KHAMS BZHIN DU, BSOD NAMS MTHA' YAS RAB TU 'BYUNG, ,LAM 'DI DAM PA MCHOG YIN TE, ,BDE BA MTHA' YAS DUS STON BZANG, ,BYANG CHUB SEMS DPA'I DED DPON CHES, ,GANG ZHIG DGA' BA 'PHEL BA YIN, ,LAG NA RDO RJE BSEL MCHOG RNAMS, ,BDUD KYI GCAN PA SKRAG BYED CING, SANGS RGYAS PHYAG BRNYAN RNAMS KYIS KYANG, ,RTAG TU YONGS SU BSRUNG BA YIN, ,RDZOGS PA'I SANGS RGYAS RGYAL BA'I SRAS, ,BYANG CHUB SEMS KYI SHING RTAR ZHUGS, ,LHA LA SOGS PAS STOD BYED CING, ,LAM DE NAS NI 'GRO BAR BYED, ,DE LTAR SEMS CAN RNAMS LA BDAG , GOMS BYAS TSUL GYIS SGRO BTAGS TE, ,BDAG GZHAN SDUG BSNGAL ZHI BYA'I PHYIR, ,BDAG LA SOGS PA RNAM KUN GTANG, ,GANG ZHIG SRED PAS YONGS ZIN PA, ,DE YI SDUG BSNGAL ZHIR MI 'GYUR, ,'GYUR BAS RNAM PAR CHUD ZOS NAS, ,DE NI 'DI LTAR SDUG BSNGAL SKYED, , @193B 'JIG RTEN SDUG BSNGAL MES GDUNGS NA, ,RANG GI BDE LA DGAR CI YOD, ,KUN NAS TSIG PAR GYUR PA YI, ,LUS LA'ANG BDE BA CI ZHIG YOD, ,BDAG LA CHAGS PAR BYED PA NI, ,SDUG BSNGAL KUN GYI RTZA BA MCHOG ,DE LTAR SEMS CAN THAMS CAD LA, ,BDAG NOR GTANG ZHING DE GZHOM MO, ,RTEN CING 'BREL 'BYUNG BSAM PA YIS, ,BDAG LA MA CHAGS DRAN BYAS TE, ,'BAD PA KUN GYIS DE'I PHO NYA, ,DAM PA SHES KHE 'DOD PHAM BYA, ,GANG GIS 'JIGS PAS DE MI GTONG, ,DE MA BYIN NA 'JIGS PA YIN, ,'DI LTAR BDAG GI LUS DANG SEMS, , SKAD CIG RE RES 'GRO BA NYID, ,GAL TE MI RTAG DRI 'BAB PA'I, ,LUS KYIS RTAG CING DRI MED PA'I, ,BYANG CHUB THOB PAR 'GYUR NA NI, ,DE NI RIN MED RNYED MIN NAS, ,RTZI SMAN GZUGS DANG 'DRA BAR NI, ,'JIG RTEN CHOS LA MI SEMS PAS, ,DA LTAR BDAG KYANG GTANG BYOS LA; ,SEMS CAN KUN GYI DON DU SPYOD, ,SEMS CAN KUN PHYIR BLON POR NI, ,RANG GI SHES RAB BKOL BAR BYA, ,RIGS PAS NOR DE BSRUNG BYAS TE, ,SEMS CAN RNAMS LA MKHO BAR SPYAD, ,BDAG GI LUS DANG GZHAN LUS LA, ,SDUG BSNGAL MANG SEL SDUG BSNGAL GANG, , DE BYA BDE BA'ANG DE BZHIN TE, ,BDE BA MANG BYED BSKYED PAR BYA, ,SEMS CAN LONGS SPYOD GEGS BYED PHYIR, ,BSGRIBS TE NYON MONGS SBYANGS BYAS TE, ,'JIG RTEN 'TSO BA'I 'BAB STEGS NAS, ,SPRUL GYI RO BSAL BZHIN DU BYA, ,BSOD NAMS ZHING 'DI DAG GYUR NA, ,PHUN SUM LO TOG 'BRAS BU CHE, ,BDE BA'I MU GES GDUNGS PA YI, ,'GRO BA DAG NI TSIM PAR 'GYUR, ,'THOB DANG BKUR STI LUS LA SOGS, ,SKYO LA BDAG GIS BTANG MIN NAM, ,CI PHYIR DA DUNG 'KHRUG PAR BYED, ,BDAG GIS BRDZUN DU DE SMRAS SAM, ,RANG DON GNOD BYED LA SDANG NA, 'O NA SNYING RJE GANG DU 'BYUNG, ,GAL TE GZHAN DON 'JIG PA LA, ,SNYING RJE MED PA'ANG SU ZHIG 'KHRUG ,GLA RTZI BU RAM SHING LA SOGS, ,BDAG POS MI SHES BZHAG NYES TE, ,LONGS SPYOD DU NI MI RUNG BAS, ,SPYOD BRGYAD LA SOGS 'OS YIN BDEN, ,BDAG PO LA NI PHAN 'DOD @194A *, ,NAS, ,RIM GRO BYA BAR SEMS PA MED, ,DE LA BSKUL BA'ANG MI BYED DE, ,LONGS SPYOD PHYIR YANG 'GRO MI BYED, ,MA RMOS MA BTAB RGYAL SRAS RNAMS, ,DE DAG RJES 'BRANGS NYER SONG STE, ,SNA TSOGS MI BZAD KHAMS RNAMS DANG, ,DBANG PO KUN GYI SMAN CHEN 'GYUR, ,DE DAG SHES BYAS DRAN BYAS TE, ,KHRO BA DANG NI GNOD BYED KYANG, ,SDUG BSNGAL RNAMS LA ZHIM PA YI, ,RANG BZHIN MI 'DOR BDE BAR BYED, ,SA DANG CHU DANG ME DANG RLUNG, ,NAM MKHA' ZHES BYA KHAMS LNGA PO, ,SEMS CAN JI SRID GNAS SRID DU, ,KUN GYI DON NI BYED PA STE, ,NYES SPYOD KUN GYIS DE DAG NI, ,SEMS CAN DON LAS MI LDOG GO, ,DE BZHIN BDAG GIS KHAMS DRUG PO, ,'DI DAG DON MED MI BYA'O, ,NAM MKHA'I MTHA' NI JI TZAM PAR, ,'JIG RTEN MTHA' NI SRID GYUR PA, ,DE SRID 'JIG RTEN DON BYED PAS; ,YE SHES SNGON BTANG GNAS PAR BGYI, ,BYA BA BSRUNGS NA BDAG LA NI, ,BDAG GIS MI DRI NAN GYIS SU, ,SLOB DPON BDAG GIS RTAG PAR BDAG ,SLOB MA MCHOG BZHIN BSLAB PAR BYA, ,BDAG GI BLA MA BDAG 'DRA BAR, ,BDAG GI BAG NYAL SKYON SUS SHES, ,BDAG SDUG BSNGAL DANG BDAG 'JIGS PAS, ,SU ZHIG DE LTAR SDUG CING 'JIGS, ,SKYO BAR MI 'GYUR 'GROS MI 'GYUR, ,SNYING RJE YI YANG YUL GYUR CIG ,RTAG TU NYE BAR GNAS GYUR PA, ,SLOB MA BDAG 'DRA GA LA YOD, ,NYON MONGS KYIS SMYO GTI MUG LDONGS, ,G-YANG SA MANG PO'I LAM DU NI, ,GOM PA RE RE RDEG 'CHA' BA, ,BDAG DANG GZHAN RTAG MYA NGAN GZHI, ,'GRO BA RNAMS NI SDUG BSNGAL MTSUNGS, ,DE BAS 'KHRUL PA BTZAL MI RIGS, ,'DI LA YON TAN MTHONG NA NI, ,NGO MTSAR CHEN PO BYA BA'I RIGS, ,NYES PA RGYA MTSO BDAG GCIG PU, ,BLANG BAR NUS PA MA YIN PAS, ,'DI NA BDAG LA GZHAN YANG DGOS, ,NYES LAS THAR BYED GZHAN GANG YIN, ,PHA ROL BSKUL LA MKHAS PA PO, ,GSOL BA MA BTAB PHAN BYED KYI, ,TSIG NI SPYI BOS BLANG BAR BYA, ,BDAG NI @194B KUN GYI SLOB PAR BYA, ,NYON MONGS DGRA NI MANG PO DANG, ,GCIG PU BDAG NI G-YUL 'GYED TSE, ,DE NA GCIG DANG 'THAB PA NA, ,GZHAN NI BDAG GI BDE BA 'JOMS, ,SDANG NGAM MI SDANG GYUR KYANG RUNG, ,DE NA LA LA RGYAB NAS SAM, ,GZHAN NAS 'JIGS PA SGROGS BYED PA; ,DE NI BDAG LA SROG PHANGS SBYIN, ,SDUG BSNGAL KUN GYI SMAN PA MCHOG ,BDE BA'I DGA' STON RAB TSOGS ZHING, ,RNAM PA KUN DU NYER 'TSO BA, ,'JAM DBYANGS KHYOD LA PHYAG 'TSAL LO, ,DE LTAR BDE BAR GSHEGS KYI SRAS, ,RNAM KUN RMAD DU BYUNG RNAMS KYI; ,SPYOD PA NYE BAR BKOD PA YI, ,DGE BA BDAG GIS GANG BSAGS PA, ,BDE GSHEGS GO 'PHANG MTHA' YAS NI, ,NAM MKHA'I MTSAMS PAR DBANG MDZAD PA, ,DE YI BDE BA MTHA' YAS RNAMS, ,LUS CAN DAG GIS THOB PAR SHOG ,BSOD NAMS SPEL BA RDZOGS SO,, ,,BSLAB PA KUN LAS BTUS PA ZHES BYA BA BYANG CHUB SEMS DPA'I 'DUL BA MDO SDE DU MA LAS BTUS PA, SLOB DPON ZHI BA'I LHAS MDZAD PA RDZOGS SO,, ,RGYA GAR GYI MKHAN PO DZI NA MI TRA DANG, D'A NA SH'I LA DANG, ZHU CHEN GYI LO TZ'A BA PA NA DE YE SHES SDES BSGYUR CING ZHUS TE GTAN LA PHAB PA,, ,,SLAD KYI KHA CHE'I PAndI TA TI LA KA KA LA SHA DANG, LO TZ'A BA DGE SLONG BLO LDAN SHES RAB KYIS SRI MDA'I DGON PAR ZHU TUG LEGS PAR BYAS PA'O,, #, ,DE BZHIN GSHEGS PA'I SNYING PO YI GE BRGYA PA'I BSRUNG BA DANG SDIG PA BSHAGS PA'I CHO GA ,DPAL RDO RJE SEMS DPA' LA PHYAG 'TSAL LO, ,DE BZHIN GSHEGS PA'I SNYING PO BRGYAD STONG BZLAS NA 'JIG RTEN PA DANG 'JIG RTEN LAS 'DAS PA'I DKYIL 'KHOR THAMS CAD DU ZHUGS PAR 'GYUR RO, ,DE YANG GANG ZHE NA, NA MA STREE YA DHVI K'A N'Am, TA TH'A GA T'A N'Am, SARBBA TRA YA PRA TI HA T'A B'A PTI, DHA RMMA TA BA LI N'A NA, AOm AA SA MA SA MA, SA SA MA BA LVA, HA SA HA SA, TRA YA TRA YA, GA GA NA MA HVA BA SMA RA NnE, BI GA TA R'A GA BUDDHA DHA RMMA TE, SA RA SA RA, SA MA BA L'A, HA SA HA SA, TRA YA TRA YA, GA GA NA MA H'A BA RA LA KshA nE, DZVA LA DZVA LA NA S'A GA RE SV'A H'A, @195A *, ,DE NI DE BZHIN GSHEGS PA THAMS CAD KYI SKU YIN TE, 'DI LA GUS PA BLA NA MED PA BYA'O, ,'DIS LAS DANG PO BA DAG KYANG SEMS CAN RNAMS LA SANGS RGYAS KYI MDZAD PA BYED PAR 'GYUR RO, ,'DI NYID BDUD LA SOGS PA DANG MA RUNGS PA THAMS CAD LAS SRUNG BAR BYED PA'I MCHOG YIN NO, ,THAL MO BRDAB PA'AM, THAL BA'AM, YUNGS KAR RAM, CHU'AM, BLTA BA'AM, YID KYIS KYANG MTSAMS GCOD PAR BYED DO, ,NAD KYIS BTAB NA SMAN GYI CHU LA SNGAGS KYIS BTAB STE BTUNG NGO, ,YANG NA MCHOD RTEN NAM, SKU GZUGS SAM, DAM PA'I CHOS KYI GLEGS BAM LA NAGS KYI ME TOG SEMS MNYAM PAR GZHAG STE 'BUL ZHING ZLA BA PHYED SBYOR BA BYAS NA NAD CHEN PO DAG LAS THAR BAR 'GYUR RO, ,SANGS RGYAS DANG BYANG CHUB SEMS DPA' LA DMIGS PA DANG, SEMS CAN THAMS CAD LA DMIGS PA DANG, SEMS CAN THAMS CAD KYI DON BYA BAR 'DOD PA'I SEMS KYIS BZANG PO'I SPYOD PA SNGON DU BYAS PAS BZLAS BRJOD BYA'O, ,CHO GA 'DI NI CHO GA DE'I MJUG NAS 'BYUNG BA'O, ,DAM TSIG GSUM GYI BZLAS BRJOD BYED PA NI KHRUS MA BYAS KYANG NYES PA MED DO, ,LHAG PA'I CHOS LA GTZANG SBRA MA BYAS KYANG NYES PA MED DO, ,PHYAG RGYA 'DRA BA DAG MI BZA'O, ,MI 'GOM MO, ,KHRI LA NYAL BAR MI BYA'O, ,CHANG MI BTUNG NGO, ,MOS PAS SPYOD PA'I BSLAB PA'I GZHI DANG LAS MI G-YO BA DANG THE TSOM MED NA SNGON NGANG TSUL NGAN PAR GYUR KYANG 'GRUB BO, ,MKHAS SAM MI MKHAS PA'I CHOS TE NGES PAR 'GRUB PO, ,DE SKAD DU DE NYID LAS, GANG ZHIG BYANG CHUB SEMS BRTAN ZHING, ,BLO GROS CHAGS PA MED PA DANG, ,THE TSOM DAG KYANG MI BYED PA, ,DE LA NGES PAR 'GRUB PAR 'GYUR, ,ZHES GSUNGS SO, ,BYANG CHUB KYI SEMS BRTAN PA NI 'DIR SO SO SKYE BO'I STOBS DANG LDAN PAR NGES PAR BYA BA'I PHYIR GSUNGS KYI, SAR CHUD PA'I DBANG DU BYAS PA NI MA YIN NO, ,'DI LA MA SHES NA SNGAGS RNAMS YI GE LHAG PAR BRJOD KYANG NYES PA MED DO, ,NYUNG YANG NYES PAR MI 'GYUR RO, ,CHO GA NYAMS KYANG NYES PAR MI 'GYUR RO, ,'ON KYANG DAD PA'I SHUGS DANG, BYANG @195B CHUB KYI SEMS KYI SHUGS DANG, RANG GI DON DOR BA'I SEMS BRTZAN PAR BYA STE, RNAM PAR MI RTOG PAR BRJOD NA GDON MI ZA BAR TSE 'DI NYID LA BYANG CHUB SEMS DPA' MTHONG BA DANG CI 'DOD PA YANG 'GRUB PAR 'GYUR RO, ,BSLAB PA KUN LAS BTUS PA LAS 'BYUNG BA DE BZHIN GSHEGS PA'I SNYING PO'I YI GE BRGYA PA'I BSRUNG BA DANG SDIG PA BSHAGS PA'I CHO GA ,SLOB DPON ZHI BA'I LHAS MDZAD PA RDZOGS SO,,#, ,RGYA GAR SKAD DU, SHIKAshA SA MU TZTSA YA AA BHI SA MA YA N'A MA, BOD SKAD DU, BSLAB PA KUN LAS BTUS PA'I MNGON PAR RTOGS PA ZHES BYA BA, BCOM LDAN 'DAS 'JAM PA'I RDO RJE LA PHYAG 'TSAL LO, ,STOBS BCU LDAN PA GANG GI ZHABS RDUL LA, ,LHA RNAMS COD PAN GYIS GTUGS DE BTUD DE, ,'JAM PA'I DBYANGS KYI ZHABS GTUGS ZHI BA'I LHAS, ,BSLAB PA'I GNAS RNAMS MDO SDE KUN LAS BTUS, ,DANG PO GNYIS NI PHYI MA BDUN GYIS BSHAD, ,GNYIS KYI DON NI RNAM DGUR SHES PAR BYA, ,LNGA YI 'OG DANG GNYIS KYI GONG MA NI, ,DANG PO YIN TE GZHAN NA GNYIS PA YIN, ,GNYIS KA'I DON NI ZLA BA TSES PA DANG, ,NYA DANG SDIG PA GSER GYI 'KHOR LO DANG, ,GLANG PO GDUGS DANG THIG LE DANG PO DANG, ,'JAM PA'I DBYANGS KYI PHYAG NA RAL GRI 'DZIN, ,RIN PO CHE NI KHYAD PAR GNYIS DANG BCAS, ,DAD DANG BLA MA'I TSOGS DANG GO CHA DANG, ,BYIN RLABS PHYIR MI LDOG DANG SPYOD PA DANG, ,LUNG BSTAN PA SKU GSUM YON TAN BCAS, ,BZHI LAS 'BRAS BUR GYUR PA DANG PO STE, ,GSUM NI YANG DAG SPONG BAR RAB TU GNAS, ,GNYEN PO GANG LA DE YI NGO BO STE, ,RTEN DANG NYES PA SPONG BA DANG PO YIN, ,SUN 'BYIN PA NI DE YI GNYIS PAR BRJOD, ,GNYEN PO SPYOD PA GNYIS PA'I DANG PO STE, ,SPYOD PA THA MA DE YI GNYIS PA YIN, ,MI MTHUN PA NI RNAM PA BRGYAD YIN TE, ,LAS DANG NYON MONGS LTA BA DAG LAS NI, ,'GYUR DANG GYUR PA'I KHYAD PAR RNAM PA DRUG ,RANG GI RTZA BA THA MA GNYIS DANG BCAS, ,'GYUR BA GSUM NI DANG PO'I CHOS SU GZHAG ,GYUR PA GSUM NI DANG PO'I GNYIS PA STE, ,RTZA BA @196A *, ,GNYIS KYANG DE DANG MTHUN PA YIN, ,GYUR PA GSUM NI GNYIS PA'I GNYIS PA STE, ,RTEN GYI DANG PO'I CHOS KYANG DE YI YIN, ,GYUR PA DANG PO STOBS KYI DANG PO STE, ,GYUR PA GNYIS PA PHUNG PO'I GNYIS PA YIN, ,GYUR PA GSUM PA PHUNG PO'I GSUM PA STE,, MI MTHUN GNYEN PO'I KHYAD PAR DE YIS BSTAN, ,TSOGS KYI LAM LA LNGA NI DNGOS YIN TE, ,DE LAS GZHAN PA RJES SU MTHUN PA YIN, ,SBYOR BA'I LAM LA BDUN NI DNGOS YIN TE, ,DE LAS GZHAN PA LNGA NI RJES MTHUN YIN, ,MTHONG BA'I LAM LA BCU NI DNGOS YIN TE, , DE LAS GZHAN PA GNYIS NI RJES MTHUN YIN, ,TSOGS KYI LAM LA BSRUNG BA GTZO BO STE, ,CHOS GZHAN GSUM PO MOS PA MCHOG DANG LDAN, ,SBYOR BA'I LAM LA SPEL BA GTZO BO STE, ,GSUM PO DAG LA JI LTAR 'TSAM PAR ZAD, ,MTHONG BA'I LAM LA DAG PA GTZO BO STE, , GSUM PO DAG GIS BDAG DANG GZHAN GYI DON, ,BSGOM PA'I LAM LA PHA ROL PHYIN PA STE, ,BSDU BA'I DNGOS PO 'GRO BA TSIM PAR BYED, ,BSLAB PA KUN LAS BTUS PA'I MNGON PAR RTOGS PA ZHES BYA BA RDZOGS SO,, ,,DPAL MAR ME MDZAD YE SHES DANG, DGE SLONG TSUL KHRIMS RGYAL BAS BSGYUR BA'O, ,GSER GLING RGYAL PO DPAL LDAN CHOS SKYONG GIS, ,BCOM LDAN 'JAM PA'I RDO RJE MNYES BYAS PAS, ,BSLAB PA KUN LAS BTUS PA'I MNGON PAR RTOGS, ,KA MA LA DANG MAR ME MDZAD LA GSUNGS,, ,, #, ,RGYA GAR SKAD DU, SHIKshA KU SU MA MANYDZA R'I N'A MA, BOD SKAD DU, BSLAB PA ME TOG SNYE MA ZHES BYA BA, DPAL 'JAM PA'I DBYANGS LA PHYAG 'TSAL LO, ,SHIN TU G-YO BA'I KUN RTOG RLABS KYIS MI 'KHRUGS PA YIS ZAB GYUR CING, ,RNAM PAR 'PHRO BA'I SNA TSOGS YON TAN 'BYUNG GNAS NYID DANG DE BZHIN DU, ,SNA TSOGS THABS KYIS MA LUS 'GRO DON PHUN SUM TSOGS PAS RGYA CHE BA'I, ,MTSO 'DRA'I SANGS RGYAS GANG YIN DE LA 'CHI MED DON DU SKYABS SU MCHI, ,GAL TE LUS DANG LONGS SPYOD DANG NI DGE BA GSUM, ,BTANG DANG BSRUNG BA DANG NI @196B DAG DANG SPEL BA RNAMS, ,GZHAN DON BRTZON PAS NGES PAR BYED PAR 'DOD 'GYUR NA, ,BLA MED BSLAB PA KUN LAS BTUS PA LA BRTEN BYA, ,MDO SDE RIN CHEN SNA TSOGS KYI, ,RGYA MTSO CHEN PO GCIG PU YI, ,BSLAB PA KUN BSDUS PA 'DI MTHONG NA, ,SRED PA KUN NAS GCOD PAR BYED; ,SHIN TU RGYAS PAS 'JIGS PAS NA, ,BDAG 'DRA'I SEMS KYI RGYUD DAG PA, ,DE YI GZUGS BRNYAN 'CHAR BA NI, ,BDE BLAG TU NI 'DIR MI 'BYUNG, ,DE PHYIR RANG GI SEMS KYI RGYUD, ,DAG PA TZAM GYI DON GYI PHYIR, ,BDAG GI DRAN PA LAS 'ONGS PA, ,CUNG ZAD BTUS TE BRI BAR BYA, ,'PHAGS PA ZHI BA'I LHA GANG GIS, ,BSHAD BYA THAMS CAD MTSON BYED PA'I, ,GANG ZHIG BSLAB BTUS 'GREL PA NI, ,YOD PA'I TSIGS BCAD GCIG GSUNGS PA, ,'DI LTA STE, BDAG GI LUS DANG LONGS SPYOD DANG, ,DGE BA DUS GSUM BSAGS PA RNAMS; ,SEMS CAN KUN LA BTANG BA DANG, ,DE BSRUNG DAG PA SPEL BA'O, ,LUS NI 'DI LA RAB GRAGS PA'I, ,'DI LTAR PHUNG PO LNGA PO'O, ,LONGS SPYOD NYER MKHO THAMS CAD DE, ,DE'I GNAS PA YI RGYUR GYUR PA'O, ,DGE BA LEGS PA THAMS CAD DE, ,'DAS DANG MA 'ONGS DA LTAR BA'O, ,GTONG BA LA SOGS RNAM PA BZHI, ,DE DAG SO SO NAS BSTAN TE, ,SNYING PO MED PA SNYING BLANG PHYIR, ,GUS PAS SBYIN PAR BYA BA YIN, ,LUS SOGS SNYING PO MED PA 'DI, ,MNGON SUM DANG NI LUNG GIS GRUB, ,JI SKAD DU, GANG ZHIG BYIN DE NYAMS MIN TE, ,GANG ZHIG KHYIM NA GNAS DE NYAMS, ,GANG DE KHYIM NAS MYA NGAN RGYU, ,GANG ZHIG BYIN DE BDE 'BYUNG BYED, ,GANG ZHIG BYIN DE BDE 'GRO BA, ,MTHO RIS KYI NI SKABS SU GNAS, ,GANG DE KHYIM NAS NGAN 'GRO DER, ,SDUG BSNGAL YANG DAG 'BYUNG BA'I RGYU, ,GANG DE KHYIM NAS YUN RINGS SU, ,'KHOR BA'I LAM DU LTUNG BAR BYED, ,GANG BYIN DE NI THAR PA YI, ,GRONG KHYER LAM NA STON PAR BYED, ,KHYIM GNAS GANG DE 'KHOR BA YI, ,DUG GI SDONG BU 'PHEL BAR BYED, ,GANG ZHIG BYIN DE NYON MONGS PA'I, ,DGRA YI PHYOGS RNAMS SEL @197A *, ,BAR BYED, ,KHYIM GNAS GANG DE PHA ROL GYI, ,KHANG PA'I SGOR NI 'GRO BA'I RGYU, ,GANG ZHIG KHYIM DE 'DOD PA YIS, ,GANG BA'I KHANG BZANGS 'BYUNG BA'I RGYU, ,SER SNAS BCINGS PA LAS BYUNG BA'I, ,DE LTAR SKYON RNAMS MTHONG NAS NI, ,'GRO BA'I DON NI BSGRUB PA'I PHYIR, ,SBYIN PA LA NI GOMS PAR BYA, ,RIM GYIS GOMS PA 'PHEL BA LAS, ,BYANG CHUB SEMS DPA'I SNYING RJE'I GTER, ,GANG ZHIG MGO DANG RKANG BAR GYI, ,LUS NI SBYIN PAR BYED PA NA, ,DE LA RMI LAM RGYU MTSUNGS PA'I, ,SDUG PA'I BU LA SOGS PA DANG, ,DE BZHIN LONGS SPYOD THAMS CAD LA, ,SBYIN MI BYA BA YOD DAM CI, ,KHYI DANG WA DANG STAG SOGS KYI, ,ZAS SU 'DI DAG GSAL BAR NI, ,YANG DAG MTHONG BAS 'DOD RNAMS LA, ,LUS NI SBYIN PAR CIS MI BYA, ,GZHAN LA GTANG BA'I RANG BZHIN 'DI, ,LAM DU MKHAS PA RNAMS KYIS BSTEN, ,'GRO BA'I DON NI RAB SGRUB CHED, ,GZHAN DAG DE YIS SNGON MA GZIGS, ,DE BZHIN GSHEGS PA'I YON TAN TSOGS, ,RIN CHEN RGYAN NI DRAN PA DANG, ,SER SNA'I NYES PA RNAMS MTHONG BA, ,GNYIS PO SBYIN PA LA 'JUG RGYU, ,DE DAG NI SBYIN PA'I PHA ROL TU PHYIN PA'I,, ,,DE NI SBYIN PAR GYUR KYANG NI, ,BSRUNG BA DAG NI MA BYAS NA, ,LUS SOGS LONGS SPYOD DU MI 'GYUR, ,DES NA BSRUNG BA RNAMS BYA'O, ,'GRO BA'I DON RNAMS BSGRUB DON DU, ,LONGS SPYOD NYID DU BYA BA'I PHYIR, ,LTA MDZES SHING GI SA BON BZHIN, , SNYING RJE'I BDAG NYID CAN GYIS BSRUNG, ,GZHAN DU DUS MI SHES PA YIS, ,SMIN PAR MA GYUR BYANG CHUB KYI, ,SEMS KYI MYU GU NYAMS PA YIS, ,JI LTAR 'DOD PA'I 'BRAS STER 'GYUR, ,LUS KYI BSRUNG BA GANG ZHE NA, ,GZHAN LA GNOD PA SPONG BA STE, ,DE NI BDAG CAG CHAGS BRAL BAS; ,DE NI DAM CHOS YONGS BZUNG DANG, ,DGE BA'I BSHES GNYEN DAM PA RNAMS, ,JI BZHIN RTAG TU BSTEN PA DANG, ,SEMS CAN KUN LA BRTZE BA LAS, ,'BYUNG BAR MDOR BSDUS NAS NI BRJOD, ,GNOD PAR 'GYUR BA GZHAN RNAMS KYI, ,BYA DANG BYA MIN BLTA BA DANG, ,NYES @197B PA MED PAR GNAS PA LA, ,LUS DANG SEMS DANG NGAG GIS NI, ,NYES PA NYE BAR 'DOGS PA DANG, ,DE BZHIN GZHAN LA GNOD SEMS DANG, ,YANG DAG BYANG CHUB SEMS BSKYED LA, ,MI SNYAN RJOD PAR BYED PA DANG, ,SDIG CAN 'DI NI BLTA MIN ZHES, ,GANG ZHIG MA DAD KHRO SEMS KYIS, , BYANG CHUB SEMS DPA' LA NI GDONG, ,PHYIR PHYOGS PAR NI BYED PA DANG, ,CHAGS PAS 'DOD RNAMS LA ZHEN DANG, ,SDIG PA'I GROGS PO'I RJES 'JUG DANG, ,DGE BA'I BSHES GNYEN SPONG BA DANG, ,'JIG RTEN CHOS LA 'DRIS BYED DANG, ,TSUL BZHIN MA YIN RAB LDAN PA'I; ,SBYIN PA LA SOGS GNOD PA NYID, ,SGRIB PA THAMS CAD YONGS DAG PA'I, ,MDO LAS RAB TU RTOGS BYA STE, ,'DI LTAR; SBYIN PA GTONG NA BDAG NYID NI, ,GCIG PU KHO NA GTONG BYED CES, ,BDAG NYID NGA RGYAL LDAN PA YIS, ,SER SNA CAN LA BRNYAS 'DI DANG; ,TSUL KHRIMS SRUNG BAR BYED PA NA, ,TSUL KHRIMS 'CHAL RNAMS LA BRNYAS SHING, ,BDAG NYID TSUL KHRIMS LDAN RIG PHYIR, ,DE SKYON 'JIG RTEN LA BRJOD DANG, ,BZOD PA GOMS PAR BYED PA NA, ,BZOD MED RNAMS LA BRNYAS BYED CING, ,BDAG NYID KHO NA SANGS RGYAS NYID, ,THOB 'GYUR ZHES PA'I BLO LDAN DANG, ,DE BZHIN BRTZON 'GRUS BSAM GTAN DANG, ,DE BZHIN YANG DAG BYANG CHUB KYI, ,RGYUR 'GYUR DAM CHOS GZHAN LA YANG, ,GANG ZHIG MDO SDE GCIG NYID LA, ,LEGS ZHES RAB TU BRJOD PA DANG, ,TSIGS BCAD GZHAN DANG TSIG GZHAN DAG ,GSAL BAR GANG ZHIG BRJOD PA DANG, ,SHES RAB NYID LA SBYOR BYED KYI, ,LHAG MA'I PHA ROL PHYIN LA MIN, ,DE LTA'I SHES RAB 'CHAL RIGS KYI, ,SPYOD PA YANG NI BLTA BAR BYA, ,'DOD YON LNGA YI ROL PA YIS, ,BYED PA'I CHOS NI SMRA BA LA, ,SPYOD PA LDAN PAR GNAS MIN ZHES, ,GANG ZHIG YID KYIS SEMS BYED PA, ,DE LTA'I GNOD DANG YANG DE YI, ,RNAM SMIN CHES NI RTZUB PA LA, ,SNA TSOGS THAMS CAD 'DOD PA LAS, ,MKHAS PA RNAMS KYIS DANG BAR BYA, ,DAM CHOS DRAN PA NYER GZHAG PA, ,LA SOGS MDO SDE @198A *, ,RNAMS LA NI, ,GUS DANG G-YO BA MED PA YI, ,SEMS KYIS NGES PAR BA LTA BA YIS, ,GNOD PA DANG NI SPONG BA LA, ,GUS PA YANG NI BSGRUB PAR BYA, ,RANG NI NGAN 'GROS 'JIGS SKRAG NA, ,MTHONG DANG MA MTHONG DON SGRUB PHYIR, ,SBAS PA'I DGE BA'I BSHES GNAS PA'I, ,SEMS CAN RNAMS LA THAMS CAD DU, ,NAM YANG KHONG KHRO BDAG GI ,SKABS NI RAB TU DBYE MI BYA, ,GANG PHYIR DPA' BAR 'GRO BA'I MDOR, ,GZIGS PA NYAMS MED SANGS RGYAS KYIS, ,BLA MED BYANG CHUB CHEN PO RU, ,SEMS CAN THAMS CAD LUNG BSTAN TO, ,BYANG CHUB SEMS DPA' GZHAN DAG GI, ,SPYOD PA LA NI SMAD MI BYA, ,SEMS CAN RNAMS KYI SPYOD PA NI, ,'PHAGS MIN MIG GI SPYOD YUL MIN, ,GANG ZAG GZHAN GYIS GANG ZAG GZHAN, ,TSAD 'DZIN PAR NI BYED PA DAG ,RANG GIS RANG NYID NYAMS BYED PAR, ,DE BZHIN GSHEGS PA NYID KYIS GSUNGS, ,MCHOD RTEN BSKOR BA BYA BA DANG, ,YON GNAS RNAMS DANG 'DRIS PA DANG, ,DE BZHIN PHYI MA'I DUS NA NI, ,DAM PA'I CHOS NI 'DZIN PA YI, ,SMAN PA NAD PA SMAN DANG NI, ,MI BZAD NAD KYI 'DU SHES KYIS; ,DGE BSHES BDAG NYID DAM CHOS DANG, ,NYON MONGS RNAMS LA RIG PAR BYA, ,GNOD PA YONGS SU SPANG DON DU, ,BAG YOD PA NI YONGS SU BZUNG, ,RNYED DANG BKUR STI MI 'DOD PAR, ,BRJOD CING KUN DGA' RA SOGS YANG, ,DE LA BAG NI YOD PA NI, , BAG YOD PA NI MDOR BSDU NA, ,GANG ZHIG RANG SEMS 'DUL BA DANG, ,GZHAN SEMS RJES SU 'JUG PA STE, ,PHUN SUM TSOGS PA KUN GYI PHYIR, ,SKYE BO NGAN PAS BSTEN PA YI, ,RNYED DANG BKUR STI LA GZHOL YID, ,MYUR DU 'BIGS PAR BYED PAS NA, ,TSER MA DANG MTSUNGS MKHAS PAS SPANG, ,'PHRAL DU BYING BAR BYED NYID KYIS, ,'DAM GYI 'DU SHES KYIS ZHES BYA, ,DRAN PA'I RIN CHEN NYAMS BYED PHYIR, ,CHOM RKUN GYI NI 'DU SHES BYA, ,TSUL KHRIMS KYI PHA ROL TU PHYIN PA LAS GNOD PA SPANG PA'O,, ,,GNOD PA SPANG BA TSUL @198B KHRIMS TE, ,DE NI DRAN PA NYER GZHAG LAS, ,ZHI GNAS MI NYAMS RGYAR 'GYUR BA'I, ,DRAN PA BCU GNYIS DAG TU GSUNGS, ,SANGS RGYAS BKA' LAS 'DAS BYUNG BA'I, ,RNAM SMIN LA GRUB DRAN PA DANG, ,LUS MI G-YO BA GNYIS GNAS PA'I, ,DRAN PA YANG NI GZHAN YIN NO, ,SHIN TU MA DAD PAS BYAS PA'I, ,SBYIN SOGS DAM PA'I DRAN PA DANG, ,SPYOD LAM DANG NI THAMS CAD LA, ,GUS PAR BYA ZHES DRAN PA DANG, ,GZHAN GYI DON LA MI MKHO BA'I, ,YAN LAG DAG NI 'DIR MTHONG NA, ,DE TSE BSDUS NAS SLAR YANG DE, , GZHAN GYI DON SBYOR DRAN PA DANG, ,SEMS KYI GLANG CHEN MYOS PA NI, ,ZHI GNAS KYI NI KA BA LA, ,RTAG TU GDAGS PA'I DRAN PA YANG, ,'DI NI DRUG PAR GSUNGS PA YIN, ,JI TZAM BDAG GI SGRA YIS NI, ,NYAN PAS DON NI NGES 'GYUR BA, ,DE LAS LHAG PA DON MED PA'I, , SGRA MI BRJOD PA'I DRAN PA YANG, ,SPYOD LAM LHAG PA GANG ZHIG LA, ,BSRUNG BA'I DON GYI DRAN PA GZHAG ,DRAN PA LHAG MA MDO YI NI, ,RJES SU 'BRANGS NAS SHES PAR BYA, ,GANG ZHIG SGO SRUNG GYUR PAS NYON MONGS DANG, ,BDUD RNAMS DAG GIS ZIL GYIS MI NON CING, , LAM MIN LAM NGAN DAG TU MI LTUNG BA'I, ,YANG DAG DRAN PA ZHI GNAS KYI NI RGYU, ,DRAN PA GANG ZHIG PHUL BYUNG NYID, ,SHES BZHIN ZHES NI BRJOD PA STE, ,GANG ZHIG LUS DANG SEMS LA NI, ,YANG DANG YANG DU RTOG PA PO, ,DRAN PA DANG NI SHES BZHIN LAS, ,TING NGE 'DZIN KYANG 'BYUNG BAR 'GYUR, ,TING 'DZIN ZHI GNAS LA GZHAN MIN, ,TSUL KHRIMS DE MED PAR MI 'BYUNG, ,GANG PHYIR TING 'DZIN TSUL KHRIMS LAS, ,'BYUNG BAS TING NGE 'DZIN GYI RGYU, ,SBYOR BAS GZHAN DAG GSUNGS PA RNAMS, ,THAMS CAD TSUL KHRIMS KHONGS SU 'DUS; ,DE PHYIR DRAN DANG SHES BZHIN DAG ,LDAN PA TING 'DZIN DON GNYER BYA, ,TSUL KHRIMS 'DOD PAS ZHI GNAS LA, ,RTAG TU GUS PAS 'BAD PAR BYA, ,TSUL KHRIMS KYI PHA ROL TU PHYIN PA LAS LUS BSRUNG BA'O,, ,,LUS BSRUNG BA YANG @199A *, ,BYA BA'I PHYIR, ,LONGS SPYOD KYANG NI BSRUNG BAR BYA, ,LONGS SPYOD RNAM PA GNYIS YIN TE, ,GOS DANG KHA ZAS DBYE BAS SO, ,DE LA ZAS SRUNG GANG ZHE NA, ,KHA NA MA THO MED PA GANG, ,DE DANG GZHAN NI KHA GSAG DANG, ,TSUL 'CHOS DANG BRAL BSOD SNYOMS SO, ,GANG TSE RGYAL BA'I SRAS 'DI NI, ,BSOD SNYOMS LA NI RGYU BA NA, ,DE TSE BLO DANG LDAN PA DES, ,BLO NI RNAM GSUM BSKYED BYA STE, ,LUS LA CHOS 'DZIN BLO DANG NI, ,LUS KYI SRIN BU GSO BA DANG, ,GZHAN YANG SBYIN BDAG RJES SU NI, ,GZUNG BA'I BLO NI BSKYED PAR BYA, ,GANG ZHIG GZHAN GYI DON DU NI, ,LONGS SPYOD BYAS NA DE BSRUNG YIN, ,GANG GIS RANG NYID KHO NA SPYOD, ,DE LAS NYON MONGS LTUNG BAR 'GYUR, ,GZHAN YANG GZHAN LA ZHEN PA YI, ,SEMS KYI 'DOD PAS GZHAN GYI NOR, ,YONGS SU LONGS SPYOD BYED PA GANG, , NYON MONGS MIN PA'I LTUNG BAR 'GYUR, ,GYI ZHES NAS NI RANG GI NOR, ,GANG GIS LONGS NI SPYAD GYUR NA, ,DE NI RANG LTO 'GENGS PA STE, ,BRKUS PA YI NI LTUNG BAR 'GYUR, ,DE PHYIR SEMS CAN DON LA NI, ,BRTZON PAS DAM CHOS 'DZIN PA'I LUS, ,'DI NI GNAS PAR BYA BA'I PHYIR; ,YONGS SU LONGS SPYOD BYED PA YIN, ,SANGS RGYAS KYIS GNANG CHOS GOS LAS, ,LHAG PA BLO LDAN GYIS MI GZUNG, ,BSTAN PA'I RGYAL MTSAN BSRUNG DON DU, ,MA GNANG BLO LDAN GYIS MI GTANG, ,'DIR NI SEMS CAN MANG PO YIS, ,SMAD PA YONGS SU BSRUNG BA'I PHYIR; ,SLONG BAR BYED PA 'GA' LA YANG, ,CHOS GOS GSUM PO SBYIN MI BYA, ,DE DAG NI LONGS SPYOD BSRUNG BA'O,, ,,RNAM PAR SMIN PA MI 'DOD PAS, ,DGE BA KUN DU BSRUNG BAR 'GYUR, ,'JIG RTEN PA LA BSGRAGS MIN PAR, ,BYAS TE MI DGE'I LAS BZHIN NO, , DE BZHIN DU, NGA RGYAL MED KYANG RTAG PAR NI, ,RNYED DANG BKUR STI YONGS SPONG DANG, ,SEMS CAN KUN LA DANG BA YIS, ,DGE BA KUN DU BSRUNG BAR 'GYUR, ,'DI LTAR YANG, KHENGS PA MED PAR GYUR NA NI, ,BDE GSHEGS YON TAN NGANG GIS 'BYUNG, ,RI BO YONGS SU SPANGS @199B NAS NI; ,CHU BO RGYA MTSOR 'BAB PA BZHIN, ,ZHE SDANG DBANG DU GANG GYUR PA, ,NGAN 'GROR 'GRO DANG DMAN PA YI, ,RIGS SU SKYE BA YONGS 'DZIN DANG, ,MI KHOM PA RNAMS YONGS SU 'DZIN, ,MA DAD PHA NI ZHE SDANG STE, ,KHONG KHRO ZHES PA MED GZHAN NO, ,GANG ZHIG BSKAL PA DU MA RU, ,BSAGS PA'I DGE BA 'JOMS PAS SO, ,DE PHYIR 'JOMS PAR BRTZON PA YI, ,SEMS CAN LA YANG DANG BYA STE, ,SKYE BO'I TSOGS CHEN BSDIGS BYED PA'I, ,RGYAL PO'I SKYES BU GCIG BZHIN DU, ,SHIN TU PHYI THAG LTA BYED PA, ,DE YIS 'DI GCIG LA YANG MTHONG; ,GANG PHYIR SKYE BO'I TSOGS CHEN GYI, ,RGYAL PO CHE DPUNG DE YI DPUNG, ,RGYAL PO KHROS PAS 'DIR NI DMYAL BAR BYED NUS SAM, ,DE BZHIN GAL TE GUS PAS BDE GSHEGS NYID MTSUNGS 'DIR STER RAM, ,DE BZHIN SEMS CAN MGU BA LAS BYUNG SANGS RGYAS LTA ZHOG GI, DE LTAR RANG NYID SNYAN DANG SKAL PA BZANG BA MA MTHONG NGAM, ,GANG ZHIG MGU LAS SRID GSUM MTSO YI PHA ROL SON GYUR CING, ,SNGON GYI RGYAL BA'I YON TAN YUN MI RING BAR RDZOGS, ,BLO DMAN RNAMS KYIS GZHAN DAG MGU MA BYAS PAS DMYAL BA THOB, ,DES NA LEGS 'DOD BDAG NI SEMS CAN RNAMS LA CIS MI 'DUD, ,DE BZHIN DU, SEMS CAN RNAMS LA PHAN SEMS SHING, ,SNYAN PA CHEN PO SMRA BYED LA, ,RTEN PA ZHES NAS 'JUG PA DANG, ,BDEN PA SMRA BAR DGA' BA NI, ,SKYE BA KUN DU SKYES TZAM GYIS, ,NGANG GIS 'BYUNG BA DAG DANG NI, , YANG DAG RDZOGS PA'I BYANG CHUB SEMS, ,'BAD PA MED PAR SKYE BAR 'GYUR, ,DE DAG NI DGE BA BSRUNG BA'O,, ,,'DIR YANG DA NI LUS KYI YANG, ,YONGS SU DAG PA BRJOD PAR BYA, ,DE YANG, MDOR NA LUS KYI SDIG PA NI, ,ZAD DANG NYON MONGS SBYANG BA'O, , BSKAL PA DU MAR BSAGS PA YI, ,SDIG PA ZAD PAR BYED PA'I RGYU, ,CHOS BZHI'I MDO LAS BSTEN PA YI, ,CHOS BZHI YONGS SU GZUNG BAR BYA, ,DE LA CHOS BZHI NI, SUN 'BYIN KUN DU SPYOD PA DANG, ,GNYEN PO YONGS SU 'DZIN PA DANG, ,DE NAS NYES PA LAS LDOG STOBS, ,DE NAS @200A *, ,RTEN GYI STOBS DAG GO, ,MI DGE'I LAS NI BYAS PA NA, ,SEMS NI 'GYOD PAR BYED PA NYID, ,SUN 'BYIN KUN DU SPYOD PA STE, ,DE NYID SDIG PA BSHAGS PA'O, ,DE LA SUN 'BYIN PA KUN DU, ,SPYOD PA 'DI NI BSGOM PAR BYA, ,LUS DANG SEMS DANG NGAG RNAMS KYIS, ,BDAG GIS MI SHES GANG BGYIS PA, ,MGON PO RNAMS KYI MDUN GNAS TE, ,SDIG PA DE DAG BSHAGS PAR BGYI, ,MDO SDE RGYAL PO GSER 'OD DAM PA LAS, ,RAB TU GSUNGS PA'I BSHAGS PA DE DAG GIS, ,BLA MA SANGS RGYAS BYANG CHUB SEMS DPA' LA, ,'GYOD PAS BDAG GI 'KHRUL PA'I SDIG BSHAGS BYA, ,BRAL BAR BYA BA 'DOD PA YIS, ,LTUNG BA THAMS CAD BSHAGS PAR BYA, ,DUG DANG BCAS PA'I KHA ZAS NI, ,MA SKYUGS BDE BA'I RGYUR MI 'GYUR, ,DE YANG LCI DANG YANG BA DANG, ,'DIR NI LTUNG BA GNYIS SU 'DOD, ,DE LA ZHE SDANG LAS BYUNG BA, ,LCI ZHING CHAGS LAS BYUNG BA YANG, ,RANG BZHIN KHA NA MA THO LCI, ,BCAS PA YI NI SPONG BA'O, ,GANG PHYIR SDANG DANG CHAGS PA LAS, ,SEMS CAN GTONG DANG 'DZIN PA'I RGYU, ,ZHE SDANG LAS SKYES RGYAL SRAS KYI, ,THABS SU GYUR PA MA YIN GYI, ,GNOD PA CHEN PO'I RGYU YIN PAR, ,'GYUR BA NYID DU THE TSOM MED, ,GANG PHYIR KUN SDUD SHES PA NI, ,THABS SU MDO RNAMS LAS NI MTHONG, ,SHES RAB KYIS NI DE YONGS GCOD, ,DES NI DE LTAR GNYI GA MIN, ,GANG TSE CHAGS SKYES SANGS RGYAS NYID; ,MYUR DU MI 'GYUR CHUG NA YANG, ,GAL TE THABS LA MKHAS PA YIS, ,SNGON GYI SEMS CAN BSDUS GYUR NA, ,TSANGS PA YI NI 'JIG RTEN DU, ,SKYE BAR 'GYUR BA GANG GIS ZLOG ,GAL TE MIN NA DUS RING DU, ,NGAN SONG DAG TU RAB SKYE BAR, ,GAL TE DE TSE GZHAN DON DU; ;LONGS SPYOD KYIS GZHAN BUD MED DANG, ,CHOS KYI RGYAL MTSAN CAN GZHAN LA, ,'DOD PAS LOG PAR SPYOD MI 'GYUR, ,GAL TE DMYAL BA'I SDUG BSNGAL YANG, ,BSRAN PA RANG GIS KHAS BLANGS PAS, ,GZHAN GYI SROG NI BSRUNG BA'I PHYIR, ,DE TSE NYES PA 'BYUNG MI @200B 'GYUR; ,JI LTAR KHYE'U SKAR RGYAL NI, ,SNYING RJE'I DBANG DU GYUR PA YIS, ,CHAGS PA'I SKAL LDAN MCHOG LA NI, ,SROG BSRUNG DON DU ZHUGS PA BZHIN, ,TSANGS PAR SPYOD PA LA SOGS PA'I, ,CHOS KYI RGYAL MTSAN CAN RNAMS LA, ,RNAM PA GZHAN DU BYAS PA YIS, ,DE LAS 'JUG PA RIGS MA YIN, ,GZHAN LA GNOD PA BZLOG PAS NA, ,KHRO BA 'DI LAS THAL BA MIN, ,BAG CHAGS SA BON BSAGS PA DANG, ,SKABS PHYE BA LAS SNYING RJE NYAMS, ,GZHAN YANG, MI DGE BA LA BZLOG NA'ANG GAL TE NA, ,BYANG CHUB SEMS DPA' LA NI YID BYUNG NA, , RTAG TU NGAN 'GRO'I SAR NI 'GRO 'GYUR TE, ,DE YIS BDAG GZHAN GNYI GA'I BYA BYAS MIN, ,'ON TE THABS BRAL RANG BZHIN GYI, ,CHAGS PA LA YANG SKYON 'DI YIN, ,GANG PHYIR BDAG BDE LA ZHEN PAS, ,GZHAN GYI SDUG BSNGAL BTANG SNYOMS 'DOR, ,DE NI MA YIN TE, GANG GIS RANG GI SDUG BSNGAL BZHIN DU GZHAN SDUG BSNGAL, ,SNYING RJE DMAN PAS MTHA' GCIG TU NI GOMS MA BYAS, ,DE NI RANG GI BDE LA ZHEN PAS GZHAN SDUG BSNGAL, ,DUS MTHA' YAS SU BTANG SNYOMS 'DOR BAR BYED PA BDEN, ,DE DAG NI SUN 'BYIN PA KUN DU SPYOD PA'O,, ,, SDIG PA'I LAS NI BYAS GYUR KYANG, ,SLAR YANG DGE BA'I DON BRTZON PA, ,SANGS RGYAS DMIGS PA LA SOGS PA, ,GNYEN PO KUN DU SPYOD PA YIN, ,'DI LTA STE, BYANG CHUB SEMS NI BSKYED PA DANG, ,DE BZHIN RGYAL BA'I GZUGS BRNYAN DANG, ,BCOM LDAN 'DAS LA PHYAG 'TSAL DANG, ,SANGS RGYAS MYA NGAN 'DAS PA YI, ,MCHOD RTEN ME TOG 'BUL BA DANG, ,KHYAD PAR DU NI KHYIM GNAS LAS, ,NGES 'BYUNG TSUL KHRIMS RDZOGS PA DANG, ,BDE GSHEGS LA NI MCHOD BYAS PA'I, ,DMAN MA SEL BAR BYED PA DANG, ,BYUG PA'AM MAR ME CHU SMYIG GANG, ,DBUL BA'AM ME TOG GCIG 'DOGS PA, ,YANG DAG RGYAL BA YIS GSUNGS PA, ,RGYU RKYEN DAG DANG LDAN PA YI, ,CHOS RNAMS GAL TE SHES GYUR NA, ,NGAN SONG DAG TU 'GRO MI 'GYUR, ,MIG GNYIS BTZUMS NAS YID KYIS NI, ,MDUN DU SANGS RGYAS DMIGS BYAS TE, ,GSANG SNGAGS RGYAL PO @201A *, ,YI GE BRGYA, ,STONG PHRAG BRGYAD DU BZLAS PAR BYA, ,GANG NA RTZI GCIG YOD KYI NI, ,SKUL BYED MA YI GZUNGS SNGAGS DAG ,JI SRID SDIG PA ZAD PA'I RTAGS, ,RMI LAM MA MTHONG BAR DU BZLAS, ,'DI LTA STE, ZAS NGAN DAG NI SKYUGS PA DANG, ,ZHO DANG 'O MA ZA BA DANG, NAM MKHA' LA NI 'GRO BA DANG, ,NYI ZLA DAG KYANG MTHONG BA DANG, ,RMI LAM DU NI MI DAG LAS, ,RGYAL NA SDIG PA ZAD SHES BYA, ,MA HE DANG NI DE BZHIN DU, ,SKYES BU NAG PO'ANG MTSON BYED YIN, ,SMAN GYI BLA MA BEE dVU RYA, ,'OD KYI RGYAL PO DE BZHIN GSHEGS, ,JI BZHIN YID LA BYED PA NA, ,MI DGE RNAMS NI ZAD PAR 'GYUR, ,DE DAG NI GNYEN PO KUN DU SPYOD PA'O, ,SLAR YANG SDOM PA 'DZIN PA NI, ,MI MTHUN LAS LDOG STOBS BRJOD DO, ,GANG ZHIG MI DGE BA YI LAS, ,SLAR YANG SDOM PA'I BDAG NYID DO, ,DE DAG NI MI MTHUN PA'I PHYOGS LAS LDOG PA'I STOBS SO,, ,,DE LA RTEN STOBS SANGS RGYAS DANG, ,CHOS DANG DGE 'DUN LA BRTEN DANG, ,DE BZHIN MI PHYED DAD PA YIS, ,BYANG CHUB SEMS LA BRTEN PA STE, ,DKON MCHOG GSUM LA CHO GA YIS NI SKYABS SU SONG GYUR PA'I, ,CHOS MANG 'BRAS BU GANG YIN PHAG MO'I RTOGS PA BRJOD PA LAS SHES BYA, ,GANG ZHIG BYANG CHUB SEMS LA BRTEN PA LAS BYUNG 'BRAS BU DAG ,DE NI SNA TSOGS MDO RNAMS DAG NI BLTAS PA LAS SHES BYA, ,DE DAG NI SDIG PA BYANG BA STE TSUL KHRIMS KYI PHA ROL TU PHYIN PA'O,, ,,GANG PHYIR MI BZOD THOS SOGS LA, ,BRTZON 'GRUS NYAMS PAR GYUR PA YIN, ,DE PHYIR MI SKYO BRTZON PA YIS, ,THOS PA SPEL PHYIR BZOD PA BYA, ,GANG PHYIR THOS PA MA GTOGS PAR, ,BSAM GTAN SPYOD YUL THABS MA GTOGS, ,DES NA SKYO BA MED YID KYIS, , 'BAD PAS THOS PA BTZAL BAR BYA, ,GANG PHYIR GONG DANG 'DRES PA NA, ,SPYOD LAM SHES PAR GYUR PA NI, ,MNYAM GZHAG YANG DAG SKYE MIN PA, ,DE NAS NAGS SU GNAS PAR BYA, ,NAGS SU'ANG G-YENG BA ZHI MED NA, ,SEMS NI MNYAM PAR 'JOG MI 'GYUR, ,DES NA MKHAS @201B PA DAG GI NI, ,MNYAM PAR GZHAG LA SBYAR BAR BYA, ,NYON MONGS SBYANG BA LAS GZHAN PA'I, ,MNYAM GZHAG 'BRAS BU YOD MA YIN, ,DE PHYIR NYON MONGS RNAM SBYANG PHYIR, ,MI SDUG LA SOGS BSGOM PAR BYA, ,NYON MONGS DAG NI SBYANG BA'I PHYIR, ,DE LTAR MDOR BSTAN TSIG RNAMS GSUNGS, ,DA NI NYON MONGS SBYANG BA'I PHYIR, ,RGYAS PAR YANG DAG BRJOD PAR BYA, ,GANG ZHIG DNGOS PO BZOD PA STE, ,DE YANG RNAM PA GSUM DU DBYE, ,SDUG BSNGAL GZHAN GYIS GNOD BYAS DANG, ,CHOS LA YANG NI SKYE BAR 'GYUR, ,PHAL CHER MI 'DOD BYUNG BA DANG, , SDUG DANG BRAL BYUNG LAS SDUG BSNGAL, ,GANG ZHIG SDUG BSNGAL LA 'JIGS PA, ,DE BZOD MI MTHUN PHYOGS SU 'DOD, ,DE LA SDUG BSNGAL DANG DU LEN PA'I BZOD PA BSGOM PA'I RIM PA NI 'DI YIN TE, SDUG BSNGAL RAB SEL BYED PA YI, ,KUN MKHYEN RIN CHEN 'DOD PA NA, ,CHUNG NGU BZOD PAS RIM GYIS NI, ,GNOD PA DRAG PO BZOD 'GYUR TE, ,RE ZHIG SHIN TU DMAN PA'I 'BRAS BU YI, ,DNGOS PO LA NI ZHEN PA'I SEMS, ,NYA BA ZHING PA LA SOGS PA, ,GNOD PA BZOD PAR BYED MTHONG NA, ,BDUD KYI KHAR CHUD GYUR PA YI, ,'GRO BA BCINGS PA DGROL PA YIS, YANG DAG DAM BCAS BYAS PA DAG ,SDUG BSNGAL MTHONG BAS JI LTAR LDOG ,GANG ZHIG GNOD MA BYAS KYANG DGRAR GYUR ZAG PA YI, ,DGRA BO GZHOM PHYIR SKAD CIG KYANG NI KHRO BA RU, ,MI BYED PA DE BDAG GI RIGS PA'I DNGOS MIN ZHING, ,GANG ZHIG DGRA MA THUG PAR NGA RGYAL CAN DNGOS MIN; ,SHIN TU DUS RING DAG TU SDUG BSNGAL GYIS THOB PA'I, ,DGE BA'I NOR NI 'PHROG PA DGAG TU BRTZON GYUR ZHING, ,BSRAN PAS BDAG GI SDUG BSNGAL TSOR BA'I RGYUR GYUR LA, ,GZHOM PAR 'DOD PA CI YI PHYIR NA 'BYUNG MI 'GYUR, ,JI LTAR MTHA' GCIG TU NI RIM GYIS GOMS PA PHUL BYUNG STOBS DAG LAS, ,MI RNAMS LA NI SDUG BSNGAL LA YANG BDE BAR 'DU SHES STOBS LDAN 'BYUNG, ,DE BZHIN YANG DAG BYANG CHUB GZHOL PA'I YID CAN 'DI DAG LA, ,SDUG BSNGAL LA YANG MTSUNGS MED BDE BAR 'DU SHES 'BYUNG BAR 'GYUR BA NYID, ,YAB SRAS MJAL BA'I @202A *, ,MDO LAS NI, ,DE YI RGYU MTHUN 'BRAS BU GSUNGS, ,CHOS KUN BDE BAR GNAS PA ZHES, ,BYA BA'I TING NGE 'DZIN YOD DE, ,TING 'DZIN DE NI THOB TZAM GYIS, ,DMIGS PA'I DNGOS PO THAMS CAD LA, ,BYANG CHUB SEMS DPA' BDE BA YI, ,TSOR BA NYID 'BYUNG GZHAN DU MIN; ,'DI LTAR, MGO BO GCOD PAR BYED PA'AM, ,DE BZHIN RKANG LAG LA SOGS PA, ,SBA YIS GZHU BA BYAS KYANG NI, ,BDE BA'I 'DU SHES 'BA' ZHIG 'BYUNG, ,DMYAL BA DANG NI MI YI 'AM, ,SDUG BSNGAL DAG NI BYED PA NA'ANG, ,GSHED MA RNAMS LA DGA' BA NI, ,MNGON DU BYED PA 'BYUNG BAR 'GYUR, ,BDAG LA LUS CAN 'DI KUN GYIS, ,GAL TE 'BIGS SAM GCOD BYED PA, ,DE LTA NA YANG GNOD PA'I SEMS, ,BDAG GIS BYA BA'I RIGS MIN TE, ,GANG PHYIR BDAG LA SEMS CAN GYIS, ,GNOD BYAS DMYAL BA'I SDUG BSNGAL LA, ,STONG PHRAG DAG TU BYAS PA YI, ,CHAR YANG PHOD PA MA YIN NO, ,GNOD SEMS DAG NI 'BYUNG BA'I RGYU, ,BDAG NYID LA CHAGS BKUR BA DANG, ,CHEN POR MNGON PAR ZHEN PA STE, ,DE YI GNYEN PO BZOD PAR 'DOD, ,BDAG GI DGRA DANG BSHES KYI DGRA, ,DGRA BO'I BSHES LAS 'GYUR BA YI, , GNOD SEMS RGYU DGU LAS BYUNG STE, ,RE RE DUS GSUM DBYE BAS SO, ,DE DAG NI BZOD PA'I PHA ROL TU PHYIN PA'O,, ,,DE LTAR BZOD PA LAS GNAS PAS, ,THOS PA LA NI BRTZON 'GRUS BRTZAM, ,GANG PHYIR THOS LAS SHES RAB STE, ,SHES RAB LAS NI NYON MONGS SPONG, , DE YANG RNAM PA BRGYAD CU YIS, ,THOS PA GONG DU 'PHEL BAR 'GYUR, ,DE LA 'DUN PA'I RNAM PA DANG, ,GZHAN YANG RTEN GYI RNAM PA DANG, ,GZHAN YANG LHAG BSAM RNAM PA DANG, SBYOR BA'I RNAM PA ZHES BYA DANG, ,SEMS NI DGE BA'I RNAM PA DANG, ,CHOG SHES PA YI MTSAN NYID DANG; ,DRAN PA BSKYED PA'I RNAM PA DANG, ,GTONG BA SPEL BA'I MTSAN NYID DANG, ,GZHAN YANG SANGS RGYAS CHOS KUN LA, ,MI NGOMS PA YI RNAM PA DANG, ,MA THOS NYAMS PA'I MTSAN NYID DANG, ,MNGON SHES NYAN PA'I RNAM PA DANG, ,DE BZHIN SDUG BSNGAL STONG PA DANG, ,MI @202B SDUG BDAG MED ZHI RNAMS DANG, ,RANG SEMS BSRUNG BA'I RNAM PA DANG, ,BRTZON 'GRUS SPEL BA'I RNAM PA STE, ,'DI YANG RGYAS PA 'PHAGS PA NI, ,BLO GROS MI ZAD MDOR SHES BYA, ,THOS PA NYID LA CHOS KYI NI, ,TSOGS ZHES BYA BA MING GZHAN YIN, ,GANG TSE YONGS SU SMIN PA NI; ,DE NYID YE SHES TSOGS YIN TE, ,CHOS KYI TSOGS KYI SBYOR BA YIS, ,MTHUN RGYU DAG TU BRJOD PA NI, ,DON NYUNG BYA BA NYUNG NYID DANG, ,SMRA BA NYUNG BA LA MNGON DGA' DANG, ,YANG DANG YANG DU THOS PA'I DON, ,SEMS SHING CHOS LA GZHOL NYID DANG, ,SEMS DANG BA DANG YO BYAD DAG ,NYUNG LA MNGON PAR DGA' BA DANG, ,DGON PA MNGON PAR PHYOGS PA DANG, ,GZHAN YANG GCIG PUR DGA' BA DANG, ,DRAN MI NYAMS DANG RTAG TU NI, GTONG DANG TSUL KHRIMS PHYOGS DGA' DANG, ,CHAD PA LUGS KYI BSTAN BCOS SOGS, ,GANG YANG ROL MO'I BSTAN BCOS DANG, ,'JIG RTEN RGYANG 'PHEN PA DAG GI ,BSTAN BCOS KUN NI YONGS SPONG BA'O, ,DE DAG NI BRTZON 'GRUS KYI PHA ROL TU PHYIN PA'O,, ,,DRAG SHUL CAN GYIS ZHUS PA LAS, ,KHYIM SOGS NYES PA'I PHUNG POR NI, ,MTHONG NA THOS PA LDAN PA YIS, ,DE NAS NAGS SU GNAS PAR BYA, ,KHYIM GNAS RMONGS PA 'DI NI BU DANG NOR DANG CHUNG MA LA SOGS PA, ,DGA' BA'I SBYOR BAS SEMS G-YENGS GYUR PAS RAB TU ZHI BA GA LA 'GYUR, ,DE BZHIN SANGS RGYAS KYI RGA DANG 'CHI MED ZHI ZHING MTSUNGS MED PA'I, , GO 'PHANG BDAG GZHAN PHAN PA PHUN TSOGS GNAS GYUR PA YANG 'THOB 'GYUR RAM, ,NOR DANG CHUNG MA BDAG NYID ZHES PA 'CHI BA DAM PA'I GSUM PO 'DI, ,ZHEN PA MED CING LHAN CIG SKYES PA RTOGS PA'I GNAS LA GNAS PA STE, ,'DI RNAMS LA NI GANG ZHIG GANG TSE GANG GIS JI LTAR SKYE BAR 'GYUR, ,MIN PAS SNYING PO MED PA NYID DU SHES PA'I DPYOD PA DE STOBS LDAN, ,THOS PA LDAN YANG RNYED SOGS LA, ,ZHEN NA SEMS SBYONG MI 'GYUR TE, ,DE TSE LHAR BCAS 'JIG RTEN NA, ,DE NI GCIG TU BSLUS PA'I MCHOG ,JI LTAR RGYA MTSO CHEN POR KHYER BA YI, ,MI SHES SKYE BO @203A *, ,SKOM PAS DUS BYED LTAR, ,DE BZHIN DAL 'BYOR THOB NAS SKAD CIG KYANG, ,SEMS MA SBYANGS NA 'OG TU 'GRO BAR 'GYUR, ,MKHAS PA RNAMS KYIS BYIS PA RNAMS NI 'THAB MOS BSKRAD PA MA YIN TE, ,GANG PHYIR MKHAS PA RNAMS NI SNYING RJES BKUR STIR BYAS NAS DE DAG GTONG, ,DE BZHIN SDUG PA RNAMS LA DANG PO MTSUNGS PAR BDE BA NYER BSTAN NAS, ,SLAR YANG DGRA BYED GANG YIN DE DANG LHAN CIG DGA' BAR GA LA 'GYUR, ,DE PHYIR NYON MONGS SPANGS PA'I PHYIR, ,'JIG RTEN PA DANG 'DRA BA YANG, ,DE DAG NYID NI SEMS CAN GYI, ,DGE BA MNGON PAR 'PHEL BA'I RGYU, ,YANG NI GAL TE SKAL MI MNYAM PA'I SEMS CAN GYI, ,TSOGS LA RJES SU CHAGS LAS 'KHOR 'DOD YID 'BYUNG ZHING, ,RNYED DANG GRAGS PA'I RGYU PHYIR 'DUD PAR GYUR NA NI, ,NAGS 'DI YANG NI KHYIM DANG KHYAD PAR MED MIN NAM, ,BSOD SNYOMS RGYU BA'I YUL DAG DANG; ,SHIN TU RING BA MA YIN ZHING, ,NYE BA YANG NI MA YIN PA'I, ,NAGS DE DAG TU GNAS BYA STE, ,YUL GANG NA NI DRI MA SROG CHAGS LAS BYUNG BA'I, ,SKYON DANG BRAL BA'I CHU DAG KYANG NI YOD PA DANG, ,GANG NA 'BRAS BU'I LCI KYIS DUD PA'I SHING YOD CING, ,GDUG PA'I SBRUL DAG DANG NI BRAL BA'I PHUG YOD PA, ,DE RU 'DI NI NYIN DANG MTSAN DU YANG NI GSUNG RAB 'DON PA DANG, ,SLAR SNGAGS GANG YIN DE NI SLAR YANG RIGS PA'I TSOGS KYIS DPYOD PAR BYED, ,DE NAS BSOD NAMS LAS BYUNG MTSAN MA RNAMS NI 'DZIN PAR BYED GYUR CING, ,BYING DANG RGOD PA'I DUG DANG BRAL BAS RANG GI SEMS LA DGA' BA BSKYED, ,RGYAL PO'AM NI RGYAL BU'AM, ,BRAM ZI'ANG BLON PO LA SOGS PA, ,DGE SLONG DGON PA BA DAG GI ,DRUNG DU 'ONGS PAR GYUR NA NI, ,DES NI DE LA GUS PA YIS, ,LEGS PAR BYIN NAM ZHES BYA DANG, ,JI LTAR BSHAMS PA'I STAN DAG LA, ,RANG GIS MKHYEN BZHIN BZHUGS ZHES BYA, ,RGYAL PO 'GRENG NA RANG STAN LA, ,BDAG NYID KYANG NI 'GRENG BYA LA, ,BZHUGS NA 'DUG PAR BYAS NAS NI, ,DGA' BAR BYED PA'I GTAM BYA STE, ,SKAL LDAN KHYOD KYI YUL DU NI, ,THOS MANG TSUL KHRIMS LDAN PA YI, ,DGE SBYONG BRAM ZE LA SOGS PA, , @203B RTAG PAR BDE BA GNAS LAGS ZHES, ,GAL TE BRTAN ZHIG DUL BA DANG, ,DBANG PO KUN NI ZHI GYUR NA, ,LAS DANG RJES SU MTHUN 'BYUNG BA, ,RNAM SMIN BCAS PA'I GTAM BYA'O, ,GAL TE RGYAL PO YID BYUNG LDAN, ,YID BYUNG RJES MTHUN BRJOD PA'AM, ,ZAB DANG RGYA CHE'I MTSAN NYID KYI, , SANGS RGYAS KYI NI CHE BRJOD NA, ,BYANG CHUB SEMS DPA' NAGS PHYIN NA, ,YID NI 'DI LTAR BSAM BYA STE, ,BDAG NI KHYIM GYI GNAS SPANGS NAS, ,CI YOD DON DU NAGS SU 'ONG, ,LHA LA SOGS PAS MCHOD BYA'I DGE SLONG GO 'PHANG NI, ,GAL TE NAGS SU GNAS PA TZAM GYIS 'DIR 'BYUNG NA; ,NAGS NA RGYU BA'I SPRE'U DANG CHOM RKUN SENG GE RNAMS, ,DE DAG KYANG NI DGE SBYONG GO 'PHANG YON TAN GYIS BRGYAN 'GYUR, ,GZHAN YANG NGA RGYAL KHENGS PA'I YONGS SU GDUNG BA DANG, ,SER SNA SDANG CHAGS RTAG TU 'JIGS MANG DANG, ,REG GZUGS RO DANG DRI YIS 'JIGS PA DANG, , PHUNG PO BDUD KYIS 'JIGS PAS 'DAR BA DANG, ,NYON MONGS BDUD KYIS 'JIGS PA'I MES GDUNGS SHING, ,LHA YI BDUD KYIS 'JIGS PAS DE BZHIN SKRAG ,'CHI BDAG BDUD KYIS YANG YANG BLTAS PA YIS,, DA LTA BDAG NI NAGS SU 'ONGS MIN NAM, ,DE PHYIR NAGS SU GNAS PA 'DI, BDAG NYID DBEN PA'I PHYIR BSTEN NAM, ,JI LTAR BDAG LA 'JIGS RNAMS YOD, ,DE NI JI LTAR 'BYUNG BAR 'GYUR, ,'DIR NI 'JIGS PA RNAMS KYI RGYU, ,,'JIGS TSOGS LTA BA GCIG PU NYID, ,GANG PHYIR 'JIGS PA THAMS CAD NI, ,DE LAS KUN DU 'BYUNG BA YIN, ,MA RIG NYER BSLAD 'KHRUL PA DANG, ,GNYIS SBYOR BDAG TU RIG PA RNAMS, ,PHYIN CI LOG LAS KUN BYUNG BA, ,'JIG TSOGS LTA BA'I RNAM GRANGS SO, ,GZUGS SOGS PHUNG PO LNGA RNAMS LA, ,BDAG CES YANG DAG MI 'DZIN PA'I, ,'JIGS TSOGS LTA BA RTZA BA NI, ,SRID PA'I LCUG MA 'PHEL BA'I RGYU, DE PHYIR 'JIGS PA KUN GCAD PHYIR, ,BDAG TU ZHEN PA SPANGS PA LA, ,DA NI BDAG GIS BSTAN PA RU, ,RAB TU 'THAD PA DAG TU BYA, ,DGON PA CHEN POR GNAS PA YI, ,LJON SHING GEL PA LCUG MA SOGS, ,DE DAG SU LA'ANG MI 'JIGS NA, ,BDAG NI DE LAS LHAG @204A *, ,PAR SNGAR, ,'DI NA 'GA' ZHIG BDAG GAM NI, ,SKYES BU'AM NI GANG ZAG GAM, ,SHES LAS SKYES SAM SHED BU'AM, ,TSAD MAS DPYAD NA YOD MA YIN, ,DE LTAR 'JIGS PA DAG GI RGYU, ,YANG DAG MA YIN KUN RTOG 'DI, ,DE PHYIR LUNG DANG TSAD MA YI, ,MIG GIS DE NYID GZHOM PAR BYA, ,GZHAN YANG, DBYE BA MED PA'I CHOS RNAMS LA, ,'BYED 'DI TSUL BZHIN MA YIN PA, ,TSUL BZHIN MA YIN RKYEN CAN TE, ,DE YANG SKYE BA MED PA'I DNGOS, ,GZHAN YANG 'DIR NI DGON GNAS PA, ,CHOS RNAMS KUN LA 'DRE MED DE, ,MA 'DRES RAB TU MI GNAS DANG, ,DPYOD MED RJES SU 'DZIN BYED PA'O, ,GAL TE YON TAN MA THOB PAR, ,GCAN GZAN KHRO BO NYER 'ONGS NAS, ,'JIGS PA SPANGS PA BSGRUB PA'I PHYIR, ,DES NI 'DI LTAR SEMS GDUL BYA, ,SNGAR NI SEMS CAN DON BSGRUB PHYIR, ,LUS 'DI BDAG GIS BTANG BA YIN, ,SBYIN PA BYIN NAS MI SHES PAS, ,DE LA JI LTAR BDAG GDUD BYED, ,GANG LAS KYANG 'JIGS MI BYA STE, ,RANG GI NYES BYAS KYIS 'JIGS BYA, ,GANG PHYIR 'JIGS KUN 'DI LAS TE, ,THAMS CAD DE YI SPRUL PAR GSAL, ,SKYE BA DANG NI 'JIG PA DAG , JI LTAR BDAG MED GEL PA DANG, ,LCUG MA LA SOGS SKYE DANG NI, ,'JIG 'GYUR DE BZHIN BDAG GI YANG, ,SKYE BA DANG NI 'JIG PA YI, ,RGYU DANG RKYEN NI TSOGS PA LAS, ,{RTZVA} 'KHRI SHING SKYE BA DANG,,'JIG PA DE BZHIN BDAG GI YANG, ,SKYE DANG 'JIG STE DON DAM MIN, ,DE DAG NI DGON PA'I BSNGAGS PA BRJOD PA'O,, ,,NAGS TSAL NYID LA BRTEN NAS NI, ,TING NGE 'DZIN LA SBYAR BYA STE, ,GANG PHYIR MI G-YENG MED PAR NI, ,'JIG RTEN PHUN TSOGS KYANG MED PAS, ,DANG POR 'DUN PA'I MING CAN GYI, ,SEMS BSKYED NYE BAR BZUNG NAS NI; ,BYANG CHUB SNYING POR MCHIS KYI BAR, ,GNOD PA SPANG PHYIR 'BAD PAR BYA, ,'DI LTAR, SPYOD YUL GZUGS NI MTHONG BA NA, ,BRNAB SEMS YID MI BDE BA'AM, ,GZHAN YANG MI DGE BA YI CHOS, ,SEMS LA SKAD CIG BYUNG GYUR NA, ,DE TSE BSNGAMS PHYIR DE DAG GI, @204B MIG GI DBANG POS TSAR GCAD BYA, ,TSAD GAD PA NI MTSAN MA DAG ,GSAL BA RJES SU GZUNG LAS BYUNG, ,DE BZHIN RNA BA SNA DANG NI, ,LCE DANG LUS KYI DBANG PO RNAMS, ,RTAG TU SEMS NI BSRUNG BA'I PHYIR, ,SO SO DAG TU BSDAM PAR BYA, ,SAD PA DANG NI NYAL BA DANG, 'DUG DANG 'GRO DANG SMRA BA DANG, ,MI SMRA GYUR DANG KUN DU YANG, ,MNYAM PAR GZHAG PA 'DOR MI BYA, ,RNYED DANG MA RNYED BSTOD SMAD DANG, ,BDE DANG SDUG DANG SNYAN MI SNYAN, ,YID BDE BYED DANG GZHAN PA RNAMS, ,SPRUL PA BZHIN DU BSAM PAR BYA, ,DES NA 'DI NI MI RGOD CING, ,LUS ZHI SEMS NI MA 'KHRUL ZHING, ,RTAG TU DBANG PO MI G-YENG ZHING, SPYOD LAM DGE BA'I SPYOD YUL DANG, ,DMIGS PA GSAL BAR RGYU BA NI, ,GANG TSE SEMS LA MA MTHONG ZHING, ,BYING NA GZENGS NI BSTOD PA'I PHYIR, ,YID LA DGA' BA BSGOM PAR BYA, ,RGOD PA 'JIG RTEN CHOS RNAMS LA, ,GAL TE BDAG MED PA SKYES NA, ,KUN MKHYEN GYIS GSUNGS MI RTAG PA, ,MYUR DU MNGON DU BYA BA DANG, ,GNYI NGA'I DON DU GNYEN PO NI, ,RNYED DKA' DAL BA PHUN TSOGS PA, ,DRAN BYA DE BZHIN BSKAL PA NI, ,BYE BAR RNYED DKA'I RGYAL BYUNG BA'O, ,GZHAN YANG SDUG DANG PHRAD PA 'DI NI NYI MA 'GA' ZHIG DAG TU BDE STER TE, ,PHYIS NI DRAN PAR GYUR NAS MTSUNGS PA MED PA'I GDUL BA SKYED BYED PA, ,DE BZHIN SKYE DANG SKYE BAR DRAN PA'I YUL DU GYUR NAS 'JIG RTEN PA, ,JI LTAR SRID PA'I 'KHRUL PA SPONG BAR MI NUS 'GYUR BA DE LTAR BYED, ,RGA DANG NAD DANG 'CHI BDAG RGYUD PA ZHES BYA BZHI PO 'DAG NI, ,GNOD PA CHEN POR SKRAG PA'I YID KYIS NYIN MTSAN SO SO DRAN BYA STE, ,GANG PHYIR NAD KYIS BDE DANG 'CHI BDAG GIS NI SROG NI 'PHROG BYED CING, ,RGUD LAS PHUN TSOGS NYAMS BYED LANG TSO DAG NI RGA BA DAG GIS SO, ,GNAD RNAMS GCOD PAR BYED PA DANG, , FGROGS MED GCIG PUR GYUR PA DANG, ,'JIG RTEN 'DI NI YONGS SPANGS SHING, ,'JIG RTEN GZHAN DU 'PHO 'GYUR TE, ,'CHI BDAG BAR NI ZHUGS PA LA, ,DGE BA'I LAS LAS GZHAN PA YI, ,CHUNG MA NOR DANG GROGS DANG GNYEN, ,SRUNG BAR BYED PA YOD MA YIN, ,SNABS DANG KHA CHU @205A *, ,DRI MA GCIN GOS SHING, ,DBUGS KYI LHAG MA 'DZIN PAR BYED PA'I LUS, ,YANG SRID PA NI DMIGS PAR BYED PA NA, ,LEGS BYAS MA GTOGS SKYOB BYED 'GA' YOD MIN, ,GRANG BAS NYEN LA ME DANG NI, ,SKOM PAS NYEN LA CHU JI BZHIN, ,JI LTAR NGAL LA GRIB MA STE,, DE BZHIN CHOS NI GZHAN DAG KYANG, ,DE PHYIR SKYES BU RNAMS KYI 'KHOR DANG NOR DANG LANG TSO DAG ,GLOG DANG MTSUGS PAR MTHONG NAS 'JIG PA'I CHOS CAN DU, ,SKYE DANG LDAN PAS MA LUS DE LTAR RTOGS NAS NI, ,SRID PA'I 'CHING BA 'JIGS LAS GROL PHYIR 'BAD PAR BYA, ,YANG NI G-YENG BA CHEN PO'I RGYU, , 'DOD CHAGS ZHE SDANG GTI MUG GSUM, ,BYAMS PA RTEN 'BREL BSGOM PA STE, ,RTAG TU SGYU YANG SPONG BYED CING, ,GNYEN PO YANG NI BSGOM PAR BYA, ,'DOD CHAGS DANG NI SKYE BA'I RGYU, ,BUD MED GCIG PU KHO NA'O, ,MI SDUG BSGOM PA GANG ZHE NA, ,MI GTZANG LA SOGS 'DU SHES KYIS, ,MGO BO NAS NI RKANG PA'I BAR, ,GANG ZHIG BSDUS NAS SPYOD PA STE, ,'DI LTAR SKRA DANG BA SPU DANG, SEN MO SO DANG PAGS PA LCE, ,SHA RUS RGYUS PA SNYING DANG MCHIN, ,RGYU MA ZHAG DANG DRI MA DANG, ,GZHUNGS PA MCHI MA CHU SER RDUL, ,TSIL DANG SNABS DANG GLO BA DANG, ,GLAD PA DANG NI GLAD RGYAS DANG, , GCIN DANG RNAG DANG KHRAG DAG GIS, ,DANG POR 'DI DAG LA RMONGS PA'I, ,SHES RAB 'CHAL PA GZHAN DAG NI, ,GCIG LA SOGS PA RLOM PA LAS, ,DGE BA DGA' BAR GA LA 'GYUR, ,'BYUNG BA BZHI LAS GRUB PA'I RANG GYI LUS PO 'DI LA SLAR YANG NI, ,SA DANG CHU DANG ME DANG RLUNG ZHAS SO SO DAG TU RTOG BYED LA, DE NAS JI LTAR SNA TSOGS 'BRU YIS GANG BA'I PHUR MA BZHIN, ,DE BZHIN LUS 'DI YANG NI BRTAN PA'I BLO YIS RNAM PAR BLTA BYA STE, ,BYANG CHUB SEMS DPA' 'DI NI DUR KHROD ZHUG KHAMS SU, ,GANG TSE RO YI NGO BO YONGS SU LTA BYED PA, ,DE TSE DES NI NYIN ZHAG 'DAS LAS BYUNG BA YI, ,RUL DNGOS DAG TU RANG GI LUS DANG MTSUNGS PAR RTOG ,SHIN TU 'PHONGS GDANGS KHA NI ZANGS LTAR GYUR PA YI, ,SA STENG LTUNG BAR GYUR PA'I RO YI LUS PO NI, ,SRID PA'I BDE LA ZHEN PA'I SEMS LDAN MI RNAMS LA, ,RANG GI MI SDUG DNGOS PO STON PAR BYED PA 'DRA, ,DE DAG NI @205B 'DOD CHAGS LA KUN DU SPYOD PA'I GNYEN PO'O,, ,,GZHAN LA PHAN DANG BDE SRED DANG, ,'DOD DANG SMON DANG DGA' BA YI, ,RNAM PA 'DIR SKYE GANG YIN PA'I, ,BYAMS DE RNAM GSUM DU DBYE STE, ,DE LA SEMS CAN LA DMIGS SHING, ,CHOS LA DMIGS PA YANG NI GZHAN, , NGANG GIS 'BYUNG ZHING DMIGS MED PA, ,BYAMS PA CHEN PO RAB TU GSUNGS, ,DANG PO'I SEMS LA DANG PO STE, ,GZHAN NI SPYOD LA DGA' BA YIN, ,DMIGS PA MED PA MI SKYE BA'I, ,CHOS LA BZOD THOB SPYOD YUL LO, ,DE DAG KUN LA GOMS BYA'I PHYIR, ,BSGOM BYA'I RIM PA BSHAD PAR BYA; ,DE LA DANG PO SDUG PA BZHIN, ,BAR MA RNAMS LA BSGOM PAR BYA, ,GANG PHYIR SDUG BZHIN SHES PA NI, ,LHAG MA RNAMS LA SKYE BAR 'GYUR, ,DE TSE GOMS PA PHYI NAS YANG, ,DGRA YI PHYOGS LA BSGOM PAR BYA, ,GANG TSE RNAL 'BYOR PA YIS NI, ,PHYOGS GCIG TU NI DGRA DAG KYANG, ,GROGS PO BZHIN DU SNANG GYUR NA, ,DE TSE PHYOGS KUN LA BSGOM BYA, ,JI LTAR SEMS CAN LA DMIGS PA, ,BSGOMS LAS NYE BA SKYE 'GYUR BA'I, ,NGAL BA CHOS LA DMIGS PA DAG ,LA SOGS PA NI YOD MA YIN, ,DE BZHIN DU, GAL TE RANG GI DGE BA SKYE BA GZHAN RNAMS KYIS, ,BDE GSHEGS NYID THOB BYA PHYIR YONGS SU SNGO BYED NA, ,DE YI BYAMS PA 'DI NI SHIN TU MCHOG 'GYUR ZHING, ,RANG GI BYANG CHUB SEMS NI RDO RJE LTAR BRTAN BYED, ,GZHAN YANG BDE BAR BSHEGS PA RNAMS KYI DGE BA DANG, ,DE BZHIN RGYAL SRAS DANG NI SEMS CAN GZHAN GYI YANG, ,DE DAG MA LUS PA YANG 'GRO BA SRID PA'I BTZON RA YI, ,BCINGS PA GROL BAR BYA PHYIR YONGS SU SNGO BYED PA, ,SNA TSOGS SNYING RJE'I SNYING PO CAN, ,YONGS SU BSNGO BA GANG DAG YIN, ,DE KUN BYAMS PA NYID KYI NI, ,RJES SU 'JUG PAR THE TSOM MED, ,DE DAG NI ZHE SDANG LA KUN DU SPYOD PA'I GNYEN PO'O,, ,,GZHAN YOD PA LA BRTEN NAS NI, ,ME LONG GI NI GZUGS BRNYAN BZHIN, ,GANG GI DNGOS PO SNANG GYUR PA, ,DE LA DNGOS GA LA YOD, ,DE PHYIR RKYEN LAS BYUNG BA YI, ,DNGOS PO RNAMS NI DNGOS MED NYID, ,RANG GI @206A *, ,MTSAN NYID MA SKYES PA, ,STONG NYID SHIN TU ZAB PA NYID, ,DNGOS PO DE DAG MI SPONG ZHING, ,DES KYANG DNGOS PO MI SPONG STE, ,MED NA MI 'BYUNG NGES PA'I PHYIR, ,ME DANG SREG PAR BYED PA BZHIN, ,RTEN 'BREL YAN LAG BCU GNYIS 'DI, ,PHYI MA PHYI MA 'BRAS BU DANG; ,SNGA MA SNGA MA RGYU YIN PAR, ,MA RIG LA SOGS RIM SHES BYA, ,MA RIG PA NI GANG ZHE NA, ,YANG DAG MIN PAS KHAMS LNGA LA, ,GCIG DANG BDAG DANG RTAG SOGS SU, ,MA RIG SKYE BA GANG YIN PA'I, ,'DU BYED YUL NI 'DI DAG LA, ,'DOD CHAGS LA SOGS 'JUG PA'O; ,RNAM SHES 'DI LAS SKYES PA YI, ,DNGOS PO BRTAGS PA'I MTSAN NYID DO, ,GZUGS MIN PHUNG PO BZHI DANG NI, ,'BYUNG BA CHEN PO BZHI RNAMS LA, ,GCIG TU MNGON PAR BSDUS PA NYID, ,'DI LA MING DANG GZUGS ZHES BRJOD, ,DE SKYES MIG LA SOGS PA NI, ,SKYE MCHED DRUG GI MING CAN NO, ,GSUM RNAMS 'DUS PA DAG LA NI, ,REG PA ZHES SU MNGON PAR BRJOD, ,REG PA MYONG BA MA LUS PA'I, ,BDE SOGS RNAM PA'I RANG BZHIN CAN, ,TSOR BA ZHEN PA SRED PA STE, ,DE NI 'DOD PA'I RNAM PA'O, ,SRED PA NYID NI 'PHEL BA LA, ,LEN PA ZHES NI BRJOD PA YIN; ,LEN PA LAS NI SRID PA STE, ,DE LA PHUNG PO DNGOS 'BYUNG SKYE, ,PHUNG PO RNYINGS PA RGA BA STE, ,YANG NI NYAMS PA 'CHI BA'O, ,RANG NYID CES LAS SHI 'DOD PAS, ,NANG GI GDUNG BA MYA NGAN TE, ,BDE BA DRAN PA LAS BYUNG BA'I, ,SMRE BA GANG YIN SMRE SNGAGS 'DON, ,SDUG BSNGAL RNAM SHES LNGA PO YI, ,LUS 'BYUNG MI BDE TSOR BA'O, ,DE LTAR MTHA' GNYIS LAS GROL BA'I, ,RTEN CING 'BREL BA'I MTSAN NYID NI, ,SNA TSOGS MGAL ME'I 'KHOR LO LTAR, ,PHAN TSUN RGYU YIS 'KHOR BA YI, ,S'A LU LJANG SOGS MDO LAS NI, ,PHYI DANG NANG GI DBYE BA YIS, , RTEN CING 'BREL BAR 'BYUNG BA DE, ,RNAM PA GNYIS SU BLTA BYA STE, ,RGYU DANG RKYEN GYI RGYU LAS NI, ,DE NI SLAR YANG RNAM PA GNYIS, ,DE LA DANG PO NANG GI NI, ,RNAM PA GNYIS SU DBYE BYA STE, ,MA RIG LA SOGS PHAN TSUN DU, ,RGYU YI DNGOS POR GNAS PA DAG ,DE NI RGYU YI RGYUR NI 'DIR, ,BDAG @206B GIS GONG DU BSHAD ZIN TO, ,YANG NI RKYEN GYI RGYU DAG NYID, ,SA DANG CHU DANG ME DANG NI, ,RLUNG DANG NAM MKHA' RNAM SHES RNAMS, ,GCIG TU 'DUS PAR GYUR PA STE, ,LUS LA SA KHAMS GANG ZHE NA, ,SRA BA 'DZIN PA GANG YIN PA'O, ,RLAN LA SOGS PA RJES 'DZIN GANG, ,DE NI CHU YI KHAMS SU BRJOD, ,ZOS DANG 'CHOS DANG 'THUNGS PA DANG, ,THAMS CAD RIM GYIS 'JU BYED PA'I, ,LUS 'DI DRO BA'I MTSAN NYID CAN, ,DE NI ME YI KHAMS SU BSHAD, ,BYA BA BDUN LA RAB 'JUG PA'I, ,DBUGS 'BYUNG RNGUB PA'I BYA BA DANG, ,LUS 'DI LA NI BYED PA GANG, ,DE NI RLUNG GI KHAMS SU BSTAN, ,LUS 'DI LA NI YONGS MTHONG BA'I, ,GANG GI STONG PA'I RANG BZHIN GANG, ,KUN GYI GO SKABS 'BYED PA'I PHYIR, ,NAM MKHA'I KHAMS ZHES RJOD PAR BYED, ,RNAM SHES KHAMS NI GANG ZHE NA, ,'DIR NI ZAG BCAS YID GANG DANG, ,DE BZHIN RNAM SHES LNGA YI NI, ,TSOGS NA KUN DU SBYOR BA'O, ,MING DANG GZUGS KYI MYU GU YI, ,SA BON NGO BOR GNAS PA YI, ,NANG GI BDAG NYID RANG BZHIN LA, ,RKYEN GYI RGYU ZHES BRJOD PA YIN, ,DE BZHIN DU, RNAM SHES SA BON RANG BZHIN TE, ,LAS NI ZHING GI RANG BZHIN NO, ,SRED PAS RNAM SHES RLAN BYED DE, ,MA RIG PA NI SA BON 'DEBS, ,LAS NI 'DI LTAR BDAG GI NI, ,'DU BYED LAS BYUNG RANG BZHIN GYI, ,RNAM SHES SA BON DAG BYA DANG, ,ZHING GI BYA BA BYAS MI SEMS, ,SRED [?] PA'ANG 'DI LTAR BDAG GIS NI, ,RNAM SHES RLAN ZHES SHES PA MED, ,MA RIG PA YANG 'DI LTAR BDAG ,SA BON DE NI GDAB MI SEMS, ,SA BON RNAM SHES DE LA YANG, ,RKYEN 'DI DAG GIS 'BAD PA YIS, ,BDAG NI BSKYED PA YIN ZHES PA'I, ,DE LTA'I SHES PA YOD MA YIN, ,'ON KYANG RNAM SHES SA BON NI, ,LAS KYI ZHING GIS BRTEN PA DANG, ,SRID PA'I RLAN GYIS BRLAN PA DANG, ,SA BON MA RIG GIS BTAB PAS, ,SKYE BA DE DANG DE DAG DANG, ,RIM PA DE DANG DE DAG GIS, ,MA YI DKUR NI DUS KYIS SU, ,MING GZUGS MYU GU BSKYED PA NI, ,BDAG LAS MA YIN GZHAN LAS MIN, ,DBANG PHYUG GIS KYANG SPRUL MIN LA, ,MING @207A *, ,DANG GZUGS KYI MYU GU 'DI, ,RGYU MED LAS KYANG SKYE BA MIN, ,DE LTAR BDAG MED CHOS RNAMS NI, ,SGYU MA'I MTSAN NYID DAG TU 'BYUNG, ,RGYU DANG RKYEN NI TSOGS PA LAS, ,RGYUN MI 'CHAD PAR 'BYUNG 'GYUR TE, ,MIG DANG GZUGS DANG SNANG BA DANG, ,DE BZHIN NAM MKHA' DE SKYED YIN, ,RGYU LNGA DAG NI TSOGS PA LAS, ,MIG GI RNAM SHES 'BYUNG 'GYUR LA, ,RKYEN 'DI DAG NI MED PA NA, ,MIG GI RNAM SHES 'BYUNG MIN MING, ,'DI DAG SO SO DAG LA NI, ,BTZAL NA RNYED PA MA YIN NO, ,DE LTAR DBANG PO LHAG MA LAS, ,SKYES PA RNAM SHES RIM PA 'DI, ,NAM MKHA' 'JA' TSON DAG MTSUNGS PAR, ,RKYEN MA RIG LAS SHES PAR BYA, ,YANG NI RKYEN LAS BYUNG BA DE, ,MTSAN NYID LNGA RU SHES BYA STE, ,RTAG DANG CHAD DANG BRAL BA DANG, ,DE BZHIN 'PHO BA SPANGS PA DANG, ,YANG NI RGYU NI CHUNG BA LAS, ,'BRAS BU CHEN POR 'BYUNG BA DANG, ,'DRA BA DAG DANG LDAN PA YI, ,RGYU MTHUN 'BRAS BU 'BYUNG BA'O, ,GANG PHYIR SKYE BA LA PHYOGS PA'I, ,PHUNG PO DAG NI 'CHI BA LA, ,PHYOGS PA 'BYUNG BA DE YI PHYIR, ,RTAG PA MIN PAR 'DI SHES BYA, ,CHAD MIN GANG PHYIR PHUNG PO RNAMS, ,RGYU RNAMS YOD PA DAG DANG NI, , MED PA DAG LAS SKYED MIN PHYIR, ,SRAD MDA'I MTHON DMAN CI BZHIN NO, ,GANG PHYIR PHUNG PO RIGS MTHUN PHYIR, ,SLAR YANG SKYE BA GZHAN DU NI, ,RIGS MI MTHUN PAR SKYE 'GYUR BA, ,DE PHYIR 'PHO BA LAS KYANG MIN, ,GANG PHYIR LAS CHUNG BYAS PA LAS, ,'BRAS BU CHEN PO 'BYUNG 'GYUR TE, , DE PHYIR RGYU NI CHUNG NGU LAS, ,'BRAS BU CHEN POR 'BYUNG BA YIN, ,GANG PHYIR CI 'DRA'I LAS BYAS PA, ,DE YI GZUGS BRNYAN MI 'DOR BA, ,DE 'DRA'I RGYU NI 'BYUNG BAS NA, ,DES NA RGYU DANG 'DRA BAR BRJOD, ,CHOS GANG 'JIG RTEN 'DI NAS NI, ,GZHAN DU 'PHEL BA 'GA' MED KYANG, ,'ON KYANG LAS DANG 'BRAS BU DANG, ,YOD PA RU NI BRTAGS PA YIN, ,MA RIG LEN PA SRED PA ZHES, ,BYAS PA NYON MONGS BSDUS PA STE, ,'DU BYED SRID PA ZHES BYA BA, ,LAS KYI MING DU SHES PAR BYA, ,RNAM SHES MING DANG GZUGS DANG NI, ,DE BZHIN SKYE DANG REG PA DANG, ,RGA SHI DANG NI @207B LHAG MA DAG ,SDUG BSNGAL MING CAN 'DU SHES BYA, ,STONG PA NYID NI STON PA CHE, ,'OG NAS STON PAR 'GYUR BAS NA, ,ZLOS PA'I SKYON DU THAL 'GYUR PHYIR, ,PHYI YI MTSAN NYID MA BSTAN TO, ,GANG GIS 'GRO BA'I RANG BZHIN RKYEN LAS BYUNG BA RU, ,JI LTA BA BZHIN 'DI DAG SHES RAB KYIS RTOGS PA, ,PHRA BA'I BLO LDAN DE YIS DE BZHIN GSHEGS PA NI, ,KUN GZHI DAG DANG YANG DAG LDAN PA MTHONG BAR 'GYUR, ,'DI DAG NI GTI MUG LA KUN DU SPYOD PA'I GNYEN PO'O,, ,,DE LTAR SEMS NI LAS RUNG BAS, ,LUS DANG TSOR BA NYID DANG NI, ,SEMS DANG DE BZHIN CHOS RNAMS LA, ,DRAN PA NYER GZHAG GUS PAS BSGOM, ,RKANG LAG BYIN PA BRANG DANG SUM MDO MGRIN PA PHRAG PA LTO BA BRANG, ,'GRAM PA RGYAB DANG NANG KHROL DANG NI MGO BO'I CHOGS RNAMS 'DUS PA'I LUS 'DI NI, ,DE BZHIN SLAR YANG KUN NAS NYON MONGS SO SO'I DUG CAN GNAS SU GYUR PA 'DI; ,MI RTAG PA ZHES KUN SHA'I TZE 'DRA'I BLO CAN RNAMS KYIS LEGS PA'I DON DU SPYAD, ,YANG DAG MIN LA BRTAGS LAS GZHAN, ,LUS PO 'DI NI SNGON GYI MTHA', ,GANG ZHIG NAS KYANG 'ONG BA YIN, ,PHYI MA'I MTHA' YANG 'GRO MIN PAS, ,THOG MA THA MA DBUS RNAMS SU, ,GANG YANG GNAS PA MED PAR BRTAG ,DES NA RTZAD NAS MED PA YI, ,LUS PO 'DI LA YONGS 'DZIN MED, ,DE LTAR CHA YI TSOGS 'DI LA, ,LUS PO DON DAM DU MED PAS, ,MKHAS PAS LUS PO NAM MKHA' BZHIN, ,RJES SU DRAN PA RTAG PAR GZHAG ,DE YANG 'JIG RTEN PA YI THA SNYAD DU, ,GRUB PA'I LUS PO DANG NI PHUNG PO DANG, ,KHOG PA DANG NI GNAS 'DI ZHES BYA BA, ,'DI DAG MA LUS GLO BUR BA YIN NO, ,LUS LA RJES DRAN BSGOM PA LAS, ,SEMS CAN RNAMS KYI LUS GZHAN LA, ,RANG LUS DANG MTSUNGS BSTAN PA RU, ,BYANG CHUB SEMS DPA' 'DU SHES SKYE, ,SNYING PO MED PA'I LUS PO LAS, ,LUS DANG LONGS SPYOD SNYING PO DANG, ,DE BZHIN 'TSO BA'I SNYING PO STE, ,SNYING PO GSUM NI BLANG BAR BGYI, ,BDAG GI LUS 'DI MI RTAG CES, ,SEMS CAN RNAMS KYI SLOB MA RU, ,'GYUR BAR BSGRUB PA GANG YIN PA, ,DE LA LUS KYI SNYING POR BRJOD, ,LUS GSOB YIN PHYIR @208A *, ,LONGS SPYOD LA, ,GANG ZHIG DGA' BAR MI BYED PA, ,DE NI THAMS CAD GTONG DANG LDAN, ,DE YIS LONGS SPYOD SNYING PO 'THOB, ,SNYING PO MED PA'I LUS DRAN NA, ,'TSO BA'I DON DU BDAG NYID KYIS, ,SDIG PA'I LAS RNAMS BYED MIN PA, ,DE YIS 'TSO BA'I SNYING PO 'THOB, ,LUS 'DI RTAG TU YONGS SU MA BSKYANGS NA, ,'PHEL MI NUS PAS BYIS PA RNAMS DANG MTSUNGS, ,KHANG PA RNYING PA DANG MTSUNGS LUS PO 'DI, ,'BAD PAS LEGS PAR BSKYANGS NAS GZUNG BAR BYA, ,BKA' STZAL MANG BAS RGYAL PO RNAMS DANG MTSUNGS, , SLU BAR BYED PA'I RANG BZHIN GRIB MA BZHIN; ,SHIN TU 'BAD PA'I SGO NAS GZEM DGOS PAS, ,LUS 'DI SO MA BTANG BA'I BUM PA MTSUNGS, ,CHU BO CHEN PO TSOGS KYI RGYUN 'BAB BZHIN, ,LUS KYI THA MA 'CHI BA'I MTSO LA GTUGS, ,MDUNG THUNG BZHIN DU SDUG BSNGAL BSKYED PA'I RGYU; ,RTAG TU PHAN MI BYED PAS DGRA DANG MTSUNGS, ,NAM YANG YID CHES RDUL PHRAN TZAM GYI YANG, ,GNAS MED PAS NA RKUN MA RNAMS DANG MTSUNGS, ,REG PA'I BSRAN MI BZOD PAS RMA DANG MTSUNGS, ,SGYU MA BZHIN DU STONG PA'I BDAG NYID YIN, ,JI LTAR 'O MA YIS NI BKRUS GYUR KYANG, , SOL BA NAM YANG DKAR POR 'GYUR MA YIN, ,GTZANG ZHING DAG PAS BYI DOR BYAS GYUR KYANG, ,DE LTAR LUS KYI RANG BZHIN 'DOR MI BYED, ,DES NA BDAG PO MED PA YI, ,'KHRUL 'KHOR LTA BU'I LUS PO 'DI, ,BZA' BTUNG SOGS LAS BYUNG BA'O, ,ZHES RGYAS PAR YANG DANG YANG DU BRTAG , DE DAG NI LUS DRAN PA NYE BAR GZHAG PA'O,, ,,DE LTAR RAB TU BSGOMS PA'I MTHUS, ,LUS G-YENG RAB TU ZHI BA DES, ,TSOR BA DRAN PA NYER GZHAG PA, ,BRTAN PA YIS NI RNAM PAR BSGOM, ,DE LA LOG PAR MNGON ZHEN LAS, ,TSOR BA RNAM PA GSUM YIN TE, ,BDE DANG SDUG BSNGAL DANG GZHAN NI, ,BDE MIN SDUG BSNGAL MIN RIG BYA, ,'DI LA TSOR BYED 'GA' MED CING, ,TSOR BA'I DNGOS PO YOD MIN PAS, ,RTEN CING 'BREL BA LAS BYUNG BA'I, ,TSOR BA 'DI NI BDAG MED PA'O, ,DE LTAR NAM MKHA'I DNGOS GYUR PA, ,GANG ZHIG LA NI ZHEN BYED PA, ,DE NI RMONGS @208B PAS CHU NANG GI ,ZLA BA LEN PAR 'DOD PA YIN, ,DE BZHIN SDUG BSNGAL GYIS GDUNGS PA, ,GANG ZHIG PHYIR ZHING 'JOMS BYED PA, ,DE NI RMONGS PAS MIG NANG GI ,GZUGS BRNYAN KHA LA 'O BYED YIN, ,RMONGS PA GANG ZHIG BDE MIN ZHING, ,SDUG BSNGAL YANG MIN RIG PA STE, ,'GRO TSE RTZAL REG PA LA, ,GZUNG BAR MNGON PAR RLOM DANG MTSUNGS, ,GZHAN YANG TSOR BA THAMS CAD LA, ,MING GZHAN DU BYAS 'KHOR BA STE, ,CHOS YANG DAG PAR BSDUS PA'I MDOR, ,KUN MKHYEN RANG NYID KYIS GSUNGS PA, ,NYER LEN DANG NI PHYIN CI LOG ,NYE BAR DMIGS DANG YONGS SU 'DZIN, , TSUL BZHIN MA YIN YID BYED PA, ,TSOR BA YIN ZHES NGES PAR GSUNGS, ,'DI LTAR GANG TSE SDUG BSNGAL GYIS, ,BYANG CHUB SEMS DPA' LA REG PA, ,DE TSE SDUG BSNGAL GYIS NYEN PA'I, ,SEMS CAN RNAMS LA BRTZE BAS DMIGS, ,GANG GI TSE NA THUGS RJE CAN, ,TSOR BA BDE BA MYONG BYED PA; ,DE TSE CHAGS PAS GDUNGS RNAMS LA, ,DE YI BRTZE BA CHER DRAG SKYE, ,GANG TSE BDE MIN SDUG BSNGAL MIN, ,RGYAL BA'I SRAS POS MYONG BYED PA, ,DE TSE RMONGS PAR BYING RNAMS LA, ,'DI YI BRTZE BA SHAS CHER 'PHEL, ,'GA' ZHIG BYANG CHUB SEMS DPA' LA, ,MNGON DU GYUR PAR SKYE GYUR PA; ,DE NYID KYI TSE DMIGS MED PAS, ,DMIGS PA BYAS PA LTA BUR SKYE, ,MTSAN MAR 'DZIN PA YIN PAS NA, ,TSOR BA NYID LA SRED PAR BRJOD, ,GANG TSE DE NYID MI GNAS PA, ,DE TSE MYA NGAN 'DAS PAR BRJOD, ,DE DAG NI TSOR BA DRAN PA NYE BAR GZHAG PA'O,, ,,DE LTAR GUS PAR TSOR BA LA, ,DRAN PA NYER GZHAG BSGOM BYAS TE, ,DE YI RJES LA 'BAD PA YIS, ,SEMS RJES DRAN PA NYER GZHAG BSGOM, ,MI GTZANG GTZANG BAR 'DU SHES PAS, ,SEMS NI SBRANG MA RNAMS DANG MTSUNGS, ,SDUG BSNGAL THAMS CAD BSKYED PAS NA, ,SDANG BA'I DGRA BO DANG YANG MTSUNGS, ,'DOD PA SNGAR BAG YUD TZAM LA, ,BDE BA NYID DU 'DU SHES DANG, ,MCHIL PA'I GZAN LA CHAGS PA YI, ,NYA YI LCE DANG DE YANG MTSUNGS, ,GZHAN DAG RNAMS LA GLAGS TSOL PHYIR, ,MDANGS 'PHROG GNOD SBYIN DANG YANG MTSUNGS, ,DGE BA'I NOR RNAMS 'PHROG @209A *, ,PA'I PHYIR, ,DE NI CHOM RKUN DANG YANG MTSUNGS, ,SEMS NI SKAD CIG NYID TZAM GYIS, ,'JIG PA'I PHYIR NA GLOG DANG MTSUNGS, ,RKYEN LA RAG LAS SKYES PA'I PHYIR, ,MAR ME'I 'OD KYI RGYUN DANG MTSUNGS, ,SEMS NI SDOD PA MA YIN PAS, ,CHU BO CHEN PO'I RGYUN DANG MTSUNGS, ,NYON MONGS GLO BUR BA RNAMS KYI, ,BSGRIBS PAS SEMS NI MKHA' DANG MTSUNGS, ,'DI LTAR GZUGS LA DMIGS NAS GZUGS RNAMS LA, ,DGA' BA PHYE MA LEB KYI MIG DANG MTSUNGS, ,SGRA LA DGA' BAS SEMS NI MNGON PA YI, ,KLU LA SNYAN PA'I AE NA YA DANG MTSUNGS, ,SEMS NI MAR NAG SNOD KYIS REG PA LA, ,DGA' BAS CHAGS PA'I SBRANG MA RNAMS DANG MTSUNGS, ,RO LA DGA' BAS ZAS KYI LHAG MA LA, ,BRKAM ZHING CHAGS PA'I BRAN MO RNAMS DANG MTSUNGS, ,DRI LA DGA' BAS MI GTZANG PHUNG PO LA, ,SHUGS DRAG RGYUG PA'I PHAG PHRUG RNAMS DANG MTSUNGS, ,DE LTA NA YANG BRTAGS SHING DPYAD PA NA, ,SEMS DE GANG NAS KYANG NI RNYED MA YIN, ,'DAS PA'I SEMS NI 'GAGS PA YIN PAS MED, ,MA 'ONGS SEMS NI MA THOB PAS YOD MIN, ,DA LTAR GNAS PA BCINGS NAS YOD MIN TE, ,GANG LTAR YANG DE TSAD MA'I DPYAD BYAR MED, ,SEMS DE SHIN TU 'BAD PAS BTZAL GYUR KYANG, ,'DAS PA YOD MIN DA LTA BA YANG MED, ,MA 'ONGS PA YANG YOD MIN DE LTAR NA, ,DE NI DUS GSUM DAG LAS 'DAS PAR 'DOD, ,GANG ZHIG DUS GSUM LAS NI 'DAS PA DE, ,YOD PA NYID MA YIN ZHING MED PA'ANG MIN; ,DE LTAR MTHA' GNYIS LAS NI RNAM GROL BA, ,DE NI GANG GI'ANG SPYOD YUL MA YIN NO, ,SEMS NI GANG NA'ANG DGA' MED CING, ,GANG NA'ANG MI DGA' YOD MIN TE, ,NAM MKHA' BZHIN DU MA SKYES PA, ,SUN PHYUNG MA YIN RMONGS BYA MIN, ,SLAR YANG 'DI YI RANG BZHIN 'BAD BTZAL NA, ,PHUNG PO KHAMS DANG SKYE MCHED RNAMS LA NI, ,GANG YANG GANG DU'ANG NAM YANG MA MTHONG BA'I, ,SEMS KYI RGYUN DE 'DOD PAR BYA BA'AM CI, ,DMIGS PA LAS NI SEMS SKYE BA, ,RE ZHIG 'DI LTAR BRTAG BYA STE, ,DMIGS PA LAS NI THA DAD DAM, ,THA MI DAD CES YONGS @209B SU BRTAG ,THA DAD MNGON PAR KHAS LEN NA, ,KHAMS GSUM THAMS CAD SEMS MED 'GYUR, ,THA MI DAD NA BDAG NYID LA, ,NANG GI BYA BA BZLOG PAR DKA', ,'DZUB MO'I RTZE MO DE NYID KYIS, ,DE NYID LA REG NUS MA YIN, ,DE BZHIN RAL GRI'I SO DE YIS, ,DE NYID GCOD PAR NUS MA YIN; ,LEGS PAR BSLABS KYANG RANG NYID KYIS, ,PHRAG PA LA NI 'GONG MIN LTAR, ,SEMS KYIS SEMS NI REG MIN ZHES, ,THAMS CAD MKHYEN PA NYID KYIS GSUNGS, ,DRAG LA 'KHOR ZHING 'TSUBS PA'I RLUNG DMAR LTAR, ,YID KYI RGYU BA SHIN TU RTOGS DKA' 'DI, ,GANG GIS DE LAS BDE GSHEGS DPAL 'BYUNG BA'I, ,ZHI GNAS LA NI 'BAD PAS RNAM PAR BSGRUBS, ,RTZE GCIG RNAM PAR MA 'PHROS DANG, ,MA YENGS PA DANG RAB TU ZHI, ,ZHI GNAS KUN DU GNAS PA'O ZHES, ,SEMS RJES DRAN PA RGYAS PAR BSGOM, ,SEMS KYI CHOS NYID MI SPONG ZHING, ,DE BZHIN RNAM PAR SBYONG BA'ANG MIN, ,SEMS 'DI SGYU MA LTA BU ZHES, ,BYA BA SEMS KYI CHOS NYID DO, ,GANG DAG DNGOS KUN YONGS BTANG NAS, ,SANGS RGYAS ZHING DU YONGS DAG PAR, ,RAB TU BSNGO BA DE RANG GI ,SEMS KYI RNAM PAR SBYOR BAR GSUNGS, ,DE DAG NI SEMS DRAN PA NYE BAR GZHAG PA'O,, ,,DE LTAR SEMS RJES DRAN PA NYER GZHAG LA, ,YANG DAG GNAS NAS CHOS DRAN NYER GZHAG BSGOM, ,DE NI MDOR NA CHOS RNAMS THAMS CAD LA, ,SPONG LEN SPANGS NAS 'BAD MED RTOGS PA YIN, ,NYON MONGS RNAMS LA YANG DAG TU SNANG BA, ,'DOD CHAGS YOD MIN ZHE SDANG YOD MA YIN, ,GTI MUG YOD MIN ZHI BA YOD MA YIN, ,'DUS PA YOD MIN PHUNG PO'ANG YOD MA YIN, ,DE LTAR RTOGS PAS DON DAM DU SPYAD NA, ,KUN NYON MONGS MED RNAM BYANG YOD MIN PA, ,DE LTAR CHOS RNAMS YIN ZHES NGES PA GANG, ,DE 'DIR CHOS RJES DRAN PAR YANG DAG BRJOD; ,DE LTAR CHOS RNAMS SUS THOS PA, ,DE YIS CHOS DANG SANGS RGYAS DANG, ,BYANG CHUB DANG NI LAM RNAMS DANG, ,CHOS KUN THA DAD MTHONG MA YIN, ,SLAR YANG NYON MONGS KUN LA 'DI, ,BCOS MA'I 'DU SHES SKYED BYED PA, ,DE BZHIN CHOS GZHAN RNAMS LA YANG, ,SGYU MA'I RNAM PAR @210A *, ,RAB TU BRTAG ,NGES 'BYED DE BZHIN NYID KYI BCUD KYIS NI, ,PHUG NAS CHOS RNAMS THAMS CAD YONGS SU RTOG ,RAB RIB SGRIB PA MA LUS RNAMS SPANGS PA, ,DE NI THUGS RJE CHEN POS RGYAN DU BYED, ,JI LTAR ME DANG 'BRU MAR SDONG BU DANG, ,KONG BU RNAMS LAS MI YIS ME MAR MTHONG, ,DE LTAR RKYEN RNAMS LAS SKYES CHOS RNAMS LA, ,STONG NYID SNYING PO CAN ZHES THA SNYAD BYED, ,CHOS RNAMS THAMS CAD MDOR BSDU NA, ,PHUNG PO KHAMS DANG SKYE MCHED DE, ,RKYEN LA RAG LAS SKYE BZHIN DU, ,'PHO BA SPANGS NAS YOD MA YIN, ,JI LTAR RGYA LA BRTEN NAS NI, ,GANG DU RGYA YI RJES MTHONG BA, ,RGYA DE 'PHOS PA MA YIN ZHING, ,DE MED PAR YANG MED BZHIN NO, ,BDAG DANG GANG ZAG SHED BU GSO BA PO, ,SROG DANG SHED SKYES BYED PA TSOR BA PO, ,GANG YANG CUNG ZAD MTHA' GCIG TU MED PA'I, ,NYON MONGS DES GANG 'CHING BYED GROL BAR BYED, ,'DI RNAMS THAMS CAD MING GIS STONG PA'I PHYIR, ,CHOS RNAMS THAMS CAD MING DES STONG PA YIN, ,SNA TSOGS RANG BZHIN MING GIS GANG BRJOD PA, ,DE NI KUN RDZOB BDEN PAR 'PHAGS PAS GSUNGS, ,RANG BZHIN GANG ZHIG MING GIS BRJOD PA DE, ,RDZOGS SANGS RGYAS KYIS MA GSAN GZIGS MA YIN, ,SKYE MED 'GAG PA MED PA'I RANG BZHIN PHYIR, ,'JIG RTEN 'DI NI BRDA TZAM LAS LA MIN, ,DE DAG NI DRAN PA NYE BAR GZHAG PA RNAMS SO,, ,,DE LTAR SEMS LAS RUNG NAS DES, ,SDUG BSNGAL RGYA MTSOR BYING BA YI,, 'GRON GDON BA YI BSAM PA YIS, ,STONG NYID RAB TU GSAL BYAS PA'I, ,YON TAN DPAG TU MED PA NI, ,MDO SDE ZLA BA SGRON MA LAS, ,YON TAN RIN CHEN GYIS RAB BRTAN, ,STONG NYID MTHONG BA BDE BAR GSHEGS PA YI, ,BSLAB PA'I LAM LA NGES PAR LDOG MA YIN, ,RANG BZHIN GYIS NI DBANG POR GYUR PAS NA, ,NAM YANG BUD MED DBANG DU 'GYUR MA YIN, ,YUN MI RING BAR LHAR BCAS 'JIG RTEN 'DIR, ,'DI NYID RKANG GNYIS RNAMS KYI MCHOG TU 'GYUR, ,YANG DAG CHOS RNAMS NGES PAR SHES NAS NI, ,NGAN SONG DU NI LTUNG BAR MI 'GYUR ZHING,, @210B MTSAN DANG DPE BYAD PHUN SUM TSOGS PA DANG, ,MNGON PAR SHES PA LNGA YANG THOB PAR 'GYUR, ,CHOS RNAMS LA BDAG MED PA DANG, ,DE BZHIN RANG BZHIN MED PA DANG, ,LAS DANG 'BRAS BU JI LTA BAR, ,'BREL PA LA YANG 'GAL BA MED, ,BYANG CHUB SEMS KYI SPYOD PA DANG, ,MTHONG BA'I CHOS LA 'GAL MED CES,, DE SKAD YAB SRAS MJAL BA LAS, ,THAMS CAD MKHYEN PA NYID KYIS GSUNGS, ,KHAMS DRUG REG PA'I SKYE MCHED DRUG ,YID KYIS NYE BAR SPYOD PA NI, ,BCO BRGYAD PO RNAMS 'DUS PA LA, ,RE ZHIG SKYES BU ZHES BRJOD DO, ,RNAM SHES NAM MKHA' RLUNG DANG ME, ,CHU DANG SA RNAMS MA LUS PA, ,LUGS 'BYUNG LUGS LAS BZLOG PA YIS, ,SNA TSOGS 'DZIN PAR BYED PHYIR KHAMS, ,RNAM PAR SHES LAS SKYE ZHES BRJOD, ,DE NI RGYUN DU MCHED BYED PA'I, ,MIG LA SOGS PA RNAM DRUG PO, ,DE DAG SKYE MCHED DU BRJOD DO, ,GZUGS RNAMS MTHONG BA'I MIG LA NI, ,REG PA'I SKYE MCHED DU 'DOD DE, ,RANG RANG GIS DON GSAL BYED PHYIR, ,SKYE MCHED LHAG MA'ANG DE BZHIN NO, ,MIG LA SOGS PA RANG RANG GIS, ,REG PA DRUG 'DIR SKYED PAR BYED, ,SO SOR YID BDE LA SOGS PA'I, ,DBYE BA DE NI RNAM PA DRUG ,DE LTAR YID KYI NYE BA NI, ,SPYOD PA BCO BRGYAD GSAL BAR BRJOD, ,'DI RNAMS KUN DU TSOGS PA DANG, ,'DUS PA SKYES BU ZHES BYA'O, ,GANG ZHIG NANG GI SRA BA NYID, ,LUS 'DI LA NI DMIGS PA YI, ,SEN MO SO SOGS DBYE BA NI, ,NANG GI SA YI KHAMS YIN NO, ,GANG YANG PHYI YI 'JAM PA DANG; ,CUNG ZAD SRA BA NYID MTHONG BA'I, ,SA 'DZIN SOGS BYED GANG YIN PA, ,DE NI SPYI YI KHAMS YIN NO, ,NANG GI BDAG NYID SKYE BZHIN PA, ,'DI NI GANG NAS KYANG 'ONGS MIN, ,DE BZHIN 'GAG PA'I TSE NA YANG, ,GANG DU'ANG NYAMS PAR 'GYUR BA MED, ,DE LTAR BUD MED RNAMS KYIS SLAR, ,NANG DU BUD MED NGA ZHES RTOG ,BRTAGS NAS SLAR YANG PHYI ROL DU, ,SKYES PA'O ZHES MNGON PAR RLOM, ,DE NAS YANG DAG CHAGS SEMS DE, ,SKYES PA DANG NI LHAN CIG TU, ,PHRAD PAR 'DOD CING RTZE BA DANG, ,ZA BAR 'DOD NA SHAS CHER SPRO, ,SKYES PA'ANG DE BZHIN @211A *, ,NANG 'DI LA, ,SKYES PA'O ZHES RTOG BYED CING, ,MA RIG STOBS KYIS BSKYED PA YI, ,GRONG BA'I CHOS KYI 'DOD PA 'BYUNG, ,DES NA DE GNYIS BDE BA NI, ,'DOD PAS DBEN PAR SONG NAS NI, ,GANG GIS NUR NUR PO BSKYED PA'I, ,SBYOR BA DE 'DRA BYED PAR 'GYUR, ,DE LA BRTAGS PA GANG YIN DANG, ,RTOG PA LAS BYUNG KUN RTOG GANG, ,YANG DAG MIN PAR BRTAGS LAS GZHAN, ,DE DAG RANG BZHIN GYIS GRUB MIN, ,DE BZHIN MO LA BUD MED MED, ,SKYES PA LA YANG SKYES PA MED, ,SNYOMS PAR 'JUG NA SNYOMS PA MED, ,NUR NUR LA YANG NUR NUR MED,, NUR NUR RANG BZHIN MED GYUR PA, ,DE TSE YANG DAG JI BZHIN RIG ,DE GNYIS YOD PAR MA GYUR PHYIR, ,SKYE BA MED PA YIN ZHES GNAS, ,MA SKYES PA YIS JI LTAR NA, ,SRA BA NYID NI SKYE BAR 'GYUR, ,DES NA YOD MIN KUN RTOG LAS, ,SRA NYID 'BYUNG BAR SHES PAR BYA, ,PHYI ROL GYI NI SA YI KHAMS, ,LCAGS RI DANG NI RI DBANG PO, ,RI BO MCHOG RAB LA SOGS PA, ,'JIG RTEN KHAMS RNAMS MA LUS PA'O, ,DE YI SRID PA NYID GANG DE, ,'ONGS PA MED CING 'GRO BA MED, ,KHAMS YIN NO ZHES 'JIG RTEN PA'I, ,THA SNYAD BYED PA TZAM DU ZAD, ,GANG GI TSE NAS CHEN 'DI, ,ME YIS YONGS SU BSREGS NAS NI, ,CHU RNAMS KYIS NI RNAM PAR BKRUS, ,RLUNG GIS SHIN TU GTOR GYUR PA, ,DE TSE MAR NAG BSREGS PA'AM, ,MAR GSAR BSREGS LA JI BZHIN DU, ,SDONG RO YI NI PHYE MA'AM, ,THAL RJES TZAM YANG MED PAR RUNG, ,DE LTAR SA YI KHAMS KYI NI, ,SKYE BA STONG PA NGES PA LTAR, ,DE BZHIN GNAS DANG STONGS PA YANG, ,RANG BZHIN NYID KYIS STONG PA YIN, ,YANG NI CHU KHAMS GANG ZHE NA, ,LUS KYI RNGUL DANG MCHI MA GCIN, ,SNABS MKHRIS KHRAG TSIL 'O MA RNAG ,GZHAN YANG GSHER BA GANG YOD PA'O, ,DE LA MYA NGAN ZUG RNGU DANG, ,BYAMS DANG PHRAD LAS MCHI MA 'BYUNG, ,BSOD NAMS LDAN PA LA LA LA, ,CHOS KYI SHUGS KYIS 'BYUNG BA YIN, ,DE YANG GANG NAS KYANG 'ONGS MIN, ,BSKAMS TSE GANG DU'ANG SONG BA MED, ,BYUNG NGO BSKAMS SO ZHES PA YANG, ,THA SNYAD 'JUG PA TZAM DU BAS, , @211B GANG TSE SPRIN STUG CHU RGYUN GYIS, ,'JIG RTEN 'DI NI 'JIG BYED CING, ,SA CHEN TSANGS PA'I 'JIG RTEN BAR, ,RGYA MTSO GCIG TU BYAS GYUR PA, ,DE TSE DE 'DRA'I CHU YI TSOGS, ,GANG ZHIG NAS NI 'ONGS PAR 'GYUR, ,NYI MA BCU GNYIS ME YIS NI, ,BSKAMS NAS BRLAG TSE GANG DU SONG; ,GZHAN LA LTOS NAS BYUNG BA YI, ,KHAMS GZHAN RNAMS KYI SKYE BA DANG, ,GNAS PA DANG NI 'JIG PA YANG, ,DE LTAR DNGOS MED SHES PAR BYA, ,SA SOGS 'BYUNG BA BZHI PO LA, ,BRTEN PA'I DANG BA GANG YIN PA, ,MCHED CING 'DI GSAL BYED PA'I PHYIR, ,MIG GI SKYE MCHED DU BRJOD DO, ,SA YI KHAMS KYI DANG BA 'DIR, ,MIG GI SKYE MCHED DU MI 'DOD, ,DE BZHIN CHU DANG ME DANG NI, ,RLUNG KHAMS DANG BA 'DOD MA YIN, ,DE LTAR DE NI BRTAG BZOD PA'I, ,MIG GI SKYE MCHED 'GA' YANG MED, ,THA SNYAD TZAM LAS MA GTOGS PA, ,'DI DAG BYA BA DANG BRAL YIN, ,KHAMS RNAMS SO SO SNANG BA LA, ,DANG BA 'GA' YANG YOD MA YIN, ,CHOS RNAMS THAMS CAD STONG PA'I PHYIR, ,DANG BA DE DNGOS GANG ZHIG YIN, ,DES NA MIG GI SKYE MCHED LA, ,THOG MA MED CING THA MA MED, ,RANG BZHIN STONG PA NYID KYIS NA, ,GNAS KYANG DMIGS PA MA YIN NO, ,GANG ZHIG RANG BZHIN DANG BRAL TE, ,SKYES PA MA YIN BUD MED MIN, ,RLOM SEMS RLOM SEMS MIN PA YANG, ,RANG BZHIN GYIS NI DGAG PA NYID, ,MDO RJES 'BRANGS NAS RIGS PA 'DIS, ,RNA BA SOGS LA'ANG SHES BYA STE, ,DE DAG RNAMS KYI RTOGS PA'ANG MTHAR, ,CHOS KYI DBYINGS LA THUG PHYIR RO, ,MIG NI YUL GZUGS LAS MIN ZHES, ,GSUNGS PA YIN PA DE YI PHYIR, ,GZUGS RNAMS NYID LA DMIGS PA'I MIG ,GZUGS RNAMS LA NI THOGS DANG BCAS, ,DE LTAR SGRA LA SOGS PA LA, ,DMIGS PA'I RNA BA LA SOGS PA, ,RANG RANG YUL LA THOGS BCAS ZHES, ,YUL DNGOS RIM PAS SHES PAR BYA, ,MTHUN PA LA SOGS DBYE BA THA DAD PA'I, ,GZUGS RNAMS LA NI DMIGS PAR BYED PA'I MIG ,MTHUN PA LAS NI SDUG PAR 'DU SHES SHING, ,MI MTHUN PA LA MI SDUG PAR 'DU SHES, ,MTHUN @212A *, ,PA MA YIN MI MTHUN PA YANG MIN, ,GZUGS LA BTANG SNYOMS TSUL BYAS 'DU SHES TE, ,DE LTAR YID KYIS CHOS RAB RIM BZHIN DU, ,RANG BLO RAB TU GSAL BA LAS MTSON BYA, ,DE LTAR DRUG LA SO SOR GSUM GSUM DU, ,PHYE BA LAS 'DIR YID KYIS NYE BA RU, ,SPYOD PA RAB TU BRTAGS PA'I YID KYIS NI, ,NYES PAR SPYOD PA BCO BRGYAD DU GSUNGS SO, ,DE LTAR KHAMS SOGS RANG BZHIN GYIS, ,SGYU MA LTA BUR SHES BYAS NAS, ,KUN LA CHAGS PA LAS GROL BA, ,SPRUL PA'I GLANG CHEN BZHIN DU SPYAD, ,RMI LAM GZHON NU MA DANG PHRAD PA YI, ,DGA' BDE NYAMS MYONG GNYID LOG SAD PA'I TSE, ,'DI NA BYIS PA'I RIGS CAN LAS GZHAN MIN, ,DE LTAR ZHEN CING KUN DU CHAGS PA DES, ,LUS DANG NGAG DANG YID KYI DBYE BA YIS, ,'DOD CHAGS LAS NI RAB TU SKYES PA'I LAS, ,RNAM PA BCU NI MNGON PAR 'DU BYED DO, ,GANG ZHIG MNGON PAR 'DUS BYAS PA, ,DE KUN GDOD NAS RAB MI GNAS, ,GANG PHYIR PHYI ROL NANG DAG LA, ,MA BRTEN PAS NA GNAS PA MED, ,GZHAN YANG JI LTAR THA MAR 'GAG PA YI, ,RNAM SHES DE LTAR DANG PO'I RNAM SHES SKYED, ,LAS DANG DMIGS PA'I DBANG POR GYUR PA NI, ,NYIN MTSAN 'GRO BA RNAMS LA SO SOR SBYAR, ,RANG BZHIN MTSUNGS PA YIN PA'I PHYIR, ,SEMS KYI RGYUN NI RAB TU 'JUG NA YANG, ,GANG DU BDE DANG SDUG BSNGAL SPYOD PA YI, ,RNAM PAR SMIN PA YANG DAG MYONG BAR BYED, ,SHES 'GAG THA MA GANG YIN PA, ,DE LA 'CHI 'PHOR 'DOD PA YIN, ,DANG PO'I RNAM SHES 'BYUNG BA LA, ,'DIR NI SKYE BAR 'DOD PA'ANG YIN, ,DE LTA BAS NA SHES PA'I DANG PO NI, ,SKYE BA'I CHE NA GANG NAS KYANG 'ONGS MIN, ,DE NI NGES PAR 'GAG PA'I TSE NA YANG, ,GANG DU SONG BA'ANG SPUNGS NAS YOD MA YIN, ,DE LTAR DANG PO'I RNAM SHES DANG, ,LAS RNAMS KYIS NI SKYE BA DAG ,RANG BZHIN STONG PHYIR GANG NAS KYANG, ,'ONGS BA'AM GANG DU'ANG SONG BA MED, ,THOG MA THA MA GNYIS KYI NI, ,SHES PA SHES PA NYID KYIS STONG, ,DE BZHIN DU NI 'CHI 'PHO [?] YANG, ,'CHI 'PHO'I RANG BZHIN NYID KYIS STONG, ,DE LTA'ANG BDE SDUG SOGS KYI NI, , @212B DBYE BAS BKAG PA MED PA YI, ,SNA TSOGS LAS KUN RNAM SMIN DANG, ,SO SOR RIG PA SHES PAR BYED, ,'JIG RTEN PA YI SPYOD PA YI, ,MING DANG BRDA TZAM NYID LAS GZHAN, ,YANG DAG BRTAG BYAR BZOD PA YI, ,BYED PO MED CING ZA PO MED, ,JI LTAR RMI LAM SPYOD YUL DU; ,DGRA DANG G-YUL NGOR DGYE NAS NI, ,SAD TSE ZHEN PAR GYUR ZHE NA, ,DE 'DI MKHAS PAR BRJOD DAM CI, ,DE BZHIN SHES RAB 'CHAL PA YI, ,RIGS CAN MIG GI SPYOD YUL NI, ,YID MI BDE BAR BRTEN PA LA, ,BLTAS NAS MNGON ZHEN DANG LDAN 'GYUR, ,DE NAS RAB TU RLAG PA YI, ,NGAN PAS 'DOD CHAGS LAS BYUNG LAS, ,RNAM PA BCU GNYIS SNGAR BZHIN DU, ,SLAR YANG MNGON PAR 'DU BYED DO, ,BTANG SNYOMS GNAS LA BLTAS NAS NI, ,GANG ZHIG GZUGS LA ZHEN PA YI, ,RMONGS PA DE YIS SNGAR BZHIN DU, ,LAS NI RNAM BCU SOG PAR BYED, ,DE BZHIN SO SOR RNAM PA GSUM, ,SGRA LA SOGS PA'ANG SHES PAR BYA, ,GANG GI RMI LAM SNANG BA BZHIN, ,SNANG BA 'DI NI SKYE BA MED, ,KUN RDZOB DANG NI DON DAM DBYE BA YIS, ,'DIR NI BDEN PA RNAM GNYIS RGYAL BAS GSUNGS, ,STONG NYID LEGS PAR MTHONG BA GANG YIN PA, ,DE LA THAMS CAD MKHYEN PA NYID CES BRJOD, ,'JIG RTEN PA YI SPYOD PA LA, ,MGON POS 'JIG RTEN KUN RDZOB GZIGS, ,DON DAM SNA TSOGS SHES PA YI, ,SPYOD PA LAS NI SHIN TU 'DAS, ,RGYU MED RNAM PAR SHES PA MED, ,BRDA YOD MA YIN RTEN YOD MIN, ,PHUNG PO LNGA MIN DE LAS GZHAN, ,DON DAM PA YI MTSAN NYID MIN, ,SHIN TU ZAB PAR GYUR DON STONG NYID DE, ,RIM GYIS YANG DAG SGROL BA'I RGYU MTSAN NYID, ,'GRO BA DANG BA BSKYED PHYIR 'DI KUN RDZOB, ,THUGS RJE CHER GRAGS THUB PA'I DBANG POS GSUNGS, ,GZHAN YANG RTEN MED PAS NA 'JIG RTEN PA'I, ,CHOS RNAMS KYIS KYANG DGA' BAR MI BYED DE, ,SKYE BA MED PA'I RANG BZHIN BRGYAD PO YIS, ,STONG NYID GANG YIN DNGOS SU STON PAR BYED, ,MDOR NA SEMS NI SBYANG BA'I PHYIR, ,GZHAN LA GUS PAR BYA BA DANG, ,BDAG NYID LA NI BRNYAS PA STE, ,GZHAN @213A *, ,YANG 'DI GNYIS 'BAD PAS BSGOM, ,GZHAN BDE GZHAN NI MA YIN NA, ,GZHAN LA DNGOS SU BRNYAS BYED LTAR, ,GOM PA GNYI GA DE LTA BUR, ,NUS PAR 'GYUR BA DKA' BA MED, ,GAL TE RTAG TU PHUNG PO RNAMS, ,MNYAM PA NYID DU YOD 'DOD NA, ,DE TSE GCIG LA BDAG NYID DANG, ,GZHAN NYID JI LTAR SBYAR BAR BYA, ,YOD MIN PA YI DMIGS PA LA'ANG, ,DE LTAR YUL CAN SPYOD PA NI, ,THOG MA MED PA NAS RTOGS PA, ,GOMS PA'I PHYIR NA DKA' BA MED, ,CHAGS LA RAG LAS SKYES PA NI, ,KHONG KHRO RJES CHAGS YIN PA'I PHYIR, ,CHAGS PA SPANGS LAS MYUR DU NI, ,SEMS KYI DGA' BA RAB TU SKYE, ,GANG LA KHONG KHRO CHAGS YOD PA, ,DE LA GZHAN LA SMOD PA DANG, ,SER SNA BRKAM CHAGS NGA RGYAL SOGS, ,THAMS CAD 'BAD MED 'BYUNG MI KHEGS, ,DE DAG NI BDAG GI LUS DAG PA'O,, ,,YANG DAG 'TSO BA SBYANGS PA YIS, ,'DIR NI LONGS SPYOD DAG PAR 'DOD, ,CHOS KYI LONGS SPYOD TSOL BA NI, ,YANG DAG 'TSO BA SBYONG BA NI, ,MKHAS PAS SBYIN BDAG LAS LEGS LEN PA NI, ,RNYED PA'I DON DU SPYOD LAM 'CHOS MI BYED, ,GNYA' SHING GANG TZAM LAS NI MI BLTA ZHING, ,GOM PA RIM GYIS BDAL NAS 'DOR MI BYED, ,BYANG CHUB SEMS DPAS DAG KYANG GCAM BU DANG, ,'JAM PAR BSKYUNGS SHING NAM YANG SMRA MI BYED, ,RNYED PA DANG NI BKUR STI'I DON DAG TU, ,DE NI MTHUN 'JUG NAM YANG BYED MA YIN, ,TSIG TU 'DOD PA CHUNG BAR BYAS NAS NI, ,SEMS LA SRED PA CHEN PO SKYED NA NI, ,NANG DU GDUNG BAR BYED PA 'DI LAS GZHAN, ,'DIR NI LHAG PA YOD PA MA YIN NO, ,RNYED PA DANG NI BKUR STI'I RGYU MTSAN DU, ,DBANG PO SDOM PAR BYED PA TSUL 'CHOS YIN, ,RNYED PA DANG NI BKUR STI'I RGYU MTSAN DU, ,GSONG POR SNYAN PAR SMRA BYED KHA GSAG YIN, , TSUL 'CHOS KHA GSAG SPANGS PA NI, ,'TSO BA DAG PA NYID YIN PAS, ,G-YO ZOL SGYU THABS SPANGS PA LAS, ,LONGS SPYOD DAG PAR SHES PAR BYA, ,DE DAG NI LONGS SPYOD DAG PA'O,, ,,GANG TSE SBYIN PA LA SOGS LNGA, ,STONG NYID SNYING RJE'I SNYING PO CAN, ,RNAM PA KUN NAS @213B BYED GYUR PA, ,DE TSE BSOD NAMS DAG PA YIN, ,RGYU DANG LDAN PA MTSAN MA DANG, ,YID NYID RNAM PAR DAG PA DANG, ,BDAG DANG BDAG GIR BYED PA RNAMS, ,DAG PAS SBYIN PA DAG PA YIN, ,GTONG BA'I TSE NA YANG DAG RDZOGS PA YI, [?] ,KUN MKHYEN NYID DU YONGS SU SNGO BYED CING, ,'BRAS BU LA NI PHYOGS PAR MI BYED NA, ,SBYIN PA'I DAG PA MKHA' DANG MNYAM SKYED YIN, ,BRTZE BAS GANG SBYIN SBYIN PA DAG PA YIN, ,RANG LAG GIS SBYIN SBYIN PA DAG PA YIN, ,GZHAN PHAN GANG SBYIN SBYIN PA DAG PA YIN, ,DUG MTSON MIN GANG SBYIN PA DAG PA YIN, ,'O NA DRAG SHUL CAN ZHUS LAS, ,GANG GIS GANG ZHIG GANG GI TSE, ,MKHO BA DE LA DE SBYIN ZHES, ,GSUNGS PA DANG NI 'GAL ZHE NA, ,DE MIN SPYI MDO LAS GZHAN PAR, ,DE NI BKAG PA YIN PHYIR RO, ,THUGS RJE CAN GYI SEMS CAN NI, ,BSDU BAR BYA PHYIR BKAG PA GNANG, ,THUGS RJE DANG NI LDAN PA YIS, ,DAD PA BSKYED THABS GZHAN MED NA, ,GANG GIS BSDU BA'I SEMS CAN LA, ,MTHONG NAS CHANG SOGS SBYIN PA GNANG, ,GANG ZHIG GZHAN LA GNOD DE SBYIN NGAN YIN, ,GANG ZHIG DUS MIN BYIN DE SBYIN NGAN YIN, ,DE DAG NI SBYIN PA DAG PA'O,, ,,SEMS CAN KUN LA RLOM BYED PAS, ,TSUL KHRIMS BRTUL ZHUGS MCHOG 'DZIN DANG, ,LTA BA RNAM PAR DAG PA YIS, ,YANG NI TSUL KHRIMS DAG PA BSKYED, ,NYAN THOS BSE RU LA SOGS RNAMS SPANGS TE, ,RNAM PAR MA NYAMS SEMS KYIS NI, ,CHOS RNAMS KUN LA MKHA' DANG MNYAM PA YI, ,TSUL KHRIMS RNAM PAR DAG PA 'THOB PAR 'GYUR, , KHONG KHRO RNAM PAR SPANGS PA LAS, ,BZOD PA'I DAG PA SKYE BAR 'GYUR, ,RTAG TU SEMS CAN THAMS CAD LA, ,MNYAM PA NYID KYIS SEMS PA LA, ,THANG SHING GI NI NAGS BCAD KYANG, ,KHRO MED MUN PA MED PA LTAR, ,BYANG CHUB SEMS DPA' BCAD KYANG NI, ,BZOD PA DAG PAS DE BZHIN NO, , GZUGS BRNYAN DANG NI MTSUNGS [?] PA RU, ,RANG GI LUS LA YANG DAG LTA, ,DAG LA'ANG BRJOD DU MED PAR LTA, ,DE BZHIN SHIN TU ZHI BA YI, ,SHES PAR SEMS LA LTA BYED NA, ,BRTZON 'GRUS DAG PA RAB TU 'THOB, ,RTEN CING 'BREL 'BYUNG SBYOR BA YIS, ,BRTZON 'GRUS DAG PA BLA NA MED, ,DE @214A *, ,BZHIN BRTZE BA CHEN PO'I SEMS, ,BYIN GYI RLABS KYIS BYIN BRLABS PA'I, ,BYAMS PA'I GO CHA'I TSOGS KYIS NI, ,DGRA YI DPUNG TSOGS RNAM PAR 'JOMS, ,RNAM KUN MED NA MI 'BYUNG BA'I, ,DE BZHIN NYID DON MTHONG BA LAS, ,BSGRIM MI DGOS PAR BSTAN GYUR PAS,, BSAM GTAN DAG PA BLA NA MED, ,RNAM KUN MCHOG DANG LDAN PA YI, ,STONG NYID GANG ZHIG YIN PAR 'DOD, ,CE NA BYANG CHUB PHYOGS KYI CHOS, ,THAMS CAD MA SPANGS GANG YIN DANG, ,TSAD MED RNAM PA BZHI DANG NI, ,BSDU BA'I DNGOS PO RNAM DGU DANG, ,PHA ROL PHYIN PA RNAM DRUG DANG, ,MTSAN DPE RNAMS KYANG MA SPANGS PA'O, ,RANG BZHIN ZHI BA NYID YIN YANG, ,NYON MONGS LAS KYIS ZHI MA YIN, ,CHOS RNAMS BTANG SNYOMS NYID YIN YANG, ,RANG MTSAN DE BZHIN NYID LA RMONGS, ,'GRO DON BYA BAS 'BREL GYUR KYANG, ,BYA BA SNYING PO YOD MA YIN, ,RANG BZHIN BSIL BA NYID GYUR KYANG, ,RAB TU 'BAR BAR SEMS CAN 'TSED, ,DE LTAR PHYOGS TZAM BSTAN PA YIS, ,BSAM GTAN DAG PA YONGS SU BRJOD, ,SHES RAB PHA ROL PHYIN PA YI, ,DAG PA DE LTAR RNAM PAR BSGOM, ,DE DAG NI BSOD NAMS DAG PA MDOR BSDUS PA'O,, ,, LEN PAR BYED PA RAB MANG LA, ,BSAGS PA 'DI NI NYUNG GYUR NA, ,DA NI GSUM GYI SPEL BA YANG, ,NYUNG ZAD RNAM PAR BSHAD PA NI, ,'DI LTAR SANGS RGYAS MDZAD TSIM BYED, ,SANGS RGYAS NYID 'DIR 'DOD PA YIN, ,GZHAN DU DAG PA TZAM GYIS NI, ,NYAN THOS RNAMS DANG MTSUNGS PAR 'GYUR, ,BDAG LUS SPEL BA GANG ZHE NA, ,STOBS DANG BRTZON 'GRUS SPEL BA'O, ,STOBS NI MI NUS MED PA STE, ,RGYU BCU LAS NI STOBS DE 'BYUNG, ,GAL TE BYANG CHUB SEMS DPA' YIS, ,LUS DANG SROG LA BAB GYUR KYANG, ,DAM CHOS NAM YANG MI GTONG BA, , DE NI STOBS KYI RGYU GCIG YIN, ,RGYAL BA 'PHEL BA MED PAR NI, ,SEMS CAN KUN LA PHYAG BYED DANG, ,NYAM CHUNG RNAMS LA BZOD PA YIS, ,KHA ZAS RAB MCHOG STER BA DANG, ,NAD PA RNAMS NI GSO BA DANG, ,SEMS CAN PHONGS PAR GYUR RNAMS LA, ,LONGS SPYOD @214B GTONG BAR BYED PA RNAMS, ,DE BZHIN BDE GSHEGS MCHOD RTEN LA, ,RDO THAL 'BYUG PAR BYED PA DANG, ,SEMS CAN KUN LA THAMS CAD NAS, ,DGA' BAS SMRA BAR BYED PA DANG, ,PHONGS PAS SDUG BSNGAL GYUR RNAMS LA, ,LONGS SPYOD DGOD PAR BYED PA DANG, ,SEMS CAN NGAL DUB CAN RNAMS KYI, ,KHUR BU KHUR BAR BYED PA PO, ,PHYAG NA RDO RJE STOBS MTHONG BAS, ,NGO MTSAR SKYES NAS MA SKYES DGRAS, ,ZHUS NAS THUB PAS STOBS KYI RGYU, ,RNAM PA BCU NI GSUNGS PA YIN, ,BRTZON 'GRUS SPEL BAR GANG BRJOD DE, ,LE LO MED PAR SPEL BA YIN, ,'DI LA YANG DAG RDZOGS PA YI, ,BLA MED BYANG CHUB THOB MI DKA', ,SNYOM LAS CAN GYIS NYAN THOS KYI, ,MYA NGAN 'DAS PA'ANG MI 'GRUB NA, ,'GRO BA'I BSAM PA RDZOGS PA YI, ,SANGS RGYAS MYANG 'DAS SMOS CI DGOS, ,DE DAG NI BDAG GI LUS SPEL BA'O,, ,,STONG NYID SNYING RJE'I SNYING PO CAN, ,SBYIN LAS LONGS SPYOD SPEL BA STE, ,RDO RJE GCOD PA LA SOGS SU, ,SBYIN PA DE LTAR RGYAS PAR GSUNGS, ,BYANG CHUB SEMS DPAS GANG GI TSE, ,RAB TU MI GNAS SBYIN BTANG BA, ,BSOD NAMS DE YI PHUNG PO'I TSAD, ,GZUNG BAR NUS PA MA YIN NO, ,YANG DAG RAB TU RTZOL BA DANG, ,BSAM PA BRTAN PAR BYAS NAS NI, ,THOG MAR SNYING RJE BSKYED NAS SU, ,DGE BA 'BAD PAS SPEL BAR BYA, ,RTAG PAR RAB TU DU BA LTAR, ,DGE BA'I BSHES GNYEN BSTEN PA NI, ,SANGS RGYAS NYID KYI CHOS KYI RGYU, ,RTZOL BA 'DI LTAR SHES PAR BYA, ,'PHAGS PA GZHON NU NOR BZANGS KYIS, ,'JIG RTEN PA YI DAM PA'I LAS, ,SNGON BSAGS BYE BA SNYED BZUNG NAS, ,'PHAGS PA BYAMS PA'I DRUNG PHYIN LTAR, ,'DAS PA'I LUS NI BYE BA SNYED, ,'BRAS BU MED MIN BSAMS NAS NI, ,DE LTAR BYUNG BA'I LUS PO YANG, ,RNAM PAR DAG PA BLA MED BSAM, ,DGA' BA RGYA CHEN DANG BA YI, ,SHUGS KYIS RGYA MTSO RAB 'PHEL ZHING, ,KHYAD PAR DU NI 'GRO BA'I PHYIR, ,LHAG PA'I BSAM PA BRTAN PAR BYED, ,'GRO DON RAB TU BSGRUB PA'I PHYIR, ,YANG DAG RDZOGS PA'I SANGS RGYAS RGYUR, ,GROGS MED GNYIS PA MED KYANG NI, ,GO CHA CHEN PO'I SBYOR BAR LDAN, ,GZHAN @215A *, ,YANG; 'DI NA BDAG NYID GCIG PU STE, ,GZHAN YANG STOBS BCAS BDUD KYI TSOGS, ,BDAG GIS BYANG CHUB CHEN PO'I LAM, ,'THOB LA GAL TE GAGS 'BYUNG SRID, ,DE LTA'ANG DE DAG SEMS KYI NI, ,SKAD CIG GCIG GIS NGES BCOM NAS, ,RDO RJE'I RANG BZHIN SA GZHI LA, ,BDAG GIS SLAR YANG BSNGAD PAR BYA, ,SANGS RGYAS CHOS RNAMS THAMS CAD KYI, ,RTZA BA BSAM PA YIN PAR GSUNGS, ,BSAM PA MED NA BDE GSHEGS KYI, ,YON TAN RNAMS NI THAG BSRINGS NAS, ,LAG PA DANG NI RKANG PA DAG ,MED NA 'GRO 'ONG MED PA DAG ,YAN LAG MCHOG GI MGO MED NA, , 'GRO BA RNAMS KYI SROG MED DANG, ,BUD SHING MED PAR GYUR NA YANG, ,ME YI 'BAR BA MED PA LTAR, ,DE BZHIN BSAM PA MED NA YANG, ,SANGS RGYAS CHOS DANG PHRAD PA MED, ,BSAM PA YANG DAG DAG GYUR PA'I, ,CHOS KYI SGRA NI NAM MKHA'I DKYIL NAS 'BYUNG, ,BSAM PA DAG NA SHING DANG NI, ,RTZIG PA LAS KYANG GDAMS NGAG RJES BSTAN 'BYUNG, ,'DIR NI DGE BA SPEL BA YI, ,YANG NI SNYING RJE RAB BSGOM PAR, ,SANGS RGYAS CHOS RNAMS MA LUS PA'I, ,SNGON DU 'GRO BAR DENG 'DOD DO, ,DE LTA YIN PAS RGYAL BA YI, ,SRAS PO MKHAS PA YIS NI CHOS, ,MANG PO LA NI MI BSLAB STE, ,CHOS GCIG LA NI BSLAB BYA ZHING, ,CHOS GCIG LA NI LEGS PAR BRTEN, ,SANGS RGYAS CHOS RNAMS MTHA' YAS PA, ,DE LAS KUN DU 'BYUNG NGO ZHES, ,CHOS YANG DAG PAR SDUD PA LAS, ,GCIG PU BRTZE CHEN LDAN PAS GSUNGS, ,JI LTAR 'KHOR LOS SGYUR BA DE'I, ,DPUNG TSOGS YAN LAG BZHI PA NI, ,'KHOR LO RIN CHEN RJES 'BRANG BZHIN, ,SANGS RGYAS CHOS NI BRTZE RJES 'BRANG, ,YON TAN DANG LDAN BU GCIG PA'I, ,RKANG LA THUG PAR PHA BRTZE BA, ,DE BZHIN LUS CAN RNAMS LA YANG, ,BYANG CHUB SEMS DPA'I BRTZE BAS KHYAB, ,'KHOR BA'I RGYUN LAS SEMS CAN RNAMS, , KUN NAS GDON PAR 'DOD PA YI, ,DMIGS PA'I DBYE BAS SNYING RJE DE, ,SLAR YANG RNAM PA GSUM DU DBYE, ,BYUNG NAS 'BYUNG DANG 'BYUNG BZHIN PA'I, ,SDUG 'JIGS BDAG NYID MI 'DOD PA, ,BSGOMS NAS DGA' BA LA SOGS PA, ,SNYING RJE BYAMS PA BZHIN DU BSGOM, ,SNYING RJE LA @215B SOGS DE DAG DE LTA BUR, ,PHAN TSUN RJES SU 'BREL PAS BSOD NAMS 'PHEL, ,PHUNG PO GSUM PA RTAG PAR BTON PAS KYANG, ,BSOD NAMS RAB 'PHEL SPUNGS PHYIR PHUNG PO YIN, ,SDIG PA BSHAGS DANG SANGS RGYAS LA, ,GSOL 'DEBS BSOD NAMS RNAMS LA NI, ,RJES YI RANGS RNAMS BSOD NAMS KYI, ,PHUNG PO YIN PHYIR PHUNG PO GSUM, ,SANGS RGYAS LA NI PHYAG 'TSAL NAS, ,SDIG PA BSHAGS ZHES 'BYUNG BAS NA, ,PHYAG 'TSAL SDIG PA BSHAGS PA LAS, ,LOG PAR THA SNYAD MI BYA'O, ,NYE BA 'KHOR GYIS ZHUS PA LAS, ,'THAD PA DANG BCAS RAB BRTAN PHYIR, ,GSOL BA 'DEBS DANG BSKUL BA YI, ,DON NI GCIG PA NYID YIN NO, ,YO BYAD MED PAS MCHOD PA NI, ,NGES MED PHYIR NA MA BSTAN TO, ,NGAG YID MCHOD PA GSUNGS PA NI, ,MDO SDE RNAMS SU RAB TU GRAGS, ,RGYAL BA GANG ZAG ZLA MED PA'I, ,SANGS RGYAS RNAMS NI THAMS CAD DANG, ,ZHES PA LA SOGS TSIGS BCAD BZHIS, ,PHYAG BTZAL BA NI YONGS SU BSGRAGS, ,BZANG SPYOD LA SOGS TSIGS BCAD DANG, ,BSTOD PA BLO LA GANG YOD DANG, ,DKON MCHOG SPRIN SOGS MDO SDE RU, ,GSUNGS PA BZUNG LA MCHOD PAR BYA; ,'DI LTA STE, GANG ZHIG 'DI NA BDAG GIR MA BYAS GZUNG MED PA'I, ,'BRAS BU LO TOG 'BRU YI BYE BRAG GANG SKYES PA, ,DE DAG MA LUS RGYAL BA BYANG CHUB SEMS DPA' YI, ,TSOGS LA SOGS LA BDAG GIS PHYAG 'TSAL MCHOD PAR BGYI, ,BZANG SPYOD DU GSUNGS TSIGS BCAD KYIS; ,DE BZHIN RJES SU YI RANG BYA, ,RDO RJE RGYAL MTSAN LAS GSUNGS PA'I, ,BSNGO BA GUS PAS YONGS SU BSNGO, ,SMON LAM JI LTAR GDAB PA YANG, ,MDO SDE SA BCUR BLTA BAR BYA, ,SANGS RGYAS ZHING NI RNAM SBYANG PHYIR, ,RTAG PAR YONGS SU BSNGO BAR BYA, ,BSOD NAMS GANG LAS SHES PAR BYA, ,ZHE NA MDO SDE KUN NA SNANG, ,PHAN YON BCAS PAR RAB GSUNGS PHYIR, ,PHYAG 'TSAL LA SOGS RNAMS KYIS SO, ,BSAM PA DAG PAS YANG NAS YANG, ,SANGS RGYAS LA NI PHYAG BYAS LAS, ,MI KHOM BRGYAD PO RNAM SPANGS NAS, ,DAL ZHING KHOM PA THOB PAR @216A *, ,BYED; ,DE LA MI KHOM PA BRGYAD NI, ,SA STENGS SU NI RGYAL BAS DAM CHOS BSTAN KYANG BYOL SONG YI DGAS 'GRO BA DANG, ,GZHAN YANG LHA NI TSE RING PO YI NANG DU SKYE DANG 'GRO GZHAN DMYAL BA DANG, ,MTHA' 'KHOB YUL DU SKYES PA DANG NI LKUGS PA NYID DANG LOG PAR LTA BA DANG; ,MI YI BZANG PO YONGS SU ZIN KYANG THUB PA DANG BRAL DE DAG MI KHOM BRGYAD, ,DE DAG NI PHYAG BTZAL BA LA SOGS PA'I CHO GA BSOD NAMS 'PHEL BA'O,, ,,DAD DANG GUS DANG NGA RGYAL SPANGS, ,BRTZON 'GRUS SHES BYA 'DI RNAMS KYIS, ,YONGS SU NYAMS PAR ME BYED CING; ,KHYAD PAR DU YANG 'GRO BAR BYED, ,DE LA DAD PA GANG ZHIG GIS, ,'PHAGS PA RNAMS DANG NYER SPROD CING, ,DE BZHIN BYA BAR MI 'OS PA, ,MTHA' DAG GANG GIS MI BYED PA'O, ,GUS PAR 'DI NI KHYAD PAR DU, ,BSOD NAMS SKYED PAR BYED PA DANG, ,GANG ZHIG GIS NI DAM PA'I CHOS; ,MNYAM PAR GZHAG PAS NYAN PA'O, ,NGA RGYAL SPANGS PAS YON TAN RNAMS, ,'PHEL BA'I RGYUR GSUNGS GANG YIN DANG, ,GANG GIS YON TAN LHAG PA YIS, ,'PHAGS PAR SEMS SHING PHYAG BYED PA'O, ,BRTZON 'GRUS DE BZHIN KHYAD PAR RNAMS, ,'THOB PHYIR YONGS SU MI NYAMS SHING, ,LUS SEMS LAS SU RUNG 'DI DAG ,GANG GIS MYUR DU THOB PA'O, ,DE DAG NI DAD PA LA SOGS PA BZHI'O,, ,,DE BZHIN BSOD NAMS 'PHEL BA'I RGYU, ,DANG PO RNAM PA LNGA GSUNGS PA, ,DAD BRTZON DRAN PA TING 'DZIN DANG, ,SHES RAB RNAMS LA RIM BZHIN BSHAD; ,DAD PA'I DBANG PO GANG YIN PA'I, ,DAD PA DE NI CHOS BZHIN BYED, ,DE LA GANG GIS DKAR PO DANG, ,NAG PO'I CHOS RNAMS KYI 'BRAS BU, ,BDE SDUG RANG BZHIN SO SO RU, ,'BYIN PAR BYED PA CHOS DANG PO, ,RGYAL BA'I SRAS PO RNAMS KYIS NI, ,SPYOD PA GNYIS PA YIN PAR GSUNGS, ,GSUM PA'ANG 'DIR NI GANG ZHIG GIS, ,CHOS RNAMS THAMS CAD MI SPONG ZHING, ,LTA BA KUN LA YANG DAG PAR, ,DE BZHIN ZHEN PAR MI BYED PA'O, ,GANG ZHIG THUB PA RNAMS KYI CHOS, ,MI 'JIGS LA SOGS MTHA' YAS LA, ,DAD PAR BYED PA BZHI PA STE, ,DE DAG @216B DAD PA'I DBANG POR 'DOD, ,DAD PA'I DBANG PO'I CHOS RNAMS GANG, ,NGES PAR DAD PAR BYAS NAS NI, ,GANG GIS YANG DAG 'PHEL BYED PA, ,DE NI BRTZON 'GRUS DBANG PO YIN, ,BRTZON 'GRUS DBANG POS CHOS RNAMS GANG, ,GSAL POR 'PHEL BAR BYAS NAS NI, ,GANG GIS NYAMS PAR MI BYED PA, ,DE NI DRAN PA'I DBANG POR BRJOD, ,DRAN PA'I DBANG POS CHOS RNAMS GANG, ,NYAMS PA RU NI MA BYAS LA, ,GANG GI RTZE GCIG TU BYED PA, ,DE NI TING 'DZIN DBANG POR 'DOD, ,TING 'DZIN DBANG POS CHOS RNAMS GANG, ,SLAR YANG RTZE GCIG BYAS NAS NI, , BDAG NYID SO SOR SHES BYED PA, ,DE LA SHES RAB DBANG POR BRJOD, ,DE DAG NI DBANG PO LNGA'O,, ,,DAD BRTZON DBANG PO LNGA PO NYID, ,STOBS KYI RANG BZHIN NYID GYUR NAS, ,GANG TSE BDUD RNAMS KYIS RGYAL BAS, ,MI NUS DE NI STOBS 'PHEL BA'I, ,STONGS KYI NYAN THOS LA SOGS KYIS, ,THEG DMAN 'DOD PAR MI BYED CING, ,SNGA NA THEG PA CHEN PO LA, ,DAM BCAS MI LDOG BSTAN PAR 'GYUR, ,DE DAG NI STOBS LNGA'O,, ,,BSOD NAMS SPEL PHYIR DKON MCHOG GSUM, ,SLAR YANG RJES SU DRAN PAR BYA, ,SANGS RGYAS RJES SU DRAN PA NI, ,YUL 'KHOR SKYONG GIS ZHUS PAR GSUNGS, ,SKU GSUM YE SHES LNGA BDAG NYID, ,SANGS RGYAS CHE BA NGES BSAM PAS, ,SEMS LA GZUGS BRNYAN BZHIN SHAR NA, ,DGE BA MNGON PAR RAB TU 'PHEL, ,DE DAG NI SANGS RGYAS RJES SU DRAN PA BSTAN PA'O,, ,,YON TAN MTHA' YAS SGRUB BYED PA'I, ,CHOS LA RJES SU DRAN PAR BYA, ,RGYAL BA'I YON TAN MTHA' YAS GANG, ,CHOS 'BA' ZHIG LAS RAB TU SKYE, ,DE BZHIN 'JIG RTEN PA DAG DANG, ,'JIG RTEN 'DAS PA'I BDE BA KUN, ,CHOS LA RDZOGS PAR 'GRUB PAS NA, , DE PHYIR GUS PAS SPYAD PAR BYA, ,JI LTAR SEMS CAN THAMS CAD LA, ,CHOS RNAMS SNYOMS PAR RAB TU 'JUG ,DE BZHIN SEMS CAN THAMS CAD LA, ,DE NI BDAG GIS MNYAM PAR BSGRUB, ,JI LTAR NYIN DANG MTSAN MO RU, ,CHOS NI MTSUNGS PAR RAB 'JUG PA, ,CHOS BZHIN MTSUNGS @217A *, ,PA'I SEMS KYIS NI, ,DA NI BDAG KYANG 'JUG PAR BYA, ,'PHAGS PA 'PHAGS MIN MI MTSUNGS SHES, ,ZHING DU LTA BA RNAM SPANGS TE, ,CHOS NI RAB TU 'JUG PA BZHIN, ,BDAG KYANG MTSAN NYID GCIG TU 'JUG ,SEMS CAN RNAMS KYIS CHOS MI BSRUNG, ,CHOS KYIS SEMS CAN SRUNG BAR BYED, ,'GRO BA'I SKYABS NI CHOS YIN GYI, ,CHOS KYI SKYABS NI 'GRO BA MIN, ,CHOS NI SRID PAS MI 'JIGS SHING, ,MYA NGAN 'DAS LA RJES MI 'GAL, ,DE BZHIN BDAG KYANG 'JIGS PA DAG ,SPONG ZHING DE DAG RJES SU GZHOL, ,DE DAG NI CHOS RJES SU DRAN PA'O,, , DGE 'DUN CHOS KYI SMRA BA PO, ,DON DU CHOS GNYER CHOS LA SEMS, ,CHOS KYI ZHING STE CHOS KYI MCHOG ,DES NA DGE 'DUN RJES DRAN BYA, ,DE DAG NI DGE 'DUN RJES SU DRAN PA'O,, ,,DE LTAR BDAG GIS LUS SOGS GSUM, ,BYANG SEMS BZUNG BSNGON 'GRO CAN, ,KUN MKHYEN NYID DU YONGS BSNGOS PAS, ,KHYAD PAR DU NI RNAM PAR 'PHEL, ,BDAG NYID DRAN PAR BYA PHYIR DANG, ,DANG PO'I LAS CAN SEMS CAN LA, ,BDAG GIS PHYOGS TZAM 'DI BSTAN BYAS, ,BYE BRAG 'PHAGS PA'I SPYOD YUL YIN, ,RGYAL BA'I BSLAB BCU DE DAG BSDUS BYAS LAS, ,DRI MED STON KA'I ZLA ZER LTAR 'BAR BA'I, ,'DIR NI DGE BA CUNG ZAD CI BSAGS PA, ,DE YIS 'GRO BA'I BSLAB PA'I RGYAN GYUR CIG ,BSLAB PA KUN BSDUS LJON SHING LAS, ,PHYOGS CHA TZAM ZHIG BLANGS PA YI, ,BSLAB PA'I ME TOG SNYE MA 'DI, ,MKHAS PA RNAMS KYI RNA BAR ZUNG, BSLAB PA'I ME TOG SNYE MA ZHES BYA BA RDZOGS SO,, ,,BI KRA MA LA SH'I LA'I PAndI TA CHEN PO BEE RO TZA NA RAKshI TA'I ZHAL SNGA NAS SBYAR BA'O, ,DBANG PHYUG DAM PA'I MNGA' BDAG BOD RJE LHA BTZAN PO BKRA SHIS NAM MKHA' DBANG PHYUG BTZAN GYI BKA' LUNG GIS RGYA GAR GYI MKHAN PO SU MA TI K'I RTI DANG, BOD KYI LO TZ'A BA DGE SLONG ZHA MA SENG RGYAL DANG, GLOG SKYA GZHON NU 'BAR GYIS BSGYUR BA LAS, SLAD NAS BOD KYI LO TZ'A BA BAN DE MAR PA CHOS KYI DBANG PHYUG GIS ZHUS TE GTAN LA PHAB PA'O,, ,, @217B #, ,RGYA GAR SKAD DU, ,P'A RA MI T'A SA M'A SA N'A MA, BOD SKAD DU, PHA ROL TU PHYIN PA BSDUS PA ZHES BYA BA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,BYANG CHUB MCHOG TU SEMS BSKYED DE, ,DKON MCHOG GSUM LA SKYABS SONG BAS, , STON PA GZHAN LA PHYOGS PA YI, ,SER SNA'I DOGS PA YONGS SU SPANG, ,BLA NA MED PA'I SANGS RGYAS SKU, ,DPAL LDAN SKYES CHEN MTSAN 'CHANG LA, ,CI NAS SHIGS PAR MI NUS PA, ,THOB RTZOL SANGS RGYAS SKYABS SONG YIN, ,'JIG RTEN SKYABS MED SKYOB PA'I PHYIR, , SPYOD CING RANG GI DON BTANG STE, ,SANGS RGYAS BSGRUB PHYIR BLO BRTAN NA, ,SANGS RGYAS SKYABS SU SONG BA YIN, ,RGA SHI NAD DANG 'CHI BA LAS, ,SEMS CAN MGON MED BSKYAB PA'I PHYIR, ,SANGS RGYAS NYID DU 'GRUB SMON NA, ,SANGS RGYAS SKYABS SU SONG BA YIN, ,MTHONG THOS DRAN DANG REG PA DANG, ,DRI TSOR RO MYAD CIS KYANG RUNG, ,'GRO BA KUN LA BDE SMON NA, ,SANGS RGYAS SKYABS SU SONG BA YIN, ,SEMS CAN RNAMS LA SNYING BRTZE ZHING, ,BDE GSHEGS YON TAN THOB MOS NA, ,DE BZHIN GSHEGS PA THAMS CAD LA, ,MDOR BSDUS SKYABS SU SONG BA YIN; ,BYANG CHUB MCHOG TU SMON BYED DE, ,RANG GI DON LA MI LTA ZHING, ,GZHAN DON BRTZON YANG NGA MED NA, ,SANGS RGYAS SKYABS SU SONG BA YIN, ,BYANG CHUB SEMS DPA'I SPYOD CHEN LA, ,GANG ZHIG SKYO MED ZHUM MED CING, ,MOS PA CHEN PO SKYED BYED PA, ,DE NI SANGS RGYAS SKYABS SONG YIN, ,SKYABS KYI MCHOG NI STOBS BCU DANG, ,STOBS BCU'I CHOS ZHES DE TSOL ZHING, ,YON TAN TSOGS LA DAD SKYED NA, ,SANGS RGYAS SKYABS SU SONG BA YIN, ,'JIG RTEN 'DI DAG SKYABS MED PA, ,SKYABS SU BYA ZHES DAM BRTAN NA, ,DE NI 'GRO BA'I SKYABS YIN TE, , SANGS RGYAS SKYABS SU SONG BA YIN, ,NYON MONGS BCAS PA'I SEMS LDAN PA'I, ,SEMS CAN GANG TSE MTHONG GYUR PA, ,DE TSE MOS PA CHE BSKYED CING, ,GCIG LAS RNAM MANG SPRUL BYAS TE, ,'JIG RTEN DPAG YAS THAMS CAD LA, ,PHAN PA KUN STOBS LUS DANG SEMS, ,BDAG @218A *, ,GIS BSGRUB PAR BYA'O ZHES, ,SU SEMS SANGS RGYAS SKYABS SONG YIN, ,SKYABS SU 'GRO BA DANG PO'O,, ,,DAM CHOS 'KHOR LOS SGYUR BA YI, ,RGYAL POR GYUR TE 'CHI MED PA'I, ,LAM GYIS 'GRO BA SKYABS SMON NA, ,CHOS LA SKYABS SU SONG BA YIN; ,BDAG KYANG 'JIG RTEN MTHA' MED KYANG, ,SNYING RJES YONGS SU MI GTONG ZHING, ,DAM CHOS BSTAN PAR GANG MOS PA, ,DE NI CHOS LA SKYABS SONG YIN, ,'GRO BA'I SDUG BSNGAL BSAL BA'I PHYIR, ,BDAG GIS DAM CHOS BSTAN BYA ZHES, ,SEMS CAN DON LA SEMS MNYEN NA, ,CHOS LA SKYABS SU SONG BA YIN, ,MANG THOS NAN TAN RGYAN LDAN DANG, ,GZHAN LA BSTAN PA'I DON BSGRUB NA, ,CHOS LA SKYABS SU SONG BA YIN, ,MTSAN MA SHIN TU GSAL BA YIN, ,'JIG RTEN MA LUS THAMS CAD LA, ,CHOS 'DI SKYABS KYI MCHOG YIN ZHES; ,RTOG CING DAM CHOS TSOL BYED NA, ,CHOS LA SKYABS SU SONG BA YIN, ,CHOS KYI SLOB DPON BSNYEN BYED CING, ,NYAN 'DOD TSUL BZHIN YID BYED LA, ,STON CING NAN TAN LHUR BYED NA, ,CHOS LA SKYABS SU SONG BA YIN, ,DAM CHOS YONGS SU GZUNG BA'I PHYIR, ,SPYOD PAS YANG DAG SPYOD BYED CING, ,LUS DANG SROG LA MI LTA NA, ,CHOS LA SKYABS SU SONG BA YIN, ,BYANG CHUB MCHOG GI PHYOGS KYI CHOS, ,BDAG DON MA YIN GZHAN DON DU, ,SNYING RJE CHEN POS SPYOD BYED NA, ,CHOS LA SKYABS SU SONG BA YIN, ,GANG ZHIG BDE LA CHAGS MED LA, ,SDUG BSNGAL RNAM PAS MI 'JIGS SHING, ,'JIG RTEN PHAN SPYOD CHOS SHES NA, ,CHOS LA SKYABS SU SONG BA YIN, ,DAM CHOS TSUL 'DI MA THOS PAS, ,'JIG RTEN 'DI DAG DMAN 'GYUR ZHES, ,STON CING NAN TAN DON BYED NA, ,CHOS LA SKYABS SU SONG BA YIN, ,'GRO BA MA LUS THAMS CAD KYANG, ,BDAG GIS CHOS LA DGOD BYA ZHES, ,SEMS BSKYED NAN TAN SPYOD BYED NA, ,CHOS LA SKYABS SU SONG BA YIN, ,SKYABS SU 'GRO BA GNYIS PA'O,, ,,MOS PA SHIN TU RNAM DAG PAS, ,'PHAGS PA'I DGE 'DUN DRUNG 'GRO BA, ,GANG GIS BSAM PA MI BZLOG @218B PA; ;DE NI DGE 'DUN SKYABS SU SONG YIN, ,NGES PAR LHUNG BAR GYUR PA YI, ,NYAN THOS THEG LA GNAS PA RNAMS, ,BYANG CHUB SEMS NI SKYED BYED NA, ,DGE 'DUN SKYABS SU SONG BA YIN, ,DGE 'DUN YON TAN DRAN BYAS SHING, ,DGE 'DUN BZHIN DU BKUR GNAS SU, ,'JIG RTEN THAMS CAD BKUR MOS NA, ,DE NI DGE 'DUN SKYABS SONG YIN, ,BYANG CHUB GO CHA BRTAN BYED CING, ,DGE 'DUN RNAMS LA CHER MOS PAS, ,DGE 'DUN BSNYEN BKUR GANG DAD PA, ,DGE 'DUN SKYABS SU SONG BA YIN, ,TSUL KHRIMS TING 'DZIN SHES RAB DANG, ,RNAM GROL DE SHES STON LA SOGS, ,DGE 'DUN YON TAN RIN CHEN GYIS, ,'JIG RTEN BRGYAN PAR MOS PA DANG, ,DGE 'DUN DAG LA DAD BRTAN PAS, ,'GRO BA MANG PO KUN GYIS KYANG, ,DAD PAS BZLOG PAR MI NUS NA, ,DE NI DGE 'DUN SKYABS SONG YIN, ,SKYES BU DAM PA RIN PO CHES, ,BCAS PA'I MU STEGS GTZANG MA STE, BDUD LA SHIN TU DPA' BA YIN, ,SKYES MCHOG DE NI DGE 'DUN YIN, ,YANG DAG JI BZHIN SMRA BYED CING, ,DE LA CHUNG PHUL YONGS 'GYUR ZHES, ,DE 'DRA'I RNAM DAG SEMS 'CHANG NA, ,DGE 'DUN SKYABS SU SONG BA YIN, ,BYANG CHUB MCHOG SEMS MI LDOG DANG, ,DBANG DANG TSANG MED YON TAN GYIS, ,BRGYAN PA'I YON TAN GANG TSOL BA, ,DE NI DGE 'DUN SKYABS SONG YIN, ,DKON MCHOG GSUM LA SKYABS SONG BA, ,SEMS CAN 'JIGS MED DON 'GYUR BAS, ,DKON MCHOG GSUM GYI SKYABS LDAN NI, ,DE PHYIR MI 'JIGS SBYIN BDAG YIN, , SKYABS SONG BSOD NAMS GZUGS YOD NA, ,KHAMS GSUM 'DI YANG SNOD DU CHUNG, ,RGYA MTSO CHEN PO'I CHU YI GTER, ,PHUL GYIS BCAL BAS GZHAL MI NUS, ,SKYABS SU 'GRO BA GSUM PA'O,, ,,SKYABS 'GRO GSUM BYAS PHYIN CHAD SBYIN PA LA, ,CI NAS LUS KYI YAN LAG BSLANGS GYUR KYANG, ,TSUL NGAN GTONG LA ZHUM PAR MI 'GYUR BAR, ,'JIG RTEN PHAN PAR BRTZON PAS SKYOR BA BYA, ,SER SNA'I SKYON NI GANG GIS 'PHEL 'GYUR RAM, ,YONGS SU GTONG SEMS 'PHEL BAR MI 'GYUR BA'I, ,YONGS 'DZIN BGEGS SU 'GYUR BA'I SLU BA @219A *, ,DAG ;BYANG CHUB SEMS DPAS MA LUS YONGS SU SPANG, ,GANG ZHIG GTER SEMS GNYEN POR 'GYUR BA DAG ,YANG DAG BYANG CHUB LAM LA SGRIB BYED NA, ,DE 'DRA'I NOR RAM RIN CHEN RGYAL SRID KYANG, ,BYANG CHUB SEMS DPAS BLANG BAR 'OS PA MIN, ,THUB PA RNAMS KYI SPYOD MCHOG DRAN BYAS SHING, ,DE GZHOL RANG GI DAM BCAS BSAM BYAS TE, ,YONGS 'DZIN CHAGS PA RNAM PAR BRTZAL BA'I PHYIR, ,SEMS LA RTOGS PA'I DAM PA 'DI DAG RTOGS, ,'GRO BA KUN LA BDAG GI LUS BTANG STE, ,DE BTANG CHOS KYANG 'DI LHAG BDAG GIS SPANG BYA NA; ,PHYI ROL DNGOS LA BDAG GIS CHAGS BYA BA, ,GLANG PO'I KHRUS BZHIN BDAG LA REG PA MIN, ,SHA LA DON GNYER SHA 'DI BSKUR BAR GYIS, ,RKANG 'DOD SEMS CAN RKANG YANG BRUS TE KHYER, ,BDAG GI LUS 'DI 'DI LTAR BSKUR BA YANG, ,'JIG RTEN DON NA PHYI ROL DNGOS CI SMOS, ,JI LTAR SMAN GYI SDONG PO SKYES GYUR LA, ,LO MA ME TOG SKYE BO 'THOG BYED KYANG, ,'DI DAG BDAG LA BLANGS SHING KHYER BYED CES, ,RNAM PAR RTOG PA DE LA RGYU BA MED, ,DE BZHIN 'JIG RTEN DON LA BRTZON PA YIS, ,DRIN MED RTAG TU MI GTZANG SDUG BSNGAL BA'I, , LUS 'DI GZHAN LA PHAN ZHING MKHO GYUR NA, ,BDAG GIR BYA SNYAM RNAM RTOG CHUNG MI SKYED, ,NANG GIS SA DANG CHU LA SOGS PA DANG, ,PHYI ROL 'BYUNG BA CHEN PO'I TSOGS MTSUNGS NA, ,'DI NI BDAG GI 'DI NI GZHAN GYI ZHES, ,MA RIG 'DAM GYI RTOG BSKYED TSUL MA YIN, ,BDAG GI LUS KYANG CI BDER BLANG BAR GYIS, ,'DI LA GZHAN GYI YIN SNYAM BLO MA BSKYED, ,'DI DAG THAMS CAD KHYED KYI DNGOS YIN TE, ,'DI LA BDAG GIS NGA RGYAL BDAG LA MED, ,DE 'DRA'I RMAD BYUNG BSAM PA RNAMS DANG YANG, ,RDZOGS PA'I SANGS RGYAS YON TAN RJES 'BRANG BA, ,GANG LA YOD PA BYANG CHUB SEMS DPA' ZHES, ,SANGS RGYAS BSAM GYIS MI KHYAB SKYES MCHOG GSUNGS, ,DE LTAR SBYIN LA NAN TAN BRTZON PA DE, ,LUS LA NAM YANG CHAGS PAR MI BYED PAS, ,DE YI NGAG LUS YID KYI LAS RNAMS KYANG, ,LHUN GYIS GRUB PAR RNAM PAR DAG PAR 'DOD, ,RNAM @219B DAG LAS CAN GZHAN LA PHAN BYED NA, ,TSOGS SU 'GYUR BA'I SDUG BSNGAL MED PAR BYED, ,DE LTAR RIGS PA'I TSUL LA MNGON ZHUGS PA, ,TSUL DANG TSUL MIN MKHAS PA DNGOS SU THOB, ,SBYIN PA'I 'BRAS BU SPANGS PA THOB GYUR NAS, ,SRID PA'I MUN NANG 'THOMS PA'I SKYE BO LA, , DAM PA'I CHOS KYI SBYIN PA RGYA CHEN GYIS, ,NYI MA SHAR BA'I 'OD PAS GSAL BAR BYED, ,'JIG RTEN PHAN PA'I DON SGRUB SNYAM PA DE, ,THAMS CAD MKHYEN PA NYID 'GRUB GZHIR GYUR PAS, ,NYI SHAR ZER BKYE 'OD CHEN MI ZAD BZHIN, ,DE YI BSOD NAMS YUN DU ZAD MI SHES, ,DE 'DRA RMAD BYUNG SBYIN PA'I YON TAN TSOGS, ,DE DAG BYANG CHUB SEMS DPA'I RGYAN GYUR PAS, ,DE PHYIR SBYIN PA SNYING RJE SNGON 'GRO PA'I SANGS RGYAS SKU MDOG GSER 'DRA DANG, ,KHREL LTAS RGYU LAS PA SANGS RGYAS STOBS LA SOGS PA, ,'GRO BA KUN LA DAG GIS BSGRUB BYA ZHING, ,ZANG ZING SBYIN PAS BSDUS PA'I SEMS CAN DAG ,BDAG GI DAM CHOS SNOD DU 'GYUR RO ZHES, ,DE LTAR KHA ZAS SKOM RNAMS GTONG BAR BYED, ,RANG GI PHUN SUM TSOGS PA BSGRUB PHYIR MIN, ,NYON MONGS SKOM PA GZHIL PHYIR BTUNG BA DAG ,'JIG RTEN PHAN BYED 'JIG RTEN RNAMS LA GTONG,, SANGS RGYAS RDZU 'PHRUL CHE BA'I RNAM PA DANG, ,MYA NGAN 'DAS PA'I BDE BA THAMS CAD KYANG, ,'JIG RTEN 'DI DAG JI LTAR THOB 'GYUR ZHES, ,THEG CHEN SMOS PA THEG PA YONGS SU GTONG, ,RDZOGS PA'I SANGS RGYAS SKU MDOG GSER 'DRA DANG, ,KHREL LTAS RGYU LAS BYUNG BA'I GOS SGRUB PAR, , GOS KYI RNAM PA GRANGS MED MANG PO DAG ,LUS LA BDE BAR RIM GRO SBYIN PAR BYED, ,SNYING PO BYANG CHUB GNAS PHYIR STAN GTONG STE, ,MAL GSUM DON DU MAL GYI SBYIN PA BYED, ,THAMS CAD MKHYEN PA'I SPYAN MCHOG BSGRUB PA'I PHYIR, ,MCHOD RTEN GTZUG LAG KHANG DU MAR ME DBUL, ,LHA YI RNA BA THOB PHYIR ROL MO DANG, ,SANGS RGYAS TSUL KHRIMS BSGRUB PHYIR SPOS KYANG 'BUL, ,SKYABS SU 'GRO BA YONGS SU BSGRUB PA'I PHYIR, ,KHYIM DANG BTUNG GNAS RA BA GNAS RNAMS GTONG, ,BRO BA RO MCHOG YONGS SU BSGRUB PA'I PHYIR, ,SHIN TU ZHIM SBYAR RO RNAMS GTONG BAR BYED, ,'JIG @220A *, ,RTEN 'DI DAG RGA SHI MED STOBS PAR, ,SMAN GYI MCHOG RNAMS GRANGS MED SBYIN PAR BYED, ,NYON MONGS TSOGS KYIS 'KHOR BA'I 'JIG RTEN RNAMS, ,RAB BYUNG BDAG NYID MNYAM PAR BSGRUB PA'I PHYIR, ,DE NI RTAG TU BRAN DAG GTONG BYED CING, ,SEMS CAN BLA MED CHOS KYI RJER YANG BSGRUB, ,MTSAN RAB BZANG PO PHUN SUM TSOGS BSGRUB PAR, ,MU TIG BYI RU GSER LA SOGS PA GTONG, ,DPE BYAD BZANG PO SNA TSOGS BSGRUB PA'I PHYIR, ,RIN CHEN SGRON MA RGYAN GYI SBYIN PA BYED, ,BSAM GTAN BSGRUB PHYIR BRTUL ZHUGS NAGS TSAL DANG, , CHOS MDZOD THOB PHYIR NOR MDZOD YONGS SU GTONG, ,THUB DBANG RGYAL PO THOB PHYIR SKYON MED PAR, ,RGYAL SRID BKAS BRGYAN SPYIN PA GTONG BAR BYED, ,BYANG CHUB MCHOG LA MOS PHYIR SKYON MED PAR, ,BU DANG BU MO SDUG PA'I SBYIN PA BYED, ,GCIG TU CHOS LA DGA' ZHING MOS PA'I PHYIR; ,DGA' BA'I RGYUR GYUR RTZED MO SNA TSOGS GTONG, ,'KHOR LOS BRGYAN PA'I RKANG PA MCHOG THOB STE, ,BYANG CHUB SNYING POR GNAS PAS MOS PA'I PHYIR, ,'JIG RTEN DON CHEN BSGRUB PAR BRTZON PA DE, ,RTOG PA MED PAR RKANG PA YONGS SU GTONG, ,SDUG BSNGAL RGYA MTSOR SKYE SHI'I CHUS G-YENGS PA'I, ,'JIG RTEN CHOS KYI LAG PAS BSKYAB PO ZHES, ,LAG PA PADMA RGYAS 'DRA GTONG BAR BYED, ,DBANG PO LNGA DAG RDZOGS PAR BYA BA'I PHYIR, ,SNA DANG RNA BA SKYON MED YONGS SU GTONG, ,'JIG RTEN THAMS CAD SGRIB PA KUN SPANGS TE, ,RNAM DAG MIG LDAN BSGRUB PHYIR MIG KYANG GTONG, ,SA CHU ME DANG RLUNG LTAR RTOG MED CING, ,'JIG RTEN NYER 'TSOR BDAG GI LUS SGRUB CES, ,SHA BCAD KHRAG DANG BCAS PA GTZO BO DE, ,SNYING RJE CHEN POS YONGS SU GTONG BAR BYED, ,RMAD DU BYUNG BA'I SPYOD PA BRTAN PA DE, ,RDO RJE LTA BU'I CHAR PA BAB GYUR KYANG, ,DE BZHIN GSHEGS PA'I SKU MCHOG MI SHIGS PA, ,'JIG RTEN KUN GYIS THOB PHYIR RKANG YANG GTONG, ,'JIG RTEN BLAR RGYUR YE SHES MNYAM BZHAG PHYIR, ,SKYE BO SLONG DU 'ONGS PA THAMS CAD LA, ,LUS KYI DAM PA MGOS KYANG MCHOD BYED NA, ,LUS KYI YAN LAG GZHAN @220B LTA CI ZHIG SMOS, ,DE LA SOGS PA RGYUN DU SKYON MED PAR, ,BYANG CHUB SEMS DPA' SPYOD LAS YONGS BTANG BA'I, ,SBYIN PA'I CHAR GYIS 'GRO BA'I TSIM BYAS SHING, ,THAMS CAD MKHYEN PA'I RGYA MTSOR MNGON PAR 'GRO, ,DE NI MI RIGS BTZAL ZHING SBYIN PA DANG, ,GZHAN LA GNOD PA BTZAL ZHING SBYIN MI BYA, ,DE LA GZHAN LA BTANG BAS DMA' BA MED, ,DE NI SBYIN PAS SNYEMS PAS BDAG MI BSTOD, ,GZHAN LA SMOD PA NAM YANG BYED PA MED, ,LOG PA'I SBYOR BA YONGS SU MI GTONG STE, ,LHAG PA'I BSAM PAS MA ZIN SBYIN MI BYED, ,KHRO BA'I SKYON GYIS DMA' BAR MI GTONG STE; ,BYIN NAS DE LA RJES SU 'GYOD MI BYED, ,GCAM BYAS SGUR ZHES MANG DU SBYIN MI BYED, ,KHREL GYIS DOGS SAM 'JIGS PA'I RGYU PHYIR RAM, ,SBYIN PA'I GNAS SU 'GYUR PHYIR GTONG BA MIN, ,BZANG PO YOD BZHIN NGAN PA GTONG BA'AM, ,SBYIN PA'I GNAS MIN ZHES TE BRNYAS PA'AM; ,RNAM SMIN RE BAS DOGS PAR BYAS PA'AM, ,RIM GRO MED CING SMAD PAR DE MI GTONG, ,TSUL KHRIMS LDAN LA PHUL BAS MI MTHONG ZHING, ,KHENGS SHING BRNYAS BYED NYUNG BAR GTONG BA MED, ,GANG GIS LOG PA'I NAN TAN RGYUR GYUR DANG, ,SLONG BA RNAMS LA GNOD PAR SBYIN MI BYED; ,DE NI DUS MIN SBYIN PAR MI BYED DE, ,DUS DANG MI MTHUN SBYIN PA'ANG DE MI BYED, ,LHAR SMON MA YIN RGYAL POR SMON PHYIR MIN, ,THEG PA DMAN SMON TSUL GYIS GTONG MI BYED, ,DE NI NGOR BLTAS GTONG BAR MI BYED DE, ,GRAGS PA'I SGRA DANG BZHAD GAD DON PHYIR MIN, ,BDAG GIS NUS SU ZAD CES MI RLOM ZHING, ,GZHAN GYI SROG LA GNOD PHYIR SBYIN MI BYED, ,RNAM PA THAMS CAD MKHYEN PAR MA BSNGOS PA'AM, ,SKYES BU DAM PAS SMAD PAR GTONG MI BYED, ,DE PHYIR PHA ROL PHYIN PA'I MING 'THOB CING, ,SHIN TU RNAM DAG SBYIN PAR YANG DAG 'GRO, ,DE YI SBYIN LAS BYUNG BA'I BSOD NAMS TSOGS, ,'JIG RTEN KUN GYI BSOD NAMS YONGS BSDUS KYANG, ,DE DAG KUN GYIS ZIL GNON MI 'GYUR BAS, ,DE PHYIR 'JIG RTEN KUN GYI GTZO BOR 'GYUR, ,MNGON SHES LNGA LA SHIN TU NGES 'GYUR ZHING, ,'JIG RTEN KUN LA SBYIN PA'I CHAR 'BEBS PAS, ,PHYOGS RNAMS KUN @221A *, ,DU DE YI TSAD MI ZIN, ,RTAG PAR RGYUN DU 'BYUNG BAS ZAD MI SHES, ,DE BAS MI ZAD 'GRO LA PHAN PAR 'GYUR, ,YE SHES MI ZAD RGYA CHEN RGYU YANG YIN, ,KHAMS GSUM ZAD PAR 'GYUR BA'I DNGOS PO DANG, ,MKHA' DANG SPRIN LTAR RTAG TU 'DRE BA MED, ,DE NI STONG NYID RNAM PAR MNYAM GZHAG CING, ,MTSAN MA'I SKYON RNAMS YONGS SU SPANG BA DANG, ,NYON MONGS BSAL ZHING DMAN PA MED PAS NA, ,THUB DBANG CHEN PO RNAMS KYIS MI ZAD GSUNGS, ,SKYES BU DAM PAS CHED DU BRJOD BYAS SHING, ,BDE BA RGYA CHEN RGYU YI SBYIN PA NI, ,BYED PAR 'DOD PAS MI RTAG RNAL 'BYOR DANG, ,'JIG RTEN RNAMS LA SNYING RJE CHEN PO BSKYED, ,LONGS SPYOD RNAM PA MI RTAG MTHONG GYUR CING, ,SNYING RJE CHEN PO RANG GI NGANG GYUR NA, ,BYIN PA BDAG GI KHYIM BZHAG GZHAN GYI BAR, ,SHIN TU RIG PA'I TSUL KHRIMS RTOGS PAR 'GYUR, ,GANG BYIN DE LAS 'JIGS PA SKYE MI 'GYUR, ,KHYIM NA GANG BZHAG DE LAS 'JIGS PA 'BYUNG, ,MI CHOG THUN MONG RTAG TU BSRUNG DGOS TE, ,BYIN NA NYES PA DE DAG GNOD MI 'GYUR, ,BYIN PAS 'JIG RTEN PHA ROL BDE BA BSGRUB, ,MA BYIN TSE 'DI NYID LA'ANG SDUG BSNGAL BSKYED, ,MI YI NOR RNAMS SKAR MDA'I RANG BZHIN LTAR, ,YONGS SU MA BTANG DE DAG MED PAR 'GYUR, ,MA BYIN NOR RNAMS MI RTAG MED 'GYUR TE, ,BYIN PAS DE DAG YOD PA'I GTER DU 'GRO, ,SEMS CAN PHAN PAR GZHOL BAS GANG BYIN PA'I, ,NOR RNAMS SNYING PO MED PA'ANG YOD PAR 'GYUR, ,GANG ZHIG YONGS SU BTANG BA MKHAS PAS BSNGAGS, ,SKYE BO BYIS PA DE DAG SOG LA DGA', ,YONGS SU BZUNG BAS MI 'BRAL GANG YANG MED, ,BYIN PAS RTAG TU PHUN SUM TSOGS PA 'BYUNG, ,BTANG BAS NYON MONGS YONGS SU 'DZIN MI 'GYUR, ,'JUNGS PA 'PHAGS PA'I LAM MIN NYEN MONGS BSKYED, ,GANG ZHIG BYIN PA DE NI LAM GYI MCHOG ,DE LAS GZHAN GYUR 'PHAGS PAS LAM NGAN GSUNGS, ,SLONG BA SNGON DU 'ONGS NA RGYAL SRAS DES, ,RDZOGS PA'I BYANG CHUB TSOGS NI SPEL BA'I PHYIR, ,DES GZHAN 'DU SHES BDAG LA GZHAG BYAS SHING, ,DGE BA'I @221B BSHES GNYEN 'DU SHES DE LA SKYED, ,SLONG BA 'ONGS PA THOS NA CHE BA RNAMS, ,NYON MONGS MI DGA' RNAM PAR SRAB 'GYUR BAS, ,DGA' BA'I STON MO CHEN PO 'BYUNG BA BAS, ,SLONG BA SNGON DU 'ONGS LA DE DAG DGA', ,CI STE SLONG BA SNGON DU 'ONGS GYUR KYANG, ,SHIN TU MTHU CHUNG SBYIN PAR MA NUS NA, ,CI NAS SLONG BA SMA BAB MA GYUR PA, ,'JAM PA'I TSIG GIS DE YI YID KYANG BZHO, ,PHYIN CHAD SLONG BA DRUNG DU 'ONGS GYUR NA, ,CI NAS KHO CHAD DMA' BAR MI 'GYUR BAR, ,'JUNGS PA'I SKYON RNAMS RNAM PAR BSAL BA DANG, ,SRID PA YONGS SU SPANG PHYIR NAN TAN BYA, ,GANG ZHIG ZANG ZING NOR LA CHAGS BYED PA, ,DE LA BYANG CHUB MCHOG SEMS SKYE BA MED, ,SEMS MCHOG DE NI SKYON DANG MI 'GROGS TE, ,RGYA MTSO CHEN PO RO DANG MI 'GROGS BZHIN, ,DE BAS RTAG TU SKYON RNAMS KUN SPANGS TE, ,BYANG CHUB TSOL BAS RTAG TU THAMS CAD SBYIN, ,'JIG RTEN THAMS CAD GCIG PU NGAS BSKYAB PA'I, ,SEMS DANG SPYOD DANG ZHUM PA'I NGANG MI MTHUN, ,SBYIN PA DE 'DRA'I RTZA BA BYANG CHUB SEMS, ,DE 'DRA'I SBYIN PA GTONG 'DOD DE MI GTANG, ,'JIG RTEN NANG NA GTONG 'DOD SEMS LDAN PA, ,GTONG BA'I NANG NA MCHOG CES RGYAL BAS GSUNGS, ,SBYIN PA'I PHA ROL TU PHYIN PA'I LE'U'O,, ,,RDZOGS PA'I SANGS RGYAS TSUL KHRIMS BRGYAN LDAN PAR, ,'GRO BA THAMS CAD BSGRUB DON GANG BRTZON PA, ,RANG GI TSUL KHRIMS THOG MAR YONGS SU SBYANGS, ,TSUL KHRIMS DAG PA'I MTHU YI STOBS KYANG BSKYED, ,CI NAS RMI LAM RMI YANG 'TSE MED PAR; ,'JIG RTEN KUN LA BYAMS PA BSKYED PAR BYA, ,GZHAN LA PHAN PAR GCIG TU BRTZON PA DES, ,GZHAN GYI LONGS SPYOD SPRUL BZHIN REG MI BYA, ,KHA TON SPYOD PA'I BLO LAS PHYIR LOG PAS, ,THOG MAR GZHAN GYI BUD MED BSLU BA'I BLO, ,YONGS SU GTANG BYA 'JIG RTEN PHAN BYED PAS, , LUS KYI SPYOD PA SKYES BU MCHOG LTAR BSGRUB, ,SNYAN CING YID 'ONG DUS DANG LDAN PA'I TSIG ,DBYEN DU MI 'GYUR BDEN DANG MTHUN PA DAG ,DAM CHOS YANG DAG KHONG DU CHUD 'GYUR BA, ,GNYEN POS BTZAL ZHING RTAG TU BRJOD PAR BYA, ,GZHAN GYI BDE BA PHUN SUM THOB GYUR NA, ,BDAG GI ZHO @222A *, ,SHAS GANG ZHIG BSGRUB BYA BA, ,DE DAG KHO BDAG NYID KYIS RNYED GYUR CES, ,DGA' SEMS BSKYED BYA CHAGS SEMS YONGS SU SPANGS, ,NYON MONGS DBANG GYUR BDAG PHAN MI REG PAR, ,'DI NI BDAG NYID MTHU CHUNG ZHAN PA'I MTHA', ,GZHAN GYI NYES PA KUN KYANG DE BZHIN ZHES; ,GNOD SEMS ME 'BAR GZHI LA PHYIR NAN TAN BYA, ,LOG LTA'I 'DU SHES MUN NAG THIBS PO DAG ,YE SHES SNANG BAS YID LA GSAL BYAS TE, ,LHA MI PHUL GYI YON TAN BSGOM BYAS SHING, ,DAD PA MI 'PHROGS RTZA BA BRTAN PAR GZUGS, ,MTHO RIS THAR PA'I BDE LAM GYUR PA DE; ,LAS LAM BCU PO 'DI LAS NYAMS MI BYA, ,'DI LA GNAS PA 'GRO LA PHAN BSAM PA'I, ,BSAM PA'I KHYAD PAR 'BRAS BU YOD PAR 'GYUR, ,NGAG LUS YID RNAMS YANG DAG BSDAM BYA BA, ,MDOR BSDUS TSUL KHRIMS YIN ZHES RGYAL BAS GSUNGS, ,TSUL KHRIMS MA LUS 'DUL BA'I GZHI YIN PAS, ,DE PHYIR 'DI DAG RNAM PAR SBYANG BAR GYIS, ,SROG GCOD SPANGS PA DES PA'I NGANG 'CHANG BA, ,'GRO BA THAMS CAD BSTEN ZHING PHEBS PAR 'GYUR, ,DE YI BAG CHAGS SEMS LA SKYON GYUR PA, ,NAN TAN MA BYAS RANG GIS YONGS SU 'CHAD, ,BYAMS PA'I KHYAD PAR RJES MTHUN SEMS LDAN ZHING, ,KHON GCUGS RNAM PA YONGS SU ZHI 'GYUR NA, ,MYA NGAN RNAM PA'I NYES PA KUN SPANGS SHING, ,BDE BAR DE NYAL BDE BAR SAD PAR 'GYUR, ,GNOD SBYIN SRIN PO DAG KYANG PHAN PAR BYED, ,LAM NGAN RGYUD KYIS DE LA 'JIGS PA MED, ,NAD MED YON TAN RGYAN DANG LDAN PA YI, ,BDE LAM BRTEN PA'I TSE RING THOB PAR 'GYUR, ,DE NYID RGYU YIN BYANG CHUB BRNYES PA YIS, ,BDE GSHEGS RNAMS KYI SKU TSE DPAG YAS SHING, ,'JIG RTEN BDE BA SKYED CING DON MDZAD PA, ,DGONGS PA'I RJES SU SNYEGS PA YONGS SU 'GRUB, ,GZHAN GYI LONGS SPYOD MA BYIN MA BLANGS PAS, ,'JIG RTEN GZHAN DU LONGS SPYOD RGYA CHEN DAG ,BUD MED DBUGS KYIS RI RAB MI SGUL LTAR, ,BGO SKAL BA DANG 'PHROGS PAS MI 'PHROGS 'GRUB, ,SPYOD PA DAG PAS KUN GYIS YID 'ONG ZHING, ,STON PA'I SNOD DU TSE 'DI NYID LA 'GRUB, ,DE PHYIR PHA @222B ROL DU YANG DOGS MED CING, ,LAM GYI GEGS SU GYUR PA'I RNAM PA MED, ,SKYID LONGS YENGS LA SNYING PO MED RTOGS PAS, ,CHED DU MA BSGRUBS SBYIN PA'I NGANG DU 'GYUR, ,DE PHYIR NYE BA'I NYON MONGS RNAM DAG PAS, ,BLA NA MED PA'I BYANG CHUB NGANG GIS THOB, ,'DOD PA RNAMS LA LOG PAR SPYOD SPANGS PAS, ,DBANG PO THUL PHYIR RAB TU ZHI LA MOS, ,'JIG RTEN BSTOD PAS PHYOGS RNAMS KUN GYI MTHAR, ,GRAGS PA KHYAB 'GRO GSAL BA KUN THOB 'GYUR, ,BUD MED KUN LA MA LTAR BLTAS PAS NA, ,NYON MONGS 'DOD CHAGS GANG LA'ANG MI 'BYUNG STE, , DE PHYIR DE YI BSOD NAMS BSAGS PAS NA, ,THUB DBANG SKYES CHEN DBANG PO MTSAN LDAN 'GRUB, ,TSIG TU GANG SMRAS BRDZUN LAS PHYIR BZLOG PAS, ,RAB TU DGA' LDAN G-YO SGYU RNAM DAG SEMS, ,TSIG RNAMS KUN GYIS BLANG BAR GRUB GYUR PAS, ,SEMS CAN MANG PO CHOS GZHOM KUN GYIS 'GRUB, ,BDEN DANG LDAN LA LHA RNAMS BYAMS GYUR PA, ,LHA YI RANG BZHIN YON TAN PHYOGS BYED PA, ,DE YI SPYOD PA KUN LA MNGON SUM PAS, ,'DI 'DRA DE LA NGO MTSAR CHE BA MED, ,'JIG RTEN GZHAN BYAMS TSAD MAR BYED PA NI, ,'JIG RTEN PHAL CHER YON TAN MI 'CHANG LA, ,RANG GI TSAD KYIS GZHAN LA TSOD 'DZIN KYANG, ,DE 'DRAR GYUR PA DE NI NGO MTSAR CHE, ,ME TOG AUTPA LA YI NAGS BOR ZHING, ,BDE LDAN KHA NI PADMO 'PHAGS TSUL DU, ,DRI ZHIM SIM BYED YID DU 'ONG BA DANG, ,DE YI MKHA' LA GNAS 'CHA' RTEN PAR 'GYUR, , YE SHES 'BAR BA NGAN 'GRO'I SKAR LTA BU, ,RIGS DANG MI RIGS RNAM PAR SHES GYUR PAS, ,CI DGA' SDUG PA'I RNAM RTOG BYUNG GYUR NA, ,BDAG NYID DBANG DU GYUR PA KHREL GYIS 'DZEM, ,DE LTAR RANG BZHIN RNAM DAG TSUL GYUR PAS, ,GZHAN LA DOGS MED GZHAN GYI DOGS MI BYA,, DE PHYIR DE YI BDEN PA'I RJES BSNYEGS TSIG ,SANGS RGYAS GRUB TSE BSRUNG BA MED PAR 'GYUR, ,PHRA MA DBYEN SPANGS G-YOG 'KHOR MI 'PHROGS SHING, ,GZHAN GYI GNOD PAS LUS LA MI TSUGS TE, ,NAN TAN LHUR BYED DAD PA DBYER MED 'GYUR, ,BYAMS PA SLU MED 'JIGS PA @223A *, ,MI 'GYUR DANG, ,'GRO DON MI GTONG SNYING RJE MI NYAMS THOB, ,THUB DBANG GRUB TSE SLOB MA'I DGE 'DUN YANG, ,TSE RABS BSKAL PAS PHYI BAR MI 'GYUR 'GRUB, ,KHRO BA'I RDUL MANG DPUNG DU GYUR PA LA, ,RNAM RTOG RLUNG GIS KUN DU 'TSUB PA RNAMS, ,GRAGS PA'I LUS LA GRIB MAR 'GYUR RO ZHES, ,ZHE GCOD RNAM PA BYAMS PA'I CHUS BKRUS SHING, ,DE LAS PHYI ROL TSIG SNYAN 'JAM PA YIS, ,'JIG RTEN BSAM PA BDE BA'I DBANG DU 'GYUR, ,'JIG RTEN DGA' BA RTZA BA ZUG GYUR PAS, ,DE YI TSIG NI KUN GYIS BLANG ZHING GZUNG, ,DE PHYIR 'JIG RTEN RNAM PA BRGYAR BTUL ZHING, ,DE DAG SDUG BSNGAL LAM NGAN GCAD BYA STE, ,BSOD NAMS LAS LDAN 'DI DANG PHA ROL DU, ,CHOS KYI TSUL BSRUNGS NGAN 'GROR 'GRO MI 'GYUR, ,RGYANG RING GNAS NAS ZAB GSAL GRAGS PA DANG, ,DPAL LDAN NYE NA RANG BZHIN BDE SKYE BA, ,DE BZHIN 'BRUG SGRA ZAB LA GSAL BA YI, ,TSANGS PA'I SGRA DBYANGS KHA YI RGYAN KYANG BYED, ,'KHYAL BA'I TSIG LAS PHYIR LOG GYUR PAS NA, ,MKHAS PA RNAMS LA SHIN TU DBEN PAR 'GRO, ,DE YI BLO YANG BDEN PAR SMRA MOS PAS, ,SKYON MED CHE BA NYID KYANG DES THOB PO, ,BSOD NAMS DES NA THUB PA'I RGYAL GYUR TSE, ,DKA' ZHING ZAB PA YONGS SU BRIS PA YI, ,ZHU BA RNAM MANG GRANGS MED DUS GCIG TU, ,THOGS PA MED PA'I TSIG GIS LUNG YANG STON, ,CHAGS SEMS DON MED 'DI DANG PHA ROL DU, ,GNOD PA'I 'BRAS BU SGRUB BYED BLOS GSAL TE, ,PHRAG DOG MED PAS BSAM PA JI BZHIN DU; ,PHUN SUM TSOGS PA'I LONGS SPYOD RGYAS PA THOB, ,RNAM SHES DAG PAS DE LA BRTEN PA YI, ,LUS NGAG YID KYI LAS KYANG SHIN TU GTZANG, ,DUS DANG MTHUN PAS GSAL BA'I MKHA' DBYINGS LA, ,SKAR TSOGS DRI MED DKYIL 'KHOR JI BZHIN 'BAR, ,DE YI LONGS SPYOD MCHOG RNAMS BSOD NAMS LA, ,RTAG TU SBYAR BA DE YI BLO 'JUG STE, ,KHENGS PA NGA RGYAL CAN GYIS GLAGS MED CING, ,RGYAL PO DAG GIS DE NI BSTAN PAR 'GYUR, ,DE YI LAS DGES BSGRUBS PA'I 'BRAS BU BAS, ,DBANG PO NAM YANG NYAMS PAR 'GRO BA MED, ,DE PHYIR 'JIG RTEN GSUM GYIS MCHOD 'OS PA'I, , @223B 'KHOR LO ZLOG BYED STON PA'I MCHOG TU 'GYUR, ,GNOD SEMS GDUNG BA'I RIMS NAD YONGS BSAL ZHING, ,RANG BZHIN DGE TSUL PHUN SUM TSOGS PAS NA, ,SHIN TU ZHI ZHING GSAL BA'I NGANG TSUL GYIS, ,YID KYIS MOS PA SHIN TU GSAL BAR 'GYUR, ,BYAMS PA'I RO BDE KHYAD PAR THOB PAS NA, ,'TSE BA'I TSUL LAM 'THAB MO 'KHRUG LDAN DANG, ,'PHAGS MIN SPYOD PA LAS NGAN RNAM PA LA, ,DE YI BLO NI NAM YANG 'JUG MI 'GYUR, ,LAS RUNG 'JAM PA'I YID KYI LAS LDAN SA, ,TSANGS PA'I 'JIG RTEN DE LA DKON PA MED, ,'JIG RTEN KUN DU 'PHAGS DANG MNYAM 'GYUR ZHING, ,'GRO BAS LHA BZHIN GUS PAS MCHOD PAR 'GYUR, ,SEMS CAN KUN LA PHAN DGA' YANG DANG YANG, ,DBYAR GYIS BSNYOGS PA'I CHU KLUNG CHU BO DAG ,STON DUS GSAL BAR DANGS [?] PAR BYA BA BZHIN, ,'GRO BA KUN GYI YID LA DANG BA BSKYED, ,KUN GYIS BLTA NA YID 'ONG BZANG BA DANG, ,YE SHES RGYUS BYUNG TSUL MCHOG RMAD BYUNG BA, ,'JIG RTEN RNAM SHES SO SOR BSGRUB PA DAG ,SANGS RGYAS BSGRUB TSE RNAM PA GCIG TU BSGRUB, ,LOG PAR LTA BA'I 'DAM LA MI 'DUG NA, ,DE BAS BSGRUB PA'I GROGS DANG PHRAD PAR 'GYUR, ,RANG GI LAS BZHIN 'GYUR BAR LAM MTHONG BAS, ,SDIG PA'I LAS RNAMS DE NI YONGS SU SPONGS, ,RGYAL BA RNAMS LA DAD PA MI BZLOGS SHING, ,NGO MTSAR BKRA SHIS RNAMS KYIS NYON MONGS MED, ,'PHAGS PA'I LAM LA GNAS PA DE 'THOB STE, ,DE PHYIR DE NI KHYAD PAR 'GRO BA 'THOB, ,'JIG TSOGS LTA BAS YANG DAG 'PHAGS PAS NA, ,RGYU RNAMS THAD PHYIR NGAN 'GROR DE MI 'GRO, ,CHAGS MED YE SHES MCHOG DANG DE LDAN PAS, ,SA DANG MTHO RIS CHAGS PA MED PAR 'GRO, ,'GRO BA'I DON LA MTHU CHE DPA' BA YI, ,THAMS CAD MKHYEN MYUR RGYAL DBANG CHOS KYI RNAMS, ,RANG RGYAL LA SOGS THOB PAR MA GYUR PA'ANG, ,THAMS CAD DE LA DE PHYIR MNGON DU 'GYUR, ,DE 'DRA'I LONGS SPYOD YON TAN RGYAN LDAN ZHING, ,RANG LA DBANG YOD BSGOM 'OS DE DGA'I RGYU, ,MKHAS PA SU ZHIG YANG DAG LEN MI BYED, ,SEMS CAN PHAN DGA' DE LEN CI ZHIG SMOS, ,LHA RDZAS DGA' RGYU @224A *, ,MI YI LONGS SPYOD DANG, ,BDE MCHOG RO MCHOG LHA YI PHUN SUM TSOGS, ,TSUL KHRIMS RGYUS BYUNG CI ZHIG NGO MTSAR CHE, ,SANGS RGYAS CHOS RNAMS DE LAS BYUNG BA LTOS, ,TSUL KHRIMS NYAMS PAS RANG DON MI NUS NA, ,GZHAN DON TSUL LA MTHU YOD GA LA 'ONG, , DE PHYIR GZHAN DON LEGS PAR BRTZON PA YIS, ,'DI LA RIM GRO GLOD PAR RIGS PA MIN, ,DE BAS MI BZAD 'JIGS PA MTHONG BYA ZHING, ,SPANG 'OS CHUNG YANG RNAM PAR SPANG BAR GYIS, ,BYANG CHUB SEMS DPAS LUNG BSTAN TSUL KHRIMS DAG ,RANG GI BDE LA BRKAM PAS BRAL MI BYA; ,BUD MED LUS DANG TSUL SPYAD MTHONG STZOGS PA'I, ,SKABS KYI NYES PAS SHAG SHIG TSUL MI BCANG, ,MI SRUN SKYE BO NYON MONGS RNAM PAS KYANG, ,TSUL KHRIMS 'DRAN 'DREN RNAM PA YONGS SU SPANGS, ,GCIG TU DKAR CHOS TSOGS NI BSAGS BYAS SHING, ,RNYOG DANG RNAM BRAL TSUL KHRIMS BSTEN PAR BYA, ,RANG DBANG GYUR LAS NYAMS SU BDE BA DANG, ,MKHAS PAS BSNGAGS PA'I RGYAN LDAN TSUL KHRIMS BSRUNG, ,BSLAB PA'I GNAS SKABS TSANG BAR YONGS RDZOGS PAS, ,KUN RDZOB BSNYEMS MED TSUL KHRIMS YANG DAG BSTEN, ,RNAM DAG SEMS LA GZUGS BRNYAN GYUR PA YI, ,GZHAN DON RO GCIG SBYOR BAS DE DAG BSRUNG, ,DRAN PA'I GZHI LDAN DBANG PO BSDAMS BYAS SHING, ,TSUL KHRIMS BSRUNG LA SHIN TU BRTZON PAR BYA, ,'JIG RTEN TSUL KHRIMS 'CHAL PA MANG PO'I MUN, ,NYI MA'I 'OD KYIS GSAL BA JI BZHIN GSAL; ,SDUG BSNGAL GNYEN PO'I DON DU BSTEN PA YANG, ,LUS KYI RMA BSKU'I RDUL LA SOGS PA DANG, ,RIGS PAS 'THOB PAS CHO GA BSAM BYAS SHING, ,GZHAN GDONG LTA BA'I RE BA MED PAR BYA, ,TSUL DANG MTHUN ZHING YON TAN 'BYUNG BA'I RGYU, ,YID BZHIN DGA' BA KUN GYI SPYOD GYUR KYANG, , NGO MTSAR MED PAS NGA RGYAL SPANG BYA ZHING, ,DE LAS BYUNG BA'I GRAGS PA BSNYEMS MI BYA, ,THOB PA'I YON TAN RNAM PA GZUGS BRNYAN DAG ,MDZA' BA'I TSUL GYIS DGRA DANG NYE BA BZHIN, ,PADMA'I NAGS LA ZLA BA'I 'OD GSAL LTAR, ,BRTUL ZHUGS LHOD PA RNAMS LA BDE BA GNOD, ,TSUL @224B KHRIMS YON TAN BSGOM PA'I TSUL DU GSUNGS, ,YON TAN MA LUS BYANG CHUB SEMS LA GNAS, ,BYANG CHUB MCHOG SEMS SNYING RJE'I RGYU LAS BYUNG, ,DE BAS SNYING RJE'I DANG TSUL LDAN PAR BYA, ,GANG ZHIG 'DOD PA'I KHAMS LA MI GNAS SHING, ,GZUGS KYI KHAMS LA'ANG DE BZHIN MI GNAS TE, ,GZUGS MED KHAMS LA'ANG DE BZHIN MI BRTEN PA, ,DE NI TSUL KHRIMS YANG DAG YIN PAR BRJOD, ,GANG ZHIG 'JIG RTEN DPAG YAS SEMS CAN DAG ,MTHA' DAG TSUL KHRIMS DAG LA DGOD MOS SHING, ,'JIG RTEN RNGAN PHYIR TSUL KHRIMS STEN BYED PA, ,DE NI TSUL KHRIMS PHA ROL PHYIN PAR GSUNGS, ,DE BAS NGAN SONG 'JIGS DANG RGYAL SRID DANG, ,MTHO RIS PHUN SUM TSOGS PA SMON BTZAL TE, ,TSUL KHRIMS DRI MED YANG DAG BSRUNG BYA ZHING, ,'JIG RTEN DON LA BRTZON PAS TSUL KHRIMS BSTEN, ,TSUL KHRIMS DE NI KHYAD PAR THOB PA'I LAM, , SNYING RJES DANG CAN RNAMS DANG MNYAM PAR BSGRUB, ,YE SHES GTZANG MA LUS KYI RANG BZHIN TE, ,SKYON BRAL RGYAN DU 'GYUR BA'I MCHOG CES BYA, ,KHAMS GSUM KUN DU YID 'ONG DRI BSUNG DANG, ,RAB TU BYUNG DANG MI 'GAL BYUG PA YIN, ,CHA LUGS MTHUN YANG TSUL KHRIMS LDAN GYUR NA, MI YIN NANG NA DE NI 'PHAGS PAR 'GYUR, ,TSIG TU MA BRJOD TSIGS SU MA GYUR KYANG, ,NYAMS SU MKHO BA'I LONGS SPYOD RIM GRO 'DU, ,SDIG PA MED PAR 'JIG RTEN KUN SDUD DE, ,CHAGS MED MA BSGRUBS DBANG PHYUG THOB PAR 'GYUR, ,BRJOD DU MI 'OS RIGS SU 'BYUNG BA DANG, ,PHAN ZHING DBEN PA GANG YANG MA BYAS SHING, ,SNGON CHAD MI SHES SKYE BO THAMS CAD DANG, ,TSUL KHRIMS LDAN PA'I SKYE BO DE LA 'DUD, ,RKANG PAS BKRA SHIS GYUR PA'I RDUL DAG KYANG, ,SPYI GTZUG DAM PAS BLANGS SHING LHA DANG MI, ,PHYAG 'TSAL MGOS GTUGS THOB PA KUN DU KHYER, ,DE PHYIR TSUL KHRIMS DPAL LDAN RIGS MCHOG YIN, ,TSUL KHRIMS KYI PHA ROL TU PHYIN PA'I LE'U'O,, ,,BDUD RNAMS THAMS CAD YONGS SU RMONGS BYED CING, ,RNAM THAR THOB BYED BDE BAR GANG GSUNGS PA'I, ,BZOD PA SHIN TU PHAN PA SGRUB BYED PA, ,DE LA SU ZHIG NAN TAN MI BYED @225A *, ,YOD; ,GZHAN LA GNOD BYED NAM YANG MI SHES PA, ,BRTAN PA RNAMS KYI YID 'ONG NGANG TSUL TE, ,'JIG RTEN DON BYED SNYING RJE'I TSUL BSNYEMS PA, ,YON TAN MTHUN PA'I MING NI BZOD PA YIN, ,GZHAN DON MTHUN PA'I YID DANG LDAN PA LA, ,TSUL GYI DAM PA BZOD PA YIN ZHES GSUNGS, ,'JIG RTEN LEGS PA PHUN SUM TSOGS PA DAG ,KHRO BA'I SKYON LA BZOD PAS YONGS SU SKYOB, ,MTHU LDAN RNAMS KYI RGYAN GYI DAM PA STE, ,DKA' THUB TSUL 'CHANG RNAMS LA STOBS KYI TSUL, ,GNOD SEMS 'BROG GI ME LA CHU YI RGYUN, ,'DI LA GZHAN LA GNOD DGU BZOD PAS SEL, ,SKYE BO MCHOG GI BZOD PA'I GO CHA LA, ,MI SRUN SKYE BO'I TSIG GI MDAS RDUGS PAS, ,DE DAG BSTOD PA'I ME TOG BZANG 'GYUR ZHING, ,GRAGS PA'I PHRENG BA YID DU 'ONG BAR 'GYUR, ,SKYE BO GDUG PA'I NGAG GI MTSON GYI RMA, ,YE SHES ZLA BA BZHIN DU SIM [?] PAR BYED, ,BRTUL ZHUGS 'CHANG BA BRTAN PA'I RANG BZHIN TE, ,BZOD PA DE NI YOD TAN TSOGS KYI GNAS, ,ZAB CING BRTAN PA'I SNYING POR GYUR PA STE, ,KHRO BA'I GDUNG BA GZHIL BA DBYAR DANG 'DRA, ,YON TAN RGYA MTSO'I RLABS KYIS BRLABS PA YI, ,SGRA SNYAN KHYAB PA BZOD PA'I MTHU LAS BYUNG, ,TSANGS RIS 'JIG RTEN DAG TU 'DZEGS PA LA, SKAS KYI THEM BZHIN SKYO BA'I SKON DANG BRAL, ,YON TAN MDZES LDAN MTSAN RAB BRGYAN PA YI, ,GZUGS BSGRUB BZO YI GNAS KYANG BZOD PA YIN, ,SKYON GYI SHING CHEN KHON BZOD CHU BO BZHIN, ,RDZOGS PA'I BYANG CHUB SEMS KYIS SPEL BA YIN, ,BSOD NAMS CHU YI TSOGS DANG RTAG TU MTHUN, ,'JIG RTEN GZHAN DU PHAN DGE RDZOGS PAR BSGRUB, ,'GRO LA PHAN DON 'PHEL BA'I MCHOG KYANG YIN, ,GRAGS PA'I SNYAN PA'I RANG BZHIN PHUL GYI RGYU, ,YON TAN YID BSGRUB GNAS KYANG BZOD PA YIN, SNYING RJES SEMS CAN DBEN PAR MTHONG BAS NA, ,'KHOR BA'I NYES PAS DE NI SKYO MI 'GYUR, ,RANG GI LAS DGE [?] 'JIG RTEN PHAN BYED PAS, ,'JIG RTEN KUN DU GRAGS PA'I TSOGS SU 'GYUR, ,YE SHES MCHOG GIS SBYANGS PA'I BZOD LDAN NA, ,MTSAR 'DZIN DPYA BA KUN GYIS 'GO @225B BA MED; ,MI RTAG BZOD PA'I MTHU DANG LDAN PAS NA, ,BDE BA'I RNAM PAS DGA' BAR 'GYUR BA MED, ,GNOD PA'I RNAM PA MI BZAD MANG POS KYANG, ,SKYES MCHOG DE DAG YID NI 'GYUR BA MED, ,BZOD PA'I STOBS KYIS SHIN TU BRTAN PA NA, ,BYANG CHUB MCHOG SGRUB MOS PA MANG BAR 'GYUR, ,BZOD PAS BRTAN PA'I SPYOD PA DAM PA DES, ,DKA' THUB DKA' BA KUN DU STON BYED CING, ,MU STEGS DREGS PAS MTHO BA'I BSAM PA DAG ,PHAN PA'I BSAM PAS BCIL ZHING DMA' BAR BYED, ,'JIG RTEN RMONGS PA BDAG SUM[?] CHAGS GYUR TE, ,LHAG MA GZHAN SNYAM NGA RGYAL 'CHANG BA DAG ,DE YI GNOD PAS ZIL GNON SEMS GYUR CING, ,BZOD DANG MI LDAN YONGS SU GDUNG BAR 'GYUR, ,SKYES MCHOG BSAM PA SNYING RJE'I MGON LDAN ZHING, ,BZOD PAS BKRA SHIS BSGRUB PA 'CHANG BA DANG, ,BDAG TU LTA BA YONGS SU SPANGS PA LA, ,GNOD BYED GZHAN DANG NYE YANG GNOD PA MED, ,BRTAN PA NYAM CHUNG SEMS KYI SKYON GYUR PA'I, ,KHRO BA LOG PA RNAM PAR RTOG LAS BYUNG, ,YANG DAG RTOG PA YID LA ZHI SKYE ZHING, ,BZOD PA'I RNAM PA MNYAM PAR GZHOG PAR BYED, ,CHU LA ZLA BA'I GZUGS BRNYAN YOD 'DRA BA'I, ,BZOD PA'I RNAM RTOG ZHI LA BRTEN PA LAS, ,'PHAGS PAS RTAG TU SKABS MED 'PHAGS PAR BYA, ,RNAM RTOG ZHI BA DON DAM BZOD PA ZHES, ,BZOD PA'I YANG DAG NYID MKHYEN DE DAG GSUNGS, ,DE BAS 'JIG RTEN MI 'DRA RTOGS BYA ZHING, ,RNAM RTOG NYE BAR ZHI LA NAN TAN GYIS, ,MIG NI MIG TU ZAD NA CI STE KHRO, ,RNA BA LA SOGS DER ZAD KHRO MED CES, ,DE LTAR GANG BZOD SKYE MCHED LTOS PA STE, ,DE NI DON DAM NYID DU BZOD PA MIN, ,SGRA DANG TSIG NI MI RTAG RANG BZHIN TE, ,SGRA DANG RNAM RTOG 'DI YANG MI RTOG [?] CES, ,GANG BZOD DE NI MI RTAG RTOG PA STE, ,BZOD PA'I MCHOG TU DE YANG GSUNGS PA MIN, ,NYES PA BYED PA GANG LA'ANG YOD PA MIN, ,GANG LA BYA BA DE YANG MED DO ZHES, ,GANG BZOD DE NI BDAG MED SBYAR BA STE, ,DE YANG BZOD PA'I PHUL DU PHYIR PA MIN, ,BDE DANG SDUG BSNGAL BSTOD DANG SMAD PA DAG ,KUN KYANG RTEN CING 'BREL 'BYUNG DNGOS PO ZHES, ,GANG BZOD DE NI @226A *, ,RTEN 'BREL RTOGS BYA'I SA, ,BZOD PA SHIN TU MNYAM BZHAG DE MA YIN, ,'DI NI YONGS SU RMONGS PAS BSLUS GYUR PAS, ,BSAM PA LOG GYUR DE 'DRA BDAG MIN ZHES, ,GANG BZOD DE NI MTHON DMAN BSAM PA STE, ,BZOD PA'I PHUL GYI GO SKABS DE LA MED, ,SGRA SKAD YI GE SGRA SNYAN JI BZHIN TE, ,RE RE BRJOD CING DE BZHIN 'JIG PAS NA, ,SU LA SU ZHIG JI LTAR GNOD 'GYUR ZHES, ,BZOD PA DE YANG BZOD PA'I PHUL MA YIN, ,'DI NI BDAG GI SDIG PA ZAD BYA'I PHYIR, ,RANG GI CHOS LA GNOD PA'ANG MI LTA NA, ,BDE GSHEGS DAM PA CI RO BA MA YIN ZHES, ,GANG BZOD DE NI MING TZAM BZOD PA MIN, ,RANG GI LAS BZHIN 'GYUR BA RTOGS BYA ZHING, ,DE YI YON TAN RDZOGS PAS BZOD BYED PA, ,DE 'DRA'I BZOD PA'ANG RNAM RTOG SBYOR CAN TE, ,BZOD PA'I MTHAR PHYIN MCHOG NI DE MA YIN, ,MI RTAG SDUG BSNGAL MI GTZANG BDAG MED PA, ,BDAG LA BZOD KYI BZLOG PA MA YIN ZHES, ,GANG YIN DE NI GNYEN PO ZHI BZOD KYI, ,GNYIS KYI RJES 'BRANG DON DAM BZOD PA MIN, ,SKYE BO 'DI NI YANG DAG MI SHES PAS, ,DE PHYIR GZHAN LA GNOD PAR DGA'O ZHES, ,GANG BZOD DE YANG MNYAM NYID MNYAM MI 'GRO,, BZOD PA DE YANG RNAM RTOG SKYON CAN YIN, ,MTHO DMAN MNYAM PA'I RNAM RTOG RNAM PA DAG ,GANG TSE MA LUS YANG DAG ZHI GYUR PA, ,DE NI BZOD PA BLA MED DAM PA ZHES, ,GNYIS MED LAM LA SPYOD PA DE DAG GSUNGS, ,RANG DANG GZHAN DANG GNYI GA RGYU MED LAS, ,DNGOS PO GANG YANG 'BYUNG BA MED PA DANG, ,RANG DANG GZHAN DANG GNYI GA RGYU MED LAS, ,DNGOS PO GANG YANG 'JIG PAR 'GYUR BA MED, ,YOD DANG MED LA SKYE BA MED PAS NA, ,SKYE BA MED PHYIR GANG YANG 'GAG PA MED, ,DNGOS PO'I RNAM RTOG RANG BZHIN STONG PA NYID, ,YANG DAG MTHONG NA BZOD PA'I PHUL ZHES BYA; ,DE THOB GYUR NA RGYAL BA 'DIR 'GYUR ZHES, ,RGYAL BA RNAMS KYIS RNAM MANG LUNG YANG BSTAN, ,DE NI RTAG TU YANG DAG MNYAM GZHAG KYANG, ,'JIG RTEN PHAN 'DOD GRANGS MED KUN DU 'BYUNG, ,CHOS DANG SMON LAM LAS LA DBANG THOB STE, ,MOS PA RDZU 'PHRUL SKYE BA'I DBANG @226B YANG THOB, ,DE BZHIN SEMS DANG YO BYAD RNAM PA DANG, ,YE SHES MCHOG DANG TSE LA DBANG BA THOB, ,DBANG GI NOR MCHOG YUN DU MI ZAD CING, ,GZHAN DON TSE SGRUB DE 'DRA THOB GYUR NAS, ,'GRO BA MI BDE'I RGYUN DU LTUNG BA DAG ,YONGS SU BZUNG PHYIR DBANG LDAN DE DAG SKYE, , DE PHYIR GZHAN DON PHAL CHER BKUR SPRO BAS, ,BZOD PA THABS TSUL 'DI 'DRA BSNYEN PAR BYA, ,DE LA GNAS LA GZHAN DON CHE BSAM PA'I, ,SPYOD YUL YON TAN 'BRAS BU'I RGYAN LDAN 'GYUR, ,'DI LA DAD PA RTZA BA BRTAN GYUR NA, ,DES KYANG THUB RGYAL NGES PAR 'GYUR ZHES GSUNGS, ,CHOS KYI LAM LA DAD PA RGYUN CHAGS NA, ,BSAM PA YID BZHIN SHING RTA CHAG MI 'GYUR, ,BZOD PA'I PHA ROL TU PHYIN PA'I LE'U'O,, ,,THAMS CAD BZOD PA'I MTHU NI SKYES GYUR NAS, ,SPYOD PA'I MTHU CHEN MTHA' DKA' BRTZON 'GRUS KYIS, ,DPA' BO BRTUL ZHUGS THAMS CAD RTZOM BYED PAS, ,LHA'AM BDUD RNAMS LAS KYANG 'PHAGS PAR 'GRO, ,TSE 'DIR MTHAR PHYIN 'JIG RTEN DON DAG KYANG, ,BRTZON 'GRUS MED PAS MTHAR PHYIN BYA BA DKA', ,YONGS SU SKYO MED BRTZON 'GRUS CHE LDAN NA, ,MI 'THOB MI 'GRUB RNAM PA GANG YANG MED; ,SKYE BO MA RABS THOG MAR BRTZAMS MI MOS, ,BRTZAMS NAS DBUS SU SGYID LUG BRTZON 'GRUS GTONG, ,GZHAN DON NGAL MED BRTZON 'GRUS LDAN PA NI, ,MYA NGAN 'DAS STONG SPYOD PA RGYA CHEN RTZOM, ,LE LOS BSLUS PA'I 'GRO BA PHAL CHER NI, ,BRTZON 'GRUS RANG DBANG YOD KYANG BDAG DON GTONG, ,BRTZON 'GRUS CHE LDAN GZHAN LA LTOS MED NI, ,GZHAN DON KHUR CHEN SKYO BA MED PAR 'KHYER, ,SNGA PHYI 'KHOR BA'I MTHA' DANG MNYAM TZAM DU, ,RGYA CHE RING BA'I NYIN DANG MTSAN GYUR LA, ,DE 'DRA BSAGS PAS LO GYUR DUS RING BA'I, ,BSKAL PA RGYA MTSO'I CHU THIGS GRANGS SNYED KYIS, ,BYANG CHUB MCHOG GI SEMS GCIG SKYE 'GYUR BA, ,DE 'DRA'I RNAM PAS TSOGS GZHAN DE RE ZHING, ,BSGRUB DGOS GYUR KYANG SNYING RJES SKYO BSAL TE, ,BYANG CHUB DAM PA SGYID LUG MED PAR BSGRUB, ,'KHOR TSE RANG GI SDUG BSNGAL SEMS GTANG ZHING, ,GO CHA BRTAN PA DPAG @227A *, ,YAS DE BSKYED NA, ,BRTUL ZHUGS DPA' BO SNYING RJE'I NGANG CAN LA, ,YANG DAG BLANGS PA DANG PO YIN PAR BRJOD, ,'JIG RTEN MES BKANG RKANG GIS 'BOG BYA ZHING, ,SA CHEN MTSON GYIS DKRIGS PAS GZIGS BYAS TE, ,BDE GSHEGS LTA BAR MOS DANG GANG LDAN ZHING, ,CHOS KYI BDUD RTZI ZHI BA MCHOG BSRUNG DANG, ,'KHOR BA'I 'DAM NAS SKYE BO 'DI DAG KUN, ,BDAG GIS BTON TE BYANG CHUB BDE DGOD CES, ,GOMS PA BTEG CING BOR BA'I DUS DAG TU, ,GANG ZHIG DE 'DRAR MNYAM 'JOG SEMS 'CHANG DANG, ,'JIG RTEN PHAN PHYIR BRTZON 'GRUS CHE BSKYED CING, ,GZHAN LA PHAN PA'I BSOD NAMS MANG BSGRUBS PA, ,DE NI MI ZAD PA YI BRTZON 'GRUS TE, ,DPAL LDAN YANG DAG BLANGS PA GNYIS ZHES BYA, ,BSOD NAMS RNAM PA CI SGRUB DUS NA YANG, ,RDZOGS PA'I SANGS RGYAS NYID DU SNGO BYED NA, ,DE NI MI ZAD YANG DAG BSGRUB PA'I PHYIR, ,YANG DAG LEN PA'I MCHOG CES THUB PAS GSUNGS, ,RGYA MTSO CHEN POR CHU THIGS GCIG BOR BA, ,RGYA MTSO MA ZAD DUS SU ZAD MI 'GYUR, ,DE BZHIN BYANG CHUB MCHOG TU BSNGOS PA YI, ,BSOD NAMS RNAM PA ZAD PAR 'GYUR BA MED, ,DE YANG SNYING RJE RNAM DAG SEMS LDAN ZHING, ,'GRO BA RGYU DANG MI RGYU MA LUS KUN, ,RNAM PA THAMS CAD MKHYEN PAR BSGRUB BYA ZHES, ,SEMS CAN DAM PA BSOD NAMS DE DAG RTZOM, ,STONG GSUM CHEN PO'I 'GRO BA JI SNYED PA, ,NYI MA GCIG GIS LA LA SGROL BYED LA, ,BSKAL PA DU MAR DE BZHIN BSGRAL BYAS KYANG, ,SEMS CAN KHAMS LAS MANG PO MA BSGRAL ZHES, ,SEMS CAN MI ZAD DE 'DRA THOS GYUR KYANG, ,MA LUS SEMS CAN BSGRAL BAR RAB MOS SHING, ,SGYID LUG SKYON GYIS MA BZUNG BRTZON LDAN NA, ,DON GYI SNYING PO DE LA RING BA MIN, ,'GRO BA KUN GYI BSOD NAMS GCIG BSGRUB PA, , DE SNYED BCU 'GYUR BSGYUR BAS BDE GSHEGS KYI, ,BA SPU'I KHUNG GCIG MNGON PAR 'GRUB 'GYUR LA, ,SPU RNAMS GCIG NAS RE RER MNGON 'GRUB CING, ,BA SPU MNGON SGRUB BSOD NAMS DE DAG TSOGS, ,BRGYA 'GYUR DAG TU BSGYUR BA'I BSOD NAMS KYIS, ,DPE BYAD BZANG GCIG @227B 'GRUB CING DE BZHIN DU, ,DPE BYAD BZANG PO'I LHAG MA KUN 'GRUB CING, ,DPE BYAD BZANG POS BSDUS PA'I BSOD NAMS TSOGS, ,DE SNYED STONG DU BSGYUR BA'I BSOD NAMS KYIS, ,RDZOGS PA'I SANGS RGYAS MNGON PAR SANGS RGYAS TSE, ,MTSAN NI SNA TSOGS RE RE 'GRUB 'GYUR LA, , MTSAN RAB BSKYED PA'I BSOD NAMS RGYUR GYUR TE, ,STONG DU BSGYUR BA'I BSOD NAMS PHUNG PO LAS, ,ZLA BA NYA LTAR MDZES SHING GSAL BA YI, ,MDZOD SPU MDOG BZANG YID 'ONG 'GRUB 'GYUR BA, ,MDZOD SPU MNGON SGRUB BSOD NAMS DE SNYED TSOGS, ,BRGYAR 'GYUR STONG DU BSGYUR BA'I BSOD NAMS KYIS, ,SPYI GTZUG BLTAR MI MTHONG BA'I MTSAN LDAN PA'I, ,GTZUG TOR RGYAN MDZES SANGS RGYAS DBU 'GRUB STE, ,DE 'DRA'I BSOD NAMS SGRUB TSUL DE DAG KYANG, ,BDAG GIS BSGRUB CES BYANG CHUB SEMS MTHONG NA, ,BRTZON 'GRUS 'DOR BA DE LA GANG GI SGOR, , SGYID LUG LE LO'I CHA SHAS SKABS SU 'GYUR, ,'JIG RTEN KHAMS KUN SEMS CAN MA LUS PAR, ,RANG RGYAL RNAMS DANG THAMS CAD 'DRAR GYUR KYANG, ,BZOD LA GNAS PA'I BYANG CHUB SEMS DPA' GCIG ,YE SHES DAM PAS DE DAG KUN PAS 'PHAGS, ,DE SNYED BZOD PA'I STOBS LA GNAS PA BAS, ,MI LDOG BYANG CHUB SEMS DPA' GCIG 'PHAGS TE, ,'JIG RTEN PA DANG 'JIG RTEN 'DAS PA YI, ,DGE LA BSGRUB PA DE NI NGAL MI SHES, ,MI LDOG BYANG CHUB SEMS DPA' DE SNYED PAS, ,SKYE BA GCIG THOGS RGYAL SRAS DE 'PHAGS TE, ,BRTZON 'GRUS BRTAN DANG LDAN PA'I NANG NA YANG, ,BYANG CHUB SHING DRUNG PHYIN PA CI ZHIG SMOS, ,RNAM PA DE 'DRA'I YE SHES RNAM DAG DANG, ,'JIG RTEN MA LUS SEMS CAN KUN LDAN YANG, ,BYANG CHUB SNYING PO'I SHING DRUNG PHYIN GYUR LA, ,BDUD 'DUL SKYE BA THA MA'I CHAR MI 'GRO, ,DE 'DRA'I YE SHES RNAM PA DAG LDAN PAS, ,'JIG RTEN MA LUS KHAMS KUN GANG GYUR KYANG, ,YON TAN RNAM MANG DE DAG GCIG SOGS PAS, ,BDE GSHEGS STOBS KYI CHA LA'ANG MNYAM MI 'GRO, ,DE 'DRA'I YE SHES RGYA MTSO RMAD BYUNG BA, ,GZHAN SEMS SHES PA'I MTHU LA THOGS MED CING, , @228A *, ,YE SHES SNANG BA MKHA' LTAR YANGS PA LA, ,SNYING RJE LDAN PA GCIG PU PHA ROL RGAL, ,SEMS CAN MA LUS KUN LA KHYAB PA YI, ,SNYING RJE CHEN PO 'JIG RTEN KUN DU 'BYUNG, ,RDZOGS PA'I SANGS RGYAS CHOS KYI RNAM PA DAG ,RMAD BYUNG MA LUS DE PHYIR YANG DAG GRUB, , DE 'DRA'I SEMS CAN DMA' BAS MNYAN DGA' BA'I, ,YANG DAG BLANG BA'I YON TAN KUN LDAN NA, ,YANG DAG NYID LAM YAN LAG BRGYAD LDAN ZHING, ,BRTZON 'GRUS PHUL BYUNG SHIN TU RNAM PAR MDZES, ,BRTZON 'GRUS RNAM GSUM DGE BA SBYOR BA STE, ,LUS DANG NGAG YID BRTZON 'GRUS RNAM PA LAS, ,'JUG DANG GNAS DANG MNYAM PAR BZHAG PA YI, ,BRTZON 'GRUS PHUL BYUNG YID LAS BYUNG BA YIN, ,BYANG CHUB SEMS LA MOS SHING ZHI BA DANG, ,SNYING RJE CHE DANG BDAG MED BZOD PA DANG, ,'GRO BA SDUG BSNGAL BSDU BA RNAM BZHI DANG, ,CHOS RNAMS KUN LA YONGS SU 'DZIN MED DANG, ,'KHOR BA'I 'DAM NA YONGS SU SKYO MED DANG, ,KHAMS GSUM THAMS CAD NYE BAR MI DMIGS SHING, ,BDOG PA KUN GTONG NGA RGYAL 'GYUR MED DANG, ,BSLAB PA KUN LA YANG DAG SLOB PA DANG, ,GZHAN GYI GNOD PAS MI 'GYUR BRTAN LDAN ZHING, ,SEMS LA RNAM 'KHRUG NAM YANG MI 'BYUNG DANG, ,DGE BA'I LAS LA BRTZON PA BRTAN PA DANG, ,DPEN LA DGA' BA'I RO GCIG SEMS LDAN DANG, ,BSAM GTAN BZHI POR MNYAM PAR GZHOG PA DANG, ,BDAG MED NGES PAR RTOGS PA'I SEMS LDAN DANG, ,THOS PA MANG POS NGOM PAR MI 'GYUR ZHING, ,RIGS PAR 'JUG CING DE LA RTOG PA DANG, ,JI LTAR THOB PA YANG DAG STON BYED CING, ,BRJOD MED CHOS NYID YANG DAG SHES PA DANG, ,MNGON SHES LNGA LA MTHU CHEN LDAN PA DANG, ,MNGON SHES DRUG LA SGOM TZAM BYED PA DANG, ,RDZU 'PHRUL RKANG PA MNGON PAR SGRUB PA DANG; ,SPYOD PA TSEGS MED SHIN TU GSAL BA DANG, ,YANG DAG SPONG LA SBYOR BA BYED PA DANG, ,DGE DANG MI DGE'I PHYOGS LAS RNAM GROL ZHING, ,DBANG PO NGES PAR BYA LA MKHAS PA DANG, ,CHOS RNAMS DBANG PO MED PAR SHES GYUR CING, ,LAS KYI TSOGS RNAMS YONGS SU @228B TSOL BYED KYANG, ,GAR YANG 'GRO MED RMAD BYUNG ZAB PA DANG, ,DE LA SOGS PA SEMS SPANGS BRTZON PA'I LUS, ,GZUD CING DGOD PA'I KHYAD PAR 'PHAGS PA CAN, ,DE NYID MI ZAD YONGS SU RDZOGS BYA'I PHYIR, ,DGON PA'I BRTZON 'GRUS KHYAD PAR RGYU YANG YIN, ,YE SHES MCHOG GI LAS LA GNAS 'CHA' YANG, ,MTSAN MA'I LAS LA DE NI 'JUG PA MED, ,SNYING RJE CHEN POS 'DUS BYAS MI GTONG ZHING, ,BRTZON 'GRUS CHE YANG 'DUS BYAS MED MI LTUNG, ,SNGON CHAD MA THOS CHOS THOS GNOD PA MED, ,CIS KYANG MI TSUGS THOS PA'I CHOS KYANG 'DZIN,, MI MIN KUN KYANG DE LA PHAN PAR DGA', ,TING 'DZIN RNAM PA KUN KYANG THOB PAR 'GYUR, ,NYIN MTSAN DUS RNAMS 'BRAS BU YOD PAR ZLA, ,YON TAN TSOGS KYIS DMA' BAR 'GYUR BA MED, ,MI YI CHOS LAS 'PHAGS PA'I DON RNAMS KYIS, ,ME TOG AUTPAL BZHIN RNAM PAR 'PHEL; ,GRAGS PA YANG DANG BDE BA THOB PAR 'GYUR, ,SER SNA DOGS SPANGS YID TSUL MCHOG KYANG 'THOB, ,TSE 'DI'I YON TAN JI SNYED SNANG BA KUN, ,BRTZON PA'I TSUL 'BYUNG YON TAN CHE BA MED, ,YON TAN CHE MNGA' RDZOGS PA'I SANGS RGYAS TE, ,KHAMS GSUM MCHOD 'OS NYID KYANG DE LAS GRUB, ,BRTZON 'GRUS CHEN PO'I YON TAN DE 'DRA NA, ,BRTZON 'GRUS CHE LA GANG ZHING BRTZON MI BYED, ,BRTZON 'GRUS KYI PHA ROL TU PHYIN PA'I LE'U'O,, ,,DE NAS YE SHES BSKYED PA'I PHYIR, ,BSAM GTAN TSUL LA BRTZON PAR BYA, ,'JIG RTEN PHAN PA'I RNAM PA DAG ,YE SHES SNANG BAS BDE BAR 'GRUB, ,BSAM GTAN TSUL GYIS SEMS DAG NA, ,STON GYI DUS KYI SPRIN BSAL BA'I, ,MKHA' LA ZLA BA GSAL BA LTAR, ,YE SHES KHYAD DU DANG BAR 'GYUR, ,RNAM DAG TSUL KHRIMS LDAN BYAS SHING, ,DGE PHAN GROGS DANG BRTEN BYAS TE, ,BYA BA NYUNG ZHING ZHI BA'I NGANG, ,DRAN PAS BYIN RLABS TSUL BCANG STE, ,SHING DRUNG BRTUL ZHUGS GNAS DAG GAM, ,NE'U GSING SDUG GU'I SA GZHI'AM, ,CHED DU MA BYAS MDANGS DGA' BA'I, ,NAGS KYI ME TOG DRI ZHIM PA'AM, ,BSAM GTAN RKYEN DU 'OS PA YI, ,CHOG SHES 'GRO BA'I GNAS DAG @229A *, ,GAM; ,'GRO BA'I SGRA SKAD MI 'BYUNG BAR, ,ZAB MOR GNAS PA'I GNAS DAG GAM, ,DGON PA'I SA GZHI BZANG PO 'AM, ,STONG PA'I GNAS DANG KHYIM DAG GAM, ,SMAN LJONGS RI KHROD DBEN PA DAG ,SENG GE'I NGA RO GRAGS GNAS SAM, ,'DU 'DZI NYON MONGS DBEN GYUR PA'I, ,GANG YANG RUNG BA'I GNAS DAG TU, ,SKYIL MO KRUNG DU BDER 'DUG STE, ,DRANG PO'I LUS NI BSRANG BYAS SHING, ,DRANG BA'I BSRUNG BA SEMS GZHI LA, ,NYE BAR YANG DAG GZHAG BYA STE, ,SNYING RJES LOG PAR RTOGS PA RNAMS, ,SKABS MED TSUL DU DAM BCAS SHING, ,SHES PHAR RAB SHES BYA BA'I DUS, ,'DI YIN MYA NGAN 'DAS DUS MIN, ,SEMS CAN MYA NGAN MA 'DAS SU, ,MYA NGAN 'DA' BAR MOS MED CES, ,DE LTAR 'JIG RTEN PHAN BSAMS TE, ,SANGS RGYAS NYID DU MOS BSKYED CING, ,RGYUN MI 'CHAD PA'I RNAL 'BYOR GYIS, ,BSAM GTAN BSGRUB LA BRTZON PAR BYA, ,YANG DANG YANG ZHING NGAL BSO NA, ,GTZUBS PAS ME PHYIN ME 'GYUR TE, ,RNAL 'BYOR TSUL LA'ANG DE BZHIN DU, ,KHYAD PAR MA THOB GTONG MI BYA, ,DMIGS PA GCIG LA BRTAN TSUL DU, ,YID KYI BSAM PA BRTAN PAR BYA, ,DMIGS PA MANG PO BRGYUD PA LAS, ,'DI NI NYON MONGS 'KHRUG PAR 'GYUR, ,LHAG MTHONG BRTZON PA'I STOBS KYI MTHUS, ,ZHUM PAR GYUR NA GZENGS YANG BSTOD, ,RGOD PAR GANG TSE GYUR PA'I YID, ,ZHI GNAS TSUL GYIS BZLOG PAR BYA, ,TING 'DZIN MTHU NI MI G-YO ZHING, ,YANG DAG GYUR NA BTANG SNYOMS GZHAG ,BDE GSHEGS TING 'DZIN THOB BYA'I PHYIR, ,DE LA CHAGS PAR YONG MI BYA, ,BSAM GTAN DGA' BA'I RO MYANG BAS, ,RANG DBANG MED PA'I NYAM MI BLANG, ,BDAG GI BDE TZAM THOB DON DU, ,BRTZAM PA RGYA CHEN 'DI SGRUB MIN, ,LUS DANG SROG LA LTA BA YI, ,ZHUM PAS NON GYUR SEMS GYUR CING; ,RANG GI MGO BO TSIG GYUR KYANG, ,BRTZON 'GRUS LHOD PAR DES MI BYA, ,MTSAN MA'I RNAM PA SHES BYAS SHING, ,YID NI MNYAM PAR GZHAG PA'I PHYIR, ,DMIGS LAS BSAM PA NYAMS GYUR NA, ,DRAN PAS PHYIR YANG BSDU BAR BYA, ,SGRIB PA RNAMS LAS RANG GI YID, ,GLANG @229B PO RANG DBANG THOB 'GYUR NA, ,LCAGS KYUS BZLOG PAR BYA BA BZHIN, ,LOG PA'I PHYOGS LAS BZLOG PAR BYA, ,DE NAS SGRIB PA'I NAD KYI RNAMS, ,BSAL BAS SOS PA'I YID GYUR CING, ,DBUL PO NYAM THAG PHONGS PA LAS, ,LONGS SPYOD SKYID THOB THAR PA BZHIN, ,BDE DANG LDAN PA'I YID KYIS NI, ,'DOD PA'I SKYON RNAMS BSAL BAR BYA, ,DE DANG BRAL BAS DMIGS PA YI, ,BDE BA GCIG NAS GCIG BRGYUD KYANG, ,GLOG LTAR MI RTAG 'GYUR BA DANG, ,DBU BA GSOG LTAR BDAG MED PA'I, ,RMI LAM BZHIN DU DON MED PAR, ,BSLU BA'I DON DU 'ONGS 'DRA DOR, ,PHA RNAMS BU LA BYAMS PA DANG, ,BU RNAMS PHA LA DE BZHIN TE, ,MDZA' LA MDZA' BO BYAMS PA DANG, ,'GRO RNAMS PHAN TSUN BYAMS PA DAG ,YON TAN TSOGS KYIS BSGRUB BYAS SHING, ,BRTAN PA'I SNYING POS BRTAN BYAS TE, ,G-YUL DU GRU GDONG 'DREN BZHIN GYI, , MDZA' BYAMS SA MTSAMS 'JIGS BYED KYANG, ,'DI TSE BRTZAL BA'I SDUG BSNGAL DANG, ,GZHAN DU NGAN 'GRO SKYED BYED PA'I, ,RGYUR GYUR 'DOD PA'I RNAM PA YIN, ,DE BAS 'DOD PA BSTEN MI BYA, ,RNAM RTOG RNAMS KYI GZHIR GYUR CING, ,BDAG DANG GZHAN RNAMS KUN GYI YANG, , SHES RAB MIG LDONGS BYED PA'I RGYU, ,MI BDE SNA TSOGS SKYED PA YANG, ,BDAG 'DOD DON LA BRTZON PAR BYA, ,RNAM PA KUN DU YONGS SPANGS PA'I, ,'DOD PA DE DAG GZHAN DON LA, ,BRTZON PAS DRAN BYAR 'OS PA MIN, ,'DOD PA DE DAG THOB PA DANG, ,NYIN GCIG BZHIN DU BSTEN PA DANG,, MANG DU BSAGS PAS MI NGOMS NA, ,DE LAS NAD CHEN GANG ZHIG YOD, ,BTZAL TSE RO MED NYON MONGS LA, ,BSRUNG TSE 'JIGS PA SKYED BYED CING, ,MED 'GYUR MYA NGAN CHE BSKYED NA, ,DE LA 'DOD BYED SU ZHIG YOD, ,GANG GI RO LA MYOS GYUR NA, ,RANG DON NYID KYANG MI RIGS TE, ,MYOS 'GYUR SMYON CHU JI BZHIN PA'I, ,'DOD PA SEMS LDAN SU ZHIG BSKYED, ,DE LTAR RNAM PA THAMS CAD DU, ,'DOD PA SKYON LDAN SHES GYUR NA, ,DE LAS SEMS NI LDOG 'GYUR TE, ,'BYUNG LAM CHOS LA MOS PAR 'GYUR, ,DBEN LAS SKYES PA'I DGA' DANG BDE, ,BAG YANGS THOB LAS SKYES PA 'BYUNG,, @230A *, ,YAN LAG DE DANG LDAN PAS NA, ,BSAM GTAN DANG PO THOB PA YIN, ,DER NI RNAM RTOG RNAM DPYOD DAG ,'DOD LDAN SKYON LDAN MTHONG 'GYUR ZHING, ,DE DAG ZHI BA TSOL BYED PAS, ,TING 'DZIN DGA' SKYES BDE BA THOB, ,NANG NI YONGS SU DANG GYUR ZHING, ,DE SEMS RTZE GCIG GYUR PA NI, ,BSAM GTAN GNYIS PA'I BSAM GTAN ZHES, ,GNYIS MED DRANG SRONG MCHOG GIS GSUNGS, ,YID KYI 'KHRUG LONG YIN SHES NAS, ,DGA' LAS 'DOD CHAGS BRAL GYUR PA, ,DRAN PA BTANG SNYOMS LDAN PA YI, ,BSAM GTAN GSUM PA THOB PAR 'GYUR, , BDE BA'I BSAM PA YONGS BTANG BAS, ,BDE DANG SDUG BSNGAL MED GYUR CING, ,BTANG SNYOMS DRAN PAS RNAM DAG PA'I, ,BSAM GTAN BZHI PA 'THOB PAR 'GYUR, ,DE NAS MNGON SHES LNGA THOB STE, ,CHOS RGYAL RGYAL SRID GNAS PA NA, ,DPAL LDAN GRAGS PA KHREL DANG GZUNGS, , DE YI RJES SU 'BRANG BAR 'GYUR, ,GZHAN GYI DON DU MNGON BSGRUBS PAS, ,RANG RGYAL NYAN THOS YON TAN LA, ,DE DAG SHIN TU 'DAS GYUR CING, ,SHIN TU KHYAD 'PHAGS MTHU DANG LDAN, ,GTONG BA 'JUNGS PA 'GOD BYED CING, ,TSUL KHRIMS MED PA TSUL LA 'GOD, ,KHRO BA BZOD CING NGES PA DANG, ,SGYID LUG BRTZON 'GRUS CHEN PO DANG, ,'KHRUG PA'I SEMS LDAN BSAM GTAN DANG, ,SHES RAB 'CHAL PA SHES RAB LA, ,SNYING RJE CHEN PO SKYO MED PAR, ,BRTZON 'GRUS SPYOD PAS SBYOR BA BYED, ,DE NAS MTHA' YAS SPYOD YUL CAN, ,NYI MA 'OD CHEN JI BZHIN DU, ,MI NYAMS GSAL BA'I 'OD CHEN GYIS, ,'JIG RTEN THAMS CAD SNANG BAR BYED, ,DE NAS SEMS CAN SDIG CAN DAG ,NGAN 'GROR LTUNG BAR GYUR PA DANG, ,BSOD NAMS TSE DAG ZAD GYUR CING, ,LHA LAS LTUNG BAR GYUR PA DANG, ,'JIG RTEN SDUG BSNGAL DE DANG DES, ,YONGS SU GDUNG BAR GYUR PA DAG ,'JIG RTEN KHAMS NA GANG YOD PA, ,LHA MIG GSAL BAS MTHONG GYUR CING, ,SNYING RJE CHEN PO SKYE 'GYUR TE, ,SNYING RJE LDAN PAS BAG MED SPONG, ,GZHAN DON SGRUB LA BAG YOD PAS, ,BSAM GYIS MI KHYAB MTHU DANG LDAN, ,DE NAS 'JIG RTEN KHAMS MANG NA, , @230B DE BZHIN GSHEGS PA MANG BZHUGS DANG, ,SANGS RGYAS ZHING GI RGYAN DAG DANG, ,DGE 'DUN PHUN SUM TSOGS MTHONG ZHES, ,BYANG CHUB SEMS DPA' KHYU MCHOG GI ,RNAM DAG SPYOD YUL SPYOD MTHONG STE, ,SEMS CAN GZHAN LA PHAN DON DU, ,DPAL LDAN SPYOD PA MTHONG GYUR PAS, , DE LA SMON LAM CHE SKYED CING, ,SMON LAM DKYIL 'KHOR 'GRUB 'GYUR TE, ,GZHAN DON RGYA CHEN SNGO BYED PAS, ,RGYAL SRAS TSUL MCHOG YONGS SU 'GRUB, ,MI LAS 'DAS PA'I RNA BA STA, ,LHA YI RNA BA RNAM DAG PAS, ,RGYANG RING SGRA RNAMS NYE BA BZHIN, ,CHE CHUNG RNAM PA KUN THOS SHING, , SNYING BRTZE MED PAS GANG SMRAS PA'I, ,ZHE GCOD RO MED TSIG GI RNAMS, ,KHRO BA'I ME LAS BYUNG BA YI, ,ME STAG RGAL 'DRA THOS 'GYUR ZHING, ,LHA MO'I GLU RU SNYAN PA DANG, ,RGYAN GYI PHAR PHUR SIL KHROL DANG, ,LHA RDZAS ROL MO'I SGRA SNYAN PAS, ,MI RTAG TSUL THOS SGRA THOS SHING, , 'JIGS DANG SDUG BSNGAL RNAM PA LAS, ,MI BZAD MYA NGAN DRAG PO'I SGRA, ,NYON MONGS NYAMS BAB THOS PA DAG ,MI DGA'I RNAM PA THOS GYUR NA, ,SKUL MA DRAG POS BSKUL BA BZHIN, ,BYANG CHUB SEMS DPA' MTHU LDAN ZHING, ,KHONG NAS SNYING RJE CHE LDAN TE, ,BRTZON 'GRUS MCHOG NI RTZOM PAR BYED, ,'JIG RTEN SNA TSOGS 'JIG PA YI, ,BDE GSHEGS RNAMS LAS CHOS THOS TE, ,MYA NGAN 'DAS LA MOS PA'I BLOS, ,SEMS CAN DON MANG SGRUB PAR BYED, ,GZHAN SEMS TSUL LA DE MKHAS SHING, ,BAG LA NYAL DANG BSAM SHES PAS, ,YE SHES YO BYAD LDAN PA DE, ,BSOD NAMS MYU GU GSAR YANG BSKYED, ,BSKAL PA BYE BA MANG PO YI, ,SNGON GYI GNAS RNAMS RJES DRAN ZHING, ,'JIG RTEN BSOD NAMS RNAM PA DANG, ,STOBS DANG STOBS MED MTHONG GYUR NAS, ,DE DAG BSAM PA'I TSUL BZHIN DU, ,RDZU 'PHRUL RNAM PAS LUS BSGYUR CING, , SNOD BZHIN STON PAR BYED PAS NA, ,DON YOD RJOD BYED MCHOG TU 'GYUR, ,LA LAR GZUGS MDZES YUN LDAN ZHING, ,NYI MA BRGYA LTA'I 'OD LDAN TE, ,RI MO GSAL BA'I MTSAN RGYAS PA, ,THUB RGYAL MTSAN LDAN SKU MCHOG GIS, ,'GRO BA'I MIG LA BDE SKYID CING, ,YID LA KHYAB PAR SIM BYED PAS,, @231A *, ,RGYAL DBANG MOS PA BYANG CHUB TU, ,BSGRUB PHYIR 'CHI MED STON PAR BYED, ,THUB DBANG ZHI TSUL DPAL LDAN PA'I, ,SPYOD PA RNAM PAR SPYOD BYED CING, ,LA LAR 'DUL DBANG JI BZHIN DU, ,SLOB MA'I TSUL GYIS 'DUL BAR BYED, ,LA LAR LHA DBANG BRGYA BYIN BZHIN, ,LHA YI SPYI BO ZHABS LA THUG ,NOR SBYIN JI BZHIN NOR MANG GTONG, ,LA LAR TSANGS LTAR GZUGS MCHOG 'DZIN, ,LA LAR SPYAN GSUM PHYE BA STE, ,DRI MED ZLA BA'I RGYAN LDAN STON, ,LA LAR LHA MI'I RGYAL PO DANG, ,KLU YI DPAL CHEN KHYER BA STON, ,LA LAR GNOD SBYIN RGYAL PO LTAR, ,RDO RJE 'BAR BA THOGS PA STON, ,YON TAN 'OD LDAN THUB ZLA LTAR, ,LA LAR G-YANG GZHI MTSAN BSTAN STON, ,LA LAR BRGYA BYIN NOR BU YIS, ,BRANG LA 'OD 'BAR MDZES PA STON, ,LA LAR CHU YI LHA GZUGS DANG, ,LA LAR 'DOD PA'I LHA LTAR STON, ,LA LAR BUD MED GZUGS MDZES DANG, ,LA LAR PHO SMOS DGA' BA STON, ,LA LAR BRTUL ZHUGS NOR LDAN TE, ,'DOD LAS 'DOD CHAGS BRAL BA STON, ,LA LAR MI RNAMS YID 'PHROG CING, ,SLOB DPON SLOB MA RGYAL PO BYED, ,LA LAR MTHU CHEN BYIN RLABS KYIS, ,NGAN SONG SDUG BSNGAL RNAM MANG SEL, ,'GRO BA'I DAD PA TSUL BZHIN DU, ,SNA TSOGS SPYOD PA LAS BSTAN ZHING, ,SNYING RJE'I YON TAN RGYA CHE BAS, ,'JIG RTEN PHAN PA GRANGS MED BYED, ,BSAM GTAN 'DI 'DRA'I GNAS THOB CING, ,KHYAD PAR PHUN SUM TSOGS THOB PAS, ,GTER GYI MTSAN MA SLU MED BZHIN, ,KHYAD PAR GONG NAS GONG BRTZON BYA, ,DE LA GNAS 'CHA' YAN BOR CING, ,BRTUL ZHUGS LHOD PA'I TSUL BOR TE, ,DGE BA SPEL PHYIR BRTZON PAR BYA, ,DE LAS BZLOG PA DMAN PAR 'GRO, ,TING 'DZIN RTZOM PA MED PA STE, ,RJES SU BSGRUB PA DKON PAS NA, ,RNAM PAR RGYAL BA 'DOD RNAMS KYIS, ,ZHI BA'I GNYEN PO TSUGS MED BSTEN, ,YID TSUL SPANG BA'I MCHOG GYUR KYANG, ,SA LTAR MI G-YO BRTAN PA YI, ,SA MCHOG MI G-YO MA THOB TU, ,DE LA YID BRTAN G-YO MI BYA, ,MNGON PAR 'DUS BYAS LAM BYAS PA, ,TING 'DZIN BSGRUB PA'ANG 'JIG PAR 'GYUR, ,DE BAS RNAM RTOG RNAM SPANGS TE, , @231B LAM GYI DAM PA BSGOM PAR BYA, ,BDE GTZANG RTAG PA'I RNAM RTOG DAG ,'DUS BYAS SLU BA'I CHOS CAN DU, ,YANG DAG RTOGS PAR SHES BYA STE, ,DNGOS PO'I RNAM RTOG YONGS SU SPANG, ,DMIGS PA CHUNG YANG BYUNG GYUR NA, ,NYON MONGS MDAS GTZAG GZHIR YANG 'GYUR, ,DE 'DRA'I GNOD PA KUN BCIL NA, ,BDUD KYI SPYOD YUL 'DAS PAR 'GYUR, ,GNAS PA'I SKYON DANG LDAN GYUR NA, ,BSAM GTAN RNAM DAG TSUL MI 'GYUR, ,GNAS PA'I RJES 'BRANGS NYAMS PA STE, ,DONG SKAM BCAS ZHES DE PHYIR BRJOD, ,THA SNYAD TSUL DAG 'GRUB DON DU, ,DE NI 'JIG RTEN LAM ZHES BYA, ,YOD DANG MED BYUNG GTANG MED PAS, ,GANG NA'ANG CI YANG SKYE BA MED, ,NAM MKHA'I DBYINGS 'DRA YID LDAN NA, ,SRID PA GSUM GYI GNAS DANG BRAL, ,TSUL 'CHOS BRAL BA'I SPYOD BRTAN LA, ,KHA GSAG MED PA'I TSUL LDAN NA, ,'JIG RTEN SPYOD PA DE BYED KYANG, ,'GRO BA GCIG TU PHAN PA SPYOD, ,SEMS LA DBANG GYUR THOB PAS NA, ,TING 'DZIN STOBS LAS NYAMS PA MED, ,DE THOB YAN CHAD RMAD BYUNG BA'I, ,TING 'DZIN 'BRAS BU MANG LDAN PAS, ,DBYAR DUS RGYA MTSO CHU KLUNG DAG ,CHU GSAR BYUNG BAS SKYE ZHING 'PHEL, ,BSAM GTAN GYI PHA ROL TU PHYIN PA'I LE'U'O,, ,,SBYIN LA SOGS PA'I BSOD NAMS 'DI DAG NI, ,SHES RAB MGON BCAS LHAG PAR MTHU LDAN 'GYUR, ,GSER GYI RGYAN BZANGS RNAM PA SNA TSOGS LA, ,RIN CHEN PHRA BKOD 'OD KYIS GSAL BA BZHIN, ,SO SO'I DON LA DE DAG YON TAN MTHU, ,SHES RAB 'DI NYID RGYA CHEN SGRUB PAR BYED, ,DBANG PO RANG RANG YUL GYI BYE BRAG LA, ,MTHU ZHEN YID KYIS GSAL BAR BSTAN PA BZHIN, ,LUS 'DI SROG DANG BRAL NA MTHU MED CING, ,RANG GI DGOS PA BSGRUB PA MI MDZES PA, ,DE BZHIN SHES RAB MED PAS BLO GYUR NA, ,DON SGRUB 'JIG RTEN DAG NA MDZES PA MED, ,DAD LA SOGS PA'I DBANG PO'I RNAM PA YANG, ,DBANG PO GZHAN LA BLO 'DZIN SHES RAB GTZO, ,DE YI MGON LDAN YON TAN SKYON SHES PAS, ,NYON MONGS ZAD PA'I TSUL LA MKHAS PAR 'GYUR, ,SHES RAB MED NA 'BRAS BU DON GNYER LA, ,SBYIN PA DAG NYID @232A *, ,RNAM PAR DAG MI 'GYUR, ,GZHAN DON BTANG BA SBYIN PA'I MCHOG CES GSUNGS, ,LHAG MA NOR SPEL DON GYI SBYOR BA YIN, ,SHES RAB MI GSAL RNAM PAR BYING GYUR NA, ,BYANG CHUB SEMS DPAS RANG GI SHA BYIN NA, ,SMAN GYI SHING LTAR RNAM PAR MI RTOG PAR, , MTHO 'AM DMA' BAR 'GYUR BA DE LA MED, ,DE BAS 'JIG RTEN 'DAS PA DON GYI GZHI, ,KHRO MED DGA' BAS PHUN SUM TSOGS PA'I SEMS, ,SBYIN PA CHEN POS 'GRO DON BSGRUB MOS PA, ,RGYAL SRAS SA YI DANG PO 'THOB PAR 'GYUR, ,DE LA GNAS PA PHAL CHER BYANG CHUB TU, ,MI 'PHROGS BLO 'CHANG 'KHOR LOS SGYUR BAR 'GYUR, ,SHES RAB MTHUS BSTAN LAM MCHOG BDE BA DES, ,RIM GYIS DRI MED RGYAL SRAS SA YANG THOB, ,DE NAS RANG BZHIN RNAM DAG TSUL 'CHANG ZHING, ,GLING BZHI 'KHOR LOS SGYUR BAR DE 'GYUR TE, ,RGYAL PO KUN GYI SPYI BOS BKA' BLANG ZHING, ,THUB DBANG RGYAL BA BZHIN DU MCHOD PAR 'GYUR, ,DE DAG YAN CHAD 'DOD PA'I LHA RIS DANG, ,'JIG RTEN BYUR BU STONG GNYIS STONG GSUM GYI, ,DBANG PHYUG THOB 'GYUR DE DAG YAN CHAD DU, ,SHES RAB 'OD KYIS RGYU RNAMS SBYANGS PAS 'THOB, ,SHES RAB SNANG BAS MUN PA MA BSAL NA, ,TSUL KHRIMS DAG DANG LDAN PAR DE MI 'GYUR, ,PHAL CHER SHES RAB MED PAS TSUL KHRIMS DAG ,SHES PA'I SKYON GYIS NYON MONGS RNYOG BCAS 'GYUR, ,RANG GI DON DU TSUL KHRIMS MI BSGRUB NA, ,BLO LDAN SRID PA'I BTZON RA'I SKYON MTHONG ZHING, ,DE NAS 'JIG RTEN MA LUS GDON MOS PA, ,SRID PA'I DON DU MI SGRUB SMOS CI DGOS, ,SHES RAB LOG PA'I SKYON GYIS SEMS RNYOG NA, ,BZOD PA'I YON TAN DE LA GNAS CI SMOS, ,LEGS PAR RTOGS LA MI DGA'I TSUL 'CHANG ZHING, ,YON TAN MED PA'I RGYAN LA GRAGS PA BZHIN, ,SHES RAB LDAN PA RNAMS LA GNOD PA DAG ,BZOD PA'I YON TAN YOD PAS GNOD MI 'GYUR, ,SHIN TU DUL BA'I GLANG PO MCHOG RNAMS LA, ,LAS KYI KHYAD PAR RNAM MANG BZOD PA BZHIN, ,BRTZON 'GRUS GCIG PU BYAS PA NGAL BA'I MTHA', ,SHES RAB GROGS KYIS BSTANGS NA DON CHEN 'GRUB, ,BSGRUBS BYAS RJES LA DE YI YON TAN 'THOB, ,DE LAS BYUNG @232B BA'I DUB PA YONGS SU SEL, ,MKHAS PA RNAMS LA PHUL DU BSNGAGS 'GYUR ZHING, ,DE LAS PHRA ZHING ZAB PA GZHAN MED PAS, ,'DOD PA'I SKYON GYIS YONGS SU MA BSGRIBS PA'I, ,YID LAM DRANG POR SHES RAB MED MI 'GYUR, ,DE 'DRA'I BSAM GTAN BDE DGA' MCHOG LDAN PA, , SKYON BSAGS NYES PA CHEN PO GRAGS GYUR PA'I, ,LAM GOL RIGS PA'I TSUL LAS BRTEN PA NI, ,SKYE BO MA RABS YID LA JI LTAR 'GRUB, ,SHES RAB TSUL LA BRTZON MED BLO 'CHANG NA, ,DE YI LTA BA YONGS SU DAG MI 'GYUR, ,DE MED TSUL KHRIMS MI 'DAG DE MED PAS, ,TING 'DZIN MI 'THOB SDUG BSNGAL ZAD MI 'GYUR, ,SHES RAB LDAN PAS SKYON LAS BAG BYED CING, ,YON TAN TSOGS LAS RGYUN DU BDE THOB PAS, ,NYON MONGS 'GRO BA'I DON LA RAB BRTZON ZHING, ,YON TAN TSOGS KYI BDE BA'I LAM DU 'JUG ,YANG DAG RTOGS PAS TING 'DZIN 'THOB PAR 'GYUR, ,NGAG YID LUS RNAMS RNAM PAR DAG PA 'GRUB, ,DE PHYIR SKYON MED MTHU DANG LDAN GYUR PA, ,'JIG RTEN PHAN PA PHUN SUM TSOGS LA 'JUG ,SBYIN PAS CI 'DOD YID BZHIN SGRUB PA BYED, ,TSIG SNYAN BDUD RTZI SHIN TU GSAL BA DANG, ,RGYU MED MTHU DANG LDAN PA'I SDOM PA YIS, ,GZHAN GYI DON LA MNYAM PAR KUN DU SPYOD, ,DON LA THUN MONG YANG DAG BSTAN BYAS SHING, ,BYAMS PAS DE DAG YID NI DBANG BSKUR TE, ,SHES RAB STOBS KYIS 'KHOR LO THOGS MED DE, ,MYA NGAN 'DAS BA'I BDE LA 'GOD PAR BYED, ,SHES RAB SNGON 'GRO MTHU CHEN 'DI DAG GIS, ,BYIN GYIS BRLABS SHING YONGS SU BSRUNGS PAS NA, ,MTSO MED NGAN 'GRO 'CHI DANG SMAD PA DANG, ,DOGS PA'I STOBS KYIS 'JIGS PA NYER MI 'ONG, ,'JIGS PA THAMS CAD SKYON LAS BYUNG BA STE, ,SHES RAB SKYON DANG LHAN CIG MI 'GROGS PAS, ,STON GYI NAM MKHA'I SPRIN TSOGS MED PA LA, ,NYI 'OD GSAL BA MUN DANG MI 'GROGS BZHIN, ,NYI MA 'OD CHEN SHAR BAR GYUR BZHIN DU, ,'GRO BA'I RGYUD RNAMS MUN NAG GANG 'GEBS PA, ,SHES RAB 'OD KYI MTHU CHEN 'BYUNG BAS NA, ,THAMS CAD GSAL @233A *, ,'GYUR MING TZAM 'BA' ZHIG LUS, ,GANG LA SHES RAB 'OD CHEN SHAR GYUR PA, ,DE LA BYA BA'I LHAG MA LAS PA MED, ,BSKAL PA'I MES BSREGS 'JIG RTEN GSAL BA'I TSE, ,BSREG BYA'I LHAG MA YOD PAR BRJOD MED BZHIN, ,SNANG BA THAMS CAD GCIG TU 'DUS GYUR KYANG, ,SHES RAB 'OD LA BSKRUN DU NYER MI 'GRO, ,DE BAS KHE CHEN DE LAS MCHOG GZHAN MED, ,YONGS SU MNYAM PA MED PAR 'ANG GZHAN MED DO, ,SHES RAB TSUL BRTZON BSLAB PA BDE TSUL DU, ,YONGS SU RDZOGS 'GYUR TSUL KHRIMS ZHI BAR 'GYUR, ,DE BAS RANG GI MTHU RNAMS KUN GTUGS TE, ,DE 'DRA'I SHES RAB TSUL LA BRTZON PAR BYA, ,PHUNG PO KHAMS DANG SKYE MCHED RGYU DAG DANG, ,BDEN PA'I GNAS LA SOM NYIR MI 'GYUR ZHING, ,DUS GSUM DE 'DRAR BSDUS PA'I RIGS PA NI, ,SHES RAB SHIN TU SBYANGS PA'I YUL 'JUG YIN, ,SHES RAB DAG SBYANGS SPYOD PA'I RNAM PA DAG ,YID CHES DKA' ZHING YON TAN SNANG LA YANG, ,SKYI G-YA' NGO MTSAR THOB PA'I DBANG GYUR PAS, ,RGYAL SRAS GRAGS PA CHEN POS KHYAB PAR 'GYUR, ,SHIN TU MTHU 'BAR SHES RAB STOBS KYI PHUL, ,BDUD DANG DPUNG BCAS TSOGS KYIS BZOD MI NUS,, SHES RAB 'OD KYIS DE DAG MIG RMONGS PAS, ,DE DAG MGO 'DEGS LTA BAR MOS PA MED, ,'DOD PA'I LTAS 'PHANGS MDA' LA MGO THUB PA'I, ,SHES RAB GO CHA SEMS KYIS BRTAN BGOS NA, ,GZUGS LA SOGS PA'I DMAG MANG TSOGS KYI RNAMS, ,GCIG PU 'JIGS MED ZIL GYIS MNAN CING 'GRO, ,MI BRTAN DANG TSUL 'JIGS SHING RTABS PA'AM, ,GLEN PA'I NGANG TSUL MYA NGAN 'DZIN PA'AM, ,MTHU ZHAN SEMS LA RTZA BA ZUG GYUR PA'I, ,KHRO DANG CHAGS DANG DMAN ZIL GNON PA'AM, ,PHAN BYED RNAMS LA 'JUNGS PA'I DRI MA DAG ,'DOD CHAGS LDAN LA RTEN 'CHA' RGOD PA'AM, ,GZI BRJID MTHU CHUNG LE LO'I BSAM PA DANG, ,SHIN TU G-YENG BAS MA ZHI 'CHAR TSUL DAG ,SO SO'I RKYEN GYI BSAM PA THIBS PO LA, ,GNAS 'CHA' NYES PA'I RNAM PA DE DANG DE, ,'GRO LA PHAN DON DAM BCAS SHES RAB CAN, ,SHES RAB CHEN POS MA @233B LUS YONGS SU SEL, ,SKYON BRAL BRTAN ZHING NGANG DES DE MKHYEN NAS, ,DGA' BDE SKYID PHYIR LEGS PAR DE GZIGS SHING, ,DBANG BSKUR BDUD RTZI SHIN TU SIM BYED PAS, ,THUB DBANG RNAMS KYIS DE NI DBANG YANG BSKUR, ,BDE GSHEGS MDZOD SPU MTSAN RAB THON PA YI, ,'OD CHEN ZLA BA GSAL BZHIN SIM BYED PAS, ,RGYAL SRAS DE YI MGO NAS DBANG BSKUR NA, ,MCHOD SBYIN ME LA MAR KHUS BLUGS LTAR MDZES, ,CHOS RGYAL RGYAL TSAB THABS DE THOB GYUR NA, ,PHYOGS BCU KUN DU SPRUL PA'I LUS BKYE ZHING, ,SPRIN CHEN CHAR GYI RGYUN GYIS RDUL BSAL BZHIN, , 'JIG RTEN SDUG BSNGAL LHUN GYIS GRUB PAR SEL, ,RGYAL SRAS MTHU MCHOG DE 'DRA RMAD BYUNG DAG ,THAMS CAD SHES RAB DE YI MTHU LAS BYUNG, ,BU LA BYAMS PA'I MA 'DRA SHES RAB LAS, ,DE 'DRA'I PHUN SUM TSOGS 'BYUNG CI MTSAR GYI, ,BDE GSHEGS STOBS BCU STOBS KYI PHUL BYUNG BA; ,MTSUNGS MED MCHOG TU BYA BA THAMS CAD DANG, ,YON TAN TSOGS GZHAN MA LUS THAMS CAD KYANG, ,DE 'DRA'I SHES RAB RGYU LA BRTEN ZHING 'BYUNG, ,'JIG RTEN DAG NA SGYU RTZAL GTER MCHOG DANG, ,GTZUG LAG MIG 'DRA CI SNYED YOD PA DANG, ,YONGS SU SKYOB BYED BLO DANG SNGAGS LA SOGS, ,RNAM BKOD CHOS KYI KHYAD PAR THA DAD DANG, ,RNAM GRANGS RNAM MANG RNAM THAR SGO DAG DANG, ,'JIG RTEN PHAN PA'I RNAM PA DE DANG DES, ,RGYAL SRAS MTHU CHEN RNAM PAR STON BYED PA, ,DE DAG THAMS CAD SHES RAB MTHU LAS 'BYUNG, ,DBANG PO'I YUL RNAMS LHA RDZAS 'DRA BDOG PA'I, ,RGYAL SRID CHE LDAN BYANG CHUB SEMS DPA' DAG ,RANG BZHIN TSUL MIN 'GYUR BA MED PA YANG, ,SHES RAB YON TAN BLON PO LDAN PA'I MTHUS, ,GZHAN LA PHAN BYED RO GCIG BYAMS PA LA, ,'DOD CHAGS 'GO BA YONGS SU SPANG BA DANG, ,GZHAN GYI SDUG BSNGAL MI BZOD SNYING RJE LA, ,MYA NGAN KHUR GYI LE LOS MI DMA' DANG, ,DGA' MCHOG DANG LDAN YANG DAG G-YENG MED DANG, ,'GRO DON MI G-YEL BTANG SNYOMS CHEN PO DANG, ,YON TAN DE DANG DE DAG GNYEN PO'I LAM, ,SHES RAB CHEN POS BKAG PAS RNAM PAR MDZES, ,BSAM PA BAG LA NYAL LA @234A *, ,BKA' BRTZAN PA'I, ,SHES RAB NYI 'OD 'BAR LTAR DE MED NA, ,SU ZHIG YUN RING 'JIG RTEN RKYEN 'BYUNG BA'I, ,RANG BZHIN TSUL GYUR MUN NAG SEL NUS YOD, ,BRTAN 'OS BLA MA RIM GRO BSNYEN BKUR TE, ,SHES RAB BSGRUB PHYIR THOS PA BTZAL BAR BYA, ,RNAM PA SUM CU GNYIS KYIS SHES BYA STE, ,YANG DAG MNYAM GZHAG YID KYIS RNAM PAR SEL, ,THOS NYUNG DMUS LONG BSGOM PA'I TSUL MI SHES, ,DE MED DES KO CI ZHIG BSAM PAR BYA, ,DE BAS THOS LA BRTZON BYA DE RGYU LAS, ,BSAMS BZHIN BSGOMS PAS SHES RAB YANGS PA 'BYUNG, ,DRI MA RTZOD MED SGO DANG BRTAN PA DANG, ,DON TSOL RTOGS PA'I MTHU YOD RTOGS PA DANG, ,BSAM GTAN DE YI YON TAN SKYED PA BAS, ,SHES RAB BSGRUB LA MNGON PAR BRTZON PAR BYA, ,SHES RAB THOB PA'I TSUL LA THABS KYI MDO, ,BSAM GTAN DE DON NGES PA'I THOS MANG BA, ,YON TAN TSOGS RGYU SHES RAB SNANG BA NI, ,GNYIS PO DE LAS GTZUB SHING ME LTAR 'BYUNG, ,MKHAS PA'I SKYE BOS SPYOD PA'I LAM BSTEN TE, ,GTI MUG RGYUR GYUR THIBS PO SPANG BAR BYA, ,DE BSGRIBS GYUR NA ZLA BA SHAR GYUR KYANG, ,CHAR SPRIN CHER BSGRIBS MI SNANG MTSUNGS MI SNANG, ,LE LO SNYOM DANG RTEN NGAN BRTEN PA DANG, ,GNYID KYI DBANG GYUR MI RTOG NGANG TSUL DANG, ,THUB PA'I YE SHES MCHOG LA MOS MED DANG, ,LOG PA'I NGA RGYAL NON PAS DON 'DRI DANG, ,DMA' SEMS NGAG LA ZHEN PAS BYUNG BA'I RGYUS, ,MKHAS PA'I SKYA BO BSTEN PAR MA DAD DANG, ,LOG PA'I RNAM RTOG DUS TSE LOG LTA DAG ,GTI MUG RGYU YIN DE BSAL GNYEN PO NI, ,PHUNG PO KHAMS DANG SKYE MCHED BDEN PA DANG, ,RIG PA DAG DANG RGYU BYUNG TSUL BRTAG DANG, ,CHOS LA MKHAS PA'I RNAM PA DE DAG NI, ,SHES RAB THABS KYI YUL BRGYAD RNAM PA YIN, ,GZUGS RNAMS DBU BA'I TSOGS 'DRA SNYING PO MED; ,TSOR BA RNAM GSUM CHU YI CHU BUR TSUL, ,'DU SHES 'DOD PA'I YON TAN ZHUGS PA NI, ,SMIG RGYUS RI DAGS SLU BZHIN BYIS PA SLU, ,'DU BYED RNAM PA CHU SHING RANG BZHIN 'DRA, ,SGYU MA'I TSUL LAS RNAM SHES GTAD PA MED, ,DE LA BRTEN ZHING RO 'DRA'I LUS 'DI NYID, ,RNAM MANG BSKYOD @234B CING LAM RGYUD KUN DU 'KHYAM, ,BDAG DANG BDAG GI 'DI LA GANG YANG MED, ,MI GTZANG SNA TSOGS 'DUS PA'I TSOGS 'DI STE, ,RANG DBANG YOD LTAR 'KHRUL 'KHOR BYAS PA BZHIN, ,SEMS CAN 'DU SHES BYIS PA SLU BA BYED, ,MIG 'DI SKAD CIG 'JIG STE BDAG MA YIN,, MIG LDAN DE MIN MIG LA BDAG KYANG MED, ,BDAG LA MIG MED SKYE MCHED LHAG MA YANG, ,DE DANG TSUL 'DRA GTAD MED BDAG GI MED, ,LUS LA GNAS PA'I KHAMS DANG PHYI ROL KHAMS, ,MTSAN NYID MI MTSUNGS 'GAL BA GANG YANG MED, ,RNAM SHES KHAMS KYANG MI RTAG BDAG MA YIN; ,DE LAS GZHAN YANG NAM MKHA'I ME TOG BZHIN, ,DE LTAR 'DI NI SRED RMONGS YID LDAN LA, ,SDUG BSNGAL 'BA' ZHIG BYUNG BAR GYUR PA YIN, ,SRED DANG BRAL NA ZHI BA'I MCHOG THOB STE, ,TSUL KHRIMS TING 'DZIN SRED SEL LAM YANG THOB, ,DE DANG DE DAG RTEN 'BREL BYUNG BA ZHES; ,LTA BA RNAM DAG YOD MED GNYIS MI DMIGS, ,'GRO BA 'DI DAG DE LA SBYU LTAR SNANG, ,DE PHYIR BDE LA SOGS PAS 'GYUR MED BSTAN, ,'DAS GYUR BYUNG GYUR RTOG PA LOG LTA STE, ,BYUNG GYUR GANG YIN SRID LAS BDE 'GYUR ZHES, ,DE LTAR 'DAS PA'I YUL LA 'DOD BRAL ZHING, BYUNG DANG 'BYUNG BAR 'GYUR BA SMON PA MED, ,SDUG BSNGAL TSU GYIS MNGON PAR MI BDE ZHING, ,MI BZAD MIG PHYE MNGON PA'I TSUL YOD NA, ,DE DAG DON BSGRUB PHONGS DOR TSUL BSAMS SHING, ,SHES LDAN SU ZHIG DGAR GNAS SLA SNYAM SEMS, ,DE LTAR RNAM GROL BLO LDAN SNYING RJE CAN, , 'GRO BA MGON MED NYON MONGS GZIR MTHONG NA, ,THAMS CAD BYANG CHUB MCHOG LA MA BKOD DU, ,DMA' LAS BYAMS BTANG MYA NGAN 'DAR MI MOS, ,'JIG RTEN DON SGRUB TSUL LA MTHU MED PA'I, ,THEG PA GNYIS PO GTAN DU SPANG BYAS SHING, ,THUB RGYAL THEG PA SNYING RJES BSTAN PA'I LAM, , GZHAN PHAN RO GCIG RANG BZHIN DE DAG 'JUG ,DMA' 'OS TSUL LA LEGS PA'I BLO MI GZHOL, ,CHE LA CHE MIN NAM YANG GNAS MI 'GYUR, ,GTZANG MA'I RANG BZHIN GTZANG DANG RTAG TU 'BREL, ,GZHAN YANG MTHUN DANG MTHUN GYUR CHOS NYID TSUL, ,BDE DANG MI BDE RMI LAM 'DRAR 'BRANGS SHING, , @235A *, ,GTI MUG SKYON GYIS DMA' BA'I 'GRO MTHONG NA, ,LAS KYI DAM PA GZHAN DON DGA' BOR ZHING, ,RANG GI DON LA DE KO CI STE BRTZON, ,GANG ZHIG 'JIG RTEN PHAN PHYIR KUN SPYOD CING, ,MNGON PA'I NGA RGYAL BDAG LTA YONGS SPANGS TE, ,KUN LA BYAMS PAS MI GNYIS LAM RGYU BA, , DE NI MYA NGAN 'DAS KYANG 'JIG RTEN SPYOD, ,SHES RAB RNAM DAG MNGON SGRUB THEG PA'I MCHOG ,THUB CHEN THAMS CAD MKHYEN NYID DE LAS 'BYUNG, ,DE NI 'JIG RTEN RNAMS KYI MIG BZHIN TE, ,'OD LDAN NYI MA SHAR BA'I 'OD DANG 'DRA, ,'KHOR BA'I SKYON GYI KHUR GYIS NGAL CHAD KYANG, ,SHES RAB RNAM PAR DBYE LA SKYON MED PA, ,DE NI SANGS RGYAS LEGS BSGRUB THEG PA LA, ,BDAG NYID YONGS SU SKYO BAR 'GYUR BA MED, ,BDE GSHEGS MTHU CAN RMAD BYUNG MTHONG 'GYUR BAS, ,YAN LAG THAMS CAD SPU G-YO DGA' GYUR CING, ,DE BSGRUB THEG PA'I DAM PA SPONG BYED PA, ,G-YO SGYU SPYOD MIN RGYU NI GZHAN MED DO, ,BDUD KYI 'KHRUG PAS MA NON SU ZHIG KO ,DKON MCHOG GSUM GYI 'BYUNG GNAS THEG PA STE, ,GNOD PA'I MDA' 'BYIN BDE GSHEGS THEG PA LA, ,SMOD PAR SU BYED DE NI 'GRO BA'I SGRA, ,SHES RAB MIG ZUMS 'GROS 'KHYAR GYUR PA LA, ,'JIG RTEN DON SGRUB RGYAL BA'I RGYAL RIGS NA, ,SNYING RJE MI SKYED SKYES BU GANG ZHIG YOD, ,DE DAG RMONGS BSAL BRTZON 'GRUS SU MI RTZOM, ,SHES RAB KYI PHA ROL TU PHYIN PA'I LE'U'O,, ,,PHA ROL TU PHYIN PA BSDUS PA A'ARYA SH'UR RAS MDZAD PA RDZOGS SO,, ,,LO TZ'A BA A'A TZ'A RYA BEE RO TZA NA RA KshI [?] TAS BSGYUR BA'O,, , #, ,RGYA GAR SKAD DU, YA TI KARMI BH'U MI KA RI PA RI, BOD SKAD DU, LAS DANG PO PA'I SA SBYANG BA, ,SANGS RGYAS LA PHYAG 'TSAL LO, ,NYI MA LTA BUR GZI LDAN SKU, ,SANGS RGYAS ZHABS LA PHYAG 'TSAL TE, ,LAS NI DANG PO PA YIS, ,SBYANG BA 'DIR NI BSHAD PAR BYA, ,LAM MA SBYANGS PA'I NYES PA DANG, ,LAM GYI SBYANG BA GANG ZHE NA, ,LAM MA SBYANGS PA'I SKYE BO DAG ,BYES BGROD NGAL DUB TSA GRANG DANG, ,LCI DANG RTZUB DANG SKYO BA DANG, ,BKRES SKOM GDUNG SHING BRNYAS PA DANG, ,'JIG DANG YI MUG NYAMS SU MYONG, ,MYA NGAN 'TSOR 'GRIB BCAS PA DANG, ,KHA CIG SPYI'U TSUGS DMYAL BA @235B DANG; ,DUD 'GRO YI DAGS RNAMS SU BSTEN, ,NOR DANG BZA' BTUNG GRAGS PA DANG, ,'DOD PAS BYES 'GROD SDUG BSNGAL CAN, ,RE BA 'BRAS BU MED PA DANG, ,SDUG DANG BRAL DANG MI SDUG PHRAD, ,MI BZAD NA RGAS 'DZOMS BZHIN DU, ,'CHI BDAG DRUNG DU MYUR 'GRO BA, ,MA TSOR GA ZHAR BCAS SHING BRTZE, ,TSE 'DI DON MED MYUR DU 'DA', ,YANG DANG YANG DU SKYE BA YI, ,'KHOR BA'I NYES PA GRANGS MED BSTEN, ,KYI HUD LAM LAS NYAMS PA YI, ,SKYE BO DAG NI NYAM NGAR GNAS, ,MI BZAD MYA NGAN 'BROG DGON DU, ,LAM GOL GYUR PA DAG DANG MTSUNGS, ,MIG LDAN LAM LOG 'GRO BA LTAR, ,LAM LAS NYAMS PA'I SKYE BO SMAD, ,DE LA LAM SBYANGS PA GANG ZHE NA, ,'DIR LAS DANG PO PA'I SA NI LAM GYI DANG PO STE, ,DE SBYANG BA NI DBYE BA RNAM PA DU MA DANG LDAN PA'I DKON MCHOG GSUM LEGS PAR SHES NAS PHYAG 'TSAL BA DANG, RGYA CHER MCHOD PA DANG, YON TAN BRJOD PAS BSTOD PA DANG, SNYING THAG PA NAS SKYABS SU 'GRO BA DANG, RJES SU DRAN PA BSGOMS PAS BSLAB PA LA SLOB PAS SKYABS PHUN SUM TSOGS PA YIN, MI DGE BA BCU'I NYES PA SHES PA DANG, DGE BA BCU'I YON TAN SHES PA DANG, DGE BA BCU'I SDOM PA LEN PA DANG, BLANGS PA SLAR MI GTONG BA DANG, LAN 'GA' NYAMS NA YANG CHOS BZHIN DU SLAR 'CHOS PAS SDOM PA LA GNAS PA YIN, BYANG CHUB SEMS KYI PHAN YON LEGS PAR SHES PA DANG, DE SKYE BA'I RGYU LA GNAS PA DANG, SEMS DE YANG DAG PAR BSKYED BA DANG, ,BSKYED PA'I MI MTHUN PA'I PHYOGS RING DU SPONG BA DANG, SEMS DE 'PHEL ZHING MI BRJED PA'I CHOS LA GNAS PAS BYANG CHUB KYI SEMS LA GNAS PA YIN PAS, DE LTAR CHOS RNAM PA GSUM LA RNAM PA BCO LNGAR PHYE BA 'DI NI 'DIR SA SBYANG BA'I GZHI DANG, RTEN DANG, GNAS ZHES BYA'O, ,DE GZHI DE LTA BU LA BRTEN NAS, LAM GYI DNGOS GZHI GANG, JI LTAR SBYANG ZHE NA, GZHI DE DAG LA LEGS PAR GNAS PAS 'JUG PA BYANG CHUB KYI SEMS BLANG BA BYAS NAS, JI LTAR BLANGS PA'I SDOM PA LAS MI 'DA' BAR BYAMS PA TSAD MED PA BSGOM PA DANG, DRAN PA NYE BAR GZHAG PA BZHI BSGOM ZHING, @236A *, ,YANG DAG PAR SPONG BA BZHI LA GNAS PAR BYA STE, 'DI NI LAS DANG PO PA'I SA'I DNGOS GZHI YID LA BYA BAS, RIM GYIS 'PHAGS PA'I BDEN PA LA 'JUG PAR BYA'O, ,DE YANG DRAN PA NYE BAR GZHAG PA DANG, YANG DAG PAR SPONG BA BZHI GRUB NAS, TING NGE 'DZIN GYI NGO BO RDZU 'PHRUL GYI RKANG PA BZHI LA GNAS PA NA, SA DE NYID KYI KHYAD PAR THAR PA'I CHA DANG MTHUN PA'I DGE BA'I RTZA BA BSKYED PA YIN TE, BDAG DANG GZHAN GYI 'BYOR PA DANG, ,'DUN DANG TSUL KHRIMS DBANG PO DANG, ,DE BZHIN ZAS DANG MI NYAL DANG, ,SHES BZHIN DU NI MI SPYOD DANG, ,DE BZHIN DGE BA'I BSHES GNYEN DANG, ,DAM CHOS NYAN DANG SEMS PA DANG, ,BAR CHAD MED DANG GTONG BA DANG, ,DGE SBYONG BRGYA NI THA MA YIN, ,DAD LDAN G-YO MED NAD NYUNG DANG, ,BRTZON 'GRUS SHES RAB 'DOD CHUNG DANG, ,CHOG SHES GSO SLA DGANG SLA DANG, ,SBYANGS DANG MDZES DANG DROD RIG DANG, ,SKYES BU DAM CHOS MKHAS RTAGS DANG, ,BZOD DANG DES DANG GYA NOM PA'O, ,ZHES BYA BA'I YON TAN DANG LDAN LA, DE LAS GZHAN PA THEG PA CHEN PO'I TSOGS LAM GYI KHYAD PAR LUS LA DBANG BA LA SOGS PA DANG, SNYING RJE CHEN PO'I SGO SNGON DU GYUR PAS SDUG BSNGAL BA MTHONG BA NA RANG DBANG MED PAR MCHI MA'I RGYUN 'BAB PA LA SOGS PA 'BYUNG NGO, ,DE LTAR BYANG CHUB SEMS DPA'I SDOM PA DANG, BYAMS PA'I TING NGE 'DZIN DANG, DRAN PA NYE BAR GZHAG PA DANG, YANG DAG PAR SPONG BA DANG, RDZU 'PHRUL GYI RKANG PA BZHI PO SNGA MA'I RTEN DANG BCAS PA 'DI NI, TSOGS KYI LAM DANG, LAS DANG PO PA'I SA DANG, DAD PA'I SA ZHES BYA'O, ,DA NI 'DIR NYIN MTSAN GYI CHA LAS YANG DAG PAR SPONG BA BZHI LA GNAS PAS LAM SBYANG BA BRJOD PA, THO RANGS MAL NAS LANGS NAS NI, ,BZHI GSUM DRAN PAS BRTUL ZHUGS MCHOG ,BDAG GZHAN BRJE DANG 'JIG RTEN GYI, ,CHOS BRGYAD MNYAM PAR MOS PA BSKYED, ,DE NAS YID NI BSDUS PA YI, ,KYE MA SEMS CAN BDE 'GYUR BSAM, ,DE NAS LUS DANG TSOR BA DANG, ,SEMS DANG CHOS NI MI GTZANG DANG, ,SDUG BSNGAL MI RTAG BDAG MED CES, ,PHYIN CI LOG BZHI'I GNYEN PO BSGOM, ,RE RE'AM YANG NA RIM GYIS KYANG, ,NAM @236B LANGS BAR DU 'BAD PAS BSGOM, ,GANG ZHIG LUS CAN GROL 'GYUR BA'I, ,LAM GYI DANG PO 'DI NYID YIN, ,DE NAS NAM NI LANGS PA DANG, ,CI RIGS GTZANG SBRA BYAS NAS NI, ,MCHOD RTEN PHYAG 'TSAL MAndAL BYA, ,SDIG BSHAGS LA SOGS RGYAS BYAS TE, ,LHAG PAR SKYABS SU 'GRO BA DANG, ,BYANG CHUB SEMS NI BRTAN PO BSKYED, ,CI RIGS BSKOR BA BYAS NAS NI, ,BLA MA DANG NI RGAN PO DANG, ,CHOS SMRA BA LA'ANG PHYAG BYAS TE, ,'DZUM ZHING SNYAN PAR SMRA BA DANG, ,DE DAG DGOS PA 'BAD DE BSGRUB, ,BAR DER DUS NI NYER GNAS NA, ,CHOS BSHAD LA SOGS SEMS CAN DON, ,RANG BDE BTANG LA 'BAD PAS BSGRUB, ,KHYE'U SUS LA SOGS ZAS LA SPYOD, ,DKON MCHOG SPRIN LAS GSUNGS PA BZHIN, ,CHA BZHIR BGOS TE BZA' BAR BYA, ,LHAG PAR PHONGS LA BZA' BTUNG BGO ,SNGA DRO YI NI DUS DAG TU, ,BRI DANG KLOG PA LA SOGS PA'I, , CHOS SPYOD BCU LA 'BAD PA'AM, ,TSA TSA BYA'AM 'GRO PHAN GDAGS, ,DUS KYI DAM PA SNGA DRO NI, ,DON MED 'DA' BAR MI BYA'O, ,NYI MA'I GUNG LA BYAMS PA DANG, ,DRAN PA NYER GZHAG CUNG ZAD BSGOM, ,DE NAS YANG NI PHYAG 'TSAL SOGS, ,SNGA MA BZHIN DU RGYAS PAR BYA, , PHYI DRO SKYE BO DAM PA DANG, ,'GROGS SHING NGAL SO BDEN DON LA, ,'GRO ZHING SRID LAS YID 'BYUNG BA'I, ,LEGS BSHAD RO NI MYANG BAR BYA, ,PHYI 'PHRED SLAR YANG SNGA MA BZHIN, ,ZHI GNAS LHAG MTHONG BSGOM PA DANG, ,MCHOD RTEN PHYAG 'TSAL LA SOGS BYA, ,DMAR THAG CHAD NAS MTSAN MO NI, ,BLA MA'I BSNYEN BKUR TSUL BZHIN BYA, ,RANG GI RKANG PA BKRUS NAS NI, ,ZHI GNAS LHAG MTHONG BSGOM PA'AM, ,DON CHEN LDAN PA'I KHA TON BYA, ,NAM GYI CHA STOD 'DAS PA DANG, ,TSUL BZHIN YID LA BYED PA YIS, ,RIGS PA BZHIN DU NYAL BAR BYA, ,NYIN BAR DANG NI MTSAN MO YANG, ,LAG BZANGS KYIS NI ZHUS PA DANG, ,RIN CHEN PHRENG BA LAS BSHAD LTAR, ,SNA TSOGS DGE BA'I PHYOGS LA 'BAD, ,DE NAS TSE 'DI NYID LA YANG, ,DROD LA SOGS PA THOB PAR 'GYUR, ,DE LTAR THOS PA DANG BSAM PA LA GNAS PAS TSOGS KYI LAM PHAL PA DANG KHYAD PAR CAN SBYANG @237A *, ,NGO; ,DE LAS GONG DU BSGOM PA LA BYANG BAS MOS PAS SPYOD PA'I SA DAG LA DBANG PO DANG STOBS KYI BDEN PA DAG BSGOMS PA'I SA SBYANG BA NI DKON MCHOG SPRIN LA SOGS PAR BLTA ZHING, RAB TU DGA' BA LA SOGS PA'I SA SBYANG BA NI SA BCU'I LAS BSTAN TO, ,RGYAL BA'I SRAS KYI SA YI DANG PO PA, ,TSOGS KYI SA STE DE SBYANGS MDOR BSDUS PA, ,CUNG ZAD BSHAD LAS DGE BA GANG THOB PA, ,DES NI 'GRO RNAMS DAG PA'I SA THOB SHOG ,LAS DANG PO PA'I SA SBYANG BA ZHES BYA BA SLOB DPON MKHAS PA CHEN PO BYANG CHUB SEMS DPA' DGRA LAS RGYAL GSANG BA'I ZHAL SNGA NAS MDZAD PA RDZOGS SO,, ,,RGYA GAR GYI MKHAN PO KRishna [?] PA DANG, ZHU CHEN GYI LO TZ'A BA DGE SLONG CHOS KYI SHES RAB KYIS BSGYUR CING ZHUS TE GTAN LA PHAB PA,,#, ,RGYA GAR SKAD DU, BO DHI STVA TZRYA SU TRI KRi TA PA B'A RA; BOD SKAD DU, BYANG CHUB SEMS DPA'I SPYOD PA MDO TZAM GDAMS NGAG TU BYAS PA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,NGES PAR LEGS PA'I BYANG CHUB DANG, ,MNGON PAR MTHO BA THOB 'DOD PAS, ,DKON MCHOG GSUM LA LHAR BZUNG NAS, ,DANG PO SNYING RJE KUN LA LTA, ,DE NAS BYANG CHUB SEMS BSKYED DE, ,THABS DANG LDAN PA'I SPYOD PA YIS, ,RANG GI SEMS NYID DANG POR GDUL, ,DANG PO RANG NYID MA 'DUL BAR, ,GZHAN DAG GDUL BAR JI LTAR NUS, ,JI LTAR 'DAB GSHEG MA TSANG BA'I, ,BYA YIS MKHA' LA 'PHUR MI NUS, ,DE BZHIN LTA SPYOD MED PA YI, ,GANG ZAG DAG NI JI LTAR GROL, ,DE PHYIR DE GNYIS 'GRUB PA'I PHYIR, ,DKA' BA'I 'BAD PA CHEN POS BYA, ,DKA' BAS SBYANG BA MA BYAS PAR, ,SLA BAS GOMS PAR JI LTAR 'GYUR, ,GO BGOS KHUR KHYER RGYAL SRAS DES, ,DGE BA'I BSHES GNYEN BSTEN BYAS TE, ,SHES RAB GSUM LA GZHI BCAS NAS, ,GO 'PHANG MCHOG TU 'GRO BA YI, ,LTA BA NYID LA GTZOR SBYANGS TE, ,TSUL KHRIMS GTZANG MA'I GOS GYON NAS, ,SGRUB LA NAN TAN GCES SU BYA, ,CHOS KYI RJES SU BSGRUB PA'I PHYIR, ,DUS DANG GNAS SKABS KUN DU YANG, ,SBYOR BA DNGOS GZHI @237B RJES GSUM GYI, ,LAS RNAMS DRAN PAS ZIN PAR BYA, ,SKYON SPANGS LEGS SGRUB DON YOD BYA, ,SPYOD LAM DON MED DU MI BYA, ,RTAG TU RANG GI YON TAN SBYANGS, ,DGE BA'I PHYOGS KYI SBYOR BA LA, ,SPRO BYA ZHUM DANG SEMS MI GSAD, ,NYES SPONG YON TAN DGE 'PHEL BA'I, ,GROGS BTZAL MTHUN PAS DE SEMS BZUNG, ,YON TAN CAN LA GUS PHYAG BYA, ,NYON MONGS SKYE 'GRO THABS KYIS SPANG, ,MTHO DMAN GROGS KUN DAG LA YANG, ,CHU LAS 'O MA LEN PA BZHIN, ,NYES PA DOR LA LEGS PA BLANG, ,BYAS PA DRIN GZO SLAR PHAN GDAGS, ,GZHAN GYI SDIG RKYEN MI BYA ZHING; ,DGE BA'I BAR CHAD MI BYA'O, ,MTHO LA PHUN TSOGS PHRAG DOG MED, ,GROGS DANG DMAN LA BRNYAS THABS DANG, ,KHYAD DU GSAD PA NYID MI BYA, ,RANG SKYON GZHAN GYI YON TAN BSGRAG ,GZHAN SKYON MI GLENG RANG MI BSTOD, ,'DI BAS PHYI MA GTZOR GZUNG STE, ,BYED DGU CHOS DANG BSTUN TE BYA; ,'DI YI ZANG ZING RNAM SPANGS TE, ,'PHAGS PA'I NOR GYIS LUS BRGYAN BYA, ,SDUG BSNGAL DAG LA BDER MI BZUNG, ,GNYID RMUGS LE LO G-YENG SPANGS TE, ,NGES PAR 'CHI BA'I DUS SHES BSKYED, ,DGE BA CHUNG YANG 'BAD PAS BSGRUB, ,SDIG PA CHUNG YANG RNAM PAR SPANG, , CHOS KYI CHED DU MA GTOGS PAR, ,KHA ZAS GOS SOGS DON MI GNYER, ,'DOD PA CHUNG DANG CHOG SHES BYA, ,'JIG RTEN CHOS BRGYAD RNAM PAR SPANG, ,NGO DGA' GZHOGS SLONG SOGS MI BYA, ,RANG LA SKYON YOD MI TSOR BAR, ,GZHAN GYI SKYON LA DPYAD MI BYA, ,SMA DGA' KHAS LEN DPA' BYAS NAS, ,DE BZHIN MI SGRUB SPANG BAR BYA, ,G-YO DANG SGYU DAG MI BYA ZHING, ,LOG PA'I 'TSO BA RNAM PAR SPANG, ,CHOS DANG MTHUN PAS BSGRUB PAR BYA, ,NYE DU 'BREL BA LA SOGS LA, ,ZHEN PAR CHAGS PAR MI BYA ZHING, ,PHYOGS RIS ZHEN PHYOGS MED PAR BYA, ,GZHAN LA RE BA CHUNG BAR BYA; ,MI DGE'I LAS LA MI BSTOD SMAD, ,DGOS PA MED PA'I 'DU 'DZI SPANG, ,BRE MO'I GTAM LA DGA' MI BYA, ,ZHES PAS 'DOD PA'I YID SMON DGAG ,YON TAN THOB DANG TSOGS 'PHEL BA'I, ,LAS LA ZHUM DANG NGO TSA SPANG, ,NGA RGYAL KHENGS PA GNYEN POS GZHOM, ,ZHE GDUG KHENG @238A *, ,GRAGS RNAM PAR SPANG, ,DNGOS DANG BRGYUD PAS SEMS CAN KUN, ,NYE DU 'BREL BAR GYUR PA NA, ,LUS NGAG YID GSUM DRI MED PAS, ,DE DAG KUN LA BU BZHIN BLTA, ,SNYING RJES BZHIN 'DZUM GSONG POR SMRA, ,DGA' BA'I MIG GIS KUN LA BLTA, ,'GROR GROGS MTHO DMAN NYE RING SNYOMS, ,BSTOD DANG BKUR STIS MI DREGS SHING, ,SMOD DANG BRNYAS LA ZHE MI SDANG, ,PHONGS PA RNAMS LA SNYING RJE YIS, ,PHAN NI GDAGS PA NYID DU BYA, ,GANG LA CHAGS PA SPANG BYA STE, ,DMAN PA RNAMS LA SNYING RJE DANG, ,PHAN PA'I BSAM PAS GDAMS NGAG BYA, ,SEMS CAN BSAM PA THA DAD PAS, ,BYA BA DON CHEN BRTAGS TE BYA, ,THAMS CAD MGU BAR SU YIS NUS, ,'ON KYANG 'GYOD PA MED PA YIS, ,SDUG BSNGAL KHYAD BSAD BDE MA CHAGS, ,RANG GI SEMS SBYANG GZHAN SEMS GZUNG, ,BRNYAS DANG NYES PA BYUNG LA SOGS, ,GNYEN PO LAS DANG BRDZUN PAS SBYANG, , DE LTAR BLTA ZHING BYANG CHUB KYI, ,SPYOD PA YI DAM BRTAN PAR BYA, ,MI LUS RIN CHEN CHUD MI GSAN, ,NGES PAR 'CHI BAS LONG MED SRID, ,BRTZON 'GRUS ME BZHIN DRAG TU SPYOD, ,MNGON ZHEN BDAG LTA'I RTZA BA CHOD, ,DUG GSUM 'KHOR BA GNYEN POS CHOM, ,PHYIN CI LOG GI G-YANGS DOR, , 'KHOR BA'I RGYUN CHOD LAS CHU SKOMS, ,NGAN SONG GSUM PO SGO CHOD LA, ,SDUG BSNGAL GSUM GYI NAD GZHIL STE, ,MTHO RIS THAR PA'I SKAS LA 'DZEGS, ,SGRIB PA GNYIS SBYONG TSOGS GNYIS RDZOGS, ,SKU DANG YE SHES SA 'THOB STE, ,'BAD PA MED PAR GZHAN DON SGRUBS, ,BYANG CHUB SEMS DPA'I SPYOD PA MDO TZAM GDAMS NGAG TU BYAS PA, SLOB DPON CHEN PO DPAL MAR ME MDZAD YE SHES KYIS MDZAD PA RDZOGS SO,, #, ,RGYA GAR SKAD DU, BO DHI P'A THA PRA D'I PAm, BOD SKAD DU, BYANG CHUB LAM GYI SGRON MA, BYANG CHUB SEMS DPA' 'JAM DPAL GZHON NUR GYUR PA LA PHYAG 'TSAL LO, ,DUS GSUM RGYAL BA THAMS CAD DAG DANG DE'I CHOS DANG, ,DGE 'DUN RNAMS LA GUS PA CHEN POS PHYAG BYAS TE, ,SLOB MA BZANG PO BYANG CHUB 'OD KYIS BSKUL GYUR PAS, ,BYANG CHUB LAM GYI SGRON MA RAB TU GSAL BAR BYA, ,CHUNG NGU @238B 'BRING DANG MCHOG GYUR PAS, ,SKYES BU GSUM DU SHES PAR BYA, ,DE DAG MTSAN NYID RAB GSAL BA, ,SO SO'I DBYE BA BRI BAR BYA, ,GANG ZHIG THABS NI GANG DAG GIS, ,'KHOR BA'I BDE BA TZAM DAG LA, ,RANG NYID DON DU GNYER BYED PA, ,DE NI SKYES BU THA MAR SHES, ,SRID PA'I BDE LA RGYAB PHYOGS SHING, ,SDIG PA'I LAS LAS LDOG BDAG NYID, ,GANG ZHIG RANG ZHI TZAM DON GNYER, ,SKYES BU DE NI 'BRING ZHES BYA, ,RANG RGYUD GTOGS PA'I SDUG BSNGAL GYIS, ,GANG ZHIG GZHAN GYI SDUG BSNGAL KUN, ,YANG DAG ZAD PAR KUN NAS 'DOD, ,SKYES BU DE NI MCHOG YIN NO; ,SEMS CAN DAM BA BYANG CHUB MCHOG ,'DOD PAR GYUR BA DE DAG LA, ,BLA MA RNAMS KYIS BSTAN PA YI, ,YANG DAG THABS NI BSHAD PAR BYA, ,RDZOGS SANGS BRIS SKU LA SOGS DANG, ,MCHOD RTEN DAM PA MNGON PHYOGS NAS, ,ME TOG BDUG SPOS DNGOS PO DAG ,CI 'BYOR PA YI MCHOD PA BYA, ,KUN BZANG SPYOD LAS GSUNGS PA YI, ,MCHOD PA RNAM PA BDUN DAG KYANG, ,BYANG CHUB SNYING PO'I MTHAR THUG PAR, ,MI LDOG PA YI SEMS DAG GIS, ,DKON MCHOG GSUM LA RAB DAD CING, ,PUS MO LHA NGA SAR BTZUGS NAS, ,THAL MO SBYAR BA BYAS NAS NI, ,DANG POR SKYABS 'GRO LAN GSUM BYA, ,DE NAS SEMS CAN THAMS CAD LA, ,BYAMS PA'I SEMS NI SNGON 'GRO BAS, ,NGAN SONG GSUM DU SKYE SOGS DANG, ,'CHI 'PHO SOGS KYIS SDUG BSNGAL BA'I, ,'GRO BA SA LUS LA BLTAS TE, ,SDUG BSNGAL GYIS NI SDUG BSNGAL BA, ,SDUG BSNGAL SDUG BSNGAL RGYU MTSAN LAS, ,'GRO BA THAR PAR 'DOD PA YIS, ,LDOG PA MED PAR DAM 'CHA' BA'I, ,BYANG CHUB SEMS NI BSKYED PAR BYA, ,DE LTAR SMON PA'I SEMS DAG NI, ,BSKYED PA'I YON TAN GANG YIN PA, ,DE NI SDONG PO BKOD PA YI, ,MDO LAS BYAMS PAS RAB TU BSHAD,, DE YI MDO KLOG PA'AM BLA MA LA MNYAN TE, ,RDZOGS PA'I BYANG CHUB SEMS KYI YON TAN MTHA' MED PA, ,RNAM PAR SHES PAR BYAS LA DE NAS RGYU MTSAN DU, ,DE LTAR YANG DANG YANG DU SEMS NI BSKYED PAR BYA, ,DPA' SBYIN GYIS ZHUS MDO DAG LAS, ,'DI YI BSOD NAMS RAB BSTAN PA, , @239A *, ,GANG DE TSIGS BCAD GSUM TZAM DU, ,MDOR BSDUS 'DIR NI BRI PAR BYA, ,BYANG CHUB SEMS KYI BSOD NAMS GANG, ,DE LA GAL TE GZUGS MCHIS NA, ,NAM MKHA'I KHAMS NI KUN GANG STE, ,DE NI DE BAS LTAG PAR 'GYUR, ,GANGG'A'I BYE BA GRANGS SNYED KYI, , SANGS RGYAS ZHING RNAMS MI GANG GIS, ,RIN CHEN DAG GIS KUN BKANG STE, ,'JIG RTEN MGON LA PHUL BA BAS, ,GANG GIS THAL MO SBYAR BGYIS TE, ,BYANG CHUB TU NI SEMS BTUD NA, ,MCHOD PA 'DI NI KHYAD PAR 'PHAGS, ,DE LA MTHA' NI MA MCHIS SO, ,BYANG CHUB SMON PA'I SEMS DAG BSKYED NAS NI, ,'BAD PA MANG POS KUN DU SPEL BYA ZHING, ,'DI NI SKYE BA GZHAN DU 'ANG DRAN DON DU, ,JI SKAD BSHAD PA'I BSLANG BA'ANG YONGS SU BSRUNG, ,'JUG SEMS BDAG NYID SDOM PA MA GTOGS PAR, ,YANG DAG SMON PA 'PHEL BAR 'GYUR MA YIN, ,RDZOGS PA'I BYANG CHUB SMON PA 'PHEL 'DOD PAS, ,DE PHYIR 'BAD PAS 'DI NI NGES PAR BLANG, ,SO SOR THAR PA RIGS BDUN GYI, ,RTAG TU SDOM GZHAN LDAN PA DANG, ,BYANG CHUB SEMS DPA'I SDOM PA YI, ,SKAL PA YOD KYI GZHAN DU MIN, ,SO SOR THAR PA RIS BDUN DANG, ,DE BZHIN GSHEGS PAS BSHAD PA LA, ,TSANGS SPYOD DPAL NI MCHOG YIN TE, ,DGE SLONG SDOM PA DAG TU BZHED, ,BYANG CHUB SEMS DPA'I SA DAG GI ,TSUL KHRIMS LEGS GSUNGS CHO GA YIS, ,YANG DAG MTSAN NYID LDAN PA YI, ,BLA MA BZANG LAS SDOM PA BLANG, ,SDOM PA'I CHOG LA MA LAS DANG, ,BDAG NYID GANG ZHIG SDOM LA GNAS, ,SDOM PA 'BOGS BZOD SNYING RJER LDAN, ,BLA MA BZANG POR SHES PAR BYA, ,DE LA 'BAD PAS 'DI 'DRA BA'I, ,GAL TE BLA MA MA RNYED NA, ,DE LAS GZHAN SDOM NOD PA YI, ,CHO GA YANG DAG BSHAD PAR BYA, ,DE LA SNGON TSE 'JAM PA'I DPAL, ,AA BA R'A DZAR GYUR PA YIS; ,JI LTAR BYANG CHUB THUGS BSKYED PA, ,'JAM DPAL GYI NI SANGS RGYAS ZHING, ,RGYAN GYI MDO LAS BSHAD PA LTAR, ,DE BZHIN 'DIR NI RAB GSAL BRI, ,MGON PO RNAMS KYI SPYAN SNGA RU, ,RDZOGS PA'I BYANG CHUB SEMS BSKYED CING, ,'GRO BA THAMS CAD MGRON DU GNYER, ,DE @239B DAG 'KHOR BA LAS BSGRAL LO, ,GNOD SEMS KHRO BA'I SEMS NYID DANG, ,SER SNA DANG NI PHRAG DOG NYID, ,DENG NAS BZUNG NAS BYANG CHUB MCHOG ,THOB KYI BAR DU MI BYA'O, ,TSANGS PAR SPYOD PA SPYAD BYA ZHING, ,SDIG DANG 'DOD PA SPANG BAR BYA, ,TSUL KHRIMS SDOM PA LA DGA' BAS, , SANGS RGYAS RJES SU BSLAB PAR BYA, ,BDAG NYID MYUR BA'I TSUL GYIS NI, ,BYANG CHUB THOB PAR MI SPRO ZHING, ,SEMS CAN GCIG GI RGYU YIS NI; ,PHYI MA'I MU MTHAR GNAS PAR BGYI, ,TSAD MED BSAM GYIS MI KHYAB PA'I, ,ZHING DAG RNAM PAR SBYANG BAR BYA, ,MING NAS GZUNG BA BYAS PA DANG; ,PHYOGS BCU DAG TU RNAM PAR GNAS, ,BDAG GI LUS DANG NGAG GI LAS, ,THAMS CAD DU NI DAG PAR BYAS, ,YID KYI LAS KYANG DAG BYA STE, ,MI DGE'I LAS RNAMS MI BYA'O, ,RANG GI LUS NGAG SEMS NI RNAM DAG RGYU, ,'JUG PA'I SEMS KYI BDAG NYID SDOM GNAS PA,, TSUL KHRIMS BSLAB PA GSUM LA LEGS BSLABS PAS, ,TSUL KHRIMS BSLAB PA GSUM LA GUS CHER 'GYUR, ,DE BAS RNAM DAG RDZOGS BYANG CHUB, ,SEMS DPA'I SDOM PA'I SDOM DAG NI, ,'BAD PAR BYAS PAS RDZOGS BYANG CHUB, ,TSOGS NI YONGS SU RDZOGS PAR 'GYUR, BSOD NAMS YE SHES RANG BZHIN GYI, ,TSOGS NI YONGS SU RDZOGS PA YI, ,RGYU NI SANGS RGYAS THAMS CAD DAG ,MNGON SHES SKYED PA NYID DU BZHED, ,JI LTAR 'DAB GSHOG MA SKYES PA'I, ,BYA NI MKHA' LA 'PHUR MI NUS, ,DE BZHIN MNGON SHES STOBS BRAL BAS, ,SEMS CAN DON BYED NUS PA MIN, ,MNGON SHES LDAN PA'I NYIN MTSAN GYI, ,BSOD NAMS DAG NI GANG YIN TE, ,MNGON SHES DAG DANG BRAL GYUR LA, ,SKYE BA BRGYAR YANG YOD MA YIN, ,MYUR DU RDZOGS PA'I BYANG CHUB TSOGS, ,YONGS SU RDZOGS PAR 'DOD GYUR PA, ,DES NI 'BAD BYAS MNGON SHES DAG ,'GRUB PAR 'GYUR GYI LE LOS MIN, ,ZHI GNAS GRUB PA MA YIN PAS, ,MNGON SHES 'BYUNG BAR MI 'GYUR BAS, ,DE PHYIR ZHI GNAS BSGRUB PA'I PHYIR, ,YANG DANG YANG DU 'BAD PAR BYA, ,ZHI GNAS YAN LAG RNAM NYAMS PAS, ,RAB TU 'BAD DE BSGOMS BYAS KYANG, ,LO NA @240A *, ,STONG PHRAG DAG GIS KYANG, ,TING 'DZIN 'GRUB PAR MI 'GYUR RO, ,DE PHYIR TING 'DZIN TSOGS LE'U LAS, ,GSUNGS PA'I YAN LAG LA LEGS GNAS, ,DMIGS PA GANG RUNG GCIG LA YANG, ,YID NI DGE LA GZHAG PAR BYA, ,RNAL 'BYOR ZHI GNAS GRUB GYUR NA; ,MNGON SHES DAG KYANG 'GRUB PAR 'GYUR, ,SHES RAB PHA ROL PHYIN SBYOR DANG, ,BRAL BAS SGRIB PA ZAD MI 'GYUR, ,DE PHYIR NYON MONGS SHES BYA YI, ,SGRIB PA MA LUS SPANG BA'I PHYIR, ,SHES RAB PHA ROL PHYIN RNAL 'BYOR, ,RTAG TU THABS BCAS BSGOM PAR BYA, ,THABS DANG BRAL BA'I SHES RAB DANG, ,SHES RAB BRAL BA'I THABS DAG KYANG, ,GANG PHYIR 'CHING BA ZHES GSUNGS PA, ,DE PHYIR GNYIS KA SPANG MI BYA, ,SHES RAB GANG DANG THABS GANG ZHES, ,THE TSOM DAG NI SPANG BYA'I PHYIR, ,THABS RNAMS DANG NI SHES RAB KYI, ,YANG DAG DBYE BA GSAL BAR BYA, , SHES RAB PHA ROL PHYIN SPANGS PA'I, ,SBYIN PA'I PHA ROL PHYIN LA SOGS, ,DGE BA'I TSOGS RNAMS THAMS CAD DAG ,RGYAL BA RNAMS KYI THABS SU BSHAD, ,THABS BSGOMS DBANG GIS BDAG NYID KYIS, ,GANG ZHIG SHES RAB RNAM BSGOM PA, ,DE NI BYANG CHUB MYUR DU THOB, ,BDAG MED GCIG PU BSGOMS PAS MIN, ,PHUNG PO KHAMS DANG SKYE MCHED RNAMS, ,SKYE BA MED PAR RTOGS GYUR PA'I, ,RANG BZHIN STONG NYID SHES PA NI, ,SHES RAB CES NI YONGS SU BSHAD, ,YOD PA SKYE BA RIGS MIN TE, ,MED PA'ANG NAM MKHA'I ME TOG BZHIN, ,NYES PA GNYIS KAR THAL 'GYUR PHYIR, ,GNYIS KA DAG KYANG 'BYUNG BA MIN, ,DNGOS PO RANG LAS MI SKYE ZHING, ,GZHAN DANG GNYIS KA LAS KYANG MIN, ,RGYU MED LAS MIN DE YI PHYIR, ,NGO BO NYID KYIS RANG BZHIN MED, ,YANG NA CHOS RNAMS THAMS CAD DAG ,GCIG DANG DU MAS RNAM DPYAD NA, ,NGO BO NYID NI MI DMIGS PAS, ,RANG BZHIN MED PA NYID DU NGES, ,STONG NYID BDUN CU'I RIGS PA DANG, ,DBU MA RTZA BA SOGS LAS KYANG, ,DNGOS PO RNAMS KYI RANG BZHIN GYI, ,STONG PA NYID NI GRUB BSHAD PA, ,GANG PHYIR GZHUNG NI MNGAS 'GYUR BAS, ,DE PHYIR 'DIR NI MA SPROS LA, ,GRUB PA'I GRUB MTHA' @240B TZAM ZHIG TU, ,BSGOM PA'I PHYIR NI RAB TU BSHAD, ,DE BAS CHOS RNAMS MA LUS PA'I, ,RANG BZHIN DAG NI MI DMIGS PAS, ,BDAG MED PAR NI BSGOM GANG YIN, ,DE NYID SHES RAB BSGOM PA YIN, ,SHES RAB KYIS NI CHOS RNAMS KUN, ,GANG GI RANG BZHIN MA MTHONG ZHING, ,SHES RAB DE NYID RIG BSHAD PA, ,RNAM RTOG MED PAR DE BSGOM BYA, ,RNAM RTOG LAS BYUNG SRID PA 'DI, ,RNAM PAR RTOG PA'I BDAG NYID DE, ,DE PHYIR MA LUS RTOGS SPANGS PA, ,MYA NGAN 'DAS PA MCHOG YIN NO, ,DE LTAR YANG BCOM LDAN 'DAS KYIS, RNAM RTOG MA RIG CHEN PO STE, ,'KHOR BA'I RGYA MTSOR LTUNG BAR BYED, ,RTOG MED TING 'DZIN LA GNAS PA, ,NAM MKHA' BZHIN DU RTOG MED GSAL, ,ZHES GSUNGS SO, ,RNAM PAR MI RTOG PA LA 'JUG PA'I GZUNGS LAS KYANG, DAM CHOS 'DI LA RGYAL BA'I SRAS, ,RNAM PAR MI RTOG BSAMS GYUR NA, ,RNAM RTOG BGROD DKA' RNAMS 'DAS TE, ,RIM GYIS MI RTOG THOB PAR 'GYUR, ,ZHES GSUNGS SO, ,LUNG DANG RIGS PA DAG GIS NI, ,CHOS RNAMS THAMS CAD SKYE MED PA'I, ,RANG BZHIN MED PA NGES BYAS NAS, ,RNAM PAR RTOG MED BSGOM PAR BYA, ,DE LTAR DE NYID BSGOM BYAS NAS, ,RIM GYIS DROD SOGS THOB BYAS NAS, ,RAB DGA' LA SOGS THOB 'GYUR TE, ,SANGS RGYAS BYANG CHUB YUN MI RING, ,SNGAGS MTHU NYID LAS GRUB PA YI, ,ZHI DANG RGYAS SOGS LAS RNAMS KYIS, ,BUM PA BZANG GRUB LA SOGS PA, ,GRUB CHEN BRGYAD SOGS STOBS KYIS KYANG, ,BDE BA YIS NI BYANG CHUB TSOGS, ,YONGS SU RDZOGS PAR 'DOD PA DANG, ,BYA BA SPYOD SOGS RGYUD GSUNGS PA'I, ,GAL TE GSANG SNGAGS SPYOD 'DOD NA, ,DE TSE SLOB DPON DBANG BSKUR PHYIR, ,BSNYEN BKUR RIN CHEN SOGS SBYIN DANG, ,DKA' SGRUB LA SOGS THAMS CAD KYIS, ,BLA MA DAM PA MNYES PAR BYA, ,BLA MA MNYES PAR GYUR PA YIS, ,YONGS RDZOGS SLOB DPON DBANG BSKUR BAS, ,SDIG KUN RNAM DAG BDAG NYID NI, ,DNGOS GRUB SGRUB PA'I SKAL LDAN 'GYUR, ,DANG PO SANGS RGYAS RGYUD CHEN LAS, ,RAB TU 'BAD PAS BKAG PA'I PHYIR, ,GSANG BA @241A *, ,SHES RAB DBANG BSKUR NI, ,TSANGS PAR SPYOD PAS BLANG MI BYA, ,GAL TE DBANG BSKUR DE 'DZIN NA, ,TSANGS SPYOD DKA' THUB LA GNAS PAS, ,BKAG PA SPYAD PAR 'GYUR BA'I PHYIR, ,DKA' THUB SDOM PA DE NYAMS TE, ,BRTUL ZHUGS CAN DE PHAM PA YI, , LTUNG BA DAG NI 'BYUNG 'GYUR ZHING, ,DE NI NGAN SONG NGES LHUNG BAS, ,GRUB PA YANG NI YOD MA YIN, ,RGYUD KUN NYAN DANG 'CHAD PA DANG, ,SBYIN SREG MCHOD SBYIN SOGS BYED PA, ,SLOB DPON DBANG BSKUR RNYED 'GYUR ZHING, ,DE NYID RIG LA NYES PA MED, ,GNAS BRTAN MAR ME MDZAD DPAL GYIS; ,MDO SOGS CHOS LAS BSHAD MTHONG BA, ,BYANG CHUB 'OD KYIS GSOL BTAB NAS, ,BYANG CHUB LAM BSHAD MDOR BSDUS BYAS, ,BYANG CHUB LAM GYI SGRON MA SLOB DPON CHEN PO DPAL MAR ME MDZAD YE SHES KYIS MDZAD PA RDZOGS SO,, ,,RGYA GAR GYI MKHAN PO CHEN PO DE NYID DANG, ZHU CHEN GYI LO TZ'A BA DGE BA'I BLO GROS KYIS BSGYUR ZHING GTAN LA PHAB PA, CHOS 'DI NI ZHANG ZHUNG GI THO LING GTZUG LAG KHANG DU MDZAD PA'O,, #, ,RGYA GAR SKAD DU, BO DHI M'ARGA D'I PAm PANYTZI KA N'A MA, BOD SKAD DU, BYANG CHUB LAM GYI SGRON MA'I DKA' 'GREL ZHES BYA BA, 'PHAGS MA RJE BTZUN SGROL MA LA PHYAG 'TSAL LO, ,'JAM DPAL GZHON NUR GYUR PA LA PHYAG 'TSAL LO, ,BDE MCHOG 'KHOR LO DAM TSIG GSUM RGYAL PO, ,'JIG RTEN DBANG PHYUG SGROL MA PHYAG 'TSAL 'DUD, ,BYAMS PA THOGS MED BLA MA GSER GLING PA, , 'JAM DBYANGS ZHI BA'I LHA DANG BYANG CHUB BZANG, ,BLA MA RNAMS LA DANG BAS PHYAG BYAS NAS, ,NYI ZER LTA BU'I DKA' 'GREL BRI BAR BYA, ,BYANG CHUB SNYING POR BGROD PA'I LAM BZANG PO, ,ZLA ZER LTA BU'I LAM SGRON 'DI YIN TE, ,'DI NA CUNG ZAD MI GSAL GANG YIN PA, ,NYI ZER LTA BU'I 'GREL PAS LAM GSAL BYA, ,BSTAN BCOS RTZOM PA'I TSAD DANG MI LDAN YANG, ,'DUN CING GUS PA'I SLOB MAS BSKUL BA DANG, ,SANGS RGYAS BSTAN PA RAB TU 'PHEL BYA DANG, ,GZHUNG RNAMS MI MTHUN RTZOD PA ZHI BYA'I PHYIR, ,NYI ZER LTA BU'I 'GREL PA BRI BAR BYA, ,MKHAS RNAMS NGO MTSAR @241B BSKYED PA DANG, ,MNYAM RNAMS GO BAR SLA BA DANG, ,DMAN RNAMS BAG CHAGS GZHAG PA'I PHYIR, ,DKA' 'GREL 'DI NI BRI BAR BYA, ,GZHUNG NYUNG BA LA DON MANG BA'I, ,BSTAN BCOS 'DI NI RTOGS PAR DKA', ,DAM PA RNAMS DANG BRAL BAS NA, ,THAMS CAD DU NI RNAM PAR 'KHOR, ,DE BAS SKYES BU BLO LDAN PAS, ,BLA MA YONGS SU MNYES BYAS LA, ,BLA MA BRGYUD RIM LAS 'ONGS PA'I, ,YANG DAG MAN NGAG ZHU BAR BYA, ,'DIR BLA MA DAM PA GSER GLING PA DANG BLA MA DAM PA RJE BTZUN DPAL BYANG CHUB BZANG PO'I ZHAL RIN PO CHE BUM PA LTA BU NAS, BDUD RTZI LTA BU DANG, SBRANG RTZI LTA BU'I MAN NGAG GI THIGS PA RGYAL RIGS KYI SLOB MA BYANG CHUB 'OD DANG, DUS YUN RING POR NYE BAR BSTAN PA'I SLOB MA DGE SLONG TSUL KHRIMS RGYAL BA GNYIS KYIS YANG DANG YANG DU GSOL BA BTAB PA'I NGOR MAN NGAG GI THIGS PA 'THOR BA RNAMS 'DIR BLA MA'I ZHAL SNGA NAS DANG, MDO SDE LA SOGS PA'I RJES SU 'BRANGS NAS BSDU BAR BYA'O, ,BYANG CHUB 'OD KYIS DUS RTAG TU, ,BDAG LA TSIG NI BDUN DRIS PAS, ,RTZA BAR DON DE MA GSAL ZHES, ,BSKUL BA'I DON DU BRI BAR BYA, ,SNGON GYI SLOB DPON MKHAS PA CHEN PO NOR GYI RTZA LAG GI ZHAL NAS, MDO DON SMRA BA RNAMS LA NI; ,MAN NGAG CUNG ZAD SBYIN PAR BYA, ,DGOS PA BCAS DANG BSDUS DON BCAS, ,TSIG DON BCAS DANG MTSAMS SBYOR BCAS, ,BRGAL LAN BCAS PAS BSNYAD PAR BYA, ,ZHES BSHAD PAS 'DIR YANG SHES RAB DANG LDAN PA DANG, BLA MA MKHAS PA LA BRTEN PA DAG GIS TSUL JI LTA BA BZHIN DU SBYAR BA BYAS NA THEG PA CHEN PO'I LAM BZANG PO SKYE BO CHEN PO'I CHOS LUGS SHING RTA CHEN PO'I LAM CHEN PO 'DI MYUR DU RTOGS PAR 'GYUR RO, ,MDO SOGS LUNG DANG BSTAN BCOS DANG, ,BLA MA RNAMS KYI GSUNG BZHIN DU, ,BYANG CHUB SEMS DPA' RNAMS KYI LAM, ,BDAG GIS NGES PAR BSHAD PAR BYA, ,DE GANG YIN ZHE NA, DUS GSUM RGYAL BA THAMS CAD DAG DANG DE'I CHOS DANG, ,DGE 'DUN RNAMS LA GUS PA CHEN POS PHYAG BYA STE, ,SLOB MA BZANG PO BYANG CHUB 'OD KYIS BSKUL GYUR PAS, ,BYANG CHUB LAM GYI SGRON MA RAB TU GSAL BAR BYA, ,ZHES BYA BA @242A *, ,LA SOGS PA'I GZHUNG 'DI YIN NO, ,GZHUNG DE DAG GANG YIN ZHE NA, DUS GSUM ZHES BYA BA LA SOGS PA SMOS TE, DUS GSUM ZHES BYA BA LA SOGS PA'I TSIG RKANG PA GCIG NI RTOGS PAR SLA'O, ,SLOB MA BZANG PO ZHES BYA BA NI THEG PA CHEN PO'I CHOS KYI SNOD YIN PAS SO; ,DE GANG YIN ZHE NA, BYANG CHUB 'OD CES BYA BA 'DI YIN NO, ,BSKUL GYUR PAS ZHES BYA BA NI DES BDAG LA 'DI SKAD DU, BOD KYI YUL 'DI NA SANGS RGYAS KYI BSTAN PA THEG PA CHEN PO'I LAM 'DI LA LOG PAR RTOG PA'I GANG ZAG BLA MA DGE BA'I BSHES GNYEN GYIS YONGS SU MA ZIN PA DAG PHAN TSUN RTZOD CING RANG RANG GI RTOG GES ZAB PA DANG RGYA CHEN PO'I DON LA RANG GI RTOG PA DPYOD CING SO SO NAS MI MTHUN PA DAG MANG DU MCHIS PAS DE DAG THE TSOM BSAL DU GSOL ZHES BDAG LA YANG DANG YANG DU BSKUL BAR GYUR PAS, DE'I DON DU BDAG GIS MDO LA SOGS BA'I RJES SU 'BRANGS NAS BYANG CHUB LAM GYI SGRON MA RAB TU GSAL BAR BYA'O, ,BYANG CHUB LAM GYI SGRON MA DE GANG YIN ZHE NA, SEMS CAN DAM PA BYANG CHUB MCHOG ,CES BYA BA NAS, DE NYID RIG LA NYES PA MED, ,CES PA'I BAR GYI GZHUNG 'DI YIN NO, ,DE LA CHUNG DANG ZHES PA NAS MCHOG YIN NO ZHES PA'I GZHUNG GIS THEG PA CHEN PO'I SNOD DANG SNOD MA YIN PA BSTAN TE, SKYES BU THA MA DANG, SKYES BU 'BRING NI ZHAR LA BSHAD PA YIN NO, ,TSIG DON RNAMS NI RTOGS PAR SLA'O, ,RANG RGYUD GTOGS PA'I SDUG BSNGAL GYIS, ,GANG ZHIG GZHAN GYI SDUG BSNGAL KUN, ,YANG DAG ZAD PAR KUN NAS 'DOD, ,SKYES BU DE NI MCHOG YIN NO, ,ZHES PAS NI THEG PA CHEN PO'I SNOD BSTAN PA YIN NO, ,DON 'DI LA DGONGS NAS JI SKAD DU, BYANG CHUB SEMS DPA' SEMS CAN LA, ,BU GCIG PA LA BYA BA BZHIN, ,RKANG GI GTING NAS BYAMS PA STE, ,DE LTAR RTAG TU BYED PAR 'DOD; ,YANG JI LTAR PHUG RON RANG GI BU MCHOG BYAMS, ,RANG GI BU DE PANG NA 'KHYUD NAS 'DUG ,DE 'DRA BA LA KHONG KHRO 'GAL BA LTAR, ,BRTZER BCAS LUS CAN BU LA'ANG DE DANG 'DRA, ,ZHES GSUNGS PA DANG, SLOB DPON MKHAS PA CHEN PO NOR GYI RTZA LAG GIS KYANG JI SKAD DU, DMAN @242B PA DE DANG DE'I THABS KYIS RANG GI RGYUD DU GTOGS PA'I BDE BA DON DU GNYER, ,'BRING PO SDUG BSNGAL LDOG PA KHO NA'O BDE MIN GANG PHYIR DE NI SDUG BSNGAL GNAS YIN PHYIR, ,DAM PA RANG GI RGYUD LA YOD PA'I SDUG BSNGAL RNAMS KYIS GZHAN DAG LA NI BDE BA DANG, ,SDUG BSNGAL GTAN LDOG KHO NA DON GNYER GANG PHYIR DE YI SDUG BSNGAL GYIS DE SDUG BSNGAL PHYIR, ,ZHES GSUNGS PA DANG, YANG GANG GZHAN GYI SDUG BSNGAL GYIS SDUG BSNGAL BAR 'GYUR ZHING, GZHAN GYI BDE BAS YID BDE ZHING DGA' BAR 'GYUR GYI, BDAG GI NI MA YIN PA DE LTA BU'I RIGS CAN LA YIN TE, DE DAG NI RANG GI BDE BA LA MI LTA BA DANG, DE DAG NI GZHAN DAG SDUG BSNGAL GYI CHU BO CHEN PO LAS YONGS SU BSKYAB PAR NUS SO SNYAM DU 'BAD PA BYED DO, ,RANG BZHIN GYIS SNYING RJE CHE BDAG NI SNYING RJE LA GOMS PA'I STOBS KYIS RANG SDUG BSNGAL YAR GZHAN BDE BA LA MNGON PAR DGA' BA YIN NO ZHES GSUNGS SO, ,DE BAS NA SKYES BU GANG ZHIG RANG BZHIN GYIS PHA ROL PO NYAM THAG PA DAG MTHONG NA MI BZOD CING BDAG DANG GZHAN BRJE BAR SEMS SHING BU GCIG PA G-YANG SAR LHUNG BA DANG, CHU BO CHEN POS KHYER BA DANG; ME 'BAR BA'I NANG DU 'DUG PA MTHONG BA NA DE MI BZOD PA BZHIN DU, 'GRO BA MTHA' DAG LA BU GCIG PA LTAR LTA BA DE NI 'DIR THEG PA CHEN PO'I SNOD DU BSNGAGS SO, ,DE LTA BU'I SEMS CAN CHEN PO DE LA JI LTAR BYA SNYAM PHAL, BLA MA RNAMS KYIS BSTAN PA YIS, ,YANG DAG THABS NI BSTAN PAR BYA, ,ZHES BYA BA NI 'DI YIN NO, ,DE LA BLA MA RNAMS NI RJE BTZUN DPAL BYANG CHUB BZANG PO DANG, RJE BTZUN SU WARnnA DVA'I PA LA SOGS PA'O, ,YANG DAG THABS ZHES BYA BA NI, GSUM LA SKYABS SU 'GRO BA DANG, BYANG CHUB KYI SEMS RNAM PA GNYIS DANG, MNGON PAR SHES PA BSKYED NAS GZHAN DON KHYAD PAR CAN BYA BA'I THABS DANG, THABS DANG SHES RAB ZUNG DU 'BREL BA'I TSOGS GNYIS BSAG PA'I THABS DANG, BDAG DANG GZHAN DON MYUR DU RDZOGS PAR 'GYUR BA'I THEG PA CHEN PO'I CHEN PO GSANG SNGAGS KYI LUGS KYI THUN MONG MA YIN PA'I TSOGS @243A *, ,GNYIS BSAGS PA'I THABS RNAMS SO, ,DE LTA BU'I THABS DE DAG RGYAS PAR BSHAD PAR 'DOD NAS, RDZOGS SANGS BRIS SKU LA SOGS DANG, ,ZHES PA NAS, DE NYID RIG LA NYES PA MED PA'I BAR RO, ,GSUM LA SKYABS SU 'GRO BA NI THAR PA'I GRONG KHYER CHEN POR 'JUG PA'I SGO LTA BUR GYUR PA DANG, BYANG CHUB KYI SEMS KYI GZHI LTA BUR GYUR PAS DE BSTAN PAR 'DOD NAS, RDZOGS SANGS BRIS SKU LA SOGS DANG, ,MCHOD RTEN DAM CHOS MNGON PHYOGS NAS, ,ZHES BYA BA LA SOGS PA TSIG RKANG BCU GNYIS KYIS BSTAN TE, MNGON PHYOGS NAS ZHES PA NI DE BZHIN GSHEGS PA'I SKU MNGON DU PHYOGS PAR BYAS SHING MTHONG BA LAS BYANG CHUB KYI SEMS SKYE'O ZHES THEG PA CHEN PO'I MDO RGYAL PO LA GDAMS PA'I SNGON GYI RTOGS PA BRJOD PA LAS KYANG MTHONG BA DANG, DGE BA'I BSHES GNYEN DAG KYANG GSUNG NGO, ,CHO GA RGYAS PA NI 'OG NAS STON PAR 'GYUR RO, ,'DI LTAR BYUG RIS KYI DKYIL 'KHOR NYI SHU RTZA BDUN DU DKON MCHOG GSUM GYI GZUGS BRNYAN SO SOR BZHUGS SU GSOL LA, PHYOGS BCU'I 'JIG RTEN GYI KHAMS NA BZHUGS PA'I RNAM PAR DAG PA'I DKON MCHOG GSUM YANG GNAS SO SO DE DAG TU SPYAN DRANG BA'AM, YANG NA ZHING KHAMS DE DAG NYID DU BDAG NYID 'DUG PAR MOS TE LUS KYI RNAM PAR 'PHRUL PA'I BKOD PAS SANGS RGYAS DANG BYANG CHUB SEMS DPA' RE RE'I MDUN DU BDAG NYID 'DUG PAR BSAM LA PUG PUG POR RAM SOR MO BSNOL LA SPYI BOR THAL MO SBYAR NAS MCHOD PA'I BYA BA RDZOGS PA DANG, PHUNG PO GSUM PA BYAS LA BLA MA LA YON PHUL TE SKYABS SU 'GRO BA BYA'O, ,DE YANG DKON MCHOG GSUM NI 'DI LTA BU YIN TE, DE KHO NA NYID KYI DKON MCHOG GSUM DANG, MDUN DU BZHUGS PA'I DKON MCHOG GSUM STE, DE LTA BU SHES PA SNGON DU 'GRO BAR BYA'O, ,ME TOG BDUG SPOS DNGOS PO DAG ,CES PA NI ZANG ZING GI MCHOD PA MTSON PA'O; ,MCHOD PA RNAM PA BDUN DAG KYANG, ,ZHES PA NI SGRUB PA'I MCHOD PA MTSON PA'O, ,'DIR BYANG CHUB SEMS DPA' TSOGS KYI LAM PA SLOB DPON DU GYUR PA DES BSOD NAMS KYI TSOGS BSAG PA'I PHYIR, MCHOD PA LA MKHAS PAR BYA BA YIN TE, DE SMRA BA 'DOD NAS, KUN BZANG SPYOD LAS GSUNGS @243B PA YI; ,MCHOD PA RNAM PA BDUN DAG KYANG, ,ZHES BYA BA 'DI YIN TE, KUN BZANG SPYOD CES BYA BA NI 'PHAGS PA SDONG PO BKOD PA LAS 'BYUNG BA'I 'PHAGS PA BZANG PO SPYOD PA'I SMON LAM GYI RGYAL PO YIN TE, 'DI NI PHYOGS BCU 'JIG RTEN GYI KHAMS KYI BYANG CHUB SEMS DPA' CHEN POS CHEN PO LA BZHUGS PA KUN DU BZANG PO'I SPYOD PA DANG, SMON LAM GYI RGYA MTSO MI ZAD PA'I BRNYES PA RNAMS KYI KUN DU BZANG PO'I SPYOD PA DANG, KUN DU BZANG PO'I SMON LAM YIN PAS 'DI NI PHA ROL TU PHYIN PA'I THEG PA PA'I BYANG CHUB SEMS DPA' RNAMS KYI SDE SNOD KYI MAR ME LTA BU YIN NO ZHES BLA MA DAM PA MKHAS PA CHEN PO DAG GSUNGS PA YIN NO, ,GSUNGS PA'I MCHOD PA RNAM PA BDUN, ,ZHES BYA BA NI BLA MA KHA CIG GI ZHAL NAS 'PHAGS PA BZANG PO SPYOD PA'I SMON LAM LAS MCHOD PA BDUN GSUNGS TE, JI SNYED SU DAG PHYOGS BCU'I ZHES PA SHLO KAS NI LUS DANG NGAG DANG YID KYIS PHYAG 'TSAL BA'I MCHOD PA BSTAN TO, ,BZANG POR SPYOD LA DAD PA'I ZHES PA LA SOGS PA'I SHLO KAS NI LUS DBUL BA'I MCHOD PA BSTAN TO, ,RDUL GCIG STENG NA ZHES PA'I SHLO KAS NI DE DAG YUL DU BYAS TE DANG BA'I MCHOD PA BSTAN TO, ,DE DAG BSNGAGS PA MI ZAD RGYA MTSO RNAMS, ,ZHES PA LA SOGS PAS NI BSTOD PA'I MCHOD PA BSTAN TO, ,ME TOG DAM PA ZHES PA LA SOGS PAS NI BLA NA YOD PA'I MCHOD PA BSTAN TO, ,MCHOD PA GANG RNAMS BLA MED RGYA CHE BA, ,ZHES PAS NI BLA NA MED PA'I MCHOD PA BSTAN TO, ,'DOD CHAGS ZHE SDANG GTI MUG CES PAS NI PHUNG PO GSUM PA'I MCHOD PA BSTAN TO, , GZHUNG GZHAN GYIS MI MCHOD PA DE DAG GI BSNGO BA BSTAN PA YIN NO ZHES GSUNGS SO, ,YANG BLA MA DAM PA KHA CIG GI ZHAL NAS, 'PHAGS PA BZANG PO SPYOD PA'I SMON LAM LAS MCHOD PA BDUN GSUNGS TE, 'DI LTAR ME TOG DAM PA DANG, PHRENG BA DAM PA DANG, SIL SNYAN DAM PA DANG, BYUG PA DAM PA DANG; MAR ME DAM PA DANG, BDUG SPOS DAM PA DANG, NA BZA' DAM PA RNAMS SO, ,DRI MCHOG DAM PA DANG, PHYI MA'I PHUR MA GNYIS NI BYUG PA DAM PA DANG, BDUG PA GNYIS KYI NANG DU 'DUS PA NYID YIN LA BKOD PA'I KHYAD PAR ZHES PA NI SNGA MA DE DAG RE RE ZHING YANG BRJOD DU MED PA'I BKOD PA BYA'O @244A *, ,ZHES GSUNG NGO, ,BLA MA MKHAS PA GZHAN DAG NI 'PHAGS PA BZANG PO SPYOD PA'I SMON LAM LAS MCHOD PA BDUN DU GSUNGS PA NI 'DI LTAR YAN LAG BDUN PAR 'DUS TE, SGRUB PA'I MCHOD PA YIN NO ZHES GSUNGS TE, DE NYID LAS BDUN PO DE DAG RDZOGS PA'I RJES LA 'DI SKAD DU, 'DAS PA'I SANGS RGYAS RNAMS DANG DA LTAR GYI, ,PHYOGS BCU DAG NA GANG BZHUGS MCHOD PAR GYUR, ,ZHES MCHOD PA NYID YIN PAR GSAL BAR GSUNGS SO ZHES GSUNG NGO, ,DE DAG NI GAR YANG 'GAL BA MED PA DE RANG NYID GANG LA MOS PA DE GZUNG BAR BYA'O, ,'DI LTAR MCHOD PA NI RNAM PA GNYIS TE, ZANG ZING GI MCHOD PA DANG, SGRUB PA'I MCHOD PA'O, ,ZANG ZING GI MCHOD PA NI GNYIS TE, MNGON SUM PA NYID DANG, YID KYIS BYAS PA'O, ,MNGON SUM PA NI GNYIS TE, ME TOG LA SOGS PA DANG, BDUG PA LA SOGS PA DANG, ROL MO LA SOGS PA DANG, RGYAL SRID DANG, NOR BU RIN PO CHE LA SOGS PA BDAG NYID LA YOD PA'O, ,GNYIS PA NI SEMS RTEN DANG BCAS PA DANG, BU DANG BU MO DANG, CHUNG MA DANG BRAN LA SOGS PA'O, ,YID KYIS BYAS PA LA GNYIS TE, DANG PO NI PHYOGS BCU'I 'JIG RTEN KHAMS KYI BDAG PO MED CING, GZHAN GYIS YONGS SU MA BZUNG BA'I RDZAS PHUL DU BYUNG BA MA LUS PA STE, JI LTAR 'PHAGS PA DKON MCHOG SPRIN DANG, 'PHAGS PA DGONGS PA RGYUD KYI PHRENG BA DANG, TING NGE 'DZIN GYI 'KHOR LO'I MCHOD PA'I PHYAG RGYA'I MDO DANG, DKON MCHOG TA LA LA'I MDO DANG, SPYOD PA LA 'JUG PA LAS GSUNGS PA LTA BU'O, ,GNYIS PA NI YID KYI RNAM PAR 'PHRUL PA LAS BYUNG BA'I BKOD PA NAM MKHA'I MDZOD LAS BYUNG BA STE, 'DI LTAR 'KHOR LOS SGYUR BA'I RGYAL SRID RIN PO CHE BDUN DANG, NOR BU RIN PO CHE GSER DANG, DNGUL DANG, DUNG DANG, MAN SHEL DANG, CHU SHEL DANG, SPUG DANG, RDO'I SNYING PO DANG; MU TIG DANG, MU TIG DMAR PO DANG, MAN SHEL DANG, PADMA R'A GA DANG, AASMA GARBHA DANG, MU SA LA GAL PA DANG, DUN LAS DANG, AINDRA N'I LI [?] DANG, MAR KA TA DANG, BEE d'URYA DANG, SHAm KA SHI LA DANG, BYI RU DANG, KE KE RU DANG, KE KE RU CHEN PO LA SOGS PA'I NOR BU DE DAG GI CHAR PA 'BAB PA @244B DANG; DE DAG GI GDUGS DANG, RGYAL MTSAN DANG, BA DAN DANG, GZHAL YAS KHANG DANG, DRA BA'I TSOGS BRJOD DU MED PA DAG GZHAN YANG DKON MCHOG TA LA LA'I GZUNGS LAS 'BYUNG BA LTA BU STE, ME TOG PHAL CHER ME TOG BLA RE DANG, ,ME TOG BKOD PA'I 'OD ZER RAB 'GYED CING, , ME TOG SNA TSOGS KUN DU BKRAM BYAS TE, ,BDAG NYID CHEN PO DE DAG RGYAL BAS MCHOD, ,CES GSUNGS TE, DE BZHIN DU BDUG PA DANG, SPOS DANG, PHRENG BA DANG, PHYE MA DANG, NA BZA' DANG, RIN PO CHE DANG, PADMA DANG, RGYAN PHRENG DANG, RGYAL MTSAN TE, DE DAG KYANG KHA DOG SNA TSOGS PA'O; ,SNGAR GYI TSIGS SU BCAD PAS KUN LA SBYAR BAR BYA'O, ,DE BZHIN DU GDUGS BZO LEGS PA YU BA RIN PO CHE LAS GRUB PA KHA DOG SNA TSOGS PA SANGS RGYAS KYI ZHING MA LUS PA KHEBS PA BRJOD DU MED PA DANG, DE BZHIN DU RGYAL MTSAN YANG DE BZHIN TE, THAMS CAD GDUGS BZHIN NO, ,BA DAN DANG RNAM PAR RGYAL BA'I BA DAN YANG TSAD DANG RGYU DANG GRANGS SNGA MA BZHIN NO, ,GZHAN YANG ME TOG KHA DOG DANG DBYIBS DANG DRI PHUN SUM TSOGS PA'I CHAR DANG, DE'I PHRENG BA DANG, DE'I GDUGS DANG, DE'I RGYAL MTSAN DANG, DE'I BA DAN DANG, RNAM PAR RGYAL BA'I BA DAN DANG; GZHAL MED KHANG BKOD PA SNA TSOGS PA DU MA BRJOD DU MED PA DANG, MAR ME YANG TSUL DE BZHIN PA DANG, SPOS KYI CHAR LA SOGS PA YANG SNGA MA'I TSUL DANG LDAN PA DANG, ZHAL ZAS BZA' BA DANG, BTUNG BA KHA DOG DANG DRI DANG RO PHUN SUM TSOGS PA DANG, NA BZA' DRI ZHIM POS BSGOS PA DANG; ROL MO'I SGRA DBYANGS SNYAN CING YID 'PHROG PAR BYED PA'I PI WANG DANG, GLING BU DANG, RNGA DANG, RNGA PA tA HA DANG, RNGA BO CHE DANG, RNGA ZLUM DANG, RDZA RNGA DANG, DUNG DANG, ZANGS DUNG DANG, CHA LANG DANG, TING TING SHAG DANG, dA MA RU DANG, LHA DANG, MI'I GLU SNYAN PA YID 'PHROG PAR BYED PA DANG, DKON MCHOG GSUM GYI BSTOD PA'I SGRA DBYANGS SNYAN CING DON DANG LDAN PA DANG PHYE MA'I PHUR MA RI RAB BYE BA PHRAG BRGYA GCIG TU BSDOMS PA TZAM LA SOGS PA'O, ,DE YANG 'PHAGS PA DKON MCHOG SPRIN LAS 'BYUNG BA BZHIN NO, ,SGRUB PA'I MCHOD PA NI GNYIS TE, SGRUB PA'I MCHOD PA NYID @245A *, ,DANG; BLA NA MED PA'I MCHOD PA'O, ,DANG PO LA BDUN TE, PHYAG 'TSAL BA'I MCHOD PA DANG, ZANG ZING GI MCHOD PA'I MCHOD PA DANG, SDIG PA BSHAGS PA'I MCHOD PA DANG, RJES SU YI RANG PA'I MCHOD PA DANG, DE BZHIN DU BSKUL BA DANG, GSOL BA GDAB PA DANG, YONGS SU BSNGO BA'I MCHOD PA ZHES BYA BA DAG GO, ,DE LA PHYAG 'TSAL BA'I MCHOD PA LA YANG GNYIS TE, LUS KYI MCHOD PA DANG, NGAG GI MCHOD PA'O, ,LUS KYI MCHOD PA NI 'PHAGS PA BZANG PO SPYOD PA LAS, JI SNYED SU DAG CES PA LA SOGS PA DANG, BZANG PO'I SPYOD LA DAD PA'I STOBS DAG GIS; ,ZHES PA LA SOGS PA DANG, RDUL GCIG STENG NA RDUL SNYED CES PA LA SOGS PA'O, ,DE DAG GIS NI DMIGS PA'I YUL DU BYA BA DANG, LUS DBUL BA DANG, PHYAG BYA BA DE GSUNGS SO, ,DON DE NYID 'PHAGS PA PHUNG PO GSUM PA'I MDO LAS GSUNGS TE, DE PUS MO G-YAS PA SA LA 'DZUGS PA NA ZHES PA DANG, DE PUS MO G-YON PA SA LA 'DZUGS PA NA ZHES PA DANG, DE LAG PA G-YAS PAS LA 'DZUGS PA NA SEMS CAN THAMS CAD G-YAS PHYOGS KYI LAM LA GNAS PAR GYUR CIG SNYAM DU SEMS BSKYED DO ZHES PA DANG, DE BZHIN DU LAG PA G-YON PA DANG MGO SA LA GTUGS PA NA ZHES PA'I TSUL DE BZHIN DU SHES PAR BYA, DE'I BSNGO BA DE NYID LAS 'DI SKAD DU BDAG GI YAN LAG LNGAS PHYAG BTZAL BA 'DIS SEMS CAN THAMS CAD KYI SGRIB PA LNGA SEL BAR GYUR CIG ,MI LNGA YONGS SU DAG PAR GYUR CIG ,DBANG PO LNGA YONGS SU RDZOGS PAR GYUR CIG ,LAM LNGA LA GNAS PAR GYUR CIG ,MNGON PAR SHES PA NYAMS PA MED PA LNGA THOB PAR GYUR CIG ,SEMS CAN 'GRO BA LNGAR SKYES PA DAG 'GRO BA LNGA LAS KHYAD PAR DU 'PHAGS PA DANG, TSUL KHRIMS KHYAD PAR DU 'PHAGS PA DANG, TING NGE 'DZIN KHYAD PAR DU 'PHAGS PA DANG, SHES RAB KHYAD PAR DU 'PHAGS PA DANG, RNAM PAR GROL BA KHYAD PAR DU 'PHAGS PA DANG, RNAM PAR GROL BA'I YE SHES MTHONG BA KHYAD PAR DU 'PHAGS PA THOB PAR GYUR CIG ,SANGS RGYAS LA LTA BA DANG, CHOS NYAN PA DAG DGE 'DUN DANG 'GROGS PA THOB PAR GYUR CIG CES GSUNGS PA LTA BU'O, ,NGAG GIS MCHOD PA YANG LUS KYIS PHYAG BYED PA'I @245B DUS DE NYID KYI CHO GA RTOGS PA CI YOD PAS DKON MCHOG GSUM GYI BSTOD PA GLU DBYANGS KYIS TSIG TU 'DON CING PHYAG BYED PA'O, ,ZANG ZING GI MCHOD PA NI SNGAR BRJOD ZIN TO,, ,,SDIG PA BSHAGS PA'I MCHOD PA NI GSER 'OD DAM PA'AM, LTUNG BA BSHAGS PA'AM, PHUNG PO GSUM PA'I MDO'AM, LAS KYI SGRIB PA RGYUN GCOD PA LA SOGS PA'O, ,SDIG PA BSHAGS PA DE YANG MCHOD PA NYID YIN TE, JI SKAD DU 'PHAGS PA BLO GROS MI ZAD PAS BSTAN PA'I MDO LAS, BDAG DANG GZHAN GYI SDIG PA BSHAGS PA YANG BSOD NAMS SU 'GYUR RO ZHES GSUNGS SO, , RJES SU YI RANG BA'I MCHOD PA YANG 'PHAGS PA ZLA BA SGRON MA'I MDO LAS 'BYUNG BA BZHIN TE MCHOD PA NYID YIN NO, ,BSKUL BA DANG, GSOL BA GDAB PA'I MCHOD PA DANG, YONGS SU BSNGO BA'I MCHOD PAR 'GYUR BA'I TSUL YANG MDO NYID DU BLTA BAR BYA'O, ,BLA NA MED PA'I MCHOD PA LA GNYIS TE, DMIGS PA DANG BCAS PA DANG DMIGS PA MED PA'O, ,DE LA DMIGS PA DANG BCAS PA NI 'PHAGS PA BLO GROS RGYA MTSO'I MDO LAS, BLO GROS RGYA MTSO GSUM PO 'DI DAG NI DE BZHIN GSHEGS PA LA MCHOD PA DANG RIM GRO BYED PA BLA NA MED PA STE, GSUM GANG ZHE NA, BYANG CHUB TU SEMS BSKYED PA DANG, DAM PA'I CHOS YONGS SU 'DZIN PA DANG, SEMS CAN RNAMS LA SNYING RJE CHEN PO BSKYED PA'O ZHES GSUNGS SO, ,DE BZHIN DU 'PHAGS PA MTHAR GYIS YANG DAG 'PHAGS PA'I MDO LAS, BZANG PO PHAN YON BZHI PO 'DI DAG MTHONG BA'I BYANG CHUB SEMS DPA' NI DE BZHIN GSHEGS PA LA MCHOD PA YIN TE, BZHI GANG ZHE NA, SBYIN GNAS MCHOG LA DAD PAR 'GYUR BA DANG, BDAG LA BZLAS BLTAS TE SEMS CAN GZHAN YANG MCHOD PA BYED PAR 'GYUR BA DANG, DE BZHIN GSHEGS PA LA MCHOD NAS BYANG CHUB KYI SEMS BRTAN PAR 'GYUR BA DANG, SKYES BU CHEN PO'I MTSAN SUM CU RTZA GNYIS MTHONG NAS DGE BA'I RTZA BA BSDUS PAR 'GYUR BA STE BZHI PO 'DI DAG GO ZHES GSUNGS SO, ,SEMS CAN MGU BAR BYED PA YANG DE BZHIN GSHEGS PA LA MCHOD PA BLA NA MED PA YIN TE, BCOM LDAN 'DAS KYIS BA TSA'I CHU KLUNG GI MDO LAS JI SKAD GSUNGS PA DANG, @246A *, ,SLOB DPON ZHI BA LHAS KYANG, GANG DAG BDE NA THUB DBANG RNAMS DGYES SHING, ,GANG LA GNOD NA THUB DBANG MI DGYES PA, ,DE DAG MGU BAS THUB DBANG THAMS CAD DGYES, ,DE LA GNOD BYAS THUB LA GNOD BYAS 'GYUR, ,ZHES PA DANG, YANG DE NYID LAS, DE BZHIN GSHEGS RNAMS MNYES PAR BGYI SLAD DU, ,'JIG RTEN BRAN DU DENG NAS MCHI BAR BGYI, ,SKYE BO'I TSOGS KYIS BDAG MGO RKANG BCAD DAM, ,GSOD KYANG RUNG STE 'JIG RTEN MGON DGYES MDZOD, ,THUGS RJE LDAN PA DAG GIS 'GRO 'DI KUN, ,BDAG GIR MDZAD PA 'DI LA DOGS MA MCHIS, ,SEMS CAN GZUGS SU SNANG BA 'DI DAG KUN, ,MGON PO MIN NAM CI NA 'DIR MI GUS, ,DE BZHIN GSHEGS PA MNYES BYA'ANG DE NYID YIN, ,ZHES PA DANG, YANG DE NYID LAS, BYAMS PA'I BSAM LDAN MCHOD PA GANG, ,DE NI SEMS CAN CHE BA NYID, ,SANGS RGYAS DAD PA'I BSOD NAMS GANG, ,DE NI SANGS RGYAS CHE BA NYID, ,CES BSLAB PA KUN LAS BTUS PA LAS GSUNGS SO, ,SPYOD 'JUG LAS KYANG, SEMS CAN MGU BYA MA GTOGS PA, ,RGYAL BA MNYES PA'I THABS GZHAN MED, ,CES GSUNGS PA DANG, YANG DE NYID LAS DON 'DI RGYAS PAR BSHAD DE DE NYID DU BLTA BAR BYA'O, ,GZHAN YANG MDO NYID NA RGYAS PAS MDO NYID DU BLTA BAR BYA'O, ,DE LA DMIGS PA MED PA'I MCHOD PA NI SHES RAB KYI PHA ROL TU PHYIN PA BSGOM PA YIN TE, DE LA NI MCHOD PAR BYA BA DANG, MCHOD PAR BYED PA DANG, MCHOD PA'I RDZAS MED DE, DE YANG SHES RAB KYI PHA ROL TU PHYIN PA'I MDO LAS, GANG GIS NGA LA GZUGS SU MTHONG, ,GANG GIS NGA LA SGRAR SHES PA, ,DE DAG LOG PAR MTHONG PA STE, ,SKYE BO 'DI YIS NGA MI MTHONG, ,SANGS RGYAS RNAMS NI CHOS KYI SKU, ,'DREN PA RNAMS NI CHOS NYID BLTA, ,CHOS NYID MTHONG BAR BYA MIN PAS, ,DE NI RNAM PAR SHES MI NUS, ,ZHES GSUNGS SO, ,DON 'DI NI 'PHAGS PA RTAG TU NGU'I LE'U LAS GSAL BAR GSUNGS PAS DER BLTA BAR BYA'O, ,DE BAS NA 'PHAGS PA SENG GE SGRA'I MDO LAS, SANGS RGYAS SU 'DU SHES PA LA SANGS RGYAS MTHONG BA MED NA, SANGS RGYAS LA MCHOD PAR 'GYUR BA LTA CI SMOS DE NI GNAS MED DO, ,DE LA SANGS RGYAS LA MCHOD PA GANG ZHE NA, GANG 'DU SHES KYI @246B MTSAN MA MI SKYED PA'O, ,GANG LA SEMS MED PA DANG, SEMS LAS BYUNG BA MED PA DANG, SANGS RGYAS SU 'DU SHES PA MED PA DANG, CHOS SU 'DU SHES PA MED PA DANG, DGE 'DUN DU 'DU SHES PA MED PA DANG, GANG ZAG DANG, BDAG DANG, PHA ROL POR 'DU SHES PA MED PA NI DE BZHIN GSHEGS PA LA MCHOD PA YIN NO ZHES GSUNGS TE, 'DI'I DON RGYAS PAR MDO NYID DU BLTA BAR BYA'O, ,DE BAS NA 'PHAGS PA THOGS MED KYI ZHAL SNGA NAS, SANGS RGYAS BCOM LDAN 'DAS DE NI SGRUB PA'I MCHOD PAS MNYES PAR 'GYUR GYI, ZANG ZING GI MCHOD PAS NI DE MNYES PAR MI 'GYUR RO ZHES GSUNGS PA YANG LEGS PAR DRANGS PAR 'GYUR RO, ,DE BAS NA SANGS RGYAS NI CHOS KYI SKUS GNAS PA YIN TE, SANGS RGYAS PHAL PO CHE'I LE'U LAS, SANGS RGYAS RNAMS NI CHOS KYI SKU, ,DE BZHIN GSHEGS PA SKYE BA MED, ,RNAM DAG NAM MKHA' LTA BU STE, ,ZHES GSUNGS PA DANG; 'PHAGS PA NAM MKHA' MDZOD KYI MDO LAS KYANG, SANGS RGYAS BCOM LDAN 'DAS NI CHOS NYID DU YANG MI DMIGS NA, GZUGS DANG MTSAN NYID DU LTA DMIGS PAR GA LA 'GYUR ZHES GSUNGS SO, ,SLOB DPON 'PHAGS PA KLU SGRUB KYI ZHAL NAS KYANG, CHOS RNAMS THAMS CAD STONG PA LA, ,GANG LA BSTOD CING GANG GIS BSTOD, ,SKYE DANG 'JIG PA RNAM SPANGS SHING, ,GANG LA MTHA' DANG DBUS MED PA, ,GZUNG DANG 'DZIN PA MI MNGA' BA'I, ,'DIR NI KHYED BSTOD NUS PA GANG, ,ZHES GSUNGS SO, ,DE LTA BU'I MCHOD PA'I BYE BRAG NI BYANG CHUB SEMS DPA' DBANG PO RTUL PO DANG RNON PO'I BYE BRAG GIS DE DANG DE SHES PAR BYA'O, ,RTZA BA NYID LA 'JUG PAR BYA STE, BYANG CHUB SNYING PO'I MTHAR THUG PAR, ,MI LDOG PA YI SEMS KYIS SU, ,ZHES BYA BA LA SOGS PA LA, BYANG CHUB SNYING PO NI DRANG BA'I DON DU DPAL RDO RJE'I GDAN BYANG CHUB CHEN PO'I GNAS DANG, 'OG MIN GYI GNAS DPAL STUG PO BKOD BA'I ZHING NGO, ,DE DAG TU RDO RJE LTA BU'I TING NGE 'DZIN BRNYES PAS NA SNYING PO'O, ,NGES PA'I DON DU TING NGE 'DZIN DE BRNYES PA'I GNAS 'DI YIN BYA BA MED DE, DON DAM PAR CHOS THAMS CAD KYI DBYINGS NYID YIN PAS SO, ,'PHAGS PA NAM MKHA' MDZOD KYI @247A *, ,MDO LAS, BYANG CHUB SNYING PO NAM MKHA' STE, ,BYANG CHUB NAM MKHA'I MTSAN NYID YIN, ,ZHES GSUNGS SO, ,MI LDOG PA YI SEMS KYIS SU, ,ZHES BYA BA NI 'DIR PHYIR MI LDOG PA'I BYANG CHUB SEMS DPA' NI RNAM PA GSUM STE, SBYOR BA'I LAM NAS MI LDOG PA DANG, BDEN PA MTHONG BA NAS MI LDOG PA DANG, SA BRGYAD PA NAS MI LDOG PA'O, ,'DI'I DON NI 'PHAGS PA SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN LAS RGYAS PAR BLTA BAR BYA'O, ,GZHAN YANG SO SO'I SKYE BO NYID NAS PHYIR MI LDOG PA DANG, BDEN PA MTHONG BA NAS PHYIR MI LDOG PA DANG, SA BDUN PA NAS PHYIR MI LDOG PA'O, ,'DI'I DON SLOB DPON DPAL YE SHES GRAGS PAS MDZAD PA'I DE KHO NA NYID LA 'JUG PA'I BSTAN BCOS CHEN POR GSAL BAR MDZAD PA DER BLTA BAR BYA'O, ,YANG NA PHYIR MI LDOG PA NI BZHI STE, SEMS BSKYED PA NAS PHYIR MI LDOG PA DANG GSANG STE PHYIR MI LDOG PA DANG, BZOD PA THOB NAS PHYIR MI LDOG PA'O, ,DANG POR SKYABS 'GRO LAN GSUM BYA ZHES BYA BA NI DKON MCHOG GSUM RE RE LA LAN GSUM GSUM BYA BA'O, ,SKYABS SU 'GRO BA'I DON BSDUS NAS SMRAS PA, GNAS DANG RTEN DANG BSAM PA DUS; ,BSLAB PA RANG BZHIN TSAD DANG TSUL, ,BYA BA DBYE BA NGES TSIG DBYE, ,NYES DMIGS DGOS PA PHAN YON YIN, ,'DIR SKYABS SU 'GRO BA'I TSUL BRJOD PAR BYA STE, SKYES BU 'GA' ZHIG 'KHOR BA'I SDUG BSNGAL LAS YID NGES PAR BYUNG BA, RTAG TU 'CHI BA RJES SU DRAN PA, RANG BZHIN GYIS SNYING RJE DANG SHES RAB CHE BA, SO SOR THAR PA'I RIS BDUN PO LAS GANG YANG RUNG BA'I TSUL KHRIMS LA SKYON MED PAR GNAS PA DE GAL TE KHYIM PA ZHIG YIN NA NI DGE BSNYEN GYI BSLAB PAR GYUR PA BSLAB PA'I GZHI LNGA DANG, DE'I PHYOGS SU GTOGS PA BSLAB PA BZHI BCU RTZA LNGA DANG LDAN PA DANG, DE RAB TU BYUNG BA ZHIG YIN NA NI RANG GI BSLAB PA'I TSUL DANG, JI LTAR NYAN THOS KYI SAR BSHAD PA'I DGE SBYONG GI RGYAN DANG, SBYANGS PA'I YON TAN DANG, GZHAN YANG RTEN BZHI DANG, TSUL BZHI LA SOGS PA DANG, GZHAN YANG CHO GA DANG, SPYOD LAM DANG, 'TSO BA DANG, @247B TSUL KHRIMS DANG, LTA BA PHUN SUM TSOGS PA DANG LDAN PA DANG, GZHAN YANG NAM GYI CHA STOD DANG CHA SMAD LA MI NYAL BAR RNAL 'BYOR LA BRTZON PA DANG, ZAS KYI TSOD RIG PA DANG, DBANG PO RNAMS KYI SGO BSDAMS PA DANG, KHA NA MA THOB PHRA RAB TZAM LA YANG 'JIGS PAR LTA BA'I SKYES BU DE 'DI SNYAM DU MA LA SO SOR THAR PA'I TSUL KHRIMS 'DI TZAM GYIS NI BDAG DANG GZHAN GYI DON MTHAR PHYIN PAR MI 'GYUR NA, JI LTAR NA BDAG DANG GZHAN GYI DON MTHAR PHYIN PAR 'GYUR ZHIG GU, 'DI LTAR THEG PA CHEN PO ZHES BYA BA BDAG DANG GZHAN GYI DON MTHAR PHYIN PAR BYED PA ZHIG YOD CES GRAG GI, DGE BA'I BSHES GNYEN DAM PA CIG LAS BTZAL BAR BYA'O ZHES BSAMS NAS BLA MAR 'OS PA'I DAM PA DE YUN RING DU YONGS SU MNYES PAR BYAS TE, DE MNYES PAR GYUR NAS DE'I ZHABS GNYIS LA MGO BOS GTUGS TE 'DI SKAD DU SKYES BU DAM PA KHYOD BDAG LA THUGS BRTZE BAR MDZAD DU GSOL, BDAG LA BDAG DANG GZHAN GYI DON MTHAR PHYIN PAR BYED PA'I THABS THEG PA CHEN PO'I LAM DE STZAL DU GSOL ZHES G-YO SGYU DANG BRAL BA'I SEMS KYIS ZHU BAR BYA'O, ,DE NAS DGE BA'I BSHES GNYEN DES SLOB MA DE BRTAG PA GSUM GYIS BRTAGS TE, 'DI LTAR SPYOD LAM DANG, RMI LAM DANG, 'JIG RTEN PA DANG 'JIG RTEN LAS 'DAS PA'I LHA'I PRA DBAB PAS BRTAGS LA DE SNOD DU 'DUG PAR SHES NAS BLA MA DE YID DGA' BA DANG, BZHIN 'DZUM PA DANG, ZANG ZING DANG, RNYED PA DANG, BKUR STI DANG BRAL BA'I SEMS DANG SLOB MA DE LA SNYING BRTZE BA'I SEMS KYIS SDIG PA CAN GYI SKYE BOS DBEN PA'I SA PHYOGS SU SA GZHI LEGS PAR 'THAS PAR BYAS LA GTZANG BA DER BA'I RNAM LNGAS SKYANG NUL DANG BYUG PA BYAS LA, TZANDANA LA SOGS PA'I DRI PHUL DU BYUNG BAS KYANG BYUGS SHING DER DRI ZHIM PO'I ME TOG SIL MAS GTOR BAR BYA'O, ,DER DKON MCHOG GSUM GYI GZUGS BRNYAN LUGS MA LA SOGS PA DANG, PO TI LA SOGS PA DANG, BYANG CHUB SEMS DPA' RNAMS KHRI'AM STEGS BU LA BZHUGS PAR BYA'O, ,DER BLA RE LA SOGS PA DANG, ME TOG LA SOGS PA'I MCHOD PA'I YO BYAD JI LTAR 'BYOR PA DANG, ROL MO'I BYE BRAG DANG, ZHAL ZAS DANG, RGYAN CHA LA @248A *, ,SOGS PA STA GON BYED DU BCUG LA, DE NAS SLOB MA DES GDAN KHRI ME TOG GIS BRGYAN PA'I STENG DU DGE BA'I BSHES GNYEN BZHUGS SU GSOL LA, 'DI SNYAM DU 'DI NI 'GRO BA MA LUS PA'I SKYABS DANG DPUNG GNYEN YIN NO SNYAM DU BLA MA LA STON PA'I 'DU SHES BSKYED LA; KHRUS BYAS TE GOS GTZANG MA BGOS LA BSAM PA BZANG PO DANG LDAN PAS 'DI SKAD DU RIGS KYI BU KHYOD MKHYEN PAR MDZAD DU GSOL, BDAG 'KHOR BA'I GNAS 'DIR THOG MA MED PA'I DUS NAS SDUG BSNGAL DU MAS GTZES SHING SHIN TU NYAM THAG PAR GYUR TE, MGON MA MCHIS PA, SKYABS MA MCHIS PA, DPUNG GNYEN MA MCHIS PA, BDAG GI MGON DANG SKYABS DANG DPUNG GNYEN MDZAD DU GSOL ZHES LAN GSUM DU BYA'O, ,DE NAS BLA MA DES 'DI SKAD DU SKYES BU KHYOD 'KHOR BA LAS SKYO ZHING YID BYUNG BAS SHING RTA CHEN PO'I LAM LA 'JUG PAR 'DOD PA SHIN TU LEGS SO, ,'DI LTAR SHES PAR GYIS SHIG ,DKON MCHOG GSUM ZHES BYA BA MGON MED PA DANG, SKYABS MED PA DANG, DPUNG GNYEN MED PA DAG GI MGON DANG, SKYABS DANG DPUNG GNYEN DU GYUR PA YOD KYI, KHYOD DANG BA'I YID DANG, SHIN TU SPRO BA'I YID KYIS 'GRO BA MTHA' DAG YUL DU BYAS TE, DE LAS SKYABS SU 'GRO BA GYIS SHIG ,DE LA SRI ZHU DANG, BSNYEN BKUR TSUL BZHIN DU BYA BA'I PHYIR MCHOD PA'I YO BYAD 'BYOR PA CI YOD PAS TSOGS PAR GYIS SHIG CES BRJOD PAR BYA'O, ,DE NAS SLOB MA DES PUS MO GNYIS SA LA BTZUGS SHING THAL MO SBYAR NAS ME TOG PHUL TE, ,'DI SKAD DU, SKYES BU GTZO BO DGONGS SU GSOL, ,THOG MA MED NAS 'DI BAR DU, ,BDAG NI 'KHOR BAR 'KHOR GYUR TE, ,SDUG BSNGAL RNAMS KYIS SHIN TU DUB, ,GANG GIS SDUG BSNGAL MTHAR 'BYIN PA'I, ,LAM DE KHYOD KYIS BSTAN DU GSOL, ,ZHES LAN GSUM DU BRJOD PAR BYA'O, ,DE NAS BLA MA DES PHYOGS BCU'I 'JIG RTEN GYI KHAMS KYI DKON MCHOG THAMS CAD YUL DU BYAS LA, LUS KYI BKOD PA BRJOD DU MED PAR MOS LA, LUS RE RE LA MGO BRJOD DU MED PA DANG, MGO RE RE LA LCE BRJOD DU MED PAR MOS TE, SNGAR BRJOD PA'I LUS DANG NGAG GI MCHOD PA DANG, ZANG ZING GI MCHOD PA RGYA @248B CHE BA DANG, SDIG PA BSHAGS PA DANG, RJES SU YI RANG BA DANG, BSKUL BA DANG, GSOL BA GDAB PA DANG, YONGS SU BSNGO BA DAG NI MCHOD PA RNAM PA BDUN ZHES BYA BA YIN LA, MCHOD PA RNAM PA BDUN PO DE'I RJES LA SKYABS SU 'GRO BA BYA'O, ,DE LTAR SKYABS SU SONG BA DES SKYABS SU 'GRO BA'I BSLAB PA BSRUNG BAR BYA STE, LHA GZHAN LA PHYAG MI BTZAL BA DANG, GZHAN LA GNOD PA DANG 'TSE BA SPANG BA DANG, MU STEGS CAN DANG MI 'GROGS SHING DE DAG LA BSNYEN BKUR MI BYA BA DANG, DKON MCHOG GSUM GYI KHYAD PAR DANG, YON TAN RJES SU DRAN PAS YANG DANG YANG DU SKYABS SU 'GRO BA DANG, BKA' DRIN CHEN PO RJES SU DRAN PAS DUS RTAG TU MCHOD PA LA BRTZON ZHING BZA' BA DANG BTUNG BA'I PHUD KYANG DBUL BA DANG, SNYING RJE RJES SU DRAN PAS 'GRO BA GZHAN YANG TSUL 'DI LTA BU LA NYE BAR DGOD PA DANG, BYA BA GANG BYED PA DANG, DGOS PA CI YOD PA NA DKON MCHOG GSUM LA MCHOD NAS GSOL BA 'DEBS SHING 'JIG RTEN PA'I THABS GZHAN SPANG BA'O, ,PHAN YON NI GSUM 'THOB STE, 'DI LTAR RGYU'I DUS DANG, LAM GYI DUS DANG, 'BRAS BU'I DUS SO, ,DANG PO NI TSE RABS 'DI DANG GZHAN GYI PHAN YON TE BLA MA LAS SHES PAR BYA'O, ,DE LTAR SKYABS SU SONG BA'I PHAN YON SHES PA DES NYIN LAN GSUM DANG MTSAN LAN GSUM DU SKYABS SU 'GRO BAR BYA ZHING, DKON MCHOG GSUM THAN BZHAD GAD KYI PHYIR RAM, SROG GI PHYIR GTANG BAR MI BYA ZHING BSRUNG BAR BYA'O, ,DE LTAR SKYABS SU 'GRO BA KHYAD PAR CAN BSTAN NAS, DA NI BYANG CHUB TU SEMS BSKYED PA BSTAN PA'I PHYIR, DE NAS SEMS CAN THAMS CAD LA ZHES PA LA SOGS PA TSIG RKANG SUM CU RTZA BZHIS BSTAN TE, DE NAS ZHES PA NI SKYABS SU 'GRO BA BYAS NAS ZHES BYA'O, ,SEMS CAN THAMS CAD CES PAS NI SEMS BSKYED PA'I DMIGS PA BSTAN TE, DE YANG SEMS CAN NI 'DI TZAM DU ZAD DO ZHES TSAD GZUNG BAR MI NUS TE, MDO LAS GAL TE PHYOGS BCU'I 'JIG RTEN GYI KHAMS THAMS CAD CHU'I DKYIL 'KHOR DU GYUR LA, SKYES BU ZHIG GIS LO BRGYA PHRAG STONG STONG NA SPU'I RTZE MO ZHIG GIS CHU DE LAS 'THOR BAR BYED NA CHU'I DKYIL 'KHOR NI ZAD PAR @249A *, ,'GYUR GYI, SEMS CAN GYI KHAMS NI ZAD PAR 'GYUR BA MED DO ZHES GSUNGS PA DANG, 'PHAGS PA KUN DU BZANG PO'I SPYOD PA'I SMON LAM GYI RGYAL PO LAS KYANG, NAM MKHA'I MTHAR THUG GYUR PA JI RTZAM PAR, ,SEMS CAN MA LUS MTHA' YANG DE TZAM MO, ,ZHES GSUNGS SO, ,DE LTA BU'I SEMS CAN YUL DU BYAS NAS SEMS BSKYED PAR BYA'O, ,BYAMS PA'I SEMS NI SNGON 'GRO BAS, ,ZHES PA NI MAR 'DU SHES PA LAS DRIN DU GZO BA'I SEMS 'BYUNG BA NI BYAMS PA'O, ,BYAMS PA'I SEMS LAS SNYING RJE'I SEMS 'BYUNG LA SNYING RJE'I SEMS LAS BYANG CHUB KYI SEMS 'BYUNG BAS NA BDAG GIS 'DIR, BYAMS PA'I SEMS NI SNGON 'GRO BAS, ,ZHES SMRAS SO, ,TSIG RKANG PA BDUN NI DKYUS JI LTA BA NYID DO, ,BYANG CHUB SEMS NI BSKYED PAR BYA, ,ZHES BYA BA NI GSUM LA SKYABS SU 'GRO BA BYAS PA'I RJES LA YANG BDAG LA 'BYOR PA CI YOD PAS DKON MCHOG GSUM DANG BLA MA DGE BA'I BSHES GNYEN LA MCHOD PA DBUL BA TSUL BZHIN DU BYAS LA, BLA MA'I SPYAN SNGAR MAndALA BYAS TE, BSAM PA BZANG PO G-YO SGYU DANG BRAL BAS BLA MA 'DI NI SANGS RGYAS MNGON SUM NA BZHUGS PA NYID YIN NO SNYAM DU BSAMS LA, DUS GSUM GYI SANGS RGYAS THAMS CAD KYIS MDZAD PA DE DAG MA LUS PAR BDAG GIS RDZOGS PAR BYA'O ZHES BSAMS LA, PUS MO GNYIS SA LA BTZUGS PAS ME TOG PHUL LA, THAL MO LEGS PAR SBYAR LA 'DI SKAD DU, KUN MKHYEN YE SHES PHUNG PO CAN, ,SRID PA'I 'KHOR LO RNAM SBYONG BA, ,KHYOD ZHABS PADMA SPANGS NAS NI, ,GTZO BO GZHAN LA SKYABS MA MCHIS, ,'GRO BA'I DPA' BO THUB CHEN GYIS, ,BDAG LA BKA' DRIN STZAL DU GSOL, ,BYANG CHUB SEMS MCHOG BLA MED PA, ,DAM PA DE NI BDAG LA STZOL, ,ZHES LAN GSUM DU BRJOD PAR BYA'O, ,DE NAS BLA MA DGE BA'I BSHES GNYEN DES PHYOGS BCU'I 'JIG RTEN GYI KHAMS KYI SANGS RGYAS BCOM LDAN 'DAS DANG, BYANG CHUB SEMS DPA' SEMS DPA' CHEN PO SA CHEN PO LA BZHUGS PA THAMS CAD DANG, SNGON DANG DA LTAR GYI BLA MA DGE BA'I BSHES GNYEN DAG SPYAN DRANGS TE, DE DAG GI SPYAN SNGAR @249B 'PHAGS PA BZANG PO SPYOD PA DANG, BYANG CHUB SEMS DPA'I SPYOD PA LA 'JUG PA'I CHO GAS RGYUD LEGS PAR DAG PAR BYA'O, ,DE LTAR SNOD SHIN TU SBYANGS NAS BLA MA LA SLOB MA DES YANG LAG PA ME TOG DANG BCAS PAS GSOL BA GDAB PAR BYA'O, ,BLA MA DES RNYED PA DANG, BKUR STI DANG; GRAGS PA DANG, SGRA DANG, TSIGS SU BCAD PA DANG, ZANG ZING DANG BCAS PA'I SEMS MED PAS 'DI SNYAM DU, AE MA NGO MTSAR RO, ,'JIGS PA CHEN PO'I DUS 'DIR 'DI LTA BU'I SEMS CAN DAM PA 'BYUNG BA NI NGO MTSAR RO ZHES BSAM PA DANG, LHAG PA'I BSAM PA BZANG POS CHOG BYA'O, ,DE YANG 'DZAM BU'I GLING NI SNGON GYI SLOB DPON RNAMS KYI DGONGS PA THA DAD PAR GYUR TE, SLOB DPON RGYAL PO AINDRA BH'U TI DANG, SLOB DPON 'PHAGS PA KLU SGRUB DANG, SLOB DPON 'PHAGS PA SH'AN TA DE BA DANG, SLOB DPON 'PHAGS PA TZANDRA GO MI DANG, SLOB DPON DAmshtRA SE NA DANG; SLOB DPON DPA' BO DANG, SLOB DPON SH'AN TA RA TE LA SOGS PA MKHAS PA CHEN PO DE DAG GI DGONGS PA NI 'DI LTAR THA DAD PAR 'GYUR TE, DANG POR NI BYANG CHUB KYI SEMS DE NYID LA THA DAD PAR GYUR TO, ,GNYIS PAR NI BYANG CHUB KYI SEMS DE'I CHO GA LA THA DAD PAR GYUR TO, ,GSUM PAR NI BYANG CHUB KYI SEMS DE SKYE BA'I TSUL LA'O, ,BZHI PAR NI SEMS DE'I BSLAB BYA'I TSUL LA THA DAD PAR GYUR TE, DON DANG PO DE LA SLOB DPON KHA CIG GI ZHAL NAS MOS PAS SPYOD PA PA 'JIG RTEN PA'I LAM GYIS BSDUS PA'I SEMS DE NI SMON PA'I SEMS YIN NO ZHES GSUNGS SO, ,LA LA'I ZHAL NAS NI JI SRID DMIGS PA DANG BCAS PA'I SEMS DE NI KUN RDZOB KYI RNAM PA STE, SMON PA'I SEMS SO ZHES BZHED DO, ,GZHAN NI TSOGS KYI LAM PA THAR PA'I CHA DANG MTHUN PA'I DGE BA'I RTZA BA BSKYED PA'I SEMS DE NI SMON PA'I SEMS YIN NO ZHES BZHED DO, ,KHA CIG NI BSOD NAMS MNGON PAR 'DU BYA BA DANG MI LDAN PA'I SEMS NI SMON PA'I SEMS YIN NO ZHES BZHED DO, ,LA LA NI, 'GRO BAR 'DOD DANG 'GRO BA YI, ,ZHES PAS RDZOGS PA'I BYANG CHUB YUL DU BYED PA TZAM DE NI SMON PA'I SEMS YIN NO ZHES BZHED DO, ,DE MA YIN PA GZHAN YANG YOD DE GZHUNG MANGS PAR @250A *, ,'GYUR RO, ,GNYIS PA'I DON LA YANG THA DAD PAR GYUR TE, DE DAG NYID KYIS MDZAD PA'I GZHUNG DE DANG DER BLTA BAR BYA'O, ,GSUM PA'I DON LA YANG KHA CIG NI GANG ZAG GI DRUNG DU BYANG CHUB KYI SEMS BSKYED PAS KYANG DE SKYE BAR BZHED DO, ,LA LA NI SANGS RGYAS KYI SPYAN SNGAR MA YIN PAR SEMS BSKYED PAR MI BYA'O ZHES BSHAD DO, ,GZHAN DAG NI 'DI SKAD DU, ,BYANG CHUB KYI SEMS SKYE BA NI RNAM PA BZHI'I TSUL GYIS SKYE BAR 'GYUR RO ZHES BZHED DO, ,DON 'DI BZHI PA LA YANG THA DAD PAR GYUR TE, KHA CIG GI ZHAL NAS BYANG CHUB SEMS DPA' NI LNGA STE, SEMS DANG PO BSKYED PA DANG, SPYOD PA LA 'JUG PA DANG, PHYIR MI LDOG PA DANG, MI SKYE BA'I CHOS LA BZOD PA THOB PA DANG, SKYE BA GCIG GIS THOGS PA'O, ,DE LA SNGA MA GNYIS KYI BSLAB PA JI SNYED PA'I ZHES BZHED DO, ,LA LAS NI MDO LAS GSUNGS PA THAMS CAD BSRUNG BAR BYA BA YIN NO ZHES BZHED DO; ,LA LA NI TSOGS KYI LAM PA'I BSLAB PA JI SNYED PA BSRUNG BAR BYA'O ZHES BZHAD DO, ,GZHAN DAG NI BSLAB PA 'DI DANG 'DI LTA BU ZHES MI BZHED DO, ,KHA CIG NI SKYABS SU 'GRO BA'I BSLAB PA'I THOG TU SDONG PO BKOD PA DANG, DGE BA'I RTZA BA YONGS SU 'DZIN PA'I MDO DANG, DAD PA'I STOBS BSKYED PA'I MDO LA SOGS PAR YANG BSHAD MOD KYI, RE ZHIG 'PHAGS PA 'OD SRUNGS KYIS ZHUS PA'I MDO LAS BYANG CHUB KYI SEMS BRJED PAR 'GYUR BA DANG, BRJED PAR MI 'GYUR BA'I CHOS BRGYAD BSRUNG BAR BYA'O ZHES BZHED DO, ,DE DAG NI MTSON PA TZAM DANG, 'DI LTAR SNGON GYI MKHAS PA CHEN PO DE DAG GI LUGS THAMS CAD 'DIR BKOD PAR GYUR NA NI GZHUNG SHIN TU MANGS PAR 'GYUR RO, ,SLOB DPON CHEN PO DE RNAMS NI THEG PA CHEN PO'I LAM LA TSAD MA'I SKYES BUR GYUR PA, BYAMS PA CHEN PO DANG SNYING RJE CHEN PO LA GOMS PA, BYANG CHUB KYI SEMS RNAM PA GNYIS LA THUGS BRTAN PA'O; ;DE LA SLOB DPON KHA CIG GIS PHYAG RGYA CHEN PO'I DNGOS GRUB BRNYES PA'O, ,LA LAS NI BDEN PA GZIGS PA'O, ,LA LAS NI 'JIG RTEN CHOS MCHOG CHEN PO BRNYES NAS SPRUL PA'I SKU LAS GDAMS NGAG THOB PA DAG YIN PA DANG, MDO NYID NA YANG DE DAG JI LTAR BZHED PA BZHIN DU BCOM @250B LDAN 'DAS KYIS GSUNGS PAS, DE DAG NI LAM CHEN PO NYID YIN NO ZHES KHONG DU CHUD PAR BYA'O, ,'ON KYANG RANG RANG GI BLA MA DAG GIS JI LTAR GNANG BA'I LUGS DE GZUNG BAR BYA'O ZHES BDAG GI BLA MA DAG GSUNG NGO, ,DE LA 'DIR RE ZHIG SLOB DPON 'PHAGS PA KLU SGRUB DANG, SLOB DPON 'PHAGS PA THOGS MED DANG, SLOB DPON 'PHAGS PA SH'AN TA DE BA DAG SMON PA BYANG CHUB KYI SEMS BSKYED PA'I CHO GA'I TSUL 'DI LA THA DAD PA MED CING MTHUN PA DANG, DA LTAR BDAG GI BLA MA RJE BTZUN DPAL BYANG CHUB BZANG PO DANG, BLA MA RJE BTZUN SU WA RnnA DVA'I PA DAG KYANG 'PHAGS PA DE DAG GI RJES SU 'BRANG BA DANG, BDAG KYANG BLA MA RJE BTZUN DE DAG GI RJES SU 'BRANG BA YIN PAS BDAG LA SLOB MA'I TSOGS KYIS GSOL BA BTAB NAS BYAS PA'I CHO GA'I THANGS CUNG ZHIG BDAG GIS BKOD PA NI 'PHAGS PA KLU SGRUB DANG, 'PHAGS PA THOGS MED DANG, 'PHAGS PA SH'AN TA DE BA DAG GI LUGS YIN NO ZHES KHONG DU CHUD PAR BYA'O, ,DE DAG NI ZHAR LA BSHAD PA'O, ,DE LA BYANG CHUB KYI SEMS KYI LJON SHING SKYE BA LA CHU'I RLAN LTA BU'I CHOS GNYIS SNGON DU 'GRO BA YIN TE, 'DI LTAR SEMS SBYANG BA DANG, BLA MA LA YON DBUL BA'O, ,BLA MA LA YON DBUL BA YANG 'PHAGS PA BSKAL PA BZANG PO'I MDO DANG, SNYING RJE CHEN PO LAS JI LTAR 'BYUNG BA LTA BU'O, ,SEMS SBYANG BA NI 'PHAGS PA KUN DU BZANG PO'I SMON LAM SNGAR JI SKAD BRJOD PA DANG, YANG BYANG CHUB SEMS DPA'I SPYOD PA LA 'JUG PA'I TSUL GYIS BYA BA YIN NO, ,DE NAS SKYE BO CHEN PO'I CHOS LUGS SHING RTA CHEN PO'I LAM BLA MA GCIG TU BRGYUD PA SLOB DPON CHEN PO SH'AN TA DE BA'I CHO GA'AM, SLOB DPON CHEN PO THOGS MED KYI CHO GAS TSAD MED PA BZHI PO BSGOM PA SNGON DU SONG BAS BLA NA MED PA'I BYANG CHUB TU SEMS BSKYED PAR BYA'O, ,DE LTAR BYANG CHUB TU SEMS BSKYED PA'I SLOB MA'I RGYUD DE LAS, SEMS KYI KHYAD PAR JI LTA BU ZHIG SKYE ZHE NA, DON 'DI LA DGONGS NAS BCOM LDAN 'DAS KYIS 'PHAGS PA BLO GROS MI ZAD PAS BSTAN PA'I MDO LAS GSUNGS TE, JI SKAD DU, BLO GROS MI ZAD PAS SMRAS PA, BTZUN PA SH'A RA DVA TI'I BU BYANG CHUB SEMS @251A *, ,DPA' RNAMS KYI SEMS DANG PO BSKYED PA DE NI MI ZAD PA'O, ,DE CI'I PHYIR ZHE NA, MA 'DRES PA'I PHYIR RO, ,SEMS DE NI NYON MONGS PA THAMS CAD DANG MA 'DRES PAR SKYES SO, ,THEG PA GZHAN LA 'DOD PA MED PAS SEMS DE NI MA 'BREL BAR SKYES SO, ,PHAS KYI RGOL BA THAMS CAD KYIS MI 'PHROGS PAS SEMS DE NI SRA BAR SKYES SO, ,SEMS DE NI BDUD THAMS CAD KYIS MI PHYED PAR SKYES SO, ,DGE BA'I RTZA BA THAMS CAD YANG DAG PAR SGRUB PAS SEMS DE BRTAN PAR SKYES SO, ,'DUS BYAS THAMS CAD MI RTAG PAR SHIN TU RIG PAS SEMS DE NI RTAG PAR SKYES SO, ,SANGS RGYAS KYI CHOS THAMS CAD YANG DAG PAR SDUD PAS SEMS DE NI MI G-YO BAR SKYES SO, ,LOG PAR SGRUB PA THAMS CAD DANG BRAL BAS SEMS DE NI MI BRJI PAR SKYES SO, ,MI BSKYED PAS SEMS DE NI RTAG PAR SKYES SO, ,GNYEN PO MED PAS SEMS DE NI DPE MED PAR SKYES SO, ,CHOS THAMS CAD 'BIGS PAS SEMS DE NI RDO RJE LTA BUR SKYES SO, ,BSOD NAMS KYI TSOGS TSAD MED PA BSAGS PAS SEMS DE NI MU MED PAR SKYES SO, ,SEMS CAN THAMS CAD LA SEMS DE NI MNYAM PAR SKYES SO, ,RANG BZHIN GYIS KUN NAS NYON MONGS PA MED PAS SEMS DE NI RNAM PAR DAG PAR SKYES SO, ,SHES RAB KYI 'OD GSAL BA'I PHYIR SEMS DE NI DRI MA MED PAR SKYES SO, ,LHAG PA'I BSAM PA MA BOR BAR SEMS DE NI SHIN TU NGES PAR SKYES SO, ,BYAMS PA NAM MKHA' DANG MNYAM ZHING MTSUNGS PAS NA SEMS DE NI YANGS PAR SKYES SO, , SEMS CAN THAMS CAD GO 'BYED PAS SEMS DE NI RGYA CHE BAR SKYES SO, ,SEMS CHAGS PA MED PA'I YE SHES LA BTANG BAS SEMS DE NI SGRIB PA MED PAR SKYES SO, ,SNYING RJE CHEN PO RGYUN MA CHAD PAS NA SEMS DE NI THAMS CAD KYI RJES SU SONG BAR SKYES SO, ,YONGS SU BSDO PA'I CHO GA SHES PAS NA SEMS DE NI RGYUN MA CHAD PAR SKYES SO, ,THAMS CAD MKHYEN PAS RAB TU STON PAS NA SEMS DE NI SNGON DU 'GRO BAR SKYES SO, ,THEG PA GZHAN LA MA ZHUGS PAS NA SEMS DE NI BLTA BAR 'OS PA'O, ,DE NI SEMS CAN THAMS CAD KYIS BLTAR MI MTHONG BAR SKYES SO, ,DE NI BSOD NAMS KYI @251B TSOGS KYIS BRGYAN PAR SKYES SO, ,DE NI YE SHES KYI TSOGS KYIS RAB TU RTOGS TE SKYES SO, ,DE NI SANGS RGYAS KYI CHOS THAMS CAD KYI SA BON DU SKYES SO, ,DE NI CHOS THAMS CAD KYIS MI SHIGS PAR SKYES SO, ,DE NI BDE BA'I DNGOS PO THAMS CAD KYI GNAS SU SKYES SO, ,DE NI SBYIN PA'I TSOGS KYIS BSAGS TE SKYES SO, ,DE NI TSUL KHRIMS KYI TSOGS KYIS SMON LAM GYI 'PHAGS PAR SKYES SO, ,DE NI BZOD PA'I TSOGS KYIS BSNYEN BKUR BAR SKYES SO, ,DE NI BRTZON 'GRUS KYI TSOGS KYIS RGYAL BAR DKA' BAR SKYES SO, ,DE NI BSAM GTAN GYI TSOGS KYIS ZHI PA'I MTSAN NYID DU SKYES SO; ,DE NI SHES RAB KYI TSOGS KYIS THOGS PA MED PAR SKYES SO, ,BYAMS PA CHEN PO BSAGS PAS DE NI GNOD PA MED PAR SKYES SO, ,SNYING RJE CHEN PO BSAGS PAS DE NI RTZA BA BRTAN PAR SKYES SO, ,DE NI DGA' BA CHEN PO BSAGS TE MGU BA DANG MOS PA DANG MCHOG TU DGA' BA LA GNAS PAR SKYES SO, ,DE NI BTANG SNYOMS CHEN PO GNAS PA STE BDE BA DANG SDUG BSNGAL GYIS MI BSGUL BAR SKYES SO, ,DE NI SANGS RGYAS KYI BYIN GYI RLABS KYIS BRLAB PAR SKYES SO, ,DKON MCHOG GSUM GYI RIGS RGYUN MI BCAD PA'I PHYIR TSUL RGYUN MI 'CHAD PAR SKYES SO, ,DE NI PHYOGS BCU'I SANGS RGYAS KYI ZHING THAMS CAD KYI 'KHOR DU RAB TU GRAGS PAR SKYES SO, ,BTZUN PA SHA RA DVA TI'I BU THAMS CAD MKHYEN PA'I SEMS 'DI 'DRA BA LA, ZAD PA GANG YANG YOD DAM, SMRAS PA, RIGS KYI BU DE NI MA YIN TE, GANG THAMS CAD MKHYEN PA'I SEMS 'DI LTA BU ZAD PAR 'DOD PA NI NAM MKHA' ZAD PAR 'DOD DO, ,BLO GROS MI ZAD PAS SMRAS PA, BTZUN PA SHA RA DVA TI'I BU DE BZHIN DU THAMS CAD MKHYEN PA'I SEMS DE NI MI ZAD PA STE, BYANG CHUB KYI SEMS DE NI DE'I RTZA BAR SKYES PAS NA DE'I PHYIR DE NI MI ZAD PA'O ZHES BYA BA LA SOGS PA GSUNGS SO, ,YANG MDO DE NYID LAS BSAM PA DE NI MA BYAS PAS NA BCOS MA MA YIN PA'O, ,G-YO BA MED PAS NA MA BYAS PA'O, ,RAB TU RTOGS PAS G-YO BA MED PA'O, ,SGYU MED PAS RAB TU RTOGS PA'O, ,SGYU MED PAS RAB TU DRANG BA'O, ,DAG PAS SGYU MED PA'O, ,GSAL BAS GYA GYU MED PA'O ZHES BYA BA LA SOGS PA @252A *, ,RGYAS PAR GSUNGS TE, MDO DE NYID DU BLTA BAR BYA'O, ,DE LTA BU'I THUN MONG MA YIN PA'I SEMS, 'JIG RTEN THAMS CAD LAS MNGON PAR 'PHAGS PA'I SEMS, SEMS CAN THAMS CAD MA BTANG BA'I SEMS DE NI SA CHEN PO LA RAB TU ZHUGS PA'I BYANG CHUB SEMS DPA' CHEN PO RNAMS KYIS DE NYIS SBYANGS SHING DAG PAR BYAS, DE MA NYAMS PAR BYAS SHING BSRUNGS, DE SA NAS SAR SPEL TE, DE NI SANGS RGYAS THAMS CAD KYI THUGS YIN PAS DE BSKYED PHAN CHAD BYANG CHUB SEMS DPA' DE LA BSTAN PA LA DGA' BA'I LHAS BSRUNG BA DANG, 'CHI BA'I DUS SU YID DGA' BAR 'CHI BA DANG, BAR MA DO DANG MA'I MNGAL DANG BU CHUNG GI DUS SU YANG LHA DAG GIS BSRUNG BA DANG, DGE BA'I RTZA BA THAMS CAD CHUD MI ZA BA DANG, SEMS BSOD NAMS KYI RGYUN DANG LDAN PA YIN TE, SLOB DPON ZHI BA'I LHAS SPYOD 'JUG LAS, DGE BA GZHAN KUN CHU SHING BZHIN DU NI; ,'BRAS BU SMIN NAS ZAD PAR 'GYUR BA NYID, ,BYANG CHUB SEMS KYI LJON SHING RTAG PAR YANG, ,'BRAS BU MI ZAD RAB TU 'PHEL BAR 'GYUR, ,ZHES GSUNGS SO, ,DE BAS NA BYANG CHUB KYI SEMS DE MI ZAD PAS 'JIG RTEN DANG 'JIG RTEN LAS 'DAS PA'I LAM GYI CHOS THAMS CAD DANG, 'BRAS BU SANGS RGYAS KYI SA'I CHOS THAMS CAD MI ZAD PA YIN NO, ,DE BAS NA DUS DER SEMS DE LTA BU SKYES PAS NA, DE LTAR SMOS PA'I SEMS DAG NI, ,BSKYED PA'I YON TAN GANG YIN PA, ,ZHES BYA BA SMRAS TE, DE LTA BU'I SEMS DE'I PHAN YON SMRA BAR 'DOD NAS, DE NI SDONG PO BKOD PA'I MDO LAS 'PHAGS PA BYAMS PAS NOR BZANGS LA 'DI SKAD DU BSHAD DE, RIGS KYI BU BYANG CHUB KYI SEMS NI SANGS RGYAS KYI CHOS THAMS CAD KYI SA BON LTA BU'O, ,'GRO BA THAMS CAD KYI CHOS DKAR PO RNAM PAR 'PHEL BAR BYED PAS ZHING LTA BU'O, ,'JIG RTEN PA THAMS CAD RTEN PAS SA LTA BU'O, ,DBUL BA THAMS CAD YANG DAG PAR 'JOMS PAS RNAM THOS KYI BU LTA BU'O, ,BYANG CHUB SEMS DPA' THAMS CAD YONGS SU BSRUNG BAS PHA LTA BU'O, ,DON THAMS CAD YANG DAG PAR SGRUB PAS YID BZHIN GYI NOR BU'I RGYAL PO LTA BU'O, ,BSAM PA THAMS CAD YONGS SU @252B RDZOGS PAR BYED PAS BUM PA BZANG PO LTA BU'O, ,NYON MONGS PA'I DGRA THAMS CAD PHAM PAR BYED PAS MDUNG THUNG LTA BU'O, ,TSUL BZHIN MA YIN PA'I YID LA BYED PA RAB TU 'GEBS PAS GO CHA LTA BU'O, ,NYON MONGS PA'I MGO LTUNG BAR BYED PAS RAL GRI LTA BU'O, ,NYON MONGS PA'I SHING GCOD PAR BYED PAS STA RE LTA BU'O, ,'TSE BA THAMS CAD LAS SKYOB PAS MTSON CHA LTA BU'O, ,'KHOR BA'I CHU BO'I NANG NAS STENG DU 'BYIN PAS MCHIL PA LTA BU'O, ,SGRIB PAS KHEBS PA THAMS CAD 'THOR BAR BYED PAS RLUNG GI DKYIL 'KHOR LTA BU'O, ,BYANG CHUB SEMS DPA'I SPYOD PA DANG SMON LAM THAMS CAD MDOR BSDUS PAS MDOR BSTAN PA LTA BU'O, ,LHA DANG MI DANG LHA MA YIN DANG BCAS PA'I 'JIG RTEN THAMS CAD LA MCHOD RTEN LTA BU STE, RIGS KYI BU DE LTAR BYANG CHUB KYI SEMS NI YON TAN DE DANG YON TAN GYI BYE BRAG TSAD MED PA GZHAN DANG YANG LDAN NO ZHES GSUNGS TE, DE BZHIN DU RAB TU BSHAD DO, ,DE BZHIN DU KHYIM BDAG DPA' SBYIN GYIS ZHUS PA'I MDO'I TSIG 'OG NA BKOD PA YANG 'DIR DRANG BAR BYA'O, ,GZHAN MDO DU MA DANG, 'PHAGS PA KLU SGRUB DANG, SLOB DPON ZHI BA'I LHA LA SOGS PAS KYANG PHAN YON MANG DU GSUNGS PA YOD KYANG 'DIR YI GE MANGS PA'I 'JIGS PAS MA BKOD DO, ,YANG DE NYID BSTAN PA'I PHYIR, DE YIS MDO BKLAG PA'AM BLA MA LAS MNYAN TE, ,RDZOGS PA'I BYANG CHUB SEMS KYI YON TAN TSAD MED PA, ,RNAM PAR SHES PAR BYAS LA DE GNAS RGYU MTSAN DU, ,YANG DANG YANG DU SEMS NI BSKYED PAR BYA, ,ZHES BYA BA SMRAS TE, MDO BKLAG PA 'AM ZHES BYA BA NI BSLAB PA KUN LAS BTUS PA LAS, BYANG CHUB SEMS DPA'I BSLAB PA'I GZHI RNAMS NI PHAL CHER MDO SDE DAG LAS SNANG STE, MDO SDE DE DANG DE DAG LAS BYANG CHUB SEMS DPA'I KUN DU SPYOD PA DANG, BYANG CHUB SEMS DPA'I BSLAB PA'I GZHI RNAMS BCAS PA'O, , DE LTA BAS NA DE MA BLTAS NA LTUNG BA BYUNG NA YANG MI SHES NA SPONG BAR 'GYUR DU 'ONG BAS RTAG TU MDO SDE LTA BA LA GUS PAR BYA'O ZHES GSUNGS PA DANG, YANG DE NYID KYI RTZA BA LAS, DGE PA'I BSHES GNYEN MI GTANG ZHING, ,MDO SDE DAG LA RTAG BLTA BAS, ,ZHES PA DANG, SLOB DPON ZHI BA'I @253A *, ,LHAS 'DI SKAD DU, MDO SDE DAG NI BLTA BAR BYA, ,NAM MKHA'I SNYING PO'I MDO SDE NI, ,THOG MA NYID DU BLTA BAR BYA, ,'PHAGS PA KLU SGRUB KYIS MDZAD PA'I, ,MDO RNAMS KUN LAS BTUS PA YANG, ,DE YI 'OG TU BLTA BAR BYA, ,ZHIS GSUNGS PAS THOG MAR MDO SDE BLTA BA LA GOMS PAR BYA'O, ,BLA MA LAS MNYAN TE ZHES BYA BA NI BLA MA NI SEMS SKYED PAR BYED PA DE NYID DE, DE YANG 'DI LTAR 'PHAGS PA THOGS MED NAS BRGYUD PA DANG, SLOB DPON ZHI BA'I LHA NAS BRGYUD PA'I BLA MA'O, ,DE YANG BLA MA BSTEN PA LA DGOS PA CI YOD SNYAM PA LA YOD PAR MTHONG STE, JI SKAD DU, 'PHAGS PA SDONG PO BKOD PA LAS, DPAL 'BYUNG BA 'DI SKAD DU RIGS KYI BU DGE BA'I BSHES GNYEN GYIS YANG DAG PAR ZIN PA'I BYANG CHUB SEMS DPA' NI NGAN 'GROR MI 'GRO'O, ,DGE BA'I BSHES GNYEN GYIS BSKYANGS PA'I BYANG CHUB SEMS DPA' NI BSLAB PA 'GAL BAR MI BYED DO, ,DGE BA'I BSHES GNYEN GYIS BSAMS PA'I BYANG CHUB SEMS DPA' NI 'JIG RTEN PA LAS MNGON PAR 'PHAGS SO, ,DGE BA'I BSHES GNYEN LA BSNYEN BKUR BYAS PA'I BYANG CHUB SEMS DPA' NI SPYOD PA THAMS CAD LA MA BRJED PAR GNAS SO, , DGE BA'I BSHES GNYEN GYIS YONGS SU BZUNG BA'I BYANG CHUB SEMS DPA' NI LAS DANG NYON MONGS PA THAMS CAD KYIS THUB PAR DKA'O, ,DGE BA'I BSHES GNYEN NI BYA BA MA YIN PA RNAMS KHONG DU CHUD PAR BYED DO, ,BAG MED PA'I GNAS LAS BZLOG PA'O, ,'KHOR BA'I GRONG KHYER NAS 'DON PA'O, ,RIGS KYI BU DE BAS NA DE LTAR YIN LA RGYUN MA CHAD PAR DGE BA'I BSHES GNYEN RNAMS KYI DRUNG DU 'GRO BAR BYA'O, ,KHUR THAMS CAD KHUR BAS YONGS SU MI SKYO BA'I PHYIR SA LTA BU'I SEMS DANG, MI PHYED PA'I PHYIR RDO RJE LTA BU'I SEMS DANG, MI KHRO BAS KHYI LTA BU'I SEMS DANG, SDUG BSNGAL THAMS CAD KYIS MI BSGRUL BA'I PHYIR KHOR YUG LTA BU'I SEMS DANG, LAS THAMS CAD LA MI SMOD PAS BRAN LTA BU'I SEMS DANG, NGA RGYAL DANG CHE BA'I NGA RGYAL RNAM PAR SPONG BAS PHYAG DAR BA LTA BU'I SEMS DANG, KHUR LCI BA KHUR BAS THEG PA LTA BU'I SEMS DANG, 'GRO ZHING 'ONG @253B BAS MI SKYO BAS GRU LTA BU'I SEMS DANG, DGE BA'I BSHES GNYEN GYI NGOR BLTA BAS BU MDZANGS PA LTA BU'I SEMS KYIS DGE BA'I BSHES GNYEN LA BSNYEN BSKUR BYA'O, ,RIGS KYI BU KHYOD KYIS BDAG LA NI NANG PA'I 'DU SHES BSKYED PAR BYA'O, ,DGE BA'I BSHES GNYEN LA SMAN PA'I 'DU SHES DANG; RJES SU BSTAN PA LA NI SMAN GYI 'DU SHES DANG, NAN TAN NYAMS SU LEN PA LA NI NAD 'TSO BA'I 'DU SHES DAG BSKYED PAR BYA'O ZHES GSUNGS PA DANG, GZHAN YANG 'PHAGS PA NOR BZANGS KYIS DGE SLONG RGYA MTSO'I SPRIN GYI SKABS NAS 'BYUNG BA DANG, 'PHAGS PA DRAG SHUL CAN GYIS ZHUS PA LAS KYANG KHYIM BDAG GAL TE BYANG CHUB SEMS DPA' LUNG NOD PA'AM, KHA TON BYA BA'AM, SBYIN PA DANG LDAN PA'AM, TSUL KHRIMS DANG LDAN PA'AM, BZOD PA DANG LDAN PA'AM, BRTZON 'GRUS DANG LDAN PA'AM, BSAM GTAN DANG LDAN PA'AM, SHES RAB DANG LDAN PA'AM, BYANG CHUB SEMS DPA'I LAM GYI TSOGS SOGS PA DANG LDAN PA'I TSIG BZHI PA'I TSIGS SU BCAD PA SU LAS MNYAN TAM, LUNG NOS SAM BLANGS PA'I SLOB DPON DE LA DE CHOS KYIS GUS PAR BYA'O, ,MING DANG TSIG DANG YI GE JI SNYED PA DE SNYED KYIS BSKAL PAR GAL TE SLOB DPON LA G-YO MED PAR RNYED PA DANG, BKUR STIS RIM GRO DANG, BKUR STI BYAS KYANG KHYIM BDAG DA DUNG DU SLOB DPON DE LA GUS PAR BYA BA YONGS SU RDZOGS PA MA YIN NA, CHOS MA YIN PA GUS PAR BYA BA LTA CI SMOS ZHES GSUNGS PA DANG, DE BZHIN DU LAG NA RDO RJE DBANG BSKUR BA'I RGYUD DANG, SHES RAB KYI PHA ROL TU PHYIN PA 'PHAGS PA RTAG TU NGU'I LE'U DANG, 'PHAGS PA LEGS PAR SBYIN PAS JI LTAR BLA MA BSTEN PA RNAMS NI DE DANG DER BLTA BAR BYA'O, ,'PHAGS PA THOGS MED KYIS KYANG BLA MA BSTEN PA GSUNGS TE, JI SKAD DU BYANG CHUB SEMS DPA'I SA LAS, DE LA RNAM PA DU DANG LDAN NA BYANG CHUB SEMS DPA' DGE BA'I BSHES GNYEN DU RIG PAR BYA, RNAM PA DU ZHIG GIS NI DGE BA'I BSHES GNYEN DON YOD PA YIN, RNAM PA DU ZHIG DANG LDAN NA DGE BA'I BSHES GNYEN DAD PA'I GZHI LA GNAS PA YIN, BYANG CHUB SEMS DPA' DGE BA'I BSHES GNYEN DU GYUR PA'I 'DUL BA RNAMS DGE PA'I BSHES @254A *, ,GNYEN GYI BYA BA NI DU ZHIG YOD, BYANG CHUB SEMS DPA' DGE BA'I BSHES GNYEN LA BSTEN PA NI RNAM PA DU ZHIG YOD, 'DU SHES DUS NI BYANG CHUB SEMS DPA' DGE BA'I BSHES GNYEN LA CHOS MNYAN PAR BYA, BYANG CHUB SEMS DPA' DGE BA'I BSHES BNYEN LA CHOS NYAN PA NA GANG ZAG CHOS SMRA BA DE LA GNAS DU ZHIG NI YID LA MI BYED PAR BYA ZHE NA, DE LA RNAM PA BRGYAD DANG LDAN NA BYANG CHUB SEMS DPA'I DGE BA'I BSHES GNYEN RNAMS RNAM PA THAMS CAD RDZOGS PA YIN PAR RIG PAR BYA STE, BYANG CHUB SEMS DPA'I SDOM PA'I TSUL KHRIMS RNAMS LA GNAS SHING MA NYAMS PA DANG SKYON MED PAR BYED PAS TSUL KHRIMS LA GNAS PA YIN, BLO MA BYANG BA MA YIN PAS MANG DU THOS PA YIN, BSGOMS PA LAS BYUNG BA'I DGE BA GANG YANG RUNG BA THOB CING RTOGS PA DANG LDAN PA YIN, SNYING RJE LDAN PAS SNYING BRTZE BA CAN YIN, DE TSE 'DI LA RANG GI BDE BA BOR NAS GZHAN GYI DON LA SBYOR BA YIN, DE GZHAN LA CHOS STON PA NA BAG TSA BA'I 'JIGS PAS DRAN PA DANG SPOBS PA NYAMS PA MED PAS 'JIGS PA MED PA YIN, GZHAN DAG GIS BRNYAS PA DANG 'PHYA BA DANG BSTING BA DANG NGAN DU BRJOD PA MI 'DOD PA'I TSIG RNAMS DANG SEMS CAN LOG PAR ZHUGS PA RNAM PA SNA TSOGS PA RNAMS BZOD PA YIN, 'KHOR BZHI PO DAG CHOS BSTAN PA LA STOBS DANG LDAN ZHING NGAL BA MED PAS YID YONGS SU MI SKYO BA YIN, TSIG CHOS NYID LAS MA NYAMS SHING GSAL LA TSIG BYA BA DANG LDAN PA YIN NO; ,DE LA BYANG CHUB SEMS DPA' DGE BA'I BSHES GNYEN DE LTA BU'I YON TAN GYI RNAM PA THAMS CAD LDAN PA NI RNAM PA LNGA LNGAS DGE BA'I BSHES GNYEN GYI BYA BA DON YOD PA YIN TE, DE NI SNGA NAS KYANG GZHAN DAG LA PHAN PA DANG BDE BAR 'DOD PA YIN TE, PHAN PA DANG BDE BA DE JI LTA BAR SHES PA YIN, DE BLO PHYIN CI MA LOG PA YIN, THABS GANG DANG CHOS BSTAN PA'I TSUL GANG GIS SEMS CAN GANG 'DUL NUS PA DE LA NUS SHING MTHU YOD PA DANG, YID YONGS SU MI SKYO BA YIN, SEMS CAN THA MA DANG 'BRING PO DANG, KHYAD PAR DU 'PHAGS PA LA PHYOGS 'DZIN PA MED PAR @254B SNYING RJE SNYOMS PA YIN NO, ,DE LA DGE BA'I BSHES GNYEN DE NI RNAM PA LNGAS DAD PA'I GZHI LA GNAS PA YIN TE, GANG GI PHYIR GTAM THOS PAS KYANG SHIN TU DANG BAR BYED NA MNGON SUM DU MTHONG NA LTA CI SMOS TE, SPYOD LAM RAB TU ZHI BA DANG, SPYOD LAM DANG LDAN PA DANG, YAN LAG DANG, NYID LAG MI 'GYUR BAS SPYOD LAM PHUN SUM TSOGS PA DANG, LUS DANG DAG DANG YID KYI LAS KYI MTHA' LA GOD PA MED CING 'GYUR BA MED PAS BRTAN PA YIN, GZHAN DAG LA TSUL 'CHOS PA'I PHYIR SPYOD LAM BRTAN PA LTAR MI 'CHOS PAS TSUL 'CHOS PA MED PA YIN, GZHAN GYI CHOS KYI GTAM MAM, RNYED PA DANG BKUR STI LA BDAG DGA' BA DANG, RANG GI RNYED PA DANG BKUR STI YANG GZHAN LA STOBS PAR BYED PAS PHRAG DOG MED PA YIN, YO BYAD BSNYUNGS SHING YO BYAD BSNYUNGS PAS 'TSOG CHAS RNYED DO COG THAMS CAD LA GTONG [?] BAS YO BYAD BSNYUNGS PA YIN NO; ;DE LA BYANG CHUB SEMS DPA' DGE BA'I BSHES GNYEN DU GYUR PA DE NI RNAM PA LNGAS GDUL BA GZHAN DAG LA DGE BA'I BSHES GNYEN GYI BYA BA BYED DE, GLENG BAR BYED PA YIN, DRAN PAR BYED PA YIN, 'DOMS PAR BYED PA YIN, RJES SU STON PAR BYED PA YIN, CHOS STON PAR BYED PA YIN; TSIG 'DI DAG GI DBYE BA NI NYAN THOS KYI SAR RIG PAR BYA'O, ,GDAMS NGAG DANG RJES SU BSTAN PA NI STOBS KYI LE'U LAS RIG PAR BYA'O, ,DE LA BYANG CHUB SEMS DPA' DGE BA'I BSHES GNYEN LA BRTEN PA NI RNAM PA BZHIS YONGS SU RDZOGS TE, DUS DUS SU NAD G-YOG DANG, THA MAL PA'I G-YOG BYAS PA DANG, GUS PA DANG, DGA' BA DANG, DUS DUS SU GUS PAR SMRA BA DANG, PHYAG BYA BA DANG, MNGON DU LDANG BA DANG, THAL MO SBYAR BA DANG, 'DUD PAR BYA BA DANG, MCHOD PAR BYA BA DANG, CHOS DANG MTHUN PA'I GOS DANG, ZAS DANG, MAL CHA DANG, STAN DANG, NAD PA'I GSOS SMAN DANG, YO BYAD SBYIN PAS MCHOD PA DANG, GNAS BCAS NAS GZUD PA DANG, NYES PA DAG 'CHAGS PA DANG, DRUNG DU 'GRO BA DANG, DRI BA DANG NYAN PA'O, ,DE LA BYANG CHUB SEMS DPA' DGE BA'I BSHES GNYEN LAS CHOS NYAN PAR 'DOD PAS 'DU SHES RNAM PA LNGAS CHOS MNYAN PAR BYA @255A *, ,STE; DKON PA'I DON GYIS RIN PO CHE'I 'DU SHES DANG, SHES RAB RGYA CHEN PO 'THOB PA'I RGYU'I DON GYIS MIG GI 'DU SHES DANG, CHOS THAMS CAD YANG DAG PAR STON PAS SNANG BA'I 'DU SHES DANG, BLA NA MED PA'I BYANG CHUB 'THOB PA'I RGYU'I DON GYIS PHAN YON CHE BA'I 'DU SHES DANG, TSE 'DI LA MYA NGAN LAS 'DA' BA DANG, RDZOGS PA'I BYANG CHUB THOB PAR BYED PA ZHI GNAS DANG LHAG MTHONG GI DGA' BA KHA NA MA THO BA MED PA'I RGYU'I DON GYIS KHA NA MA THO BA MED PA'I 'DU SHES SO, ,DE LA BYANG CHUB SEMS DPA' DGE BA'I BSHES GNYEN LA CHOS NYAN PA NA, DE LA GNAS LNGAR YID LA MI BYED DE, DE TSUL KHRIMS NYAMS PA NYAMS SO SNYAM DU YID LA MI BYED DE, 'DI NI TSUL KHRIMS NYAMS SHING SDOM PA LA MI GNAS PAS BDAG GIS 'DI LAS CHOS MNYAN PAR MI BYA'O SNYAM DU YID LA MI BYA'O, ,RIGS DMA' BA LA YANG 'DI LA BDAG GIS CHOS MNYAN PAR MI BYA'O SNYAM DU YID LA MI BYA'O, ,CHOS LA RTON PAS BYA'I GANG ZAG LA RTON PAR MI BYA'O, ,DON LA RTON PAR BYA'I TSIG 'BRU LA RTON PAR MI BYA'O, ,BYAD DANG GZUGS NGAN PA DANG, TSIG 'BRU NGAN PA LA YANG YID LA MI BYA STE, GUS PA DANG BCAS PAS CHOS MNYAN PAR BYA'O, ,CHOS NI NAMS KYANG GANG ZAG GI SKYON GYIS MI GOS SHING SKYON CAN DU MI 'GYUR BA'I PHYIR RO, ,DE LA BYANG CHUB SEMS DPA' DBANG PO RTUL PO GANG, GANG ZAG GI SKYON RNAMS LA SEMS MNGON PAR LDANG ZHING, CHOS NYAN PAR MI 'DOD PA DE NI BDAG NYID KHO NA LA GNOD CING SHES RAB YONGS SU NYAMS PAR GYUR PAR RIG PAR BYA'O ZHES GSUNGS SO, ,DE BAS NA SANGS RGYAS KYI CHOS THAMS CAD BLA MA LA RAG LAS PAS NA BYANG CHUB SEMS DPA' LAS DANG PO PAS BLA MA DGE BA'I BSHES GNYEN MKHAS PA RTAG TU BSTEN PAR BYA'O, ,PHAN YON GZHAN YANG BSHAD DE, BYANG CHUB SEMS DPA' KHYIM GYI NANG NA GNAS PA DBANG PO RTUL PO KHA CIG LA NI SMON PA'I SEMS 'DI NYID LA BRTEN NAS RDZOGS PA'I BYANG CHUB THOB PAR 'GYUR BAR GSUNGS TE, JI SKAD DU BCOM LDAN 'DAS KYIS RGYAL PO LA GDAMS PA'I MDO LAS, RGYAL PO CHEN PO KHYOD NI 'DI @255B LTAR BYA BA MANG BA BYED PA MANG BA STE THAMS CAD KYI THAMS CAD RNAM PA THAMS CAD KYI THAMS CAD DU SBYIN PA LA BSLAB PA NAS, SHES RAB KYI PHA ROL TU PHYIN PA'I BAR LA BSLAB PAR MI NUS KYI, DE BAS NA RGYAL PO CHEN PO KHYOD YANG DAG PAR RDZOGS PA'I BYANG CHUB LA 'DUN PA DANG, DAD PA DANG, DON DU GNYER BA DANG, SMON PAS 'GRO YANG RUNG, 'GRENG YANG RUNG, 'DUG KYANG RUNG, NYAL YANG RUNG, SAD KYANG RUNG, ZA YANG RUNG, 'THUNG YANG RUNG, RTAG PAR RGYUN DU DRAN PAR GYIS LA YID LA ZUNG STE SGOMS SHIG ,SANGS RGYAS DANG PO SO SO'I SKYE BO THAMS CAD DANG, BDAG GI 'DAS PA DANG, MA 'ONGS PA DANG, DA LTAR BYUNG BA'I DGE BA'I RTZA BA THAMS CAD BSDUS SHING GZHOL TE RJES SU YI RANG BAR GYIS SHIG ,RJES SU YI RANG BA MCHOG DANG, NAM MKHA' DANG 'DRA BA DANG, MYA NGAN LAS 'DAS PA DANG MTSUNGS PAS RJES SU YI RANG BAR GYIS SHIG ,RJES SU YI RANGS NAS SANGS RGYAS DANG BYANG CHUB SEMS DPA' DANG, 'PHAGS PA NYAN THOS DANG RANG SANGS RGYAS THAMS CAD LA MCHOD PAR BYA BA PHUL CIG ,PHUL NAS SEMS CAN THAMS CAD DANG THUN MONG DU GYIS SHIG ,DE NAS SEMS CAN THAMS CAD THAMS CAD MKHYEN PA'I BAR DU THOB PAR 'GYUR BA DANG, SANGS RGYAS KYI CHOS THAMS CAD YONGS SU RDZOGS PAR 'GYUR BAR NYIN GCIG BZHIN DU DUS GSUM DU BLA NA MED PA YANG DAG PAR RDZOGS PA'I BYANG CHUB TU SNGOS SHIG ,RGYAL PO CHEN PO KHYOD DE LTAR ZHUGS NAS RGYAL PO YANG BYED LA RGYAL PO'I BYA BA YANG NYAMS PAR MI 'GYUR ZHING, BYANG CHUB KYI TSOGS KYANG YONGS SU RDZOGS PAR 'GYUR RO ZHES GSUNGS SO, ,SLOB DPON ZHI BA'I LHA'I ZHAL NAS BSLAB PA KUN LAS BTUS PA LAS DON 'DI GSUNGS TE, 'DI SKAD DU SPYOD PA DANG MI LDAN PA YANG BYANG CHUB KYI SEMS NI 'KHOR BA'I BDE BA MTHA' YAS PA BSKYED PA'I PHYIR DE LA BRNYAS PAR MI BYA'O ZHES GSUNGS SO, ,DE'I NUS PA YANG MDO LAS GSUNGS TE, BYAMS PA'I RNAM PAR THAR PA'I SDONG PO BKOD PA LAS, RIGS KYI BU 'DI LTA STE DPER NA RDO RJE RIN PO CHE NA TSIG KYANG GSER GYI RGYAN KHYAD PAR DU 'PHAGS PA THAMS CAD ZIL @256A *, ,GYIS GNON CING RDO RJE RIN PO CHE'I MING YANG MI 'DOR LA DBUL BA THAMS CAD KYANG RNAM PAR BZLOG GO, ,RIGS KYI BU DE BZHIN DU THAMS CAD MKHYEN PAR SEMS BSKYED PA'I RDO RJE RIN PO CHE NAN TAN DANG BRAL YANG, NYAN THOS DANG RANG SANGS RGYAS KYI YON TAN GYI GSER GYI RGYAN THAMS CAD ZIL GYIS GNON CING, BYANG CHUB SEMS DPA'I MING YANG MI 'DOR LA, 'KHOR BA'I DBUL BA THAMS CAD KYANG RNAM PAR BZLOG GO ZHES 'BYUNG NGO, ,RGYAL PO LA GDAMS PA'I MDO LAS KYANG DON DE NYID GSUNGS TE, RGYAL PO CHEN PO KHYOD YANG DAG PAR RDZOGS PA'I BYANG CHUB KYI SEMS KYI DGE BA'I RTZA BA'I LAS KYI RNAM PAR SMIN PA DES, LAN DU MAR LHA'I NANG DU SKYES PA NAS GANG DE LTAR MANG DU BYA BA BYED PA LTA CI SMOS ZHES 'BYUNG STE MDO DE NYID DU BLTA BAR BYA'O, ,RTZA BA NYID LA 'JUG PAR BYA STE, BYANG CHUB SMON PA'I SEMS NI BSKYED NAS NI, ,'BAD PA MANG POS KUN TU SPEL BYA ZHING, ,'DI NI SKYE BA GZHAN DU'ANG DRAN DON DU, ,JI SKAD BSHAD PA'I BSLAB PA YONGS SU BSRUNG, ,ZHES SMRAS TE, DE LTAR SEMS BSKYED CING DE'I PHAN YON SHES PA DES DE SPEL BAR BYA BA'I PHYIR, 'BAD PA MANG POS KUN DU SPEL BYA ZHING, ,ZHES SMRAS TE, 'DI'I DON NI BDAG GIS BYAS PA'I SEMS BSKYED PA'I CHO GAR GSAL BAR BYAS TE, 'DI SKAD DU DE LTAR SEMS BSKYED PA'I GANG ZAG GIS BYANG CHUB KYI SEMS SPEL BAR BYA BA'I PHYIR, THA NA NYIN LAN GSUM MTSAN LAN GSUM DU, SANGS RGYAS CHOS DANG TSOGS KYI MCHOG RNAMS LA, ,BYANG CHUB BAR DU BDAG NI SKYABS SU MCHI, ,BDAG GIS SBYIN SOGS BYAS PA 'DI DAG GIS, ,'GRO LA PHAN PHYIR SANGS RGYAS 'GRUB PAR SHOG ,CES BYANG CHUB TU SEMS BSKYED PAR BYA'O ZHES PA'O, ,'DI NI SKYE BA GZHAN DU'ANG DRAN DON DU, ,JI SKAD BSHAD PA'I BSLAB PA YONGS SU BSRUNG, ,ZHES PA 'DI'I DON YANG BDAG GIS 'OD SRUNGS KYIS ZHUS PA'I MDO LAS BLANGS NAS CHO GA DE NYID DU BKOD DE 'DI LTAR BYANG CHUB KYI SEMS NYAMS PAR BYED PA'I CHOS BZHI LAS LDOG PAR BYA STE, BZHI GANG ZHE NA, MKHAN PO DANG, SLOB DPON DANG, BLA MA DANG, SBYIN GNAS LA BSLU BA DANG, GZHAN 'GYOD PA @256B MED PA LA 'GYOD PA NYE BAR BSGRUB PA DANG, THEG PA CHEN PO LA YANG DAG PAR ZHUGS PA'I GANG ZAG LA BSNGAGS PA MA YIN PA DANG, MI SNYAN PA DANG BRJOD PA MA YIN PA'I SGRA TSIGS SU BCAD PA 'BYIN PA DANG, G-YO DANG SGYU GZHAN LA NYE BAR SPYOD KYI LHAG PA'I BSAM PAS MA YIN PA'O, , BYANG CHUB KYI SEMS NYAMS PAR MI BYED PA'I CHOS BZHI LA BSLAB PAR BYA STE, BZHI GANG ZHE NA, SROG GI PHYIR RAM THA NA BZHAD GAD KYI PHYIR YANG BRDZUN GYI TSIG MI SMRA BA DANG, G-YO DANG SGYU MED PAR SEMS CAN THAMS CAD KYI DRUNG NA LHAG PA'I BSAM PAS GNAS PA DANG, BYANG CHUB SEMS DPA' THAMS CAD LA STON PAR 'DU SHES BSKYED CING DE DAG GI YANG DAG PA'I BSNGAGS PA PHYOGS BZHIR BRJOD PA DANG, NYI TSE BA'I THEG PA MI 'DOD PA'I PHYIR SEMS CAN GANG YONGS SU SMIN PAR BYED PA DE DAG THAMS CAD BLA NA MED PA YANG DAG PAR RDZOGS PA'I BYANG CHUB YANG DAG PAR 'DZIN DU 'JUG PA'O, ,KHYAD PAR DU MNGON PAR SHES PA MYUR DU THOB PAR 'DOD PA'I BYANG CHUB SEMS DPA' SPYAN RAS GZIGS DBANG PHYUG GIS ZHUS PA'I CHOS BDUN PA ZHES BYA BA'I THEG PA CHEN PO'I MDO LA BSLAB PAR BYA'O, ,SNGAR BSTAN PA'I, 'BAD PA MANG POS KUN DU SPEL BYA ZHING; ;ZHES BYA BA'I TSIG GI DON 'DI YIN TE, RJE BTZUN DAG GI ZHAL NAS SPEL BA RNAM PA GSUM LAS RGYAS PAR SPEL BA NI, 'JUG SEMS BDAG NYID SDOM PA MA GTOGS PA, ,YANG DAG SMON PA 'PHEL BAR 'GYUR MA YIN, ,RDZOGS PA'I BYANG CHUB SDOM PAS SPEL 'DOD PAS, ,DE PHYIR 'BAD PAS 'DI NI NGES PAR BLANG, ,ZHES SMRAS TE, 'JUG SEMS BDAG NYID CES BYA BA NI LHAG PA'I BSAM PA RNAM PAR DAG PA YIN TE, DE YANG 'PHAGS PA NAM MKHA' MDZOD KYI MDO LAS JI SKAD DU, RIGS KYI BU BYANG CHUB KYI SEMS BYANG CHUB KYI SEMS ZHES BYA BA'I BYANG CHUB KYI SEMS DE CHOS GANG GIS BSDUS, JI LTAR PHYIR MI LDOG PAR KUN DU GNAS, ,NAM MKHA' MDZOD KYIS SMRAS PA, RIGS KYI BU BYANG CHUB KYI SEMS NI CHOS RNAM PA GNYIS KYIS BSDUS PAS PHYIR MI LDOG PAR GNAS SO, ,GNYIS GANG ZHE NA, BSAM PA DANG LHAG PA'I BSAM PA'O, ,BSAM @257A *, ,PA DANG LHAG PA'I BSAM PA GANG GIS BSDUS, BSAM PA NI G-YO MED PA DANG SGYU MED PAS BSDUS PA'O, ,LHAG PA'I BSAM PA NI DE LA MA CHAGS PA DANG KHYAD PAR DU 'GRO BAS BSDUS SO, ,BZHI PO DE DAG GANG GIS BSDUS, CHOS BRGYAD KYIS BSDUS TE, G-YO MED PA NI DRANG PO DANG GSAL BAS BSDUS PA'O, ,SGYU MED PA NI BCOS MA MA YIN PA DANG BSAM PA DAG BAS BSDUS SO, ,DE LA MA CHAGS PA NI SEMS MA GONG BA DANG BRTZON 'GRUS MA GONG BAS BSDUS SO, ,KHYAD PAR DU 'GRO BA NI BSOD NAMS KYI TSOGS DANG YE SHES KYI TSOGS KYIS BSDUS SO ZHES BYA BA LA SOGS PA CHOS BRGYA NYI SHU RTZA BRGYAD KYIS BSDUS TE RGYAS PAR MDO NYID DU BLTA BAR BYA'O, ,GZHAN YANG 'PHAGS PA CHOS YANG DAG PAR SDUD PA'I MDO LAS KYANG 'DI SKAD DU, YON TAN KHYAD PAR CAN 'DOD PA NI LHAG PA'I BSAM PA'O, ,LHAG PA'I BSAM PA NI SROG CHAGS 'BYUNG PO RNAMS LA DES PA'O, ,SEMS CAN THAMS CAD LA BYAMS PA'O, ,'PHAGS PA THAMS CAD LA GUS PA'O, ,'JIG RTEN PA RNAMS LA SNYING BRTZE BA'O, ,BLA MA LA RIM GRO BYED PA'O, ,SKYABS DANG DPUNG GNYEN DANG GLING MED PA DANG MGON MED PA'I MGON DANG SKYABS DANG DPUNG GNYEN DANG GLING NGO ZHES BYA BA LA SOGS PA GSUNGS TE, RGYA CHER DE NYID DU BLTA BAR BYA'O, ,GZHAN YANG MDO DE LAS BYANG CHUB SEMS DPA' BSAM PA DAG PA LA NI NAM MKHA' DANG RTZIG BA DANG SHING DANG CHU BO DANG NAGS TSAL LA SOGS PA DAG LAS KYANG CHOS 'BYUNG LA, RANG NYID KYI SPYOD PA NYID LAS KYANG GDAMS DAG DANG RJES SU BSTAN PA 'BYUNG NGO ZHES GSUNGS SO, ,GZHAN YANG 'PHAGS PA BLO GROS MI ZAD PA'I MDO LAS KYANG, BTZUN PA SHA RA DVA TI'I BU GZHAN YANG BYANG CHUB SEMS DPA' RNAMS KYI LHAG PA'I BSAM PA MI ZAD PA YIN TE, DE CI'I PHYIR ZHE NA, DGE BA'I RTZA BA THAMS CAD LHAG PAR DMIGS PA'I PHYIR RO, ,THA NA GANG BYANG CHUB SEMS DPA' GANG CI SEMS PA DE THAMS CAD DGE BA'I BSAM PA LAS LHAG PA'I BSAM PAS DMIGS PAR 'GYUR TE, SA NAS SAR BZHAG PA'I PHYIR 'PHO BA NI LHAG PA'I BSAM PA'O ZHES BYA BA LA SOGS PA DANG, YANG BTZUN @257B BA SHA RA DVA TI'I BU 'DI NI BYANG CHUB SEMS DPA' RNAMS KYI LHAG PA'I BSAM PA MI ZAD PA'O ZHES GSUNGS SO, ,'DI SKAD DU BSTAN PAR 'GYUR TE, 'DI LTAR SA GZHI BZANG PO LAS NAGS TSAL DANG LO TOG PHUN SUM TSOGS PA SKYE BA BZHIN DU, TSUL KHRIMS BZANG PO'I SA GZHI LAS SANGS RGYAS KYI CHOS THAMS CAD SKYE ZHING 'PHEL BAR 'GYUR RO ZHES SHES PAR 'GYUR RO, ,'DIR 'DI DPYAD DO, ,SMON PA BYANG CHUB KYI SEMS DANG 'JUG PA BYANG CHUB KYI SEMS DE GNYIS KYI DON LA, SNGON GYI MKHAS PA CHEN PO RNAMS DANG, DA LTAR GYI MKHAS PA CHEN PO DAG RNAM PA DU MAR 'CHAD DE, DE DAG GI 'DOD PA DE DAG LA BDAG GI BLO 'PHRO BAR NUS MOD KYI YI GE MNGAS PAR 'GYUR BAS GZHAG GO, ,'DI GNYIS KYI DON MDO NYID NA GSAL BAR GSUNGS TE, SDONG PO BKOD PA'I MDO LAS, RIGS KYI BU SEMS CAN GANG BLA NA MED PA YANG DAG PAR RDZOGS PA'I BYANG CHUB TU SEMS BSKYED PA DE DAG KYANG DKON NO, ,DE BAS KYANG GANG BLA NA MED PA YANG DAG PAR RDZOGS PA'I BYANG CHUB TU CHAS PA'I SEMS CAN DE DAG NI SHIN TU DKON NO ZHES GSUNGS SO, ,SLOB DPON ZHI BA LHA'I ZHAL NAS KYANG, BYANG CHUB KYI SEMS DE NI RNAM PA GNYIS TE, BYANG CHUB TU SMON PA'I SEMS DANG, BYANG CHUB TU 'JUG PA'I SEMS SO ZHES BSLAB PA KUN LAS BTUS PA LAS GSUNGS PA DANG, SPYOD 'JUG LAS KYANG, 'GRO BAR 'DOD DANG 'GRO BA YI, ,BYE BRAG JI LTAR SHES PA LTAR, ,DE BZHIN MKHAS PAS 'DI NYID KYI, ,BYE BRAG RIM BZHIN SHES PAR BYA, ,ZHES GSUNGS SO, YANG SLOB DPON GYI ZHAL NAS, DE LA SMON PA'I SEMS NI NGAS SANGS RGYAS SU 'GYUR BAR BYA'O ZHES SMON PA LAS SKYES PA'O ZHES BSLAB PA KUN LAS BTUS PA LAS GSUNGS SO, ,DE BAS NA 'BRAS BU RDZOGS PA'I BYANG CHUB YUL DU BYED CING DMIGS PA NI SMON PA'I SEMS YIN TE, JI SKAD DU MGON PO BYAMS PAS KYANG, SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, ,CES MNGON PAR RTOGS PA'I RGYAN LAS GSUNGS SO, ,LAM GYI CHOS YUL DU BYED CING DMIGS PA NI 'JUG PA'I SEMS YIN TE, MGON PO BYAMS PA'I ZHAL NAS, RANG @258A *, ,GZHAN DON DANG DE NYID DON, ,MTHU DANG RANG GI SANGS RGYAS KYI, ,ZHING DANG SEMS CAN YONGS SMIN DANG, ,BDUN PA BYANG CHUB MCHOG YIN NO, ,ZHES MED SDE RGYAN LAS GSUNGS SO, ,DE BAS NA BYANG CHUB KYI SEMS DE NYID RGYU'I DUS DANG, 'BRAS BU'I DUS THAMS CAD DU DE NYID YIN TE; GNAS SKABS KYI BYE BRAG GIS DE LTAR 'GYUR RO, ,DE YANG MGON PO BYAMS PA'I ZHAL NAS RGYAS PAR BSHAD DE, JI SKAD DU, DE YANG SA GSER ZLA BA ME, ,GTER DANG RIN CHEN 'BYUNG GNAS MCHO, ,RDO RJE RI SMAN BSHES GNYEN DANG, ,YID BZHIN NOR BU NYI MA KLU, ,RGYAL PO MDZOD DANG LAM PO CHE, ,BZHON PA BKOD MA'I CHU DANG NI, ,SGRA SNYAN CHU BO SPRIN RNAMS KYIS, ,RNAM PA NYI SHU RTZA GNYIS SO, ,ZHES GSUNGS SO, ,DE LA GNYIS NI RGYU'I BYANG CHUB KYI SEMS SO, ,BCU BDUN NI LAM GYI BYANG CHUB KYI SEMS SO, ,GSUM NI 'BRAS BU'I BYANG CHUB KYI SEMS SO, , GNYIS NI SMON PA'I SEMS SO, ,NYI SHU NI 'JUG PA'I SEMS SO, ,RNAM GRANGS GZHAN YANG GSUM NI RGYU'I DUS KYI SEMS SO, ,BCU DRUG NI LAM GYI DUS KYI SEMS SO, ,THA MA GSUM NI 'BRAS BU'I DUS KYI SEMS SO, ,DE DAG GI DON RGYAS PA NI MNGON PAR RTOGS PA'I RGYAN DE NYID DU BLTA BAR BYA'O; ,DE LTAR BYANG CHUB KYI SEMS RIN PO CHE DE KHYAD PAR DU SPEL BAR BYA BA'I PHYIR, TSUL KHRIMS KYI SDOM PA NGES PAR BLANG PAR BYA'O ZHES BSTAN NAS, DA NI TSUL KHRIMS KYI SDOM PA'I RTEN KHYAD PAR CAN BSTAN PAR 'DOD NAS, SO SOR THAR BA RIS BDUN GYI, ,RTAG TU SDOM GZHAN LDAN PA DAG ;BYANG CHUB SEMS DPA'I SDOM PA YI, ,SKAL BA YOD KYI GZHAN DU MIN, ,ZHES SMRAS TE, 'DIR SMRAS PA, KHYOD KYIS DANG POR, DE NI SKYES BU MCHOG YIN NO, ,SEMS CAN DAM PA BYANG CHUB MCHOG ,'DOD PAR GYUR PA DE DAG LA, ,ZHES MA SMRAS SAM, YANG 'DIR 'DI SKAD DU BRJOD PA DE JI LTA BU SMRAS PA BDEN TE, SNGA MA NI MA DAG PA'I RTEN DU BZHAG LA 'DI NI DAG PA'I RTEN DU 'DOD PA YIN NO, ,'DI'I DON BLA MA RJE BTZUN DPAL BYANG CHUB BZANG POS SDOM PA NYI SHU PA'I 'GREL PAR GSUNGS TE, 'DI SKAD DU SO SOR THAR PA'I SDOM PA NI BYANG CHUB SEMS DPA' SDOM PA'I YAN LAG TU GYUR PA YIN @258B TE; PHYOGS GCIG NYID DU SHES PAR BYA'O, ,DE'I PHYIR SO SOR THAR PA'I SDOM PA GZHAN DANG LDAN PA 'DIS BYANG CHUB SEMS DPA'I SDOM PA YANG DAG PAR LEN PA'I SNOD DU GYUR BA LA, BSLAB PA'I TSIG 'DI YANG SBYIN PAR BYA ZHES PA'I DON TO, ,'DI LA SROG GCOD PA LA SOGS PA LAS LDOG PA'I CHO GA GZHAN PA NYID MA YIN ZHING DE RNAMS LAS KYANG LDOG PA YIN PA LA NI BYANG CHUB SEMS DPA'I SDOM PA LEN PA'I SNOD DU GYUR BA YANG YOD PA MA YIN NO ZHES GSUNGS SO, ,RE ZHIG THEG PA CHEN PO'I BAG CHAGS MED PA DE'I RIGS MED PA SO SOR THAR PA'I GTAN GYI BAR CHAD CAN NAM, BYANG CHUB SEMS DPA'I SDOM PA MED PA'I GONG DU DE LA PHAM PA BYUNG BA'AM BSLAB PA PHUL BA'AM DGE BA'I RTZA BA CHAD PA'AM, SDOM PA DE MA BLANGS PA NI SO SOR THAR PA'I SDOM PA YANG MED NA, CIG SHOS LTA GA LA YOD DU RUNG, 'DIR SMRAS PA, SROG GCOD PA LA SOGS PA LAS MA LOG PA'I BYANG CHUB SEMS DPA' YOD PAR 'GYUR RAM, SMRAS PA DE NI MED DE DE DAG NI BYANG CHUB SEMS DPA' LA RTZA BA'I LTUNG BA YIN PAR MDO LAS GSUNGS PA'I PHYIR RO, ,DE LTA BAS NA SO SOR THAR PA'I SDOM PA DE DANG POR DGOS SHING SNGON DU 'GRO BA NYID DO, ,YANG NA RIGS LA GNAS PA DAR SKYE BA GZHAN DU THEG PA CHEN PO LA GOMS PAR BYAS PA NI DO RANG BZHIN GYIS SDIG PA MI SPYOD PAS BYANG CHUB SEMS DPA'I SDOM PA DE NYID DANG PO NYID DU BLANGS KYANG NYES PA MED DO, ,YANG NA THEG PA CHEN PO DBU MA CHEN PO'I GRUB MTHA' BRTZAN PAR BYAS NA NI, 'DI LTAR THEG PA CHEN PA'I SNOD DU MA GYUR PA 'GA' YANG MED DO; ,SEMS CAN THAMS CAD RIGS GCIG NYID YIN TE, DE BZHIN GSHEGS PA'I SNYING PO CAN NO ZHES BYA BA DANG, SA STENGS SKAL MED YOD MIN TE, ,THAMS CAD SANGS RGYAS 'GYUR BA YIN, ,DE'I PHYIR RDZOGS SANGS SGRUB PA LA, ,SGYID LUG PAR NI MI BYA'O, ,ZHES GSUNGS PA'O; ,DE KHO NA NYID BSDUS PA'I RGYUD CHEN PO LAS KYANG, KYE BCOM LDAN 'DAS KYI DKYIL 'KHOR CHEN PO 'DIR 'JUG PA LA SNOD DANG SNOD MA YIN PA BRTAG MI 'TSAL LO, ,DE CI'I PHYIR ZHE NA ZHES BYA BA LA SOGS PA GSUNGS SO, ,SLOB DPON 'PHAGS PA LHA'I ZHAL NAS, DANG POR @259A *, ,GANG DANG GANG 'DOD PA, ,DE LA DE DANG DE NYID SBYIN, ,DAM PA'I CHOS LA SNOD MIN PA, ,'GA' YANG YOD PA MA YIN NO, ,ZHES GSUNGS SO, ,DE BAS SEMS CAN THAMS CAD RIGS GCIG NYID YIN PAS, MGON PO MI PHAM PA'I ZHAL NAS, CHOS KYI DBYINGS LA DBYER MED PHYIR; ,RIGS NI THA DAD RUNG MA YIN, ,ZHES GSUNGS PA DANG, 'PHAGS PA KLU SGRUB KYI ZHAL NAS KYANG, CHOS KYI DBYINGS LA DBYER MED PHYIR, ,GTZO BO THEG DBYER MA MCHIS NA, ,KHYOD KYIS THEG PA GSUM BSTAN PA, ,SEMS CAN 'JUG PAR BYA PHYIR YIN, ,ZHES GSUNGS SO, ,'O NA MDO LAS KYANG SEMS CAN GYI TSOGS GSUM DU GSUNGS SHING, RDO'I RIGS LA DPER MDZAD PA DE JI LTA BU, SEMS CAN GYI RIGS KYANG RNAM PA LNGAR BSHAD PA DE JI LTA BU, SMRAS PA DE NI RE ZHIG PA LA DGONGS PA YIN TE, RJE BTZUN GSER GLING PA'I ZHAL SNGA NAS, RIGS NI RNAM PA GNYIS TE, CHOS NYID KYI RIGS CAN DANG, SGRUB PA'I RIGS CAN NO ZHES GSUNGS PAS SGRUB PA'I RIGS CAN LA NI RE ZHIG DE LTAR GNAS SO, ,CHOS NYID KYI RIGS CAN GYI DBANG DU BYAS NA NI DBYE BA GANG YANG MED DO, ,'DI LTAR MKHAS PA DAG GIS NI SO SO THAR PA'I SDOM PA DE NGES PAR GTZO BOR BYA DGOS PA YIN TE, DE YANG 'DI LTAR CHOS KYI SKU NI DUS THAMS CAD DANG, DNGOS PO THAMS CAD LA KHYAB PA YIN PA DANG, YANG LONGS SPYOD RDZOGS PA'I SKU DE YANG 'KHOR LOR BZHUGS LA, DE YANG SA BCU'I DBANG PHYUG CHEN PO RNAMS KHO NA'I SPYOD YUL YIN ZHING DE YANG THEG PA CHEN PO'I CHOS ZAB PA DANG, RGYA CHE BA 'BA' ZHIG GSUNGS PA YIN NO, ,SPRUL PA'I SKU NI 'DI LTAR AU DUM B'A RA'I ME TOG DANG 'DRA BAS DUS RES 'GA' BA YIN TE, MDO LAS BSKAL PA DE'I RJES LA SANGS RGYAS MI 'BYUNG BA'I BSKAL PA DRUG CU 'BYUNG BAR 'GYUR RO ZHES GSUNGS SO, ,DE BAS NA DES GSUNGS PA'I SO SOR THAR PA'I SDOM PA 'DI YANG DUS RES 'GA' BA YIN PAS DKON PA'I PHYIR DANG, BDE 'GROR BGROD PA'I RGYU'I GTZO BO YIN PA DANG, SANGS RGYAS KYI BSTAN PA NI SROG GCOD PA LA SOGS PA SDIG PA LAS LOG PA YIN PA DANG, SANGS RGYAS KYI BSTAN PA NI JI SRID SO SOR THAR PA'I SDOM PA GNAS PA DE SRID DU GNAS @259B SHING DE LA RAG LUS PA YIN PAS SO SOR THAR PA'I SDOM PA DE DANG PO KHO NAR BSTAN TO, ,'DI LTAR 'JUG PA'I GO RIMS SU BYAS NA YANG, SNGON CHAD THEG PA CHEN PO'I BAG CHAGS MED PA DAG LA NI SO SOR THAR PA RIS BDUN GANG YANG RUNG BA'I SDOM PA DE SNGON DU 'GRO BA YIN NO, ,SNGON CHAD THEG PA CHEN PO'I BAG CHAGS MED PA'I GANG ZAG DAG LA NI SDOM PA DE MI SKYE BA NYID KYANG YIN NO, ,DE BAS RTZA BA LAS SKAL BA YOD KYI GZHAN DU MIN ZHES PA YANG LEGS PAR SMRAS PAR 'GYUR RO, ,DKYUS NYID LA 'JUG PAR BYA STE, SO SOR THAR PA'I RIS BDUN DU, ,DE BZHIN GSHEGS PAS GSUNGS PA LA, ,TSANGS SPYOD DPAL NI MCHOG YIN TE, ,DGE SLONG SDOM PA DAG TU BZHED, ,CES SMRAS TE RIS BDUN LAS DGE SLONG GI SDOM PA NI THUN MONG MA YIN NO ZHES BDAG GIS BSAMS SO, ,SMRAS PA 'DUL BA'I GZHUNG THAMS CAD DANG 'PHAGS PA DGRA BCOM PA RNAMS KYIS MDZAD PA YE SHES LA 'JUG PA LA SOGS PA DANG, GZHAN DE DAG GIS MDZAD PA'I BYE BRAG TU BSHAD MDZOD CHEN PO DANG, DE'I DON GCES SPRAS SU BYA BA MDOR BSDUS PA MNGON PA MDZOD DAG TU RIS BRGYAD DU BKOD LA 'DIR BDUN DU BSHAD PA DE JI LTA BU SMRAS PA BDEN TE, GZHUNG DER DE LTAR BSHAD MOD KYI 'ON KYANG 'PHAGS PA THOGS MED KYIS RNAL 'BYOR SPYOD PA'I SA'I GZHUNG THAMS CAD DANG, TSUL KHRIMS KYI LE'U LAS RIS BDUN DU BKOD DE, 'PHAGS PA THOGS MED NI CHOS KYI RGYUN GYI TING NGE 'DZIN THOB CINGS GSUM PA'I BYANG CHUB SEMS DPA' YIN PA DANG, 'PHAGS PA 'JAM DPAL GYI RTZA BA'I RGYUD CHEN PO LAS LUNG BSTAN PAS JI SKAD DU, THOGS MED SKYES BU DAM PA DES, ,BSTAN BCOS KYI NI DE NYID RIG ,CES PA DANG, YANG MGON PO MI PHAM PA LA MNGON SUM DU SDE SNOD MA LUS PA GSAN PA YIN PA 'DI LA SU ZHIG THE TSOM ZA, DE LTA BU'I SEMS CAN CHEN PO DE LA YID SDANG ZHING THE TSOM ZA NA RANG NYID PHUNG BAR ZAD DO, ,RJE BTZUN BLA MA DPAL BYANG CHUB BZANG POS KYANG SDOM PA NYI SHU PA'I 'GREL PA LAS, JI SKAD DU, DE LA SDOM PA'I TSUL KHRIMS NI SO SOR THAR PA'I RIS BDUN GYI SDOM PA BLANGS PA'O, ,DE LA DGE SLONG DANG DGE TSUL DANG, DGE @260A *, ,SLONG MA'I RAB TU DBYE BAS RAB TU BYUNG BA'I PHYOGS NI RNAM PA LNGA'O, ,KHYIM PA'I PHYOGS GNYIS TE, DGE BSNYEN DANG, DGE BSNYEN MA'I DBYE BAS SO, ,NYIN ZHAG GI BSLAB PA NI DKA' BA SPYOD PA MA YIN PA DANG, 'DOD PA LAS G-YEM PA MA YIN PA'I PHYIR DANG, YUN RING POR RJES SU 'BREL PA'I PHYIR 'DI NI SO SOR THAR PA'I RIS SU MI 'OS PAS MA BSTAN TO ZHES GSUNGS TE, BLA MA DE NI BYANG CHUB SEMS DPA'I SDE SNOD KYI 'DUL BA 'DZIN PA CHEN PO YIN PA DANG, 'PHAGS PA KLU SGRUB DANG SLOB DPON SH'AN TA DE BA'I GCIG NAS GCIG TU BRGYUD PA'I BKA'I GDAMS PA YOD PA'I PHYIR MKHAS PA CHEN PO DE'I RJES SU 'BRANG BAR BYA'O, ,SO SOR THAR PA RIS BDUN PO DE DAG 'DIR CUNG ZHIG BRJOD PAR BYA STE, DGE BSNYEN NI RNAM PA GNYIS TE 'DOD PAS LOG PAR G-YEM PA SPANGS PA DANG, RANG GI CHUNG MA YANG SPANGS PA'O, ,DE GNYIS KA'I THUN MONG GI BSLAB PA NI 'DI LTA STE, RTZA BA'I LTUNG BAR GYUR PA BZHI DANG CHANG SPANGS PA'O, ,KHA CIG NA RE LOG PAR LTA BA SPANGS PA'O ZHES ZER RO, ,DE LA CHANG NI 'DUL BA 'DZIN PA DAG RANG BZHIN GYI KHA NA MA THO BA YIN NO ZHES 'DOD LA, MNGON PA BDAG NI BCAS PA'I KHA NA MA THO BA ZHES ZER RO, ,DE DAG GI GZHUNG RGYAS PA NI 'DIR GZHAG GO, ,DE LTA BU'I BSLAB PA'I GZHI LNGA DANG, DE DAG GI PHYOGS SU GTOGS PA'I BSLAB PA'I GZHI BZHI BCU RTZA LNGA STE, BSLAB PA LNGA BCU DANG LDAN PA'I DGE BSNYEN SKYON MED PA DANG, DE BZHIN DU DGE TSUL SDOM PAR GYUR PA 'DI LTA STE, BSHAGS BAR BYA BA DANG BSDAM PAR BYA BA DANG NYES PA MED PA'O, ,DGE SLONG GI BSLAB PA NI NYIS BRGYA LNGA BCU RTZA GSUM LAS, NYI SHU RTZA BDUN NI BSHAGS PAR BYA BAR 'GYUR RO, ,NYIS BRGYA BCU GSUM NI BSDAM PAR BYA BAR 'GYUR RO, ,BCU GSUM NI NYES PA MED PAR 'GYUR RO, ,BCU GSUM MA GTOGS PA LHAG PA NYIS BRGYA BZHI BCU BSRUNG BA'I KHA NA MA THO BA MED PA'I DGE TSUL TSUL DANG LDAN ZHING RNAM PAR DAG PA DANG, DGE SLONG MA NI CHOS DRUG DANG RJES SU MTHUN PA'I CHOS DRUG LEGS PAR BSRUNG BA STE DGE SLONG MA RNAM PAR DAG PA DANG, DE BZHIN DU DGE SLONG YANG JI LTAR DAM PA'I CHOS 'DUL PA'I GZHUNG LAS JI SKAD BSHAD @260B PA'I BSLAB PA SHIN TU RDZOGS PAR BYA PA DANG DGE SLONG RNAM PAR DAG PA DANG, DE BZHIN DU DGE SLONG MA YANG BSLAB PA'I GZHI LNGA BRGYA DANG LDAN ZHING RNAM PAR DAG PA'O, ,DE DAG KYANG SDE PA THA DAD DE, 'DI LTAR PHAL CHEN PA'I SDE PA DANG, THAMS CAD YOD PAR SMRA BA'I SDE PA DANG, GNAS BRTAN PA'I SDE PA DANG, MANG POS BKUR BA'I SDE PA'O, ,DE DAG KYANG BCO BRGYAD DU GNAS TE, 'DI LTAR, SHAR DANG NUB DANG GANGS RI DANG, ,'JIG RTEN 'DAS PAR SMRA BA'I SDE, ,BTAGS PAR YOD PAR SMRA BA'I SDE, ,LNGA TSAN DGE 'DUN PHAL CHEN PA, ,BZHI PA DAG NI 'OD SRUNGS PA, ,CHOS SRUNG SDE DANG SA STON SDE, ,RNAM PAR PHYE STE SMRA BA'I SDE, ,MANG THOS DGE 'DUN GOS DMAR PO, ,GTZUG LAG KHANG CHEN LA GNAS DANG, ,RGYAL BED TSAL NA GNAS PA DANG, ,'JIGS MED RI LA GNAS PA YI, ,GNAS BRTAN PA YI SDE PA GSUM, ,SAR SGROGS RIS PA'I SDE PA DANG, ,SRUNG BA PA YI SDE PA DANG, ,GNAS MA'I BU YI SDE PA STE, ,MANG POS BKUR BA'I SDE PA GSUM, ,YANG GZHUNG KHA CIG LAS NI TSUL DE NYID LAS BTAGS PA YOD PAR SMRA BA'I SDE PA DE THAMS CAD YOD PAR SBYAR LA, MANG POS BKUR BA'I SDE PA LA NI GNAS MA'I BU'I SDE PA DANG, KU RU KU LA'I SDE PA DANG; SA SGROGS PA'I SDE PA YIN NO ZHES ZER RO, ,YANG GZHUNG KHA CIG LAS, 'OD SRUNGS ZHES BYA CHOS SRUNG BA, ,SA SRUNG BA DANG GZHI KUN YOD, ,SHAR NUB GANGS RI BTAGS PAR SMRA, ,RNAM PAR PHYE SMRA 'JIG RTEN 'DAS, ,GOS DMAR THOS MANG SRUNG BA PA, ,KU RU KU LA GNAS MA'I BU; ;RGYAL BYED PA DANG 'JIGS MED PA, ,GTZUG LAG KHANG PA CHEN PO PA'O, ,BZHI DANG DRUG DANG LNGA DANG GSUM, ,THA DAD RNAM PA BCO BRGYAD 'DOD, ,DE LTAR SDE PA BCO BRGYAD DO, ,SH'AKYA SENG GE'I BSTAN PA NI, ,GNAS SO 'GRO BA'I BLA MA DE'I, ,SNGON GYI PHRIN LAS DBANG GIS YIN, ,YUL DON SLOB DPON BYE BRAG DANG, ,LTA BA'I BYE BRAG THA DAD KYI, ,RGYU YIS DE DAG THA DAD BYAS, ,STON PA THA DAD YOD PA MIN, ,'DI DAG GI LTA BA DANG, TSUL KHRIMS KYI RNAM PAR GZHAG PA NI GZHUNG CHEN PO DE DANG DER BLTA BAR BYA'O, ,RTZA BA NYID BSHAD PAR BYA STE, TSANGS SPYOD CES BYA BA NI CHANG DANG BUD @261A *, ,MED KYI YUL SPANGS PA'O, ,'DI LTAR CHANG GI NYES DMIGS KYANG LUNG DE DANG DE DAG DANG, MDO SDE DE DANG DER BLTA BAR BYA'O, ,BUD MED KYI NYES DMIGS KYANG THEG PA CHEN PO DANG THEG PA CHUNG BA'I MDO DANG LUNG RNAMS SU BLTA BAR BYA STE, JI SKAD DU BCOM LDAN 'DAS KYIS 'KHRIG PA BDUN BSTAN PA ZHES BYA BA THEG PA CHUNG BA'I MDO LAS, BRAM ZE 'DI NA KHA CIG BDAG TSANGS PAR SPYOD PAR KHAS 'CHE ZHING, BUD MED DANG GNYIS KYIS GNYIS SPROD PA MED KYANG BUD MED KYI LUS LA MIG GIS BLTAS TE DE'I CHA BYAD LA ZHEN PA DANG, BUD MED DANG LHAN CIG RTZA BA DANG, CA CO 'DON PA NYAMS SU LEN PA DANG, BUD MED KYI BSNYEN BKUR BYED PA NYAMS SU LEN PA DANG, RTZIG PAS CHOD PA DANG, YOL BAS CHOD PA'I BUD MED KYI RGYAN DANG, GLU DANG GAR DANG ROL MO'I SGRA NYAMS SU LEN PA DANG, PHA ROL PO 'DOD PA'I YON TAN LNGA DANG LDAN PA LA BLTAS NAS NYAMS SU LEN PA DANG, LHA LA SOGS PA'I GNAS SU TSANGS PAR SPYOD PA YONGS SU BSNGO BA YANG DE BZHIN TE, TSANGS PAR SPYOD PA YONGS SU MA DAG PA'O ZHES GSUNGS PA DANG, THEG PA CHEN PO'I MDO CHOS BDUN PA LAS KYANG, RNAM PAR RTOG PAS KYANG 'DOD PA LA BRTEN PAR MI BYA NA, GANG DBANG PO GNYIS KYIS SBYOR BA LTA CI SMOS ZHES GSUNGS SO, ,SPYIR 'DOD PA'I NYES DMIGS NI RGYAL PO SHAR BA'I BUS ZHUS PA DANG, 'DOD PA LA GDAMS PA'I MDO LAS SHES PAR BYA'O, ,DE BAS NA TSANGS PAR SPYOD PA MA YIN PAR TSANGS PAR SPYOD PA LTA BUR STON PA; DGE SBYONG GI RTAGS DANG MTSAN MAS NGA RGYAL DU BYED PAS BYANG CHUB SEMS DPA' KHYIM NA GNAS PA CHOS DANG MTHUN PA'I SGRUB PA DAG LA RAB TU BYUNG BA'O SNYAM DU BRNYAS PAR BYED PA, TSUL 'CHOS PA CHOM RKUN LTA BU STE, MDO LAS CHOM RKUN ZA'O, ,CHOM RKUN 'THUNG NGO ZHES BYA BA LA SOGS PA GSUNGS PA YIN NO, ,DE LTA BU'I SDIG PA CAN DGE SLONG DANG, DGE TSUL GYIS LHA DANG MI'I MCHOD RTEN DU GYUR PA'I NGUR SMRIG GI GOS DE GZUNG BAR MI BYA STE, CHOS GOS 'BAR BA DANG LHUNG BZED 'BAR BA ZHES BSHAD DO, ,JI SKAD DU TSUL KHRIMS 'CHAL PA TSAR GCOD PA'I MDO @261B LAS; TSUL KHRIMS 'CHAL PA'I DGE SLONG GIS STON PA'I NGUR SMRIG GI RGYAL MTSAN SE GOL GTOGS BA TZAM DU YANG BCAD BAR MI BYA'O ZHES GSUNGS PA DANG, 'DI'I NYES DMIGS NI 'PHAGS PA 'OD SRUNGS KYIS ZHUS PA'I MDO LA SOGS PA DE DANG DER BLTA BAR BYA'O, ,DE 'DRA BA'I SDIG PA CAN GYI DGE SBYONG LA THEG PA CHEN PO'I BSTAN PA DANG, LAM CHEN PO DE LA GZHUG PAR MI BYA'O SNYAM MO, ,DE LTA BU'I NYES PAS MA PHOG CING RNAM PAR DAG PA NI TSANGS SPYOD CES BYA'O, ,DGE BSNYEN DANG DGE TSUL DANG DGE SLOB MA LAS KYANG PHUL DU BYUNG BAS NA DGE SLONG SDOM PA DAG TU BZHED CES SMRAS TE, DGE SLONG GI SDOM PA RNAM PAR DAG PA NI THEG PA CHEN PO'I GZHI PHUL DU BYUNG ZHING KHYAD PAR 'PHAGS PA YIN NO ZHES BCOM LDAN 'DAS DE LTAR BZHED DO, ,DGE SLONG ZHES BYA BA NI GSOL BA DANG BZHI'I LAS KYIS BSNYEN PAR RDZOGS PA'O, ,DE YANG 'DI LTAR LAS NI BZHI STE, GSOL BA'I LAS DANG, GSOL PA DANG, GNYIS KYI LAS DANG, GSOL BA DANG, BZHI'I LAS DANG, LAS GSUM BRJOD PA'I LAS SO, ,LAS BZHI PO DE DAG KYANG GZHI GNYIS LA BRTEN TE SEMS CAN DU BGRANG BA DANG, SEMS CAN MA YIN PAR BGRANG BA'O, ,DEL SEMS CAN DU BGRANG BA'I LAS NI RAB TU DBYUNG BA DANG, BSNYAN PAR RDZOGS PA DANG, GANG ZAG YID MTHUN PAR BYA BA DANG, LTUNG BA LAS BSLANG BA DANG, DGAR BA DANG, BSKRAD PA DANG, DBYAR GNAS PAR KHAS BLANGS PA DANG, ZHAG BDUN DANG, NYI SHU DANG, BZHI BCUR BYIN GYIS BRLAB PA DANG, SEMS CAN LA PHAN GDAGS PA DANG, CHAD PAS GCAD PA'I LAS GANG YIN PA DE NI SEMS CAN DU BGRANG BA GZHI'I LAS ZHES BYA'O, ,SEMS CAN DU BGRANG BA MA YIN PA'I LAS NI CHOS GOS DANG LHUNG BZED BYIN GYIS BRLAB PA DANG, SRA BRKYANG BYIN GYIS BRLAB PA DANG, CHOS GOS RNAMS KYANG MI DBUL BAR GZUNG BA DANG, MTSAMS GCAD PA DANG, KHYIM RUNG BAR YID MTHUN PAR BYA BA DANG, DE LTA BU DANG GZHI'I LAS GANG YIN PA DE NI SEMS CAN BGRANG BA MA YIN PA'I LAS SO, ,LAS DE DAG KYANG TSOGS GNYIS KYIS BYA BA DANG, BZHIS BYA BA DANG, LNGAS BYA BA DANG, BCUS BYA BA DANG, NYI @262A *, ,SHUS BYA BA DANG, TSOGS BZHI BCUS BYA BA DANG, DGE 'DUN MTHUN PAS BYA BA'O, ,DE LA TSOGS GNYIS KYIS BYA BA'I LAS NI DGE SLONG GI DGE 'DUN GYI MDUN DU LAN GSUM BRJOD PA'I BSHAGS PA'I LAS KYIS LTUNG BYED DAM, NYES BYAS KYI NYES PA 'CHAGS PAR BYED DO; ;BZHIS BYA BA NI NYES PA SBOM PO BZHI'I MDUN DU BSHAGS PA'O, ,BCUS BYA BA NI YUL DBUS SU BSNYEN PAR RDZOGS PA'I LAS SO, ,TSOGS LNGAS BYA BA NI MTHA' 'KHOB TU BSNYEN PAR RDZOGS PA'I LAS SO, ,TSOGS NYI SHUS BYAS PA'I LAS NI DGE 'DUN LHAG MA LAS DBYUNG BA'I LAS SO, ,BZHI BCUS BYA BA'I LAS NI DGE SLONG MA BSNYEN PAR RDZOGS PAR BYA BA'I LAS SO, ,DGE 'DUN MTHUN PAS BYAS PA'I LAS NI MTSAMS KYI LAS DANG, GSO SBYONG GI LAS DANG, DGAG DBYE DANG GZHAN DE LTA BU DANG MTHUN PA'I LAS SO, ,THAMS CAD YOD PAR SMRA BA'I SDE BA'I 'DUL BA 'DZIN PA BTZUN PA CHOS SKYOB DANG, BTZUN PA DBYANGS SGROGS DANG, BTZUN PA DBYIG BSHES DANG, BTZUN PA SANGS RGYAS LHA DANG, BTZUN PA BSAM RDZOGS DANG, MKHAS PA CHEN PO NOR GYI RTZA LAG DANG, GNAS BRTAN YON TAN 'OD DANG, BTZUN PA SH'AKYA 'OD LA SOGS PA DAG NA RE, RNAM PA BCUS BSNYEN BAR RDZOGS TE, RANG BYUNG BAS NI SANGS RGYAS DANG RANG SANGS RGYAS SO, ,DES PAR 'JUG PA NI RTEN LNGA PA'O, ,DGE SLONG TSUR SHOG CES PAS NI GRAGS PA LA SOGS PA'O, ,STON PAR KHAS BLANGS PAS NI 'OD SRUNGS CHEN PO LA SOGS PA'O, ,DRIBS MNYES PA NI LEGS SBYIN LA SOGS PA'O, ,BLA MA'I CHOS KHAS BLANGS PA NI SKYE DGU'I BDAG MO CHEN MO'I, ,PHO NYAS NI CHOS SBYIN NO, ,'DUL BA 'DZIN PA MA GTOGS PA LNGAS NI MTHA' 'KHOB PA'O, ,BCU'I TSOGS KYIS NI DBUS KYI MI RNAMS TE SKYABS SU 'GRO BA LAN GSUM BZLAS PAS NI SDE BZANG DRUG CU'I TSOGS BSNYEN PAR RDZOGS PAR BYAS SO ZHES ZER RO, ,DGE SLONG NI BZHI STE, MING GI DGE SLONG DANG, KHAS 'CHE BA'I DGE SLONG DANG, SLONG BAS NA DGE SLONG DANG, NYON MONGS PA 'JOMS PA'I DGE SLONG NGO, ,DING SANG GI DUS NA TSUL KHRIMS RNAM PAR DAG PA'I DGE SLONG NI SHIN TU DKON TE, SLOB @262B DPON ZHI BA LHA'I ZHAL NAS, BSTAN RTZA DGE SLONG NYID YIN TE, ,DGE SLONG NYID KYANG DKA' BAR GNAS, ,ZHES GSUNGS PAS, DGE SLONG BSLAB PA LA RMA BYUNG BA, NYAMS PA RAL BA NAG NOG CAN DU GYUR PA DANG, ZHIG PA DANG MA TSANG BAR GYUR PA'I DGE SLONG BAS NI DGE BSNYEN RNAM PAR DAG PA THEG PA CHEN PO'I SNOD DU BSNGAGS SO ZHES BLA MA DAG CHED CHER GSUNG NGO, ,YANG BSHAD PAR BYA STE, SDOM PA ZHES BYA BA NI 'CHAL PA'I TSUL KHRIMS KYI RGYUN 'GOG CING SDOM PA'O, ,DE YANG 'DI LTAR GANG LAS 'THOB PA DANG, JI LTAR 'THOB PA DANG, SDOM PA BLANG BA'I DUS DANG, JI LTAR BLANG BA DANG; JI LTAR GTONG PA DANG, DE'I RANG BZHIN DANG, LTUNG BA 'BYUNG BA'I RGYU DANG, LTUNG BA MI 'BYUNG BA'I RGYU DANG, LTUNG BA LAS LDANG BA'O, ,GANG LAS 'THOB CES PA LA SOGS PA'I DON NI 'DUL BA 'DZIN PA LA DRI BA DANG, GZHUNG DAG BLTA BAR BYA'O, ,JI LTAR GTONG ZHE NA, SO SOR THAR PA'I SDOM PA GTONG BA'I RGYU NI MANG STE, MI BRDA PHRAD PA'I DRUNG DU BSLAB PA'I GZHI RNAMS BSAM PA THAG PA NAS PHUL BA DANG, RIS MTHUN PA BTANG BA DANG, PHAM PA'I NYES PA BYUNG BA DANG, MTSAN GNYIS DUS GCIG TU BYUNG BA DANG, DGE BA'I RTZA BA CHAD PA'O, ,CI'I PHYIR SDOM PA DE GTONG BA'I RGYU YIN ZHE NA, YANG DAG PAR GTANG BA'I SEMS SKYES PA DANG, RTEN BOR BA DANG, LTUNG BA'I RGYU GANG YANG RUNG BA SKYES PA DANG, RTEN NYAMS PA DANG, GZHI CHAD PA'O, ,YANG 'DUL BA 'DZIN PA LA LA NA RE, LTUNG BA GCIG BYUNG BAS THAMS CAD GTONG BAR 'GYUR RO ZHES ZER RO, , KHA CIG DAM PA'I CHOS NUB PA'I DUS SU GTONG NGO ZHES SO, ,THAMS CAD YOD PAR SMRA BA'I 'DUL BA 'DZIN PA DAG NI 'DI SKAD DU LTUNG BA GCIG BYUNG BAS LHAG MA MI GTONG STE, DE LA SDOM PA DANG SDOM PA MA YIN PA GNYIS KA YOD DE, MI ZHIG LA NOR YANG YOD LA BU LON YANG CHAGS PA BZHIN NO, , LTUNG BA DE BSHAGS NA DE TSUL KHRIMS DANG LDAN PA YIN GYI, SDOM PA MED PA NI MA YIN NO ZHES ZER RO, ,MTSAN GYUR PA SNGON MED PA'I SDOM PA YANG MI GTONG LA, THOB ZIN PA YANG GTONG BAR MI 'GYUR RO, ,DAM PA'I CHOS NUB PA NA YANG DE BZHIN NO, ,CHO 'PHOS PAS GTONG BA YANG YANG 'DI LTAR LUS MI @263A *, ,'DRA BA DANG DER SBYOR BA MA BYAS PA DANG, SDOM PA MI DRAN PA'I PHYIR RO, ,DE DAG NI SLOB DPON NOR GYI RTZA LAG GI RJES SU 'BRANGS NAS BSHAD PA'O, ,GZHUNG DE MA YIN PA'I LUGS MANG DU YOD MOD KYI 'DIR GZHAG GO, ,RANG BZHIN YANG 'DUL BA'I GZHUNG DAG DANG, RANG RANG SDE PA'I 'DUL BA 'DZIN PA LA DRI BAR BYA'O, ,LTUNG BA 'BYUNG BA'I RGYU NI GNYIS TE, BYA BA MI BYED PA DANG, MI BYA BA BYED PA'O, ,YANG BZHI STE, MI SHES PA DANG, MA GUS PA DANG, BAG MED PA DANG, NYON MONGS PA CHE BA'O, ,LTUNG BA MI 'BYUNG BA'I RGYU NI LNGA STE, DBANG PO RNAMS KYI SGO BSDAMS TE, 'DUG PA DANG, ZAS KYI TSOD RIG PA DANG, NAM GYI CHA STOD DANG CHA SMAD LA MI NYAL BA RNAL 'BYOR LA BRTZON PA DANG, SHES BZHIN DU SPYOD PA DANG, DRAN PA DANG LDAN PA DANG, BAG YOD PA DANG, KHA NA MA THO BA CHUNG NGU LA'ANG 'JIGS PAR BLTA BA DANG, TSUL BZHIN DU SEMS PA NI RGYU DANG PA'O, , DGE SBYONG GI TSUL SHAS CHER LTA BA DANG, STON PA DANG, TSANGS PA MTSUNGS BAR SPYOD PA DANG, BSTAN PA LA DGA' BA'I LHA DAG DANG, SKYE BO MKHAS PA DANG, 'JIG RTEN PA DAG GIS SMAD PAR 'GYUR RO SNYAM PA DANG, BDAG NYID LA DBYAS NAS NGO TSA BA DANG, KHREL YOD PA NI RGYU GNYIS PA'O, ,DON NYUNG BA BYA BA NYUNG BA, LAS KYI MTHA' NYUNG BA NI RGYU GSUM PA'O, ,KHYIM PA DANG RAB TU BYUNG BA DANG MI 'DRE BAR GNAS PA DANG LTUNG BA DANG LTUNG BA MA YIN PA LA MKHAS PA DANG DGE BA'I PHYOGS LA BRTZON PA NI RGYU BZHI PA'O, ,LAS DANG PO PA DANG SMYOS PA DANG GNYID LOG PA DANG, SEMS 'KHRUGS PA DANG, TSOR BAS NYEN PA NI RGYU LNGA PA'O, ,LTUNG BA LAS LDANG BA NI GSUM STE, 'GYOD PA LNGA BSKYED PA DANG, YAN LAG LNGAS BSDUS PA'I BAG YOD PA DANG, RNAM PA LNGAS 'GYOD PA BSAL PA'O, ,YAN LAG LNGAS BSDUS PA NI NYAN THOS KYIS RAB LTA BAR BYA'O, ,'GYOD PA LNGAS BSKYED PA NI 'DI NA LA LA DAG LA LTUNG BA BYUNG BA NA 'DI SNYAM DU BDAG NYID LA GZHI 'DIS TSUL KHRIMS NYAMS PAR 'GYUR RO SNYAM PA DANG, STON PA DANG TSANGS PA MTSUNGS PAR SPYOD PA MKHAS PA DAG GIS SMAD PAR 'GYUR RO SNYAM PA DANG, LHA DAG GIS SMAD PAR 'GYUR RO SNYAM PA DANG, PHYOGS DANG PHYOGS MTSAMS @263B DAG TU SDIG PA CAN GYI SKYE BOS GRAGS PA DANG SGRA DANG TSIGS SU BCAD PA MA YIN PA BRJOD PAR 'GYUR RO SNYAM PA DANG, MI DGE BA'I GZHI 'DIS BDAG LUS ZHIG NAS NGAN SONG DAG TU SKYES NA MI RUNG NGO SNYAM 'GYOD PA SKYES PA'O, ,RNAM PA LNGAS 'GYOD PA BSAL BA NI BCOM LDAN 'DAS KYIS GZHI DANG BCAS, NGES PAR 'BYUNG BA DANG BCAS PA'I CHOS BSTAN PAS LTUNG BA LAS LDANG BA'I THABS YOD DO SNYAM PA DANG, MI SHES PA DANG BAG MED PA DANG MGUS PA DANG NYON MONGS PA CHE BA DAG GIS LTUNG BA BYUNG BA MI SHES PA NAS BZHI PO DE DAG SKYES SO SNYAM PA DANG, LTUNG BA LA LTUNG BA MI 'BYUNG BAR BYA BA'I PHYIR LHAG PA'I BSAM PA THAG PA NAS SEMS BSKYED DO SNYAM PA DANG, TSANGS PA MTSUNGS PAR SPYOD PA MKHAS PA DAG GI MDUN DU LEGS PAR BSHAGS PA ZIN TO SNYAM PA DANG, BDAG LEGS PAR GSUNGS PA'I CHOS 'DUL BA LAS RAB TU BYUNG NAS BSLAB PA DANG 'GAL NA 'GYOD PA BYED PA DE NI YANG DAG PA DANG LEGS PA MA YIN GYI, BDAG BCOM LDAN 'DAS KYIS 'GYOD PA'I RGYUN SGRIB PA'I GNAS RNAM GRANGS DU MAR SMAD PA, BAR DU GCOD PA'I CHOS GANG YIN PA DES MANG DU GNAS SHING DANG DU LEN PAR BYED LA, SEL BAR MI BYED LA MI SEL BA GANG YIN PA DE NI BDAG DGE BA DANG LEGS PA MA YIN NO SNYAM NAS 'GYOD PA SEL BA'O, ,YANG NA SDE PA SO SO'I RANG RANG GI 'DUL BA LAS 'BYUNG BA'I THABS KYIS BSHAGS PAR BYA'O, ,YANG NA BDAG GIS BYAS PA'I LTUNG BA BSHAGS PA'I CHO GA RGYAS PA'I THABS DES BSHAGS PAR BYA'O, ,ZLA BA BYED PHYED CING SO SOR THAR PA'I MDO GDON ZHING GSO SBYONG LA RAB TU BRTZON PAR BYA'O, ,DGE SLONG 'DUL BA'I BSLAB PA LA DE LTAR BRTZON PA NI LTUNG BA LA MKHAS PA YIN, LTUNG BA LAS NGES PAR 'BYUNG BA LA MKHAS PA YIN, BDAG NYID DAG PA DANG, GTZANG BA DANG, DRI MA MED PA DANG, KHA NA MA THO BA MED PAS 'GYOD PA MED DE DE KHYIM NAS KHYIM MED PAR RAB TU BYUNG NAS LEGS PAR GSUNGS PA'I CHOS 'DUL BA'I TSUL KHRIMS NYAMS PA DANG ZHIG PA DANG RAL BA DANG, NAG NOG CAN DANG MI GTZANG BA MED CING LEGS PAR BSRUNG BA DANG, SBYANGS PA'I YON TAN BCU GNYIS DANG, DGE SBYONG GI RGYAN BCU BDUN GYIS BRGYAN NAS GNAS @264A *, ,PA NI DGE SLONG YANG DAG PA YIN NO SNYAM DU BSAMS NAS, TSANGS SPYOD DPAL DANG LDAN PA YI, ,DGE SLONG SDOM PA DAG TU BZHED, ,CES SMRAS SO, ,DES NA MGON PO MI PHAM PA'I ZHAL NAS, LTUNG BA 'BYUNG DANG LDAN PA DANG, ,NGES PAR 'BYUNG DANG GANG ZAG DANG, ,BCAS PA DANG NI RAB DBYE BAS, ,RNAM PAR DES PHYIR 'DUL BA'I CHOS, ,ZHES MDO SDE RGYAN LAS GSUNGS SO, ,NYAN THOS KYI THEG PA'I SKABS RDZOGS SO, ,,'DI LTAR SO SOR THAR PA'I SDOM PA TZAM, SMON PA'I SEMS BSKYED PA TZAM GYIS CHO GA CING DE TZAM LA LTOS PAR MI BYA STE, 'PHAGS PA DKON MCHO GA SPRIN LAS RIGS KYI BU JI LTAR NA BYANG CHUB SEMS DPA' BSLAB PA'I SDOM PAS BSDAMS PA YIN ZHE NA, 'DI LA BYANG CHUB SEMS DPA' 'DI LTAR SPYOD DE, SO SOR THAR PA'I SDOM PA TZAM GYIS BDAG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR MI NUS KYI, DE BZHIN GSHEGS PAS GANG 'DI MDO SDE DE DANG DE DAG LAS BYANG CHUB SEMS DPA'I SPYOD PA DANG, BYANG CHUB SEMS DPA'I BSLAB PA'I GNAS BCAS PA DE DAG LA BDAG GIS BSLAB PAR BYA'O ZHES GSUNGS PAS NA, 'DIR YANG BYANG CHUB SEMS DPA'I BSLAB PA RGYA CHEN PO LA BSLAB PAR BYA BA'I PHYIR BDAG GIS BLA MA'I RJES SU BSTAN PA DANG, THEG PA CHEN PO'I MDO SDE'I RJES SU 'BRANGS NAS BSHAD PAR BYA'O, ,DE LTAR THEG PA CHEN PO'I THUN MONG MA YIN PA'I RTEN BSTAN NAS, DA NI SHING RTA CHEN PO'I LAM BSTAN PA'I PHYIR, BYANG CHUB SEMS DPA'I SA DAG GI, ,TSUL KHRIMS LE'U GSUNGS CHO GA YIS, ,ZHES BYA BA LA BYANG CHUB SEMS DPA'I SA NI 'PHAGS PA THOGS MED KYIS MDZAD PA'I PHA ROL TU PHYIN PA DRUG BKOD PA'I BSTAN BCOS SO, ,DE LAS KYANG TSUL KHRIMS KYI PHA ROL TU PHYIN PA'I LE'U LAS SO, ,DE YANG DGU YIN TE, NGO BO NYID DANG THAMS CAD DANG, ,DKA' BA DANG NI SGO KUN DANG, ,SKYES BU DAM PA NYID DANG NI, ,RNAM KUN DANG NI PHONGS SHING 'DOD, 'DI DANG GZHAN DU BDE 'GYUR DANG, ,RNAM PAR DAG PA'I TSUL KHRIMS SO, ,DE DAG GI NANG NAS KYANG NGO BO NYID THAMS CAD KYI TSUL KHRIMS LAS @264B GSUNGS SO ZHES BYA'O, ,JI LTAR GSUNGS SHE NA, TSUL KHRIMS KYI LE'U LAS GSUNGS PA'I CHO GAS BYA'O, ,CHO GA DE YANG JI LTA ZHE NA, YANG DAG MTSAN NYID LDAN PA YI, ,BLA MA BZANG LAS SDOM PA BLANG, ,ZHES SMRAS SO, ,YANG DAG PA'I MTSAN NYID BZANG PO DE DANG LDAN PA'I BLA MA BZANG PO DE YANG GANG ZHE NA, SDOM PA'I CHO GA LA MKHAS DANG, ,BDAG NYID GANG ZHIG SDOM LA GNAS, ,SDOM PA 'BOGS BZOD SNYING RJE LDAN, ,BLA MA BZANG POR SHES PAR BYA, ,ZHES BYA BA DE YIN NO, ,DE LA SDOM PA'I CHO GA LA MKHAS BA ZHES PA NI DE LA MKHAS SHING BYANG BA'O, ,SDOM LA GNAS ZHES PA NI BLA MA'I TSUL KHRIMS NYAMS PA DANG ZHIG PA MED CING GTZANG BA'O, ,BZOD CES PA NI NUS PA DANG LDAN PA STE SDOM PA 'BOGS PA LA RAG MA LAS PAR CHAS PA'O, ,SNYING RJE LDAN ZHES PA NI SLOB MA LA BU'I 'DU SHES DANG, GZHAN GYI SDUG BSNGAL SEMS MI BZOD PA'O, ,BLA MA ZHES BYA BA NI BLA MAR BYA BA'I GNAS SU GYUR PA NYID LA NOD PAR BYA'I GZHAN LAS NI MA YIN TE, GUS PAS BLA MAR 'DZIN PA DANG, DE'I RJES SU SLOB MA'I NGANG TSUL CAN DANG, DES BSTAN PA'I DON LA GUS PA CHEN PO BYED PA'I PHYIR RO, ,YANG BLA MA DE PHUN SUM TSOGS PA BZHI DANG LDAN PA YIN TE; TSUL KHRIMS PHUN SUM TSOGS PA DANG, YON TAN PHUN SUM TSOGS PA DANG, BSAM PA PHUN SUM TSOGS PA DANG, SBYOR BA PHUN SUM TSOGS PA'O, ,DE LA BDAG NYID GANG ZHIG SDOM PA GANG LA GNAS ZHES PAS NI TSUL KHRIMS PHUN SUM TSOGS PA BSTAN TO, ,SDOM PA'I CHO GA LA MKHAS DANG; ;SDOM PA 'BOGS PA BZOD CES PAS NI YON TAN PHUN SUM TSOGS PA BSTAN TO, ,YANG BSHAD PA, SDOM LA GNAS ZHES PA NI BLA MA DES SDOM PA BTANG BA DANG, TSUL KHRIMS 'CHAL PA DANG, CHOS MTHUN PA MA YIN PA LAS SDOM PA MI 'THOB BO, ,CHO GA LA MKHAS ZHES PA NI CHO GA LA MKHAS PA LAS GNOD PAR BYA'I CHO GA MI SHES PA LAS NI DE NYID CHO GA NYAMS PAS SDOM PA MI 'THOB PO, ,'BOGS BZOD CES PA NI RAB TU DGA' BA'I YID KYIS TSUL 'DI LTA BU LA 'JUG PA NI LEGS SO, ,BDAG GIS THE TSOM MED PAR SDOM PA SBYIN PAR BYA'O SNYAM DU SDOM PA STENG BAR NUS @265A *, ,PA'O; ,SNYING RJER LDAN ZHES PAS NI BSAM PA PHUN SUM TSOGS PA DANG, SBYOR BA PHUN SUM TSOGS PA BSTAN TE, DE LA BSAM PA PHUN SUM TSOGS PA NI DAD PA NYID, BSAM PA THAG PA NAS BYED PA NYID DANG, MA CHAGS BA DANG SNYING RJE DANG LDAN PA NYID DE, BLA MA GUS PA DANG; 'DOD PA CHUNG BA DANG, CHO GA SHES PA DANG, ZANG ZING LHUR MI LEN PA DANG, SKYO BA MED PA DANG, PHA ROL GYI NYES PA BZOD PA DANG, KHRO BA DANG KHON DU 'DZIN PA MED PA'O, ,SBYOR BA PHUN SUM TSOGS PA NI DGE BA'I CHOS PHYIR ZHING SPEL BA DANG, GUS SHING 'JUG PA DANG, BSLAB PA'I GZHI RNAMS LA MA RMONGS PAR BYED PA DANG, SPRO BA DANG LE LO MI BYED PA DANG, 'DOD PA'I BDE BA DANG, 'DU 'DZI DAG LA MI DGA' BA DANG, SEMS RNAM PAR MA G-YENGS PA'O, ,DE LTA BU'I BLA MA LAS SDOM PA BLANGS NA TSUL KHRIMS KYI BSLAB PA 'PHEL BAR 'GYUR RO, ,DE LTA BU NI, YANG DAG MTSAN NYID LDAN PA YI, ,BLA MA BZANG LAS SDOM BA BLANG, ,ZHES BDAG GIS BSAMS SO, ,DE YANG, SDOM PA LEN PA'I CHO GA DANG, ,GRANGS DANG SDOM BA GTONG BA'I RGYU, ,MI GTONG RGYU DANG LDAN PA DANG, ,TSUL KHRIMS KYI NI PHAN YON YIN, ,ZHES PA NI BSDUS PA'O, , 'DIR SNGON GYI MKHAS PA CHEN PO DU MA'I LUGS YOD MOD KYI 'ON KYANG SKYE BO CHEN PO'I CHOS LUGS SHING RTA CHEN PO'I LAM CHEN PO YIN PAS, SLOB DPON THOGS MED KYI LUGS DANG, RJE BTZUN ZHI BA LHA'I LUGS GNYIS BSHAD PAR BYA'O, ,SDOM PA LEN PA'I CHO GA NI SLOB DPON THOGS MED KYIS TSUL KHRIMS KYI LE'UR RGYAS PAR MDZAD PA DANG, YANG NA BDAG GIS BYAS PA'I CHO GAR BLTA BAR BYA'O, ,SLOB DPON MED PA'I CHO GA YANG TSUL KHRIMS KYI LE'U DE NYID NA RGYAS SO, ,BDAG GIS BYAS PA'I CHO GA DE NI 'PHAGS PA THOGS MED KYI RJES SU 'BRANGS BA'I YIN NO, , SLOB DPON ZHI BA'I LHAS NI CHO GA 'DI SPYOD PA LA 'JUG PAR YANG MDZAD MOD KYI, BSLAB PA KUN LAS BTUS PAR RGYAS PAR MDZAD DO, ,SLOB DPON MED PA'I CHO GA YANG DE NYID DU GSAL BAR MDZAD DO, ,'DIR BDAG GIS, DE LA 'BAD PA 'DI 'DRA BA'I, ,BLA MA GAL TE MA RNYED NA, ,GZHAN @265B LA SDOM PA NOD PA YI, ,CHO GA YANG DAG BSHAD PAR BYA, ,DE LA SNGON TSE 'JAM PA'I DBYANGS, ,ZHES BYA BA NAS, MI DGE BA'I LAS RNAMS MI BYA'O, ,ZHES PA'I BAR 'DIR BLA MA MED PA'I CHO GAR BKOD DE, AAm BA R'A DZA'I CHO GA 'DI NI BLA MA YOD PA DANG, BLA MA MED PA GNYIS KA'I CHO GA'I TSIG YIN NO ZHES BLA MA DAG GSUNG BAS 'DIR BLA MA MED PA'I CHO GAR BKOD DO, ,BSLAB PA KUN LAS BTUS PAR NI 'DIS BLA MA LAS BLANGS PA'I CHO GAR GSUNGS MOD KYI, 'ON KYANG BDAG NI LUGS DE GNYIS KA'I RJES SU 'BRANG BAS NA BLA MA LAS BLANGS PA'I CHO GA TSUL KHRIMS KYI LE'U LA BRTEN ZHING BKOD LA, BLA NA MED PA'I CHO GA NI BSLAB PA KUN LAS BTUS PA LA BRTEN ZHING BKOD PA YIN NO, ,TSUL KHRIMS KYI RNAM GRANGS NI 'PHAGS PA THOGS MED KYI MDO SDE MA LUS PA NGO BO NYID LA SOGS PA'I TSUL KHRIMS DGUR BSDUS TE, TSUL KHRIMS KYI LE'U DE NYID LAS BYANG CHUB SEMS DPA' RNAMS KYI TSUL KHRIMS NI DE TZAM DU ZAD DO, ,TSUL KHRIMS KYI BYA BA YANG DE TZAM DU ZAD DO, ,TSUL KHRIMS KYI PHAN YON YANG DE TZAM DU ZAD DO, ,DE LAS GONG NA YANG MED DO, ,DE LAS LHAG PA YANG MED DO ZHES GSUNGS SO, ,SLOB DPON ZHI BA'I LHAS NI MDO SDE MA LUS PA GANG ZAG GSUM GYI BSLAB PA MDZAD DE, 'DI LTAR THEG PA CHEN PO LA GOMS PA CHE BA DANG, GOMS PA 'BRING DANG, GOMS PA CHUNG BA'O, ,GOMS PA CHE BA'I DBANG DU MDZAD NAS BSLAB PA KUN LAS BTUS PA NAS, BYANG CHUB SEMS DPA'I SDOM PA NI, ,RGYAS PAR THEG PA CHE LAS 'BYUNG; ,ZHES 'BYUNG BA DANG, SPYOD 'JUG LAS KYANG, RGYAL SRAS RNAMS KYIS MI BSLAB PA, ,'GA' YANG YOD PA MA YIN NO, ,ZHES GSUNGS SO, ,BLA MA DPAL BYANG CHUB BZANG PO'I ZHAL NAS KYANG, 'DI LTAR BYANG CHUB SEMS DPA' RNAMS KYI BSLAB PA'I GZHI RNAMS DNGOS SU BYUNG BA 'DI DAG NI MDOR BSDUS PA STE, GZHAN YANG BYANG CHUB SEMS DPA' DAG GI BSLAB PA NI DPAG TU MED CING MTHAR THUG PA MED PA'I PHYIR, DE DANG DE DAG TU BSTAN PA'I RJES SU 'BRANGS NAS NYES PAR 'GYUR BA DANG, NYES PAR MI 'GYUR BA DAG RIG PAR BYA'O ZHES GSUNGS @266A *, ,SO; ;DE LA GOMS PA 'BRING PO'I DBANG DU MDZAD NAS YANG BSLAB PA KUN LAS BTUS PA NAS GANG GIS LTUNG BAR MI 'GYUR BA'I, GNAD KYI GNAS RNAMS 'DIS RIG BYA, ,BDAG GI LUS DANG LONGS SPYOD DANG, ,DUS GSUM SKYES PA'I DGE BA RNAMS, , SEMS CAN KUN LA BTANG BA DANG, ,DE BSRUNG DAG PA SPEL BA'O, ,ZHES GSUNGS SO, ,GOMS PA CHUNG BA'I DBANG DU MDZAD NA YANG DE NYID LAS DE BAS NA BYANG CHUB SEMS DPA' SANGS RGYAS KYI SPYAN SNGAR BSLAB PA RNAMS KYI NANG NAS BSLAB PA GANG YANG RUNG BSRUNG BAR 'DOD NAS YI DAM BCA' BAR BYED DO, ,DGE BA'I BSHES GNYEN MED NA SANGS RGYAS DANG BYANG CHUB SEMS DPA'I SPYAN SNGAR RANG GI NUS PA DANG SBYAR NAS SDOM PA 'DZIN NO, ,DEBS NA RANG GI NUS PA DANG SBYAR NAS BSLAB PA GCIG TZAM YANG YANG DAG PAR BLANGS LA BSRUNG BAR BYA'O ZHES GSUNGS SO, ,DE LA SDOM PA GTONG BA'I RGYU NI 'PHAGS PA THOGS MED KYI LUGS KYIS NI 'DI LTAR BYANG CHUB CHEN POR SMON LAM BTAB PA BTANG BA DANG, KUN NAS DKRIS PA CHEN POS PHAM PA BYUNG BA'O, ,DE LA SNGA MA NI SEMS CAN GYI DON LA SKYO BA DANG, BYANG CHUB THAG RING BAR SEMS PA DANG, NYAN THOS DANG RANG SANGS RGYAS DANG PHYIR ROL PAR SMON PA SKYES PA'O, ,DE LA PHYI MA YANG NGO TSA BA DANG KHREL YOD PAR GYUR CING DE LA 'GYOD PA MED PAR SEMS KYIS BTANG BA DANG, MI BRDA PHRAD PA'I DRUNG DU BSLAB PA'I GZHI PHUL BA'O, ,SLOB DPON ZHI BA LHA'I LUGS NI BSLAB PA KUN LAS BTUS PA'I BDUD KYI LAS GNOD PA DANG, DAM PA'I CHOS MI 'DZIN PA'I GNOD PA LA SOGS PA BCU BZHI PO RNAMS MI SPONG BA DANG, YANG NA DRAN PA NYAMS PA DANG LE LO DANG BAG MED PA DANG LTUNG BA LA MI MKHAS PA DANG NGO TSA MED PA DANG KHREL MED PA'O, ,BLA MA'I ZHAL NAS NI BSLAB PA'I GZHI RNAMS LA MI MKHAS PA DANG, DRAN PA MED PA DANG 'KHRUL PA DANG MA GUS PA'O ZHES SDOM PA NYI SHU PA'I 'GREL PA LAS GSUNGS SO, ,DE LA LTUNG BA MI 'BYUNG BA'I RGYU NI, 'PHAGS PA THOGS MED KYI LUGS NI 'DI LTAR SHES BZHIN DANG DRAN PA DANG, BRTZON 'GRUS DANG, BAG YOD PA DANG, NYES PA DANG NYES PA MED PA SHES PA @266B DANG; NGO TSA BA DANG KHREL YOD PA'O, ,SLOB DPON ZHI BA'I LHA'I YANG DE DAG THUN MONG BA NYID LAS GNOD PA BCU BZHIS SEL ZHING SPONG BA'O, ,SLAR GSO BA DANG, THOG MA NYID NAS 'GAL BAR MI BYED PA NI 'GYOD PA MED PA YIN NO, ,NYES PA LA NYES PAR MTHONG NA SRAB PAR BYED LA, DE NYID MTHOL ZHING BSHAGS NA BYANG BAR 'GYUR RO ZHES KYANG BLA MA DAG GSUNG NGO, ,'PHAGS PA THOGS MED KYI LUGS KYIS NI 'DI LTAR, LTUNG BA LAS LDANG BA NI TSUL KHRIMS KYI LE'U LAS GAL TE SLOB DPON DU RUNG BA'I GANG ZAG MED NA ZHES BYA BA LA SOGS PA DANG, YANG KUN NAS DKRIS PA CHEN PO'I PHAM PA BYUNG NA, DES DGE 'DUN GYI MDUN DU BSHAGS LA SDOM PA SLAR MNOD PAR BYA'O, ,NYES BYAS NI NYAN THOS SAM, THEG PA CHEN PO GANG YANG RUNG BA LA BSHAGS SO, ,SLOB DPON ZHI BA'I LHAS NI BSLAB PA KUN LAS BTUS PAR, RDZOGS SANGS RGYAS KYIS GSUNGS TSUL DU; ,'BAD PA MED NA NGAN SONG 'GRO, ,ZHES PA'I SKABS SU, 'PHAGS PA CHOS BZHI PA'I MDO'I DON BSHAD PA'I SKABS NA GSAL BAR BKOD DO, ,TSUL KHRIMS KYI PHAN YON NI JI SKAD DU TSUL KHRIMS KYI LE'U LAS DE LTAR BYANG CHUB SEMS DPA'I TSUL KHRIMS KYI PHUNG PO CHEN PO 'DI NI BYANG CHUB CHEN PO'I 'BRAS BU BSKYED PA STE, 'DI LA BRTEN NAS TSUL KHRIMS KYI PHA ROL TU PHYIN PA YONGS SU RDZOGS PAR BYAS NAS MNGON PAR 'TSANG RGYA'O, ,JI SRID SANGS MA RGYAS KYI BAR DU YANG PHAN YON LNGA THOB PAR 'GYUR TE SANGS RGYAS KYIS DGONGS PAR 'GYUR BA DANG, MCHOG TU DGA' BA CHEN PO LA GNAS BZHIN DU 'CHI BA'I DUS BYED PA DANG, TSE PHYI MA LA YANG CHOS MTHUN PA'I DGE BA'I BSHES GNYEN GNAS PA DER SKYE BA DANG, TSE 'DI LA TSUL KHRIMS KYI PHA ROL TU PHYIN PA RDZOGS PAR BYED PA'I BSOD NAMS KYI PHUNG PO TSAD MED PA DANG LDAN PAR 'GYUR BA DANG, TSE PHYI MA YANG RANG 'KHRUNGS KYI TSUL KHRIMS DE DANG DE NYID 'THOB PAR 'GYUR RO ZHES GSUNGS SO, ,BSLAB PA KUN LAS BTUS PA NAS KYANG 'DI SKAD DU, DENG SANG GI DUS NA BSLAB PA BSRUNG BA NI SHIN TU PHAN YON CHE BAS DE LA BRTZON PAR RIGS SO ZHES GSUNGS TE, DE YANG 'PHAGS PA @267A *, ,LHAG PA'I BSAM PA BSKUL BA DANG, RAB TU ZHI BA CHO 'PHRUL DANG, ZLA BA SGRON MA DANG, DKON MCHOG SPRIN GYI MDO RNAMS DER BKOD PA YIN NO, ,BLA MA'I ZHES NAS KYANG DE LTAR NA 'DI NI DE'I MOD LA NGAN SONG DU 'GRO BA RNAM BCAD CING SKYE BAR 'GYUR BA MA YIN NO ZHES PA DANG, YANG DE NI NGAN SONG DU SKYE BA MA YIN LA, BRGYAL SKYES NA YANG SDUG BSNGAL DRAG PO MI MYONG BA DANG, MYUR DU THAR BA DANG, DER GNAS PA NA YANG GZHAN YONGS SU SMIN PAR BYED DO ZHES SDOM PA NYI SHU PA'I 'GREL PA LAS GSUNGS SO, ,SDOM PA YANG DAG PAR BLANGS PA DE LA PHAN YON GZHAN YOD DE, 'PHAGS PA TZAN DRA GO MI'I ZHAL NAS, DE TSE DE LA DGE BA'I PHYIR, ,SANGS RGYAS SRAS DANG BCAS RNAMS KYIS, ,DGE BA'I THUGS KYIS RTAG PAR YANG, ,BU SDUG 'DRA BAR DGONGS PAR 'GYUR, ,ZHES GSUNGS PA DANG, YANG SLOB DPON ZHI BA LTA'I ZHAL NAS KYANG, DE RING SANGS RGYAS RIGS SU SKYES, ,SANGS RGYAS SRAS SU BDAG GYUR TO, ,RIGS DANG MTHUN PA'I LAS BRTZAMS TE, ,SKYON MED BTZUN PA'I RIGS 'DI LA, ,RNYOG PAR MI 'GYUR DE LTAR BYA, ,ZHES GSUNGS PAS, SDOM PA BLANGS PA'I BYANG CHUB SEMS DPA' DES TSUL KHRIMS BSRUNG ZHING SPEL DGOS PAS, RANG GI LUS NGAG SEMS NI RNAM DAG RGYU, ,'JUG PA'I SEMS KYIS BDAG NYID SDOM GNAS PAS, ,ZHES SMRAS TE, RANG GI LUS NGAG SEMS NI RNAM DAG RGYU MED DE, ,ZHES BYA BA NI JI SKAD DU DE BZHIN GSHEGS PA'I SNYING RJE'I MDO LAS, LUS GTZANG BYED DANG, NGAG GTZANG BYED DANG, YID GTZANG BYED DO ZHES GSUNGS PAS SDOM PA'I TSUL KHRIMS KYIS LUS DANG NGAG GNYIS DAG PAR BYED LA, DGE BA'I CHOS SDUD PA'I TSUL KHRIMS DANG SEMS CAN DON BYED PA'I TSUL KHRIMS KYIS SEMS DAG PAR BYED DO, ,YANG NA TSUL KHRIMS RE RES KYANG LUS LA SOGS PA GSUM KA DAG PAR BYED DO, ,YANG NA SROG GCOD PA LA SOGS PA BDUN SPANGS PAS NI LUS DANG NGAG DAG PAR BYED LA, BRNAB SEMS LA SOGS PA GSUM SPANGS PAS NI SEMS DAG PAR BYED DO, ,GZHAN YANG DON 'DI LA DGONGS NAS MI'AM CI'I RGYAL PO LJON PAS ZHUS PA'I MDO LAS, CHAGS @267B PA DANG ZHES SDANG DANG GTI MUG DANG BRAL BAS LUS YONGS SU DAG PA'I TSUL KHRIMS DANG, BDAG GI LHA DKON MCHOG GSUM LA MI SLU BA'I MTSAN NYID KYIS NGAG YONGS SU DAG PA'I TSUL KHRIMS DANG, BRNAB SEMS DANG GNOD SEMS DANG LOG PAR LTA BA MED PAS SEMS YONGS SU DAG PA'I TSUL KHRIMS DANG ZHES GSUNGS SO, ,DE LTA BU YIN PAS NA TSUL KHRIMS KYI BSLAB PA LA LEGS PAR SLOB PAR YANG 'GYUR ZHING, DE LA GOMS PA'I STOBS KYIS TSUL KHRIMS DE LA DGA' BA DANG SPRO BA DANG 'DOD PA DANG DE LA BRTZON PA DANG GUS PA CHER 'GYUR RO ZHES BSAMS NAS SMRA BA NI, TSUL KHRIMS BSLAB PA GSUM LA LEGS BSLABS NAS, ,TSUL KHRIMS BSLAB PA GSUM LA GUS CHER 'GYUR, ,ZHES BYA BA YIN NO, ,TSUL KHRIMS KYI BSLAB PA GSUM NI SDOM PA'I TSUL KHRIMS DANG, DGE BA'I CHOS SDUD PA'I TSUL KHRIMS DANG, SEMS CAN GYI DON BYED PA'I TSUL KHRIMS SO,, DE LA SDOM PA'I TSUL KHRIMS NI BCAS PA'I KHA NA MA THOB SRUNG BA'I SO SOR THAR PA'I RIS BDUN GYI SDOM PA DANG, RANG BZHIN GYI KHA NA MA THO BA SRUNG BA'I MI DGE BA BCU BSRUNG BA'O, ,DE LA DGE BA'I CHOS SDUD PA'I TSUL KHRIMS NI SDOM PA YANG DAG PAR BLANGS PA'I 'OG TU GANG CUNG ZAD LUS DANG DAG DANG YID KYIS BYANG CHUB KYI PHYIR DGE BA BSAGS PA STE, DE YANG KHYAD PAR DU THOS PA DANG BSAM PA DANG BSGOM PA RNAMS LA GCIG TU DGA' BAS MNGON PAR SBYOR BA'O, ,DE BZHIN DU DUS SU BLA MA RNAMS LA GSONG POR SMRA BA DANG, PHYAG BYA BA DANG, LDANG BA DANG, THAL MO SBYOR BA DANG ZHES DANG BCAS PAS KUN DU SPYOD PA DANG, BSNYEN BKUR BYED PA DANG, YON TAN DANG LDAN PA'I BSNGAGS PA BRJOD PA DANG, BSOD NAMS THAMS CAD LA RJES SU YI RANG BA DANG, GZHAN GYIS BRNYAS PA LA BZOD PA DANG, DGE BA THAMS CAD BYANG CHUB TU BSNGO BA DANG, DUS DUS SU YANG DAG PA'I SMON LAM DAG SNA TSOGS PA 'DEBS PA DANG, MCHOD PA'I RNAM PA RGYA CHEN POS DKON MCHOG GSUM LA MCHOD PAR BYED PA DANG, DGE BA LA BRTZON 'GRUS BYED PA DANG, BAG MED PA SPANGS PA DANG, DRAN PA DANG SHES BZHIN DANG LDAN PAS BSLAB PA'I GZHI RNAMS BSRUNG BA DANG, DBANG PO'I @268A *, ,SGO BSDAMS PA DANG, ZAS KYI TSOD RIG PA DANG, NAM GYI CHA STOD DANG CHA SMAD LA MI NYAL BAR RJES SU BRTZON PA DANG, SKYES BU DAM PA LA BRTEN PA DANG, NYES PA DAG SHES SHING MTHONG NAS SPANG BA DANG, NYES PA CHOS BZHIN DU 'CHAGS PA DANG, DE LTA BU'I PHYOGS DANG MTHUN PA'I DGE BA'I CHOS RNAMS SRUNG BA DANG SPEL BA STE, DE LTAR NA DGE BA'I CHOS SDUD PA'I TSUL KHRIMS LA GNAS NA DGE BA'I CHOS KYI TSUL SHIN TU BSDUS PAR 'GYUR TE, 'DI 'DOD PA'I LONGS SPYOD LA LTA BA CUNG ZAD TZAM YANG DANG DU LEN PAR MI BYED NA MANG PO LTA CI SMOS, PHA ROL TU PHYIN PA BCU DANG, BSDU PA'I DNGOS PO BZHI DANG, TSAD MED PA BZHI STE, BYANG CHUB KYI SEMS BCU'I BDAG NYID YIN NO, ,SEMS CAN DON BYED PA'I TSUL KHRIMS NI 'DI LA SEMS CAN GYI DON BYA BA YIN TE, NAD LA SOGS PA'I SDUG BSNGAL CAN RNAMS LA NAD G-YOG LA SOGS PA'I GROGS BYED PA YIN NO, ,LONG BA DAG GI LONG KHRID DANG, 'ON PA DAG LA LAG BRDAS STON PA DANG, RKANG LAG MED PA DAG KHUR BA DANG, 'DOD PA'I 'DUN PA CAN DAG GI DE SEL BA DANG, GZHAN GYIS SMA PHAB CING PHAM PA RNAMS DE DAG GI SDUG BSNGAL SEL BA DANG, LAM GYIS NGAL BA DAG LA BZA' BA DANG, BTUNG BA DANG, GOS DANG, KHANG PA DAG GIS PHAN 'DOGS SO, ,GSO PA'I RIG PAS NAD PA DAG LA ZANG ZING MED PA'I SEMS KYIS MI SKYO BAR PHAN 'DOGS SO, ,MDOR NA SEMS CAN GYI SDUG BSNGAL THAMS CAD SEL BA DANG, DE BSAL BAR SEMS BSKYED PA DANG, DGE BA THAMS CAD GZHAN GYI DON DU BSNGO BA'O, ,'DI DAG GI DON RGYAS PAR TSUL KHRIMS KYI LE'U RU BLTA BAR BYA'O, ,DE LTA BU TSUL KHRIMS KYI SDOM PA RNAM PA GSUM NI BSOD NAMS KYI TSOGS YIN PAS TSOGS DE RDZOGS PAR BYA'O SNYAM DU BSAMS NAS, DE BAS RNAM DAG RDZOGS BYANG CHUB, ,SEMS DPA'I SDOM PA'I SDOM DAG NI, ,'BAD PA BYAS PAS RDZOGS BYANG CHUB, ,TSOGS NI YONGS SU RDZOGS PAR 'GYUR, ,ZHES BYA BA 'DI YIN NO, ,DE BAS NA RDZOGS PA'I BYANG CHUB THOB PAR 'DOD CING DE'I RGYU BSOD NAMS RDZOGS PAR 'DOD NA BYANG CHUB SEMS @268B DPA'I SDOM PA 'BAD PA DANG RTZOL BA BYAS PAS BSOD NAMS KYI TSOGS RDZOGS PAR 'GYUR RO ZHES SHES PAR BYA'O, ,SDOM PA'I SDOM DAG NI ZHES BA NI 'PHAGS PA THOGS MED KYI LUGS LA GNAS PA'I BYANG CHUB SEMS DPA'I SDOM PA DANG, SLOB DPON ZHI BA'I LHA'I LUGS LA GNAS PA'I BYANG CHUB SEMS DPA'I SDOM PA'O, ,DE LTA BU'I SHING RTA CHEN PO'I LAM GNYIS LA GNAS NAS 'BAD PA DANG, BRTZON PAR BYAS NA BSOD NAMS DANG YE SHES KYI TSOGS GNYIS RDZOGS PAR BYAS TE, MNGON PAR RDZOGS PAR BYANG CHUB PAR 'GYUR RO ZHES BLA MA DAG GSUNGS PA YIN NO, ,BLA MA'I ZHAL NAS DE LTA BU'I TSUL KHRIMS KYI BSLAB PA GSUM NI YANG DAG PAR BLANGS PA DANG, RJES SU BSRUNGS PAS BDAG DANG GZHAN GYI DON DANG, PHAN PA DANG BDE BAR 'GYUR PA'I PHYIR DGE BA'O, ,BYANG CHUB SEMS DPA'I BSLAB PA DPAG TU MED PA BSDUS PA'I PHYIR DPAG TU MED PA'O, , SEMS CAN THAMS CAD LA PHAN PA DANG BDE BA MNGON PAR BSGRUB PA'I PHYIR PHAN 'DOGS PA'O, ,BLA NA MED PA YANG DAG PAR RDZOGS PA'I BYANG CHUB KYI 'BRAS BU LEN PAR BYED PA'I PHYIR 'BRAS BU CHE BAR RIG PAR BYA'O ZHES SDOM PA NYI SHU PA'I 'GREL PA LAS GSUNGS SO, ,DE LTAR BLA MA DAM PA LAS BSLAB PA DE LTA BU LEGS PAR BSLANGS SHING, CHOS DANG MTHUN PAR BSRUNG BA'I BYANG CHUB SEMS DPA'I TSOGS KYI LAM THAR PA'I CHA DANG MTHUN PA'I DGE BA'I RTZA BA BSKYED PAR 'DOD PA DE NI, TSE RABS SNGA MA'I BAG CHAGS BZANG PO YOD PA YIN TE, MGON PO BYAMS PAS DBUS DANG MTHA' RNAM PAR 'BYED PA LAS, SNOD GYUR RNAM PAR SMIN BRJOD DANG, ,DE YI DBANG GIS STOBS DANG NI, ,'DOD DANG 'PHEL DANG RNAM DAG STE, ,'BRAS BU RNAMS NI GO RIMS BZHIN, ,ZHES GSUNGS TE, BYANG CHUB SEMS DPA' RNAMS SNGON GYI SKYE BA DAG TU DGE BA LA GOMS PAR BSLABS PAS TSE 'DIR DE'I SNOD DU GYUR PA NI RNAM PAR SMIN PA'I 'BRAS BU'O, ,DE RNAMS 'DIR BYAS PA'I STOBS CAN DU GYUR PA NI BDAG PO'I 'BRAS BU'O, ,DE NYID LA PHYIR ZHING 'DUN PA NI RGYU MTHUN PA'I 'BRAS BU'O, ,'DIR BSLAB PA DAG MNGON PAR 'PHEL @269A *, ,BA NI SKYES BU BYED PA'I 'BRAS BU'O, ,DE'I SGRIB PA'I DRI MA RNAMS DANG BRAL BA NI BRAL BA'I 'BRAS BU'O, ,'DIR BDAG PO'I 'BRAS BU MA GTOGS PA BZHI NI RIS MTHUN PA'I 'BRAS BUR BGRANG GI 'DI NYID LA RDZOGS PA NI MA YIN NO ZHES BLA MA MKHAS PA CHEN PO SH'AN TI PAS GSUNGS SO, ,SLOB DPON MKHAS PA CHEN PO NOR GYI RTZA LAG GI ZHAL NAS KYANG BYANG CHUB SEMS DPAS BYANG CHUB TU SEMS BSKYED PHAN CHAD TSE RABS TSE RABS SU, BDE 'GRO RIGS MTHO SKYE DBANG TSANG, ,PHOR GYUR TSE RABS DRAN MI LDOG ,BYANG CHUB SEMS DPA' SEMS CAN LA PHAN PA'I DON DU SDUG BSNGAL LA MI SKYO BA'O, ,'JIG RTEN NA ZONG GIS MA NYOS PA'I BRAN NI BYANG CHUB SEMS DPA' DE YIN PAS, BDAG NYID CHEN PO DE LA 'BYOR PA'I MCHOG KHYAD PAR CAN YOD KYANG DES NGA RGYAL DANG KHENGS PAR MI 'GYUR BAR SNYING RJES GZHAN GYI DBANG DU GYUR BAS BDAG NYID SEMS CAN THAMS CAD KYI DRUNG NA KHYI LTA BU DANG, BRAN LTA BU DANG, GDOL PA LTA BUR NGA RGYAL BCAG NAS GNAS PA STE, GZHAN GYIS BRNYAS PA DANG GNOD PAR BYAS KYANG BZOD CING, NGAL BA DANG BRNAGS PA THAMS CAD NYAMS SU LEN PA YIN NO ZHES GSUNGS SO, , DE LTA BU'I GANG ZAG NI THEG PA CHEN PO PA YIN PAR SHES SO, ,GZHAN YANG TSE RABS TSE RABS SU BYANG CHUB KYI SEMS MA NYAMS PA'I RTAGS NI MDO LAS JI SKAD DU DE NGAN SONG GSUM SPANGS PA YIN, ,YUL MTHA' 'KHOB SPANGS PA YIN, SKYES BU DAM PA YOD PA'I SA PHYOGS SU SKYE BA DANG; RIGS MTHON POR SKYE BA YIN, GZUGS BZANG BA YIN, SHES RAB CHE BA YIN, NAD MED PA YIN, SNYING RJE DANG LDAN PA YIN NO ZHES GSUNGS SO, ,GZHAN YANG DE MI KHOM PA BRGYAD SPANGS SHING, KHOM PA'I YON TAN BCU DANG LDAN PA YIN NO, ,GZHAN YANG RTAGS NI DE RANG BZHIN GYIS PHA ROL TU PHYIN PA DRUG DANG LDAN PA YIN TE, MDO LAS DE MA BSTAN PA'I SBYIN PA CAN YIN ZHES PA NAS, DE MA BSTAN PA'I SHES RAB CAN YIN ZHES PA'I BAR DANG LDAN PA YIN NO ZHES GSUNGS SO ,GZHAN YANG SLOB DPON ZLA GRAGS KYI ZHAL NAS, SO SO SKYE BO'I DUS NA STONG NYID @269B THOS; ,NANG GI DGA' BA YANG DANG YANG DU 'BYUNG, ,DGA' BA LAS BYUNG MIG NI MCHI MAS GANG, ,LUS KYI SPU LDANG BA YANG SKYE BAR 'GYUR, ,GANG YIN DE LA BYANG CHUB SA BON YOD, ,DON DAM BDEN PA DE LA BSTAN PAR BYA, ,DER RTOGS PA YI YON TAN DE LAS 'BYUNG, ,ZHES BYA BA LA SOGS PA GSUNGS SO, ,SLOB DPON NOR GYI RTZA LAG GI ZHAL NAS KYANG BSHAD DE, THAR PA'I CHA DANG MTHUN PA NI, GANG LA BDAG MED PA'I GTAM DANG 'KHOR BA'I NYES DMIGS DANG, MYA NGAN LAS 'DAS PA'I YON TAN GYI GTAM BRJOD PA THOS NA MCHI MA 'KHRUG PA DANG, SPU ZING BYED PA DE LA THAR PA'I CHA DANG MTHUN PA'I DGE BA'I RTZA BA YOD PAR SHES PAR BYA STE, DBYAR MYU GU SKYE BA LAS NA SA GZHI'I GSEB NA DE'I SA BON YOD PAR SHES PA BZHIN NO ZHES GSUNGS SO, ,DE LTAR NA 'PHAGS PA LANG KAR GSHEGS PA LAS, DU BA LAS NI MER SHES SHING; ,CHU SKYAR LAS NI CHU BZHIN DU, ,BLO LDAN BYANG CHUB SEMS DPA' YI, ,RIGS NI MTSAN MA RNAMS LAS SHES, ,ZHES GSUNGS SO, ,DE LTAR SDOM PA SRUNG BA'I BYANG CHUB SEMS DPA' LAS DANG PO PA DES DUS THAMS CAD DU LUS DANG GNAS DANG LONGS SPYOD THAMS CAD DANG 'KHOR BA DANG MYA NGAN LAS 'DAS PA'I CHOS THAMS CAD RMI LAM LTA BUR SHES PAR BYA STE, RMI LAM LTA BU'I DKON MCHOG GSUM LA RMI LAM LTA BU'I SRI ZHU BYA BA DANG, RMI LAM LTA BU'I 'KHOR BA LA SKYO BAR BYA BA DANG, RMI LAM LTA BU'I SEMS CAN LA RMI LAM LTA BU'I SEMS KYIS SNYING RJE BYA BA DANG; RMI LAM LTA BU'I SEMS CAN MGU BAR BYA BA'O, ,SEMS CAN THAMS CAD JO BOR YID LA BYA BA DANG, SKYE BA MED PA YID LA BYA BA DANG, BYANG CHUB KYI SEMS YID LA BYA BA DANG, 'CHI BA YID LA BYA BA DANG, TSUL KHRIMS YID LA BYA BA DANG, DNGOS PO THAMS CAD LA MA [?] CHAGS PA'I YID LA BYA BA DANG, DRAN PA DANG, SHES BZHIN DANG, BAG YOD PA DANG, TSUL BZHIN DU SEMS PA YID LA BYA'O, ,GZHAN YANG LAS DANG PO PA DES DUS THAMS CAD DU THABS LA MKHAS PAR BYA'O, ,'DI LTAR BDAG GI SDIG PA GZHAN GYI SDIG PHAR BYAS TE 'CHAGS PA @270A *, ,DANG; GZHAN GYI SDIG PA BDAG GI SDIG PAR BYAS TE 'CHAGS PA DANG, BDAG GI DGE BA'I RTZA BA GZHAN GYI DGE BA'I RTZA BAR BYED PA DANG GZHAN GYI DGE BA'I RTZA BA BDAG GIR BYED PA DANG, BDAG GI BDE BA GZHAN GYI BDE BAR BYED PA DANG, GZHAN GYI SDUG BSNGAL BDAG GIR BYED PA DANG, BDAG GI SDUG BSNGAL GYIS GZHAN GYI SDUG BSNGAL BSAL BA DANG, GZHAN DAG BDE BA MTHONG BA DANG THOS PA NA DE LA YID DGA' BA DANG, GZHAN DAG SDUG BSNGAL LA THOS SAM MTHONG NA, MA LA BDAG GIS NAM ZHIG NA 'DI DAG SDUG BSNGAL LAS THAR BAR BYA SNYAM DU YID GDUNG BA DANG, 'JIG RTEN GYI CHOS LA SEMS BTANG BA DANG, GZHAN GYI RNYED PA DANG BKUR STI DANG, GRAGS PA SNYAN PA LA PHRAG DOG MI BYA BA DANG, BDAG NI 'DI LTAR RIGS DANG, GZUGS DANG, 'KHOR DANG YO BYAD DANG, RIG PA'I GNAS LNGA DANG, RNYED PA DANG, BKUR STI DANG, GRAGS PA SNYAN PA DANG LDAN PA YIN NO ZHES NGA RGYAL DANG KHENGS PA MED CING GZHAN DMAN PA DAG LA BRNYAS PAR MI BYA BA DANG, BDAG GI DGE BA'I RTZA BA DE GZHAN DANG THUN MONG DU BYAS NAS BYANG CHUB CHEN POR YONGS SU BSNGO BA DANG, GZHAN GYI DGE BA'I RTZA BA DE YANG PA DAG DANG THUN MONG DU BYAS NAS BYANG CHUB CHEN POR YONGS SU BSNGO BA DANG, BDAG GI SDIG PA YANG GZHAN GYI SDIG PA DANG THUN MONG DU BYAS NAS SO SOR BSHAGS PA DANG, GZHAN GYI SDIG PA YANG BDAG DANG THUN MONG DU BYAS NAS SO SOR BSHAGS PA'O, ,GZHAN YANG DE KUN DU SPYOD PA PHYIN CI MA LOG PA YIN TE, 'PHAGS PA DKON MCHOG SPRIN LAS, DE ZA NA, DE 'THUNG NA, DE 'GRO NA, DE NYAL NA, DE GLO G-YAS PAS NYAL NA ZHES BYA BA LA SOGS PA STE MDO DE NYID DU BLTA BAR BYA'O, ,GZHAN YANG DE DAM BCA' BA PHYIN CI MA LOG PA YIN TE, SNGON KYI RGYAL PO NAM MKHAS 'DI SKAD DU, DI RING PHAN CHAD NAM DU YANG, ,BDAG LA 'DOD CHAGS SEMS BYUNG NA, ,PHYOGS BCU DAG NA BZHUGS PA YI, ,SANGS RGYAS THAMS CAD BSLUS PAR 'GYUR, ,THA BA'I SEMS DANG GNOD SEMS DANG, ,PHRAG DOG DANG NI SER SNA DANG, ,DI RING PHAN CHAD MI @270B BYA'O; ,TSANGS PAR SBYOD LA GNAS BGYI ZHING, ,SDIG PA 'DOD PA YONGS SU SPANG, ,TSUL KHRIMS SDOM DANG DES PA LA, ,SANGS RGYAS RJES SU BSLAB PAR BYA, ,ZHES GSUNGS PA DANG, 'PHAGS PA LHAG PA'I BSAM PA BSKUL BA'I MDO LAS, BCOM LDAN 'DAS BDAG CAG DENG SLAN CHAD DE BZHIN GSHEGS PA'I SPYAN SNGAR YI DAM 'DI LTA BU BCA' BAR BYA'O, ,BCOM LDAN 'DAS GAL TE BDAG GIS DENG SLAN CHAD BYANG CHUB SEMS DPA'I THEG PA'I GANG ZAG GI LTUNG BA MED PA YANG RUNG STE, GLENGS NA BDAG CAG GIS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA BSLUS PAR 'GYUR RO ZHES BYA BA LA SOGS PA GSUNGS TE MDO NYID DU BLTA BAR BYA'O, ,GZHAN YANG DE BSNGO BA PHYIN CI MA LOG PA YIN TE, GSER 'OD DAM PA'I BSNGO BA DANG, BYANG CHUB SEMS DPA' RDO RJE RGYAL MTSAN GYI YONGS SU BSNGO BA CHEN PO BCU DANG, GZHAN YANG 'PHAGS PA KLU SGRUB KYI BSOD NAMS KYI TSOGS NYI SHU PA DANG, SPYOD PA LA 'JUG PA'I BSNGO BA'I LE'U LA SOGS PA'O, ,GZHAN YANG DE SMON LAM PHYIN CI MA LOG PA YIN TE, 'PHAGS PA BZANG PO SPYOD PA DANG, 'PHAGS PA SA BCU PA'I SMON LAM CHEN PO BCU DANG, BCOM LDAN 'DAS SMAN GYI BLA BEE d'URYA 'OD KYI RGYAL PO'I SMON LAM CHEN PO BCU GNYIS DANG, SLOB DPON RTA DBYANGS KYIS MDZAD PA'I SMON LAM BDUN CU PA LA SOGS PA'O, ,GZHAN YANG BLA MA'I ZHAL NAS BYUNG BA'I MDO SDE MA LUS PA'I DON BSDUS PA PHA DANG MA LTA BU DANG, BU DANG BU MO LTA BU'I CHOS LNGA BCU PO RNAMS KYANG SKAD CIG SKAD CIG LA DRAN PAR BYA'O, ,GZHAN YANG BYANG CHUB SEMS DPA' DES DUS GCIG LA RTAG TU MDO SDE MA LUS PA BKLAG PAR YANG BYA'O, ,DE CI'I PHYIR ZHE NA, LAS DANG PO PA GNYEN PO SHAS CHUNG ZHING RKYEN LA LTOS PA YIN PAS MDO SDE BLTA BA LA BRTZON PAR BYA'O, ,GZHAN YANG MDO SDE'I DON MA LUS PAR BSDUS PA YIN PAS MDO KUN LAS BTUS PA DANG, BSLAB PA KUN LAS BTUS PA DANG, BYANG CHUB SEMS DPA'I SPYOD PA LA 'JUG PA DANG, TSUL KHRIMS KYI LE'U DANG, SDOM PA NYI SHU PA RNAMS KYANG DUS DUS SU @271A *, ,BLTA BA DANG, MNYAN PA DANG, BRI BAR BYA'O, ,GZHAN YANG THEG PA CHEN PO'I MDO SDE'I DON DANG, SNGON GYI SLOB DPON CHEN PO RNAMS DANG, DA LTAR GYI BLA MA MKHAS PA CHEN PO RNAMS KYI DGONGS PA YIN PAS BSTAN BCOS 'DI NYID KYANG BLTA BA DANG, MNYAN PA DANG, BRI BAR BYA'O, ,GZHAN YANG NYIN LAN GSUM MTSAN LAN GSUM PHUNG PO GSUM PA GDON PAR BYA STE, 'PHAGS PA DRAG SHUL CAN GYIS ZHUS PA LAS, DES NYIN LAN GSUM MTSAN LAN GSUM DU KHRUS BYAS TE, GOS GTZANG MA BGOS NAS PHUNG PO GSUM PA GDON PAR BYA'O ZHES GSUNGS PA DANG, 'PHAGS PA CHOS THAMS CAD 'BYUNG BA MED PAR BSTAN PA'I MDO LAS KYANG, NYIN DANG DE BZHIN MTSAN MO LAN GSUM DU, ,BYANG CHUB SEMS DPA' RNAMS LA MGOS PHYAG 'TSAL, ,ZHES GSUNGS PA DANG, 'PHAGS PA DKON MCHOG SPRIN LAS KYANG, DE LTAR SANGS RGYAS DANG BYANG CHUB SEMS DPA' THAMS CAD LA NYIN LAN GSUM MTSAN LAN GSUM DU MCHOD PAR BYED DO ZHES GSUNGS PA DANG, 'PHAGS PA NYE BA 'KHOR GYIS ZHUS PA LAS KYANG, DES NYIN MTSAN DU BSHAGS PA BYED DO ZHES GSUNGS PA DANG, 'PHAGS PA THOGS MED KYI ZHAL NAS KYANG, BYANG CHUB SEMS DPA' MYUR DU MNGON PAR RDZOGS PAR 'TSANG RGYA BAR 'DOD PAS NYIN LAN GSUM MTSAN LAN GSUM DU PHYAG 'TSAL BA DANG, MCHOD PA DANG SDIG PA SO SOR BSHAGS PA DANG, RJES SU YI RANG BA DANG, BSKUL BA DANG, GSOL BA GDAB PA DANG, YONGS SU BSNGO BA RNAMS KYANG BYA'O ZHES GSUNGS SO, ,DE DAG GI PHAN YON YANG 'PHAGS PA SPYAN RAS GZIGS KYI MDO DANG CHOS BSHAD PA BRGYA PA, SLOB DPON DPA' BO'I RIN PO CHE PHRENG BA LTA BU'I GTAM DAG TU BLTA BAR BYA'O, ,DE YANG 'PHAGS PA BZANG PO SPYOD PA'I GZHUNG GIS KYANG BYA'O, ,YANG NA PHUNG PO GSUM PA'I MDO NYID GDON PAR BYA'O, ,YANG NA BYANG CHUB SEMS DPA' MKHAS PA BLO DANG LDAN PA THOS PAS BRGYAN PA DES NI 'PHAGS PA BZANG PO SPYOD PA 'DI NYID LA GNAS NAS BLA MA'I ZHAL LAS 'BYUNG BA'I GDAMS NGAG GI CHO GA RGYAS PAR BYA'O, ,DE BAS NA @271B SLOB DPON ZHI BA'I LHA'I ZHAL NAS, NYIN DANG MTSAN MO LAN GSUM DU, ,PHUNG PO GSUM PA GDON PAR BYA, ,RGYAL DANG BYANG CHUB SEMS BRTEN PAS, ,LTUNG BA'I LHAG MA DES ZHI BYA, ,ZHES SPYOD PA LA 'JUG PA LAS GSUNGS SO, ,DE LTA BU'I CHO GA DE'I RJES LA GSUM LA SKYABS SU 'GRO BA DANG, LTUNG BA'I NYES PA SO SOR BSHAGS LA, BYANG CHUB KYI SEMS RNAM PA GNYIS BSKYED NAS, BDAG GIS THEG PA CHEN PO'I MDO SDE NAS GSUNGS PA'I BYANG CHUB SEMS DPA'I BSLAB PA MA LUS PA THAMS CAD LA BSLAB PAR BYA'O ZHES MOS PAR BYA'O, ,DE BAS NA DE LTA BU'I NYIN DANG MTSAN DU DON MED PAR MI GNAS PA'I RNAL 'BYOR BA DE NI PHUN SUM TSOGS PA GSUM DANG LDAN TE, BLA MA'I ZHAL NAS 'DI SKAD DU PHUN SUM TSOGS PA GSUM GYIS BDE BA LA REG PAR 'GYUR TE, 'DI LTAR SBYOR BA DANG, BSAM PA DANG, SNGON GYI RGYU PHUN SUM TSOGS PA'O, ,DE LA SBYOR BA PHUN SUM TSOGS PA NI LUS DANG NGAG DANG YID KYI NYES PA RGYUN DU MI BYED LA SDIG PA 'CHAGS PA'O, ,BSAM PA PHUN SUM TSOGS PA NI 'DI LTAR BDAG CHOS KYI BSAM PAS YIN GYI LOG PAR 'TSO BA LA SOGS PA CHOS MA YIN PAS NI MA YIN NO, ,BDAG KYANG BYANG CHUB CHEN PO DON DU GNYER BA YIN GYI, 'JIG RTEN PA'I BDE BA DON DU GNYER BA MA YIN, DE LA SNGON GYI RGYU PHUN SUM TSOGS PA NI DES SNGON GYI DUS SU BSOD NAMS BYAS SHING, DGE BA BYAS PAS DA LTAR GOS DANG ZAS DANG YO BYAD RNAMS KYIS PHONGS PAR MA GYUR PA YIN ZHING GZHAN LA YANG BGO BSHA' BYED PA'I DANG TSUL CAN YIN NO ZHES GSUNGS SO, ,'DI LTAR LAS DANG PO BA'I SLOB MA BLO CHUNG BA DE DANG PO NYID NAS LAM LA 'JUG PA MI BYA STE, DE LA THOG MAR BYANG CHUB SEMS DPA'I BSLAB PA RGYA CHEN PO BKOD PA'I MDO SDE DANG, BSTAN BCOS THAMS CAD BSHAD PAR BYA ZHING TSUL DE MKHAS PAR BYAS NAS, GZOD GANG ZAG LAM LA 'JUG PA'I CHO GA BYA'O ZHES BLA MA DAG GSUNG BA YIN NO, ,'DIR SMRAS PA, DKON MCHOG GSUM GUS YUL LA ZHEN PA SPANGS, ,'CHI BA RJES DRAN TSUL KHRIMS GTZO BOR BYED, ,BLA MA LA @272A *, ,GUS DAD LDAN G-YO SGYU MED, ,SDIG PA'I GROGS SPANGS THUN TSIGS SBYOR BAR LDAN, ,THUN TSIGS BRUG BA DUM BU BCO BRGYAD 'GYUR, ,SNGA DRO'I THUN LA DUM BU GSUM YOD PA'I, ,DUM BU DANG PO DUM BU BAR PA LA, ,NYES PA BYUNG BA DUM BU THA MA DER, ,BYANG CHUB SEMS BRJED SEMS DPA' NYAMS PAR 'GYUR, ,PHYI MA LNGA YANG DE YIS BSGRE BAR BYA, ,DUM BU DUM BUR LEGS PAR GSO BYED PA, ,SKYES BU RAB YIN 'BRING NI GNYIS LAGS SO, ,DUM BU THA MAR GSO BA THA MA STE, ,RAB KYI RAB NI SKAD CIG DANG POR GSO, ,RAB KYI 'BRING NI SKAD CIG GNYIS PAR GSO, ,RAB KYI THA MA SKAD CIG THA MAR GSO, ,DE LTAR GYUR PAS SKYES BU RAB 'BRING RGYU, ,PHYI MA KUN YANG DE YIS BSGRE BAR BYA, ,BLA MA MKHAS PA CHEN PO KHA CIG NI 'DI SKAD DU GSUNG STE, NYES BA BYUNG BA NYID KYI RJES LA GSO BYED PA, ,SKYES BU RAB YIN SKAD CIG GNYIS PA SOGS, ,DE YI RJES LA GSO BA 'BRING PO STE, ,SKYES BU THA MAS [?] DUS TSIGS DRUG POR GSO, ,ZHES GSUNGS SO, ,LHAG PA'I TSUL KHRIMS KYI BSLAB PA BSTAN ZIN TO,, ,,'DI LTAR TSUL KHRIMS 'BA' ZHIG TZAM GYIS NI CHOG PAR NI MI BZUNG STE, TING NGE 'DZIN DANG, SHES RAB DAG KYANG BSKYED DGOS PA YIN NO, ,'ON KYANG TSUL KHRIMS LA BRTEN NAS TING NGE 'DZIN SKYE BAR 'GYUR TE, 'PHAGS PA ZLA BA SGRON MA'I MDO LAS, NYON MONGS MED PA'I TING 'DZIN MYUR THOB STE, ,'DI NI TSUL KHRIMS RNAM DAG PHAN YON YIN, ,ZHES GSUNGS SO, ,SLOB DPON ZHI BA'I LHA'I ZHAL NAS TSUL KHRIMS NI TING NGE 'DZIN 'GRUB PA YIN TE ZHES PA DANG, YANG DE BAS NA TING NGE 'DZIN GYI RGYU'I SBYOR BA GANG CI YANG RUNG BA DE DAG NI TSUL KHRIMS KYI NANG DU 'DUS PAR SHES PAR BYA'O, ,DE BAS NA TING NGE 'DZIN DON DU GNYER BAS DRAN PA DANG SHES BZHIN GYI NGANG TSUL CAN DU BYA'O ZHES GSUNGS SO, ,YANG TSUL KHRIMS DON DU GNYER BAS KYANG TING NGE 'DZIN LA 'BAD PAR BYA STE ZHES PA DANG, YANG TSUL KHRIMS DON DU GNYER BA GNYIS GCIG GIS GCIG 'PHEL BAR BYED PA 'DI GNYIS KYIS SEMS YONGS SU SBYANG BA @272B YONGS SU GRUB PO ZHES GSUNGS PAS TSUL KHRIMS MED PA'I TING NGE 'DZIN SKYE BAR MI 'GYUR BAS NA, DE'I PHYIR TSUL KHRIMS LA 'BAD PAR BYA DGOS SO, ,DE BAS TSUL KHRIMS PHUN SUM TSOGS PA'I TING NGE 'DZIN GYIS MNGON PAR SHES PA BSKYED NAS GZHAN GYI DON BYA BA DANG, TSOGS RNAM PA GNYIS BSAGS PA'I THABS NI MNGON PAR SHES PA YIN PAS DE BSTAN PA'I PHYIR, BSOD NAMS YE SHES RANG BZHIN GYI, ,TSOGS NI YONGS SU RDZOGS PA YI, ,RGYU NI SANGS RGYAS THAMS CAD DAG ,MNGON SHES BSKYED PA NYID DU BZHED, ,CES BYA BA DE YIN NO, , TSOGS GNYIS BSAG PAR 'DOD PA DANG, ,RTAG TU GZHAN DON BYED 'DOD PAS, ,MNGON PAR SHES PA MA BSKYED NA, ,DMUS LONG GI NI SPYOD PA DANG, ,SMYON PA'I SPYOD PA NYID DANG NI, ,JI LTAR BYOL SONG SPYOD PA BZHIN, ,RANG GI DON YANG MI GRUB NA, ,GZHAN DON 'GRUB PAR JI LTAR RUNG; ,ZHES PA NI BSDUS NAS BSTAN PA'O, ,JI LTAR 'DAB GSHOG MA SKYES PA'I, ,BYA NI MKHA' LA 'PHUR MI NUS, ,DE BZHIN MNGON SHES THOB BRAL BAS, ,SEMS CAN DON BYED NUS MA YIN, ,MNGON PAR SHES PA YANG MA THOB CING BSGOMS PA'I SHES RAB KYANG MA SKYES PAR THOS PA'I SHES RAB TZAM LA BRTEN NAS CHOS BSHAD CING SLOB MA SDUD PA DE NI SMYON PA YIN TE, JI SKAD DU, RANG GI TSOD KYANG MI SHES PAR, ,SMRA BA JI LTAR SMYON PA MIN, ,ZHES SO, ,'PHAGS PA LHAG PA'I BSAM PA BSKUL BA'I MDO LAS, SMRA BA LA DGA' BA DANG, SMRA BA LA DGA' BA'I NYES PA MTHONG BAR BYA'O ZHES PA DANG, YANG DE NYID LAS SMRA BA LA DGA' BA'I NYES PA GSUNGS PA, THOS PAS RGYAGS NAS GUS PAR MI 'GYUR TE, ,RNAM PAR 'GYID PA'I SMRA BA RNAMS LA CHAGS, ,BRJED PAR 'GYUR ZHING SHES BZHIN MED PAR 'GYUR, ,SMRA LA DGA' BA'I NYES PA 'DI DAG GO , ,NANG GI SREMS LAS SHIN TU RING BAR 'GYUR, ,LUS DANG SEMS KYANG RAB SBYANGS MA YIN 'GYUR, ,KHENGS PA DANG NI DUD PA MANG POR 'GYUR, ,SMRA LA DGA' BA'I NYES PA 'DI DAG GO, ,BYIS PA DAM PA'I CHOS BSAM RAB TU NYAMS, ,SEMS NI MI MNYEN @273A *, ,SHIN TU RTZUB PAR 'GYUR, ,ZHI GNAS LHAG MTHONG DAG DANG RAB TU RING, ,SMRA LA DGA' BA'I NYIS PA 'DI DAG GO , ,RTAG TU BLA MA DAG LA GUS PA MED, ,SPAGS PA'I GTAM DAG LA NI DGA' BA SKYED, ,SNYING PO MED LA GNAS SHING SHES RAB NYAMS, ,SMRA LA DGA' BA'I NYES PA 'DI DAG GO, ,DE BZHIN DU YANG GSUNGS PA, BDAG NI SGRUB NYAMS DA NI CI BYA ZHES, ,'CHI BA'I DUS TSE BYIS PA MYA NGAN BYED, ,GTING RNYED MA GYUR SHIN TU SDUG BSNGAL GYUR, ,SMRA LA DGA' BA'I NYES PA 'DI DAG GO, ,RTZVA BSKYOD BZHIN DU 'GYUR ZHING G-YO BA STE; ,DE NI DE LTAR THE TSOM 'GYUR DU NGES, ,DE NI NAM YANG BLO BRTAN MI 'GYUR TE, ,SMRA LA DGA' BA'I NYES PA 'DI DAG GO, ,GAR LA LTA BA'I KHROD NA 'DUG PA ZHIG ,DPA' BO GZHAN GYI YON TAN BRJOD PA BZHIN, ,BDAG NYID NAN TAN NYAMS PAR 'GYUR BAS TE, ,SMRA LA DGA' BA'I NYES PA 'DI DAG GO, ,DE NI G-YO LDAN YANG ZHING RE CHAD 'GYUR, ,PHYIR ZHING PHYIR ZHING RNAM PAR 'GYID PAR 'GYUR, ,'PHAGS PA'I DAM PA'I CHOS LAS RAB TU RING, ,SMRA LA DGA' BA'I NYES PA 'DI DAG GO, ,MTHU CHUNG BSTI STANG DAG GIS DGAR 'GYUR TE, , MI SHES LDAN PA G-YO ZHING 'GYUR BA YIN, ,SPRE'U LTAR DE YI SEMS NI G-YO BAR 'GYUR, ,SMRA LA DGA' BA'I NYES PA 'DI DAG GO, ,ZHES 'BYUNG STE, DE BZHIN DU YANG, YUN RING DUS NAS SMRA LA DGA' BAS NA, ,DES NI BDAG NYID DGA' BA MI 'THOB BO, ,TSIG GANG DGA' BA MTHA' YAS 'THOB 'GYUR BA, ,TSIG GCIG TZAM ZHIG BSAMS KYANG MCHOG YIN NO, ,BU RAM SHING SHUN SNYING PO CI YANG MED, ,DGA' BAR BYA BA'I RO NI NANG NA 'DUG ,SHUN PA ZOS PAS MIS NI BU RAM RO, ,ZHIM PO RNYED PAR NUS PA MA YIN NO, ,SHING GI SHUN PA DE BZHIN SMRA BA STE, ,RO LTA BU NI 'DI NI DON SEMS YIN, ,DE LTA BAS NA SMRA LA DGA' SPANGS TE, ,RTAG TU BAG YOD BYOS LA DON SOMS SHIG ,CES GSUNGS TE, DE BZHIN DU YANG GSUNGS PA, DE NAS BCOM LDAN 'DAS LA BYANG CHUB SEMS DPA' SEMS DPA' @273B CHEN PO BYAMS PAS 'DI SKAD CES GSOL TO, ,GANG DAG MCHOG GI CHOS YONGS SU SPANGS NAS LAS NGAN PA RNAMS RTZOM PA'I BYANG CHUB SEMS DPA' DE NI SHES RAB SHIN TU CHUNG ZHING SHES RAB RNAM PAR NYAMS PAR 'GYUR BA LAGS SO, ,DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' SEMS DPA' CHEN PO BYAMS PA LA 'DI SKAD CES BKA' STZAL TO, ,BYAMS PA DE DE BZHIN NO, ,JI SKAD SMRAS PA DE BZHIN TE, GANG DAG MCHOG GI CHOS YONGS SU SPANGS NAS LAS NGAN PA RTZOM PA'I BYANG CHUB SEMS DPA' DE DAG NI SHES RAB SHIN TU CHUNG BAR 'GYUR RO, ,BYAMS PA KHYOD LA BSTAN TO, ,KHYOD KYIS KHONG DU CHUD PAR BYA'O, ,GANG DAG LA BRTZON PA MED PA DANG, BSAM GTAN MED PA DANG, SPONG BA MED PA DANG, KHA TON BYA BA MED PA DANG, MANG DU THOS PA YONGS SU TSOL BA MED PA'I BYANG CHUB SEMS DPA' DE DAG NI DE BZHIN GSHEGS PA'I BSTAN PA LA RAB TU BYUNG BA MA YIN NO, ,BYAMS PA DE BZHIN GSHEGS PA'I BSTAN PA NI BSAM GTAN DANG, SPONG BAS RAB TU PHYE BA, YE SHES KYIS 'DUS BYAS PA, YE SHES KYIS MNYAM PAR BZHAG PA, MNGON PAR BRTZON PAS RAB TU PHYE BA YIN GYI, KHYIM PA'I LAS KYI MTHA' DANG, ZHAL TA BYED PAS RAB TU PHYE BA NI MA YIN NO, ,MI RIGS PA BRTZON PA DANG, 'KHOR BA LA MNGON PAR DGA' BA RNAMS KYI LAS NI 'DI YIN TE 'DI LTAR ZHAL TA BYED PA DANG, 'JIG RTEN PA'I BYA BAS GZINGS PA STE, DE LA BYANG CHUB SEMS DPA' RNAMS KYIS 'DOD PA BSKYED PAR MI BYA'O ZHES GSUNGS SO, ,BLA MA'I ZHAL NAS KYANG, DE LTAR THOS PA DANG LDAN PA'I BYANG CHUB SEMS DPAS CHOS SMRA BA LAS LDOG BAR BYA STE, MNGON PAR SHES PA MA THOB BAR DU THOS PA TZAM GYIS GZHAN LA PHAN GDAGS PAR MA GSUNGS TE ZHES PA DANG, YANG GSUNGS PA, DE BAS NA MANG DU THOS PA TZAM GYIS CHOS SMRA BAR NI MI BYA STE, MNGON PAR SHES PA THOB NAS GZOD GZHAN GYIS DON BYA STE ZHES PA DANG, YANG DE NYID LAS, MNGON PAR SHES PA MA THOB PAR SLOB MA YONGS SU SMIN PAR MI NUS KYI RANG NYID @274A *, ,'CHI BAR ZAD DE, SLOB DPON ZHI BA'I LHA'I ZHAL NAS, SEMS CAN MOS PA SNA TSOGS PA, ,RGYAL BAS KYANG NI MI MGU NA, ,BDAG 'DRA NGAN PAS SMOS CI DGOS, ,DE BAS 'JIG RTEN BSAM PA BTANG, ,ZHES KHUNGS DANG BCAS NAS TING NGE 'DZIN GYI TSOGS KYI LE'U LAS GSUNGS SO, ,DE BAS DON 'DI LA DGONGS NAS, SLOB DPON 'PHAGS PA KLU SGRUB KYI ZHAL NAS, SKYE BA KUN DU RJES 'BRANG BA'I, ,MNGON PAR SHES PA LNGA THOB NAS, ,RTAG TU SEMS CAN THAMS CAD LA, ,KUN DU PHAN DANG BDE BA BYA, ,ZHES GSUNGS SO, ,BLA MA'I GDAMS NGAG MED PAR GZHUNG THOS PA TZAM LA BRTEN NAS SGOM PAR BYED PA DE YANG 'DIR ZHAR LA BKAG STE, DE LTA BU'I RNAL 'BYOR LA BRTZON PAR BYAS KYANG MNGON PAR SHES PA YANG SKYE BAR MI 'GYUR ZHING, RDZOGS PA'I BYANG CHUB CHEN PO YANG MI 'THOB PA'I PHYIR RO, ,DON 'DI LA DGONGS NAS, BRAM ZE SA RA HA PA CHEN POS DON DAM PA'I RIGS PA LAS, BLA MA'I MAN NGAG CES BYA BDUD RTZI'I RO, ,GANG GIS NGOMS PAR 'THUNGS PAR MA GYUR PA, ,DE NI BSTAN BCOS MANG PO'I MYA NGAN [?] THANG DKYIL DU, ,SKOM BZHIN DU NI NGES PAR 'CHI BAR 'GYUR, ,ZHES GSUNGS PA DANG, 'PHAGS PA KLU SGRUB KYI ZHAL NAS KYANG, RGYUD MANG RAB TU THOS SHING LUNG LA LEGS SBYANGS KYANG, ,BLA MA'I BSNYES BKUR DMAN PHYIR DE NYID LUNG THOB MA GYUR PA, ,DE NI BDAG PHAN TZAM LA'ANG DBANG MED BSTAN BCOS MCHU, ,DE NI BSTAN BCOS SKYO BA'I RGYU TZAM 'BA' ZHIG YIN, ,ZHES GSUNGS SO, ,MNGON SHES MED PA LDAN PA'I NYIN MTSAN GYI, ,ZHES PA LA SOGS PA'I SHLO KA GNYIS NI DGYUS JI LTA BA NYID DO, ,'DI LTAR RDZOGS PA'I BYANG CHUB CHEN PO NI TSOGS RNAM PA GNYIS LA RAG LAS, TSOGS RNAM PA GNYIS KYANG GZHAN GYI DON LA RAG LAS, DE YANG MNGON PAR SHES PA YANG ZHI GNAS LA RAG LAS, ZHI GNAS KYANG TSUL KHRIMS LA RAG LAS PAS, DANG PO TSUL KHRIMS BSTAN PA YIN NO, ,DE BAS NA TSUL KHRIMS LAS ZHI GNAS 'BYUNG LA, ZHI GNAS LAS MNGON PAR SHES @274B PA 'BYUNG BAS, MNGON SHES 'BYUNG BAR MI 'GYUR LA, ,DE PHYIR ZHE GNAS BSGRUB PA'I PHYIR, ,YANG DANG YANG DU 'BAD PAR BYA, ,ZHES SMRAS SO, ,MNGON PAR SHES PA NI 'DI LTAR LHA'I MIG GI MNGON PAR SHES PA DANG, LHA'I RNA BA'I MNGON PAR SHES PA DANG, GZHAN GYI SEMS SHES PA'I MNGON PAR SHES PA DANG, SNGON GYI GNAS RJES SU DRAN PA DANG, RDZU 'PHRUL GYI MNGON PAR SHES PA DANG, ZAG PA ZAD PA'I MNGON PAR SHES PA'O, ,DE LTA BU'I MNGON PAR SHES PA DE DAG ZHI GNAS LAS 'BYUNG BA YIN PAS ZHI GNAS BSGRUB PAR BYA STE, ZHI GNAS YAN LAG RNAMS NYAMS PAS, ,RAB TU 'BAD DE BSGOM BYAS SHING, ,LO NI STONG PHRAG DAG GIS KYANG, ,TING 'DZIN 'GRUB PAR MI 'GYUR RO, ,ZHI GNAS YAN LAG CES PA NI BLA MAS MDZAD PA'I TING NGE 'DZIN TSOGS KYI LE'U'I SPANG BAR BYA BA LA SOGS PA DGU'O, ,GZHAN NI GO SLA'O, ,DE BAS NA YAN LAG NYAMS NA ZHI GNAS MI 'GRUB PA DE'I PHYIR BDAG GI BLA MA RJE BTZUN DPAL BYANG CHUB BZANG POS TING NGE 'DZIN GYI TSOGS KYI LE'U LAS YAN LAG DGU GSUNGS PA NI, 'DI LTAR SPANG BAR BYA BA DANG, SNGON DU 'GRO BA DANG, LDOG PAR BYA BA DANG, GDUNG BA GCAD PA DANG; YID 'BYUNG BAR BYA BA DANG, YON TAN RJES SU DRAN PAR BYA BA DANG, BRTZON PAR BYA BA DANG, 'BREL BAR BYA BA DANG, GNAS PA'I THABS ZHES BYA'O, ,DE LTA BU'I YAN LAG RNAMS SHES PAR BYAS LA DE LA LEGS PAR GNAS PAR BYA'O ZHES BLA MA GSUNG BA YIN NO, ,DE RNAMS KYI DON NI TING NGE 'DZIN GYI TSOGS KYI LE'U DE NYID DU BLTA BAR BYA'O, ,'DIR YAN LAG THA MA'I DON CUNG ZHIG BRI BAR BYA'O STE, BLA MA'I ZHAL NAS TING NGE 'DZIN GYI TSOGS KYI LE'U LAS 'DI SKAD DU, DE LTAR YAN LAG BRGYAD DANG LDAN PA DES, GNAS RJES SU MTHUN PAR KHA ZAS DANG SPYOD LAM RJES SU MTHUN PA DANG GOS DANG GROGS RJES SU MTHUN PA DANG LDAN PAR BYAS LA, SEMS MNYAM PAR GZHAG PAR BYA'O ZHES PA DANG, YANG GSUNGS PA DES MNYAM PAR MA BZHAG PA NA YANG SHES RAB KYI PHA ROL TU PHYIN PA BKLAG PA DANG, TSA TSA DANG, BSKOR BA LA SOGS PA BSOD @275A *, ,NAMS KYI TSOGS LA 'BAD PAR BYA'O ZHES PA DANG, YANG GSUNGS PA SEMS MNYAM PAR 'JOG 'DOD PA DES SPONG BA'I 'DU BYED BRGYAD BSGOM PAR BYA STE, DE'I MI MTHUN PA'I CHOS NI 'DI DAG GO, ,NYES PA LNGA NI LE LO DANG, ,GDAMS NGAG BRJED DANG BYING DANG RGOD; ,'DU MI BYED DANG 'DU BYED DANG, ,'DI DAG NYES PA LNGAR 'DOD DO, ,DE DAG GI GNYEN PO SPONG BA'I 'DU BYED BRGYAD DAG KYANG, GNAS DANG DE LA GNAS PA DANG, ,RGYU DANG 'BRAS BU NYID DU'O, ,DMIGS PA BRJED PAR MA GYUR DANG, ,BYING DANG RGOD PA RTOGS PA DANG, , DE SPONG MNGON PAR 'DU BYED DANG, ,ZHI TSE RNAL DU 'JUG PA'O, ,ZHES GSUNGS SO, ,MDO SDE RGYAN LAS KYANG, GCIG NI 'BAD PAR BYED PA STE, ,GNYIS PA PHAN 'DOGS BDAG NYID YIN, ,GSUM PA GTONG BAR BYED PA STE, ,BZHI PA GNYEN PO NYID YIN NO, ,ZHES GSUNGS SO, ,YANG BSHAD PA, 'DOD PA LA 'DUN PA DANG, GNOD SEMS DANG, RMUGS PA DANG, GNYID DANG, RGOD PA DANG, 'GYOD PA DANG, THE TSOM MO, ,DE LA RMUGS PA DANG GNYID KYI 'KHOR NI, RMYA BA DANG, MI DGA' BA DANG, BYA RMYANGS DANG, ZAS KYI TSOD MA ZIN PA DANG, SEMS ZHUM PA LA SOGS PA'O, ,LAS NI SEMS ZHUM PAR BYED PA'O, ,GNYEN PO NI SNANG BA'I 'DU SHES SO, ,RGOD PA DANG, 'GYOD PA'I 'KHOR NI NYE DU'I RTOG PA DANG, SNGON DGOD PA DANG, DGA' BA DANG, RTZES BA [?] DAG RJES SU DRAN PA'O, ,LAS NI SEMS MA ZHI BAR BYED PA'O, ,GNYEN PO NI ZHI GNAS SO, ,DMIGS PA GANG RUNG CIG DAG LA, ,YID NI DGE LA GZHAG PAR BYA, ,DMIGS PA NI SEMS KYI YUL YIN TE, JI SKAD DU, DBU MA RTOG GE 'BAR BA LAS, ,YID KYI GLANG PO LOG G-YO BA, ,DMIGS PA'I KA BA BRTAN PO LA, , DRAN PA'I THAG PAS NGES BCINGS TE, ,SEMS NI ZHI LA GZHAG PAR BYA, ,ZHES 'BYUNG NGO, ,GANG RUNG CIG DAG LA ZHES PA NI, MTSAN MA DANG BCAS PA'I ZHI GNAS DANG, MTSAN MA MED PA'I ZHI GNAS SO, ,DE YANG BLA MA'I ZHAL SNGA NAS TING NGE 'DZIN GYI TSOGS KYI LE'U LAS 'DI SKAD @275B DU 'DIR ZHI GNAS NI GNYIS TE, MTSAN MA DANG BCAS PA DANG, MTSAN MA MED PA'O, ,MTSAN MA DANG BCAS PA LA GNYIS TE, KHA NANG DU BLTAS PA DANG, KHA PHYIR BLTAS PA'O, ,NANG DU BLTAS PA LA GNYIS TE, LUS LA DMIGS PA DANG, LUS LA BRTEN PA LA DMIGS PA'O; ,LUS LA DMIGS PA LA GSUM STE, LUS NYID LHA'I RNAM PAR DMIGS PA DANG, KENG RUS LA SOGS PA LA MI SDUG PA'I RNAM PAR DMIGS PA DANG, KHA tV'Am GA LA SOGS PA MTSAN MA KHYAD PAR CAN LA DMIGS PA'O, ,LUS LA BRTEN PA LA LNGA STE, DBUGS LA DMIGS PA DANG, MTSAN MA PHRA MO LA DMIGS PA DANG, THIG LE LA DMIGS PA DANG, 'OD ZER GYI YAN LAG LA DMIGS PA DANG, DGA' BA DANG BDE BA LA DMIGS PA'O, ,KHA PHYIR BLTAS PA LA GNYIS TE, KHYAD PAR CAN DANG, PHAL PA'O, ,KHYAD PAR CAN LA GNYIS TE, SKU LA DMIGS PA DANG, GSUNG LA DMIGS PA'O, ,'DI DAG NI ZHI GNAS LA 'JUG PA'I YAN LAG GO ZHES PA DANG, MTSAN MA MED PA'I ZHI GNAS NI, YANG DE NYID LAS MTSAN MA MED PA'I ZHI GNAS SO SOR RTOG PA'I SHES RAB NYID LAS, MTSAN MA MED PA'I LHAG MTHONG RNAM PAR MI RTOG PA'I YE SHES 'BYUNG ZHES TE ZHES PA DANG, YANG DE NYID LAS MTSAN MA DANG BCAS PA'I ZHI GNAS LA BRTEN PA PAS NI MTSAN MA MED PA'I ZHI GNAS LA DMIGS NAS LHAG MTHONG SKYES PA'I PHYOGS 'DI BSNGAGS TE, DE LA GNAS PA BRTAN PA DANG, ZHI GNAS 'BA' ZHIG GIS NYON MONGS PA SEL BA DANG, RAB TU GNON PAR 'GYUR BAS DE NI 'BRAS BU DANG RJES SU MTHUN PA'I RGYU YIN PA'I PHYIR RO ZHES GSUNGS SO, ,YANG DE NYID LAS JI LTA BSGOM PA NI 'DIR MI BRJOD DE GZHUNG MNGAS PA'I 'JIGS PA DANG, BLA MA DAM PAS NYAMS SU MYONG BA'I MAN NGAG LA BRTEN PAR RIGS KYI, BSGOM PA'I MAN NGAG NI YI GER GNAS PAS SHES PAR DKA' BA'I PHYIR DANG, ZHIB TU NI ZHI GNAS DANG LHAG MTHONG BSTAN PA LAS BSHAD PA'I PHYIR RO ZHES GSUNGS SO, ,DE LTA BU'I RNAL 'BYOR PAS ZHI GNAS GRUB PAR GYUR NAS, @276A *, ,SNGAR BSHAD PA'I MNGON PAR SHES PA LNGA PO DAG 'GRUB PAR 'GYUR BA LA THE TSOM MED DO ZHES BLA MA GSUNG NGO, ,GZHAN YANG MNGON PAR SHES PA BSKYED PA'I THABS SU GYUR BA 'PHAGS PA SPYAN RAS GZIGS KYIS ZHUS PA'I CHOS BDUN PA'I MDO LAS 'BYUNG BA'I BSLAB PA'I GZHI DE DAG KYANG NYAMS SU BLANG BAR BYA BA DANG, MDO DE NYID KYANG DUS DUS SU KHA TON DU GDON PAR YANG BYA'O, ,'PHAGS PA THOGS MED KYIS KYANG BYANG CHUB SEMS DPA' MNGON PAR SHES PA MYUR DU THOB PAR 'DOD PAS NYIN LAN GSUM MTSAN LAN GSUM DU PHYAG 'TSAL BA DANG, MCHOD PA DANG SDIG PA BSHAGS PA DANG, RJES SU YI RANG BA DANG, BSKUL BA DANG, GSOL BA GDAB PA DANG, YONGS SU BSNGO BA LA BRTZON PAR BYA'O ZHES GSUNGS SO, ,GZHAN YANG 'DOD PA CHUNG BA DANG CHOG SHES PA DANG, GSO SLA BA DANG RANG TU DBEN PA LA SOGS PA ZHI GNAS KYI TSOGS THAMS CAD DANG LDAN PA'O, ,DE LTA BU'I RNAL 'BYOR PA ZHI GNAS LA LEGS PAR GNAS PA NI 'DOD PA CHUNG ZHING CHOG SHES PAR 'GYUR TE, 'PHAGS PA SHES RAB KYI PHA ROL TU PHYIN PA STONG PHRAG BRGYA BA LAS, DGE SLONG BSAM GTAN LA SEMS CUNG ZHIG BLAN PA RNAMS NI GOS KYI 'DU SHES CHUNG BA YIN, ZAS KYI 'DU SHES CHUNG BA DANG, PAGS PA'I MDOG SNUM PA YIN ZHES GSUNGS TE, DE LTA BU'I BYANG CHUB SEMS DPA'I RNAL 'BYOR BA DE NI 'JIG RTEN PA'I NOR LA ZHEN PA SPANGS NAS 'PHAGS PA'I NOR BDUN LA 'BAD PAR BYED DO, ,DE RJES SU DRAN PA DRUG YID LA BYED DO, ,DRUG LAS KYANG RE ZHIG SANGS RGYAS DANG CHOS DANG DGE 'DUN RJES SU DRAN PAR BYED DO, ,DBANG PO RNON PO DANG, DBANG PO RTUL PO'I DBYE BAS SO, ,DBANG PO RNON POS RJES SU DRAN PAR BYA BA NI 'PHAGS PA SHES RAB GYI PHA ROL TU PHYIN PA'I MDO DANG, 'PHAGS PA SANGS RGYAS RJES SU DRAN PA'I MDO DANG, 'PHAGS PA NAM MKHA' MDZOD KYI MDO DANG, 'PHAGS PA BLO GROS MI ZAD PA'I MDO LA SOGS PAR BLTA BAR BYA'O, ,DE LA DBANG PO RTUL POS RJES SU DRAN PAR BYA BA NI 'PHAGS PA DAD PA'I @276B STOBS BSKYED PA'I MDO DANG, 'PHAGS PA SANGS RGYAS BGRO BA DANG, CHOS BGRO BA DANG, DGE 'DUN BGRO BA'I MDO DANG, 'PHAGS PA SANGS RGYAS RJES SU DRAN PA'I MDO DE NYID DANG, SANGS RGYAS RJES SU DRAN PA'I MDO CHUNG BA DANG, THEG PA CHEN PO'I MDO SDE GZHAN DU YANG BLTA BAR BYA'O, ,GZHAN YANG MDO'I DGONGS PA 'CHAD PA YIN PAS, BSLAB PA KUN LAS BTUS PA'I DKON MCHOG GSUM RJES SU DRAN PA'I SKABS SU YANG BLTA BAR BYA'O, ,DE LTA BU'I RNAL 'BYOR PA DE LA LHAG MTHONG YANG SKYE PAR 'GYUR TE 'DI'I DON 'OG NAS 'CHAD PAR 'GYUR RO, ,DE BAS ZHI GNAS DANG LHAG MTHONG LA RNAL 'BYOR DU BYED PA NI LAM LA GNAS PA ZHES BYA BA YIN PAS, DRAN PA NYE BAR GZHAG PA BZHI DANG, YANG DAG PAR SPONG BA BZHI DANG, RDZU 'PHRUL GYI RKANG BA BZHI DANG, DBANG PO DANG, STOBS DANG, BYANG CHUB KYI YAN LAG DANG; 'PHAGS PA'I LAM YAN LAG BRGYAD PA RNAMS LA RIM GYIS GNAS PAR 'GYUR RO, ,LHAG PA'I SEMS KYI BSLAB PA BSTAN ZIN TO, ,DA NI THABS DANG SHES RAB ZUNG DU 'BREL PAR SHES PA'I SHES RAB KYIS BSOD NAMS KYI TSOGS DANG YE SHIS KYI TSOGS GNYIS ZUNG DU 'BREL BAR RDZOGS PAR BYA'O SNYAM DU BSAMS NAS, SHES RAB PHA ROL PHYIN SBYOR DANG, ,BRAL BAS SGRIB PA ZAD MI 'GYUR, ,ZHES PA LA SOGS PA SMRAS TE, ZHI GNAS KYIS NI LAS DANG NYON MONGS PA DANG, RNAM PAR SMIN PA DANG, CHOS KYI SGRIB PA LA SOGS PA SPONG PAR MI NUS TE, LHAG MTHONG GIS DE DAG SPANGS NAS ZAD PAR 'GYUR BAS LHAG MTHONG BRTEN PAR BYA'O ZHES BYA BA NI TSIG GI LHAG MA'O, ,DA NI THABS DANG SHES RAB RGYAS PAR BSHAD PAR BYA STE, GANG PHYIR BCINGS PA ZHES GSUNGS PAS ZHES PA NI 'PHAGS PA GA YA MGO'I RI'I MDO DANG, 'PHAGS PA DRI MA MED PAR GRAGS PA'I MDO LAS THABS DANG BRAL BA'I SHES RAB NI 'CHING BA'O, ,SHES RAB DANG BRAL BA'I THABS KYANG 'CHING BA'O ZHES GSUNGS SO, ,DE BAS GNYIS KA SPANG MI BYA, ,ZHES PA NI, DPAL YE SHES GRAGS PA'I ZHAL NAS 'DI SKAD DU, SHES RAB KYI @277A *, ,PHA ROL TU PHYIN PA'I NGO BO NYID DANG, SBYIN PA LA SOGS PA'I THABS LA RAB TU 'JUG GO, ,DE YANG 'PHAGS PA GA YA MGO'I RI LAS GNYIS PO 'DI DAG NI BYANG CHUB SEMS DPA'I LAM MDOR BSDUS PA STE, 'DI LTA STE, THABS DANG SHES RAB PO ZHES GSUNGS PA STE, THABS NI SBYIN PA LA SOGS PA'I PHA ROL TU PHYIN PA DANG, TSAD MED PA DANG, BSDU BA'I DNGOS PO DANG DE LA SOGS PA'I DBYE BAS PHYE BA STE, DE NYID KYANG 'PHAGS PA BLO GROS MI ZAD PA DANG, DKON MCHOG SPRIN LA SOGS PA'I MDO LAS GSUNGS PA'O, ,SHES RAB NI THABS DE PHYIN CI MA LOG PAR YONGS SU GCOD PA'I RGYU'O, ,DES KYANG THABS YANG DAG PAR BRTAGS NAS, PHYIN CI MA LOG PAS, BDAG DANG GZHAN GYI DON JI LTA BA BZHIN DU NYAMS SU LEN PAS SNGAGS KYIS ZIN PA'I DUG DANG 'DRA BAS KUN NAS NYON MONGS PAR MI 'GYUR RO, ,DE YANG MDO SDE DE NYID LAS THABS NI BSDU BA SHES PA'O, ,SHES RAB NI YONGS SU GCOD PA SHES PA'O ZHES GSUNGS PA DANG, 'PHAGS PA DAD PA'I STOBS BSKYED PA'I MDO LAS KYANG, THABS LA MKHAS PA GANG ZHE NA, GANG CHOS THAMS CAD KYI BSDU BA SHES PA'O, ,SHES RAB GANG ZHE NA, GANG CHOS THAMS CAD DBYER MED PAR SHES PA LA MKHAS PA'O ZHES GSUNGS PA YIN NO, ,'DI DAG NI SA LA GNAS PAS KYANG BRTEN PAR BYA BA YIN PAS, SHES PAR BYA BA TZAM 'BA' ZHIG NI MA YIN NO, ,GANG GI PHYIR SA BCU LA SOGS PA'I MDO LAS, PHA ROL TU PHYIN PA LHAG MA RNAMS LA YANG MI SPYOD PA MA YIN NO ZHES GSUNGS PAS, BYANG CHUB SEMS DPA' SA BCU THAMS CAD DU YANG PHA ROL TU PHYIN PA THAMS CAD LA KUN DU SPYAD PAR BYA'O ZHES GSUNGS SO, ,DE YANG SHES RAB KYI PHA ROL TU PHYIN PA LA GCIG TU DGA' BA'I BYANG CHUB SEMS DPA'I DBANG DU BYAS NAS, 'PHAGS PA YONGS SU RGYAS PA'I MDO CHOS THAMS CAD BSDUS PA LAS, BYAMS PA GANG YANG BYANG CHUB SEMS DPA' RNAMS KYI BYANG CHUB KYI PHYIR PHA ROL TU PHYIN PA DRUG YANG DAG PAR GZUNG BAR BYA BA DE LA, SKYES BU BLUN PO RNAMS 'DI LTAR BYANG CHUB SEMS DPA' SHES RAB KYI PHA ROL TU @277B PHYIN PA 'BA' ZHIG LA BSLAB PAR BYA STE, PHA ROL TU PHYIN PA LHAG MA RNAMS KYIS CI ZHIG DGOS ZHES ZER ZHING, DES PHA ROL TU PHYIN PA LHAG MA GZHAN SMOD PAR SEMS PAR 'GYUR RO ZHES BYA BA RGYA CHER GSUNGS PA DANG, 'PHAGS PA RNAM PAR SNANG MDZAD MNGON PAR BYANG CHUB PA LAS KYANG THAMS CAD MKHYEN PA'I YE SHES 'DI NI SNYING RJE CHEN PO'I RTZA BA CAN, BYANG CHUB KYI SEMS KYI RGYU CAN, THABS KYI MTHAR PHYIN PA'O ZHES GSUNGS PA YIN NO, ,DE BAS NA GNYIS KA YANG DUS THAMS CAD DU BRTEN PAR BYA'O, ,DE LTAR NA BCOM LDAN 'DAS MI GNAS PA'I MYA NGAN LAS 'DAS PA GRUB PA YIN NO, ,DE YANG SBYIN PA LA SOGS PA'I THABS KYIS NI GZUGS KYI SKU DANG, ZHING DANG, 'KHOR LA SOGS PA'I LONGS SPYOD CHEN PO'I 'BRAS BU PHUN SUM TSOGS PA YONGS SU 'DZIN PAR MDZAD PAS, BCOM LDAN 'DAS MYA NGAN LAS 'DAS PA LA GNAS PAR MI MDZAD DO, ,SHES RAB KYI PHA ROL TU PHYIN PA NI PHYIN CI LOG SPANGS PAS 'KHOR BAR GNAS PAR MI MDZAD DO, ,'KHOR BA NI PHYIN CI LOG GI BDAG NYID YIN PA'I PHYIR RO, ,GANG YANG CHOS KYI RNAM GRANGS GZINGS LTA BUR SHES PAS CHOS RNAMS KYANG SPANG BAR BYA BAS NA, CHOS MA YIN PA LTA CI SMOS ZHES GSUNGS PA NI, DE LA PHYIN CI LOG TU MNGON PAR ZHEN PA SPANG PAR BYA'O ZHES GSUNGS KYI, DGOS PA'I DON RDZOGS PA'I DON DU YANG GNAS PAR MI BYA'O ZHES GSUNGS PA NI MA YIN NO, ,DE YANG CHOS YONGS SU GZUNG BAR BYA STE, LOG PA NI GZUNG BAR MI BYA'O ZHES BYA BA'I DON TO, ,DE BAS NA, DUS KUN DU NI THABS DANG NI, ,SHES RAB PHA ROL BDAG CAN NI, ,BRTEN BYA GANG PHYIR DE LAS NI, ,MI GNAS MYA NGAN 'DAS PAR 'GYUR, ,ZHES KHUNGS DANG BCAS PAR GSUNGS SO, ,BLA MA'I ZHAL NAS KYANG DE LTA BAS NA DUS THAMS CAD DU THABS DANG SHES RAB GNYIS KA DANG LDAN PAR BYA ZHING, BSOD NAMS DANG YE SHES KYI TSOGS ZUNG DU 'BREL PAR BSAG PAR BYA'O ZHES GSUNGS SO, ,DE LTAR THABS DANG SHES RAB GNYIS ZUNG DU 'BREL BA 'JUG PA DE GNYIS KA DANG LDAN PAR BYA'O ZHES BYA BA DE BSTAN NAS, DA NI THABS @278A *, ,ZHES BYA BA DANG SHES RAB CES BYA BA DE GNYIS NYID JI LTA BU YIN PA BSHAD PA'I PHYIR, SHES RAB GANG DANG THABS GANG ZHES, ,THE TSOM DAG NI SPANG BA'I PHYIR, ,THABS DE DANG NI SHES RAB KYI, ,YANG DAG DBYE BA GSAL BAR BYA, ,ZHES BYA BA DE SMRAS TE, THE TSOM DAG NI SPANG PA'I PHYIR, ,ZHES PA NI SNGON GYI SLOB DPON CHEN PO DAG 'DI GNYIS LA THA DAD PAR GSUNGS SO, ,DE BAS NA THABS DANG SHES RAB KYI DBYE BA 'DI LTA BU YIN TE, GZHUNG KHA CIG LAS, THABS NI BYANG CHUB SEMS DPA' YID, ,'GRO LA SNYING RJE CHEN PO STE, ,DE YANG DMIGS PA'I DBYE BA YIS, ,RNAM PA GSUM DU 'GYUR BA YIN, ,ZHES BYA BA 'BYUNG BA DANG, YANG GZHAN DAG NI KUN RDZOB KYI RNAM PA'I BYANG CHUB KYI SEMS DE NI THABS YIN ZHES 'BYUNG NGO, ,BLA MA DPAL BYANG CHUB BZANG PO'I ZHAL NAS 'DI SKAD DU, SHES RAB PHA ROL PHYIN SPANGS PA'I, SBYIN PA'I PHA ROL PHYIN LA SOGS, ,DGE BA'I TSOGS RNAMS THAMS CAD DAG ,RGYAL BA RNAMS KYIS THABS SU BSHAD, ,CES GSUNGS PA DE BDAG GI RTZA BAR BKOD PA YIN NO, ,SBYIN PA'I PHA ROL PHYIN LA SOGS, ,ZHES BYA BA NI, 'DIR SBYIN PA NI RNAM PA GSUM STE, SBYIN BDAG DANG, RDZAS DANG, ZHING GI DBYE BAS SO, SBYIN BDAG NI RNYED PA DANG BKUR STI'AM, GRAGS PA DANG SNYAN PA'I PHYIR RAM, GZHAN GYIS BSKUL BA'I PHYIR RAM, SNYING RJE'I PHYIR RAM SRI ZHU'I PHYIR LA SOGS PA'O, ,RDZAS NI 'DI LTAR CHOS DANG ZANG ZING DANG MI 'JIGS PA DANG, BYAMS PA LA SOGS PA'O; ,ZHING NI 'DI LTAR DKON MCHOG GSUM DANG BLA MA'I GNAS DANG, 'GRO BA LNGA'I SEMS CAN THAMS CAD DO, ,DE YANG RDO RJE GDAN BZHI PA'I RGYUD LAS, DMANGS RIGS STONG PHRAG DRUG CU NI, ,BRAM ZE GTZANG MA GCIG LA SBYAR, ,ZHES BYA BA LA SOGS PA RGYAS PAR GSUNGS PA DANG, YANG MDO LAS, DGE BSNYEN STON PA GZHAN LA MI BRTEN PA, ,ZHES BYA BA LA SOGS PA RGYAS PAR GSUNGS PA DANG, CHOS BSHAD PA BRGYA PA LAS KYANG RGYAS PAR GSUNGS SO, ,GZHAN YANG BCOM LDAN 'DAS KYIS 'JIG RTEN GSUM LAS RNAM PAR RGYAL BA ZHES BYA BA RNAL 'BYOR GYI RGYUD LAS, @278B 'DI SKAD DU, DBANG BSKUR PA'I SBYIN PA DANG, CHOS KYI SBYIN PA DANG, NOR GYI SBYIN PA DANG, ZAS KYI SBYIN PA DANG, MI 'JIGS PA'I SBYIN PA DANG, BYAMS PA'I SBYIN PA'O, ,DE DAG SLOB MA DANG MI SNANG BA'I SEMS DANG, DGE SBYONG DANG BRAM ZE DANG PHONGS PA DANG DUD 'GRO DANG GYOD KRIN CAN DANG, 'GRO BA MTHA' DAG GO RIMS BZHIN NO, ,SOGS ZHES BYA BA NI PHA ROL TU PHYIN PA GZHAN YANG BSHAD PA YIN TE, TSUL KHRIMS NI 'DI LTAR SEMS DANG PO BSKYED PA'I BYANG CHUB SEMS DPA' DANG, SPYOD PA LA ZHUGS PA DANG, PHYIR MI LDOG PA DANG, MI SKYE BA'I CHOS LA BZOD PA THOB PA DANG; SKYE BA GCIG GIS THOGS PA DANG, SRID PA THA MA'I BYANG CHUB SEMS DPA'I TSUL KHRIMS DAG GO, ,PHA ROL TU PHYIN PA GZHAN NI MDO LAS 'BYUNG BA BZHIN, DGE BA'I CHOS RNAMS THAMS CAD DAG ,CES PA NI 'OG NAS 'CHAD PAR 'GYUR RO, ,GZHAN YANG 'DI DAG GI DON RGYAS PA NI MDO SDE DANG GZHAN YANG MDO SDE'I DON GSAL BAR BYED PA MDO KUN LAS BTUS PA DANG, BYANG CHUB SEMS DPA'I SA DANG, SPYOD 'JUG DANG, BSLAB PA KUN LAS BTUS PA DANG, SLOB DPON DPA' BO'I PHA ROL TU PHYIN PA'I GTAM DAG TU BLTA BAR BYA'O, ,THABS GOMS DBANG GIS ZHES PA'I SHLO KA NI DKYUS JI LTA BA BZHIN NO, ,SHES RAB GANG YIN ZHE NA, 'DI LTAR LHAN CIG SKYES PA'AM, THOS PA LAS BYUNG BA'AM, BSAMS PA LAS BYUNG BA'AM, BSGOMS PA LAS BYUNG BA'AM, YANG GZHUNG DAG LAS, GANG ZHIG SPROS PA THAMS CAD KYI, , GNAS DANG TSIG TU MA GYUR PA, ,'JUG DE THUGS KYI RDO RJE YIS, ,SHES RAB CES NI BYA BAR BSGRAGS, ,ZHES GSUNGS TE DE NYID DO, ,DE BZHIN DU RTZA BA LAS KYANG, PHUNG PO KHAMS DANG SKYE MCHED RNAMS, ,SKYE BA MED PAR RTOGS GYUR PA'I, ,RANG BZHIN STONG PA NYID SHES PA, , SHES RAB CES NI YONGS SU BSHAD, ,CES SMRAS TE, PHUNG PO DANG KHAMS DANG SKYE MCHED DU PHYI NANG GI CHOS THAMS CAD 'DUS PA YIN TE, BCOM LDAN 'DAS KYI ZHAL NAS, BRAM ZE THAMS CAD THAMS CAD CES BYA BA NI PHUNG PO DANG KHAMS DANG SKYE MCHED RNAMS SO ZHES GSUNGS SO, , @279A *, ,SKYE BA MED PA NI 'OG NAS 'CHAD PAR 'GYUR RO, ,BSHAD CES PA NI SANGS RGYAS DANG BLA MAS GSUNGS ZHES PA'O, ,'DIR SMRAS PA, PHA ROL PHYIN DANG BSDU BA'I DNGOS PO DANG, ,TSAD MED BZHI DANG YAN LAG BDUN PA DANG, ,CHOS SPYOD BCU DANG DGE BA'I LAS RNAMS GZHAN; ,'PHAGS PA'I NOR BDUN RJES DRAN DRUG LA SOGS, ,MAndALA TSA TSA SKOR BA LA SOGS PA, ,THABS YIN LONGS SPYOD RDZOGS DANG SPRUL PA'I SKU, ,SHES RAB PHA ROL PHYIN PA GCIG BU NYID, ,SHES RAB YIN TE CHOS KYI SKU YI RGYU, ,SMRAS PA RIGS KYI BU DE LTA BU'I SHES RAB CES BYA BA DE TSUL JI LTA BU ZHIG GIS MNGON SUM DU BYED PAR 'GYUR ZHE NA, SMRAS PA GTAN TSIGS CHEN PO BZHIS SHES PAR 'GYUR RO, ,BZHI GANG ZHE NA, MU BZHI SKYE BA 'GOG PA'I GTAN TSIGS DANG, RDO RJE GZEGS MA'I GTAN TSIGS DANG, GCIG DANG DU MA BRAL BA'I GTAN TSIGS DANG, RTEN CING 'BREL BAR 'BYUNG BA'I GTAN TSIGS SO, ,DE DAG KYANG GANG YIN ZHE NA, YOD PA SKYE BA RIGS MIN TE, ,ZHES PA LA SOGS PA SHLO KA BZHIS BSTAN TO, ,DE LA YOD PA SKYE BA RIGS MIN TE, ,MED PA NAM MKHA'I ME TOG BZHIN, ,NYES PA GNYIS KAR THAL 'GYUR PHYIR, GNYIS KA DAG KYANG 'BYUNG BA MIN, ,ZHES PAS MU BZHI SKYE BA 'GOG PA'I GTAN TSIGS BSTAN TE, 'DI NA CHOS GANG DAG YOD PA DAG NI SKYE BAR MI 'GYUR TE, SKYES ZIN PA'I PHYIR RO, ,MED PA'I CHOS KYANG SKYE BAR MI 'GYUR TE, DE DAG RANG NYID KYIS MA GRUB CING SKYE BA'I RGYU MED PA'I PHYIR RO, ,GNYIS KA ZHES PA'I PHUNG PO GSUM PA NI 'GA' YANG 'DI NA MED DO, ,'DI'I DON SLOB DPON ZHI BA'I LHAS KYANG GSUNGS TE, 'DI SKAD DU, DNGOS PO YOD PAR GYUR BA LA, ,RGYU RNAMS KYIS NI CI ZHIG BYA, ,'ON TE DE NI MED NA YANG, ,RGYU RNAMS KYIS NI CI ZHIG DGOS, BYE BA BRGYA PHRAG RGYU YIS KYANG, ,DNGOS PO MED LAS BSGYUR DU MED, ,GNAS SKABS DE DNGOS JI LTA BU, ,DNGOS LAS GZHAN PA'ANG GANG ZHIG YIN, ,MED PA'I TSE NA DNGOS MED NA, ,NAM ZHIG DNGOS PO 'BYUNG BAR 'GYUR, ,DNGOS PO SKYE BA MED PA YIS, ,DNGOS PO MED NI @279B BRAL MI 'GYUR, ,DNGOS PO MED DANG MA BRAL NA, ,DNGOS PO YOD PA'I SKABS MI 'BYUNG, ,RANG BZHIN GNYIS SU THAL 'GYUR PHYIR, ,DNGOS PO DNGOS MED YOD MI 'GYUR, ,DE BZHIN CHAD PA YOD MIN ZHING, ,RTAG PAR YANG NI MI DMIGS SO, ,DE BAS SKYE BO 'DI DAG NI, ,SKYE BA MED CING 'GAG PA MED, ,CES RGYAS PAR GSUNGS SO, ,DNGOS PO RANG LAS MI SKYE ZHING, ,GZHAN DANG GNYIS KA LAS KYANG MIN, ,RGYU MED LAS MIN DE YI PHYIR, ,NGO BO NYID KYIS RANG BZHIN MED, ,CES BYA BA 'DIS NI RDO RJE GZEGS MA BSTAN TE, 'DI LTAR BDAG DANG, PHYAG DANG, DBANG PHYUG DANG, SKYES BU DANG, LAS DANG, RANG BZHIN DANG, YON TAN DANG, TSANGS PA DANG, KHYAB 'JUG DANG, LHA CHEN PO LA SOGS PA PHYI DANG NANG GI BYED PA'I SES BU DANG, GZHAN YANG RANG GI SDE BDAG KYANG RGYU DRUG DANG, RKYEN BZHIS DNGOS PO SKYE BAR KHAS LEN PA DE DAG NI LOG PAR RTOGS PA YIN TE, DE DAG DGAG PA'I PHYIR 'PHAGS PA KLU SGRUB KYI ZHAL NAS, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYE BA NAM YANG YOD MA YIN, ,ZHES DBU MA'I RTZA BA SHES RAB LAS GSUNGS SO, ,DON 'DI RGYAS PAR DE NYID DANG DE'I 'GREL PA CHEN PO DRUG DANG, t'I KA CHEN PO GNYIS DANG, DBU MA RNAM PAR 'THAG PA DANG, TSIG DON GSAL BA DANG, RTOG GE 'BAR BA DANG, DBU MA LA 'JUG PA DAG TU BLTA BAR BYA'O, ,YANG NA CHOS RNAMS THAMS CAD DAG ;GCIG DANG DU MAS RNAM DPYAD NA, ,NGO BO NYID KYIS MI DMIGS PAS, ,RANG BZHIN MED PA NYID DU NGES, ,ZHES BYA BA 'DIS NI GCIG DANG DU MA DANG BRAL BA'I GTAN TSIGS BSTAN TE, YANG NA ZHES BYA BA 'DI'I DON NI BSTAN PA'O, ,GCIG DANG DU MAS RNAM DPYAD NA, ,ZHES PA'I DON NI SLOB DPON ZHI BA 'CHOS BSHAD DE, BDAG DANG GZHAN SMRAS DNGOS 'DI DAG ,YANG DAG DON DU RANG BZHIN MED, ,GCIG DANG DU MAR BRAL BA'I PHYIR, ,RANG BZHIN MED DE GZUGS BRNYAN BZHIN, ,ZHES GSUNGS PA DANG, SLOB DPON DPAL SPAS KYIS KYANG, PHYI DANG, @280A *, ,NANG NA GNAS 'DI KUN, ,YANG DAG DON DU RANG BZHIN MED, ,GCIG PA NYID DANG DU MA DANG, ,BRAL PA'I PHYIR NA GZUGS BRNYAN BZHIN, ,ZHES GSUNGS SO, ,DE DAG GI DON RGYAS PAR GZHUNG DE DAG NYID DU BLTA BAR BYA'O, ,STONG NYID BDUN CU'I RIGS PA DANG; DBU MA RTZA BA LA SOGS LAS KYANG, DNGOS PO RNAMS KYI RANG BZHIN NI, ,STONG PA NYID DU GRUB BSHAD PA, ,ZHES BYA BA 'DIS NI RTEN CING 'BREL BAR 'BYUNG BA'I GTAN TSIGS BSTAN TE, 'DI'I DON YANG GZHUNG DE DAG NYID DU BLTA BAR BYA'O, ,GRUB BSHAD PA NI SNGON GYI SLOB DPON CHEN PO RNAMS KYIS DNGOS PO THAMS CAD SKYE BA MED PAR BSGRUBS PA BSTAN, DE LTA BU'I GTAN TSIGS CHEN PO BZHIS DNGOS PO MA LUS PA SKYE BA MED PA, RAB TU MI GNAS PA, RANG BZHIN GYIS MYA NGAN LAS 'DAS PA, GDOD NAS RNAM PAR DAG PA, RTZA BA MED PA GZHI MED PA, CHOS GANG YANG GRUB PA MED PAR SNGON GYI MKHAS PA CHEN PO DAG GIS LEGS PAR BSGRUBS ZIN TO,, ,,'DZAM BU'I GLING NA MKHAS PA DAG NI 'DI SKAD DU, 'PHAGS PA THOGS MED KYIS BSTAN PA'I RNAM GRANGS BSHAD PA, DES SHES RAB KYI PHA ROL TU PHYIN PA'I DON RNAM PAR RIG PA TZAM DU GSUNGS SHING, DA LTAR BLA MA SU WA RnnA DV'I PA DANG, BLA MA SH'AN TI PA YANG DE LTAR DGONGS SO, ,SLOB DPON KLU SGRUB KYIS NI BSTAN PA'I SNYING PO BSHAD DE, DES SHES RAB KYI PHA ROL TU PHYIN PA'I DON YOD PA DANG MED PA LAS 'DAS PA'I DBU MA CHEN PO'I DON THUGS SU CHUD CING, MKHAS PA GZHAN GYI RGYUD LA YANG DE LTAR GSUNGS SO, ,DE LTAR BLA MA BYANG CHUB BZANG PO DANG, RJE BTZUN KU SU LU PA YANG DE LTAR DGONGS SO, ,'PHAGS PA KLU SGRUB ZHAL GYI BDUD RTZI DES, ,A'ARYA DE BA ZLA GRAGS BHA BYA DANG, ,ZHI BA'I LHA DANG BYANG CHUB BZANG PO'I BAR; ,TSIM PAR GYUR BA BDAG LA'ANG CUNG ZHIG 'THOR, ,DE LTAR GTAN TSIGS CHEN PO BZHI DAG GIS, ,CHOS RNAMS THAMS CAD SKYE MED BSGRUB BYAS TE, ,SNGON GYI SLOB DPON RNAMS KYI RJES 'BRANGS NAS, ,DBU MA CHEN PO'I GRUB MTHAR GNAS PAR BYA, YANG NA 'DI LTA BU YIN TE, @280B DENG SANG SEMS CAN DUS DANG NYON MONGS DANG, ,LTA BA TSE YI SNYIGS MAR GYUR PA STE, ,GZHUNG RNAMS MNYAN PAR DGOS PA MED PAS NA, ,SNYING PO DON GYI RNAL 'BYOR BSGOM PAR BYA, ,DING SANG DUS SU GZINGS DANG 'DRA BA YI, ,GZHUNG RNAMS RGYA CHEN MNYAN PA'I DUS MED PAS, ,YID 'KHRUGS BYED PA THAMS CAD SPANGS BYAS LA, ,DAM PA'I NYER BSTAN 'BA' ZHIG BSGOM PAR BYA, ,TSE NI YUN THUNG SHES BYA'I RNAM PA MANG, ,TSE YI TSAD KYANG 'DI TZAM MI SHES PAS, ,NGANG PAS CHU LAS 'O MA LEN PA LTAR, ,'DOD PA'I DNGOS PO DANG LAS BLANG BAR BYA, ,RTZA BA NYID BSHAD PAR BYA STE, DBU MA'I RTZA BA ZHES BYA BA NI DBU MA'I RTZA BA SHES RAB BO, ,SOGS ZHES PAS NI GA LAS 'JIGS MED DANG, RIGS PA DRUG CU PA DANG, RTZOD PA BZLOG PA DANG, STONG PA NYID BDUN CU PA DANG, RIN PO CHE'I PHRENG BA DANG, THEG PA CHEN PO NYI SHU PA DANG, TSIG BRGYA PA DANG, S'A LU LJANG PA'I 'GREL PA LA SOGS PA'O, ,YANG NA SOGS ZHES PA NI SLOB DPON 'PHAGS PA'I DNGOS KYI SLOB MA RJE BTZUN A'ARYA DE BA DANG, SLOB DPON ZLA GRAGS DANG, SLOB DPON BHA BYA SNANG BRAL DANG, SLOB DPON ZHI BA'I LHA LA SOGS PAS MDZAD PA'I BSTAN BCOS TE, DE YANG RJE BTZUN A'ARYA DE BAS NI DBU MA RNAM PAR 'THAG PA CHEN PO DANG, LAG PA'I TSAD DANG, SOR MO LTA BU'I BSHAD PA DANG, YE SHES SNYING PO KUN LAS BTUS PA LA SOGS PA MDZAD DO, ,SLOB DPON ZLA GRAGS KYIS, DBU MA LA 'JUG PA DANG, RIGS PA DRUG CU PA'I 'GREL PA DANG, DBU MA PHUNG PO LNGA PA DANG, TSIG DON GSAL BA LA SOGS PA MDZAD DO, ,SLOB DPON BHA BYA SNANG BRAL GYIS DBU MA RTOG GE 'BAR BA DANG, SHES RAB SGRON MA LA SOGS PA MDZAD DO, ,DE LA DBU MA'I RTZA BA SHES RAB LA 'GREL PA BRGYAD YOD DE, SLOB DPON NYID KYIS MDZAD PA'I GA LAS 'JIGS MED DANG, SLOB DPON ZLA GRAGS GYIS MDZAD PA'I TSIG DON GSAL BA DANG, SLOB DPON BHA BYA SNANG BRAL GYIS MDZAD PA'I SHES RAB SGRON MA DANG, GNAS BRTAN BUDDHA P'A LI TAS MDZAD PA'I BUDDHA P'A LI TA DANG, SLOB DPON BLO BRTAN GYIS MDZAD @281A *, ,PA DANG; SLOB DPON GU nA MA TI DANG, SLOB DPON GU nA SHR'I DANG, A'ATZ'A RYA GU nA DA TAS MDZAD PA RNAMS SO, ,DE LA SHES RAB SGRON MA LA t'I KA CHEN PO GNYIS YOD DE, A'ATZ'A RYA SPYAN RAS GZIGS BRTUL ZHUGS KYIS MDZAD PA DANG, A'ATZ'A RYA DE BA SHARMAS MDZAD PA'I DBU MA DKAR PO 'CHAR BA'O, ,GZHAN YANG 'DZAM BU'I GLING NA SLOB DPON 'PHAGS PA KLU SGRUB KYI DGONGS PA 'CHAD PA MKHAS PA CHEN PO BDAG DANG GZHAN GYI GRUB PA'I MTHA' RGYA MTSO LTA BU THUGS SU CHUD PA RNAMS KYIS MDZAD PA'I GZHUNG GI GTAN TSIGS DAG GIS, DNGOS PO RNAMS KYI RANG BZHIN GYI, ,STONG PA NYID NI GRUB BSHAD PA, ,ZHES TE DE DANG DER CHOS THAMS CAD STONG PA NYID DU RGYAS PAR BSGRUBS ZIN LA, GAL TE BDAG GIS GTAN TSIGS CHEN PO BZHIS GZHAN DAG GI LOG PAR RTOGS PA BSAL BAR GYUR NA NI GZHUNG SHIN TU MANGS PAR 'GYUR BAS NA, DE PHYIR BDAG GIS 'DIR NYUNG DUN DU BYAS SHING MA SPROS PA YIN NO, ,'DIR BDAG CAG DBU MA CHEN PO'I GRUB PA'I MTHA' NI 'DI LTAR YIN NO ZHES SMOS PA TZAM DU ZAD KYI, GRUB PA'I MTHA' RGYAS BAR NI MA BRIS TE, RNAL 'BYOR PA NYAMS SU LEN 'DOD PA DAG LA NYUNG DUN DU BSDUS NAS BSTAN PA YIN PAS, BSGOM PA'I DON DU RAB TU BSHAD, ,CES BYA BA DE YIN NO, ,'DIR DON DAM PA'I BYANG CHUB KYI SEMS BSGOM PAS, NYAMS SU BLANG BA'I THABS NI BDAG GIS MA BRIS, BLA MA YONGS SU MNYES BAR BYAS NAS BLA MA LA ZHU BAR BYA'O, ,DE BAS CHOS RNAMS MA LUS PA, ,ZHES BYA BA LA SOGS PA LA, DE DAG NI DKYUS JI LTA BA BZHIN NO, ,GANG GI RANG BZHIN MA MTHONG ZHES PA NI CHOS GANG YANG MTHONG BA MED PA NYID DE KHO NA NYID MCHOG MTHONG BA'O ZHES MDO SDE DU MAR GSUNGS PA YIN NO, ,'DI'I DON LA SLOB DPON A'ARYA DE BAS MDZAD PA'I DBU MA 'KHRUL PA 'JOMS PAR BLTA BAR BYA'O, ,RTOG GE 'BAR BA DANG, DBU MA LA 'JUG PA DANG, SPYAN RAS GZIGS BRTUL ZHUGS DAG TU YANG BLTA BAR BYA'O, ,CHOS GZHAN THAMS CAD LTA YONGS SU GRUB PA MED NA RANG GI SEMS 'DI @281B YOD DAM ZHE NA, SHES RAB DE NYID RIGS BSHAD PA, ,ZHES SMRAS TE, SO SOR RTOG PA'I SHES RAB DE NYID GA LA YOD DE MED DO, ,JI LTAR MED PA YIN ZHE NA, RIGS BSHAD PA ZHES TE, DE NYID KYANG GTAN TSIGS CHEN PO BZHIS BSHAD CING GZHIGS NA GRUB PAR MI 'GYUR TE; DON 'DI NI BCOM LDAN 'DAS KYIS 'PHAGS PA BDEN PA GNYIS BSTAN PA'I MDO LAS GSAL BAR GSUNGS TE, JI SKAD DU DON DAM PAR NI CHOS THAMS CAD KYI SHES RAB RNAM PAR DPYAD NAS BTZAL YANG SHIN TU MED CING MI DMIGS PA'O, ,SHES RAB DE YANG DON DAM PAR NI SHIN TU MED CING MI DMIGS PAS NA KUN RDZOB TU SHES RAB CAN ZHES BYA BA STE, SHES RAB DE YANG DON DAM PAR NA SHIN TU MI SKYES SHING MED PA YIN NO, ,'PHAGS PA KLU SGRUB KYI ZHAL NAS KYANG DON 'DI LA DGONGS NAS, SEMS NI SANGS RGYAS THAMS CAD KYIS, , MA GZIGS GZIGS PA MA YIN TE, ,RANG BZHIN MED PA'I NGO BO LA, ,JI LTA BU ZHIG GZIGS PAR 'GYUR, ,ZHES GSUNGS SO, ,SLOB DPON 'PHAGS PA LHA'I ZHAL NAS KYANG, RNAM SHES DE YANG DON DAM PAR, ,DE NI MKHAS RNAMS MI BZHED DE, ,GCIG DANG DU MA BRAL PA'I PHYIR; ,NAM MKHA'I PADMA NYID DANG MTSUNGS, ,ZHES YE SHES SNYING PO KUN LAS BTUS PA LAS GSUNGS SO, ,'PHAGS PA KLU SGRUB KYI ZHAL NAS, BDAG TU 'DZIN PA BZLOG DON DU, ,PHUNG PO KHAMS LA SOGS PA BSTAN, ,SEMS TZAM NYID DU RNAM GNAS NAS, ,SKAL CHEN RNAMS KYIS DE DAG GZHOM, ,'DI DAG THAMS CAD SEMS TZAM ZHES, ,THUB PA YIS NI GANG GSUNGS PA, ,BYIS RNAMS SKRAG PA SPANG PHYIR TE, ,YANG DAG TU NI DE NYID MIN, ,ZHES PA DANG, YANG DE NYID LAS CHOS BDAG MED PA 'DI LTA BU, ,THEG CHEN DAG LA DGA' RNAMS KYI, ,RANG SEMS GDOD NAS MA SKYES PA; ,MDOR BSDUS NAS NI DE YIN NO, ,ZHES GSUNGS SO, ,DE BAS NA PHYI ROL PAS BRTAGS PA'I BDAG LA SOGS PA DANG, RANG GI SDE PAS BRTAGS PA'I PHUNG PO LA SOGS BA DANG, SEMS DANG SGYU MA LA SOGS PA'I RTOG PA BSAL BAR BYAS NAS DE LTA BU'I DON LA DUS RTAG TU @282A *, ,GNAS NAS RNAM PAR RTOG PA SPANG BAR BYA'O, ,DE BAS NA 'PHAGS PA KLU SGRUB KYI ZHAL NAS, BDAG DANG PHUNG PO LA SOGS DANG, ,RNAM SHES RTOG BAS MA BSGRIBS PA, ,SANGS RGYAS RNAMS KYI BYANG CHUB SEMS, ,STONG PA'I MTSAN NYID DAG TU BZHED, ,CES GSUNGS PA YIN NO, ,DE LTA BU'I RNAM PAR RTOG PA SPANGS PA NI MYA NGAN LAS 'DAS PA'I MCHOG YIN NO ZHES SMRAS SO, ,'PHAGS PA KLU SGRUB KYI MAN NGAG GIS DNGOS GRUB BRNYES NAS 'PHAGS PA 'JAM PA'I DBYANGS KYI GNANG BA THOB PA, MNGON PAR SHES PA BRNYES PA, RGYUD THAMS CAD DANG; MDO SDE THAMS CAD DANG, 'DUL BA'I LUNG MA LUS PA'I DGONGS PA DUS GCIG TU THUGS LA GSAL BA BDEN PA GZIGS PA DES NA GCIG NAS GCIG TU BRGYUD PA'I BLA MA NI DPAL BYANG CHUB BZANG PO 'DI YIN PAS 'DA'I RJES SU 'BRANG PAR BYA'O, ,SNGAR BKOD PA'I GZHUNG DE DAG GI DON NI 'DI YIN TE, YANG DAG NYID DU RNAM DPYAD NA, ,SNANG BA'I CHOS CAN THAMS CAD DANG, ,GRUB MTHA' SOGS KYIS BRTAGS PA KUN, ,'KHRUL TE BRDZUN PA YIN PAR 'DOD, ,DPER NA MIG NAD NAD SKYON GYIS, ,KHAB 'DZAG PA DANG SKRA SHAD DANG, ,ZLA GNYIS SBRANG MA'I PHUNG PO MTHONG, ,DER 'DZIN PA YI SHES PA'ANG YOD, ,DPER NA GNYID LOG GNYID DBANG GIS, ,BAG CHAGS KYIS NI BDE SDUG DANG, ,GZUGS LA SOGS PA NYAMS SU MYONG, ,DER 'DZIN PA YI SHES PA'ANG YOD, ,DE BZHIN THOG MA MED PA NAS, ,MA RIG MIG NAD NAD SKYON GYIS, ,PHYI DANG NANG GI DNGOS PO MYONG, ,DER 'DZIN PA YI SHES PA'ANG YOD, ,YANG NA THOG MA MED PA NAS, ,MA RIG GNYID MTHUG CHEN PO LOG ,BAG CHAGS BZHI YI RMI LAM DE, ,DER 'DZIN NYAMS SU MYONG PA YOD, ,DON DAM NYID LA RNAM DPYAD NA, ,CHOS RNAMS KYI NI CHOS NYID PAS, ,LOG PAR RTOG PA DE DAG GIS, ,YOD DANG MED PAR SGRUB MI NUS, ,DPER NA MIG NAD MA RUNG BAR, ,SKRA SHAD MED PAR BYA MI NUS, ,GANG TSE MIG NAD RUNG BA NA, ,SGRA SHAD YOD PAR BYA MI NUS, ,DPER NA MA RIG GNYID SANGS NA, ,RMI LAM MTHONG BAR BYA MI NUS, , @282B JI SRID GNYID NI MA SANGS PAR, ,RMI LAM MED PAR BYA MI NUS, ,GANG TSE RAB RIB NAD SANGS DANG, ,GNYID LOG PA LAS SAD TZA NA, ,SKRA SHAD SOGS DANG RMI LAM DANG, ,DER 'DZIN PA YI SHES PA'ANG MED, ,DE BZHIN MA RIG MIG NAD DANG, ,MA RIG GNYID MTHUG SAD PA NA, ,SNANG DANG BRTAGS PA'I THAMS CAD DANG, ,NYAMS SU MYONG BA'I SHES PA'ANG MED, ,RGYUN CHAD MA CHAD CES BRJOD PA, ,GANG ZHIG YOD PA DE RGYUN CHAD, ,CHOS NYID LA NI DE MED DE, ,GLO BUR BYIS PAS BRTAGS PAR ZAD, ,DE BAS SLOB DPON ZHI BA'I LHA, ,RGYUN CHAD PAR NI 'DIR MI BZHED, , DE YI GDAMS NGAG MED PA DANG, ,RGYUN CHAD PA YI GZHUNG YIN ZER, ,'DI LA BSAL BYA CI YANG MED, ,GZHAG PAR BYA BA CUNG ZAD MED, ,YANG DAG NYID LA YANG DAG BLTA, ,YANG DAG MTHONG BAS RNAM GROL 'GYUR, ,BDAG DANG GZHAN GYI GRUB PA'I MTHA', ,KHA CIG CHOS RNAMS YOD PAR BSGRUB, ,GZHAN DAG CHOS RNAMS MED CES ZER, ,YANG DAG NYID LA RNAM DPYAD NA, ,YOD CES PA DANG MED CES PA, ,YANG DAG MTHA' LA DE DAG MED, ,DE BAS GAR YANG BSGRUB MI NUS, ,BLA MA'I BRGYUD PA BRAL BA DAG ,RJES SU DPAG PA'I SHES RAB KYIS, , YOD MED RTAG CHAD SOGS BSGRUBS KYANG, ,NGAL 'GYUR DON LA REG MI 'GYUR, ,CHOS GRAGS CHOS MCHOG LA SOGS PAS, ,GZHUNG MANG BYAS PA JI LTA BU, ,MU STEGS RGOL BA BZLOG PA'I PHYIR, ,MKHAS PA RNAMS KYIS BYAS PA YIN, ,DE BAS DON DAM BSGOM PA LA, , TSAD MAS DGOS PA MED DO ZHES, ,BDAG GIS GZHAN DU BKOD PAS NA, ,RE ZHIG 'DIR NI BRJOD MI DGOS, ,DE BAS RJES DPAG GTZOR BYED PA'I, ,RTOG GE'I GZHUNG RNAMS DOR BYAS LA, ,'PHAGS PA KLU SGRUB GZHUNG LUGS KYI, ,BRGYUD PA'I MAN NGAG BSGOM PAR BYA, ,YOD MIN MED MIN YOD MED MIN, ,GNYI GA MIN PA'ANG MA YIN PA'I, ,MTHA' BZHI LAS NI RNAM GROL BA'I, ,DE NYID DBU MA PA YIS RIG ,RTAG MIN CHAD MIN RTAG CHAD MIN, ,GNYI GA MIN PA'ANG MA YIN PA'I, ,MU BZHI LAS NI RNAM GROL BA'I, ,DE NYID DBU MA PA YIS RTOGS, , @283A *, ,YOD MED LTA BU LAS 'DAS SHING, ,RTAG DANG CHAD PA RNAM PAR SPANGS, ,SHES DANG SHES BYA LAS RAB GROL, ,'DI NI DBU MA CHEN PO'I GZHUNG, ,RJES SU DPAG PA GTZOR BYAS NAS, ,YOD MED RTAG CHAD SOGS SMRAS KYANG, ,CHOS NYID DE YI RJES MI 'BRANG; ,SGRO 'DOGS PA DANG SKUR BAR ZAD, ,DPER NA GSER DANG NAM MKHA' DANG, ,CHU SOGS RANG BZHIN DAG MOD KYI, ,SKYON DANG 'GROGS BA LTAR SNANG YANG, ,DE DAG SKYON GYI RJES MI 'BRANG, ,SGRO 'DOGS SKUR 'DEBS RNAM SPANGS SHING, ,SGRO BTAGS KUN LAS NGES GROL BA'I, ,DE NYID KHO NA BSGOM BYAS LA, ,GRUB PA'I MTHA' LA GNAS MI BYA, ,'PHAGS PA KLU SGRUB 'PHAGS PA'I LHA, ,ZLA GRAGS BHA BYA ZHI BA'I LHA, ,BRGYUD PA'I MAN NGAG 'BA' ZHIG BSGOM, ,GAL TE BRGYUD PA MED GYUR NA, ,DE DAG RNAMS KYIS BKOD PA YI, , GZHUNG RNAMS YANG DANG YANG DU BLTA, ,CHOS KUN AA YI SGO CAN TE, ,GDOD NAS SKYE MED 'GAG PA'ANG MED, ,NGO BO NYID KYIS MYA NGAN 'DAS, ,RANG BZHIN GYIS NI RNAM PAR DAG ,MTHONG NA'ANG MTHONG BA MA YIN TE, ,MTHONG BAR BYA DANG MTHONG BYED DANG, ,MTHONG BA SHES BYA GANG YANG MED, ,THUB PA RTAG TU MNYAM PAR GZHAG ,RNAM PAR RTOG PA KUN SPANGS SHING, ,CHOS KYI DBYINGS LA GNAS PA NA, ,RNAL 'BYOR CHEN PO'I YE SHES LA, ,'BYUNG DANG 'JUG PA DE MI 'DOD, ,DE BAS MNYAM GZHAG RJES THOB DAG ,SANGS RGYAS PA LA NGED MI 'DOD, ,SA LA GNAS PA YIN PAR NI, ,RNAM PAR MI RTOG GZUNGS LAS BSHAD, ,'DI DON 'DIR NI RGYAS MA BYAS, ,BDAG GI GZHUNG 'DZIN BLA MA LA, ,BSNYEN BKUR SOGS KYIS MCHOD BYAS TE, ,YANG DANG YANG DU ZHU BAR BYA, ,THAMS CAD MKHYEN PAS LUNG BSTAN PA'I, ,'PHAGS PA KLU SGRUB NAS BRGYUD PA'I, ,BYANG CHUB BZANG PO'I RJES 'BRANGS NAS, ,GRUB MTHA' GANG YANG GZUNG MI BYA, ,DE LTAR RIGS PA'I SGO NAS CHOS THAMS CAD SKYE BA MED PAR BSGRUBS NAS, DA NI LUNG GI SGO NAS CHOS THAMS CAD SKYE BA MED PAR BSTAN PA NI, DE LTAR YANG BCOM LDAN 'DAS @283B KYIS SHES PA LA SOGS PA STE, RTZA BA NYID DU BRTAG PAR BYA'O, ,DER MA ZAD KYI DON 'DI NI BCOM LDAN 'DAS KYIS MDO SDE GZHAN DU YANG GSUNGS TE, JI SKAD DU 'PHAGS PA CHOS THAMS CAD KYI RANG BZHIN DBYER MED PAR BSTAN PA'I MDO LAS, DE LA CHOS KYI DBYINGS TSAD MAR BYAS NA DON DAM PA YANG MED KUN RDZOB KYANG MED DO ZHES BYA BA LA SOGS PA GSAL POR GSUNGS PA DANG, 'PHAGS PA BYANG CHUB SEMS DPA'I SDE SNOD LAS KYANG BDEN PA NI GCIG STE, 'DI LTAR 'GOG PA'O ZHES BYA BA LA SOGS PAS DON 'DI RGYAS PAR GSUNGS SO, ,'PHAGS PA SANGS RGYAS KYI YUL LA 'JUG PA YE SHES SNANG BA'I RGYAN GYI MDO LAS KYANG JI SKAD DU, DE BZHIN GSHEGS PA RTAG TU SKYE MED CHOS, ,CHOS RNAMS THAMS CAD DE BZHIN GSHEGS DANG 'DRA, ,BYIS PA'I BLO CAN LOG PAR 'KHRUL PA RNAMS, ,'JIG RTEN DAG NA MED PA'I CHOS LA SPYOD, , CES GSUNGS PA DANG, 'PHAGS PA ZLA BA SGRON MA LAS KYANG, THAMS CAD STONG PA'I RANG BZHIN DON DAM NI, ,CHOS CAN MI DMIGS CHOS NYID YOD PA MIN, ,ZHEN PA BZLOG PHYIR RKYEN BSHAD MA RTOGS PA, ,CHOS KYI NGANG LA TSIG MED BRJOD DU MED, ,CES GSUNGS SO, , 'PHAGS PA 'DUL BA RGYA MTSO LAS KYANG, SNGON GYI MTHA' STONG PHYI MA'I MTHA' YANG STONG, ,SRID PA THAMS CAD YONG YE STONG PA STE, ,PHYOGS GCIG STONG PA MU STEGS CAN RNAMS KYI, ,ZHES GSUNGS SO, ,'PHAGS PA LANG KAR GSHEGS PA LAS KYANG, KUN RDZOB TU NI THAMS CAD YOD, ,DAM PA'I DON DU RANG BZHIN MED, ,RANG BZHIN MED LA 'KHRUL PA GANG, ,DE NI YANG DAG KUN RDZOB BSHAD, ,CES GSUNGS SO, ,'PHAGS PA SHES RAB KYI PHA ROL TU PHYIN PA RAB KYI RTZAL GYIS RNAM PAR GNON PA LAS KYANG, DE BZHIN GSHEGS PA'I YE SHES KYIS NI CI YANG MI GZIGS TE, DE CI'I PHYIR ZHE NA, 'DI LTAR YE SHES LA YUL MI MNGA' BA'I PHYIR RO ZHES GSUNGS PA DANG, 'PHAGS PA RGYAL BA SKYED MAR MDZAD PA CHEN PO LAS KYANG, DE BZHIN GSHEGS PA MI 'KHRUGS PA'I ZHING GI KHYAD PAR BRJOD PAR MDZAD PAS 'KHOR @284A *, ,RNAMS KYIS BCOM LDAN 'DAS LA BCOM LDAN 'DAS DE BZHIN GSHEGS PA MI 'KHRUGS PA'I ZHING DE BDAG CAG LA BSTAN DU GSOL ZHES ZHUS PA DANG, BCOM LDAN 'DAS KYIS 'JIG RTEN GYI KHAMS DE BSTAN PAR MDZAD NAS PHYIR YANG MI SNANG BAR MDZAD DO, , BCOM LDAN 'DAS KYIS BKA' STZAL PA, JI LTAR DE BZHIN GSHEGS PA MI 'KHRUGS PA'I ZHING DE MIG LAM DU MI SNANG BA BZHIN DU GZUGS MIG LAM DU MI SNANG BA'O, ,TSOR BA MIG LAM DU MI SNANG BA'O ZHES BYA BA LA SOGS PA RGYAS PAR GSUNGS SO, ,DON 'DI 'PHAGS PA RTAG TU NGU'I LE'U LAS KYANG GSAL BAR GSUNGS SO, ,DE BZHIN DU RGYAL PO MA SKYES DGRA'I 'GYOD PA BSAL BA'I MDO LAS KYANG DON 'DI GSAL BAR GSUNGS SO, ,GZHAN YANG 'PHAGS PA YAB DANG SRAS MJAL BA'I MDO DANG, 'PHAGS PA SOR MO'I PHRENG CAN GYI MDO DANG, 'PHAGS PA YE SHES KYI PHYAG RGYA'I MDO DANG, DE BZHIN GSHEGS PA'I GSANG BA'I MDO DANG, DE BZHIN GSHEGS PA 'PHAGS PA DRI MA MED PAR GRAGS PA'I MDO DANG, 'PHAGS PA SANGS RGYAS RJES SU DRAN PA'I MDO DANG, 'PHAGS PA NAM MKHA' MDOG GIS 'DUL BA'I MDO DANG, 'PHAGS PA DE BZHIN GSHEGS PA'I MDZOD KYI MDO DANG, 'PHAGS PA SUM CU RTZA GSUM GYI MDO DANG, 'PHAGS PA 'OD SRUNGS KYIS ZHUS PA'I MDO DANG, 'PHAGS PA CHOS THAMS CAD 'BYUNG BA MED PA BSTAN PA'I MDO DANG, 'PHAGS PA DE BZHIN GSHEGS PA'I SNYING PO BSTAN PA'I MDO DANG, 'PHAGS PA TING NGE 'DZIN GYI RGYAL PO'I MDO DANG, 'PHAGS PA DA LTAR GYI SANGS RGYAS MNGON DU BZHUGS PA'I MDO DANG, 'PHAGS PA SKU GSUM BSTAN PA'I MDO DANG, 'PHAGS PA DRI MA MED PAS BYIN PAS ZHUS PA'I MDO DANG, 'PHAGS PA BU MO BLO GROS BZANG MOS ZHUS PA'I MDO DANG, 'PHAGS PA BU MO RNAM DAG DANG BAS ZHUS PA'I MDO DANG, 'PHAGS PA CHOS NYID RANG GI NGO BO NYID LAS MI G-YO BAS THA DAD PAR BSTAN PA'I MDO DANG, 'PHAGS PA LANG KAR GSHEGS PA DE NYID DANG, 'PHAGS PA BDEN PA GNYIS BSTAN PA'I MDO DANG, 'PHAGS PA NAM @284B MKHA'I SNYING PO'I MDO DANG, 'PHAGS PA KLU'I RGYAL PO MA DROS PAS ZHUS PA'I MDO DANG, 'PHAGS PA KLU'I RGYAL PO RGYA MTSOS ZHUS PA'I MDO DANG, 'PHAGS PA SHES RAB KYI PHA ROL TU PHYIN PA'I MDO MA LUS PA THAMS CAD DANG, 'PHAGS PA GSANG BA BSAM GYIS MI KHYAB PA'I MDO LA SOGS PA MDO SDE THAMS CAD NAS DON 'DI SHIN TU GSAL BAR GSUNGS PAS MDO DE DANG DE NYID DU BLTA BAR BYA'O, ,'DIR DE DAG GI SHLO KA BKOD NA NI GZHUNG SHIN TU MANGS PAR 'GYUR RO, ,DE BAS NA THEG PA CHEN PO'I MDO SDE MA LUS PA THAMS CAD BLTA BA LA SHIN TU BRTZON PAR BYA'O, ,GZHAN YANG SHES RAB KYI PHA ROL TU PHYIN PA'I SNYING PO'I DON PHYIN CI MA LOG PAR JI LTA BA BZHIN DU THUGS SU CHUD PA SLOB DPON 'PHAGS PA KLU SGRUB DANG, SLOB DPON 'PHAGS PA A'ARYA DE BA DANG, SLOB DPON 'PHAGS PA ZLA GRAGS DANG, SLOB DPON 'PHAGS PA SH'AN TA DE BA DANG, SLOB DPON 'PHAGS PA BHA BYA SNANG BRAL DANG, SLOB DPON RTA DBYANGS DANG, SLOB DPON 'PHAGS PA DGE BSNYEN ZLA BA LA SOGS PAS MDZAD PA'I GZHUNG DE DAG NI MDO'I DON GSAL BAR BKROL BA YIN PAS DE DAG KYANG LEGS PAR BLTA BA LA BRTZON PAR BYA'O, ,'DIR DE DAG GI GZHUNG BKOD PA NA NI YI GE SHIN TU MANGS PAR 'GYUR RO, ,'DI LTAR 'PHAGS PA KLU SGRUB NI MDO SDE PHAL CHE BA DANG, 'DZAM BU'I GLING NA MKHAS PA DAG KYANG 'DI SKAD DU SA DANG PO LA GNAS PA'I BYANG CHUB SEMS DPA' YIN NO ZHES BRJOD CING GRAGS MOD KYANG, BDAG GIS MDO'I NANG NAS SA BRGYAD PA'I BYANG CHUB SEMS DPA' YIN PAR LEGS PAR MTHONG BA YIN NO, ,SLOB DPON A'ARYA DE BA YANG 'PHAGS PA KLU SGRUB KYI MAN NGAG GIS SA BRGYAD PA THOB PA'I BYANG CHUB SEMS DPA' YIN PAR LEGS PAR MTHONG NGO, ,SLOB DPON ZLA GRAGS KYANG 'PHAGS PA KLU SGRUB KYI MAN NGAG GIS BDEN PA'I BYIN GYI RLABS MNGA' BA CHOS THAMS CAD SGYU MA LTA BUR THUGS SU CHUD PA 'DZAM BU'I GLING DU LO BZHI BRGYAR BZHUGS NAS GZHAN GYI DON 'BA' ZHIG MDZAD PA YIN NO, ,SLOB DPON SH'AN TA DE BA YANG 'PHAGS PA KLU SGRUB KYI MAN NGAG GIS 'PHAGS PA 'JAM PA'I DBYANGS KYI @285A *, ,GNANG BA THOB PAR BYAS TE BDEN PA GZIGS PA YIN NO, ,SLOB DPON BHA BYA YANG 'PHAGS PA KLU SGRUB KYI MAN NGAG GIS SKU TSE DE NYID LA RIG 'DZIN GNAS SU GSHEGS PA YIN NO, ,SLOB DPON RTA DBYANGS NI SLOB DPON A'ARYA DE BA'I MAN NGAG GIS BDEN PA GZIGS PA YIN NO, , 'PHAGS PA DGE BSNYEN ZLA BA YANG DE LTA BU'O, ,DE BAS NA DE LTA BU'I LUNG DANG RIGS PA RGYA CHEN PO BSTAN PA DE DAG SHES PAR BYAS SHING DE'I DON LA NGES PAR BYAS TE, THE TSOM MED PAR BYAS NAS LHAG MTHONG ZHES BYA BA RNAM PAR MI RTOG PA DE BSGOM PAR BYA'O, ,JI LTAR BSGOM ZHE NA, RE ZHIG DNGOS PO NI GNYIS TE, GZUGS CAN DANG GZUGS CAN MA YIN PA'O, ,DE GNYIS KA YANG GTAN TSIGS CHEN PO RNAMS KYIS BSAL TE BSGOM PAR BYA'O, ,DE YANG JI SKAD DU CHOS THAMS CAD SEMS LA BSDUS SHING, SEMS KYANG LUS LA BSDUS LA, LUS KYANG CHOS KYI DBYINGS SU GTANG BA 'DI NI MAN DAG GO ZHES BLA MA'I ZHAL NAS TING NGE 'DZIN GYI TSOGS KYI LE'U LAS GSUNGS SO, ,DE LTA BU LA SHES PA CIR YANG MI RTOG ,CIR YANG MI 'DZIN, DRAN PA DANG YID LA BYED PA THAMS CAD SPANGS TE, JI SRID MTSAN MA'I DGRA MA LANGS PA'I BAR DE SRID DU DE LTA BU LA GNAS PAR BYA'O, ,'PHAGS PA KLU SGRUB KYI ZHAL NAS, KUN DU RTOGS PAS MA BRTAGS SHING, ,YID NI RAB TU MI GNAS LA, ,DRAN MED YID LA BYED PA MED, ,DMIGS MED DE LA PHYAG 'TSAL LO, ,ZHES GSUNGS SO, ,'PHAGS PA KLU SGRUB KYI ZHAL NAS, MKHAS PA STONG PA NYID LA YANG; ,STONG PA NYID DU BLTA MI 'GYUR, ,ZHES GSUNGS SO, ,YANG; DMIGS PA DANG NI BRAL BA'I SEMS, ,NAM MKHA'I MTSAN NYID LA GNAS TE, ,NAM MKHA' SGOM PAR BYED PA NI, ,STONG PA NYID NI SGOM PA'O, ,ZHES GSUNGS SO, ,SLOB DPON ZHI BA LHA'I ZHAL NAS, GANG TSE YOD DANG MED PA GNYIS, ,BLO YI MDUN NA MI GNAS PA, ,DE TSE RNAM PA GZHAN MED PAS, ,DMIGS PA MED PAS RAB TU ZHI, ,ZHES GSUNGS SO, ,GOMS NA NI DE'I STOBS SU 'GYUR TE, SLOB DPON ZHI BA LHA'I ZHAL NAS, STONG PA NYID LA GOMS PA YIS, ,DNGOS PO'I BAG CHAGS SPONG BAR 'GYUR, ,ZHES @285B GSUNGS PA DANG, SLOB DPON DPAL SBAS KYIS KYANG, 'GA' ZHIG BSGOM PA GOMS PA YI, ,MTHU YIS CHOS KUN NGO BO NYID, ,MED PA DE YI BDAG NYID DU, ,'GYUR TE DNGOS PO MTHONG BA BZHIN, ,ZHES GSUNGS SO, ,DES NI LHAG PA'I SHES RAB KYI BSLAB PA BSTAN TO, ,DE LTAR STONG NYID BSGOM BYAS NAS, ,RIM GYIS DROD SOGS THOB BYAS NAS, ,RAB DGA' LA SOGS THOB 'GYUR TE, ,SANGS RGYAS BYANG CHUB YUN MI RING, ,'DIR MNYAM PAR GZHAG PA'I RNAL 'BYOR DANG, SPYOD LAM GYI RNAL 'BYOR LA GNAS NAS GONG DU JI LTAR BSHAD PA'I THEG PA CHEN PO'I MDO SDE'I DON PHA ROL TU PHYIN PA'I LAM LA LEGS PAR GNAS PA DES, MGON PO BYAMS PA'I ZHAL NAS GSUNGS SHING, 'PHAGS PA THOGS MED KYIS 'DZAM BU'I GLING DU RGYAS PAR SPEL PA'I SHES RAB KYI PHA ROL TU PHYIN PA'I LAM MNGON PAR RTOGS PA'I RGYAN GYI SKABS BRGYAD KYI RIM PA 'PHAGS PA RNAM PAR GROL BA'I SDE DANG, SLOB DPON DPAL SENG GE BZANG POS BKROL ZHING BSHAD PA DE SHES PAR BYAS LA GNAS PAR BYA'O, ,DE LTA MA YIN NA LAM 'BRAS BU DANG BCAS PA LA RMONGS PAR 'GYUR RO, ,DE BAS NA RNAL 'BYOR PA DE KHO NA NYID LA GNAS PAS TSOGS KYI LAM LA GNAS NAS, THAR PA'I CHA DANG MTHUN PA'I DGE BA'I RTZA BA BSKYED NAS SBYOR BA'I LAM LA REG PAR 'GYUR TE, RIM GYIS DROD SOGS ZHES PA DROD RNAM PA GSUM DANG, RTZE MO RNAM PA GSUM DANG, BZOD PA RNAM PA GSUM DANG, CHOS MCHOG RNAM PA GSUM LA GNAS NAS NGES PAR 'BYED PA'I CHA DANG MTHUN PA'I DGE BA'I RTZA BA BSKYED CING TING NGE 'DZIN BZHIS MTHONG BA'I LAM LA SOGS PA SKYE BA NI, RAB DGA' LA SOGS THOB 'GYUR TE, ,ZHES BYA'O, SANGS RGYAS BYANG CHUB CES PA NI 'DI LTAR SA BCU RDZOGS PAR BYAS NAS SKAD CIG MA GCIG LA MNGON PAR RDZOGS PAR BYANG CHUB PAR GYUR NAS, SKU GSUM DANG YE SHES LNGA LA SOGS PA YUN MI RING BAR MYUR DU 'THOB PA YIN NO, ,DROD NAS BZUNG STE SBYOR BA'I LAM, ,MTHONG BA'I LAM SOGS SA BCU DANG, ,SKU GSUM LA SOGS RNAM GZHAG NI, ,GZHUNG MANGS 'JIGS PAS 'DIR MA BRIS, ,MDO DANG BSTAN @286A *, ,BCOS RNAMS NA GSAL, ,RAB TU BSGRIMS TE BLTA BAR BYA, ,YANG NA; SANGS RGYAS BYANG CHUB YUN MI RING, ,ZHES BYA BA LA, 'DI NI BYANG CHUB SEMS DPA' LE LO CAN DAG SPRO BA BSKYED PA'I DON YIN NO, ,GANG BSKAL PA GRANGS MED PA GSUM ZHES GSUNGS PA DE YANG YUN MI RING STE, BYANG CHUB SEMS DPA' RNAMS NI 'GRO BA MTHA' DAG GI DON DU GNAS PA STE, JI SKAD DU AMBA R'A DZAS, BDAG NI BYANG CHUB RING TSUL DU, ,'TSANG RGYAR MOS SHING SPRO PA MED, ,PHYI MTHAR THUG GI BAR DU NI, ,SEMS CAN GCIG PHYIR SPYAD PAR BYA, ,ZHES GSUNGS SO, ,DPAL MCHOG DANG PO LAS KYANG, JI SRID 'KHOR BA'I GNAS SU NI, ,MKHAS MCHOG GNAS PAR GYUR PA NI, DE SRID MTSUNGS MED SEMS CAN DON, ,MYA NGAN MI 'DA' BYED PAR NUS, ,ZHES GSUNGS SO, ,'PHAGS PA KLU SGRUB KYIS KYANG SMON LAM LAS, JI SRID SEMS CAN 'DIR 'GA' ZHIG ,SEMS CAN GCIG GROL MA GYUR PA, ,BLA MED BYANG CHUB THOB GYUR KYANG, ,DE SRID DE DON DPYAD PAR BGYI, ,ZHES GSUNGS SO, ,DE CI'I PHYIR ZHE NA, MDO LAS, 'JIG RTEN GYI KHAMS 'DI THAMS CAD CHU'I DKYIL 'KHOR DU GYUR LA, DE LA SKYES BU ZHIG GIS LO STONG PHRAG BRGYA BRGYA NA SPU'I RTZE MO ZHIG GIS CHU DE LAS 'THOR BAR BYAS NA, CHU'I DKYIL 'KHOR DE NI ZAD PAR 'GYUR LA, SEMS CAN GYI KHAMS LA ZAD PA MED DO ZHES GSUNGS SO, ,'PHAGS PA BZANG PO SPYOD PA LAS KYANG, NAM MKHA'I MTHAR THUG GYUR PA CI TZAM PAR, ,SEMS CAN MA LUS MTHA' YANG DE TZAM MO, ,ZHES GSUNGS SO, ,DPER NA RI'I RGYAL PO RI RAB RDUL PHRA RAB TU BSHIG PA'I RJES LA BYANG CHUB THOB PAR BYA'O SNYAM NA YANG DE NI LE LO CAN YIN PAR BSHAD DO, DE BAS NA AMBA R'A DZAS KYANG, 'KHOR BA'I THOG MA MED PA YI, ,SKYE BA THA MA JI SRID DU, ,DE SRID SEMS CAN PHAN DON DU, ,SPYOD PA DPAG YAS SPYAD PAR BGYI, ,ZHES GSUNGS SO, ,DE BAS NA SEMS CAN GYI KHAMS LA ZAD PA YANG MED 'PHEL BA YANG MED PA'I SDUG BSNGAL CAN DE DAG YAL BAR BOR NAS, BDAG NYID MYUR DU 'TSANG RGYA BAR NI 'DOD PAR MI BYA STE, BYANG CHUB SEMS @286B DPA' DPA' BO DBANG PO RNON PO BRTZON 'GRUS RAB DANG LDAN PA, SEMS SNYING RJE'I DBANG DU GYUR BA, SEMS CAN MA LUS PA LA SNYING RJE BA CAN DE LTA BU NI MI 'DOD DU ZIN KYANG MYUR DU MNGON PAR RDZOGS PAR 'TSANG RGYA BAR 'GYUR RO ZHES BYA BA NI ZHAR LA BYUNG BA'O, ,SMON LAM DANG NI 'JUG PA DANG, ,DE BZHIN ZAB DANG RGYA CHE DANG, ,MI LDOG 'BRAS BU THOB PAS KYANG, ,THEG PA CHEN PO KHYAD PAR 'PHAGS, ,ZHES SLOB DPON TRI BI tA KA MA LA'I ZHAL SNGA NAS TSUL GSUM PA'I SGRON MAR GSUNGS TE, NYAN THOS KYI THEG PA BAS PHA ROL TU PHYIN PA'I THEG PA KHYAD PAR DU 'PHAGS SO ZHES KHONG DU CHUD PAR BYA'O, , PHA ROL TU PHYIN PA'I THEG PA RDZOGS SO,, ,,DA NI BLA NA MED PA'I THEG PA CHEN PO'I YANG THEG PA CHEN PO GSANG SNGAGS KYI THEG PA BRJOD PAR BYA'O, ,DE YANG SLOB DPON CHEN PO RJE BTZUN TRE BI tA KA MA LA'I ZHAL SNGA NAS, DON GCIG YIN NA'ANG MA RMONGS DANG, ,THABS MANG DKA' BA MED PHYIR DANG, ,DBANG PO RNON PO'I DBANG BYAS PAS, ,SNGAGS KYI BSTAN BCOS KHYAD PAR 'PHAGS, ,ZHES SHES RAB KYI PHA ROL TU PHYIN PA'I THEG PA BAS GSANG SNGAGS KYI THEG PA KHYAD PAR DU 'PHAGS SO ZHES BYA BA NI GZHUNG LUGS SO, ,'DI LTAR DON DAM PA'I BYANG CHUB KYI SEMS DNGOS PHYIN CI MA LOG PA DE NI GSANG SNGAGS KYI SGO'I SPYAD PA SPYOD PA'I BYANG CHUB SEMS DPAS BSKYED PAR BYA'O, ,'ON KYANG 'DIR NI DE LTA BU'I GZHUNG GI DON NI BDAG GIS MA BRJOD DO, ,'DIR NI BSKYED PA'I RIM PA LA GNAS PA'I BYANG CHUB SEMS DPA'I TSOGS GNYIS BSAGS PA'I THABS CUNG ZHIG RTZA BAR YANG BKOD CING 'DIR YANG RTZA BA LA BRTEN PA TZAM ZHIG BRI BAR BYA'O, ,DE LTA BU'I GSANG SNGAGS KYI LUGS KYI THUN MONG MA YIN PA'I TSOGS GNYIS MYUR DU RDZOGS PAR BYA'O SNYAM DU BSAMS NAS, SNGAGS MTHU NYID LAS BYUNG BA YI, ,ZHES BYA BA LA SOGS PA SMRAS TE, SNGAGS MTHU ZHES PA NI SPYIR GZUNGS KYI CHO GA THAMS CAD KYANG BYA BA'I RGYUD YIN PAS GZUNGS LA SOGS PA'I SNGAGS RGYUD THAMS CAD NAS 'BYUNG BA'I SNGAGS KYI BZLAS BRJOD KYI NUS PAS DNGOS GRUB 'BYUNG STE, DE GANG ZHE NA, ZHI DANG RGYAS LA SOGS PA YI, ,ZHES PA DBANG DANG MNGON SPYOD KYI CHO GA RNAM PA BRGYAD DO, , @287A *, ,BUM PA BZANG GRUB LA SOGS PA, ,GRUB CHEN BRGYAD CES PA NI 'DI LTAR BUM PA BZANG PO DANG, RKANG MGYOGS DANG, RAL GRI DANG, MNGAG GZHUG PA DANG, SA 'OG DANG, MI SNANG BA DANG, DPAG BSAM GYI SHING DANG, RGYAL SRID RNAMS SO, ,SOGS PA ZHES PA NI MIG SMAN DANG, RI LU DANG, NAM MKHA' LA 'PHUR BA DANG, 'BRU'I CHAR 'BEBS PA DANG, YUNGS KAR BSGRUBS NAS GZUGS SNA TSOGS BYED PA DANG, PRA PHAB NAS MNGON PAR SHES PA BSKYED PA DANG, RDZU 'PHRUL LA SOGS PA BRGYUD NAS RJES SU GZUNG BA DANG TSAR GCAD PA'I LAS KYI DNGOS GRUB JI SNYED CIG 'BYUNG BA DE DAG NI BZLAS BRJOD DANG TING DE 'DZIN GYIS ZHI BA DANG RGYAS PA DANG, DBANG DANG MNGON SPYOD DANG, 'JIG RTEN GYI DNGOS GRUB CHEN PO BRGYAD LA SOGS PA DAG BSGRUBS NAS 'BAD PA MED PAR MYUR DU BSOD NAMS DANG YE SHES KYI TSOGS GNYIS RDZOGS PAR BYED DO; ,DE LTA BU'I DNGOS GRUB 'BAD PA MED PAR MYUR DU 'BYUNG BA'I GSANG SNGAGS KYI THEG PA ZHES PA DE GANG YIN ZHE NA, BYA BA SPYOD SOGS RGYUD CES BYA BA DANG, BYA BA'I RGYUD DANG, SPYOD PA'I RGYUD DANG, RTOG PA'I RGYUD DANG, GNYI GA'I RGYUD DANG, RNAL 'BYOR GYI RGYUD DANG, RNAL 'BYOR CHEN PO'I RGYUD DANG, RNAL 'BYOR BLA NA MED PA'I RGYUD RNAMS SO, ,DE YANG RGYUD DE DAG NI RE RE ZHING YANG DPAG TU MED DE, DE YANG DPAL YE SHES RDO RJE KUN LAS BTUS PA'I RGYUD CHEN PO LAS BCOM LDAN 'DAS KYIS 'DI SKAD DU RGYUD SO SO'I GRANGS GSUNGS TE, BYA BA'I RGYUD STONG PHRAG BZHI'O, ,SPYOD PA'I RGYUD STONG PHRAG BRGYAD DO, ,RTOG PA'I RGYUD STONG PHRAG BZHI'O, ,GNYIS KA'I RGYUD STONG PHRAG DRUG GO , ,RNAL 'BYOR CHEN PO'I RGYUD STONG PHRAG BCU GNYIS TE, DE DAG RGYAS PAR BYAS NA GRANGS MED DO ZHES GSUNGS SO, ,DE LA BYA BA'I RGYUD NI GZUNGS THAMS CAD DANG, RIG PA MCHOG DANG, GAR MKHAN MCHOG DANG, RAB TU GRUB PAR BYED PA DANG, DPUNG BZANGS DANG, 'JAM DPAL GYI RTZA BA'I RGYUD CHEN PO DANG, 'JAM DPAL GSANG BA'I RGYUD DANG, RDO RJE GTZUG TOR DANG, AA MO GHA P'A SHA DANG, RNAM PAR RGYAL BA'I RGYUD CHEN PO LA SOGS PA STONG PHRAG BZHI BZHUGS SO, ,SPYOD PA'I RGYUD NI RNAM PAR SNANG @287B MDZAD MNGON PAR BYANG CHUB PA'I RGYUD DANG, LAG NA RDO RJE DBANG BSKUR BA'I RGYUD LA SOGS PA RGYUD SDE STONG PHRAG BRGYAD BZHUGS SO, ,RTOG PA'I RGYUD NI SGROL MA 'BYUNG BA'I RGYUD DANG, DAM TSIG GSUM BKOD PA'I RGYAL PO DANG, RTOG PA KUN LAS BTUS PA LA SOGS PA RGYUD SDE STONG PHRAG BZHI BZHUGS SO, ,GNYIS KA'I RGYUD NI SGYU 'PHRUL DRA BA DANG, PADMA GAR GYI DBANG PHYUG LA SOGS PA RGYUD SDE STONG PHRAG DRUG BZHUGS SO, ,DE LA RNAL 'BYOR GYI RGYUD NI TA TA TV'A SAm GRA HA DANG, DPAL MCHOG DANG PO DANG, 'JIG RTEN GSUM LAS RNAM PAR RGYAL BA DANG, YANG YOG RNAM PAR RGYAL BA DANG, RDO RJE RTZE MO LA SOGS PA GRANGS MED DO, ,DE LA RNAL 'BYOR CHEN PO'I RGYUD NI DPAL GSANG BA 'DUS PAR BSHAD RGYUD DANG BCAS PA DANG, ZLA GSANG THIG LE DANG, GSHIN RJE'I GSHED NAG PO DANG, DPAL MCHOG DANG PO DANG, LHA THAMS CAD 'DUS PA DANG, THAMS CAD GSANG BA DANG, 'DUL BA DON YOD PA DANG, YE SHES RDO RJE KUN LAS BTUS PA DANG, RNAM PAR SNANG MDZAD SGYU 'PHRUL DANG, NAM MKHA' DANG MNYAM PA CHUNG NGU DANG, GNYIS SU MED PA RNAM PAR RGYAL BA'I RGYUD DANG, RDO RJE GTZUG TOR RGYUD LA SOGS PA RGYUD SDE STONG PHRAG BCU GNYIS TE RGYAS PAR BYA NA GRANG BA MED DO, ,RNAL 'BYOR BLA NA MED PA'I RGYUD NI DPAL NAM MKHA' DANG MNYAM PA 'BUM PA CHEN PO 'KHOR LO SDOM PA DANG, RDO RJE MKHA' 'GRO DANG, RDO RJE GDAN BZHI PA DANG, MA H'A M'A Y'A DANG, SANGS RGYAS MNYAM SBYOR DANG, SANGS RGYAS THOD PA DANG, DGYES PA'I RDO RJE 'BUM PHRAG LNGA PA LA SOGS PA RGYUD SDE STONG PHRAG BCU BZHI BZHUGS TE RGYAS PAR BYAS NA GRANGS MED DO, ,DE LTAR RGYUD SDE RE RE ZHING YANG GRANGS MED PAS NA GSANG SNGAGS KYI THEG PA NI SHIN TU RGYAS SHING MTHAR THUG PA MED PA YIN NO, ,'DI LTAR YI DAGS KHA NAS ME 'BAR BA'I GZUNGS DANG, RMA BYA CHEN MO'I GZUNGS LA SOGS PA GZUNGS MA LUS PA THAMS CAD KYANG BYA BA'I RGYUD YIN NO ZHES BLA MA DAG GSUNG NGO, ,GSUNGS PA'I ZHES PA NI JI LTAR GSUNGS SHE NA, 'DI SKAD DU, GAL TE GSANG SNGAGS SPYOD 'DOD PAS, ,DE TSE SLOB DPON DBANG @288A *, ,BSKUR PHYIR, ,ZHES GSUNGS TE, 'DI LTAR GAL TE BYA BA'I RGYUD LA SOGS PA'I GSANG SNGAGS KYI THEG PA LA SPYOD PAR 'DOD PA YIN NA NI SLOB DPON GYI DBANG BSKUR BA ZHES BYA BA BUM PA'I DBANG THOB PAR MA BYAS PAR SMON PA DANG 'JUG PA'I SEMS BSKYED PA TZAM LA LTOS PAR MI BYA STE, GSANG SNGAGS RANG NYID LEN PAR 'GYUR BA'I PHYIR RO, ,DE YANG RGYUD LAS, SLOB DPON MNYES PAR MA BYAS SHING, ,DBANG RNAMS THOB PAR MA BYAS PAR, ,NYAN PA LA SOGS RTZOM PA YANG, ,'BRAS BU MED PA NYID DU 'GYUR, ,ZHES GSUNGS PA DANG, YANG RGYUD LAS DBANG BSKUR RJES GNANG MED PAR YANG, ,GSANG SNGAGS RANG NYID LEN PAR BYED, ,CES GSUNGS TE DKYIL 'KHOR DU 'JUG PA DANG, DBANG BSKUR BA DANG, BLA MA DE NYID KYI RJES SU GNANG BA MA BYAS PAR THEG PA CHEN PO'I MDO SDE'I DON PHA ROL TU PHYIN PA'I LAM GYI CHO GA LA BRTEN NAS GZUNGS KYI CHO GA BYED PA DANG, GZHAN YANG RJE BTZUN SGROL MA LA SOGS PA'I SGRUB THABS DAG MNYAN NAS BSGOM PA DNAG, BZLAS PA DANG, SBYIN SREG DANG, GTOR MA DANG, DKYIL 'KHOR LA SOGS PA BYED PA NI GSANG SNGAGS RANG NYID LON PA YIN TE, DKYIL 'KHOR DU 'JUG PA DANG, DBANG BSKUR BA BYAS TE, SLOB DPON GYIS 'DI SKAD DU KHYOD KYI LHA NI 'DI YIN NO, ,BZLAS PA 'DI BYA DGOS SO ZHES RJES SU GNANG BA MA THOB PA'I PHYIR RO, ,DE BAS NA RGYUD LAS, GSANG SNGAGS RANG NYID LEN PA NI, ,'GRO BA DMYAL BA 'BA' ZHIG STE, ,SNGAGS KYANG 'GRUB PAR MI 'GYUR ZHING, ,LUS NYON MONGS PA KHO NAR ZAD, ,CES GSUNGS SO, ,DE DAG NI GSUNGS PA'I TSIG GI DON YIN TE, RGYUD THAMS CAD DANG, SNGON GYI SLOB DPON THAMS CAD DANG, DA LTA NYID KYI BLA MA MA LUS PAS 'DI SKAD DU GSUNGS ZHES PA'O, ,YANG NA 'JIG RTEN PA DANG 'JIG RTEN LAS 'DAS PA'I LHA'I PRA PHAB PA DANG, RMI LAM DAG TU GANG ZAG 'DI NI SKYE BA SNGA MA LA GSANG SNGAGS SPYOD SPYOD PA DAG YIN NO ZHES ZER NA, DES BLA MA YONGS SU MNYES PAR BYAS LA BYIN GYIS BRLAB PA BYAS TE, 'DI LTAR SGRUBS SHIG CES GNANG BA BYIN LA, SGRUB PA'I CHO GA'I @288B THABS SBYIN PAR BYA'O, ,CHO GA DE YANG 'DI YIN TE, 'PHAGS PA DAM TSIG GSUM BKOD PA'I CHO GA DANG, BCOM LDAN 'DAS NOR BU RGYAS PA'I GZHAL MED KHANG GI CHO GA DANG, BCOM LDAN 'DAS SMAN GYI BLA BEE d'URYA'I 'OD KYI RGYAL PO'I CHO GAS [?] SDIG PA SBYONG BA DANG, TSOGS BSAGS PA BYAS LA LTAS BZANG PO BYUNG BA NA GANG ZAG DES GSANG SNGAGS KYI THEG PA LA 'JUG PAR GNANG GI 'DI LTAR SKYE BA SNGA MA LA GSANG SNGAGS SPYAD PA MA YIN PA DANG, YANG NA GSUM LA SKYABS SU 'GRO BA DANG, SMON PA BYANG CHUB KYI SEMS BSKYED PA DANG, 'JUG PA BYANG CHUB KYI SEMS BSKYED PA BYAS PA TZAM LA NI GSANG SNGAGS BSTAN PA DANG, DES BSGRUB PA DANG BLTA BA DANG MNYAN PA BYA BAR MA GNANG STE, 'JUG PA'I LAM SO SO BA YIN PA DANG, THEG PA DAG NI RNAM PAR THAR PA BSRE BAR MI BYA BA YIN TE, BCOM LDAN 'DAS KYIS GANG ZAG GI DBANG PO DANG KHAMS DANG BGAL NYAL MKHYEN PAS THEG PA'I LAM SO SOR GSUNGS PA YIN NO, ,DE BAS NA RTZA BA NAS SMRAS PA DE LTA BAS NA, GAL TE GSANG SNGAGS SPYOD 'DOD PAS, DE TSE SLOB DPON DBANG BSKUR PHYIR, ,ZHES SMRAS TE, PHA ROL TU PHYIN PA'I LAM DU 'JUG CING SPYOD 'DOD NA NI SNGAR JI LTAR BRJOD PA BZHIN DU BSLAB PA RNAM PA GSUM LA BSLAB PAR BYA BA YIN LA, GAL TE GSANG SNGAGS SPYOD CING RJE BTZUN SGROL MA LA SOGS PA SGRUB PAR 'DOD NA NI SLOB DPON GYI DBANG ZHES PA BUM PA'I DBANG BSKUR BA ZHU PAR BYA'O ZHES PA NI SHLO KA'I DON YIN NO, ,'O NA DBANG BSKUR BA'I BLA MA DE LA BLA CHOS DANG YO BYAD MED PAR BYA BA'AM ZHE NA MA YIN TE, BSNYEN BKUR RIN CHEN LA SOGS ZHES SO, ,'O NA YO BYAD KYIS PHONGS SHING DBUL PO DAG GIS JI LTAR BYA ZHE NA, BKA' SGRUB LA SOGS ZHES PA'O, ,'DIR SKYE BO 'BYOR BA CAN DAG GIS NI RGYAL SRID RIN PO CHE BDUN LA SOGS PA THA NA BDAG NYID KYI LUS KYANG DBUL BAR BYA STE, JI LTAR SLOB DPON SANGS RGYAS YE SHES ZHABS LA RGYAL PO DE BA P'A LAS RGYAL SRID THAMS CAD PHUL BA'I RJES SU BTZUN MO DANG RANG NYID KYANG PHUL NAS PHYIS RGYAL PO DANG BTZUN MO GNYIS GSER DE GNYIS DANG MNYAM PAS BSLUS @289A *, ,PA LTA BU'O, ,DBUL PO DAG GIS BKA' BSGRUB PA DANG, LUS KYI BSNYEN BKUR DANG, DKYIL 'KHOR DANG, ME TOG YANG DANG YANG DU DBUL BA LA SOGS BYA'O, ,DE LTA BU'I TSUL GYIS BLA MA DAM PA MNYES PAR BYA'O, ,DE LTAR BLA MA MNYES SHING DGES PAR GYUR PA DANG, DBANG BSKUR BA THOB PAR BYAS NAS LUS LA SOGS PA'I SDIG PA THAMS CAD LAS GROL NAS, DES SDIG PA DAG PA'I RGYUS 'JIG RTEN DANG 'JIG RTEN LAS 'DAS PA'I DNGOS GRUB THAMS CAD SGRUB PA'I SKAL BA CAN DU 'GYUR RO, ,DE LTAR GSANG SNGAGS KYI THEG PA LA GNAS NAS 'BAD PA MED PAR MYUR DU MNGON PAR RDZOGS PAR SANGS RGYAS PAR BYAS TE, GZHAN GYI DON MTHAR PHYIN PAR BYA BA'I THABS BSTAN NAS, DA NI GSANG SNGAGS KYI THEG PA LA LOG PAR RTOG PA DAG DGAG PA'I PHYIR, DANG PO SANGS RGYAS RGYUD CHEN LAS, ,ZHES PA LA SOGS PA SMRAS TE, 'DIR GSANG SNGAGS LA LOG PAR RTOG PA NI GNYIS TE SGRO 'DOGS PAR BYED PA DANG SKUR PA 'DEBS PAR BYED PA'O, ,SNGA MA NI TSAR GCAD PAR BYA'O, ,PHYI MA NI RJES SU GZUNG BAR BYA'O, ,'DI LTAR 'DI NA KHA CIG GSANG SNGAGS KYI RGYUD CHEN PO MTHA' DAG GI DGONGS PA YANG MI SHES, BLA MA DAM PAS KYANG MA ZIN CING, SDIG PA'I BSHES GNYEN LA BRTEN PAS GSANG SNGAGS KYI TSUL JI LTA BAR MA SHES PA DGONGS PA CAN GYI BKA' LA BRTEN NAS 'DI SKAD DU BDAG CAG NI GSANG SNGAGS PA'O, ,BDAG CAG NI SPYOD PA THAMS CAD BAG YANGS SU BYED CING PHYAG RGYA CHEN PO'I DNGOS GRUB KYANG MYUR DU THOB PAR 'GYUR RO ZHES SGROGS SHING GNAS PA DE DAG NI NGAN 'GROR 'GRO BAR 'GYUR TE, DE BZHIN GSHEGS PA'I BKA' LA SKUR PA BTAB PA DANG, TSANGS PAR SPYOD PA DAG SPAGS PAS SANGS RGYAS KYI BSTAN PA NUB PAR BYAS PA DANG, MDON SPYOD DRAG PO BYAS PA DANG, BUD MED DAG BSTEN PAS PHAM PA BYUNG BA'I PHYIR RO, ,DPAL YE SHES GRAGS PA'I ZHAL NAS 'DI SKAD DU BDAG CAG RNAL 'BYOR PA LA BCOM LDAN 'DAS KYIS GNANG BA YIN NO ZHES ZER ZHING SGRA GSANG CHER SGROGS PA DANG, GZHAN YANG SPYOD PA THAMS CAD KYANG BAG YANGS SU BYED PA DE @289B DAG NI NGAN 'GRO 'GRO BAR 'GYUR RO ZHES GSUNGS SO, ,BDAG GI BLA MA DGE SLONG BSOD SNYOMS PA YA BA DVA'I PA'I ZHAL NAS KYANG, GAL TE DBANG BSKUR BA DE GNYIS 'DZIN PAR BYED NA, SLOB DPON DANG SLOB MA DANG BCAS PA NGAN 'GROR 'GRO BAR 'GYUR RO ZHES GSUNGS SO, ,BCOM LDAN 'DAS KYIS DGONGS PA LUNG BSTAN PA'I RGYUD CHEN PO LAS, RNAL 'BYOR MAN NGAG MED PA DAG ,LCAGS KYU MED PA BZHIN DU SPYOD, ,BDAG NI RNAL 'BYOR PA ZHES ZER, ,CHOS NI G-YO YIS BYED PAR 'GYUR, ,SNGAGS DANG PHYAG RGYA'I SBYOR BA YIS, ,'TSO BA DAG KYANG SGRUB PAR BYED, ,NYES PA CUNG ZAD TZAM LA YANG, ,MNGON SPYOD DRAG PO BYED BAR 'GYUR, ,'DI LTAR SGRUB PA'I THABS TZAM ZHIG ,SHES NAS RGYUD CHEN 'CHAD PAR BYED, ,GANG DU RNYED PA THOB 'GYUR BAR, ,DAM PA'I CHOS NI STON PAR BYED, ,CES BYA BA LA SOGS PA MANG DU GSUNGS SO, ,DE BZHIN DU DPAL PADMA RDO RJES KYANG DE LTA BU'I NYES DMIGS MANG DU GSUNGS NAS, DE LTA BU DANG DE DAG NYID, KUN KYANG SDIG PA'I LAS CAN TE, ,DAM PA MIN PA'I LAM ZHUGS NAS, ,DMYAL BA DAG TU 'GRO BAR 'GYUR, ,ZHES GSUNGS SO, ,KHUNGS MANG DU YOD MOD KYI YI GE MANGS PAR 'GYUR RO,, DE LTA BU DAG NI SNYING RJE'I SEMS KYIS TSAR GCAD PAR BYA'O, ,YANG 'DI NA LA LA DAG 'DI SKAD DU GSANG SNGAGS KYI TSUL CHEN PO JI LTA BAR MI SHES PAR GSANG SNGAGS KYI THEG PAS CI ZHIG BYA, PHA ROL TU PHYIN PA DANG, NYAN THOS DANG RANG SANGS RGYAS KYI THEG PA GTZANG BA DE NYID LA 'JUG PAR BYA'O, ,'DI LTAR BUD MED BSTEN PAS NI MI TSANGS PAR SPYOD PA'I PHAM PA 'ONG LA, MNGON SPYOD DRAG PO BYAS PAS NI SROG BCAD PA'I PHAM PA 'ONG BAS DE LA 'JUG PAR MI BYA'O ZHES RGYUD KYI DGONGS PA MI SHES PAR SKUR PA 'DEBS PA DE DAG NI ZAB CING RGYA CHE BA DBANG PO RNON PO'I SPYOD YUL SANGS RGYAS KYI BSTN PA'I SNYING POR GYUR PA SKAL PA DANG, BAG CHAGS DANG, LAS 'PHROR LDAN PA 'GA'I SPYOD YUL DU GYUR PA YIN PAS DE LTA BU LA SKUR PA 'DEBS PA DE NI NGES PAR SEMS CAN DMYAL BAR 'GRO BAR 'GYUR BA 'DI LA THE TSOM MI BYA STE, DE BZHIN GSHEGS PA'I BKA' @290A *, ,LA SKUR PA BTAB BA DANG, CHOS ZAB MO SPANGS PA'I PHYIR RO, ,CHOS SPANGS BA'I LAS KYI RNAM PAR SMIN PA NI 'PHAGS PA RNAM PAR 'THAG PA'I MDO LAS 'DI SKAD DU CHOS LA LA NI BZANG ZHES BA DANG, CHOS LA LA NGAN [?] NO ZHES ZER NA CHOS SPANGS PA'O ZHES PA LA SOGS PA CHOS DU MA MTHONG BA'I PHYIR RO, ,BLA MA DGE SLONG BSOD SNYOMS BA'I ZHAL NAS KYANG, DE'I PHYIR GSANG SNGAGS THEG PA LA, ,BDUD KYIS SMRAS ZHES BRNYAS MI BYA, ,THEG PA KUN LA SPANGS PA YANG, ,'DI GNAS PHYAG RGYA CHEN PO THOB, ,CES GSUNGS SO, ,DE LTA BU'I GANG ZAG NI SNYING RJE'I SEMS KYIS RJES SU GZUNG BAR BYA'O, ,SKUR BA 'DEBS PA DE YANG GNYIS TE, CHOS LA SKUR PA 'DEBS PA DANG, GANG ZAG LA SKUR PA 'DEBS PA'O, ,DE LA CHOS LA SKUR PA 'DEBS PAR MI BYA STE, 'PHAGS PA 'OD SRUNGS KYIS ZHUS PA LAS 'DI SKAD DU, CHOS ZAB MO GANG DAG BLOS MI RTOGS PA DE LA SANGS RGYAS KYI BYANG CHUB NI MTHA' YAS SHING SEMS CAN MOS PA THA DAD PA RNAMS LA DE BZHIN GSHEGS PA RNAMS KYIS CHOS BSTAN PA LA 'JUG STE, DE BZHIN GSHEGS PA NYID KYIS MKHYEN KYI BDAG GIS NI MI SHES TE, DE BZHIN GSHEGS PAS MNGON SUM MO ZHES BYA BA LA SOGS PA GSUNGS TE, MDO NYID DU BLTA BAR BYA'O, ,GZHAN YANG MDO DANG RGYUD THAMS CAD DU DON 'DI BDAG GIS MTHONG NGO, ,GANG ZAG LA YANG SKUR PA GDAB PAR MI BYA STE, 'PHAGS PA LHAG PA'I BSAM PA BSKUL BA DANG, 'PHAGS PA CHOS THAMS CAD 'BYUNG BA MED PAR BSTAN PA DAG LAS NGA'AM NGA DANG 'DRA BA MA GTOGS PAR GANG ZAG GIS GANG ZAG GI TSONG GZUNG BAR MI BYA STE NYAMS PAR 'GYUR RO ZHES GSUNGS SO, ,DE'I NYES BA NI MDO LAS GZHAN YANG MANG DU MTHONG NGO, ,DANG PO'I SANGS RGYAS RGYUD CHEN LAS, ,ZHES BYA BA LA SOGS PA'I TSIG RKANG PA BCU GNYIS KYI DON BDAG GIS BDAG GI BLA MAR GYUR PA DGE SLONG BSOD SNYOMS PA DANG GSER GLING PA'I GDAMS NGAG LA BRTEN PA YIN TE, BLA MA'I ZHAL NAS DBANG BSKUR BA NGES PAR BSTAN PA ZHES BYA BA LAS 'DI SKAD DU, DE LA DBANG @290B NI RNAM PA GNYIS TE, KHYIM PA'I PHYOGS LA BRTEN PA DANG, TSANGS PAR SPYOD PA'I PHYOGS LA BRTEN PA'O, ,KHYIM PA'I PHYOGS LA BRTEN PA GANG ZHE NA, [?] JI SNYED RGYUD LAS GSUNGS PA THAMS CAD DO, ,TSANGS PAR SPYOD PA'I PHYOGS LA BRTEN PA GANG ZHE NA, DE DAG NYID LAS GSANG BA DANG, SHES RAB YE SHES SPANGS PA'O, ,DE CI'I PHYIR DE GNYIS SPANGS SHE NA, 'DI LTAR SANGS RGYAS KYI CHOS LA BRTEN NAS DGE BA JI SNYED CIG 'BYUNG BA DE DAG THAMS CAD NI BSTAN PA GNAS PA LAS 'BYUNG BA YIN LA, BSTAN PA GNAS PA YANG TSANGS PAR SPYOD PA KHO LA LTOS SHING, DBANG BSKUR BA GNYIS NI TSANGS PAR SPYOD PA'I MI MTHUN PA'I GNAS SU MTHONG BA'I PHYIR RO, ,DE BAS NA DBANG BSKUR BA GNYIS NI TSANGS PAR SPYOD PA ZAD PAR BYED PA YIN LA, TSANGS PAR SPYOD PA ZAD NA SANGS RGYAS KYI BSTAN PA NUB PAR 'GYUR ZHING, DE NUB PAS BSOD NAMS MNGON PAR 'DU BYA BA RNAMS RGYUN CHAD PAR 'GYUR LA, GZHI DE LAS DGE BA MA YIN PA DPAG TU MED PA 'BYUNG BA'I PHYIR DE GNYIS TSANGS PAR SPYOD PA RNAMS LA SPANGS SO ZHES GSUNGS SO, ,DE LTAR YIN NA TSANGS PAR SPYOD PA DAG GIS GSANGS SNGAGS LA 'JUG TU MI RUNG NGO ZHE NA, RGYUD KUN NYAN DANG 'CHAD PA DANG, ,SBYIN SREG MCHOD SBYIN SOGS BYED PA, ,SLOB DPON DBANG BSKUR RNYED GYUR PA, ,ZHES BYA BA 'DI SMOS SO, ,GAL TE TSANGS PAR SPYOD PA'I SNGAGS PAS RGYUD LA SOGS PA NYAN PA DANG, GZHAN LA 'CHAD PA DANG, BLTA BA DANG, SBYIN SREG DANG, GTOR MA DANG, BZLAS BRJOD DAG BYED PAR 'DOD NA NI SLOB DPON DBANG BSKUR ZHES PA BUM PA'I DBANG GIS RUNG BRGYUD THAMS CAD DANG, DKYIL 'KHOR GYI CHOG THAMS CAD NAS GSAL BAR GSUNGS SO, ,'DI'I DON BLA MA DGE SLONG BSOD SNYOMS PA YAB [?] DVA'I PAS GSUNGS TE, 'DI SKAD DU DE LTA YIN NA TSANGS PAR SPYOD PA RNAMS NI THEG PA CHEN PO'I YANG THEG PA CHEN PO'I SKAL BA CAN MA YIN PAR 'GYUR RO ZHE NA, DE NI 'DIR NGES PAR 'KHRUL PAR SBYAD PAR BYA STE, GANG GIS BUM PA DANG, SLOB DPON DANG RJES SU GNANG BA THOB PA NYID KYI RGYUD LA SOGS PA BSGRUB PA DANG, BSHAD @291A *, ,PA DANG MNYAN PA DANG BLTA BA LA DBANG BSKUR BA'I PHYIR SKAL BA CAN YIN NO, ,DE LTA NA KHYIM PA DAG LA YANG GSANG BA DANG, SHES RAB KYI DBANG DGOS PA MED PAR 'GYUR RO ZHE NA, DE MI DGOS PA YANG YIN LA, DE LAS BZLOG PA YANG YIN NO ZHES BYA BA LA SOGS PA RGYAS PAR GSUNGS SO, ,DE NYID RIG LA NYES PA MED, ,CES PA 'DI'I DON NI BDAG LA BLA MA DAG GIS NYE BAR BSTAN PA GNANG BA MANG DU YOD DE, BLA MA DAM PA KHA CIG GI ZHAL NAS SNYING RJES SEMS CAN GYI DON RIG CING SEMS SNYING RJE'I DBANG DU SONG BA'I BYANG CHUB SEMS DPAS CI BYAS KYANG DE'I RGYUD LA NYES PA MED CING DE'I RJES LA YANG BSOD NAMS MANG DU 'PHEL BAR 'GYUR RO ZHES GSUNGS SO, ,DE NI BZOD PA CHUNG NGU THOB PA YIN NO, ,DAM PA LA LA'I ZHAL NAS CHOS THAMS CAD SGYU MAR SHES SHING DE'I DE KHO NA NYID RIG PA'I RNAL 'BYOR BA LAS NYES PAR 'GYUR BA GANG YANG MED DE, 'DI SKAD DU, CHU YI ZLA BA LTA BUR NI, ,RNAL 'BYOR PA NI GANG GIS SHES, ,DE NI SDIG DANG BSOD NAMS SOGS, ,NAM YANG GOS PAR MI 'GYUR RO, ,NANG DANG PHYI ROL GNAS 'DI KUN, ,SEMS YIN SGYU MA LTA BU STE, ,DE YANG RTAG MIN CHAD PA MIN, ,GNYI GA DAG TU'ANG MI RTOG CING, ,DNGOS 'DZIN DUG GIS MA GOS PAS, ,DE LTA BU NI SUS MTHONG BA, ,SGYU MAR RIG LA NYES PA MED, ,CES GSUNGS TE, CHOS KYI MCHOG CHUNG NGU THOB PA LA NYES PA MED PA'O, ,BLA MA DGE SLONG BSOD SNYOMS PA'I NYES PAR MI 'GYUR BA NI BLA MA'I ZHAL SNGA NAS MDZAD PA'I GZHUNG DE NYID DU BLTA BAR BYA'O, ,'DI NI LAS DANG PO PA DA LTA NYID NA YANG NYES PA MED PA'O, ,DAM PA GZHAN NI 'DI SKAD DU 'PHAGS PA 'OD SRUNGS KYIS ZHUS PA'I MDO DANG, BUD MED 'GYUR BA LUNG BSTAN PA'I MDO DANG, DPAL MCHOG DANG PO'I RGYUD DANG, 'DUL BA DON YOD PA'I RGYUD DANG, RGYUD GZHAN DE MA YIN PA DAG DANG, 'PHAGS PA KLU SGRUB DANG, SLOB DPON A'ARYA DE BA LA SOGS PA'I GZHUNG DE DAG GI TSUL GYIS NYES PAR MI 'GYUR ZHING, DON DE NI DE KHO NA NYID RIG PA LA NYES PA MED DE RTZE MO CHUNG NGU THOB PA NA'O @291B ZHES GSUNG NGO, ,DAM PA GZHAN NI 'DI SKAD DU CHOS THAMS CAD KYI SKYE BA MED PA DON DAM PA BYANG CHUB KYI SEMS BSKYED CING, DE RGYUD LA SKYES PA LA YANG NYES PA MED DE, CHOS RNAMS KYI DE KHO NA NYID RIG PA LA NYES PA MED DO ZHES GSUNG STE, 'DI NI BDEN PA MTHONG BA DAG LA NYES PA PAR MI 'GYUR RO, ,DE BAS NA LAM LA GNAS PA'I RNAL 'BYOR PA DES NYES PA MED PA DANG, NYES PAR 'GYUR PA DAG SHES PAR BYA'O, ,YID BZHIN NOR BU LTA BU'I SPRUL PA'I SKU, ,'DAS SHING 'PHAGS PA KLU SGRUB LA SOGS PA'I, ,MKHAS PA CHEN PO RNAMS KYANG MED PA NA, THUB PA'I DAM CHOS NUB TU NYE BA YI, ,DING SANG DUS NA SMYON PA LTA BU YI, ,LOG PAR RTOGS PA'I GANG ZAG MANG PO BYUNG, ,BLA MA BRGYUD PA'I GDAMS NGAG BRAL BA YI, ,MDO DANG BSTAN BCOS GLEGS BAM MTHONG BA YIS, ,GSUNG RAB RGYA MTSO ZAB MO'I DON LA SPYOD, ,DE DAG LONG BA LTA BUR GYUR PA STE, ,THEG CHEN LAM MCHOG DE YIS SHES PA MIN, ,DE BAS LOG RTOGS RJES SU 'BRANG MI BYA, ,LEGS PA'I 'BYUNG GNAS THEG PA CHEN PO'I LAM, ,BLA MA MIG DANG 'DRA BA MED PA YIS, ,MA MTHONG MI MTHONG MTHONG BAR MI 'GYUR RO, ,THEG PA CHEN PO RGYA MTSO LTAR ZAB CING, ,NAM MKHA' LTA BUR SHIN TU RGYA CHE BA, ,BLA MA DANG BRAL RANG DGA' SMRA BA YIS, ,MDO DANG BSTAN BCOS DAG GI GLEGS BAM DE, ,MTHONG BAS TSIM STE BLA MA STEN MI BYED, ,DE DAG GIS NI THEG PA CHEN PO YI, ,GTAM GYI RIM PA TZAM YANG MI SHES NA, ,ZAB DANG RGYA CHA'I DON LTA GA LA YOD, ,THEG CHEN BAG CHAGS BZANG PO YOD PA YI, ,BLA MA DAM PAS ZIN PA'I SKYE BO NI, ,MKHAS PA SU ZHIG DE YI RJES SU 'BRANG, ,DING SANG BSTAN PA NUB KAR GYUR PA YI, ,'JIGS PA CHEN PO'I DUS 'DI BYUNG BAS NA, ,RTOGS LDAN MKHAS PA DAG GIS BAG YOD GYIS; ,BLA MA BZANG PO BRGYUD PA'I GANG ZAG NI, ,YUL DANG SA PHYOGS GANG NA YOD PA DRI, ,RNYED NAS ZLA BA'AM LOR YANG BSTEN BYAS LA, ,BSNYEN BKUR TSUL BZHIN BYAS LA MNYES PAR BYA, ,SKYES BU DE YI LUS DANG NGAG DAG GI ,SPYOD TSUL SHING TU NGAN PAR SPYOD NA YANG, ,DE LA @292A *, ,MI BLTA DAM CHOS BLANG BAR BYA, ,DPER NA BUNG BAS ME TOG 'DZIN PA'I TSE, ,SBRANG RTZI KHYER NAS ME TOG LUS PA DANG, ,MKHAS PA DES KYANG DE DANG 'DRA BAR SPYAD, ,SPYOD TSUL MI BLTA DE YI GDAMS NGAG MNYAN, ,NYER BSTAN DE LA SEMS NI GOMS PAS NA, ,TSE 'DI NYID LA BYANG CHUB THOB BYA'I PHYIR, ,'KHOR LO SDOM PA LA SOGS GSANG SNGAGS KYI, ,GDAMS NGAG BLA MA BRGYUD PA CAN LA ZHU, ,DBANG BSKUR GNYIS PA SPANGS PA YI, ,GSANG SNGAGS GZHUNG LUGS MI SHES NA, ,RNAM RTOG DU MAS BCINGS GYUR PAS, ,MYUR DU SANGS RGYAS 'GRUB MI 'GYUR; ,YANG SMRAS PA, THUB PA'I BSTAN PA MDANGS NYAMS GYUR PA YI, ,STON PA'I DAM CHOS RNAM PAR 'JIG PA NI, ,DING SANG DUS NA BSTAN PA 'JIG PA NA, ,SANGS RGYAS NYID KYI SLOB MA MA GTOGS PAR, ,PHA ROL PA DANG THA MAL SKYE BO YIS, ,THUB PA'I BSTAN PA SUS KYANG 'JIG MI NUS, ,KHYAD PAR DU NI RAB TU BYUNG BAS 'JIG ,KHA CIG GSANG SNGAGS RGYUD KYI RJES 'BRANGS NAS, ,LOG PAR SPYOD CING GZHAN LA 'ANG LOG PAR STON, ,KHA CIG SHES RAB PHA ROL PHYIN PA YI, ,JI BZHIN YANG DAG DON NI MI SHES PAR, ,RGYU DANG 'BRAS BU LA SOGS KUN RDZOB PA, , 'GOG CING RANG BZHIN RNAM PAR DAG CES SMRA, ,KHA CIG SO SOR THAR PA 'DUL BA YI, ,BSLAB PA JI SNYED GSUNGS PA BTANG BYAS NAS, ,ZHING DANG KHE SOGS KHYIM PA DANG 'DRE ZHING, ,GTZUG LAG KHANG NA 'ANG SNA TSOGS GTAM GYIS SPYOD, ,'PHAGS PA LANG KAR GSHEGS PA LAS; NGA YI BSTAN PA SUN 'BYIN PA, ,NGUR SMRIG GI NI GOS BGOS SHING, ,'BRAS BU YOD DANG MED SMRA BA, ,MA 'ONGS PA NA 'BYUNG BAR 'GYUR, ,ZHES GSUNGS SO, ,YANG DE NYID LAS, RTZOD PA'I DUS KYI THA MA LA, ,'JIG RTEN DAM CHOS MI BSGOM MO, ,ZHES GSUNGS SO, ,MKHAS PA CHEN PO NOR GYI RTZA LAG GI ZHAL NAS KYANG, STON PA 'JIG RTEN MIG NI ZUM GYUR CING, ,DBANG GYUR SKYE BO PHAL CHER ZAD PA NA, ,DE NYID MA MTHONG RANG DGAR SPYOD BA YI, ,NGAN RTOG RNAMS KYIS BSTAN PA 'DI DKRUGS SO, ,RANG BYUNG RANG 'BYUNG BSTAN PA GCES 'DZIN RNAMS, ,MCHOG TU @292B ZHIR GSHEGS 'GRO MGON MED PA NA, ,'DOMS MED YON TAN 'JOMS PAR BYED PA YI, ,DRI MAS DGA' MGUR DING SANG 'DI NA SPYOD, ,DE LTAR THUB PA'I BSTAN PA NYAMS DGA' 'DI, ,LKOG MAR SROG 'BYIN 'DRA DANG DRI MA RNAMS, ,STOBS DANG LDAN PA'I DUS SU RIG NAS NI, ,THAR PA 'DOD PA DAG GIS BAG YOD GYIS, ,ZHES GSUNGS SO, ,DAM PA'I GDAMS NGAG RGYAS PAR BKOD PA 'DI, ,SANGS RGYAS BSTAN PA JI SRID GNAS KYI BAR, ,SNYING RJE BYANG CHUB SEMS DANG LDAN PA DE, ,BRTZON 'GRUS KYIS NI NYIN MTSAN SPYOD GYUR CIG ,BYANG CHUB LAM GYI SGRON MA'I DKA' 'GREL ZHES BYA BA BHAm GA LA'I RGYAL PO'I RIGS RGYUD SH'AKYA'I DGE SLONG MKHAS PA CHEN PO BYANG CHUB SEMS DPA'I SPYOD PA MDZAD PA D'I PAm KAR SHR'I DZNYA NAS MDZAD PA RDZOGS SO,, ,,DAD PA'I SA GZHI TSUL KHRIMS SA BON BSTEN, ,BYAMS PA'I MYU GU TING 'DZIN CHUS BRLAN PA'I, ,RTZA BA SNYING RJE CHU BA BYANG CHUB SEMS, ,YAL GA PHAR PHYIN LO MA BSDU BA'I DNGOS, ,ME TOG NOR BDUN 'BRAS BU RJES DRAN DRUG ,DGE BCU'I DRIS KHYAB SLOB MA'I BYA TSOGS 'DU, ,SHING MCHOG DE 'DRA'I BYANG CHUB SEMS DPA' NI, ,BHAm GA LAR 'KHRUNGS MAR ME MDZAD DPAL ZHABS, ,DING SANG DUS NA SANGS RGYAS GDUNG 'TSOB PA, ,SKYA BO DBUS NA NYI MA BZHIN DU LHAM, ,SNYAN PAR RAB GRAGS CHOS LUGS BZANG PO SHES, ,SDOM PAS RAB BSDAMS MKHAS DANG NUS PAR LDAN, ,RIGS CAN RNAMS KYI BLA MAR 'OS PA STE, ,DE NI SANGS RGYAS RNAMS KYI SRAS GCIG PU, ,BSAM DANG LHAG BSAM GSER DANG ZLA TSES 'DRA, ,PHA ROL 'GRO BA DAG GI BSAM PA DANG, ,SPYOD LAM MTHUN ZHING CHOS KYI BSHAD PA'ANG STON, ,NAM YANG GANG ZAG PHA ROL MI DAD PA, ,DUG DANG 'DRA BAR SPONG BYED BSAM RJES 'JUG ,BYA BA NGAN SPANGS SPYOD LAM NYAMS PA MED; ,SKAD CIG SKAD CIG GNYEN PO'I STOBS DANG LDAN, ,PHRIN LAS BZANG POS YUL PHYOGS DBUS SU 'KHRUNGS, ,SKYE BA BZANG PO RGYAL PO'I RIGS SU 'KHRUNGS, ,RIGS BRGYUD BZANG PO THEG CHEN RIGS SU 'KHRUNGS, ,SMON LAM BZANG POS SANGS RGYAS SRAS SU 'KHRUNGS, ,DE @293A *, ,'DRA'I BLA MA BYANG CHUB SEMS DPA' NI, ,MAR ME MDZAD DPAL YE SHES SNYING RJE CAN, ,SKYES MCHOG DE LA 'DUN PA'I SLOB MA NI, ,SH'AKYA'I DGE SLONG TSUL KHRIMS RGYAL BA DES, ,DAD CING GUS PAS BSNYEN BKUR TSUL BZHIN DU, ,BYAS PA NYID KYIS THUGS DAM SNYING PO NI, , 'KHOR LO SDOM PA RNAL 'BYOR RGYUD RGYAL PO, ,CHOS KYI PHUNG PO BRGYAD KHRI BZHI STONG LAS, ,SNYING PO'I SNYING POR GYUR PA 'DI YIN TE, ,NYIN MTSAN KUN DU YID LA 'DI BSGOM ZHES, DE YIS NYER BSTAN NYAMS PA MED PAR GNANG, ,NAGS TSO BDAG NYID GCIG PU MA GTOGS PA, ,BOD KYI SLOB MA GZHAN LA YOD RE SKAN, ,BLA MA DE LA DAD CING GUS PA YIS, ,LUS NGAG YID KYIS RTAG TU PHYAG 'TSAL LO,, ,,RGYA GAR GYI MKHAS PA CHEN PO BLA MA BYANG CHUB SEMS DPA' BHAm GA LA PA, DPAL MAR ME MDZAD YE SHES ZHABS DANG, LO TZ'A BA DGE SLONG TSUL KHRIMS RGYAL BAS BSGYUR CING ZHUGS, , #, ,RGYA GAR SKAD DU, SAm GRA HA GARBHA N'A MA, BOD SKAD DU, SNYING PO BSDUS PA ZHES BYA BA, THUGS RJE CHEN PO DANG LDAN PA LA PHYAG 'TSAL LO, ,KHAMS GSUM SDUG BSNGAL RGYA MTSO CHE'I, ,DPA' RLABS SHIN TU 'KHRUGS PA NI; ,DGE DANG MI DGE LA SOGS PA'I, ,ZAG BCAS LAS LAS NGES PAR 'BYUNG, ,DE DAG CHAGS SDANG LA SOGS PA'I, ,NYON MONGS RGYU YIS BSKYED PA STE, ,DE DAG 'BYUNG BA'I RGYU NYID KYANG, ,YID DU 'ONG DANG MI 'ONG SOGS, ,GNYIS SU 'DZIN PA NYID LAS BYUNG, ,THAMS CAD 'BYUNG BA'I RGYU NYID NI, ,RTAG DANG KHYAB DANG GCIG PU SOGS, ,DNGOS POR 'DZIN PA'I GDON YIN TE, ,DE BAS SKAL LDAN SKYES BU NI, ,BDAG GZHAN GROL BA DON GNYER BAS, ,RTEN CING 'BREL 'BYUNG LA SOGS PA'I, ,RIGS PA GANG LA GOMS PA YIS, ,DNGOS POR 'DZIN PA BZLOG PAR BYA, , PHYI NANG CHOS RNAMS THAMS CAD KUN, ,MTSAN MA THAMS CAD DANG BRAL BA'I, ,NAM MKHA' LTA BUR SHES BYAS LA, ,DNGOS 'DZIN GDON GYIS BRLABS PA YI, ,'GRO KUN YUL DU BYAS NAS NI, ,SDUG BSNGAL RGYA MTSO SKEMS BYED PA, ,SNYING RJE CHEN PO SNGON 'GRO BAS, ,BDAG GZHAN DON KUN @293B 'BYUNG BA YI, ,RIN CHEN BYANG CHUB SEMS BSKYED BYA, ,BYANG CHUB SPYOD PA RLABS CHEN POS, ,PHA ROL PHYIN DRUG LA SOGS LA, ,MNYAM GZHAG LANGS PA'I SBYOR BA YIS, ,LAM SNGA RIM GYIS BGROD BYAS TE, ,SGRIB PA RNAM PA GNYIS BSAL NA, ,TSOGS GNYIS YONGS SU RDZOGS PA LAS; ,'BRAS BU SKU GSUM BSGRUB PAR BYA, ,SKU GSUM 'BYUNG BA'I MTSAN NYID KYANG, ,STONG NYID NAM MKHA' LTA BU LAS, ,BRTZAL MED THUGS RJE'I SPRIN 'BYUNG ZHING, ,SKU GNYIS BDUD RTZI'I CHU RGYUN GYIS, ,KHAMS GSUM THA MA'I RGYUD BRLAN TE, ,BYANG CHUB SNYING PO'I SA BON LAS, , DGE BA'I LO THOG SMIN PAR 'GYUR, ,SANGS RGYAS KUN GYI SNYING PO STE, ,'DI NI SNYING PO BSDUS PA YIN, ,THA MA'I DUS SU GYUR PAS NA, ,TSE THUNG NAD MANG LONGS SPYOD DMAN, ,RKYEN NGAN BAR CHAD MANG BA YIS, ,YUN RINGS GNAS PA'I MTHU MED PAS, ,TSIG RJES GCAD PAR MI NUS KYI,, BSHES GNYEN DAM PA BSTEN BYA STE, ,SHIN TU BRTZON PA'I SEMS LDAN PAS, ,G-YANG SA RAB TU DRAN BYAS TE, ,BDAG GZHAN GROL BAR BYA BA'I PHYIR, ,SNYING PO MYUR DU BSDU BA YIN, ,BRTZE BAS 'DI BYAS BSOD NAMS KYIS, ,SKAL NGAN SEMS CAN THAMS CAD KYANG, ,BYANG CHUB SEMS DANG LDAN GYUR NAS, ,SNYING PO MYUR DU SDUD PAR SHOG ,SNYING PO BSDU BA ZHES BYA BA, SLOB DPON CHEN PO DPAL MAR ME MDZAD YE SHES KYIS MDZAD PA RDZOGS SO,, ,,PAndI TA DE NYID DANG, LO TZ'A BA DGE SLONG TSUL KHRIMS 'BYUNG GNAS DEB RTZES BSGYUR CING ZHUS TE GTAN LA PHAB PA, , #, ,RGYA GAR SKAD DU, HRi DA YA NI KRI PTA N'A MA, BOD SKAD DU, SNYING PO NGES PAR BSDU BA ZHES BYA BA, DKON MCHOG GSUM LA PHYAG 'TSAL LO, ,MNGON MTHO NGES PAR 'BYUNG STER BA, ,DKON MCHOG GSUM LA GUS BTUD NAS, ,'KHOR BA'I 'JIGS PA SEL BA YI, ,SNYING PO BSDU BA BSHAD PAR BYA, ,'KHOR BA'I MTSAN NYID SDUG BSNGAL DANG, ,LAS DANG NYON MONGS RNAM RTOG STE, ,DE DAG RGYU 'BRAS GO RIMS CAN, ,'KHOR BA BSDUS NAS BSTAN PA YIN, ,THAR PA'I MTSAN NYID BYANG CHUB STE, ,SHES RAB THABS DANG SPYOD PA DANG, , @294A *, ,LAM LNGA DANG NI TSOGS GNYIS LAS, ,MYA NGAN 'DAS PA'I SKU GSUM 'BYUNG, ,DE YANG RGYU 'BRAS GO RIMS CAN, ,THAR PA BSDUS TE BSTAN PA'O, ,KHAMS GSUM SDUG BSNGAL RGYA MTSO CHE, ,DBA' RLABS SHIN TU 'KHRUGS PA NI, ,DGE DANG MI DGE LA SOGS PA'I, , ZAG BCAS LAS LAS NGES PAR 'BYUNG, ,DE DAG GTI MUG CHAGS SDANG SOGS, ,NYON MONGS RGYU YIS BSKYED PA STE, ,YID 'ONG MI 'ONG LA SOGS PA, ,GNYIS SU 'DZIN PA NYID LAS BYUNG, ,THAMS CAD 'BYUNG BA'I RGYU NYID NI, ,DA DANG BDAG TU 'DZIN LAS BYUNG, ,GZHAN YANG 'BYUNG BA'I RGYU NYID NI, ,RTAG DANG GCIG PU KHYAB LA SOGS, ,DNGOS POR 'DZIN PA'I GDON YIN TE, ,SHES RAB LDAN PAS SPANG BAR BYA, ,DE BAS SKAL LDAN SKYES BU NI, ,BDAG GZHAN MA LUS GROL BYA'I PHYIR, ,MI SLU BA YI LUNG DAG DANG, ,RTEN CING 'BREL 'BYUNG LA SOGS PA'I, ,RIGS PA GANG LA GOMS PA YIS, ,DNGOS POR 'DZIN PA'I GDON CHEN PO, ,MA LUS PAR NI BZLOG PAR BYA, ,'DI LTAR PHYI NANG CHOS RNAMS NI, ,MTSAN MA KUN BRAL RANG BZHIN NI, ,NAM MKHA' LTA BUR SHES BYAS LA, ,RTAG TU GOMS PAR BSGRUB PAR BYA, ,'KHOR BA THOG MA MED PA NAS, ,DNGOS 'DZIN GDON GYIS BRLABS GYUR PA'I, ,'GRO KUN YUL DU BYAS NAS NI, ,THAMS CAD RJES SU 'DZIN PA YIS, ,BYAMS CHEN TSAD MED SNGON 'GRO BAS, ,SDUG BSNGAL RGYA MTSO SKEMS BYED PA'I, ,SNYING RJE CHEN PO TSAD MED PAS, ,BDAG LA GZHAN DON 'GRUB PA YI, ,BYANG CHUB SEMS NI RIN PO CHE, ,YANG DAG BRTAN PA BSKYED PAR BYA, ,BDAG GZHAN 'BYOR PA BCUD LDAN PAS, ,'KHOR BA'I CHOS LA YID 'BYUNG BYA, ,'JIGS PA KUN LAS SKYOB PA YI, ,SKYABS GSUM PO DANG LDAN PA DES, ,SO SOR THAR LA LEGS GNAS BYA, ,TSUL KHRIMS BZANG PO DANG LDAN ZHING, ,THEG CHEN RIGS YOD SKYES BU DES, ,'GRO BA SKYABS MED BSKYAB PA'I PHYIR, ,SKYABS SU 'GRO BA SNGON 'GRO BA, ,SMON PA'I SEMS NI BSKYED PAR BYA, ,LHAG PA'I BSAM PA DANG LDAN PAS, ,'JUG PA'I SEMS NI BSKYED BYAS PAS, ,SNGAR GYI SMON PA'I SEMS DE NYID, ,RGYA @294B CHER RAB TU 'PHEL BAR 'GYUR, ,BYANG CHUB SEMS DPA'I SPYOD PA NI, ,RLABS CHEN PHA ROL PHYIN DRUG SOGS, ,MNYAM GZHAG LANGS PA'I RNAL 'BYOR GYIS, ,TSOGS KYI LAM 'DI BSTAN PAR BSGRUB, ,LAM LNGA RIM GYIS BGROD BYAS TE, ,SGRIB PA GNYIS NI BSAL BYAS NAS, , 'DI LTAR TSOGS GNYIS RDZOGS BYAS TE, ,'BRAS BU SKU GSUM 'GRUB PAR BYA, ,SKU GSUM SGRUB PA'I MTSAN NYID KYANG, ,CHOS SKU NAM MKHA' LTA BU LAS, ,BRTZAL MED THUGS RJE'I SPRIN BYUNG BAS, ,SKU GNYIS BDUD RTZI'I CHU RGYUN GYIS, ,KHAMS GSUM THA BA'I RGYUD BRLAN TE,, BYANG CHUB SNYING PO'I SA BON LAS, ,DGE BA'I LO TOG SMIN PAR 'GYUR, ,DUS GSUM SANGS RGYAS KYIS GSUNGS PA'I, ,SNYING PO 'DIR NI BSDUS PA YIN, ,'KHOR BA'I SDUG BSNGAL SPANG 'DOD NA, ,DE LA BRTZON 'GRUS 'BAD PAR BYA, ,RTZOD PA'I DUS KYI THA MA LA, ,TSE THUNG NAD MANG LONGS SPYOD DMAN, ,RKYEN NGAN BAR CHAD MANG BA YIS, ,YUN RINGS GNAS PA'I MTHU MED PAS, ,TSIG RJES GCAD PAR MI NUS KYIS, ,RIGS LA GNAS PA'I GANG ZAG DES, ,BSHES GNYEN DAM PA BSTEN BYAS LA, ,SHIN TU BRTZON PA'I SEMS KYIS NI, ,'KHOR BA'I SDUG BSNGAL DRAN BYAS LA, , BDAG GZHAN GROL BAR BYA BA'I PHYIR, ,SNYING PO MYUR DU BSDU BAR BYA, ,BRTZE BAS 'DI BYAS DGE BA YIS, ,SKAL LDAN SEMS CAN MA LUS KUN, ,BYANG CHUB SEMS KYIS RGYUD BRLAN TE, ,SNYING PO MYUR DU SDUD PAR SHOG ,SNYING PO NGES PAR BSDU BA ZHES BYA BA, SLOB DPON MKHAS PA CHEN PO DPAL MAR ME MDZAD YE SHES KYI ZHAL SNGA NAS DBUS KYI GNYE THANG GTZUG LAG KHANG DU MDZAD PA RDZOGS SO,, ,,RGYA GAR GYI MKHAN PO CHEN PO DE NYID DANG, ZHU CHEN GYI LO TZ'A BA DGE SLONG TSUL KHRIMS RGYAL BAS BSGYUR CING ZHUS TE GTAN LA PHAB PA'O,, ,, #, ,RGYA GAR SKAD DU, BO DHI SATVA MA n+YA BA LI, BOD SKAD DU, BYANG CHUB SEMS DPA'I NOR BU'I PHRENG BA, THUGS RJE CHEN PO LA PHYAG 'TSAL LO, ,DAD PA'I LHA LA PHYAG 'TSAL LO, ,THE TSOM THAMS CAD RNAM SPANGS SHING, ,SGRUB LA NAN TAN GCES @295A *, ,SU BYA; ,GNYID RMUGS LE LO SPANG BYA ZHING, ,RTAG TU BRTZON 'GRUS 'BAD PAR BYA, ,DRAN DANG SHES BZHIN BAG YOD PAS, ,DBANG PO'I SGO RNAMS RTAG TU BSRUNG, ,NYIN MTSAN DUS GSUM YANG DANG YANG, ,SEMS KYIS RGYUD LA BRTAG PAR BYA, ,BDAG GI NYES PA BSGRAG BYA ZHING, ,GZHAN GYI 'KHRUL PA BTZAL MI BYA, ,GZHAN GYI YON TAN BSGRAG BYA ZHING, ,BDAG GI YON TAN SBA BAR BYA, ,RNYED DANG BKUR STI SPANG BYA ZHING, ,KHENGS GRAGS RTAG TU SPANG BAR BYA, ,BYAMS DANG SNYING RJE BSGOM BYA ZHING, ,BYANG CHUB SEMS NI BRTAN PAR BYA, ,MI DGE BCU PO SPANG BYA ZHING, ,RTAG TU DAD PA BRTAN PAR BYA, ,'DOD PA CHUNG ZHING CHOG SHES DANG, ,BYAS PA DRIN DU GZO BA DANG, ,KHRO DANG NGA RGYAL GZHOM BYA ZHING, ,DMAN PA'I SEMS DANG LDAN PAR BYA, ,LOG PA'I 'TSO BA RNAM SPANG ZHING, ,CHOS KYI 'TSO BAS 'TSO BAR BYA, ,ZANG ZING THAMS CAD RNAM SPANG ZHING, ,'PHAGS PA'I NOR GYIS BRGYAN PAR BYA, ,DAD PA'I NOR DANG TSUL KHRIMS NOR, ,KHREL YOD NGO TSA SHES PA'I NOR, ,THOS PA'I NOR DANG GTONG BA'I NOR, ,SHES RAB NYID KYI NOR BDUN PO, ,NOR GYI RNAM PA 'DI DAG NI, ,MI ZAD PA YI GTER BDUN DE, ,MI MA YIN LA BRJOD MI BYA, ,RTAG TU 'DU 'DZI SPANG BYA ZHING, ,DGON PA LA NI GNAS PAR BYA, ,'KHYAL PA'I TSIG RNAMS SPANG BYA ZHING, ,NGAG RNAMS RTAG TU BSDAM PAR BYA, ,BLA MA MKHAN PO MTHONG BA'I TSE, ,GUS PAS RIM GRO BSKYED PAR BYA, ,GANG ZAG CHOS KYI MIG CAN DANG, ,LAS DANG PO PA'I SEMS CAN LA, ,STON PA'I 'DU SHES BSKYED PAR BYA, ,SEMS CAN THAMS CAD MTHONG BA'I TSE, ,PHA MA BU TSA'I 'DU SHES BSKYED, ,SDIG PA'I GROGS PO SPANG BYA ZHING, ,DGE BA'I BSHES GNYEN BSTEN PAR BYA, ,SDANG DANG MI BDE'I SA SPANG ZHING, ,GANG DU BDE BAR 'GRO BAR BYA, ,GANG LA CHAGS PA SPANG BYA ZHING, ,CHAGS PA MED PAR GNAS PAR BYA, ,CHAGS PAS BDE 'GRO MI THOB CING, ,THAR PA'I SROG KYANG GCOD PAR BYED, ,GANG DU DGE BA'I CHOS MTHONG BA, ,DER NI RTAG TU 'BAD PAR BYA, ,THOG MA BRTZAMS PA GANG YIN PA, ,DANG PO DE NYID BSGRUB BYA STE, ,DE LTA @295B NA NI KUN LEGS BYAS, ,GZHAN DU GNYIS KA 'GRUB MI 'GYUR, ,RTAG TU SDIG LA DGA' BRAL BYA, ,GANG DU MTHO BA'I SEMS 'BYUNG TSE, ,DE TSE NGA RGYAL BCAG BYA ZHING, ,BLA MA'I GDAMS NGAG DRAN PAR BYA, ,ZHUM PA'I SEMS NI BYUNG BA'I TSE, ,SEMS KYI GZENGS NI BSTOD PAR BYA, ,RTAG TU STONG NYID BSGOM PAR BYA, ,GANG DU CHAGS SDANG YUL BYUNG TSE, ,SGYU MA SPRUL PA BZHIN DU BLTA, ,MI SNYAN TSIG RNAMS THOS PA'I TSE, ,BRAG CA BZHIN DU BLTA BAR BYA, ,LUS LA GNOD PA BYUNG BA'I TSE, ,SNGON GYI LAS SU BLTA BAR BYA, ,BAS MTHA' DGON PAR RAB GNAS SHING, ,RI DAGS SHI BA'I RO BZHIN DU, ,BDAG GIS BDAG NYID SBA BYA ZHING, ,CHAGS PA MED PAR GNAS PAR BYA, ,RTAG TU YI DAM BRTAN BYA ZHING, ,LE LO RNYOG PA'I SEMS BYUNG TSE, ,DE TSE BDAG LA BRNGAN BGRANG ZHING, ,BRTUL ZHUGS SNYING PO DRAN PAR BYA, ,GAL TE GZHAN DAG MTHONG BA'I TSE, ,ZHI DES GSONG POR SMRA BA DANG, ,KHRO GNYER NGO 'DZUM SPANG BYA ZHING, ,RTAG TU 'DZUM ZHING GNAS PAR BYA, ,RTAG TU GZHAN DAG MTHONG BA'I TSE, ,SER SNA MED CING SBYIN LA DGA', ,RTAG TU PHRAG DOG SPANG BAR BYA, ,GZHAN GYI SEMS NI BSRUNG BA'I PHYIR, ,RTZOD PA THAMS CAD SPANG BYA ZHING, ,RTAG TU BZOD DANG LDAN PAR BYA, ,NGO DGA' MED CING GSAR 'GROGS MED, ,RTAG TU ZUNGS NI THUB PAR BYA, ,GZHAN LA BRNYAS PA SPANG BYA ZHING, ,GUS PA'I TSUL GYIS GNAS PAR BYA, ,GZHAN LA GDAMS NGAG BYED PA'I TSE, ,SNYING RJE PHAN SEMS LDAN PAR BYA, ,CHOS LA SKUR BA GDAB MI BYA, ,GANG MOS 'DI LA 'DUN PAR BYA, ,CHOS SPYOD RNAM BCU'I SGO NAS NI, ,NYIN MTSAN MED PAR 'BAD PAR BYA, ,MANG PO'I NANG DU NGAG LA BRTAG ,GCIG PU 'DUG NA SEMS LA BRTAG ,DUS GSUM DGE RTZA CI BSAGS PA, ,BLA MED BYANG CHUB CHEN POR BSNGO, ,BSOD NAMS SEMS CAN RNAMS LA BDAR, ,RTAG TU YAN LAG BDUN PA YI, ,SMON LAM CHEN PO GDAB PAR BYA, ,DE LTAR BYAS NA BSOD NAMS DANG, ,TSOGS CHEN GNYIS KYANG RDZOGS 'GYUR TE, ,SGRIB PA GNYIS KYANG ZAD PAR 'GYUR, ,MI LUS THAB PA'I DON YOD PAS, ,BLA MAD BYANG CHUB THOB PAR 'GYUR,, ,,RGYA GAR GYI MKHAN PO DPAL MAR @296A *, ,ME MDZAD YE SHES KYIS MDZAD PA, BYANG CHUB SEMS DPA'I NOR BU'I PHRENG BA RDZOGS SO,,#, ,RGYA GAR SKAD DU, BO DHI STVA KA RM'A DI MRG'A BA T'A RA DE SHA NA, BOD SKAD DU, BYANG CHUB SEMS DPA' LAS DANG PO PA'I LAM LA 'JUG PA BSTAN PA, BLA MA DAM PA LA PHYAG 'TSAL LO, ,NGAN 'GRO 'KHOR BA 'JOMS PA DANG, ,MNGON MTHO NGES 'BYUNG RTZOL MDZAD PA, ,PHYOGS BCU'I DKON MCHOG THAMS CAD DANG, ,BLA MA'I ZHABS LA PHYAG 'TSAL LO, ,'DI NA GANG DAG RANG BZHIN GYIS SNYING RJE DANG SHES RAB CHE BA THEG PA CHEN PO'I RIGS CAN DANG, YANG GANG DAG SKYE BA SNGA MA DAG TU THEG PA CHEN PO LA GOMS PAR BYAS PA'I SKYES BU, 'KHOR BA LA YID LEGS PAR BYUNG BA 'CHI BA RJES SU DRAN PA, PHYI NANG GI DNGOS PO THAMS CAD LA ZHEN PA CHUNG BA DANG, DGE BA'I BSHES GNYEN DAM PA CIG LA THEG PA CHEN PO'I LAM PHYIN CI MA LOG PA CIG THOS PAR GYUR NA CI MA RUNG, BDAG GIS DAM PA CIG BTZAL BAR BYA'O SNYAM DU SEMS PA DES, DGE BA'I BSHES GNYEN DU RUNG BA'I BLA MA BTZAL TE, GZHAN DU BSTAN PA BZHIN DU GSUM LA SKYABS SU 'GRO BA KHYAD PAR CAN DANG, 'GRO BA MTHA' YAS PA YUL DU BYAS TE BSAM PA BZANG PO DANG LDAN PAS BLA NA MED PA'I BYANG CHUB CHEN POR SEMS THUN MONG MA YIN PA BSKYED PA DANG, LHAG PA'I BSAM PA BZANG PO DANG LDAN PAS G-YO SGYU DANG BRAL BA'I 'JUG PA BYANG CHUB KYI SEMS CHEN POS, BYANG CHUB SEMS DPA'I TSUL KHRIMS KYI BSLAB PA GSUM LEGS PAR BLANG BAR BYA'O, ,DE NAS KHYI DANG GDOL PA DANG, BRAN GYI 'DU SHES DANG LDAN PA, G-YO SGYU DANG BRAL BA'I BYANG CHUB SEMS DPA' DE TSOGS KYI LAM PA YIN PAS NYIN DANG MTSAN DU LUS DANG NGAG DANG YID KYI BYA BA THAMS CAD DON MED PAR MI 'GYUR RO, ,'DI LTAR SEMS DES ZAS TSOD RIG PAR BYA BA DANG, DBANG PO'I SGO RNAMS BSDAM PA DANG, KHA NA MA THO BA PHRA RAB TZAM LA YANG 'JIGS PAR LTA BA DANG, NYIN DANG MTSAN DU RNAL 'BYOR LA BRTZON PAR BYA'O, ,DE NAS DBUGS PHYI NANG DU RGYU BA YANG GZHAN GYI DON DU 'GYUR BAR 'DOD PA DES THO RANGS KYI THUN @296B LA LANGS TE, BSHANG BA DANG GCI BA DOR BA LA SOGS PA'I SPYOD LAM LEGS PAR BYAS NAS, YUL DBUS DANG YUL MTHA' 'KHOB KYI BYE BRAG GIS KHRUS BYAS LA, 'GRO BA MTHA' DAG LA DMIGS TE TSAD MED PA BZHIS BYANG CHUB TU SEMS BSKYED LA, DKON MCHOG GSUM GYI GZUGS BRNYAN GYI SPYAN SNGAR BYUG RIS LEGS PAR BYAS TE ME TOG DRI ZHIM PO SIL MA LEGS PAR GTOR NAS, DE DAG GI SPYAN SNGAR PUS MO GNYIS SA LA BTZUGS NAS THAL MO SBYAR TE, PHYOGS BCU'I 'JIG RTEN GYI KHAMS KYI SANGS RGYAS THAMS CAD DANG CHOS THAMS CAD DANG, THEG PA CHEN PO'I DGE 'DUN GYI SPYAN SNGAR LUS KYI BKOD PA GRANGS MED CING BRJOD DU MED PAR SPRUL TE, DE DAG RE RE'I ZHABS LA LEGS PAR PHYAG BYA'O, ,DE DAG LA ZANG ZING GI MCHOD PA TSAD MED PA RGYA CHE BA DPAG TU MED PAS MNYES PAR BYA'O, ,DE NAS LUS RE RE LA MGO BRJOD DU MED PA MGO RE RE LA LCE BRJOD DU MED PAR SPRUL TE BDAG DANG GZHAN GYI SDIG PA MA LUS PAR BSHAGS PAR BYA'O, ,BDAG DANG GZHAN GYI DGE BA LA RJES SU YI RANG BAR BYA'O, ,SANGS RGYAS BCOM LDAN 'DAS MNGON PAR RDZOGS PAR SANGS RGYAS NAS RING PO MA LON PA RNAMS LA CHOS KYI 'KHOR LO BSKOR BAR BSKUL MA GDAB BAR BYA'O, ,GANG DAG CHOS KYI 'KHOR LO BSKOR NAS TSE'I 'DU BYED GTONG BA DAG LA 'KHOR BA JI SRID PA'I BAR DU YONGS SU MYA NGAN LAS MI 'DA' BAR GSOL BA GDAB PAR BYA'O, ,DGE BA'I RTZA BA DE DAG THAMS CAD BLA NA MED PA YANG DAG PAR RDZOGS PA'I BYANG CHUB TU BSNGO BAR BYA'O, ,JI LTAR MDO LAS 'BYUNG BA BZHIN DU YAN LAG DE DAG RE RE LA TSIG SHIN TU RGYAS PAR BRJOD PAR BYA'O, ,DE NAS MCHOD PA BDUN PO'I RJES LA 'GRO BA MTHA' DAG LA DMIGS TE, GSUM LA SKYABS SU 'GRO BA'I TSIG LAN GSUM GYI BAR DU BRJOD PAR BYA'O, ,DE NAS BYANG CHUB TU SEMS BSKYED PAR BYA STE, JI LTAR CHO GA LAS 'BYUNG BA BZHIN DU BYA'O, ,THA NA YANG 'DI SKAD DU, SANGS RGYAS CHOS DANG TSOGS KYI MCHOG RNAMS LA, ,BYANG CHUB BAR DU BDAG NI SKYABS SU MCHI, ,BDAG GI SBYIN SOGS BGYIS PA 'DI @297A *, ,DAG GIS, 'GRO LA PHAN PHYIR SANGS RGYAS 'GRUB PAR SHOG ,CES LAN GSUM BRJOD PAR BYA'O, ,DE NAS BDAG GI LUS DBUL BA DANG, DE NAS SKYES BU CHEN PO'I CHOS LUGS SHING RTA CHEN PO'I LAM LA GNAS PAR DAM BCA' BAR BYA'O, ,DE NAS RANG GI MAL DU SKYIL MO KRUNG GIS 'DUG LA, BLA MA RJE BTZUN DPAL BYANG CHUB BZANG POS BKOD PA'I TING NGE 'DZIN GYI LE'U LAS GSUNGS PA'I YAN LAG DGU PO SHES PAR BYAS LA, ZHI GNAS DANG LHAG MTHONG GI RNAL 'BYOR BSGOM PAR BYA STE, DE YANG BYING BA DANG RGOD PA LA SOGS PA'I SKYON DU GYUR PA THAMS CAD BSAL TE BSGOM PAR BYA'O, ,DE NAS MIG PHYE LA DBUGS PHYUNG STE, PHYI DANG NANG GI DNGOS PO MTHONG BA NA, AE MA'O RE MTSAR, AE MA'O RE MTSAR, NAM MKHA' LTA BU'I SKYE BA MED PA LAS RTEN CING 'BREL PAR 'BYUNG BA'I STOBS KYIS SNA TSOGS SU SNANG ZHING GNAS PA 'DI, AE MA'O NGO MTSAR RO SNYAM DU SGYU MA'I DPE BRGYAD KYI TSUL DU SHES PAR BYA'O, ,DE NAS SNYING RJE CHEN PO'I YID KYIS MI SNANG BA'I SEMS CAN THAMS CAD LA CHOS BSHAD PA'I PHYIR RTOG PA CI YOD PAS THEG PA CHEN PO'I MDO SDE KHA TON DU GDON PAR BYA'O, ,DE NAS ZAS KYI BYA BA'I DUS SU MI GTZANG BA'I RDZAS SUM CU RTZA DRUG GIS GANG BA'I LUS SNYING PO MED PA MTHAR 'JIG PA 'DIS SANGS RGYAS KYI CHOS KYI SKU'I SNYING PO DE BTZAL BAR BYA'O ZHES BSAMS LA RGYAGS PA'I PHYIR MA YIN LA, RO LA CHAGS PAS KYANG MA YIN TE, GRU LTA BU'I BLOS BZA' BAR BYA'O, ,ZAS KYI TSOD RIG PAR YANG BYA STE, GSO BA RIG PA'I RGYUD YAN LAG BRGYAD PA LAS, LTO YI SUM CHA ZAS KYIS TE, ,CHA GNYIS PA NI SKOM GYIS SO, ,RLUNG LA SOGS PA'I GNAS SU NI, ,CHA GCIG STONG PAR GZHAG PAR BYA, ,ZHES BSHAD DO, ,ZAS DE LA CHA BZHIR BGO BAR BYA, CHA DANG PO DKON MCHOG GSUM DANG BLA MA LA DBUL BAR BYA'O, ,CHA GCIG RANG NYID LONGS SPYAD PAR BYA'O, ,CHA GCIG BYIS PA DANG MGON MED PA DAG LA SBYIN PAR BYA'O, ,CHA GCIG NI KHYI DANG BYA ROG LA SOGS PA'I BYOL SONG LA SBYIN PAR BYA'O, ,GANG DAG GIS SPYOD PA BSDUS PAR NI GZHAN DU YANG BRJOD @297B DO; ,TSUL GZHAN NI SPYOD PA BSDUS PA'I SGRON MA LAS BSHAD PA BZHIN NO, ,DE NAS SNGA DRO'I THUN LA YANG THO RANGS KYI THUN LA JI SKAD BRJOD PA LTAR THAMS CAD BYA'O, ,GUNG GI THUN DANG, DGONGS MO'I THUN DANG, SROD KYI THUN DANG, MTSAN MO'I GUNG GI THUN THAMS CAD DU JI LTAR BRJOD PA'I CHO GA THAMS CAD RDZOGS PAR BYA'O, ,DE LTAR RNAL 'BYOR PA DE LA NI GNYID LOG PA DANG NYAL BA'I DUS LA NGES PA MED DO ZHES BLA MA DAG GSUNG NGO, ,DE LTA BU'I RNAL 'BYOR PA TSOGS KYI LAM PA, THAR PA'I CHA DANG MTHUN PA'I DGE BA'I RTZA BA BSKYED 'DOD PA'I LAS DANG PO PA NYIN DANG MTSAN DU DON MED PAR MI GNAS PA DE LTA BU LA LTUNG BA'I NYES PA GA LA 'BYUNG, GAL TE BAG CHAGS NGAN PA'I STOBS KYIS LTUNG BA BYUNG BAR GYUR NA, 'DI LTAR MYUR DU GSO BAR BYED DE, DE YANG 'DI LTAR THUN DRUG PO DAG DUM BU BCO BRGYAD DU BGOS NAS SKAD CIG MA LNGA BCU RTZA BZHIR 'GYUR RO, ,BYANG CHUB SEMS DPA' YANG RAB 'BRING DGUR 'GYUR RO, ,BLA MA'I MAN NGAG GIS GSO BA'I THABS RNAMS SHES PAR BYA'O, ,DAM PA RNAMS KYIS BSHAD PA'I LAM BZANG PO, ,BYANG CHUB 'OD SOGS SLOB MAS BSKUL BYAS PA, ,THEG CHEN RIGS CAN RNAMS KYIS BGROD BYAS NAS, ,RKANG GNYIS DBANG PO'I GNAS SU 'GRO BAR SHOG ,RJE BTZUN BLA MA BYANG CHUB SEMS DPA' LA, ,DGE SLONG BYANG CHUB 'OD KYIS GSOL BA BTAB, ,DGE SLONG TSUL KHRIMS RGYAL BAS ZHUS NAS BSGYUR, ,THEG PA CHEN PO PA RNAMS SPYOD GYUR CIG ,BYANG CHUB SEMS DPA' LAS DANG PO PA'I LAM LA 'JUG PA BSTAN PA, SLOB DPON DPAL MAR ME MDZAD YE SHES KYIS MDZAD PA RDZOGS SO,, ,,PAndI TA DE NYID DANG, LO TZ'A BA TSUL KHRIMS RGYAL BAS BSGYUR,,#, ,RGYA GAR SKAD DU, SA RA nAm GATZTS'A MI DE SHA, BOD SKAD DU, SKYABS SU 'GRO BA BSTAN PA, DKON MCHOG GSUM LA PHYAG 'TSAL LO, ,NGAN SONG GSUM DANG 'GRO BA LNGA'I, ,SDUG BSNGAL MA LUS SEL MDZAD CING, ,MTHO RIS MYA NGAN 'DAS PA YI, ,BDE BA STZOL MDZAD DE LA 'DUD, ,'DIR SKYABS SU 'GRO BA BSHAD PAR BYA STE, SDOM LA, RTEN DANG @298A *, ,GNAS DANG BSAM PA DANG, ,DUS DANG RANG BZHIN TSAD DANG NI, ,TSUL DANG BSLAB PA NGES PA'I TSIG ,LAS DANG DPE DANG DBYE BA DANG, ,NYES DMIGS DGOS PA PHAN YON TE, ,RNAM PA BCO LNGA DAG TU BRJOD, ,DE LA RTEN GYI GANG ZAG NI GNYIS TE, THEG PA CHEN PO'I RIGS CAN DANG, THEG PA CHUNG NGU'I RIGS CAN NO, ,GNAS NI RNAM PA GNYIS TE, THEG PA CHE CHUNG GI BYE BRAG GIS SO, ,DE LA THEG PA CHEN PO'I GZHUNG GIS NI DKON MCHOG GSUM 'DI LTA BU YIN TE DE KHO NA NYID KYI DKON MCHOG GSUM DANG, MNGON PAR RTOGS PA'I DKON MCHOG GSUM DANG, MDUN DU BZHUGS PA'I DKON MCHOG GSUM MO, ,DE YANG 'DI LTAR SHES BYA PHYIN CI MA LOG PAR MKHYEN PA, RNAM PAR MI RTOG PA GNYIS SU MED PA'I YE SHES, CHOS KYI DBYINGS LA GNAS PA DANG, CHOS KYI DBYINGS RNAM PAR DAG PA SHES RAB KYI PHA ROL TU PHYIN PA DE NYID DANG, MNYAM PAR GZHAG PA'I DUS SU CHOS THAMS CAD NAM MKHA'I DKYIL LTA BUR SHES PA'I BYANG CHUB SEMS DPA' SA CHEN PO LA GNAS PA DANG, YANG 'DI LTAR GZUGS KYI SKU RNAM PA GNYIS DANG BDEN PA BZHI DANG, BYANG CHUB KYI PHYOGS KYI CHOS SUM CU RTZA BDUN DANG, SA DANG PHA ROL TU PHYIN PA LA SOGS PA'I CHOS RGYUD LA GNAS PA DANG, SBYOR BA'I LAM GYI BYANG CHUB SEMS DPA' DANG, YANG 'DI LTAR RI MOR BRIS PA DANG, 'BUR DU BTOD PA DANG, LUGS MA DANG, LDER SO LA SOGS PA DANG, GSUNG RAB YAN LAG DGU'I BDAG NYID PO TI DANG, GLEGS BAM LA SOGS PA DANG, TSOGS KYI LAM PA'I BYANG CHUB SEMS DPA'O, ,THEG PA CHUNG NGU'I GZHUNG NI, GANG ZHIG GSUM LA SKYABS 'GRO BA, ,SANGS RGYAS DGE 'DUN BYED PA'I CHOS, ,MI SLOB PA DANG GNYIS KA DANG, ,MYA NGAN 'DAS LA SKYABS SU 'GRO, ,ZHES BYA BA YIN NO, ,DE LA BSAM PA NI THEG PA CHEN PO PA'I NI SEMS CAN MA LUS PA'I DON DU SEMS PA'O, ,GCIG NI BDAG 'BA' ZHIG GI DON DU SEMS PA'O, ,DE LA DUS NI THEG PA CHEN PO PA'I NI BYANG CHUB KYI SNYING PO'I BAR DU'O, ,GCIG NI JI SRID @298B 'TSO'I BAR DU DAM 'CHA' BA'O, ,DE LA RANG BZHIN NI NGO TSA SHES PA DANG KHREL YOD PA DANG LDAN PA DANG, RNAM PAR RIG BYED MA YIN PA SKYES PA'O, ,DE LA TSAD NI KHAS BLANGS PA DANG, SKYABS BYED PA DANG, RNAM PAR RIG BYED SKYED PA'O, ,DE LA TSUL NI SKYABS SU 'GRO BA'I CHO GA YIN TE DE NI BLA MA LA ZHU BAR BYA'O, ,DE LA BSLAB PA NI THUN MONG DANG THUN MONG MA YIN PA STE, BLA MA'I ZHAL SNGA NAS SHES PAR 'GYUR RO, ,DE LA NGES PA'I TSIG NI 'BANGS YIN PA'AM, DE LAS GZHAN PA'I JO BO MI TSOL BAS SKYABS SU SONG BA'O, ,DE LA LAS NI BYANG CHUB KYI SEMS KYI LJON SHING SKYE BA'I RTZA BAR GYUR PA DANG, THAR PA'I GRONG KHYER CHEN PO'I SGOR 'JUG PA DANG, BSNYEN GNAS LA SOGS PA'I SDOM PA THAMS CAD KYI RTEN BYED PA'O, ,DE LA DPE NI RGYAL PO'AM BLON PO'I 'BANGS DAG DE'I BKA' LAS MI 'DA' ZHING CI NAS KYANG DE MGU BAR BYED PA BZHIN NO, , DE LA DBYE BA NI THUN MONG BA DANG, THUN MONG MA YIN PA'I BYE BRAG GO, ,DE LA NYES DMIGS NI GNYIS TE, SKYABS NYAMS PA'AM MI SHES PA'O, ,SPANGS PA'AM NYAMS PA NI 'DI SKAD DU, ZLA GRAGS KYI ZHAL SNGA NAS, RTEN GYI DAM PA BLANGS NAS NI, ,SLAR YANG DMAN LA BRTEN GYUR NA, ,NYAMS BCAS PHYOGS LA GNAS PAS NA, ,DE NI DAM PA'I BZHAD GAD 'GYUR, ,ZHES GSUNGS TE MTSON PA TZAM MO, ,DE LA DGOS PA NI BCOM LDAN 'DAS KYIS JI SKAD DU, 'JIGS PAS SKRAG PA'I MI RNAMS NI, ,PHAL CHER RI DANG NAGS TSAL DANG, ,KUN DGA' DANG NI MCHOD GNAS KYI, ,LJON SHING RNAMS LA SKYABS SU 'GRO, ,SKYABS DE GTZO BO MA YIN ZHING, ,SKYABS DE MCHOG GYUR MA YIN LA, ,SKYABS DE LA NI BRTEN NAS SU, ,SDUG BSNGAL KUN LAS MI GROL ZHING, ,GANG TSE GANG ZHIG SANGS RGYAS DANG, ,CHOS DANG DGE 'DUN SKYABS SONG NA, ,SDUG BSNGAL SDUG BSNGAL KUN 'BYUNG DANG, ,SDUG BSNGAL YANG DAG 'DAS PA DANG, ,'PHAGS LAM YAN LAG BRGYAD BDE BA, ,MYA NGAN 'DAS PAR 'GRO 'GYUR DANG, ,'PHAGS PA'I BDEN PA BZHI PO DAG ,SHES RAB KYIS NI LTA BYED PA, ,SKYABS DE GTZO @299A *, ,BO YIN PA STE, ,SKYABS DE MCHOG TU GYUR PA YIN, ,SKYABS DE LA NI BRTEN NAS KYANG, ,SDUG BSNGAL KUN LAS GROL BAR 'GYUR, ,ZHES GSUNGS SO, ,SKYABS SU 'GRO BA'I DGOS PA NI DE LTA BU'O, ,DE LA PHAN YON NI GSUM STE, RGYU'I DUS KYI PHAN YON DANG, LAM GYI DUS KYI PHAN YON DANG, 'BRAS BU'I DUS KYI PHAN YON NO, ,RGYU'I DUS KYI LA TSE 'DI'I DANG, TSE RABS GZHAN GYI'O, ,TSE 'DI'I PHAN YON NI 'JIGS PA CHEN PO BRGYAD LAS THAR BAR BYED PA DANG, BAR CHAD MED PA DANG, BSTAN PA LA DGA' BA'I LHA DAG BSTANG GROGS BYED PA DANG; 'CHI BA'I DUS SU YID DGA' BA LA SOGS PA'O, ,TSE RABS GZHAN GYI NI 'KHOR BA'I SDUG BSNGAL DANG, NGAN SONG GI SDUG BSNGAL LAS 'DREN PAR MDZAD PA DANG, MYA NGAN LAS 'DAS PA DANG, MTHO RIS KYI BDE BA STZOL BA'O, ,LAM GYI PHAN YON BDEN PA BZHI DANG, 'PHAGS PA'I LAM YAN LAG BRGYAD PA DANG, BYANG CHUB KYI YAN LAG BDUN LA SOGS PA LA SBYOR BAR MDZAD PA'O, ,'BRAS BU'I PHAN YON MYA NGAN LAS 'DAS PA GNYIS DANG, SKU GSUM THOB PAR BYED PA'O, ,'DI DAG NI MDOR BSDUS PA YIN LA RGYAS PAR GZHUNG DANG BLA MA LAS SHES PAR BYA'O, ,SKYABS SU 'GRO BA BSTAN PA ZHES BYA BA, BLA MA BYANG CHUB SEMS DPA' D'I PAm KA RA SHR'I DZNY'A NAS MDZAD PA RDZOGS SO,,#, ,RGYA GAR SKAD DU, MA H'A Y'A NA PA TH'A S'A DHA NA WA RnnA SAm GRA HA, BOD SKAD DU, THEG PA CHEN PO'I LAM GYI SGRUB THABS YI GER BSDUS PA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,BSAM GYIS MI KHYAB CHE BA MNGA', ,BLA MED BYANG CHUB THOB 'DOD NA, ,BYANG CHUB BSGRUB LA RAG LAS PAS, ,SGRUB PA LHUR BLANG SNYING POR BYA, ,DAL 'BYOR PHUN SUM TSOGS PA'I LUS, ,SHIN TU RNYED DKA' RNYED GYUR CING, ,PHYIS KYANG SHIN TU RNYED DKA' BAS, ,SGRUB LA 'BAD PAS DON YOD BYA, ,SANGS RGYAS 'BYUNG DANG DGE SLONG DANG, ,MI LUS RNYED DKA' RNYED GYUR CING, ,DGE BSHES PHRAD DKA' PHRAD GYUR NAS, ,DON MED PAR @299B NI MA BYED GSUNGS, ,RLUNG GI NANG GI MAR ME BZHIN, ,TSE 'DI GNAS PA'I GDENG MED PHYIR, ,MGO'AM LUS LA ME 'BAR BZHIN, ,SGRUB LA MYUR DU BRTZON 'GRUS BRTZAM, ,'JIG RTEN 'DAS DANG 'JIG RTEN GYI, ,PHUN SUM TSOGS PA THAMS CAD KYANG, ,SGRUB PA'I MTHU LAS BYUNG RIG MDZAD; ,SGRUB PA GTZOR MDZAD BLO LDAN RNAMS, ,'DI DANG GZHAN DU BDE BA LA, ,MKHAS PA SU ZHIG THE TSOM ZA, ,DE NYID PHYIR NA BLO LDAN RNAMS, ,SGRUB PA SNYING POR BYA BAR RIG ,'DOD PA'I GZHI LA CHAGS PA'I RGYUS, ,SGRUB PA'I SPYOD LAM NYAMS PA'I MI, ,'JIG RTEN 'DAS DANG 'JIG RTEN GYI, ,PHUN SUM TSOGS PA THAMS CAD LAS, ,SHIN TU RING BA KHO NAR 'GYUR, ,'KHOR BA'I BTZON RA NYAM NGA RU, ,NYON MONGS 'CHING BA SNA TSOGS KYIS, ,RAB TU BSDAMS PAS NYAM THAG CING, ,'KHOR BA'I SDUG BSNGAL DPAG MED KYIS, ,DE NYID RGYUD GDUNG MI BDER 'GYUR, ,DE NYID PHYIR YANG BLO LDAN DANG, ,'DOD PA'I GZHI LA CHAGS SPANGS TE, ,CHOS SGRUB GTZO BOR BYA BA'I RIGS, ,'DOD LA CHAGS BRAL BYA BA'I PHYIR, ,'DOD PA'I NYES PA DPAG MED PA, ,GZHUNG LAS 'BYUNG BA RTOGS BYAS LA, ,RTAG TU TSUL BZHIN YID LA BYA, , MNOG CHUNG NYES PA CHE BA NI, ,BTUNG BA DUG CAN LTA BUR BLTA, ,CHOS MIN SDUG BSNGAL RGYUR GYUR PAS, ,RTZA BA'I ME BZHIN SHES PAR BYA, ,'DOD PA NGOMS PAR MI BYED CING, ,SKOM PA'I SRED PA 'PHEL BYED PA, ,LAN TSVA'I CHU 'THUNGS LTA BU ZHES, ,THUB PA'I DBANG PO'I LUNG LAS 'BYUNG,, 'DOD PA GNOD PA MANG BA NI, ,SHING GI RTZE MO'I SHING TOG DANG, ,LAM KA'I SHING GI SHING TOG 'DRA, ,BYIS PA RNAMS NI LAN MANG DU, ,'DOD PA'I GZHI LA CHAGS PAS PHUNG, ,'DOD PA'I SKYON DU MA GYUR PA, ,DE NI 'GA' YANG MED RIG BYA, ,DE YI LAS NI SDUG BSNGAL BSKYED, , THOG MA MED PA'I DUS NAS KYANG, ,'DOD LA CHAGS PAS RTAG TU 'KHOR, ,'DOD PA'I CHU BO'I SHUGS KYIS NI, ,'KHOR BA'I 'KHOR LOR 'KHOR BYED CING, ,DE YIS NYES PA GRANGS MED SKYED, ,'KHOR BA'I SKYON NI MTHA' YAS KYIS, ,SNGON MTHA' DA LTAR PHYI MTHA' RU, ,GDUNG @300A *, ,BYAS GDUNG BYED GDUNG BYED 'GYUR, ,DE DON RTAG TU BSGOM BYA ZHING, ,BTZON RA LTA BU'I 'KHOR BA LA, ,BTZON LTAR SKYO BA GOMS PAR BYA, ,JI LTAR BTZON NI BTZON RA YI, ,SDUG BSNGAL MANG MYONG DE DRAN PAS, ,SKYO SEMS RTAG TU NGANG GIS 'BYUNG, ,JI LTAR BTZON NI BTZON RA LAS, ,'BROS PA'I GLAGS NI BYUNG BA'I TSE, ,CHED KA GZHAN DANG MI SNYOMS PAR, ,DE YI GNAS NAS 'BROS PA LTAR, ,'KHOR BA'I RGYA MTSO CHE 'DI LAS, ,RGAL BA'I GLAGS DAG BYUNG GYUR NA, ,CHED DKA' GZHAN DANG MI SNYOMS PAR, ,SRID PA'I KHYIM NAS 'BYUNG BAR BYA,, BDAG GZHAN 'KHOR BA'I SDUG BSNGAL DAG ,MTHAR DBYUNG PHYIR YANG BLO LDAN DAG ,'DOD PA ME BZHIN MYUR SPANGS TE, ,CHOS SGRUB GTZOR BYA MI RIGS SAM, ,SGRUB PAR 'DOD PA'I GANG ZAG GIS, ,SA LTAR CHOS NYID GZHIR GYUR PAS, ,DANG PO SKYABS SU LEGS 'GRO ZHING, ,DE YI BSLAB PA'I CHOS LA BSLAB, ,RJES SU DRAN DRUG RTAG TU BSGOM, ,SANGS RGYAS YON TAN MTHA' YAS PA, ,SGRUB PA POS NI DRAN BYAS LA, ,DE LA DAD PA BRTAN PAR BYA, ,CHOS KUN RTZA BA DAD PA YIN, ,RTZVA RTZE'I ZIL THIGS LTA BUR NI, ,RING DU MI GNAS TSE 'DI'I PHYIR, ,MKHAS PAS SDIG PA YONG MI SPYOD, ,DE 'BRAS NGAN 'GRO'I SDUG BSNGAL 'BYUNG, ,DGE BCU TSUL KHRIMS DAG BYA ZHING, ,SO SOR THAR PA'I SDOM DAG KYANG, ,CI NUS RIM GYIS DAG PAR BSRUNG, ,DE NI 'PHAGS NOR KUN GYI RGYU, ,MANG THOS NOR YIN DE LDAN BYA, ,TSUL KHRIMS NOR NYAMS GYUR PA BZHIN, , MANG THOS NOR LAS NYAMS PA'I MI, ,PHYI PHYIR 'GYOD PAR GDON MI ZA, ,RANG LA NGA RGYAL GZHOM PA DANG, ,CHOS SMRA BA LA'ANG GUS PAR BYA, ,THEG CHEN CHOS SGOR 'JUG 'DOD PAS, ,MUN SEL GDUNG BA ZHI BYED PA, ,NYI ZLA LTA BU'I BYANG CHUB SEMS, ,BSKAL PAR 'BAD PAS SKYE YANG RUNG, ,DANG POR DE BSKYED RAB SBYANGS PAS, ,RI RAB LTA BUR BRTAN PAR BYA, ,DE BSKYED SBYONG BAR 'DOD PA YIS, ,BYAMS SOGS TSANGS PA'I GNAS BZHI PO, ,'BAD PAS RING DU BSGOM BYAS PAS, ,CHAGS DANG PHRAG DOG SPANG BYA ZHING, ,YANG DAG CHO GA BYAS PAS SKYE, ,BAG @300B YOD CHOS LAS NYAMS PA'I MI, ,CHOS KUN LAS NI NYAMS PAR 'GYUR, ,CHOS DE RNAL 'BYOR NYID DU BYA, ,BU GCIG PHA MA BU BSRUNG DANG, ,ZHAR BA MIG GCIG MIG BSRUNG DANG, ,LAM ZHUGS RNAMS KYI DED DPON DANG, ,SMAN SHING CHEN PO'I 'BRAS BU LTAR, ,BAG YOD CHOS KYIS SEMS DE BSRUNG, ,SEMS DE BYANG CHUB RTZA BAR GSUNGS, ,BYANG CHUB SEMS DPA'I SPYOD PA YI, ,DKYIL 'KHOR DAG NI THAMS CAD KYANG, ,BYANG CHUB SEMS KYI MTHU LAS BYUNG, ,SEMS MCHOG DE DANG MI LDAN PAS, ,SBYIN LAS SHES RAB BAR DAG GI ,SPYOD PA DRUG LA SLOB BYED KYANG,, RTEN DANG BRAL BA NYID KYI PHYIR, ,PHA ROL PHYIN PA'I MING YANG MED, ,NYAN THOS BSE RU DRUG PO BZHIN, ,BSOD NAMS THAMS CAD SDUD PA YI, ,TING 'DZIN SEMS DE MA BSKYED NA, ,BSAM GTAN BZHI DANG GZUGS MED BZHI, ,TING 'DZIN LAN MANG THOB 'GYUR KYANG, ,SRID PA'I MTSO LAS RGAL MI NUS, ,BYANG CHUB SEMS KYI BZHON PA LA, ,BRTEN NAS 'CHI BA RJES DRAN GYI, ,LCAG NI YANG DANG YANG BRDAB CING, ,SRID LAM 'JIGS PA CHE BA YI, ,LAM 'DI MYUR DU 'DA' BYAS LA, ,'JIGS MED SANGS RGYAS SAR PHYIN BYA, ,SKYABS 'GRO LHAG PA'I TSUL KHRIMS DANG; ,SMON PA'I GZHI LA GNAS PA YIS, ,SEMS PA'I SDOM PA RAB BZUNG ZHING, ,PHA ROL PHYIN DRUG LA SOGS PA, ,SEMS DPA'I SPYOD PA THAMS CAD LA, ,CI NUS RIM GYIS TSUL BZHIN SPYAD, ,'JUG PA'I SPYOD PA GTZOR STON PA'I, ,MDO SDE BLTA ZHING BSTAN BCOS MNYAN,, CHOS KYIS MI NGOMS MTSO 'DRA'I MIS, ,RIN CHEN NOR BU'I RGYA MTSO BZHIN, ,YON TAN KUN 'BYUNG 'BYUNG GNAS GANG, ,THEG CHEN GZHUNG LAS BSNGAGS PA YI, ,BSHES GNYEN RING DU TSUL BZHIN BSTEN, ,RGYA MTSO CHEN POR CHU BO BZHIN, ,DE YI RTEN LA YON TAN 'DU, ,SEMS DPA'I SPYOD LA DE MKHAS 'GYUR, ,SEMS DPA' SPYOD PA CHE BA LA, ,DAD PA SHIN TU BRTEN PAR BYA, ,BAG YOD DRAN DANG SHES BZHIN DANG, ,TSUL BZHIN YID LA BYED PA YIS, ,KUN NAS NYON MONGS DMIGS PA LA, ,RANG SEMS YAN PA PHYIR BZLOG STE, ,SANGS RGYAS CHOS KYI DMIGS PA LA,, @301A *, ,RTAG TU GZHAG PA NYID DU BYA, ,DE LTAR SLOB PA'I RGYAL SRAS GANG, ,DE YI SPYOD LAS NYAMS MI 'GYUR, ,DGE BA'I BSHES KYI GDAMS PA BZHIN, ,RTZOM PA DAG NI THAMS CAD KUN, ,THEG CHEN GZHUNG DANG BSTUN DE TZAM, ,GROS KYI PHUGS NI CHOS LA GTAD, ,CHOS DANG 'GAL NA GANG YANG SPANG, ,CHOS DANG MTHUN PA'I SPYOD PA SPYAD, ,BLO LDAN GANG ZHIG RTZOM PA KUN, ,CHOS GTZOR BYED PA DPAL LDAN PO, ,DE LA 'DI DANG GZHAN DU YANG, ,BDE BAR 'GYUR BAR THE TSOM MED, ,THOS PA NYUNG DANG 'KHOR SPANGS SHING, ,BAS MTHA' DGON PAR GNAS PAR BYA, ,ZHI BA DANG NI DUL BA YI, ,SBYOR BA DE LA BRTZON 'GRUS BRTZAM, ,KHYIM NI GANG LA'ANG MI BLTA ZHING, ,GZHAN SKYON MI BRTAG RANG SKYON BLTA, ,GZHAN GYI SNYING LA MI 'BAB PA'I, ,TSIG KYANG MKHAS PAS RING DU SPANG, ,'DI DAG DANG LDAN RGYAL SRAS GANG, ,PHYI MTHA' DUS SU MI NYAMS PAR, ,BDE BAR THAR ZHES THUB PAS GSUNGS, ,GZHAN BRNYAS KHYAD DU GSOD CING SMOD, ,DE YIS BDAG NYID NYAMS PAR 'GYUR, ,KUN LA STON PA'I 'DU SHES SBYANG, ,CHOS SGOR ZHUGS DANG RGYAL SRAS LA, ,KHYAD PAR DU YANG BLO DE SBYANG, ,RANG BYUNG 'CHING BA DAM PO GANG, ,RNYED PA DANG NI BKUR STI STE, ,DE YIS GZHI LA CHAGS PA SPANG, ,'CHING BA DE LAS GROL BA GANG, ,ME YI NANG GI PADMA BZHIN, ,MKHAS PA'I NGO MTSAR GNAS SU 'GYUR, ,RAB TU BYUNG BA'I SGRUB PA POS, ,SANGS RGYAS CHOS KUN 'BYUNG BA'I RGYU, ,'PHAGS PA'I RIGS BZHI LA GNAS PAS, ,'DOD PA CHUNG ZHING CHOG SHES BYA, ,SBYANGS PA'I YON TAN BCU GNYIS LA, ,DE YIS BSLAB PAR THUB PAS GSUNGS, ,YO BYAD BSNYUNGS PA LA GNAS SHING, ,YONGS SU 'DZIN PA THAMS CAD LA, ,RGYAB KYIS PHYOGS TE GNAS PAR BYA, ,RGYUS MED YUL DU GRONG RGYU ZHING, ,BYA BZHIN 'TSO BA 'PHRAL BTZAL BYA, ,RANG SEMS SBYONG BA LHUR LEN PA, ,NGO MTSAR THUB PA'I MDO LAS GSUNGS, ,GDUL DKA' SEMS RGYUD YIN BTANG NAS, ,GRAGS SOGS 'JIG RTEN CHOS KYI PHYIR, ,NYIN MTSAN GYI NI DUS KUN DU, ,RTZOD PA SLOB @301B PHYIR RTZOD PA SBYONG, ,NYAN BSHAD LA SOGS CHOS LA 'JUG ,TSE NI DON MED MYUR DU 'DA', ,MCHOG GI LAM LAS DE NYAMS 'GYUR, ,'CHI BDAG NYE BAR GYUR PA'I TSE, ,'GYOD PAS DE RGYUD GDUNG BAR 'GYUR, ,'JIG RTEN CHOS LA MNYAM SEMS BSLAB, ,DE YIS BYIS PA SLU BAR BYED; ,'JIG RTEN GANG GI BLO LA YANG, ,BDAG GI MING YANG MI GNAS SHING, ,BDAG GI LUS KYI RUS PA'I RDUL, ,SHIN TU PHRA BA'ANG 'JIG RTEN NA, ,GNAS PAR MI 'GYUR DE DUS 'BYUNG, ,DE TSE RNYED DANG BKUR STI DANG, ,GRAGS SOGS MED 'JIGS SMOS CI DGOS, ,DE TSE BDAG LA GANG DBEN PA, ,BLO DANG LDAN PAS DPYAD PA THOB, ,LAS DANG PO YI GANG ZAG GIS, ,LUS DBEN PA LA MA BRTEN PAR, ,SEMS DBEN RNYED PAR DKA' BA'I PHYIR, ,'DRE SPANGS NANG DU GNAS PAR BYA, ,'DRES PAS 'DRIS SHING CHAGS PAR BYED, ,DE YIS 'KHOR BA'I 'KHOR LO BSKOR, , DE LTAR 'DRE BA SPANGS PA LA, ,RTAG TU BAG DANG LDAN PAR BYA, ,GNYID LA DGA' SPANGS CHOS KUN PHYIR, ,DER GNAS DE YIS BRTZON 'GRUS BRTZAM, ,DE YIS CHOS KUN RDZOGS PAR BYED, ,DRAN PA NYER GZHAG BZHI BSGOM ZHING, ,PHYIN CI LOG BZHI RAB TU SPANG, ,SMRA LA DGA' YANG DON BSAM BYA, ,BUR MA SHING SHUN SNYING PO CI YANG MED, ,DGA' BAR BYA BA'I RO NI NANG NA 'DUG ,SHUN PA ZOS PAS MIS NI BU RAM RO, ,ZHIM PO RNYED PAR NUS PA MA YIN NO, ,SHUN PA DE BZHIN 'DI LA SMRA BA STE, ,RO LTA BU NI 'DI LA DON SEMS YIN, ,DE LTA BAS NA MI RIGS SMRA SPANGS TE, , RTAG TU BAG YOD KYIS LA DON SOMS SHIG ,NAM MKHA'I MTHA' KLAS SEMS CAN GYI, ,CHED DU GO BGOS RIG MDZOD LA, ,'GA' YI CHED DU SGRUB PA YI, ,SPYOD PA DAG LA NYAMS MI BYA, ,'KHOR DANG RNYED PA BKUR STI DANG, ,GROGS 'DOD PA YI BLOS BSKYED NAS, ,SMA LA DGA' BA'I SEMS BYUNG NA, ,SGRUB PA'I BAR CHAD BYED PA'I GDON, ,RANG GI SEMS DE YIN RIG MDZOD, ,MDZA' BSHES LA SOGS GANG LA YANG, ,GCES DGOS MKHO BA CHUD BAR BYA, ,MKHO BA'I SGO NAS NYAMS 'GYUR ZHING, ,CHOS LA'ANG BAR CHAD MANG DU 'BYUNG, ,LAS LA DGA' BA RAB SPANGS TE, , @302A *, ,GDUL DKA'I SEMS GDUL DGE BA SPYAD, ,SPROS LA DGA' BA RAB SPANGS TE, ,BZOD LA DES PAS BDAG NYID BRGYAN, ,BZOD PA'I CHE BA DPAG TU MED, ,RNYED DANG BKUR STI LA SOGS PA'I, ,CHOS DRUG NYES PA MTHONG BAR BYA, ,SEMS DPA'I SPYOD PA GRANGS MED KYANG; ,BSDU NA THABS DANG SHES RAB GNYIS, ,THABS DANG SHES RAB PHA MA YIS, ,SANGS RGYAS SRAS NI SKYED PAR BYED, ,BDER GSHEGS SRAS NI DON GNYER BAS, ,THABS DANG SHES RAB PHA MA YIN, ,SGRUB PA 'DI GNYIS 'BREL PAR BYA, ,SGRUB PA 'DI GNYIS BRAL GYUR NA, ,SANGS RGYAS SRAS SKYED MI NUS TE, ,SKYES PA DANG NI BUD MED DAG ,GCIG LA GCIG NI ZLA MED BZHIN, ,GANG PHYIR YA BRAL 'CHING BA GSUNGS, ,CHOS KUN RTZA BAR RAB BSTAN PA'I, ,'DUN PA RTAG TU BSGOM BYA ZHING, ,ZLA BA YAR GYI NGO BZHIN DU, ,SGRUB BLO RTAG TU 'PHEL BAR BYA, ,STOBS DANG LDAN PA NYID DU BYA, ,SGRUB PA'I BLO NI 'PHEL 'GYUR NA, ,RLAN LDAN RI RTZE'I RTZA SHING BZHIN, ,SGRUB PA 'PHEL BAR GDON MI ZA, ,SGRUB BLO STOBS DANG LDAN GYUR NA, ,SPYOD PA'I KHUR LCI YUN RING DU, ,KHUR YANG SKYO ZHING NGAL MI 'GYUR, ,CHOS SPYOD RNAM BCU LA SOGS PA'I, ,TSOGS BSAG SGO NI THAMS CAD NAS, ,TSOGS GNYIS BSAG PA LHUR BLANG BYA, ,SLOB PA'I DUS NA CHE BA GANG, ,DE YI RTEN LA CHOS KUN SKYE, ,SEMS CAN DON LA MTHU LDAN 'GYUR, ,SKU DANG YE SHES 'BRAS BU 'BYUNG, ,THABS DANG SHES RAB SNYING PO GANG, ,ZHI GNAS LHAG MTHONG RNAL 'BYOR BSGOM, ,'JIG RTEN 'DAS DANG 'JIG RTEN GYI, ,CHOS KUN DE GNYIS 'BRAS BUR GSUNGS, ,MNGON SHES MTHU DANG LDAN BYA DANG, ,ZAG MED LAM NI BSKYED PA'I PHYIR, ,DANG PO ZHI GNAS BSKYED PAR BYA, ,ZHI GNAS TSOGS NI NYAMS PA YIS, ,RING DU 'BAD KYANG 'GRUB MI 'GYUR, ,TING 'DZIN TSOGS LA LEGS PAR BSLAB, ,TING 'DZIN GNOD PA KUN SPANGS TE, ,MTHUN PA'I DMIGS PA GANG YIN PA, ,SPONG BA'I 'DU BYED BRGYAD LDAN PAR, ,DE DON GNYER BAS GTZUB SHING LTAR, ,CHAGS PA'I RLAN DANG BRAL BA YIS, ,RTAG TU RGYUN DANG LDAN PAR BSGOM, ,NYON MONGS G-YUL LAS RGYAL @302B BYA'I PHYIR, ,ZHI GNAS LA BRTEN LHAG MTHONG BSGOM, ,LHAG MTHONG GRUB PAR GYUR PA YIS, ,MNYAM GZHAG LANGS PA'I DUS DAG TU, ,SGYU MA'I DPE BRGYAD LTA BUR NI, ,CHOS KUN LTA BA GOMS BYAS PAS, ,RJES KYIS RTOGS PA SBYANG BA DANG, ,THABS LA SLOB PA GTZO BOR BYA, , MNYAM PAR GZHAG PA'I DUS DAG TU, ,ZHI GNAS LHAG MTHONG CHA MNYAM ZHING, ,DE RGYUN RTAG TU GOMS PAR BYA, ,DE LTAR TSUL BZHIN BSLABS PA'I MTHUS, ,DROD SOGS NGES 'BYED BZHI THOB NAS, ,SA BCU'I YE SHES RIM GYIS SKYED, ,DE YIS MYUR DU DE 'TSANG RGYA, ,NOR BU BZHIN DU GZHAN GYI DON, ,LHUN GYIS GRUB PAR DE BYED 'GYUR, ,SHIN TU BSDUS NA GO MI 'GYUR, ,SHIN TU SPROS NA GZHUNG MNGAS 'GYUR, ,BLO DANG LDAN PAS LEGS DPYAD NA, ,GO BA'I TSAD DU BDAG GIS GDAMS, ,BDAG GI BLA MA YON TAN MANG MNGA' RGYA MTSO CHE DANG MTSUNGS, ,'JIG RTEN CHOS LA MI GZIGS NYID GZHAN DON PHYIR SGRUB PA SNYING POR 'DZIN, ,'JIG RTEN MA RIG GIS LONG SHES RAB MIG 'BYED MTHU MNGA' DU MA YIS, ,GDAMS PA'I DON DANG GTZUG LAG BSTAN BCOS LAS BSHAD BSLAB DGOS ZHES, ,GZHAN LA PHAN PA 'BYUNG SRID BSAM PAS YI GER GNAS PAR BYAS, ,DAD DANG SHES RAB NOR LDAN SGRUB PA SNYING POR BYED 'DOD GANG, ,THEG PA LAM GYI SGRUB THABS YANG DAG YI GER BSDUS 'DI LA, ,GAL TE MOS PA YOD SRID 'DI BZHIN BYAS TE RANG GZHAN DON DU 'GYUR, ,THEG PA CHEN PO'I LAM GYI SGRUB THABS YI GER BSDUS PA; SLOB DPON CHEN PO DPAL MAR ME MDZAD YE SHES KYI ZHAL SNGA NAS MDZAD PA RDZOGS SO,, ,,RGYA GAR GYI MKHAN PO DE NYID DANG, LO TZ'A BA DGE SLONG DGE BA'I BLO GROS KYIS BSGYUR CING ZHUS TE GTAN LA PHAB PA,,#, ,RGYA GAR SKAD DU, MA H'A Y'A NA PA TH'A S'A DHA NA SAm GRA HA, BOD SKAD DU, THEG PA CHEN PO LAM GYI SGRUB THABS SHIN TU BSDUS PA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,'DAS DANG DA LTAR BDE GSHEGS KUN, ,SKYED PA'I YAB DANG YUM GYUR PA, ,SGRUB PA'I CHOS LA RAB GUS SHING, ,NGAG @303A *, ,YID DANG BAS PHYAG 'TSAL LO, ,BSAM GYIS MI KHYAB CHE BA MNGA', ,BLA MA BYANG CHUB THOB 'DOD NA, ,BYANG CHUB BSGRUB LA RAG LAS PAS, ,SGRUB PA LHUR BLANG SNYING POR BYA, ,DE YIS GSUM LA SKYABS 'GRO ZHING, ,MI DGE KUN LAS LDOG PA YIS, ,LHAG PA'I TSUL KHRIMS DAG PAR BSRUNG, ,BYANG CHUB SEMS KYI BZHON PA LA, ,BRTEN NAS 'CHI BA RJES DRAN GYI, ,LCAG NI YANG DANG YANG BRDAB CING, ,SRID LAM 'JIGS PA CHE SA YI, ,LAM 'DI MYUR DU 'DAS BYAS LA, ,'JIGS MED SANGS RGYAS SAR PHYIN BYA, ,SMON PA'I GZHI LA GNAS PA YIS; ,SEMS DPA'I SDOM PA RAB BZUNG ZHING, ,PHA ROL PHYIN DRUG LA SOGS PA, ,SEMS DPA'I SPYOD PA TSUL BZHIN SPYAD, ,DE BSDUS THABS DANG SHES RAB LA, ,MI GNAS MYA NGAN 'DAS PHYIR BSLAB, ,DE YI SNYING PO RNAM PA GNYIS, ,ME DON GNYER BAS GTZUB SHING LTAR, , CHAGS PA'I LDAN DANG BRAL BA YIS, ,RTAG TU RGYUN LDAN GUS PAR BSGOM, ,DE YIS MYUR DU DE 'TSANG RGYA, ,NOR BU BZHIN DU GZHAN GYI DON, ,LHUN GYIS GRUB PAR DE BYED 'GYUR, ,THEG CHEN SGRUB THABS BSDUS 'DI LA, ,SKAL LDAN RNAMS KYIS LEGS PAR BSLAB, ,SNYING LA BDUD RTZI'I THIGS PA CHAGS, ,BLO MA SBYANGS PAS BLOS REG DKA', ,'DI BSDUS DGE BAS 'GRO BA KUN, ,THEG CHEN SGRUB PA LHUR LEN SHOG ,BDAG KYANG SANGS RGYAS SA THOB NAS, ,'GRO BA'I 'DREN PA BYED PAR SHOG ,THEG PA CHEN PO LAM GYI SGRUB THABS SHIN TU BSDUS PA, SLOB DPON CHEN PO DPAL MAR ME MDZAD YE SHES KYIS MDZAD PA RDZOGS SO,, ,,RGYA GAR GYI MKHAN PO PAndI TA DE NYID DANG, LO TZ'A BA DGE SLONG DGE BA'I BLO GROS KYIS BSGYUR CING ZHUS TE GTAN LA PHAB PA,,*, ,(RANG GI BYA BA'I RIM PA BSKUL BA DANG BCAS PA YI GER BRIS PA BZHUGS), , #, ,RANG GI BYA BA'I RIM PA BSKUL BA DANG BCAS PA YI GER BRIS PA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,'KHOR BA THOG MA MED PA NAS, ,NYON MONGS BAG CHAGS TSAD MED PAS, ,YUL NGAN RKYEN DANG PHRAD PA LAS, ,NYON MONGS SDUG BSNGAL @303B SKYE BA'I TSE, ,RANG GI DRAN PA'I PHYIR DU 'DI, ,BYAS PAS DE TSE DRAN PAR SHOG ,NANG GI SEMS NI DUL GYUR NA, ,PHYI YI DGRA 'DIS GNOD MI NUS, ,RANG GI NANG SEMS G-YO BA NA, ,PHYI YI DGRA 'DIS RKYEN BYAS NAS, ,NANG GI DGRA 'DIS RANG RGYUD BSREG ,DES NA NANG GI DGRA 'DI GZHOM, ,DUG CAN SNOD KYIS ZAS BRLAG BZHIN, ,NANG GI DRI MAS DGE TSOGS BRLAG ,GNYEN PO CHU YIS KHRUS BYAS NAS, ,DAG PAS BDE BA CHEN PO 'THOB, ,GANG NA GNAS TSE GANG GI TSE, ,GANG GI DRI MA LDANG BA DANG, ,NANG GI DGRA 'DI 'BYUNG BA'I TSE, ,THABS NI SNA TSOGS GSUNGS PAS SPANG; ,DGRA GZHOM DRI MA BKRU BA'I PHYIR, ,DE TSE 'BAD PA CHEN PO BYA, ,GANG GIS RANG GI RGYUD 'DI LA, ,NANG DU BLTAS TE RANG SEMS BRTAG ,DE TSE YUL LA SHES PA SKYE, ,SHES PA SKYE BA'I YUL RNAMS GSUM, ,NYON MONGS BAR MA DGE BA SKYE, ,RGYU RKYEN YUL GYI BYE BRAG GIS; ,NYON MONGS SKYE BA DAG LA GSUM, ,CHEN PO 'BRING DANG CHUNG NGU'O, ,GNYEN PO'I RIM PA'ANG DE BZHIN TE, ,CHEN PO SKYE BA'I YUL DE LA, ,BRTEN TE TSOGS CHEN 'BAD PAS SKYE, ,'BRING GI YUL LA 'BRING YIN TE, ,CHUNG NGU LA NI CHUNG NGU'O, ,CHEN PO KUN LA SKYES NA MCHOG ,BAR MA LUNG MA BSTAN PA YANG, ,DRAN PAS ZIN PA'I SEMS DE YIS, ,KUN SLONG RJES KYIS DGE BAR BSGYUR, ,THABS SGO SNA TSOGS PA YIS SO, ,DGE BA CHE 'BRING CHUNG DU DAG ,NGANG GIS SKYES PA'I YUL DE LA, ,SBYOR BA DNGOS DANG RJES DAG LAS, ,KHYAD 'PHAGS BSOD NAMS KUN BSNGO BYA, ,SHES NA GANG LA'ANG TSOGS 'PHEL 'GYUR, ,THOG MED DUS NAS JI SRID DU, ,BDAG NI DUG GSUM ZHEN PAS 'KHOR, ,JI SRID SKYE SHI KHA BRGYUD PAS, ,DE SRID LAS RNAMS CHUD RE ZOS, ,JI SRID DGE SEMS 'PHEL 'GYUR BA, ,DE SRID SANGS RGYAS MNGON SANGS RGYAS, ,BDAG NI GTI MUG MUN PAS BSGRIBS, ,MUN NAG GLOG 'GYU SNANG BA TZAM, ,CI ZHIG LTAR STES DRAN RNYED TSE, ,DE TSE 'BAD PAS BSGRUB PAR BYA, ,'CHI BAR NGES PA CHA YOD CING, ,GNAS PA'I DBANG STER MED MOD KYI, ,BDAG NI RE ZHIG MI 'CHI SNYAM, , @304A *, ,DRAN PA BTANG STE BYANG CHUB BSGRUB, ,GZHAN DAG LA YANG SGRUB PAR GYIS, ,DPER NA BYIS PA RIG MED PAS, ,ME DANG G-YANG SOGS 'JIGS PA MED, ,DE BZHIN 'GRO BA GTI MUG RNAMS, ,NGAN SONG DAG LA'ANG 'JIGS PA MED, ,DPER NA ZAS MCHOG RO DANG LDAN, , NAD PA DAG LA BYIN PA'I TSE, ,ZAS LA SMOD CING MI 'DOD BZHIN, ,THABS KYI BYE BRAG 'DI DAG KYANG, ,RMONGS PA NYON MONGS LDAN PA LA, ,BSTAN KYANG DE 'DRA NYID DU'O, ,DPER NA BZA' LA DGA' BA'I MI, ,ZOS BRLAG BSAGS PHAN CHA YOD KYANG, ,'DOD PAS MI TSUGS ZA BA BZHIN, , SNGA PHYI RGYU 'BRAS CHA YOD KYANG, ,NYON MONGS ZHEN PA STOBS CHA YOD, ,DGE MED SDIG PA SNA TSOGS SPYOD, ,DPER NA KHA BYA MKHAN DAG GIS, ,KHA LA BYA DGOS KUN BSGRUB ZER, ,GZHAN GYI DRAN PA BSKYED PA'I TSE, ,DE BZHIN DGE BA BYA DGOS ZER, ,KHA CIG KHA LA GLENG BYED CING, ,ZHE LA DON DU SGRUB MI BYED, ,KHA CIG 'BRAS BU DON CHEN PO, ,BTANG NAS BYA BA CHUNG NGU SGRUB, ,DE YANG BYIS PA'I SPYOD PA CAN, ,KHA CIG BSAM PA RLUNG BZHIN G-YO, ,RUNG DANG MI RUNG GNYIS KA BYED, ,KHA CIG KHA DOG DKAR PO BZHIN, ,RKYEN GANG LDAN PA DE LTAR 'GYUR, ,KHA CIG RANG NYID NGANG GIS DGE ;GROGS KYIS RBAD PAS NYON MONGS SKYED, ,KHA CIG RKYEN MED RGYU DANG LDAN, ,DAM PA'I GROGS KYIS ZIN PA NA, ,SDIG SPONG DGE BYED DE LA BSKUL, ,KHA CIG DGE LA BSKUL MI DGOS, ,RANG GI BYA BA'I RIM PA BSKUL BA DANG BCAS PA YI GER BRIS PA, SLOB DPON MKHAS PA CHEN PO DPAL MAR ME MDZAD YE SHES KYI ZHAL SNGA NAS MDZAD PA RDZOGS SO,, ,,RGYA GAR GYI MKHAN PO CHEN PO DE NYID DANG, ZHU CHEN GYI LO TZ'A BA DGE SLONG DGE BA'I BLO GROS KYIS BSGYUR CING ZHUS TE GTAN LA PHAB PA,,#, ,RGYA GAR SKAD DU, S'U TR'A RTHA SA MU TZTSA YO PA DE SHA, BOD SKAD DU, MDO'I SDE'I DON KUN LAS BTUS PA'I MAN NGAG ,DKON MCHOG GSUM LA PHYAG 'TSAL LO, ,RGYA MTSO NAM MKHA' LTAR ZAB RGYA CHE BA, ,MDO SDE'I SDE SNOD MA MO KUN BLTAS SHING, ,DPAL LDAN BLA MA'I ZHAL NAS BYUNG BA YI, ,RNYED PAR DKA' BA'I DON RNAMS BRI BAR @304B BYA; ;'DIR BYANG CHUB SEMS DPA' RNAMS KYI NOR LTA BU'I CHOS NI LNGA BCU STE, SROG LTA BU LA SOGS PA'O, ,DE RNAMS CUNG ZAD BSHAD PAR BYA STE, JI SKAD DU, SROG NI TSE YIN DROD DANG NI, ,RNAM SHES RTEN NYID YIN PA'O, ,ZHES SO, ,DE LTAR SEMS CAN RNAMS LA SROG GCES SHING SROG LA BRTEN PA DE BZHIN DU BYANG CHUB SEMS DPA' LA YANG SROG LTA BU'I BYANG CHUB KYI SEMS GCES SHING LA DE LA BRTEN PA'O, ,PHA MA LTA BU'I CHOS NI STONG PA NYID DANG, SNYING RJE YIN TE, DES MA BSKYED PA'I BYANG CHUB SEMS DPA' 'BYUNG BAR MI 'GYUR RO, ,BYAN MO LTA BU NI 'CHI BA DANG; BSLAB PA DANG, LAS KYIS BSAGS PA BGRANG BA RNAMS TE, NYIN MTSAN LAN GSUM DU 'GROGS DGOS PA'O, ,KHANG PA LTA BU NI DGE BA BCU PO YIN TE, 'DI NI KHANG PA NYID DE NGAN 'GRO DAG GI SGO GCOD PA'I PHYIR, NOR LTA BU NI 'PHAGS PA'I NOR BDUN DANG, 'DOD PA CHUNG BA DANG, CHOG SHES PA'O, ,GROGS PO LTA BU NI SBYOR BA KHAMS GSUM NA BYED KYANG BSAM PA MYA NGAN LAS 'DAS PA DANG, SBYIN PA RGYA CHEN PO GTONG YANG RNAM PAR SMIN PA LA RE BA MED PA DANG, CHOS THAMS CAD SKYE BA MED PAR SHES KYANG LAS KYI RNAM PAR SMIN PA MI 'DOR BA DANG, CHOS THAMS CAD BDAG MED PAR SHES KYANG SEMS CAN LA SNYING RJE BSKYED PA'O, ,RTZA BA LTA BU NI DAD PA DANG, THOS PA DANG, GTONG BA DANG, BZOD PA'O, ,ZHING LTA BU NI TSUL KHRIMS SO, ,NYE DU LTA BU NI PHA ROL TU PHYIN PA BCU'O, ,SLOB DPON LTA BU NI RJES SU DRAN PA DRUG GO, ,MKHAN PO LTA BU NI 'PHAGS PA 'OD SRUNGS KYIS ZHUS PA'I MDO'I BYANG CHUB KYI SEMS MI BRJED PAR 'GYUR BA'I CHOS BZHI'O, ,TSONG DPON LTA BU NI BSLAB PA KUN LAS BTUS KYI GNOD PA BCU BZHI'I GNYEN PO RNAMS SO, ,SRING MO LTA BU NI TSAD MED PA BZHI'O, ,BRAN LTA BU NI BSDU BA'I DNGOS PO BZHI'O, , 'BANGS LTA BU NI KHYI DANG BRAN DANG GDOL PA LTA BUR NGA RGYAL BCAG PA'O, ,MIG LTA BU NI BSAM PA DANG, LHAG PA'I BSAM PA RNAM PAR DAG PA'O, ,MA MA LTA BU NI DGE BA'I BSHES GNYEN YIN NO, ,RGYAL PO LTA BU NI DKON MCHOG GSUM YIN NO, ,CHU LUD LTA BU NI 'KHOR GSUM YONGS SU DAG @305A *, ,PA YIN NO, ,LAM MKHAN LTA BU NI DRAN PA DANG, SHES BZHIN DANG, TSUL BZHIN SEMS PA DANG, BAG YOD PA DANG, PHYIN CI LOG BZHI'I GNYEN PO BSTEN PA'O, ,PAGS PA LTA BU NI SEMS CAN MI GTONG ZHING RJES SU 'DZIN PA'O, ,RGYAN LTA BU NI DAD PA DANG, TSUL KHRIMS DANG, GTONG BA DANG, THAS PA DANG, SHES RAB PO, ,NAD DANG ZUG RNGU LTA BU NI PHYI NANG GI DNGOS PO LA ZHEN PA'I SEMS SO, ,SKYES BU MNAR SEMS CAN LTA BU NI KHYIM PA'I BYANG CHUB SEMS DPA' 'DI SNYAM DU BDAG NAM ZHIG NA TSANGS PAR SPYOD PAR 'GYUR ZHIG GU ZHES PA DANG, RAB TU BYUNG BA 'DI SNYAM DU NAM ZHIG NA BDAG GIS 'GRO BA RNAMS SDUG BSNGAL LAS THAR BAR NUS ZHES PA'O, ,LE LO CAN LTA BU NI KHYIM PAS ZHING LA SOGS PA MA SPANGS PA'O, ,RAB TU BYUNG BAS TSUL 'CHOS LA SOGS PA MA SPANGS PA'O, ,TSUL KHRIMS KYI PHUNG PO'I MDO LAS, DGE SLONG DAG RAB TU BYUNG BAS GLANG PO CHE 'THAB PA LA BLTAS NA YANG LOG PA'I 'TSO BA YIN NO ZHES GSUNGS SO, ,GSHIS BZANG PO LTA BU NI TSUL BZHIN SEMS PA DANG LDAN PA'O, ,DIG PA LTA BU NI GZHAN GYI NYES PA DANG 'KHRUL PA MI BRJOD PA DANG, RANG GI YON TAN MI BRJOD PA DANG, GZHAN LA MI SMOD PA'O, ,LONG BA LTA BU NI GZHAN GYI 'KHRUL PA LA MI BLTA BA'O, ,RKUN MA ZIN PA LTA BU NI DAG PA'I CHOS 'JIG PA NA DAM PA'I CHOS 'DZIN PA'O, ,BYIS PA LTA BU NI BKA' BLO BDE BA DANG, NGA LO YANG BA DANG, 'GROGS NA BDE BA DANG, MGU SLA BA DANG, GSO SLA BA DANG; DGANG SLA BA DANG, CHOS SHES PA'O, ,PHO NYA LTA BU NI BYANG CHUB SEMS DPA' DON MANG BA DANG, BYA BA MANG BA DANG SNYING LAS CHE BA'O, ,BLON PO LTA BU NI DAM BCA' BRTEN PA'O, ,MDZANGS PA LTA BU NI SEMS CAN DANG ZHE 'GRAS PA MED PA DANG BCOS SU BTUB PA'O, ,SLOB MA LTA BU NI NYIN LAN GSUM MTSAN LAN GSUM DU BLA MA LA BSNYEN BKUR BYA BA DANG, BSOD NAMS KYI TSOGS BSAG PA DANG, SDOM PA GSO BA'O, ,BSU SKYEL BA LTA BU NI SEMS CAN THAMS CAD SANGS RGYAS PAR BYAS NAS GDOD BDAG NYID 'TSANG RGYA BAR 'DOD PA'O, ,LONG KHRID LTA BU NI BDAG @305B SANGS RGYAS PAR BYAS NAS GDOD GZHAN GYI DON BYED PA'O, ,BSKAL PA DANG PO'I MI LTA BU NI SPYOD LAM DANG, TSUL KHRIMS DANG, 'TSO BA DANG, CHO GA DANG, LTA BA PHUN SUM TSOGS PA'O, ,SKYES BU 'DOD PA CAN LTA BU NI SPYOD LAM THAMS CAD GZHAN LA BSNGO BA STE, 'PHAGS PA DKON MCHOG SPRIN LAS 'BYUNG BA LTA BU'O, ,MUN PA LTA BU NI DBU MA CHEN PO'I DON LA RTAG TU GNAS PA'O, ,GSHED MA LTA BU NI LOG PAR LTA BA SKYES PA DE SPANG BAR BYA'O, ,CHOM RKUN LTA BU NI BAG MED PA DANG, MA GUS PA STE SPANG BAR BYA'O, ,DGRA LTA BU NI NGO TSA MED PA DANG BAG MED PA'O, ,GLEN PA LTA BU NI DRAN PA DANG SHES BZHIN MED PA'O, ,RA RO BA LTA BU NI NAG POR GYUR PA BZHI'O, ,BYOL SONG LTA BU NI BSLAB PA'I TSUL RNAMS MI SHES PA'O, ,SHAN PA LTA BU NI SNYING RJE DANG BRAL BA'I SPYOD LAM CAN NO, ,BYAS PA LA DRIN DU MI GZO BA LTA BU NI SO SOR THAR PA'I SDOM PA BZHAG PA'O, , DVA PHRUG LTA BU NI THABS MKHAS PA DANG BRAL BA'O, ,SMON PA LTA BU NI BYA BA DANG BYA BA MA YIN PA MI SHES PA'O, ,BDUD KYIS BRLAMS PA LTA BU NI BAR DU GCOD PA'I CHOS LNGA BCU RTZA LNGA DANG, SUM CU RTZA GNYIS MI SHES PA'O, ,LNGA BCU RTZA LNGA PO YANG GANG ZHE NA, 'PHAGS PA BYANG CHUB SEMS DPA'I SDE SNOD LAS BYUNG BA LTA BU STE 'DI LTAR BAR DU GCOD PA'I CHOS NI GCIG STE BAG MED PA'O, ,BAR DU GCOD PA'I CHOS NI GNYIS TE, NGO TSA MED PA DANG, KHREL MED PA'O, ,GSUM STE 'DOD CHAGS DANG, ZHE SDANG DANG, GTI MUG GO, ,BZHI STE, DAM PA MA YIN PA'I 'GRO BA BZHI'O, ,LNGA STE, SROG GCOD PA DANG, MA BYIN PAR LEN PA DANG, 'DOD PAS LOG PA G-YEM PA DANG, BRDZUN DU SMRA BA DANG, CHANG 'THUNG BA'O, ,DRUG STE, SANGS RGYAS DANG, CHOS DANG, DGE 'DUN DANG, TSUL KHRIMS DANG, SLOB DPON DANG, RGAN PA RNAMS LA MA GUS PA'O, ,BDUN TE, NGA RGYAL RNAM PA BDUN NO, ,BRGYAD DE LOG PA BRGYAD DO, ,DGU STE, KUN NAS MNAR SEMS KYI DNGOS PO RNAM PA DGU'O, ,BCU STE, MI DGE BA BCU'O ZHES 'BYUNG NGO, ,BAR DU GCOD PA'I CHOS SUM CU RTZA GNYIS KYANG, 'PHAGS PA THEG PA CHEN PO'I MAN NGAG GI MDO @306A *, ,LAS 'BYUNG BA LTA BU STE, JI SKAD DU, BU MO THEG PA CHEN PO'I BAR DU GCOD PA'I CHOS NI SUM CU RTZA GNYIS TE, BAR DU GCOD PA DE DAG GIS THAMS CAD MKHYEN PAR MYUR DU NGES PAR MI 'BYUNG NGO, ,SUM CU RTZA GNYIS GANG ZHE NA, 'DI LTA STE, NYAN THOS DANG RANG SANGS RGYAS KYI THEG PA 'DOD PA DANG, BRGYA BYIN DANG TSANGS PA 'DOD PA DANG, SKYE BA LA GNAS TE TSANGS PAR SPYOD PA DANG, DGE BA'I RTZA BA GCIG LA CHAGS PA DANG, LONGS SPYOD BDOG PA RNAMS LA SER SNA BYED PA DANG, SEMS CAN RNAMS LA MNYAM PAR MI SBYIN PA DANG, TSUL KHRIMS LA LHOD PA DANG, GZHAN GYI SEMS MI BSRUNG BA DANG, GNOD SEMS DANG, KHONG KHRO BA'I BAG LA NYAL BYED PA DANG, DES SEMS ZHUM PA DANG, BRJED NGAS PA DANG, THOS PA DON DU MI GNYER BA DANG, DPYOD PA MED PA DANG, 'PHAGS PA MA YIN PA'I SPYOD PA DANG; NGA RGYAL LAS KYANG NGA RGYAL 'PHEL BA DANG, LUS DANG NGAG DANG SEMS KYI LAS YONGS SU MA DAG PA DANG, DAM PA'I CHOS YONGS SU MI BSRUNG BA DANG, SLOB DPON CHOS 'CHAB PA DANG, BSDU BA'I DNGOS PO RNAMS 'DOR BA DANG, YANG DAG PAR DGA' BAR 'GYUR BA'I CHOS GTONG BA DANG, SDIG PA'I GROGS PO BSTEN PA DANG, BYANG CHUB TU YONGS SU MI BSNGO BA STE PHUNG PO GSUM DANG MI MTHUN PA DANG, DGE BA'I RTZA BA CHUNG DUS RLOM SEMS SU BYED PA DANG, THABS MED PAR LHUNG BA'I BLO DANG, PHYIR ZHING DKON MCHOG GI BSNGAGS PA MI SMRA BA DANG; BYANG CHUB SEMS DPA' LA GNOD PAR SEMS PA DANG, MA THOS PA'I CHOS SPONG BA DANG, BDUD KYI LAS KHONG DU MI CHUD PA DANG, 'JIG RTEN RGYANG PAN PA'I GSANG TSIG 'DZIN PA DANG, SEMS CAN YONGS SU SMIN PAR MI BYED PA DANG, 'KHOR BAS YONGS SU MI SKYO BA STE, BU MO SUM CU RTZA GNYIS PO 'DI DAG NI THEG PA CHEN PO'I BAR DU GCOD PA'I YANG DAG PA'I PHUL YIN TE, BAR DU GCOD PA DE DAG GIS THAMS CAD MKHYEN PAR NGES PAR MI 'BYUNG NGO, ,DE LTA MOD KYI 'ON KYANG BU MO THEG PA CHEN PO'I YON TAN JI TZAM PA DE TZAM DU BAR DU GCOD PA YANG DE @306B TZAM MO ZHES GSUNGS SO, ,GZHAN YANG BAR DU GCOD PA'I CHOS DPAG TU MED PA DAG MDO SDE DU MAR MTHONG MOD KYI, 'DIR GZHUNG MNGAS PAR 'GYUR BAS MA BKOD DE, LAM 'DI LA CHED CHER BYED PA'I BYANG CHUB SEMS DPA' LAS DANG PO PAS MDO DE DANG DER BLTA BAR BYA ZHING NYAMS SU BLANG PA LA BRTZON PAR BYA'O, ,GTAM DU BYA BA GZHAN YANG MANG DU YOD DE, RTZUB CING DRAG LA YUN RING SDUG BSNGAL BZOD DKA' BZOD PAR BYED PA NGO MTSAR CHE, ,CHU BO BZHIS G-YENGS YANG DANG YANG DU KENG RUS BZHON PA ZHON PA DE YANG NGO MTSAR CHE, ,CHUNG MA KHYIM SPANGS BRTUL ZHUGS BZANG BLANGS RTAG TU LUS NGAG YID G-YENGS 'DI YANG NGO MTSAR CHE, ,DGE BA'I RTZA BA CHUNG DU TZAM YANG MED PAR DE NYID DON GYI SANGS RGYAS YE SHES RTZAD GCOD TSOL BA 'DI YANG NGO MTSAR CHE, ,SO SOR THAR PA'I BSLAB PA MED PAR THEG CHEN BYANG CHUB MCHOG GNYIS RTZAD GCOD TSOL BA 'DI YANG NGO MTSAR CHE, ,DE LA SOGS PA NGO MTSAR CHE BA MANG DU YOD MOD KYI, ,'DZAM GLING SKYE BO'I RTOG DANG SPYOD PA SMRA BAR GA LA NUS, ,DE BAS THAR 'DOD MKHAS PA KHYED CAG SMYON PA DE DAG DANG, ,LHAN CIG 'DRE BAR MA BYED BAG YOD GNAS PAR GYIS, ,'DI LTAR DE DAG SNYING RJE'I YUL DU MA BYAS MA GTOGS PAR, ,LAM MCHOG BSHAD KYANG DE LA 'JUG PAR MI 'GYUR BDAG GIS JI LTAR BYA, ,JI SRID MNGON PAR SHES PA MA THOB BAR DU GZHAN DAG SMIN PAR MI NUS BSE RUNG GNAS PAR BYA, ,BLA MA BZANG PO BTZAL BYA RTAG TU MDO SDE DAG LA BLTA BAR BYA, ,MDO SDE'I DON KUN LAS BTUS PA'I MAN NGAG ,SLOB DPON MKHAS PA CHEN PO DPAL MAR ME MDZAD YE SHES KYIS MDZAD PA RDZOGS SO,, ,,RGYA GAR GYI MKHAN PO CHEN PO DE NYID DANG, ZHU CHEN GYI LO TZ'A BA DGE SLONG TSUL KHRIMS RGYAL BAS BSGYUR CING ZHUS TE GTAN LA PHAB PA'O,,#, ,RGYA GAR SKAD DU, DA SH'A KU SHA LA KARMA PA TH'A, BOD SKAD DU, MI DGE BA BCU'I LAS KYI LAM BSTAN PA, DKON MCHOG GSUM LA PHYAG 'TSAL LO, ,GANG ZHIG BDE 'GRO THOB PAR 'DOD PAS SPANG BAR BYA BA'I MI DGE BA BCU'I LAS KYI LAM RANG BZHIN GYIS KHA NA MA THO BA DANG BCAS PA 'DI LTA STE, LUS KYI LAS NI RNAM GSUM @307A *, ,DANG; ,NGAG GI RNAM PA BZHI DAG DANG, ,YID KYI RNAM PA GSUM PO DANG, ,'DI BCU MI DGE BA RU GSUNGS, ,'DI RNAMS RAB TU PHYE NAS BSHAD PAR BYA STE, DE LA RE ZHIG LUS KYI NI SROG GCOD PA DANG, MA BYIN PAR LEN PA DANG, 'DOD PAS LOG PAR SPYOD PA'O, ,NGAG GI NI BRDZUN DU SMRA BA DANG, PHRA MA DANG, NGAG RTZUB PO DANG, TSIG 'KHYAL PA'O, ,YID KYI NI BRNAB SEMS DANG, GNOD SEMS DANG, LOG PAR LTA BA'O, ,DE LA SROG GCOD PA NI SROG CHAGS SU GYUR PA DANG, SROG CHAGS SU 'DU SHES PAR GYUR PA DANG, GSOD PA'I SEMS NYE BAR GNAS PAR GYUR PA DANG, DE'I THABS KYANG BYED PA DANG, SROG 'GAGS PAR GYUR PA STE, YAN LAG LNGA PO DE DAG DANG LDAN NA SROG GCOD PA YIN NO, ,DE LA MA BYIN PAR LEN PA GANG ZHE NA, GZHAN GYIR GYUR PA DANG, PHA ROL GYIS YONGS SU BZUNG BAR YANG 'DU SHES PA DANG, RKU BA'I SEMS KYANG NYE BAR GNAS PAR GYUR PA DANG, DE'I THABS KYANG BYED PA DANG, GNAS NAS BSKYOD PA STE YAN LAG LNGA PO DE DAG DANG LDAN NA MA BYIN PAR LEN PAR 'GYUR RO, ,'DOD PAS LOG PAR G-YEM PA NI RNAM PA BZHI STE, YUL MA YIN PA DANG, DUS MA YIN PA DANG, YAN LAG MA YIN PA DANG, 'GRO BAR BYA BA MA YIN PA'O, ,DE LA YUL MA YIN PA ZHES BYA BA NI DAM PA'I CHOS DANG, SKU GZUGS LA SOGS PA DANG BYANG CHUB SEMS DPA'I GNAS DANG, SLOB DPON DANG, MKHAN PO DANG, SBYIN GNAS DANG, PHA MA LA SOGS PA DANG, BLA MA DANG NYE BAR GYUR PA'O, ,DUS MA YIN PA ZHES BYA BA NI NYIN PAR DANG, ZLA MTSAN DANG LDAN PA DANG, SBRUM MA DANG, BU CHUNG 'TSO BA DANG, MI 'DOD PA DANG, SDUG BSNGAL BA DANG, YID MI BDE BAS NYE BAR GDUNGS PA DANG, BSNYEN GNAS YAN LAG BRGYAD LA GNAS PA'O, ,YAN LAG MA YIN PA ZHES BYA BA NI KHA DANG BSHAD PA'I LAM DANG, KHYE'U DANG BU MO'I MDUN DANG RGYAB KYI BUG PA DANG RANG GI LAG PA'O, ,'GRO BAR BYA BA MA YIN PA NI, GZHAN GYI BUD MED THAMS CAD DANG, CHOS DANG, RGYAL MTSAN DANG, RIGS KYIS BSRUNGS PA DANG, RGYAL POS BSRUNGS PA DANG, GZHAN GYIS BLANGS PA'I SMAD 'TSONG MA DANG, GNYEN 'BREL CAN DANG, BYOL SONG NGO, ,DE LTAR RANG @307B GI CHUNG MA LA BRTEN NAS 'DOD PAS LOG PAR G-YEM PAR 'GYUR RO, ,DE LA BRDZUN DU SMRA BA ZHES BYA BA NI DNGOS POR YANG MA GYUR PA DANG, DNGOS PO'I GNAS SKABS LAS NYAMS PAR GYUR PA DANG, LOG PAR 'DU SHES PAR GYUR PA DANG, LOG PA'I THABS KYANG NYE BAR GNAS PAR GYUR PA DANG; DE'I THABS KYANG BYED PA DANG, BRDZUN GYI TSIG KYANG SMRAS PA STE, YAN LAG LNGA PO 'DI DAG DANG LDAN NA BRDZUN DU SMRA BAR 'GYUR RO, ,PHRA MA ZHES BYA BA NI NYON MONGS PA'I SEMS KYIS GZHAN 'BYED PA'I TSIG GO, ,TSIG RTZUB PO ZHES BYA BA NI PHA ROL GYI GNAD LA PHOG PA'I SDANG TSIG GO, , TSIG 'KHYAL PA ZHES BYA BA NI 'DOD PA DANG NYE BAR LDAN PAS SAM, CHAGS PA DANG NYE BAR LDAN PAS SMRA BAR BYA BA MA YIN PA SMRA BA'O, ,BRNAB SEMS ZHES BYA BA NI PHA ROL GYI RDZAS DANG, DBANG PHYUG DANG LONGS SPYOD RNAMS LA CHAGS PA'I SEMS MI BZAD PA'O, ,GNOD SEMS ZHES BYA BA NI SEMS CAN LA RNAM PAR SDANG BA DANG, SEMS CAN 'DI DAG GSAD DO, ,BCING NGO, ,BRDEG GO, ,BTAG GO ZHES SEMS PA'O, ,LOG PAR LTA BA ZHES BYA BA NI SBYIN PA MED, SBYIN SREG MED, 'JIG RTEN 'DI MED, 'JIG RTEN PHA ROL MED, DGE SBYONG MED, BRAM ZE MED, LHA MED, SANGS RGYAS BCOM LDAN 'DAS MED, DGRA BCOM PA MED, RANG SANGS RGYAS MED, LEGS PAR SPYAD PA MED, NYES PAR SPYAD PA MED, LEGS PAR BYAS PA DANG NYES PAR BYAS PA'I LAS RNAMS KYI 'BRAS BU RNAM PAR SMIN PA MED CES PA'O, ,BCOM LDAN 'DAS KYIS BKA' STZAL PA, 'PHAGS PA DAM PA'I CHOS DRAN PA NYE BAR GZHAG PA ZHES BYA BA DANG, THEG PA CHEN PO'I MDO LAS 'BYUNG BA, MI DGE BA BCU'I LAS KYI LAM 'DI NI DMYAL BA CHEN PO'I RGYU YIN TE, MI DGE BA BCU'I LAS KYI LAM BSTEN PAS SEMS CAN DMYAL BAR LTUNG BAR 'GYUR RO, ,MI DGE BA BCU'I LAS KYI LAM BSTAN PA, SLOB DPON CHEN PO DPAL MAR ME MDZAD YE SHES KYI ZHAL SNGA NAS MDZAD PA RDZOGS SO,, ,,RGYA GAR GYI MKHAN PO DE NYID DANG, ZHU CHEN GYI LO TZ'A BA DGE SLONG TSUL KHRIMS RGYAL BAS BSGYUR CING ZHUS TE GTAN LA PHAB PA,, ,, @308A *, ,RGYA GAR SKAD DU, KARMA BI BHAm GA N'A MA, BOD SKAD DU, LAS RNAM PAR 'BYED PA ZHES BYA BA, DKON MCHOG GSUM LA PHYAG 'TSAL LO, ,DING SANG DUS KYI SKYE BO 'DI DAG GIS, ,MTHO RIS BDE BA DAG KYANG THOB DKA' NA, ,MYA NGAN 'DAS LA RE BA YOD MIN PAS, ,BDAG NYID KHO NA DRAN PHYIR BRI BAR BYA, ,YOD MED RTAG CHAD DANG BRAL BA, ,BDE BA'I LONGS SPYOD PHUN SUM TSOGS, ,'GRO RNAMS YONGS SU SMIN MDZAD PA, ,DAM PA'I SKYES MCHOG DE LA 'DUD, ,BCOM LDAN 'DAS GANG 'JIG RTEN DANG 'JIG RTEN LAS 'DAS PA'I CHEN PO LAS KYANG PHUL DU BYUNG ZHING KHYAD PAR DU 'PHAGS PA DE LA PHYAG 'TSAL NAS, JI LTAR BYA ZHE NA, LAS DGE BA DANG MI DGE BA RNAM PAR DBYE BAR BYA STE, MNGON PAR MTHO BA MTHO RIS LHA DANG MI, ,THOB PAR BYED PA SDOM PA'I TSUL KHRIMS YIN, ,DE NYAMS GYUR PAS NGAN SONG 'GRO BA NI, ,DMYAL BA YI DAGS BYOL SONG 'DI DAG GO, ,LHA DANG MI'I GTAM RGYAS PA 'DI NI 'JIG RTEN GZHAG PA DANG, 'JIG RTEN GDAGS PA DANG, BYE BRAG TU BSHAD PA CHEN PO'I NANG NAS CHE LONG DU BTUS PA MDZOD KYI GNAS GSUM PA LA SOGS PAR BLTA BAR BYA'O, ,'DI LTAR TSA BA'I SEMS CAN DMYAL BA NI 'DZAM BU'I GLING 'DI'I 'OG NA DPAG TSAD KHRI PHRAG GNYIS NA SEMS CAN DMYAL BA CHEN PO GNAS SO, ,GZHAN BDUN NI DE'I STENG NA RIM PA BZHIN DU GNAS SO, ,DE DAG GI TSE'I TSAD KYI RIM PA NI MI RNAMS KYI LO'I RIM PA RNAMS LA, 'DOD PA'I KHAMS KYI LHA RNAMS DANG, YANG SOS LA SOGS PA DMYAL BA RNAMS KYI NYIN ZHAG DANG ZLA BA DANG LO'I RIM PA RNAMS BSGRES NAS SHES PAR BYA STE, 'DI LTAR MI RNAMS KYI TSE LO LNGA BCU LA SOGS PA LAS BSGYUR NAS SHES PAR BYA'O ZHES BSHAD PAS SO, ,GRANG BA'I SEMS CAN DMYAL BA YANG NI TI SE'I 'OG NA SNGA MA DE DAG GI THAD KA NA GNAS PA STE, DE DAG GI TSE'I TSAD KYANG YUL DBUS KYI BRES BCAL BA'I TIL KHAL BRGYAD CUS BYUR BUR BKANG BA'I NANG NAS, SKYES BU ZHIG GIS LO BRGYA BRGYA NA TIL RE RE PHYUNG BAS ZAD PAR GYUR PA NA SEMS CAN DMYAL BA CHU BUR CAN GYI TSE ZAD PA YIN TE, 'OG MA RNAMS KYI TSE NI NYI SHUR BSGYUR RO, ,'DI DAG GI DON YANG CUNG ZAD TZAM ZHIG MDO LAS BSHAD PA @308B BRI BAR BYA'O, ,DE LTAR DE DAG DMYAL BA NI, ,BCU DRUG CES BYA RGAL BAR DKA', ,DRAG PO'I LAS KYIS KUN DU GANG, ,RE RE LA YANG LHAG BCU DRUG ,RTZIG PA BZHI DANG NGOS BZHI STE, ,RNAM PHYE RIS SU CHAD PA YIN, ,LCAGS KYI RA BAS KUN NAS BSKOR, ,LCAGS DAG GIS NI GANG BA YIN; ,DPAG TSAD BRGYA PHRAG DU MAR NI, ,ME LCE DAG GIS KHYAB PAR GNAS, ,ZHES BCOM LDAN 'DAS KYIS GSUNGS SO, ,MDZOD LAS KYANG, DE DAG GI NI NGOS BZHIN, ,ME MAR MUR DANG RO MYAGS DANG, ,SPU GRI LAM SOGS CHU BO YIN, ,ZHES BSHAD DO, ,SNGON GYI MKHAS PA CHEN PO KHA CIG NA RE TSA BA LA SOGS PA BDUN PO DE DAG NI MNAR MED PA'I SEMS CAN DMYAL BA'I G-YAS NGOS DANG G-YON NGOS NA GNAS SO ZHES ZER RO, ,NYI TSE BA DANG NYE 'KHOR BA'I SEMS CAN DMYAL BA DAG LA NI GNAS KYI NGES PA MED DE, CHU BO DANG RI DANG MYA NGAM LA SOGS PA'I THANG DANG STENG NA GNAS SO, ,GTAM RGYAS PAR NI DRAN PA NYE BAR GZHAG PA DANG, 'JIG RTEN GZHAG PA DANG, 'JIG RTEN GDAGS PA LA SOGS PAR BLTA'O, ,YI DAGS KYI RTZA BA'I GNAS NI RGYAL PO'I KHAB KYI GRONG KHYER CHEN PO'I 'OG DPAG TSAD LNGA BRGYA NA YOD DE, DE NA YI DAGS KYI RGYAL PO GSHIN RJE GNAS SO, ,GZHAN NI DE LAS 'PHROS PA YIN NO, ,GTAM RGYAS PAR NI YI DAGS KYI RTOGS PA BRJOD PAR BLTA BAR BYA'O, ,BYOL SONG GI RTZA BA'I GNAS NI RGYA MTSO CHEN PO YIN NO, ,THANG DANG, CHU DANG, RI DANG, DUR KHROD LA SOGS PA NA NI DE LAS 'PHROS PA YIN TE, RGYAS PAR NI DE DANG DE DAG TU BLTA BAR BYA'O, ,GNAS GSUM PO NA BDE BA MED, ,SDUG BSNGAL RGYU DANG BCAS PA'I GTAM, ,MDO DANG BSTAN BCOS DAG NA GSAL, ,BLO DANG LDAN PAS BLTA BAR GYIS, ,DMYAL BA DANG, YI DAGS DANG, BYOL SONG GI SDUG BSNGAL RGYU DANG BCAS PA MDO DANG BSTAN BCOS DGAN GSAL LO, ,MI'I SDUG BSNGAL BRGYA RTZA BCU DAG NI 'PHAGS PA THOGS MED KYIS MDZAD PA'I YO GA TZ'ARYAR BLTA BAR BYA'O, ,LHA DAG LA NI SDUG BSNGAL GZHAN NI MED KYI 'ON KYANG 'CHI LTAS LNGA DANG NYE BA'I 'CHI LTAS LNGA 'BYUNG STE, 'DI LTAR GOS DRI MA 'CHAGS PA DANG, ME TOG GI PHRENG BA RNYINGS PA DANG, MTSAN KHUNG @309A *, ,NAS RDUL 'BYUNG BA DANG, LUS LA DRI MA 'BYUNG BA DANG RANG GI STAN LA MI DGA' BAR 'GYUR RO, ,NYE BA'I LTAS LNGA NI GOS DANG RGYAN DAG LAS YID DU MI 'ONG BA'I SGRA 'BYUNG BA DANG, LUS KYI 'OD CHUNG BAR 'GYUR BA DANG, KHRUS BYAS PA'I CHU'I THIGS PA LUS LA 'CHAGS PAR 'GYUR BA DANG, G-YO BA'I BDAG NYID CAN YANG BLO YUL GCIG LA 'CHAGS PAR 'GYUR BA DANG, MIG 'BYED PA DANG 'DZUMS PA SRID PAR 'GYUR BA DAG STE, NYE BA LNGA NI MA NGES PA'O, ,SDUG BSNGAL DE DAG CI LAS BYUNG ZHE NA, LAS NI LCI DANG YANG BA DAG ,YUL DANG BSAM PA'I DBYE BA YIS; ,NYAN THOS THEG PA CHEN PO'I LUGS, ,RNAM PA GNYIS SU SHES PAR BYA, ,LCI BA NI GNYIS TE, YUL GYIS LCI BA DANG, BSAM PAS LCI BA'O, ,YANG BA YANG DE DANG 'DRA'O, ,DE YANG NYAN THOS DANG THEG PA CHEN PO'I LUGS KYIS LCI BA DANG YANG BA SO SOR THA DAD PAR SHES PAR BYA'O, ,DE LA NYAN THOS KYI YUL GYIS LCI BA NI 'DI LTAR MTSAMS MED PA LNGA LAS PHA BSAD PA MA GTOGS PA BZHI'O, ,DE LAS KYANG DGE 'DUN GYI 'KHOR LO'I DBYEN LCI BA'O, ,GZHAN YANG BYAMS PA'I TING NGE 'DZIN LA SNYOMS PAR ZHUGS PA DANG, RDO RJE LTA BU'I TING NGE 'DZIN DANG, SRID PA'I RTZE MO'I TING NGE 'DZIN LAS LANGS PA'I RNAL 'BYOR PA DANG, MKHAN PO DANG, SLOB DPON DANG, DGE SLONG DANG, DGE SLONG MA DANG, PHA DANG MA DANG, SRID PA THA MA'I BYANG CHUB SEMS DPA' DANG, NAD PA DANG, CHOS SMRA BA DANG, NGES PA'I SA LA GNAS PA'I BYANG CHUB SEMS DPA' DANG, RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA DAG GSOD PA DANG, DE DAG LA RDEG PA DANG, LCAGS SGROG LA SOGS PAS SDOM PA DANG, DE DAG GI YO BYAD RKU BA DANG, MCHOD RTEN GYI DANG, DGE 'DUN GYI DANG, CHOS KYI DANG, SANGS RGYAS KYI YO BYAD RKU BA DANG, GANG ZAG SNGA MA DE DAG DANG, DKON MCHOG GSUM LA BRDZUN SMRA BA DANG, TSIG RTZUB PO DANG, DE DAG PHAN TSUN 'BYED PA DANG, TSIGS SU BCAD PA MA YIN PA SMRA BA NI YUL GYIS LCI BA'O, ,BSAM PAS LCI PA NI LOG PAR LTA BA CHEN PO SKYES PA DANG YID KYIS NYES PA CHEN PO'O, ,YUL GYIS YANG BA NI BYOL SONG DANG, DUR @309B KHROD KYI SHA ZA GSOD PA LA SOGS PA'O, ,BSAM PAS YANG BA NI DE LAS GZHAN PA RNAMS SO, ,DE LA THEG PA CHEN PO'I YUL GYIS LCI BA NI 'DI LTAR BLA MA RNAMS DANG, SEMS DANG PO BSKYED PA LA SOGS PA'I BYANG CHUB SEMS DPA' DANG, PHA DANG MA DANG DE KHO NA NYID KYI RNAL 'BYOR PA DANG, RANG GI LHA DANG, DKON MCHOG GSUM LA SOGS PA LA SNGA MA'I TSUL RNAMS BZHIN DU BYED PA'O, ,DON 'DI NYID LA DGONGS NAS, BCOM LDAN 'DAS KYIS RDO RJE GTZUG TOR ZHES BYA BA RNAL 'BYOR CHEN PO'I RGYUD LAS 'DI SKAD DU, ,GSANG BA PA'I BDAG PO NYES PAR SPYOD PA DE DAG NI LCI BAR GYUR PA DANG, THA MAL PAR GYUR PA'O, ,DE LA PHA MAR GYUR PA LA SOGS PA GSOD PA DANG, RDEG PA NI LUS KYI NYES PAR SPYOD PA LCI BA'O, ,SROG GCOD PA LA SOGS PA GZHAN GSUM NI LUS KYI NYES PAR SPYOD PA THA MAL PA'O, ,DAM PA'I CHOS SPONG BA DANG, LHA RNAMS LA TSIG RTZUB PO SMRA BA DANG; PHA MA DANG, BLA MAR GYUR PA LA SOGS PA LA TSIG NGAN PA SMRA BA NI DAG GI NYES PAR SPYOD PA LCI BA'O, ,SKYES BU 'GA' ZHIG DAD PAS DGE BA NYAMS SU LEN CING RTZOM PA'I GTAM GYI SKABS SU 'JIG RTEN PHA ROL MED DO ZHES BYA BA'I TSIG 'JIG RTEN LAS 'DAS PA'I BRDZUN DU SMRA BA NI NGAG GI NYES PAR SPYOD PA LCI BA'O, ,DGE BA'I BAR CHAD BYED PA'I TSIG 'KHYAL PA SMRA BA DANG, LKOG 'PHYAS BYED PA DANG, MI DGE BA'I LAS KYI GTAM RNAMS NI NGAG GI NYES PAR SPYOD PA THA MAL PA'O, ,YID KYI NYES PAR SPYOD PA NI GSUM STE, DE NYID LAS SEMS KYI NYES PA DANG, SEMS LAS BYUNG BA'I NYES PA DANG, MA RIG PA'I NYES PA'O, ,DE DAG KYANG DGE BA BCU'I LAS KYI LAM DE NYID LA MA CHAGS PA NYID NI SEMS KYI NYES PAR SPYOD PA'O, ,DREGS PA DANG, NGA RGYAL DANG, KHRO BA DANG, SEMS CAN RNAM PAR 'JIG PA DANG, 'DOD CHAGS KYI SEMS KYIS GZHAN GYI BUD MED LA CHAGS PA DANG, GZHAN GYI SROG 'PHROG PA DANG, BLA MAR GYUR PA LA SEMS GYA GYU ZHING RAB TU SDANG BA NI SEMS LAS BYUNG BA'I NYES PA'O, ,DGE BA BCU'I LAS KYI LAM RNAMS DANG, PHA ROL TU PHYIN PA DRUG 'DOR ZHING BRJED NGAS PA DANG, SOM NYIR GYUR PA DANG, YID @310A *, ,SHIN TU RMONGS PAR GYUR PA NI MA RIG PA'I NYES PA SPYOD PA'O ZHES GSUNGS SO, ,DE LA BSAM PAS LCI BA NI, THEG PA CHEN PO PA SEMS SNYING RJE'I DBANG DU GYUR PA, SEMS CAN THAMS CAD MI GTONG BAR RJES SU 'DZIN PAS LCI BA NI, 'DI LTAR ZHE SDANG KHO NA YIN TE, SLOB DPON ZHI BA LHA'I ZHAL NAS, BSKAL PA STONG DU BSAGS PA YI, ,SBYIN DANG BDE GSHEGS MCHOD LA SOGS, ,LEGS SPYAD GANG YIN DE KUN YANG, ,KHONG KHRO GCIG GIS 'JOMS PAR BYED, ,CES GSUNGS SO, ,'DI KHO NA NYID LCI BA YIN PA'I KHUNGS MANG DU YOD MOD KYI RE ZHIG GZHAG GO; ;YANG BA'I LAS KYANG TSUL 'DI LAS SHES PAR BYA'O, ,THEG PA GNYIS PO 'DI DAG TU, ,LCI DANG YANG BA'I LAS RNAMS BSHAD, ,'DOD CHAGS ZHE SDANG GTI MUG GIS, ,RNAM PA GSUM DU 'GYUR BA'O, ,DE LA SROG GCOD PA 'DOD CHAGS LAS SKYES PA NI 'DI LTAR LUS KYI YAN LAG GI PHYIR RAM, NOR GYI PHYIR RAM, RTZED MO'I PHYIR RAM, BDAG DANG MDZA' BO YONGS SU BSKYAB PA'I PHYIR SROG GCOD PA'O, ,ZHE SDANG LAS BYUNG BA NI RTZOD PA DANG KHON GYIS BYAS PA'O, ,GTI MUG MA LEN PA'I TSE DANG GSOD PA DANG, DANG, RGYAL PO'I CHOS 'DON PA TSAD MAR BYAS NAS CHOS KYI BLOS GSOD PA DANG, MI MI BGRUNGS PA DAG LA CHAD PAS BCAD NA RGYAL PO'I BSOD NAMS KYI SNOD DU 'ONG ZHES ZER NAS GSOD PA LTA BU DANG, SEN DHA PA DAG 'DI SKAD DU, PHA DANG MA RGAS SAM NAD TSABS PO CHES THEBS NA GSAD DO, ,SBRUL DANG SDIG PA DANG SBRANG BU TRE MA BU KA LA SOGS PA NI MI RNAMS LA GNOD PA BYED PAS GSAD DO, ,RI DAGS DANG, PHYUGS DANG, BYA DANG, MA HE LA SOGS PA NI LONGS SPYOD PA'I PHYIR GSAD DO ZHES ZER BA LTA BU'O, ,MA BYIN PAR LEN PA CHAGS PA LAS BYUNG BA NI, GANG ZHIG GANG DON DU GNYER BA DES 'PHROG PA'AM, GZHAN GYI RNYED PA'AM, BKUR STI'AM, GRAGS PA'I PHYIR RAM, BDAG DANG MDZA' BO YONGS SU BSKYAB PA'I PHYIR 'PHROG PA'O, ,ZHE SDANG LAS SKYES PA NI SNGAR BZHIN NO, ,GTI MUG LAS BYUNG BA NI RGYAL PO'I CHOS 'DON PA TSAD MAR BYAS NAS MI BGRUNGS PA DAG CHAD PAS BCAD NAS 'PHROG PA LTA BU DANG, BRAM @310B ZE DAG NA RE 'DI THAMS CAD TSANGS PAS BRAM ZE RNAMS LA BYIN PA YIN PA LAS, DE LTAR BRAM ZE RNAMS NYAMS PAS RIGS GZHAN SPYOD DU ZAD MOD, DE BAS BRAM ZE 'PHROG PA NA, RKU BA MA YIN GYI BRAM ZE BDAG NYID KYI LEN PAR BYED PAR ZAD PAS BDAG NYID KYI ZA BA DANG, BDAG NYID KYI 'THUNGS PA DANG, BDAG NYID KYI GYON PA DANG, BDAG NYID KYI SBYIN PA YIN NO ZHES ZER BA LTA BU'O, ,DE LA 'DOD PAS LOG PAR G-YEM PA 'DOD CHAGS LAS BYUNG BA NI GZHAN GYI CHUNG MA LA CHAGS PA'AM, RNYED PA'AM, BKUR STI'I PHYIR RAM, BDAG GAM MDZA' BO YONGS SU BSKYAB PA'I PHYIR MI TSANGS PAR SPYOD PA'O, ,ZHE SDANG LAS BYUNG BA NI SNGA MA BZHIN NO, ,GTI MUG LAS BYUNG BA NI PAR SIG PA DAG NA RE MA LA SOGS PA LA NYAL BA DANG, BA LANG PHRENG GI MCHOD SBYIN LA CHO GA CAN GYI CHU 'THUNG NGO, ,RTZVA GCOD DO, ,MA'I GAN DU NYAL PO LA 'GRO BA'O, ,SRING MO'I GAN DU DANG, RUS GCIG PA'I GAN DU 'GRO BAR BYA'O ZHES BYA BA DANG, BA LANG LA SOGS PA LA YANG SPYAD PAR BYA'O ZHES ZER BA LTA BU'O, ,DE LTA BAS NA 'DI LTA BU BYUNG BA NA NI, RGYAL PO BZHAD GAD LTA BU BYED PA DANG, ,BAG MA LEN PA'I TSE DANG GSOD PA DANG, ,NOR KUN 'PHROG TSE BRDZUN SMRAS GNOD MED DE, ,BRDZUN LNGA LTUNG BAR BYED PA MIN ZHES BSHAD, ,CES ZER BA DANG, GANG YANG LOG PAR LTA BA'I BRDZUN DU SMRA BA'O, ,MI DGE BA LHAG MA DAG KYANG SDA MA BZHIN NO, ,YID KYI GSUM NI 'DOD CHAGS LA SOGS PA GSUM GYI MJUG TU SKYES PA'O, ,SROG GCOD PA NI BSAMS BZHIN DU, ,MA NOR BAR NI GZHAN BSAD NA'O, ,MA BYIN LEN PA GZHAN GYI NOR, ,MTHU DANG 'JAB BUS BDAG GIR BYED, ,LOG G-YEM BGROD MIN PA LA 'GRO, ,'DU SHES GZHAN BSGYUR BRDZUN TSIG DON, ,NYON MONGS SEMS KYIS PHA ROL 'BYED, ,TSIG RTZUB PO NI MI SNYAN PA'O, , NGAG 'KHYAL KLU DANG ZLOS GAR DANG, BSTAN BCOS NGAN DANG 'DU 'DZI'I GTAM, ,BRNAB SEMS GZHAN GYI NOR LA CHAGS, GNOD SEMS SEMS CAN LA SDANG BA'O, ,RGYU 'BRAS MED ZER LO LTA'O, ,DE LTAR THEG PA CHEN PO'I 'DI LTAR YIN TE, DE YANG RNAM PAR SNANG MDZAD MNGON PAR BYANG CHU @311A *, ,PA'I RGYUD LAS BCOM LDAN 'DAS KYIS BKA' STZAL PA, BYANG CHUB SEMS DPA' CHED DU BSAMS NAS SROG GCOD PA LAS SLAR LDOG PAR BYA'O, ,DBYUNG BA SPANG ZHING KHON DU 'DZIN PA YANG SPANG BAR BYA'O, ,DES BDAG NYID LA JI LTA BA DE BZHIN DU GZHAN GYI SROG KYANG YONGS SU BSRUNG BAR BYA'O, ,MA BYIN PAR LEN PA LAS SLAR LDOG PAR BYA STE, DES GZHAN GYIS YONGS SU BZUNG BA'I LONGS SPYOD LA CHAGS PA BSKYED PAR YANG MI BYA NA, GZHAN GYIS YONGS SU BZUNG BA'I LONGS SPYOD LA MA BYIN PAR LEN PA LTA CI SMOS, 'DOD PAS LOG PAR G-YEM PA LAS LDOG PAR BYA STE; DES GZHAN GYIS YONGS SU BZUNG BA'I CHUNG MA DANG, RIGS DANG, MTSAN MA DANG, CHOS KYIS BSRUNGS PA RNAMS LA CHAGS PA BSKYED PAR YANG MI BYA NA, YAN LAG MA YIN PAR SPYOD PA DANG, DBANG PO GNYIS SPROD PA LTA CI SMOS, BRDZUN DU SMRA BA LAS LDOG PAR BYA STE, DES CHED DU BSAMS NAS GANG GIS SANGS RGYAS KYI BYANG CHUB SLU BAR 'GYUR BA'I BRDZUN GYI TSIG SROG GI PHYIR YANG SMRA BAR MI BYA'O, ,TSIG RTZUB PO LAS LDOG PAR BYA STE DES SEMS CAN RNAMS LA MNYEN PA DANG, 'JAM PA DANG, YID LA 'BAB PA DE LTA BU'I TSIG SMRA BAR BYA'O, ,DE CI'I PHYIR ZHE NA, GSANG PA'I BDAG PO BYANG CHUB SEMS DPA' SEMS CAN THAMS CAD KYI DON BYA BA'I THOG MAR 'GRO BA NI TSIG SNYAN PA YIN PA'I PHYIR RO, ,PHRA MA LAS LDOG PAR BYA STE, DE CI NAS KYANG DBYEN DU MI 'GYUR BA'I TSIG DE DANG, GNOD PAR MI 'GYUR BA'I TSIG DE LTAR BSGRUB PAR BYA'I BYANG CHUB SEMS DPA' RNAMS NI SEMS CAN DBYE BA LA ZHUGS PA MA YIN NO, ,TSIG 'KHYAL PA LAS LDOG PAR BYA STE, DES YUL DANG DUS DANG DON DANG LDAN PA'I RJES SU 'JUG PAS SEMS CAN THAMS CAD LA YID DU 'ONG BA DANG RAN PAR SPYOD PA'I TSIG SMRA BAR BYA'O, ,DE CI'I PHYIR ZHE NA, BYANG CHUB SEMS DPA' NI TSIG BZANG PO DANG LDAN PA'I PHYIR RO, ,BRNAB SEMS LAS LDOG PAR BYA STE, DES GZHAN GYI LONGS SPYOD DANG GZHAN GYI NOR LA CHAGS PA'I SEMS KYANG BSKYED PAR MI BYA'O, ,DE CI'I PHYIR ZHE NA, BYANG CHUB SEMS DPA' NI SEMS MA CHAGS PA YIN NO, ,GAL TE BYANG CHUB SEMS DPA' BDAG SEMS CHAGS NA THAMS CAD MKHYEN PA NYID KYI SGO'I PHYOGS @311B GCIG LAS NYAMS PAR 'GYUR RO, ,GSANG BA PA'I BDAG PO BYANG CHUB SEMS DPA'I RAB TU DGA' BA BSKYED PA DES 'DI LTAR BSAM PAR BYA STE, GANG DAG GIS BYA DGOS PA DE DANG DES RANG 'BYOR PAR GYUR PA DE LEGS SO SNYOM NAS SEMS CAN DE DAG GI LONGS SPYOD DE DAG CHUD MI ZA BA LA YANG DANG YANG DU DGA' BA BSKYED PAR BYA'O, ,GSANG BA'I BDAG PO GZHAN YANG GNOD SEMS LAS LDOG PAR BYA STE, DES THAMS CAD DU BZOD PA DANG LDAN PA DANG, BYAMS PA DANG, KHONG KHRO BA MED CING SEMS SNYOMS PAR BYA'O, ,DES MDZA' BO LA JI LTA BA BZHIN DU DGRA LA YANG DE BZHIN DU BYA'O, ,DE CI'I PHYIR ZHE NA, BYANG CHUB SEMS DPA' NI YID KYI GNAS NGAN LEN DANG LDAN PA MA YIN GYI BYANG CHUB SEMS DPA' NI RANG BZHIN GYIS BSAM PA YONGS SU DAG PA YIN NO, ,GSANG BA'I BDAG PO DE LTA BAS NA BYANG CHUB SEMS DPA' GNOD SEMS DANG BRAL BAR BYA'O, ,GSANG BA'I BDAG PO GZHAN YANG BYANG CHUB SEMS DPA' LOG PAR LTA BA LAS LDOG PAR BYA STE, DES YANG DAG PA'I LTA BA DANG, 'JIG RTEN PHA ROL LA 'JIGS PAR LTA BA DANG, G-YO MED PA DANG, GYA GYU MED PA DANG, DRANG BA DANG, SANGS RGYAS DANG CHOS DANG DGE 'DUN DAG LA BSAM PA DES PAR BYA'O, ,DE CI'I PHYIR ZHE NA, GSANG BA'I BDAG PO LOG PAR LTA BA NI BYANG CHUB SEMS DPA'I KHA NA MA THO BA CHEN PO STE, DGE BA'I RTZA BA THAMS CAD GCOD PAR 'GYUR RO, ,'DI NI MI DGE BA'I RTZA BA THAMS CAD KYI PHYI MO'O, ,GSANG BA'I BDAG PO DE LTA BAS NA THA NA BZHAD GAD TZAM DU YANG LOG PAR LTA BA SKYED PAR MI BYED PA'O ZHES GSUNGS SO, ,YUL DANG BSAM PA NYON MONGS DANG, ,DUS DANG GRANGS DANG YAN LAG SOGS, ,CHUNG DANG 'BRING DANG CHEN PO STE, ,RNAM PA GSUM DU SHES PAR BYA, ,LAS KYI LAM BCU PO DE DAG KYANG YUL LA SOGS PA DE DAG GI DBANG GIS CHUNG NGU DANG 'BRING PO DANG CHEN POR 'GYUR RO, ,DE LA YUL GYIS 'GYUR BA NI SNGAR JI SKAD BRJOD PA'I TSUL DE LAS SHES PAR BYA'O, ,DE LA BSAM PAS GSUM DU 'GYUR BA NI, ,MI SHES PAS BYAS PA NI CHUNG NGU'O, ,BAG MED PAS BYAS PA NI 'BRING PO'O, ,MA GUS PAS BYAS PA NI CHEN PO'O, ,DE LA NYON MONGS PAS GSUM DU 'GYUR BA NI 'DOD CHAGS LA SOGS PA'I NYON MONGS PA CHUNG DU DANG 'BRING DANG CHEN POS SROG GCOD PA LA SOGS PA'I LAS KYANG DE BZHIN @312A *, ,DU BYED PA'O, ,DE LA DUS KYIS 'GYUR BA NI SBYOR BA DANG, DNGOS GZHI DANG, MJUG RNAMS LAS GCIG DANG LDAN PA NI CHUNG BA'O, ,GNYIS DANG LDAN PA NI 'BRING PO'O, ,DE DAG GSUM GA RDZOGS PA NI CHEN PO'O, ,DE LA LAS KYI LAM BCU PO DE DAG GRANGS KYIS 'GYUR BA NI LAN GCIG BYAS PA 'DI CHUNG BA'O; ,LAN GNYIS BYAS PA NI 'BRING PO'O, ,LAN GSUM PHAN CHAD BYAS PA NI CHEN PO'O, ,DE LA YAN LAG GI 'GYUR BA NI SROG GCOD PA LA SOGS PA DE DAG GI YAN LAG PHAL CHER MA TSANG BA NI CHUNG BA'O, ,PHAL CHER TSANG BA NI 'BRING PO'O, ,THAMS CAD RDZOGS SHING TSANG BA NI CHEN PO'O, ,SOGS ZHES BYA BA NI SROG GCOD PA LA SOGS PA DE DAG LAS GANG YANG RUNG BA LAN CIG BYAS PA TZAM NI CHUNG BA'O, ,DE LA 'GYOD PA MED PA NI 'BRING PO'O, ,DE LA GNYEN PO BSTEN PA NI CHEN PO'O, ,BSDAM PAR BYA BA NI CHUNG NGU'O, ,BSHAGS PAR BYA BA NI 'BRING PO'O, ,PHAM PA NI CHEN PO'O, ,RTZED MO DANG GZHAN GYI G-YAM LA RGYUGS KYIS BYAS PA NI CHUNG NGU'O, ,RANG NYID LA NYON MONGS PA DANG NYES PA MED KYANG DPYA ZHING GZHAN GYI SDIG PA BYED PA'I RKYEN BYED PA NI 'BRING PO'O, ,RANG NYID LA NYES PA YOD CING GZHAN GYIS SPYAD PA NI CHEN PO'O, ,GZHAN YANG SDIG PA'I GROGS PO DANG MI DGE BA'I BSHES GNYEN GYI DBANG GIS RANG DBANG MED PAR BYAS PA NI CHUNG NGU'O, , GRAGS PA SNYAN PA'I PHYIR BYAS PA NI 'BRING PO'O, ,RNAM PAR SMIN PA LA MI 'JIGS PA NI CHEN PO'O, ,GZHAN YANG LAS KYI LAM BCU PO 'DI DAG GI DON RGYAS PA NI 'PHAGS PA DRAN PA NYE BAR GZHAG PA LA SOGS PA'I MDO SDE DANG, SLOB DPON BRAM ZE CHOS LDAN RAB 'BYOR DBYANGS KYIS MDZAD PA DANG, 'PHAGS THOGS MED KYIS MDZAD PA'I RNAM PAR GTAN LA DBAB PA BSDU BA LA SOGS PA'I YO GA TZ'A RYA'I SA CHEN POR BLTA'O, ,GZHAN YANG, BSAMS BZHIN PA DANG RDZOGS PA DANG, ,MI 'GYOD GNYEN PO MED PA DANG, ,'KHOR DANG RNAM PAR SMIN PA LAS, ,BSAGS PA'I LAS ZHES BYA BA YIN, ,YANG 'KHOR PA'I LAS NI LCI GANG DANG, ,NYE BA GANG DANG GOMS PA GANG, ,SNGON BYAS DE DAG GANG YIN LAS, ,SNGA MA SNGA MA RNAM SMIN 'GYUR, ,YANG, SHIN TU YID LA GCAGS PA DANG, ,LAS DE GSAR DU BYAS PA DANG, ,YANG DANG YANG DU BYAS PAS GOMS, ,DE LAS GANG RUNG SNGAR MYONG 'GYUR, ,MTHONG BA'I CHOS LAS @312B MYONG 'GYUR DANG, ,SKYES NAS MYONG BAR 'GYUR BA DANG, ,LAN GRANGS GZHAN DU MYONG 'GYUR DANG, ,MYONG PAR 'GYUR BAR MA NGES PA'O, ,LAS NI DKAR DANG GNAG PA DANG, ,'DRES MA'I LAS DANG RNAM PA GSUM, ,MDO DANG BSTAN BCOS DAG NA GSAL, ,DE BAS NA, LAS RNAMS BSKAL PA BRGYAR YANG NI, ,CHUD MI ZA BA DES BSAGS NAS; ,SMIN NAS LUS CAN RNAMS LA NI, ,'BRAS BU NYID DU STON PAR BYED, ,CES BYA STE DE LTA BU LA YANG NGES PAR YID CHES PAR BYA'O, ,'GRO BA RGYUD LNGA'I SEMS CAN THAMS CAD DAG ,'DZAM GLING 'DIR SKYES DGE BA BCU SPYAD DE, ,MTHAR GYIS BLA MA BZANG PO BSTEN BYAS NAS, ,ZAG PA MED PA'I TSUL KHRIMS THOB GYUR CIG, ,LAS RNAM PAR 'BYED PA ZHES BYA BA, SLOB DPON MKHAS PA CHEN PO DPAL MAR ME MDZAD YE SHES KYIS MDZAD PA RDZOGS SO,, ,,RGYA GAR GYI MKHAN PO DE NYID DANG, ZHU CHEN GYI LO TZ'A BA DGE SLONG TSUL KHRIMS RGYAL BAS BSGYUR CING ZHUS TE GTAN LA PHAB PA,,#, ,RGYA GAR SKAD DU, TZ'A RYA SAm GRA HA PRA D'I PA, BOD SKAD DU, SPYOD PA BSDUS PA'I SGRON MA, 'JIG RTEN DBANG PHYUG LA PHYAG 'TSAL LO, ,GANG GI GSUNG GI 'OD ZER GYIS, ,BDAG SOGS RMONGS PA MA LUS PA'I, ,SNYING GI PADMA KHA 'BYED PA'I, ,DAM PA'I SKYES MCHOG DE LA 'DUD, ,GSANG SNGAGS PHA ROL PHYIN PA LA, ,BRTEN NAS BYANG CHUB BSGRUB BO ZHES, ,BLA MA SANGS RGYAS GSUNGS PAS NA; ,DE DON BDAG GIS BRI BAR BYA, ,GSANG SNGAGS 'DI RU BRJOD MI BYA, ,PHA ROL PHYIN LUGS SPYOD PA YI, ,BYANG CHUB SEMS DPA'I SPYOD PA DAG ,MDO TZAM BDAG GIS BSHAD PAR BYA, ,SEMS BSKYED SNGON DU SONG BA YIS, ,BYANG CHUB SEMS DPA'I SDOM PA BLANG, ,MDO SDE MA LUS KUN BLTA ZHING, ,BSTAN BCOS MTHA' DAG MNYAN PAR BYA, ,LUS DANG NGAG DANG YID GSUM GYIS, ,JI SKAD BSHAD PA'I SDOM PA RNAMS, ,MA NYAMS GTZANG MAR BSRUNG BYAS LA, ,TSUL KHRIMS RNAM PAR DAG PAR BYA, ,ZAS KYI TSOD KYANG RIG PAR BYA, ,DBANG PO RNAMS KYI SGO YANG BSDAMS, ,NAM GYI CHA STOD CHA SMAD LA, ,MI NYAL RNAL 'BYOR BRTZON PAR BYA, , KHA NA MA THO PHRA RAB LA'ANG, ,SHIN TU 'JIGS PA BSKYED PAR BYA, ,MTSAN MO CHA GSUM BGO BYA STE, ,THA MA'I CHA LA LDANG BAR BYA, ,GDONG LA SOGS PA BKRU BA'AM, ,YANG NA MA BKRUS PA YANG RUNG, ,BDE BA'I STAN LA 'DUG NAS NI, ,CHOS RNAMS CHOS NYID DRAN PAR BYA, ,MTSAN MAS G-YENGS PAS MA NUS NA, ,LANGS @313A *, ,LA DNGOS PO SNANG BA KUN, ,SGYU MA LTA BUR NYE BAR BRTAG ,BAR SKABS DER YANG DGE SBYOR YANG, ,YAN LAG BDUN PA RDZOGS PAR BYA, ,SMON LAM SHIN TU RGYA CHEN GDAB, ,YANG NA SNGAR GYI SGOM LA BSGOM, ,DE NAS ZAS KYI DUS DAG TU, ,SNYING PO MED PA'I LUS 'DI YIS, ,SNYING PO DAM PA BTZAL BYA ZHES, ,LUS LA GRU YI BLO GZHAG LA, ,RGYAGS PA SKYED PHYIR MI BZA' ZHING, ,RO LA CHAGS PAS MI BZA'O, ,ZAS LA CHA BZHIR BGO BYA STE, ,DANG PO LHA LA BSHOS GTZANG DBUL, ,DE RJES CHOS KYI SRUNG MA LA, ,GTOR MA SHIN TU RGYA CHEN BTANG, ,RANG GIS ZOS SHING 'THUNGS PA YI, ,LHAG MA 'BYUNG PO KUN LA SBYIN, ,BAR SKABS DER YANG SGRUNG RGYUD DANG; ,NGO MTSAR CAN GYI GTAM YANG BYA, ,DE NAS LANGS LA CUNG ZHIG BCAG ,YANG NA RTEN LA BSKOR BA BYA, ,BZLAS BRJOD GLEGS BAM BKLAG PA'AM, ,YANG NA BDE GZUGS [?] GZUGS BRNYAN BYA, ,JI SRID RDUL NI MA BYUNG BAR, ,DE SRID BSKOR BA MA YENGS PAR, ,BYAS LA SMON LAM RGYA CHEN GDAB, ,MDOR NA MGON PO BYAMS PA YIS, ,BSHAD PA'I CHOS SPYOD BCU PO RNAMS, ,YID NI RAB TU MA YENGS SHING, ,SGYU MA LTA BUR DRAN PAS SPYAD, ,GAL TE YOD NA DGE 'DUN MCHOD, ,YANG NA BYIS PA'I YIN [?] MO BYA, ,MGON MED DAG LA SBYIN PA NI, ,RNAL 'BYOR BSOD NAMS TSOGS SU 'GYUR, ,NYIN MO'I BYA BA RDZOGS PA DANG, ,MTSAN MO'I CHA NI DANG NGO RU; ,CHOS NYID SPROS PA DANG BRAL BA, ,SHES PA'ANG SPROS DANG BRAL BAR GZHAG ,MTSAN MO'I GUNG LA BAB PA NA, ,LDANG DANG SNANG BA'I 'DU SHES KYIS, ,SENG GE JI LTAR NYAL [?] DGE BA'I GNYID NI LOG PAR BYA, ,SPYIR NA MNYAM GZHAG SEMS BRTAN NA, ,LUS NGAG DGE BA GTZOR MI BYA, ,YANG NA MNYAM GZHAG MI GSAL NA; ,'JIG RTEN MTHUN 'JUG BYA BA'I PHYIR, ,LUS NGAG DGE BA CI NUS BYA, ,'JIG RTEN SEMS DANG MA MTHUN NA, ,'DI NI BDAG GI CHOS MIN ZHES, ,BSAM PA BZANG PO SNGON [?] RTEN YUL CHOS DRI BAR BYA, ,NE PA LA YI YUL DU NI, ,RANG GI GROGS POS BSKUL NAS BYAS, ,GSANG SNGAGS LUGS LA MI MOS NA, , 'DI LTAR MDZOD CIG STHA BI RA, ,SPYOD PA BSDUS PA'I SGRON MA SLOB DPON MKHAS PA CHEN PO DPAL MAR ME MDZAD YE SHES GYIS MDZAD PA RDZOGS SO,, ,,RGYA GAR GYI MKHAN [?] DE NYID DANG, LO TZ'A BA DGE SLONG TSUL KHRIMS RGYAL BAS BSGYUR CING ZHUS PA'O,, ,,