@1A [DD] #, ,RGYA GAR SKAD DU, A'ARYA SANDHI NIR MO TZA NAm BH'A shYAm, BOD SKAD DU, 'PHAGS PA DGONGS PA NGES PAR 'GREL PA'I RNAM PAR BSHAD PA, 'JAM DPAL GZHON NUR GYUR PA [DD] LA PHYAG 'TSAL LO, ,DGONGS PA NGES PAR 'GREL PA THEG PA CHEN PO'I MDO'I GLENG GZHI NI, 'DI SKAD BDAG GIS THOS PA'I DUS GCIG NA, BCOM LDAN 'DAS GZHAL MED KHANG CHEN PO RIN PO CHE SNA BDUN MCHOG TU 'BAR BA BKOD PA, 'JIG RTEN GYI KHAMS DPAG TU MED PA SHIN TU RGYAS PAR 'GENGS PA'I 'OD ZER CHEN PO RAB TU 'BYUNG BA, GNAS THA DAD PA SHIN TU RNAM PAR PHYE BA MTHA' YAS PAS RNAM PAR GNAS PA, RGYA YONGS SU MCHAD PA, KHAMS GSUM PA LAS YANG DAG PAR 'DAS PA'I SPYOD YUL, 'JIG RTEN LAS 'DAS PA DE'I BLA MA'I DGE BA'I RTZA BA LAS BYUNG BA, SHIN TU RNAM PAR DAG CING DBANG SGYUR BA'I RNAM PAR RIG PA'I MTSAN NYID, DE BZHIN GSHEGS PA'I GNAS, BYANG CHUB SEMS DPA' DPAG TU MED PA'I DGE 'DUN DANG LDAN PA, LHA DANG, KLU DANG, GNOD SBYIN DANG, DRI @2A *, ,ZA DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO DANG, MI DANG, MI MA YIN PA MTHA' YAS PA RNAM PAR RGYU BA, CHOS KYI RO'I DGA' BA DANG BDE BA CHEN POS BSTAN PA, SEMS CAN THAMS CAD KYI DON THAMS CAD YANG DAG PAR THOB PAR BYED PAR NYE BAR GNAS PA, NYON MONGS PA'I DRI MA'I GNOD PA THAMS CAD DANG BRAL BA, BDUD THAMS CAD YONGS SU SPANGS PA, THAMS CAD KYI BKOD PA LAS LHAG PA, DE BZHIN GSHEGS PA'I BKOD PA'I GNAS, DRAN PA DANG, BLO GROS DANG, RTOGS PA CHEN POS NGES PAR 'BYUNG BA, ZHI GNAS DANG LHAG MTHONG CHEN PO'I BZHON PA YIN PA, RNAM PAR THAR PA'I SGO CHEN PO STONG PA NYID DANG, MTSAN MA MED PA DANG; SMON PA MED PA NAS 'JUG PA, RIN PO CHE PADMA'I RGYAL PO CHEN PO YON TAN MTHA' YAS PAS BRGYAN PA'I BKOD PA LA BRTEN NAS BZHUGS TE, BCOM LDAN 'DAS LEGS PAR THUGS SU CHUD PA'I BLO DANG LDAN PA, KUN TU SPYOD PA GNYIS MI MNGA' BA, MTSAN NYID MED PA'I CHOS LA MCHOG TU GZHOL BAR MDZAD PA, SANGS RGYAS KYI GNAS PAS GNAS PA, SANGS RGYAS THAMS CAD DANG MNYAM PA NYID BRNYES PA, SGRIB PA MED PA'I RTOGS PA THUGS SU CHUD PA, @2B PHYIR MI ZLOG PA'I CHOS DANG LDAN PA, SPYOD YUL GYIS MI 'PHROGS PA, BSAM GYIS MI KHYAB PA RNAM PAR 'JOG PA, DUS GSUM LA MNYAM PA NYID TSAR PHYIN PA, 'JIG RTEN GYI KHAMS THAMS CAD DU BZHUGS PA'I SKU DANG LDAN PA, CHOS THAMS CAD LA THE TSOM MED PA'I MKHYEN PA MNGA' BA, SPYOD PA THAMS CAD DANG LDAN PA'I BLO MNGA' BA, CHOG SHES PA LA NEM NUR MI MNGA' BA, RNAM PAR MA BRTAGS PA'I SKU MNGA' BA, BYANG CHUB SEMS DPA' THAMS CAD KYI YE SHES YANG DAG PAR BLANGS PA, SANGS RGYAS KYI GNAS PA GNYIS SU MED PA DAM PA'I PHA ROL TU BYON PA, DE BZHIN GSHEGS PA MA 'DRES PA RNAM PAR THAR PAR MDZAD PA'I YE SHES KYI MTHAR PHYIN PA, MTHA' DANG DBUS MED PA'I SNAGS RGYAS KYI MNYAM PA NYID THUGS SU CHUD PA, CHOS KYI DBYINGS KYIS KLAS PA, NAM MKHA'I KHAMS KYI MTHAS GTUGS PA DE NYAN THOS KYI DGE 'DUN TSAD MED PA THAMS CAD KYANG CANG SHES PA, SANGS RGYAS KYI SRAS, SEMS SHIN TU RNAM PAR GROL BA, SHES RAB SHIN TU RNAM PAR GROL BA, TSUL KHRIMS SHIN TU RNAM PAR DAG PA, CHOS 'DOD PA RNAMS BDE BAR PHRAD PA, MANG DU THOS PA, THOS PA 'DZIN PA, THOS PA BSAGS PA, LEGS PAR BSAM PA SEMS PA, LEGS PAR SMRA BA BRJOD PA, LEGS PAR BYA BA'I LAS BYED PA, SHES RAB MYUR BA, SHES RAB MGYOGS PA, SHES RAB RNO BA, NGES PAR 'BYUNG BA'I SHES RAB CAN, NGES PAR RTOGS PA'I SHES RAB CAN, SHES RAB CHE BA, SHES RAB YANGS PA, SHES RAB ZAB PA, SHES RAB MNYAM PA MED PA, SHES RAB RIN PO CHE DANG LDAN PA, RIG PA GSUM DANG LDAN PA, TSE 'DI LA BDE BAR GNAS PA'I MCHOG THOB PA, YON YONGS SU SBYONG BA CHEN PO, SPYOD LAM RAB TU ZHI BA PHUN SUM TSOGS PA, BZOD PA DANG DES PA CHEN PO DANG LDAN PA, DE BZHIN GSHEGS PA'I BKA' LA SHIN TU ZHUGS PA SHA STAG DANG, SANGS RGYAS KYI ZHING THA DAD PA NAS 'DUS PA'I BYANG CHUB SEMS DPA' DPAG TU MED PA THAMS CAD KYANG GNAS CHEN PO LA YANG DAG PAR ZHUGS PA, THEG PA CHEN PO'I CHOS KYIS NGES PAR 'BYUNG BA, SEMS CAN THAMS CAD LA @3A *, ,SEMS MNYAM PA, RTOG PA DANG, RNAM PAR RTOG PA DANG, YONGS SU RTOG PA THAMS CAD DANG BRAL BA, BDUD KYI PHYIR RGOL BA THAMS CAD BCOM PA, NYAN THOS DANG RANG SANGS RGYAS KYI YID LA BYED PA THAMS CAD LAS RING DU GYUR PA, CHOS KYI RO'I DGA' BA DANG BDE BA CHEN POS BRTAN PA, 'JIGS PA LNGA LAS YANG DAG PAR 'DAS PA, PHYIR MI LDOG PA'I SA BGROD PA GCIG PUR GYUR PA, SEMS CAN THAMS CAD KYI GNOD PA THAMS CAD RAB TU ZHI BAR BYED PA'I SA MNGON DU GYUR PA SHA STAG GO ZHES BYA BA'O, ,DE LA BCOM LDAN 'DAS KYIS DON DAM PA'I MTSAN NYID LNGA BSTAN TE, DON DAM PA'I MTSAN NYID LNGA NI, BRJOD DU MED PA'I MTSAN NYID DANG, GNYIS SU MED PA'I MTSAN NYID DANG, RTOG GE'I SPYOD YUL LAS YANG DAG PAR 'DAS PA'I MTSAN NYID DANG, GZHAN DANG GZHAN MA YIN PA LAS YANG DAG PAR 'DAS PA'I MTSAN NYID DANG, THAMS CAD DU RO GCIG PA'I MTSAN NYID DO, ,DE LA BRJOD DU MED PA'I MTSAN NYID DANG, GNYIS SU MED PA'I MTSAN NYID DU LTA BA NI 'DI LTA STE, DGONGS PA NGES PAR 'GREL PA'I MDO LAS BYANG CHUB SEMS DPA' TSUL BZHIN DU KUN 'DRIS ZHUS PA STE, RGYA CHER NI GDUN DU BRIS PA DE YIN PAR SHES PAR BYA'O, , DGONGS PAS NGES PAR 'GREL BA'I DON LAS GZHAL MED KHANG GI BSNGAGS PA NI RNAM PA BCO BRGYAD DU SHES PAR BYA STE, 'DI LTAR TSIG GNYIS KYIS KHA DOG PHUN SUM TSOGS PA DANG, DBYIBS PHUN SUM TSOGS PA DANG, TSAD PHUN SUM TSOGS PA DANG, YUL PHUN SUM TSOGS PA DANG, RGYU PHUN SUM TSOGS PA DANG, RANG BZHIN DU PHUN SUM TSOGS PA DANG, BDAG PO PHUN SUM TSOGS PA DANG, ZHABS 'BRING BA PHUN SUM TSOGS PA DANG, PHYOGS PHUN SUM TSOGS PA DANG, LONGS SPYOD PHUN SUM TSOGS PA DANG, BYA BA SGRUB PA PHUN SUM TSOGS PA DANG, 'TSO BA MED PA PHUN SUM TSOGS PA DANG, PHYIR RGOL BA MED PA PHUN SUM TSOGS PA DANG, GNAS PHUN SUM TSOGS PA DANG, BDAG PO'I GNAS KYI BYE BRAG PHUN SUM TSOGS PA DANG, BZHON PA PHUN SUM TSOGS PA DANG, SGO PHUN SUM TSOGS PA DANG, RTEN PHUN SUM TSOGS PA'O, ,SANGS RGYAS KYI @3B BSNGAGS PA NI BCOM LDAN 'DAS KYI SPANGS PA DANG YE SHES BLA NA MED PA NYID KYIS RANG GI DON PHUN SUM TSOGS PA DANG, BDAG DANG GZHAN GYI SBYOR BA GNYIS KYIS GZHAN GYI DON PHUN SUM TSOGS PA STE, YAN LAG BZHIS BSTAN TO, ,LEGS PAR THUGS SU CHUD PA'I BLO DANG LDAN PA ZHES BYA BA NI YAN LAG GCIG STE, BLOS THUGS SU CHUD PAR BYA BA JI SNYED YOD PA DE SNYED THUGS SU CHUD PA'I PHYIR RO, ,DE YANG RNAM PA BZHI STE, LEGS PAR THUGS SU CHUD PA'I BLO NYID NI NANG DANG PHYI'I SKYE MCHED KYI MTSAN MA KUN TU MI SPYOD PA'I PHYIR RO, ,DON ZAB MO LEGS PAR THUGS SU CHUD PA'I BLO NYID NI CHOS BDAG MED PA LA KUN TU GZHOL BA'I PHYIR RO, ,LEGS PAR THUGS SU CHUD PA'I BLO NYIS DRI MA MED PA NI BYANG CHUB SEMS DPA'I GNAS PA LAS YANG DAG PAR 'DAS PA'I PHYIR RO, ,LEGS PAR THUGS SU CHUD PA'I BLO NYID BLA NA MED PA NI SANGS RGYAS THAMS CAD DANG KHYAD PAR MED PA'I PHYIR RO, ,'DI NI YE SHES BLA NA MED PAS RANG GI DON PHUN SUM TSOGS PA'O, ,SGRIB PA MED PA'I RTOGS PA THUGS SU CHUD PA ZHES BYA BA NI YAN LAG GNYIS PA STE, RTOGS PAR BYA BA JI SNYED YOD PA RTOGS PA'I PHYIR RO, ,DE YANG RNAM PA GSUM STE, NYON MONGS PA'I SGRIB PA MI MNGA' BAS RTOGS PA NI MA 'ONGS PA'I DUS NA YANG SPANGS PA DE YONGS SU NYAMS PA DANG, DA LTAR NYON MONGS PA MI 'BYUNG BAS SO, ,DE DAG LA RNAM PAR SMIN PA'I SGRIB PA MI MNGA' BAS RTOGS PA NI BSAM GYIS MI KHYAB PAR RNAM PAR 'JOG PA'I PHYIR RO, ,SHES BYA'I SGRIB PA MI MNGA' BAS RTOGS PA NI DUS GSUM DU YANG CHAGS PA MED CING THOGS PA MED PAR YE SHES MNYAM PA NYID TSAR PHYIN PA'I PHYIR RO, ,'DI NI SPANGS PA BLA NA MED PAS RANG GI DON PHUN SUM TSOGS PA'O, ,'JIG RTEN GYI KHAMS THAMS CAD DU ZHUGS PA'I SKU DANG LDAN PA ZHES BYA BA NI YAN LAG GSUM PA STE, SEMS CAN DPAG TU MED PA'I DON MDZAD PA'I PHYIR RO, ,ZHUGS PA'I SKU DE NI DGONGS PA DANG, THABS DANG KUN NAS NYON MONGS PA MED PA DANG, NGO BO NYID KYIS BSTAN TO, ,DE LA DGONGS PA NI THE TSOM THAMS CAD GCOD PA'O, ,THABS NI DGA' LDAN GYI GNAS SU SKYE BA LA SOGS PA KUN TU STON PA'I SPYOD PA'O, ,KUN @4A *, ,NAS NYON MONGS PA MED PA NI 'JIG RTEN GYI CHOS RNAMS THOG MA NYID DU SO SOR RIG PA'I PHYIR KUN NAS NYON MONGS PA MED PA NYID DO, ,NGO BO NYID NI NYON MONGS PA'I RNAM PAR RTOG PA THAMS CAD LAS MA BYUNG BA NYID DO, ,'DI NI DE'I BDAG GIS SBYOR BAS GZHAN GYI DON PHUN SUM TSOGS PA'O, ,BYANG CHUB SEMS DPA' THAMS CAD KYI YE SHES YANG DAG PAR BLANGS PA ZHES BYA BA NI YAN LAG BZHI STE, BYANG CHUB SEMS DPA'I YE SHES RNAMS RANG GI YE SHES SU BLANGS PA'I PHYIR RO, ,YE SHES YANG DAG PAR BLANGS PA DE NI, KHAS LEN PA DANG, 'GRUB PA DANG, RTOGS PA DANG RNAM PA GSUM GYIS BSTAN TO, ,KHAS LEN PA JI LTA BU ZHE NA, BYANG CHUB SEMS DPA' SANGS RGYAS SU 'GYUR BA'I CHOS KYI SKU DANG GCIG PA NYID DU KHAS LEN PA'I PHYIR RO, ,'GRUB PA JI LTA BU ZHE NA, DE BZHIN GSHEGS PA'I YE SHES DANG SPANGS PA THA DAD PA MED PA 'GRUB PA'I PHYIR RO, ,RTOGS PA JI LTA BU ZHE NA, DE GNYIS KA'I GNAS DE BZHIN NYID CHOS KYI DBYINGS RTOGS PA'I PHYIR RO, ,CHOS KYI DBYINGS RTOGS PA DE YANG CHOS KYI DBYINGS KYIS KLAS PAS NYAN THOS RNAMS LAS KHYAD PAR DU 'PHAGS SO, ,NYAN THOS NI YONGS SU MYA NGAN LAS 'DAS LA, CHOS KYI DBYINGS KYIS KLAS PA DE NI NAM MKHA'I KHAMS KYI MTHA' GTUGS PAR BSTAN TE, DPER NA NAM MKHA' NI 'JIG PA'I DUS SAM CHAGS PA'I DUS NA YANG ZAD PA MED DO, ,DE BZHIN DU SANGS RGYAS BCOM LDAN 'DAS RNAMS KYANG MNGON PAR RDZOGS PAR BYANG CHUB PA'I DUS SAM, YONGS SU MYA NGAN LAS 'DAS PA'I DUS NA 'KHOR BA DANG MYA NGAN LAS 'DAS PA LA MI GNAS PA'I PHYIR RO, ,DNGOS PO BSDU BA'I SGO NAS YANG RNAM GRANGS GZHAN TE, DE BZHIN GSHEGS PA'I PHUN SUM TSOGS PA 'DI RNAM PA NYI SHU RTZA GCIG TU BSTAN TE, THUGS PHUN SUM TSOGS PA DANG, GSUNG PHUN SUM TSOGS PA DANG, SKU PHUN SUM TSOGS PA MYA NGAN LAS 'DAS PA MTSAN NYID MED PA DANG, BZHUGS PA PHUN SUM TSOGS PA DANG, YON TAN YONGS SU 'DZIN PA PHUN SUM TSOGS PA DANG, DRI BA LUNG STON PA PHUN SUM TSOGS PA DANG, RAB TU RGOL BA ZIL GYIS GNON PA PHUN SUM TSOGS PA DANG, ZHING YONGS SU DAG PA PHUN @4B SUM TSOGS PA DANG, GNAS PHUN SUM TSOGS PA DANG, SPYOD LAM PHUN SUM TSOGS PA DANG, SPRUL PA PHUN SUM TSOGS PA DANG, BSTAN PA PHUN SUM TSOGS PA DANG, SEMS CAN GYI SPYOD PA'I RJES SU 'JUG PA PHUN SUM TSOGS PA DANG, THAMS CAD DU 'GRO BA'I LAM GYI GDAMS RAG PHUN SUM TSOGS PA DANG, PHAN PA DANG GNOD PA LA KUN NAS NYON MONGS PA MED PA PHUN SUM TSOGS PA DANG, GZHI PHUN SUM TSOGS PA DANG, MI MTHUN PA MED PA PHUN SUM TSOGS PA DANG, CHO 'PHRUL GYIS RNAM PAR ROL PA PHUN SUM TSOGS PA DANG, YON TAN MI ZAD PA PHUN SUM TSOGS PA DANG, BDAG GI DNGOS PO PHUN SUM TSOGS PA DANG, MYA NGAN LAS 'DA' BA PHUN SUM TSOGS PA'O, ,DE LA BZHUGS PA PHUN SUM TSOGS PA NI RNAM PAR GNYIS TE, TSE 'DI LA STONG PA NYID KYIS BSDUS PA'I BZHUGS PA NI KUN DGA' BO DE'I TSE DANG DA LTAR YANG STONG PA NYID KYIS MANG DU GNAS SO ZHES GSUNGS PA LTA BU'O, ,SO SOR RTOG PA'I BZHUGS PA NI NYIN MTSAN LAN DRUG TU 'JIG RTEN LA RNAM PAR GZIGS PA'I PHYIR RO, ,NYAN THOS KYI BSNGAGS PA NI CANG SHES PA'I PHYIR RO, ,CANG SHES DE YANG PHUN SUM TSOGS PA RNAM PA BCU GSUM GYIS BSTAN TE, GNYIS SU MED PA PHUN SUM TSOGS PA DANG, SHIN TU DUL BA PHUN SUM TSOGS PA DANG, BSNGAGS PA PHUN SUM TSOGS PA DANG, KHRUN PHUN SUM TSOGS PA DANG, RGYAR PHUN SUM TSOGS PA DANG, MTHUN PA'I LAM DU 'GRO BA PHUN SUM TSOGS PA DANG, MYUR BA NYID DU PHUN SUM TSOGS PA DANG, RING DU 'GRO BA PHUN SUM TSOGS PA DANG, 'GRO BA BZANG PO PHUN SUM TSOGS PA DANG, YONGS SU SPYOD PA PHUN SUM TSOGS PA DANG, NYE BAR ZHI BA PHUN SUM TSOGS PA DANG, 'GROGS NA BDE BA PHUN SUM TSOGS PA DANG, DBANG DU GYUR PA PHUN SUM TSOGS PA DANG, BYANG CHUB SEMS DPA'I BSNGAGS PA NI, GNAS CHEN PO LA YANG DAG PAR ZHUGS PA'I PHYIR TE, GNAS CHEN PO LA YANG DAG PAR ZHUGS PA DE NI LAM GYI SKYON RNAM PA DGU YONGS SU SPANGS PAR YANG DAG PAR BSTAN TO, ,LAM GYI SKYON RNAM PA DGU NI, RDZOGS PA'I BYANG CHUB MI MTHUN LAM, ,RDUL BCAS PA DANG TSER @5A *, ,MAR BCAS, ,CHUD ZA 'JIG DANG BDE MED DANG, ,'JIGS BCAS RIM MIN PHYOGS MIN 'GRO, ,DON DAM PA'I MTSAN MA LNGA BSTAN PA 'DI LTA STE, SHES RAB KYI PHA ROL TU PHYIN PA'I LE'U LAS BSAM GYIS MI KHYAB PA DANG, MTSUNGS PA MED PA DANG, DPAG TU MED PA DANG, GRANGS MED PA DANG, MI MNYAM PA'I DON 'BYUNG BA DANG, GO RIMS BZHIN NO, ,LUNG DANG RTOGS PA SGRO BTAGS PA MED PA DANG, SKUR PA MED PA LA RMONGS PA'I GNYEN POR GNYIS SU MED PA DANG, BRJOD DU MED PA BSTAN TO, ,MING GI SNGA ROL BLO MED PHYIR, , MANG BA'I PHYIR DANG MA NGES PHYIR, ,GNYIS SU MED PA GRUB BO, ,STON PAS BTAGS PA'I TSIG NYID YIN PA DANG, KUN TU RTOG PA SNA TSOGS KYI THA SNYAD YIN TE, YONGS SU MA GRUB PA DANG, 'PHAGS PA'I RGYUD LA MNGA' BA KUN RDZOB KYI SHES PA DANG, DON DAM PA'I SHES PA DANG, MTHONG BA DE DAG GIS NGO BO NYID GSUM RNAM PAR GZHAG PAS NI BRJOD DU MED PA'I MTSAN NYID GTZO CHER SHES PAR BYA'O, ,STON PAS BTAGS PA'I TSIG CES BYA BA NI KUN BRTAGS PA'I NGO BO NYID RNAM PAR GZHAG PA'I PHYIR RO, ,BRJOD PA NI DNGOS PO MED PA CAN YANG MA YIN ZHES BYA BA NI GZHAN GYI DBANG RNAM PAR GZHAG PA'I PHYIR RO, ,BRJOD DU MED PA MNGON PAR RDZOGS PAR SANGS RGYAS ZHES BYA BA NI, YONGS SU GRUB PA RNAM PAR GZHAG PA'I PHYIR RO, ,MCHOG TU BZUNG ZHES BYA BA NI RANG GI LTA BA MCHOG TU BZUNG NAS GNAS SO, ,MNGON PAR ZHEN ZHES BYA BA NI GZHAN DAG GI DE LAS BZLOG PA NI DE 'DZIN CING MI 'DOR BA'O, ,'DI LTAR DON RNAM PAR RIG PAR BYA BA'I PHYIR ZHES BYA BA NI DON GANG YIN PA NYID LA MING DE'O, ,DANG PO BSHAD ZIN TO, ,GNYIS PA NI RTOG GE LA BRTEN NAS DON RNAM PAR SPYOD PA, GZHAN MU STEGS CAN RNAMS LA GANG GIS DON DAM PA KHONG DU CHUD PAR MI 'GYUR BA'I NYES PA LNGA YOD DE, KUN TU TSOL BA'I NYES PA DANG, MNGON PA'I NGA RGYAL GYI NYES PA DANG, MNGON PAR ZHEN PA'I NYES PA DANG, 'DOGS PA'I NYES PA DANG, RTZOD PA'I NYES PA STE, GZHAN GYIS BSTAN PA TZAM GYIS DON DAM PA KHONG DU CHUD PAR RE BA DANG, ZHI GNAS TZAM THOB NA MTSAN @5B MAR 'DZIN PA TZAM GYIS DON DAM PA RTOGS SO SNYAM PA'I MNGON PA'I NGA RGYAL DANG, RNAM PAR 'JOG PA'I DBANG GIS JI LTAR BRJOD PA BZHIN DU MNGON PAR ZHEN PA DANG, MTHONG BA LA SOGS PA'I THA SNYAD LA BRTEN NAS, SROG LA SOGS PA YOD PAR RNAM PAR 'JOG PA 'DOGS PA DANG, PHAN TSUN MI MTHUN PAR 'DOGS PA BDAG DANG, GZHAN GYI PHYOGS LA RJES SU CHAGS PA DANG, KHONG KHRO BAR GYUR NA RTZOD PAR 'GYUR BA DANG, GO RIMS BZHIN DU SBYAR RO, ,RNAM PA 'DI LNGA NI DON DAM PA GONG NAS GONG DU MNGON PAR SGRUB PA'I TSUL DANG, GO RIMS BZHIN DU KHONG DU CHUD PAR BYA'O, ,DPE LNGA NI DON DAM PA'I RNAM PA LNGA DANG GO RIMS BZHIN DU SBYAR BAR SHES PAR BYA STE, 'DI LTAR MOS PA RNAM PA LNGA LAS BRTZAMS NAS YOD PA SEL BAR MOS PA DANG, 'DOD PA LA MOS PA DANG, RNAM PAR RTOG PA LA MOS PA DANG, THA SNYAD LA MOS PA DANG, BDAG GIR 'DZIN PA LA MOS PA'O, ,SNGON GYI GDUGS RNAMS ZHES BYA BA NI GANG DAG LA BCOM LDAN 'DAS MNGON PAR RDZOGS PAR SANGS RGYAS PA'O, ,SHIN TU SNGA BA ZHIG NA ZHES BYA BA NI, GANG DAG LA SANGS RGYAS GZHAN DAG MNGON PAR RDZOGS PAR SANGS RGYAS PA'O, ,MCHIS SHING ZHES BYA BA NI GANG DAG DNGOS PO 'DI JI LTA BA BZHIN DU GTAN LA DBAB PA'I PHYIR SNGON 'KHOD PA'O, ,'DUS NAS ZHES BYA BA NI, GANG DAG GIS DE DAG MTHONG NAS LHAG PA RNAMS SO, ,SEMS PAR BGYID CES BYA BA NI BSTAN PA'O, ,DE YANG RANG GI GZHUNG LUGS KYI SGRO 'DOGS PA DANG, SKUR PA DANG BRAL BA SEMS PA STE, DE'I PHYIR, 'JAL BAR BGYID CES GSUNGS SO, ,NYE BAR RTOGS PAR BGYID CES BYA BA NI RIGS PA LA BRTEN NAS SO, ,'DI GNYIS KYIS NI, JI LTAR SEMS PA DANG, GANG GI SEMS PA BSTAN PA YIN NO, ,DE LTAR YONGS SU TSOL BAR BGYID KYANG MA RTOGS NAS BLO GROS THA DAD PA ZHES BYA BA NI BLO GROS SO SOR GYUR PA'O, ,YID GNYIS CAN ZHES BYA BA NI GANG DAG SOM NYI ZA BA'O, ,BLO GROS NGAN PA ZHES BYA BA NI DE DAG LAS GANG DAG LOG PAR NGES PA DE DAG GO, ,RTZOD PA ZHES BYA BA NI SEMS KYIS SO, ,'GYED PAR GYUR PA ZHES BYA BA NI RTSIG GIS SO, ,GNOD PA BGYIS ZHES BYA BA NI @6A *, ,BSTAN PA'O, ,DE YANG MI RIGS PA SMRAS NA NGAG RTZUB PO 'BYIN PA'I PHYIR ZHER 'DEBS PA BYAS SO, ,RIGS PAR SMRAS NA SPONG BA LA SOGS PAS GAB GAB KYIS MNAN PA BYAS SO, ,TSAR BCAD BGYIS ZHES BYA BA NI 'DI GNYIS NYID KYIS SO, ,RTOGS PA ZHES BYA BA NI MTHONG BA'I LAM GYIS SO, ,MNGON SUM DU BGYIS ZHES BYA BA NI BSGOM PA'I LAM GYIS SO, ,BSNYAD CES BYA BA NI BSTAN PA'O, ,DE YANG GSAL BAR BYAS PA DANG RNAM PAR PHYE BA STE, DE LA GSAL BAR BYAS ZHES BYA BA NI CHOS GDAGS PA RNAM PAR GZHAG PAS LEGS PAR GSAL BAR BYAS PA'I PHYIR RO, ,RNAM PAR PHYE ZHES BYA BA NI DON RAB TU BSTAN PA'I PHYIR RO, ,BRTAG PA'AM RJES SU DPAG PA'AM MOS PAR MI NUS SO ZHES BYA BA NI RTOG GE BA DANG, RJES SU DPAG PA'I STOBS DANG, MOS PA'I STOBS KYIS SO, ,GSUM PA LA NI MOS PAS SPYOD PA'I SA LA GNAS PA'I BYANG CHUB SEMS DPA' SHIN TU RMONGS PA GNYIS KYIS SHIN TU RMONGS NAS DON DAM PA LA TSUL BZHIN MA YIN PAR SEMS TE, BTAGS PA LA SHIN TU RMONGS PA DANG, RIGS PA LA SHIN TU RMONGS PAS SO, ,BTAGS PA LA SHIN TU RMONGS PA NI NGES PA'I DON GYI MDO SDE LAS PHYI ROL DU GYUR PA'I PHYIR RO, ,RIGS PA LA SHIN TU RMONGS PA NI GTAN TSIGS LA SOGS PA YAN LAG MNGON PAR MI SHES PA'I PHYIR RO, ,BSGRIM MI DGOS PAR SHES PA DANG, BSGRIMS KYANG MI SHES PA NI GTAN TSIGS NYES PAR THAL BAR 'GYUR BA MED PAS GTAN TSIGS TE, DE CI'I PHYIR ZHE NA, BLO GROS SHIN TU RNAM PAR DAG ,GAL TE 'DU BYED KYI MTSAN NYID DANG, DON DAM PA'I MTSAN NYID THA DAD MIN PAR GYUR NA NI ZHES BYA BA NAS, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR YANG 'GYUR ZHES BYA BA DANG, DE'I PHYIR 'DU BYED KYI MTSAN NYID DANG; DON DAM PA'I MTSAN NYID THA DAD PA MA YIN ZHES BYA BAR MI RUNG STE ZHES BYA BA'I BAR DU RGYA CHER GSUNGS PA'I GZHUNG DES DAM PAR 'GYUR BA LA SOGS PA BSTAN PA DANG SBYAR RO, ,PHRA BA NYID BYE BRAG TU BYA BA'I PHYIR ZAB PA ZHES BYA BA GSUNGS SO, ,DE BZHIN DU GONG MA GONG MA BRJOD PA DE DAG GI @6B DON NI THUN MONG YIN PAR SHES PAR BYA'O, ,MCHOG TU PHRA BA NYID BSTAN PA NI NYAN THOS KYI THEG PA LA SOGS PA LAS BYE BRAG TU BYA BA'I PHYIR RO, ,BZHI PA LA NI MNGON PA'I NGA RGYAL RNAM PA GSUM GYI GNYEN POR THAMS CAD DU RO GCIG PA'I MTSAN NYID BSTAN TE, MNGON PA'I NGA RGYAL RNAM PA GSUM NI, GZUNG BA'I MNGON PA'I NGA RGYAL DANG, 'DZIN PA'I MNGON PA'I NGA RGYAL DANG, MTSAN NYID RAB TU DBYE BA'I MNGON PA'I NGA RGYAL LO, ,DE LA GZUNG BA'I MNGON PA'I NGA RGYAL GYI GNYEN POR BSTAN PA NI, DE CI'I PHYIR ZHE NA, RAB 'BYOR PHUNG PO RNAMS LA RNAM PAR DAG PA'I DMIGS PA GANG YIN PA DE NI NGAS DON DAM PA YIN PAR YONGS SU BSTAN CING ZHES RGYA CHER 'BYUNG BA'O, ,'DZIN PA'I MNGON PA'I NGA RGYAL GYI GNYEN POR BSTAN PA NI, RAB 'BYOR GZHAN YANG DGE SLONG RNAL 'BYOR PA NI ZHES RGYA CHER 'BYUNG BA'O, ,MTSAN NYID RAB TU DBYE BA'I MNGON PA'I NGA RGYAL GYI GNYEN POR BSTAN PA NI, RAB 'BYOR GZHAN YANG JI LTAR PHUNG PO DANG ZHES RGYA CHER 'BYUNG BA'O, ,LNGA PA LA NI SEMS KYI GSANG BA LA SHIN TU RMONGS PA RNAM PA GSUM STE, NGO BO NYID LA SHIN TU RMONGS PA DANG, RAB TU DBYE BA LA SHIN TU RMONGS PA DANG, BRGAL BA'I LAN LA SHIN TU RMONGS PA'O, ,DE LA NGO BO NYID LA SHIN TU RMONGS PA'I GNYEN POR BSTAN PA NI, BLO GROS YANGS PA 'GRO BA DRUG GI 'KHOR BA 'DIR ZHES BYA BA NAS, GZUGS CAN MA YIN PA'I KHAMS NA NI LEN PA GNYIS SU MED DO ZHES BYA BA'I BAR DU'O, ,RAB TU DBYE BA NI RNAM PA LNGA STE, MTSAN NYID RAB TU DBYE BA NI LEN PA'I RNAM PAR SHES PA ZHES KYANG BYA BA DANG, KUN GZHI'I RNAM PAR SHES PA ZHES KYANG BYA BA DANG, SEMS ZHES KYANG BYA STE ZHES BYA BA'O, ,LAS RAB TU DBYE BA NI 'DI LTA STE, DES LUS 'DI BZUNG ZHING BLANGS PA'I PHYIR RO ZHES BYA BA LA SOGS PA'O, ,'JUG PA'I RAB TU DBYE BA NI MIG GI RNAM PAR SHES PA LA SOGS PA DANG, LHAN CIG TU CIG CAR DANG CIG CAR MA YIN PAR 'JUG PA'I PHYIR RO, ,KUN RDZOB KYI RAB TU DBYE BA NI CHOS KYI LUGS SHES PA'I SPYOD YUL GYI GSANG BA'O, ,DON DAM PA'I RAB TU DBYE BA NI, LEN PA MI MTHONG ZHES BYA BA NAS YID KYI RNAM PAR SHES @7A *, ,PA YANG MI MTHONG LA ZHES BYA BA'I BAR DU STE, RNAM PAR MI RTOG PA'I YE SHES KYI STOBS DANG LDAN PA'I PHYIR RO, ,RNAM PAR MI RTOG PA'I YE SHES KYI SPYOD YUL GYI GSANG BA GANG YIN PA DE NI DON DAM PA'I SPYOD YUL GYI GSANG BA YIN PAR SHES PAR BYA'O, ,BRGAL BA'I LAN GYI RAB TU DBYE BA NI SA BON BSDUS PAS GZHAN GNYIS KYANG BSDUS PA'I PHYIR, DE GSANG BAR BSDUS PAS GZHAN GNYIS PO YID DANG RNAM PAR SHES PA YANG GSANG BAR BSDUS PAR SHES PAR BYA'O, ,SA BON THAMS CAD PA YIN PA'I PHYIR DE NI GSANG BA RNAM PAR GNAS PA STE, DE DAG GI NANG NAS DE NI BSTAN PA'I 'OS MA YIN PA'I PHYIR DANG, 'JUG PA'I RNAM PAR SHES PA RNAMS KYI SA BON GYI MTSAN NYID DU GNAS PA'I PHYIR DANG, RANG GI MTSAN NYID KYIS MI GNAS PA'I PHYIR SHES PAR DKA'O, ,DRUG PA LA NI DGOS PA DRUG DANG LDAN PA'I CHOS KYI MTSAN NYID BSTAN TE, GNYEN PO'I DGOS PA DANG, KUN TU BSTAN PA'I DGOS PA DANG, MNGON PAR BSGRUB PA'I DGOS PA DANG, THABS KYI DGOS PA DANG, RTOGS PA'I DGOS PA DANG, PHAN YON GYI DGOS PA'O, ,DE LA GNYEN PO'I DGOS PA NI, SHIN TU RMONGS PA RNAM PA BZHI'I GNYEN PO STE, SGRO 'DOGS PA'I RGYU MED PA'I DON LA SHIN TU RMONGS PA DANG, SKUR BA'I RGYU YOD PA'I DON LA SHIN TU RMONGS PA DANG, DE 'JIG PA'I RGYU KUN NAS NYON MONGS PA LA SHIN TU RMONGS PA DANG, RNAM PAR BYANG BA LA SHIN TU RMONGS PA'O, ,DE LA KUN TU BSTAN PA'I DGOS PA NI RNAM PA BZHI STE, DON KUN TU BSTAN PA DANG, PHYI KUN TU BSTAN PA DANG, NANG KUN TU BSTAN PA DANG, MNYAM PAR MA BZHAG PA'I SA LA KUN TU BSTAN PA'O, ,DE LA MNGON PAR BSGRUB PA'I DGOS PA NI RNAM PAR THAR BA'I SGO GSUM MNGON PAR BSGRUB PA'I PHYIR RO, ,DE LA THABS KYI DGOS PA NI GANG LA BRTEN NAS MTSAN NYID GSUM RAB TU SHES PA'O, ,DE LA RTOGS PA'I DGOS PA NI SHES BYA'I DNGOS PO'I DON YONGS SU SHES PA DANG, DE'I 'BRAS BU 'DOGS PAR MDZAD PA STE, SHES BYA RNAM PA THAMS CAD DANG LDAN PA'I PHYIR RO, ,DE LA PHAN YON GYI DGOS PA NI RNAM PA THAMS CAD MKHYEN PA NYID THOB PA STE, DE THAMS CAD @7B MNGON PAR RDZOGS PAR BSTAN PA'I PHYIR RO, ,DE LA YONGS SU SHES PAR BYA BA'I PHYIR DNGOS PO NI CHOS ZHES SMOS PA YIN PAR RIG PAR BYA'O, ,DE LA 'DOGS PAR MDZAD PA NI DE LTA BU YIN NA, BYANG CHUB SEMS DPA' CHOS RNAMS KYI MTSAN NYID LA MKHAS PA YIN NO ZHES 'DOGS PAR MDZAD PA'I PHYIR RO, ,BDUN PA LA NI DON LA LOG PAR RTOG PA RNAM PA BZHI'I GNYEN PO NGO BO NYID MED PA NYID GSUM BSTAN PA 'DI MA BRJOD NA, NGO BO NYID MED PA NYID KYI LDEM POR DGONGS PA BSTAN PA LA DON LA LOG PAR RTOG PA RNAM PA BZHIS CHUD ZA BAR 'GYUR BA DE'I GNYEN POR 'DI BSTAN TO, ,DE LA DON LA LOG PAR RTOG PA RNAM PA BZHI NI NGO BO NYID GSUM LA MA BRTEN PA'I PHYIR GNAS MED PA DANG, NGO BO NYID MED PA NYID RNAM PA GSUM LA DGONGS PA YONGS SU SPANGS PA'I PHYIR DGONGS PA MED PA DANG, SGRO 'DOGS PA MED CING SKUR BA MED PA'I DON RNAM PAR SPANGS PA'I PHYIR DON MED PA DANG, RANG GI MTSAN NYID KYIS MED PA GANG YIN PA DE NI MA SKYES PA YIN NO ZHES BYA BA LA SOGS PA LTAR SNGA PHYI LA LTOS PA MED PA'I PHYIR MA LTOS PA'O, ,BSTAN PA 'DOD PA'I GNYEN PO MA BRJOD NA GANG ZAG GI BYE BRAG GIS NI BSGRUB PA'I BYE BRAG DANG, MOS PA'I BYE BRAG SHES PAR BYA'O, ,DE LA BSGRUB PA'I BYE BRAG NI GZHI RNAM PA GSUM DANG LDAN PA YIN TE, BSTAN PA'I GZHI DANG LDAN PA NI, DE LA SEMS CAN GANG DAG DANG PO NYID NAS DGE BA'I RTZA BA MA BSKYED PA ZHES BYA BA LA SOGS PA'O, ,RIGS KYI GZHI DANG LDAN PA NI, DON DAM YANG DAG 'PHAGS, NYAN THOS KYI RIGS GANG ZAG ZHI BA'I BGROD PA GCIG PU PA NI ZHES BYA BA LA SOGS PA'O, ,RKYEN GYI GZHI DANG LDAN PA NI, NYAN THOS BYANG CHUB TU 'GYUR BA GANG YIN PA DE NI NGAS RNAM GRANGS KYI BYANG CHUB SEMS DPA' YIN PAR BSTAN TE ZHES BYA BA LA SOGS PA'O, ,MOS PA'I BYE BRAG NI RNAM PA LNGA STE, RIGS PHUN SUM TSOGS PA LAS GYUR PA DANG, MOS PA PHUN SUM TSOGS PA LAS GYUR PA DANG, SHES RAB PHUN SUM TSOGS PA LAS GYUR PA NI GCIG STE, DE LA SEMS CAN GANG DAG DGE BA'I RTZA BA CHEN PO BSKYED PA ZHES BYA BA LA SOGS PA'O, ,RIGS DANG MOS PA PHUN SUM TSOGS PA LAS GYUR LA, SHES RAB @8A *, ,DANG BRAL BAR GYUR PA NI GNYIS PA STE, DE LA SEMS CAN GANG DAG DGE BA'I RTZA BA BSKYED PA ZHES BYA BA LA SOGS PA'O, ,RIGS DANG MOS PA LAS GYUR PA DANG, SHES RAB CHUNG DU LAS GYUR PA NI GSUM PA STE, DE BZHIN GSHEGS PA'I CHOS BSTAN PA NI SEMS CAN MOS PA SNA TSOGS CAN GYI PHYIR 'JUG PA YIN ZHES BYA BA LA SOGS PA'O, ,RIGS DANG MOS PA PHUN SUM TSOGS PA LAS GYUR BA SHES RAB 'CHAL BA NI RNAM PA BZHI PA STE, CI STE SEMS CAN DE DAG LAS SEMS CAN GANG DAG BSOD NAMS DANG YE SHES KYI TSOGS CHEN PO'I BAR DU YANG DAG PAR 'GRUB PA MA YIN LA ZHES BYA BA LA SOGS PA'O, ,THAMS CAD PHUN SUM TSOGS SHING MGO GLENGS PAS GO BA LAS GYUR NA NI LNGA PA STE, 'DI LTAR 'PHAGS PA DON DAM YANG DAG 'PHAGS KYIS CHAB MAR STZAL NA ZHES BYA BA DANG, BCA' SGA DANG RI MO BRI BA'I GZHI DANG, NAM MKHA'I DPE BSTAN TE, TSUL KHRIMS DANG TING NGE 'DZIN GYI GTAM DANG, SHES RAB KYI GTAM DANG, KUN RDZOB KYI GTAM DANG, DON DAM PA'I GTAM DANG, GO RIMS BZHIN SBYAR BAR BYA'O, ,BRGYAD PA LA NI RNAM PA DRUG GIS RNAL 'BYOR GYI LAM BSTAN TE, YONGS SU SHES PA DANG, , YONGS SU MI SHES PA DANG, NGO BO NYID DANG, SBYOR BA'I RGYU DANG, 'THOB PA DANG, 'THOB PA'I THABS DANG, CHUD MI ZA BAR BYA BA'I PHYIR GDAGS PA GTAN LA DBAB PAS DE BSTAN TO, ,DE LA ZHI GNAS DANG LHAG MTHONG GIS YONGS SU BSDUS PA NI NGO BO NYID DO, ,CHOS GDAGS PA RNAM PAR GZHAG PA LA DMIGS PA DANG, SMON LAM MI GTONG BA DANG, DMIGS PA'I DNGOS PO BZHI NI SBYOR BA'I RGYU'O, ,BYAMS PA NGAS CHOS GDAGS PA RNAM PAR GZHAG PA 'DI LTA STE ZHES BYA BA LA SOGS PA NI 'THOB PA'O, ,BCOM LDAN 'DAS BYANG CHUB SEMS DPA' DE JI SRID DU ZHES BYA BA LA SOGS PA NI 'THOB PA'I THABS SO, ,LHAG MA NI CHUD MI ZA BAR BYA BA'I PHYIR GDAGS PA GTAN LA DBAB PAR SHES PAR BYA'O, ,DE LA CHUD MI ZA BAR BYA BA'I PHYIR GDAGS PA GTAN LA DBAB PA NI RNAM PA MANG BAR SHES PAR BYA STE, RNAM PAR MI RTOG PA'I YE SHES LA GNAS PA'I TING NGE 'DZIN CHUD MI ZA BAR BYA BA NI, BCOM @8B LDAN 'DAS ZHI GNAS KYI LAM DANG LHAG MTHONG GI LAM THA DAD CES BGYI'AM, THA DAD PA MA LAGS ZHES BGYI ZHES BYA BA LA SOGS PA'O, ,RNAM PAR MI RTOG PA'I YE SHES RTOGS PA CHUD MI ZA BAR BYA BA NI, BCOM LDAN 'DAS RNAM PAR LTA BAR BGYID PA'I TING NGE 'DZIN GYI SPYOD YUL GZUGS BRNYAN GANG LAGS PA DE ZHES BYA BA LA SOGS PA'O, ,MTSAN MA GSUM BSGOM PA LA DUS MA SHES PAS CHUD MI ZA BAR BYA BA NI, BCOM LDAN 'DAS JI TZAM GYIS NA GCIG TU LHAG MTHONG BSGOM PA LAGS ZHES BYA BA LA SOGS PA'O, ,CUNG ZAD TZAM GYIS CHOG PAR 'DZIN PA RNAM PAR GZHIG PA NI, BCOM LDAN 'DAS LHAG MTHONG LA RNAM PA DU MCHIS ZHES BYA BA LA SOGS PA STE, MTSAN MA LAS BYUNG BA LA SOGS PAS CHOG PAR MI 'DZIN PA'I PHYIR RO, ,DBANG PO YONGS SU NYAMS PA RNAM PAR GZHIG PAR BYA BA NI, BCOM LDAN 'DAS ZHI GNAS DANG LHAG MTHONG NGAM CHOS LA GNAS PA ZHES KYANG BGYI ZHES BYA BA LA SOGS PA'O, ,DGE BA 'PHEL BA CHUD MI ZA BAR BYA BA NI, BCOM LDAN 'DAS ZHI GNAS DANG LHAG MTHONG NAM MA 'DRES PA'I CHOS LA DMIGS PAS KYANG BGYI ZHES BYA BA LA SOGS PA STE, JI TZAM DU DMIGS PA LA SEMS BSDUS PA DE TZAM DU DGE BA'I RTZA BA 'PHEL BA'I PHYIR RO, ,RTOG PA DANG G-YO BA GNYEN PO DANG BCAS PA CHUD MI ZA BAR BYA BA NI, BCOM LDAN 'DAS JI LTAR NA ZHI GNAS DANG LHAG MTHONG RTOG PA DANG BCAS SHING DPYOD PA DANG BCAS PA'I TING NGE 'DZIN DU 'GYUR BA LAGS ZHES BYA BA LA SOGS PA'O, ,BSGOM PA LA RGYU YONGS SU SHES PA DANG CHUD MI ZA BAR BYA BA NI, BCOM LDAN 'DAS ZHI GNAS KYI RGYU MTSAN NI GANG LAGS ZHES BYA BA LA SOGS PA'O, ,MNGON PA'I NGA RGYAL RNAM PAR GZHIG PAR BYA BA NI, BCOM LDAN 'DAS BYANG CHUB SEMS DPA' ZHI GNAS DANG LHAG MTHONG BSGOM PA CHOS SO SOR YANG DAG PAR RIG PA DANG ZHES BYA BA LA SOGS PA STE, MNGON PA'I NGA RGYAL MED PAR BYA BA'I PHYIR CHOS DANG DON SO SOR YANG DAG PAR RIG PA'I MTSAN NYID YONGS SU BSTAN PA'I PHYIR RO, ,DON THAMS CAD BSDUS PA DANG, BSTAN PAS DON THAMS CAD BSDUS PA DANG, SEMS LA BRTAG PA BSDUS PA DANG, GNAS DANG RTEN RGYA CHE BA DANG, @9A *, ,ZAB PA'I DON THAMS CAD KYIS SO, ,SHES PAR BYA BA'I CHOS THAMS CAD BSDUS PA NI JI SNYED YOD PA NYID DANG, JI LTAR BZHIN DU YOD PA NYID GZUNG BA DANG 'DZIN PA LA BRJOD DO, ,GZUNG BA'I DON NI GNAS DANG LONGS SPYOD KDON GYIS RAB TU PHYE BA'O, ,'DZIN PA LA SOGS PA 'DI DAG LA PHYIN CI LOG SNGON DU 'GRO BA NI KUN NAS NYON MONGS SO, ,PHYIN CI MA LOG PA SNGON DU 'GRO BA NI RNAM PAR BYANG BA'O, ,GRONG MTSAMS DANG DE RGYAL BA LA SOGS PA BSTAN PA NI 'JIG RTEN GYI KHAMS DPAG TU MED PA MNGON PAR SGRUB PA'I RGYU'O, ,BSTAN PAS DON THAMS CAD BSDUS PA NI BDEN PA GNYIS LA BRTEN NAS SANGS RGYAS RNAMS CHOS STON TO, ,DER KUN NAS NYON MONGS PA'I SKYON BRJOD, RNAM PAR BYANG BA'I YON TAN BRJOD, KUN NAS NYON MONGS PA DANG RNAM PAR BYANG BA'I CHOS DE DAG NI RKYEN RNAMS LAS 'BYUNG BA YIN GYI, DBANG PHYUG LA SOGS PA LAS BYUNG BA NI MA YIN NO; ,DE DAG KYANG DUS SU GTOGS PA STE, 'DUS BYAS KYI MTSAN NYID RNAMS KYIS RAB TU PHYE BA'O, ,DE LTAR NA MI RTAG PA DANG NAD LA SOGS PAS SDUG BSNGAL BA DANG, NYAN THOS KYI THEG PA LA NI SDUG BSNGAL LA SOGS PA DANG, THEG PA CHEN PO LA NI DE BZHIN NYID LA SOGS PAS YONGS SU SHES SO, ,DA DAG NI BSDU BA DANG, DBYE BA GNYIS KYIS STON PAR MDZAD DO, ,LAN 'DEBS NA YANG MGO GCIG TU LAN GDAB PA LA SOGS PAS LAN 'DEBS PAR MDZAD DO, ,BZHI PA DON THAMS CAD BSDUS PA LA GNAS NI TSIG 'BRU'O, ,RTEN PA NI DON TO, ,'DI GNYIS NI BSTAN PA ZAB PA DANG, DON ZAB PAR SHES PAR BYA'O, ,KHAMS KYI DON GYIS RGYA CHE STE, DPAG TU MED PA'I PHYIR RO, ,ZHI GNAS TZAM DU ZAD PAS CHUD MI ZA BAR BYA BA NI SHES PA DANG MTHONG BA YONGS SU TSOL BA'I PHYIR RO, ,PHRA BA KUN TU 'BYUNG BA YONGS SU SHES PA CHUD MI ZA BAR BYA BA NI, BCOM LDAN 'DAS BYANG CHUB SEMS DPA' ZHI GNAS DANG LHAG MTHONG BSGOMS PAS YID LA BGYID PA GANG GIS MTSAN MA GANG JI LTAR RNAM PAR SEL BAR BGYI LAGS ZHES BYA BA LA SOGS PA'O, ,STONG PA NYID LA SKRAG PA RNAM PAR GZHIG PAR BYA BA NI, BCOM LDAN 'DAS THEG PA CHEN PO LA ZHES BYA BA NAS STONG PA NYID KYI MTSAN NYID BSDUS PA GANG @9B LAGS ZHES BYA BA LA SOGS PA'O, ,ZHI GNAS DANG LHAG MTHONG BSGOM PA LA NGO BO NYID DANG, RGYU DANG, 'BRAS BU DANG, LAS DANG SBYOR BA DANG, 'JUG PA'I DON LAS BRTZAMS TE GDAMS NGAG SBYIN PA CHUD MI ZA BAR BYA BA NI, BCOM LDAN 'DAS ZHI GNAS DANG LHAG MTHONG DAG GIS TING NGE 'DZIN ZHIG BSDUS LAGS ZHES BYA BA LA SOGS PA'O, ,BSGOM PA LA 'DUN PA DRAG PO MED PA RNAM PAR GZHIG PAR BYA BA NI MTSAN MA PHRA MO KUN TU 'BYUNG BA BZHI'I DON NI DRAN PA NYE BAR GZHAG PA'I RJES SU 'BRANG BAS RIG PAR BYA'O, ,LHAG MA RNAMS NI STONG PA NYID BCU DRUG GI RJES SU 'BRANG BAS RIG PAR BYA'O, , DOR BA MED PA STONG PA NYID LA NI TSIG GNYIS BSDUS PA DANG SBYAR BAR BYA'O, ,MTSAN NYID STONG PA NYID LA MTSAN MA GNYIS SO, ,LHAG MA RNAMS NI RE RE DANG SBYAR BAR RIG PAR BYA'O, ,DGU PA LA NI PHA ROL TU PHYIN PA YONGS SU RDZOGS PA LA MKHAS PAR BYA BA LA BRTZAMS NAS 'DRI BA DANG LAN BRJOD DE, PHA ROL TU PHYIN PA RNAMS THEG PA CHEN POS BSDUS PA'I PHYIR RO, ,JI LTAR YONGS SU RDZOGS PA NI SA RAB TU DBYE BAS TE, BCOM LDAN 'DAS BYANG CHUB SEMS DPA' RNAMS KYIS BCU GANG LAGS PA DE DAG NI 'DI LTA STE ZHES BYA BA LA SOGS PA'O, ,SBYIN PA'I PHA ROL TU PHYIN PA LA SOGS PA GANG DAG YONGS SU RDZOGS PA NI, BCOM LDAN 'DAS BYANG CHUB SEMS DPA' RNAMS KYI BSLAB PA'I GZHI DU MCHIS LAGS ZHES BYA BA LA SOGS PA'O, ,DE LA 'BRAS BU LA MKHAS PA DANG, MI MTHUN PA'I PHYOGS DANG GNYEN PO LA MKHAS PA DANG, MING LA MKHAS PAR BYA BA LA BRTZAMS NAS DRI BA GSUM MO, ,SA RNAMS KYI MI MTHUN PA'I PHYOGS KYI RAB TU DBYE BA LA MKHAS PA NI SHES RAB RNAM PAR GROL BA'I MI MTHUN PA'I PHYOGS DANG, SEMS RNAM PAR GROL BA'I MI MTHUN PA'I PHYOGS TE, BCOM LDAN 'DAS DE DAG LA KUN TU RMONGS PA NI DU MCHIS, GNAS NGAN LEN MI MTHUN PA'I PHYOGS NI DU MCHIS LAGS ZHES BYA BA LA SOGS PA'O, ,GNYEN PO'I RAB TU DBYE BA LA MKHAS PA NI SOR CHUD PA'I DGE BA BSDUS PA'I PHYIR RO, ,BDAG DANG GZHAN GYI RGYUD YONGS SU SMIN PA'I GNAS LA MKHAS PA NI, BCOM LDAN 'DAS CI'I SLAD DU SRID PAR SKYE BA THAMS CAD KYI NANG NA BYANG CHUB SEMS DPA' @10A *, ,SKYE BA RAB MCHOG CES BGYI LAGS ZHES BYA BA LA SOGS PA'O, ,BSAM PA YONGS SU RDZOGS PAR BYA BA'I THABS LA MKHAS PA NI, BCOM LDAN 'DAS CI'I SLAD DU BYANG CHUB SEMS DPA' RNAMS SMON LAM RGYA CHEN POS MCHI BA DANG ZHES BYA BA LA SOGS PA'O, ,BDAG DANG SEMS CAN YONGS SU SMIN PAR BYA BA'I THABS LA MKHAS PA NI, BSLAB PA'I GZHI DRUG PO DAG LA'O, ,GNAS DANG GNAS PA LA MKHAS PA NI BSLAB PA GSUM PO SNGA MA SNGA MA LA PHYI MA PHYI MA GNAS PA'I PHYIR RO, ,MNGON PAR MTHOB DANG NGES PAR LEGS PA'I THABS LA MKHAS PA NI BSOD NAMS DANG YE SHES GNYIS DE DAG GI RGYU YIN PA'I PHYIR RO, ,LEGS PAR SHIN TU BSLAB PA LA MKHAS PA NI, BCOM LDAN 'DAS BSLAB PA'I GZHI DRUG PO DE DAG LA BYANG CHUB SEMS DPA' JI LTAR BSLAB PAR BGYI LAGS ZHES BYA BA LA SOGS PA'O, ,LEGS PAR MKHAS PA NI KHAMS BRTAS PA DANG, TSOGS YANG DAG PAR SGRUB PA DANG, THEG PA LA YONGS SU MI NYAMS PA DANG, SOM NYI MED PA DANG GNAS SKABS LAS SHES PAR BYA'O, ,MTHAR THUG PA BSDU BA LA MKHAS PA NI, BCOM LDAN 'DAS CI'I SLAD DU BSLAB PA'I GZHI DE DAG DANG GRANGS DRUG TU GDAGS PAR RIG PAR BGYI LAGS ZHES BYA BA LA SOGS PA'O, ,GROGS LA MKHAS PA NI, BCOM LDAN 'DAS CI'I SLAD DU PHA ROL TU PHYIN PA GZHAN DAG GRANGS BZHIR GDAGS PAR RIG PAR BGYI LAGS ZHES BYA BA LA SOGS PA'O, ,'BYUNG BA LA MKHAS PA NI, BCOM LDAN 'DAS CI'I SLAD DU PHA ROL TU PHYIN PA DRUG PO DE DAG GI GO RIMS DE LTAR BSTAN PAR RIG PAR BGYI LAGS ZHES BYA BA LA SOGS PA'O, ,THA DAD PA RAB TU DBYE BA LA MKHAS PA NI, BCOM LDAN 'DAS PHA ROL TU PHYIN PA DE DAG RNAM PA DU MA RAB TU DBYE LAGS ZHES BYA BA LA SOGS PA'O, ,RDZOGS PA LA MKHAS PA NI, BCOM LDAN 'DAS CI'I SLAD DU PHA ROL TU PHYIN PA DE DAG LA PHA ROL TU PHYIN PA RNAMS ZHES BGYI LAGS ZHES BYA BA LA SOGS PA'O, ,GDAGS PA BSDU BA LA MKHAS PA NI, BCOM LDAN 'DAS RNAM PA LNGA PO DE DAG GI SO SO'I LAS GANG LAGS ZHES BYA BA LA SOGS PA'O, ,YON TAN GYI KHYAD PAR LA MKHAS PA NI, BCOM @10B LDAN 'DAS PHA ROL TU PHYIN PA DE DAG GI RGYA CHE BA NYID GANG LAGS ZHES BYA BA LA SOGS PA'O, ,RGYUN MI 'CHAD PA LA MKHAS PA NI, BCOM LDAN 'DAS CI'I SLAD DU BYANG CHUB SEMS DPA' RTAG TU PHA ROL TU PHYIN PA'I RNAM PAR SMIN PA'I 'BRAS BU 'DOD PA BSAM 'TSAL BA DANG ZHES BYA BA LA SOGS PA'O, ,RGYU NYID LA GNAS PA'I THABS LA MKHAS PA NI, BCOM LDAN 'DAS CI'I SLAD DU BYANG CHUB SEMS DPA' PHA ROL TU PHYIN PA RNAMS LA JI LTA BA DE LTAR PHA ROL TU PHYIN PA'I RNAM PAR SMIN PA'I 'BRAS BU 'DOD PA LA DAD PAS GNAS PA MA LAGS ZHES BYA BA LA SOGS PA'O, ,BYA BA SGRUB PA LA MKHAS PA NI, BCOM LDAN 'DAS PHA ROL TU PHYIN PA DE DAG GI SO SO'I MTHU GANG LAGS ZHES BYA BA LA SOGS PA'O, ,YONGS SU BSDUS PA'I YANG DAG PAR GRUB PA'I PHAN YON LA MKHAS PA NI, BCOM LDAN 'DAS PHA ROL TU PHYIN PA DE DAG RGYU GANG LAS BYUNG BA DANG, 'BRAS BU GANG DANG LDAN PA DANG, DON GANG DAG DANG LDAN PA LAGS ZHES BYA BA LA SOGS PA'O, ,'BRAS BU NI BDAG DANG GZHAN GYI CHED YIN PAR RIG PAR BYA'O, ,SEMS CAN LA PHAN GDAGS PA'I GEGS BYED PA LA MKHAS PA NI, BCOM LDAN 'DAS GAL TE ZHES BYA BA NAS CI'I SLAD DU 'JIG RTEN NA DBUL PO DAG GDA' LAGS ZHES BYA BA LA SOGS PA'O, ,THABS LA 'JUG PA CHUD MI ZAB LA MKHAS PA NI, BCOM LDAN 'DAS BYANG CHUB SEMS DPA' CHOS RNAMS KYI NGO BO NYID MA MCHIS PA NYID PHA ROL TU PHYIN PA GANG GIS 'DZIN LAGS ZHES BYA BA LA SOGS PA'O, ,'GRIB PA DANG 'PHEL BA LA MKHAS PA NI, BCOM LDAN 'DAS PHA ROL TU PHYIN PA ZHES KYANG BGYI ZHES BYA BA LA SOGS PA'O, ,KUN NAS NYON MONGS PA'I RGYUN RJES SU 'DZIN PA GZHIG PA LA MKHAS PA NI, BCOM LDAN 'DAS DE DAG NYON MONGS PA'I BAG LA NYAL RNAM PA DU MCHIS LAGS ZHES BYA BA LA SOGS PA'O, ,NGES PAR 'BYIN PA'I BYE BRAG GI RAB TU DBYE BA LA MKHAS PA NI, BCOM LDAN 'DAS KYI NYAN THOS KYI THEG PA GANG YIN PA DANG, THEG PA CHEN PO GANG YIN PA DE NI ZHES BYA BA LA SOGS PA'O, ,DE LA GANG DAG DON LA SGRA JI BZHIN KHO NAR RNAM PAR RTOG PA KHA CIG NI SGRO 'DOGS PAR BYED CES BYA BA NI, KUN BRTAGS PA'I MTSAN @11A *, ,NYID KYIS GZUGS LA SOGS PA'O, ,KHA CIG NI SKUR PA 'DEBS PAR BYED CES BYA BA NI CHOS THAMS CAD NGO BO NYID MED PA'O ZHES BYA BA 'DIS CHOS THAMS CAD KYI MTSAN NYID LA SKUR BA'I PHYIR RO, ,BCU PA LA NI DE BZHIN GSHEGS PA'I SKU LA SHIN TU RMONGS PA RNAMS KYI GNYEN POR NI MI RTAG PAR RTOG PA'I GNYEN POR CHOS KYI SKU BSTAN PA DANG, NOR BAR RTOG PA'I GNYEN POR SKYE BAR 'BYUNG BA BSTAN PAS STON TO, ,SDE SNOD BTAGS PA LA SHIN TU RMONGS PA RNAMS KYI GNYEN POR DE MA NOR BAR BSTAN TO, ,MA MO'I MTSAN NYID BCU GCIG GANG YIN PA DE NI MTSAN NYID RNAM PA LNGAR 'GYUR TE, GNYIS NI BSTAN PA'I MTSAN NYID DO, ,GSUM NI YONGS SU BRTAGS PA'I MTSAN NYID DO, ,GNYIS NI 'BRAS BU'I MTSAN NYID DO, ,GNYIS NI DE DAG GI GEGS DANG PHAN 'DOGS PA'I MTSAN NYID DO, ,GNYIS NI DE'I NYES PA DANG YON TAN GYI MTSAN NYID DO, ,LHAG MA NI SANGS RGYAS KYI SPYOD YUL LA SHIN TU RMONGS PA'I GNYEN PO STE, BSTAN PA DE THAMS CAD KYANG DE BZHIN GSHEGS PA SKYE BA BSTAN PA'I TSUL DU RIG PAR BYA'O, ,BCU PA RDZOGS SO,, ,,YANG DAG PA MA YIN PA KUN TU RTOG PA JI LTAR YONGS SU SHES PAR BYA ZHE NA, GNAS DANG, MTSAN NYID DANG; THABS DANG, 'BRAS BU DANG, RGYU DANG, MTHAR THUG PAR 'GYUR BA DANG, RTEN DANG, RAB TU DBYE BAS YONGS SU SHES PAR BYA'O, ,DE LA GNAS NI BYANG CHUB SEMS DPA'O, ,MTSAN NYID NI PHYIN CI LOG GI RGYU NYID DO, ,THABS NI THOS PA DANG, BSAMS PA DANG, BSGOMS PAS LAS BYUNG BA'I SHES RAB BO, ,'BRAS BU NI DE SPANGS PA BLA NA MED PA YANG DAG PAR RDZOGS PA'I BYANG CHUB DANG SEMS CAN GYI DON THOB PAR BYED PA'O, ,RGYU NI RIGS PA DANG, SANGS RGYAS 'BYUNG BA MNYES PAR BYED PA DANG, DAM PA'I CHOS NYAN PA DANG, TSUL BZHIN YID LA BYED PA DANG, CHOS KYI RJES SU MTHUN PA'I CHOS KYI NAN TAN NO, ,MTHAR THUG PAR GYUR PA NI DE BZHIN NYID RTOGS PA STE, GANG RTOGS PA PAS YANG DAG PA MA YIN PA KUN TU RTOGS PA YONGS SU SHES PA YIN NO, ,RTEN NI MOS PAS SPYOD PA'I SA DANG, SA DANG PO DANG, SANGS RGYAS KYI SA'O, ,RAB TU DBYE BA NA RNAM PA BCU @11B BDUN TE, 'BYUNG BA'I RAB TU DBYE BA DANG, MA BYUNG BA'I RAB TU DBYE BA DANG, 'DZIN PA'I RAB TU DBYE BA DANG, GZUNG BA'I RAB TU DBYE BA DANG, PHYI ROL DU BLTAS PA'I RAB TU DBYE BA DANG, NANG DU BLTAS PA'I RAB TU DBYE BA DANG, NYON MONGS PA CAN GYI RAB TU DBYE BA DANG, NYON MONGS PA CAN MA YIN PA'I RAB TU DBYE BA DANG, SKYES NAS MYONG BAR 'GYUR BA'I RAB TU DBYE BA DANG, LAN GRANGS GZHAN LA RAB TU MYONG BA'I RAB TU DBYE BA DANG, MED PA'I RAB TU DBYE BA DANG, YOD PA DANG MED PA'I RAB TU DBYE BA DANG, YANG DAG PA'I RAB TU DBYE BA DANG, YANG DAG PA DANG YANG DAG PA MA YIN PA'I RA BTU DBYE BA DANG, YANG DAG PA'I RGYU MTHUN PA'I RAB TU DBYE BA DANG, 'DIR CI ZHES BSTAN PA'I RAB TU DBYE BA DANG, 'DAS PA DANG DA LTAR BYUNG BA LA SOGS PA'I RAB TU DBYE BA'O, ,YANG DAG MIN RTOG YANG DAG MIN, ,YANG DAG MIN MIN MI RTOG NYID, ,RTOG PA MA YIN MI RTOG MIN, ,THAMS CAD SHES PAR BRJOD PAR BYA, ,ZHES BYA BA RNAM PA 'DI BZHIS KHONG DU CHUD PAR BYA'O, ,'PHAGS PA DGONGS PA NGES PAR 'GREL PA'I RNAM PAR BSHAD PA SLOB DPON THOGS MED KYIS MDZAD PA RDZOGS SO,, ,,RGYA GAR GYI MKHAN PO DZI NA MI TRA DANG, SH'I LEN DRA BO DHI DANG, ZHU CHEN GYI LO TZ'A BA BANDE YE SHES SDES BSGYUR CING ZHUS TE GTAN LA PHAB PA,, #, ,RGYA GAR SKAD DU, BUDDHA AA NU SMRi TI BRiTTI, BOD SKAD DU, SANGS RGYAS RJES SU DRAN PA'I 'GREL BA, 'JAM DPAL GZHON NUR GYUR PA LA PHYAG 'TSAL LO,, 'DI LTAR YANG BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA, BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS ZHES BYA BA LA, YON TAN GYI BDAG NYID CHE BA'I SKO NAS DE BZHIN GSHEGS PA RNAMS LA DANG BA BSKYED PA'I PHYIR DE LA DANG POS NI THUN MONG GI SANGS RGYAS RJES SU DRAN PA BSTAN TO, ,GNYIS PAS NI MCHOG TU SEMS CAN GYI DON BYA BA RJES SU BSGRUB PA'I THABS BSTAN PA'I PHYIR BYANG CHUB @12A *, ,SEMS DPA' RNAMS KYI THUN MONG MA YIN PA NYID YIN NO, ,RE ZHIG DANG POS JI LTAR DE BZHIN GSHEGS PA RNAMS KYI YON TAN GYI BDAG NYID CHE BA DE MNGON PAR BRJOD PAR 'GYUR ZHE NA, TSIG DGUS GO RIMS BZHIN DU 'CHING BA GCOD PAR MDZAD PAS STON PA PHUN SUM TSOGS PAR BSTAN TO, ,RTOGS PA'I MTSAN NYID STON PA'I PHYIR TE, GANG GI RGYUS SHE NA, 'DI LTAR YANG BCOM LDAN 'DAS KYIS GZIGS TE, SEMS CAN SKAL BA DANG LDAN PA DANG MI LDAN PA THUGS SU CHUD NAS SKAL BA DANG LDAN PA RNAMS 'DUL BAR MDZAD PAS DE'I PHYIR YANG STON PA GRUB PAR RAB TU GNAS SO, ,DE LTAR STON PA'I PHYIR YON TAN GYI BDAG NYID CHE BA MNGON PAR BRJOD PA YIN NO, ,DE LA BCOM LDAN 'DAS ZHES BYA BA 'DIS NI 'CHING BA GCOD PAR BSTAN PA YIN TE, BCOM PA DANG LDAN PAS NA BCOM LDAN 'DAS ZHES BYA STE, NGES PA'I TSIG TU RIG PAR BYA'O, ,YANG JI LTAR 'DIR 'CHING BA GCOD PAS STON PA PHUN SUM TSOGS PA YIN ZHE NA, LHA'I BU'I BDUD DES BCOM PAS NA DANG PO STON PA PHUN SUM TSOGS PA BRNYES PA YIN NO, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS ZHES BYA BA'I TSIG RNAMS KYIS STON PA PHUN SUM TSOGS PA BSTAN TE; STON PA PHUN SUM TSOGS PA DE YANG RNAM PA GNYIS TE, STON PA'I MTSAN NYID DANG, THUGS SU CHUD PA'I MTSAN NYID DO, ,STON PA YANG PHYIN CI MA LOG PAR STON PA MDZAD PA'I PHYIR TE, DE BAS NA BCOM LDAN 'DAS DE BZHIN GSHEGS PA ZHES BYA STE, DE KHON BZHIN DU PHYIN CI MA LOG PAR CHOS STON PAR MDZAD CES BYA BA'I DON TO, ,THUGS SU CHUD PA YANG RNAM PA GNYIS TE, SPANGS PA PHUN SUM TSOGS PA DANG, YE SHES PHUN SUM TSOGS PA'O, ,SPANGS PA PHUN SUM TSOGS PA DANG LDAN PAS BCOM LDAN ZHES BYA'O, ,NYON MONGS PA'I DGRA GANG YIN PA DE 'OMS PAS NA DGRA BCOM PA ZHES BYA'O, ,MI DGE BA'I CHOS THAMS CAD SPANGS PA'I PHYIR YE SHES PHUN SUM TSOGS PA DANG LDAN PAS NA YANG DAG PAR RDZOGS PA'I SANGS RGYAS ZHES BYA'O, ,YANG DAG PA PHYIN CI MA LOG PA THUGS SU CHUD PAR 'DIS MDZAD PAS NA DE BAS NA DE YANG DAG PAR RDZOGS PAR GYUR PAS STON PA PHUN SUM TSOGS @12B PA YIN NO, ,PHYIN CI MA LOG PAR CHOS STON PA MDZAD PA DANG, NYON MONGS PA THAMS CAD SPANGS SHING CHOS THAMS CAD THUGS SU CHUD PAS NA PHYI ROL PA'I STON PA DMAN PA CHOS PHYIN CI LOG TU STON CING NYON MONGS PA THAMS CAD MA SPANGS PA RNAMS LAS, DE BAS NA STON PA 'DI NYID KHYAD PAR DU 'PHAGS PA YIN NO, ,NYAN THOS DANG RANG SANGS RGYAS RNAMS KYANG NYON MONGS PA THAMS CAD SPANGS PAR NGES PA YIN MOD KYI, CHOS THAMS CAD KYI RNAM PAR STON PAR BYED PA DANG, CHOS THAMS CAD KYI RNAM PA MNGON PAR BYANG CHUB PA MA YIN TE, DE BAS NA 'DI NYID RNAM PA THAMS CAD STON PAS KHYAD PAR DU 'PHAGS PA YIN NO, ,'DI LTAR YANG CHOS THAMS CAD PHYIN CI MA LOG PAR STON PAR MDZAD PA DANG, NYES PA MA LUS PA DANG BRAL ZHING, CHOS THAMS CAD KYI RNAM PAR MNGON PAR RDZOGS PAR BYANG CHUB PAR BCOM LDAN 'DAS LAS DMIGS PAS DE'I PHYIR DE LTA BUR GYUR PA'I BCOM LDAN 'DAS CHOS THAMS CAD KYI RNAM PA STON PAR MDZAD PAS PHUN SUM TSOGS PA BRNYES PA ZHES BSTAN TO, ,RIG PA DANG ZHABS SU LDAN PA ZHES BYA BA 'DIS NI STON PA PHUN SUM TSOGS PA'I RGYU BSTAN TO, ,RIG PA DANG ZHABS ZHES BYA BA LA, 'PHAGS PA'I LAM YAN LAG BRGYAD PA'I YANG DAG PA'I LTA BA NI RIG PA YIN NO, ,YAN LAG LHAG MA NI ZHABS SO, ,MA MTHONG BA RKANG PA MED PAS 'GRO BAR NUS PAR MI 'GYUR BAS DE BAS NA BSLAB BA GSUM LA RIG PA DANG ZHABS ZHES BYA STE, LHAG PA'I SHES RAB KYI BSLAB PA NI RIG PA ZHES BYA'O, ,LHAG PA'I SEMS DANG, LHAG PA'I TSUL KHRIMS KYI BSLAB PA NI ZHABS SO, ,SHES RAB KYI SNA 'DREN PA YIN PA'I PHYIR RKANG PA RNAMS KYIS ZHABS SMOS PAR BYA STE, YANG RIG PA SNGON DU SMOS PA YIN TE, DE YONGS SU DAG PAS TSUL KHRIMS DANG TING NGE 'DZIN YONGS SU DAG PA DE BAS NA GANG GI PHYIR SHES RAB KYI MIG GIS BSTAN NAS TSUL KHRIMS DANG TING NGE 'DZIN DE GNYIS KYI RKANG PAS BGROD PAR BYA BA BZHIN DU PHYIN PAS DE BAS NA ZHABS ZHES BYA'O, ,DE GSUM LA BSLAB PA ZHES BSTAN TE, GSUM PO DE LAS KYANG RIG PA DANG POR BZUNG BA YIN PAS RIG PA ZHES SMOS SO, ,ZHABS DE DAG LAS DANG PO YIN PA'I PHYIR TSUL KHRIMS PHUN SUM TSOGS PA DANG, CHO GA PHUN SUM TSOGS PA DANG, SBYOD @13A *, ,LAM PHUN SUM TSOGS PA DANG, SPYOD YUL PHUN SUM TSOGS PA BZHI POS DANG POR SEMS BDE BA LA REG PAR GNAS PA YIN PAS ZHABS ZHES SMOS SO, ,YANG DE GSUM LA RIG PAS NI SNGON GYI GNAS RJES SU DRAN PA'I YE SHES KYIS MNGON SUM DU MDZAD PA DANG, 'CHI 'PHO DANG SKYE BA SHES PA'I YE SHES KYIS MNGON SUM DU MDZAD PA DANG, ZAG PA MED PA SHES PA'I YE SHES KYIS MNGON SUM DU MDZAD DE, MKHYEN PA DE YANG 'DIR GANG GI TSE BCOM LDAN 'DAS BYANG CHUB KYI SHING DRUNG DU BZHUGS NAS MTSAN MO'I THUN DANG PO DANG GNYIS PA LA SNGON DANG PHYI MAR GYUR PA'I GNAS RJES SU DGONGS SHING MTHAR THUG PA MED PA'I 'CHI 'PHO DANG SKYE BA GZIGS NAS THUN GSUM PA LA SPANG BAR BYA BA GANG YIN PA MNGON PAR RDZOGS PAR BYANG CHUB PA BRNYES PAS DE THAMS CAD SPANGS TE MNGON PAR RDZOGS PAR BYANG CHUB PA MNGON SUM DU MDZAD DE, ZAG PA MED PA'I YE SHES THAMS CAD MKHYEN PA RJES SU BRNYES PAS DE'I PHYIR YANG RIG PAS SNA DRANGS PAR GYUR PAS TSUL KHRIMS LA SOGS PA PHUN SUM TSOGS PA YIN TE, DE LA TSUL KHRIMS PHUN SUM TSOGS PA NI TSUL KHRIMS DANG LDAN PA DANG, SO SOR THAR PAS BSNGAMS PA DANG, CHO GA PHUN SUM TSOGS PA DANG, SPYOD YUL PHUN SUM TSOGS PA DANG, KHA NA MA THO BA PHRA RAB TZAM LA 'JIGS PAR LTA BAS YANG DAG PAR BSLAB BA'I GZHI RNAMS LA SLOB PA YIN NO, ,DE LTA BU NI TSUL KHRIMS YONGS SU DAG PA YIN NO, ,DE LTAR TSUL KHRIMS YONGS SU DAG NA PHUN SUM TSOGS PA BZHIS TING NGE 'DZIN YONGS SU DAG PAR 'GYUR RO, ,DE LA PHUN SUM CHOGS PA BZHIS NI SPYOD LAM SHES BZHIN DU GNAS SHING SPYOD PA PHUN SUM TSOGS PAS MIG LA SOGS PA'I RNAM PAR SHES PA GZUGS LA SOGS PA'I RGYU MTSAN RNAMS LA MTSAN MAR RJES SU MI 'DZIN CING DBANG PO RNAMS BSDAMS NAS DE LTAR TSUL KHRIMS YONGS SU DAG PA LA SHES BZHIN GYIS GNAS PA STE, DBANG PO RNAMS KYI SGO BSNGAMS PAR GYUR PA'I TING NGE 'DZIN 'GRUB BO, ,TING NGE 'DZIN GANG BZHIS MCHOG TU SEMS BDE BA LA REG PAR GNAS TE, DE DAG KYANG BSAM GTAN BZHI YIN TE, BSAM GTAN BZHI PO DE DAG LAS SU RUNG ZHING GNOD PA MED PA NI TING NGE 'DZIN YONGS SU RDZOGS PA @13B YIN NO, ,DE LTAR RING NGE 'DZIN YONGS SU DAG PAS MNGON PAR SHAS PA RNAMS 'GRUB STE, RDZU 'PHRUL GYI MNGON PAR SHES PA DANG, LHA'I RNA BA'I MNGON PAR SHES PA DANG, PHA ROL GYI SEMS SHES PA'I MNGON PAR SHES PA DANG, SNGAR BSTAN PA'I RIGS PA GSUM STE, DE BAS NA RIG PA DANG ZHABS DE PHUN SUM TSOGS PA DE BAS NA BCOM LDAN 'DAS STON PA PHUN SUM TSOGS PA NYID BRNYES PA YIN NO, ,DE LTAR RIG PA DANG ZHABS PHUN SUM TSOGS PA NI STON PA PHUN SUM TSOGS PA'I RGYU YIN NO ZHES BSTAN TO, ,BDE BAR GSHEGS PA ZHES BYA BA 'DIS NI GANG DU GSHEGS PAR BYA BA DER GSHEGS PAR BSTAN TE, BDE BAR GSHEGS PAS NA BDE BAR GSHEGS PA STE, YANG PHYIR LDOG PA MED PA'I PHYIR RIMS NAD LEGS PAR BYANG BA BZHIN NO, ,LHAG MA MED PAR THUGS SU CHUD PA NI BDE BAR GSHEGS PA STE, SHES BYA MA LUS PAR THUGS SU CHUD PA'I PHYIR LEGS PAR GANG BA'I BUM PA BZHIN NO, ,YANG DE NYID LDAN PA'I DON GYIS PHYI ROL PA DANG NYAN THOS LA SOGS PA LAS KHYAD PAR DU 'PHAGS PA'I DON YIN TE, GANG GI PHYIR PHYI ROL PA RNAMS NI LEGS PAR RTOGS PAS PHYIR MI LDOG PA MA YIN NO, ,NYAN THOS LA SOGS PA DANG, SO SO'I SKYE BOR PHYIR MI LDOG MOD KYIS MA LUS PAR RTOGS PA MA YIN TE, SHES BYA THAMS CAD LA YE SHES THOGS PA'I PHYIR RO, ,YANG BCOM LDAN 'DAS NI BDE BAR GSHEGS PA YIN TE, MA LUS PAR THUGS SU CHUD CING RTOGS PA'I PHYIR YANG BDE BAR GSHEGS PA ZHES BYA'O, ,DE LTAR GI PA DANG ZHABS SU LDAN PA DES STON PA PHUN SUM TSOGS PA BRNYES PA NAS BCOM LDAN 'DAS DE STON PAR MDZAD CES LAS SU SBYAR RO, ,'JIG RTEN MKHYEN PA SKYES BU 'DUL BA'I KHA LO BSGYUR BA BLA NA MED PA ZHES BYA BA'I RKANG PA GNYIS SMOS PAS NI STON PA ZHES LAS SU SBYAR BA DE YANG RNAM PA GNYIS TE, SKAL BA DANG LDAN PA DANG MI LDAN PA'I 'JIG RTEN DE RNAMS GZIGS NAS SKAL BA YOD PA 'DUL BAR MDZAD PA'O, ,DE LA 'JIG RTEN MKHYEN PA ZHES BYA BA 'DIS NI SKAL BA YOD MED LA GZIGS PAR STON TO, ,'JIG RTEN MKHYEN PA DE SKAL BA YOD MED KYI 'JIG RTEN LA GZIGS PAS NA DES 'JIG RTEN MKHYEN PA ZHES BYA'O, ,'DI LTAR BCOM LDAN 'DAS NYIN @14A *, ,LAN GSUM MTSAN LAN GSUM DU SANGS RGYAS KYI SPYAN GYIS GZIGS TE, SU NI NYAMS, SU NI BCINGS, SU NI NYAM NGA BAR GYUR, SU NI NGAN SONG LAS GZHOL, SU NI NGAN SONG DU 'BAB, SU NI LAG NAS DRANGS TE MTHO RIS DANG THAR PA LA GZHAG PAR BYA, SU NI DGE BA'I RTZA BA MA BSKYED PA BSKYED PAR BYA, SU'I DGE BA'I RTZA BA BSKYED PA NI YONGS SU SMIN PAR BYA, GANG DGE BA'I RTZA BA YONGS SU SMIN PA NI YONGS SU GROL BAR BYA ZHES DGONGS SO, ,SKYES BU 'DUL BA'I KHA LO SGYUR BA ZHES BYA BA 'DIS NI SKAL BA DANG LDAN PA 'DUL BAR BSTAN TE, SKAL BA YOD MED KYI 'JIG RTEN RNAMS LA GZIGS NAS SKYES BU GANG ZHIG 'DUL BA BTUL BAR SBYOR ZHING 'DUL BAR SPYOD PAS SKAL BA DANG LDAN BA 'DUL BAR MDZAD DE, KHA LO SGYUR BA'I RANG BZHIN NI 'DREN PA STE, GANG ZHIG 'DIR BTUL BA NI KHA LO SGYUR BA'I RANG BZHIN YIN NO, ,BLA NA MED PA ZHES SMOS PAS NI KHA LO SGYUR BA'I DNGOS PO KHYAD PAR DU BYED PA'I DON TE, GDUL BAR DKA' BA'I SKYES BU RNAMS KYANG 'DUL BAR MDZAD PA YIN NO, ,'DOD CHAGS DANG ZHE SDANG DANG GTI MUG CHE BA 'PHAGS PA MDZES DGA' DANG SOR MO'I PHRENG BA DANG, LTENG RGYAS 'OD SRUNGS LA SOGS PA 'DUL BAR MDZAD PA'I PHYIR RO, ,MCHOG TU KHA NA MTHO BA MED PAS 'DOD PA BSOD NYAMS BDE BA DANG, DU BA PA'I MTHA' LA SBYOR BA GNYIS SPANGS NAS LAM DBU MA RTOGS PAR MDZAD PAS BTUL NAS DON GYI MCHOG MYA NGAN LAS 'DAS PA PHYIR YANG SHIN TU LDOG PA MED PAR 'DUL BAR MDZAD PA'I PHYIR SKYES BU 'DUL BA'I KHA LO SGYUR BA ZHES BYA'O, ,SKAL BA DANG LDAN PA RNAMS 'DUL BAR MDZAD PAS BCOM LDAN 'DAS DE LA SKYES BU 'DUL BA'I KHA LO SGYUR BA ZHES BYA NA, 'ON TE SKAL BA DANG MI LDAN PA RNAMS LA JI LTAR RTOGS PAR BYA ZHE NA, DE NGAN SONG GI SDUG BSNGAL GYI RGUD PA LAS BSKYABS NAS LONGS SPYOD KYI BDE BA DANG, BDE 'GRO LA SOGS PA'I BDE BA LA 'GOD PAR MDZAD PA'I PHYIR RO, ,GANG RIGS MA NGES PA NI SKAL BA DANG MI LDAN PA LA 'DOD DO, ,SKAL BA DANG LDAN ZHING RIGS NGES PA'ANG NYAN THOS LA SOGS PA'I BYANG CHUB LA RIGS JI LTA BA BZHIN DU 'JOG PAR MDZAD DO, ,RIGS MA NGES PA'I RKYEN GYIS STOBS DANG LDAN PA LA DMAN PA LAS BZLOG NAS @14B MCHOG LA RAB TU 'GOD PAR MDZAD PA'I PHYIR RO, ,LHA DANG MI RNAMS KYI STON PA ZHES BYA BA 'DIS NI GANG DAG LA DE STON PA LAS RAB TU GNAS PAR DES NYE BAR BSTAN TO, ,GANG GI TSE YANG BCOM LDAN 'DAS SEMS CAN RNAMS LA KHYAD PAR MED PAR MTHO RIS DANG THAR PA'I LAM STON PAR MDZAD PAS NA STON PA YIN TE, YANG 'PHAGS PA'I BDEN PA GANG YIN PA BSTAN PAS DGE SBYONG GI 'BRAS BU 'THOB PA LA SBYOR TE, DE DAG 'DIR DBANG DU MDZAD PA'I PHYIR JI LTA BA BZHIN DU BSTAN PAS NI YANG 'DIR STON PA ZHES LAS SU 'DOD DO, ,DE'I PHYIR LHA DANG MI RNAMS SNOD YIN PA DES NA LHA DANG MI RNAMS KYI STON PA ZHES BYA'O, ,BSDUS PA'I DON JI LTA BU YIN ZHE NA, 'CHING BA BCINGS PAS STON PA NYID PHUN SUM TSOGS PA YIN TE, GANG ZHIG GANG GIS NGES JI LTAR RTOGS PA BSTAN PA NI LAS SO, ,DE YANG GANG YIN PA GZUNG BA YIN NO, ,SANGS RGYAS BCOM LDAN 'DAS ZHES BYA BA LAN GNYIS CI'I PHYIR BZLAS SHE NA, TSIG DGU PO JI LTAR BSTAN PA THAMS CAD KYIS SANGS RGYAS BCOM LDAN 'DAS RNAMS KYI YON TAN GYI BDAG NYID CHE BA YIN PAR BSTAN PA'I PHYIR BRJOD DO, ,BCOM PA'I DGRA NI GRAGS PA'I RNAM GRANGS BRJOD PA YIN TE, BCOM LDAN 'DAS GRAGS PA DANG LDAN PAR SGRAS BSGRUB CES BYA BA'I DON TO, ,GRUB PA'I SGRA DE'ANG SANGS RGYAS BCOM LDAN 'DAS ZHES BYA BA 'DI YANG DE BZHIN GSHEGS PA ZHES BYA BA 'DI DANG, LHA DANG MI RNAMS KYI STON PA ZHES BYA BA 'DI LA'ANG SGRAS BSGRUB PA'I SANGS RGYAS TSIG DGU PO RNAMS RE RE DANG MNGON PAR 'BREL PA YIN NO, ,DE LTAR NA 'DIR SANGS RGYAS ZHES BYA BA DE BCOM LDAN 'DAS LA JI LTAR 'JUG CE NA, 'DI LTAR MI 'JUG STE, SANGS RGYAS ZHES BYA BA NI RTOGS PA'I DON TO, ,DE LA YANG MTHA' NA KA TA'I RKYEN YOD PAS NGO BO DANG LAS KYI SBYOR BA MTHONG STE, LHA SBYIN GYIS RTOGS ZHES BYA BA NI NGO BO YIN NO, ,LHA SBYIN GYIS BSTAN BCOS RTOGS ZHES BYA BA NI LAS SO, ,DE LTA BU NI NGO BO DANG LAS KYIS SBYOR BAR RTOGS PAR 'DOD DO, ,NGO BO DANG LAS GNYIS KA MA YIN PA KA TA SBYOR ZHE NA, DE LTA MOD KYI KA TA SBYOR RO, ,BLO DANG LDAN PAS NA CHOS RTOGS ZHES BYA BA LTA BU'O, ,NGO BO KHONG DU CHUD PAS NA RTOGS PA'O, ,RTOGS PA NYID BLO STE GCIG CES BYA BA'I DON TO, ,DES 'DIR @15A *, ,GANG YIN PA RTOGS PA ZHES BYA STE, MA'I DON DANG LDAN PA'I AA DBYI BAR BYAS PAS RTOGS PA DANG LDAN ZHES BYA BA'I DON TO, ,BLO NI KHONG DU CHUD PA'I PHYIR RO, ,KHONG DU CHUD PA NI RTOGS PA'O, ,RTOGS PA'I DON LA YANG KA TA'I RKYEN SBYAR BAS NGO BO DANG LAS DANG BYED PA PO RNAMS SO, ,BYED PA'I NGO BO ZHES BYA BA NI CHOS THAMS CAD KYI SPYI'I MTSAN NYID DANG, RANG GI MTSAN NYID RTOGS PA DANG LDAN PAS NA SANGS RGYAS SO, ,LAS DANG BYED PA'I SBYOR BA MTHONG STE, 'DI LTAR THAMS CAD RNAM PAR RGYAS PAR RTOGS PAS LHA SBYIN GNYID SANGS PA BZHIN NO, ,RTOGS PA RGYAS PA NI PADMA RGYAS PA BZHIN NO ZHES BYA BA'I DON TO, ,BCOM LDAN 'DAS ZHES BYA BA YANG NYON MONGS PA DANG, SHES BYA'I SGRIB PA'I TSOGS SPANGS NAS BLO RGYAS PAS NA SANGS RGYAS ZHES BYA'O, ,MI SHES PA'I GNYID KYIS LOG PA'I SEMS CAN RNAMS TE, DE DAG KYANG BSKYAB PA'I PHYIR SAD PAR MDZAD PAS SANGS RGYAS ZHES BYA'O, , SANGS RGYAS NI YANG SGRIB PA MA LUS PA RNAM PAR BSAL ZHING THOGS PA MED PA'I YE SHES NI SHES BYA THAMS CAD LA BLO RGYAS PA DANG LDAN PAS NA BLO RGYAS PAS NA SANGS RGYAS ZHES BYA'O, ,SNGA MA BZHIN DU SGRIB PA BSAL BAS SPANGS PA PHUN SUM TSOGS PA YIN NO, ,GNYIS PA THAMS CAD SKYOB PAR GYUR PAS NA SNYING RJE PHUN SUM TSOGS PA YIN NO, ,GSUM PA NI SHES BYA THAMS CAD LA YE SHES RGYAS PA'I PHYIR YE SHES PHUN SUM TSOGS PA YIN NO, ,'DI LTAR SPANGS PA DANG SNYING RJE DANG YE SHES PHUN SUM TSOGS PAS NI BCOM LDAN 'DAS LA SANGS RGYAS ZHES BYA STE, GTZO BO MA YIN PA BSTAN PA YIN NO, ,SANGS RGYAS RJES SU DRAN PA'I 'GREL PA, SLOB DPON THOGS MED KYIS MDZAD PA RDZOGS SO,, ,,RGYA GAR GYI MKHAN PO AA DZI TA SHR'I BHA DRA DANG, BOD KYI LO TZ'A BA DGE SLONG SH'AKYA 'OD KYIS BSGYUR CING ZHUS TE GTAN LA PHAB PA,, #, ,RGYA GAR SKAD DU, DHARMA AA NU SMRi TI BRiTTI, BOD SKAD DU, CHOS RJES SU DRAN PA'I 'GREL PA, 'JAM DPAL GZHON NUR GYUR PA LA PHYAG 'TSAL LO, ,BCOM LDAN 'DAS KYIS LEGS PAR GSUNGS PA'I CHOS YANG DAG BSTAN PA, RIMS NAD MED PA, DUS CHAD PA MED PA, RIG PA DANG LDAN PA, TSUR SHOG 'DIR LTOS SHIG PA LTA BU'O, , @15B SO SO RANG GIS RIG PAR BYA BA, CHOS MNGON PAR DAD PAR BYED PA DE NI BYANG CHUB SEMS DPA' DANG RANG SANGS RGYAS KYI LAM BDEN PA'I CHOS GSUM DANG, YANG BDEN PA BZHI MNGON PAR RTOGS PAS PHYIN CI MA LOG PA'I CHOS LA MNGON PAR DAD PA THOB STE, 'DIR YANG JI LTAR GNAS PA MNGON DU BYAS PA NI DE BZHIN DU YANG DAG PAR BSTAN PA'O, ,BCOM LDAN 'DAS KYIS LEGS PAR GSUNGS PA'I CHOS YANG DAG PAR BSTAN PA ZHES BYA BA LA SOGS PA'I MDO'I RIM PA BZHIN DU LEGS PAR GSUNGS PA ZHES BYA BA NI BSTAN PA YIN LA, LHAG MA NI BSHAD PA YIN NO, ,DE LA PHYIN CI MA LOG PA'I CHOS DANG, YANG DAG PAR BSHAD PA NI LEGS PAR GSUNGS PA'O, ,DE KHO NA MTHONG BA'I PHYIR YANG DAG PAR BSTAN PA STE, DAD PA TZAM GYIS RJES SU 'BRANG BA MA YIN NO, ,NYON MONGS PA DANG BAG LA NYAL GYI GNYEN PO YIN PAS RIMS NAD MED PA'O, ,YANG SPANG DU MED PA'I PHYIR DUS CHAD PA MED PA'AM, DUS THAMS CAD DU YANG SPANG DGOS PA MI SRID CING NYON MONGS PA SPONGS PA LA RAB TU NGES PA MED PA'I PHYIR RO, ,NYON MONGS PA MA LUS PA LAS SDUG BSNGAL 'BYUNG BA SPANG BA'I PHYIR RIGS PA DANG LDAN PA'O, ,THUN MONG MA YIN PA 'DIR LTOS SHIG PA NI DNGOS PO LA STE, CHOS DANG LDAN PA 'DI LA 'DIR LTOS LA 'DI NYID DU DE KHO NA MTHONG BAR GYIS SHIG PA'O, ,'PHAGS PAS MKHYEN PAS NI THE TSOM DANG BRAL BA'I PHYIR SO SO RANG GIS RIG PAR BYA'O, ,YANG BRJOD DU MED PA'I PHYIR SO SO RANG GIS RIG PA STE, KHONG DU CHUD PA ZHES BSTAN TO, ,DE RNAMS KYIS 'PHAGS PA'I LAM YAN LAG BRGYAD BSHAD PA YIN TE, PHYI ROL PA RNAMS KYI CHOS DANG, SANGS RGYAS KYI CHOS RNAMS KHYAD PAR DU GSAL BAR BYAS PA YIN TE, PHYI ROL PA RNAMS KYI CHOS NI NYES PAR BSHAD PA'I PHYIR LEGS PAR BSHAD PA MA YIN ZHING, DE KHO NA MTHONG BA MA YIN LA, YANG DAG PAR BRTEN PAR BYA BA MA YIN TE; DE DAG NI GZHAN DU SBYOR BA'I PHYIR RO, ,CHOS RJES SU DRAN PA'I 'GREL PA SLOB DPON THOGS MED KYIS MDZAD PA RDZOGS SO,, #, ,RGYA GAR SKAD DU, SAm GHA AA NU SMRi TI BY'A KHY'A, BOD SKAD DU, DGE 'DUN RJES SU DRAN PA'I BSHAD PA, 'JAM DPAL GZHON @16A *, ,NUR GYUR PA LA PHYAG 'TSAL LO, ,BCOM LDAN 'DAS KYI NYAN THOS KYI DGE 'DUN NI, LEGS PAR ZHUGS PA, RIGS PAR ZHUGS PA, DRANG POR ZHUGS PA, 'DUD PAR ZHUGS PA, CHOS LA CHOS KYI RJES SU ZHUGS PA, CHOS DANG MTHUN PA'I SPYOD PA YIN TE, DGE 'DUN GYI NANG NA RGYUN DU ZHUGS PA LA ZHUGS PA'ANG YOD, DGE 'DUN GYI NANG NA RGYUN DU ZHUGS PA'I 'BRAS BU MNGON SUM DU BYAS PA'ANG YOD, DGE 'DUN GYI NANG NA LAN CIG PHYIR 'ONG BA LA ZHUGS PA YANG YOD, DGE 'DUN GYI NANG NA LAN CIG PHYIR 'ONG BA'I 'BRAS BU MNGON DU BYAS PA YANG YOD, DGE 'DUN GYI NANG NA PHYIR MI 'ONG BA LA ZHUGS PA'ANG YOD, DGE 'DUN GYI NANG NA PHYIR MI 'ONG BA'I 'BRAS BU MNGON DU BYAS PA YANG YOD, DGE 'DUN GYI NANG NA DGRA BCOM PA'I 'BRAS BU MNGON DU BYAS PA YANG YOD, DGE 'DUN GYI NANG NA DGRA BCOM PA LA ZHUGS PA YANG YOD DO, ,DE RNAMS NI SKYES BU ZUNG BZHI DANG GANG ZAG YA BRGYAD DE, DE DAG NI BCOM LDAN 'DAS KYI NYAN THOS KYI DGE 'DUN TE, TSUL KHRIMS PHUN SUM TSOGS PA, TING NGE 'DZIN PHUN SUM TSOGS PA, SHES RAB PHUN SUM TSOGS PA, DAD PA PHUN SUM TSOGS PA, THOS PA PHUN SUM TSOGS PA, RNAM PAR GROL BA PHUN SUM TSOGS PA; RNAM PAR GROL BA'I YE SHES MTHONG BA PHUN SUM TSOGS PA'O, ,SREG PAR BYED PA DANG, RAB TU SREG PAR BYED PA DANG, THAL MO SBYAR BAR 'OS PA DANG, BLA NA MED PA'I BSOD NAMS KYI ZHING, 'JIG RTEN GYI SBYIN GNAS ZHES BYA BA NI DGE 'DUN RJES SU DRAN PA'I MDO YIN NO, ,MI PHYED PA'I DANG PA BRTAN PO DANG LDAN PA'I PHYIR DGE 'DUN TE, SLOB DPON DANG MI SLOB PAR GYUR PA'I GANG ZAG STE, LAM LAS BDUD LA SOGS PA PHYIR RGOL BA RNAMS KYIS DBYE BAR MI NUS PA'I PHYIR RO, ,TSOGS PA'I DON GYIS NA DGE 'DUN NO, ,DE DAG GI RGYUD LA SLOB PA DANG MI SLOB PA'I CHOS SKYES PA GANG YIN PA LA DAD PA DE NI DGE 'DUN TE, DAD PA MI PHYED PA'I PHYIR RO, ,DE LAM GYI BDEN PA LA MNGON PAR RTOGS PA'I DUS SU GZHAG GO, ,YANG JI LTAR MNGON DU BYED PA DE LTAR BSTAN PAR BYA STE, BCOM LDAN 'DAS KYI NYAN THOS KYI DGE 'DUN NI LEGS PAR ZHUGS PA ZHES RGYAS PAR GSUNGS PA LA LEGS PAR ZHUGS @16B PA ZHES BYA BA NI BSTAN PA YIN LA, LHAG MA NI BSHAD PA'O, ,TSIG DE DAG LAS BCOM LDAN 'DAS KYI NYAN THOS KYI DGE 'DUN LEGS PAR ZHUGS PA NI SBYOR BA'I DGE SLONG STE, DGE BA YANG DAG PAR BSGOMS PAS NA YANG DGE SBYONG STE, BSTAN PA RTZOM PA YIN PAR BLTA BAR BYA'O, ,DE LA DGE SBYONG GI DON NI MYA NGAN LAS 'DAS PA'O, ,DE LA RGYUN DU ZHUGS PA NI RIGS PAR ZHUGS PA'O, ,DE'I RIGS PA NI CHOS BLA NA MED PA BRNYES PAR BYED PAR 'GYUR RO ZHES GSUNGS SO, ,RIGS PA NI MYA NGAN LAS 'DAS PA'I CHOS SO ZHES BYA BA'I DON TO, ,NGES PAR 'BYUNG BAS NGES PAR 'BYUNG BA STE, RTAG TU 'BYUNG BAR RIGS PA'O ZHES BSTAN TO, ,DGE SBYONG NI 'PHAGS PA'I LAM YAN LAG BRGYAD PA'O, ,DE LA ZHUGS PA NI DRANG POR ZHUGS PA STE, BDUD RTZI'I SGO PHYE BA NI LAM DRANG POR BSTAN PA YIN NO ZHES 'BYUNG NGO, ,DE LA DRANG PO GANG ZHE NA, 'PHAGS PA'I LAM MO, ,YON PO GANG ZHE NA, SDIG CAN LTA BA YON PO'O ZHES TSIGS SU BCAD PA GSUNGS SO, ,DGE SBYONG YANG DAG PAR BSGOM PA NI RGYUN DU ZHUGS PA STE, MYA NGAN LAS 'DAS PAR ZHUGS PA YIN NO, ,YANG DAG PAR BSGOM PA NI, MNYAM DU 'BYUNG BA STE, LUS NGAG YID KYI LAS BYAMS PA DANG BCAS PA YIN NO, ,DE LA LONGS SPYOD DANG, TSUL KHRIMS DANG, LTA BA MNYAM PA STE, DE LA LONGS SPYOD MNYAM PA NI ZANG ZING GIS SO, ,BSLAB PA MNYAM PA NI TSUL KHRIMS KYIS SO, ,LTA BA MNYAM PA NI YANG DAG PA'I LTA BAS SO, ,DGE SBYONG LA BSTAN PA NI MTSAN NYID KYIS SO, ,DE KHONG DU CHUD PAR BSTAN PA NI, CHOS LA CHOS KYI RJES SU LTA BA ZHUGS PA YIN NO, ,DE LA ZHUGS PA NAS DE SGRUB PAR BYED PA NI RJES SU GNAS PA STE, CHOS DANG MTHUN PAR SPYOD PA ZHES BYA'O, ,DGE 'DUN GYI NANG NA RGYUN DU ZHUGS PA'I 'BRAS BU MNGON DU BYAS PA YANG YOD CES BYA BA LA SOGS PA NI MTHONG BA'I LAM GYI BZOD PA DANG, SHAS PA'I SKAD CIG MA BCO LNGA DANG, MJUG THOGS KYI RGYUN DU ZHUGS PA'I 'BRAS BU BSTAN TE, BSGOM PA'I LAM LA RJES SU 'GRO BA'I YE SHES SKAD CIG MA BCU DRUG PA LA RGYUN DU ZHUGS PA'I 'BRAS BU ZHES BSTAN TO, ,SKAD CIG MA BCU DRUG GI 'OG TU NYON MONGS PA'I SKAD CIG MA DRUG MA SPANGS PA'I BAR NI LAN @17A *, ,CIG PHYIR 'ONG BA LA ZHUGS PA ZHES BYA'O, ,NYON MONGS PA'I SKAD CIG MA DRUG PA SPANGS PA NI PHYIR 'ONG BA'I 'BRAS BU LA GNAS PA ZHES BYA'O, ,NYON MONGS PA'I SKAD CIG MA BDUN PA SPANGS PA NAS BRTZAMS TE, JI SRID NYON MONGS PA'I SKAD CIG MA DGU PA MA SPANGS PA DE SRID DU PHYIR MI 'ONG BA LA ZHUGS PA ZHES BYA'O, ,DGU PA ZAD NAS KYANG SGRIB PA LNGA SPANGS PAR GYUR PA NI PHYIR MI 'ONG BA'I 'BRAS BU'O, ,BSAM GTAN DANG PO LA 'DOD CHAGS DANG BRAL BA NAS BRTZAMS TE, JI SRID SRID PA'I RTZE MO'I NYON MONGS PA DGU PA SPANGS PAR MA GYUR PA DE SRID DU DGRA BCOM PA LA ZHUGS PA ZHES BYA'O, ,SRID PA'I RTZE MO'I NYON MONGS PA DGU SPANGS PA NI DGRA BCOM PA'I 'BRAS BU ZHES BYA'O, ,BSHAD MA THAG PA'I ZUNG BZHI PO DE DAG LAS 'DI LTAR RGYUN DU ZHUGS PA'I 'BRAS BU DANG RGYUN DU ZHUGS PA'I ZUNG DANG PO YIN NO, ,DGRA BCOM LDAN PA LA ZHUGS PA DANG, DGRA BCOM PA NI ZUNG BZHI PA STE, BSTAN MA THAG PA DE NI GANG ZAG YA BRGYAD DO, ,GANG ZAG MED PA'I CHOS THOS PAS BSAGS PA GANG ZHIG NYON MONGS PA DANG, NYE BA'I NYON MONGS PA THAMS CAD ZANG ZING 'DZAG PAS NA GANG ZAG GO, ,PHUNG PO LNGA RNAMS 'DUS PA LA SKYES BU GANG ZAG CES BRJOD DO, ,BSHAD MA THAG PA DE DAG LA BCOM LDAN 'DAS KYI NYAN THOS ZHES BYA'O, ,SANGS RGYAS BCOM LDAN 'DAS KYI RJES SU NYAN PAS NA NYAN THOS ZHES BYA'O, ,DE DAG NI MI PHYED PA'I DON GYIS DGE 'DUN TE, GZHAN GYI TSOGS PA LAS DGE 'DUN KHYAD PAR DU BYAS PA'I PHYIR RO, ,TSUL KHRIMS PHUN SUM TSOGS PA ZHES SMOS PA NI TSUL KHRIMS DRAL BA'I NYES PA SPANGS PA'I PHYIR MCHOG TU PHUN SUM TSOGS PA STE, DE DANG LDAN PA ZHES BYA BA'I DON TO, ,BCOM LDAN 'DAS KYIS 'DIR YANG DAG PA'I LTA BA DANG, YANG DAG PA'I RTOG PA DANG LDAN PA'I RANG BZHIN DE LTA BU NYID NI 'PHAGS PA'I TSOGS KYI TSUL KHRIMS YIN NO ZHES BKA' STZAL PA NI SLOB PA DANG MI SLOB PA'I TING NGE 'DZIN PHUN SUM TSOGS PA DANG YANG DAG PAR LDAN PA ZHES BYA BA'I DON TO, ,SHES RAB PHUN SUM TSOGS PA ZHES BYA BA NI BDEN PA RTOGS PA'I SHES RAB KYI MTSAN NYID DANG LDAN PA ZHES BYA BA'I DON TO, ,DAD PA PHUN SUM TSOGS PA ZHES @17B BYA BA NI MI PHYED PA'I MTSAN NYID DANG LDAN PA ZHES BYA'O, ,THOS PA PHUN SUM TSOGS PA ZHES BYA BA NI THOS PA GANG ZHIG LA BAG LA NYAL SPANGS PA DANG RJES SU MTHUN PA DE LTA BU 'DZIN PA NI THOS PA PHUN SUM TSOGS PA'O, ,RNAM PAR GROL BA PHUN SUM TSOGS PA ZHES BYA BA NI RNAM PAR GROL BA NI NYON MONGS PA SPANGS PA STE, DE LTA BU'I RNAM PAR GROL BA'I PHUN SUM TSOGS PA DANG LDAN PA NI RNAM PAR GROL BA PHUN SUM TSOGS PA'O, ,RNAM PAR GROL BA'I YE SHES MTHONG BA PHUN SUM TSOGS PA NI BAG LA NYAL SPANGS NAS RNAM PAR GROL BA'I YE SHES MTHONG BA STE, YE SHES NI ZAD PA SHES PA LA SOGS PA MTHONG BA NYID DE MI SLOB PA DANG YANG DAG PA'I LTA BA LA SOGS PA YIN NO, ,YANG NA YE SHES MTHONG BA MNGON SUM DU BYAS PA STE, MNGON SUM DU BYAS PA LA 'JIG RTEN MTHONG BA ZHES BYA BAR GRAGS TE, DE NYID NI YE SHES SO, ,DE LTA BA PHUN SUM TSOGS PA DANG LDAN PA NI RNAM PAR GROL BA'I YE SHES MTHONG BA PHUN SUM TSOGS PA YIN NO, ,SEG PAR BYED PA ZHES BYA BA NI SREG PAR BYED PAS SREG PAR BYED PA STE, DE LTA BAS NA RNAM PA THAMS CAD DANG KHYAD PAR THAMS CAD SREG PAR BYED PAS NA SREG PAR BYED PA'O, ,RAB TU SREG PAR BYED PA NI ZHES BYA BA LA, MA DAD PA KHYAD PAR CAN GYIS SREG PAR BYED PA'I PHYIR RO, ,DAD PA DRAG PO NI 'DIR MED DE, BSOD NAMS DPAG TU MED PA'I 'BRAS BU DANG LDAN PA'I PHYIR RO, ,DE LTAR YANG 'DI SKAD GSUNGS PA YIN TE, GANG ZHIG ZLA BA RE RE LA, ,MCHOD SBYIN BRGYA STONG MNYAM BYAS PAS, ,DGE 'DUN RNAMS LA DAD BYAS PA, ,DE YI BCU DRUG CHAR MI PHOD, ,THAL MO SBYAR BAR 'OS PA ZHES BYA BA NI BSOD NAMS CHE ZHING MCHOD PA'I PHYIR THAL MO SBYAR TE PHYAG BYA BAR 'OS PA NYID YIN NO, ,'DUD PAR 'OS PA ZHES BYA BA NI 'DUD PA RJES SU 'GRO BAR BYA BA YIN PA'I PHYIR RO, ,BLA NA MED PA'I BSOD NAMS KYI ZHING ZHES BYA BA NI DE LAS GONG NA MED PA NI BLA NA MED PA'O, ,BSOD NAMS KYI ZHING NI BSOD NAMS KYANG YIN LA ZHING YANG YIN PAS BSOD NAMS KYI ZHING NGO, ,LHAN CIG 'GRO BA DE YANG DGE BA DPAG TU MED PA'I 'BRAS BU DANG LDAN PA'I PHYIR RO, ,SBYIN PA'I GNAS SU GYUR PA ZHES BYA BA LA 'JIG RTEN THAMS CAD KYI YON @18A *, ,DBUL BA BYAS NA YON DE'I 'BRAS BU DPAG TU MED PA'I PHYIR RO, ,DE YANG 'DI SKAD DU, BRGYA BYIN GANG GIS DGE 'DUN LA, ,SBYIN PA BTANG ZHING YON PHUL BA, ,DE YI MCHOD SBYIN LAGS PAR BYAS, ,TSOGS KYI MCHOG LA PHUL DE YIS, ,'BRAS BU CHEN PO 'BYUNG BAR NI, ,'JIG RTEN RIG PA RNAMS KYIS GSUNGS, ,ZHES TSIGS SU BCAD PA GSUNGS SO, ,DGE 'DUN RJES SU DRAN PA'I BSHAD PA SLOB DPON THOGS MED KYIS MDZAD PA RDZOGS SO,, ,,RGYA GAR GYI MKHAN PO DGE SLONG AA DZI TA SHR'I BHA DRA DANG, BOD KYI LO TZ'A BA DGE SLONG SH'AKYA 'OD KYIS BSGYUR TE GTAN LA PHAB PA,, #, ,RGYA GAR SKAD DU, A'A RYA SH'A LI STAMPA KA K'A RI K'A, BOD SKAD DU, 'PHAGS PA S'A LU LJANG PA'I TSIG LE'UR BYAS PA, 'PHAGS PA 'JAM DPAL LA PHYAG 'TSAL LO, ,YON TAN MTHA' YAS BSAM MI KHYAB, ,RDZOGS PA'I SANGS RGYAS THUGS RJE'I BDAG ,RAB BTUD S'A LU LJANG PA YI, ,TSIG LE'UR BYAS PA BSHAD PAR BYA, ,THUB PA RGYAL PO'I KHAB KYI NI, ,BYA RGOD CES PA'I RI BO LA, ,DGE SLONG MANG DANG BYANG CHUB SEMS, ,TSOGS DANG YANG DAG THABS CIG BZHUGS, ,S'A LU LJANG PA LA GZIGS NAS, , RGYU DANG RKYEN LAS BYUNG BA STE, ,RGYU DANG RKYEN SKYES DE BZHIN DU, ,YAN LAG BCU GNYIS RIM 'BYUNG BA, ,GANG GIS RTEN 'BREL ZHES MTHONG BA, ,CHOS DANG SANGS RGYAS MTHONG NGO ZHES, ,DGE SLONG RNAMS LA 'DI GSUNGS NAS, ,'DREN PA CANG MI GSUNG BAR BZHUGS, ,DGE SLONG SH'A RI'I BUS THOS NAS; ,BYAMS PA'I DRUNG DU SONG NAS NI, ,BYAMS PA DENG 'DIR DE BZHIN GSHEGS, ,'DI GSUNGS DON RNAMS MA PHYE BAR, ,CANG MI GSUNG PAR BZHUGS GYUR NA, ,DE'I DON JI LTAR RTOGS PAR BYA, ,RTEN CING 'BREL DANG CHOS GANG YIN, ,SANGS RGYAS KYANG NI GANG ZHIG YIN, ,JI LTAR RTEN 'BREL MTHONG BA NI, ,CHOS DANG SANGS RGYAS MTHONG BA YIN, ,BDAG GI THE TSOM 'DIR SMOS ZHES, ,SH'A RI'I BU YIS MA PHAM SMRAS, ,BYAMS PA SHIN TU BSGOM PA'I BDAG ,BYAMS PAS GTAN LA DBAB PA SMRAS, ,YAN LAG BCU GNYIS MA RIG SOGS, ,'CHI BA LA THUG GO RIMS BZHIN, ,DE LTA @18B BAS NA SDUG BSNGAL GYI, ,PHUNG PO 'BA' ZHIG 'BYUNG BAR 'GYUR, ,CHOS LAM YAN LAG BRGYAD PA DANG, ,'BRAS BU MYA NGAN 'DAS PA'O, ,DE LTAR THAMS CAD THUGS CHUD PHYIR, ,CHOS SKYES SANGS RGYAS ZHES BYA STE, ,DE SKAD CES BYA 'PHAGS MTHONG BAS, ,GANG GIS MTHONG BA DES MTHONG NGO, ,GANG ZHIG SROG LA SOGS BRAL BA, ,NYER ZHI LA THUG BCAS PAR NI, ,RTEN 'BREL CHOS DANG SANGS RGYAS DAG ,DRI MED PA YI BLOS MTHONG BA, ,RTEN 'BREL ZHES PA'I MTSAN NYID NI, ,RGYU BCAS LA SOGS TSIG DANG LDAN, ,SANGS RGYAS BYUNG RUNG MA BYUNG RUNG, ,CHOS NYID 'DI NI GNAS PA YIN, ,PHYI DANG DE BZHIN NANG GI NI, ,RGYU DANG RKYEN NI RNAM GNYIS TE, ,PHYI ROL RGYU NI SA BON SOGS, ,RKYEN NI RNAM PA DRUG TU BSTAN, ,SA BON MYU GU SDONG BU SOGS, ,JI LTAR 'BRAS BU 'JUG PA BRJOD, ,RKYEN NI SA LA SOGS PA STE, ,DUS LA THUG PA GO RIMS BZHIN, ,RTEN DANG RLAN DANG SMIN PA DANG, , 'BRU 'PHEL DANG NI GO 'BYED DANG, ,'GYUR BA DAG NI DE RNAMS KYI, ,BYA BA JI BZHIN 'JUG PA'O, ,RKYEN RNAMS TSOGS PA MED NA NI, ,SA BON YOD KYANG MYUG SOGS MED, ,SA BON MED PA NYID YIN NA, ,RKYEN RNAMS YOD KYANG DE DANG 'DRA, ,RGYU DANG DE BZHIN RKYEN RNAMS NI, ,NGAR 'DZIN LA SOGS BRAL BA STE, ,RGYU DANG RKYEN NI TSOGS PA LAS, ,LAS KYI 'BRAS BU CHUD ZA MED, ,BDAG LAS MA YIN GZHAN LAS MIN, ,GNYIS DANG BYED PO DUS LAS MIN, ,DE BZHIN DBANG PHYUG SOGS BYAS MIN, ,RANG BZHIN LAS MIN RGYU MED MIN, ,RGYU DANG RKYEN GYIS 'JUG PA YANG, , THOG MA MED PA'I DUS CAN SNANG, ,RGYU LNGA DAG GIS PHYI ROL GYI, ,RTEN CING 'BREL PAR 'BYUNG BAR BZHED, ,RTAG PAR MA YIN CHAD PAR MIN, ,'PHO BAR MA YIN RGYU CHUNG LAS, ,'BRAS BU CHEN PO 'GRUB PA DANG, ,'DRA BAR RJES SU 'GRO PHYIR YANG, ,MYU GU SA BON LTAR MI 'DOD, , RGYU MED MYU GU SKYE BA'ANG MED, ,'GAG DANG SKYE BA MGO MNYAM STE, ,SRAD MDA'I MGO MJUG MTHO DMAN BZHIN, ,DE BZHIN NANG GI RGYU DANG NI, ,RKYEN GYIS RNAM PA GNYIS SU BZHED, ,'DI'I RGYU DANG PO MA RIG PA, ,THA MA 'CHI YIN GO RIMS BZHIN, ,YAN LAG BCU GNYIS NYON MONGS, @19A *, ,LAS; ,SKYE BCAS BDAG NYID CHA GSUM NI, ,RGYU DANG RKYEN LAS BYUNG BA STE, ,BYED PA LA SOGS RNAM PAR SPANGS, ,GAL TE DANG PO MA RIG MED, ,THA MA 'CHI BA 'BYUNG MI 'GYUR, ,DE DAG LAS GZHAN BDAG DANG NI, ,BDAG GIS ZHES PA GANG NA'ANG MED, ,DANG PO MA RIG BYUNG NA NI, ,THA MA 'CHI BA'ANG SNANG BAR 'GYUR, ,DE LTAR 'DI NI NANG GI RGYU, ,'DI YI RKYEN NI RNAM PA DRUG ,THA MA RNAM SHES THOG MA SA, ,NANG GI RKYEN DU 'DOD PA YIN, ,SRA DANG RJES SU SDUD PA DANG, ,SMIN DANG DBUGS 'PHEL GO 'BYED NYID, ,SHES DANG GZUGS KYI RJES 'JUG PA; ,RNAM SHES LNGA DANG LDAN PA DANG, ,DE NA NYON MONGS CAN YID KYANG, ,'DI RNAMS NANG GI RKYEN YIN NO, ,KHAMS RNAMS 'DUS PAR GYUR PA LAS, ,LUS NI SKYE BAR 'DOD PA YIN, ,DE DAG BDAG DANG BDAG GI ZHES, ,RNAM RTOG SKYE BA MED PAR 'DOD, ,DE DAG YOD NA SKYE 'GYUR TE, , DE DAG MED NA 'BYUNG BA MED, ,DE RNAMS BDAG SOGS MI LDAN LA, ,GZHAN YANG SU'I YANG MA YIN NO, ,GANG GCIG RIL SOGS 'DU SHES PA, ,DE NI MA RIG SRID GSUM SGRIB, ,MI SHES PAS NI 'DOD CHAGS DANG, ,ZHE SDANG GTI MUG MNGON DU BYED, ,DE LAS 'DU BYED DNGOS PO NI, , RNAM PAR RIG PA'I RNAM SHES 'BYUNG, ,RNAM SHES LHAN CIG 'BYUNG BA NI, ,GZUGS CAN MA YIN PHUNG PO BZHI, ,MING DANG GZUGS LA BRTEN NAS NI, ,DBANG PO SKYE MCHED 'BYUNG BAR 'GYUR, ,YUL DANG DBANG PO RNAM PAR SHES, ,'DUS PA LAS NI REG PA 'BYUNG, ,REG BYUNG TSOR BAR SHES BYA STE, ,DE BZHIN TSOR BYUNG SRID PA'O, ,SRED 'PHEL NYE BAR LEN PA STE, ,LEN PA LAS NI SRID PA 'BYUNG, ,SRID LAS PHUNG 'BYUNG SKYE BA STE, ,DE BZHIN SKYE LAS RGAS PA'O, ,DE BZHIN RGAS PA'I PHUNG MED PA, ,DE NI 'CHI BA ZHES BRJOD DO, ,RMONGS PA 'CHI LAS MYA NGAN TE; ,SRID DANG BCAS PA'I GDUNG BA NYID, ,MYA NGAN LAS NI BRJOD PA GANG, ,DE NI SMRE SNGAGS 'DON ZHES BYA, ,SMRE SNGAGS 'DON PA LAS BYUNG BA, ,RNAM PAR SHES PA TSOGS LNGA YI, ,SIM PA MA YIN SDUG BSNGAL BRJOD, ,LUS KYI BDE BA'I GEGS BYED PA'O, ,YID LA BYED PA'I @19B SDUG BSNGAL NI, ,YID LA NYE BAR GNOD BYED PA, ,DE YID MI BDER SHES BYA STE, ,GANG GZHAN NYE BA'I NYON MONGS RGYU, ,MUN MNGON SHES DANG MING GZUGS NI, ,SKYE MCHED REG MYONG SKOM PA'I PHYIR, ,SRED LAS LEN DANG SRID SKYE DANG, ,SMIN DANG 'JIG DANG MYA NGAN PHYIR, ,TSIG SOGS LUS LA GNOD PA DANG, ,SEMS YID MI BDE'I PHYIR DANG NI, ,NYON MONGS PHYIR NI MING DON MTHUN, ,GO RIMS BZHIN DU BSTAN PA YIN, ,YANG DE KHO NA YONGS MA SHES, ,MA RIG LA SOGS GO RIMS BZHIN, ,SNGA MA SNGA MA LAS PHYI MA, ,SKYE BA DAG TU YANG BRJOD DO, ,YAN LAG BCU GNYIS GSUM 'JUG PA, ,'DI NI RTAG CHAD THOG MED SKYED, ,CHU BO'I RGYUN BZHIN 'JUG PA YIS, ,THOG MA MED PA'I DUS CAN 'JUG ,'ON KYANG BZHI PO 'DI DAG NI, ,RGYU NI SDUD PAR BYED PA STE, ,MA RIG SRED LAS RNAM PAR SHES, ,DE DAG GO RIMS BZHIN DU BSHAD, ,RGYU LAS RNAM SHES SA BON TE, ,LAS NI ZHING DU GSUNGS PA YIN, ,DANG PO SRED PA NYON MONGS PA'I, ,DNGOS PO RGYUR NI YANG DAG BSHAD, ,LAS DANG NYON MONGS RNAM PAR SHES, ,SA BON NYID DU RNAM PAR GNAS, ,LAS NI SA BON RNAM SHES KYI, ,ZHING GI BYA BA YANG BYED DO, ,SRED PAS RNAM SHES ZHES BYA YI, ,SA BON DE MA THAG RLAN BYED, ,MA RIG SA BON RNAM PAR SHES, ,BRLAN PAS BSTEN PA 'DEBS PAR BYED, ,LAS DANG SRED PA MA RIG PA, ,ZHING DANG BRLAN DANG 'DABS BYED RNAMS, ,RNAM PAR SHES PA 'DI BYA DANG, ,RNAM SHES BDAG 'DIS SNYAM PA MED, ,'ON KYANG SA BON RNAM PAR SHES, ,LAS DANG NYON MONGS GNAS PA NI, ,SA BON RNAM PAR SHES ZHES BRJOD, ,MA RIG LUD KYIS BRAN PA DANG, ,SRED PA'I CHU YIS BSTEN NA NI, ,RGYU LAS MING DANG GZUGS KYI NI, ,MYU GU SKYE BA'ANG SNANG BAR 'GYUR, ,RANG BZHIN GNYIS KA LA SOGS PAS, ,MING GZUGS 'DI DAG 'BYUNG YIN GYI, ,PHA DANG MA NI PHRAD PA DANG, ,DUS RNAMS MI 'GAL NYID LAS SO, ,MYONG BA CUNG ZAD 'BREL PA NI, ,SA BON RNAM PAR SHES PAR BRJOD, ,MA YI MNGAL DU RIM BZHIN 'PHEL, ,MING GZUGS MYU GU SKYED PAR BYED, ,RKYEN RNAMS MA TSANGS MED PA DANG, ,RGYUN RNAMS @20A [page missing] @20B [page missing] @21A [page missing] @21B [page missing] @22A *, ,ZHES GANG SMRAS PA'I GTAN TSIGS DE MA GRUB PAR BRJOD PA'I PHYIR BSHAD PA 'DI LA 'BREL PA LA SOGS PA BZHI YOD PA NYID DO, ,DE YANG GANG ZHE NA, SMRAS PA, S'A LU LJANG PA'I MDO DANG SBYAR BA'I BSTAN BCOS TSIG LE'UR BYAS PA BSHAD PAR BYA BA YIN PAS 'DI LA 'BREL PA YOD PA NYID DE, S'A LU LJANG PA'I MDO ZHES BYA BA NI MU STEGS BYED PA LA SOGS PA GZHAN GYI GZHUNG LUGS KYI KHYAD PAR DAG LA MI DMIGS PA'I PHYIR BSTAN BCOS 'DI NI SANGS RGYAS DANG 'BREL PA'O, ,DE'I PHYIR GTAN TSIGS KYI DON MA GRUB PA NYID DO, ,'BREL PA YOD PA DANG DGOS PA YANG MED NA MED PA YIN NO, ,DE'I PHYIR BSHAD PA, 'DIR NI DGOS PA NI, RGYU DANG RKYEN GYI DON KHONG DU CHUD PA'I PHYIR DANG, GANG ZAG LA BDAG MED PA DANG, CHOS LA BDAG MED PA DANG, GZUNG BA DANG, 'DZIN PA MED PAR RTOGS PA'I PHYIR NYON MONGS PA DANG, SHES BYA'I SGRIB PA DANG BRAL NAS BLA NA MED PA YANG DAG PAR RDZOGS PA'I SANGS RGYAS THOB PAS 'DI LA DGOS PA YOD PA NYID DO, ,DE BAS NA DGOS PA DANG BCAS PA'I PHYIR GSO BA LA SOGS PA'I BSTAN BCOS BZHIN DU BRTZAM PAR BYA BA NYID DO, ,GANG DANG GANG DON DANG BCAS PA DE DANG DE NI BRTZAM PAR BYA BA STE, DPER NA GSO BA LA SOGS PA'I BSTAN BCOS LTA BU YIN PAS DPE MA GRUB PAR BSHAD PAR 'GYUR RO, ,'DI'I BRJOD PAS S'A LU LJANG PA'I DPES NANG DANG PHYI'I RTEN CING 'BREL PAR 'BYUNG BA MTSUNGS PA NYE BAR SBYAR BAS 'DI BRJOD PAS S'A LU LJANG PA ZHES BYA BA YANG YOD PA NYID DE, DE'I PHYIR YANG DON MA GRUB PA NYID DO, , BRJOD PAR BYA BA ZHES BYA BA NI, RTEN CING 'BREL PAR 'BYUNG BA'I YAN LAG BCU GNYIS RKYEN DANG BCAS PA SO SOR GO RIMS BZHIN MTSAN NYID RNAM PAR 'JOG PAR BYED PAS BYED PA PO LA SOGS PA DANG, RGYU MED PA DANG MI MTHUN PA'I RGYU DANG 'BRAL NAS NYON MONGS PA DANG NYE BA'I NYON MONGS PA SPANGS PA'I PHYIR YANG DAG PA'I YE SHES SKYES TE, BLA NA MED PA'I CHOS SKU THOB PAS 'DI BRJOD PAR BYA BA YANG YOD PA NYID DE 'DI'I PHYIR YANG GTAN TSIGS KYI DON MA GRUB PA NYID DO, ,DE BAS NA GSO BA LA SOGS PA'I BSTAN BCOS BZHIN DU BSTAN BCOS 'DI 'BREL PA LA SOGS PA DANG LDAN PA'I PHYIR BRTZAM PAR BYA BA NYID DO, ,BRTZAM @22B PAR BYA BA ZHES BYA BA NI CHOS SO, ,BSTAN BCOS ZHES BYA BA NI CHOS CAN NO, ,CHOS DANG CHOS CAN SPYI NI PHYOGS SO, ,'DI NA CHOS YOD PAS CHOS CAN TE GDUGS CAN BZHIN NO, ,GAL TE DE LTA NA BSTAN BCOS RTZOM PA LA PHYAG 'TSAL BAR BYED PA DON MED DE, DGOS PA MED PA'I PHYIR BYA ROG GI SO BRTAG PA LA SOGS PA'I BSTAN BCOS BZHIN NO ZHES BYA BA'I GTAN TSIGS 'DI NI DON MA GRUB PA NYID BSTAN PAR SMRAS PA, BSTAN BCOS RTZOM PA LA STON PA LA MCHOD PA BYAS SO, ,GAL TE CI'I PHYIR ZHE NA, BSTAN BCOS DANG, DE LA GUS PA SKYE BA'I RGYU YIN PA'I PHYIR TE, CHOS NYAN PA GUS PA SKYE BA RNAMS NYAN PA DANG SEMS PA DANG, BSGOM PA DAG LA GUS PAR 'GYUR GYI, GUS PA MA SKYES PA RNAMS NI MA YIN PAS GTAN TSIGS KYI DON MA GRUB PA NYID DO, ,YANG NA DAM PA'I SPYOD PA'I SROL BSTAN PA'I DON DU BSTAN BCOS RTZOM PA LAS STON PA LA MCHOD PA BYED DO, ,'DI NI SKYES BU DAM PA MKHAS PA RNAMS KYI SPYOD PA YIN TE, NAM ZHIG 'GA' ZHIG DGOS PA RTZOM PA LA 'JUG NA DANG POR YID DU 'ONG BA'I LHA LA PHYAG 'TSAL TE, DGOS PA KHYAD PAR DAG LA ZHUGS PA NA 'DOD PA'I DON RING POR MI THOGS PAR 'GRUB PAS DE'I PHYIR BSTAN BCOS BYED PA 'DI YANG DAM PA'I SPYOD PA'I SROL DE NYID KYI RJES SU 'BRANG BA NA BSTAN BCOS RTZOM PA LA RANG GI STON PA LA YON TAN BRJOD PA SNGON DU 'GRO BA'I PHYAG 'TSAL BA BYAS NAS, BSTAN BCOS BSHAD PAR BYA BA LA ZHUGS PAS 'DI LA DGOS PA YOD PA NYID DO, ,SMRAS PA, BSTAN BCOS RTZOM PA STON PA LA, ,PHYAG 'TSAL BYED PA 'BRAS MED MIN, , STON PA DANG NI BSTAN BCOS LA, ,GUS BSKYED RGYU PHYIR GZHAN DU MIN, ,DE NAS BSTAN BCOS RTZOM PAS STON PA LA MCHOD PA BYA BA RNAM PAR GNAS PA NYID DO, ,DE'I PHYIR GZHAN GYI BSTAN BCOS KYI THOG MAR PHYAG 'TSAL BAR BYED PAR DGOS PA MED DO ZHES GANG SMRAS, GTAN TSIGS DE MA GRUB PA NYID DU BSTAN PAR SMRAS PA, BSTAN BCOS RTZOM PA LA PHYAG 'TSAL BAR BYED PA NI, GSO BA LA SOGS PA'I BSTAN BCOS BZHIN DU DGOS PA DANG BCAS PA NYID DO, ,BYA ROG GI SO BRTAG PA LTA BU MIN NO, ,RANG GI STON PA LA PHYAG BYAS TE, S'A LU LJANG PA'I MDO DANG SBYAR BA'I BSTAN BCOS TSIG LE'UR BYAS PA @23A *, ,BSHAD PAR BYA'O ZHES SMRAS NA, DE YANG GANG ZHIG CE NA, THUB PA RGYAL PO'I KHAB KYI NI, ,ZHES BYA BA LA SOGS PA SMOS SO, ,RGYAL PO'I KHAB NI RGYAL KHAB STE, RGYAL PO'I PHO BRANG ZHES BYA BA'I THA TSIG GO, ,BYA RGOD CES PA'I RI BO LA, ,ZHES BYA BA NI BYA RGOD PHUNG PO'I RI BO LA'O, ,DE NYID KYI PHYIR YANG DAG PAR SDUD PAR BYED PA'I MDO LAS, 'DI SKAD BDAG GIS THOS PA ZHES BYA BA SMOS SO, ,SU LAS THOS SHES NA, DE'I PHYIR SMRAS PA, BCOM LDAN 'DAS LAS SO, ,DUS GCIG NA ZHES BYA BA NI DUS GCIG NA'O, ,BCOM LDAN 'DAS ZHES BYA BA NI BCOM PA DANG LDAN PA'I PHYIR BCOM LDAN 'DAS SO, ,CI ZHIG BCOM PA DANG LDAN ZHE NA, DE'I PHYIR SMRAS PA, BDUD BZHI'O, ,NYON MONGS PA DANG, PHUNG PO DANG, LHA'I BU DANG, 'CHI BDAG GI BDUD CES GRAGS PA'O, ,JI LTAR BCOM ZHE NA, SMRAS PA, GNYEN PO YE SHES BRNYES PA'I PHYIR TE, MTHONG BA DANG BSGOM PA'I LAM LA 'JUG PA'I TSUL GYIS DRAN PA NYE BAR GZHAG PA BZHI LA SOGS PA BYANG CHUB KYI PHYOGS KYI CHOS SUM CU RTZA BDUN BSGOM PA'I RIM GYIS, 'PHAGS PA'I BDEN PA BZHI SGOM PA RNAM PAR BSGOM PA NYID KYIS PHUNG PO'I DE KHO NA NYID YONGS SU SHES PAS MI RTAG PA DANG, SDUG BSNGAL BA DANG; STONG PA DANG, BDAG MED PA LA SOGS PAR PHYIN CI MA LOG PA'I YE SHES DANG LDAN PA'I PHYIR GANG ZAG DANG CHOS LA BDAG MED PA DANG, GZUNG BA DANG 'DZIN PA MED PAR RTOG PA'I PHYIR DANG, KHAMS GSUM PA 'DI YANG SEMS TZAM KHO NA'O ZHES BYA BAR RTOGS PA'I PHYIR, NYON MONGS PA DANG SHES BYA'I SGRIB PA DANG BRAL BA'I SGO NAS NYON MONGS PA BCOM MO, ,RTAG PA DANG, BDE BA DANG, GTZANG BA DANG, BDAG DANG BCAS PAR PHYIN CI LOG PA BZHI LA SOGS PA DANG BRAL BA STE, CHOS KYI SKU BLA NA MED PA DANG LDAN NAS MI GNAS PA'I MYA NGAN LAS 'DAS PA BRNYES PA'I PHYIR PHUNG PO DANG 'CHI BDAG GI BDUD LAS RGYAL LO, ,CHOS THAMS CAD SGYU MA DANG, SMIG RGYU DANG, DRI ZA'I GRONG KHYER DANG, SPRUL PA DANG, GZUGS BRNYAN DANG, BRAG CA DANG, MGAL ME'I 'KHOR LO DANG, RMI LAM LTA BUR SHIN TU THUGS SU CHUD PA'I PHYIR KUN NAS NYON MONGS PA'I KUN GZHI RNAM PAR SHES PA'I @23B BAG CHAGS KYI DRI MA DANG BRAL BAS YANG DAG PA MA YIN PA'I KUN TU RTOG PA YANG DAG PAR CHAD NAS BYAMS PA CHEN PO LA SOGS PA'I MDA' 'PHANGS PAS CHU SRIN GYI RGYAL MTSAN CAN SDE DANG BCAS PA LA BSNUN PA'I PHYIR LHA'I BU'I BDUD PHAM PAR MDZAD DE, DE LTAR BDUD BZHI BCOM PAS NA BCOM LDAN 'DAS SO, ,YANG SMRAS PA, BDUD BZHI'I DGRA NI BCOM PHYIR DANG, ,SRID PA GSUM LAS BYUNG BA DANG, ,BYUNG 'GYUR 'BYUNG BA 'BYUNG MKHYEN CING, ,SRID PAR GNAS 'DI BCOM LDAN 'DAS, ,BCOM LDAN 'DAS DE LTA BU NI RGYAL PO'I KHAB, BYA RGOD PHUNG PO'I RI LA BZHUGS SO, ,CI'I PHYIR GRONG KHYER DE LA RGYAL PO'I KHAB CES BYA ZHE NA, SMRAS PA, GRONG KHYER DE NI SNGON RTZVA MCHOG GI GRONG KHYER ZHES GRAGS TE, GANG GI TSE GRONG KHYER DE LA MI MA YIN PA 'KHRUGS PA RNAMS KYIS YANG DANG YANG ME BTANG BA DE'I TSE RGYAL POS RTOGS NAS BKA' BTAGS PA, SHES LDAN GRONG KHYER BA DAG ,DENG PHYIN CHAD GANG GI KHYIM DU SNGAR ME SHOR BA DES BSIL BA'I TSAL GYI DUR KHROD CHEN POR SONG LA KHYIM BRTZIGS TE 'DUG SHIG CES BSGO BA DANG, DE NAS YANG LAS KYI RKYEN GYI DBANG GIS DANG POR RGYAL PO'I PHO BRANG DU ME SHOR RO, ,DE NAS RGYAL POS BLON PO RNAMS LA BOS TE BSGO BA, SHES LDAN BLON PO DAG SHES PAR GYIS SHIG ,'DI LTAR NGA NYID KYIS DE KHRIMS SU BCAS PA LAS NGA NYID 'DA' BAR BYED PA GANG YIN PA DE NI NGA LA MA LEGS SHING TSUL MA YIN PAS SHES LDAN BLON PO DAG DENG LA BSIL BA'I TSAL GYI DUR KHROD CHEN PO'I NANG DU RGYAL PO'I PHO BRANG BRTZIGS SHIG DANG DER SONG NAS 'DUG PAR BYA'O, ,DE NAS RGYAL PO'I TSIG TZAM GYIS THAMS CAD KYIS DE BZHIN DU BYAS SO, ,DE LA THOG MAR NI RGYAL POS DER PHYIN TE GNAS BTAB, DE NAS NI GZHAN DAG GIS BTAB PAS RGYAL PO'I KHAB CES MING CHAGS SO, ,DE LA RGYAL PO'I KHAB GRONG KHYER CHEN PO'I SHAR LHO'I MTSAMS NA, BYA RGOD PHUNG PO ZHES BYA BA'I RI YOD DE, RI GANG GI SPYI BO BYA RGOD KYI MGO 'DRA BA DE LA BYA RGOD PHUNG PO'I RI ZHES BYA'O, ,YANG NA BDUD SDIG CAN GYIS BYA RGOD KYI SHA TSUGS SU MNGON PAR SPRUL TE BCOM LDAN 'DAS KYI CHOS GOS DBROG PAR BYA BAR BRTZAMS PA LAS BCOM LDAN 'DAS KYI BYIN GYI RLABS KYIS MA NUS NAS DE NYID DU BOR TE CHO @24A *, ,GOS DE DENG SANG DU YANG RDOR GYUR NAS BZHI RIM BYAS TE CHOS GOS LTA BUR 'DUG GO, ,DE NYE BAR MTSON PA'I RI NI BYA RGOD PHUNG PO ZHES BYA STE, THUB PA BYA RGOD PHUNG PO'I RI DE LA BZHUGS SO, ,CI GCIG PU NYID DAM ZHE NA, SMRAS PA, MA YIN TE, DGE SLONG MANG DANG BYANG CHUB SEMS; ,TSOGS DANG YANG DAG THABS CIG BZHUGS, ,DGE SLONG MANG DANG ZHES BYA BA NI DGE SLONG STONG NYIS BRGYA LNGA BCU'I DGE SLONG GI DGE 'DUN CHEN PO DANG NGO, ,BYANG CHUB SEMS TSOGS DANG YANG ZHES BYA BA NI BYANG CHUB SEMS DPA' SEMS DPA' CHEN PO RAB TU MANG PO DANG THABS CIG TU'O, ,BZHUGS ZHES BYA BA NI BZHENGS PA DANG, 'CHAGS PA DANG, BZHUGS PA DANG, GZIMS PA LA SOGS PA SPYOD LAM RNAM PA BZHIS BZHUGS PA'O, ,DE SU ZHIG CE NA THUB PA'O, ,THUB PA NI, SKU DANG, GSUNG DANG, THUGS THUB PA DANG LDAN PA'I PHYIR TE, SKU DANG GSUNG DANG THUGS MI 'JUG PAS THUB PA'O,, CI LA MI 'JUG CE NA, DE'I PHYIR SMRAS PA, SKU DANG, GSUNG DANG, THUGS NYES PAR SPYOD PA LA MI 'JUG CES BYA BA'I DON STON TO, ,'DI LA THUB PA YOD PAS THUB PA STE, LDAN PA'I DON YIN PA'I PHYIR DBYUG PA CAN BZHIN NO, ,YANG CI'I PHYIR GNAS DANG, DUS DANG, ZHABS 'BRING PA BSTAN ZHE NA, SMRAS PA, 'KHOR LOS SGYUR BA'I RGYAL PO DANG, CHOS MTHUN PAR BYA BA'I PHYIR TE, 'KHOR LOS SGYUR BA'I RGYAL PO RNAMS KYI KUN TU SPYOD PA NI 'DI YIN PAR GRAGS TE, GANG GI TSE BRAM ZE DANG, KHYIM BDAG RNAMS RJES SU 'DZIN PA LA SOGS PAR BYED PA DE'I TSE 'DUG PA'I GNAS GRONG DANG GRONG KHYER LA SOGS PA GANG DU 'DUG NAS BYED PA'I GNAS DE NGES PAR RJOD PAR BYED DO, GNAS GANG DU ZHE NA, CHE GE MO ZHIG NA'O, ,DBANG NYID RAB TU BSTAN PA'I PHYIR BLON PO LA SOGS PA DANG LHAN CIG GO, ,DUS ZHES BYA BA NI SNGA DRO DANG PHYI DRO'I DUS SO, ,GANG DAG LA ZHE NA, BRAM ZE DANG KHYIM BDAG LA SOGS PA LA'O, ,DE'I PHYIR BCOM LDAN 'DAS KYANG BLA NA MED PA'I CHOS KYI RGYAL PO 'KHOR LOS SGYUR BA'I PHYIR GNAS DANG, DUS DANG ZHABS 'BRING BA LA SOGS PA BRJOD DE, GANG DU ZHE NA, RGYAL PO'I KHAB NA'O, ,DUS GCIG NA NI SNGA DRO'I DUS SO, ,GANG DAG DANG THABS @24B CIG CE NA, DGE SLONG STONG NYIS BRGYA LNGA BCU'I DGE SLONG DANG, BYANG CHUB SEMS DPA' RNAMS DANG NGO, ,GANG DAG LA ZHE NA, DGE SLONG RNAMS LA'O, ,CI ZHIG GSUNGS SHEN, S'A LU LJANG PA ZHES BYA BA'I MDO'O, ,YANG SMAS PA, GANG DU GANG DAG THABS CIG DANG, ,DUS GANG GANG PHYIR GANG LA BSTAN, ,DE DAG NYID NI BSTAN BYAS NAS, ,THA MAR KUN DGA' BA YI SGRA, ,S'A LU LJANG PA LA GZIGS NAS, ,ZHES BYA BA LA SOGS PA LA, S'A LU LJANG PA LA GZIGS NAS NI GZIGS TE'O, ,RGYU DANG RKYEN LAS BYUNG BA STE, ,ZHES BYA BA NI RGYU RKYEN LAS SKYES KYI 'DI SKYED PAR BYED PA DBANG PHYUG LA SOGS PA GZHAN NI 'GA' YANG MED DO ZHES BYA BAR DGONGS PA'O, ,YANG SMRAS PA, SA BON LA SOGS MA GTOGS PAR, ,GZHAN GYI RGYU ZHES MI BYA STE, ,DBANG PHYUG SOGS DANG RGYU MED PA, ,MNGON SUM LA SOGS 'GAL PHYIR RO, ,SA BON LAS MYU GU LA SOGS PA SKYES KYI, DBANG PHYUG DANG, GTZO BO DANG, RGYU DUS LA SOGS PA NI RGYU MA YIN TE, MNGON SUM DANG RJES SU DPAG PA DAG GIS MI DMIGS PA NYID KYI PHYIR NAM MKHA'I AUTPA LA BZHIN NO, ,RGYU DANG RKYEN SKYES DE BZHIN DU, ,YAN LAG BCU GNYIS RIM 'BYUNG BA, ,GANG GI RTEN 'BREL ZHES MTHONG BA, ,ZHES SMOS TE, RGYU DANG RKYEN DAG GIS BSKYED PA'I CHOS RTEN CING 'BREL BAR 'BYUNG BA YAN LAG BCU GNYIS DGE SLONG NGAM, DGE SLONG MA'AM, GZHAN YANG GANG LA LAS BYED PA LA SOGS PA RGYU MED PA DANG, MI MTHUN PA'I RGYU DANG BRAL BAR MTHONG BA DES, CHOS DANG SANGS RGYAS MTHONG NGO ZHES, ,DGE SLONG RNAMS LA 'DI GSUNGS NAS, ,'DREN PA CANG MI GSUNG BAR BZHUGS, ,'PHAGS PA'I CHOS YAN LAG BRGYAD PA DANG, 'BRAS BU'I CHOS RTOGS PA'I NGO BO NYID DANG, MYA NGAN LAS 'DAS PA PHUNG PO DANG BCAS PA DANG, PHUNG PO'I LHAG MA MED PAR BRJOD PA YANG JI LTA BA BZHIN DU MTHONG NGO ZHES BKA' STZAL PA NAS, BCOM LDAN 'DAS CANG MI GSUNG BAR BZHUGS SO, ,DE'I TSE ZHES BYA BA LA SOGS PA NI DGE SLONG SH'A RI'I BU BYANG CHUB SEMS DPA' BYAMS PA'I DRUNG DU PHYIN NAS 'DI YONGS SU DRIS SO, ,'DI GSUNGS NAS ZHES BYA BA NI BCOM LDAN 'DAS LA SH'A RI'I BUS @25A *, ,MDO GANG THOS PA DGE SLONG RNAMS LA GSUNGS NAS TE, BKA' STZAL NAS SO, ,'DREN PA ZHES BYA BA NI THABS RNAM PA SNA TSOGS KYI TSUL GYIS SEMS CAN RNAMS 'DREN PA'I PHYIR 'DREN PA'O, ,CANG MI GSUNG BAR BZHUGS ZHES BYA BA NI TING NGE 'DZIN LA SNYOMS PAR ZHUGS NAS BZHUGS ZHES BYA BA'I THA TSIG GO, ,DGE SLONG SH'A RI'I BUS THOS NAS, ,ZHES SMOS TE, DGE SLONG ZHES BYA BA NI NYON MONGS PA BCOM PA'I PHYIR DGE SLONG NGO, ,SH'A RI'I BUS THOS NAS ZHES BYA BA NI BCOM LDAN 'DAS LAS THOS NAS SO, ,DE NYID KYI PHYIR MDO LAS, DE'I TSE TSE DANG LDAN PA SH'A RI'I BU BYANG CHUB SEMS DPA' SEMS DPA' CHEN PO BYAMS PA GA LA BA ZHES BYA BA LA SOGS PAS BSTAN TO, ,BYAMS PA'I DRUNG DU SONG NAS NI, ,ZHES BYA BA NI GANG LA BYANG CHUB SEMS DPA' BYAMS PA NYID PAR RTAG TU GNAS PA STE, DER PHYIN CING SONG NAS SO, ,GNYIS KA YANG RDO LEB LA 'KHOD DE,, DE NAS TSE DANG LDAN PA SH'A RI'I BUS BYANG CHUB SEMS DPA' BYAMS PA LA 'DI SKAD CES SMRAS SO, ,BYAMS PA DENG 'DIR DE BZHIN GSHEGS, ,'DI GSUNGS DON RNAMS MA PHYE BAR, ,CANG MI GSUNG BAR BZHUGS GYUR NAS, ,DE'I DON JI LTAR RTOGS PAR BYA, ,ZHES BYA BA SMOS SO, ,BYAMS PA DENG 'DIR ZHES BYA BA BRJOD NAS DGE SLONG RNAMS LA BCOM LDAN 'DAS KYIS S'A LU LJANG PA'I DPES BSTAN PAS GANG GSUNGS PA BYAMS PA BDE BAR GSHEGS PAS BKA' STZAL PA'I MDO DE'I DON CI, BCOM LDAN 'DAS KYIS KYANG DON RNAM PAR MA PHYE LA, THAMS CAD MKHYEN PA'I YUL GYI DON RNAMS KYANG NYAN THOS DANG RANG SANGS RGYAS THAMS CAD KYI YUL LAS 'DAS PA'I PHYIR RTEN CING 'BREL BAR 'BYUNG BA NI GANG, CHOS NI GANG, SANGS RGYAS NI GANG ZHES BYA BA LA SOGS PA 'DRI'O, ,'DI NYID MDO BYED PAS, MDO DANG SBYAR BA SMRAS LA, RTEN CING 'BREL DANG CHOS GANG YIN, ,SANGS RGYAS KYANG NI GANG ZHIG YIN, ,ZHES SMOS TE, JI LTAR YANG RTEN CING 'BREL PAR 'BYUNG BA MTHONG NA CHOS MTHONG NGO, ,CHOS MTHONG NAS SANGS RGYAS MTHONG NGO ZHES BYA BA NI, JI LTAR RTEN 'BREL MTHONG NA NI, ,CHOS DANG SANGS RGYAS MTHONG BA YIN, ,BDAG GI THE TSOM 'DI SMROS ZHES, ,SH'A RI'I BU YIS MA PHAM SMRAS,, @25B GNAS BRTAN SH'A RI'I BUS THE TSOM DE SKYES PAS DE'I PHYIR MA PHAM PA LA SMRAS SO, ,MA PHAM PA ZHES BYA BA NI BYAMS PA'O, ,BYAMS PA KHYAD PAR JI LTA BU CAN ZHIG CE NA, BYAMS PA SHIN TU BSGOM PA'I BDAG ,BYAMS PAS GTAN LA DBAB PA SMRAS, ,BYAMS PA'I TING NGE 'DZIN DANG LDAN PAS SHIN TU GNAS PA'I PHYIR BYAMS PA SHIN TU BSGOM PA'I BDAG NYID DO, ,GTAN LA DBAB PA ZHES BYA BA NI NGES PA'O, ,SMRAS ZHES BYA BA NI BRJOD PA'O, ,GANG LA SMRAS SHEN, SH'A RI'I BU LA'O, ,CI ZHIG SMRAS SHE NA, 'DI LA BCOM LDAN 'DAS ZHES BYA BA LA SOGS PA SMOS SO, ,DGE SLONG DAG SUS RTEN CING 'BREL PAR 'BYUNG BA ZHES BYA BA LA SOGS PA LA RTEN CING 'BREL BAR 'BYUNG BA GANG ZHE NA, 'DI LTA STE MA RIG PA'I RKYEN GYIS 'DU BYED, 'DU BYED KYI RKYEN GYIS RNAM PAR SHES PA, RNAM PAR SHES PA'I RKYEN GYIS MING DANG GZUGS, MING DANG GZUGS KYI RKYEN GYIS SKYE MCHED DRUG , SKYE MCHED DRUG GI RKYEN GYIS REG PA, REG PA'I RKYEN GYIS TSOR BA, TSOR BA'I RKYEN GYIS SRED PA, SRED PA'I RKYEN GYIS LEN PA, LEN PA'I RKYEN GYIS SRID PA, SRID PA'I RKYEN GYIS SKYE BA, SKYE BA'I RKYEN GYIS RGA SHI, RGA SHI'I RKYEN GYIS MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS 'BYUNG STE, DE LTAR SDUG BSNGAL GYI PHUNG PO CHEN PO 'DI 'BA' ZHIG 'BYUNG BAR 'GYUR RO ZHES BYA BA 'DI NI BCOM LDAN 'DAS KYI RTEN CING 'BREL PA'O ZHES GSUNGS SO, ,DE LA RTEN CING 'BREL PAR 'BYUNG BA ZHES BYA BA NI RGYU DANG BCAS, RKYEN DANG BCAS PA LA BYA'I, RGYU MED PA DANG, RKYEN MED PA LA MA YIN PAS DE'I PHYIR RTEN CING 'BREL BAR 'BYUNG BA ZHES BYA'O, ,YANG MA RIG PA LA SOGS PA SRID PA'I YAN LAG 'DI RNAMS 'BYUNG BA'I GO RIMS NI JI LTAR RTOGS PAR BYA, MTSAN NYID NI GANG, LAS NI CI, GANG ZHIG NI YIN ZHE NA, SMRAS PA, DE LA RTEN CING 'BREL BAR 'BYUNG BA NI GNYIS KYI PHYIR 'BYUNG BAR RTOGS PAR BYA STE, GNYIS GANG ZHE NA, SMRAS PA, RGYU DANG 'BREL PA DANG, RKYEN DANG 'BREL BA'O, ,RTEN CING 'BREL PAR 'BYUNG BA DE YANG PHYI NANG GI THA DAD PA'I PHYIR RNAM PA GNYIS SU RNAM PAR GZHAG GO, ,JI LTA ZHE NA, SMRAS @26A *, ,PA; SA BON LAS MYU GU SKYE BA NAS 'BRAS BU SKYE BA'I BAR TE, SA BON YOD NA MYU GU SKYE BA DANG 'BRAS BU SKYE BA'I PHYIR RO, ,SA BON MED NA MYU GU MI SKYE BA NAS, 'BRAS BU MI SKYE BA'I BAR RO, ,SA BON KYANG 'DI SNYAM DU BDAG GIS MYU GU MNGON PAR BSGRUBS SO SNYAM DU MI SEMS SO; ,MYU GU YANG 'DI SNYAM DU BDAG NI SA BON GYIS MNGON PAR BSGRUBS SO SNYAM DU MI SEMS PA NAS, ME TOG KYANG 'DI SNYAM DU 'BRAS BU MNGON PAR BSGRUBS SO SNYAM DU MNGON PAR MI SEMS SO, ,'BRAS BU YANG 'DI SNYAM DU BDAG GI MYU GU ME TOG GIS MNGON PAR BSGRUBS SO SNYAM DU MI SEMS PA'I BAR RO, ,'ON KYANG SA BON YOD NA MYU GU NAS 'BRAS BU'I BAR DU SKYE BAR 'GYUR TE, DE LTAR PHYI'I RTEN CING 'BREL PAR 'BYUNG BA RKYEN DANG 'BREL PAR BLTA BAR BYA'O, ,PHYI ROL GYI RTEN CING 'BREL PAR 'BYUNG BA RKYEN DANG 'BREL PAR JI LTAR BLTA ZHE NA, SMRAS PA, KHAMS DRUG 'DUS PA'I PHYIR TE, KHAMS DRUG PO DAG GANG ZHE NA, 'DI LTA STE SA LA SOGS PA DANG, DUS RNAMS TE, DE LTAR PHYI ROL GYI RTEN CING 'BREL PAR 'BYUNG BA RKYEN DANG 'BREL PAR BLTA BAR BYA'O, ,SA BON SA LA SOGS PA LA CI ZHIG PHAN PAR BYED NAS RGYU'I RKYEN DU 'DOD CEN, SA LA SOGS PA NI 'DZIN PA LA SOGS PA DANG, RLAN PA DANG, DRO BA DANG, 'BU BA DANG, MI SGRIB PA DANG, 'GYUR BA'I BYA BA GO RIMS BZHIN DU BYED DO, ,DE DAG MED NA MI 'GYUR GYI, NAM MA CHENG BA MED PA NA, THAMS CAD 'DUS PA DE LAS DER 'GYUR RO, ,SA LA SOGS PA YANG 'DI SNYAM DU BDAG CAG GIS SA BON 'DZIN PA LA SOGS PA BYA'O SNYAM DU MI SEMS SO, ,SA BON YANG 'DI SNYAM DU BDAG LA NI RKYEN 'DI RNAMS KYIS 'DZIN PA LA SOGS PA'I BYA BAS PHAN BTAGS SO SNYAM DU MI SEMS SO, ,'ON KYANG SAL SOGS PA YOD NA SA BON LA MYU GU LA SOGS PA 'BYUNG BAR 'GYUR LA, MED NA MI 'GYUR, DE NYID KYI PHYIR MDO MDZAD PAS GSUNGS PA, YAN LAG BCU GNYIS MA RIG SOGS, ,'CHI BA LA THUG GO RIMS BZHIN, ,ZHES BYA BA LA, SRID PA'I YAN LAG GANG DAG LA MA RIG PA LA SOGS PA 'CHI LA THUG PA YOD PA DE DAG NI MA RIG PA LA SOGS PA 'CHI BA LA THUG PA RNAMS SO, ,DE LTA BAS NA SDUG @26B BSNGAL GYI PHUNG PO 'BA' ZHIG 'BYUNG BAR 'GYUR ZHES BYA BA DE LTA BAS NA ZHES BYA BA NI MA RIG PA LA SOGS PA RIM GYIS 'BYUNG BA'O, ,SDUG BSNGAL GYI PHUNG PO ZHES BYA BA NI SDUG BSNGAL GYI TSOGS SO, ,'BA' ZHIG CES BYA BA NI BDAG DANG BDAG GI DANG BRAL BA'O, ,'BYUNG BAR 'GYUR ZHES BYA BA NI SKYE BAR 'GYUR BA'O, ,CHOS LAM YAN LAG BRGYAD PA DANG, ,'BRAS BU MYA NGAN 'DAS PA'O, ,ZHES SMRAS TE, CHOS NI RANG GI MTSAN NYID 'DZIN PA'I PHYIR CHOS SO, ,LAM YAN LAG BRGYAD PA ZHES BYA BA NI LOG PA'I LTA BA DANG, LOG PA'I RTOG PA DANG, ,LOG PA'I NGAG DANG, LOG PA'I LAS KYI MTHA' DANG, LOG PA'I 'TSO BA DANG, LOG PA'I RTZOL BA DANG, LOG PA'I DRAN PA DANG, LOG PA'I TING NGE 'DZIN TO, ,DE LA LOG PA'I LTA BA ZHES BYA BA NI LOG PA'I LTA BA STE, LTA BA LNGA'O, ,'JIG TSOGS DANG, MTHA' DANG, LTA BA DANG, TSUL KHRIMS DANG LOG PA ZHES BYA PA'O, ,'DI THAMS CAD KYANG LOG PAR THOS PA DANG BSAM PA LA SOGS PA ZHUGS PA STE, DE BAS NA LTA BA NGAN PA'I PHYIR LOG PA'I LAM SPYAD PAS MI 'DOD PA'I RNAM PAR SMIN PA MNGON PAR BSGRUB PA'I PHYIR DANG, RGYU DANG, LAS DANG, 'BRAS BU LA SKUR PA 'DEBS PA DANG, SGRO 'DOGS PA'I RNAM PAR BZHUGS PA'I PHYIR LOG PAR LTA BA DAG CES BYA BA'O, ,DE DANG MI MTHUN PA'I PHYIR YANG DAG PA'I LTA BA LAM GYI YAN LAG NYID DU RNAM PAR GZHAG GO, ,TSUL BZHIN LA GNAS PA'I YANG DAG PA'I THOS PA DANG, BSAM PA LA SOGS PA'I DAD PA SNGON DU 'GRO BAS RGYU DANG, 'BRAS BU DANG; BDEN PA DANG, DKON MCHOG DANG, LAS DANG, 'BRAS BU LA SOGS PA YOD PAR LTA BA NI YANG DAG PA'I LTA BA STE, YANG DAG PA'I LAM LA NYE BAR SBYOR BA LAS 'DOD PA'I 'BRAS BU MNGON PAR BSGRUB PA'I PHYIR DANG, MI RTAG PA DANG, SDUG BSNGAL BA DANG, STONG PA DANG, BDAG MED PA LA SOGS PA'I RNAM PAR 'JUG PA'I PHYIR YANG DAG PA'I LTA BA ZHES BYA'O, ,DE LA LOG PA'I RTOG PA ZHES BYA BA NI RTOG PA LOG PA'O, ,RTOG PA ZHES BYA BA NI SPYOD YUL DANG, YUL DANG, DMIGS PA ZHES BYA BA NI THA TSIG GO, ,SPYOD YUL ZHES BYA BA NI YUL DRUG PO GZUGS DANG SGRA LA @27A *, ,SOGS PA'O, ,LOG PA ZHES BYA BA NI PHYIN CI LOG STE, RTAG PA DANG, BDE BA DANG, GTZANG BA DANG, BDAG GI RNAM PA LA SOGS PAR DMIGS PAS 'DOD CHAGS DANG, ZHE SDANG DANG, GTI MUG RGYAS PAR 'GYUR BA'I PHYIR LOG PAR RTOG PA'O, ,DE LAS BZLOG PA NI YANG DAG PA'I RTOG PA'O, ,YANG DAG PA ZHES BYA BA NI PHYIN CI MA LOG PA'O, ,RTOG PA ZHES BYA BA NI BYA BA DANG, SEMS PA STE, 'DI DANG 'DI BYA'O ZHES THOG MAR SEMS LA BZHAG NAS LUS DANG, NGAG DANG, YID KYI SPYOD PA DGE BA MA CHAGS PA DANG, ZHE SDANG MED PA DANG, GTI MUG MED PA'I NGO BO MI RTAG PA DANG, SDUG BSNGAL BA DANG, STONG PA DANG, BDAG MED PA LA SOGS PAR TSUL BZHIN YID LA BYED PA'I SBYOR BA GANG YIN PA NI YANG DAG PA'I LAM GYI YAN LAG CES BYA'O, ,LOG PA'I NGAG CES BYA BA NI NGAG NGAN PA STE, BDAG DANG GZHAN BSLU BA'I RNAM PAR ZHUGS PA'I NGAG GANG YIN PA DE NI LOG PA'I NGAG GO, ,'DOD CHAGS DANG, ZHE SDANG DANG, GTI MUG DANG, NGA RGYAL LA SOGS PA DANG 'BREL BA'I PHYIR BDAG LA BSTOD PA DANG, GZHAN LA SMOD PA'I NGO BOR ZHUGS PA DANG, NGAG GI NYES PA RNAM PA BZHI DANG 'DRES PA DANG, YANG DAG PA DANG, BDEN PA DANG, DE KHO NA NYID DANG, CHOS THAMS CAD SPONG BAR BYED PA DANG, RGYAL PO DANG, CHOM RKUN DANG, BUD MED DANG, KHYIM PA DANG, SKYE BO'I GTAM GYI NGO BO DANG, GSOG DANG DON MED PA MANG PO NI 'PHAGS PA'I SKYE BO THAMS CAD KYIS SMAD PA'I PHYIR LOG PA'I NGAG CES BYA'O, ,DE DAG MI MTHUN PA'I PHYIR BDAG DANG GZHAN LA MI SLU BA'I RNAM PA CAN MA CHAGS PA DANG, ZHE SDANG MED PA DANG, GTI MUG MED PA LA SOGS PA'I NGO BO NGAG GI NYES PA RNAM PA BZHI DANG BRAL BA'I PHYIR BDEN PA DANG YANG DAG PA DANG DE KHO NA NYID KYI RJES SU 'BRANG BA BDEN PA BZHI'I RJES SU MTHUN PAR BYED PA DGE BA'I CHOS THAMS CAD SDUD PA, PHAN PA DANG YONGS SU BCAD PA'I NGO BO NYID KYI PHYIR BDAG LA BSTOD PA DANG, GZHAN LA SMOD PA SPANG BA, MI RTAG PA DANG, SDUG BSNGAL BA DANG, STONG PA DANG, BDAG MED PA LA SOGS PA'I RNAM PAR ZHUGS PA'I PHYIR @27B 'PHAGS PA'I SKYE BO THAMS CAD MI SLU BAR BYED PA NI YANG DAG PA'I LAM GYI RJES SU 'JUG PA'I PHYIR YANG DAG PA'I NGAG CES BYA'O, ,LOG PA'I LAS KYI MTHA' ZHES BYA BA NI PHYIN CI LOG GI LAS BYED PA'O, ,LAS ZHES BYA BA NI LUS DANG, NGAG DANG YID KYI NYES PAR SPYOD PA'I SA BON 'DEBS PA'I PHYIR DANG, RNAM PAR SMIN PA MI BZAD PA'I 'BRAS BU MNGON PAR SGRUB PA'I RANG BZHIN MI DGE BA'I LAS KYI MTHA' BYED PA'I PHYIR TSA SGO LA SOGS PA'I SKYON DANG 'DRES PA'I ZHING NGAN PA LA SA BON NGAN PA BTAB PA BZHIN, MI 'DOD PA'I RNAM PAR SMIN PA MNGON PAR BSGRUB PA'I PHYIR SMAD PAR BYA BA'I LAS KYI MTHA' NI LOG PA'I LAS KYI MTHA' ZHES BYA'O, ,LAS LA DGA' BA DANG, GNYID LA DGA' BA DANG, SMRA BA LA DGA' BA LA SOGS PA'I RANG BZHIN NI LOG PA'I LAS ZHES BYA STE, BDAG DANG GZHAN LA REG PA LAM YIN PA SDUG BSNGAL BAR GNAS PA'I RTEN GYI NGO BO'O, ,DE DANG MI MTHUN PA'I PHYIR YANG DAG PA'I LAS KYI MTHA'O, ,PHYIN CI MA LOG PA'I LAS BYED PA'I PHYIR LUS DAN, NGAG DANG, YID KYIS LEGS PAR SPYAD PA'I SA BON 'DEBS PA'I PHYIR DANG, ZHING GSHIN PA DANG 'DRA BA'I LEGS PAR BYAS PA'I LAS KYI ZHING 'DOD PA'I RNAM PAR SMIN PA MNGON PAR SGRUB PA'I RNAM PAR ZHUGS PA'I PHYIR DANG, MI RTAG PA DANG, SDUG BSNGAL BA DANG, STONG PA DANG, BDAG MED PA LA SOGS PA'I NGO BOR ZHUGS PA'I PHYIR DANG, YANG DAG PA'I LAS KYI MTHA' BYED PA'I PHYIR YANG DAG PA'I LAS KYI MTHA' STE, YANG DAG PA'I LAM GYI RJES SU 'BRANG BA'I PHYIR YANG DAG PA'I LAM ZHES BYA'O, ,LOG PA'I 'TSO BA ZHES BYA BA NI, PHYIN CI LOG GI 'TSO BA STE, NGAN G-YO DANG, KHA GSAG DANG, THOB PAS 'JAL BA DANG, GZHOGS SLONG GIS 'JUG CING MI PHONGS PA'I LUS DANG, NGAG GI LA SOGS PA'I NYE BAR 'TSO BAS SKYES PA DANG BUD MED LA SOGS PA'I MTSAN STON PA DANG, 'PHONG DANG, RTA DANG, SNYAN NGAG DANG, GSO BA'I DPYAD DANG, GRANGS DANG, KHYIM PA'I DPYAD DANG, GZHON NU'I DPYAD DANG, RGYA MTSO MTSAN GYI DPYAD DANG, LTAS SHES PA LA SOGS PA STE, BDAG DANG GZHAN SLU BA'I NGO BOR ZHUGS PA'I PHYIR TSUL @28A *, ,DES CHOS GOS DANG BSOD SNYOMS LA SOGS PA SGRUB PA'I RJES SU 'JUG PAS GNAS PAR BYED PA NI LOG PA'I 'TSO BA ZHES BYA'O, ,DE DANG MI MTHUN PA'I PHYIR YANG DAG PA'I 'TSO BA NI LAM GYI YAN LAG CES BYA'O, ,YANG DAG PA NI RIG PA DANG MA BRAL BA'I LUS DANG, NGAG DANG YID 'JUG PAS CHOS GOS LA SOGS PA BSGRUB PA STE, TSUL DES KUN TU 'TSO BA NI YANG DAG PA'I 'TSO BA'I RJES SU 'BRANG BA'I PHYIR DANG, BDAG DANG GZHAN MI SLU BA'I NGO BO'I RNAM PA'I PHYIR 'PHAGS PA'I LAM GYI RJES SU 'JUG PAS YANG DAG PA'I 'TSO BA NI LAM GYI YAN LAG NYID DU RNAM PAR GZHAG GO; ,LOG PA'I RTZOL BA ZHES BYA BA NI RTZOL BA NI RTZOL BA'O, ,LOG PA'I ZHES BYA BA NI PHYIN CI LOG PA STE, LUS DANG, NGAG DANG, YID KYI RAB TU SPYOD PA MI BDEN PA RNAMS KYIS BDAG DANG GZHAN LA GNOD PA BYED PA DANG, G-YUL LA SOGS PA SHOM PA DANG, PHO NYA LA SOGS PAR 'GRO BA DANG, SPYOD PA DANG, DBRAL BA DANG, 'JOG PA DANG, 'DEGS PHA DANG, SEL BA DANG, MI SEL BA DANG, SBYOR BA'I TSUL GYIS SKYED PA DANG, ZHING DANG, RIG PA DANG, TSONG DANG, RGYAL SRID LA SOGS PA BDAG DANG PHA ROL LA GNOD PAR BYED PA'I LUS DANG, NGAG DANG, YID KYIS 'JUG PA RNAM PA SNA TSOGS LA RTZOM PA DANG BYA BA DANG, BRTZON PA NI LOG PA'I RTZOL BA ZHES BYA'O, ,DE DANG MI MTHUN PAR 'GYUR BA'I PHYIR YANG DAG PAR RTZOL BA'O, ,YANG DAG PAR RTZOL BA NI LAM GYI YAN LAG NYID DU RNAM PAR GZHAG STE, GANG LUS DANG NGAG DANG YID KYI SPYOD PA GCIG TU DGE BA BDAG DANG GZHAN LA PHAN 'DOGS PAR ZHUGS PA DAG GIS 'PHAGS PA'I LAM GYI RJES SU 'BRANG BA DE NI YANG DAG PAR RTZOL BA'I PHYIR YANG DAG PAR RTZOL BA STE DE NI LAM GYI YAN LAG NYID DU BRJOD DO, ,LOG PA'I DRAN PA ZHES BYA BA NI SMAD PAR BYA BA DRAN PA STE, LOG PA'I DRAN PA'O, ,DRAN PA NI DRAN PA'O, ,'DI NI LOG PA YANG YIN LA, DRAN PA YANG YIN PAS LOG PA'I DRAN PA'O, ,DUS GSUM GYI YUL LA SNGON DGOD PA DANG, DGA' BA NYAMS SU MYONG BA'I GZUGS DANG, SGRA DANG, DRI DANG, RO DANG, REG PA LA SOGS PA RJES SU DRAN ZHING RJES SU BRJOD PA DANG, DE LA YANG LHAG PAR CHAGS PA @28B DANG; RJES SU CHAGS PA DANG, KHONG KHRO BA LA SOGS PA KUN TU LDANG BA'I PHYIR BDAG DANG GZHAN GNOD PAR BYED PA'I PHYIR DANG, MI 'DOD PA'I RNAM PAR SMIN PA DANG 'BREL PA'I PHYIR LOG PA'I MTSAN MA YID LA BYED PA NI LOG PA'I DRAN PA'O, ,DE DANG MI MTHUN PA'I PHYIR YANG DAG PA'I DRAN PA NI LAM GYI YAN LAG NYID DU BRJOD DO, ,YON TAN RJES SU DRAN PA SNGON DU BTANG NAS SANGS RGYAS DANG, CHOS DANG, DGE 'DUN DANG, TSUL KHRIMS DANG, GTONG BA DANG, LHA LA SOGS PA RJES SU DRAN PA NI YANG DAG PA'I DRAN PA STE, LAM GYI YAN LAG NYID DU BRJOD DO, ,TING NGE 'DZIN GYI BYA BA LA, TING NGE 'DZIN NI TING NGE 'DZIN TE, KUN NAS MNYAM PAR 'JOG CING 'DZIN PA'I PHYIR TING NGE 'DZIN TO, ,'DI NI LOG PA YANG YIN LA, TING NGE 'DZIN YANG YIN PAS LOG PA'I TING NGE 'DZIN TO, ,LOG PA ZHES BYA BA NI PHYIN CI LOG STE DBANG PHYUG DANG RANG BZHIN DANG, DUS DANG, GTZO BO DANG, NANG GI BDAG LA SOGS PA MED PA DE DAG LA DMIGS BA SNGON DU BTANG BA'I SEMS 'PHRO BA GANG YIN PA'O, ,YANG NA GZUGS LA SOGS PA DANG PHYI ROL GYI DNGOS PO MI RTAG PA DANG, SDUG BSNGAL BA DANG, STONG PA DANG, BDAG MED PA LA SOGS PA'I RNAM PA DAG LA RTAG PA DANG, BDE BA DANG, GTZANG BA DANG, BDAG TU LTA BA LA SOGS PA LA LHAG PAR CHAGS NAS, DE DAG LA DMIGS PA SNGON DU BTANG BA'I SEMS 'PHRO BA GANG YIN PA STE, CHAGS PA DANG BCAS PA SNGON DU BTANG BA'I SEMS GNAS PA GANG YIN PA DE NI LOG PA'I TING NGE 'DZIN ZHES BYA'O, ,DE DANG 'GAL BAR SEMS GNAS PA NI YANG DAG PA'I TING NGE 'DZIN ZHES BYA STE, PHUNG PO DANG, KHAMS DANG, SKYE MCHED BDAG DANG BDAG GI STONG PA RNAMS LA MI RTAG PA DANG, SDUG BSNGAL BA DANG, STONG PA DANG, BDAG MED PA'I RNAM PA LA SOGS PA SNGON DU BTANG BA'I SEMS GNAS PA STE, SEMS RTZE GCIG PA NYID NI YANG DAG PA'I TING NGE 'DZIN ZHES BYA'O, ,CHOS THAMS CAD MNYAM PA NYID DU BSGRUB PA'I PHYIR TING NGE 'DZIN TO, ,SEMS RTZE GCIG PA NYID DANG, DMIGS PA GCIG PA ZHES BYA BA'I THA TSIG STE, YANG DAG PA'I TING NGE 'DZIN DE NI LAM GYI YAN LAG NYID DU BRJOD DO, ,DE LTAR GANG @29A *, ,GIS RTEN CING 'BREL PAR 'BYUNG BA MTHONG BA DES CHOS MTHONG NGO, ,YANG SMRAS PA, LTA SOGS YAN LAG BRGYAD KYI STEGS, ,RGYU NI BCU GNYIS SNGON 'GRO BA, ,GANG MTHONG RNAM DAG BDAG NYID DES, ,CHOS KYI DE NYID MTHONG BAR 'GYUR, ,'BRAS BU ZHES BYA BA NI DGE SBYONG TSUL GYI 'BRAS BU'O, ,DE THOB PA NI MNGON SUM DU BYED PA STE, KUN NAS NYON MONGS PA THAMS CAD KYI KUN GZHI RNAM PAR SHES PA SA BON BAG CHAGS KYI DRI MA DANG BRAL BA'I PHYIR GNAS GYUR PA DANG LDAN PA, YID KYI YUL YON TAN GYI NOR BU BSAM GYIS MI KHYAB CING GZHAL DU MED PAS BRGYAN PA, RANG GI GZHAN LA RAG MA LAS PA'I BDAG NYID CAN SO SO RANG GIS RIG PA SEMS CAN THAMS CAD KYI DON RGYUN MI 'CHAD PAR LHUN GYIS GRUB PAR MDZAD PA'I BDAG NYID SPROS PA THAMS CAD DANG BRAL BA, ZHI GNAS DANG LHAG MTHONG ZUNG DU 'BREL PAR LDAN PA'I CHOS THAMS CAD KYI DE KHO NA NYID THUGS SU CHUD PA'I PHYIR NYON MONGS PA DANG, SHES BYA'I SGRIB PA'I NAGS TSANG TSING GI RTZA BA RNAM PAR BSREGS PA'I NGO BO NYID BLA NA MED PA YANG DAG PAR RDZOGS PA'I 'BRAS BU MI SLOB PA'I YE SHES NI 'BRAS BU'I CHOS ZHES BYA'O,, ,,S'A LU LJANG PA'I RGYA CHER BSHAD PA, BAM PO GNYIS PA, MYA NGAN LAS 'DAS PA'O ZHES BYA BA NI PHUNG PO'I LHAG MA DANG BCAS PA DANG, PHUNG PO LHAG MA MED PA'I NGO BO NYID MI GNAS PA'I MYA NGAN LAS 'DAS PA ZHES BRJOD PA, RGA BA MED PA, 'CHI BA MED PA, GDUNG BA MED PA, BRTAN PA, ZHI BA, RTAG PA, MI 'PHROGS PA, MI ZAD PA'I BDAG NYID THOG MA DANG, BAR DANG, THA MA DANG BRAL BA, GNYIS MED PA'I KHAMS GSUM DANG BRAL BA, LUS DANG, NGAG DANG, YID KYI LAS YANG DAG PAR 'DAS PA, NOR BU RIN PO CHE'I RGYAL PO'I GZUGS SNA TSOGS PA DANG 'DRA BAR YON TAN NOR BU'I 'OD ZER RNAM PA SNA TSOGS KYIS 'GRO BA'I DON RGYUN MI 'CHAD PAR MDZAD PA, ZHI BA CHOS KYI RANG BZHIN GYI SKUR GYUR PA NI MYA NGAN LAS 'DAS PAR BZHED DO, ,DE LTAR THAMS CAD THUGS CHUD PHYIR, ,CHOS SKYES SANGS RGYAS ZHES BYA STE, ,DE LTAR DE BZHIN DU KUN NAS NYON MONGS PA DANG, RNAM PAR BYANG BA'I BDAG NYID CHOS KUN GYI CHOS DE KHO NA NYID JI LTAR GNAS PA BZHIN DU THUGS SU @29B CHUD PA'I PHYIR SANGS RGYAS ZHES BYA'O, ,CHOS SKYES ZHES BYA BA NI CHOS DAG LAS SKYES PAS NA CHOS SKYES TE, CHOS KYIS BSKYED PA ZHES BYA BA'I THA TSIG GO, ,DE SKAD CES BYA 'PHAGS MTHONG BAS, ,GANG GIS MTHONG BA DES MTHONG NGO, ,DE SKAD CES BYA BA NI SANGS RGYAS ZHES DE SKAD CES BYA BA'I PHYIR BCOM LDAN 'DAS DE LTA BU'O, ,'PHAGS MTHONG BAS ZHES BYA BA NI YE SHES KYI MIG GIS TE, 'PHAGS ZHES BYA BA NI 'JIG RTEN LAS 'DAS PA'O, ,MTHONG BA ZHES BYA BA NI MIG GIS SO, ,GANG GIS MTHONG BA ZHES BYA BA NI SUS RTEN CING 'BREL PAR 'BYUNG BA DANG, CHOS LA DE LTAR MTHONG BA DES CHOS SKYES TE, CHOS KYIS BSKYED PAS SANGS RGYAS MTHONG NGO ZHES BSHAD PA YIN NO, ,DE LA 'DIR RTEN CING 'BREL PAR 'BYUNG BA JI LTA BUR GSUNGS SHE NA, SUS RTEN CING 'BREL PAR 'BYUNG BA 'DI ZHES BYA BA LA SOGS PA'O, ,GANG ZHIG SROG LA SOGS BRAL BA, ,ZHES BYA BA NI GANG GIS RTEN CING 'BREL PAR 'BYUNG BA 'DI RTAG TU SROG LA SOGS PA DANG BRAL BA STE, SROG DANG BRAL BAR RO MTHONG BA NI RIG PA DANG, RJES SU DPAG PA DAG GIS SPYOD PA DANG, 'JAL BA DANG, RTOG PA DANG, NYE BAR RTOG PA'O, ,RTAG TU SROG MED PA ZHES BYA BA NI SROG MED PA'O, ,KUN TU 'TSO BA GCER BU PA DAG 'DI LTAR RTOG STE; NANG DANG PHYI ROL GYI DNGOS PO 'DI THAMS CAD NI SROG DANG BCAS SHING DBANG PO DANG LDAN NO, ,DBANG PO DANG LDAN PA DE BAS NA SA GSUM PO 'DI THAMS CAD SROG CHAGS PHRA MO RNAMS KYIS GANG NGO ZHE'O, ,DE NYID KYI PHYIR SROG CHAGS THAMS CAD NI SROG CHAGS ZA STE, SROG CHAGS GANG DAG SROG CHAGS MI ZA BA'I SROG CHAGS DE DAG NI THAR PA THOB BO ZHES ZER RO, ,DE BAS NA DE DGAG PA'I PHYIR SROG MED PA DANG, SROG DANG BRAL BA ZHES BYA BA LA SOGS PA GSUNGS SO, ,SROG MED PA ZHES BYA BA NI SROG MED PA STE, SROG DANG BRAL BA ZHES BYA BA'I THA TSIG GO, ,RGYU DANG RKYEN LAS SKYE BA'I CHOS CAN GYI PHYIR TE, RGYU NI SA BON LA SOGS PA'O, ,RKYEN NI SA LA SOGS PA STE, DE DAG KYANG PHAN TSUN GCIG LA GCIG RTOG PA DANG, YONGS SU RTOG PA DANG, RNAM PAR RTOG PA DANG BRAL BA'I PHYIR RTZVA DANG SHING DANG RTZIG PA DANG CHOS 'DRA BA G-YO BA MED PA BYA BA MED PA'O, ,DE BAS NA SROG LA @30A *, ,SOGS PA DANG BRAL BA'I PHYIR SROG MED PA'O, ,PHAN TSUN RGYU RKYEN 'BREL PA LAS SKYE ZHING GCIG LA GCIG KYANG SEMS PA MED LA, BYA BA DANG LAS KYANG SNANG STE, RGYU DANG RKYEN GYIS RGYUN 'DI NI THOG MA MED PA NAS ZHUGS PA YIN NO, ,JI LTAR KUN TU 'TSO BA GCER BU PA DAG SHING RNAMS NI SEMS DANG BCAS PA YIN TE, G-YO BA'I PHYIR DANG, NYAL BA'I PHYIR DANG, BCAD NA SKYE BA'I PHYIR RO ZHES THA SNYAD 'DOGS PA LTA BU NI MA YIN TE, PHYI ROL GYI DNGOS PO RNAMS NI NYI MA DANG ZLA BA'I REG PA'I DBANG GIS ZHUM PA DANG, RGYAS PAR RJES SU DPAG GI ,DE DAG LA NYAL BA DANG LDANG BA LTA GA LA YOD, RLUNG GIS BSKYOD PA'I DBANG GIS SHING GI YAL GA LA SOGS PA 'GUL BAR RJES SU DPAG PAS DE DAG LA 'GRO BA DANG 'ONG BA GA LA DMIGS TE, DON MA GRUB PA NYID DO, ,BCAD NA SKYE'O ZHES BYA BA 'DI NI DON MA GRUB PA NYID DU BSTAN PA'I PHYIR SMRAS PA, GAL TE DE DAG YANG SEMS DANG BCAS PA ZHIG YIN NA, CI'I PHYIR GCOD PA'I GNAS SKABS NA GANG GIS NA SROG GCOD PA LA SOGS PA'I SDUG BSNGAL MYONG BAR MI 'GYUR LA, MI DGA' BA LA SOGS PA'I SPYOD PA'AM, GSOL BA 'DEBS PA LA SOGS PA'AM, DE NAS GZHAN DU 'GRO BA CUNG ZAD MI BYED, BCAD NA SKYE BA'I PHYIR SEMS DANG BCAS PAR KHAS LEN NA GANG DAG BCAD NA MI SKYE BAS DE DAG BZLOG PA'I PHYIR SEMS MED PA NYID DU 'GYUR RO, ,SEMS DANG BCAS PA RNAMS KYI YAN LAG DANG NYING LAG LA SOGS PA BCAD NA MI SKYE BA'I CHOS CAN YIN PA'I PHYIR SEMS MED PA NYID DU THAL BAR 'GYUR DU 'ONG BAS DE'I PHYIR DE'I GTAN TSIGS KYI DON MA GRUB PA NYID DO, ,DE LTA BAS NA SROG MED PA DANG, SROG DANG BRAL BA ZHES BYA BA 'DI RNAM PAR GNAS SO, ,JI LTA BU NYID DANG, MA NOR BA ZHES BYA BA NI RGYU MED PA DANG MI MTHUN PA'I RGYU DANG BRAL BA'I PHYIR MA NOR BA'O, ,MA SKYES PA ZHES BYA BA NI BSKYED PAR BYA BA DANG, SKYED PA DANG BRAL BA'I PHYIR RO, ,MA BYUNG BA ZHES BYA BA NI RTAG PA DANG CHAD PA DANG BRAL BA'I PHYIR RO, ,MA BYAS PA ZHES BYA BA NI BYED PA PO DANG BRAL BA'I PHYIR TE, NANG GI BYED PA'I SKYES BU DANG DBANG PHYUG LA SOGS PA 'JUG PA'I 'DU BYED DANG BRAL BA'I PHYIR RO, , @30B THOGS PA MED PA ZHES BYA BA NI SGRIB PA MED PA'I RANG BZHIN YIN PA'I PHYIR RO, ,DMIGS PA MED PA ZHES BYA BA NI DMIGS PAR BYA BA DANG DMIGS PA DANG BRAL BA'I PHYIR RO, ,RNAM PAR ZHI BA'I RANG BZHIN ZHES BYA BA NI LAS DANG NYON MONGS PA DANG BRAL BA'I PHYIR RO, ,GCIG TU ZHI BA'I RANG BZHIN SPROS PA THAMS CAD DANG BRAL BA, RTOG PA'I DRA BA THAMS CAD DRAL BA, RTAG TU GNAS PA, MI 'JIGS PA, SKYE BA DANG 'JIG PA DANG BRAL BA'O, ,GANG GIS TSUL 'DI 'DRA BAR CHOS LA YANG MTHONG BA STE, NYER ZHI LA THUG BCAS PAR NI, ,ZHES SMOS TE, NYER ZHI LA THUG CES BYA BA NI NYE BAR ZHI BA THA MAR BSTAN PA'I PHYIR NYE BAR ZHI BA LA THUG PA'O, ,GANG GIS CHOS LA YANG TSUL 'DI 'DRA BAR BRTAG PA DANG, SROG MED PA LA SOGS PA'I RANG BZHIN DU MTHONG BA NI, RTEN 'BREL CHOS DANG SANGS RGYAS DAG ,DRI MA MED PA'I BLOS MTHONG BA STE, DES NI BLA NA MED PA'I CHOS KYI SKUR SANGS RGYAS MTHONG NGO ZHES BCOM LDAN 'DAS KYIS GSUNGS SO, ,DES ZHES BYA BA NI GANG GIS MTHONG BA'O, ,'PHAGS PA'I CHOS MNGON PAR RTOGS TE ZHES BYA BA NI GANG DAG SDIG PA'I CHOS RNAMS LA PHA ROL DU RING BA DE DAG NI 'PHAGS PA'O, ,DE DAG GI CHOS NI 'PHAGS PA'I CHOS TE, YANG DAG PA'I LTA BA LA SOGS PA'O, ,MNGON PAR RTOGS TE ZHES BYA BA NI MNGON DU PHYOGS PAR RTZE GCIG TU BYAS PA'I PHYIR DANG, MNGON SUM DU BYAS PA'I PHYIR TE, TING NGE 'DZIN THOB PA'I PHYIR ZHES BYA BA'I THA TSIG GO, ,YANG DAG PA'I YE SHES DANG LDAN PAS ZHES BYA BA NI YANG DAG PA'I PHYIN CI MA LOG PAR CHOS THAMS CAD BDAG MED PA'I DE KHO NA NYID RTOGS PA'I PHYIR RO, ,BLA NA MED PA'I ZHES BYA BA NI 'DI'I GONG NA CHOS KHYAD PAR CAN CUNG ZAD TZAM YANG MED DE, DE BAS NA DE NI BLA NA MED PA ZHES BYA'O, ,CHOS KYI SKU ZHES BYA BA NI CHOS SKU NYID CHOS KYI SKU STE, MCHIG BU BZHIN NO, ,SANGS RGYAS ZHES BYA BA NI CHOS THUGS SU CHUD PA'I PHYIR RO, ,DE LTAR NA SUS RTEN CING 'BREL PAR 'BYUNG BA MTHONG BA DES CHOS BLA NA MED PA'I BYANG CHUB BYED PA MI SLOB PA'I NGO BO NYID MTHONG NGO, ,SUS 'PHAGS PA'I YE SHES KYI SPYOD YUL GYI CHOS DE, DE LTA BU RANG GI JI LTA BA BZHIN MNGON PAR RTOGS PAS CHOS LAS SKYES PA, @31A *, ,CHOS KYI SPRUL PA, CHOS GZIGS PA, SANGS RGYAS MTHONG NGO ZHES BCOM LDAN 'DAS KYIS GSUNGS SO, ,RTEN CING 'BREL PAR 'BYUNG BA'I MTSAN NYID KYI DBYE BA RNAM PAR GZHAG PAR BYA BA'I PHYIR, RTEN 'BREL ZHES PA'I MTSAN NYID NI, ,ZHES BYA BA SMOS SO, ,CI'I PHYIR RTEN CING 'BREL PAR 'BYUNG BA ZHES BYA ZHE NA, DE'I PHYIR SMRAS PA, RGYU BCAS LA SOGS TSIGS DANG LDAN, ,RGYU DANG BCAS RKYEN DANG BCAS PA LA BYA'I, RGYU MED RKYEN MED PA LA MA YIN TE, BCOM LDAN 'DAS KYIS RTEN CING 'BREL PAR 'BYUNG BA'I MTSAN NYID MDOR BKA' STZAL PA, RKYEN 'DI NYID KYI 'BRAS BU'O, ,DE NYID KYI PHYIR SMRAS PA, SANGS RGYAS BYUNG RUNG MA BYUNG RUNG, ,CHOS NYID 'DI NI GNAS PA YIN, ,GANG GI PHYIR RGYU DANG RKYEN DAG GIS RGYUN MI 'CHAD CING, RGYU DANG 'BRAS BU RGYUN MA CHAD PAR GCIG NAS GCIG TU 'JUG GI, 'DI LA RGYU MED PA'AM, MI MTHUN PA'I RGYU'AM, 'JUG PAR BYED PA'AM, LDOG PAR BYED PA 'GA' YANG MED PA DE NYID KYI PHYIR DE BZHIN GSHEGS PA RNAMS BYUNG YANG RUNG, MA BYUNG YANG RUNG, CHOS NYID DANG, CHOS GNAS PA NYID DANG, CHOS NGES PAR 'GYUR BA 'DI NI YE 'DUG PA'O ZHES GSUNGS SO, ,GAL TE RKYEN DANG BRAL BA'I RGYU GCIG PU NYID KYIS DNGOS PO RNAMS SKYE ZHING GNAS PA'O, ,GAL TE RKYEN KYANG RGYU LA MI LTOS PAR 'GA' ZHIG SKYED NUS PAR GYUR NA NI GNAS PA DANG MI GNAS PA ZHES BYA BA'I DE BRJOD PA'I RIGS NA 'DI DAG SKYE BA 'BRAS BU 'BYUNG BA YANG RGYU MED PAR MA YIN, RKYEN MED PAR MA YIN PAS DE BZHIN GSHEGS PA RNAMS BYUNG YANG RUNG MA BYUNG YANG RUNG, CHOS NYID DANG CHOS GNAS PA NYID 'DI NI YE NAS 'JUG PA STE, 'DI LTA STE RTEN CING 'BREL PAR 'BYUNG BA'I CHOS RKYEN 'DI NYID KYI 'BRAS BU'O ZHES BCOM LDAN 'DAS KYIS RTEN CING 'BREL PAR 'BYUNG BA MDOR BKA' STZAL TO, ,CHOS NYID NI 'DIR RGYU DANG RKYEN GYI CHOS NYID GANG YIN PA'O, ,CHOS GNAS PA ZHES BYA BA NI CHUD MI ZA BA'I CHOS NYID DO, ,CHOS NGES PAR GYUR PA NYID CES BYA BA NI RKYEN NYID 'DI PA'I GO RIMS NGES PA STE, RGYU DANG RKYEN RIM PA BZHIN PA'O, ,RTEN CING 'BREL PAR 'BYUNG BA MTHUN PA ZHES BYA BA NI RGYU MED PAR RKYEN RNAMS MI 'JUG LA, @31B RKYEN RNAMS MED PAR YANG RGYU 'JUG PA MED PA NYID KYI PHAN TSUN TSOGS NA 'JUG PAR 'GYUR RO, ,GZHAN MA YIN PA DE BZHIN NYID CES BYA BA NI GZHAN NYID DANG BRAL BA'I PHYIR RO, ,YANG DAG PA NYID CES BYA BA NI SLU BAR MI BYED PA'I PHYIR RO, ,BDEN PA KHO NA ZHES BYA BA NI BDEN PA DANG MTHUN PA'I PHYIR RO, , DE KHO NA NYID CES BYA BA NI DON DANG LDAN PA'I PHYIR RO, ,MA NOR BA NYID CES BYA BA NI PHYIN CI LOG RNAM PA BZHI DANG BRAL BA'I PHYIR RO, ,PHYIN CI MA LOG PA NYID CES BYA BA NI RJES SU MTHUN PA'I PHYIR RO, ,'DI LTAR YANG RTEN CING 'BREL PAR 'BYUNG BA 'DI ZHES BYA BA LA SOGS PA NI RGYU DANG RKYEN RNAM PA GNYIS YIN PAS RGYU RKYEN GNYIS KYI PHYIR RTEN CING 'BREL PAR 'BYUNG BA'I GO RIMS KHAS BLANG BAR BYA'O, ,GNYIS GANG ZHE NA, GSUNGS PA, RGYU DANG 'BREL PA DANG, RKYEN DANG 'BREL PA'I PHYIR DE YANG PHYI DANG NANG GI BYE BRAG GIS RNAM PA BZHIR KHAS BLANG DGOS PAS, PHYI DANG DE BZHIN NANG GI NI, ,RGYU DANG RKYEN NI RNAM GNYIS TE, ,ZHES BYA BA SMOS SO, ,DE LTAR NANG DANG PHYI ROL GYI BYE BRAG GIS THA DAD PA'I RGYU DANG RKYEN RNAMS KYI MTSAN NYID KYI DBYE BA JI LTA BU ZHE NA, PHYI ROL RGYU NI SA BON SOGS, ,ZHES BYA BA SMOS SO, ,DE LA PHYI ROL GYI RTEN CING 'BREL PAR 'BYUNG BA RGYU DANG BCAS PA GANG ZHE NA, ZHES BRJOD NAS 'DI LTA STE, SA BON LAS MYU GU, MYU GU LAS 'DAB MA, 'DAB MA LAS SDONG BU, SDONG BU LAS SBU GU, SBU GU LAS SNYING PO, ,SNYING PO LAS ME TOG ,ME TOG LAS 'BRAS BU ZHES BYA BA GSUNGS SO, ,RKYEN NI RNAM PA DRUG TU BSTAN, ,ZHES BYA BA NI SKABS YIN PA'I PHYIR PHYI ROL GYI RTEN CING 'BREL PAR 'BYUNG BA'I ZHES BYA BAR SBYAR TE, RNAM PA DRUG CES BYA BA NI SA LA SOGS PA RNAM PA DRUG GO, ,DE NYID KYI PHYIR SMRAS PA, SA BON MYU GU SDONG BU SOGS, ,JI LTAR 'BRAS BU 'JUG PAR BRJOD, ,SA BON YOD NA MYU GU DANG SDONG BU LA SOGS PA 'BRAS BU LA THUG PA RNAMS 'BYUNG GI SA BON MED NA MYU GU DANG SDONG BU LA SOGS PA 'BRAS BU LA THUG PA RNAMS 'BYUNG BA MED DO, ,DE LAS SA BON YANG 'DI SNYAM DU BDAG GIS MYU GU LA SOGS PA MNGON PAR BSGRUBS SO SNYAM DU MI SEMS SO, ,MYU GU LA SOGS PA YANG 'DI SNYAM DU BDAG NI SA BON LA SOGS PAS MNGON PAR BSGRUBS SO SNYAM DU M @32A *, ,SEMS SO, ,ME TOG KYANG 'DI SNYAM DU BDAG GIS 'BRAS BU MNGON PAR BSGRUBS SO SNYAM DU MI SEMS PA'I BAR DU STE, 'BRAS BU YANG 'DI SNYAM DU BDAG NI ME TOG GIS MNGON PAR BSGRUBS SO SNYAM DU MI SEMS MOD, 'ON KYANG SA BON YOD NA MYU GU LA SOGS PA NAS 'BRAS BU LA SOGS PAR 'BYUNG BAR 'GYUR GYI, MED NA MI 'GYUR TE, DE LTAR PHYI ROL GYI RTEN CING 'BREL PAR 'BYUNG BA RGYU DANG 'BREL PAR BLTA BAR BYA'O, ,RKYEN NI SA LA SOGS PA STE, ,DUS LA THUG PA GO RIMS BZHIN, ,DE NYID KYI PHYI ROL GYI RTEN CING 'BREL PAR 'BYUNG BA RKYEN DANG 'BREL PA JI LTAR BLTA ZHE NA ZHES BYA BA GSUNGS SO, ,PHYI ROL GYI RTEN CING 'BREL PAR 'BYUNG BA RKYEN DANG 'BREL PA RNAM PA DUR BLTA BAR BYA ZHE NA GSUNGS PA, KHAMS DRUG 'DUS PA'I PHYIR RO, ,DRUG PO GANG DAG CE NA, SA DANG, CHU DANG, ME DANG, RLUNG DANG, NAM MKHA' DANG, DUS RNAMS GO RIMS BZHIN 'DUS PA LAS PHYI ROL GYI RTEN CING 'BREL PAR 'BYUNG BA ZHES BYA BA'I RKYEN NYID DU GO RIMS BZHIN TE, GO RIMS JI LTA BA BZHIN DU SHES PAR BYA'O, ,RGYU DANG RKYEN 'DI RNAMS LAS GANG GI LAS GANG YIN ZHE NA, DE'I PHYIR SMRAS PA, RTEN DANG RLAN DANG SMIN PA DANG, ,'BRU 'PHEL DANG NI GO 'BYED DANG, , 'GYUR BA DAG NI DE RNAMS KYIS, ,BYA BA JI BZHIN 'JUG PA'O, ,DE LA SA'I KHAMS NI SA BON RTEN PA'I BYA BA BYED DO ZHES BYA BA NI SA BON MYU GU BSKYED PAR MNGON DU PHYOGS PAR RTEN PAS SRA BA NYID CES BYA'O, ,CHU'I KHAMS NI RLAN PAR BYED DO ZHES BYA BA NI MNYAN PAR BYED DO ZHES BSHAD PA YIN NO, ,ME'I KHAMS NI SMIN PAR BYED DO ZHES BYA BA NI YONGS SU RGYAS PA'I GNAS SKABS NYE BAR BSKYED PA NA, PHAN TSUN REG PAS DRO BA NYID NI YONGS SU SMIN PA ZHES BYA'O, ,RLUNG GI KHAMS NI 'BU BAR BYED DO ZHES BYA BA NI 'PHEL BAR BYED PA'I PHYIR TE, RANG GI GNAS SKABS NAS BYUNG STE, PHYI ROL DU KHYER PA'I PHYIR, RLUNG GI KHAMS NI SA BON 'BU BAR BYED 'PHEL BAR BYED CES BYA'O, ,NAM MKHA'I KHAMS NI SA BON DANG, MYU GU LA SOGS PA LA MI SGRIB PA'I BYA BA BYED CES BYA BA NI, NAM MKHA'I KHAMS NI GEGS MI BYED PA NYID KYIS MTHUN PAR 'JUG PA'I PHYIR SA BON DANG MYU GU LA SOGS PA LA MI SGRIB PA'I BYA BA BYED CES @32B BYA'O, ,DUS NI SA BON 'GYUR BA'I BYA BA BYED DO ZHES BYA BA NI DUS KYANG RNAM PA THAMS CAD YONGS SU BSGRUBS PAS DUS JI LTA BA BZHIN DU 'GYUR BAR BYED PA NA SA BON 'GYUR BA'I BYA BA BYED DO ZHES BYA'O, ,THAMS CAD KYANG MA TSANG BA MED NA 'BYUNG GI, MA TSANG NA 'BYUNG BA MED DO, ,DE NYID KYI PHYIR SMRAS PA; RKYEN RNAMS TSOGS PA MED NA NI, ,SA BON YOD KYANG MYUG SOGS MED, ,SA BON MED PA NYID YIN NA, ,RKYEN RNAMS YOD KYANG DE DANG 'DRA, ,DE NYID KYI PHYIR GSUNGS PA, THAMS CAD 'DUS LA SA BON 'GAGS PA NA DE LAS MNGON PAR 'GRUB PAR 'GYUR RO, ,RGYU DANG DE BZHIN RKYEN RNAMS NI, ,NGAR 'DZIN LA SOGS BRAL BA STE, ,RGYU DANG RKYEN NI TSOGS PA LAS, ,LAS KYI 'BRAS BU CHUD ZA MED, ,DE LA SA'I KHAMS KYANG 'DI SNYAM DU BDAG GIS SDUG PA'I BYA BA BYA'O SNYAM DU MI SEMS SO, ,DE BZHIN DU CHU DANG, ME DANG, RLUNG DANG, NAM MKHA' DANG, DUS RNAMS KYANG 'DI SNYAM DU MI SEMS TE, NGAR 'DZIN PA DANG, NGA YIR 'DZIN PA MED PA'I PHYIR RO, ,LAS KYI 'BRAS BUR GDAGS PA CHUD ZA BA YANG MED DE, THAMS CAD DU RGYU DANG RKYEN RNAMS MA TSANG BA MED PA LAS ZHES BYA BA KHONG DU CHUD PAR BYA'O, ,MYU GU DE YANG ZHES BYA BA NI SA BON GYI RGYU CAN GYI MYU GU LA SOGS PA DE SKYES PA NA, BDAG LAS MA YIN GZHAN LAS MIN, ,GNYIS DANG BYED PO DUS LAS MIN, ,DE BZHIN DBANG PHYUG SOGS BYAS MIN, ,RANG BZHIN LAS MIN RGYU MED MIN, ,ZHES SMOS SO, ,BDAG LAS ZHES BYA BA NI DNGOS PO RNAMS RGYU DANG RKYEN DAG MED PAR BDAG NYID LAS SKYE BA'O, ,NGO BO NYID DU SMRA BA RNAMS 'DI LTAR RTOG CES GRAG STE, DNGOS PO RNAMS KYI NGO BO NYID, ,'DI NI DUS RTAG GNAS PA STE, ,'DI LA 'GA' YANG SKYE BA MED, ,'GA' YANG 'GAG PAR MI 'GYUR RO, ,RMA BYA'I 'DAB MA BKRA BA DANG, ,PADMA LA SOGS RAB DMAR DANG, ,TSER MA RNO LA SOGS PA GANG, ,SU ZHIG GIS NI SNGON BYAS SMROS, ,DE BAS NA DE'I GZHUNG LUGS DGAG PA'I PHYIR SMRAS PA, DNGOS PO RNAMS RANG LAS SKYE BAR RUNG BA MA YIN TE, SNGA NYID NAS GNAS PA'I PHYIR RO, ,SKYE BA DANG LDAN PAR KHAS LEN NA NI RGYU DANG RKYEN NYID KHAS BLANGS PAR 'GYUR RO, ,DE BAS NA @33A *, ,DNGOS PO RNAMS RANG GI NGO BO LAS SKYE BAR RUNG BA MA YIN TE, SKYE BA DANG LDAN PA'I PHYIR BUM PA LA SOGS PA BZHIN NO, ,GANG GI LTAR NA DNGOS PO RNAMS RTAG TU GNAS PA DE'I LTAR NA SKYE BA DANG, BYA BA DANG, LAS DANG, GNAS PA DANG, 'JIG PA YANG MI RUNG BZHIG NA, SKYE BA DANG, BYA BA DANG, LAS DANG, GNAS PA DANG, 'JIG PA YANG MNGON SUM DU SNANG NGO, ,DE BAS NA NYES PA 'DIR THAL BAR 'GYUR DU 'ONG BAS BDAG LAS MIN ZHES SMOS TE, DNGOS PO RNAMS RANG LAS SKYE NA RTAG TU SKYE BAR THAL BAR 'GYUR BA'I PHYIR RO, ,NAM MKHA' LTA BUR CUNG ZAD KYANG GANG DU YANG NAM YANG SKYE BA'AM 'GAG PAR MI 'GYUR RO ZHE NA, SMRAS PA, MNGON SUM DANG 'GAL BA'I PHYIR TE, 'DI LTAR DNGOS PO RNAMS RGYU DANG RKYEN LAS SKYE BAR NI SNANG NGO, ,DE LTAR NA RE ZHIG DNGOS PO RNAMS RANG GI NGO BO LAS MA SKYE'O, ,GZHAN LAS ZHES BYA BA NI BDAG LAS SO, ,GZHAN SKYED PAR BYED PA DANG, 'JIG PAR BYED PA'I BDAG YOD DO ZHES GRAG STE, PHYI DANG NANG GI DNGOS PO THAMS CAD NI BDAG GI YON TAN YIN LA, BDAG NI NANG GI BYED PA'I SKYES BUR YOD DE, DE YOD NA 'GRO BA DANG, 'OD PA DANG, G-YO BA DANG, RTOG PA DANG, SEL BA DANG, RLOM SEMS DANG, BYA BA DANG; LAS DANG, DE NYID DANG GZHAN NYID DU YANG 'JUG GO, ,MIG LA SOGS PA NI BDAG GI YON TAN YIN TE, GZHAN GYI DON YIN PA'I PHYIR, MAL CHA LA SOGS PA'I YAN LAG BZHIN NO ZHES BYA BA LA, GZHAN ZHES BYA BA'I SGRAS NI BDAG GI YIN PAR BRJOD DO, ,MIG LA SOGS PA NI DE'I YON TAN YIN PAS DE'I DON NI GZHAN GYI DON TE, DPER NA MAL CHA LA SOGS PA GZHAN DU NYE BAR SBYOR BA LA GZHAN GYI DON ZHES BYA BA LTA BU'O, ,GZHAN GYI DON YIN PA'I PHYIR ZHES BYA BA'I GTAN TSIGS 'DI NI MAL CHA'I DPE DANG MI SBYOR TE, 'DUS PA YIN PA'I PHYIR RO, ,BDAG NI 'DUS PA MA YIN PA'I RANG GI NGO BO YIN NA, JI LTAR NA BDAG 'DUS PA MA YIN ZHING BDAG LUS MED PA LA MAL CHA LA SOGS PA'I YAN LAG 'DUS PA'I RANG GI NGO BOS PHAN 'DOGS PAR RUNG, DE BAS NA GTAN TSIGS KYI DON MA GRUB PA DE, 'DUS PA MA YIN PA GZHAN GYI DON SGRUB PAR BYED PAS MAL CHA'I DBYE BAS MAL CHA'I DPE 'DUS @33B PA GZHAN GYI DON KHO NA BSGRUBS PA YIN NO, ,BDAG 'DUS PA YIN PAS RGYU DANG RKYEN LAS SKYE BA THOB PA LA NGA DANG NGA'I ZHES RLOM PA'I RNAM PA 'JUG PA'I PHYIR SEMS KHO NA LA BDAG CES BYA'I, 'DI LA NANG GI BYED PA'I SKYES BU RUS SBAL GYI SPU'I RANG BZHIN DANG 'DRA BA RIGS PA DANG RJES SU DPAG PA DANG BRAL BA NI 'GA' YANG MAD DO ZHES BSTAN PA'I PHYIR BCOM LDAN 'DAS KYIS PHYI DANG NANG GI DNGOS PO NI GZHAN LAS SKYE BA RUNG BA MA YIN PA GSUNGS SO, ,GAL TE DE LTAR DNGOS PO RNAMS BDAG LAS KYANG SKYE BAR MI 'GYUR, GZHAN LAS KYANG MA YIN, 'O NA DNGOS PO RNAM PA GNYIS LAS SKYE BAR 'GYUR RO SNYAM NA DE'I PHYIR DE'I GZHUNG LUGS DGAG PA'I PHYIR SMRAS PA, GNYIS DANG BYED PO DUS LAS MIN, ,ZHES BYA BA SMOS TE, BDAG DANG GZHAN LAS MA YIN NO, ,GZHAN DAG NI BDAG DANG GZHAN 'BREL PA LAS, DNGOS PO RNAMS SKYE BAR RTOGS TE, DE'I PHYIR GNYIS NYID DU BRJOD PA DE LTA NA'ANG, BDAG LAS MA DMIGS PA'I PHYIR DANG, GZHAN LAS MIN PA'I PHYIR GNYIS LAS MIN ZHES SMOS TE, RGYU DANG RKYEN MA GTOGS PA BDAG DANG GZHAN MED DO ZHES BCOM LDAN 'DAS KYIS GSUNGS SO, ,GAL TE GNYIS PHRAD KYANG SKYE BA DANG 'JIG PAR MI 'DOD NA 'O NA BYED PO GZHAN DBANG GIS SKYE BA DANG 'JIG PAR 'GYUR RO ZHES KHA CIG ZER TE MU STEGS BYED GZHAN DAG BYED PA PO ZHES BYA BA THOG MA'I BYED PA PO RTAG PA RGYUN MI CHAD PA KHYAB PA'I BDAG 'GA' ZHIG YOD DE, DES PHYI DANG NANG 'DI THAMS CAD SKYED CING 'JIG PAR BYED DO ZHES RTOGS SO, ,DE BAS NA DE'I GZHUNG LUGS DGAG PA'I PHYIR SMRAS PA, DNGOS PO RNAMS SKYE BA DANG, GNAS PA DANG, 'JIG PA NYID NI BYED PA PO LA RIG LAS PA MA YIN NO, ,'O NA CI ZHE NA, RGYU DANG RKYEN 'BREL PA LAS DNGOS PO RNAMS 'JUG PAR SNANG NGO, ,BYED PA PO NI NAM MKHA' BZHIN 'GYUR BA MED PA'I PHYIR DE LA RAG MA LAS TE, SKYE BA DANG, GNAS PA DANG, 'JIG PA NYID DU RUNG BA MA YIN NO, ,GAL TE CI'I PHYIR ZHE NA, BYED PA PO 'GYUR BA MED PA, BYED PA MED PA NAM MKHA'I BDAG NYID LA NI BYA BA DANG, LAS CUNG ZAD KYANG MED DO, ,DNGOS PO SKYE BA DANG LDAN PA RNAMS LA RGYU DANG RKYEN LA RAG LAS TE, 'JUG PA NYID KYI RIM PAR 'BYUNG BAR SNANG NGO, , @34A *, ,GANG GI LTAR NA BYED PA PO LA RAG LAS TE 'JUG PA DE'I LTAR NA DNGOS PO RNAMS KYI SKYE BA DANG, GNAS PA DANG, 'JIG PA NYID RTAG TU NYE BAR 'GYUR RO, ,BYED PA PO RTAG PA'I PHYIR CIG CAR DNGOS PO RNAMS SKYE BA DANG, GNAS PA DANG, 'JIG PAR 'GYUR BA'AM, YANG NA 'GA' YANG SKYE BA DANG, GNAS PA DANG, 'JIG PAR MI 'GYUR RO, ,RTAG PA'I PHYIR GANG LA'ANG CUNG ZAD KYANG SKYE BA'AM, 'JIG PAR MI BYED DO, ,DNGOS PO RGYU DANG RKYEN LA RAG LAS TE 'JUG PA RNAMS KHO NA LA BYED PA PO DANG, BYA BA DANG, RGYU DANG 'BRAS BU SKYE BA 'DRA BA'I RIM PA 'BYUNG BA DMIGS KYI, SKYE BA MED PA NAM MKHA'I AUTPA LA LA SOGS PA NI SKYE BA DANG GNAS PA DANG 'JIG PA RUNG BA MA YIN NO, ,RGYU 'GYUR BA MED PA LAS PHAN TSUN RAG LAS TE, 'JUG PAR BYA BA DANG LDAN PA RNAMS KYI SKYE BA NGES PA NI RUNG BA MA YIN TE, RTAG PA'I DNGOS PO LAS SKYES PA, ,MI RTAG RUNG BA MA YIN NYID, ,RGYU LAS 'GYUR BA MED PA'I PHYIR, ,YANG NA 'DRA BA KHO NAR BYED, ,RGYU DANG 'BRAS BU THA DAD NA, ,MI 'GYUR BAR NI JI LTAR 'GYUR, ,RGYU LA 'GYUR BA YANG YOD PA'I PHYIR DE MI 'DRA BA'I PHYOGS NYAMS SO, ,BYA BA DANG MI LDAN PA MO GSHAM GYI BU'I BDAG NYID RNAMS LA NI 'GA' YANG BYA BA DANG LAS NGES PAR RUNG BA MA YIN PAS BCOM LDAN 'DAS CHOS RNAMS LA MI BSLU BAS DNGOS PO RNAMS LA SKYE BA'I BYA BA BYED PA PO LA RAG LAS PA MA YIN GYI, 'ON KYANG RGYU DANG RKYEN 'DUS PA YOD NA DNGOS PO RNAMS SKYE BA DANG, 'JIG PA DAG RUNG NGO ZHES GSUNGS SO, ,GAL TE DE LTAR NA 'DI LA DNGOS PO RNAMS SKYE BA DANG, GNAS PA DANG, GZHAN DU 'GYUR BA LA SOGS PA KHAS BLANG BAR BYA STE, DNGOS RNAMS SKYE DANG GNAS PA YI, ,RGYU NI DBANG PHYUG YIN RIG BYA, ,GZHAN DAG DE LTAR LOG RTOGS SHING, ,JI LTAR MA YIN DE LTAR BRJOD, ,GZHAN DAG NI SEMS CAN DANG, SNOD KYI 'JIG RTEN SKYE BA DANG, GNAS PA DANG, 'JIG PA DAG NI DBANG PHYUG GIS BYAS SHING 'JIG PAR RTOGS TE, DBANG PHYUG DE'I SEMS KYI DBANG GIS LUS DANG, SA GSUM DANG, BYED PA LA SOGS PA 'BYUNG BAR 'GYUR RO ZHES GRAG GO, ,GZHAN DAG NI DE NYID KYI SEMS BSKYED PA TZAM GYIS SEMS CAN DMYAL BA DANG, YI @34B DAGS DANG, DUD 'GRO DANG, LHA DANG MI LA SOGS PA DANG, RIMS DANG, DUG DANG, NAD DANG, BUD MED DANG, SKYES PA DANG, MA NING DANG, GZUGS BZANG BA DANG, GZUGS MI SDUG PA DANG, CHOM RKUN PA DANG, G-YON CAN DANG, RKUN MA DANG, BYI PO BYED PA DANG, SROG GCOD PA DANG, BRDZUN DU SMRA BA DANG, CHANG 'THUNG BA DANG, RGYAL PO LA 'JUG PA DANG, MTHA' 'KHOB DANG, RI KHROD PA DANG, G-YUNG PO DANG, SNYING RJE MED PA DANG, GTUM PO DANG, TSIG RTZUB PO SMRA BA DANG, BRAM ZE GSOD PA DANG, PHA MA GSOD PA DANG, BA LANG GSOD PA DANG, GSHED MA LA SOGS PA DANG, GNOD SBYIN DANG, SRIN PO DANG, MKHA' 'GRO MA LA SOGS PA DANG, GZHAN GSOD PAR BYED PA THAMS CAD DANG, BDE BA DANG SDUG BSNGAL LA SOGS PA DANG, MTHO RIS DANG, BYANG GROL DE THAMS CAD SEMS BSKYED PA TZAM GYIS PHYUNG NGO ZHES ZER RO, ,DBANG PHYUG BYED PA POR SMRA BA SHES RAB SHIN TU GZHON PA NYID DANG, SONG BA'I RJES SU 'GRO BA NYID KYIS RIGS PA'I KHYAD PAR DANG BRAL BA DE LA GUS SHING GZHOL BAS SNGA PHYI 'GAL BA BYIS PA GZHON NU GDOL BA BZHIN DU DON JI LTA BA NYID MA YIN PA, MNGON SUM LA SOGS PA DANG 'GAL BA, SBYIN PA DANG, DUL BA DANG, YANG DAG PAR SDEM PA DANG, 'DOD PA DANG MI 'DOD PA'I 'BRAS BU DANG, LEGS PAR BYAS PA DANG, NYES PAR BYAS PA'I LAS DANG, BGROD PAR BYA BA DANG, BGROD PAR BYA BA MA YIN PA DANG, BZA' BA DANG, MI BZA' BA DANG, MTHO RIS DANG, BYANG GROL LA SOGS PA'I 'BRAS BU DANG 'GAL BA, RIGS PA DANG, LUNG LA SOGS PA DANG 'GAL BA, TSIG TZAM PHYOGS SU BYAS NAS RANG GI MI SHES PA'I LING TOG GIS MIG BSGRIBS PAS NUS PA MED PA'I PHYIR PHYUGS SU GYUR BA RNAMS NI PHYUGS PAS KYANG CHES PHYUGS TE, MI MNGON PA MO GSHAM GYI BU'I RANG BZHIN PHYUGS BDAG LA BRTEN TE, 'GRO BA SKYE ZHING GNAS PA DANG, ,'JIG PA'I RGYU NI DBANG PHYUG NA, ,DE YI SKYE ZHING GNAS PA DANG, ,'JIG PA'I RGYU YANG BRJOD DGOS SO, ,SKYE BA DANG, GNAS PA RGYU DANG BCAS PA NYID DU KHAS LEN NA NI RTAG PAR SMRA BA NYAMS PAR 'GYUR BAS SMRA BA BTANG STE, PHYIN CI LOG TU BSGRUB PA'I PHYIR DBANG PHYUG RGYU MA YIN PA NYID KHO NAR GRUB @35A *, ,PAR 'GYUR RO, ,'DOD PA TZAM GYIS SKYES NA NI, 'GRO BA THAMS CAD CIG CAR SKYE BA DANG, GNAS PA DANG, 'JIG PAR 'GYUR RO, ,DE'I PHYIR YANG MA GRUB PA'I DON NYID YIN TE, THAMS CAD RTAG TU SKYE BAR THAL BAR 'GYUR BA'I PHYIR RO, ,SDUG BSNGAL BA DANG, NGAN PA DANG, ZHE 'GRAS PA DANG, MI GTZANG BA DANG, BYAS PA MI GZO BA LA SOGS PA 'BYIN PA NI DGOS PA KHYAD PAR MED PA'I PHYIR YANG MA GRUB PA'I DON NYID YIN TE, DE'I 'BYIN PA'I NGAL BA 'BRAS BU MED DO, ,DGOS PA MED PA LA NI RTOG PA SNGON DU GTONG BA RNAMS 'JUG PA MED DE, DGOS PAS MA KHYAB PA'I PHYIR RO, ,DE DAG DGOS PA DANG LDAN PA LA LOG NA RTOG PA SNGON DU GTONG BA RNAMS KYI 'JUG PA DE YANG LDOG PAS MA GRUB PA'I DON NYID YIN NO, ,RGYU DANG RKYEN NI TSANG BA NA, ,RIM GYIS SKYE DANG 'JIG PA DANG, ,MNGON SUM DU NI SNANG BA STE, ,MA TSANG NA YANG SKYE BA MED, ,SEMS CAN DANG SNOD KYI 'JIG RTEN GYI BDE BA DANG SDUG BSNGAL LA SOGS PA SKYE ZHING GNAS PA DANG, 'JIG PA NI RIM PA KHO NAS DMIGS TE, DE'I PHYIR DBANG PHYUG RGYU MA YIN NO, ,DNGOS PO 'GA' YANG SKYE BA DANG, GNAS PA DANG, 'JIG PAR MI RUNG STE, MNGON SUM DANG 'GAL BA DE'I PHYIR YANG MA GRUB PA'I DON NYID YIN NO, ,MNGON SUM LAS BRLING BA'I TSAD MA GZHAN YANG YOD PA MA YIN NO ZHES SMRA BA THAMS CAD LA GRAGS SO, ,GCIG PU DON BYED YOD MIN ZHING, ,BRTZE DANG RAB GDUNG MED PA LA, ,YON TAN ZAB MO NYID DANG NI, ,LTA SPYOD SEMS PA SOGS MI RIGS, ,GCIG PU BYA BA DANG LDAN PA DANG MI LDAN PA LA YON TAN ZAB MO NYID DAM GZUGS LA SOGS PA DMIGS PA'I SEMS PA NYID MI RUNG BAS DE NI MI MTHUN NO, ,RGYU NI KUN NA YOD MIN NA, ,JI LTA BUR NA RKYEN NYID YIN, ,RGYU MIN NYID NI BYED MED PHYIR, ,JI LTAR DBANG PHYUG CHE DBANG BYED, ,DNGOS RNAMS BYED PO DBANG PHYUG CHE, ,DE YANG BYED POR MI 'DOD NA, ,PHA MED PAR NI BU 'BYUNG BA, ,DE NI 'DOD DANG MTHONG BA MED, ,RIGS PA SMRA RNAMS RGYU DANG NI, ,RGYU MTHUN 'DRA BA NYID DU 'DOD, ,RTAG LAS 'BRAS BU RTAG RIGS TE, ,MI RTAG LAS KYANG MI RTAG NYID, ,S'A LU'I SA BON LAS 'BRAS BU, ,LAS KYI MYU GU SKYE BA MTHONG, ,DE BZHIN DBANG PHYUG CHE RTAG NI, ,DNGOS PO @35B RNAMS NI RTAG TU 'BYUNG, ,JI LTAR ME YIS THAMS CAD SREG ,DE BZHIN GAL TE DBANG PHYUG 'DOD, ,ME YI RGYU NI ME GZHAN LA, ,DBANG PHYUG LA NI RGYU YOD MIN, ,RIM GYIS 'JUG PAS ME RGYUN LAS, ,THAMS CAD SREG PA YANG 'DOD NA, ,DBANG PHYUG LA NI 'GYUR MED PAS, ,ME DANG 'DRA BAR RUNG MA YIN, ,DE LTAR NA DBANG PHYUG BYED PA PO NYID DU KHAS LEN PA LA NYES PA MANG DU YOD PAS, BCOM LDAN 'DAS KYIS DNGOS PO RNAMS SKYE BA DBANG PHYUG GIS BYAS PAR MI RUNG NGO ZHES GSUNGS SO, ,GZHAN DAG NI THAMS CAD DUS KYIS BSGYUR BAR 'DOD DO, ,DE DAG NI 'DI SKAD SMRAS TE, DNGOS RNAMS SKYE ZHING GNAS PA NI, ,DUS KYIS SGYUR BAR BYED PA STE, ,DNGOS RNAMS SKYE DANG GNAS PA YANG, ,DUS KYIS SGYUR BAR BYED PA NYID, ,DE LA 'DI SKAD BRJOD DE, 'DI LA DUS ZHES BYA BA CI YIN, RTAG PA'AM, MI RTAG PA'AM, PHO'AM, MO'AM, MA NING GI RANG BZHIN NAM, LHA'AM, SHA ZA'AM, LUS CAN NAM, LUS CAN MA YIN PA'AM, BYA BA DANG BCAS PA'AM, BYA BA MED PA DANG LDAN PA ZHIG ,GAL TE DE RTAG BYA BA LAS, ,DE LA RAG LAS RUNG MA YIN, ,CIG CAR SKYE BAR 'GYUR DE YANG, ,'GAL BA'I PHYIR NI MI 'DOD DO, ,MI RTAG NYID NA DUS MIN GYI, ,RGYU DANG RKYEN NI 'BREL PHYIR RO, , GAL TE SKYES PA BUD MED DANG, ,MA NING SOGS YIN CI SMRA 'GAL, ,LUS CAN LUS MED BYA BA SOGS, ,YIN NA PHAN TSUN 'GAL BA NYID, ,RTAG PA NYID NA MI 'GYUR PHYIR, ,BYA DANG LAS NI 'GAL BAR 'GYUR, ,DE LTAR NA DUS SU SMRA BA RNAMS DUS KYI DBANG GIS DNGOS PO RNAMS SKYE BA DANG, GNAS PA DANG, 'JIG PAR KHAS LEN PA YANG RUNG BA MA YIN PAS DE YANG BZANG PO MA YIN PA NYID DO, ,NYI MA DANG, ZLA BA DANG, SKAR MA DANG, DUS TSIGS DANG, LO LA SOGS PA DANG, PHYI NANG GI DNGOS PO RNAMS SONG BA DANG, 'GRO BAR 'GYUR BA'I NGO BO'I PHYIR DUS ZHES BYA BAS DE'I PHYIR DNGOS PO RNAMS SKYE BA DANG, GNAS PA DANG, 'JIG PA NI, DUS KYIS BA SGYUR BAR MI RUNG NGO, ,GZHAN YANG RANG BZHIN DU SMRA BA DAG NI NANG DANG PHYI ROL GYI DNGOS PO THAMS CAD RANG BZHIN LAS 'BYUNG BAR 'DOD DE, DNGOS PO RNAMS KYI RANG BZHIN KHO NAR ZAD KYI, DNGOS PO 'GA'I SKYED PAR BYED PA'AM, 'JIG @36A *, ,BAR BYED PA'I RGYU NI 'GA' YANG MED DE, SRA BA DANG, GSHER BA DANG, DRO BA DANG, YANG BA NYID DANG, 'JAM PA DANG, RNO BA'I RANG BZHIN NYID DANG, MNGAR BA DANG, SKYUR BA DANG, LAN TSVA DANG, KHA BA DANG, SEMS CAN MA YIN PA'I DBYE BA NYID DE, LNGA MI DUD 'GRO LA SOGS DANG, ,RGYAL PO BRAM ZE RIGS NGAN SOGS, ,LEGS PAR BYAS DANG NYES BYAS DANG, ,BDE SDUG RTAG TU GNAS PA NYID, ,DE LTAR RANG BZHIN YID GNYIS KYIS, SEMS 'KHRUL PA DE LA 'DI SKAD CES BRJOD PAR BYA STE, RANG BZHIN LA NI 'GYUR MTHONG BAS, ,MNGON SUM LA SOGS 'GAL PHYIR RO, ,GANG LA 'GYUR BA YOD PA DE, ,'GYUR BA MED PA JI LTAR 'GYUR, ,GSAL BA DU MA THA DAD LA, ,SKYE BA DANG NI 'JIG PA SNANG, ,SKYE DANG 'JIG DANG 'BREL NA NI, ,MI 'GYUR BAR NI JI LTAR 'GYUR, ,RANG BZHIN 'GYUR BA MED PA'I PHYIR, ,SKYES BU LA SOGS DON MED NA; ,RIGS DANG RGYAL PO ZHING SOGS LA, ,DE DAG GI YANG 'BRAS BU SNANG, ,RANG BZHIN 'GYUR NA NI, RTAG PAR SMRAS PA NYAMS PAR 'GYUR, ,DE LTA BAS NA RGYU RKYEN DU, ,SMRA BA RNAMS KYI LAM 'DI RIGS, ,DE LTAR NA RANG BZHIN DU SMRA BA YANG PHAN TSUN 'GAL BA NYID PAS DNGOS PO RNAMS KYI SKYE BA DANG, GNAS PA DANG, 'JIG PA NI RANG BZHIN LAS 'BYUNG BAR MI RUNG NGO ZHES GSUNGS SO, ,'O NA DNGOS PO RNAMS KYI SKYE BA DANG, GNAS PA DANG, 'JIG PA RGYU MED PA CAN DU 'GYUR TE, GZHAN RGYU MED PA CAN DU SMRA BA RNAMS RGYU MED PA KHO NAR DNGOS PO RNAMS SKYE BA DANG 'GAG PAR RTOG GO, ,RGYU MED PAR SMRA BAR KHAS LEN NA RGYU NGES PA MED PA'I PHYIR BYAS PA CHUD ZA BA DANG, MA BYAS PA DANG PHRAD PA DANG THUG PA MED PAR YANG 'GYUR LA, LEGS PAR BYAS PA DANG, NYES PAR BYAS PA LA SOGS PA DANG, PHA DANG, BU DANG, BRAM ZE DANG, RGYAL RIGS DANG, RJE'U RIGS DANG, DMANGS RIGS DANG; KHYI SHA CAN LA SOGS PA DANG, GTZANG BA DANG MI GTZANG BA DANG, BGROD PAR BYA BA DANG, BGROD PAR BYA BA MA YIN PA DANG, BZA' BA DANG, MI BZA' BA DANG, LHA DANG, SHA ZA LA SOGS PA DANG, SBYIN PA DANG, DUL BA DANG, YANG DAG PAR SDOM PA DANG, BZLAS BRJOD DANG, @36B DKA' THUB DANG, SMYUNG BA DANG, NGES PA DANG, MCHOD SBYIN SHES PA DANG, MI SHES PA LA SOGS PA'I RGYU NGES PA MED PA'I PHYIR PHAN TSUN BYE BRAG NGES PAR RNAM PAR GZHAG PAR YANG MI 'GYUR RO, ,DE BAS NA NYES PA DER THAL BAR 'GYUR DU 'ONG BAS RGYU MED PAR SMRA BA YANG 'JIG RTEN LA SOGS PA DANG 'GAL BA'I PHYIR MA GRUB PA NYID DO, ,GANG GZHAN GTZO BO DANG, RDUL PHRA RAB LA SOGS PA DANG, RGYU MED PA DANG MI MTHUN PA'I RGYUR SMRA BAS SMRA BA LA SOGS PA DE DAG KYANG 'DI NYID KYIS DGAG PAR BYA'O, ,DE'I PHYIR, BDAG LAS MA YIN GZHAN LAS MIN, ,GNYIS DANG BYED PO DUS KYIS MIN; ,DE BZHIN DBANG PHYUG SOGS BYAS MIN, ,RANG BZHIN LAS MIN RGYU MED MIN, ,ZHES GSUNGS SO, ,RGYU DANG RKYEN GYIS 'JUG PA YANG, ,THOG MA MED PA'I DUS CAN SNANG, ,ZHES BYA BA NI THOG MA MED PA'I DUS NAS SPROS PA'I BAG CHAGS KYI SA BON RGYUN MI 'CHAD PAR CHU BO'I RGYUN 'BAB PA BZHIN RJES SU 'JUG PAS, RGYU DANG RKYEN GYIS 'JUG PA YANG, ,THOG MA MED PA'I DUS CAN SNANG, ,ZHES BYA BA SMOS SO, ,DE NYID KYI PHYIR MDO LAS, 'ON KYANG, SA DANG, CHU DANG, ME DANG, RLUNG DANG, NAM MKHA' DANG, DUS KYI KHAMS RNAMS 'DUS NAS SA BON 'GAGS PA NA MYU GU MNGON PAR 'GYUR RO ZHES GSUNGS TE, 'ON KYANG ZHES BYA BA NI MED PA LAS BYUNG BA DANG, BDAG DANG, GZHAN DANG, GNYIS KA DANG, DBANG PHYUG LA SOGS PA DANG BRAL BA'I SA BON DANG SA LA SOGS PA'I TSOGS PA NYID LAS MYU GU LA SOGS PA SKYE BAR 'GYUR RO ZHES BYA'O, ,RGYU LNGA DAG GIS PHYI ROL GYI, ,RTEN CING 'BREL PAR 'BYUNG BA BZHED, ,CES BYA BA LA, RGYU LNGA DAG GIS ZHES BYA BA NI RGYU LNGA PO DAG GIS SO, ,PHYI ROL GYI ZHES BYA BA NI SA BON LA SOGS PA'O, ,RTEN CING 'BREL PAR 'BYUNG BA ZHES BYA BA NI RTEN CING 'BREL PAR RO, ,RTAG PAR MA YIN CHAD PAR MIN, ,'PHO BAR MA YIN RGYU CHUNG LAS, ,'BRAS BU CHEN PO 'GRUB PA DANG, ,'DRA BA'I RJES SU 'GRO PHYIR YANG, ,ZHES BYA BA SMOS TE, RTAG PAR MA YIN ZHES BYA BA NI, GANG GI PHYIR SA BON YANG GZHAN NYID LA MYU GU YANG GZHAN NYID DE, MYU GU GANG YIN PA DE NYID KYANG SA BON MA YIN LA, SA BON NYID KYANG MYU GU @37A *, ,MA YIN LA, SA BON MA 'GAGS NA YANG MYU GU MI 'BYUNG LA, 'GAGS NA YANG MA YIN GYI, 'ON KYANG SA BON YANG 'GAGS LA, MYU GU YANG SKYE STE, DE'I PHYIR RTAG PAR MA YIN NO, ,CHAD PAR MIN ZHES BYA BA NI SA BON SNGAR 'GAGS PA LAS KYANG MYU GU MI SKYE LA, MA 'GAGS PA LAS KYANG MA YIN GYI, 'ON KYANG SA BON YANG 'GAGS LA, DE NYID KYI TSE MYU GU YANG 'BYUNG BAR 'GYUR TE, DE BAS NA CHAD PAR MA YIN NO, ,'PHO BAR MA YIN ZHES BYA BA NI SA BON DANG MYU GU MI 'DRA BA KHO NA STE, DE'I 'PHO BAR MA YIN NO, ,RGYU CHUNG DU LAS ZHES BYA BA NI SA BON CHUNG DU BTAB PA LAS SO, ,'BRAS BU CHEN PO 'GRUB PA ZHES BYA BA NI RGYU CHUNG DU DE LAS 'BRAS BU MANG PO MNGON PAR 'GRUB PA STE, CHUNG DU LAS 'BRAS BU CHEN PO MNGON PAR 'GRUB PAS DE'I PHYIR RGYU CHUNG DU LAS 'BRAS BU CHEN PO 'BYUNG NGO, ,'DRA BAR RJES SU 'GRO PHYIR YANG, ,ZHES BYA BA NI SA BON JI LTA BU BTAB PA DE LTA BU KHO NA'I 'BRAS BU MNGON PAR 'GRUB PAS DE'I PHYIR DE DANG 'DRA BA'I RGYUD DU STE, 'DRA BAR 'BRAS BU MNGON PAR 'GRUB PA'I PHYIR RO, ,SA BON MYU GU THA DAD PHYIR, ,SA BON RTAG PA NYID MA YIN, ,CHAD PAR MI 'GYUR GANG GI PHYIR, ,SA BON YOD NA MYU GU STE, ,SA BON 'DRA BA 'GRUB PA'I PHYIR, ,DE DANG MI 'DRA YANG MI 'DOD, ,MYU GU 'BRAS BU LA SOGS PA, ,MYU GU 'PHO YANG YOD MA YIN, ,SA BON CHUNG RAB CIG YOD NA, ,SA BON NYID LAS 'BYUNG 'GYUR TE, ,DE BAS RGYU NI CHUNG DU LAS, ,'BRAS BU CHEN PO SKYE PHYIR RO, ,SA BON S'A LU SOGS BTAB LA, ,'BRAS BU KHRE RGOD LA SOGS MIN, ,DE NYID KYI PHYIR, MYU GU SA BON LTAR MI 'DOD, ,RGYU MED MYU GU SKYE BA'ANG MED, ,'GAG DANG SKYE BA MGO MNYAM STE, ,SRANG MDA'I MGO MJUG MTHO DMAN BZHIN, ,ZHES BYA BA SMOS TE, DE LTAR NA PHYI ROL GYI RTEN CING 'BREL PAR 'BYUNG BA KUN BRTAGS PA'I BDAG NYID KYIS MA BSAGS PAR BLTA BAR BYA'O, ,DE BZHIN NANG GI 'ANG RGYU DANG NI, ,RKYEN GYI RNAM PA GNYIS SU BZHED, ,DE BZHIN NANG GI ZHES BYA BA NI, PHYI ROL GYI RTEN CING 'BREL PAR 'BYUNG BA BZHIN DU RGYU DANG RKYEN RNAM PA GNYIS DANG 'BREL PA'I PHYIR THA DAD PA RNAM PA GNYIS SU @37B RTOGS PAR BYA'O, ,RGYU DANG RKYEN GYI RNAM PA GNYIS SU ZHES BYA BA NI NANG GI RTEN CING 'BREL PAR 'BYUNG BA RGYU DANG 'BREL PA DANG, RKYEN DANG 'BREL PAS RNAM PA GNYIS SU KHONG DU CHUD PAR BYA'O, ,BZHED CES BYA BA NI MNGON PAR BZHED PA DANG DGONGS PA DANG, MNGON DU BZHED PA ZHES BYA BA'I THA TSIG GO, ,DE LA NANG GI RTEN CING 'BREL PAR 'BYUNG BA RGYU DANG 'BREL PA JI LTAR RTOGS PAR BYA ZHE NA, SMRAS PA, 'DI'I RGYU DANG PO MA RIG PA, ,THA MA 'CHI YIN GO RIMS BZHIN, ,DE LA THOG MAR MA RIG PA BSTAN PA'I PHYIR DANG POR MA RIG PA'O, ,THA MAR 'CHI BA'I YAN LAG BSTAN PA'I PHYIR THA MA 'CHI BA'O, ,DE DAG GI BAR GANG YIN PA DE DAG NI DBUS SU 'DOD DE, DE NYID KYI PHYIR MDO LAS, MA RIG PA'I RKYEN GYIS 'DU BYED RNAMS, 'DU BYED KYI RKYEN GYIS RNAM PAR SHES PA, RNAM PAR SHES PA'I RKYEN GYIS MING DANG GZUGS, MING DANG GZUGS KYI RKYEN GYIS SKYE MCHED DRUG ,SKYE MCHED DRUG GI RKYEN GYIS REG PA, REG PA'I RKYEN GYIS TSOR BA, TSOR BA'I RKYEN GYIS SRED PA, SRED PA'I RKYEN GYIS LEN PA, LEN PA'I RKYEN GYIS SRID PA, SRID PA'I RKYEN GYIS SKYE BA, SKYE BA'I RKYEN GYIS RGA SHI DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS 'BYUNG STE, DE LTAR NA SDUG BSNGAL GYI PHUNG PO CHEN PO 'BA' ZHIG PO 'DI 'BYUNG BAR 'GYUR RO ZHES GSUNGS SO, ,YAN LAG BCU GNYIS NYON MONGS LAS, ,SKYE BCAS BDAG NYID CHA GSUM NI, ,RGYU DANG RKYEN LAS BYUNG BA STE, ,BYED PA LA SOGS RNAM PAR SPANGS, ,NYON MONGS PA DANG, LAS DANG SKYE BA GZHAN DBANG GI BDAG NYID 'DI YANG CHA GSUM GYIS RNAM PAR GZHAG STE, NYON MONGS PA'I GZHAN GYI DBANG GI NGO BO NYID DANG LAS KYI GZHAN GYI DBANG GI NGO BO NYID DANG, SKYE BA'I GZHAN GYI DBANG GI NGO BO NYID KYIS SO, ,DE LA NYON MONGS PA'I GZHAN GYI DBANG GI NGO BO NYID NI YAN LAG GSUM STE, MA RIG PA DANG, SRED PA DANG, LEN PA RNAMS SO, ,LAS KYI GZHAN GYI DBANG GI NGO BO NYID NI YAN LAG GNYIS TE, 'DU BYED DANG SRID PA DAG GO, ,SKYE BA GZHAN GYI DBANG GI MTSAN NYID NI YAN LAG LHAG MA BDUN TE, RNAM PAR SHES PA DANG, MING DANG GZUGS DANG, SKYE MCHED DRUG DANG, REG PA DANG, TSOR BA DANG, SKYE BA DANG, RGA SHI RNAMS SO, ,YANG ZHES @38A *, ,BYA BA'I SGRAS NI BSDU BAR BYA BAR BLTA STE, MYA NGAN DANG, SMRE SNGAGS 'DON PA DANG, YID MI BDE BA DANG, 'KHRUG PA LA SOGS PA DANG, SDUG PA DANG BRAL BA DANG, MI SDUG PA DANG PHRAD PA DANG, 'DOD PAS PHONGS PA LA SOGS PA BSDU'O, ,DE LTAR RTEN CING 'BREL PAR 'BYUNG BA YAN LAG BCU GNYIS PA 'DI NI NGO BO NYID GSUM DU RIG PAR BYA'O, ,DE YANG BYED PA PO LA SOGS PA DANG NGO BO NYID KYIS BRAL BAR SHES PAR BYA'O,, ,,S'A LU LJANG PA'I MDO'I RGYA CHER BSHAD PA, BAM PO GSUM PA, GAL TE DANG PO MA RIG MED, ,THA MA 'CHI BA 'BYUNG MI 'GYUR, ,ZHES BYA BA LA; GAL TE DANG PO MA RIG PA MED CES BYA BA NI, GAL TE MA RIG PA MED PAR GYUR NA, 'DU BYED RNAMS MI 'BYUNG BA NYID DO, ,DE BZHIN DU GAL TE RGA BA DANG 'CHI BA'I BAR DU MED PAR GYUR NA MYA NGAN LA SOGS PAR 'JUG PAR MI 'GYUR RO, ,DE DAG LAS GZHAN BDAG DANG NI, ,BDAG GI ZHES PA GANG NA'ANG MED; ,CES BYA BA NI, DE LA MA RIG PA YANG 'DI SNYAM DU BDAG GIS 'DU BYED LA SOGS PA MNGON PAR BSGRUBS SO SNYAM DU MI SEMS PA NAS RGA SHI'I BAR DU YANG 'DI SNYAM DU BDAG GIS MYA NGAN LA SOGS PA MNGON PAR BSGRUBS SO SNYAM DU MI SEMS SO, ,'DU BYED LA SOGS PA YANG 'DI SNYAM DU BDAG CAG NI MA RIG PA LA SOGS PAS MNGON PAR BSGRUBS SO SNYAM DU MI SEMS PA NAS RGA SHI YANG 'DI SNYAM DU BDAG CAG NI SKYE BA LA SOGS PAS MNGON PAR BSGRUBS SO SNYAM DU MI SEMS PA'I BAR DU'O, ,DANG PO MA RIG BYUNG NA NI, ,THA MA SHI BA 'ANG SNANG BAR 'GYUR, ,ZHES BYA BA NI MA RIG PA YOD PA LAS 'DU BYED LA SOGS PA MNGON PAR 'GRUB CING 'BYUNG BAR 'GYUR BAS NA RGA SHI YOD PA LAS MYA NGAN DANG SMRE SNGAGS 'DON PA LA SOGS PA'I PAR MNGON PAR 'GRUB CING 'BYUNG BAR 'GYUR RO, ,DE LTAR 'DI NI NANG GI RGYU, ,ZHES BYA BA NI DE LTAR NA NANG GI RTEN CING 'BREL PAR 'BYUNG BA'I RGYU DANG 'BREL PAR BLTA'O, ,NANG GI RTEN CING 'BREL PAR 'BYUNG BA RKYEN DANG 'GREL PAR JI LTAR BA LTA ZHE NA, SMRAS PA, 'DI YI RKYEN NI RNAM PA DRUG ,'DI'I ZHES BYA BA NI NANG GI'O, ,RKYEN ZHES BYA BA NI TSOGS PA'O, ,RNAM PA DRUG CES BYA BA NI RNAM PA DRUG GO, ,THA MA RNAM SHES THOG MA SA, ,NANG GI RKYEN DU 'DOD PA YIN, ,RNAM PAR SHES PA THA MAR YONGS SU BSTAN PA'I @38B PHYIR THA MA RNAM SHES SO, ,THOG MA NI SA ZHES BYA'O, ,DE NYID KYI PHYIR MDO LAS, KHAMS DRUG 'DUS PA STE, SA DANG, CHU DANG, ME DANG, RLUNG DANG, NAM MKHA' DANG, RNAM PAR SHES PA LA SOGS PA NI NANG GI RTEN CING 'BREL PAR 'BYUNG BA RKYEN DANG 'BREL PAR BLTA'O ZHES GSUNGS SO, ,SRA DANG RJES SU SDUD PA DANG, ,SMIN DANG DBUGS 'PHEL GO 'BYED NYID, ,CES BYA BA NI DE LA NANG GI SA'I KHAMS GANG ZHE NA, GANG LUS DANG 'BREL PA SRA BA DANG, RTZUB PA DANG, HRUD HRUD PO DANG, MKHRANG PAR GYUR PA DANG, SKRA DANG, SPU DANG, SEN MO DANG, SO DANG, RDUL DANG, DRI MA DANG, PAGS PA DANG, SHA DANG, CHU RGYUS DANG, RUS PA DANG, DE LTA BU LA SOGS PA GZHAN YANG LUS 'DI LA GANG CUNG ZAD CI YOD PA DE THAMS CAD GCIG TU BSDUS TE SA'I KHAMS ZHES BYA'O, ,RJES SU SDUD PA ZHES BYA BA NI SDUD PA DANG 'BREL PA DANG, MNYEN PA DANG, 'KHYUD PA DANG, GONG BUR BYED PA DANG, GSHER BA NYID DANG, 'DI LTA STE, MCHI MA DANG, RDUL DANG, MCHIL MA DANG, SNABS DANG, ZHAG DANG, RKANG DANG, KHU CHU DANG, GCIN DANG, PHYI SA DANG, KHRAG DANG, CHU SER DANG, KLAD PA DANG, PHO BA DANG, LONG KA LA SOGS PA DANG, GZHAN YANG LUS 'DI LA DE LTA BU'I GSHER BA'I RANG BZHIN YOD PA NI CHU'I KHAMS ZHES BYA'O, ,SMIN PA ZHES BYA BA NI SMIN PAR BYED PA STE, SMIN PA DANG, TSOS PA DANG, SMIN 'GYUR DANG, DRO BA DANG, ME DANG, GDUNG BA DANG, TSA BA DANG, LHAM PA DANG, GANG LUS 'DI'I NANG NA ZOS PA DANG, 'THUNGS PA DANG, 'CHOS PA RNAMS LEGS PAR BDE BAR 'JUG PAR BYED PA GZHAN YANG GANG CUNG ZAD CI YANG RUNG STE, DE LTA BU DE THAMS CAD NI ME'I KHAMS ZHES BYA'O, ,DBUGS ZHES BYA BA NI RLUNG GI KHAMS TE, DBUGS NI DBUGS 'BYUNG BA DANG, DBUGS RDUB PA DANG, TSIG DANG, SMRA BA DANG, 'GRO BA DANG, 'ONG BA DANG, ZHUM PA DANG 'PHEL BA ZHES BYA BA NI, LUS NI RGYAS PA DANG, SKYED PA DANG, G-YO BA DANG, 'GUL BA DANG, LDEG PA DANG, RGYAS PAR GYUR PA DANG, 'PHEL BA DANG, CHAM PA DANG, LUD PA DANG, SKYIGS BU DANG, SPRID PA DANG, STOD KYI RLUNG DANG, SMAD KYI RLUNG DANG GZHAN YANG LUS 'DI'I NANG NA GANG CUNG ZAD DE LTA BU YOD PA DE THAMS CAD GCIG TU BSDUS TE @39A *, ,RLUNG GI KHAMS ZHES BYA'O, ,GO 'BYED CES BYA BA NI SGRIB PA MED PAS GO 'BYED PA'O, ,SGRIB PA NI THOGS PA DANG BCAS PA DANG, SGRIB PA DANG BCAS PA'O, ,SBU GU DANG, SBUBS DANG, GSENG DANG, BU GA STE, KHA'I BU GA DANG, RNA BA'I BU GA DANG, SNA'I BU GA DANG, MIG GI BU GA LA SOGS PA LUS KYI NANG GI SBUBS 'DI NI NAM MKHA'I KHAMS ZHES BYA'O, ,SHES DANG GZUGS KYI RJES 'JUG PA, ,RNAM SHES LNGA DANG LDAN PA DANG, ,DE NA NYON MONGS CAN YID KYANG, ,'DI RNAMS NANG GI RKYEN YIN NO, ,DE LA MING GI RJES SU 'JUG PA DANG, GZUGS KYI RJES SU 'JUG PA NI NANG GI RNAM PAR SHES BA'I KHAMS ZHES BYA'O, ,RNAM SHES LNGA DANG LDAN PA DANG, ,ZHES BYA BA NI RNAM PAR SHES PA LNGA'I TSOGS GANG YIN PA'O, ,DE LA NYON MONGS CAN YID KYANG, ,ZHES BYA BA NI NYON MONGS CAN GYI YID DE, DE DAG DANG 'BYUNG BA CHEN PO BZHI GCIG TU BSDUS NAS MDUNG KHYIM GYI TSUL DU MED DANG GZUGS ZHES BYA'O, ,DE LA MING ZHES BYA BA GZUGS CAN MA YIN PA'I PHUNG PO BZHI PO TSOR BA DANG, 'DU SHES DANG, 'DU BYED DANG, RNAM PAR SHES PA ZHES BYA BA DANG, GZUGS ZHES BYA BA PHA MA'I KHU CHU DANG, KHRAG LAS BYUNG BA SRID PA BAR MA'I PHUNG PO LA BRTEN NAS DANG POR MING DANG GZUGS MNGON PAR 'GRUB PA GANG YIN PA DE DANG, YID KYI RNAM PAR SHES PA ZAG PA DANG BCAS PA BSGRIBS LA LUNG DU MA BSTAN PA'I NGO BO BDAG TU RMONGS PA LA SOGS PA NYON MONGS PA BZHI'I BDAG NYID DE, BDAG TU RMONGS PA DANG, BDAG TU NGA RGYAL BA DANG, BDAG LA LTA BA DANG, BDAG LA CHAGS PA ZHES BYA BA NYON MONGS PA BZHI PO 'DI RNAMS DANG LDAN PA NYON MONGS PA CAN GYI YID CES BYA BA GCIG TU BSDUS PA LA MING DANG GZUGS ZHES BYA'O, ,KHAMS RNAMS 'DUS PAR GYUR PA LAS, ,LUS NI SKYE BAR 'DOD PA YIN, ,ZHES BYA BA NI, BSHAD MA THAG PA'I KHAMS DRUG GO, ,'DUS PAR GYUR PA LAS ZHES BYA BA NI MA TSANG BA MED PA LAS SO, ,LUS ZHES BYA BA NI 'BYUNG BO DANG 'BYUNG BA LAS GYUR PA 'DUS PA'I GONG BU'O, ,SKYE BA ZHES BYA BA NA 'BYUNG BAR RO, ,'DOD CES BYA BA NI RJES SU DPAG PA STE, 'DI LA BYED PA PO LA SOGS PA NI MED DO SNYAM DU BSAMS PA'O, ,DE DAG BDAG DANG BDAG GI ZHES, ,RNAM RTOG SKYE BA MED PAR 'DOD, ,CES BYA BA NI BDAG CAG GIS 'DI DAG BSKYED @39B DO SNYAM PA DANG, DE RNAMS KYIS BDAG CAG BSKYED DO SNYAM DU DE RNAMS GCIG LA GCIG RTOG PA MI SKYE'O, ,DE DAG YOD NA SKYE 'GYUR TE, ,DE DAG MED NA 'BYUNG BA MED, ,RKYEN RNAMS MED NA LUS SKYE BAR MI RUNG GI, GANG GI TSE NANG GI RKYEN SA LA SOGS PA, MA TSANG BA MED PA DE'I TSE 'DUS PA LAS LUS SKYE BAR 'GYUR LA, MA TSANG NA LUS SKYE BAR MI 'GYUR RO, ,DE RNAMS BDAG SOGS MI LDAN PA, ,GZHAN YANG SU'I YANG MA YIN NO, ,DE LA SA'I KHAMS NI BDAG MA YIN TE, NGA DANG NGA'I SNYAM BA'I RLOM SEMS PA DANG BRAL BA'I PHYIR RO, ,SEMS CAN MA YIN PA NI SEMS DANG, YID DANG, RNAM PAR SHES PA DANG BRAL BA'I PHYIR RO, ,SROG MA YIN PA NI G-YO BA MED PA'I PHYIR RO, ,SKYE BA BO MA YIN PA NI BSKYED PAR BYA BA DANG, SKYED PA PO DANG BRAL BA'I PHYIR RO, ,SHED LAS SKYES PA MA YIN PA NI, SHED DANG BRAL BA'I PHYIR RO, ,SHED BU MA YIN PA NI NANG NA 'DUG PA'I SHED BU LTA BU MED PA'I PHYIR RO, ,BUD MED MA YIN, SKYES PA MA YIN, MA NING MA YIN PA NI NANG GI BUD MED DANG, SKYES PA DANG, MA NING GI BDAG NYID MED PA'I PHYIR RO, ,NGA DANG BDAG MA YIN ZHES BYA BA NI, BDAG DANG BDAG GIR RLOM PA DANG BRAL BA'I PHYIR RO, ,GZHAN YANG SU'I YANG MA YIN NO ZHES BYA BA NI DBANG PHYUG LA SOGS PA'I BYED PA PO DANG, BYA BA DANG LAS DANG BRAL BA'I PHYIR RO, ,DE BZHIN DU CHU DANG, ME DANG, RLUNG DANG, NAM MKHA' DANG, RNAM PAR SHES PA'I KHAMS KYANG BDAG MA YIN, SEMS CAN MA YIN, SROG MA YIN, SKYE BA PO MA YIN, SHED LAS SKYES PA MA YIN, BUD MED MA YIN, SKYES PA MA YIN, MA NING MA YIN, NGA MA YIN, BDAG MA YIN TE, DBANG PHYUG LA SOGS PA GZHAN YANG SU'I YANG MA YIN NO ZHES SHES PAR BYA'O, ,GANG GCIG RIL SOGS 'DU SHES PA, ,DE NI MA RIG SRID GSUM SGRIB, ,DE LA MA RIG PA GANG ZHE NA, SMRAS PA, SRID GSUM SGRIB PA ZHES BYA'O, ,SRID PA GSUM NI SRID GSUM STE, ,'DOD PA'I SRID PA DANG; GZUGS KYI SRID PA DANG, GZUGS MED PA'I SRID PA'O, ,DE DAG KYANG SEMS CAN DANG, SNOD KYI 'JIG RTEN GYI THA SNYAD KYIS RNAM PA GNYIS SU GZHAG GO, ,YANG KHAMS DANG, 'GRO BA DANG, SKYE GNAS KYI BYE BRAG GIS NI RIG PA GSUM DU GZHAG GO, ,JI LTAR ZHE NA, SMRAS PA, DE LA 'DOD @40A *, ,PA'I KHAMS GNAS RIS SUM CU RTZA DRUG GI RNAM PAR RIG PA SNANG BA THUN MONG DANG THUN MONG MA YIN PA'I NGO BO NYID LA RIL PO GCIG PAR RTOG CING 'DU SHES PAS 'DZIN PA'I PHYIR MA RIG PA ZHES BRJOD DO, ,DE LA GNAS SUM CU RTZA DRUG NI TSA BA'I RANG BZHIN GYI DMYAL BA CHEN PO BRGYAD DANG, GRANG BA'I RANG BZHIN GYI DMYAL BA CHEN PO BRGYAD DE, YANG SOS DANG, THIG NAG DANG, BSDUS 'JOM DANG, DU 'BOD DANG, DU 'BOD CHEN PO DANG, TSA BA DANG, RAB TU TSA BA DANG, MNAR MED PA ZHES BYA BA TSA BA'I DMYAL BA BRGYAD DANG, AA CHU ZER BA DANG, KYI HUD ZER BA DANG, SO THAM THAM PA DANG; CHU BUR CAN DANG, CHU BUR RDOL BA DANG, PADMA LTAR GAS PA DANG, PADMA CHEN PO LTAR GAS PA DANG, AUTPAL LTAR GYES PA ZHES BYA BA'I GRANG BA'I RANG BZHIN YIN PA'I PHYIR GRANG BA'I DMYAL BA BRGYAD DANG, NYI TSE BA DANG, NYE 'KHOR BA DANG, YI DAGS RNAMS KYI GNAS DANG, DUD 'GRO RNAMS KYI GNAS DANG, LHA MA YIN RNAMS KYI GNAS DANG, GLING BZHI DANG, BAR GYI GLING BRGYAD DO, ,DE LA YI DAGS RNAMS KYI GNAS NI MYA NGAM DANG, 'BROG DGON PA NA'O, ,DE LAS GZHAN DU GYES PA NI GRONG DANG, GRONG KHYER DANG, GRONG RDAL DANG, DUR GROD DANG, RI DANG, 'BROG DANG, RI 'OR DANG, GLING DANG, CHU KLUNG DANG, RLUNG DANG, MTSO DANG, LTENG KA DANG, RDZING DANG, KHRON PA DANG, SKYED MOS TSAL DANG, GNAS DANG, LHA KHANG DANG, MA MO'I KHYIM DANG, KLU'I GNAS DANG, MYA NGAM DANG, MTSE'U DANG, SHING DANG, KHANG STONG DANG, LAM PO CHE DANG, KLUNG GI DRUNG DANG, DGON PA'I GNAS DANG, G-YANG SA DANG, ZAM PA DANG, GZINGS KYI GNAS DANG, SRANG DANG, LAM PO CHE DANG, TSONG KHANG DANG, BZHI MDO DANG, SUM MDO DANG, MU STEGS BSOD NAMS BYED PA'I GNAS DANG, CHU 'DUS LA SOGS PAR GNAS BCAS TE, RANG GI LAS KYI DBANG GIS RNAM PAR RIG PA SNANG BA RNAM PAR RTOG PA LAS BYUNG BA RNAMS GANG MI SHES PA 'DI NI MA RIG PA ZHES BYA'O, ,DUD 'GRO'I GNAS NI RGYA MTSO CHEN PO'I NANG NA'O, ,SKYE BA'I GNAS NI BZHI STE, SGO NGA LAS SKYE BA DANG, MNGAL NAS SKYE BA DANG, DROD GSHER LAS SKYE BA DANG, RDZUS TE SKYE BA'I SKYE GNAS KYI BYE BRAG GIS DUD 'GRO'I 'GRO BA SNA TSOGS KYI @40B RNAM PAR RIG PA'I RNAM PAR SNANG BA RNAM PAR RTOG PA'I BAG CHAGS KYIS BSGOS PA'I RGYUD CAN TE, DE LAS GZHAN DU GYES PA NI BONG BU DANG, PHAG PA DANG, SPRE'U DANG, GLANG PO CHE DANG, RNGA MO DANG, RTA DANG, RI DAGS DANG, MA HE DANG, BA LANG DANG, BA MEN DANG, 'BRI DANG, KHYI DANG; WA DANG, NE'U LE DANG, BYI BA DANG, SENG GE DANG, STAG DANG, DRED DANG, DOM DANG, SBYANG KI DANG, BYI LA DANG, NYA DANG, RUS SBAL DANG, CHU SRIN DANG, CHU SRIN BYIS PA GSOD DANG, SBRUL DANG, GROG SBUR DANG, SDOM DANG, BYE MA LEB DANG, SREG PA DANG, GROG MA DANG, SRIN BU DANG, GROG MKHAR DANG, SKYIN GOR DANG, SHIG DANG, 'BU DANG, CHU NA GNAS PA DANG, NE TZO DANG, RI SKEGS DANG, KHU BYUG DANG, RMA BYA DANG, NGANG PA DANG, KHRUNG KHRUNG DANG, CHU SKYAR DANG, KHVA DANG, BYA RGOD DANG, 'UG PA DANG, SHANG SHANG TE'U DANG, 'DAB BZANGS LA SOGS PA GNAS MA NGES PA'I 'GRO BAS RANG GI LAS KYI BAG CHAGS GZHAN GYI DBANG GIS RNAM PAR SNANG BA'I RNAM PA LA GNAS BCAS PA GANG MI SHES PA 'DI YANG MA RIG PA ZHES BYA'O, ,LHA MA YIN RNAMS KYI GNAS BZHI NI RI RAB KYI BANG RIM BZHI'I NANG NA'O, ,DE NAS GZHAN DU GYES PAS GNAS BCAS PA, RI DANG, 'BROG DANG, TSAL DANG, SKYED MOS TSAL DANG, KLUNG DANG, GRONG LA SOGS PA RANG GI LAS KYI DBANG LAS RNAM PAR RIG PA SNANG BA RNAM PAR RTAG PA LAS BYUNG BA'I GNAS GZHAN DAG GANG MI SHES PA 'DI YANG MA RIG PA ZHES BYA'O, ,SEMS CAN DMYAL BA RANG GI LAS KYI DBANG DANG MTHUN PA'I RNAM PAR RTOG PA LAS BYUNG BA RNAMS KYI NI, MTSO CHEN PO MA DROS PA NAS DPAG TSAD NYI KHRI'I 'OG NA SNOD KYI RNAM PAR RIG PA'I RANG BZHIN RTZA BAR GYUR PA'I GNAS GZHAN MNGON PAR GRUB BO, ,DE LAS GZHAN DU NYI TSE BA'I SEMS CAN DMYAL BA LA SOGS PA'I SNOD KYI RNAM PAR RTOG PA LAS BYUNG BA'I RI DANG 'BROG DANG, MYA NGAM DANG; RI SUL DANG, G-YANGS DANG, CHU 'GRAM LA SOGS PA'I GNAS MNGON PAR GRUB PA GANG MI SHES PA 'DI YANG MA RIG PA ZHES BYA'O, ,GLING BZHI NI SHAR GYI LUS 'PHAGS DANG, LHO'I 'DZAM BU'I GLING DANG, NUB KYI BA LANG SPYOD DANG, BYANG GI SGRA MI SNYAN NO, ,BAR GYI GLING BRGYAD CES BYA BA @41A *, ,NI; SHAR GYI LUS 'PHAGS KYI 'KHOR LUS DANG, LUS 'PHAGS DANG, LHO'I 'DZAM BU'I GLING GI 'KHOR G-YO LDAN DANG, LAM MCHOG 'GRO DANG, NUB KYI BA GLANG SPYOD KYI 'KHOR RNGA YAB DANG, RNGA YAB GZHAN DANG, BYANG GI SGRA MI SNYAN GYI 'KHOR SGRA MI SNYAN DANG, SGRA MI SNYAN GYI ZLA'O, ,GLING DANG NYE BA'I GLING DE DAG RAB TU DBYE BAS NI RNAM PA MANG POR THA DAD DE, RANG GI RNAM PAR SHES PA'I SNANG BA RNAM PAR RTOG PA'I DBANG GIS BYUNG BA SPROS PA SNA TSOGS PA'I BAG CHAGS KYIS BSGOS PA DE LTA DU MI SHES PA GANG YIN PA 'DI YANG MA RIG PA ZHES BYA'O, ,LHA DRUG GI SEMS CAN GYI SNOD KYI RNAM PA'I RNAM PAR RIG PA SNANG BA'I BYE BRAG THUN MONG DANG THUNG MONG MA YIN PA'I NGO BO MA LUS PA LA GONG BUR 'DZIN PA'I RTOG PA'I DBANG GIS BYUNG BA RNAMS GANG MI SHES PA 'DI YANG MA RIG PA ZHES BYA'O, ,DE LA LHA'I RIS DRUG CES BYA BA NI RGYAL CHEN RIS BZHI DANG, SUM CU RTZA GSUM DANG, 'THAB BRAL DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED DO, ,GZHAN YANG GANG RIG SNGAGS 'CHANG GRUB PA DANG, DRANG SRONG DANG, NAM MKHA' LDING DANG, DRI ZA DANG, MI'AM CI DANG, LTO 'PHYE CHEN PO DANG, KLU DANG, GNOD SBYIN LA SOGS PA DANG, RGYU SKAR DANG, GZA' DANG, SKAR MA DANG, ,ZLA BA DANG, NYI MA 'KHOR DANG BCAS PA LA GZHAL MED KHANG DANG BCAS TE, SKYE BA DANG 'JIG PA DANG RANG GI LAS KYI DBANG GIS RNAM PAR RIG PA'I RNAM PAR SNANG BA RNAM PAR RTOG PA'I BAG CHAGS KYI RJES SU SONG BA RNAMS DANG, SGO NGA LAS SKYES PA DANG, MNGAL NAS SKYES PA DANG, DROD GSHER LAS SKYES PA DANG, RDZUS TE SKYE BA'I SKYE GNAS KYI BYE BRAG GIS DUD 'GRO'I 'GRO BA SNA TSOGS KYI RNAM PAR RIG PA'I RNAM PAR SNANG BA RNAM PAR RTOG PA'I BAG CHAGS KYIS BSGOS PA'I RGYUD CAN BONG BU DANG, PHAG DANG, SPRE'U DANG, GLANG PO CHE DANG, RNGA MO DANG, RTA DANG, RI DAGS DANG, MA HE DANG, BA LANG DANG; BA MEN DANG, 'BRI DANG, KHYI DANG, WA DANG, NE'U LE DANG, BYI BA DANG, SENG GE DANG, STAG DANG, DRED DANG, DOM DANG, SPYANG KI DANG, BYI LA DANG, NYA DANG, RUS SBAL DANG, CHU SRIN DANG, CHU SRIN BYIS PA GSOD DANG, SBRUL DANG, GROG SBUR DANG, SDOM DANG, PHYE MA LEB @41B DANG; SDIG PA DANG, GROG MO DANG, SRIN BU DANG, GROG MKHAR DANG, SKYIN GOR DANG, SHIG DANG, 'BU DANG, CHU NA GNAS PA DANG, NE TZO DANG, RI SKEGS DANG, KHU BYUG DANG, RMA BYA DANG, NGANG PA DANG, KHRUNG KHRUNG DANG, CHU SKYAR DANG, KHVA DANG, BYA RGOD DANG, 'UG PA DANG, SHANG SHANG TE'U DANG, 'DAB BZANGS LA SOGS PA GNAS MA NGES PA'I 'GRO BAS RANG GI LAS KYI BAG CHAGS GZHAN GYI DBANG GIS RNAM PAR RIG PA SNANG BA'I RNAM PA LA GNAS BCAS TE, DE LTAR NA 'GRO BA SKYE GNAS THA DAD PA DU MA'I BYE BRAG GIS THA DAD PA'I SEMS CAN DANG SNOD KYI 'JIG RTEN ZHES GRAGS PA THUN MONG DANG; THUN MONG MA YIN PA'I BYE BRAG LA SOGS PA RIL POR 'DZIN PA LAS BYUNG BA GCIG TU BSDUS NAS 'DOD PA'I KHAMS ZHES BYA'O, ,YANG SMRAS BA, KHAMS 'GRO SKYE GNAS BYE BRAG GIS, ,'DOD SRID RNAM PA SUM CU DRUG ,LHA DRUG MI NI BCU GNYIS DANG, ,DMYAL BA BCU DRUG DUD 'GRO DANG, , YI DAGS LHA MA YIN DU BCAS, ,DE LTA BU'I RNAM PA RTOG PA SNA TSOGS KYI BAG CHAGS LAS BYUNG BA GANG MI SHES PA, YONGS SU MI CHOD PA, BSGRIBS PA MI GSAL BA, KHONG DU MA CHUD PA, YONGS SU MI SHES PA MUN PA MUN NAG DANG, SNGON GYI MTHA' DANG, PHYI MA'I MTHA' DANG, DBUS DANG, RGYU DANG, LAS DANG, 'BRAS BU DANG, BDEN PA DANG, DKON MCHOG DANG, SDUG BSNGAL DANG, KUN 'BYUNG DANG, 'GOG PA DANG, LAM MI SHES PA GANG YIN PA DE MA RIG PA STE, KHAMS GSUM GYI SGRIB PA ZHES BYA'O, ,DE NYID KYI PHYIR MDO LAS, KHAMS DRUG PO 'DI DAG NYID LA GANG GCIG PUR 'DU SHES PA DANG, RIL POR 'DU SHES PA DANG, RTAG PAR 'DU SHES PA DANG, THER ZUG TU 'DU SHES PA DANG, BDE BAR 'DU SHES PA DANG, BDAG TU 'DU SHES PA DANG, SEMS CAN DU 'DU SHES PA DANG, SROG TU 'DU SHES PA DANG, SKYES BUR 'DU SHES PA DANG, GANG ZAG TU 'DU SHES PA DANG, SHED LAS SKYES SU 'DU SHES PA DANG, SHED BUR 'DU SHES PA DANG, NGA ZHES BYA BA DANG, BDAG GI ZHES BYA BAR 'DU SHES PA STE, 'DI LTA BU LA SOGS PA MI SHES PA SNA TSOGS PA 'DI NI MA RIG PA ZHES BYA'O ZHES BSTAN TO, ,DE LA SA'I KHAMS NI RDZAS BRGYAD YIN PA'I PHYIR GCIG PUR 'DU SHES PA MI RUNG NGO, ,RDUL PHRA MO @42A *, ,RNAMS NI PHAN TSUN BSAGS PA'I BDAG NYID MA YIN PA'I PHYIR RIL POR 'DZIN PAR MI RUNG NGO, ,RGYU RKYEN 'BREL PAR 'JUG PA'I PHYIR RTAG PAR 'DU SHES PAR MI RUNG NGO, ,YUN RING DU MI GNAS PA'I PHYIR THER ZUG TU 'DU SHES PA MED DO, ,SKYES MA THAG TU 'JIG PA'I PHYIR BRTAN PAR 'DU SHES PA MED DO, ,'DU BYED DANG 'GYUR BA'I SDUG BSNGAL DANG LDAN PA'I PHYIR BDE BAR 'DU SHES PA MED DO, ,MI GTZANG BA'I RDZAS RNAM PA SUM CU RTZA DRUG 'DUS PA'I PHYIR GTZANG BAR 'DU SHES PA MED DO, ,'BYUNG BA DANG, 'BYUNG BA LAS GYUR PA'I RDZAS DU MA YIN PA'I PHYIR BDAG TU 'DU SHES PA MED DO, ,SEMS DANG SEMS LAS BYUNG BA'I BYIN GYIS BRLABS PA'I PHYIR SEMS CAN DU 'DU SHES PA MED DO, ,BYA BA MED PA'I PHYIR SROG TU 'DU SHES PA MED DO, ,YANG 'GRO BA DANG 'ONG BA DANG BRAL BA'I PHYIR GANG ZAG TU 'DU SHES PA MED DO, ,NGA DANG NGA YIR RLOM SEMS DANG BRAL BA'I PHYIR SHED LAS SKYES DANG, SHED BUR 'DU SHES PA MED DO, ,NGA ZHES BYA BA DANG, BDAG GI ZHES BYA BA LA SOGS PA DANG BRAL BA'I PHYIR SHED LAS SKYES LA SOGS PAR 'DU SHES PA MI RIGS SO, ,DE LTAR NA KHAMS DRUG PO MI RTAG PA LA SOGS PA'I RANG GI NGO BO DE DAG MI SHES PA GANG YIN PA 'DI NI MA RIG PA ZHES BYA'O, ,DE LA MA RIG PA ZHES BYA BA NI RIG PA MA YIN PAS MA RIG PA'O, ,RIG PA MED PA NI MA YIN TE, MED PA NI CI YANG MA YIN NO, ,MA RIG PA RIG PA LAS GZHAN DU RIG PA GZHAN NYID YIN NO, ,DE BAS NA MED PA DGAG PA YANG MA YIN, GZHAN NYID KYANG MA YIN NO, ,'O NA CI ZHE NA, 'GAL BA YIN TE, MA RIG PA NI MA RIG PA MA YIN PA, RIG PA'I CHOS DANG 'GAL BA LA MA RIG PA ZHES BYA'O, ,GZHAN 'PHRUL DBANG BYED KYI LHA DE'I GONG YAN CHAD GNAS BCU BDUN GYI RNAM PA'I RNAM PAR RIG PA SNANG BA NI GZUGS KYI KHAMS SO, ,DE 'BYUNG BA NI SEMS CAN DANG, SNOD KYI 'JIG RTEN GYI NGO BO THUN MONG DANG THUN MONG MA YIN PA'I BYE BRAG RNAM PAR RTOG PA'I DBANG GIS BYUNG NGO; ,GNAS DAG NI BSAM GTAN BZHI BSGOM PA RNAM PA GSUM DANG LDAN PAS TSANGS RIS LA SOGS PA BCU GNYIS DANG, BSAM GTAN BZHI PA SPEL MAR BSGOM PA DANG LDAN PAS, GNAS GTZANG MA'I GNAS LNGA'O, ,DE LA DANG PO NI TSANGS RIS DANG, TSANGS PA'I MDUN NA 'DON DANG, TSANGS PA CHEN PO'O,, @42B GNYIS PA NI 'OD CHUNG DANG, TSAD MED 'OD DANG, 'OD GSAL LO, ,GSUM PA NI DGE CHUNG DANG, TSAD MED DGE DANG, DGE RGYAS SO, ,BZHI PA NI SPRIN MED DANG, BSOD NAMS SKYES DANG, 'BRAS BU CHE'O, ,GNAS GTZANG MA'I NI MI CHE BA DANG, MI GDUNG BA DANG, SHIN TU MTHONG DANG, GYA NOM SNANG DANG, 'OG MIN NO, ,BSAM GTAN BZHI'I SA RTOG PA DANG BCAS PA DANG, RTOG PA MED PA DANG, BDE BA DANG, BTANG SNYOMS DANG, MTSUNGS PAR LDAN PA DANG, BSAM GTAN KHYAD PAR CAN DANG, MI LCOGS PA MED PA'I SA 'DI DAG GANG MI SHES PA DANG, MA MTHONG BA DANG, MNGON PAR MA RTOGS PA 'DI YANG MA RIG PA ZHES BYA'O, ,GANG YANG MING TZAM GYI 'DU SHES SNANG BA'I RNAM PA'I RNAM PAR RIG PA'I RNAM PAR RTOG PA LAS BYUNG BA GZUGS MED PA'I SNYOMS PAR 'JUG PA BZHI PO NAM MKHA' DANG, RNAM SHES DANG CI YANG MED PA DANG, 'DU SHES MED 'DU SHES MED MI NA SKYE MCHED RNAMS GANG MI SHES PA DANG, MNGON PAR MA RTOGS PA DANG, MA MTHONG BA 'DI YANG MA RIG PA ZHES BYA'O, ,DE NYID KYI PHYIR, BCOM LDAN 'DAS KYIS, BSAM GTAN BZHI DANG MI LCOGS MED, ,KHYAD PAR CAN GYIS RNAMS DANG, ,GZUGS MED SNYOMS PAR 'JUG PA YI, ,'DU SHES THA DAD BZHI RNAMS DANG, , RNAM DAG RNAMS KYI SA BZHI DANG, ,SA BCU BSTAN PA'I BDAG NYID RNAMS, ,DBANG PHYUG CHEN PO THOB PA'I GNAS, ,DE NI KHAMS GSUM MA GTOGS PA, ,RANG SEMS RNAL 'BYOR RNAL 'BYOR DBANG, ,RNAM PAR DAG PA 'BYUNG BA'I SA, ,YE SHES TING NGE 'DZIN DANG GZUGS, ,DBANG DANG SO SOR RIG PA CAN, ,ZHES GSUNGS TE, DE LA YANG GANG NYON MONGS PA CAN MA YIN PA'I MI SHES PA DANG, MA MTHONG BA DANG, MNGON PAR MA RTOGS PA DANG, KHONG DU MA CHUD PA BSGOM PA'I LAM GYI YE SHES SKYE BA LA GEGS BYED PA DE YANG MA RIG PA ZHES BYA'O, ,DE LTA BAS NA MA RIG PA'I MUN PA'I RAB RIB KYI LING THOG GI SA MIG BSGRIBS PA'I PHYIR, YUL RNAMS LA GZUGS DANG, SGRA DANG, DRI DANG, RO DANG, REG BYA DANG, CHOS KYI RNAM PA'I RNAM PAR RIG PA, PHYIN CI LOG GI RNAM PAR RTOG PA'I BAG CHAGS SNANG BA NYID KYIS RTAG PA DANG, BDAG DANG, BDE BA DANG, GTZANG BA LA SOGS PAR PHYIN CI @43A *, ,LOG PAS 'DOD CHAGS DANG, ZHE SDANG DANG GTI MUG RGYAS PA'I PHYIR 'DOD CHAGS SKYES PA'I LAS KYANG MNGON PAR 'DU BYED DO, ,'DOD PA LA GEGS BYED PA DANG LDAN PA'I PHYIR, ZHE SDANG LAS SKYES PA'I LAS KYANG MNGON PAR 'DU BYED DO, ,LAM MA YIN PA LA LAM DU 'DU SHES PA DANG MA DAG PA LA DAG PAR 'DU SHES PA DANG, GROL BA MA YIN PA LA GROL BAR 'DU SHES PA'I PHYIR GTI MUG LAS SKYES PA YANG MNGON PAR 'DU BYED DO, ,DE GNYIS LAS BZLOG PA NYID KYIS MI G-YO BA'I LAS KYANG MNGON PAR 'DU BYED DO, ,RKYEN DE DANG, GZHI DES MA RIG PAR CHAGS PA DANG, ZHE SDANG DANG, GTI MUG DANG, NGA RGYAL DANG, LTA BA DANG, THE TSOM DANG, PHRAG DOG DANG, SER SNA'I RJES SU SONG BA'I PHYIR LUS KYI LAS MI DGE BA BDAG DANG SHES PA YONGS SU BSKYAB PA'I CHED DU SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, MYOS PA'I RGYU CHANG 'THUNG PA GZHAN DU MI 'DOD PA'I RNAM PAR SMIN PA MNGON PAR 'GRUB PA YANG MNGON PAR 'DU BYED DO, ,NGAG GI BRDZUN DANG, PHRA MA DANG, TSIG RTZUB PO DANG, DON MED PAR SMRAS PA MI 'DOD PA'I RNAM PAR SMIN PA MNGON PAR 'GRUB PA YANG MNGON PAR 'DU BYED DO, ,YID KYI LAS BRNAB SEMS DANG, GNOD SEMS DANG; LOG PAR LTA BA DANG MTSUNGS PAR LDAN PA YANG MNGON PAR 'DU BYED DO, ,LUS DANG, NGAG DANG, YID KYI NYES PAR SPYOD PA'I CHOS YANG DAG PAR BLANGS PA'I RGYUS SEMS CAN DMYAL BA DANG, YI DAGS DANG, DUD 'GRO DANG, LHA DANG, MI DANG, LHA MA YIN RNAMS SU SKYE BAR 'GYUR RO, , DE NYID KYI PHYIR MI SHES PA'I YUL 'DOD CHAGS DANG, ZHE SDANG GTI MUG MNGON DU BYED, ,CES BYA BA SMOS TE, DE LA MI SHES PAS ZHES BYA BA NI MA RIG PA'I RKYEN GYIS 'DU BYED KYI DNGOS PO MNGON PAR 'DU BYED PAS LHAG PAR BSGOM PA'I 'DU BYED KYI DNGOS PO SO SOR RNAM PAR RIG PA'I NGO BO'I RNAM PAR SHES PA MNGON PAR 'GRUB BO, ,DE NYID KYI PHYIR, DE LAS 'DU BYED DNGOS PO NI, ,RNAM PAR RIG PA'I RNAM SHES 'BYUNG, ,ZHES BYA BA SMOS TE, DE LAS ZHES BYA BA NI, 'DU BYED LA BRTEN NAS SO, ,DNGOS PO NI RNAM PAR RIG PA'I ZHES BYA BA NI RNAM PAR RIG PAR BYED PAS RNAM PAR RIG PA STE, RNAM PAR SHES PA LA @43B LAS KYI BAG CHAGS 'JOG PA ZHES BYA BA'I THA TSIG GO, ,RNAM SHES LHAN CIG 'BYUNG BA NI, ,GZUGS CAN MA YIN PHUNG PO BZHI, ,ZHES BYA BA LA, RNAM SHES LHAN CIG 'BYUNG BA ZHES BYA BA NI RNAM PAR SHES PA'I RGYU LAS BYUNG BA'O, ,GZUGS CAN MA YIN PHUNG PO BZHI, ,ZHES BYA BA NI RNAM PAR SHES PA'I PHUNG PO BZHI STE, TSOR BA DANG, 'DU SHES DANG, 'DU BYED DANG, RNAM PAR SHES PA ZHES BYA BA RNAMS SO, ,GZUGS CAN MA YIN ZHES BYA BA NI 'BYUNG BA DANG 'BYUNG BA LAS GYUR PA BSAGS PA'I RNAM PA DANG BRAL BA'I PHYIR YIN GYI, RTAG PA NI MA YIN NO, ,'O NA CI ZHE NA, SEMS DANG SEMS LAS BYUNG BA'I NGO BO DAG YIN NO, ,PHUNG PO NYID NI RDZAS DU MA'I BDAG NYID YIN PA'I PHYIR RO, ,GZUGS NI KHAMS BZHI PO PHA MA'I KHU CHU DANG, KHRAG LAS BYUNG BA SA DANG, CHU DANG, ME DANG, RLUNG GI KHAMS TE, DE DAG BSDUS NAS RNAM PAR SHES PA'I RKYEN GYIS MING DANG GZUGS ZHES BYA'O, ,MING DANG GZUGS LA BRTEN NAS NI, ,DBANG PO SKYE MCHED 'BYUNG BAR 'GYUR, ,ZHES BYA BA NI, GANG SNGON DBANG PO LA SRED PA DANG BCAS PA'I BAG CHAGS MING DANG GZUGS LA BZHAG PA'I MING DANG GZUGS DES RKYEN BYAS NAS MIG LA SOGS PA'I DBANG PO DRUG MNGON PAR 'GRUB PAS DBANG PO SKYE MCHED DRUG 'BYUNG BAR 'GYUR ZHES BYA'O, ,DBANG PO SKYE MCHED SGO DRUG NI RNAM PAR SHES PA DRUG GI RTEN DU GYUR PA STE, GZUGS LA SOGS PA'I YUL DMIGS PA'I RNAM PAR RIG PA SNANG BA 'DZIN PA'I RANG GI NGO BO RNAMS MNGON PAR BSGRUBS PAS BCOM LDAN 'DAS KYIS MING DANG GZUGS LA BRTEN PA'I DBANG PO RNAMS NI SKYE MCHED DRUG GO ZHES GSUNGS SO, ,YUL DANG DBANG PO RNAM PAR SHES, ,'DUS PA LAS NI REG PA 'BYUNG, ,ZHES BYA BA NI DBANG PO SKYE MCHED DRUG PO RKYEN DU BYAS NAS YUL LA DBANG PO DANG, RNAM PAR SHES PA 'DUS PA'I PHYIR REG PA STE, DBANG PO DANG RNAM PAR SHES PA DAG GZUGS LA SOGS PA'I YUL RNAMS LA REG PA LTA BUR BAR MA CHOD NYID DU 'JUG STE, 'DI LA REG PA NI 'GA' YANG MED DO, ,BSAGS PA MA YIN PA ARNAM PAR SHES PA LNGA NI TSOGS BSAGS PA YUL DANG, DBANG PO RNAMS DANG LHAN CIG GCIG TU 'GYUR DU 'ONG BAS REG PA LTA BU YIN GYI REG PA NI MA YIN NO @44A *, ,ZHES BYA'O, ,DE NYID KYI PHYIR BCOM LDAN 'DAS KYIS KYANG, CHOS GSUM 'DUS PA NI REG PA'O ZHES GSUNGS TE, DMIGS PA SNANG BA'I RNAM PAR RIG PA SKYE BA'O, ,DE BZHIN DU REG PA'I RO MYANG BA LA 'CHUMS PA LA, REG PA'I TSOGS DRUG LA BRTEN TE TSOR BA'I TSOGS DRUG SKYE'O, , DE NYID KYI PHYIR, REG BYUNG TSOR BAR SHES BYA STE, ,ZHES BYA BA SMOS SO, ,TSOR BA NI REG PAS BSKYED PA STE, REG PA'I RGYU LAS 'BYUNG ZHES BYA BA'I THA TSIG GO, ,DE LA TSOR BA ZHES BYA BA NI DES TSOR BAR BYED PAS NA TSOR BA STE, TSOR BA NI MYONG BA'O, ,BDE BA DANG SDUG BSNGAL BA DANG, BDE BA YANG MA YIN, SDUG BSNGAL BA YANG MA YIN PA DANG, YID BDE BA DANG, YID MI BDE BA'I BYE BRAG LA TSOR BAR SNANG BA'I RNAM PA'I RNAM PAR RIG PA RNAM PAR RTOG PA'I DBANG GIS BYUNG BA YUL DANG, DBANG PO DANG RNAM PAR SHES PA GSUM TSAN DRUG GI BYE BRAG GIS TSOR BA'I TSOGS DRUG SKYE BAS BCOM LDAN 'DAS KYIS REG PA DANG LHAN CIG SKYES PA NI TSOR BA'O ZHES GSUNGS SO, ,DE BZHIN DU TSOR BA'I RO MYANG BA CUNG ZAD LA CHAGS SHING MNGON PAR ZHEN PA'I BDAG NYID NI TSOR BA'I RGYU CAN GYI SRED PA ZHES BYA BA SRED PA SKYE STE, DE NYID KYI PHYIR, DE BZHIN TSOR LAS SRED PA 'BYUNG, ,ZHES BYA BA SMOS SO, ,SRED PA ZHES BYA BA NI KHAMS GSUM PA'I 'DOD CHAGS TE, CHAGS PA DANG, LHAG PAR ZHEN PA DANG, MNGON PAR 'DOD PA DANG, ZHEN PA DANG, MI 'BRAL BAR 'DOD PA DANG, DGA' BA DANG, SDUG PA ZHES BYA BA'I THA TSIG GO, ,DE YANG DBANG PO DANG, YUL DANG, RNAM PAR SHES PA'I BYE BRAG GIS SRED PA'I TSOGS DRUG TU RNAM PAR GZHAG STE, SRED PAR SNANG BA'I RNAM PA CAN GYI RNAM PAR RIG PA'I DBANG GIS BYUNG BA'I SRED PA'I TSOGS DRUG SKYE BAS BDE BAR GSHEGS PAS TSOR BA LA ZHEN PA NI SRID PA'O ZHES GSUNGS SO, ,DE LTAR LHAG PAR ZHEN PA'I SRED PA 'PHEL PA NI LEN PA'O, ,DE NYID KYI PHYIR, SRED 'PHEL NYE BAR LEN PA STE, ,ZHES BYA BA SMOS SO, ,SRED PA NI CHAGS PAS KUN NAS 'KHYUD PA 'BRAL BAR MI 'DOD PA'I RGYU'O, ,DGE BA DANG MI DGE BA DANG LUNG DU MA BSTAN PA LA SOGS PA NI LEN PA STE, NYE BAR LEN PA'I PHYIR NYE BAR LEN PA'O, ,NYE BAR LNGA PA'I LEN PA NI NYE BAR LEN PA'O, ,RANG GI LAS JI LTAR BLANGS @44B PA'I LAM BRGYAGS KYI GZHAN GYI DBANG GIS LEN PA LAS SKYES PA YANG SRID PA ZHES BYA'O, ,DE NYID KYI PHYIR, LEN PA LAS NI SRID PA 'BYUNG, ,ZHES BYA BA SMOS SO, ,RANG GI LAS KYI BAG CHAGS JI LTA BA SNANG BA'I RNAM PA CAN GYI RNAM PAR RIG PA RNAM PAR RTOG PA'I DBANG GIS BYUNG BA YANG SRID PA MNGON PAR BSGRUB PA'I PHYIR SRID PA ZHES BYA STE YANG 'BYUNG BA'I PHYIR RO, ,RANG GI LAS NI BAG CHAGS JI LTA BA'I DBANG GIS ZHES BYA BA NI DGE BA DANG MI DGE BA DANG, MI G-YO BA'I LAS KYI BAG CHAGS KYI DBANG GIS ZHES BYA BA'I THA TSIG GO, ,DE LTAR NA LAS KYI SRID PA NI RGYU YIN NO, ,SRID LAS PHUNG 'BYUNG SKYE BA STE, ,LAS KYI SRID PA'I RGYU DE LAS PHUNG PO 'BYUNG BA NI SKYE BA ZHES BYA'O, ,DE LA PHUNG PO 'BYUNG BA ZHES BYA BA NI PHUNG PO SKYE BA STE, KHAMS DANG SKYE MCHED THOB PA YANG BSDUS TE SKYE BA ZHES BRJOD DO, ,DE LA PHUNG PO ZHES BYA BA NI RDZAS DU MA BSAGS PA'I PHYIR SPUNGS PA'I DON NI PHUNG PO'I DON TO, ,YANG NA MI RTAG PA NYID KYIS 'JOMS PA'I PHYIR TE, SKYES MA THAG TU MI RTAG PA NYID KYI SRIN POS ZA BAR BYED, 'JOMS PAR BYED, 'JIG PAR BYED CES BYA BA'I THA TSIG GO, ,DE LTAR MNGON PAR GRUB NA SKYE BA'I RGYUS SKYE BA'I RKYEN GYIS RGA BA NYID 'GRUB BO, ,DE NYID KYI PHYIR, DE BZHIN SKYE LAS RGA BA'O, ,ZHES BYA BA SMOS TE, SKYE BA'I RKYEN GYIS MNGON PAR BSGRUB PA'I PHUNG PO RNAMS RGA BA NI RNYINGS PA NYID DE, NYAM CHUNG BAR BYED PA DANG, SPYI CER BA DANG, MGO SKYA BA DANG, GNYER MAS GANG BA DANG, SGUR BA DANG, SGU BA DANG, KYOR KYOR PO DANG, SGRA NGAR NGAR PO NYID DANG, 'KHAR BA LA BRTEN PA DANG, SPYOD PA MI GSAL BA DANG, DBANG PO NYAMS PA DANG, DRAN PA NYAMS PA ZHES BYA BA DE LTA BU NI SKYE BA'I RKYEN GYIS MNGON PAR BSGRUB PA'I PHUNG PO RNAMS RANG GI LAS KYI RNAM PA CAN GYI RNAM PAR RIG PA SNANG BA RNAM PAR RTOG PA'I BAG CHAGS KYI DBANG GIS BSKYED PA'I RNYINGS PA NI RGA BA ZHES BYA'O, ,DE LTAR RGA BAS RGAS PAR GYUR PA'I PHUNG PO GZHAN DU 'GYUR BA NI 'CHI BA ZHES BYA'O, ,DE NYID KYI PHYIR SMRAS PA, DE BZHIN RGA BA'I PHUNG MED PA, ,DE NI 'CHI BA ZHES BRJOD DO, ,DE LA RGA BA ZHES BYA BA NI SHIG SHIG POR GYUR PA RGA BA'I RKYEN GYIS 'CHI BA 'BYUNG NGO, ,DE LA 'CHI BA ZHES BYA BA NI PHUNG PO GZHAN DU GYUR PA STE, 'CHI BA DANG, SHI BA DANG, DUS BYED PA DANG, 'JIG RTEN @45A *, ,PHA ROL DU 'GRO BA DANG, 'PHO BA DANG, 'GRO BA DANG, PHUNG PO GYES PA DANG, PHUNG PO 'JIG PA DANG, TSE ZAD PA DANG, SROG GI DBANG PO 'GAGS PA ZHES BYA BA DE LTA BU LA SOGS PA BSDUS PA NI RGA SHI'O, ,'CHI BAR SNANG BA'I RNAM PA CAN GYI RNAM PAR RIG PA'I RNAM PAR RTOG PA'I DBANG GIS BYUNG BA, PHUNG PO 'JIG PA 'CHI BA STE, GNAS SKABS THA MA NYAL BA'I THA MA RNAM PAR SHES PA 'PHO BA, DROD YAL BA, TSE DANG BRAL BA, RIS MTHUN PA 'DOR BA, SRID PAR 'PHO BA'O, ,GANG YANG RNAM PAR SHES PA THA MA'I GNAS SKABS NA GNAD 'CHAD PA LA SOGS PAS BSKYED PA RNAMS RNAM PA DU MAR BLA BA DANG, BLANG BA DANG, NYAM CHUNG BA DANG, YONGS SU RNYINGS PA DANG, ZHEN PA DANG, 'GAG 'GAG PO DANG, GDONG MDOG NGAN PA DANG, MGON MED PA DANG, RANG GI LAS KYI RNAM PAR RTOG PA LAS BYUNG BA'I GSHIN RJE'I MI DE DAG GIS PHAN TSUN KHRID PA'I RNAM PAR SNANG BA'I RNAM PAR RIG PA DANG, SROG GI LHAG MA CUNG ZAD TZAM LUS PA LAS DBUGS BRTZEGS PA 'BYUNG BA DANG, MI DGA' BA DANG, 'GUL BA DANG, RKAN YONGS SU BSKAMS PA DANG, SNA ZHOM PA DANG, RDUL DANG, BRLAN DANG, DRI MA DANG, RANG GI GCIN DANG, PHYI SA DANG, KHA CHU LUS LA CHAGS SHING GOS PA DANG, GROGS MED PAR MUN NAG CHEN PO DANG, G-YANG SA DANG, RI DANG, BOG RI DANG, NAGS TSAL THIBS PO DANG, KHANG STONG DANG, KHYIM DANG, ,ZHAL MED KHANG DANG, STENG KHYAMS DANG, KHANG PA BRTZEGS PA DANG, ME 'OBS DANG, MTSO CHEN PO DANG, SOG MA'I PHUNG POR 'GRO BA LTA BU'I SEMS PHYIN CI LOG TU GYUR PA'I PHUNG PO GZHAN LEN PA NI 'CHI BA ZHES BYA'O, ,RMONGS PA 'CHI LAS MYA NGAN TE, ,ZHES BYA BA NI SRID PA DANG BCAS PA'I NANG GI GDUNG BA NI MYA NGAN TO, ,NANG GI GDUNG BA ZHES BYA BA NI SEMS YONGS SU GDUNG BA'O, ,MYA NGAN BYED PA'I PHYIR MYA NGAN TE, DA NI BDAG DGA' BA'I DNGOS PO DANG, SDUG PA'I DNGOS PO DANG BRAL BAR 'GYUR RO SNYAM DU MI DGA' ZHING GDUNGS PAS NA MYA NGAN ZHES BYA'O, ,LAS JI LTAR 'PHAGS PA'I RNAM PAR SNANG BA'I RNAM PAR RIG PA MNGON DU GYUR PA NI DGA' BA DANG, 'JIGS PA DANG, MI DGA' BA'I RNAM PAS BSKYED PA GNAD @45B 'CHAD PA'I SDUG BSNGAL DANG, SEMS BLONG BAR GYUR PA'I MYA NGAN LAS GZHAN DU BSLANGS PA KYE MA KYI HUD CI GANG GIS, JI LTAR, GANG DU SKYABS SU GSHEGS SHING GZIGS, ,'DIR 'GRO'O, ,BDAG NI SONG NGO, ,BLANGS SO, ,BRGYAB BO, ,SHI'O, ,ZOS SO, ZHIG GO, ,RAB TU ZHIG GO; ,KYI HUD MA GCIG ,KYI HUD PA GCIG ,PHU NU PO, CHE ZHE, BU, BU MO, CHUNG MA ZHES RNAM PA MANG POR BLA BA PHYIN KYI LOG GI TSIG SGROGS PAS BSKYED PA'I RDOL PA'I GDUNG BA NI SMRE SNGAGS 'DON PA'O, ,DE NYID KYI PHYIR, MYA NGAN LAS NI BRJOD PA GANG, ,DE NI SMRE SNGAGS 'DON ZHES BYA, ,ZHES BYA BA SMOS SO, ,SMRE SNGAGS 'DON PA LAS BYUNG BA, ,RNAM PAR SHES PA'I TSOGS LNGA YI, ,SIM PA MA YIN SDUG BSNGAL BRJOD, ,LUS KYI BDE BA'I BGEGS PA'O, ,SMRE SNGAGS 'DON PA LAS BYUNG BA, ,ZHES BYA BA NI, SMRE SNGAGS 'DON PA LAS SO, ,RNAM PAR SHES PA LNGA'I TSOGS DANG LDAN PA ZHES BYA BA NI YID DU 'ONG BA'I GZUGS DANG, SGRA DANG, DRI DANG, RO DANG, REG BYA'I RJES SU DRAN PAS NYE BAR BSKYED PA, RNAM PAR SHES PA'I TSOGS LNGA'I SDUG BSNGAL NYE BAR GNOD PAR BYED PA, SIM PA MA YIN PA NYAMS SU MYONG BA, LUS KYI BDE BA'I GEGS BYED PA'I BDAG NYID, SDUG BSNGAL GYI RNAM PA SNANG BA'I RNAM PAR RIG PA'I DBANG GIS BYUNG BA NI SDUG BSNGAL ZHES BRJOD DO, ,YID LA BYED PA'I SDUG BSNGAL LA NI, ,YID LA NYE BAR GNOD BYED PA, ,DE YID MI BDER ZHES BYA STE, ,GANG GZHAN NYE BA'I NYON MONGS RGYU, ,YID KYIS BDE BA DANG, SDUG BSNGAL RJES SU DRAN NAS SNGON RGOD PA DANG, DGA' BA DANG, RTZES PA DANG, CHAS PA DANG, 'PHYAR G-YENG BYAS PA LA SOGS PA TSUL BZHIN MA YIN PA YID LA BYED PA DANG MTSUNGS PAR LDAN PA YID KYI SDUG BSNGAL YID MI BDE BA LA SOGS PA NYE BAR NYON MONGS PA SKYE BAS, ,GANG GZHAN NYE BA'I NYON MONGS RGYU, ,ZHES BYA BA SMOS TE, GANG GZHAN YANG 'DI LTA BU LA SOGS PA NYE BA'I NYON MONGS PA DE DAG NI NYON MONGS ZHES KYANG BYA, 'KHRUG PA ZHES KYANG BYA LA, DE LA SRID PA'I YAN LAG BCU GNYIS 'DI DAG NYID KYI MING DON DANG MTHUN PAR BSTAN PA'I PHYIR, ,MUN MNGON MING DANG GZUGS DANG NI, ,SKYE MCHED REG PA @46A *, ,SKOM PA'I PHYIR, ,ZHES BYA BA SMOS SO, ,DE LA MUN PA'I PHYIR MA RIG PA'O, ,MNGON ZHES BYA BA NI MNGON PAR 'DU BYED PA'I PHYIR 'DU BYED RNAMS SO, ,GZHOL BA'I PHYIR MING NGO, ,GZUGS KYI PHYIR GZUGS SO, ,SKYE MCHED REG MYONG SKOM PA'I PHYIR ZHES BYA BA NI SKOM PA'I PHYIR SKYE MCHED DO, ,REG PA'I PHYIR REG PA'O, ,MYONG BA'I PHYIR TSOR BA'O, ,SKOM PA'I PHYIR SRED PA'O, ,SRED LAS NYE DANG YANG 'BYUNG DANG, ,SMIN DANG 'JIG DANG MYA NGAN PHYIR, ,NYE BAR LEN PA'I PHYIR LEN PA'O, ,YANG SRID PA SKYED PA'I PHYIR SRID PA'O, ,'BYUNG BA'I PHYIR SKYE BA'O, ,SMIN PA'I PHYIR RGA BA'O, ,'JIG PA'I PHYIR 'CHI BA'O, ,MYA NGAN BYED PA'I PHYIR MYA NGAN TO, ,TSIG SOGS LUS LA GNOD PA DANG, ,SEMS YID MI BDE PHYIR DANG NI, ,NYON MONGS PHYIR NA MING DON MTHUN, ,GO RIMS BZHIN DU BSTAN PA YIN, ,TSIG GIS SMRE BA'I PHYIR SMRE SNGAGS 'DON PA'O, ,LUS LA GNOD PA'I PHYIR SDUG BSNGAL LO, ,SEMS LA GNOD PA'I PHYIR YID MI BDE BA'O, ,NYON MONGS PA'I PHYIR NYON MONGS PA'O, ,YANG DE KHO NA MA SHES PA, ,ZHES BYA BA LA SOGS PA NI YANG BRTAGS PA'I DON RAB TU BSTAN PA'I PHYIR SMRAS PA STE, YANG DE KHO NA YONGS MA SHES, ,MA RIG LA SOGS GO RIMS BZHIN, ,SNGA MA SNGA MA LAS PHYI MA, ,SKYE BA DAG TU YANG DAG BRJOD, ,DE KHO NA YONGS MI SHES ZHES BYA BA NI MA RTOGS PA DANG LOG PAR RTOGS PA STE, TSUL BZHIN MA YIN PA YID LA BYED PA'I RGYUS MI SHES PA NI MA RIG PA'O, ,MA RIG PA YOD NA 'DU BYED SNA TSOGS MNGON PAR BSGRUB STE, BSOD NAMS SU NYE BAR 'GRO BA DANG, BSOD NAMS MA YIN PAR NYE BAR 'GRO BA DANG, MI G-YO BAR NYE BAR 'GRO BA'O, ,DE LA BSOD NAMS SU NYE BAR 'GRO BA'I 'DU BYED RNAMS LAS BSOD NAMS SU NYE BAR 'GRO BA'I RNAM PAR SHES PA NYID DU 'GYUR RO, ,BSOD NAMS MA YIN PAR NYE BAR 'GRO BA'I 'DU BYED RNAMS LAS BSOD NAMS MA YIN PAR NYE BAR 'GRO BA'I RNAM PAR SHES PA NYID DU 'GYUR RO, ,MI G-YO BAR NYE BAR 'GRO BA'I 'DU BYED RNAMS LAS MI G-YO BAR NYE BAR 'GRO BA'I RNAM PAR SHES PA NYID DU 'GYUR TE, 'DI NI RNAM PAR SHES PA'I RKYEN GYIS MING DANG GZUGS ZHES BYA'O, ,MING DANG GZUGS @46B RNAM PAR 'PHEL BAS SKYE MCHED DRUG GI SGO NAS BYA BA BYED PA RNAMS 'BYUNG STE, DE NI MING DANG GZUGS KYI RKYEN GYIS SKYE MCHED DRUG CES BYA'O, ,SKYE MCHED DRUG PO LAS REG PA'I TSOGS DRUG 'BYUNG STE, DE NI SKYE MCHED DRUG GI RKYEN GYIS REG PA ZHES BYA'O, ,JI LTA BUR REG PA 'BYUNG BA DE LTA BUR TSOR BA 'BYUNG STE, DE NI REG PA'I RKYEN GYIS TSOR BA ZHES BYA'O, ,TSOR BA'I BYE BRAG DE DAG MYONG BA DANG, MNGON PAR DGA' BA DANG, LHAG PAR ZHEN NAS 'DUG PA DE NI TSOR BA'I RKYEN GYIS SRED PA ZHES BYA'O, ,MYONG BA DANG LHAG PAR ZHEN PA LAS BDAG SDUG PA'I NGO BO DANG, BDE BA'I NGO BO DANG BRAL BAR MA GYUR CIG SNYAM DU GANG GI PHYIR ZHING SMON PA 'DI NI SRED PA'I RKYEN GYIS LEN PA ZHES BYA'O, ,DE LTAR SMON CING YANG SRID PA BSKYED PA'I LAS LUS DANG, NGAG DANG, YID KYIS KUN NAS SLONG BA DE NI LEN PA'I RKYEN GYIS SRID PA ZHES BYA'O, ,LAS DE LAS SKYES PA'I PHUNG PO RNAMS MNGON PAR 'GRUB PA GANG YIN PA DE NI SRID PA'I RKYEN GYIS SKYE BA ZHES BYA'O, ,SKYES NAS MNGON DU GRUB PA'I PHYIR PHUNG PO RNAMS KYI 'PHEL BA YONGS SU SMIN PA DANG, 'JIG PAR 'GYUR BA DE NI SKYE BA'I RKYEN GYIS RGA SHI ZHES BYA'O, ,YAN LAG SNGA MA SNGA MA RNAMS NI PHYI MA PHYI MA SKYE BA RNAMS KYI RGYU NYID YIN PAS DE DAG NI PHYI MA 'BYUNG BA'I PHYIR RKYEN KHO NA STE, DE LTAR RTEN CING 'BREL PAR 'BYUNG BA'I YAN LAG BCU GNYIS PO 'DI NI RGYU GZHAN DANG GZHAN LAS BYUNG BA'O, ,YAN LAG BCU GNYIS GSUM 'JUG PA, ,'DI NI RTAG CHAD THOGS MED SKYE, ,CHU BO'I RGYUN BZHIN 'JUG PA YIS, ,THOG MA MED PA'I DUS CAN 'JUG, MI RTAG PA MA YIN PA DE NI RGYUN DU GNAS PA'I PHYIR RO, ,'DUS BYAS MA YIN PA DE NI 'DU BYED DANG BRAL BA'I PHYIR RO, ,SEMS PA PO YOD PA MA YIN PA DE NI SEMS DANG BRAL BA'I PHYIR RO, ,RKYEN LAS BYUNG BA MA YIN PA NI RKYEN DANG BRAL BA'I PHYIR RO, ,ZAD PA'I CHOS MA YIN PA NI BSAGS PA DANG BRAL BA'I PHYIR RO, ,'GOG PA'I CHOS MA YIN PA NI SKYE BA DANG, GNAS PA DANG, 'JIG PA DANG BRAL BA'I PHYIR RO, ,THOG MA MED PA'I DUS NAS ZHUGS PA NI DUS KYI MTSAMS YONGS SU CHAD PA DANG BRAL BA'I PHYIR RO, ,KLUNG GI RGYUN BZHIN DU RGYUN 'BYUNG BAS RGYUN MA CHAD PAR 'JUG PA'O,, ,,'PHAGS @47A *, ,PA S'A LU LJANG PA'I MDO, RGYA CHER BSHAD PA, BAM PO BZHI PA STE THA MA'O, ,RTEN CING 'BREL PAR 'BYUNG BA 'DI CHU BO'I RGYUN BZHIN DU RGYUN MI 'CHAD PAR RJES SU 'JUG MOD KYI, 'ON KYANG BZHI PO 'DI DAG NI RGYU NI SDUD PAR BYED PA STE, YAN LAG BZHI NI YAN LAG BCU GNYIS PA'I RTEN CING 'BREL PA ZHES BYA BA SDUD PAR BYED PA'I RGYUR 'GYUR RO, ,DE'I PHYIR BZHI GANG ZHE NA ZHES GSUNGS SO, ,MA RIG SRED LAS RNAM PAR SHES, ,DE DAG GO RIMS BZHIN DU BSHAD, ,MA RIG PA DANG, SRED PA DANG, LAS DANG, RNAM PAR SHES PA ZHES BYA BA GO RIMS BZHIN NO, , RGYU LAS RNAM SHES SA BON TE, ,RNAM PAR SHES PA NI SA BON GYI RANG BZHIN GYI RGYU BYED DO, ,LAS NI ZHING DU GSUNGS PA YIN, ,LAS NI ZHING GI RANG BZHIN GYI RGYU BYED DO ZHES GSUNGS SO, ,MA RIG PA DANG, SRED PA NI NYON MONGS PA'I RANG BZHIN GYI RGYU BYED DO, ,LAS DANG NYON MONGS RNAM PAR SHES; ,SA BON NYID DU NYER GNAS LA, ,LAS DANG NYON MONGS PA DAG NI SA BON RNAM PAR SHES PA SKYED PAR BYED DO, ,DE LA, LAS NI SA BON RNAM SHES KYI, ,ZHING GI BYA BA YANG BYED DO, ,SRED PAS RNAM SHES ZHES BYA BA'I, ,SA BON DE MA THAG RLAN BYED, ,MA RIG SA BON RNAM PAR SHES, , BRLAN PAS BSTEN PA 'DEBS PAR BYED, ,LAS DANG SRED DANG MA RIG PA, ,ZHING DANG BRLAN DANG 'DEBS BYED RNAMS, ,RNAM PAR SHES LA 'DI BYA DANG, ,RNAM SHES BDAG 'DIS SNYAM PA MED, ,DE LA LAS KYANG 'DI SNYAM DU, ,MI SEMS SO ZHES BYA BA LA SOGS PA NI LAS KYANG 'DI SNYAM DU, ,BDAG GIS SA BON RNAM PAR SHES PA'I ZHING GI BYA BA YANG BYA'O SNYAM DU MI SEMS PA NYID DO, ,SRED PA YANG ZHES BYA BA LA SOGS PA NI 'DI LTAR SRED PA YANG 'DI SNYAM DU BDAG GIS SA BON RNAM PAR SHES PA BRLAN PA'I BYA BA BYA'O SNYAM DU MI SEMS SO, ,MA RIG PA YANG ZHES BYA BA LA SOGS PA NI MA RIG PA YANG 'DI SNYAM DU BDAG GIS SA BON RNAM PAR SHES PA GDAB BO SNYAM DU MI SEMS SO, ,RNAM PAR SHES PA YANG ZHES BYA BA LA SOGS PA NI 'DI SNYAM DU BDAG NI RKYEN 'DI DAG GIS BSKYED DO SNYAM DU MI SEMS TE, 'ON KYANG SA BON RNAM PAR SHES, ,LAS DANG NYON MONGS GNAS PA NI, ,SA BON RNAM SHES ZHES BRJOD PA, ,MA @47B RIG LUD KYIS BRAN PA DANG, ,SRED PA'I CHU YIS BSTEN NA NI, ,MA RIG LUD CES BYA BA NI LUD DANG 'DRA BAS LUD DE THAMS CAD KYI RJES SU 'GRO BA'I PHYIR RO, ,LUD KYIS BRAN PA ZHES BYA BA NI LUD KYIS BKAB PA'O, ,SRED PA'I CHU YIS BSTEN NA NI, ,ZHES BYA BA NI SRED PA NYID CHU'O, ,BSTEN NA ZHES BYA BA NI BRLAN NA'O, ,RGYU LAS MING DANG GZUGS KYI NI, ,MYU GU SKYE BA'ANG SNANG BAR 'GYUR, ,ZHES BYA BA NI RGYU DANG RKYEN TSOGS PA SKYE BA NI MING DANG GZUGS KYI MYU GU MNGON PAR 'GRUB PAR 'GYUR RO, ,MING DANG GZUGS KYI MYU GU DANG YANG ZHES BYA BA LA SOGS PA NI, RANG GZHAN GNYIS KA LA SOGS PAS, MING GZUGS 'DI DAG 'BYUNG MIN GYI, ,MING DANG GZUGS KYI MYU GU 'DI DAG NI RANG DANG GZHAN GNYIS KA LA SOGS PAS BSKYED PA MA YIN NO, ,'O NA JI LTA BU YIN ZHE NA, SMRAS PA, PHA DANG MA NI PHRAD PA DANG, ,DUS RNAMS MI 'GAL NYID LAS SO, ,PHA DANG MA NI PHRAD PA DANG, ,ZHES BYA BA LA SOGS PA NI PHA DANG MA KUN TU CHAGS PAR GYUR PA DANG, 'DUS PA DANG, MA RUNGS PAR GYUR PA STE, BU 'CHAGS PAR NUS PA DANG, DUS DANG LDAN PA'O, ,NYI MA GSUM 'DAS TE KHRAG NGAN PA DANG BRAL BA DE NI, BUD MED RNAMS KYI DUS SU BRJOD DE, DE'I TSE SKYES PA DANG YANG PHRAD, KHU BA DANG KHRAG DANG YANG LDAN; DRI ZA BDAG NYID KYANG SEMS KYANG SEMS PHYIN CI LOG TU GYUR TE, PHA DANG MA'I BYA BA LA MOS NA MNGAL DU SKYE BA'I RIM GYIS NUR NUR PO DANG, MER MER PO DANG, NAR NAR PO DANG, GOR GOR BO DANG, RKANG LAG 'GYUR BA'I GNAS SKABS LAS 'DAS TE SKYE BA NA, BYIS PA DANG, GZHON NU DANG, BAR MA DANG, DAR LA BAB PA DANG, RGAN PO LA SOGS PA'I GNAS SKABS BCUR 'GYUR RO, ,DE NYID KYI PHYIR YANG SMRAS PA, MYONG BA CUNG ZAD 'BREL PA NI, ,SA BON RNAM PAR SHES PAR BRJOD, ,MA YI MNGAL DU RIM BZHIN 'PHEL, ,MING GZUGS MYU GU SKYED PAR BYED, ,'ON KYANG PHA DE DANG MA PHRAD PA DANG, ZLA MTSAN DANG LDAN PA DANG, RKYEN GZHAN YANG CHOGS PA NA MA'I MNGAL DU MYONG BA DANG LDAN PA'I SA BON RNAM PAR SHES PA MING DANG GZUGS KYI MYU GU MNGON PAR 'GRUB BO, ,RKYEN RNAMS MA TSANG MED PA DANG, ,RGYU RNAMS 'GAL BA MA YIN LAS, ,SGYU MA BDAG MED 'DZIN MED PAR, ,SKYE BA YANG NI YOD PA YIN, @48A *, ,DE NYID KYI PHYIR BDAG PO MED PA'I CHOS BDAG GI MED PA DANG, 'DZIN PA MED PA DANG, SGYU MA'I MTSAN NYID KYI RANG BZHIN DAG LA RGYU DANG RKYEN MA TSANG PA MED PA'I PHYIR ZHES GSUNGS SO, ,BDAG PO MED PA ZHES BYA BA NI NANG GI BYED PA'I SKYES BU LA SOGS PA MI DMIGS PA'I NGO BO YIN MOD KYI; DE LA MNGON PAR ZHEN PHAS BSKYED PA GANG KUN TU 'DZIN PA'O, ,CHOS ZHES BYA BA NI PHUNG PO DANG, KHAMS DANG, SKYE MCHED KYI NGO BO NYID DO, ,BDAG GI ZHES BYA BA NI BDAG DANG BDAG GI DANG BRAL BA'O, ,'DZIN PA MED PA ZHES BYA BA NI DBANG PHYUG LA SOGS PA YONGS SU 'DZIN PA MI DMIGS PA'I PHYIR RO, ,SGYU MA'I MTSAN NYID KYI RANG BZHIN DAG LA ZHES BYA BA NI JI LTAR SGYU MA NI MED PA YIN YANG THA SNYAD RNAM PA SNA TSOGS SGRUB PAR BYED PA DE BZHIN DU SGYU MA'I RANG BZHIN GYI CHOS THAMS CAD LA BYA BA LA SOGS PA RNAM PA SNA TSOGS DMIGS PAR 'GYUR RO, ,RGYU DANG RKYEN 'DUS PA MA GTOGS PAR RGYU DANG RKYEN LA SOGS PA'I CHOS CUNG ZAD KYANG SKYE BA'AM 'JIG PAR MI 'GYUR TE, JI LTAR YANG RGYU DANG RKYEN MA TSANG BA'I PHYIR DNGOS PO RNAMS SKYE BA MED PA DE KHONG DU CHUD PAR BYA BA'I PHYIR DPER, MIG GI RNAM PAR SHES PA YANG, ,RGYU LNGA PO YIS 'BYUNG BA STE, ,ZHES BYA BA SMOS TE, 'DI LTA STE, MIG GI RNAM PAR SHES PA NI RGYU LNGAS 'BYUNG STE, LNGA GANG ZHE NA ZHES BYA BA LA SOGS PA NI, MIG DANG GZUGS DANG DE BZHIN SNANG, ,NAM MKHA' DE BSKYED YID LA BYED, ,CES BYA BA DE NYID KYI PHYIR MIG LA BRTEN PA DANG, GZUGS DANG, SNANG BA DANG, NAM MKHA' DANG, DE BSKYED PA YID LA BYED PA LA YANG ZHES BYA BA GSUNGS SO, ,DE LA MIG CES BYA BA NI GZUGS BLTA BAR BYA BA LA MIG GI DBANG PO MA TSANG BA MED PAR 'GYUR BA'O, ,DE NYID KYI PHYIR MIG NI RNAM PAR SHES PA'I RTEN GYI BYA BA BYED DO ZHES GSUNGS SO, ,SNANG BA ZHES BYA BA NI ZLA BA DANG, SKAR MA DANG, ME DANG, SMAN DANG, NOR BU'I 'OD RNAMS TE MNGON PAR BYA BA LA SNANG BA YANG NYE BAR GNAS PAR 'GYUR BA'O, ,NAM MKHA' YANG MI SGRIB PA NYID KYIS MA TSANG BAR MA GYUR PA'O, ,DE BSKYED PA LA YID LA BYED PA YANG BSAM PA'I BYA BA LA MTSANG BAR MA GYUR PA'O, ,LNGA PO MA TSANG MED PA LAS, ,MIG GI RNAM PAR SHES PA 'BYUNG, ,MIG GI RNAM PAR SHES PA'I RKYEN DE @48B DAG LAS GANG YANG RUNG BA ZHIG MED NA YANG MIG GI RNAM PAR SHES PA 'BYUNG BAR MI 'GYUR GYI YOD NA 'BYUNG BAR 'GYUR RO, ,DE DAG BDAG GIS DE SKYED CES, ,RNAM RTOG SKYE MED JI LTA BAR, ,ZHES BYA BA NI DE LA MIG GI DBANG PO NI 'DI SNYAM DU MIG GI RNAM PAR SHES PA'I RTEN GYI BYA BA BYA'O SNYAM DU MI SEMS SO; ,GZUGS KYANG 'DI SNYAM DU BDAG GIS MIG GI RNAM PAR SHES PA'I DMIGS PA'I BYA BA BYA'O SNYAM DU MI SEMS SO, ,SNANG BA YANG 'DI SNYAM DU BDAG GIS MIG GI RNAM PAR SHES PA'I MNGON PA'I BYA BA BYA'O SNYAM DU MI SEMS SO, ,NAM MKHA' YANG 'DI SNYAM DU BDAG GIS MIG GI RNAM PAR SHES PA'I MI BSGRIB PA'I BYA BA BYA'O SNYAM DU MI SEMS SO, ,DE SKYED PA'I YID LA BYED PA YANG 'DI SNYAM DU BDAG GIS MIG GI RNAM PAR SHES PA'I BSAM PA'I BYA BA BYA'O SNYAM DU MI SEMS SO, ,MIG GI RNAM PAR SHES PA YANG 'DI SNYAM DU BDAG NI RKYEN 'DI DAG GIS BSKYED DO SNYAM DU MI SEMS TE, 'ON KYANG RKYEN 'DI DAG YOD PA LAS MIG GI RNAM PAR SHES PA SKYE BAR 'GYUR GYI MED NA MI 'GYUR BA LTAR, RNA BA'I DBANG PO LA SOGS KUN, ,SKYE BA'I RIM PA 'DI NYID YIN, ,DE BZHIN DU RNA BA'I DBANG PO LA SOGS PA YANG RGYU LNGAS SKYE BA'I RIM PA KHONG DU CHUD PAR BYA'O, ,RGYU DANG RKYEN NI TSOGS PA LAS, ,BYED PO LA SOGS BRAL BA DANG, ,NGA 'DZIN PA DANG BRAL BA LAS, ,SKYE BA YANG NI SNGA MA BZHIN, ,DE LTAR RTEN CING 'BREL 'BYUNG BA'I, ,RGYU CAN KUN TU SHES PAR BYA, ,DE LTAR TE, RGYU DANG RKYEN GYI RIM PA BSHAD MA THAG PA'I RIM PA DE LTAR CHOS THAMS CAD KYI SKYE BA DANG, GNAS PA DANG, 'JIG PA RTOGS PAR BYA'O, ,'JIG RTEN 'DI NAS PHA ROL DU, ,'GRO BA'I CHOS 'GA' GANG NA'ANG MED, ,'ON KYANG RGYU DANG RKYEN DAG LAS, ,LAS KYI 'BRAS BUR MNGON PA YIN, ,DE LA CHOS ZHES BYA BA NI MIG DANG, RNA BA DANG, SNA DANG, LCE DANG, LUS DANG, YID LA SOGS PA'I CHOS DANG, GZUGS DANG, SGRA DANG, DRI DANG, RO DANG, REG BYA DANG, CHOS LA SOGS PA DANG, PHUNG PO DANG, KHAMS DANG, SKYE MCHED DANG, RTEN CING 'BREL PAR 'BYUNG BA LA SOGS PA'I CHOS SO, ,'DI NAS ZHES BYA BA NI, 'JIG RTEN 'DI NAS 'JIG RTEN PHA ROL LAM, 'JIG RTEN PHA ROL NAS 'JIG RTEN 'DIR CHOS 'GA' YANG MI 'PHO BA'O, ,GAL @49A *, ,TE DE LTAR NA RTAG PAR SMRA BA'AM, RGYU MED PA DANG MI MTHUN PA'I RGYUR SMRA BAR 'GYUR DU 'ONG NGO ZHE NA, BKA' STZAL PA, RGYU DANG RKYEN MA TSAD PA MED PA'I PHYIR LAS KYI 'BRAS BUR MNGON PA YANG YOD DO, ,DE LA 'PHO BA YANG MED LA LAS KYI 'BRAS BU YANG CHUD MI ZA BAR MNGON SUM DANG, RJES SU DPAG PA DANG, YID CHES PA'I LUNG LAS RAB TU GRAGS PA'I DPE 'DI DAG GIS SHES PAR BYA STE, JI LTAR ME LONG RAB PHYIS LA, ,BZHIN GYI GZUGS BRNYAN DMIGS PA BZHIN, ,ME LONG NANG DU GZUGS BRNYAN YANG, ,'PHOS PA YOD PA MA YIN NYID, ,DE NYID KYI PHYIR GSUNGS PA; 'DI LTA STE, RAB TU PHYIS PA'I ME LONG GI DKYIL 'KHOR LA BZHIN GYI GZUGS BRNYAN SNANG BA YANG BZHIN ME LONG GI DKYIL 'KHOR NANG DU MA 'PHOS MOD KYI, RGYU DANG RKYEN MA TSANG BA MED PA'I PHYIR BZHIN DU MNGON PA YANG YOD DO, ,DE BZHIN DU 'GA' YANG 'DI NAS SHI 'PHOS PA YANG MED LA, PHA ROL TU SKYES PA YANG MED MOD KYI, RGYU DANG RKYEN MA TSANG BA MED PA'I PHYIR LAS KYI 'BRAS BUR MNGON PA YANG YOD DO, ,DE DAG PHAN TSUN RTOG MED CING, ,BYED PA PO DANG LAM RNAMS SPANGS, ,DE BZHIN SKYE BA SNANG BA NI, ,SNGON 'PHEL BYA BA'I RIM PA LAS, ,DE DAG CES BYA BA NI, BZHIN DANG ME LONG DO; ,PHAN TSUN ZHES BYA BA NI GCIG LA GCIG GO, ,RTOG MED CES BYA BA NI RNAM PAR RTOG PA MED PA'O, ,BYED PA PO DANG LAS RNAMS SPANGS, ,ZHES BYA BA NI, DE LA BYED PA PO DANG LAS MED DO, ,CHAD PAR MI 'GYUR RAM ZHE NA, ,DE BZHIN SKYE BA SNANG BA NI, ,ZHES SMOS SO, ,JI LTAR BYED PA MED PA'I BYA BA DANG LAS SU 'GYUR ZHE NA, SMRAS PA, SNGON 'PHEL BYA BA'I RIM LAS SO, ,JI LTAR ZLA BA RING GNAS PA, ,CHU SNOD CHUNG DU'I NANG DU NI, ,SNANG STE 'PHOS PA'ANG MA YIN LA, ,BYA BA DANG NI LAS KYANG YOD, ,DE NYID KYI PHYIR BKA' STZAL PA, DPER NA ZLA BA'I DKYIL 'KHOR NI DPAG TSAD BZHI KHRI NYIS STONG NA GNAS TE, 'ON KYANG SNOD CHUNG DU CHUS GANG BAR ZLA BA'I DKYIL 'KHOR GYI GZUGS BRNYAN SNANG YANG ZLA BA'I DKYIL 'KHOR NI GNAS DE NA MA 'PHOS TE, 'ON KYANG SNOD CHUNG DU CHUS GANG BA'I NANG DU SNANG STE, RGYU DANG RKYEN MA TSANG BA MED PA'I PHYIR ZLA BA'I GZUGS BRNYAN MNGON PA YANG @49B YOD DO, ,DE BZHIN DU 'DI NAS SU YANG SHI 'PHOS PA DANG, MA SKYES MOD KYI RGYU DANG RKYEN RNAMS MA TSANG BA MED PA'I PHYIR LAS KYI 'BRAS BUR MNGON PA YANG YOD DO, ,YANG DPER NA ME NI RGYU MA TSANG NA MI 'BAR GYI RGYU DANG RKYEN TSOGS PA LAS 'BAR RO, ,DE BZHIN DU BDAG PO MED PA'I CHOS 'DZIN PA MED PA PHAN TSUN GYI RKYEN CAN SGYU MA'I MTSAN NYID KYI RANG BZHIN DAG LA RGYU DANG RKYEN MA TSANG BA MED PA'I PHYIR SKYE BA'I GNAS NYID MTSAMS SBYOR BA MA'I MNGAL DE DANG DER SA BON RNAM PAR SHES PA LAS DANG NYON MONGS PA RNAMS KYIS BSKYED PA'I MING DANG GZUGS KYI MYU GU MNGON PAR 'GRUB PO, ,PHYI YI LAS DANG BYA BA RGYU, ,DE NI BRTAGS PA'I BDAG NYID DO, ,DE LA PHYI'I RTEN CING 'BREL PAR 'BYUNG BA'I BYA BA DANG, LAS SU RNAM PAR GZHAG PA NI BRTAGS PA'I BDAG NYID DU SHES PAR BYA'O, ,DE BZHIN GZHAN DBANG NANG GI STE, ,RNAM SHES LNGA PO 'BYUNG BA'O, ,DE LA GZHAN GYI DBANG GI RTEN CING 'BREL PAR 'BYUNG BA'I MTSAN NYID NI NANG GI STE, DBANG PO LNGA DANG, YUL GYI RNAM PAR RIG PA SNANG BA'I RNAM PA CAN DU RIG PAR BYA'O, ,BRTAG BYA MIN PHYIR DON DAM NI, ,YONGS SU GRUB PAR 'DOD PA YIN, ,GANG BRTAG PA DANG GZHAN GYI DBANG GI BDAG NYID KYI RNAM PA'I RNAM PAR RIG PA SNANG BA'I RNAM PA DANG BRAL BA LA RNAM PAR RTOG PA MED PA SHIN TU YONGS SU DAG PA, CHU'I KHAMS DANG, GSER DANG, NAM MKHA' LTA BUR YONGS SU DAG PA, NYON MONGS PA DANG SHES BYA'I SGRIB PA'I NGO BO YONGS SU DAG PA, ZLA BA SHAR BA LTA BUR YON TAN BSAM GYIS MI KHYAB PA, GZHAL DU MED PA'I 'OD ZER SNANG BA'I BDAG NYID CAN 'PHOS PA MED PA, SEMS CAN THAMS CAD KYI DON LHUN GYIS GRUB PAR RGYUN MI 'CHAD PAR MDZAD PA, THOG MA DANG DBUS DANG THA MA DANG BRAL BA, KHAMS GSUM LAS YANG DAG PAR 'DAS PA, DRI MA DANG BRAL BA, DRI MA MED PA, DRI MA SPANGS PA'I NGO BO, ,SO SO RANG GIS RTOG PA'I SBYOD YUL GYI BDAG NYID LUS DANG, NGAG DANG, YID KYI SA LAS YANG DAG PAR 'DAS PA, SO SO RANG GIS RIG PA, GZHAN LA RAG MA LAS PA, GZUGS SNA TSOGS KYI NOR BU RIN PO CHE'I RGYAL PO LTA BU STE, BLA NA MED PA'I CHOS KYI SKU ZHES BYA'O, ,RGYU DANG RKYEN DANG LDAN SKYE BA, ,NAM YANG RNAM GNYIS SHES PAR BYA, , @50A *, ,BYED PA PO LA SOGS PAS DBEN, ,GSOG GSOB STONG SOGS SNYING PO MED, ,DE NYID KYI PHYIR DE LA NANG GI RTEN CING 'BREL PAR 'BYUNG BA RGYU LNGAR BLTA STE ZHES BYA BA GSUNGS SO, ,GANG ZHE NA, GSUNGS PA, RTAG PAR MA YIN TE, GANG GI PHYIR THA MA 'CHI BA'I PHUNG PO RNAMS KYANG GZHAN LA, SKYE BA'I CHAR GTOGS PA RNAMS KYANG GZHAN TE, THA MA 'CHI BA'I PHUNG PO GANG YIN PA DE NYID SKYE BA'I CHAR GTOGS PA RNAMS MA YIN NO, ,SKYED PAR BYED PA'I RGYU GANG YIN PA DE NYID 'JIG PAR BYED PA YIN LA, 'JIG PAR BYED PA'I RGYU GANG YIN PA DE NYID KYANG SKYED PAR BYED PA YIN PAR 'GYUR DU 'ONG BAS THA MA 'CHI BA'I PHUNG PO RNAMS KYANG 'GAGS LA, SKYE BA'I CHAR GTOGS PA'I PHUNG PO RNAMS KYANG 'BYUNG BAS DE'I PHYIR RTAG PAR MA YIN NO, ,THA MA 'CHI BA'I PHUNG PO RNAMS SNGON 'GAGS PA LAS MA YIN ZHES BYA BA NI 'GAGS NAS YUN RING DU LON PA LAS MA YIN PA, SKYE BA'I CHAR GTOGS PA ZHES BYA BA NI SKYE BA'I CHA LA BRTEN PAS NA SKYE BA'I CHA LA GTOGS PA STE, PHUNG PO RNAMS 'BYUNG BAR 'GYUR BA'O, ,THA MA 'CHI BA MA 'GAGS PA KHO NAR SKYE BA'I CHAR GTOGS PA'I PHUNG PO DAG 'BYUNG BAR 'GYUR NA MI RUNG BAS BKA' STZAL PA, THA MA 'CHI BA'I PHUNG PO RNAMS KYANG 'GAGS LA, DE NYID KYI TSE SKYE BA'I CHAR GTOGS PA'I PHUNG PO RNAMS SRANG MDA'I MTHON DMAN BZHIN DU 'BYUNG BAR 'GYUR TE, DE'I PHYIR CHAD PAR MA YIN NO, ,SEMS CAN GYI RIS MI 'DRA BA NAS SKAL BA MNYAM PA'I SKYE BAR SKYE BA GZHAN MNGON PAR 'GRUB PAS DE'I PHYIR 'PHO BAR MA YIN NO, ,LAS CHUNG DU BYAS PAS 'BRAS BU CHEN PO'I RNAM PAR SMIN PA MYONG STE, DE'I PHYIR RGYU CHUNG DU LAS 'BRAS BU CHEN PO MNGON PAR 'GRUB BO, ,JI LTAR MYONG BAR 'GYUR BA'I LAS BSAGS PA DE LTA BU MYONG BAR 'GYUR BA'I RNAM PAR SMIN PA MYONG BAS DE'I PHYIR DE DANG 'DRA BA'I RGYUD DU'O, ,GANG GIS RTEN CING 'BREL BAR 'BYUNG BA 'DI LA YANG DAG PA'I SHES RAB KYIS DE LTAR YANG DAG PA JI LTA BA BZHIN DU, RTAG PAR RGYUN DU SROG MED PA DANG, JI LTA BU NYID DANG, MA NOR BA NYID DANG, MA SKYES PA DANG, MA BYUNG BA DANG, MA BYAS PA DANG, 'DUS MA BYAS BA DANG, THOGS PA MED PA DANG, DMIGS PA MED PA DANG, ZHI BA DANG, MI 'PHROGS PA DANG, RNAM PAR ZHI BA MA YIN PA'I @50B RANG BZHIN DANG, MED PA DANG, GSOG DANG, GSOB DANG, SNYING PO MED PA DANG, NAD DANG, 'BRAS DANG, SDIG PA DANG, MI RTAG PA DANG, SDUG BSNGAL BA DANG, STONG PA DANG, BDAG MED PAR MTHONG BA ZHES BYA BA LA, GANG GIS RTEN CING 'BREL BAR 'BYUNG BA 'DI LA ZHES BYA BA NI NANG GI RTEN CING 'BREL BAR 'BYUNG BA GANG YIN PA 'DI LA'O, ,YANG DAG PA'I ZHES BYA BA NI PHYIN CI MA LOG PA'I'O, ,SHES RAB KYIS ZHES BYA BA NI 'JIG RTEN LAS 'DAS PA'I SHES RAB KYIS SO, ,YANG DAG PA JI LTA BA BZHIN DU ZHES BYA BA NI DE KHO NA NYID JI LTA BAR RO, ,RTAG PAR RGYUN DU ZHES BYA BA NI DUS THAMS CAD DU RGYUN MI 'CHAD PAR RO, ,SROG MED PA ZHES BYA BA NI SROG DANG BYED PA LA SOGS PA DANG BRAL BA'I PHYIR SROG MED PA'O, ,MA SKYES PA ZHES BYA BA NI SKYE BA DANG BRAL BA'I PHYIR RO, ,MA BYUNG BA ZHES BYA BA NI GNAS PA DANG BRAL BA'I PHYIR RO, ,MA BYAS PA ZHES BYA BA NI BYED PA PO MED PA'I PHYIR RO, ,'DUS MA BYAS PA ZHES BYA BA NI 'DUS BYAS KYI MTSAN NYID DANG BRAL BA'I PHYIR RO, ,THOGS PA MED PA ZHES BYA BA NI SGRIB PA DANG BRAL BA'I PHYIR RO, ,DMIGS PA MED PA ZHES BYA BA NI DMIGS PAR BYA BA DANG DMIGS PAR BYED PA DANG BRAL BA'I PHYIR RO, ,ZHI BA ZHES BYA BA NI ZHI BA NYID KYI PHYIR RO, ,'JIGS PA MED PA ZHES BYA BA NI SKYE BA LA SOGS PA'I 'JIGS PA DANG BRAL BA'I PHYIR RO, ,MI 'PHROGS PA ZHES BYA BA NI NYON MONGS PA'I GZHAN DBANG DANG BRAL BA'I PHYIR RO, ,MI ZAD PA ZHES BYA BA NI RTAG TU RNAM PAR GNAS PA'I PHYIR RO, ,RNAM PAR ZHI BA MA YIN ZHES BYA BA NI GCIG TU ZHI BA'I BGROD PA DANG BRAL BA'I PHYIR RO, ,MED PA ZHES BYA BA NI PHUNG PO LAS GUD NA GZHAN MED PA'I PHYIR RO, ,GSOG CES BYA BA NI GROL BA'I BDAG LCAGS THUR LTA BU GCIG PUR MED PA'I PHYIR RO, ,GSOB CES BYA BA NI NANG NA 'DUS PA'I NGO BO BDAG GI RDZAS MED PA'I PHYIR RO, ,SNYING PO MED PA ZHES BYA BA NI 'PHRO BA'I BDAG NYED MED PA'I PHYIR RO, ,NAD CES BYA BA NI NAD KYI BDAG NYID PHUNG PO LAS GUD NA MED PA'I PHYIR RO, ,'BRAS ZHES BYA BA NI PHUNG PO LAS MA GTOGS PA GNOD BAR BYED PA GZHAN MED PA'I PHYIR RO, ,SDIG PA ZHES BYA BA NI LAS DANG NYON MONGS PA LAS GUD NA GNOD PA'I NGO BO GZHAN MED PA'I PHYIR RO, ,MI RTAG PA ZHES BYA BA NI SKYES MA THAG TU 'JIG PA STE, PHUNG PO LAS @51A *, ,GUD NA GZHAN MED PA'I PHYIR RO, ,SDUG BSNGAL ZHES BYA BA NI 'DU BYED DANG 'GYUR BA'I SDUG BSNGAL LAS GUNG NA MED PA'I PHYIR RO, ,STONG PA ZHES BYA BA NI BRTAGS PA'I NGO BO NYID YANG DAG PA MA YIN PA'I KUN TU RTOG PA LAS GUD NA MED PA'I PHYIR RO, ,BDAG MED PA ZHES BYA BA NI PHUNG PO LAS MA GTOGS PA BDAG GI RDZAS MED PA'I PHYIR RO, ,BYED PA PO LA SOGS PAS DBEN, ,GSOB GSOG STONG SOGS SNYING PO MED, ,DE LTAR SHES RAB KYIS MTHONG GANG, ,CI CIR CI LTAR GANG DU CIS, ,SNYAM PA'I RTOG SMRA SOGS SPANGS PA, ,YON TAN MTHA' YAS BSAM MI KHYAB, ,ZHIB CHOS KYI RANG BZHIN SKU, ,DE BZHIN NYID KYI PHYIR DE NI, ,SNGON GYI MTHA' LA MI RTOG GO, ,ZHES GSUNGS TE, CI BDAG 'DAS PA'I DUS NA BYUNG BAR 'GYUR RAM SNYAM PA'I RMONGS PA 'DI LA MI SKYE'O, ,MA RMONGS PA LA YE SHES SKYE BA'I PHYIR BDAG 'DAS PA'I DUS NA MI 'DI LTA BUR 'GYUR RAM SNYAM PA LA SOGS PA DANG, BDAG LHA'AM, SHA ZA'AM, BDE BAR GNAS PA'AM, SDUG BSNGAL BAR GNAS PA CIR 'GYUR RAM SNYAM PA'I RMONGS PA MED PA NYID DO, ,BDAG BDE 'GRO'AM, NGAN 'GRO'AM, YUN RING BA'AM, YUN THUNG BA JI LTAR 'GYUR SNYAM PA'I RMONGS PA YANG MED PA NYID NGO; ,MA 'ONGS PA'I MTHA' LA MI RTOG STE, CI MA 'ONGS PA'I DUS NA 'BYUNG BAR 'GYUR RAM SNYAM PA DANG, 'ON TE 'BYUNG BAR MI 'GYUR SNYAM PA'I RMONGS PA YANG 'DI LA MED PA NYID DO, ,MA 'ONGS PA'I DUS NA CIR 'GYUR SNYAM PA MA 'ONGS PA'I DUS NA LHA'AM, SHA ZA'AM, MI CIR 'GYUR SNYAM PA'I RMONGS PA YANG 'DI LA MI 'BYUNG BA NYID DO, ,BDE BA'AM, SDUG BSNGAL BA'AM, GZUGS BZANG BA'AM, GZUGS NGAN PA JI LTAR 'GYUR SNYAM PA'I RMONGS PA YANG 'DI LA MED DO, ,NANG LA YANG MI RTOG GO ZHES BYA BA NI NANG LA RMONGS PAR MI 'GYUR BA STE, 'DI CI ZHIG CES BYA BA NI BDAG GAM BDAG MED SNYAM PA'O, ,'DI JI LTA BU ZHIG CES BYA BCI GZUGS CAN NAM, 'ON TE GZUGS CAN MA YIN PA ZHIG SNYAM PA'I RMONGS PA YANG 'DI LA MI 'BYUNG NGO, ,CI ZHIG YOD CES BYA BA NI LEGS PAR BYAS PA'I LAS BYAS PA'AM, NYES PAR BYAS PA'I LAS BYAS PA SNYAM PA'I RMONGS PA YANG 'DI LA MI SKYE'O, , @51B SEMS CAN 'DI LHA'I 'GRO BA'AM, MI'I 'GRO BA GANG NAS 'ONGS TE 'DI NAS SHI 'PHOS NAS LHA RNAMS SAM MI RNAMS SAM, DMYAL BA'AM, YI DAGS DANG, DUD 'GRO GANG DU 'GRO BAR 'GYUR SNYAM PA'I RMONGS PA YANG 'DI LA MI 'BYUNG NGO, ,'JIG RTEN NA DGE SBYONG NGAM, BRAM ZE DAG GI LTA BAR GYUR PA THA DAD PA GANG DAG YOD PAR 'GYUR BA ZHES BYA BA LA LTA BAR GYUR PA ZHES BYA BA NI LTA BA'I GNAS SO, ,THA DAD PA ZHES BYA BA NI SO SO BA'O, ,'DI LTA STE ZHES PA NI BSTAN PA'I PHYIR RO, ,BDAG TU SMRA BA DANG LDAN PA ZHES BYA BA NI PHUNG PO LAS MA GTOGS PAR BDAG MED DE, MA DPYAD PAR BDAG DANG BDAG GI ZHES BYA BA'I NGO BOR BDAG TU 'DZIN PA DANG LDAN PA'I PHYIR BDAG TU SMRA BA DANG LDAN PA ZHES GSUNGS TE, PHYIN CI LOG TU 'DZIN PAS KUN NAS BSLANG BA'I PHYIR RO, ,GANG ZAG TU SMRA BA DANG LDAN PA ZHES BYA BA LA SOGS PA NI YANG 'GRO BA'I PHYIR GANG ZAG CES BYA BA PHUNG PO LAS MA GTOGS PA GANG 'JIG RTEN 'DI SPANGS NAS 'JIG RTEN PHA ROL DU 'GRO BA'AM, 'JIG RTEN PHA ROL SPANGS NAS 'JIG RTEN 'DIR 'ONGS PA YOD PA MA YIN PAS 'DZIN PA DANG, NGAN PA PHYIN CI LOG GI 'DZIN PA ZHES GSUNGS SO, ,DGE MTSAN DANG BKRA SHIS SU LDAN PA ZHES BYA BA LA, DGE MTSAN NI 'JIG RTEN BZO'I GNAS DANG, RIG PA'I GNAS RNAM PA SNA TSOGS GANG DAG YIN PA DGA' STON DANG, BAG MA GTONG BA DANG, BAG MA LEN PA DANG, 'THAB MO DANG, G-YUL DANG, SKYED MOS TSAL DANG, CHU KLUNG DANG, RGYA MTSO DANG, RI DANG, TSAL DANG, 'PHAGS PA'I GZHAN DE DANG DE DAG TU 'GRO BA DANG, LTA BA DANG, 'PHO BA DANG, 'JUG PA DANG, GNAS PA'I RJES SU DGA' BA RTZE BA'I BDE BA MYONG BA'I GAR DANG, GLU DANG, TSIG TU SMRA BA DANG, RGYUG PA DANG, MCHONG BA DANG, TSAR DANG, SKYES PA DANG, BUD MED DANG, KHYE'U DANG, BU MOR 'GYED PA'I GTAM DANG, RTZOD PA DANG, LDE'U BRJOD PA DANG, GLANG PO CHE DANG, RTAL SOGS PA 'THAB PA DANG, RTZVA D'UR BA DANG, ZHO DANG, GI'U WANG DANG, ZHING GSHOL DANG, THO BA DANG, ME TOG DANG, 'BRAS BU DANG, BUM PA DANG, DUNG DANG, NYA LA SOGS PA DANG, BRAM ZE DANG, KHYU MCHOG DANG, ZLA BA DANG, NYI MA DANG, GZA' DANG, SKAR MA @52A *, ,DANG; RGYU SKAR DANG, ,YUD TZAM DANG, SBYOR BA DANG, BYED PA LA SOGS PA STE LTAS MKHAN LA SOGS PA BDAG NYID DANG DAG PA TSOL BA DANG, PHYIN CI LOG RNAM PA DU MA'I 'PHYANG THAG LA 'JU ZHING LAM MA YIN PA LA LAM DU 'DU SHES PA DANG, MA DAG PA LA DAG PAR 'DU SHES PA DANG, MA GROL BA LA GROL BAR 'DU SHES PAS 'GRO BA DRUG GI 'KHOR LOR ZHUGS PA'I BLO GROS CAN 'GRO BA DANG 'GRO BAR GYUR PA RNAMS NI 'KHOR BA KHO NA'I RJES SU 'BRANG GI, MYA NGAN LAS 'DAS PA'I NI MA YIN NO ZHES DE DAG YANG DAG PA'I SHES RAB KYIS MTHONG BA NA PHYIN CI LOG RNAM PA BZHI DANG BRAL BA'I PHYIR RTZA BA NAS BCAD DE, DE MI SNANG BAR GYUR CING SPANGS PA YIN PAS YONGS SU SHES NAS RTZA BA NAS BCAD DE, SHING TA LA'I MGO BZHIN MI SNANG BA'I RANG BZHIN DU PHYIS MI SKYE MI 'GAG PA'I CHOS SU 'GYUR RO ZHES BYA'O, ,DE NYID KYI PHYIR SMRAS PA, DE BZHIN 'DI NAS 'CHI 'PHO PA, ,'GA' MED 'GRO BAR SKYES PA'ANG SNANG, ,DE NYID KYI PHYIR DPE BRJOD PA; ,JI LTAR BUD SHING DANG 'BREL BA, ,ME YI RGYUN NI 'JUG 'GYUR GYI, ,RGYU NI MA TSANG GYUR PA LAS, ,ME YI RJES SU 'JUG PA MIN, ,DE BZHIN ZHES BYA BA NI JI LTAR ZLA BA'I GZUGS THAG RING PO NA GNAS NAS KYANG CHU'I SNOD CHUNG NGU 'AM, CHU DANG TIL MAR GYI SNOD CHEN PO DANG, DU MA DAG TU YANG SNANG BA ZLA BA'I GZUGS 'PHOS PA'AM, DU MA NYID KYANG MED MOD KYI, 'ON KYANG CHU'I SNOD DU MA DAG TU SNANG NGO, ,DE BZHIN DU 'DI NAS 'GA' YANG SHI 'PHOS PA YANG MED, SONG BA YANG MED, 'ONG BA YANG MED, RGYU DANG RKYEN MA TSANG BA MED PA'I SHI 'PHOS PA DANG, SONG BA DANG, 'ONG BA DANG SNANG BA DE BZHIN DU CHU SNOD DANG 'DRAB SEMS CAN GYI RGYUD 'GRO BA'I GNAS GZHAN RNAM PA DU MA THA DAD PAS SEMS ZLA BA'I GZUGS BRNYAN SKYE BAR 'GYUR RO, ,RGYU DANG RKYEN RNAMS MA TSANG BA MED PA'I PHYIR ZHES BYA BA NI DGE BA DANG, MI DGE BA DANG, MI G-YO BA LA SOGS PA'I RGYU JI LTAR 'PHANGS PA DER SNANG BA'I RNAM PA CAN GYI RNAM PAR RIG PA 'BYUNG STE, BDAG DANG BDAG GI DANG BRAL BA'I DNGOS PO THAMS CAD LA RTEN CING 'BREL PAR 'BYUNG BA'I RIM PA RTOGS PAR BYA'O, ,RGYUN MI 'CHAD PA'I DPE BRJOD, JI LTAR BUD SHING DANG 'BREL NA, ,ME YI RGYUN NI 'JUG 'GYUR GYI, ,LAS DANG NYON MONGS PAS BSGOS PA'I SEMS KYI RGYUD ME'I RGYUN DANG 'DRA BA'I @52B BUD SHING NI LAS DANG NYON MONGS PA KHO NA YIN PAR BRTAG STE, JI LTAR ME BUD SHING RGYUR BYAS NAS 'BAR BA RGYUN MI 'CHAD LA, BUD SHING MED NA RGYUN 'CHAD PAR 'GYUR BA DE BZHIN DU 'DIR YANG LAS DANG NYON MONGS PA'I BUD SHING BCAD DE, KUN NAS NYON MONGS PA'I KUN GZHI RNAM PAR SHES PA'I SA BON GYI RGYUN YE SHES KYI ME DANG PHRAD PAS BSREGS NA RGYU 'GAG PA'I PHYIR 'BRAS BU MI 'BYUNG NGO, ,DE NYID KYI PHYIR BKA' STZAL PA, DGE SLONG NGAM BRAM ZE GANG DAG YOD PA 'DI LTA STE ZHES BYA BA NI 'DI LAS PHYI ROL PA RNAMS SO, ,'JIG RTEN NA ZHES BYA BA NI 'JIG RTEN 'JIG CING 'JIG CING 'GRO BA'I DON TE, 'JIG PA'I PHYIR 'JIG RTEN PAS ZHIG PAR 'GYUR BA ZHES BYA BA'I THA TSIG GO, ,LTA BAR GYUR PA ZHES BYA BA NI LTA BA DANG MTHONG BA STE PHYIN CI LOG GI BSTAN BCOS NYAN PA DANG, SEMS PA LA SOGS PA'I LOG PA'I SHES PA BYUNG BA'I PHYIR LOG PA'I SHES PA NI LTA BA ZHES BYA'O, ,THA DAD PA NI SO SO BA'O, ,'DI LTA STE, BDAG TU SMRA BA DANG LDAN PA ZHES BYA BA LA SOGS PA NI NYE BAR LEN PA'I PHUNG PO LNGA PO GZUGS DANG, TSOR BA DANG, 'DU SHES DANG, 'DU BYED DANG, RNAM PAR SHES PA ZHES BYA BA BDAG DANG BDAG GI DANG BRAL BA DAG LA BDAG NYID DU YANG DAG LTA BA'I SHES RAB NYON MONGS PA CAN GANG YIN PA DE NI LTA BA ZHES BYA'O, ,'JIG TSOGS DANG, MTHA' DANG, LTA BA DANG, TSUL KHRIMS DANG, BRTUL ZHUGS DANG, LOG PAR LTA BA SNGON DU 'GRO BA'I SHES RAB NGAN PA MA RIG PA DANG MTSUNGS PAR LDAN PA'I PHYIR LTA BA ZHES BYA BA DE DANG, MA RIG PA SNGON DU 'GRO BA'I 'DOD CHAGS DANG, KHONG KHRO BA DANG, NGA RGYAL DANG, MA RIG PA DANG, LTA BA DANG, THE TSOM DANG, NYE BA'I NYON MONGS PA MTSUNGS PAR LDAN PA DANG, LTA BA MA YIN PA'I MTSAN NYID KHAMS KYI RNAM PA DANG BYE BRAG GI THA DAD PA MA GTOGS NAS, KUN NAS NYON MONGS PA'I KUN GZHI RNAM PAR SHES PA LA BAG CHAGS SU GNAS PA DE'I RNAM PA CAN GYI RNAM PAR SHES PA SNANG BA GSOS PA RNAMS THOG MA NYID DU 'JIG RTEN LAS 'DAS PA'I LAM LA BSTAN TE, 'PHAGS PA'I BDEN PA BZHI BSGOM PA GOMS PA'I RIM GYIS SDUG BSNGAL DANG, KUN 'BYUNG DANG, 'GOG PA DANG, LAM MTHONG PA DANG, BSGOM PA DANG, RNAM PAR GROL BA @53A *, ,DANG; KHYAD PAR DANG, BAR CHAD MED PAS SPANGS PA MNGON DU BYAS PA DANG, GANG YANG BYANG CHUB KYI PHYOGS KYI CHOS SUM CU RTZA BDUN DANG, DRAN PA NYE BAR GZHAG PA DANG, YANG DAG PAR SPONG BA DANG, RDZU 'PHRUL GYI RKANG PA DANG, DBANG PO DANG, STOBS DANG, BYANG CHUB KYI YAN LAG DANG, LAM DANG, RTEN CING 'BREL PAR 'BYUNG BA DANG, BSAM GTAN DANG, GZUGS MED PA DANG, TSAD MED PA DANG, RJES SU DRAN BA DRUG LA SOGS PA DANG, CHOS DANG, GANG ZAG LA BDAG MED PA DANG, BYANG CHUB KYI SEMS BSGOM PA DANG, TING NGE 'DZIN DANG, GZUNGS DANG, DAD PA DANG, BRTZON 'GRUS DANG, TING NGE 'DZIN DANG, SHES RAB DANG, SA DANG, DBANG DANG, MNGON PAR SHES PA DANG, YE SHES DANG, PHA ROL TU PHYIN PA DANG, RNAM PAR GROL BA'I SGO DANG, BZOD PA BSGOM PA LA SOGS PA'I RIM GYIS 'JIG RTEN LAS 'DAS PA'I LAM GYI RJES SU 'GRO BAS, MOS PAS SPYOD PA LA RAB TU GNAS SHING NGES PAR 'BYUNG BA RAB TU SBYOR BA MNGON SUM DU BYAS PA LAS DBANG PO DANG, STOBS DANG, MI 'JIGS PA DANG, MA 'DRES PA DANG, SO SOR RIG PA DANG, DPE BYAD DANG, SKYES BU CHEN PO'I MTSAN DANG, RDZU 'PHRUL GYI RKANG PA LA SOGS PA BSGOM PA YONGS SU RDZOGS NAS BLA NA MED PA YANG DAG PAR RDZOGS PA'I RJES SU RTOGS PA LAS ZHI GNAS DANG, LHAG MTHONG GI RJES SU MTHUN PA MNYAM PA NYID DU GYUR PA, YON TAN MTHA' YAS BSAM MI KHYAB, ,ZHI BA CHOS KYI RANG BZHIN SKU, ,THOG MA DBUS DANG MTHA' BRAL BA, ,RTOGS NAS SANGS RGYAS GO 'PHANG THOB, ,CES BYA'O, , DE LA GZUGS KYI PHUNG PO ZHES BYA BA NI, GZUGS SU SNANG BA'I RNAM PA CAN GYI RNAM PAR RIG PA SNANG BA'I RNAM PAR RTOG PA LAS BYUNG BA RDZAS DU MA'I BDAG NYID 'BYUNG BA DANG, 'BYUNG BA LAS GYUR PA'I GZUGS KYI MTSAN NYID SPYI BCU GCIG BDAG NYID BDAG GI RDZAS RNAM PA LNGAR SGRO 'DOGS PAS KUN NAS BSLANG BA MIG DANG, RNA BA LA SOGS PA DANG, GZUGS DANG, SGRA LA SOGS PA DANG, 'DOD PA DANG, GZUGS DANG, GZUGS MED PA DANG MTSUNGS PAR LDAN PA'I YANG DAG PA MA YIN PA'I KUN TU RTOG PA'I MTSAN NYID PHUNG PO DANG, KHAMS DANG, SKYE MCHED DANG, DBANG PO DANG, RNAM PAR @53B SHES PA'I YUL GYI BDAG NYID DANG, GZHAN YANG DE LTA BU'I GZUGS KYI MTSAN NYID KYI CHOS NI GZUGS KYI PHUNG PO ZHES BYA'O, ,DE LA TSOR BA'I PHUNG PO ZHES BYA BA NI BDE BA DANG, SDUG BSNGAL DANG, GNYIS KA'I RNAM PAR MYONG BA'I RNAM PA CAN GYI RNAM PAR RIG PA SNANG BA STE, YUL DANG, DBANG PO DANG, RNAM PAR SHES PA DBYE BAS TSOR BA'I TSOGS DRUG GO, ,KHAMS KYI RNAM PA DANG BYE BRAG GI DBYE BAS NI NYON MONGS PA DANG, NYE BA'I NYON MONGS PA DANG MTSUNGS PAR LDAN PA'I PHYIR RAB TU DBYE BA MTHA' YAS TE, BDE BA DANG, SDUG BSNGAL DANG, YID BDE BA DANG, YID MI BDE BA BTANG SNYOMS DANG LDAN PA'I PHYIR BDAG GI RDZAS RNAM PA DRUG NYID YANG DAG PA MA YIN PA'I KUN TU RTOG PA RNAM PAR RTOG PA'I KUN GZHI RNAM PAR SHES PA'I BAG CHAGS DANG 'BREL BAS 'DOD CHAGS DANG, ZHE SDANG DANG, GTI MUG LA SOGS PA KHAMS GSUM PA'I RNAM PAR RTOG PA'I DBANG GIS BYUNG BA RDZAS SU MA BSDUS PA'I PHYIR TSOR PA'I PHUNG PO ZHES BYA'O, ,'DU SHES NI PHRA BA DANG, RAGS PA DANG, CHEN POR GYUR PA LA SOGS PA MTSAN MAR 'DZIN PA SNANG BA'I RNAM PA CAN GYI RNAM PAR RIG PA RNAM PAR RTOG PA'I DBANG GIS BYUNG BA SNGON DGOD PA DANG, DGA' BA DANG, RTZES PA LA SOGS PA RJES SU DRAN ZHING SKYES PA DANG BUD MED LA SOGS PA'I MTSAN MA'I KHYAD PAR 'DZIN PA'I BDAG NYID DE, YUL DANG, DBANG PO DANG, RNAM PAR SHES PA'I DBYE BAS 'DU SHES KYI TSOGS DRUG GO, ,'DOD CHAGS DANG, ZHE SDANG DANG, GTI MUG DANG 'BREL PA'I PHYIR KHAMS KYI RNAM PA DANG, BYE BRAG GI DBYE BAS NI RAB 'BYAM MTHA' YAS TE, KUN NAS NYON MONGS PA'I KUN GZHI'I RNAM PAR SHES PA'I BAG CHAGS DANG 'BREL PA'I PHYIR BDAG TU RMONGS PA LA SOGS PA DANG LDAN PA'I BDAG NYID NI 'DU SHES ZHES BYA'O, ,'DU BYED NI MTSUNGS PAR LDAN PA DANG, LDAN PA MA YIN PA DANG, GDAGS PA DANG, 'DUS BYAS DANG; 'DUS MA BYAS SU SNANG BA'I RNAM PA CAN GYI RNAM PAR RIG PA RNAM PAR RTOG PA'I DBANG GIS BYUNG BA RNAMS SO, ,SNGON 'PHANGS PA'I KUN GZHI RNAM PAR SHES PA LAS YOD PA'I BAG CHAGS KYI DBYE BAS NI KHAMS KYI RNAM PA DANG, BYE BRAG GI RAB 'BYAM MTHA' YAS DANG LDAN PA'I 'DU BYED KYI RDZAS DU MA @54A *, ,BSDUS PA'I PHYIR 'DU BYED KYI PHUNG PO ZHES BYA'O, ,DE LA RNAM PAR SHES PA'I PHUNG PO NI RNAM PA BRGYAD DE, YUL DANG, DBANG PO DANG, RNAM PAR SHES PA'I BYE BRAG TU SNANG BA'I RNAM PA CAN GYI RNAM PAR RIG PA RNAM PAR RTOG PA'I DBANG GIS BYUNG BA KUN GZHI RNAM PAR SHES PA'I BAG CHAGS DANG 'BREL PA'I PHYIR KHAMS KYI RNAM PA DANG, BYE BRAG GI DBYEBS RAB 'BYAM MTHA' YAS NI RNAM PAR SHES PA'I PHUNG PO ZHES BYA'O, ,DE DAG NYID KYANG KHAMS DANG, SKYE MCHED DANG, ZAG PA DANG BCAS PA DANG, 'DUS BYAS DANG, KUN NAS NYON MONGS PA LA SOGS PA'I RNAM GRANGS KYI DBYE BAS RANG GI MTSAN NYID DANG 'BREL PAS BSDUS TE, PHUNG PO DANG, KHAMS DANG, SKYE MCHED RNAMS ZHES BYA'O, ,DE LTAR NA KUN NAS NYON MONGS PA'I KUN GZHI RNAM PAR SHES PA'I SA BON DANG 'BREL PA YANG DAG PA MA YIN PA'I KUN DU RTOG PAS KUN NAS BSLANGS PA KHAMS GSUM PAR SLONG BA'I SEMS DANG, SEMS LAS BYUNG BA DE DAG NI 'KHOR BA ZHES BYA'O, , 'ON KYANG DE LA THOG MA NYID DU BYED PA PO LA SOGS PA DANG BRAL BA GSOG GSOB SNYING PO MED PA ZHES BYA BAR RIG NAS BDEN PA BZHI BSGOM PA LUGS DANG MTHUN PAR 'DUG PAS GTAN LA PHAB STE, 'JIG RTEN LAS 'DAS PA'I YE SHES KYI ME BYUNG NAS MA RIG PA'I MUN PA LA SOGS PA DANG BRAL TE RGYU DANG RKYEN GYI DON GYI DE KHO NA NYID YONGS SU SHES PA LAS ZHI BA CHOS KYI SKUR RTOGS SO, ,DE'I PHYIR SDUG BSNGAL DANG, KUN 'BYUNG BA DANG, 'GOG PA DANG, LAM MTHONG BA DANG, BSGOM PA'I LAM GYI GO RIMS ZHES BYA STE, DE LA SDUG BSNGAL GYI BDEN PA LA MI RTAG PA DANG, SDUG BSNGAL BA DANG, STONG PA DANG, BDAG MED PAR YANG DAG PAR RJES SU MTHONG BA'I SHES PA DANG, BZOD PA DANG, GROL BA DANG, SPONG BA DANG, KHYAD PAR DANG, BAR CHAD MED PA'I SHES PAS SDUG BSNGAL DE MNGON PAR RTOGS NAS NYON MONGS PA'I KUN GZHI RNAM PAR SHES BA'I BAG CHAGS YANG DAG PAR BCOM STE, GANG ZAG DANG CHOS LA BDAG MED PAR RTOGS NAS KHAMS GSUM PAR SNANG BA YANG DAG PA MA YIN PA'I KUN TU RTOG PA LAS BYUNG BA'I SEMS TZAM PA 'DI LA SGYU MA DANG, SMIG RGYU DANG, DRI ZA'I GRONG KHYER DANG, MGAL ME'I 'KHOR LO DANG, BRAG CA DANG, CHU ZLA DANG, GZUGS BRNYAN BZHIN DU RNAM PAR BSGOMS NA, PHUNG PO LA SOGS PA @54B DANG; KHAMS DANG, SKYE MCHED DU GZUNG BA DANG, 'DZIN PA DANG BRAL NAS CHOS LA BDAG MED PA MNYAM PA NYID LA ZHUGS TE, RANG GI SEMS NYID GZOD MA NAS MA SKYES PA'O ZHES STONG PA'I YE SHES LA ZHUGS NAS CHOS THAMS CAD NGO BO NYID MED PA'I YE SHES KYI SNYING RJE'I RTZA BA CAN BYANG CHUB KYI SEMS KYI RGYUR GYUR PA THABS SNA TSOGS DANG, BSOD NAMS DANG, YE SHES KYI TSOGS BSAGS NAS PHA ROL TU PHYIN PA BCU'I RGYU DAG GIS SA BCU'I RTEN CAN YE SHES BCU'I DMIGS PA DBANG BCU'I 'BRAS BU CAN YON TAN BSAM GYIS MI KHYAB CING MTHA' YAS PA'I 'BYUNG GNAS ZHI BA CHOS KYI SKU RTOGS SO, ,DE BZHIN DU KUN 'BYUNG GI BDEN PA LA KUN 'BYUNG DANG, RGYU DANG, RAB TU SKYE BA DANG, RKYEN DU BAR CHAD MED PA DANG, RNAM PAR GROL BA DANG, SPONG BA DANG, KHYAD PAR DANG, MTHONG BA DANG, BSGOM PA LUGS DANG MTHUN PA DANG, LUGS DANG MI MTHUN PA'I RNAM PAS KUN NAS NYON MONGS PA'I KUN GZHI RNAM PAR SHES PA'I BAG CHAGS KYI DRI MA DANG BRAL NAS ZHI BA CHOS KYI SKU LA 'JUG GO, ,'GOG PA'I BDEN NGA LA YANG 'GOG PA DANG, ZHI BA DANG, GYA NOM PA DANG, NGES PAR 'BYUNG BA BAR CHAD MED PA DANG, RNAM PAR GROL BA DANG, SPONG BA DANG, KHYAD PAR DANG, MTHONG BA DANG, BSGOM PA'I LAM GYI RIM GYIS KUN NAS NYON MONGS PA'I KUN GZHI RNAM PAR SHES PA'I BAG CHAGS YANG DAG PAR BCOM PAS BAR CHAD MED PA DANG, SPONG BA DANG, RNAM PAR GROL BA DANG, KHYAD PAR BSGOMS PA LAS GANG ZAG DANG CHOS LA BDAG MED PAR RTOGS TE ZHI BA'I CHOS KYI SKU 'THOB BO, ,RGYU DANG RKYEN DANG BRAL BA LAS LAM GYI BDEN PA LA YANG LAM DANG, RIG PA DANG, SGRUB PA DANG, NGES PAR 'BYIN PAR YANG DAG PAR MTHONG NA 'DI LTAR MTHONG BA DANG, BSGOM PA DANG, BAR CHAD MED PA DANG, SPONG BA DANG, RNAM PAR GROL BA DANG, KHYAD PAR GYI LAM DANG MTHUN PAR KUN GZHI RNAM PAR SHES PA LA YOD PA'I BAG CHAGS YANG DAG PAR BCOM NAS, GANG ZAG DANG CHOS LA BDAG MED PA'I MNYAM PA NYID RTOGS PA LAS SKU GSUM GYI RTEN ZHI BA CHOS KYI SKU YON TAN BSAM GYIS MI KHYAB CING GZHAL DU MED PA'I TSOGS CAN THOG MA DANG, BAR DANG, THA MA DANG BRAL BA DON THAMS CAD RGYUN MI 'CHAD PAR LHUN GYIS GRUB PAR MDZAD PA'I @55A *, ,BDAG NYID BLA NA MED PA DANG, THAMS CAD MKHYEN PA NYID THOB BO, ,YANG SMRAS PA, GANG GIS DE LTAR DE NYID BZOD, ,DE NI LUNG BSTAN THE TSOM MED, ,GANG GIS DE LTAR BSHAD MA THAG PA'I RTEN CING 'BREL PAR 'BYUNG BA GANG ZAG DANG CHOS LA BDAG MED PA'I DE NYID BZOD CING 'DOD PA DE NI GANG ZAG DANG CHOS LA BDAG MED PAR BZOD PA DANG LDAN PA'I PHYIR BLA NA MED PA YANG DAG PAR RDZOGS PA'I BYANG CHUB TU LUNG BSTAN PA DANG 'DRA BAR BLTA BAR BYA ZHING SHES PAR BYA BA'I THA TSIG GO, ,DE NYID KYI PHYIR MDO LAS, BTZUN PA SH'A RI'I BU RIGS KYI BU'AM RIGS KYI BU MO GANG LA LA CHOS LA BZOD PA 'DI LTA BU DANG LDAN NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS BLA NA MED PA YANG DAG PAR RDZOGS PA'I BYANG CHUB TU LUNG STON TO ZHES GSUNGS SO, ,DE SKAD BYAMS BDAG BDAG NYID KYIS, ,SH'A RI'I BU LA SMRAS PA DANG, ,DE SKAD DU SH'A RI'I BUS BYANG CHUB SEMS DPA' BYAMS PA LA DRIS PA DANG, BYANG CHUB SEMS DPA' BYAMS PAS KYANG, S'A LU LJANG PA DPER MDZAD PA'I MDO 'DI RGYA CHER RNAM PAR PHYE NAS BSHAD PA DANG, BYANG CHUB SEMS DPA' BYAMS PAS BSHAD PA, S'A LU LJANG PA DPER MDZAD PA, ,DE NI SH'A RI'I BUS THOS NAS, ,ZHES BYA BA NI S'A LU LJANG PA DPAR MDZAD PA'O, ,SNYING PO BLANGS TE LHA TSOGS KYIS, ,ZHES BYA BA LA, SNYING PO BLANGS TE ZHES BYA BA NI, CHOS KYI DON DE KHO NA NYID RTOGS PA'I PHYIR SNYING PO BZUNG BA'O, ,LHA TSOGS KYIS ZHES BYA BA NI, LHA DANG, KLU DANG, GNOD SBYIN DANG, DRI ZA LA SOGS PA DANG BCAS PA'O, ,RJES SU YI RANGS ZHES BYA BA NI RJES SU YI RANGS TE'O, ,MNGON BSTOD NAS ZHES BYA BA NI, KHYOD KYIS JI SKAD BSHAD PA DE KHO NA LTAR YIN GYI, GZHAN DU MA YIN NO ZHES NGES PAR BZUNG ZHING NGES PAR BSKYED NAS SO, ,LANGS TE SONG NAS DGA' SEMS KYIS, ,DGE SLONG RNAMS LA BSHAD PA YIN, ,DE NYID KYI PHYIR MDO LAS, DE NAS TSE DANG LDAN PA SH'A RI'I BU BYANG CHUB SEMS DPA' BYAMS PAS BSHAD PA LA MNGON PAR DGA' NAS, STAN LAS LANGS TE SONG NGO ZHES GSUNGS SO, ,BYANG CHUB SEMS DPA' SEMS DPA' CHEN PO BYAMS PAS DE SKAD CES SMRAS PA NI, BYANG CHUB SEMS DPA' BYAMS PA DE SKAD CES SH'A RI'I BU LA @55B SMRAS PA'O, ,YI RANGS PA NI SH'A RI'I BUS DE THOS NAS YID DGA' STE, SEMS MGU ZHES BYA BA'I THA TSIG GO, ,SONG NAS DGE SLONG RNAMS LA MDO SDE ZAB CING RGYA CHE BA RMAD DU BYUNG BA JI LTAR THOS PA BZHIN SEMS CAN THAMS CAD LA PHAN PA'I PHYIR BSHAD PA YIN NO, ,S'A LU LJANG PA'I MDO SDE YI, ,RGYA CHER BSHAD PA RAB BZANG PO, ,DMAN BLOS RAB TU RTOGS BYA'I PHYIR, ,BRGYA PHRAG BCU GNYIS KHO NAR BYAS, ,S'A LU LJANG PA'I RGYA CHER BSHAD PA, SLOB DPON CHEN PO KLU SGRUB KYIS MDZAD PA RDZOGS SO,, ,,RGYA GAR GYI MKHAN PO DHARMA SHR'I PRA BH'A DANG, LO TZ'A BA BANDE LEGS PA'I BLO GROS DANG, DZNY'A NA KU M'A RAS BSGYUR, ZHU CHEN GYI LO TZ'A BA BANDE DPAL BRTZEGS KYIS ZHUS NAS GTAN LA PHAB PA,, #, ,RGYA GAR SKAD DU, BUDDHA AANU SMRi TI t'I K'A, BOD SKAD DU, SANGS RGYAS RJES SU DRAN PA'I RGYA CHER 'GREL PA, 'JAM DPAL GZHON NUR GYUR PA LA PHYAG 'TSAL LO, ,SANGS RGYAS RJES SU DRAN PA BSTAN PA, DANG PO NI DE BZHIN GSHEGS PA'I YON TAN CHE BA'I BDAG NYID KYI SGO NAS RAB TU DANG BA YANG DAG PAR BSKYED PAR BYA BA'I CHED YIN PA'I PHYIR THUN MANG BA YIN NO, ,GNYIS PA NI GTAN DU SEMS CAN GYI DON BYA BA SGRUB PA'I THABS NYE BAR STON PA'I PHYIR BYANG CHUB SEMS DPA' RNAMS KHO NA'I THUN MONG MA YIN PA YIN NO, ,RE ZHIG JI LTAR NA DANG POS DE BZHIN GSHEGS PA'I YON TAN CHE BA'I BDAG NYID KYI SGO NAS RAB TU DANG BA MNGON PAR BRJOD PA YIN ZHEN, GO RIMS BZHIN DU TSIG DGUS BGEGS BCOM PA DANG, STON PA NYID PHUN SUM TSOGS PA GSUNG BA NYID DANG, SGRUB PA NYID KYI MTSAN NYID DANG, RGYU GANG YIN PA DANG, JI LTAR GSHEGS PA DANG, SEMS CAN SKAL BA DANG LDAN PA DANG, MI LDAN PA LA GZIGS PA DANG, SKAL BA DANG LDAN PA 'DUL BAR MDZAD PA DANG, STON PA NYID DE GANG DAG LA GNAS PA DANG, GANG DAG GI DON YIN PA MNGON PAR BRJOD PA'I SGO NAS YON TAN CHE BA'I BDAG NYID MNGON PAR BRJOD PA YIN TE, DE LA BCOM LDAN 'DAS ZHES BYA BA 'DIS NI NGES PA'I TSIG GI TSUL GYIS NA BCOM PA DANG LDAN PA NI, BCOM LDAN 'DAS ZHES BYA BA'I PHYIR BGEGS BCOM PA STON TO, ,'DIR STON PA NYID PHUN SUM @56A *, ,TSOGS PA'I BGEGS GANG ZHE NA, LHA'I BU'I BDUD YIN TE, DE BCOM PAS DANG PO NYID DU STON PA PHUN SUM TSOGS PA BRNYES PA'I PHYIR RO, ,DE BZHIN GSHEGS PA DGRA COM PA YANG DAG PAR RDZOGS PA'I SANGS RGYAS ZHES BYA BA'I TSIG 'DI DAG GIS NI STON PA NYID PHUN SUM TSOGS PA STON TO, ,STON PA NYID PHUN SUM TSOGS PA DE YANG RNAM PA GNYIS TE, GSUNG BA NYID KYI RGYU MTSAN NYID DANG, SGRUB PA NYID KYI MTSAN NYID DO, ,GSUNG BA NYID PHUN SUM TSOGS PA NI, GANG GIS NA BCOM LDAN 'DAS DE BZHIN GSHEGS PA ZHES BRJOD PA CHOS PHYIN CI MA LOG PAR STON PAR BYED PA NYID DE, CHOS DE KHO NA BZHIN DU PHYIN CI MA LOG PAR GSUNGS PA'I PHYIR RO, ,SGRUB PA NYID NI SPANGS PA PHUN SUM TSOGS PA DANG, YE SHES PHUN SUM TSOGS PA STE, SPANGS PA PHUN SUM TSOGS PA NI DGRA BCOM PA DANG LDAN PA'I PHYIR BCOM LDAN 'DAS DGRA BCOM PA ZHES BYA STE, NYON MONGS PA RNAMS NI DGE BA'I CHOS THAMS CAD LA GNOD PAR BYED PA'I DON GYIS NA DGRA DAG YIN NO, ,YE SHES PHUN SUM TSOGS PAS NI, CHOS RNAMS YANG DAG PAR PHYIN CI MA LOG PAR KUN NAS SANGS RGYAS PA'I PHYIR YANG DAG PAR RDZOGS PA'I SANGS RGYAS ZHES BYA STE, CHOS PHYIN CI MA LOG PAR STON PAR BYED PA NYID DANG; NYON MONGS PA THAMS CAD SPANGS PA DANG, CHOS THAMS CAD MNGON PAR RDZOGS PAR BYANG CHUB PA DE TZAM GYIS NI STON PA NYID PHUN SUM TSOGS PA YONGS SU RDZOGS PA YIN NO, ,GSUM PO DE YANG BCOM LDAN 'DAS KHO NA LA DMIGS PAS DE'I PHYIR BCOM LDAN 'DAS KHO NAS STON PA NYID PHUN SUM TSOGS PA RNAM PA THAMS CAD BRNYES PA YIN NO ZHES BYA BAR STON TO, ,RIG PA DANG ZHABS SU LDAN PA ZHES BYA BA 'DIS NI STON PA NYID PHUN SUM TSOGS BDE THOB PA'I RGYU STON TO, ,RIG PA DANG ZHABS NI 'PHAGS PA'I LAM YAN LAG BRGYAD DE, MI MTHONG BA'AM RKANG PA MED PAR 'GRO MI NUS PAS YANG DAG PA'I LTA BA NI RIG PA YIN NO, ,YAN LAG LHAG MA RNAMS NI ZHABS YIN NO, ,YANG NA RIG PA DANG ZHABS NI BSLAB PA GSUM STE, LHAG PA'I SHES RAB KYI BSLAB PA NI RIG PA YIN NO, ,LHAG PA'I TSUL KHRIMS DANG LHAG PA'I SEMS KYI BSLAB PA DAG NI LHAG PA'I SHES RAB KYI SNGON ROL DU SBYANG BAR BYA BA'I PHYIR ZHABS YIN TE, SNGAR @56B SPYAD PA NI ZHABS ZHES BYA BA'I PHYIR RO, ,RIG PA SNGAR SMOS PA NI DE YONGS SU DAG PAS TSUL KHRIMS DANG TING NGE 'DZIN YONGS SU DAG PAR 'GYUR BA'I PHYIR TE, SHES RAB DES MIG BZHIN DU MTHONG ZHING TSUL KHRIMS DANG TING NGE 'DZIN DAG GIS RKANG PA BZHIN DU 'GRO BA NI BGROD PAR BYA BAR PHYIN PAR 'GYUR BAS DE'I PHYIR RIG PA DANG ZHABS ZHES BYA BA'I SGRA NI BSLAB PA GSUM YIN PAR STON TO, ,YANG NA DE LA RIG PA ZHES SMOS PAS NI RIG PA GSUM BZUNG LA, ZHABS ZHES SMOS PAS NI DE'I SNGON ROL DU SPYAD PA YIN PA'I PHYIR TSUL KHRIMS PHUN SUM TSOGS PA DANG, SPYOD PA PHUN SUM TSOGS PA DANG, BZLOG PA PHUN SUM TSOGS PA DANG, TSE 'DI LA BDE BAR GNAS PA LHAG PA'I SEMS BZHI BZUNG NGO, ,RIG PA GSUM NI SNGON GYI GNAS RJES SU DRAN PA MKHYEN PA MNGON SUM DU MDZAD PA'I MNGON PAR SHES PA DANG, 'CHI 'PHO DANG SKYE BA MKHYEN PA MNGON SUM DU MDZAD PA'I MNGON PAR SHES PA DANG, ZAG PA ZAD PA MKHYEN PA MNGON SUM DU MDZAD PA'I MNGON PAR SHES PA STE, 'DI LTAR BCOM LDAN 'DAS BYANG CHUB KYI SHING DRUNG DU BZHUGS TE, NAM GYI THUN DANG PO DANG, DANG 'OG LA SNGON GYI GNAS RJES SU DRAN PA DANG, 'CHI 'PHO DANG SKYE BA MKHYEN PAS SEMS CAN SNGON GYI MTHAR GTOGS PA RNAMS DANG, PHYI MA'I MTHAR GTOGS PA RNAMS KYI SNGON GYI GNAS DANG, 'CHI 'PHO DANG SKYE BA GZIGS NAS THUN GSUM PA LA ZAG PA ZAD PA MKHYEN PAS SPANG BAR BYA BA GANG YIN PA DANG, THOB PAR BYA BA DANG, MNGON PAR RDZOGS PAR BYANG CHUB PAR BYA BA GANG YIN PA DE THAMS CAD SPANGS PA MNGON SUM DU BYAS MNGON PAR RDZOGS PAR BYANG CHUB NAS THAMS CAD MKHYEN PA NYID BRNYES SO, ,RIG PA DE DAG GI SNGON ROL DU SPYAD PAR BYA BA NI TSUL KHRIMS PHUN SUM TSOGS PA YIN NO, ,DE LA TSUL KHRIMS PHUN SUM TSOGS PA NI RNAM PA DRUG STE, TSUL KHRIMS DANG LDAN PA DANG, SO SOR THAR PA'I SDOM PA LA GNAS PA DANG, CHO GA PHUN SUM TSOGS PA DANG, SBYOD YUL PHUN SUM TSOGS PA DANG, KHA NA MA THO BA PHRA RAB TZAM DAG LA YANG 'JIGS PA DANG, BSLAB PA'I GZHI YANG DAG PAR BLANGS NAS SLOB PA STE, DE DAG GIS NI TSUL KHRIMS YONGS SU DAG PA YIN NO, ,DE LTAR TSUL KHRIMS YONGS SU DAG NAS TING NGE 'DZIN YONGS SU DAG PAR BYA BA'I PHYIR SPYOD PA @57A *, ,PHUN SUM TSOGS PA LA SPYOD DE, DE LA SPYOD PA PHUN SUM TSOGS PA NI, SPYOD LAM THAMS CAD DU SHES BZHIN DU GNAS PA'O, ,BZLOG PA PHUN SUM TSOGS PA NI MIG LA SOGS PAS SHES PAR BYA BA LA MTSAN MA DANG MNGON RTAGS SU MI 'DZIN PA'I PHYIR DBANG PO'I SGO BSDAM PA YIN NO,, DE LTAR TSUL KHRIMS YONGS SU DAG PA SHES BZHIN DU GNAS PA DANG, DBANG PO RNAMS KYI SGO BSDAMS PAR GYUR NAS TING NGE 'DZIN SGRUB PAR BYED DE, TING NGE 'DZIN NI TSE 'DI LA BDE BAR GNAS PA LHAG PA'I SEMS BZHI YIN NO, ,DE DAG LAS KYANG BSAM GTAN BZHI PA STE, BSAM GTAN BZHI PA LAS SU RUNG BAR BYA BA'I PHYIR TING NGE 'DZIN YONGS SU SGRUB BO, ,DE LTAR TING NGE 'DZIN YONGS SU DAG PA NI MNGON PAR SHES PA MNGON PAR SGRUB PAR BYED DE, RDZU 'PHRUL GYI MNGON PAR SHES PA DANG, LHA'I RNA BA'I MNGON PAR SHES PA DANG, PHA ROL GYI SEMS SHES PA'I MNGON PAR SHES PA DANG, SNGAR BSHAD PA'I RIG PA GSUM SGRUB PAR BYED DE, DE LTA BAS NA RIG PA DE DAG DANG ZHABS DE DAG DANG LDAN PAS BCOM LDAN 'DAS KYIS STON PA NYID PHUN SUM TSOGS PA BRNYES PA'I PHYIR RIG PA DANG ZHABS SU LDAN PA NI STON PA NYID PHUN SUM TSOGS PA 'THOB PA'I RGYUR BSTAN PA YIN NO, ,BDE BAR GSHEGS PA ZHES BYA BA 'DIS NI JI LTAR GSHEGS PAR BYA BA BZHIN DU GSHEGS PA DE STON PAR BYED DO, ,LEGS PAR GSHEGS PA NI BDE BAR GSHEGS PA STE, YANG PHYIR MI LDOG PA'I DON GYIS RIMS NAD LEGS PAR BYANG BA BZHIN NO, ,MA LUS PAR RDZOGS PA NI BDE BAR GSHEGS PA STE, SHES BYA MA LUS PAR RTOGS PA'I DON GYIS NA BUM PA LEGS PAR GANG BA BZHIN NO, ,DON 'DI GNYIS NI PHYI ROL PA DANG NYAN THOS DAG LAS KHYAD PAR DU BYA BA'I DON TE, PHYI ROL PA RNAMS NI YANG PHYIR LDOG PA'I PHYIR LEGS PAR GSHEGS PA MA YIN NO, ,NYAN THOS LA SOGS PA NI YANG SO SO'I SKYE BOR 'GYUR BA'I SKAL BA CAN MA YIN PA'I PHYIR LEGS PAR GSHEGS PA NI YIN MOD KYI, SHES BYA THAMS CAD LA YE SHES THOGS PA'I PHYIR MA LUS PAR RTOGS PA NI MA YIN NO, ,BCOM LDAN 'DAS NI LEGS PAR GSHEGS PA'I PHYIR DANG, RTOGS PAR BYA BA MA LUS PAR RTOGS PA'I PHYIR BDE BAR GSHEGS PA ZHES BYA'O, ,DE LTAR RIG PA DANG @57B ZHABS SU LDAN PAS STON PA PHUN SUM TSOGS PA DE MA LUS PAR BRNYES PA'I BCOM LDAN 'DAS KYI STON PA NYID KYI PHRIN LAS DE NI 'JIG RTEN MKHYEN PA, SKYES BU 'DUL BA'I KHA LO SGYUR BA, BLA NA MED PA ZHES BYA BA'I TSIG 'DI GNYIS KYIS STON TO, ,STON PA NYID KYI PHRIN LAS DE YANG RNAM PA GNYIS TE, 'JIG RTEN SKAL BA DANG LDAN PA DANG, SKAL BA DANG MI LDAN PA LA GZIGS PA DANG, SKAL BA DANG LDAN PA 'DUL BAR MDZAD PA'O, ,DE LA 'JIG RTEN MKHYEN PA ZHES BYA BA 'DIS NI 'JIG RTEN SKAL BA DANG LDAN PA DANG MI LDAN PA LA GZIGS TE, 'JIG RTEN RIG PA NA 'JIG RTEN MKHYEN PA YIN NO, ,'DI NI 'JIG RTEN SKAL BA DANG LDAN PA DANG MI LDAN PA MKHYEN PA'I PHYIR 'JIG RTEN MKHYEN PA ZHES BYA STE, 'DI LTAR BCOM LDAN 'DAS NI SANGS RGYAS KYI SPYAN GYIS NYIN LAN GSUM MTSAN LAN GSUM DU SU NI NYAMS, SU NI 'PHEL, SU NI NYAM NGA BAR GYUR, SU NI NGAN SONG LA GZHOL, SU NI NGAN SONG LA 'BAB, BDAG GIS GANG NI NGAN SONG LAS DRANGS NAS MTHO RIS DANG THAR PA LA DGOD PAR BYA, GANG GI DGE BA'I RTZA BA MA SKYED PA RNAMS NI YONGS SU SMIN PAR BYA, GANG GI YONGS SU SMIN PA RNAMS NI THAR BAR BYA ZHES 'JIG RTEN LA RNAM PAR GZIGS PAR MDZAD DO, ,SKYES BU 'DUL BA'I KHA LO SGYUR BA ZHES BYA BA 'DIS NI SKAL PA DANG LDAN PA 'DUL BAR MDZAD PA STON TE, BCOM LDAN 'DAS KYIS 'JIG RTEN SKAL BA DANG LDAN PA DANG, SKAL BA DANG MI LDAN PA LA GZIGS NAS SKYES BU GANG DAG 'DUL BAR 'OS PA 'DUL BAR SPYOD PA DE DAG NI SKAL BA DANG LDAN PA STE, DE DAG 'DUL BAR MDZAD DO, , KHA LO SGYUR BA'I NGO BOR GYUR PA'I PHYIR 'DUL BA'I KHA LO NI SGYUR BA'I NGO BO YIN NO, ,BLA NA MED PA ZHES SMOS PA NI KHA LO SGYUR BA'I NGO BO KHYAD PAR DU BYA BA'I PHYIR TE DGA' BO DANG, SOR MO'I PHRENG BA DANG, LTENG RGYAS 'OD SRUNGS LA SOGS PA 'DUL BAR MDZAD PA'I SKYES BU KHA CIG 'DOD CHAGS DANG ZHE SDANG DANG GTI MUG SHAS CHE BA GDUL DKA' BA RNAMS KYANG 'DUL BA'I PHYIR DANG, THABS SLA BA MCHOG TU KHA NA MA THO BA MED PAS 'DOD PA BSOD NAMS DANG DUB PA DANG LDAN PA'I MTHA' SPANGS NAS DBU MA'I LAM GYIS 'DUL BA'I PHYIR DANG, DON GYI MCHOG MYA NGAN LAS 'DAS PA LA 'DUL BA'I PHYIR DANG, GTAN @58A *, ,DU MI LDOG PAR 'DUL BA'I PHYIR SKYES BU 'DUL BA'I KHA LO SGYUR BA BLA NA MED PA ZHES BYA BA STE, SKAL BA DANG LDAN PA RNAMS 'DUL BA'I PHYIR BCOM LDAN 'DAS NI SKYES BU 'DUL BA'I KHA LO SGYUR BA ZHES BYA'O, ,'O NA SKAL BA MED PA DE DAG JI LTAR SGRUB PAR MDZAD CE NA, DE DAG LA YANG DBUL BA DANG, NGAN 'GRO'I SDUG BSNGAL LAS YONGS SU SKYOB PAS LONGS SPYOD DANG, BDE 'GRO LA SOGS PA LA 'GOD PAR MDZAD DO, ,SKAL BA DANG MI LDAN PA NI RIGS MED PA LA BYA'O, ,SKAL BA DANG LDAN PA NI NYAN THOS LA SOGS PA'I BYANG CHUB LA RIGS JI LTA BA BZHIN DU 'GOD PAR MDZAD DO, ,MA NGES PA'I RIGS CAN NI RKYEN GYI STOBS KYIS RAB TU GROL BA LAS NYAMS PA LAS BZLOG STE GYA NOM PA LA 'GOD PAR MDZAD PAS SKYES BU 'DUL BA'I KHA LO SGYUR BA BLA NA MED PA ZHES BYA'O, ,LHA DANG MI RNAMS KYI STON PA ZHES BYA BA 'DIS NI STON PA NYID KYI PHRIN LAS DE GANG DAG LA GNAS PA DE STON TE, BCOM LDAN 'DAS SEMS CAN RNAMS LA MTHO RIS DANG, BYANG GROL STON PA'I PHYIR BYE BRAG MED PAR STON PA YIN MOD KYI, 'DIS NI GANG LA BDEN PAR MTHONG BA DANG, DGE SBYONG GI TSUL GYI 'BRAS BU THOB PA DMIGS PA DE DAG GI SKABS YIN NO, ,DON JI LTA BA BZHIN RJES SU STON PA NI 'DIR STON PA NYID KYI PHRIN LAS YIN PAR DGONGS LA, DE'I SNOD NI LHA DANG MI DAG YIN PAS DE'I PHYIR LHA DANG MI DAG GI STON PA ZHES BYA'O, ,JI SKAD DU BSHAD PA'I TSIG DGUS BRJOD PAR 'DOD PA YON TAN CHE BA'I BDAG NYID MTHA' DAG MNGON PAR BRJOD ZIN NAS SANGS RGYAS BCOM LDAN 'DAS ZHES BYA BA 'DI GNYIS YANG CI'I PHYIR SMOS SHE NA, GANG LA YON TAN CHE BA'I BDAG NYID 'DI YOD PA DE NI SANGS RGYAS BCOM LDAN 'DAS YIN NO ZHES BYA BAR BSTAN PA'I PHYIR RO, ,YANG NA BCOM LDAN 'DAS ZHES BYA BA'I SGRA NI GRAGS PA'I RNAM GRANGS SU BRJOD PAR BYA BA YIN NO, ,BCOM LDAN 'DAS ZHES BYA BA NI GRAGS PA DANG LDAN PA STE, RNAM PAR GRAGS PA ZHES BYA BA'I SGRA'I DON YIN NO, ,DE LTA BAS NA 'DI LTAR BCOM LDAN 'DAS DE NI SANGS RGYAS ZHES BYA BAR RNAM PAR GRAGS SO ZHES BYA BA'I THA TSIG GO, ,'DI LTAR DE NI DE BZHIN GSHEGS PA ZHES BYA BA DANG, 'DI LTAR DE NI DGRA BCOM PA ZHES BYA BA DANG, 'DI LTAR YANG DAG PAR RDZOGS PA'I SANGS RGYAS ZHES BYA BA RE RE @58B LA'ANG SBYAR BAR BYA'O, ,'DI LA DNGOS PO MTHA' DAG RTOGS PA'I BLO YOD PAS NA SANGS RGYAS ZHES BYA'O, ,DE BZHIN GSHEGS PA DE NI BSOD NAMS DAG GI RGYU MTHUN PA, DGE BA'I RTZA BA RNAMS CHUD MI ZA BA ZHES BYA BA LA SOGS PA SANGS RGYAS RJES SU DRAN PA BSTAN PA 'DI LA NI BCOM LDAN 'DAS DE SEMS CAN GYI DON RGYU GANG GIS GTAN DU DANG, SKU GANG YIN PA DANG, GANG LA BRTEN PA DANG, BYA BA GANG YIN PA DANG, THABS GANG YIN PA DANG, GANG NA GNAS SHING DE LA MA CHAGS PAR DON MDZAD PA DANG, DNGOS PO GANG LA CHAGS PA DANG, SPANG BA GANG YIN PA DANG, YE SHES GANG YIN PA DANG, SKU GANG DAG LA BZHUGS NAS GTAN DU SEMS CAN GYI DON MDZAD PA'I DON DE DAG GI GO RIMS BZHIN DU TSIG GNYIS DANG, DRUG DANG, GSUM DANG, BZHI DANG, YANG DRUG DANG, GSUM DANG, GSUM DANG, BZHI DANG, BZHIS BSTAN TO, ,DE LA DE BZHIN GSHEGS PA DE NI BSOD NAMS DAG GI RGYU MTHUN PA, DGE BA'I RTZA BA RNAMS CHUD MI ZA BA ZHES BYA BA 'DI GNYIS KYIS NI RGYU GANG GIS RTAG TU SEMS CAN GYI DON MDZAD PA STON TE, RGYU GNYIS LAS GZHAN DAG GIS GTAN DU SEMS CAN GYI DON BYED MI NUS SO, ,SO SO'I SKYE BO DAG GIS BSOD NAMS DAG GI RNAM PAR SMIN PA PHYUNG NAS YONGS SU ZAD PAR 'GYUR BA'I PHYIR RO; ,NYAN THOS DANG RANG SANGS RGYAS RNAMS KYI DGE BA'I RTZA BA DAG NI PHUNG PO LHAG MA MED PA'I MYA NGAN LAS 'DAS PA'I DBYINGS SU ZAD PAR 'GYUR BA'I PHYIR RO, ,DE BZHIN GSHEGS PA'I BSOD NAMS DAG NI RNAM PAR SMIN PA PHYUNG NAS YONGS SU ZAD PA MED DE, GANG GI PHYIR DE BZHIN GSHEGS PA DE BSOD NAMS DAG GI RGYU MTHUN PA'I PHYIR RO, ,'DI LTAR BCOM LDAN 'DAS BYANG CHUB SEMS DPA'I SPYOD PA LA GNAS PA NA SEMS CAN THAMS CAD LA GZIGS LA RNAM PAR SMIN PA LA MI GZIGS SHING SBYIN PA LA SOGS PA BSOD NAMS THAMS CAD RGYU MTHUN PA'I 'BRAS BU 'BYUNG BAR BYA BA'I CHED DU SBYIN PA YANG KHYAD PAR DU 'GYUR ZHING SBYIN PA MI ZAD PAR GYUR CIG CES SBYIN PA YONGS SU BSNGO BA MDZAD KYI LONGS SPYOD PHUN SUM TSOGS PA'I CHED DU NI BSNGO BAR MI MDZAD LA, DE BZHIN DU TSUL KHRIMS LA SOGS PA KHYAD PAR DU 'GYUR ZHING TSUL KHRIMS LA SOGS PA MI ZAD PAR GYUR CIG CES BSNGO BA MDZAD KYI, BDE 'GRO LUS PHUN SUM TSOGS PA LA @59A *, ,SOGS PA'I CHED DU NI BSNGO BAR MI MDZAD DO, ,DE LTAR SBYIN PA LA SOGS PA'I BSOD NAMS YONGS SU BSNGOS PA RNAMS RGYU MTHUN PAR GYUR PAS DE BZHIN GSHEGS PA DE BSOD NAMS MI ZAD PA YIN TE, DES NI GTAN DU SEMS CAN GYI DON MDZAD PAR SPYOD DO, ,DE BZHIN GSHEGS PA'I DAG BA'I RTZA BA THAMS CAD NI PHUNG PO LHAG MA MED PA'I MYA NGAN LAS 'DAS PA'I DBYINGS SU YANG ZAD PA MED PAS DE'I PHYIR DGE BA'I RTZA BA RNAMS CHUD MI ZA BA YIN NO, ,DE NYID KYI PHYIR DE BZHIN GSHEGS PA RNAMS KYI SKU NI RTAG PA ZHES BYA STE, NYE BAR 'DUS BYAS PA'I SKU SNGON 'PHAGS PA'I SHUGS KYIS RTZOL BA MED PAR YID BZHIN GYI NOR BU BZHIN DU 'KHOR BA JI SRID PAR 'JUG PA'I PHYIR RO, ,DE LTAR NA DE BZHIN GSHEGS PA DE NI SEMS CAN GYI DON GYI 'BRAS BU CAN GYI DGE BA'I RTZA BA RNAMS CHUD MI ZA BA ZHES BYA'O, ,BZOD PAS BRGYAN PA, BSOD NAMS KYI GTER RNAMS KYI GZHI, DPE BYAD BZANG PO RNAMS KYIS SPRAS PA, MTSAN GYI ME TOG RGYAS PA, SPYOD YUL RAN PAR MTHUN PA, MTHONG NA MI MTHUN PA MED PA ZHES BYA BA'I TSIG 'DI DRUG GIS NI BCOM LDAN 'DAS DE SKU GANG GIS SEMS CAN GYI DON GANG MDZAD PA'I SKU DE STON TE, SKU DE NI GZUGS KYI SKU YIN NO, ,GZUGS KYI SKU DE'I PHUN SUM TSOGS PA LA YANG RNAM PA LNGAS STON TE, RTZA BA'I RGYU PHUN SUM TSOGS PA DANG, RAB TU DBYE BA'I RGYU PHUN SUM TSOGS PA DANG, NGO BO NYID PHUN SUM TSOGS PA DANG, GNAS SKABS PHUN SUM TSOGS PA DANG, MDZAD PA PHUN SUM TSOGS PA'O, ,DE LA BZOD PAS BRGYAN PA ZHES BYA BA 'DIS NI RTZA BA'I RGYU PHUN SUM TSOGS PA STON TO, ,BZOD PA NI MDZES PA'I RGYU YIN TE, 'DI LTAR BZOD PAS NI MDZES PAR 'GYUR RO ZHES GSUNGS SO, ,YANG 'DI NI MDOG NGAN PAR 'GYUR BA'I LAM YIN TE, 'DI LTA STE KHRO BA YIN, KHON DU 'DZIN PA YIN ZHES GSUNGS TE, BZOD PA NI RANG GI NGO BO BSTEN PA DANG, DE'I MI MTHUN PA'I PHYOGS YONGS SU SPANGS PAS MDZES PA'I RGYUR BSHAD DO, ,BSOD NAMS KYI GTER RNAMS KYI GZHI ZHES BYA BA 'DIS NI RAB TU DBYE BA'I RGYU PHUN SUM TSOGS PA STON TE, SKU'I LAN LAG SO SO'I RGYU NI RAB TU DBYE BA'I RGYU YIN NO, ,DE YANG 'PHAGS PA BLO GROS MI ZAD PAS BSTAN PA LAS BRTZON @59B 'GRUS MI ZAD PA BSTAN PA'I NANG NAS BSOD NAMS KYI TSOGS MI ZAD PAR BSTAN PA LAS KHONG DU CHUD PAR BYA STE, DE LAS NI SEMS CAN THAMS CAD KYI BSOD NAMS KYI PHUNG PO BCU 'GYUR GYIS DE BZHIN GSHEGS PA'I BA SPU'I KHUNG GCIG MNGON PAR 'GRUB PA GSUNGS LA, BA SPU'I KHUNG THAMS CAD MNGON PAR 'GRUB PAR RTOGS PA'I BSOD NAMS KYI PHUNG PO BRGYAD 'GYUR GYIS NI DPE BYAD BZANG PO GCIG MNGON PAR 'GRUB BO, ,DPE BYAD BZANG PO THAMS CAD MNGON PAR 'GRUB PAR GTOGS PA'I BSOD NAMS KYI PHUNG PO STONG 'GYUR GYIS NI MDZOD SPU DANG, GTZUG TOR DANG, CHOS KYI DUNG MA GTOGS PA MTSAN RE RE YONGS SU 'GRUB PAR GSUNGS LA, MTSAN NYI SHU RTZA DGU 'GRUB PAR GTOGS PA'I BSOD NAMS KYI PHUNG PO KHRI 'GYUR GYIS NI MDZOD SPU 'GRUB BO, ,MDZOD SPU 'GRUB PAR GTOGS PA'I BSOD NAMS KYI PHUNG PO 'BUM 'GYUR GYIS NI GTZUG TOR 'GRUB BO, ,GTZUG TOR 'GRUB PAR GTOGS PA'I BSOD NAMS KYI PHUNG PO BYE BA PHRAG 'BUM 'GYUR GYIS NI DE BZHIN GSHEGS PA'I CHOS KYI DUNG MNGON PAR 'GRUB BO ZHES GSUNGS TE, DE LTAR NA DE BZHIN GSHEGS PA'I GZUGS KYI SKU DE NI BSOD NAMS KYI GTER RNAMS KYI GZHI YIN NO, ,DPE BYAD BZANG PO RNAMS KYIS SPRAS PA, MTSAN GYI ME TOG RGYAS PA ZHES BYA BA 'DI GNYIS KYIS NI, GZUGS KYI SKU'I NGO BO NYID PHUN SUM TSOGS PA STON TE, DE BZHIN GSHEGS PA'I SKU MDZES PA'I RANG GI NGO BO NI MTSAN DANG DPE BYAD KYIS BRGYAN PA YIN NO, ,DE LA DPE BYAD BZANG PO RNAMS KYIS SPRAS PA NI DE DAG MTSAN GYI 'KHOR YIN PA'I PHYIR RO; ,MTSAN GYI ME TOG RGYAS PA NI DE DAG RGYAN DU GYUR PA'I PHYIR RO, ,SPYOD YUL RAN PAR MTHUN PA ZHES BYA BA 'DIS NI GNAS SKABS PHUN SUM TSOGS PA STON PAR BYED DE, MNGON DU GSHEGS PA THAMS CAD DU MDZES PA'I PHYIR SPYOD LAM THAMS CAD DU MDZES PA NI GNAS SKABS PHUN SUM TSOGS PA YIN NO, ,MTHONG NA MI MTHUN PA MED PA ZHES BYA BA 'DIS NI MDZAD PA PHUN SUM TSOGS PA STON TE, DE BZHIN GSHEGS PA'I SKU'I MDZAD PA NI RANG GI NGO BOS KYANG RAB TU DANG BA BSKYED LA, GNAS SKABS KYIS KYANG RAB TU DANG BA BSKYED PAS SEMS CAN RNAMS DANG MI MTHUN PA MED PA YIN TE, @60A *, ,MTHONG BA TZAM GYIS 'DI NI SKYES BU CHEN PO YIN NO ZHES BYA BAR RTOGS SHING RAB TU DANG BA SKYED PAR BYED PA GANG YIN PA 'DI NYID 'DI'I MTHONG NA MI MTHUN PA MED PA YIN NO, ,DAD PAS MOS PA RNAMS LA MNGON PAR DGA' BA, SHES RAB ZIL GYIS MI NON PA, STOBS RNAMS LA BRDZI BA MED PA ZHES BYA BA'I TSIG GSUM PO 'DIS NI BCOM LDAN 'DAS DE SEMS CAN GANG DAG LA BRTEN NAS SEMS CAN GYI DON MDZAD PA DE STON PAR BYED DE, SEMS CAN DE DAG KYANG DAD PA'I BSAM PA'AM, ZIL GYIS MNAN PA'I BSAM PA STE, BSAM PA GNYIS KYIS DE BZHIN GSHEGS PA'I DRUNG DU 'OD NGO, , DAD PA'I BSAM PA YANG RNAM PA GNYIS TE, CI 'DRA BA SNYAM PA'I BSAM PA'AM, RAB TU DGA' BA'I BSAM PA'O, ,DE GNYI GA YANG MNGON PAR 'DOD PA'I NGO BO YIN PA'I PHYIR DAD PA ZHES BYA'O, ,'DI LTAR KHA CIG NI CI 'DRA BA ZHIG SNYAM PA'I BSAMS PA SKYES PA DANG, SNGON GYI DGE BA'I RTZA BAS YANG DAG PAR BSKUL NAS DE BZHIN GSHEGS PA'I DRUNG DU 'GRO'O, ,KHA CIG NI YON TAN CHE BA'I BDAG NYID THOS NAS RAB TU DANG BA YANG DAG PAR BSKYED PA DANG, DGE BA'I RTZA BAS BSKUL NAS 'GRO STE, DE BAS NA 'DIS NI BAR MAR GNAS PA DANG, DAD PA DAG BSTAN PA YIN NO, ,DE DAG GIS MTHONG NA DGA' BA DANG, RAB TU DAD BA SKYED PA MDZAD PA'I PHYIR BCOM LDAN 'DAS DE NI DAD PAS MOS PA RNAM PA DE GNYI GA'I YANG MNGON PAR DGA' BA'I RGYU YIN NO, ,ZIL GYIS MNAN PA'I BSAM PA YANG RNAM PA GNYIS TE, SHES RAB ZIL GYIS MNAN PA'I BSAM PA NI DPER NA RTZOD PA DON DU GNYER BAR BYED PA BDEN PA PO LA SOGS PA LTA BU'O, ,LUS KYI STOBS KYIS ZIL GYIS GNON PA'I BSAM PA DE NI DPER NA 'BROG GNAS LA SOGS PA STOBS KYIS MNGON PA'I NGA RGYAL BYED PA RNAMS LTA BU'O, ,DE BAS NA 'DIS NI BSAM PA RNAM PA GNYIS KYIS ZHE 'GRAS PA RNAMS YANG DAG PAR BSTAN PA YIN NO, ,BCOM LDAN 'DAS DE NI SHES RAB PHUL DU PHYIN PA DANG LDAN PA'I PHYIR DANG, ZIL GYIS GNON PAR MDZAD PA'I PHRIN LAS PHUL DU PHYIN PA DANG LDAN PA'I PHYIR ZIL GYIS GNON PAR 'DOD PA DE GNYI GA'I SHES RAB KYI ZIL GYIS MI NON CING STOBS RNAMS KYIS BRDZI BA MED PA YIN NO, ,SEMS CAN THAMS CAD KYI STON PA, BYANG @60B CHUB SEMS DPA' RNAMS KYI YAB, 'PHAGS PA'I GANG ZAG RNAMS KYI RGYAL PO, ,MYA NGAN LAS 'DAS PA'I GRONG KHYER DU 'GRO BA RNAMS KYI DED DPON ZHES BYA BA'I TSIG 'DI BZHIS NI BCOM LDAN 'DAS DE SEMS CAN THAMS CAD KYI BYA BA GANG YIN PA MDZAD PA DE STON TE, DE LA SEMS CAN THAMS CAD KYI STON PA ZHES BYA BA NI BCOM LDAN 'DAS DE KHYAD PAR MED PAR SEMS CAN THAMS CAD KYI BYA BA STON PA NYID KYIS MDZAD PA YIN TE, 'DI LTAR NGAN SONG DU SKYES PA KHA CIG KYANG 'OD DANG DE BZHIN GSHEGS PA'I SKU YANG DAG PAR BSTAN PAS RAB TU DANG BA BSKYED NAS BDE 'GRO LA 'GOD PAR MDZAD LA, BDE 'GROR SKYES PA RNAMS KYANG KHA CIG SKAL BA DANG MI LDAN PA SNGAR BSHAD PA'I TSUL DU ZIL GYIS MNAN PA'I BSAM PAS LHAG PA RNAMS NI 'KHOR BA'I BDE BA'I LAM SBYIN PA LA SOGS PA LA 'GOD PAR MDZAD DO, ,SKAL BA DANG LDAN PA BSAM PA RNAM PA GNYIS KYIS LHAG PA RNAMS KYANG DGE BA'I RTZA BA MA BSKYED PA RNAMS NI DGE BA'I RTZA BA SKYED PAR MDZAD DO, ,DGE BA'I RTZA BA BSKYED PA RNAMS NI DGE BA'I RTZA BA YONGS SU SMIN PAR MDZAD DO, ,YONGS SU SMIN PA RNAMS NI RIGS JI LTA BA BZHIN DU NYAN THOS LA SOGS PA LA 'GOD CING YONGS SU GROL BAR MDZAD DE, DE LTAR NA BCOM LDAN 'DAS DE NI NGAN 'GRO DANG BDE 'GROR SKYES PA RNAMS DANG, SKAL BA DANG LDAN PA DANG, SKAL BA DANG MI LDAN PA RNAMS KYI BYA BA BSGRUB PA'I PHYIR NA SEMS CAN THAMS CAD KYI STON PA ZHES BYA'O, ,BYA BA DE'I GNAS SKABS KYI BYE BRAG NI RNAM PA GNYIS TE, ZHUGS PA'I GNAS SKABS KYI BYE BRAG DANG, 'JUG PA'I GNAS SKABS KYI BYE BRAG GO, ,ZHUGS PA'I GNAS SKABS KYI BYE BRAG KYANG SANGS RGYAS 'BYUNG BA DANG NYE BAR BSGRUB PAR BYA BA'I PHYIR SANGS RGYAS DANG NYAN THOS KYI RIGS KYI BYE BRAG NI RNAM PA GNYIS SO, ,DE LA SANGS RGYAS KYI RIGS CAN GYI DBANG DU MDZAD NAS BYANG CHUB SEMS DPA' RNAMS KYI YAB CES BYA BA SMOS TE, BCOM LDAN 'DAS DE NI RANG GI YON TAN PHUN SUM TSOGS PA LA DBANG THOB PA'I BYANG CHUB SEMS DPA' RNAMS LA YANG DAG PAR GTOD PA'I PHYIR 'KHOR LOS SGYUR BAS 'KHOR LOS SGYUR BA'I BU MTSAN DANG LDAN PA LA 'KHOR LO YANG DAG PAR GTOD PA SHES PA RNAMS KYI PHAR GYUR PA DANG 'DRA BA DE DAG GI YAB TU GYUR ZHES BYA'O, , @61A *, ,NYAN THOS KYI RIGS CAN GYI DBANG DU MDZAD NAS 'PHAGS PA'I GANG ZAG RNAMS KYI RGYAL PO ZHES BYA BA SMOS TE, BCOM LDAN 'DAS DE NI 'KHOR LOS SGYUR BA'I BU PHAL PA RNAMS KYI RGYAL POR GYUR PA BZHIN DU NYAN THOS GCIG TU DKA' BZHIN DU BYED PAS RTOG PA THOB PA RNAMS KYI RGYAL PO LTA BUR GYUR PA YIN NO, ,'JUG PA'I GNAS SKABS KYI BYE BRAG NI RIGS GSUM CAR LA YANG SRID PAS DE'I PHYIR DE'I DBANG DU MDZAD NAS MYA NGAN LAS 'DAS PA'I GRONG KHYER DU 'GRO BA RNAMS KYI DED DPON ZHES BYA BA SMOS TE, BCOM LDAN 'DAS DE NI MYA NGAN LAS 'DAS PA'I GRONG KHYER DU 'JUG PA THAR PA'I SA BON MA SKYES PA DE DAG GI RIGS JI LTA BA BZHIN DU LAM NAS LAM GZHAN DU KHRID PAR MDZAD PA'I PHYIR DED DPON ZHES BYA'O, ,YE SHES DPAG TU MED PA, SPOBS PA BSAM GYIS MI KHYAB PA, GSUNG RNAM PAR DAG PA, DBYANGS SNYAN PA, SKU BYAD PA LTA BAS CHOG MI SHES PA, SKU MTSUNGS PA MED PA ZHES BYA BA'I TSIG 'DI DRUG GIS NI BCOM LDAN 'DAS DE THABS GANG GIS SEMS CAN GYI DON MDZAD PA'I THABS DE STON TE, THABS DE YANG DE LAS GSUM YIN NO, ,DE LA GO RIMS BZHIN DU TSIG DANG POS NI YID KYI PHRIN LAS STON TO, ,GSUM GYIS NI GSUNG GI PHRIN LAS STON TO, ,GNYIS KYIS NI SKU'I PHRIN LAS STON TE, GSUNG DANG SKU'I PHRIN LAS DAG NI CHOS 'CHAD PA LA SOGS PA STON PA'I NGO BO YIN PA'I PHYIR LHUR SEMS CAN GYI DON MDZAD PA'I THABS YIN PAR STON TO, ,THUGS KYI PHRIN LAS KYANG DE DAG KUN NAS SLONG BAR BYED PA NYID KYIS SEMS CAN GYI DON MDZAD PA'I THABS YIN PAR YONGS SU BZUNG STE, YE SHES NI DE DANG LHAN CIG SPYOD PA'I PHYIR 'DIR THUGS KYI PHRIN LAS ZHES BSHAD DO, ,YUL DPAG TU MED PAS YE SHES DPAG TU MED PA YIN LA, DE DANG LDAN PAS BCOM LDAN 'DAS YE SHES DPAG TU MED PA ZHES BYA STE, SKU DANG GSUNG GI PHRIN LAS KYI MTSAN NYID NI SEMS CAN GYI DON MDZAD PA'I THABS YIN PAR BZUNG LA, DE DAG KYANG DPAG TU MED LA BCOM LDAN 'DAS KYI YE SHES DE LA THOGS PA MED PAR 'JUG GO, ,GSUNG GI PHRIN LAS NI SPOBS PA DANG DBYANGS RNAM PAR DAG PA'I YON TAN PHUN SUM TSOGS PA'I KHYAD PAR BSTAN TE, DE LA SPOBS @61B PA'I KHYAD PAR YANG RNAM PA GNYIS TE, YI GE LA BRTEN PA DANG, DON LA BRTEN PA'O, ,YI GE LA BRTEN PA NI TSIG RE RE LA BRTEN NAS YI GE'I BYE BRAG GZHAN DANG GZHAN DAG GIS BSKAL PA DPAG TU MED PAR STON KYANG DE BZHIN GSHEGS PA'I SPOBS PA YONGS SU GTUGS PA MED PA LAS RIG PAR BYA'O, ,DON LA BRTEN PA NI BSKAL PA DPAG TU MED PAR SEMS CAN DPAG TU MED PA RNAMS SO SO NAS ZHU BA DPAG TU MED PA YONGS SU ZHUS PA'I ZHU BA THAMS CAD LA LAN CIG GSUNG GCIG BRJOD PA KHO NAS LAN THEBS PA LAS RIG PAR BYA STE, DE LTAR NA YI GE DANG DON LA BRTEN PA'I SPOBS PA'I KHYAD PAR GYIS BSAM GYIS MI KHYAB PA NGO MTSAR RMAD DU BYUNG BA'I CHOS STON PAR MDZAD PA'I PHYIR BCOM LDAN 'DAS DE SPOBS PA BSAM GYIS MI KHYAB PA ZHES BYA'O, ,NGAG GI SKYON BRDZUN DU SMRA BA LA SOGS PA DANG, SMRA BAR BCOL PA'I SKYON SPU ZING ZHES BYED PA LA SOGS PA DANG, DA RO'I SKYON GDANGS MI SNYAN PA LA SOGS PA JI SNYED PA DE DAG MED PA'I PHYIR BCOM LDAN 'DAS DE NI GSUNG RNAM PAR DAG PA ZHES BYA'O, ,GSUNG GI YON TAN GYI SGO NAS YID DU 'ONG BA'I PHYIR BCOM LDAN 'DAS DE NI DBYANGS SNYAN PA ZHES BYA'O, ,GSUNG GI YON TAN NI GSUNG DBYANGS KYI YAN LAG LNGA DANG LDAN PA DANG DRUG CU DANG LDAN PA LAS RIG PAR BYA'O, ,SKU BYAD BLTA BAS CHOG MI SHES PA DANG, SKU MTSUNGS PA MED PA ZHES BYA BA'I TSIG 'DI GNYIS NI SKU'I PHRIN LAS KYI RTEN GYI KHYAD PAR DANG, RANG GI NGO BO'I KHYAD PAR BSTAN TE, DE LA RTEN GYI KHYAD PAR NI SKU BYAD BLTA BAS CHOG MI SHES PA LAS RIG PAR BYA STE, BCOM LDAN 'DAS DE'I YAN LAG DANG NYING LAG DAG LA YUN RING MO ZHIG NAS MTHONG YANG SNGON MA MTHONG BA BZHIN DU BLTA BA'I DGA' BAS NGOMS MI SHES PA'I SKU BYAD BLTA BAS CHOG MI SHES PA ZHES BYA'O, ,RANG GI NGO BO'I KHYAD PAR NI SKU MTSUNGS PA MED PA LAS RIG PAR BYA STE, BCOM LDAN 'DAS DE NI KHAMS DANG, 'GRO BA DANG, SKYE GNAS DAG TU GDUL BYA DE DANG DE DAG LA KHA DOG DANG SPYOD PA MTHUN PAR BSTAN PA DANG, CHOS BSTAN PAS 'DUL BAR MDZAD PA'I PHYIR SKU MTSUNGS PA MED PA ZHES BYA'O, ,'DOD PA DAG GIS MA GOS PA, GZUGS DAG GIS NYE BAR MA GOS PA, GZUGS MED PA DAG DANG MA @62A *, ,'DRES PA ZHES BYA BA'I TSIG 'DI GSUM GYIS NI BCOM LDAN 'DAS DE GANG NA GNAS PA DANG, DE LA JI LTAR MA CHAGS PAR SEMS CAN GYI DON MDZAD PA STON TE, DE LA GANG NA GNAS SHING SEMS CAN GYI DON MDZAD CE NA, 'DOD PA'I KHAMS DANG, GZUGS KYI KHAMS NA GNAS TE, DE NA LUS DANG, NGAG DANG 'BREL PA YOD PA'I PHYIR RO, ,GZUGS MED PA'I KHAMS NA NI MA YIN TE, DE NYID KYI PHYIR GZUGS MED PA DAG DANG MA 'DRES PA ZHES BYA BA GSUNGS SO, ,DE LA BCOM LDAN 'DAS DE 'DOD PA'I KHAMS NA SEMS CAN GYI DON MDZAD PA NA 'DOD PAR GTOGS PA'I 'DOD PA'I 'DOD CHAGS LA SOGS PA'AM, DER GTOGS PA'I SEMS CAN LOG PAR SGRUB PA DAG GIS MI 'PHROGS PA'I PHYIR 'DOD PA DAG GIS MA GOS PA ZHES BYA'O, ,GZUGS KYI KHAMS NA YANG SNYOMS PAR 'JUG PA'I TSE SNYOMS PAR 'JUG PA'I BDE BA DAG DANG, DER GTOGS PA'I SEMS CAN DANG 'BREL PA DER SKYE BA'I YON TAN YANG DAG PAR BSTAN PAS SEMS MA 'PHANGS PA'I PHYIR GZUGS DAG GIS NYE BAR MA GOS PA ZHES BYA'O, ,NYE BAR GOS PA NI NYE BAR GOS PA STE, DE YANG SNYOMS PAR 'JUG PA'I RO MYANG BA DANG SKYE BA'I YON TAN YANG DAG PAR MTHONG BAS RO MYANG BA'O, ,DE DAG MED PAS NA NYE BAR MA GOS PA ZHES BYA'O, ,PHUNG PO DAG LAS RAB TU RNAM PAR GROL BA, KHAMS RNAMS DAD MI LDAN PA, SKYE MCHED RNAMS BSDAMS PA ZHES BYA BA'I TSIG 'DI GSUM GYIS NI BCOM LDAN 'DAS DE DNGOS PO GANG LA YANG MA CHAGS PAR SEMS CAN GYI DON MDZAD PA DE STON TE DNGOS PO DE YANG PHUNG PO DANG, KHAMS DANG SKYE MCHED DAG YIN TE, PHYI NANG GI DNGOS PO NI DE'I BDAG NYID YIN PA'I PHYIR RO, ,DE DAG KYANG CHAGS PA'I GNAS YIN PA'I PHYIR TE, DE LA PHUNG PO RNAMS NI, YANG SKYE BA'I MTSAN NYID YIN PA'I PHYIR DE DAG LA RAB TU THAR BAS, BCOM LDAN 'DAS DE PHUNG PO DAG LAS RAB TU RNAM PAR GROL BA ZHES BYA'O, ,KHAMS RNAMS NI DBANG PO RNAMS KYIS RNAM PAR SHES PA'I SGO NAS YUL RNAMS DANG LDAN PA'I NGO BO YIN PA'I PHYIR DE LA BRTEN PA'I KUN NAS NYON MONGS PA DANG BRAL BAS, BCOM LDAN 'DAS DE KHAMS RNAMS DANG MI LDAN PA @62B ZHES BYA'O, ,SKYE MCHED RNAMS NI MTHONG BA LA SOGS PA SKYE BA'I SGOR GYUR PA'I PHYIR, DE LA BRTEN PA'I KUN NAS NYON MONGS PA BSDAMS PA'I PHYIR, BCOM LDAN 'DAS DE SKYE MCHED RNAMS BSDAMS PA ZHES BYA'O, ,MDUD PA RNAMS YONGS SU BCAD PA, YONGS SU GDUNG BA DAG LAS RNAM PAR GROL BA, SRED PA LAS YONGS SU GROL BA, CHU BO LAS BRGAL BA ZHES BYA BA'I TSIG 'DI BZHIS NI, BCOM LDAN 'DAS DE SPANGS PA PHUN SUM TSOGS PA JI LTA BU ZHIG YIN NA, SEMS CAN GYI DON MDZAD PA DE STON TE, NYON MONGS PA RNAMS NI MDOR BSDU NA, YUL DANG MA PHRAD PA DANG; PHRAD PA'I BYE BRAG GIS RNAM PA GNYIS TE, MDUD PA'I MTSAN NYID RNAMS DANG, YONGS SU GDUNG BA'I MTSAN NYID RNAMS SO, ,DE DAG GI SGO YANG RNAM PA GNYIS TE, SRED PA'I SGO RNAMS DANG, CHU BO'I SOG RNAMS SO, ,YUL DANG MA PHRAD PA RNAMS LA NI, DON DU GNYER BA'I RNAM PA'I SRED PA'I SGO NAS MDUD PAR GYUR PA DAG YIN NO, ,PHRAD PA RNAMS LA NI SHAS CHER KUN TU SPYOD PA'I SGO NAS CHU BO BZHIN DU 'PHROGS PA'I PHYIR YONGS SU GDUNG BAR 'GYUR BA DAG YIN NO, ,MDUD PA DE DANG DE DAG GI SGOR GYUR PA SRED PA RNAMS DANG, YONGS SU GDUNG BA DE DANG DE DAG GI SGOR GYUR PA CHU BO RNAMS SPANGS PA'I PHYIR, BCOM LDAN 'DAS DE MDUD PA RNAMS SHIN TU BCAD PA, YONGS SU GDUNG BA DAG LAS RNAM PAR GROL BA, SRED PA LAS YONGS SU GROL BA, CHU BO LAS BRGAL BA ZHES BYA'O, ,YE SHES YONGS SU RDZOGS PA, 'DAS PA DANG MA BYON PA DANG DA LTAR BYUNG BA'I SANGS RGYAS BCOM LDAN 'DAS RNAMS KYI YE SHES LA GNAS PA, MYA NGAN 'DAS PA LA MI GNAS PA, YANG DAG PA NYID KYI MTHA' LA GNAS PA ZHES BYA BA'I TSIG 'DI BZHIS NI, BCOM LDAN 'DAS DE YE SHES PHUN SUM TSOGS PA JI LTA BU ZHIG YIN NA, SEMS CAN GYI DON MDZAD PA DE STON TE, YE SHES DE NI RNAM PA GSUM STE, RNAM PA THAMS CAD MKHYEN PA DANG, THA DAD MED PAR MKHYEN PA DANG, MI GNAS PA'I MKHYEN PA'O, ,DE LA RNAM PA THAMS CAD MKHYEN PA NI YE SHES KYIS SHES BYA'I TSOGS THAMS CAD DANG, RNAM PA THAMS CAD LA KHYAB PA'I PHYIR YE SHES YONGS SU RDZOGS PA ZHES BYA BA YIN NO, ,THA DAD PA MED PAR MKHYEN PA NI, DUS GSUM DU GTOGS PA'I SANGS RGYAS KYI SKU TSE DANG, @63A *, ,SKU'I NGO BO DANG, ZHING LA SOGS PA'I KHYAD PAR GYIS THA DAD PA RNAMS KYANG, CHOS KYI SKUS MNYAM PA NYID BRNYES PA'I PHYIR, 'DAS PA DANG, MA BYON PA DANG, DA LTAR BYUNG BA'I SANGS RGYAS BCOM LDAN 'DAS RNAMS KYI YE SHES LA GNAS PA ZHES BYA BA YIN NO, ,MI GNAS PA'I MKHYEN PA NI, 'KHOR BA DANG MYA NGAN LAS 'DAS PA DAG LA MI GNAS PA'I PHYIR, MYA NGAN LAS 'DAS PA LA MI GNAS PA YIN TE, YANG DAG PA'I MTHA' LA GNAS PA GANG YIN PA DE NYID, 'DI'I NYAN THOS LA SOGS PA'I MYA NGAN LAS 'DAS PA LA MI GNAS PA YIN NO, ,YANG DAG PA'I MTHA' NI DE BZHIN NYID RNAM PAR DAG PA STE, DE NYID CHOS KYI SKU YIN NO, ,DE LA GNAS PA NI YANG DAG PA'I MTHA' LA GNAS PA ZHES BYA'O, ,SEMS CAN THAMS CAD LA GZIGS PA'I SA LA BZHUGS PA'O ZHES BYA BA NI 'DIR BSDUS PA'I DON NI 'DI YIN TE, SEMS CAN THAMS CAD LA GZIGS PA'I SA NI, DE BZHIN GSHEGS PA'I SKU GSUM YIN TE, 'DI LTA STE DE BZHIN GSHEGS PA DES DE KHO NA LA GNAS TE, SEMS CAN THAMS CAD KYI RGYUD LA GZIGS NAS, BSAM PA JI LTA BA BZHIN DU THEG PA GSUM GYI SGO NAS CHOS STON PAR MDZAD PAS SKU GSUM PO DE KHO NA LA BZHUGS ZHES BYA BA'I THA TSIG GO, ,'DI LTAR LUNG LAS, BCOM LDAN 'DAS DE LONGS SPYOD RDZOGS PA'I SKUS SA BCU LA GNAS PA 'PHAGS PA SPYAN RAS GZIGS DBANG PHYUG DANG, DE LAS GZHAN PA'I BDAG NYID CHEN PO RNAMS LA, THEG PA CHEN PO'I CHOS STON CING, 'OG MIN GYI GNAS NA BZHUGS SO ZHES 'BYUNG STE, DE LTAR RE ZHIG LONGS SPYOD RDZOGS PA'I SKUS SEMS CAN GYI DON MDZAD PAR SBYOR BAR BSHAD PA YIN NO, ,SPRUL PA'I SKU LA YANG SEMS CAN GYI DON MDZAD PAR SBYOR BAR YOD PA NYID DE, 'DI LTAR GZHUNG LUGS LAS, BCOM LDAN 'DAS DE SPRUL PA'I SKU'I 'DOD PA NA SPYOD PA [PHAGS PA SH'A RI'I BU LA SOGS PA DANG, DE LAS GZHAN PA SKAL BA DANG LDAN PA RNAMS KYI SEMS CAN GYI RGYUD LA GZIGS NAS CHO 'PHRUL GSUM BSTAN PAS BSAM PA J LTA BA DANG, SKAL PA JI LTA BA BZHIN DU NYAN THOS KYI THEG PA'I CHOS NYID STON CING 'KHOR BA JI SRID PAR BZHUGS SO ZHES 'BYUNG STE, DE LTAR SPRUL PA'I SKU DE YANG DE DANG LDAN PAR BSTAN PA @63B YIN NO, ,CHOS KYI SKU DE NI GNYI GA'I GZHIR GYUR PA'I PHYIR DE DAG GI RGYUR 'GYUR BAS DE NYID GTZO BO'I RGYU YIN NO, ,DE MED NA DE GNYI GA YANG MED PAS SEMS CAN GYI DON MDZAD PA YANG MED PAR 'GYUR TE, DE LTA BAS NA SEMS CAN THAMS CAD LA GZIGS PA'I SA NI DE BZHIN GSHEGS PA'I SKU GSUM YIN NO ZHES BYA BAR GNAS SO, ,'DI DAG NI DE BZHIN GSHEGS PA'I YANG DAG PA'I YON TAN YIN NO, ,'DIR BSDUS PA'I TSIGS SU BCAD PA NI, RGYUN MI 'CHAD GZUGS SEMS CAN DANG, ,DE YI BYA BA RIGS PA DANG, ,KHAMS DANG DNGOS LA MA CHAGS DANG, ,SPANGS DANG YE SHES PHUN SUM TSOGS, ,GZHAN GYI DON DU SPYAD PA 'DI, ,GNYIS DANG DRUG DANG GSUM DANG BZHI, ,DRUG DANG GSUM GNYIS BZHI TSAN GNYIS, ,TSIG 'DI DAG GIS RAB TU BSTAN, ,RNAM PA DRUG GIS SKU BSTAN PA, ,RTZA BA'I RAB DBYE RGYU DANG RANG, ,GNAS SKABS MDZAD PA PHUN TSOGS PA'I, ,TSIG RNAMS KYIS NI 'DIR BSHAD DO, ,STON PA PHUN TSOGS DE RGYU DANG, ,DE BZHIN BYON PA KHO NA DANG, ,DE YI PHRIN LAS DE GNAS TE, ,DRAN PA NYUNG DU'I BSDUS PA YIN, ,ZHES BYA BA YIN NO, ,'PHAGS PA SANGS RGYAS RJES SU DRAN PA'I RGYA CHER 'GREL PA, SLOB DPON DBYIG GNYEN GYIS MDZAD PA RDZOGS SO;; ,,RGYA GAR GYI MKHAN PO 'DA NA SH'I LA DANG, ZHU CHEN GYI LO TZ'A BA DGE SLONG DPAL BRTZEGS RAKshI TAS BSGYUR CING ZHUS TE GTAN LA PHAB PA'O,, #, ,RGYA GAR SKAD DU, AE KA G'A TH'A BH'A sh'Am, BOD SKAD DU, TSIGS SU BCAD PA GCIG PA'I BSHAD PA; THAMS CAD MKHYEN PA LA PHYAG 'TSAL LO, ,SKYES BU KHYU MCHOG CHEN PO KHYOD 'DRA'I DGE SBYONG CHEN PO LHA YUL SA LA'ANG MED, ,'JIG RTEN 'DI NA'ANG YOD PA MA YIN RNAM THOS BU YI GNAS NA'ANG YOD MA YIN, ,LHA YI PHO BRANG GNAS MCHOG DAG NA'ANG MED LA PHYOGS DANG PHYOGS MTSAMS DAG NA'ANG MED, , RI DANG NAGS SU BCAS PA'I SA STENG RGYAS PA KUN TU BSKOR KYANG GA LA YOD, ,CES PA'I TSIGS SU BCAD PA'O, ,TSIGS SU BCAD PA 'DIS NI CI RIGS PAR SO SOR MA NGES PA'I GNAS KYI KHYAD PAR GYI BDAG POR GYUR PA SKYES BU KHYU MCHOG TU 'DOD PA DAG LAS KHYAD PAR DU BYA BA'I PHYIR BCOM LDAN 'DAS SH'AKYA THUB PA @64A *, ,BYANG CHUB SEMS DPAR GYUR PAS NYIN ZHAG BDUN DU RNAM PA RJES SU DRAN PA DANG 'BAD PAS BRTZON 'GRUS KYI PHA ROL TU PHYIN PA 'GRUB PA'I RANG BZHIN CAN YIN TE, BCOM LDAN 'DAS SKAR RGYAL GYI YON TAN PHUN SUM TSOGS PA THAMS CAD BRJOD PAS THUN MONG MA YIN PA'I PHUN SUM TSOGS PA BRJOD PAR MNGON NO, ,DE LA SO SOR NGES PA'I GNAS KYI KHYAD PAR GYI BDAG NYID DU GYUR PA NI, 'JIG RTEN GYI NANG NA KHYAD DU 'PHAGS PAR 'DOD PA LHA'I YUL NA TSANGS PA DANG, MTSE MA DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED DO, ,SA DANG 'BREL PA'I PHYIR SA LA STE, RI RAB KYI RTZE MO BRGYA BYIN GYI'O, ,DE NYID KYI PHYOGS GCIG LTA STE, DE BAS NA GNAS MCHOG CES BYA BA GSUNGS SO, ,BANG RIM BZHI'I BYANG PHYOGS KYI NGOS NA NI RNAM THOS KYI BU'O, ,PHYOGS NA ZHES BYA BA NI RNAM THOS SRAS DANG, MIG MI BZANG DANG, 'PHAGS SKYES PO DANG, YUL 'KHOR SRUNG GI'O, ,PHYOGS MTSAMS NI RI RAB KYI STENG KHANG PA BRTZEGS PA BZHI NI LAG NA RDO RJE DBANG BYED PA YIN TE, DE DAG NI SNYING RJE DANG SPANGS PA DANG YE SHES DANG BRAL BA YIN LA, BCOM LDAN 'DAS NI DE DAG RNYED PA'I DGE BA'I 'BRAS BUS RNAM PA THAMS CAD DU 'DRA BA MA YIN NA, KHYAD PAR DU LHAG PA LTAG LA LAGS, MA NGES PA'I GNAS KYI KHYAD PAR GYI BDAG POR GYUR PA DAG NI SKYES BU'I MCHOG TU 'DOD PA YIN TE, 'JIG RTEN 'DI NA SKEM BYED DANG DBANG PHYUG DANG SKYES BU LA SOGS PA'O, ,DE DAG KYANG NYON MONGS PA DANG SDUG BSNGAL DANG LDAN PAS LUS DANG SEMS RAB TU ZHI BA MA YIN TE, DE DAG NYAN THOS DANG 'DRA BA'ANG MA YIN NA BCOM LDAN 'DAS DANG LTA SMOS KYANG CI DGOS, SKYE BO MANG PO DANG, LO TOG PHUN SUM TSOGS PA DANG, YON TAN THUN MONG MA YIN PAS RNAM PAR BRGYAN PA'I SANGS RGYAS DANG, SANGS MA RGYAS PA NI SKYES BU GTZO BOR BKUR BA NI BRAM ZE DANG, RGYAL PO DAG STE, DE DAG KYANG BSAM PA DANG SBYOR BA NGAN PAS NYAN THOS DANG 'DRA BA'ANG MA YIN NO, ,GANG DAG SPYIR RNAM PAR GROL BA THOB PA RANG SANGS RGYAS DANG, NYAN THOS DANG, BLA GAB MED PA DANG, DUR KHROD DANG, TSAL GYI NANG NA GNAS PA DE BZHIN GSHEGS PAS BSNGAGS PA'I BDAG NYID CHEN PO BSTAN PA DANG, KUN BRJOD PA @64B DANG; RJES SU BSTAN PA'I CHO 'PHRUL GYIS SEMS CAN THAMS CAD KYI NYON MONGS PA SKYOB PAR MI NUS PA DANG, DGE SBYONG CHEN POR 'DOD PA SER SKYA DANG 'UG PA LA SOGS PA DE DAG KYANG YE SHES DANG THUGS RJE'I KHYAD PAR DANG BRAL BA'I PHYIR BCOM LDAN 'DAS DANG 'DRA BA MA YIN TE, DE NYID KYI PHYIR KHYOD KYI SANGS RGYAS CHOS NI MTSUNGS MED PAS, ,KHYAD PAR 'PHAGS PA KHYAD PAR CHEN POS 'PHAGS, ,ZHES BSHAD DO, ,RNAM PA GCIG TU NA BCOM LDAN 'DAS KYI YON TAN BSTAN PA DANG BSHAD PA DAG GIS CI RIGS PAR SEMS CAN THAMS CAD KYI BLA MA NYID DU BSTAN TE, SKYES BU KHYU MCHOG CHEN PO KHYOD 'DRA'I DGE SBYONG CHEN PO GZHAN DAG LHA YUL SA LA'ANG MED, ,CES BYA BA NI BSTAN PA'O, ,LHAG MA NI DE GNYIS KYI SO SO'I BSHAD PA STE, 'JIG RTEN 'DI NA'ANG YOD PA MA YIN ZHES BYA BA NI SA LA'O, ,RNAM THOS BU YI GNAS NA'ANG YOD MA YIN, ,LHA YI PHO BRANG GNAS MCHOG DAG NA'ANG MED, ,CES PA NI LHA'I YUL NA'O, ,PHYOGS DANG PHYOGS MTSAMS DAG NA'ANG MED PA NI SA'I STENG NA STE, PHYOGS NI GLING BZHI PA RNAMS SO, ,PHYOGS MTSAMS NI BAR GYI GLING BRGYAD DO, ,RI DANG NAGS SU BCAS PA'I SA STENG RGYAS PAR KUN TU BSKOR KYANG ZHES BYA BA NI RI GNYA' SHING 'DZIN NAS BZUNG STE KHOR YUG CHEN PO'I BAR THAMS CAD DO, ,BSDUS PA'I DON NI TSIGS SU BCAD PA 'DIS BCOM LDAN 'DAS KHAMS GSUM LAS KHYAD PAR DU 'PHAGS PA NYID DU BSTAN TE, LHA YUL SA LA'ANG MED CES BYA BAS NI SA GSUM LAS KHYAD PAR DU 'PHAGS PA NYID DO, ,GZHAN GYIS NI 'DOD PA'I KHAMS LAS KHYAD PAR DU 'PHAGS PA NYID DU BSTAN TO, ,TSIGS SU BCAD PA GCIG PA'I BSHAD PA, BSTAN BCOS TSIGS SU BCAD PA BSDUS PA LAS BYUNG BA, SLOB DPON DBYIG GNYEN GYI ZHAL SNGA NAS MDZAD PA RDZOGS SO,, ,,*, ,'PHAGS PA SGO DRUG PA'I GZUNGS KYI RNAM PAR BSHAD PA, 'JAM DPAL GZHON NUR GYUR PA LA PHYAG 'TSAL LO, ,GZUNGS 'DI NI DON DRUG LAS BRTZAMS NAS GSUNGS PAR MNGON TE, SHES RAB YONGS SU RDZOGS PA DANG, SNYING RJE'I STOBS RNAM PAR DAG PA DANG, RANG GI RGYUD RNAM PAR DAG PA DANG, GZHAN GYI SGRUB PA'I GEGS YONGS @65A *, ,SU SHES PA DANG, BYANG CHUB KYI TSOGS KUN TU SDUD PA DANG, DE'I 'BRAS BU YANG DAG PA'I YE SHES DANG DE BZHIN NYID DO, ,RNAM GRANGS GZHAN YANG SDUG BSNGAL BA'I DUS DANG, BDE BA'I DUS NA SEMS CAN GYI KHAMS 'DZIN PA DANG, BDAG DANG GZHAN LA TSOGS KYI BAR CHAD YONGS SU SPANG BA DANG, TSOGS KYI RNAM PA THAMS CAD SOGS PA DANG, TSOGS BSAGS PA YANG RANG GI DON PHUN SUM TSOGS PA DANG, GZHAN GYI DON PHUN SUM TSOGS PA LAS BRTZAMS NAS BSTAN TO, ,RNAM GRANGS GZHAN DU YANG RTOG STE, THAMS CAD MKHYEN PA NYID LAS LDOG PA'I RGYU NI DRUG STE, SEMS CAN LA MA PHYOGS SHING 'KHOR BA'I SDUG BSNGAL LA JI MI SNYAM PA MED PA DANG, 'JIG RTEN PA'I PHUN SUM TSOGS PA THAMS CAD LA KUN TU 'DZIN PA'I SEMS NYID DANG, SGRIB PA LA SOGS PA DANG, MI DGE BA'I GROGS POS YONGS SU SKYOB PA'I RJES SU 'JUG PA DANG, TSOGS MA BSAGS PA NYID DANG, SRID PA'I PHUN SUM TSOGS PA LA SOGS PA LA GZHOL BA'I SEMS ZANG ZING DANG BCAS PA NYID DE, DE'I GNYEN POR GO RIMS BZHIN DU SGO DRUG PO 'DI DAG RIG PAR BYA'O, ,DANG PO DANG GNYIS PAS NI SDUG BSNGAL DANG, BDE BA'I GNAS SKABS NA SEMS CAN YONGS SU MI GTONG BAS SEMS CAN RNAMS YONGS SU SMIN PAR BYED PA BSTAN TE, ,LNGA PAS NI SANGS RGYAS KYI CHOS YONGS SU SMIN PAR BYED DO, ,GSUM PA DANG BZHI PAS NI GEGS SEL BAS BDAG GI DE GNYIS KA BSGRUB PAR NUS PA'I PHYIR RO, ,DRUG PAS NI NYAN THOS DANG RANG SANGS RGYAS DANG THUN MONG MA YIN PA'I 'BRAS BU CHOS KYI SKU ZHES BYA BA PHUL DU BYUNG DU MED PA'I PHYIR DANG, SEMS CAN THAMS CAD KYI DON BYA BAR NYE BAR GNAS PA'I PHYIR 'KHOR BA'I MTHA' JI SRID PA YIN PAR RIG PAR BYA'O, ,RNAM PA GCIG TU NA RNAM GRANGS GZHAN DU YANG RNAM PA BZHIS BSAM PA YONGS SU DAG PA BSTAN TE, CHOS LA BDAG MED PAR RAB TU RTOGS PAS SEMS CAN LOG PAR ZHUGS PA DANG, 'KHOR BA'I SDUG BSNGAL RNAMS KYIS MI G-YOS PA NYID DANG, PHUN SUM TSOGS PA'I DUS NA SEMS CAN LA LTA BA DANG BCAS PA LA KUN TU RMONGS PA LA SOGS PA'I KUN NAS NYON MONGS PA MI 'BYUNG BA DANG, RNAM PAR GROL BA STE GNAS GYUR PA'O, ,BLA NA MED PA'I YE SHES DANG, RNAM PAR @65B GROL BA LA SBYOR BA RNAM PAR DAG PA'I 'BRAS BU YIN TE, PHA ROL TU PHYIN PA DANG LDAN PA'I DGE BA'I RTZA BA 'JIG RTEN PA'AM 'JIG RTEN LAS 'DAS PA YANG RUNG GANG CI YOD PA DE THAMS CAD BLA NA MED PA'I YE SHES KYI 'BRAS BUR GYUR CIG CES BYA BA LA SOGS PA GSUNGS PA'I PHYIR RO, ,PHA ROL TU PHYIN PA YONGS SU MA RDZOGS NA BSAM PA 'BA' ZHIG GIS BLA NA MED PA'I YE SHES BSKYED MI NUS PA'I PHYIR DE PHA ROL TU PHYIN PA'I 'BRAS BUR GSUNGS TE RIGS MTHUN PA'I PHYIR BLA NA MED PA'I YE SHES NYID BSAM PA RNAM PAR DAG PA'I 'BRAS BUR RIGS SO, ,DE GNYIS KA'I 'BRAS BU NI GNYIS KA STE, BSAM PA DANG SBYOR BA GCIG LA GCIG LTOS PA GNYIS SHIN TU MTHAR THUG PA'I PHYIR RO, ,TSOGS THAMS CAD MI DMIGS PA'I RNAM PAR YONGS SU BSGOMS PA YONGS SU BSDOS PA'I DBANG GIS THAMS CAD MKHYEN PA'I YE SHES DANG, DE BZHIN GSHEGS PA'I YON TAN GZHAN RNAMS KYANG 'THOB STE, RGYU YIN PA'I PHYIR RO, ,DE LTA MA YIN NA BSAM PA YONGS SU SBYANG BA 'BRAS BU MED PA KHO NAR 'GYUR TE, DE GNYIS 'KHOR BA DANG MYA NGAN LAS 'DAS PA LA MI GNAS PA YIN NO, ,RGYU RNAM PA GNYIS KYANG SHES RAB DANG SNYING RJE MNYAM PA NYID KYIS YONGS SU ZIN PA STE, RNAM PA DE NYID KYIS YANG DAG PAR BSGRUBS PA'I PHYIR RO, ,YON TAN NI DE LTA BUS THOB PAR BYA BA'I PHYIR BYANG CHUB SEMS DPAS DGE BA'I RTZA BA THAMS CAD YONGS SU BSNGO BAR BYA'O, ,DE LTA BAS NA 'DI NI DGE BA'I RTZA BA YONGS SU BSNGO BA CHEN PO ZHES BYA'O, ,DE LTAR RNAM PA DRUG PO DE DAG GI BSGOMS PA DE DAG GI PHAN YON DRUG TU KHONG DU CHUD PAR BYA STE GO RIMS BZHIN NO, ,DGE BA'I RTZA BA 'DI DANG LDAN PA'I BYANG CHUB SEMS DPA' NI 'KHOR BAR 'KHOR BA NA SDUG BSNGAL SRAB MO MYONG BAR 'GYUR TE, DE YONGS SU GTUGS PAR MI 'GYUR BA DANG, ZAD MI SHES PA DANG, RGYA CHE BA'I RGYUN GYIS 'JIG RTEN GYI PHUN SUM TSOGS PA MYONG BAR 'GYUR ZHING SEMS CAN GYI KHAMS TSAD MED PA YONGS SU SMIN PAR BYED PA DANG, SGRIB PA MED PAR DGE BA'I RTZA BA RNAMS MYUR DU YANG DAG PAR SDUD PAR BYED LA, DGE BA LA KUN TU DGA' ZHING DGE BA LA MOS PA DANG, BYANG CHUB SEMS DPA' LA 'KHRUL BA SHIN TU PHRA BA YANG MI SNANG ZHING RAB TU RTOGS PAS SEL BA DANG, MYUR DU TSOGS YONGS SU @66A *, ,RDZOGS PAR BYED CING THAMS CAD MKHYEN PA NYID MNGON PAR SGRUB PA'I TING NGE 'DZIN KYANG THOB PA DANG, 'JIG RTEN JI TZAM PA DANG, SEMS CAN THAMS CAD KYI DON BYED PA SNANG STE, DE YANG SGRUB PA'O, ,'PHAGS PA SGO DRUG PA'I GZUNGS KYI RNAM PAR BSHAD PA, SLOB DPON DBYIG GNYEN GYIS MDZAD PA RDZOGS SO,, ,,*, ,'PHAGS PA CHOS BZHI PA'I RNAM PAR BSHAD PA, 'JAM DPAL GZHON NUR GYUR PA LA PHYAG 'TSAL LO, ,BYANG CHUB SEMS DPA' SEMS DPA' CHEN POS CHOS BZHI PO 'DI DAG JI SRID 'TSO'I BAR DU SROG GI PHYIR YANG YONGS SU GTANG BAR MI BYA'O ZHES BYA BA'I MDO 'DI CI'I PHYIR BRTZAMS SHE NA, THEG PA CHEN PO LA YANG DAG PAR ZHUGS PA BLA NA MED PA'I BYANG CHUB THOB PAR BYA BA'I THABS LA MGO RMONGS PA RNAMS LA YANG DAG PAR BSTAN PA'I PHYIR DANG, BAG MED PA RNAMS YANG DAG PAR 'DZIN DU GZHUG PA'I PHYIR DANG, KUN TU ZHUM PA RNAMS YANG DAG PAR GZENGS BSTOD PA'I PHYIR DANG, YANG DAG PAR ZHUGS PA RNAMS YANG DAG PAR RAB TU DGA' BAR BYA BA'I PHYIR RO, ,BZHI ZHES GRANGS SMOS PA NI RGYA CHE BAR DOGS NAS DE DAG NYAN MI 'DOD PA YONGS SU SPANG BAR BYA BA'I PHYIR RO, ,GRANGS SMOS NA BDE BLAG TU DRAN PA'I PHYIR RO, ,'OG NAS 'BYUNG BA'I BZOD PA DANG, DES PA GNYIS DGOS PA GCIG PAS THA MI DAD PA'I PHYIR RO, ,THEG PA CHEN PO LA YANG DAG PAR ZHUGS PA RNAMS KYI RNAM GRANGS MANG YANG MING GNYIS SMOS PA NI RGYU GSUM GYIS TE, MOS PA DANG, SBYOR BA DANG, KHONG DU CHUD PAS SO, ,MOS PAS JI LTA BU ZHE NA, SHES BYA ZAB MO LA MOS PA'I PHYIR BYANG CHUB SEMS DPA'O, ,MTHU CHEN PO LA MOS PA'I PHYIR SEMS DPA' CHEN PO'O, ,SBYOR BAS JI LTA BU ZHE NA, BDAG KYANG BLA NA MED PA YANG DAG PAR RDZOGS PA'I BYANG CHUB KYI PHYIR RAB TU BRTZON PA'I PHYIR DANG, SEMS CAN THAMS CAD SDUG BSNGAL LAS YONGS SU BSKYAB PA'I PHYIR RO, ,KHONG DU CHUD PAS JI LTA BU ZHE NA, STOBS GNYIS KYIS BYANG CHUB RTOGS PAR 'GYUR BA'I PHYIR TE, GNYIS GANG ZHE NA, BLO'I STOBS DANG, BRTZON 'GRUS KYI STOBS TE, MI SHES PA DANG, BRTZON 'GRUS CHUD DUS NI BYANG CHUB RTOGS PAR MI NUS SO, ,JI SRID 'TSO'I @66B BAR DU YONGS SU GTANG BAR MI BYA'O ZHES BYA BAS NI, CHOS DE RNAMS LA RGYUN DU BYA BA NYID STON TO, ,SROG GI PHYIR YANG ZHES BYA BAS NI GUS PAR BYA BA NYID DO, ,CI'I PHYIR CHOS BZHI ZHES BYA STE, MI NYUNG MI MANG ZHE NA, BYANG CHUB KYI TSOGS KYI BAR CHAD BYED PA'I CHOS BZHI STE, DE DAG GI GNYEN POR BZHI'O BAR CHAD BYED PA'I CHOS BZHI PO DAG GANG ZHE NA, DON DU MI GNYER BA NYID DANG, THABS MI SHES PA NYID DANG, SEMS CAN LA MI PHYOGS PA NYID DANG, YUL LA MNGON DU PHYOGS PA NYID DO, ,YANG BZHI STE, MI RTZOM PA DANG, LOG PAR RTZOM PA DANG, RTZOM PA GTONG BA DANG, RTZOM PA LA RNAM PAR G-YENG BA'O, ,YANG BYANG CHUB KYI TSOGS DANG MTHUN PA'I CHOS BZHI STE, DE DAG GI GZHI'I PHYIR BZHI'O, ,BYANG CHUB KYI TSOGS DANG MTHUN PA'I CHOS BZHI PO DAG GANG ZHE NA, GDAMS NGAG DANG RJES SU BSTAN PA 'DOD PA NYID DANG, DE 'THOB PA DANG, DE'I SNOD NYID DANG, DE GRUB PA'O,, YANG BZHI STE, DON DU GNYER BA NYID DANG, THABS SHES PA NYID DANG, SGRUB PA STE, DE LA SGRUB PA NI RNAM PA GNYIS TE, SEMS CAN YONGS SU SMIN PAR BYED PA DANG, SANGS RGYAS KYI CHOS YONGS SU SMIN PAR BYED PA'O, ,YANG BZHI STE, 'KHOR PA YONGS SU MI GTONG BA DANG, DE NA KUN NAS NYON MONGS PA MED PA DANG, SEMS CAN SDUD PA DANG, BRTZON 'GRUS SBYANGS PA NYID DO, ,YANG RGYU BZHI PO DAG GIS BGROD DKA' BA'I LAM LAS RGAL BAR BYED PA YIN TE, 'GRO BAR 'DOD PA NYID DANG, LAM SHES PA NYID DANG, YI CHAD PAS JI MI SNYAM PA NYID DANG, BAG YOD PA NYID KYIS SO, ,DE LTAR NA 'KHOR BA'I LAM LAS RGAL BAR BYED PA YIN TE, DE DAG GI GZHI'I PHYIR BZHI'O, ,CI'I PHYIR NYAN THOS DANG RANG SANGS RGYAS KYI BYANG CHUB LA RAB TU BRTZON PA LA BYANG CHUB SEMS DPA' ZHES MI BYA ZHE NA, LTAG NA MED PA NYID DU MING RNAM PAR GZHAG PA'I PHYIR TE SNANG BYED BZHIN NO, ,DON MDOR BSDU NA BCOM LDAN 'DAS KYIS MDO SDE 'DIR THEG PA CHEN PO LA YANG DAG PAR ZHUGS PA RNAMS KYI RJES SU MTHUN PA'I LAS DANG, JI LTAR DE'I 'BRAS BU MED PAR MI 'GYUR BA DE YONGS SU BSTAN TO, ,'PHAGS PA CHOS BZHI PA'I RNAM PAR BSHAD PA, SLOB DPON DBYIG GNYEN GYIS MDZAD PA RDZOGS SO,, ,, @67A *, ,'PHAGS PA CHOS BZHI PA'I RNAM PAR BSHAD PA'I RGYA CHER 'GREL PA, 'JAM DPAL GZHON NUR GYUR PA LA PHYAG 'TSAL LO, ,CHOS BZHI PO YI MDO SDE NI, ,MKHAS PA DAG GIS BSHAD KYIS KYANG, ,SHES RAB CHUNG DU DGA' BYA'I PHYIR, ,BDAG GIS KYANG NI YANG DAG BSHAD; ,'DI SKAD BDAG GIS THOS PA DUS GCIG NA, BCOM LDAN 'DAS RGYAL BU RGYAL BYED KYI TSAL, MGON MED ZAS SBYIN GYI KUN DGA' RA BA NA, DGE SLONG STONG NYIS BRGYA LNGA BCU'I DGE SLONG GI DGE 'DUN CHEN PO DANG, BYANG CHUB SEMS DPA' RAB TU MANG PO DAG DANG THABS CIG TU BZHUGS TE ZHES BYA BA NI GLENG GZHI'O, ,CI'I PHYIR RGYAL BU RGYAL BYED KYI TSAL NA BZHUGS SHE NA, CHOS 'DI KHYIM GYI GNAS NAS MNGON PAR 'BYUNG BA RNAMS KYI YIN PAR BSTAN PA'I PHYIR RO, ,DE BAS NA DGE SLONG RNAMS LA BKA' STZAL TE, RAB TU BYUNG BA RNAMS KYIS CHOS 'DI BSGRUB NUS SO ZHES BSTAN PA'I PHYIR GSUNGS SO, ,DGE SLONG GI DGE 'DUN CHEN PO 'DI GRANGS KYI PHAL CHE BA NYID LA BSTAN PA STE, DE NI DGE SLONG STONG NYIS BRGYA LNGA BCU ZHES GSUNGS PA'O, ,DE NAS BCOM LDAN 'DAS KYIS DGE SLONG RNAMS LA BKA' STZAL BA, DGE SLONG DAG CES BYA BA DANG, BCOM LDAN 'DAS ZHES BYA BA NI, DGE SLONG DAG BCOM LDAN 'DAS KYI LTAR NYAN PA DANG, BCOM LDAN 'DAS KYIS DE DAG LA 'DI SKAD CES BKA' STZAL TO, ,BYANG CHUB SEMS DPA' SEMS DPA' CHEN POS CHOS BZHI PO 'DI DAG ,JI SRID 'TSO'I BAR DU SROG GI PHYIR YANG YONGS SU GTANG BAR MI BYA'O ZHES BYA BA'I MDO 'DI CI'I PHYIR BRTZAMS SHE NA ZHES BYA BA NI CI DGOS ZHES BYA BA'I THA TSIG GO, ,DGOS PA NI THEG PA CHEN PO LA YANG DAG PAR ZHUGS PA BLA NA MED PA'I BYANG CHUB THOB PAR BYA BA'I THABS LA MGO RMONGS PA RNAMS LA YANG DAG PAR BSTAN PAR BYA BA'I PHYIR DANG, BAG MED PA RNAMS YANG DAG PAR 'DZIN DU GZHUG PA'I PHYIR DANG, KUN TU ZHUM PA RNAMS YANG DAG PAR ZHUGS PAR GZENGS BSTOD PA'I PHYIR DANG, YANG DAG PAR ZHUGS PA RNAMS YANG DAG PAR RAB TU DGA' BAR BYA BA'I PHYIR RO ZHES SMOS SO, ,DES NI DGOS PA BZHI BSTAN PA YIN TE, 'DI LTA STE, YANG DAG PAR BSTAN PA DANG, YANG @67B DAG PAR 'DZIN DU GZHUG PA DANG, YANG DAG PAR GZENGS BSTOD PA DANG, YANG DAG PAR RAB TU DGA' BAR BYA BA'O, ,GANG DAG LA YANG DAG PAR BSTAN PA'I PHYIR SNYAM PA LA, BLA NA MED PA'I BYANG CHUB THOB PAR BYA BA'I THABS LA MGO RMONGS PA LA ZHES BYA BA SMOS SO, ,BLA NA MED PA'I BYANG CHUB NI SANGS RGYAS KYI BYANG CHUB STE, DE THOB PAR BYA BA'I THABS LA GANG DAG MGO RMONGS PA DE DAG LA YANG DAG PAR BSTAN PA'I PHYIR RO, ,GANG DAG THOB PAR BYA BA'I THABS MTHONG YANG BAG MED DE MI BSGRUBS PAS BAG MED PA DE DAG YANG DAG PAR 'DZIN DU GZHUG PA'I PHYIR ZHES BYA BA NI SLONG DU GZHUG PA'I PHYIR ZHES BYA BA'I THA TSIG GO, ,GANG DAG YANG DAG PAR ZHUGS KYANG LE LO CHE BA'I PHYIR ZHAN BZHIN DU 'JUG PA DE DAG NI KUN TU ZHUM PA ZHES BYA STE, KUN TU ZHUM PA DE DAG KYANG YANG DAG PAR GZENGS BSTOD PA'I PHYIR ZHES BYA BA NI BRTZON 'GRUS CHER ZHES BYA BA'I THA TSIG GO, ,GANG DAG BRTZON 'GRUS BRTZAMS TE CHOS 'DI DAG LA GNAS PA DE DAG NI YANG DAG PAR ZHUGS PA RNAMS ZHES BYA STE, YANG DAG PAR ZHUGS PA DE DAG YANG DAG PAR RAB TU DGA' BAR BYA BA'I PHYIR ZHES BYA BA NI, DGA' BA'I BYE BRAG SKYED PA'I PHYIR ZHES BYA BA'I THA TSIG GO, ,DGOS PA 'DI DAG NI MDO SDE THAMS CAD LA YANG CI RIGS PAR 'GYUR RO, ,CI'I PHYIR BZHI ZHES GRANGS MDZAD SNYAM PA LA, BZHI ZHES GRANGS SMOS PA NI RGYA CHE BAR DOGS NAS DE DAG NYAN MI 'DOD PA YONGS SU SPANG BA'I PHYIR RO ZHES BYA BA SMOS PA NI BLO ZHAN PA GANG DAG RGYA CHE BA LA MGO RMONGS PAR GYUR PA DE DAG LA GRANGS SMOS PA MED NA RGYA CHE BAR DOGS PA SKYE'O, , DOGS PA DES DE DAG CHOS DE LA NYAN MI 'DOD PA SKYE BAR 'GYUR TE, DE BAS NA DE SPANG BA'I PHYIR GRANGS SMOS PA MDZAD DO, ,RGYU GNYIS PA STE, GRANGS SMOS NA BDE BLAG TU DRAN PA'I PHYIR RO ZHES BYA BA SMOS PA NI CHOS GANG DAG GRANGS SMOS PA DE DAG BDE BLAG TU ZIN PAR 'GYUR GYI GZHAN DU NA SEMS RNAM PAR 'KHRUGS PAR 'GYUR BAS RNAM GRANGS SMOS SO, ,RGYU GSUM PA STE, 'OG NAS 'BYUNG BA'I BZOD PA DANG, DES PA GNYIS DGOS PA GCIG PAS THA MI DAD PA'I PHYIR RO ZHES SMOS PA NI GAL TE BZHI ZHES GRANGS MA SMOS NA BZOD PA DANG, DES PA GNYIS MI RTOGS PAR 'GYUR RO, ,CI'I PHYIR DE GNYIS @68A *, ,THA MI DAD CE NA, DGOS PA GCIG PAS ZHES SMOS TE, DGOS PA GCIG PA'I PHYIR DE GNYIS THA MI DAD PAR 'DOD DO, ,DE THOB PAR MI 'GYUR BAR BYA BA'I PHYIR GRANGS SMOS PAR MDZAD DO, ,THEG PA CHEN PO LA YANG DAG PAR ZHUGS PA RNAMS KYI RNAM GRANGS MANG YANG ZHES BYA BA NI GANG DAG THEG PA CHEN PO LA YANG DAG PAR ZHUGS PA STE, BLA NA MED PA YANG DAG PAR RDZOGS PA'I BYANG CHUB TU SEMS BSKYED NAS PHA ROL TU PHYIN PA DRUG LA ZHUGS PA DE DAG LA MING MANG YANG ZHES BYA BA STE, DPER NA, BYANG CHUB SEMS DPA' SEMS DPA' CHE, ,BLO DANG LDAN PA GSAL BA'I MCHOG, RGYAL SRAS RGYAL BA NYID DANG NI, ,RGYAL GZHI RGYAL BA'I MYU GU DANG, ,RTZAL DANG LDAN PA NGO MTSAR BA, ,DE DPON GRAGS PA CHEN PO DANG, ,THUGS RJE LDAN DANG BSOD NAMS CHE, ,DBANG PHYUG DE BZHIN CHOS CAN NO, ,ZHES BSHAD PA LTA BU'O, ,DE LTAR RNAM GRANGS MANG NA CI'I PHYIR BYANG CHUB SEMS DPA' SEMS DPA' CHEN PO ZHES MING GNYIS SMOS SHE NA, DE'I PHYIR RGYU GSUM GYIS ZHES BYA BA SMOS TE, GSUM GANG ZHE NA, MOS PA DANG, SBYOR BA DANG, KHONG DU CHUD PAS SO, ,MOS PAS JI LTA BU ZHE NA, SHES BYA ZAB MO LA MOS PA'I PHYIR BYANG CHUB SEMS DPA' ZHES BYA BA DE LA ZAB MO NI GANG ZAG DANG CHOS LA BDAG MED PA NYID DO, ,DE RTOGS PA NI BYANG CHUB SEMS DPA' STE DE LA MOS PA'O, ,SEMS DPA' NI DE LA SEMS PAS BYANG CHUB SEMS DPA'O, ,MTHU CHEN PO LA MOS PA'I PHYIR SEMS DPA' CHEN PO ZHES BYA BA DE LA MTHU CHEN PO NI GANG SU'I LUNGm BU RE RE NAS KYANG SANGS RGYAS KYI ZHING DU MA 'JIG PA DANG 'CHAGS PA'I BSKAL BA LA SOGS PA SMOS TE, DE'I PHYIR DE LA MOS PAS NA SEMS CAN DE CHE BAS SEMS DPA' CHEN PO'O, ,SBYOR BAS JI LTA BU ZHE NA, BDAG KYANG BLA NA MED PA YANG DAG PAR RDZOGS PA'I BYANG CHUB KYI PHYIR RAB TU BRTZON PA'I PHYIR BYANG CHUB SEMS DPA' ZHES BYA STE; BYANG CHUB LA RAB TU BRTZON PA'I SEMS CAN NI BYANG CHUB SEMS DPA'O, ,SEMS CAN THAMS CAD SDUG BSNGAL LAS YONGS SU BSKYAB PA'I PHYIR ZHES BYA BA NI RAB TU BRTZON PA'I BYANG CHUB SEMS DPA' CHEN PO ZHES SBYAR BAR BYA STE, SEMS CAN GYI TSOGS CHEN PO MYA NGAN LAS ZLO PA'I PHYIR RAB TU BRTZON PA'I @68B SEMS CAN NI NGES PA'I TSIG GI TSUL GYIS SEMS DPA' CHEN PO ZHES BYA'O, ,KHONG DU CHUD PA JI LTA BU ZHE NA, STOBS GNYIS KYIS BYANG CHUB RTOGS PAR 'GYUR BA'I PHYIR TE ZHES BYA BA NI GANG GI PHYIR THEG PA CHEN PO LA YANG DAG PAR ZHUGS PA CHOS GNYIS DANG LDAN NA BYANG CHUB RTOGS PAR 'GYUR TE, DE BAS NA GNYIS DANG LDAN NA BYANG CHUB SEMS DPA' SEMS DPA' CHEN PO ZHES BYA'O, ,GNYIS GANG ZHE NA, BLO'I STOBS DANG, BRTZON 'GRUS KYI STOBS TE ZHES BYA BA SMOS TE, BLO NYID DANG, BRTZON 'GRUS NYID STOBS ZHES TSIG RNAM PAR SBYOR RO, ,BLO DE DANG LDAN PA'I SEMS CAN NI MI MTHUN PA'I PHYOGS KYI ZIL GYIS MI NON PAS BYANG CHUB SEMS DPA'O, ,BRTZON 'GRUS NI CHE BAR 'GYUR BA'I RGYU YIN PAS DE DANG LDAN PA'I SEMS CAN NI BYANG CHUB SEMS DPA' CHEN PO ZHES BYA'O, ,STOBS GNYIS KYIS BYANG CHUB RTOGS PAR JI LTAR SHES SHE NA, MI SHES PA DANG, BRTZON 'GRUS CHUNG DUS NI BYANG CHUB RTOGS PAR MI NUS SO ZHES BSHAD PA STE, DE BAS NA DE LTAR RGYU GSUM GYIS MING GNYIS SMOS PA MDZAD DO, ,DE NI 'DI SKAD DU THEG PA CHEN PO LA YANG DAG PAR ZHUGS PA RNAMS KYI RNAM GRANGS MANG DU ZIN KYANG 'DIR JI SKAD SMOS PA'I MOS PA DANG, SBYOR BA DANG, RTOGS PA DANG LDAN PA LA BYANG CHUB SEMS DPA' ZHES BYA STE, DE GNYIS STON PA'I PHYIR SMOS SO ZHES BSTAN PAR 'GYUR RO, ,JI SRID 'TSO'I BAR DU YONGS SU GTANG BAR MI BYA'O ZHES BYA BAS NI CHOS DE RNAMS LA RGYUN DU BYA BA NYID STON TO ZHES BYA BAS NI CHOS DE DAG LA RTAG TU BSTEN NA JI SKAD BSHAD PA BZHIN DU THOB PAR BSTAN PA'O, ,YON TAN DE YANG 'OG NAS TSIGS SU BCAD DE, MKHAS 'DIR CHOS 'DI DAG LA RTAG GNAS NA, ,BDUD RNAMS BCOM STE BYANG CHUB 'TSANG RGYA'O, ,ZHES GSUNGS PA'O, ,SROG GI PHYIR YANG ZHES BYA BAS NI GUS PAR BYA BA NYID DE, GUS PAR BYA BA NI CHOS BZHI PO 'DI DAG LA BYA BAR BSTAN PAR SBYAR TE, BSTI STANG DU BYA ZHING GUS PA [?] DANG BCAS PAS BSTAN NA YON TAN RNAMS THOB PAR BSTAN TO, ,CI'I PHYIR CHOS BZHI ZHES BYA ZHE NA ZHES BYA BA NI BZHI PO 'DI NYID DE ZHES BYA BA'I THA TSIG STE, MI NYUNG MI MANG ZHES BYA BAR SBYOR RO, ,LAN DU BYANG CHUB KYI TSOGS KYI BAR CHAD BYED PA'I CHOS BZHI STE ZHES BYA BA SMOS TE, GANG GI PHYIR BYANG @69A *, ,CHUB SEMS DPA'I TSOGS LA BAR CHAD BYED PA BZHI KHO NA STE, MI NYUNG MI MANG LA DE DAG GI GNYEN POR BSHAD PAS BZHI NYID DU 'GYUR TE, NYUNG BA YANG MA YIN MANG BA YANG MA YIN NO, ,BAR CHAD BYED PA DE DAG GANG YIN SNYAM PA LA DON DU MI GNYER BA NYID DANG, THABS MI SHES PA NYID DANG, SEMS CAN LA MI PHYOGS PA NYID DANG, YUL LA MNGON DU PHYOGS PA NYID DO ZHES BYA BA SMOS TE, DE LA RE ZHIG DON DU MI GNYER BA NYID KYI GNYEN POR NI 'DI LTA STE, DGE SLONG DAG BYANG CHUB SEMS DPA' SEMS DPA' CHEN POS JI SRID 'TSO'I BAR DU BYANG CHUB KYI SEMS SROG GI PHYIR YANG YONGS SU GTANG BAR MI BYA ZHES GSUNGS PA STE, BYANG CHUB KYI SEMS NI DON DU GNYER BA'I NGO BO YIN PAS MI 'DOD PA NYID BZLOG PAR 'GYUR RO, ,THABS MI SHES PA NYID KYI GNYEN POR NI 'DI LTAR DGE BA'I BSHES GNYEN YONGS SU GTANG BAR MI BYA ZHES GSUNGS PA STE, DE LA BRTEN NAS THABS SHES PA NYID THOB PAR 'GYUR BA'I PHYIR RO, ,DE LA BYANG CHUB SEMS DPA'I DGE BA'I BSHES GNYEN NI BYANG CHUB SEMS DPA' RNAMS DANG SANGS RGYAS RNAMS TE, DPER NA BYANG CHUB SEMS DPA'I CHOS SMRA BA'I DGE BA'I BSHES GNYEN NI SANGS RGYAS BCOM LDAN 'DAS RNAMS BYANG CHUB SEMS DPA'I DGE BA'I BSHES GNYEN ZHES GSUNGS PA LTA BU'O, ,SEMS CAN LA MI PHYOGS PA NYID KYI GNYEN POR 'DI LTAR BZOD PA DANG, DES PA YONGS SU GTANG BAR MI BYA ZHES GSUNGS PA STE, DE LA BZOD PA NI PHA ROL GYI GNOD PA BYAS PA LA BZOD PA'O, ,DES PA NI PHA ROL LA GNOD PA MI BYED PA STE, BDAG GI SEMS RNAM PAR DAG PA DANG, GZHAN GYI SEMS RJES SU SRUNG BA DANG, GO RIMS BZHIN NO, ,DE LTAR SDUG BSNGAL DANG GNOD PA 'DOD PA'I GNYEN POS SEMS CAN LA MI PHYOGS PA NYID KYI GNYEN POR GYUR BA YIN NO, ,YUL MNGON DU PHYOGS PA'I GNYEN POR NI 'DI LTAR DGON PA LA GNAS PA YONGS SU GTANG BAR MI BYA ZHES GSUNGS PA STE, DE NA BUD MED KYI GZUGS LA SOGS PA CHAGS PAR 'GYUR BA RNAMS MED PA'I PHYIR RO, ,'DRE BA MED PAS MNGON DU PHYOGS PA'I GNYEN POR 'GYUR BA YIN NO, ,YANG BZHI STE ZHES BYA BA NI BYANG CHUB SEMS DPA'I TSOGS KYI BAR @69B CHAD BYED PA'I CHOS BZHI ZHES BYA BAR BSNYEGS SO, ,BZHI GANG ZHE NA, 'DI LTA STE, MI RTZOM PA DANG, LOG PAR RTZOM PA DANG, RTZOM PA GTONG BA DANG, RTZOM PA LA RNAM PAR G-YENG BA'O, ,DE LA MI RTZOM PA'I GNYEN POR NI 'DI LTAR BYANG CHUB KYI SEMS YONGS SU GTANG BAR MI BYA ZHES GSUNGS PA STE, BYANG CHUB KYI SEMS NI BYANG CHUB LA RTZOL BAR 'GYUR BA'I PHYIR MI RTZOM PA'I GNYEN PO NYID YIN PAR RIG PAR BYA'O, ,LOG PAR RTZOM PA'I GNYEN POR NI 'DI LTAR DGE BA'I BSHES GNYEN YONGS SU GTANG BAR MI BYA ZHES GSUNGS PA STE, DGE BA'I BSHES GNYEN NI YANG DAG PA'I RTZOM PA'I RGYUR GYUR BA'I PHYIR TE 'DI LTAR BYANG CHUB SEMS DPA'I DGE BA'I BSHES GNYEN RNAMS NI NYAN THOS DANG RANG SANGS RGYAS KYI LAM DANG 'KHOR BA'I GNYEN PO'I CHOS STON PA'O, ,DE BAS NA DGE BA'I BSHES GNYEN RNAMS YIN GYI DE LTA MA YIN NA NI MDZA' BSHES NGAN PA RNAMS SU 'GYUR TE; DPER NA BZHI PO 'DI DAG NI BYANG CHUB SEMS DPA'I MDZA' BSHES NGAN PA GROGS NGAN PA STE, NYAN THOS KYI THEG PA CAN BDAG LA PHAN PA'I PHYIR ZHUGS PA DANG, RANG SANGS RGYAS KYI THEG PA CAN DON NYUNG ZHING BYA BA NYUNG BA DANG, 'JIG RTEN RGYANG PAN PA GSANG TSIG GI SPOBS PA SNA TSOGS CAN ZHES RGYA CHER GSUNGS PA LTA BU'O, ,RTZOM PA GTONG BA ZHES BYA BA NI BYANG CHUB KYI SEMS YONGS SU GTONG BA STE, DE'I GNYEN POR BZOD PA DANG, DES PA YONGS SU GTANG BAR MI BYA ZHES GSUNGS PA STE, BZOD PA DANG DES PA MED NA GRANG BA LA SOGS PA LAS BYUNG BA DANG, GZHAN GYI GNOD PA LAS BYUNG BA'I SDUG BSNGAL GYI BYE BRAG GIS GZIR BAR 'GYUR NA BYANG CHUB KYI SEMS YONGS SU GTONG BAR 'GYUR BAS RTZOM PA GTONG BA'I GNYEN PO NI BZOD PA DANG DES PA'O, ,RTZOM PA LA RNAM PAR G-YENG BA'I GNYEN POR DGON PA LA GNAS PA YONGS SU GTANG BAR MI BYA ZHES GSUNGS PA STE, BYANG CHUB KYI SEMS YOD DU ZIN KYANG LUS KYI SEMS RNAM PAR G-YENGS NA BYANG CHUB RTOGS PAR MI NUS KYI, YUL YONGS SU BTANG BAS DGON PA LA DGA' BAR GYUR NA RTOGS PAR 'GYUR TE, DPER NA DGON PAR MNGON PAR DGYES PA'I RGYAL BAS BYANG CHUB BRNYES ZHES JI SKAD GSUNGS PA LTA BU'O, ,YANG @70A *, ,BYANG CHUB KYI TSOGS DANG MTHUN PA'I CHOS BZHI STE, DE DAG GI GZHI'I PHYIR BZHI YIN PAS MI NYUNG MI MANG NGO ZHES SBYAR RO, ,BYANG CHUB KYI TSOGS DANG MTHUN PA'I CHOS BZHI PO DAG GANG ZHE NA, GDAMS NGAG DANG RJES SU BSTAN PA 'DOD PA NYID DANG, DE 'THOB PA DANG; DE'I SNOD NYID DANG, DE SGRUB PA'O, ,BZHI PO DE DAG NI BYANG CHUB KYI TSOGS PHA ROL TU PHYIN PA ZHES BYA BA'I RJES SU MTHUN PA DE SGRUB PAR BYED PA'O ZHES BYA BA'I THA TSIG GO, ,DE LA BYANG CHUB KYI SEMS YONGS SU MI GTONG BA NI GDAMS NGAG DANG RJES SU BSTAN PA NYID KYI PHYIR YIN TE, 'DI LTAR BYANG CHUB KYI SEMS MA BTANG NA BYANG CHUB SEMS DPA' RNAMS DGE BA'I BSHES GNYEN LA GDAMS NGAG DANG RJES SU BSTAN PA NOD PAR 'DOD DE, DPER NA 'PHAGS PA NOR BZANGS LTA BU'O, ,DE 'THOB PA ZHES BYA BA NI GDAMS NGAG DANG RJES SU BSTAN PA 'THOB PA STE, DE YANG DGE BA'I BSHES GNYEN LA BRTEN NAS DE GNYIS 'THOB PA'I PHYIR RO, ,DE'I SNOD NYID CES BYA BA NI DE GNYIS KYI SNOD NYID DE, GDAMS NGAG RJES SU BSTAN PA'I SNOD CES BYA BA'I THA TSIG GO, ,DE'I GZHI NI BZOD PA DANG DES PA'O, ,DE'I SGRUB PA ZHES BYA BA NI GDAMS NGAG DANG RJES SU BSTAN PA DE GNYIS SGRUB CES BYA BA'I THA TSIG STE, DE'I GZHI NI DGON PA LA GNAS PA LA BYA'O, ,DE NI ZHI GNAS DANG LHAG MTHONG DANG TSUL KHRIMS YANG DAG PAR 'GRUB PA'I RGYU YIN NO, ,GRONG NI 'PHRAL GYI BYA BA MANG BA'I PHYIR MA YIN NO, ,YANG BYANG CHUB KYI TSOGS DANG MTHUN PA'I CHOS BZHI STE, DE DAG GI GZHI'I PHYIR BZHI ZHES BYA BAR SBYAR RO, ,BZHI PO DAG GANG ZHE NA, DON DU GNYER BA NYID DANG, THABS SHES PA NYID DANG, SGRUB PA STE, DE LA SGRUB PA NI RNAM PA GNYIS TE, SEMS CAN YONGS SU SMIN PAR BYED PA DANG, SANGS RGYAS KYI CHOS YONGS SU SMIN PAR BYED PA'O, ,DE LA DON DU GNYER BA NYID KYI GZHI NI BYANG CHUB KYI SEMS YONGS SU MI GTONG BA'O, ,NYAN THOS DANG RANG SANGS RGYAS BYANG CHUB KYI SEMS BTANG BA DAG NI SANGS RGYAS KYI YON TAN DON DU GNYER BAR MI 'GYUR RO, ,THABS SHES PA NYID CES BYA BA NI SANGS RGYAS NYID THOB PAR BYED PA'I THABS SHES PA NYID CES BYA BA'I THA TSIG GO, , @70B DE'I GZHI NI DGE BA'I BSHES GNYEN TE, DE LAS DE THOS PAR 'GYUR BA'I PHYIR RO, ,SGRUB PA ZHES BYA BA'I SGRUB PA STE BSHAD DO, ,DE LA SGRUB PA NI RNAM PA GNYIS TE, SEMS CAN YONGS SU SMIN PAR BYED PA DANG, SANGS RGYAS KYI CHOS YONGS SU SMIN PAR BYED PA'O ZHES BYA BA LA, SEMS CAN YONGS SU SMIN PAR BYED PA'I GZHI NI BZOD PA DANG DES PA'O, ,SANGS RGYAS KYI CHOS YONGS SU SMIN PAR BYED PA'I GZHI NI GZHAN DGON PA LA GNAS PA STE, SEMS CAN LOG PAR ZHUGS PA DAG LA MI BZOD PA'I NGANG TSUL CAN DANG, 'DU 'DZI LA DGA' BDAG GIS NI YONGS SU SMIN PAR BYED PA GNYIS SGRUB PAR MI NUS SO, ,YANG BYANG CHUB KYI TSOGS KYI RJES SU MTHUN PA'I CHOS BZHI STE, DE DAG GI GZHI'I PHYIR BZHI ZHES SBYAR RO, ,BZHI PO DE DAG GANG ZHE NA, 'KHOR BA YONGS SU MI GTONG BA DANG, DE NA KUN NAS NYON MONGS PA MED PA DANG, SEMS CAN SDUD PA DANG, BRTZON 'GRUS SBYANGS PA NYID DO, ,DE LA 'KHOR BA YONGS SU MI GTONG BA'I GZHI NI BYANG CHUB KYI SEMS YONGS SU MI GTONG BA'O, ,BYANG CHUB KYI SEMS NI SANGS RGYAS NYID DON DU GNYER BA'I NGO BO YIN PA'I PHYIR TE, DE NI 'KHOR BA JI SRID PA'I SEMS CAN GYI DON LA ZHUGS PA'I PHYIR RO, ,RNAM PA GCIG TU NA BYANG CHUB SEMS DPA'I SA DANG PO LA SEMS BSKYED PA GANG YIN PA DE 'KHOR BA YONGS SU MI GTONG BA'I GZHI STE, DE LA BRTEN NAS SMON LAM CHEN PO BCU MTHAR THUG PA'I GNAS SKABS KYI MTHAR THUG PAR BYED DO, ,BCU GANG ZHE NA, 'DI LTA STE, SEMS CAN GYI KHAMS KYI MTHA' GANG DU THUG PA DE'I MTHAR THUG PAR GYUR CIG CES RGYA CHE BAR 'BYUNG BA'O, ,DE LTAR GYUR NA 'KHOR BA YONGS SU MI GTONG NGO, ,DE NA KUN NAS NYON MONGS PA MED PA ZHES BYA BA NI 'KHOR BA NA'O, ,DE'I GZHI DGE BA'I BSHES GNYEN TE, DE LAS KUN NAS NYON MONGS PA MED PAR BYA BA'I THABS 'THOB PA'I PHYIR RO, ,SEMS CAN SDUD PA ZHES BYA BA NI BSDU PA'I DNGOS PO BZHI PO DAG GIS SEMS CAN SDUD CES BYA BA'I THA TSIG GO, ,DE'I GZHI NI BZOD PA DANG, DES PA STE, LOG PAR ZHUGS PA LA JI MI SNYAM PA NI DE DAG SDUD PAR MI BYED DO, ,BRTZON 'GRUS SBYANGS PA NYID CES BYA BA NI BRTZON 'GRUS YONGS SU @71A *, ,DAG PA NYID CES BYA BA'I THA TSIG STE, DPER NA GSER BTZO MA YONGS SU DAG PAR SMIN PA LTA BU STE, DGON PA LA GNAS NA BRTZON 'GRUS YONGS SU DAG PAR 'GYUR BA'I PHYIR DE'I GZHI NI DGON PA NA GNAS PA'O, ,YANG RGYU BZHI PO DAG GIS BGROD DKA' BA'I LAM LAS RGAL BAR BYED PA YIN TE, BZHI PO GANG YIN SNYAM PA LA, DE'I PHYIR 'GRO BAR 'DOD PA NYID DANG ZHES BYA BA LA SOGS PA STE, GANG 'GRO BAR GYUR BA DANG, LAM LA MKHAS PA DANG, SKOM PA DANG BKRES PAS YI CHAD PA LA JI MI SNYAM PA DANG, LAM YONGS SU MI GTONG BAS BAG YOD PAR GYUR BA NI DE BGROD DKA' BA'I LAM LAS RGAL BAR BYED PA'O, DE LTAR NA RGYU BZHI PO DE DAG KHO NAS 'KHOR BA'I LAM LAS RGAL BAR BYED PA YIN TE, DE DAG GI GZHI'I PHYIR CHOS BZHIR RIG PAR BYA'O, ,DE LA 'GRO BAR 'DOD PA NYID KYI GZHI NI BYANG CHUB KYI SEMS TE, DE NI BYANG CHUB SEMS DPA'I SPYOD PA LA 'GRO BA NYID KYI RGYU YIN PA'I PHYIR RO, ,LAM SHES PA NYID KYI GZHI NI BYANG CHUB SEMS DPA'I DGE BA'I BSHES GNYEN TE, DE LA BRTEN NAS BYANG CHUB KYI LAM SHES PA NYID 'THOB PA'I PHYIR RO, ,YI CHAD PAS JI MI SNYAM PA'I GZHI NI BZOD PA DANG DES PA'O, ,DE LA YI CHAD PAS JI MI SNYAM PA 'DI NI SDUG BSNGAL GYI MI BZLOG PA'O, ,BZOD PA DANG DES PA NI ZHE MI SDANG BA'O, ,BAG YOD PA'I GZHI NI DGON PA NA GNAS PA STE DE LAS DE 'GRUB PA'I PHYIR RO, ,CI'I PHYIR NYAN THOS DANG RANG SANGS RGYAS KYI BYANG CHUB LA RAB TU BRTZON PA LA BYANG CHUB SEMS DPA' ZHES MI BYA ZHE NA, LTAG NA MED PA NYID DU MING RNAM PAR GZHAG PA'I PHYIR TE, SNANG BYED BZHIN NO ZHES BYA BA NI, 'DI SKAD DU NYAN THOS DANG RANG SANGS RGYAS KYI BYANG CHUB LA RAB TU BRTZON PA'I SEMS CAN YOD DU ZIN KYANG LTAG NA MED PA MA YIN PA'I PHYIR DE BYANG CHUB SEMS DPA' NI MA YIN TE, LTAG NA MED PAR MI SNANG BAR GZHAG PAR MTHONG BA 'DI LTA STE, SNANG BYED BZHIN NO ZHES BSTAN PAR 'GYUR RO, ,SRIN BU ME KHYER LA SOGS PA YANG SNANG BAR MI BYED PA MA YIN MOD KYI SNANG BYED DAG CES MI BYA STE, 'DIR YANG DE BZHIN NO, ,DON MDOR BSDU NA ZHES BYA BA NI DE LTAR RE ZHIG RGYA CHER BSHAD @71B PA'O ZHES BSTAN PA'O, ,DON MDOR BSDU NA BCOM LDAN 'DAS KYIS MDO SDE 'DIR THEG PA CHEN PO LA YANG DAG PAR ZHUGS PA RNAMS KYI RJES SU MTHUN PA'I LAS DANG, JI LTAR DE'I 'BRAS BU MED PAR MI 'GYUR BA DE YONGS SU BSTAN TO ZHES BYA BA DE LA RJES SU MTHUN PA'I LAS NI MDO TSIG GONG MA RNAMS KYIS BSTAN TO, ,LAS DE'I 'BRAS BU MED PAR MI 'GYUR BA NI MDO'I TSIG THA MAS BSTAN TE, DGON PA LA GNAS NA SEMS RTZE GCIG TU BYED NUS PAS LAS DE'I 'BRAS BU MED PAR MI 'GYUR RO, ,'PHAGS PA CHOS BZHI PA'I RNAM PAR BSHAD PA RGYA CHER 'GREL BA, SLOB DPON YE SHES BYIN GYIS MDZAD PA RDZOGS SO,, ,,RGYA GAR GYI MKHAN PO D'A NA SH'I LA DANG, PRADZNY'A WARMA DANG, ZHU CHEN GYI LO TZ'A BA BANDE YE SHES SDES BSGYUR CING ZHUS TE GTAN LA PHAB PA,, (*, ,GA YA MGO'I RI'I RNAM PAR BSHAD PA BZHUGS SO, ,) #, ,'PHAGS PA GA YA MGO'I RI ZHES BYA BA'I MDO'I RNAM PAR BSHAD PA, 'JAM DPAL GZHON NUR GYUR BA LA PHYAG 'TSAL LO, ,MDOR BSDUS PA NI GLENG GZHI DANG MTHUN PA'I NYAN PA PO PHUN SUM TSOGS PA DANG, TING NGE 'DZIN DANG, RTOGS PA PO RNAM PAR DAG PA DANG, BRTAG PAR BYA BA'I DNGOS PO DANG, BZHENGS PA DANG, BSTAN PA DANG, BYANG CHUB SEMS DPA'I YON TAN GYI MTHU DANG, SPYOD PA RNAM PAR DBYE BA'O, ,SPYOD PA RNAM PAR DBYE BA DE YANG BSDU BA RNAM PA GNYIS KYIS BSDUS PAR RIG PAR BYA STE, RGYUS BSDUS PA DANG, 'BRAS BUS BSDUS PA'O, , DE LA GLENG GZHI NI SANGS RGYAS DU MA BZHUGS BZHUGS PA'I PHYIR TE, YUL DER 'DUS PA DE BRJOD PAS CHOS KYI RNAM GRANGS 'DI YANG SANGS RGYAS DU MAS YONGS SU BZUNG BAR BSTAN PA'I PHYIR RO, ,MTHUN PA'I NYAN PA PO PHUN SUM TSOGS PA NI MI SLOB PA DANG, SLOB PAS BSDUS PAR RIG PAR BYA'O, , DE LA MI SLOB PA NI RNAM PA BRGYAD KYIS RIG PAR BYA STE, LHAG MTHONG GI BYA BA SHIN TU RDZOGS PA'I PHYIR BYA BA RDZOGS PA DANG, TING NGE 'DZIN GYI SGRIB PA SPANGS PA'I PHYIR BYA BA ZIN PA DANG, KHUR BLANGS PA BOR BA STE, KHUR DE YANG NYE BAR LEN PA'I PHUNG PO LNGA PO DAG GO, ,MYA NGAN LAS 'DAS PA MNGON SUM @72A *, ,DU BYED PA DANG, KHAMS GSUM NAS BYUNG BA DANG, MA NOR BA'I GDAMS NGAG BSGOMS TE DE LA GNAS NAS NYON MONGS PA SHIN TU SPANGS PA DANG, RDZU 'PHRUL GYI RKANG PA SHIN TU BSGOMS PA DANG, DAD PAS BYIN PA YONGS SU SPYOD PA'I 'OS SU GYUR PAS SO, ,RNAM PA GNYIS KYIS SLOB PAR RIG PAR BYA STE, BZLAB PA MA RDZOGS PA DANG, JI LTAR 'DOD PA'I DON YONGS SU MA RDZOGS PAS SO, ,DE LA TING NGE 'DZIN NI BRTAG PAR BYA BA'I DNGOS PO STE, RTOG GE'I YUL MA YIN PAR KUN TU BSTAN PA'I PHYIR RO, ,DON GYI SKABS 'DIR NI BCOM LDAN 'DAS KYI TING NGE 'DZIN NYAN THOS DANG RANG SANGS RGYAS DANG THUN MONG MA YIN PAR RIG PAR BYA'O, ,'DIS NI DON 'DI DE DAG GI YUL YANG YIN PAR YONGS SU BSTAN PAR 'GYUR RO, ,DE LA RTOG PA PO RNAM PAR DAG PA NI BYANG CHUB BRNYES PAR BSTAN TE, BYANG CHUB BRNYES PA DE YANG NYAN THOS DANG RANG SANGS RGYAS RNAMS LAS YE SHES THUGS SU CHUD PAR BYED BRAG TU GYUR RO, ,YE SHES THUGS SU CHUD PA DE YANG RNAM PA BCU BDUN GYIS RIG PAR BYA STE, DAM BCAS PA NYAMS SU LON PA DANG, KHUR BLANGS PA BOR BA STE KHUR GYI DON NI SNGA MA BZHIN NO, ,NYON MONGS PA'I SGRIB BA SHIN TU SPANGS PHA DANG, SHES BYA'I SGRIB PA SHIN TU SPANGS PA DANG, CHOS THAMS CAD YANG DAG PA JI LTA BA BZHIN DU MNGON SUM DU BYAS PA DANG, LTA BA THAMS CAD KYI ZUG RDU BTON PA DANG, SMON LAM DANG BRAL BA DANG, 'JIG RTEN LAS 'DAS PA'I YE SHES RAB YANG DAG PAR BSGRUBS PA DANG, CHOS KYI 'KHOR LO RAB TU BSKOR BA DANG, BDAG MED PA'I SGRA BSGRAGS PA DANG, PHYIR RGOL BA SHIN TU TSAR BCAD PA DANG, RKYEN KUN TU SBYOR BA MI 'BYUNG BA DANG, 'JIG RTEN PA DANG 'JIG RTEN LAS 'DAS PA'I CHOS YANG DAG PAR BSHAD PA DANG, PHYIN CI LOG PA MNGON PAR ZHEN PA SPANGS PA DANG, 'PHAGS PA'I LAM YAN LAG BRGYAD PA'I RJES SU MTHUN PA DANG, MU STEGS CAN ZHING NGAN PA RNAM PAR BZLOG PA DANG, BSOD NAMS KYI ZHING DKON MCHOG GSUM KUN TU BSTAN PAS SO, ,DE LA BRTAG PAR BYA BA'I DNGOS PO NI GANG GIS GANG ZHIG JI LTAR KHONG DU CHUD PA'O, ,DE DAG NI KUN TU BRTAGS PA YIN PAS DUS GSUM DU YANG RANG @72B BZHIN MED PAR RIG PAR BYA'O, ,DE LA LUS DANG SEMS KYI KHONG DU CHUD PAR MI RIGS PA'I TSUL DU GZHAG PAS BYIS PAS RDZAS SU YOD PAR BTAGS PA GZHAN YANG MI SRID PAR BSTAN TO, ,DE LA LUS KYIS MI RIGS PA'I TSUL NI RNAM PA BRGYAD KYIS RIG PAR BYA STE, SPYOD PA MED PA DANG, KUN TU BRTAGS PA LAS BYUNG BA DANG, 'DU SHES MED PA DANG, RKYEN RNAMS TSOGS PA LAS BYUNG BA DANG, MI GTZANG BA DANG, THER ZUG MA YIN PA DANG, RANG BZHIN GYIS BSGRIMS TE YONGS SU BSKYANG DGOS PA DANG, 'JIG PA'I DANG TSUL CAN GYIS SO, ,SEMS KYI KHONG DU CHUD PAR MI RIGS PA'I TSUL NI RNAM PA DRUG GIS RIG PAR BYA STE, LOG PAR SNANG BAS BYIS PA'I SKYE BO RMONGS PAR BYED PA DANG DGE BA DANG MI DGE BA'I RKYEN LAS BYUNG BA DANG, MI GNAS PA DANG, KUN BRTAGS PA'I MTSAN NYID MI DMIGS PA DANG, RANG BZHIN GYIS STONG PA DANG, RING DU SONG BAS SO,, DE LA KHONG DU CHUD PAR BYA BA'I DON NI MING DANG THA SNYAD TZAM DU ZAD PAS KUN BRTAGS PA'I RANG BZHIN MED PAR RIG PAR BYA'O, ,THA SNYAD TZAM DE YANG RNAM PA NYI SHU RTZA GNYIS KYIS RIG PAR BYA STE, DNGOS PO MED PA DANG, RTOG GE'I YUL LAS SHIN TU 'DAS PA DANG, CHOS RANG BZHIN GYI STONG PA DANG; MTSAN MA MED PA DANG, BYIS PA'I YUL LAS SHIN TU 'DAS PA DANG, RNAM PAR SHES PA'I YUL LAS SHIN TU 'DAS PA DANG, GNAS MED PA DANG, MA SKYES MA 'GAGS PA DANG, THA SNYAD THAMS CAD LAS SHIN TU 'DAS PA DANG, DGE BA DANG MI DGE BA MNGON PAR 'DU BYED PA'I LAS MI DMIGS PA DANG, LTA BA PO DANG BRAL BA DANG, RNA BA'I RNAM PAR SHES PA'I SPYOD YUL LAS YANG DAG PAR 'DAS PA DANG, YID KYI RNAM PAR SHES PA'I SPYOD YUL LAS YANG DAG PAR 'DAS PA DANG, RTEN MED PA DANG, NAM MKHA' LTA BU DANG, 'DUS MA BYAS PA DANG, SKABS MED PA DANG, NYI TSE'I SHES PA LAS SHIN TU 'DAS PA DANG, TSAD MED PA DANG, GZHAN DAG LA BSTAN DU MED PA DANG, SO SO RANG GIS RIG PA DANG, SNANG BA MED PA DANG, BRJOD DU MED PAS SO, ,DA NI JI LTAR KHONG DU CHUD PA DE YANG MING DANG, BTAGS PA DANG, BRDA DANG, THA SNYAD TZAM DU ZAD PAS KUN BRTAGS @73A *, ,PA'I RANG BZHIN MED PAR RIG PAR BYA'O, ,MING DANG, BRDA DANG, BTAGS PA DANG, THA SNYAD TZAM DE YANG RNAM PA DRUG GIS YONGS SU BSTAN TE, YANG DAG PA MA YIN PA KUN BRTAGS PA DANG, GSOG DANG, BDAG MI DMIGS PA DANG, 'JIG RTEN PA'I SHES RAB LAS SHIN TU 'DAS PA DANG, YI GE'I LAM LAS YANG DAG PAR 'DAS PA DANG, NGAR 'DZIN PA DANG NGA YIR 'DZIN PA DANG BRAL BAS SO, ,DE LTAR NA KHONG DU CHUD PA PO GANG YIN PA DANG, KHONG DU CHUD PAR BYA BA GANG YIN PA DANG, RNAM PA GANG GIS KHONG DU CHUD PA DE DAG DE LTAR YANG DAG PA'I SHES RAB KYIS YANG DAG PA JI LTA BA BZHIN DU MTHONG, YONGS SU SHES, MNGON SUM DU BYAS PA 'DI NI MNGON PAR RDZOGS PAR BYANG CHUB CES BYA'O, ,MNGON PAR RDZOGS PAR BYANG CHUB PA DE YANG 'GYUR BA MED PA DANG, MI 'GYUR BA GNYIS KYIS RAB TU DANG BA DANG, RAB TU ZHI BAR YONGS SU BSTAN TO, ,MTSAN NYID MED PA'I DON NI SNGA MA BZHIN NO, ,TING NGE 'DZIN GYI BYA BA NI YONGS SU RDZOGS PA LA BSTAN PA'I BYA BA NI NYE BAR GNAS PA'I PHYIR BZHENGS PAR RIG PAR BYA'O, ,DE LA BSTAN PA NI RNAM PA GNYIS TE, TING NGE 'DZIN MYONGS BA'I DON 'PHAGS PA 'JAM DPAL LAS BRTZAMS TE BSTAN PA DANG, DES ZHUS PA GTAN LA PHAB PAR BSTAN PA'O, ,CI'I PHYIR 'PHAGS PA 'JAM DPAL LA BKA' STZAL ZHE NA, BSTAN PA 'DI'I CHED DU DES BYIN GYIS BRLABS PA'I PHYIR RO, ,CI'I PHYIR DES BYIN GYIS BRLABS TE 'DI BSHAD CE NA, BSHAD PA 'DI ZAB PA'I PHYIR SHES RAB ZAB PA NYID KYI DBANG DU BYAS SO, ,CI'I PHYIR 'PHAGS PA 'JAM DPAL GYIS ZHUS SHE NA, DE NYID LA BKA' STZAL PAS DE NYID KYIS ZHUS PAR RIGS PA'I PHYIR RO, ,ZHUS PA DE YANG 'JUG PA RNAM PAR DAG PA RIG PAR BYA'O, ,'JUG PA RNAM PAR DAG PA DE YANG RNAM PA DGUS RIG PAR BYA STE, SPROS PA BOR BA DANG, CHOS SU 'DZIN PA BOR BA DANG, BLA GAB MED PA'I DON NI SNGA MA BZHIN DANG, ZHI BA DANG, RTAG PA DANG, MI RTAG PAR 'DZIN PA BOR BA DANG, LAM LA SKUR PA 'DEBS PA BOR BA DANG, SKUR BA DANG, SGRO BTAGS PA RNAM PAR SPANGS PA DANG, CHOS THAMS CAD LA TSUL GCIG TU 'JUG PA DANG, SHES @73B RAB KYI PHA ROL TU PHYIN PA BSGOM PA DANG, KHAMS GSUM PA LA YANG DAG PAR 'DAS PA LA SOGS PA TSIG BZHI'I DON RNAM PAR DBYE PA NI SNGA MA BZHIN NO, ,DE LA BYANG CHUB SEMS DPA'I YON TAN GYI MTHU NI RNAM PA GNYIS KYIS RIG PAR BYA STE, JI LTAR 'DOD PA'I DON YONGS SU RDZOGS PA DANG, SPOBS PA THOGS PA MED PA'O, ,JI LTAR 'DOD PA'I DON YONGS SU RDZOGS PA DE YANG GONG NAS GONG DU RNAM PA BCU BZHIS MNGON PAR BSGRUB PAR RIG PAR BYA STE, BCU BZHI GANG ZHE NA, GDAMS NGAG MI BRJED PA DANG, LEGS PAR BZUNG BA'I GDAMS DAG 'DUS BYAS LA NYE BAR RTOG PA DANG, DE LA YANG NYES PAR LTA BA DANG, NYES PA DE DAG DANG MI BSTEN PA DANG, DGE BA'I LAS YANG DAG PAR 'DZIN PA DANG, LUS DANG NGAG DANG YID KYI LAS RNAM PAR DAG PA DANG, TSUL KHRIMS YONGS SU DAG PA DANG, SEMS CAN GYI DON DANG MTHUN PA DANG, TSOGS YONGS SU RDZOGS PA DANG, YONGS SU MI SKYO BA DANG, LAS KYI 'BRAS BU RNAM PAR DAG PA DANG, SBYOR BA RNAM PAR DAG PA DANG, SEMS CAN GYI DON RNAM PAR DAG PA DANG, GZHAN GYIS MI BKRI BA RNAM PAR DAG PAS SO, ,SPOBS PA THOGS PA MED PA NI SA BCUS BSDUS PA'I SEMS BSKYED PA RNAM PA BZHIS RAB TU DBYE BAS BSTAN PAR RIG PAR BYA'O, ,RAB TU DBYE BA BSTAN PA DE YANG BZHI PA RNAM PA BCU GNYIS KYIS YONGS SU BSTAN TE, RNAM PA BCU GNYIS GANG ZHE NA, GONG NAS GONG DU RGYU CHUD MI ZA BA DANG, YANG RGYU'I RIM GYIS 'BRAS BU YONGS SU DAG PA DANG, YANG SMON LAM LA BRTEN TE SANGS RGYAS KYI CHOS THAMS CAD 'DZIN PA DANG, TSUL KHRIMS DANG SDOM PA RNAM PAR DAG PA DANG, BSGOM PA'I LAM NA SHES RAB DANG THABS KYIS CHOS THAMS CAD LA SBYOR BA DANG, KHUR BLANGS PA MI 'DOR BA DANG, YANG GONG NAS GONG DU MTHU RNAM PAR DAG PA DANG, YANG DBANG PO RNO BA'I PHYIR BYANG CHUB KYI PHYOGS KYI CHOS LA LHAG PAR DMIGS PA DANG, SHES RAB KYI KHYAD PAR GYIS SPYOD PA MTHA' YAS PA YANG DAG PAR SGRUB PA DANG, RTZOL BA'I YONGS SU G-YO BA THAMS CAD LAS SHIN TU 'DAS PA DANG, RGYAL TSAB TU RAB TU GNAS PA DANG, YANG BZHI LA LHAG PAR DMIGS PA DANG, BLOS RAB TU RNAM PAR 'BYED PA DANG, THABS MKHAS PAS CHOS @74A *, ,THAMS CAD LA 'JAL BA DANG, YE SHES KHONG DU CHUD PA DANG, YANG RANG BZHIN GYIS RUS PHUN SUM TSOGS PA DANG, 'JIG RTEN PA DANG, 'JIG RTEN LAS 'DAS PA'I THOS PA 'DZIN PA DANG, SPROS PA LAS DBEN PA DANG, LHUN GYIS GRUB PAR SEMS CAN GYI DON BYED PA DANG, YANG MOS PAS SPYOD PA NA MNGON PAR 'DU BYED PA YONGS SU SMIN PAS SA DANG PO LA LHAG PAR DMIGS PA DANG, YE SHES YONGS SU SMIN PAS SBYOR BA LAS BYUNG BA'I SPYOD PA LA LHAG PAR DMIGS PA DANG, BSGOM PA YONGS SU SMIN PAS SANGS RGYAS KYI CHOS MA THOB PA RNAMS LA LHAG PAR DMIGS PA DANG, 'BRAS BU YONGS SU SMIN PAS JI LTAR 'DOD PA BZHIN DU MNGON PAR RDZOGS PAR RTOGS PA DANG, YANG MA NOR BAR DGE BA BSGOM PA'I GNAS DANG, MA NOR BA'I CHOS LA NGES PAR RTOGS PA'I SKYE GNAS DANG, MA NOR BAR BSGOM PA'I GNAS DANG, RANG GI SEMS LA DBANG BSGYUR BA DANG, YANG DGE BA'I RTZA BA MTHA' YAS PA 'DZIN PA DANG, CHOS MTHA' YAS PA LA NGES PAR RTOGS PA DANG, TING NGE 'DZIN GYI SGO MTHA' YAS PA'I RJES SU 'JUG PA DANG, RNAM PAR ROL PA MTHA' YAS PA MYONG BA DANG, YANG NYON MONGS PA'I NAD KYI GNYEN PO'I GNAS DANG, NYON MONGS PA'I NAD DANG MTHUN PA'I SMAN RAB TU SHES PA DANG, SHES NAS KYANG THABS LA GNAS TE JI LTAR MTHUN PA BZHIN DU SBYOR BA DANG, NYON MONGS PA'I NAD LAS GSO BA DANG, YANG NYAN THOS DANG RANG SANGS RGYAS THAMS CAD ZIL GYIS NON PA DANG, DE YANG BSLAB PA'I GNAS THAMS CAD LAS KHYAD PAR DU 'PHAGS PA DANG, BSGOM PA KHYAD PAR DU 'PHAGS PA DANG, BSGOMS PA'I 'BRAS BU KHYAD PAR DU 'PHAGS PA'O, ,CHOS KYI MNGA' BDAG MNGON SUM DU BZHUGS BZHIN DU 'PHAGS PA 'JAM DPAL LA YONGS SU DRIS PA GANG YIN PA DE NI BYANG CHUB SEMS DPA'I YON TAN BRJOD PA'I PHYIR RO, ,DE YANG CI'I PHYIR ZHE NA, BYANG CHUB SEMS DPA' RNAMS LA KHONG KHRO BA'I SEMS 'BYUNG BA RNAMS DANG BA BSKYED PA'I PHYIR RO, ,DE LA RGYUS BSDUS PA'I SPYOD PA'I RNAM PAR DBYE BA NI RGYU RNAM PAR DAG PA KHYAD PAR DU 'PHAGS PAS YONGS SU BSTAN TO, ,RGYU RNAM PAR DAG @74B PA KHYAD PAR DU 'PHAGS PA DE YANG BSTAN PA RNAM PA BZHIS YONGS SU BRJOD DE, TSOGS DANG RNAM PAR DAG PA'I LAM BSTAN PA DANG, BSOD NAMS DANG YE SHES KYI TSOGS BSTAN PA DANG, YANG DAG PA'I MTHA' DE KHONG DU CHUD PAR BYA BA'I THABS BSTAN PA DANG, RJES SU MTHUN PA'I SKRUB PA BSTAN PAS SO, ,DE LA TSOGS KYI LAM BSTAN PA NI RNAM PA BRGYAD KYIS RIG PAR BYA STE, SEMS CAN RNAM PA THA DAD PA YONGS SU SMIN PAR BYED PA DANG, DE DAG GI NYES PAR SPYOD PA SNA TSOGS KYIS JI MI SNYAM PA DANG, DKAR PO'I CHOS THAMS CAD YANG DAG PAR SDUD PAR BYED PA DANG, BYANG CHUB KYI PHYOGS KYI CHOS LA LHAG PAR DMIGS PA DANG, MTSAN NYID MI 'DRA BA DANG, SMON LAM RNAM PA SNA TSOGS DANG, 'DUL PA'I SEMS CAN JI LTA BA BZHIN DU YONGS SU SHES PA DANG, TSOGS RNAM PA SNA TSOGS NYE BAR SGRUB PAS SO, ,RNAM PAR DAG PA'I LAM BSTAN PA YANG RNAM PA BRGYAD KYIS RIG PAR BYA STE, DGE BA DANG MI DGE BA'I CHOS LA SPYOD PA DANG, RKYEN GYIS MI LTA BAR CHOS THAMS CAD MNGON DU GTONG BA DANG, CHAGS PA THAMS CAD LAS GROL BA DANG, NYID MTSAMS SBYOR BA GCOD PA DANG, YANG DAG PA JI LTA BA BZHIN DU MTHONG BA DANG, TSUL GCIG TU YANG DAG PAR GZHOL BA DANG, BYIS PAS KUN TU BRTAGS PA LA YANG DAG PA JI LTA BA BZHIN DU YONGS SU RTOGS PA DANG, ZHI BA'I DBYINGS SU MNGON SUM DU BYED PAS SO, ,DE LA BSOD NAMS DANG YE SHES KYI TSOGS BSTAN PA NI RNAM PA GNYIS KYIS RIG PAR BYA STE, DGE BA'I RTZA BA'I TSOGS SNA TSOGS SGRUB PA DANG, YONGS SU GCOD PA STE, DE'I DON NI SNGA MA BZHIN NO, ,YANG GNYIS TE, KHAMS GSUM NA SPYOD PA DANG, KHAMS GSUM NAS BYUNG BA'O, ,YANG GNYIS TE, ZANG ZING DANG BCAS PA'I 'BRAS BU MNGON PAR 'GRUB PA DANG, ZANG ZING MED PA'I 'BRAS BU MNGON PAR 'GRUB PA'O, ,YANG GNYIS TE; RNAM PAR SHES PA'I SPYOD YUL YIN PAS MTHA' DMIGS PA DANG, RNAM PAR SHES PA'I SPYOD YUL LAS YANG DAG PAR 'DAS PAS MTHA' MI DMIGS PA'O, ,YANG GNYIS TE, 'DUS BYAS KYI DBYINGS YONGS SU SHES PA DANG, 'DUS MA BYAS KYI DBYINGS YONGS SU SHES PA'O, ,DE LA YANG @75A *, ,DAG PA'I MTHA' NI RNAM PA BZHIS BSTAN TE, MI RTAG PA NYID KYIS NYES PA YONGS SU SPANGS PA DANG, RANG GI MTSAN NYID KYIS GNAS PA DANG, RTAG TU CHOS KYI DBYINGS KYI RANG BZHIN DU GNAS PA DANG, DOR BA MED CING GZHAG PA MED PAS TE, DOR BA MED CING GZHAG PA MED PA'I DON NI SNGA MA BZHIN NO, ,DE KHONG DU CHUD PAR BYA BA'I THABS BSTAN PA NI, DE MA THAG TU GSUNGS PA'I TSIG GSUM DANG, BCU PA PHRAG DRUG GIS YONGS SU STON TE, GANG GIS JI LTAR GANG GI DON DU GANG DU GNAS TE KHONG DU CHUD PAR BYED PA'O, ,DE LA YE SHES 'KHOR DANG BCAS PAS NI KHONG DU CHUD PAR BYED DE, DE YANG RNAM PA SUM CU RTZA GSUM GYIS BSTAN PAR RIG PAR BYA STE, SEMS RNAM PAR DAG PAS LAM RNAM PAR DAG PA DANG, LAM RNAM PAR DAG PAS SEMS RNAM PAR DAG PA DANG, YANG DAG PA'I MTHA' NI LAM DANG YE SHES KYI DMIGS PA NYID GCIG PU STE, GNAS YIN ZHING GCIG LA GCIG RTEN PA DANG, YANG DAG PA'I MTHA'I YE SHES LA GNAS TE GNAS 'GYUR BA DANG, GNAS GYUR PAS YE SHES SHIN TU RNAM PAR DAG PAR 'GYUR BA DANG, PHAN TSUN BYA BA BYAS PAR GNAS PA DANG, SHES BYA'I DNGOS PO YANG DAG PA JI LTA BA BZHIN DU YONGS SU SHES PA DANG, THOG MA MED PA'I 'KHOR DANG LDAN PA'I SEMS CAN RNAMS KYI THAR PA'I SA BON DANG MTHUN PA YONGS SU SHES PA DANG, LAS SNA TSOGS KYI RNAM PAR SMIN PA DE DANG MTHUN PA YONGS SU SHES PA DANG, BDAG LA PHAN PA DANG GZHAN LA PHAN PA DANG MTHUN PAR YONGS SU SHES PA DANG, DGE BA'I RTZA BA CHUNG DU YANG TSAD MED PAR BYED PA DANG, DGE BA DANG MI DGE BA LA RNAM PAR DPYOD PA DANG, RNAM PA SNA TSOGS KYI 'BYUNG BA YANG DAG PA JI LTA BA BZHIN DU YONGS SU SHES PA DANG, DGE BA DANG MI DGE BA'I CHOS 'DZUD PA DANG 'BYIN PA DANG, DUS DANG DUS MA YIN PA LA YONGS SU RTOG PA DANG, MTHA' GNYIS SPANGS NAS NANG LA BRTEN PA DANG, LUS DANG NGAG DANG YID KYIS NYES PAR SPYOD PA DANG BRAL BA'I PHYIR BRTZON 'GRUS BRTZAMS PA DANG, GZHAN DAG KYANG BSLAB PA DE NYID LA 'GOD PA DANG, BSGOM PA LA BRTEN NA RJE SU CHAGS PA DANG, KHONG KHRO BA BOR BA DANG, 'KHOR MA @75B RUNGS PA MA YIN PA GDAMS PA DANG, MA NOR BAR THOS PA YONGS SU BTZAL BA DANG, CHOS THAMS CAD LA DBANG SGYUR BA DANG, BSAM PA DANG BAG LA NYAL SHES NAS JI LTAR MTHUN PAR CHOS STON PA DANG, DE KHO NA KHONG DU CHUD PAR BYA BA DANG, SEMS LA YANG DAG PA DANG YANG DAG PA MA YIN PAR 'DZIN PA RNAM PAR SPONG BA DANG, BYANG CHUB KYI TSOGS YONGS SU RDZOGS PA DANG, SEMS CAN YONG SU SMIN PAR BYED PA DANG, CHOS RNAMS KYI 'BYUNG BA DANG 'JIG PA LA YONGS SU RTOG PA DANG, CHOS THAMS CAD LA MKHAS PA DANG, MYA NGAN LAS 'DAS PA LA 'DOD PA MED PA DANG, MI 'JIGS PA BZHI THOB PA DANG, CHOS THAMS CAD LA LHUN GYIS GRUB PA'I YE SHES THOB PA DANG, CHOS THAMS CAD LA THE TSOM MED PA DANG, DON DAM PA'I TSUL LA 'JUG PAS MNGON PAR ZHEN PA MED PA'I DON NI SNGA MA BZHIN NO, ,JI LTAR KHONG DU CHUD PAR BYED PA'I DON DE YANG RNAM PA BCUS YONGS SU BSTAN PAR RIG PAR BYA STE, 'PHAGS PA DANG 'PHAGS PA MA YIN PA'I 'DUS BYAS DANG 'DUS MA BYAS KYI LUS LA RTOG PA DANG, YANG DAG PA DANG YANG DAG PA MA YIN PA'I DON LA RTOG PA DANG, KUN NAS NYON MONGS PA DANG RNAM PAR BYANG BA CHUNG DU DANG 'BRING DANG CHEN PO LA RTOG PA DANG, DGE BA DANG MI DGE BA'I SRED PA LA RTOG PA DANG, PHYIN CI LOG DANG PHYIN CI MA LOG PA'I LTA BA LA RTOG PA DANG, SGO SNA TSOGS NAS BSAGS PA'I DGE BA'I RTZA BA LA RTOG PA DANG, SEMS CAN GYI KHAMS MTHA' YAS PA LA RTOG PA DANG, MDON PAR ZHEN PA MED PA'I DON NI SNGA MA BZHIN DANG, DON DANG DON MA YIN PA DANG LDAN PA LA RTOG PA DANG, MOS PA THA DAD PA'I SEMS CAN LA BYANG CHUB KYI SNYING PO KUN TU STON PA LA RTOG PAS SO, ,GANG GI DON DU KHONG DU CHUD PAR BYED PA DE YANG RNAM PA BCUS BSTAN TE, SBYIN PA RNAM PAR DAG PA DANG, TSUL KHRIMS RNAM PAR DAG PA DANG, BZOD PA RNAM PAR DAG PA DANG, BRTZON 'GRUS RNAM PAR DAG PA DANG, BSAM GTAN RNAM PAR DAG PA DANG, SHES RAB RNAM PAR DAG PA DANG, THABS RNAM PAR DAG PA DANG, SMON LAM RNAM PA DAG PA DANG, STOBS RNAM PAR DAG PA DANG, YE SHES RNAM PAR DAG PAS SO, ,GANG DU GNAS TE KHONG DU CHUD PAR BYED PA DE YANG RNAM PA BCUS BSTAN PAR RIG PAR BYA STE, SDOM PA RNAM PA @76A *, ,GSUM RNAM PAR DAG PA DANG, BDAG TU 'DZIN PA RNAM PAR SPANGS PA DANG, SMAD PA DANG MA SMAD PA YONGS SU SPANGS PA DANG, DNGOS PO YOD PA DANG DNGOS PO MED PAR MNGON PAR ZHEN PA MED PA DANG, MI DMIGS PA'I TSUL GYIS NYAN THOS DANG, RANG SANGS RGYAS DANG BYANG CHUB SEMS DPA'I SA LA SO SOR RTOG PA DANG, 'DZIN PA THAMS CAD DANG BRAL BA DANG, KUN RDZOB DANG DON DAM PA LA MKHAS PAS PHYIN CI MA LOG PA'I LAM STON PA DANG, SEMS CAN GDUL BA'I PHYIR SKYE BA THAMS CAD LA MI SKYO BAS SO, ,RJES SU MTHUN PA'I CHOS SGRUB PA NI MI BSLU BAS YONGS SU BSTAN TO, ,YANG NYAN THOS DANG RANG SANGS RGYAS KYI THEG PA MNGON SUM DU BYED PA DANG, DE DAG LA 'DOD PA MED PA'O, ,YANG BDAG NYID LAM BZANG POR ZHUGS PA DANG, GZHAN DAG LA YANG LAM DE STON PAS SO, ,MOS PAS SPYOD PA'I SA LA RNAM PAR GNAS PA MNGON PAR 'DU BYED PA DANG BCAS PA'I SHES PA DANG, BSGOM PA'I LAM LA GNAS PA MNGON PAR 'DU BYED PA MED PA'I YE SHES KYIS SO, ,YANG SHES RAB DANG THABS LA MKHAS PA DANG, MTSAN NYID GCIG GI RJES SU 'JUG PAS SO, ,YANG GNYIS LA KUN TU SPYOD PA YONGS SU SPONG BA DANG, DGE BA'I CHOS BSGOM PA'I BRTZON 'GRUS BRTZAMS PAS SO, ,YANG CHOS THAMS CAD LEGS PAR BSLAB PA DANG, DE BZHIN NYID KHONG DU CHUD PA'I BSGOM PA LA MKHAS PAS SO, ,RGYU RNAM PAR DAG PA KHYAD PAR DU 'PHAGS PA RNAM PA 'DI BZHIS 'BRAS BU RNAM PAR DAG PA KHYAD PAR DU 'PHAGS PAR KHONG DU CHUD PAR BYA STE, DE NI DE BZHIN GSHEGS PA RNAMS KYI YE SHES DUS GSUM SKAD CIG GCIG DANG LDAN PA'O, ,MA NOR BAR BSHAD DE STON PA'I THUGS MNYES PAS LEGS PAR BSHAD DO ZHES BYA BA'I DON DU RIG PAR BYA'O, ,STON PA PO RNAM PAR DAG PA DANG, BSTAN PA RNAM PAR DAG PA DANG, BSTAN PA'I 'BRAS BU RNAM PAR DAG PAS MNGON PAR BSTOD PA'I DON RIG PAR BYA'O, ,'PHAGS PA GA YA MGO'I RI ZHES BYA BA'I MDO'I RNAM PAR BSHAD PA, SLOB DPON DBYIG GNYEN GYIS MDZAD PA RDZOGS SO,, ,,RGYA GAR GYI MKHAN PO SU RENDRA BO DHI DANG, ZHU CHEN GYI LO TZ'A BA BANDE YE SHES SDES BSGYUR CING ZHUS TE GTAN LA PHAB PA,, ,, @76B #, ,'PHAGS PA GA YA MGO'I RI MDO DANG SPEL MAR BSHAD PA, BAM PO DANG PO, 'JAM DPAL GZHON NUR GYUR PA LA PHYAG 'TSAL LO, ,BDAG MED YE SHES RDO RJE BZANG, ,SGRIB PA'I RI BO BCOM PA LA, ,PHYAG 'TSAL MDO DANG BSHAD PA GNYIS, ,SPEL MAR RAB TU BSHAD PAR BYA, ,GA YA MGO'I RI'I MDO BSHAD PAR 'DOD PAS SLOB DPON DBYIG GNYEN GYIS MDO'I LUS RNAM PAR GZHAG PA'I PHYIR THOG MAR MDOR BSDUS PA ZHES BYA BA LA SOGS PA SMOS TE, MDOR BSDUS PA'I DON BZLUM PA GANG YIN PA DE MDOR BSDUS PA'O, ,DE YANG GLENG GZHI LA SOGS PA THA DAD PAS RNAM PA DGU'O, ,DE LA GLENG GZHI NI MDO 'BYUNG BA'I RGYU YIN NO, ,DE YANG DAG PAR SDUD PAR BYED PA DANG, STON PA PO DANG, GNAS DANG, NYAN PA PO'I DBYE BAS RNAM PA BZHIR 'GYUR TE, GANG GIS, GANG NA, GANG DAG LA BSHAD CING, GANG GIS PHYIS YANG DAG PAR BSDU BA BYAS PA'O, ,DE YANG 'DI SKAD BDAG GIS ZHES BYA BA NAS BZUNG STE, DGE SLONG GI DGE 'DUN CHEN PO ZHES BYA BA'I BAR 'DIS BRJOD DO, ,NYAN PA LA ZHUGS PA DAG NI NYAN PA PO RNAMS SO, ,DE DAG GI MTHUN PA'I YON TAN 'BYOR PA STE, MTHUN PA'I NYAN PA PO PHUN SUM TSOGS PA'O, ,DE BZHIN NYID LA DMIGS PA'I SEMS RTZE GCIG PA NI TING NGE 'DZIN TO, ,RTOGS PA PO NI STON PA STE, DE'I RNAM PAR DAG PA NI THUN MONG MA YIN PA'I YON TAN PHUN SUM TSOGS PA'O, ,GANG GIS RTOGS PA DANG, GANG RTOGS PA DANG, JI LTAR RTOGS PAR BYA BA DE NI BRTAG PAR BYA BA'I DNGOS PO'O, ,BZHENGS PA NI TING NGE 'DZIN LAS BZHENGS PA'O, ,BSTAN PA NI GDAGS PA'I DON BRJOD PA KUN RDZOB RAB TU BSHAD PA'O, ,BYANG CHUB SEMS DPA'I YON TAN GYI MTHU DANG, SPYOD PA RNAM PAR DBYE BA DANG RNAM PA DGU YIN NO, ,DA NI MDO'I TSIG RNAM PAR BSHAD PAR BYA'O, ,'DI SKAD CES BYA BA'I SGRA NI DAM BCAS PA LA BYA STE, KHO BO CAG LA CHOS STON CIG CES 'KHOR GYIS YANG DAG PAR SDUD PAR BYED PA LA GSOL BA BTAB PA DANG, DE NAS DE BZHIN NO ZHES DAM BCAS PA STE, KHYED CAG GIS JI SKAD SMRAS PA DE BZHIN DU BYA'O ZHES BYA BA'I THA TSIG GO, ,DE YANG 'DOD PAS BYAS PA MA YIN TE, GANG GI PHYIR ZHE NA, BDAG GIS THOS ZHES BYA BA LA SOGS PAS SO, ,YANG NA 'DI SKAD @77A *, ,CES BYA BA'I SGRA NI DRIS PA'I DON DAG GZHAN DU MI 'GYUR BA LA BYA STE, KHYOD KYIS JI SKAD THOS PA DE BZHIN DU SMROS SHIG CES BYAS PA DANG, 'DI SKAD BDAG GIS THOS ZHES BYA BA LA SOGS PA SMRAS TE, BDAG GIS 'DI SKAD THOS KYI GZHAN DU MA YIN NO, ,BDAG GIS ZHES BYA BA NI MNGON SUM DU THOS PAR STON TO, ,THOS PA ZHES BYA BA NI RNA BA'I RNAM PAR SHES PAS BZUNG BA'O, ,DUS GCIG NI DUS GCIG GI TSE'O, ,BCOM LDAN 'DAS NI BDUD BZHI BCOM PA'I PHYIR RO, ,YANG NA, RANG DBANG DANG NI RAB SBYANGS DANG, ,GZUGS BZANG BA DANG GRAGS PA DANG, ,DPAL DANG BDAG NYID CHE TSOGS PA, ,DRUG PO RNAMS LA LEGS ZHES BYA, ,DON DRUG GI MTSAN NYID KYI LEGS PA DE LA MNGA' BAS BCOM LDAN 'DAS TE, 'DI LTAR BCOM LDAN 'DAS RANG DBANG TSOGS PA NI NYON MONGS PA'I 'CHING BA BAG CHAGS DANG BCAS PA BCAD PA'I PHYIR RO, ,RAB TU SBYANGS PA TSOGS PA NI YE SHES KYI MES SHES BYA'I SGRIB PA'I MUN PA BSAL BA'I PHYIR RO, ,GZUGS TSOGS PA NI SKYES BU CHEN PO'I MTSAN SUM CU RTZA GNYIS DANG LDAN PA'I PHYIR RO, ,GRAGS PA TSOGS PA NI 'GRO BA THAMS CAD LA KHYAB PA'I PHYIR RO, ,DPAL TSOGS PA NI 'GRO BA THAMS CAD KYI NYE BAR 'TSO BAR GYUR PA'I PHYIR RO, , BDAG NYID CHEN PO'I TSOGS PA NI SEMS CAN THAMS CAD LA PHAN PA MDZAD PA'I PHYIR RO, ,BZHUGS PA NI 'DUL BA JI LTA BA BZHIN DU SPYOD LAM BZHI PO DAG GIS GNAS PA KUN TU BSTAN PA'O, ,TE ZHES BYA BA NI GYUR ZIN PA STE, GA YA NA BZHUGS PAR GYUR ZIN TO ZHES PA'I THA TSIG GO, ,'DIS NI GA YA ZHES BYA BA'I YUL SPYIR MCHOD RTEN DU GYUR PA BSTAN TO, ,MDO 'DI YUL KHYAD PAR DU 'PHAGS PA NYID DU BSTAN PAR BRJOD PA'I PHYIR, GA YA MGO'I MCHOD RTEN NA ZHES BYA BA GSUNGS TE, MGO'I SGRA NI RTZE MO'I SGRA'I RNAM GRANGS SU GTOGS PA STE, RANG BZHIN GZHAN NO, ,GTZO BO NI RI DE LA GA YA'I MGO ZHES BYA'O, ,GTZO BO NI DE BZHIN GSHEGS PA'I GNAS KYI PHYIR RO, ,DE BZHIN GSHEGS PA BZHUGS PAR BRJOD PA DE NYID KYI MCHOD RTEN DU GYUR TE, MCHED RTEN SMOS PA GANG YIN PA DE, SANGS RGYAS DU MA BZHUGS BZHUGS PAS GNAS KHYAD ZHUGS PA BSNYAD PA'I PHYIR RO, ,DE BSNYAD PA YANG @77B CHOS KYI RNAM GRANGS 'DI SANGS RGYAS DU MAS BYIN GYIS BRLABS PAR THABS KYIS BSNYAD PA'I PHYIR RO, ,DE BAS NA SLOB DPON GYIS DE LA GLENG GZHI NI ZHES BYA BA LA SOGS PA SMOS SO, ,GLENG GZHI'I PHYOGS GCIG LA YANG GLENG GZHI ZHES BYA BAR BLTA BAR BYA'O, ,MI SLOB PA DANG, SLOB PAS BSDUS ZHES BYA BA NI DGE SLONG GI DGE 'DUN CHEN PO ZHES 'BYUNG BA'I PHYIR RO, ,'DIR BSNYEN PAR RDZOGS PA'I DGE SLONG SMOS PA'I PHYIR GNYIS SMOS SO, ,DGE SLONG STONG DU TSANG BA ZHES 'BYUNG BA NI MI SLOB PA RNAMS KUN TU BSTAN PA'I PHYIR RO, ,NYON MONGS PA BCOM PAS DGE SLONG ZHES BYA BA'I PHYIR RO, ,BYA BA BYAS PA ZHES BYA BA LA SOGS PA NI DE DAG GI BYE BRAG GO, ,DE LA TSIG DANG PO'I BSHAD PA NI LHAG MTHONG GI BYA BA SHIN TU RDZOGS PA'I PHYIR BYA BA RDZOGS PA ZHES BYA BA STE, LHAG MTHONG NI SHES RAB KYI RNAM GRANGS SU GTOGS PAR BLTA'O, ,BYED PA BYAS PA NI TING NGE 'DZIN GYI BYA BA YONGS SU RDZOGS PA'I PHYIR TE, DE NI BYA BA ZIN PA ZHES BYA BA BSHAD DO, ,LHAG MTHONG GI BYA BA NI KUN NAS NYON MONGS PA RNAM PA GSUM SPANGS PA STE, DE NI KHUR BOR BA ZHES BYA BA LA SOGS PA TSIG GSUM GYIS STON TO, ,BOR BA ZHES BYA BA NI GANG DAG GIS PHUNG PO LNGA'I KHUR BOR BA STE, MA 'ONGS PA'I DUS NA SKYE BA MED PAS DE DAG LA DE SKAD CES BYA'O, ,DE'I BSHAD PA NI KHUR BLANGS PA BOR BA STE KHUR DE YANG NYE BAR LEN PA'I PHUNG PO LNGA PO DAG GO ZHES BYA BA STE, 'DIS NI TSE'I KUN NAS NYON MONGS PA SPANGS BAR BSTAN TO, ,BDAG GI DON RJES SU THOB PA ZHES BYA BA NI NYON MONGS PA'I KUN NAS NYON MONGS PA SPANGS PA STE, DE'I BSHAD PA NI MYA NGAN LAS 'DAS PA MNGON SUM DU BYED PA ZHES BYA BA'O, ,SRID PA KUN TU SBYOR BA YONGS SU ZAD PA ZHES BYA BA NI GANG DAG GIS LAS GANG DAG YIN PA DE DAG YONGS SU ZAD PAR ZHES BYA BAR TSIG RNAM PAR SPYOR RO, ,DE'I BSHAD PA NI KHAMS GSUM NAS 'BYUNG BA ZHES BYA BA STE, 'DIS NI LAS KYI KUN NAS NYON MONGS PA SPANGS PAR BSTAN TO, ,YANG DAG PA'I SHES PAS SEMS SHIN TU RNAM PAR GROL BA NI RNAM PA GANG GIS SHES RAB KUN NAS NYON MONGS PA RNAM PA GSUM ZAD PA'I RGYUR GYUR PA STE, DE DAG GIS DE BSTAN TO, ,YANG DAG PA'I SHES PA NI YANG DAG PA'I GDAMS NGAG BSGOMS PA STE, DES @78A *, ,NYON MONGS PA DANG, LAS DANG, TSE DAG LAS GANG DAG GIS SEMS SHIN TU RNAM PAR GROL BA DE DAG LA DE SKAD CES BYA'O, ,DE'I BSHAD PA NI MA NOR BA'I GDAMS NGAG BSGOMS TE DE LA GNAS NAS NYON MONGS PA SHIN TU SPANGS PA ZHES BYA BA'O, ,NYON MONGS PA ZHES BYA BA NI 'DIR NYON MONGS PA DANG, LAS DANG, TSE LA BYA BAR 'DOD DE, 'DIS NYON MONGS PAR BYED PA DANG, 'DIR NYON MONGS PAR BYED PA STE SGRUB PA GNYIS SO, ,SEMS KYI DBANG THAMS CAD KYI DAM PA'I PHA ROL TU SON PA ZHES BYA BAS NI TING NGE 'DZIN GYI BYA BA RAB TU STON TE, SEMS RTZE GCIG TU GYUR PAS DBANG SGYUR BA NI SEMS LA DBANG BA DAG STE, TING NGE 'DZIN RNAMS SO, ,SEMS KYI DBANG THAMS CAD KYI DAM PA'I PHA ROL TU PHYIN PA GANG YIN PA DE NI MCHOG STE, DE THOB PA DAG GO, ,DE'I BSHAD PA NI RDZU 'PHRUL GYI RKANG PA SHIN TU BSGOMS PA ZHES BYA BA STE, RDZU 'PHRUL GYI RKANG PA DAG NI TING NGE 'DZIN RNAMS SO, ,DE DAG SHIN TU BSGOMS PAS DAD PAS BYIN PA YONGS SU SPYOD PA'I 'OS SU GYUR PA'I PHYIR DGRA BCOM PA RNAMS SO, ,DE NI DAD PAS BYIN PA YONGS SU SPYOD PA'I 'OS SU GYUR PAS ZHES BYA BAS BSHAD DO, ,SLOB PA RNAMS KYI TSAD NI MDO LAS MI 'BYUNG STE, BSHAD PA BYED PAS BSLAB PA'I SGRA DON GYI SGO NAS RNAM PA GNYIS KYIS ZHES BYA BA LA SOGS PA SMOS TE, BSLAB PA MA RDZOGS PA ZHES BYA BAS NI RGYU YONGS SU MA RDZOGS PA BSTAN TO, ,JI LTAR 'DOD PA'I DON YONGS SU MA RDZOGS PAS ZHES BYA BA NI 'BRAS BU YONGS SU MA RDZOGS PA'O, ,BYANG CHUB SEMS DPA' SEMS DPA' CHEN PO RAB TU MANG PO ZHES BYA BA NI DE DAG PAS GRANGS MANG BA'O, ,BYANG CHUB TU SMON LAM BTAB PA'I PHYIR NA BYANG CHUB SEMS DPA' DAG GO, ,SEMS CAN THAMS CAD KYI DON BSGRUB PA'I PHYIR SEMS DPA' CHEN PO DAG GO, ,DE NAS ZHES BYA BA LA SOGS PAS NI TING NGE 'DZIN YONGS SU BRJOD DO, ,DE LA DE NAS ZHES BYA BA NI BAR MA CHAD PA'O, ,GCIG PU NI SKU DBEN PA'O, ,DBEN PAR GSHEGS PA NI THUGS DBEN PA'O, ,NANG DU YANG DAG GZHAG PA NI TING NGE 'DZIN LA SNYOMS PAR ZHUGS PA'O, ,TING NGE 'DZIN DE NI DE BZHIN NYID LA DMIGS PA STE, CHOS KYI DBYINGS NYID LA BTAGS TE ZHES BYA BAS BSTAN TO, ,SPROS PA THAMS CAD DANG BRAL BA'I YE SHES RANG GIS RIG @78B PA NYID CHOS KYI DBYINGS LA RTOG PA STE, DE NYID DMIGS PA MED PA'I TING NGE 'DZIN TO, ,CI'I PHYIR TING NGE 'DZIN YONGS SU BRJOD CE NA, BSHAD PA BYED PAS DE LA TING NGE 'DZIN NI ZHES BYA BA LA SOGS PA 'DIR DGOS PA BSTAN TO, ,BRTAG PAR BYA BA'I DNGOS PO STE ZHES BYA BA NI CHOS KYI DBYINGS TE, DE NI TING NGE 'DZIN SO SO RANG GIS RIG PA NYID DE, CHOS KYI DBYINGS NI RTOG GE'I YUL MA YIN ZHES DE SKAD SMOS PA'I PHYIR RO, ,DON 'DI ZHES BYA BA NI STONG PA NYID CES BYA BA DON GYI SKABS 'DIR ZHES BYA BA NI DE BZHIN NYID LA BYA STE, DE BZHIN NYID NI CHOS THAMS CAD BDAG MED PA'I RNAM PAS NYAN THOS LA SOGS PA'I YUL MA YIN PA'I PHYIR RO, ,'DIS NI ZHES BYA BAS NI STONG PA NYID KUN TU BRJOD PAS SO, ,DON 'DI ZHES BYA BA NI STONG PA NYID CES BYA BA'O, ,DE DAG GI ZHES BYA BA NI NYAN THOS LA SOGS PA DE DAG GI'O, ,STONG PA NYID MA MTHONG BAR NYON MONGS PA SPONG BA MED DE, GANG ZAG LA BDAG MED PA'I RNAM PAS STONG PA NYID NI DE DAG GI YUL YANG YIN TE, CHOS LA BDAG MED PA'I RNAM PAS NI MA YIN NO, ,BDAG GIS BYANG CHUB NI THOB CES BYA BA NAS BZUNG STE RTOG PA PO RNAM PAR DAG PA STON TO, ,DE BZHIN NYID LA DMIGS PA'I TING NGE 'DZIN LA GNAS PA LA 'DI MI SRID KYI, DE LAS BZHENGS PA LA 'DI RIGS TE 'OG TU BSGRUB PAR BYA'O, ,GAL TE BCOM LDAN 'DAS NI RTAG TU GNYIS SU MED PA'I YE SHES KYI BDAG NYID YIN NA JI LTAR MNYAM PAR 'JOG PA DANG, JI LTAR BZHENGS SHE NA, DE'ANG 'OG TU BRJOD PAR BYA'O, ,BYANG CHUB BRNYES PAR BSTAN PA ZHES BYA BA NI BDAG GIS BYANG CHUB NI THOB CES MDO LAS 'BYUNG BA'I PHYIR RO, ,YE SHES THUGS SU CHUD PAS ZHES BYA BA NI BDAG GIS YE SHES NI KHONG DU CHUD CES 'BYUNG BA'I PHYIR RO, ,SPROS PA THAMS CAD DANG BRAL BA'I YE SHES NYID BYANG CHUB STE, DE'I PHYIR DE LTAR GYUR PA'I YE SHES KHONG DU CHUD PA NYID BYANG CHUB BRNYES PAR RIG PAR BYA'O, ,DE'I PHYIR DMIGS PAR BYA BA DANG DMIGS PAR BYED PA'I DNGOS PO MTSUNGS MNYAM PAS THUB PA'I BYANG CHUB BRNYES PA KHYAD PAR DU 'PHAGS TE, DE NI YE SHES THUGS SU CHUD PAS BYE BRAG TU GYUR TO ZHES BYA BAS BSHAD DO, ,BDAG GI DON DANG GZHAN GYI DON THABS DANG BCAS PA BSGRUB PA'I PHYIR BYA BA NI BYAS PA'O, ,DE'I BSHAD PA NI DAM BCAS PA NYAMS SU LEN ZHES BYA BA @79A *, ,LA SOGS PA'O, ,BYA BA NI BYAS ZHES PA'I TSIG GIS NI DE'I BSTAN PA'O, ,MDO'I TSIG LHAG MA RNAMS NI DE'I BSHAD PA'O, ,SPANGS PA DANG YE SHES PHUN SUM TSOGS PAS BSDUS PA NI BDAG GI DON PHUN SUM TSOGS PA STE, DE LA SPANGS PA PHUN SUM TSOGS PA NI BDAG GIS KHUR NI BOR ZHES BYA BA LA SOGS PA TSIG GSUM GYIS BSNYAD DE NYON MONGS PA DANG SHES BYA'I SGRIB PA GNAS DANG BCAS PA SPANGS PA BSTAN PA'I PHYIR RO, ,KHAMS GSUM DU SKYE BAS BSDUS PA'I RNAM PAR SMIN PA'I BDAG NYID YANG DAG PA MA YIN PA KUN BRTAGS PA'I MTSAN NYID PHUNG PO DAG NI KHUR BLANGS PA STE, DE DAG SPANGS PA'I PHYIR KHUR BOR BA'O, ,'DIS NI NYON MONGS PA DANG SHES BYA'I SGRIB PA'I GNAS SKYE BA SPANGS PAR BSTAN TO, ,DE'I BSHAD PA NI KHUR BLANGS PA BOR ZHES BA'O, ,KHUR GYI DON NI SNGA MA BZHIN ZHES BYA BA NI KHUR DE YANG NYE BAR LEN PA'I PHUNG PO LNGA PO DAG GO ZHES BSHAD PA'I PHYIR RO; ,BDAG GIS NA 'KHOR BA'I 'BROG DGON PA LAS NI BRGAL ZHES BYA BA NI NYON MONGS PA'I SGRIB PA SPANGS PAR BSTAN TO, ,'DIS 'KHRO BAR BYED PAS 'KHOR BA STE, 'DOD CHAGS LA SOGS PA NYON MONGS PA'I TSOGS SO, ,DE NYID 'BROG DGON PA STE, DE'I BSHAD PA NI NYON MONGS PA'I SGRIB PA SHIN TU SPANGS PA ZHES BYA'O, ,BDAG GIS MA RIG PA NI NYON MONGS PA CAN MA YIN PA'I MI SHES PA STE, DE BSAL BA NI SPANGS PA'O, ,'DIS NI SHES BYA'I SGRIB PA SPANGS PA BSTAN TE, DE'I BSHAD PA NI SHES BYA'I SGRIB PA SHIN TU SPANGS PA ZHES BYA'O, ,BDAG GIS RIG PA NI BSGRUBS ZHES BYA BA 'DIS NI YE SHES PHUN SUM TSOGS PA BSTAN TE, SHES BYA THAMS CAD LA DMIGS PA'I YE SHES NI RIG PA'O, ,DE'I BSHAD PA NI CHOS THAMS CAD YANG DAG PA JI LTA BA BZHIN DU MNGON SUM DU BYAS PA ZHES BYA'O, ,BDAG GIS ZUG RDU NI PHYUNG ZHES BYA BA 'DI'I BSHAD PA NI LTA BA THAMS CAD KYI ZUG RDU BTON PA ZHES BYA'O, ,BDAG GIS SRID PA NI ZAD CES BYA BA 'DI'I BSHAD PA NI, SMON LAM DANG BRAL BA ZHES BYA BA STE, SRED PA'I DON DU TSOL BA'I SMON LAM MO, ,NYON MONGS PA'I SGRIB PA SPANGS PA NYID LTA BA DANG SRED PA SPANGS PAR GRUB MDO KYI SO SOR SMOS PA NI RGYUN MI 'CHAD PAR KUN TU 'BYUNG BAS LTA BA DANG SRED PA GNYIS GTZO BOR @79B GYUR PA'I PHYIR RO, ,'DIS NI BDAG GI DON PHUN SUM TSOGS PA BSTAN TO, ,BDAG GIS CHOS KYI GRU NI SPYAR ZHES BYA BA NI CHOS THAMS CAD BDAG MED PA LA DMIGS PA ZAG PA MED PA'I SHES RAB NI CHOS KYI GRU'O, ,DE'I BSHAD PA NI 'JIG RTEN LAS 'DAS PA'I SHES RAB YANG DAG PAR BSGRUBS ZHES BYA BA'O, ,BDAG GIS CHOS KYI RNGA NI BRDUNGS ZHES BYA BA LA SOGS PA'I TSIG RNAMS KYIS NI GZHAN GYI DON PHUN SUM TSOGS PA THABS DANG BCAS PA BSTAN TO, ,DE LA THABS NI CHOS KYI 'KHOR LO RAB TU BSKOR BA'O, ,DE YANG BDAG GIS CHOS KYI RNGA NI BRDUNGS ZHES BYA BA 'DIS BSTAN TO, ,DE'I BSHAD PA NI CHOS KYI 'KHOR LO RAB TU BSKOR BA ZHES BYA BA STE, DES PAR LEGS PA DANG, MNGON PAR MTHO BA'I RGYU RAB TU BSHAD PAS GSUNG RAB KYI CHOS NI RNAM PA GNYIS SO, ,DE LA NGES PAR LEGS PA'I RGYU NI STONG PA NYID BSHAD PA'O, ,DE YANG BDAG GIS CHOS KYI DUNG NI BUS ZHES BYA BA 'DIS BSTAN TO, ,DE'I BSHAD PA NI BDAG MED PA'I SGRA BSGRAGS PA ZHES BYA'O, ,STONG PA NYID DU LTA BA NI DNGOS PO STOBS KYIS BYUNG BA'I TSAD MAS GROGS SU GYUR PA'I PHYIR PHAS KYI RGOL BA THAMS CAD ZIL GYIS GNON PA YIN PAS BDAG GIS CHOS KYI RGYAL MTSAN NI BSGRENG ZHES BYA BA GSUNGS TE, MU STEGS THAMS CAD LAS RNAM PAR RGYAL BAS RGYAL MTSAN NYID DE, BDAG MED PA'I SGRA GSANG BSTOD PA'I PHYIR RO, ,DE'I BSHAD PA NI PHYIR RGOL BA SHIN TU TSAR BCAD PA ZHES BYA BA'O, ,BDAG GI 'KHOR BA'I LUGS NI BZLOG CES BYA BA LA SOGS PAS NI GDUL BA THA DAD PA GZHAN GYI DON PHUN SUM TSOGS PA THA DAD PAR BSTAN TO, , GDUL BA NI RNAM PA GNYIS TE, DON GRUB PA DANG, DE LAS BZLOG PA'O, ,DON GRUB PA NI KUN TU SBYOR BA THAMS CAD SPANGS PA STE, DE'I CHED DU BDAG GI 'KHOR BA'I ZHES BYA BA LA SOGS PA GSUNGS TE, 'KHOR BAR 'DREN PA DANG, THOB PAR BYED PAS 'KHOR BA'I LUGS SO, ,KUN TU SBYOR BA NI 'BREL PA STE, DE BDAG GIS BZLOG GO ZHES BYA BA'I THA TSIG GO, ,DE'I BSHAD PA NI RKYEN KUN TU SBYOR BA MI 'BYUNG BA ZHES BYA BA'O, ,KUN TU SBYOR BA NYID SKYE BA'I RKYEN DAG STE, DE DAG MI 'BYUNG NGO ZHES BYA BA'I THA TSIG GO, ,DON MA GRUB PA NI KUN TU SBYOR BA MA LUS PAR MA SPANGS PA'O, ,DE YANG RNAM @80A *, ,PA GNYIS TE, SO SO'I SKYE BO LUNG GI STOBS CAN DANG, KHONG DU CHUD PA'I STOBS CAN DE KHO NA MTHONG BA'O, ,DANG PO'I CHED DU BDAG GIS CHOS KYI LUGS NI BSNYAD CES BYA BA GSUNGS TE, NGA'I CHOS KYI LUGS NI MANG DU THOS PA RNAMS KYIS BSHAD DO ZHES BYA BA'I THA TSIG GO, , CHOS RNAMS KYI LUGS NI TSUL LO, ,ZAG PA DANG BCAS PA DANG, ZAG PA MED PA'I CHOS RNAMS NI DRUG DANG JI LTAR MTHUN PAR GZHAG STE, TSUL DRUG NI, DE KHO NA DON GYI TSUL DANG, THOB PA'I TSUL DANG, BSTAN PA'I TSUL DANG, MTHA' GNYIS SPANGS PA'I TSUL DANG, BSAM GYIS MI KHYAB PA'I TSUL DANG, DGONGS PA'I TSUL LO, ,DE'I BSHAD PA NI 'JIG RTEN PA DANG, 'JIG RTEN LAS 'DAS PA'I CHOS YANG DAG PAR BSHAD PA ZHES BYA'O, ,KHONG DU CHUD PA'I STOBS CAN GYI CHED DU BDAG GIS LAM NGAN PA NI BCAD CES BYA BA LA SOGS PA'I TSIG GNYIS GSUNGS TE, PHYIN CI LOG LA MNGON PAR ZHEN PA DAG NI LAM NGAN PA DAG GO, ,'DUL BA RNAMS KYIS DE DAG NI NGAS BCAD DE, SEMS CAN LA BSTAN PAS SO ZHES BYA BAR DGONGS PA'O, ,DE BAS NA BDAG GIS LAM NI KUN TU BSTAN ZHES BYA BA GSUNGS SO, ,TSIG 'DI GNYIS KYI BSHAD PA NI PHYIN CI LOG LA MNGON PAR ZHEN PA SPANGS PA DANG, 'PHAGS PA'I LAM YAN LAG BRGYAD PA'I RJES SU MTHUN PA ZHES BYA BA STE, GO RIMS BZHIN NO, ,DE DAG NI SKYE BO NGES PAR LEGS PA'I SNOD KYI CHED DU GZHAN GYI DON PHUN SUM TSOGS PA BSTAN PA'O, ,MNGON PAR MTHO BA'I SNOD KYI CHED DU BDAG GIS ZHING NGAN PA DAG NI RNAM PAR BZLOG CES BYA BA LA SOGS PA GSUNGS TE, ZHING DANG ZHING MA YIN PA RNAM PAR DBYE BA YONGS SU SHES PAR GYUR NA ZHING MA YIN PA 'DOR TE, ZHING LA MNGON PAR MTHO BA'I SA BON 'DEBS PAS MNGON PAR MTHO BA'I 'BRAS BU KHYAD PAR DU 'PHAGS PA 'THOB PO, ,TSIG 'DI GNYIS KYI BSHAD PA NI MU STEGS CAN ZHING NGAN PA RNAM PAR BZLOG PA DANG, BSOD NAMS KYI ZHING DKON MCHOG GSUM KUN TU BSTAN PAS NA ZHES BYA BA STE, GO RIMS BZHIN NO, ,CHOS DE LA ZHES BYA BA NI BYANG CHUB LA'O, ,JI LTAR ZHES BYA BA NI RNAM PA ZHES BYA BA'O, ,GANG GIS ZHES BYA BA NI BYED PA'O, ,SUS ZHES BYA BA NI BYED PA PO'O, ,DE'I BSHAD PA NI DE LA BRTAG PAR BYA BA'I DNGOS @80B PO NI GANG GIS GANG ZHIG JI LTAR KHONG DU CHUD PA ZHES BYA BA'O, ,DE LA GANG GIS ZHES BYA BAS NI BYED PA DANG BYED PA PO STON TO, ,GANG ZHIG CES BYA BA NI KHONG DU CHUD PAR BYA BA STE, BYANG CHUB CES BYA BA'O, ,JI LTAR ZHES BYA BA NI RNAM PA STE, SUS BYANG CHUB LA BYED PA PO DANG, BYED PA LA SOGS PA KUN BRTAGS NAS BYANG CHUB KHONG DU CHUD PA STON TO, ,'DI NI DE'I KUN BRTAGS PA'I RANG BZHIN TE, DE DAG NI KUN TU BRTAGS PA YIN PAS DUS GSUM DU YANG RANG BZHIN MED PAR RIG PAR BYA'O ZHES BYA BAS BSTAN TO, ,CI'I PHYIR ZHE NA, LUS DANG SEMS KYIS NI KHONG DU CHUD PAR MI RIGS SO ZHES MDO LAS GSUNGS PAS; BDAG LA SOGS PAS KYANG MA YIN TE, DE BAS NA LUS DANG SEMS KYIS ZHES BYA BA LA SOGS PA GSUNGS TE, BDAG LA SOGS PA MU STEGS CAN GYIS KUN BRTAGS PA RNAMS SHIN TU MI DMIGS PA'I PHYIR MA BZHAG GO ZHES BYA BA'I THA TSIG GO, ,LUS NI RDUL PHRA RAB KYI BDAG NYID DU MED DU ZIN KYANG DE LTAR GYUR BA RNAM PAR SHES PA SNANG BA'I DBANG GIS RNAM PAR GZHAG GO, ,BEMS PO G-YO BA MED PA ZHES BYA BA NI DON GCIG GO, ,DE'I BSHAD PA NI SPYOD PA MED PA ZHES BYA BA STE, YUL KHONG DU CHUD PA'I MTSAN NYID KYI SPYOD PA MED PA'I PHYIR RO, ,RTZVA DANG ZHES BYA BA LA SOGS PA'I BSHAD PA NI KUN TU BRTAGS PA LAS BYUNG BA ZHES BYA BA LA SOGS PA STE, DPER NA RTZVA LA SOGS PA PHYI ROL NA MED KYANG RNAM PAR SHES PAS YONGS SU BRTAGS PA TZAM GYIS RNAM PAR GZHAG PA LTAR LUS KYANG DE BZHIN NO, ,SEMS MED PA ZHES BYA BA 'DI'I BSHAD PA NI 'DU SHES MED PA ZHES BYA BA STE, 'DI YANG G-YO BA MED PA SGRUB PA'O, ,RKYEN RNAMS TSOGS PA LAS BYUNG BA ZHES BYA BA DE NI 'DIR 'BYUNG BA CHEN PO BZHI LAS GYUR PA ZHES BYA BA 'DI'I BSHAD PA STE, DE'I RNAM PAR 'KHRUL PA'I DBANG GIS 'BYUNG BA CHEN PO BZHI PO DAG LAS BYUNG BA'I LUS ZHES RNAM PAR GZHAG PAR ZAD LA, 'BYUNG BA CHEN PO LA SOGS PA 'KHRUL PA YANG RNAM PAR RTOG PA THAMS CAD DANG BRAL BA'I BYANG CHUB KYI GNAS SKABS NA MED NA LUS LTA BYANG CHUB KHONG DU CHUD PA'I BYED PA POR GA LA 'GYUR ZHES DGONGS PA'O, ,PHA MA'I MI GTZANG BA LAS BYUNG BA ZHES BYA BA 'DI'I BSHAD PA NI MI GTZANG BA ZHES BYA BA STE, 'DIR YANG GONG DU BSHAD MA THAG PA @81A *, ,NYID DGONGS PA'O, ,MI RTAG PA ZHES BYA BA'I BSHAD PA NI THER ZUG MA YIN PA ZHES BYA BA'O, ,DGONGS PA NI 'DI YIN TE, GNYIS LAS RNAM PAR DBEN PA'I DE BZHIN NYID DO, ,DE NI 'GYUR BA MED PA STE, DE YANG 'GYUR BA MED PA NYID KYI YE SHES KYIS 'DZIN TE, DE DE'I BDAG NYID YIN PA'I PHYIR RO, ,DE BZHIN GSHEGS PA'I YE SHES MTSAN NYID KYIS SKAD CIG PA YIN DU ZIN KYANG DE RTAG TU 'DRA BA'I PHYIR 'GYUR BA MED PA NYID DU RNAM PAR GZHAG STE, LAS DANG NYON MONGS PAS MNGON PAR 'DUS BYAS PA'I LUS NI DE LTA MA YIN NO, ,RTAG TU BSKU BA DANG, BKRU BA DANG, MNYE DGOS PA DANG ZHES BYA BA DE'I BSHAD PA NI RANG BZHIN GYIS BSGRIMS TE YONGS SU BSKYANG DGOS PA ZHES BYA'O, ,'JIG PA ZHES BYA BA LA SOGS PA'I BSHAD PA NI 'JIG PA'I NGANG TSUL CAN GYIS ZHES BYA BA STE, MI RTAG PA NYID NI SKAD CIG PA DANG SBYAR TE BSTAN TO, ,'JIG PA'I NGANG TSUL CAN NI RGYU DANG SBYAR TE BSTAN TO, ,LOG PAR SNANG BAS GNYIS SU MED PA LA GNYIS SU SNANG BA'I PHYIR RNAM PA DE'I BYIS PA RNAMS RMONGS PAR BYED DE, SEMS NI SGYU MA DANG MTSUNGS PA ZHES BYA BA DE'I BSHAD PA'O, ,BSOD NAMS DANG BSOD NAMS MA YIN PA'I LAS KYIS BSKYED PA'I PHYIR RO, ,RTEN CING 'BREL BAR 'BYUNG BA STE, DE NI DGE BA DANG MI DGE BA'I RKYEN LAS BYUNG BA ZHES BYA BAS BSHAD DO, ,GCIG LA DMIGS PA'I GZHI NI GNAS TE, DE MED PA'I PHYIR GNAS MED PA'O, ,DE NI GNAS PA ZHES BYA BAS BSHAD DO, ,DE NI GZHAN GYI DBANG GIS BDAG NYID KYI SEMS KYI DBANG DU BYAS NAS TSIG GSUM GSUNGS SO, ,BYANG CHUB KYI GNAS SKABS NA NI DE LTA BUR GYUR PA'I SEMS MED NA GANG GIS DE DE'I KHONG DU CHUD PAR BYA BAR 'GYUR RO, ,BRTAGS PA'I DBANG DU BYAS NAS MTSAN NYID MED PA ZHES BYA BA GSUNGS SO, ,MTSAN NYID YOD PA MA YIN PA NI MTSAN NYID MED PA STE, MED PAR DGAG PA RTZOM MO, ,DE'I BRTAG PA NI KUN BRTAGS PA'I MTSAN NYID MI DMIGS PA ZHES BYA BA'O, ,YONGS SU GRUB PA'I PHYIR YUL MA YIN ZHE NA, DNGOS PO MED PA, BLA GAB MED PA ZHES BYA BA GSUNGS TE, 'DI LA KUN BRTAGS PA'I DNGOS PO MED PAS DNGOS PO MED PA'O, ,YONGS SU GRUB PA YANG DE YIN TE, 'DIR BLA GAB @81B MED PA DANG MTSUNGS PA'I PHYIR RO, ,'DI NI 'DI SKAD DU GZUNG BA DANG, 'DZIN PA GNYIS LAS DBEN PA'I YE SHES NI NAM MKHA' DANG MTSUNGS PA STE, BYANG CHUB KYANG YE SHES DE NYID YIN NO, ,DE BAS NA THA DAD PA MED PA'I PHYIR KHONG DU CHUD PA DANG, KHONG DU CHUD PAR BYA BA'I DNGOS PO MED DO ZHES BSTAN PAR 'GYUR RO, ,DE'I BSHAD PA NI RANG BZHIN GYIS STONG PA ZHES BYA BA DANG, RING DU SONG BAS ZHES BYA BA'O, ,RANG BZHIN GYI NGO BO NYID KYIS YONGS SU GRUB PA LA SGRO BTAGS PA'I NGO BO STONG PA NYID DO, ,'DIS NI DNGOS PO MED PA'I DON BSTAN TO, ,RING DU SONG BAS ZHES BYA BAS NI SEMS NAM MKHA'I NGO BO NYID BSTAN TE, DPER NA NAM MKHA' CHOD PA MED PAR THAMS CAD DU SONG BA LTAR SEMS KYANG DE BZHIN TE, DE BZHIN NYID KYI NGO BO NYID YIN PA'I PHYIR RO, ,'DIS NI BLA GAB MED PA'I DON BSTAN TO, ,BYANG CHUB CES BYA BA LA SOGS PA LA, BYANG CHUB NI RNAM PA GNYIS TE, SO SO RANG GIS RIG PA DANG; SGRAS BRJOD PAR BYA BA'O, ,DE LA SGRAS BRJOD PAR BYA BA NI THA SNYAD TZAM MA GTOGS PAR CI YANG MED NA DE KHONG DU CHUD PAR BYA BAR JI LTAR 'GYUR, SO SO RANG GIS RIG PA GANG YIN PA DE NI YE SHES KYI BDAG NYID DU GYUR PA STE, DE LA YANG KHONG DU CHUD PAR BYA BA DANG, KHONG DU CHUD PA YOD PAR GA LA 'GYUR; MING TZAM THA SNYAD TZAM ZHES BYA BA NI BYANG CHUB RNAM PA GNYIS PO DE STON TE, MING 'DI GZUGS MED PA'I PHUNG PO RNAMS SO ZHES 'BYUNG BA'I PHYIR GNYIS SU MED PA'I YE SHES NYID MING GI SGRAR BSTAN TO, ,GNYIS SU MED PA'I YE SHES TZAM NYID BYANG CHUB STE, DE LAS GUD NA MED DO, ,'DIS NI SO SO RANG GIS RIG PA BSTAN TO, ,THA SNYAD TZAM ZHES BYA BA NI SGRAS BRJOD PAR BYA BA'O, ,DE'I BSHAD PA NI DE LA KHONG DU CHUD PAR BYA BA'I DON NI MING DANG THA SNYAD TZAM DU ZAD PAS KUN BRTAGS PA'I RANG BZHIN MED PAR RIG PAR BYA'O ZHES BYA BA'O, ,MING DANG THA SNYAD TZAM ZHES BYA BA NI MING TZAM THA SNYAD TZAM ZHES BYA BA'I THA TSIG GO, ,NAM MING TZAM DU GYUR BA DE'I TSE 'DI SKAD DU 'DI LA NI KUN BRTAGS PA'I RANG BZHIN 'GYUR BA MED DO ZHES BSHAD PAR BYA'O, ,KUN BRTAGS PA'I RANG BZHIN MI 'BYUNG BA NI GANG GI TSE THA SNYAD TZAM DU ZAD PAS DE'I TSE 'BYUNG BA MED PA TZAM NI 'BYUNG BA MED PA'O, ,GCIG NAS GCIG @82A *, ,TU BRGYUD DE SGRA SKAD KYI GNAS SU GYUR PA LOG PA'I DNGOS PO DE LA SGRA SKAD MED PAS SGRA SKAD MED PA'O, ,DE YANG THA SNYAD TZAM LA BRTEN NAS BSTAN TE, DE'I BSHAD PA NI DNGOS PO MED PA ZHES BYA BA'O, ,DPYAD PA NI RTOG PA STE, DE'I YUL MA YIN PAS DPYAD DU MED PA STE, DE NI RTOG GE'I YUL LAS SHIN TU 'DAS PA ZHES BYA BAS BSHAD DO, ,CHOS RANG BZHIN GYIS STONG PA ZHES BYA BA NI KUN BRTAGS PA'I RANG BZHIN LAS DBEN PA'I PHYIR TE, DE NI GRUB PA ZHES BYA BA DE'I BSHAD PA STE, DE LA GZUNG BA'AM 'DZIN PA GRUB PA MED PA'I PHYIR RO, ,RGYU BA MED PA NI MTSAN MA MED PA'I PHYIR RO, ,'JUG PA MED PA NI BYIS PA'I YUL LAS SHIN TU 'DAS PA'I PHYIR RO, ,'PHAGS PA RNAMS KYIS SHES PA RNAM PA DANG BCAS PA GANG YIN PA 'DI YUL LAS KYANG SHIN TU 'DAS PA'I PHYIR, RNAM PAR RIG PA MED PA'O, ,GDAGS PA'I GNAS GZUNG BA DANG 'DZIN PAR SGRO BTAGS PA MED PA'I PHYIR GDAGS PAR BYA BA MA YIN PA'O, ,DE'I PHYIR GNAS MED PA ZHES BSHAD DO, ,'ONG BA NI 'BYUNG BA'O, ,'GRO BA NI 'GAG PA STE, DE DAG KUN BRTAGS PA'I NGO BOS GANG LA CHAD PA DE LA DE SKAD CES BYA'O, ,DE'I BSHAD PA NI MA SKYES MA 'GAGS ZHES BYA'O, ,GDAGS PA LAS YANG DAG PAR 'DAS PA ZHES BYA BA DE'I BSHAD PA NI THA SNYAD THAMS CAD LAS SHIN TU 'DAS PA ZHES BYA'O, ,KHAMS GSUM LAS YANG DAG PAR 'DAS PA ZHES BYA BA DE'I BSHAD PA NI DGE BA DANG MI DGE BA MNGON PAR 'DU BYED PA'I LAS MI DMIGS PA ZHES BYA BA'O, ,LAS KYI SGRA NI BYED PA LA BYA STE, DGE BA DANG MI DGE BA MNGON PAR 'DU BYED PA GANG YIN PA DES LAS GANG BYED PA DE NI SKYED BYED CES BYA BA'I THA TSIG STE, DE MI DMIGS PA'I PHYIR RO, ,MA MTHONG BA ZHES BYA BA DE'I BSHAD PA NI LTA BA PO DANG BRAL BA ZHES BYA BA STE, BYANG CHUB LAS GUD NA LTA BA PO MED PA'I PHYIR RO, ,MA THOS PA ZHES BYA BA DE'I BSHAD PA NI RNAM PAR SHES PA'I SPYOD YUL LAS YANG DAG PAR 'DAS PA ZHES BYA BA'O, ,BYE BRAG MA PHYED PA ZHES BYA BA DE'I BSHAD PA NI, YID KYI RNAM PAR SHES PA'I SPYOD YUL LAS YANG DAG PAR 'DAS PA ZHES BYA BA STE, GANG YID KYI RNAM PAR SHES PAS GZUNG BA BYANG CHUB CES BYA BA GZUNG BAR BYA BA GANG YANG MED DE, SPROS PA THAMS @82B CAD DANG BRAL BA'I YE SHES NYID BYANG CHUB PO, ,DE LA GZUNG BA DANG 'DZIN PA'I DNGOS PO GA LA YOD, BAG CHAGS THAMS CAD KYI GNAS RNAM PAR SMIN PA'I RNAM PAR SHES PA BYANG CHUB KYI GNAS SKABS NA LOG PA'I PHYIR GZHI MED PA'O, ,DE'I BSHAD PA NI RTEN MED PA ZHES BYA BA STE, 'KHOR BA'I SA BON RNAMS KYI GNAS SU GYUR PA'I DNGOS PO MED PA'I PHYIR RO, ,DMIGS PA MED PA ZHES BYA BA'I DE'I BSHAD PA NI NAM MKHA' LTA BU ZHES BYA BA'O, ,DPER NA THOGS PA DANG BCAS PA'I DNGOS PO MED PA TZAM GYIS MTSAN NYID NAM MKHA' LA DMIGS PA MED PA LTAR BYANG CHUB LA YANG DE BZHIN TE, DE LA DMIGS PAR BYED PA MED PA'I PHYIR RO, ,RNAM PAR SMIN PA DANG RGYU MTHUN PA'I BAG CHAGS GNYIS LAS SKYES PA'I RGYU BA DANG, SPROS PA DE DAG MED PA'I PHYIR, RGYU BA MED PA DANG, SPROS PA MED PA STE, GO RIMS BZHIN NO, ,TSIG DE GNYIS KYI BSHAD PA NI 'DUS MA BYAS PA ZHES BYA BA STE, RNAM PAR SMIN PA DANG, RGYU MTHUN PA'I BAG CHAGS GNYIS KYIS 'DUS MA BYAS PA'I PHYIR RO, ,'DIS RGOL BA NGAN PA 'JUG PAR BYED PAS 'JUG PA STE, SKABS SU GYUR PA'I NYES PA'O, ,DE MED PA'I PHYIR, 'JUG PA MED PA STE, DE'I PHYIR DE NI SKABS MED PA ZHES BYA BAS BSHAD DO, ,NYI TSE BA'I SHES PA ZHES PA NI SHES BYA'I SGRIB PA MA SPANGS PA STE DE'I LAS SHIN TU 'DAS SO, ,DE NI RTAG TU MED PA ZHES BYA BA DE'I BSHAD PA'O, ,DPAG PA NI 'DI TZAM MO ZHES YONGS SU BCAD PA STE, DE MED PA'I PHYIR DPAG TU MED PA'O, ,DE'I BSHAD PA NI TSAD MED PA ZHES BYA BA'O, ,BSTAN DU MED PA ZHES BYA BA DE'I BSHAD PA NI GZHAN DAG LA BSTAN DU MED PA ZHES BYA BA STE, DE NI SNGON PO LA SOGS PA DE BZHIN DU BSTAN PAR MI NUS SO, ,SGRA'I RGYU YIN PA'I PHYIR RNAM PAR RTOG PA LA SGRA ZHES BRJOD DE, DE MED PA'I PHYIR SGRA MED PA STE, GNYIS SU MED PA'I YE SHES KYIS RANG GIS RIG PA'I DE BZHIN NYID DO, ,RANG GIS RIG PA'I DNGOS PO LA NI RNAM PAR RTOG PA MED DE, DE'I PHYIR SO SO RANG GIS RIG PA ZHES BSHAD DO, ,YI GE MED PA ZHES BYA BA LA, YI GE 'DI DBANG POS 'DZIN CING LEN PA DANG DE LAS SNANG BAR 'GYUR BA'O, ,DE MED PA NI YI GE MED PA STE, DE NI SNANG BA MED PA ZHES BYA BAS BSHAD DO, ,TSIG GI LAM NI SPYI'I RNAM PAR SGRO BTAGS PA STE, DE @83A *, ,GANG LA MED PA DE LA DE SKAD CES BYA'O, ,SGRA MED PA ZHES BYA BA DES NI RNAM PAR RTOG PA'I YUL MA YIN PA BSTAN TO, ,'DIS NI NGAG GI YUL MA YIN PA BSTAN TO, ,'DI THAMS CAD KYIS NI SGRO BTAGS PA'I RNAM PA'I DBANG GIS GZUNG BA RNAM PAR GZHAG PA STON TE, RNAM PA DE YANG CHOS KYI DBYINGS LA MED PA'I PHYIR RO, ,DE LTAR RE ZHIG BYED PA PO DANG, BYED PA DANG LAS SO SOR BRTAGS PA'I NGO BOR MED PA BSTAN TO, ,DE NI DE LTAR NA SU ZHES BYA BA LA SOGS PAS SPYIR MED PA BSTAN TO, ,SU MNGON PAR RDZOGS PAR 'TSANG RGYA ZHES BYA BA NI LUS SO, ,GANG GIS ZHES BYA BA NI BYED PAR 'GYUR BA STE SEMS SO, ,GANG YIN ZHES BYA BA NI BYANG CHUB CES BYA BA'O, ,GANG GSUNGS PA DE YANG KHONG DU CHUD CE NA, RNAM PA'I REG PAS DE LA RTOG PA STE, BYED PA PO DANG, LAS DANG BYED PA 'DUS PA RTOGS PAS KHONG DU CHUD PA RNAM PAR GZHAG PA NYID RNAM PA'O, ,'DI DAG NI BYED PA PO LA SOGS PAS KHONG DU CHUD PA'I DUS NA YONGS SU RTOG PA'I RGYU RNAMS SO, ,BDAG NYID KHONG NA BRJOD PA'I DUS NA MING TZAM DAG GO, ,BDAG NYID KHA TON BYED PA LA SOGS PA'I DUS NA BTAGS PA TZAM DAG GO, ,GZHAN DAG KHONG DU CHUD PAR BYA BA'I PHYIR BRDAR 'DOGS PA'I DUS NA BRDA TZAM DAG GO, ,GZHAN DAG LA THA SNYAD BTAGS PAS BRJOD PA NA THA SNYAD TZAM DAG STE, 'DI DAG KYANG DA NI JI LTAR KHONG DU CHUD PA DE YANG MING DANG, BTAGS PA DANG, BRDA DANG, THA SNYAD TZAM DU ZAD PAS KUN BRTAGS PA'I RANG BZHIN MED PAR RIG PAR BYA'O ZHES BYA BAS BSHAD DE, KUN BRTAGS PA'I NGO BO NYID KYIS MED DO ZHES BYA BA'I THA TSIG GO, ,TSIG BZHI PO 'DI DAG KYANG BRTAGS PA ZHES BYA BA LA SOGS PA MDO'I TSIG RNAMS KYIS RAB TU PHYE'O, ,DE'I BSHAD PA NI RNAM PA DRUG GIS ZHES BYA BA LA SOGS PA'O, ,BRTAGS PA, YONGS SU BRTAGS PA ZHES BYA BA YANG DON GCIG STE, DE'I BSHAD PA NI YANG DAG PA MA YIN PA KUN BRTAGS PA ZHES BYA BA'O, ,SPROS PA THAMS CAD DANG BRAL BA'I YE SHES NYID BYANG CHUB PO, ,DE LAS GUD NA GZUNG BA YOD PAR YONGS SU RTOG PA NI YANG DAG PA MA YIN PA KUN TU RTOG PA STE, YE SHES KYANG KHONG DU CHUD PAR BYA BA LAS GUD NA BYED PA'I NGO BOR MED PA'I PHYIR RO, ,MA BYUNG @83B PA BYUNG BA MED PA YANG DON GCIG STE, DE'I BSHAD PA NI GSOG CES BYA BA'O, ,KHONG DU CHUD PAR BYED PA PO YANG BDAG LA SOGS PA BYED PA PO MED PA'I PHYIR, RDZAS MA YIN PA, RDZAS MED PA STE, DE YANG DON GCIG GO, ,DE'I BSHAD PA NI BDAG MI DMIGS PA ZHES BYA BA'O, ,YONGS SU DAG PA'I YE SHES GNYIS SU MED PA NYID KHONG DU CHUD PAR BYED PA PO YIN NO, ,DE NYID KHONG DU CHUD PAR BYA BA YIN NO, ,DE LA BYED PA PO LA SOGS PA THA DAD PAR SGRO 'DOGS PAS SHES PA 'BYUNG BA GANG YIN PA DE NI 'KHRUL BA STE, SHES PA DES GNYIS SU MED PA'I YE SHES KYI GNAS SKABS BLANG BAR MI NUS PAS LEN PA MED PA'O, ,DE BAS NA 'JIG RTEN PA'I SHES RAB LAS SHIN TU 'DAS PA ZHES BYA BAS BSTAN TO, ,BSTAN DU MED PA ZHES BYA BA DE'I BSHAD PA NI YI GE'I LAM LAS YANG DAG PAR 'DAS PA ZHES BYA BA'O, ,MNGON PAR CHAGS PA MED PA ZHES BYA BA DE'I BSHAD PA NI NI NGAR 'DZIN PA DANG NGA YIR 'DZIN PA DANG BRAL BA ZHES BYA BA'O, ,NGAR 'DZIN PA DANG NGA YIR 'DZIN PA NYID MNGON PAR CHAGS PA'I RGYU YIN PA'I PHYIR MNGON PAR CHAGS PA ZHES BYA BAR DGONGS SO, ,DE LTAR RE ZHIG BYED PA PO DANG, LAS DANG, BYA BAR SGRO BTAGS PAS BYANG CHUB KHONG DU CHUD PA BKAG PA LA KHA CIG SKUR BA 'DEBS PAR 'GYUR TE, DE BAS NA DE BSAL BA'I PHYIR 'DI LA GANG DE LTAR ZHES BYA BA LA SOGS PA GSUNGS TE, BYED PA PO DANG, BYED PA LA SOGS PAR SGRO BTAGS PA DANG BRAL BA GNYIS SU MED PA'I YE SHES RANG GIS RIG PA ZHES BYA BA MDO'I DON TO, ,'DI NI SU MNGON PAR RDZOGS PAR 'TSANG RGYA ZHES BYA BA LA SOGS PA'I BSHAD PA'O, ,YANG DAG PA JI LTA BA BZHIN DU MTHONG BA ZHES BYA BA NI BYED PA PO LA SOGS PA KUN BRTAGS PA DE DAG LAS DBEN PA GNYIS SU MED PA'I YE SHES RANG GIS RIG PA ZHES BYA BA'I THA TSIG GO, ,GZUNG BA DANG 'DZIN PAR MNGON PAR ZHEN PA DANG BRAL BA'I YE SHES DE NYID SGRIB PA SPANGS PAS THAMS CAD NAS SHES PA'I PHYIR YONGS SU SHES PA'O, ,SO SO RANG GIS RIG PA'I PHYIR MNGON SUM DU BYAS PA'O, ,PHYIN CI LOG DANG BRAL BA'I PHYIR, 'GYUR BA MED PA'O, ,RANG BZHIN GYIS GZUNG BA DANG 'DZIN PA DANG BRAL BA'I PHYIR MI 'GYUR BA STE, DE GNYIS KYIS RAB TU DANG BA DANG, RAB TU @84A *, ,ZHI BAR ZHES BYA BA GO RIMS BZHIN DU BSTAN TE, PHYIN CI MA LOG PAR YONGS SU GRUB PA DANG, 'GYUR BA MED PAR YONGS SU GAB PAR BSTAN ZHES BYA BA'I THA TSIG GO, ,MTSAN NYID MED PA'I DON NI SNGA MA BZHIN NO ZHES BYA BA NI SEMS KYI SKABS SU MTSAN NYID YOD PA MA YIN PA NI MTSAN NYID MED PA ZHES BSTAN PA STE, DER MTSAN NYID MED PA'I SGRA'I DON BRJOD PA GANG YIN PA DE 'DIR YANG ZHES BYA BA'I THA TSIG GO, ,MNGON PAR ZHEN PA THAMS CAD DANG BRAL BA'I DE KHO NA NYID KHONG DU CHUD PA NI TING NGE 'DZIN GYI BYA BA'O, ,KHONG DU CHUD PA BRJOD PA KUN RDZOB TU SPYI'I RNAM PAS NYAN PA PO'I RGYUD LA SKYED PA NI BSTAN PA'I BYA BA'O, ,'DIR BZHENGS PAR BSTAN DU ZIN KYANG 'DI NI NANG DU YANG DAG BZHAG NAS CHOS KYI DBYINGS NYID LA RTOG STE ZHES BYA BA'I 'OG TU BLTA BAR BYA'O, ,'DI MAN CHAD DU NI TING NGE 'DZIN MYONG BA'I DON 'PHAGS PA 'JAM DPAL LAS BRTZAMS NAS BSTAN PA STE, 'DI LTAR BDAG GIS BYANG CHUB DE JI LTAR KHONG DU CHUD CES BYA BA NAS BZUNG STE, BYANG CHUB NI MTSAN NYID MED PA ZHES BYA BA'I BAR DU'O, ,'DI MAN CHAD NI 'PHAGS PA 'JAM DPAL GYIS ZHUS PA GTAN LA DBAB PA LAS BRTZAMS NAS BSTAN PA STE, DE BAS NA BSTAN PA NI RNAM PA GNYIS TE ZHES BYA BA LA SOGS PA SMOS SO, ,GZHAN DU NA GAL TE BYANG CHUB NI 'GYUR BA MED PA, MI 'GYUR BA, MTSAN NYID MED PA ZHES BYA BA DE'I 'OG TU BZHENGS PAR 'GYUR NA, 'PHAGS PA 'JAM DPAL LAS BRTZAMS TE THOG MAR BSTAN PAR JI LTAR 'GYUR, MA BSTAN PA'I DON LA RJE BTZUN 'PHAGS PA 'JAM DPAL GYIS BCOM LDAN 'DAS GAL TE BYANG CHUB KYI MTSAN NYID DE LTA BU LAGS NA ZHES BYA BA LA SOGS PA ZHUS PAR JI LTAR 'GYUR, GAL TE SANGS RGYAS RNAMS NI RTAG TU MNYAM PAR GZHAG PA'I PHYIR JI LTAR MNYAM PAR GZHAG, JI LTAR BZHENGS SHE NA, MNYAM PAR GZHAG PA DANG, BZHENGS PA BSTAN PA NI 'DUL BA'I DON DU BSTAN PAS NYES PA MED DO, ,CI'I PHYIR 'PHAGS PA 'JAM DPAL KHO NA LA BKA' STZAL ZHE NA, 'JAM DPAL BYANG CHUB DE JI LTA BA ZHES BYA BA LA SOGS PA STE, DE NYID KYIS ZHUS PA'I PHYIR DE NYID LA BKA' STZAL BAR RIGS PAR NGES TE, KLAN KAR MI RUNG BA MA YIN NAM, BKA' STZAL PAS DES KYANG ZHUS PAR NI RIG STE @84B NYES PA MED DO, ,CI'I PHYIR 'PHAGS PA 'JAM DPAL GYIS ZHUS SHE NA ZHES BYA BA NI DRI BA GNYIS PA BZUNG STE GLENG BA'O, ,DE NYID LA BKA' STZAL ZHES BYA BA NI DE'I 'OG TU BKA' STZAL PA'I PHYIR RO, ,BYANG CHUB DE JI LTA BA ZHES BYA BA LA SOGS PA NI MNGON PAR ZHEN PA THAMS CAD DANG BRAL BA'I PHYIR YANG BYANG CHUB STE, MNGON PAR ZHEN PA THAMS CAD DANG BRAL BAS DER 'JUG PAR BYA'O ZHES BYA BA'I THA TSIG GO, ,BCOM LDAN 'DAS JI LTAR RAB TU 'TSAL BAR 'GYUR ZHES BYA BA NI, BSTAN PA NA ZHES BYA BA KHONG NAS 'BYUNG STE, BSTAN KYANG MI SHES NA JI LTAR THOS PA DANG, SEMS PA LA SOGS PA'I RIM GYIS BSGOM PA'I LAM LA 'JUG CES BYA BAR DGONGS PA'O, ,'JAM DPAL BYANG CHUB NI KHAMS GSUM PA LAS YANG DAG PAR 'DAS PA ZHES BYA BA 'DIS NI RNAM PAR RTOG PA LAS SHIN TU 'DAS PAR BSTAN TO, ,DE BAS NA GNYIS LAS DBEN PA'I YE SHES KYI BDAG NYID KYI BYANG CHUB SO SO RANG GIS RIG PA BSTAN PA'I YUL DUG LA 'GYUR TE, DE BAS NA THA SNYAD CES BYA BA LA SOGS PA GSUNGS SO, ,THA SNYAD LAS YANG DAG PAR 'DAS PA, YI GE'I SGRA SKAD LAS YANG DAG PAR 'DAS PA ZHES BYA BA'I TSIG GNYIS PO DE LA TSIG DANG PO NI GONG DU BSTAN DU MED PA ZHES GANG SMOS PA DE DANG DON GCIG STE; SNGON PO LA SOGS PA LTAR BSTAN PA'I THA SNYAD LAS SHIN TU 'DAS PA'I PHYIR RO, ,YI GE BRJOD PA'I SGRAS GSAL BAR BYAD PA NI YI GE'I SGRA SKAD DE, DE LAS SHIN TU 'DAS PA'O, ,DE YANG TSIG GI LAM ZHES GONG DU BSHAD PA'I TSIG DANG DON MTHUN NO, ,SGRA LAS YANG DAG PAR 'DAS PA ZHES BYA BA NI SGA MED PA ZHES GANG BSTAN PA DE DANG DON MTHUN NO, ,DE BAS NA 'OG NAS KHAMS GSUM PA LAS YANG DAG PAR 'DAS PA LA SOGS PA BZHI'I DON NI SNGA MA BZHIN NO ZHES 'CHAD DO, ,THA SNYAD RAB TU BRTAGS TE RNAM PAR GZHAG PA NYID 'JUG PA STE, DE MED PA'I PHYIR 'JUG PA MED PA'O, ,CI'I PHYIR BYANG CHUB KHONG DU CHUD PA'I DUS NYID NI BYANG CHUB 'JUG PA MED SNYAM PA LA DE'I PHYIR, GDOD MA NYID NAS 'JUG PA MED PA ZHES BYA BA GSUNGS TE, STONG PA NYID NI DUS THAMS CAD DU THA SNYAD LAS SHIN TU 'DAS SO ZHES BYA BA'I THA TSIG GO, ,DE LTA BAS NA ZHES BYA BA LA SOGS PAS NI THA SNYAD @85A *, ,DU RAB TU BTAGS NAS GANG STONG PA NYID RNAM PAR GZHAG PA DE LAS SHIN TU 'DAS SO ZHES BYA BA'I THA TSIG STE, DE NI 'DI SKAD DU JI LTAR STONG PA NYID BSHAD PA DE LTAR DE NI MA YIN TE, RANG GI NGO BO LAS SPYI'I RNAM PAR SGRO BTAGS NAS BSHAD PA 'BYUNG BA'I PHYIR RO ZHES BSTAN PAR 'GYUR RO, ,BSTAN PA 'BRAS BU MED PA YANG MA YIN TE, KUN RDZOB TU BRJOD PAS DE NYID LA 'JUG PA'I PHYIR RO, ,DE BAS NA THOS PA DANG SEMS PA LA SOGS PA'I RIM GYIS BSGOM PA YANG 'BRAS BU MED PA MA YIN NA, GZHAN DU GAL TE BSHAD PAS DE KHO NA MNGON SUM DU 'GYUR BAR BRJOD NA NI THOS PA'I DUS NYID NA DE KHO NA KHONG DU CHUD PAS DE KHONG DU CHUD PAR BYA BA'I PHYIR 'JUG PA DON MED PAR 'GYUR TE, DE LTAR YANG MA YIN NO, ,DE BAS NA BYANG CHUB KYI PHYIR 'JUG PA'O ZHES GSUNGS SO, ,DE NI ZHUS PA DE YANG 'JUG PA RNAM PAR DAG PAR RIG PAR BYA'O ZHES BYA BAS BSTAN TO, ,'JUG PA RNAM PAR DAG PA ZHES BYA BA NI MNGON PAR ZHEN PA THAMS CAD DANG BRAL BAS BYANG CHUB LA SBYOR BA NI 'JUG PA RNAM PAR DAG PA'O, ,SPROS PAR BYED PAS SPROS PA STE, BYANG CHUB NI KHONG DU CHUD PAR BYA BA NYID KYI NGO BOR SGRO 'DOGS PA STE, DE BOR BA'I PHYIR RO, ,DE NI 'JUG PA MED PA'I 'JUG PA ZHES BYA BA TSIG 'DI'I BSHAD PA'O, ,RAB TU BRTAGS NAS RNAM PAR GZHAG PA MED PA NI 'JUG PA MED PA STE, DES 'JUG PA NI BYANG CHUB LA 'JUG PA'O, ,SGOM PAR BYED, BYANG CHUB 'DZIN PAR BYED PAS DNGOS PO STE 'DZIN PA'O, ,DE MED PA'I PHYIR, DNGOS PO MED PA LA 'JUG PA'O, ,TSIG SNGA MAS NI GZUNG BA DNGOS PO MED PAR BSTAN GYI, 'DZIN PA DNGOS PO MED PAR NI MA YIN TE, DE LTAR BYE BRAG YOD DE, DE'I BSHAD PA NI CHOS SU 'DZIN PA BOR BA ZHES BYA BA'O, ,CHOS SU 'DZIN PAS CHOS SU 'DZIN PA'I BDAG NYID DO, ,BLA GAB MED PA'I DON NI SNGA MA BZHIN ZHES BYA BA LA, SEMS KYI SKABS SU DNGOS PO MED PA, BLA GAB MED PA ZHES DER GANG GSUNGS PA'I BLA GAB MED PA'I DON GANG YIN PA DE 'DIR YANG ZHES BYA'O, ,DER RING DU SONG BA ZHES PA NI BYANG CHUB DE BZHIN NYID KYI NGO BO THAMS CAD DU SONG BA'I PHYIR RING DU SONG BA NYID DO, ,CHOS KYI DBYINGS KYI RANG BZHIN NI NGO BO NYID KYIS ZHI BA STE, RANG BZHIN GYIS @85B 'OD GSAL BA'I PHYIR RO, ,DE'I BSHAD PA NI ZHI BA ZHES BYA BA'O, ,CHOS THAMS CAD LA MNGON PAR ZHEN PA NI RTAG PA NYID DU 'AM CHAD PA NYID DU STE, DE MED PA'I PHYIR MNGON PAR ZHEN PA MED PA'O, ,DE NI RTAG PA DANG MI RTAG PAR 'DZIN PA POR BA ZHES BYA BAS BSHAD DO, ,YANG DAG PA'I MTHA' DMIGS PAR GYUR BA DE NI YANG DAG PA'I MTHA' STE, DE BZHIN NYID LA DMIGS PA'I LAM MO, ,DE'I DBYER MED PA NI DOR BA MED PA'O, ,DE BAS NA LAM LA SKUR PA 'DEBS PA BOR BA ZHES BSHAD DO, ,YANG DAG PA'I MTHA' DMIGS PAR GYUR PA DE BOR BA NI GZHAN GYI DBANG LA SKUR PA 'DEBS PA'O,, GZHAG PA NI BYIS PAS YONGS SU BRTAGS TE YOD PAR SGRO BTAGS PA'O, ,DE MED PA'I PHYIR, DOR BA MED PA DANG, GZHAG PA MED PA'O, ,THA DAD PA MA YIN PA NI GANG ZAG LA BDAG MED PA'O, ,THA DAD PA MED PA NI CHOS LA BDAG MED PA'O, ,'JUG PA ZHES BYA BA'I SGRA NI DOR BA MED PA DANG, GZHAG PA MED PA LA 'JUG PA THA DAD PA MA YIN PA DANG, THA DAD PA MED PA LA 'JUG PA ZHES RE RE DANG SBYAR RO, ,DANG PO'I BSHAD PA NI SKUR PA DANG SGRO BTAGS PA RNAM PAR SPANGS PA ZHES BYA BA'O, ,GNYIS PA'I BSHAD PA NI CHOS THAMS CAD LA TSUL GCIG TU 'JUG PA ZHES BYA BA'O, ,TSUL GCIG PA NI BDAG MED PA'O, ,SO SO YANG DAG PAR RIG PA'I MIG YOR LA, MIG YOR NI 'KHRUL PA'I SHES PA'I RNAM PA MGAL ME BSKOR BA LA SOGS PA STE, DNGOS PO RNAMS SO SO YANG DAG PAR RIG PA'I MIG YOR LA SOGS PA 'DI DAG DANG MTSUNGS PAR DE LTAR 'JUG PA'O ZHES MDO'I TSIG GI DON TO, ,DE'I BSHAD PA NI SHES RAB KYI PHA ROL TU PHYIN PA BSGOM PA ZHES BYA'O, ,DE LTA BU'I RNAM PAR ZHUGS PA'I SGOM PA NI SHES RAB KYI PHA ROL TU PHYIN PA BSGOM PA'O, ,KHAMS GSUM PA LAS YANG DAG PAR 'DAS PA ZHES BYA BA LA SOGS PA'I TSIG BZHI'I DON RNAM PAR DBYE BA NI ZHES BYA BA NI 'JAM DPAL BYANG CHUB NI KHAMS GSUM PA LAS YANG DAG PAR 'DAS PA, THA SNYAD LAS YANG DAG PAR 'DAS PA, YI GE'I SGRA LAS YANG DAG PAR 'DAS PA, SGRA LAS YANG DAG PAR 'DAS PA ZHES BYA BA DE DAG GI DON TO, ,SNGA MA BZHIN ZHES BYA BA NI 'DI SNGAR SBYAR ZIN PAS YANG MA BRJOD DO, , @86A *, ,DE LTAR GLENG GZHI LA SOGS PA TSIG GI DON DGU'I NANG NAS GLENG GZHI NAS BZUNG STE BSTAN PA ZHES BYA BA'I BAR DU TSIG BDUN GYI DON NI BSHAD ZIN TO,, ,,DA NI BYANG CHUB SEMS DPA'I YON TAN GYI MTHU STE, TSIG GI DON RGYAS PAR BSHAD PAR 'DOD NAS DE LA BYANG CHUB SEMS DPA'I YON TAN GYI MTHU NI RNAM PA GNYIS KYIS RIG PAR BYA STE, JI LTAR 'DOD PA'I DON YONGS SU RDZOGS PA DANG, SPOBS PA THOGS PA MED PA'O, ,JI LTAR 'DOD PA'I DON YONGS SU RDZOGS PA DE YANG GONG NAS GONG DU RNAM PA BCU BZHIS MNGON PAR SGRUB PAR RIG PAR BYA STE, BCU BZHI PO GANG ZHE NA, GDAMS NGAG MI BRJED PA DANG ZHES BYA BA LA SOGS PA SMOS TE, DE YANG DE NAS LHA'I BU ZLA BA DRI MA MED PA'I GZI BRJID 'OD ZER GYI 'OD CES BYA BA LA SOGS PA MDO'I DUM BU'I BSHAD PA'O, ,RTZOM PA NI NANG GI RGYU STE, RTZA BAR GYUR BA'O, ,GNAS NI PHYI'I STE DMIGS PAR GYUR BA'O, ,DE BAS NA RTZOM PA NI SNYING RJE CHEN PO'O, ,GNAS NI SEMS CAN NO ZHES GSUNGS SO, ,GONG NAS GONG DU MNGON PAR SGRUB CES BYA BA NI SNYING RJE LA SOGS PA SNGA MA SNGA MAS G-YO MED PA LA SOGS PA PHYI MA PHYI MA SGRUB PA'O, ,CIS BSDUS ZHES BYA BA NI 'BRAS BU GANG GIS BSDUS PA'I SNYING RJE CHEN PO'I 'BRAS BU GANG ZHES DRI BA'I DON TO, ,'OG MA DAG LA YANG DE BZHIN DU SBYAR BAR BYA'O, ,G-YO MED PAS BSDUS ZHES BYA BA NI SNYING RJE DANG LDAN NA G-YO MED PAR 'GYUR RO, ,DE'I BSHAD PA NI GDAMS NGAG MI BRJED PA ZHES BYA BA'O, ,GDAMS NGAG NI YANG DAG PA'I MAN NGAG GO, ,G-YO MED PAR SEMS CAN GYI DON DU YANG DAG PA'I GDAMS NGAG 'DZIN NA DE'I PHYIR MI BRJED PAR 'GYUR RO, ,SEMS CAN THAMS CAD LA SNYOMS PA'I SEMS ZHES BYA BA NI G-YO MED NA SEMS CAN THAMS CAD LA SNYOMS PA'I SEMS LAS BYUNG BA'I PHYIR TE, SEMS SNYOMS PA YANG THAMS CAD 'DU BYED DU MNYAM PAS RJES SU CHAGS PA DANG KHONG KHRO BA DANG BRAL BAS 'DZIN TO, ,DE'I BSHAD PA NI LEGS PAR BZUNG BA'I GDAMS NGAG 'DUS BYAS LA NYE BAR RTOG PA ZHES BYA BA'O, ,G-YO MED PA'I STOBS KYIS GDAMS NGAG LEGS PAR GZUNG BA 'DUS BYAS LA NYE BAR RTOG STE, SEMS CAN RNAMS LA CHOS LA BDAG @86B MED PA DANG, GANG ZAG LA BDAG MED PAR MNYAM PAR RTOG CING, 'DUS BYAS THAMS CAD LA CHOS LA BDAG MED PA DANG, GANG ZAG LA BDAG MED PAR MNYAM PAR GZHAG PA NYID DU ZHUGS NAS, NYON MONGS PA'I SGRIB PA DANG, SHES BYA'I SGRIB PA'I YUL CI RIGS PAR MI MTHONG BA STE, DE BAS NA THA DAD PA MA YIN PA DANG, THA DAD PA MED PA'I SPYOD PA DANG GO RIMS BZHIN DU BLTA BAR BYA'O, ,DE LTAR DNGOS PO 'DI DAG CHOS DANG GANG ZAG GNYIS KYIS STONG YANG DE KHO NA MA MTHONG BA DAG CHOS DANG GANG ZAG GI RNAM PAS BSLUS SO ZHES 'DUS BYAS RNAMS LA NYES PAR LTA BA YIN TE, DE NI DE LA YANG NYES PAR LTA BA ZHES BYA BAS BSHAD DO, ,DE LA ZHES BYA BA NI 'DUS BYAS LA'O, ,THA DAD PA MED PA'I SPYOD PA LA ZHUGS PA NYON MONGS PA'I SGRIB PA DANG, SHES BYA'I SGRIB PA DE GNYIS SPANGS PA'I BSAM PA DANG, LHAG PA'I BSAM PA DANG GO RIMS BZHIN NO, ,DE BAS NA NYES PA DE DAG DANG MI BSTEN PA ZHES BSHAD DO, ,BSAM PA DANG LHAG PA'I BSAM PA CI'I PHYIR BYUNG ZHES BYA BA NI BSAM PA DANG, LHAG PA'I BSAM PA GNYIS CI ZHIG GI PHYIR BYUNG ZHES BYA BA'I THA TSIG GO, ,TSIG GONG MA RNAMS LA YANG DE BZHIN DU PHYIR ZHES BYA BA BLTA'O, ,BYANG CHUB KYI SEMS KYI PHYIR BYUNG NGO ZHES BYA BA NI NYON MONGS PA DANG, SHES BYA'I SGRIB PA 'KHRUL PA RNAMS KYIS SEMS CAN 'DI DAG SHIN TU SDUG BSNGAL BA'I GNAS SU KHRID DE, DE BAS NA BDAG GIS BDAG BZHIN DU GZHAN DAG KYANG NYES PA THAMS CAD SPANGS TE BYANG CHUB THOB PAR BYA'O ZHES BYANG CHUB TU SEMS BSKYED DO; ,DE'I BSHAD PA NI DGE BA'I LAS YANG DAG PAR 'DZIN PA ZHES BYA BA'O, ,'DIS DGE BA'I LAS YANG DAG PAR 'DZIN PAS DGE BA'I LAS YANG DAG PAR 'DZIN PA STE BYANG CHUB KYI SEMS SO, ,BYANG CHUB KYI SEMS KYI DON DU BYUNG BA NI BYANG CHUB KYI SEMS KYI PHYIR BYUNG BA'O ZHES BSDU BAR BLTA'O, , 'OG MA RNAMS LA YANG DE BZHIN NO, ,PHA ROL TU PHYIN PA DRUG GI PHYIR BYUNG NGO ZHES BYA BA NI BYANG CHUB TU SEMS BSKYED NAS PHA ROL TU PHYIN PA DRUG PO DAG LA 'JUG GO, ,DE BAS NA PHA ROL TU PHYIN PA DRUG NI BYANG CHUB KYI SEMS KYI 'BRAS BU'O, ,LUS DANG NGAG DANG YID KYI LAS RNAM PAR DAG PA'I BDAG @87A *, ,NYID PHA ROL TU PHYIN PA STE, DE BAS NA LUS DANG NGAG DANG YID KYI LAS RNAM PAR DAG PA ZHES BSHAD DO, ,THABS DANG SHES RAB GNYIS KYI PHYIR ZHES BYA BA NI PHA ROL TU PHYIN PA DRUG PO DAG LA 'JUG PA NA THABS DANG SHES RAB LA 'JUG STE, DE LA THABS KYIS NI 'KHOR BA MI GTONG LA, SHES RAB KYIS NI DE'I NYES PA RNAMS KYIS MI GOS TE, SHES RAB DANG THABS GNYIS KUN NAS NYON MONGS PA MED PAR 'KHOR BA JI SRID PAR SEMS CAN GYI DON BYED PA'I PHYIR SEMS CAN GYI DON BYA BA'I TSUL KHRIMS RNAM PAR DAG GO, ,DE BAS NA TSUL KHRIMS YONGS SU DAG CES BSHAD DE, ,BAG YOD PA'I PHYIR BYUNG NGO ZHES BYA BA NI SHES RAB DANG THABS DANG LDAN PA NI THAMS CAD DU BAG YOD PAR GNAS PA'I PHYIR RO, ,BAG YOD PAR GNAS PA YANG SPYOD LAM THAMS CAD DU SEMS CAN RNAMS KYI DANG BA BSKYED PAS SEMS CAN GYI DON DANG MTHUN PA YIN TE, DE BAS NA SEMS CAN GYI DON DANG MTHUN PA ZHES BSHAD DO, ,LEGS PAR SPYOD PA RNAM PA GSUM GYI PHYIR BYUNG NGO ZHES BYA BA NI BAG YOD PA LA GNAS PA DAG LUS DANG, NGAG DANG, YID KYI LEGS PAR SPYOD PA DAG LA 'JUG PA'I TSUL KHRIMS KYI BDAG NYID SGRUB BO, ,DE BAS NA LEGS PAR SPYOD PA RNAM PA GSUM NI BAG YOD PA'I 'BRAS BU'O, ,LEGS PAR SPYOD PA RNAM PA GSUM DANG LDAN NA TSOGS YONGS SU RDZOGS PAR 'GYUR TE, DE BAS NA TSOGS YONGS SU RDZOGS PA ZHES BSHAD DO, ,DGE BA BCU'I LAS KYI LAM GYI PHYIR BYUNG NGO ZHES BYA BA NI LUS DANG, NGAG DANG, YID KYI LEGS PAR SPYOD PA DAG LA 'JUG PA'I TSUL KHRIMS KYI BDAG NYID LA BRTZON PA NI DE DANG MI MTHUN PA SROG GCOD PA LA SOGS PA DAG LA MI 'JUG GO, ,DE'I PHYIR DE SROG GCOD PA SPONG BA LA SOGS PA LDOG PA'I TSUL KHRIMS KYI BDAG NYID SGRUB BO, ,LDOG PA'I TSUL KHRIMS KYI BDAG NYID DGE BA BCU'I LAS KYI LAM NI 'JUG PA'I TSUL KHRIMS KYI BDAG NYID LEGS PAR SPYOD PA RNAM PA GSUM GYI 'BRAS BU YIN NO, ,DE LTAR 'JUG PA DANG LDOG PA'I TSUL KHRIMS THA DAD DU PHYE STE, LEGS PAR SPYOD PA RNAM PA GSUM DANG, DGE BA BCU'I LAS KYI LAM RNAMS RGYU DANG 'BRAS BU DNGOS POR BSTAN PA KHONG DU CHUD PAR BYA'O, ,GZHAN DU NA LEGS @87B PAR SPYOD PA RNAM PA GSUM DANG, DGE BA BCU'I LAS KYI LAM RNAMS THA DAD PA CI ZHIG YOD PAR 'GYUR, SROG GCOD PA SPONG BA LA SOGS PA LA BSAM PA BRTAN PA DAG SEMS CAN LOG PAR ZHUGS PA RNAMS KYIS MI SKYO BAS DE NI YONGS SU MI SKYO BA ZHES BYA BAS BSHAD DO, ,'JUG PA DANG LDOG PA'I TSUL KHRIMS BSTAN PA 'DIS SDOM PA'I TSUL KHRIMS BSTAN TO, ,SDOM PA'I PHYIR BYUNG NGO ZHES BYA BA NI 'BRAS BU YANG DAG PA, RAB, GTZO BO, ,SANGS RGYAS NYID 'DI LAS BYUNG BAS SDOM PA'O, ,THOS PA DANG, SEMS PA LA SOGS PA'I RIM GYIS BDAG MED PA GNYI GA LA BRTEN PA NI BYANG CHUB KYI PHYOGS LA RAB TU SBYOR TE, DE'I DON DU BYUNG NGO, ,DGE BA BCU'I LAS KYI LAM GYI SDOM PA LA GNAS PA NI THOS PA DANG, SEMS PA LA SOGS PA'I RIM GYIS BYANG CHUB KYI PHYOGS RNAMS LA 'JUG PA'I PHYIR 'DIS NI DGE BA'I CHOS SDUD PA'I TSUL KHRIMS BSTAN TO, ,GONG DU BSHAD MA THAG PA BYANG CHUB KYI PHYOGS BSGOM PA'I MTSAN NYID KYI LAM RNAM PAR DAG PAS NI 'BRAS BU RNAM PAR DAG PA SANGS RGYAS NYID 'GRUB BO, ,DE BAS NA LAS KYI 'BRAS BU RNAM PAR DAG PA ZHES BSHAD DO, ,TSUL BZHIN YID LA BYA BA'I PHYIR BYUNG NGO ZHES BYA BA NI DGE BA'I CHOS SDUD PA'I TSUL KHRIMS DANG LDAN NA RTAG TU BDAG MED PA GNYI GA LA BRTEN PA'I YID LA BYA BA LA 'JUG STE, DE NYID 'DIR TSUL BZHIN YID LA BYED PA'O, ,TSUL BZHIN YID LA BYED PA SHES RAB KYI PHA ROL TU PHYIN PA LA GNAS PA'I BDAG NYID DES BYANG CHUB KYI PHYOGS LA SBYOR BA DE RNAM PAR DAG GO, ,DE BAS NA SBYOR BA RNAM PAR DAG PA ZHES BSHAD DO, ,SO SOR RTOG PA'I PHYIR BYUNG NGO ZHES BYA BA NI SEMS CAN SO SO LA SKAL BA JI LTAR GYI PHA ROL TU PHYIN PA LA SGRUB PA SO SOR RTOG PA'O, ,TSUL BZHIN YID LA BYED PAS NI SRID PA SGYU MA LTA BUR MTHONG NGO, ,DE BAS NA 'KHRO BA JI SRID PAR SEMS CAN GYI DON LA SHIN TU 'JUG GO, ,DE LTA BAS NA SEMS CAN GYI DON RNAM PAR DAG PA ZHES BSHAD DO, ,DRAN PA'I PHYIR BYUNG NGO ZHES BYA BA NI SEMS CAN THAMS CAD KYI DON BYA BA LA BRTZON PAR BYA BA DANG, MI BYA BA DAG LA RTAG TU DRAN PA 'JUG PA'I PHYIR RO, ,DRAN PA DANG LDAN NA MU STEGS CAN DANG BDUD LA SOGS PAS MI 'PHROGS PA'O, ,DE BAS NA GZHAN @88A *, ,GYIS MI BKRI BA RNAM PAR DAG PA ZHES BSHAD DO, ,GZHAN NI GZHAN DU STE, SNYING RJE CHEN PO CIS BSDUS ZHES BYA BA NI 'DIR RGYU GANG GIS ZHES RGYU 'DRI BA NYID DE, 'DI NI G-YO MED PAS BSDUS TE, G-YO MED PAS BSKYED CES BYA BA'I THA TSIG GO, ,G-YO MED PA NI SEMS CAN THAMS CAD LA SNYOMS PA'I SEMS KYIS BSDUS TE, SEMS CAN THAMS CAD LA SNYOMS PA MA YIN PA'I SEMS GANG YIN PA DE G-YO YIN PAR NGES SO, ,SNYOMS PA'I SEMS KYI RGYU NI THA DAD PA MA YIN PA DANG, THA DAD PA MED PA'I SPYOD PA ZHES BYA BA'O, ,DE BZHIN DU GZHAN DU YANG CI'I PHYIR BYUNG NAS 'DRI BA DER YANG RGYU GANG LAS BYUNG ZHES ZER RO, ,DE DAG NI BSHAD PA'I TSIG DANG MI MTHUN TE, 'DI LTAR GDAMS NGAG MI BRJED PA ZHES BYA BA'I TSIG DES G-YO MED PA BSTAN NAS, PHYIS GDAMS NGAG LEGS PAR BZUNG BA 'DUS BYAS LA NYE BAR RTOG PA ZHES BYA BA 'DIS NI SEMS CAN THAMS CAD LA SEMS SNYOMS PA ZHES BYA BA'I TSIG 'DI BSHAD DO, ,'DIR GDAMS NGAG LEGS PAR BZUNG BA NYID 'DUS BYAS LA RTOG PA'I RGYUR BSHAD NA SEMS CAN THAMS CAD LA SNYOMS PA'I SEMS NI G-YO MED PA'I RGYU NYID DU BSTAN PAR 'GYUR TE, DE LTA NA NI SNYING RJE CHEN PO BYANG CHUB KYI RTZA BA'I RGYU MA YIN PAR 'GYUR RO, ,RGYUR BSDU BA DANG, 'BRAS BUR BSDU BA ZHES BYA BA LA SNGA MA SNGA MA NI SEMS BSKYED PA'I RGYU YIN NO, ,PHYI MA PHYI MA NI 'BRAS BU STE, DE BAS NA RGYU DANG 'BRAS BUR BSDU BA ZHES BYA'O, ,SA BCUS BSDUS PA'I SEMS BSKYED PA RNAM PA BZHI ZHES BYA BA DE LA, SEMS BSKYED PA DANG PO NI SA RAB TU DGA' BAS BSDUS SO, ,SPYOD PA DANG 'BREL PA NI DRI MA MED PA LA SOGS PA DRUG PO RNAMS SU'O, ,PHYIR MI LDOG PA NI MI G-YO BA LA SOGS PAR RO, ,SKYE BA GCIG GIS THOGS PA NI SA BCU PA NYID LA'O, ,BZHI PA RNAM PA BCU GNYIS KYIS ZHES BYA BA NI DE LA SEMS BSKYED PA DANG PO NI SPYOD PA DANG 'BREL PA'I RGYUR BLTA'O ZHES BYA BA LA SOGS PA'O, ,SKYE BA GCIG GIS THOGS PA NI 'BRAS BU DANG 'BREL PA'I RGYUR BLTA'O ZHES BYA BA LA, RGYU NI BSOD NAMS DANG YE SHES KYI TSOGS KYI BDAG NYID DO, ,'BRAS BU NI SANGS RGYAS NYID DO, ,'BREL PA NI DE LAS BYUNG BAR BLTA @88B STE; SANGS RGYAS NYID KYI RGYU ZHES BYA BA'I THA TSIG GO, ,BZHI PA 'DI'I BSHAD PA NI GONG NAS GONG DU RGYU CHUD MI ZA BA ZHES BYA BA STE, SEMS SKYES PA PHYI MA PHYI MA'I RGYU NI SNGA MA SNGA MA STE, DE'I RGYUR DE RTAG TU GNAS PAS RGYU CHUD MI ZA BA'O, ,DE NI 'DI SKAD DU SEMS DANG PO BSKYED PA DANG 'BREL PA NYID KYI RGYU'O, ,GZHAN GNYIS LAS SPYOD PA DANG 'BREL PA PHYIR LOG PA NYID KYIS ZHES BYA BA LA SOGS PA'I RGYU'I NUS PA STE, DE BZHIN DU GYUR PA'I PHYIR RO ZHES BSTAN PAR 'GYUR RO, ,DE LTAR 'BRAS BU DANG MTHUN PA'I BZHI PA DANG POS RGYU'I GNAS BSTAN TO, ,LHA'I BU GZHAN YANG DPER NA SA BON BTAB PA ZHES BYA BA LA SOGS PA RGYUR 'OS PA BZHI PA GNYIS PAS NI, 'BRAS BU YANG GNAS SO ZHES DE STON TO, ,BTAB PA NI BSKRUN PA STE, SEMS BSKYED PA DANG PO'I DGE BA'I CHOS THAMS CAD KYI DGE BA'I SA BON BSKYED PA'I PHYIR RO, ,SA BON GYI TSUL DU GNAS PA SEMS BSKYED PA DANG PO GANG YIN PA DE LAS DE DANG MTHUN PA'I MYU GU MNGON PAR 'GRUB BO, ,CHOS DE NI SEMS BSKYED PA GNYIS PO STE, DE LAS BSDUS PA MNGON PAR 'DU BYED PA DANG BCAS PAR 'JUG PA'I SHES RAB KYI RGYU BA LAS DGE BA'I CHOS THAMS CAD KYI MYU GU RNAMS 'BYUNG BA'I PHYIR RO, ,SEMS BSKYED PA GNYIS PA MYU GU'I TSUL DU GNAS PA GANG YIN PA DE LAS DE DANG MTHUN PA SEMS BSKYED PA GSUM PA SDONG BU LA SOGS PA LTA BU'I CHOS NYID 'BYUNG STE, DE LA MI G-YO BA LA SOGS PA GSUM GYIS BSDUS PA MNGON PAR 'DU BYED PA MED PAR 'JUG PA'I SHES RAB KYI RGYU BAS BSGRIM MI DGOS PAR SANGS RGYAS KYI CHOS RNAMS YONGS SU RDZOGS PAR 'GYUR BA'I PHYIR RO, ,DE BAS NA SEMS BSKYED PA BZHI PA NI SEMS BSKYED PA GSUM PA'I 'BRAS BUR GYUR TE, 'BRAS BU YONGS SU SMIN PA'I CHOS YIN NO, ,DE LAS YON TAN THAMS CAD YONGS SU RDZOGS PA SANGS RGYAS SU GRUB PA'I MTSAN NYID KYI 'BRAS BU 'GRUB PAR 'GYUR RO, ,BZHI PA GNYIS PA 'DI'I BSHAD PA NI RGYU'I RIM GYIS ZHES BYA BA LA SOGS PA STE, RIM PA GANG GIS RGYUR GNAS PA DE NYID KYIS 'BRAS BU MA TSANG BA MED PAR 'GRUB PA YONGS SU DAG GO, ,DPER NA SHING RTA MKHAN ZHES BYA BA LA SOGS PA NI BZHI PA GSUM PA'O, ,SHING BSDU @89A *, ,BZHES BYA BA NI SHING JI LTAR GYUR PA JI SNYED KYIS SHING RTA 'GRUB PA DE LTA BUR GYUR PA DE SNYED SHES TE BSDU BA SHES PA'O, ,DE BZHIN DU SEMS BSKYED PA DANG PO ZHES BYA BA NI SA DANG PO LA SMON LAM CHEN PO BCU PO DAG NI SANGS RGYAS KYI CHOS THAMS CAD BSDU BA SHES PA'O, ,DE BAS NA YANG SMON LAM LA BRTEN TE, SANGS RGYAS KYI CHOS THAMS CAD 'DZIN PA ZHES BYA BAS BSHAD DO, ,DE BZHIN DU SPYOD PA DANG 'BREL PA ZHES BYA BA NI DRI MA MED PA LA SOGS PAS DRUG PO DRUG NI SANGS RGYAS NYID KYI YAN LAG TU GYUR PA'I CHOS BZOD PA DANG, BRTZON 'GRUS DANG, BSAM GTAN DANG; SHES RAB DANG, THABS RNAMS RIM BZHIN DU SBYONG BA'I PHYIR RO, ,DE'I BSHAD PA NI TSUL KHRIMS DANG SDOM PA RNAM PAR DAG PA ZHES BYA STE, TSUL KHRIMS NI, TSUL KHRIMS KYI PHA ROL TU PHYIN PA'O, ,'DIS MI MTHUN PA'I PHYOGS KYI SEMS BZLOG PAS SDOM PA'O, ,DPER NA SHING RTA'I YAN LAG CES BYA BA LA SOGS PA 'DI'I BSHAD PA NI BSGOM PA'I LAM NA SHES RAB DANG THABS KYI CHOS THAMS CAD LA SBYOR BA ZHES BYA BA'O, ,MNGON PAR 'DU BYA BA MED PAR 'JUG PA NI BSGOM PA'I LAM NA SHES RAB DANG THABS DE GNYIS KYIS SANGS RGYAS NYID KYI RGYU'I CHOS BSOD NAMS DANG YE SHES KYI TSOGS KYI BDAG NYID THAMS CAD YAN LAG DANG, YAN LAG CAN GYI DNGOS POR PHAN TSUN SBYOR BA'I PHYIR TE, 'DI LTAR BSOD NAMS KYI TSOGS KYIS BSDUS PA'I YE SHES MYA NGAN LAS 'DAS PA 'BRAS BU YANG 'KHOR BA DANG MI MTHUN PA STE, YE SHES KYI GROGS BSOD NAMS KYI TSOGS 'BYUNG BA MNGON PAR 'GRUB PAR 'BAD KYANG MYA NGAN LAS 'DAS PA DANG, MI MTHUN PA MED DE, DE LTAR 'DI GNYIS YAN LAG DANG YAN LAG CAN GYI DNGOS PO YIN PA'I PHYIR 'BRAS BU MI GNAS PA'I MYA NGAN LAS 'DAS PA 'GRUB BO, ,DPER NA KHAL DGAL BA ZHES BYA BA NI SHING RTA YONGS SU GRUB NAS RDZAS LA SOGS PA KHAL DGAL BA SHES PA'O, ,DE BZHIN DU SKYE BA GCIG GIS THOGS PA'I SEMS BSKYED PA ZHES BYA BA NI TSOGS YONGS SU RDZOGS PA DES BDAG DANG GZHAN GYI DON GYI KHUR SHIN TU SGRUB PA'I PHYIR RO, ,DE'I BSHAD PA NI KHUR BLANGS PA MI 'DOR BA ZHES BYA BA'O, , @89B KHUR BLANGS PA NI BDAG DANG GZHAN GYI DON YANG DAG PAR SGRUB PA'O, ,DPER NA ZLA BA TSES PA ZHES BYA BA LA SOGS PA NI BZHI PA'O, ,DE'I BSHAD PA NI GONG NAS GONG DU MTHU RNAM PAR DAG PAR ZHES BYA BA'O, ,ZLA BA'I DKYIL 'KHOR NI GONG NAS GONG DU SNANG BA'I BYE BRAG GI MTHU RNAM PAR DAG GO, , SEMS KYI NI NUS PA'I BYE BRAG GO, ,TSES BCU BZHI'I NUB MO ZLA BA'I DKYIL 'KHOR SHAR BA'I DPES NI SKYE BA GCIG GIS THOGS PA'I SEMS BSKYED PA CUNG ZAD CIG GIS YONGS SU MA RDZOGS PAR BSTAN TO, ,TSES BCO LNGA'I NUB MO'I DPES NI DE BZHIN GSHEGS PA'I MKHYEN PA RNAM PA THAMS CAD DU YONGS SU RDZOGS PAR BSTAN TO, ,NYAN THOS RNAMS KYIS NI GANG ZAG LA BDAG MED PA TZAM GYIS MTHONG BA'I LAM LA BDEN PA KHONG DU CHUD PA'O, ,DE LAS SHIN TU 'DAS PA NI SA DANG PO LA MTHONG BA'I LAM NA CHOS THAMS CAD BDAG MED PA'I MTSAN NYID CHOS KYI DBYINGS THAMS CAD DU SONG BA'I RNAM PAR KHONG DU CHUD PA'I PHYIR RO, ,DE'I BSHAD PA NI YANG DBANG PO RNO BA'I PHYIR BYANG CHUB KYI PHYOGS KYI CHOS LA LHAG PAR DMIGS PA ZHES BYA BA STE, SANGS RGYAS NYID KYI PHYOGS SU GYUR PA'I RGYUR GYUR PA'I CHOS NI BYANG CHUB KYI PHYOGS KYI CHOS TE DE BZHIN NYID DO, ,DE NI SA DANG PO LA MTHONG BA'I LAM NA NYAN THOS THAMS CAD PAS LHAG PAR CHOS THAMS CAD LA BDAG MED PA'I RNAM PAR DMIGS PAS NA BYANG CHUB KYI PHYOGS KYI CHOS LA LHAG PAR DMIGS PA'O, ,RANG SANGS RGYAS RNAMS KYIS NI GZUNG BA DANG 'DZIN PA LA MNGON PAR ZHEN NAS RTEN CING 'BREL PAR 'BYUNG BA LA BDEN PA NYID DU KHONG DU CHUD PA'O, ,DE BAS NA DE DAG GIS 'KHOR BA SGYU MA LTA BUR KHONG DU MA CHUD DE, DES SKRAG NAS BDAG GCIG PU THAR BAR BYA BA'I PHYIR 'BAD DO, ,SEMS BSKYED PA GNYIS PA NI DE LAS SHIN TU 'DAS TE, DE LAS GZUNG BA DANG 'DZIN PAR MNGON PAR ZHEN PA DANG BRAL BAS YANG DAG PA MA YIN PA YONGS SU BRTAG PA'I BDAG NYID SGYU MA LTA BU'I RTEN CING 'BREL PAR 'BYUNG BA KHONG DU CHUD PA'I PHYIR RO, ,SA DANG PO LA THAMS CAD DU 'GRO BA'I RNAM PAR DE BZHIN NYID KHONG DU CHUD PAS NYAN THOS KYI SA BZHIN DU RANG SANGS RGYAS KYI SA LAS KYANG SHIN TU 'DAS SU ZIN KYANG RTEN CING 'BREL PAR 'BYUNG BA GONG MA LA KHONG DU CHUD PA'I PHYIR DE SKAD CES GSUNGS @90A *, ,SO; ,DE'I BSHAD PA NI SHES RAB KYI KHYAD PAR GYIS SPYOD PA MTHA' YAS PA YANG DAG PAR BSGRUB PA ZHES BYA BA STE, SHES RAB KYI KHYAD PAR GYIS 'KHOR BA SGYU MA LTA BUR KHONG DU CHUD PAS DE'I PHYIR 'JIGS PA MED DE, SEMS CAN GYI DON DU SPYOD PA MTHA' YAS PA YANG DAG PAR SGRUB BO; ,SEMS BSKYED PA GSUM PA ZHES BYA BA LA SOGS PA NI MNGON PAR 'DU BYED CING 'JUG PA'I SA'O, ,SA BDUN PA'I BAR DU MA NGES PA STE, DE LA RTZOL BA DANG BCAS PA'I PHYIR RO, ,RNAM PAR MI RTOG PAR RGYU BA NI NGES PA'I PHYIR RO, ,DE BAS NA RTZOL BA'I RNAM PAR RTOG PAS SKYOD PAR MI NUS PA'I PHYIR SA DE MI G-YO BA ZHES BYA'O, ,RTZOL BAR LDOG PA MED PA'I PHYIR PHYIR MI LDOG PA'I SA ZHES BYA BA'O, ,DE BAS NA RTZOL BA'I YONGS SU G-YO BA THAMS CAD LAS SHIN TU 'DAS PA ZHES BSHAD DO, ,NGES PA'I PHUNG PO NI DBANG BSKUR BA THOB PA'I BYANG CHUB SEMS DPA' RNAMS TE, DE BAS NA RGYAL TSAB TU RAB TU GNAS PA DE ZHES BSHAD DO,, ,,'PHAGS PA GA YA MGO'I RI MDO DANG SPEL MAR BSHAD PA, BAM PO GNYIS PA STE THA MA'O, ,YI GE'I PHYI MO 'DZIN PA NI 'BRU THAMS CAD DER 'DUS PA'I PHYIR RO, ,TSUL ZHES BYA BA NI 'DRA BA STE, 'DI LTAR SEMS BSKYED PA DANG PO NI SANGS RGYAS NYID KYI RGYU'I CHOS RNAMS SMON LAM CHEN PO BCU PO DAG GIS KUN TU BYA BA TZAM DU YI GE'I PHYI MO LTA BUR 'DZIN PAR BYED PA'O, ,DE BAS NA GZHI LA LHAG PAR DMIGS PA ZHES BSHAD DO, KUN TU BYA BA TZAM DU SANGS RGYAS KYI CHOS THAMS CAD KYI GZHIR GYUR PA SMON LAM CHEN PO RNAMS LHAG PAR DMIGS PA'I PHYIR RO, ,RNAM PAR DBYE BA RAB TU RNAM PAR 'BYED PA SHES PA ZHES BYA BA NI 'DI'I RNAM PAR DBYE BA'O, ,'DI NI LEGS PAR RNAM PAR 'BYED PA'O, ,DE LTA BUR NI SPYOD PA DANG 'BREL PA'I SEMS BSKYED PA ZHES BYA BA NI DE LA MNGON PAR 'DU BYED PA DANG BCAS PAR 'JUG PA'I SHES RAB KYI RGYU BA DRI MA MED PA LA SOGS PAS DRUG GIS BSDUS PA LA BSOD NAMS DANG YE SHES KYI TSOGS KYI MTSAN NYID KYI CHOS RNAMS RNAM PAR DBYE BA RAB TU SHES PA'I PHYIR RO, ,DE'I BSHAD PA NI BLOS RAB TU RNAM PAR 'BYED PA ZHES BYA BA STE, BSGOM PA'I LAM GYIS BSDUS PA SA DRUG PO DAG GI BLOS CHOS RAB TU RNAM PAR 'BYED @90B CES BYA BA'I THA TSIG GO, ,GRANGS DANG RTZIS GZHAN DU DON GCIG TU ZIN KYANG 'DIR SO SOR SMOS PA'I PHYIR RTZIS DANG THA DAD DE, GRANGS NI GCIG LA SOGS PA'O, ,GZHAL BA LA SOGS PAS YONGS SU BCAD PA NI RTZIS SU BLTA'O, ,SHOD DGOD PA NI 'JOG PA STE, DE SHES PAS 'DU BA DANG 'GOD PA THAMS CAD LA RTAG TU MA RMONGS NA NOR 'PHEL BAR 'GYUR RO, ,DE LTA BUR NI PHYIR MI LDOG PA'I SEMS BSKYED PA ZHES BYA BA NI SA BRGYAD PA LA MI SKYE BA'I CHOS LA BZOD PA THOB PAS BDAG DANG GZHAN MTSUNGS PAR KHONG DU CHUD PA'I PHYIR GZHAN GYI SBYIN PA BDAG GIS KYANG PHA ROL TU PHYIN PA YONGS SU RDZOGS PAR 'GYUR BA'I PHYIR RO, ,DE NI THABS MKHAS PAS CHOS THAMS CAD LA 'JAL BA ZHES BYA BAS BSHAD DO, JI SKAD DU BSHAD PA'I BDAG DANG GZHAN MTSUNGS PA'I MTSAN NYID THABS MKHAS PAS GZHAN GYI SBYIN PA LA SOGS PA YANG BDAG GIR 'DZIN PA'I PHYIR RO ZHES BYA BA'I THA TSIG GO, ,DE LTA BUR NI SKYE BA GCIG GIS THOGS PA ZHES BYA BA NI SA BCU PA LA BSGOM PA KHYAD ZHUGS PAS MTHAR PHYIN PA'I CHOS RNAMS KHONG DU CHUD PA'I PHYIR TE, DE NI YE SHES KHONG DU CHUD PA ZHES BYA BAS BSHAD DO, ,RGYUR 'BREL PA ZHES BYA BA LA, RGYU NI LEN PA'I RGYU STE, RGYU NYID NI 'BREL PA STE, BDAG NYID ZAG PA MED PA'I PHYIR ZAG PA MED PA'I CHOS RNAMS KYI LEN PA'I DNGOS POR GNAS ZHES BYA BA'I THA TSIG GO, ,'DI'I BSHAD PA NI RANG BZHIN GYIS RUS PHUN SUM TSOGS PA ZHES BYA BA STE, RANG BZHIN ZHES BYA BA NI RIGS 'DRA BA'O, ,RUS ZHES BYA BA NI RGYU STE, RIGS 'DRA BA'I RGYU PHUN SUM TSOGS PA ZHES BYA BA'I THA TSIG GO, ,YE SHES DANG 'BREL PA ZHES BYA BA NI SHES PA NYID DANG 'BREL PA STE, NGES PAR 'BYED PA NYID DU GNAS PA STE, DE NI 'JIG RTEN PA DANG 'JIG RTEN LAS 'DAS PA'I THOS PA 'DZIN PA ZHES BYA BAS BSHAD DO, ,GTONG BAS SPONG BA STE, SPROS PA DANG BRAL BA STE, DE'I NGO BO DANG 'BREL PAR RNAM PAR GNAS PA'O, ,DE NI SPROS PA LAS DBEN PA ZHES BYA BAS BSHAD DO, ,'BRAS BU DANG 'BREL PA ZHES BYA BA NI 'BRAS BU'I DNGOS POR GNAS PA'O, ,'BRAS BU NI 'DIR LHUN GYIS GRUB PAR SEMS CAN GYI DON BYED PA STE DE NI LHUN GYIS GRUB @91A *, ,PAR SEMS CAN GYI DON BYED PA ZHES BYA BAS BSHAD DO, ,RGYUR 'BREL PA'I TSIG GIS NI RGYU NYID DU GNAS SO ZHES BYA BAS DON 'DI BSTAN TO, ,RGYUS BSDUS PA ZHES BYA BA 'DIS NI RGYUS BSDUS SHING RGYUS BSKYED CES BYA BA'I DON 'DI STON TE, BYE BRAG NI DE YOD DO, ,DE BAS NA MOS PAS SPYOD PA NA MNGON PAR 'DU BYED PA YONGS SU SMIN PAS SA DANG PO LA LHAG PAR DMIGS PA ZHES BYA BAS BSHAD DO, ,MOS PAS SPYOD PA'I SA NA MNGON PAR 'DU BYED PA DE YONGS SU SMIN PA NI SA RAB TU DGA' BA LA 'JUG PAR GEGS MED PAR NUS PA NYID DE, DES SA DANG PO LA LHAG PAR DMIGS PA'I PHYIR RO, ,YE SHES KYIS BSDUS PA ZHES BYA BA NI SA RAB TU DGA' BAS BSDUS PA GANG MTHAR PHYIN PA'I YE SHES DES BSDUS PA STE BSKYED PA'O, ,KHAMS RNAMS KYI DON NI DU MA YOD PA'I PHYIR RO, ,DE NI YE SHES YONGS SU SMIN PAS SBYOR BA LAS BYUNG BA'I SPYOD PA LAS LHAG PAR DMIGS PA ZHES BYA BAS BSHAD DO, ,SA RAB TU DGA' BAS BSDUS PA'I YE SHES YONGS SU SMIN PA NI SA GNYIS PA BSKYED PAR GEGS MED PAR NUS PA NYID DE, RGYU DES SBYOR BA LAS BYUNG BA'I SPYOD PA DRI MA MED PA LA SOGS PAS BSDUS PA LA LHAG PAR DMIGS PA'I PHYIR RO, ,SPONG BAS BSDUS PA ZHES BYA BA NI 'DIS SPONG BAS NA SPONG BA STE, SA BDUN PAS BSDUS PA'I LAM STE, GANG DE MA THAG TU SA MI G-YO BA LA SOGS PA LA 'JUG PA'O, ,DES BSDUS PA NI BSKYED PA'O, ,DE NI BSGOM PA YONGS SU SMIN PAS SANGS RGYAS KYI CHOS MA THOB PA RNAMS LA LHAG PAR DMIGS PA ZHES BYA BAS BSHAD DO, , MNGON PAR 'DU BYED PA DANG BCAS PAR 'JUG PA'I BSGOM PA YONGS SU SMIN PAR MTHAR PHYIN PA STE, DES MI SKYE BA'I CHOS LA BZOD PA LA SOGS PA MA THOB PA'I CHOS RNAMS LA LHAG PAR DMIGS PA'I PHYIR RO, ,MI SKYE BA'I CHOS LA BZOD PA LA SOGS PA DE NYID BYANG CHUB SEMS DPA'I PHYIR MI 'ONG BA'I 'BRAS BU STE, YANG MNGON PAR 'DU BYED PAR 'ONG BA MED PA'I PHYIR RO, ,'BRAS BU DE LTAR GYUR PA NYID KYIS BSDUS PA NI SEMS BSKYED PA BZHI PA'O, ,DE NI 'BRAS BU YONGS SU SMIN PAS JI LTAR 'DOD PA BZHIN DU MNGON PAR RDZOGS PAR RTOGS PA ZHES BYA BAS BSHAD DO, ,SA MI G-YO BA LA SOGS @91B PAS BSDUS PA BSHAD MA THAG PA'I MTSAN NYID KYIS 'BRAS BU YONGS SU SMIN PA STE, RGYU DES SA BCU LA DE'I SGRIB PA SPANGS NAS CHOS KYI DBYINGS JI LTAR 'DOD PA BZHIN DU MNGON PAR RDZOGS PAR RTOGS PA'I PHYIR RO, ,RGYU LAS YANG DAG PAR BYUNG BA ZHES BYA BA NI RGYU LAS YANG DAG PAR BYUNG BA GANG YIN PA DE RGYU LAS YANG DAG PAR BYUNG BA STE, PHYIN CI MA LOG PA'I RGYU ZHES BYA BA'I THA TSIG GO, ,DE NI MA NOR BAR DGE BA BSGOM PA'I GNAS ZHES BYA BAS BSHAD DO, ,MOS PAS SPYOD PA'I SAS BSDUS PAS MA NOR BA'I DGE BA'I CHOS BSGOM PA'I GNAS SEMS BSKYED PA GANG YIN PA DE LA DE SKAD CES BYA'O, ,BZHI PO GONG MA NYID KYI RGYUS BSDUS PA'I TSIG GIS NI GEGS MED PAR NUS PA RGYU GANG GIS BSKYED PA DE BSTAN TO, ,DES NI DE'I RGYU PHYIN CI MA LOG PA BSTAN TE, 'DI NI BYE BRAG GO, ,YE SHES LAS YANG DAG PAR BYUNG BA ZHES BYA BA NI SA RAB TU DGA' BAS BSDUS PA'I YE SHES LAS YANG DAG PAR BYUNG BA PHYIN CI MA LOG PA RGYUR GYUR PA LAS BYUNG BA SEMS BSKYED PA GNYIS PA GANG YIN PA DE YE SHES LAS BYUNG BA'O, ,DE NI MA NOR BA'I CHOS LA NGES PAR RTOG PA'I SKYE GNAS ZHES BYA BAS BSHAD DO, ,MA NOR BA'I SA RAB TU DGA' BAS BSDUS PA'O, ,CHOS LA NGES PAR RTOG PA'I SKYE GNAS NI RGYU STE GANG YIN PA DE LA DE SKAD CES BYA STE, SPONG BA LAS YANG DAG PAR BYUNG BA ZHES PA 'DIS SPONG BAS NA SPONG BA STE, SA BDUN PAS BSDUS PA'I YE SHES DE LAS YANG DAG PAR BYUNG BA PHYIN CI MA LOG PA SEMS BSKYED PA GSUM PA GANG YIN PA DE SPONG BA LAS YANG DAG PAR BYUNG BA'O,, DE NI MA NOR BAR BSGOM PA'I GNAS ZHES BYA BAS BSHAD DO, MA NOR BAR BSGOM PAS SA BDUN PAS BSDUS PA'I GNAS LAS BYUNG BA SEMS BSKYED PA GSUM PA GANG YIN PA DE LA DE SKAD CES BYA'O, ,'BRAS BU RANG GI SEMS LA DBANG SGYUR BA LAS YANG DAG PAR BYUNG BA GANG YIN PA DE 'BRAS BU LAS YANG DAG PAR BYUNG BA DE NI RANG GI SEMS LA DBANG SGYUR BA ZHES BYA BAS BSHAD DO, ,SEMS BSKYED PA DANG PO NI RGYU RAB TU DBYE BA'I YAN LAG GO ZHES BYA BA NI SA GNYIS PA LA SOGS PA'I RGYUR GYUR PAS SA RAB TU DGA' BAS BSDUS PA'I CHOS RNAMS KYIS RAB TU DBYE BA YANG YIN PA DE DAG GI YAN LAG STE, SEMS @92A *, ,BSKYED PA DANG PO DE NYID LA BRTEN NAS BYANG CHUB KYI RGYUR RNAM PAR GNAS PA'I CHOS RNAMS RNAM PA MANG POR 'PHEL BA'I PHYIR RO, ,DE NI YANG DGE BA'I RTZA BA MTHA' YAS PA 'DZIN PA ZHES BYA BAS BSHAD DO, ,YE SHES RAB TU DBYE BA'I YAN LAG CES BYA BA NI DRI MA MED PA LA SOGS PA SA DRUG PO RNAMS NA SEMS BSKYED PA GNYIS PA LA GNAS PA'I YE SHES CHOS SNA TSOGS LA RTOGS PAS DU MAR THA DAD PA'I PHYIR RO, ,DE NI CHOS MTHA' YAS PA LA NGES PAR RTOG PA ZHES BYA BAS BSHAD DO, ,MNGON PAR 'DU BYED PA THAMS CAD SPONG BA THOB PA'I PHYIR LHUN GYIS GRUB PAR 'JUG PAS TING NGE 'DZIN RNAMS NYID SPONG BA'O, ,DE DAG GI RAB TU DBYE BA SNA TSOGS KYI YAN LAG STE, SA BRGYAD PA LA MI SKYE BA'I CHOS LA BZOD PA'I STOBS KYIS TING NGE 'DZIN MTHA' YAS PA THOB PA'I PHYIR DE NI TING NGE 'DZIN GYI SGO MTHA' YAS PA'I RJES SU 'JUG PA ZHES BYA BAS BSHAD DO, ,TING NGE 'DZIN RNAMS NYID SGO STE, DE DANG 'BREL PA'I DON RNAMS KYI SGOR GYUR PA'I PHYIR RO, ,'BRAS BU NI TING NGE 'DZIN GYIS RNAM PAR ROL PA MTHA' YAS PA MYONG BA'O, ,DES RAB TU DBYE BA'I YAN LAG NI SEMS BSKYED PA BZHI PA STE, SA BCU PA LA TING NGE 'DZIN GYI SGYU MA MTHA' YAS PA RNAM PAR GROL BA'I PHYIR RO, ,DE NI RNAM PAR ROL PA MTHA' YAS PA MYONG BA ZHES BYA BAS BSHAD DO, ,SMAN BSDU BA'I TSUL ZHES BYA BA NI DE DANG 'DRA ZHES BYA BA'I THA TSIG GO, ,DE'I BSHAD PA NI YANG NYON MONGS PA'I NAD KYI GNYEN PO'I GNAS ZHES BYA BA STE, NYON MONGS PA'I NAD KYI GNYEN PO NI ZAG PA MED PA'I YE SHES KYI SMAN NO, ,DE'I GNAS NI SEMS BSKYED PA DANG PO STE, SA RAB TU DGA' BA LA THOG MAR ZAG PA MED PA'I YE SHES THOB PA'I PHYIR RO, ,SMAN RAB TU DBYE BA ZHES BYA BA LA SOGS PA'I BSHAD PA NI NYON MONGS PA'I NAD DANG MTHUN PA'I SMAN RAB TU SHES PA ZHES BYA BA'O, ,SHES NAS KYANG MTHUN PA'I SMAN NI THABS TE SNYING RJE'O, ,DES 'KHOR BA MI GTONG STE, DE NI SMAN SBYOR BA LA MKHAS PA ZHES BYA BA LA SOGS PA'I MDO'I TSIG BSHAD PA'O, ,NAD GSO BA ZHES BYA BA LA SOGS PA NI SMAN RAB TU SA BCU PAS BSDUS PA BAR CHAD MED PA'I LAM RAB KYI MCHOG GIS NYON MONGS PA DANG SHES BYA'I SGRIB PA BAG CHAGS DANG BCAS PA SPANG BA'I @92B PHYIR SEMS BSKYED PA BZHI PA NI NAD PA GSO BA ZHES BYA BAS BSHAD DO, ,DE'I BSHAD PA NI NYON MONGS PA'I NAD LAS GSO BA ZHES BYA BA'O, ,CHOS KYI RGYAL PO ZHES BYA BA'I DPE NI 'KHOR LOS SGYUR BA'I RGYAL PO'O, ,DNGOS NI SANGS RGYAS BCOM LDAN 'DAS RNAMS SO, ,DE DAG GI RIGS NI SKYE BA'I GNAS TE BYANG CHUB SEMS DPA' DE KHO NA MTHONG BA DAG GO, ,DE MTSAN NYID GCIG PA NI RGYUD DE DER 'BYUNG BA'I TSUL DU SA DANG PO LA DE BZHIN GSHEGS PA'I RIGS SU SKYES PA'I PHYIR RO, ,DER SKYES NAS NYAN THOS DANG RANG SANGS RGYAS RNAMS ZIL GYIS NON TE, DE NI NYAN THOS DANG RANG SANGS RGYAS THAMS CAD ZIL GYIS NON PA ZHES BYA BAS BSHAD DO, ,DPE NI RIG PA RNAMS DANG SGYU RTZAL RNAMS LA MKHAS PA'I BSLAB PA YANG DAG PA 'DZIN PA'O, ,DNGOS PO NI DMIGS PA MED PA DANG LDAN PA'I SDOM PA'I TSUL KHRIMS BLA NA MED PA LA SOGS PA STE, 'DI'I BSHAD PA NI DE YANG BSLAB PA'I GNAS THAMS CAD LAS KHYAD PAR DU 'PHAGS PA ZHES BYA'O, ,DE YANG ZHES BYA BA NI NYAN THOS LA SOGS PA ZIL GYIS NON PA STE, NYAN THOS LA SOGS PA'I BSLAB PA'I RNAM PA DAG LAS KHYAD PAR DU 'PHAGS PA ZHES BYA BA'I THA TSIG GO, ,BSLAB PA TSAR PHYIN PA NI KHAMS GSUM PA LA BSLAB PA RDZOGS PA STE, SA BRGYAD PA LA MNGON PAR 'DU BYED PA DANG BCAS PAS 'JUG PA'I BSLAB PA RDZOGS PA'I PHYIR RO, ,DE'I BSHAD PA NI SGOM PA KHYAD PAR DU 'PHAGS PA ZHES BYA BA'O, ,SGOM PA KHYAD PAR DU 'PHAGS PA NI MNGON PAR 'DU BYA BA MED PAR DGE BA THAMS CAD LA 'JUG PA'I PHYIR RO, ,SEMS CAN GYI DON DU LHUN GYIS GRUB PAR BSLAB PA RNAMS LA 'JUG PA LA DBANG SGYUR TE, DE NI BSGOMS PA'I 'BRAS BU KHYAD PAR DU 'PHAGS PA ZHES BYA BA'O, ,BSGOMS PA'I 'BRAS BU NI SEMS CAN GYI DON NO, ,DE'I KHYAD PAR DU 'PHAGS PA NI LHUN GYIS GRUB PAR THAMS CAD DU CIG CAR YANG DAG PAR SGRUB PA'O, ,CHOS KYI MNGA' BDAG NI SANGS RGYAS BCOM LDAN 'DAS SO, ,'PHAGS PA 'JAM DPAL LA YONGS SU DRIS PA GANG YIN PA ZHES BYA BA NI DANG POR ZLA BA DRI MA MED PA'I GZI BRJID 'OD ZER GYI 'OD KYIS DRIS PA GANG YIN PA DANG, BAR DU 'OD RNAM PAR NGES PA'I 'OD ZER @93A *, ,GYI 'OD DANG, 'OG TU YE SHES SGRUB PA DPA' BOS DRIS PA GANG YIN PA DE THAMS CAD BSDUS TE BRGAL BA'O, ,BYANG CHUB SEMS DPA' RNAMS LA DANG BA BSKYED PA'I PHYIR RO ZHES BYA BA NI CHOS KYI MNGA' BDAG BZHIN DU BYANG CHUB SEMS DPA' RNAMS LA YANG ZAB MO DRIS PA RNAMS LA LAN 'DEBS PA'O ZHES DE DAG LA LAN 'DEBS PA'O, ,DE LTAR RE ZHIG BYANG CHUB SEMS DPA'I YON TAN GYI MTHU DE BRGYAD PA'I DON BSHAD DO, ,DA NI SPYOD PA RNAM PAR DBYE BA BSHAD PAR BYA'O, ,DE YANG RNAM PA GNYIS SU BSHAD DO, RGYUS BSDUS PA DANG, 'BRAS BUS BSDUS PA'O ZHES BYA BA DE LA DANG PO'I DBANG DU BYAS NAS RGYUS BSDUS PA'O ZHES BYA BA LA SOGS PA SMOS SO, ,TSOGS DANG ZHES BYA BA LA SOGS PAS NI TSOGS KYI LAM BSTAN PA DANG RNAM PAR RIG PA'I LAM BSTAN PA'O, ,YANG DAG PA'I MTHA' ZHES BYA BA LA SOGS PA NI YANG DAG PA'I MTHA' BSTAN PA DANG; YANG DAG PA'I MTHA' DE KHONG DU CHUD PAR BYA BA'I THABS BSTAN PA ZHES BYA BA'I THA TSIG GO, ,DE YANG MDO LAS, THABS DANG SHES RAB BO ZHES BYA BA LA, DE LA THABS NI TSOGS KYI LAM MO, ,SHES RAB NI RNAM PAR DAG PA'I LAM MO, ,'DI GNYIS NI MDO'I TSIG THABS NI BSDU BA SHES PA'O ZHES BYA BA LA SOGS PA BCU DRUG GIS BSHAD DO, ,DE LA BRGYAD PA PHYED PHYED BKOD PAS NI THABS BSTAN TO, DE BAS NA TSOGS KYI LAM BSTAN PA NI RNAM PA BRGYAD KYIS ZHES BYA BA LA SOGS PA SMOS SO, ,SHES RAB KYANG BRGYAD PO DE NYID KYI TSOGS PHYED PHYED BKOD PAS BSTAN TO, ,DE BAS NA 'OG NAS RNAM PAR DAG PA'I LAM BSTAN PA YANG RNAM PA BRGYAD KYIS ZHES 'BYUNG NGO, ,SEMS CAN RNAM PA THA DAD PA NI KHA CIG NI BRKAM CHAGS CAN TE, ,DE DAG SBYIN PAS YONGS SU SMIN PAR BYA'O, ,ZHE SDANG CAN DAG NI SNYAN PAR SMRA BAS SO, ,NGA RGYAL CAN DAG NI DON DPYOD PA ZHES BYA BA LA SOGS PAS SO,, DE LA THABS NI BSDU BA SHES PA'O ZHES MDO'I TSIG 'DI'I BSHAD PA STE, BRKAM CHAGS CAN LA SOGS PA DAG SBYIN PA LA SOGS PA'I BSDU BAS YONGS SU SMIN PAR BYA BA SHES NAS DE BZHIN DU SPYOD PA'I PHYIR RO, ,SEMS CAN LA LTA BA ZHES BYA BA NI DE DAG GIS NYES PAR SPYAD KYANG DE DAG MI GTONG BA'I PHYIR @93B RO; ,DE NI DE DAG GI NYES PAR SPYOD PA SNA TSOGS KYIS JI MI SNYAM PA ZHES BYA BAS BSHAD DO, ,DE DAG CES BYA BA NI SEMS CAN RNAMS SO, ,CHOS NI LHA DANG MI'I 'GRO BAS BSDUS PA DAG GO, ,SBYOR BA NI DGE BA'I MNGON PAR 'DU BYAS PA GANG GIS CHOS DE LA SBYOR BA'O, ,DES SHES PA NI DES 'KHOR BA YONGS SU MI GTONG BA'O, ,DE NI DKAR PO'I CHOS THAMS CAD YANG DAG PAR SDUD PAR BYED PA ZHES BYA BAS BSHAD DO, ,MNGON PAR MTHO BA'I MTSAN NYID DKAR PO'I CHOS THAMS CAD YANG DAG PAR SDUD PAR BYED PA NI MI ZAD PAR YANG DAG PAR SGRUB PAR BYED PA'O, ,RGYU NI BYANG CHUB KYI PHYOGS KYI CHOS RNAMS SO, ,DE DAG LA RNAM PA DANG BCAS PA'I SHES PAS DMIGS PA NI RGYU LA DMIGS PA'O, ,DE NI BYANG CHUB KYI PHYOGS KYI CHOS LA LHAG PAR DMIGS PA ZHES BYA BAS BSHAD DO, ,CHOS NI GZHAN GYI DBANG GI MTSAN NYID RNAMS TE, JI LTAR SNANG BA BZHIN DU SEMS CAN THA DAD PAR RNAM PAR GZHAG PA NI CHOS THA DAD PA SHES PA STE, GANG GIS SEMS CAN LA DMIGS PA'I SNYING RJE RAB TU 'BYUNG BA'O, ,DE'I BSHAD PA NI MTSAN NYID MI 'DRA BA ZHES BYA BA STE, GZHAN GYI DBANG GI DNGOS PO'I SEMS CAN SO SO'I MTSAN NYID MI 'DRA BA RNAM PAR GZHAG PA'I PHYIR RO, , SMON LAM GYI KHYAD PAR GYIS BSDUS PA BSOD NAMS KYI KHYAD PAR GANG GIS SANGS RGYAS KYI ZHING BRGYAN PAR BYED PA DES SANGS RGYAS KYI ZHING GI RGYAN TE DE SHES PA'O, ,DE BAS NA SMON LAM RNAM PA SNA TSOGS ZHES BYA BAS BSHAD DO, ,SEMS CAN GYI DBANG PO NI DAD PA LA SOGS PA'I DBANG POS SO, , SPYOD PA NI 'DOD CHAGS LA SOGS PA THA DAD PAS SPYOD PA THA DAD PA DAG GO, ,DE DAG LA 'JUG PA SHES PA NI GANG GIS DE DAG LA 'JUG PA'O, ,DE'I BSHAD PA NI GDUL BA'I SEMS CAN JI LTA BA BZHIN DU YONGS SU SHES PA ZHES BYA'O, ,BYANG CHUB BRGYAN PAR BYED PA'I CHOS GANG DAG YIN PA DE DAG BYANG CHUB KYI RGYAN TE, DE DAG KYANG BSOD NAMS DANG YE SHES KYI TSOGS KYI BDAG NYID RNAMS SO, ,DE DAG YANG DAG PAR THOB PAR BYED PA SHES PA NI THABS GANG GIS RGYUN DU STE TSEGS MED PAR SGRUB PA'O, ,DE YANG THABS MKHAS PA'I MDO'I TSUL BZHIN DU RIG PAR BYA'O, ,DE'I BSHAD PA NI TSOGS RNAM @94A *, ,PA SNA TSOGS NYE BAR SGRUB PAS ZHES BYA BA'O, ,RNAM PAR DAG PAR BYA BA'I PHYIR LAM DU GYUR PA NI RNAM PAR DAG PA'I LAM STE SHES RAB BO, ,DGE BA DANG MI DGE BA'I CHOS LA SPYOD PA NI SPANG BAR BYA BA DANG BLANG BAR BYA BA JI LTA BA BZHIN DU SPYOD PA'O, ,DE YANG SHES RAB NI YONGS SU GCOD PA SHES PA'O ZHES BYA BA 'DI'I BSHAD PA'O, ,YONGS SU GCOD PA NI DGE BA DANG MI DGE BA'I CHOS RNAM PAR 'BYED PA'O, ,SHES RAB NI CHOS THAMS CAD LA MI LTA BA'O ZHES BYA BA NI GZHAN GYI DBANG GI BDAG NYID DNGOS PO BRGYAD KYI CHOS THAMS CAD LA MI LTA BA STE, SEMS CAN ZHES BYA BA DE LTA BUR LTA BA MED PA'I PHYIR RO, ,DE DAG NI CHOS ZHES BYA BA TZAM NYID DU BZUNG NGO, ,SEMS CAN DU LTA BA GANG YIN PA DE NI 'JIG TSOGS LA LTA BA'I RTZA BA'O, ,'JIG TSOGS LA LTA BA NI NYES PA THAMS CAD KYI GZHI YIN PA'I PHYIR 'KHOR BA'I RKYEN TO, ,DE'I BSHAD PA NI CHOS THAMS CAD LA RKYEN GYIS MI LTA BAR SNGON DU GTONG BA ZHES BYA'O, ,KUN NAS NYON MONGS PA'I RKYEN SEMS CAN DU LTA BAS SEMS CAN THAMS CAD LA LTA BA MED PA DE DAG RKYEN GYIS MI LTA BA DAG GO, ,CHOS DE THAMS CAD DE LTAR BZUNG BA'I CHOS THAMS CAD LA RKYEN GYIS MI LTA BA'O, ,DE DAG GI SNGON DU GTONG BA NI CHOS TZAM DU BZUNG NAS SEMS CAN THAMS CAD SNGON DU BTANG STE, THAMS CAD MKHYEN PA NYID LA 'JUG PA'O ZHES BSDUS PA'I DON TO, ,SHES RAB NI BRAL BAS SHES PA'O, ,'DI'I BSHAD PA NI CHAGS PA THAMS CAD LAS GROL BA ZHES BYA BA'O, ,SHES RAB NI RGYU ZAD PAR 'GRO BA'O ZHES BYA BA NI NYING MTSAMS SBYOR BA'I RGYU ZAD PAR 'GRO BA'I PHYIR TE, DE NI NYING MTSAMS SBYOR BA GCOD PA ZHES BYA BAS BSHAD DO, ,CHOS KYI DBYINGS NI DE BZHIN NYID DO, ,DE GCIG PA NYID DU THAMS CAD DU SHES PA NI DBYER MED PA SHES PA'O, ,DE'I BSHAD PA NI YANG DAG PA JI LTA BA BZHIN DU MTHONG BA ZHES BYA BA'O, ,RNAM PAR RIG PA RNAM PAR DAG PA'I MTSAN NYID NI SANGS RGYAS KYI ZHING RNAMS TE, SANGS RGYAS KYI ZHING LTA BUR SNANG BA'I RNAM PAR RIG PA'I RGYU LAS BYUNG BA'I PHYIR RO, ,DE DAG GI MNYAM PA NYID NI GNYIS LAS DBEN PA'O, ,DE DBYER MED PAR SHES PA NI GCIG TU SHES PA'O, ,CHOS KYI DBYINGS DBYER MED PA SHES @94B PA'I RAB TU DBYE BA'ANG 'DI NYID DE, SANGS RGYAS KYI ZHING GI TSUL GYIS LOGS SHIG TU BSHAD PAR ZAD DO, ,DE'I BSHAD PA NI TSUL GCIG TU YANG DAG PAR GZHOL BA ZHES BYA STE, TSUL GCIG NI STONG PA NYID DO, ,DE YANG DAG PAR GZHOL BA NI RNAM PAR GZHOL BA'O, ,SEMS CAN DMIGS SU MED PA NI KUN BRTAGS PA'I NGO BOR RO, ,DE'I BSHAD PA NI BYIS PAS KUN BRTAGS PA LA YANG DAG PA JI LTA BA BZHIN DU YONGS SU RTOG PA ZHES BYA BA'O, ,BYIS PA RNAMS KYIS KUN BRTAGS PA NI BYIS PAS KUN TU BRTAGS PA STE, SEMS CAN NO ZHES DE LTAR SGRO BTAGS PA'O, ,DE LA YANG DAG PA JI LTA BA BZHIN DU BRTAGS NA NGO BOR DE MI DMIGS SO, ,SANGS RGYAS KYI CHOS THAMS CAD GANG LAS BYUNG BA DE NI SANGS RGYAS KYI CHOS THAMS CAD DE, SGRIB PA THAMS CAD DANG BRAL BA'I CHOS KYI DBYINGS SO, ,DE MNGON PAR RDZOGS PAR BYANG CHUB PA SHES PA'O, ,DE'I BSHAD PA NI ZHI BA'I DBYINGS MNGON SUM DU BYED PAS ZHES BYA BA STE, CHOS KYI DBYINGS NYID ZHI BA'I DBYINGS SO, ,LHA'I BU GZHAN YANG ZHES BYA BA LA SOGS PA'I NANG NAS TSOGS KYI LAM NI PHA ROL TU PHYIN PA LNGA PO DAG GO ZHES BYA BA NI SBYIN PA LA SOGS PA BSAM GTAN GYI PHA ROL TU PHYIN PA LA THUG PA DAG STE, 'DI DAG GIS DGE BA SNA TSOGS SOGS PA'I PHYIR RO, ,DE'I BSHAD PA NI DGE BA'I RTZA BA SNA TSOGS SGRUB PA ZHES BYA BA'O, ,'DIS NI RNAM PA GCIG BSTAN TO, ,YONGS SU GCOD PA'I LAM NI SHES RAB KYI PHA ROL TU PHYIN PA'O ZHES BYA BA NI DE'I CHOS RNAMS JI LTA BA BZHIN DU YONGS SU GCOD PA'I PHYIR TE, DE'I BSHAD PA NI YONGS SU GCOD PA STE DE'I DON NI SNGA MA BZHIN NO ZHES BYA BA'O, ,SHES RAB NI YONGS SU GCOD PA ZHES BYA BA DER YONGS SU GCOD PA'I DON GANG YIN PA 'DIR YANG DE YIN TE, 'DIS NI RNAM PA GNYIS PA BSTAN TO, ,YANG GNYIS TE ZHES BYA BA LA SOGS PAS NI PHA ROL TU PHYIN PA DRUG PO DE DAG NYID RNAM PAR STON TO, ,CHAGS PA DANG BCAS PA'I LAM NI PHA ROL TU PHYIN PA LNGA PO DAG GO ZHES BYA BA LA, DE DAG NI LONGS SPYOD CHEN PO LA SOGS PA'I 'BRAS BU YIN PAS 'KHOR BA'I RGYUR GYUR PA'I PHYIR RO, ,DE BAS NA KHAMS GSUM NA SPYOD PA ZHES BSHAD DO, ,BYANG CHUB SEMS DPA' @95A *, ,RNAMS KYI SBYIN PA LA SOGS PA YONGS SU BSNGO BA'I KHYAD PAR GYIS ZIN PA DAG THAMS CAD MKHYEN PA NYID KYI RGYU YIN DU ZIN KYANG LONGS SPYOD CHEN PO'I 'BRAS BU SOGS PAS DE SKAD CES BRJOD DO, ,CHAGS PA MED PA'I LAM NI SHES RAB KYI PHA ROL TU PHYIN PA'O ZHES BYA BA NI KHAMS GSUM NAS 'BYUNG BA'I PHYIR RO, ,'DIS NI ZAG PA DANG BCAS PA'I LAM NI ZHES BYA BA LA SOGS PA BSHAD DO, ,MTSAN MA'I GNAS NI GZUNG BA DANG 'DZIN PA LA MNGON PAR ZHEN PA'I GNAS TE DES SHES BYA'I SGRIB PA MA SPANGS PA'I PHYIR, TSAD YOD PAR BYAS PA'I LAM STE, DPER NA NYAN THOS LA SOGS PA LTA BU'O, ,DE NI RNAM PAR SHES PA YUL YIN PAS MTHA' DMIGS PA ZHES BYA BAS BSHAD DO, ,GNYIS PA LA GNAS PA'I SHES PA NI RNAM PAR SHES PA STE, DE'I SPYOD YUL YIN PA'I PHYIR RO, ,RANG GIS RIG PA'I TSUL GYIS YUL DU GYUR PA'I PHYIR TE, GNYIS PA MNGON PAR ZHEN PA'I SHES PA'I BDAG NYID KYI PHYIR RO ZHES BYA BA'I THA TSIG GO, ,DE BAS NA SHES BYA THAMS CAD LA 'JUG PA MED PAS MTHA' DMIGS PA'I PHYIR DE NI TSAD YOD PAR BYAS PA ZHES BYA BAR DGONGS PA'O, ,BZLOG PA NI MTSAN MA MED PA'I GNAS TE, DE NI RNAM PAR SHES PA'I YUL LAS YANG DAG PAR 'DAS PAS MTHA' MI DMIGS PA ZHES BYA BAS BSHAD DO, ,GNYIS PA MNGON PAR ZHEN PA'I SHES PA'I NGO BO LAS 'DAS PA'I PHYIR SHES BYA MTHA' DAG LA KHYAB PAS MTHA' MI DMIGS PA ZHES BYA BA'I THA TSIG GO, ,DE LA SHES PA'I LAM NI SA DANG PO NAS BZUNG STE ZHES BYA BA LA SOGS PA NI MNGON PAR 'DU BYED PA DANG BCAS PAR 'JUG PA'I SHES PA'I BDAG NYID KYI PHYIR DE SKAD CES BYA STE, DE NI 'DUS BYAS KYI DBYINGS YONGS SU SHES PA ZHES BYA BAS BSHAD DO, ,'DUS BYAS NI MNGON PAR 'DU BYED PA DANG BCAS PA'I SHES PA STE, DE NYID SANGS RGYAS KYI CHOS RNAMS KYI DBYINGS SO; ,DE YONGS SU SHES PA NI MNGON SUM DU BYED PA'O, ,SPONG BA'I LAM NI SA BRGYAD PA NAS BZUNG STE ZHES BYA BA NI MNGON PAR 'DU BYED PA SPANGS PA'I MTSAN NYID KYI PHYIR 'DUS MA BYAS KYI DBYINGS YONGS SU SHES PAS DE NYID DU BSHAD DE, 'DUS MA BYAS NI MNGON PAR 'DU BYED PA DANG BRAL BA LHUN @95B GYIS GRUB PAR 'JUG PA'I YE SHES TE, DE NYID SANGS RGYAS KYI CHOS RNAMS KYI RGYUR GYUR PA'I PHYIR DBYINGS SO, ,DE YONGS SU SHES PA NI SO SO RANG RIG PA'O, ,JI LTAR NA DON GYIS RAB TU PHYE BA YIN ZHES BYA BA NI YANG DAG PA'I MTHA' BSTAN PA'I PHYIR DRIS PA'O, ,JI LTAR NA YE SHES KYIS RAB TU PHYE BA YIN ZHES BYA BA NI YANG DAG PA'I MTHA' DE KHONG DU CHUD PAR BYA BA'I THABS BSTAN PA'I PHYIR RO, ,DON NI 'DIR DE BZHIN NYID LA DGONGS PA'O, ,DON GYIS RAB TU PHYE BA JI LTA BU ZHE NA, STONG PA NYID LAS NGES PAR SKYES ZHES BYA BA'I THA TSIG GO, ,YE SHES KYIS RAB TU PHYE BA JI LTA BU ZHE NA, YE SHES KYI STOBS KYIS SGRIB PA SPANGS BAR GYUR ZHES BYA BA'I THA TSIG GO, ,'PHAGS PA 'JAM DPAL GYIS DON DANG YE SHES KYI DBYE BA GSUNGS PA DANG, LDAN PA MED PA DANG, LDAN PA NI GO RIMS BZHIN DU 'OG TU RAB TU DBYE BA NYID THABS SLA BAS BSHAD PAR BYA'O, ,DE BZHIN NYID NI RNAM PA GNYIS TE, GZUNG BA DANG 'DZIN PA MED PA TZAM GYI MTSAN NYID DANG, GNYIS LAS DBEN PA'I YE SHES KYI BDAG NYID DO, ,DE LA DANG POS BSDUS PA 'DI NI DON DANG YE SHES KYI RNAM PAR DBYE BAR BLTA BA'O, ,'DI LA GNYIS PA GANG YIN PA DE NI YE SHES KYI BDAG NYID KHO NA'O, ,DE LA DON LDAN PA MED PA NYID DU BSTAN PA'I PHYIR, RIGS KYI BU DON NI 'DUS MA BYAS PA ZHES BYA BA LA SOGS PA GSUNGS TE, RGYU DANG RKYEN GYIS 'DU BYA BA MED PA'I PHYIR 'DUS MA BYAS PA'O, ,DE BAS NA GANG DANG YANG LDAN PA'AM MI LDAN PA MA YIN TE, DE DNGOS PO MED PA'I PHYIR RO, ,DE BAS NA MI RTAG PA NYID DANG PHRAD PA MED PA'I PHYIR DON NI LDAN PA MED PAR GSUNGS SO, ,DE'I BSHAD PA NI MI RTAG PA NYID KYI NYES PA YONGS SU SPANGS PA ZHES BYA BA'O, ,'GYUR BA MED PA'I MTSAN NYID CES BYA BA NI 'KHOR BA DANG MYA NGAN LAS 'DAS PA'I DUS NA BLO LA GNYIS SHIN TU MED PA'I PHYIR TE, DE MED PA NI 'GYUR BA MED PA'I MTSAN NYID YIN NO, ,GAL TE 'KHOR BA'I DUS NA GNYIS DANG LDAN NA, MYA NGAN LAS 'DAS PA'I DUS NA MI LDAN NA NI DE'I TSE 'GYUR BA YIN NA DE YANG MED DE, 'DI LTAR STONG PA NYID CES BRJOD PA'I DON DE NI 'KHOR BA'I DUS NA YANG GZUNG BA DANG 'DZIN PA GANG DANG YANG LDAN PA MA YIN, MYA NGAN LAS 'DAS PA @96A *, ,NA YANG MI LDAN PA MA YIN NO, ,DE NI RTAG TU GNYIS DANG BRAL BA'I RANG BZHIN YIN PA'I PHYIR TE, DE NI RANG GI MTSAN NYID KYIS GNAS PA ZHES BYA BAS BSHAD DO, GNYIS DANG BRAL BA TZAM DU RTAG PAR GNAS PA NYID DO ZHES BYA BA'I THA TSIG GO, ,'DI NI DE'I RANG GI MTSAN NYID YIN GYI, DE'I RANG GI MTSAN NYID DNGOS PO LTAR DON BYA BA BYED PA'I NGO BO NI MA YIN NO, ,SNGAR NI 'BYUNG BA DANG 'JIG PA LDAN PA MED PAS LDAN PA MED PA NYID DU BSTAN TO, ,DA NI GNYIS DANG LDAN PA MED PA'I PHYIR RO, ,'DI THAMS CAD KYIS NI STONG PA NYID MI 'GYUR BAR YONGS SU GRUB PA BSTAN TO, ,DON NI GDOD MA NAS YONGS SU GRUB PA MED PA'I PHYIR ZHES BYA BA NI YONGS SU RTOG PAS GRUB PA STE, PHYIN CI LOG TU SGRO BTAGS ZHES BYA BA'I THA TSIG GO, ,DE MED PA'I PHYIR YONGS SU GRUB PA MED PA'O, ,GDOD MA NAS YONGS SU MA GRUB PA NI GDOD MA NAS YONGS SU GRUB PA MED PA STE, RTAG TU PHYIN CI MA LOG PAR YONGS SU GRUB CES BYA BA'I THA TSIG GO, ,CHOS KYI DBYINGS NI RANG BZHIN GYIS YONGS SU DAG PA'I PHYIR NAM MKHA' LTA BU STE, DE'I PHYIR GANG DANG YANG LDAN PA'AM MI LDAN PA MA YIN ZHES BYA BA GSUNGS TE, SNGAR NYON MONGS PA'I RNAM PAR RTOG PA DANG LDAN PA'AM PHYIS MI LDAN PA MA YIN PA'O, ,'DIS NI NYON MONGS PA DANG MI LDAN PA'I PHYIR LDAN PA MA YIN PAR BSTAN TE, 'DIS NI RANG BZHIN GYIS KUN NAS NYON MONGS PA CAN MA YIN PA'I PHYIR STONG PA NYID NI PHYIN CI MA LOG PAR YONGS SU GRUB PAR YANG BSTAN TO, ,DE'I BSHAD PA NI RTAG TU CHOS KYI DBYINGS KYI RANG BZHIN DU GNAS PA ZHES BYA BA'O, ,CHOS KYI DBYINGS KYI NGO BO NYID NI RANG BZHIN GYIS SNGON NAS KUN NAS NYON MONGS PA CAN MA YIN PA NYID DO, ,SKUR PA NI DOR BA'O, ,SGRO BTAGS PA NI GZHAG PA'O, ,DE DAG MED PA DANG GZHAG PA MED PA'I MTSAN NYID DE SKUR PA DANG, SGRO BTAGS PA'I MTHA' SPANGS PA ZHES BYA BA'I THA TSIG GO, ,GANG GI PHYIR KUN BRTAGS PA DNGOS PO MED PA NYID STONG PA NYID YIN GYI, GZHAN GYI DBANG NI MA YIN PA DE'I PHYIR GZHAN GYI DBANG LA SKUR PA MI 'DEBS PAS SKUR PA'I MTHA' NI MA YIN NO, ,KUN BRTAGS PA MED PA'I PHYIR SGRO BTAGS PA'I MTHA' MA YIN NO, ,DE'I BSHAD PA @96B NI DOR BA MED CING GZHAG PA MED PA'I DON NI SNGA MA BZHIN NO ZHES BYA BA STE, DOR BA MED PA DANG, GZHAG PA MED PA DANG, THA DAD PA MA YIN PA DANG, THA DAD PA MED PA LA 'JUG PA NI BYANG CHUB LA 'JUG PA'O ZHES GANG GSUNGS PA DER DOR BA DANG GZHAG PA MED PA'I SGRA'I DON GANG YIN PA DE 'DIR YANG SBYAR RO, ,'DI THAMS CAD KYIS NI JI SKAD BSTAN PA'I MTSAN NYID STONG PA NYID CES BYA BA'I DON RANG BZHIN THAMS CAD DANG BRAL BAR BSTAN TO, ,DE BAS NA BYANG CHUB SEMS PAS STONG PA NYID KYI DON DE DE LTAR BSGOM MO, ,DES NA BYANG CHUB SEMS DPAS DON GYIS RAB TU PHYE BA ZHES BYA STE, 'DI NI DON GYIS BSTAN PA YIN NO, ,YE SHES NI LDAN PA'O ZHES GANG GSUNGS PA STE BSTAN PA'I PHYIR, YE SHES ZHES BYA BA NI LAM STE ZHES BYA BA LA SOGS PA GSUNGS SO, ,'DIS NI YANG DAG PA'I MTHA' KHONG DU CHUD PAR BYA BA'I THABS RGYA CHER BSTAN TO, ,DE'I BSHAD PA NI DE KHONG DU CHUD PAR BYA BA'I THABS ZHES BYA BA LA SOGS PA'O; ,DE MA THAG TU GSUNGS PA'I TSIG GSUM ZHES BYA BA NI DE DAG GIS DON STON PAS TSIG CES BYA STE, YE SHES ZHES BYA BA NI LAM STE ZHES BYA BA LA SOGS PA NI TSIG GCIG GO, ,YE SHES NI SPONG BA DANG YANG DAG PAR LDAN PA YIN GYI ZHES BYA BA LA SOGS PA NI GNYIS PA'O, ,YE SHES ZHES PA NI PHUNG PO LA MKHAS PA ZHES BYA BA LA SOGS PA NI GSUM PA'O, ,BCU PA PHRAG DRUG CES BYA BA NI RIGS KYI BU GZHAN YANG BYANG CHUB SEMS DPA' SEMS DPA' CHEN PO RNAMS KYI YE SHES RNAM PA BCU STE ZHES BYA BA LA SOGS PA BCU PA PHRAG DRUG GO, ,CI'I PHYIR 'DI SNYED CIG GIS YE SHES BSTAN SNYAM PA LA GANG GIS ZHES BYA BA LA SOGS PA SMOS TE, ,GANG GIS ZHES BYA BA NI YE SHES KYIS TE ZHES BYA BA LA SOGS PA BZHI PO DE KHONG DU CHUD PAR BYA BA'I THABS SU GYUR PA DE DAG NI DE SNYED KYIS BSDUS SO, ,YE SHES DE NI GCIG PU YIN NA DE JI SNYED CIG GIS BSDUS SNYAM PA LA, DE LA YE SHES 'KHOR DANG BCAS PA ZHES BYA BA LA SOGS PA SMOS SO, ,YE SHES NI ZAG PA MED PA'O, ,'KHOR NI RTZOM PA DANG SBYOR PA 'OG NAS 'BYUNG BA'O, ,RNAM PA GSUM CU RTZA GSUM ZHES BYA BA NI DE LA DE MA THAG TU GSUNGS PA'I TSIG GSUM DANG, BCU PA DANG POS NI YE SHES BSTAN TO, ,DE'I 'KHOR DU GYUR PA RTZOM PA DANG SBYOR BA NI @97A *, ,GO RIMS BZHIN DU BCU PA GNYIS PA DANG GSUM PA STE, RNAM PA SUM CU RTZA GSUM GYIS YE SHES 'KHOR DANG BCAS PA BSTAN PA YIN NO, ,BCU PA BZHI PAS NI JI LTAR KHONG DU CHUD PAR BYED PA'O, ,LNGA PAS NI GANG GI DON KHONG DU CHUD PAR BYED PA'O, ,DRUG PAS NI GANG DU GNAS TE KHONG DU CHUD PAR BYED PA'O, ,DE YANG GO RIMS BZHIN DU YONGS SU BSTAN TE DE NI 'OG NAS SBYOR RO, ,YE SHES ZHES BYA BA NI LAM ZHES BYA BAS RAB TU DGA' BAS BSDUS PA MTHONG BA'I LAM STE, DE NI SEMS DANG YANG DAG PAR LDAN PA ZHES BYA BA LA, SEMS NI KUN GZHI RNAM PAR SHES PA'O, , MOS PAS SPYOD PA NA MNGON PAR 'DU BYED PAS YONGS SU BSGOS PA DE DANG LDAN PA STE BSKYED PA'O, ,DE NI SEMS RNAM PAR DAG PAS LAM RNAM PAR DAG PA ZHES BYA BAS BSHAD DO, ,SEMS NI KUN GZHI RNAM PAR SHES PA STE, DE LA MOS PAS SPYOD PA'I SA NA BSOD NAMS DANG YE SHES MNGON BAR 'DU BYED PA'I BAG CHAGS BSGOS PA NYID MTHONG BA'I LAM NI RNAM PAR DAG PA'I RGYU YIN PA'I PHYIR GDAGS PAS RGYU RGYUR PA RNAM PAR DAG PAS LAM RNAM PAR DAG PA STE, MTHONG BA'I LAM GYI RANG BZHIN RNAM PAR DAG PA 'BYUNG ZHES PA'I THA TSIG GO, ,MDO SDE'I TSIG 'DI NYID KYI DON GNYIS BSDU NA SEMS DANG YANG DAG PAR LDAN PA NI GANG GIS BSKYED PA STE, DE LA DE SKAD CES BYA STE, 'DI LTAR MTHONG BA'I LAM SKYES PAS KUN GZHI LA SPANG BAR BYA BA'I SA BON GNAS PA DE SPANGS NAS KUN GZHI RNAM PAR SHES PA KHYAD PAR DU 'PHAGS PA 'BYUNG STE, DE NI LAM RNAM PAR DAG PAS SEMS RNAM PAR DAG PA ZHES BYA BAS BSHAD DO, ,MOS PAS SPYOD PA'I SAS BSDUS PA'I MNGON PAR 'DU BYED PA NI RNAM PA DANG BCAS PAS 'KHRUL PA YIN NO, ,DE JI LTAR MA 'KHRUL PA MTHONG BA'I LAM GYI RGYU YIN SNYAM PA LA, DE'I PHYIR YANG DAG PA'I MTHA' NI LAM DANG YE SHES KYI DMIGS PA NYID GCIG PU STE GNAS YIN ZHING GCIG LA GCIG BRTEN PA ZHES BYA BA SMOS TE, LAM ZHES BYA BA NI MOS PAS SPYOD PA'I SAS BSDUS PA'I LAM LA BYA'O, ,YE SHES ZHES BYA BA NI MTHONG BA'I LAM MO, ,YANG DAG PA'I MTHA' NI DE BZHIN NYID DE, LAM DANG YE SHES GNYIS KA'I DMIGS PA YANG DE GCIG PU'O, , @97B GCIG NI MOS PA'I STOBS KYIS SO, ,CIG SHOS NI MNGON SUM DU BYED PA STE KHYAD PAR NI DE'O, ,GANG GI PHYIR DE LTAR GYUR PA DE'I PHYIR GNAS TE, YE SHES KYI RGYU NI MOS PAS SPYOD PA'I SAS BSDUS PA'I LAM MO ZHES KHONG NAS BYUNG NGO, ,DE NI 'DI SKAD DU LAM ZAG PA DANG BCAS, RNAM PA DANG BCAS TE 'KHRUL PA YIN DU ZIN KYANG STONG PA NYID LA MOS PAS TSAD MA GROGS SU GYUR PA'I PHYIR 'KHRUL PA MED PA'I YE SHES KYI RGYUR GYUR TE, 'DI LTAR STONG PA NYID CES BYA BA'I DON GANG LA MOS PA DE NI LAM STE, DE NI GZHAN GYI DBANG GI BDAG NYID YIN PAS DON DAM PAR YOD DO ZHES BSTAN PAR 'GYUR RO, ,GANG GI PHYIR DE LTAR YE SHES GNAS DANG, LHAN CIG PHAN TSUN RGYU DANG, 'BRAS BU'I DNGOS POR GYUR PA DES NI YE SHES NI LDAN PA ZHES BYA BA STE, MI LDAN PA MA YIN TE, RGYU DANG 'BRAS BU'I DNGOS PO DANG BRAL BA MA YIN NO, ,YE SHES NI SPONG BA DANG YANG DAG PAR LDAN PA ZHES BYA BA LA SOGS PA MDO'I TSIG LA, YE SHES NI 'DIR ZAG PA MED PA'I BSGOM PA'I LAM GYIS BSDUS PA LA DGONGS SO, ,'DOR BAS NA SPONG BA STE KUN GZHI ZHES BYA BAS NA NYES PA DANG BRAL BA'I MTSAN NYID DU GYUR PA'O, ,'DIR YANG 'BRU MANG PO DANG, DE'I SKYES BU'I TSUL GYIS DON GNYIS TE, SPONG BA DANG YANG DAG PAR LDAN PA NI YE SHES GANG GIS BSKYED PA DE LA DE SKAD CES BYA'O, ,DE NI YANG DAG PA'I MTHA'I YE SHES LA GNAS TE GNAS 'GYUR BA ZHES BYA BAS BSHAD DO, SA BCUS BSDUS PA YANG DAG PA'I MTHA'I YE SHES DE NYID NI GZHI STE, DES KUN GZHI ZHES BYA BA GNAS GYUR NAS NYES PA DANG BRAL BA'I PHYIR RO, ,NAM DE'I SKYES BU'I TSUL DU GYUR PA DE'I TSE NI SPONG BA DANG YANG DAG PAR LDAN PA STE, GNAS GYUR PAS BSKYED PA'O, ,DON NI DE'O, ,DE NI GNAS GYUR PAS YE SHES SHIN TU RNAM PAR DAG PAR 'GYUR BA ZHES BYA BAS BSHAD DO, ,SA BCU PAR RDO RJE LTA BU'I TING NGE 'DZIN GYI DUS NA KUN GZHI RNAM PAR SHES PA RNAM PAR DAG PA GANG YIN PA DES SANGS RGYAS KYI SAS BSDUS PA'I YE SHES SHIN TU RNAM PAR DAG PA 'BYUNG NGO, ,DE NYID KYI MJUG SDUD NI PHAN TSUN BYA BAS BYAS PAR GNAS PA ZHES BYA'O, ,'DIR YANG DAG PAR LDAN PA DANG, MI LDAN PA'I SGRA'I DON NI SNGA MA BZHIN NO, ,YE SHES @98A *, ,ZHES BYA BA NI PHUNG PO LA MKHAS PA ZHES BYA BA LA SOGS PA 'DIS NI YE SHES KYI RANG GI NGO BO BSTAN TE, DE'I BSHAD PA NI SHES BYA'I DNGOS PO YANG DAG PA JI LTA BA BZHIN DU YONGS SU SHES PA ZHES BYA BA'O, ,'DIR NI SHES BYA BA YANG DAG PAR KHONG DU CHUD PAR BYA BA'I PHYIR RAB TU BRTZON PA NI YANG DAG PAR LDAN PA ZHES BYA BA'I DON TO, BZLOG PA NI MI LDAN PA'I DON TO, ,GZHAN YANG ZHES BYA BA LA SOGS PAS NI YE SHES RAB TU DBYE BA BRJOD DO, ,RGYU SHES PA NI SEMS CAN RNAMS KYI THAR PA'I SA BON SHES PA'O, ,DE NI THOG MA MED PA'I 'KHRO BA DANG LDAN PA'I SEMS CAN RNAMS KYI THAR PA'I SA BON DANG MTHUN PA YONGS SU SHES PA ZHES BYA BA BSHAD DO, ,LAS SNA TSOGS KYI RNAM PAR SMIN PA DE DANG MTHUN PAR YONGS SU SHES PA 'DI NI 'BRAS BU SHES PA ZHES BYA BA'I TSIG 'DI'I BSHAD PA'O, ,DON SHES PA ZHES BYA BA LA, DON NI PHAN PA STE DE NI SHES PA'O, ,DE NI BDAG LA PHAN PA DANG, GZHAN LA PHAN PA DANG MTHUN PA YONGS SU SHES PA ZHES BYA BAS BSHAD DO, ,THABS SHES PA NI GANG GIS DGE BA CHUNG DU YANG SHIN TU RGYAS PAR BYED PA STE, 'KHOR BA JI SRID PAR MI ZAD PAR BYED PA'O, ,SHES RAB SHES PA NI GANG GIS DGE BA CHUNG DU YANG DE LTAR STOBS DANG LDAN PAR BYED PA STE, GANG GIS 'KHOR BA'I SKYON SHIN TU CHEN POS KYANG ZIL GYIS MI NON PAR BYED PA'O, ,DE BAS NA TSIG DE GNYIS KYIS BSHAD PA NI DGE BA'I RTZA BA CHUNG DU YANG TSAD MED PAR BYED PA ZHES BYA BA STE, SHIN TU RGYAS PA DANG MI MTHUN PA'I PHYOGS RNAMS KYI ZIL GYIS MI NON PA'O, ,DE LA THABS KYI STOBS KYIS NI SHIN TU RGYAS PA'O, ,SHES RAB KYI STOBS KYIS NI ZIL GYIS MI NON PA'O, ,'DI NI CHOS 'DI LA SKAL BA YOD PAS BSDU BAR 'OS SO, ,'DI NI SKAL BA MED PAS MA YIN PA'O ZHES SHES PA GANG YIN PA DE NI BSDU BA SHES PA'O, ,DE NI DGE BA DANG MI DGE BA LA RNAM PAR DPYOD PA ZHES BYA BAS BSHAD DO, ,PHA ROL TU PHYIN PA SHES PA NI SBYIN PA LA SOGS PA'I RNAM PAR DBYE BA YONGS SU SHES PA STE, DE NI RNAM PA SNA TSOGS KYI 'BYUNG BA YANG DAG PA JI LTA BA BZHIN DU YONGS SU SHES PA ZHES BYA BAS BSHAD DO, ,'BYUNG BA ZHES BYA BA NI DE LAS SANGS RGYAS NYID 'BYUNG BA STE, TSOGS ZHES BYA BA'I THA TSIG GO, ,SBYIN @98B PA LA SOGS PA YONGS SU SHES PAS BSOD NAMS DANG YE SHES KYI TSOGS ZANG ZING DANG, MI 'JIGS PA DANG CHOS SBYIN PA LA SOGS PA THA DAD PAS RNAM PA SNA TSOGS SHES PA'O, ,SNYING RJE CHEN PO SHES PA NI GANG GIS SEMS CAN BSOD NAMS LA 'JUG PA DANG, BSOD NAMS MA YIN PA LAS 'BYIN PA STE; DE NI DGE BA DANG MI DGE BA'I CHOS LA 'DZUD PA DANG 'BYIN PA ZHES BYA BAS BSHAD DO, ,GANG GI TSE SEMS CAN YONGS SU SMIN PAR BYED PA STE, DE SHAS PA NI SEMS CAN YONGS SU SMIN PAR BYA BA SHES PA'O, ,DE NI DUS DANG DUS MA YIN PA LA YONGS SU RTOG PA ZHES BYA BAS BSHAD DO, ,CHOS THAMS CAD LA MNGON PAR ZHEN PA MED PAR SHES PA ZHES BYA BA NI YANG DAG PA MA YIN PA KUN BRTAGS PA'I CHOS RNAMS LA SGRO 'DOGS PA DANG SKUR PA 'DEBS PAR MNGON PAR ZHEN PA MED PAR SHES PA STE, DE NI MTHA' GNYIS SPANGS NAS NANG LA BRTEN PA ZHES BYA BAS BSHAD DO, ,NANG ZHES BYA BA'I SGRAS NI RNAM PAR RIG PA TZAM DU STON TO, ,MTHA' GNYIS YONGS SU SPANGS NAS RNAM PAR RIG PA TZAM DU BSGOM ZHES BYA BA'I THA TSIG GO, ,RTZOM PA ZHES BYA BA'I SGRA NI GO CHA'I BRTZON 'GRUS NYID LA BYA'O, ,SBYOR BA'I BRTZON 'GRUS NI 'OG NAS SBYOR BA ZHES 'BYUNG NGO, ,BDAG DANG GZHAN RNAMS KYI LUS KYI LAS YONGS SU SBYONG BA'I PHYIR RTZOM PA NI LUS KYI RTZOM PA STE, SEMS CAN THAMS CAD CES BYA BA GSUNGS SO, ,THAMS CAD CES PA'I TSIG GIS NI BDAG KYANG BSDUS SO, ,NGAG GI RTZOM PA DANG, SEMS KYI RTZOM PA YANG DE BZHIN DU BLTA BAR BYA'O, ,GSUM PO 'DI DAG GIS BSHAD PA NI LUS DANG, NGAG DANG YID KYI NYES PAR SPYOD PA DANG BRAL BA'I PHYIR BRTZON 'GRUS BRTZAM PA ZHES BYA'O, ,GZHAN DAG KYANG ZHES BYA BA LA, LOGS SHIG TU SMOS PAS LUS LA SOGS PA'I NYES PAR SPYOD PA DANG BRAL BA'I PHYIR ZHES BYA BA NI DON GYIS BDAG LA BYA BAR MNGON NO, ,BRTZON 'GRUS BRTZAMS PA ZHES BYA BA NI GO CHA BGOS PA'O, ,BSLAB PA DE NYID LA ZHES BYA BA NI LUS LA SOGS PA'I NYES PAR SPYOD PA DANG BRAL BA'I MTSAN NYID LA'O, ,NANG DU SO SOR BRTAGS PA'I PHYIR RTZOM PA NI NANG GI RTZOM PA STE, DNGOS PO RNAMS STONG PA NYID DU RO GCIG PAR NANG LAS SO SOR RTOG PAR BRTZON 'GRUS RTZOM PA'O, ,BSGOM PA LA BRTEN NAS SEMS CAN @99A *, ,RNAMS LA RJES SU CHAGS PA DANG KHONG KHRO BA SPANGS PA NI MNGON PAR ZHEN PA MED PA YIN TE, SEMS CAN THAMS CAD CES BYA BA LA SOGS PA GSUNGS PA'O, ,DE'I BSHAD PA NI BSGOM PA LA BRTEN NAS RJES SU CHAGS PA DANG KHONG KHRO BA BOR BA ZHES BYA BA'O, ,SEMS CAN RNAMS LA MTHUN PAR CHOS BSTAN PA'I PHYIR RTZOM PA NI PHYI'I RTZOM PA STE, SEMS CAN THAMS CAD CES BYA BA LA SOGS PA GANG GSUNGS PA'O, ,'DUL PA DANG 'TSAMS PAR CHOS STON PA NI MTSUNGS PAR SBYOR BA'O, ,DE'I BSHAD PA NI 'KHOR BA MA RUNGS PA MA YIN PA GDAMS PA ZHES BYA BA'O,, PHYIN CI MA LOG PA'I THOS PA YONGS SU 'TSAL BA'I PHYIR RTZOM PA NI YE SHES KYI RTZOM PA STE, PHYIN CI MA LOG PAR THEG PA CHEN PO THOS PA DANG SEMS PA LA SOGS PA'I RIM GYIS SANGS RGYAS KYI YE SHES RNAM PAR DAG STE, SANGS RGYAS KYI YE SHES ZHES BYA BA LA SOGS PA GSUNGS PA'O, ,DE'I BSHAD PA NI MA NOR BAR THOS PA YONGS SU BTZAL BA ZHES BYA BA'O, ,SANGS RGYAS KYI ZHING YONGS SU SBYANG BA'I PHYIR RTZOM PA NI ZHING GI RTZOM PA STE, SANGS RGYAS KYI ZHING RNAMS KYI YON TAN BKOD PA SNA TSOGS SU GNAS PA DE DAG KUN TU BSTAN PA'I PHYIR DE'I RNAM PA'I RNAM PAR RIG PAR 'GYUR RO ZHES STON PAR 'GYUR, BSKYED PAR 'GYUR RO, ,DE NI 'DI SKAD DU PHA ROL NA SANGS RGYAS KYI ZHING ZHES BYA BA CI YANG MED KYI, RNAM PAR SHES PA YID BZHIN GYI NOR BU LTAR NYE BAR BYAS PA THAMS CAD LA DBANG SGYUR BAR GYUR PA 'BA' ZHIG RGYUD RNAM PAR DAG PA DANG MA DAG PA LA LTOS NAS SNA TSOGS SU SNANG BA'I RNAM PAR RIG PA'I RGYUR 'GYUR RO ZHES STON PAR 'GYUR RO, ,DE BAS NA DE NI CHOS THAMS CAD LA DBANG SGYUR BA ZHES BYA BAS BSHAD DO, ,SEMS CAN RNAMS KYI BSAM PA DANG BAG LA NYAL SHES PAR BYA BA'I PHYIR RTZOM PA NI SEMS CAN YONGS SU SMIN PAR BYA BA'I RTZOM PA ZHES GSUNGS TE, BSAM PA DANG BAG LA NYAL SHES NAS NYON MONGS PA'I NAD KYI GNYEN PO 'TSAM PAR CHOS STON PA NI SMAN SHES SHING CHOS STON PA STE, NYON MONGS PA'I NAD KYI SMAN YONGS SU SHES PAR BYA BA'I PHYIR ZHES GSUNGS PA'O, ,DON GYIS NA BSTAN PAR BSDUS PAR BLTA STE, YONGS SU SHES PA NI DE'I PHYED KYI PHYIR RO, ,DE BAS NA BSHAD PA @99B LAS BSAM PA DANG BAG LA NYAL SHES NAS JI LTAR MTHUN PAR CHOS STON PA ZHES BYA BA SMOS SO, ,BSAM PA NI SEMS PA'O, ,BAG LA NYAL BA NI SA BON NO, ,DE KHO NA KHONG DU CHUD PAR BYA BA'I RTZOM PA NI DE KHO NA'I RTZOM PA STE, DE NI DE KHO NA KHONG DU CHUD PAR BYA BAS BSHAD DO, ,DE KHO NA KHONG DU CHUD NA SANGS RGYAS NYID DU NGES PA'I PHUNG PO LA ZHUGS PA YIN PA'I PHUNG PO YONGS SU RDZOGS PAR BYA BA'I PHYIR ZHES BYA BA GSUNGS SO, ,MNGON PAR ZHEN PA RNAMS KYIS GZHAN DU MI 'GYUR BA GANG YIN PA DE NI 'DUS MA BYAS KYI YE SHES TE, DE YONGS SU RDZOGS PAR BYA BA'I RTZOM PA NI 'DUS MA BYAS KYI YE SHES YONGS SU RDZOGS PAR BYA BA'I RTZOM PA STE, DE'I BSHAD PA NI SEMS LA YANG DAG PA DANG YANG DAG PA MA YIN PAR 'DZIN PA RNAM PAR SPONG BA ZHES BYA BA'O, ,DE KHO NA MA MTHONG BA RNAMS NI JI LTAR SNANG BA DE KHO NA BZHIN DU SEMS DE KHO NA'O ZHES YANG DAG PAR 'DZIN TE, GNYIS LAS DBEN PA'I NGO BOR NI MED DO ZHES YANG DAG PA MA YIN PAR 'DZIN TO, ,DE LTAR YANG DAG PA DANG YANG DAG PA MA YIN PAR 'DZIN PA YONGS SU SPANGS TE, DBU MA'I LAM LA GNAS NA SRID PA THAMS CAD LA SEMS MNGON PAR ZHEN PA DANG BRAL BA YIN PA'I PHYIR, KHAMS GSUM PA THAMS CAD CES BYA BA LA SOGS PA GSUNGS SO, ,PHA ROL TU PHYIN PA RNAMS LA'AM PHA ROL TU PHYIN PA'I SBYOR BA NI PHA ROL TU PHYIN PA'I SBYOR BA'O, ,DE BZHIN DU 'OG MA RNAMS LA'ANG SBYAR RO, ,DE'I BSHAD PA NI BYANG CHUB KYI TSOGS YONGS SU RDZOGS PA ZHES BYA BA'O, ,BSDU BA'I DNGOS PO'I SBYOR BA NI SEMS CAN YONGS SU SMIN PAR BYA BA'I YAN LAG STE, DE BAS NA SEMS CAN YONGS SU SMIN PAR BYED PA ZHES BYA BAS BSHAD DO, ,SHES RAB KYI SBYOR BA ZHES BYA BA DE'I BSHAD PA NI CHOS RNAMS KYIS 'BYUNG BA DANG 'JIG PA LA YONGS SU RTOG PA ZHES BYA BA'O, ,THABS KYI SBYOR BA NI CHOS THAMS CAD LA MKHAS PAR 'GYUR BAS DE CHOS THAMS CAD LA MKHAS PA ZHES BYA BAS BSHAD DO, ,SNYING RJE CHEN PO'I SBYOR BA ZHES BYA BA DE'I BSHAD PA NI MYA NGAN LAS 'DAS PA LA 'DOD PA MED PA ZHES BYA BA'O, ,SNYING RJE CHEN POS SEMS CAN GYI DON LA BRTZON PAS NYAN THOS LTAR MYA NGAN LAS 'DAS PA 'DOD PA MA YIN NO, ,BSOD NAMS NYID TSOGS TE, SANGS RGYAS KYI CHOS RNAMS KYI RGYU YIN PA'I PHYIR RO, ,BSOD @100A *, ,NAMS YONGS SU TSOL BA'I SBYOR BA NI BSOD NAMS BSAGS PA LA BRTEN PAS MTHU CHE BA'I PHYIR 'KHOR LOS SGYUR BA DANG GZHAN DAG GIS ZIL GYIS MI NON TE, THAMS CAD DU 'JIGS PA MED PAS 'JIGS PA MED PA YIN TE, DE NI MI 'JIGS PA BZHI THOB PA ZHES BYA BAS BSHAD DO, , 'JIGS PA MED PAS MI 'JIGS PA'O, ,YUL THA DAD PAS RNAM PA BZHI STE, CHOS THAMS CAD LA MNGON PAR RDZOGS PAR BYANG CHUB PA DANG, ZAG PA ZAD PA DANG, BAR DU GCOD PA BSTAN PA DANG, LAM BSHAD PA'O, ,DE YANG MDO SDE LAS JI LTAR 'BYUNG BA BZHIN DU RNAM PA BZHIR KHONG DU CHUD PAR BYA'O,, MNGON PAR 'DU BYED PA DANG BCAS PAS 'JUG PA'I SHES RAB SGRUB PA'I PHYIR RTZOM PA NI SHES RAB KYI SBYOR BAR GSUNGS SO, ,MNGON PAR 'DU BYED PA MED PAR 'JUG PA NI YE SHES KYI TSOGS YONGS SU TSOL BA'I SBYOR BA STE 'DI NI BYE BRAG GO, ,DE BAS NA CHOS THAMS CAD LA LHUN GYIS GRUB PA'I YE SHES THOB PA ZHES BYA BAS BSHAD DO, ,BDEN PA DANG DKON MCHOG LA SOGS PA LA SOM NYI MED PAR BYA BA'I PHYIR SBYOR BA NI BSAM PA RNAM PAR SBYOR BA'I SBYOR BA STE, DE NI CHOS THAMS CAD LA THE TSOM MED PA ZHES BYA BAS BSHAD DO, ,BDEN PA NI CHOS THAMS CAD LA BDAG MED PA STE, DE KHONG DU CHUD PAR BYA BA'I PHYIR SBYOR BA NI BDEN PA RNAM PAR DPYAD PA'I SBYOR BA STE, DE LTAR SBYOR NA STONG PA NYID KHONG DU CHUD PAS SDUG PA DANG MI SDUG PA RNAMS LA RIM BZHIN DU RJES SU CHAGS PA DANG, KHONG KHRO BA DANG BRAL BAS MNGON PAR ZHEN PA MED PAR 'GYUR TE, SBYOR BA'I DON BCU PA GZUNG BAR 'GYUR BAS SDUG PA DANG MI SDUG PA THAMS CAD LA MNGON PAR ZHEN PA MED PA ZHES BYA BA GSUNGS TE, DE BAS NA TSIG GNYIS BSDUS NA DON DAM PA'I TSUL LA 'JUG PAS MNGON PAR ZHEN PA MED PA ZHES BYA BAS BSHAD DO, ,DON DAM PA NI STONG PA NYID DO, DE NYID SANGS RGYAS KYI CHOS 'DREN PAR BYED THOB PAR BYED PAS TSUL LO, ,DE LA 'JUG PA NI KHONG DU CHUD PA STE; 'DIS BDEN PA RNAM PAR DPYAD PA'I SBYOR BA ZHES BYA BA'I TSIG DE BSHAD DO, ,MNGON PAR ZHEN PAR MED PA'I DON NI SNGA MA BZHIN NO ZHES BYA BA NI GONG DU BSGOM PA LA BRTEN NAS RJES SU CHAGS PA DANG KHONG KHRO BA BOR ZHES BSHAD PA GANG YIN PA DE DANG 'DI'I DON MTSUNGS SO ZHES BYA BA'I THA TSIG GO, ,'DIS @100B NI SDUG PA DANG MI SDUG PA THAMS CAD LA MNGON PAR ZHEN PA MED PA'I SBYOR BA ZHES BYA BA'I TSIG BSHAD DO, ,DE LTAR RE ZHIG RNAM PA SUM CU RTZA GSUM GYIS YE SHES 'KHOR DANG BCAS PA BSHAD DO, ,YE SHES DE LTA BU LA GOMS PA'I BYANG CHUB SEMS DPA' NI YE SHES KYIS RAB TU PHYE BA YIN TE, DE NI DON GYIS BSHAD PA YIN NO, ,DA NI JI LTAR KHONG DU CHUD PAR BYED PA'I DON DE BSTAN PA'I PHYIR, RIGS KYI BU GZHAN YANG BYANG CHUB SEMS DPA' SEMS DPA' CHEN PO RNAMS KYI MI ZAD PA LA RTOG PA BCU STE ZHES BYA BA LA SOGS PA GSUNGS SO, ,SEMS CAN GYI LUS MA LUS PA LA JI LTA BA BZHIN DU RTOG PA NI LUS MI ZAD PA LA RTOG PA STE, DE NI 'PHAGS PA DANG 'PHAGS PA MA YIN PA'I 'DUS BYAS DANG 'DUS MA BYAS KYI LUS LA RTOG PA ZHES BYA BAS BSHAD DO, ,BDEN PA MTHONG BA DANG MA MTHONG BA RNAMS DANG 'PHAGS PA MA YIN PA'I LUS GO RIMS BZHIN NO, ,LAS KYI RNAM PAR SMIN PA LAS BYUNG BA'I LUS NI 'DUS BYAS TE, LAS RNAMS KYIS MNGON PAR 'DUS BYAS PA'I PHYIR RO, ,SANGS RGYAS DANG BYANG CHUB SEMS DPA' RNAMS KYIS GNAS GYUR PA'I MTSAN NYID NI 'DUS MA BYAS PA'O, ,'DIS NI LUS DRAN PA NYE BAR GZHAG PA BSTAN TO, ,MI ZAD PA ZHES BYA BA'I SGRA NI THAMS CAD DU YANG MA LUS PAR BYA BA LA LTA'O, ,SEMS NI DNGOS PO STE, DE TZAM DU ZAD PA'I PHYIR DNGOS PO'O, ,DE LA RTOG PA NI DNGOS PO MI ZAD PA LA RTOG PA STE, DE'I BSHAD PA NI YANG DAG PA DANG YANG DAG PA MA YIN PA'I DON LA RTOG PA ZHES BYA'O, ,GNYIS LA MNGON PAR ZHEN PA LAS DBEN PA NI YANG DAG PA'O, ,SEMS PHYIN CI LOG PA NI YANG DAG PA MA YIN PA'O, ,'DIS NI SEMS DRAN PA NYE BAR GZHAG PA BSTAN TO, ,CHOS DRAN PA NYE BAR GZHAG PA NI CHOS MI ZAD PA LA RTOG PA STE, DE'I BSHAD PA NI KUN NAS NYON MONGS PA DANG RNAM PAR BYANG BA CHUNG DU DANG, 'BRING DANG, CHEN PO LA RTOG PA ZHES BYA BA'O, ,TSOR BA'I SGO NAS SRED PA 'BYUNG BA'I PHYIR TSOR BA DRAN PA NYE BAR GZHAG PA NI SRED PA MI ZAD PA LA RTOG PA'I SGRAR BSHAD DE, DE'I BSHAD PA NI DGE BA DANG MI DGE BA'I SRED PA LA RTOG PA ZHES BYA BA'O, ,'KHOR BA'I BDE BA LA 'DOD PA NI MI DGE BA'I SRED PA'O, ,MYA NGAN LAS 'DAS PA'I BDE BA 'DOD PA NI DGE BA'O, ,LTA @101A *, ,BA MI ZAD PA LA RTOG PA LA SOGS PA LHAG MA RNAMS NI CHOS DRAN PA NYE BAR GZHAG PA RNAMS KYI RAB TU DBYE BAR BLTA'O, ,YANG DAG PA MA YIN PA'I RNAM PAR SGRO BTAGS PA'I LTA BA NI PHYIN CI LOG GO, ,BZLOG PA NI PHYIN CI MA LOG PA'O, ,DE NI LTA BA MI ZAD PA LA RTOG PA ZHES BYA BA 'DI'I BSHAD PA'O, ,TSOGS MI ZAD PA LA RTOG PA ZHES BYA BA 'DI'I BSHAD PA NI SGO SNA TSOGS NAS BSAGS PA'I DGE BA'I RTZA BA LA RTOG PA ZHES BYA BA'O, ,SEMS CAN RNAMS KYI KHAMS KYI NYE BAR LEN PAR GYUR PA NI NYON MONGS PA DANG LAS TE, DE NI SEMS CAN RNAMS KYI KHAMS MTHA' YAS PA'I PHYIR MTHA' YAS PA'O, ,'DI'I BSHAD PA NI SEMS CAN GYI KHAMS MTHA' YAS PA LA RTOG PA ZHES BYA BA'O, ,MNGON PAR ZHEN PA MED PA'I DON NI SNGA MA BZHIN NO ZHES BYA BA NI SDUG PA DANG MI SDUG PA THAMS CAD LA MNGON PAR ZHEN PA MED PA'I SBYOR BA ZHES GSUNGS PA STE, DE'I BSHAD PA NI DON DANG DON MA YIN PA DANG LDAN PA LA RTOG PA ZHES BYA BA'O, ,BYANG CHUB KYI SNYING PO NI BYANG CHUB KYI SHING STE, DE KUN TU STON PA NI SHES PA'O, ,SANGS RGYAS RNAMS KYI DE MI ZAD PA NI MOS PA THA DAD PA'I DBANG GIS SNA TSOGS SU STON PA'I PHYIR DE LTAR RTOG PA NI BYANG CHUB KYI SNYING PO SHES PA MI ZAD PA LA RTOG PA STE, DE NI MOS PA THA DAD PA'I SEMS CAN LA BYANG CHUB KYI SNYING PO KUN TU STON PA LA RTOG PA ZHES BYA BAS BSHAD DO, ,PHA ROL TU PHYIN PA BCU PO DAG GI RNAM PAR DAG PA RNAMS NI RANG GI MI MTHUN PA'I PHYOGS CI NAS 'DUL BA'I PHYIR DNGOS PO BCU STE, DE DAG NI SER SNA'I SEMS 'DUL BA ZHES BYA BA LA SOGS PAS BSTAN TE, DE'I BSHAD PA NI GANG GI DON DU KHONG DU CHUD PAR BYED PA DE YANG ZHES BYA BA LA SOGS PA'O, ,SBYIN PA LA SOGS PA RNAM PAR DAG PAR BYA BA'I PHYIR KHONG DU CHUD PAR BYED DO, ,BYAMS PA BSGOMS PAS KHONG KHRO BA'I SEMS 'DUL BA ZHES BYA BA 'DIS NI BZOD PA'I PHA ROL TU PHYIN PA RNAM PAR DAG PA BSTAN TO, ,'KHOR BA MI GTONG YANG THABS GANG GIS LAM GYI TSOGS PA DE LAM GYI TSOGS DE BSKYED PA'I THABS DE 'KHOR BA NA GNAS KYANG NYON MONGS PA RNAMS 'DUL LO, ,'DIS NI THABS KYI PHA ROL TU PHYIN PA RNAM PAR DAG PA BSTAN TO, ,BDEN PA RNAMS NI SDUG BSNGAL LA @101B SOGS PA STE, DE DANG DE DAG SHES PA GANG GIS YANG DAG PAR SOGS PA YONGS SU GCOD PA DE BDEN PA'I TSOGS TE, DE SOGS PA DE NYID GNYEN PO STE 'DUL BA'O, ,DE'I DNGOS PO NI DE NYID DO, ,DE YANG JI LTA BUS 'GYUR ZHE NA, PHYIN CI MA LOG PA'I LAM BSKYED PAS ZHES BYA BA GSUNGS SO; ,SMON LAM GYI KHYAD PAR GANG GIS PHYIN CI MA LOG PA'I LAM 'BYUNG BA DANG MTHUN PA'I SKYE BA YONGS SU 'DZIN PA'I PHYIR DE LA DE SKAD CES BYA'O, ,'DIS NI SMON LAM GYI PHA ROL TU PHYIN PA RNAM PAR DAG PAR BSTAN TO, ,LHAG MA DAG NI GO SLA BAS MA SBYAR RO, ,RIGS KYI BU GZHAN YANG BCU PO 'DI DAG NI BYANG CHUB SEMS DPA' SEMS DPA' CHEN PO RNAMS KYI DUL BA'I SA STE ZHES BYA BA LA SOGS PA 'DI'I BSHAD PA NI GANG DU GNAS TE KHONG DU CHUD PAR BYED CES BYA BA LA SOGS PA'O, ,SDOM PA RNAM PA GSUM NI LUS DANG, NGAG DANG, YID KYI SDOM PA'I PHYIR TE, DE RNAM PAR DAG PAS SO, , DE NI LUS DUL BA NYID LA SOGS PA'I TSIG GSUM GYIS BSHAD DO, ,NANG DUL BA NYID CES BYA BA LA SOGS PA'I MDO'I TSIG GI BSHAD PA NI BDAG TU 'DZIN PA RNAM PAR SPANGS PA ZHES BYA BA'O, ,SMAD PA DANG BSNGAGS PA LA SOGS PA 'JIG RTEN GYI CHOS BRGYAD PO DAG LA MNGON PAR ZHEN PA MED PA NI PHYI ROL GYI YUL DUL BA NYID DANG DE BAS NA CHOS THAMS CAD LA MNGON PAR ZHEN PA MED PA'I TSUL GYIS ZHES BYA BA GSUNGS SO, ,DE'I BSHAD PA NI SMAD PA DANG MA SMAD PA YONGS SU SPANGS PA ZHES BYA BA'O, ,SMAD PA DANG MA SMAD PA SMOS PA NI MTSON PA'O, ,YE SHES KYI TSOGS LA MNGON PAR ZHEN PA MED PA GANG YIN PA DE NYID DUL BA NYID DO, ,JI LTA BUR 'GYUR ZHE NA, LAM LA MNGON PAR ZHEN PA MED PA'I TSUL GYIS ZHES BYA BA GSUNGS TE, DE'I BSHAD PA NI DNGOS PO YOD PA DANG DNGOS PO MED PAR MNGON PAR ZHEN PA MED PA ZHES BYA'O, ,KUN BRTAGS PA'I NGO BOS MED PA'I PHYIR DNGOS PO YOD PAR MNGON PAR ZHEN PA MED DO, ,YONGS SU GRUB PA'I NGO BOS YOD PA'I PHYIR MNGON PAR ZHEN PA MED DO, ,'PHAGS PA NI NYAN THOS LA SOGS PA STE, DE DAG GIS RNAMS NI ZAG PA MED PA'I YE SHES KYI GNAS SKABS SO, ,DE DAG LA RTOG PA NI STONG PA NYID KYI NGO BO NYID LA RTOG PA STE, DE NI MI DMIGS @102A *, ,PA'I TSUL GYIS NYAN THOS DANG RANG SANGS RGYAS DANG BYANG CHUB SEMS DPA'I SA LA SO SOR RTOG PA ZHES BYA BAS BSHAD DO, ,DE LTAR SO SOR RTOG NA BDAG LA STOD PAR MI BYED DE, DE BAS NA DE BDAG LA BSTOD PA DUL BA NYID DU 'GYUR RO, ,PHYI MA'I MTHA' NI MA 'ONGS PA'I SKYE BA'I RGYUN TO, ,DE'I RNAM PAR DAG PA NI MYA NGAN LAS 'DAS PA STE, GNAS GYUR PA'I MTSAN NYID DO, ,DE YONGS SU SBYONG BA NI RNAM PAR RTOG PA THAMS CAD SPONG BA STE, RNAM PAR RTOG PA NI BYANG CHUB SEMS DPA' RNAMS KYI NYON MONGS PA YIN PA'I PHYIR RO, ,RNAM PAR RTOG PA THAMS CAD DANG BRAL BAR GNAS PA NI SHES RAB KYI PHA ROL TU PHYIN PA LA GNAS TE DER 'BYUNG ZHING DE'I BDAG NYID DU GNAS PA'O, ,DE'I BSHAD PA NI 'DZIN PA THAMS CAD DANG BRAL BA ZHES BYA BA'O, ,KUN RDZOB DANG DON DAM PA'I BDEN PA LA BRTEN TE BSHAD PA NI THA SNYAD DO, ,DE LA SHIN TU YONGS SU DUL BA NYID DE JI LTA BUR 'GYUR ZHE NA, SEMS CAN THAMS CAD LA MI BSLU BA'I TSUL GYIS ZHES BYA BA GSUNGS PA STE, SKAL BA JI LTA BA BZHIN DU KUN RDZOB DANG DON DAM PA'I BDEN PA STON PA NI MI BSLU BA STE, DE NI KUN RDZOB DANG DON DAM PA LA MKHAS PAS PHYIN CI MA LOG PA'I LAM STON PA ZHES BYA BAS BSHAD DO, , LUS DANG SEMS LA MI LTA BA DUL BA NYID CES BYA BA'I MDO'I TSIG GI BSHAD PA NI SEMS CAN 'DUL BA'I PHYIR SKYE BA THAMS CAD LA MI SKYO BAS SO ZHES BYA BA'O, ,TSIG GI DNGOS PO KHO NA NI TSIG TZAM NYID DE, MDO'I CHA 'DI'I BSHAD PA NI RJES SU MTHUN PA'I CHOS GRUB BA NI MI BSLU BAS YONGS SU BSTAN TO ZHES BYA BA'O, ,LAM SGRUB PA NI NYAN THOS DANG RANG SANGS RGYAS KYI LAM MNGON SUM DU BYED PA STE, DE NI NYAN THOS DANG RANG SANGS RGYAS KYI THEG PA MNGON SUM DU BYED PA ZHES BYA BAS BSHAD DO, ,SPONG BA SGRUB PA NI NYAN THOS LA SOGS PA'I LAM MNGON SUM DU BYAS PA LA YANG 'DOD PA MED PA'O, ,DE NI DE DAG LA 'DOD PA MED PA ZHES BYA BAS BSHAD DO, ,YANG BDAG NYID LAM BZANG POR ZHUGS PA DANG GZHAN DAG LA YANG LAM DE STON PA ZHES BYA BA NI BDAG 'DUL BA'I SGRUB PA DANG, SEMS CAN YONGS SU SMIN PAR BYA BA'I SGRUB PA ZHES BYA BA'I BSHAD PA STE GO RIMS BZHIN NO, ,RTZOL BA DANG BCAS PA'I SHES @102B PAS SGRUB PA ZHES BYA BA 'DI'I BSHAD PA NI MOS PAS SPYOD PA'I SA LA RNAM PAR GNAS PAR MNGON PAR 'DU BYED PA DANG BCAS PA'I SHES PA ZHES BYA BA STE, MOS PAS SPYOD PA'I SA NI SO SO'I SKYE BO'I SA'O, ,SPYOD PA'I SA NI SA BDUN PO DAG GO, ,LHUN GYIS GRUB PA'I YE SHES KYIS GRUB PA ZHES BYA BA 'DI'I BSHAD PA NI BSGOM PA'I LAM LA GNAS PA MNGON PAR 'DU BYED PA MED PA'I YE SHES KYIS SO ZHES BYA BA STE, SA BRGYAD PA LA SOGS PAS BSDUS PA NI 'DIR BSGOM PA'I LAM DU BLTA'O, ,SA RNAM PAR GZHAG PA LA MKHAS PAR SGRUB PA ZHES BYA BA 'DI'I BSHAD PA NI, SHES RAB DANG THABS LA MKHAS PA ZHES BYA BA'O, ,SA DBYER MED PA NI STONG PA NYID KYI MTSAN NYID DU STE, DE'I BSHAD PA NI MTSAN NYID GCIG GI RJES SU 'JUG PA ZHES BYA BA'O, ,SA'I NYES PA NI GZUNG BA DANG 'DZIN PA LA MNGON PAR ZHEN PA STE YONGS SU SPONG BA'O, ,DE NI GNYIS LA KUN TU SPYOD PA YONGS SU SPONG BA ZHES BYA BAS BSHAD DO, ,SA NAS SAR 'PHAR BA NI SA SNGA MA LAS SA PHYI MAR 'GRO BA STE, DE LA MKHAS PA SGRUB PA'O, ,DE YANG BSGOM PA'I LAM GYIS 'GYUR TE DE NI DGE BA'I CHOS BSGOM PA'I BRTZON 'GRUS BRTZAMS PAS ZHES BYA BAS BSHAD DO, ,NYAN THOS DANG RANG SANGS RGYAS KYI SA BSTAN PA'I SGRUB PA ZHES BYA BA 'DI'I BSHAD PA NI YANG CHOS THAMS CAD LEGS PAR BSGRUBS PA ZHES BYA BA'O, ,DE BZHIN NYID DRI MA MED PA NI SANGS RGYAS TE, DE'I BYANG CHUB KHONG DU CHUD PA DE LAS PHYIR MI LDOG PA'I LAM GANG YIN PA DE LA MNGON PAR SGRUB PA'O, ,DE'I BSHAD PA NI DE BZHIN NYID KHONG DU CHUD PA'I BSGOM PA LA MKHAS PAS SO ZHES BYA BA'O, ,DE LTAR RNAM PAR DAG PA KHYAD PAR DU 'PHAGS PA BZHIS RGYUS BSDUS PA'I SPYOD PA RNAM PAR DBYE BA KHYAD PAR DU 'PHAGS PA BSTAN TE, TSOGS DANG RNAM PAR DAG PA'I LAM BSTAN PA DANG, BSOD NAMS DANG YE SHES KYI TSOGS BSTAN PA DANG, YANG DAG PA'I MTHA' DE KHONG DU CHUD PAR BYA BA'I THABS BSTAN PA DANG, RJES SU MTHUN PA'I CHOS SGRUB PA BSTAN PA ZHES BYA BAS RGYA CHER BSTAN PA'O, ,RGYU RNAM PAR DAG PA BZHI PO 'DI DAG NYID MNGON SUM DU MDZAD NAS BCOM LDAN 'DAS KYIS DE LTAR SGRUB @103A *, ,PA RNAMS LA ZHES BYA BAS GSUNGS TE, JI SKAD DU GSUNGS PA'I RGYU RNAM PAR DAG PA RNAM PAR SGRUB PA'O, ,DE'I BSHAD PA NI RGYU RNAM PAR DAG PA KHYAD PAR DU 'PHAGS PA RNAM PA 'DI BZHIS ZHES BYA BA'O, ,BLA NA MED PA YANG DAG PAR RDZOGS PA'I BYANG CHUB NI THAMS CAD MKHYEN PA'I YE SHES TE 'BRAS BUS BSDUS PA'I SPYOD PA RNAM PAR DBYE BA BSTAN TO, ,DE'I BSHAD PA NI 'BRAS BU RNAM PAR DAG PA KHYAD PAR DU 'PHAGS PAR KHONG DU CHUD PAR BYA STE, DE NI DE BZHIN GSHEGS PA RNAMS KYI YE SHES DUS GSUM SKAD CIG GCIG DANG LDAN PA ZHES BYA BA'O, ,'PHAGS PA 'JAM DPAL GTZO BOS PHYIN CI MA LOG PAR BSTAN PAR MDZAD PAS NA BCOM LDAN 'DAS KYIS LEGS SO ZHES BYA BA BYIN TE, DE NI MA NOR BAR BSHAD DE STON PA'I THUGS MNYES PAS LEGS PAR BSHAD DO ZHES BYA BA'I DON DU RIG PAR BYA'O ZHES BYA BAS BSHAD DO, ,YI RANGS ZHES BYA BA NI 'JAM DPAL GZHON NUR GYUR PA ZHES BYA BA LA SOGS PA'I TSIG DANG SBYAR GYI GONG MA DANG NI MA YIN NO, ,STON PA PO NI STON PA STE DE'I RNAM PAR DAG PA NI BSHAD ZIN TO, ,BSTAN PA RNAM PAR DAG PA NI MDO THOG THAG GO, ,BSTAN PA'I 'BRAS BU RNAM PAR DAG PA NI BLA NA MED PA YANG DAG PAR RDZOGS PA'I BYANG CHUB STE, RNAM PAR DAG PA RNAM PA 'DI GSUM GYIS 'PHAGS PA 'JAM DPAL LA SOGS PA YI RANGS SO, ,MNGON PAR BSTOD DO ZHES BYA BA NI DE LTAR MNGON PAR BSTOD PA'I DON DU BLTA BAR BYA'O ZHES BYA BA'I THA TSIG GO, ,LTA NGAN KUN GYI DRA BA RAB DRAL MDO SDE 'GREL DANG BCAS PA ZUR PHYIN 'DI, ,BSHAD PAS BDAG GIS BSOD NAMS RNAM PA SHIN TU BSTAN LA TSANG BA GANG THOB DES, ,SEMS CAN 'DRON PA MANG PO 'DI DAG SA GSUM RGYA MTSO'I PHA ROL MYUR BSGRAL TE, ,TSANGS LA SOGS PAS MA BGROD SANGS RGYAS GNAS MCHOG DRI MED GANG DE MYUR THOB SHOG, ,,'PHAGS PA GA YA MGO'I RI'I MDO DANG SPEL MAR BSHAD PA, 'PHAGS PA 'JAM DPAL GTZO BO'I ZHABS LA BRTEN PA, MANG DU THOS PA GNAS BRTAN SH'AKYA'I BLOS MDZAD PA RDZOGS SO,, ,, @103B #, ,RGYA GAR SKAD DU, A'ARYA DA SHA BH'U MI BY'A KHY'A NA, BOD SKAD DU, 'PHAGS PA SA BCU PA'I RNAM PAR BSHAD PA, 'JAM DPAL GZHON NUR GYUR PA LA PHYAG 'TSAL LO, ,CHOS KYI RNAM GRANGS 'DI NI SUS BSHAD DANG, ,GANG DAG RNAMS KYIS 'CHAD DU BCUG RNAMS DANG, GANG GIS 'DI DON BSTAN DANG DE LAS NI, ,GANG GIS BLANGS NAS BDAG LA RNAM PHYE BA, ,DE DAG RNAMS DANG CHOS MCHOG 'DI LA YANG, ,SPYI BO SA LA GTUGS TE PHYAG 'TSAL NAS, ,BDAG DANG GZHAN DON SGRUB PHYIR DE YI DON, ,GNAS PAR BYA PHYIR BSHAD SBYAR BYA BAR 'BAD, ,SA BCU'I CHOS KYI RNAM GRANGS LAS SA DANG PO'I BSDUS PA NI GLENG GZHI DANG, SNYOMS PAR 'JUG PA DANG, BYIN GYI RLABS DANG, LDANG BA DANG, BSTAN PA DANG, BSKUL BA DANG, BSHAD PA DANG, KHYAD PAR RO, ,DE LA 'DI SKAD BDAG GIS THOS PA DUS GCIG NA, BCOM LDAN 'DAS MNGON PAR RDZOGS PAR SANGS RGYAS NAS RING PO MA LON TE, ZHAG BDUN PA GNYIS PA'I TSE GZHAN 'PHRUL DBANG BYED KYI LHA RNAMS KYI NANG NA LHA'I RGYAL PO DBANG SGYUR GYI GZHAL MED KHANG NOR BU RIN PO CHE'I SNYING PO CAN GYI KHANG BZANGS NA, BYANG CHUB SEMS DPA'I TSOGS CHEN PO BYANG CHUB SEMS DPA' RDO RJE'I SNYING PO LA SOGS PA SANGS RGYAS KYI ZHING SNA TSOGS NAS 'DUS PA DANG THABS CIG TU BZHUGS TE ZHES BYA BA NI GLENG GZHI STE, YUL DANG DUS LA SOGS PA BYE BRAG BRJOD PAR BYA BA'I PHYIR RO, ,CHOS KYI RNAM GRANGS 'DI MCHOG RNAMS [?] LUNG [?] MCHOG [?] YINn PA NYID DU DANG PO BZHAD DO, ,YUL DE NI GNAS DANG, KHANG PA DANG, GNAS KYI KHYAD PAR MCHOG YIN PAS MCHOG GO, ,CI'I PHYIR GZUGS KYI KHAMS SU MA YIN ZHE NA, DE'I 'BRAS BU 'DIR MNGON PAR GRUB PA'I PHYIR RO, ,CI'I PHYIR ZHAG BDUN PA DANG PO LA MA YIN ZHE NA, RTEN CING 'BREL PAR 'BYUNG BAS GNAS PAS GNAS PA'I PHYIR RO, ,GZHAN GYI DON DU MNGON PAR RDZOGS PAR SANGS RGYAS PA CI'I PHYIR ZHAG BDUN 'DAS PAR MDZAD CE NA, BDAG NYID CHOS KYI KUN DAGS DGYES PA'I CHE BA NYID BSTAN PA'I PHYIR RO, ,DE YANG CI'I PHYIR ZHE NA, DE BZHIN GSHEGS PA LA SEMS CAN RNAMS DGA' BA DANG, GUS PA BSKYED PAR BYA @104A *, ,BA'I PHYIR TE, DGYES PA DE LTA BU DE YANG BTANG NAS THUGS BRTZE BAS SEMS CAN RNAMS LA CHOS STON TO SNYAM PA'I PHYIR RO, ,CI'I PHYIR RTEN CING 'BREL PAR 'BYUNG BA'I GNAS PA NYID KYIS GNAS SHE NA, DE THUGS SU CHUD PA NI THUN MONG MA YIN PAR BSTAN PA'I PHYIR RO, ,CI'I PHYIR CHOS KYI RNAM GRANGS 'DI BYANG CHUB SEMS DPAS BSHAD CE NA, BYANG CHUB SEMS DPA' RNAMS SPRO BA BSKYED PA'I PHYIR RO, ,CI'I PHYIR RDO RJE SNYING PO KHO NAS BSHAD CE NA, GANG GI PHYIR DGE BA'I RTZA BA RDO RJE LTAR SRA BA DANG LDAN PA'I CHOS KYI RNAM GRANGS 'DI NYON MONGS PA THAMS CAD KYIS MI CHOMS PA DANG, 'JOMS PAR BYED PA NYID KYI PHYIR TE, 'DI NI MTSAN DE SKAD CES BYA BA MA YIN PAS MI 'CHAD DO, ,CI'I PHYIR RDO RJE SNYING PO ZHES MTSAN DE SKAD GSOL ZHE NA, SNYING PO'I SGRA 'DI NI SRA BA LA YANG RIG PAR BYA STE, DPER NA SHING GI SNYING PO ZHES BYA BA LTA BU'O, ,SKYE BA'I GNAS LA YANG BYA STE, DPER NA MA'I MNGAL ZHES BYA BA LTA BU'O, ,DE'I PHYIR SNYING PO RDO RJE DANG 'DRA BAS RDO RJE'I SNYING PO STE, DE'I DGE BA'I RTZA BA RNAMS GZHAN GYI DGE BA'I RTZA BA THAMS CAD PAS STOBS DANG LDAN PA'I PHYIR RO, ,DE'I SKYE BA'I GNAS RDO RJE LTA BU NI SKYE BA'I RGYU STE, LHA DANG MIR 'GRO BAR 'GYUR BA LA BYA STE, DE LAS GZHAN PA'I SKYE BA'I RGYUS MI SHIGS PA'I PHYIR RDO RJE'I SNYING PO'O, ,DE NAS YANG DE'I TSE, BYANG CHUB SEMS DPA' SEMS DPA' CHEN PO RDO RJE'I SNYING PO SANGS RGYAS KYI MTHUS BYANG CHUB SEMS DPA' TING NGE 'DZIN THEG PA CHEN PO RAB TU SNANG BA ZHES BYA BA LA SNYOMS PAR ZHUGS SO ZHES BYA BA NI TING NGE 'DZIN LA SNYOMS PAR 'JUG PA STON TE, CHOS KYI RNAM GRANGS 'DI RTOG GE'I SPYOD YUL MA YIN PA NYID DU BSTAN PA'I PHYIR RO, ,BYANG CHUB SEMS DPA' RDO RJE'I SNYING PO SNYOMS PAR ZHUGS MA THAG TU ZHES BYA BA NI BYANG CHUB SEMS DPA'I TING NGE 'DZIN THEG PA CHEN PO RAB TU SNANG BA 'DI LA'O, ,DE NAS DE'I TSE PHYOGS BCU DAG GI 'JIG RTEN GYI KHAMS SANGS RGYAS KYI ZHING BYE BA PHRAG BCU'I RDUL PHRA RAB KYI RDUL SNYED KYI PHA ROL NAS DE BZHIN GSHEGS PA SANGS RGYAS KYI ZHING BYE BRAG PHRAG BCU'I RDUL PHRA RAB KYI RDUL SNYED DAG 'DI LTA STE MTSAN RDO RJE'I SNYING PO ZHES BYA BAR MTHUN PA SHA STAG GIS ZHAL BSTAN TE, SANGS RGYAS BCOM LDAN 'DAS DE DAG @104B GIS DE LA 'DI SKAD CES BKA' STZAL TO, ,KYE RGYAL BA'I BU KHYOD BYANG CHUB SEMS DPA'I TING NGE 'DZIN THEG PA CHEN PO RAB TU SNANG BA 'DI LA SNYOMS PAR ZHUGS PA LEGS SO LEGS SO, ,RIGS KYI BU YANG KHYOD LA PHYOGS BCU DAG GI DE BZHIN GSHEGS PA SANGS RGYAS KYI ZHING BYE BA PHRAG BCU'I RDUL SNYED KUN KYANG MTSAN RDO RJE'I SNYING PO ZHES BYA BAR MTHUN PA SHA STAG GIS BCOM LDAN 'DAS RNAM PAR SNANG MDZAD 'DI NYID KYI SNGON GYI SMON LAM DANG, BYIN GYI RLABS ZHES BYA BA NI, SANGS RGYAS MANG POS BYIN GYIS BRLABS PAR YONGS SU STON TE, CHOS DANG CHOS SMRA BA LA GUS PA RAB TU CHER BSKYED PA'I PHYIR RO, ,CI'I PHYIR RDO RJE'I SNYING PO ZHES BYA BA SHA STAG KHO NAS BYIN GYIS BRLABS SHE NA, SANGS RGYAS KYI SMON LAM GYI PHYIR RO, ,CI'I PHYIR BCOM LDAN 'DAS KYIS SMON LAM DE SKAD BTAB CE NA, SANGS RGYAS MANG PO NYID DU BSTAN PA'I PHYIR RO, ,TING NGE 'DZIN 'DI'I CHOS NYID NI 'DI YIN TE, BYANG CHUB SEMS DPAR GYUR PA RDO RJE'I SNYING PO ZHES BYA BA GANG DAG GIS CHOS KYI RNAM GRANGS 'DI BSHAD PA, DE BZHIN GSHEGS PAR GYUR PA MTSAN DE SKAD CES BYA BA DE DAG NYID KYIS BYIN GYIS RLOB KYI, GZHAN DAG GIS NI MA YIN TE, DE DAG GIS BYANG CHUB SEMS DPA' DE LA RANG GI MTSAN YONGS SU BRJOD PAS DE DAG DANG MTSAN MTHUN PA'I PHYIR DGA' BA'I KHYAD PAR DU 'GYUR RO, ,CI'I PHYIR 'JIG RTEN GYI KHAMS TSAD MED PA DAG GI PHA ROL NAS ZHES MI BYA ZHE NA, THABS LA MKHAS PAS DE MANG BA NYID DU BSTAN PA'I PHYIR RO, ,CI'I PHYIR SANGS RGYAS KYI ZHING BYE BA PHRAG BCUR NGES SHE NA, SA BCU'I SKABS YIN PA'I PHYIR TE, DE BAS NA 'DIR BCU PA MANG DU STON TO, ,BCOM LDAN 'DAS KYIS SNGON DE DAG GI DE BYIN GYIS BRLAB PAR SMON LAM BTAB CING, RANG GIS KYANG BYIN BRLABS PA DANG, GZHAN DAG GIS KYANG PHYIS MDZAD DE, DE'I PHYIR BCOM LDAN 'DAS KYI SNGON GYI SMON LAM DANG, BYIN GYI RLAB KYIS ZHES BYA'O, ,CI'I PHYIR CHOS KYI RNAM GRANGS 'DI BSHAD PAR BYIN GYIS BRLAB PA DANG, JI LTAR BYIN GYIS BRLAB PA BRJOD PAR BYA STE, DE LA BYANG CHUB SEMS DPA' THAMS CAD SANGS RGYAS KYI CHOS BSAM GYIS MI KHYAB PA SNANG BA BRJOD PAS YE SHES KYI SA LA 'JUG PAR BYA BA'I PHYIR DANG, DGE BA'I RTZA BA @105A *, ,THAMS CAD YANG DAG PAR BSDU BAR BYA BA'I PHYIR DANG, SANGS RGYAS KYI CHOS THAMS CAD RAB TU DBYE BA LA MKHAS PAR BYA BA'I PHYIR DANG, CHOS LA YE SHES SHIN TU RGYAS PAR BYA BA'I PHYIR DANG, LEGS PAR GNAS PA'I CHOS BSTAN PAR BYA BA'I PHYIR DANG, YE SHES THA MI DAD PA RNAM PAR BYANG BAR BYA BA'I PHYIR DANG, 'JIG RTEN GYI CHOS THAMS CAD KYIS MI GOS PAR BYA BA'I PHYIR DANG, 'JIG RTEN LAS 'DAS PA'I DGE BA'I RTZA BA YONGS SU DAG PAR BYA BA'I PHYIR DANG, YE SHES BSAM GYIS MI KHYAB PA'I YUL KHONG DU CHUD PAR BYA BA'I PHYIR DANG, THAMS CAD MKHYEN PA'I YE SHES KYI YUL GYI BAR DU KHONG DU CHUD PAR BYA BA'I PHYIR DANG, GANG 'DI BYANG CHUB SEMS DPA'I SA BCU PO DAG LA BRTZAM ZHING THOB PAR BYA BA'I PHYIR DANG, BYANG CHUB SEMS DPA'I SA JI LTA BA BZHIN DU RNAM PAR DGOD PA LA MKHAS PAS BSTAN PAR BYA BA'I PHYIR DANG, SANGS RGYAS KYI CHOS THAMS CAD LA LHAG PAR DMIGS PAR BYA BA'I PHYIR DANG, ZAG PA MED PA'I CHOS BYE BRAG GIS BSGOM PAR BYA BA'I PHYIR DANG, SHIN TU RNAM PAR PHYE BA RNAM PAR 'BYED PA SHES RAB CHEN PO SNANG BA LA MKHAS PAR BYA BA'I PHYIR DANG, SHIN TU BRTAGS PA'I YE SHES KYI SGO LA 'JUG PAR BYA BA'I PHYIR DANG, GNAS GZHAN CI RIGS SU RAB TU BRJOD PA LA BAG 'CHUMS PA MED PA'I SPOBS PAS SNANG BAR BYA BA'I PHYIR DANG, SO SO YANG DAG PAR RIG PA CHEN PO'I SA SHIN TU RTOGS PAR BYA BA'I PHYIR DANG, BYANG CHUB KYI SEMS KYIS BRJOD PA MED PAR BYA BA'I PHYIR DANG, SEMS CAN GYI KHAMS THAMS CAD YONGS SU SMIN PAR BYA BA'I PHYIR DANG, THAMS CAD DU ZHUGS PA'I RNAM PAR GTAN LA 'BEBS PA THOB PAR BYA BA'I PHYIR BYIN GYIS BRLAB PA MDZAD DO ZHES BYA BA BCU PA DE GNYIS KYIS BYANG CHUB SEMS DPA' RNAMS KYI RANG GI DON DANG GZHAN GYI DON LA BRTZAMS TE BYIN GYIS BRLABS SO, ,JI LTAR RANG GI DON LA BRTZAMS PA DE LTA BU NI BCU PA DANG PO'O, ,JI LTAR GZHAN GYI DON LA BRTZAMS PA DE LTA BU NI BCU PA GNYIS PA YIN PAR RIG PAR BYA'O, ,DE LA BYANG CHUB SEMS DPA' THAMS CAD NI GANG SU DAG MOS PAS SPYOD PA LA SOGS PA'I SA LA GNAS PA RNAMS SO, ,SANGS RGYAS KYI CHOS BSAM GYIS MI KHYAB PA RNAMS NI 'JIG RTEN LAS 'DAS PA'I BYANG CHUB KYI PHYOGS PA GANG @105B YIN PA DAG GO, ,SNANG BA NI DE LA RTOG PA STE, SHES PA DANG MTHONG BA DANG, THOB PA DANG, MNGON SUM DU BYED PA'O, ,DE BRJOD PA NI BSTAN PA DANG RAB TU BSHAD PA'O, ,DE NI YE SHES KYI SA BCU PA JI SKAD 'BYUNG BA RNAMS TE, DE DAG GIS DE BRJOD PA'I PHYIR RO, ,DE DAG LA 'JUG PA NI DAD PA DANG, MOS PA DANG, RAB TU DANG BA DANG, 'THOB PA GANG YIN PA'O, ,DE NI 'JUG PA'I RTZA BA STE, MDO'I TSIG BYANG CHUB SEMS DPA' THAMS CAD SANGS RGYAS KYI CHOS BSAM GYIS MI KHYAB PA SNANG BA BRJOD PAS YE SHES KYIS LA 'JUG PAR BYA BA'I PHYIR ZHES BYA BA 'DIS STON TO, ,RTZA BA'I 'JUG PA DE LA BRTEN NAS 'JUG PA GZHAN RNAM PA DGU STE, THOS PA 'DZIN PA'I SOG NAS THOS PAR GTOGS PA'I DGE BA'I RTZA BA THAMS CAD BSDUS PA'I PHYIR SDUD PA'I 'JUG PA NI GANG GI PHYIR, DGE BA'I RTZA BA THAMS CAD YANG DAG PAR BSDU BAR BYA BA'I PHYIR ZHES GSUNGS PA'O, ,BSAMS PA LAS BYUNG BA'I SHES PAS BYANG CHUB KYI PHYOGS PA THAMS CAD LA MKHAS PAR BYED PAS DON RTOGS PAR BYED PA'I 'JUG PA NI GANG GI PHYIR SANGS RGYAS KYI CHOS THAMS CAD RAB TU DBYE BA LA MKHAS PAR BYA BA'I PHYIR ZHES GSUNGS SO, ,DON DE DANG DE'I RNAM GRANGS DU MA SHES PAR BYED PAS CHOS RTOGS PAR BYED PA'I 'JUG PA NI 'DI LTAR CHOS LA YE SHES SHIN TU RGYAS PAR BYA BA'I PHYIR ZHES GSUNGS PA'O, ,JI LTAR RTOGS PA'I DON DANG, TSIG 'BRU PHUN SUM TSOGS PA'I CHOS STON PAS SEMS CAN YONGS SU SMIN PAR BYED PA'I 'JUG PA NI GANG GI PHYIR LEGS PAR GNAS PA'I CHOS BSTAN PAR BYA BA'I PHYIR ZHES GSUNGS PA'O, ,MTHONG BA'I LAM GYI GNAS SKABS NA CHOS THAMS CAD MNYAM PA NYID DU SHES PA YONGS SU SBYANGS PAS 'THOB PAR BYED PA'I 'JUG PA NI GANG GI PHYIR, YE SHES THA MI DAD PA RNAM PAR BYANG BAR BYA BA'I PHYIR ZHES GSUNGS PA'O, ,GZHAN GYI DON GYIS YONGS SU BSDUS PA'I PHYIR BYANG CHUB SEMS DPA' RNAMS KYI THOB PA NI SANGS RGYAS NYID DU 'GYUR BAR BSTAN PA'I PHYIR SEMS CAN YONGS SU SMIN PAR BYED PA SNGAR BSTAN TO, ,DE NYID KYI PHYIR DE DAG GI GZHAN GYI DON LA SBYOR BA YANG RANG GI DON KHO NA YIN NO, ,BSGOM PA'I LAM GYI GNAS SKABS NA KUN NAS NYON MONGS PA'I CHOS THAMS CAD YONGS SU SPONG BAS BAG YOD PA'I 'JUG PA NI GANG GI PHYIR, 'JIG RTEN GYI CHOS THAMS @106A *, ,CAD KYIS MI GOS PAR BYA BA'I PHYIR ZHES GSUNGS PA'O, ,'JIG RTEN LAS 'DAS PA'I BYANG CHUB KYI PHYOGS DANG MTHUN PA MA CHAGS PA LA SOGS PA'I DGE BA'I RTZA BA YONGS SU SBYONG BAS SA NAS SAR 'PHAR BAR BYED PA'I 'JUG PA NI GANG GI PHYIR, 'JIG RTEN LAS 'DAS PA'I DGE BA'I RTZA BA YONGS SU DAG PAR BYA BA'I PHYIR ZHES GSUNGS PA'O, ,YANG DE DAG NYID KYI RGYU GANG YIN PA DGE BA'I RTZA BA YIN PAR RIG PAR BYA'O, ,SA BCU PAR DE BZHIN GSHEGS PA THAMS CAD KYI GSANG BA LA SOGS PA SHES PAR BYED PAS, BYANG CHUB SEMS DPA'I MTHAR PHYIN PAR BYED PA'I 'JUG PA NI GANG GI PHYIR YE SHES BSAM GYIS MI KHYAB PA'I YUL KHONG DU CHUD PAR BYA BA'I PHYIR ZHES GSUNGS PA'O, ,SHES BYA THAMS CAD LA SGRIB PA MED PA SHES PA'I PHYIR SANGS RGYAS KYI MTHAR THUG PAR BYED PA'I 'JUG PA NI GANG GI PHYIR, THAMS CAD MKHYEN PA'I YE SHES KYI BAR DU KHONG DU CHUD PAR BYA BA'I PHYIR ZHES GSUNGS PA'O, ,'JUG PA 'DI RNAMS KYI BYE BRAG BSTAN PA'I PHYIR, MING GZHAN SMOS KYI RTZA BA'I 'JUG PA NI MA YIN NO, ,BCU PA LA SOGS PA BSTAN PA THAMS CAD LA YAN LAG DANG NYE BA'I YAN LAG GI SGO NAS RNAM PA DRUG DRUG GIS BSHAD PAR RIG PAR BYA STE, DNGOS PO NYE BAR DGOD PA NI MA GTOGS TE, DER PHUNG PO DANG KHAMS DANG SKYE MCHED KYI DNGOS PO NYE BAR DGOD PA MA GTOGS SO ZHES BYA BA'I THA TSIG GO, ,RNAM PA DRUG PO DAG GANG ZHE NA, YAN LAG DANG, NYE BA'I YAN LAG DANG, MTSAN NYID 'DRA BA DANG, MTSAN NYID MI 'DRA BA DANG, 'DU BA DANG, RGYAS PA'O, ,DE LA YAN LAG NI 'JUG PA'O, , NYE BA'I YAN LAG NI GZHAN RNAMS TE, DE LA BRTEN PA'I PHYIR DANG, DE YONGS SU RDZOGS PAR BYED PA'I PHYIR RO, ,DE GNYIS KYI 'JUG PA NYID KYI PHYIR MTSAN NYID DANG 'DRA BA NYID DO, ,RNAM PA GZHAN NYID KYI PHYIR MTSAN NYID MI 'DRA BA NYID DO, ,'DU BA NI MDOR BSDUS PA STE, YAN LAG BSTAN PA'I PHYIR RO, ,RGYAS PA NI DE RAB TU DBYE BA STE, NYE BA'I YAN LAG BSTAN PA'I PHYIR TE, 'JIG RTEN GYI KHAMS 'JIG PA DANG CHAGS PA BZHIN NO, ,BCU PA GZHAN LA YANG DE BZHIN NYID DU CI RIGS PAR SBYAR BAR BYA'O, ,DE GANG DAG BZHI PAR STON PAR 'DON PA DANG, GANG DAG GSUM PAR STON PAR 'DON PA GNYIS KA YANG 'DIR DE @106B NYID KYI PHYIR KHO NA YIN PAR RIG PAR BYA'O, ,BCU PA GNYIS PA DANG GSUM PA LA YANG DE NYID KYI PHYIR YOD DO, ,BCU PA GNYIS PA LA GANG 'DI BYANG CHUB SEMS DPA'I SA BCU PO DAG LA RTZOM ZHING THO BA PAR BYA BA'I PHYIR ZHES BYA BAS NI RTZOM ZHING THOB PA'I RTZA BA BSTAN TO, ,DE LA RTZOM PA NI DAD PA DANG, 'DUN PA DANG, NYE BAR 'GRO BA LA SOGS PA STE, YONGS SU TSOL BA'O, ,'THOB PA NI SA BCU PO DE DAG 'DZIN PA'O, ,YANG NA LUNG DANG RTOGS PA STE, GO RIMS BZHIN NO, ,'DIR NI RNAM GRANGS GONG MA NYID YIN PAR RIG PAR BYA'O, ,RTZOM ZHING 'THOB PA'I RTZA BA 'DI LA BRTEN NAS RTZOM ZHING 'THOB PA GZHAN BCU STE, BSAMS PA LAS BYUNG BA'I SHES PAS JI LTAR THOS PA'I DON LEGS PAR 'DZIN PA DANG, 'DZIN DU 'JUG PAS YANG DAG PAR 'DZIN PA RTZOM ZHING 'THOB PA NI GANG GI PHYIR, BYANG CHUB SEMS DPA'I SA JI LTA BA BZHIN DU RNAM PAR DGOD PA LA MKHAS PAS BSTAN PAR BYA BA'I PHYIR ZHES GSUNGS PA'O, , SANGS RGYAS KYI CHOS THAMS CAD RTOGS PAR BYA BA'I PHYIR, 'DUN PA RTZOM ZHING 'THOB PA NI GANG GI PHYIR, SANGS RGYAS KYI CHOS THAMS CAD LHAG PAR DMIGS PAR BYA BA'I PHYIR ZHES GSUNGS PA'O, ,DE NYID KYI CHED DU NGES PAR 'BYED PA'I CHA DANG MTHUN PA'I GNAS SKABS NA ZAG PA MED PA'I BYANG CHUB KYI PHYOGS PA BYE BRAG GIS BSGOM PA'I RNAM PA KHONG DU CHUD PAR BYED PAS SBYOR BA RTZOM ZHING 'THOB PA NI GANG GI PHYIR, ZAG PA MED PA'I CHOS BYE BRAG GI BSGOM PAR BYA BA'I PHYIR ZHES GSUNGS PA'O, ,MTHONG BA'I LAM GYI GNAS SKABS NA CHOS BDAG MED PA SHES PA LA MKHAS PAR BYED PAS RTOGS PAR BYED PA RTZOM ZHING THOB PA NI GANG GI PHYIR SHIN TU RNAM PAR PHYE BA RNAM PAR 'BYED PA SHES RAB CHEN PO SNANG BA LA MKHAS PAR BYA BA'I PHYIR ZHES GSUNGS PA'O, ,DE LA SHIN TU RNAM PAR PHYE BA ZHES BYA BA NI DE'I PHA ROL NA YANG RNAM PAR DBYE BAR BYA BA MED PA STE, DE NI CHOS BDAG MED PA'O, ,DE RNAM PAR 'BYED PA NI SHES PA'O, , DE NI SHES RAB CHEN PO YANG YIN TE, THEG PA DMAN PA LAS 'DAS PA'I PHYIR RO, ,DE NI SNANG BA YANG YIN TE, DE MI SHES PA'I MUN PA'I GNYEN PO YIN PA'I PHYIR TE, DE'I TSE NA DE LA MKHAS PA YIN NO, ,'JIG RTEN LAS 'DAS PA'I YE SHES KYI RJES LA THOB PA SHES PAS CHOS KYI RNAM GRANGS KYI DON RTOGS PAR @107A *, ,BYED PAS BSGOM PA'I LAM RTZOM ZHING 'THOB PA NI GANG GI PHYIR, SHIN TU BRTAGS PA'I YE SHES KYI SGO LA 'JUG PAR BYA BA'I PHYIR ZHES GSUNGS PA'O, ,DE LA GNAS PA'I BYANG CHUB SEMS DPA' LA BYANG CHUB MI 'THOB PA'I NYES PA LNGA YOD DE, PHAS KYI RGOL BA TSAR GCOD PAR MI NUS PA NI GANG GIS NA PHAS KYI RGOL BA RNAMS KYIS DE YANG RANG GI PHYOGS LAS BSGYUR DU RUNG BA DANG, PHA ROL YANG GZHAN DU BKRIR RUNG BA'O, ,DRIS PA'I LAN 'DEBS MI NUS PA NI GANG GIS DRIS NA DE RMONGS PA DANG, PHA ROL YANG 'JUG PAR MI BYED PA'O, ,THEG PA DMAN PA 'DOD PA NI GANG GIS NA BDAG NYID KYANG BYANG CHUB CHEN PO MI 'THOB LA, GZHAN GYI DON YANG YAL BAR 'DOR BA'O, ,SEMS CAN YONGS SU SMIN PAR BYA BA LA LE LO BYED PA NI GANG GIS NA GZHAN GYI DON GTONG ZHING BDAG GI DGE BA'I RTZA BA GZHAN GYI DON BYED PA'I RGYU LAS BYUNG BA YANG MI THOB PA'O, ,THABS MI SHES PA NI GANG GIS NA SEMS CAN YONGS SU SMIN PAR BYED PA DANG, BYANG CHUB KYI TSOGS YONGS SU RDZOGS PAR BYED MI NUS PA'O, ,DE DAG GI GNYEN POR RTZOM ZHING 'THOB PA LNGA YOD PAR RIG PAR BYA STE, RANG GI PHYOGS KYI KHYAD PAR CI RIGS PAR YONGS SU BSTAN PA LA BAG TSAB MED PAR LAN 'DEBS PA'I SPOBS PA MUN PA MED PAS PHAS KYI RGOL BA TSAR GCOD NUS PA RTZOM ZHING 'THOB PA NI GANG GI PHYIR GNAS GZHAN RIGS SU RAB TU BRJOD PA LA BAG 'CHUMS PA MED PA'I SPOBS PAS SNANG BAR BYA BA'I PHYIR ZHES GSUNGS PA'O, ,SO SO YANG DAG PAR RIG PA'I SA SHES PAS MNGON SUM DU BYED PA DRIS PAS LAN 'DEBS NUS PA RTZOM ZHING 'THOB PA NI GANG GI PHYIR SO SO YANG DAG PAR RIG PA CHEN PO'I SA SHIN TU RTOGS PAR BYA BA'I PHYIR ZHES GSUNGS PA'O, ,BYANG CHUB TU SMON LAM BTAB PA'I PHYIR BYANG CHUB DRAN PA CHUD MI GSON PAS THEG PA DMAN PAR 'GRO BA'I GNYEN PO RTZOM ZHING 'THOB PA NI GANG GI PHYIR, BYANG CHUB KYI SEMS KYI DRAN PA BRJED PA MED PAR BYA BA'I PHYIR ZHES GSUNGS PA'O, ,SEMS CAN THAMS CAD KYI DON BYA BA LA YONGS SU MI SKYO BAS SEMS CAN GYI DON BYA BA LA LE LO BYED PA'I GNYEN PO RTZOM ZHING 'THOB PA NI GANG GI PHYIR, SEMS CAN GYI KHAMS THAMS CAD YONGS SU SMIN PAR BYA BA'I PHYIR ZHES GSUNGS PA'O, ,RIG PA'I GNAS LNGA DAG TU ZHUGS @107B PA'I RNAM PAR GTAN LA 'BEBS PA RTOGS PAR BYED PAS THABS MI SHES PA'I GNYEN POR RTZOM ZHING 'THOB PA NI GANG GI PHYIR THAMS CAD DU ZHUGS PA'I RNAM PAR GTAN LA 'BEBS PA THOB PAR BYA BA'I PHYIR ZHES GSUNGS PA'O, ,'DI NI GANG GI PHYIR BYIN GYIS BRLAB PA BSTAN PA'O, ,JI LTAR BYIN GYIS BRLAB CE NA, GSUNG DANG, THUGS DANG, SKUS SO, ,GSUNG GI BYIN GYIS BRLABS PA JI LTA BU ZHE NA, YANG RIGS KYI BU KHYOD CHOS RNAMS KYI SGO RAB TU DBYE BA LA MKHAS PAR 'GYUR BA'I CHOS KYI RNAM GRANGS 'DI LAS SANGS RGYAS KYI MTHUS DE BZHIN GSHEGS PA YE SHES SNANG BA'I BYIN GYI RLABS KYI DANG, RANG GI DGE BA'I RTZA BA YONGS SU DAG PA'I PHYIR DANG, CHOS KYI DBYINGS SBYANGS PA'I PHYIR DANG, SEMS CAN GYI KHAMS LA PHAN 'DOGS PA'I PHYIR DANG, CHOS KYI SKU YE SHES KYI SKU'I PHYIR DANG, SANGS RGYAS THAMS CAD KYIS DBANG BSKUR BA YANG DAG PAR NOD PA'I PHYIR DANG, 'JIG RTEN THAMS CAD LAS MNGON PAR 'PHAGS PA'I LUS 'BYUNG BA'I PHYIR DANG, 'JIG RTEN GYI 'GRO BA THAMS CAD LAS YANG DAG PAR 'DAS PA'I PHYIR DANG, 'JIG RTEN LAS 'DAS PA'I CHOS KYI 'GRO BA YONGS SU DAG PA'I PHYIR DANG, THAMS CAD MKHYEN PA'I YE SHES YONGS SU RDZOGS PA'I PHYIR SPOBS PAR GYIS SHIG CES BYA BA BCU PA 'DIS SO, ,DE LA SPOBS PA NI JI LTAR 'DRIS PA'I CHOS KYI DON MA BRJED PA'O, ,CHOS RNAMS KYI SGO DAG NI CHOS KYI RNAM GRANGS RNAMS SO, ,DE DAG GI RNAM PA THA DAD PA NI RAB TU DBYE BA'O, ,DE LA CHOS KYI RNAM GRANGS 'DIS MKHAS PAR 'GYUR BAS DE LA MKHAS PA'O, , SPOBS PA'I RTZA BA DE LA BRTEN NAS, SPOBS PA GZHAN RNAM PA GNYIS TE, GZHAN GYI MTHUS SPOBS PA DANG, RANG GI MTHUS SPOBS PA'O, ,DE LA GZHAN GYI MTHUS SPOBS PA NI SANGS RGYAS KYI MTHUS TE, JI LTAR SANGS RGYAS KYI MTHUS SHE NA, DE BZHIN GSHEGS PA'I YE SHES KYI MUN PA MED PAR BYIN GYIS BRLABS PA STE, GANG GI PHYIR DE BZHIN GSHEGS PA'I YE SHES SNANG BA'I BYIN GYI RLABS KYIS ZHES GSUNGS SO, ,DE LA RANG GI MTHUS SPOBS PA NI RNAM PA BZHI STE, 'DUS BYAS KYI DGE BA'I RTZA BA'I CHOS YONGS SU DAG PAS SPOBS PA NI GANG GI PHYIR RANG GI DGE BA'I RTZA BA YONGS SU DAG PA'I PHYIR @108A *, ,ZHES GSUNGS PA'O, ,'DUS MA BYAS KYI CHOS YONGS SU DAG PAS SPOBS PA NI GANG GI PHYIR CHOS KYI DBYINGS YONGS SU SBYANGS PA'I PHYIR ZHES GSUNGS PA'O, ,SEMS CAN YONGS SU SMIN PAR BYED PA'I YONGS SU DAG PAS SPOBS PA NI GANG GI PHYIR SEMS CAN GYI KHAMS PHAN 'DOGS PA'I PHYIR ZHES GSUNGS PA'O, ,GNAS YONGS SU DAG PAS SPOBS PA NI GNAS YONGS SU DAG PA DE YANG MTHAR PHYIN PA RNAM PA GSUM GYIS RAB TU PHYE BA STE, BYANG CHUB SEMS DPA'I MTHAR PHYIN PA PHAN YON GNYIS DANG LDAN PA DANG, NYAN THOS DANG RANG SANGS RGYAS DANG, THUN MONG PA'I MTHAR PHYIN PA DANG, DE BZHIN GSHEGS PA'I MTHAR PHYIN PA'O, ,DE LA MTHAR PHYIN PA DANG PO NI CHOS KYI SKU SEMS DANG YID DANG, RNAM PAR SHES PA SPANGS PA YE SHES 'BA' ZHIG GIS GNAS TE GANG GI PHYIR CHOS KYI SKU YE SHES KYI SKU'I PHYIR ZHES BYA BA GSUNGS PA'O, ,DE'I PHAN YON RNAM PA GNYIS NI TSE 'DI LA SANGS RGYAS KYIS DBANG BSKUR BA YANG DAG PAR NOD PA DANG, TSE PHYI MA LA DBANG PHYUG CHEN PO'I GNAS SU SKYE BA STE, GANG GI PHYIR SANGS RGYAS THAMS CAD KYIS DBANG BSKUR BA YANG DAG PAR NOD PA'I CHOS KYI 'GRO BA YONGS SU DAG PA'I PHYIR DANG, 'JIG RTEN THAMS CAD LAS MNGON PAR 'PHAGS PA'I LUS 'BYUNG BA'I PHYIR ZHES GSUNGS PA'O, ,MTHAR PHYIN PA GNYIS PA NI 'GRO BA LNGA LAS YANG DAG PAR 'DAS PA DANG, MYA NGAN LAS 'DAS PA'I LAS LAM YONGS SU DAG PA STE, GANG GI PHYIR 'JIG RTEN GYI 'GRO BA THAMS CAD LAS YANG DAG PAR 'DAS PA'I PHYIR DANG, 'JIG RTEN LAS 'DAS PA'I CHOS KYI 'GRO BA YONGS SU DAG PA'I PHYIR ZHES GSUNGS SO, ,MTHAR PHYIN PA GSUM PA NI SHES BYA THAMS CAD LA SGRIB PA MED PA'I YE SHES YONGS SU RDZOGS PA STE GANG GI PHYIR THAMS CAD MKHYEN PA'I YE SHES YONGS SU RDZOGS PA'I PHYIR ZHES GSUNGS PA'O, ,GONG NAS GONG DU RANG GI MTHUS SPOBS PA KHYAD PAR DU 'GYUR BAR RIG PAR BYA STE, GSUNG GIS BYIN GYIS BRLABS PA NI DE LTA BU YIN NO, ,THUGS KYIS BYIN GYIS BRLABS PA JI LTA BU ZHEN, DE NAS SANGS RGYAS BCOM LDAN 'DAS DE DAG GIS BYANG CHUB SEMS DPA' RDO RJE'I SNYING PO LA ZIL GYIS MI NON PA'I LUS NYID NYE BAR SGRUB PAR MDZAD DE, THOB @108B PA MED PA'I SPOBS PAS STON PA DANG, SHIN TU RNAM PAR SBYANGS PA'I YE SHES KYIS SHIN TU RNAM PAR PHYE BA LA 'JUG PA DANG, BRJED PA MED PA'I BYIN RLABS DANG, SHIN TU RNAM PAR NGES PA'I BLO GROS LA MKHAS PA DANG, THAMS CAD KYI RJES SU SONG BA'I BLO MI 'DOR BA NYID DANG, YANG DAG PAR RDZOGS PA'I SANGS RGYAS KYI STOBS BRDZI BA MED PA NYID DANG, DE BZHIN GSHEGS PA'I STOBS DANG, MI 'JIGS PA ZHUM PA MED PA NYID DANG, THAMS CAD MKHYEN PA'I YE SHES KYIS SO SO YANG DAG PAR RIG PAR RNAM PAR DBYE BAS CHOS KYI TSUL LA RTOG PA DANG, DE BZHIN GSHEGS PA'I SKU DANG, GSUNG DANG, THUGS KYI RGYAN SHIN TU RNAM PAR PHYE BA THAMS CAD MNGON PAR SGRUB PAR MDZAD DO ZHES BYA BA BCU PA 'DIS SO, ,ZIL GYIS MI NON PA'I LUS DE YANG RNAM PA GNYIS TE, BLA NA MED PA'I DPAL GYIS GZI BRJID DANG LDAN ZHING RANG GI 'KHOR LA RGYAL PO LTA BU DANG, SPOBS PA ZIL GYIS MI NON PA'I LUS TE, SNGA MA NI GZUGS KYI SKU'I BYE BRAG GIS SO, ,PHYI MA NI MING GI TSOGS KYI BYE BRAG GIS SO, ,DE YANG RNAM PA DGU STE, RGYUN CHAGS SU THOGS PA MED PA STON PAS THOGS PA MED PA'I SPOBS PA NI GANG GI PHYIR, THOGS PA MED PA'I SPOBS PAS STON PA ZHES GSUNGS PA'O, , RIG PA RNAM PA BZHI SHES PA SHIN TU RNAM PAR BYANG BAR BYAS PAS RIG PA GANG GIS GANG RIGS SAM MI RIGS PA DE KHONG DU CHUD PA'I PHYIR RIGS PA'I SPOBS PA NI, LTOS PA DANG NI CHOS NYID DANG, ,RGYU DANG 'BRAS BU NYID DANG YANG, ,'THAD PAS SGRUB PA GANG YIN PA, ,RIGS PA RNAM PA BZHIR DGONGS SO,, ZHES BYA BAR RIGS PA RNAM PA BZHI STE, GANG GI PHYIR, SHIN TU RNAM PAR SBYANGS PA'I YE SHES KYI RNAM PAR PHYE BA LA 'JUG PA ZHES GSUNGS PA'O, ,GO RIMS LA MI LTOS PAR GTAM GYIS BAR DU GCOD KYANG JI LTAR 'DOD PA BZHIN DU DE DANG DE NAS TSIG 'BRU DANG, DON RJES SU DRAN PAS GROL BA'I SPOBS PA NI GANG GI PHYIR, BRJED PA MED PA'I BYIN GYI RLABS ZHES GSUNGS PA STE, BRJED PA MED PA'I BYIN GYI RLABS DE NI GANG GIS DE LA BYIN GYIS RLOBS PA'O, ,GDUL BYA JI LTA BA BZHIN DU RNAM GRANGS DANG DPE SNA TSOGS KYI THE TSOM GCOD PAS GO BAR BYED PA'I SPOBS PA NI GANG GI PHYIR, SHIN TU RNAM PAR NGES PA'I BLO @109A *, ,GROS LA MKHAS PA ZHES GSUNGS PA'O, ,SPYI'I MTSAN NYID RNAM PA GSUM GYIS RNAM PAR SHES PA RGYUN MI 'CHAD PAR MNGON DU BYED PAS KUN NAS NYON MONGS PA CAN MA YIN PA'I SPOBS PA NI GANG GI PHYIR, THAMS CAD KYI RJES SU SONG BA'I BLO MI 'DOR BA ZHES GSUNGS PA'O, ,SANGS RGYAS DANG LDAN PA'I STOBS BCU PO THOGS PA MED PAS GDUL BYA'I KUN NAS NYON MONGS PA YANG DAG PAR 'JOMS PAS NGES PAR 'BYIN PA'I GDAMS NGAG GI SPOBS PA NI GANG GI PHYIR, YANG DAG PAR RDZOGS PA'I SANGS RGYAS KYI STOBS BRDZI BA MED PA NYID CES GSUNGS PA'O, ,SANGS RGYAS LA NGES PA'I MI 'JIGS PA ZHUM PA MED PAS PHAS KYIS RGOL BAS MI 'JIGS PA'I SPOBS PA NI GANG GI PHYIR, DE BZHIN GSHEGS PA'I STOBS DANG, MI 'JIGS PA ZHUM PA MED PA NYID CES GSUNGS PA'O, ,SANGS RGYAS KYI YE SHES SU GTOGS PA'I SO SO YANG DAG PAR RIG PA'I RAB TU DBYE BAS, MDO'I SDE LA SOGS PA'I CHOS RNAMS KYI TSUL DRUG LA RTOG PAS MI ZAD PA'I SPOBS PA NI GANG GI PHYIR, THAMS CAD MKHYEN PA'I YE SHES KYI SO SO YANG DAG PAR RIG PA'I RNAM PAR DBYE BAS CHOS KYI TSUL LA RTOG PA ZHES GSUNGS PA'O, ,SKU LA SOGS PA'I CHO 'PHRUL SANGS RGYAS DANG 'BREL PA GDUL BYA THA DAD PAS THA DAD PA THAMS CAD MNGON DU MDZAD PA LA MNGA' PAS CHO 'PHRUL DANG BCAS PA'I SPOBS PAS ZIL GYIS MI NON PA'I LUS NYID NI, GANG GI PHYIR DE BZHIN GSHEGS PA'I SKU DANG GSUNG DANG THUGS KYI RGYAN SHIN TU RNAM PAR PHYE BA THAMS CAD MNGON PAR SGRUB PA NYID NYE BAR SGRUB PAR MDZAD DO ZHES GSUNGS PA'O, ,CI'I PHYIR SANGS RGYAS BCOM LDAN 'DAS DE DAG MTHU MNGA' ZHING THUGS BRTZE BA DANG LDAN YANG DE NYID LA ZIL GYIS MI NON PA'I LUS RNAM PA BCU PO DE DAG NYE BAR SGRUB PA MDZAD KYI, GZHAN DAG LA MA YIN ZHE NA, 'DI LTAR DE NI TING NGE 'DZIN 'DI NYID KYI CHOS NYID THOB PA ZHES BYA BA GSUNGS PA STE, TING NGE 'DZIN GYI MTHU THOB PA DE NI GZHAN DAG LA MED DO, ,CHOS NYID THOB PA DE YANG GNYIS KYIS RAB TU PHYE BA STE, SNGON GYI MNGON PAR 'DU BYED PAS 'PHANGS PA NI, GANG GI PHYIR SNGON GYI SMON LAM GYI MNGON PAR BSGRUB PA'I PHYIR ZHES GSUNGS PA'O, ,TING NGE 'DZIN GYI RTEN GYI YON TAN YONGS SU 'DZIN PA NI TING NGE 'DZIN GYI RTEN GYI @109B YON TAN YONGS SU 'DZIN PA DE YANG RANG GI DON DANG, GZHAN GYI DON LA BRTZAMS NAS RNAM PA BRGYAD DU RIG PAR BYA STE, BYANG CHUB SEMS DPA'I MTHAR PHYIN PA'I LHAG PA'I BSAM PAS GZHIR RNAM PAR DAG PA NI GANG GI PHYIR, LHAG PA'I BSAM PA SHIN TU YONGS SU SBYANGS PA'I PHYIR ZHES GSUNGS PA'O,, DE LA LHAG PA'I BSAM PA NI DAD PA DANG 'DUN PA STE, DGE BA'I CHOS THAMS CAD KYI GZHI YIN PA'I PHYIR RO, ,BYANG CHUB SEMS DPA'I MTHAR PHYIN PA'I BSGOM PA'I DE BZHIN NYID LA DMIGS PA'I YE SHES KYIS SHES RAB RNAM PAR DAG PA NI GANG GI PHYIR YE SHES KYI DKYIL 'KHOR LEGS PAR SBYANGS PA'I PHYIR ZHES GSUNGS PA STE, YE SHES DE NI MNYAM PAR GZHAG PAS NANG DU KUN NAS BZLUMS PA'I PHYIR DANG, DE BZHIN NYID LA DMIGS PAS 'OD ZER GCIG TU SDUG PA'I PHYIR DKYIL 'KHOR ZHES BYA STE, NYI MA'I DKYIL 'KHOR BZHIN NO, ,TSE RABS GCIG NAS GCIG TU BRGYUD PA DAG NA TSOGS SHIN TU RDZOGS PAR BYAS PAS RGYUD YONGS SU SMIN PAR RNAM PAR DAG PA NI GANG GI PHYIR TSOGS SHIN TU BSAGS PA ZHES GSUNGS PA'O, ,NYON MONGS PA KUN TU 'BYUNG BA LAS SHIN TU RGYAL BAS SEMS LAS SU RUNG BA RNAM PAR DAG PA NI, GANG GI PHYIR YONGS SU SBYANG BA LEGS PA BYAS PA'I PHYIR ZHES GSUNGS PA'O, ,DE BZHIN GSHEGS PA'I GSANG BA'I CHOS THAMS CAD BSTAN PA 'DZIN NUS PAS THOS PA'I YONGS SU 'DZIN PA RNAM PAR DAG PA NI GANG GI PHYIR, DRAN PA TSAD MED PA'I SNOD YIN PA'I PHYIR ZHES GSUNGS PA'O, ,MNGON PAR SHES PA SBYANG BA LA DBANG THOB PAS MNGON PAR SHES PA RNAM PAR DAG PA NI, GANG GI PHYIR MOS PA 'OD GSAL BA RNAM PAR SBYANGS PA'I PHYIR ZHES GSUNGS PA STE, MNGON PAR SHES PA RNAMS NI MOS PAS RAB TU PHE BA YIN PA'I PHYIR DE SMOS PAR 'GYUR RO, ,GZUNGS KYI SGO 'GAL BA MED PA SHIN TU RTOGS PAS SPOBS PA RNAM PAR DAG PA NI GANG GI PHYIR, GZUNGS KYI SGO THA DAD PA MED PA LEGS PAR RTOGS PA'I PHYIR ZHES GSUNGS PA STE, DE LA YI GE'I PHYI MO RNAMS JI SNYED PAR GZUNGS KYI SGO RNAMS KYANG DE SNYED DO, ,YI GE'I SGO DE DANG DES SNGON DU 'GRO BA'I MING DANG TSIG DANG YI GE'I TSOGS RNAMS 'DZIN PA'I PHYIR RO, ,DE DAG THA DAD PA MED PA NI SNGA PHYI MI 'GAL BA'O, ,DON DAM PA SHES @110A *, ,PAR BYA BA'I GDAMS NGAG BSLU BA MED PAS MNGON PA'I NGA RGYAL MED PA YANG RNAM PAR DAG PA NI GANG GI PHYIR, CHOS KYI DBYINGS SHES PA'I PHYAG RGYAS LEGS PAR BTAB PA'I PHYIR RO ZHES GSUNGS PA'O, ,DE LA RANG GI DON LA BRTZAMS PA NI TING NGE 'DZIN GYI RTEN GYI YON TAN YONGS SU 'DZIN PA RNAM PA BZHI PO GANG YIN PA LHAG PA'I BSAM PA SHIN TU YONGS SU SBYANGS PA'I PHYIR DANG, YE SHES KYI DKYIL 'KHOR LEGS PAR SBYANGS PA'I PHYIR DANG, TSOGS SHIN TU BSAGS PA'I PHYIR DANG, YONGS SU SBYANGS PA'I LEGS PAR BYAS PA'I PHYIR ZHES BYA BA MDO TSIG BZHI PO DE DAG GIS BRTZON 'GRUS RTZOM PA'I RGYU DANG, CHUD MI ZA BA'I RGYU DANG, PHUN SUM TSOGS PA RGYA CHEN PO THOB PA'I RGYU DANG, DE'I KUN NAS NYON MONGS PA MED PA'I RGYU BSTAN TE, GO RIMS BZHIN NO, ,GZHAN GYI DON LAS BRTZAMS PA RNAM PA BZHI PO GANG YIN PA DE LA DRAN PA TSAD MED PA'I SNOD YIN PA'I PHYIR ZHES BYA BA NI THE TSOM GCOD PA'I RGYU YIN NO, ,MOS PA 'OD GSAL BA RNAM PAR SBYANGS PA'I PHYIR ZHES BYA BA NI 'DUN PAR BYED PA'I RGYU YIN TE, MTHU'I KHYAD PAR YANG DAG PAR BSTAN PAS BSAM GYIS MI KHYAB PA'I GNAS LA MOS PAS 'JUG PAR 'GYUR BA'I PHYIR RO, ,GZUNGS KYI SGO THA DAD PA MED PA LEGS PAR RTOGS PA'I PHYIR ZHES BYA BA NI TSUL LA 'JUG PA'I RGYU YIN TE CHOS KYI TSUL NUB PA NA, STON PA GZHAN GYI GSUNG RAB LA 'JUG PA'I PHYIR RO, ,CHOS KYI DBYINGS SHES PA'I PHYAG RGYAS LEGS PAR BTAB PA'I PHYIR ZHES BYA BA NI NGES PAR 'BYIN PA'I GDAMS NGAG GI RGYU YIN TE, GDUL BYA RNAMS KYI RANG GI DON THOB PA CHUD MI ZA BA'I PHYIR RO, ,THUGS KYI BYIN GYIS BRLABS PA DE NI DE LTA BU YIN NO, ,SKUS BYIN GYIS BRLABS PA JI LTA BU ZHE NA, PHYAG GIS REG PAR MDZAD PA STE GANG GI PHYIR, DE NAS SANGS RGYAS BCOM LDAN 'DAS DE RNAMS DE DAG NA BZHUGS BZHIN DU RDZU 'PHRUL GYI MTHUS PHYAG G-YAS PA RNAM PAR BRKYANG STE, BYANG CHUB SEMS DPA' RDO RJE'I SNYING PO'I MGO LA NYUG PAR MDZAD DO ZHES GSUNGS PA'O, ,DE DAG NA BZHUGS BZHIN DU ZHES BYA BA NI MTHU'I KHYAD PAR BSTAN PA'I PHYIR TE, 'DI NA BZHUGS PA NI NGO MTSAR MI CHE'O, ,RDZU 'PHRUL GYI MTHUS ZHES BYA BA NI, MTHU GZHAN GYIS MA YIN PA DANG, LHAN CIG BYUNG BA RNAM PAR SMIN PA'I RDZU @110B 'PHRUL GYIS KYANG MA YIN PA'O, ,SANGS RGYAS BCOM LDAN 'DAS DE DAG GIS BYANG CHUB SEMS DPA' RDO RJE'I SNYING PO LA REG MA THAG TU DE NAS DE'I MOD LA TING NGE 'DZIN DE LAS LANGS NAS BYANG CHUB SEMS DPA' DE DAG LA SMRAS PA, KYE RGYAL BA'I SRAS DAG BYANG CHUB SEMS DPA'I SMON LAM 'DI NI SHIN TU RNAM PAR NGES PA STE, THA MI DAD PA, BLTAR MI MTHONG BA, CHOS KYI DBYINGS SHIN TU RGYAS PA, NAM MKHA'I KHAMS KYI MTHAS GTUGS PA, PHYI MA'I MTHA'I MUR THUG PA, SEMS CAN GYI KHAMS THAMS CAD KYI DPUNG GNYEN YIN TE, KYE RGYAL BA'I SRAS DAG DES NI BYANG CHUB SEMS DPA' RNAMS 'DAS PA'I SANGS RGYAS KYI YE SHES KYI SA LA YANG 'JUG ,MA BYON PA'I SANGS RGYAS BCOM LDAN 'DAS RNAMS KYI YE SHES KYI SA LA YANG 'JUG ,DA LTAR BYUNG BA'I SANGS RGYAS BCOM LDAN 'DAS RNAMS KYI YE SHES KYI SA LA'ANG 'JUG GO, ,KYE RGYAL BA'I SRAS DAG BCU PO 'DI DAG NI BYANG CHUB SEMS DPA' RNAMS KYI BYANG CHUB SEMS DPA'I SA RNAMS TE, GANG LAS BSAMS NAS BDAG GIS DE SKAD DU SMRAS PA DE DAG NI 'DAS PA DANG, MA BYON PA DANG, DE LTAR BYUNG BA'I SANGS RGYAS BCOM LDAN 'DAS RNAMS KYIS GSUNGS SO, ,GSUNG NGO, ,GSUNG BAR 'GYUR RO, ,BCU GANG ZHE NA, 'DI LTA STE, BYANG CHUB SEMS DPA'I SA RAB TU DGA' BA ZHES BYA BA DANG, DRI MA MED PA ZHES BYA BA DANG, 'OD BYED PA ZHES BYA BA DANG, 'OD 'PHRO CAN ZHES BYA BA DANG, SHIN TU SBYANG DKA' ZHES BYA BA DANG, MNGON DU GYUR ZHES BYA BA DANG, RING DU SONG ZHES BYA BA DANG, MI G-YO BA ZHES BYA BA DANG, LEGS PA'I BLO GROS CAN ZHES BYA BA DANG, BYANG CHUB SEMS DPA'I SA CHOS KYI SPRIN ZHES BYA BA STE, KYE RGYAL BA'I SRAS DAG GANG DAG 'DAS PA DANG, MA BYON PA DANG, DA LTAR BYUNG BA'I SANGS RGYAS BCOM LDAN 'DAS RNAMS KYIS GSUNGS PA DANG, GSUNG BA DANG GSUNG BAR 'GYUR BA NI BYANG CHUB SEMS DPA' RNAMS KYI BYANG CHUB SEMS DPA'I SA BCU PO 'DI DAG YIN NO, ,KYE RGYAL BA'I SRAS DAG BDAG GIS NI GANG NA DE BZHIN GSHEGS PA RNAMS BYANG CHUB SEMS DPA'I SA BCU PO 'DI DAG MI GSUNG BA'I SANGS RGYAS KYI ZHING RAB 'BYAM DE MA MTHONG NGO, ,DE CI'I PHYIR ZHE NA, KYE RGYAL BA'I SRAS DAG GANG 'DIS RAB TU DBYE BA RNAM PAR DGONG @111A *, ,PAR BSTAN PA BYANG CHUB SEMS DPA' SEMS DPA' CHEN PO RNAMS KYI BYANG CHUB SEMS DPA'I LAM YONGS SU SBYONG BA CHOS KYI SGO SNANG BA 'DI YANG DAG PHUL YIN PA'I PHYIR RO, ,KYE RGYAL BA'I SRAS DAG GANG 'DIS RNAM PAR DGOD PA SHES PA'I GNAS 'DI NI BSAM GYIS MI KHYAB PA'O ZHES BYA BA LA, TING NGE 'DZIN DE LAS LANGS NAS ZHES BYA BA NI MTHU'I KHYAD PAR THOB PAS TING NGE 'DZIN GYI BYA BA YONGS SU RDZOGS PA'I PHYIR DANG, BSHAD PA'I BYA BA YANG NYE BAR GNAS PA'I PHYIR TE, MNYAM PAR GZHAG BZHIN DU 'CHAD MI NUS SO, ,CI'I PHYIR GSOL BA MA BTAB PAR 'CHAD PA RTZOM ZHE NA, DE LTAR MA BYAS NA 'CHAD 'DOD PA NYID YIN PA DANG, CI ZHIG 'CHAD 'DOD PAR MI SHES PA'I PHYIR RO, ,SA BSHAD PA DE LA SEMS BSKYED PA SMOS PA, GANG YIN PA DE NYID BSTAN PA 'DIR SMON LAM YIN PAR RIG PAR BYA'O, ,'DI NI ZHES BYA BA NI SA DANG POR CHUD PA YIN GYI MOS PAS SPYOD PAS BSDUS PA NI MA YIN NO, ,SHIN TU RNAM PAR NGES PA NI DON DAM PA SHES PA LA GNAS PA'I PHYIR RO, ,SHIN TU NGES PA NYID SHIN TU RNAM PAR NGES PA'O, ,SHIN TU RNAM PAR NGES PA NYID KYANG RNAM PA DRUG TU RIG PAR BYA STE, DE BZHIN NYID LA DMIGS PA RO GCIG PA'I RNAM PA YIN PAS DMIGS PA'I RNAM PA SHIN TU RNAM PAR NGES PA NYID NI GANG GI PHYIR THA DAD PA MED PA ZHES GSUNGS PA'O, ,'JIG RTEN LAS 'DAS PA NYID YIN PA'I PHYIR 'JIG RTEN THAMS CAD KYI YUL MA YIN PAS NGO BO NYID KYIS SHIN TU RNAM PAR NGES PA NYID NI, GANG GI PHYIR BLTAR MI MTHONG BA ZHES GSUNGS PA'O, ,CHOS CHEN PO'I DBYINGS NYID YIN PAS SANGS RGYAS KYI CHOS THAMS CAD KYI RTZA BA YIN PA'I PHYIR, GTZO BOR SHIN TU RNAM PAR NGES PA NYID NI GANG GI PHYIR CHOS KYI DBYINGS SHIN TU RGYAS PA ZHES GSUNGS PA STE, CHEN PO DANG, GTZO BO DANG, MCHOG DANG, SHIN TU RGYAS PA ZHES BYA BA NI RNAM GRANGS DAG GO, ,CHOS NI MTSAN NYID 'DZIN PAS CHOS THAMS CAD CHOS ZHES BYA BA'I PHYIR RO, ,YANG CHOS KYI DBYINGS LA CHE BA STE, SO SO'I SKYE BO LA SOGS PA DE BZHIN NYID LA DMIGS PA'I SHES PA GZHAN RNAM PAS MCHOG TU GYUR PA'I PHYIR TE, RNAM PAR DAG PA'I CHOS LA CHOS ZHES BYA BA'I PHYIR RO, ,YANG DE'I DBYINGS NI CHOS CHEN PO STE, YONGS SU SNANG BAR BYA BA'I @111B SA'O, ,'DI LTA STE, THEG PA CHEN PO STE, BSHAD PA'I CHOS LA CHOS ZHES BYA BA'I PHYIR RO, ,YANG DE'I DBYINGS NI CHOS CHEN PO DKAR PO'I DBYINGS TE, DGE PA'I PHYR CHOS ZHES BYA BA'I PHYIR RO, ,RGYU NNYI DU SHIN TU RNAM PAR NGES PA NYID NI RNAM PA GNYIS SO, ,RGYU NYID NI NAM MKHA' LTA BU STE, DE LA BRTEN NAS BYUNG BA'I GZUGS RNAMS KYIS ZAD PA MED PA'I PHYIR 'BRAS BU MI RTAG PA SDUG PA 'GRUB PA'I RGYU NYID DU SHIN TU RNAM PAR NGES PA NYID NI GANG GI PHYIR NAM MKHA'I MTHAS GTUGS PA ZHES GSUNGS PA'O, ,MYA NGAN LAS 'DAS PA LA GZHOL BA'I PHYIR 'BRAS BU RTAG PA'I RGYU NYID DU SHIN TU RNAM PAR NGES PA NYID NI GANG GI PHYIR PHYI MA'I MTHA'I MUR THUG PA ZHES GSUNGS PA'O, ,GZHAN GYI DON LA ZHUGS PAS CHE BA NYID DU SHIN TU RNAM PAR NGES PA NYID NI GANG GI PHYIR SEMS CAN GYI KHAMS THAMS CAD KYI DPUNG GNYEN YIN TE ZHES GSUNGS PA'O, ,SHIN TU RNAM PAR NGES PA BRJOD MA THAG PA DANG, 'DI GNYIS KYIS NI SMON LAM DE 'KHOR BA DANG MYA NGAN LAS 'DAS PA LA GCIG TU NGES PAR GNAS PA MA YIN PA NYID DU BSTAN TO, ,SANGS RGYAS THAMS CAD KYI YE SHES KYI SA LA 'JUG PA ZHUM PA MED PAS ZHUM PA MED PA NYID DU SHIN TU RNAM PAR NGES PA NYID DE, DE NI BYANG CHUB SEMS DPA'I SA BCU PO DE DAG KHO NA YIN TE, SANGS RGYAS KYI YE SHES YANG DAG PAR 'GRUB PA'I RTEN YIN PA'I PHYIR RO, ,'DIR YANG SHIN TU RNAM PAR NGES PA NI YAN LAG GO, ,LHAG MA NI NYE BA'I YAN LAG GO, ,DE GNYIS SHIN TU RNAM PAR NGES PA NYID KYI PHYIR MTSAN NYID 'DRA BA'O, ,RNAM PA GZHAN NYID KYI PHYIR MTSAN NYID MI 'DRA BA'O, , 'DU BA NI BSDUS PA STE, YAN LAG GI DNGOS PO BSTAN PA'I PHYIR RO, ,RGYAS PA NI RNAM PA DBYE BA STE, NYE BA'I YAN LAG GI RNAM PA BSTANPA'I PHYIR TE, 'JIG RTEN GYIS KHAMS 'JIG PA DANG 'CHAGS PA BZHIN NO, ,CI'I PHYIR BYANG CHUB SEMS DPA' RNAMS KYI SA BCU PO DE DAG RNAM PAR GZHAG CE NA, DE MI MTHUN PA'I PHYOGS SA BCU PO DAG GI GNYEN PO BCU STE, DE MI MTHUN PA'I PHYOGS RNAMS GANG ZHE NA, SO SO'I SKYE BO NYID DANG, LUS LA SOGS PAS SEMS CAN RNAMS LA LOG PAR SGRUB PA DANG, THOS PA DANG, BSAM PA DANG, BSGOM PA'I CHOS RNAMS BRJED PAS MUN PA'I TSUL CAN NYID @112A *, ,DANG; 'JIG TSOGS LA LTA BA LA SOGS PAS BSDUS PA LHAN CIG SKYES PA'I NYON MONGS PA PHRA MO KUN DU 'BYUNG BA DE YANG PHRA BA'I RNAM PA YIN PA'I PHYIR DANG, RANG GI YID LA BYED PA LA DMIGS PA YIN PA'I PHYIR DANG, KUN DU 'BYUNG BA RING DU SONG BA YIN PA'I PHYIR PHRA BAR RIG PAR BYA BA DANG, THEG PA DMAN PAS YONGS SU MYA NGAN LAS 'DA' BA DANG, MTSAN MA RAGS PA KUN DU 'BYUNG BA DANG, MTSAN MA PHRA BA KUN DU 'BYUNG BA DANG, MTSAN MA MED PA NYID DU MNGON PAR 'DU BYED PA DANG, SEMS CAN GYI DON BYA BA LA MNGON PAR 'DU BYED PA MED PA DANG, CHOS RNAMS LA DBANG MA THOB PA'O, ,CI'I PHYIR SA BCU PO RNAMS RAB TU DGA' BA ZHES BYA BA LA SOGS PAR RNAM PAR GZHAG CE NA, BDAG DANG GZHAN GYI DON PHUN SUM TSOGS PA'I GNAS 'PHAGS PA NYID BLA NA MED PA THOG MAR THOB PAS MCHOG TU DGA' BA RGYA CHE BA'I PHYIR RAB TU DGA' BA'O, ,'CHAL BA'I TSUL KHRIMS KUN NAS SLONG BA NYON MONGS PA'I DRI MA THAMS CAD SEL BA'I TSUL KHRIMS RNAM PAR DAG PA'I PHYIR DRI MA MED PA'O, ,JI LTAR THOS PA LA SOGS PA'I CHOS SNANG BAR 'GYUR BA'I PHYIR 'OD BYED PA STE, DE MA BRJED PA'I PHYIR RO, ,NYON MONGS PA'I SHING BSREGS PA'I YE SHES DANG LDAN PA'I PHYIR 'OD 'PHRO BA CAN NO, ,'JIG RTEN LAS 'DAS PA'I CHOS THAMS CAD LA MKHAS PAS MNAN PAR SHIN TU DKA' BA'I PHYIR SHIN TU SBYANG DKA'O, ,SHES RAB KYI PHA ROL TU PHYIN PA LA GNAS PA MNGON DU BYED DE, BAR CHAD DANG BCAS PAR MANG DU MNGON DU BYED PA'I PHYIR MNGON DU GYUR TO, ,MTSAN MA MED PA LA GNAS PAR SBYOR BA'I MTHAR PHYIN PAR 'GRO BA'I PHYIR DANG; 'JIG RTEN PA DANG 'JIG RTEN LAS 'DAS PA'I LAM DMAN PA LAS SHIN TU 'DA' BA'I PHYIR RING DU SONG BA'O, ,RNAM PAR SMIN PA KHO NA STE, RANG GI NGANG GIS MTSAN MA MI 'BYUNG BAS MI G-YO BA'O, ,SO SO YANG DAG PAR RIG PA'I STOBS KYIS CHOS STON TE, GZHAN GYI DON BYED PA DANG LDAN PA'I PHYIR LEGS PA'I BLO GROS CAN NO, ,CHOS LA DBANG CHEN PO'I GNAS SU GYUR PA'I PHYIR CHOS KYI SPRIN TE, RGYAL BU RGYAL TSAB TU DBANG BSKUR PA DANG RANG GI RGYAL SRID LA DBANG THOB PA LTAR CHOS KYI RJE NYID DU DBANG BSKUR BA'I PHYIR RO, ,DE LA GNAS PA LA YANG SHES BYA'I SGRIB PA'I BAG YOD PAS RANG DBANG MED PA NI MI MTHUN PA'I PHYOGS TE, DE'I @112B GNYEN POR DE BZHIN GSHEGS PA'I SA RNAM PAR GZHAG GO, ,DE LAS 'DI DAG NI SGRIB PA DANG BCAS PA'I PHYIR BYANG CHUB SEMS DPA' RNAMS KYI SA BCU'I GNAS SKABS NI MNGAL NA GNAS PA'I GNAS SKABS DANG 'DRA BA'I RIG PAR BYA'O, ,SHES BYA'I SPYOD YUL THAMS CAD NYAMS SU MYONG BAS SANGS RGYAS KYI GNAS SKABS NI 'BRAS BU YONGS SU GRUB PAS BTZAS PA'I GNAS SKABS DANG 'DRA STE, BTZAS PA NI DBANG PO'I SPYOD YUL THAMS CAD NYAMS SU MYONG BA BZHIN NO, ,DE LA MNGAL NA GNAS PA'I GNAS SKABS BCU NI, NUR NUR PO'I LUS KYI GNAS SKABS DANG, MER MER PO'I LUS KYI GNAS SKABS DANG, NYOL NYOL PO'I LUS KYI GNAS SKABS DANG, SHA MA KHRANG BA'I LUS KYI GNAS SKABS DANG, LUS DANG MTHUN PA'I LUS KYI GNAS SKABS DANG, RANG BZHIN DANG MTHUN PA'I LUS KYI GNAS SKABS DANG, LAS DANG BCAS PA'I LUS KYI GNAS SKABS DANG, YONGS SU RDZOGS PA'I LUS KYI GNAS SKABS NI RNAM PA GSUM STE, DBANG PO YONGS SU RDZOGS PA DANG, MTSAN YONGS SU RDZOGS PA DANG, CHU ZHENG YONGS SU RDZOGS PA STE, SA RNAMS NI DE DAG DANG 'DRA BAR RIG PAR BYA'O, ,KYE RGYAL BA'I SRAS DAG BDAG GIS NI GANG NA DE BZHIN GSHEGS PA RNAMS BYANG CHUB SEMS DPA'I SA BCU PO 'DI DAG MI GSUNG BA'I SANGS RGYAS KYI ZHING RAB 'BYAM DE MA MTHONG NGO, ,DE CI'I PHYIR ZHE NA, KYE RGYAL BA'I SRAS DAG GANG 'DIS RAB TU DBYE BA RNAM PAR DGOD PA BSTAN PA BYANG CHUB SEMS DPA' SEMS DPA' CHEN PO RNAMS KYI BYANG CHUB SEMS DPA'I LAM YONGS SU SBYONG BA CHOS KYI SGO SNANG BA 'DI YANG DAG PHUL YIN PA'I PHYIR RO, ,KYE RGYAL BA'I SRAS DAG GANG 'DIS RNAM PAR DGOD PA SHES PA'I GNAS SKABS 'DI NI BSAM GYIS MI KHYAB PA'O, ,SANGS RGYAS THAMS CAD KYIS SANGS RGYAS KYI ZHING RAB 'BYAM THAMS CAD NA 'DI RNAMS GSUNG BA NYID DANG, CHOS KYI RNAM GRANGS 'DI YANG DAG PHUL NYID DU BRJOD PA STE, 'KHOR DE MGU BAR BYA BA'I PHYIR RO, ,DE LA SANGS RGYAS KYI ZHING NI DER 'BYUNG BA'I PHYIR TE, 'BRAS S'A LU'I ZHING BZHIN NO, ,RAB 'BYAM YANG DE YIN TE, SANGS RGYAS KYI MDZAD PA'I DON DU DE NAS 'JIG RTEN GYI KHAMS GZHAN DAG TU RAB TU SHES PA'I PHYIR RO, ,GSUNG BA ZHES BYA BA NI GSUNG BA RNAM PA GNYIS TE, @113A *, ,LUNG GI DON DU BSTAN PA DANG, KHONG DU CHUD PAR BYA BA'I PHYIR DANG, GDAMS NGAG RJES SU BSTAN PA'O, ,SEMS DPA' CHEN PO NI CHEN PO GSUM DU RIG PAR BYA STE, GO CHA CHEN PO DANG, 'JUG PA CHEN PO DANG, 'PHAGS PA CHEN PO'O, ,DE LA GO CHA NI SMON LAM 'DEBS PA'O, ,'JUG PA NI BYANG CHUB CHEN PO DER ZHUGS PA'O, ,'PHAGS PA NI LAM DER 'PHAGS PA'I BYANG CHUB SEMS DPA'I LAM YONGS SU SBYONG BA ZHES BYA BA 'DIS NI JI LTAR YANG DAG PHUL DU GYUR PA DE STON TO, ,'DI NI CHOS KYI SGO YANG YIN LA CHOS KYI SGO GZHAN RNAMS SNANG BAR GYUR PA YANG YIN TE, THEG PA CHEN PO'I DON THAMS CAD SNANG BA'I PHYIR CHOS KYI SGO SNANG BA'O, ,CHOS KYI SGO NI CHOS KYI RNAM GRANGS YIN PAR RIG PAR BYA'O, ,YANG DAG PHUL NI CHOS THAMS CAD PAS PHUL DU PHYIN TE MCHOG TU GYUR PA'I PHYIR RO, ,GANG 'DIS RAB TU DBYE BA RNAM PAR DGOD PA ZHES BYA BA NI CHOS KYI RNAM GRANGS 'JIG RTEN PA'I SHES PAS SHES PAR BYA BA YIN PAR STON TO, ,GANG 'DIS RNAM PAR DGOD PA SHES PA'I GNAS 'DI NI BSAM GYIS MI KHYAB PA'O ZHES BYA BA NI 'DIR 'JIG RTEN LAS 'DAS PA'I YE SHES YIN PAR STON TO, ,'DIS CI YONGS SU BSTAN PA YIN ZHE NA, SA RAB TU DBYE BA RNAM PAR DGOD PA TZAM GYIS NI 'DI BYANG CHUB SEMS DPA'I SA YONGS SU SBYONG BA MA YIN PAR RIG PAR BYA BAR STON TO,, ,,DE NAS BYANG CHUB SEMS DPA' RDO RJE'I SNYING POS BYANG CHUB SEMS DPA'I SA BCU PO DE DAG GI MING TZAM ZHIG BRJOD DE CANG MI SMRA BAR 'DUG NAS YANG RAB TU PHYE STE MA BSHAD PA DANG, DE NAS BYANG CHUB SEMS DPA'I 'KHOR THAMS CAD DANG LDAN PA DE BYANG CHUB SEMS DPA'I SA BCU PO DE DAG GI MING TZAM ZHIG THOS LA, SA'I RNAM PAR DBYE BA MA BRJOD PAS SKOM PAR GYUR NAS DE DAG 'DI SNYAM DU SEMS TE, 'DI LTAR BYANG CHUB SEMS DPA' RDO RJE'I SNYING POS BYANG CHUB SEMS DPA'I SA BCU PO DE DAG GI MING TZAM ZHIG BRJOD DE CANG MI SMRA BAR 'DUG NAS DUS YOL BAR BYED CING YANG RAB TU PHYE STE MI STON PAS DE LA RGYU NI GANG RKYEN NI CI ZHIG YOD SNYAM PA DANG, DE'I TSE BYANG CHUB SEMS DPA'I 'KHOR 'DUS PA DE NA BYANG CHUB SEMS DPA' SEMS DPA' CHEN PO RNAM PAR GROL BA'I ZLA BA ZHES BYA BA 'DUS SHING 'DUG STE, DE NAS BYANG CHUB SEMS DPA' @113B RNAM PAR GROL BA'I ZLA BAS BYANG CHUB SEMS DPA'I 'KHOR DE'I SEMS KYI BSAM PA'I RTOG PA YONGS SU SHES NAS TSIGS SU BCAD PA'I DBYANGS KYIS BYANG CHUB SEMS DPA' RDO RJE'I SNYING PO LA DRIS PA, KUN DU RTOG PA DAG GYUR BA, ,DRAN DANG YE SHES YON TAN LDAN, ,SA MCHOG BRJOD NAS CI YI PHYIR; ,KHYAB BDAG RAB TU BSHAD MI BGYI, ,'DI KUN RNAM PAR NGES PA STE, ,BYANG CHUB SEMS DPA' GRAGS CHEN LDAN, ,CI PHYIR KHYOD KYIS SA BRJOD NAS, ,RNAM PAR DBYE BA BSHAD MI BGYI, ,RGYAL BA'I SRAS PO DE DAG KUN, ,NYAN PAR 'DOD PAS 'JIGS PA MED, ,SA RNAMS DAG GI DON GYI TSUL, ,YANG DAG PHYE STE BSHAD PA MDZOD, ,'KHOR 'DI SHIN TU RNAM DANGS TE, ,LE LO MED CING MDZES DANG LDAN, ,DAG PA SNYING POR RAB GNAS PA, ,YON TAN YE SHES SHIN TU LDAN, ,THAMS CAD GUS DANG BCAS GNAS SHING, ,PHAN TSUN GCIG LA GCIG LTA STE, ,SBRANG MA'I SBRANG RTZI BDUD RTZI 'DRA, ,SPANG BAR BYA MIN 'DOD PA BZHIN, ,CI'I PHYIR CANG MI SMRA BAR 'GYUR ZHE NA, BYANG CHUB SEMS DPA' RNAMS NI CHOS BTZUN PAR 'DZIN PA STE, SKOM PAR GYUR PA RNAMS KYIS BSKUL BAS CHOS BTZUN PAR BYA BA'I PHYIR RO, ,CI'I PHYIR RNAM PAR GROL BA'I ZLA BAS THOG MA NYID DU BSKUL BA BRTZAMS SHE NA; DE NI 'KHOR DE'I GTZO BO YIN PA DANG, GZHAN DU CAL COL DU 'GYUR BA DANG, 'KHOR DE YANG 'DUS PAR 'GYUR BA'I PHYIR RO, ,CI'I PHYIR TSIGS SU BCAD PA'I DBYANGS KHO NA ZHE NA, YI GE NYUNG DU DAG GIS DON MANG DU BSDU BA'I PHYIR DANG, BSTOD PA DAG NI PHAL CHER TSIGS SU BCAD DE BYED PA'I PHYIR RO, , TSIGS SU BCAD PA LNGAS CI ZHIG YONGS SU BSTAN ZHE NA, 'CHAD PA PO DANG NYAN PA PO RNAMS LA SKYON GANG YOD NA, BSHAD PA'I 'OS MA YIN PA'I SKYON MED PA NYID STON TO, ,DE LA 'CHAD PA PO LA SKYON MED PA NI, KUN DU RTOG PA DAG GYUR PA, ,ZHES BYA BAS STON TO, ,NYAN PA PO CHOS MTHUN PA PO RNAMS NI RNAM PAR NGES PA NYID KYI PHYIR DANG, NYAN 'DOD PA'I PHYIR RO, ,GZHAN DAG NI SEMS RAB TU DANG BA'I PHYIR TE, 'DI'I NANG NA GANG SU YANG RUNG 'OS SU MA GYUR LA, MA GRAGS PA DE GCIG KYANG MED DO ZHES BSTAN PA'I PHYIR, THAMS CAD GUS DANG BCAS GNAS SHING, ,PHAN TSUN GCIG LA GCIG LTA STE, ,ZHES @114A *, ,BYA BAS GSUNGS SO, ,DE LA ZHAL NAS GSUNGS BA'I TSIGS SU BCAD PA'I GZHUNG NI PHAL CHER DUB PAS GZHUNG GANG GIS DE SHES PA RNAMS KYIS DON DE DMIGS PA NYID GZHUNG YIN NO, ,KUN DU RTOG PA DAG GYUR PA, ,DRAN DANG YE SHES YON TAN LDAN, ,SA MCHOG BRJOD NAS CI YI PHYIR, ,KHYAB BDAG RAB TU BSHAD MI BGYI, ,ZHES BYA BA LA, CI'I PHYIR KUN DU RTOG PA DAG PAR 'GYUR BA NYID KYIS STON ZHE NA, KUN DU RTOG PA RNAMS BSHAD PA'I RGYU YIN PA'I PHYIR RO, ,KUN DU RTOG PA RNAMS NI RNAM PAR RTOG PA RNAMS TE, DE DAG NI GANG DU BYED PA'O, ,DE'I PHYIR BSHAD PA'I RGYU NI DAG PAR GYUR NA CI'I PHYIR MI 'CHAD CES GSOL BA 'DEBS SO, ,KUN DU RTOG PA DAG PA DE YANG GNYEN PO YONGS SU 'DZIN PA DANG, NYES PA DANG BRAL BA GNYIS KYIS RAB TU PHYE BA YIN TE, DE LA DRAN DANG YE SHES LDAN PA NYID KYIS NI KUN DU RTOG PA NYON MONGS PA CAN RNAMS DANG, GZHI DE LAS BYUNG BA'I 'DU SHES RNAMS KYI GNYEN PO YONGS SU 'DZIN PA STON TO, ,DRAN PA NYE PAR GZHAG PA RNAMS NI KUN DU RTOG PA NYON MONGS PA CAN GYI GNYEN PO STE, DE DAG NI DRAN PA SMOS PAS STON TO, ,DE BZHIN NYID LA DMIGS PA'I YE SHES NI MTSAN MA MED PA'I PHYIR GZHI DE LAS 'BYUNG BA'I 'DU SHES KYI GNYEN PO STE, DE NI YE SHES SMOS PAS STON TO, ,LHAG MA RNAMS KYIS NI NYES PA DANG BRAL BA STON TO, ,DE LA GANG GIS 'CHAD PAR MI 'GYUR BA'I NYES PA NI RNAM PA GSUM STE, PHRAG DOG DANG, SER SNA DANG, CHOS 'CHAD PA NA LE LO NYID DANG, SPOMS PA MED PA'O, ,DE LA PHRAG DOG NI, GZHAN DAG GIS SHES PA MI BZOD PA'O, ,SER SNA NI SEMS KYIS KUN DU 'DZIN PA'O, ,DE LA YON TAN LDAN PA NYID KYIS KHRO BA MED PA LA SOGS PA'I YON TAN DANG LDAN PAS NYES PA DANG PO MED PAR STON TO, ,SA BRJOD NAS ZHES BYA BAS NI NYES PA GNYIS PA MED PAR STON TO, ,KHYAB BDAG CES BYA BAS NI NYES PA GSUM PA MED PAR STON TO, ,DE LTAR KUN DU RTOG PA DAG PA RNAM PA GNYIS KYIS 'CHAD PA PO BSTOD NAS NYAN PA PO RNAMS LA BSTOD PA RTZOM STE, 'DI KUN RNAM PAR NGES PA STE, ,BYANG CHUB SEMS DPA' GRAGS CHEN LDAN, ,CI PHYIR KHYOD KYIS SA BRJOD NAS, ,RNAM PAR DBYE BA BSHAD MI BGYI, , @114B ZHES BYA BA'O, ,RNAM PAR NGES PA ZHES BYA BA NI MKHAS PA STE, BLO BYANG BA DAG GO, ,RNAM PAR NGES PA NYID DE YANG RNAM PA GSUM DU RIG PAR BYA STE, BYANG CHUB CHEN POR SMON LAM 'DEBS PAS RGYA CHEN PO LA RNAM PAR NGES PA NYID DANG, GZHAN DAG GI DE BZHIN DU YID CHES PAS RNAM PAR GRAGS PAR RNAM PAR NGES PA NYID DANG, 'CHAD PA PO DE NYID KYIS DE KHONG DU CHUD PAS YONGS SU ZIN PAR RNAM PAR NGES PA NYID DO, ,DE DAG NI BYANG CHUB SEMS DPA' NYID DANG, GRAGS PA CHEN PO DANG LDAN PA NYID DANG, SA BRJOD PA NYID KYIS GO RIMS BZHIN DU BSTAN TO, ,RNAM PAR NGES SU ZIN KYANG DON DU GNYER BA MA YIN NA 'CHAD PA'I SNOD DU MI 'GYUR TE, DE'I PHYIR, RGYAL BA'I SRAS PO 'DI DAG KUN, ,NYAN PAR 'DOD PA ZHES BYA BAS GSUNGS SO, ,LUNG LA RNAM PAR NGES PA NYID YIN GYI RTOGS PA LA RNAM PAR NGES PA NYID MA YIN PA DANG, DON LKOG TU GYUR PA NYID YIN TE, DON LKOG TU GYUR PA NYID MA YIN PAR MA GYUR NA BSHAD PA'I SNOD YONGS SU RDZOGS PAR MI 'GYUR TE, DE'I PHYIR DE GNYIS KA BSTAN PA'I PHYIR, 'JIGS PA MED CES BYA BA GSUNGS TE, CHOS MTHONG BA DANG, DON LKOG TU MA GYUR PA NI 'JIGS PA MED PAR 'GYUR RO, ,DE BAS NA SNOD YONGS SU RDZOGS PA DE DAG RAG NAS; SA RNAMS DAG GI DON GYI TSUL, ,YANG DAG PHYE STE BSHAD PA MDZOD, ,CES BYA BAS BSKUL MA 'DEBS SO, ,DE LTAR 'KHOR CHOS MTHUN PA RNAM PAR NGES PA DANG, DON DU GNYER BA'I YON TAN GNYIS KYIS BSTOD NAS DE LAS GZHAN PA DAG LA BSTOD DO, ,'KHOR 'DI SHIN TU RNAM DANGS TE, ,LE LO MED CING MDZES DANG LDAN, ,DAG PA'I SNYING POR RAB GNAS PA, ,YON TAN YE SHES SHIN TU LDAN, ,ZHES BYA BA'O, ,DE LA SHIN TU RNAM DANGS ZHES BYA BA NI DAG PA STE, RNYOG PA CAN MA YIN PA DAG GO, ,DE LA GANG MED NA SHIN TU RNAM PAR DAG PAR 'GYUR BA'I RNYOG PA RNAM PA DRUG STE, DON DU MI GNYER BRNYOG PA DANG, SPYOD LAM RNYOG PA DANG SGRIB PA RNYOG PA DANG, KLAN KA TSOL BA DANG, DE SKANG RGOL BA LAS THAR BAR BYA BA'I BSAM PA DANG LDAN PAS BSAM PA RNYOG PA DANG, GANG GIS BSHAD PA DE LA MNGON PAR MI DGA' BA STE, DGE BA'I RTZA BSAM BRTAN BSAM BRTAN PA RNYOG PA DANG, BLUN PA LA SOGS PAS GTI LUG RNYOG PA STE, @115A *, ,DE DAG GI GNYEN POR RNYOG PA MED PA RNAM PA DRUG YOD PAR RIG PAR BYA'O, ,DE LA SNYING POR RAB GNAS PA, ,ZHES BYA BA NI BSTAN PA 'DI NI SGRUB PA SNYING POR BYED PA'O, ,LE LO MED PA DANG, MDZES PA DANG LDAN PA DANG, DAG PA DANG, SNYING PO LA RAB TU GNAS PA DANG, YON TAN DANG LDAN PA DANG, YE SHES DANG LDAN PA ZHES BYA BA TSIG DRUG PO DE DAG GIS NI DE DAG GO RIMS BZHIN DU YONGS SU BSTAN TO, ,DE LTAR TSIGS SU BCAD PA GNYIS KYIS NI RANG GI RIGS YONGS SU DAG PA BSTAN, GCIG GIS NI RIGS GZHAN YONGS SU DAG PA BSTAN NAS DE GNYIS NYID KYI PHAN TSUN LTA BA YONGS SU DAG PA STE, THAMS CAD GUS DANG BCAS GNAS SHING, ,PHAN TSUN GCIG LA GCIG LTA STE, ,ZHES BYA BA'O, ,DE LA GUS BCAS ZHES BYA BA 'DIS NI PHAN TSUN LTA BA DE NYID NYON MONGS PA CAN MA YIN PAR STON TE, CHOS LA GUS PAS BYAS KYI DE PHRAG DOG GIS BYAS PA NI MA YIN NO, ,SBRANG MA'I SBRANG RTZI BDUD RTZI 'DRA, ,SPANG BAR BYA MIN 'DOD PA BZHIN, ,ZHES BYA BA 'DIS NI GUS PA DE NYID KYI MCHOG STON TE, 'DI LTAR NGO MI CHOD PAS LTA BA MA YIN PA'O, ,TSIGS SU BCAD PA 'DI LA PHAN TSUN LTA BA NI YAN LAG GO, ,PHAN TSUN LTA BA NYON MONGS PA CAN MA YIN PA NI NYE BA'I YAN LAG GO, ,GZHAN DAG LA YANG DE BZHIN DU DANG PO NI YAN LAG YIN LA, LHAG MA NI NYE BA'I YAN LAG YIN PAR RIG PAR BYA'O, ,MTSAN NYID 'DRA BA DANG, MTSAN NYID MI 'DRA BA DANG, 'DU BA DANG RGYAS PA YANG SNGA MA BZHIN NO, ,SHES RAB CHEN PO 'JIGS MED PA, ,RDO RJE'I SNYING POS DE THOS NAS, ,'KHOR RNAMS DGA' BAR BYA BA'I PHYIR, ,BDE BAR GSHEGS PA'I SRAS LA SMRAS, ,ZHES BYA BA'I TSIGS SU BCAD PA 'DI LA 'KHOR DGA' BA'I PHYIR SMRAS PA NI YAN LAG STE, GO BAR BYED PA'I MTSAN NYID DO, ,GO BAR BYED PA DE YANG RNAM PA GNYIS TE, RIG PAS GO BAR BYED PA DANG, ZHUM PA MED PAS GO BAR BYED PA'O, ,DE NI SHES RAB CHEN PO DANG, 'JIGS PA MED PA NYID GNYIS KYIS BSTAN TE, GCIG PO MED NA GZHAN LA GO BAR BYED MI NUS, GNYIS PA MED NA GO BAR BYED PA NYID GSAL BAR BYAS PAR MI 'GYUR TE, RANG DANG GZHAN GYI SEMS KYI RGYUD KYI NYES PA YONGS SU SPANGS PA'I PHYIR GNYI GA BSTAN TO, ,GO BAR BYED PA DE YANG @115B GANG ZHE NA, CHOS 'DI BSHAD PA DANG, MNYAN PAR DKA' BA'O, ,DE LA BSHAD PAR DKA' BA NYID CES BSTAN PA'I PHYIR, 'DI NI DKA' BA DAM PA RMAD BYUNG BA, ,BYANG CHUB SEMS DPA'I SPYOD PA RAB BSTAN PA, ,SA RGYU RNAM PAR DBYE BA MCHOG YIN TE, ,DE LAS SANGS RGYAS DNGOS PO YANG DAG 'THOB, , CES BYA BA GSUNGS SO, ,DE LA DKA' BA NI BSGRUB DKA' BA'O, ,DKA' BA NYID RNAM PA GNYIS TE, SHIN TU DKA' BA NYID DANG, MA 'DRIS PAS DKA' BA NYID DO, ,DE NI DAM PA NYID DANG, RMAD DU BYUNG BA NYID KYIS BSTAN TO, ,CI'I PHYIR DE DE LTAR DKA' ZHE NA, BYANG CHUB SEMS DPA'I SPYOD PA RAB BSTAN PA; ,SA RGYU RNAM PAR DBYE BA MCHOG YIN TE, ,ZHES BYA BA GSUNGS PA'O, ,DE LA BYANG CHUB SEMS DPA' RNAMS KYI SPYOD PA NI RTOGS PA'I YE SHES SO, ,DE RAB TU STON PAR BYED PAR RAB TU BSTAN PA'O, ,SA RGYU RNAM PAR DBYE BA MCHOG YIN TE, ,ZHES BYA BA NI BYANG CHUB SEMS DPA'I SPYOD PA'I RGYU SA RNAMS BSTAN PA YANG DAG PHUL YIN NO, ,BYANG CHUB SEMS DPA'I SPYOD PA RAB TU BSTAN PA CI 'DRA BA ZHIG CE NA, DE LAS SANGS RGYAS DNGOS PO YANG DAG 'THOB, ,CES GSUNGS PA'O, ,SANGS RGYAS KYI DNGOS PO NI SANGS RGYAS NYID DE, SANGS RGYAS KYI YE SHES SO, ,BSHAD DKA' BA NYID BSTAN NAS, JI LTAR DE DKA' BA NYID DE'I RGYU STON TO, ,DE'I RGYU GANG ZHE NA, BYANG CHUB SEMS DPA'I SPYOD PA'I DON DE JI LTAR GNAS PA DE BZHIN DU BSHAD PAR MI NUS PA'O, ,DON DE GNAS PA YANG JI LTA BU ZHE NA, CHA PHRA MTHONG DKA' RNAM PAR RTOG PA SPANGS, ,SEMS KYI SA DANG BRAL BAS BSGRUB PAR DKA'; ,MKHAS PA RNAMS KYIS ZAG MED SPYOD YUL TE, ,'GRO BAS THOS NAS DER NI RMONGS PAR 'GYUR, ,ZHES BYA BA GSUNGS PA'O, ,DE LA BSGRUB PAR DKA' BA NYID NI YAN LAG GO, ,LHAG MA NI NYE BA'I YAN LAG GO, ,DE LA BSGRUB PAR DKA' BA NI THOB PAR DKA' BA STE, RTOGS PAR DKA' BA'O, , BSGRUB PAR DKA' BA NYID DE YANG RNAM PA BZHI STE, CHA PHRA BAS BSGRUB PAR DKA' BA NYID NAS, SEMS KYI SA DANG BRAL BAS BSGRUB PAR DKA' BA NYID KYI BAR DU'O, ,DE LA CHA PHRA BA NI THOS PA LAS BYUNG BA'I SHES RAB KYIS SHES PAR BYA BA MA YIN TE, RAGS PA NI BSAM MI DGOS PAS SHES PAR BYA BA MA YIN NO, ,MTHONG @116A *, ,DKA' BA NI BSAMS PA LAS BYUNG BAS KYANG SHAS PAR BYA BA MA YIN PA'O, ,RNAM PAR RTOG PA SPANGS PA NI 'JIG RTEN PA'I BSGOMS PA LAS BYUNG BAS KYANG SHES PAR BYA BA MA YIN PA STE, RNAM PAR RTOG PA NI KHAMS GSUM PA'I SEMS DANG SEMS LAS BYUNG BA RNAMS YIN PA'I PHYIR RO, , 'DIS NI RE ZHIG 'JIG RTEN PA'I SBYOR BA LAS BYUNG BA'I SHES PA'I SBYOD YUL MA YIN PA NYID STON TO, ,SEMS KYIS DANG BRAL ZHES BYA BA 'DIS NI SKYES NAS THOB PA RNAM PAR SMIN PA LAS BYUNG BA'I SEMS KYI BYE BRAG GI SPYOD YUL NYID KYANG MA YIN PAR STON TE, SEMS KYI SPYOD YUL NI 'DIR SEMS KYIS YIN PAR BYA'O, ,'O NA DE SU'I SPYOD YUL ZHE NA, MKHAS PA RNAMS KYI ZAG MED SPYOD YUL TE, ,ZHES BYA BA GSUNGS PA STE, BDEN PA MTHONG BA RNAMS KYI ZHES BYA BA'I THA TSIG GO, ,CI'I PHYIR GZHAN RNAMS KYI MA YIN ZHE NA, 'DI LTAR ZAG MED CES BYA BA STE, 'JIG RTEN LAS 'DAS PA ZHES BYA BA'I THA TSIG GO, ,DE LTA BAS NA 'JIG RTEN PA'I SHES PAS SHES PAR BYA BA MA YIN NO, ,DE LTAR DON ZAB PA DE JI LTAR NUS PA DE BZHIN DU BSHAD KYANG DKA' STE, 'GRO BAS THOS NA DER NI RMONGS PAR 'GYUR, ,ZHES BYA BA'O, ,RMONGS PAR JI LTA BU ZHE NA, DON LA SGRA JI BZHIN DU 'DZIN PA'O, THOS NA ZHES BYA BA NI THOS NAS DE BSHAD PAR DKA' BA NI DE LTA BU YIN NO, ,DA NI JI LTAR MNYAN PAR DKA' BA NI, ,RDO RJE LTA BUR BSAM PA GZHAG BYAS NAS, ,SANGS RGYAS YE SHES MCHOG LA LHAG MOS SHING, ,SEMS KYI SA LA BDAG MED RIG NAS NI, ,YE SHES SHIN TU CHA PHRA 'DI MNYAN NUS, ,ZHES GSUNGS PA'O, ,DE LA RDO RJE LTA BU ZHES BYA BA NI RDO RJE LTAR SRA BAR BYAS NAS SO, ,SRA BA NYID NI RNAM PA GNYIS TE, MOS PA SRA BA NYID DANG, RTOGS PA SRA BA NYID DE, TSIG GSUM GYIS BSTAN TO, ,DE LA SRA BA NYID NI YAN LAG GO, ,LHAG MA NI NYE BA'I YAN LAG GO, ,SANGS RGYAS KYI YE SHES MCHOG LA MOS PA JI LTA BU ZHE NA, SANGS RGYAS KYI BYANG CHUB NI MTHA' YAS TE, MOS PA DAD PAS SEMS CAN RNAMS LA DE BZHIN GSHEGS PA RNAMS NI, DE BZHIN GSHEGS PA RNAMS KYI CHOS BSTAN PA 'JUG PAS SANGS RGYAS NYID KYIS MKHYEN GYI BDAG GIS NI MI SHES SO ZHES BYA BA'O, ,SEMS KYIS NI GANG YIN, DE LA @116B BDAG MED PAR RIG PA JI LTA BU ZHE NA, KHAMS GSUM GANG DU SEMS RNAM PAR SMIN PA DANG, CHOS THAMS CAD LA DMIGS PAS GANG DU SEMS DE RGYU BA DE NI SEMS KYI SA YIN NO, ,RNAM PA DE GNYIS KA LA YANG GANG ZAG DANG CHOS LA BDAG MED PAR YANG DAG PA JI LTA BA BZHIN DU RIG PA'O, ,SHIN TU CHA PHRA BA ZHES BYA BA NI SHIN TU RTOGS PAR DKA' BA STE, JI LTAR CHA PHRA BA DE NI SNGAR BSTAN PA YIN NO, ,DA NI DPE SMOS PAS STON TE, JI LTAR BAR SNANG TSON RIS BRI PA DANG, ,JI LTAR NAM MKHA'I DBYINGS LA RLUNG GNAS PA, ,DE LTAR 'DIR YANG BCOM LDAN 'DAS RNAMS KYI, ,YE SHES ZAG MED RNAM PHYE MTHONG BAR DKA', ,ZHES BYA BA'O, ,DE NI 'DI SKAD STON TE, DPER NA NAM MKHA' LA TSON GYIS RI MO BRIS PA NI RTZIG NGOS LA JI LTA BA BZHIN DU DE LA MI GNAS PA'I PHYIR BLTAR MI SNANG BA DANG, DPER NA NAM MKHA' LA NI LO MA LTAR DE LA MI GNAS PA'I PHYIR G-YO BA'I LAS KYIS BLTAR MI SNANG STE, NAM MKHA' LA DE GNYIS MI 'BYUNG BA YANG MA YIN NO, ,DE BZHIN DU NAM MKHA' LTA BU'I DNGOS PO BRJOD DU MED PA LA RI MO BRI BA DANG, RLUNG LTA BU'I BSHAD PA DE DE'I RANG BZHIN MA YIN PAS MI SNANG STE, GLO BUR DU BYUNG BA YIN PAS DE LA MI GNAS PA'I PHYIR RO, ,'ON KYANG DER DE MI 'BYUNG BA YANG MA YIN NO, ,DE LTAR SANGS RGYAS KYI YE SHES DE BSHAD PA'I RNAM PAR DBYE BAS CHAR PHYE STE, RNAM PAR PHYE YANG MTHONG BAR DKA' BA YIN NO, ,DE LA RI MO BRIS PAS NI MING DANG TSIG DANG, YI GE'I TSOGS RNAMS STON TE, BSHAD PA'I SKABS YIN PA'I PHYIR RO, ,SGRA'I GZHI RLUNG GIS NI TSIG STON TE, DE GNYIS NI BSHAD PAR BYA BA DANG, MNYAN PAR BYA BA YIN NO, ,GAL TE JI LTAR YANG MNYAN PAR NUS NA DE LTAR MTHONG BAR DKA' YANG CI'I PHYIR MI BSHAD CE NA, DE LA BDAG GI BLO NI 'DI SNYAM DU, ,'GRO BA GANG GIS 'DI RTOGS 'GYUR BA DANG, ,MCHOG 'DIR SU ZHIG DANG BA DKON SNYAM NAS, ,DE YI PHYIR NA 'DI BSHAD SPRO BA MED, ,CES BYA BA GSUNGS PA'O, ,DE LA RTOGS PAR 'GYUR BA NI KHONG DU CHUD PAR 'GYUR BA'O, ,DANG BA NI MOS PA DANG LDAN PA'O, ,'DIS CI ZHIG BSTAN ZHE NA, RTOGS PA DANG MOS PA GONG DU SMOS PA DE GNYIS DANG LDAN PA DAG GIS 'DI MNYAN PAR NUS NA DE DAG NI 'JIG RTEN NA DKON TE, DE'I PHYIR MI BSHAD DO SNYAM @117A *, ,PA'O,, ,,BAM PO GNYIS PA, DE SKAD CES SMRAS PA DANG, BYANG CHUB SEMS DPA' RNAM PAR GROL BA'I ZLA BAS BYANG CHUB SEMS DPA' RDO RJE'I SNYING PO LA 'DI SKAD CES SMRAS SO, ,KYE RGYAL BA'I SRAS KYI MA 'KHOR 'DI NI SHIN TU YONGS SU DAG PA STE, BYANG CHUB SEMS DPA' LHAG PA'I BSAM PA SHIN TU YONGS SU SBYANGS PA, KUN DU RTOG PA SHIN TU YONGS SU SBYANGS PA, SPYAD PAR BYA BA SHIN TU YONGS SU SPYAD PA, SANGS RGYAS BYE BA PHRAG MANG PO LA BSNYEN BKUR BYAS PA, TSOGS SHIN TU BSAGS PA, YON TAN DPAG TU MED PA DANG LDAN PA, YID GNYIS DANG, NEM NUR DANG BRAL BA, NYON MONGS PA MED PA, LHAG PA'I BSAM PA DANG MOS PA LA RAB TU GNAS PA, SANGS RGYAS KYI CHOS 'DI DAG LA GZHAN GYI DRING MI 'JOG PA SHA STAG TSOGS PA STE, DE BAS NA KYE RGYAL BA'I SRAS BYANG CHUB SEMS DPA' 'DI DAG NI GNAS 'DI LA MNGON SUM DU GNAS PA SHA STAG YIN GYI LEGS PAR BSHAD PAR MDZOD CIG CES BYA BA LA, CI'I PHYIR 'PHAGS PA RNAM PAR GROL BA'I ZLA BAS 'KHOR DE DAG BSTOD CE NA, GAL TE 'DI LTA BU DE DAG 'JIG RTEN NA DKON YANG, 'KHOR 'DI NA MOD DO ZHES BSTAN PA'I PHYIR RO, ,DE LA LHAG PA'I BSAM PA SHIN TU YONGS SU SBYANGS PA ZHES BYA BA NI YAN LAG GO, ,LHAG PA'I BSAM PA SHIN TU YONGS SU SBYANGS PA DE NI RNAM PA GNYIS SU RIG PAR BYA STE, LUNG YONGS SU DAG PA DANG, RTOGS PA YONGS SU DAG PA'O, ,DE LA LUNG YONGS SU DAG PA YANG RNAM PA LNGA STE, JI LTAR 'DOD PA'I LUNG THOB PAR BYA BA'I THABS LA KUN DU RTOG PA'I PHYIR 'DUN PA YONGS SU DAG PA NI GANG GI PHYIR, KUN DU RTOG PA SHIN TU YONGS SU SBYANGS PA ZHES GSUNGS PA'O, ,DE THOB PAR BYA BA DANG MTHUN PA'I LUS DANG NGAG GI SPYAD PA SPYOD PAS KUN DU TSOL BA YONGS SU DAG PA NI GANG GI PHYIR SPYAD PAR BYA BA SHIN TU SPYAD PA ZHES GSUNGS PA'O, ,THOS PA PHYIN CI MA LOG PA MANG PO YUN RING POR 'DZIN PAS 'DZIN PA YONGS SU DAG PA NI GANG GI PHYIR, SANGS RGYAS BYE BA PHRAG MANG PO LA BSNYEN BKUR BYAS PA ZHES GSUNGS PA'O, ,SMON LAM GYI KHYAD PAR GYIS PHYI MA PHYI MAR TSE RABS KHYAD PAR DU 'PHAGS PAS DRAN PA'I KHYAD PAR THOB PA'I PHYIR SKYE BAS THOB PA YONGS SU @117B DAG PA NI GANG GI PHYIR, TSOGS SHIN TU BSAGS PA ZHES GSUNGS PA'O, ,KHONG DU CHUD PAR BYA BA LA BRTZON PA DGE BA GANG YIN ZHES TSOL BA NA 'DOD PA CHUNG BA LA SOGS PA'I YON TAN MANG PO DANG LDAN PAS SBYOR BA YONGS SU DAG PA NI GANG GI PHYIR, YON TAN DPAG TU MED PA DANG LDAN PA ZHES GSUNGS PA'O, ,RTOGS PA YONGS SU DAG PA NI RNAM PA BZHI STE, MNGON SUM GYI SHES PAS SHIN TU RNAM PAR NGES PA'I PHYIR RAB TU RTOGS PA YONGS SU DAG PA NI GANG GI PHYIR, YID GNYIS DANG NEM NUR DANG BRAL BA ZHES GSUNGS PA'O, ,BSGOM PA'I LAM NA NYE BA'I NYON MONGS PA THAMS CAD MI 'BYUNG BAS, NYON MONGS PA RAB TU MI RGYU BA YONGS SU DAG PA NI GANG GI PHYIR, NYON MONGS PA MED PA ZHES GSUNGS PA'O, ,THEG PA DMAN PA NI MI 'DOD KYI GONG MA'I KHYAD PAR THOB PAR 'DOD PAS CHOG PAR MI 'DZIN PA YONGS SU DAG PA NI GANG GI PHYIR, LHAG BA'I BSAM PA DANG MOS PA LA RAB TU GNAS PA ZHES GSUNGS PA'O, ,DE LA LHAG PA'I BSAM PA NI DAD PA DANG 'DUN PA'O, ,MOS PA NI DE DAG GI DMIGS PA LA YON TAN DU 'DZIN BA'O, ,MTHAR PHYIN PAR 'GRO BA LA BDAG NYID KYIS YANG DAG PAR ZHUGS PAS, GDAMS NGAG RJES SU BSTAN PA LA GZHAN LA RAG MA LAS PA YONGS SU DAG PA NI GANG GI PHYIR, SANGS RGYAS KYI CHOS 'DI DAG LA GZHAN GYI DRING MI 'JOG PA ZHES GSUNGS PA'O, ,RDO RJE'I SNYING POS SMRAS PA, KYE RGYAL BA'I SRAS 'KHOR 'DI NI BYANG CHUB SEMS DPA' SHIN TU YONGS SU DAG PA STE, LHAG PA'I BSAM PA SHIN TU YONGS SU SBYANGS PA, KUN DU RTOG PA SHIN TU YONGS SU SBYANGS PA, SPYAD PAR BYA BA SHIN TU SPYAD PA, SANGS RGYAS BYE BA PHRAG MANG PO LA BSNYEN BKUR BYAS PA, TSOGS SHIN TU BSAGS PA, YON TAN DPAG TU MED PA DANG LDAN PA, YID GNYIS DANG NEM NUR DANG BRAL BA, NYON MONGS PA MED PA, LHAG PA'I BSAM PA DANG, MOS PA LA RAB TU GNAS PA, SANGS RGYAS KYI CHOS 'DI DAG LA GZHAN GYI DRING MI 'JOG PA SHA STAG 'DUS MOD KYI, 'ON KYANG GZHAN DAG BSAM GYIS MI KHYAB PA'I GNAS 'DI LTA BU 'DI THOS PAR GYUR LA, THOS NAS KYANG YID GNYIS DANG NEM NUR SKYE BAR GYUR NA, DE NI DE DAG LA YUN RING POR NA BA MED @118A *, ,PA DANG, GNOD PA DANG MI BDE BAR 'GYUR TE, 'DI LTA ZHIG SNYING BRTZE BAS DE'I PHYIR BDAG NI CANG MI SMRA BAR 'DUG PA NYID DU MOS SO ZHES BYA BA NI 'PHAGS PA RDO RJE'I SNYING POS DE'I 'KHOR YONGS SU DAG PA NYID DE BZUNG NAS, THOS NAS KYANG YID GNYIS DANG, NEM NUR SKYE BAR 'GYUR NA ZHES SMOS PA NI, BSTAN PA 'DI'I SNOD DU MI 'GYUR BA'I NYES PA STON TO, ,DON GCIG LA NYES PA'I SKYON GNYIS CHAGS PAS YID GNYIS DANG, NEM NUR ZHES RNAM PA GNYIS SU BSTAN TO, ,DRANG PO'I LAS DANG MI MTHUN PA GNYIS SO, ,SEMS LA DOGS PA YOD PA'I PHYIR DANG, DGE BA NYAMS PAR 'GYUR BAS DGE BA SEL BA'I PHYIR NEM NUR RO, ,DE LTAR MI 'GRO BA'I RGYU NYID DANG, 'GRO BA LAS LDOG PA'I RGYU NYID YONGS SU BSTAN PA YIN NO, ,DE NAS BYANG CHUB SEMS DPA' RNAM PAR GROL BA'I ZLA BAS BYANG CHUB SEMS DPA' RDO RJE'I SNYING PO LA DON DE NYID KYI PHYIR YANG GSOL BA BTAB PA; KYE RGYAL BA'I SRAS LEGS PAR BSHAD PA MDZOD CIG DANG, DE BZHIN GSHEGS PA'I MTHUS BSAM GYIS MI KHYAB PA'I GNAS 'DI LTA BU 'DI DAG SHIN TU BSRUNG BA DANG, YID CHES PA DAG TU YANG 'GYUR, DE CI'I PHYIR ZHE NA, 'DI LTAR KYE RGYAL BA'I SRAS SA BSTAN PA 'DI BSHAD PA NA CHOS NYID THOB PA 'DI YIN TE, 'DIR SANGS RGYAS THAMS CAD DGONGS PAR 'GYUR BA DANG, BYANG CHUB SEMS DPA' THAMS CAD KYANG YE SHES KYI SA 'DI NYID LA SRUNG BAR SPRO BAR BYED PA'I PHYIR RO, ,DE CI'I PHYIR ZHE NA, KYE RGYAL BA'I SRAS 'DI NI THOG MAR SPYAD PA STE, 'DI NI SANGS RGYAS KYI CHOS RNAMS YANG DAG PAR 'GRUB PA'I PHYIR RO, ,KYE RGYAL BA'I SRAS 'DI LTA STE, DPER NA YI GE'I 'BRU DANG, YI GE DANG GRANGS BSTAN PA THAMS CAD KYI SNGON DU 'GRO BA YANG YI GE'I PHYI MO YIN LA, MTHAR PHYIN PA YANG YI GE'I PHYI MO YIN TE, RI MO'I YI GE DANG, YI GE'I 'BRU DANG, GRANGS BSTAN PA GANG YIN PA DE NI YI GE'I PHYI MO MED PAR BSTAN PA MED DO, ,KYE RGYAL BA'I SRAS DE BZHIN DU SANGS RGYAS KYI CHOS THAMS CAD NI SPYOD PAS 'GRUB PAS SA DE NI SNGON DU 'GRO BA'O, ,RANG BYUNG GI YE SHES KYI MTHAR THUG PAR 'GYUR BAS NI MTHAR 'BYIN PA'O, ,DE BAS NA KYE RGYAL BA'I SRAS SHOD CIG DANG, DE BZHIN GSHEGS @118B PA DGRA BCOM PA YANG DAG PAR RDZOGS PA'I SANGS RGYAS RNAMS KYANG YONGS SU BSRUNG BA'I PHYIR BYIN GYIS RLOB PA MDZAD DO ZHES BYA BA NI 'PHAGS PA RNAM PAR GROL BA'I ZLA BAS DE LA NYES PA DE YONGS SU BSTZAL NUS PA DANG, MA BSHAD NA SANGS RGYAS KYI CHOS YANG DAG PAR MI 'GRUB PA'I NYES PA MANG PO STON TO,, GAL TE GNAS 'DI DAG YID CHES PAR MDZAD PAS SANGS RGYAS RNAMS LA MTHU MNGA' NA, CI'I PHYIR 'DI DAG LA KHA CIG KHONG KHRO BA SKYE BAR 'GYUR ZHE NA, NGES PA 'DI RNAM PA GNYIS TE, RNAM PAR SMIN PA MYONG BAR NGES PA DANG, LAS BYED PAR NGES PA STE, DE LA NI SANGS RGYAS RNAMS KYI MTHUS KYANG MI SMON TO, ,'DI NI THOG MAR SPYAD PA STE, ,ZHES BYA BA NI LUNG LAS DGONGS NAS GSUNGS PA'O, ,'DI NI SANGS RGYAS KYI CHOS RNAMS YANG DAG PAR 'GRUB PA ZHES BYA BA NI RTOGS PA'O, ,DE LA RI MO'I YI GE NI YI GE'I RGYU STE, SENG GE 'DRA BA LA SOGS PA'O, ,YI GE'I 'BRU NI AA ZHES BYA BA LA SOGS PA YI GE'O, ,GRANGS NI MING DANG TSIG STE, DE GNYIS KYIS DON BGRANG BA'I PHYIR RO, ,BSTAN PA NI NGAG GO, ,YI GE'I PHYI MO NI RI MO'I YI GE LA SOGS PA BSTAN PA RNAMS KYI RTZA BA YIN TE, ,DE NAS BYANG CHUB SEMS DPA' DE DAG THAMS CAD KYIS DBYANGS KYI NGA RO GCIG GIS TSIGS SU BCAD PA'I DBYANGS KYIS BYANG CHUB SEMS DPA' RDO RJE'I SNYING PO LA DON DE NYID KYI PHYIR DE'I TSE GSOL BA BTAB PA, RAB MCHOG DAM PA DRI MA MED PA'I BLO, ,BRJOD NA LEGS BRJOD SPOBS PA MTHA' YAS PA, ,SNYAN CING MCHOG TU GYUR PA'I GSUNG DBYANGS KYI, ,DAM PA'I DON DANG LDAN PA BSHAD PAR MDZOD; ,DRAN DANG 'DZIN PAS RNAM PAR DAG PA'I BLO, ,STOBS BCU'I STOBS THOB BSAM PA RNAM DAG PA, ,SO SO YANG DAG RIG PAS DON RNAMS 'BYED, ,SA BCU PHUL DU BYUNG BA BSHAD PAR MDZOD, ,CES BYA BA STE, DE DAG THAMS CAD KYIS BSTONG PA DANG BCAS PA'I SKUL BAS BSKUL TO, ,DE LA TSIGS SU BCAD PA DANG POS NI RTOGS PA'I MTHU SBOBS PA PHUN SUM TSOGS PA DANG, TSIGS SU BCAD PA GNYIS PAS NI LUNG GI MTHU PHUN SUM TSOGS PAS BSTOD DO, ,'DI GNYIS DANG LDAN NA STON TE, 'DI LTAR RTOGS PA DANG LUNG NGO, ,DE LA RAB MCHOG NYID NI YAN LAG STE, ,RAB MCHOG NYID DE @119A *, ,YANG RTOGS PA'I MTHU SPOBS PAS RAB TU PHYE BA'O, ,SPOBS PA NI GNAS DANG, RANG BZHIN DANG, 'BRAS BU DANG RNAM PA GSUM GYIS STON TE, DE LA GNAS NI NYAN THOS LA SOGS PA PAS ZAG PA MED PA'I SHES RAB KHYAD PAR DU 'PHAGS PA STE, DAM PA DRI MA MED PA'I BLO DANG LDAN PA'I PHYIR RO, ,RANG BZHIN NI DRIS PA LUNG BSTAN PA LA RIGS PA'I SPOBS PA NYID ZAD MI SHES PA'O, ,'BRAS BU NI YI GE DANG DON PHUN SUM TSOGS PAS LUNG BSTAN PA STE, DE LA SNYAN PA DANG, RGYA CHE BA NYID KYIS NI YI GE PHUN SUM TSOGS PA NYID RIG BAR BYA'O, ,TSIGS SU BCAD PA GNYIS PA LA LUNG GI MTHU NI, DRAN DANG 'DZIN PAS RNAM PAR DAG PA'I BLO, ,ZHES BYA BAS BSTAN TO, ,LEN PA DANG 'DZIN PA GNYIS KYIS RAB TU PHYE BA'I DRAN PA DANG, 'DZIN PA GNYIS KYIS NI LUNG DE LA DE'I BLO DRI MA MED PA STON TE NEM NUR MED PA'I PHYIR RO, ,DE LTAR RTOGS PA DANG LUNG GI NUS PAS BSTOD NAS, GZHAN DAG KYANG RTOGS PAR BYA BA'I PHYIR DANG, LUNG DU BYA BA'I PHYIR BSHAD PAR GSOL BA BTAB STE, SA LA ZHUGS PA RNAMS NI DE BZHIN GSHEGS PA'I STOBS RTOGS PAR BYA BA DANG, SA LA MA ZHUGS PA RNAMS NI SA LA 'JUG PA RTOGS PAR BYA BA'I PHYIR TE, RTOGS PAR BYA BA NI DE LTA BU'O, , LUNG DU BYA BA JI LTA BU ZHE NA, DON RNAM PAR 'BYED PAR 'GYUR BA'I SA RNAMS 'DZIN PA'I PHYIR RO, ,SO SO YANG DAG RIG PAS ZHES BYA BA NI LUNG DANG RTOGS PA LAS SKYES PA'I RANG GI NUS PA DAG GIS SO, ,DE LTAR 'CHAD PA PO BSTOD NAS, YANG 'KHOR KYANG RTOGS PA DANG LUNG GI 'OS SU 'GYUR BA'I 'DOD PAS BSTOD PA, ZHI BA DUL BA MI G-YENG DGE BA'I YID, ,RGYAGS DANG NGA RGYAL LTA BA'I NYON MONGS SPANGS, ,'KHOR 'DI THE TSOM BRAL BAR GYUR PA STE, ,KHYOD KYIS LEGS PAR BSHAD PA 'DOD CING 'KHOD, ,CES DE LA 'DOD PA NYID NI YAN LAG GO, ,'DOD PA DE NI RNAM PA GNYIS SU BSTAN TE, LUNG GI 'OS SU 'GYUR BA'I 'DOD PA DANG, RTOGS PA'I 'OS SU 'GYUR BA'I 'DOD PA'O, ,DE LA KUN NAS NYON MONGS PA GNYIS KYIS LUNG GI 'OS SU MI 'GYUR TE, RGYAGS PA DANG NGA RGYAL GNYIS KYIS SO, ,DES NON NA CHOS DANG CHOS SMRA BA LA GUS PAR MI 'GYUR TE, GO RIMS BZHIN NO, ,LOG PAR RTOGS PA @119B DANG; BSAM GYIS MI KHYAB PA'I GNAS LA MI MOS PA'I PHYIR, LTA BA DANG THE TSOM GNYIS KYIS MI RTOGS PA'I 'OS SU MI 'GYUR RO, ,DE LA BAG LA NYAL DANG BCAS PA'I LTA BA NI LTA BA KUN NAS NYON MONGS PAR RIG PAR BYA'O, ,DE'I GNYEN PO ZHIB DANG DUL BA GNYIS KYIS NI LUNG GI 'OS SU GYUR TE, SEMS RNAM PAR ZHI BA DANG, SPYOD LAM DUL BAR GNAS PA'I PHYIR RO, ,MI G-YENG BA DANG YID DGE BA DANG LDAN PA GNYIS KYIS NI RTOGS PA'I 'OS SU 'GYUR TE, BSAM PA LEGS PAR BSAM PA DANG, MCHOG TU DGA' BA THOB PA'I PHYIR RO, ,MI G-YENG BA ZHES BYA BA NI GANG MKHAS PA LA BYA STE, BSAM PA LEGS PAR BSAM PA'O, ,DA NI DPE RNAMS KYI 'DOD PA DE NYID KYI MCHOG YONGS SU STON TE, SKOM PAR GYUR PA CHU GRANG 'DOD PA DANG, ,BKRES PAS ZAS DANG NAD PA SMAN MCHOG DANG, ,BUNG BA'I TSOGS RNAMS SBRANG RTZI 'DOD PA LTAR, ,DE BZHIN 'KHOR RNAMS KHYOD KYI TSIG LA SDOD, ,CES BYA BA'O, ,DE'I TSIG BZHI NI DON RNAM PA BZHI'I SGO NAS BSHAD PA DE LA 'DOD PA NYID BSTAN PA'I PHYIR TE, DON RNAM PA BZHI GANG ZHE NA, LEN PA DANG, RTON PA DANG, 'BRAL BA DANG, BDE BAR GNAS PA'O, ,DPE GANG GIS SHE NA, DPER NA CHU NI MA BCAS PAR JI LTAR 'ONGS PA BZHIN MED PA DE BZHIN DU THOB PA YANG DANG POR JI LTAR 'ONGS PA BZHIN DU 'DZIN TO, ,DPER NA KHA ZAS BCAS NA LUS TON PAR 'GYUR BA DE BZHIN DU BSAM PA'I SHES PAS THOS PA DANG BCAS PA DGE BA'I CHOS RTON PAR 'GYUR RO, ,DPER NA SMAN BZANG PO BTANG NA NAD DANG BRAL BAR 'GYUR BA DE BZHIN DU THOS PA DANG BSAM PA DANG LDAN BA'I DON SGRUB PA BSGOM BA LA BRTZON NA NYON MONGS PA'I GNAS NGAN LEN GYI NAD DANG BRAL BAR 'GYUR RO, ,DPER NA BUNG BA RNAMS SBRANG RTZI LA BRTEN NAS BDE BAR GNAS PA DE BZHIN DU THOS PA DANG BSAMS PA DANG, BSGOMS PA'I 'BRAS BU LA GNAS NAS 'PHAGS PA RNAMS CHOS LA MNGON SUM DU DGA' BA'I ROL YONGS SU SBYOD PAS BDE BAR GNAS SO, ,DE LTAR 'CHAD PA PO DANG 'KHOR BSNGAGS PA LDAN PAS BSKUL NAS, BSHAD PA'I BSNGAGS PA DANG LDAN PAS BKUR BAR BYED DE, DE BAS BDE GSHEGS BGROD PA STOBS ,BCU LNGA NA, ,CHAGS PA MED PA RAB TU BSTAN PA'I PHYIR, ,DRI MED BLO LDAN SA YI KHYAD @120A *, ,PAR NI, ,RDUL MED MA LUS LEGS PAR BSHAD PA MDZOD, ,CES BYA BA'O, ,DE LA LEGS PAR SHOD CES BYA BA NI, BSHAD PA'I LEGS PA NYID DE RIGS PA'I TSUL NYID DU STON PA'O, ,LEGS PA NYID DE YANG RNAM PA GSUM DU STON TE, GNAS DANG, RANG BZHIN DANG, 'BRAS BU'O, ,DE LA GNAS NI DRI MED BLO LDAN NO, ,RANG BZHIN NI SA RNAMS KYIS MA BSHAD PA DAG STON PA ZHES BYA BA STE, KHYAD PAR RDUL MED CES BYA'O, ,RDUL MED PA JI LTA BU ZHE NA, DON PHYIN CI MA LOG PA'O, ,BSHAD PA NA DON PHYIN CI LOG TU GYUR PA LA NYES PA GSUM STE, 'CHAD PA PO KHA NA MA THO BA DANG BCAS PA DANG, STON PA LA SKUR PA 'DEBS PA DANG, NYAN PA RNAMS LA SLU BA'O, ,'BRAS BU NI SANGS RGYAS KYI BYANG CHUB STOBS BCU DANG LDAN PA SGRIB PA MED PA'O, ,DE LTAR BSKUL KYANG MI 'CHAD PA CI'I PHYIR ZHE NA, BSKUL BA YONGS SU MA RDZOGS PA'I PHYIR TE, RANG GI RIGS KYI GTZO BOS NI SNGAR BSKUL, 'KHOR RNAMS KYIS NI PHYIS BSKUL TO, ,DA NI 'KHOR GYI GTZO BO CHOS KYI RJE LAS BSKUL BA TSOL TE, CI'I PHYIR ZHE NA, CHOS KYI RNAM GRANGS 'DI NYID SHIN TU GTZO BOR GYUR PA'I PHYIR RO, ,DE NAS DE'I TSE BCOM LDAN 'DAS SH'AKYA THUB PA'I MDZOD SBU NAS BYANG CHUB SEMS DPA'I STOBS SNANG BA ZHES BYA BA'I 'OD ZER GRANGS MED PA'I YANG GRANGS MED PA DANG LDAN PA BYUNG STE, DES PHYOGS BCU THAMS CAD KYI 'JIG RTEN GYI KHAMS RAB 'BYAM THAMS CAD SNANG BAR BYAS NAS NGAN SONG GI SDUG BSNGAL THAMS CAD RGYUD BCAD DE, BDUD KYI KHYIM THAMS CAD MOG MOG POR BYAS NAS SANGS RGYAS KYI 'KHOR GYI DKYIL 'KHOR DPAG TU MED PA DAG SNANG BAR BYAS TE, SANGS RGYAS KYI YUL GYI RNAM PA MTHU DANG, RDZU 'PHRUL GYI RNAM PAR 'PHRUL PA BSAM GYIS MI KHYAB PA BSTAN NAS, PHYOGS BCU THAMS CAD KYI 'JIG RTEN GYI KHAMS RAB 'BYAM THAMS CAD DU, DE BZHIN GSHEGS PA THAMS CAD KYI 'KHOR GYI DKYIL 'KHOR RNAMS SU CHOS BSTAN PAR BYIN GYIS BRLABS PA'I BYANG CHUB SEMS DPA' SNANG BAR BYAS TE, STENG GI BAR SNANG LA 'OD ZER STUG PO'I SBRIN GYI DRA PA'I KHANG PA BRTZEGS PA CHEN PO BYAS NAS 'DUG GO, ,DE BZHIN DU SANGS RGYAS BCOM LDAN 'DAS DE DAG GI MDZOD @120B SPU DAG NAS KYANG BYANG CHUB SEMS DPA'I STOBS SNANG BA ZHES BYA BA'I 'OD ZER 'KHOR GYI 'OD ZER GRANGS MED PA'I YANG GRANGS MED PA DANG LDAN PA DAG BYUNG BAR GYUR TE, DE DAG GIS KYANG PHYOGS BCU THAMS CAD KYI 'JIG RTEN GYI KHAMS RAB 'BYAMS THAMS CAD SNANG BAR BYAS NAS, NGAN SONG GI SDUG BSNGAL THAMS CAD RGYUN BCAD DE, BDUD KYI KHYIM THAMS CAD MOG MOG POR BYAS NAS SANGS RGYAS KYI 'KHOR GYI DKYIL 'KHOR DPAG TU MED PA DAG SNANG BAR BYAS TE, SANGS RGYAS KYI YUL GYI RNAM PA MTHU DANG RDZU 'PHRUL GYI RNAM PAR 'PHRUL PA BSAM GYIS MI KHYAB PAR BSTAN NAS, PHYOGS BCU THAMS CAD KYI 'JIG RTEN GYI KHAMS RAB 'BYAM THAMS CAD DU DE BZHIN GSHEGS PA THAMS CAD KYI 'KHOR GYI DKYIL 'KHOR RNAMS SU CHOS BSTAN PAR BYIN GYI RLABS KYI BYIN GYIS BRLABS PA'I BYANG CHUB SEMS DPA' SNANG BAR BYAS NAS STENG GI BAR SNANG LA 'OD ZER STUG PO'I SPRIN GYI DRA BA'I KHANG PA BRTZEGS PA CHEN PO BYAS TE 'DUG GO, ,BCOM LDAN 'DAS SH'AKYA THUB PA'I MDZOD SPU NAS BYUNG BA'I 'OD ZER DE DAG GIS 'JIG RTEN GYI KHAMS DE DAG DANG, SANGS RGYAS KYI 'KHOR GYI DKYIL 'KHOR RNAMS DANG, BYANG CHUB SEMS DPA' DE DAG GI LUS DANG, STAN RNAMS KUN DU GSAL BAR SNANG NGO; ,'JIG RTEN GYI KHAMS TSAD MED PA'I SANGS RGYAS BCOM LDAN 'DAS DE DAG GI MDZOD SPU DAG NAS BYUNG BA'I 'OD ZER DE DAG GIS STONG GSUM GYI STONG CHEN PO'I 'JIG RTEN GYI KHAMS 'DI DANG, BCOM LDAN 'DAS SH'AKYA THUB PA'I 'KHOR GYI DKYIL 'KHOR 'DI DANG, BYANG CHUB SEMS DPA' RDO RJE'I SNYING PO'I LUS DANG, STAN YANG GSAL BAR KUN DU SNANG BAR KUN DU SNANG NGO, ,DE NAS SANGS RGYAS KYI MTHUS 'OD ZER STUG PO'I SPRIN GYI DRA BA'I KHANG PA BRTZEGS PA CHEN PO DE LAS 'DI LTA BU'I SGRA 'DI 'BYUNG NGO, ,MI MNYAM MNYAM PA NAM MKHA' MNYAM PA DAG ,CES BYA BA LA SOGS PA'O, ,CI'I PHYIR BCOM LDAN 'DAS KYIS 'OD ZER GYI CHO 'PHRUL DANG BCAS PAS SKUL BA MDZAD CE NA, BCOM LDAN 'DAS KYIS DE LA SNGAR THUGS KYIS BYIN GYIS BRLABS KYI SANGS RGYAS GZHAN DAG LTAR GSUNG DANG SKUS NI MA YIN TE, DE BAS NA DE GNYIS KYIS BYIN GYIS BRLABS PAR BZHED PA'O, ,CI'I PHYIR RANG BZHIN @121A *, ,GYI GSUNG DANG RANG BZHIN GYI SKUS BYIN GYIS MA BRLABS SHE NA, CI NAS KYANG CHOS GTZO BOR BYAS PAR 'GYUR BA DANG, BDAG MI BTZUN PAR MA BYAS PAR 'GYUR BA'I PHYIR RO, ,'OD ZER DE NI LAS RNAM PA BRGYAD BYED PA DANG, LUS GNYIS YOD PAR RIG PAR BYA STE, LAS RNAM PA BRGYAD JI LTA BU ZHE NA, YAR DAG PAR GO BAR BYED PA'I LAS BYED PA NI, 'DI LTAR DES REG NA BYANG CHUB SEMS DPA' RNAMS BDAG NYID KYI STOBS DE BZHIN GSHEGS PA'I BYIN GYIS BRLABS PA LAS BYUNG BA LA LTA BAR BYED DE, GANG GI PHYIR, BYANG CHUB SEMS DPA' STOBS SNANG BA ZHES GSUNGS PA'O, ,'KHOR GYI 'OD ZER GRANGS MED PA'I RGYU YIN PAS RGYU NYID KYI LAS BYED PA NI GANG GI PHYIR, 'KHOR GYI 'OD ZER GRANGS MED PA'I YANG GRANGS MED PA ZHES GSUNGS PA'O, ,'JIG RTEN GYI KHAMS GRANGS MED PAR YANG 'GRO ZHING 'OD 'DOM GANG TZAM DU 'DU BA'I PHYIR, RGYAS PA DANG 'DU BA'I LAS BYED PA NI GANG GI PHYIR, DES PHYOGS BCU THAMS CAD KYI 'JIG RTEN GYI KHAMS RAB 'BYAM THAMS CAD SNANG BAR BYAS NAS ZHES GSUNGS PA'O, ,NGAN SONG GI SDUG BSNGAL THAMS CAD RAB TU ZHI BAR BYED PA'I PHYIR RAB TU ZHI BAR BYED PA'I LAS BYED PA NI GANG GI PHYIR, NGAN SONG GI SDUG BSNGAL THAMS CAD RGYUN BCAD CES GSUNGS PA'O, ,BDUD KYI KHYIM THAMS CAD 'OD CHUNG DUR BYED PA'I PHYIR, 'DI LTAR SDANGS TE BRTABS NAS GDUL BYA RNAMS LA BGEGS BYED PAR MI 'GYUR BAS ZIL GYIS GNON PA'I LAS BYED PA NI GANG GI PHYIR, BDUD KYI KHYIM THAMS CAD MOG MOG POR BYAS ZHES GSUNGS PA'O, ,SANGS RGYAS KYI MTHU BSAM GYIS MI KHYAB PA STON PA'I PHYIR, 'DUN PAR BYED PA'I LAS BYED PA NI GANG GI PHYIR, SANGS RGYAS KYI YUL GYI RNAM PA MTHU DANG, RDZU 'PHRUL GYI RNAM PAR 'PHRUL PA BSAM GYIS MI KHYAB PA BSTAN ZHES GSUNGS PA'O, ,'JIG RTEN GYI KHAMS THAMS CAD DU DE BZHIN GSHEGS PA'I 'KHOR GYI DKYIL 'KHOR DU DES BYIN GYIS BRLABS PA'I BYANG CHUB SEMS DPA' KUN DU STON PA'I PHYIR KUN DU STON PA'I LAS BYED PA NI GANG GI PHYIR, PHYOGS BCU THAMS CAD KYI 'JIG RTEN GYI KHAMS RAB 'BYAM THAMS CAD DU DE BZHIN GSHEGS PA THAMS CAD KYI 'KHOR GYI @121B DKYIL 'KHOR RNAMS SU CHOS BSTAN PAR BYIN GYI RLABS KYIS BRLABS PA'I BYANG CHUB SEMS DPA' SNANG BAR BYAS ZHES GSUNGS PA'O, ,TSIGS SU BCAD PA'I SGRA 'BYIN PA'I PHYIR BSKUL BA'I LAS BYED PA NI GANG GI PHYIR, 'OD ZER STUG PO'I SPRIN GYI DRA BA'I KHANG PA BRTZEGS PA DE LAS 'DI LTA BU'I SGRA 'DI 'BYUNG NGO ZHES GSUNGS PA'O, ,LUS GNYIS JI LTA BU ZHE NA, SKAR MDA' LTA BU'I LUS NI GANG GI TSE KHAMS GZHAN DAG TU 'GRO BA'O, ,NYI MA LTA BU'I LUS NI GANG GI CHE SPRIN STUG PO'I DRA BA'I KHANG PA BRTZEGS PA BYAS TE 'DUG NAS RGYA CHEN PO GCIG GIS THAMS CAD SNANG BAR BYED PA'O, ,DE LTAR 'KHOR GYI DKYIL 'KHOR DE DAG NA GCIG TU GYUR PA LTA BUR PHAN TSUN LTA BAS BSHAD PA DANG, MNYAN PA SLA BAR GYUR TO, ,DE LA SANGS RGYAS KYIS BSKUL BA NI 'DI YIN TE, MI MNYAM MNYAM PA NAM MKHA' MNYAM PA DAG ,STOBS BCU KHYU MCHOG TSOGS RAB MTHA' YAS PA, ,LHA DANG MI YI NANG NA MCHOG RNAMS KYI, ,SH'AKYA'I RIGS SKYES CHOS LA BYIN RLAB MDZAD, ,BDE BAR GSHEGS PA RNAMS KYI MTHU, ,CHOS KYI RGYAL PO RNAMS KYI MDZOD, ,SPYOD PA NGAM PA RGYA CHEN DANG, ,YE SHES SA RAB PHYE STE SHOD, ,CHOS KYI RNAM GRANGS GTZO BO 'DI, ,GANG RNAMS RNA LAM GRAG DE DAG ,BDE GSHEGS RNAMS KYIS BYIN GYIS BRLABS, ,BYANG CHUB SEMS DPA' RNAMS KYIS BZUNG, ,SA BCU RNGUL DANG RNAM BRAL BA, ,MTHAR GYIS RDZOGS PAR BYAS NAS NI, ,STOBS BCU DAG KYANG THOB GYUR NAS, ,RGYAL BA NYID DU 'GYUR BA YIN, ,THE TSOM MED PAR GYUR PA DANG, ,RGYA MTSO'I CHU NANG GNAS GYUR TAM, ,SREG PA'I BSKAL TSE 'PHOS NAS YANG, ,CHOS KYI RNAM GRANGS 'DI THOS 'GYUR, ,YE SHES SA YI LAM GYI MCHOG, 'JUG DANG GNAS DANG 'PHAR BA DANG, ,SPYOD PA NYID KYI YUL RNAMS NI, ,GO RIMS BZHIN DU LEGS PAR SHOD, ,DA LA TSIGS SU BCAD PA DANG PO DANG, GNYIS PAS NI GANG DAG GIS BYIN GYIS BRLABS PA DANG, GANG GI PHYIR BYIN GYIS BRLABS PA DE DAG GI BSNGAGS PA MDZAD NA NI BYIN GYIS BRLABS PA STE, CI ZHIG STON ZHE NA, GTZO BO RNAMS KYIS MA BSGOS SAM, MCHOG GI LAS BYED DU MA BCUG NA, DE BYED PAR MI 'GYUR @122A *, ,RO; ,DE LA TSIGS SU BCAD PA DANG POS GANG DAG GIS BYIN GYIS BRLABS PA'I BSNGAGS PA JI LTAR RIG PAR BYA ZHE NA, GANG GI PHYIR, LHA DANG MI YI NANG NA MCHOG RNAMS KYIS, ,BYIN RLABS MDZAD CES GSUNGS PA'O, ,LHA DANG MI'I MCHOG GANG YIN ZHE NA, SANGS RGYAS BCOM LDAN 'DAS RNAMS SO, ,CI'I PHYIR ZHE NA, CHOS KYI RGYAL POR GYUR PA'I PHYIR RO, ,JI LTAR DE DAG CHOS KYI RGYAL PO NYID YIN PAR RIG PAR BYA ZHE NA, RGYAL PO'I PHUN SUM TSOGS PA NI RNAM PA BZHI STE, DBANG PHUN SUM TSOGS PA DANG, MTHU PHUN SUM TSOGS PA DANG, ZHABS 'BRING PHUN SUM TSOGS PA DANG, RIGS PHUN SUM TSOGS PA'O, ,SANGS RGYAS RNAMS KYI DBANG PHUN SUM TSOGS PA GANG ZHE NA, NYON MONGS PA DANG SHES BYA'I SGRIB PA LAS RNAM PAR GROL BA STE, DES DE DAG SEMS DANG YE SHES LA DBANG BRNYES NAS, JI LTAR BZHED PA BZHIN DU BDE BAR GNAS PA BLA NA MED PA SKU NYAMS SU BSTAR TO, ,DE 'DIR JI SKAD DU BSTAN PA YIN ZHE NA, THAMS CAD MKHYEN PA'I PHYIR MI MNYAM PA DANG MNYAM PA NYID DO, ,BAG CHAGS DANG BCAS PA'I NYON MONGS PA LEGS PAR BCOM PAS, 'JIG RTEN GYI CHOS KYIS MI GOS PA'I PHYIR, NAM MKHA' DANG MNYAM PA NYID DO, ,MI MNYAM PA NI SANGS RGYAS RNAMS TE, DE LAS GZHAN PA'I SEMS CAN RNAMS DANG NGO, ,MI MNYAM PA DE DAG DANG MNYAM PA NI DE DAG NI CHOS KYI SKUS MNYAM PA'O, ,MI MNYAM PA RNAMS ZHES CI'I PHYIR DE SKAD MI BYA ZHE NA, DE DAG NI MNYAM PA NYID DU BSTAN PA'I PHYIR RO, ,SANGS RGYAS RNAMS KYI MTHU PHUN SUM TSOGS PA GANG ZHE NA, STOBS BCU RNAMS TE, DE RNAMS KYIS NI DE DAG GIS GZHAN SMRA BA DANG, BDUD PHYIR RGOL BA THAMS CAD ZIL GYIS GNON TO, ,DE 'DIR JI SKAD BSTAN PA YIN ZHE NA, STOBS BCU'I KHYU MCHOG NYID KYIS SO, ,SANGS RGYAS RNAMS KYI ZHABS 'BRING BA PHUN SUM TSOGS PA GANG ZHE NA, BYANG CHUB SEMS DPA' RNAMS DANG, NYAN THOS RIS BDUN GYIS BSDUS PA RNAMS SO, ,DE 'DIR JI SKAD DU BSTAN PA YIN ZHE NA, TSOGS RAB MTHA' YAS PA NYID KYIS SO, ,DE NI BYANG CHUB SEMS DPA' LA SOGS PA'I TSOGS RNAMS SO, ,RAB NI 'JIG @122B RTEN LAS KHYAD PAR DU 'PHAGS PA'I PHYIR RO, ,DE DAG MTHA' YAS PA NI GRANGS MED PA'I PHYIR RO, ,SANGS RGYAS RNAMS KYI RIGS PHUN SUM TSOGS PA GANG ZHE NA, GANG RIGS PHUN SUM TSOGS PA'O, ,DE 'DIR JI SKAD DU BSTAN PA YIN ZHE NA, SH'AKYA'I RIGS SKYES PA NYID KYIS SO, ,CI'I PHYIR BCOM LDAN 'DAS NYID KYIS RIGS BRJOD CE NA, MNGON SUM NYID KYI PHYIR DANG, 'DI NYID KYI PHYIR CHOS LA BYIN GYIS BRLABS SO ZHES SBYAR BA'I PHYIR RO, ,CHOS LA ZHES BYA BA NI CHOS LA GNAS PA ZHES BYA BAR DGONGS PA'O, ,DE LA BYIN GYIS BRLABS PA MDZAD CES BYA BA NI YAN LAG GO, ,BYIN GYI RLABS DE YANG RNAM PA GNYIS SU RIG PAR BYA STE, GNAS PHUN SUM TSOGS PA'I BYIN GYIS BRLABS PA NI SANGS RGYAS KYIS BYIN GYIS BRLABS PA YIN PA'I PHYIR RO, ,'BRAS BU PHUN SUM TSOGS PA'I BYIN GYIS BRLABS PA NI CHOS SMRA BA 'BRAS BU YIN PA'I PHYIR RO, ,LHA DANG MI YI MCHOG RNAMS ZHES BYA BA NI YAN LAG GO; ,LHAG MA NI NYE BA'I YAN LAG GO, ,'O NA TSIGS SU BCAD PA GNYIS PAS GANG GI PHYIR BYIN GYIS BRLABS PA DE'I BSNGAGS PA JI LTAR RIG PAR BYA ZHE NA, CHOS KYI RGYAL PO DE DAG GIS CHOS KYI MDZOD RNAM PAR 'BYED PAR BYA BA'I PHYIR BYIN GYIS BRLABS PA'O, ,'DIR CHOS KYI MDZOD DE'I BSNGAGS PA YANG RNAM PA GNYIS SU RIG PAR BYA STE, DON PHUN SUM TSOGS PA DANG, TSIG 'BRU PHUN SUM TSOGS PA'O, ,DON PHUN SUM TSOGS PA JI LTA BU ZHE NA, GANG GI PHYIR SPYOD PA DAM PA RGYA CHEN ZHES GSUNGS PA'O, ,SPYOD PA ZHES BYA BA NI BYANG CHUB SEMS DPA' RNAMS KYI SGRUB PA GANG YIN PA STE, LAM GANG YIN PA DANG, TSOGS GANG YIN PA'O, ,DE YANG DON DAM PA'I YE SHES DANG LDAN PAS DAM PA'O, ,MTHU'I KHYAD PAR DANG LDAN PAS RGYA CHE BA'O, ,DE LTAR 'DI'I ZAB PA NYID DANG, RGYA CHE BA NYID KYANG YONGS SU BSTAN PA YIN NO, ,TSIG 'BRU PHUN SUM TSOGS PA JI LTA BU ZHE NA, GANG GI PHYIR YE SHES SA RAB PHYE STE ZHES GSUNGS PA STE, YE SHES KYI SA RAB TU PHYE BA RNAM PA BCU GCIG PO 'DI DAG GIS SO, ,TSIGS SU BCAD PA 'DI LAS SANGS RGYAS KYI MTHU NYID KYIS SANGS RGYAS KYI CHOS STON PAR YONGS SU BSTAN PA GANG YIN PA DE NI KHA CIG SANGS RGYAS LA BDAG NYID LA MTHU MED NAS GZHAN LA TSOL TO SNYAM DU DBANG @123A *, ,ZA BA YONGS SU SPANGS PA'I PHYIR RO, ,DE LTAR CHOS BSHAD PAR BSKUL NAS BSHAD NA DUS GSUM DU GZHAN DAG GI PHAN YON NI TSIGS SU BCAD PA GSUM GYIS STON TE, NYAN PA'I DUS DANG, SGRUB PA'I DUS DANG, TSE RABS BRJES PA'I DUS SO, ,DE LA NYAN PA'I DUS NA SANGS RGYAS KYI BYIN GYIS BRLABS PA NYID DANG, DE BZHIN DU BYANG CHUB SEMS DPA' RNAMS KYIS KYANG BZUNG BA NYID DE DON DU NA SANGS RGYAS SO SNYAM DU BZUNG BA NI PHAN YON NO, ,SGRUB PA'I DUS NAS BCU PO DAG MTHAR GYIS YONGS SU RDZOGS PAR BYED CING, YONGS SU RDZOGS NAS KYANG STOBS BCU BRNYES PAS BDAG NYID SANGS RGYAS NYID DU BSKYED PA'O, ,TSE RABS BRJES PA'I DUS NA NGAN 'GRO DANG BDE 'GRO MI KHOM PAR SKYES PA'I KLU'I 'JIG RTEN DANG, LHA TSE RING PO'I 'OD GSAL LA SOGS PA GZUGS NA SPYOD PA RNAMS KYI NANG DU YANG CHOS 'DI RNYED PA'O, ,'DI NYAN PA THAMS CAD KYIS PHAN YON 'DI 'THOB PA'I SKAL BA YOD DAM, SMRAS PA MA YIN NO, ,'O NA JI LTA BU ZHE NA, THE TSOM MED PAR GYUR PA ZHES BYA BA STE, NGES PA'I CHOS 'DI LA MOS PA'O, ,DE LTAR BSKUL BA DANG, BSHAD PA'I PHAN YON BRJOD NAS, YE SHES SA RAB PHYE STE ZHES GANG GSUNGS PA DE DMIGS PA'I GO RIMS DANG; RTOGS PA'I GO RIMS DANG, SGRUB PA'I GO RIMS DANG, GO RIMS RNAM PA GSUM GYIS TSIGS SU BCAD PA DRUG PA LAS LUNG STZAL BAR MDZAD DO, ,RTZA BA DANG PO GNYIS PA DANG, BZHI PA RNAMS KYIS BSTAN TO, ,GO RIMS SU SHOD CIG CES BYA BA NI THAMS CAD DU SBYAR RO, ,DE LA YE SHES KYI SA'I KHAMS NI SA BCU BSTAN PA GANG YIN PA STE, GANG LA DMIGS GANG LA BRTEN NAS SA DE DAG TU YE SHES 'BYUNG BA'O, ,'JUG PA NI SA LA 'JUG PA'O, ,GNAS PA NI JI SRID DUS GZHAN DAG TU MA 'PHAR GYI BAR DU'O, ,'PHAR BA NI SA GZHAN DAG TU 'GRO BA'O, ,SPYOD PA NI JI LTAR SGRUB PA NI DE DAG 'JUG PA DANG, GNAS PA DANG 'PHAR BA DANG 'GRUB PA'O, ,SPYOD PA DE NYID KYI RGYU BA RNAM PA MANG PO NI SPYAD PA'I YUL ZHES BYA'O, ,LUNG SBYIN PA 'DI CI DGOS SHE NA, SANGS RGYAS KYIS GSUNGS PA NYID THAMS CAD BSHAD DO ZHES PHYIS YID CHES PA BSKYED PA'I PHYIR RO, ,DE NAS BYANG CHUB SEMS DPA' RDO @123B RJE'I SNYING POS PHYOGS BCUR RNAM PAR BLTAS NAS 'KHOR RNAMS DAD PA RGYA CHER BSKYED PA'I PHYIR TSIGS SU BCAD PA 'DI DAG SMRAS SO, ,PHRA ZHING SHES DKA' DRANG SRONG CHEN PO'I LAM, ,ZHES BYA BA LA SOGS PA GSUNGS PA'O, ,CI'I PHYIR PHYOGS BCUR RNAM PAR BLTA ZHE NA, BDAG NYID NGA RGYAL MED PA DANG, ,NYE MGON MED PAR STON PA'O, ,'KHOR RNAMS DANG PA RGYA CHER BSKYED PA'I PHYIR TSIGS SU BCAD PA SMRAS ZHES BYA BA NI SA BSTAN PA MNYAN PAR NYAMS BDE BA BSKYED PA'I PHYIR RO, ,DE LA DAD PA ZHES BYA BA NI SEMS GSAL BA STE, RNYOG PA MED PA'O, ,DE YANG RNAM PA GNYIS SU RIG PAR BYA STE, DON GYI CHE BA NYID LA DAD PA NI DON GANG THOB PAR BYA BA'O, ,BSTAN PA'I CHE BA NYID LA DAD PA NI GANG GIS THOB PAR BYED PA'O, ,DA LA DON GYI CHE BA NYID LA DAD PA NI TSIGS SU BCAD PA LNGA PO DAG GIS RIG PAR BYA'O, ,DON GYI CHE BA NYID JI LTA BU ZHE NA, DE'I ZAB PA NYID GANG YIN PA'O,, DE BAS NA ZAB PA NYID DE BSTAN PA'I PHYIR, PHRA ZHING SHES DKA' DRANG SRONG CHEN PO'I LAM, ,BRTAG MED RTOG BRAL SHIN TU REG PAR DKA', ,ZHES BYA BA 'DI GSUNGS PA'O, ,CI'I DBANG DU BYAS NAS GSUNGS SHE NA, YE SHES KYI SA STE, 'DI LTAR DE NYID KYI DBANG DU BYAS PAS 'OG NAS KYANG YE SHES MNGON PAR SGRUB CES GSUNGS SO, ,DE LA PHRA ZHES BYA BA JI LTA BU ZHE NA, DE NI SHES DKA' DRANG SRONG CHEN PO'I LAM, ,ZHES GSUNGS PA STE, 'DI LTAR BSHAD PA NA SHES PAR DKA' LA DRANG SRONG CHEN PO RNAMS TE, SANGS RGYAS RNAMS KYI LAM YANG YIN PAS DE'I PHYIR PHRA BA'O, ,LAM NI RGYU STE, GANG GI DRANG SRONG CHEN PO'I DNGOS POR 'GYUR BA'O, ,PHRA BA DE YANG RNAM PA GNYIS SU RIG PAR BYA STE, BSHAD PA'I DUS NA PHRA BA NYID DANG, THOB PA'I DUS NA PHRA BA NYID DE GO RIMS BZHIN NO, ,CI'I PHYIR DE SHES PAR DKA' ZHE NA, 'DI LTAR DE NI, BRTAG MED RTOG BRAL ZHES GSUNGS PA'O, , DE LA BRTAG TU MED PA NI RNAM PAR RTOG PA'I YUL MA YIN PA'I PHYIR RO, ,RTOG BRAL NI RANG GIS RNAM PAR MI RTOG PA'I PHYIR RO, GANG GI PHYIR DRANG SRONG CHEN PO'I LAM DU GYUR PA DE'I PHYIR PHRA BA ZHES BYA BA CI'I PHYIR ZHE NA, 'DI LTAR DE NI SHIN TU REG PAR DKA' BA STE, SHIN TU THOB PAR DKA' BA'O, , @124A *, ,'DI NI DE'I PHRA BA NYID DO, ,CI'I PHYIR DE SHIN TU REG PAR DKA' ZHE NA, 'DI LTAR DE NI, GSAL BA RIG PA MKHAS PAS RTOGS PA STE, ,RANG BZHIN ZHI BA 'GOG MIN 'BYUNG BA MA YIN, ,ZHES BYA'O, ,DE LA GSAL BA NI SHES BYA LA MA RIG PA MED PA STE, MA RIG PA'I BAG LA NYAL YOD PA'I SHES PA NI MI GSAL BA'O, ,RIG PA MKHAS PAS RTOGS PA STE, ,ZHES BYA BA NI DE DAG GIS SO SO RANG GI RIG PAS RTOGS PA STE, DE DAG LA BRTEN NAS 'BYUNG BA'I PHYIR RO, ,DE LA RIG PA NI BDEN PA MTHONG BA RNAMS SO, ,DE DAG NYID CHOS MNGON PA DANG, 'DUL BA MNGON PA LA MKHAS PA NI MKHAS PA'O, ,YANG NA GZHAN DAG DE LAS THOB NAS BRDA LA MKHAS PA NI MKHAS PA YIN PAR RIG PAR BYA'O, ,RANG BZHIN ZHI BA NI RANG BZHIN GYIS NYON MONGS PA MED PA STE, NYON MONGS PA DANG BCAS PA LA PHYIS NYON MONGS PA MED PAR GYUR BA MA YIN NO, ,'GOG MIN PA NI 'DI LTAR ZHI BA GCIG PU BGROD PA MA YIN PA STE, SEMS CAN GYI DON BYA BA LA LTA BA DANG BCAS PA'I PHYIR RO, ,'BYUNG BA MA YIN PA NI 'KHOR BA LAS YANG DAG PAR 'DAS PA'I PHYIR RO, ,DE LTAR YE SHES DE MYA NGAN LAS 'DAS PA DANG, 'KHOR BA LA MI GNAS PA NYID YIN PAR RIG PAR BYA'O, , DE LTAR DMIGS PA LAS BYUNG BA PHRA BA NYID DANG, GNAS LAS BYUNG BA PHRA BA NYID DANG, RNAM PAR DAG PA PHRA BA NYID DANG, YON TAN PHRA BA NYID KYIS KYANG REG PAR DKA' BAR RIG PAR BYA'O, ,DE LA PHRA BA NYID DANG PO NI 'JIG RTEN PA'I SNYOMS PAR 'JUG PA PO RNAMS DANG THUN MONG MA YIN PA NYID DU RIG BAR BYA'O, ,GNYIS PA DANG GSUM PA NI GZHAN MU STEGS CAN GYI GNAS STON PAR KHAS 'CHE BA RNAMS DANG THUN MONG MA YIN PA NYID DO, ,NYAN THOS DANG RANG SANGS RGYAS DANG THUN MONG MA YIN PA NYID DO, ,DE LTAR TSIGS SU BCAD PA'I 'DI'I PHRA BA NYID NI YAN LAG GO, PHRA BA NYID RNAM PA GNYIS NI NYE BA'I YAN LAG GO, ,DE YANG SHIN TU REG PAR DKA' BA NYID KYIS RAB TU PHYE BA THOB PA'I DUS NA PHRA BA NYID NI YAN LAG GO, ,LHAG MA RNAM PA BZHI NI NYE BA'I YAN LAG TU RIG PAR BYA'O, ,DE LTAR YE SHES PHRA BA GANG YIN PA DE'I MTSAN NYID JI LTA BU ZHE NA, RANG BZHIN STONG YOD GNYIS MIN ZANG MI SHES, ,'GRO @124B LAS RNAM GROL MNYAM BRNYES MYA NGAN 'DAS, ,MTHA' DANG DBUNG MIN TSIG GIS BRJOD DU MED, ,DUS GSUM RNAM LAS GROL BA NAM MKHA' MNYAM, ,ZHES GSUNGS PA'O, ,DE LA YE SHES DE'I MTSAN NYID NI RNAM PA GNYIS SU RIG PAR BYA STE, SPYI'I MTSAN NYID DANG, SPYI'I MTSAN NYID MA YIN PA'O, ,DE LA YE SHES DE'I MTSAN NYID KYI SPYI'I MTSAN NYID JI LTA BU ZHE NA, RANG BZHIN STONG ZHES GSUNGS PA STE, YE SHES KYI BDAG NYID KYIS STONG PA'O, ,DE JI LTAR SPYI'I MTSAN NYID YIN ZHE NA, CHOS THAMS CAD NI JI SKAD BRJOD PA'I RANG BZHIN GYIS STONG PA'O, ,RANG BZHIN GYIS STONG PA'O ZHES BSTAN PA CI RI BONG GI RVA BZHIN DU MED DO ZHES DE LTAR GZUNG BAR BYA BA'AM SMRAS PA MA YIN NO, ,CI STONG PA DE LAS YE SHES GZHAN LA DE LAS KYANG STONG PA NYID GZHAN NO ZHES DE LTAR GZUNG BAR BYA'AM, SMRAS PA MA YIN NO, ,CI DE'I RANG BZHIN DE YOD PA LAS DE PHYIS 'GYUR TE ZAD PA 'GAGS PA ZHES DE LTAR GZUNG BAR BYA'AM, SMRAS PA MA YIN NO, ,'O NA JI LTA BU ZHE NA, STONG PA NYID KYI RANG BZHIN DE NI YOD PA DANG GNYIS SU MED PA DANG ZAD MI SHES PA'O, ,DE LTAR DE LA YANG DAG PA MA YIN PAR 'DZIN PA RNAM PA GSUM RNAM PAR SPANGS PAS STONG PA NYID YONGS SU BSTAN PA YIN TE, SKUR PA 'DEBS PA YANG DAG PA MA YIN PAR 'DZIN PA RNAM PAR SPANGS PA DANG, THA DAD PA YANG DAG PA MA YIN PAR 'DZIN PA RNAM PAR SPANGS PA DANG, 'GYUR BA YANG DAG PA MA YIN PAR 'DZIN PA RNAM PAR SPANGS PA'O, ,GANG DAG RAB ZHI GNYIS MIN ZAD MI SHES, ,ZHES 'DON PA DE YANG DE RAB TU ZHI BA YOD BA NYID DU BRJOD PA YIN TE, MED PA NI ZHI BAR MI 'GYUR RO, ,MED PA DES KYANG JI LTAR ZHI BAR 'GYUR TE, DES NI NYON MONGS PA RNAMS RAB TU ZHI BAR BYED DE, 'DI NI DE'I SPYI'I MTSAN NYID DO, ,SPYI'I MTSAN NYID MA YIN PA NI DE'I RNAM PAR BYANG BA'I MTSAN NYID NI RNAM PAR GROL BA NYID DO, ,DE YANG RNAM PA GNYIS SU RIG PAR BYA STE, DE GANG LAS JI LTAR RNAM PAR GROL BA'O, ,DE GANG LAS JI LTAR RNAM PAR GROL ZHE NA, 'GRO LAS RNAM PAR GROL ZHES GSUNGS PA STE, DES 'GRO BA DANG LDAN PA'I NYON MONGS PA DANG, LAS DANG SKYE BA'I KUN NAS NYON MONGS PA RNAMS LAS RNAM PAR GROL BAR STON TO, ,JI LTAR @125A *, ,RNAM PAR GROL ZHE NA, MNYAM BRNYES MYA NGAN 'DAS ZHES GSUNGS PA STE, 'KHOR BA DANG MYA NGAN LAS 'DAS PA MNYAM PA NYID DU 'DZIN PAS NYAN THOS LTAR GCIG TU 'KHOR BA LA RGYAB KYIS PHYOGS PA MA YIN NO, ,CI YE SHES DE'I RGYUN GYI THOG MAS ZAG PA ZAD PAR BYAS PA ZHIG GAM, 'ON TE BAR DANG THA MAS ZAG PA ZAD PAR BYAS SHE NA, DE NI DE LTAR ZAG PA ZAD PAR BYED PA MA YIN PAR RIG PAR BYA'O, ,'O NA JI LTA BU ZHE NA, MAR ME'I 'OD 'PHRO BAS RAS TSIG PA THA MA DANG BAR MAS MA YIN PA BZHIN NO, ,MTHA' SMOS PAS NI THOG MA YANG SMOS PAR 'GYUR TE; SNGON GYI MTHA' YIN PA'I PHYIR RO, ,CI DE GZHAN LAS SGRA JI LTA BA BZHIN DU DMIGS SU RUNG NGAM, SMRAS PA MA YIN NO, ,'O NA JI LTA BU ZHE NA, TSIG GIS BRJOD DU MED CES BYA BA STE, BRJOD DU MED PA'I PHYIR RO, ,CI DE 'JIG RTEN PA'I SHES PA BZHIN DU 'JUG PA LA BRTEN PA ZHIG GAM, SMRAS PA MA YIN NO, ,'O NA JI LTA BU ZHE NA, DUS GSUM RNAMS LAS GROL ZHES BYA BA STE, GNAS GYUR PA RTAG PA LA GNAS PA'I PHYIR TE, JI LTAR RKYEN MI RTAG PA LA BRTEN PAS RNAM PAR SHES PA YANG MI RTAG PA NYID DO ZHES MDO SDE GZHAN DAG LAS RNAM PAR GZHAG PA LTA BU NI MA YIN NO, , CI DE NYAN THOS DANG RANG SANGS RGYAS KYI YE SHES LTAR SGRIB PA DANG BCAS PA'I RNAM PAR GROL BAS RNAM PAR GROL BA ZHIG GAM, SMRAS PA MA YIN NO, ,'O NA JI LTA BU ZHE NA, NAM MKHA' MNYAM ZHES BYA BA STE, SHES BYA'I SGRIB PA THAMS CAD MED PA'I PHYIR RO, ,JI LTAR DMIGS PA YONGS SU SHES PA DANG, JI LTAR NYON MONGS PA RNAMS SPONG BA DANG, DMIGS PA CI 'DRA BA LA DMIGS PA DANG, GNAS CI 'DRA BA LA GNAS PA DANG, RNAM PAR GROL BA CI 'DRA BAS RNAM PAR GROL BA DE THAMS CAD YONGS SU BSTAN PA YIN NO, ,'DI LA RANG BZHIN GYIS STONG PA NYID NI YAN LAG GO, ,STONG PA NYID RNAM PA GSUM NI NYE BA'I YAN LAG GO, ,RNAM PAR GROL BA NYID NI YAN LAG GO, ,RNAM PAR GROL BA RNAM PA LNGA NI NYE BA'I YAN LAG GO, ,DE'I 'OG TU, ZHI ZHING RAB ZHI BDE BAR GSHEGS PAS MKHYEN, ,SMRA BA'I LAM RNAMS KUN GYIS BRJOD PAR DKA', ,SA DANG SPYOD PA RNAMS KYANG DE 'DRA STE, ,SMRA BAR DKA' NA @125B MNYAN PAR GA LA NUS, ,ZHES GSUNGS PA DE JI LTAR SBYAR ZHE NA, YE SHES DE'I BRAL BA'I YONGS SU MYA NGAN LAS 'DAS PA NI BSTAN ZIN LA, RANG BZHIN GYIS YONGS SU MYA NGAN LAS 'DAS PA NI MA BSTAN TE, DE BAS NA DE YANG BSTAN PA'I PHYIR, ZHI ZHING RAB ZHI ZHES BYA BA GSUNGS SO, , DE LA ZHI BA NI SPYI'I MTSAN NYID DU LDAN PAS RANG BZHIN GYIS YONGS SU MYA NGAN LAS 'DAS PA NYID DO, ,RAB ZHI BA NI SPYI'I MTSAN NYID MA YIN PA DANG LDAN PAS 'BRAL BA'I YONGS SU MYA NGAN LAS 'DAS PA STE, SO SOR BRTAGS PAS ZHI BA NI RAB TU ZHI BA ZHES BYA BA'I PHYIR RO, ,RNAM PA DE LTA BU'I YE SHES DE SUS MNGON SUM DU YANG DAG PAR THUGS SU CHUD CE NA, BDE BAR GSHEGS PAS MKHYEN ZHES GSUNGS PA'O, ,SUS BSHAD SUS MNYAN ZHE NA, SMRAS PA SUS KYANG MA YIN NO, ,CI'I PHYIR ZHE NA, 'DI LTAR DE NI, SMRA BA'I LAM RNAMS KUN GYIS BRJOD PAR DKA', ,ZHES BYA BA'O,, SMRA BA'I LAM NI TSIG GI LAM STE, MING DANG, TSIG DANG, YI GE'I TSOGS RNAMS SO, ,CI'I PHYIR BRJOD DU MED PA ZHES MI BYA ZHE NA, DE YANG BRJOD PA'I BYA BA MED PA MA YIN PAR BSTAN PA'I PHYIR RO, ,GAL TE YE SHES NI BRJOD PAR DKA' NA, SA DANG SPYOD BA CI 'DRA ZHE NA, SA DANG SBYOD PA RNAMS KYANG DE 'DRA STE, ,SMRA BAR DKA' NA MNYAN PAR GA LA NUS, ,ZHES GSUNGS PA STE, DE LA SA NI YUL TE DMIGS PA'O, ,SPYOD PA NI 'KHOR YIN TE, SBYIN PA'I PHA ROL TU PHYIN PA LA SOGS PA CHOS GANG RNAMS DANG LHAN CIG RGYU BA'O, ,CI'I PHYIR DE LTAR DE BRJOD PAR DKA' ZHING MNYAN PAR DKA' ZHE NA; DE NI BSAM DANG SEMS KYI LAM RNAMS SPANGS, ,YE SHES MNGON SGRUB THUB PA'I DBANG POS MKHYEN, ,PHUNG PO SKYE MCHED KHAMS KYIS PHYI MA YIN, ,SEMS KYIS MI SHES YID KYIS BSAM MA YIN, ,ZHES GSUNGS PA'O, ,CI STON ZHE NA, SBYOR BA LAS BYUNG BA BSAMS PA LAS BYUNG BA'I SHES PA DANG, SKYES NAS THOB PA'I RNAM PAR SHES PA CI 'DRA BAS BSTAN PAR NUS PA DE GNYIS KYI YUL NI DE MA YIN TE, DE DANG MI 'DRA BA SANGS RGYAS KYI MKHYEN PAS MNGON SUM DU YANG DAG PAR THUGS SU CHUD PA'I PHYIR RO, ,DE NI JI LTAR PHUNG PO DANG, KHAMS DANG, SKYE MCHED RNAM PAR GZHAG PAS @126A *, ,BSTAN PA DE LTAR MED DE, YI GE MED PA'I PHYIR RO, ,DE BAS NA BRJOD PAR BYA BAR MI NUS SO, ,'DI LTAR RNA BA'I RNAM PAR SHES PAS SHES PAR BYA BA MA YIN LA, YID KYI RNAM PAR SHES PAS RNAM PAR BRTAG PAR BYA BA MA YIN TE, DE BAS NA MNYAN PAR YANG MI NUS SO, ,DE LA YE SHES MNGON PAR BSGRUB CES BYA BA DE NI SA'I YE SHES SU STON TE, DE'I MNGON PAR BSGRUB PA NI DMIGS PA GANG DANG, GROGS GANG DAG GIS DE MNGON PAR BSGRUB PA'O, ,DA NI MNGON PAR RDZOGS PAR SANGS RGYAS KYANG DE JI LTAR BRJOD PA DANG, MNYAN PAR MI NUS PA DPES STON TE, JI LTAR BAR SNANG GNAS KYI BYA YI RJES, ,MKHAS PAS BRJOD MI NUS LA MI MTHONG BA, ,DE LTAR BDE GSHEGS SRAS KYI SA RNAMS KYANG, ,BRJOD MI NUS NA MNYAN PAR GA LA NUS, ,ZHES BYA BA'O, ,CI STON ZHA NA, DPER NA NAM MKHA'I YUL NI BYA'I RKANG PA LTAR YONGS SU BCAD DU MED PA'I RANG BZHIN YIN PAS NAM MKHA' LA BYA 'GRO BA'I RKANG PA'I RJES BRJOD PA DANG, MTHONG BAR MI NUS MOD KYI, 'ON KYANG DE LA MI 'JOG PA MA YIN PA DE BZHIN DU BYA'I RKANG PA LTA BU'I MING DANG, TSIG DANG, YI GE'I TSOGS RNAMS KYI GNAS SU GYUR PA BYANG CHUB SEMS DPA'I SA RTOGS PA'I YE SHES KYIS BSDUS PA RNAMS KYANG SGRA JI BZHIN GYI NGO BO NYID MA YIN PAS BRJOD PA DANG MNYAN PAR MI NUS MOD KYI, 'ON KYANG DE DAG LA DE MI 'JOG PA MA YIN TE, DE LTAR RE ZHIG ZAB PAS DON GYI CHE BA BSTAN TO, ,CI'I PHYIR BSTAN ZHE NA, NGAS BSHAD KYI KHYOD KYIS SGRA JI LTA BA BZHIN DU DON DU GZUNG BAR MI BYA'O ZHES BSTAN PA'I PHYIR RO, ,SGRA JI BZHIN DU DON BZUNG NA NI NYES DMIGS RNAM PA LNGA YOD DE, MOS PA'I GNAS MA YIN PA NYID KYI NYES PA DANG, RTZOL BA MA NYAMS PAR 'GYUR BA'I NYES PA DANG, GZHAN LA SLU BA'I NYES PA DANG, STON PA LA SKUR PA 'DEBS PA'I NYES PA DANG, CHOS SPONG BAR BYED PA'I NYES PA'O, ,DE LTAR BDAG CAG LA NYES DMIGS LNGA MED PAR SHES NAS, DON GYI ZAB PA BSTAN PAS 'KHOR RNAMS RGYA CHER DAD PAR 'GYUR RO, ,DA NI BSTAN PA'I CHE BA NYID KYIS DAD PAR MDZAD PAR BZHED NAS TSIGS SU BCAD PA LNGA GSUNGS TE, 'ON KYANG BYAMS DANG SNYING RJE SMON LAM GYIS, , @126B DE LAS PHYOGS TZAM RIM PA'I TSUL BZHIN DU, ,BSHAD BYA SEMS KYI SPYOD YUL RNAMS KYIS MIN, ,BSAM PA JI BZHIN YE SHES DE RDZOGS BYED, ,DE YI SPYOD YUL DE 'DRA BA BLTA DKA' BA, ,DE NI RANG SEMS GNAS KYANG BRJOD MI NUS, ,'ON KYANG RGYAL BA'I MTHUS NI RAB BRJOD KYI, , THAMS CAD NYON LA MTHUN PAR GUS BCAS KYI, ,'DI YIS 'JUG BYA YE SHES DE 'DRA BA, ,DE NI BSKAL PAR BRJOD PAR MI NUS TE, ,CHOS DON YANG DAG MA LUS JI BZHIN GNAS, ,MDO TZAM BDAG GIS BSHAD KYI MNYAN PAR GYIS, ,GUS DANG BCAS PAS STA GON GYIS SHIG DANG, ,RGYAL BA'I MTHU YIS BDAG GIS LEGS PAR BSHAD, ,DPE LDAN 'THAD PA YI GE MNYAM PA YIS, ,CHOS KYI DAM PA SGRAS NI BSHAD PAR BYA, ,DE NI TSIG GIS SHIN TU BRJOD DKA' YANG, ,BDE BAR GSHEGS MTHU DPAG MED GANG YIN PA, ,'OD ZER LUS CAN DE NI BDAG LA ZHUGS, , DE YI MTHUS NA BDAG GIS BSHAD PAR NUS, ,ZHES BYA BA'O, ,DE LA RGYAL BA'I SRAS KYI SA THAMS CAD BRJOD PAR MI NUS SO ZHES GSUNGS LA, DE LAS PHYOGS TZAM BSHAD PAR BYA ZHES BYA BA JI LTAR SBYAR ZHE NA, SAS BSDUS PA'I YE SHES DE NI RNAM PA GNYIS TE, RGYUR GYUR PA DANG, 'BRAS BUR GYUR PA'O, ,DE BAS NA RGYUR GYUR PA BSHAD PAR BYA STE, KHONG DU CHUD PAR BYA'O ZHES STON TO, ,DE NI 'BRAS BUR GYUR PA'I PHYOGS GCIG GO, ,BSTAN PA DE'I CHE BA NYID RNAM PA GSUM DU STON TE, RGYU PHUN SUM TSOGS PA'I CHE BA NYID DANG, RGYU NYID PHUN SUM TSOGS PA'I CHE BA NYID DANG, GDAMS NGAG RAB TU BRJOD PA PHUN SUM TSOGS PA'I CHE BA NYID DO, ,DE LA BYAMS DANG SNYING RJE SMON LAM GYIS, ,ZHES BYA BA NI RGYU PHUN SUM TSOGS PA'O, ,DE LA 'CHAR KA'I MDO BZHIN DU BDE BA DANG YID BDE BA RGYU DANG BCAS PA SGRUB PA'I BSAM PA NI BYAMS PA'O, ,SDUG BSNGAL DANG YID MI BDE BA RGYU DANG BCAS PA BSAL BA'I BSAM PA NI SNYING RJE'O, ,SMON LAM NI BYANG CHUB CHEN POR SEMS SKYED PA'O, ,DE GNYIS SMOS PAS NI BYAMS PA DANG SNYING RJE THUN MONG MA YIN PA YUN RING PO NAS BSGOMS NAS ZHES BYA BAR STON TO, ,RIM PA'I TSUL BZHIN DU ZHES BYA BA NI RGYU NYID PHUN SUM TSOGS PA STE, BSHAD PA DE THOS @127A *, ,PA LAS BYUNG BA DANG, BSAMS PA LAS BYUNG BA LA SOGS PA SHES PA'I RIM PA GANG GIS 'JIG RTEN LAS 'DAS PA'I YE SHES KYI BAR GYI RGYUR 'GYUR BA'O, ,GDAMS NGAG RAB TU BRJOD PA PHUN SUM TSOGS PA NI RNAM PA GNYIS TE, YONGS SU RDZOGS PAR BYED PA RAB TU BRJOD PA DANG, DMIGS PA RAB TU BRJOD PA'O, ,DE LA YONGS SU RDZOGS PAR BYED PA RAB TU BRJOD PA NI GANG GI PHYIR, SEMS KYI SPYOD YUL RNAMS KYIS MIN, ,BSAM PA JI BZHIN YE SHES DE RDZOGS BYED, ,CES GSUNGS PA'O, ,CI STON ZHE NA, THOS PA LAS BYUNG BA LA SOGS PA'I SHES PA; SEMS KYI SPYOD YUL DU GYUR PA DE DAG NI 'JIG RTEN LAS 'DAS PA'I YE SHES KYI RGYU TZAM DU 'GYUR GYI, DE DAG GIS DE DAG YONGS SU RDZOGS PAR BYED PA NI MA YIN TE, 'DI LTAR BSAM PA DAG PA RTOGS PA'I YE SHES 'JIG RTEN LAS 'DAS PA DE DAG DE RDZOGS PAR BYED DO ZHES STON TO, ,DE LA DMIGS PA RAB TU BRJOD PA NI GANG GI PHYIR, DE YI SPYOD YUL DE 'DRA MTHONG DKA' BA, ,DE NI RANG SEMS GNAS KYANG BRJOD MI NUS, ,ZHES GSUNGS PA STE, CI STON PAR 'GYUR ZHE NA, DE'I SPYOD YUL DE 'DRA MTHONG DKA' BA RANG GI BSAM PA DAG PA LA YOD PA GANG YIN PA DE NI BRJOD PAR MI NUS SO, , ZHES STON TO, ,DE LTAR BSTAN PA'I GDAMS NGAG RAB TU BRJOD PA PHUN SUM TSOGS KYANG NYES PA GNYIS KYIS RTOGS PAR MI 'GYUR TE, 'CHAD PA PO'I NYES PA DANG, NYAN PA PO'I NYES PA'O, ,DE LA 'CHAD PA PO'I NYES PA YANG RNAM PA GNYIS TE, SANGS RGYAS KYIS BKA' MA STZAL PAR 'CHAD PA DANG, NYE MGON BYED BA'O, ,NYAN PA PO'I NYES PA YANG RNAM PA GNYIS TE, NGAS NI RIGS KYI KHYOD KYIS NI MI RIGS SO ZHES MNGON PAR ZHEN NAS CHOS LA DU MAR SEMS PA LTA BA'I NYES PA DANG, 'CHAD PA PO LA MA GUS PA'I NYES PA'O, ,DE LA RE ZHIG 'CHAD PA PO BDAG GI NYES PA MED PAR STON TO, ,BDAG NI SANGS RGYAS KYIS BKA' MA STZAL PA DANG, NYE MGON BYED CING MI 'CHAD DE, 'ON KYANG RGYAL BA'I MTHU YIS RAB BRJOD KYI, ,ZHES GSUNGS PA'O, ,THAMS CAD NYON LA ZHES GSUNGS PA'I PHYIR RO, ,DE'I 'OG TU NYAN PA PO'I NYES PA RNAM PA GNYIS YONGS SU SPANGS PA'I PHYIR, DE DAG NYID LA MTHUN @127B PAR GUS BCAS KYI, ,ZHES BYA BAS STON TE, GO RIMS BZHIN NO, ,DE LTAR BSHAD DO ZHES DAM BCAS NA CI RGYA CHER 'CHAD DAM, 'ON KYANG MDOR 'CHAD CE NA, RGYA CHER 'CHAD MI NUS LA MDOR 'CHAD DE, 'ON KYANG DE'I DON MTHA' DAG 'CHAD DO ZHES TSIGS SU BCAD PA GSUM PAS DAM BCAS TE; 'DI YI 'JUG BYA YE SHES DE 'DRA BA, ,ZHES BYA BA'O, ,DE LA 'JUG PAR BYA BA'I YE SHES NI SA BSTAN PA 'DIS YE SHES LA 'JUG PA GANG YIN PA'O, ,YANG DAG MA LUS ZHES BYA BA SMOS PAS NI RGYA CHEN PO DE'I DON JI LTA BA DANG JI SNYED YONG PA BSDUS PAR STON TO, ,JI BZHIN GNAS ZHES BYA BA NI DE BZHIN GSHEGS PAS RNAM PAR GZHAG PA'I TSUL GYIS JI LTA BA BZHIN DU GNAS PA'O, ,GUS PA DANG BCAS PAR NYON CIG CES BYA BA DE NI BSHAD ZIN NO, JI LTAR GUS PA DANG BCAS PAR BYA BA MA BSHAD PAS DE'I PHYIR DE STON TE, GUS DANG BCAS PAR STA GON GYIS SHIG DANG, ,ZHES BYA BA'O, ,DE LA STA GON BYA BA NI RNAM PA GNYIS SU RIG PAR BYA'O, ,LUS KYIS STA GON BYA BA NI SBYOD LAM GANG GIS GNAS TE, NYAN PA'I 'OS SU GYUR PA YIN NO, ,SEMS KYIS STA GON BYA BA NI SEMS RNAM PAR MI G-YENG BA GANG GIS 'DZIN PA'I 'OS SU 'GYUR BA YIN NO, ,'DIS NI LUS KYIS STA GON BYA BA GUS PA DANG BCAS PAR BYA BA DANG, SEMS KYIS STA GON BYA BA GUS PA DANG BCAS PA DANG, STA GON BYA BA RNAM PA GNYIS LA 'DZUD DO, ,BDAG GIS LEGS PAR BSHAD CES BYA BA NI BDAG NYID MNGON PA'I NGA RGYAL MED PAR STON TO, ,RGYAL BA'I MTHUS ZHES BYA BA NI NGA RGYAL MED PA NYID DO,, TSIGS SU BCAD PA'I PHYED 'OG MA, DPE LDAN 'THAD LA YI GE MNYAM PA YIS, ,CHOS KYI DAM PA SGRAS NI BSHAD PAR BYA, ,ZHES BYA BAS CI STON ZHE NA, GANG BSHAD PA STE, CHOS KYI DAM PA DANG, GANG GIS SHE NA, SGRA DANG, JI LTA BUR ZHE NA, DPE DANG, GTAN TSIGS DANG LDAN PA DANG, GANG LA BRTEN ZHE NA, YI GE RNAMS LA STE, DE THAMS CAD LEGS PAR BSHAD PAR BYA'O ZHES STON TO, ,DE LA 'THAD PA ZHES BYA BA NI GTAN TSIGS DANG LDAN PAR RIG PAR BYA'O, ,YI GE MNYAM NI RNAM PA GNYIS KYIS TE, SU'I SKAD CI 'DRA BA DES YI GE MNYAM PA DANG, TSIG DANG YI GE MANG NYUNG @128A *, ,MED PAR RAN PA JI SNYED DAG GIS DON GO BA'O, ,RGYAL BA'I MTHUS NI BSTAN ZIN NA, MTHU DE CI 'DRA BA MA BSTAN TE, DE'I PHYIR TSIGS SU BCAD PA LNGA PAS DE STON TE, DE NI TSIG GIS SHIN TU BRJOD DKA' YANG, ,BDE BAR GSHEGS MTHU DPAG MED GANG YIN PA, ,'OD ZER LUS CAN DE NI BDAG LA ZHUGS, ,DE YI MTHUS NA BDAG GIS BSHAD PAR NUS, ,ZHES BYA BA'O, ,DE NAS SA BSHAD PAR RTZOM STE, SA BSHAD PA 'DI LA CI ZHIG BSTAN PAR BYA ZHE NA, GNAS PA DANG, NGES PA'I TSIG DANG, RAB TU GNAS PA'O, ,DE LA GNAS GANG YIN PA DANG, GANG GI PHYIR DANG, GZHI GANG YIN PA DANG, CI 'DRA BA'I SEMS SKYES PAS SA DANG PO LA GNAS PAR GYUR PA DE NI GNAS PA YIN NO,, ,,BAM PO GSUM PA, GNAS DE NI KYE RGYAL BA'I SRAS DAG DE LA SEMS CAN DGE BA'I RTZA BA SHIN TU BSAGS PA ZHES BYA BA DE LA SOGS PA BCU PA PHRAG BZHIS STON TO, ,DE LA RE ZHIG GNAS GANG YOD NA SEMS DE SKYE BA DE NI, SEMS CAN DGE BA'I RTZA BA SHIN TU BSAGS PA, TSOGS SHIN TU BSAGS PA, SPYOD PA SHIN TU SPYAD PA, SANGS RGYAS 'BYUNG BA SHIN TU BSNYEN BKUR BYAS PA, CHOS DKAR PO SHIN TU BSDUS PA, DGE BA'I BSHES GNYEN SHIN TU GZUNG BA, BSAM PA SHIN TU RNAM PAR DAG PA, LHAG PA'I BSAM PA RGYA CHEN PO DANG LDAN PA, RGYA CHEN PO LA MOS PA DANG LDAN PA, SNYING BRTZE BA DANG, SNYING RJE MNGON DU GYUR PA ZHES BYA BA BCU PA 'DIS STON TO, ,BSAGS PA DE YANG RNAM PA DGUR RIG PAR BYA STE, TSUL KHRIMS 'KHOR DANG BCAS PA LEGS PAR BYAS PA NYID KYI PHYIR, TSOGS BSAGS PA NI GANG GI PHYIR, TSOGS SHIN TU BSAGS PA ZHES GSUNGS PA'O, ,TING NGE 'DZIN 'KHOR DANG BCAS PA LEGS PAR BYAS PA NYID KYI PHYIR SPYOD PA BSAGS PA NI GANG GI PHYIR, SPYOD PA SHIN TU SPYAD PA ZHES GSUNGS PA STE, DMIGS PA LA SBYOD PA'I SKABS YIN PAS, TING NGE 'DZIN NI SPYOD PA ZHES BYA'O, ,THOS PA LAS BYUNG BA'I SHES PA LEGS PAR BYAS PA NYID KYI PHYIR BSNYEN BKUR BYAS PA BSAGS PA NI GANG GI PHYIR, SANGS RGYAS 'BYUNG BA SHIN TU BSNYEN BKUR BYAS PA ZHES GSUNGS PA'O, ,BSAMS PA LAS BYUNG BA'I SHES @128B PAS PHA ROL TU PHYIN PA LA SOGS PA DGE BA'I CHOS LEGS PAR BRTAGS PA NYID KYI PHYIR YONGS SU BSDUS PA BSAGS PA NI GANG GI PHYIR, CHOS DKAR PO SHIN TU BSDUS PA ZHES GSUNGS PA'O, ,DE KHO NA RTOGS PAR SBYOR BA'I BSGOM PA LA GDAMS NGAG LEGS PAR RNYED PA NYID KYI PHYIR, YONGS SU GZUNG BA BSAGS PA NI GANG GI PHYIR, DGE BA'I BSHES GNYEN SHIN TU GZUNG BA ZHES GSUNGS PA'O, ,DE KHO NA RTOGS PA THOB PA NYID KYI PHYIR BSAM PA RNAM PAR DAG PA BSAGS BA NI GANG GI PHYIR, BSAM PA SHIN TU RNAM PAR DAG PA ZHES GSUNGS PA'O, ,SEMS CAN THAMS CAD KYI DON BYA BA'I LHAG PA'I BSAM PA NYID KYI PHYIR SHIN TU RGYAS PA BSAGS PA NI GANG GI PHYIR, LHAG PA'I BSAM PA RGYA CHEN PO DANG LDAN PA ZHES GSUNGS PA'O, ,THAMS CAD MKHYEN PA NYID KYI YE SHES 'DOD PA NYID KYI PHYIR MOS PA BSAGS PA NI GANG GI PHYIR, RGYA CHEN PO LA MOS PA DANG LDAN PA ZHES GSUNGS PA'O, ,SNYING BRTZE BA DANG SNYING RJE LA MANG DU GNAS PA'I PHYIR MNGON DU GYUR PA BSAGS PA NI GANG GI PHYIR, SNYING BRTZE BA DANG, SNYING RJE MNGON DU GYUR PA ZHES GSUNGS PA'O, ,DE LA SDUG BSNGAL GYI SDUG BSNGAL NYID DANG, 'GYUR BA'I SDUG BSNGAL NYID LAS BRTZAMS PA NI SNYING BRTZE BA YIN PAR RIG PAR BYA'O, ,'DU BYED KYI SDUG BSNGAL NYID LA BRTZAMS PA NI SNYING RJE'O, ,DE LA TSUL KHRIMS 'KHOR DANG BCAS PA LEGS PAR BYAS PA NYID DANG, TING NGE 'DZIN 'KHOR DANG BCAS PA LEGS PAR BYAS PA NYID KYI PHYIR TSOGS BSAGS PA DANG, SPYAD PA BSAGS PA DANG, BSAGS PA GNYIS NI LHAG PA'I TSUL KHRIMS DANG, LHAG PA'I SEMS KYI BSLAB PAS RAB TU PHYE BA YIN NO, ,THOS PA LAS BYUNG BA'I SHES PA LEGS PAR BYAS PA NYID KYI PHYIR, BSNYEN BKUR BYAS PA BSAGS PA DANG, BSAMS PA LAS BYUNG BA'I SHES PAS PHA ROL TU PHYIN PA LA SOGS PA DGE BA'I CHOS LA LEGS PAR BRTAGS PA NYID KYI PHYIR YONGS SU BSDUS PA BSAGS PA DANG, DE KHO NA RTOGS PAR SBYOR BA'I BSGOM PA LA GDAMS NGAG LEGS PAR RNYED PA NYID KYI PHYIR YONGS SU GZUNG BA BSAGS PA DANG, DE KHO NA RTOGS PA THOB PA NYID KYI PHYIR BSAM PA RNAM PAR DAG PA BSAGS PA BZHI NI @129A *, ,LHAG PA'I SHES RAB KYI BSLAB PAS RAB TU PHYE BA YIN NO, ,SEMS CAN THAMS CAD KYI DON BYA BA'I LHAG PA'I BSAM PA NYID KYI PHYIR SHIN TU RGYAS PA BSAGS PA DANG, THAMS CAD MKHYEN PA'I YE SHES 'DOD PA NYID KYI PHYIR MOS PA BSAGS PA DANG, SNYING BRTZE BA DANG, SNYING RJE LA MANG DU GNAS PA'I PHYIR, MNGON DU GYUR PA'I BSAGS PA GSUM NI BSAM PA DE NYID NYAN THOS DANG RANG SANGS RGYAS KYI BSAM PA LAS KHYAD PAR DU GYUR PAS RAB TU PHYE BA YIN NO, ,BCU PA 'DI LA DGE BA'I RTZA BA SHIN TU BSAGS PA NI YAN LAG GO, ,BSAGS PA RNAM PA DGU PO NI DE'I NYE BA'I YAN LAG GO, ,DE GNYIS NI BSAGS PA NYID DU MTSAN NYID 'DRA BA'O, ,BSAGS PA'I RNAM PA GZHAN GYI PHYIR MTSAN NYID MI 'DRA BA'O, ,YAN LAG BSTAN PA NI 'DU BA'O, ,NYE BA'I YAN LAG BSTAN PA NI RGYAS PA'O, ,DE LTAR RE ZHIG GNAS GANG YOD NA SEMS SKYE BA DE BSTAN NAS DA NI GANG GI PHYIR SKYE BA DE NI, SANGS RGYAS KYI YE SHES LA MNGON PAR 'DOD PAR BYA BA'I PHYIR DANG, STOBS BCU'I STOBS THOB PAR BYA BA'I PHYIR DANG, MI 'JIGS PA CHEN PO THOB PAR BYA BA'I PHYIR DANG, SANGS RGYAS KYI CHOS MNYAM PA NYID THOB PAR BYA BA'I PHYIR DANG, 'GRO BA THAMS CAD YONGS SU BSKYAB PAR BYA BA'I PHYIR DANG, SNYING BRTZE BA DANG, SNYING RJE CHEN PO RNAM PAR DAG PAR BYA BA'I PHYIR DANG, PHYOGS BCU MA LUS PAR SHES PAR THOB PAR BYA BA'I PHYIR DANG, SANGS RGYAS KYI ZHING THAMS CAD THOGS PA MED PAS YONGS SU SBYANG BAR BYA BA'I PHYIR DANG, DUS GSUM SKAD CIG GCIG GIS KHONG DU CHUD PAR BYA BA'I PHYIR DANG, CHOS KYI 'KHOR LO CHEN PO RAB TU BSKOR BA LA 'JIGS PA MED PAR BYA BA'I PHYIR BYANG CHUB SEMS DPA' RNAMS KYI SEMS DE SKYE BAR 'GYUR TE ZHES BYA BAS STON TO, ,DE LA SANGS RGYAS KYI YE SHES NI GANG LA YONGS SU SHES PA DANG, SPONG BA DANG, MNGON SUM DU BYED PA DANG; BSGOM PA BLA NA MED PA YOD PA'O, ,GANG 'DOD PA'I PHYIR BYANG CHUB KYI SEMS DE SKYE BA'I SANGS RGYAS KYI YE SHES DE YANG LAS RNAM PA DGU'I BYE BRAG GIS RNAM PA DGUR RIG PAR BYA STE, SANGS RGYAS KYI STOBS KYI YE SHES NI DRIS PA LAN 'DEBS PA'I LAS CAN NO, ,DE YANG GNAS DANG, GNAS @129B MA YIN PAR SHES PA'I STOBS LA DE BZHIN GSHEGS PA LA ZHU BA ZHU'O ZHES MDO SDE'I TSIG GI TSUL GYIS SHES PAR BYA STE, GANG GI PHYIR STOBS BCU'I STOBS THOB PAR BYA BA'I PHYIR ZHES GSUNGS PA'O, ,SANGS RGYAS KYI MI 'JIGS PA'I YE SHES NI PHAS KYI RGOL BA TSAR GCOD PA'I LAS CAN TE, GANG GI PHYIR MI 'JIGS PA CHEN PO THOB PAR BYA BA'I PHYIR ZHES GSUNGS PA'O, ,SANGS RGYAS KYI MNYAM PA NYID KYI YE SHES NI GANG ZAG DANG CHOS LA BDAG MED PA RTOGS PAR BYA BA'I PHYIR GDAMS NGAG SBYIN PA'I LAS CAN TE, GANG GI PHYIR SANGS RGYAS KYI CHOS MNYAM PA NYID THOB PAR BYA BA'I PHYIR ZHES GSUNGS PA'O, ,SANGS RGYAS KYI YONGS SU BSKYAB PA'I YE SHES NI BSDU BA'I DNGOS PO BZHI PA DAG GIS SEMS CAN YONGS SU SMIN PAR BYED PA'I LAS CAN TE, GANG GI PHYIR 'GRO BA THAMS CAD YONGS SU BSKYAB PAR BYA BA'I PHYIR ZHES GSUNGS PA'O, ,SANGS RGYAS KYI RNAM PAR SPYOD BA'I YE SHES NI DE'I GZHI YONGS SU SBYONG BA'I LAS CAN TE, GANG GI PHYIR SNYING BRTZE BA DANG, SNYING RJE CHEN PO RNAM PAR DAG PAR BYA BA'I PHYIR ZHES GSUNGS PA'O, ,SANGS RGYAS KYI MA LUS PAR MKHYEN PA'I YE SHES NI SANGS RGYAS KYI SPYAN GYIS 'JIG RTEN LA NYIN MTSAN LAN DRUG TU RNAM PAR GZIGS PA'I LAS CAN TE, GANG GI PHYIR PHYOGS BCU MA LUS PAR SHES PA THOB PAR BYA BA'I PHYIR ZHES GSUNGS PA'O, ,SANGS RGYAS KYI YONGS SU SBYONG BA'I YE SHES NI YE SHES DANG SEMS THOGS PA MED PA'I PHYIR ZHING THAMS CAD DU THOGS PA MED PA DANG, NYON MONGS PA CAN MA YIN PA'I SPRUL PA 'JUG PAR BYED PA'I LAS CAN TE, GANG GI PHYIR SANGS RGYAS KYI ZHING THAMS CAD LA THOGS PA MED PA YONGS SU SBYANG BAR BYA BA'I PHYIR ZHES GSUNGS PA'O, ,SANGS RGYAS KYIS THUGS SU CHUD PA'I YE SHES NI SEMS CAN DE DAG GI DUS GSUM GYI BSAM PA DANG, BAG LA NYAL SKAD CIG GCIG GIS MKHYEN PA'I LAS CAN TE, GANG GI PHYIR DUS GSUM SKAD CIG GCIG GIS KHONG DU CHUD PAR BYA BA'I PHYIR ZHES GSUNGS PA'O, ,SANGS RGYAS KYI CHOS KYI 'KHOR LO RAB TU BSKOR BA'I YE SHES NI 'DZAM BU'I GLING BYE BA PHRAG BRGYAR CIG CAR DU CHOS KYI 'KHOR LO RAB TU BSKOR BAS RNAM PAR THAR PA'I THABS LA MKHAS PA'I LAS @130A *, ,CAN TE, GANG GI PHYIR CHOS KYI 'KHOR LO CHEN PO RAB TU BSKOR BA LA 'JIGS PA MED PAR BYA BA'I PHYIR ZHES GSUNGS PA'O, ,SEMS DE SKYE BAR 'GYUR ZHES BYA BA NI SNGAR BSTAN PA'I NANG NAS, KYE RGYAL PA'I SRAS DAG BYANG CHUB SEMS DPA'I SMON LAM 'DI NI SHIN TU RNAM PAR NGES PA STE ZHES GANG 'BYUNG BA DE YIN NO, ,CI'I PHYIR DE SEMS NYID LA BRJOD KYI SHES RAB DANG SEMS LAS BYUNG BA'I CHOS GZHAN LA MA YIN ZHE NA, SEMS LA YONGS SU SHES PA LA SOGS PA RNAM PA BZHI YOD PA'I PHYIR RO, ,DA NI GZHI GANG LAS SEMS DE SKYE BAR 'GYUR BA DE STON TE, SNYING RJE CHEN PO SNGON DU 'GRO BA CAN DANG, SHES RAB DANG YE SHES KYI DBANG DU GYUR PA DANG, THABS MKHAS PAS YONGS SU GZUNG BA DANG, BSAM PA DANG, LHAG PA'I BSAM PAS RAB TU BSTAN PA DANG, DE BZHIN GSHEGS PA'I STOBS DPAG TU MED PA DANG LDAN PA DANG, SNYING STOBS KYI STOBS DANG, BLO'I STOBS KYIS SHIN TU RNAM PAR PHYE BA'I RNAM PAR 'BYED PA DANG, RANG BYUNG GI YE SHES DANG MTHUN PA DANG, SANGS RGYAS KYI CHOS THAMS CAD LA SHES RAB DANG, YE SHES KYI GDAMS NGAG YANG DAG PAR TSOL BA DANG, CHOS KYI DBYINGS KYIS KLAS PA DANG, NAM MKHA'I KHAMS LTAR GNAS SHING PHYI MA'I MTHA'I MUR THUG PA ZHES BYA BA BCU PA 'DIS STON TO, ,DE LA SNYING RJE CHEN PO SNGON DU 'GRO BA CAN ZHES BYA BA NI SNYING RJE CHEN PO NYID RNAM PA DGUR RIG PAR BYA STE, PHRA BA'I SDUG BSNGAL NYID SHES PA'I DBANG GIS SKYES PA NYID KYI PHYIR DBANG DU GYUR PA CHEN PO NYID NI GANG GI PHYIR SHES RAB DANG YE SHES KYI DBANG DU GYUR PA ZHES GSUNGS PA'O, ,DE LA SKABS 'DIR SHES RAB NI RANG DANG SPYI'I MTSAN NYID RAB TU DBYE BA'I RNAM PA YIN, YE SHES NI RGYU DANG 'BRAS BU'I 'JUG PA KUN NAS NYON MONGS PA DANG RNAM PAR BYANG BA'I RNAM PA YIN PAR RIG PAR BYA'O, ,SEMS CAN SDUG BSNGAL BA YONGS SU BSKYAB PA'I THABS LA MKHAS PA YONGS SU ZIN PA NYID KYI PHYIR, YONGS SU 'DZIN PA CHEN PO NYID NI GANG GI PHYIR THABS MKHAS PAS YONGS SU GZUNG ZHES GSUNGS PA'O, ,DE'I DUS DANG 'KHOR BA JI SRID PAR SEMS CAN GYI DON BYA BAR KHAS BLANGS PAS 'PHEL BA NYID KYI PHYIR RAB TU RTON PA CHEN PO NYID NI GANG GI PHYIR, BSAM PA DANG LHAG PA'I @130B BSAM PAS RAB TU BRTAN PA ZHES GSUNGS PA'O, ,DE BZHIN GSHEGS PA'I STOBS DPAG TU MED PA 'BRAS BUR YONGS SU 'DZIN PA NYID KYI PHYIR DPAG TU MED PA CHEN PO NYID NI GANG GI PHYIR, DE BZHIN GSHEGS PA'I STOBS DPAG TU MED PA DANG LDAN PA ZHES GSUNGS PA'O, ,RGYA CHEN PO LA MOS PA DANG ZAB MO SHES PAS MI MTHUN PA'I PHYOGS LAS RGYAL BA NYID KYI PHYIR, SHIN TU RNAM PAR PHYE PA'I RNAM PAR 'BYED PA CHEN PO NYID NI GANG GI PHYIR, SNYING STOBS KYI STOBS DANG, BLO'I STOBS KYIS SHIN TU RNAM PAR PHYE BA'I RNAM PAR 'BYED PA ZHES GSUNGS PA'O, ,RANG GI MNGON PAR RDZOGS PAR BYANG CHUB PA LA GZHOL BA NYID KYI PHYIR RJES SU MTHUN PA CHEN PO NYID NI GANG GI PHYIR, RANG BYUNG GI YE SHES DANG MTHUN PA ZHES GSUNGS PA'O, ,KHYAD PAR DU 'GRO BA'I MAN NGAG YONGS SU TSOL BA NYID KYI PHYIR YANG DAG PAR TSOL BA CHEN PO NYID NI GANG GI PHYIR, SANGS RGYAS KYI CHOS THAMS CAD LA SHES RAB DANG; YE SHES KYI GDAMS NGAG YANG DAG PAR TSOL BA ZHES GSUNGS PA'O, ,YON TAN YONGS SU 'DZIN PA GTZO BAR BYED PA NYID KYI PHYIR DAM PA CHEN PO NYID NI GANG GI PHYIR, CHOS KYI DBYINGS DAM PA DANG LDAN PA ZHES GSUNGS PA'O, ,'BRAS BU YID DU 'ONG PA'I RGYUS ZAD MI SHES PA DANG, MYA NGAN LAS 'DAS PA LA GZHOL BA NYID KYI PHYIR GNAS PA DANG MTHAR PHYIN PA CHEN PO NYID NI GANG GI PHYIR, NAM MKHA'I KHAMS LTAR GNAS SHING PHYI MA'I MTHA'I MUR THUG PA ZHES GSUNGS PA'O, ,DA NI CI 'DRA BA'I SEMS DE SKYE BAR 'GYUR BA DE STON TO, ,'DI 'DRA BA'I SEMS DE SKYE BAR 'GYUR BA STE, SEMS SKYE BA DE SKYES MA THAG TU BYANG CHUB SEMS DPA' SO SO'I SKYE BO LAS SHIN TU 'DAS PA YIN, BYANG CHUB SEMS DPA'I SKYON MED PAR ZHUGS PA YIN, DE BZHIN GSHEGS PA'I RIGS SU SKYES PA YIN, GNAS BRJOD PAS KHA NA MA THOB MED PA YIN, 'JIG RTEN GYI 'GRO BA THAMS CAD LAS PHYIR LOG PA YIN, 'JIG RTEN LAS 'DAS PA'I 'GRO BAR ZHUGS PA YIN, BYANG CHUB SEMS DPA'I CHOS NYID LA GNAS PA YIN, BYANG CHUB SEMS DPA'I SA LA RAB TU GNAS PA YIN, DUS GSUM MNYAM PA NYID DU RTOGS PA YIN, DE BZHIN GSHEGS PA'I RIGS SU NGES SHING RDZOGS PA'I BYANG CHUB LA GZHOL BA YIN @131A *, ,ZHES BYA BA'O, ,DE LA SO SO'I SKYE BO'I SA LAS SHIN TU 'DAS PA NI 'PHAGS PA NYID DE 'JIG RTEN LAS 'DAS PA'I LAM THOB PAR STON TO, SHIN TU 'DAS PA DE YANG RNAM PA BRGYAD DU RIG PAR BYA STE, MNGAL DU ZHUGS PA DANG 'DRA BAS 'JIG RTEN LAS 'DAS PA'I SEMS DANG BOR MNGON PAR GRUB PA NYID KYI PHYIR, ZHUGS PAS SHIN TU 'DAS PA NI GANG GI PHYIR, BYANG CHUB SEMS DPA'I SKYON MED PAR ZHUGS PA YIN ZHES GSUNGS PA'O, ,RIGS SU SKYES PA DANG 'DRA BAS RIGS KYIS SHIN TU 'DAS PA NI GANG GI PHYIR, DE BZHIN GSHEGS PA'I RIGS SU SKYES PA YIN ZHES GSUNGS PA'O, ,'DRA BA'I BU DANG MTHUN PAS THEG PA CHEN PO'I SPYOD PA LAS SKYES PA NI GANG GI PHYIR GNAD BRJOD PAS SHIN TU 'DAS PA NI GANG GI PHYIR, GNAD BRJOD PAS KHA NA MA THOB PA MED PA YIN ZHES GSUNGS PA'O, ,'GRO BA GZHAN DU SKYES PA DANG MTHUN PAS 'JIG RTEN DANG 'JIG RTEN LAS 'DAS PA'I 'GRO BSAM BSDUS LA, BSDUS PA'I PHYIR 'GRO BA LAS SHIN TU 'DAS PA NI GANG GI PHYIR, 'JIG RTEN GYI 'GRO BA THAMS CAD LAS PHYIR LOG PA YIN, 'JIG RTEN LAS 'DAS PA'I 'GRO BAR ZHUGS PA YIN ZHES GSUNGS PA'O, ,LUS KYI RANG BZHIN DANG MTHUN PAS SNYING RJE'I BDAG NYID KYIS GZHAN GYI DGOS PA BDAG GI DGOS PA YIN PA NYID KYI PHYIR CHOS NYID KYIS SHIN TU 'DAS PA NI GANG GI PHYIR, BYANG CHUB SEMS DPA'I CHOS NYID LA GNAS PA YIN ZHES GSUNGS PA'O, ,BTZAS NAS GNAS PA DANG MTHUN PAS 'KHOR BA YONGS SU MI GTONG LA KUN NAS NYON MONGS PA MED PA'I THABS LA MKHAS PAS GNAS PA NYID KYI PHYIR GNAS PA SHIN TU 'DAS PA NI GANG GI PHYIR, BYANG CHUB SEMS DPA'I GNAS LA RAB TU GNAS PA YIN ZHES GSUNGS PA'O, ,BTZAS NAS 'TSO BA DANG MTHUN PAS STONG PA NYID RTOGS PA'I 'PHAGS PA'I SHES RAB KYI PHYIR MNYAM PA NYID KYIS SHIN TU 'DAS PA NI GANG GI PHYIR, DUS GSUM MNYAM PA NYID DU RTOGS PA YIN ZHES GSUNGS PA'O, ,PHUN SUM TSOGS PA DANG MTHUN PAS SANGS RGYAS KYI RIGS LAS YONGS SU MI NYAMS SHING MYA NGAN LAS 'DAS PA NYID KYI PHYIR NGES PAS SHIN TU 'DAS PA NA GANG GI PHYIR, DE BZHIN GSHEGS PA'I RIGS SU NGES SHING RDZOGS PA'I BYANG CHUB LA GZHOL BA @131B MA YIN ZHES GSUNGS PA'O, ,DE LTAR THUN MONG MA YIN PA NYID KYI PHYIR, SO SO'I SKYE BO LAS BYANG CHUB SEMS DPA'I SKYE BA MNGAL DU ZHUGS PA DANG MI 'DRA BA NYID DU YANG BSTAN TE, GO RIMS BZHIN DU NYON MONGS PA DANG BCAS PA DANG NYON MONGS PA MED PA ZHES BYA BA'I THA TSIG GO, ,RIGS MI 'DRA BA NYID DANG GNAS BTZUN PA MI 'DRA BA NYID DANG, 'GRO BA MI 'DRA BA NYID DANG, LUS MI 'DRA BA NYID DANG, GNAS MI 'DRA BA NYID DANG, 'TSO BA MI 'DRA BA NYID DANG, PHUN SUM TSOGS PA MI 'DRA BA NYID KYANG DE BZHIN TE, 'DI NI RE ZHIG BSHAD PA 'DI LA GNAS PA ZHES BYA'O, ,DE SKAD DU, KYE RGYAL BA'I SRAS DAG CHOS 'DI LTA BU LA GNAS PA'I BYANG CHUB SEMS DPA' NI BYANG CHUB SEMS DPA'I SA RAB TU DGA' BA LA MI G-YO BA'I TSUL GYIS RAB TU GNAS PA YIN NO ZHES GSUNGS SO, ,DA NI SA'I NGES PA'I TSIG STON TE, JI LTAR STON ZHE NA, MCHOG TU DGA' BA MANG BAS RAB TU DGA' BA YIN NO ZHES BSTAN PA'I PHYIR MCHOG TU DGA' BA CI 'DRA BA DANG DMIGS PA CI 'DRA BAS SA 'DI LA RAB TU DGA' BA YIN PA DE BCU PA GCIG PA DANG, GNYIS KYIS STON TO, ,KYE RGYAL PA'I SRAS DAG DE LA BYANG CHUB SEMS DPA'I SA RAB TU DGA' BA LA GNAS PA'I BYANG CHUB SEMS DPA' NI MCHOG TU DGA' BA MANG BA YIN; DANG BA MANG BA YIN, DGA' BA MANG BA YIN, RANGS PA MANG BA YIN, MGU BA MANG BA YIN, DGA' RLABS MANG BA YIN, SPRO BA MANG BA YIN, MI 'KHRUGS PA MANG BA YIN, RNAM PAR 'TSE BA MED PA MANG BA YIN, KHRO BA MED PA MANG BA YIN NO, ,KYE RGYAL BA'I SRAS DAG DE LTAR BYANG CHUB SEMS DPA'I SA RAB TU DGA' BA LA GNAS PA'I BYANG CHUB SEMS DPA' NI SANGS RGYAS BCOM LDAN 'DAS RNAMS DANG, SANGS RGYAS KYI CHOS RNAMS DANG, BYANG CHUB SEMS DPA' RNAMS DANG, BYANG CHUB SEMS DPA'I SPYOD PA RNAMS DANG, PHA ROL TU PHYIN PA RNAM PAR DAG PA DANG, BYANG CHUB SEMS DPA'I SA'I KHYAD PAR DANG, BYANG CHUB SEMS DPA'I MI 'PHROGS PA NYID DANG, DE BZHIN GSHEGS PA'I GDAMS NGAG RJES SU BSTAN PA DANG, SEMS CAN GYI DON RGYA CHER YANG DAG PAR 'THOB PAR BYED PA DANG, DE BZHIN GSHEGS PA'I YE SHES LA 'JUG PA'I SBYOR BA RJES SU DRAN ZHING RAB TU DGA' BA @132A *, ,YIN NO, ,PHYIR ZHING MCHOG TU DGA' BA DANG LDAN PA YIN NO, ,BDAG NI 'GRO BA THAMS CAD KYI YUL LAS PHYIR LOG GO, ,BDAG NI SANGS RGYAS DANG NYE BA LA ZHUGS SO, ,BDAG NI BYIS PA SO SO'I SKYE BO'I SA LAS RING DU GYUR TO, ,BDAG NI YE SHES KYIS DANG NYE BAR GYUR TO, BDAG NI NGAN SONG NGAN 'GRO LOG PAR LTUNG BA THAMS CAD KYI RGYUN CHAD PA'O, ,BDAG NI SEMS CAN THAMS CAD KYI STON PAR 'GYUR RO, ,BDAG NI DE BZHIN GSHEGS PA RNAMS MTHONG BA DANG NYE BAR GYUR TO, ,BDAG NI SANGS RGYAS KYI YUL LA YANG DAG PAR BYUNG NGO, ,BDAG NI BYANG CHUB SEMS DPA' THAMS CAD KYI MNYAM PA NYID DANG LDAN PAR GYUR TO, ,BDAG NI 'JIGS PA DANG, DNGANG BA DANG, BAG TSA BA DANG BRAL LO ZHES MCHOG TU DGA' BA BSKYED DO ZHES 'BYUNG NGO, ,MCHOG TU DGA' BA ZHES BYA BA NI SEMS MGU BA DANG, YID BDE BA DANG YID RANGS PA'O, ,DE YANG RNAM PA DGUR RIG PAR BYA STE, DKON MCHOG GSUM PO DAG LA DANG BA'I MCHOG TU DGA' BA NI GANG GI PHYIR, DANG BA MANG BA YIN ZHES GSUNGS PA'O, ,DMIGS PA LA DGA' BAS TSIM PA NYID KYI PHYIR DGA' BA'I MCHOG TU DGA' BA NI GANG GI PHYIR DGA' BA MANG BA YIN ZHES GSUNGS PA'O, ,BDAG GI RTOGS PA'I KHYAD PAR LA RTOG PA NYID KYI PHYIR RANGS PA'I MCHOG TU DGA' BA NI GANG GI PHYIR, RANGS PA MANG BA YIN ZHES GSUNGS PA'O, ,RANG GI LUS DANG SEMS LA PHAN BTAGS TE, BRTAS PA NYID KYI PHYIR MGU BA'I MCHOG TU DGA' BA NI GANG GI PHYIR, MGU BA MANG BA YIN ZHES GSUNGS PA'O, ,RANG GI LUS DANG SEMS LA KHYAB PAR PHAN BTAGS PA NYID KYI PHYIR DGA' BRLABS KYI MCHOG TU DGA' BA NI GANG GI PHYIR, DGA' RLABS MANG BA YIN ZHES GSUNGS PA'O, ,BYANG CHUB LA NYE BAR GYUR PAR RTOG PA NYID KYI PHYIR SPRO BA'I MCHOG TU DGA' BA NI GANG GI PHYIR, SPRO BA MANG BA YIN ZHES GSUNGS PA'O, ,RANG GI SEMS KYI RGYUD YONGS SU SMIN PAR BYA BA'I PHYIR, 'BEL BA'I GTAM RNAM PAR GTAN LA 'BEBS PA'I DUS NA 'KHRUGS PA MED PA DE NYID KYI PHYIR MI 'KHRUGS PA'I MCHOG TU DGA' BA NI GANG GI PHYIR, MI 'KHRUGS PA MANG BA YIN ZHES GSUNGS PA'O, ,GZHAN YANG YONGS SU SMIN PAR BYA BA'I PHYIR SEMS CAN SDUD PA'I DUS @132B NA SNYING RJE DANG DES PA GNYIS KYIS RNAM PAR MI 'TSE BA'I MCHOG TU DGA' BA NI GANG GI PHYIR, RNAM PAR 'TSE BA MED PA MANG BA YIN ZHES GSUNGS PA'O, ,DE LOG PAR ZHUGS PA'I DUS NA BZOD PAS MI KHRO BA'I MCHOG TU DGA' BA NI GANG GI PHYIR, KHRO BA MED PA MANG BA YIN ZHES GSUNGS PA'O, , DE'I 'OG TU DMIGS PA GANG GIS RAB TU DGA' BA YIN PA DE BCU PA GNYIS PA DANG, GSUM PAS STON TO, ,DMIGS PA DE YANG RNAM PA GNYIS TE, MA 'ONGS PA NA THOB PAR BYA BA DANG DA LTAR BYUNG BA NA THOB PA'O, ,DE LA MA 'ONGS PA NA THOB PAR BYA BA'I DBANG DU MDZAD NAS, SANGS RGYAS BCOM LDAN 'DAS RNAMS RJES SU DRAN ZHING MCHOG TU DGA' BA YIN ZHES RGYA CHER GSUNGS SO, ,JI LTAR RJES SU DRAN ZHE NA, SANGS RGYAS BCOM LDAN 'DAS RNAMS NI DE 'DRA STE, BDAG KYANG DE 'DRA BAR 'GYUR RO SNYAM DU YID LA BYED PA'O, ,SANGS RGYAS RJES SU DRAN PA DE YANG RNAM PA DGUR RIG PAR BYA STE, CHOS LAS SANGS RGYAS RJES SU DRAN PA NI GANG GI PHYIR SANGS RGYAS KYI CHOS RNAMS ZHES GSUNGS PA'O, ,BYANG CHUB SEMS DPA' LAS SANGS RGYAS RJES SU DRAN PA NI GANG GI PHYIR, BYANG CHUB SEMS DPA' RNAMS ZHES GSUNGS PA'O, ,SPYOD PA LAS SANGS RGYAS RJES SU DRAN PA NI GANG GI PHYIR, BYANG CHUB SEMS DPA'I SPYOD PA RNAMS ZHES GSUNGS PA'O, ,RNAM PAR DAG PA LAS SANGS RGYAS RJES SU DRAN PA NI GANG GI PHYIR, PHA ROL TU PHYIN PA RNAM PAR DAG PA ZHES GSUNGS PA'O, ,KHYAD PAR CAN NYID LAS SANGS RGYAS RJES SU DRAN PA NI GANG GI PHYIR, BYANG CHUB SEMS DPA'I SA'I KHYAD PAR ZHES GSUNGS PA'O, ,MI 'PHROGS PA NYID LAS SANGS RGYAS RJES SU DRAN PA NI GANG GI PHYIR, BYANG CHUB SEMS DPA' MI 'PHROGS PA NYID CES GSUNGS PA'O, ,GDAMS NGAG RJES SU BSTAN PA LAS SANGS RGYAS RJES SU DRAN PA NI GANG GI PHYIR, DE BZHIN GSHEGS PA'I GDAMS NGAG RJES SU BSTAN PA ZHES GSUNGS PA'O, ,YANG DAG PAR THOB PAR BYED PA LAS SANGS RGYAS RJES SU DRAN PA NI GANG GI PHYIR, SEMS CAN GYI DON YANG DAG PAR THOB PAR BYED PA ZHES GSUNGS PA'O, ,'JUG PA LAS SANGS RGYAS RJES SU DRAN PA NI GANG GI PHYIR, DE BZHIN GSHEGS PA'I YE SHES LA 'JUG PA'I SBYOR BA @133A *, ,RJES SU DRAN ZHING MCHOG TU DGA' BA YIN ZHES GSUNGS PA'O, ,DE LA RJES SU DRAN PA DANG PO DANG LHAN CIG PA'I DRAN PA GNYIS NI SANGS RGYAS DANG CHOS LA STE, SANGS RGYAS RNAMS NI DE 'DRA STE, BDAG KYANG DE 'DRA BAR 'GYUR RO SNYAM DU SEMS PA NI SANGS RGYAS RJES SU DRAN PA'O, , SANGS RGYAS KYI CHOS KYANG RJES SU DRAN PA NI SANGS RGYAS KYI CHOS RJES SU DRAN PA'I PHYIR RO, ,GNYIS NI DE'I RIGS LA STE, BYANG CHUB SEMS DPA' LAS SANGS RGYAS RJES SU DRAN PA NI BYANG CHUB SEMS DPA' RJES SU DRAN PA'I PHYIR RO, ,SPYOD PA LAS SANGS RGYAS RJES SU DRAN PA NI BYANG CHUB SEMS DPA'I SPYOD PA RJES SU DRAN PA'I PHYIR TE, GO RIMS BZHIN NO, ,LHAG MA RNAM PAR DAG PA LAS SANGS RGYAS RJES SU DRAN PA NI PHA ROL TU PHYIN PA RNAM PAR DAG PA RJES SU DRAN PA'I PHYIR RO, ,KHYAD PAR CAN NYID LAS SANGS RGYAS RJES SU DRAN PA NI BYANG CHUB SEMS DPA'I SA'I KHYAD PAR RJES SU DRAN PA'I PHYIR RO, ,MI 'PHROGS PA NYID LAS SANGS RGYAS RJES SU DRAN PA NI BYANG CHUB SEMS DPA'I MI 'PHROGS PA NYID RJES SU DRAN PA'I PHYIR RO, ,GDAMS NGAG RJES SU BSTAN PA LAS SANGS RGYAS RJES SU DRAN PA NI, DE BZHIN GSHEGS PA'I GDAMS NGAG RJES SU BSTAN PA RJES SU DRAN PA'I PHYIR RO, ,YANG DAG PAR THOB PAR BYED PA LAS SANGS RGYAS RJES SU DRAN PA NI SEMS CAN GYI DON YANG DAG PAR THOB PAR BYED PA RJES SU DRAN PA'I PHYIR RO, ,'JUG PA LAS SANGS RGYAS RJES SU DRAN PA NI DE BZHIN GSHEGS PA'I YE SHES LAS 'JUG PA'I SBYOR BA RJES SU DRAN PA'I PHYIR RO, ,RAB TU PHYE BA GANG YIN PA DE NI BYANG CHUB SEMS DPA'I RIGS KYI SPYOD PA'O, ,JI LTA BUS RAB TU PHYE BA DE NI RJES SU DRAN PA RNAMS SU RIG PAR BYA'O, ,GANG GIS RAB TU PHYE ZHE NA, DE NI PHA ROL TU PHYIN PA RNAM PAR DAG PAS RAB TU PHYE BA'O, ,BYANG CHUB SEMS DPA'I SPYOD PA DE JI LTAR RAB TU PHYE ZHE NA, SA'I KHYAD PAR DU 'GRO BA DANG, SA'I MTHAR PHYIN PAR 'GRO BA DANG; DE LA GDAMS NGAG MA LUS PAR RNYED PA DANG, 'BRAS BUR YOD PAR SEMS CAN GYI DON LA SBYOR BA DANG, DE BZHIN GSHEGS PA'I SA LA 'JUG PA'I SBYOR BAS RAB TU PHYE BA'O, ,'DIR YANG SPYOD PA LA SANGS RGYAS RJES SU DRAN PA NI YAN LAG DANG, NYE BA'I YAN LAG TU RIG PAR BYA'O, ,DE'I 'OG @133B TU DE LTAR BYUNG BA NA THOB PA'I DMIGS PA'I DBANG DU MDZAD NAS PHYIR ZHING MCHOG TU DGA' BA DANG LDAN PA YIN TE, BDAG NI SO SO'I SKYE BO THAMS CAD KYI YUL LAS PHYIR LOG GO ZHES RGYA CHER GSUNGS TE, SO SO'I SKYE BO LONGS SPYOD LAS PHYIR LOG PA'I PHYIR RO, ,PHYIR LOG PA DE YANG RNAM PA DGU STE; 'JUG PAS PHYIR LOG PA NI GANG GI PHYIR, BDAG NI SANGS RGYAS DANG NYE BA LA ZHUGS SO ZHES GSUNGS PA'O, ,RING BA'I DNGOS POS PHYIR LOG PA NI GANG GI PHYIR, BDAG NI BYIS PA SO SO'I SKYE BO'I SA LAS RING DU GYUR TO ZHES GSUNGS PA'O, ,NYE BA'I DNGOS POS PHYIR LOG PA NI GANG GI PHYIR, BDAG NI YE SHES KYIS DANG NYE BAR GYUR TO ZHES GSUNGS PA'O, ,RGYUN CHAD PAS PHYIR LOG PA NI GANG GI PHYIR, BDAG NI NGAN SONG NGAN 'GRO LOG PAR LTUNG BA THAMS CAD KYI RGYUN CHAD PA'O ZHES GSUNGS PA'O, ,STON PAS PHYIR LOG PA NI GANG GI PHYIR, BDAG NI SEMS CAN THAMS CAD KYI STON PAR GYUR TO ZHES GSUNGS PA'O, ,MTHONG BA DANG NYE BAS PHYIR LOG PA NI GANG GI PHYIR, BDAG NI DE BZHIN GSHEGS PA MTHONG BA NGANG NYE BAR GYUR TO ZHES GSUNGS PA'O, ,'BYUNG BAS PHYIR LOG PA NI GANG GI PHYIR, BDAG NI SANGS RGYAS KYI YUL LA YANG BYUNG NGO ZHES GSUNGS PA'O, ,MNYAM PA NYID KYI PHYIR LOG PA NI GANG GI PHYIR, BDAG GI BYANG CHUB SEMS DPA' THAMS CAD KYI MNYAM PA NYID DANG LDAN PAR GYUR TO ZHES GSUNGS PA'O, ,BRAL BAS PHYIR LOG PA NI GANG GI PHYIR, BDAG NI 'JIGS PA DANG, BAG TSA BA DANG BRAL LO ZHES GSUNGS PA'O, ,DE LA GCIG STE 'JUG PAS PHYIR LOG BA NI LONGS SPYOD MI 'DRA BAS RAB TU PHYE BA'O, ,GNYIS TE RING BA'I DNGOS POS PHYIR LOG PA DANG, NYE BA'I DNGOS POS PHYIR LOG PA NI LUS MI 'DRA BAR RAB TU PHYE BA'O, ,LHAG MA DRUG PO RGYUN CHAD PAS PHYIR LOG PA DANG, STON PAS PHYIR LOG PA DANG, MTHONG BA DANG NYE BAS PHYIR LOG PA DANG, 'BYUNG BAS PHYIR LOG PA DANG, MNYAM PA NYID KYIS PHYIR LOG PA DANG, BRAL BAS PHYIR LOG PA NI SGRUB PA MI 'DRA BA NYID DANG, GCIG GI GROGS SU GCIG GYUR PA'I DNGOS PO MI 'DRA BA NYID DANG, GZHAN GYI DBANG DU GYUR PA MI 'DRA BA NYID DANG, YUL MI 'DRA BA NYID DANG, 'TSO BA MI 'DRA BA NYID DANG, PHUN @134A *, ,SUM TSOGS PA MI 'DRA BA NYID KYIS RAB TU PHYE BA STE, GO RIMS BZHIN NO, ,DE LA 'JIGS PA NI MI 'DOD PAR LTUNG DU DOGS PA STE, SEMS PA YID MI BDE BA DANG MTSUNGS PAR LDAN PA'O, ,DE YANG SEMS DANG LUS 'GYUR BAR BYED PA'I BYE BRAG GIS DNGANG BA DANG BAG TSA BA ZHES BYA'O, ,DE'I 'OG TU 'JIGS PA DE DAG GANG YIN PA DANG, JI LTAR DE GZHI DANG BRAL BA DANG MED PA DE STON TE, KYE RGYAL BA'I SRAS DAG JI LTAR BYANG CHUB SEMS DPA' BYANG CHUB SEMS DPA'I SA RAB TU DGA' BA 'DI THOB MA THAG TU 'JIGS PA GANG DAG YIN PA 'DI LTA STE, 'TSO BA MED PAS 'JIGS PA'AM, TSIGS SU BCAD PA MED PAS 'JIGS PA'AM, 'CHI BAS 'JIGS PA'AM, NGAN 'GROS 'JIGS PA'AM, 'KHOR GYI NANG DU BAG TSA BAS 'JIGS PA DE DAG THAMS CAD DE LA MED PA YIN NO, ,DE CI'I PHYIR ZHE NA, 'DI LTAR DE NI BDAG GI 'DU SHES DANG BRAL BAS, BDAG PHONGS PAR SEMS PA YANG MED NA, YO BYAD THAMS CAD LA PHONGS PAR SEMS PA LTA GA LA YOD DE, DE'I PHYIR DE LA 'TSO BA MED PAS 'JIGS PA MED PA YIN NO, ,DE NI SU LAS KYANG RIM GROR BYA BA CUNG ZAD TZAM YANG RE BA MED KYI, GZHAN DU NA BDAG NYID KYIS SEMS CAN DE DAG LA YO BYAD MANG PO THAMS CAD KYIS BSDU BAR BYA'O SNYAM DU SEMS TE, DE'I PHYIR DE LA TSIGS SU BCAD PA MED PAS 'JIGS PA MED PA YIN NO, ,DE BDAG TU LTA BA DANG BRAL BAS BDAG GI 'DU SHES MED DE, DE'I PHYIR DE LA 'CHI BAS 'JIGS PA MED PA YIN NO, ,BDAG SHI NAS KYANG GDON MI ZA BAR SANGS RGYAS DANG, BYANG CHUB SEMS DPA' DAG DANG MI 'BRAL BAR 'GYUR RO SNYAM STE, DE'I PHYIR DE LA NGAN 'GROS 'JIGS PA MED PA YIN NO, ,BDAG GI BSAM PA DANG MTSUNGS PA YANG 'JIG RTEN NA SU YANG MED NA, CHES LHAG PAR LTAG LA YOD SNYAM STE, DE'I PHYIR DE LA 'KHOR GYI NANG DU BAG TSA BA'I 'JIGS PA MED PA YIN NO ZHES BYA'O, ,'DI DAG NI SA'I MI MTHUN PA'I PHYOGS YIN PA'I PHYIR DANG, SA'I LEGS PA'I KHYAD PAR YONGS SU BSTAN PA'I PHYIR RO, ,'JIGS PA DE DAG LAS DANG PO DANG, GNYIS PA DANG, THA MA DANG, GSUM NI LUS DANG, NGAG DANG, SEMS KYIS MYONG BA'I GNAS YIN NO, ,GSUM PA DANG BZHI PA NI 'DOD PA DANG MI 'DOD PA BDE 'GRO @134B DANG NGAN 'GRO'I LUS DANG 'BRAL BA DANG, 'PHRAD PA'I GNAS YIN PAS LUS KYI GNAS TE, DE'I PHYIR LNGA KHO NA'O, ,BRDEG PA DANG BCING BA LA SOGS PA'I 'JIGS PA RNAMS KYANG 'DI DAG GI NANG DU 'DUS PA'I PHYIR RO, ,'JIGS PA'I GZHI NI MDOR BSDU NA GNYIS SU BSTAN TE, LEG PA'I SHES BYA LA MNGON PAR ZHEN PA'I 'DU SHES DANG, LTA BA DANG, SRED PA LA MNGON PAR ZHEN PA'I MTSAN NYID DANG, DGE BA'I RTZA BA CHUNG BA NYID DE, DE'I GNYEN PO NI 'DI LTAR DE NI BDAG GI 'DU SHES DANG BRAL BAS, BDAG LA PHANGS PAR SAMS PA YANG MED NA, YO BYAD THAMS CAD LA PHANGS PAR SEMS PA LTA GA LA YOD CES BYA BA DANG, DE NI SU LAS KYANG RIM GROR BYA BA CUNG ZAD TZAM YANG RE BA MED KYI, GZHAN DU NA BDAG NYID KYIS SEMS CAN DE DAG LA YO BYANG MANG PO THAMS CAD KYIS SDUD PAR BYA'O SNYAM DU SEMS ZHES BYA BA DANG, DE BDAG TU LTA BA DANG BRAL BAS BDAG GI 'DU SHES MED CES BYA BA DANG, BDAG SHI NAS KYANG GDON MI ZA BAR SANGS RGYAS DANG, BYANG CHUB SEMS DPA' DAG DANG MI BRAL BAR 'GYUR SNYAM ZHES BYA BA DANG BDAG GI BSAM PA DANG MTSUNGS PA YANG 'JIG RTEN NA SU YANG MED NA, CHES LHAG PA LTA GA LA YOD SNYAM ZHES BYA BA'O, ,KYE RGYAL BA'I SRAS DAG DE LTAR 'JIGS PA DANG, DNGANG BA DANG, BAG TSA PA DANG, SPU ZING ZHES BYAD PA MED PA'I BYANG CHUB SEMS DPA' NI SNYING RJE CHEN PO SNGON DU 'GRO BA'I PHYIR LHAG PA'I BSAM PA MNYAMS PA DANG, MI DMA' BAS DGE BA'I RTZA BA THAMS CAD YANG DAG PAR BSDU BA'I PHYIR RAB TU SBYOR BAR BYED DE ZHES BYA BA LA DE LTAR 'JIGS PA DANG, DNGANG BA DANG, BAG CHA BA DANG, SPU ZING ZHES BYED PA MED CES BYA BAS NI SNGAR 'JIGS PA BSTAN PA NYID KYI LUS 'BYUNG BA'I BYE BRAG CAN STON TO, ,MA NYAMS PA DANG MI NYAMS ZHES BYA BA NI NYON MONGS PA DANG, THEG PA DMAN PA YID LA BYED PA DANG MA 'DRES PA'I PHYIR RO, ,DGE BA'I RTZA BA THAMS CAD YANG DAG PAR BSDU BA'I PHYIR ZHES BYA BA NI GANG DAG SA DES BSDUS PA RNAMS SO, ,SBYOR BAR BYED PA DE YANG JI LTA BU ZHE NA, BSAM PA PHUN SUM TSOGS PA DANG, SBYOR BA PHUN SUM TSOGS PA DANG, YONGS SU BSNGO BA PHUN SUM TSOGS PA DANG, PHUN SUM TSOGS PA RNAM PA GSUM GYIS TE, DE NI BCU PA GSUM GYIS STON TO, ,DAD PA'I DBANG GI PHYIR DANG, DANG @135A *, ,BA MANG BA'I PHYIR DANG, MOS PA RNAM PAR DAG PA'I PHYIR DANG, SRID PAR 'DZIN PA MANG BA'I PHYIR DANG, SNYING BRTZE BA DANG, SNYING RJE MNGON PAR BSGRUB PA'I PHYIR DANG, BYAMS PA CHEN PO DANG LDAN PA'I PHYIR DANG, YID YONGS SU MI SKYO BA'I PHYIR DANG, NGO TSA SHES SHING KHREL YOD PA'I RGYAN GYI PHYIR DANG, BZOD CING DES PA DANG LDAN PA'I PHYIR DANG, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI BSTAN PA LA GUS SHING RIM GRO BYED PA MANG BA'I PHYIR ZHES BYA BA BCU PA 'DIS NI BSAM PA PHUN SUM TSOGS PA STON TO, ,DE LA DNGOS PO GANG DAG LA DAD PA DE DBANG DU BYED PA DE'I BYE BRAG GIS DBANG DE RNAM PA DGUR RIG PAR BYA STE, DKON MCHOG GSUM PO DAG LA DANG BA'I DAD PA'I DBANG NI GANG GI PHYIR DANG BA MANG BA'I PHYIR ZHES GSUNGS PA'O, ,BDAG GIS RTOGS PA LA RNAM PAR DAG PA'I DAD PA'I DBANG NI GANG GI PHYIR, MOS PA RNAM PAR DAG PA'I PHYIR ZHES GSUNGS PA'O, ,GZHAN GYIS RTOGS PA LA SRID PAR 'DZIN PA'I DAD PA'I DBANG NI GANG GI PHYIR SRID PAR 'DZIN PA MANG BA'I PHYIR ZHES GSUNGS PA'O, ,SEMS CAN YONGS SU SMIN PAR BYA BA'I PHYIR BRTZE BA DANG, SNYING RJE'I DAD PA'I DBANG DANG, BYAMS PA'I DAD PA'I DBANG NI GANG GI PHYIR, SNYING BRTZE BA DANG, SNYING RJE MNGON PAR BSGRUB PA'I PHYIR DANG, BYAMS PA CHEN PO DANG LDAN PA'I PHYIR ZHES GSUNGS PA STE, SNYING BRTZE BA DANG, SNYING RJE NI SDUG BSNGAL SEL BA'I RNAM PA YIN NO, ,MNGON PAR SGRUB PA NI PHYIR ZHING MNGON SUM DU BYED PAR RIG PAR BYA'O, ,BYAMS PA NI BDAG GIS DE DAG BSKYAB BO SNYAM PA'I RNAM PA DE LTA BU YIN NO; ,DE YONGS SU SMIN PAR BYA BA DE LTA BU TSE RABS DU MAR RAB TU BSGRUBS PA'I PHYIR YUN RING DU 'KHOR BAR KHAS BLANGS PAS YONGS SU MI SKYO BA'I DAD PA'I DBANG NI GANG GI PHYIR, YID YONGS SU MI SKYO BA'I PHYIR ZHES GSUNGS PA'O, ,NYON MONGS PA CAN MA YIN PAR 'KHOR BAR BYA BA'I PHYIR, SER SNA LA SOGS PA PHA ROL TU PHYIN BA'I MI MTHUN PA'I PHYOGS KYI CHOS LA 'DZEM PAS CHU GANG DANG NGO TSA SHES SHING KHREL YOD PA'I DAD PA'I DBANG NI GANG GI PHYIR, NGO TSA SHES SHING KHREL YONG BA'I RGYAN GYI PHYIR ZHES GSUNGS PA'O, ,CHOS MTHUN PA LA RNAM PAR THO MI 'TSAMS PAS DES PA'I DAD PA'I DBANG NI GANG GI PHYIR BZOD @135B CING DES PA DANG LDAN PA'I PHYIR ZHES GSUNGS PA'O, ,DE LA BSTI STANG BYED PAS BSTAN PA LA GUS PA'I DAD PA'I DBANG NI GANG GI PHYIR, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BSTAN PA LA GUS SHING RIM GRO BYED PA'I PHYIR ZHES GSUNGS PA'O, ,THA MA'I GSUM POS NI GANG GIS TE PHA ROL TU PHYIN PA RNAMS DANG, GANG DAG GIS TE GROGS DAG DANG, GANG LA STE BSTAN PA LA RAB TU SBYOR BA DE YONGS SU BSTAN TO, ,DE LTA BU RE ZHIG BSAM PA PHUN SUM TSOGS PAS BRTZON PAR BYED PA'O, ,SBYOR BA PHUN SUM TSOGS PA JI LTA BU ZHE NA, NYIN MTSAN DU DGE BA'I RTZA BA SOGS PAS MI NGOMS PA'I PHYIR DANG, DGE BA'I BSHES GNYEN LA BRTEN PA'I PHYIR DANG, CHOS KYI KUN DGA' LA DGA' BA'I PHYIR DANG, MANG DU THOS PA TSOL BAS NGOMS MI MYONG BA'I PHYIR DANG, JI SKAD THOS PA'I CHOS LA TSUL BZHIN RTOGS PA'I PHYIR DANG, YID GNAS MED PA'I PHYIR DANG, RNYED PA DANG; BKUR STI DANG, TSIGS SU BCAD PA LA CHAGS PA MED PA'I PHYIR DANG, YO BYAD LA PHANGS PAR SEMS SHING MNGON PAR DGA' BA MED PA'I PHYIR DANG, SEMS BSKYED PA RIN PO CHE LTA BU NGOMS PA MED PAR MNGON PAR BSGRUB PA'I PHYIR ZHES BYA BA 'DIS SBYOR BA PHUN SUM TSOGS PA STON TO, ,DGE BA'I RTZA BA SOGS PA LA RGYUN MI 'CHAD PAR MNGON PAR BRTZON PA NYID NI GANG GI PHYIR, NYIN MTSAN DU DGE BA'I RTZA BA SOGS PAS MI NGOMS PA'I ZHES GSUNGS PA'O, ,SOGS PA DE YANG RNAM PA BRGYAD DU RIG PAR BYA STE, CHUD MI ZA BAR BYA BA'I PHYIR BSNYEN BKUR BYED PA LA SOGS PA NI GANG GI PHYIR, DGE BA'I BSHES GNYEN LA BRTAN PA'I PHYIR ZHES GSUNGS PA'O, ,DE NAS 'BREL BA'I GTAM RNAM PAR GTAN LA 'BEBS PA'I DGA' BAS CHOS KYI KUN DGA' BA SOGS PA NI GANG GI PHYIR, CHOS KYI KUN DGA' LA DGA' BA'I PHYIR ZHES GSUNGS PA'O, ,MANG DU THOS PA LA SOGS PA NI GANG GI PHYIR, MANG DU THOS PA TSOL BA LA NGOMS MI MYONG BA'I PHYIR ZHES GSUNGS PA'O, ,RTOG PA LA SOGS PA NI GANG GI PHYIR, JI SKAD THOS PA'I CHOS LA TSUL BZHIN RTOGS PA'I PHYIR ZHES GSUNGS PA'O, ,GNAS MED PA LA SOGS PA NI GANG GI PHYIR, YID GNAS MED PA'I PHYIR ZHES GSUNGS PA'O, ,MANG DU THOS PA LA SOGS PA GSU @136A *, ,BSHAD MA THAG PA GSUM PO DE DAG NI THOS PA DANG, BSAM PA DANG BSGOM PA RNAMS DANG GO RIMS BZHIN NO, ,GNAS MED PA NI 'DIR BSAM GTAN GYI RO MYANG BA MED PAR RIG PAR BYA'O, ,BYANG CHUB SEMS DPA'I BSLAB PA RNAMS LA BAR DU GCOD PA YONGS SU SPANG BA'I PHYIR, RNYED PA DANG, BKUR STI THOB PA DANG, MA THOB PA LA LHAG PAR CHAGS PA MED PA SOGS PA DANG, MNGON PAR DGA' BA MED PA SOGS PA NI GANG GI PHYIR, RNYED PA DANG, BKUR STI DANG, TSIGS SU BCAD PA LA CHAGS PA MED PA'I PHYIR DANG, YO BYAD LA PHANGS PAR SEMS SHING MNGON PAR DGA' BA MED PA'I PHYIR ZHES GSUNGS PA'O, ,'JIG RTEN LAS 'DAS PA'I SEMS RGYUN MI 'CHAD PAR MNGON DU BYED PAS RIN PO CHE LTA BU'I SEMS SOGS PA NI GANG GI PHYIR, SEMS BSKYED PA RIN PO CHE LTA BU NGOMS PA MED PAR MNGON PAR BSGRUB PA'I PHYIR ZHES GSUNGS PA STE, DE LTA BU NI SBYOR BA PHUN SUM TSOGS PAS BRTZON PAR BYED PA'O, ,YONGS SU BSNGO BA PHUN SUM TSOGS PAS BRTZON PAR BYED PA JI LTA BU ZHE NA, THAMS CAD MKHYEN PA'I SA MNGON PAR 'DOD PA'I PHYIR DANG, DE BZHIN GSHEGS PA'I STOBS DANG, MI 'JIGS PA DANG, SANGS RGYAS KYI CHOS MA 'DRES PA DAG LA LHAG PAR DMIGS BA'I PHYIR DANG, PHA ROL TU PHYIN PA CHAGS PA MED PA YONGS SU TSOL BA'I PHYIR DANG, SGYU DANG G-YON YONGS SU SPANGS PA'I PHYIR DANG, JI SKAD SMRAS PA DE LTAR BYED PA'I PHYIR DANG, RTAG TU RGYUN MI 'CHAD PAR BDEN PA'I TSIG LHUR LEN PA'I PHYIR DANG, DE BZHIN GSHEGS PA'I RIGS SUN PAR MI BYED PA'I PHYIR DANG, BYANG CHUB SEMS DPA'I BSLAB BA MI GTONG BA DANG, RI'I DBANG PO'I RGYAL PO LTAR THAMS CAD MKHYEN PA NYID KYI SEMS MI G-YOS BA'I PHYIR DANG, 'JIG RTEN PA'I BYA BA THAMS CAD KYANG MI 'DOD LA, 'JIG RTEN LAS 'DAS PA'I LAM DANG YANG LDAN PA'I PHYIR DANG, BYANG CHUB KYI YAN LAG GI TSOGS SOGS PA LA CHOG MI SHES PA'I PHYIR DANG, RTAG TU RGYUN MI 'CHAD PAR GONG NAS GONG DU KHYAD PAR DU 'PHAGS PA YONGS SU TSOL BA'I PHYIR RO ZHES BYA BA 'DIS NI YONGS SU BSNGO BA PHUN SUM TSOGS PA STON TO, ,DE LA THAMS CAD MKHYEN PA'I SA @136B MNGON PAR 'DOD PA NI YAN LAG GO, ,DE BZHIN GSHEGS PA'I STOBS LA DMIGS PAS THAMS CAD MKHYEN PA'I SA MNGON PAR 'DOD PA DANG, RNAM PAR DAG PAS THAMS CAD MKHYEN PA'I SA MNGON PAR 'DOD PA DANG, YONGS SU SPONG BAS THAMS CAD MKHYEN PA'I SA MNGON PAR 'DOD PA DANG, JI SKAD SMRAS PA DE LTAR BYED PA NYID KYIS THAMS CAD MKHYEN PA'I SA MNGON PAR 'DOD PA DANG, RJES SU SRUNG BAS THAMS CAD MKHYEN PA'I SA MNGON PAR 'DOD PA DANG, RIGS SUN BAR MI BYED PAS THAMS CAD MKHYEN PA'I SA MNGON PAR 'DOD PA DANG, MI GTONG BAS THAMS CAD MKHYEN PA'I SA MNGON PAR 'DOD PA DANG, MI G-YOS PAS THAMS CAD MKHYEN PA'I SA MNGON PAR 'DOD PA DANG, MI 'DOR LA LDAN PA NYID KYIS THAMS CAD MKHYEN PA'I SA MNGON PAR 'DOD PA DANG, SOGS PAS THAMS CAD MKHYEN PA'I SA MNGON PAR 'DOD PA DANG, YONGS SU TSOL BAS THAMS CAD MKHYEN PA'I SA MNGON PAR 'DOD BA NI NYE BA'I YAN LAG GO, ,DE LA THAMS CAD MKHYEN PA'I SA MNGON PAR 'DOD PA NI GANG MNGON PAR 'DOD PA'O, ,DE BZHIN GSHEGS PA'I STOBS DANG, MI 'JIGS PA DANG, SANGS RGYAS KYI CHOS MA 'DRES PA LA LHAG PAR DMIGS PA CI 'DRA BA MNGON PAR 'DOD PA'O, ,PHA ROL TU PHYIN PA CHAGS PA MED PA YONGS SU TSOL BA NI JI LTAR MNGON PAR 'DOD PA'O, ,DE DAG LA BRTEN NAS THAMS CAD MKHYEN PA'I SA MNGON PAR 'DOD PA LA SOGS PA MNGON PAR 'DOD PA GSUM RIG PAR BYA'O, ,PHA ROL TU PHYIN PA CHAGS PA MED PA YONGS SU TSOL BA STE, JI LTAR MNGON PAR 'DOD PA DE'I RAB TU DBYE BA LA BRTEN NAS MNGON PAR 'DOD PA GZHAN RNAMS RIG PAR BYA'O, ,DE LA SBYIN PA'I PHA ROL TU PHYIN PA'I DRI MA NI GNYIS TE, SGYU DANG G-YO'O, ,DES SLOB BA ZLOG PAR BYED CING KHAS MI LEN TO, ,JI SKAD SMRAS PA BZHIN DU MI BYED PA NI DES NA KHAS BLANGS KYANG SBYIN PAR MI BYED DE, DE GNYIS KYI GNYEN POR SGYU DANG G-YO YONGS SU SPANGS PA'I PHYIR DANG, JI SKAD SMRAS PA DE LTAR BYED PA'I PHYIR ZHES BYA BA GSUNGS SO, ,TSUL KHRIMS KYI PHA ROL TU PHYIN PA'I DRI MA NI GCIG STE, BDEN PA'I TSIG RJES SU MI BSRUNG BA'O, ,DES NI YANG DAG PAR BLANGS TE DAM BCAS @137A *, ,PA YANG ZHIG PAR BYED LA, ZHIG PAR BYAS PA YANG 'CHAB PAR BYED DE, DE'I GNYEN PO RTAG TU RGYUN MI 'CHAD PAR BDEN PA'I TSIG LHUR LEN PA'I PHYIR ZHES BYA BA GSUNGS SO, ,BZOD PA'I PHA ROL TU PHYIN PA'I DRI MA NI GCIG STE, DE BZHIN GSHEGS PA'I RIGS SUN PAR BYED PA'O, ,JI LTAR NA BYANG CHUB SEMS DPA' DE BZHIN GSHEGS PA'I RIGS SUN PAR BYED PA YIN ZHE NA, GZHAN LA RNAM PAR THO 'TSAMS PA'I LAS KYIS SO, ,GZHAN LA SNYING BRTZE BA'I LAS CAN NI DE BZHIN GSHEGS PA'I RIGS YIN NO, ,DE BAS GZHAN LA RNAM PAR THO 'TSAMS PA NI DE'I RIGS CAN GYI LAS NGAN PA YIN PAR SHES PAR BYA STE, DE'I GNYEN POR DE BZHIN GSHEGS PA'I RIGS SUN PAR MI BYED PA'I PHYIR ZHES BYA BA GSUNGS SO, ,BRTZON 'GRUS KYI PHA ROL TU PHYIN PA'I DRI MA NI GCIG STE, BYANG CHUB SEMS DPA'I BSLAB PA MANG BA BYA DKA' BA DUS RING PO LA SPRO BA NYAMS PA'O, ,DE'I GNYEN POR BYANG CHUB SEMS DPA'I BSLAB PA MI GTONG BA'I PHYIR ZHES BYA BA GSUNGS SO, ,BSAM GTAN GYI PHA ROL TU PHYIN PA'I DRI MA NI GNYIS TE, SEMS RNAM PAR G-YENG BA DANG, DE'I RGYUS ZIL GYIS GNON PA'O, ,DE'I GNYEN POR RI'I DBANG PO'I RGYAL PO DE LTAR THAMS CAD MKHYEN PA NYID KYI SEMS MI G-YOS PA'I PHYIR ZHES BYA BA GSUNGS PA'O, ,SHES RAB KYI PHA ROL TU PHYIN PA'I DRI MA NI GSUM STE, 'KHOR BA DANG MYA NGAN LAS 'DAS PA LA SHIN TU MI PHYOGS SHING MNGON DU PHYOGS PA'I PHYIR, THABS MI MKHAS PA DAG 'JIG RTEN LAS 'DAS PA'I LAM MI SPOGS PA DANG, KHYAD PAR THOBS PAS CHOG PAR 'DZIN PA STE, DE DAG GI GNYEN POR 'JIG RTEN GYI BYA BA THAMS CAD KYANG MI 'DOR LA 'JIG RTEN LAS 'DAS PA'I LAM DANG LDAN PA'I PHYIR DANG, BYANG CHUB KYI YAN LAG GI TSOGS SOGS PA LA CHOG MI SHES PA'I PHYIR DANG, RTAG TU RGYUN MI 'CHAD PAR GONG NAS GONG DU KHYAD PAR DU 'BOGS PA YONGS SU TSOL BA'I PHYIR RO ZHES BYA BA GSUNGS TE GO RIMS BZHIN NO, ,DE LTA BU NI YONGS SU BSNGO BA PHUN SUM TSOGS PAS YANG DAG PAR BRTZON PAR BYED PA'O, ,'DI NI SPYOR BAS BSTAN PA YIN TE, SBYOR BA NI RNAM PA BZHI STE, DAD PA DANG, 'DUN PA DANG, BRTZON 'GRUS DANG, THABS SO, ,BCU @137B PA DANG PO LAS DAD PA'I DBANG ZHES BYA BA STE, DAD PA'I DBANG GIS NI 'DUN PA YANG BSDUS PAR 'GYUR RO, ,GNYIS PA LAS NYIN MTSAN DU DGE BA'I RTZA BA SOGS PAS NGOMS MI MYONG BA NI BRTZON 'GRUS SO, ,GSUM PA LAS THAMS CAD MKHYEN PA'I SA MNGON PAR 'DOD PA ZHES BYA BA LA SOGS PA NI THABS YIN NO, ,'DI NI SA BSHAD PA 'DI LA RAB TU GNAS PA ZHES BYA STE, 'DI LTAR 'OG NAS, KYE RGYAL BA'I SRAS DAG SA YONGS SU SBYONG BA'I CHOS KYI RNAM PA 'DI LTA BU DAG DANG LDAN PA'I BYANG CHUB SEMS DPA'I NI BYANG CHUB SEMS DPA'I SA RAB TU DGA' BA RAB TU GNAS PA YIN TE ZHES GSUNGS PA'O,, ,,DE LTAR SA BSHAD NAS SA 'DI LA GNAS PA KHYAD PAR GANG GIS, NYAN THOS DANG RANG SANGS RGYAS RNAMS LAS KHYAD PAR DU 'PHAGS PA DE STON TO, ,KHYAD PAR DE NI RNAM PA GSUM STE, 'DUN PA'I KHYAD PAR DANG, SGRUB PA'I KHYAD PAR DANG, 'BRAS BU'I YON GYI KHYAD PAR RO, ,DE LA 'DUN PA'I KHYAD PAR NI SMON LAM CHEN PO BCU PO RNAMS TE, DE DAG GIS BSHAD PA NI BYANG CHUB SEMS DPA'I SA RAB TU DGA' BA DE LA GNAS SHING, SMON LAM CHEN PO RNAM PA 'DI LTA BU 'DI DAG DANG, BRTZON PA CHEN PO DANG, MNGON PAR SGRUB PA CHEN PO DANG, MNGON PAR SGRUB PA'O, ,'DI LTA STE, SANGS RGYAS MA LUS PA LA MCHOD PA DANG, RIM GRO LHAG MA MED PA MTHA' DAG BYA BA'I PHYIR, RNAM PA THAMS CAD MCHOG DANG LDAN PAR MOS PA RGYA CHEN POS RNAM PAR DAG PA, CHOS KYI DBYINGS LTAR RGYA CHE BA, NAM MKHA'I KHAMS KYI MTHAS GTUGS PA, PHYI MA'I MTHA'I MUR THUG PA, BSKAL PA BGRANGS PA DANG, SANGS RGYAS 'BYUNG BA 'GRANGS PA THAMS CAD DU MCHOD PA DANG, RIM GRO CHEN PO BYA BA RGYUN MI 'CHAD PA'I ZHES BYA BA NI DANG PO YIN NO, ,DE LA MA LUS PA NI SANGS RGYAS RNAMS SO, ,LHAG MA MED PA NI MCHOD PA'O, ,MTHA' DAG NI RIM GRO BYA BA'O, ,DE LA SANGS RGYAS NI RNAM PA GSUM STE, KUN RDZOB KYI SANGS RGYAS DANG, GZUGS KYI SKU'I SANGS RGYAS DANG, CHOS KYI SKU'I SANGS RGYAS SO, ,MCHOD PA LA YANG RNAM PA GSUM STE, RNYED PA'I MCHOD PA NI NA BZA' DANG, ZHAL ZAS LA SOGS PAS SO, ,BKUR STI'I MCHOD PA NI @138A *, ,GDUGS DANG RGYAL MTSAN DANG BA DAN LA SOGS PAS SO, ,SGRUB PA'I MCHOD PA NI DAD PA LA SOGS PA'I SGRUB PAS SO, ,RIM GRO BYA BA YANG RNAM PA GSUM STE, YANG DAG PAR TSOL BAS RIM GRO BYA BA DANG, BSNYEN BKUR BYA BAS RIM GRO BYA BA DANG, SGRUB PAS RIM GRO BYA BA STE, DE'I PHYIR SMON PAS SANGS RGYAS MA LUS PA LA MCHOD PA DANG, RIM GRO LHAG MA MED PA MTHA' DAG BYA BA'I PHYIR ZHES BYA'O, ,RNAM PA THAMS CAD MCHOG DANG LDAN PA, DE NI DNGOS PO SNA TSOGS MANG BA'I PHYIR DANG, DNGOS PO GYA NOM PA'I PHYIR RO, ,MOS PA RGYA CHEN POS RNAM PAR DAG PA NI DANG PA DRAG PA DANG, BYANG CHUB TU YONGS SU BSNGOS PA'I MOS PAS SO, ,CHOS KYI DBYINGS LTAR RGYA CHE BA NI, ,DGE BA'I RTZA BA GZHAN THAMS CAD PAS MCHOG TU GYUR BA'I PHYIR RO, ,NAM MKHA'I KHAMS KYI MTHAS GTUGS PA NI 'BRAS BU 'DOD PA NI MI RTAG PA'I RGYU NYID DU ZAD MI SHES PA'I PHYIR RO, ,PHYI MA'I MTHA'I MUR THUG PA NI 'BRAS BU RTAG PA MYA NGAN LAS 'DAS PA THOB PA'I RGYUR GYUR PA'I PHYIR RO, BSKAL PA THAMS CAD DANG, SANGS RGYAS 'BYUNG BA THAMS CAD DU RGYUN MI 'CHAD PA'I SMON LAM DANG PO 'DI LTA BU 'DI NI CHEN PO RNAM PA DRUG GI SMON LAM CHEN POR YONGS SU BSTAN TE, GNAS CHEN PO NI GANG GI PHYIR SANGS RGYAS MA LUS PA LA MCHOD PA DANG RIM GRO LHAG MA MED PA MTHA' DAG BYA BA'I PHYIR ZHES GSUNGS PA'O, ,DNGOS PO CHEN PO NI GANG GI PHYIR RNAM PA THAMS CAD MCHOG DANG LDAN PA ZHES GSUNGS PA'O, ,BSAM PA CHEN PO NI GANG GI PHYIR MOS PA RGYA CHEN POS RNAM PAR DAG CES GSUNGS PA'O, ,BSOD NAMS YONGS SU 'DZIN PA CHEN PO NI GANG GI PHYIR CHOS KYI DBYINGS LTAR RAB TU RGYA CHE BA ZHES GSUNGS PA'O, ,RGYU'I DNGOS PO CHEN PO NI GANG GI PHYIR NAM MKHA'I KHAMS KYI MTHAS GTUGS PA ZHES GSUNGS PA'O, ,DUS CHEN PO NI GANG GI PHYIR PHYI MA'I MTHA'I MUR THUG PA ZHES GSUNGS PA STE, SMON LAM CHEN PO MNGON PAR SGRUB BO, ,'DI LTA STE; DE BZHIN GSHEGS PA THAMS CAD KYIS GSUNGS PA'I CHOS KYI LUGS YANG DAG PAR GZUNG BA'I PHYIR DANG, SANGS RGYAS THAMS CAD KYI BYANG CHUB YANG DAG PAR YONGS SU GZUNG BA'I PHYIR DANG, YANG DAG PAR RDZOGS PA'I SANGS RGYAS THAMS CAD KYI BSTAN PA YONGS SU BSRUNG BA'I PHYIR, CHOS KYI DBYINGS @138B LTAR RGYA CHE BA, NAM MKHA'I KHAMS KYIS MTHAS GTUGS PA, PHYI MA'I MTHA'I MUR THUG PA, BSKAL PA BGRANGS PA DANG, SANGS RGYAS 'BYUNG BA BGRANGS PA THAMS CAD DU DAM PA'I CHOS YONGS SU GZUNG BAR BYA BA RGYUN MI 'CHAD PA ZHES BYA BA NI GNYIS PA'O, ,DE LA CHOS NI 'DIR RNAM PA GSUM DU RIG PAR BYA STE, DE BZHIN GSHEGS PA'I CHOS KYI LUGS YANG DAG PAR GZUNG BA'I PHYIR ZHES BYA BA NI GSUNG RAB KYI CHOS TE MDO LA SOGS PA'O, ,DE YANG DAG PAR GZUNG BA NI LEN PA DANG, 'DZIN PA DANG, LUNG NOD PA DANG, KHA TON BYA BA SBYIN PA'I PHYIR RO, ,SANGS RGYAS THAMS CAD KYI BYANG CHUB YANG DAG PAR YONGS SU GZUNG BA'I PHYIR ZHES BYA BA NI THOB PA'I CHOS TE, BYANG CHUB RNAM PA GSUM MO, ,DE YANG DAG PAR YONGS SU GZUNG BA NI THOB PAR BYA BA'I GDAMS NGAG SBYIN PA'I PHYIR RO, ,YANG DAG PAR RDZOGS PA'I SANGS RGYAS THAMS CAD KYI BSTAN PA YONGS SU BSRUNG BA'I PHYIR ZHES BYA BA SGRUB PA'I CHOS TE TSOGS SO, ,DE YONGS SU BSRUNG BA NI SGRUB PA DANG LDAN PA LA GNOD PA BYED PA YONGS SU SKYOB PA'I PHYIR RO, ,CHOS KYI LUNG NI MDO LA SOGS PA'I LUNG GCIG NAS GCIG TU BRGYUD PA'O, ,DE BZHIN GSHEGS PA NI BSTAN PA PHUN SUM TSOGS PA'I PHYIR RO, ,SANGS RGYAS DANG YANG DAG PAR RDZOGS PA'I SANGS RGYAS NI RTOGS PA DANG THUGS SU CHUD PA PHUN SUM TSOGS PA'I PHYIR TE JI SNYED PA DANG, JI LTA BA BZHIN DU MNGON PAR THUGS SU CHUD PA'I PHYIR RO, ,DE LTAR PHUN SUM TSOGS PA RNAM PA GSUM YONGS SU BSTAN PA'I PHYIR MTSAN GSUM BRJOD DO, ,'DIR NI NYAN THOS DANG RANG SANGS RGYAS KYANG SANGS RGYAS SU RIG PAR BYA STE, SMON LAM CHEN PO MNGON PAR SGRUB BO, ,'DI LTA STE, SANGS RGYAS THAMS CAD 'BYUNG BA'I 'JIG RTEN GYI KHAMS RAB 'BYAM MA LUS PA THAMS CAD DU MCHOD PA DANG, CHOS KYIS YANG DAG PAR BSDU BA'I SBYOR BA SNGON DU BTANG NAS DGA' LDAN GYI PHO BRANG NA BZHUGS PA NAS BZUNG STE 'PHO BA DANG, GSHEGS PA DANG, LHUMS NA BZHUGS PA DANG, BLTAMS PA DANG, GZHON NU ROL PA DANG, BTZUN MO'I 'KHOR GYI NANG NA BZHUGS PA DANG, MNGON PAR 'BYUNG BA DANG, DKA' BA SPYOD PA DANG, BYANG CHUB KYI SNYING POR GSHEGS PA DANG, BDUD 'DUL BA DANG, MNGON @139A *, ,PAR RDZOGS PAR BYANG CHUB PA DANG, CHOS KYI 'KHOR LO BSKOR BA DANG, YONGS SU MYA NGAN LAS 'DAS PA CHEN POR MNGON DU GSHEGS PAR BYA ZHING THAMS CAD DU DUS GCIG TU BSGRUB PA'I PHYIR CHOS KYI DBYINGS LTAR RGYA CHE BA, NAM MKHA'I KHAMS KYI MTHAS GTUGS PA, PHYI MA'I MTHA'I MUR THUG PA, BSKAL PA BGRANGS PA DANG, SANGS RGYAS 'BYUNG BA BGRANGS PA THAMS CAD DU MYA NGAN LAS 'DAS PA CHEN POR GSHEGS PA'I BAR DU BYA BA RGYUN MI 'CHAD PA'I ZHES BYA BA NI GSUM PA'O, ,DE LA SANGS RGYAS THAMS CAD 'BYUNG BA'I 'JIG RTEN GYI KHAMS RAB 'BYAMS MA LUS PA THAMS CAD DU ZHES BYA BA NI SANGS RGYAS GANG DAG SPRUL PA'I SANGS RGYAS THAMS CAD KYIS RGYU BA DANG, SEMS CAN RNAMS KYANG PHAN TSUN RGYU BA'I 'JIG RTEN GYI KHAMS RANG 'BYAMS ZAD PAR KHYAD PAS MA LUS PA THAMS CAD DU'O, ,JI LTAR DE DAG GIS SANGS RGYAS MCHOD PA'I SBYOR BA DANG, SANGS RGYAS RNAMS KYIS KYANG CHOS KYIS YANG DAG PAR SGRUB PA'I SBYOR BAS BSOD NAMS DANG, YE SHES KYI TSOGS SOGS PAR 'GYUR SNYAM DU SEMS CAN DE DAG GNYID MCHOD PA DANG, CHOS KYIS YANG DAG PAR BSDU BA'I SBYOR BA SNGON DU BTANG NAS DGA' LDAN GYI PHO BRANG NAS BZHUGS PA NAS BZUNG STE, MYA NGAN LAS 'DAS PAR GSHEGS PA'I BAR DU BYA ZHING THAMS CAD DU DUS GCIG TU SGRUB PA'I PHYIR ZHES BYA BAS NI RIM GYIS MA YIN PA'O, ,CI'I PHYIR DGA' LDAN NA BZHUGS PA STON LA, GZUGS DANG GZUGS MED PA'I KHAMS RNAMS SU MA YIN ZHE NA, DE MI NGAL BA NAS 'ONGS KYIS BDAG CAG GI PHYIR MA YIN NO SNYAM PA'I MI GUS PA SPANG PA'I PHYIR RO, ,CI'I PHYIR DBANG BYED DU MA YIN ZHE NA, MTHU MNGA' MOD KYI SEMS CAN LA THUGS BRTZE BA'I PHYIR SKYE BA MCHOG BOR TE DGA' LDAN DU SKYES SO ZHES GUS PA LHAG PAR SKYED PA'I PHYIR RO, ,CI'I PHYIR MI RNAMS KYI NANG DU MA YIN ZHE NA, BDAG CAG LA THUGS BRTZE BA'I PHYIR LHA'I BDE BA YANG SPANGS NAS MI'I NANG DU GSHEGS SO ZHES GUS PA LHAG PAR SKYED PA'I PHYIR RO, ,CI'I PHYIR LHUMS NA BZHUGS PA STON ZHE NA, RIGS MTHUN PA RNAMS SPRO BAR BYA BA'I PHYIR RO, ,CI'I PHYIR SANGS RGYAS GZHAN GYI MAN NGAG MED PAR BDAG NYID KYIS MNGON PAR RDZOGS PAR BYANG CHUB @139B PA STON ZHE NA, GZHAN LA RAG MA LUS PAR 'GRUB PO ZHES SKYES BU'I BYED PA LA GZUNG BA'I PHYIR RO, ,CI'I PHYIR YONGS SU MYA NGAN LAS 'DAS PAR GSHEGS NA, SLOB PAR 'DZIN PA RNAMS MYUR BAR BYA BA'I PHYIR TE SMON LAM CHEN PO MNGON PAR SGRUB PO, ,'DI LTA STE, BYANG CHUB SEMS DPA'I SPYOD [?] PA THAMS CAD RGYA CHE BA CHEN POR GYUR PA, TSAD MED PA THA MI DAD PA, PHA ROL TU PHYIN PA THAMS CAD KYIS BSDUS BA, SA YONGS SU SBYONG BA, YAN LAG DANG NYE BA'I YAN LAG TU BCAS PAR SGRUB PA DANG, MTSAN NYID 'DRA BA DANG, MTSAN NYID MI 'DRA BA DANG, 'DU BA DANG RGYAS PA DANG BCAS PA, BYANG CHUB SEMS DPA'I SPYOD PA LTA BU SA'I LAM JI LTA BA BZHIN DU STON PAS PHA ROL TU PHYIN PA YONGS SU SBYAR BAR BYED PA'I GDAMS NGAG RJES SU BSTAN PA, RAB TU SBYIN PAS BSTAN PA'I SEMS BSKYED PA MNGON PAR BSGRUB PA'I PHYIR CHOS KYI DBYINGS LTAR RGYA CHE BA, NAM MKHA'I KHAMS KYI MTHAS GTUGS PA, PHYI MA'I MTHA'I MUR THUG PA, BSKAL PA BGRANGS PA DANG, SPYOD PA BGRANGS PA THAMS CAD DU SEMS BSKYED PA MNGON PAR BSGRUB PAR BYA BA RGYUN MI 'CHAD PA'I ZHES BYA BA NI BZHI PA'O, ,SEMS BSKYED PA CI 'DRA BA ZHIG CE NA, BYANG CHUB SEMS DPA'I SPYOD PA'I GDAMS NGAG RJES SU BSTAN PA RAB TU SBYIN PAS BRTAN PA'O, ,BYANG CHUB SEMS DPA'I SPYOD PA DE'I RNAM PA DANG RANG BZHIN DANG, LAS DANG, THABS RNAMS LA GDAMS NGAG RJES SU BSTAN PA DO RIGS PAR BYA'O, ,BYANG CHUB SEMS DPA'I SPYOD PA DE'I RNAM PA GANG ZHE NA, 'JIG RTEN PA'I RNAM PA GSUM STE, RGYA CHE BA NI SA DRUG PO LA DAG LA'O, , CHEN POR GYUR PA NE BDUN PA LA'O, ,TSAD MED PA NI DE'I GONG MA LA'O, ,CHOS BDAG MED PA'I RNAM PA MNYAM PA NYID KYI PHYIR, ,THA MI THAD PA NI 'JIG RTEN LAS 'DAS PA STE, GANG GI PHYIR BYANG CHUB SEMS DPA'I SPYOD PA THAMS CAD RGYA CHE BA, CHEN POR GYUR PA TSAD MED PA, THA MI DAD PA ZHES GSUNGS PA'O, ,RANG BZHIN GANG ZHE NA, PHA ROL TU PHYIN PA THAMS CAD LKYIS BSDUS PA'O, ,LAS GANG ZHE NA, SA YONGS SU SBYONG BA'O, ,THABS GANG ZHE NA, YAN LAG DANG NYE BA'I YAN LAG TU BCAS PA SGRUB PA DANG, MTSAN NYID 'DRA BA DANG, MTSAN NYID MI 'DRA BA DANG, 'DU BA DANG, RGYAS PA DANG @140A *, ,BCAS PA, BYANG CHUB SEMS DPA'I SPYOD PA LTA BU SA'I LAM JI LTA BA BZHIN DU STON PAS, PHA ROL TU PHYIN PA YONGS SU SBYANG BA BYA BA SMON LAM CHEN PO MNGON PAR SGRUB BO, ,'DI LTA STE, SEMS CAN GYI KHAMS MA LUS PA THAMS CAD GZUGS CAN DANG, GZUGS CAN MA YIN PA DANG, 'DU SHES CAN DANG, 'DU SHES CAN MA YIN PA DANG, 'DU SHES MED 'DU SHES MED MIN DANG, SGO NGA LAS SKYES PA DANG, MNGAL LAS SKYES PA DANG, DROD GSHER LAS SKYES PA DANG, RDZUS TE SKYES PA DANG, KHAMS GSUM DU GTOGS PA 'GRO BA DRUG TU 'DUS PA, SKYE BA THAMS CAD DU GTOGS PA, MING DANG GZUGS KYIS BSDUS PA'I SEMS CAN MA LUS PA THAMS CAD YONGS SU SMIN PAR BYA BAR SANGS RGYAS KYI CHOS LA GZUD PA'I PHYIR DANG, 'GRO BA GRANGS PA THAMS CAD RNAM PAR GCAD PA'I PHYIR DANG, THAMS CAD MKHYEN PA'I YE SHES LA RAB TU DGOD PA'I PHYIR, CHOS KYI DBYINGS LTAR RGYA CHE BA, NAM MKHA'I KHAMS KYI MTHAS GTUGS PA, PHYI MA'I MTHA'I MUR THUG PA, BSKAL PA BGRANGS PA DANG, SEMS CAN GYI KHAMS BGRANGS PA THAMS CAD DU, SEMS CAN THAMS CAD YONGS SU SMIN PAR BYA BA RGYUN MI 'CHAD PA'I ZHES BYA BA NI SEMS CAN THAMS CAD SMIN PAR BYA STE, SMON LAM RGYA CHEN PO LNGA PA'O, ,SEMS CAN DE DAG NI GANG YIN, DON NI GANG LA YONGS SU SMIN PAR BYA STE, SEMS CAN THAMS CAD NI RAGS PA DANG, PHRA BAS RAB TU DBYE BA DANG, SKYE BA'I GNAS KYIS RAB TU DBYE BA DANG, MA DAG PA DANG, DAG PA'I GNAS KYIS RAB TU DBYE BA DANG, BDE BA DANG, SDUG BSNGAL 'DZIN PAS RAB TU DBYE BA DANG, LUS SNA TSOGS KYI PHYIR LAS BDAG GIR BYA BAS RAB TU DBYE BA DANG, RANG BZHIN GYIS RAB TU DBYE BAS RNAM PA DRUG TU THA DAD PA RNAMS SO, ,DE LA RAGS PA RNAMS NI GZUGS CAN RNAMS SO, ,PHRA BA RNAMS NI GZUGS CAN MA YIN PA RNAMS SO, ,GZUGS CAN RNAMS LAS KYANG RAGS PA RNAMS NI 'DU SHES CAN RNAMS SO, ,PHRA BA RNAMS NI 'DU SHES CAN MA YIN PA RNAMS SO, ,GZUGS CAN MA YIN PA RNAMS LAS KYANG, RAGS PA RNAMS NI 'DU SHES CAN RNAMS SO, ,PHRA BA RNAMS NI 'DU SHES MED 'DU SHES MED @140B MIN DAG TU RIG PAR BYA'O, ,DE LTAR NA 'DI NI RAGS PA DANG, PHRA BAS RAB TU DBYE BA STE, GZUGS CAN DANG, GZUGS CAN MA YIN PA DANG, 'DU SHES CAN DANG, 'DU SHES CAN MA YIN PA DANG, 'DU SHES MED 'DU SHES MED MIN BSTAN PAS, YONGS SU BSTAN PA YIN NO, ,SKYE BA'I GNAS KYIS RAB TU DBYE BA NI, SGO NGA LAS SKYES PA DANG, MNGAL NAS SKYES PA DANG, DROD GSHER LAS SKYES PA DANG, RDZUS TE SKYES PA BSTAN PAS YONGS SU BSTEN PA YIN NO, ,RDZUS TE SKYES PA RNAMS SKYE BA'I GNAS GANG YIN ZHE NA, LAS DE NYID LAS NI DE DAG GI SKYE GNAS YIN NO, ,DAG PA DANG MA DAG PA'I GNAS KYIS RAB TU DBYE BA NI, KHAMS GSUM DU GTOGS PA'I TSIG GIS YONGS SU BSTAN TO, ,BDE BA DANG SDUG BSNGAL 'DZIN PAS RAB TU DBYE BA NI 'GRO BA DRUG TU 'DUS PA'I TSIG GIS BSTAN TO, ,LUS SNA TSOGS KYI PHYIR LAS BDAG GIR BYA BA NYID KYIS RAB TU DBYE BA NI SKYE BA THAMS CAD DU GTOGS PA'I TSIG GIS BSTAN TO, ,RANG BZHIN GYIS RAB TU DBYE BA NI, MING DANG GZUGS KYIS BSDUS PA'I TSIG GIS STON TO, ,SEMS CAN DE LTA BU DAG DON GANG LA SEMS CAN YONGS SU SMIN PAR BYED CE NA, DON GSUM STE, SANGS RGYAS KYIS GSUNGS PA'I CHOS LA GZUD PA NI GANG GI PHYIR SANGS RGYAS KYI CHOS LA GZUNG BA'I PHYIR ZHES GSUNGS PA'O, ,ZHUGS PA RNAMS BYANG CHUB GNYIS LA NI GANG GI PHYIR, 'GRO BA BGRANGS PA THAMS CAD RNAM PAR GCAD PA'I PHYIR ZHES GSUNGS PA'O, ,BYANG CHUB CHEN PO LA NI GANG GI PHYIR, THAMS CAD MKHYEN PA'I YE SHES LA DGOD PA'I PHYIR ZHES GSUNGS PA STE, SMON LAM CHEN PO MNGON PAR SGRUB BO,, ,,BAM PO BZHI PA, 'DI LTA STE, 'JIG RTEN GYI KHAMS SHIN TU RGYAS PA DANG, THA GRU CHE BA DANG, TSAD MED PA DANG, PHRA BA DANG, RIGS PA DANG, TSOL BA DANG, STENG YONGS MED CING GZHI PHYAL BA DANG 'JUG PA'I KHYIM CAN DANG, RNAM PAR DBYE BA MIG 'PHRUL LTA BU DANG, PHYOGS BCU TSAD MED PA'I RNAM PAR DBYE BA MA LUS PA LA 'JUG PA'I YE SHES KYIS KHONG DU CHUD PAR BYA ZHING, MNGON SUM DU 'GYUR BAR BYA BA'I PHYIR, CHOS KYI DBYINGS LTAR RGYA CHE BA, NAM MKHA'I KHAMS KYI MTHAS GTUGS PA, PHYI @141A *, ,MA'I MTHA'I MUR THUG PA, BSKAL PA BGRANGS PA DANG, 'JIG RTEN GYI KHAMS BGRANGS PA DANG THAMS CAD DU 'JUG PA RGYUN MI 'CHAD PA'I ZHES BYA BA NI DRUG PA'O, ,DE LA 'JIG RTEN GYI KHAMS THAMS CAD NI MTSAN NYID GSUM DU YE SHES KYI KHONG DU CHUD PAR BYA ZHING, MNGON SUM DU 'GYUR BAR BYA STE, MTHA' DAG GI MTSAN NYID DANG, DON DAM PA'I MTSAN NYID DANG, DPAG TU MED PA'I MTSAN NYID DO, ,DE LA SHIN TU RGYAS PA DANG, THA GRU CHE BA DANG, TSOD MED PA ZHES BYA BA NI, STONG LA SOGS PA'I 'JIG RTEN GYI KHAMS GSUM PO DAG GO, ,PHRA BA NI GANG DAG NA YID KYI LUS RNAMS SO, ,RAGS PA NI GANG DAG NA YID KYI LUS MA YIN PA RNAMS SO, ,CHOL PA NI GO RIMS SU MI GNAS PA MA YIN PA RNAMS SO, ,STENG YOGS MED CING GZHI PHYAL PA NI KHYIM NA GNAS PA MA BYAS PA RNAMS SO, ,'JUG PA'I KHYIM CAN NI KHYIM NA GNAS PA BYAS PA RNAMS TE, 'DI NA MTHA' DAG GI MTSAN NYID DO, ,RNAM PAR DBYE BA MIG 'PHRUL LTA BU NI DON DAM PA'I MTSAN NYID DE, LAS SGYU MA LAS BYUNG BA'I PHYIR RO, ,PHYOGS BCU TSAD MED PA'I RNAM PAR DBYE BA MA LUS PA LA 'JUG PA NI DPAG TU MED PA'I MTSAN NYID DO, ,DE LA DON DAM PA'I MTSAN NYID NI YE SHES KYIS KHONG DU CHUD PAR BYA BA'I PHYIR RO, ,DE LAS GZHAN PA'I MTSAN NYID NI MNGON SUM NYID DU 'GYUR BAR BYA BA'I PHYIR TE, SMON LAM CHEN PO MNGON PAR SGRUB PO, ,'DI LTA STE, ZHING THAMS CAD ZHING GCIG DANG, ZHING GCIG LTAR ZHING THAMS CAD DU MNYAM PAR RGYU BAS YONGS SU SBYONG BA DANG, SANGS RGYAS KYI ZHING TSAD MED PA DANG, ,'OD DANG RNAM PAR BKOD PA'I RGYAN GYIS RAB TU BRGYAN PA DANG, NYON MONGS PA THAMS CAD BSAL BAS YONGS SU DAG PA'I LAM DANG LDAN PA DANG, SEMS CAN YE SHES KYI 'BYUNG GNAS TSAD MED PAS RAB TU GANG BA DANG, SANGS RGYAS KYI YUL RGYA CHEN PO LA YANG DAG PAR GZHOL BA DANG, SEMS CAN GYI BSAM PA JI LTA BA BZHIN DU YANG DAG PAR BSTAN CING SHIN TU TSIM PAR BYA BA'I PHYIR, CHOS KYI DBYINGS LTAR RGYA CHE BA, NAM MKHA'I KHAMS KYI MTHAS GTUGS PA, PHYI MA'I MTHA'I MUR THUG PA, BSKAL PA BGRANGS PA DANG, SANGS RGYAS KYI ZHING BGRANGS PA THAMS CAD DU, SANGS @141B RGYAS KYI ZHING THAMS CAD YONGS SU SBYOR BA RGYUN MI 'CHAD PA'I ZHES BYA BA NI BDUN PA'O, ,SANGS RGYAS KYI ZHING YONGS SU DAG PA, DE YANG RNAM PA BDUN DU RIG PAR BYA STE, ZHING THAMS CAD ZHING GCIG NYID YIN PA'I PHYIR, THUN MONG BA YONGS SU DAG PA DANG, ZHING GCIG LTAR ZHING THAMS CAD DU MNYAM PAR RGYU BAS YONGS SU SBYONG BA NYID KYI PHYIR DBANG PO YONGS SU DAG PA DANG, SANGS RGYAS KYI ZHING TSAD MED PA DAG 'OD DANG, RNAM PAR BKOD PA'I RGYAN GYIS RAB TU BRGYAN PA NYID KYI PHYIR 'OD KYI RGYAN DANG, GNAS PA'I RGYAN GYIS MDZES PA YONGS SU DAG PA DANG, NYON MONGS PA THAMS CAD BSAL BAS YONGS SU DAG PA'I LAM DANG LDAN PA'I PHYIR YONGS SU SPYAD PA YONGS SU DAG PA DANG, SEMS CAN YE SHES KYI 'BYUNG GNAS TSAD MED PAS RAB TU GANG BA'I PHYIR GNAS PA PO'I SEMS CAN YONGS SU DAG PA DANG, SANGS RGYAS KYI YUL RGYA CHEN PO LA 'JUG PA MNGON PAR SGRUB PA NYID KYI PHYIR RGYU YONGS SU DAG PA DANG, YE SHES DANG MTHU GNYIS KYIS SEMS CAN GYI BSAM PA JI LTA BA BZHIN DU YANG DAG PAR STON CING, TSIM PAR BYA BA'I PHYIR 'BRAS BU YONGS SU DAG PA STE, SMON LAM CHEN PO MNGON PAR SGRUB PO, ,'DI LTA STE, BYANG CHUB SEMS DPA' THAMS CAD DANG, BSAM PA DANG SBYOR BA GCIG PAR BYA BA'I PHYIR DANG, 'GRAN ZLA MED PA'I DGE BA'I RTZA BA BSAGS PAR BYA BA'I PHYIR DANG, BYANG CHUB SEMS DPA' THAMS CAD DANG DMIGS PA GCIG PAS MNYAM PA NYID DU BYA BA'I PHYIR DANG, RTAG TU RGYUN MI 'CHAD PAR BYANG CHUB SEMS DPA' DANG 'GROGS SHING MI 'BRAL BAR BYA BA'I PHYIR DANG, SANGS RGYAS 'BYUNG BA CI DGAR BSTAN PAR BYA BA'I PHYIR DANG, RANG GI SEMS BSKYED PAS DE BZHIN GSHEGS PA RAB TU 'BYED PA YE SHES KYIS KHONG DU CHUD PAR BYA BA'I PHYIR DANG, MA NYAMS SHING RJES SU 'GRO BA'I MNGON PAR SHES PA THOB PAR BYA BA'I PHYIR DANG, 'JIG RTEN GYI KHAMS THAMS CAD DU RNAM PAR RGYU BAR BYA BA'I PHYIR DANG, 'KHOR GYI DKYIL 'KHOR THAMS CAD DU SNANG BA THOB PAR BYA BA'I PHYIR DANG, SKYE BA THAMS CAD DU RANG GI LUS RJES SU 'GRO BAR BYA BA'I PHYIR DANG, THEG PA CHEN PO BSAM GYIS MI KHYAB PA DANG LDAN PAR BYA BA'I PHYIR DANG, BYANG CHUB SEMS DPA'I SPYOD PA SPYAD PAR BYA BA'I PHYIR, CHOS KYI @142A *, ,DBYINGS LTAR RGYA CHE BA, NAM MKHA'I KHAMS KYI MTHAS GTUGS PA, PHYI MA'I MTHA'I MUR THUG PA, BSKAL PA BGRANGS PA DANG, SPYOD PA BGRANGS PA THAMS CAD THEG PA CHEN PO LA 'JUG PA RGYUN MI 'CHAD PA'I ZHES BYA BA NI BRGYAD PA'O, ,DE NI BYANG CHUB SEMS DPA' THAMS CAD DANG; BSAM PA DANG, SBYOR BA GCIG PA NYID KYI PHYIR THEG PA GZHAN MI 'DOD PA'I PHYIR TE, BYANG CHUB SEMS DPA'I SPYOD PA RNAM PA BCUS RAB TU PHYE BA'O, ,RNAM PA BCU GANG ZHE NA, 'GRAN ZLA MED PA'I DGE BA'I RTZA BA SOGS PA DANG, BYANG CHUB SEMS DPA' THAMS CAD DANG, DMIGS PA GCIG PA NYID DANG, RTAG TU RGYUN MI 'CHAD PAR BYANG CHUB SEMS DPA' DANG 'GROGS SHING MI 'BRAL BA NYID DANG, SANGS RGYAS 'BYUNG BA CI DGAR STON PA NYID DANG, RANG GI SEMS BSKYED PAS DE BZHIN GSHEGS PA RAB TU 'BYED PA YE SHES KYIS KHONG DU CHUD PA NYID DANG, MA NYAMS SHING RJES SU 'GRO BA'I MNGON PAR SHES PA THOB PA NYID DANG, 'JIG RTEN GYI KHAMS THAMS CAD DU RNAM PAR RGYU BA NYID DANG, 'KHOR GYI DKYIL 'KHOR THAMS CAD DU SNANG BA THOB PA NYID DANG, SKYE BA THAMS CAD DU RANG GI LUS RJES SU 'GRO BA NYID DANG, THEG PA CHEN PO BSAM GYIS MI KHYAB PA DANG LDAN PA NYID DO, ,DE LA DANG PO NI TSOGS KYIS RAB TU PHYE BA'O, ,GNYIS PA NI MTHUN PAR DMIGS PAS NANG DU YANG DAG 'JOG PAS SO, ,GSUM PA NI 'BREL BA'I GTAM RNAM PAR GTAN LA 'BEBS PAS SO, ,BZHI PA NI SANGS RGYAS 'BYUNG BA CI DGAR STON PA'O, ,LNGA PA NI RANG GI SEMS BSKYED PA'I KHYAD PAR GYIS DE BZHIN GSHEGS PA'I CHOS KYI SKU RJES SU DRAN PAS SO, ,DRUG PA NI MNGON PAR SHES PA SHIN TU THOB PAS SO, ,LHAG MA RNAMS NI MNGON PAR SHES PA'I LAS KYIS RAB TU PHYE BA STE, 'JIG RTEN GYI KHAMS GZHAN DAG TU 'GRO BA DANG, BDAG DANG, GZHAN DAG DANG, DE DAG PHAN TSUN YANG DAG PAR STON PA DANG, SKAL BA 'DRA BAR 'GRO BA DANG, THEG PA CHEN PO BSAM GYIS MI KHYAB PA LA 'DZUD PA STE, SMON LAM CHEN PO MNGON PAR SGRUB BO, ,'DI LTA STE, PHYIR MI LDOG PA'I 'KHOR LO LA YANG DAG PAR GNAS PA'I BYANG CHUB SEMS DPA'I SPYOD PA SPYAD PAR BYA BA'I PHYIR DANG, LUS DANG, NGAG DANG, YID KYI LAS DON YOD PAR BYA BA'I PHYIR DANG, MTHONG @142B MA THAG TU SANGS RGYAS KYI CHOS NYID DU NGES PAR BYA BA'I PHYIR DANG, TSIG BRJOD MA THAG TU YE SHES KHONG DU CHUD PAR BYA BA'I PHYIR DANG, DAD PAR GYUR MA THAG TU NYON MONGS PA LDOG PAR BYA BA'I PHYIR DANG, SMAN GYI RGYAL PO CHEN PO LTA BU'I LUS THOB PAR BYA BA'I PHYIR DANG, YID BZHIN GYI NOR BU LTA BU'I LUS THOB PAR BYA BA'I PHYIR DANG, BYANG CHUB SEMS DPA' CHEN PO'I SPYOD PA SPYAD PA'I PHYIR, CHOS KYI DBYINGS LTAR RGYA CHE BA, NAM MKHA'I KHAMS KYI MTHAS GTUGS PA, PHYI MA'I MTHA'I MUR THUG PA, BSKAL PA BGRANGS PA DANG, SPYOD PA BGRANGS PA THAMS CAD DU DON YOD PA, RGYUN MI 'CHAD PA'I ZHES BYA BA NI DGU PA'O, ,DON YOD PA DE NI BYANG CHUB SEMS DPA' CHEN PO'I SPYOD PA SPYAD PAS RAB TU PHYE BA'O, ,BYANG CHUB SEMS DPA'I SPYOD PA SPYAD PA DE YANG PHYIR MI LDOG PA'I 'KHOR LO LA YANG DAG PAR GNAS PA'I BYANG CHUB SEMS DPA'I SPYOD PA SPYAD PAS RAB TU PHYE BA STE, DE YANG DON DAM PA NYID RNAM PA GNYIS KYIS RAB TU PHYE BA'O, ,BRTZON 'GRUS DON YOD PA LUS DANG, NGAG DANG, YID KYI LAS DON YOD PA NYID NI DE TSIG GSUM GYIS GO RIMS BZHIN BSTAN PAR RIG PAR BYA STE, MTHONG MA THAG TU SANGS RGYAS KYI CHOS NYID DU NGES PAR BYA BA NI LUS KYI LAS DON YOD PA NYID DO, ,TSIG BRJOD MA THAG TU YE SHES KHONG DU CHUD PAR BYA BA NI NGAG GI LAS DON YOD PA NYID DO, ,DAD PAR GYUR MA THAG TU NYON MONGS PA LDOG PA ZHES BYA BA NI, YID KYI LAS DON YOD PA NYID DO, ,DON BYED PA DON YOD PA NYID NI SEMS CAN RNAMS KYI RANG BZHIN GYIS SDUG BSNGAL BA DANG, PHONGS PA LAS BYUNG BA'I SDUG BSNGAL GYI GNYEN POR SMAN GYI RGYAL PO CHEN PO DANG, YID BZHIN GYI NOR BU LTA BU'I LUS THOB PA'I GO RIMS BZHIN TE, SMON LAM CHEN PO MNGON PAR SGRUB BO, ,'DI LTA STE, 'JIG RTEN GYI KHAMS THAMS CAD DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR BYA BA'I PHYIR DANG, BYIS PA'I LAM GCIG DANG THA MI DAD PAR BYIS PA'I LAM THAMS CAD DU SKYE BA 'BYUNG BA DANG, BYANG CHUB KYI SNYING PO DANG, CHOS KYI 'KHOR LO BSKOR BA DANG, YONGS SU MYA NGAN LAS 'DAS PA CHEN POS BSTAN PAR BYA BA'I PHYIR DANG, SANGS RGYAS KYI YUL CHEN PO MTHU DANG, YE SHES KYI RJES SU 'GRO BAS SEMS CAN GYI @143A *, ,KHAMS THAMS CAD KYI BSAM PA JI LTA BA BZHIN DU SANGS RGYAS 'BYUNG BA DAL BA LA RTOG PAR BYED, ZHI BAR BYED, THOB PAR BYED, THOB PAR GYUR NAS BSTAN PAR BYA BA'I PHYIR DANG, GCIG MNGON DU YANG DAG PAR RTOGS PAS CHOS THAMS CAD MYA NGAN LAS 'DAS PAS RGYAS PAR BYA BA'I PHYIR DANG, TSIG GCIG BRJOD PAS SEMS CAN THAMS CAD KYI SEMS TSIM PAR BYA BA'I PHYIR DANG, YONGS SU MYA NGAN LAS 'DAS PA CHEN PO BSTAN KYANG, SPYOD PA'I STOBS RGYUN MI 'CHAD PAR BYA BA'I PHYIR DANG, YE SHES CHEN PO'I SA LAS CHOS THAMS CAD RNAM PAR GZHAG PA BSTAN PAR BYA BA'I PHYIR DANG, CHOS SHES PA DANG, RDZU 'PHRUL DANG, SGYU 'PHRUL GYI MNGON PAR SHES PAS 'JIG RTEN GYI KHAMS THAMS CAD RGYAS PAR BYA BA'I PHYIR, CHOS KYI DBYINGS LTAR RGYA CHE BA, NAM MKHA'I KHAMS KYI MTHAS GTUGS PA DANG, PHYI MA'I MTHA'I MUR THUG PA, BSKAL PA BGRANGS PA DANG, MNGON PAR RDZOGS PAR BYANG CHUB PA BGRANGS PA THAMS CAD YE SHES CHEN PO MNGON PAR SGRUB PA RGYUN MI 'CHAD PA'I ZHES BYA BA NI BCU PA'O, ,THEG PA CHEN PO'I MNGON PAR BSGRUB PA DE NI BYANG CHUB CHEN PO CI 'DRA BA DANG, LAS GANG GIS DE RAB TU PHYE BA'O, ,DE LA BYANG CHUB CHEN PO NI BLA NA MED PA YANG DAG PAR RDZOGS PA'I BYANG CHUB BO, ,DE NI LAS BDUN BYED PAR RIG PAR BYA STE, MNGON PAR RDZOGS PAR BYANG CHUB PA STON PA'I LAS BYED PA DANG, BDEN PA'I TSUL STON PA'I LAS BYED PA DANG, 'THOB PA'I GDAMS NGAG GI LAS BYED PA DANG, CHOS SNA TSOGS STON PA'I LAS BYED PA DANG, , SANGS RGYAS KYI RIGS RGYUN MI 'CHAD PA'I LAS BYED PA DANG, YANG CHOS KYI LUGS GNAS PAR BYED PA'I LAS BYED PA DANG, DBANG GI LAS BYED PA'O, ,DE LA LAS DANG PO NI BYIS PA'I LAM GCIG DANG THA MI DAD PAR BYIS PA'I MA THAMS CAD DU SKYE BA 'BYUNG BA LA SOGS PA YIN PAR RIG PAR BYA STE, 'DZAM BU'I GLING GCIG DANG DUS MNYAM DU 'DZAM BU'I GLING THAMS CAD DU ZHES BYA BA'I THA TSIG GO, ,'DZAM BU'I GLING NI GDUL BYA BYIS PA RNAMS 'DUL BA'I GNAS KYI MCHOG TU GYUR PAS BYIS PA'I LAM ZHES BYA'O, ,LAS GNYIS PA DE NI MI DAL BA RNAMS MA GTOGS PAR SANGS RGYAS KYI YUL CHEN PO'I MTHU DANG @143B YE SHES KYI RJES SU 'GRO BAS, 'JIG RTEN GYI KHAMS GZHAN DAG TU GDUL BYA THAMS CAD KYI BSAM PA JI LTA BA BZHIN DU SANGS RGYAS 'BYUNG BA SANGS RGYAS 'BYUNG BAR DAL BA DE DANG DER SKYES PA RNAMS LA SDUG BSNGAL RTOG PAR BYED, KUN 'BYUNG BZHI PAR BYED, 'GOG PA THOB PAR BYED, LAM BSTAN PAR BYED PAR RIG PAR BYA'O, ,LAS GSUM PA NI GCIG MNGON DU YANG DAG PAR RTOGS PA, CHOS LA BDAG MED PA'I RNAM PAR CHOS THAMS CAD RANG BZHIN GYIS MYA NGAN LAS 'DAS PAR MOS PA YIN PAR RIG PAR BYA'O, ,LAS BZHI PA NI TSIG GCIG BRJOD PAS GDUL BYA MOS PA THA DAD PA RNAMS KYI SEMS LA CIG CAR GO BAR BYED PA'O, ,LAS LNGA PA NI YONGS SU MYA NGAN LAS 'DAS PA CHEN PO BSTAN NAS YANG SPYOD PA'I STOBS RGYUN MI 'CHAD PA YIN PAR RIG PAR BYA'O, ,LAS DRUG PA NI SANGS RGYAS KYI YE SHES KYI SA LAS YANG MDO LA SOGS PA'I CHOS THAMS CAD DAG PA STON PA YIN PAR RIG PAR BYA'O, ,LAS BDUN PA NI CHOS SHES PA'I MNGON PAR SHES PAS CHOS THAMS CAD SNANG BAR BYED PA DANG, RDZU 'PHRUL GYI MNGON PAR SHES PAS JI LTAR 'DOD PA BZHIN DU DA DUNG RANG GI LUS 'DZIN PA DANG, GNAS PA DANG, 'CHI 'PHO BA DANG, SGYU 'PHRUL GYI MNGON PAR SHES PAS PHYI ROL GYI DNGOS PO RNAMS 'DOD DGUR SGYUR BA YIN PAR RIG PAR BYA'O, ,CHOS SHES PA'I MNGON PAR SHES PA GCIG GIS NI 'KHOR BA LA MI GNAS PAR 'GYUR RO, ,RDZU 'PHRUL GYI MNGON PAR SHES PA DANG, SGYU 'PHRUL GYI MNGON PAR SHES PA GNYIS NI ZHI BA GCIG PU BGROD PA MA YIN PAR 'GYUR RO, ,CI'I PHYIR SMON LAM CHEN PO BCU KHO NA ZHE NA, GCIG NI BSOD NAMS KYI TSOGS YONGS SU RDZOGS PAR BYED PA YIN PAR RIG PAR BYA'O, ,GNYIS PA NI YE SHES KYI TSOGS YONGS SU RDZOGS PAR BYED PA'O, ,LNGA NI SEMS CAN YONGS SU SMIN PAR BYED PA STE, RTEN CI 'DRA BA DANG, SEMS CI 'DRA BA DANG, SEMS CAN GANG DAG DANG, GANG NA GNAS PA RNAMS DANG, GANG DU GNAS NAS YONGS SU SMIN PAR BYA BA'O, ,GSUM PA NI BDAG PO'I KHYAD PAR BYA BA DANG, BYANG CHUB SEMS DPA'I SA'I MTHAR PHYIN PAR BYA BA DANG, THAMS CAD KYI MTHAR PHYIN PAR BYA BA STE, 'DIS NI YANG DAG PA JI LTA BA BZHIN DU YONGS SU SMIN PAR BYED PA DE LTA BU YANG @144A *, ,YONGS SU BSTAN PA YIN NO, ,DE LA SMON LAM NI 'DOD PA'I DON MNGON PAR 'DU BYED PA'O, ,BRTZON PA NI DE GRUB PAR BYED PA'I THABS SO, ,MNGON PAR BSGRUB PA NI DE GRUB PAR BYED PAR RIG PAR BYA STE, SA 'DI LA GNAS PAS 'DI GSUM RIM GYIS MNGON PAR SGRUB KYI CIG CAR NI MA YIN PAR RIG PAR BYA'O, ,SMON LAM CHEN PO BCU PO 'DI RNAMS RE RE YANG 'KHOR 'BUM PHRAG GRANGS MED PA DANG LDAN PAR RIG PAR BYA STE, GANG GI PHYIR KYE RGYAL BA'I SRAS DAG DE LTAR RNAM PA 'DI LTA BU'I SMON LAM CHEN PO DANG, BRTZON PA CHEN PO DANG, MNGON PAR SGRUB PA CHEN PO'I SMON LAM GYI SGO BCU PO 'DI DAG LA SOGS PA SMON LAM 'BUM PHRAG GRANGS MED PA PHRAG BCU TSANG BA DE DAG BYANG CHUB SEMS DPA'I SA RAB TU DGA' BA LA GNAS PA'I BYANG CHUB SEMS DPAS MNGON PAR SGRUB PA ZHES GSUNGS PA'O, ,DE'I PHYIR DGE BA'I RTZA BA SHIN TU SBYANGS SHING MANG BAS SMON LAM CHEN PO DAG CES BYA'O, ,BYANG CHUB SEMS DPA'I 'DUN PA KHYAD PAR CAN DE NI NYAN THOS LA SOGS PA'I 'DUN PA LAS RNAM PA GNYIS KYIS KHYAD PAR DU 'PHAGS TE, SHIN TU SBYANGS SHING MANG BA DANG, SEMS CAN THAMS CAD DANG THUN MONG BAS SO, ,THUN MONG BA DE YANG MTHAR THUG PA'I GNAS RNAMS KYIS YONGS SU STON TE GANG GI PHYIR SMON LAM DE DAG KYANG MTHAR THUG PA MED PA'I GNAS BCUR MNGON PAR SGRUB STE, BCU GANG ZHE NA, 'DI LTA STE, SEMS CAN GYI KHAMS KYI MTHAR THUG PA DANG, 'JIG RTEN GYI KHAMS KYI MTHAR THUG PA DANG, NAM MKHA'I KHAMS KYI MTHAR THUG PA DANG, CHOS KYI KHAMS KYI MTHAR THUG PA DANG, MYA NGAN LAS 'DAS PA'I KHAMS KYI MTHAR THUG PA DANG, SANGS RGYAS 'BYUNG BA'I KHAMS KYI MTHAR THUG PA DANG, DE BZHIN GSHEGS PA'I YE SHES KYI KHAMS KYI MTHAR THUG PA DANG, SEMS KYI DMIGS PA'I MTHAR THUG PA DANG, SANGS RGYAS KYI YUL GYI YE SHES MNGON PAR SGRUB PA'I KHAMS KYI MTHAR THUG PA DANG, 'JIG RTEN GYI RGYUD DANG, CHOS KYI RGYUD DANG, YE SHES KYI RGYUD KYI KHAMS KYI MTHAR THUG PAR RO, ,DE LTAR BDAG GI SMON LAM CHEN PO 'DI DAG SEMS CAN MTHA' GANG DU THUG PA DE'I MTHAR THUG PAR GYUR CIG ,BDAG GI SMON LAM CHEN PO 'DI DAG YE SHES KYI RGYUD KYI KHAMS KYI BAR @144B DAG GI MTHA' GANG DU THUG PA DE'I MTHAR THUG PAR GYUR CIG ,JI LTAR SEMS CAN GYI KHAMS KYI MTHAR THUG PA MED PA DE LTAR BDAG GI DGE BA'I RTZA BA 'DI DAG KYANG MTHAR THUG PA MED PAR GYUR CIG ,YE SHES KYI RGYUD KYI KHAMS KYI BAR DAG GI MTHAR THUG PA MED PA LTAR BDAG GI DGE BA'I RTZA BA 'DI DAG KYANG MTHAR THUG PA MED PAR GYUR CIG CES GSUNGS PA'O, ,DE LA SEMS CAN GYI KHAMS KYI MTHAR THUG PA NI YAN LAG GO, ,'JIG RTEN GYI KHAMS KYI MTHAR THUG PA NAS, YE SHES KYI RGYUD KYI KHAMS KYI MTHAR THUG PA'I BAR DAG NI NYE BA'I YAN LAG GO, ,'DIS NI SEMS CAN GYI KHAMS GANG YIN PA STE, SEMS CAN GYI KHAMS KYI MTHAR THUG PA ZHES BYA BA DANG, GANG DU GNAS PA STE 'JIG RTEN GYI KHAMS KYI MTHAR THUG PA ZHES BYA BA DANG, JI SNYED PA STE, NAM MKHA'I KHAMS KYI MTHAR THUG PA ZHES BYA BA DANG, CHOS BSTAN PA GANG GIS GDUL BAR BYA BA STE, CHOS KYI KHAMS KYI MTHAR THUG PA ZHES BYA BA DANG, GANG DU GDUL BAR BYA BA STE, MYA NGAN LAS 'DAS PA'I MTHAR THUG PA ZHES BYA BA DANG, THABS LA MKHAS PA GANG GIS TE, SANGS RGYAS 'BYUNG BA'I KHAMS KYI MTHAR THUG PA ZHES BYA BA DANG, GDAMS NGAG GANG LA BRTEN NAS TE, DE BZHIN GSHEGS PA'I YE SHES KYI KHAMS KYI MTHAR THUG PA ZHES BYA BA DANG, DMIGS PA GANG GIS TE, SEMS KYI DMIGS PA'I KHAMS KYI MTHAR THUG PA ZHES BYA BA DANG, MNGON PAR RTOGS PA GANG GIS TE, SANGS RGYAS KYI YUL GYI YE SHES MNGON PAR BSGRUB PA'I KHAMS KYI MTHAR THUG PA ZHES BYA BA DE YONGS SU BSTAN TO, ,'DIR RGYUN GYI MTHAR THUG PA YIN PAR RIG PAR BYA'I, SKAD CIG GI MTHAR THUG PA NI MA YIN PAR BSTAN PA'I PHYIR MTHAR THUG PA RNAM PA DGU PO 'DI DAG MDOR BSDUS TE RGYUD KYI MTHAR THUG PA RNAM PA GSUM GYIS STON TO, ,MTHAR THUG PA'I GNAS 'DI DAG GI DBANG GIS SANGS RGYAS RNAMS SEMS CAN GYI DON GTAN DU MDZAD PAR RIG PAR BYA STE, DE LTAR 'DUN PA'I KHYAD PAR GYIS KHYAD PAR DU 'PHAGS PA YIN NO, ,SGRUB PA'I KHYAD PAR GYIS KHYAD PAR DU 'PHAGS PA JI LTA BU ZHE NA, GANG GI PHYIR DE DE LTAR SMON LAM SHIN TU BSGRUBS TE, LAS SU RUNG BA'I SEMS DANG GNYEN PO'I @145A *, ,SEMS SU GYUR PAS DAD PA MI 'PHROGS PA DANG LDAN PA YIN TE, DE NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI SNGON GYI MTHA'I SPYOD PA LA 'JUG PA DANG, PHA ROL TU PHYIN PA YANG DAG PAR 'GRUB PA DANG, SA YANG DAG PAR 'GRUB PAS BSGRUB PA DANG, MI 'JIGS PA YONGS SU RDZOGS PA DANG, STOBS DANG, SANGS RGYAS KYI CHOS MA 'DRES PA MI 'PHROGS PA NYID DANG, SANGS RGYAS KYI CHOS BSAM GYIS MI KHYAB PA NYID DANG, DE BZHIN GSHEGS PA'I YUL MTHA' DANG DBUNG MED PA MNGON PAR BSGRUB PA DANG, DE BZHIN GSHEGS PA'I SPYOD YUL TSAD MED PA DANG LDAN PA LA 'JUG PA DANG, 'BRAS BU YONGS SU GRUB PA LA YID CHES PA YIN TE, MDOR BSDU NA, BYANG CHUB SEMS DPA'I SPYOD PA THAMS CAD NAS, DE BZHIN GSHEGS PA'I SA'I BAR DU NGES PAR BSTAN PA DANG, 'DZIN PA LA MNGON PAR YID CHES PA YIN NO ZHES GSUNGS PA'O,, DE LTAR SMON LAM SHIN TU BSGRUBS TE, DGE BA'I RTZA BA DE DAG LAS DBANG GI KHYAD PAR THOB PAS, LAS SU RUNG BA'I SEMS SU GYUR TE, BDE BAR GNAS PA'I KHYAD PAR THOB PAS, MNYAN PA'I SEMS SU GYUR TO, ,DAD PA MI 'PHROGS PA DANG LDAN PA YIN TE ZHES RGYA CHER 'BYUNG BA DE LA, SNGON GYI MTHA'I SPYOD PA 'JUG PA NI BYANG CHUB SEMS DPA'I SPYOD PA NAS BZUNG STE, BYANG CHUB MNGON PAR RDZOGS PAR BYANG CHUB PA'I BAR DU'O, ,DE LA BYANG CHUB SEMS DPA'I SBYOD PAS BSDUS PA'I SNGON GYI MTHA'I SPYOD PA LA NI RNAM PA GNYIS KYIS MNGON PAR YID CHES TE, BYANG CHUB SEMS DPA'I SPYOD PA DE GANG YIN PA DANG, RIM PA GANG GIS TE; GANG GI PHYIR PHA ROL TU PHYIN PA YANG DAG PAR 'GRUB PA DANG, SA YANG DAG PAR 'GRUB PAS 'GRUB PA ZHES GSUNGS PA'O, ,BYANG CHUB KYIS BSDUS PA'I SNGON GYI MTHA'I SPYOD PA 'JUG PA LA NI KHYAD PAR RNAM PA DRUG GIS KHYAD PAR DU 'PHAGS PAR MNGON PAR YID CHES TE, MU STEGS CAN DANG, BDUD DANG PHYIR RGOL BA'I GNYEN PO'I KHYAD PAR GNYIS KYIS KHYAD PAR DU 'PHAGS PA NI GANG GI PHYIR MI 'JIGS PA YONGS SU RDZOGS PA DANG, STOBS DANG, SANGS RGYAS KYI CHOS MA 'DRES PA MI 'PHROGS PA NYID CES GSUNGS PA'O, ,MTHU BSAM GYIS MI KHYAB PAR RGYA CHE BA'I KHYAD PAR GYIS KHYAD PAR DU 'PHAGS PA NI GANG GI PHYIR, SANGS @145B RGYAS KYI CHOS BSAM GYIS MI KHYAB CES GSUNGS PA'O, ,YE SHES THA MI DAD CING ZAB PA NYID KYI KHYAD PAR GYIS KHYAD PAR DU 'PHAGS PA NI GANG GI PHYIR, DE BZHIN GSHEGS PA'I YUL MTHA' DANG DBUNG MED PA MNGON PAR SGRUB PA ZHES GSUNGS PA'O, ,RNAM PA THAMS CAD MKHYEN PA'I KHYAD PAR GYIS KHYAD PAR DU 'PHAGS PA NI GANG GI PHYIR, DE BZHIN GSHEGS PA'I SBYOD YUL TSAD MED PA DANG LDAN PA LA 'JUG PA ZHES GSUNGS PA'O, ,BAG CHAGS DANG BCAS PA'I NYES PA THAMS CAD DANG GTAN DU BRAL BA'I PHYIR, BRAL BA'I KHYAD PAR GYIS KHYAD PAR DU 'PHAGS PA NI GANG GI PHYIR, 'BRAS BU YONGS SU 'GRUB PA LA YID CHES PA YIN ZHES GSUNGS PA'O, ,YANG MDOR BSDUS NA SNGON GYI MTHA'I SPYOD PA LA 'JUG PA DE, BYANG CHUB SEMS DPA'I SBYOD PA THAMS CAD NAS DE BZHIN GSHEGS PA'I SA'I BAR DU NGES PAR BSTAN PA DANG, 'DZIN PA LA MNGON PAR YID CHES PA YIN NO ZHES BYA BAS STON TO, ,DE LA NGES PA BSTAN PA NI BSTAN PA'O, ,'DZIN PA NI RTOGS PA YIN PAR RIG PAR BYA'O, ,DE RNAM PA GSUM GYI PHYIR, SEMS CAN RNAMS LA SNYING RJE CHEN PO 'JUG PAR RIG PAR BYA STE, DON DAM PA'I BDE BA DANG MI LDAN PA DANG, SDUG BSNGAL DANG LDAN PA DANG, DE LAS BZLOG PAS SO, ,DON DAM PA'I BDE BA DANG MI LDAN PA JI LTA BU ZHE NA, GANG GI PHYIR DE 'DI SNYAM DU SEMS TE, SANGS RGYAS KYI CHOS 'DI DAG NI 'DI LTAR ZAB, 'DI LTAR DBEN, 'DI LTAR ZHI, 'DI LTAR STONG, 'DI LTAR MTSAN MA MED, 'DI LTAR SMON PA MED, 'DI LTAR GOS PA MED DE 'DI LTAR TSAD MED CING, 'DI LTAR RGYA CHE LA SANGS RGYAS KYI CHOS 'DI DAG NI 'DI LTAR SGRUB PAR DKA' NA ZHES GSUNGS PA'O, ,SDUG BSNGAL DANG LDAN PAS JI LTA BU ZHE NA, 'ON KYANG BYIS PA SO SO'I SKYE BO 'DI DAG LTA BA NGAN PAR LTUNG BA'I SEMS KYI RGYUD DANG, MA RIG PA'I MUN PAS KUN NAS KHEBS PA'I YID DANG, NGA RGYAL GYI RGYAL MTSAN SHIN TU RTOG PA RNAMS DANG; SRED PA'I DRA BAS MNGON PAR 'DOD PA'I YID LA BYED PA RNAMS DANG, SGYU DANG G-YO'I THIBS PO'I RJES SU RGYU BA'I SEMS KYI BSAM PA RNAMS DANG, PHRAG DOG DANG, SER SNA DANG MTSUNGS PAR LDAN PAS 'GRO BAR SKYED PAR SBYOR BA RNAMS DANG, 'DOD CHAGS DANG, ZHES DANG DANG, GTI MUG LA @146A *, ,'DRIS PA'I LAS LA SOGS PA RNAMS DANG, KHRO BA DANG KHON DU 'DZIN PAS SPANGS PA'I SEMS KYI ME LCE 'BAR BA RNAMS DANG, PHYIN CI LOG DANG MTSUNGS PAR LDAN PAS LAS BYA BA MNGON PAR BSGRUBS PA RNAMS DANG, 'DOD PA DANG SRID PA DANG, MA RIG PA'I ZAG PA DANG 'BREL PA'I SEMS YID DANG, RNAM PAR SHES PA'I SA BON RNAMS KYIS GANG 'DI KHAMS GSUM DU MING DANG GZUGS DANG LHAN CIG MI 'BYUNG BA MI 'BRAL BA YANG SRID BA'I MYU GU MNGON PAR 'GRUB PAR BYED DO, ,MING DANG GZUGS DE RNAM PAR 'PHEL NAS SKYE MCHED DRUG GI GRONG 'BYUNG BAR 'GYUR RO,, SKYE MCHED RNAMS BYUNG NAS PHAN TSUN REG STE PHRAD PAS TSOR BA 'BYUNG BAR 'GYUR RO, ,TSOR BA DE NYID LA PHYI PHYIR ZHING MNGON PAR DGA' BA'I SRED PA DANG, LEN PA RNAM PAR 'PHEL LO, ,NYE BAR LEN PA RNAM PAR 'PHEL NAS SRID PA 'BYUNG NGO, ,BYUNG NAS SKYE BA DANG, RGA SHI DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS 'BYUNG BAR 'GYUR TE, DE LTAR SEMS CAN DE DAG GI SDUG BSNGAL GYI PHUNG PO BDAG DANG BDAG GI MED PA, GSOB, GSOG ,STONG PA, G-YO BA MED PA, BYED PA MED PA, BEMS PO, ,RTZVA DANG, SHING DANG; RTZIG PA DANG, MIG YOR LTA BU MNGON PAR 'GRUB KYANG ZHES GSUNGS PA STE, DE LTAR SDUG BSNGAL DANG LDAN PAS SO, ,JI LTAR NA DE LAS BZLOG PAS SHE NA, GANG GI PHYIR, 'DI LTAR DE KHONG DU CHUD DO ZHES GSUNGS PA'O, ,DE LA SANGS RGYAS KYI CHOS RNAMS ZAB PA NYID RNAM PA DGUR RIG PAR BYA STE, DBEN PA ZAB PA NYID DANG, ZHI BA ZAB PA NYID DANG, STONG PA ZAB PA NYID DANG, MTSAN MA MED PA ZAB PA NYID DANG, SMON PA MED PA ZAB PA NYID DANG, GOS PA MED PA ZAB PA NYID DANG, TSAD MED PA ZAB PA NYID DANG, RGYA CHE BA ZAB PA NYID DANG, BSGRUB DKA' BA ZAB PA NYID DO; ,DE LA DBEN PA NI SGRO 'DOGS PA'I DON DANG, SGRO BTAGS PA'I DON GYIS SO, ,ZHI BA NI DON GYI CHOS NYID KYIS SO, ,STONG PA DANG, MTSAN MA MED PA DANG, SMON PA MED PA NI RNAM PAR THAR PA'I SGO GSUM LA DMIGS PAS MI MTHUN PA'I PHYOGS RNAM PA GSUM GYI GNYEN PO STE, MI MTHUN @146B PA'I PHYOGS RNAM PA GSUM NI RNAM PAR RTOG PA DANG, MTSAN MA DANG LDAN PA DANG, BRAL BA LA SMON PA'O, ,GOS PA MED PA NI NYON MONGS PA CAN GYI CHOS SPONG BA'I DMIGS PA YIN PA'I PHYIR RO, ,TSAD MED PA NI GRANGS MED PA DANG, BRTAG MI NUS PA'I DGE BA'I RTZA BA SKYE BA'I DMIGS PA YIN PA'I PHYIR RO, , RGYA CHE BA NI BDAG DANG GZHAN GYI DON BYED PAR RTOGS PA'I YE SHES KYI DMIGS PA YIN PA'I PHYIR RO, ,BSGRUB DKA' BA NI BSKAL BA GRANGS MED PA GSUM GYIS THOB PAR BYA BA'I YE SHES KYI DMIGS PA YIN PA'I PHYIR RO, ,'ON KYANG SEMS CAN 'DI DAG NI LTA BA NGAN PAR LTUNG BA'I SEMS KYI RGYUD CES BYA BA NI LTA BA NGAN PA RNAM PA DGUR RIG PAR BYA STE, KUN NAS KHEBS PA'I YID KYI LTA BA NGAN PA NI GANG GI PHYIR MA RIG PA'I MUN PAS KUN NAS KHEBS PA'I YID CES GSUNGS PA'O, ,YID KYI KUN DU RTOG PA'I LTA BA NGAN PA NI GANG GI PHYIR, NGA RGYAL GYI RGYAL MTSAN SHIN TU BSGRENG BA'I KUN DU RTOG PA RNAMS ZHES GSUNGS PA'O, , SRID PA'I YID LA BYED PA'I LTA BA NGAN PA NI GANG GI PHYIR, SRED PA'I DRA BAS MNGON PAR 'DOD PA'I YID LA BYED PA RNAMS ZHES GSUNGS PA'O, ,SGYU DANG G-YO'I BSAM PA'I LTA BA NGAN PA NI GANG GI PHYIR, SGYU DANG G-YO'I THIBS PO'I RJES SU RGYU BA'I SEMS KYI BSAM PA RNAMS ZHES GSUNGS PA'O, ,PHRAG DOG DANG SER SNA'I SBYOR BA'I LTA BA NGAN PA NI GANG GI PHYIR, PHRAG DOG DANG SER SNA DANG MTSUNGS PAR LDAN PAS 'GRO BAR SKYE BA SBYOR BA RNAMS ZHES GSUNGS PA'O, ,'DOD CHAGS DANG ZHE SDANG DANG GTI MUG LA 'DRIS PA'I LAS LA SOGS PA'I LTA BA NGAN PA NI GANG GI PHYIR, 'DOD CHAGS DANG ZHE SDANG DANG GTI MUG LA 'DRIS PA'I LAS LA SOGS PA RNAMS ZHES GSUNGS PA'O, ,SBAR BA'I SEMS KYI ME LCE 'BAR BA'I SEMS KYI LTA BA NGAN PA NI GANG GI PHYIR, KHRO BA DANG KHON DU 'DZIN PAS SBAR BA'I SEMS KYI ME LCE 'BAR BA RNAMS ZHES GSUNGS PA'O, ,LAS BYA BA MNGON PAR BSGRUB PA'I LTA BA NGAN PA NI GANG GI PHYIR, PHYIN CI LOG DANG MTSUNGS PAR LDAN PAS LAS BYA BA MNGON PAR SGRUB PA RNAMS ZHES GSUNGS PA'O, ,SEMS DANG, YID DANG, RNAM PAR SHES PA'I SA BON GYI LTA BA NGAN PA NI GANG GI PHYIR, 'DOD PA DANG, SRID PA DANG, MA RIG PA'I ZAG PA DANG 'BREL PA'I SEMS DANG, YID DANG, RNAM PAR SHES PA'I SA BON RNAMS KYIS ZHES GSUNGS @147A *, ,PA'O, ,DE LA KUN NAS KHEBS PA'I YID KYI LTA BA NGAN PA DANG, YID KYI KUN DU RTOG PA'I LTA BA NGAN PA DANG, SRED PA'I YID LA BYED PA'I LTA BA NGAN PA DANG, LTA BA NGAN PA GSUM NI DON GYI CHOS NYID DANG, SGRO 'DOGS PA'I DON DANG, SGRO BTAGS PA LAS BRTZAMS TE GO RIMS BZHIN NO, ,SGYU DANG G-YO'I BSAM PA'I LTA BA NGAN PA DANG, PHYAG DOG DANG SER SNA'I SBYOR BA'I LTA BA NGAN PA GNYIS NI YONGS SU TSOL BA'I DUS NA BSAM PA DANG SBYOR BA'I NYES PA STE, DE LA PHRAG DOG GI NI LUS LA SOGS PAR SBYAR RO, ,SER SNAS NI LONGS SPYOD RNAMS LA STE, 'DI LTAR 'GRO BA GZHAN DAG TU LUS DANG LONGS SBYOD NGAN PAR SKYE BA YONGS SU 'DZIN TO, ,DRUG PA STE 'DOD CHAGS DANG ZHE SDANG DANG GTI MUG LA 'DRIS PA'I LAS LA SOGS PA'I LTA BA NGAN PA NI SDUG PA DANG MI SDUG PA DANG, GNYI GA LAS BZLOG PA'I YUL LA YONGS SU SPYOD PA'I DUS NA'O, ,BDUN PA STE SBAR BA'I SEMS KYI ME LCE 'BAR BA'I LTA BA NGAN PA NI PHAN TSUN GNOD PA BYED PA DANG MDUD PAR 'DZIN PA'I DUS NA'O, ,BRGYAD PA STE LAS BYA BA MNGON PAR SGRUB PA'I LTA BA NGAN PA NI PHAN TSUN GNOD PA BYED PA'I DUS NA'O, ,DGU PA STE, SEMS DANG, YID DANG, RNAM PAR SHES PA'I SA BON GYI LTA BA NGAN PA NI, SBYIN PA DANG, TSUL KHRIMS DANG, BSGOMS PA LAS BYUNG BA'I DGE BA'I LAS BYED PA'I DUS NA'O, ,DE LA RTEN CING 'BREL PAR 'BYUNG BA NI RNAM PA GSUM DU RIG PAR BYA STE, RANG GI MTSAN NYID NI SRID PA'I BAR DU'O, ,SPYI'I MTSAN NYID NI SKYE BA LA SOGS PA'I NYES DMIGS RNAMS SO, ,PHYIN CI LOG GI MTSAN NYID NI BDAG DANG BDAG GI MED PA LA SOGS PA'O, ,DE LA RANG GI MTSAN NYID NI RNAM PA GSUM STE, RNAM PAR SMIN PA'I MTSAN NYID NI MING DANG GZUGS DANG LHAN CIG 'BYUNG BA KUN GZHI RNAM PAR SHES PA STE, GANG GI PHYIR GANG 'DI KHAMS GSUM DU MING DANG GZUGS DANG LHAN CIG 'BYUNG BA MI 'BRAL BA YANG SRING PA'I MYU GU MNGON PAR GRUB PAR BYED DO ZHES GSUNGS PA STE, MING DANG GZUGS DANG, DE LHAN CIG 'BYUNG BA'I PHYIR RO, ,DA RGYU NYID KYI MTSAN NYID YIN PA NI MING DANG GZUGS DANG DE MI 'BRAL BAR GYUR PA'I PHYIR, DE LA RAG LUS NAS 'BYUNG BA STE, GANG GI PHYIR MI 'BRAL BA ZHES GSUNGS PA'O, ,DE'I 'BRAS BU'I @147B RIM GYI MTSAN NYID NI SRID PA'I BAR DU STE, GANG GI PHYIR MING DANG GZUGS DE RNAM PAR 'PHEL NAS, SKYE MCHED DRUG GI GRONG 'BYUNG BAR 'GYUR RO, ,SKYE MCHED RNAMS BYUNG NAS PHAN TSUN REG STE, PHRAD PAS TSOR BA 'BYUNG BAR 'GYUR RO, ,TSOR BA DE NYID LA PHYI PHYIR ZHING MNGON PAR DGA' BA'I SRED PA DANG, LEN PA RNAM PAR 'PHEL LO, ,NYE BAR LEN PA RNAM PAR 'PHEL NAS, SRID PA 'BYUNG NGO ZHES GSUNGS PA'O, ,SPYI'I MTSAN NYID NI GANG GI PHYIR, BYUNG NAS SKYE BA DANG, RGA SHI DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS 'BYUNG BAR 'GYUR TE; DE LTAR SEMS CAN DE DAG GI SDUG BSNGAL GYI PHUNG PO MNGON PAR 'GRUB CES GSUNGS PA'O, ,DE LA BDAG DANG BDAG GI BRAL BA NYID KYIS NI DE GNYIS KYIS STONG PA NYID DU STON TO, ,G-YO BA MED PA NYID KYIS NI RANG GI BDAG MA YIN PA'O, ,DE'I 'OG TU G-YO BA MED PA DE NYID SEMS CAN MA YIN PA'I GRANGS SU 'GRO BA G-YO BA DANG, GNAS PA'I DNGOS POR BEMS PO RTZVA DANG SHING DANG, RTZIG PA DANG, MIG YOR LTA BU ZHES BYA BAR STON TE, RKYEN LA RAG LAS NAS 'GRUB PAR 'DRA BA'I PHYIR RO, ,SEMS CAN SDUG BSNGAL GYI PHUNG PO LAS MTHAR BA DE LTA BU DAG MTHONG NAS, DE'I PHYIR DE'I SNYING RJE CHEN PO RGYAS PA 'BYUNG STE ZHES BYA BA LA RGYAS PA'I DON NI RGYUN GYI DON DANG, 'BYUNG BA'I DON DU RIG PAR BYA'O, ,SEMS CAN 'DI DAG NI BDAG GIS YONGS SU DGROL BAR BYA BA DAG GO, ,SHIN TU BDE BA'I MYA NGAN LAS 'DAS PA LA RAB TU DGOD PAR BYA BA DAG GO SNYAM STE, DE'I BYAMS PA CHEN PO RGYAS PA 'BYUNG NGO ZHES BYA BA NI SDUG BSNGAL GANG DANG LDAN PA DANG, BDE BA GANG DANG BRAL BA STE SNGAR BSHAD ZIN TO, ,KYE RGYAL BA'I SRAS DAG DE LTAR BYANG CHUB SEMS DPA' SNYING RJE DANG, BYAMS PA DANG LDAN PA'I LHAG PA'I BSAM PAS SA DANG PO LA GNAS PA'I TSE, DNGOS PO THAMS CAD LA LTA BA'I SEMS YONGS SU SPANGS NAS SANGS RGYAS KYI YE SHES KYI PHYIR, RE BA DANG, 'DOD PA RLABS PO CHE'I BROS GTONG BA CHEN PO LA RAB TU BRTZON PAR BYED DO, ,GTANG BAR BYA BA NI 'DI DAG STE, 'DI LTA STE, NOR DANG, 'BRU DANG, BANG MDZOD YONGS SU BTANG BA'AM, GSER DANG, NOR BU DANG, MU TIG DANG, BEE d'URYA DANG, SHANG KHA SHI @148A *, ,LA DANG, BYI RU DANG, DNGUL DANG, SA LE SBRAM YONGS SU BTANG BA'AM, RIN PO CHE'I RGYAN DANG, LHAB LHUB YONGS SU BTANG BA'AM, RTA DANG, GLANG PO CHE DANG, SHING RTA'I BZHON PA YONGS SU BTANG BA'AM, SKYED MOS TSAL DANG, DKA' THUB KYI NAGS TSAL DANG, GTZUG LAG KHANG YONGS SU BTANG BA'AM, BRAN PHO DANG, BRAN MO DANG, LAS BYED PA DANG, ZHO SHAS 'TSO BA YONGS SU BTANG BA'AM, GRONG DANG, GRONG KHYER DANG, GRONG RNGAL DANG, YUL DANG, YUL 'KHOR DANG, PHO BRANG 'KHOR YONGS SU BTANG BA'AM, CHUNG MA DANG, BU PHO DANG, BU MO YONGS SU BTANG BA'AM, SDUG CING YID DU 'ONG BA'I DNGOS PO THAMS CAD YONGS SU BTANG BA'AM, MGO DANG, MIG DANG, RNA BA DANG, SNA DANG, LAG PA DANG, RKANG PA DANG, RANG GI SHA DANG, KHRAG DANG, RUS PA DANG, RKANG DANG, TSIL DANG, LPAGS SHUN DANG, PAGS PA DANG, SNYING DANG; LUS THAMS CAD YONGS SU BTANG BA'I DNGOS PO DAG THAMS CAD LA MI LTA BAR BYAS NAS, SANGS RGYAS KYI YE SHES LA RE BA DANG, 'DOD PA RLABS PO CHE'I BLOS YONGS SU GTONG STE, DE LTAR BYANG CHUB SEMS DPA'I SA DANG PO LA GNAS PA DE GTONG PA CHEN POR 'GYUR RO ZHES BYA BA DE LA, RE BA DANG 'DOD PA RLABS PO CHE'I BLO ZHES BYA BA NI RLABS PO CHE'I RE BAS SO, ,DE LA DNGOS PO THAMS CAD NI MDOR BSDU NA RNAM PA GNYIS TE, PHYI'I DANG, NANG GI'O, ,PHYI'I YANG MDOR BSDU NA RNAM PA GSUM STE, ZONG DU BYA BA DANG, YONGS SU SPYAD PAR BYA BA DANG, GZHAG PAR BYA BA STE, NOR DANG, 'BRU DANG, BANG MDZOD DANG GO RIMS BZHIN NO, ,RGYAS PAR BYA NA RNAM PA BRGYAD DE, GSER LA SOGS PA'I NOR NAS SDUG CING YID DU 'ONG BA'I DNGOS PO THAMS CAD KYI NONG GYI BAR DU'O, ,NANG GI NI RANG GI LUS KYIS BSDUS PA'O, ,DE LA PHYI'I DNGOS PO GTONG BA DANG PO NI YAN LAG GO, ,GTONG BA LHAG MA DGU NI NYE BA'I YAN LAG STE, DGA' BA RNAM PA GNYIS LAS BRTZAMS PAR RIG PAR BYA STE, GZHI YONGS SU BZUNG BAS DGA' BA DANG, PHAN 'DOGS PAS DGA' BA'O, ,DE LA GZHI YONGS SU BZUNG BAS DGA' BA NI GSER LA SOGS PAS SO, ,PHAN 'DOGS PAS DGA' BA NI RNAM PA BRGYAD DU RIG PAR BYA STE, MDZES PA'I PHAN 'DOGS PAS @148B DGA' BA NI RIN PO CHE'I RGYAN LA SOGS PAS SO, ,NGAL BA YONGS SU SPANG BA'I PHAN 'DOGS PAS DGA' BA NI RTA DANG GLANG PO CHE DANG, SHING RTA LA SOGS PAS SO, ,RTZE BA DANG DGA' BA'I PHAN 'DOGS PAS DGA' BA NI SKYED MOS TSAL DANG, DKA' THUB KYI NAGS TSAL LA SOGS PA'O, ,BSNYEN BKUNG BYA BA'I NYON MONGS PA YONGS SU SPANGS PA'I PHAN 'DOGS PAS DGA' BA NI BRAN PHO DANG BRAN MO LA SOGS PAS SO, ,DBANG BYA BA'I PHAN 'DOGS PAS DGA' BA NI GRONG DANG KHYER LA SOGS PAS SO, ,CHUNG MA YONGS SU GZUNG BAS PHAN 'DOGS PAS DGA' BA NI CHUNG MA LA SOGS PAS SO, ,SNYING PO YONGS SU BZUNG BAS PHAN 'DOGS PAS DGA' BA NI SDUG PA LA SOGS PA THAMS CAD KYIS SO, ,RE BA YONGS SU RDZOGS PAR BYED PA'I PHAN 'DOGS PAS DGA' BA NI, MGO DANG MIG LA SOGS PAS SO, ,DE DE LTAR SNYING RJE DANG, BYAMS PA DANG, GTONG BA'I BSAM PA CAN DU GYUR NAS SEMS CAN THAMS CAD YONGS SU BSKYAB PA'I PHYIR, PHYI PHYIR ZHING 'JIG RTEN PA DANG, 'JIG RTEN LAS 'DAS PA'I DON YONGS SU TSOL ZHING DON DU GNYER RO, ,DE YONGS SU TSOL ZHING DON DU GNYER BA'I TSE, YONGS SU MI SKYO BA'I SEMS MI SKYE STE, DE LTAR DE YONGS SU MI SKYO BAR 'GYUR RO, , YONGS SU SKYO BA MED PAS BSTAN BCOS THAMS CAD LA 'JIGS PA MED PA YIN NO, ,DE'I PHYIR DE LTAR BSTAN BCOS SHES PA NYID YIN TE, DE LTAR BSTAN BCOS DANG LDAN PAS BYA BA DANG, BYA BA MA YIN PA LA RNAM PAR BRTAG PA'I BLOS SEMS CAN THA MA DANG, 'BRING DANG, MCHOG RNAMS LA CI NUS CI 'OS SU DE BZHIN NYID DU SGRUB BO, ,DE'I PHYIR DE 'JIG RTEN SHES PA YIN TE, 'JIG RTEN SHES PAS DUS DANG, TSOD DANG, RAN PAR SPYOD CING NGO TSA SHES PA DANG, KHREL YOD PAS SHIN TU BRGYAN PA'I SEMS KYI RGYUD KYIS, BDAG GI DON DANG GZHAN GYI DON LA RAB TU BRTZON PAR BYED DE, DE'I PHYIR NGO TSA SHES SHING KHREL YOD PA YIN, SBYOR BA DE DAG LA YANG MNGON PAR 'BYUNG BAR SPYOD PA YIN, PHYIR MI LDOG CING MI BZLOGS PA'I STOBS BSKYED PA YANG THOB PA YIN TE, DE LTAR DE'I BRTAN PA'I STOBS BSKYED PA KUN DU BSKYED PA YIN, BRTAN PA'I STOBS BSKYED PA THOB PAS DE BZHIN GSHEGS SA PA MCHOD PA DANG, RIM GRO @149A *, ,BYA BAR BRTZON ZHING BSTAN PA LA YANG NAN TAN BYED DO, ,DE LTAR DE'I SA BCU PO DE DAG YONGS SU SBYONG BA'I CHOS 'DI LTA STE, DAD PA DANG, SNYING RJE DANG, BYAMS PA DANG, GTONG BA DANG, SKYO BA BAG LA ZHA BAR BYED PA DANG, BSTAN BCOS SHES PA DANG, 'JIG RTEN SHES PA DANG; NGO TSA SHES PA DANG, KHREL YOD PA DANG, BRTAN PA'I STOBS BSKYED PA DANG, DE BZHIN GSHEGS PA LA MCHOD PA DANG, RIM GRO BYA BA KUN DU SKYES PA YIN NO ZHES BYA BA DE LA, DE BZHIN NYID DU BSGRUB PO ZHES BYA BA NI 'JIG RTEN SHES PA'I DBANG DU BYAS PA STE, BSTAN BCOS LAS 'BYUNG BA BZHIN NO, ,CI NUS SU ZHES BYA BA NI BDAG GIS SO, ,CI 'OS SU ZHES BYA BA NI GZHAN DAG LA'O, ,NGO TSA SHES PA DANG, KHREL YOD PA'I DBANG DU BYAS NAS DUS DANG, TSOD DANG, RAN PA RNAMS KYIS DUS RNAM PA GSUM BSTAN TE, YID LA BYA BA'I DUS DANG, NYIN ZHAG GI DUS DANG, 'BRAS BU YOD PAR BYED PA'I DUS SO, ,SBYOR BA DE DAG LA ZHES BYA BA NI, BRTAN PA'I STOBS BSKYED PA'I DBANG DU BYAS PA STE, DE DAG GI DAD PA LA SOGS PA BSTAN PA RNAMS SO, ,MNGON PAR 'BYUNG BAR SPYOD PA YIN, ,ZHES BYA BA NI RNAM PA GNYIS TE, PHYIR MI LDOG PA'I STOBS BSKYED PAS 'BRI BAR MI 'GYUR BA DANG, MI BZLOGS PA'I STOBS BSKYED PAS RGYUN MI GCOD PA'O, ,DE BZHIN GSHEGS PA LA MCHOD PA DANG, RIM GRO BYA BAR BRTZON ZHING BSTAN PA LA YANG NAN TAN BYED PA NI RNYED PA DANG BKUR STI'I MCHOD PA DANG, BSGRUB PA'I MCHOD PA STON TO, ,BSGRUB PA RNAM PA BCU PO 'DIS PHUN SUM TSOGS PA RNAM PA GNYIS RAB TU PHYE BA STE, BSAM PA PHUN SUM TSOGS PA NI DAD PA DANG, SNYING RJE DANG, BYAMS PA RNAMS KYIS SO, ,SBYOR BA PHUN SUM TSOGS PA NI, GTONG BA DANG, MI SKYO BA DANG, BSTAN BCOS DANG, 'JIG RTEN SHES PA DANG, NGO TSA SHES PA DANG, KHREL YOD PA DANG, BRTAN PA'I STOBS BSKYED PA DANG, DE BZHIN GSHEGS PA LA MCHOD PA DANG, RIM GRO BYA BA RNAMS KYIS SO, ,DE LA BDAG GI DON LA BRTZAMS PA NI DAD PA STE, BYANG CHUB SEMS DPA'I SPYOD PA DANG, SANGS RGYAS KYI CHOS RNAMS LA YOD PA NYID DANG, NUS PA NYID DU YID CHES PA DANG 'DOD PA'O, ,GZHAN GYI DON LA BRTZAMS PA NI SNYING RJE @149B DANG BYAMS PA STE, PHAN PA DANG BDE BA'I BSAM PAS SO, ,GTONG BA NI GZHAN DAG ZANG ZING GIS SDUD PAR SBYOR BA'O, ,MI SKYO BA NI MCHOG SDUD PAR SBYOR BA'O, ,BSTAN BCOS SHES PA DANG, 'JIG RTEN SHES PA NI GZHAN DAG LA CHOS KYIS BSDU BAR SBYOR BA'O, ,LHAG MA RNAMS NI BDUN PO 'DI DAG NYID KUN DU BSRUNG BA'I PHYIR SBYOR BA GSUM STE, NGO TSA SHES PA DANG, KHREL YOD PAS DAD PA LA SOGS PA'I MI MTHUN PA'I PHYOGS DANG DU MI LEN PA'I PHYIR DANG DU MI LEN PA'I SBYOR BA DANG, BRTAN PA'I STOBS BSKYED PAS DAD PA LA SOGS PA LAS BSKYOD PAR MI NUS PA'I PHYIR MI BSKYOD PA'I SBYOR BA DANG, SANGS RGYAS LA MCHOD PA DANG, RIM GRO BYED PAS DAD PA LA SOGS PA'I RTZA BA YONGS SU 'DZIN PA'I PHYIR DE DAG GI RTZA BA RNAM PAR DAG PA'I GNAS YONGS SU 'DZIN PAR SBYOR BA'O, ,DE LA MCHOD PA RNAM PA GNYIS KYIS NI LUS RNAM PA GNYIS MNGON PAR 'GRUB PAR BYED DE, DE LA RGYA CHE BA NI DES NA MNGON PAR 'GRO BAR BYA BA YIN NO, ,SEMS LAS SU RUNG BA NI DES NA RANG BZHIN GYIS DGE BA'I CHOS LA DGA' BA YIN NO, ,DAD PA'I DBANG ZHES BYA BA LA SOGS PA NAS, RTAG TU RGYUN MI 'CHAD PAR GONG NAS GONG DU KHYAD PAR YONGS SU TSOL ZHES BYA BA'I BAR DU SUM CU PO SNGA MA NI RGYA CHER YONGS SU SBYONG BA'O, , DAD PA LA SOGS PA THA MA SANGS RGYAS LA MCHOD PA DANG, RIM GRO BYA BA 'DI DAG NI MDOR BSDUS PAS YONGS SU SBYONG BAR RIG PAR BYA STE, DE LTA BU NI SGRUB PA'I KHYAD PAR GYIS KHYAD PAR DU 'PHAGS PA'O, ,'BRAS BU'I KHYAD PAR GYIS KHYAD PAR DU 'PHAGS PA JI LTA BU ZHE NA, GANG GI PHYIR, BYANG CHUB SEMS DPA'I SA RAB TU DGA' BA 'DI LA GNAS PA DE LA MTHONG BA RGYA CHEN PO DANG, SMON LAM GYI STOBS KYIS SANGS RGYAS MANG PO SNANG BAR 'GYUR TE, MTHONG BA RGYA CHEN PO DANG, SMON LAM GYI STOBS KYIS SANGS RGYAS BRGYA PHRAG MANG PO DANG, SANGS RGYAS STONG PHRAG MANG PO DANG, SANGS RGYAS 'BUM PHRAG MANG PO DANG; SANGS RGYAS KHRAG KHRIG 'BUM PHRAG MANG PO DANG, SANGS RGYAS BYE BA PHRAG MANG PO DANG, SANGS RGYAS BYE BA BRGYA PHRAG MANG PO DANG, SANGS RGYAS BYE BA STONG PHRAG MANG PO DANG, SANGS RGYAS BYE BA 'BUM PHRAG MANG PO DANG, SANGS RGYAS BYE BA KHRAG KHRIG 'BUM PHRAG MANG PO SNANG BAR 'GYUR RO, ,DES @150A *, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE DAG MTHONG NAS LHAG PA'I BSAM PA RGYA CHEN POS BSTI STANG BYED DO, ,BTZUN PAR BYED DO, ,RI MO BYED DO, ,MCHOD PA BYED DO, ,NA BZA' DANG, ZHAL ZAS DANG, GZIMS CHA DANG, SNYUN GYI GSOS SMAN DANG, YO BYAD DAG KYANG 'BUL ZHING, BYANG CHUB SEMS DPA'I BDE BAR SBYAR BA YANG NYE BAR SGRUB BO, ,DGE 'DUN LA YANG TSOGS PA'I YANG DAG PA'I RI MO BYED DE, DGE BA'I RTZA BA DE DAG KYANG BLA NA MED PA YANG DAG PAR RDZOGS PA'I BYANG CHUB TU YONGS SU SNGO BAR BYED DO, ,DES SANGS RGYAS BCOM LDAN 'DAS DE DAG LA MCHOD PAS SEMS CAN YONGS SU SMIN PAR BYA BA KUN DU SKYES PA YIN TE, DE BSDU BA'I DNGOS PO SBYIN PA DANG, SNYAN PAR SMRA BAS SEMS CAN RNAMS YONGS SU SMIN PAR BYED DO, ,DE'I MOS PA'I STOBS KYIS BSDU BA'I DNGOS PO 'OG MA GNYIS KYANG RAB TU SKYE BAR GYUR TE, MA LUS PAR RTOG PA NI MA YIN NO, ,PHA ROL TU PHYIN PA BCU PO DAG LAS DE'I SBYIN PA'I PHA ROL TU PHYIN PA SHAS CHE BA YIN TE, LHAG MA RNAMS KYANG CI NUS CI 'OS SU YANG DAG PAR MI BSGRUB PA NI MA YIN NO, ,DE JI LTA JI LTAR SANGS RGYAS BCOM LDAN 'DAS RNAMS LA MCHOD PA BYED CING, SEMS CAN YONGS SU SMIN PAR BYA BA LA BRTZON PA DANG, SA YONGS SU SBYONG BA'I CHOS 'DI DAG YANG DAG PAR BLANGS TE GNAS PA DE LTA DE LTAR DE'I DGE BA'I RTZA BA THAMS CAD MKHYEN PA NYID DU YONGS SU BSNGOS PA DE DAG DE BAS KYANG SHAS CHER RAB TU BYANG BA DANG, YONGS SU DAG PA DANG, CI DGAR LAS SU RUNG BAR 'GYUR RO, , KYE RGYAL BA'I SRAS DAG 'DI LTA STE DPER NA, MGAR BA MKHAS PAS GSER GYIS LE SBRAM JI LTA JI LTAR MES BSREGS PA DE LTA DE LTAR RAB TU BYANG BA DANG, YONGS SU DAG PA DANG, CI DGAR LAS SU RUNG BAR 'GYUR RO, ,KYE RGYAL BA'I SRAS DAG DE BZHIN DU BYANG CHUB SEMS DPA' RNAMS, JI LTA JI LTAR SANGS RGYAS BCOM LDAN 'DAS RNAMS LA MCHOD PAR BYED PA DANG, SEMS CAN YONGS SU SMIN PAR BYA BA LA BRTZON PAR BYED PA DANG, SA YONGS SU SBYONG BA'I CHOS 'DI DAG YANG DAG PAR BLANGS TE GNAS PA DE LTA DE LTAR DE'I DGE BA'I RTZA BA THAMS CAD MKHYEN PA NYID DU YONGS SU BSNGOS PA DE DAG RAB TU BYANG BA DANG, @150B YONGS SU DAG PA DANG, CI DGAR LAS SU RUNG BAR 'GYUR RO ZHES GSUNGS PA'O, ,DE LTAR NA 'BRAS BU'I PHAN YON GYI KHYAD PAR RNAM PA BZHIR BSTAN PA YIN TE, LAS SU RUNG BA 'BRAS BU'I PHAN YON GYI KHYAD PAR DANG, 'JUG PA 'BRAS BU'I PHAN YON GYI KHYAD PAR DANG, RNAM PAR SMIN PA YONGS SU 'DZIN PA 'BRAS BU'I PHAN YON GYI KHYAD PAR DANG, SMON LAM SHES PA 'BRAS BU'I PHAN YON GYI KHYAD PAR RO, ,DE LA LAS SU RUNG BA 'BRAS BU'I PHAN YON GYI KHYAD PAR NI, GSER GYI SA LE SBRAM DANG CHOS MTHUN PAS RIG PAR BYA STE, GSER GYI SA LE SBRAM LTA BU NI DAD PA LA SOGS PA DGE BA'I CHOS GANG DAG YIN PA'O, ,MER BSREGS PA LTA BU NI DGOD PA RNAM PA GSUM STE, SANGS RGYAS DANG DGE 'DUN LA MCHOD PA BYED PAS YON TAN GYI ZHING DU DGOD PA DANG, SEMS CAN YONGS SU SMIN PAR BYA BA BYED PAS SNYING RJE'I ZHING DU DGOD PA DANG, BYANG CHUB TU YONGS SU SNGO BAR BYED PAS BLA NA MED PA'I 'BRAS BUR DGOD PA'O, ,DE LA MTHONG BA RGYA CHEN PO NI MTHU KHYAD PAR CAN GYIS GZUGS KYI SKU MTHONG BA GANG YIN PA'O, ,SMON LAM GYI STOBS KYIS NI NANG GI YANG DAG PA'I SMON LAM GYIS CHOS KYI SKU MTHONG BA'O, ,THABS LA MKHAS PAS SHIN TU MANG BAR BSTAN PA'I PHYIR SANGS RGYAS BRGYA PHRAG MANG PO ZHES BYA BA NAS, SANGS RGYAS BYE BA KHRAG KHRIG 'BUM PHRAG MANG PO ZHES BYA BA'I BAR GYIS GRANGS SMOS SO, ,BSTI STANG BYED PA NI RNAM PA GSUM STE, BTZUN PAR BYED PAS BSTI STANG BYED PA NI BSTOD PA DANG, BSNGAGS PAS DE'I YON TAN BRJOD PA'O, ,RI MOR BYED PAS BSTI STANG BYED PA NI GUD PAR SMRA BA DANG, PHYAG 'TSAL BA LA SOGS PA'O, ,MCHOD PAS BSTI STANG BYED PA NI ME TOG DANG, BDUG PA DANG, SPOS DANG, GDUGS DANG, RGYAL MTSAN DANG, BA DAN LA SOGS PA'O, ,BYANG CHUB SEMS DPA'I BDE BAR SBYAR BA NI BYANG CHUB SEMS DPA' RNAMS KYI YO BYAD 'JIG RTEN DANG THUN MONG MA YIN PAR GYUR PA GANG YIN PA'O, ,DGE 'DUN LA YANG TSOGS PA'I YANG DAG PA'I RI MOR BYED DO, ,KYE RGYAL BA'I SRAS DAG GZHAN YANG BYANG CHUB SEMS DPA'I SA DANG PO 'DI LA GNAS PA'I BYANG CHUB SEMS DPAS BYANG CHUB SEMS DPA'I SA DANG PO DE NYID KYI RNAM PA DANG, THOB PAR BYA BA DANG, RGYU MTHUN PA DAG SANGS RGYAS DANG, BYANG CHUB SEMS DPA' @151A *, ,DAG DANG, DGE BA'I BSHES GNYEN RNAMS LAS YONGS SU BTZAL BAR BYA, YONGS SU DRI BAR BYA'O, ,SA'I YAN LAG YONGS SU SGRUB PA'I PHYIR YANG NGOMS MI SHES PAR BYA STE, DE BZHIN DUS GNYIS PA NAS, BYANG CHUB SEMS DPA'I SA BCU PA'I BAR GYI RNAM PA DANG, THOB PAR BYA BA DANG, RGYU MTHUN PA DAG SANGS RGYAS DANG, BYANG CHUB SEMS DPA' DAG DANG, DGE BA'I BSHES GNYEN RNAMS LAS YONGS SU BTZAL BAR BYA, YONGS SU DRI BAR BYA'O, ,SA'I YAN LAG YONGS SU SGRUB PA'I PHYIR YANG NGOMS MI SHES PAR BYA'O, ,DES SA'I MI MTHUN PA'I PHYOGS DANG, GNYEN PO LA MKHAS PAR BYA STE, SA'I 'JIGS PA DANG, 'GRUB PA LA MKHAS PA DANG, SA'I RNAM PA DANG, RGYU MTHUN PA LA MKHAS PA DANG, SA THOB PA RNAM PAR SBYONG BA LA MKHAS PA DANG, SA'I YAN LAG YONGS SU SBYONG BA LA MKHAS PA DANG, SA NAS SAR 'PHAR BA LA MKHAS PA DANG, SA DANG SA LA GNAS PA LA MKHAS PA DANG, SA DANG SA'I KHYAD PAR SHES PA LA MKHAS PA DANG, SA DANG SA THOB NAS PHYIR MI LDOG PA LA MKHAS PA DANG, BYANG CHUB SEMS DPA'I SA THAMS CAD YONGS SU SBYANG BAS DE BZHIN GSHEGS PA'I SA GNON PA LA MKHAS PAR BYA'O, ,KYE RGYAL BA'I SRAS DAG DE LTAR BYANG CHUB SEMS DPA'I SA'I RNAM PA MNGON PAR SGRUB PA LA MKHAS PA NI SA DANG PO LAS GYEN DU MI SKYOD PAR SA BCU PA'I BAR DU GNON CING THOB PAR BYA BA LA THOGS PA MED DE, THOGS PA MED PAR 'GRO BA DANG, SA SHES PA'I SNANG BA SANGS RGYAS KYI YE SHES SNANG BA YANG 'THOB BO, ,KYE RGYAL BA'I SRAS DAG 'DI LTA STE DPER NA, DED DPON MKHAS PAS 'DRON PA PHAL PO CHE YONGS SU GDON PA'I BSAM PA DANG LDAN PA GRONG KHYER CHEN POR PHYIN PAR BYA BAR 'DOD PA NI THOG MA NYID NAS LAM GYI YON TAN DANG, LAM GOL BA'I NYES PA DANG, LAM GYI BAR GNAS KYI KHYAD PAR DANG, LAM GYI BAR GNAS KYI GOL BA'I NYES PA DANG, LAM RGYAGS DANG, BYA BA DANG, BYA BA MA YIN PA RNAMS YONGS SU TSOL ZHING KUN DU 'DRI'O, ,LAM GYI BAR GNAS THOG MA NYID NAS MA 'PHAGS PA NAS GRONG KHYER CHEN POR PHYIN GYI BAR LA SHIN TU MKHAS PA YIN TE, LAM GYI BAR GNAS THOG MA NYID NAS MA 'PHAGS PAR SHES PAS RNAM @151B PAR BRTAGS PA'I BLO DANG, RGYAGS DANG, TSOGS CHEN PO PHUN SUM TSOGS PAS 'DRON PA PHAL PO CHE RNAMS DANG LHAN CIG TU MTHAR GYIS GRONG KHYER CHEN PO'I BAR DU PHYIN PAR BYED DE, 'BROG DGON PA'I NYES PA RNAMS KYIS BDAG DANG 'DRON PA RNAMS LAS GNOD PAR MI 'GYUR BAR BYED DO, ,KYE RGYAL BA'I SRAS DAG DE BZHIN DU BYANG CHUB SEMS DPA' DED DPON MKHAS PA YANG, GANG GI TSE BYANG CHUB SEMS DPA'I SA DANG PO LA GNAS SHING, SA'I MI MTHUN PA'I PHYOGS DANG, GNYEN PO LA MKHAS PA DANG, SA'I 'JIGS PA DANG 'GRUB PA LA MKHAS PA DANG, SA'I RNAM PA DANG, RGYU MTHUN PA LA MKHAS PA DANG, SA THOB PA RNAM PAR SPYOD PA LA MKHAS PA DANG, SA'I YAN LAG YONGS SU SBYONG BA LA MKHAS PA DANG, SA NAS SAR 'PHAR BA LA MKHAS PA DANG, SA DANG LAM LA GNAS PA LA MKHAS PA DANG, SA DANG SA'I KHYAD PAR SHES PA LA MKHAS PA DANG, SA DANG SA THOB NAS PHYIR MI LDOG PA LA MKHAS PA DANG, BYANG CHUB SEMS DPA'I SA THAMS CAD YONGS SU SBYANGS PAS, DE BZHIN GSHEGS PA'I SA GNON PA LA MKHAS PAR GYUR PA DE'I TSE BSOD NAMS KYI TSOGS CHEN PO'I RGYAGS YONGS SU GZUNG BA DANG, YE SHES KYI TSOGS CHEN PO LA RNAM PAR PHYE BA SHIN TU MKHAS PA DANG, SEMS CAN GYI 'DRON PA PHAL PO CHE YONGS SU GDON PA'I BSAM PA DANG LDAN PAS THAMS CAD MKHYEN PA NYID KYI GRONG KHYER CHEN POR PHYIN PAR BYA BAR 'DOD CING, THOG MA NYID NAS SA'I LAM GYI YON TAN DANG, SA'I LAM GOL BA'I NYES PA DANG, SA'I LAM GYI BAR GNAS KYI KHYAD PAR DANG, SA'I LAM GYI BAR GNAS KYI KHYAD PAR GOL BA'I NYES PA DANG, BSOD NAMS KYI TSOGS CHEN PO'I RGYAGS BSHAM ZHING, BSOGS PA DAG KYANG SANGS RGYAS DANG BYANG CHUB SEMS DPA' DAG DANG, DGE BA'I BSHES GNYEN RNAMS LAS YONGS SU TSOL ZHING YONGS SU 'DRI STE, DE LAM GYI BAR GNAS DANG PO NAS GYEN DU MI SKYOD PAR THAMS CAD MKHYEN PA NYID KYI GRONG KHYER CHEN POR PHYIN PAR BYA BA'I BAR LA MKHAS PA YIN NO, ,DE DE LTAR YE SHES KYIS RNAM PAR BRTAGS PA'I BLO DANG, BSOD NAMS DANG, YE SHES KYI TSOGS CHEN PO'I RGYAGS PHUN SUM TSOGS PAS SEMS CAN GYI 'DRON PA @152A *, ,PHAL PO CHE JI LTAR YONGS SU SMIN PAR BYAS PA BZHIN DU MTHAR GYIS 'KHOR BA'I 'BROG DGON PA DANG, MYA NGAN LAS BSGRAL TE, THAMS CAD MKHYEN PA NYID KYI YE SHES KYI GRONG KHYER CHEN PO'I BAR DU PHYIN PAR BYED CING, 'KHOR BA'I 'BROG DGON PA'I NYES PA RNAMS KYIS SEMS CAN GYI 'DRON PA'AM, BDAG LA GNOD PAR YANG MI 'GYUR BAR BYED DO, ,KYE RGYAL BA'I SRAS DAG DE LTA BAS NA BYANG CHUB SEMS DPAS YONGS SU MI SKYO BAR SA YONGS SU SBYANG BAR BYA BA'I KHYAD PAR LA BRTZON PAR BYA'O, ,KYE RGYAL BA'I SRAS DAG 'DI NI BYANG CHUB SEMS DPA' RNAMS KYI BYANG CHUB SEMS DPA'I SA RAB TU DGA' BA'I SGOR 'JUG PA MDOR BSTAN PA'O, ,DE LA GNAS PA'I BYANG CHUB SEMS DPA' NI PHAL CHER 'DZAM BU'I GLING GI DBANG POR 'GYUR ZHING DBANG PHYUG CHEN PO LA DBANG RAB TU THOB LA, CHOS RJES SU SRUNG ZHING GTONG BA CHEN POS SEMS CAN RNAMS SDUD PA'I GTZO BOR GYUR CING; SEMS CAN RNAMS KYI SER SNA'I DRI MA BZLOG PA LA MKHAS PA YIN, GTONG BA CHEN PO RTZOM PAS YONGS SU DUB PAR MI 'GYUR BA YIN NO, ,SBYIN PA'AM SNYAN PAR SMRA BA'AM DON SPYOD PA'AM, DON MTHUN PA LAS GANG CI RTZOM YANG RUNG STE, DE THAMS CAD SANGS RGYAS YID LA BYA BA DAG DANG, CHOS YID LA BYA BA DAG DANG, DGE 'DUN YID LA BYA BA DAG DANG, BYANG CHUB SEMS DPA' YID LA BYA BA DAG DANG, BYANG CHUB SEMS DPA'I SPYOD PA YID LA BYA BA DAG DANG, PHA ROL TU PHYIN PA YID LA BYA BA DAG DANG, SA YID LA BYA BA DAG DANG, STOBS YID LA BYA BA DAG DANG, MI 'JIGS PA YID LA BYA BA DAG DANG, SANGS RGYAS KYI CHOS MA 'DRES PA YID LA BYA BA DAG NAS, RNAM PA THAMS CAD KYI MCHOG DANG LDAN PA'I THAMS CAD MKHYEN PA'I YE SHES KYI BAR DU YID LA BYA BA DANG, MI 'BRAL BA YIN TE, JI LTAR NA SEMS CAN THAMS CAD KYI MCHOG TU 'GYUR, GTZO BOR 'GYUR, PHUL DU 'GYUR, DAM PAR 'GYUR, RAB MCHOG TU 'GYUR, GONG MAR 'GYUR, BLA NA MED PAR 'GYUR, 'DREN PAR 'GYUR, RNAM PAR 'DREN PAR 'GYUR, YONGS SU 'DREN PAR 'GYUR BA NAS, THAMS CAD MKHYEN PA'I YE SHES LA RTON PA'I BAR DU 'GYUR SNYAM DU SEMS SO, ,'DOD NA BRTZON 'GRUS RTZOM PA RNAM PA JI LTA BUS @152B KHYIM DANG, CHUNG MA DANG, LONGS SPYOD THAMS CAD SPANGS TE, DE BZHIN GSHEGS PA'I BSTAN PA LA RAB TU 'BYUNG BA DANG, RAB TU BYUNG NAS KYANG SKAD CIG THANG CIG YUD TZAM CIG LA TING NGE 'DZIN BRGYA RAB TU THOB CING SNYOMS PAR 'JUG PA DANG, SANGS RGYAS BRGYA MTHONG BA DANG, DE DAG GI BYIN GYI RLABS YANG DAG PAR SHES PA DANG, 'JIG RTEN GYI KHAMS BRGYA G-YO BAR BYED PA DANG, ZHING BRGYAR 'GRO BA DANG, 'JIG RTEN GYI KHAMS BRGYA SNANG BAR BYED PA DANG, SEMS CAN BRGYA YONGS SU SMIN PAR BYED PA DANG, BSKAL PA BRGYAR GNAS PAR BYED PA DANG, BSKAL PA BRGYA LA SNGON GYI MTHA' DANG, PHYI MA'I MTHAR 'JUG PA DANG, CHOS KYI SGO BRGYA RNAM PAR 'BYED PA DANG, LUS BRGYA KUN DU STON PA DANG, LUS RE RE YANG 'KHOR BYANG CHUB SEMS DPA' BRGYA BRGYA DANG LDAN PAR KUN DU STON PA'I BRTZON 'GRUS RNAM PA DE LTA BU RTZOM MO, ,DE YAN CHAD BYANG CHUB SEMS DPA' SMON LAM GYI STOBS CAN RNAMS SMON LAM KHYAD PAR CAN GYI RNAM PAR 'PHRUL TE, DE DAG GI LUS SAM, 'OD DAM, RDZU 'PHRUL LAM, MIG GAM, SPYOD YUL LAM, DBYANGS SAM, SPYOD PA'AM, BKOD PA'AM, BYIN GYI RLABS SAM, MOS PA'AM, MNGON PAR 'DU BYED PA DAG KYANG BSKAL PA BYE BA KHRAG KHRIG 'BUM PHRAG JI SNYED PA DE SNYED DU YANG BRJOD PAR SLA BA MA YIN NO ZHES BYA BA DE LA RNAM PA NI SA GANG GI MI MTHUN PA'I PHYOGS DANG, GNYEN PO'I RNAM PA GANG DAG YIN PA'O, ,THOB PAR BYA BA NI 'JIG RTEN LAS 'DAS PA'I YE SHES THOB PA'O, ,RGYU MTHUN PA NI DE'I RJES LAS THOB PA'I 'JIG RTEN PA DANG, 'JIG RTEN LAS 'DAS PA'I YE SHES SO, ,SA'I YAN LAG RNAMS NI DAD PA LA SOGS PAR RIG PAR BYA'O, ,DE YONGS SU SGRUB PA'I PHYIR ZHES BYA BA NI, MKHAS PA LNGAR RIG PAR BYA STE, BRTAG PA LA MKHAS PA DANG, 'THOB PA LA MKHAS PA DANG, 'PHEL BA LA MKHAS PA DANG, YONGS SU MI NYAMS PA LA MKHAS PA DANG, MTHAR THUG PAR 'GRO BA LA MKHAS PA'O, ,DE LA DANG PO NI MI MTHUN PA'I PHYOGS DANG, GNYEN PO DANG, 'JIGS PA DANG, 'GRUB PA LA MKHAS PA STE, GANG GI PHYIR DES MI MTHUN PA'I PHYOGS DANG, GNYEN PO LA MKHAS PA SA'I 'JIGS PA DANG, @153A *, ,'GRUB PA LA MKHAS PA ZHES GSUNGS PA'O, ,DE LA SA'I MI MTHUN PA'I PHYOGS RNAM PA BCU'I GNYEN POR SA BCU NI SNGAR BSTAN PA YIN TE, DE DAG DANG 'BRAL BA DANG, YANG DAG PAR 'GRUB PA NI 'JIGS PA DANG 'GRUB PA STE, GO RIMS BZHIN DU RIG PAR BYA'O, ,GNYIS PA NI 'JUG PA'I THABS DANG, ZHUGS PA DANG, DE'I KHYAD PAR LA MKHAS PA STE, GANG GI PHYIR SA'I RNAM PA DANG, RGYU MTHUN PA LA MKHAS PA DANG, SA THOB PA RNAM PAR SPYOD PA LA MKHAS PA DANG, SA'I YAN LAG YONGS SU SBYANGS PA LA MKHAS PAR BYA ZHES GSUNGS PA'O, ,GSUM PA NI SA , GZHAN DU 'PHO BA DANG, GNAS PA DANG, 'PHEL BA LA MKHAS PA STE, GANG GI PHYIR SA NAS SAR 'PHAR BA LA MKHAS PA DANG, SA DANG SA LA GNAS PA LA MKHAS PA DANG, SA DANG SA'I KHYAD PAR SHES PA LA MKHAS PAR BYA ZHES GSUNGS PA'O, ,BZHI PA NI PHYIR MI LDOG PA LA MKHAS PA STE, GANG GI PHYIR SA THOB NAS PHYIR MI LDOG PA LA MKHAS PAR BYA ZHES GSUNGS PA'O, ,LNGA PA NI BYANG CHUB SEMS DPA'I SA'I MTHAR PHYIN NAS, DE BZHIN GSHEGS PA'I SA LA 'JUG PA LA MKHAS PA STE, GANG GI PHYIR BYANG CHUB SEMS DPA'I SA THAMS CAD YONGS SU SBYANGS PAS, DE BZHIN GSHEGS PA'I SA LA YE SHES KYIS SA GNON PA LA MKHAS PAR BYA'O ZHES GSUNGS PA'O, ,DE LA 'JUG PA'I 'BRAS BU'I PHAN YON NI DED DPON CHEN POR GYUR PAS SEMS CAN GYI 'DRON PA PHAL PO CHE THAMS CAD MKHYEN PA NYID KYI GRONG KHYER CHEN POR PHYIN PAR BYA BA'I PHYIR YANG DAG PAR SBYOR BA'O, ,DE LA DED DPON MKHAS PA NI RNAM PA GNYIS SU RIG PAR BYA STE, MI NOR BAR MKHAS PA DANG, LAM DANG DE'I GOL BA DANG, LAM GYI BAR GNAS DANG, DE'I GOL BA LA MKHAS PA STE, GANG GI PHYIR LAM GYI YON TAN DANG, LAM GOL BA'I NYES PA DANG, LAM GYI BAR GNAS KYI KHYAD PAR DANG, LAM GYI BAR GNAS KYI GOL BA'I NYES PA ZHES GSUNGS PA'O, ,RTON PA LA MKHAS PA NI GANG GI PHYIR, LAM RGYAGS DANG, BYA BA DANG, BYA BA MA YIN PA RNAMS ZHES GSUNGS PA'O, ,DE LA RNAM PAR SMIN PA YONGS SU 'DZIN PA DANG 'BRAS BU'I PHAN YON GYI KHYAD PAR NI RNAM PA GNYIS TE, LUS RGYA CHE BA NI 'DZAM BU'I GLING GI DBANG PHYUG NYID DU 'GYUR BA LA @153B SOGS PA STE GANG GI PHYIR, DE LA GNAS PA'I BYANG CHUB SEMS DPA' NI PHAL CHER 'DZAM BU'I GLING GI DBANG POR 'GYUR ZHES BYA BA LA SOGS PA GSUNGS PA'O, ,RGYU MTHUN PA RGYA CHE BA NI SER SNA 'DUL BA LA MKHAS PA LA SOGS PA STE, GANG GI PHYIR SEMS CAN RNAMS KYI SER SNA'I DRI MA BZLOG PA LA MKHAS PA YIN ZHES BYA BA LA SOGS PA NAS, TING NGE 'DZIN BRGYA RAB TU THOB CES BYA BA'I BAR DU GSUNGS PA'O, ,DE LA GTONG BA CHEN POS SEMS CAN RNAMS SDUD PA'I GTZO BOR GYUR ZHES BYA BA NI YANG DAG PAR 'GED PA DANG, BYED DU 'JUG PAS BDAG GIS SBYIN PA DANG, SBYIN DU GZHUG PA'O, ,SEMS CAN RNAMS KYI SER SNA'I DRI MA BZLOG PA LA MKHAS PA ZHES BYA BA NI THABS MKHAS PAS BSDU BA'I DNGOS PO RNAMS KYIS SEMS CAN GYI DON BYED PA'O, ,SANGS RGYAS LA SOGS PA YID LA BYA BA DAG GIS NI RANG GI DON DANG MI 'BRAL TE, DE'I YID LA BYED PA DE DAG NI LAS DE LA 'JUG PA LA DANG; RGYA CHEN PO BYED PA DANG, KUN NAS NYON MONGS PA YONGS SU SPONG BA BYED PAR 'GYUR RO, ,DE NI MDOR BSDU NA YID LA BYA BA RNAM PA BZHIR RIG PAR BYA STE, MCHOG YID LA BYA BA NI DKON MCHOG GSUM YID LA BYA BA GANG YIN PA'O, ,CHOS MTHUN PA YID LA BYA BA NI, BYANG CHUB SEMS DPA' YID LA BYA BA GANG YIN PA'O, ,YON TAN YID LA BYA BA NI BDAG DANG GZHAN GYI BYANG CHUB SEMS DPA'I SPYOD PA RANG BZHIN DANG BCAS PA'I RIM PA YID LA BYED PA GANG YIN PA'O, ,'DOD PA'I DON YID LA BYA BA NI STOBS LA SOGS PA YID LA BYA BA GANG YIN PA'O, ,SANGS RGYAS LA SOGS PA'I CHOS NYID YID LA BYA BA GANG YIN PA DE NI SANGS RGYAS LA SOGS PA YID LA BYA BA DON DAM PA STE, GANG GI BDAG GIS SBYIN NO, ,DE LA SBYIN NO, ,'DI LA SBYIN NO, ,DE'I PHYIR SBYIN NO SNYAM PA'I RLOM SEMS MED PA'O, ,DE BZHIN DU LAS THAMS CAD LA BYED PA PO DANG, GNAS DANG BYA BA DANG, BYA BA'I 'BRAS BU LA RLOM SEMS MED PA'O, ,DE THAMS CAD KYANG BYANG CHUB TU SNGO BAR BYED DO, ,DE CI'I PHYIR ZHE NA, SEMS CAN THAMS CAD KYI MCHOG TU 'GYUR ZHES RGYA CHER 'BYUNG BA'O, ,DE LA MCHOG NI RNAM PA GNYIS TE, YON TAN SBYANGS PAS GTZO BOR 'GYUR BA MCHOG DANG, ZLA MED PAS PHUL DU 'GYUR BA MCHOG GO, ,DE LA RNAM PA GNYIS @154A *, ,KYIS GTZO BOR 'GYUR BAR RIG PAR BYA STE, YE SHES PHUN SUM TSOGS PAS DAM PAR 'GYUR BA DANG, SPOBS PA PHUN SUM TSOGS PAS RAB MCHOG TU 'GYUR BA'O, ,RNAM PA GNYIS KYIS PHUL DU 'GYUR BAR RIG PAR BYA STE, MTSUNGS PA MED PAS GONG MAR 'GYUR BA DANG, LHAG MA MED PAS BLA NA MED PAR 'GYUR BA'O, ,DE LTAR RANG BZHIN GYI YON TAN GYIS SANGS RGYAS BRJOD NAS LAS KYI YON TAN GYIS BRJOD DE, 'DREN PA ZHES BYA BA LA SOGS PA'O, ,DE LA LUNG GI DON DU CHOS GZHAG PA'I TSUL STON PAS 'DREN PA'O, ,THOB PA'I DON DU NYON MONGS PA 'DUL BA DANG, LAM BZANG PO LA 'JUG PA'I GDAMS NGAG SBYIN PAS RNAM PAR 'DREN PA DANG, YONGS SU 'DREN PA STE GO RIMS BZHIN NO, ,GANG DAG THAMS CAD MKHYEN PA'I YE SHES LA RTON PA'I BAR DU 'GYUR SNYAM DU SEMS SO ZHES BYA BA NI BYANG CHUB SEMS DPA' CHEN PO'I LAM STON PA'I PHYIR RO, ,'DI NI RE ZHIG BYANG CHUB SEMS DPA' KHYIM PA'I RNAM PAR SMIN PA YONGS SU 'DZIN PA 'BRAS BU'I PHAN YON GYI KHYAD PAR RO, ,BYANG CHUB SEMS DPA' RAB TU BYUNG BA NI BSAM GTAN GYI LAS GTZO BO STE, RNAM PAR SMIN PA YONGS SU 'DZIN PA DANG, 'BRAS BU'I PHAN YON GYI KHYAD PAR RNAM PA GNYIS SU RIG PAR BYA'O, ,'DI LTA STE, TING NGE 'DZIN NI SKAD CIG GCIG LA TING NGE 'DZIN BRGYA LA DBANG THOB PA'I PHYIR RO, ,TING NGE 'DZIN GYI LAS NI SANGS RGYAS BRGYA MTHONG BA LA SOGS PA STE, DE SANGS RGYAS RNAMS DANG, SANGS RGYAS KYIS BYIN GYIS BRLABS PA'I BYANG CHUB SEMS DPA' RNAMS LAS YE SHES TSOL BAR BYED DO, ,G-YO BAR BYED PA NYID KYIS NI GDUL BYA RNAMS 'DUN PAR BYED DO, ,'GRO BA DANG SNANG BAR BYED PA GNYIS KYIS SONG STE MTHONG NAS YONGS SU SMIN PAR BYED DO, ,SKYE BA'I KHYAD PAR YONGS SU 'DZIN PAS NI BSKAL PA BRGYAR GNAS PAR BYED DO, ,SEMS CAN RNAMS KYI SNGON GYI MTHA' DANG PHYI MA'I MTHA' LA SDIG PA DANG BRAL BA'I DBANG DU BYAS TE, LAS KYI RGYUD STON TO, ,RANG GI BLO YONGS SU SMIN PAR BYA BA'I PHYIR CHOS KYI RNAM GRANGS DAG GI DON SEMS SO, ,LUS BRGYA KUN DU STON PA DANG, ,LUS RE RE YANG 'KHOR BYANG CHUB SEMS DPA' BRGYA BRGYA DANG LDAN PAR STON PAS NI DE'I DON MANG DU BYED PAR SBYOR BA DANG, DON MYUR BAR BYED PAR SBYOR BAR RIG PAR BYA'O, , @154B DE YAN CHAD NI SMON LAM SHES PA'I 'BRAS BU'I PHAN YON GYI KHYAD PAR DU RIG PAR BYA'O, ,DE LA LUS NI BYANG CHUB SEMS DPA'I SPYOD PA THAMS CAD KYI GNAS TE, DE LAS 'OD DANG RDZU 'PHRUL LO, ,'DI LA BRTEN NAS LHA'I MIG DANG DE'I YUL TE, SPYAN LNGA PO THAMS CAD YIN PAR RIG PAR BYA'O, ,RDZU 'PHRUL LA BRTEN NAS DBYANGS DANG, SPYOD PA DANG, BKOD PA DANG, BYIN GYI RLABS SO, ,DE LA DBYANGS NI SPRUL PA'I NGAG GO, ,SPYOD PA NI 'GRO BA'O, ,BKOD PA NI SPRUL PA'O, ,BYIN GYI RLABS NI GANG GIS GZHAN BYIN GYIS RLOB PA'O, ,DE'I 'OG TU TING NGE 'DZIN GYI SGO LA BRTEN NAS MOS PA JI LTA BA BZHIN DU MTHU'I BYA BA'I DON SGRUB BO, ,SHES RAB KYI SPYAN GYIS BSDUS PA'I GZUNGS KYI SGO LA BRTEN NAS CHOS STON PAR 'DU BYED DO, ,MDOR BSDU NAS THAMS CAD NI RGYU'I LUS DANG 'BRAS BU'I MTSAN NYID DU RIG PAR BYA'O, ,'PHAGS PA SA BCU PA LAS, SA DANG PO'I RNAM PAR BSHAD PA RDZOGS SO,, ,, BAM PO LNGA PA, MNGON PAR RTOGS PA DANG LDAN PA'I BYANG CHUB SEMS DPA' 'JIG RTEN LAS 'DAS PA'I LAM LA GNAS TE TSUL KHRIMS RNAM PAR DAG PA'I DBANG DU BYAS NAS SA GNYIS PA RNAM PAR GZHAG PAR RIG PAR BYA'O, ,TSUL KHRIMS RNAM PAR DAG PA DE YANG RNAM PA GNYIS SU RIG PAR BYA BA STE, 'BYUNG BAR BYED PA RNAM PAR DAG PA DANG, RANG BZHIN RNAM PAR DAG PA'O, ,DE LA 'BYUNG BAR BYED PA RNAM PAR DAG PA NI SEMS KYI BSAM PA BCUS YONGS SU BSTAN TE, GANG GI PHYIR KYE RGYAL BA'I SRAS DAG BYANG CHUB SEMS DPA'I SA DANG PO LEGS PAR YONGS SU SBYANG BA BYAS PA'I BYANG CHUB SEMS DPA' DE BYANG CHUB SEMS DPA'I SA GNYIS PA LA MNGON PAR 'DOD PA YIN TE, DE'I SEMS KYI BSAM PA BCU 'BYUNG NGO, ,BCU GANG ZHE NA, 'DI LTA STE, DRANG PO'I BSAM PA DANG, 'JAM PA'I BSAM PA DANG, LAS SU RUNG BA'I BSAM PA DANG, DUL BA'I BSAM PA DANG, ZHI BA'I BSAM PA DANG, DGE BA'I BSAM PA DANG, MA 'DRES PA'I BSAM PA DANG, MI LTA BA'I BSAM PA DANG, RLABS PO CHE'I BSAM PA DANG, CHE BA NYID KYI BSAM PA ZHES GSUNGS PA'O, ,RANG BZHIN RNAM PAR DAG PA NI TSUL KHRIMS RNAM PAR DAG PA GSUM STE, LDOG PA'I TSUL KHRIMS DANG, DGE BA'I CHOS SDUD PA'I TSUL @155A *, ,KHRIMS DANG, SEMS CAN GYI DON BYA BA'I TSUL KHRIMS SO, ,DE LA LDOG PA'I TSUL KHRIMS RNAM PAR DAG PA NI DGE BA BCU'I LAS KYI LAM YANG DAG PAR LTA BA'I MTHAR THUG PA RNAMS KYIS YONGS SU BSTAN TE, GANG GI PHYIR SROG GCOD PA SPANGS PA YANG YIN TE ZHES BYA BA NAS, GANG GI PHYIR LOG PAR LTA BA SPANGS PA YANG YIN TE ZHES BYA BA'I BAR DU GSUNGS PA'O, ,LDOG PA'I TSUL KHRIMS RNAM PAR DAG PA DE NI SDOM PA'I TSUL KHRIMS RNAM PAR DAG PAR YANG RIG PAR BYA'O, ,DGE BA'I CHOS SDUD PA'I TSUL KHRIMS RNAM PAR DAG PA NI DE'I 'OG NAS, DE LTA BAS NA BDAG GIS MNGON PAR SGRUB TU 'DRA BA LA RNAM PA THAMS CAD YONGS SU SBYANG ZHING MNGON PAR BSGRUB PA NYID LA BRTZON PAR BYA'O SNYAM NAS ZHES BYA BA'I BAR 'DIS YONGS SU BSTAN TO, ,SEMS CAN GYI DON BYA BA'I TSUL KHRIMS RNAM PAR DAG PA NI DE'I 'OG NAS, DE SEMS CAN RNAMS LA DE BAS SHAS CHER PHAN PA'I SEMS BSKYED CES BYA BA'I BCU PA'I BAR GYIS YONGS SU BSTAN TO, ,DE LA BSAM PA BCU PO DAG LAS DRANG BA'I BSAM PA NI SO SOR BRTAGS PA'I BYA BA MED PAS TSUL KHRIMS RNAM PAR DAG PA'I DBANG DU BYAS PAR RIG PAR BYA STE, JI LTAR 'GRO BAR BYA BA DE BZHIN DU 'GRO BA'I PHYIR RO, ,DE YANG RNAM PA DGUR RIG PAR BYA STE, 'JAM PA DRANG BA'I BSAM PA NI BDE BA DANG, YID BDE BA DANG LDAN PAS TSUL KHRIMS LA 'JUG PA'I PHYIR RO, ,LAS SU RUNG BA DRANG BA'I BSAM PA NI RANG DBANG DU RANG GI NGANG GIS 'JUG PAS TSUL KHRIMS KYI MI MTHUN PA'I PHYOGS NYON MONGS PA DANG MA 'DRES PA'I PHYIR RO, ,DUL BA DRANG BA'I BSAM PA NI BRJED KYANG NYES PAR 'KHRUL PA MED PA STE, RTA SHIN TU DUL BA MI 'GYUR BA BZHIN NO, ,ZHI BA DRANG BA'I BSAM PA NI NGA RGYAL MED PAS DES KHENGS PAR MI 'GYUR BA'I PHYIR RO, ,DGE BA DRANG BA'I BSAM PA NI 'KHRUG PA LA JI MI SNYAM PAS GSER BZANG PO BZHIN NO, ,MA 'DRES PA LAS DRANG BA'I BSAM PA NI DE TZAM GYIS CHOG PAR MI 'DZIN PA STE, TSUL KHRIMS RNAM PAR DAG PA LA GNAS NAS SEMS RNAM PAR DAG PAR BYA BA'I PHYIR RAB TU DBEN PA 'DOD PA'I PHYIR RO, ,MI LTA BA DRANG BA'I BSAM PA NI SRID PA DANG LONGS SPYOD PHUN SUM TSOGS PA LA MI SMON PA'I PHYIR RO, ,RLABS PO CHE'I DRANG BA'I BSAM PA NI SEMS @155B CAN GYI DON DU SRID PA RGYUN MI 'CHAD PAR SMON PA'I PHYIR RO, ,CHE BA NYID DRANG BA'I BSAM PA NI DE'I 'BRAS BU 'BYUNG BA KUN NAS NYON MONGS PA MED PA'I PHYIR RO, ,DE LA LAS KYI LAM BSHAD PA NI SROG GCOD PA SPANGS PA YANG YIN TE ZHES BYA BA'O, ,YANG SMOS PA NI SPONG BA KHYAD PAR CAN YANG 'THOB PAR BSTAN PA'I PHYIR RO, ,DE LA SROG GCOD PA SPONG BA'I DBANG DU BYAS NAS SPONG BA RNAM PA GSUM YONGS SU BSTAN TE, RGYU SPONG BA NI GANG GI PHYIR, DBYIG PA SPANG, MTSON CHA SPANG, KHON DU 'DZIN PA SPANGS NAS 'DZEM PA DANG LDAN ZHING SNYING RJE LA ZHUGS PA ZHES GSUNGS PA'O, ,GNYEN POS SPONG BA NI GANG GI PHYIR, SROG CHAGS 'BYUNG PO THAMS CAD LA PHAN PA DANG, BDE BA DANG, SNYING BRTZE BA DANG, BYAMS PA'I SEMS DANG LDAN TE ZHES GSUNGS PA'O, ,'BRAS BU SPONG BA NI GANG GI PHYIR DANG, DE KUN DU RTOG PA TZAM GYIS KYANG SROG CHAGS RNAMS LA RNAM PAR 'TSE BAR MI BYED NA, SEMS CAN GZHAN LA SEMS CAN DU 'DU SHES SHING CHED DU BSAMS TE, LUS KYIS RNAM PAR THO 'TSAMS PA CHEN PO BYA BA LTA CI SMOS ZHES GSUNGS PA'O, ,DE LA SROG GCOD PA'I RGYU NI RNAM PA GNYIS TE, NYE BAR LEN PA'I RGYU DANG, 'BYUNG BAR BYED PA'I RGYU'O, ,DE LA NYE BAR LEN PA'I RGYU NI RNAM PA GNYIS TE, GNOD PAR BYED PA'I DNGOS PO DBYIG PA DANG, GCOD PA'I DNGOS PO MTSON CHA'O, ,DE GNYIS SPONG BA NI DBYIG PA SPANGS, MTSON CHA SPANGS ZHES BYA'O, ,SNGAGS DANG, SMAN DANG, KHAMS MI MNYAM PAR BYED PA'I GNOD PA'I BAR DAG KYANG GNOD PAR BYED PA NYID DU SHES PAR BYA'O, ,'BYUNG BAR BYED PA'I RGYU YANG RNAM PA GNYIS TE, ZHE SDANG DANG 'DOD PA'O, ,'DOD PA YANG RNAM PA GNYIS TE, LONGS SPYOD 'DOD PA NI DES NA LONGS SPYOD KYI PHYIR PHYI MA LA BDAG YONGS SU 'DOR BAS MI 'DZEM PA STE, DE'I GNYEN POR GANG GI PHYIR 'DZEM PA DANG LDAN ZHES GSUNGS PA'O, ,SROG CHAGS KYI YAN LAG DANG DE GSAD PAR MNGON PAR DGA' BA'I 'DOD PA DE'I GNYEN POR GANG GI PHYIR, SNYING RJE LA ZHUGS PAS ZHES GSUNGS PA STE, DE LAS LDOG PA NI RGYU SPONG BA'O, ,DE LA GNYEN PO NI RNAM PA GNYIS TE, BDE 'GRO DANG MYA NGAN LAS 'DAS PA'I RGYU DGE BA YANG DAG PAR 'DZIN DU 'JUG PAS SEMS CAN THAMS CAD LA PHAN @156A *, ,PA DANG, SNYING BRTZE BA DANG, DE DAG 'BRAS BU DE THOB PAR SMON PAS BYAMS PA'I SEMS TE, GANG GI PHYIR SROG CHAGS 'BYUNG PO THAMS CAD LA PHAN PA DANG, BDE BA DANG, SNYING BRTZE BA DANG, BYAMS PA'I SEMS DANG LDAN TE ZHES GSUNGS PA'O, ,DE LTAR PHYIN CI MA LOG PAR RGYU DANG 'BRAS BU 'DOD PAS, GTI MUG LAS BYUNG BA MCHOD SBYIN BYED PA LA SOGS PAS BYAS PA'I CHO GA'I SROG GCOD PA SPONG BAR BSTAN PA YIN TE, 'DIS SPONG BAR BYED PAS SPONG BA NYID GNYEN PO STE, GNYEN POS SPONG BA'O, ,SROG CHAGS DANG 'BYUNG PO SMOS PAS NI SEMS CAN RNAMS RTAG PA MA YIN PA CHAD PA MA YIN PA YONGS SU STON TE, SROG GI DBANG PO DANG LDAN PAS TSE JI SRID PAR GNAS PA'I PHYIR DANG, SHI BA RNAMS KYANG LAS DANG NYON MONGS PA'I DBANG GIS YANG 'BYUNG BA'I PHYIR RO, ,DE LA SROG GCOD PA'I RGYU'I 'BRAS BU NI KUN DU SPYOD PA'O, ,DE YANG RNAM PA GNYIS TE CHUNG BA NI, SEMS KYIS RNAM PAR 'TSE BA'O, ,CHE BA NI LUS KYIS RNAM PAR 'TSE BA STE, GANG GI PHYIR KUN DU RTOG PA TZAM GYIS KYANG SROG CHAGS LA RNAM PAR 'TSE BAR MI BYED NA SEMS CAN GZHAN LA SEMS CAN DU 'DU SHES SHING CHED DU BSAMS TE, LUS KYIS RNAM PAR THO 'TSAMS PA CHEN PO BYA BA LTA CI SMOS ZHES GSUNGS PA'O, , KUN DU SPYOD PA CHEN PO NI RNAM PA LNGAS YONGS SU BSTAN TE GZHAN SMOS PAS BRGYUD PA DANG, SEMS CAN SMOS PAS DNGOS PO DANG, SEMS CAN DU 'DU SHES PA SMOS PAS 'DU SHES DANG, CHED DU BSAMS PA SMOS PAS MNGON PAR 'DU BYED PA DANG, LUS KYI RNAM PAR THO 'TSAMS PA CHEN PO ZHES BYA BA SMOS PAS RANG BZHIN GYIS STON TO, ,MA BYIN PAR LEN PA SPANG BA'I DBANG DU BYAS NAS SPONG BA RNAM PA GSUM YONGS SU BSTAN TE, RGYU SPONG BA DANG, GNYEN PO SPONG BA DANG, 'BRAS BU SPONG BA'O, ,DE LA RGYU NI BDAG GI LONGS SPYOD KYIS CHOG MI SHES PA STE, DE'I GNYEN POR BDAG GI LONGS SPYOD KYIS CHOG SHES ZHES BYA BA GSUNGS SO, ,GNYEN PO NI BDAG GI LONGS SPYOD LA CHAGS PA YANG GTONG BAS SBYIN PA STE, DES PHYI MA GZHAN NA LONGS SPYOD LA MI SLU BA YIN TE, GANG GI PHYIR GZHAN GYI LONGS SPYOD LA BAG BYED PA ZHES GSUNGS PA'O, ,'BRAS BU NI KUN DU SPYOD PA'O, ,DE YANG RNAM PA GNYIS TE, CHUNG BA NI @156B DNGOS PO CHUNG DU LEN PA'O, ,CHE BA NI DE LAS GZHAN PA'I DNGOS PO LEN PA'O, ,DE GNYIS NI RNAM PA LNGAS YONGS SU BSTAN TE, GZHAN SMOS PAS RGYU DANG, YONGS SU GZUNG BA'I DNGOS PO SMOS PAS DNGOS PO DANG, DER 'DU SHES PA SMOS PAS 'DU SHES DANG, RKU SEMS NYE BAR GZHAG PA SMOS PAS MNGON PAR 'DU BYED PA DANG RANG BZHIN GYIS STON TO, ,THA NA RTZVA DANG, LO MA YANG MA BYIN PAR MI LEN NA 'TSO BA'I YO BYAD GZHAN DAG LTA CI SMOS ZHES BYA BA NI CHUNG BA DANG CHE BA'O, ,'DOD PA LA LOG PAR G-YEM PA SPONG BA'I DBANG DU BYAS NAS SPONG BA RNAM PA GSUM YONGS SU BSTAN TE, DA LA RGYU NI BDAG GI CHUNG MAS CHOG MI SHES PA STE, DE'I GNYEN POR BDAG GI CHUNG MAS CHOG SHES ZHES BYA BA GSUNGS SO, ,GNYEN PO NI PHYI MA GZHAN NA TSANGS PAR SPYOD 'DOD PAS CHUNG MA 'DOD PA MED PA STE, GANG GI PHYIR GZHAN GYI CHUNG MA LA 'DOD PA MED PA ZHES GSUNGS PA'O, ,'BRAS BU NI KUN DU SPYOD PA'O, , DE YANG RNAM PA GNYIS TE, CHUNG BA NI SEMS SO, ,CHE BA NI LUS KYIS TE, RNAM PAR RIG BYED RNAM PA GNYIS SO, ,DE NI 'JUG PAR BYA BA MA YIN PA DANG, DUS MA YIN PA DANG, GNAS MA YIN PAR 'GRO BAS YONGS SU BSTAN TE, DE LA 'JUG PA MA YIN PAR 'GRO BA NI GZHAN GYIS YONGS SU BZUNG BA'I BUD MED THUN MONG BA RNAMS LA STE, DE LA THUN MONG BA NI GZHAN GYIS YONGS SU BZUNG BA DAG GO, ,THUN MONG MA YIN PA DAG NI GZHAN GYI CHUNG MA RNAMS TE, GANG GI PHYIR GZHAN GYIS YONGS SU BZUNG BA'I BUD MED DANG GZHAN GYI CHUD MA ZHES GSUNGS PA'O, ,PHA MA DANG 'BREL PA DANG, BU MO GZHAN SBYIN PAR BYAS PAS MTSAN MA LTA BU YANG DE BZHIN TE, GANG GI PHYIR RUS DANG MTSAN MAS SRUNG BA ZHES GSUNGS PA'O, ,BUD MED SMOS PAS NI SEMS CAN MA YIN PA'I GRANGS SU 'GRO BA'I BUD MED CES BYA BA BSAL BA'I PHYIR RO, ,DUS MA YIN PAR 'GRO BA NI DUS NGES PA DAG GI TSE STE, GANG GI PHYIR CHOS KYIS BSRUNGS PA RNAMS LA ZHES GSUNGS PA'O, ,GNAS MA YIN PAR 'GRO BA NI YAN LAG MA YIN PA'I RNAM PAR RIG BYED DE, GANG GI PHYIR YAN LAG MA YIN PA'I RNAM PAR RIG BYED CES GSUNGS PA'O, ,CHUNG BA DANG CHE BA 'DIR YANG YID KYI LAS DANG, LUS KYI LAS SPANG BAR @157A *, ,RIG PAR BYA STE, GANG GI PHYIR CHAGS SEMS KYANG MI SKYE NA, GNYIS KYIS DBANG PO GNYIS SPOD PA LTA CI SMOS ZHES GSUNGS PA'O, ,BRDZUN DU SMRAS PA SPONG BA'I DBANG DU BYAS NAS, GNYEN PO SPONG BA DANG, 'BRAS BU SPONG BA YONGS SU BSTAN TE, GNYEN POS SPONG BA NYID RGYU SPONG BA'O, ,CI'I PHYIR ZHE NA, LUS KYI LAS LTAR BRDZUN DU SMRA BA 'DI LA PHYI ROL GYI DNGOS PO MED PA DANG, GZHI DANG KHYAD PAR MED PA'I PHYIR RO, ,JI LTAR SROG GCOD PA SPONG BA LA NYE BAR LEN PA'I RGYU RNAM PA GNYIS SU BSHAD DE, PHYI ROL GYI DNGOS PO GNOD PA BYED PA'I DNGOS PO DBYUG PA DANG, GCOD PA'I DNGOS PO MTSON CHA DANG RNAM PA GNYIS SPONG BAR BSHAD DE, DBYUG PA SPANGS, MTSON CHA SPANGS ZHES GSUNGS PA DE LTAR BRDZUN DU SMRA BA SPONG BA LA PHYI ROL GYI DNGOS PO MED DE, DE BAS NA LUS KYI LAS LTAR 'DI LA PHYI ROL GYI DNGOS PO MED CES BSHAD DO, ,GZHI DANG KHYAD PAR MED PA'I PHYIR ZHES BYA BA LA GZHI NI RGYU STE SROG GCOD PA'I RGYU NI CHAGS PA DANG, ZHE SDANG DANG, GTI MUG RNAMS SO, ,BRDZUN DU SMRA BA'I RGYU NI PHA ROL SLU BA'I BSAM PA STE, DE LAS LDOG PA'I RGYU SPONG BA'O, ,DE NI BDEN PAR SMRA BA NYID KYIS 'GYUR TE, BDEN PAR SMRA BA DE NYID NI PHA ROL SLU BA'I BSAM PA'I GNYEN PO YIN TE, DE LA BRTEN NAS DE 'BYUNG BA'I PHYIR DE NI DE'I RGYU YIN NO, ,DE BAS NA GZHI DANG KHYAD PAR MED CES BSHAD DE, DE LTAR NA GNYEN POS SPONG BA NYID RGYU SPONG BAR BSHAD PA YIN NO, ,GNYEN POS SPONG BA YANG RNAM PA GSUM GYIS YONGS SU BSTAN TE, 'DU SHES JI LTA BA BZHIN DU SMRA BA NI GANG GI PHYIR, BDEN PAR SMRA ZHES GSUNGS PA'O, ,BRTAGS NAS DNGOS PO JI LTA BA BZHIN DU SMRA BA NI GANG GI PHYIR, YANG DAG PAR SMRA ZHES GSUNGS PA'O, ,SMRA BAR BYA BA'I DUS SU SMRA BA NI GANG GI TSE BDAG DANG GZHAN LA MI PHAN PAR MI 'GYUR BA YIN TE, GANG GI PHYIR DUS SU SMRA ZHES GSUNGS PA'O, ,'BRAS BU NI KUN DU 'BYUNG BA CHUNG BA DANG CHE BA STE, GANG GI PHYIR DE'I THA NA RMI LAM NA YANG LTA BA DANG, BZOD PA DANG, 'DOD PA DANG, RAB TU RTOG PA BSGYUR TE, SLU BA'I BSAM PAS BRDZUN GYI TSIG MI SMRA NA, CHED DU BSAMS TE BRJOD PA LTA CI SMOS ZHES GSUNGS PA'O, ,DE LA RMI LAM NA ZHES BYA BA NI CHUNG BA'O, ,CHED DU BSAMS TE ZHES BYA NI CHE BA'O, ,LTA BA @157B DANG, BZOD PA DANG, 'DOD PA DANG, RAB TU RTOG PA RNAMS NI BSHAD PA'I MTSAMS SBYAR BAR RIG PAR BYA STE, SHES RAB KYIS MTHONG BA NI RAB TU RTOG PA'O, ,PHRA MA SPONG BA'I DBANG DU BYAS NAS SPONG BA RNAM PA GNYIS YONGS SU BSTAN TE, GNYEN POS SPONG BA DANG, 'BRAS BUS SPONG BA'O, ,DE LA GNYEN POS SPONG BA NA DBYEN MI BYED CING RNAM PAR THO MI 'TSAMS BA LA ZHUGS PA STE, SGRUB PA GANG GIS GZHAN DAG LA PHAN PA MA YIN PA'I DBYEN MI BYED PA STE, GANG GI PHYIR SEMS CAN RNAMS LA DBYEN MI BYED CING RNAM PAR MI 'TSE BA LA GZHUGS PA ZHES GSUNGS PA'O, ,'BRAS BU NI KUN DU SPYOD PA STE; DE LAS LDOG PA NI 'BRAS BU SPONG BA'O, ,'BRAS BU KUN DU SPYOD PA DE YANG PHYOGS DANG, LAS DANG, BSAM PA DANG, RAB TU DBYE BAS YONGS SU BSTAN TE, GANG LAS THOS NAS GANG LA BRJOD PA DE NI PHYOGS RNAM PA GNYIS SO, ,LEN PA DANG, BRJOD PA NI LAS SO, ,DBYE BA'I PHYIR ZHES BYA BA NI BSAM PA STE GANG GI PHYIR DES DE DAG DBYE BA'I PHYIR TSU BI LAS THOS NAS PHA BIR SNYOD PA MA YIN, DE DAG DBYE BA'I PHYIR PHA BI LAS THOS NAS TSU BI LA SNYOD PA MA YIN TE ZHES GSUNGS PA'O, ,RAB TU DBYE BA NI 'BYED PA DANG, BSAM PA DANG LAS SU RIG PAR BYA'O, ,'BYED PA NI RNAM PA GNYIS TE; SNGON MA BYE BA DANG, SNGON BYE BA LA'O, ,DE'I GNYEN POR 'DUS PA RNAMS MI 'BYED CING BYE BA RNAMS LA YANG MI SNON TE ZHES GSUNGS PA'O, ,BSAM PA YANG RNAM PA GNYIS TE, 'DUM PA LA MI DGA' BA DANG, MI 'DUM PA LA MNGON PAR DGA' BA STE, DE'I GNYEN POR MI 'DUM PA LA MI DGA' ZHING 'DUM PA LA MOS PA YIN PAS ZHES GSUNGS SO, ,LAS KYANG BDEN PA DANG, BRDZUN PA'I DON THA DAD PA'I TSIG GIS RNAM PA GNYIS TE, CHUNG BA DANG CHE BA'O, ,DE'I GNYEN POR BDEN NAM BRDZUN YANG RUNG MI 'DUM PAR BYA BA'I TSIG MI SMRA'O ZHES GSUNGS SO, ,TSIG RTZUB PO SPANG BA'I DBANG DU BYAS NAS, SPONG BA RNAM PA GNYIS YONGS SU BSTAN TE, 'BRAS BU SPONG BA DANG, GNYEN PO SPONG BA'O, ,DE LA 'BRAS BU NI KUN DU SPYOD PA STE, ZHER 'DEBS PA DANG, BRLANG BA DANG, GZHAN LA GNOD PA DANG, GZHAN GYI MTSANG 'DRU BA STE, GZHAN GYI MTSANG 'DRU BA NI GANG GIS PHA ROL 'KHRUG PAR @158A *, ,BYED PA'O, ,'DI DAG NI BRJOD PA'I MTSAMS SBYAR BA YIN PAR RIG PA STE, SNGA PHYI RNAM GRANGS SU GTOGS PA'I TSIG CES BYA BA'I THA TSIG GO, ,DE YANG TSOGS PAR MI 'BYUNG BA MNGON SUM DANG, LKOG NA RGYUN DU SBYOR BA NI GANG GI PHYIR, GRONG MI'I TSIG DANG, MA RABS KYI TSIG NGOR BRJOD PA DANG, TSIG MI BRJOD PA ZHES GSUNGS PA'O, ,DE LA MNGON SUM DANG, RGYUN DU 'BYUNG BA NI CHE BA'O, ,LKOG NA BRJOD PA RGYUN DU MI 'BYUNG BA NI CHUNG BA'O, ,DE BRJOD NA TSUL KHRIMS DANG 'GAL BA DANG, GZHAN DAG LA SDUG BSNGAL BSKYOD PAR 'GYUR ZHING, DES GZHAN 'KHRUG PAR 'GYUR TE, GANG GI TSE BRDZUN DANG RNAR MI SNYAN PA ZHES GSUNGS PA'O, ,GNOD PAR BYED PA'I RGYU DANG, PHRAG DOG LAS BYUNG BA'I PHYIR TSUL KHRIMS DANG 'GAL TE, GANG GI PHYIR KHRO ZHING RNGAM PA LAS BYUNG BA ZHES GSUNGS PA'O, ,GZHAN GYI MTSANG 'DRU BAR BYED PA NA GNOD PA RNAM PA GNYIS BYED DE, DE DAG DANG KHON MA BYUNG BA 'BYIN PAS THOS PA DANG, DRAN PA'I DUS NA MI SNYAN PA DANG, YID LA MI 'THAD PA GNYIS KYI SNYING DANG, SEMS MI DGA' BAR BYED PA'I PHYIR RO, ,DGA' BA BSKYED PA MED PAR BYED PA NI BDAG MI PHYOGS PA DANG, GZHAN DAG KYANG MI PHYOGS PAR BYED PA DE, GANG GI PHYIR MI SNYAN PA DANG, YID LA MI 'THAD PAS SNYING NA BAR BYED PA DANG, YID GDUNG BAR BYED PA DANG, RANG GI SEMS KYI RGYUD DANG, GZHAN GYI SEMS KYI RGYUD MA RUNG BAR BYED PA'I TSIG CES GSUNGS PA'O, ,DE LAS LDOG PA NI 'BRAS BU SPONG BA'O, ,GNYEN POS SPONG BA NI 'JAM POR SMRA BA NYID DO, ,DE YANG RNAM PA GNYIS TE, GYA TSOM MA YIN PA DANG, MNGON PAR 'DOD PAR BYA BA STE, GANG GI PHYIR MNYEN PA DANG YID LA 'THAD PA DANG ZHES GSUNGS PA'O, ,DE LA GYA TSOM MA YIN PA NI TSUL KHRIMS KYI YAN LAG TU GTOGS PA'I PHYIR TE, BRDZUN MA YIN PAS SNGOM PA'I RGYUN MI 'CHAD PA'I PHYIR RO, ,MNGON PAR 'DOD PAR BYA BA DE NI MNGON PAR MTHO BA DANG, MYA NGAN LAS 'DAS PA'I GRONG KHYER DANG MTHUN PAS BDE BA YID DU 'ONG BA DANG, PHAN PA YID DU 'ONG BA DANG, YID DU 'ONG BA GNYIS KYI PHYIR TE, GANG GI PHYIR BRDZUN MA YIN PA DANG, RNAR SNYAN PA DANG, SNYING LA 'BAB PA DANG, GRONG KHYER PA ZHES GSUNGS PA'O, ,DE YANG MDZA' BA @158B DANG; MI MDZA' BA DANG, SKYE BO THA MAL PAS THOS PA DANG, DRAN PA'I DUS NA 'DOD PA STE, GANG GI PHYIR SKYE BO MANG PO DGA' BA DANG, SKYE BO MANG PO YID LA 'BAB PA ZHES GSUNGS PA'O, ,DE LTAR GYUR PA DE DON RNAM PA GNYIS BYED DE, TING NGE 'DZIN 'GRUB PAS MCHOG TU DGA' BA'I BDE BA SKYED PA'I PHYIR GZHAN DAG LA KHO NA MA BYUNG BA MI 'BYIN PA DANG, BDAG KYANG MNGON DU PHYOGS LA GZHAN YANG MNGON DU PHYOGS PAR BYED PA'I PHYIR, DGA' BA MA SKYES PA BSKYED PA STE, GANG GI PHYIR YID DGA' BAR BYED PA DANG, YID TSIM PAR BYED PAS RANG GI SEMS KYI RGYUD DANG, GZHAN GYI SEMS KYI RGYUD DANG BAR BYED PA ZHES GSUNGS PA'O, ,TSIG 'KHYAL PA SPONG BA'I DBANG DU BYAS NAS GNYEN POS SPONG BA DANG, 'BRAS BU SPONG BA YONGS SU BSTAN TO, ,GNYEN PO NI PHAN TSUN SMRA BAR BYA BA'I DBANG DU BYAS NAS, GLENG BAR SBYOR BA'I TSE LAN 'DEBS PAR GLON PA'I TSIG DANG, GANG GI TSE MI DGE BA'I GNAS LAS BSLANG STE, DGE BA'I GNAS LA 'JOG NUS PAR MTHONG BA DE'I TSE SMRA BA STE, GANG GI PHYIR LAN LEGS PAR GLON PA'I TSIG DANG, DUS SU SMRA BA ZHES GSUNGS PA'O, ,PHYIN CI MA LOG PA'I TSIG NI GANG GI PHYIR YANG DAG PAR SMRA BA ZHES GSUNGS PA'O, ,PHAN TSUN GDAMS NGAG RJES SU BSTAN PA'I DBANG DU BYAS NAS GDAMS NGAG LA SBYOR BA'I TSE, DON GYI TSIG DANG, CHOS KYI TSIG NI GANG GI PHYIR DON SMRA BA DANG CHOS SMRA BA ZHES GSUNGS PA'O, ,PHAN TSUN LTUNG BA LAS 'BYIN PA'I DBANG DU BYAS NAS, RTZOD PA ZHI BAR BYED PAR SBYOR BA'I TSE RIGS PAR SMRA BA DANG, LUNG SMRA BA NI GANG GI PHYIR 'DUL BAR SMRA BA ZHES GSUNGS PA'O, ,SDUD PAR 'GYUR BA'I TSIG GIS CHOS STON PAS SDUD PAR SBYOR BA DANG, MNYAN PAR 'OS PA'I SPYOD LAM GYIS GNAS PA RNAMS LA SMRA BA DANG, GLENG BSLANG BA DANG BCAS PAR SMRA BA NI GANG GI PHYIR BZOD PA DANG LDAN PA DANG, DUS DANG RMANG DANG BCAS PA'I TSIG SMRA BA YIN ZHES GSUNGS PA'O, ,'BRAS BU NI KUN DU SPYOD PA STE, CHUNG BA DANG CHE BA'O, ,DE LAS LDOG PA NI 'BRAS BU SPONG BA STE, CHUNG BA DANG CHE BA NYID NI GANG GI PHYIR DE THA NA BZHAD GANG DU BYA BA'I TSIG YONGS SU SPANG BAR BYA BA YANG YONGS SU SPONG NA TSIG GIS RNAM PAR G-YENGS PA LTA CI SMOS ZHES GSUNGS PA'O, ,BRNAB SEMS MED PA NI DNGOS PO @159A *, ,DANG; RANG BZHIN DANG, RAB TU DBYE BA DANG, RNAM PA GSUM GYIS YONGS SU BSTAN TO, ,DNGOS PO YANG YONGS SU GZUNG BA DANG RANG BZHIN NO, ,YONGS SU GZUNG BA'ANG RNAM PA GNYIS TE, BDAG GIR BYAS PAS YONGS SU BZUNG BA DANG SPYOD PAS YONGS SU BZUNG BA STE GANG GI PHYIR DE GZHAN GYI NOR DANG GZHAN GYI 'DOD PA ZHES GSUNGS PA'O, ,RANG BZHIN YANG RNAM PA GNYIS TE, ZONG GI DNGOS PO 'GRON BU DANG, GSER LA SOGS PA DANG, YONGS SU SPYAD PA STE GANG GI PHYIR GZHAN GYI RDZAS DANG YO BYAD CES GSUNGS PA'O, ,BRNAB SEMS MED PA'I RANG BZHIN NI GNYEN PO GANG GIS BRNAB SEMS MI BSKYED PA STE, GANG GI PHYIR BRNAB SEMS MI SKYED CES GSUNGS PA'O, ,DE'I RAB TU DBYE BA NI BRNAB SEMS RNAM PA GSUM GYI GNYEN POR RIG PAR BYA STE, BRNAB SEMS RNAM PA GSUM NI BSLANG BA'I SGO DANG, THOB PAR SMON PA'I SGO DANG, RKU BA'I SGO NAS 'BYUNG BA STE, DE'I GNYEN POR 'DOD PAR MI BYED CING MI SMON CHAGS PA'I SEMS MI BSKYED DO ZHES BYA BA GSUNGS PA'O, ,DE LTAR GONG MA GNYIS NI CHUNG BA'O, ,GSUM PA NI CHE BA'O, ,GNOD SEMS MED PA NI MI MTHUN PA'I PHYOGS KYI GNYEN POR SEMS CAN RNAM PA LNGA LA YONGS SU BSTAN TE, GNOD PAR BYED PA RNAMS LA NI GANG GI PHYIR BYAMS PA'I SEMS ZHES GSUNGS PA'O, ,NYES PAR SPYAD PA SPYOD PA RNAMS LA NI GANG GI PHYIR PHAN PA'I SEMS ZHES GSUNGS PA'O, ,SDUG BSNGAL ZHING SLONG BA RNAMS LA NI GANG GI PHYIR SNYING RJE'I SEMS DANG BDE BA'I SEMS ZHES GSUNGS PA'O, ,BDE BA'I PHRAG DOG BYED PA RNAMS LA NI GANG GI PHYIR 'JAM PA'I SEMS ZHES GSUNGS PA'O, ,BYANG CHUB KYI SEMS YONGS SU BZUNG BA RTZOL BA SHIN TU MANG POS SGYID LUG PA'I DNGOS PO RNAMS LA NI GANG GI PHYIR SKYE BO THAMS CAD LA PHAN 'DOGS PA'I SEMS DANG LDAN PA ZHES GSUNGS PA'O, ,MI MTHUN PA'I PHYOGS NI RNAM PA DRUG GO, ,DE NI BYAMS PA LA SOGS PA'I SEMS LA BYE BRAG MED PAR SHES PAR BYA'I, RE RE LA NI MA YIN PAR BSTAN TE, GANG GI KHO NA MA BYUNG BA 'BYIN PA DANG, GANG GIS BYUNG BA'I RJES SU 'BRANG BA'AM, 'PHEL BAR BYED PA'AM, GANG GIS RANG GI SEMS KYI RGYUD LA DGE BA'I LO RTOG MA SKYES PA MI SKYED CING SKYES PA YANG YONGS SU 'GRIB @159B PAR BYED PA DANG, GANG GIS MI DGE BA MA SKYES PA SKYED CING, SKYES PA YANG 'PHEL BAR BYED PA DANG, GANG GIS GZHAN GYI SEMS KYI RGYUD LA MI SDUG PA MA SKYES PA SKYED CING SKYES PA YANG 'PHEL BAR BYED PA DANG, GANG GIS SDUG PA MA SKYES PA MI SKYED CING SKYES PA LA YANG RJES SU MI SEMS BA STE, DE NI KHRO BA DANG, KHON DU 'DZIN PA DANG, THA BA DANG, DRI MA DANG, GNOD SEMS DANG, KHONG KHRO BA SNGON DU 'GRO BA GANG DAG YIN PA DE DAG SPANGS TE ZHES BYA BA'I TSIG DE DAG DANG GO RIMS BZHIN DU BSTAN PAR RIG PAR BYA'O, ,KHRO BA LA SOGS PA DE DAG NI NYES PAR SPYOD PA GZHAN GYI SNGON DU 'GRO BA YIN TE, DE BAS NA SNGON DU 'GRO BA DAG CES BYA'O, ,DE DAG SPANGS NA GZHAN GYI SEMS KYANG DE NI BYAMS PA DANG LDAN PA NYID SEMS DE GANG GI PHYIR BYAMS PA DANG LDAN PA GANG DAG YIN PA DE DAG LA RTOGS PA YIN NO ZHES GSUNGS PA'O, ,YANG DAG PA'I LTA BA NI LTA BA RNAM PA BDUN GYI GNYEN POR YONGS SU BSTAN TE, LTA BA RNAM PA BDUN NI THEG PA GZHAN LA LTA BA DE'I GNYEN POR YANG DAG PA'I LAM LA GNAS ZHES BYA BA GSUNGS SO, ,YONGS SU RTOGS PA BZANG PO MA YIN PA'I LTA BA DANG, TSUL KHRIMS TZAM GYIS RNAM PAR DAG PAR LTA BA DE'I GNYEN POR DGE MTSAN DANG, BKRA SHIS RNAM PA SNA TSOGS DANG, TSUL KHRIMS NGAN PA'I LTA BA DANG BRAL BA ZHES GSUNGS PA'O, ,DE LA TSUL KHRIMS TZAM GYIS RNAM PAR DAG PA LTA BA NI BDAG TU LTA BA MCHOG TU 'DZIN PA'I TSUL KHRIMS YIN PAR RIG PAR BYA'O, ,BDAG GI MCHOG TU 'DZIN PA'I LTA BA DE'I GNYEN POR LTA BA DRANG ZHES GSUNGS SO, ,'CHANG BA'I LTA BA DANG, BRDZUN DU BRJOD PA'I LTA BA DE'I GNYEN POR G-YO MED LA SGYU MED PAS ZHES BYA BA GSUNGS SO, ,'JIG RTEN PA'I MA DAG PA'I LTA BA DE'I GNYEN POR SANGS RGYAS DANG, CHOS DANG, DGE 'DUN LA BSAM PA NGES PA YIN NO ZHES BYA BA GSUNGS SO, ,DE LTAR RNAM PA THAMS CAD SPANGS PA'I TSUL KHRIMS YONGS SU BSTAN NAS, RTAG TU RGYUN MI 'CHAD PAR RJES SU SRUNG BAS DE NYID KYI SKYON MED PA YONGS SU STON TE, GANG GI PHYIR DE DGE BA BCU'I LAS KYI LAM 'DI DAG RTAG TU RGYUN MI 'CHAD PAR SRUNG ZHES BYA BA GSUNGS SO, ,'DI LTA STE RNAM PA THAMS CAD DANG, SKYON MED PAS NI DE LTAR RANG BZHIN GYI TSUL @160A *, ,KHRIMS NYID YONGS SU BSTAN PA YIN NO, ,DE'I 'OG TU DGE BA'I CHOS SDUD PA'I TSUL KHRIMS RNAM PAR DAG PA YONGS SU BSTAN PA'I PHYIR SEMS KYI BSAM PA MNGON PAR SGRUB PA LA SOGS PA'I RIM PA STON TE, 'DI LTAR SEMS CAN GYI BSAM PA MNGON PAR BSGRUB STE, SEMS CAN RNAMS KYI NGAN SONG DANG, NGAN 'GRO DANG, RNAM PAR LTUNG BA YOD PA GANG YANG RUNG STE, DE DAG THAMS CAD MI DGE BA BCU'I LAS KYI LAM RNAMS YANG DAG PAR BLANGS PA'I RGYU LAS BYUNG GI ,BDAG GIS NI 'DI LTAR BDAG NYID YANG DAG PAR SGRUB PA LA GNAS TE, GZHAN DAG KYANG YANG DAG PAR SGRUB PA LA DGOD PAR BYA'O, ,DE CI'I PHYIR ZHE NA, 'DI NI GNAS MA YIN ZHING GO SKABS MED DE, GANG BDAG LOG PAR SGRUB PA LA GNAS SHING, GZHAN DAG YANG DAG PAR SGRUB PA LA DGOD PAR BYA BA 'DI NI GNAS MED DO SNYAM NAS ZHES BYA BA DE LA NGAN SONG DANG, NGAN 'GRO DANG, LOG PAR LTUNG BA GDAGS PA NI DON RNAM PA GSUM GYIS RIG PAR BYA STE, NYES PAR SPYOD PAS 'GRO BA'I DON DANG, SDUG BSNGAL GYI GNAS LUS MNGON PAR 'GRUB PA'I DON DANG, GNOD PA SNA TSOGS SU RTAG TU LTUNG BA'I DON TO, ,KHA NA MA THO BA DANG, GRANGS DANG, 'BRAS BU THOB PAR BYED PAS BSDUS PA'I PHYIR MI DGE BA BCU'I LAS KYI LAM GYI TSIG TU RIG PAR BYA'O, ,DE LA KHA NA MA THO BA DANG, GRANGS DANG, 'BRAS BU THOB PAR BYED PAS BSDUS PA'I PHYIR MI DGE BA BCU'I LAS KYI LAN DU BSTAN PAR RIG PAR BYA ZHES BYA BA LA, KHA NA MA THO BAS BSDUS PA'I PHYIR MI DGE BA ZHES BYA BA STE, KHA NA MA THO BA NI 'BRAS BU NGAN SONG DANG, NGAN 'GRO DANG, RNAM PAR LTUNG BA RNAMS SMAD PA'I PHYIR RO, ,GRANGS KYIS BSDUS PA'I PHYIR BCU ZHES BYA'O, ,'BRAS BU THOB PAR BYED PAS BSDUS PA'I PHYIR LAS KYI LAM RNAMS SHES PAR BYA'O, ,YANG DAG PAR BLANGS PA'I RGYUS ZHES BYA BA LA, YANG DAG PAR BLANGS PA NI KUN DU SPYOD PA'O, ,DE LTAR RGYU MED PA DANG MI 'DRA BA'I RGYU BSAL TE, LAS BDAG GIR BYA BA NYID YIN PAR RTOGS NAS SEMS CAN LOG PAR SGRUB PA LA GNAS PA RNAMS BDAG NYID DE 'DRA BAS NI DE DANG 'BRAL MI NUS PAR RIG NAS DE DAG YONGS SU BSKYAB PA'I PHYIR BDAG MNGON PAR SPRO'O, ,DE'I 'OG TU MI MTHUN PA'I PHYOGS DANG, GNYEN POR GYUR PA 'BRAS BU DANG @160B BCAS PA'I LAS KYI LAM RNAMS DANG, DGE BA'I LAS KYI LAM GONG NAS GONG DU RNAM PAR DAG PA 'BRAS BU DANG BCAS PA LA RAB TU BRTAGS NAS, MCHOG MNGON PAR SGRUB PAR SBYOR BAR 'DOD PAS, DGE BA'I CHOS SDUD PA'I TSUL KHRIMS RNAM PAR DAG PAS SGRUB PAR BYED DE, GANG GI PHYIR DE 'DI LTAR RNAM PAR SPYOD DE, MI DGE BA BCU'I LAS KYI LAM 'DI DAG YANG DAG PAR BLANGS PA'I RGYUS SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN GYI 'GRO BA RNAMS YOD PAR GYUR TO, ,DGE BA BCU'I LAS KYI LAM RNAMS YANG DAG PAR BLANGS PA'I RGYUS NI LHA DANG MIR SKYE BA LA SOGS PA SRID PA'I RTZE MO'I BAR DU SKYE BA YOD PAR GYUR TO, ,DE'I GONG DU DGE BA BCU'I LAS KYI LAM 'DI DAG NYI TSE BA'I SEMS DANG, KHAMS GSUM PAS SKRAG PA'I YID DANG, SNYING RJE CHEN PO MED PA DANG, GZHAN LAS THOS PA'I RJES SU 'GRO STE, SGRA'I RJES SU 'BRANG BAS SHES RAB KYI RNAM PAS YONGS SU BSGOMS NA NYAN THOS KYI THEG PA 'GRUB PAR BYED DO ZHES GSUNGS PA STE, SHES RAB KYI RNAM PA NI 'DIR BDEN PA'I RNAM PA YIN PAR RIG PAR BYA STE, NGAN 'GRO RNAMS NI SDUG BSNGAL LO, ,MI DGE BA'I LAS KYI LAM RNAMS NI KUN 'BYUNG BA'O, ,DE SPANGS PA NI 'GOG PA'O, ,DE'I GNYEN PO NI LAM MO; ,BDE 'GRO NI SDUG BSNGAL BA'O, ,DGE BA'I LAS KYI LAM RNAMS NI KUN 'BYUNG BA'O, ,BAG LA NYAL SPANGS PA NI 'GOG PA'O, ,DE'I GNYEN PO NI LAM MO, ,SHES RAB KYI RNAM PAR YONGS SU BSGOM PAR 'DRA BA LA NYAN THOS RNAMS KYI THEG PA NI RGYU BSAGS PA DANG, 'JIG PA DANG, MI LTA BA DANG, RTEN DANG, DMIGS PA DANG, RNAM PA LNGAS THA DAD PAR BSTAN TO, ,DE DAG LAS NYI TSE BA NYAN THOS KYI THEG PA'I SEMS CAN NI RGYU YIN TE, DGE BA'I RTZA BA DPAG TU YOD PA MNGON PAR SGRUB PA'I SKABS YIN PA'I PHYIR DANG, BDAG GI DON 'BA' ZHIG BYED PA'I PHYIR, GANG GI PHYIR NYI TSE BA'I SEMS ZHES GSUNGS PA'O, ,SDUG BSNGAL GYIS 'JIGS PA NI GANG GI PHYIR KHAMS GSUM PAS SKRAG PA'I YID CES GSUNGS PA'O, ,SEMS CAN RNAMS LA MI LTA BA NI GANG GI PHYIR SNYING RJE CHEN PO MED PA ZHES GSUNGS PA'O, ,SLOB DPON GYI MAN NGAG NI RTEN TO, ,SGRA NI DMIGS PA'O, ,SGRA NI GANG ZHE NA, BDAG DANG SEMS @161A *, ,CAN LA SOGS PAR 'DOGS PA STE, DE LTAR DE DAG SGRA TZAM DU RTOGS NAS GANG ZAG LA BDAG MED PA LA 'JUG STE, GANG GI PHYIR GZHAN LAS THOS PA'I RJES SU 'GRO STE, SGRA'I RJES SU 'BRANG BA ZHES GSUNGS PA'O, ,RANG SANGS RGYAS RNAMS KYI NI MNGON PAR RDZOGS PAR 'TSANG RGYA BA DANG, BSHAD PA LA MI PHYOGS PA DANG, GNAS PA DANG RNAM PA GSUM GYIS BSTAN TO, ,DE DAG NI STON PA'AM, RJES SU STON PA LA MA BRTEN PAR MNGON PAR RDZOGS PAR 'TSANG RGYA STE, GANG GI PHYIR GZHAN GYI DRING MI 'JOG PA DANG, RANG MNGON PAR RDZOGS PAR 'TSANG RGYA BA ZHES GSUNGS PA'O, ,CHOS STON PAR MI 'DOD DE, MI STON PA NI GANG GI PHYIR SNYING RJE CHEN PO DANG THABS LA MKHAS PA MED PA ZHES GSUNGS PA'O, ,RTEN CING 'BREL PAR 'BYUNG BA LA GNAS PA SHIN TU CHA PHRA BAS MANG DU GNAS PA NI GANG GI PHYIR, RKYEN 'DI NYID PA ZAB MO KHONG DU CHUD PAS, YONGS SU SBYANGS NA RANG SANGS RGYAS KYI THEG PA 'GRUB PAR BYED DO ZHES GSUNGS PA'O, ,RGYU CHUNG DU BSAGS PA DANG, SDUG BSNGAL GYIS 'JIGS PA DANG, SEMS CAN LA MI LTA BA YANG DE DAG LA YOD DO, ,BYE BRAG GANG YIN PA DE NI BSHAD ZIN TO, ,BYANG CHUB SEMS DPA' RNAMS KYI NI RGYU BSAGS PA DANG, DGOS PA DANG, DES NUS PA DANG, SA DANG RNAM PA BZHIS BSTAN TE, DGE BA'I RTZA BA THAMS CAD MNGON PAR SGRUB PA'I SKABS YIN PA'I PHYIR DANG, SEMS CAN THAMS CAD KYI DON BYED PA'I SKABS YIN PA'I PHYIR THEG PA CHEN PO'I SEMS SHIN TU RGYAS SHING TSAD MED PA NI RGYU YIN PAR RIG PAR BYA STE, GANG GI PHYIR DE'I GONG DU SHIN TU RGYA CHE ZHING, TSAD MED PA'I SEMS KYIS YONGS SU SBYANGS NAS ZHES GSUNGS PA'O, ,SDUG BSNGAL GYI RGYU DANG, SDUG BSNGAL BAR GYUR BA'I SEMS CAN RNAMS LA NI SNYING BRTZE BA DANG, SNYING RJE BAR RIG PAR BYA STE, DE DANG LDAN PAS SEMS CAN GYI DON NI BYANG CHUB SEMS DPA'I DGOS PA YIN PAR RIG PAR BYA STE, GANG GI PHYIR SNYING BRTZE BA DANG SNYING RJE DANG LDAN PA ZHES GSUNGS PA'O, ,DE NUS PA NI BSDU BA'I DNGOS PO BZHI PO DAG STE, GANG GI PHYIR THABS LA MKHAS PAS BSDUS PA ZHES GSUNGS PA'O, ,SA NI RNAM PA GSUM STE, LHAG PA'I BSAM PA DAG PA'I SA NI SMON LAM CHEN PO BCUS @161B RAB TU PHYE BA YIN TE, GANG GI PHYIR SMON LAM CHEN PO SHIN TU BTAB PA ZHES GSUNGS PA'O, ,PHYIR MI LDOG PA'I SA NI GANG THOB NAS, ZHI BAR GNAS KYANG SEMS CAN RNAMS YONGS SU MI GTONG BA STE, GANG GI PHYIR SEMS CAN THAMS CAD YONGS SU MI GTONG BA ZHES GSUNGS PA'O, ,DBANG BSKUR BA CHEN PO'I SA NI GANG LA SANGS RGYAS KYI YE SHES SHIN TU RGYAS PA RTOGS PA CHEN PO 'DOD PA STE, GANG GI PHYIR SANGS RGYAS KYI YE SHES SHIN TU RGYAS PA LA DMIGS PAS ZHES GSUNGS PA'O, ,BYANG CHUB SEMS DPA'I SA YONGS SU DAG PA DANG, PHA ROL TU PHYIN PA YONGS SU DAG PA'I SPYOD PA RGYA CHEN PO 'GRUB PAR BYED DO ZHES BYA BA LA, 'DIR BYANG CHUB SEMS DPA'I SPYOD PA SHIN TU RGYAS PA SGRUB BO ZHES BRJOD PAS CHOG PA 'DRAS KYANG SA DANG PHA ROL TU PHYIN PA YONGS SU DAG PA'I TSIG GIS GONG NAS GONG DU RNAM PAR DAG PA'I PHYIR DANG, CHOS KYI MCHOG RNAM PAR DAG PA'I PHYIR BYANG CHUB SEMS DPA'I SPYOD PA DE SHIN TU RGYAS PAR YONGS SU STON TE, PHA ROL TU PHYIN PA'I DON NI MCHOG GI DON TO, ,DE'I GONG DU ZHES BYA BA NI SPONG BA DANG, DBANG BYED PA DANG, YONGS SU SPONG ZHING MKHAS PA DANG, CHOG MI SHES PA DANG, RNAM PA BZHIS GONG NYID YIN PAR RIG PAR BYA STE MI DGE BA'I LAS KYI LAM RNAMS BAG CHAGS DANG BCAS PAR SPONG BA'I PHYIR DANG, DGE BA THAMS CAD LA DBANG BYED PA'I PHYIR DANG, NYAN THOS DANG RANG SANGS RGYAS KYI THEG PA YONGS SU SPONG ZHING, BYANG CHUB SEMS DPA'I THEG PA LA MKHAS PA'I PHYIR DANG, LHAG MA DANG BCAS PAS CHOG MI SHES PA'I PHYIR RO, ,SHES BYA THAMS CAD SHES PA LA DBANG BAS RNAM PA THAMS CAD YONGS SU SBYANG BAR RIG PAR BYA STE, GANG GI PHYIR DE'I GONG DU RNAM PA THAMS CAD CES YONGS SU SBYANGS PAS STOBS BCU'I STOBS DANG, SANGS RGYAS KYI CHOS THAMS CAD YANG DAG PAR 'GRUB PA'I BAR DU'O, ,DE LTA BAS NA BDAG GIS MNGON PAR BSGRUB TU 'DRA BA LA RNAM PA THAMS CAD YONGS SU SPYOD ZHING MNGON PAR SGRUB PA NYID LA BRTZON PAR BYA'O ZHES GSUNGS PA STE, BDUD PHYIR RGOL BA DANG, THEG PA DMAN PA DAG SEL BAR BYED PA'I SKABS YIN PAS STOBS DANG, SANGS RGYAS KYI CHOS SMOS PAR RIG PAR BYA STE, DE'I 'OG TU SNYING RJE LA GNAS TE, SEMS CAN GYI DON BYED PA'I TSUL @162A *, ,KHRIMS KYI DBANG DU BYAS NAS DON LNGA YONGS SU BSTAN TE, YONGS SU SHES PA DANG, SMON LAM DANG, SGRUB PA DANG, RGYU MTHUN PA DANG, RGYU MTHUN PA'I 'BRAS BU'O, ,DE LA YONGS SU SHES PA NI GNAS SKABS KYI BYE BRAG DANG, RNAM PAR SMIN PA'I 'BRAS BU'I BYE BRAG DANG, RGYU MTHUN PA'I 'BRAS BU'I BYE BRAG DANG, RNAM PA GSUM GYIS YONGS SU BSTAN TO, ,GNAS SKABS KYI BYE BRAG NI MI DGE BA'I LAS KYI LAM RNAMS LAS BRTZAMS NAS RGYU DANG 'BRAS BU CHEN PO DANG, 'BRING DANG, CHUNG DU'I BYE BRAG STE, GANG GI PHYIR DE 'DI LTAR YANG DAG PAR SLOB STE, MI DGE BA BCU'I LAS KYI LAM 'DI DAG LA BRTEN PA DANG, BSGOMS PA DANG, MANG DU BYAS PA'I SHAS CHE BAS NI SEMS CAN DMYAL BA'I RGYUR 'GYUR RO, ,'BRING GIS NI DUD 'GRO'I SKYE GNAS KYI RGYUR 'GYUR RO, CHUNG DUS NI GSHIN RJE'I 'JIG RTEN GYI RGYUR 'GYUR TE ZHES GSUNGS PA STE, GONG DU NI NGAN SONG GI RGYU THA DAD PA MED PAR RNAM PAR SPYAD KYI DA NI THA DAD PAR SPBYAD DO, ,RNA PAR SMIN PA'I 'BRAS BU NI THAMS CAD KYANG NGAN SONG RNAMS TE, GANG GI PHYIR SROG GCOD PA NAS, LOG PAR LTA BA'I BAR GYIS SEMS CAN DMYAL BA'I BAR DU KHRID DO, ,DUD 'GRO'I SKYE GNAS SU KHRID DO, ,GSHIN RJE'I 'JIG RTEN DU KHRID DO ZHES GSUNGS PA'O, ,RGYU MTHUN PA'I 'BRAS BU NI MI RNAMS KYI NANG DU SKYES NA YANG, SO SO'I RNAM PA GNYIS GNYIS TE, DE NAS GAL TE MI RNAMS KYI NANG DU SKYES NA YANG RNAM PAR SMIN PA GNYIS MNGON PAR SGRUB STE, TSE THUNG BA DANG, NAD MANG BAR 'GYUR BA'O ZHES BYA BA NI SROG GCOD PA'I'O, ,LONGS SPYOD CHUNG BA DANG, THUN MONG GI LONGS SPYOD DU 'GYUR BA'O ZHES BYA BA NI MA BYIN PAR LEN PA'I 'O, ,G-YOG 'KHOR YID BRTAN DU MI RUNG BA DANG, 'GRAN ZLA DANG BCAS PA'I CHUNG MAR 'GYUR BA'O ZHES BYA BA NI 'DOD PA LOG PAR G-YEM PA'I'O, ,SKUR PA MANG BA DANG, GZHAN GYIS BSLU BAR 'GYUR BA'O ZHES BYA BA NI BRDZUN DU SMRA BA'I'O, ,G-YOG 'KHOR MI 'DUM PA DANG, G-YOG 'KHOR NGAN PAR 'GYUR BA'O ZHES BYA BA NI PHRA MA ZER BA'I 'O, ,YID DU MI 'ONG BA THOS PA DANG, 'THAB MO'I TSIG TU 'GYUR BA'O ZHES BYA BA NI TSIG RTZUB PO'I'O, ,GZUNG BAR 'OS PA'I TSIG MA YIN PA DANG, MA NGES PA'I SPOBS PAR 'GYUR BA'O ZHES BYA BA NI TSIG @162B 'KHYAL PA'I'O, ,CHOG MI SHES PA DANG, 'DOD PA CHE BAR 'GYUR BA'O ZHES BYA BA NI BRNAB SEMS KYI 'O, ,PHAN PA MI 'TSOL BA DANG ZHAN GYIS GNOD PA BYA BAR 'GYUR BA'O ZHES BYA BA NI GNOD SEMS KYI'O, ,LTA BA NGAN PAR LTUNG BA DANG, G-YO SGYU CAN DU 'GYUR BA'O ZHES BYA BA NI LOG PAR LTA BA'I'O, ,DE LA GNAS SKABS DANG, RNAM PAR SMIN PA THA DAD PA GNYIS KYIS NI SDUG BSNGAL MI BZAD PA NYID YONGS SU STON TO, ,JI LTA ZHE NA, CHUNG DU RNAMS KYIS NI GSHIN RJE'I 'JIG RTEN MI BZAD PA'O, ,'BRING RNAMS KYIS NI RAB TU MI BZAD PA'O, ,CHEN PO RNAMS KYI NI MCHOG TU MI BZAD PA'O, ,RGYU MTHUN PA'I 'DRAS BU'I BYE BRAG NI BDE 'GRO'I BAR DU YANG RJES SU 'BREL PAS KHYAB PA NYID DO, ,RE RE DANG MTHA' DAG GI NI NGAN SONG RNAMS SU SDUG BSNGAL CHE BA DANG, TSAD MED PAR 'GYUR BAR RIG PAR BYA STE, GANG GI PHYIR DE LTAR NA MI DGE BA BCU'I LAS KYI LAM 'DI DAG NI SDUG BSNGAL GYI PHUNG PO CHEN PO TSAD MED PA SDUD PAR 'GYUR GYIS ZHES GSUNGS PA'O, ,SMON LAM NI SEMS CAN GYI DON BYA BA'I DON DU DGE BA'I CHOS BSDU BA'I PHYIR THEG PA CHEN PO'I CHOS LA MNGON PAR DGA' BA NYID KYI BSAM PA STE, GANG GI PHYIR MI DGE BA BCU'I LAS KYI LAM 'DI DAG BDAG GIS SPANGS TE, CHOS KYI KUN DGA' LA DGA' BAS DGA' BAR GNAS PAR BYA'O SNYAM NAS ZHES GSUNGS PA'O, ,SGRUB PA NI DGE BA'I LAS KYI LAM LA GNAS PAR BYED CING, DE'I MI MTHUN PA'I PHYOGS SPONG BAR SBYOR LA, GZHAN DAG KYANG DE LA GZHOG PA STE, GANG GI PHYIR DE MI DGE BA BCU'I LAS KYI LAM 'DI DAG SPANGS TE, DGE BA BCU'I LAS KYI LAM LA GNAS SHING, GZHAN RNAMS KYANG DE DAG NYID LA 'GOD DO ZHES GSUNGS PA'O, ,RGYU MTHUN PA NI SNYING RJE SKYES PA LA BRTEN NAS, SEMS CAN RNAMS LA DE BAS KYANG SHAS CHER SEMS RNAM PA BCU BSKYED PA'O, ,DE NI SEMS CAN RNAM PA BRGYAD LA RIG PAR BYA STE, NYES PAR SPYOD PA LA ZHUGS PA RNAMS LA NI LEGS PAR SPYAD PA LA 'JUG PAR SMON PA STE, GANG GI PHYIR DE SEMS CAN RNAMS LA DE BAS KYANG SHAS CHER PHAN PA'I SEMS NYID BSKYED CES GSUNGS PA'O, ,LEGS PAR SPYAD PA LA ZHUGS PA RNAMS LA NI DE'I 'BRAS BU THOB PAR SMON PA STE, GANG GI PHYIR BDE BA'I SEMS NYID CES GSUNGS PA'O, ,PHAN TSUN RIGS PA'I 'PHROD PA RNAMS LA NI @163A *, ,'DUM PAR SMON PA STE, GANG GI PHYIR BYAMS PA'I SEMS NYID CES GSUNGS PA'O, ,SDUG BSNGAL BA RNAMS LA NI DE DANG 'BREL BAR SMON PA STE, GANG GI PHYIR SNYING BRTZE BA'I SEMS NYID CES GSUNGS PA'O, ,BDE BA RNAMS LA NI BAG YOD PAR SMON PA STE, GANG GI PHYIR SNYING RJE'I SEMS NYID CES GSUNGS PA'O, ,MU STEGS CAN LA NI 'JUG PAR PHAN GDAGS PAR BYA BA LA MNGON PAR PHYOGS PA STE, GANG GI PHYIR PHAN GDAGS PA'I SEMS NYID CES GSUNGS PA'O, ,CHOS 'DI BA RNAMS LA NI, ,YONGS SU MI NYAMS PAR SMON PA STE, GANG GI PHYIR KUN DU BSRUNG BA'I SEMS NYID CES GSUNGS PA'O, ,BYANG CHUB TU SMON PA YONGS SU BZUNG BA'I SEMS CAN THAMS CAD LA NI BDAG GI LUS NYID DU 'DZIN PAS SEMS CAN DE DAG NI BDAG GI LUS SO SNYAM PA STE, GANG GI PHYIR MNYAM PA'I SEMS NYID CES GSUNGS PA'O, ,SEMS BSKYED PA THA MA GNYIS NI DE DAG NYID LTOS PAS THEG PA CHEN PO'I LAM DU ZHUGS PA DANG, BSOD NAMS DANG YE SHES KYI TSOGS SOGS PAR RIG PAR BYA STE, GANG GI PHYIR SLOB DPON GYI SEMS NYID DANG, STON PA'I SEMS NYID BSKYED CES GSUNGS PA'O, ,RGYU MTHUN PA'I 'BRAS BU NI SNYING RJE'I KHYAD PAR GYIS YONGS SU ZIN PA'I 'DUN PA'I KHYAD PAR RO, ,DE NI PHYIN CI LOG GI DBANG DU BYAS NAS 'DOD PA DANG, SRID PA DANG, TSANGS PAR SPYOD PA TSOL BAR GYUR PA'I SEMS CAN RNAMS LA BLTA BAR BYA STE, 'DOD PA TSOL BAR GYUR PA'I SEMS CAN DAG NI RNAM PA GNYIS TE, YONGS SU SPYOD PA'I GNAS SKABS DANG, KUN DU TSOL BA'I GNAS SKABS SO, ,YONGS SU SPYOD PA YANG RNAM PA GSUM STE, THUN MONG MA YIN PA'I YONGS SU SPYOD PA DANG, CHOG MI SHES PAR YONGS SU SPYOD PA DANG, SOGS 'JOG BYED PA'I YONGS SU SPYOD PA'O, ,KUN DU TSOL BA YANG RNAM PA GNYIS TE, NYES PAR SPYAD PA LA SBYOR BAS TSE 'DI KUN DU TSOL BA DANG, LEGS PAR SPYAD PA LA SBYOR BAS TSE RABS GZHAN KUN DU TSOL BA'O, ,SRID PA TSOL BA YANG 'GRO BA DANG, KHAMS KYI BYE BRAG GIS RNAM PA GNYIS SO, ,TSANGS PAR SPYOD PA TSOL BA YANG RNAM PA GNYIS TE, GZHAN MU STEGS CAN RNAMS KYI LOG PA DANG CHOS 'DI PA RNAMS KYI THEG PA DMAN PAS YANG @163B DAG PA NYID DE, DE LA GNAS PA'I SEMS CAN DE DAG DANG MTHUN PA'I GNYEN PO LA DGOD PAR BYA'O, ,DE LA LTA BA NGAN PA NI PHYIN CI LOG BZHI STE, DE DAG LAS GNYIS NI NGES PAR SEMS PA LAS BYUNG BA'I PHYIR BLO GROS MI NYAMS PAS RAB TU PHYE BA'O, ,BDAG DANG GTZANG BAR 'DU SHES PA GNYIS NI NGES PAR SEMS PA MED PAR YANG 'BYUNG BA'I PHYIR BSAM PA MI MNYAM PAS RAB TU PHYE BA STE, DE DAG GI RGYU NI LAM GOL BA THIBS POR RGYU BA NYID YIN NO, ,LAM GOL BA NI NYON MONGS PA'O, ,THIBS PO NI NYON MONGS PA'I BAG LA NYAL YIN TE, GANG GI PHYIR 'DI SNYAM DU SEMS TE, KYE MA SEMS CAN 'DI DAG NI LTA BA NGAN PAR LTUNG BA BLO GROS MI MNYAM ZHING, BSAM PA MI MNYAM PA, LAM GOL BA'I THIBS POR RGYU BA YIN GYIS ZHES GSUNGS PA'O, ,DE DAG DANG MTHUN PA'I GNYEN PO DAM PA'I CHOS DANG, TSUL BZHIN YID LA BYED PA DANG, YANG DAG PA'I LTA BA 'JIG RTEN LAS 'DAS PA STE, GANG GI PHYIR DE DAG BDAG GIS MA NOR BA'I LAM DANG, YANG DAG PA'I LAM DANG, JI LTA BA NA DE BZHIN NYID LA DGOD PAR BYA'O ZHES GSUNGS PA'O, ,THUN MONG MA YIN PA YONGS SU SPYOD PA LAS BRTZAMS TE, PHAN TSUN REGS MI 'PHROD PA RNAMS KYI MI MTHUN PA NI DGRAR BYED PA'I SEMS DANG, 'THAB PA'I TSIG DANG GNYIS KYIS RAB TU PHYE BA'O, ,DE LTAR REGS MI 'PHROD PA NI GNOD PAR BYA BA MNGON PAR 'DU BYED PAS 'BAR BAR BYED PA STE, GANG GI PHYIR KYE MA SEMS CAN 'DI NI REGS MI 'PHROD PA MI MTHUN PAR 'DZIN CING, RTZOD PA LA ZHUGS PA RTAG TU RGYUN MI 'CHAD PAR KHRO BA DANG, KHON DU 'DZIN PAS 'BAR BAR GYUR PA YIN ZHES GSUNGS PA'O, ,DGRAR BYED PA NYID NI SEMS KYIS BYED DE, MI MTHUN PAR 'DZIN ZHES BYA BA'I TSIG GIS BYED PAR STON TO, ,'THAB PA NI RTZOD PA LA ZHUGS PA ZHES BYA BA'I TSIG GIS STON TO, ,GNOD PA BYA BA MNGON PAR 'DU BYED PA NI KHRO BA DANG, KHON DU 'DZIN PA ZHES BYA BA'I TSIG GIS STON TO, ,DE DAG DANG MTHUN PA'I GNYEN PO NI BYAMS PA CHEN PO NYE BAR SGRUB PA STE, GANG GI PHYIR DE DAG BDAG GIS BLA NA MED PA'I BYAMS PA CHEN PO NYE BAR SGRUB PA LA DGOD PAR BYA'O ZHES GSUNGS PA'O, ,CHOG MI SHES PAR YONGS SU SPYOD PA LAS BRTZAMS TE NGOMS MI MYONG BA NI BRNAB SEMS TE, SEMS KYIS DANG, @164A *, ,RKU BA DANG, GZHAL LUGS LA G-YO BYED PA DANG, BRDZUN SMRA BA LA SOGS PA'I SBYOR BA STE, LUS DANG NGAG DANG GNYIS KYIS RAB TU PHYE BA YIN TE, GANG GI PHYIR KYE MA SEMS CAN 'DI DAG NI, NGOMS MI MYONG ZHING GZHAN GYI NOR LA MNGON PAR 'DOD PA CAN YANG BA'I 'TSO BAS RJES SU SPYOD PA YIN GYIS ZHES GSUNGS PA'O, ,DE DAG DANG MTHUN PA'I GNYEN PO NI, LUS DANG NGAG DANG YID KYI LAS KYI MTHA' YONGS SU DAG PAS 'TSO BA STE, GANG GI PHYIR DE DAG BDAG GIS LUS DANG NGAG DANG YID KYI LAS KYI MTHA' YONGS SU DAG PAS 'TSO BA LA DGOD PAR BYA'O ZHES GSUNGS PA'O, , SOGS 'JOG BYED PAS YONGS SU SPYOD PA LAS BRTZAMS TE SOGS PA'I TSE, DE LA MNGON PAR CHAGS PA DANG, DE'I DGRA BO LA ZHE SDANG BA DANG, DE LA YON TAN DU 'DZIN PAS 'DOD CHAGS LA SOGS PA'I GZHI'I NYES PA DANG YONGS SU SPYOD PA'I TSE, YUL LA NYON MONGS PA'I SGO MANG PO NAS RGYUN MI 'CHAD PAR YONGS SU GDUD PA'I NYES PA DANG, DE'I NYES DMIGS MA MTHONG BA RNAMS NGES PAR 'BYUNG BA MI TSOL BA'I NYES PA STE, GANG GI PHYIR KYE MA SEMS CAN 'DI DAG NI 'DOD CHAGS DANG, ZHE SDANG DANG, GTI MUG GI GZHI DANG LDAN PA, NYON MONGS PA SNA TSOGS KYI ME LCE RTAG TU RGYUN MI 'CHAD PAR KUN DU 'BAR BAR GYUR KYANG DE LAS NGES PAR 'BYUNG BA'I THABS YONGS SU MI TSOL BA YIN GYIS ZHES GSUNGS PA'O, ,DE DAG DANG MTHUN PA'I GNYEN PO NI NYON MONGS PA THAMS CAD SHIN TU ZHI BA LA DGOD PA STE, GANG GI PHYIR DE DAG BDAG GIS NYON MONGS PA THAMS CAD RAB TU ZHI BA, 'TSE BA MED PA'I MYA NGAN LAS 'DAS PA LA DGOD PAR BYA'O ZHES GSUNGS PA'O, ,TSE 'DI LA KUN DU TSOL BA'I NYES PAR SPYAD PA LA ZHUGS PA RNAMS KYI NYES PA NI, LOG PA LA BDE BAR MTHONG BA DANG, TSE RABS GZHAN GYI NYES DMIGS YOD YANG DAG PA MI MTHONG BA DANG, TSE 'DI'I NYES DMIGS YOD YANG DAG PA SHIN TU MI MTHONG BA'I PHYIR, GTI MUG GI MUN PA'I RAB RIB DANG, LING TOG DANG MUN NAG TU GYUR PAS BSGRIBS PA STE, GANG GI PHYIR KYE MA SEMS CAN 'DI DAG NI GTI MUG GI MUN PA'I RAB RIB DANG, LING TOG DANG MUN NAG GIS BSGRIBS PA ZHES GSUNGS PA'O, ,DE LA LOG PA LA BDE BAR @164B MTHONG BAS GANG GI PHYIR GTI MUG GI MUN PA'I RAB RIB CES BYA'O, ,TSE RABS GZHAN GYI NYES DMIGS YOD YANG DAG PA MI MTHONG BAS LING TOG CES BYA'O, ,TSE 'DI'I NYES DMIGS YOD YANG DAG PA SHIN TU MI MTHONG BAS MUN NAG CES BYA'O, ,GTI MUG DE'I RGYU BAG LA NYAL BRTAS PAR GYUR PA DANG, DE'I TSOGS LEGS PAR SPYAD PA'I MI MTHUN PA'I PHYOGS LA ZHUGS PAS ZAG PA MED PA'I SHES RAB LAS RING DU GYUR PA YANG NYES PA STE, GANG GI PHYIR MUN NAG GI THIBS PO CHEN POR ZHUGS PA SHES RAB KYI SNANG BA DANG RING DU GYUR PA ZHES GSUNGS PA'O, ,THIBS PO ZHES BYA BA'I SGRA NI GTI MUG GI RGYU BAG LA NYAL LA BYA'O, ,DE'I BRTAS PA NI CHEN PO ZHES BYA BA'I SGRAS YONGS SU STON TO, ,GNOD PA CHEN PO'I GNAS NGAN SONG DU 'GRO BA YANG NYES PA STE, GANG GI PHYIR MUN PA NAG PO'I NANG NA 'THOMS PA ZHES GSUNGS PA'O, ,DE LA GNOD PA NI MUN NAG GI SGRAS YONGS SU BSTAN TE, MUN NAG GI NANG NA GANG DU RGYU BA DER GNOD PAR 'GYUR TE, DE DANG CHOS MTHUN PAS NGAN SONG RNAMS NI GNOD PA CHEN PO'I GNAS SU GYUR PA'O, ,DER 'GRO BA NI 'THOMS PA ZHES BYA BA BSTAN TO, ,SDIG PA BYAS PA'I MTSAN MA MTHONG BAS, 'GYOD PA DANG BCAS PA'I MTHONG BAS 'CHI BA YANG NYES PA STE, GANG GI PHYIR YANG BA MTHONG BAR ZHUGS PA YIN GYIS ZHES GSUNGS PA'O, ,SNGON SDIG PA BYAS PA'I MTSAN MA MTHONG BA DANG, GNYEN PO YANG DAG PAR MA BSGRUBS PA'I PHYIR 'GYOD PA'I LTA BA NI YANG BA MTHONG BA YIN NO, ,ZHUGS PA ZHES BYA BA NI 'CHI BA'I DUS NA'O, ,DE DAG DANG MTHUN PA PO NI SGRIB PA MED PA'I SHES RAB KYI MIG YONGS SU SBYANG BA STE, DE DAG BDAG GIS CI NAS KYANG CHOS THAMS CAD KYI JI LTA BA DE BZHIN NYID GZHAN GYI DRING MI 'JOG PA THOB PAR 'GYUR BAR SHES RAB KYI MIG SGRIB PA MED PA RNAM PAR SBYANG BAR BYA'O ZHES GSUNGS PA'O, ,TSE RABS GZHAN KUN DU TSOL BA NA LEGS PAR SPYAD PA LA ZHUGS PA RNAMS KYI NYES PA NI LAM YA NGA BAR ZHUGS PA YIN TE, GANG GI PHYIR KYE MA SEMS CAN 'DI DAG NI 'KHOR BA'I LAM YANG BAR ZHUGS PA ZHES GSUNGS PA STE, LAM YA NGA BA DE NI RANG BZHIN DANG, GEGS DANG, CHUD ZA BAR BSTAN PAR RIG PAR BYA'O, ,RANG BZHIN NI PHONGS PA'I GZHIR GYUR PA'I PHYIR 'KHOR BA'O, ,DE LA NGES @165A *, ,PAR 'BYUNG BA'I GEGS NI RNAM PA BRGYAD DO, ,NGAN SONG DANG MTHUN PA'I PHYIR G-YANG SA LA MNGON DU PHYOGS PA STE, GANG GI PHYIR SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN GYI G-YANG SA LA MNGON DU PHYOGS PA ZHES GSUNGS PA'O, ,'BRAS BU SDUG BSNGAL BA BDE BAR LTA BA LA GNAS PAS RGYA'I NANG DU ZHUGS PA NI GANG GI PHYIR, LTA BA NGAN PA'I RGYA NYAM NGA BAR ZHUGS PA ZHES GSUNGS PA'O, ,DE'I RGYU GTI MUG GI BAG LA NYAL GYIS KHEBS PA'I PHYIR THIBS PO'I KUN NAS YOGS PA'O, ,DES NA BRJOD DU ZIN KYANG SDUG BSNGAL DE KHONG DU MI CHUD PA STE, GANG GI PHYIR GTI MUG THIBS POS KUN NAS YOGS PA ZHES GSUNGS PA'O, ,DON DAM PA'I BDE BA LA LAM LOG PAR ZHUGS PA'I PHYIR, LOG PA'I LAM DU ZHUGS PA NI GANG GI PHYIR LAM LOG PAR GOL BA'I LAM DU ZHUGS PA ZHES GSUNGS PA'O, ,THOB PA'I 'BRAS BU YONGS SU SPYOD PA LA 'DOD CHAGS KYIS LDONGS PA'I PHYIR, LDONGS PAR GYUR PA NI GANG GI PHYIR LDONGS PAR GYUR PA ZHES GSUNGS PA'O, ,MI KHOM PAR SKYES PA DANG, BAG MED PA'I NYES PA GNYIS KYIS SANGS RGYAS 'BYUNG BA MNYES PAR MI BYED PAS STON PA DANG BRAL BA NI GANG GI PHYIR YONGS SU 'DREN PA MED PA ZHES GSUNGS PA'O, ,BRAM ZE LA SOGS PA TSANGS PA'I 'JIG RTEN LA SOGS PA LA NGES PAR 'BYUNG BAR LTA BAS, GANG DU 'GRO BAR BSAMS PA DE LAS DE'I BLO GZHAN DU GYUR PA NI NGES PAR 'BYUNG BA MA YIN PA LA, NGES PAR 'BYUNG BAR LTA BA ZHES GSUNGS PA'O, ,BDUD KYI YUL 'DOD PA LA KUN DU CHAGS PA NI BSOD NAMS ZAD PA DANG, MI SOGS PA GNYIS KYIS BCOM PA'I PHYIR CHOM POS ZIN PA NI GANG GI PHYIR BDUD KYI LAM GYI CHOM POS ZIN PA ZHES GSUNGS PA'O, ,CHUD ZA BA NI RNAM PA GSUM STE, SA NGAN PA LA GNAS PA'I PHYIR STON PA MKHAS PA MED PA NI GANG GI PHYIR, YONGS SU 'DREN PA MKHAS PA DANG BRAL BA ZHES GSUNGS PA'O, ,DGRA'I SA NA GNAS PA NI GANG GI PHYIR BDUD KYI BSAM PA'I THIBS POR ZHUGS PA ZHES GSUNGS PA'O, ,ZUN GYI SA LAS RING DU GYUR PA NI GANG GI PHYIR SANGS RGYAS LA BSAMS PA LAS RING DU GYUR BA YIN GYIS ZHES GSUNGS PA'O, ,DE DAG DANG MTHUN PA'I GNYEN PO NI 'KHOR BA LAS BSGRAL BA DANG, THAMS CAD MKHYEN PA NYID @165B LA DGOD PA STE GANG GI PHYIR DE DAG BDAG GIS RNAM PA DE LTA BU'I 'KHOR BA'I NAGS KHUNG YA NGA BA BGROD PAR DKA' BA LAS BSGRAL BAR BYA, 'JIGS PA MED PA'I GNAS THAMS CAD MKHYEN PA NYID KYI GRONG KHYER CHEN POR DGOD PAR BYA'O ZHES GSUNGS PA'O, ,'GRO BA'I SGO NAS SRID PA TSOL BA NI KLUNG CHEN POR BYING BA NYID KYI NYES PA STE GANG GI PHYIR KYE MA SEMS CAN 'DI DAG NI KLUNG RLABS CHEN PO'I NANG DU BYING BA ZHES GSUNGS PA'O, ,DE NI RANG BZHIN DANG, GNOD PA 'BYUNG BAR BYED PA DANG, CHUD ZA BAS BSTAN PAR RIG PAR BYA'O, ,DE LA RNAM PA LNGAS RANG BZHIN BSTAN TE, CHU BO'I KLUNG CHE BA'I PHYIR, ZAB PA NI GANG GI PHYIR 'DOD PA DANG, SRID PA DANG, MA RIG PA DANG, LTA BA'I CHU BOR ZHUGS PA ZHES GSUNGS PA'O, ,'KHOR BA'I RGYUN GYIS RJES SU BDAS PA'I PHYIR, BDAS PA NI GANG GI PHYIR 'KHOR BA'I RGYUN GYIS BDAS PA ZHES GSUNGS PA'O, ,SRED PA ZHES BYA BA'I PHYIR, MING NI GANG GI PHYIR SRED PA'I CHU KLUNG DU ZHUGS PA ZHES GSUNGS PA'O, ,SKAD CIG TZAM YANG MI SDOD PA DANG, 'GRAM BLTA BAR MI NUS PA'I PHYIR, SHUGS DRAG PA NI GANG GI PHYIR SHUGS DRAG POS BDAS TE LTA BA'I MTHU MED PA ZHES GSUNGS PA'O, ,'DOD PA LA SOGS PA'I RNAM PAR RTOG PA MANG PO'I RJES SU 'GRO BAS RGYAS PA NYID NI GANG GI PHYIR 'DOD PA DANG, GNOD SEMS DANG, RNAM PAR 'TSE BA'I RNAM PAR RTOG PA MANG PO'I RJES SU RGYU BA ZHES GSUNGS PA'O, ,GNOD PA 'BYUNG BAR BYED PA YANG RNAM PA BZHI STE, NGAR 'DZIN PA DANG, NGA YIR 'DZIN PA GNYIS KYIS KHYIM GYI GNAS LAS MI 'PHAGS PA'I PHYIR, CHU SRIN GYIS ZIN PA NI GANG GI PHYIR 'JIG TSOGS LA LTA BA'I CHU'I SRIN POS ZIN PA ZHES GSUNGS PA'O, ,BOR NAS KYANG 'DOD PA RJES SU DRAN PAS 'DOD PA RNAMS SU SKOR BA'I PHYIR, KLONG DU CHUD PA NI GANG GI PHYIR 'DOD PA'I THIBS PO'I KLONG DU ZHUGS PA ZHES GSUNGS PA'O, ,YONGS SU SPYOD PA'I DUS NA DGA' BA CAN DANG, 'DOD CHAGS KYIS BDE BA'I 'DAM DU THOGS PA'I PHYIR, DKYIL DU THOGS PA NI GANG GI PHYIR DGA' BA CAN DANG, 'DOD CHAGS KYI DKYIL DU KUN DU THOGS PA ZHES GSUNGS PA'O, ,THA SNYAD KYI DUS NA NGA DRAG GO SNYAM PA LA SOGS PA NGA RGYAL RNAM PA GSUM GYIS KHENGS PAR GYUR PA'I PHYIR, GLING GI THANG LA THON PA NI GANG GI @166A *, ,PHYIR NGA'O SNYAM PA'I NGA RGYAL GYI THANG LA 'THON PA ZHES GSUNGS PA'O, ,CHUD ZA BA YANG RNAM PA GSUM STE, NGAN SONG RNAMS NA SKYABS MED PA'I PHYIR 'CHI BAS CHUD ZA BA NI GANG GI PHYIR DPUNG GNYEN MED PA ZHES GSUNGS PA'O, ,BDE 'GROR MI 'PHAGS PA'I PHYIR, MI 'GRO BAS CHUD ZA BA NI GANG GI PHYIR SKYE MCHED KYI GRONG NAS MA 'PHAGS PA ZHES GSUNGS PA'O, ,MI KHOM PAR SKYES TE SANGS RGYAS 'BYUNG BA DANG BRAL BA'I PHYIR, GZHAN DU 'GRO BAS CHUD ZA BA NI GANG GI PHYIR SGROL BA MKHAS PA DANG BRAL BA YIN GYI ZHES GSUNGS PA'O, ,DE RNAMS LAS BZLOG PA DE DAG DANG MTHUN PA'I GNYEN PO NI THAMS CAD MKHYEN PA NYID KYI GLING LA DGOD PA STE GANG GI PHYIR DE DAG BDAG GIS SNYING RJE CHEN PO DANG, DGE BA'I RTZA BA'I STOBS KYIS BTON TE, THAMS CAD MKHYEN PA NYID KYI GLING 'TSE BA MED PA, RDUL MED PA, 'JIGS PA DANG SKRAG PA THAMS CAD MED PA LA RAB TU DGOD PAR BYA'O ZHES GSUNGS PA'O, ,KHAMS KYI SGO NAS SRID PA TSOL BA NI, BTZON RAR BCUG PA'I NYES PA STE GANG GI PHYIR KYE MA SEMS CAN 'DI DAG NI 'KHOR BA'I BTZON RAR BCUG PA ZHES GSUNGS PA'O, ,BTZON RAR BCUG PA DE YANG SDUG BSNGAL BA NYID DANG, LONGS SPYOD ZAD PA DANG, SDUG PA DANG BRAL BA DANG, BCING PA DANG SGRIB PA'I NYES PA LNGA DANG LDAN PAR RIG PAR BYA'O, ,DE DAG NI PHONGS PA RNAM PA LNGAR RIG PAR BYA STE, NAD DANG, SDUG BSNGAL BA DANG, YID MI BDE BA DANG, 'KHRUG PA RNAM PA MANG PO'I PHYIR NAD MED PA MED PAS PHONGS PA NI GANG GI PHYIR, SDUG BSNGAL BA DANG, YID MI BDE BA DANG, 'KHRUG PA MANG PO MANG BA ZHES GSUNGS PA'O, ,PHUN SUM TSOGS PA SPANGS PA YANG MI SDUG PA, RGUD PA DANG 'BREL PA'I PHYIR LONGS SPYOD KYIS PHONGS PA NI GANG GI PHYIR SDUG PA DANG MI SDUG PAR 'BREL PA ZHES GSUNGS PA'O, ,DER RGUD PA DANG BRAL BA MYA NGAN BYED PA'I PHYIR, NYE DUS PHONGS PA NI GANG GI PHYIR, MYA NGAN DANG SMRE SNGAGS 'DON PA DANG BCAS PA'I RJES SU RGYU BA ZHES GSUNGS PA'O, ,GZUGS DANG GZUGS MED PA'I KHAMS SU SKYES PA 'CHAL PA'I TSUL KHRIMS SPANGS PA RNAMS LA YANG, TSUL KHRIMS KYI SDOM PA DANG MI MTHUN PA 'DOD PA LA SRED PA'I BAG LA NYAL RJES SU 'BREL PA'I PHYIR, TSUL KHRIMS @166B KYIS PHONGS PA NI GANG GI PHYIR SRID PA'I SGROG TU BCUG PA ZHES GSUNGS PA'O, ,'JIG RTEN PA'I SHES PA THOB PA RNAMS KYI DE DANG MI MTHUN PA MA RIG PA'I BAG LA NYAL GYIS KHEBS PA'I PHYIR, LTA BAS PHONGS PA NI GANG GI PHYIR KHAMS GSUM MA RIG PA'I THIBS POS KUN NAS KHEBS PA YIN GYIS ZHES GSUNGS PA'O, ,DE RNAMS LAS BZLOG PA DE DAG DANG MTHUN PA'I GNYEN PO NI GANG GI PHYIR, DE DAG BDAG GIS KHAMS GSUM PA THAMS CAD LAS DBEN PA 'JIGS PA MED PA'I GRONG KHYER SDUG BSNGAL THAMS CAD NYE BAR ZHI BA, SGRIB PA MED PA'I MYA NGAN LAS 'DAS PA LA DGOD PAR BYA'O ZHES GSUNGS PA'O, ,LOG PA'I TSANGS PAR SPYOD PA TSOL BA LA BDAG TU MNGON PAR ZHEN PA NYID NI DE LTA BA GZHAN RNAMS KYI RTZA BA YIN PA'I PHYIR NYES PA STE, GANG GI PHYIR KYE MA SEMS CAN 'DI DAG NI BDAG TU MNGON PAR ZHEN PA ZHES GSUNGS PA'O, ,DES NA MYA NGAN LAS 'DAS PA'I GRONG KHYER DU 'GRO 'DOD PA RNAMS PHUNG PO'I GNAS LAS MI 'PHAGS TE, GANG GI PHYIR PHUNG PO'I GNAS LA MA 'PHAGS PA ZHES GSUNGS PA'O, ,LAM BZANG POR 'GRO 'DOD PA RNAMS PHYIN CI LOG GIS LAM NGAN PAR 'GRO STE, GANG GI PHYIR PHYIN CI LOG BZHIS 'GRO BA ZHES GSUNGS PA'O, ,BDAG TU DMIGS NAS DE YONGS SU MYA NGAN LAS 'DA' BAR BYA BA'I PHYIR, 'GRO 'DOD PA RNAMS BDAG TU LTA BA DNGOS PO MED PAS SKYE MCHED DRUG GI GRONG STONG PA LA DMIGS PA STE, GANG GI PHYIR SKYE MCHED DRUG GI GRONG STONG PA NA GNAS PA ZHES GSUNGS PA'O, ,NA BA DANG, RGA BA DANG, 'CHI BA DANG, DE LAS BYUNG BA'I SDUG BSNGAL LAS YONGS SU THAR BAR 'DOD PA RNAMS DE'I GNAS 'BYUNG BA MI MNYAM PA RJES SU 'BREL PA'I PHYIR YONGS SU MI 'GROL TE, GANG GI PHYIR 'BYUNG BA CHEN PO BZHI'I SBRUL GYIS GTZES PA ZHES GSUNGS PA'O, ,PHUNG PO'I GSHED MA RJES SU 'BRANG BA NI GANG GI PHYIR PHUNG PO'I GSHED MA'I CHOM POS BCOM PA ZHES GSUNGS PA'O, ,SDUG BSNGAL SNA TSOGS RJES SU 'BREL PA NI GANG GI PHYIR SDUG BSNGAL DPAG TU MED PA MYONG BAR 'GYUR BA YIN GYI ZHES GSUNGS PA'O, ,DE DAG DANG MTHUN PA'I GNYEN PO NI SGRIB PA THAMS CAD SPANGS PA'I MYA NGAN LAS 'DAS PA LA DGOD PA STE, GANG GI PHYIR DE DAG BDAG GIS @167A *, ,MCHOG TU BDE BA GNAS THAMS CAD DANG BRAL BA 'DI LTA STE, SGRIB PA THAMS CAD SPANGS PA'I MYA NGAN LAS 'DAS PA LA DGOD PAR BYA'O ZHES GSUNGS PA'O, ,YANG DAG PA'I TSANGS PAR SPYOD PA TSOL BA NA MOS PA DMAN PA NI NYES PA'O, ,DMAN PA DE YANG MANG BA DANG GSAL BA DE GNYIS CHOS RGYA CHEN POR GYUR PA RTOGS PAR BYA BA LA ZHUM PAS DMA' BA DANG, SEMS CAN MTHA' YAS PA'I DON BYA BA LA YONGS SU SKYO BAS ZHEN PA DANG, RNAM PA GNYIS KYIS PHYE BA STE GANG GI PHYIR KYE MA SEMS CAN 'DI DAG NI ZHUM ZHING ZHEN PAS MOS PA DMAN PA ZHES GSUNGS PA'O, ,MOS PA DMAN PA DE LA BRTEN NAS THEG PA DMAN PA LA SMON PAS SMON LAM GYI NYES PA STE GANG GI PHYIR THAMS CAD MKHYEN PA'I YE SHES MCHOG GI SEMS MI BDOG PA ZHES GSUNGS PA'O, ,BSGRUB PA'I NYES PA NI MA NGES PA'I TSOGS LA GNAS PA RNAMS THEG PA MCHOG GI NGES PAR 'BYUNG BA YOD BZHIN DU THEG PA DMAN PA BSGRUB PAR RIG PAR BYA STE GANG GI PHYIR THEG PA MCHOG GI NGES PAR 'BYUNG BA YOD BZHIN DU NYAN THOS DANG RANG SANGS RGYAS KYI THEG PAR LTUNG BA YIN GYIS ZHES GSUNGS PA'O, ,DE DAG DANG MTHUN PA'I GNYEN PO NI SANGS RGYAS KYI CHOS RGYA CHEN PO BLO GROS RGYAS PAS DMIGS PA LA 'GOD PA STE, GANG GI PHYIR DE DAG BDAG GIS SANGS RGYAS KYI CHOS RGYA CHEN PO BLO GROS RNAM PAR RGYAS PAS DMIGS PA LA DGOD PAR BYA'O SNYAM MO ZHES GSUNGS PA'O, ,SDOM PA'I TSUL KHRIMS KYI DBANG DU BYAS NAS, TSUL KHRIMS KYI STOBS BSKYED PA THOB LA DGE BA'I CHOS BSDU BAR BYA BA DANG, SEMS CAN GYI DON BYED PA'I DBANG DU BYAS NAS BYA BA MNGON PAR BSGRUB PA LA MKHAS PAR RIG PAR BYA STE, GANG GI PHYIR KYE RGYAL BA'I SRAS DAG DE LTAR TSUL KHRIMS KYI STOBS BSKYED PA DE LTA BU DANG LDAN PA, BYA BA MNGON PAR SGRUB PA LA MKHAS PA'I BYANG CHUB SEMS DPA' BYANG CHUB SEMS DPA'I SA DRI MA MED PA LA GNAS PA DE LA ZHES BYA BA GSUNGS PA'O, ,'DI MAN CHAD SANGS RGYAS MANG PO SNANG BAR 'GYUR ZHES BYA BA LA SOGS PA'I TSIG GIS 'BRAS BU'I PHAN YON GYI KHYAD PAR STON TE, SA DANG PO LA JI LTA BA BZHIN DU 'DIR YANG CI RIGS SU RIG PAR BYA'O, ,BSKAL PA MANG POR SER SNA DANG 'CHAL BA'I TSUL KHRIMS KYI DRI MA BSAL BAS GTONG @167B BA DANG, TSUL KHRIMS RNAM PAR DAG PA YANG DAG PAR 'GRUB BO ZHES BYA BA 'DI NI KHYAD PAR RO, ,SA DANG PO LA NI TSUL KHRIMS RNAM PAR MA DAG PAS GTONG BA YANG RNAM PAR MA DAG GO, ,DE LTAR SBYIN PA'I PHA ROL TU PHYIN PA'I SHAS CHE BAR CI'I PHYIR GSUNGS SHE NA, DE MA YIN PA DAG SHAS CHUNG BA'I PHYIR RO, ,DE YANG 'DIR CHES YONGS SU DAG PAR RIG PAR BYA'O, ,RNAM PAR DAG PA YANG DAG PAR 'GRUB PA DES SER SNA DANG, 'CHAL BA'I TSUL KHRIMS KYI DRI MA DANG BRAL BA'I PHYIR SA 'DI DRI MA MED PA'O ZHES NGES PA'I TSIG YONGS SU STON TO, ,SA DANG PO LA NI GSER GYI SA LE SBRAM MER BSREGS PAS PHYI ROL GYI LCAGS LA SOGS PA'I G-YA' NYI TSE MED PA'I DPES BSTAN GYI, 'DIR NI NAG TSUR DU BCUG NA RANG BZHIN GYI DRI MA 'OD GSAL BA MA YIN PA BSAL NAS, RANG BZHIN GYIS BZANG BAS RANG BZHIN GYI TSUL KHRIMS YONGS SU DAG PAR BSTAN TO, ,'PHAGS PA SA BCU PA LAS SA GNYIS PA'I RNAM PAR BSHAD PA RDZOGS SO,, ,,BAM PO DRUG PA, SA GSUM PA NI 'DOD CHAGS DANG BRAL BAR SBYOR BA 'BYUNG BAR BYED PA DANG, 'DOD CHAGS DANG 'BRAL BAR SBYOR BA DANG, 'DOD CHAGS DANG BRAL BA DANG, 'DOD CHAGS DANG BRAL BA'I 'BRAS BU'I DBANG DU BYAS PAR RIG PAR BYA'O, ,DE LA 'DOD CHAGS DANG BRAL BAR SBYOR BA 'BYUNG PAR BYED PA NI, SEMS KYI BSAM PA YID LA BYED PA BCU PA DAG GO, ,'DOD CHAGS DANG 'BRAL BAR SBYOR BA NI BSAM GTAN BSGRUBS TE GNAS PAR MA GYUR GYI BAR DU'O, ,'DOD CHAGS DANG BRAL BA NI BSAM GTAN DANG, GZUGS MED PA'I SNYOMS BAR 'JUG PA RNAMS SO, ,'DOD CHAGS DANG BRAL BA'I 'BRAS BU NI TSAD MED PA LA SOGS PA'O, ,DE LA 'DOD CHAGS DANG BRAL BA'I SEMS KYI BSAM PA NI DAG PA'I SEMS KYI BSAM PA YIN PAR RIG PAR BYA'O, ,DE'I RGYU YID LA BYED PA NI DAG PA'I SEMS KYI BSAM PA YID LA BYED PA STE; GANG GI PHYIR GYI RGYAL BA'I SRAS DAG BYANG CHUB SEMS DPA'I SA GNYIS PA LA LHAG PA'I BSAM PA SHIN TU YONGS SU SBYANGS PA'I BYANG CHUB SEMS DPA' DE BYANG CHUB SEMS DPA'I SA GSUM PA GNON TE, DES SEMS KYI BSAM PA YID LA BYED PA RNAM PA BCUS GNON TO, ,BCU GANG ZHE NA, 'DI LTA @168A *, ,STE DAG PA'I SEMS KYI BSAM PA YID LA BYED CES GSUNGS PA'O, ,DAG PA'I SEMS KYI BSAM PA YONGS SU MI NYAMS PA DE NYID KYI DBANG DU BYAS NAS GNYIS PA STE, GANG GI PHYIR BRTAN PA'I SEMS KYI BSAM PA YID LA BYED PA ZHES GSUNGS PA'O, ,THOB PAR BYA BA'I THABS NI DE'I MI MTHUN PA'I PHYOGS MA 'ONGS PA'I 'DOD PA SUN 'BYIN PA DANG, DA LTAR BYUNG BA'I 'DOD PA LA MA CHAGS PA'I DBANG DU BYAS NAS GSUM PA DANG BZHI PA STE, GANG GI PHYIR SKYO BA'I SEMS KYI BSAM PA YID LA BYED PA DANG, 'DOD CHAGS DANG BRAL BA'I SEMS KYI BSAM PA YID LA BYED PA ZHES GSUNGS PA'O, , RANG GI THEG PA MI 'DOR BA'I DBANG DU BYAS NAS LNGA PA STE, GANG GI PHYIR PHYIR MI LDOG PA'I SEMS KYI BSAM PA YID LA BYED PA ZHES GSUNGS PA'O, ,RANG GI SA PA'I NYON MONGS PAS MI SHIGS PA'I DBANG DU BYAS NAS DRUG PA STE, GANG GI PHYIR SRA BA'I SEMS KYI BSAM PA YID LA BYED PA ZHES GSUNGS PA'O, ,SNYOMS PAR 'JUG PA LA DBANG BA'I DBANG DU BYAS NAS BDUN PA STE, GANG GI PHYIR SBYANGS PA'I SEMS KYI BSAM PA YID LA BYED PA ZHES GSUNGS PA'O, ,'OG MAR SKYE BA DANG YONGS SU MI NYAMS PA GNYIS KYIS, BSAM GTAN BZLOG NUS PA NYID KYI DBANG DU BYAS NAS BRGYAD PA STE, GANG GI PHYIR RANG DBANG GI SEMS KYI BSAM PA YID LA BYED PA ZHES GSUNGS PA'O, ,DER SKYES KYANG KUN NAS NYON MONGS PA MED PA NYID KYI DBANG DU BYAS NAS DGU PA STE, GANG GI PHYIR RLABS PO CHE'I SEMS KYI BSAM PA YID LA BYED PA ZHES GSUNGS PA'O, ,SEMS CAN GYI DON BYA BA'I PHYIR, SRID PA'I RGYUN GCOD PA'I DBANG DU BYAS NAS SEMS KYI BSAM PA YID LA BYED PA BCU PAR RIG PAR BYA STE, GANG GI PHYIR CHE BA NYID NI SEMS KYI BSAM PA LA BYED PA ZHES GSUNGS PA'O, ,'DOD CHAGS DANG BRAL BAR SBYOR BA NI RNAM PA GSUM STE, KUN NAS NYON MONGS PA LAS BSRUNG BA'I SBYOR BA DANG, THEG PA DMAN PA LAS KUN DU BSRUNG BA'I SBYOR BA DANG, THABS YONGS SU BZUNG BA'I SBYOR BA'O, ,DE LA KUN NAS NYON MONGS PA LAS KUN DU BSRUNG BA'I SBYOR BA NI 'DU BYED DU GYUR PA THAMS CAD LA MI RTAG PA NYID DANG, MNGON DU BSTAN PAR BYA BA MA YIN PAR BCU PA GNYIS KYI YONGS SU BRTAG PA STE, DE LA MDOR NA TSE'I 'DU BYED @168B MI GNAS PA NYID YIN PAS MI RTAG PAR YONGS SU RTOGS PA STE, GANG GI PHYIR KYE RGYAL BA'I SRAS DAG BYANG CHUB SEMS DPA'I SA GSUM PA LA GNAS PA'I BYANG CHUB SEMS DPA' DE 'DU BYED DU GYUR PA THAMS CAD LA MI RTAG PAR SO SOR RTOG CES GSUNGS PA'O, ,DE'I 'OG TU MI RTAG PA NYID DE JI LTA BU YIN PA DANG, GANG YIN PA DE YONGS SU RTOG STE MI RTAG PA NYID DE JI LTA BU ZHE NA, LUS KYI GNAS SKABS 'GYUR BA'I DBANG GIS SDUG BSNGAL NYID RNAM PAR GSUM DANG LDAN PA STE, GANG GI PHYIR SDUG BSNGAL BA ZHES GSUNGS PA'O, ,ZAS KYI SA GNAS PA'I DBANG GIS MDOG MI SDUG PA LA SOGS PAR 'GYUR BA NI, GANG GI PHYIR MI SDUG PA ZHES GSUNGS PA'O, ,MI MTHUN PA YONGS SU MA SPANGS PA'I DBANG GIS DUS MA YIN PAR 'CHI BA NI, GANG GI PHYIR YID BRTAN DU MI RUNG BA ZHES GSUNGS PA'O, ,SNOD RNAMS 'JIG PA'I DBANG GIS 'JIG PA NI GANG GI PHYIR RNAM PAR 'JIG PA ZHES GSUNGS PA'O, , LONGS SPYOD RNAMS KYI BDAG PO NGES PA MED PA'I DBANG GIS GCIG DANG MI GNAS PA NI GANG GI PHYIR RING DU MI GNAS PA ZHES GSUNGS PA'O, ,MI RTAG PA DE GANG ZHE NA, DE NI RNAM PA GNYIS TE MYUR BA'I DUS NI GANG GI PHYIR SKYE BA DANG 'GAG PA NYID SKAD CIG PA ZHES GSUNGS PA'O, ,RANG BZHIN YONGS SU GRUB BA MED DE, 'DAS PA DANG, MA 'ONGS PA DANG, DA LTAR BYUNG BA'I DUS RNAMS SU MA BYUNG BA DANG, MI 'PHO BA DANG, 'GAG PA NI GANG GI PHYIR SNGON GYI MTHAR MA BYUNG BA DANG, PHYI MA'I MTHAR 'PHO BA MED PA DANG, DA LTAR BYUNG BA LA MI GNAS PAR SO SOR RTOG GO ZHES GSUNGS PA'O, ,DE LTAR 'DU BYED DU GYUR PA MI RTAG PA LA CI 'DU BYED DU GYUR PA LA BRTEN PAR BYA BA'I PHYIR, MNGON DU RTEN DU RUNG BA 'GA' ZHIG YOD DAM SNYAM NA, THAMS CAD MNGON DU BSTEN PAR BYA BA MA YIN PAR MTHONG STE, GANG GI PHYIR DE 'DU BYED DU GYUR BA DE LTA BU THAMS CAD LA YANG DAG PAR RTOG PA'I CHO MNGON DU BSTEN PAR BYA BA MA YIN PA ZHES BCU PA GNYIS PA LAS GSUNGS PA'O, ,MNGON DU BSTEN PAR BYA BA MA YIN PA DE YANG RNAM PA DGUR RIG PAR BYA STE, MI RTAG PA NYID DU MA GYUR PA STON PA MA YIN PA NI GANG GI PHYIR GSOL 'DRU'I GNAS MED PA ZHES GSUNGS PA'O, ,GYUR PA NI DPUNG GNYEN MED PAS DE GYUR PA'I @169A *, ,PHYIR; THOG MAR SDUG BSNGAL BAR GYUR PAS MYA NGAN DANG BCAS PA NI GANG GI PHYIR MYA NGAN DANG BCAS PA ZHES GSUNGS PA'O, ,BAR DU SMRE BA DANG BCAS PA NI GANG GI PHYIR SMRE SNGAGS 'DON PA DANG BCAS PA ZHES GSUNGS PA'O, ,CHUNG BAR GYUR PA NA 'KHRUG PA DANG BCAS PAS DMAN PA TZAM RJES SU 'BRANG BA NI GANG GI PHYIR 'KHRUG PA DANG BCAS PA ZHES GSUNGS PA'O, ,LONGS SPYOD RNAMS YONGS SU TSOL BA'I DUS NA BDAG LA SDUG PAR 'GYUR GYI, MI SDUG PAR MI 'GYUR GRANG SNYAM DU, TSER MA RNAMS KYI SDUG PA DANG, MI SDUG PAR 'BREL PA NI GANG GI PHYIR SDUG PA DANG MI SDUG PAR 'BREL PA ZHES GSUNGS PA'O, ,YONGS SU SPYOD PA'I DUS NA BDE BA CHUNG LA SDUG BSNGAL MANG BA NI GANG GI PHYIR, SDUG BSNGAL BA DANG, YID MI BDE BA DANG, 'KHRUG PA MANG PO MANG BA ZHES GSUNGS PA'O, ,LUS RGAS PA'I GNAS SKABS NA BYIS PA LA SOGS PA'I GNAS SKABS SNGA MA GNAS PA NI GANG GI PHYIR BSAGS PA MED PAR GYUR PA ZHES GSUNGS PA'O, ,LANG TSO LA BAB PA'I GNAS SKABS NA TSOR BA RNAM PA GSUM DANG LDAN PAS, 'DOD CHAGS LA SOGS PA'I ME RAB TU 'BAR BA NI GANG GI PHYIR 'DOD CHAGS DANG, ZHE SDANG DANG, GTI MUG GI ME RAB TU 'BAR BA ZHES GSUNGS PA'O, ,CHES 'GRAS KYI GNAS SKABS NA NAD DU MA RNAM PAR 'PHEL BA NI GANG GI PHYIR NAD DU MA RNAM PAR 'PHEL BA'I LUS MTHONG NAS ZHES GSUNGS PA'O, ,LUS NI 'DAS MA THAG PA'I TSIG GSUM CHAR DANG SBYAR BAR BYA'O, ,THOG MNAR MA SMOS PA NI LUS DE YANG DANG YANG BSTAN PAR 'GYUR BA'I PHYIR RO, , DE LA THEG PA DMAN PA LAS KUN DU BSRUNG BA'I SBYOR BA NI 'DU BYED DU GYUR PA LAS SEMS BSKYOD NAS, CHE BA NYID RNAM PA GNYIS KUN DU BSTAN PAS DE BZHIN GSHEGS PA'I YE SHES LA YANG DAG PAR GTONG BA DANG, SEMS CAN RNAMS LA SEMS KYI BSAM PA BCU NYE BAR 'JOG PA DANG, DE NGAG YONGS SU BSKYAB PA'I PHYIR BRTZON 'GRUS RTZOM PA STE, 'DIS NI GANG LA BRTEN NAS GANG GI PHYIR, JI LTAR RAB TU SBYOR BAR BYED PA DE YONGS SU BSTAN PA YIN TE, GANG GI PHYIR DE 'DU BYED DU GYUR PA THAMS CAD LAS DE BAS KYANG SHAS CHER SEMS BSKYOD CING DE BZHIN GSHEGS PA'I YE SHES LA YANG DAG PAR GTONG NGO ZHES GSUNGS PA'O, ,DE @169B BZHIN GSHEGS PA'I YE SHES KYI CHE BA NYID NI RNAM PA GNYIS TE, YON TAN YONGS SU 'DZIN PA CHE BA NYID DANG, RNAM PAR DAG PA CHE BA NYID DO, ,YON TAN YONGS SU 'DZIN PA YANG RNAM PA LNGAR RIG PAR BYA STE, BRTAG MI NUS PA'I PHYIR, MTHU'I YON TAN YONGS SU 'DZIN PA NI GANG GI PHYIR DE BZHIN GSHEGS PA'I YE SHES BSAM GYIS MI KHYAB PA NYID DU YANG DAG PAR MTHONG STE ZHES GSUNGS PA'O, ,ZLA MED PA'I PHYIR MNGON PAR RDZOGS PAR BYANG CHUB PA'I YON TAN YONGS SU 'DZIN PA NI GANG GI PHYIR MTSUNGS PA MED PA NYID CES GSUNGS PA'O, ,SEMS CAN DPAG TU MED PA'I DON BYA BA'I PHYIR, DON CHEN PO'I YON TAN YONGS SU 'DZIN PA NI GANG GI PHYIR DPAG TU MED PA NYID CES GSUNGS PA'O, ,DKON PA'I PHYIR TSAD GZUNG DU MED PA'I YON TAN YONGS SU 'DZIN PA NI GANG GI PHYIR RNYED DKA' BA NYID CES GSUNGS PA'O, ,MU STEGS CAN DANG MA 'DRES PA'I PHYIR THUN MONG MA YIN PA'I YON TAN YONGS SU 'DZIN PA NI GANG GI PHYIR MA 'DRES PA NYID CES GSUNGS PA'O, ,RNAM PAR DAG PA NI NYON MONGS PA DANG, SDUG BSNGAL DANG BRAL BA DANG, MYA NGAN LAS 'DAS PA THOB PA YIN PAR RIG PAR BYA'O, ,NYON MONGS PA DANG BRAL BA NI BAG CHAGS DANG BCAS PA'I NYON MONGS PA DANG MA 'DRES PAR RIG PAR BYA STE, GANG GI PHYIR GNOD PA MED PA NYID CES GSUNGS PA'O, ,SDUG BSNGAL DANG BRAL BA NI SDUG BSNGAL DANG, DE'I GZHI LAS BYUNG BA MYA NGAN ZAD PA RIG PAR BYA STE, GANG GI PHYIR 'KHRUG PA MED PA NYID CES GSUNGS PA'O, ,MYA NGAN LAS 'DAS PA THOB PA NI NYON MONGS PA DANG, NYE BA'I NYON MONGS PA'I 'JIGS PA THAMS CAD MED PAR RIG PAR BYA STE, GANG GI PHYIR 'JIGS PA MED PA'I GRONG KHYER DU 'GRO BA NYID CES GSUNGS PA'O, ,DE YANG BYANG CHUB SEMS DPA'I PHYIR 'ONG BA MED PA DANG, SEMS CAN GYI DON BYED PA GNYIS KYIS 'JIG RTEN PA DANG, 'JIG RTEN LAS 'DAS PA'I MYA NGAN LAS 'DAS PA THOB PA LA KHYAD PAR DU 'PHAGS PAR RIG PAR BYA STE, GANG GI PHYIR PHYIR MI LDOG PA NYID DANG SKYE BO MANG PO YONGS SU SKYOB PA NYID DU YANG DAG PAR MTHONG NGO ZHES GSUNGS PA'O, ,SEMS KYI BSAM PA BCU NI SEMS CAN MGON MED PA RNAMS LAS BRTZAMS PA STE, DES DE BZHIN GSHEGS PA'I YE SHES DE LTAR TSANG BA YANG DAG PAR MTHONG STE, 'DU BYED DU GYUR PA DE LTAR GNOD PA MANG PO DANG LDAN PAR YONGS SU RTOG PA NA SEMS CAN RNAMS LA DE @170A *, ,BAS KYANG SHAS CHER SEMS KYI BSAM PA BCU NYE BAR 'JOG STE, BCU GANG ZHE NA ,'DI LTA STE, MGON MED CING RTON PA MED PA'I SEMS KYI BSAM PA NYID CES RGYA CHER GSUNGS PA'O, ,DE LA RTON PA MED PA NYID NI MGON MED PA NYID DO, ,DE YANG RNAM PA DGUR RIG PAR BYA STE, RTAG TU DBUL TE MGON MED PA NYID DANG, 'DOD CHAGS DANG, ZHE SDANG DANG GTI MUG GI ME RAB TU 'BAR TE MGON MED PA NYID DANG, SRID PA'I BTZON RAR CHUD DE MGON MED PA NYID DANG, RTAG TU RGYUN MI 'CHAD PAR NYON MONGS PA THIBS POS BSGRIBS TE MGON MED PA NYID DANG, LTA BA'I MTHU MED DE MGON MED PA NYID DANG, DGE BA'I CHOS LA 'DUN PA DANG BRAL TE MGON MED PA NYID DANG, SANGS RGYAS KYI CHOS CHUD ZOS TE MNGON MED PA NYID DANG, 'KHOR BA'I RGYUN GYIS BDAS TE MGON MED PA NYID DANG, THAR PA'I THABS CHUD ZOS TE MGON MED PA NYID DU'O, ,DE LA 'DOD PA TSOL BA'I DBANG DU BYAS NAS NGOMS MI MYONG BA DANG, RAB TU MA ZHIB YONGS SU SPYOD PA GNYIS RIG PAR BYA STE, GANG GI PHYIR RTAG TU 'BUL BA'I SEMS KYI BSAM PA NYID DANG, 'DOD CHAGS DANG ZHE SDANG DANG GTI MUG GI ME RAB TU 'BAR BA'I SEMS KYI BSAM PA NYID CES GSUNGS PA'O, ,SRID PA TSOL BA'I DBANG DU BYAS NAS 'GRO BA DRUG GI 'KHOR BA NA YONGS SU 'PHYAN PA NYID DANG, DE'I RGYU NYON MONGS PAS KHEBS PA NYID DANG, MI DAL BAR SKYE BA NI GSUM DANG GO RIMS BZHIN DU RIG PAR BYA STE, GANG GI PHYIR SRID PA'I BTZON RAR CHUD PA'I SEMS KYI BSAM PA NYID DANG, RTAG TU RGYUN MI 'CHAD PAR NYON MONGS PA THIBS POS BSGRIBS PA'I SEMS KYI BSAM PA NYID DANG, LTA BA'I MTHU MED PA'I SEMS KYI BSAM PA NYID CES GSUNGS PA'O, ,TSANGS PAR SPYOD PA'I DBANG DU BYAS NAS, MI BRTZON PA RNAMS DANG, MNGON PA'I NGA RGYAL CAN RNAMS DANG, YONGS SU MYA NGAN LDAS MI 'DA' BA'I CHOS CAN RNAMS DANG, LOG PA LA BRTZON PA GZHAN MU STEGS CAN RNAMS NI BZHI DANG GO RIMS BZHIN DU RIG PAR BYA STE, GANG GI PHYIR DGE BA'I CHOS LA 'DUN PA DANG BRAL BA'I SEMS KYI BSAM PA NYID DANG, SANGS RGYAS KYI CHOS CHUD ZOS PA'I SEMS KYI BSAM PA NYID DANG, 'KHOR BA'I RGYUN GYIS BDAS PA'I SEMS KYI BSAM PA NYID DANG, THAR PA'I THABS @170B CHUD ZOS PA'I SEMS KYI BSAM PA NYID CES GSUNGS PA'O, ,SEMS CAN YONGS SU SKYOB PA'I PHYIR, BRTZON 'GRUS RTZOM PA NI GANG GI PHYIR DES DE LTAR SEMS CAN GYI KHAMS GNOD PA MANG PO CAN MTHONG NAS BRTZON 'GRUS 'DI LTAR RTZOM STE, SEMS CAN 'DI DAG NI BDAG GIS YONGS SU BSKYAB PAR BYA ZHES RGYA CHER GSUNGS PA'O, ,DE LA GANG LAS JI LTAR YONGS SU BSKYAB PAR BYA BA DANG, JI LTAR NA YONGS SU BSKYAB PA POR 'GYUR BA DE'I RAB TU DBYE BAS YONGS SU SKYOB PA'I RAB TU DBYE BA STON TE, GANG LAS YONGS SU BSKYAB PAR BYA ZHE NA, LAS KYI KUN NAS NYON MONGS PA DANG, NYON MONGS PA'I KUN NAS NYON MONGS PA DANG, SKYE BA'I KUN NAS NYON MONGS PA LAS TE, GANG GI PHYIR YONGS SU DGROL BAR BYA, YONGS SU SBYANG BAR BYA, YONGS SU GDON PAR BYA ZHES GSUNGS PA STE GO RIMS BZHIN NO, ,JI LTAR YONGS SU BSKYAB PAR BYA ZHE NA, TSUL KHRIMS LA GZHAG PA DANG, TING NGE 'DZIN DANG SHES RAB LA DGOD PAS BSLAB PA GSUM GYIS BSDU BA STE, GANG GI PHYIR GNAS PAR BYA, DGOD PAR BYA ZHES GSUNGS PA STE GO RIMS BZHIN NO, ,MNYAM PAR GZHAG PA'I SA YIN PAS TING NGE 'DZIN DANG, SHES RAB NI GCIG TU BSTAN TO, ,RNAM PA GNYIS KYIS TSUL KHRIMS LA GNAS PAR BYA STE; THE TSOM SEL BAS 'JUG PAR BYA BA NI, GANG GI PHYIR YONGS SU TSIM PAR BYA ZHES GSUNGS PA'O, ,ZHUGS PA RNAMS MNGON PAR DGA' BA 'DZIN DU 'JUG PAS MI G-YO BA NYID KYIS GZHAG PA NI, GANG GI PHYIR YANG DAG PAR GZHAG PAR BYA ZHES GSUNGS PA'O, ,TING NGE 'DZIN DANG SHES RAB LA DGOD PA NI; NYE BA'I NYON MONGS PA ZHUM PA DANG RGOD PA 'DUL BA STE, GANG GI PHYIR GDUL BAR BYA ZHES GSUNGS PA'O, ,JI LTAR NA YONGS SU SKYOB PA BOR 'GYUR ZHE NA, MYA NGAN LAS 'DAS PA'I DBYINGS RNAM PA GNYIS THOB PAR BYED PA STE, GANG GI PHYIR YONGS SU MYA NGAN LAS 'DA' BAR BYA'O SNYAM NAS ZHES GSUNGS PA'O, ,DE DE LTAR 'DU BYED DU GYUR PA THAMS CAD LA YID 'BYUNG BA DANG LDAN ZHING, SEMS CAN THAMS CAD LA LTA BA DANG LDAN LA THAMS CAD MKHYEN PA'I YE SHES LA PHAN YON DANG LDAN PAR RAB TU GNAS SHING DE BZHIN GSHEGS PA'I YE SHES LA RTON PAS SEMS CAN YONGS SU BSKYAB PAR BYA BA LA BRTZON @171A *, ,ZHING 'DI LTAR YONGS SU RTOG STE, LAM GANG GIS 'DI LTAR SDUG BSNGAL BA DANG, NYE BA'I NYON MONGS PA MANG PHOR LHUNG BA'I SEMS CAN 'DI DAG MNGON PAR GDON PA DANG, MYA NGAN LAS 'DAS PA SHIN TU BDE BA LA DGOD PAR NUS SAM SNYAM NAS ZHES BYA BA 'DI LA YID BYUNG BA DANG, LTA BA DANG, PHAN YON DANG LDAN PA GNYIS KYIS NI RGYU RNAM PA GSUM DANG LDAN PA NYID DU YONGS SU STON TE, RGYU RNAM PA GSUM LA KUN NAS NYON MONGS PA LAS LDOG PA'I RGYU NI YID BYUNG BA DANG LDAN PA'I PHYIR RO, ,'KHOR BA YONGS SU MI GTONG BA'I RGYU NI SEMS CAN THAMS CAD LA LTA BA DANG LDAN PA'I PHYIR RO, ,BRTZON 'GRUS RTZOM PA'I RGYU NI THAMS CAD MKHYEN PA'I YE SHES LA PHAN YON DU SHES PA DANG LDAN PA'I PHYIR RO, ,DES NA GANG LA PHAN YON DANG LDAN PA DE'I LAM SGOM PAR BYED CING GANG DAG LA LTA BA DANG LDAN PA DE DAG YONGS SU SMIN PAR BYED DE, DE BZHIN GSHEGS PA'I YE SHES LA RTON PAS SEMS CAN YONGS SU BSKYAB PA LA BRTZON PA ZHES GSUNGS PA'I PHYIR RO, ,THABS YONGS SU BZUNG BA'I SBYOR BA LAS BRTZAMS TE, GANG GI PHYIR THABS KYI LAM GANG GIS 'DI LTAR SDUG BSNGAL BA DANG, NYE BA'I NYON MONGS PA MANG POR LHUNG BA'I SEMS CAN 'DI DAG MNGON PAR GDON PA DANG, MYA NGAN LAS 'DAS PA SHIN TU BDE BA LA DGOD PAR NUS SNYAM NAS ZHES GSUNGS PA'O, ,DE LA SDUG BSNGAL DANG NYE BA'I NYON MONGS PA MANG POR LHUNG BA ZHES BYA BA LA SDUG BSNGAL NI SKYE BA'I KUN NAS NYON MONGS PA'O, ,NYE BA'I NYON MONGS PA NI NYON MONGS PA DANG, LAS KYI KUN NAS NYON MONGS PA'O, ,MYA NGAN LAS 'DAS PA SHIN TU BDE BA NI THEG PA RNAM PA GSUM GYIS SO, ,DE LA THABS YONGS SU BZUNG BA'I SBYOR BA NI MDOR BSDU NA RNAM PA GSUM DU RIG PAR BYA STE, MTHAR PHYIN PA RTOGS PA DANG, MTHAR PHYIN PA SGRUB PA'I GONG NAS GONG MA RTOGS PA DANG, DE SGRUB PA'I GNAS LA SBYOR BA RTOGS PA'O, ,DE LA MTHAR PHYIN PA NI SGRIB PA MED PA'I YE SHES KYI RNAM PAR THAR PA LA GNAS PA STE, GANG GI PHYIR DE BYANG CHUB SEMS DPA' 'DI SNYAM DU SEMS TE, SGRIB PA MED PA'I YE SHES KYI RNAM PAR THAR PA LA GNAS PA MA GTOGS PAR GZHAN GYIS MA YIN NO ZHES GSUNGS PA'O, ,MTHAR PHYIN PA DE NI KHONG DU CHUD PAS MTHAR PHYIN PA SGRUB PA'I PHYIR, DE BZHIN GSHEGS PAS RNAM PAR @171B GZHAG PA'I CHOS THAMS CAD YANG DAG PA JI LTA BA BZHIN DU KHONG DU CHUD PAS SGRUB PA STE, GANG GI PHYIR SGRIB PA MED PA'I YE SHES KYI RNAM PAR THAR PA LA GNAS PA DE YANG CHOS THAMS CAD JI LTA BA BZHIN DU KHONG DU CHUD PA MA GTOGS PAR GZHAN GYIS MA YIN NO ZHES GSUNGS PA'O, ,KHONG DU CHUD PA DE'I NI RANG DANG SPYI'I MTSAN NYID LA RNAM PAR MI RTOG PA'I RJES SU RGYU BA'I SHES RAB STE, GANG GI PHYIR CHOS THAMS CAD JI LTA BA BZHIN DU KHONG DU CHUD PA DE YANG SHES RAB RGYU BA MED CING SKYE BA MED PA'I RGYU BA CAN MA GTOGS PAR GZHAN GYIS MA YIN NO, ,SHES RAB KYI SNANG BA DE YANG BSAM GTAN LA MKHAS PA LA RNAM PAR NGES PA BLOS SO SOR RTOG PA MA GTOGS PAR GZHAN GYIS MA YIN NO ZHES GSUNGS PA'O, ,'DIR SHES RAB KYI SNANG BA DE GSUNGS PA NI DE GNAS YIN PA'I PHYIR SA 'DI 'OD BYED PA'O ZHES NGES PA'I TSIG YONGS SU BSTAN PA'I PHYIR RO, ,DE RTOGS PA NI BSAM GTAN LA MKHAS PA LA RNAM PAR NGES PA BLOS SO SOR RTOG PA'O, ,BSAM GTAN LA MKHAS PA LA RNAM PAR NGES PA'I BLOS SO SOR RTOG PA DE YANG, THOS PA LA MKHAS PA MA GTOGS PA GZHAN GYIS NI MA YIN NO SNYAM MO ZHES BYA BA LA BSAM GTAN LA MKHAS PA DE NI KHYAD PAR CAN GYI BSAM GTAN THOB PAR BYA BA'I PHYIR RO, ,RNAM PAR NGES PA NI GZHAN LAS SO, ,BLOS SO SOR RTOG PA NI RANG GIS SO, ,'DI NI MTHAR PHYIN PA SGRUB PA'I GONG NAS GONG MA RTOGS PA'O, ,DE LTAR BLOS SO SOR RTOG PA DE YANG THOS PA LA MKHAS PAR 'GYUR TE, 'DI NI RTOGS PA SGRUB PA'I GNAS LA SBYOR BA STE, THOS PA LA MKHAS PA NI DE BSGRUB PA'I GNAS SO, ,DE'I PHYIR SBYOR BA NI DE SGRUB PA'I GNAS LA SBYOR BA'O, , DE LA TSIG DANG DON GYI DBANG DU BYAS NAS DAM PA'I CHOS YONGS SU TSOL BA LA BRTZON PA DANG, NYIN MTSAN DU CHOS NYAN PA DON DU GNYER BA'I GO RIMS BZHIN DU SBYAR TE, GANG GI PHYIR DE DE LTAR SO SOR RTOG PA'I SHES PA DANG LDAN PA DE BAS KYANG SHES CHER DAM PA'I CHOS YONGS SU TSOL BA LA MNGON PAR BRTZON PAR GNAS PA DANG, NYIN MTSAN DU CHOS NYAN PA DON DU GNYER BA ZHES GSUNGS PA'O, ,TSIG DANG DON DE DAG NYID KYI DBANG DU BYAS NAS, CHOS 'DOD PA DANG, CHOS LA DGA' BA ZHES BYA BA GSUNGS TE, KLAN KA BTZAL BA DANG, DE SKAD SMRA BA LAS THAR PA'I PHAN YON GYI BSAM PA MA YIN NO ZHES BYA BA'I THA TSIG GO, ,CHEN @172A *, ,PO BSTAN PA LA STON PAS RANG GI LTA BA MCHOG TU 'DZIN PA RNAM PAR 'JIG PA'I PHYIR, CHOS LA STON PA ZHES BYA BA GSUNGS SO, ,LUNG NOD CING KHA TON BYA BA DANG, GZHAN LA YANG DAG PAR BSHAD PAR BYA BA DANG, DBEN PAR 'DUG STE DON SEMS PA'I DBANG DU BYAS NAS, CHOS LA GZHOL BA DANG, CHOS LA 'BAB PA DANG, CHOS LA BAB PA ZHES BYA BA GSUNGS SO, ,MNYAM PAR GZHAG STE BSGOM PA'I DBANG DU BYAS NAS, CHOS LA PHYOGS PA ZHES BYA BA GSUNGS SO, ,'JIG RTEN LAS 'DAS PA'I SHES RAB KYI DBANG DU BYAS NAS, CHOS LA GNAS SU 'DZIN PA DANG, CHOS LA SKYABS SU 'DZIN PA ZHES BYA BA GSUNGS SO, ,RNAM PAR GROL BA'I DBANG DU BYAS NAS, CHOS KYI RJES SU MTHUN PA'I CHOS SPYOD PA YIN NO ZHES BYA BA GSUNGS TE, DE BZHIN GSHEGS PA RNAMS KYI RNAM PAR GROL BA'I CHOS GANG YIN PA DE'I RJES SU MTHUN PA'I CHOS SPYOD PA'I PHYIR RO, ,DE LA DAM PA'I CHOS YONGS SU TSOL BA LA BRTZON PA DANG, NYIN MTSAN DU CHOS MNYAN PA DON DU GNYER BA ZHES BYA BA'I TSIG DANG PO GNYIS KYIS NI RTAG TU SBYOR BA STON TO, ,CHOS 'DOD PA ZHES BYA BA LA SOGS PA TSIG LHAG MA DGU PO DAG GIS NI YANG DAG PAR SBYOR BA STON TO, ,DE NI RTAG TU SBYOR BA DE'I RGYU GANG YIN ZHE NA, CHOS LA RIM GRO BYED PA KHYAD ZHUGS PA YIN PAR YONGS SU STON TE, DE NI NOR DANG, RGYAL SRID DANG, MTHO RIS SU SKYE BA DANG, 'JIG RTEN PA'I RNAM PAR DAG PA DANG, LUS PAS KYANG CHOS LA RIM GRO CHER BYED DE, JI LTAR NOR BAS KYANG RIM GRO BYED CE NA, DE NI CHOS KYI PHYIR NOR YANG THAMS CAD YONGS SU GTONG STE, GANG GI PHYIR SANGS RGYAS KYI CHOS YONGS SU TSOL BA LA MNGON PAR BRTZON PA DE RDZAS KYI RNAM PA'AM, NOR DANG, 'BRU DANG, BANG MDZOD KYI RNAM PA GANG YONGS SU MI GTONG BA DE GANG YANG MED DE, DE LA BYA DKA' BAR 'DU SHES PA MA YIN GYI GZHAN DU NA CHOS SMRA BA'I GANG ZAG DE LA BYA DKA' BA'I 'DU SHES SU 'GYUR BA DE NI MA GTOGS SO ZHES GSUNGS PA'O, ,PHYI ROL GYI DNGOS PO ZHING LA SOGS PA GANG LAS NOR RNYED PAR 'GYUR BA DE YANG YONGS SU GTONG STE GANG GI PHYIR, PHYI ROL GYI DNGOS PO NYE BAR GZUNG BA GANG YONGS SU MI GTONG BA DE GANG YANG MED DO ZHES GSUNGS SO, ,NOR GANG GI DNGOS PO GANG GI PHYIR YIN PA DE YANG YONGS SU @172B GTONG STE GANG GI PHYIR NANG GI DNGOS PO GANG YONGS SU MI GTONG BA DE GANG YANG MED DO ZHES GSUNGS PA'O, ,GANG GI PHYIR NOR YONGS SU GTONG BA LUS KYI BSNYEN BKUR BYA BA DE DAG KYANG NYAMS SU LEN TE, GANG GI PHYIR BLA MA LA BSNYEN BKUR BYA BA DANG RIM GRO BYA BA GANG NYAMS SU MI LEN PA DE GANG YANG MED DO ZHES GSUNGS PA'O, ,NOR RNYED PA DE GANG GIS YONGS SU GTONG BA'I SNYEMS PA DE YANG YONGS SU GTONG STE, GANG GI PHYIR NGA RGYAL DANG LHAG PA'I NGA RGYAL SPANGS TE, NGA RGYAL MED PAR NYE BAR SPYAD PAR BYA BA GANG NYAMS SU MI LEN PA DE GANG YANG MED DO ZHES GSUNGS PA'O, ,GANG YONGS SU SPONG PA'I PHYIR NOR YONGS SU GTONG BA LUS KYI GNOD PA DE DAG KYANG NYAMS SU LEN TE, GANG GI PHYIR LUS KYI GNOD PA GANG NYAMS SU MI LEN PA DE GANG YANG MED DO ZHES GSUNGS PA'O, ,NOR MANG ZHING GCES PA RNYED PA BAS KYANG DES CHES DGA' BAR 'GYUR BA NI, GANG GI PHYIR DE MA THOS PA'I CHOS KYI TSIG GCIG THOS PA NOR CHE BAR 'DZIN GYI STONG GSUM GYI STONG CHEN PO'I 'JIG RTEN GYI KHAMS SNYED KYI RIN PO CHE'I PHUNG PO RNYED PA NI MA YIN NO ZHES GSUNGS PA STE, DE LTAR NOR BAS KYANG RIM GRO CHER BYED DO, ,RGYAL SRID LA SOGS PA BAS KYANG JI LTAR RIM GRO CHER BYED CE NA, DE NI CHOS KYIS RAB TU DGA' BA YIN GYI 'KHOR LOS SGYUR BA'I RGYAL SRID DANG, BRGYA BYIN DANG TSANGS PA RNAMS KYIS NI MA YIN TE, GANG GI PHYIR DE LEGS PAR BSHAD PA'I TSIGS SU BCAD PA GCIG THOS PA NOR CHE BAR 'DZIN GYI 'KHOR LOS SGYUR BA'I RGYAL SRID THOB PAS NI MA YIN NO, ,DE BYANG CHUB SEMS DPA'I SPYOD PA YONGS SU SPYOD PA'I CHOS THOS PA NI NOR CHE BAR 'DZIN GYI BRGYA BYIN DANG TSANGS PA THOB PAS BSKAL PA 'BUM PHRAG MANG PO'I MTHAR THUG PAS NI MA YIN NO ZHES GSUNGS PA'O, ,CHOS KYI DON DU STONG GSUM MES RAB TU GANG BAR BDAG DOR BA DANG, SEMS CAN DMYAL BA'I SDUG BSNGAL DANG DU LEN PA SPRO BA NI, GANG GI PHYIR GAL TE LA LA ZHIG DE LA 'DI SKAD CES ZER TE, GAL TE KHYOD KYIS ME'I 'OBS CHEN PO KUN DU 'BAR BA, RAB TU 'BAR BA, KUN DU RAB TU MCHED CING 'BAR BA, ME LCE GCIG TU GYUR PA'I NANG DU BDAG POR TE, SDUG BSNGAL GYI TSOR BA CHEN PO RANG GI LUS KYIS NYAMS SU BLANG BA LTA NA, NGAS @173A *, ,KHYOD LA CHOS KYI TSIG YANG DAG PAR RDZOGS PA'I SANGS RGYAS KYIS BSTAN PA, BYANG CHUB SEMS DPA'I SPYOD PA YONGS SU SBYONG BA 'DI BSHAD PAR BYA'O ZHE NA YANG, DE 'DI SNYAM DU SEMS TE, YANG DAG PAR RDZOGS PA'I SANGS RGYAS KYIS BSTAN PA, BYANG CHUB SEMS DPA'I SPYOD PA YONGS SU SBYONG BA'I CHOS KYI TSIG GCIG GI DON DU YANG STONG GSUM GYI STONG CHEN PO'I 'JIG RTEN GYI KHAMS MES GANG BAR TSANGS PA'I 'JIG RTEN NAS, BDAG GIS BDAG DOR BAR MOS NA, ME'I 'OBS THA MAL BAR BDAG DOR BA LTA CI SMOS, SEMS CAN DMYAL BA DANG NGAN SONG GI SDUG BSNGAL THAMS CAD NYAMS SU BAB KYANG, BDAG GIS CHOS BTZAL BAR BYA NA MI'I SDUG BSNGAL DANG 'GROGS PA LTA CI SMOS KYI SNYAM NAS ZHES GSUNGS PA'O, ,DE LA CHOS KYI TSIG THOS PAS NI YI GE'I CHOS KYI TSIG TZAM THOS PAR YONGS SU STON TO, ,TSIGS SU BCAD PA THOS PAS NI TSIGS SU BCAD PA TZAM GYIS CHOS THOS PAR STON TO, ,BYANG CHUB SEMS DPA'I SPYOD PA YONGS SU SBYONG BA'I CHOS THOS PAS NI DON THOS PA STON TO, ,DA NI YANG DAG PAR SBYONG BA DE'I RGYU GANG ZHE NA, TSUL BZHIN SO SOR RTOG PA'I RANG BZHIN CAN DU YONGS SU STON TE, GANG GI PHYIR DE RNAM PA DE LTA BU'I BRTZON 'GRUS RTZOM PAS CHOS YONGS SU TSOL ZHING JI SKAD THOS PA'I CHOS RNAMS LA YANG TSUL BZHIN SO SO RTOG PA'I RANG BZHIN CAN YIN TE ZHES GSUNGS PA'O, ,DE CHOS KYI RJES SU MTHUN PA'I CHOS BSGRUBS PAS SANGS RGYAS KYI CHOS RNAMS RNYED PAR RIG NAS GDON MI ZA BAR BYA BA YIN PAS BSAM GTAN DANG, GZUGS MED PA'I SNYOMS PAR 'JUG PA DANG, TSAD MED PA DANG, MNGON PAR SHES PA RNAMS LA SNYOMS PAR 'JUG CING, DE DAG KYANG MNGON PAR DGA' BA'I GZHI'I GNAS MA YIN PAS DE DAG GIS KUN NAS NYON MONGS PA MA YIN TE, GANG GI PHYIR CHOS DE DAG THOS NAS KYANG RANG GI SEMS LA NGES PAR SEMS PAS GCIG TU DBEN PAR 'DUG STE, 'DI LTAR DPYAD DO, ,CHOS KYI RJES SU MTHUN PA'I CHOS BSGRUBS PAS SANGS RGYAS KYI CHOS 'DI DAG KHONG DU CHUD PAR BYA'I, TSIG GI LAS YONGS SU DAG PA 'BA' ZHIG GIS NI MA YIN NO SNYAM STE, DE CHOS KYI RJES SU MTHUN PA'I CHOS SGRUB PA'I RGYUR 'DOD PA RNAMS LAS DBEN PA, SDIG PA MI DGE BA'I CHOS RNAMS LAS DBEN PA, RTOG PA DANG BCAS PA, @173B DPYOD PA DANG BCAS PA, DBEN PA LAS SKYES PA'I DGA' BA DANG BDE BA CAN BSAM GTAN DANG PO BSGRUBS TE GNAS SO, ,DE RTOG PA DANG DPYOD PA DANG BRAL BAS NANG YONGS SU DANGS TE, SEMS KYI RGYUD GCIG TU GYUR PAS RTOG PA MED PA, DPYOD PA MED PA, TING NGE 'DZIN LAS SKYES PA'I DGA' BA DANG BDE BA CAN BSAM GTAN GNYIS PAR BSGRUBS TE GNAS SO, ,DE DGA' BA'I 'DOD CHAGS DANG BRAL BAS BTANG SNYOMS LA GNAS SHING, DRAN PA DANG SHES BZHIN CAN YIN TE, BDE BA YANG LUS KYIS MYONG LA 'PHAGS PA RNAMS KYIS GANG DE DRAN PA DANG LDAN PA BDE BA LA GNAS PA BTANG SNYOMS PA'O ZHES BRJOD PA STE; DGA' BA MED PA BSAM GTAN GSUM PA BSGRUBS TE GNAS SO, ,DE BDE BA YANG SPANGS TE SDUG BSNGAL YANG SPANGS SHING, SNGA NAS YID BDE BA DANG YID MI BDE BA YANG NUB PAS SDUG BSNGAL YANG MA YIN BDE BA YANG MA YIN PA BTANG SNYOMS KYI DRAN PA YONGS SU DAG PA BSAM GTAN BZHI PA BSGRUBS TE GNAS SO, ,DE RNAM PA THAMS CAD DU GZUGS KYI 'DU SHES RNAMS LAS YANG DAG PAR 'DAS TE, THOGS PA'I 'DU SHES RNAMS NUB PAR GYUR CING, SNA TSOGS KYI 'DU SHES RNAMS YID LA MI BYED PAS NAM MKHA' MTHA' YAS SO SNYAM NAS, NAM MKHA' MTHA' YAS BSGRUBS TE GNAS SO, ,DE RNAM PA THAMS CAD DU NAM MKHA' MTHA' YAS SKYE MCHED LAS YANG DAG PAR 'DAS TE, RNAM SHES MTHA' YAS SO SNYAM NAS, RNAM SHES MTHA' YAS SKYE MCHED BSGRUBS TE GNAS SO, ,DE RNAM PA THAMS CAD DU RNAM SHES MTHA' YAS SKYE MCHED LAS YANG DAG PAR 'DAS TE, CI YANG MED DO SNYAM NAS, CI YANG MED PA'I SKYE MCHED BSGRUBS TE GNAS SO, ,DE RNAM PA THAMS CAD DU CI YANG MED PA'I SKYE MCHED LAS YANG DAG PAR 'DAS NAS, 'DU SHES MED 'DU SHES MED MIN MA YIN SNYAM STE, 'DU SHES MED 'DU SHES MED MIN SKYE MCHED BSGRUBS NAS GNAS SO, ,CHOS KYI RJES SU MTHUN PA'I CHOS SGRUB PA MA GTOGS PAR DE YANG MNGON PAR DGE BA'I GZHI'I GNAS MA YIN PAS, DE BYAMS PA DANG LDAN PA'I SEMS YANGS PA CHEN POR GYUR PA MI GNYIS PA TSAD MED PA, KHON MED PA, 'GRAN ZLA MED PA, SGRIB PA MED PA, GNOD PA MED PA THAMS CAD DU KHYAB PAS 'JIG RTEN CHOS KYI DBYINGS KYIS KLAS PA, NAM MKHA'I @174A *, ,KHAMS KYI MTHAS GTUGS PA'I 'JIG RTEN THAMS CAD KHYAB PAR BYAS NAS BSGRUBS TE GNAS SO, ,DE BZHIN DU SNYING RJE DANG LDAN PA DANG, DGA' BA DANG LDAN PA DANG, BTANG SNYOMS DANG LDAN PA'I SEMS YANGS PA CHEN POR GYUR PA MI GNYIS PA, TSAD MED PA, KHON MED PA, 'GRAN ZLA MED PA, SGRIB PA MED PA, GNOD PA MED PA THAMS CAD DU KHYAB PAS 'JIG RTEN CHOS KYI DBYINGS KYIS KLAS PA, NAM MKHA'I KHAMS KYI MTHAS GTUGS PA'I 'JIG RTEN GYI KHAMS THAMS CAD KHYAB PAR BYAS NAS BSGRUBS TE GNAS SO, ,DE RDZU 'PHRUL BYA BA RNAM PA DU MA MYONG BAR BYED DE, SA YANG G-YO BAR BYED DO, ,GCIG TU GYUR PA MANG POR 'GYUR RO, ,MANG POR GYUR NAS GCIG TU 'GYUR RO, ,SNANG BAR GYUR CING MI SNANG BAR 'GYUR RO, ,RTZIG PA LA YANG THAD KAR 'GRO, ,RA BA LA YANG THAD KAR 'GRO, ,RI LA YANG MI THOGS PAR THAD KAR 'GRO STE, DPER NA NAM MKHA' LA BYA BA BZHIN NO, ,NAM MKHA' LA YANG SKYIL MO KRUNG GIS 'GRO STE, DPER NA 'DAB CHAGS BYA BZHIN NO, ,SA LA YANG STENG DU 'BYUNG BA DANG BYE'U 'DZUL BYED DE, DPER NA CHU LA BYA BA BZHIN NO, ,CHU LA YANG MI NUB PAR 'GRO STE, DPER NA SA LA BYA BA BZHIN NO, ,DU BA 'THUL BAR YANG BYED, 'BAR BAR YANG BYED DE, DPER NA ME'I PHUNG PO CHEN PO BZHIN NO, ,BDAG GI LUS LAS CHU'I RGYUN CHEN PO 'BYIN TE, DPER NA SPRIN CHEN PO BZHIN NO, ,CHU'I RGYUN DE DAG GIS KYANG STONG GSUM GYI STONG CHEN PO'I 'JIG RTEN GYI KHAMS 'DI DAG KUN DU 'BAR ZHING RAB TU 'BAR LA, KUN DU RAB TU MCHED CING 'BAR TE ME LCE GCIG TU GYUR PA ZHI BAR BYED DO, ,ZLA BA DANG NYI MA 'DI LTAR RDZU 'PHRUL CHE BA, 'DI LTAR MTHU CHE BA 'DI GNYIS LA YANG LAG PAS 'DZIN CING KUN DU NYUG PAR BYED DO, ,TSANGS PA'I 'JIG RTEN GYI BAR DU YANG LUS KYIS DBANG SGYUR RO, ,DE LHA'I RNA BA'I KHAMS RNAM PAR DAG PA MI'I LAS 'DAS PA, LHA DANG MI GNYIS KA'I SGRA YANG THOS SO, ,GANG DAG RING YANG RUNG, NYE YANG RUNG, THA NA SBRANG BU DANG, SHA SBRANG DANG, BUNG BA DANG, SRIN BU RNAMS KYI SGRA YANG THOS SO, ,DE SEMS CAN GZHAN DAG DANG, GANG ZAG GZHAN RNAMS KYI SEMS KYANG SEMS KYIS YANG DAG PA JI LTA BA BZHIN DU RAB TU SHES TE, 'DOD CHAGS @174B DANG BCAS PA'I SEMS LA YANG 'DOD CHAGS DANG BCAS PA'I SEMS SU YANG DAG PA JI LTA BA BZHIN RAB TU SHES SO, ,'DOD CHAGS DANG BRAL BA'I SEMS LA YANG 'DOD CHAGS DANG BRAL BA'I SEMS SU YANG DAG PA JI LTA BA BZHIN DU RAB TU SHES SO, ,DE BZHIN DU ZHE SDANG DANG BCAS PA DANG, ZHE SDANG DANG BRAL BA DANG, GTI MUG DANG BCAS PA DANG, GTI MUG DANG BRAL BA DANG, NYON MONGS PA DANG BCAS PA DANG, NYON MONGS PA MED PA DANG, CHUNG BA DANG, YANGS PA DANG, CHEN POR GYUR PA DANG, TSAD MED PA DANG, BSDUS PA DANG, SPROS PA DANG, MNYAM PAR BZHAG PA DANG, MNYAM PAR MA BZHAG PA DANG, RNAM PAR GROL BA DANG, RNAM PAR MA GROL BA DANG, SKYON CAN DANG, SKYON MED PA DANG, SEMS RAGS PA LA YANG SEMS RAGS PA'O ZHES YANG DAG PA JI LTA BA BZHIN DU RAB TU SHES SO, ,SEMS RAGS PA MA YIN PA YANG SEMS RAGS PA MA YIN PA'O ZHES YANG DAG PA JI LTA BA BZHIN DU RAB TU SHES SO, ,DE LTAR NA SEMS CAN GZHAN DAG DANG, GANG ZAG GZHAN RNAMS KYI SEMS SEMS KYIS YANG DAG PA JI LTA BA BZHIN DU RAB TU SHES SO, ,DE SNGON GYI GNAS RNAM PA DU MA RJES SU DRAN TE, TSE RABS GCIG KYANG RJES SU DRAN NO, ,TSE RABS GNYIS DANG, GSUM DANG; BZHI DANG, LNGA DANG, BCU DANG, NYI SHU DANG, SUM CU DANG, BZHI BCU DANG, LNGA BCU DANG, BRGYA YANG RJES SU DRAN NO, ,TSE RABS BRGYA PHRAG DU MA DANG, TSE RABS STONG PHRAG DU MA DANG, TSE RABS 'BUM PHRAG DU MA DANG, 'JIG PA'I BSKAL PA DANG, 'CHAGS PA'I BSKAL BA DANG, 'JIG PA DANG 'CHAGS PA'I BSKAL PA DU MA YANG RJES SU DRAN NO, ,BSKAL PA BRGYA YANG RJES SU DRAN NO, ,BSKAL PA STONG YANG RJES SU DRAN NO, ,BSKAL PA 'BUM DANG, BSKAL PA BYE BA DANG, BSKAL PA BYE BA PHRAG BRGYA DANG, BSKAL PA BYE BA PHRAG STONG DANG, BSKAL BA BYE BA PHRAG 'BUM NAS BSKAL PA BYE BA KHRAG KHRIG 'BUM PHRAG DU MA'I BAR DU RJES SU DRAN NO, ,CHE GE MO ZHIG NA BDAG GI MING NI 'DI ZHES BYA BAR GYUR, RUS NI 'DI ZHES BYA, RIGS NI 'DI ZHES BYA, KHA ZAS NI 'DI LTA BU ZHIG ZA ZA, TSE NI 'DI TZAM ZHIG THUB, YUN NI 'DI SRID CIG GNAS GNAS, BDE BA DANG SDUG BSNGAL NI 'DI LTA @175A *, ,BU ZHIG MYONG, DE NAS SHI 'PHOS NAS CHE GE MO ZHIG TU SKYES, DE NAS SHI 'PHOS NAS YANG 'DIR SKYES SO ZHES RNAM PA DANG BCAS, DAN RTAGS DANG BCAS, RGYU MTSAN DANG BCAS PAR SNGON GYI GNAS RNAM PA DU MA RJES SU DRAN NO, ,DES LHA'I MIG RNAM PAR DAG PA MI'I LAS 'DAS PAS SEMS CAN 'CHI 'PHO BA DANG, SKYE BA DANG, MDOG SDUG PA DANG, MDOG MI SDUG PA DANG, BDE BAR SONG BA DANG, NGAN PAR SONG BA DANG, BZANG PO DANG NGAN PA RNAMS MTHONG NGO, ,LAS JI LTA BA BZHIN DU NYE BAR 'GRO BA'I SEMS CAN RNAMS YANG DAG PA JI LTA BA BZHIN DU RAB TU SHES SO, ,KYE MA SEMS CAN 'DI DAG NI LUS KYIS NYES PAR SPYOD PA DANG LDAN PA, NGAG GIS NYES PAR SPYOD PA DANG LDAN PA, YID KYIS NYES PAR SPYOD PA DANG LDAN PA, 'PHAGS PA RNAMS LA SKUR BA 'DEBS PA, LOG PAR LTA BA CAN DAG STE, LOG PAR LTA BA'I LAS YANG DAG PAR BLANGS PA'I RGYUS LUS ZHIG STE, SHI BA'I 'OG TU NGAN SONG NGAN 'GRO LOG PAR LTUNG BA SEMS CAN DMYAL BA RNAMS SU SKYE'O ZHES BYA BA DANG, KYE MA SEMS CAN 'DI DAG NI LUS KYIS LEGS PAR SPYOD PA DANG LDAN PA, NGAG GIS LEGS PAR SPYOD PA DANG LDAN PA, YID KYIS LEGS PAR SPYOD PA DANG LDAN PA, 'PHAGS PA RNAMS LA SKUR BA MI 'DEBS PA, YANG DAG PAR LTA BA CAN DAG STE, YANG DAG PAR LTA BA'I LAS YANG DAG PAR BLANGS PA'I RGYUS LUS ZHIG STE, SHI BA'I 'OG TU BDE 'GRO MTHO RIS KYI 'JIG RTEN DU LHA RNAMS KYI NANG DU SKYE'O ZHES BYA BAR RAB TU SHES TE, DE LTAR NA LHA'I MIG RNAM PAR DAG PA MI'I LAS 'DAS PAS SEMS CAN 'CHI 'PHO BA DANG, SKYE BA DANG, MDOG SDUG PA DANG, MDOG MI SDUG PA DANG, BDE BAR SONG BA DANG, NGAN PAR SONG BA DANG, BZANG PO DANG NGAN PA THAMS CAD RNAM PA DANG BCAS, DAN RTAGS DANG BCAS, RGYU MTSAN DANG BCAS PAR MTHONG STE, LAS JI LTA BA BZHIN DU NYE BAR 'GRO BA'I SEMS CAN RNAMS KHYAD RAB TU SHES SO, ,DE BSAM GTAN DANG, RNAM PAR THAR BA DANG, TING NGE 'DZIN DANG, SNYOMS PAR 'JUG PA 'DI DAG LA SNYOMS PAR 'JUG CING, RNAM PAR LDANG YANG GANG DU BYANG CHUB KYI YAN LAG YONGS SU RDZOGS PAR 'GYUR BAR MTHONG @175B BA DER CHED DU BSAM STE, SMON LAM BTAB PA'I DBANG GIS SKYE BA MA GTOGS PAR DE DAG GI DBANG GIS MI SKYE'O ZHES GSUNGS PA'O, ,CI'I PHYIR GANG GIS BSAM GTAN DANG, GZUGS MED PA DANG, TSAD MED PA DANG, MNGON PAR SHES PA RNAMS LA SNYOMS PAR 'JUG CE NA, SEMS CAN RNAM PA LNGA'I DBANG DU BYAS PA'I PHYIR TE, BSAM GTAN RNAMS NI BDE BA'O SNYAM DU MNGON PA'I NGA RGYAL CAN GYI SEMS CAN RNAMS KYI DBANG DU BYAS PA'O, ,GZUGS MED PA RNAMS NI THAR PA'O SNYAM DU MNGON PA'I NGA RGYAL CAN RNAMS KYI DBANG DU BYAS PA'O, ,BYAMS PA DANG SNYING RJE NI SDUG BSNGAL PA RNAMS KYI DBANG DU BYAS PA STE, 'DI DAG SDUG BSNGAL BAR MI 'GYUR BAR BDAG GIS DE DAG SDUG BSNGAL BA LAS DGROL BAR BYA'O SNYAM DU SEMS PA'O, ,DGA' BA DANG BTANG SNYOMS NI GROL BA RNAMS KYI DBANG DU BYAS PA'O, ,MNGON PAR SHES PA RNAMS NI NGAN PA'I SKYABS SU ZHUGS PA'I DBANG DU BYAS PA STE, MTHU'I KHYAD PAR GYIS GZUD PA'I PHYIR RO, ,SA 'DI NI MI NYAMS PA'I BSAM GTAN LA SOGS PAS THOB PAS DE DAG GIS RAB TU PHYE BA YIN NO, ,SA SNGA MA GNYIS LA YANG SNYOMS PAR 'JUG PA DE MED PA NI MA YIN NO, ,DE LA BSAM GTAN DANG GZUGS MED PA NI RNAM PA BZHIS RNAM PAR GZHAG PAR RIG PAR BYA STE, MI MTHUN PA'I PHYOGS NYAMS PA DANG, GNYEN PO BSGOM PA DANG, BSGOMS PA'I PHAN YON DANG DE GNYIS KA'I GNAS SO, ,DE LA 'DOD PA DANG SDIG PA MI DGE BA'I CHOS LAS DBEN PAS NI, BSAM GTAN DANG PO'I MI MTHUN PA'I PHYOGS NYAMS PAR STON TE, GANG GI PHYIR 'DOD PA RNAMS LAS DBEN PA, SDIG PA MI DGE BA'I CHOS RNAMS LAS DBEN PA ZHES GSUNGS PA'O, ,RTOG PA DANG BCAS SHING DPYOD PA DANG BCAS PA NI GNYEN PO BSGOM PA STON TE, GANG GI PHYIR RTOG PA DANG BCAS PA, DPYOD PA DANG BCAS PA ZHES GSUNGS PA'O, ,DGA' BA DANG BDE BAS NI BSGOMS PA'I PHAN YON STON TE, GANG GI PHYIR DBEN PA LA SKYES PA'I DGA' BA DANG BDE BAS ZHES GSUNGS PA'O, ,BSAM GTAN GYIS NI DE GNYI GA'I GNAS KYI TING NGE 'DZIN STON TE, GANG GI PHYIR BSAM GTAN BZHI PA BSGRUBS TE GNAS SO ZHES GSUNGS PA'O, ,GZUGS MED PA'I SNYOMS PAR @176A *, ,'JUG PA RNAMS LA YANG MI MTHUN PA'I PHYOGS NYAMS PA DANG, GNYEN PO BSGOM PA DANG, BSGOMS PA'I PHAN YON DANG, DE GNYI GA'I GNAS RNAMS CI RIGS SU SBYAR BAR BYA STE, DE RNAM PA THAMS CAD DU GZUGS KYI 'DU SHES RNAMS LAS YANG DAG PAR 'DAS TE ZHES BYA BA NI MIG GI RNAM PAR SHES PA DANG MTSUNGS PAR LDAN PA'I 'DU SHES LAS YANG DAG PAR 'DAS PA'O, ,THOGS PA'I 'DU SHES RNAMS NUB PAR GYUR CES BYA BA NI, RNA BA DANG, SNA DANG, LCE DANG, LUS DANG MTSUNGS PAR LDAN PA'I 'DU SHES NUB PA'O, ,SNA TSOGS KYI 'DU SHES RNAMS YID LA MI BYED CES BYA BA NI YID KYI RNAM PAR SHES PA DANG MTSUNGS PAR LDAN PA'I 'DU SHES RNAMS YID LA MI BYED PA'O, ,YID KYI RNAM PAR SHES PA NI RNAM PAR RTOG PA CAN YIN PAS, SNA TSOGS NYID KYI 'DU SHES RNAMS ZHES BYA STE, 'DI NI MI MTHUN PA'I PHYOGS NYAMS PA'O, ,THA DAD DU DBYE BA'I TSUL GYIS GZUGS LA SOGS PA'I YUL BDAG MED PAR MTHONG BA'I PHYIR, GNYEN PO GANG GI GZUGS LA SOGS PA'I YUL GYI 'DU SHES LAS YANG DAG PAR 'DAS PA DE NI, GNYEN PO BSGOM PA YIN PAR SHES PAR BYA'O, ,NAM MKHA' MTHA' YAS SO SNYAM NAS ZHES BYA BA NI BSGOMS PA'I PHAN YON NO, ,NAM MKHA' MTHA' YAS SKYE MCHED BSGRUBS TE GNAS SO ZHES BYA BA LA NAM MKHA' MTHA' YAS SKYE MCHED KYIS DE GNYIS KA'I GNAS KYI TING NGE 'DZIN YONGS SU BSTAN TO, ,DE RNAM PA THAMS CAD DU NAM MKHA' MTHA' YAS SKYE MCHED LAS YANG DAG PAR 'DAS NAS ZHES BYA BA 'DIS NI MI MTHUN PA'I PHYOGS NYAMS PA BSTAN TO, ,PHYI ROL GYI DMIGS PA LA RAGS PA NYID DU YONGS SU RTOG PAS NYES PAR MTHONG BA'I PHYIR, GNYEN PO GANG GIS DE LAS YANG DAG PAR 'DAS PA DE NI GNYEN PO BSGOM PA YIN PAR RIG PAR BYA'O, ,RNAM PAR SHES PA MTHA' YAS SO SNYAM NAS ZHES BYA BAS NI BSGOMS PA'I PHAN YON YONGS SU BSTAN TO, ,RNAM SHES MTHA' YAS SKYE MCHED BSGRUBS TE GNAS SO ZHES BYA BAS NI DE GNYI GA'I GNAS KYI TING NGE 'DZIN BSTAN TO, ,DE RNAM PA THAMS CAD DU RNAM SHES MTHA' YAS SKYE MCHED LAS YANG DAG PAR 'DAS ZHES BYA BA 'DIS NI MI MTHUN PA'I PHYOGS NYAMS PA BSTAN TO, ,RNAM PAR SHES PA @176B MTHA' YAS SO SNYAM ZHES BYA BA NI 'DIR RAGS PA NYID DU YONGS SU RTOG PAS NYES PAR MTHONG BA'I PHYIR GNYEN PO GANG GI DE LAS YANG DAG PAR DE NI GNYEN PO BSGOM PA YIN PAR SHES PAR BYA'O, ,CI YANG MED DO SNYAM ZHES BYA BA 'DIS NI BSGOMS PA'I PHAN YON YONGS SU BSTAN TO, ,CI YANG MED PA'I SKYE MCHED BSGRUBS TE GNAS SO ZHES BYA BA 'DIS NI GNYIS KA'I GNAS KYI TING NGE 'DZIN YONGS SU BSTAN TO, ,DE RNAM PA THAMS CAD DU CI YANG MED PA'I SKYE MCHED LAS YANG DAG PAR 'DAS ZHES BYA BA 'DIS NI MI MTHUN PA'I PHYOGS NYAMS PA BSTAN TO, ,CI YANG MED DO SNYAM ZHES BYA BA 'DIS NI RAGS PA NYID YONGS SU RTOG PAS NYES PAR MTHONG BA'I PHYIR GNYEN PO GANG GIS DE LAS YANG DAG PAR 'DAS PA DE NI GNYEN PO BSGOM PA YIN PAR RIG PAR BYA'O, ,'DU SHES MED 'DU SHES MED PA MA YIN NO SNYAM ZHES BYA BAS NI BSGOMS PA'I PHAN YON BSTAN TO, ,'DU SHES MED 'DU SHES MED MIN SKYE MCHED BSGRUBS TE GNAS SO ZHES BYA BA LA 'DU SHES MED 'DU SHES MED MIN SKYE MCHED KYIS NI DE GNYI GA'I GNAS KYI TING NGE 'DZIN BSTAN TO, ,GZUGS MED PA'I SNYOMS PAR 'JUG PA RNAMS LA YANG MI MTHUN PA'I PHYOGS NYAMS PA DANG, GNYEN PO BSGOM PA DANG, DE'I PHAN YON DANG, DE GNYI GA'I GNAS RNAMS NI CI RIGS SU SBYAR ZIN TO, ,TSAD MED PA RNAMS NI RNAM PA GSUM STE, SEMS CAN LA DMIGS PA DANG, CHOS LA DMIGS PA DANG DMIGS PA MED PA RNAMS SO, ,DE LA SEMS CAN LA DMIGS PA NI RNAM PA BZHIS RNAM PAR GZHAG STE NYE BAR SGRUB PA DANG, MI MTHUN PA'I PHYOGS KYI GNYEN PO DANG, RNAM PAR DAG PA DANG 'BRAS BU YONGS SU 'DZIN PA'O, ,NYE BAR SGRUB PA JI LTA BU ZHE NA, 'DOD PA NA SPYOD PA DANG, GZUGS NA SPYOD PA DGA' BA DANG BCAS PA DANG, DGA' BA MED PA'I BDE BA RNAM PA GSUM SGRUB PA'I PHYIR RO, ,DE NI SDUG BSNGAL DANG DGA' BA DANG BRAL BA'I PHYIR GNYIS SU MED PA'O, ,DE NYID TSAD MED PA YIN TE, GANG GI PHYIR DE LA BYAMS PA DANG LDAN PA'I SEMS YANGS PA RGYA CHEN POR GYUR PA MI GNYIS PA TSAD MED PA ZHES BYA BA NAS, SNYING RJE DANG, DGA' BA DANG, BTANG SNYOMS DANG LDAN PA ZHES GSUNGS PA'I BAR DU'O, ,MI MTHUN PA'I PHYOGS KYI @177A *, ,GNYEN PO JI LTA BU ZHE NA, MI 'DOD PA NYE BAR SGRUB PA DANG, 'DOD PA NYE BAR SGRUB PA'I GEGS BYED PA GNOD PAR SEMS PA'I GNYEN PO NI GANG GI PHYIR KHON MED PA 'GRAN ZLA MED PA ZHES GSUNGS PA'O, ,RNAM PAR DAG PA JI LTA BU ZHE NA, SGRIB PA RMUGS PA DANG, GNYID DANG, RGOD PA DANG 'GYOD PA GNYIS YANG DAG PAR SHIN TU BSAL BA'I PHYIR TE, GANG GI PHYIR SGRIB PA MED PA ZHES GSUNGS PA'O, ,'BRAS BU YONGS SU 'DZIN PA JI LTA BU ZHE NA, GZUGS DANG 'DOD PA'I KHAMS SU RNAM PAR SMIN PA DANG, RGYU MTHUN PA'I GNOD PA MED PA'I 'BRAS BU NYID YONGS SU 'DZIN PA'I PHYIR TE, GANG GI PHYIR GNOD PA MED PA ZHES GSUNGS PA'O, ,CHOS LA DMIGS PA NI THAMS CAD DU KHYAB PA'O, ,'DOD PA DANG, GZUGS DANG, GZUGS MED PA NA SPYOD PA'I SO SO'I SKYE BO DANG, SLOB PA'I SO SO'I SKYE BO'I SEMS CAN JI SNYED PA NI CHOS RNAMS TE, GANG DAG LA SEMS CAN DU 'DOGS PA MED PA DE LA DMIGS PA STE, GANG GI PHYIR THAMS CAD DU KHYAB PA ZHES GSUNGS PA'O, ,DMIGS PA MED PA NI RNAM PA GNYIS KYIS BSTAN TE, RANG GI MTSAN NYID LA MI DMIGS PA NI CHOS LA BDAG MED PA MCHOG TU GYUR PA'I 'JIG RTEN LA STE, GANG GI PHYIR 'JIG RTEN CHOS KYI DBYINGS DAM PA ZHES GSUNGS PA'O, ,MTHA' YONGS SU MA CHAD PA NI GANG GI PHYIR NAM MKHA'I KHAMS KYI MTHAS GTUGS PA ZHES GSUNGS PA'O, ,'JIG RTEN THAMS CAD CES BYA BA NI 'JIG RTEN GYI KHAMS THAMS CAD DE, GANG GI PHYIR 'JIG RTEN THAMS CAD KHYAB PAR BYAS NAS BSGRUBS TE GNAS SO ZHES GSUNGS PA'O, ,MNGON PAR SHES PA RNAMS LAS BZHI NI SHES PAR RAB TU PHYE BA'O, ,LNGA PA NI MTHONG BAS RAB TU PHYE BA'O, ,RDZU 'PHRUL MNGON PAR SHES PA GCIG GIS NI, LUS KYI LAS YONGS SU DAG GO, ,LHA'I RNA BA DANG, PHA ROL GYI SEMS SHES PA'I MNGON PAR ZHEN PA GNYIS KYIS NI NGAG GI LAS YONGS SU DAG GO, ,SNGON GYI GNAS RJES SU DRAN PA DANG, 'CHI 'PHO DANG, SKYE BA MNGON PAR SHES PA GNYIS KYIS NI YID KYI LAS YONGS SU DAG GO, ,GCIG GIS NI SEMS CAN GYI GAN DU 'GRO'O, ,GNYIS KYIS NI CHOS STON TE, SGRA DANG DON SO SOR YANG DAG PAR RIG CING SEMS SHES LA @177B SKAD GZHAN GYI DON SHES TE, DON DE'I DBANG DU BYAS NAS DE DAG GIS TSIG 'DI BRJOD DO SNYAM PA'O, ,GNYIS KYIS NI 'ONG BA DANG 'GRO BA SHES TE, SEMS CAN RNAMS KYI SNGON GYI MTHA' DANG, PHYI MA'I MTHA' YONGS SU SMIN PA SHES SO, ,DE LA RDZU 'PHRUL MNGON PAR SHES PA NI DBANG NYID THOB PAR RIG PAR BYA'O, ,DBANG NYID KYANG RNAM PA GSUM STE, ZHING LA DBANG BA NYID NI 'JIG RTEN GYI KHAMS KYI SA G-YO BAR BYED PA STE, GANG GI PHYIR RDZU 'PHRUL BYA BA RNAMS PA DU MA MYONG BAR BYED DE, SA YANG G-YO BAR BYED DO ZHES GSUNGS PA'O, ,LUS LA DBANG BA NYID NI DE BSDUS PA DANG, SPROS PA DANG, SNANG BA DANG MI SNANG BAR BYED PA STE, GANG GI PHYIR GCIG TU GYUR NAS MANG POR 'GYUR RO, ,MANG POR GYUR NAS GCIG TU 'GYUR RO, ,SNANG BAR GYUR CING MI SNANG BAR 'GYUR RO ZHES GSUNGS PA'O, ,BYED PA LA DBANG BA NYID NI RNAM PA BRGYAD DE, RTZIG PA LA SOGS PA LA THAD KAR 'GRO BA NI GANG GI PHYIR, RTZIG PA LA THAD KAR 'GRO, RA BA LA YANG THAD KAR 'GRO, ,RI LA YANG MI THOGS PAR THAD KAR 'GRO STE, DPER NA NAM MKHA' LA BYA BA BZHIN NO ZHES GSUNGS PA'O, ,STENG DU NAM MKHA' LA YANG 'GRO BA NI GANG GI PHYIR, NAM MKHA' LA YANG SKYIL MO KRUNG GIS 'GRO STE, DPER NA 'DAB CHAGS BYA BZHIN NO ZHES GSUNGS PA'O, ,SA LA YANG STENG DANG 'OG TU 'GRO BA NI GANG GI PHYIR, SA LA YANG STENG DU 'BYUNG BA DANG BYE'U ZUL BYED DE, DPER NA CHU LA BYA BA BZHIN NO ZHES GSUNGS PA'O, ,CHU LA'ANG 'OG TU MI 'BYING BA NI GANG GI PHYIR, CHU LA'ANG MI NUB PAR 'GRO STE, DPER NAS LA BYA BA BZHIN NO ZHES GSUNGS PA'O, ,RAB TU 'BAR BAR BYED PA NI GANG GI PHYIR DU BA 'THUL BAR YANG BYED, 'BAR BAR YANG BYED DE, DPER NA ME'I PHUNG PO CHEN PO BZHIN NO ZHES GSUNGS PA'O, ,CHU 'BYIN PAR BYED PA NI GANG GI PHYIR BDAG GI LUS LAS CHU'I RGYUN CHEN PO 'BYIN TE, DPER NA SPRIN CHEN PO BZHIN NO ZHES GSUNGS PA'O, ,LAG PAS NYUG PAR BYED PA NI GANG GI PHYIR ZLA BA DANG NYI MA 'DI LTAR RDZU 'PHRUL CHE BA, 'DI LTAR MTHU CHE BA 'DI GNYIS LA YANG, LAG PAS 'DZIN CING KUN DU NYUG PAR BYED DO ZHES GSUNGS PA'O, ,TSANGS PA'I 'JIG RTEN GYI BAR GYI SNOD DANG SEMS CAN GYI 'JIG RTEN LA DBANG BYED DE, 'DOD @178A *, ,DGUR SGYUR ZHING BYED PAR DBANG BA NI GANG GI PHYIR, TSANGS PA'I 'JIG RTEN GYI BAR DU YANG LUS KYIS DBANG BSGYUR RO ZHES GSUNGS PA'O, ,LHA'I RNAM BA'I MNGON PAR SHES PAS NI GANG GIS JI LTAR GYUR PAS GANG THOS PAS DE YONGS SU BSTAN TE, RNAM PAR DAG PAS NI GSAL BAR THOS PA'O, ,MI LAS 'DAS PA NI THAG RING PO THOS PA STE, MI'I SGRA LAS KYANG SHIN TU 'DAS NAS 'OG TU MNAR MED PA YAN CHOD KYI SGRA THOS PAR NUS PA STE, GANG GI PHYIR DE LHA'I RNA BA'I KHAMS RNAM PAR DAG PA MI'I LAS 'DAS PAS LHA DANG MI GNYIS KA'I SGRA YANG THOS SO ZHES BYA BA GSUNGS PA STE; GANG NA BYA BA BYED PA DER GTOD CING NYAN PA'O, ,THA NA SBRANG BU LA SOGS PA'I SGRA ZHES BYA BA NI CHUNG NGU YANG THOS SO ZHES YONGS SU STON TO, ,GANG GI PHYIR GANG DAG RING YANG RUNG NYE YANG RUNG THA NA SBRANG BU DANG SHA SBRANG DANG, BUNG BA DANG SRIN BU RNAMS KYI SGRA YANG THOS SO ZHES GSUNGS PA'O, ,SEMS KYI RNAM GRANGS KYI MNGON PAR SHES PA NI SEMS THA DAD PA STE, KUN NAS DKRIS PA DANG, BAG LA NYAL DANG, SKYE BA DANG, TING NGE 'DZIN LA SBYOR BA DANG, TING NGE 'DZIN THOB PA DANG, RNAM PAR GROL BA DANG, LOG PA DANG, YANG DAG PAR SGRUB PA DANG, RAGS PA DANG, RAGS PA MA YIN PAR RAB TU DBYE BAR SHES PAR BYA'O, ,DE LA KUN NAS DKRIS PA NI 'DOD CHAGS DANG BCAS PA LA SOGS PA STE, GANG GI PHYIR 'DOD CHAGS DANG BCAS PA'I SEMS LA YANG 'DOD CHAGS DANG BCAS PA'I SEMS SU YANG DAG PA JI LTA BA BZHIN DU RAB TU SHES SO, ,'DOD CHAGS DANG BRAL BA'I SEMS LA YANG 'DOD CHAGS DANG BRAL BA'I SEMS SU YANG DAG PA JI LTA BA BZHIN DU RAB TU SHES SO, ,ZHE SDANG DANG BCAS PA DANG, ZHE SDANG DANG BRAL BA DANG, GTI MUG DANG BCAS PA DANG, GTI MUG DANG BRAL BA ZHES GSUNGS PA'O, ,BAG LA NYAL NI NYON MONGS PA DANG BCAS PA DANG, NYON MONGS PA MED PA STE, GANG GI PHYIR NYON MONGS PA DANG BCAS PA DANG, NYON MONGS PA MED PA ZHES GSUNGS PA'O, ,SKYE BA NI MI RNAMS KYI NI CHUNG BA'O, ,'DOD PA NA SPYOD PA'I LHA RNAMS KYI NI YANGS PA'O, ,GZUGS NA SPYOD PA'I LHA RNAMS KYI NI RGYA CHEN POR GYUR PA'O, ,GZUGS MED PA GNYIS KYI NI TSAD MED PA STE, GANG @178B GI PHYIR CHUNG BA DANG, YANGS PA DANG, RGYA CHEN POR GYUR PA DANG TSAD MED PA ZHES GSUNGS PA'O, ,TING NGE 'DZIN LA SBYOR BA NI BSDUS PA DANG SPROS PA STE, GANG GI PHYIR BSDUS PA DANG SPROS PA ZHES GSUNGS PA'O, ,TING NGE 'DZIN THOB PA NI SNYOMS PAR ZHUGS PA DANG, LANGS PA RNAMS KYI MNYAM PAR BZHAG PA DANG MNYAM PAR MA BZHAG PA STE, GANG GI PHYIR MNYAM PAR BZHAG PA DANG MNYAM PAR MA BZHAG PA ZHES GSUNGS PA'O, ,RNAM PAR GROL BA NI RNAM PAR GROL BA DANG RNAM PBAR MA GROL B STE, GANG GI PHYIR RNAM PAR GROL BA DANG RNAM PAR MA GROL BA ZHES GSUNGS PA'O, ,LOG PA DANG YANG DAG PAR BSGRUB PA RNAMS LA NI GRAGS PA RNAMS LA 'DOD PAS SPYOD PA'I RIGS PA MA YIN PA DANG RIGS PA STE, GANG GI PHYIR SKYON CAN DANG SKYON MED PA ZHES GSUNGS PA'O, ,SO SO'I SKYE BO MNGON PA'I NGA RGYAL CAN GZHAN RNAMS KYI NYON MONGS PA RAGS PA DANG CHA PHRA BA KUN DU 'BYUNG BA NI, GANG GI PHYIR SEMS RAGS PA LA YANG SEMS RAGS PA'O ZHES YANG DAG PA JI LTA BA BZHIN RAB TU SHES SO, ,SEMS RAGS PA MA YIN PA LA YANG SEMS RAGS PA MA YIN PA'O ZHES YANG DAG PA JI LTA BA BZHIN DU RAB TU SHES SO ZHES GSUNGS PA'O, ,SNGON GYI GNAS RJES SU DRAN PA'I MNGON PAR SHES PAS NI DRAN PA GANG GIS DRAN PA STE, GANG GI PHYIR DE SNGON GYI GNAS RNAM PA DU MA RJES SU DRAN TE ZHES GSUNGS PA'O, ,GANG DRAN PA NI GANG GI PHYIR TSE RABS GCIG KYANG RJES SU DRAN NO, ,TSE RABS GNYIS DANG GSUM NAS BSKAL PA BYED BA KHRAG KHRIG 'BUM PHRAG DU MA'I BAR DU RJES SU DRAN NO ZHES GSUNGS PA'O, ,JI LTAR DRAN PA STE THA SNYAD KYI RGYU THA DAD PA NI GANG GI PHYIR CHE GE MO ZHIG NA BDAG MING NI 'DI ZHES BYA BAR GYUR CES GSUNGS PA'O, ,RUS THA DAD PA NI GANG GI PHYIR RUS NI 'DI ZHES BYA ZHES GSUNGS PA'O, ,YA RABS DANG MA RABS THA DAD PA NI GANG GI PHYIR RIGS NI 'DI ZHES BYA ZHES GSUNGS PA'O, ,RTON PA THA DAD PA NI GANG GI PHYIR KHA ZAS NI 'DI LTA BU ZHIG ZA ZA ZHES GSUNGS PA'O, ,'DU BYED THA DAD PA NI GANG GI PHYIR TSE 'DI LTA BU ZHIG THUB, YUN 'DI SRID CIG GNAS GNAS ZHES GSUNGS PA'O, ,DAR BA DANG RGUD PA THA DAD PA NI GANG GI PHYIR BDE BA DANG SDUG BSNGAL NI 'DI LTA BU ZHIG MYONG ZHES GSUNGS PA STE, DE @179A *, ,DAG YONGS SU BSTAN TO, ,DE LA RUS THA DAD PA NI PHA DANG MA THA DAD PA'O, ,YA RABS DANG MA RABS THA DAD PA NI BRAM ZE DANG RGYAL RIGS LA SOGS PA THA DAD PA'O, ,'DU BYED THA DAD PA NI TSE'I TSAD DANG, DUS MA YIN PA DANG DUS SU 'CHI BA'O, ,DE LA RNAM PA NI DE DAG THAMS CAD THA DAD PA STE, GANG GI PHYIR RNAM PA DANG BCAS ZHES GSUNGS PA'O, ,DAN RTAGS NI MING STE GANG GI PHYIR DAN RTAGS DANG BCAS ZHES GSUNGS PA'O, ,RGYU MTSAN NI RIGS LA SOGS PA STE, RGYU MTSAN DANG BCAS PAR ZHES GSUNGS PA'O, ,RNAM GRANGS GZHAN DU TSE RABS GCIG DANG GNYIS DANG GSUM ZHES BYA BA LA SOGS PA NI RNAM PA DAG GO, ,DAN RTAGS NI MING LA SOGS PA'O, ,RGYU MTSAN NI BDAG DE NAS SHI 'PHOS NAS CHE GE MO ZHIG TU SKYES SO ZHES BYA'O, ,SKYE BA'I RGYU MTSAN NI GANG GIS BSKYED PA'O, ,'CHI 'PHO BA DANG SKYE BA'I MNGON PAR SHES PA NI GANG GIS MTHONG ZHE NA, LHA'I MIG LA SOGS PA STE GANG GI PHYIR LHA'I MIG RNAM PAR DAG PA MI'I LAS 'DAS PAS ZHES GSUNGS PA'O, ,GANG MTHONG ZHE NA, SEMS CAN RNAMS 'CHI 'PHO BA MTHONG BA STE, GANG GI PHYIR SEMS CAN 'CHI 'PHO BA DANG, SKYE BA DANG, MDOG SDUG PA DANG, MDOG MI SDUG PA DANG, BDE BAR SONG BA DANG, NGAN PAR SONG BA DANG, BZANG PO DANG NGAN PA RNAMS MTHONG NGO, ,LAS JI LTA BA BZHIN DU NYE BAR 'GRO BA'I SEMS CAN RNAMS YANG DAG PA JI LTA BA BZHIN DU RAB TU SHES SO ZHES GSUNGS PA'O, ,JI LTAR MTHONG BA NI KYE MA SEMS CAN 'DI DAG NI LUS KYIS NYES PAR SPYOD PA DANG LDAN PA, NGAG GIS NYES PAR SPYOD PA DANG LDAN PA, YID KYIS NYES PAR SPYOD PA DANG LDAN PA, 'PHAGS PA RNAMS LA SKUR PA 'DEBS PA, LOG PAR LTA BA CAN DAG STE, LOG PAR LTA BA'I LAS YANG DAG PAR BLANGS PA'I RGYUS LUS ZHIG STE, SHI BA'I 'OG TU NGAN SONG NGAN 'GRO LOG PAR LHUNG BA SEMS CAN DMYAL BA RNAMS SU SKYE'O ZHES BYA BA DANG, KYEM SEMS CAN 'DI DAG NI LUS KYIS LEGS PAR SPYOD PA DANG LDAN PA ZHES BZLOG PA NAS BDE 'GRO MTHO RIS KYI 'JIG RTEN DU LHA RNAMS KYI NANG DU SKYE'O ZHES BYA BAR RAB TU SHES PA DE YONGS SU BSTAN TO, ,LHAG MA NI NYAN THOS KYI THEG PA LAS 'BYUNG BA DANG, THUN MONG BAS RNAM PAR MA PHYE @179B BA'O, ,DE BSAM GTAN DANG, RNAM PAR THAR PA DANG, TING NGE 'DZIN DANG, SNYOMS PAR 'JUG PA 'DI DAG LA SNYOMS PAR 'JUG CING RNAM PAR LDANG YANG GANG DU BYANG CHUB KYI YAN LAG YONGS SU RDZOGS PAR 'GYUR BAR MTHONG BA DER CHED DU BSAMS TE, SMON LAM BTAB PA'I DBANG GIS SKYE BA MA GTOGS PAR DE DAG GI DBANG GIS MI SKYE'O ZHES BYA BA DE LA BSAM GTAN RNAMS NI JI SKAD BSTAN PA RNAMS SO, ,RNAM PAR THAR PA NI GZUGS MED PA DAG GO, ,TING NGE 'DZIN DAG NI TSAD MED PA RNAMS SO, ,SNYOMS PAR 'JUG PA RNAMS NI MNGON PAR SHES PA RNAMS TE BYUNG BA DANG DUS MNYAM DU JI LTAR BSAM PA'I BYA BA SGRUB PA'I PHYIR RO, ,BSAM GTAN DANG GZUGS MED PA DE DAG GI DBANG GIS MI SKYE ZHES BYA BA NI RANG DBANG GI SEMS KYI BSAM PA DE YANG DAG PAR SGRUB BO, ,GANG DU BYANG CHUB KYI YAN LAG YONGS SU RDZOGS PAR 'GYUR BAR MTHONG BA ZHES BYA BA NI GANG NA SANGS RGYAS RNAMS DANG, BYANG CHUB SEMS DPA' CHEN PO RNAMS DANG 'GROGS PA'O, ,CHOS THAMS CAD RNAM PAR DAG PAR 'PHO BA MED PA NYID DANG, KUN NAS NYON MONGS PAR RNAM PAR 'JIG PA MED PA NYID DU MTHONG STE, RTEN CING 'BREL PAR 'BYUNG BA'I PHYIR RO, ,RNAM PAR DAG PA DER YANG CI YANG GZHAG PA MED LA, KUN NAS NYON MONGS PA LAS KYANG CI YANG BSAL BA MED DE, GNYEN PO LA BRTEN NAS KUN NAS NYON MONGS PA RNAM PAR LDOG CING, RNAM PAR DAG PA YANG MNGON TE, GANG GI PHYIR CHOS THAMS CAD RKYEN LA BRTEN PA NYID YIN PAS 'PHO BA MED PA NYID DANG, RNAM PAR 'JIG PA MED PA NYID DU RTOGS PAS ZHES GSUNGS PA'O, ,DE'I KUN 'BYUNG BA RING DU GYUR PAS, DE BAS KYANG SHAS CHER 'DOD PA DANG, GZUGS DANG GZUGS MED PA DANG LDAN PA'I NYON MONGS PA BSGOMS PAS SPANG BAR BYA BA THAMS CAD DE'I RGYUR GYUR PA MA RIG PA DANG BCAS PAR BSRABS PAR 'GYUR RO, ,LTA BA RNAMS NI SA DANG PO NYID DU MTHONG BA'I LAM GYIS SPANGS PA YIN TE, GANG GI PHYIR DE DE BAS KYANG SHAS CHER 'DOD PA'I 'CHING BA THAMS CAD BSRABS PAR 'GYUR RO, ,GZUGS KYI 'CHING BA THAMS CAD DANG, SRID PA'I 'CHING BA THAMS CAD DANG, MA RIG PA'I 'CHING BA THAMS CAD SPANGS PAR 'GYUR RO, ,DE'I LTA BAR GYUR @180A *, ,PA'I 'CHING BA RNAMS NI SNGA NAS KYANG SPANGS PA YIN NO ZHES GSUNGS PA'O, ,LOG PA'I 'DOD CHAGS LA SOGS PA 'GRIB PAR BYA BA MA YIN PAR SPONG BAR 'GYUR ZHES BYA BA LA MI DGE BA'I RTZA BA RNAMS KYI BAG LA NYAL SPONG BA YIN GYI, SNGAR BSAL BA'I PHYIR KUN DU 'BYUNG BA SEL BAR NI MA YIN TE, GNAG GI PHYIR BYANG CHUB SEMS DPA'I SA 'OD BYED PA 'DI LA GNAS PA'I BYANG CHUB SEMS DPA' DE NI BSKAL PA BRGYA PHRAG DU MA NAS, BSKAL PA BYE BA KHRAG KHRIG 'BUM PHRAG DU MAR LOG PA'I 'DOD CHAGS 'GRIB PAR BYA BA MA YIN PAR SPONG BAR 'GYUR RO, ,LOG PA'I ZHE SDANG 'GRIB PAR BYA BA MA YIN PA DANG, LOG PA'I GTI MUG 'GRIB PAR BYA BA MA YIN PAR SPONG BAR 'GYUR RO ZHES GSUNGS SO, ,GSER GYI SA LE SBRAM GYI DPES NI GRON MED DE SRANG KA THUB PAS SA 'OG MA LA DBANG BYED DE, SA 'DI LA 'DOD CHAGS DANG BRAL BAR 'GRO BA NYAMS PA MED PAR YONGS SU STON TE, GANG GI PHYIR KYE RGYAL BA'I SRAS DAG 'DI LTA STE, DPER NA GSER GYI SA LE SBRAM DE NYID MGAR BA MKHAS PA'I LAG NA BSREL NA SRANG GRANGS KYI TSAD BZHIN DU 'DUG GO, ,KYE RGYAL BA'I SRAS DAG DE BZHIN DU BYANG CHUB SEMS DPA'I SA 'OD BYED PA 'DI LA GNAS PA'I BYANG CHUB SEMS DPA' YANG, BSKAL PA BRGYA PHRAG DU MA NAS BSKAL PA BYE BA KHRAG KHRIG 'BUM PHRAG DU MA'I BAR DU LOG PA'I 'DOD CHAGS 'GRIB PAR BYA BA MA YIN PAR SPONG BAR 'GYUR RO ZHES GSUNGS PA STE SNGA MA BZHIN NO, ,DE GNOD PA BYED PA LA MI 'KHRUGS PA DANG, GZHAN GYI SEMS RJES SU SRUNG BA'I PHYIR, BZOD PA DANG DES PA'I BSAM PA SHAS CHER YONGS SU DAG PA YIN TE, GNAG GI PHYIR DE'I BZOD PA DANG DES PA'I BSAM PA YANG DE BAS SHAS CHER YONGS SU DAG PAR 'GYUR ZHES GSUNGS PA'O, ,DE NI GNOD PA BYED PA'I BYE BRAG GIS THA DAD PAR YONGS SU STON TE, GNOD PA BYED DU DOGS PA LA NI BSHES PA NYID SNYAN PA'I TSIG GIS SBYOR TE GANG GI PHYIR BSHES SHING 'JAM PA'I BSAM PA NYID CES GSUNGS PA'O, ,GNOD PA BYED PA LA NI MI 'KHRUGS PA DANG, PHYIR MI GSHE BA LA SOGS PA DANG YID MI BDE BA MI BSKYED PA NI GNAG GI PHYIR MI G-YO BA'I BSAM PA NYID DANG MI 'KHRUGS @180B PA'I BSAM PA NYID DANG G-YO BA MED PA'I BSAM PA NYID CES GSUNGS PA'O, ,'DAS PA LA NGA RGYAL MED PAS BDAG GIS BSHAD KYIS 'CHAGS PA NI GNAG GI PHYIR, MTHO DMAN MED PA'I BSAM PA NYID, ,CES GSUNGS PA'O, ,GZHAN LAS 'DUD PA'I BYA BA LA MI SMON PA NI GANG GI PHYIR SEMS CAN GYIS BYAS PA LA 'DOD PA MED PA'I BSAM PA NYID CES GSUNGS PA'O, ,LAN DU PHAN 'DOGS PAR BYED PAR SMON PA NI GNAG GI PHYIR BYAS PA LA PHYIR BYED PAR RE BA MED PA'I BSAM PA NYID CES GSUNGS PA'O, ,BCOS PA MA YIN PAR PHAN GDAGS PAR SPYOD PA SBYOR BA DANG, NYE MGON MED DE MNYAM PAR PHAN 'DOGS PAR 'JUG PA NI GANG GI PHYIR G-YO MED CING SGYU MED PA'I BSAM PA NYID CES GSUNGS PA'O, ,MI DGA' BA CHUNG DU DANG YANG 'BREL PA MED PA NI GNAG GI PHYIR, THIBS PO MED PA'I BSAM PA NYID, ,CES GSUNGS PA'O, ,SA 'DI'I LHAG MA NI SNGA MA'I TSUL BZHIN DU RIG PAR BYA'O, ,'PHAGS PA SA BCU PA LAS, SA GSUM PA'I RNAM PAR BSHAD PA RDZOGS SO,, ,,BAM PO BDUN PA, SA BZHI PA NI TING NGE 'DZIN RNAM PAR DAG PA LA BRTEN NAS, THOS PA GZUNG BA YANG DAG PA JI LTA BA BZHIN DU SHES PA RNAM PAR DAG PAS RAB TU PHYE BA'O, ,DE YANG RNAM PA BZHIS RNAM PAR GZHAG PAR RIG PAR BYA STE, RNAM PAR DAG PA DANG GNYEN PO BSGOM PA 'PHEL BA'I RGYU RNAM PAR GZHAG PA DANG, RNAM PAR DAG PA 'PHEL BA RNAM PAR GZHAG PA DANG, GNYEN PO BSGOM PA 'PHEL BA RNAM PAR GZHAG PA DANG, DE'I 'BRAS BU RNAM PAR GZHAG PAS SO, ,DE LA RNAM PAR DAG PA DANG GNYEN PO BSGOM PA 'PHEL BA'I RGYU NI CHOS LA SNANG BAS 'JUG PA BCU STE, GANG GI PHYIR KYE RGYAL BA'I SRAS DAG BYANG CHUB SEMS DPA'I SA GSUM PA LA SNANG BA SHIN TU YONGS SU DAG PA'I BYANG CHUB SEMS DPA' DE BYANG CHUB SEMS DPA'I SA BZHI PA NON TE, DES CHOS LA SNANG BA'I 'JUG PA BCUS GNON TO ZHES GSUNGS PA'O, ,SNANG BA NA RTOGS PA'I YE SHES TE DES DER RTOGS PA LA DE BZHIN GSHEGS PAS BSTAN PA'I CHOS RNAMS LA 'JUG PAS YE SHES DE NI CHOS LA SNANG BAS 'JUG PA'O, ,DE DAG DANG DE MTSUNGS PAR RTOG PA STE, SHES BYA JI LTA BA BZHIN DU GNYI GA 'BYUNG BA'I PHYIR RO, ,DE NI RNAM PAR DPYAD PA'I BYE BRAG @181A *, ,RNAM PA BCUS RIG PAR BYA STE, RNAM PAR DPYAD PA'I BYE BRAG LA SEMS CAN RNAMS GDAGS PA'I BYE BRAG NI, GANG GI PHYIR SEMS CAN GYI KHAMS RNAM PAR DPYAD PA LA SNANG BAS 'JUG PA ZHES GSUNGS PA'O, ,GNAS KYI BYE BRAG NI GNAG GI PHYIR 'JIG RTEN GYI KHAMS RNAM PAR DPYAD PA LA SNANG BAS 'JUG PA ZHES GSUNGS PA'O, ,RANG BZHIN GYI BYE BRAG NI GNAG GI PHYIR CHOS KYI DBYINGS RNAM PAR DPYAD PA LA SNANG BAS 'JUG PA SHES GSUNGS PA'O, ,MTHA'I BYE BRAG NI GANG GI PHYIR NAM MKHA' RNAM PAR DPYAD PA LA SNANG BAS 'JUG PA ZHES GSUNGS PA'O, ,KUN NAS NYON MONGS PA DANG RNAM PAR BYANG BA'I GNAS KYI BYE BRAG NI GANG GI PHYIR RNAM PAR SHES PA'I KHAMS RNAM PAR DPYAD PA LA SNANG BAS 'JUG PA ZHES GSUNGS PA'O, ,KUN NAS NYON MONGS PA'I BYE BRAG NI GNAG GI PHYIR 'DOD PA'I KHAMS RNAM PAR DPYAD PA LA SNANG BAS 'JUG PA DANG, GZUGS KYI KHAMS RNAM PAR DPYAD PA LA SNANG BAS 'JUG PA DANG, GZUGS MED PA'I KHAMS RNAM PAR DPYAD PA LA SNANG BAS 'JUG PA ZHES GSUNGS PA'O, ,RNAM PAR BYANG BA'I BYE BRAG NI GANG GI PHYIR BSAM PA RLABS PO CHE'I MOS PA'I RNAM PAR DPYAD PA LA SNANG BAS 'JUG PA DANG, CHE BA NYID KYI BSAM PA MOS PA'I KHAMS RNAM PAR DPYAD PA LA SNANG BAS 'JUG PA ZHES GSUNGS PA'O, ,DE LA KUN NAS NYON MONGS PA NI KHAMS GSUM PO DAG GO, ,RNAM PAR BYANG BA NI RNAM PA GNYIS TE, KUN NAS NYON MONGS PA MED PA DANG SEMS CAN YONGS SU MI GTONG BA'I DBANG DU BYAS NAS, NYAN THOS LA SOGS PA DANG THUN MONG DANG THUN MONG MA YIN PA'I PHYIR RO, ,DE LA RNAM PAR DAG PA 'PHEL BA NI DE BZHIN GSHEGS PA'I RIGS SU YANG DAG PAR 'GRUB PA STE, GANG GI PHYIR KYE RGYAL BA'I SRAS DAG DE LA BYANG CHUB SEMS DPA'I SA 'OD 'PHRO BA CAN THOB MA THAG TU BYANG CHUB SEMS DPA' DE BZHIN GSHEGS PA'I RIGS SU DE'I BDAG NYID KYI CHOS THOB PA'I PHYIR YE SHES YONGS SU SMIN PAR BYED PA'I CHOS BCUS YANG DAG PAR 'GRUB PA YIN NO ZHES GSUNGS PA'O, ,JI LTAR NA DE BZHIN GSHEGS PA'I RIGS SU YANG DAG PAR GRUB PA YIN ZHE NA, MANG DU THOS PA'I GNAS KYIS YE SHES KHYAD ZHUGS PAR GYUR PAS, SHES BYA'I SGRIB PA SPONG BA YONGS SU 'DZIN PA'I KHYAD PAR GYI PHYIR @181B TE; RNAM PAR DAG PA'I KHYAD PAR DE 'DRA BA DE NI DE BZHIN GSHEGS PA'I RIGS SO, ,DE BAS NA DE'I BDAG NYID KYI CHOS THOB PA'I PHYIR ZHES GSUNGS PA STE, DE BZHIN GSHEGS PA'I BDAG NYID KYI CHOS GANG DAG YIN PA NI GNAG DAG GIS DE BZHIN GSHEGS PAS RAB TU PHYE BA'O, ,YE SHES YONGS SU SMIN PAR BYED PA'I CHOS BCUS ZHES BYA BA NI CHOS LA SNANG BAS 'JUG PA DANG, DUS MNYAM DU THOS PA DAG GIS ZHES BYA BAR RIG PAR BYA'O, ,DE DAG NI YE SHES RNAM PA BZHIS YONGS SU SMIN PAR BYED PAS YE SHES YONGS SU SMIN PAR BYED PA STE, YE SHES RNAM PA BZHI LA RANG GI GNAS LA GNAS PA NI GANG GI PHYIR, PHYIR MI LDOG PA'I BSAM PA NYID CES GSUNGS PA'O, ,DKON MCHOG GSUM LA DAD PA DANG LDAN PA NI GANG GI PHYIR, DKON MCHOG GSUM LA DAD PA MI PHYED PA'I MTHAR THUG PAR 'GRO BA ZHES GSUNGS PA'O, ,DE BZHIN NYID SHES PA NI GNAG GI PHYIR, 'DU BYED KYI SKYE BA DANG 'JIG PA LA RNAM PAR 'JIG PA DANG RANG BZHIN GYIS MA SKYES PAR RNAM PAR 'JIG PA ZHES GSUNGS PA'O, ,RNAM PAR GZHAG PA SHES PA NI GANG GI PHYIR 'JIG RTEN 'BYUNG BA LA RNAM PAR 'JIG PA DANG, LAS KYI SRID PA SKYE BA LA RNAM PAR 'JIG PA DANG, 'KHOR BA DANG MYA NGAN LDAS 'DAS PA LA RNAM PAR 'JIG PA DANG, ZHING DU LAS KYIS SEMS CAN LA RNAM PAR 'JIG PA DANG, SNGON GYI MTHA' DANG PHYI MA'I MTHA' LA RNAM PAR 'JIG PA DANG, DNGOS PO MED PA DANG ZAD PA MED PAR RNAM PAR 'JIG PA ZHES GSUNGS PA'O, ,RANG GI GNAS NI BYANG CHUB SEMS DPA'I THEG PA CHEN PO YIN PAR RIG PAR BYA'O, ,DE LA CHOS DANG PO GNYIS PO PHYIR MI LDOG PA'I BSAM PA NYID DANG, DKON MCHOG GSUM LA DAD PA MI PHYED PA MTHAR THUG PAR 'GRO BA NI SHES PA GONG MA GNYIS PO RANG GI GNAS LA GNAS PA DANG DKON MCHOG GSUM LA DAD PA DANG LDAN PA YONGS SU SMIN PAR BYED PA'O, ,CHOS GNYIS PO 'DU BYED KYI SKYE BA DANG, 'JIG PA LA RNAM PAR 'JIG PA DANG, RANG BZHIN GYIS MA SKYES PAR RNAM PAR 'JIG PA NI DE BZHIN NYID SHES PA GNAG ZAG DANG, CHOS LA BDAG MED PA LA DMIGS PA YONGS SU SMIN PA STE GO RIMS BZHIN NO, ,RNAM PAR 'JIG PA NI RTOG PA YIN PAR RIG PAR BYA'O, ,LHAG MA RNAMS NI RNAM PAR GZHAG PA'I SHES PA YONGS SU SMIN PAR BYA STE, DE @182A *, ,DAG KYANG KUN NAS NYON MONGS PA DANG RNAM PAR BYANG BA'I DBANG DU BYAS NAS, JI LTAR KUN NAS NYON MONGS PA DANG, KUN NAS NYON MONGS PA GANG YIN PA DANG, RNAM PAR BYANG BA GANG YIN PA DANG, JI LTAR RNAM PAR BYANG BA DE THA DAD PAS RIG PAR BYA'O, ,JI LTAR KUN NAS NYON MONGS SHE NA; SNOD KYI 'JIG RTEN 'BYUNG BA'I PHYIR TE, 'JIG RTEN 'BYUNG BA LA RNAM PAR 'JIG PA ZHES BYA BA'I TSIG 'DIS STON TO, ,SEMS CAN GYI 'JIG RTEN 'BYUNG BA'I PHYIR YANG YIN TE RGYU DANG BCAS PA'I SKYE BA YONGS SU SMOS PA'I PHYIR DANG, LAS KYI SRID PA SKYE BA LA RNAM PAR 'JIG PA ZHES BYA BA 'DIS STON TO; ,KUN NAS NYON MONGS PA GNAG YIN ZHE NA, 'KHOR BA'O, ,RNAM PAR BYANG BA GANG YIN ZHE NA, MYA NGAN LAS 'DAS PA'O, ,DE NI 'KHOR BA DANG MYA NGAN LAS 'DAS PA LA RNAM PAR 'JIG PA ZHES BYA PA'I TSIG 'DIS STON TO, ,JI LTAR RNAM PAR BYANG ZHE NA, SANGS RGYAS KYI ZHING RNAMS SU LAS RNAMS KYIS SEMS CAN RNAMS YONGS SU SMIN PAR BYED PA STE, ZHING DU LAS KYIS SEMS CAN LA RNAM PAR 'JIG PA ZHES BYA BA 'DIS STON TO, ,KUN NAS NYON MONGS PA DANG RNAM PAR BYANG BA NI SNGA PHYI STE, SNGON GYI MTHA' DANG PHYI MA'I MTHA' LA RNAM PAR 'JIG PA ZHES BYA BA 'DIS STON TO, ,DE DAG NYID SNGON GYI MTHA' DANG PHYI MA'I MTHA'O, ,GZHAG PA MED PA DANG, DOR BA MED PA NI DNGOS PO MED PA DANG, ZAD PA MED PAR RNAM PAR 'JIG PA ZHES BYA BA 'DIS STON TE, RNAM PAR BYANG BA LA 'PHEL BA'I TSUL GYIS DNGOS POR MI MTHONG LA, KUN NAS NYON MONGS PA LA 'BRI BA'I TSUL GYIS ZAD PAR MI MTHONG NGO, ,DE LA GNYEN PO BSGOM PA 'PHEL BA NI KUN NAS NYON MONGS PA LAS KUN DU BSRUNG BA'I PHYIR BYANG CHUB KYI PHYOGS SGOM PA STE, GANG GI PHYIR KYE RGYAL BA'I SRAS DAG BYANG CHUB SEMS DPA'I SA 'OD 'PHRO BA CAN 'DI LA GNAS PA'I BYANG CHUB SEMS DPA' DE NI BRTUN PA DANG, SHES BZHIN DANG DRAN PA DANG LDAN PAR GYUR NAS 'JIG RTEN LA BRNAB SEMS DANG YID MI BDE BA RNAM PAR SPANGS TE, NANG GI LUS LA LUS KYI RJES SU LTA ZHING GNAS SO, ,BRTUN PA DANG, SHES BZHIN DANG, DRAN PA DANG LDAN PAR GYUR NAS, 'JIG RTEN LA BRNAB SEMS DANG YID MI BDE BA RNAM PAR SPANGS TE, PHYI'I LUS LA LUS KYI RJES SU LTA ZHING GNAS SO, , @182B BRTUN PA DANG, SHES BZHIN DANG DRAN PA DANG LDAN PAR GYUR NAS, 'JIG RTEN LA BRNAB SEMS DANG YID MI BDE BA RNAM PAR SPANGS TE, NANG DANG PHYI'I LUS LA LUS KYI RJES SU LTA ZHING GNAS SO, ,DE BZHIN DU BRTUN PA DANG, SHES BZHIN DANG DRAN PA DANG LDAN PAR GYUR NAS 'JIG RTEN LA BRNAB SEMS DANG, YID MI BDE BA RNAM PAR SPANGS TE, NANG GI TSOR BA RNAMS DANG, PHYI'I TSOR BA RNAMS DANG, DE BZHIN DU NANG DANG PHYI'I TSOR BA RNAMS DANG, DE BZHIN DU NANG GI SEMS DANG, PHYI'I SEMS DANG, NANG DANG PHYI'I SEMS DANG, DE BZHIN DU NANG GI CHOS RNAMS DANG, PHYI'I CHOS RNAMS DANG, NANG DANG PHYI'I CHOS RNAMS LA CHOS KYI RJES SU LTA ZHING GNAS SO, ,DE SDIG PA MI DGE BA'I CHOS MA SKYES PA RNAMS MI SKYED PA'I PHYIR 'DUN PA SKYED DO, ,'BAD DO, ,BRTZON 'GRUS RTZOM MO, ,SEMS RAB TU 'DZIN TO, ,YANG DAG PAR RAB TU 'JOG GO, ,SDIG PA MI DGE BA'I CHOS SKYES PA RNAMS SPANGS PA'I PHYIR 'DUN PA SKYED DO, ,'BAD DO, ,BRTZON 'GRUS RTZOM MO, ,SEMS RAB TU 'DZIN TO, ,YANG DAG PAR RAB TU 'JOG GO, ,DGE BA'I CHOS MA SKYES PA RNAMS SKYED PA'I PHYIR 'DUN PA SKYED DO, ,'BAD DO, ,BRTZON 'GRUS RTZOM MO, ,SEMS RAB TU 'DZIN TO, ,YANG DAG PAR RAB TU 'JOG GO, ,DGE BA'I CHOS SKYES PA RNAMS GNAS PA DANG, MI NYAMS PA DANG, RGYAS PAR 'GYUR PA DANG, PHYIR ZHING 'BYUNG BA DANG RAB TU RDZOGS PAR BYA BA'I PHYIR 'DUN PA SKYED DO, ,'BAD DO, ,BRTZON 'GRUS RTZOM MO, ,SEMS RAB TU 'DZIN TO, ,YANG DAG PAR RAB TU 'JOG GO, ,DE 'DUN PA'I TING NGE 'DZIN SPONG BA'I 'DU BYED DANG LDAN PA'I RDZU 'PHRUL GYI RKANG PA DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,BRTZON 'GRUS KYI TING NGE 'DZIN SPONG BA'I 'DU BYED DANG LDAN PA'I RDZU 'PHRUL GYI RKANG PA DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,SEMS KYI TING NGE 'DZIN SPONG BA'I 'DU BYED DANG LDAN PA'I RDZU 'PHRUL GYI RKANG PA DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG @183A *, ,PAS YONGS SU BSGYUR BA BSGOM MO, ,DPYOD PA'I TING NGE 'DZIN SPONG BA'I 'DU BYED DANG LDAN PA'I RDZU 'PHRUL GYI RKANG PA DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,DE DAD PA'I DBANG PO DBEN PA LA GNAS PA, 'DOD CHAGS DANG BRAL PA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,BRTZON 'GRUS KYI DBANG PO DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,DRAN PA'I DBANG PO DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,TING NGE 'DZIN GYI DBANG PO DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,SHES RAB KYI DBANG PO DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,DE DAD PA'I STOBS DBEN PA LA GNAS PA, 'DOD CHAGS DANG BRAL BA LA GNAS PA; 'GOG PA LA GNAS PA, RNAM PAR SPONG PAS YONGS SU BSGYUR BA BSGOM MO, ,BRTZON 'GRUS KYI STOBS DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,DRAN PA'I STOBS DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,TING NGE 'DZIN GYI STOBS DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,SHES RAB KYI STOBS DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,DE DRAN PA YANG DAG BYANG CHUB KYI YAN LAG DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS @183B YONGS SU BSGYUR BA BSGOM MO, ,CHOS RNAM PAR 'BYED PA YANG DAG BYANG CHUB KYI YAN LAG DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,BRTZON 'GRUS YANG DAG BYANG CHUB KYI YAN LAG DBEN PA LA GNAS PA; 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,DGA' BA YANG DAG BYANG CHUB KYI YAN LAG DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,SHIN TU SBYANGS PA YANG DAG BYANG CHUB KYI YAN LAG DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,TING NGE 'DZIN YANG DAG BYANG CHUB KYI YAN LAG DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,BTANG SNYOMS YANG DAG BYANG CHUB KYI YAN LAG DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, , YANG DAG PA'I LTA BA DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,YANG DAG PA'I RTOG PA DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,YANG DAG PA'I NGAG DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,YANG DAG PA'I LAS KYI MTHA' DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,YANG DAG PA'I 'TSO BA DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,YANG DAG PA'I RTZOL BA DBEN PA LA GNAS PA, 'DOD CHAGS @184A *, ,DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,YANG DAG PA'I DRAN PA DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO, ,YANG DAG PA'I TING NGE 'DZIN DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU BSGYUR BA BSGOM MO ZHES GSUNGS PA'O, ,THEG PA CHUNG DU LAS KUN DU BSRUNG BA'I PHYIR BYANG CHUB KYI PHYOGS PA DE DAG SEMS CAN THAMS CAD LA LTA BA DANG BCAS PAS BSGOM PAR YONGS SU STON TE, GANG GI PHYIR DE DAG KYANG SEMS CAN THAMS CAD LA LTA BA DANG BCAS PA ZHES GSUNGS PA'O, ,SEMS CAN THAMS CAD LA LTA BA DANG BCAS PA DE YANG 'PHANGS PA NI, GANG GI PHYIR SNGON SMON LAM MNGON PAR BSGRUBS PAS NYE BAR BSTAN PA DE YANG GSUNGS PA'O, ,SNYING BRTZE BA NI GANG GI PHYIR SNYING RJE CHEN PO SNGON DU 'GRO BA DANG, BYAMS PA CHEN PO DANG LDAN PA ZHES GSUNGS PA'O, ,'DUN PA NI GANG GI PHYIR, THAMS CAD MKHYEN PA'I YE SHES LA LHAG PAR DMIGS PA ZHES GSUNGS PA'O, ,SGRUB PA NI GANG GI PHYIR SANGS RGYAS KYI ZHING GI RGYAN RNAM PAR SGRUB PA MNGON PAR SGRUB PA DANG, DE BZHIN GSHEGS PA'I STOBS DANG, MI 'JIGS PA DANG, SANGS RGYAS KYI CHOS MA 'DRES PA DANG, MTSAN DANG DPE BYAD BZANG PO DANG, GSUNG DBYANGS PHUN SUM TSOGS PA MNGON PAR SGRUB PA DANG, GONG NAS GONG DU KHYAD PAR CAN GYI CHOS YONGS SU TSOL BA DANG, SANGS RGYAS KYI CHOS ZAB MO RNAM PAR THAR PA MNYAN PA'I RJES SU 'GRO BA DANG, THABS LA MKHAS PA CHEN POS RNAM PAR SPYOD PAS SO ZHES GSUNGS PA'O, ,DE LTAR SEMS CAN THAMS CAD LA LTA BA DANG BCAS PA NYID DE NI KUN NAS NYON MONGS PA LAS KUN DU BSRUNG BA DANG, THEG PA DMAN PA LAS KUN DU BSRUNG BAS BYANG CHUB KYI PHYOGS PA BSGOM PA LA GNYEN PO BSGOM PA 'PHEL BA NI 'PHANGS PA DANG, SNYING BRTZE BA DANG, 'DUN PA DANG SGRUB PAS YONGS SU BSTAN TE, DE LA BYAMS PA DANG SNYING RJE GNYIS KYIS NI SNYING BRTZE BA'O, ,SANGS RGYAS KYI YE SHES THOB PAR MNGON PAR 'DOD PAS NI 'DUN PA'O, ,SGRUB PA NI RNAM PA LNGA STE, ZHING YONGS @184B SU DAG PAR BYED PA'I SGRUB PA DANG, SANGS RGYAS KYI CHOS MNGON PAR SGRUB PA'I SGRUB PA DANG, DE'I THABS KYI DBANG DU BYAS NAS SA LA CHOG PAR MI 'DZIN PAR SGRUB PA DANG, PHYIR MI LDOG PA'I SA GNON PA'I SGRUB PA DANG, SEMS CAN YONGS SU SMIN PAR BYED PA'I SGRUB PA STE, GSUNG DBYANGS NI CHOS KYI DUNG YIN PAR RIG PAR BYA'O, ,DE LA GNYEN PO BSGOM PA 'PHEL BA'I 'BRAS BU NI BDAG GIS SHES SO, ,BDAG GI SHES PA'O, ,BDAG SGOM PAR BYED DO, ,BDAG GI BSGOM PA'O ZHES BYA BA LA SOGS PAS LHAG PAR G-YO BA DANG, 'BRAL BAR G-YO BA RNAMS SPANGS PA STE, TING NGE 'DZIN LAS LDANG BAR BYED PA'I PHYIR LHAG PAR G-YO BA RNAMS SO, ,TING NGE 'DZIN DANG 'GAL BAR BYED PA'I PHYIR 'BRAL BAR G-YO BA RNAMS SO, ,DE DAG GIS 'PHANGS PA RNAMS DANG, MNGON PAR 'DU BYED PA DANG, SBYOR BA DANG, YONGS SU 'DZIN PA DANG NYES DMIGS KYIS BSTAN PAR RIG PAR BYA'O,, DE LA 'PHANGS PA NI 'JIG TSOGS LA LTA BA LA GNAS TE, SDON GANG ZAG DANG CHOS LA MNGON PAR ZHEN PAS 'PHANGS PA STE, GANG GI PHYIR DE 'JIG TSOGS LA LTA BA SNGON DU 'GRO BA'I BDAG DANG, SEMS CAN DANG, SROG DANG, GSO BA DANG, SKYES BU DANG, GANG ZAG DANG, PHUNG PO DANG, KHAMS DANG SKYE MCHED LA MNGON PAR ZHEN PAS KUN NAS BSLANG BA'I G-YO BA'I LHAG PAR G-YO BA DANG 'BRAL BAR G-YO BA RNAMS ZHES GSUNGS PA'O, ,YANG DAG PA MA YIN PAR BSAM PA'I PHYIR MNGON PAR 'DU BYED DE, GANG GI PHYIR RNAM PAR BRTAGS PA ZHES GSUNGS PA'O, ,GZHAN GO BAR BYA BA LA RNAM PAR DPYOD PAS SBYOR BA STE, GANG GI PHYIR RNAM PAR DPYAD PA RNAMS ZHES GSUNGS PA'O, ,YANG DANG YANG SO SOR RTOG PA'I PHYIR DANG, BDAG GI NYID DU KHAS LEN PA'I PHYIR DANG, 'DZIN PA'I PHYIR YONGS SU 'DZIN PA STE, GANG GI PHYIR RTAG PAR 'DZIN PA RNAMS DANG, BDAG GIR 'DZIN PA RNAMS DANG, NOR DU 'DZIN PA RNAMS ZHES GSUNGS PA'O, ,SEMS 'DOGS PA'I GNAS YIN PAS NYES DMIGS TE, GANG GI PHYIR RTEN GYI GNAS RNAMS ZHES GSUNGS PA'O, ,DE LHAG PAR G-YO BA DANG, 'BRAL BAR G-YO BA RNAM PA DE LTA BU DE DAG SPANGS PA YIN TE, GANG GI PHYIR DE DAG THAMS CAD DANG BRAL BA YIN @185A *, ,NO ZHES GSUNGS PA'O, ,'DI NI RE ZHIG NYON MONGS PA'I KUN NAS NYON MONGS PA'I RNAM PAR SPANGS PA'I DBANG DU BYAS PA'I 'BRAS BU'O, ,DE BYA BA'I CHA MA YIN PA'I LAS YANG DAG PAR RDZOGS PA'I SANGS RGYAS KYIS SMAD PA, KUN NAS NYON MONGS PA DANG LDAN PA GANG DAG YIN PA DE DAG THAMS CAD KYI THAMS CAD DU SPONG NGO, ,LAS GANG DAG BYA BAR 'OS PA BYANG CHUB SEMS DPA'I LAM GYI TSOGS DANG MTHUN PA DE BZHIN GSHEGS PAS BSNGAGS PA DE DAG YANG DAG PAR BLANGS TE GNAS SO ZHES BYA BA NI LAS KYI KUN NAS NYON MONGS PA'I RNAM PAR SPANGS PA'I DBANG DU BYAS PA'O, ,DE DAG KYANG RNAM PA GNYIS KYIS BYA BA'I CHA MA YIN PA RNAMS ZHES BYA STE, SANGS RGYAS KYIS SMAD PA'I PHYIR STON PA LA GUS PA DANG, KUN NAS NYON MONGS PA DANG LDAN PA'I PHYIR, KHA NA MA THO BAS 'JIGS PA'O, ,RNAM PA GNYIS KYIS NA BYA BAR 'OS PA STE, BYANG CHUB SEMS DPA'I LAM GYI TSOGS DANG MTHUN PA'I PHYIR, KHA NA MA THO BA MED PA'I PHAN YON MTHONG BA DANG, DE BZHIN GSHEGS PAS BSNGAGS PA'I PHYIR STON PA LA GUS PAS SO, ,DE DE BAS KYANG JI LTA JI LTAR THABS DANG SHES RAB KYIS MNGON PAR SGRUB PA'I LAM YANG DAG PAR BSGRUB PA'I PHYIR, LAM GYI YAN LAG RNAMS BSGOMS PA DE LTA DE LTAR 'JAM PA'I SEMS DANG LDAN PA YIN ZHES BYA BA BCU PA PHRAG BZHIS 'BRAS BU RNAM PA BZHI YONGS SU STON TE, KHYAD PAR THOB PAR BYA BA'I PHYIR 'DUN PA DRAG PO DANG, DE STON PA'I STON PA LA BYAS PA GZO BA DANG, DE'I THABS LA SBYOR BA LA BRTZON 'GRUS BRTZAMS PA DANG, DE SNGON DU 'GRO BA'I KHAMS BRTAS PA'O, ,DE LA JI LTA JI LTAR THABS DANG SHES RAB KYIS MNGON PAR BSGRUBS PA NI, SEMS CAN THAMS CAD LA LTA BA DANG BCAS PAS BSGOM PA STE, SNGAR JI SKAD BSTAN PA BZHIN NO, ,LAM GYI YAN LAG RNAMS ZHES BYA BA NI BYANG CHUB KYI PHYOGS PA THAMS CAD LA LAM GYI YAN LAG RNAMS ZHES BYA'O, ,DE LTA DE LTAR 'JAM PA'I SEMS DANG LDAN PA YIN ZHES BYA BA NI 'DUN PA DANG, CHAGS PA DANG, DGA' BA DANG, DAD PA DRAG POS SO, ,'JAM PA'I SEMS NYID DE YANG RGYU GSUM GYIS STON TE, BDE BAR GNAS PA'I KHYAD PAR NI GANG GI PHYIR MNYAN PA'I SEMS DANG LDAN PA ZHES GSUNGS @185B PA'O, ,TING NGE 'DZIN LA DBANG PA'I KHYAD PAR NI GANG GI PHYIR LAS SU RUNG BA'I SEMS DANG LDAN PA YIN ZHES GSUNGS PA'O, ,NYES PA RNAM PAR 'BRI ZHING SPONG BA'I GNYEN PO'I KHYAD PAR NI GANG GI PHYIR PHAN PA DANG BDE BA SKYED PA'I SEMS DANG LDAN PA YIN ZHES GSUNGS PA'O, ,NYES PA DE YANG RNAM PA DRUG TU RIG PAR BYA STE, CHOS BSTAN PA'I DUS NA ZANG ZING DANG BCAS PA LA NYON MONGS PA'AM KLAN KA TSOL BA LA NYON MONGS PA STE, DE'I GNYEN POR YONGS SU NYON MONGS PA CAN MA YIN PA'I SEMS DANG LDAN PA YIN ZHES GSUNGS PA'O, ,SBYIN PA LA SOGS PA DANG 'DOD PA CHUNG BA LA SOGS PA'I YON TAN RNAMS DANG YE SHES KYIS CHOG PAR 'DZIN PA NI NYES PA STE, DE'I GNYEN POR GONG NAS GONG DU KHYAD PAR YONGS SU TSOL BA'I SEMS DANG LDAN PA YIN, YE SHES KYI KHYAD PAR MNGON PAR 'DOD PA'I SEMS DANG LDAN PA YIN ZHES GSUNGS PA'O, ,SEMS CAN YONGS SU SMIN PAR BYED PA NA SKYO BA NI NYES PA STE, DE'I GNYEN POR 'GRO BA THAMS CAD YONGS SU SKYOB PA'I SEMS DANG LDAN PA YIN ZHES BYA BA GSUNGS SO, ,BLA MAS LUNG PHOG PA NA RANG GI LTA BA MCHOG TU 'DZIN PA NI NYES PA STE, DE'I GNYEN POR BLA MA LA GUS PA DANG MTHUN PA'I SEMS DANG LDAN PA YIN ZHES BYA BA GSUNGS SO, ,SGRUB PA NA BRTZON PA 'DOR BA NI NYES PA STE, DE'I GNYEN POR JI SKAD THOS PA'I CHOS SGRUB PA'I SEMS DANG LDAN PA YIN NO ZHES BYA BA GSUNGS TE, DE LTA BU NI RE ZHIG 'JAM PA'I SEMS DANG LDAN PA YIN NO, ,JI SKAD THOS PA'I CHOS SGRUB PA'I SEMS DANG LDAN PA YIN NO ZHES BYA BA'I BAR GYI BCU PA 'DIS NI 'BRAS BU KHYAD PAR THOB PAR BYA BA'I PHYIR 'DUN PA DRAG PO NYID YANG DAG PAR BSTAN TO, ,DE NI DE BYAS PA GZO BA NYID YIN ZHES BYA BA BCU PA GNYIS PAS DE STON PA'I STON PA LA BYAS PA GZO BA NYID STON TO, ,DE LA DE BYAS PA GZO BA NYID YIN ZHES BYA BA NI, LAN DU PHAN 'DOGS PAR ZHUGS PA NYID YIN NO, ,BYAS PA GZO BA NYID DE YANG RNAM PA DGUS STON TE, STON PA'I DBANG DU BYAS NAS PHAN GDAGS PA YID LA BYED PA NI GANG GI PHYIR BYAS PA TSOR BA ZHES GSUNGS PA'O, ,CHOS MTHUN PA'I DBANG DU BYAS NAS SEMS SRUNG BA NI GANG GI PHYIR DES PA ZHES GSUNGS PA'O, ,CHOS LA RDZOGS PAR LONGS SPYOD PA'I DBANG DU BYAS NAS JI SKAD BSTAN @186A *, ,PA BZHIN DU SGRUB PA NI GANG GI PHYIR 'GROGS NA BDE BA ZHES GSUNGS PA'O, ,NYES PA GLENG BA DANG DRIS PAS 'KHRUG PA BZOD PAR BYED PA NI GANG GI PHYIR DRANG BA DANG MNYAN PA ZHES GSUNGS PA'O, ,ZANG ZING LA RDZOGS PAR LONGS SPYOD PA'I DBANG DU BYAS NAS, SBYIN BDAG RNAMS RANG GI NYES PA YANG DAG PAR MI 'CHAB PA DANG, YANG DAG PA MA YIN PA'I YON TAN MI BRJOD PA NI GANG GI PHYIR THIBS PO MED PAR SPYOD PA DANG SGYU MED PA ZHES GSUNGS PA'O, ,RANG GI YON TAN GYI KHYAD PAR GYI DBANG DU BYAS NAS KHENGS PAR MI 'GYUR BA NI GANG GI PHYIR NGA RGYAL MED PA ZHES GSUNGS PA'O, , RJES SU BSTAN PA'I DBANG DU BYAS NAS TSIG BRJOD PA NI GANG GI PHYIR BKA' BLO BDE BA ZHES GSUNGS PA'O, ,GDAMS NGAG GI DBANG DU BYAS NAS MA NOR BAR 'DZIN PA NI GANG GI PHYIR MTHUN PAR 'DZIN PA YIN NO ZHES GSUNGS PA'O, ,DE LTAR NA DE STON PA LA LAN DU PHAN 'DOGS PAR ZHUGS PA YIN NO, ,DE DE LTAR DUL BA DANG LDAN PA YIN ZHES BYA BA NA GNYEN PO BSGOM PA 'PHEL BA DANG LDAN PA'I PHYIR RO, ,DE LTAR ZHIB DANG LDAN ZHES BYA BA NI DE'I 'BRAS BU GONG MA DANG LDAN PA'I PHYIR RO, ,DE LTAR DUL BA DANG ZHI BA DANG LDAN PA ZHES BYA BA NI DE'I 'BRAS BU 'OG MA RNAMS DANG LDAN PA'I PHYIR TE, DE DAG NI GNYI GAS RAB TU PHYE BA'I PHYIR RO, ,DE LTAR BCU PA GNYIS PAS DE STON PA'I STON PA LA BYAS PA GZO BA NYID BSTAN NAS, RGYUN MI GCOD PA'I BRTZON 'GRUS DANG LDAN PA YIN ZHES BYA BA BCU PA GSUM PAS DE'I THABS LA SBYOR BA LA BRTZON 'GRUS BRTZAMS PA NYID STON TO, ,RGYUN MI GCOD PA'I BRTZON 'GRUS DANG LDAN PA ZHES BYA BA NI BRTZON 'GRUS MI NYAMS PA'O, ,RGYUN MI GCOD PA'I BRTZON 'GRUS DE YANG RNAM PA DGUS YANG DAG PAR STON TE, BRTZON 'GRUS DE MTSUNGS PA NYID DU 'JUG PA NI GANG GI PHYIR YONGS SU NYON MONGS PA CAN MA YIN PA'I BRTZON 'GRUS DANG LDAN PA YIN ZHES GSUNGS PA STE, YONGS SU NYON MONGS PA CAN ZHES BYA BA NI, HA CANG BRTUN PA DANG, HA CANG G-YEL BA GNYIS KYIS DUB PA DANG BCAS PA DANG, NYE BA'I NYON MONGS PA DANG BCAS PA'O, ,RANG GI THEG PA LAS MI G-YO BA NYID NI GANG GI PHYIR PHYIR MI LDOG PA'I BRTZON 'GRUS DANG LDAN PA YIN ZHES GSUNGS PA'O, ,SHIN TU RGYAS PA LA DMIGS PA @186B NYID NI GANG GI PHYIR SHIN TU RGYAS PA'I BRTZON 'GRUS DANG LDAN PA YIN ZHES GSUNGS PA'O, ,SEMS CAN DPAG TU MED PA'I DON BYA BA'I SMON LAM YONGS SU 'DZIN PA NYID NI GANG GI PHYIR MTHA' YAS PA'I BRTZON 'GRUS DANG LDAN PA YIN ZHES GSUNGS PA'O, ,RTAG TU GUS PAS 'JUG PA NYID NI GANG GI PHYIR SHIN TU SBYANGS PA'I BRTZON 'GRUS DANG LDAN PA YIN ZHES GSUNGS PA'O, ,DE LAS GZHAN PA'I BRTZON 'GRUS ZIL GYIS GNON PA NYID NI GANG GI PHYIR MTSUNGS PA MED PA'I BRTZON 'GRUS DANG LDAN PA YIN ZHES GSUNGS PA'O, ,BDUD DANG NYON MONGS PA KUN DU 'BYUNG BA THAMS CAD KYIS RGYUN MI CHOD PA NYID NI GANG GI PHYIR MI 'PHROGS PA'I BRTZON 'GRUS DANG LDAN PA YIN ZHES GSUNGS PA'O, ,YANG DAG PAR SDUD PAR BYED PA NYID NI GANG GI PHYIR SEMS CAN THAMS CAD YONGS SU SMIN PAR BYED PA'I BRTZON 'GRUS DANG LDAN PA YIN ZHES GSUNGS PA'O, ,THE TSOM GCOD PA DANG PHAS KYI RGOL BA TSAR GCOD PA DANG SHIN TU LDAN PA NYID NI GANG GI PHYIR TSUL DANG TSUL MA YIN PA RNAM PAR 'BYED PA'I BRTZON 'GRUS DANG LDAN PA YIN ZHES GSUNGS PA'O, ,DE LTAR BCU PA GSUM PAS DE'I THABS LA SBYOR BA LA BRTZON 'GRUS BRTZAM PA BSTAN NAS, DE DE BAS KYANG SHAS CHER BSAM PA'I KHAMS YONGS SU DAG PAR 'GYUR RO ZHES BYA BA BCU PA BZHI PAS DE SNGON DU 'GRO BA'I KHAMS BRTAS PA STON TO, ,KHAMS BRTAS PA BYANG CHUB KYI BSAM PA'I DBANG DU BYAS PA NI TSIG DANG PO YONGS SU BSTAN TO, ,DE'I LAM SGRUB PA'I BSAM PA NI GANG GI PHYIR LHAG PA'I BSAM PA'I KHAMS DANG MI 'BRAL LO ZHES GSUNGS PA'O, , KHYAD PAR RTOGS PAR BYA BA LA NGES PA SHIN TU GSAL BA 'BYUNG BA NI GANG GI PHYIR MOS PA'I KHAMS SHIN TU BYANG BAR 'GYUR RO, ,RGYU DE LAS BYUNG BA'I GNYEN PO 'PHEL BA NI GANG GI PHYIR DGE BA'I RTZA BA RNAM PAR 'PHEL BA YANG KUN DU SKYE'O ZHES GSUNGS PA'O, ,MI MTHUN PA'I PHYOGS RNAM PAR 'BRI BA NI GANG GI PHYIR 'JIG RTEN GYI DRI MA'I NAG NOG DANG YANG BRAL BAR 'GYUR RO ZHES GSUNGS PA'O, ,SA DE'I GSANG BA LA THE TSOM ZA BA LDOG PA NI GANG GI PHYIR THE TSOM DANG, YID GNYIS DANG, NEM NUR YANG RGYUN 'CHAD PAR 'GYUR RO ZHES GSUNGS PA'O, ,DE LOG NA THE TSOM GYI GNAS GZHAN LA YANG MOS @187A *, ,PA NI GANG GI PHYIR SOM NYI MED PA MNGON DU 'GYUR BA YANG YONGS SU RDZOGS PAR 'GYUR RO ZHES GSUNGS PA'O, ,BDE BAR GNAS PA'I KHYAD PAR NI GANG GI PHYIR DGA' BA DANG SHIN TU SBYANGS PA YANG YANG DAG PAR 'GRUB PO ZHES GSUNGS PA'O, ,SEMS CAN GYI DON YONGS SU SMIN PAR BYED NUS PA NI GANG GI PHYIR DE BZHIN GSHEGS PA'I BYIN GYI RLABS KYANG MNGON SUM DU 'GYUR RO ZHES GSUNGS PA'O, ,SHES BYA'I SGRIB PA RNAM PAR DAG PAR BYA BA'I PHYIR TING NGE 'DZIN DPAG TU MED PA MNGON PAR SGRUB PA'I BSAM PA'I DBANG DU BYAS PA NI GANG GI PHYIR, SEMS KYI BSAM PA TSAD MED PA YANG YANG DAG PAR 'GRUB PO ZHES GSUNGS PA'O, ,DE DE BAS KYANG SHAS CHER BSAM PA DANG, LHAG PA'I BSAM PA DANG, MOS PA MNYAM PA NYID DU RNAM PAR DAG PAR 'GYUR BA NI YONGS SU DAG PA DE'I SA PA DE LAS GZHAN PA'I BYANG CHUB SEMS DPA' RNAMS DANG MTSUNGS PA NYID DU RNAM PAR DAG PAR 'GYUR BA'O, ,GSER GYI SA LE SBRAM RGYAN DU BYAS PA'I DPES NI LUNG GIS KHONG DU CHUD PAR BYED PAS RTOGS PA'I YE SHES MNGON PAR 'DUS BYAS PA NYID DU STON TE, GANG GI PHYIR KYE RGYAL BA'I SRAS DAG 'DI LTA STE DPER NA GSER GYI SA LE SBRAM DE NYID MGAR BA MKHAS PAS RGYAN DU BYAS PA NI DE MA YIN PA'I GSER GYI SA LE SBRAM RGYAN DU MA BYAS PA RNAMS KYIS MI 'PHROGS PA YIN NO ZHES GSUNGS PA'O, ,NOR BU RIN PO CHE 'OD 'BYUNG BA'I DPES NI CHOS KYI SGO DU MA'I DON LA 'JUG PAS RTOGS PA'I YE SHES CHOS LA SNANG BA NOR BU RIN PO CHE LTA BU LUNG GI SNANG BA RAB TU GTONG BA DE 'OD LTA BU'I YE SHES RGYAS PA DANG LDAN PAR YONGS SU STON TE, DE DANG LDAN PAS SA 'DI 'OD 'PHRO BA CAN NO ZHES NGES PA'I TSIG YONGS SU BSTAN PA'I PHYIR TE, GANG GI PHYIR KYE RGYAL BA'I SRAS DAG 'DI LTA STE DPER NA NOR BU RIN PO CHE 'OD 'BYUNG BA 'OD ZER GYI DKYIL 'KHOR YONGS SU DAG PA CAN SNANG BA RAB TU GTONG BA NI DE LAS GZHAN PA'I RIN PO CHE'I RNAM PA 'OD YONGS SU MA DAG PA RNAMS KYIS MI 'PHROGS PA ZHES GSUNGS PA'O, ,DE LA 'OD 'BYUNG BA NI 'OD DANG LDAN PA'I PHYIR RO, ,'OD ZER GYI DKYIL 'KHOR YONGS SU DAG PA CAN NI 'OD KYI DKYIL 'KHOR DRI MA MED PA'I PHYIR RO, ,SEMS CAN RNAMS KYI 'JIG TSOGS @187B LA LTA BA YANG DAG PAR 'JOMS PA LA MKHAS PA DANG, GTZO BO YIN ZHING ZHES BYA BA LA MKHAS PA NI 'DIR BYED PA LA BYA'O, ,GTZO BO NI MTHU'O, ,LHAG MA RNAMS NI SNGA MA BZHIN DU CI RIGS SU KHONG DU CHUD PAR BYA'O, ,'PHAGS PA SA BCU PA LAS SA BZHI PA'I RNAM PAR BSHAD PA RDZOGS SO,, SA LNGA PA NI RNAM PA GSUM GYIS RNAM PAR GZHAG PAR RIG PAR BYA STE, NGA RGYAL GYI GNYEN PO RNAM PAR GZHAG PA DANG, MI GNAS PA'I LAM SGRUB PA'I KHYAD PAR RNAM PAR GZHAG PA DANG, DE'I 'BRAS BU RNAM PAR GZHAG PAS SO, ,DE LA NGA RGYAL GYI KHYAD PAR GYI GNYEN PO NI RNAM PAR DAG PA LA SEMS KYI BSAM PA MNYAM PA NYID BCU PO YID LA BYA BA PHYIR MI LDOG PA DANG BCAS PA'O, ,SNGAR NI CHOS RTOGS PA'I NGA RGYAL GYI GNYEN POR BSTAN GYI, SA 'DI LA NI SEMS KYI RGYUD RNAM PAR DAG PA, THA DAD PA'I MNGON PA'I NGA RGYAL GYI GNYEN PO STON TO, ,DE LA RNAM PAR DAG PA LA SEMS KYI BSAM PA MNYAM PA NYID NI RNAM PAR DAG PA LA SEMS KYI BSAM PA MNYAM PA NYID DO, ,DE YANG RNAM PAR DAG PA'I BYE BRAG GIS RNAM PA BCUR RIG PAR BYA STE, RNAM PAR DAG PA BCU NI SANGS RGYAS KYI CHOS GANG DAG YIN PA DAG DANG, JI LTAR SANGS RGYAS KYI CHOS RNAMS SU 'GYUR BA DE'I BYE BRAG GIS RIG PAR BYA'O, , SANGS RGYAS KYI CHOS RNAMS GANG DAG YIN ZHE NA, DUS GSUM GYI STOBS LA SOGS PA STE, GANG GI PHYIR KYE RGYAL BA'I SRAS DAG BYANG CHUB SEMS DPA'I SA BZHI PA LA LAM YONGS SU RDZOGS PAR BYAS PA'I BYANG CHUB SEMS DPA' DE BYANG CHUB SEMS DPA'I SA LNGA PA LA 'JUG STE, DE RNAM PAR DAG PA LA SEMS KYI BSAM PA MNYAM PA NYID BCUS 'JUG GO, ,BCU GANG ZHE NA, 'DI LTA STE, 'DAS PA'I SANGS RGYAS KYI CHOS RNAM PAR DAG PA LA BSAM PA MNYAM PA NYID DANG, MA BYON PA'I SANGS RGYAS KYI CHOS RNAM PAR DAG PA LA BSAM PA MNYAM PA NYID DANG, DA LTAR BYUNG BA'I SANGS RGYAS KYI CHOS RNAM PAR DAG PA LA BSAM PA MNYAM PA NYID CES GSUNGS PA'O, ,DE LTAR DUS GSUM GYI STOBS LA SOGS PA SANGS RGYAS KYI CHOS GANG DAG YIN PA DE DAG BSTAN NAS, TSUL KHRIMS DANG, TING NGE 'DZIN DANG, SHES RAB DANG, SEMS CAN YONGS SU SMIN PAR BYED PA DANG BCAS PA RNAMS KYIS JI @188A *, ,LTAR SANGS RGYAS KYI CHOS SU 'GYUR BA DE DAG STON TO, ,DE LA TSUL KHRIMS KYI DBANG DU BYAS NA TSUL KHRIMS RNAM PAR DAG PA LA BSAM PA MNYAM PA NYID CES GSUNGS PA'O, ,TING NGE 'DZIN GYI DBANG DU BYAS NA SEMS RNAM PAR DAG PA LA BSAM PA MNYAM PA NYID CES BYA BA GSUNGS SO; ,SHES RAB KYI DBANG DU BYAS NA LTA BA DANG SOM NYI DANG, YID GNYIS DANG 'GYOD PA SEL BA RNAM PAR DAG PA LA BSAM PA MNYAM PA NYID DANG, LAM DANG LAM MA YIN PA SHES PA RNAM PAR DAG PA LA BSAM PA MNYAM PA NYID DANG, LAM SHES PA RNAM PAR DAG PA LA BSAM PA MNYAM PA NYID DANG, BYANG CHUB KYI PHYOGS PA'I CHOS THAMS CAD GONG MA GONG MAS RNAM PAR 'JIG PA RNAM PAR DAG PA LA BSAM PA MNYAM PA NYID CES BYA BA GSUNGS SO, ,DE LA LAM NI SPOR BAR SHES PA'O, ,BYANG CHUB KYI PHYOGS PA'I CHOS THAMS CAD GONG MA GONG MAS RNAM PAR 'JIG PA LA NI YID TZAM SPONG BA'I DON DU BSTAN TO, ,SEMS CAN YONGS SU SMIN PAR BYED PA'I DBANG DU BYAS NA SEMS CAN THAMS CAD YONGS SU SMIN PAR BYED PA RNAM PAR DAG PA LA BSAM PA MNYAM PA NYID CES BYA BA GSUNGS SO, ,KYE RGYAL BA'I SRAS DAG BYANG CHUB SEMS DPA' SA LNGA PA THOB PA'I BYANG CHUB SEMS DPA' DE LAM GYI YAN LAG BYANG CHUB KYI PHYOGS PA DE DAG NYID YONGS SU SBYANGS PA SHIN TU BYAS PA'I PHYIR DANG, LHAG PA'I BSAM PA SHIN TU YONGS SU SBYANG BA'I PHYIR YANG DE'I GONG DU LAM GYI KHYAD PAR TSOL ZHING, DE BZHIN NYID KYI RJES SU ZHUGS PA ZHES BYA BA 'DI LA YONGS SU SBYANG BA SHIN TU BYAS PA'I PHYIR ZHES BYA BA NI SA BZHI PA LA BYANG CHUB KYI PHYOGS PA BSGOMS PA'I PHYIR RO, ,LHAG PA'I BSAM PA SHIN TU YONGS SU SBYANGS PA'I PHYIR ZHES BYA BA NI DE NYID NA BSAM PA'I KHAMS RNAM PAR DAG PA LA SOGS PAS SO, ,LAM GYI KHYAD PAR TSOL ZHES BYA BA NI MI GNAS PA'I LAM SGRUB PA'I KHYAD PAR TE, DE'I NGA RGYAL KUN DU GZHOM PA'I PHYIR RO, ,DE BZHIN NYID KYI RJES SU ZHUGS PAS RNAM PAR DAG PA LA SEMS KYI BSAM PA MNYAM PA NYID DE MNGON PAR BSGRUB PA'I PHYIR, YID LA BYED PA PHYIR MI LDOG PAR 'GYUR RO, ,RNAM PAR DAG PA MNYAM PA NYID DE JI LTAR GNAS PA DE BZHIN DU DE LA SEMS KYI BSAM PA 'JOG PA'I PHYIR DE BZHIN NYID KYI RJES SU ZHUGS @188B PA ZHES BYA'O, ,DE BZHIN NYID KYI RJES SU ZHUGS PA DE YANG RGYU BRGYAD KYIS YONGS SU BSTAN TE, BYANG CHUB KYI SEMS GOMS PAR BYAS PA NI GANG GI PHYIR SMON LAM GYI STOBS BSKYED PA'I PHYIR ZHES GSUNGS PA'O, ,THEG PA LAS MI G-YO BA NI GANG GI PHYIR SNYING RJE DANG BYAMS PAS SEMS CAN THAMS CAD YONGS SU MI GTONG BA'I PHYIR ZHES GSUNGS PA'O, ,DGE BA'I RTZA BAS STOBS BSKYED PA NI GANG GI PHYIR BSOD NAMS DANG YE SHES KYI TSOGS BSAGS PA'I PHYIR ZHES GSUNGS PA'O, ,BRTZON PA MA BOR BA NI GANG GI PHYIR RGYUN MA BCAD PA'I PHYIR ZHES GSUNGS PA'O, ,YANG DAG PA'I SBYOR BA NI GANG GI PHYIR THABS LA MKHAS PA MNGON PAR BSGRUB PA'I PHYIR ZHES GSUNGS PA'O, ,CHOG PAR MI 'DZIN PA NI GANG GI PHYIR GONG MA GONG MA'I SA'I SNANG BA LA BLTA BA'I PHYIR ZHES GSUNGS PA'O, ,MTHU'I KHYAD PAR BLA THABS THOB PA NI GANG GI PHYIR DE BZHIN GSHEGS PA'I BYIN GYI RLABS YANG DAG PAR BLANGS PA'I PHYIR ZHES GSUNGS PA'O, ,DRAN PA LA SOGS PA KHYAD PAR DU 'PHAGS PA'I SHES RAB RNAM PA GSUM GYIS SO SO RANG GI MTHU'I KHYAD PAR THOB PA NI, GANG GI PHYIR DRAN PA DANG BLO GROS DANG RTOGS PA'I BLO'I STOBS SKYED PA'I PHYIR YOD LA BYA BA PHYIR MI LDOG PAR GYUR NAS ZHES GSUNGS PA STE, DMIGS PA LA THOGS PA MED PA'I PHYIR BSGOMS PA LAS BYUNG BA'I SHES RAB NI RTOGS PA'I SGRAS BYE BRAG TU BYAS SO, ,DE LA MI GNAS PA'I LAM SGRUB PA'I KHYAD PAR NI SHES BYA LA SHES PA RNAM PAR DAG PA'I KHYAD PAR DANG, SEMS CAN LA SNYING RTZE NAS RTZOL BA'I KHYAD PAR DANG, RNAM PA GNYIS KYIS YONGS SU BSTAN TE, DE GNYIS KYIS 'KHOR BA DANG MYA NGAN LAS 'DAS PA LA MI GNAS SO, ,SHES PA RNAM PAR DAG PA DE YANG RNAM PA GNYIS SU RIG PAR BYA STE, BDEN PA BZHI RAB TU SHES PA'I PHYIR BDEN PA'I CHOS NYID RNAM PAR GZHAG PA NI, GANG GI PHYIR DES 'DI NI SDUG BSNGAL 'PHAGS PA'I BDEN PA'O ZHES YANG DAG PA JI LTA BA BZHIN DU RAB TU SHES SO, ,'DI NI SDUG BSNGAL KUN 'BYUNG BA'O, ,'DI NI SDUG BSNGAL 'GOG PA'O, ,'DI NI SDUG BSNGAL 'GOG PAR 'GRO BA'I LAM 'PHAGS PA'I BDEN PA'O ZHES YANG DAG PA JI LTA BA BZHIN DU RAB TU SHES SO ZHES GSUNGS PA'O, ,BDEN @189A *, ,PA BCU LA MKHAS PA'I PHYIR SEMS CAN YONGS SU DGROL BA'I THABS RNAM PAR GZHAG PA NI GANG GI PHYIR, DE KUN RDZOB KYI BDEN PA LA MKHAS PA YIN, DON DAM PA'I BDEN PA LA MKHAS PA YIN, MTSAN NYID KYI BDEN PA LA MKHAS PA YIN, RNAM PAR DBYE BA'I BDEN PA LA MKHAS PA YIN, PHYE STE RTOGS PA'I BDEN PA LA MKHAS PA YIN, DNGOS PO'I BDEN PA LA MKHAS PA YIN, RAB TU SKYE BA'I BDEN PA LA MKHAS PA YIN, ZAD PA DANG MI SKYE BA SHES PA'I BDEN PA LA MKHAS PA YIN, LAM SHES PA'I BDEN PA LA MKHAS PA YIN, BYANG CHUB SEMS DPA'I SA'I GO RIMS THAMS CAD KYI MTSAMS SBYOR BSGRUB PA NAS, DE BZHIN GSHEGS PA'I YE SHES YANG DAG PAR 'BYUNG BA'I BAR GYI BDEN PA LA MKHAS PA YIN ZHES GSUNGS PA'O, ,DE LA BDEN PA'I CHOS NYID NI DE BZHIN GSHEGS PA RNAMS BYUNG YANG RUNG MA BYUNG YANG RUNG STE, 'BRAS BU DANG RGYU'I BYE BRAG GI BDEN PA GNYIS NI KUN NAS NYON MONGS PA'I CHOS NYID DO, ,GNYIS NI RNAM PAR BYANG BA'I CHOS NYID DO, ,SEMS CAN RNAM PAR DGROL BA'I THABS RNAM PAR GZHAG PA YANG GDUL BYA'I BYE BRAG GIS RIG PAR BYA STE, GDUL BYA DAG NI RNAM PA BDUN NO, , NYAN THOS KYI GDUL BYA NI RNAM PA DRUG STE, YONGS SU MA SMIN PA DE'I DON DU KUN RDZOB KYI BDEN PA LA MKHAS SO, ,YONGS SU SMIN PA DE'I DON DU DON DAM PA'I BDEN PA LA MKHAS SO, ,CHOS NYID ZAB MO NYID LA KUN DU RMONGS PA DE'I DON DU MTSAN NYID KYI BDEN PA LA MKHAS SO, ,DGONGS PA ZAB MO NYID LA KUN DU RMONGS PA DE'I DON DU RNAM PAR DBYE BA'I BDEN PA LA MKHAS SO, ,TSUL BZHIN YID LA BYED PA DANG MI LDAN PA DE'I DON DU PHYE STE RTOGS PA'I BDEN PA LA MKHAS SO, ,YANG DAG PA'I LTA BA DANG BRAL BA DE'I DON DU DNGOS PO'I BDEN PA LA MKHAS, RAB TU SKYE BA'I BDEN PA LA MKHAS; ZAD PA DANG MI SKYE BA SHES PA'I BDEN PA LA MKHAS, LAM SHES PA LA 'JUG PA'I BDEN PA LA MKHAS TE, DNGOS PO'I BDEN PA LA SOGS PAS NI SDUG BSNGAL GYI BDEN PA LA SOGS PA BSDUS SO, ,THEG PA CHEN POS GDUL BYA BDUN PA DE'I DON DU BYANG CHUB SEMS DPA'I SA'I @189B GO RIMS THAMS CAD KYI MTSAMS SBYAR BA SGRUB PA NAS, DE BZHIN GSHEGS PA'I YE SHES YANG DAG PAR 'BYUNG BA'I BDEN PA'I BAR LA MKHAS PA BCU PA STE, GANG GI PHYIR DES SEMS CAN GZHAN DAG GI BSAM PA JI LTA BA BZHIN DU TSIM PAR BYED PAS KUN RDZOB KYI BDEN PA RAB TU SHES SO, , BGROD PA THEG PA GCIG PU LA YANG DAG PAR GZHOL BAS DON DAM PA'I BDEN PA RAB TU SHES SO, ,RANG DANG SPYI'I MTSAN NYID RTOGS PAS MTSAN NYID KYI BDEN PA RAB TU SHES SO, ,CHOS RNAM PAR DBYE BA RNAM PAR GZHAG PA RTOGS PAS RNAM PAR DBYE BA'I BDEN PA RAB TU SHES SO, ,PHUNG PO DANG, KHAMS DANG SKYE MCHED RNAM PAR GZHAG PA RTOGS PAS PHYE STE RTOGS PA'I BDEN PA RAB TU SHES SO, ,LUS DANG SEMS LA NOD PA NYAMS SU 'BAB PAS DNGOS PO'I BDEN PA RAB TU SHES SO, ,'GRO BAR MTSAMS SBYOR BA RTOGS PAS RAB TU SKYE BA'I BDEN PA RAB TU SHES SO, ,RIMS NAD KYIS YONGS SU GDUNG BA THAMS CAD SHIN TU ZHI BAS ZAD PA DANG, MI SKYE BA SHES PA'I BDEN PA RAB TU SHES SO, ,MI GNYIS PA MNGON PAR BSGRUBS PAS LAM SHES PA LA 'JUG PA'I BDEN PA RAB TU SHES SO, ,RNAM PA THAMS CAD MNGON PAR RDZOGS PAR KHONG DU CHUD PAS BYANG CHUB SEMS DPA'I SA THAMS CAD KYI GO RIMS MTSAMS SBYAR BAS SGRUB PA NAS, DE BZHIN GSHEGS PA'I YE SHES YANG DAG PAR 'BYUNG BA'I BAR GYI BDEN PA RAB TU SHES TE, DE YANG MOS PAS SHES PA'I STOBS BSKYED PAS SHES KYI, MA LUS PAR SHES PA NI MA YIN NO ZHES GSUNGS PA'O, ,DE LA SA GZHAN GYI GO RIMS NI RANG GI SA RNAMS LA MTSAMS SBYOR BA YIN PAR RIG PAR BYA'O, ,SKYE BA THAMS CAD DU LUS DANG SEMS LA SDUG BSNGAL NYAMS SU 'BAB PAS DNGOS PO'I BDEN PA RAB TU SHES TE, TSOR BA GANG CI YANG RUNG BA DE NI 'DIR SDUG BSNGAL BA'O ZHES 'BYUNG BA'I PHYIR RO, ,MI GNYIS PA MNGON PAR BSGRUBS PAS ZHES BYA BA NI LAM GCIG TU BGROD PA YIN PA'I PHYIR RO, ,RNAM PA THAMS CAD MNGON PAR RDZOGS PAR KHONG DU CHUD PAS ZHES BYA BA NI RIG PA'I GNAS LNGA LA MKHAS PA'I PHYIR RO, ,MOS PA'I SHES PA'I STOBS BSKYED PAS ZHES BYA BA NI GZUGS BRNYAN LA DMIGS @190A *, ,PA'I SHES PA'I STOBS BSKYED PA'I PHYIR YIN GYI, DGOS PA YONGS SU GRUB PA LA DMIGS PA'I SHES PAS NI MA YIN PA'I PHYIR RO,, ,,BAM PO BRGYAD PA, DE LTAR SHES BYA LA YE SHES RNAM PAR DAG PA BSTAN NAS, 'DUS BYAS THAMS CAD BRDZUN PA LA SOGS PA'I MTSAN NYID DU RIG PAS SNYING BRTZE BA'I PHYIR, SEMS CAN LA SNYING BRTZE BAS RTZOL BA STON TE, GANG GI PHYIR DE LTAR BDEN PA LA MKHAS PAS MNGON PAR BSGRUBS PA'I BLOS 'DUS BYAS THAMS CAD BRDZUN PA DANG, BSLU BA'I CHOS CAN DANG, DKU BYED PA DANG, BYIS PA 'DRID PAR YANG DAG PA JI LTA BA BZHIN RAB TU SHES TE, DE DE BAS KYANG SHAS CHER SEMS CAN RNAMS LA SNYING RJE CHEN PO MNGON DU 'GYUR ZHING, BYAMS PA CHEN PO'I SNANG BA YANG RAB TU 'BYUNG NGO ZHES GSUNGS PA'O, ,DE LA KUN BRTAGS PA RTAG PA LA SOGS PA'I MTSAN NYID MED PAS BRDZUN PA'O, , RTAG PA LA SOGS PAR MNGON PAR ZHEN PA'I GZHI YIN PAS BSLU BA'I CHOS CAN NO, ,DAR BA'I MTHA' NI RGUD PA YIN PAS DKU BYED PA'O, ,PHUN SUM TSOGS PAS SKYE BO BLUN PO 'PHROGS PA'I PHYIR BYIS PA 'DRID PA'O, ,DE LTAR RTAG PA LA SOGS PA'I MTSAN NYID MED PAS BRDZUN NYID DE, MTSAN NYID DANG RTAG PA LA SOGS PAR MNGON PAR ZHEN PA'I GZHI YIN PAS SLU BA'I CHOS CAN TE, MNGON PAR ZHEN PA DANG, DAR BA'I MTHA' NI RGUD PA YIN PAS DKU BYED PA STE, NYIS DMIGS DANG PHUN SUM TSOGS PAS SKYE BO BLUN PO PHROGS PA'I PHYIR BYIS PA 'DRID PA STE, GNAS KYI TSIG DE DAG GI DON RIG PAR BYA STE, BYIS PA NI DE LA MNGON PAR ZHEN PA'I GNAS YIN NO, ,SNYING RJE CHEN PO DANG BYAMS PA CHEN PO'I SNANG BAS NI SNYING BRTZE BA DE'I KHYAD PAR STON TO, ,SA SNGA MA LAS SNYING RJE KHYAD PAR DU 'PHAGS PA'I PHYIR SNYING RJE CHEN PO'O, ,MI GNAS PA'I LAM SGRUB PA'I KHYAD PAR GYIS YONGS SU BSKYAB PA'I THABS SHES PA DANG LDAN PA'I PHYIR BYAMS PA CHEN PO'I SNANG BA ZHES BYA'O, ,DE DE LTAR YE SHES KYI STOBS BSKYED PA THOB STE ZHES BYA BA NI JI SKAD BSTAN MA THAG PA'O, ,SEMS CAN THAMS CAD LA LTA BA DANG BCAS PA ZHES BYA BA NI SNYING RJE CHEN PO DANG BYAMS PA CHEN PO'I SNANG BAS SO, ,SANGS RGYAS KYI @190B YE SHES MNGON PAR 'DOD PAS ZHES BYA BA NI SEMS CAN YONGS SU BSKYAB PA'I PHYIR RO, ,'DU BYED DU GYUR PA THAMS CAD KYI SNGON GYI MTHA' DANG PHYI MA'I MTHA' LA SO SOR RTOG STE ZHES BYA BA NI SNYING RJE CHEN PO DE JI LTAR 'BYUNG BA DE YONGS SU STON TE, RNAM PA GNYIS KYIS STON TO, ,RTEN CING 'BREL PAR 'BYUNG BA LA SO SOR RTAG PAS SDUG BSNGAL LA YANG DAG PA JI LTA BA BZHIN DU DMIGS PA NI SNGON GYI MTHA' MA RIG PA DANG SRED PA LAS BYUNG BA'I SEMS CAN 'KHOR BA'I RGYUN GYI RJES SU ZHUGS PA PHUNG PO'I GNAS LAS MA BSKYOD PA RNAMS KYI SDUG BSNGAL GYI PHUNG PO BDAG MED PA, SROG MED PA, GANG ZAG MED PA, BDAG DANG BDAG GI DANG BRAL BA JI LTAR 'GRUB PA DE YANG DAG PA JI LTA BA BZHIN DU RAB TU SHES SO, ,MA 'ONGS PA MED PA LA RMONGS PA DANG MNGON PAR 'DOD PA DE NYID JI LTAR RGYUN CHAD PA DANG, MTHAR 'GYUR BA DANG, NGES PAR 'BYUNG BA MED PA DANG, YOD PA DE YANG YANG DAG PA JI LTA BA BZHIN DU SHES SO ZHES GSUNGS SO, ,DE LA SNGON GYI MTHA' MA RIG PA DANG SRED PA LAS BYUNG BA ZHES BYA BA'I BYE BRAG NI BYANG CHUB SEMS DPA' MA YIN ZHES BYA BA'I THA TSIG STE, DE DAG NI THABS MKHAS PA LAS BYUNG BA'O, ,MA RIG PA DANG, SRED PA SMOS PAS NI SRID PA'I YAN LAG GI RTZA BA YIN PA'I PHYIR RO, ,DE LAS BYUNG BA LA SOGS PAS SEMS CAN RNAM PA GSUM BSTAN PA NI 'DOD PA TSOL BAR GYUR PA RNAMS DANG, LOG PA'I TSANGS PAR SPYOD PA TSOL BAR GYUR PA RNAMS DANG, SRID PA'I RTZE MO'I BAR DAG THOB PA SRID PA TSOL BAR GYUR PA RNAMS KYI DBANG DU BYAS PA'O, ,SDUG BSNGAL GYI PHUNG PO BDAG MED PA NYID NI DON DAM PAR DE LA YANG BDAG MED PA DANG, DE YANG BDAG MA YIN PA'I PHYIR RO, ,DE LTAR BDAG MED DU ZIN KYANG, SROG GI DBANG PO'I DBANG GIS GNAS PA DANG, YANG DANG YANG 'GRO BAR 'GRO BAS SEMS CAN GYI RGYUN LA RTAG PA DANG CHAD PA MED PAR YONGS SU BSTAN PA'I PHYIR DE LA SROG DANG GANG ZAG TU 'DOGS PAR BYED DE, DE LA MNGON PAR ZHEN PA SPANG PA'I PHYIR, SROG MED PA, GANG ZAG MED PA ZHES GSUNGS SO, ,ZA BA PO DANG BZA' BAR 'DOGS PA LA MNGON PAR ZHEN PA SPANG BA'I PHYIR, BDAG DANG BDAG GI DANG BRAL BA ZHES GSUNGS SO, ,RGYU GANG @191A *, ,GIS SNGON GYI MTHA' LAS SEMS CAN CI 'DRA BA RNAMS KYI SDUG BSNGAL CI 'DRA BA 'BYUNG BA DE SO SOR BRTAGS NAS MA 'ONGS PA'I SDUG BSNGAL GYI RGYU MA RIG PA DANG SRED PA ZHES BYA BA 'DI NYID JI LTAR 'GAG PA 'JIG RTEN PA'I 'GOG PA LAS KHYAD PAR DU 'PHAGS PA DANG, SDUG BSNGAL DE LAS NGES PAR 'BYUNG BA'I LAM MED PA NI DE LTAR YANG DAG PA JI LTA BA BZHIN DU RAB TU MI SHES PA'I PHYIR RO, ,YOD PA NI DE LTAR YANG DAG PA JI LTA BA BZHIN DU SHES PA'I PHYIR TE, DE LTAR SO SOR RTOG GO, ,RTEN CING 'BREL PAR 'BYUNG BA LA RTOG PA RNAM PA 'DI GCIG GIS SNYING RJE DE SDUG BSNGAL YANG DAG PA JI LTA BA BZHIN DU DMIGS PA NYID DU YONGS SU BSTAN TO, ,DA NI DUS RING PO NAS 'BREL PA'I SDUG BSNGAL RNAM PA SNA TSOGS LA SO SOR RTOG PA RNAM PA GNYIS PAS SDUG BSNGAL BZOD BRLAG PA LA DMIGS PA NYID DU YONGS SU STON TE, GANG GI PHYIR DE 'DI SNYAM DU SEMS TE, KYE MA BYIS PA SO SO'I SKYE BO 'DI DAG NI MI SHES PA RMONGS PA DAG STE, DE DAG GI LUS GRANGS MED PA 'GAGS LA, 'GAG PAR 'GYUR ZHING 'GAG BZHIN TE, DE LTAR 'CHI YANG LUS LA YID 'BYUNG BA MI SKYED CING SDUG BSNGAL GYI 'KHRUL 'KHOR JE BAS JE 'PHEL DU BYED; 'KHOR BA'I RGYUD LA MI LDOG, PHUNG PO'I GNAS MI 'DOR, KHAMS KYI SPRUL DAG GIS SKYO BAR MI 'GYUR, NGA RGYAL DANG LTA BA'I ZUG RDU MI 'BYIN, 'DOD CHAGS DANG ZHE SDANG DANG GTI MUG GI ME LCE 'BAR BZHI PAR MI BYED, MA RIG PA'I MUN PA MI SEL, SRED PA'I RGYA MTSO MI SKEMS STOBS BCU'I DED DBON YONGS SU MI TSOL ZHING BDUD KYI BSAM PA THIBS PO'I RJES SU SONG STE, 'KHOR BA'I RGYA MTSO MI DGE BA'I RNAM PAR RTOG PA SNA TSOGS KYI CHU SRIN 'DZIN KHRIS DKRUGS PAS YONGS SU G-YENGS SHING, RTON PA MED KYANG YID 'BYUNG BAR MI BYED LA 'DI LTA STE, SKYE BA DANG, RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG 'KHRUGS PA'I SDUG BSNGAL RNAM PA MANG PO NYAMS SU MYONG BA NGO MTSAR CHE ZHES GSUNGS PA'O, ,DE LA DUS RING PO NAS 'BREL PA DANG SNA TSOGS @191B KYIS SNYING RJE SDUG BSNGAL BZOD BRLAG PA LA DMIGS PA NYID DU YONGS SU BSTAN TO, ,LUS GRANGS MED PA 'GAGS ZHES BYA BAS NI YUN RING PO NAS 'BREL PA'I PHYIR RO, ,SNA TSOGS KYIS JI LTA BU ZHE NA, SKYE BA'I SDUG BSNGAL DANG, DE'I KUN 'BYUNG BA DANG, DE 'GOG PA DANG LAM DANG BRAL BAS SDUG BSNGAL BA NYID DU SO SOR RTOG PA'I PHYIR DANG, NA BA DANG, RGA BA DANG, 'CHI BA'I SDUG BSNGAL DANG, DE'I KUN 'BYUNG BA DANG, DE 'GOG PA DANG BRAL BA DANG, DE'I LAM DANG BRAL BAS SDUG BSNGAL BA NYID DU SO SOR RTOG PA'I PHYIR RO, ,DE LA LUS NI RKYEN GYI KHA NA LAS TE 'GRUB PAS SDUG BSNGAL GYI 'KHRUL 'KHOR TE, TSIG DES SKYE BA'I SDUG BSNGAL YONGS SU STON TO, ,'KHOR BA'I RGYUD LAS MI LDOG CES BYA BA NI KUN 'BYUNG BA STE SRID PA'O, ,PHUNG PO'I GNAS MI 'DOR ZHES BYA BA'I TSIG GIS NI 'GOG PA DANG LAM DANG BRAL BA'O, ,KHAMS KYI SBRUL DAG GIS SKYO BAR MI 'GYUR ZHES BYA BA NI, RGA BA DANG NA BA DANG 'CHI BA'I SDUG BSNGAL TE, DE MI MNYAM PA LAS 'BYUNG BA'I PHYIR RO, ,LOG PA'I TSANGS PAR SPYOD PA TSOL BAR GYUR PA RNAMS DANG, 'DOD PA TSOL BAR GYUR PA 'DOD PA LA NYE BAR SPYOD PA RNAMS DANG, NYE BAR SPYAD PA SPYOD PA RNAMS DANG, SRID PA TSOL BAR GYUR PA RNAMS NI NGA RGYAL DANG, LTA BA'I ZUG RDU MI 'BYIN, 'DOD CHAGS DANG ZHE SDANG DANG GTI MUG GI ME LCE 'BAR BA ZHI BAR MI BYED, MA RIG PA'I MUN PA MI SEL, SRID PA'I RGYA MTSO MI SKEMS ZHES BYA BA'I TSIG RNAMS DANG GO RIMS BZHIN TE, DE'I KUN 'BYUNG BA YONGS SU STON TO, ,ZHI BA'I PHYOGS SU PHYIN PAR BYED PA STOBS BCU'I DED DBON YONGS SU MI TSOL ZHES BYA BA'I TSIG GIS NI DE 'GOG PA DANG BRAL BA'O, ,BDUD KYI THIBS PO ZHES BYA BA'I PHYIR RGOL BA'I LAM DU 'GRO BA'I TSIG GIS NI LAM DANG BRAL BA'O, ,RNAM PAR RTOG PA RNAM PA SNA TSOGS KYI CHU SRIN 'DZIN KHRIS DKRUGS PAS ZHES BYA BA LA KHAMS GSUM PA'I SEMS DANG SEMS LAS BYUNG BA'I MTSAN NYID NI RNAM PAR RTOG PA YIN PAR RIG PAR BYA'O, ,'DI MAN CHAD NI BYAMS PA CHEN PO'I SNANG BA JI LTAR 'BYUNG BA DE RAB TU STON TE, GANG GI PHYIR SEMS CAN DE LTAR SDUG BSNGAL GYIS NYAM THAG PA MGON MED @192A *, ,PA; DPUNG GNYEN MED PA, SKYABS MED PA, GNAS MED PA, GZHI MED PA, RTEN MED PA, LONG PAR GYUR PA, MA RIG PA'I SGO NGA'I SBUBS DANG, SPRIS YOG PA MUN PAS ZIL GYIS GNON PA DE DAG GI DON DU GCIG PU GNYIS SU MED PAR GYUR NAS BSOD NAMS DANG YE SHES KYI TSOGS BSAG PAR BYA BA RNAMS JI LTA BUS SEMS CAN DE DAG SHIN TU RNAM PA DAG PA THOB PAR 'GYUR BA NAS, STOBS BCU'I STOBS KYI YE SHES CHAGS PA MED PA'I BAR GYI MTHA' THUG PA THOB PAR 'GYUR BA RNAM PA DE LTA BU'I BSOD NAMS DANG YE SHES KYI TSOGS BSAG PAR BYA'O SNYAM MO ZHES GSUNGS SO, ,DE LA DE LTAR SDUG BSNGAL GYIS NYAM THAG CES BYA BA NI JI SKAD SMOS PA'O, ,MGON MED PA ZHES BYA BA NI DE LAS YONGS SU THAR BAR BYED PA MED PA'I PHYIR RO, ,MGON MED PA DE YANG SDUG BSNGAL BAR GYUR PA DANG MA GYUR PA LA DPUNG GNYEN MED PA, SKYABS MED PA GNYIS SU RIG PAR BYA'O, ,SKYES BU DAM PA LA BRTEN PA DANG BRAL BA'I PHYIR GNAS MED PA'O, ,DAM PA'I CHOS MNYAN PA DANG BRAL BA'I PHYIR GZHI MED PA'O, ,TSUL BZHIN YID LA BYED PA DANG BRAL BA'I PHYIR RTEN MED PA'O, ,YANG DAG PA'I LTA BA DANG BRAL BA'I PHYIR LONG BAR GYUR PA'O, ,DE DAG GI MI MTHUN PA'I PHYOGS GNYUG MA DANG, GLO BUR BA'I TSUL BZHIN MA YIN PA YID LA BYED PA DANG, DAM PA'I CHOS MA YIN PA NYAN PA DAG DANG LDAN PAS, MA RIG PA'I SGO NGA'I SBUBS DANG, PHRIS YOG PA MUN PAS ZIL GYIS NON PA DE DAG GI DON DU ZHES BYA'O, ,GCIG PU GNYIS SU MED CES RGYA CHER 'BYUNG BA NI RTZOL BA'I KHYAD PAR DE STON TO, ,BSOD NAMS DANG YE SHES KYI TSOGS BSAGS PA ZHES BYA BA NI MNGON PAR MTHO BA DANG, NGES PAR LEGS PA'I RGYU BSTAN PA'I PHYIR RO, ,SHIN TU RNAM PAR DAG PA ZHES BYA BA NI 'JIG RTEN PA'I RNAM PAR DAG PA LAS KHYAD PAR DU BYA BA'I PHYIR RO, , STOBS BCU'I STOBS ZHES BYA BA NI DE'I DGRAS BDUD PHAM PA'I PHYIR RO, ,YE SHES CHAGS PA MED PA'I MTHAR THUG PA ZHES BYA BA NI NYAN THOS KYI RNAM PAR DAG PA LAS KHYAD PAR DU BYA BA'I PHYIR RO, ,DE DE LTAR SHIN TU BRTAGS PA'I YE SHES PAS MNGON PAR SGRUB PA'I BLOS SBYIN PA DANG, SNYAN PAR SMRA BA DANG, DON @192B SPYOD PA DANG, DON MTHUN PA DANG DGE BA'I RTZA BA GANG CI RTZOM YANG DE DAG KUN SEMS CAN THAMS CAD YONGS SU BSKYAB PA'I PHYIR, RTZOM ZHES BYA BA RGYA CHER 'BYUNG BA DE LA SHIN TU BRTAGS PA SHES PAS MNGON PAR SGRUB PA ZHES BYA BA NI SHIN TU SO SOR BRTAGS PA'I SHES PAS DBANG BYAS PA'I PHYIR RO, , SEMS CAN THAMS CAD YONGS SU BSKYAB PA ZHES BYA BA NI SDUG BSNGAL LAS MNGON PAR GDON PA'I PHYIR RO, ,YONGS SU BSKYAB PA DE YANG RNAM PA DGUR RIG PAR BYA STE, MI DGE BA LA GNAS PA RNAMS DGE BA LA DGOD PAR 'DOD PA NI, GANG GI PHYIR SEMS CAN THAMS CAD LA PHAN PAR 'DOD PA ZHAS GSUNGS PA'O, ,DGE BA LA GNAS PA RNAMS DE'I 'BRAS BU THOB PAR 'DOD PA NI GANG GI PHYIR SEMS CAN THAMS CAD LA BDE BAR 'DOD PA ZHES GSUNGS PA'O, ,PHONGS PA RNAMS LA YO BYAD KYIS SDUD PA NI GANG GI PHYIR SEMS CAN THAMS CAD LA SNYING BRTZE BA ZHES GSUNGS PA'O, ,GNAD DANG GZHAN GYIS GTANG BA'I NAD DANG, 'DRES PA RNAMS LA DE ZHI BAR BYA BA NI GANG GI PHYIR SEMS CAN THAMS CAD LA BRTZE BA MED PA ZHES GSUNGS PA'O, ,'KHOR BAR BCINGS PA RNAMS DE LAS THAR BAR BYA BA NI GANG GI PHYIR SEMS CAN THAMS CAD YONGS SU DGROL BA ZHES GSUNGS PA RNAM PA BZHI STE, MU STEGS CAN RNAMS DAM PA'I CHOS LA GZUD PA NI GANG GI PHYIR SEMS CAN THAMS CAD GRANG BA ZHES GSUNGS PA'O, ,DOGS PA CAN RNAMS NGES PA BSKYED PA NI GANG GI PHYIR SEMS CAN THAMS CAD DAD PAR BYA BA ZHES GSUNGS PA'O, ,DOGS PA MED PA RNAMS BSLAB PA GSUM LA GZUD PA NI GANG GI PHYIR, SEMS CAN THAMS CAD GDUL BA ZHES GSUNGS PA'O, ,DER BTZUD PA RNAMS MYA NGAN LAS 'DAS PA RNAM PA GNYIS THOB PAR BYA BA NI GANG GI PHYIR SEMS CAN THAMS CAD YONGS SU MYA NGAN LAS 'DA' PA'I PHYIR RTZOM STE ZHES GSUNGS PA'O, ,DE LA SDUG BSNGAL LAS YONGS SU BSKYAB PA'I TSIG DGU PO DE DAG LAS, DANG PO GNYIS NI TSE RABS GZHAN GYI DON TO, ,LHAG MA RNAMS NI TSE 'DI'I DON TO, ,'DI MAN CHAD NI MI GNAS PA'I LAM SGRUB PA'I KHYAD PAR GYI 'BRAS BU STE, YON TAN YONGS SU 'DZIN PA'I KHYAD PAR RNAM PAR GZHAG PA DANG, SGRUB PA'I KHYAD PAR RNAM PAR GZHAG PA DANG, SEMS @193A *, ,CAN YONGS SU SMIN PAR BYED PA RNAM PAR GZHAG PA DANG, DE DANG MTHUN PAR 'JIG RTEN PA'I SHES PA MNGON PAR SGRUB PA'I KHYAD PAR RNAM PAR GZHAG PA RNAM PA BZHIR RIG PAR BYA'O, ,DE LA YON TAN YONGS SU 'DZIN PA'I KHYAD PAR NI THOS PA DANG, TSUL KHRIMS DANG SHES PA YONGS SU 'DZIN PA'I KHYAD PAR RIG PAR BYA'O, ,THOS PA YONGS SU 'DZIN PA'I KHYAD PAR NI THOS PA DANG, BSAMS PA DANG BSGOMS PA LAS BYUNG BA'I SHES RAB KHYAD PAR CAN NO, ,SHES RAB KYI KHYAD PAR DE YANG JI LTAR YONGS SU BSTAN ZHE NA, GANG GI PHYIR BYANG CHUB SEMS DPA'I SA LNGA PA SHIN TU SPYANG DKA' BA 'DI LA GNAS PA'I BYANG CHUB SEMS DPA' DE NI DE BAS KYANG SHAS CHER BRJED PAR MI 'GYUR BA'I CHOS NYID KYIS DRAN PA DANG LDAN PA YIN, SHIN TU NGES PA'I SHES PAS BLO GROS DANG LDAN PA YIN, MDO'I TSUL DGONGS TE GSUNGS PA KHONG DU CHUD PAR RTOGS PA DANG LDAN PA YIN ZHES GSUNGS PA'O, ,DE LA DRAN PA DANG LDAN PA NI THOS PA LAS BYUNG BA'I SHES RAB KHYAD PAR DU 'PHAGS SO, ,BLO GROS DANG LDAN PAS NI BSAMS PA LAS BYUNG BA'I SHES RAB BO, ,RTOGS PA DANG LDAN PAS NI BSGOMS PA LAS BYUNG BA'I SHES RAB BO, ,RNAM GRANGS GZHAN DUN DRAN PA DANG LDAN PAS NI THOS PA 'DZIN PA KHYAD PAR DU 'PHAGS, BLO GROS DANG LDAN PAS NI CHOS NYID ZAB MO KHYAD PAR DU 'PHAGS, RTOGS PA DANG LDAN PAS NI DGONGS PA ZAB MO KHYAD PAR DU 'PHAGS TE, TSIG 'DI DAG GO RIMS BZHIN NO, ,'DI NI CHOS LA MKHAS PA DANG, DON LA MKHAS PA MDOR BSDUS PA YIN NO, ,TSUL KHRIMS YONGS SU 'DZIN PA'I KHYAD PAR NI BZOD PA DANG DES PA'I KHYAD PAR DANG, TSUL KHRIMS LAS MI 'DA' BA'I KHYAD PAR DANG RNAM PA GNYIS SU RIG PAR BYA STE, GANG GI PHYIR BDAG DANG GZHAN RJES SU BSRUNGS PAS NGO TSA SHES PA DANG LDAN PA YIN, SNGOM PA'I CHO GA MI 'DOR BAS BRTUN PA DANG LDAN PA YIN ZHES GSUNGS PA'O, ,SHES PA YONGS SU 'DZIN PA'I KHYAD PAR NI RNAM PA LNGAS YONGS SU 'DZIN PA'I KHYAD PAR TE, SHES PA RNAM PA LNGA LA RGYU MED PA DANG, MI 'DRA BA RGYUR LTA BA'I GNYEN POR RTEN CING 'BREL PAR 'BYUNG BA SHES PA NI, GNAS DANG GNAS MA YIN PA LA MKHAS PAS RNAM PAR DPYAD @193B PAS BLO DANG LDAN PA YIN ZHES GSUNGS PA'O, ,BDUD KYI LAS KYI GNYEN POR RTOG PA'I SHES PA NI, GANG GI PHYIR GZHAN GYIS MI BKRI BA'I SHES PA DANG LDAN PA YIN NO ZHES GSUNGS PA'O, ,NAG PO BSTEN PA'I GNYEN POR LHAD BCUG PA SHES SHING, DON GYI TSIG DANG, DON MA YIN PA'I TSIG DANG; 'DRES PA'I TSIG LA MKHAS PA NI GANG GI PHYIR DON DANG DON MA YIN PA DANG 'DRES PA'I TSIG LA MKHAS PAS SHES RAB DANG LDAN PA YIN ZHES GSUNGS PA'O, ,SKYABS NGAN PA BSGRUB PA'I GNYEN POR MTHU SHES PA NI GANG GI PHYIR, BSGOM PA SGRUB PA LA MKHAS PAS MNGON PAR SHES PA MNGON PAR SGRUB PA THOB PA YIN ZHES GSUNGS PA'O, ,BSDU BA'I DNGOS PO LA MKHAS PAS SEMS CAN YONGS SU SMIN PAR BYA BA SHES PA NI, GANG GI PHYIR 'JIG RTEN DANG MTHUN PAR 'JUG PAS THABS LA MKHAS PA YIN ZHES GSUNGS PA'O, ,DE LA SGRUB PA'I KHYAD PAR NI SGRUB PA RNAM PA BCU'I KHYAD PAR DU RIG PAR BYA STE, SGRUB PA RNAM PA BCU LA MNGON PAR MTHO BA'I RGYU SGRUB PA NI GANG GI PHYIR BSOD NAMS KYI TSOGS BSAGS PAS NGOMS MI SHES PA YIN ZHES GSUNGS PA'O, ,NGES PAR LEGS PA'I RGYU SGRUB PA NI GANG GI PHYIR YE SHES KYI TSOGS YONGS SU TSOL BAS BRTZON 'GRUS RGYUN MI 'CHAD PA YIN ZHES GSUNGS PA'O, ,SEMS CAN YONGS SU SMIN PAR BYED PAS YONGS SU MI SKYO BAR SGRUB PA NI GANG GI PHYIR BYAMS PA DANG SNYING RJE CHEN PO'I TSOGS BSAGS PAS YONGS SU MI SKYO BA'I BSAM PA DANG LDAN PA YIN NO ZHES GSUNGS PA'O, ,SANGS RGYAS KYI CHOS MNGON PAR BSGRUB PA SGRUB PA NI GANG GI PHYIR DE BZHIN GSHEGS PA'I STOBS DANG, MI 'JIGS PA DANG, SANGS RGYAS KYI CHOS MA 'DRES PA YONGS SU TSOL BAS SNYOM LAS MED PAR YONGS SU TSOL BA LA BRTZON PA YIN ZHES GSUNGS PA'O, ,ZHING YONGS SU DAG PAR BYA BA MNGON PAR BSGRUB PA SGRUB PA NI GANG GI PHYIR SANGS RGYAS KYI ZHING GI RGYAN RNAM PAR SGRUB PA MNGON PAR SGRUBS PAS LEGS PAR MNGON PAR BSGRUB PA'I YID LA BYED PA DANG LDAN PA YIN ZHES GSUNGS PA'O, ,DE'I RGYAN NI KUN NAS NYON MONGS PA MED PA'I DNGOS PO DANG, YE SHES GYI KHYAD ZHUGS PA THOB PA'I SEMS CAN GYI GNAS DANG, SANGS RGYAS @194A *, ,KYI CHOS RNAMS KYIS SPUD PA'O, ,SANGS RGYAS KYI CHOS LA GNAS PA MNGON PAR BSGRUB PA SGRUB PA NI GANG GI PHYIR MTSAN DANG DPE BYAD BZANG PO YANG DAG PAR BSGRUBS PAS DGE BA SNA TSOGS BYA BA LA BRTZON PA YIN ZHES GSUNGS PA'O, ,SANGS RGYAS KYI CHOS LA GNAS PAR BYA BA MNGON PAR BSGRUB PA SGRUB PA NI GANG GI PHYIR DE BZHIN GSHEGS PA'I SKU DANG, GSUNG DANG THUGS KYI RGYAN YONGS SU TSOL BAS RTAG TU RGYUN MI 'CHAD PAR SHIN TU MNGON PAR BRTZON PA YIN ZHES GSUNGS PA'O, ,CHOS LA GUS PA'I SGRUB PA NI GANG GI PHYIR BYANG CHUB SEMS DPA' DANG CHOS SMRA BA THAMS CAD LA RIM GRO BYED PAS BSNYEN BKUR DANG SRI ZHU CHEN PO'I DANG TSUL CAN YIN ZHES GSUNGS PA'O, ,CHED DU BSAM STE SRID PA YONGS SU 'DZIN PA'I SGRUB PA NI GANG GI PHYIR THABS LA MKHAS PA CHEN POS 'JIG RTEN DU MTSAMS SBYOR BAR 'JUG PAS SMON LAM SHIN TU BTAB PA'I SEMS DANG LDAN PA YIN ZHES GSUNGS PA'O, ,THEG PA CHUNG DUS RNAM PAR G-YENGS PA MED PA'I SGRUB PA NI GANG GI PHYIR SEMS CAN THAMS CAD YONGS SU SMIN PAR BYED PA LA BRTZON PAS NYIN MTSAN DU SEMS CAN GZHAN YONGS SU SPANGS PA YIN TE ZHES GSUNGS PA'O, ,DE LA BSDU BA'I DNGOS PO BZHI PO DAG GIS SEMS CAN YONGS SU SMIN PAR BYED PA'I KHYAD PAR NI GANG GI PHYIR DE DE LTAR MNGON PAR BRTZON PAS SBYIN PAS KYANG SEMS CAN RNAMS YONGS SU SMIN PAR BYED DO, ,SNYAN PAR SMRA BA DANG, DO NA SPYOD PA DANG DON MTHUN PA ZHES GSUNGS PA'O, ,RANG GI RIGS LA CHAGS PA RNAMS LA SPRUL PA RNAMS KYIS SKAL BA 'DRA BAR MTHUN PAR 'JUG PA NI, GANG GI PHYIR GZUGS KYI LUS KUN DU BSTAN PA ZHES GSUNGS PA'O, ,THE TSOM ZA BA RNAMS LA RIGS PA YONGS SU BRJOD PA NI GANG GI PHYIR CHOS BSHAD PA ZHES GSUNGS PA'O, ,BYANG CHUB LA THABS 'KHRUL PA RNAMS LA NI GANG GI PHYIR, BYANG CHUB SEMS DPA'I SPYOD PA BRJOD PA ZHES GSUNGS PA'O, ,THEG PA CHEN POS YONGS SU SKYO BA RNAMS NI GANG GI PHYIR DE BZHIN GSHEGS PA'I CHE BA NYID SMOS PA ZHES GSUNGS PA'O, ,'KHOR BA LA MNGON PAR DGA' BA RNAMS LA NI GANG GI PHYIR 'KHOR BA'I NYES PA BSTAN PA ZHES GSUNGS PA'O, ,THEG @194B PA CHEN PO LA MI 'JUG PA RNAMS LA NI GANG GI PHYIR, SANGS RGYAS KYI YE SHES KYI PHAN YON YONGS SU BSNYAD PA ZHES GSUNGS PA'O, ,BLO CHUNG BA MTHU LA MOS PA RNAMS LA GCIG TU GYUR NAS KYANG RNAM PA DU MAR 'GYUR ZHES BYA BA LA SOGS PA RDZU 'PHRUL GYI RNAM PAR 'PHRUL PA CHEN PO MNGON PAR BSGRUBS PAS, NYE BAR SPYAD PA SNA TSOGS KYI BYA BA SBYOR BA NI GANG GI PHYIR RDZU 'PHRUL GYI RNAM PAR 'PHRUL PA CHEN PO MNGON PAR BSGRUBS PAS NYE BAR SPYAD PA'I BYA BA LA SBYOR BA RNAMS KYIS KYANG SEMS CAN RNAMS YONGS SU SMIN PAR BYED DO ZHES GSUNGS PA'O, ,DE DE LTAR SEMS CAN YONGS SU SMIN PAR BYA BA LA MNGON PAR BRTZON PAS ZHES BYA BA NI JI SKAD DU BSTAN PA DE'O, ,SANGS RGYAS KYI YE SHES KYI RJES SU SONG BA'I SEMS KYI RGYUD DANG LDAN ZHING ZHES BYA BA NI SANGS RGYAS KYI YE SHES YONGS SU SMIN PAR BYED NUS PA'I KHYAD PAR 'DOD PA'I PHYIR RO, ,DGE BA'I RTZA BA LA SBYOR BA PHYIR MI LDOG PA YIN TE ZHES BYA BA NI YON TAN GANG DAG LA ZHUGS PA'O, ,KHYAD PAR CAN GYI CHOS YONGS SU BTZAL BA LA MNGON PAR BRTZON PAS ZHES BYA BA NI KHYAD PAR DE 'DOD PA'I PHYIR RO, ,'DI MAN CHAD NI SEMS CAN YONGS SU SMIN PAR BYED PA DANG, MTHUN PA 'JIG RTEN PA'I SHES PA MNGON PAR SGRUB PA'I KHYAD PAR DU RIG PAR BYA STE, GNOD PA DANG NYE BA'I NYON MONGS PA'I GNYEN POR GANG GI PHYIR DE SEMS CAN LA PHAN PAR BYA BA'I PHYIR, 'JIG RTEN NI YI GE DANG, BSTAN BCOS DANG, RGYA DANG, RTZIS DANG, SHOD THABS LA SOGS PA GANG DAG YOD PA DE DAG MNGON PAR BSGRUB BO ZHES GSUNGS PA STE, DE LA YI GE LA SOGS PA NI GNOD PA RNAM PA BZHI'I GNYEN POR MNGON PAR BSGRUB STE, GNOD PA RNAM PA BZHI LA DON DANG BYA BA BRJED PA'I GNOD PA STE, BYIN PA DANG BLANGS PA STE, GZHAG PA DANG THOS PA DANG, BSAM PA'I DON DANG, BYAS PA DANG, MA BYAS PA DANG, BYA BA DANG BYA BA MA YIN PA'I PHYIR DE'I GNYEN POR YI GE'O, ,LTA BA NGAN PA DANG BLO CHUNG BA'I GNOD PA DE GNYIS GTAN TSIGS DANG, SGRA'I BSTAN BCOS GNYIS KYIS GSAL BA'I PHYIR BSTAN BCOS SO, ,YONGS SU BLANGS PA'I NOR MA SPAS PA DE'I GNYEN POR RGYA'O, ,'DUB DANG 'GOD PA LA @195A *, ,RMONGS PA DE'I GNYEN POR RTZIS DANG SHOD THABS TE, DE LA RTZIS NI GNYIS GNYIS BZHI ZHES BYA BA LA SOGS PA'O, ,SHOD THABS NI GZHAG PA'O, ,NOR BSGYUR BA'I DPYAD NI DBUL BA'I GNOD PA'I GNYEN PO'O, ,GSO BA'I DPYAD RNAMS NI KHAMS MI MNYAM PA DANG, SEMS CAN DANG, DUG DANG, RGYU LAS BYUNG BA'I NAD KYI GNOD PA'I GNYEN PO STE, GANG GI PHYIR NOR BSGYUR BA'I DPYAD DANG, GSO BA'I DPYAD SKEM PA DANG, BRJED BYED DANG, 'BYUNG PO'I GDON BSAL BA DANG, DUG DANG, RO LANGS KYI SBYOR BA BSAL BA ZHES GSUNGS PA'O, ,DE LA SKEM PA DANG BRJED BYED NI KHAMS MI MNYAM PA'I GNOD PA'O, ,'BYUNG PO'I GDON NI SEMS CAN GYI GNOD PA'O, ,DUG SBYOR BA NI DUG GI GNOD PA'O, ,RGYU LAS BYUNG BA'I GNAD KYI GNOD PA NI RO LANGS KYI SBYOR BA'O, ,SNYAN DNGAGS DANG, GAR THABS DANG, GTAM RGYUD DANG, ROL MO DANG SNGON BYUNG BAS RAB TU DGA' BAR BYA BA NI YID MI BDE BA'I GNOD PA'I GNYEN PO'O, ,GRONG DANG GRONG KHYER DANG, SKYED MOS TSAL DANG, 'BAB CHU DANG, MTSO DANG, MTSE'U DANG, RDZING DANG, ME TOG DANG, 'BRAS BU DANG, SMAN DANG NAGS TSAL MNGON PAR SGRUB PA NI GNAS LA MNGON PAR MI DGA' BA'I GNOD PA'I GNYEN PO'O, ,GSER DANG, DNGUL DANG, NOR BU DANG, MU TIG DANG, BEE d'URYA DANG, DHA KA SHI LA DANG, BYI RU DANG, RIN PO CHE'I 'BYUNG KHUNGS BSTAN PA NI GSAD PA DANG, BCING BA DANG CHAD PA LA SOGS PA'I GNOD PA'I GNYEN PO'O, ,ZLA BA DANG, NYI MA DANG; GZA' DANG, SKAR MA DANG, RGYU SKAR DANG, SA G-YO BA DANG, GCAN GZAN GYI LA NYE DANG, BYA'I LA NYE DANG, RMI LTAS KYI LTAS STON PA SHES PA DANG, YAN LAG DANG NYID LAG THAMS CAD KYI MTSAN DANG SPYOD TSUL GYI SBYOR BA NI MTHONG BA DANG, RNAM PAR SMIN PAS THOB PA'I YAN LAG GI NYES PA LAS GYUR PA'I RNAM PAR 'TSE BA'I GNOD PA'I GNYEN PO'O, ,ZLA BA LA SOGS PA RMI LAM YAN CHAD DANG, GZA' LA SOGS PA'I LTAS MTHONG BAS MI 'DOD PA DANG, 'DOD PA'I LAS KYI 'BRAS BU SHES PAR 'GYUR BA'I PHYIR RO, ,YAN LAG DANG NYID LAG THAMS @195B CAD KYI MTSAN GYIS KYANG MI 'DOD PA DANG, 'DOD PA'I 'BRAS BU SHES PA'I PHYIR RO, ,SDOM PA'I MCHOG DANG GNAS PA DANG, BSAM GTAN DANG, MNGON PAR SHES PA DANG, TSAD MED PA DANG GZUGS MED PA'I GNAS RNAMS NI NYE BA'I NYON MONGS PA LNGA'I GNYEN PO STE, NYE BA'I NYON MONGS PA RNAM PA LNGA NI, 'CHAL PA'I TSUL KHRIMS NYE BA'I NYON MONGS PA DANG, 'DOD PA LA 'DOD CHAGS NYE BA'I NYON MONGS PA DANG, SKYABS NGAN PA NYE BA'I NYON MONGS PA DANG, LOG PA'I BSOD NAMS LA SBYOR BA NYE BA'I NYON MONGS PA DANG, LOG PA'I THAR PA LA SBYOR BA NYE BA'I NYON MONGS PA'O, ,'JIG RTEN PA'I SHES PA MNGON PAR SGRUB PA DE YANG RGYU BZHI DANG LDAN PAR YONGS SU STON TE, GNOD PA GZHAN GYIS GNOD PA BYA BA MED PA NI GANG GI PHYIR, GZHAN YANG GANG RNAM PAR THO 'TSAMS PA MED PA DANG LDAN PA ZHES GSUNGS PA'O, ,KHA NA MA THO BA MED PA'I BDE BA SKYED PA NI GANG GI PHYIR SEMS CAN THAMS CAD LA PHAN PA DANG BDE BAR 'GYUR BA DE DAG CES GSUNGS PA'O, ,'BYUNG BAR BYED PAR NAM PAR DAG PA NI GANG GI PHYIR SNYING RJE DANG LDAN PA ZHES GSUNGS PA'O, ,DGOS PA RNAM PAR DAG PA NI GANG GI PHYIR MTHAR GYIS SANGS RGYAS KYI CHOS LA DGOD PA'I PHYIR MNGON PAR SGRUB PA'O ZHES GSUNGS PA'O, ,DE DE BAS KYANG SHAS CHER THOS PA'I RNAM PA'I GZUNGS THOB PA'I CHOS SMRA BAR 'GYUR RO ZHES BYA BA NI DON GYI GZUNGS THOB PA MA YIN PA'O, ,RNAM PAR DAG PA LA SEMS KYI BSAM PA MNYAM PA NYID RNAMS BYA BAR SHIN TU DGA' BA'I PHYIR DANG, 'JIG RTEN LAS 'DAS PA'I YE SHES LA YANG MNGON PAR DGA' LA, 'JIG RTEN PA'I SHES PA LA YANG MNGON PAR PHYOGS PAR BYA BA DANG, THOS PA'I GZUNGS THOB PAR SHIN TU DGA' BA'I PHYIR SA 'DI NI SHIN TU SBYANG DKA' BA YIN PAR RIG PAR BYA'O, ,GSER GYI SA LE SBRAM SPUG GIS PHYIS PA'I DPES NI 'JIG RTEN PA'I SHES PA MNGON PAR SGRUB PA DANG LDAN PAS SA YE SHES CHES BYANG BAR YONGS SU STON TE, GANG GI PHYIR KYE RGYAL BA'I SRAS DAG 'DI LTA STE, DPER NA GSER GYI SA LE SBRAM DE NYID SPUG GIS PHYIS NA, DE BAS KYANG CHES RAB TU BYANG BA DANG, YONGS SU DAG PA DANG, SHIN TU @196A *, ,'OD GSAL BAR 'GYUR RO, ,KYE RGYAL BA'I SRAS DAG DE BZHIN DU BYANG CHUB SEMS DPA'I SA SHIN TU SBYANG DKA' BA 'DI LA GNAS PA'I BYANG CHUB SEMS DPA'I DGE BA'I RTZA BA THABS DANG SHES RAB KYIS RNAM PAR DPYAD PA DE DAG KYANG CHES RAB TU BYANG BA DANG, YONGS SU DAG PA DANG, SHIN TU 'OD GSAL BA YIN NO ZHES GSUNGS PA'O, ,ZLA BA DANG NYI MA LA SOGS PA'I DKYIL 'KHOR GYI DPES NI LUNG LA BRTEN PA'I SHES PA RAB TU 'PHEL BAS SA SNGA MA'I SHES PA LAS MCHOG TU GYUR PA YONGS SU STON TE, GANG GI PHYIR KYE RGYAL BA'I SRAS DAG 'DI LTA STE, DPER NA NYI MA DANG, ZLA BA DANG, GZA' DANG, SKAR MA DANG RGYU SKAR RNAMS KYI GZHAL MED KHANG GI 'OD SNANG BA NI RLUNG GI DKYIL 'KHOR RNAMS KYIS MI 'PHROGS SHING, RLUNG DMAR DANG THUN MONG MA YIN NO, ,KYE RGYAL BA'I SRAS DAG DE BZHIN DU BYANG CHUB SEMS DPA'I SA SHIN TU SBYANG DKA' BA 'DI LA GNAS PA'I BYANG CHUB SEMS DPA'I DGE BA'I RTZA BA THABS DANG SHES RAB KYIS RNAM PAR DPYAD PA DE DAG KYANG NYAN THOS DANG RANG SANGS RGYAS THAMS CAD KYIS MI 'PHROGS SHING, 'JIG RTEN THAMS CAD DANG THUN MONG MA YIN NO ZHES GSUNGS PA'O, ,'PHAGS PA SA BCU PA LAS, SA LNGA PA'I RNAM PAR BSHAD PA RDZOGS SO,, ,,NGA RGYAL GYI KHYAD PAR GYI GNYEN PO RNAM PAR GZHAG PA DANG, MI GNAS PA'I LAM SGRUB PA'I KHYAD PAR RNAM PAR GZHAG PA DANG, DE'I 'BRAS BU RNAM PAR GZHAG PA RNAM PA GSUM PO GANG DAG KHO NAS SA LNGA PA RNAM PAR GZHAG PA DE DAG NYID KYIS DRUG PA YANG RNAM PAR GZHAG PAR RIG PAR BYA STE, KHYAD PAR DU NA SA BZHI PA DANG LNGA PA LA NI GANG ZAG LA MNGON PAR ZHEN PAS 'PHANGS PA'I CHOS KHONG DU CHUD PA'I MNGON PA'I NGA RGYAL DANG, RNAM PAR DAG PA LA RGYUD THA DAD PA'I MNGON PA'I NGA RGYAL GYI GNYEN PO BSTAN GYI; SA 'DI LA NI CHOS LA MNGON PAR ZHEN PA LAS GYUR PA'I KUN NAS NYON MONGS PA DANG, RNAM PAR BYANG BA LA THA DAD PA'I MNGON PA'I NGA RGYAL GYI GNYEN PO CHOS MNYAM PA NYID BCU STON TE, GANG GI PHYIR KYE RGYAL BA'I SRAS DAG BYANG CHUB SEMS DPA'I SA LNGA PA LA LAM SHIN TU YONGS SU RDZOGS @196B PA'I BYANG CHUB SEMS DPA' DE BYANG CHUB SEMS DPA'I SA DRUG PA LA 'JUG STE, DE CHOS MNYAM PA NYID BCUS 'JUG GO, ,BCU GANG ZHE NA 'DI LTA STE, CHOS THAMS CAD MTSAN MA MED PAS MNYAM PA NYID CES GSUNGS PA'O, ,DE LA SKYE MCHED BCU GNYIS PO RNAMS KYI KUN BRTAGS PA'I NGO BO NYID MED PAR MNYAM PA NYID NI CHOS THAMS CAD MTSAN MA MED PAR MNYAM PA NYID DO, ,DE YANG MTSAN MA THA DAD PA'I GNYEN POR RNAM PA DGUR DBYE STE, SKYE MCHED BCU GNYIS PO RNAMS KYI MTSAN MA RNAM PA DGU LA, RANG GI MTSAN NYID KYI MTSAN MA NI GANG GI PHYIR CHOS THAMS CAD MTSAN NYID MED PAR MNYAM PA NYID CES GSUNGS PA'O, ,SKAD CIG GCIG NAS GCIG TU 'BYUNG BA'I MTSAN MA NI GANG GI PHYIR CHOS THAMS CAD 'BYUNG BA MED PAR MNYAM PA ZHES GSUNGS PA'O, ,SKYE BA GCIG NAS GCIG TU 'BYUNG BA'I MTSAN MA NI GANG GI PHYIR CHOS THAMS CAD SKYE BA MED PAR MNYAM PA NYID CES GSUNGS PA'O, ,KUN NAS NYON MONGS PA'I MTSAN MA NI GANG GI PHYIR CHOS THAMS CAD DPEN PAR MNYAM PA NYID CES GSUNGS PA'O, ,RNAM PAR BYANG BA'I MTSAN MA NI GANG GI PHYIR CHOS THAMS CAD GZOD MA NAS RNAM PAR DAG PAR MNYAM PA NYID CES GSUNGS PA'O, ,THA SNYAD KYI MTSAN MA NI GANG GI PHYIR CHOS THAMS CAD SPROS PA MED PAR MNYAM PA NYID CES GSUNGS PA'O, ,SKYE BA DANG 'CHI 'PHO BA'I MTSAN MA NI GANG GI PHYIR CHOS THAMS CAD BLANG BA MED PA DANG DOR BA MED PAR MNYAM PA NYID CES GSUNGS PA'O, ,GANG ZAG LA MNGON PAR ZHEN PA'I MTSAN MA NI GANG GI PHYIR CHOS THAMS CAD SGYU MA DANG, RMI LAM DANG, MIG YOR DANG, BRAG CA DANG, CHU ZLA DANG, GZUGS BRNYAN DANG, SPRUL PA LTA BUR MNYAM PA NYID CES GSUNGS PA'O, ,DAR BA DANG RGUD PA'I MTSAN MA NI GANG GI PHYIR CHOS THAMS CAD DNGOS PO DANG DNGOS PO MED PA GNYIS SU MED PAR MNYAM PA NYID CES GSUNGS PA'O, ,DE CHOS THAMS CAD KYI RANG BZHIN DE LTAR RAB TU RTOG PA NA RNO ZHING RJES SU MTHUN PA'I BZOD PAS BYI DOR BYED, RJES SU MTHUN PAR BYED DE, MI MTHUN PAR MI BYED PAS BYANG CHUB SEMS DPA'I SA DRUG PA MNGON DU GYUR PA RJES SU THOB STE, DE TZAM GYIS MI SKYE BA'I CHOS @197A *, ,LA BZOD PA'I SGO RJES SU THOB PA NI MA YIN NO ZHES BYA BA DE LA RNO BA ZHES BYA BA NI NGA RGYAL CHA PHRA BA'I GNYEN PO YIN PA'I PHYIR TE, SA SNGA MA GNYIS NI RAGS PA DANG, 'BRING GI GNYEN PO BZOD PA CHUNG DU DANG 'BRING GIS RAB TU PHYE BA'O, ,RJES SU MTHUN PA ZHES BYA BA NI DE MA THOB BO ZHES BYA BA'I TSIG GIS NA MI SKYE BA'I CHOS LA BZOD PA'I SGO DANG MTHUN PA STE, 'DI NYID NI MI SKYE BA'I CHOS LA BZOD PA YIN PAR SHES PAR 'GYUR DU 'ONG BA'I PHYIR RO, ,BYI DOR BYED CES BYA BA NI DE'I MI MTHUN PA'I PHYOGS KYI DRI MA SEL BA'I PHYIR RO, ,RJES SU MTHUN PAR BYED CES BYA BA NI MNYAM PA NYID DU MOS PA'I PHYIR RO, ,MI MTHUN PAR MI BYED CES BYA BA NI DE LA RNAM PAR MI RTOG PA'I PHYIR RO, ,'DI YAN CHAD NI RE ZHIG NGA RGYAL GYI KHYAD PAR GYI GNYEN PO YONGS SU STON TO, ,DE CHOS THAMS CAD KYI RANG BZHIN DE LTAR RTOG PA NA ZHES BYA BA NI KHYAD PAR DU 'GRO BA STE, 'DI NAS BZUNG NAS SEMS CAN THAMS CAD LA LTA BA DANG BCAS PAS 'DAS PA DANG, MA 'ONGS PA DANG, DA LTAR BYUNG BA'I SNYING RJE'I KHYAD PAR YONGS SU 'DZIN PAS, SEMS CAN LA LTA BA DANG BCAS PA DANG RTEN CING 'BREL BAR 'BYUNG BA CHA PHRA BA'I RNAM PA THAMS CAD LA SO SOR RTOG PA'I PHYIR SHES BYA LA YE SHES RNAM PAR DAG PAS 'KHOR BA DANG MYA NGAN LAS 'DAS PA LA MI GNAS PA'I PHYIR, MI GNAS PA'I LAM SGRUB PA'I KHYAD PAR YONGS SU STON TO, ,GANG GI PHYIR DE DE BAS KYANG SHAS CHER SNYING RJE CHEN PO SNGON DU 'GRO BA DANG, SNYING RJE CHEN PO LA DBANG BYA BA DANG, SNYING RJE CHEN PO YONGS SU RDZOGS PAR BYA BA'I PHYIR, 'JIG RTEN GYI 'BYUNG BA DANG 'JIG PA LA RNAM PAR LTA BA'O, ,DE'I 'JIG RTEN GYI 'BYUNG BA DANG 'JIG PA LA RNAM PAR LTA BA'I TSE, 'DI SNYAM DU SEMS TE 'JIG RTEN DU 'DOGS PA 'BYUNG BA JI SNYED PA DE DAG THAMS CAD NI, BDAG TU MNGON PAR ZHEN PA LAS 'BYUNG STE, BDAG TU MNGON PAR ZHEN PA DANG BRAL NA 'BYUNG BA YANG MED PAR 'GYUR RO SNYAM MO ZHES GSUNGS PA'O, ,DE LA 'JIG RTEN DU 'DOGS SU 'BYUNG BA ZHES BYA BA NI 'GRO BA LNGAR 'BYUNG BA GANG YIN PA DAG LA 'JIG RTEN ZHES 'DOGS PA'O, ,RTEN CING 'BREL PAR 'BYUNG BA DE YANG SGRUB PA DANG, BRGAL BA'I LAN DANG, MTSAN NYID @197B RNAM PAR GZHAG PA DANG, DON DAM PA'I BDEN PA RNAM PAR GZHAG PA DANG, KUN RDZOB KYI BDEN PA RNAM PAR GZHAG PA DANG, SGO GSUM NAS YONGS SU BRTAG PAR RIG PAR BYA'O, ,SGRUB PA RNAM PAR GZHAG PA JI LTA BU ZHE NA, THOG MA KHO NAR RE ZHIG RTEN CING 'BREL PAR 'BYUNG BA LA BDAG MED PAR BSGRUB PAR BYA BA'O, ,DE NI 'JIG RTEN 'BYUNG BA THAMS CAD BDAG TU MNGON PAR ZHEN PA LAS 'BYUNG LA, DE DANG BRAL NAS 'BYUNG BA MED PAR SGRUB BO, ,BDAG DON DAM PAR YOD DU ZIN NA NI BDAG TU MNGON PAR ZHEN PA YANG DON DAM PA'I YE SHES YIN PAS, DE LAS 'JIG RTEN 'BYUNG BAR MI 'GYUR LA, DE DANG BRAL NAS YANG 'BYUNG BA MED PAR MI 'GYUR BA ZHIG NA BZLOG PA NYID DU GYUR TE, GANG GI PHYIR 'JIG RTEN DU 'DOGS PA 'BYUNG BA JI SNYED PA DE DAG THAMS CAD NI BDAG TU MNGON PAR ZHEN PA LAS 'BYUNG STE, BDAG TU MNGON PAR ZHEN PA DANG BRAL BA NA 'BYUNG BA YANG MED PAR 'GYUR RO ZHES GSUNGS TE, DON 'DI YONGS SU STON TO, ,BRGAL BA'I LAN RNAM PAR GZHAG PA JI LTA BU ZHE NA, BDAG MED DU ZIN NA BDAG TU MNGON PAR ZHEN PA JI LTAR 'BYUNG ZHES RGOL BAR GYUR PA LA LAN 'DEBS PA NI BYIS PA'I BLO CAN DU GYUR PAS BDAG TU MNGON PAR ZHEN TO ZHES STON TE, GANG GI PHYIR DE 'DI SNYAM DU SEMS TE, BYIS PA'I BLO CAN BDAG TU MNGON PAR ZHEN PA ZHES GSUNGS PA'O, ,DE'I 'OG TU BDAG MED DU ZIN KYANG TSUL GANG GIS NA BDAG TU MNGON PAR ZHEN PA LAS 'JIG RTEN 'BYUNG BA YOD PA DE STON TO, ,MI SHES PA'I RAB RIB KYIS SGRIB PA YOD PA DANG MED PA LA MNGON PAR 'DOD PA CAN ZHES BYA BA DE LTA BU NI BRGAL BA'I LAN RNAM PAR GZHAG PA'O, ,DE LA MI SHES PA DANG RTAG PA DANG CHAD PA LA MNGON PAR 'DOD PA SMOS PA NI MA RIG PA DANG, SRED PA SRID PA'I YAN LAG GI RTZA BA YIN PA'I PHYIR RO, ,TSUL BZHIN MA YIN PA YID LA BYED PA LAS BYUNG BA LAM LOG PAR ZHUGS PA, LOG PA'I RJES SU 'BRANG BA DE DAG NI BSOD NAMS DANG BSOD NAMS MA YIN PA DANG, MI G-YO BA'I 'DU BYED RNAMS KYANG SOGS TE ZHES BYA BA LA TSUL BZHIN MA YIN PA YID LA BYED PA SMOS PA NI MA RIG PA'I RGYU YONGS SU BSTAN @198A *, ,PA'I PHYIR RO, ,LAM LOG PAR ZHUGS PA NI THAR PA DANG MI MTHUN PAR 'GRO BA'I PHYIR RO, ,LOG PA'I RJES SU 'BRANG BA ZHES BYA BA NI BYE BRAG STE, BYANG CHUB SEMS DPA' MA RTOGS PA'I DON TE, DE DAG NI SRID PA 'DZIN KYANG LOG PA'I RJES SU 'BRANG BA MA YIN NO, , 'DU BYED DE DAG GIS YONGS SU BSGOS PA'I SEMS KYI SA BON ZAG PA DANG BCAS PA NYE BAR LEN PA DANG BCAS PA NI PHYI MA LA SKYE BA DANG RGA SHI'I RANG BZHIN YANG SRID PA DANG, MNGON PAR 'GRUB PAS 'BYUNG BAR 'GRO BA YIN TE, LAS KYI ZHING GI GZHI DANG, MA RIG PA'I MUN PA DANG, SRID PA'I RLAN DANG NGA'O SNYAM PA'I NGA RGYAL GYIS BRLAN PA DANG, LTA BAR GYUR PA'I DRA BA RAB TU 'PHEL BAS, MING DANG GZUGS KYI MYU GU 'BYUNG STE, BYUNG NAS RNAM PAR 'PHEL LO, ,MING DANG GZUGS KYI MYU GU RNAM PAR 'PHEL NAS, DBANG PO LNGA 'BYUNG BAR 'GYUR RO, ,DBANG PO LNGA BYUNG NAS PHAN TSUN 'DUS PAS REG PAR 'GYUR RO, ,REG PA 'DUS PAS TSOR BA 'BYUNG NGO, ,TSOR NAS DE'I 'OG TU MNGON PAR DGA' BAS SRED PA 'BYUNG NGO, ,SRED PAS NI LEN PA RNAM PAR 'PHEL BAR BYED DO, ,LEN PA RNAM PAR 'PHEL BAS SRID PA 'BYUNG BAR 'GYUR RO, ,SRID PA BYUNG NAS PHUNG PO LNGA 'BYUNG BAR 'GYUR TE, PHUNG PO LNGA BYUNG NAS 'GRO BA LNGAR RIM GYIS DENGS PAR 'GYUR RO, ,DENGS NAS BRAL BAR 'GYUR RO, ,DENGS SHING BRAL NAS RIMS NAD KYIS YONGS SU GDUNG BAR 'GYUR RO, ,RIMS NAD KYIS YONGS SU GDUNGS PA LAS MYA NGAN DANG, SMRE SNGAGS 'DON BA DANG, SDUG BSNGAL BA DANG, YID MI BDE BA DANG 'KHRUGS PA THAMS CAD 'BYUNG BAR 'GYUR YANG DE DAG LA SU YANG 'BYUNG BAR BYED PA MED DO, ,RANG BZHIN DANG BSAL BA MED PAR 'JIG PAR 'GYUR YANG DE DAG LA, 'JIG PAR BYED PA SU YANG MED DO ZHES DE LTAR BYANG CHUB SEMS DPA' LUGS SU 'BYUNG BA'I RNAM PAR RTEN CING 'BREL PAR 'BYUNG BA LA SO SOR RTOG GO ZHES BYA BA DE LA SEMS KYI SA BON NI SKYE BA DANG RGA SHI'I RANG BZHIN YANG SRID PA DANG BAR MA DO'I SRID PA 'BYUNG BAS BSDUS PA LA NYE BAR 'GRO BA'I PHYIR DE LA NYE BAR SONG BA YIN NO, ,BSOD NAMS LA SOGS PA'I 'DU BYED RNAMS NI LAS @198B KYI ZHING NGO, ,GONG DU SMOS PA'I MI SHES PA NI MA RIG PA'I MUN PA'O, ,YOD PA DANG MED PA LA MNGON PAR 'DOD PA NI SRID PA'I RLAN TO, ,DE LTAR GYUR PA'I NGA'O SNYAM DU DE LTAR SEMS PA GANG YIN PA DE NI NGA RGYAL LO, ,'BYUNG BAR 'GYUR RAM, 'BYUNG BAR MI 'GYUR ZHIG GU SNYAM DU SEMS PA LA SOGS PA NI LTA BAR GYUR PA'I DRA BA'O, ,RANG BZHIN DANG BSAL BA MED PAR 'JIG CES BYA BA NI BDAG NYID DANG BLO SNGON DU GTONG BA MED PA'O, ,DE LTA BU NI BRGAL BA'I LAN YIN NO, ,MTSAN NYID RNAM PAR GZHAG PA JI LTA BU ZHE NA, BRGAL BA'I LAN DANG BCAS PAS RTEN CING 'BREL PAR 'BYUNG BA LA BDAG MED PAR BSGRUBS NAS MTSAN NYID GANG GIS GNAS SHING 'BYUNG BA DE RNAM PAR 'JOG STE, DE 'DI SNYAM DU SEMS TE, BDEN PA RNAMS MI SHES PA NI DON DAM PAR MA RIG PA'O, ,MA RIG PAS BYAS PA'I LAS KYI RNAM PAR SMIN PA NI 'DU BYED RNAMS SO, , 'DU BYED LA BRTEN PA'I SEMS DANG PO NI RNAM PAR SHES PA'O, ,RNAM PAR SHES PA DANG LHAN CIG SKYES PA NYE BAR LEN PA'I PHUNG PO BZHI NI MING DANG GZUGS SO, ,MING DANG GZUGS RNAM PAR 'PHEL BA NI SKYE MCHED DRUG GO, ,DBANG PO DANG YUL DANG RNAM PAR SHES PA GSUM PHRAD PA ZAG PA DANG BCAS PA NI REG PA'O, ,REG PA DANG LHAN CIG SKYES PA NI TSOR BA'O, ,TSOR BA LA CHAGS PA NI SRED PA'O, ,SRED PA RNAM PAR 'PHEL BA NI LEN PA'O, ,LEN PA LAS BYUNG BA'I LAS ZAG PA DANG BCAS PA NI SRID PA'O, ,LAS KYI RGYU MTHUN PA NI SKYE BA STE PHUNG PO 'BYUNG BA'O, ,PHUNG PO YONGS SU SMIN PA NI RGA BA'O, ,RGAS NAS PHUNG PO 'JIG PA NI 'CHI BA'O, ,'CHI ZHING 'BRAL BA'I TSE MYOS SHING CHAGS PAR GYUR NAS SEMS YONGS SU GDUNG BA NI MYA NGAN NO, ,MYA NGAN LAS BYUNG BA'I TSIG TU BRJOD PA NI SMRE SNGAGS 'DON PA'O, ,DBANG PO LNGA'I NYAMS SU BAB PA NI SDUG BSNGAL LO, ,YID KYI LTA BA'I NYAMS SU BAB PA NI YID MI BDE BA'O, ,SDUG BSNGAL BA DANG YID MI BDE BA MANG PO 'BYUNG BA NI 'KHRUGS PA STE, DE LTAR NA SDUG BSNGAL GYI LJON PA BYED PA PO MED PA 'BA' ZHIG PO 'DI MNGON PAR 'GRUB PAR 'GYUR RO SNYAM MO, ,DE 'DI SNYAM DU SEMS TE, BYED @199A *, ,PA PO LA MNGON PAR ZHEN PAS BYA BA RNAMS MNGON PAR GYUR TO, ,GONG NA BYED PA PO MED PA DE NA DON DAM PAR BYA BA YANG MI DMIGS SO SNYAM MO ZHES BYA BA DE LA, MA RIG PAS BYAS PA'I LAS KYI RNAM PAR SMIN PA NI 'DU BYED RNAMS SO ZHES BYA BA NI MING DANG GZUGS SU STON TO, ,DE'I 'OG TU DE LA RNAM PAR SHES PA BRTEN PA DANG, MING DANG GZUGS DANG RNAM PAR SHES PA LHAN CIG BYUNG BAR YONGS SU BSTAN PAS RNAM PAR SHES PA DANG, MING DANG GZUGS GCIG LA GCIG BRTEN PA NYID DU STON TO, ,GANG NA BYED PA PO MED PA DE NA DON DAM PAR BYA BA YANG MI DMIGS SO SNYAM MO ZHES BYA BA NI SRID PA'I YAN LAG 'DI DAG BDAG NYID KYIS BYA BA MED PAR YONGS SU STON TE, 'DI NI SRID PA'I YAN LAG RJES SU 'BREL PAS, RTEN CING 'BREL BAR 'BYUNG BA LA YONGS SU BRTAG PAR RIG PAR BYA'O,, ,,BAM PO DGU PA, DON DAM PA'I BDEN PA RNAM PAR GZHAG PA JI LTA BU ZHE NA, JI LTAR DE YONGS SU SHES PAS GROL BAR 'GYUR BA DE YONGS SU BRTAGS PA STE, GANG GI PHYIR DE 'DI SNYAM DU SEMS TE, 'DI LTAR KHAMS GSUM PA 'DI NI SEMS TZAM STE ZHES GSUNGS PA STE, KHAMS GSUM PA NI SEMS GYUR PA TZAM DU ZAD PA'I PHYIR RO, ,KUN RDZOB KYI BDEN PA RNAM PAR GZHAG PA JI LTA BU ZHE NA, JI LTAR YONGS SU RTOGS PAS DON DAM PA'I BDEN PA LA 'JUG PA'O, ,DE YANG RNAM PA DRUG TU YONGS SU BRTAG PAR RIG PAR BYA STE, 'DIS GANG KUN NAS NYON MONGS PA SHES NAS KUN NAS NYON MONGS PA'I GNAS YONGS SU BRTAG PA DANG, RGYU NYID DU YONGS SU BRTAG PA DANG, NYES DMIGS BSDUS PAR YONGS SU BRTAG PA DANG, NYES PA SPANG BAR YONGS SU BRTAG PA DANG, YID MI 'BYUNG BA DANG, YID 'BYUNG BA'I RGYU YONGS SU BRTAG PA DANG, ZAB PA NYID DU YONGS SU BRTAG PA'O,, DE LA KUN NAS NYON MONGS PA'I GNAS YONGS SU BRTAG PA NI SRID PA'I YAN LAG RNAMS BDAG DANG BRAL BA'I SEMS TZAM LA BRTEN PAS SEMS GCIG LA BRTEN PA'I PHYIR TE, GANG GI PHYIR SRID PA'I YAN LAG BCU GNYIS PO GANG DAG DE BZHIN GSHEGS PAS RAB TU PHYE STE BKA' STZAL PA DE @199B DAG THAMS CAD KYANG SEMS GCIG LA GNAS PA DAG GO, ,DE CI'I PHYIR ZHE NA, GZHI GANG LA 'DOD CHAGS DANG LDAN PA'I SEMS SKYES PA DE NI RNAM PAR SHES PA'O, ,GZHI NI 'DU BYED RNAMS SO, ,'DU BYED LA KUN DU RMONGS PA GANG YIN PA DE NI MA RIG PA'O, ,MA RIG PA'I SEMS DANG LHAN CIG SKYES PA DE NI MING DANG GZUGS SO, ,MING DANG GZUGS RNAM PAR 'PHEL BA NI SKYE MCHED DRUG GO, ,SKYE MCHED DRUG GI CHA DANG MTHUN PA NI REG PA'O, ,REG PA DANG LHAN CIG SKYES PA NI TSOR BA'O, ,TSOR BA LA MI NGOMS PA NI SRID PA'O, ,SRED PAS G-YEN SPYO NAS SDUD CING YONGS SU MI GTONG BA NI LEN PA'O, ,SRID PA'I YAN LAG 'DI DAG 'BYUNG BA NI SRID PA'O, ,SRID PA 'BYUNG BA NI SKYE BA'O, ,SKYE BA YONGS SU SMIN PA NI RGA BA'O, ,RGA BA YONGS SU 'GYUR BA NI 'CHI BA'O ZHES GSUNGS PA STE, 'DI NI BDEN PA GNYIS RNAM PAR GZHAG PAS, SEMS GCIG TU YANG DAG PAR 'DU BAR RTEN CING 'BREL PAR 'BYUNG BA YONGS SU BRTAG PAR RIG PA'O, ,RGYU NYID DU YONGS SU BRTAG PA NI RNAM PA GNYIS TE, RANG GI BYA BA BYED PAS YAN LAG GZHAN GYI RGYU NYID DU YONGS SU BRTAG PA'I PHYIR GZHAN GYI RGYUR YONGS SU BRTAG PA NI GANG GI PHYIR, DE LA MA RIG PA NI BYA BA GNYIS SU NYE BAR GNAS PA YIN TE, SEMS CAN RNAMS KYANG DMIGS PA LA RMONGS PAR BYED PA DANG, 'DU BYED MNGON PAR 'GRUB PA'I RGYU YANG 'BYIN PA'O, ,'DU BYED RNAMS KYANG BYA BA GNYIS SU NYE BAR GNAS PA YIN TE, MA 'ONGS PA'I RNAM PAR SMIN PA YANG MNGON PAR 'GRUB PAR BYED PA DANG, RNAM PAR SHES PA MNGON PAR 'GRUB PA'I RGYU YANG 'BYIN PA'O, ,RNAM PAR SHES PA YANG BYA BA GNYIS SU NYE BAR GNAS PA YIN TE, SRID PA'I NYING MTSAMS SBYOR BAR YANG BYED PA DANG, MING DANG GZUGS MNGON PAR 'GRUB PA'I RGYU YANG 'BYIN PA'O, ,MING DANG GZUGS KYANG BYA BA GNYIS SU NYE BAR GNAS PA YIN TE, PHAN TSUN RTOG PAR YANG BYED PA DANG, SKYE MCHED DRUG MNGON PAR 'GRUB PA'I RGYU YANG 'BYIN PA'O, ,SKYE MCHED DRUG KYANG BYA BA GNYIS SU NYE BAR GNAS PA YIN TE, RANG GI YUL RNAM PAR PHYE BA YANG STON PA DANG, REG PA MNGON PAR 'GRUB PA'I RGYU YANG 'BYIN PA'O, ,REG PA @200A *, ,YANG BYA BA GNYIS SU NYE BAR GNAS PA YIN TE, DMIGS PA LA REG PAR YANG BYED PA DANG, TSOR BA MNGON PAR 'GRUB PA'I RGYU YANG 'BYIN PA'O, ,TSOR BA YANG BYA BA GNYIS SU NYE BAR GNAS PA YIN TE, YID DU 'ONG BA DANG, YID DU MI 'ONG BA DANG, GNYIS KA LAS RNAM PAR GROL BA MYONG BAR BYED PA DANG, SRED PA MNGON PAR 'GRUB PA'I RGYU YANG 'BYIN PA'O, ,SRED PA YANG BYA BA GNYIS SU NYE BAR GNAS PA YIN TE, CHAGS PAR 'GYUR BA'I DNGOS PO LA KUN DU CHAGS PAR YANG BYED PA DANG, LEN PA MNGON PAR 'GRUB PA'I RGYU YANG 'BYIN PA'O, ,LEN PA YANG BYA BA GNYIS SU NYE BAR GNAS PA YIN TE, KUN NAS NYON MONGS PA DANG 'BREL PAR YANG BYED PA DANG, SRID PA MNGON PAR 'GRUB PA'I RGYU YANG 'BYIN PA'O, ,SRID PA YANG BYA BA GNYIS SU NYE BAR GNAS PA YIN TE, SRID PA'I RGYU GZHAN YANG GNAS PAR BYED PA DANG, SKYE BA MNGON PAR 'GRUB PA'I RGYU YANG 'BYIN PA'O, ,SKYE BA YANG BYA BA GNYIS SU NYE BAR GNAS PA YIN TE, PHUNG PO 'BYUNG BAR YANG BYED PA DANG, RGA BA MNGON PAR 'GRUB PA'I RGYU YANG 'BYIN PA'O, ,RGA BA YANG BYA BA GNYIS SU NYE BAR GNAS PA YIN TE, DBANG PO YONGS SU 'GYUR BAR YANG BYED PA DANG, 'CHI BA DANG PHRAD PA MNGON PAR 'GRUB PA'I RGYU YANG 'BYIN PA'O, ,'CHI BA YANG BYA BA GNYIS SU NYE BAR GNAS PA YIN TE, 'DU BYED 'JIG PAR YANG BYED PA DANG YONGS SU MI SHES PAS RGYUN MI 'CHAD PA'I RGYU YANG 'BYIN PA'O ZHES GSUNGS PA STE, TSE RABS GZHAN GYI RGYU YIN PA'I PHYIR RO, ,YONGS SU MI SHES PA NI 'DU BYED ZHIG NAS TSE RABS GZHAN GYI RGYUR 'GYUR ZHES BYA BA'I THA TSIG GO, ,MA RIG PA LA SOGS PA RANG GI RIGS RGYU'I DNGOS POR RKYEN DU YONGS SU BRTAG PA'I PHYIR BDAG RGYU NYID DU YONGS SU BRTAG PA NI 'DU BYED RNAMS JI LTAR MA RIG PA'I RKYEN CAN NYID YIN ZHE NA, RGYUN MI 'CHAD PA DANG STON PA STE, GANG GI PHYIR DE LA MA RIG PA'I RKYEN GYIS 'DU BYED RNAMS SO ZHES BYA BA NI MA RIG PA'I RKYEN GYIS 'DU BYED RNAMS RGYUN MI 'CHAD PA DANG RTON PA'O ZHES GSUNGS PA STE, MA RIG PA NI SA BON GYI GNAS SKABS DANG, 'BRAS BU'I GNAS SKABS RNAM PA GNYIS SO, ,DE LA SA BON @200B GYI GNAS SKABS KYIS NI 'DU BYED RGYUN MI 'CHAD PAR BYED DE, DE MA SPANGS PAR MI SPONGS PA'I PHYIR RO, ,'BRAS BU'I GNAS SKABS KYIS NI STON PAR BYED DE, DE SKYES PAS DE SKYE BA'I PHYIR RO, ,'DI GNYIS KYIS NI 'DI YOD PAS 'DI 'BYUNG NGO, ,'DI SKYES PA'I PHYIR 'DI SKYE BA ZHES BYA BA DON RNAM PA GNYIS KYIS DE'I RKYEN NYID DU YONGS SU STON TE, YAN LAG LHAG MA RNAMS KYI RANG GI RIGS KYI RGYUS DON RNAM PA GNYIS KYIS RKYEN NYID DU 'GYUR BA YANG DE BZHIN DU SBYAR BAR BYA'O, ,YAN LAG SNGA MA MED NA YAN LAG PHYI MA MI 'BYUNG BAR YONGS SU BRTAGS PAS THA DAD PA MA YIN PA'I PHYIR BDAG RGYUR YONGS SU BRTAG STE, YAN LAG SNGA MA MED PAR YAN LAG PHYI MA MI 'BYUNG BAR YONGS SU BRTAG PA'I PHYIR ZHES BYA BA'I THA TSIG STE, MA RIG PA MED PAR 'DU BYED RNAMS RTAG TU YOD PAR MI 'GYUR RO, ,GAL TE 'GYUR NA NI MA RIG PA 'DU BYED RNAMS KYI RKYEN DU MI 'GYUR RO, ,GANG DAG GANG MED PAR MI 'BYUNG BA DE DAG DE LAS GZHAN MA YIN TE, DPER NA, GANG LAS BRTEN TE GANG 'BYUNG BA, ,DE NI DE NYID MA YIN LA, ,DE LAS GZHAN PA'ANG MA YIN TE, ,DE BAS CHAD MIN RTAG MA YIN, ,ZHES BSHAD PA LTA BU'O, ,RANG GI RIGS SU 'DUS PA'I RKYEN DU YONGS SU BRTAGS PAS ZHES BYA BA NI JI SKAD SNGAR SMOS PA MA RIG PA NI SA BON GYI GNAS SKABS DANG, 'BRAS BU'I GNAS SKABS DANG, BYA BA RNAM PA GNYIS SO ZHES BYA BA'O, ,'DU BYED LA SOGS PA LA'ANG DE BZHIN DU SBYAR BAR BYA'O, ,DE LA SDUG BSNGAL GYI RGYU DANG, SDUG BSNGAL GYIS BSDUS PA'I LAM GSUM GYI NYES DMIGS BSDUS PAS YONGS SU BRTAG PA NI, GANG GI PHYIR DE LAM RIG PA DANG, SRED PA DANG LEN PA NI NYON MONGS PA'I LAM GYI RGYUN MI 'CHAD PA'O, ,'DU BYED DANG SRID PA NI LAM GYI RGYUN MI 'CHAD PA'O, ,LHAG MA RNAMS NI SDUG BSNGAL GYI LAM GYI RGYUN MI 'CHAD PAR RAB TU RNAM PAR PHYE BA'O, ,SNGON GYI MTHA' DANG, PHYI MA'I MTHA' 'GAGS NA LAM RGYUN YANG 'CHAD DO ZHES GSUNGS PA STE, SNGON GYI MTHA' DANG PHYI MA'I MTHA' 'GAGS PAS DA LTAR BYUNG BA YANG MED DE, DE BAS NA DE MA SMOS TE, DE LTAR LAM 'DI GSUM NI BDAG MED PA DANG, @201A *, ,BDAG DANG BDAG GI DANG BRAL BA 'BYUNG ZHING 'JIG PA STE, RANG BZHIN GYIS MDUNG KHYIM LTA BU'O ZHES BYA BA'O, ,DE LA NYES PA YONGS SU SPANGS PAR BRTAG PA NI RTEN CING 'BREL PAR 'BYUNG BA SMRA BA LA NYES PA RNAM PA GSUM YONGS SU RTOG STE, RGYU BYE BRAG MED PA'I PHYIR THAMS CAD KYI LUS CIG CAR MNGON PAR 'GRUB PA'I NYES PA DANG, BYED PA PO MED PAS LAS BDAG GIR BYA BA MED PAR 'GYUR BA'I NYES PA DANG, 'BRAS BU MA BSKYED PAR 'GAGS PAS LAS RNAMS CHUD ZA BA'I NYES PA'O, ,NYES PA RNAM PA DE GSUM YANG SNGON GYI MTHA' LA SOGS PA'I RGYU'I KHYAD PAR LA LTOS PAS SKYES NAS MYONG BAR 'GYUR BA LA SOGS PA THA DAD PA'I PHYIR YONGS SU SPONG STE, GANG GI PHYIR YANG MA RIG PA'I RKYEN GYIS 'DU BYED RNAMS ZHES BYA BA GANG YIN PA DE NI SNGON GYI MTHA' PA'I LTOS PA'O, ,RNAM PAR SHES PA NAS TSOR BA ZHES BYA BA'I BAR DE NI DA LTAR BYUNG BA'I LTOS PA'O, ,SRED PA NAS SRID PA ZHES BYA BA'I BAR DE NI PHYI MA'I MTHA' PA'I LTOS PA STE, DE YAN CHAD DU YANG DE DAG RAB TU 'BYUNG NGO, ,MA RIG PA 'GAGS PAS 'DU BYED RNAMS 'GAG CES BYA BA DE NI LTOS PA RGYUN CHAD PA STE ZHES GSUNGS PA'O, ,DE LA MA RIG PA'I RKYEN GYIS 'DU BYED RNAMS ZHES BYA BA DE NI SNGON GYI MTHA' PA'I LTOS PA ZHES BYA BA NI TSE 'DI'I PHYIR SNGAR BYAS PA'I PHYIR RO, ,DA LTAR BYUNG BA NI MA 'ONGS PA'I SNGON GYI MTHA'O, ,LTOS PA'I DON RGYU'I DON DU RIG PAR BYA'O, ,RNAM PAR SHES PA NAS TSOR BA ZHES BYA BA'I BAR DE NI DA LTAR BYUNG BA'I LTOS PA'O ZHES BYA BA NI DON GA LA TSE RABS SNGA MA'I LAS GANG YIN PA DE'I 'BRAS BU RNAM PAR SHES PA LA SOGS PA DE DAG 'DIR 'BRAS BU SKYES ZIN PAS PHYI MA LA 'BRAS BUR BSKYED PA'I MTHU MED PA'I PHYIR RO, ,SRED PA NAS SRID PA ZHES BYA BA'I BAR DE NI PHYI MA'I MTHA' PA'I LTOS PA STE ZHES BYA BA NI YANG SRID PA MNGON PAR 'GRUB PAR GCIG TU NGES PAR BYED PA'I PHYIR RO, ,DE PHAN CHAD DU YANG DE DAG RAB TU 'BYUNG NGO ZHES BYA BA NI LTOS PA LAS YANG SRID PA MNGON PAR 'GRUB PA'I PHYIR RO, ,'DI CI ZHIG YONGS SU STON ZHE NA, BYAS PAR MI 'GYUR BA DANG, 'BRAS BU BSKYED ZIN PA DANG, GNYEN PO RNYED PAS SPANGS ZIN PA DANG, @201B RGYU GSUM GYIS YANG SRID PA'I LAS RNAM PAR SMIN PA MI SKYED PAR STON TE, DE LA MA RIG PA'I RKYEN GYIS 'DU BYED RNAMS ZHES BYA BAS NI BYAS PA NYID DANG 'BRAS BU MA RNYED PA NYID DU STON TO, ,RNAM PAR SHES PA LA SOGS PAS NI BYAS PA NYID DANG 'BRAS BU BSKYED ZIN PA NYID STON TO, ,SRID PA LA SOGS PAS MA SPANGS PAR STON TO, ,SRED PA DANG LEN PA ZAD NA MA RIG PA'I RKYEN GYIS 'DU BYED BYAS KYANG SRID PA 'BYUNG BAR MI 'GYUR RO, ,'DI LTAR GANG GI PHYIR LA LA NI BYAS PA LA NI MA BYAS, LA LA NI 'BRAS BU BSKYED ZIN, LA LA NI MA BSKYED, LA LA NI SPANGS, LA LA NI MA SPANGS PA DE'I PHYIR, LUS THAMS CAD CIG CAR MNGON PAR 'GRUB PA'I NYES PA MI 'GYUR TE, LAS THAMS CAD SKYES NAS MYONG BAR 'GYUR BA'AM, MYONG BAR MI 'GYUR BAR CIG CAR DU YANG MI 'GYUR RO, ,GANG GI PHYIR MA BYAS PA RNAM PAR SMIN PAR MI 'GYUR BA DE'I PHYIR, GZHAN GYI RGYUD LA LAS DE'I RNAM PAR SMIN PA MED PAS LAS BDAG GIR BYA BA MED PA'I NYES PA MED DE, GZHAN GYI SEMS KYI RGYUD LA DE MA BYAS PA'I PHYIR RO, ,RGYU GSUM PO MED NA GDON MI ZA BAR 'BRAS BU BSKYED PAS LAS RNAMS CHUD ZA BA'I NYES PA YANG MED DE, DE LTAR NYES PA RNAM PA GSUM PO YONGS SU SPANGS PAR GYUR PA YIN NO, ,DE LA YID MI 'BYUNG BA DANG, YID 'BYUNG BA'I RGYUR YONGS SU BRTAG PA LA, SDUG BSNGAL CHA PHRA BA NYID KYI RNAM PA NI YID 'BYUNG BAR MI 'GYUR BA STE, TSOR BA GANG CI YANG RUNG, DE NI 'DIR SDUG BSNGAL BA'O ZHES 'BYUNG BA'I PHYIR RO, ,SDUG BSNGAL NYID RAGS PA'I RNAM PA NI YID LAS 'BYUNG BAR 'GYUR BA STE, GANG GI PHYIR YANG SRID PA'I YAN LAG BCU GNYIS PO DAG GI RGYUS SDUG BSNGAL NYID GSUM 'BYUNG STE, DE LA MA RIG PA'I RKYEN GYIS 'DU BYED RNAMS ZHES BYA BA NAS SKYE MCHED DRUG CES BYA BA'I BAR DE NI 'DU BYED KYI SDUG BSNGAL NYID DO, ,REG PA DANG TSOR BA ZHES BYA BA DE NI SDUG BSNGAL GYI SDUG BSNGAL NYID DO, ,SRID PA'I YAN LAG LHAG MA DE DAG NI 'GYUR BA'I SDUG BSNGAL NYID DO, ,MA RIG PA 'GAGS PAS 'DU BYED 'GAG CES BYA BA DE NI SDUG BSNGAL BA GSUM GYI RGYUN 'CHAD PA'O ZHES GSUNGS PA'O, ,DE LA ZAB PA NYID YONGS SU @202A *, ,BRTAG PA NI RNAM PA BZHI STE, RANG GI RGYUD LAS BYUNG BA'I SRID PA'I YAN LAG RNAMS GZHAN GYIS MA BYAS PA DANG, RKYEN LAS BYUNG BA'I PHYIR BDAG NYID KYIS MA BYAS PA NI GANG GI PHYIR, MA RIG PA'I RKYEN GYIS 'DU BYED RNAMS ZHES BYA BA NI 'DU BYED RNAMS RGYU DANG RKYEN LAS BYUNG BA STE, LHAG MA RNAMS KYANG DE BZHIN NO, ,MA RIG PA 'GAGS PAS 'DU BYED 'GAG CES BYA BA NI 'DU BYED RNAMS MED PA STE, LHAG MA RNAMS KYANG DE BZHIN NO ZHES GSUNGS PA'O, ,BYA BA'I DUS NA MI GNAS PAS BYED PA MED PA'I PHYIR, SKYE BA TZAM DANG 'BREL PA'I PHYIR GNYI GAS MA BYAS PA NI GANG GI PHYIR, MA RIG PA'I RKYEN GYIS 'DU BYED RNAMS ZHES BYA BA DE NI SKYE BA DANG 'BREL BA STE, LHAG MA RNAMS KYANG DE BZHIN NO, ,MA RIG PA 'GAGS PAS 'DU BYED 'GAG CES BYA BA DE NI 'JIG RTEN DANG 'BREL PA STE, LHAG MA RNAMS KYANG DE BZHIN NO ZHES GSUNGS PA'O, ,SRID PA'I LUGS DANG MTHUN PA'I PHYIR, RGYU MED PA LAS 'BYUNG BA'ANG MA YIN PA NI GANG GI PHYIR, MA RIG PA'I RKYEN GYIS 'DU BYED RNAMS ZHES BYA BA DE NI SRID PA'I LUGS SU 'BYUNG BAR YONGS SU BRTAG PA STE, LHAG MA RNAMS KYANG DE BZHIN NO, ,MA RIG PA 'GAGS PAS 'DU BYED 'GAG CES BYA BA DE NI ZAD PA'I RJES SU MTHUN PAR YONGS SU BRTAG PA STE, LHAG MA RNAMS KYANG DE BZHIN NO ZHES GSUNGS PA'O, ,RGYU MED PA YIN DU ZIN NA NI 'BYUNG BA DANG MI 'BYUNG BA GNYI GA RGYU MED PA LAS BYUNG BA'I PHYIR, NGES PA'I RGYU MED PAS 'BYUNG BAR 'GYUR GYI MI 'BYUNG BAR MI 'GYUR BA DE DAG LA YOD DE DE NI MI 'DOD DO, ,DE BAS NA RGYU YOD PA LAS SRID PA'I LUGS SU 'BYUNG BAR 'GYUR GYI, GZHAN DU NA SRID PA'I RJES SU MTHUN PAR MI 'GYUR RO, ,RTEN CING 'BREL PAR 'BYUNG BA LA RNAM PA BCUR SO SOR RTOG PA 'DI NI MTSAN NYID DANG, BDEN PA RNAM PAR GZHAG PAS YONGS SU BRTAG PAS BSTAN TE, GANG GI PHYIR DE 'DI LTAR RTEN CING 'BREL PAR 'BYUNG BA LA LUGS SU 'BYUNG BA DANG, LUGS SU 'BYUNG BA MA YIN PAR SO SOR RTOG STE, 'DI LTAR SRID PA'I YAN LAG RJES SU 'BREL PA DANG, SEMS GCIG TU YANG DAG PAR 'DU BA DANG, RANG GI @202B LAS MA 'DRES PA DANG, THA DAD PA MA YIN PA DANG, LAM GSUM GYI RGYUD DU 'BRANG BA DANG, SNGON GYI MTHA' DANG, DA LTAR BYUNG BA DANG, PHYI MA'I MTHA' BA'I LTOS PA DANG, SDUG BSNGAL GSUM KUN 'BYUNG BA DANG, RGYU DANG RKYEN LAS BYUNG BA'O, ,SKYE BA DANG 'JIG PA DANG 'BREL PA DANG MED PAS ZAD PAR SO SOR RTOG PA ZHES GSUNGS PA'O, ,YANG RNAM GRANGS GZHAN GNYIS KYIS TE, SNYING RJE DANG MTHUN PAR YONGS SU RTOG PA DANG, RNAM PA THAMS CAD YONGS SU RTOG PAS 'DI SO SOR RTOG PAR RIG PAR BYA'O, ,DE LA SNYING RJE DANG MTHUN PAR YONGS SU BRTAG PA NI RNAM PA BZHI STE, KUN DU RMONGS PA DANG, PHYIN CI LOG PA DANG, GZHAN LAS THAR PA YONGS SU TSOL BA DANG, RNAM PA GZHAN GYIS YONGS SU TSOL BA DANG, THAR PA GZHAN YONGS SU TSOL BA'O, ,KUN DU RMONGS PA DANG, PHYIN CI LOG JI LTA BU ZHE NA, JI LTAR GANG LA KUN DU RMONGS PA DANG, PHYIN CI LOG DE LA SO SOR RTOG PA STE, BDAG TU MNGON PAR ZHEN PA LA SRID PA THAMS CAD 'BYUNG GI ,DE DANG BRAL NA 'BYUNG BA YANG MED PAR MI SHES PA'I PHYIR, KUN DU RMONGS PA DANG GANG GI PHYIR, DE 'JIG RTEN GYI 'BYUNG BA DANG 'JIG PA LA RNAM PAR LTA BA'I TSE 'DI SNYAM DU SEMS TE, 'JIG RTEN DU 'DOGS PA 'BYUNG BA JI SNYED PA DE DAG THAMS CAD NI BDAG TU MNGON PAR ZHEN PA LAS 'BYUNG STE, BDAG TU MNGON PAR ZHEN PA DANG BRAL NA, 'BYUNG BA YANG MED PAR 'GYUR RO SNYAM MO ZHES GSUNGS PA'O, ,BYIS PA'I BLO CAN BDAG TU MNGON PAR ZHEN PA ZHES BYA BA DE LTA BU NI PHYIN CI LOG GO, ,SRID PA'I YAN LAG GI MTSAN NYID LA KUN DU RMONGS PA DANG, PHYIN CI LOG NI GANG GI PHYIR DE 'DI SNYAM DU SEMS TE, BYIS PA'I BLO CAN BDAG TU MNGON PAR ZHEN PA ZHES GSUNGS PA LA SOGS PA'O, ,GZHAN LAS THAR PA YONGS SU TSOL BA JI LTA BU ZHE NA, KUN GZHI DANG 'JUG PA'I RNAM PAR SHES PA RNAMS LAS THAR PA YONGS SU BTZAL BAR BYA BA'I RIG PA LAS, DE LTAR KUN DU RMONGS SHING PHYIN CI LOG TU GYUR PA DE DAG GZHAN DU BDAG LAS YONGS SU TSOL TE, DE'I GNYEN POR 'DI LTAR KHAMS GSUM PO 'DI NI SEMS TZAM PA STE, @203A *, ,SRID PA'I YAN LAG BCU GNYIS GANG DAG DE BZHIN GSHEGS PAS RAB TU PHYE STE BKA' STZAL PA DE DAG THAMS CAD KYANG, SEMS GCIG LA GNAS PA DAG GO ZHES GSUNGS PA LA SOGS PA'O, ,RNAM PA GZHAN GYIS YONGS SU TSOL BA JI LTA BU ZHE NA, MI 'DRA BA'I RGYU RNAM PA GSUM STE, RANG BZHIN DANG, DBANG PHYUG DANG, BRTUL ZHUGS DRAG PO'I RGYUD DANG RGYU MED PAS TSOL BA STE, DE LTAR YONGS SU BTZAL BAR NI MI BYA'O, ,DE CI'I PHYIR ZHE NA, SRID PA'I YAN LAG RNAMS NI LAS RNAM PA GNYIS SU NYE BAR GNAS PA'I PHYIR TE GANG GI PHYIR DE LA MA RIG PA NI BYA BA GNYIS SU NYE BAR GNAS PA YIN TE, SEMS CAN RNAMS KYANG DMIGS PA LA RMONGS PAR BYED PA DANG, 'DU BYED MNGON PAR 'GRUB PA'I RGYU YANG 'BYIN PA'O ZHES GSUNGS PA LA SOGS PA'O, ,RANG GI RIGS KYI RGYU LAS BYUNG BA NI GANG GI PHYIR DE LA MA RIG PA'I RKYEN GYIS 'DU BYED RNAMS SO ZHES BYA BA NI MA RIG PA'I RKYEN GYIS 'DU BYED RNAMS RGYUN MI 'CHAD PA DANG RTON PA'O ZHES GSUNGS PA LA SOGS PA'O, ,NYON MONGS PA DANG LAS KYIS KUN NAS NYON MONGS PA'I RGYU LAS BYUNG BA'I PHYIR, BDE BA'I RGYU LAS BYUNG BA MA YIN PA NI GANG GI PHYIR DE LA MA RIG PA DANG; SRED PA DANG, LEN PA NI NYON MONGS PA'I LAM GYI RGYUN MI 'CHAD PA'O, ,'DU BYED DANG SRID PA NI LAS KYI LAM GYI RGYUN MI 'CHAD PA'O, ,LHAG MA RNAMS NI SDUG BSNGAL GYI LAM GYI RGYUN MI 'CHAD CES GSUNGS PA LA SOGS PA'O, ,SNGON GYI MTHA'I BAR DANG, PHYI MA'I MTHA' GNYIS NI SNGON DANG PHYI MA'I MTHA'I BAR GYI RGYU LAS BYUNG BA STE, GANG GI PHYIR MA RIG PA'I RKYEN GYIS 'DU BYED RNAMS ZHES BYA BA GANG YIN PA DE NI SNGON GYI MTHA' PA'I LTOS PA'O ZHES BYA BA LA SOGS PA GSUNGS PA STE, GZHAN DU NI SEMS CAN SNA TSOGS SU MI 'GYUR RO, ,THAR PA GZHAN YONGS SU TSOL BA JI LTA BU ZHE NA, THAR PA NI SDUG BSNGAL THAMS CAD NYE BAR ZHI BA'I MTSAN NYID DANG, 'DUS MA BYAS PA'I MTSAN NYID DANG, KUN NAS NYON MONGS PA DANG BRAL BA'I MTSAN NYID DANG, 'JIG RTEN LAS 'DAS PA'I MTSAN NYID YIN NA DE DAG NI 'DU BYED KYI SDUG BSNGAL NYID DANG 'BREL PA'I RGYU DANG RKYEN LAS @203B RAB TU SKYE BA YANG KUN NAS NYON MONGS PA 'BYUNG BA DANG, 'BREL PA SRID PA'I RJES SU MTHUN PA, GZUGS MED PA'I SRID PA LAS THAR PA YONGS SU TSOL TE, 'DU BYED KYI SDUG BSNGAL NYID DANG 'BREL PA'I GZUGS MED PA'I SRID PA LAS THAR PA YONGS SU TSOL BA NI GANG GI PHYIR, DE LA MA RIG PA'I RKYEN GYIS 'DU BYED RNAMS ZHES BYA BA NAS, SKYE MCHED DRUG CES BYA BA'I BAR DE NI 'DU BYED KYI SDUG BSNGAL NYID DO ZHES GSUNGS PA'I PHYIR RO, ,RGYU DANG RKYEN LAS RAB TU SKYE BA DE YANG DE BZHIN TE, MA RIG PA'I RKYEN GYIS 'DU BYED RNAMS ZHES BYA BA DE NI 'DU BYED RNAMS RGYU DANG RKYEN LAS 'BYUNG BA STE, LHAG MA RNAMS KYANG DE BZHIN NO ZHES GSUNGS PA'I PHYIR RO, ,YANG KUN NAS NYON MONGS PA 'BYUNG BA DANG 'BREL PA YANG DE BZHIN TE, MA RIG PA'I RKYEN GYIS 'DU BYED RNAMS ZHES BYA BA DE NI SKYE BA DANG 'BREL PA STE, LHAG MA RNAMS KYANG DE BZHIN NO ZHES GSUNGS PA'I PHYIR RO,, SRID PA'I LUGS SU 'BYUNG BA GZUGS MED PA'I SRID PA'I THAR PA YONGS SU TSOL BA YANG DE BZHIN TE, MA RIG PA'I RKYEN GYIS 'DU BYED RNAMS ZHES BYA BA DE NI SRID PA'I LUGS SU 'BYUNG BAR YONGS SU BRTAG PA STE, LHAG MA RNAMS KYANG DE BZHIN NO ZHES GSUNGS PA'I PHYIR RO, ,DE LTAR NA SNYING RJE DANG MTHUN PAR YONGS SU BRTAGS PAS RTEN CING 'BREL PAR 'BYUNG BA LA SO SOR RTOG PA BSTAN NAS, RNAM PA THAMS CAD YONGS SU BRTAG PA STON TO, ,DE LA RNAM PA THAMS CAD YONGS SU BRTAG PA NI RNAM PA DGU STE, BDAG TU MNGON PAR ZHEN PA DANG MNGON PAR MA ZHEN PA GNYIS KYIS KUN NAS NYON MONGS PA DANG, RNAM PAR BYANG BAR 'GYUR BA'I PHYIR KUN NAS NYON MONGS PA DANG, RNAM PAR BYANG BA RAB TU DBYE BAR YONGS SU BRTAG PA NI GANG GI PHYIR, 'JIG RTEN GYI 'BYUNG BA DANG, 'JIG PA LA RNAM PAR LTA BA'I TSE 'DI SNYAM DU SEMS TE, 'JIG RTEN DU 'DOGS PA 'BYUNG BA JI SNYED PA DE DAG THAMS CAD NI BDAG TU MNGON PAR ZHEN PA LAS 'BYUNG STE, MNGON PAR ZHEN PA DANG BRAL NA 'BYUNG BA YANG MED DO ZHES GSUNGS PA LA SOGS PA'O, ,RTEN CING 'BREL PAR 'BYUNG BA NI CI LA BRTEN TE 'BYUNG ZHES RTEN YONGS SU BRTAG PA NI GANG GI PHYIR DE 'DI SNYAM DU SEMS TE, KHAMS GSUM PA 'DI @204A *, ,NI SEMS TZAM STE, SRID PA'I YAN LAG BCU GNYIS GANG DAG DE BZHIN GSHEGS PAS RAB TU PHYE STE BKA' STZAL PA DE DAG THAMS CAD KYANG SEMS GCIG LA GNAS PA DAG GO SNYAM MO ZHES GSUNGS PA LA SOGS PA'O, ,SRID PA'I YAN LAG RNAMS LAS RNAM PA GNYIS SU NYE BAR GNAS PA'I PHYIR THABS YONGS SU BRTAG PA NI DE LA MA RIG PA NI BYA BA GNYIS NYE BAR GNAS PA YIN TE, SEMS CAN RNAMS KYANG DMIGS PA LA RMONGS PAR BYED PA DANG, 'DU BYED MNGON PAR 'GRUB PA'I RGYU YANG 'BYIN PA'O ZHES GSUNGS PA LA SOGS PA'O, ,SRID PA'I YAN LAG RNAMS G-YO BA MED PA'I PHYIR, RKYEN GYI MTSAN NYID YONGS SU BRTAG PA NI DE LA MA RIG PA'I RKYEN GYIS 'DU BYED RNAMS SO ZHES BYA BA NI, MA RIG PA'I RKYEN GYIS 'DU BYED RNAMS RGYUN MI 'CHAD PA DANG, RTON PA'O ZHES GSUNGS PA LA SOGS PA'O, ,LAM GSUM GYI SDUG BSNGAL DANG, KUN 'BYUNG BA'I BDEN PAR 'GYUR BA'I PHYIR BDEN PA LA 'JUG PA YONGS SU RTOG PA NI DE LA MA RIG PA DANG, SRED PA DANG, LEN PA NI NYON MONGS PA'I LAM GYI RGYUN MI 'CHAD PA'O, ,'DU BYED DANG SRID PA NI LAS KYI LAM GYI RGYUN MI 'CHAD PA'O, ,LHAG MA RNAMS NI SDUG BSNGAL GYI LAM GYI RGYUN MI 'CHAD CES GSUNGS PA LA SOGS PA'O, ,SNGON DANG MTHA'I BAR DANG, PHYI MA'I MTHA' YONGS SU SMIN PAR BYA BA'I KHYAD PAR GYI PHYIR NUS PA DANG, MI NUS PA'I GNAS LA 'JUG PAR YONGS SU BRTAG PA NI GANG GI PHYIR, MA RIG PA'I RKYEN GYIS 'DU BYED RNAMS ZHES BYA BA DE NI SNGON GYI MTHA'I LTOS PA'O, ,RNAM PAR SHES PA NAS TSOR BA ZHES BYA BA'I BAR DE NI DE LTAR BYUNG BA'I LTOS PA'O, ,SRED PA NAS SRID PA ZHES BYA BA'I BAR DE NI PHYI MA'I MTHA'I LTOS PA STE ZHES GSUNGS PA LA SOGS PA'O, ,SDUG BSNGAL NYID CHA PHRA BA YONGS SU MI SHES PA DANG, YONGS SU SHES PA MNGON PA'I NGA RGYAL BYED PA'I PHYIR MNGON PA'I NGA RGYAL CAN MNGON PA'I NGA RGYAL MED PA LA 'JUG PA YONGS SU BRTAG PA NI GANG GI PHYIR DE LA MA RIG PA'I RKYEN GYIS 'DU BYED RNAMS ZHES BYA BA NAS, SKYE MCHED DRUG GI BAR DE NI 'DU BYED KYI SDUG BSNGAL NYID DO ZHES GSUNGS PA @204B LA SOGS PA'O, ,MTHA'I BAR YANG RGYU RKYEN LAS BYUNG BA'I PHYIR LA, PHYI MA'I MTHA' YANG SKYE BA DANG 'BREL PA'I PHYIR THOG MA MED PA NYID DU YONGS SU BRTAG PA NI GANG GI PHYIR, MA RIG PA'I RKYEN GYIS 'DU BYED RNAMS ZHES BYA BA NI 'DU BYED RNAMS RGYU DANG RKYEN LAS 'BYUNG BA STE, LHAG MA RNAMS KYANG DE BZHIN NO ZHES BYA BA DANG, MA RIG PA'I RKYEN GYIS 'DU BYED RNAMS ZHES BYA BA DE NI SKYE BA DANG 'BREL PA STE, LHAG MA RNAMS KYANG DE BZHIN NO ZHES BYA BA LA SOGS PA'O, ,'DOD PA DANG, GZUGS DANG, GZUGS MED PA'I SRED PA RNAMS KYIS SRID PA'I LUGS SU 'BYUNG BA'I PHYIR SNA TSOGS NYID DU YONGS SU BRTAG PA NI, GANG GI PHYIR MA RIG PA'I RKYEN GYIS 'DU BYED RNAMS ZHES BYA BA DE NI SRID PA'I LUGS SU 'BYUNG BAR YONGS SU BRTAG PA STE, LHAG MA RNAMS KYANG DE BZHIN NO ZHES GSUNGS PA LA SOGS PA'O, ,DE LTAR MI GNAS PA'I LAM SGRUB PA'I KHYAD PAR BSTAN NAS, GNYEN PO'I KHYAD PAR THOB PA DANG, MI MTHUN PA'I PHYOGS NYAMS PA'I KHYAD PAR DANG, SGRUB PA DANG GNAS PA'I KHYAD PAR THOB PA DANG, TING NGE 'DZIN GYI KHYAD PAR THOB PA DANG, BSAM PA'I KHYAD PAR THOB PA DANG, NUS PA'I KHYAD PAR THOB PA DANG, RNAM PA LNGAS DE'I 'BRAS BU'I KHYAD PAR YONGS SU STON TE, DE LA GNYEN PO'I KHYAD PAR NI RNAM PAR THAR PA'I SGO GSUM MO, ,DE LA RNAM PAR THAR PA'I SGO STONG PA NYID NI GANG ZAG LA BDAG MED PAR MTHONG BA DANG, CHOS LA BDAG MED PAR MTHONG BA DANG, DE GNYI GA'I BYA BA MED PAS BYED PA PO MED PAR MTHONG BA DANG, RNAM PA GSUM GYIS YONGS SU STON TE, GANG GI PHYIR DE DE LTAR RTEN CING 'BREL PAR 'BYUNG BA LA RNAM PA BCUR SO SOR RTOG CING BDAG MED PA DANG, SROG MED PA DANG, GANG ZAG MED PA DANG, NGO BO NYID KYIS STONG PA DANG, BYED PA PO DANG, TSOR BA PO MED PAR SO SOR RTOG PA'I TSE, STONG PA NYID KYI RNAM PAR THAR PA'I SGO SKYES BA YIN NO ZHES GSUNGS PA'O, ,DE LA GANG ZAG LA BDAG MED PAR MTHONG BA NI BDAG MED PA DANG, SROG MED PA DANG GANG ZAG MED PA ZHES GSUNGS PA'I PHYIR RO, ,CHOS LA BDAG MED PAR MTHONG BA NI NGO BO NYID KYI STONG PA ZHES GSUNGS PA'I PHYIR RO, ,GANG ZAG DANG CHOS DE GNYIS KA YANG G-YO BA MED DE, @205A *, ,BYA BA MED PAS BYED PA PO MED PAR MTHONG BA NI BYED PA PO DANG, TSOR BA PO MED PA ZHES GSUNGS PA'I PHYIR RO, ,MTSAN MA MED PA NI MI MTHUN PA'I PHYOGS YID TZAM NYAMS PA DANG, GNYEN PO RNYED PA DANG, MTSAN MA KUN DU MI 'BYUNG BA DANG RNAM PA GSUM GYIS YONGS SU STON TE, GANG GI PHYIR DE SRID PA'I YAN LAG DE DAG GI RANG BZHIN 'GAGS SHING RNAM PAR THAR PA LAS SHIN TU NYE BAR GNAS PAS CHOS KYI MTSAN MA GANG YANG MI SKYE STE, DE'I PHYIR MTSAN MA MED PA'I RNAM PAR THAR PA'I SGO SKYE BA YIN NO ZHES GSUNGS PA'O, ,DE LA MI MTHUN PA'I PHYOGS YID TZAM NYAMS PA NI SRID PA'I YAN LAG RNAMS KYI RANG BZHIN 'GAG CES GSUNGS PA'I PHYIR RO, ,GNYEN PO RNYED PA NI RNAM PAR THAR PA SHIN TU NYE BAR GNAS PAS ZHES GSUNGS PA'I PHYIR RO, ,MTSAN MA KUN DU MI 'BYUNG BA NI CHOS KYI MTSAN MA GANG YANG MI SKYE ZHES GSUNGS PA'I PHYIR RO, ,SMON PA MED PA NI GNAS DANG, RANG BZHIN DANG, KHYAD PAR DANG RNAM PA GSUM GYIS RIG PAR BYA STE, GANG GI PHYIR DE DE LTAR STONG PA NYID DANG, MTSAN MA MED PA LA ZHUGS PAS SNYING RJE CHEN PO SNGON DU GTONG ZHING SEMS CAN YONGS SU SMIN PAR BYA BA MA GTOGS PAR 'DOD PA GANG YANG MI SKYE STE, DE LTAR DE'I SMON PA MED PA'I RNAM PAR THAR PA'I SGO SKYES PA YIN NO ZHES GSUNGS PA'O, ,DE LA STONG PA NYID DANG MTSAN MA MED PA LA 'JUG PA'I GNAS KYI SMON PA MED PA SGRUB PA'I PHYIR, STONG PA NYID DANG MTSAN MA MED PA LA 'JUG PA NI GNAS SO, ,MNGON PAR 'DOD PA MI SKYE BA NI RANG BZHIN TE SMON PA MED PA'I RANG BZHIN NI MNGON PAR 'DOD PA MED PA'O, ,SNYING RJE CHEN PO SNGON DU GTONG ZHING SEMS CAN YONGS SU SMIN PAR BYA BA NI MNGON PAR 'DOD PA KHYAD PAR CAN TE NYAN THOS KYI SMON PA MED PA'I RANG BZHIN YANG MNGON PAR 'DOD PA MED PA YIN MOD KYI, DE NI SEMS CAN YONGS SU SMIN PAR BYA BA'I MNGON PAR 'DOD PA SPANGS PA'O, ,DE LA MI MTHUN PA'I PHYOGS NYAMS PA'I KHYAD PAR NI 'DU SHES RNAM PA GSUM DANG BRAL BA STE, GANG GI PHYIR DE RNAM PAR THAR PA'I SGO GSUM PO 'DI DAG BSGOMS PAS BDAG DANG GZHAN GYI 'DU SHES DANG BRAL BA DANG, BYED PA PO DANG TSOR BA PO'I 'DU SHES DANG BRAL BA @205B DANG; YOD PA DANG MED PA'I 'DU SHES DANG BRAL BAS ZHES GSUNGS PA STE, DE YANG SA LNGA PA LA SEMS KYI BSAM PA MNYAM PA NYID RNAMS DANG, SA BZHI PA LAS LHAG PAR G-YO BA LA SOGS PA DANG BRAL BA DANG, SA DRUG PA 'DI LA CHOS MNYAM PA NYID RNAMS DANG GO RIMS BZHIN DU RIG PAR BYA'O, ,DE LA SGRUB PA'I KHYAD PAR NI RNAM PA GNYIS TE, GO CHA'I SGRUB PA DANG SKYES BU'I BYED PA'I SGRUB PA'O, ,GO CHA'I SGRUB PA 'DUS BYAS LA NYES PA MANG PO'I SKYON CHAGS PAR YONGS SU SHES PAS LAS DANG NYON MONGS PA'I 'CHING BA DANG, SKYE BA'I TSOGS PA SPONG BA SEMS CAN GYI DON BYED PA KHYAD PAR CAN TE, GANG GI PHYIR DE BYANG CHUB KYI YAN LAG YONGS SU MA GRUB PA RNAMS YONGS SU GRUB PAR BYA BA'I PHYIR DANG, SNYING RJE CHEN PO SNGON DU BTANG STE, DE BAS KYANG SHAS CHER SHIN TU BRTZON PAR BYED DO, ,DE 'DI SNYAM DU SEMS TE, KUN DU SBYOR BA LAS NI 'DUS BYAS 'BYUNG NGO, ,BRAL BA LAS NI 'DUS BYAS MI 'BYUNG NGO, ,TSOGS PA LAS NI 'DUS BYAS 'BYUNG NGO, ,MA TSOGS PA LAS NI 'DUS BYAS MI 'BYUNG NGO, ,DE LTAS BDAG GIS 'DUS BYAS PA NYES PA MANG PO'I SKYON CHAGS PA DE LTA BU 'DI SHES PAR BYAS LA KUN DU SBYOR BA 'DI DANG TSOGS PA 'DI'I RGYUN GCAD PAR YANG MI BYA ZHING, SEMS CAN YONGS SU SMIN PAR BYA BA'I PHYIR 'DU BYED RNAMS SHIN TU ZHI BA THOB PAR YANG MI BYA'O SNYAM MO ZHES GSUNGS PA'O, ,SKYES BU'I BYED PA'I SGRUB PA NI RNAM PAR SUN 'BYIN PA'I GNYEN POS NYES PA MANG PO'I SKYON CHAGS PAR SO SOR RTOG PA DANG, SPONG BA'I GNYEN POS RANG DANG SPYI'I MTSAN NYID RANG BZHIN GYIS MED PA SO SOR RTOG PAR RIG PAR BYA STE, GANG GI PHYIR KYE RGYAL BA'I SRAS DAG DE DE LTAR 'DU BYED DU GYUR PA NYES PA MANG PO'I SKYON CHAGS SHING RANG BZHIN GYI NGO BO NYID MED PA DANG, MA SKYES MA 'GAGS PAR SO SOR RTOG PA NA ZHES GSUNGS PA'O, ,DE LA GNAS PA'I KHYAD PAR NI YE SHES DANG, SNYING RJE'I KHYAD PAR DANG LDAN PAS MI GNAS PA'I LAM LA BRTEN NAS CHAGS PA MED PA'I YE SHES MNGON DU GYUR PA SHES RAB KYI PHA ROL TU PHYIN PA LA GNAS PA MNGON DU GYUR BA YIN PA DANG, 'DUS BYAS DANG MYA NGAN LAS 'DAS PA GNYIS MNYAM PA NYID DU RTOGS PA YIN PAR RIG @206A *, ,PAR BYA STE, DA DANG MI 'GROGS SHING MI GNAS TE, DE'I TSOGS YONGS SU MA RDZOGS PA'I PHYIR TE, GANG GI PHYIR SNYING RJE CHEN PO MNGON PAR SGRUB PA DANG, SEMS CAN GYI TSOGS YONGS SU MI GTONG BAS CHAGS PA MED PA'I YE SHES LA MNGON PAR PHYOGS PA ZHES BYA BA SHES RAB KYI PHA ROL TU PHYIN PA GNAS PA SNANG BA'I TSUL GYIS MNGON SUM DU 'GYUR RO, ,DE YE SHES DE LTA BU DANG LDAN ZHING SHES RAB KYI PHA ROL TU PHYIN PA LA GNAS PA SNANG BAR GYUR NAS BYANG CHUB KYI YAN LAG SDUD PA'I RKYEN RNAMS KYANG NYE BAR BSGRUBS LA 'DUS BYAS DANG 'GROGS PAR YANG MI GNAS SO, ,'DU BYED RNAMS LA RANG BZHIN GYIS ZHI BAR YANG SO SOR RTOG LA, BYANG CHUB KYI YAN LAG YONGS SU MA RDZOGS PA'I PHYIR, DE LA YANG MI GNAS TE ZHES GSUNGS PA'O, ,DE LA CHAGS PA MED PA'I YE SHES NI DE BZHIN GSHEGS PA'I YE SHES SU RIG PAR BYA'O, ,YONGS SU MA GRUB PA'I PHYIR SNANG BA'I TSUL GYIS ZHES BYA'O, ,DE LA TING NGE 'DZIN GYI KHYAD PAR NI STONG PA NYID KYI TING NGE 'DZIN DE'I 'KHOR DANG BCAS PA RNAM PA BCU STE, BYANG CHUB SEMS DPA'I SA MNGON DU GYUR PA 'DI LA GNAS PA'I BYANG CHUB SEMS DPA' 'DI LA 'JUG PA STONG PA ZHES BYA BA'I TING NGE 'DZIN SKYE BAR 'GYUR RO, ,NGO BO NYID STONG PA NYID DANG DON DAM PA STONG PA NYID DANG, CHEN PO STONG PA NYID DANG MTSUNGS PAR LDAN PA STONG PA NYID DANG, MNGON PAR SGRUB PA STONG PA NYID DANG, JI LTA BA BZHIN DU RNAM PAR MI RTOG PA STONG PA NYID DANG, LTA BA DANG BCAS PA STONG PA NYID DANG, BRAL BA DANG MA BRAL BA STONG PA NYID DANG ZHES BYA BA'I TING NGE 'DZIN SKYE BAR 'GYUR TE, DE DAG LA SOGS PA STONG PA NYID KYI SGO'I TING NGE 'DZIN SA YA DAG DE LA MNGON SUM DU 'GYUR RO, ,DE BZHIN DU MTSAN MA MED PA'I SGO'I TING NGE 'DZIN SA YA DAG DANG, SMON PA MED PA'I TING NGE 'DZIN SA YA DAG MNGON DU 'GYUR RO ZHES GSUNGS PA'O, ,STONG PA NYID KYI TING NGE 'DZIN DE YANG RGYU BZHIS RNAM LAR GZHAG PAR RIG PAR BYA STE, DMIGS PAS NI BZHI PA MA GTOGS PA LNGA PO DAG STE, GANG ZAG LA BDAG MED PA LA DMIGS PAS 'JUG PA STONG PA NYID DO, ,CHOS LA BDAG MED PA LA DMIGS PAS RANG BZHIN STONG PA NYID DO, ,DE LA 'DZIN PA STONG PA NYID LA @206B DMIGS PAS DON DAM PA STONG PA NYID DO, ,DE'I GNAS KUN GZHI RNAM PAR SHES PA LA DMIGS PAS CHEN PO STONG PA NYID DO, ,'JUG PA'I RNAM PAR SHES PA LA DMIGS PAS MTSUNGS PAR LDAN PA STONG PA NYID DO, ,BAG YOD PA YONGS SU 'DZIN PAS BZHI PA RNAM PAR GZHAG STE, SHIN TU BSGOM PA'I PHYIR BSGOMS PAS CHOG MI SHES PAS DAM PA STONG PA NYID DO, ,KHYAD PAR ZHUGS PA THOB PAS NI BDUN PA STE, YON TAN KHYAD PAR ZHUGS PAS THOB PAR BYED PAS MNGON PAR SGRUB PA STONG PA NYID KYI TING NGE 'DZIN TO, ,RGYU NYID KYIS NI LHAG MA RNAMS TE SHES BYA'I SGRIB PA RNAM PAR DAG PA'I RGYUR GYUR PAS JI LTA BA BZHIN DU RNAM PAR DAG PA'I MI RTOG PA STONG PA NYID KYI TING NGE 'DZIN TO, ,SEMS CAN YONGS SU SMIN PAR BYED PA'I RGYUR GYUR PAS LTA BA DANG BCAS PA'I STONG PA NYID KYI TING NGE 'DZIN TO, ,BSAMS BZHIN DU SRID PA YONGS SU 'DZIN PA'I RGYUR GYUR PAS BRAL BA DANG, MA BRAL BA STONG PA NYID KYI TING NGE 'DZIN TE SRID PA YONGS SU 'DZIN PA DE LTA BU DE NI KUN NAS NYON MONGS PA DANG MI LDAN PA DANG, SRID PA'I MTSAN NYID DANG MI LDAN PA MA YIN PAS, DE'I PHYIR BRAL BA DANG MA BRAL BAS RAB TU PHYE'O, ,DE LA BSAM PA'I KHYAD PAR NI BRTAN PA'I PHYIR MI PHYED PA'I BSAM PA STE, GANG GI PHYIR BYANG CHUB SEMS DPA'I SA MNGON DU GYUR PA 'DI LA GNAS PA'I BYANG CHUB SEMS DPA' DE BAS KYANG SHES CHER MI PHYED PA'I BSAM PA NYID YONGS SU RDZOGS PAR 'GYUR RO ZHES GSUNGS PA'O, ,MI PHYED PA'I BSAM PA NYID DE YANG DON RNAM PA DGUR RIG BAR BYA STE; DMIGS PA LA MOS PA NGES PA NI GANG GI PHYIR NGES PA'I BSAM PA NYID CES GSUNGS PA'O, ,'KHRUG PA LA MI BRJED PA NI GANG GI PHYIR DGE BA'I BSAM PA NYID CES GSUNGS PA'O, ,GSANG BA'I GNAS LA MI SKRAG PA NI GANG GI PHYIR ZAB PA'I BSAM PA NYID CES GSUNGS PA'O, ,THEG PA LAS MI G-YO BA NI GANG GI PHYIR PHYIR MI LDOG PA'I BSAM PA NYID CES GSUNGS PA'O, ,BRTZON 'GRUS RTZOM PA NI GANG GI PHYIR RGYUN MI 'CHAD PA'I BSAM PA NYID CES GSUNGS PA'O, ,SER SNA DANG 'CHAL BA'I TSUL KHRIMS GYI DRI MA DANG BRAL BA NI GANG GI PHYIR DRI MA MED PA'I BSAM PA NYID CES @207A *, ,GSUNGS PA'O, ,SEMS CAN GYI DON BYED PA NI GANG GI PHYIR MTHA' YAS PA'I BSAM PA NYID CES GSUNGS PA'O, ,RNAM PAR THAR PA MCHOG 'DOD PA NI GANG GI PHYIR YE SHES LA MNGON PAR DAD PA'I BSAM PA NYID CES GSUNGS PA'O, ,SEMS CAN YONGS SU SMIN PAR BYED PA'I SBYOR BA NI GANG GI PHYIR THABS DANG SHES RAB DANG LDAN PA'I BSAM PA NYID YONGS SU RDZOGS PAR 'GYUR TE ZHES GSUNGS PA'O, ,DE NI BYANG CHUB SEMS DPA'I BSAM PA DE DAG NI DE BZHIN GSHEGS PA'I BYANG CHUB LA SHIN TU SONG BA YIN NO ZHES BYA BA NI SHES RAB KYI PHA ROL TU PHYIN PA LA GNAS PA'I KHYAD PAR THOB PAS RING DU ZHUGS PA'I PHYIR RO, ,DE LA NUS PA'I KHYAD PAR NI RNAM PA DGUR RIG PAR BYA STE NUS PA RNAM PA DGU LA PHAS KYI RGOL BA TSAR GCOD PA'I NUS PA NI GANG GI PHYIR PHAS KYI RGOL BA THAMS CAD KYIS PHYIR MI LDOG PA'I PHYIR BRTZON 'GRUS DANG LDAN PA YIN ZHES GSUNGS PA'O, ,THE TSOM GCOD PA'I NUS PA NI GANG GI PHYIR YE SHES KYI SA LA YANG DAG PAR ZHUGS PA YIN ZHES GSUNGS PA'O, ,THEG PA LAS MI G-YO BA'I NUS PA NI GANG GI PHYIR NYAN THOS DANG RANG SANGS RGYAS KYI SA RNAMS LAS LOG PA YIN ZHES GSUNGS PA'O, ,GSANG BA'I GNAS LA MOS PA'I NUS PA NI GANG GI PHYIR SANGS RGYAS KYI YE SHES LA MNGON DU PHYOGS PAR GCIG TU NGES PA YIN ZHES GSUNGS PA'O, ,RNAM PAR MI 'DOR BA'I NUS PA NI GANG GI PHYIR BDUD DANG NYON MONGS PA KUN DU 'BYUNG BA THAMS CAD KYIS MI 'PHROGS PA YIN ZHES GSUNGS PA'O, ,NYON MONGS PA'I SGRIB PA RNAM PAR DAG PA'I DBANG DU BYAS NAS GNYEN PO BRTAN PA'I NUS PA NI GANG GI PHYIR, BYANG CHUB SEMS DPA'I YE SHES KYI SNANG BA LA SHIN TU GNAS PA YIN ZHES GSUNGS PA'O, ,GNYEN PO SHIN TU RGYAS PA'I NUS PA NI GANG GI PHYIR STONG PA NYID DANG, MTSAN MA MED PA DANG, SMON PA MED PA'I CHOS KUN DU SPYAD PA RNAMS SHIN TU YONGS SU BSGOM PA YIN ZHES GSUNGS PA'O, ,SEMS CAN YONGS SU SMIN PAR BYED PA'I NUS PA NI GANG GI PHYIR THABS DANG SHES RAB KYIS RNAM PAR DPYAD PA RNAMS DANG LDAN PA YIN ZHES GSUNGS PA'O, ,SHES BYA'I SGRIB PA RNAM PAR DAG @207B PA'I NUS PA NI GANG GI PHYIR, BYANG CHUB KYI PHYOGS PA'I CHOS RNAMS MNGON PAR BSGRUBS PAS RNAM PAR RGYAS PA YIN NO ZHES GSUNGS PA'O, ,BYANG CHUB SEMS DPA'I SA MNGON DU GYUR PA 'DI LA GNAS PA DE CHOS DE DAG LA JI LTA BA BZHIN DU MTHUN PAR MI BYED PAS SHES RAB KYI PHA ROL TU PHYIN PA LA GNAS PA CHES SHAS CHE ZHING, RJES SU MTHUN PA'I BZOD PA RNON PO GNYIS PA SKYES PA YIN NO ZHES BYA BA DE LA CHOS DE DAG CES BYA BA NI NUS PA'I KHYAD PAR GYIS BSDUS PA BSTAN MA THAG PA RNAMS SO, ,BYANG CHUB SEMS DPA'I SA MNGON DU GYUR PA 'DI LA GNAS PA DE LA SANGS RGYAS MANG PO SNANG BAR 'GYUR ZHES BYA BA THAMS CAD SNGA MA BZHIN NO, ,DE DAG LAS CHOS BSTAN PA NYAN TO, ,THOS NAS KYANG JI LTA BA BZHIN DU SNYOMS PAR 'JUG PA DANG, SHES RAB DANG YE SHES KYI SNANG BAS RAB TU SBYOR RO ZHES BYA BA NI DON GYI GZUNGS THOB PAR YONGS SU STON TE, DE'I RGYU BSTAN PA'I PHYIR RO; ,GZUNGS DE NI TING NGE 'DZIN GYI KHYAD PAR LA BRTEN PA'I LHAG MTHONG DANG, ZHI GNAS KYI SNANG BA LA SBYOR BAS THOB BO, ,NAN TAN GYIS KYANG 'DZIN TE ZHES BYA BA NI DE'I SGRIB PA LAS RNAM PAR GROL NAS DON DE LA REG PA'O, ,GSER GYI SA LE SBRAM BEE d'URYAS PHYIS PA'I DPES NI SA 'DI LA 'JIG RTEN LAS 'DAS PA'I YE SHES 'PHEL BAR GYUR NAS CHES 'OD GSAL BA YONGS SU STON TE, GANG GI PHYIR KYE RGYAL BA'I SRAS 'DI LTA STE DPER NA GSER GYI SA LE SBRAM DE NYID BEE d'URYAS PHYIS NAS DE BAS KYANG SHAS CHER RAB TU BYANG ZHING SHIN TU 'OD GSAL BAR 'GYUR RO, ,KYE RGYAL BA'I SRAS DAG DE BZHIN DU BYANG CHUB SEMS DPA'I SA MNGON DU GYUR PA 'DI LA GNAS PA'I BYANG CHUB SEMS DPA'I DGE BA'I RTZA BA THABS DANG SHES RAB KYIS RNAM PAR DPYAD PA DE DAG KYANG, DE BAS SHAS CHER RAB TU BYANG ZHING SHIN TU 'OD GSAL BAR 'GYUR RO ZHES GSUNGS PA'O, ,CHAGS PA MED PA'I YE SHES LA MNGON PAR PHYOGS PA SHES RAB KYI PHA ROL TU PHYIN PA LA GNAS PA MNGON DU GYUR ZHES BYA'O, ,THABS DANG SHES RAB KYIS RNAM PAR DPYAD PA ZHES BYA BA NI MI GNAS PA'I LAM GYIS BSDUS PA'I SHES RAB KYIS SO, ,ZLA BA'I 'OD KYI DPES NI 'OD KYI DKYIL 'KHOR GYI DPES BSTAN PAS SNGA MA'I YE SHES @208A *, ,PAS RGYA CHE BA'I PHYIR BYE BRAG STON TE, 'OD CHUNG BA NI DKYIL 'KHOR RO, ,CHE BA NI 'OD DE, KYE RGYAL BA'I SRAS DAG 'DI LTA STE DPER NA, ZLA BA'I 'OD DE NI SEMS CAN GYI LUS RNAMS KYANG SIM PAR BYED LA, RLUNG GI DKYIL 'KHOR BZHIS KYANG MI 'PHROGS PA YIN NO,, KYE RGYAL BA'I SRAS DAG DE BZHIN DU BYANG CHUB SEMS DPA'I SA MNGON DU GYUR PA 'DI LA GNAS PA'I BYANG CHUB SEMS DPA'I DE'I DGE BA'I RTZA BA DE DAG KYANG SEMS CAN BYE BA KHRAG KHRIG 'BUM PHRAG DU MA'I NYON MONGS PA 'BAR BA RNAMS KYANG RAB TU ZHI BAR BYED CING, BDUD BZHI'I LAM GYI SPYOD BA NGAN PA DAG GIS KYANG MI 'PHROGS PA YIN NO ZHES BYA BA LA BDUD BZHI'I LAM GYI SPYOD PA NGAN PA RNAMS NI BDUD KYIS 'JUG PAR BYED PA DAG YIN PAR SHES PAR BYA'O, ,LHAG MA RNAMS NI SNGA MA'I TSUL GYIS CI RIGS PAR KHONG DU CHUD PAR BYA'O, ,'PHAGS PA SA BCU PA LAS SA DRUG PA'I RNAM PAR BSHAD PA RDZOGS SO,, ,,BAM PO BCU PA, SA BDUN PA NI MNGON PAR 'DU BYED PA MED PA MNGON PAR DGA' BA'I GNYEN PO RNAM PAR GZHAG PA DANG, DE'I RNAM PAR G-YENG BA'I GNYEN PO RNAM PAR GZHAG PA DANG, ZUNG DU 'BREL PA'I LAM 'THOB PA RNAM PAR GZHAG PA DANG; SA SNGA PHYI LAS KHYAD PAR RNAM PAR GZHAG PA DANG, DE'I 'BRAS BU RNAM PAR GZHAG PA DANG, RNAM PA LNGAS RNAM PAR GZHAG PAR RIG PAR BYA'O, ,DE LA MNGON PAR 'DU BYED PA MED PA LA MNGON PAR DGA' BA'I GNYEN PO NI THABS DANG SHES RAB KYIS YANG DAG PAR SKYED PA'I LAM GZHAN RTZOM PA'I KHYAD PAR BCU PO DAG STE, GANG GI PHYIR KYE RGYAL BA'I SRAS DAG BYANG CHUB SEMS DPA'I SA DRUG PA LA LAM SHIN TU YONGS SU RDZOGS PA'I BYANG CHUB SEMS DPA' DE BYANG CHUB SEMS DPA'I SA BDUN PA GNON TE, DE THABS DANG SHES RAB KYI YE SHES KYIS MNGON PAR SGRUB PA'I LAM GZHAN RTZOM PA'I KHYAD PAR BCUS GNON TO ZHES GSUNGS PA'O, ,BYANG CHUB SEMS DPA' DE NI CHAGS PA MED PA'I YE SHES LA MNGON PAR PHYOGS PA'I SHES RAB KYI PHA ROL TU PHYIN PA LA GNAS PA MNGON DU GYUR PAS MNGON PAR 'DU BYED PA MED PA NYID LA SEMS DGA' BA YIN GYI, MNGON PAR MTHO BA'I @208B MNGON PAR 'DU BYED PA LA NI MA YIN TE, DE LA MNGON PAR DGA' BA'I GNYEN POR DE DAG RNAM PAR GZHAG GO, ,THABS DANG SHES RAB KYI YE SHES NI CHOS LA BDAG MED PA'I YE SHES SEMS CAN LA LTA BA DANG BCAS PA'O, ,LAM GZHAN RTZOM PA'I KHYAD PAR NI GNYEN POS YONGS SU ZIN PA MNGON PAR MTHO BA'I LAM MO, ,DE NI 'JIG RTEN LAS 'DAS PA'I GZHAN DANG, 'JIG RTEN PA'I MNGON PAR MTHO BA'I LAM LAS GZHAN DU GYUR PA'O, ,YON TAN RNAM PA BZHIS KHYAD PAR DU 'PHAGS PA STE, JI LTAR 'DOD PA DANG, JI SRID 'DOD PA'I BAR DU LONGS SPYOD DANG, LUS KYI KHYAD PAR THOB PA'I RGYU BSOD NAMS SOGS PAS LONGS SPYOD DANG, LUS KYI KHYAD PAR GYI RGYU NYID NI GANG GI PHYIR STONG PA NYID DANG, MTSAN MA MED PA DANG, SMON PA MED PA SHIN TU BSGOM PA'I YID DANG LDAN LA, BSOD NAMS KYI TSOGS CHEN PO BA SOGS PA YIN ZHES GSUNGS PA'O, ,DE LTAR KHYAD PAR THOB PA TSAD MED PA BSGOMS PAS SEMS CAN RNAMS LA LOG PAR MI SGRUB PA'I PHYIR, NYES PAR SPYOD PA LAS KUN DU BSRUNG BA'I RGYU NYID NI GANG GI PHYIR BDAG MED PA DANG, SROG MED PA DANG GANG ZAG MED PA'I CHOS RNAMS LA YANG 'JUG LA TSAD MED PA BZHI MNGON PAR SGRUB PA YANG MI GTONG BA YIN ZHES GSUNGS PA'O, ,BSOD NAMS KYI RANG BZHIN GYI CHOS KYI TSOGS MNGON PAR 'DU BYED PA PHA ROL TU PHYIN PA RNAMS LEGS PAR BYED PAS, DE'I KHYAD PAR 'THOB PA'I RGYU 'PHEL BA'I PHYIR, DGE BA'I RTZA BA KUN DU BSRUNG BA'I RGYU NYID NI GANG GI PHYIR, BSOD NAMS KYI CHOS KYI TSOGS PHA ROL TU PHYIN PA MNGON PAR 'DU BYA BA YANG MNGON PAR 'DU BYED LA, CHOS GANG LA YANG MNGON PAR ZHEN PA MED PA YIN ZHES GSUNGS PA'O, ,SEMS CAN LA PHAN 'DOGS PA'I RGYU NYID NI SEMS CAN LA PHAN 'DOGS PA DE YANG SGO BDUN NAS RIG PAR BYA STE, GTZO BO DANG MTHUN PAR BYED PAS GTZO BOS SEMS CAN GZHAN 'DUL BA'I PHYIR BSAM BZHIN DU SRID PAR SKYE BA YONGS SU 'DZIN PA NI, GANG GI PHYIR KHAMS GSUM PA THAMS CAD LAS DBEN PAR GYUR PA YANG THOB LA, KHAMS GSUM PA'I RGYAN RNAM PAR SGRUB PA MNGON PAR BSGRUB PA YANG MNGON PAR SGRUB PA YIN NO ZHES GSUNGS @209A *, ,PA'O, ,KUN NAS DKRIS PA DANG, BAG LA NYAL 'GAGS PAS SHIN TU ZHI ZHING NYE BAR ZHI BAS NYON MONGS PA RAB TU ZHI BAR BYA BA'I PHYIR GNYEN PO STON PA NI, GANG GI PHYIR NYON MONGS PA DANG 'BAR BA THAMS CAD DANG BRAL BAS SHIN TU ZHI ZHING NYE BAR ZHI BA YANG YIN LA, SEMS CAN THAMS CAD KYI 'DOD CHAGS DANG, ZHE SDANG DANG GTI MUG GI NYON MONGS PA 'BAR BA RAB TU ZHI BAR BYA BA MNGON PAR BSGRUB PA YANG MNGON PAR SGRUB PA YIN ZHES GSUNGS PA'O, ,SA LNGA PA LAS GNOD PA RNAMS PA BZHI BSTAN PA GANG YIN PA'I GNOD PA ZHI BAR BYED PA NI GANG GI PHYIR, SGYU MA DANG, RMI LAM DANG, MIG YOR DANG, SGRA BRNYAN DANG, CHU ZLA DANG, GZUGS BRNYAN DANG SPRUL PA'I RANG BZHIN LTA BUR GNYIS SU MED PAR YANG KHONG DU CHUD LA, LAS BYA BA RNAM PAR PHYE BA TSAD MED PA'I BSAM PA MNGON PAR BSGRUB PA YANG MNGON PAR SGRUB PA YIN ZHES GSUNGS PA'O, , CHOS MNYAN PA'I PHYIR 'KHOR GYI DKYIL 'KHOR RNAMS SU 'DU BAR BYED PA NI GANG GI PHYIR, ZHING GI THA GRU NAM MKHA' DANG MNYAM PAR SHIN TU BSGOM PA'I YID DANG YANG LDAN LA, SANGS RGYAS KYI ZHING GI RGYAN RNAM PAR SGRUB PA MNGON PAR BSGRUB PA YANG MNGON PAR SGRUB PA YIN ZHES GSUNGS PA'O, , LTA BA DANG, MNYAN PA DANG, BSNYEN BKUR BYA BA DANG MCHOD PAR SBYOR BA RNAMS KYI BSOD NAMS 'PHEL BAR BYED PA NI, GANG GI PHYIR SANGS RGYAS THAMS CAD CHOS KYI SKU'I RANG BZHIN DU YANG 'JUG LA, GZUGS DANG, MTSAN DANG DPE BYAD BZANG PO'I RGYAN RNAM PAR BSGRUB PA YANG MNGON PAR SGRUB PA YIN ZHES GSUNGS PA'O, ,CHOS KYI 'KHOR LO BSKOR BA NI GANG GI PHYIR, DE BZHIN GSHEGS PA'I GSUNG BRJOD DU MED CING SGRA DBYANGS DANG BRAL TE, RANG BZHIN GYI ZHI BAR YANG MOS LA DBYANGS DANG YAN LAG THAMS CAD RNAM PAR PHYE BAS RNAM PAR DAG PA'I RGYAN MNGON PAR BSGRUB PA YANG MNGON PAR SGRUB PA YIN ZHES GSUNGS PA'O, ,DRIS PA LUNG STON PA NI GANG GI PHYIR SANGS RGYAS BCOM LDAN 'DAS DUS GSUM MTSAN NYID GCIG TU THUGS SU CHUD PA LA YANG 'JUG LA SEMS CAN GYI BSAM PA BRJOD PA'I PHYIR, BSKAL PA 'GRANGS PA'I MTSAN NYID THA DAD PA SHES PA LA YANG 'JUG PA YIN TE @209B ZHES GSUNGS PA'O, ,DE DAG NI LAM GZHAN RTZOM PA'I KHYAD PAR BCU PO GNYEN PO YONGS SU 'DZIN PA DANG BCAS PA YIN NO, ,DE DAG GNYEN PO YONGS SU 'DZIN PA NI STONG PA NYID LA SOGS PA SHIN TU BSGOMS PA DANG, BDAG MED PA'I CHOS LA 'JUG PA LA SOGS PAS CI RIGS PAR SHES PAR BYA'O, ,'DI DAG SNANG BAR GYUR PAS SA 'DI LA GNAS PA YIN TE, GANG GI PHYIR KYE RGYAL BA'I SRAS DAG THABS DANG SHES RAB KYIS MNGON PAR SGRUB PA'I LAM GZHAN RTZOM PA'I KHYAD PAR BCU PO DE DAG GIS BYANG CHUB SEMS DPA' BYANG CHUB SEMS DPA'I SA DRUG PA LAS RNAM PAR DBYE BA SHIN TU BYAS PAS BYANG CHUB SEMS DPA'I SA BDUN PA GNON TO, ,KYE RGYAL BA'I SRAS DAG DE LTAR BYANG CHUB SEMS DPA' SEMS DPA' CHEN PO LAM GYI TSOGS THABS DANG SHES RAB KYIS MNGON PAR SGRUB PA'I LAM GZHAN RTZOM PA'I KHYAD PAR BCU PO SNANG BAR GYUR PA DE DAG MNGON PAR BSGRUBS PAS, BYANG CHUB SEMS DPA'I SA BDUN PA NON ZHES BYA STE ZHES GSUNGS PA'O, ,DE LTAR RE ZHIG MNGON PAR 'DU BYED PA MED PA LA MNGON PAR DGA' BA'I GNYEN PO RNAM PAR GZHAG PAS SA BDUN PA RNAM PAR GZHAG PAR RIG PAR BYA'O, ,DE'I 'OG TU DE'I RNAM PAR G-YENG BA'I GNYEN PO RNAM PA GNYIS SU RIG PAR BYA STE, TSAD MED PA'I RNAM PA BSGOM PA DANG, MNGON PAR 'DU BYED PA MED PA'I LAM LA SBYAR BA'O, ,DE LA TSAD MED PA'I RNAM PA BSGOM PA NI, GANG GI DON DU BYED PA DANG, GNAS GANG YIN PA DANG, GANG GI DANG, JI LTA BU DANG, GANG DU DANG, DE DAG THA DAD PAS RNAM PA BCUR RIG PAR BYA'O, ,DE LA GANG DAG GI DON DU BYED PA ZHES BYA BA NI SEMS CAN TSAD MED PA DE DAG YONGS SU SMIN PAR BYED PA DANG, GDUL BYA'I LAS TSAD MED PA BYED PA STE, GANG GI PHYIR BYANG CHUB SEMS DPA'I SA BDUN PA LA GNAS PA'I BYANG CHUB SEMS DPA' DE SEMS CAN GYI KHAMS TSAD MED PA LA YANG 'JUG LA, SANGS RGYAS BCOM LDAN 'DAS RNAMS KYIS SEMS CAN YONGS SU SMIN PAR MDZAD PA DANG, 'DUL BA'I PHRIN LAS TSAD MED PA LA 'JUG GO ZHES GSUNGS PA'O, ,GNAS GANG YIN ZHES BYA BA NI 'JIG RTEN GYI KHAMS TSAD @210A *, ,MED PA DAG NA SANGS RGYAS KYI ZHING YONGS SU DAG PA LA BRTEN PA STE, GANG GI PHYIR 'JIG RTEN GYI KHAMS MANG PO TSAD MED PA LA YANG 'JUG LA, SANGS RGYAS BCOM LDAN 'DAS RNAMS KYIS ZHING YONGS SU DAG PA LA YANG 'JUG GO ZHES GSUNGS PA'O, ,GANG GIS ZHES BYA BA LA CHOS THA DAD PA NYID DANG, YE SHES TSAD MED PA MNGON PAR RTOGS PA NI GANG GI PHYIR CHOS THA DAD PA TSAD MED PA LA YANG 'JUG LA, SANGS RGYAS BCOM LDAN 'DAS RNAMS KYI YE SHES MNGON PAR RDZOGS PAR THUGS SU CHUD PA TSAD MED PA LA YANG 'JUG GO ZHES GSUNGS PA'O, ,BSKAL PA 'GRANGS PA DANG, DUS GSUM TSAD MED PAR RTOGS PAS NI GANG GI PHYIR BSKAL PA 'GRANGS PA TSAD MED PA RTOGS PA LA YANG 'JUG LA, SANGS RGYAS BCOM LDAN 'DAS RNAMS KYI DUS GSUM THUGS SU CHUD PA TSAD MED PA LA YANG 'JUG GO ZHES GSUNGS PA'O, ,JI LTA BU ZHES BYA BA NI RNAM PA GSUM STE, LHA THA DAD PA LA MOS PA RNAMS LA LUS DANG SEMS 'DRA BAR 'JUG PAS, DE DAG LA MOS PA BZLOG PA NI GANG GI PHYIR, SEMS CAN GYI MOS PA THA DAD PA'I KHYAD PAR TSAD MED PA LA YANG 'JUG LA, SANGS RGYAS BCOM LDAN 'DAS RNAMS KYI MING DANG GZUGS KYI SKU THA DAD PA BSTAN PA TSAD MED PA LA YANG 'JUG GO ZHES GSUNGS PA'O, ,SNGON GYI BSAM PA LAS BYUNG BA'I DBANG PO RTUL PO DANG, 'BRING DANG RNON PO RNAMS LA CI RIGS PAR CHOS STON PA NI GANG GI PHYIR SEMS CAN RNAMS KYI BSAM PAS DBANG PO THA DAD PA TSAD MED PA LA YANG 'JUG LA, SANGS RGYAS BCOM LDAN 'DAS RNAMS KYI GSUNG BRJOD PAS SEMS CAN GZHAN TSIM PAR MDZAD PA TSAD MED PA LA YANG 'JUG GO ZHES GSUNGS PA'O, ,SEMS CAN RNAMS KYI SPYOD PA JI LTA BA BZHIN DU GNYEN PO'I GDAMS NGAG RJES SU STON PA NI, GANG GI PHYIR SEMS CAN RNAMS KYI SEMS KYI SPYOD PA THA DAD PA TSAD MED PA LA YANG 'JUG LA, SANGS RGYAS BCOM LDAN 'DAS RNAMS KYI YE SHES RAB 'BYAM TSAD MED PA RJES SU RTOG PA LA YANG 'JUG GO ZHES GSUNGS PA'O, ,GANG DU ZHES BYA BA NI THEG PA GSUM LA STE, DE LA NYAN THOS KYI THEG PA LA NI GANG GI PHYIR NYAN THOS KYI THEG PAS NGES PAR @210B 'BYUNG BA LA MOS PAS TSAD MED PA LA YANG 'JUG LA, SANGS RGYAS BCOM LDAN 'DAS RNAMS KYI LAM BSTAN PA TSAD MED PA LA 'JUG PA LA YANG MOS SO ZHES GSUNGS PA'O, ,RANG SANGS RGYAS KYI THEG PA LA NI GANG GI PHYIR RANG SANGS RGYAS KYI THEG PA LA YANG DAG PAR SGRUB PA 'GRUB PA LA YANG 'JUG LA, SANGS RGYAS BCOM LDAN 'DAS RNAMS KYI YE SHES ZAB MO'I SGOR 'JUG PA BSTAN PA TSAD MED PA LA YANG 'JUG GO ZHES GSUNGS PA'O, ,THEG PA CHEN PO LA NI GANG GI PHYIR BYANG CHUB SEMS DPA' RNAMS KYI BYANG CHUB SEMS DPA'I SPYOD PA LA SBYOR BA'I TSAD MED PA LA YANG 'JUG LA, SANGS RGYAS BCOM LDAN 'DAS RNAMS KYI THEG PA CHEN PO YANG DAG PAR SGRUB PA LA 'JUG PA BSTAN PA TSAD MED PA LA YANG 'JUG GO ZHES GSUNGS PA'O, ,DE LTAR DE'I RNAM PAR G-YENG BA'I GNYEN PO TSAD MED PA'I RNAM PA BSGOM PA BCU BSTAN NAS, MNGON PAR 'DU BYED PA MED PA'I LAM LA SBYOR BA STON TE, GANG GI PHYIR 'DI SNYAM DU SEMS TE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI YUL DE NI DE LTAR TSAD MED PA STE, DE NI BSKAL PA BYED BA KHRAG KHRIG 'BUM PHRAG JI SNYED PA DE SNYED KYIS KYANG BGRANG BAR SLA BA MA YIN TE, SANGS RGYAS BCOM LDAN 'DAS RNAMS KYI YUL DE BDAG GIS YANG DAG PAR BSKYED PAR BYA'O, ,LHUN GYIS GRUB PA DANG, RTOG PA MED PA DANG, RNAM PAR RTOG PA MED PAR YONGS SU RDZOGS PAR BYA'O ZHES GSUNGS PA'O, ,DE LA NGO BO NYID DANG BYE BRAG LA RNAM PAR RTOG PA MED PAS LHUN GYIS GRUB PA NYID DE RTOG PA MED PA DANG, RNAM PAR RTOG PA MED PA ZHES BYA BA'I TSIG 'OG MA GNYIS KYIS STON TO, ,DE LTAR LEGS PAR SO SOR BRTAG PA'I YE SHES DANG, MNGON PAR SHES PA DANG LDAN ZHING RTAG PAR RGYUN DU MNGON PAR BRTZON PA DE, THABS DANG SHES RAB KYIS YONGS SU BSGOM PA'I LAM GZHAN RTZOM PA'I KHYAD PAR RNAMS LA MI G-YO BA'I TSUL GYIS SHIN TU GNAS PA YIN NO ZHES BYA BA NI DE'I RNAM PAR G-YENG BA'I GNYEN PO YIN PA'I PHYIR RO, ,DE LTAR DE'I RNAM PAR G-YENG BA'I GNYEN PO RNAM PAR GZHAG PAS SA 'DI BSTAN NAS ZUNG DU 'BREL PA'I LAM 'THOB PA RNAM PAR GZHAG PA @211A *, ,RNAM PA BZHIS STON TE, GNYIS CIG CAR DANG, RGYUN CHAGS SU 'BYUNG BA DANG, MOS PA RNAM PAR DAG PA'I KHYAD PAR DANG, DON CHEN PO BYED PA DANG, BYANG CHUB KYI PHYOGS RAB TU DBYE BA'O, ,DE SKAD CIG GCIG LA ZHI GNAS DANG LHAG MTHONG GI LAM MNGON SUM DU BYED PAS GNYIS CIG CAR 'BYUNG BAR RIG PAR BYA'O, ,SPYOD PA'I LAM THAMS CAD DU DE DANG LDAN PAS RGYUN CHAGS SU 'BYUNG BA STE, GANG GI PHYIR DE SKAD CIG GCIG LA YANG LAM MNGON PAR SGRUB CING MI LDANG STE, DE 'GRO'AM, 'GRENG NGAM, 'DUG GAM, NYAL LAM, RMI LAM NA YANG YE SHES DE LTA BU LA MNGON PAR BRTZON PA YIN ZHES GSUNGS PA'O, ,SGRIB PA MED PAS MOS PA RNAM PAR DAG PA'I KHYAD PAR NI GANG GI PHYIR SGRIB PA MED PAS SPYOD LAM THAMS CAD LA GNAS SHING, 'DU SHES YID LA BYA BA RNAM PA DE LTA BU DAG DANG MI 'BRAL PA YIN NO ZHES GSUNGS PA'O, , DE LA YE SHES TSAD MED PA DE DAG LA BKRA BAR BYED PA'I PHYIR 'DU SHES SO, ,MNGON DU 'DUN PAR BYED PA'I PHYIR YID LA BYED PAR RIG PAR BYA'O, ,SEMS CAN RE RE LA PHA ROL TU PHYIN PA BCU YANG DAG PAR SGRUB PA'I DON CHEN PO BYED PA STE, GANG GI PHYIR DE'I SEMS BSKYED PA RE RE LA YANG BYANG CHUB SEMS DPA'I PHA ROL TU PHYIN PA BCU DANG, BYANG CHUB SEMS DPA'I SA BCU YANG DAG PAR SGRUB PA YANG DAG PAR 'GRUB BO, ,DE CI'I PHYIR ZHE NA, 'DI LTAR BYANG CHUB SEMS DPA' NI SNYING RJE CHEN PO SNGON DU BTANG BA'I SEMS BSKYED PA 'BYUNG BA RE RE THAMS CAD KYANG SANGS RGYAS KYI CHOS YANG DAG PAR SGRUB PA DANG, DE BZHIN GSHEGS PA'I YE SHES SU YONGS SU BSNGO BA'I PHYIR TE, DE LA SANGS RGYAS KYI YE SHES YONGS SU TSOL ZHING, SEMS CAN RNAMS LA DGE BA'I RTZA BA GTONG BA GANG YIN PA DE NI DE'I SBYIN PA'I PHA ROL TU PHYIN PA'O, ,NYON MONGS PA'I YONGS SU GDUNG BA THAMS CAD RAB TU ZHI BA GANG YIN PA DE NI DE'I TSUL KHRIMS KYI PHA ROL TU PHYIN PA'O, ,SNYING RJE DANG BYAMS PA SNGON DU 'GRO BAS SEMS CAN THAMS CAD LA GNOD PAR MI BYED PA GANG YIN PA DE NI DE'I BZOD PA'I PHA ROL TU PHYIN PA'O, ,GONG NAS GONG DU RTZOM PAS DGE BA'I CHOS KYIS MI DOMS PA GANG YIN PA DE NI DE'I BRTZON @211B 'GRUS KYI PHA ROL TU PHYIN PA'O, ,THAMS CAD MKHYEN PA'I YE SHES MNGON SUM DU BYA BA'I LAM LAS MI 'PHYAR BA GANG YIN PA DE NI DE'I BSAM GTAN GYI PHA ROL TU PHYIN PA'O, ,RANG BZHIN GYIS SKYE BA MED PA MNGON SUM DU BYA BAR BZOD PA GANG YIN PA DE NI DE'I SHES RAB KYI PHA ROL TU PHYIN PA'O, ,YE SHES KYIS TSAD MED PAR MNGON PAR SGRUB PA GANG YIN PA DE NI DE'I THABS LA MKHAS PA'I PHA ROL TU PHYIN PA'O, ,YE SHES KYIS GONG NAS GONG DU MNGON PAR SGRUB PA GANG YIN PA DE NI DE'I SMON LAM GYI PHA ROL TU PHYIN PA'O, ,PHAS KYI RGOL BA DANG BDUD KYI TSOGS THAMS CAD KYIS LAM GYI RGYUN MI CHOD PA GANG YIN PA DE NI DE'I STOBS KYI PHA ROL TU PHYIN PA'O, ,CHOS THAMS CAD JI LTA BA BZHIN DU NGES PAR RTOG PA GANG YIN PA DE NI DE'I YE SHES KYI PHA ROL TU PHYIN PA'O ZHES GSUNGS PA'O, ,DE LA THABS LA MKHAS PA'I PHA ROL TU PHYIN PA NI YE SHES KYI TSAD MED PAR MNGON PAR SGRUB PA STE, YONGS SU BSNGO BA'I KHYAD PAR GYI YE SHES GANG GIS SBYIN PA LA SOGS PA TSAD MED PA MNGON PAR SGRUB BO, ,SMON LAM GYI PHA ROL TU PHYIN PA NI YE SHES KYIS GONG NAS GONG DU MNGON PAR SGRUB PA STE, SKYE BA'I KHYAD PAR YONGS SU 'DZIN PAS YE SHES GANG GIS SBYIN PA LA SOGS PA GONG NAS GONG DU MNGON PAR BSGRUB BO, ,STOBS KYI PHA ROL TU PHYIN PA NI PHAS KYI RGOL BA DANG, BDUD KYI TSOGS THAMS CAD KYIS LAM GYI RGYUN MI CHOD PA STE, LAM GANG GIS SBYIN PA LA SOGS PA'I MI MTHUN PA'I PHYOGS PHAM PAR BYED PA'O, ,YE SHES KYI PHA ROL TU PHYIN PA NI CHOS THAMS CAD LA JI LTA BA BZHIN DU NGES PAR RTOG PA STE, SEMS CAN YONGS SU SMIN PAR BYA BA'I PHYIR YE SHES GANG GIS SBYIN PA LA SOGS PA'I RAB TU DBYE BA RNAM PA THAMS CAD SHES PA'O, ,BYANG CHUB KYI PHYOGS PA RAB TU DBYE BA YANG RNAM PA BZHIR RIG PAR BYA STE, THEG PA CHEN POR GTOGS PA'I PHYIR PHA ROL TU PHYIN PA RNAMS SU DBYE BA NI GANG GI PHYIR, KYE RGYAL BA'I SRAS DAG DE LTAR NA BYANG CHUB SEMS DPA'I SA RING DU SONG BA LA GNAS PA'I BYANG CHUB SEMS DPA' DE'I PHA ROL TU PHYIN PA DE DAG SKAD CIG RE RE LA YONGS SU RDZOGS PAR 'GYUR RO ZHES GSUNGS PA'O, ,SEMS CAN YONGS SU SMIN PAR BYED PAR GTOGS @212A *, ,PA'I PHYIR BSDU BA'I DNGOS PO RNAMS SU DBYE BA NI GANG GI PHYIR, BSDU BA'I DNGOS PO BZHI YANG YONGS SU RDZOGS PAR 'GYUR RO ZHES GSUNGS PA'O, ,NYON MONGS PA'I SGRIB PA RNAM PAR DAG PAR BYED PAR GTOGS PA'I PHYIR GNAS DANG BYANG CHUB KYIS PHYOGS PA DANG, RNAM PAR THAR BA'I SKO RNAMS SU DBYE BA NI GANG LA GNAS NAS GANG ZHIG BSGOMS TE, SGO GANG GIS RNAM PAR DAG PAR 'GYUR BYA STE, GANG GI PHYIR GNAS BZHI DANG BYANG CHUB KYI PHYOGS PA'I CHOS SUM CU RTZA BDUN DANG, RNAM PAR THAR BA'I SGO GSUM YANG YONGS SU RDZOGS PAR 'GYUR TO ZHES GSUNGS PA'O, ,SHES BYA'I SGRIB BA RNAM PAR DAG PAR BYED PAR GTOGS PA'I PHYIR, BYANG CHUB KYI YAN LAG GI CHOS THAMS CAD DU DBYE BA NI GANG GI PHYIR, MDOR NA BYANG CHUB KYI YAN LAG GI CHOS THAMS CAD SKAD CIG RE RE LA YONGS SU RDZOGS PAR 'GYUR RO ZHES GSUNGS PA'O, ,DE LTAR ZUNG DU 'BREL PA'I LAM THOB PA RNAM PAR GZHAG PA BSTAN NAS, SA SNGA PHYI LAS KHYAD PAR RNAM PAR GZHAG PA NI SA 'OG MA DANG, GONG MA BAS KHYAD ZHUGS PA DANG, DMA' BA GNYIS KYIS SA BDUN PA'I KHYAD PAR RNAM PAR GZHAG PAR RIG PAR BYA'O, ,KHYAD ZHUGS PA JI LTA BU ZHE NA, SBYOR BA LAS BYUNG BA'I SPYOD PA YONGS SU RDZOGS PA'I PHYIR TE, DE NYID KYI PHYIR YE SHES DANG, MNGON PAR SHES PA'I SPYOD PA GNON TE, GANG GI PHYIR DE SKAD CES SMRAS PA DANG, BYANG CHUB SEMS DPA' RNAM PAR GROL BA'I ZLA BAS BYANG CHUB SEMS DPA' RDO RJE'I SNYING PO LA 'DI SKAD CES SMRAS SO, , KYE RGYAL BA'I SRAS CI BYANG CHUB SEMS DPA'I SA BDUN PA 'DI NYID LA GNAS PA'I BYANG CHUB SEMS DPA'I BYANG CHUB KYI YAN LAG THAMS CAD SKAD CIG RE RE LA YONGS SU RDZOGS PAR 'GYUR RAM, 'ON TE SA BCU PO THAMS CAD LA YANG DE BZHIN DU YONGS SU RDZOGS PAR 'GYUR, BYANG CHUB SEMS DPA' RDO RJE'I SNYING POS SMRAS PA, KYE RGYAL BA'I SRAS BYANG CHUB SEMS DPA'I SA BCU PO THAMS CAD LA YANG BYANG CHUB SEMS DPA'I BYANG CHUB KYI YAN LAG RNAMS YONGS SU RDZOGS PAR LTA 'GYUR TE, BYANG CHUB SEMS DPA'I SA BDUN PA 'DI LA LHAG PAR YONGS SU RDZOGS PAR 'GYUR RO, ,DE CI'I PHYIR ZHE @212B NA; KYE RGYAL BA'I SRAS BYANG CHUB SEMS DPA' RNAMS KYIS 'DI NI SBYOR BA LAS BYUNG BA'I SPYOD PA YONGS SU RDZOGS PAR BYED BAS YE SHES DANG, MNGON PAR SHES PA'I SPYOD PA GNON PA'I PHYIR RO ZHES GSUNGS PA'O, ,DE LA MNGON PAR SHES PA NI LNGA'O, ,YE SHES NI JI SKAD DU BSTAN PAR RIG PAR BYA'O, ,JI LTAR NAS 'DI LA SBYOR BA LAS BYUNG BA'I SPYOD PA YONGS SU RDZOGS PA YIN ZHE NA, DE MA YIN PA'I 'JIG RTEN LAS 'DAS PA DANG, 'JIG RTEN PA'I LAM LAS KHYAD PAR DU 'PHAGS PA'I LAM MNGON PAR SGRUB PA'I PHYIR RO, ,DE NYID KYI PHYIR 'DI LA SANGS RGYAS KYI CHOS THAMS CAD YANG DAG PAR BSKYED PAS BYANG CHUB KYI YAN LAG RNAMS YONGS SU RDZOGS PAR BYED DE, GANG GI PHYIR KYE RGYAL PA'I SRAS BYANG CHUB SEMS DPA'I SA DANG PO LA NI SMON LAM THAMS CAD LA LHAG PAR DMIGS PAS, BYANG CHUB KYI YAN LAG RNAMS YONGS SU RDZOGS PAR 'GYUR RO, ,GNYIS PA LA NI SEMS KYI DRI MA BSAL BAS SO, ,GSUM PA LA NI SMON LAM RNAM PAR 'PHEL BA DANG, CHOS KYI SNANG BA THOB PAS SO, ,BZHI PA LA NI LAM LA ZHUGS PAS SO, ,LNGA PA LA NI 'JIG RTEN GYI BYA BA DANG MTHUN PAR 'JUGS PAS SO, ,DRUG PA LA NI CHOS ZAB MO'I SGOR 'JUG PHAS SO, ,BYANG CHUB SEMS DPA'I SA BDUN PA 'DI LA NI SANGS RGYAS KYI CHOS THAMS CAD YANG DAG PAR BSKYED PAS BYANG CHUB KYI YAN LAG RNAMS YONGS SU RDZOGS PAR 'GYUR RO ZHES GSUNGS PA'O, ,DA LTAR SA 'OG MA LAS KHYAD ZHUGS PAS SNGA PHYI LAS KHYAD PAR RNAM PAR GZHAG PAR RIG PAR BYA'O, ,SA 'OG MA LAS DMA' BA JI LTA BU ZHE NA, YE SHES MNGON PAR SGRUB PA LA SBYOR BA'I YAN LAG RNAMS 'BAD PA DANG BCAS PAS YONGS SU RDZOGS PAR BYED PA STE, GANG GI PHYIR DE CI'I PHYIR ZHE NA, BYANG CHUB SEMS DPA'I SA DANG PO NAS BZUNG STE, BYANG CHUB SEMS DPA'I SA BDUN PA'I BAR DU BYANG CHUB SEMS DPAS YE SHES DANG MNGON PAR SHES PA MNGON PAR BSGRUB PA LA SBYOR BA'I YAN LAG GANG DAG MNGON PAR BSGRUB PA DE DAG NI BYANG CHUB SEMS DPA'I SA BRGYAD PA YAN CHAD LHUN GYIS GRUB PAR YONGS SU 'GRUB PO, ,KYE RGYAL BA'I SRAS DAG 'DI LTA STE, DPER NA KUN NAS NYON MONGS PA LA @213A *, ,RNAM PAR DAG PA'I 'JIG RTEN GYI KHAMS DANG, SHIN TU YONGS SU DAG PA'I 'JIG RTEN GYI KHAMS GNYIS KYIS 'JIG RTEN GYI KHAMS KYI BAR NI MNGON PAR SHES PA'I STOBS BSKYED PA CHEN PO MA GTOGS PAR GYA CHOM DU 'DA' BAR MI NUS SO, ,KYE RGYAL BA'I SRAS DE BZHIN DU BYANG CHUB SEMS DPA'I SPYOD PA 'DRES PA LAS YONGS SU DAG PA LA YANG SMON LAM DANG, THABS DANG, SHES RAB DANG MNGON PAR SHES PA'I STOBS BSKYED PA CHEN PO MA GTOGS PA GYA TSOM DU 'DA' BAR MI NUS SO ZHES GSUNGS PA'O, ,BYANG CHUB SEMS DPA' RNAM PAR GROL BA'I ZLA BAS SMRAS PA, KYE RGYAL BA'I SRAS CI BYANG CHUB SEMS DPA'I SA BDUN PA LA BYANG CHUB SEMS DPA'I SPYOD PA NYON MONGS PA'I SPYOD PAS KUN NAS NYON MONGS PAR SHES PAR BYA BA YIN NAM, BYANG CHUB SEMS DPA' RDO RJE'I SNYING POS SMRAS PA, KYE RGYAL BA'I SRAS BYANG CHUB SEMS DPA'I SA DANG PO KHON NAS BZUNG STE, BYANG CHUB SEMS DPA'I SPYOD PA THAMS CAD JI LTAR 'TSAM PA'I LAM DANG MTHUN PA NYID DU BYANG CHUB TU YONGS SU BSNGOS PA'I DBANG GIS NYON MONGS PA'I SKYON DANG BRAL BAR SHES PAR BYA STE, DE TZAM GYIS NAS BDUN PO RNAMS LA NYON MONGS PA'I SPYOD PA LAS SHIN TU 'DAS ZHES NI MI BYA'O ZHES BYA BA NI DE LTAR SA 'DI NI KUN NAS NYON MONGS PA DANG, RNAM PAR BYANG BA ZHES BYA STE, NYON MONGS PA SPYOD PA'I PHYIR NI MA YIN NO, ,JI LTAR 'TSAM PA'I LAM DANG MTHUN PA NYID CES BYA BA NI SA DE DANG DE NI JI LTAR 'TSAM PA'I LAM LA LTOS PA'I PHYIR RO, ,'KHOR LOS SGYUR BA'I DPES NI TSANGS PA'I 'JIG RTEN DU SKYES PAS 'KHOR LOS SGYUR BA MI LUS 'DAS PA LTAR, SA BRGYAD PA LA RNAM PAR SMIN PA LAS BYUNG BA'I LAM 'THOB PA'I PHYIR KUN NAS NYON MONGS PA'I NYES PA LAS SHIN TU 'DAS PA NYID DU YONGS SU STON TE, GANG GI PHYIR KYI RGYAL BA'I SRAS 'DI LTA STE DPER NA 'KHOR LOS SGYUR BA'I RGYAL PO NI, LHA'I GLANG PO RIN PO CHE LA ZHON ZHING GLING BZHI DAG TU YANG 'GRO'O, ,MI'I SDUG BSNGAL DANG, DBUL BA DANG KUN NAS NYON MONGS PA RNAMS KYANG RAB TU SHES TE, NYES PA DE DAG GIS GOS PA YANG MA YIN MOD KYI, DE TZAM GYIS MI'I LUS LAS SHIN TU 'DAS PA @213B YANG MA YIN TE, GANG GI TSE MA'I LUS SPANGS NAS TSANGS PA'I 'JIG RTEN DU SKYES PAR GYUR PA DE'I TSE, TSANGS PA'I GZHAL MED KHANG NA GNAS TE, STONG GI 'JIG RTEN GYI KHAMS KYANG MTHONG ZHING RNAM PAR RGYU LA TSANGS PAS SNANG BA YANG STON TE, MI ZHES KYANG MI BRJOD DO, ,KYE RGYAL BA'I SRAS DE BZHIN DU BYANG CHUB SEMS DPA'I SA DANG PO NAS BZUNG STE, BYANG CHUB SEMS DPA' PHA ROL TU PHYIN PA'I THEG PA LA ZHON ZHING 'GRO BA THAMS CAD DU RGYU BA'I TSE, KUN NAS NYON MONGS PA'I NYES PA RNAMS KYANG RAB TU SHES TE YANG DAG PA'I LAM DU ZHUGS PAS KUN NAS NYON MONGS PA DE DAG GIS KYANG MI GOS KYI, DE TZAM GYIS SA BDUN PO RNAMS LA NYON MONGS PA'I NYES PA RNAMS LAS YANG DAG PAR 'DAS ZHES NI MI BYA STE, GANG GI TSE SBYOR BA LAS BYUNG BA'I SPYOD PA SPANGS NAS SA BDUN PA NAS SA BDUN PA NAS SA BRGYAD PA NON PAR GYUR PA DE'I TSE BYANG CHUB SEMS DPA'I THEG PA RNAM PAR DAG PA LA ZHON TE, 'GRO BA THAMS CAD DU RGYU ZHING KUN NAS NYON MONGS PA'I NYES PA RNAMS KYANG RAB TU SHES TE, SHIN TU 'DAS PAS DE DAG GIS GOS PAR GYUR CES MI BYA'O ZHES GSUNGS PA'O, ,SA 'DI NI RNAM PAR SMIN PA LA MI GNAS PA'I PHYIR DANG, LAM MNGON PAR 'DU BYED PA DANG BCAS PAS BSAM PA YONGS SU MA RDZOGS PA'I PHYIR, NYON MONGS PA MED PA ZHES BYA MI BYA'O, DE LAS BZLOG PA'I PHYIR GONG MA RNAMS LA NI MI BRJED DE, GANG GI PHYIR KYE RGYAL BA'I SRAS BYANG CHUB SEMS DPA'I SA BDUN PA'I 'DI LA GNAS PA'I BYANG CHUB SEMS DPA' NI LHAG PAR 'DOD CHAGS LA SOGS PA NYON MONGS PA'I TSOGS THAMS CAD LAS KYANG SHIN TU 'DAS TE, BYANG CHUB SEMS DPA'I SA RING DU SONG BA 'DI LA SPYOD PA'I BYANG CHUB SEMS DPA' DE NI NYON MONGS PA DANG BAS PA ZHES KYANG MI BYA, NYON MONGS PA MED PA ZHES KYANG MI BYA'O, ,DE CI'I PHYIR ZHE NA, NYON MONGS PA RNAMS KUN DU MI 'BYUNG BA NYON MONGS PA DANG BCAS PA ZHES MI BYA'O, ,DE BZHIN GSHEGS PA'I YE SHES MNGON PAR 'DOD PA DANG, BSAM PA YONGS SU MA RDZOGS PAS NYON MONGS PA MED PA ZHES KYANG MI BYA'O ZHES GSUNGS PA'O, ,DE LTAR SNGA PHYI LAS KHYAD PAR RNAM PAR GZHAG @214A *, ,PA BSTAN NAS, LAS RNAM PAR DAG PA DANG, TING NGE 'DZIN GYI KHYAD PAR 'THOB PA DANG, SA LAS YANG DAG PAR 'DA' BA DANG, GNAS PA'I KHYAD PAR 'THOB PA DANG, RNAM PA BZHIS SA 'DI'I ZUNG DU 'BREL PA'I LAM GYI 'BRAS BU RNAM PAR GZHAG PA YONGS SU STON TO, ,DE LA LAS RNAM PAR DAG PA NI RNAM PA BZHIS YONGS SU STON TE, TSUL KHRIMS RNAM PAR DAG PA'I KHYAD PAR NI GANG GI PHYIR, BYANG CHUB SEMS DPA'I SA BDUN PA 'DI LA GNAS PA'I BYANG CHUB SEMS DPA' DE NI LHAG PA'I BSAM PA YONGS SU DAG PA'I LUS KYI LAS DANG LDAN PA YIN, LHAG PA'I BSAM PA YONGS SU DAG PA'I NGAG GI LAS DANG LDAN PA YIN, LHAG PA'I BSAM PA YONGS SU DAG PA'I YID KYI LAS DANG LDAN PA YIN NO, ,DE MI DGE BA'I LAS KYI LAM GANG DAG DE BZHIN GSHEGS PAS SMAD PA DE DAG LAS THAMS CAD KYI THAMS CAD DU YANG DAG PAR 'DAS PA YIN, DGE BA'I LAS KYI LAM GANG DAG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS BKA' STZAL PA DE DAG LA RTAG PAR RGYUN DU RJES SU 'JUG PA YIN NO ZHES GSUNGS PA'O, ,'JIG RTEN PA'I SHES PA RNAM PAR DAG PA'I KHYAD PAR NI GANG GI PHYIR BYANG CHUB SEMS DPA'I SA LNGA PA LA 'JIG RTEN PA'I BZO'I GNAS DANG, LAS KYI GNAS GANG DAG MNGON PAR BSGRUBS PA DE DAG THAMS CAD KYANG 'DIR LHUN GYIS GRUB PA NYID DU 'BYUNG NGO, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DANG, BYANG CHUB SEMS DPA'I SA BRGYAD PA YAN CHAD LA GNAS PA'I BYANG CHUB SEMS DPA' RNAMS MA GTOGS PAR DE STONG GSUM GYI STONG CHEN PO'I 'JIG RTEN GYI KHAMS SU SLOB DPON DU GRAGS PA YIN TE ZHES GSUNGS PA'O, ,BSAM PA DANG SBYOR BAS MNYAM PA MED PA'I LUS KYI KHYAD PAR 'THOB PA NI GANG GI PHYIR, DE DANG BSAM PA'AM SBYOR BA MNYAM PA SU YANG MED DO ZHES GSUNGS PA'O, ,BSAM GTAN LA SOGS PA MNGON SUM DU BYED PA'I KHYAD PAR GYIS NUS PA'I KHYAD PAR 'THOB PA NI, GANG GI PHYIR BSAM GTAN RNAMS DANG, TING NGE 'DZIN RNAMS DANG, SNYOMS PAR 'JUG PA RNAMS @214B DANG; MNGON PAR SHES PA RNAMS DANG, RNAM PAR THAR PA RNAMS GANG YIN PA DE DAG KYANG BSGOM PA'I SGO'I TSUL GYIS THAMS CAD KYI THAMS CAD DU DE LA MNGON DU 'GYUR RO, ,'ON KYANG DE TZAM GYIS BYANG CHUB SEMS DPA'I SA BRGYAD PA LA JI LTA BA BZHIN DU RNAM PAR SMIN PA YONGS SU GRUB PA NI MA YIN NO, ,'DI LTAR BYANG CHUB SEMS DPA'I SA BDUN PA 'DI LA GNAS PA'I BYANG CHUB SEMS DPA' DE'I SEMS BSKYED PA THAMS CAD LA SHES RAB DANG THABS BSGOM PA'I STOBS YONGS SU RDZOGS PAR 'GYUR TE, DE BAS KYANG SHAS CHER BYANG CHUB KYI YAN LAG THAMS CAD YONGS SU RDZOGS PA 'THOB BO ZHES GSUNGS PA'O, ,DE LA BSAM GTAN RNAMS NI SEMS CAN YONGS SU SMIN PAR BYA BA'I PHYIR DANG, ZHI BA'I BDE BA LA GNAS PAR BYA BA'I PHYIR RO, TING NGE 'DZIN DANG SNYOMS PAR 'JUG PA RNAMS KYIS MNGON PAR SHES PA DANG, RNAM PAR THAR PA MNGON PAR BSGRUB PA'I GNAS YIN TE, 'GOG PA DANG, SNYOMS PAR 'JUG PA DANG GO RIMS BZHIN NO, ,DE LTAR ZUNG DU 'BREL BA'I LAM GYI 'BRAS BU RNAM PA BZHI LAS YANG DAG PAR 'DAS PA YONGS SU BSTAN NAS TING NGE 'DZIN GYI KHYAD PAR 'THOB TE TING NGE 'DZIN RNAM PA BCUS YONGS SU STON TE, DE YANG RNAM PAR MI RTOG PA DANG, RNAM PAR MI RTOG PA'I DON LAS BRTZAM PA NI GANG GI PHYIR DE BYANG CHUB SEMS DPA'I SA BDUN PA 'DI LA GNAS PA'I TSE, BYANG CHUB SEMS DPA'I TING NGE 'DZIN RNAM PAR DBYE BA SHIN TU RNAM PAR PHYE BA ZHES BYA BA LA SNYOMS PAR 'JUG PA STE, DON SHIN TU BSAM PA ZHES BYA BA ZHES GSUNGS PA'O, ,TSIG GCIG LA DON GYI KHYAD PAR DU MAR 'BYED PA NI GANG GI PHYIR, KHYAD PAR NI BLO GROS ZHES BYA BA GSUNGS PA'O, ,DON GCIG LA RNAM GRANGS DU MAR STON PA NI GANG GI PHYIR, RAB TU DBYE BA'I DON GYIS MDZOD CES BYA BA GSUNGS PA'O, ,RIG PA THAMS CAD KYI GNAS SHES PA NI GANG GI PHYIR, DON JI LTA BA BZHIN DU RNAM PAR 'BYED PA ZHES BYA BA ZHES GSUNGS PA'O, ,DE BZHIN NYID LA DMIGS TE, RTZA BA BSTAN PAS NYON MONGS PA'I SGRIB PA RNAM PAR DAG PA NI GANG GI PHYIR, RTZA BA SHIN TU GNAS PAS BRTAN PA ZHES BYA BA ZHES GSUNGS PA'O, ,SGRIB PA RNAM PA BZHI RNAM PAR SBYONG @215A *, ,BA'I PHYIR SHES BYA'I SGRIB PA RNAM PAR DAG PA LAS BRTZAMS PAR RIG PAR BYA STE, SGRIB PA RNAM PA BZHI LA YON TAN KHYAD PAR CAN LA SGRIB PA DE'I GNYEN POR YE SHES DANG MNGON PAR SHES PA'I SGO ZHES BYA BA ZHES GSUNGS PA'O, ,CHAGS PA MED PA'I YE SHES LA SGRIB PA DE'I GNYEN POR CHOS KYI DBYINGS YONGS SU SBYONG BAR BYED PA ZHES BYA BA ZHES GSUNGS PA'O, ,SANGS RGYAS KYI CHOS ZAB CING RGYA CHE BA LA ZHUM PA'I SGRIB PA DE'I GNYEN POR DE BZHIN GSHEGS PA'I PHAN YON ZHES BYA BA ZHES GSUNGS PA'O, ,MI GNAS PA'I LAM LA SGRIB PA NI GANG GI PHYIR, BYANG CHUB SEMS DPA'I TING NGE 'DZIN DON SNA TSOGS KYI MDZOD 'KHOR BA DANG MYA NGAN LAS 'DAS PA'I SGO ZHES BYA BA LA SNYOMS PAR 'JUG STE ZHES GSUNGS PA'O, ,DON SNA TSOGS KYI MDZOD CES BYA BA NI DGE BA'I RTZA BA SNA TSOGS SU RIG PAR BYA'O, ,DE DAG LA SOGS PA YE SHES DANG MNGON PAR SHES PA CHEN PO'I SGO'I TING NGE 'DZIN SA YONGS SU SBYONG BAR BYED PA 'BUM PHRAG BCU TSANG BA LA SNYOMS PAR 'JUG GO, ,DE THABS DANG SHES RAB KYIS YONGS SU SBYONG BA'I TING NGE 'DZIN DE DAG THOB NAS SNYING BRTZE BA DANG, SNYING RJE'I STOBS KYIS NYAN THOS DANG RANG SANGS RGYAS KYIS LAS YANG DAG PAR 'DAS PA YIN NO; ,SHES RAB DANG YE SHES KYIS RNAM PAR DPYAD PA'I SA YANG MNGON DU GYUR PA YIN NO ZHES BYA BA DE LA NYAN THOS DANG, RANG SANGS RGYAS KYIS LAS YANG DAG PAR 'DAS PA NI THABS DANG SHES RAB BSGOM PA'I STOBS DANG, SNYING RJE'I STOBS DANG RNAM PA GNYIS KYIS YONGS SU STON TO, ,SHES RAB DANG YE SHES KYIS RNAM PAR DPYAD PA'I SA ZHES BYA BA NI BRGYAD PA'O, ,MNGON DU GYUR PA YIN NO ZHES BYA BA NI NYE BAR GYUR PA'O, ,DER NI ZHI GNAS DANG LHAG MTHONG GI LAM GRUB PA YIN TE, RNAM PAR DPYAD PA 'BA' ZHIG TU ZAD DO, ,YANG DAG PAR 'DAS PA DE YANG LAS KYI KHYAD PAR GYIS RAB TU STON TE, GANG GI PHYIR BYANG CHUB SEMS DPA'I SA BDUN PA 'DI LA GNAS PA'I BYANG CHUB SEMS DPA' DE'I LUS KYI LAS TSAD MED PA MTSAN MA DANG BRAL BA 'BYUNG, DAG GI LAS TSAD MED PA MTSAN MA DANG BRAL BA 'BYUNG, YID KYI LAS TSAD MED PA MTSAN MA DANG BRAL BA SHIN TU YONGS SU SBYANGS PA MI SKYE @215B BA'I CHOS LA BZOD PAS SNANG BAR GYUR PA 'BYUNG NGO ZHES GSUNGS PA'O, ,DE LA MNYAM PAR GZHAG PA NYID KYI MTSAN MA DANG BRAL BA'O, ,NYAN THOS DANG RANG SANGS RGYAS RNAMS KYI LAS MTSAN MA DANG BRAL BAR 'BYUNG DU ZIN KYANG SEMS CAN THAMS CAD KYI DON BYA BA'I BYA BA MED PAS TSAD MED PA MA YIN NO,, DE'I 'OG TU TSAD MED PA DE BYANG CHUB SEMS DPA'I SA GZHAN LAS KHYAD PAR DU 'PHAGS PAR BSTAN PA'I PHYIR SPYOD PA'I SPYOD PA YONGS SU RDZOGS PAS SHIN TU YONGS SU SBYANGS PA NYID DANG, MI SKYE BA'I CHOS LA BZOD PAS SNANG BAR GYUR PA NYID GSUNGS SO, ,RGYAL PO'I BU'I DPES NI SA 'DI YANG DAG PAR 'DAS PA'I KHYAD PAR STON TE, SBYOR BA'I SPYOD PA YONGS SU RDZOGS PAR SBYOR BA'I MTHAR THUG BA'I YID LA BYED PA LA GNAS PA'I PHYIR RANG GI YUL SHES PA LA GNAS PA YIN TE, GANG GI PHYIR BYANG CHUB SEMS DPA' RNAM PAR GROL BA'I ZLA BAS SMRAS PA, KYE RGYAL BA'I SRAS BYANG CHUB SEMS DPA'I SA DANG PO LA GNAS PA'I BYANG CHUB SEMS DPA' LUS DANG NGAG DANG YID KYI LUS TSAD MED PA YANG NYAN THOS DANG RANG SANGS RGYAS KYI SPYOD PA LAS YANG DAG PAR 'DAS PA MA YIN NAM, BYANG CHUB SEMS DPA' RDO RJE'I SNYING POS SMRAS PA, KYE RGYAL BA'I SRAS DE LTA YANG YIN TE, DE NI SANGS RGYAS KYI CHOS LA LHAG PAR DMIGS PA'I CHE BA NYID KYIS GYUR DU ZAD KYIS, RANG GI BLOS RNAM PAR DPYAD PAS NI MA YIN NO, ,BYANG CHUB SEMS DPA'I SA BDUN PA 'DI LA NI RANG GI BLO'I SPYOD YUL RNAM PAR DPYOD PA THOB PAS NYAN THOS DANG, RANG SANGS RGYAS THAMS CAD KYIS MI 'PHROGS PA YIN NO, ,KYE RGYAL BA'I SRAS 'DI LTA STE, DPER NA RGYAL PO'I RIGS SU SKYES PA'I RGYAL PO'I BU'I RGYAL PO'I MTSAN DANG LDAN PA NI RGYAL PO'I BYIN GYIS BLON PO'I TSOGS THAMS CAD ZIL GYIS GNON GYI, RANG GI BLOS RNAM PAR DPYAD PAS NI MA YIN NO, ,NAM DE NAR SON PAR GYUR PA DE'I TSE, RANG GI BLO'I STOBS BSKYED PAS BLON PO'I BYA BA THAMS CAD LAS SHIN TU 'DAS PA YIN NO, ,KYE RGYAL BA'I SRAS DE BZHIN DU BYANG CHUB SEMS DPA' YANG SEMS BSKYED MA THAG TU LHAG PA'I BSAM PA'I CHE BA NYID KYIS NYAN THOS DANG RANG SANGS RGYAS THAMS CAD ZIL GYIS GNON GYI, RANG GI BLOS @216A *, ,RNAM PAR DPYAD PAS NI MA YIN NO, ,BYANG CHUB SEMS DPA'I SA BDUN PA 'DI LA GNAS PA'I BYANG CHUB SEMS DPA' NI RANG GI YUL SHES PA LA GNAS PAS NYAN THOS DANG RANG SANGS RGYAS THAMS CAD KYI BYA BA LAS SHIN TU 'DAS PA YIN NO ZHES GSUNGS PA'O, ,LUS KYI LAS LA SOGS PA TSAD MED PA SMOS PA DES NA MANG BA NYID KYIS TSAD MED PAR MA ZAD KYI MTHUS KYANG TSAD MED PAR RIG PAR BYA'O ZHES BYE BRAG TU PHYE BA'I PHYIR, KYE RGYAL BA'I SRAS DE LTAR BYANG CHUB SEMS DPA' BYANG CHUB SEMS DPA'I SA BDUN PA 'DI LA GNAS PA'I TSE, LUS DANG NGAG DANG YID KYI LAS ZAB CING DBEN PA RGYU BA MED PA YANG THOB PA YIN TE, GONG DU YONGS SU TSOL BA'I BRTZON PA YANG MI GTONG NGO ZHES GSUNGS PA'O, ,DE LA RING DU SONG BA'I PHYIR ZAB PA'O, ,DE'I MI MTHUN PA'I PHYOGS KYI SGRIB PA SPANGS PA'I PHYIR DBEN PA'O, ,DE MA YIN PA'I 'JIG RTEN LAS 'DAS PA DANG; 'JIG RTEN PA'I SA LA MI RGYU BA'I PHYIR RGYU BA MED PA'O, ,NYAN THOS DANG RANG SANGS RGYAS RNAMS KYI LAS DE'I MTSAN MA DANG BRAL YANG DE LTA BU YANG MA YIN LA, GONG DU YONGS SU MI TSOL BAS, DE TZAM LA GNAS PAR YANG ZAD DO, ,DE LTAR SA LAS YANG DAG PAR 'DAS PAS ZUNG DU 'BREL BA'I LAM GYI 'BRAS BU BSTAN NAS, YANG DAG PA'I MTHA' LA GNAS PA'I PHYIR DANG, 'GOG PA MNGON SUM DU MI BYED PA'I PHYIR SRID PA MI GTONG BAS GNAS PA'I KHYAD PAR STON TE, GANG GI PHYIR BYANG CHUB SEMS DPA' RNAM PAR GROL BA'I ZLA BAS SMRAS PA, KYE RGYAL BA'I SRAS BYANG CHUB SEMS DPA'I SA GANG YAN CHAD BYANG CHUB SEMS DPA' 'GOG PA LA SNYOMS PAR 'JUG ,BYANG CHUB SEMS DPA' RDO RJE'I SNYING POS SMRAS PA, KYE RGYAL BA'I SRAS BYANG CHUB SEMS DPA'I SA DRUG PA YAN CHAD BYANG CHUB SEMS DPA'I 'GOG PA LA SNYOMS PAR 'JUG STE, BYANG CHUB SEMS DPA'I SA BDUN PA 'DI LA GNAS PA'I BYANG CHUB SEMS DPA' NI SEMS KYI SKAD CIG SEMS KYI SKAD CIG LA YANG 'GOG PA LA SNYOMS PAR 'JUG STE, 'GOG PA MNGON SUM DU BYAS ZHES NI MI BYA'O, ,DES NA DE NI BSAM GYIS MI KHYAB PA'I LUS DANG NGAG DANG YID KYI LAS DANG LDAN PA ZHES BYA'O,, @216B KYE RGYAL BA'I SRAS DE LTAR BYANG CHUB SEMS DPA' YANG DAG PA'I MTHA' LA GNAS PAS KYANG GNAS LA 'GOG PA YANG MNGON SUM DU MI BYA'O, ,KYE RGYAL BA'I SRAS 'DI LTA STE DPER NA MI ZHIG RGYA MTSO CHEN PO'I GRU CHEN POR ZHUGS TE, RGAL BA'I THABS LA MKHAS PAS RLUNG LA MKHAS PA DANG, CHU LA MKHAS PA NI RGYA MTSO CHEN PO'I CHU'I NYES PAS MI GOS SO, ,KYE RGYAL BA'I SRAS DE BZHIN DU BYANG CHUB SEMS DPA' BYANG CHUB SEMS DPA'I SA BDUN PA 'DI LA GNAS SHING PHA ROL TU PHYIN PA'I THEG PA'I GRUR ZHUGS PA YANG, YANG DAG PA'I MTHA' LA GNAS PAS KYANG GNAS LA 'GOG PA YANG MNGON SUM DU MI BYED DO ZHES GSUNGS PA'O, ,DE LTAR SNYOMS PAR 'JUG PA THOB PA'I GNAS PA'I KHYAD PAR BSTAN NAS, SBYOR BA GNYEN PO YONGS SU 'DZIN PA DANG BCAS PA RNAM PAR BRGYAD KYIS RGYU BA THOB PA'I GNAS PA'I KHYAD PAR STON TO, ,SBYOR BA RNAM PA BRGYAD LA DE 'KHOR BA'I SGO YIN BAS BSOD NAMS MNGON PAR 'DU BYED PA'I SBYOR BA NI GANG GI PHYIR, DE LTAR YE SHES THOB PA DE TING NGE 'DZIN DANG YE SHES KYI STOBS BSGOM PA MNGON PAR BSGRUB PA'I PHYIR BLO DANG THABS DANG SHES RAB KYI STOBS SKYED PA CHEN POS 'KHOR BA'I SGO YANG STON LA, BSAM PA MYA NGAN LAS 'DAS PA LA GNAS PA YANG YIN ZHES GSUNGS PA'O, ,PHUNG PO YONGS SU 'DZIN PA'I SBYOR BA NI GANG GI PHYIR, 'KHOR MANG POS KUN NAS BSKOR BAR YANG SNANG LA, RTAG PAR RGYUN DU SHIN TU DBEN PA'I SEMS THOB BA YANG YIN ZHES GSUNGS PA'O, ,BSAMS BZHIN DU SRID PA YONGS SU 'DZIN PA'I SBYOR BA NI GANG GI PHYIR, SMON LAM GYI DBANG GIS KHAMS GSUM DU SKYE BA YANG MNGON PAR SGRUB LA, 'JIG RTEN GYI NYES PAS KYANG MI GOS PA YIN ZHES GSUNGS PA'O, ,'DOD PA LA 'DOD CHAGS KYIS KUN NAS DKRIS PA DANG, BAG LA NYAL YANG SPANGS LA 'KHRIG PA BSTEN PA YANG STON PAS RIGS KYI RGYUD LA SBYOR BA NI GANG GI PHYIR; ZHI ZHING RAB TU ZHI BA YANG YIN LA, THABS KYIS KYANG RAB TU 'BAR TE, DE LTAR 'BAR YANG TSIG PAR MI 'GYUR BA YIN ZHES GSUNGS PA'O, ,'JUG PAR BYED PA'I SBYOR BA NI GANG GI PHYIR, SANGS RGYAS KYI YE SHES LA YANG YONGS SU 'JUG LA, NYAN THOS DANG RANG SANGS RGYAS KYI SA DAG @217A *, ,KYANG 'GRUB PA YIN ZHES GSUNGS PA'O, ,ZAS DANG NYAL BA NI BDUD KYI YUL YIN PA'I PHYIR, STON PA LA SBYOR BA NI GANG GI PHYIR SANGS RGYAS KYI YUL GYI THIL DU YANG SON LA, BDUD KYI YUL NA 'DUG PAR SNANG BA YANG YIN ZHES GSUNGS PA'O, ,BDUD KYI YUL NA BA DANG; RGA BA DANG 'CHI BA 'DI GSUM STON PAS 'CHI 'PHO'I SBYOR BA NI GANG GI PHYIR, BDUD BZHI'I LAM LAS KYANG YANG DAG PAR 'DAS LA, BDUD KYI SPYOD YUL GYI THIL DU YANG STON PA YIN NO ZHES GSUNGS PA'O, ,RNAM PAR BZLOG PA'I SBYOR BA NI RNAM PA GSUM STE, LTA BA NGAN PA LA CHAGS PA LAS RNAM PAR BZLOG PA NI GANG GI PHYIR, MU STEGS CAN GYI GNAS THAMS CAD NA 'DUG PA YANG SNANG LA, SANGS RGYAS KYI MU'I GNAS MI 'DOR BA'I BSAM PA DANG LDAN PA YANG YIN ZHES GSUNGS PA'O, ,GNOD PA LAS RNAM PAR BZLOG PA NI GANG GI PHYIR, 'JIG RTEN GYI BYA BA THAMS CAD DANG LDAN PAR YANG SNANG LA, 'JIG RTEN LAS 'DAS PA'I CHOS KYI TSUL LA YANG DAG PAR GZHOL BA YIN ZHES GSUNGS PA'O, ,LHA LA SOGS PA DAG PAS KYANG LHAG PA'I LUS YONGS SU 'DZIN PAS DE DAG GI CHAGS PA RNAM PAR BZLOG PAS CHAGS PA RNAM PAR BZLOG PA NI GANG GI PHYIR, LHA DANG; KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI'AM CI DANG, MI DANG, MI MA YIN PA DANG, BRGYA BYIN DANG, TSANGS PA DANG, 'JIG RTEN SKYONG BA THAMS CAD LAS LHAG PA'I BKOD PA RNAM PAR SGRUB PA YANG THOB LA, CHOS LA DGA' BA YID LA BYA BA YANG MI SPONG BA YIN ZHES GSUNGS PA'O, ,BSTAN PA 'DZIN PAR YANG 'GYUR RO ZHES BYA BA NI SBYOR BA'I SPYOD PA YONGS SU RDZOGS PA'I PHYIR, SLOB DPON DU GRAGS PAS DE 'DZIN PA'I MCHOG YIN PA'I PHYIR RO, ,SA 'DI NI SEMS CAN LA PHAN 'DOGS PA DANG, CHOS KYI BZOD PAS RAB TU PHYE BAR RIG PAR BYA STE, GANG GI PHYIR DE DE BAS KYANG CHES SEMS CAN LA PHAN 'DOGS PA DANG, CHOS KYI BZOD PA RNAM PAR DAG PAR 'GYUR RO ZHES GSUNGS PA'O, ,SA 'DI NI SBYOR BA'I MTHAR PHYIN PAR 'GRO BAS RING DU SONG BA ZHES BYA'O, ,GSER GYI SA LE SBRAM RIN PO CHE THAMS CAD KYIS SPRAS PA'I DPES NI @217B BYANG CHUB KYI PHYOGS PA LA SOGS PA SBYOR BA'I LAM THAMS CAD YONGS SU RDZOGS PAS, SA 'DI'I DGE BA'I RTZA BA RNAMS SHIN TU 'OD GSAL BAR YONGS SU STON TE, GANG GI PHYIR KYE RGYAL BA'I SRAS DAG 'DI LTA STE, DPER NA GSER GYI SA LE SBRAM DE NYID RIN PO CHE THAMS CAD KYIS SPRAS NA DE BAS SHIN TU BZANG ZHING 'OD GSAL BAR 'GYUR TE, DE MA YIN PA'I RGYAN GYI RNAM PA GZHAN DAG GIS MI 'PHROGS PAR 'GYUR RO, ,KYE RGYAL BA'I SRAS DAG DE BZHIN DU BYANG CHUB SEMS DPA'I SA BDUN PA RING DU SONG BA 'DI LA GNAS PA DE'I BYANG CHUB SEMS DPA'I DGE BA'I RTZA BA THABS DANG SHES RAB KYIS MNGON PAR SGRUB PA DE DAG KYANG DE BAS CHES SHIN TU RAB TU BYANG BA DANG, SHIN TU 'OD GSAL BAR 'GYUR TE, NYAN THOS DANG RANG SANGS RGYAS THAMS CAD KYIS MI 'PHROGS PAR 'GYUR RO ZHES GSUNGS PA'O, ,NYI MA'I 'OD KYI DPES NI SNGA MA BZHIN DU KHYAD PAR YONGS SU STON TE, GANG GI PHYIR KYE RGYAL BA'I SRAS DAG 'DI LTA STE, DPER NA NYI MA'I 'OD NI SKAR MA'I TSOGS THAMS CAD DANG, ZLA BA'I 'OD RNAMS KYIS MI 'PHROGS SHING, 'DZAM BU'I GLING NA RLAN GYI BAG YOD PA THAMS CAD KYANG SHIN TU SKEM PAR BYED DO, ,KYE RGYAL BA'I SRAS DAG DE BZHIN DU BYANG CHUB SEMS DPA' SA RING DU SONG BA 'DI LA GNAS PA'I BYANG CHUB SEMS DPA' DE'I DGE BA'I RTZA BA DE DAG KYANG, NYAN THOS DANG RANG SANGS RGYAS THAMS CAD KYIS MI 'PHROGS SHING, SEMS CAN THAMS CAD KYI NYON MONGS PA'I RNYOG PA YANG YONGS SU SKEMS SO ZHES GSUNGS PA'O, ,LHAG MA SNGA MA'I TSUL BZHIN DU SBYAR BAR BYA'O, ,'PHAGS PA SA BCU PA LAS SA BDUN PA'I RNAM PAR BSHAD PA RDZOGS SO,, ,,BAM PO BCU GCIG PA, SA BRGYAD PA NI YONGS SU SBYANG BA BYAS PA'I SA BSDU BA DANG, RNAM PAR DAG PA'I BZOD PA THOB PA DANG, GNAS PA'I KHYAD PAR THOB PA DANG, SANGS RGYAS KYI ZHING YONGS SU DAG PAR BYED PA DANG, DBANG THOB PA DANG CHE BA NYID KYI KHYAD PAR DANG, NGES PA'I TSIG RAB TU DBYE BA DANG, RNAM PA BDUN GYIS RNAM PAR GZHAG PAR RIG PAR BYA'O, ,DE LA YONGS SU SBYANG BA BYA BA'I SA BSDU BA NI SPYI DANG SO SO NAS SA BDUN @218A *, ,BSDUS PA'O, ,SPYIR BSDU BA JI LTA BU ZHE NA, BDAG MED PA RNAM PA GNYIS GONG NAS GONG DU RAB TU RTOGS PA DANG, DE'I THABS KYIS ZIN PA'I SHES RAB KYIS MI GNAS PA'I LAM YONGS SU SBYONG BA DANG, SBYOR BAS BSDUS PA'I TSOGS YONGS SU RDZOGS PAR BYED PA STE, GANG GI PHYIR KYE RGYAL BA'I SRAS DAG BYANG CHUB SEMS DPA' BYANG CHUB SEMS DPA'I SA BDUN PO DAG LA RNAM PAR DBYE BA LEGS PAR BYAS PA, SHES RAB DANG THABS KYI LAM SHIN TU YONGS SU SBYONGS PA, TSOGS SHIN TU BSAGS PA ZHES GSUNGS PA'O, ,SO SO NAS BSDU BA JI LTA BU ZHE NA, SA DANG PO LA SOGS PA LA SMON LAM SHIN TU BTAB PA LA SOGS PA NI GANG GI PHYIR, SMON LAM CHEN PO SHIN TU BTAB PA ZHES GSUNGS PA'O, ,DE LA SA GNYIS PA LA NI DE LTA BAS NA BDAG GIS SA RNAM PA THAMS CAD YONGS SU SBYANG ZHING, MNGON PAR SGRUB PA NYID LA BRTZON PAR BYA'O ZHES BYA BA SKABS 'DIR DE BZHIN GSHEGS PA'I BYIN GYI RLABS SU RIG PAR BYA STE, GANG GI PHYIR DE BZHIN GSHEGS PA'I BYIN GYIS SHIN TU BRLABS PA ZHES GSUNGS PA'O, ,SA GSUM PA LA NI 'DOD CHAGS DANG BRAL BA LAS MI NYAMS PA'I BSAM GTAN LA SOGS PA THOB PA'I PHYIR, RANG GI DGE BA'I RTZA BA STOBS BSKYED PA RJES SU THOB PA STE, GANG GI PHYIR RANG GI DGE BA'I RTZA BA'I STOBS BSKYED PA RJES SU THOB PA ZHES GSUNGS PA'O, ,SA BZHI PA NI RNAM PAR GZHAG PA'I CHOS STON PAS SHES BYA'I SGRIB PA RNAM PAR DAG PA'I KHYAD PAR GYIS SANGS RGYAS KYI CHOS YID LA BYED PA DANG LDAN PA NYID DE, GANG GI PHYIR DE BZHIN GSHEGS PA'I STOBS DANG, MI 'JIGS PA DANG SANGS RGYAS KYI CHOS MA 'DRES PA YID LA BYED PA DANG LDAN PA ZHES 'DIR GSUNGS PA'O, ,LNGA PA LA NI RNAM PAR DAG PA LA SEMS KYI BSAM PA MNYAM PA NYID DAG GI BSAM PA LA SOGS PA SHIN TU YONGS SU SBYANGS PAR RIG PAR BYA STE, GANG GI PHYIR LHAG PA'I BSAM PA'I BRANG PA SHIN TU YONGS SU SBYANGS PA ZHES 'DIR GSUNGS PA'O, ,SA DRUG PA LA NI SNYING RJE CHEN PO SNGON DU 'GRO BA DANG, DBANG BYED PA DANG RTEN CING 'BREL PAR 'BYUNG BA LA RNAM PAR SPYOD PAS BSOD NAMS DANG YE SHES KYI @218B STOBS KYIS MNGON PAR 'PHAGS PA DE NYID GANG GI PHYIR, BSOD NAMS DANG YE SHES KYI STOBS KYIS MNGON PAR 'PHAGS PA ZHES 'DIR GSUNGS PA'O, ,SA BDUN PA LA NI LAM GZHAN RTZOM PA'I KHYAD PAR RNAMS KYIS SEMS CAN RNAMS LA SBYOR BA MI GTONG BA NYID DE, GANG GI PHYIR SNYING RJE DANG BYAMS PA CHEN POS SEMS CAN THAMS CAD LA SBYOR BA MI GTONG BA ZHES GSUNGS PA'O, ,SEMS CAN GYI KHAMS TSAD MED PA LA SOGS PA LA 'JUG PA RNAMS KYIS YE SHES KYI LAM TSAD MED PA DANG LDAN PA NYID DU RIG PAR BYA STE, GANG GI PHYIR YE SHES KYI LAM TSAD MED PA DANG LDAN PA DE ZHES GSUNGS PA'O, ,DE LTAR SA BRGYAD PA'I YONGS SU SBYANG BA BYAS PA'I SA BSDUS PA RNAM PAR GZHAG PA BYAS NAS, RNAM PAR DAG PA'I BZOD PA THOB PA RNAM PAR GZHAG PA YONGS SU STON TE, MI SKYE BA'I CHOS LA BZOD PA THOB PAS RNAM PAR DAG PA'I BZOD PA 'THOB BO, ,DE RNAM PAR DAG PA NYID LHUN GYIS GRUB PAR RIG PAR BYA STE, BZOD PA DE YANG MI SKYE BA RNAM PA BZHI LA RIG PAR BYA'O, ,MI SKYE BA RNAM PA BZHI NI YOD PA MI SKYE BA DANG, RANG BZHIN GYIS MI SKYE BA DANG, GRANGS KYI BYE BRAG MI SKYE BA DANG, LAS KYI BYE BRAG MI SKYE BA'O, ,DE LA YOD PA MI SKYE BA NI RNAM PA BDUN MI SKYE BA STE, YOD PA RNAM PA BDUN LA RNAM PAR BYANG BA'I PHYOGS LA CHOS RNAM PA SNGA NAS YOD PA DE'I GNYEN POR CHOS THAMS CAD GZOD MA NAS MA BYUNG BA NYID LA 'JUG GO ZHES GSUNGS SO, ,GSAR DU SKYE BA DE'I GNYEN POR MA SKYES PA NYID CES GSUNGS PA'O, ,MTSAN NYID YOD PA DE'I GNYEN POR MTSAN MED PA NYID CES GSUNGS SO, ,PHYI MA'I MTHA' YOD PA DE'I GNYEN POR BYUNG BA MED PA NYID CES GSUNGS PA'O, ,KUN NAS NYON MONGS PA'I PHYOGS LA SNGON GYI MTHA' NA YOD PA DE'I GNYEN POR 'JIG PA MED PA NYID CES GSUNGS SO, ,SEMS CAN RNAMS RDZOGS PA YOD PA DE'I GNYEN POR THUG PA MED PA NYID CES GSUNGS SO, ,RNAM PAR BYANG BA'I PHYOGS LA KUN NAS NYON MONGS PA CAN NYID YOD PA DE'I GNYEN POR 'JUG PA MED PA NYID CES GSUNGS PA'O, ,RANG BZHIN GYIS SKYE BA MED PA NI CHOS LA BDAG MED PA'O, ,DE NA BDAG MED PA'I RANG BZHIN TE, GANG GI PHYIR DNGOS PO MED PA'I NGO BO NYID CES @219A *, ,GSUNGS PA'O, ,BZOD PA 'DI NI DE LA DMIGS PA'I PHYIR DNGOS PO MED PA LA DMIGS PA'I PHYIR YANG MA YIN TE, BDAG MED PA NI GNYIS MED PA'I MTSAN NYID YIN PA'I PHYIR RO, ,GRANGS KYI BYE BRAG MI SKYE BA NI KUN NAS NYON MONGS PA DANG, RNAM PAR BYANG BA'I CHOS RNAMS DUS GSUM DU 'BRI BA'AM 'PHEL BA MED PA'I PHYIR TE, GANG GI PHYIR THOG MA DANG, DBUS DANG, THA MA MNYAM PA NYID CES GSUNGS PA'O, ,LAS KYI BYE BRAG MI SKYE BA NI DE BZHIN NYID RNAM PAR DAG PA LTAR SANGS RGYAS KYI YE SHES THA DAD DU BYA BA MED PA STE, GANG GI PHYIR DE BZHIN NYID LTAR THAMS CAD MKHYEN PA'I YE SHES RNAM PAR MI RTOG PA RTOGS PAR BYA BA NYID LAS BRTZAMS NAS 'JUG GO ZHES GSUNGS PA'O, ,DE LTAR MI SKYE BA'I CHOS LA BZOD PA'I DMIGS PA BSTAN NAS, RNAM PAR SMIN PA DANG, RLOM SEMS DANG, YUL RNAM PAR RIG PAS BSDUS PA'I RNAM PAR RTOG PA'I RANG BZHIN GYI 'DU SHES DANG BRAL BAS 'JUG PA STON TE, GANG GI PHYIR DE THAMS CAD DU SEMS DANG, YID DANG, RNAM PAR SHES PA'I RNAM PAR RTOG PA'I 'DU SHES DANG BRAL ZHING ZHES GSUNGS PA'O, ,'DU SHES SMOS PA NI MI MTHUN PA'I PHYOGS KYI 'DU SHES DGAG PA'I PHYIR TE, GNYEN PO'I 'DU SHES DE LA YOD PA'O, ,DE NI RNAM PA GSUM GYIS SA 'OG MA LAS KHYAD PAR DU 'PHAGS PA STE, LHUN GYIS GRUB PAS KHYAD PAR DU 'PHAGS PA NI GANG GI PHYIR THOGS PA MED CES GSUNGS PA'O, ,KHYAB PAS KHYAD PAR DU 'PHAGS PA NI GANG GI PHYIR NAM MKHA' 'DRA ZHES GSUNGS PA'O, ,RANG GI NGANG GIS DE BZHIN NYID DU ZHUGS PA'I PHYIR MI G-YO BAS KHYAD PAR DU 'PHAGS PA NI GANG GI PHYIR, BLA GAB MED PA'I RANG BZHIN DU ZHUGS PAS MI SKYE BA'I CHOS LA BZOD PA THOB PA ZHES BYA'O ZHES GSUNGS PA'O, ,DE LTAR SA BRGYAD PA'I RNAM PAR DAG PA'I BZOD PA 'THOB PA RNAM PAR GZHAG PA BSTAN NAS, GNAS PA'I KHYAD PAR 'THOB PA STON TO, ,DE LA GNAS PA'I KHYAD PAR 'THOB PA NI GNAS PA ZAB MO THOB PA'O, ,DE NI ZAB PA NYID RNAM PA BDUN DU RIG PAR BYA STE, ,RING BA'I SA LA 'JUG PAS ZAB PA NYID NI GANG GI PHYIR, KYE RGYAL BA'I SRAS DAG DE LA BZOD PA DE LTA BU DANG LDAN PA'I @219B BYANG CHUB SEMS DPA' NI BYANG CHUB SEMS DPA'I SA MI G-YO BA THOB MA THAG TU BYANG CHUB SEMS DPA'I GNAS PA ZAB MO RING BA'I YE SHES ZHES GSUNGS PA'O, ,BYANG CHUB SEMS DPA' SA DAG PA PA RNAMS DANG, THUN MONG BA'I ZAB BA NYID NI GANG GI PHYIR THA MI DAD PA ZHES GSUNGS PA'O, , GZUNG BA DANG 'DZIN PAR SNANG BA MED PAR GYUR PAS YUL ZAB PA NYID NI GANG GI PHYIR, MTSAN MA THAMS CAD DANG BRAL BA 'DU SHES KYI 'DZIN PA NGAN PA THAMS CAD LAS PHYIR LOG PA ZHES GSUNGS PA STE, MI MTHUN PA'I PHYOGS KYI 'DU SHES DGAG PA'I PHYIR 'DZIN PA NGAN PA SMOS SO, ,BDAG DANG GZHAN GYI DON LA ZHUGS PAS SGRUB PA ZAB PA NYID NI GANG GI PHYIR TSAD MED PA ZHES GSUNGS PA'O, ,ZIL GYIS MI GNON PA ZAB PA NYID NI GANG GI PHYIR, NYAN THOS DANG RANG SANGS RGYAS THAMS CAD KYIS MI 'PHROGS PA ZHES GSUNGS PA'O, ,MI MTHUN PA'I PHYOGS SRAB PA ZAB PA NYID NI GANG GI PHYIR DBEN PA ZHES GSUNGS PA'O, ,GNYEN PO LA MNGON DU PHYOGS PA ZAB PA NYID NI GANG GI PHYIR, THAMS CAD LAS DBEN PA MNGON DU GYUR PA RJES SU THOB PA YIN NO ZHES GSUNGS PA STE, DE BZHIN NYID NI THAMS CAD LAS DBEN PA'O, ,'GOG PA'I SNYOMS PAR 'JUG PA'I DPES NI GNAS PA DE'I ZHI BA NYID YONGS SU STON TE, GANG GI PHYIR KYE RGYAL BA'I SRAS DAG 'DI LTA STE DPER NA DGE SLONG RDZU 'PHRUL DANG LDAN PA, SEMS KYI DBANG MCHOG THOB PA MTHAR GYI SA DGU PA 'GOG PA LA SNYOMS PAR ZHUGS PA NI G-YO BA DANG, RLOM SEMS THAMS CAD DANG BRAL BA YIN NO, ,KYE RGYAL BA'I SRAS DAG DE BZHIN DU BYANG CHUB SEMS DPA' YANG BYANG CHUB SEMS DPA'I SA BRGYAD PA MI G-YO BA 'DI THOB MA THAG TU 'BAD PA THAMS CAD DANG BRAL TE, LHUN GYIS GRUB PA'I CHOS NYID THOB CING LUS DANG, NGAG DANG, SEMS KYI RTZOL BA DANG BRAL NAS RNAM PAR SMIN PA LA GNAS PA YIN NO ZHES GSUNGS PA'O, ,DE LA G-YO BA DANG RLOM SEMS THAMS CAD DANG BRAL BA NI DE DAG GI GNAS SEMS MED PA'I PHYIR RO, ,'BAD PA THAMS CAD DANG BRAL BA NI 'BAD PA DANG BCAS PA'I SA LAS YANG DAG PAR 'DAS PA'I PHYIR RO, ,LHUN GYIS GRUB PA'I @220A *, ,CHOS NYID THOB PA NI DE'I GNYEN PO RNYED PA'I PHYIR RO, ,DA NI LHUN GYIS GRUB CING RTZOL BA MED PA NYID DANG, RNAM PAR SMIN PA LAS GNAS PA NYID KYI LHUN GYIS GRUB PA'I CHOS 'THOB PA DE YANG DAG PAR STON TE, RTZOL BA DANG MI MTHUN PA'I GNAS THOB PA'I PHYIR RO, , RNAM PAR SMIN PA LA GNAS PA NYID NI KUN GZHI RNAM PAR SHES PA'I DE BZHIN NYID LA SHIN TU GNAS PA NYID YIN PAR RIG PAR BYA'O, ,GNYID KYIS LOG PA LAS DPA'I DPAS NI GNAS PA 'DI LA 'DU SHES 'GOG PA'I NYES PA SEL TO, ,'DU SHES YOD DU ZIN KYANG BZOD PA DE NI DE KHO NA SHES PA DANG LDAN PAR STON TO, ,GANG GI PHYIR KYE RGYAL BA'I SRAS DAG 'DI LTA STE, DPER NA MI ZHIG GNYID KYIS LOG PA'I RMI LAM NA BDAG CHU BO CHEN POS KHYER BA SNYAM BYED LA, DE DE NAS CI PHYIN DU 'BAD CING RTZOL BA CHEN PO RTZOL RTZOL BA LAS, DE 'BAD CING RTZOL BA CHEN PO DE NYID KYIS SAD NA SAD MA THA TU 'BAD CING RTZOL BA THAMS CAD DANG BRAL BAR 'GYUR RO, ,KYE RGYAL BA'I SRAS DAG DE BZHIN DU BYANG CHUB SEMS DPA' YANG SEMS CAN GYI TSOGS CHU BO CHEN PO BZHIS KHYER BAR SHES NAS 'BAD CING RTZOL BA CHEN PO RTZOM MO, ,DE BRTZON 'GRUS CHEN PO BRTZAMS PAS BYANG CHUB SEMS DPA'I SA MI G-YO BA THOB MA THAG TU 'BAD PA THAMS CAD DANG BRAL BAR 'GYUR TE, DE'I GNYIS SU KUN DU SPYOD PA DANG, MTSAN MA KUN DU SPYOD PA THAMS CAD KYI THAMS CAD DU MI SNANG BAR 'GYUR RO ZHES GSUNGS PA'O, ,DE LA RNAM PAR DAG PA'I DBANG DU BYAS NAS, 'KHOR BA DANG MYA NGAN LAS 'DAS PA GNYIS SU KUN DU SPYOD PA DANG, YUL LA YONGS SU SPYOD PA'I DBANG DU BYAS NAS MTSAN MA KUN DU SPYOD PA SNANG BAR MI 'GYUR RO, ,TSANGS PA'I 'JIG RTEN DU SKYES PA'I DPES NI SA 'OG MA'I DE DAG KUN DU MI 'BYUNG BAS RNAM PAR SMIN PA THOB STE, RGYANG RING BAS KHYAD PAR YONGS SU STON TE, GANG GI PHYIR KYE RGYAL BA'I SRAS DAG 'DI LTA STE, DPER NA TSANGS PA'I 'JIG RTEN DU SKYES SHING GNAS PA LA NI 'DOD PA NA SPYOD PA'I NYON MONGS PA RNAMS KUN DU MI 'BYUNG NGO, ,KYE RGYAL BA'I SRAS DAG DE BZHIN DU BYANG CHUB SEMS DPA'I SA MI G-YO BA LA GNAS PA'I BYANG CHUB SEMS @220B DPA'I SA LA YANG SEMS DANG, YID DANG, RNAM PAR SHES PA KUN DU 'BYUNG BA YANG KUN DU MI 'BYUNG STE, DE SANGS RGYAS LA KUN DU 'BYUNG BA'AM, BYANG CHUB LA KUN DU 'BYUNG BA'AM, BYANG CHUB SEMS DPA' LA KUN DU 'BYUNG BA'AM, BYANG CHUB KYI SPYOD PA LA KUN DU 'BYUNG BA'AM, RANG SANGS RGYAS LA KUN DU 'BYUNG BA'AM, NYAN THOS LA KUN DU 'BYUNG BA'AM, MYA NGAN LAS 'DAS PA LA KUN DU 'BYUNG BA'AM, DGRA BCOM PA LA KUN DU 'BYUNG BA'AM, PHYIR MI 'ONG BA LA KUN DU 'BYUNG BA'AM, LAN CIG PHYIR 'ONG BA LA KUN DU 'BYUNG BA'AM, RGYUN TU ZHUGS PA LA KUN DU 'BYUNG BA THAMS CAD KYANG KUN DU MI 'BYUNG NA, 'JIG RTEN PA LA KUN DU 'BYUNG BA RNAMS LTA SMOS KYANG CI DGOS ZHES GSUNGS PA'O, ,DE LA 'JUG PA DANG, LOG PA'I PHYOGS LA SEMS LA SOGS PA DANG, SANGS RGYAS LA SOGS PA LA KUN DU 'BYUNG BA MED PA'I PHYIR RO,, SANGS RGYAS LA SOGS PA LA KUN DU 'BYUNG BA NI THEG PA CHEN PO DANG, NYAN THOS KYI THEG PA'I BYE BRAG DANG, THEG PA CHEN PO LA YANG GANG ZAG DANG, CHOS KYI BYE BRAG DANG, NYAN THOS KYI THEG PA LA YANG CHOS DANG, SLOB PA DANG, MI SLOB PA'I BYE BRAG GIS BSTAN PAR RIG PAR BYA'O, ,DE LA 'JUG PA DANG LDOG PA'I PHYOGS LA SEMS LA SOGS PA DANG, SANGS RGYAS LA SOGS PA LA KUN DU 'BYUNG BA MED CES BYA BA DE LA 'JUG PA'I PHYOGS LA SEMS LA SOGS PA KUN DU 'BYUNG BA MED PA NI GANG GI PHYIR SEMS DANG, YID DANG, RNAM PAR SHES PA'I KUN DU 'BYUNG BA KUN DU MI 'BYUNG STE ZHES GSUNGS PA'O, ,LOG PA'I PHYOGS LA SANGS RGYAS LA SOGS PA LA KUN DU 'BYUNG BA MED PA NI SANGS RGYAS LA KUN DU 'BYUNG BA'AM ZHES BYA BA NAS BRTZAMS TE, RGYUN DU ZHUGS PA LA KUN DU 'BYUNG BA YANG KUN DU MI 'BYUNG NA ZHES BYA BA'I BAR DU GSUNGS PA'O, ,THEG PA CHEN PO DANG NYAN THOS KYI THEG PA'I BYE BRAG DE LA THEG PA CHEN PO'I BYE BRAG NI SANGS RGYAS DANG, BYANG CHUB DANG BYANG CHUB SEMS DPA' DANG, BYANG CHUB SEMS DPA'I SPYOD BA LA KUN DU 'BYUNG BA RNAMS SO, ,NYAN THOS KYI THEG PA'I BYE BRAG NI NYAN THOS DANG, MYA NGAN LAS 'DAS PA DANG, DGRA BCOM @221A *, ,PA LA SOGS PA LA KUN DU 'BYUNG BA'O, ,THEG PA CHEN PO LA GANG ZAG GI BYE BRAG NI RANG SANGS RGYAS DANG BYANG CHUB SEMS DPA' LA KUN DU 'BYUNG BA'O, ,CHOS KYI BYE BRAG NI BYANG CHUB DANG, BYANG CHUB SEMS DPA'I SPYOD PA LA KUN DU 'BYUNG BA'O, ,NYAN THOS KYI THEG PA'I CHOS DANG, SLOB PA DANG MI SLOB PA'I GANG ZAG GI BYE BRAG LA CHOS KYI BYE BRAG NI MYA NGAN LAS 'DAS PA LA KUN DU 'BYUNG BA'O, ,MI SLOB PA'I BYE BRAG NI DGRA BCOM PA LA KUN DU 'BYUNG BA'O, ,SLOB PA'I BYE BRAG NI PHYIR MI 'ONG BA LA SOGS PA KUN DU 'BYUNG BA'O, ,KYE RGYAL BA'I SRAS DAG DE LTAR BYANG CHUB SEMS DPA'I SA MI G-YO BA 'DI LA GNAS PA'I BYANG CHUB SEMS DPA' SNGON GYI SMON LAM GYI STOBS BSKYED PA DANG, CHOS KYI SGO'I RGYUN DE LA GNAS PA DE LA, SANGS RGYAS BCOM LDAN 'DAS RNAMS DE BZHIN GSHEGS PA'I YE SHES NYE BAR SGRUB PA MDZAD DE, DE LA 'DI SKAD CES KYANG BKA' STZAL TE, RIGS KYI BU LEGS SO LEGS SO SANGS RGYAS KYI CHOS RJES SU THOB PAR BYA BA LA, 'DI NI DON DAM PA'I BZOD PA YANG YIN NA 'ON KYANG GANG NGED KYI STOBS BCU DANG, MI 'JIGS PA BZHI LA SOGS PA SANGS RGYAS KYI CHOS PHUN SUM TSOGS PA DE KHYOD LA MED KYIS SANGS RGYAS KYI CHOS PHUN SUM TSOGS PA DE YONGS SU BTZAL BA'I PHYIR BRTZON 'GRUS RTZOM SHIG ,BZOD PA'I SGO 'DI NYID KYANG MA DOR CIG CES BYA BA DE LA DE BZHIN GSHEGS PA'I YE SHES NYE BAR SGRUB PA 'DIS NI DE LA GNAS PAS MNGON PAR DGA' BA TZAM GYIS CHOG PAR 'DZIN PA ZLOG PAR MDZAD DE, BYAS PA BSNGAGS PA DANG, MI BYED PA BSKUL BA DANG, DE LA GNAS PA MI 'DOR BAS SANGS RGYAS KYI CHOS PHUN SUM TSOGS PA MA THOB PA THOB PAR BYED NUS PA'I DBANG DU MDZAD NAS ZLOG PAR MDZAD DO, ,YANG KHYIM PA DANG, RAB TU BYUNG BA'I PHYOGS DANG, KUN NAS DKRIS PA DANG, BAG LA NYAL GYIS KUN NAS NYON MONGS PAR GYUR PA'I SEMS CAN RNAMS LA SEMS CAN GYI DON BYA BA DON CHE BA NYID KYI DBANG DU MDZAD NAS ZLOG PAR MDZAD DE, GANG GI PHYIR RIGS KYI BU KHYOD KYIS DE LTAR ZHI BA'I RNAM PAR THAR PA THOB KYANG, BYIS PA SO SO'I SKYE BO MA ZHI BA RAB TU MA ZHI BA NYON MONGS PA SNA @221B TSOGS KUN DU 'BYUNG BAR GYUR PA RNAM PAR RTOG PA RNAM PA SNA TSOGS KYIS G-YEN SPYO BA 'DI DAG LA SOMS SHIG CES GSUNGS PA'O, ,DE LA MA ZHI BA NI NYON MONGS PA'I KUN NAS DKRIS PA'O, ,RAB TU MA ZHI BA NI DE'I BAG LA NYAL MA SPANGS PA'O, ,NYON MONGS PA SNA TSOGS KUN DU 'BYUNG BAR 'GYUR BA NI KHYIM PA'I PHYOGS SO, ,RNAM PAR RTOG PA RNAM PA SNA TSOGS KYIS G-YEN SBYO BA NI RAB TU BYUNG BA'I PHYOGS SO, ,YANG SMON LAM DANG SEMS CAN YONGS SU SMIN PAR BYA BA DANG YE SHES KYI TSOGS 'BRAS BU MED PAR 'GYUR BA'I DBANG DU MDZAD NAS KYANG ZLOG PAR MDZAD DE, GANG GI PHYIR YANG RIGS KYI BU KHYOD SNGON GYI SMON LAM DANG, SEMS CAN GYI DON THOB PAR BYA BA DANG, YE SHES KYI SGO BSAM GYIS MI KHYAB PA DRAN PAR GYIS SHIG CES GSUNGS PA'O, ,YANG THUN MONG MA YIN PA'I DON DU DUB PA 'BRAS BU MED PA'I DBANG DU MDZAD NAS KYANG ZLOG PAR MDZAD DE, GANG GI PHYIR YANG RIGS KYI BU 'DI NI CHOS RNAMS KYI CHOS NYID DE, DE BZHIN GSHEGS PA RNAMS BYUNG YANG RUNG MA BYUNG YANG RUNG CHOS KYI DBYINGS 'DI NI GNAS PA NYID DE, 'DIS NI DE BZHIN GSHEGS PA RNAMS NYI TSE RAB TU DBYE BAR BYA BA MA YIN GYI, NYAN THOS DANG RANG SANGS RGYAS THAMS CAD KYANG RNAM PAR MI RTOG PA'I CHOS NYID 'DI 'THOB BO ZHES GSUNGS PA'O, ,DE'I 'OG TU SEMS CAN GYI DON MDZAD PA LAS BRTZAMS NAS LUS TSAD MED PA LA SOGS PAS SANGS RGYAS KYI CHOS PHUN SUM TSOGS PA DE'I NUS PA YONGS SU STON TE, SEMS CAN GYI DON MDZAD PA DE YANG GNAS GANG GIS MDZAD PA NI GANG GI PHYIR YANG RIGS KYI BU KHYOD NGED KYI LUS TSAD MED PA NYID CES GSUNGS PA'O, ,KUN RDZOB DANG DON DAM PA'I YE SHES GANG GIS MDZAD PA NI GANG GI PHYIR YE SHES TSAD MED PA NYID CES GSUNGS PA'O, ,ZHING YONGS SU DAG PA GANG GIS MDZAD PA NI GANG GI PHYIR SANGS RGYAS KYI ZHING TSAD MED PA NYID CES GSUNGS PA'O, ,GDUL BYA'I SPYOD PA MKHYEN PA GANG GIS MDZAD PA NI GANG GI PHYIR, YE SHES MNGON PAR SGRUB PA TSAD MED PA NYID CES GSUNGS PA'O, ,GANG GIS BSDUS TE MDZAD PA NI GANG GI PHYIR 'OD KYI DKYIL 'KHOR TSAD MED PA NYID CES GSUNGS PA'O, ,BSHAD PA GANG GIS @222A *, ,MDZAD PA NI GANG GI PHYIR, SGRA SKAD KYI YAN LAG TSAD MED PA NYID LA LTOS TE ZHES GSUNGS PA'O, ,KHYOD KYIS KYANG DE BZHIN DU MNGON PAR SGRUB PA SKYED CIG CES BYA BA NI DE BZHIN GSHEGS PA RNAMS SEMS CAN GYI DON MDZAD PA DE STON TO, ,YANG DE BZHIN GSHEGS PA RNAMS KYI BDE BAR GNAS PA'I KHYAD PAR YANG STON TE, GANG GI PHYIR RIGS KYI BU GANG KHYOD KYIS CHOS THAMS CAD LA RNAM PAR MI RTOG PA'I SNANG BA 'DI NI KHYOD KYI SNANG BA GCIG PUR ZAD DO, ,RIGS KYI BU DE BZHIN GSHEGS PA RNAMS LA NI CHOS SNANG BA'I SGO 'DI 'DRA BA YONGS SU MTHA' YAS PAR SONG BA MDZAD PA MTHA' YAS SHING, 'BREL PA MTHA' YAS PA YIN GYIS DE DAG THOB PAR BYA BA'I PHYIR MNGON PAR SGRUB PA SKYED CIG CES GSUNGS PA'O, ,DE LA MTHA' YAS PAR GYUR PA DAG NI SGO THA DAD PA'I PHYIR RO, ,MDZAD PA MTHA' YAS PA DAG NI MDZAD PA THA DAD PA'I PHYIR RO; ,'BREL PA MTHA' YAS PA DAG NI GONG NAS GONG DU RTEN PA THA DAD PA'I PHYIR RO, ,YANG 'JIG RTEN GYI KHAMS DANG, SEMS CAN DANG CHOS RAB TU DBYE BA JI LTAR MTHONG BA RNAMS LA LTA BA TZAM ZHIG BYA BA'I PHYIR TSEGS CHUNG BA'I DBANG DU MDZAD NAS ZLOG PAR MDZAD DE, GANG GI PHYIR YANG RIGS KYI BU KHYOD KYIS PHYOGS BCU'I ZHING TSAD MED PA NYID DANG, SEMS CAN TSAD MED PA NYID DANG, CHOS RNAM PAR DBYE BA TSAD MED PA NYID LA LTOS TE, DE DAG THAMS CAD JI LTA BA BZHIN DU KHONG DU CHUD PAR GYIS SHIG CES BKA' STZAL TO, ,KYI RGYAL BA'I SRAS DE LTAR SA DE LTA BU DANG LDAN PA'I BYANG CHUB SEMS DPA' LA SANGS RGYAS BCOM LDAN 'DAS DE DAG YE SHES MNGON PAR SGRUB PA'I SGO TSAD MED PA DE DAG LA SOGS PA GANG DAG GIS BYANG CHUB SEMS DPA' YE SHES RNAM PAR DBYE BA TSAD MED PAS MNGON PAR SGRUB PA'I LAS MNGON PAR SGRUB PAR MDZAD DO, ,KYE RGYAL BA'I SRAS KHYOD MOS PAR BYA'O, ,KHYOD KYIS KHONG DU CHUD PAR BYA'O, ,GAL TE SANGS RGYAS BCOM LDAN 'DAS DE DAG GIS BYANG CHUB SEMS DPA' DE LA MNGON PAR SGRUB PA'I SGO RNAMS SU GZHUG PA MA MDZAD DU ZIN NA, DE'I DE NYID YONGS SU MYA NGAN LAS 'DAS PAR 'GYUR TE, SEMS @222B CAN THAMS CAD KYI BYA BA YANG RGYUN GCAD PAR 'GYUR RO ZHES GSUNGS PA'O, ,DE LA DE NYID YONGS SU MYA NGAN LAS 'DAS PAR 'GYUR TE ZHES BYA BA NI YE SHES NYE BAR SGRUB PA'I DGOS PA STON TO, ,YANG SANGS RGYAS BCOM LDAN 'DAS DE DAG NI BYANG CHUB SEMS DPA' DE LA SKAD CIG GCIG LA YE SHES KYI LAS GANG MNGON PAR SGRUB PA LA DANG PO'I SEMS BSKYED PA NAS BZUNG STE, SA BDUN PA LA GNAS PA DANG LDAN PA'I BAR GYI RTZOM PA SNGA MA DES BRGYA'I CHAR YANG NYE BAR MI 'GRO, STONG GI CHA DANG, 'BUM GYI CHA DANG, BYE BA'I CHA DANG, BYE BA BRGYA'I CHA DANG, BYE BA STONG GI CHA DANG, BYE BA 'BUM GYI CHA DANG, BYE BA KHRAG KHRIG 'BUM GYI CHAR YANG NYE BAR MI 'GRO'O, ,GRANGS DANG, CHA DANG, BGRANG BA DANG, BSKRUN PA DANG, RGYUR YANG NYE BAR MI 'GRO BA NAS DPE'I BAR DU YANG MI BZOD BA DE SNYED DU TSAD MED PA'I YE SHES MNGON PAR SGRUB PA'I LAS NYE BAR SGRUB PA MDZAD DO, ,DE CI'I PHYIR ZHE NA, KYE RGYAL BA'I SRAS 'DI LTAR SNGAN CHAD NI LUS GCIG GIS MNGON PAR BSGRUB PAS SPYOD PA MNGON PAR BSGRUB PAR GYUR GYI, 'DI LA GNAS PA'I BYANG CHUB SEMS DPA' NI LUS RNAM PAR G-YO BA TSAD MED PA DANG, SGRA SKAD MNGON PAR SGRUB PA TSAD MED PA DANG; YE SHES MNGON PAR SGRUB PA TSAD MED PA DANG, SKYE BA MNGON PAR SGRUB PA TSAD MED PA DANG, ZHING YONGS SU DAG PAR BYA BA TSAD MED PA DANG, SEMS CAN YONGS SU SMIN PAR BYA BA TSAD MED PA DANG, SANGS RGYAS LA MCHOD PA DANG RIM GRO BYA BA TSAD MED PA DANG, CHOS KYI TSUL KHONG DU CHUD PA TSAD MED PA DANG, MNGON PAR SHES PA MNGON PAR SGRUB PA'I STOBS SKYED PA TSAD MED PA DANG, 'KHOR GYI DKYIL 'KHOR RNAM PAR PHYE BA TSAD MED PAS BYANG CHUB SEMS DPA'I SPYOD PA'I STOBS YANG DAG PAR 'GRUB STE, TSAD MED PA DANG LDAN PA'I LUS DANG, NGAG DANG YID KYI LAS KYIS BYANG CHUB SEMS DPA'I SPYOD PA THAMS CAD KYI STOBS MI G-YO BA'I TSUL GYIS YANG DAG PAR 'GRUB BO ZHES BYA BA DE LA, DE SNYED DU TSAD MED PA'I YE SHES MNGON PAR 'GRUB PA'I LAS NYE BAR SGRUB PA MDZAD DO ZHES BYA BA NI GNAS PA DE'I YON TAN YONGS SU 'DZIN PA'I RGYU NYID KYI KHYAD PAR TE, RGYU DANG @223A *, ,BCAS PAR BRJOD PA YONGS SU STON TO, ,GRANGS DANG CHA LA SOGS PA'I BSHAD PA NI MTSAMS SBYAR BAR RIG PAR BYA'O, ,RGYU NI GCIG DANG GCIG NI GNYIS KYI RGYU'O, ,GNYIS DANG GCIG NI GSUM GYI RGYU'O, ,GNYIS DANG GNYIS NI BZHI'I RGYU'O ZHES BYA BA LA SOGS PA'O,, DPER YANG MI BZOD CES BYA BA NI CHA GANG GIS DPAG PA'O, ,LUS RNAM PAR PHYE BA TSAD MED PA ZHES BYA BA NI BYANG CHUB SEMS DPA' THAMS CAD KYI LUS RNAMS BDAG GI LUS NYID DU MOS PA'O, ,SGRA SKAD MNGON PAR SGRUB PA LA SOGS PA YANG, DE BZHIN DU TSAD MED PA NYID DU RIG PAR BYA'O, ,BCU PA 'DI NI SEMS CAN YONGS SU SMIN PAR BYA BA DANG, TSOGS BSAGS PA DANG SGRIB PA RNAM PAR DAG PA'I DBANG DU BYAS PAR RIG PAR BYA STE, LUS DANG NGAG LA GNAS BSHAD PA GANG GIS, YE SHES LA BRTEN PA GANG GIS, SKYE BA YONGS SU 'DZIN PA GANG GIS, ZHING GANG DU, SEMS CAN GANG YONGS SU SMIN PAR BYED PA DANG, SANGS RGYAS LA MCHOD PA DANG, RIM GRO BYA BA DANG, CHOS KYI TSUL KHONG DU CHUD PA GNYIS KYIS JI LTAR BSOD NAMS DANG YE SHES KYI TSOGS BSAGS PA DANG, JI LTAR MNGON PAR SHES PA LA SGRIB PA DANG, MNGON PAR RDZOGS PAR BYANG CHUB PA LA SGRIB PA RNAM PAR SBYONG BA STE, 'DI THAMS CAD DU YANG TSAD MED PA DANG LDAN PA'I LUS DANG, NGAG DANG YID KYI LAS SU RIG PAR BYA'O, ,MI G-YO BA'I TSUL GYIS ZHES BYA BA NI RGYUN MI 'CHAD PAR SOGS PA'O, ,KYE RGYAL BA'I SRAS DAG 'DI LTA STE DPER NA RGYA MTSO CHEN POR 'GRO BA'I GRU BO CHE NI RGYA MTSO CHEN PO LA MA THUG GI BAR DU CHED DU BSKYOD CING 'GRO BAR BYA BA YIN TE, RGYA MTSO CHEN PO LA ZHEN MA THAG TU RLUNG GI DKYIL 'KHOR GYIS BSKYOD NAS CHED DU BSKYOD MI DGOS PAR 'GRO STE DES NA RGYA MTSO CHEN PO LA NYIN GCIG GIS CI CHOD PA DE NI SNGON CHED DU BSKYOD CING 'GRO BAS, LO BRGYAR YANG DE SRID DU TSAD MED PAR PHYIN PAR MI NUS SO, ,KYE RGYAL BA'I SRAS DE BZHIN DU BYANG CHUB SEMS DPA'I DGE BA'I RTZA BA'I TSOGS SHIN TU BSAGS PA, THEG PA CHEN PO LA YANG DAG PAR SGRUB PA YANG BYANG CHUB SEMS DPA'I SPYOD PA'I RGYA MTSO CHEN POR PHYIN NAS, LHUN GYIS GRUB PA'I YE SHES KYIS YUD @223B TZAM CIG LA THAMS CAD MKHYEN PA'I YE SHES JI TZAM GNON PA DE NI SNGON GYI CHED DU BYA BA'I LAS KYI BSKAL BA 'BUM DU YANG DE SNYED DU DPAG TU MED PA GNOD PAR MI NUS SO ZHES BYA BA'I GRU BO CHE'I DPES NI GNAS PA DE'I MNGON PAR SHES PA MYUR BA'I RGYU NYID KYI KHYAD PAR YONGS SU STON TO, ,DGE PA'I RTZA BA'I TSOGS SHIN TU BSAGS PA ZHES BYA BA NI SA BDUN PO RNAMS KYIS THEG PA CHEN PO YANG DAG PAR BSGRUBS PA'O, ,BYANG CHUB SEMS DPA'I SPYOD PA'I RGYA MTSOR PHYIN NAS ZHES BYA BA NI SA BRGYAD PA'O,, ,,DE LTAR GNAS PA'I KHYAD PAR THOB PAS SA BRGYAD BA RNAM PAR GZHAG NAS, SANGS RGYAS KYI ZHING YONGS SU DAG PAR BYED PAS RNAM PAR 'JOG STE, DE LA SANGS RGYAS KYI ZHING YONGS SU DAG BAR BYED PA NI SNOD KYI 'JIG RTEN LA DBANG BA'I SBYOR BA DANG, SEMS CAN GYI 'JIG RTEN LA DBANG BA'I SBYOR BA DANG, YE SHES MNGON PAR RDZOGS PAR BYANG CHUB PA LA DBANG BA'I SBYOR BA DANG, DBANG BA'I SBYOR BA RNAM LA GSUM GYIS RIG PAR BYA'O, ,DE LA SNOD KYI 'JIG RTEN LA DBANG BA NI RNAM PA LNGA STE, GANG 'DOD PA DE KUN DU STON PA'AM, MI SNANG BAR BYED PA'AM, CI 'DRA BAR 'DOD PA DE 'DRA BA STON PA DANG, DUS JI SRID DU 'DOD PA DUS DE SRID DU STON PA DANG, BSDUS PA DANG RGYAS PA JI LTAR 'DOD PA BZHIN DU BYED PA DANG, JI SNYED 'DOD PA DE SRID STON PA STE, KYE RGYAL BA'I SRAS BYANG CHUB SEMS DPA'I SA BRGYAD PA THOB PA'I BYANG CHUB SEMS DPA' DE NI, THABS MKHAS PA'I YE SHES KYIS MNGON PAR SGRUB PA LHUN GYIS GRUB PA LA ZHUGS PA'I BYANG CHUB SEMS DPA'I BLO GROS CHEN POS THAMS CAD MKHYEN PA'I YE SHES LA RNAM PAR DPYOD CING 'JIG RTEN GYI KHAMS 'BYUNG BA LA YANG RNAM PAR DPYOD DO, ,'JIG RTEN GYI KHAMS 'JIG PA LA YANG RNAM PAR DPYOD DO, ,DE 'JIG RTEN JI LTAR 'JIG PA DE YANG RAB TU SHES SO, ,'JIG RTEN JI LTAR 'CHAGS PA DE YANG RAB TU SHES SO ZHES BYA BA LA 'JIG RTEN GYI KHAMS 'BYUNG BA LA SOGS PA SHES PA DE NI SNOD KYI 'JIG RTEN LA DBANG BA'I RNAM PA DANG PO'I SBYOR BA STE GANG 'DOD PA DE STON PA'AM, MI SNANG BAR BYED CES BYA BA DE'I'O, ,LAS SOGS PA GANG GIS 'JIG RTEN 'JIG PA DE YANG RAB TU SHES SO, ,LAS ZAD PA GANG GIS 'JIG @224A *, ,RTEN 'CHAGS PA DE YANG RAB TU SHES SO ZHES BYA BA LA SOGS PA DANG, ZAD PA SHES PA NI GNYIS PA STE, CI 'DRA BA 'DOD PA DE 'DRA BAR STON TO ZHES BYA BA DE'I'O, ,DUS JI SRID DU 'JIG RTEN 'JIG PA DE YANG RAB TU SHES SO, ,DUS JI SRID DU 'JIG RTEN 'CHAGS PA DE YANG RAB TU SHES SO, ,'JIG RTEN ZHIG NAS DUS JI SRID DU GNAS PA DE YANG RAB TU SHES SO, ,'JIG RTEN 'CHAGS NAS DUS JI SRID CIG TU GNAS PA DE YANG RAB TU SHES SO ZHES BYA BA LA DUS JI SRID DU 'JIG PA LA SOGS PA SHES PA NI GSUM PA'I STE, DUS JI SRID DU 'DOD PA DE SRID DU STON TO ZHES BYA BA DE'I'O, ,DE SA'I KHAMS CHUNG BAR YANG RAB TU SHES SO, ,RGYA CHEN POR GYUR PA DANG, TSAD MED PA DANG, RNAM PAR CHE BA YANG RAB TU SHES SO, ,DE CHU'I KHAMS CHUNG BA YANG RAB TU SHES SO, ,RGYA CHEN POR GYUR PA DANG, TSAD MED PA DANG, RNAM PAR PHYE BA YANG RAB TU SHES SO, ,DE ME'I KHAMS CHUNG BA YANG RAB TU SHES SO, ,RGYA CHEN POR GYUR PA DANG, TSAD MED PA DANG, RNAM PAR PHYE BA YANG RAB TU SHES SO, ,DE RLUNG GI KHAMS CHUNG BA YANG RAB TU SHES SO, ,RGYA CHEN POR GYUR PA DANG, TSAD MED PA DANG, RNAM PAR PHYE BA YANG RAB TU SHES SO, ,DE RDUL PHRA RAB KYI RDUL PHRA BA YANG RAB TU SHES SO, ,RNAM PAR PHYE BA YANG RAB TU SHES SO, ,RDUL PHRA RAB KYI RDUL TSAD MED PA, RNAM PAR PHYE BA LA MKHAS PA YANG RAB TU SHES SO, ,'JIG RTEN GYI KHAMS GANG NA SA'I KHAMS KYI RDUL PHRA RAB KYI RDUL JI SNYED YOD PA DE DAG KYANG RAB TU SHES SO, ,CHU'I KHAMS KYI RDUL PHRA RAB KYI RDUL JI SNYED YOD PA DE DAG KYANG RAB TU SHES SO, ,ME'I KHAMS KYI RDUL PHRA RAB KYI RDUL JI SNYED YOD PA DE DAG KYANG RAB TU SHES SO, ,RLUNG GI KHAMS KYI RDUL PHRA RAB KYI RDUL JI SNYED YOD PA DE DAG KYANG RAB TU SHES SO, ,SEMS CAN GYI LUS LA RDUL PHRA RAB KYI RDUL JI SNYED YOD PA DE DAG KYANG RAB TU SHES SO, ,ZHING GI TSOGS LA RDUL PHRA RAB KYI RDUL JI SNYED YOD PA DE DAG KYANG RAB TU SHES SO, ,DE SEMS CAN GYI LUS RAGS PA DANG, LUS PHRA BA DANG, LUS RNAM PAR PHYE BA YANG RAB TU SHES SO, ,SEMS CAN DMYAL BA PA'I LUS KYI GNAS KYI RDUL PHRA RAB KYI RDUL JI SNYED YOD PA DE DAG @224B KYANG RAB TU SHES SO, ,DUD 'GRO'I SKYE GNAS PA'I LUS KYI GNAS KYI RDUL PHRA RAB KYI RDUL JI SNYED YOD PA DE DAG KYANG RAB TU SHES SO, ,GSHIN RJE'I 'JIG RTEN PA'I LUS KYI GNAS KYI RDUL PHRA RAB KYI RDUL JI SNYED YOD PA DE DAG KYANG RAB TU SHES SO, ,LHA MA YIN GYI 'JIG RTEN GYI LUS KYI GNAS KYI RDUL PHRA RAB KYI RDUL JI SNYED YOD PA DE DAG KYANG RAB TU SHES SO, ,LHA'I LUS KYI GNAS KYI RDUL PHRA RAB KYI RDUL JI SNYED YOD PA DE DAG KYANG RAB TU SHES SO, ,MI'I LUS KYI GNAS KYI RDUL PHRA RAB KYI RDUL JI SNYED YOD PA DE DAG KYANG RAB TU SHES SO ZHES BYA'O, ,SA'I KHAMS CHUNG BA LA SOGS PA SHES PA NAS MI'I LUS KYI RDUL PHRA RAB KYI RDUL GYI BAR DU SHES PA NI BZHI PA STE, BSDUS PA DANG RGYAS PA JI LTAR 'DOD PA BZHIN DU BYED CES BYA BA DE'I'O, ,DE LTAR RDUL PHRA RAB KYI RDUL RAB TU DBYE BA SHES PA LA ZHUGS PA DES 'DOD PA'I KHAMS 'JIG PA YANG RAB TU SHES SO, ,GZUGS KYI KHAMS 'JIG PA DANG, GZUGS MED PA'I KHAMS 'JIG PA YANG RAB TU SHES SO, ,'DOD PA'I KHAMS 'CHAGS PA DANG, GZUGS KYI KHAMS 'CHAGS PA DANG, GZUGS MED PA'I KHAMS 'CHAGS PA YANG RAB TU SHES SO, ,'DOD PA'I KHAMS CHUNG BA YANG RAB TU SHES SO, ,RGYA CHEN POR GYUR PA DANG, TSAD MED PA DANG RNAM PAR PHYE BA YANG RAB TU SHES SO, ,GZUGS KYI KHAMS DANG GZUGS MED PA'I KHAMS CHUNG BA YANG RAB TU SHES SO, ,RGYA CHEN POR GYUR PA DANG, TSAD MED PA DANG RNAM PAR PHYE BA YANG RAB TU SHES SO, ,KHAMS GSUM PA RNAM PAR DPYAD PA ZHES PA KHONG DU CHUD PAR BYA BA'I PHYIR LEGS PAR MNGON PAR BSGRUB PA'I YE SHES KYI SNANG BA DANG LDAN ZHING SEMS CAN RNAMS KYI LUS RAB TU DBYE BA SHES PA LA MKHAS LA, LUS RNAM PAR DBYE BA SHES PA LA MKHAS PAS SKYE BA MNGON PAR SGRUB PA RNAMS LA BLO GTONG STE, DE SEMS CAN YONGS SU SMIN PAR BYA BA'I PHYIR, SEMS CAN RNAMS KYI SKYE BA DANG, LUS YANG DAG PAR 'GRUB PA CI 'DRA BA DE LTA BUR RANG GI LUS BYIN GYIS RLOB BO, ,DE STONG GSUM GYI STONG CHEN PO'I 'JIG RTEN GYI KHAMS GCIG RGYAS PAR BKANG NAS, JI LTAR SEMS CAN RNAMS BLA NA MED PA YANG DAG PAR RDZOGS @225A *, ,PA'I BYANG CHUB TU YONGS SU SMIN PAR 'GYUR BAS, SEMS CAN LUS THA DAD PA LA MOS PA RNAMS LA SNANG BA DANG SHES PA'I RJES SU 'GRO BAS RANG GI LUS DE KHO NA BZHIN DU SKYE BAR MNGON PAR SGRUB BO, ,STONG GSUM GYI STONG CHEN PO'I 'JIG RTEN GYI KHAMS GNYIS SAM, GSUM MAM, BZHI'AM, LNGA'AM, BCU'AM, NYI SHU'AM, SUM CU'AM, BZHI BCU'AM, LNGA BCU NAS BRJOD DU MED PA'I YANG BRJOD DU MED PA'I BAR DAG RGYAS PAR BKANG STE, SEMS CAN LUS THA DAD PA LA MOS PA RNAMS LA SNANG BA DANG, SHES PA'I RJES SU 'GRO BAS RANG GI LUS DE KHO NA BZHIN DU SKYE BAR MNGON PAR SGRUB BO, ,DE YE SHES DE LTA BU DANG LDAN PAS SANGS RGYAS KYI ZHING GCIG NAS KYANG MI G-YO LA, SANGS RGYAS KYI ZHING BRJOD DU MED PA RNAMS DANG, 'KHOR GYI DKYIL 'KHOR RNAMS NA YANG SNANG BAR GYUR PA YIN NO ZHES BYA BA 'DOD PA'I KHAMS 'JIG PA LA SOGS PA SHES NAS SANGS RGYAS KYI ZHING GCIG NAS KYANG MI G-YO BA LA ZHES BYA BA'I BAR LNGA PA'I STE, JI SNYED PA 'DOD PA DE SNYED STON ZHES BYA BA'I DE'I'O, ,DE LA SA'I KHAMS LA SOGS PA NI YUL DANG MTSAN NYID KYIS SHES PAR RIG PAR BYA STE, JI LTAR YUL GYIS SHE NA, CHUNG BA NI MNYAM PAR MA BZHAG PA'I SA PA'I RNAM PAR SMIN PA'I RNAM PAR SHES PA'I YUL LO, ,RGYA CHEN POR GYUR PA NI MNYAM PAR BZHAG PA'I SA PA'I RNAM PAR SMIN PA'I RNAM PAR SHES PA'I YUL LO, ,TSAD MED PA NI DE BZHIN GSHEGS PA'I YUL LO, ,JI LTAR NA MTSAN NYID KYIS SHE NA, RANG DANG SPYI'I MTSAN NYID RNAM PAR DBYE BA'I SGO NAS TE, LUS RAGS PA DANG, PHRA BA NI GZUGS CAN DANG GZUGS CAN MA YIN PA'I SEMS CAN RNAMS KYI LUS SU RIG PAR BYA STE GO RIMS BZHIN NO, ,'DOD PA'I KHAMS LA SOGS PA YANG, YUL DANG MTSAN NYID KYIS SHES PAR BYA STE, 'DOD PA'I KHAMS KYI MI RNAMS KYI YUL JI SNYED PA NI CHUNG BA'O, ,LHA RNAMS KYI YUL NI RGYA CHEN POR GYUR PA'O, ,GZUGS KYI KHAMS KYI RTOG PA DANG, DPYOD PA DANG BCAS PA'I YUL NI CHUNG BA'O, ,RTOG PA MED PA DPYOD PA MED PA'I YUL NI RGYA CHEN POR GYUR PA'O, ,GZUGS MED PA'I KHAMS KYI SNGAR CHOS 'DI PAR GYUR PA'I SO SO'I SKYE @225B PO RNAMS KYI YUL NI CHUNG BA'O, ,NYAN THOS DANG RANG SANGS RGYAS RNAMS KYI YUL NI RGYA CHE BA'O, ,DE BZHIN GSHEGS PA THAMS CAD KYI YUL NI TSAD MED PA'O, ,SEMS CAN RNAMS KYI LUS RAB TU DBYE BA SHES PA LA MKHAS PA DANG, LUS RNAM PAR DBYE BA SHES PA LA MKHAS PA LUS MA 'DRA BA DANG 'DRA BA SHES PA LA MKHAS PA STE, RIGS GZHAN DANG RANG GI RIGS KYI BYE BRAG GIS RIG PAR BYA'O, ,'KHOR GYI DKYIL 'KHOR RNAMS SU SNANG BAR GYUR PA YIN ZHES BYA BA NI DE 'DRA BA'I LUS STON TO,, ,,DE LTAR SNOD KYI 'JIG RTEN LA DBANG BA'I SBYOR BAS SANGS RGYAS KYI ZHING YONGS SU DAG PA BYA BA BSTAN NAS, SEMS CAN GYI 'JIG RTEN LA DBANG BA'I SBYOR BA STON TE, DE LA SEMS CAN GYI 'JIG RTEN LA DBANG BA NI DE 'GUGS PA LA DBANG BA'O, ,DE'I SBYOR PA NI GDUL BYA'I LUS DANG SEMS DANG MTHUN PA'I LUS DANG SEMS STON PA STE, GANG GI PHYIR DE SEMS CAN RNAMS KYI LUS RNAM PAR DBYE BA DANG, MOS PA DANG, LHAG PA'I BSAM PA CI 'DRA BAR SANGS RGYAS KYI ZHING DE DANG DE DAG DANG, 'KHOR GYI DKYIL 'KHOR DE DANG DE DAG TU DE LTA DE LTAR RANG GI LUS KUN DU STON TE, DE DGE SBYONG GI 'KHOR GYI DKYIL 'KHOR RNAMS SU DGE SBYONG GI KHA DOG DANG GZUGS STON TO, ,BRAM ZE'I 'KHOR GYI DKYIL 'KHOR RNAMS SU BRAM ZE'I KHA DOG DANG GZUGS STON TO, ,RGYAL RIGS KYI 'KHOR GYI DKYIL 'KHOR RNAMS SU RGYAL RIGS KYI KHA DOG DANG GZUGS STON TO, ,RJE'U RIGS KYI 'KHOR GYI DKYIL 'KHOR RNAMS SU RJE'U RIGS KYI KHA DOG DANG GZUGS STON TO, ,KHYIM BDAG GI 'KHOR GYI DKYIL 'KHOR RNAMS SU KHYIM BDAG GI KHA DOG DANG GZUGS STON TO, ,RGYAL CHEN BZHI'I LHA'I RIS KYI 'KHOR GYI DKYIL 'KHOR RNAMS SU RGYAL CHEN BZHI'I RIS KYI KHA DOG DANG GZUGS STON TO, ,SUM CU RTZA GSUM GYI 'KHOR GYI DKYIL 'KHOR RNAMS SU SUM CU RTZA GSUM GYI KHA DOG DANG GZUGS STON TO, ,DE BZHIN 'THAB BRAL GYI 'KHOR GYI DKYIL 'KHOR RNAMS DANG, DGA' LDAN GYI 'KHOR GYI DKYIL 'KHOR RNAMS DANG, 'PHRUL DGA' BA'I 'KHOR GYI DKYIL 'KHOR RNAMS DANG, GZHAN 'PHRUL DBANG BYED KYI 'KHOR GYI DKYIL 'KHOR RNAMS DANG, TSANGS PA'I 'KHOR GYI DKYIL 'KHOR RNAMS SU TSANGS PA'I KHA DOG DANG GZUGS STON TO, ,DE NYAN @226A *, ,THOS KYI GDUL BYA'I SEMS CAN RNAMS LA NYAN THOS KYI LUS DANG KHA DOG DANG GZUGS STON TO, ,RANG SANGS RGYAS KYI GDUL BYA'I SEMS CAN RNAMS LA RANG SANGS RGYAS KYI LUS DANG KHA DOG DANG GZUGS STON TO, ,BYANG CHUB SEMS DPA'I GDUL BYA'I SEMS CAN RNAMS LA BYANG CHUB SEMS DPA'I LUS DANG KHA DOG DANG GZUGS STON TO, ,DE BZHIN GSHEGS PA'I GDUL BYA'I SEMS CAN RNAMS LA DE BZHIN GSHEGS PA'I SKU DANG KHA DOG DANG GZUGS STON TO, ,KYE RGYAL BA'I SRAS DE LTAR SANGS RGYAS KYI ZHING BRJOD DU MED PA'I SEMS CAN DE DAG GI MOS PA RAB 'BYAM DE DANG, DE DAG TU DE KHO NA BZHIN DU RANG GI LUS RNAM PAR PHYE BA STON TO ZHES GSUNGS PA'O, ,DE LTAR SEMS CAN LA DBANG BA'I SBYOR BA BSTAN NAS, DON DAM PA DANG KUN RDZOB KYI YE SHES GNYIS KYIS YE SHES MNGON PAR RDZOGS PAR BYANG CHUB PA LA DBANG BA'I SBYOR BA STON TO, ,DE LA DON DAM PA'I YE SHES NI RANG DANG GZHAN GYI RGYUD YONGS SU MI GCOD PAS, LUS SU RNAM PAR RTOG PA THAMS CAD MED PA DANG, LUS MNYAM PA NYID THOB PAS STON TO, ,GANG GI PHYIR DE LUS SU RNAM PAR RTOG PA THAMS CAD DANG BRAL ZHING, LUS MNYAM PA NYID THOB PAS ZHES GSUNGS PA'O, ,'DIS NI NYAN THOS DANG RANG SANGS RGYAS DANG THUN MONG MA YIN PA'I DON DAM PA'I YE SHES YONGS SU BSTAN PA YIN NO, ,KUN RDZOB KYI YE SHES NI KUN NAS NYON MONGS PA DANG, RNAM PAR BYANG BA DANG, GNYIS KA MA YIN PA'I PHYOGS SHES PA'I PHYIR SEMS CAN GYI LUS LA SOGS PA ZHES BAS STON TE, GANG GI PHYIR DES SEMS CAN GYI LUS KYANG RAB TU SHES SO, ,ZHING GI LUS DANG, LAS RNAM PAR SMIN PA'I LUS DANG, NYAN THOS KYI LUS DANG, RANG SANGS RGYAS KYI LUS DANG, BYANG CHUB SEMS DPA'I LUS DANG, DE BZHIN GSHEGS PA'I SKU DANG, SHES PA'I LUS DANG, CHOS KYI LUS DANG, NAM MKHA'I LUS KYANG RAB TU SHES SO ZHES GSUNGS PA'O, ,DE LA SEMS CAN DANG SNOD KYI 'JIG RTEN DANG, DE SKYE BA'I RGYU LAS KYIS NI KUN NAS NYON MONGS PA'I PHYOGS SU RIG PAR BYA'O, ,THEG PA GSUM NI RNAM PAR BYANG BA'I PHYOGS TE, DE YANG SHES PA GANG DANG, CHOS GANG GIS RAB TU PHYE BA'O, ,NAM MKHA'I LUS NI GNYIS KA MA YIN PA'I @226B PHYOGS SO, ,DES SEMS CAN RNAMS KYI SEMS DANG, BSAM PA MNGON PAR SGRUB PA KUN DU SHES NAS 'DOD NA SEMS CAN GYI LUS RANG GI LUS SU BYIN GYIS RLOB BO, ,DE BZHIN DU ZHING GI LUS DANG, LAS RNAM PAR SMIN PA'I LUS DANG, NYAN THOS KYI LUS DANG, RANG SANGS RGYAS KYI LUS DANG, BYANG CHUB SEMS DPA'I LUS DANG, DE BZHIN GSHEGS PA'I SKU DANG, SHES PA'I LUS DANG, CHOS KYI LUS DANG, NAM MKHA'I LUS KYANG RANG GI LUS SU BYIN GYIS RLOB BO, ,DE SEMS CAN GYI SEMS DANG BSAM PA MNGON PAR SGRUB PA KUN DU SHES NAS, DE 'DOD NA SEMS CAN GYI LUS RANG GI LUS SU BYIN GYIS RLOB BO, ,DE BZHIN DU ZHING GI LUS DANG, LAS RNAM PAR SMIN PA'I LUS DANG, NYAN THOS KYI LUS DANG, RANG SANGS RGYAS KYI LUS DANG, BYANG CHUB SEMS DPA'I LUS DANG, DE BZHIN GSHEGS PA'I SKU DANG, SHES PA'I LUS DANG, CHOS KYI LUS DANG, NAM MKHA'I LUS RANG GI LUS SU BYIN GYIS RLOB BO ZHES BYA BA DE LA, SEMS CAN GYI LUS RANG GI LUS SU BYIN GYIS RLOB CES BYA BA NI, DBANG DE DANG DE LA BYA BA SGRUB PA'I SBYOR BA MTSUNGS PA NYID YONGS SU STON TO, ,DE LA SEMS CAN GYI LUS RNAMS NI LAS DANG, SKYE BA DANG NYON MONGS PA'I KUN NAS NYON MONGS PA'I BYE BRAG DANG, GZUGS CAN DANG, GZUGS CAN MA YIN PA'I KHAMS KYI BYE BRAG GIS RAB TU SHES PA STE, GANG GI PHYIR DE SEMS CAN RNAMS KYI LAS KYI LUS KYANG RAB TU SHES SO, ,RNAM PAR SMIN PA'I LUS NYID DANG, NYON MONGS PA'I LUS NYID DANG, GZUGS KYI LUS NYID DANG, GZUGS MED PA'I LUS NYID KYANG RAB TU SHES SO ZHES GSUNGS PA'O, ,ZHING GI LUS RNAMS NI STONG LA SOGS PA'I 'JIG RTEN GYI KHAMS KYI BYE BRAG DANG, 'JIG RTEN GYI KHAMS KUN NAS NYON MONGS PA CAN DANG, NYON MONGS PA CAN MA YIN PA'I BYE BRAG DANG, CHOL BA LA SOGS PA'I BYE BRAG GIS SHES TE, GANG GI PHYIR ZHING GI LUS RNAMS KYI CHUNG DU NYID RAB TU SHES SO, ,RGYA CHEN POR GYUR PA NYID DANG, TSAD MED PA NYID DANG, KUN NAS NYON MONGS PA CAN NYID DANG, RNAM PAR DAG PA NYID DANG, CHOL BA NYID DANG, STENG G-YOGS MED PA NYID DANG, NGOS PHYAL BA NYID DANG, 'JUG PA'I KHYIM CAN NYID DANG, PHYOGS KYI DRA BA @227A *, ,RNAM PAR DBYE BA NYID KYANG RAB TU SHES SO ZHES GSUNGS PA'O, ,CHOL BA LA SOGS PA'I TSIG GI DON NI SA DANG POR BSHAD PA BZHIN NO, ,LAS KYI RNAM PAR SMIN PA NYID DANG, NYAN THOS DANG, RANG SANGS RGYAS DANG, BYANG CHUB SEMS DPA'I LUS RNAMS NI RANG DANG SPYI'I MTSAN NYID KYI BYE BRAG DANG, GANG ZAG MED PAS BRDA TZAM DU ZAD PA NYID KYIS SHES TE, GANG GI PHYIR LAS RNAM PAR SMIN PA'I LUS RNAMS KYI RNAM PAR PHYE BA DANG, BRDA YANG RAB TU SHES SO, ,NYAN THOS KYI LUS RNAMS DANG, RANG SANGS RGYAS KYI LUS RNAMS DANG, BYANG CHUB SEMS DPA'I LUS RNAMS KYI RNAM PAR PHYE BA DANG, BRDA YANG RAB TU SHES SO ZHES GSUNGS PA'O, ,DE BZHIN GSHEGS PA'I SKU RNAMS NI JI LTAR MNGON PAR RDZOGS PAR BYANG CHUB PAS STON TE, BYANG CHUB TU SMON LAM BTAB NAS DGA' LDAN DU SKYES PA GANG YIN PA DANG, SANGS RGYAS SPRUL PA GANG YIN PA DANG, RANG GI SKU GDUNG GI RING BSREL BYIN GYIS BRLABS PA GANG DAG YIN PA DANG, RNAM PAR SMIN PA'I SKU GANG YIN PA DANG, 'OD ZER GANG GIS SEMS CAN RNAMS 'GUGS PA DANG, 'JIG RTEN PA DANG 'JIG RTEN LAS 'DAS PA'I SEMS RNAM PAR GROL BA THUN MONG BA GANG YIN PA DANG, MNGON PAR MTHO BA'I RGYU THUN MONG MA YIN PA GANG YIN PA DANG, DE BZHIN GSHEGS PA RNAMS KYI ZAG PA MED PA'I DBYINGS GANG YIN PA DANG, MA CHAGS PA'I YE SHES GANG YIN PA STE, GANG GI DE DAG THAMS CAD MDZAD PA DE DAG GI BYE BRAG GIS RAB TU SHES PA STE, GANG GI PHYIR DE BZHIN GSHEGS PA'I SKU RNAMS KYIS MNGON PAR RDZOGS PAR BYANG CHUB PA'I SKU NYID KYANG RAB TU SHES SO, ,SMON LAM GYI SKU NYID DANG, SPRUL PA'I SKU NYID DANG, BYIN GYI RLABS KYI SKU NYID DANG, GZUGS DANG, MTSAN MA DANG, DPE BYAD BZANG PO'I RGYAN GYI SKU NYID DANG, 'OD KYI SKU NYID DANG, YID KYI SKU NYID DANG, BSOD NAMS KYI SKU NYID DANG, CHOS KYI SKU NYID DANG, YE SHES KYI SKU NYID KYANG RAB TU SHES SO ZHES GSUNGS PA'O, ,SHES PA'I LUS RNAMS NI THOS PA DANG, BSAMS PA LAS BYUNG BA'I SHES PA'I BYE BRAG DANG, BSGOMS PA LAS BYUNG BA'I SHES PA'I BYE BRAG DANG, 'BRAS BU DANG, ZHUGS PA'I SHES PA'I @227B BYE BRAG DANG, 'JIG RTEN PA LA SOGS PA'I BYE BRAG GIS RAB TU SHES TE, GANG GI PHYIR SHES PA'I LUS RNAMS KYI SHIN TU DPYAD PA NYID KYANG RAB TU SHES SO, ,JI LTA BA BZHIN DU NGES PAR RTOGS PA NYID DANG, 'BRAS BU DANG, SBYOR BAS BSDUS PA NYID DANG, 'JIG RTEN PA DANG, 'JIG RTEN LAS 'DAS PA RNAM PAR DBYE BA NYID DANG, THEG PA GSUM RNAM PAR DGOD PA NYID DANG, THUN MONG DANG THUN MONG MA YIN PA NYID DANG, NGES PAR 'BYIN PA NYID DANG, NGES PAR 'BYIN PA MA YIN PA DANG, SLOB PA DANG, MI SLOB PA NYID KYANG RAB TU SHES SO ZHES GSUNGS PA'O, ,CHOS KYI LUS RNAMS NI CHOS NYID GCIG BRJOD PA DANG, JI SKAD THOS PA BZHIN DU 'DZIN PA DANG, GDUL BYA RNAMS KYI DBANG PO LA SOGS PA'I GNAS SKABS DANG MTHUN PA'I 'DU SHES DANG, 'CHAD PA RNAM PAR GZHAG PA DANG, DBANG PO DANG BCAS PA DANG, DBANG PO MED PA'I MTSAN NYID RNAM PAR GZHAG PA DANG, MCHOG GI MTSAN NYID RNAM PAR GZHAG PAS RAB TU SHES PA STE, GANG GI PHYIR CHOS KYI LUS RNAMS KYI MNYAM PA NYID KYANG RAB TU SHES SO, ,MI 'KHRUGS PA NYID DANG, GNAS SKABS DANG, BRDA KUN RDZOB TU RNAM PAR GZHAG PA DANG, SEMS CAN DANG, SEMS CAN MA YIN PA'I CHOS RNAM PAR GZHAG PA NYID DANG; SANGS RGYAS DANG, CHOS DANG, 'PHAGS PA'I DGE 'DUN RNAM PAR GZHAG PA NYID KYANG RAB TU SHES SO ZHES GSUNGS PA'O, ,NAM MKHA'I LUS RNAMS NI MTHA' YAS PA'I MTSAN NYID DANG, KHYAB PA'I MTSAN NYID DANG, BSTAN DU MED CING THOGS PA MED PA'I MTSAN NYID DANG, 'DUS MA BYAS PA'I MTSAN NYID DANG, GZUGS KYI SGO 'BYED PA'I MTSAN NYID YIN PAS, GZUGS KYI DE MNGON PA'I PHYIR DANG, RANG GI MTSAN NYID DU RAB TU SHES PA STE, GANG GI PHYIR NAM MKHA'I LUS RNAMS KYI TSAD MED PA NYID KYANG RAB TU SHES SO, ,THAMS CAD DU SONG BA NYID DANG, LUS MED PA NYID DANG, NOR BA MED PA NYID DANG, GZUGS KYI LUS KYIS MNGON PAR GSAL BAR BYED PA NYID KYANG RAB TU SHES SO ZHES GSUNGS PA'O, ,DE LTAR SANGS RGYAS KYI ZHING YONGS SU DAG PAR BYED PAS, SA BRGYAD PA'I RNAM PAR GZHAG PA BSTAN NAS DBANG THOB PAS STON TO, ,DE LA DBANG THOB PAS NI DE LTA DE LTAR SNOD KYI 'JIG RTEN @228A *, ,DANG; SEMS CAN GYI 'JIG RTEN DANG, YE SHES MNGON PAR RDZOGS PAR BYANG CHUB PA DBANG BA RNAM PA GSUM GYI SBYOR BAS DBANG BCU RAB TU 'THOB STE, GANG GI PHYIR DES LUS DANG SHES PA MNGON PAR SGRUB PA DE LTA BU THOB PAS BSKAL PA BRJOD DU MED PA'I YANG BRJOD DU MED PAR TSE BYIN GYIS RLOB PAS TSE LA DBANG BA 'THOB BO, ,TING NGE 'DZIN NGES PAR SEMS DPAG TU MED PA GRANGS MED PA'I YE SHES KYIS 'JUG PAS SEMS LA DBANG BA 'THOB BO, ,'JIG RTEN GYI KHAMS THAMS CAD RGYAN BKOD PA DU MAS RAB TU BRGYAN PA'I BYIN GYI RLABS KUN DU STON PAS YO BYAD LA DBANG BA 'THOB BO, ,LAS KYI RNAM PAR SMIN PAS BYIN GYI RLABS KYIS DUS JI LTA BA BZHIN DU STON PAS LAS LA DBANG BA 'THOB BO, ,'JIG RTEN GYI KHAMS THAMS CAD DU SKYE BA KUN DU STON PAS SKYE BA LA DBANG BA 'THOB BO, ,SANGS RGYAS KYI ZHING DANG, DUS GANG DU CI DGA' BAR MNGON PAR RDZOGS PAR BYANG CHUB PA KUN DU STON PAS SMON LAM LA DBANG BA 'THOB BO, ,'JIG RTEN GYI KHAMS THAMS CAD SANGS RGYAS KYIS GANG BA RAB TU STON PAS MOS PA LA DBANG BA 'THOB BO, ,SANGS RGYAS KYI ZHING THAMS CAD DU RDZU 'PHRUL GYI RNAM PAR 'PHRUL PA KUN DU STON PAS RDZU 'PHRUL LA DBANG BA 'THOB BO, ,DE BZHIN GSHEGS PA'I STOBS DANG MI 'JIGS PA DANG, SANGS RGYAS KYI CHOS MA 'DRES PA DANG, MTSAN DANG DPE BYAD BZANG PO DANG, MNGON PAR RDZOGS PAR BYANG CHUB PA KUN DU STON PAS YE SHES LA DBANG BA 'THOB BO, ,MTHA' DANG DPUNG MED PA'I CHOS KYI SGO SNANG BA KUN DU STON PAS CHOS LA DBANG BA 'THOB BO ZHES GSUNGS PA'O, , DBANG 'DI BCU NI GNOD PA BCU'I GNYEN POR GO RIMS BZHIN DU RIG PAR BYA STE, GNOD PA BCU NI, 'CHI BA'I GNOD PA DANG, KUN NAS NYON MONGS PA'I GNOD PA DANG, DBUL BA'I GNOD PA DANG, NYES PAR SPYAD PA'I GNOD PA DANG, NGAN 'GRO'I GNOD PA DANG, 'DOD PA MI 'GRUB PA'I GNOD PA DANG, CHOS KYIS PHONGS PAR 'GYUR BA'I LAS KYI SGRIB PA'I GNOD PA DANG, KUN DU TSOL BA LA 'BAD PA'I GNOD PA DANG, THE TSOM GYI GNOD PA DANG, BAG TSA BA'I GNOD PA'O, ,DE LTAR DBANG THOB PAS SA RNAM PAR GZHAG PA BSTAN NAS, CHE BA NYID KYI KHYAD PAR GYIS STON TO, ,DE LA CHE BA NYID KYI @228B KHYAD PAR NI CHE BA NYID RNAM PA GSUM STE, YE SHES KYIS CHE BA NYID DANG, LAS KYIS CHE BA NYID DANG, DE GNYI GA'I GNAS YON TAN GYIS CHE BA NYID DO, ,DE LA YE SHES KYIS CHE BA NYID NI 'KHOR PA DANG MYA NGAN LAS 'DAS PA LA, MI GNAS PAS YE SHES BSAM GYIS MI KHYAB PA NYID DE, GANG GI PHYIR DE BYANG CHUB SEMS DPA'I DBANG BCU PO DE DAG THOB MA THAG NAS, YE SHES BSAM GYIS MI KHYAB PA DANG LDAN PA YIN ZHES GSUNGS PA'O, ,BSAM GYIS MI KHYAB PA DE NYID DE YANG BSGOM PA KHYAD ZHUGS PA BSAM GYIS MI KHYAB PA NYID DANG, SHES BYA RTOGS PA BSAM GYIS MI KHYAB PA NYID DANG, MI MTHUN PA'I PHYOGS BSAL BA BSAM GYIS MI KHYAB PA NYID DANG RNAM PA GSUM DU RIG PAR BYA STE, GANG GI PHYIR YE SHES DPAG TU MED PA DANG, YE SHES SHIN TU RGYAS PA DANG, YE SHES MI 'PHROGS PA DANG LDAN PA YIN NO ZHES GSUNGS PA'O, ,DE DE LTA BU'I RJES SU SONG ZHING YE SHES DE LTA BU DANG LDAN PAS, LUS KYI LAS KHA NA MA THO BA SHIN TU MED PA KUN DU 'BYUNG BA RAB TU 'BYUNG, NGAG GI LAS KHA NA MA THO BA SHIN TU MED PA KUN DU 'BYUNG BA RAB TU 'BYUNG, YID KYI LAS KHA NA MA THO BA SHIN TU MED PA ZHES GSUNGS PA'O, ,DE DE LTA BU'I RJES SU SONG ZHING ZHES BYA BA NI SNGAR JI SKAD BSTAN PA'O, ,YE SHES DE LTA BU DANG LDAN PAS ZHES BYA BA NI JI SKAD BSTAN PA DE'O, ,LUS LA SOGS PA'I LAS KHA NA MA THO BA SHIN TU MED PA KUN DU 'BYUNG BA RAB TU 'BYUNG ZHES BYA BA NI LAS KYIS CHE BA NYID DO, ,KHA NA MA THO BA SHIN TU MED PA DE YANG RNAM PA BZHI SA YONGS SU STON TE, KUN DU 'BYUNG BA NI KUN DU 'BYUNG BAR BYED PA DANG, KUN DU 'BYUNG BA'I DUS NA STE, GANG GI PHYIR YE SHES SNGON DU 'GRO ZHING YE SHES KYI RJES SU 'BRANG BA ZHES GSUNGS PA'O, ,KUN NAS NYON MONGS PA MED PA DANG, SEMS CAN GYI DON BYED PA'I LAS GNYIS KYIS LAM YONGS SU 'DZIN PA NI GANG GI PHYIR, SHES RAB KYI PHA ROL TU PHYIN PAS DBANG BYED PA, SNYING RJE CHEN PO SNGON DU 'GRO BA'I THABS MKHAS PAS SHIN TU RNAM PAR PHYE BA ZHES GSUNGS PA'O, ,BDAG DANG GZHAN GYI SBYOR BA'I RGYU GNYIS KYIS RGYU YONGS SU 'DZIN PA NI GANG GI PHYIR, SMON LAM GYIS SHIN TU MNGON PAR BSGRUBS PA, DE BZHIN GSHEGS PA'I BYIN GYI @229A *, ,RLABS KYIS SHIN TU BYIN GYIS BRLABS PA ZHES GSUNGS PA'O, ,SEMS CAN GYI DON DANG, ZHING YONGS SU DAG PAR BYA BA DANG, SANGS RGYAS KYI CHOS YANG DAG PAR SGRUB PA'I BYA BA STE, BYA BA SGRUB PA NI GANG GI PHYIR, SEMS CAN GYI DON LA SBYOR BA RGYUN MA BCAD PA, 'JIG RTEN GYI KHAMS MTHA' YAS PA RNAM PAR PHYE BAR GYUR PA, KUN DU 'BYUNG BA RAB TU 'BYUNG NGO, ,KYE RGYAL BA'I SRAS MDOR NA BYANG CHUB SEMS DPA'I SA MI G-YO BA 'DI THOB PA'I BYANG CHUB SEMS DPA'I LUS DANG, NGAG DANG YID KYI LAS NI SANGS RGYAS KYI CHOS THAMS CAD YANG DAG PAR THOB PAR BYA BA'I PHYIR, KUN DU 'BYUNG BA RAB TU 'BYUNG NGO ZHES GSUNGS PA'O, ,DE LA YON TAN GYIS CHE BA NYID NI BSAM PA'I STOBS LA SHIN TU GNAS PA LA SOGS PAS YONGS SU STON TO, ,DE NI YON TAN RNAM PA BDUN GYIS DBANG DU BYAS PA STE, MI GNAS PA'I LAM GYI YON TAN NI GANG GI PHYIR, DE DE LTAR BYANG CHUB SEMS DPA'I SA MI G-YO BA 'DI THOB PAS NYON MONGS PA KUN DU 'BYUNG BA THAMS CAD DANG BRAL BA'I PHYIR, BSAM PA'I STOBS LA SHIN TU GNAS PA YIN, LAS DANG MI BRAL BA'I PHYIR LHAG PA'I BSAM PA'I STOBS LA SHIN TU GNAS PA YIN, SEMS CAN GYI DON MI GTONG BA'I PHYIR, SNYING RJE CHEN PO'I STOBS LA SHIN TU GNAS PA YIN, 'GRO BA THAMS CAD YONGS SU SKYOB PA'I PHYIR, BYAMS PA CHEN PO'I STOBS LA SHIN TU GNAS PA YIN ZHES GSUNGS PA'O, ,DE LA MI GNAS PA'I LAM NYID NI MI MTHUN PA'I PHYOGS RNAM PAR NYAMS SHING GNYEN PO BSTEN PA DANG SEMS CAN LA LTA BA RNAM PA GNYIS KYIS RIG PAR BYA'O, ,BRJOD PA MED PA NYID KYI YON TAN NI GANG GI PHYIR, BRJED PA MED PA'I CHOS DANG LDAN PA'I PHYIR, GZUGS KYI STOBS LA SHIN TU GNAS PA YIN ZHES GSUNGS PA'O, ,NGAG PHUN SUM TSOGS PA'I YON TAN NI GANG GI PHYIR, SANGS RGYAS KYI CHOS THAMS CAD RAB TU RNAM PAR 'BYED PA'I BYE BRAG LA MKHAS PA'I PHYIR, SPOBS PA'I STOBS LA SHIN TU GNAS PA YIN ZHES GSUNGS PA'O, ,SEMS PHUN SUM TSOGS PA'I YON TAN NI GANG GI PHYIR, 'JIG RTEN GYI KHAMS MTHA' YAS PA'I SPYOD PA RNAM PAR DBYE BA LA MKHAS PA'I PHYIR MNGON PAR SHES PA'I STOBS LA @229B SHIN TU GNAS PA YIN ZHES GSUNGS PA'O, ,RGYU'I YON TAN NI GANG GI PHYIR, BYANG CHUB SEMS DPA'I BYA BA THAMS CAD MI GTONG BA'I PHYIR SMON LAM GYI STOBS LA SHIN TU GNAS PA YIN ZHES GSUNGS PA'O, ,SBYOR BA'I YON TAN NI GANG GI PHYIR, SANGS RGYAS KYI CHOS THAMS CAD YANG DAG PAR SGRUB PA'I PHYIR PHA ROL TU PHYIN PA'I STOBS LA SHIN TU GNAS PA YIN ZHES GSUNGS PA'O, ,NYE BAR SGRUB PA'I YON TAN NI GANG GI PHYIR, RNAM PA THAMS CAD KUN MKHYEN PA'I YE SHES MNGON DU GYUR PA'I PHYIR, DE BZHIN GSHEGS PA'I BYIN GYIS RLABS KYI STOBS LA SHIN TU GNAS PA YIN ZHES GSUNGS PA'O, ,DE DE LTA BU'I STOBS BSKYED PA THOB PAS BYA BA THAMS CAD KYANG KUN DU STON LA ZHES BYA BA NI RJES SU CHAGS PA DANG, KHONG KHRO BA LA SOGS PA DANG LDAN PA NYON MONGS PA DANG BCAS PA RNAMS KYIS KUN DU SPYAD PA RNAMS SO, ,BYA BA THAMS CAD LA YANG KHA NA MA THO BA MED PA YIN NO ZHES BYA BA NI YON TAN DE DAG GIS SO, ,DE LTAR CHE BA NYID KYI KHYAD PAR GYIS SA 'DI'I RNAM PAR GZHAG PA BSTAN NAS, NGES PA'I TSIG RAB TU DBYE BAS STON TO, ,DE LA NGES PA'I TSIG RAB TU DBYE BA NI RNAM PA GNYIS TE, SA'I NGES PA'I TSIG RAB TU DBYE BA DANG, GANG ZAG GI NGES PA'I TSIG RAB TU DBYE BA'O, ,DE LA SA'I NGES PA'I TSIG RAB TU DBYE BA NI RNAM PA DRUG TU RIG PAR BYA STE, NYE BA'I NYON MONGS PA'I GNYEN PO NI NYE BA'I NYON MONGS PA DE YANG RNAM PA GNYIS TE, SA 'OG MA PA'I MNGON PAR 'DU BYED PA DANG, THEG PA DMAN PAR SMON LAM 'DEBS PA DANG, BDUD KYI LAS DANG; NYON MONGS PA KUN DU 'BYUNG BA STE, DE'I GNYEN POR KYE RGYAL BA'I SRAS DAG BYANG CHUB SEMS DPA'I YE SHES KYIS 'DI NI MI 'PHROGS PA'I PHYIR MI G-YO BA ZHES BYA'O, ,YE SHES MI BZLOG PA'I PHYIR MI BZLOG PA'I SA ZHES GSUNGS PA'O, ,ZAB PA NYID GANG GI PHYIR 'GRO BA THAMS CAD KYIS SHES PAR DKA' BA'I PHYIR RNYED PAR DKA' BA'I SA ZHES BYA'O ZHES GSUNGS PA'O, ,SPYOD PA DANG GNAS PA RNAM PAR DAG PA NI GANG GI PHYIR KHA NA MA THO BA MED PA'I PHYIR GZHON NU'I SA ZHES BYA'O, ,BSAM PA JI LTA BA BZHIN DU DBANG BYED PA'I PHYIR SKYE BA'I SA ZHES BYA'O ZHES GSUNGS PA'O, , @230A *, ,DE LA SPYOD PA RNAM PAR DAG PA NI BYA BA THAMS CAD LA NYES PA MED PAS GZHON NU'I DANG 'DRA'O, ,GNAS PA RNAM PAR DAG PA NI BSAM PA 'BYOR PAS SKYE SKYE BA'I SA LA GNAS PA DANG 'DRA BA'O, ,'JIG RTEN PA DANG 'JIG RTEN LAS 'DAS PA'I 'DUS BYAS RNAM PAR DAG PA'I KHYAD PAR NI GANG GI PHYIR YANG BYA BA MED PA'I PHYIR YONGS SU GRUB PA'I SA ZHES BYA'O, ,YE SHES KYIS RNAM PAR DBYE BA SHIN TU BYAS PA'I PHYIR, YONGS KYI MTHAR THUG PA'I SA ZHES BYA'O ZHES GSUNGS PA'O, ,DE LA 'JIG RTEN LAS 'DAS PA'I 'DUS BYAS RNAM PAR DAG PA'I KHYAD PAR NI YE SHES KYIS RNAM PAR DBYE BA SHIN TU BYAS PAS SHES BYA'I SGRIB PA RNAM PAR SBYONG BA'I PHYIR RO, ,DE GNYI GA'I 'DUS MA BYAS RNAM PAR DAG PA'I KHYAD PAR NI GANG GI PHYIR, SMON LAM SHIN TU MNGON PAR BSGRUBS PA'I PHYIR MYA NGAN LAS 'DAS PA'I SA ZHES BYA'O ZHES GSUNGS PA'O, ,SNGON GYI SMON LAM GYI DBANG GIS SEMS CAN GYI DON YONGS SU MI GTONG BA DANG, BYANG CHUB SEMS DPA'I SA'I KHYAD PAR GYI 'DUS MA BYAS RNAM PAR DAG PA'I KHYAD PAR NI GANG GI PHYIR, GZHAN GYIS RNAM PAR MI 'KHRUGS PAS BYIN GYI RLABS KYI SA ZHES BYA'O, ,SNGON GYI MTHAR MNGON PAR BSGRUBS PAS LHUN GYIS GRUB PA'I SA ZHES BYA'O ZHES GSUNGS PA'O, ,DE LA BYANG CHUB SEMS DPA'I SA'I KHYAD PAR NI SA DRUG PA DANG, BDUN PA LA KHYAD ZHUGS PA STE, SA DRUG PA LA NI LAM GZHAN RTZOM PA'I KHYAD PAR GYI GZHAN GYIS RNAM PAR 'KHRUGS SO, ,BDUN PA NI 'BAD PA DANG BCAS PA'O, , 'DI NI THAMS CAD MNGON PAR BSGRUBS PAS LHUN GYIS GRUB PAR 'JUG PA'O, ,DE LA GANG ZAG GI NGES PA'I TSIG RAB TU DBYE BA NI, BYANG CHUB SEMS DPA' DON GANG GIS NA BYANG CHUB SEMS DPA'I SA MI G-YO BA THOB CES BYA BA DE STON PA LAS RIG PAR BYA'O, ,DE NI DON RNAM PA GNYIS KYIS BRJOD DE; GCIG TU MI G-YO BA DANG, GCIG PA NYID LAS MI G-YO BA NI SANGS RGYAS KYI RIGS KYI RJES SU SONG BA'I RGYU STE, GANG GI PHYIR KYI RGYAL BA'I SRAS DE LTAR BYANG CHUB SEMS DPA' YE SHES DE LTA BU MNGON PAR BSGRUBS PA DANG LDAN ZHING, SANGS RGYAS KYI RIGS KYI RJES SU SONG BA ZHES @230B GSUNGS PA'O, ,DE LA SANGS RGYAS KYI RIGS NI KHAMS BRTAS PA'I KHYAD PAR RO, ,DE'I RJES SU SONG BA NI YON TAN YONGS SU 'DZIN PA DANG, SGRUB PA DANG, NYE BA DANG, RNAM PA GSUM GYIS RAB TU PHYE BA STE, GANG GI PHYIR SANGS RGYAS KYI YON TAN SHIN TU SNANG BAR GYUR BA, DE BZHIN GSHEGS PA'I SPYOD LAM DANG, SPYOD PA SPYAD PA'I RJES SU SONG BA, SANGS RGYAS KYI ZHING MNGON DU GYUR PA ZHES GSUNGS PA'O, ,DE LA SHIN TU SNANG BAR GYUR PA'I DON NI SHIN TU SBYANG BA'I DON DU RIG PAR BYA'O, ,GNAS PA DANG SPYOD PA'I SPYAD PA NI SPYOD LAM DANG SPYOD PA'I SPYAD PA'O, ,DE LA GCIG TU MI G-YO BA NI RTAG PAR RGYUN DU DE BZHIN GSHEGS PA'I BYIN GYI RLABS KYIS SHIN TU BYIN GYIS BRLABS PAS YONGS SU STON TE, GANG GI PHYIR RTAG PAR RGYUN DU DE BZHIN GSHEGS PA'I BYIN GYI RLABS KYIS SHIN TU BYIN GYIS BRLABS PA YIN ZHES GSUNGS PA'O, ,DE LA YON TAN RNAM PA LNGA'I DBANG DU BYAS PAR RIG PAR BYA STE, MCHOD PA'I YON TAN NI GANG GI PHYIR, BRGYA BYIN DANG, TSANGS PA DANG, 'JIG RTEN SKYONG BAS BSU BA YIN ZHES GSUNGS PA'O, ,KUN DU BSRUNGS PA'I YON TAN NI GANG GI PHYIR, LAG NA RDO RJE RTAG PAR PHYI BZHIN 'BRANG BA YIN ZHES GSUNGS PA'O, , RTEN GYI YON TAN NI GANG GI PHYIR TING NGE 'DZIN GYI STOBS KYIS YONGS SU MA BTANG BA YIN ZHES GSUNGS PA'O, ,ZHING YONGS SU DAG PA'I YON TAN NI GANG GI PHYIR LUS RNAM PAR PHYE BA TSAD MED PA MNGON PAR BSGRUB PA YIN ZHES GSUNGS PA'O, ,SEMS CAN YONGS SU SMIN PAR BYED PA'I YON TAN NI SEMS CAN YONGS SU SMIN PAR BYED PA'I YON TAN DE RNAM PA LNGAS YONGS SU BSTAN TE, BSAMS BZHIN DU SKYE BA YONGS SU 'DZIN PA NI GANG GI PHYIR LUS THAMS CAD KYI SPYOD PA'I STOBS DANG LDAN PA YIN ZHES GSUNGS PA'O, ,DBANG PO DANG, BSAM PA DANG, BAG LA NYAL SHES PAR NUS PA NI GANG GI PHYIR MNGON PAR SHES PA CHEN PO'I RNAM PAR SMIN PA YONGS SU GRUB PA YIN ZHES GSUNGS PA'O, ,CHOS KYI TSUL LA GZUD PA'I PHYIR, CHOS MTHA' YAS PA 'DZIN PAR NUS PA NI GANG GI PHYIR TING NGE 'DZIN MTHA' YAS PA LA DBANG BYED PA YIN ZHES GSUNGS PA'O, ,LEN PAR NUS PA NI @231A *, ,GANG GI PHYIR LUNG BSTAN PA TSAD MED PA YANG DAG PAR NOD PA YIN ZHES GSUNGS PA'O, ,BSHAD PAR NUS PA NI GANG GI PHYIR 'GRO BA JI LTAR YONGS SU SMIN PA BZHIN DU MNGON PAR RDZOGS PAR BYANG CHUB PA STON PAR BYED PA YIN ZHES GSUNGS PA'O, ,DE LTA BU DANG LDAN ZHING ZHES BYA BA NI GCIG TU MI G-YO BA'O, ,DE LA GCIG PA NYID LAS MI G-YO BA NI, THEG PA CHEN PO'I DKYIL 'KHOR DU ZHUGS PAS YONGS SU BSTAN TE, GANG GI PHYIR DE LTA BU DANG LDAN ZHING THEG PA CHEN PO'I DKYIL 'KHOR DU ZHUGS PA ZHES GSUNGS PA'O, ,DKYIL 'KHOR GYI DON NI MI PHYED PA'I DON TO, ,DE YANG RNAM PA DGUR RIG PAR BYA STE, YE SHES MI PHYED PA NI GANG GI PHYIR SHIN TU RNAM PAR DPYAD PA'I YE SHES KYI MNGON PAR SHES PA CHEN PO DANG LDAN PA ZHES GSUNGS PA'O, ,BSHAD PA MI PHYED PA NI GANG GI PHYIR RTAG PAR RGYUN DU SHES RAB KYI SNANG BA'I 'OD ZER RAB TU GTONG BA ZHES GSUNGS PA'O, ,RNAM PAR GROL BA MI PHYED PA NI GANG GI PHYIR CHOS KYI DBYINGS CHAGS PA MED PA'I LAM DU ZHUGS PA ZHES GSUNGS PA'O, ZHING YONGS SU DAG PA MI PHYED PA NI GANG GI PHYIR 'JIG RTEN GYI KHAMS KYI LAM RNAM PAR DBYE BA LA MKHAS PA ZHES GSUNGS PA'O, ,THEG PA CHEN PO LA 'JUG PA MI PHYED PA NI GANG GI PHYIR YON TAN GYI RNAM PA THAMS CAD YANG DAG PAR STON PA ZHES GSUNGS PA'O, ,MNGON PAR SHES PA MI PHYED PA NI GANG GI PHYIR RANG GIS SEMS BSKYED PA LA DBANG BYED PA ZHES GSUNGS PA'O, ,DRI BA LAN 'DEBS PAR NUS PA MI PHYED PA NI GANG GI PHYIR SNGON GYI MTHA' DANG PHYI MA'I MTHA' SHIN TU RTOGS PA'I YE SHES CAN ZHES GSUNGS PA'O, BYANG CHUB KYI SNYING PO LA 'DUG PA MI PHYED PA NI GANG GI PHYIR, BDUD KYI LAM THAMS CAD KYI 'JUG PA DANG, LDOG PA SHES PA DANG LDAN PA ZHES GSUNGS PA'O, ,MNGON PAR RDZOGS PAR BYANG CHUB PA MI PHYE DANG NI GANG GI PHYIR, DE BZHIN GSHEGS PA'I YUL DANG SPYOD YUL THAMS CAD KYI RJES SU ZHUGS PA ZHES GSUNGS PA'O, ,'JIG RTEN GYI KHAMS RAB 'BYAM MU MED PA DAG NA BYANG CHUB SEMS DPA'I SPYOD PA PHYIR MI LDOG PA'I TSUL GYIS SPYOD PAS ZHES BYA BA NI SBYOR BA DON YOD PA'O, ,DE BZHIN GSHEGS @231B PA DE DAG LA BSNYEN BKUR BYED CING, 'JIG RTEN GYI KHAMS RNAM PAR DBYE BA SNGON DU 'GRO BA CHOS SNANG BAR SGRUB PA YANG DAG PAR LEN TO ZHES BYA BA NI DE'I PHYIR RO, ,GSER GYI SA LE SBRAM 'DZAM BU'I GLING GI BDAG PO LA BTAGS PA'I DPES NI, RNAM PAR DAG PA'I SA THOB PAS GNAS KHYAD PAR CAN DU BYAS PA'I DGE BA'I RTZA BA 'OD GSAL BAR YONGS SU STON TE, GANG GI PHYIR KYE RGYAL BA'I SRAS 'DI LTA STE, DPER NA GSER GYI SA LE SBRAM DE NYID MGAR BA MKHAS PAS ZIN PAR BYAS TE, 'DZAM BU'I GLING GI BDAG PO'I MGUL LAM, MGO LA BTAGS NA 'DZAM BU'I GLING PA'I SEMS CAN THAMS CAD KYI RGYAN GYI RNAM PA RNAMS KYIS MI 'PHROGS PA YIN NO, ,KYE RGYAL BA'I SRAS DE BZHIN DU BYANG CHUB SEMS DPA'I SA MI G-YO BA 'DI LA GNAS PA'I BYANG CHUB SEMS DPA'I DGE BA'I RTZA BA DE DAG KYANG NYAN THOS DANG, RANG SANGS RGYAS THAMS CAD NAS BYANG CHUB SEMS DPA'I SA BDUN PA LA GNAS PA'I BAR DAG GIS MI 'PHROGS PA YIN NO ZHES GSUNGS PA'O, ,LHAG MA NI SNGA MA BZHIN NO, ,'PHAGS PA SA BCU PA LAS SA BRGYAD PA'I RNAM PAR BSHAD PA RDZOGS SO,, ,,SA DGU PA NI, SMRA BA PO'I RTZOL BA PHUN SUM TSOGS PA DANG, YE SHES PHUN SUM TSOGS PA DANG, SPYOD PA LA 'JUG PA PHUN SUM TSOGS PA DANG, BSHAD PA PHUN SUM TSOGS PA DANG, RNAM PA BZHIS RNAM PAR GZHAG PAR RIG PAR BYA'O, ,SA BRGYAD PA'I YE SHES KYI LAS MNGON PAR BSGRUBS PA RNAMS KYIS ZHING YONGS SU DAG PAR BYA BA BSGRUBS NAS; 'DI LA SEMS CAN YONGS SU SMIN PAR BYA BA SGRUB STE, 'DI NI DE'I KHYAD PAR RO, ,DE LA SMRA BA PO'I RTZOL BA PHUN SUM TSOGS PA NI GZHAN GYI DON DANG, BDAG GI DON GYI DBANG DU BYAS NAS, TSIG GCIG DANG, GCIG DANG LNGA DANG GSUM GYIS BSTAN TE, GZHAN GYI DON NI GZUGS MED PA RNAMS SU THAR PA THOB PAR 'GYUR BAR 'DU SHES PA'I GDUL BYA RNAMS KYI DBANG DU BYAS PA STE, GANG GI PHYIR KYE RGYAL BA'I SRAS BYANG CHUB SEMS DPA' DE DE LTAR YE SHES TSAD MED PAS RNAM PAR DPYAD PA'I BLOS YANG RNAM PAR THAR PA ZHI BA GONG MA RNAMS SHES PAR BYED CES @232A *, ,GSUNGS PA'O, ,BDAG GI DON NI SANGS RGYAS KYI YE SHES MA THOB PA'I DBANG DU BYAS PA STE, GANG GI PHYIR YANG DE BZHIN GSHEGS PA'I YE SHES GONG MA MA RDZOGS PA LA RNAM PAR DPYOD CES GSUNGS PA'O, ,YANG BYANG CHUB SEMS DPA' YONGS SU SMIN PA DAG GI DBANG DU BYAS PA DANG, TSUL BZHIN MA YIN PA SEMS PA LA SBYOR BA'I GDUL BYA RNAMS DANG, MI SHES PA DAG CHOS KYI TSUL BSTAN PAR SHES PAR BYA BA DANG, SKYABS NGAN PAR ZHUGS PA RNAMS DANG, MTHO RIS LA MOS PA RNAMS KYI DBANG DU BYAS NAS TSIG LNGAS GO RIMS BZHIN DU GZHAN GYI DON STON TE, GANG GI PHYIR DE BZHIN GSHEGS PA'I GSANG BA'I RJES SU 'JUG PAR BYA BA LA 'JUG ,YE SHES BSAM GYIS MI KHYAB PA'I CHE BA NYID RAB TU RNAM PAR 'BYED, GZUNGS DANG TING NGE 'DZIN RAB TU RNAM PAR 'BYED PA YONGS SU SBYONG, MNGON PAR SHES PA RGYA CHEN PO MNGON PAR SGRUB, 'JIG RTEN GYI KHAMS RNAM PAR DBYE BA SHES PAR BYED CES GSUNGS PA STE, ZHING YONGS SU DAG PA KUN DU STON PAS MTHO RIS LA MOS PA ZLOG PAR BYED DO, ,MNGON PAR RDZOGS PAR BYANG CHUB PA DANG, CHOS KYI 'KHOR LO BSKOR BA DANG, YONGS SU MYA NGAN LAS 'DAS PA KUN DU BSTAN PA'I DBANG DU BYAS NAS TSIG GSUM GYIS GO RIMS BZHIN DU BDAG GI DON STON TE, GANG GI PHYIR DE BZHIN GSHEGS PA'I STOBS DANG, MI 'JIGS PA DANG, SANGS RGYAS KYI CHOS MA 'DRES PA MI 'PHROGS PA YONGS SU SBYONG BAR BYED, DE BZHIN GSHEGS PA'I CHOS KYI 'KHOR LO BSKOR BA KHYU MCHOG TU GYUR PA'I RJES SU 'JUG ,SNYING RJE CHEN PO'I BYIN GYI RLABS THOB PA MI 'DOR ZHING, BYANG CHUB SEMS DPA'I SA DGU PA GNON TE ZHES GSUNGS PA STE, SEMS CAN GYI DON LA LTA BA DANG BCAS PA'I YONGS SU MYA NGAN LAS 'DAS PA YIN PAS SNYING RJE CHEN PO'I BYIN GYI RLABS THOB PA MI 'DOR BAR RIG PAR BYA'O, ,DE LTAR CHOS SMRA BA PO'I RTZOL BA PHUN SUM TSOGS PAS SA DGU PA RNAM PAR GZHAG PA BSTAN NAS, YE SHES PHUN SUM TSOGS PA STON TO, ,DE LA YE SHES PHUN SUM TSOGS PA NI CHOS GANG NGAG BSHAD PAR BYA BA DE DAG GI DBANG DU BYAS PAR RIG PAR BYA'O, ,DE DAG NI @232B RNAM PAR BYANG BA DANG, KUN NAS NYON MONGS PA DANG, GNYI GA MA YIN PA'I CHOS RNAMS TE, GANG GI PHYIR DE BYANG CHUB SEMS DPA'I SA 'DI LA GNAS PA DE DGE BA DANG, MI DGE BA DANG LUNG DU MI STON PA'I CHOS MNGON PAR 'DU BYA BA YANG YANG DAG PA JI LTA BA BZHIN DU RAB TU SHES TE ZHES GSUNGS PA'O, ,RNAM PAR BYANG BA'I CHOS RNAMS KYANG ZAG PA DANG BCAS PA DANG, ZAG PA MED PA DAG STE, GANG GI PHYIR ZAG PA DANG BCAS PA DANG, ZAG PA MED PA'I CHOS MNGON PAR 'DU BYA BA ZHES GSUNGS PA'O, ,ZAG PA MED PA RNAMS KYANG 'JIG RTEN PA DANG, 'JIG RTEN LAS 'DAS PA DAG STE, GANG GI PHYIR 'JIG RTEN PA DANG 'JIG RTEN LAS 'DAS PA'I CHOS MNGON PAR 'DU BYA BA ZHES GSUNGS PA'O, ,DE RNAMS KYANG BSAM DU YOD PA DANG, BSAM GYIS MI LANG BA DAG STE, GANG GI PHYIR BSAM GYIS KHYAB PA DANG, BSAM GYIS MI KHYAB PA'I CHOS MNGON PAR 'DU BYA BA ZHES GSUNGS PA'O, ,BSAM DU YOD PA RNAMS KYANG NGES PA DANG MA NGES PA DAG STE, GANG GI PHYIR NGES PA DANG MA NGES PA'I CHOS MNGON PAR 'DU BYA BA ZHES GSUNGS PA'O, ,DE RNAMS KYANG THEG PA GSUM PO DAG STE, GANG GI PHYIR NYAN THOS DANG RANG SANGS RGYAS KYI CHOS MNGON PAR 'DU BYA BA DANG, BYANG CHUB SEMS DPA'I SPYOD PA'I CHOS MNGON PAR 'DU BYA BA DANG, DE BZHIN GSHEGS PA'I SA'I CHOS MNGON PAR 'DU BYA BA ZHES GSUNGS PA'O, ,THEG PA GSUM PO'I CHOS DE DAG KYANG, LAM DANG GNAS GYUR PAS RAB TU PHYE BA'I PHYIR, 'DUS BYAS DANG 'DUS MA BYAS KYIS RAB TU PHYE BA DAG STE, GANG GI PHYIR 'DUS BYAS KYI CHOS MNGON PAR 'DU BYA BA DANG, 'DUS MA BYAS KYI CHOS MNGON PAR 'DU BYA BA YANG YANG DAG PA JI LTA BA BZHIN DU RAB TU SHES SO ZHES GSUNGS PA'O, ,DE LTAR YE SHES PHUN SUM TSOGS PAS, SA RNAM PAR GZHAG PA BSTAN NAS SPYOD PA LA 'JUG PA PHUN SUM TSOGS PA STON TO, , DE LA SPYOD PA LA 'JUG PA PHUN SUM TSOGS PA NI NYON MONGS PA DANG, LAS KYI KUN NAS NYON MONGS PA RTEN DANG BCAS PA LAS BRTZAMS PA DANG, SKYE BA'I KUN NAS NYON MONGS PA LA BRTEN PA KUN NAS NYON MONGS PA DANG, RNAM PAR BYANG BA GNYIS SU NGES PA DANG MA NGES PA'I GNAS SKABS LAS BRTZAMS @233A *, ,PAR RIG PAR BYA STE, GANG GI PHYIR DE YE SHES DE LTA BU DANG LDAN PA'I BLO SEMS CAN GYI SEMS KYI RGYU BA THIBS PO YANG DAG PA JI LTA BA BZHIN DU RAB TU SHES TE, NYON MONGS PA'I RGYU BA THIBS PO DANG LAS KYI RGYU BA THIBS PO ZHES GSUNGS PA'O, ,MOS PA LA SOGS PA NI DBANG PO LA SOGS DANG MTHUN PA'I PHYIR NGES PA DANG MA NGES PA'I GNAS SKABS DE NI DBANG PO LA SOGS PA'I RIM GYIS RIG PAR BYA STE, GANG GI PHYIR DBANG PO'I RGYU BA THIBS PO DANG, MOS PA'I RGYU BA THIBS PO DANG, KHAMS KYI RGYU BA THIBS PO DANG, BSAM PA DANG BAG LA NYAL GYI RGYU BA THIBS PO DANG, SKYE BA'I RGYU BA THIBS PO DANG, BAG CHAGS KYI MTSAMS SBYOR BA'I RGYU BA THIBS PO DANG, PHUNG PO GSUM GYI GNAS PA'I RGYU BA THIBS PO YANG YANG DAG PA JI LTA BA BZHIN DU RAB TU SHES SO ZHES GSUNGS PA'O, ,THIBS PO NI MANG BA'I DON DANG, SPYOD PA SHES PAR MI NUS PA'I DON DU RIG PAR BYA'O, ,SEMS CAN GYI RGYU BA THIBS PO NI SEMS RNAM PA THA DAD PAS STON TE, GANG GI PHYIR DE SEMS CAN RNAMS KYI SEMS RNAM PA THA DAD PA YANG YANG DAG PA JI LTA BA BZHIN DU RAB TU SHES TE ZHES GSUNGS PA'O, ,SEMS RNAM PA THA DAD PA DE YANG MTSAN NYID RNAM PA BRGYAD KYIS RAB TU STON TE; SEMS DANG YID DANG RNAM PAR SHES PA RNAM PA DRUG RAB TU DBYE BAS RAB TU DBYE BA'I MTSAN NYID KYIS STON PA NI GANG GI PHYIR SEMS RNAM PA SNA TSOGS NYID CES GSUNGS PA'O, ,GNAS PA GZHAN DU 'GYUR BA DANG, 'JIG PA DANG SKYE BAR 'GYUR BAS 'GYUR BA'I MTSAN NYID STON PA NI GANG GI PHYIR, SEMS SKAD CIG TU MYUR DU 'GYUR BA DANG, 'JIG PA DANG, MI 'JIG PA NYID CES GSUNGS PA'O, ,DMIGS PA DE LAS SEMS KYI LUS GUD NA MED PAS DON DAM PA'I MTSAN NYID KYIS STON PA NI GANG GI PHYIR, SEMS LUS MED PA NYID CES GSUNGS PA'O, ,YUL MTHA' YAS PA LA 'JUG PAS RANG GI MTSAN NYID KYIS STON PA NI GANG GI PHYIR, SEMS MTHA' YAS SHING THAMS CAD DU MANG BA NYID CES GSUNGS PA'O, ,RANG BZHIN GYIS KUN NAS NYON MONGS PA MA YIN PA'I MTSAN NYID KYIS STON PA NI GANG GI PHYIR, SEMS 'OD GSAL BA NYID CES GSUNGS PA'O, ,KUN NAS DKRIS PA DANG BCAS PA DANG, @233B KUN NAS DKRIS PA MED PA'I MTSAN NYID KYIS STON PA NI GANG GI PHYIR, SEMS NYON MONGS PA DANG BCAS PA DANG, NYON MONGS PA MED PA NYID CES GSUNGS PA'O, ,BAG LA NYAL DANG BCAS PA DANG, BAG LA NYAL MED PA'I MTSAN NYID KYIS STON PA NI GANG GI PHYIR, SEMS BCINGS PA DANG RNAM PAR THAR PA NYID CES GSUNGS PA'O, ,JI LTAR BYANG CHUB SEMS DPA' RNAMS BSAMS BZHIN DU SKYE BA DANG, DE MA YIN PA SEMS CAN RNAMS RANG GI LAS DAG GI SKYE BAS RGYU'I MTSAN NYID KYIS STON PA NI GANG GI PHYIR, SEMS SGYU MA LTA BUR RNAM PAR SGRUB PA NYID DANG, SEMS 'GRO BA JI LTA BA BZHIN DU NYE BAR GNAS PA NYID NAS, SEMS THA DAD PA 'BUM PHRAG DU MA'I BAR DAG KYANG YANG DAG PA JI LTA BZHIN DU RAB TU SHES SO ZHES GSUNGS PA'O, ,RANG BZHIN GYIS 'OD GSAL BA YIN DU ZIN KYANG, SEMS NYON MONGS PA DANG BCAS PA DANG, NYON MONGS PA MED PA DANG, SEMS BCINGS PA DANG, RNAM PAR THAR PA STE, MTSAN NYID DRUG PA DANG BDUN PAS NI NYON MONGS PA'I KUN NAS NYON MONGS PA STON TO, ,SEMS 'GRO BA JI LTA BA BZHIN DU NYE BAR GNAS PA STE BRGYAD PAS SKYE BA'I KUN NAS NYON MONGS PA STON TO, ,NYON MONGS PA'I RGYU BA THIBS PO RAB TU DBYE BA NI RNAM PA GSUM GYIS BSTAN TE, SRID PA'I RTZE MO'I BAR DU RING DU SONG BA NI GANG GI PHYIR, DE NYON MONGS PA RNAMS RING DU SONG BA NYID KYANG YANG DAG PA JI LTA BA BZHIN DU RAB TU SHES TE ZHES GSUNGS PA'O, ,DGE BA LA SOGS PA LA SBYOR BA MTHA' YAS PA KUN DU 'BYUNG BAS SHES PAR DKA' BA NI GANG GI PHYIR SBYOR BA MTHA' YAS PA NYID CES GSUNGS PA'O, ,NYON MONGS PA DANG, SKYE BA DANG LAS KYI KUN NAS NYON MONGS PA RNAMS KYIS NYON MONGS PAR BYED PA NI DE LA JI LTAR 'CHING BA GANG GIS GANG BCINGS PA DE BSTAN PA'I PHYIR NYON MONGS PA'I KUN NAS NYON MONGS PAS KUN NAS NYON MONGS PA NYID DU YONGS SU STON TO, ,GANG GI PHYIR LHAN CIG SKYES SHING MI 'BRAL BA NYID DANG, BAG LA NYAL DANG, KUN NAS DKRIS PA DON GCIG PA NYID DANG, SEMS DANG MTSUNGS PAR LDAN PA DANG, MTSUNGS PAR LDAN PA MA YIN PA NYID CES GSUNGS PA'O, ,DE LA JI LTAR ZHES BYA BA NI, GCIG GI GROGS SU GCIG @234A *, ,GYUR PAS GCIG GIS GCIG BSKYED PA STE, LHAN CIG SKYES SHING THA MI DAD PA'I PHYIR RO, ,'CHING BA GANG GIS ZHES BYA BA NI BAG LA NYAL GYIS TE, DE YOD NA DE LAS MI 'GROL BA'I PHYIR TE, BAG LA NYAL DANG KUN NAS DKRIS PA DON GCIG PA'I PHYIR RO, ,GANG BCINGS PA ZHES BYA BA NI SEMS TE, SEMS DANG MTSUNGS PAR LDAN PA DANG, MTSUNGS PAR LDAN PA MA YIN PA'I PHYIR RO, ,MTSUNGS BAR LDAN PA MA YIN PA SMOS PA NI THAR PA'I SKABS YOD PAR BSTAN PA'I PHYIR, LUS KYI 'GRO BA DANG, KHAMS DANG RGYUS SKYE BA'I KUN NAS NYON MONGS PAS KUN NAS NYON MONGS PA NYID DU YONGS SU STON TE, GANG GI PHYIR SKYE BA'I MTSAMS SBYOR BA'I 'GRO BA JI LTA BA BZHIN DU NYE BAR GNAS PA NYID DANG, KHAMS GSUM PA RNAM PAR PHYE BA NYID DANG, SRED PA DANG, MA RIG PA DANG, LTA BA'I ZUG RDU DANG, NGA RGYAL DANG GTI MUG GI KHAN MTHO BA CHEN PO NYID CES GSUNGS PA'O, ,PHYOGS GSUM PO DAG LA THAR PA'I BAR DU GCOD PA'I LAS KYI RGYU YIN PA'I PHYIR DANG, LUS LA SOGS PA'I LAS 'KHOR BA DANG MTHUN PAR 'BYUNG BAR BYED PA TSAD MED PA'I RGYU YIN PA'I PHYIR, LAS KYI KUN NAS NYON MONGS PAS NYON MONGS PAR BYED PA NYID DU YONGS SU STON TE, GANG GI PHYIR LAS RNAM PA GSUM GYI GZHI RGYUN MI 'CHAD PA NAS MDOR BSDU NA NYON MONGS PA'I SPYOD PA THA DAD PA BRGYAD KHRI BZHI STONG GI RJES SU 'JUG PA NYID KYI BAR DU YANG DAG PA JI LTA BA BZHIN DU RAB TU SHES SO ZHES GSUNGS PA'O, ,PHYOGS GSUM NI 'DOD PA LA LONGS SPYOD PA'I PHYOGS DANG, SDOM PA MED PA'I PHYOGS DANG, MU STEGS CAN GYI PHYOGS SO, ,LAS KYI RGYU BA THIBS PO RAB TU DBYE BA NI, 'GRO BA'I RGYU NYID RAB TU DBYE BAS STON TE, GANG GI PHYIR DE LAS DGE BA DANG, MI DGE BA DANG LUNG DU MI STON PA NYID DAG KYANG YANG DAG PA JI LTA BA BZHIN DU RAB TU SHES TE ZHES GSUNGS PA'O, ,RANG BZHIN RAB TU DBYE BAS STON PA NI GANG GI PHYIR RNAM PAR RIG BYED DANG RNAM PAR RIG BYED MA YIN PA NYID CES GSUNGS PA'O, ,THABS RAB TU DBYE BAS STON PA NI GANG GI PHYIR SEMS DANG LHAN CIG SKYES SHING THA MI DAD PA NYID CES GSUNGS PA'O, ,'BRAS BU SOGS PA DANG MI SOGS PA'I RAB TU DBYE BAS STON PA NI GANG GI PHYIR, RGYU @234B RANG GI NGANG GIS SKAD CIG TU 'JIG CING, 'PHEL BA DANG 'BRAS BU CHUD MI ZA ZHING MTSAMS SBYOR BA NYID CES GSUNGS PA'O, ,'BRAS BU MA SMIN PA DANG, SMIN ZIN PA RAB TU DBYE BAS STON PA NI GANG GI PHYIR, RNAM PAR SMIN PA DANG BCAS PA DANG, RNAM PAR SMIN PA MED PA NYID CES GSUNGS PA'O,, MI MTHUN PA'I PHYOGS DANG, GNYEN PO RAB TU DBYE BAS STON PA NI GANG GI PHYIR, NAG PO DANG, DKAR PO DANG, THA DAD PA DANG, SNA TSOGS KYI LAS PHYOGS DU MA YANG DAG PAR LEN PA NYID CES GSUNGS PA'O, ,RKYEN RAB TU DBYE BAS STON PA NI GANG GI PHYIR LAS KYI ZHING TSAD MED PA NYID CES GSUNGS PA'O, ,KHOR ZUG MA YIN PA DANG, KHOR ZUG RAB TU DBYE BAS STON PA NI GANG GI PHYIR, 'PHAGS PA DANG 'JIG RTEN RAB TU RNAM PAR PHYE BA NYID CES GSUNGS PA'O, ,NGES PA DANG MA NGES PA RAB TU DBYE BAS STON PA NI GANG GI PHYIR, TSE 'DI DANG SKYES PA DANG, LAN GRANGS GZHAN LA MYONG BAR 'GYUR BA NYID DANG, THEG PA DANG THEG PA MA YIN PA LA NGES PA DANG, MA NGES PA NAS LAS THA DAD PA STONG PHRAG DU MA'I BAR DAG KYANG YANG DAG PA JI LTA BA BZHIN DU RAB TU SHES SO ZHES GSUNGS PA'O, ,DE LA RANG BZHIN RAB TU DBYE BA NI LAS RNAM PA GNYIS TE, BSAM PA DANG SEMS PA'O, , THABS RAB TU DBYE BA NI SEMS DANG LHAN CIG TU SKYES NAS BAG CHAGS KYI SEMS DANG, THA MI DAD PA'I 'BRAS BU MNGON PAR 'GRUB PAR BYED PA'O, ,'BRAS BU SOGS PA DANG MI SOGS PA RAB TU DBYE BA NI THOG MA MED PA'I DUS KYI LAS RANG GI NGANG GIS SKAD CIG LA 'JIG CING 'PHEL BA DANG, RGYUS MNGON PAR 'DUS BYAS PA'I LAS 'JIG PA DANG 'PHEL BA'O, ,LAN GRANGS GZHAN DANG SKYES NAS MYONG BAR 'GYUR BA YANG RIG PAR BYA'O, ,MI MTHUN PA'I PHYOGS DANG GNYEN PO RAB TU DBYE BA NI, NAG PO DANG, DKAR PO DANG, GNYI GA MA YIN PA DANG, GNYI GA'I CHA'I LAS YANG DAG PAR LEN PA RAB TU DBYE BAR RIG PAR BYA'O, ,NGES PA DANG MA NGES PA RAB TU DBYE BA NI GNAS SKABS GSUM LA NGES PA DANG, MA NGES PA NYID DANG, THEG PA RNAM PA GSUM LA NGES PA DANG, MA NGES PA NYID DANG, THEG PA MA YIN PAR 'KHOR BAR NGES PA DANG, MA NGES PA NYID DU RIG PAR BYA'O, ,DBANG PO RNAMS KYI RGYU BA @235A *, ,THIBS PO BSHAD PA'I SNOD RAB TU DBYE BAS STON PA NI GANG GI PHYIR, DE LA DBANG PO THA MA DANG, 'BRING DANG, RAB NYID KYANG YANG DAG PA JI LTA BA BZHIN DU RAB TU SHES TE ZHES GSUNGS PA'O, ,DBANG PO 'PHO BA NI GANG GI PHYIR, SNGON GYI MTHA' DANG, PHYI MA'I MTHA' DANG, THA DAD PA DANG, THA DAD PA MA YIN PA NYID CES GSUNGS PA'O, ,RIGS RAB TU DBYE BAS STON PA NI GANG GI PHYIR, RGYA CHEN PO DANG, 'BRING DANG, THA MA NYID CES GSUNGS PA'O, ,KUN NAS NYON MONGS PA RAB TU DBYE BAS STON PA NI GANG GI PHYIR, NYON MONGS PA DANG LHAN CIG SKYES SHING THA MI DAD PA NYID CES GSUNGS PA'O, ,NGES PA DANG MA NGES PA RAB TU DBYE BAS STON PA NI GANG GI PHYIR, THEG PA DANG THEG PA MA YIN PA LA NGES PA DANG MA NGES PA NYID DANG, YONGS SU SMIN PAR NGES PA DANG MA NGES PA NYID CES GSUNGS PA'O, ,'BYUNG BA RAB TU DBYE BAS STON PA NI GANG GI PHYIR, DBANG PO'I DRA BA'I RJES SU 'BRANG BA DANG MYUR DU 'JIG PA DANG MTSAN MAR 'DZIN PA NYID CES GSUNGS PA'O, ,NYAN THOS KYI RNAM PAR DAG PA RAB TU DBYE BAS STON PA NI GANG GI PHYIR, DBANG PO'I DBANG GIS MI BRDZI BA NYID CES GSUNGS PA'O, ,BYANG CHUB SEMS DPA'I RNAM PAR DAG PA RAB TU DBYE BAS STON PA NI GANG GI PHYIR, DBANG PO BZLOG TU RUNG BA DANG, BZLOG TU MI RUNG BA RAB TU RNAM PAR DBYE BA NYID CES GSUNGS PA'O, ,DBANG PO THAMS CAD BSDU BAR RAB TU DBYE BAS STON TE GANG GI PHYIR, RING DU SONG BA DANG LHAN CIG SKYES PA RNAM PA SNA TSOGS THA DAD PA NYID NAS MDOR BSDU NA DBANG PO THA DAD PA NYID STONG PHRAG DU MA'I BAR DAG KYANG YANG DAG PA JI LTA BA BZHIN DU RAB TU SHES SO ZHES GSUNGS PA'O, ,DE LA DBANG PO 'PHO BA RAB TU DBYE BA NI SNGA MA 'BOGS PA DANG, SNGA MA RNAMS LAS PHYI MA RNAMS DMA' BA DANG, KHYAD PAR DU 'PHAGS PA NYID DANG MTSUNGS PA NYID KYIS RIG PAR BYA'O, ,RIGS RAB TU DBYE BA NI THEG PA GSUM GYI RIGS RAB TU DBYE BA'O, , KUN NAS NYON MONGS PA RAB TU DBYE BA NI, YID DANG BDE BA LA SOGS PA'I DBANG PO RNAMS KYI NYON MONGS PA KUN NAS DKRIS PA DANG BAG LA NYAL NYID DO, ,NGES PA DANG MA NGES PA RAB TU DBYE BA NI THEG PA GSUM PO DAG DANG, 'KHOR BAR NGES PA DANG MA NGES PA NYID DANG, YONGS SU SMIN PAR NGES PA NYID DO, , @235B DE LA SEMS CAN THEG PA DMAN PAR MA NGES PA RNAMS KYI DBANG PO DAG NI BYANG CHUB SEMS DPAS ZLOG PAR BYED DO, ,THEG PA CHEN POR MA NGES PA RNAMS NI NGES PAR BYED PA'O, ,GCIG TU SHIN TU NGES PA RNAMS NI RNAM PAR GROL BAR BYED DO, ,YONGS SU SMIN PAR NGES PA RNAMS LA NI BTANG SNYOMS SU BYED DO, ,'BYUNG BA RAB TU DBYE BA NI 'BYUNG BA RNAM PA GSUM DU RIG PAR BYA STE, RTEN 'BYUNG BA NI SKYE MCHED DRUG PO DAG PHAN TSUN 'BREL PAR RJES SU 'BRANG BA'O, ,SKYE BA DANG 'JIG PA 'BYUNG BA NI MYUR DU 'JIG PA'O, ,DMIGS PA LAS BYUNG BA NI MTSAN MAR 'DZIN PA'O, ,NYAN THOS KYI RNAM PAR DAG PA RAB TU DBYE BA NI LAM GYI DBANG GIS MI MTHUN PA'I PHYOGS LAS RGYAL BA'I DON TO, ,BYANG CHUB SEMS DPA'I RNAM PAR DAG PA RAB TU DBYE BA NI PHYIR LDOG PA DANG, PHYIR MI LDOG PA'I SA RAB TU DBYE BA'O, ,DBANG PO THAMS CAD BSDUS PA RAB TU DBYE BA NI SBYOR BA LAS BYUNG BA DANG, RNAM PAR SMIN PA'I DBANG BO RAB TU DBYE BAR RIG PAR BYA'O, ,MOS PA DANG, KHAMS DANG, BSAM PA RNAMS KYI CHUNG DU DANG, 'BRING DANG CHEN PO LA SOGS RAB TU DBYE BA MTHA' YAS PAS KYANG RAB TU DBYE BAR RIG PAR BYA STE, GANG GI PHYIR DE MOS PA RNAMS KYI CHUNG DU DANG, 'BRING DANG, RAB NYID RNAMS KYANG YANG DAG PA JI LTA BA BZHIN DU RAB TU SHES PA NAS MOS PA THA DAD PA STONG PHRAG DU MA'I BAR DAG KYANG YANG DAG PA JI LTA BA BZHIN DU RAB TU SHES SO ZHES GSUNGS PA'O, ,KHAMS RNAMS DANG BSAM PA RNAMS KYANG DE BZHIN DU BRJOD PAR BYA'O, ,DE LA BAG LA NYAL NI RJES SU 'BRANG BA'I DON DU RIG PAR BYA'O,, DE DAG GI RGYU BA THIBS PO'I DBYE BA NI GANG DU RJES SU 'BRANG BA DANG, JI LTAR RJES SU 'BRANG BA DE'I RAB TU DBYE BAS STON TO, ,GANG DU RJES SU 'BRANG ZHE NA, RNAM PAR SMIN PA DANG, RNAM PAR SMIN PA MA YIN PA'I SEMS LA STE, GANG GI PHYIR DE LA BAG LA NYAL RNAMS KYI BSAM PA DANG, LHAN CIG SKYES PA DANG, SEMS DANG LHAN CIG SKYES PA NYID KYANG YANG DAG PA JI LTA BA BZHIN DU RAB TU SHES TE ZHES GSUNGS PA'O, ,JI LTAR RJES SU 'BRANG ZHE NA, RJES SU 'BRANG BA RNAM PA DRUG STE, RJES SU 'BRANG BA RNAM PA DRUG LA BAR MED PAR RNAM PA SNA TSOGS YUN RING PE NAS RJES SU 'BRANG @236A *, ,BA NI GANG GI PHYIR, SEMS DANG MTSUNGS PAR LDAN PA DANG, MTSUNGS PAR LDAN PA MA YIN PA RNAM PAR DBYE BA DANG, RING NAS RJES SU ZHUGS PA NYID CES GSUNGS PA'O, ,DANG PO NYID DU RJES SU 'BRANG BA NI TSIG GNYIS KYIS STON TE, GANG GI PHYIR THOG MA MED PA'I DUS NAS MA BSAL BA NYID DANG, BSAM GTAN DANG, RNAM PAR THAR PA DANG, TING NGE 'DZIN DANG, SNYOM PAR 'JUG PA DANG, MNGON PAR SHES PA THAMS CAD KYIS MI MJED PA NYID CES GSUNGS PA'O, ,KHAMS DANG SEMS DANG YUL THAMS CAD DU SONG BAS RJES SU 'BRANG BA NI TSIG GSUM GYIS STON TE, GANG GI PHYIR KHAMS GSUM PA'I MTSAMS SBYAR BAR MTSAMS SBYOR BAS SHIN TU 'BREL PA NYID DANG, THOG MA MED PA'I DUS NAS SEMS BCINGS PAR KUN DU 'BYUNG BA NYID DANG, SKYE MCHED KYI SGO NAS RNAM PAR RIG PA 'BYUNG BA NYID CES GSUNGS PA'O, ,GNYEN PO YOD PA'I DON YIN PAS MED PA'I DON GYI RJES SU 'BRANG BA NI GANG GI PHYIR, GNYEN PO THOB PA RJES SU GYUR PA NYID CES GSUNGS PA'O, ,NYON MONGS PA'I BDAG NYID DANG, KUN NAS DKRIS PA'I MTSAN NYID DU PHRAD PA DANG, MA PHRAD PAS SA DGU PO RNAMS DANG, SKYE MCHED DRUG LA PHRA BA RJES SU 'BRANG BA NI GANG GI PHYIR, SA DANG SKYE MCHED DANG PHRAD PA DANG, MA PHRAD PA NYID CES GSUNGS PA'O, ,'JIG RTEN LAS 'DAS PA MA YIN PA'I LAM GYIS SPANG BAR BYA BA MA YIN PAS SPANG BA BSGRUB DKA' BAR RJES SU 'BRANG BA NI GANG GI PHYIR, GZHAN MA YIN PA 'PHAGS PA'I LAM GYIS BSAL BA YANG YANG DAG PA JI LTA BA BZHIN DU RAB TU SHES SO ZHES GSUNGS PA'O, ,SKYE BA'I RGYU BA THIBS PO RAB TU DBYE BA LAS LUS RNAM PA SNA TSOGS KYIS STON PA NI GANG GI PHYIR, DE SKYES PA THA DAD PA RNAMS KYANG YANG DAG PA JI LTA BA BZHIN DU RAB TU SHES TE ZHES GSUNGS PA'O, ,LAS RNAM PA SNA TSOGS KYIS STON PA NI GANG GI PHYIR, LAS JI LTA BA BZHIN DU RAB TU SKYE BA ZHES GSUNGS PA'O, ,GNAS RNAM PA SNA TSOGS KYIS STON PA NI GANG GI PHYIR, SEMS CAN DMYAL BA DANG, DUD 'GRO DANG, YI DAGS DANG, LHA MA YIN DANG, MI DANG LHA'I GNAS ZHES GSUNGS PA'O, ,GZUGS DANG @236B 'DU SHES YAR SKYE BA DANG, MAR 'GRIB PA SNA TSOGS KYIS STON PA NI GANG GI PHYIR, GZUGS DANG GZUGS MED PAR SKYE BA DANG, 'DU SHES YOD PA DANG 'DU SHES MED PAR SKYE BA ZHES GSUNGS PA'O, ,PHYI ROL DANG 'DRA BA'I RGYU RNAM PA SNA TSOGS KYIS STON PA NI GANG GI PHYIR, LAS KYI ZHING DANG; SRED PA'I RLAN DANG, MA RIG PAS MUN PAR GYUR PA'I RNAM PAR SHES PA'I SA BON GYIS YANG SRID PA RAB TU 'BYUNG BA ZHES GSUNGS PA'O, ,RANG GI MTSAN NYID RNAM PA SNA TSOGS KYIS STON PA NI GANG GI PHYIR, MING DANG GZUGS LHAN CIG SKYES SHING THA MI DAD PA ZHES GSUNGS PA'O, , 'PHAL BA DANG MNGON PAR 'GRUB PA'I RGYU RNAM PA SNA TSOGS KYIS STON PA NI GANG GI PHYIR, SRID PA LA MGO RMONGS PA DANG, SRID PAS MNGON PAR 'DOD PAS MTSAMS SBYOR BA ZHES GSUNGS PA'O, ,KUN 'BYUNG BA DANG SDUG BSNGAL GYI BDEN PA RNAM PAR GZHAG PA RNAM PA SNA TSOGS KYIS STON PA NI GANG GI PHYIR, SPYOD PA 'DOD PA DANG, SKYE BAR 'DOD PA DANG, SEMS CAN LA DGA' BA DANG, THOG MA DANG THA MA MED PAR KHAMS GSUM PA 'DZIN PA DANG, 'DU SHES 'DREN PA NYID KYANG YANG DAG PA JI LTA BA BZHIN DU RAB TU SHES SO ZHES GSUNGS PA'O, ,DE LA SPYOD PAR 'DOD PA NYID KYIS NI DGA' BA CAN DANG, 'DOD CHAGS DANG LDAN PA DANG, DE DANG DER MNGON PAR DGA' BA STON TO, ,SKYE BA 'DOD PA NYID KYIS NI YANG SRID PA PA STON TO, ,SEMS CAN LA DGA' BAS NI BDAG DANG GZHAN GYI RGYUD LA CHAGS PA'I MTSAN NYID KYI SRID PA STON TO, ,'GRO BA DANG, 'ONGS PA KHAMS GONG MA DANG, 'OG MA 'DZIN PA DANG, CHUNG BA DANG, RGYA CHEN POR GYUR PA DANG, TSAD MED PA DANG, CI YANG MED PA'I 'DU SHES 'DREN PAS SRID PA'I 'KHOR LO YONGS SU 'KHOR BAS SDUG BSNGAL GYI BDEN PA RNAM PAR GZHAG PA STON TO, ,BAG CHAGS RNAMS KYI RGYU BA THIBS PO RAB TU DBYE BA LAS 'BRAS BU 'BYIN PAR NYE BAR GNAS PA DANG, NYE BAR MI GNAS PA'I BYE BRAG GIS STON PA NI GANG GI PHYIR, DES BAG CHAGS RNAMS KYI NYE BAR BTAGS PA DANG, NYE BAR BTAGS PA MA YIN PA NYID KYANG YANG DAG PA JI LTA BA BZHIN DU RAB TU SHES TE ZHES GSUNGS PA'O, ,'GRO BA'I BAG CHAGS KYI @237A *, ,BYE BRAG GIS STON PA NI GANG GI PHYIR, 'GRO BA BZHIN DU BAG CHAGS BSGOS PA NYID CES GSUNGS PA'O, ,SEMS CAN DANG BSTEN PA'I BAG CHAGS KYI BYE BRAG GIS STON PA NI GANG GI PHYIR, SEMS CAN JI LTA BU DANG, SPYOD PA SPYAD PAS BSGOS PA NYID CES GSUNGS PA'O, ,BZO'I LAS KYI NYON MONGS PA'I BAG CHAGS KYI BYE BRAG GIS STON PA NI GANG GI PHYIR, LAS JI LTA BA BZHIN DU NYON MONGS PA GOMS PAR BYAS PAS BSGOS PA NYID CES GSUNGS PA'O, ,DGE BA LA SOGS PA'I LAS KYI BAG CHAGS KYI BYE BRAG GIS STON PA NI GANG GI PHYIR, DGE BA DANG MI DGE BA DANG LUNG DU MI STON PA'I PHYIR GOMS PAR BYAS PAS BSGOS PA NYID CES GSUNGS PA'O, ,BAR MA DO'I SRID PA'I BAG CHAGS KYI BYE BRAG GIS STON PA NI GANG GI PHYIR, YANG SRID PAR 'GRO BAS LHAG PAR BSGOS PA NYID CES GSUNGS PA'O, ,'BRAS BU 'BYIN PA'I RIM GYIS BYE BRAG GIS STON PA NI GANG GI PHYIR, MTHAR GYIS LHAG PAR BSGOS PA NYID CES GSUNGS PA'O, ,RING DU SONG BA'I BAG CHAGS KYI NYON MONGS PA'I RGYUN MI 'CHAD PAS NYON MONGS PA 'GRIB PAR BYED PA'I PHYIR, 'JIG RTEN PA'I NGES PAR 'BYUNG BA'I BAG CHAGS KYI BYE BRAG GIS STON PA NI GANG GI PHYIR, RING DU SONG BAS RGYUN MI 'CHAD LA NYON MONGS PA 'GRIB PAR BYID PAS BSGOS PA NYID CES GSUNGS PA'O, ,CHOS 'DI PA DANG GZHAN MU STEGS CAN GYI THAR PA'I TSOGS KYI BAG CHAGS KYI BYE BRAG GIS STON PA NI GANG GI PHYIR, RDZAS SU GYUR PA DANG RDZAS SU MA GYUR PAS BSGOS PA NYID CES GSUNGS PA'O, ,THEG PA'I BAG CHAGS KYI BYE BRAG GIS STON PA NI GANG GI PHYIR, NYAN THOS DANG, RANG SANGS RGYAS DANG, BYANG CHUB SEMS DPA' DANG, DE BZHIN GSHEGS PA MTHONG BA DANG, THOS PA DANG 'GROGS PAS BSGOS PA NYID KYANG YANG DAG PA JI LTA BA BZHIN DU RAB TU SHES SO ZHES GSUNGS PA'O, ,SEMS CAN GYI TSOGS GSUM GYI RGYU BA THIBS PO RAB TU DBYE BA LAS YONGS SU MYA NGAN LAS 'DA' BA'I CHOS CAN DANG, YONGS SU MYA NGAN LAS MI 'DA' BA'I CHOS CAN THEG PA GSUM LA GCIG TU NGES PA DANG, GCIG TU MA NGES PA'I BYE BRAG GIS STON PA NI GANG GI PHYIR, DE SEMS CAN GYI TSOGS YANG DAG PA @237B NYID DU NGES PA NYID DANG, LOG PA NYID DU NGES PA NYID DANG, DE GNYI GA DANG BRAL BAS NGES PA MED PA NYED KYANG YANG DAG PA JI LTA BA BZHIN DU RAB TU SHES TE ZHES GSUNGS PA'O, ,LEGS PAR SPYAD PA DANG, NYES PAR SPYAD PA'I RGYU'I BYE BRAG GIS STON PA NI GANG GI PHYIR, YANG DAG PA'I LTA PAS YANG DAG PA LA NGES PA NYID DANG, LOG PA'I LTA BAS LOG PAR NGES PA NYID DANG, DE GNYI GA DANG BRAL BAS NGES PA MED KYANG YANG DAG PA JI LTA BA BZHIN DU RAB TU SHES SO ZHES GSUNGS PA'O, ,NGAN 'GRO DANG BDE 'GRO'I RGYU'I BYE BRAG GIS STON PA NI GANG GI PHYIR, MTSAMS MED PA LNGA GANG YANG RUNG BA ZHIG TU LOG PAR NGES PA NYID DANG, DBANG PO LNGA LA YANG DAG PAR NGES PA NYID DANG, DE GNYI GA DANG BRAL BAS NGES PA NYID CES GSUNGS PA'O, ,MU STEGS CAN DANG, 'PHAGS PA NYAN THOS KYI RGYU'I BYE BRAG GIS STON PA NI GANG GI PHYIR, LOG PA BRGYAD DU LOG PAR NGES PA NYID DANG, YANG DAG PA LA YANG DAG PAR NGES PA NYID DANG, YANG BYAR MED PA NYID DANG, DE GNYI GA DANG BRAL BAR NGES PA MED PA NYID CES GSUNGS PA'O, ,BYANG CHUB SEMS DPA'I BYE BRAG GIS KYANG STON PA NI GANG GI PHYIR, SER SNA DANG, PHRAG DOG DANG, NGAN PA SPYOD PA MA BZLOG PAS LOG PAR NGES PA NYID DANG, 'PHAGS PA BLA NA MED PA'I LAM BSGOM PA NYE BAR SGRUB PAS YANG DAG PAR NGES PA NYID DANG, DE GNYI GA DANG BRAL BAS NGES PA MED PA'I PHUNG PO LA LUNG 'BOGS PA YANG YANG DAG PA JI LTA BA BZHIN DU RAB TU SHES SO ZHES GSUNGS PA'O, ,DE LA SER SNAS DON DU GNYER BA'I SEMS CAN YAL BAR 'DOR BA DANG, PHRAG DOG GI NYES PAS SEMS CAN GZHAN SBYOR BAR MI 'DOD PA DANG, NGAN PA NYE BAR SPYOD PA MA BZLOG PAS GZHAN LA SDUG BSNGAL NYE BAR SGRUB PA'I PHYIR PHA ROL TU PHYIN PA DANG MI MTHUN PAS BYANG CHUB SEMS DPA'I LOG PA NYID DU NGES PA YIN NO, ,DE LTAR SNRA BA PO'I RTZOL BA PHUN SUM TSOGS PA DANG, YE SHES PHUN SUM TSOGS PA DANG, SPYOD PA LA 'JUG PA PHUN SUM TSOGS PA DANG, RGYU RNAM PA GSUM GYIS SA 'DI LA RAB TU GNAS PAR 'GYUR RO, ,RAB TU GNAS NAS THAR PA NYE BAR SGRUB PA'I SGO NAS BSHAD PA PHUN SUM TSOGS PAR 'GYUR TE, GANG GI PHYIR KYE RGYAL @238A *, ,BA'I SRAS DE LTAR BYANG CHUB SEMS DPA'I YE SHES DE LTA BU DANG LDAN PA NI BYANG CHUB SEMS DPA'I SA LEGS PA'I BLO GROS CAN LA RAB TU GNAS PA ZHES BYA STE, BYANG CHUB SEMS DPA'I SA LEGS PA'I BLO GROS CAN 'DI LA GNAS PA'I BYANG CHUB SEMS DPA' DE NI SEMS CAN RNAMS KYI SPYOD PA RNAM PA THA DAD PA DE LTA BU DAG SHES NAS DE BZHIN DU THAR PA NYE BAR SGRUB PA NYE BAR SGRUB BO ZHES GSUNGS PA'O, ,BSHAD PA PHUN SUM TSOGS PA DE YANG SHES PA PHUN SUM TSOGS PA DANG, NGAG PHUN SUM TSOGS PA DANG, SMRA BA PO PHUN SUM TSOGS PA DANG RNAM PA GSUM GYIS YONGS SU BSTAN TO, ,SHES PA PHUN SUM TSOGS PA DE YANG GANG ZHIG SHES PA DANG, GANG GI DBANG DU BYAS NAS DE BSTAN PAS STON PAR RIG PAR BYA'O, ,CI ZHIG SHES NAS STON ZHE NA, YONGS SU SMIN PAR GYUR PAS RNAM PAR GROL BA'I SNOD NYID DANG, 'DUL BAS RNAM PAR GROL BA'I RANG BZHIN DAR THEG PA GSUM THA DAD PAS RNAM PAR GROL BA RAB TU DBYE BA STE, GANG GI PHYIR SEMS CAN YONGS SU SMIN PA YANG YANG DAG PA JI LTA BA BZHIN DU RAB TU SHES TE, SEMS CAN GDUL BA DANG, NYAN THOS KYI THEG PA BSTAN PA DANG, RANG SANGS RGYAS KYI THEG PA BSTAN PA DANG, BYANG CHUB SEMS DPA'I THEG PA BSTAN PA DANG, DE BZHIN GSHEGS PA'I SA BSTAN PA YANG YANG DAG PA JI LTA BA BZHIN DU RAB TU SHES SO ZHES GSUNGS PA'O, ,GANG GI DBANG DU BYAS NAS STON ZHE NA, GNYEN PO BSTAN PA'I SNOD NYID DE, GDUL BYA'I SNOD LA BRTAGS NAS GNYEN PO STON ZHES BYA BA'I THA CHIG STE, TSIG GNYIS DANG, DBANG PO DANG, MOS PA DANG MTHUN PAR CHOS STON PAS CHOS STON PA'I SNOD NI TSIG GNYIS KYIS STON TE, GANG GI PHYIR DE DE LTAR SHES NAS SEMS CAN RNAMS LA DE KHO NA BZHIN DU CHOS STON TE, BSAM PA JI LTA BA RNAM PAR DBYE BA DANG, BAG LA NYAL JI LTA BA RNAM PAR DBYE BA DANG, DBANG PO JI LTA BA RNAM PAR DBYE BA DANG, MOS PA JI LTA BA RNAM PAR DBYE BA ZHES GSUNGS PA'O, ,DPE JI LTA BU ZHE NA, NYE BAR SGRUB PA'I SNOD NYID NI GANG GI PHYIR, SPYOD YUL JI LTA BA BZHIN DBYE BA SHES PA NYE BAR SGRUB PA ZHES GSUNGS PA'O, ,RNAM GRANGS JI LTA BU'I SNOD @238B NYID NI GANG GI PHYIR, SPYOD YUL THAMS CAD SHES PA KHONG DU CHUD PAR BYA BA ZHES GSUNGS PA'O, ,JI SNYED THOB PA'I SNOD NYID NI GANG GI PHYIR, KHAMS KYI THIBS PO JI LTA BA BZHIN DU NYE BAR SPYOD PA DANG LDAN PA ZHES GSUNGS PA'O, ,SKYE BA DER NYON MONGS PA DANG, LAS KYI BAG CHAGS 'DRA BAS TSIG GZUNG BAR 'OS PA NYID NI GANG GI PHYIR, SKYE BAR NYON MONGS PA DANG LAS KYI BAG CHAGS JI LTA BA BZHIN DU RJES SU 'JUG PA ZHES GSUNGS PA'O, ,NGES PA DANG MA NGES PA'I DBANG PO RNAM PAR BZLOG PA NI GANG GI PHYIR, TSOGS JI LTA BU LA GNAS PA KHONG DU CHUD PAR BYA BA ZHES GSUNGS PA'O, ,THEG PA JI LTA BUS NGES PAR 'BYIN PA'I SNOD NYID NI GANG GI PHYIR, THEG PA JI LTA BU LA MOS PA'I RNAM PAR GROL BA THOB PAR BYA BA CHOS STON TO ZHES GSUNGS PA'O, ,BYANG CHUB SEMS DPA'I SA LEGS PA'I BLO GROS CAN 'DI LA GNAS PA'I BYANG CHUB SEMS DPA' DE NI CHOS SMRA BA CHEN PO BYED CING, DE BZHIN GSHEGS PA'I CHOS KYI MDZOD BSRUNG NGO ZHES BYA BAS NI 'CHAD PA PO NYID DANG, 'DZIN PA PO NYID DU YONGS SU STON TO, ,DE CHOS SMRA BA'I TSUL DANG LDAN PA ZHES BYA BA NI RNAM PA NYI SHUS GTAM BRJOD PA'O, ,JI LTA BU ZHE NA, DUS DANG, GUS PAR BYED PA DANG, GO RIMS DANG, MTSAMS SBYAR BA DANG, MTHUN PAR LDAN PA DANG, DGA' BAR BYED PA DANG, MOS PAR BYED PA DANG, TSIM PAR BYED PA DANG, BRTUN NGAS PAR MI BYED PA DANG, G-YEL BAR MI BYED PA DANG, RIGS PA DANG MTHUN PA DANG, MA 'DRES PA DANG, CHOS DANG LDAN PA DANG, 'KHOR JI LTA BA DANG, BYAMS BA'I SEMS DANG LDAN PA DANG, PHAN PA'I SEMS DANG LDAN PA DANG, SNYING RJE'I SEMS DANG LDAN PA DANG, RNYED PA DANG, BKUR STI DANG, TSIGS SU BCAD PA RNAMS LA MI GNAS PA DANG, BDAG LA MI STOD CING GZHAN LA MI SMOD PA'O, ,DE LA DUS NI MI KHOM PA BRGYAD DANG MA 'BREL ZHES BYA BA'I THA TSIG STE, DPER NA, MYA NGAN GYIS GDUNGS RIMS BTAB 'KHRUGS PA YUL LA MNGON PHYOGS RNAM PAR NYAM NGAR GNAS, ,SGO BA MED CING SRUNG MA MED DANG PHRA MA ZHUGS DANG SGRUB PA MED PA YI, ,RGYAL PO LA NI YUL DUS SHES PA JI LTAR RANG DON BRJOD PA MI 'DOD @239A *, ,LTAR; ,SEMS KYI RGYAL PO MI KHOM BRGYAD DANG 'BREL PA LA YANG TSUL NI DE NYID DO, ,ZHES BSHAD PA LTA BU'O, ,GUS PAR BYED CES BYA BA NI MTHUN PA'I SPYOD LAM GYIS GNAS PA LA YIN GYI, MI MTHUN PAS MA YIN TE, JI LTA BU ZHE NA, MIN BAR 'DUG PA 'GRENG STE, CHOS MI BSHAD PAR BSLAB PAR BYA'O ZHES BYA BA LA SOGS PA SO SOR THAR PA'I MDO LAS BSLAB PA'I CHOS RNAMS KYI NANG NAS JI LTAR RGYA CHER 'BYUNG BA DE LTAR SHES PAR BYA'O, ,DE CI'I PHYIR ZHE NA, SANGS RGYAS DANG BYANG CHUB SEMS DPA' RNAMS NI CHOS GTZO BOR MDZAD PA'I PHYIR TE, CHOS LA GUS PAR BYAS NA GZHAN DAG KYANG CHOS LA SHIN TU GUS PA SKYE BA'O, ,NYAN PA DAG KYANG GUS PA SKYE BAR 'GYUR GYI, BRNYAS PA SKYE BAR MI 'GYUR RO, ,DE LTAR GUS PAR BYAS NAS STON PA DE CHOS LA SER SNA BYED PA'I DRI MA MED PAS THAMS CAD LA THAMS CAD STON TO, ,SLOB DPON GYIS DPE MKHYUD BYED PAS RGYUN CHAGS SU STON TO, ,GO RIMS ZHES BYA BA NI TSIG DAN GYI GE GO RIMS JI LTA BA BZHIN DU STON PA'O, ,MTSAMS SBYAR BA ZHES BYA BA NI JI LTAR TSIG DANG YI GE GO RIMS BZHIN DU BSTAN PA'I GO RIMS BZHIN DU DON RNAM PAR 'BYED PA'O, ,MTHUN PA DANG LDAN PA ZHES BYA BA NI DON DANG LDAN PAR CHOS STON GYI, DON DANG MI LDAN PAR MA YIN TE, DE LA DON NYID STON GYI DON DANG MI LDAN PA MA YIN NO, ,DGA' BAR BYED CES BYA BA NI YANG DAG BAR BSTAN PAR BYA BA RNAMS LA YANG DAG PAR STON TO, ,MOS PAR BYED CES BYA BA NI YANG DAG PAR 'DZIN DU GZHUG PAR BYA BA RNAMS YANG DAG PAR 'DZIN DU 'JUG PA'O, ,TSIM PAR BYED CES BYA BA NI YANG DAG PAR GZENGS BSTOD PAR BYA BA RNAMS YANG DAG PAR GZENGS BSTOD PA'O, ,BRTUN NGAS PAR MI BYED PA DANG G-YEL BAR MI BYED CES BYA BA RNAM PA 'DI GNYIS KYIS NI DGA' BAR BYA BA RNAMS DGA' BAR BYED PA'O, ,RIGS PA ZHES BYA BA NI MNGON SUM DANG, RJES SU DPAG PA DANG, YID CHES PA'I LUNG GI TSAD MA DANG LDAN PA'I GTAM ZER BA'O, ,MTHUN PA ZHES BYA BA NI BDE 'GROR 'GRO BA DANG RJES SU MTHUN PA'O, ,MA 'DRES PA ZHES BYA BA NI MA 'KHRUGS PA GO SLAB GZING GZING BA MA YIN PA'O, ,CHOS DANG LDAN PA ZHES BYA BA NI 'PHAGS PA'I BDEN PA BZHI DANG LDAN @239B PA'O, ,'KHOR JI LTA BA ZHES BYA BA NI BZHI'AM BRGYANG DE, GANG LA JI LTAR GANG 'ONGS PA DE LA DE LTAR DE BRJOD PA'O, ,RNAM PA BCO LNGA PO DE DAG GIS NI BYANG CHUB SEMS DPA'I GZHAN GYI DON THAMS CAD DANG MTHUN PA'I GTAM DU SHES PAR BYA'O, ,DE'I 'OG TU BYAMS PA'I SEMS DANG LDAN PA ZHES BYA BA NI GNOD PA BYED PA'I SEMS CAN RNAMS LA BYAMS PA'I SEMS NYID NYE BAR GZHAG NAS GTAM BRJOD PA'O, ,PHAN PA'I SEMS DANG LDAN PA ZHES BYA BA NI, NYE BAR SPYAD PA SPYOD PA'I SEMS CAN RNAMS PHAN PAR BYA BA'I SEMS NYID NYE BAR GZHAG NAS SO, ,SNYING BRTZE BA'I SEMS DANG LDAN PA ZHES BYA BA NI BDE BA DANG SDUG BSNGAL BAS RGYAGS PA DANG, SRO SHI BA'I SEMS CAN RNAMS LA PHAN PA DANG, BDE BA DANG SNYING BRTZE BA'I SEMS NYID NYE BAR GZHAG NAS SO, ,RNYED PA DANG, BKUR STI DANG, TSIGS SU BCAD PA RNAMS LA MI GNAS PA ZHES BYA BA NI ZANG ZING MED PA'I SEMS KYIS RNYED PA DANG, BKUR STI DANG, TSIGS SU BCAD PA THAMS CAD LA RE BA MED PA'O, ,BDAG LA MI STOD CING GZHAN LA MI SMOD CES BYA BA NI NGA RGYAL DANG, PHRAG DOG GIS KUN NAS DKRIS PA DANG BRAL BAR SEMS CAN RNAMS LA CHOS STON PA STE, RNAM PA LNGA PO DE DAG GIS NI BYANG CHUB SEMS DPA'I RANG GI SEMS YONGS SU DAG PA'I GTAM DU SHES PAR BYA'O, ,DE LTAR NA RNAM PA NYI SHUS GTAM BRJOD PAS CHOS SMRA BA'I TSUL DANG LDAN PA YIN NO, ,DE LA NGAG PHUN SUM TSOGS PA NI BYANG CHUB SEMS DPA'I SO SO YANG DAG PAR RIG PAS MNGON PAR BSGRUBS PA'I TSIG GIS CHOS STON PAR 'GYUR TE, GANG GI PHYIR SHES PAS SA LA MKHAS PA TSAD MED PA DANG LDAN PAS, BYANG CHUB SEMS DPA'I TSIG SO SO YANG DAG PAR RIG PA BZHIS MNGON PAR BSGRUBS PAS CHOS STON TO, ,DE LA BYANG CHUB SEMS DPA'I SO SO YANG DAG PAR RIG PA BZHI MA 'DRES PA DAG 'DI LTA STE, CHOS SO SO YANG DAG PAR RIG PA DANG, DON SO SO YANG DAG PAR RIG PA DANG, NGES PA'I TSIG SO SO YANG DAG PAR RIG PA DANG, SPOBS PA SO SO YANG DAG PAR RIG PA RTAG PAR RGYUN DU 'BYUNG NGO ZHES GSUNGS PA'O, ,MA 'DRES PA DE DAG CES BYA BA NI THUN MONG MA YIN PA RNAMS SO, ,DE LA SO SO YANG DAG PAR RIG PA RNAMS @240A *, ,KYI YUL NI CHOS NYID DANG, CHOS NYID SPYOD YUL KHO NA DANG, GO BAR BYED PA DANG, GO BAR BYED PA SGO DU MA KHO NA'O, ,DE LA CHOS NYID NI GANG MTHA' GNYIS RNAM PAR SPANGS PA'I RIGS KYIS BSDUS PA STE, 'DI LTA STE DPER NA GZUGS KYI MTSAN NYID NI GZUGS SU RUNG BA'O ZHES BYA BA LA SOGS PA'O, ,CHOS NYID SPYOD YUL KHO NA RIGS KYIS BSDUS PA DE NYID JI LTAR SHES PA'I YUL DU 'GYUR BA STE, RIGS KYIS BSDUS PA DE JI LTAR SHES PA'I YUL DU 'GYUR BA'O, ,'DI LTA STE DPER NA GZUGS GANG ZHE NA, MING DANG GZUGS RNAMS ZHES BYA BA LA SOGS PA'O, ,GO BAR BYED PA NI JI LTAR SHES PA'I YUL DE NYID BRJOD PAS GZHAN KHONG DU CHUD PAR BYED PA STE, GZHAN DAG BRJOD PAS KHONG DU CHUD PAR BYA'O, ,GO BAR BYED PA SGO DU MA NYID NI BRJOD PAS GZHAN KHONG DU CHUD PA DE NYID KYI RNAM GRANGS TSAD MED PA SHES PA NYID DO, ,DE DAG NI RNAM PA BCUR RNAM PAR GNAS TE, RANG GI MTSAN NYID KYI DBANG DU BYAS PA DANG, SPYI'I MTSAN NYID DANG, TSUL GYI MTSAN NYID DANG, BSTAN PA'I MTSAN NYID DANG, SHES PA'I MTSAN NYID DANG, RNAM PAR BYANG BA'I MTSAN NYID RNAM PA LNGA STE, 'DI LTA STE MNGON PA'I NGA RGYAL MED PA'I MTSAN NYID DANG, THEG PA DMAN PA DANG, GYA NOM PA'I MTSAN NYID DANG, BYANG CHUB SEMS DPA'I SA'I MTSAN NYID DANG, DE BZHIN GSHEGS PA'I SA'I MTSAN NYID DANG, DE'I MDZAD PA SGRUB PA'I MTSAN NYID DO, ,DE LA RANG GI MTSAN NYID NI RNAM PA BZHI STE, RIGS KYI RANG GI MTSAN NYID DANG, SO SO'I RANG GI MTSAN NYID DANG, SGRA JI BZHIN DU MING DU BGRANGS PA'I MTSAN NYID DANG, MING DE'I RAB TU DBYE BA'I RANG GI MTSAN NYID DE GANG GI PHYIR, DE CHOS SO SO YANG DAG PAR RIG PAS CHOS RNAMS KYI RANG GI MTSAN NYID RAB TU SHES SO, ,DON SO SO YANG DAG PAR RIG PAS CHOS RNAMS KYI RNAM PAR DBYE BA RAB TU SHES SO, ,NGES PA'I TSIG SO SO YANG DAG PAR RIG PAS CHOS RNAMS MA 'DRES PAR BSTAN PA RAB TU SHES SO, ,SPOBS PA SO SO YANG DAG PAR RIG PAS CHOS RNAMS KYI MTHUN PA'I RGYUN RGYUN MI 'CHAD PA RAB TU SHES SO ZHES GSUNGS PA'O, ,DE LA MA 'DRES PAR BSTAN PA NI SU MING GO @240B BAR 'GYUR BA DE LA DE NYID KYIS STON GYI GZHAN GYIS MA YIN PA'O, ,MTHUN PA'I RGYUN RGYUN MI 'CHAD PA ZHES BYA BA NI RNAM GRANGS DAG GI RGYUN ZAD MI SHES PA STE, RNAM GRANGS MANG POS DON DE NYID BSTAN PAR BYA BA'I PHYIR RO, ,DE LA SPYI'I MTSAN NYID KYANG RNAM PA BZHI STE, CHOS THAMS CAD KYI SPYI'I MTSAN NYID DANG, 'DUS BYAS THAMS CAD KYI SPYI'I MTSAN NYID DANG, CHOS THAMS CAD KYI BTAGS PA'I SPYI'I MTSAN NYID DANG, BTAGS PA'I BTAGS PA SPYI'I MTSAN NYID DE GANG GI PHYIR, GZHAN YANG CHOS SO SO YANG DAG PAR RIG PAS CHOS RNAMS KYI DNGOS PO MED PA'I LUS RAB TU SHES SO, ,DON SO SO YANG DAG PAR RIG PAS CHOS RNAMS KYI 'BYUNG BA DANG 'JIG PA RAB TU SHES SO, ,NGES PA'I TSIG SO SO YANG DAG PAR RIG PAS CHOS THAMS CAD KYI BTAGS PA RGYUN 'CHAD PA MED PAR CHOS STON TO, ,SPOBS PA SO SO YANG DAG PAR RIG PAS JI LTAR BTAGS PA BZHIN DU 'KHRUGS PA MED PAR MTHA' YAS PAS CHOS STON TO ZHES GSUNGS PA STE, MI RTAG PA NYID KYI SGO NAS CHOS LA BDAG MED PA LA 'JUG PAS SPYI'I MTSAN NYID GNYIS PAS NI SNGA MA SHES PA'I YUL DU 'GYUR RO, ,DE LA CHOS THAMS CAD KYI BTAGS PA RGYUN 'CHAD PA MED PA ZHES BYA BA NI CHOS GZHAN GYI BTAGS PA'I CHOS GZHAN LA MI STON PA'O, ,JI LTAR BTAGS PA BZHIN DU 'KHRUGS PA MED PA ZHES BYA BA NI RNAM GRANGS GZHAN DAG GIS SNGAR BTAGS PA DANG MI 'GAL BA'O, ,TSUL GYI MTSAN NYID KYANG RNAM PA BZHI STE, BYUNG BA'I TSUL GYI MTSAN NYID DANG, BYUNG BA DANG MA BYUNG BA'I TSUL GYI MTSAN NYID DANG, BTAGS PA DANG RDZAS KYI TSUL GYI MTSAN NYID DANG, BRJOD PA'I DNGOS PO'I TSUL GYI MTSAN NYID DE, GANG GI PHYIR GZHAN YANG CHOS SO SO YANG DAG PAR RIG PAS DA LTAR BYUNG BA'I CHOS RNAMS KYI RNAM PAR DBYE BA RAB TU SHES SO, ,DON SO SO YANG DAG PAR RIG PAS 'DAS PA DANG; MA 'ONGS PA'I CHOS RNAMS KYI RNAM PAR DBYE BA RAB TU SHES SO, ,NGES PA'I TSIG SO SO YANG DAG PAR RIG PAS 'DAS PA DANG, MA 'ONGS PA DANG DA LTAR BYUNG BA MA 'DRES BAR CHOS STON TO, ,SPOBS PA SO SO YANG DAG PAR RIG PAS DUS RE RE ZHING CHOS SNANG BA MU MED PAR CHOS STON TO ZHES @241A *, ,GSUNGS PA STE, 'DAS PA DANG MA 'ONGS PA NI DA LTAR BYUNG BA'I RIGS SU GTOGS PA'I PHYIR, RIGS DES BSDUS PAR RIG PAR BYA'O, ,'DAS PA DANG MA 'ONGS PA LA LTOS NAS, DA LTAR BYUNG BA LA DA LTAR BYUNG BA NYID DU SHES TE, DE LTAR DE NI SHES PA'I YUL YIN NO, BRJOD PA'I DNGOS PO'I TSUL GYI MTSAN NYID NI DUS GSUM LAS LHAG PA MED PAR RIG PAR BYA'O, ,CHOS KYI SNANG BA MU MED PA ZHES BYA BA LA SNANG BA NI RNAM GRANGS SU RIG PAR BYA'O, ,BSTAN PA'I MTSAN NYID KYANG RNAM PA BZHI STE, MDO LA SOGS PA BSTAN PA'I MTSAN NYID DANG, DE'I RNAM PAR BSHAD PA BSTAN PA'I MTSAN NYID DANG, RJES SU MTHUN PAR BSTAN PA'I MTSAN NYID DANG, ,'TSAM PAR BSTAN PA'I MTSAN NYID DE, GANG GI PHYIR GZHAN YANG CHOS SO SO YANG DAG PAR RIG PAS CHOS RAB TU DBYE BA RAB TU SHES SO, ,DON SO SO YANG DAG PAR RIG PAS DON RAB TU DBYE BA RAB TU SHES SO, ,NGES PA'I TSIG SO SO YANG DAG PAR RIG PAS SGRA BZHIN DU BSTAN PAS CHOS STON TO, ,SPOBS PA SO SO YANG DAG PAR RIG PAS BSAM PA JI LTA BA BZHIN DU SHES PAS CHOS STON TO ZHES GSUNGS PA'O, ,DE LA SGRA BZHIN DU BSTAN PA NI SKAD JI LTA BA BZHIN DU BSTAN PA'O, , BSAM PA JI LTA BA BZHIN DU SHES PA NI GANG GI BSAM PA JI LTA BA DANG, SU DPE'I RNAM GRANGS JI SNYED KYIS KHONG DU CHUD PAR 'GYUR BA'O, ,SHES PA'I MTSAN NYID KYANG RNAM PA BZHI STE, MNGON SUM DU SHES PA DANG, LKOG TU GYUR PA SHES PA DANG, 'THOB PA'I THABS SHES PA DANG, 'THOB PA SHES PA STE, GANG GI PHYIR GZHAN YANG CHOS SO SO YANG DAG PAR RIG PAS CHOS SHES PAS RNAM PAR DBYE BA MA 'DRES PA LA MKHAS PA RAB TU SHES SO, ,DON SO SO YANG DAG PAR RIG PAS RJES SU RTOG PA'I SHES PAS DE BZHIN DU RNAM PAR GZHAG PA RAB TU SHES SO, ,NGES PA'I TSIG SO SO YANG DAG PAR RIG PAS KUN RDZOB SHES PAS STON PAS STON TE, SPOBS PA SO SO YANG DAG PAR RIG PAS DON RNAM PAR SHES PA LA MKHAS PAS CHOS STON TO ZHES GSUNGS PA'O, ,DE LA CHOS SHES PAS RNAM PAR DBYE BA MA 'DRES PA LA MKHAS PA NI CHOS SHES PAS BDEN PA RNAM PAR DBYE BA PHYIN CI MA LOG PA LA @241B MKHAS PA'O, ,RJES SU RTOG PA'I SHES PAS DE BZHIN DU RNAM PAR GZHAG PA NI RJES SU RTOG PA'I SHES PAS 'DI JI LTA BA DE BZHIN DU GZHAN YANG DE BZHIN DU RNAM PAR 'JOG PA'O, ,SPOBS PA SO SO YANG DAG PAR RIG PAS DON DAM PA SHES PA LA MKHAS PA NI RNAM GRANGS MA NOR BA LA SPOBS PA YIN PAR RIG PAR BYA'O, ,MNGON PA'I NGA RGYAL MED PA'I MTSAN NYID KYANG RNAM PA BZHI STE, DON DAM PA'I BDEN PA LA MNGON PA'I NGA RGYAL MED PA DANG, KUN RDZOB KYI BDEN PA LA MNGON PA'I NGA RGYAL MED PA DANG, BSTAN PA SNYAN PA LA MNGON PA'I NGA RGYAL MED PA DANG, BSTAN PA BLA NA MED PA LA MNGON PA'I NGA RGYAL MED PA STE, GANG GI PHYIR GZHAN YANG CHOS SO SO YANG DAG PAR RIG PAS CHOS TSUL GCIG PA MI 'KHRUGS PA RAB TU SHES SO, ,DON SO SO YANG DAG PAR RIG PAS PHUNG PO DANG, KHAMS DANG, SKYE MCHED DANG, BDEN PA DANG RTEN CING 'BREL BAR 'BYUNG BA LA MKHAS PA KHONG DU CHUD PAR BYA BA 'JUG GO, ,NGES PA'I TSIG SO SO YANG DAG PAR RIG PAS 'GRO BA THAMS CAD SMON PA'I SGRA DBYANGS SHIN TU SNYAN PA'I YI GE RNAMS KYIS STON TO, ,SPOBS PA SO SO YANG DAG PAR RIG PAS PHYI PHYIR ZHING SNANG BA MU MED PAS STON TO ZHES GSUNGS PA'O, ,DE LA TSUL GCIG PA MI 'KHRUGS PA NI BDAG NI BDAG MED PAR SHES PAR BYED DO, ,BDAG GI BDAG MED PA RTOGS PA'O SNYAM PA LA SOGS PAS CHOS LA BDAG MED PA LA MI 'KHRUGS PA'O, ,PHUNG PO LA SOGS PA LA MKHAS PA NI BDAG MED PAR RAB TU RTOGS PAR 'GYUR TE, DES NA DE NI SHES PA'I YUL NYID YIN NO, ,PHUNG PO LA SOGS PA LA MKHAS PAS NI, RIL PO GCIG PU'I BDAG TU 'DZIN PA DANG, MI 'DRA BA LA RGYUR 'DZIN PA DANG, ZA BA POR 'DZIN PA DANG, BYED PA POR 'DZIN PA'I GNYEN POR GO RIMS BZHIN DU RIG PAR BYA'O, ,THEG PA DMAN PA DANG, GYA NOM PA'I MTSAN NYID KYANG RNAM PA BZHI STE, DMIGS PA'I MTSAN NYID DANG, RIGS KYI MTSAN NYID DANG, RNAM PAR GROL BA'I MTSAN NYID DANG, YID LA BYED PA'I MTSAN NYID DE GANG GI PHYIR, GZHAN YANG CHOS SO SO YANG DAG PAR RIG PAS THEG PA GCIG LA YANG DAG PAR GZHOL BA THA DAD PA MED PAR RAB TU SHES SO,, @242A *, ,DON SO SO YANG DAG PAR RIG PAS THEG PA RAB TU RNAM PAR PHYE BA RNAM PA THA DAD PAR RAB TU SHES SO, ,NGES PA'I TSIG SO SO YANG DAG PAR RIG PAS THEG PA THAMS CAD THA MI DAD PAR STON TO, ,SPOBS PA SO SO YANG DAG PAR RIG PAS THEG PA RE RE LA YANG CHOS KYI SNANG BA MU MED PAR STON TO ZHES GSUNGS PA'O, ,DE LA YANG DAG PAR GZHOL BA THA DAD PA MED PA NI DMIGS PA THA DAD PA MED PA NYID DU RIG PAR BYA'O, ,THEG PA THAMS CAD THA MI DAD PAR STON ZHES BYA BA NI RNAM PAR GROL BA THUN MONG PAS CI NAS SKRAG PAR MI BYED PA'O, ,CHOS KYI SNANG BA MU MED PA ZHES BYA BA LA SNANG BA NI RNAM GRANGS SU RIG PAR BYA STE, JI LTA BUS GDUL BYA RNAMS LA THEG PA SO SO RNAM PAR GROL BA THOB PAR BYED PA'I TSUL BZHIN YID LA BYED PA RNAM PA DU MA RAB TU 'BYUNG NGO, ,BYANG CHUB SEMS DPA'I SA'I MTSAN NYID KYANG RNAM PA BZHI STE, MNGON PAR RDZOGS PAR RTOGS PA'I MTSAN NYID DANG, BSTAN PA'I MTSAN NYID DANG, THABS NYE BAR SGRUB PA'I MTSAN NYID DANG, SGO DU MA LA 'DZUD PA'I MTSAN NYID DE, GANG GI PHYIR GZHAN YANG CHOS SO SO YANG DAG PAR RIG PAS BYANG CHUB SEMS DPA'I SPYOD PA DANG, YE SHES KYI SPYOD PA DANG, CHOS KYI SPYOD PA THAMS CAD YE SHES KYIS KHONG DU CHUD PAR BYA BA THAMS CAD LA 'JUG GO, ,DON SO SO YANG DAG PAR RIG PAS SA BCU RNAM PAR DGOD PA DANG, BSTAN PA RAB TU RNAM PAR DBYE BA LA 'JUG GO, ,NGES PA'I TSIG SO SO YANG DAG PAR RIG PAS SA JI LTA BA BZHIN DU LAM NYE BAR SGRUB PA MA 'DRES PAR STON TO, , SPOBS PA SO SO YANG DAG PAR RIG PAS RE RE LA YANG RNAM PA MU MED PAR STON TO ZHES GSUNGS PA'O, ,DE LA BYANG CHUB SEMS DPA'I SPYOD PA NI YE SHES DANG, CHOS KYI SPYOD PA GNYIS KYIS STON TE, DE NI YE SHES DMIGS PA DANG BCAS PA SMOS PA'I PHYIR RO, ,SA BCU RNAM PAR DGOD PA NI SEMS KYIS SO; ,BSTAN PA NI TSIG GIS YIN PAR RIG PAR BYA'O, ,SA JI LTA BA BZHIN DU LAM NYE BAR SGRUB PA MA 'DRES PAR STON TO ZHES BYA BA NI GDAMS NGAG PHYIN CI MA LOG PA'O, ,DE BZHIN GSHEGS PA'I SA'I MTSAN NYID KYANG RNAM PA BZHI STE, CHOS KYI SKU'I MTSAN NYID DANG, GZUGS KYI SKU'I @242B MTSAN NYID DANG, MNGON PAR RDZOGS PAR THUGS SU CHUD PA'I MTSAN NYID DANG, BSTAN PA'I MTSAN NYID DE GANG GI PHYIR, GZHAN YANG CHOS SO SO YANG DAG PAR RIG PAS DE BZHIN GSHEGS PA THAMS CAD MTSAN NYID GCIG TU KHONG DU CHUD PAR BYA BA LA 'JUG GO, ,DON SO SO YANG DAG PAR RIG PAS DUS DANG, DNGOS PO DANG MTSAN RNAM PAR DBYE BA THA DAD PA KHONG DU CHUD PAR BYA BA RAB TU SHES SO, ,NGES PA'I TSIG SO SO YANG DAG PAR RIG PAS JI LTAR MNGON PAR RDZOGS PAR THUGS SU CHUD PA BZHIN DU RNAM PAR DBYE BA BSTAN PAS STON TO, ,SPOBS PA SO SO YANG DAG PAR RIG PAS CHOS KYI TSIG RE RE LA YANG BSKAL PA MTHA' YAS PAR RGYUN MI 'CHAD PAR STON TO ZHES GSUNGS PA'O, ,DE LA DUS NI BSKAL PA GANG LA SANGS RGYAS GANG 'BYUNG BA'O, ,DNGOS PO NI SANGS RGYAS KYI ZHING GANG NA SKU CI 'DRA BAS SO, ,MTSAN NI MING GANG GIS GANG RTOGS PA'O, ,JI LTAR MNGON PAR RDZOGS PAR THUGS SU CHUD PA BZHIN ZHES BYA BA NI SANGS RGYAS BCU'I DBANG DU BYAS NAS GANG GIS MNGON PAR RDZOGS PAR THUGS SU CHUD PA JI LTA BA BZHIN DU BSTAN PAR BYA'O, ,MDZAD PA'I SGRUB PA'I MTSAN NYID KYANG RNAM PA BZHIN STE, MNGON PAR RDZOGS PAR RTOGS PA'I MTSAN NYID DANG, RNAM PAR GZHAG PA'I MTSAN NYID DANG, BSTAN PA'I MTSAN NYID DANG, DE MI ZAD PA'I MTSAN NYID DE GANG GI PHYIR, GZHAN YANG CHOS SO SO YANG DAG PAR RIG PAS DE BZHIN GSHEGS PA THAMS CAD KYI GSUNG DANG, STOBS DANG, MI 'JIGS PA DANG, SANGS RGYAS KYI CHOS DANG, THUGS RJE CHEN PO DANG, SO SO YANG DAG PAR RIG PAS SBYOR BA DANG, CHOS KYI 'KHOR LO BSKOR BAS THAMS CAD MKHYEN PA'I YE SHES KHONG DU CHUD PAR BYA BA RAB TU SHES SO, ,DON SO SO YANG DAG PAR RIG PAS SEMS CAN GYI SPYOD PA BRGYAD KHRI BZHI STONG DANG, BSAM PA JI LTA BA DANG, DBANG PO JI LTA BA DANG, MOS PA JI LTA BA BZHIN GYI DE BZHIN GSHEGS PA'I GSUNG RAB TU SHES SO, ,NGES PA'I TSIG SO SO YANG DAG PAR RIG PAS SEMS CAN THAMS CAD KYI SPYOD PA DANG, MA 'DRES PA'I DE BZHIN GSHEGS PA'I GSUNGS RJES SU BSGRAGS PAS STON TO, ,SPOBS PA SO SO YANG DAG PAR RIG PAS DE BZHIN @243A *, ,GSHEGS PA'I YE SHES KYI SNANG BA SPYOD PA'I DKYIL 'KHOR LA MOS PAS CHOS STON TO ZHES GSUNGS PA'O, ,DE LA GSUNG NI TSIG GANG GIS STON PA'O, ,STOBS NI GANG THOB PAS SO, ,MI 'JIGS PA NI GANG GIS MU STEGS CAN RNAMS ZIL GYIS GNON PA'O, ,SANGS RGYAS KYI CHOS NI SANGS RGYAS KYI CHOS MA 'DRES PA GANG DAG GIS NYAN THOS DANG, RANG SANGS RGYAS RNAMS ZIL GYIS NON PA'O, ,THUGS RJE CHEN PO NI GANG GIS SHIN TU STON PA'O, ,SO SO YANG DAG PAR RIG PAS SBYOR BA NI GANG LA BRTEN NAS STON PA'O, ,CHOS KYI 'KHOR LO BSKOR BA NI 'CHAD PA'O, ,DE DAG THAMS CAD KYIS THAMS CAD MKHYEN PA'I YE SHES KHONG DU CHUD PAR BYA BA RAB TU SHES SO, ,BSAM PA JI LTA BA ZHES BYA BA NI 'DIR KHAMS 'DI LTA BUR YIN PAR RIG PAR BYA'O, ,DE BZHIN GSHEGS PA'I YE SHES KYI SNANG BA SPYOD PA'I DKYIL 'KHOR NI DE BZHIN GSHEGS PA'I CHOS KYI SKU STE, DE NI SEMS CAN GYI DON SPYOD PAS SPYOD PA'O, ,THA MI DAD PAS DKYIL 'KHOR RO, ,DE LA MOS PAS BYANG CHUB SEMS DPA'I SPOBS PA ZAD MI SHES PA'O, ,DE LA SMRA BA PO PHUN SUM TSOGS PA NI RNAM PA BZHIS YONGS SU BSTAN TE, GZUNGS PHUN SUM TSOGS PA DANG, RAB TU STON PA PHUN SUM TSOGS PA DANG, DRIS PA LAN 'DEBS PA PHUN SUM TSOGS PA DANG, 'DZIN PA PHUN SUM TSOGS PA'O, ,DE LA GZUNGS PHUN SUM TSOGS PA NI GZUNGS RNAM PA BCU STE, DON GYI GZUNGS NI GANG GI PHYIR, KYE RGYAL BA'I SRAS BYANG CHUB SEMS DPA' SO SO YANG DAG PAR RIG PA'I YE SHES DE LTA BU LA MKHAS PA BYANG CHUB SEMS DPA'I SA DGU PA THOB PA, DE BZHIN GSHEGS PA'I CHOS KYI MDZOD THOB PA, CHOS SMRA BA CHEN PO BYED PA NI DON DANG LDAN PA'I GZUNGS THOB PA YIN TE ZHES GSUNGS PA'O, ,TSIG GI GZUNGS NI GANG GI PHYIR, CHOS DANG LDAN PA'I GZUNGS ZHES GSUNGS PA'O, ,MNGON PAR SHES PA'I GZUNGS NI GANG GI PHYIR, YE SHES MNGON PAR BSGRUB PA DANG LDAN PA'I GZUNGS ZHES GSUNGS PA'O, ,'OD ZER RAB TU GTONG BA'I GZUNGS NI GANG GI PHYIR, SNANG BA DANG LDAN PA'I GZUNGS ZHES GSUNGS PA'O, ,PHAS KYI RGOL BA TSAR GCOD PA'I GZUNGS NI GANG GI @243B PHYIR; BLO GROS BZANG PO DANG LDAN PA'I GZUNGS ZHES GSUNGS PA'O, ,DE BZHIN GSHEGS PA LA MCHOD PA BYA BA MI 'DOGS PA'I SEMS CAN LA PHAN GDAGS PA NYE BAR SGRUB PA'I GZUNGS NI GANG GI PHYIR, NOR DANG LDAN PA'I GZUNGS ZHES GSUNGS PA'O, ,THEG PA CHEN PO LA ZHUM PA'I SEMS CAN YANG DAG PAR GZENGS BSTOD PA'I GZUNGS NI GANG GI PHYIR, GZI BRJID DANG LDAN PA'I GZUNGS ZHES GSUNGS PA'O, ,THOGS PA MED PA SPOBS PA'I GZUNGS NI GANG GI PHYIR, CHAGS PA MED PA'I SGO'I GZUNGS ZHES GSUNGS PA'O, ,SPOBS PA MI ZAD PA'I GZUNGS NI GANG GI PHYIR, MTHA' YAS PA DANG LDAN PA'I GZUNGS ZHES GSUNGS PA'O, ,DON SNA TSOGS LA SPOBS PA'I GZUNGS NI GANG GI PHYIR, DON SNA TSOGS LA SPOBS PA'I GZUNGS THOB PA YIN NO ZHES GSUNGS PA'O, ,DE LA GZUNGS KYI SGO DE DAG LA SOGS PA GZUNGS KYI SGO GRANGS MED PA 'BUM PHRAG BCU TSANG PA THOB STE, GZUNGS KYI SGO GRANGS MED PA 'BUM PHRAG BCU DANG LDAN PA'I SGRA SKAD KYI YAN LAG LA MKHAS PAS DE SNYED DU TSAD MED PA DANG LDAN PA'I SPOBS PA RNAM PAR PHYE BA'I SGOS CHOS STON TO, ,DE DE LTAR GZUNGS KYI SGO GRANGS MED PA 'BUM PHRAG TSAD MED PA DAG GIS, SANGS RGYAS BCOM LDAN 'DAS DPAG TU MED PA DAG LAS CHOS NYAN CING, THOS NAS KYANG BRJED PAR MI BYED DE, JI SKAD THOS PA YANG TSAD MED PAR RNAM PAR PHYE NAS STON TO, ,DE DE BZHIN GSHEGS PA GCIG LAS GZUNGS KYI SGO GRANGS MED PA 'BUM PHRAG BCUS CHOS KUN CHUB PAR BYED DE, DE BZHIN GSHEGS PA GCIG LAS JI LTA BA BZHIN DU DE BZHIN GSHEGS PA MTHA' YAS PA DAG LAS KYANG DE BZHIN NO, ,DE SMON PA TZAM GYIS YANG DAG PAR RDZOGS PA'I SANGS RGYAS LAS CHOS KYI SGO SNANG BA CHES MANG DU YANG DAG PAR 'DZIN GYI, NYAN THOS SHIN TU MANG DU THOS PA DANG LDAN PA, THOS PA 'DZIN PA'I GZUNGS THOB PAS NI BSKAL PA 'BUM DU GZUNG BA'I BYIN GYI RLABS KYIS DE LTAR MI ZIN TO ZHES BYA BA NI SMRA BA PO PHUN SUM TSOGS PA'O, ,RAB TU STON PA PHUN SUM TSOGS PA NI GANG GI PHYIR, DE DE LTA BU'I GZUNGS THOB CING SPOBS PA THOB PAS CHOS KYI GTAM BYA @244A *, ,BA'I PHYIR, 'DUG 'DOD NA STONG GSUM GYI STONG CHEN PO'I 'JIG RTEN GYI KHAMS THAMS CAD RGYAS PAR BKANG STE, CHOS KYI STAN LA 'DUG CING BSAM PA JI LTA BA BZHIN DU RNAM PAR PHYE STE SEMS CAN RNAMS LA CHOS STON TO, ,DE'I CHOS KYI STAN NI DE BZHIN GSHEGS PA DAG DANG, BYANG CHUB SEMS DPA' DBANG BSKUR BA'I SA THOB PA RNAMS MA GTOGS PAR THAMS CAD LAS 'PHAGS PA SNANG BA TSAD MED PA DANG LDAN PA YIN NO, ,DE CHOS KYI STAN LA 'DUG NAS, 'DOD NA SGRA SKAD GCIG GIS 'KHOR THAMS CAD GO BAR BYED DO, ,'DOD NA SGA THA DAD PA DANG, SGRA SKAD KYI YAN LAG THA DAD PA RNAM PAR PHYE BA RNAMS KYIS GO BAR BYED DO, ,'DOD NA 'OD ZER GYI SGO NYE BAR SGRUB PA LAS CHOS KYI SGO RNAMS 'BYUNG BAR BYED DO, ,'DOD NA SPU'I KHUNG BU RNAM PAR DBYE BA THAMS CAD NAS SGRA SKAD THAMS CAD 'BYUNG BAR BYED DO, ,'DOD NA STONG GSUM GYI STONG CHEN PO'I 'JIG RTEN GYI KHAMS NA GZUGS SU SNANG BA JI SNYED YOD PA'I GZUGS SU SNANG BA DE DAG THAMS CAD LAS CHOS KYI SGRA 'BYUNG BAR BYED DO, ,'DOD NA SGRA SKAD GCIG GIS CHOS KYI DBYINGS THAMS CAD GO BAR BYED DO, ,'DOD NA SGRA SKAD THAMS CAD KYI SGRAR BYIN GYIS BRLAB PO, ,'DOD NA 'JIG RTEN GYI KHAMS THAMS CAD NA YOD PA'I GLU DANG, ROL MO'I SGRA DANG, SIL SNYAN GYI SGRA THAMS CAD LAS CHOS KYI SGRA 'BYUNG BAR BYED DO, ,'DOD NA YI GE GCIG GI SGRA LAS TSIG THAMS CAD RAB TU PHYE BA'I SGRA 'BYUNG BAR BYED DO, ,'DOD NA 'JIG RTEN GYI KHAMS BRJOD DU MED PA'I SA DANG, CHU DANG, ME DANG, RLUNG GI PHUNG PO TSAD MED PA'I RDUL PHRA RAB KYI RDUL PHRA RAB TU PHYE BA'I RDUL RE RE LAS CHOS KYI SGO BRJOD DU MED PA 'BYUNG BAR BYED DO ZHES GSUNGS PA'O, ,DRIS PA'I LAN 'DEBS PA PHUN SUM TSOGS PA NI GANG GI PHYIR, GAL TE STONG GI 'JIG RTEN GYI KHAMS SU GTOGS PA'I SEMS CAN RNAMS LHAGS TE, DE LA SKAD CIG THANG CIG YUD TZAM CIG LA DRI BA YONGS SU 'DRI ZHING, DE DAG RE RES KYANG SGRA RNAM PA THA DAD PA TSAD MED PAS YONGS SU DRIS LA, GCIG GIS GANG DRIS PA DE GNYIS PAS MA YIN NA 'ANG, BYANG CHUB SEMS DPA' DES SKAD CIG THANG CIG YUD TZAM CIG NYID LA THAMS CAD BZUNG STE, TSIG @244B GCIG BRJOD PAS THAMS CAD GO BAR BYED DO, ,GAL TE STONG GNYIS SU GTOGS PA DANG, STONG GSUM DU GTOGS PA NAS, STONG GSUM GYI STONG CHEN PO'I 'JIG RTEN GYI KHAMS BRJOD DU MED PAR GTOGS PA'I SEMS CAN RNAMS LHAGS TE SKAD CIG THANG CIG YUD TZAM CIG LA DRI BA YONGS SU 'DRI ZHING, DE DAG RE RES KYANG SGRA RNAM PA THA DAD PA TSAD MED PAS YONGS SU DRIS LA, GCIG GIS GANG DRIS PA DE GNYIS PAS MA YIN NA'ANG, BYANG CHUB SEMS DPA' DES SKAD CIG THANG CIG YUD TZAM CIG NYID LA THAMS CAD BZUNG STE, TSIG GCIG BRJOD PAS THAMS CAD GO BAR BYED DO, , CHOS KYI GTAM GYI PHYIR 'DUG NAS KYANG DE BZHIN GSHEGS PA'I BYIN GYI RLABS LEN CING SANGS RGYAS KYI MDZAD PA MTHA' DAG GIS SEMS CAN THAMS CAD LA NYE BAR GNAS PA YIN NO ZHES GSUNGS PA'O, ,'DZIN PA PHUN SUM TSOGS PA NI GANG GI PHYIR, DE DE BAS KYANG SHES CHER YE SHES KYI SNANG BA 'DI LTA BU RAB TU 'DZIN PAR RTZOM STE, GAL TE SKRA'I RTZE MO'I GO GCIG LA 'JIG RTEN GYI KHAMS BRJOD DU MED PA'I RDUL PHRA RAB KYI RDUL JI SNYED PA DE SNYED KYI DE BZHIN GSHEGS PA BZHUGS LA, DE SNYED DU TSAD MED PA'I 'KHOR GYI DKYIL 'KHOR NA CHOS STON CING, DE BZHIN GSHEGS PA DE DAG RE RES KYANG DE SNYED DU TSAD MED PA'I SEMS CAN RNAMS LA CHOS THA DAD PA STON LA, SEMS CAN GYI BSAM PA'I RGYU RE RE LA YANG DE SNYED DU TSAD MED PA'I CHOS NYE BAR SGRUB PA NYE BAR SGRUB STE, DE BZHIN GSHEGS PA GCIG GIS JI LTA BA BZHIN DU DE BZHIN GSHEGS PA THAMS CAD KYANG DE BZHIN LA, SKRA'I RTZE MO'I GO GCIG LA JI LTA BA DE BZHIN DU CHOS KYI DBYINGS THAMS CAD NA YANG DE BZHIN LA, DER BDAG GIS CI NAS KYANG SKAD CIG THANG CIG YUD TZAM GCIG LA DE BZHIN GSHEGS PA THAMS CAD KYI THAD NAS SKAD CIG LAS THA MI DAD PA'I CHOS KYI SNANG BA NOD PA DE LTA BU'I DRAN PA RGYA CHEN PO BSGRUB PAR BYA ZHING; JI SKAD BRJOD PA'I 'KHOR GYI DKYIL 'KHOR CHOS NYAN PA RIS THA DAD PA RNAMS KYIS YONGS SU GANG BA, JI SNYED PA DE DAG TU YANG SKAD CIG THANG CIG YUD TZAM CIG LA, SEMS CAN THAMS CAD YONGS SU TSIM PAR BYED NA, 'JIG RTEN GYI KHAMS DE TZAM DAG GI SEMS CAN RNAMS LTA SMOS @245A *, ,KYANG CI DGOS PA DE LTA BU'I SHES RAB KYI SNANG BA RNAM PAR NGES PA'I SPOBS PA BDAG GIS YONGS SU SBYANG BAR BYA'O SNYAM MO ZHES GSUNGS PA'O, ,'DI RNAMS NI BRDA PHRAD PAR SLA BAS RNAM PAR DBYE BA MA BYAS SO, ,LHAG MA RNAMS NI SNGA MA BZHIN NO, ,'PHAGS PA SA BCU PA LAS SA DGU PA'I RNAM PAR BSHAD PA RDZOGS SO,, ,,SA DGU PA LA ZHING YONGS SU DAG PAR BYA BA DANG, SEMS CAN YONGS SU SMIN PAR BYA BA NAS, SA BCU PA LA SHES BYA MNGON PAR RDZOGS PAR BYANG CHUB PAR BYA BA SGOM PA YONGS SU RDZOGS PAR BYED DE, 'DI NI KHYAD PAR RO, , DE YANG YONGS SU SBYANG BA BYA BA'I SA YONGS SU RDZOGS PA DANG, TING NGE 'DZIN YONGS SU RDZOGS PA THOB PA DANG, DBANG BSKUR BA THOB PA DANG, CHE BA NYID MTHAR PHYIN PAR SONG BA DANG, SA'I NGES PA'I TSIG DANG, MTHU BLA NA MED PA DANG, BLA NA YOD PA DANG, SA'I DPE DANG, SA'I PHAN YON DANG, RNAM PA BRGYAD KYIS RNAM PAR GZHAG PAR RIG PAR BYA'O, ,DE LA YONGS SU SBYANG BA BYAS PA'I SA YONGS SU RDZOGS PA NI SHIN TU RNAM PAR PHYE BA RNAM PAR 'BYED PA NYID KYIS SA DGU PO RNAMS YONGS SU RDZOGS PAR RIG PAR BYA STE, GANG GI PHYIR KYE RGYAL BA'I SRAS BYANG CHUB SEMS DPA' DE, DE LTAR SA DGU PA'I BAR DU SHES BYA TSAD MED PA LA RNAM PAR BRTAGS PA'I BLOS ZHES GSUNGS PA'O, ,SHIN TU RNAM PAR PHYE BA RNAM PAR 'BYED PA ZHES BYA BA LA SHIN TU RNAM PAR PHYE BA RNAM PAR 'BYED PA NYID DE YANG RNAM PA BDUN GYIS RAB TU PHYE BA STE, SHIN TU BSGOMS PA NI TSIG GSUM GYIS RAB TU PHYE BA STE, GANG GI PHYIR CHOS DKAR PO SHIN TU YONGS SU RDZOGS PA, TSOGS BSAGS PAR BYA BA MTHA' YAS PA SHIN TU BSAGS PA, BSOD NAMS DANG YE SHES KYI TSOGS CHEN PO SHIN TU YONGS SU BZUNG BA ZHES GSUNGS PA STE, TSIG 'DI DAG NI BSHAD PA'I MTSAMS SBYAR BA YIN PAR RIG PAR BYA'O, ,BDAG DANG GZHAN GYI DON LA ZHUGS PA'I PHYIR KHYAB PAS RAB TU PHYE BA NI GANG GI PHYIR, SNYING RJE CHEN POS SHIN TU RGYAS PA THOB PA ZHES GSUNGS PA'O, ,SANGS RGYAS KYI ZHING YONGS SU DAG PAR BYED PAS RAB TU PHYE BA NI GANG GI PHYIR, 'JIG RTEN GYI KHAMS RNAM PAR DBYE BA RNAM PA THA DAD PA LA MKHAS PA ZHES @245B GSUNGS PA'O, ,SEMS CAN YONGS SU SMIN PAR BYED PAS RAB TU PHYE BA NI GANG GI PHYIR, SEMS CAN GYI KHAMS KYI RGYU BA THIBS PO LA ZHUGS PA ZHES GSUNGS PA'O, ,SHIN TU RIG PA NI GANG GI PHYIR, DE BZHIN GSHEGS PA'I SPYOD YUL LA 'JUG PAS MTHUN PAR GYUR BA'I 'DU SHES YID LA BYED PA ZHES GSUNGS TE, DE BZHIN GSHEGS PA'I SPYOD YUL NI DE BZHIN NYID DO, ,CHOG PAR MI 'DZIN PAS RAB TU PHYE BA NI GANG GI PHYIR, STOBS DANG, MI 'JIGS PA DANG, SANGS RGYAS KYI CHOS MA 'DRES PA LA LHAG PAR DMIGS PA DANG LDAN PA ZHES GSUNGS PA'O, ,SA'I MTHAR THUG PAR SONG BAS RAB TU PHYE BA NI GANG GI PHYIR, RNAM PA THAMS CAD DANG LDAN PA'I THAMS CAD MKHYEN PA'I YE SHES KYI SA LA DBANG BSKUR BA THOB PA ZHES BYA'O ZHES GSUNGS PA'O, ,DE LTAR YONGS SU SBYANG BA BYA BA'I SA YONGS SU RDZOGS PAS SA BCU PA RNAM PAR GZHAG PA BSTAN NAS, TING NGE 'DZIN YONGS SU RDZOGS PA THOB PAS STON TO, ,DE LA TING NGE 'DZIN YONGS SU RDZOGS PA THOB PA NI TING NGE 'DZIN DRI MA MED PA 'KHOR DANG BCAS PA MNGON DU GYUR BA YIN PAR RIG PAR BYA STE, GANG GI PHYIR KYE RGYAL BA'I SRAS BYANG CHUB SEMS DPA'I YE SHES DE LTA BU DANG LDAN ZHING, DBANG BSKUR BA'I SA THOB PA DE LA; BYANG CHUB SEMS DPA'I TING NGE 'DZIN DRI MA MED PA ZHES BYA BA MNGON DU 'GYUR RO ZHES GSUNGS PA STE, NYON MONGS PA RGYANG SRING BAR BYED PA'I DON GYI DRI MA MED PA'O, ,BSGRIB MI DGOS PAR MNGON DU GYUR PAS MNGON DU 'GYUR BA ZHES BYA'O, ,DE YANG TING NGE 'DZIN RNAM PA DGUS DRI MA MED PA NYID RNAM PA BRGYAD DU RIG PAR BYA STE, LDEM PO NGAG LA 'JUG PA DRI MA MED PA NYID NI GANG GI PHYIR, CHOS KYI DBYINGS RNAM PAR DBYE BA LA 'JUG PA ZHES BYA BA ZHES GSUNGS PA'O, ,NYE BA DRI MA MED PA NYID NI GANG GI PHYIR, BYANG CHUB KYI SNYING PO'I RGYAN GYI TSOGS CAN ZHES BYA BA ZHES GSUNGS PA'O, ,'OD ZER RAB TU GTONG BA DRI MA MED PA NYID NI GANG GI PHYIR, 'OD ZER RNAM PA THAMS CAD KYI ME TOG CES BYA BA ZHES GSUNGS PA'O, ,GZUNG MED PA NYID NI GANG GI PHYIR, RGYA MTSO'I SNYING PO LTA BU CAN ZHES BYA BA ZHES GSUNGS PA'O, ,MNGON PAR SHES PA MNGON PAR BSGRUB PA DRI MA MED PA NI GANG GI PHYIR, RGYA @246A *, ,MTSO LTA BUR 'BYOR BA ZHES BYA BA ZHES GSUNGS PA'O, ,ZHING YONGS SU DAG PAR BYED PA DRI MA MED PA NYID NI MTHA' YAS PA DANG, DE KHO NA LA DMIGS PA'I TSIG GNYIS KYIS STON TE, GANG GI PHYIR NA MA MKHA'I KHAMS LTAR RGYAS PA ZHES BYA BA DANG, CHOS THAMS CAD KYI NGO BO NYID RNAM PAR 'BYED PA ZHES BYA BA ZHES GSUNGS PA'O, ,SEMS CAN YONGS SU SMIN PAR BYED PAS DRI MA MED PA NYID NI GANG GI PHYIR, SEMS CAN THAMS CAD KYI SEMS KYI SPYOD PA RJES SU RTOGS PA ZHES BYA BA ZHES GSUNGS PA'O, ,DA LTAR GYI SANGS RGYAS THAMS CAD GZHAN DANG, GZHAN MNGON PAR RDZOGS PAR BYANG CHUB PA MNGON DU GYUR PA SHES PAS MNGON PAR RDZOGS PAR RTOGS PA DRI MA MED PA NI GANG GI PHYIR, BYANG CHUB SEMS DPA'I TING NGE 'DZIN DA LTAR BYUNG BA'I SANGS RGYAS THAMS CAD MNGON SUM DU BZHUGS PA MNGON DU 'GYUR TE ZHES GSUNGS PA'O, ,DE DAG LA SOGS PA TING NGE 'DZIN GRANGS MED PA 'BUM PHRAG BCU DE LA MNGON DU 'GYUR RO, ,DE TING NGE 'DZIN DE DAG THAMS CAD LA SNYOMS PAR 'JUG CING LDANG NGO, ,TING NGE 'DZIN LA MKHAS PA DANG LDAN PA YANG YIN TE, TING NGE 'DZIN GYI BYA BA JI SNYED PA DE DAG THAMS CAD KYANG NYAMS SU MYONG NGO, ,DE LA TING NGE 'DZIN GRANGS MED PA 'BUM PHRAG BCU NI SNYED PA'I THA MA LA BYANG CHUB SEMS DPA'I TING NGE 'DZIN THAMS CAD MKHYEN PA'I YE SHES DANG KHYAD PAR DBANG BSKUR BA DANG LDAN PA ZHES BYA BA MNGON DU 'GYUR TE ZHES BYA BA THAMS CAD MKHYEN PA'I YE SHES DANG KHYAD PAR MED PAR DBANG BSKUR BA DANG LDAN PA ZHES BYA BA NI THAMS CAD MKHYEN PA'I YE SHES DANG MNYAM PA NYID DU DBANG BSKUR BA DANG LDAN PA STE, TING NGE 'DZIN GYI BYA BA JI SNYED PA NYAMS SU MYONG BAS TING NGE 'DZIN YONGS SU RDZOGS PAR STON TO, ,DE LTAR TING NGE 'DZIN YONGS SU RDZOGS PA THOB PAS SA RNAM PAR GZHAG PA BSTAN NAS DBANG BSKUR BA THOB PAS STON TO, ,DE LA DBANG BSKUR BA THOB PA NI STAN GANG DANG, LUS KYI TSAD NI JI TZAM PA DANG, 'KHOR GANG DANG, MTSAN MA GANG BYUNG BAR GYUR BA DANG, GANG GIS JI LTAR DBANG BSKUR BA DE STON PAR RIG PAR BYA'O, ,DE LA STAN GYI MTSAN NYID NI RNAM PA BCU STE, TSAD KYI MTSAN NYID NI GANG GI PHYIR, DE MNGON DU GYUR MA THAG TU @246B STONG GSUM 'BUM PHRAG BCU'I GTOS DANG MNYAM PA'I ZHES GSUNGS PA'O, ,MCHOG GI RANG BZHIN GYI BDAG PO DANG 'BREL BA'I MTSAN NYID NI GANG GI PHYIR, RIN PO CHE CHEN PO'I RGYAL PO'I PADMA 'BYUNG BAR 'GYUR TE ZHES GSUNGS PA'O, ,MCHOG GI RANG BZHIN GYI KHYAD PAR GYI MTSAN NYID NI GANG GI PHYIR, RIN PO CHE'I RNAM PA THAMS CAD KYIS SPRAS PA ZHES GSUNGS PA'O, ,SA'I MTSAN NYID NI GANG GI PHYIR, 'JIG RTEN GYI YUL THAMS CAD LAS YANG DAG PAR 'DAS PA ZHES GSUNGS PA'O, ,RGYU'I MTSAN NYID NI GANG GI PHYIR, 'JIG RTEN LAS 'DAS PA'I DGE BA'I RTZA BA LAS BYUNG BA ZHES GSUNGS PA'O, ,GRUB PA'I MTSAN NYID NI GANG GI PHYIR, SGYU MA'I RANG BZHIN GYI SPYOD YUL DU YONGS SU GRUB PA ZHES GSUNGS PA'O, ,DON DAM PA'I MTSAN NYID NI GANG GI PHYIR, CHOS KYI DBYINGS LA SHIN TU GNAS PAR SNANG BA ZHES GSUNGS PA STE, SHIN TU GNAS PA NI LEGS PAR GNAS PA'O, ,LHA'I DRI BSUNG LAS YANG DAG PAR 'DAS PAS YON TAN GYI MTSAN NYID NI GANG GI PHYIR, LHA'I YUL LAS YANG DAG PAR 'DAS PA ZHES GSUNGS PA'O, ,CHU BA DANG SNYING PO LA SOGS PA RANG BZHIN GYI MTSAN NYID NI GANG GI PHYIR, NOR BU RIN PO CHE BEE d'URYA CHEN PO'I CHU BA CAN, TZANDAN GYI RGYAL PO MTSUNGS PA MED PA'I SNYING PO CAN, RDO RJE'I SNYING PO CHEN PO'I ZE BA CAN, 'DZAM BU'I CHU'I GSER LTAR SNANG BA'I LO MA CAN, 'OD ZER DPAG TU MED PAS RGYAS PA'I LUS CAN ZHES GSUNGS PA'O, ,RGYAN GYI MTSAN NYID NI GANG GI PHYIR, RIN PO CHE THAMS CAD KYIS NANG RAB TU SPRAS PA, RIN PO CHE'I DRA BA MU MED PAS KUN NAS YOG PA, STONG GSUM 'BUM PHRAG BCU TSANG BA'I RDUL PHRA RAB KYI RDUL JI SNYAD KYI PADMA'I 'KHOR DANG LDAN PA ZHES GSUNGS PA'O, ,LUS KYI TSAD CI TZAM LA ZHE NA, STEN GYI RKYEN DU BAB PA'I LUS KYI DBYIBS LA STE, GANG GI PHYIR BYANG CHUB SEMS DPA' DE'I LUS KYANG DE DANG 'TSAM ZHING, DE'I RKYEN DU BAB PAR GNAS SO, ,THAMS CAD MKHYEN PA'I YE SHES DANG KHYAD PAR MED PAR DBANG BSKUR BA DANG LDAN PA'I TING NGE 'DZIN DE THOB MA THAG DU RIN PO CHE CHEN PO'I RGYAL PO'I PADMA'I STAN DE LA 'DUG PAR KUN DU SNANG NGO ZHES GSUNGS PA'O, ,'KHOR GANG GI NANG DU ZHEN, RIN PO CHE CHEN @247A *, ,PO'I RGYAL PO'I PADMA'I STAN DE'I 'KHOR GYI PADMA LA 'DUG PA'I BYANG CHUB SEMS DPA'I 'KHOR GYI NANG DU STE, GANG GI PHYIR BYANG CHUB SEMS DPA' DE RIN PO CHE CHEN PO'I RGYAL PO'I PADMA DE LA 'DUG MA THAG TU DE NAS RIN PO CHE CHEN PO'I RGYAL PO'I PADMA'I 'KHOR RIN PO CHE CHEN PO'I PADMA JI SNYED BYUNG BA DE SNYED KYI BYANG CHUB SEMS DPA' DAG GIS BYANG CHUB SEMS DPA' DE BSKOR NAS RIN PO CHE CHEN PO'I PADMA DE DAG KYANG PHAN 'DOGS PA'I LAS CAN PADMA DE DAG LA 'KHOD PAR SNANG STE, BYANG CHUB SEMS DPA' DE NYID LA LTA ZHING, DE DAG RE RE YANG TING NGE 'DZIN 'BUM PHRAG BCU BCU LA SNYOMS PAR 'JUG GO ZHES GSUNGS PA'O, ,MTSAN MA GANG BYUNG BAR GYUR NA ZHES BYA BA NI 'OD ZER BYUNG BA STE, DE DAG KYANG PHAN 'DOGS PA'I LAS CAN DANG, SBRON PA'I LAS CAN DANG, 'GUGS PA'I LAS CAN TE, LAS GSUM DANG LDAN PAR RIG PAR BYA STE, GANG GI PHYIR BYANG CHUB SEMS DPA' DE DANG BYANG CHUB SEMS DPA' DE DAG GIS MNYAM PAR GZHAG MA THAG TU 'JIG RTEN GYI KHAMS THAMS CAD MA LUS PAR G-YO BAR 'GYUR RO, ,NGAN SONG THAMS CAD RGYUN CHAD PAR 'GYUR RO, ,CHOS KYI DBYINGS THAMS CAD SNANG BAS RGYAS PAR 'GYUR RO, ,'JIG RTEN GYI KHAMS THAMS CAD YONGS SU DAG PAR 'GYUR RO, ,SANGS RGYAS KYI ZHING THAMS CAD DU MING GI SGRA GRAG PAR 'GYUR RO, ,SPYOD PA MTHUN PA'I BYANG CHUB SEMS DPA' THAMS CAD 'DU BAR 'GYUR RO, ,'JIG RTEN GYI KHAMS THAMS CAD KYI LHA DANG, MI'I ROL MO GLU DANG, ROL MO'I SGRA DANG, SIL SNYAN GYI SGRA 'BYUNG BAR 'GYUR RO, ,SEMS CAN THAMS CAD LA BDE BA SKYE PAR 'GYUR RO, ,YANG DAG PAR RDZOGS PA'I SANGS RGYAS THAMS CAD LA MCHOD PA DANG, RIM GRO BYA BA BSAM GYIS MI KHYAB PA BYED PA 'BYUNG BAR 'GYUR RO, ,DE BZHIN GSHEGS PA THAMS CAD KYI 'KHOR GYI DKYIL 'KHOR GYIS KYANG RNAM PAR RIG PAR 'GYUR RO, ,DE CI'I PHYIR ZHE NA, KYE RGYAL BA'I SRAS 'DI LTAR BYANG CHUB SEMS DPA' DE RIN PO CHE CHEN PO'I RGYAL PO'I PADMA'I GDAN DE LA 'DUG MA THAG TU RKANG PA'I 'OG GI MTHIL GNYIS NAS 'OD ZER GRANGS MED PA 'BUM PHRAG BCU 'BYUNG STE, BYUNG NAS KYANG PHYOGS BCU'I SEMS CAN DMYAL BA @247B CHEN PO MNAR MED PA YAN CHAD SNANG BAR BYED DO, ,SEMS CAN DMYAL BA PA'I SEMS CAN RNAMS KYI SDUG BSNGAL THAMS CAD KYANG RGYUN CHAD PAR BYED DO, ,PHUS MO GNYIS NAS 'OD ZER GRANGS MED PA 'BUM PHRAG BCU 'BYUNG STE, BYUNG NAS KYANG PHYOGS BCU'I DUD 'GRO'I SKYE GNAS PA'I GNAS THAMS CAD SNANG BAR BYED DO, ,DUD 'GRO'I SKYE GNAS KYI SDUG BSNGAL KYANG RAB TU ZHI BAR BYED DO, ,LTE BA KHUNG NAS 'OD ZER GRANGS MED PA 'BUM PHRAG BCU 'BYUNG STE, BYUNG NAS KYANG PHYOGS BCU'I GSHIN RJE'I 'JIG RTEN GYI GNAS THAMS CAD SNANG BAR BYED DO, ,GSHIN RJE'I 'JIG RTEN PA'I SEMS CAN RNAMS KYI SDUG BSNGAL THAMS CAD KYANG RAB TU ZHI BAR BYED DO, ,RTZIB LOGS G-YAS G-YON NAS 'OD ZER GRANGS MED PA 'BUM PHRAG BCU 'BYUNG STE, BYUNG NAS KYANG PHYOGS BCU'I MI'I GNAS RNAMS SNANG BAR BYED DO, ,MI'I SDUG BSNGAL RNAMS KYANG RAB TU ZHI BAR BYED DO, ,LAG PA'I MTHIL GNYIS NAS 'OD ZER GRANGS MED PA 'BUM PHRAG BCU 'BYUNG STE, BYUNG NAS KYANG PHYOGS BCU'I LHA DANG LHA MA YIN GYI GNAS RNAMS SNANG BAR BYED DO, ,LHA DANG LHA MA YIN GYI SDUG BSNGAL RNAMS KYANG RAB TU ZHI BAR BYED DO, ,PHRAG PA GNYIS NAS 'OD ZER GRANGS MED PA 'BUM PHRAG BCU 'BYUNG STE; BYUNG NAS KYANG PHYOGS BCU'I NYAN THOS KYI THEG PA PA RNAMS KYI GNAS SNANG BAR BYED DO, ,CHOS SNANG BA'I SGO YANG NYE BAR SGRUB PO, ,RGYAB DANG MGUL NAS 'OD ZER GRANGS MED PA 'BUM PHRAG BCU 'BYUNG STE, BYUNG NAS KYANG PHYOGS BCU'I RANG SANGS RGYAS KYI GNAS RNAMS SNANG BAR BYED DO, ,ZHI BA'I TING NGE 'DZIN GYI SGO'I TSUL YANG NYE BAR SGRUB PO, ,KHA'I SGO NAS 'OD ZER GRANGS MED PA 'BUM PHRAG BCU 'BYUNG STE, BYUNG NAS KYANG PHYOGS BCU'I BYANG CHUB SEMS DPA' SEMS DANG PO BSKYED PA YAN CHAD SA DGU PA THOB PA'I BAR DAG SNANG BAR BYED DO, ,SHES RAB DANG THABS LA MKHAS PA'I TSUL YANG NYE BAR SGRUB BO, ,SMIN MTSAMS KYI MDZOD SPU NAS 'OD ZER GRANGS MED PA 'BUM PHRAG BCU 'BYUNG STE, BYUNG NAS KYANG PHYOGS BCU'I BDUD KYI GNAS THAMS CAD MOG MOG POR BYAS NAS DBANG BSKUR BA THOB PA'I BYANG CHUB SEMS DPA' RNAMS SNANG BAR BYAS TE, DE DAG GI LUS RNAMS SU NUB PAR @248A *, ,BYED DO, ,STENG GI YAN LAG GI DAM PA MGO LAS STONG GSUM GRANGS MED PA 'BUM PHRAG BCUR TSANG BA'I RDUL PHRA RAB KYI RDUL JI SNYED KYI 'OD ZER 'BYUNG STE, BYUNG NAS KYANG PHYOGS BCU'I DE BZHIN GSHEGS PA'I 'KHOR GYI DKYIL 'KHOR THAMS CAD SNANG BAR BYAS TE, 'JIG RTEN LA LAN BCU BSKOR BA BYAS NAS STENG GI BAR SNANG LA 'DUG STE, 'OD ZER GYI DRA BA'I DKYIL 'KHOR CHEN POR BYAS NAS DE BZHIN GSHEGS PA LA MCHOD PA DANG RIM GRO BYA BA 'OD SHIN TU GSAL BA ZHES BYA BA RAB TU BYED DE, MCHOD PA NGANG RIM GRO BYA BA DE LA SEMS DANG PO BSKYED PA YAN CHAD SA DGU PA THOB PA'I BAR DAG GIS DE BZHIN GSHEGS PA LA MCHOD PA DANG RIM GRO BYAS PAS BRGYA'I CHAR YANG NYE BAR MI 'GRO, STONG GI CHA DANG, 'BUM GYI CHA DANG, BYE BA'I CHA DANG, BYE BA BRGYA'I CHA DANG, BYE BA STONG GI CHA DANG, BYE BA 'BUM GYI CHA DANG, BYE BA KHRAG KHRIG 'BUM GYI CHAR YANG NYE BAR MI 'GRO STE, GRANGS DANG, CHA DANG, BGRANG BA DANG, RGYUR YANG NYE BAR MI 'GRO BA NAS, DPE'I BAR DU YANG MI BZOD DO, ,'OD ZER GYI DRA BA'I DKYIL 'KHOR CHEN PO DE LAS PHYOGS BCU NAS ME TOG TU GDAGS PA DANG, SPOS DANG, BDUG PA DANG, PHRENG BA DANG, BYUG PA DANG, PHYE MA DANG, GOS DANG, GDUGS DANG, RGYAL MTSAN DANG, BA DAN DANG, RIN PO CHE'I RGYAN DANG, NOR BU RIN PO CHER GDAGS PA JI SNYED YOD PA DE DAG THAMS CAD PAS LHAG CING 'JIG RTEN GYI YUL THAMS CAD LAS SHIN TU 'DAS PA, 'JIG RTEN LAS 'DAS PA'I DGE BA'I RTZA BA'I TSOGS KYI DBANG GIS GRUB PA, YON TAN GYI RNAM PA THAMS CAD PHUN SUM TSOGS PA, SPRUL PA'I BYIN GYI RLABS BSAM GYIS MI KHYAB PAS BYIN GYIS BRLABS PA, BKOD PA SNA TSOGS KYI NOR BU RIN PO CHE CHEN PO DAG KYANG DE BZHIN GSHEGS PA RE RE'I 'KHOR GYI DKYIL 'KHOR DU SPRIN CHEN PO'I CHAR LTAR MNGON PAR 'BAB BO, ,MCHOD PA DE DAG SEMS CAN GANG DAG GIS SHES PA DE DAG THAMS CAD BLA NA MED PA YANG DAG PAR RDZOGS PA'I BYANG CHUB TU NGES PAR 'GYUR RO ZHES GSUNGS PA NI 'OD ZER DE DAG PHAN 'DOGS PA'I LAS CAN DU SHES PAR BYA'O, ,MCHOD PA DE DAG SEMS CAN GANG DAG GIS SHES PA DE DAG @248B THAMS CAD KYANG BLA NA MED PA YANG DAG PAR RDZOGS PA'I BYANG CHUB TU NGES PAR 'GYUR RO ZHES BYA BA NI DE DAG NGES PA'I SA LA NGES PAR 'GYUR RO ZHES BYA BA'I THA TSIG GO, ,RNAM GRANGS GZHAN DU NA NGES PAR 'GYUR BA NI, BYA BA LA BAG YOD PAR LEGS PAR SDOM PA CAN DU 'GYUR RO ZHES BYA BA'I THA TSIG GO, , MCHOD PA DANG RIM GRO BYA BA DE LTA BU BYAS NAS KYANG 'OD ZER DE DAG GIS DE BZHIN GSHEGS PA'I 'KHOR GYI DKYIL 'KHOR THAMS CAD SNANG BAR BYAS TE, 'JIG RTEN LA LAN BCU BSKOR BA BYAS NAS, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE DAG GI ZHABS KYI 'OG GI MTHIL RNAMS SU NUB PAR 'GYUR TE, NGES NA DE BZHIN GSHEGS PA DE DAG DANG, BYANG CHUB SEMS DPA' DE DAG GIS, 'JIG RTEN GYI KHAMS RAB 'BYAM CHE GE MO ZHIG NA, BYANG CHUB SEMS DPA' SPYOD PA DE LTA BU DANG LDAN PA, DBANG BSKUR BA'I DUS LA BAB PAR THUGS SU CHUD PAR 'GYUR RO ZHES GSUNGS PA NI SPRON PA'I LAS CAN NI, ,KYE RGYAL BA'I SRAS DE LA BYANG CHUB SEMS DPA'I SA DGU PA LA GNAS PA'I BYANG CHUB SEMS DPA' DPAG TU MED GRANGS MED PA DAG 'JIG RTEN GYI KHAMS RAB 'BYAM MTHA' YAS PA DAG NAS DER LHAGS NAS, BYANG CHUB SEMS DPA' DE LA KUN NAS BSKOR TE, MCHOD PA CHEN PO BYAS NAS BYANG CHUB SEMS DPA' DE NYID LTA ZHING, TING NGE 'DZIN 'BUM PHRAG BCU LA SNYOMS PAR 'JUG GO, ,BYANG CHUB SEMS DPA' DBANG BSKUR BA'I SA THOB PA RNAMS KYI DPAL BE'U DANG, RDO RJE DANG BKRA SHIS LAS BDUD KYI DGRA LAS RNAM PAR RGYAL BA ZHES BYA BA'I 'OD ZER CHEN PO CIG 'OD ZER GYI 'KHOR GRANGS MED PA 'BUM PHRAG BCU BCU 'BYUNG STE, BYUNG NAS KYANG PHYOGS BCU SNANG BAR BYAS NAS CHO 'PHRUL MU MED PA YANG DAG PAR BSTAN TO, BYANG CHUB SEMS DPA' DE'I DPAL BE'U DANG, RDO RJE DANG BKRA SHIS LA NUB PAR 'GYUR RO, ,'OD ZER DE DAG DER NUB MA THAG TU BYANG CHUB SEMS DPA' DE'I STOBS DANG, MTHU YANG 'BUM GYUR PAS KYANG LHAG PAR MNGON PAR 'PHEL BAR SNANG NGO ZHES GSUNGS PA NI 'GUGS PA'I LAS CAN TE, DE LTA BU NI MTSAN MA GANG BYUNG NAS DBANG BSKUR BA'O,, ,,DPAL BE'U DANG, RDO RJE DANG BKRA SHIS ZHES BYA BA'I MTSAN NI @249A *, ,BYANG CHUB SEMS DPA' RNAMS KYI SNYING GA NA YOD PAR RIG PAR BYA'O, ,GANG GIS DBANG BSKUR ZHE NA, BYANG CHUB SEMS DPA' DE DANG PHAN TSUN YE SHES MNYAM PA NYID DU YANG DAG PAR YONGS SU 'DZIN PAR, DE BZHIN GSHEGS PA RNAMS KYI 'OD ZER GYIS DBANG BSKUR TE, GANG GI PHYIR KYE RGYAL BA'I SRAS DE NAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE DAG MDZOD SPU DAG NAS, THAMS CAD MKHYEN PA NYID NI MNGON PAR SHES PA DANG LDAN PA ZHES BYA BA'I 'OD ZER 'KHOR GYI 'OD ZER GRANGS MED PA 'BUM PHRAG BCU BCU 'BYUNG STE, DE DAG GIS PHYOGS BCU THAMS CAD KYI 'JIG RTEN GYI KHAMS THAMS CAD MA LUS PAR SNANG BAR BYAS NAS, 'JIG RTEN LA LAN BCU BSKOR BA BYAS TE, DE BZHIN GSHEGS PA'I RNAM PAR 'PHRUL PA CHEN PO RNAMS BSTAN, BYANG CHUB SEMS DPA' BYE BA KHRAG KHRIG 'BUM PHRAG MANG PO BSKUL, SANGS RGYAS ZHING RAB 'BYAM THAMS CAD RNAM PA DRUG TU BSKYOD DE, NGAN SONG THAMS CAD 'CHI 'PHO BA DANG, 'GRO BAR SKYE BA RAB TU ZHI BAR BYAS, BDUD KYI GNAS THAMS CAD MOG MOG POR BYAS, DE BZHIN GSHEGS PA THAMS CAD MNGON PAR RDZOGS PAR BYANG CHUB PAS RNAM PAR SANGS RGYAS PA'I SANGS RGYAS KYI GDAN KUN DU BSTAN NAS, SANGS RGYAS THAMS CAD KYI 'KHOR GYI DKYIL 'KHOR BKOD PA'I MTHU RAB TU BSTAN TE, 'JIG RTEN GYI KHAMS CHOS KYI DBYINGS KYI SA KLAS PA, NAM MKHA'I KHAMS KYI MTHAS GTUGS PA THAMS CAD SNANG BAR BYAS NAS PHYIR LOG STE, BYANG SEMS DPA'I 'KHOR GYI DKYIL 'KHOR THAMS CAD KYI STENG NAS BSKOR BA BYAS NAS BKOD PA CHEN PO BSTAN TE, 'OD ZER DE DAG KYANG BYANG CHUB SEMS DPA' DE'I YAN LAG GI DAM PA MGOR NUB PAR 'GYUR RO, ,DE'I 'KHOR GYI 'OD ZER RNAMS NI DE LTAR BYANG CHUB SEMS DPA' RNAMS KYI MGOR NUB PAR 'GYUR TE, 'OD ZER DE DAG GIS PHOG MA THAG TU BYANG CHUB SEMS DPA' DE DAG GIS SNGON MA THOB PA'I TING NGE 'DZIN STONG PHRAG BCU THOB BO, ,'OD ZER DE DAG KYANG DUS GCIG TU BYANG CHUB SEMS DPA' DE'I YAN LAG GI MGOL 'BAB BAR 'GYUR TE, BYANG CHUB SEMS DPA' DE @249B YANG DAG PAR RDZOGS PA'I SANGS RGYAS KYI YUL LA MNGON PAR DBANG BSKUR BA ZHES BYA'O, ,STOBS BCU YONGS SU RDZOGS NAS NI YANG DAG PAR RDZOGS PA'I SANGS RGYAS KYI GRANGS SU 'GRO'O ZHES GSUNGS PA'O, ,DE JI LTAR DBANG BSKUR ZHE NA, 'KHOR LOS SGYUR BA'I RGYAL PO'I BU THU BO LTA BUR TE, GANG GI PHYIR ZHE RGYAL BA'I SRAS 'DI LTA STE, DPER NA 'KHOR LOS SGYUR BA'I RGYAL PO'I BU THU BO CHE GZHON NU BTZUN MO DAM PA LA BTZAS PA, RGYAL PO'I MTSAN DANG LDAN PAR GYUR PA DE LA 'KHOR LOS SGYUR BA'I RGYAL POS LHA'I GLANG PO RIN PO CHE LA GSER GYI KHRI BZANG PO'I STENG DU BZHAG STE, STENG NAS BLA RE BRES SHING GDUGS DANG RGYAL MTSAN DANG ROL MO'I BKOD PA RGYA CHEN PO BYAS TE, RGYA MTSO CHEN PO BZHI LAS CHU BLANGS PA DE GSER GYI BUM PAS BCUS TE, CHU DES GZHON NU'I SPYI BO NAS DBANG BSKUR NA DE DBANG BSKUR MA THAG TU RGYAL PO RGYAL RIGS SPYI BO NAS DBANG BSKUR BA ZHES BYA BA'I GRANGS SU 'GRO STE, DGE BCU'I LAS KYI LAM YONGS SU RDZOGS NAS NI 'KHOR LOS SGYUR BA ZHES BYA BA'I MING 'THOB BO, ,KYE RGYAL BA'I SRAS DE BZHIN DU BYANG CHUB SEMS DPA' YANG SANGS RGYAS BCOM LDAN 'DAS DE DAG GIS DBANG BSKUR MA THAG TU YE SHES KYI DBANG BSKUR BAS DBANG BSKUR BA ZHES BYA STE, STOBS BCU YONGS SU RDZOGS NAS NI YANG DAG PAR RDZOGS PA'I SANGS RGYAS KYI GRANGS SU 'GRO'O, ,KYE RGYAL BA'I SRAS 'DI NI GANG GI DON DU BYANG CHUB SEMS DPA' BYE BA 'BUM PHRAG DU MA RTZOM PA'I BYANG CHUB SEMS DPA'I YE SHES CHEN POR DBANG BSKUR BA ZHES GSUNGS PA'O, ,DBANG BSKUR BA DANG DUS MNYAM DU SA 'DI LA RAB TU GNAS PA YIN TE, GANG GI PHYIR DE LTAR DBANG BSKUR ZHING YON TAN DANG, YE SHES TSAD MED PA RNAM PAR 'PHEL BA DE NI BYANG CHUB SEMS DPA'I SA CHOS KYI SPRIN LA GNAS PA ZHES BYA'O ZHES GSUNGS PA'O,, ,, DE LTAR DBANG BSKUR BA THOB PAS SA RNAM PAR GZHAG PA BSTAN NAS, CHE BA NYID KYI BYE BRAG RNAM PA LDAS CHE BA NYID MTHAR PHYIN PA DANG LDAN PA STON TE, CHE BA NYID RNAM PA LNGA NI SHES PA'I CHE BA NYID DANG, RNAM PAR THAR PA'I CHE BA NYID DANG, TING NGE 'DZIN GYI CHE BA NYID DANG, GZUNGS KYI CHE BA NYID DANG, MNGAN @250A *, ,PAR SHES PA'I CHE BA NYID DO, ,DE DAG NI DON RNAM PA LNGA DANG 'BREL BAR RIG PAR BYA STE, SHES BYA'I DE KHO NA MNGON PAR RDZOGS PAR BYANG CHUB PA'I DON DANG 'BREL BA DANG, SEMS LA DBANG BA'I DON DANG 'BREL PA DANG, DON THAMS CAD 'GRUB PA SEMS BSKYED PA TZAM LA RAG LAS PA'I DON DANG 'BREL PA DANG, 'KHOR BA JI SRID PAR SEMS CAN GYI DON BYA BA'I RJES 'JUG PA DANG 'BREL PA DANG, SEMS CAN YONGS SU SMIN PAR BYED PA'I NUS PA DANG 'BREL PA'O, ,SHES PA'I CHE BA NYID KYANG RNAM PA BDUN DU RIG PAR BYA STE, YANG DAG PAR 'GRUB PA SHES PA'I CHE BA NYID DANG, SPRUL PA SHES PA'I CHE BA NYID DANG, BYIN GYIS BRLABS PA SHES PA'I CHE BA NYID DANG, CHA PHRA BA 'JUG PA SHES PA'I CHE BA NYID DANG, GSANG BA'I GNAS SHES PA'I CHE BA NYID DANG, SKAL BA LA 'JUG PA SHES PA'I CHE BA NYID DANG, LAM LA 'JUG PA SHES PA'I CHE BA NYID DO, , DE LA DANG PO NI THAMS CAD MKHYEN PA NYID LA THE TSOM ZA BA GCOD NUS PA'I DBANG DU BYAS PA'O, ,GNYIS PA NI DE LA GNAS PAS MNGON PAR SGRUB NUS PA'I DBANG DU BYAS PA'O, ,GSUM PA NI DE NYID DE LTA DE LTAR BYED NUS PA'I DBANG DU BYAS PA'O, ,BZHI PA NI SPRUL PA DANG BYIN GYI RLABS DE GNYI GA LA GNYIS SU MED PA'I YE SHES KUN DU 'BYUNG BA'I DBANG DU BYAS PA'O, ,LNGA PA NI SEMS CAN YONGS SU MA SMIN PAR SKRAG PA BSAL BA'I DBANG DU BYAS PA'O, ,DRUG PA NI TSE'I 'DU BYED BYIN GYIS BRLABS PA DANG, GTANG BA LA DBANG BA'I DBANG DU BYAS PA'O, ,BDUN PA NI GNYEN PO BSTAN PA'I DBANG DU BYAS PA'O, ,DE LA YANG DAG PAR 'GRUB PA SHES PA NI RTEN CING 'BREL PAR 'BYUNG BA'I SHES PA YIN PAR RIG PAR BYA STE, DE YANG SRID PA'I YAN LAG GANG DAG BYUNG BAS KUN NAS NYON MONGS PAR 'GYUR ZHING, 'GAG PAS RNAM PAR BYANG BAR 'GYUR BA DANG, KHAMS GSUM GANG DU BA DANG, SEMS CAN GANG DAG DANG, SEMS GANG KUN NAS NYON MONGS SHING RNAM PAR BYANG BA DANG, 'DUS BYAS DANG, 'DUS MA BYAS KYI CHOS GANG DAG MI SHES PA DANG, SHES PAS DANG, NAM MKHA' DANG 'DRA BA'I YUL JI TZAM PA DANG, DAM PA DANG DAM PA MA YIN PA'I CHOS BSTAN PA GANG GIS @250B DANG; MYA NGAN LAS 'DAS PA GANG MA THOB PA DANG, THOB PA DANG LTA BA'I NYES PA GANG GIS MU STEGS CAN RNAMS KYIS DE MI THOB PA DANG, SNOD KYI 'JIG RTEN GYI 'BYUNG BA DANG, LDOG PA GANG DAG DANG, THEG PA GSUM YANG DAG PAR 'GRUB PA GANG YIN PA DE'I RAB TU DBYE BAS RIG PAR BYA STE, GANG GI PHYIR KYE RGYAL BA'I SRAS BYANG CHUB SEMS DPA'I SA CHOS KYI SPRIN 'DI LA GNAS PA'I BYANG CHUB SEMS DE NI CHOS KYI KHAMS YANG DAG PA JI LTA BA BZHIN DU RAB TU SHES TE, 'DOD PA'I KHAMS YANG DAG PAR 'GRUB PA DANG, GZUGS KYI KHAMS YANG DAG PAR 'GRUB PA DANG, GZUGS MED PA'I KHAMS YANG DAG PAR 'GRUB PA DANG, SEMS CAN GYI KHAMS YANG DAG PAR 'GRUB PA DANG, RNAM PAR SHES PA'I KHAMS YANG DAG PAR 'GRUB PA DANG, 'DUS BYAS DANG 'DUS MA BYAS KYI KHAMS YANG DAG PAR 'GRUB PA DANG, NAM MKHA'I KHAMS YANG DAG PAR 'GRUB PA DANG, YANG DAG PA DANG YANG DAG PA MA YIN PA BSTAN PA'I KHAMS YANG DAG PAR 'GRUB PA DANG, MYA NGAN LAS 'DAS PA'I KHAMS YANG DAG PAR 'GRUB PA DANG, LTA BAR GYUR PA'I NYON MONGS PA YANG DAG PAR 'GRUB PA YANG YANG DAG PA JI LTA BA BZHIN DU RAB TU SHES SO, ,'JIG RTEN GYI KHAMS 'JIG PA DANG, 'CHAGS PA YANG DAG PAR 'GRUB PA DANG, NYAN THOS KYI SPYOD PA YANG DAG PAR 'GRUB PA DANG, RANG SANGS RGYAS KYI SPYOD PA YANG DAG PAR 'GRUB PA DANG, BYANG CHUB SEMS DPA'I SPYOD PA YANG DAG PAR 'GRUB PA DANG, DE BZHIN GSHIGS PA'I STOBS DANG, MI 'JIGS PA DANG, RANG SANGS RGYAS KYI CHOS DANG, GZUGS KYI SKU DANG, CHOS KYI SKU YANG DAG PAR 'GRUB PA DANG, RNAM PA THAMS CAD DANG LDAN PA'I THAMS CAD MKHYEN PA'I YE SHES YANG DAG PAR 'GRUB PA DANG, MNGON PAR RDZOGS PAR 'TSANG RGYA BA DANG, CHOS KYI 'KHOR LO BSKOR BA DANG, MYA NGAN LAS 'DAS PA KUN DU BSTAN PA YANG DAG PAR 'GRUB PA DANG, MDOR NA CHOS THAMS CAD LA 'JUG CING, RNAM PAR DBYE BAS BRTAG PA YANG DAG PAR 'GRUB PA YANG YANG DAG PA JI LTA BA BZHIN DU RAB TU SHES SO ZHES GSUNGS PA'O, ,DE LA SPRUL PA SHES PA NI SEMS CAN DU SPRUL PA LA @251A *, ,SOGS PA'I BYE BRAG GIS RIG PAR BYA STE, GANG GI PHYIR DE YE SHES DE LTA BU DANG LDAN PA'I BLOS GONG DU SEMS CAN SPRUL PA'I LAS YANG DAG PA JI LTA BA BZHIN DU RAB TU SHES TE, NYON MONGS PAS BYAS PA'I SPRUL PA DANG, LTA BAR GYUR PA'I SPRUL PA DANG, 'JIG RTEN GYI KHAMS SU SPRUL PA DANG, CHOS KYI DBYINGS SU SPRUL PA DANG, NYAN THOS SU SPRUL PA DANG, RANG SANGS RGYAS SU SPRUL PA DANG, BYANG CHUB SEMS DPA' SPRUL PA DANG, DE BZHIN GSHEGS PAR SPRUL PA DANG, SPRUL PA THAMS CAD LA RTOG PA YANG RTOG PA MED PA NYID DU YANG DAG PA JI LTA BA BZHIN DU RAB TU SHES SO ZHES GSUNGS PA'O, ,DE LA NYON MONGS PA DANG, LTA BAR GYUR PA'I SPRUL PA NI NYON MONGS PA DANG, LTA BAR GYUR PA'I SPRUL PA STON PA GANG YIN PA'O, ,CHOS KYI DBYINGS SU SPRUL PA NI RNAM PAR GZHAG PA'I CHOS LA 'JUG PA'O, ,SPRUL PA DE DAG THAMS CAD LA YONGS SU RTOG PA RNAMS RTOG PA MED PA NYID DU YANG DAG PA JI LTA BA BZHIN DU RAB TU SHES SO, ,DE LA BYIN GYI RLABS ZHES PA NI GANG GI PHYIR, DE SANGS RGYAS SU BYIN GYIS BRLAB PA YANG YANG DAG PA JI LTA BA BZHIN DU RAB TU SHES TE, CHOS SU BYIN GYIS BRLAB PA DANG, DGE 'DUN DU BYIN GYIS BRLAB PA DANG, LAS SU BYIN GYIS BRLAB PA DANG, NYON MONGS PAR BYIN GYIS BRLAB PA DANG, DUS BYIN GYIS BRLAB PA DANG, SMON LAM BYIN GYIS BRLAB PA DANG, MCHOD PA BYIN GYIS BRLAB PA DANG, SPYOD PA BYIN GYIS BRLAB PA DANG, BSKAL PA BYIN GYIS BRLAB PA DANG, YE SHES SU BYIN GYIS BRLAB PA YANG YANG DAG PA JI LTA BA BZHIN DU RAB TU SHES SO ZHES GSUNGS PA STE, MDO LAS JI SKAD 'BYUNG BA BZHIN DU RIG PAR BYA'O, ,DE LA YE SHES SU BYIN GYIS BRLAB PA NI THAMS CAD MKHYEN PA'I YE SHES SU RIG PAR BYA'O, ,CHA PHRA BA 'JUG PA SHES PA NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI CHA PHRA RAB 'JUG PA'I MKHYEN PA GANG DAG YIN PA 'DI LTA STE, SPYOD PA LA CHA PHRA BA 'JUG PA'I MKHYEN PA DANG, 'CHI 'PHO BA DANG, SKYE BA LA CHA PHRA BA 'JUG PA'I MKHYEN PA DANG, BLTAMS PA LA CHA PHRA BA 'JUG PA'I MKHYEN PA DANG, RNAM PAR 'PHRUL PA LA CHA PHRA BA 'JUG @251B PA'I MKHYEN PA DANG, MNGON PAR 'BYUNG BA LA CHA PHRA BA 'JUG PA'I MKHYEN PA DANG, MNGON PAR RDZOGS PAR BYANG CHUB PA LA CHA PHRA BA 'JUG PA'I MKHYEN PA DANG, CHOS KYI 'KHOR LO BSKOR BA LA CHA PHRA BA 'JUG PA'I MKHYEN PA DANG, TSE'I TSANG BYIN GYIS BRLAB PA LA CHA PHRA BA 'JUG PA'I MKHYEN PA DANG, YONGS SU MYA NGAN LAS 'DA' BA LA CHA PHRA BA 'JUG PA'I MKHYEN PA DANG, BSTAN PA GNAS PA LA CHA PHRA BA 'JUG PA'I MKHYEN PA DE DAG THAMS CAD YANG DAG PA JI LTA BA BZHIN DU RAB TU SHES SO ZHES GSUNGS PA STE, MDO LAS JI SKAD 'BYUNG BA BZHIN DU RIG PAR BYA'O, ,DE LA RNAM PAR 'PHRUL PA NI GOM PA BDUN POR BA LA SOGS PA YIN PAR RIG PAR BYA'O, ,GSANG BA'I GNAS SHES PA NI DE DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI GSANG BA'I GNAS GANG DAG YIN PA 'DI LTA STE, SKU'I GSANG BA DANG, GSUNG GI GSANG BA DANG, THUGS KYI GSANG BA DANG, DUS DANG DUS MA YIN PA RNAM PAR DPYANG PA GSANG BA DANG, BYANG CHUB SEMS DPA' LUNG BSTAN PA GSANG BA DANG, SEMS CAN BSDU BA DANG, TSAR GCAD PA GSANG BA DANG, THEG PA THA DAD PA GSANG BA DANG, SEMS CAN GYI SPYOD PA DANG, DBANG PO RNAM PAR DBYE BA GSANG BA DANG, LAS SU BYA BA LA 'JUG PA GSANG BA DANG, SPYOD PA DANG, MNGON PAR RDZOGS PAR BYANG CHUB PA DANG, RANG BZHIN THUGS SU CHUD PA GSANG BA DE DAG THAMS CAD YANG DAG PA JI LTA BA BZHIN DU RAB TU SHES SO ZHES GSUNGS PA STE, MDO LAS JI SKAD 'BYUNG BA BZHIN DU RIG PAR BYA'O, ,BSKAL PA LA 'JUG PA SHES PA NI DE BSKAL PA LA 'JUG PA GANG DAG YIN PA 'DI LTA STE, BSKAL PA GCIG LA BSKAL PA GRANGS MED PAR YANG DAG PAR GZHOL BA NYID DANG, BSKAL PA GRANGS MED PA LA BSKAL PA GRANGS MED PAR YANG DAG PAR GZHOL BA NYID DANG, SKAD CIG LA BSKAL PA DANG, BSKAL PA LA SKAD CIG TU YANG DAG PAR GZHOL BA NYID DANG, BSKAL PA LA BSKAL PA MA YIN PA DANG, BSKAL PA MA YIN PA LA BSKAL PAR YANG DAG PAR GZHOL BA NYID DANG, SANGS RGYAS DANG BCAS PA'I BSKAL PA LA SANGS RGYAS MED PA'I BSKAL PAR YANG DAG PAR @252A *, ,GZHOL BA NYID DANG, SANGS RGYAS MED PA'I BSKAL PA LA SANGS RGYAS DANG BCAS PA'I BSKAL PAR YANG DAG PAR GZHOL BA NYID DANG, 'DAS PA DANG MA 'ONGS PA LA DA LTAR BYUNG BA DANG, 'DAS PA LA MA 'ONGS PA DANG, 'DAS PA LA DA LTAR BYUNG BA'I BSKAL PAR YANG DAG PAR GZHOL BA NYID DANG, BSKAL PA RING PO LA BSKAL PA THUNG DUR YANG DAG PAR GZHOL BA NYID DANG, BSKAL PA THUNG DU LA BSKAL PA RING POR YANG DAG PAR GZHOL BA NYID DANG, BSKAL PA THAMS CAD LA MING DU BTAGS PAR YANG DAG PAR GZHOL BA NYID DE DE DAG THAMS CAD YANG DAG PA JI LTA BA BZHIN DU RAB TU SHES SO ZHES GSUNGS PA STE, MDO LAS JI SKAD 'BYUNG BA BZHIN DU RIG PAR BYA'O, ,DE LA YANG DAG PAR GZHOL BA NI MNYAM PA NYID DU MOS PA YIN PAR RIG PAR BYA STE, BSKAL PA THAMS CAD LA PHAN TSUN MING YANG DAG PAR GZHOL BA NYID DU RAB TU SHES SO, ,DE LA 'JUG PA SHES PA NI SO SO'I SKYE BO'I SA'I DBANG DU BYAS PA DANG, NGA RGYAL SPYOD PA DANG, MTHO RIS LA MOS PA DANG, RNAM PAR RTOG PA DPYOD PA'I DBANG DU BYAS PA STE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI 'JUG PA MKHYEN PA GANG DAG YIN PA 'DI LTA STE, BYIS PA'I LAM GYI 'JUG PA MKHYEN PA DANG, RDUL PHRA RAB KYI RDUL LA 'JUG PA MKHYEN PA DANG, ZHING GI TSOGS MNGON PAR RDZOGS PAR RTOGS PA LA 'JUG PA MKHYEN PA DANG, SEMS CAN GYI LUS DANG, SEMS MNGON PAR RDZOGS PAR RTOGS PA LA 'JUG PA MKHYEN PA DANG, THAMS CAD KYI RJES SU MNGON PAR RDZOGS PAR RTOGS PA LA 'JUG PA MKHYEN PA DANG, SNREL ZHIR SPYOD PA KUN DU BSTAN PA LA 'JUG PA MKHYEN PA DANG, MTHUN PA'I SPYOD PA KUN DU BSTAN PA LA 'JUG PA MKHYEN PA DANG, MI MTHUN PA'I SPYOD PA KUN DU BSTAN PA LA 'JUG PA MKHYEN PA DANG, BSAM DU RUNG BA DANG, BSAM DU MI RUNG BA DANG, 'JIG RTEN GYIS RNAM PAR SHES PAR RUNG BA DANG, RNAM PAR SHES PAR MI RUNG BA'I SPYOD PA KUN DU BSTAN PA LA 'JUG PA MKHYEN PA DANG, NYAN THOS KYIS RNAM PAR SHES PAR BYA BA DANG, RANG SANGS RGYAS KYIS RNAM PAR SHES PAR BYA BA DANG, BYANG CHUB SEMS DPAS RNAM PAR SHES PAR @252B BYA BA DANG, DE BZHIN GSHEGS PAS RNAM PAR MKHYEN PAR BYA BA'I SPYOD PA KUN DU BSTAN PA LA 'JUG PA MKHYEN PA DE DAG THAMS CAD YANG DAG PA JI LTA BA BZHIN DU RAB TU SHES SO, ,KYE RGYAL BA'I SRAS DE LTAR NA SANGS RGYAS BCOM LDAN 'DAS RNAMS KYIS MKHYEN PA YANGS SHING TSAD MED PAS SA 'DI LA GNAS PA'I BYANG CHUB SEMS DPA' 'JUG PA SHES PA YANG TSAD MED DO ZHES GSUNGS PA STE, MDO LAS JI SKAD DU 'BYUNG BA BZHIN DU RIG PAR BYA'O, ,DE LTAR SHES PA'I CHE BA NYID RNAM PA BDUN BSTAN NAS RNAM PAR THAR PA'I CHE BA NYID STON TO, ,DE LA RNAM PAR THAR PA'I CHE BA NYID RDZU 'PHRUL GYI YUL GYI DBANG DU BYAS PA NI GANG GI PHYIR, KYE RGYAL BA'I SRAS DE LTAR BYANG CHUB SEMS DPA'I SA 'DI DANG LDAN PA'I BYANG CHUB SEMS DPA' DE, BYANG CHUB SEMS DPA'I RNAM PAR THAR PA BSAM GYIS MI KHYAB PA ZHES BYA BA 'THOB BO ZHES GSUNGS PA'O, ,'JIG RTEN GYI KHAMS DANG, 'GRO BA MTHA' YAS PAR SMON NAS SHES PA THOGS PA MED PA NYID NI GANG GI PHYIR, SGRIB PA MED PA ZHES BYA BA ZHES GSUNGS PA'O, ,'JIG RTEN PA DANG 'JIG RTEN LAS 'DAS PA SLOB PA DANG, MI SLOB PA'I NYAN THOS LA SOGS PA'I RNAM PAR GROL BA SHES PA NI GANG GI PHYIR, RNAM PAR DAG PA RNAM PAR 'BYED PA ZHES BYA BA ZHES GSUNGS PA'O, ,DNGOS PO CI 'DOD DGUR BSGYUR BA NI GANG GI PHYIR, SGO KUN DU SNANG BA ZHES BYA BA ZHES GSUNGS PA'O, ,CHOS KYI GZUNGS NI GANG GI PHYIR, DE BZHIN GSHEGS PA'I MDZOD CES BYA BA ZHES GSUNGS PA'O, ,PHAS KYI RGOL BA TSAR GCAD PA'I GZUNGS NI GANG GI PHYIR, 'KHOR LO THOGS PA MED PA DANG LDAN PA ZHES BYA BA ZHES GSUNGS PA'O, ,DUS GSUM GYI BSKAL PA JI LTAR 'DOD PA BZHIN DU BYIN GYIS RLOB PA NI GANG GI PHYIR, DUS GSUM GYI RJES SU SONG BA ZHES GSUNGS PA'O, ,CHOS THAMS CAD KYI RTEN CING 'BREL PAR 'BYUNG BA'I RNAM PA THAMS CAD SHES PA NI GANG GI PHYIR, CHOS KYI DBYINGS KYI SNYING PO CAN ZHES BYA BA ZHES GSUNGS PA'O, ,LUS MED CING SNANG BA TZAM GYIS RGYAS PAR 'GENGS PA NI GANG GI PHYIR, RNAM PAR GROL BA'I DKYIL 'KHOR SNANG BA ZHES GSUNGS PA'O, ,'JIG RTEN GYI KHAMS DU MA'I SEMS CAN GYI SEMS @253A *, ,CIG CAR SHES PA'I DBANG DU BYAS PAR YANG RIG PAR BYA STE, GANG GI PHYIR BYANG CHUB SEMS DPA'I RNAM PAR THAR PA YUL MA LUS PA ZHES BYA BA THOB STE, KYE RGYAL BA'I SRAS DE LTAR BYANG CHUB SEMS DPA'I SA BCU PA 'DI LA GNAS PA'I BYANG CHUB SEMS DPA' BYANG CHUB SEMS DPA'I RNAM PAR THAR PA'I SGO BCU PO DE DAG LA SOGS PA RNAM PAR THAR PA'I SGO 'BUM PHRAG GRANGS MED PA DPAG TU MED PA DAG 'THOB BO ZHES GSUNGS PA'O, ,TING NGE 'DZIN GYI CHE BA NYID NI GANG GI PHYIR, DE BZHIN DU TING NGE 'DZIN 'BUM ZHES GSUNGS PA'O, ,GZUNGS CHE BA NYID NI GANG GI PHYIR, GZUNGS 'BUM ZHES GSUNGS PA'O, ,MNGON PAR SHES PA'I CHE BA NYID NI GANG GI PHYIR, MNGON PAR SHES PA MNGON PAR SGRUB PA 'BUM DAG GI BAR DU 'THOB BO ZHES GSUNGS PA'O, ,DE LTAR CHE BA NYID KYI MTHAR PHYIN PAR SONG BAS SA BCU PA RNAM PAR GZHAG PA BSTAN NAS, SA'I NGES PA'I TSIG GIS STON TO, ,DE LA SA'I NGES PA'I TSIG NI SPRIN DANG 'DRA BA'I CHOS RNAM PA GSUM DU RIG PAR BYA'O, ,THOB PA'I CHOS KYIS SA 'DI BA'I LUS NAM MKHA' LTA BU LA KHYAB PAR BYED PAS KHYAB PA DANG, CHOS DES SEMS CAN RNAMS KYI NYON MONGS PA'I RDUL RAB TU ZHI PAR BYED PA DANG, DGA' LDAN GYI GNAS LA SOGS PA'I RIM GYIS SEMS CAN SGROL BA STE, SPRIN GYI CHAR GYIS LO TOG SGROL BA BZHIN NO, ,DE LA DRAN PA LA MKHAS PA ZHES BYA BA NI 'OG NAS STON PA 'DZIN PA'I RGYU YONGS SU BSTAN PA'I PHYIR TE, GANG GI PHYIR DE YE SHES DE LTA BU DANG LDAN PA'I BLO DANG, TSAD MED PA'I RJES SU SONG BA'I DRAN PA LA MKHAS PA DANG LDAN PA YIN TE ZHES GSUNGS PA'O, ,'DZIN PA'I NUS PA DE MANG PO DANG, CHA PHRA BA DANG MYUR DU 'DZIN PAR YONGS SU STON TE, GANG GI PHYIR DE PHYOGS BCU'I SANGS RGYAS BCOM LDAN 'DAS DPAG TU MED PA RNAMS KYI CHOS KYI SNANG BA CHEN PO DANG, CHOS KYI GSAL BA CHEN PO DANG, CHOS KYI SPRIN CHEN PO TSAD MED PA DAG SKAD CIG THANG CIG YUD TZAM CIG LA BZOD DO, ,YANG DAG PAR LEN TO, ,BDAG GIR BYED DO, ,YANG DAG PAR 'DZIN TO, ,KYE RGYAL BA'I SRAS 'DI LTA STE, DPER NA KLU'I RGYAL PO RGYA MTSOS SPRIN LAS CHU'I TSOGS CHEN PO PHAB PA NI RGYA MTSO CHEN PO MA GTOGS PAR @253B SA'I PHYOGS GZHAN GYIS BZOD PA'AM, YANG DAG PAR BLANG BA'AM, BDAG GIR BYA BA'AM, YANG DAG PAR GZUNG BAR SLA BA MA YIN NO, ,KYE RGYAL BA'I SRAS DE BZHIN DU DE BZHIN GSHEGS PA RNAMS KYI DE BZHIN GSHEGS PA'I GSANG BA LA 'JUG PA GANG DAG YIN PA 'DI LTA STE, CHOS KYI SNANG BA CHEN PO DANG, CHOS KYI GSAL BA CHEN PO DANG, CHOS KYI SPRIN CHEN PO DE DAG NI SEMS CAN THAMS CAD DANG, NYAN THOS DANG, RANG SANGS RGYAS THAMS CAD DANG, SA DANG PO NAS BZUNG STE, SA DGU PA'I BAR LA GNAS PA'I BYANG CHUB SEMS DPA' RNAMS KYIS KYANG BZOD PA'AM, YANG DAG PAR BLANG BA'AM, BDAG GIR BYA BA'AM, YANG DAG PAR GZUNG BAR SLA BA MA YIN TE, BYANG CHUB SEMS DPA'I SA CHOS KYI SPRIN 'DI LA GNAS PA'I BYANG CHUB SEMS DPA' NI DE DAG THAMS CAD BZOD DO, ,YANG DAG PAR LEN TO, ,BDAG GIR BYED DO, ,YANG DAG PAR 'DZIN TO ZHES GSUNGS PA'O, ,DE LA SANGS RGYAS BCOM LDAN 'DAS DPAG TU MED PA RNAMS KYI CHOS KYI SNANG BA CHEN PO TSAD MED PA DAG CES BYA BA NI MANG PO 'DZIN PA'O, ,DE BZHIN GSHEGS PA'I GSANG BA LA 'JUG PA NI PHRA BA 'DZIN PA'O, ,SKAD CIG THANG CIG YUD TZAM CIG LA ZHES BYA BA NI MYUR DU 'DZIN PA'O, ,CHOS THOS PA DE YANG RANG BZHIN DANG, LAS KYIS YONGS SU BSTAN TE, JI LTAR RANG BZHIN GYIS SHE NA, SNANG BAR GYUR PA NYID KYIS THOS PA DANG, BSAMS PA LAS BYUNG BA'I SHES PA SMOS PAR 'GYUR BA'I PHYIR RO, ,GSAL BAR GYUR PA NYID KYIS NI BSGOMS PA LAS BYUNG BA SMOS PAR 'GYUR BA'I PHYIR RO, ,JI LTAR NA LAS KYIS SHE NA, SPRIN BZHIN DU GZHAN DAG LA DAM PA'I CHOS KYI CHAR 'BEBS PA'I PHYIR RO, ,MOS PA'I SGO NAS BZOD, TSIG 'BRU 'DZIN PA'I SGO NAS YANG DAG PAR LEN, DON 'DZIN PA'I SGO NAS BDAG GIR BYED, DE GNYIS KA 'DZIN PA'I SGO NAS YANG DAG PAR 'DZIN PAR RIG PAR BYA'O, ,RGYA MTSO NI DANG BAR 'GYUR BA'I DNGOS PO'I SGO NAS BZOD, GO SKABS 'BYED PA'I SGO NAS YANG DAG PAR LEN, DE NAS GZHAN PA'I CHU'I GRANGS 'GRIB PAR BYED PA'I SGO NAS BDAG GIR BYED, SPYAD PA'I 'OS MA YIN PA'I SGO NAS YANG DAG PAR 'DZIN PAR RIG @254A *, ,PAR BYA'O, ,KYE RGYAL BA'I SRAS 'DI LTA STE, DPER NA RGYA MTSO CHEN PO NI KLU'I DBANG PO CHEN PO GCIG GI SPRIN CHEN PO YANG BZOD DO, ,YANG DAG PAR LEN TO, ,BDAG GIR BYED DO, ,YANG DAG PAR 'DZIN TO, ,KLU'I DBANG PO CHEN PO GNYIS DANG GSUM NAS DPAG TU MED PA'I BAR DAG GI SPRIN CHEN PO DAG KYANG SKAD CIG THANG CIG YUD TZAM CIG LA BZOD DO, ,YANG DAG PAR LEN TO, ,BDAG GIR BYED DO, ,YANG DAG PAR 'DZIN TO, ,DE CI'I PHYIR ZHE NA, RGYA MTSO CHEN PO TSAD MED PAR YANGS SHING RGYA CHE BA'I PHYIR RO, ,KYE RGYAL BA'I SRAS DE BZHIN DU BYANG CHUB SEMS DPA'I SA CHOS KYI SPRIN 'DI LA GNAS PA'I BYANG CHUB SEMS DPA' YANG SKAD CIG THANG CIG YUD TZAM CIG LA DE BZHIN GSHEGS PA GCIG GI CHOS KYI SNANG BA CHEN PO DANG, CHOS KYI GSAL BA CHEN PO DANG, CHOS KYI SPRIN CHEN PO RNAMS KYANG BZOD DE, YANG DAG PAR LEN TO, ,BDAG GIR BYED DO; ,YANG DAG PAR 'DZIN TO, ,SKAD CIG THANG CIG YUD TZAM CIG LA DE BZHIN GSHEGS PA GNYIS DANG GSUM NAS DPAG TU MED PA DE DAG DANG, BSAM GYIS MI KHYAB PA DAG DANG, MTSUNGS PA MED PA DAG DANG, MTHA' YAS PA DAG DANG, MU MED PA DAG DANG, MTSAMS MED PA DAG DANG; GZHAL DU MED PA DAG DANG, BRJOD DU MED PA DAG DANG, GRANGS MED PA DAG DANG, BGRANG BA LAS 'DAS PA'I BAR DAG GI CHOS KYI SNANG BA CHEN PO DANG, CHOS KYI GSAL BA CHEN PO DANG, CHOS KYI SPRIN CHEN PO RNAMS BZOD, YANG DAG PAR LEN, BDAG GIR BYED, YANG DAG PAR 'DZIN TE; DE'I PHYIR SA 'DI CHOS KYI SPRIN ZHES BYA'O, ,BYANG CHUB SEMS DPA' RNAM PAR GROL BA'I ZLA BAS SMRAS PA, KYE RGYAL BA'I SRAS BYANG CHUB SEMS DPAS SKAD CIG THANG CIG YUD TZAM CIG LA DE BZHIN GSHEGS PA JI SNYED CIG LAS CHOS KYI SNANG BA CHEN PO DANG, CHOS KYI GSAL BA CHEN PO DANG, CHOS KYI SPRIN CHEN PO BZOD PAR BYED PA DANG, YANG DAG PAR LEN PA DANG, BDAG GIR BYED PA DANG, YANG DAG PAR 'DZIN PA DAG BGRANG PAR NUS SAM, BYANG CHUB SEMS DPA' RDO RJE'I SNYING POS SMRAS PA, KYE RGYAL BA'I SRAS BYANG CHUB SEMS DPAS SKAD CIG THANG CIG YUD TZAM CIG LA DE BZHIN GSHEGS @254B PA 'DI SNYED CIG LAS CHOS KYI SNANG BA CHEN PO DANG, CHOS KYI GSAL BA CHEN PO DANG, CHOS KYI SPRIN CHEN PO BZOD, YANG DAG PAR LEN, BDAG GIR BYED, YANG DAG PAR 'DZIN TO ZHES GRANGS KYIS BSTAN PA'I TSUL GYIS BGRANG PAR SLA BA MA YIN TE, 'ON KYANG DPE BSTAN PAR BYA'O, ,KYE RGYAL BA'I SRAS 'DI LTA STE, DPER NA PHYOGS BCU'I 'JIG RTEN GYI KHAMS SANGS RGYAS KYI ZHING BRJOD DU MED PA BYE BA KHRAG KHRIG 'BUM PHRAG BCU'I RDUL PHRA RAB SNYED KYI RDUL SNYED NA SEMS CAN GYI KHAMS MA LUS PA'I TSUL DU JI SNYED CIG YOD PA DE DAG LAS SEMS CAN GCIG CIG THOS PA 'DZIN PA'I GZUNGS THOB PAR GYUR PA 'DI LTA STE, DPER NA BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RDO RJE PADMA'I BLA MA'I DGE SLONG RNAM PAR RGYAL BA CHEN PO ZHES BYA BA BZHIN DU, DE BZHIN GSHEGS PA RNAMS KYI RIM GRO BA DANG, NYAN THOS CHEN PO THOS PA 'DZIN PA RNAMS KYI MCHOG TU PHYIN PAR GYUR TE, SEMS CAN GCIG PO DE THOS PA LA MKHAS PA'I STOBS BSKYED PA DE LTA BU DANG LDAN PAR GYUR CING, SEMS CAN GCIG PO DE CI 'DRA BAR 'JIG RTEN GYI KHAMS MA LUS PA THAMS CAD KYI SEMS CAN DE DAG THAMS CAD KYANG DE BZHIN DU LDAN PAR GYUR LA, GCIG GIS GANG BZUNG BA DE GNYIS PAS BZUNG NA, KYE RGYAL BA'I SRAS DE LA JI SNYAM DU SEMS, SEMS CAN DE DAG GI THOS PA LA MKHAS PAR GYUR BA DE DAG TSAD MED PA MANG PA YIN NAM, BYANG CHUB SEMS DPA' RNAM PAR GROL BA'I ZLA BAS SMRAS PA, KYE RGYAL BA'I SRAS SEMS CAN DE DAG GIS THOS PA LA MKHAS PA DE DAG NI MANG STE TSAD MED DO, ,BYANG CHUB SEMS DPA' RDO RJE'I SNYING POS SMRAS PA, KYE RGYAL BA'I SRAS KHYOD MOS PAR BYA'O, ,KHONG DU CHUD PAR BYA'O, ,BYANG CHUB SEMS DPA'I SA CHOS KYI SPRIN 'DI LA GNAS PA'I BYANG CHUB SEMS DPA' NI SKAD CIG THANG CIG YUD TZAM CIG LA, DE BZHIN GSHEGS PA GCIG LAS CHOS KYI SNANG BA DANG, GSAL BA DANG, SPRIN CHEN PO CHOS KYI DBYINGS DUS GSUM GYI MDZOD CES BYA BA BZOD, YANG DAG PAR LEN, BDAG GIR BYED, YANG DAG PAR 'DZIN TE, CHOS KYI SNANG BA DANG, GSAL BA DANG, SPRIN CHEN PO YANG DAG PAR 'DZIN PA @255A *, ,LA MKHAS PA DE LA, THOS PA LA MKHAS PA SNGA MA DES BRGYA'I CHAR YANG NYE BAR MI 'GRO'O, ,STONG GI CHA DANG, 'BUM GYI CHA DANG, BYE BA'I CHA DANG, BYE BA BRGYA'I CHA DANG, BYE BA STONG GI CHA DANG, BYE BA 'BUM GYI CHA DANG, BYE BA KHRAG KHRIG 'BUM GYI CHA DANG, GRANGS DANG, CHA DANG, BGRANG BA DANG, DPE DANG RGYUR YANG NYE BAR MI 'GRO BA NAS, BSKRUN PA TZAM GYI BAR DU YANG MI BZOD DO, ,DE BZHIN GSHEGS PA GCIG LAS JI LTA BA BZHIN DU, PHYOGS BCU'I 'JIG RTEN GYI KHAMS SNGA MA DAG NA RDUL PHRA RAB KYI RDUL DE DAG JI SNYED YOD PA DE SNYED KYI YANG DAG PAR RDZOGS PA'I SANGS RGYAS RNAMS DANG, DE DAG PAS KYANG CHES MANG ZHING, TSAD MED PA'I DE BZHIN GSHEGS PA RNAMS LAS BYANG CHUB SEMS DPA' SKAD CIG THANG CIG YUD TZAM CIG LA CHOS KYI SNANG BA DANG, GSAL BA DANG SPRIN CHEN PO CHOS KYI DBYINGS DUS GSUM GYI MDZOD CES BYA BA BZOD; YANG DAG PAR LEN, BDAG GIR BYED, YANG DAG PAR 'DZIN TE, DE'I PHYIR NA SA 'DI NI CHOS KYI SPRIN ZHES BYA'O, ,DE LA CHOS KYI DBYINGS DUS GSUM GYI MDZOD CES BYA BA LA CHOS KYI DBYINGS NI BRJOD PA'I GZHI GSUM GYI MDZOD DO, ,SPRIN DANG, 'BRUG SGRA DANG, GLOG LA SOGS PA DANG 'DRA BAS KHONG DU CHUD PAR BYA STE, GANG GI PHYIR KYE RGYAL BA'I SRAS GZHAN YANG BYANG CHUB SEMS DPA'I SA CHOS KYI SPRIN 'DI LA GNAS PA'I BYANG CHUB SEMS DPA' DE NI RANG GI SMON LAM GYI STOBS BSKYED PAS SNYING BRTZE BA DANG, SNYING RJE CHEN BA DANG, CHOS KYI SNANG BA CHEN PO BSGRAGS BA'I 'BRUG SGRA SGROGS PA MNGON PAR SHES PA DANG, RIG PA DANG MI 'JIGS PA'I GLOG 'GYU BA 'OD ZER CHEN PO'I DRUNG GIS SHIN TU BSKYOD PA BSOD NAMS DANG, YE SHES KYI SPRIN GYI DRA BA STUGS PO CHEN POS KUN DU KHEBS PA, LUS RNAM PA SNA TSOGS KYI SPRIN 'KHYIL PA KUN DU STON PA, CHOS KYI SGRA CHEN PO SGROGS PA, STONG PA NYID DANG, MTSAN MA MED PA DANG, SMON PA MED PA'I CHOS KYI SGRA CHEN PO SGROGS PA, BDUD KYI PHYOGS SHIN TU TSAR GCOD PA KUN NAS BSDUS TE, SKAD CIG THANG CIG YUD TZAM CIG PHYOGS BCU'I 'JIG RTEN GYI KHAMS SNGA MA DE DAG NA RDUL PHRA RAB KYI RDUL JI SNYED YOD @255B PA DE SNYED KYI 'JIG RTEN GYI KHAMS BYE BA KHRAG KHRIG PHRAG 'BUM DE DAG RGYAS PAR BKANG LA, DE DAG PAS KYANG CHES MANG ZHING TSAD MED PA'I 'JIG RTEN GYI KHAMS BYE BA KHRAG KHRIG 'BUM RGYAS PAR BKANG STE, DGE BA'I BDUD RTZI'I RGYUN GYI CHAR CHEN POS BSAM PA JI LTA BA BZHIN DU, SEMS CAN RNAMS KYI THOG MA MED PA'I DUS NAS MI SHES PA LAS BYUNG BA'I NYON MONGS PA'I RDUL DANG, ME LCE THAMS CAD RAB TU ZHI BAR BYED DE, DE'I PHYIR NA SA 'DI NI CHOS KYI SPRIN ZHES BYA'O ZHES BYA BA 'DI LA 'OD ZER CHEN PO RAB TU 'BYUNG BA NI RLUNG LTA BU'O, ,'KHOR BA NA LUS RNAM PA SNA TSOGS KYI KLONG 'KHYIL BA KUN DU STON PA NI KLONG 'KHYIL BA LTA BU'O, ,CHOS KYI SGRA CHEN PO SGROGS PA ZHES BYA BA NI CHAR 'BAB PA'I SGRA LTA BU'O, ,DE LTA BU SA'I NGES PA'I TSIG GIS 'DI'I RNAM PAR GZHAG PA BSTAN NAS MTHU BLA NA MED PA DANG, BLA NA YOD PAS STON TE, DE LA MTHU BLA NA MED PA DANG, BLA NA YOD PA NYID NI GNAS DANG, GZHI DNAG, RANG GI MTSAN NYID DANG, BYA BA SGRUB PA DANG, YONGS SU TSIM BYED PA DANG, RGYA CHE BA NYID DANG, RNAM PA DRUG TU RIG PAR BYA'O, ,DE LA MTHU DE NI SEMS CAN GZHAN GYI MTHU LAS BLTAS TE BLA NA MED PA'O, ,DE BZHIN GSHEGS PA'I MTHU LAS BLTAS TE BLA NA YOD PA'O, ,DE LA GNAS NI RNAM PA BZHI STE, RNAM PAR THAR BA BSAM GYIS MI KHYAB PA DANG, RGYA MTSO LTAR 'BYOR PA'I TING NGE 'DZIN DANG, YE SHES MNGON PAR SGRUB PA DANG LDAN PA'I GZUNGS DANG, RDZU 'PHRUL BYA BA'I MNGON PAR SHES PA STE SNGAR BSTAN PA'O, ,GZHI NI PHYI ROL GYI DNGOS PO SA LA SOGS PA DANG, NANG GI RANG GI LUS KYI DNGOS PO STE GANG GI PHYIR, KYE RGYAL BA'I SRAS GZHAN YANG BYANG CHUB SEMS DPA'I SA CHOS KYI SPRIN 'DI LA GNAS PA'I BYANG CHUB SEMS DPA' NI 'JIG RTEN GYI KHAMS GCIG NA YANG DGA' LDAN GYI PHO BRANG NA BZHUGS PA NAS BZUNG STE, 'PHO BA DANG, GSHEGS PA DANG, LHUMS NA BZHUGS PA DANG, BLTAMS PA DANG, MNGON PAR 'BYUNG BA DANG, MNGON PAR RDZOGS PAR BYANG CHUB PA DANG, BSKUL BA DANG, CHOS KYI 'KHOR LO CHEN PO BSKOR BA DANG, YONGS SU MYA NGAN LAS 'DAS PA CHEN PO'I SA ZHES BYA BA'I BAR DU DE @256A *, ,BZHIN GSHEGS PA'I MDZAD PA THAMS CAD SEMS CAN RNAMS KYI BSAM PA JI LTA BA DANG, GDUL BYA JI LTA BA BZHIN DU BYIN GYIS RLOB BO, ,DE BZHIN DU GNYIS NAS 'JIG RTEN GYI KHAMS DE DAG NA RDUL PHRA RAB KYI RDUL DE DAG JI SNYED YOD PA DE DAG PAS KYANG CHES MANG BA'I 'JIG RTEN GYI KHAMS BYE BA KHRAG KHRIG 'BUM PHRAG DPAG TU MED PA'I BAR DAG NA YANG DGA' LDAN GYI PHO BRANG NA BZHUGS PA NAS YONGS SU MYA NGAN LAS 'DAS PA CHEN PO'I SA ZHES BYA BA'I BAR DU DE BZHIN GSHEGS PA'I MDZAD PA THAMS CAD SEMS CAN RNAMS KYI BSAM PA JI LTA BA DANG, GDUL BYA JI LTA BA BZHIN DU BYIN GYIS RLOB PO ZHES GSUNGS PA'O, ,DE LA RANG GI MTSAN NYID NI RNAM PA GNYIS TE, LUS LA SOGS PA YONGS SU BSGYUR BA DANG SPRUL PA'O, ,YONGS SU BSGYUR BA NI RNAM PA GSUM DU RIG PAR BYA STE, DOG PA DANG YANGS PAR YONGS SU BSGYUR BA DANG, GZHAN DU 'GYUR BAR YONGS SU BSGYUR BA DANG, SEMS CAN THAMS CAD BRGYAN PA LA SOGS PA'I BYIN GYI RLABS KYI DBANG GIS YONGS SU BSGYUR BA STE, GANG GI PHYIR YE SHES KYI DBANG DE LTA BU THOB CING SHIN TU RNAM PAR BRTAGS PA'I YE SHES DANG, MNGON PAR SHES PA DANG LDAN PA DE 'DOD NA 'JIG RTEN GYI KHAMS KUN NAS NYON MONGS PA CAN NI YONGS SU DAG PA NYID DU BYIN GYIS RLOB PO, ,'JIG RTEN GYI KHAMS YONGS SU DAG PA NI KUN NAS NYON MONGS PA CAN NYID DU BYIN GYIS RLOB PO, ,'DOD NA DOG PA NI YANGS PA NYID DU BYIN GYIS RLOB PO, ,YANGS PA NI DOG PA NYID DU BYIN GYIS RLOB PO, ,DE BZHIN THA GRU CHE BA DANG; RGYA CHEN POR GYUR BA DANG, TSAD MED PA DANG, PHRA BA DANG, RAGS PA DANG, TSOL BA DANG STENG G-YOGS MED PA DANG, GZHI PHYAL BA LA SOGS PA'I 'JIG RTEN GYI KHAMS THAMS CAD KYANG KHYU MCHOG TU GYUR PAS MNGON PAR SGRUB PA DE DANG DER BYIN GYIS RLOB PO, ,'DOD NA RDUL PHRA RAB KYI RDUL GCIG LA, 'JIG RTEN GYI KHAMS KHONG YUG DANG, MTSO DANG BCAS PA THAMS CAD DANG LDAN PA GCIG BYIN GYIS RLOB STE, RDUL PHA RAB KYI RDUL DE YANG MI SKYE LA, BYA BA DE DAG KYANG KUN DU STON TO, ,RDUL PHRA RAB KYI RDUL GCIG LA 'JIG RTEN GYI KHAMS GNYIS DANG, GSUM DANG, BZHI DANG, @256B LNGA NAS BRJOD DU MED PA'I BAR DU THAMS CAD KYANG KHOR YUG DANG, MTSO DANG BCAS PAR BYIN GYIS RLOB STE RDUL PHRA RAB KYI RDUL DE YANG MI SKYE LA, BYA BA DE DAG KYANG KUN DU STON TO, ,'DOD NA 'JIG RTEN GYI KHAMS GCIG TU 'JIG RTEN GYI KHAMS GNYIS KYI BKOD PA KUN DU STON TO, ,'DOD NA 'JIG RTEN GYI KHAMS BRJOD DU MED PA'I BAR GYI BKOD PA KUN DU STON TO, ,'DOD NA 'JIG RTEN GYI KHAMS GCIG GI BKOD PA 'JIG RTEN GYI KHAMS GNYIS SU KUN DU STON TO, ,'DOD NA 'JIG RTEN GYI KHAMS BRJOD DU MED PA'I BAR DAG TU YANG KUN DU STON TO, ,'DOD NA 'JIG RTEN GYI KHAMS BRJOD DU MED PA DAG NA SEMS CAN GYI KHAMS JI SNYED YOD PA DE DAG 'JIG RTEN GYI KHAMS GCIG TU BKOD DE, SEMS CAN RNAMS LA GNOD PA YANG MED DO, ,'DOD NA 'JIG RTEN GYI KHAMS GCIG NA SEMS CAN GYI KHAMS JI SNYED YOD PA DE DAG 'JIG RTEN GYI KHAMS BRJOD DU MED PA DAG TU 'GOD DE, SEMS CAN RNAMS LA GNOD PA YANG MED DO, ,'DOD NA 'JIG RTEN GYI KHAMS BRJOD DU MED PA DAG NA 'KHOD PA'I SEMS CAN RNAMS SKRA TZAM GYI KHYON GCIG LA 'GOD DE, SEMS CAN RNAMS LA GNOD PA YANG MED DO, ,'DOD NA SKRA TZAM GYI KHYON GCIG LA SANGS RGYAS THAMS CAD KYI YUL BKOD PA GCIG KUN DU STON TO, ,'DOD NA SANGS RGYAS THAMS CAD YUL BKOD PA BRJOD DU MED PA'I BAR DAG KUN DU STON TO ZHES BYA BA DANG, 'OG NAS 'DOD NA SEMS CAN THAMS CAD LA BSAM PA BZHIN DU GZUGS KYI LUS KYI GNAS BRGYAN PAR BYIN GYIS RLOB PO, ,RANG GI LUS DE BZHIN GSHEGS PA'I SKUR BYIN GYIS RLOB PO ZHES BYA BA LA SOGS PA MDO LAS 'BYUNG BA BZHIN NO, ,BYA BA SGRUB PA NI MCHOD PA'I SGO NAS BYANG CHUB KYI TSOGS BSAGS PA STE, GANG GI PHYIR 'DOD NA 'JIG RTEN GYI KHAMS BRJOD DU MED PA DAG NA RDUL PHRA RAB KYI RDUL JI SNYED YOD PA DE SNYED KYI LUS SKAD CIG THANG CIG YUD TZAM CIG LA SPRUL PAR BYED DO, , LUS RE RE LA YANG DE SNYED KYI LAG PA KUN DU STON TO, ,LAG PA DE DAG GIS KYANG PHYOGS BCU'I SANGS RGYAS RNAMS LA MCHOD PA BYED DO, ,LAG PA RE RES KYANG ME TOG GI PHUR MA GANG G'A'I KLUNG GI BYE MA SNYED DAG SANGS RGYAS BCOM LDAN 'DAS DE DAG LA 'THOR RO, ,ME TOG LA JI LTA BA BZHIN DU SPOS DANG, @257A *, ,PHRENG BA DANG, BYUG PA DANG, NA BZA' DANG, GDUGS DANG, RGYAL MTSAN DANG, BA DAN RNAMS DANG, BKOD PA THAMS CAD KYANG DE BZHIN NO, ,LUS RE RE LA YANG DE SNYED KYI MGO BYIN GYIS RLOB CING, MGO RE RE LA YANG DE SNYED KYI LCE BYIN GYIS RLOB STE, LCE DE DAG GIS SANGS RGYAS BCOM LDAN 'DAS DE DAG GI BSNGAGS PA BRJOD DO, ,SEMS BSKYED PA RE RE LA YANG PHYOGS BCU KHYAB PAR 'GRO STE, SEMS BSKYED PA TZAM GYIS KYANG MNGON PAR RDZOGS PAR BYANG CHUB PA TSAD MED PA NAS, YONGS SU MYA NGAN LAS 'DAS PA CHEN PO'I BKOD PA'I BAR DU BYIN GYIS RLOB BO, ,DUS GSUM GYI LUS TSAD MED PA YANG BYIN GYIS RLOB STE, RANG GI LUS LA SANGS RGYAS BCOM LDAN 'DAS TSAD MED PA RNAMS KYI SANGS RGYAS KYI ZHING GI YON TAN BKOD PA TSAD MED PAR BYIN GYIS RLOB BO, ,'JIG RTEN GYI KHAMS 'JIG PA DANG, 'CHAGS PA THAMS CAD KYANG RANG GI LUS LA BYIN GYIS RLOB BO, , RLUNG GI DKYIL 'KHOR THAMS CAD KYANG SPU'I KHUNG BU GCIG NAS 'BYIN TE SEMS CAN RNAMS LA YANG GNOD PA MI BYED DO, ,'DOD NA RGYA MTSO'I MTHAR THUG PA'I 'JIG RTEN GYI KHAMS CHU'I PHUNG PO GCIG TU BYIN GYIS RLOB STE, DER YANG PADMA CHEN POR BYIN GYIS RLOB BO, ,PADMA CHEN PO DE'I 'OD KYI BKOD PAS KYANG 'JIG RTEN GYI KHAMS MU MED PA RGYAS PAR GANG BAR BYED DE, DE LA YANG BYANG CHUB KYI SHING CHEN PO KUN DU STON PAS NA, RNAM PA THAMS CAD KYI MCHOG DANG LDAN PA'I THABS CAD MKHYEN PA NYID KYI BAR DU YANG KUN DU STON TO, ,RANG GI LUS LA PHYOGS BCU'I NOR BU DANG, GLOG DANG, ZLA BA DANG, NYI MA'I 'OD BYIN GYIS RLOB PA NAS, 'OD DANG SNANG BA THAMS CAD KYI BAR DU BYIN GYIS RLOB BO, ,KHA'I DBUGS KYIS KYANG PHYOGS RE RE'I 'JIG RTEN GYI KHAMS MTHA' YAS PA G-YO BAR BYED DE, SEMS CAN RNAMS 'JIGS PAR YANG MI BYED DO, ,PHYOGS BCU'I RLUNG GIS 'JIG PA DANG, MES 'JIG PA DANG, CHUS 'JIG PAR YANG BYIN GYIS RLOB BO, ,'DOD NA SEMS CAN THAMS CAD LA BSAM PA BZHIN DU GZUGS KYI LUS KYI GNAS BRGYAN PAR BYIN GYIS RLOB BO, ,RANG GI LUS DE BZHIN GSHEGS PA'I SKUR BYIN GYIS RLOB BO, ,DE BZHIN GSHEGS PA'I SKU RANG GI LUS SU BYIN GYIS RLOB BO, ,DE @257B BZHIN GSHEGS PA'I SKU RANG GI SANGS RGYAS KYI ZHING DU BYIN GYIS RLOB BO, ,RANG GI SANGS RGYAS KYI ZHING DE BZHIN GSHEGS PA'I SKUR BYIN GYIS RLOB BO, ,KYE RGYAL BA'I SRAS DE LTAR BYANG CHUB SEMS DPA'I SA CHOS KYI SPRIN LA GNAS PA'I BYANG CHUB SEMS DPA' NI RDZU 'PHRUL GYI RNAM PAR 'PHRUL PA DE DAG DANG, GZHAN YANG BYE BA KHRAG KHRIG 'BUM PHRAG DPAG TU MED PA DAG KUN DU STON TO ZHES GSUNGS PA'O, ,YONGS SU TSIM PAR BYED PA NI THE TSOM DU GYUR PA RNAMS LA RANG GI MTHU KUN DU BSTAN PA DANG, CHOS THAMS CAD BSHAD PA STE GANG GI PHYIR, DE NAS 'KHOR DE'I BYANG CHUB SEMS DPA' KHA CIG DANG, LHA DANG, KLU DANG, GNOD SBYIN DANG, DRI ZA DANG, LHA MA YIN DANG, BRGYA BYIN DANG, TSANGS PA DANG, 'JIG RTEN SKYONG BA DANG, DBANG PHYUG CHEN PO DANG, GNAS GTZANG MA PA KHA CIG 'DI SNYAM DU SEMS TE, 'DI LTAR BYANG CHUB SEMS DPA'I RDZU 'PHRUL MNGON PAR 'DU BYA BA'I SPYOD YUL YANG DE LTAR TSAD MED NA, DE BZHIN GSHEGS PA RNAMS KYI RDZU 'PHRUL CI 'DRA BA ZHIG YOD SNYAM PA DANG, DE NAS YANG BYANG CHUB SEMS DPA' RNAM PAR GROL BA'I ZLABS 'KHOR DE'I SEMS KYI BSAM PA'I RNAM PAR RTOG PA SHES NAS, BYANG CHUB SEMS DPA' RDO RJE'I SNYING PO LA 'DI SKAD CES SMRAS SO, ,KYE RGYAL BA'I SRAS KYE MA 'KHOR 'DI THE TSOM DU GYUR NA, DE DAG GI THE TSOM GCAD PA'I PHYIR, BYANG CHUB SEMS DPA'I RDZU 'PHRUL GYI BKOD PA CUNG ZAD CIG LEGS PAR BSTAN PA MDZOD CIG ,DE NAS BYANG CHUB SEMS DPA' RDO RJE'I SNYING PO DE'I TSE BYANG CHUB SEMS DPA'I TING NGE 'DZIN SANGS RGYAS KYI ZHING THAMS CAD KYI TSOGS KYI RANG BZHIN KUN DU STON PA ZHES BYA BA LA SNYOMS PAR ZHUGS SO, ,BYANG CHUB SEMS DPA' RDO RJE'I SNYING POS BYANG CHUB SEMS DPA'I TING NGE 'DZIN SANGS RGYAS KYI ZHING THAMS CAD KYI TSOGS RANG BZHIN KUN DU STON PA LA SNYOMS PAR ZHUGS MA THAG TU, DE NAS DE NYID KYI TSE BYANG CHUB SEMS DPA'I 'KHOR DE DAG THAMS CAD DANG, LHA DANG, KLU DANG, GNOD SBYIN DANG, DRI ZA DANG, LHA MA YIN DANG, BRGYA BYIN DANG, TSANGS PA DANG, 'JIG RTEN SKYONG BA DANG, DBANG PHYUG CHEN PO DANG, GNAS GTZANG MA PA'I 'KHOR THAMS CAD @258A *, ,BYANG CHUB SEMS DPA' RDO RJE'I SNYING PO'I LUS KYI KHOR NA 'KHOD PAR RANG RANG GIS SHES PAR GYUR TE, DER SANGS RGYAS KYI ZHING MNGON DU GRUB PAR SHES SO, ,SANGS RGYAS KYI ZHING DE NA RNAM PA DANG, BKOD PA GANG DAG YOD PA DE DAG KYANG BSKAL PA BYE BA TSANG BAS KYANG BRJOD PAR SLA BA MA YIN NO, ,DER BYANG CHUB KYI SHING STONG GSUM 'DU MA PHRAG BCUR KHYAB PA'I SDONG PO CAN, STONG GSUM BYE BA YONGS SU TSANG BA TZAM DU SHIN TU RGYAS PA TSAD MED PA'I YAL GA CAN, RTZE MO SHIN TU MTHO BA BYUNG STE, DE DANG RKYEN DU 'BAB PAR BYANG CHUB KYI SNYING PO DE LA SENG GE'I KHRI RGYA CHEN PO BYUNG NAS, DE LA DE BZHIN GSHEGS PA MNGON PAR SHES PA'I BLO GROS THAMS CAD KYI RGYAL PO ZHES BYA BA BYANG CHUB KYI SNYING PO DAM PAR GSHEGS TE BZHUGS PAR MTHONG NGO, ,DE LTAR DE NA BKOD PA JI SNYED PAR GYUR PA DE DAG NI BSKAL PA BYE BA TSANG BAS KYANG BRJOD PAR SLA BA MA YIN NO, , DE LA CHO 'PHRUL CHEN PO DE BSTAN NAS THAMS CAD DANG LDAN PA'I BYANG CHUB SEMS DPA'I 'KHOR DE DANG, LHA DANG, KLU DANG, GNOD SBYIN DANG, DRI ZA DANG, LHA MA YIN DANG, BRGYA BYIN DANG, TSANGS PA DANG, 'JIG RTEN SKYONG BA DANG, DBANG PHYUG CHEN PO DANG, GNAS GTZANG MA'I 'KHOR THAMS CAD NA GNAS PA JI LTA BA BZHIN DU 'KHOD PA DANG, DE NAS THAMS CAD DANG LDAN PA'I 'KHOR DE NGO MTSAR DANG RMAD DU GYUR NAS, BYANG CHUB SEMS DPA' RDO RJE'I SNYING PO DE NYID LA NGES PAR SEMS SHING 'KHOD PAR GYUR TO ZHES GSUNGS PA STE, DE LTAR THE TSOM DU GYUR PA RNAMS LA; RANG GI MTHU KUN DU BSTAN PAS YONGS SU TSIM PAR BYED PA BSTAN TO, ,CHOS THAMS CAD BSTAN PA JI LTA BU ZHE NA, GANG GI PHYIR 'OG NAS DE NI DE BAS KYANG SHAS CHER BSKAL BA DU MA DANG, BSKAL PA STONG PHRAG DU MA DANG, BSKAL PA 'BUM PHRAG DU MA DANG, BSKAL PA KHRAG KHRIG 'BUM PHRAG DU MA DANG, BSKAL PA BYE BA PHRAG DU MA DANG, BSKAL PA BYED PA BRGYA PHRAG DU MA DANG, BSKAL PA BYE BA STONG PHRAG DU MA DANG, BSKAL PA BYE BA 'BUM PHRAG DU MA DANG, BSKAL BA BYE BA KHRAG KHRIG 'BUM PHRAG DU MAR CHOS KYI DBYINGS YONGS SU DRIS PA BSTAN PA RNAMS LA MI @258B 'PHROGS PA YIN NO ZHES GSUNGS PA'O, ,RGYA CHEN PO NI RNAM PA GNYIS TE, MTHU RGYA CHE BA DANG, GRANGS RGYA CHE BA'O, ,DE YANG SA 'OG MA THAMS CAD LAS KHYAD PAR 'PHAGS PA'O, ,DE LA MTHU RGYA CHE BA NI GANG GI PHYIR, DE NAS BYANG CHUB SEMS DPA' RNAM PAR GROL BA'I ZLA BAS, BYANG CHUB SEMS DPA' RDO RJE'I SNYING PO LA 'DI SKAD CES SMRAS SO, ,KYE RGYAL BA'I SRAS 'DI LTAR TING NGE 'DZIN 'DI'I YUL BKOD PA'I MTHU DE NI BSAM GYIS MI KHYAB STE, NGO MTSAR RMAD DU BYUNG BA YIN NA, RKYE RGYAL BA'I SRAS TING NGE 'DZIN 'DI'I MING CI ZHES BYA, BYANG CHUB SEMS DPA' RDO RJE'I SNYING BOS SMRAS PA, KYE RGYAL BA'I SRAS TING NGE 'DZIN 'DI NI SANGS RGYAS KYI ZHING THAMS CAD KYI TSOGS KYI RANG BZHIN KUN DU STON PA ZHES BYA'O, ,BYANG CHUB SEMS DPA' RNAM PAR GROL BA'I ZLA BAS SMRAS PA, KYE RGYAL BA'I SRAS TING NGE 'DZIN 'DI'I SPYOD YUL DANG, YUL GYI BKOD PA JI LTA BU, BYANG CHUB SEMS DPA' RDO RJE'I SNYING POS SMRAS PA, KYE RGYAL BA'I SRAS BYANG CHUB SEMS DPA'I TING NGE 'DZIN 'DI LA SHIN TU BSGOM PA NI 'DOD NA SANGS RGYAS KYI ZHING 'DI 'DRA BA 'JIG RTEN GYI KHAMS GANG G'A'I KLUNG GI BYE MA SNYED KYI RDUL PHRA RAB KYI RDUL SNYED DAM, DE BAS KYANG MANG DU RANG GI LUS LAS KUN DU STON TO, ,KYE RGYAL BA'I SRAS BYANG CHUB SEMS DPA'I SA CHOS KYI SPRIN LA GNAS PA'I BYANG CHUB SEMS DPA'I TING NGE 'DZIN 'DI 'DRA BA 'BUM PHRAG MANG PO 'THOB STE, DES NA BYANG CHUB SEMS DPA' DE'I LUS SAM, LUS KYI LAS NI BYANG CHUB SEMS DPA' RGYAL TSA BA THOB PA, BYANG CHUB SEMS DPA'I SA LEGS PA'I BLO GROS CAN LA GNAS PA DAG GIS KYANG SHES PAR SLA BA MA YIN NO, ,DAG GAM NGAG GI LAS KYANG SHES PAR SLA BA MA YIN NO, ,YID DAM YID KYI LAS KYANG SHES PAR SLA BA MA YIN NO, ,RDZU 'PHRUL YANG SHES PAR SLA BA MA YIN NO, ,DUS GSUM LA RNAM PAR LTA BA YANG SHES PAR SLA BA MA YIN NO, ,TING NGE 'DZIN GYI SPYOD YUL LA 'JUG PA YANG SHES PAR SLA BA MA YIN NO, ,YE SHES KYI YUL YANG SHES PAR SLA BA MA YIN NO, ,RNAM PAR THAR PAS RNAM PAR RTZE BA YANG SHES PAR SLA BA MA YIN NO, ,SPRUL PA'I LAS SAM, BYIN GYI RLABS KYI LAS SAM, MTHU'I LAS KYANG @259A *, ,SHES PAR SLA BA MA YIN PA NAS MDOR BSDU NA GOM PA 'JOG CING 'DEGS PA'I LAS KYI BAR DU YANG BYANG CHUB SEMS DPA' RGYAL TSAB THOB PA, BYANG CHUB SEMS DPA'I SA LEGS PA'I BLO GROS CAN LA GNAS PA DAG GIS KYANG SHES PAR SLA BA MA YIN TE ZHES GSUNGS PA'O, , GRANGS RGYA CHE BA NI GANG GI PHYIR, KYE RGYAL BA'I SRAS BYANG CHUB SEMS DPA'I SA CHOS KYI SPRIN 'DI NI MDOR BSDUS TE BSTAN NA YANG DE LTAR TSAD MED PA STE, RGYA CHER NI BSKAL PA GRANGS MED PA 'BUM PHRAG DU MAS BSTAN KYANG MTHAR THUG PAR MI 'GYUR BAR SHES PAR BYA'O ZHES GSUNGS PA'O, ,DA NI GRANGS RGYA CHE BA DE NYID YANG DAG PAR BSTAN PA'I PHYIR DANG, DE BZHIN GSHEGS PA'I SA MTHA' DAG BSTAN PAR MI NUS PA STON TE, GANG GI PHYIR BYANG CHUB SEMS DPA' RNAM PAR GROL BA'I ZLA BAS SMRAS PA, KYE RGYAL BA'I SRAS BYANG CHUB SEMS DPA' RNAMS KYI SPYOD PA'I YUL GYI BYIN GYIS BRLABS PA 'DI YANG DE LTAR TSAD MED NA DE BZHIN GSHEGS PA'I SPYOD YUL DANG, YUL LA 'JUG PA CI 'DRA, BYANG CHUB SEMS DPA' RDO RJE'I SNYING POS SMRAS PA, KYE RGYAL BA'I SRAS 'DI LTA STE, DPER NA MI LA LA ZHIG GIS GLING BZHI PA'I 'JIG RTEN GYI KHAMS NAS RDE'U RGYA SHUG GI TSI GU TZAM GNYIS SAM GSUM ZHIG BLANGS TE, 'DI SKAD DU 'JIG RTEN GYI KHAMS MTHA' YAS PA DAG NA SA'I KHAMS JI SNYED CIG YOD, RDE'U 'DI LAS JI TZAM ZHIG GI LHAG PAR 'PHAGS SHING LHAG PAR TSAD MED CES ZER BA ZHIG YOD NA, KYE RGYAL BA'I SRAS DE LTAR KHYOD DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS YE SHES TSAD MED PA MNGA' BA RNAMS KYI CHOS NYID LA, BYANG CHUB SEMS DPA'I CHOS NYID KYIS 'JAL BA NI KHYOD KYI TSIG 'DI DE DANG 'DRA BAR BDAG GIS DBAGS SO, ,KYE RGYAL BA'I SRAS JI LTAR GLING BZHI PA'I 'JIG RTEN GYI KHAMS NAS GANG BLANGS PA'I SA'I KHAMS NI CHUNG LA, LHAG MA LAS PA NI TSAD MED PA DE BZHIN DU, KYE RGYAL BA'I SRAS DAG BYANG CHUB SEMS DPA'I SA CHOS KYI SPRIN 'DI KHO NA YANG BSKAL PA DPAG TU MED PAR BSTAN KYANG PHYOGS TZAM ZHIG BSTAN DU ZAD NA, DE BZHIN GSHEGS PA'I SA LTA SMOS @259B KYANG CI DGOS, KYE RGYAL BA'I SRAS KHYOD MOS PAR BYA'O, ,KHOD DU CHUD PAR BYA'O, ,DE BZHIN GSHEGS PA 'DI BDAG GI MDUN NA DPANG DU BZHUGS TE, KYE RGYAL BA'I SRAS GAL TE PHYOGS BCU'I PHYOGS RE RE'I SANGS RGYAS KYI ZHING 'JIG RTEN GYI KHAMS MU MED PA'I RDUL PHRA RAB KYI RDUL SNYED CIG, SA 'DI LTA BU THOB PA'I BYANG CHUB SEMS DPA' RNAMS KYIS 'DI LTA STE, DPER NA BU RAM SHING GI TSAL LAM, 'OD MA'I TSAL LAM, 'DAM BU'I TSAL LAM, TIL GYI TSAL BZHIN DU YONGS SU GANG BAR GYUR KYANG, DE DAG GIS KYANG BYANG CHUB SEMS DPA'I SPYOD PA MNGON PAR BSGRUB PAR BSKAL PA DPAG TU MED PA MNGON PAR BSGRUBS PA NI DE BZHIN GSHEGS PA'I YE SHES SKAD CIG GCIG LA BYUNG BA'I DE BZHIN GSHEGS PA'I YUL GYI BRGYA'I CHAR YANG NYE BAR MI 'GRO'O, ,STONG GI CHA DANG, 'BUM GYI CHA DANG, BYE BA'I CHA DANG, BYE BA BRGYA'I CHA DANG, BYE BA STONG GI CHA DANG, BYE BA 'BUM GYI CHA DANG, BYE BA KHRAG KHRIG 'BUM GYI CHA DANG, GRANGS DANG, CHA DANG, BGRANG BA DANG, DPE DANG RGYUR YANG NYE BAR MI 'GRO BA NAS, BSKRUN PA TZAM GYI BAR DU NYE BAR MI 'GRO'O, ,KYE RGYAL BA'I SRAS DAG DE LTAR BYANG CHUB SEMS DPA' YE SHES DE LTA BU DANG LDAN PA NI DE BZHIN GSHEGS PA'I SKU DANG, GSUNG DANG THUGS GNYIS SU MED PA'I BYANG CHUB SEMS DPA'I TING NGE 'DZIN GYI STOBS KYANG MI GTONG LA, SANGS RGYAS LA LTA BA DANG, MCHOD PA DANG, RIM GRO YANG RAB TU BYED DE, BSKAL PA RE RE LA YANG DE BZHIN GSHEGS PA MTHA' YAS PA DAG LA RNAM PA THAMS CAD MNGON PAR SGRUB PA'I MCHOD PA RGYA CHEN PO DANG LDAN PA'I MCHOD PA DAG GIS MCHOD PAR BYED DO, ,SANGS RGYAS BCOM LDAN 'DAS DE DAG GI BYI GNYI RLABS DANG, SNANG BA YANG YANG DAG PAR LEN TO ZHES BYA BA DANG, KYE RGYAL BA'I SRAS 'DI LTA STE, DPER NA LHA'I RGYAN CHEN PO'I RNAM PA MKHAN BZOS MA BYAS PA, RIN PO CHE CHEN POS SPRAS PA, LHA'I RGYAL PO DBANG SGYUR GYI YAN LAG GI DAM PA MNGO'AM MGUL DU BTAGS NA DE MA YIN PA'I LHA DANG MI'I RGYAN LHAB LHUB KYI RNAM PA DAG GIS MI 'PHROGS PA YIN NO, ,KYE RGYAL BA'I SRAS DE BZHIN DU BYANG CHUB SEMS DPA'I SA CHOS KYI SPRIN 'DI THOB PA'I BYANG CHUB SEMS DPA'I YE SHES KYI RGYU BA DE DAG KYANG, SEMS CAN @260A *, ,THAMS CAD DANG, NYAN THOS DANG RANG SANGS RGYAS THAMS CAD DANG, BYANG CHUB SEMS DPA'I SA DANG PO YAN CHAD BYANG CHUB SEMS DPA'I SA DGU PA THOB PA'I BAR GYI BYANG CHUB SEMS DPA' RNAMS KYIS KYANG MI 'PHROGS PA YIN TE, BYANG CHUB SEMS DPA'I SA 'DI LA GNAS PA'I BYANG CHUB SEMS DPA'I YE SHES SNANG BA NI SEMS CAN RNAMS THAMS CAD MKHYEN PA'I YE SHES KYI BAR LA 'DZUD PAR 'GYUR BAS DE MA YIN PA'I YE SHES KYI SNANG BA DAG GIS MI 'PHROGS SO, ,KYE RGYAL BA'I SRAS 'DI LTA STE, DPER NA LHA'I RGYAL PO DBANG PHYUG CHEN PO'I 'OD NI SKYE BA'I GNAS THAMS CAD LAS SHIN TU 'DAS PA YIN TE, SEMS CAN RNAMS KYI LUS KYANG TSIM PAR BYED DO, ,KYE RGYAL BA'I SRAS DE BZHIN DU BYANG CHUB SEMS DPA'I SA BCU PA CHOS KYI SPRIN 'DI LA GNAS PA'I BYANG CHUB SEMS DPA'I YE SHES KYI SNANG BA YANG NYAN THOS DANG, RANG SANGS RGYAS THAMS CAD DANG BYANG CHUB SEMS DPA'I SA DANG PO YAN CHAD BYANG CHUB SEMS DPA'I SA DUG PA THOB PA'I BAR GYI BYANG CHUB SEMS DPA' RNAMS KYIS KYANG MI 'PHROGS PA YIN TE, THAMS CAD MKHYEN PA NYID KYI BAR LA YANG SEMS CAN RNAMS RAB TU 'JOG GO ZHES GSUNGS PA'O, ,BGROD PA GSUM SHES PA LA SOGS PA YANG DAG PAR SGROGS PAS NI LAM GSUM YANG DAG PAR SGROGS TE, LAM GSUM LA THE TSOM BCAD PA'I LAM NI GANG GI PHYIR, KYE RGYAL BA'I SRAS BYANG CHUB SEMS DPA' YE SHES DE LTA BU DANG LDAN PA DE LA SANGS RGYAS BCOM LDAN 'DAS RNAMS BGROD PA GSUM SHES PA YANG DAG PAR STON TO, ,CHOS KYI DBYINGS RAB TU DBYE BA SHES PA ZHES GSUNGS PA'O, ,BGROD PA GSUM ZHES BYA BA NI LAM GSUM ZHES BYA BA'I THA TSIG GO, ,DE BZHIN GSHEGS PA'I GSANG BA SGROGS PAS MNGON PAR SHES PA MYUR BA NYID KYI LAM NI GANG GI PHYIR, 'JIG RTEN GYI KHAMS THAMS CAD RGYAS PAR 'GENGS PA ZHES GSUNGS PA'O, ,BYIN GYI RLABS MTSUNGS PA NYID KYI LAS NI BYIN GYI RLABS MTSUNGS PA NYID RNAM PA GSUM DU REG PAR BYA STE, ZHING YONGS SU DAG PA'I MTSUNGS PA NYID KYI BYIN GYI RLABS DANG, SEMS CAN RNAMS YONGS SU SMIN PAR BYA BA'I PHYIR, CHOS STON @260B PAR SNANG BA'I MTSUNGS PA NYID KYI BYIN GYIS RLABS DANG, MNGON PAR RDZOGS PAR BYANG CHUB PA'I MTSUNGS PA NYID KYI BYIN GYI RLABS TE, GANG GI PHYIR 'JIG RTEN GYI KHAMS THAMS CAD SNANG BAR BYIN GYIS BRLABS PA DANG, SEMS CAN DANG, ZHING DANG, CHOS THAMS CAD YONGS SU SHES PA'I SHES PA DANG, SEMS CAN THAMS CAD KYI SEMS KYI SPYOD PA LA 'JUG PA SHES PA DANG, SEMS CAN THAMS CAD KYI YONGS SU SMIN PA'I DUS JI LTA BA BZHIN DU SHES PA DANG, 'DUL BA LAS MI G-YO BA DANG, CHOS THAMS CAD RAB TU RNAM PAR 'BYED PA'I RNAM PAR DBYE BA SHES PA LA MKHAS PA DANG, MDOR NA THAMS CAD MKHYEN PA'I YE SHES THOB PAR BYED PA'I BAR DAG YANG DAG PAR STON TO ZHES GSUNGS PA'O, ,DE LTAR MTHU BLA NA YOD PAS SA 'DI'I RNAM PAR GZHAG PA BSTAN NAS SA'I DPE STON TO, ,DE LA SA'I DPE NI MTSO DANG, RI DANG, RGYA MTSO DANG, NOR BU BEE d'URYAS YON TAN RNAM PA BZHIR RIG PAR BYA'O, ,YON TAN RNAM PA BZHI NI SGRUB PA'I YON TAN DANG, MCHOG GI YON TAN DANG, NGES PAR 'BYUNG DKA' BA'I NGES PAR 'BYUNG BAR 'BRAS BU CHE BA NYID KYI YON TAN DANG, MTHAR THUG PAR YONGS SU BSNGO BA'I YON TAN NO, ,DE LA SGRUB PA'I YON TAN NI SMON LAM LA BRTEN NAS BSDU BA'I DNGOS PO BZHIS GZHAN GYI DON SGRUB PA DANG, RANG GI DGE BA'I RTZA BA 'PHEL TE BYANG CHUB THOB PAR BYED PAS, RANG GI DON SGRUB PAR RIG PAR BYA STE, GANG GI PHYIR KYE RGYAL BA'I SRAS BYANG CHUB SEMS DPA'I SA BCU PO DE DAG NI, RIM GYIS MNGON DU PHYOGS PA RNAM PA THAMS CAD DANG LDAN PA'I THAMS CAD MKHYEN PA'I YE SHES KYI SONG BA RJES SU SONG BAR BLTA'O, ,KYE RGYAL BA'I SRAS 'DI LTA STE, DPER NA MTSO CHEN PO MA DROS PA LAS BYUNG BA'I 'BAB CHU NI, KLUNG GI RGYUN GYI SGO BZHIS 'DZAM BU'I GLING KUN DU DOMS PAR BYAS KYANG MI ZAD LA RNAM PAR 'PHEL TE, SEMS CAN DPAG TU MED PA DAG LA PHAN PAR GYUR CING, RGYA MTSO CHEN PO'I BAR DU ZHEN PAR 'GYUR TE, CHU DE NI THOG MA NYID NAS RGYA MTSO CHEN PO LA MNGON DU PHYOGS PA YIN NO, , @261A *, ,KYE RGYAL BA'I SRAS DE DE BZHIN DU BYANG CHUB KYI SEMS KYI MTSO CHEN PO LAS BYUNG PA'I DGE BA'I RTZA BA'I 'BAB CHU YANG, SMON LAM CHEN PO'I RGYUN GYI SGO BSDU BA'I DNGOS PO BZHIS SEMS CAN GYI KHAMS KUN DU NGOMS PAR BYAS KYANG MI ZAD LA RNAM PAR 'PHEL TE, SEMS CAN DPAG TU MED PA DAG LA PHAN PAR GYUR CING ,RNAM PA THAMS CAD DANG LDAN PA'I THAMS CAD MKHYEN PA'I YE SHES KYI BAR GYI RGYA MTSO CHEN PO LA ZHEN PAR BYED DE, DGE BA'I RTZA BA'I CHU DE NI THOG MA NAS KYANG, THAMS CAD MKHYEN PA NYID KYI RGYA MTSO CHEN PO LA MNGON DU PHYOGS PA YIN NO ZHES GSUNGS PA'O, ,THAMS CAD MKHYEN PA'I SKABS YIN PAS MCHOG NYID KYI YON TAN NI GANG GI PHYIR, KYE RGYAL BA'I SRAS BYANG CHUB SEMS DPA' SA BCU PO DE DAG NI, SANGS RGYAS KYI YE SHES LA BRTEN NAS YOD PAR 'GYUR TE, KYE RGYAL BA'I SRAS 'DI LTA STE, DPER NA SA CHEN PO LA BRTEN NAS, RI'I RGYAL PO CHEN PO BCU YOD PAR GYUR PA 'DI LTA STE, RI'I RGYAL PO CHEN PO GANG RI DANG, SPOS NGAD LDANG DANG, RNAM PAR 'DAL DANG, DRANG SRONG RI DANG, GNYA' SHING 'DZIN DANG, RTA RNA RI DANG, MU KHYUNG 'DZIN DANG, KHOR YUG DANG, TOG CAN DANG, RI'I RGYAL PO CHEN PO RI RAB BO, ,KYE RGYAL BA'I SRAS 'DI LTA STE, DPER NA RI'I RGYAL PO CHEN PO GANGS RI NI, SMAN GYI RNAM PA THAMS CAD KYI 'BYUNG GNAS YIN TE, SMAN GYI RNAM PA THAMS CAD BLANG BAS THUG PAR 'GYUR BA MED DO, ,KYE RGYAL BA'I SRAS DE BZHIN DU BYANG CHUB SEMS DPA'I SA RAB TU DGA' BA LA GNAS PA'I BYANG CHUB SEMS DPA' YANG, 'JIG RTEN PA'I SNYAN DNGAGS DANG, BSTAN BCOS DANG, GSANG SNGAGS DANG, RIG PA THAMS CAD KYI 'BYUNG GNAS YIN TE, 'JIG RTEN PA'I SNYAN DNGAGS DANG, BSTAN BCOS DANG, GSANG SNGAGS DANG, RIG PA THAMS CAD 'DON PAS THUG PAR 'GYUR BA MED DO, ,KYE RGYAL BA'I SRAS 'DI LTA STE, DPER NA RI'I RGYAL PO CHEN PO SPOS KYI NGAD LDANG NI, SPOS KYI RNAM PA THAMS CAD KYI 'BYUNG GNAS YIN TE, SPOS @261B KYI RNAM PA THAMS CAD BLANG BAS THUG PAR 'GYUR BA MED DO, ,KYE RGYAL B'I SRAS DE BZHIN DU BYANG CHUB SEMS DPA'I SA DRI MA MED PA LA GNAS PA'I BYANG CHUB SEMS DPA' YANG, BYANG CHUB SEMS DPA'I TSUL KHRIMS DANG, SDOM PA DANG, SPYOD PA THAMS CAD KYI SPOS KYI 'BYUNG GNAS YIN TE, BYANG CHUB SEMS DPA' TSUL KHRIMS DANG, SDOM PA DANG, SPYOD PA THAMS CAD KYI SPOS KYIS THUG PAR 'GYUR BA MED DO, ,KYE RGYAL BA'I SRAS 'DI LTA STE DPER NA, RI'I RGYAL PO CHEN PO RNAM PAR 'DAL NI DNGOS RIN PO CHE 'BA' ZHIG YIN ZHING, RIN PO CHE'I RNAM PA THAMS CAD KYI 'BYUNG GNAS YIN TE, RIN PO CHE'I RNAM PA THAMS CAD BLANG BAS THUG PAR 'GYUR BA MED DO, ,KYE RGYAL BA'I SRAS DE BZHIN DU BYANG CHUB SEMS DPA'I SA 'OD BYED PA LA GNAS PA'I BYANG CHUB SEMS DPA' YANG, 'JIG RTEN PA'I BSAM GTAN DANG, MNGON PAR SHES PA DANG, RNAM PAR THAR PA DANG, TING NGE 'DZIN DANG, SNYOMS PAR 'JUG PA THAMS CAD KYI 'BYUNG GNAS YIN TE, 'JIG RTEN PA'I BSAM GTAN DANG, MNGON PAR SHES PA DANG, RNAM PAR THAR PA DANG, TING NGE 'DZIN DANG, SNYOMS PAR 'JUG PA THAMS CAD YONGS SU DRIS PA BSTAN PA RNAMS KYIS THUG PAR 'GYUR BA MED DO, ,KYE RGYAL BA'I SRAS 'DI LTA STE DPER NA, RI'I RGYAL PO CHEN PO DRANG SRONG NI, DNGOS RIN PO CHE 'BA' ZHIG YIN ZHING, DRANG SRONG MNGON PAR SHES PA LNGA DANG LDAN PA RNAMS KYI 'BYUNG GNAS YIN TE, DRANG SRONG MNGON PAR SHES PA LNGA DANG LDAN PAR NAMS BGRANG BAS THUG PAR 'GYUR BA MED DO, ,YE RGYAL BA'I SRAS DE BZHIN DU BYANG CHUB SEMS DPA'I SA 'OD 'PHRO CAN LA GNAS PA'I BYANG CHUB SEMS DPA' YANG, LAM DANG LAM MA YIN PA GZHAN GYI KHYAD PAR THAMS CAD SHES PA'I 'BYUNG GNAS YIN TE, LAM DANG LAM MA YIN PA GZHAN GYI KHYAD PAR THAMS CAD SHES PA YONGS SU SRIS PA BSTAN PA RNAMS KYIS THUG PAR 'GYUR BA MED DO, ,KYE RGYAL BA'I SRAS 'DI LTA STE DPER NA, RI'I RGYAL PO CHEN PO GNYA' SHING 'DZIN NI DNGOS RIN PO CHE 'BA' ZHIG YIN ZHING, GNOD SBYIN RDZU 'PHRUL CHEN @262A *, ,PO DANG LDAN PA RNAMS KYI 'BYUNG GNAS YIN TE, GNOD SBYIN RDZU 'PHRUL CHEN PO DANG LDAN PA BGRAD PAS THUG PAR 'GYUR BA MED DO, ,KYE RGYAL BA'I SRAS DE BZHIN DU BYANG CHUB SEMS DPA'I SA SHIN TU SBYANG DKA' BA LA GNAS PA'I BYANG CHUB SEMS DPA' YANG MNGON PAR SHES PA'I RDZU 'PHRUL GYI RNAM PAR 'PHRUL PA DANG, CHO 'PHRUL THAMS CAD KYI 'BYUNG GNAS YIN TE, MNGON PAR SHES PA'I RDZU 'PHRUL GYI RNAM PAR 'PHRUL PA DANG, CHO 'PHRUL THAMS CAD YONGS SU DRIS PA BSTAN PA RNAMS KYIS THUG PAR 'GYUR BA MED DO, ,KYE RGYAL BA'I SRAS 'DI LTA STE DPER NA RI'I RGYAL PO CHEN PO RTA RNA RI NI DNGOS RIN PO CHE 'BA' ZHIG YIN ZHING, 'BRAS BU'I RNAM PA THAMS CAD BLANG BAS THUGS PAR 'GYUR BA MED DO, ,KYE RGYAL BA'I SRAS DE BZHIN DU BYANG CHUB SEMS DPA'I SA MNGON DU GYUR PA LA GNAS PA'I BYANG CHUB SEMS DPA' YANG RTEN CING 'BREL PAR 'BYUNG BA LA 'JUG PA BSTAN PA'I 'BYUNG GNAS YIN TE; NYAN THOS KYI 'BRAS BU DANG, MNGON PAR RTOGS PA YONGS SU DRIS PA BSTAN PA RNAMS KYIS THUG PAR 'GYUR BA MED DO, ,KYE RGYAL BA'I SRAS 'DI LTA STE DPER NA, RI'I RGYAL PO CHEN PO MU KHYUD 'DZIN NI DNGOS RIN PO CHE 'BA' ZHIG YIN ZHING, KLU RDZU 'PHRUL CHEN PO DANG LDAN PA THAMS CAD KYI 'BYUNG GNAS YIN TE, KLU RDZU 'PHRUL CHEN PO DANG LDAN PA THAMS CAD BGRANG BAS THUG PAR 'GYUR BA MED DO, ,KYE RGYAL BA'I SRAS DE BZHIN DU BYANG CHUB SEMS DPA'I SA RING DU SONG BA LA GNAS PA'I BYANG CHUB SEMS DPA' YANG THABS DANG SHES RAB BSTAN PA'I 'BYUNG GNAS YIN TE, RANG SANGS RGYAS KYI 'BRAS BU DANG, MNGON PAR RTOGS PAR YONGS SU DRIS PA BSTAN PA RNAMS KYIS THUGS PAR 'GYUR BA MED DO, ,KYE RGYAL BA'I SRAS 'DI LTA STE DPER NA, RI'I RGYAL PO CHEN PO KHOR YUG NI DNGOS RIN PO CHE 'BA' ZHIG YIN ZHING, DBANG DU GYUR PA RNAMS KYI 'BYUNG GNAS YIN TE, DBANG DU GYUR PA RNAMS BGRANG BAS THUG PAR 'GYUR BA MED DO, ,KYE RGYAL BA'I SRAS DE BZHIN DU BYANG CHUB SEMS DPA'I SA MI G-YO BA LA GNAS PA'I BYANG CHUB SEMS DPA' YANG BYANG CHUB SEMS DPA'I DBANG MNGON PAR BSGRUB PA YONGS SU DRIS PA BSTAN PA RNAMS KYI 'BYUNG GNAS YIN TE, 'JIG RTEN GYI KHAMS RNAMS PAR DBYE BA YONGS SU DRIS PA @262B BSTAN PA RNAMS KYIS THUG PAR 'GYUR BA MED DO, ,KYE RGYAL BA'I SRAS 'DI LTA STE DPER NA, RI'I RGYAL PO CHEN PO TOG DANG LDAN PA NI DNGOS RIN PO CHE 'BA' ZHIG YIN ZHING, LHA MA YIN RDZU 'PHRUL CHEN PO DANG LDAN PA RNAMS KYI 'BYUNG GNAS YIN TE, LHA MA YIN RDZU 'PHRUL CHEN PO DANG LDAN PA BGRANG BAS THUG PAR 'GYUR BA MED DO, ,KYE RGYAL BA'I SRAS DE BZHIN DU BYANG CHUB SEMS DPA'I SA LEGS PA'I BLO GROS CAN LA GNAS PA'I BYANG CHUB SEMS DPA' YANG SEMS CAN GYI 'JUG PA DANG, LDOG PA THAMS CAD SHES PA'I SPYOD PA'I 'BYUNG GNAS YIN TE, 'GRO BA THAMS CAD KYI 'BYUNG BA DANG 'JIG PA YONGS SU DRIS PA BSTAN PA RNAMS KYIS THUGS PAR 'GYUR BA MED DO, ,KYE RGYAL BA'I SRAS 'DI LTA STE DPER NA, RI'I RGYAL PO CHEN PO RI RAB NI DNGOS PO RIN PO CHE 'BA' ZHIG YIN ZHING, LHA KLU RDZU 'PHRUL CHEN PO DANG LDAN PA RNAMS KYI 'BYUNG GNAS YIN TE, LHA KLU RDZU 'PHRUL CHEN PO DANG LDAN PA BGRANG BAS THUG PAR 'GYUR BA MED DO, ,KYE RGYAL BA'I SRAS DE BZHIN DU BYANG CHUB SEMS DPA'I SA CHOS KYI SPRIN LA GNAS PA'I BYANG CHUB SEMS DPA' YANG DE BZHIN GSHEGS PA'I STOBS DANG, MI 'JIGS PA DANG SANGS RGYAS KYI CHOS MA 'DRES PA RNAMS KYI 'BYUNG GNAS YIN TE, SANGS RGYAS KYI PHRIN LAS YANG DAG PAR BSTAN PA YONGS SU DRIS PA BSTAN PA RNAMS KYIS THUG PAR 'GYUR BA MED DO ZHES GSUNGS PA'O, ,RIN PO CHE 'BA' ZHIG GI RI'I DPE SMOS PA NI SA BRGYAD PA DAG 'DOD CHAGS DANG BRAL BA DAG PA'I SA YIN PA'I PHYIR RO, ,RI DE DAG NI SEMS CAN MA YIN PAR BRJOD PA'I DNGOS PO DANG, SEMS CAN DU BRJOD PA'I 'BYUNG GNAS YIN NO, ,SEMS CAN MA YIN PAR BRJOD PA'I DNGOS PO YANG RNAM PA GNYIS TE, YONGS SU SPYAD PA'I DNGOS PO DANG, RIN PO CHE ZHES BRJOD PA'I YONGS SU 'DZIN PA'I DNGOS PO'O, ,YONGS SU SPYAD PA'I DNGOS PO YANG RNAM PA GNYIS TE, 'BYUNG BA MI MNYAM PA'I GNYEN PO'I DNGOS PO DANG, 'BYUNG BA MNYAM PA STON PA'I DNGOS PO STE, DRIS RAB TU PHYE BA DANG, RI DRUG PA'I 'BRAS BU'I RNAM PA'I ROS RAB TU PHYE BA'O, ,SEMS CAN DU BRJOD PA NI GNOD PA RNAM PA DRUG GI GNYEN POR RIG PAR BYA STE, GNOD PA RNAM PA DRUG NI DBUL BA'I GNOD PA DANG, 'CHI BA LA SOGS PA YAMS KYI NAD KYI GNOD PA @263A *, ,DANG; MU GE'I GNOD PA DANG, 'DUL BA MA YIN PA'I GNOD PA DANG, DBYIG DUG LA SOGS PA'I GNOD PA DANG, PHYIR RGOL BA'I GNOD PA'O, ,DE LA MNGON PAR SHES PA LNGA DANG LDAN PA NI SBYIN PA'I GNAS YIN PAS DBUL BA'I GNYEN PO'O, ,LHA MA YIN RNAMS NI DE 'JIL BA'I GSANG SNGAGS STON PAS DBYIG DUG GI GNYEN PO'O, ,DBANG DU GYUR PA NI 'JIG RTEN SKYONG RNAMS YIN PAR RIG PAR BYA'O, ,RI DE DAG NI JI LTAR SMOS PA'I DNGOS PO 'BYUNG BA'I DON GYI 'BYUNG GNAS YIN ZHING, RGYUN MI 'CHAD PA'I DON GYIS THUG PAR 'GYUR BA MED PAR RIG PAR BYA'O, ,DE DAG GIS KYANG RGYA MTSO CHEN PO SMOS LA, RGYA MTSO CHEN POS KYANG DE DAG RAB TU PHYE BA'O, ,DE BZHIN DU THAMS CAD MKHYEN PA'I RGYU DANG 'BRAS BU YIN PAS, BYANG CHUB SEMS DPA'I SA BCU PO DE DAG GIS KYANG THAMS CAD MKHYEN PA NYIS SMOS LA, THAMS CAD MKHYEN PA NYID KYIS KYANG RAB TU PHYE BA YIN PAR RIG PAR BYA STE, GANG GI PHYIR KYE RGYAL BA'I SRAS 'DI LTA STE DPER NA RIN PO CHE'I RI DE DAG GIS KYANG RGYA MTSO CHEN PO SMOS LA, RGYA MTSO CHEN POS KYANG RAB TU PHYE BA'O, ,KYE RGYAL BA'I SRAS DE BZHIN DU BYANG CHUB SEMS DPA'I SA BCU PO 'DI DAG GIS KYANG THAMS CAD MKHYEN PA NYID SMOS LA DE THAMS CAD MKHYEN PA NYID KYIS KYANG RAB TU PHYE BA'O ZHES GSUNGS PA'O, ,SA RNAMS KYI NGES PAR 'BYUNG DKA' BA'I NGES PAR 'BYUNG BA'I 'BRAS BU CHEN PO, YON TAN NI RGYU DANG 'BRAS BUR 'BREL PA STE, RGYA MTSO LAS NGES PAR 'BYUNG DKA' BA LTA BU'I PHYIR DANG, NGES PAR 'BYUNG BA RNAMS KYI BYANG CHUB KYI 'BRAS BU CHE BA'I PHYIR RO, ,RGYA MTSO CHEN PO'I YON TAN NI BRGYAD DU RIG PAR BYA STE, 'JUG BDE BA'I YON TAN NI GANG GI PHYIR, KYE RGYAL BA'I SRAS 'DI LTA STE DPER NA, RGYA MTSO CHEN PO NI RNAM PA BCUS MI 'PHROGS PA'I GRANGS SU 'GRO STE, BCU GANG ZHE NA, 'DI LTA STE BAGS KYIS GZHAL BA ZHES GSUNGS PA'O, ,GTZANG MA NYID KYI YON TAN NI GANG GI PHYIR, SHI BA'I RO DANG MI GNAS PA ZHES GSUNGS PA'O, ,MI 'DRA BA MED PA'I YON TAN NI GANG GI PHYIR, CHU GZHAN GYI GRANGS SPANGS PA ZHES GSUNGS PA'O, ,KUN DU BSRUNGS PA'I YON TAN NI GANG GI PHYIR, RO GCIG PA ZHES GSUNGS PA'O, ,PHAN 'DOGS PA'I YON TAN NI GANG GI PHYIR, RIN PO CHE MANG BA ZHES GSUNGS @263B PA'O, ,ZAB PA DANG RGYA CHE BA GNYIS KYIS MI SKAM PA NYID KYI YON TAN NI GANG GI PHYIR, ZAB CING GTING DPAG DKA' BA DANG YANGS SHING TSAD MED PA ZHES GSUNGS PA'O, ,CHEN PO DAG GI GNAS BCAS PA'I PHYIR GNAS KYI YON TAN NI GANG GI PHYIR, 'BYUNG BA CHEN PO GNAS SU GYUR PA ZHES GSUNGS PA'O, ,RLABS 'BYUNG BA'I DUS LAS MI YOL BA DANG, CHUS NGOMS MI SHES PA GNYIS KYIS 'JIG RTEN BSRUNGS PA'I YON TAN NI GANG GI PHYIR, DUS CHAD PA LAS MI YOL BA DANG, SBRIN CHEN PO'I CHAR THAMS CAD KUN DU 'DZIN PAS MI NGOMS PA'O ZHES GSUNGS PA STE, RGYA MTSO CHEN PO DANG 'DRA BA'I CHOS NYID KYIS SA BCU RNAMS SU BYANG CHUB SEMS DPA'I SPYOD PA YANG RNAM PA BCUR RIG PAR BYA STE, GANG GI PHYIR KYE RGYAL BA'I SRAS DE BZHIN DU BYANG CHUB SEMS DPA'I SPYOD PA YANG RNAM PA BCU SA MI 'PHROGS PA'I GRANGS SU 'GRO STE, BCU GANG ZHE NA 'DI LTA STE, BYANG CHUB SEMS DPA'I SPYOD PAS RAB TU DGA' BA LA SMON LAM CHEN PO RIM GYIS MNGON PAR BSGRUBS PAS GZHOL BA DANG, BYANG CHUB SEMS DPA'I SA DRI MA MED PA LA 'CHAL BA'I TSUL KHRIMS KYIS SHI BA'I RO DANG MI GNAS PA DANG, BYANG CHUB SEMS DPA'I SA 'OD BYED PA LA 'JIG RTEN PA'I GDAGS PA'I GRANGS SPANGS PA DANG, BYANG CHUB SEMS DPA'I SA 'OD 'PHRO BA CAN LA, SANGS RGYAS LA DAD PA MI PHYED PA'I RO GCIG PA DANG, BYANG CHUB SEMS DPA'I SA SHIN TU SBYANG DKA' LA, THABS DANG MNGON PAR SHES PA TSAD MED PAS 'JIG RTEN PA'I BYA BA MNGON PAR SGRUB PA'I RIN PO CHE MANG BA DANG, BYANG CHUB SEMS DPA'I SA MNGON DU GYUR LA RTEN CING 'BREL PAR 'BYUNG BA LA RAB TU RTOG PAS ZAB PA DANG, BYANG CHUB SEMS DPA'I SA RING DU SONG LA BLOS RAB TU RNAM PAR 'BYED PA LA MKHAS PAS YANGS SHING TSAD MED PA DANG, BYANG CHUB SEMS DPA'I SA MI G-YO BA LA BKOD PA CHEN PO MNGON PAR SGRUB PA KUN DU BSTAN PAS 'BYUNG BA CHEN PO'I GNAS SU GYUR PA DANG, BYANG CHUB SEMS DPA'I SA LEGS PA'I BLO GROS CAN LA RNAM PAR THAR PA ZAB MOS 'GRO BA'I SPYOD PA JI LTA BA BZHIN DU KHONG DU CHUD PAS DUS CHAD PA LAS MI YOL BA DANG, BYANG CHUB SEMS DPA'I SA CHOS KYI SBRIN LA DE BZHIN GSHEGS PA'I CHOS KYI SNANG BA'I SPRIN GYI CHAR CHEN PO THAMS CAD KUN DU 'DZIN PAS @264A *, ,MI NGOMS PA'O ZHES GSUNGS PA'O, ,MTHAR THUG PAR YONGS SU BSNGO BA'I YON TAN NI, ,NOR BU RIN PO CHE CHEN PO'I DPES STON TE GANG GI PHYIR, KYE RGYAL BA'I SRAS 'DI LTA STE DPER NA, NOR BU RIN PO CHE CHEN PO NI GANG GI TSE, RIN PO CHE RIGS BCU LAS SHIN TU 'DAS NAS MNGON PAR SBAGS PAR GYUR, MGAR BA MKHAS PAS LEGS PAR BSREGS, LEGS PAR BCOS, LEGS PAR YONGS SU SBYANGS, LEGS PAR BYI DOR BYAS TE, LEGS PAR PHUG CING RIN PO CHE'I SKUD PAS LEGS PAR BTAGS LA, NOR BU RIN PO CHE DANG BEE d'URYA'I YU BA MTHON PO CAN GYI RGYAL MTSAN GYI RTZE MO LA BTAGS TE, THAMS CAD 'OD RAB TU 'BYUNG ZHING, RGYAL POS BSNGAGS PAR GYUR BA DE'I TSE, SEMS CAN THAMS CAD KYIS RIN PO CHE THAMS CAD BSDU BAR BYA BAR NYE BAR GNAS PA YIN NO, ,KYE RGYAL BA'I SRAS DE BZHIN DU GANG GI TSE, BYANG CHUB SEMS DPA' RNAMS KYI THAMS CAD MKHYEN PA NYID KYI SEMS RIN PO CHE BSKYED PA 'PHAGS PA'I RIGS BCU LAS SHIN TU 'DAS PA BSKYED PAR 'GYUR, SBYANGS PA'I YON TAN DANG, YO BYAD BSNYUNGS PA DANG, TSUL KHRIMS DANG, BRTUL ZHUGS DANG, DKA' THUB KYIS LEGS PAR BSREGS, BSAM GTAN DANG, TING NGE 'DZIN DANG SNYOMS PAR 'JUG PAS LEGS PAR BCOS, LAM GYI YAN LAG GI RNAM PAS LEGS PAR SBYANGS, THABS DANG MNGON PAR SHES PAS LEGS PAR BYI DOR BYAS TE, RTEN CING 'BREL PAR 'BYUNG BAS LEGS PAR PHUG CING, THABS DANG SHES RAB RIN PO CHE SNA TSOGS KYI SKUD PAS LEGS PAR BTAGS LA, DBANG GI NOR BU RIN CHE CHEN PO DANG, BEE d'URYA'I YU BA CAN GYI RGYAL MTSAN GYI RTZE MO LA BTAGS TE, SEMS CAN GYI SPYOD PA THAMS CAD RAB TU BTAGS PA DANG, THOS PA'I SHES PA'I 'OD RAB TU 'BYUNG BAR GYUR LA, DE BZHIN GSHEGS PA CHOS KYI RGYAL POS YANG DAG PAR RDZOGS PA'I SANGS RGYAS KYI YE SHES DBANG BSKUR BAS DBANG BSKUR BAR GYUR BA DE'I TSE, SEMS CAN THAMS CAD KYIS SANGS RGYAS KYI MDZAD PA RIN PO CHE THAMS CAD BSDU BAR BYA BAR NYE BAR GNAS PA YIN TE, DE'I TSE THAMS CAD MKHYEN PA ZHES KYANG BYA'O ZHES GSUNGS PA'O, ,DE LA RIN PO CHE'I RIGS BCU LAS SHIN TU 'DAS ZHES BYA BA NI NOR BU DANG, MU TIG DANG BEE d'URYA LA SOGS PA'I NANG NAS, NOR BU DANG BEE d'URYA MA GTOGS PA'O, , @264B MNGON PAR SBAGS ZHES BYA BA NAS THAMS CAD DU 'OD RAB TU 'BYUNG BAR GYUR CES BYA BA'I BAR GYIS YON TAN RNAM PA BRGYAD KYIS YONGS SU ZIN PAR STON TE, YON TAN RNAM PA BRGYAD NI RTAG PAR MNGON PAR SBAGS PAS SHIN TU YONGS SU BRTAGS PA'I PHYIR RIGS KYI YONGS SU BTAGS PA'I YON TAN DANG; MGAR BA MKHAS PAS LEGS PAR BSREGS PAS KHA DOG GI YON TAN DANG, LEGS PAR BCOS PAS DBYIBS KYI YON TAN DANG, LEGS PAR YONGS SU SBYANGS BAS DRI MA MED PA'I YON TAN DANG, LEGS PAR BYI DOR BYAS PAS GSAL BA'I YON TAN DANG, LEGS PAR PHUG PA DANG, RIN PO CHE'I SKUD PAS LEGS PAR BTAGS PA DANG, NOR BU RIN PO CHE DANG BEE d'URYA'I YU BA MTHON PO CAN GYI RGYAL MTSAN GYI RTZE MO LA BTAGS PA'I TSIG GSUM GYIS MNGON PAR 'DU BYED PA'I YON TAN DANG, THAMS CAD DU 'OD ZER RAB TU 'BYUNG BAS, THAMS CAD DU 'OD RAB TU 'BYUNG BA'I PHYIR, MTHU'I YON TAN DANG RGYAL POS BSNGAGS PA ZHES BYA BAS NI, YONGS SU MA BZUNG BA NYID KYI YON TAN NYIS STON TO, ,YANG DAG PAR RDZOGS PA'I SANGS RGYAS KYI YE SHES DBANG BSKUR BA NYID NI SEMS CAN THAMS CAD DANG THUN MONG BA'I DGE BA'I RTZA BA'I GTER NYID DU'O, ,'PHAGS PA'I RIGS BCU LAS SHIN TU 'DAS ZHES BYA BA NI, , NYAN THOS KYI RIGS BRGYAD DE, ZHUGS PA DANG 'BRAS BU LA GNAS PA'I BYE BRAG GIS SO, ,RANG SANGS RGYAS KYI RIGS GNYIS TE, ZHUGS PA DANG 'BRAS BU LA GNAS PA'O, ,DE LTAR SA'I DPES SA BCU PA'I RNAM PAR GZHAG PA BSTAN NAS, SA'I PHAN YON GYIS STON TE, DE LA SA'I PHAN YON NI RNAM PA GNYIS TE, BSOD NAMS 'PHEL BA DANG MCHOD PA BYED PA'O, ,DE YANG MOS PA LA GZUD PA'I PHYIR, CHOS KYI RNAM GRANGS 'DI CHE BA NYID DU YANG DAG PAR BSTAN PA'I PHYIR YONGS SU BSTAN TE GANG GI PHYIR, KYE RGYAL BA'I SRAS BYANG CHUB SEMS DPA'I SPYOD PA YANG DAG PAR SGRUB PA RNAM PA THAMS CAD DANG LDAN PA'I THAMS CAD MKHYEN PA'I YE SHES KYI YON TAN SOGS PA'I CHOS KYI SGO'I LE'U 'DI NI SEMS CAN DGE BA'I RTZA BA MA BSKYED PA RNAMS KYI RNA LAM DU GRAG PAR MI 'GYUR RO, ,BYANG CHUB SEMS DPA'I RNAM PAR GROL BA'I ZLA BAS SMRAS PA, KYE RGYAL BA'I SRAS RNAM PA THAMS CAD DANG LDAN PA'I THAMS CAD MKHYEN PA'I YE SHES KYI @265A *, ,YON TAN SOGS PA'I CHOS KYI SGO'I LE'U 'DI, GANG DAG GI RNA LAM DU GRAG PAR GYUR PA DE DAG BSOD NAMS KYI TSOGS JI TZAM ZHIG DANG LDAN PAR 'GYUR, BYANG CHUB SEMS DPA' RDO RJE'I SNYING POS SMRAS PA, KYE RGYAL BA'I SRAS THAMS CAD MKHYEN PA'I YE SHES KYI MTHU JI TZAM PAR THAMS CAD MKHYEN PA NYID SEMS BSKYED PAS BSDUS TE, DMIGS PA'I BSOD NAMS SOGS PA YANG DE TZAM STA, THAMS CAD MKHYEN PA NYID KYI SEMS BSKYED PAS BSDUS TE, DMIGS PA'I BSOD NAMS SOGS PA JI TZAM PAR, CHOS KYI SGO'I LE'U 'DI LA MNGON PAR PHYOGS PA'I BSOD NAMS SOGS PA YANG DE TZAM DU SHES PAR BYA'O, ,DE CI'I PHYIR ZHE NA, KYE RGYAL BA'I SRAS BYANG CHUB SEMS DPA' MA YIN PAS RNAM PA THAMS CAD DANG LDAN PA'I THAMS CAD MKHYEN PA'I YE SHES KYI YON TAN SOGS PA'I CHOS KYI SGO'I LE'U 'DI MNYAN PA'AM, MOS PA'AM, YID CHES PA'AM, LAN PA'AM, 'DZIN PA'AM, KUN DU 'DZIN PAR MI NUS NA, SGOM PA'I RNAM PA'I SBYOR BAS SGRUB PA LTA SMOS KYANG CI DGOS, KYE RGYAL BA'I SRAS DE LTA BAS NA, GANG DAG CHOS KYI SGO'I LE'U 'DI NYAN CING THOS NAS KYANG MOS PA DANG, MOS NAS KYANG 'DZIN PA DANG SGOM PA'I RNAM PAS SBYOR BA'I BYANG CHUB SEMS DPA' DE DAG NI, THAMS CAD MKHYEN PA'I YE SHES KYI SGO DANG LDAN PAR SHES PAR BYA'O ZHES GSUNGS PA'O, ,BSOD NAMS 'PHEL BA LA YID CHES PAR BYA BA'I PHYIR 'GYUR BA LTAS BCO BRGYAD CAN DRUG SNANG BA KUN DU STON TE GANG GI PHYIR, DE NAS DE'I TSE SANGS RGYAS KYI MTHU DANG CHOS NYID THOB PAS PHYOGS BCU'I 'JIG RTEN NA SANGS RGYAS KYI ZHING BYE BA PHRAG BCU'I RDUL PHRA RAB KYI RDUL SNYED KYI 'JIG RTEN GYI 'GYUR BA LTAS CHEN PO BCO BRGYAD CAN DRUG ,G-YOS RAB TU G-YOS, KUN DU RAB TU G-YOS SO, ,'GUL RAB TU 'GUL, KUN DU RAB TU 'GUL TO, ,LDEG RAB TU LDEG, ,KUN DU RAB TU LDEG GO, ,'KHRUGS RAB TU 'KHRUGS, KUN DU RAB TU 'KHRUGS SO, ,'UR 'UR RAB TU 'UR 'UR, KUN DU RAB TU 'UR 'UR RO, ,CHEM CHEM RAB TU CHEM CHEM, KUN DU RAB TU CHEM CHEM MO ZHES GSUNGS PA'O, ,DE LA 'GYUR BA DRUG NI, ,G-YO BA DANG, MTHO BA DANG, DMA' BA DANG, STENG DU 'GRO BA DANG 'OG TU 'GRO BA DANG, SGRA SGROGS PA'O, ,LTAS BCO BRGYAD NI G-YOS PA LA SOGS PA RNAM PA DRUG PO DE DAG GIS DAL BA DANG, 'BRING DANG DRAG PA @265B RIM DU RIG PAR BYA'O, ,DON GZHAN DU NA SNOD KYI 'JIG RTEN MNGON PAR 'DUS BYAS PA DANG, MNGON PAR 'DUS MA BYAS PA'I SA'I DBANG DU BYAS PA DANG, SEMS CAN GYI 'JIG RTEN NA SEMS CAN GYI RIS BZHI STE, MI MKHAS PA DANG, THA DAD PA LA MOS PA DANG, NGA RGYAL CAN DANG, RIG SNGAGS DANG LDAN PA RNAMS KYI DBANG DU BYAS NAS, DAL BA DANG, 'BRING DANG DRAG PA'I BYE BRAG GIS G-YOS PA NAS, KUN DU RAB TU CHEM CHEM GYI BAR GYI LTAS BCO BRGYAD DU RIG PAR BYA'O, ,DE LTAR BSOD NAMS 'PHEL BA LA YID CHES PAR BYA BA BSTAN NAS MCHOD PA BYED PA STON TE, GANG GI PHYIR SANGS RGYAS KYI MTHU DANG CHOS NYID THOB PAS, LHA'I ME TOG DANG, SPOS DANG PHRENG BA'I SPRIN GYI CHAR MNGON PAR BAB BO, ,LHA'I GOS KYI SPRIN DANG, LHA'I RIN PO CHE'I SPRIN DANG, LHA'I RGYAN GYI SPRIN DANG, LHA'I GDUGS KYI SPRIN DANG, LHA'I RGYAL MTSAN GYI SPRIN DANG, LHA'I BA DAN GYI SPRIN GYI CHAR MNGON PAR BAB BO, ,LHA'I ROL MO SIL SNYAN DANG, PHEG RDOB PA DANG GLU DBYANGS KYI SPRIN GYI SGRA GRAG GO, ,LHA'I LAS SHIN TU 'DAS PA THAMS CAD MKHYEN PA NYID KYI SA LA MNGON PAR BSTOD PA'I GLU DBYANGS KYI SPRIN GYI SGRA GRAG GO ZHES GSUNGS PA'O, ,'JIG RTEN GYI KHAMS THAMS CAD DU BSTAN PA DE YONGS SU BRJOD PAS NI CHOS KYI RNAM GRANGS 'DI SGO MTHA' YAS PA NAS SEMS CAN GYI DON DU NYE BAR GNAS PAR YONGS SU BSTAN TE GANG GI PHYIR, GLING BZHI PA'I 'JIG RTEN GYI KHAMS 'DI NAS GZHAN 'PHRUL DBANG BYED KYI GNAS SU LHA'I DBANG PO DBANG BSGYUR GYI GZHAL MED KHANG, NOR BU RIN PO CHE'I SNYING PO CAN GYI KHANG PA NA JI LTA BA DE BZHIN DU 'JIG RTEN GYI KHAMS THAMS CAD DU YANG CHOS BSTAN PA 'DI PHYOGS BCU THAMS CAD DU RGYAS PAR BYUNG BAR GYUR TO, ,SANGS RGYAS KYI MTHUS PHYOGS BCU NAS BYANG CHUB SEMS DPA' SANGS RGYAS KYI ZHING BYE BA PHRAG BCU'I RDUL PHRA RAB KYI RDUL SNYED DAG PHYOGS BCU RGYAS PAR 'GENGS SHING LHAG TE, DE DAG LHAGS NAS KYANG 'DI SKAD CES; KYE RGYAL BA'I SRAS DE LTAR KHYOD KYIS BYANG CHUB SEMS DPA'I CHOS NYID 'DI BRJOD PA LEGS SO LEGS SO, ,KYE RGYAL BA'I SRAS BDAG CAG KYANG RDO RJE'I SNYING PO ZHES BYA BAR MING MTHUN PA SHA STAG STE, 'JIG RTEN GYI KHAMS RDO RJE'I DPAL ZHES BYA BA NAS DE BZHIN GSHEGS PA'I MTSAN RDO RJE'I RGYAL MTSAN @266A *, ,ZHES BYA BA DAG GI THAD NAS 'DIR LHAGS TE, 'JIG RTEN GYI KHAMS DE DAG THAMS CAD NA YANG, SANGS RGYAS KYI MTHUS 'KHOR RNAMS PA 'DRA BA DAG LA, TSIG 'DI DAG NYID DANG, YI GE 'DI DAG NYID DANG, RIM PA 'DI DAG NYID DANG, DON 'DI DAG BRJOD PA DAG GIS CHOS BSTAN PA 'DI NYID LHAG CHAD MED PA BYUNG BAR GYUR TO, ,KYE RGYAL BA'I SRAS BDAG CAG KYANG DPANG DU GYUR PA SHA STAGS SANGS RGYAS KYI MTHUS 'KHOR 'DIR PHYIN TE, KYE RGYAL BA'I SRAS 'JIG RTEN GYI KHAMS 'DIR BDAG CAG JI LTAR PHYIN PA DE BZHIN DU, PHYOGS BCU'I 'JIG RTEN GYI KHAMS KYI GLING BZHI PA'I 'JIG RTEN GYI KHAMS RE RE'I GZHAN 'PHRUL DBANG BYED KYI GNAS SU LHA'I RGYAL PO'I DBANG BSGYUR GYI GZHAL MED KHANG NOR BU RIN PO CHE'I SNYING PO CAN GYI KHANG PAR YANG SANGS RGYAS KYI ZHING BYE BA PHRAG BCU'I RDUL PHRA RAB KYI RDUL SNYED KYI, BYANG CHUB SEMS DPA' RNAMS KYI PHYIN PAR GYUR TO ZHES ZER RO ZHES GSUNGS PA STE, RIM PA 'DI DAG CES BYA BA NI GO RIMS 'DI DAG GO, ,LHAG MA NI GO SLA BAS RNAM PAR DBYE BA MA BYAS TE, MDO SDE LAS JI SKAD 'BYUNG BA BZHIN DU KHONG DU CHUD PAR BYA'O, ,SA 'DI LA GNAS PA'I BYANG CHUB SEMS DPA' NI, PHAL CHER LHA'I RGYAL PO DBANG PHYUG CHEN POR 'GYUR TE, SEMS CAN RNAMS LA NYAN THOS DANG, RANG SANGS RGYAS DANG, BYANG CHUB SEMS DPA'I PHA ROL TU PHYIN PA BSTAN PA LA MKHAS SHING MTHU YOD PA YIN NO, ,DE 'DOD NA SKAD CIG THANG CIG YUD TZAM CIG LA TING NGE 'DZIN SANGS RGYAS KYI ZHING BRJOD DU MED PA BYE BA KHRAG KHRIG BRGYA STONG PHRAG BCU'I RDUL SHIN TU PHRA BA SNYED RAB TU THOB CING, DE DAG LA SNYOMS PAR 'JUG PA DANG, SANGS RGYAS DE SNYED KYI ZHAL MTHONG BA DANG, DE DAG GI BYIN GYI RLABS YANG DAG PAR SHES PA DANG, 'JIG RTEN GYI KHAMS DE SNYED CIG BSKYOD PA DANG, DE SNYED DAG TU 'GRO BA LA SOGS PA'I BRTZON 'GRUS RTZOM MO, ,'PHAGS PAS BCU PA LAS SA BCU PA CHOS KYI SPRIN ZHES BYA BA'I RNAM PAR BSHAD PA RDZOGS TE SA BCU RNAMS PAR BSHAD PA RDZOGS SO,, ,,RGYA GAR GYI MKHAN PO MANYDZU SHR'I GARBHA DANG, PRADZNY'A WARMA DANG, ZHU CHEN GYI LO TZ'A BA BANDE YE SHES SDE DANG, BANDE DPAL BRTZEGS KYIS BSGYUR TE ZHUS NAS GTAN LA PHAB PA,, ,,