@1A [DD] #, ,'PHAGS PA DGONGS PA NGES PAR 'GREL PA, BAM PO NYI SHU DRUG PA, GZHAN YANG DON DAM YANG DAG 'PHAGS SEMS CAN GANG DAG DANG PO NYID NAS DGE BA'I RTZA [DD] BA MA BSKYED PA, SGRIB PA YONGS SU MA DAG PA RGYUD YONGS SU MA SMIN PA, MOS PA MANG DU MA BSGOMS PA BSOD NAMS DANG YE SHES KYI TSOGS RNAM PA GNYIS MA BSAGS PA DAG LA ZHES BYA BA 'DI MAN CHAD NI GSUM PA GNAS SKABS LAS BRTZAMS NAS, NGO BO NYID MED PA RNAM PA GSUM RNAM PAR GZHAG PA'I DGONGS PA STON PAR MDZAD DO, ,'DI YANG RNAM PA GNYIS TE, GNAS SKABS LNGA LAS BRTZAMS NAS SKYE BA NGO BO NYID MED PA NYID BSTAN PA DANG, DE DAG DE LTAR ZHES BYA BA MAN CHAD KYIS SBYOR BA LA SOGS PA'I GNAS SKABS LAS BRTZAMS NAS NGO BO NYID MED PA NYID PHYI MA GNYIS BSTAN PA'O, ,YANG RNAL 'BYOR GYI SGO BRJOD NA GNAS SKABS RNAM PA LNGA YOD DE, BSTAN BCOS RNAM PAR RIG PA TZAM DU GRUB PA LAS JI SKAD DU, RNAM PAR RIG PA @2A *, ,TZAM GYIS GNAS SKABS RNAM PA LNGA JI LTAR KHONG DU CHUD CING 'JUG PAR 'GYUR ZHE NA, DANG PO TSOGS KYI GNAS SKABS NI 'DI LTA STE, THEG PA CHEN PO BSGOM PA RNAM PAR GROL BA'I CHA DANG MTHUN PA GANG YIN PA'O ZHES 'BYUNG STE, DE NI DAD PA BCU NAS YONGS SU BSNGO BA BCU'I BAR DAG GO, ,GNYIS PA SBYOR BA'I GNAS SKABS NI 'DI LTA STE, THEG PA CHEN PO BSGOM PA NGES PAR 'BYED PA'I CHA DANG MTHUN PA GANG YIN PA'O ZHES 'BYUNG STE, DE NI YONGS SU BSNGO BA RNAM PA BCU LAS BCU PA SEMS YONGS SU SBYONG BA ZHES BYA'O, ,GSUM PA RTOG PA'I GNAS SKABS NI 'DI LTA STE, BYANG CHUB SEMS DPA' RNAMS KYI MTHONG BA'I LAM LA GNAS PA GANG YIN PA'O, ,BZHI PA BSGOM PA'I GNAS SKABS NI 'DI LTA STE, BYANG CHUB SEMS DPA' RNAMS KYI BSGOM PA'I LAM LA GNAS PA GANG YIN PA'O, ,LNGA PA MTHAR PHYIN PA'I GNAS SKABS NI 'DI LTA STE, BLA NA MED PA YANG DAG PAR RDZOGS PA'I BYANG CHUB LA GNAS PA GANG YIN PA'O ZHES BSTAN PA LTA BU'O, ,'DIR MOD 'DI DANG SBYAR NA RNAM PA GNYIS SU DBYE STE, DANG PO GNAS SKABS LNGA LAS BRTZAMS NAS SKYE BA NGO BO NYID RNAM PAR 'BYED PA STE, @2B 'DI NI BSTAN BCOS RNAM PAR RIG PA TZAM DU GRUB PA LAS BSTAN PA'I TSOGS KYI LAM DANG PO DANG, DAD PA BCU'I MDUN ROL DU RNAM PAR GROL BA'I PHYOGS KYI DGE BA'I RTZA BA BSKYED PA DAG YIN NO, ,GNYIS PA NI SBYOR BA'I LAM LA SOGS PA LAS BRTZAMS NAS, NGO BO NYID MED PA PHYI MA GNYIS RNAM PAR 'BYED PA STE, 'DI NI BSTAN BCOS RNAM PAR RIG PA TZAM DU GRUB PA LAS BSTAN PA'I GNAS SKABS BAR MA GSUM PO DAG GO, ,MI SLOB PA'I GNAS SKABS NI MA GTOGS TE MNGON PAR 'DU BYED PA MED PA'I PHYIR RO, ,'DI NI DANG PO STE, 'DI YANG RNAM PA GSUM DU DBYE'O, ,BSTAN PA GSUNGS PA'I DGONGS PA BSTAN PA DANG, NGAS DE DAG GI PHYIR ZHES BYA BA MAN CHAD KYIS MOS PA JI LTA BA BZHIN DU YANG DAG PAR GSUNGS PA YIN PAR BSTAN PA DANG, DE DAG GIS CHOS DE THOS NAS ZHES BYA BA MAN CHAD KYIS BSTAN PA GSUNGS PA'I PHAN YON BSTAN PA STE, 'DI NI DANG PO'O, ,DGONGS PA DE LA YANG GNAS SKABS RNAM PA LNGA YOD DE, DANG PO DGE BA'I RTZA BA BSKYED PA'I GNAS SKABS NI 'DI LTA STE, DAD PA BCU'I MDUN ROL DU RNAM PAR GROL BA'I PHYOGS KYI DGE BA'I RTZA BA BSKYED PA GANG YIN PA'O, ,RNAM PAR GROL BA'I PHYOGS KYI DGE BA'I RTZA BA BSKYED PA'I CHOS NI DGE BSNYEN GYI TSUL KHRIMS BSTAN PA'I MDO LAS GSUNGS PA BZHIN DU RIG PAR BYA'O, ,GNYIS PA RNAM PAR DAG PA'I GNAS SKABS NI 'DI LTA STE, DAD PA BCU PO RNAMS TE 'DI LTAR CI NUS CI LCOGS KYIS SDIG PA'I LAS RNAMS SBYANG BA'I PHYIR RO, ,DE'I PHYIR DGONGS PA ZAB MO RNAM PAR DGROL BA'I MDO LAS, SDIG PA'I LAS YONGS SU MA DAG PA RNAMS SDIG PA'I LAS RNAMS YONGS SU DAG PAR BYED DO ZHES GSUNGS SO, ,RTEN CING 'BREL PAR 'BYUNG BA'I MDO LAS KYANG CHOS 'DI PA'I SO SO'I SKYE BO DANG THUN MONG MA YIN PA'I MA RIG PA SPANGS PA'I PHYIR SDIG PA'I LAS MI BYED DO ZHES GSUNGS SO, ,GSUM PA RGYUD YONGS SU SMIN PAR BYED PA'I GNAS SKABS NI 'DI LTA STE, SHES PA BCU'I GANG ZAG MNGON PAR YID CHES PA LA SOGS PAS RGYUD YONGS SU SMIN PAR BYED PA GANG YIN PA'O, ,DE'I @3A *, ,PHYIR DGONGS PA ZAB MO RNAM PAR DGROL BA'I MDO LAS, DE LA BRTEN NAS DGE BA'I RTZA BA YONGS SU SMIN PAR BYED PA'I PHYIR ZHES GSUNGS SO, ,BZHI PA MOS PA MANG DU BSGOM PA'I GNAS SKABS NI 'DI LTA STE, SPYOD PA RNAM PA BCU LA GNAS PA DAG LA NGES PA'I MOS PA MANG DU MNGON DU GYUR PA'I PHYIR RO, ,LNGA PA BSOD NAMS DANG YE SHES KYI TSOGS BSAGS PA'I GNAS SKABS NI YONGS SU BSNGO BA RNAM PA BCU LA GNAS PA DAG BSOD NAMS DANG YE SHES KYI TSOGS RNAM PA GNYIS PHUN SUM TSOGS PA'I PHYIR RO, , DE NI 'DI SKAD DU DGE BA'I RTZA BA MA BSKYED PA GANG YIN PA DE DAG DGE BA'I RTZA BA BSKYED PA NAS TSOGS MA RDZOGS PA GANG YIN PA DE DAG TSOGS YONGS SU RDZOGS PAR BYA BA'I BAR GYI PHYIR DE DAG LA SKYE BA NGO BO NYID MED PA BSTAN PA YIN NO ZHES BSTAN PAR 'GYUR RO, ,BSHAD PA'I RNAM GRANGS GZHAN DU NA TSIGS KYI GNAS SKABS KYI DNGOS PO LNGA'I BYE BRAG RNAM PAR 'BYED PA YIN GYI, GNAS SKABS RNAM PAR LNGA RNAM PAR GZHAG NAS SEMS BZHI BCU DANG SBYAR BA NI MA YIN NO ZHES STON TE, DNGOS PO LNGA'I BYE BRAG NI GONG DU BSTAN PA BZHIN NO, ,NGAS DE DAG GI PHYIR SKYE BA NGO PO NYID MED PA NYID LAS BRTZAMS NAS CHOS STON TO ZHES BYA BA NI GNYIS PA MOS PA JI LTA BA BZHIN DU YANG DAG PAR CHOS GSUNGS PA YIN PAR BSTAN PA'O, ,'DI LTAR SEMS CAN RNAMS DANG PO NYID NAS CHOS RNAMS KYI RTEN CING 'BREL PAR 'BYUNG BA'I RIGS PA KHONG DU MA CHUD PAS YANG DAG PA MA YIN PA'I SEMS KYI RGYU MED PA DANG, BDAG NYID KYI SKYE BAR 'DZIN PAS DE'I PHYIR BCOM LDAN 'DAS KYIS SKYE BA NGO BO NYID MED PA NYID LAS BRTZAMS NAS CHOS THAMS CAD NI RGYU LAS SKYES PA YIN GYI, BDAG NYID LAS NI MA YIN NO ZHES BSTAN TO ZHES BYA BA'I THA TSIG GO, ,DE DAG GIS CHOS DE THOS NAS RTEN CING 'BREL BAR 'BYUNG BA'I 'DU BYED LA CI NUS KYIS MI RTAG PA NYID DU SHES SHING MI BRTAN PA NYID DANG, YID BRTAN DU MI RUNG BA NYID DANG, 'GYUR BA'I CHOS CAN DU SHES NAS ZHES BYA BA LA SOGS PAS NI GSUM PA BSTAN PA GSUNGS PA'I PHAN @3B YON STON TO, ,'DI YANG PHAN YON RNAM PA BZHI YOD PAS DE NYID LAS RNAM PAR BZHIR DBYE STE, MI RTAG PA NYID KHONG DU CHUD PA'I PHAN YON DANG, SDANGS SHING SHIN TU SKYO BA'I PHAN YON DANG, SDIG PA LAS BZLOG NAS DGE BA SPYOD PA'I PHAN YON DANG, DNGOS PO LNGA PHUN SUM TSOGS PA'I PHAN YON NO, ,'DI NI DANG PO STE, DE LTAR BCOM LDAN 'DAS KYIS MA RIG PA'I RKYEN GYIS 'DU BYED CES BYA BA NAS RGA SHI'I BAR GANG YIN PA DE DAG NI DBANG PHYUG LA SOGS PA LAS BYUNG BA MA YIN PAR GSUNGS PA NYID KYIS SEMS CAN RNAMS CI NUS CI LCOGS KYI CHOS RNAMS MI RTAG CING MI BRTAN PA NYID NI MI RTAG PA YIN PAR SHES PA'I PHYIR RO, ,GZHAN YANG YID BRTAN DU MI RUNG BA NYID NI MYA NGAN LAS 'DAS PA LTAR SKYE BA DANG, 'GAG PA DANG BRAL BA'I PHYIR BRTAN PA NYID DU GNAS PA MA YIN PA DANG, GZHAN YANG 'DUS BYAS RNAMS NI SNGA MA 'GAGS NAS PHYI MA SKYE BAS RIM GYIS NYAMS SHING 'JIG PAR 'GYUR BAS 'GYUR BA'I CHOS NYID YIN PAR SHES PAR 'GYUR BAS SO, ,'DU BYED THAMS CAD LA YID DNGANG BAR BYED SHIN TU SKYO BAR BYED DO ZHES BYA BA NI GNYIS PA DNGANGS SHING SHIN TU SKYO BAR 'GYUR BA'I PHAN YON BSTAN PA STE, MDO 'DI NYID KYIS BRDA PHRAD PAR ZAD DO, ,YID DANG NGA BAR BYAS SHIN TU SKYO BAR BYAS NAS SDIG PA RNAMS LAS BZLOG STE, SDIG PA'I CHOS GANG YIN PA MI BYED CING DGE BA'I CHOS RNAMS BRTZON 'GRUS KYIS BRTEN PAR BYED DO ZHES BYA BA NI GSUM PA SDIG PA LAS BZLOG NAS DGE BA SPYOD PA'I PHAN YON BSTAN PA STE, MDO 'DI NYID KYIS BRDA PHRAD PAR ZAD DO, ,DGE BA LA BRTEN PA'I RGYUS DGE BA'I RTZA BA MA BSKYED PA RNAMS NI SKYED DO, ,SGRIB PA YONGS SU MA BYANG BA RNAMS KYANG YONGS SU SBYONG NGO, ,RGYUD YONGS SU MA SMIN PA YANG YONGS SU SMIN PAR BYED DE, RGYU DANG RKYEN DES NA MOS PA MANG DU BSGOM ZHING BSOD NAMS DANG YE SHES KYI TSOGS RNAM PA GNYIS KYANG MANG DU BSAGS PAR 'GYUR RO ZHES BYA BA NI BZHI PA DNGOS PO LNGA PHUN SUM TSOGS PA'I PHAN YON BSTAN PA STE, DNGOS PO LNGA RNAM PAR BSHAD PA NI SNGAR GONG DU BSTAN PA BZHIN DU RIG PAR BYA'O, , @4A *, ,DE DAG DE LTAR DGE BA'I RTZA BA RNAMS BSKYED PA NAS BSOD NAMS DANG YE SHES KYI TSOGS RNAM PA GNYIS BSAGS PA'I BAR DU 'GYUR MOD KYI, 'ON KYANG SKYE BA NGO BO NYID MED PA NYID LA MTSAN NYID NGO BO NYID MED PA NYID DANG, DON DAM PA NGO BO NYID MED PA NYID RNAM PA GNYIS YANG DAG PA JI LTA BA BZHIN DU MI SHES PAS ZHES BYA BA 'DI MAN CHAD NI GNYIS PA SBYOR BA LA SOGS PA'I GNAS SKABS LAS BRTZAMS NAS NGO BO NYID MED PA NYID PHYI MA BSTAN PA STON PAR MDZAD DO, ,'DI YANG RNAM PA GSUM DU DBYE STE, BSTAN PA GSUNGS PA'I DGONGS PA BSTAN PA DANG; DE BZHIN GSHEGS PAS DE DAG LA ZHES BYA BA MAN CHAD KYIS MOS PA JI LTA BA BZHIN DU YANG DAG PAR BSHAD PA BSTAN PA DANG, DE DAG GIS CHOS DE THOS NAS ZHES BYA BA MAN CHAD KYIS BSTAN PA GSUNGS PA PHAN YON BSTAN PA STE 'DI NI DANG PO'O, ,DANG PO YANG RNAM PA GNYIS SU DBYE STE, NGO BO NYID MED PA NYID RNAM PA GNYIS MI SHES PAR BSTAN PA DANG, NGO BO NYID MED PA MI SHES PA'I NYES DMIGS BSTAN PA STE 'DI NI DANG PO'O, ,'DI LTAR SEMS CAN RNAMS CHOS RNAMS NI RKYEN LAS BYUNG BA YIN GYI, DBANG PHYUG LA SOGS PAS BSKYED PA MA YIN PAR BSTAN PAR THOS PA'I DBANG GIS MI RTAG PA LA SOGS PA'I DON KHONG DU CHUD NAS BSOD NAMS DANG YE SHES KYI TSOGS RNAM PA GNYIS LA SOGS PA SOGS PAR BYED KYANG 'DUS BYAS KYI 'DU BYED RNAMS SGYU MA LA SOGS PA BZHIN DU YANG DAG PAR YOD PA MA YIN PAR SHES PAS CHOS RNAMS LA YANG DAG PA'I NGO BO NYID DU MNGON PAR ZHEN NAS MTSAN NYID NGO BO NYID MED PA NYID KHONG DU MI CHUD PA'AM YANG GONG DU BSTAN PA LTA BU'I DON DAM PA NGO BO NYID RNAM PA GNYIS KHONG DU MI CHUD DO ZHES BYA BA'I THA TSIG GO, ,'DU BYED THAMS CAD LAS YANG DAG PA JI LTA BA BZHIN DU SKYO BAR MI 'GYUR RO, ,YANG DAG PAR 'DOD CHAGS DANG BRAL BAR MI 'GYUR, YANG DAG PAR RNAM PAR GROL BAR MI 'GYUR ZHING, NYON MONGS PA'I KUN NAS NYON MONGS PA LAS KYANG YONGS SU GROL BAR MI 'GYUR, LAS KYI KUN NAS @4B NYON MONGS PA RNAMS LAS KYANG YONGS SU GROL BAR MI 'GYUR, SKYE BA'I KUN NAS NYON MONGS PA RNAMS LAS KYANG YONGS SU GROL PAR MI 'GYUR BAS ZHES BYA BA NI GNYIS PA NGO BO NYID MED PA MI SHES PA'I NYES DMIGS BSTAN PA'O, 'DI LTAR MTSAN NYID NGO BO NYID MED PA LA SOGS PA MI SHES PA'I PHYIR, 'DU BYED THAMS CAD LA YANG DAG PAR SKYO BA SOGS PAR MI 'GYUR BA'O, ,DE LA YANG DAG PA JI LTA BA BZHIN DU SKYO BA ZHES BYA BA NI SBYOR BA'I LAM MO, ,YANG DAG PAR 'DOD CHAGS DANG BRAL BA ZHES BYA BA NI PAR CHAD MED PA'I LAM MO, ,YANG DAG PAR RNAM PAR GROL BA LA SOGS PA NI RNAM PAR GROL BA'I LAM DANG, KHYAD PAR GYI LAM MO, ,NYON MONGS PA DANG, LAS DANG, SKYE BA'I KUN NAS NYON MONGS PA RNAM PA GSUM NI BSTAN BCOS THEG PA CHEN PO BSDUS PA DANG RNAM PAR RIG PA TZAM DU GRUB PA LAS BSTAN PA BZHIN DU RIG PAR BYA'O, ,DE BZHIN GSHEGS PAS DE DAG LA YANG CHOS STON PAR MDZAD PA 'DI LTA STE, MTSAN NYID NGO BO NYID MED PA NYID DANG DON DAM PA NGO BO NYID MED PA NYID DO ZHES BYA BA MAN CHAD NI GNYIS PA MOS PA JI LTA BA BZHIN DU YANG DAG PAR BSHAD PA STON TO, ,'DI YANG RNAM PA GNYIS TE BSTAN PA NYID YANG DAG PAR BSHAD PA BSTAN PA DANG, BSTAN PA GSUNGS PA'I DGONGS PA BSTAN PA'O, ,'DI NI DANG PO STE, 'DI LTAR YONGS SU BSNGO BA BCU LA GNAS PA DAG SBYOR BA LA SOGS PA BSGOM PA RNAMS BSTAN PA 'DI THOS PAR 'OS PA'I PHYIR GSUNGS PA YIN NO ZHES BYA BA'I THA TSIG GO, ,'DI LTAR DE DAG 'DU BYED THAMS CAD LAS YANG DAG PAR SKYO BAR BYA BA'I PHYIR DANG, YANG DAG PAR 'DOD CHAGS DANG BRAL BA'I PHYIR DANG, YANG DAG PAR RNAM PAR GROL BAR BYA BA'I PHYIR DANG, NYON MONGS PA'I KUN NAS NYON MONGS PA THAMS CAD LAS 'DA' BA'I PHYIR DANG, LAS KYI KUN NAS NYON MONGS PA THAMS CAD LAS 'DA' BA'I PHYIR DANG, SKYE BA'I KUN NAS NYON MONGS PA THAMS CAD LAS 'DA' BA'I PHYIR RO ZHES BYA BA NI GNYIS PA BSTAN PA GSUNGS PA'I DGONGS PA BSTAN PA'O, ,'DI LTAR SBYONG BA LA SOGS PA LA GNAS PA DAG DANG SBYOR BA LA SOGS PA'I LAM MYUR DU 'GRUB PA DANG, @5A *, ,KUN NAS NYON MONGS PA RNAM PA GSUM PO DAG LAS 'DA' BA'I CHED DU DE'I PHYIR YANG NGO BO NYID MED PA NYID RNAM PA GNYIS GSUNGS PA YIN NO ZHES BYA BA'I DON TO, ,DE DAG GIS CHOS DE THOS NAS SKYE BA NGO BO NYID MED PA NYID LAS MTSAN NYID NGO BO NYID MED PA DANG, DON DAM PA NGO BO NYID MED PA NYID DU YANG DAG PAR MOS PAR BYED, ,RAB TU RNAM PAR 'BYED PAR SEMS PAR BYED, YANG DAG PA JI LTA BA BZHIN DU RTOG PAR BYED PAS ZHES BYA BA LA SOGS PAS NI GSUM PA BSTAN PA GSUNGS PA'I PHAN YON STON TO, ,SBYOR BA'I GNAS SKABS LA GNAS PAS 'THOB PA'I PHAN YON BSTAN PA DANG, GZHAN GYI DBANG LA ZHES BYA BA MAN CHAD KYIS SA LA GNAS PA'I GNAS SKABS RNAM PA GNYIS KYI PHAN YON BSTAN PA'O, ,'DI NI DANG PO STE, SBYOR BA LA GNAS PAS 'THOB PA'I PHAN YON BSTAN PA'O, ,SBYOR BA LA GNAS PA DE YANG SO SO NAS BSHAD PA MI MTHUN TE, KHA CIG NA RE 'DI NI BSKAL BA GRANGS MED PA GNYIS PAR GTOGS PAS RAB TU DGA' BA'I NYE BA'I SBYOR BA YIN PA'I PHYIR JI LTAR MI LCOGS PA MED PA'I TING NGE 'DZIN NI BSAM GTAN DANG POR GTOGS PA LTA BU'O ZHE'O, KHA CIG NA RE YONGS SU BSNGO BA BCU LA GNAS PA YIN PAS BSKAL BA GRANGS MED PA DANG POR GTOGS TE, DA DUNGS LAM ZHUGS PA'I PHYIR RO ZHE'O, ,DE LTAR RNAM PA GNYIS SU BSHAD PA YOD MOD KYI, SLOB DPON CHOS SKYONG NI BSHAD PA SNGA MA LTAR 'DOD DE, BSTAN BCOS RNAM PAR RIG PA TZAM DU GRUB PA LAS JI SKAD DU, MTHONG BA'I LAM DANG NYE BA'I PHYIR SBYOR BA'I MING RNAM PAR GZHAG PA YIN TE, ,ZHES BSHAD PA LTA BU'O, ,GNAS SKABS 'DIR NGO BO NYID MED PA PHYI MA GNYIS BSHAD PA'I BSTAN PA THOS PA'I PHYIR YONGS SU TSOL BA BZHI DANG, YANG DAG PA JI LTA BA BZHIN DU SHES PA BZHI'I RNAL 'BYOR SGOM PAS DMIGS PA'I RNAM PAR SHES PA NI MI SPONG LA, GZUNG BA NI STONG BA NYID DU RTOGS NAS RAB TU SEL BAR BYED PA GANG YIN PA DE NI MTSAN NYID NGO BO NYID MED PA NYID YIN NO, ,NGO BO NYID MED PA DES RAB TU PHYE BA'I DON DAM PA YIN PA DE NI DON DAM PA NGO BO NYID MED PA NYID CES BYA'O, ,RGYA CHER RNAM @5B PAR 'BYED PA NI BSTAN BCOS RNAM PAR RIG PA TZAM DU GRUB PA LAS BSTAN PA BZHIN DU RIG PAR BYA STE, DE'I PHYIR 'DIR NGO BO NYID MED PA RNAM PA GNYIS RAB TU RNAM PAR 'BYED PAR BYED, SEMS PAR BYED PA ZHES GSUNGS PA NI YONGS SU TSOL BA BZHI PO NYID LA BYA'O, ,YANG DAG PA JI LTA BA BZHIN DU RTOGS PAR BYED CES GSUNGS PA NI YANG DAG PA JI LTA BA BZHIN DU YONGS SU SHES PA BZHI PO DAG NYID DO, ,GZHAN YANG RAB TU RNAM PAR 'BYED PA DANG, SEMS PAR BYED PA NI YONGS SU TSOL BA BZHI'I GNAS SKABS SO, ,YANG DAG PA JI LTA BA BZHIN DU RTOGS PAR BYED PA NI SA DANG PO YAN CHAD RAB TU RTOGS PA'I GNAS SKABS SO, ,GZHAN GYI DBANG GI NGO BO NYID LA KUN BRTAGS PA'I NGO BO NYID KYI MTSAN NYID DU MNGON PAR ZHEN PAR MI BYED DE ZHES BYA BA 'DI MAN CHAD NI GNYIS PA SA LA GNAS PA'I GNAS SKABS RNAM PA GNYIS KYI PHAN YON ZHES BYA BA STON TO, ,'DI YANG PHAN YON RNAM PA DRUG YOD PA NYID KYIS RNAM PA DRUG TU DBYE STE, BRTAGS PA'I MTSAN NYID RAB TU SEL BA DANG, RGYU RNAM PA GSUM MI SKYED PA DANG, GZHAN GYI DBANG 'GOG PA DANG, MA 'ONGS PA'I RGYU SPONG BA DANG, LAM RNAM PA GSUM RAB TU 'DREN PA DANG, KUN NAS NYON MONGS PA RNAM PA GSUM DANG BRAL BA'O, ,'DI NI DANG PO STE, 'DI LTAR SA LA GNAS PA RNAM PA GNYIS KYIS GONG DU BSTAN PA'I NGO BO NYID MED PA GNYIS THOB PA'I PHYIR KUN BRTAGS PA'I NGO BO NYID LA MNGON PAR ZHEN PAR MI 'GYUR BA'O, ,'DI LTAR THA SNYAD KYIS YONGS SU MA BSGOS PA'I PHYIR DANG, THA SNYAD SHES PA DANG MI 'BRAL BA'I PHYIR DANG, THA SNYAD BAG LA NYAL GYI SHES PA DANG BRAL BA'I PHYIR ZHES BYA BA NI GNYIS PA RGYU RNAM PA GSUM MI SKYED PA STE, 'DI LTAR MNGON PAR ZHEN PA MED PA'I PHYIR RGYU RNAM PA GSUM MNGON PAR MI 'GRUB LA, RGYU MNGON PAR MA GRUB PA'I PHYIR SHES PA RNAM PA GSUM SKYE BAR 'GYUR RO, ,DE LA SHES PA RNAM PA GSUM NI THA SNYAD KYIS YONGS SU MA BSGOS PA'I SHES PA DANG, THA SNYAD SHES PA DANG MI 'BRAL BA'I SHES PA DANG, THA SNYAD BAG LA NYAL DANG BRAL BA'I SHES @6A *, ,PA'O, ,SHES PA RNAM PA GSUM PO DE DAG LA YANG BSHAD PA RNAM PA GNYIS YOD DE, KHA CIG NA RE YUL MI THOB PA NI 'DI LTA STE, RJES LAS THOB PA'I SHES PA YUL RNAM PA GSUM LA DMIGS NAS SKYE BAS SHES PA GSUM GYI MING RNAM PAR GZHAG PA GANG YIN PA'O ZHE'O, ,KHA CIG NA RE RGYU LAS MI THOB PA NI 'DI LTA STE, NGO BO NYID MED PA RNAM PA GNYIS KYI SHES PA RGYU RNAM PA GSUM LAS BYUNG BA'I PHYIR MING RNAM PA GSUM DU RNAM PAR GZHAG PA GANG YIN PA'O ZHE'O, ,GZHAN GYI DBANG GI MTSAN NYID 'GOG PAR BYED LA ZHES PA NI GSUM PA GZHAN GYI DBANG GI NGO BO NYID 'GOG PA STE, 'DI LTAR RGYU RNAM PA GSUM MA BSKYED PAS NI SHES PA GSUM MNGON PAR 'GRUB PAR 'GYUR LA SHES PA GSUM GYI DBANG GIS NI GZHAN GYI DBANG 'GOG PAR 'GYUR RO, ,ZHES BYA BA'I THA TSIG GO, MTHONG BA'I CHOS LA SHES PA'I STOBS KYIS YONGS SU GZUNG BAS MA 'ONGS PA'I RGYU YANG GTAN DU SPONG BAR BYED CES BYA BA NI BZHI PA MA 'ONGS PA'I RGYU SPONG BAR BSTAN PA STE, 'DI LTAR SHES PA GSUM GYIS GZHAN GYI DBANG BKAG PA'I PHYIR NI MTHONG BA'I CHOS LA SBYOR BA'I SHES PA DANG LDAN PAR 'GYUR LA, SBYOR BA'I SHES PAS YONGS SU GZUNG BA'I PHYIR NI RTZA BA'I SHES PAS MA 'ONGS PA'I RGYU GTAN DU SPONG BAR 'GYUR BA'O, ,RGYU DANG RKYEN DES 'DU BYED THAMS CAD LAS YANG DAG PAR SKYO BA DANG, YANG DAG PAR 'DOD CHAGS DANG BRAL BA DANG, YANG DAG PAR RNAM PAR GROL BAR 'GYUR ZHES BYA BA NI LNGA PA LAM GSUM RAB TU 'DREN PA STON TE, 'DI LTA STE, SBYOR BA DANG BAR CHAD MED PA DANG, RNAM PAR GROL BA'I LAM MO, ,NYON MONGS PA DANG LAS DANG SKYE BA'I KUN NAS NYON MONGS PA RNAM PA GSUM LAS KYANG YONGS SU GROL BAR 'GYUR RO ZHES BYA BA NI DRUG PA KUN NAS NYON MONGS PA RNAM PA GSUM DANG BRAL BAR 'GYUR BA STE, MDO 'DI NYID KYIS BRDA PHRAD PAR ZAD DO, ,GZHAN YANG DON DAM YANG DAG 'PHAGS NYAN THOS KYI THEG PA'I RIGS CAN GYI SEMS CAN RNAMS KYIS KYANG LAM 'DI NYID DANG, SGRUB PA'I GNAS 'DI NYID KYI PHYIR BLA NA MED PA'I BDE BA MYA NGAN LAS 'DAS @6B PA THOB PAR 'GYUR LA, RANG SANGS RGYAS KYI THEG PA'I RIGS CAN GYI SEMS CAN DANG, DE BZHIN GSHEGS PA'I THEG PA'I RIGS CAN GYI SEMS CAN RNAMS KYIS KYANG LAM 'DI NYID DANG, SGRUB PA'I GNAS 'DI NYID KYI PHYIR BLA NA MED PA'I BDE BA MYA NGAN LAS 'DAS PA THOB PAR 'GYUR BAS ZHES BYA BA 'DI MAN CHAD NI BZHI PA NGO BO NYID MED PA RNAM PA GSUM GYI RNAL 'BYOR LAS BRTZAMS NAS THEG PA GCIG PA'I DON RNAM PAR DBYE BA STON PAR MDZAD DO, ,'DI YANG RNAM PA GSUM DU DBYE STE, 'PHAGS PA'I LAM LAS BRTZAMS NAS THEG PA GCIG PA'I DON RNAM PAR 'BYED PA DANG, RIGS KYI BU ZHES BYA BA MAN CHAD KYIS ZHI BA LA SOGS PA'I NYAN THOS NGES PAR MNGON PAR 'TSANG MI RGYA BAR BSTAN PA DANG, NYAN THOS BYANG CHUB TU YONGS SU 'GYUR BA ZHES BYA BA MAN CHAD KYIS YONGS SU 'GYUR BA'I NYAN THOS NGES PAR MNGON PAR 'TSANG RGYA BAR BSTAN PA'O, ,DE DAG KYANG MDOR BSDU NA 'DI SKAD DU STON TE DANG POS NI RIG PA RNAM PA GSUM LAS BRTZAMS NAS DE BZHIN GSHEGS PAS THABS KYI THEG PA GCIG TU GSUNGS PA YIN TE, YANG DAG PA'I DON DU NA THEG PA GSUM TSANG BAR YOD PAS SO SO NAS KUN KYANG LHAG MA MED PA MTHAR PHYIN PA'I MYA NGAN LAS 'DAS PA THOB PAR 'GYUR RO ZHES STON TO, ,'PHAGS PA PHRENG LDAN MA'I MDO LAS KYANG DON DE SKAD DU STON PAR MDZAD DO, ,GNYIS PAS NI RIGS NGES PA'I THEG PA GNYIS PO DAG NI THEG PA PA GNYIS KYI LHAG MA MED PA'I MYA NGAN LAS 'DAS PA KHO NA THOB KYI, DES PAR PHYIS MNGON PAR RDZOGS PAR 'TSANG RGYA BAR 'GYUR BA'I DON MED CES STON TE, DE'I PHYIR BSTAN BCOS RNAL 'BYOR SPYOD PA'I SA LAS THEG PA PA GNYIS KYIS THOS PA'I LHAG MA MED PA'I MYA NGAN LAS 'DAS PA LA NI DE BZHIN DU RNAM PAR DAG PA'I CHOS KYI DBYINGS KHO NA YOD PA NYID DO, ,ZHES BSHAD PA YIN NO, ,GSUM PAS NI NGES PA'I RIGS CAN YONGS SU 'GYUR BA'I NYAN THOS NI NGES PAR MNGON PAR RDZOGS PAR 'TSANG RGYA BAR 'GYUR RO, ,ZHES STON TE, DE'I PHYIR DAM PA'I CHOS PADMA DKAR PO'I MDO'I NANG NAS THABS KYI LE'U LAS, THEG PA GNYIS KYI RIGS CAN YANG DAG PA'I @7A *, ,DON DU NGES PAR MNGON PAR RDZOGS PAR 'TSANG RGYA BAR 'GYUR BAR BSTAN PA YIN TE, BSHAD PA 'DI DANG SBYAR NA, THABS KYI SGO NAS GSUM DU BSTAN PA YIN GYI YANG DAG PA'I DON DU NA GCIG KHO NAR ZAD DE, DE'I PHYIR DAM PA'I CHOS PADMA DKAR PO'I MDO LAS, ,PHYOGS BCU'I SANGS RGYAS ZHING DAG NA, ,THEG PA GCIG GI CHOS KHO NA, ,GNYIS DANG GSUM ZHES BYA BA MED, ,SANGS RGYAS THABS KYIS BSTAN MA GTOGS, ,ZHES GSUNGS SO, ,'PHAGS PA DAM PA'I CHOS PADMA DKAR PO DANG, PHRENG LDAN MA'I MDO 'DI SO SO NAS DON RE RE SMOS PA YIN LA, MDO 'DI NI DON GNYIS DANG LDAN PA'I PHYIR 'PHAGS PA DGONGS PA ZAB MO NGES PAR 'GREL BA'I MDO NI NGES PA'I DON STON PA'I MCHOG TU GYUR BA YIN NO, ,DE LA DANG PO YANG RNAM PA GSUM DU DBYE STE, THEG PA BA GSUM PO DAG SO SO NAS RANG GI THEG PAS LHAG MA MED PA'I MYA NGAN LAS 'DAS PA THOB PAR BSTAN PA DANG, 'PHAGS PA'I LAM LAS BRTZAMS NAS THABS KYIS GCIG TU GSUNGS PAR BSTAN PA DANG, YANG DAG PA'I DON DU NA THEG PA GSUM PO DAG LA BYE BRAG YOD PAR BSTAN PA'O, ,'DI NI DANG PO STE, 'DI LTAR THEG PA GSUM GYI RIGS CAN DAG SO SO NAS NGO BO NYID MED PA SHIN TU YONGS SU DAG PA'I LAM GYIS LHAG MA MED PA'I MYA NGAN LAS 'DAS PA GYA NOM PA THOB PAR 'GYUR BAS SO, ,DE YANG 'PHAGS PA'I LAM GYI DON YIN PA'I PHYIR LAM ZHES BYA'O, ,'PHAGS PA'I LAM DE NYID 'PHAGS PA RNAMS KYIS BGROD PAR BYA BA YIN PAS GRUB PA'I GNAS ZHES BYA'O, ,LAM DANG GNAS DE DAG GI DBANG GIS NYON MONGS PA RNAMS DANG, ZAG PA DANG BCAS PA'I SDUG BSNGAL GYI LUS DANG BRAL BA NAS RTAG PA DANG ZHI BA'I BDE BA THOB PAR 'GYUR BAS DE'I PHYIR BDE BA'I MYA NGAN LAS 'DAS PA ZHES BYA'O, ,NYAN THOS DANG, RANG SANGS RGYAS DANG, BYANG CHUB SEMS DPA' THAMS CAD KYANG SHIN TU RNAM PAR DAG PA'I LAM 'DI GCIG THUN MONG DU GYUR BA YIN LA, MTHAR PHYIN PA'I RNAM PAR DAG PA YANG GCIG STE, GNYIS PA GANG YANG MED PAS NGAS DE LAS @7B DGONGS NAS THEG PA NI GCIG KHO NA'O ZHES BSTAN ZHES BYA BA NI GNYIS PA THABS KYIS GCIG TU GSUNGS PAR BSTAN PA'O, ,DE LA NYAN THOS ZHES BYA BA LA 'PHAGS PA'I BSTAN PA RNAMS NI SGRA GTZO BOR GYUR BAS SLOB DPON DANG DGE BA'I BSHES GNYEN LAS BSTAN PA'I SGRA THOS PA GCIG NAS GCIG TU BRGYUD CING BSGOMS PAS 'JIG RTEN LAS GTAN DU 'DAS PA STE, SPYOD PA CHUNG ZHING 'BRAS BU MI CHE BA'I PHYIR NYAN THOS ZHES BYA'O, ,RANG SANGS RGYAS ZHES BYA BA NI RTAG PAR RAB TU DBEN ZHING ZHI BA LA MOS PA DANG 'DU 'DZI LA MI DGA' BA SBYOR BA SGRUB PA YONGS SU RDZOGS PA SLOB DPON DANG DGE BA'I BSHES GNYEN GYI LUNG MED PAR BDAG NYID KYIS RTOGS NAS 'JIG RTEN LAS GTAN DU 'DAS PA STE, SPYOD PA 'BRING DANG 'BRAS BU 'BRING YIN PA'I PHYIR RANG SANGS RGYAS ZHES BYA'O, ,YANG NA RTEN CING 'BREL BAR 'BYUNG BA'I RTOG PA LA LTOS NAS 'PHAGS PA'I 'BRAS BU KHONG DU CHUD PA'I PHYIR RKYEN LAS SANGS RGYAS PA ZHES KYANG BYA'O, ,BYANG CHUB SEMS DPA' ZHES BYA BA NI BYANG CHUB CHEN PO RE ZHING YONGS SU TSOL BA DANG, SEMS CAN LA SNYING BRTZE BA 'AM, YANG NA BYANG CHUB GNYER BA LA YI DAM BRTAN CING DPA' BAS YUN RING POR BSGRUBS NAS 'JIG RTEN LAS GTAN DU 'DAS PA STE, SPYOD PA CHE ZHING 'BRAS BU CHE BA'I PHYIR BYANG CHUB SEMS DPA' ZHES BYA STE, RGYA CHER NI BSTAN BCOS RNAL 'BYOR SPYOD PA'I SA'I 'GREL BA LAS BSTAN PA BZHIN NO, ,DE NI 'DI SKAD DU 'DI LTAR THEG PA GSUM PO DE DAG SHIN TU RNAM PAR DAG PA NGO BO NYID MED PA'I LAM 'DIR GCIG THUN MONG DU GYUR BAS LAM 'DI NYID LA MTHAR PHYIN PA'I RNAM PAR DAG PA ZHES BYA STE, LAM 'DI KHO NAR ZAD DE, GTAN GNYIS PA GANG YANG MED PA'I PHYIR, LAM GCIG TU GYUR PA 'DI NYID LAS DGONGS NAS THEG PA GCIG KHO NA'O ZHES GSUNGS PA YIN NO ZHES BSTAN PAR 'GYUR TE, DE'I PHYIR DGONGS PA ZAB MO RNAM PAR DGROL BA'I MDO LAS, RNAM PAR DAG PA'I LAM GCIG KHO NAR ZAD DE GNYIS PA GANG YANG MED DO ZHES 'BYUNG GI, MTHAR PHYIN PA'I RNAM PAR DAG PA ZHES BYA BA GZHAN MI 'BYUNG BAS DE'I PHYIR MTHAR @8A *, ,PHYIN PA'I RNAM PAR DAG PA NI SHIN TU RNAM PAR DAG PA'I LAM GCIG LA BYA BAR MNGON NO, ,GZHAN YANG GCIG CES BYA BA NI RNAM PA GSUM STE, DANG PO NI LAM GCIG PA'I PHYIR GCIG CES BYA'O, ,GNYIS PA NI 'BRAS BU GCIG PA'I PHYIR GCIG CES BYA'O, GSUM PA NI DON GCIG PA'I PHYIR GCIG CES BYA'O, ,MDO'I TSIG 'DI YANG SBYAR NA RNAM PA GNYIS SU 'GYUR TE, SHIN TU RNAM PAR DAG PA'I LAM ZHES GSUNGS PA NI LAM GCIG KHO NA NYID DO, MTHAR PHYIN PA'I RNAM PAR DAG PA ZHES GSUNGS PA NI 'BRAS BU GCIG PA NYID DE, GCIG PA NYID RNAM PA GNYIS PO DE LAS GZHAN GNYIS PA GANG YANG MED PA'I PHYIR DE LAS DGONGS NAS THEG PA GCIG KHO NA'O ZHES GSUNGS PA YIN GYIS, 'OG NAS BSTAN PA LTAR DON THA DAD PA MED PA LAS BRTZAMS PA'I PHYIR THEG PA GCIG CES BSTAN PA LTA BU NI MA YIN NO ZHES BYA BA'I THA TSIG GO, ,THEG PA ZHES BYA BA DE YANG SANGS RGYAS NYAG GCIG KHO NA'I THEG PA STE, DE'I PHYIR 'PHAGS PA PHRENG LDAN MA'I MDO LAS, NYAN THOS DANG RANG SANGS RGYAS RNAMS KYANG THEG PA CHEN PO LA 'JUG PAR 'GYUR TE, THEG PA CHEN PO ZHES BYA BA NI SANGS RGYAS KYI THEG PA'O ZHES GSUNGS SO, GZHAN YANG DAM PA'I CHOS PADMA DKAR PO'I MDO LAS, ,PHYOGS BCU'I SANGS RGYAS ZHING DAG NA, ,THEG PA GCIG GI CHOS KHO NA, ,GNYIS DANG GSUM ZHES BYA BA MED, ,CES GSUNGS SO, ,YANG CHOS KYI SKU LAS THEG PA GCIG TU BSTAN TE, DE'I PHYIR DAM PA'I CHOS PADMA DKAR BO'I MDO'I 'GREL BA LAS, 'DI LTAR DE BZHIN GSHEGS PA'I CHOS KYI SKU DANG, NYAN THOS KYI CHOS KYI SKU THA DAD PA MED PA'I PHYIR LUNG BSTAN PA YIN NO ZHES 'BYUNG STE, PHYIS RNAM PAR DBYE BAR BYA'O, ,'DI NI RNAM PAR BSHAD PA DRUG LAS GRANGS DANG BCAS PA'I RNAM PAR BSHAD PA'O, ,DE LA NGO BO NYID RNAM PAR BSHAD PA YANG LONGS SPYOD RDZOGS PA'I SKU GANG YIN PA DE NI YE SHES BZHI'I SEMS KYI RNAM PAS PHUNG PO LA SOGS PA BSDUS PA'I NGO BO NYID DO, ,CHOS KYI SKU GANG YIN PA DE NI DE BZHIN NYID KYI NGO BO NYID DE THEG PA GCIG GI SGO NI @8B BSTAN PA DANG, DON DANG SGRUB PA DANG, 'BRAS BU RNAMS LA THEG PA GCIG CES BSTAN TO, ,THEG PA GCIG PA'I DON DE YANG 'PHAGS PA'I GSUNG RAB KYANG RNAM PA MNGAL [?] LO TZ'A BA DAG GIS BSGYUR BA YANG GCIG KHO NA MA YIN TE, DGONGS BDAG SHIN TU ZAB PAS, DE'I PHYIR GSAR RNYING SO SO NAS RTZOD PA'I GZHIR GYUR BA YIN NO, ,DE LA DANG PO'I NI YANG DAG BDEN PA LA SOGS PA SLOB DPON KHA CIG DAM PA'I CHOS PADMA DKAR PO LA SOGS PA'I MDO DANG BSTAN BCOS DAG LA BRTEN NAS, THAMS CAD KYANG 'DI SKAD DU, SEMS CAN THAMS CAD LA SANGS RGYAS KYI RANG BZHIN YOD DO ZHES BSTAN TE, DE'I PHYIR 'PHAGS PA MYA NGAN LAS 'DAS PA CHEN PO'I MNGO LAS, SRID PA NYI SHU LNGA PO DAG LA BDAG MCHIS PA ZHIG LAGS SAM, BCOM LDAN 'DAS KYIS BKA' STZAL PA, RIGS KYI BU BDAG CES BYA BA NI DE BZHIN GSHEGS PA'I SNYING PO'I DON YIN TE, SEMS CAN THAMS CAD LA SANGS RGYAS KYI RANG BZHIN YOD PAS DO NI BDAG CES BYA BA'I DON TO ZHES GSUNGS PA DANG, GZHAN YANG DE NYID LAS, SEMS CAN DANG SANGS RGYAS KYI RANG BZHIN NI GCIG PA YANG MA YIN THA DAD PA YANG MA YIN PAS SANGS RGYAS RNAMS DANG, MTSUNGS PA NI JI LTAR NAM MKHA' SEMS CAN THUN MONG DU YOD PA BZHIN NO ZHES GSUNGS PA DANG, GZHAN YANG DE NYID LAS, DE LA SENG GE'I SGRA BSGRAGS PA ZHES BYA BA NI NGES PAR SEMS CAN THAMS CAD LA SANGS RGYAS KYI RANG BZHIN YOD PAR BSTAN PA'O ZHES GSUNGS PA DANG GZHAN YANG DE NYID LAS DPER NA GANG ZHIG LA, 'O MA DANG ZHO YONG PAS KHA CIG GIS DE LA KHYOD LA MAR YOD DAM ZHES DRIS PA DANG, SMRAS PA, BDAG LA ZHO YOD KYI YANG DAG PAR MAR NI MA YIN NO ZHES ZER RO, ,THABS MKHAS PA GANG YIN PA DE NI PHYIS THOB PA LAS BSAMS NAS DE'I PHYIR MAR YOD DO ZHES ZER RO, ,SEMS CAN RNAMS KYANG DE BZHIN TE THAMS CAD LA SEMS YOD DO, JI TZAM DU SEMS YOD PA GANG YIN PA DE NI BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR BAS DON DE'I PHYIR NGAS SEMS CAN THAMS CAD LA SANGS RGYAS KYI RANG @9A *, ,BZHIN YOD DO ZHES GSUNGS PA DANG, GZHAN YANG DE NYID LAS, SEMS CAN THAMS CAD NI SANGS RGYAS KYI RANG BZHIN YOD PAR GSUNGS PA DANG, THEG PA GCIG TU MTSUNGS PA DANG RNAM PAR GROL BA GCIG TU MTSUNGS PA DANG, RGYU GCIG PA DANG, 'BRAS BU GCIG PA DANG, BDUD RTZI GCIG PA THAMS CAD KYIS RTAG PA DANG, BDE BA DANG, NGA DANG YONGS SU GTZANG BA THOB PAR 'GYUR BA GANG YIN PA DE NI RO GCIG PA NYID CES BYA'O ZHES GSUNGS SO, ,GZHAN YANG DAM PA'I CHOS PADMA DKAR PO'I MDO LAS, PHYOGS BCU'I SANGS RGYAS ZHING DAG NI, ,THEG PA GCIG GI CHOS KHO NA, ,GNYIS DANG GSUM ZHES BYA BA MED, ,SANGS RGYAS THABS KYIS BSTAN MA GTOGS, ,ZHES GSUNGS PA DANG, GZHAN YANG DE NYID LAS, ,DNGOS PO 'DI GCIG BDEN PA STE, ,GZHAN GNYIS PO DAG BDEN PA MIN, ,ZHES GSUNGS SO, ,GZHAN YANG PHRENG LDAN MA'I MDO LAS, NYAN THOS DANG RANG SANGS RGYAS DAG KYANG THEG PA CHEN PO LA 'JUG PAR 'GYUR RO ZHES GSUNGS SO, ,GZHAN YANG LHA'I BU SU CAN GYIS ZHES PA'I MDO LAS, 'JAM DPAL GYIS SMRAS PA, THAMS CAD NGES PAR SANGS RGYAS SU 'GRUB PAR 'GYUR BAS, KHYOD THE TSOM ZA BAR MI BYA'O, ,DE CI'I PHYIR ZHE NA, THAMS CAD KYIS DE BZHIN GSHEGS PA'I 'TSANG RGYA BA THOB PAR BYA BA'I PHYIR RO ZHES GSUNGS SO, ,RGYA CHER NI 'DI NYID LAS BSHAD PA BZHIN NO, ,GZHAN YANG 'PHAGS PA LANG KAR GSHEGS PA'I MDO LAS, 'DOD CHEN PO NI RNAM PA GNYIS TE, DGE BA'I RTZA BA THAMS CAD BSREGS PA DANG, SEMS CAN THAMS CAD LA SNYING BRTZE ZHING 'KHOR BA'I MTHA' JI SRID PAR SMON LAM BTAB PA STE, RNAM PA GNYIS LAS PHYI MA GCIG NGES PAR MNGON PAR RDZOGS PAR 'TSANG MI RGYA STE, ZHIB TU DE NYID LAS BSTAN PA BZHIN NO, ,'PHAGS PA LANG KAR GSHEGS PA BAM PO BZHIR BYAS PA LAS TSIG MI MTHUN YANG DON 'DI DANG MTHUN PAR 'BYUNG BAS, MDO SDE 'DI DAG LAS GSUNGS PA DANG SBYAR NA RIGS MED PA'I SEMS CAN YANG SANGS RGYAS SU 'GRUB PAR 'GYUR RO ZHE'O, GZHAN YANG THEG PA CHEN @9B PO BSDUS PA'I 'GREL PA MI MTHUN PA RNAM PA GCIG LAS, YONGS SU SKYO BA'I THEG PA LNGAS LAS BYED DO ZHES BYA BA DANG, GZHAN YANG DE NYID LAS DBANG PO DANG RIGS MA NGES PA'I NYAN THOS DE DAG KYANG THEG PA CHEN PO BSGOM PAR RNAM PAR GZHAG PA'I PHYIR RO ZHES 'BYUNG STE, DE LA DAD PA LA SOGS PA'I DBANG PO THOB PA GANG YIN PA DE YANG DBANG PO NGES PA ZHES MI BYA STE, 'PHAGS PA'I 'BRAS BU MI THOB PA'I PHYIR RO, ,MI SHES PA KUN SHES PA LA SOGS PA'I DBANG PO GSUM PO DAG THOB PA GANG YIN PA DE NI NGES PA'I DBANG PO ZHES BYA STE, 'DI LTAR 'PHAGS PA'I 'BRAS BU THOB PA'I PHYIR RO, ,RTZE MO LA GNAS PA GANG YIN PA DE YANG DBANG PO NGES PA ZHES MI BYA STE, 'DI LTAR NGAN 'GRO RNAM PA BZHI DANG DA DUNG MA BRAL BA'I PHYIR RO, ,BZOD PA LA GNAS PA GANG YIN PA DE NI NGES PA'I RIGS CAN ZHES BYA STE, NGAN 'GRO RNAM PA BZHI DANG BRAL BA'I PHYIR RO, ,NYAN THOS GANG DBANG PO DANG RIGS NGES PA NYID DU MA GYUR PA GANG YIN PA DE DAG NI DMAN PA LAS CHEN POR BSGYUR DU RUNG NGO, ,DPANG PO DANG RIGS NGES PA THOB PA GANG YIN PA DE DAG NI BSGYUR DU MI RUNG NGO, ,NYAN THOS 'DI LTA BU DAG LA DMAN PA LAS CHEN POR YONGS SU BSGYUR BA'I DON YOD PA MA YIN NA CI'I PHYIR THEG PA GCIG TU GSUNGS, THEG PA CHEN PO'I BSTAN PA DANG SBYAR NA CI TZAM DU BYANG CHUB SEMS DPA'I LAM LA RTZE GCIG TU MI BSGOM PA GANG YIN PA DE DAG NI DBANG PO DANG RIGS MA NGES PA ZHES BYA'O ZHES BSTAN PA'I PHYIR, NYAN THOS THAMS CAD LA DMAN PA LAS CHEN POR YONGS SU BSGYUR BA'I DON YOD PAS THEG PA CHUD DU PA'I GANG ZAG 'DI LTA BU DAG KYANG THEG PA CHEN PO SGRUB TU GZHUG PAR MDZAD PA YIN NO ZHE'O, ,GZHAN YANG SHES RAB KYI PHA ROL TU PHYIN PA'I 'GREL PA LAS LAM NI RNAM PA BZHI YOD DE, LHA DANG MI'I LAM DANG THEG PA GSUM GYI LAM DANG BZHI'O, ,BYANG CHUB SEMS DPA'I CHOS NI SEMS CAN DRANGS NAS THEG PA CHEN PO'I LAM LA RAB TU DGOD PA YIN YANG GANG THEG PA CHEN PO'I LAM LA 'JUG PA'I 'OS SU MI RUNG BA DE DAG NI THEG PA 'OG MA GNYIS LA 'JOG BAR BYED DO, ,GANG MYA NGAN LAS 'DAS PAR 'JUG PA'I 'OS SU MI 'GYUR BA DE DAG NI LHA DANG MI'I @10A *, ,BSOD NAMS DANG BDE BA LA BKOD NAS MYA NGAN LAS 'DAS PA'I RGYU SGRUB TU GZHUG PAR BYED DO ZHES 'BYUNG NGO, ,GZHAN YANG DAM PA'I CHOS PADMA DKAR PO'I 'GREL PA LAS, NYAN THOS NI RNAM PA BZHI STE, NGES PA DANG, MNGON PA'I NGA RGYAL CAN DANG, BYANG CHUB LAS PHYIR LDOG PA DANG, SPRUL PA'I NYAN THOS SO, ,NYAN THOS RNAM PA GNYIS NI DE BZHIN GSHEGS PAS LUNG BSTAN PAR MDZAD DO, ,'DI LTA STE SPRUL PA'I NYAN THOS DANG SNGAR LOG PA LAS YANG BYANG CHUB TU SEMS BSKYED PA'O, ,DES PA DANG MNGON PA'I NGA RGYAL CAN GYI NYAN THOS RNAM PA GNYIS NI DBANG PO YONGS SU MA SMIN PA'I PHYIR DE BZHIN GSHEGS PAS LUNG STON PAR MI MDZAD KYI, BYANG CHUB SEMS DPA' DAG GIS LUNG STON PAR BYED PA NI THABS KYIS SEMS BSKYED DU GZHUG PA'I PHYIR RO ZHES 'BYUNG BAS BSTAN PA 'DI DANG SBYAR NA GDON MI ZA BAR RIGS MED PA'I SEMS CAN ZHES BYA BA YANG MED LA, RIGS NGES PA'I NYAN THOS DANG, RANG SANGS RGYAS GTAN DU SANGS RGYAS SU MI 'GRUB PO ZHES BYA BA YANG MED DO, ,DGONGS PA ZAB MO RNAM PAR DGROL BA'I MDO DANG, BSTAN BCOS RNAL 'BYOR SPYOD PA'I SA LA SOGS PA LAS, NGES PAR SANGS RGYAS SU MI 'GRUB PO ZHES GSUNGS PA NI DBANG PO YONGS SU MA SMIN PA'I DUS KYI CHA LA LTOS NAS BSTAN PA YIN GYI, GDON MI ZA BAR SANGS RGYAS SU MI GRUB PA'I PHYIR NI MA YIN TE, DE'I PHYIR BSTAN BCOS RIN PO CHE'I NGO BO NYID BSTAN PA LAS 'DI LTAR 'DOD CHEN PA RNAMS KYANG MYA NGAN LAS MI 'DA' ZHING MYA NGAN LAS 'DA' BA'I RIGS MED DO ZHES BSTAN PA DE'I DON JI LTA BU ZHE NA, THEG PA CHEN PO LA SKUR PA BTAB PA'I RGYU RAB TU BSTAN PA'I PHYIR DANG, DUS TSAD MED PA RNAMS LA LTOS PA'I PHYIR RO, ,DE SKAD BSTAN KYANG DE DAG LA YANG DAG PAR NA RNAM PAR DAG PA'I NGO BO NYID YOD PA'I PHYIR DE DAG LA GTAN DU RNAM PAR DAG PA'I NGO BO NYID MED CES BYAR MI RUNG DO ZHES BSTAN PA YIN NO, ,BSTAN BCOS RNAL 'BYOR SPYOD PA'I SA LAS NI, LHAG MA MED PA'I MYA NGAN 'DAS PA'I DBYINGS SU RTZOL BA'I DNGOS PO THAMS CAD DANG, MNGON PAR 'DU BYED PA'I LAS THAMS CAD DANG BRAL BA YIN NO ZHES BSTAN LA, GONG DU @10B BSHAD PA LTA NA NI NYAN THOS RNAMS KYANG NGES PAR SANGS RGYAS SU 'GRUB PAR BSTAN NA, RNAL 'BYOR SPYOD PA'I SA LAS BSTAN PA JI LTAR KHONG DU CHUD CING RNAM PAR BSHAD PAR BYA ZHE NA, SMRAS PA, DAM PA'I CHOS PADMA DKAR PO'I MDO LAS, NGA MYA NGAN LAS 'DAS PA'I 'OG TU SLOB MA KHA CIG MDO SDE 'DI MA THOS PAS BYANG CHUB SEMS DPA'I SPYOD PA KHONG DU MI CHUD DE, BDAG NYID KYIS THOS PA'I YON TAN GANG YIN PA DE LA MYA NGAN LAS 'DAS PA'I 'DU SHES BSKYED NAS MYA NGAN LAS 'DA'O, ,NGA NI 'JIG RTEN GYI KHAMS GZHAN NA MNGON PAR SANGS RGYAS NAS MING YANG THA DAD PAR GYUR TE, GANG ZAG DE MYA NGAN LAS 'DAS PA'I 'DU SHES BSKYED NAS MYA NGAN LAS 'DAS MOD KYI SANGS RGYAS KYI ZHING DE DAG TU SANGS RGYAS KYI YE SHES YONGS SU TSOL BAR BYED DO ZHES GSUNGS TE, SHES RAB KYI PHA ROL TU PHYIN PA'I 'GREL PA LAS KYANG 'DI DANG MTHUN PAR STON TO, GZHAN YANG MYA NGAN LAS 'DAS PA CHEN PO'I MDO LAS, NYAN THOS DANG RANG SANGS RGYAS BSKAL PA BRGYAD KHRI DANG DRUG KHRI DANG, BZHI KHRI DANG NYI KHRI DANG KHRI'I BAR DU GNAS PA GANG YIN PA DE NI MYA NGAN LAS 'DAS PA ZHES BYA'O, ,BLA NA MED PA'I CHOS KYI MNGA' BDAG 'PHAGS PA'I RGYAL PO'I GNAS GANG YIN PA DE NI MYA NGAN LAS 'DAS PA CHEN PO ZHES BYA'O ZHES GSUNGS PA DANG, GZHAN YANG 'PHAGS PA LANG KAR GSHEGS PA'I MDO LAS, ,RGYA MTSO LA NI SHING 'PHYO BA, ,RTAG TU RLABS KYIS G-YENG BA LTAR, ,NYAN THOS RMONGS PA DE BZHIN TE, ,MTSAN NYID RLUNG GIS RNAM PAR G-YENGS, ,KUN LAS LDANG LAS DE LOG KYANG, ,NYON MONGS BAG CHAGS GZHAN GYIS BCINGS, ,TING NGE 'DZIN GYI BDE BAS MYOS, ,ZAG PA MED PA'I DBYINGS LA GNAS, ,MTHAR PHYIN TSUL NI DE LA MED, ,PHYIR YANG DE LA SA MI LDOG STE, ,TING 'DZIN RNAMS KYI LUS THOB STE, ,BSKAL PA TSAD MED DE MI SRID, , CHANG GIS MYOS PA'I SKYES BU DAG ,MYOS BYED ZAD NAS SANGS 'GYUR LTAR, ,DE DAG CHOS RTOGS DE BZHIN TE, ,BLA MED SANGS RGYAS SKU THOB 'GYUR, ,ZHES GSUNGS SO, ,GZHAN YANG DAM PA'I CHOS PADMA DKAR PO'I MDO'I 'GREL PA LAS, YANG DAG PAR MNGON PA'I NGA RGYAL CAN GYI GANG @11A *, ,ZAG MED KYANG 'DI LTAR 'JIG RTEN PA'I TING NGE 'DZIN YOD PA DANG, YANG DAG PAR MYA NGAN LAS 'DAS PA'I 'DU SHES BSKYED PAS DE DAG GI GNYEN POR SPRUL PA'I GRONG KHYER GYI DPE GSUNGS PA YIN PAR RIG PAR BYA'O ZHES BYA BA DANG, GZHAN YANG DE NYID LAS GANG ZAG BZHI PO YANG THABS KYIS MYA NGAN LAS 'DAS PA'I GRONG KHYER DU BZUNG BA'I PHYIR RO, ,MYA NGAN LAS 'DAS PA'I GRONG KHYER NA BSAM GTAN DANG TING NGE 'DZIN RNAMS KYI GRONG KHYER TE, GRONG KHYER DE DAG LAS 'DAS NAS MYA NGAN LAS 'DAS PA CHEN PO'I GRONG KHYER DU BZUNG BA'I PHYIR RO ZHES 'BYUNG BAS, , DE SKAD BSTAN PA DE DAG DANG SBYAR NA BSTAN BCOS RNAL 'BYOR SPYOD PA'I SA LAS LHAG MA MED PA'I MYA NGAN LAS 'DAS PA ZHES BSTAN PA DE NI 'PHAGS PA LANG KAR GSHEGS PA LAS, TING NGE 'DZIN GYI BDE BA ZHES GSUNGS PA NYID DE, DNGOS PO DANG BRAL BA'I PHYIR LHAG MA MED PA ZHES BYA'I, YANG DAG PAR NA LHAG MA MED PA NYID MA YIN TE, RNAM PAR 'GYUR BA DANG LDAN PA'I PHYIR RO, ,DE'I PHYIR 'PHAGS PA PHRENG LDAN MA'I MDO LAS, DE LTA BAS NA DGRA BCOM PA DANG, RANG SANGS RGYAS DE DAG SKYE BA'I CHOS CAN LHAG MA DANG BCAS PA MA ZAD PA'I PHYIR SKYE BA DANG BCAS PA'O, ,TSANGS PAR SPYOD PA LHAG MA MA BSGRUBS PA'I PHYIR, DNGOS PO MA 'DRES PA MA YIN PA'O, ,MTHAR PHYIN PA MA YIN PA'I PHYIR BYA BA DANG BCAS PA'O, ,DE DAG LAS MA 'DAS PA'I PHYIR SPANG BAR BYA BA DANG BCAS PA'O, ,'DI LTAR MA SPANGS PA'I PHYIR MYA NGAN LAS 'DAS PA DANG MI RING BA YIN NO ZHES GSUNGS PA DANG, GZHAN YANG DE NYID LAS MYA NGAN LAS 'DAS PA NGES PA THOB PAR GYUR TO ZHES GSUNGS PA NI SANGS RGYAS RNAMS THABS KYIS GSUNGS PA YIN PAS DE BZHIN GSHEGS PA NYAG GCIG GIS MYA NGAN LAS 'DAS PA BRNYES PA YIN NO ZHES GSUNGS PA DANG SBYAR NA, BSKAL PA BRGYAD KHRI LA SOGS PA'I BAR DU TING NGE 'DZIN GYI BDE BA'I GNAS PA NI BTAGS PA'I LHAG MA MED PA YIN GYI, YANG DAG PAR LUS DANG SHES PA GNYIS 'GAGS PA'I LHAG MA MED PA'I MYA NGAN LAS 'DAS PA NI MED PAR SHES PAR BYA STE, DE'I PHYIR THEG PA PA GNYIS KYANG GDON MI ZA BAR SANGS RGYAS SU 'GRUB PAR 'GYUR BA DES NA, MDO SDE RNAMS LAS YANG DAG @11B PA'I DON DU NI THEG PA GCIG KHO NA'O ZHES BSTAN LA, BTAGS PA TZAM DU NI THEG PA PA GNYIS KYANG BSTAN PA YIN NO ZHES ZER RO,, ,,BAM PO NYI SHU BDUN PA, DE LA GNYIS PA NI SLOB DPON HYAN TZANG GIS MDO SDE DANG BSTAN BCOS RNAMS LA BRTEN NAS, RIGS RNAM PA LNGA RNAM PAR BZHAG NAS RIGS MED PA'I SEMS CAN MYA NGAN LAS 'DA' PA'I RIGS MED PA DANG, RIGS NGES PA'I THEG PA PA GNYIS GDON MI ZA BAR SANGS RGYAS MI 'GRUB BO ZHES BSTAN TE, DE'I PHYIR LEGS PA'I TSUL KHRIMS BSTAN PA'I MDO LAS, GANG LA BYANG CHUB SEMS DPA'I RIGS MED PA DE DAG NAN TAN BRTZON 'GRUS SKYED PAR BYED MOD KYI, NAMS KYANG BLA NA MED PA YANG DAG PAR RDZOGS PA'I BYANG CHUB THOB PAR MI 'GYUR RO ZHES GSUNGS PA DANG, GZHAN YANG BSTAN BCOS YONGS SU 'DZIN PA LAS RIGS CAN MA YIN PA DE DAG NI RIGS MED PA'I PHYIR SEMS BSKYED NAS NAN TAN BRTZON 'GRUS SPYAD KYANG NGES PAR BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR MI 'GYUR RO ZHES BSTAN TE, BSTAN BCOS RNAL 'BYOR SPYOD PA'I SA LAS KYANG 'DI SKAD DU STON TO, ,GZHAN YANG MDO 'DI NYID LAS ZHI BA BGROD PA GCIG PA'I NYAN THOS KYI RIGS CAN GYI GANG ZAG GANG YIN PA DE NI SANGS RGYAS RNAMS KYIS BRTZON PA'I SBYOR BA DANG THABS SNA TSOGS KYIS GDUL BAR MDZAD KYANG BYANG CHUB KYI SNYING PO LA BZHAG STE, BLA NA MED PA YANG DAG PAR RDZOGS PA'I BYANG CHUB THOB PAR BYA BAR MI NUS SO ZHES GSUNGS PA DANG, GZHAN YANG DGONGS PA ZAB MO RNAM PAR DGROL BA'I MDO LAS DON MCHOG MNGON PAR GRUB PA'I NYAN THOS ZHI BA'I RIGS CAN GYI GANG ZAG NI SANGS RGYAS THAMS CAD KYI MTHU CI MNGA' BA GTUGS TE GDUL BAR MDZAD KYANG DE BYANG CHUB KYI SNYING PO LA 'DUG STE, BLA NA MED PA'I BYANG CHUB THOB PAR MI NUS PA GANG YIN PA DE NI NGAS ZHI BA'I NYAN THOS ZHES BYA'O ZHES BSTAN TO, , ZHES GSUNGS PA DANG, GZHAN YANG BYANG CHUB SEMS DPA'I SDE SNOD KYI MDO LAS, YANG DAG PA LA NGES PA'I SEMS CAN NI YANG DAG PA'I CHOS KYI SNOD YIN PAS DE BZHIN GSHEGS PAS CHOS BSTAN KYANG RUNG MA BSTAN KYANG RUNG STE, THAMS CAD RNAM PAR GROL BA THOB PAR 'GYUR RO, ,LOG PA LAS @12A *, ,NGES PA'I SEMS CAN NI CHOS YANG DAG PA'I SNOD MA YIN PAS DE BZHIN GSHEGS PAS DE LA CHOS BSTAN KYANG RUNG MA BSTAN KYANG RUNG STE, NAMS KYANG RNAM PAR GROL BA THOB PA'I 'OS SU MI 'GYUR BAS DE BZHIN GSHEGS PAS YANG DAG PA JI LTA BA BZHIN DU SEMS CAN DE CHOS KYI SNOD MA YIN PAR MKHYEN NAS SPONG BAR MDZAD DO ZHES GSUNGS PA DANG, GZHAN YANG 'PHAGS PA SOR MO'I PHRENG BA'I MDO LAS, SEMS CAN RNAMS KYI TSOGS RNAM PA GSUM LAS NYAN THOS KYI THEG PA DANG, THEG PA CHEN PO'I TSOGS GNYIS KHO NA NI GSOR RUNG BA DANG GSOR MI RUNG BA'O, ,DE LA LOG PA LA NGES PA NI 'DI LTA STE, 'DOD CHEN PA DAG GO, ,YANG DAG PA LA NGES PA NI 'DI LTA STE, DE BZHIN GSHEGS PA DANG BYANG CHUB SEMS DPA' DANG THEG PA GNYIS SO ZHES GSUNGS PA DANG, GZHAN YANG LEGS PA'I TSUL KHRIMS BSTAN PA'I MDO LAS, SEMS CAN GDUL BAR BYA BA NI RNAM PA BZHI YOD DE, NYAN THOS KYI RIGS CAN NYAN THOS KYI LAM THOB PAR 'GYUR BA DANG, RANG SANGS RGYAS KYI RIGS CAN RANG SANGS RGYAS KYI LAM THOB PAR 'GYUR BA DANG, SANGS RGYAS KYI RIGS CAN SANGS RGYAS KYI LAM THOB PAR 'GYUR BA DANG, LHA DANG MI'I RIGS CAN LHA DANG MI'I BDE BA THOB PAR 'GYUR BA NI RNAM PA BZHI ZHES BYA'O ZHES GSUNGS PA DANG, GZHAN YANG PHRENG LDAN MA'I MDO LAS, GZHAN YANG JI LTAR SA CHEN POS KHUR LCIB RNAM PA BZHI KHYER BA BZHIN TE, BZHI GANG ZHE NA, RGYA MTSO CHEN PO RNAMS DANG, RI RNAMS DANG RTZVA DANG SHING RNAMS DANG SEMS CAN RNAMS SO, ,DE BZHIN DU CHOS YANG DAG PA YONGS SU 'DZIN PA'I RIGS KYI BU DANG RIGS KYI BU MO NGAG KYANG SA CHEN PO LTAR KHUR LCIB RNAM PA BZHI KHYER BAS SA CHEN PO DPER RNAM PAR GZHAG PA YIN TE, BZHI GANG ZHE NA, 'DI LTA STE, DGE BA'I BSHES GNYEN DANG BRAL BA, THOS PA MED PA CHOS MA YIN PA SPYOD PA'I SEMS CAN DAG LA LHA DANG MI'I DGE BA'I RTZA BA SGRUB TU GZHUG PA DANG, NYAN THOS YONGS SU GNYER BDAG LA NYAN THOS KYI THEG PA STON PAR BYED PA DANG, RANG SANGS RGYAS YONGS SU GNYER BA DAG LA RANG SANGS RGYAS KYI THEG PA STON PAR BYED PA DANG, THEG PA CHEN PO YONGS SU GNYER BA DAG LA THEG PA CHEN PO STON PAR BYED @12B PA'O ZHES GSUNGS PA DANG, GZHAN YANG SHES RAB KYI PHA ROL TU PHYIN PA'I MDO LAS SEMS CAN GANG NYAN THOS KYI THEG PA'I RIGS SU NGES PA DAG NI, CHOS 'DI THOS NAS MYUR DU RANG GI ZAG PA MED PA'I SA THOB PAR 'GYUR RO, ,RANG SANGS RGYAS KYI THEG PA'I RIGS SU NGES PA DAG NI CHOS 'DI THOS NAS MYUR DU RANG GI THEG PA LA GNAS PAS NGES PAR 'BYUNG BAR 'GYUR RO, ,BLA NA MED PA'I THEG PA'I RIGS SU NGES PA DAG NI CHOS 'DI THOS NAS MYUR DU BLA NA MED PA YANG DAG PAR RDZOGS PA'I BYANG CHUB THOB PAR 'GYUR RO, ,SEMS CAN GANG YANG DAG PA NYID DU SKYON MED PA LA MA ZHUGS SHING RIGS RNAM PA GSUM GANG DU YANG MA NGES PA DAG KYANG CHOS 'DI THOS NAS BLA NA MED PA YANG DAG PAR RDZOGS PA'I BYANG CHUB TU SEMS SKYED PAR BYED DO ZHES GSUNGS TE, 'PHAGS PAS BCU'I MDO'I 'GREL PA LAS KYANG PHAL CHER 'DI DANG MTHUN PAR BSHAD DO, ,GZHAN YANG BSTAN BCOS BYANG CHUB SEMS DPA'I SA YONGS SU 'DZIN PA LAS, GANG ZAG YONGS SU SMIN PAR BYA BA NI MNGOR BSDU NA RNAM PA BZHI YOD DE, NYAN THOS KYI RIGS CAN DAG NYAN THOS KYI THEG PAS YONGS SU SMIN PAR BYA BA DANG, RANG SANGS RGYAS KYI RIGS CAN DAG RANG SANGS RGYAS KYI THEG PAS YONGS SU SMIN PAR BYA BA DANG, SANGS RGYAS KYI RIGS CAN DAG BLA NA MED PA'I THEG PAS YONGS SU SMIN PAR BYA BA DANG, RIGS MED PA DAG BDE 'GROS YONGS SU SMIN PAR BYA'O ZHES BSTAN PA DANG, GZHAN YANG BSTAN BCOS RNAL 'BYOR SPYOD PA'I SA LAS YONGS SU MYA NGAN LAS 'DA' BA'I CHOS CAN MA YIN PA DAG BDAG GI NI BYANG CHUB RNAM PA GSUM GYI SA BON MED PA YIN NO ZHES BYA BA DANG, GZHAN YANG DE NYID LAS RIGS MED PA LA GNAS PA'I GANG ZAG NI GTAN DU MYA NGAN LAS 'DA' BA'I CHOS CAN MA YIN PA ZHES BYA'O ZHES BYA BA LA SOGS PA BSTAN PA DANG, GZHAN YANG DE NYID LAS GANG DAG LA DE BZHIN NYID LA DMIGS PA'I RKYEN RTOGS PAR BYA BA LA GTAN DU SGRIB PA'I SA BON YOD PA DE DAG NI YONGS SU MYA NGAN LAS MI 'DA' BA'I RIGS DANG LDAN PA'I GANG ZAG TU RNAM PAR GZHAG LA, GANG DAG DE LTA MA YIN PA DE DAG NI YONGS SU MYA @13A *, ,NGAN LAS 'DA' BA'I RIGS DANG LDAN PA'I GANG ZAG TU RNAM PAR GZHAG GO ZHES 'BYUNG NGO, ,GZHAN YANG BSTAN BCOS MDO SDE'I RGYAN LAS, RIGS MED PA NI RNAM PA GNYIS TE, DUS KYI MTHA' LA LTOS TE MYA NGAN LAS MI 'DA' BA DANG, GTAN DU MYA NGAN LAS MI 'DA' BA'O, ,DUS KYI MTHA' LA LTOS TE MYA NGAN LAS MI 'DA' BA'I CHOS CAN YANG RNAM PA BZHI STE, GCIG TU SDIG PA SPYOD PA DANG, DGE BA'I CHOS THAMS CAD SPANGS PA DANG, RNAM PAR GROL BA'I PHYOGS KYI DGE BA'I RTZA BA MED PA DANG, DGE BA'I RGYU CHUNG ZHING YONGS SU MA RDZOGS PA'O, ,GTAN DU MYA NGAN LAS MI 'DA' BA'I CHOS CAN NI 'DI LTAR RGYU MED PA'I PHYIR MYA NGAN LAS 'DA' BA'I RIGS MED PA STE, 'KHOR BA YONGS SU GNYER ZHING MYA NGAN LAS 'DAS PA MI TSOL BA'I GANG ZAG GO ZHES BSHAD DO, GZHAN YANG BSTAN BCOS THEG PA CHEN PO BSDUS PA'I 'GREL PA MI MTHUN PA RNAM PA GCIG LAS, ,SGRIB DANG BCAS SHING RGYU MI LDAN, ,SEMS CAN KHAMS RNAMS THAMS CAD NI, ,NGES PA GNYIS LA GNAS PAS NA, ,SANGS RGYAS RNAMS LA MNGA' DBANG MED, ,CES 'BYUNG STE, SLOB DPON DBYIG GNYEN GYIS MDZAD PA'I 'GREL PA LAS SEMS CAN MYA NGAN LAS 'DA' BA'I RIGS MED PA GANG YIN PA DE NI RGYU DANG MI LDAN PA ZHES BYA STE, SANGS RGYAS RNAMS 'DI'I GNAS SKABS SU MYA NGAN LAS 'DA' BAR MDZAD PAR YANG MI SPYOD LA, RDZU 'PHRUL GYIS MNGA' DBANG MDZAD PAR MI SPYOD DO, ,'DI LTAR 'KHOR BA LA MNGON PAR ZHEN CING MYA NGAN LAS 'DAS PA LA MA MOS PAS SO ZHES BSHAD DO, ,SLOB DPON HYAN TZANG GIS BSGYUR BA'I THEG PA CHEN PO BSDUS PA LAS NI, ,SEMS CAN KHAMS LA KUN DU YANG, ,SGRIB BCAS RGYU DANG MI LDAN LA, ,NGES PA GNYIS NI 'JUG PAS NA, ,SANGS RGYAS RNAMS LA MNGA' DBANG MED, , CES 'BYUNG STE, SLOB DPON DBYIG GNYEN GYIS MDZAD PA'I 'GREL PA LAS, SEMS CAN GYI KHAMS NA MYA NGAN LAS 'DAS PA'I CHOS MED PA GANG YIN PA DE NI RGYU MTSANG BA ZHES BYA'O ZHES 'BYUNG STE, DES NI DE DAG LA MYA NGAN LAS 'DAS PA'I RGYU MED PAR BSTAN TO, ,RIGS MED PA'I PHYIR SANGS @13B RGYAS RNAMS DE DAG LA MNGA' DBANG MDZAD DU YANG MED DO ZHES BYA BA'I THA TSIG STE THEG PA CHEN PO BSDUS PA'I 'GREL PA MI MTHUN PA'I RNAM PA GCIG LAS KYANG DE SKAD DU STON TO, ,SLOB DPON NGO BO NYID MED KYI 'GREL PA LAS NI NYON MONGS PA DANG, LAS DANG RNAM PAR SMIN PA'I SGRIB PA DANG LDAN PA'I PHYIR SGRIB PA DANG LDAN PA ZHES BYA'O, ,MYA NGAN LAS 'DA' BA'I RGYU DANG RIGS MED PA'I PHYIR RGYU MA TSANG BA ZHES BYA'O, ,SANGS RGYAS RNAMS KYIS GONG DU BSTAN PA LTA BU'I SEMS CAN DE DAG MYA NGAN LAS 'DA' BAR MNGA' DBANG MDZAD PAR YANG MI SPYOD DO ZHES 'BYUNG STE, RGYA CHER DE NYID LAS BSTAN PA BZHIN NO, ,GZHAN YANG SANGS RGYAS KYI SA'I 'GREL PA LAS RIGS RNAM PA LNGA YOD PAR BSTAN PA'I DON NI SNGA MA BZHIN DU RIG PAR BYA STE, DE NYID LAS RIGS CAN LNGA PA NI YON TAN SKYE BA'I RGYU MED PA'I PHYIR NAMS KYANG MYA NGAN LAS 'DA' BA'I DUS MED DO ZHES BSHAD DO, ,GZHAN YANG 'PHAGS PA SA BCU'I 'GREL PA LAS LOG PA'I PHUNG PO LNGA LA NGES PA NI MYA NGAN LAS 'DA' BAR MI 'GYUR BA ZHES BYA'O ZHES 'BYUNG STE, BSTAN PA 'DI DAG DANG SBYAR NA RIGS MED PA'I SEMS CAN NI MYA NGAN LAS 'DA' BA'I RGYU MED LA THEG PA 'OG MA GNYIS NI NGES PAR SANGS RGYAS SU MI 'GRUB PO ZHES STON TO, , GAL TE DE LTA NA CI'I PHYIR THEG PA GCIG TU GSUNGS, SNGAR KHUNGS SU BSTAN PA'I GSUNG RAB DE DAG KYANG JI LTAR GO ZHING RNAM PAR BSHAD PAR BYA ZHE NA, SMRAS PA, 'PHAGS PA MYA NGAN LAS 'DAS PA CHEN PO'I MDO LAS JI SKAD DU, RIGS KYI BU BDAG CES BYA BA NI DE BZHIN GSHEGS PA'I SNYING PO'I DON TO, ,GZHAN YANG SEMS CAN THAMS CAD LA SANGS RGYAS KYI RANG BZHIN YOD DE RTAG PAR GNAS SHING RNAM PAR 'GYUR BA MED PA'O ZHES GSUNGS SO, ,GZHAN YANG BSTAN BCOS RIN PO CHE'I RANG BZHIN BSTAN PA LAS SEMS CAN THAMS CAD LA DE BZHIN GSHEGS PA'I SNYING PO YOD PAR CIS MNGON ZHE NA, SMRAS PA, SANGS RGYAS THAMS CAD KYI MNYAM PA'I CHOS NYID KYI SKU LA BRTEN NAS SEMS CAN THAMS CAD LA DE BZHIN GSHEGS PA'I SNYING PO YOD PAR RIG PAR BYA'O ZHES 'BYUNG BAS SEMS CAN THAMS CAD LA DE BZHIN GSHEGS PA'I SNYING PO YOD DO, , @14A *, ,GSUNG RAB GONG MA DE DAG LAS BSTAN PA DAG NI THAMS CAD KYANG DE BZHIN NYID CHOS KYI SKU SANGS RGYAS KYI RANG BZHIN YIN PAS DES NA RIGS RNAM PA LNGA PO KUN LA YANG SANGS RGYAS KYI RANG BZHIN YOD DO, ,GZHAN YANG 'PHAGS PA MYA NGAN LAS 'DAS PA CHEN PO'I MDO LAS, DPER NA 'GA' ZHIG CES BYA BA NAS THOB PAR 'GYUR RO ZHES BYA BA'I BAR DU GSUNGS PA NI THAMS CAD KYANG SPYOD PA'I NGO BO NYID YIN PAS NGES PAR THOB PAR 'GYUR BA'I PHYIR TE, RIGS MA NGES PA LAS BRTZAMS NAS PHYOGS GCIG BSTAN PA YIN NO, ,GZHAN YANG DAM PA'I CHOS PADMA DKAR PO'I MDO LAS, ,PHYOGS BCU'I SANGS RGYAS ZHING DAG NA, ,THEG PA GCIG GI CHOS KHO NA, ,GNYIS DANG GSUM ZHES BYA BA MED, ,SANGS RGYAS THABS KYIS BSTAN MA GTOGS, ,ZHES GSUNGS PA NI MDO TSIG 'DIR BSHAD PA YANG SO SO NAS BSHAD PA MI MTHUN PAS, SLOB DPON LAm SHI BA LA SOGS PA NA RE GNYIS MED CES BYA BA NI NYAN THOS DANG RANG SANGS RGYAS KYI MED PA'O, ,GSUM MED CES BYA BA NI NYAN THOS DANG RANG SANGS RGYAS DANG, THEG PA CHEN PO PA LAS PHA ROL DU PHYIN PA DRUG PHYOGS GCIG TU SPYOD PA'I BYANG CHUB SEMS DPA' MED PA'O ZHE'O, ,GZHAN YANG KHA CIG NA RE GNYIS MED CES BYA BA NI 'DI LTA STE GNYIS PA RANG SANGS RGYAS KYI THEG PA MED PA'O, ,GSUM MED CES BYA BA NI 'DI LTA STE, GSUM PA NYAN THOS KYI THEG PA MED PA'O, ,KHA CIG NA RE SNGA MA'I BSHAD PA 'DI GNYIS NI RGYU'I THEG PA RNAM PAR GZHIG PA YIN GYI, SANGS RGYAS KYI THEG PA LA NI MTHAR PHYIN PA'I 'BRAS BU'I NGO BO NYID DU MA MTHONG BAS GZHIG PA'I THUGS MA THUB PO ZHE'O, ,'DIR NI GNYIS DANG GSUM ZHES BYA BA DES SANGS RGYAS KYI SKU LAS BRTZAMS NAS DON DE YANG DAG PAR GZHIG PA YIN TE, DE LA GNYIS MED CES BYA BA NI DE BZHIN GSHEGS PA LONGS SPYOD RDZOGS PA'I SANGS RGYAS KYI THEG PA KHO NA YOD KYI, NYAN THOS DANG RANG SANGS RGYAS KYI THEG PA GNYIS PO DE DAG MED PA'O, ,PHRENG LDAN MA'I MDO LAS, NYAN THOS DANG RANG SANGS RGYAS KYANG THEG PA CHEN POR 'JUG PAR 'GYUR RO ZHES GSUNGS PA NI SANGS RGYAS KYI THEG PA NYID DU'O, ,DAM PA'I @14B CHOS PADMA DKAR PO'I MDO LAS, ,DNGOS PO 'DI GCIG BDEN PA STE, ,GZHAN GNYIS PO DAG BDEN PA MIN, ,ZHES GSUNGS PA NI, GSUM DU MED KYI, DE BZHIN GSHEGS PA'I SKU'I THEG PA GCIG KHO NAR ZAD PAS NYAN THOS DANG RANG SANGS RGYAS DANG, SANGS RGYAS KYI THEG PA ZHES BYA BA GSUM PO DAG MED DO ZHES BSTAN PA'O, ,BSTAN BCOS THEG PA CHEN PO BSDUS PA LAS KYANG, BYANG CHUB SEMS DPA' SA GNYIS PA LA MA ZHUGS PA DAG NI 'DU SHES 'DI LTA BU SKYED DE 'DI LTA STE, 'DI LTAR THEG PA GSUM GYI GANG ZAG SPYOD PA'I BYE BRAG THA DAD PAS THEG PA GCIG GI TSUL LA RMONGS PAR GYUR TO SNYAM MO ZHES BSHAD DO, ,DAM PA'I CHOS PADMA DKAR PO'I MDO LAS KYANG, THEG PA GNYIS KYANG YOD PA MA YIN NO, RNAM PA GSUM DU YOD PA LTA SMOS KYANG CI DGOS ZHES GSUNGS SO, ,MYA NGAN LAS 'DAS PA CHEN PO'I MDO LAS, DE BZHIN GSHEGS PA DANG NYAN THOS DANG RANG SANGS RGYAS RNAMS, SANGS RGYAS KYI RANG BZHIN DANG GCIG TU MTSUNGS SO, ,ZAG PA MED PA YANG GCIG TU MTSUNGS SO ZHES GSUNGS PA YANG SNGA MA NI GNYIS SU 'DZIN PA RNAM PAR BSHIG NAS GCIG PA NYID LA PHYOGS PA DANG DMAN PA RNAM PAR BSHIG NAS, RGYA CHEN PO LA 'JUG PAR MDZAD DO, ,PHYI MA NI GSUM DU 'DZIN PA RNAM PAR BSHIG NAS GCIG PA NYID LA PHYOGS PA DANG, DNGOS PO BKAG NAS DON LA PHYOGS PAR MDZAD DO ZHES ZER TE, DE LTAR RNAM PA GNYIS SU BSHAD PA YOD KYANG BSHAD PA NI GNYIS PA BZANG NGO, ,DE'I PHYIR DAM PA'I CHOS PADMA DKAR PO'I MDO'I 'GREL PA LAS, GNYIS PA THABS KYI LE'U LAS NI GNYIS SU 'DZIN PA RNAM PAR BSHIG NAS GCIG PA NYID RAB TU STON TO ZHES 'BYUNG BA YIN NO, ,GZHAN YANG SANGS RGYAS PHAL BO CHE'I MDO LAS, THEG PA GNYIS KYI MING YANG MED NGO ZHES GSUNGS PA DANG, GZHAN YANG DAM PA'I CHOS PADMA DKAR PO'I MDO LAS, 'JIG RTEN NA THEG PA PA GNYIS KYIS MYA NGAN LAS 'DA' BA THOB PAR 'GYUR ZHES BYA BA NI MED KYI, SANGS RGYAS KYI THEG PA GCIG KHO NAS MYA NGAN LAS 'DA' BA THOB PAR ZAD DO ZHES BYA BA DANG, GZHAN YANG DE NYID LAS, ,SANGS RGYAS THEG GCIG KHO NA STE, ,BSTI BA'I GNAS PHYIR GNYIS @15A *, ,SU BSHAD, ,CES GSUNGS SO, ,THEG PA CHEN PO BSDUS PA'I 'GREL PA MI MTHUN PA RNAM PA GCIG LAS, DAD PA LA SOGS PA'I DBANG PO DAG NI NGES PA'I DBANG PO ZHES MI BYA'O ZHES 'BYUNG BA YANG, THEG PA CHEN PO BSDUS PA'I 'GREL PA GZHAN RNAM PA GNYIS LAS, TSIG DE LTA BU MI 'BYUNG BA'I PHYIR DE YANG TSAD MAR MI RUNG NGO, ,'PHAGS PA SHES RAB KYI PHA ROL TU PHYIN PA'I 'GREL PA LAS, MYA NGAN LAS 'DA' BAR 'JUG PA'I 'OS SU MI RUNG BA DE DAG NI LHA DANG MI'I BSOD NAMS DANG BDE BA LA BKOD NAS MYA NGAN LAS 'DAS PA'I RGYU DANG RKYEN SGRUB TU GZHUG PAR MDZAD DO ZHES BSTAN PA NI LHA DANG MI'I THEG PA YANG RNAM PA GNYIS TE, DANG PO GTAN DU MYA NGAN LAS 'DA' BAR MI 'GYUR BA GANG YIN PA DE DAG NI LHA DANG MI'I THEG PAS YONGS SU SMIN PAR MDZAD DO, ,GNYIS PA RE ZHIG TZAM DU MYA NGAN LAS 'DA' BA'I RIGS MED PA GANG YIN PA DE DAG NI LHA DANG MI'I THEG PAS YONGS SU SMIN PAR MDZAD NAS, MYA NGAN LAS 'DA' BA'I RGYU SGRUB TU GZHUG PAR MDZAD DO ZHES ZER TE, DE LTAR RNAM PA GNYIS SU BSHAD PA YOD KYANG, 'GREL PA DE LAS NI RE ZHIG TZAM DU RIGS MED PA'I PHYOGS GCIG LAS BRTZAMS NAS DE SKAD BSTAN PA YIN NO, ,YANG NA DE LAS BYANG CHUB SEMS DPA'I SNYING RJE DANG SMON LAM GYI THABS LHAG MA MED PA'I MYA NGAN LAS 'DAS PAR BZLA BAR 'DOD PA RAB TU BSTAN PA YIN GYI, THAMS CAD MYA NGAN LAS 'DA' BAR 'GYUR BAR BSTAN PA NI MA YIN PA'O, ,DAM PA'I CHOS PADMA DKAR PO'I 'GREL PA LAS, GDON MI ZA BAR MNGON PA'I NGA RGYAL CAN GYI NYAN THOS RNAM PA GNYIS NI DBANG PO YONGS SU MA SMIN PA'I PHYIR, DE BZHIN GSHEGS PAS LUNG STON PAR MI MDZAD KYI, BYANG CHUB SEMS DPA' DAG GIS LUNG STON PAR BYED PA NI THABS KYIS SEMS BSKYED DU GZHUG PA'I PHYIR RO ZHES BSTAN PA NI BYANG CHUB SEMS DPA' DAG GIS SANGS RGYAS SU 'GRUB PAR LUNG STON PA STE, DE DAG THEG PA CHEN PO LA SEMS BSKYED DU GZHUG PAR 'DOD PA'I PHYIR TE, DE YANG THABS KYIS BSTAN PA YIN GYI, YANG DAG PAR SANGS RGYAS SU 'GRUB PAR 'GYUR BA NI MA YIN PA'O, ,'PHAGS PA DAM PA'I CHOS PADMA DKAR @15B PO'I MDO LAS, MYA NGAN LAS 'DAS PA'I 'DU SHES BSKYED NAS MYA NGAN LAS 'DA'O, ,'JIG RTEN GYI KHAMS GZHAN NA SANGS RGYAS KYI YE SHES TSOL BAR BYED DO ZHES GSUNGS PA NI, DAM PA'I CHOS PADMA DKAR PO'I MDO'I DPE GTAN LA PHAB PA DANG SBYAR NA, DE LAS THAMS CAD KYANG 'DUS MA BYAS KYI 'DU SHES LA GNAS PAS MYA NGAN LAS 'DAS SO SNYAM NAS 'JIG RTEN GYI KHAMS GZHAN DU 'GRO BAR 'GYUR RO ZHES GSUNGS SO, ,GZHAN YANG DE NYID LAS MYA NGAN LAS 'DA' BA'I TSE, SANGS RGYAS DE'I DRUNG DU BZHUGS TE CHOS KYI GDAMS NGAG BSTAN PAS BYANG CHUB TU SEMS BSKYED NAS 'KHOR BA DANG MYA NGAN LAS 'DAS PA LA MI GNAS SHING, THEG PA GSUM PO DAG KYANG STONG PA NYID DU KHONG DU CHUD PAR 'GYUR RO ZHES GSUNGS PA DANG SBYAR NA, MYA NGAN LAS 'DA' BA'I TSE ZHES GSUNGS PA NI, LHAG MA DANG BCAS PA'I MYA NGAN LAS 'DAS PA LA GNAS NAS, LHAG MA MED PA'I MYA NGAN LAS 'DA' BAR 'JUG PA'I TSE, B YANG CHUB TU SEMS SKYED PAR BYED KYI LHAG MA MED PAR ZHUGS PA'I 'OG TU BYANG CHUB TU SEMS BSKYED PA NI MA YIN TE, SHES RAB KYI PHA ROL TU PHYIN PA'I 'GREL PA LAS BSTAN PA YANG 'DI BZHIN DU RIG PAR BYA'O, ,GZHAN YANG MYA NGAN LAS 'DAS PA CHEN PO'I MDO LAS, BSKAL PA BRGYAD KHRI LA SOGS PAR GNAS SO ZHES GSUNGS PA NI SDE SNOD GSUM PA DAG GI BSHAD PA LA 'BYUNG BA, RGYUN DU ZHUGS PA LA SOGS PA LA GNAS PA NI THEG PA CHEN POR SEMS BSGYUR TE RNAM PAR 'GYUR BA'I 'CHI 'PHO LA GNAS NAS, BYANG CHUB SEMS DPA'I SPYOD PA SPYAD DE, DAD PA BCU'I GNAS SU BSKAL PA BRGYAD KHRI DANG, DRUG KHRI LA SOGS PA'I BAR DU GNAS ZHES BYA'O ZHE'O, ,SLOB DPON YANG DAG BDEN PAS RNAM PAR SHES PA'I GNAS DGU BSTAN PA LAS GZHI CHEN PO'I MDO LAS, RANG SANGS RGYAS NI BSKAL PA KHRIMS PHYIN PAR 'GYUR RO ZHES GSUNGS NA, GANG DU NI PHYIN PAR 'GYUR, GRUB PA'I MTHA' NI GANG ZHIG YIN, SMRAS PA, 'DI NI MTHAR PHYIN PA'I GRUB PA'I MTHA' STE, THEG PA PA GSUM DU 'DZIN PA GSAL BAR DGONGS PA'O, ,YANG NA SEMS BSGYUR TE THEG PA CHEN PO BSLABS NAS, DAD PA BCU'I @16A *, ,CHOS KYI DE BZHIN NYID LA 'JUG PAR 'GYUR RO ZHES BSTAN PA DANG SBYAR NA, SLOB DPON YANG DAG BDEN PA YANG DAD PA BCU LA PHYIN PA'I GNAS SU 'DOD PAR RIG PAR BYA'O, ,GAL TE DE LTA NA JI LTAR MYA NGAN LAS 'DAS PA ZHES BSHAD CE NA SMRAS PA, BCOM LDAN 'DAS KYIS THEG PA CHEN POR SEMS BSGYUR BA'I NYAN THOS MES LUS BSREGS NAS MYA NGAN 'DAS PA STON PA LA DGONGS NAS MYA NGAN LAS 'DAS PA ZHES GSUNGS KYI, YANG DAG PAR MYA NGAN LAS 'DAS PA NI MA YIN TE, DE NI BSTAN BCOS RNAL 'BYOR SPYOD PA'I SA LAS JI SKAD DU, DE LTAR DE NI TSE'I 'DU BYED BSRINGS NAS DBANG PO'I LUS BYIN GYIS RLOB PAR BYED CING, SPRUL PA'I LUS KYIS CHOS MTHUN PA DAG LA PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS PA STON PAR BYED DE, DES NA DE DAG 'DI SNYAM DU BTZUN PA MING 'DI ZHES BYA BA DE NI PHUNG PO'I LHAG MA MED PA'I MYA NGAN LAS 'DAS PA'I DBYINGS SU MYA NGAN LAS 'DAS SO SNYAM DU SEMS SO, ,DES PHUNG PO'I LUS BYIN GYIS BRLABS NAS 'DZAM BU'I GLING 'DIR GAR 'DOD PAR CI NAS KYANG LHA RNAMS KYIS KYANG MI MTHONG SEMS CAN DAG GIS LTA SMOS KYANG CI DGOS PA DE LTA BUR DBEN PAR GNAS PAR BYED DO ZHES BSTAN PA LTA BU STE, DE NI 'DI SKAD DU THE TSOM RAB TU BSAL BA'I CHED DU CHOS MTHUN PA DAG GI MDUN DU LHAG MA MED PA'I MYA NGAN LAS 'DAS PAR YONGS SU STON PA'I PHYIR MYA NGAN LAS 'DAS PA ZHES BYA'I, DE YANG DAG PA'I LHAG MA MED PA'I MYA NGAN LAS 'DAS PA LA GNAS PA NI MA YIN NO ZHES BSTAN PAR 'GYUR RO, ,YANG NA SANGS RGYAS DANG BYANG CHUB SEMS DPA' RNAMS LHAG MA MED PA'I YONGS SU MYA NGAN LAS 'DAS PA LTA BUR SPRUL PA YIN TE, KHA CIG YONGS SU BSDU BA DANG, GZHAN YONGS SU BSDU BA DANG, GZHAN RNAMS YONGS SU GZUNG BA DANG, 'BRAS BU GNYIS PO DE DAG MTHAR PHYIN PA MA YIN PAR RAB TU BSTAN PA'I PHYIR TE, DPA' BAR 'GRO BA'I TING NGE 'DZIN GYI MDO LAS JI SKAD DU, BYANG CHUB SEMS DPA' SH'A RI'I BU SANGS RGYAS KYI THEG PA LTAR YONGS SU MYA NGAN LAS 'DAS PA GANG YIN PA DE NI GTAN DU MYA NGAN LAS @16B 'DAS PA MA YIN NO ZHES GSUNGS PA LTA BU STE, RGYA CHER DE NYID LAS BSTAN PA BZHIN NO, ,'PHAGS PA LANG KAR GSHEGS PA LAS TING NGE 'DZIN GYI SGO'I BDE BA ZHES GSUNGS PA NI 'DI LTA STE, RGYUN DU ZHUGS PA LA SOGS PA DAG THEG PA CHEN POR SEMS BSGYUR NAS LUS YUN RING DU GNAS PA DANG, MTHA'I TING NGE 'DZIN LA BRTEN NAS ZAG PA DANG BCAS PA'I LAS YONGS SU GSOS TE, RNAM PAR 'GYUR BA'I 'CHI 'PHO LAN CING BSKAL PA BRGYAD KHRI DRUG KHRI LA SOGS PAR GNAS NAS DAD PA BCU'I GNAS PA LA GNAS PAR 'GYUR BAS TING NGE 'DZIN DE NYID LA TING NGE 'DZIN GYI BDE BA ZHES GSUNGS KYI LHAG MA MED PA'I MYA NGAN LAS 'DAS ZIN PA LA TING NGE 'DZIN GYI BDE BA ZHES GSUNGS PA NI MA YIN PAS LUNG DANG RIGS PA DES NA BSKAL PA BRGYAD KHRI ZHES BYA BA NAS BSKAL PA KHRI ZHES BYA BA'I BAR DU ZHES GSUNGS PA YIN NO, ,GNAS PA ZHES BYA BA YANG LHAG MA MED PA'I MYA NGAN LAS 'DAS PAR ZHUGS NAS GDOD RTZOL BA YANG MA YIN TE, DE'I PHYIR BSTAN BCOS RNAL 'BYOR SPYOD PA'I SA LAS, NYAN THOS BYANG CHUB TU YONGS SU 'GYUR BA CI PHUNG PO'I LHAG MA MED PA'I MYA NGAN LAS 'DAS PA'I DBYINGS LA GNAS SHING BLA NA MED PA YANG DAG PAR RDZOGS PA'I BYANG CHUB MNGON PAR SGRUB PAR BYED DAM, 'ON TE PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS LA GNAS SHING BYED CE NA, SMRAS PA, PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS LA GNAS PA KHO NA LA DNGOS PO 'DI YOD DE, DE CI'I PHYIR ZHE NA, 'DI LTAR LHAG MED PA'I MYA NGAN LAS 'DAS PA'I DBYINGS LA GNAS PA NI RTOL BA'I LAS THAMS CAD DANG BRAL ZHING 'BAD PA THAMS CAD RGYUN CHAD PA YIN PA'I PHYIR RO ZHES BYA BA DANG, GZHAN YANG DE NYID LAS PHUNG PO LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS PA'I GNAS GYUR PA DE MTSAN NYID JI SKAD DU BRJOD PAR BYA ZHE NA, SMRAS PA, SPROS PA MED PA'I MTSAN NYID DANG, ,CHOS KYI DBYINGS SHIN TU RNAM PAR DAG PA'I MTSAN NYID DO ZHES BSHAD DO, ,GZHAN YANG 'PHAGS PA DGONGS PA ZAB MO'I NGES PAR 'GREL PA @17A *, ,'DI NYID DANG, DGONGS PA ZAB MO RNAM PAR DGROL BA'I MDO LAS KYANG, PHUNG PO'I LHAG MA MED PA'I MYA NGAN LAS 'DAS PA'I DBYINGS SU TSOR BA THAMS CAD MA LUS PAR RGYUN CHAD PAR GSUNGS PAS RGYA CHER NI MDO DE LAS GSUNGS PA BZHIN TE, DE'I PHYIR THEG PA GSUM PO DAG NI BYE BRAG MED PA MA YIN NO, ,DE LA BRTAGS PA DANG YANG DAG PAR RNAM PAR 'BYED PA YANG BSTAN PA RNAMS LAS SO SO NAS BSHAD PA MI MTHUN PAS, LA LA LAS NI YANG DAG PAR NI THEG PA GCIG GO, ,BRTAGS PA TZAM DU NI THEG PA GSUM DU GSUNGS SO ZHES BSTAN PA YANG YOD DE, DAM PA'I CHOS PADMA DKAR PO'I MDO LAS JI SKAD DU, ,PHYOGS BCU'I SANGS RGYAS ZHING DAG NA, ,THEG PA GCIG GI CHOS KHO NA, ,GNYIS DANG GSUM ZHES BYA BA MED, ,SANGS RGYAS THABS KYIS BSTAN MA GTOGS, ,ZHES GSUNGS PA DANG, GZHAN YANG DE NYID LAS, DNGOS PO 'DI GCIG BDEN PA STE, ,GZHAN GNYIS PO DAG BDEN PA MIN, ,ZHES GSUNGS PA DANG, GZHAN YANG PHRENG LDAN MA'I MDO LAS, NYAN THOS DANG RANG SANGS RGYAS THAMS CAD THEG PA CHEN PO LA 'JUG PAR 'GYUR RO ZHES GSUNGS PA DANG, GZHAN YANG MYA NGAN LAS 'DAS PA CHEN PO'I MDO LAS SEMS CAN THAMS CAD NI LAM GCIG TU 'JUG PAR 'GYUR RO, ,LAM GCIG NI 'DI LTA STE, THEG PA CHEN PO'O, ,DE BZHIN GSHEGS PA DANG BYANG CHUB SEMS DPA' RNAMS SEMS CAN GYI CHED DU GSUM DU PHYE BA YIN NO ZHES BYA BA LA SOGS PAR GSUNGS PA LTA BU'O, ,KHA CIG LAS YANG DAG PA'I DON DU NI THEG PA GSUM DU GSUNGS SO, ,BRTAGS PA TZAM DU NI THEG PA GCIG TU GSUNGS SO ZHES STON PA YANG YOD DE, MDO 'DI NYID LAS NYAN THOS DANG, RANG SANGS RGYAS DANG BYANG CHUB SEMS DPA' THAMS CAD KYANG SHIN TU RNAM PAR DAG PA'I LAM 'DI NYID GCIG THUN MONG DU GYUR BA YIN ZHES BYA BA LA SOGS PA GSUNGS PA DANG, GZHAN YANG DE NYID LAS BCOM LDAN 'DAS KYIS NYAN THOS KYI THEG PA GANG YIN PA DANG, THEG PA CHEN PO GANG YIN PA DE NI THEG PA GCIG GO ZHES BKA' STZAL PA DE LA DGONGS @17B PA GANG LAGS ZHES BYA BA LA SOGS PA GSUNGS PA DANG, GZHAN YANG BYANG CHUB KYI SEMS KYI 'BYUNG GNAS BSTAN PA'I MDO LAS, DE NAS BCOM LDAN 'DAS LA BRAM ZE 'OD SRUNGS KYAS 'DI SKAD CES GSOL TO, ,BCOM LDAN 'DAS RNAM PAR GROL BA DANG RNAM PAR GROL BAR DBYER MCHIS SAM, BCOM LDAN 'DAS KYIS BKA' STZAL PA, RNAM PAR GROL BA DANG RNAM PAR GROL BAR BYE BRAG TU GYUR BA MED DO, ,LAM YANG LAM DU BYE BRAG TU GYUR BA MED DO, ,THEG PA YANG THEG PAR BYE BRAG TU GYUR BA MED DO, ,DPER NA RGYAL PO'I LAM PO CHER NI GLANG PO CHE'I KHYOGS DANG 'GRO BA YANG YOD, RTA'I KHYOGS DANG 'GRO BA YANG YOD, BONG BU'I KHYOGS DANG 'GRO BA YANG YOD DE, DE DAG RIM GYIS LAM DER 'GRO, ,GRONG KHYER GCIG TU BGROD PAR NI MTSUNGS SO ZHES GSUNGS PA LTA BU STE, BSTAN PA 'DI LA SOGS PA GTAN TSIGS SU RUNG BA MANG DU YOD DO, ,THEG PA GCIG TU BSTAN PA YANG DGONGS PA DAG MI MTHUN PAS DE'I PHYIR 'PHAGS PA'I GSUNG RAB RNAMS LAS THA DAD PA RNAM PA SNA TSOGS SU GSUNGS PA YIN TE, BSTAN BCOS RNAM PAR BSHAD PA DANG SBYAR NA, DE LAS 'DI LTAR RGYU RNAM PA DRUG GIS THEG PA GCIG TU GSUNGS PA'I DGONGS PA STON TO, ,DE'I PHYIR DE LAS CI'I PHYIR DE BZHIN GSHEGS PAS THEG PA GCIG TU GSUNGS, SMRAS PA, RGYU RNAM PA DRUG GI PHYIR TE, CHOS RNAMS KYI MTSAN NYID THA DAD PA MED PA LAS BRTZAMS PA'I PHYIR DANG, RNAM PAR MI RTOG PA'I RNAM PA LAS BRTZAMS PA'I PHYIR DANG, SEMS CAN BDAG MED PA DANG CHOS BDAG MED PAR MTSUNGS PA NYID KYI PHYIR DANG, RNAM PAR GROL BA MTSUNGS PA NYID KYI PHYIR DANG, 'DI LTAR SGRUB PA THA DAD PA DAG LA DNGOS PO DANG YANG DAG PA MA YIN PA RNAM PAR RTOG PA'I NYON MONGS PA YOD KYANG GNYEN PO DANG DMIGS PAR BYA BA'I CHOS NYID MI MTHUN PA MED PA NYID KYI PHYIR DANG, SHIN TU LEGS PAR SPRUL NAS GNAS PA'I PHYIR DANG, YOD PA MTHAR PHYIN PA'I PHYIR RO ZHES BSHAD DO, ,BSTAN BCOS MDO SDE'I RGYAN DANG, DON RNAM PA BCU'I PHYIR THEG PA GCIG TU GSUNGS PAR STON TE, BSTAN BCOS DE LAS SNGAR NI DON RNAM @18A *, ,PA BRGYAD KYIS MDO SDE RNAMS LAS DE BZHIN GSHEGS PAS THEG PA GCIG TU GSUNGS PA STON TO, ,DE'I 'OG TU NI YONGS SU 'DZIN PA'I DON RNAM PA GNYIS KYIS DE BZHIN GSHEGS PA RNAMS THEG PA GCIG TU GSUNGS PA'I DGONGS PA STON TE, DE'I PHYIR BSTAN BCOS DE LAS, 'DI LTAR MDO DE DANG DE DAG LAS DGONGS PA 'DI BRGYAD KYIS DE BZHIN GSHEGS PA RNAMS KYIS THEG PA GCIG TU GSUNGS KYANG THEG PA GSUM PO DAG MED PA NI MA YIN NO, ,GAL TE DE LTA NA DGONGS PA JI LTA BU ZHIG GIS THEG PA GCIG TU GSUNGS SHE NA, TSIG LE'UR BYAS PA LAS, NYAN THOS RNAMS NI DRANG BA DANG, ,BYANG CHUB SEMS DPA' GZUNG BA'I PHYIR, ,'DI GNYIS LA NI MA NGES PA, ,SANGS RGYAS RNAMS KYIS THEG GCIG GSUNGS, ,ZHES 'BYUNG BA STE, RGYA CHER NI DE NYID LAS BSHAD PA BZHIN NO, ,SLOB DPON THOGS MED KYIS BSTAN BCOS THEG PA CHEN PO BSDUS PA MDZAD PA LAS KYANG, BSTAN BCOS MDO SDE'I RGYAN GYI TSIG LE'UR BYAS PA KHUNGS SU BZHAG NAS DON RNAM PA BCU STON PAS SLOB DPON DBYIG GNYEN DANG, NGO BO NYID MED KYIS SO SO NAS 'GREL BA MDZAD DE DON RNAM PA BCU PO DE DAG STON TO, ,DE'I PHYIR SLOB DPON THOGS MED KYIS MDZAD PA'I BSTAN BCOS THEG PA CHEN PO BSDUS PA LAS, GAL TE NYAN THOS DANG RANG SANGS RGYAS DANG THUN MONG MA YIN TE, SANGS RGYAS RNAMS KYI CHOS KYI SKU YON TAN PHUN SUM TSOGS PA 'DI LTA BU DAG DANG LDAN PA YIN NA DGONGS PA GANG GIS THEG PA GCIG TU BSTAN CE NA, 'DI LA TSIGS SU BCAD PA GNYIS YOD DE, KHA CIG DAG NI DRANG PHYIR DANG, ,GZHAN YANG KUN TU GZUD PA'I PHYIR, ,RDZOGS PA'I SANGS RGYAS RNAMS KYIS NI, ,MA NGES RNAMS LA THEG GCIG BSTAN, ,CHOS DANG BDAG MED GROL MTSUNGS PHYIR, ,RIGS NI THA DAD GYUR PA'I PHYIR, ,BSAM GNYIS BRNYES PHYIR SPRUL PA'I PHYIR, ,MTHAR PHYIN PAS NI THEG GCIG BSTAN, ,ZHES 'BYUNG STE, SLOB DPON DBYIG GNYEN GYIS MDZAD PA'I 'GREL BA LAS, 'DIR TSIGS SU BCAD PA GNYIS KYIS SANGS RGYAS RNAMS THEG PA GCIG TU GSUNGS PA'I DGONGS PA RNAM PAR 'BYED DE, KHA @18B CIG DAG NI DRANG BA'I PHYIR, ,ZHES BYA BA NI 'DI LTA STE, RIGS MA NGES PA'I NYAN THOS LA SOGS PA DRANGS NAS THEG PA CHEN PO LA GZHOL BAR MDZAD PA STE, MA NGES PA'I RIGS CAN GYI NYAN THOS LA SOGS PA DE DAG JI LTAR THEG PA CHEN PO'I DBANG GIS YONGS SU MYA NGAN LAS 'DA' BAR 'GYUR SNYAM DU DGONGS PA'O, ,GZHAN YANG KUN TU GZUD PA'I PHYIR, ,ZHES BYA BA NI 'DI LTA STE, MA NGES PA'I RIGS CAN GYI BYANG CHUB SEMS DPA' RNAMS THEG PA CHEN PO LA GNAS PAR MDZAD PA STE, JI LTAR MA NGES PA'I RIGS CAN GYI BYANG CHUB SEMS DPA' RNAMS THEG PA CHEN PO MI SPONG ZHING NYAN THOS KYI THEG PAS YONGS SU MYA NGAN LAS 'DAS PAR MI 'GYUR SNYAM DU DGONGS NAS DON DE'I PHYIR DE BZHIN GSHEGS PA RNAMS THEG PA GCIG TU GSUNGS PA'O, ,MA NGES PA LA SOGS PA'I TSIG DANG, DON GYI DBANG GIS CHOS DANG BDAG MED PA DANG, RNAM PAR GROL BA'I BAR DU RGYA CHER GSUNGS PA YIN NO ZHES 'BYUNG STE, GONG DU BSTAN PA'I DON RNAM PA GNYIS NI BSTAN BCOS THEG PA CHEN PO BSDUS PA'I 'GREL BA NGO BO NYID MED KYIS BYAS PA DANG, MDO SDE'I RGYAN LAS KYANG 'DI SKAD DU STON TO, ,THEG PA CHEN PO BSDUS PA'I 'GREL BA MI MTHUN PA RNAM PA GCIG LAS NI CUD ZAD MI MTHUN TE, DE'I PHYIR 'GREL BA DE NYID LAS, ,MA NGES RIGS CAN NYAN THOS DANG, ,GZHAN YANG BYANG CHUB SEMS DPA' RNAMS, ,THEG PA CHEN POR 'DRA BA DANG, ,NGES PA'I RIGS LA THEG GCIG BSTAN, ,ZHES 'BYUNG STE, 'DI NYID KYI 'GREL BA LAS, NYAN THOS LA SOGS PA GANG DAG THEG PA CHEN PO LA DBANG PO DANG, RIGS NGES PAR MA GYUR BA DE DAG THEG PA CHEN PO LA MOS PA BSKYED NAS, THEG PA CHEN PO SGRUB TU GZHUG PA'I CHED DU DE BZHIN GSHEGS PA RNAMS THEG PA GCIG TU GSUNGS PAS DRANGS NAS, THEG PA CHEN PO LA GNAS PAR MDZAD PA DANG, BYANG CHUB SEMS DPA' GANG DAG THEG PA CHEN POR DBANG PO DANG, RIGS NGES PAR MA GYUR BA DE DAG JI LTAR THEG PA CHEN PO LA BKOD NAS THEG PA CHEN PO SPONG BAR MI 'GYUR SNYAM DU DGONGS NAS, DE BZHIN GSHEGS PA RNAMS THEG PA GCIG TU GSUNGS PAS DRANGS NAS THEG PA CHEN PO LA GNAS PAR @19A *, ,MDZAD PA DANG, BYANG CHUB SEMS DPA' GANG DAG THEG PA CHEN POR RIGS NGES PAR GYUR PA DAG JI LTAR LDOG PAR MI 'GYUR BA DANG, THA DAD PA'I BSAM PA 'BYUNG BAR MI 'GYUR SNYAM DU DGONGS NAS BYANG CHUB SEMS DPA' DE'I PHYIR THEG PA GCIG TU GSUNGS SO ZHES 'BYUNG STE, BSTAN BCOS TSIG LE'UR BYAS PA DANG, 'GREL BA GNYIS KA LAS KYANG DE BZHIN GSHEGS PA RNAMS GANG ZAG GSUM GYI CHED DU THEG PA GCIG TU GSUNGS PA YIN PAR STON TO, ,DE YANG SNGA MA GNYIS NI MA NGES PA'O, ,PHYI MA GCIG NI NGES PAR GYUR BA STE, BSTAN BCOS RNAMS LAS TSIG 'DI MED PA'I PHYIR TSAD MAR GZUNG DU MI RUNG NGO, SLOB DPON DBYIG GNYEN GYI 'GREL BA LAS, GZHAN YANG DGONGS PA THA DAD PA'I DBANG GIS THEG PA GCIG KHO NAR GSUNGS PA YIN TE, DGONGS PA THA DAD PA GANG ZHE NA, 'DI LTA STE, CHOS LA SOGS PA GSUNGS PA'I PHYIR RO, , DE LA CHOS MTSUNGS PA'I PHYIR ZHES BYA BA LA CHOS NI 'DI LTA STE, DE BZHIN NYID DE NYAN THOS LA SOGS PA BGROD PAR MTSUNGS PA'I PHYIR THEG PA GCIG TU BSTAN TO, ,BDAG MED PAR MTSUNGS PA'I PHYIR ZHES BYA BA NI 'DI LTA STE, NYAN THOS LA SOGS PA LA GANG ZAG GI BDAG MED DE, BDAG MED PA'I PHYIR 'DI NI NYAN THOS SO, ,'DI NI BYANG CHUB SEMS DPA'O ZHES BYA BA YANG RIGS PA MA YIN TE, BDAG MED PA DANG MTSUNGS PA'I PHYIR THEG PA GCIG TU BSTAN TO, ,RNAM PAR GROL BA MTSUNGS PA'I PHYIR ZHES BYA BA NI 'DI LTA STE, NYAN THOS LA SOGS PAS NYON MONGS PA'I SGRIB PA LAS MTSUNGS PAR RNAM PAR GROL BA'I PHYIR THEG PA GCIG TU GSUNGS TE, BCOM LDAN 'DAS KYIS JI SKAD DU, RNAM PAR GROL BA DANG, RNAM PAR GROL BA NI THA DAD DU DBYER MED DO ZHES GSUNGS PA LTA BU'O, ,RIGS THA DAD PAR GYUR BA'I PHYIR ZHES BYA BA NI RIGS BYE BRAG TU GYUR BA'I PHYIR MA NGES PA'I RIGS CAN GYI NYAN THOS LA SOGS PA YANG SANGS RGYAS SU 'GRUB PAR 'GYUR BAS DGONGS PA DE'I PHYIR THEG PA GCIG TU STON TO, ,BSAM PA GNYIS BRNYES PA'I PHYIR ZHES BYA BA NI BSAM PA GNYIS BRNYES PA'I PHYIR TE, DANG PO NI DE'I DBANG GIS SEMS CAN THAMS CAD PHA ROL GANG YIN @19B PA DE NI BDAG GO, ,BDAG GANG YIN PA DE NI PHA ROL LO ZHES DE LTAR YONGS SU BZUNG BA STE, GANG GI PHYIR DES MNGON PAR RDZOGS PAR SANGS RGYAS PA'I PHYIR DE DAG KYANG MNGON PAR RDZOGS PAR SANGS RGYAS PAR 'GYUR RO ZHES DGONGS PA DE'I PHYIR THEG PA GCIG TU BSTAN TO, ,GNYIS PA CHOS NYID MNYAM PA'I BSAM PA BRNYES PA NI 'DI LTA STE, NYAN THOS RNAMS DAM PA'I CHOS PADMA DKAR PO'I MDO LAS, BCOM LDAN 'DAS KYIS LUNG BSTAN PAS CHOS NYID MNYAM PA'I BSAM PA THOB PAR 'GYUR BA STE, CHOS KYI SKU MA THOB KYANG MNYAM PA NYID KYI BSAM PA THOB PA DE'I DBANG GIS 'DI SNYAM DU SEMS TE, SANGS RGYAS KYI CHOS NYID GANG YIN PA DE NYID NI BDAG CAG GI CHOS NYID DO SNYAM DU SEMS SO, ,RNAM PA GZHAN DU NA 'KHOR DE NA BYANG CHUB SEMS DPA' DE DAG DANG, MI MTHUN PA YOD PAS BCOM LDAN 'DAS KYIS LUNG BSTAN PA YIN TE, DES NA CHOS NYID MNYAM PA'I BSAM PA BRNYES PA'I PHYIR THEG PA GCIG TU GSUNGS SO ZHES BYA BA'I THA TSIG GO, ,SPRUL PA'I PHYIR ZHES BYA BA NI SANGS RGYAS NYID NYAN THOS KYI THEG PA PA LA SOGS PAR SPRUL PA STE, BCOM LDAN 'DAS KYIS JI SKAD DU NGAS MNGON PAR DRAN TE, LAN BRGYA PHRAG GRANGS MED PAR NYAN THOS KYI THEG PA'I MYA NGAN LAS 'DAS PA'I YONGS SU MYA NGAN LAS 'DAS SO ZHES GSUNGS PA LTA BU STE, DGONGS PA DE'I PHYIR THEG PA GCIG TU GSUNGS SO, ,'DI LTAR NYAN THOS KYI THEG PAS 'DUL BA'I SEMS CAN DAG DE LTA BU MTHONG BA'I DBANG GIS MYA NGAN LAS 'DAS PA THOB PAR 'GYUR BA'I PHYIR SPRUL PA 'DI BSTAN PA YIN NO ZHES BYA BA'O, ,MTHAR PHYIN PHYIR ZHES BYA BA NI THEG PA 'DI GCIG KHO NA MTHAR PHYIN CING MCHOG TU GYUR BA STE GONG NA GZHAN THEG PA MCHOG TU GYUR BA MED PA'I PHYIR RO, ,NYAN THOS LA SOGS PA'I THEG PA NI KHYAD PAR CAN DANG, BCAS PA STE SANGS RGYAS KYI THEG PA'O, ,DGONGS PA DES NA SANGS RGYAS BCOM LDAN 'DAS RNAMS KYIS THEG PA GCIG TU GSUNGS PA YIN NO ZHES 'BYUNG NGO, ,SEMS CAN GYI KHAMS THAMS CAD NA SEMS CAN GYI RIGS RNAM PA SNA TSOGS DBANG PO RTUL PO NYID, DBANG PO 'BRING NYID DANG, @20A *, ,DBANG PO RNON PO NYID KYI BYE BRAG KYANG MED PA NI MA YIN NO ZHES BYA BA NI GSUM PA YANG DAG PA'I DON DU THEG PA GSUM PO DAG LA BYE BRAG YOD PAR BSTAN PA'O, ,'DI YANG RNAM PA GNYIS KYIS BSTAN TE, GCIG PA NYID MA YIN PAR MNGON PAR BSTAN PA DANG, DBANG PO'I DBANG DU MDZAD NAS RNAM PA GSUM DU DBYE BA'O, ,DE LA GCIG PA NYID MA YIN ZHES BYA BA NI 'DI LTA STE, SEMS CAN GYI KHAMS NI RIGS RNAM PA LNGA'I BYE BRAG MED PA NI MA YIN NO ZHES BYA BA'I THA TSIG GO, ,DE LA RIGS RNAM PA LNGA ZHES BYA BA NI 'DI LTA STE, THEG PA GSUM DANG, MA NGES PA DANG, RIGS MED PA'O, ,RIGS MED PA ZHES BYA BA NI GANG GI LUS LA THEG PA RNAM PA GSUM GYI MYA NGAN LAS 'DA' BA'I RIGS MED PA GANG YIN PA'O, ,DE LA RIGS YOD PA YANG RNAM PA BZHI'O, ,DANG PO NYAN THOS KYI RIGS CAN NI 'DI LTA STE, GANG GI LUS LA NYAN THOS KYI MYA NGAN LAS 'DAS PA'I RIGS KHO NA YOD PA GANG YIN PA'O, ,GNYIS PA NI RANG SANGS RGYAS KYI RIGS KYI RIGS CAN DANG, GSUM PA BYANG CHUB SEMS DPA'I RIGS CAN RNAM PA GNYIS NI NYAN THOS KYI RIGS CAN BZHIN DU RIG PAR BYA'O, ,BZHI PA MA NGES PA'I RIGS CAN NI 'DI LTA STE, GANG GI LUS LA THEG PA GSUM GYI MYA NGAN LAS 'DAS PA'I RIGS DANG LDAN PAS SEMS YONGS SU BSGYUR NAS NGES PAR BLA NA MED PA'I BYANG CHUB LA GZHOL PAR 'GYUR BA STE, SANGS RGYAS DANG BYANG CHUB SEMS DPA' RNAMS KYI THUGS RJE CHEN PO DANG THABS KYIS YONGS SU BZUNG BA'I PHYIR RO, ,RIGS DE YANG RNAM PA GNYIS TE, NGO BO NYID KYI RIGS DANG, BSTEN PA'I RIGS SO, ,RIGS 'DI BSHAD PA YANG RGYA GAR YUL BA'I SLOB DPON RNAMS SO SO NAS BSHAD PA MI MTHUN PAS KHA CIG NA RE GZOD MA NAS YOD PA YIN GYI GSAR DU THOB PA NI MA YIN NO ZHES STON TO, ,SLOB DPON ZLA BA SKYONG LTA BU'O, , DES CHOS NYID KYI SA BON KHO NA YOD KYI GSAR DU THOB PA MA YIN NO ZHE'O,, ,,BAM PO NYI SHU BRGYAD PA, RIGS KYI BU ZHI BA LA GCIG TU BGROD PA'I NYAN THOS KYI RIGS CAN GYI GANG ZAG NI SANGS RGYAS RNAMS KYIS BRTZON PA DANG, SBYOR BA'I THABS RNAM PA SNA TSOGS KYIS GDUL BAR MDZAD @20B KYANG BYANG CHUB KYI SNYING PO LA BZHAG STE, BLA NA MED PA YANG DAG PAR RDZOGS PA'I BYANG CHUB 'THOB PAR BYAR MI NUS SO ZHES BYA BA 'DI MAN CHAD NI GNYIS PA ZHI BA LA PHYOGS PA'I NYAN THOS NGES PAR MNGON PAR RDZOGS PAR 'TSANG MI RGYA BAR BSTAN PA'O, ,'DI YANG RNAM PA BZHI SA BSTAN TE, MDOR BSTAN PA DANG, BRTAG PA DANG, RNAM PAR BSHAD PA DANG, MJUG BSDU BA'O, ,'DI NI DANG PO STE, 'DI LTAR ZHI BA LA PHYOGS PA DE DAG RIGS NGES PA YIN PA'I PHYIR SANGS RGYAS RNAMS KYIS GDUL BAR MDZAD KYANG MNGON PAR RDZOGS PAR 'TSANG RGYA BAR MI 'GYUR BA'O, ,DE CI'I PHYIR ZHE NA ZHES BYA BA NI GNYIS PA BSTAN PA'O, ,'DI LTAR DE DAG RANG BZHIN GYIS DMAN PA'I RIGS KHO NA DANG LDAN PA'I PHYIR DANG, BYAMS PA DANG, SNYING RJE SHIN TU CHUNG BA'I PHYIR DANG, SDUG BSNGAL SNA TSOGS KYIS SHIN TU 'JIGS PA'I PHYIR RO ZHES BYA BA LA SOGS PAS NI GSUM PA RNAM PAR BSHAD PA STON TO, , 'DI YANG RNAM PA GSUM GYIS BSTAN TE, RGYU RNAM PA GSUM SPYIR BSTAN PA DANG, SNGA MA'I RGYU GNYIS SMOS NAS SKYON RNAM PA GNYIS RAB TU BSTAN PA DANG, SKYON SNGA MA GNYIS SMOS NAS SANGS RGYAS SU MI 'GRUB PAR BSTAN PA'O, ,'DI NI DANG PO STE, 'DI LTAR RIGS NGES PA'I THEG PA GNYIS PO'I RIGS CAN DAG RANG BZHIN GYIS DMAN PA'I RIGS YIN PA'I PHYIR 'DI NI SPYI'I RGYU'O, ,BYAMS PA DANG, SNYING RJE SHIN TU CHUNG BA'I PHYIR ZHES BYA BA NI SANGS RGYAS KYI SGRIB PA'O, ,SDUG BSNGAL SNA TSOGS KYIS SHIN TU 'JIGS PA'I PHYIR ZHES BYA BA NI NYAN THOS KYI SGRIB PA STE, DE'I PHYIR BLA NA MED PA PA'I GNAS BSTAN PA'I MDO LAS, SGRIB PA NI RNAM PA BZHI YOD DE, THEG PA CHEN PO LA RGYAB KYIS PHYOGS PA NI 'DOD CHEN PA'I SGRIB PA'O, ,BDAG TU LTA BA LA MNGON PAR ZHEN PA NI MU STEGS CAN RNAMS KYI SGRIB PA'O, ,SHIN TU SKYO ZHING 'JIGS PA DANG, NGAL BA NI NYAN THOS KYI SGRIB PA'O, ,GZHAN LA PHAN 'DOGS PA LA RGYAB KYIS PHYOGS PA NI RANG SANGS RGYAS KYI SGRIB PA'O ZHES GSUNGS PAS, DE'I PHYIR PHYI MA GNYIS NI THEG PA PA GNYIS KYI SGRIB PA YIN PAR MNGON NO, ,YANG DAG PA'I DON DU NA THEG PA GNYIS KYANG SGRIB PA GNYIS GNYIS DANG LDAN MOD KYI, BLA NA MED PA'I GNAS BSTAN PA'I MDO @21A *, ,LAS RE ZHIG MTSAN NYID KYI DBANG DU MDZAD NAS SO SO'I SGRIB PA RE RE ZHIG BSTAN PA YIN NO, ,BYAMS PA DANG SNYING RJE SHIN TU CHUNG BAS SEMS CAN RNAMS LA PHAN 'DOGS PA'I BYA BA LA SHIN TU MI PHYOGS PAR 'GYUR RO, ,DE SDUG BSNGAL SNA TSOGS LA SHIN TU 'JIGS PAS DE'I PHYIR 'DU BYED MNGON PAR 'DU BYA BA RNAMS LA SHIN TU MI PHYOGS PAR 'GYUR TE ZHES BYA BA NI GNYIS PA SKYON RNAM PA GNYIS BSTAN PA STE, MDO 'DI NYID KYIS BRDA PHRAD PAR ZAD DO, ,NGA NI NAMS KYANG SEMS CAN LA PHAN 'DOGS PA'I BYA BA LA SHIN TU MI PHYOGS PA DANG, 'DU BYED MNGON PAR 'DU BYA BA RNAMS LA SHIN TU MI PHYOGS PA DAG BYANG CHUB KYI SNYING PO LA 'DUG NAS, BLA NA MED PA YANG DAG PAR RDZOGS PA'I BYANG CHUB THOB PAR 'GYUR RO ZHES MI STON PAS ZHES BYA BA NI GSUM PA SANGS RGYAS SU MI 'GRUB PAR BSTAN PA STE, 'DI LTAR SKYON RNAM PA GNYIS KYI PHYIR, NAMS KYANG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO ZHES MI GSUNG BA'O, ,DE'I PHYIR DE DAG ZHI BA LA GCIG TU BGROD PA'I NYAN THOS ZHES BYA'O ZHES BSTAN TO ZHES BYA BA NI BZHI PA MJUG BSDU BA STE BRDA PHRAD PAR ZAD DO, ,NYAN THOS BYANG CHUB TU YONGS SU 'GYUR BA'I GANG ZAG GANG YIN PA DE NI NGAS RNAM GRANGS KYI BYANG CHUB SEMS DPA' YIN PAR BSTAN TE ZHES BYA BA 'DI MAN CHAD NI GSUM PA YONGS SU 'GYUR BA'I NYAN THOS NGES PAR SANGS RGYAS SU 'GRUB PAR STON TO, ,'DI YANG RNAM PA BZHIS BSTAN TE, MDOR BSTAN PA DANG, BRTAG PA DANG, RNAM PAR BSHAD PA DANG, MJUG BSDU BA'O, ,'DI'I MDO NI MDOR BSTAN PA STE, 'DI LTAR YONGS SU 'GYUR BA'I NYAN THOS ZHES BYA BA NI, BSTAN BCOS RNAL 'BYOR SPYOD PA'I SA LAS BSTAN PA'I RIGS RNAM PA LNGA LAS, MA NGES PA'I RIGS CAN NYID DO, ,YANG NA RIM GYIS 'JUG PA DANG CIG CAR 'JUG PA'I BYANG CHUB SEMS DPA' RNAM PA GNYIS LAS RIM GYIS GO BA BZUNG BA STE, DE DAG NGES PAR SANGS RGYAS SU 'GRUB PAR 'GYUR BA'I PHYIR DAM PA'I CHOS PADMA DKAR PO'I MDO LAS KYANG, KHYED LA SOGS PAS SPYOD PA 'DI DAG THAMS CAD NI BYANG CHUB SEMS DPA'I SPYOD PA YIN NO ZHES GSUNGS TE, @21B DE YANG 'DIR BSTAN PA'I MA NGES PA LA DGONGS NAS GSUNGS PA YIN NO, ,GZHAN YANG BSTAN BCOS MDO SDE'I RGYAN LAS, MA NGES PA'I SGRIB PA'I GNYEN POR THEG PA CHEN PO'I MDO LAS, SANGS RGYAS RNAMS KYIS NYAN THOS SANGS RGYAS SU 'GYUR RO ZHES LUNG BSTAN PA DANG, THEG PA GCIG KHO NA STE, , GNYIS PA GZHAN MED DO ZHES GSUNGS PA YIN NO ZHES BSHAD DE, BSTAN BCOS MNGON PA SNA TSOGS KUN LAS BTUS PA LAS KYANG DE SKAD DU STON TO, ,DE CI'I PHYIR ZHE NA, ZHES BYA BA NI GNYIS PA BRTAG PA'O, ,DE NYON MONGS PA'I SGRIB PA LAS RNAM PAR GROL NAS GAL TE SANGS RGYAS LA SOGS PAS BSKUL NA SHES BYA'I SGRIB PA LAS DE'I SEMS RNAM PAR GROL BA YANG THOB PAR 'GYUR TE ZHES BYA BA NI GSUM PA RNAM PAR BSHAD PA STE, 'DI LTAR DE BZHIN GSHEGS PA RNAMS KYIS CHOS BSTAN PAS SHES BYA'I SGRIB PA SPANGS NAS RIM GYIS MI GNAS PA'I MYA NGAN LAS 'DAS PA THOB PAR 'GYUR BAS, RIGS PA DES NA NGES PAR SANGS RGYAS SU 'GRUB PAR 'GYUR BA'O, ,'DI LTAR DE DANG POR BDAG GI DON LA SBYOR BA'I RNAM PAS NYON MONGS PA'I SGRIB PA LAS RNAM PAR GROL BAS DE'I PHYIR DE BZHIN GSHEGS PAS DE NYAN THOS KYI RIGS SU DGONGS PA'O ZHES BYA BA NI BZHI PA MJUG BSDU BA STE, NYAN THOS DE YANG BSTAN PA RNAMS LAS SO SO NAS BSHAD PA MI MTHUN PAS, KHA CIG LAS NI RNAM PA GNYIS SO ZHES BSHAD DE, 'DI LTA STE, ZHI BA LA PHYOGS PA DANG, YONGS SU 'GYUR BA'I NYAN THOS MDO 'DI NYID DANG, DGONGS PA ZAB MO RNAM PAR DGROL BA'I MDO LAS GSUNGS PA LTA BU'O, ,KHA CIG LAS NI RNAM PA GSUM MO ZHES BSHAD DO, 'DI LTA STE, BYANG CHUB LAS PHYIR MI LDOG PA DANG, ZHI BA'I NYAN THOS DANG, MNGON PA'I NGA RGYAL CAN TE, 'PHAGS PA LANG KAR GSHEGS PA'I MDO LAS MING KHO NAS BKOD NAS RNAM PAR BSHAD PA LTA BU'O, ,GZHAN YANG RNAM PA GSUM BO 'DI LTA STE, SPRUL BA DANG, SMON LAM DANG, CHOS NYID KYI STE, BSTAN BCOS RNAL 'BYOR SPYOD PA'I SA LAS BSHAD PA LTA BU'O, ,DE'I PHYIR BSTAN BCOS DE NYID LAS, GZHAN YANG JI LTAR NYAN THOS KYI THEG PA RNAM PAR GZHAG CE NA, SMRAS PA, RGYU RNAM PA GSUM GYIS TE, SPRUL PA'I PHYIR @22A *, ,DANG, SMON LAM GYI PHYIR DANG, CHOS NYID KYI PHYIR RO, ,DE LA SPRUL PA'I PHYIR ZHES BYA BA NI 'DI LTA STE, 'DUL BA'I DBANG GIS DE BZHIN GSHEGS PAS DE DANG DER NYAN THOS SPRUL BAR MDZAD PA GANG YIN PA'O, ,SMON LAM GYI PHYIR ZHES BYA BA NI 'DI LTA STE, GANG ZAG NYAN THOS KYI THEG PAR SMON LAM BTAB PA DAG NYAN THOS ZHES BYA BAR RNAM PAR 'JOG PAR MDZAD PA GANG YIN PA'O, ,CHOS NYID KYI PHYIR ZHES BYA BA NI 'DI LTA STE, GANG ZAG GANG RANG BZHIN GYIS SNYING RJE CHUNG BA DANG, SDUG BSNGAL RNAMS KYIS 'JIGS PA'I RGYU DE GNYIS KYIS GZHAN GYI DON KYANG MI 'DOD PA, GZHAN DAG GI DON DU 'KHOR BA YANG MI 'DOD PAS CHOS NYID DE LA GNAS PA'I PHYIR NYAN THOS SU 'DOGS PAR MDZAD PA'O, GZHAN YANG CHOS NYID MNGON PAR RDZOGS PAR BYANG CHUB PA'I PHYIR TE, 'DI LTAR RNAM PAR GZHAG PA'I BDEN PA DAG LA SKRAG PA'I RNAM PAS SHAS CHER 'JUG PA DES NA YONGS SU RDZOGS PA THOB PAR 'GYUR RO, ,NYAN THOS KYI THEG PA JI LTA BA DE BZHIN DU RANG SANGS RGYAS KYANG DE BZHIN TE, DE NI SANGS RGYAS RNAMS 'BYUNG BA MED KYANG MNGON PAR RDZOGS PAR BYANG CHUB PAR 'GYUR BAS KHYAD PAR DU 'PHAGS PA YIN NO, ,BYANG CHUB SEMS DPA' NI DE LAS BZLOG PA'I RGYU RNAM PA GSUM KHO NAS BLTA BAR BYA'O ZHES BSTAN TO, ,KHA CIG LAS NI RNAM PA BZHI PA NGES PA DANG, MNGON PA'I NGA RGYAL CAN DANG, BYANG CHUB LAS PHYIR LDOG PA DANG, SPRUL PA'O ZHES STON TE, DAM PA'I CHOS PADMA DKAR PO'I 'GREL PA LAS, MING BKOD NAS RNAM BAR MA BSHAD PA LTA BU'O, ,YANG KHA CIG RNAM PA BZHI PO STON PA NI SPRUL PA DANG, MNGON PA'I NGA RGYAL CAN DANG, BYANG CHUB YONGS SU 'GYUR BA DANG, ZHI BA LA GCIG TU PHYOGS PA'O ZHES STON TE, ,BSTAN BCOS RNAL 'BYOR SPYOD PA'I SA LAS JI SKAD DU, NYAN THOS RNAM PA BZHI GANG ZHE NA, SPRUL PA'I NYAN THOS DANG, MNGON PA'I NGA RGYAL CAN GYI NYAN THOS DANG, BYANG CHUB TU YONGS SU 'GYUR BA'I NYAN THOS DANG, ZHI BA BGROD PA GCIG PA'I NYAN THOS SO, ,DE LA SPRUL PA'I NYAN THOS NI BYANG CHUB SEMS DPA' SEMS CAN RNAMS 'DUL BA'I PHYIR SPRUL PA GANG YIN PA'O, ,DE LAS MNGON PA'I NGA RGYAL @22B CAN GYI NYAN THOS NI GANG ZAG LA BDAG MED TZAM GYI SHES PA DANG, CHOS BDAG MED PA LA LOG PAR MNGON PAR ZHEN PA'I SHES PAS DAG PAR RTOG PA GANG YIN PA'O, ,DE LA BYANG CHUB TU YONGS SU 'GYUR BA'I NYAN THOS NI DANG PO NYID NAS SNYING RJE SHIN TU CHUNG BA'I RIGS CAN DU GYUR PA LAS DE BZHIN GSHEGS PA DANG NYE BAR GNAS PA'I PHYIR SANGS RGYAS KYI CHOS RGYA CHEN PO DAG LA YON TAN DU 'DU SHES PA YONGS SU BSGOMS PA'I RGYUD CAN DU GYUR PAS, DE MTHAR THUG PAR GYUR CING, ZAG PA MED PA'I DBYINGS LA GNAS KYANG, SANGS RGYAS RNAMS KYIS YANG DAG PAR BSKUL BAR MDZAD, 'JUG PAR MDZAD CING THABS NYE BAR STON PAR MDZAD DE, DE RGYU DES NA BYANG CHUB CHEN PO LA MNGON PAR GZHOL BAR BYED PA GANG YIN PA'O, ,DE DE LTAR BYANG CHUB CHEN PO LA MNGON PAR GZHOL BAR BYED MOD KYI, ZHI BA LA MNGON PAR DGA' BA NYID KYI PHYIR DE SBYOR BA DE LA RTOGS PA SHIN TU BUL BAR 'GYUR TE, SANGS RGYAS KYI RIGS CAN DANG PO SEMS BSKYED PA NI DE LTA BUR MI 'GYUR RO, ,DE LA ZHI BA'I BGROD PA GCIG PA'I NYAN THOS NI DANG PO NYID NAS SNYING RJE SHIN TU CHUNG BA'I RIGS CAN YIN PA'I PHYIR DANG, GCIG TU SEMS CAN GYI DON LA MI PHYOGS PA'I PHYIR DANG SDUG BSNGAL GYIS 'JIGS PA'I PHYIR MYA NGAN LAS 'DAS PA LA GNAS PA'I BSAM PA CAN KHO NAR 'GYUR ZHING, BYANG CHUB CHEN PO MNGON PAR BSGRUB PA'I SKAL BA MED PA GANG YIN PA'O ZHES BSTAN PA LTA BU'O, ,YANG KHA CIG RNAM PA BZHI'O ZHES BSTAN PA NI 'DI LTA STE, SPRUL PA'I NYAN THOS DANG, MNGON PA'I NGA RGYAL CAN GYI NYAN THOS DANG, BYANG CHUB TU SMON LAM BTAB PA'I NYAN THOS DANG, 'GOG PA'I TING NGE 'DZIN GYI NYAN THOS SO ZHES STON TE, 'PHAGS PA DKON MCHOG BRTZEGS PA'I 'GREL BA LAS JI SKAD DU BSTAN PA LTA BU'O, ,DE LAS 'BYUNG BA YANG BSTAN BCOS RNAL 'BYOR SPYOD PA'I SA LAS NYAN THOS RNAM PA BZHI BSTAN PA NYID YIN TE, MING THA DAD KYANG DON GCIG PA'I PHYIR 'DIR MA BSTAN TE, CI'I PHYIR BSTAN PA RNAMS LAS GRANGS MANG NYUNG MI MTHUN PAR GYUR ZHE NA, YANG DAG PA'I DON DU NA RNAM PA BZHI KHO NA STE, RNAL 'BYOR SPYOD PA'I SA LA SOGS PA LAS BSTAN PA KHO NA BZHIN NO, ,DE LA BYE BRAG YOD PA @23A *, , ,YANG RNAL 'BYOR SPYOD PA'I SA LA SOGS PA LAS BZHI ZHES BSTAN PA NI NYAN THOS THAMS CAD BSDUS PA YIN NO, ,DAM PA'I CHOS PADMA DKAR PO'I 'GREL PA LAS, BYANG CHUB LAS PHYIR LDOG PA ZHES 'BYUNG BA NI DANG PO NYID NAS LDOG PAR MA GYUR PA MA BSDUS PAS DE'I PHYIR 'DIR 'PHAGS PA DKON MCHOG BRTZEGS PA DANG, RNAL 'BYOR SPYOD PA'I SA LAS BSTAN PA NI MCHOG TU BZANG NGO, ,YANG NA DAM PA'I CHOS PADMA DKAR PO'I MDO'I 'GREL PA LAS, BYANG CHUB LAS PHYIR LDOG PA ZHES BSTAN PA NI BYE BRAG SMOS NAS SPYI RAB TU BSTAN PA YIN TE, YONGS SU 'GYUR BA'I PHYOGS GCIG PA YIN PA'I PHYIR JI LTAR SEMS PAS 'DU BYED KYI PHUNG PO BSDUS PA LTA BU'O, ,'PHAGS PA LANG KAR GSHEGS PA LAS GSUM ZHES GSUNGS SHING, SPRUL BA BKOL BA NI YANG DAG PA'I NYAN THOS MA YIN PA'I PHYIR MDOR BSDUS NAS MA BSTAN PA YIN NO, ,RNAL 'BYOR SBYOD PA'I SA LAS SPRUL PA ZHES 'BYUNG BA NI BSTAN BCOS RNAMS LAS SPRUL PA'I NYAN THOS ZHES BSTAN PA NYID DO, ,CHOS NYID KYI 'BYUNG BA NI NGES PA'I NYAN THOS ZHES BSTAN PA NYID DO, ,SMON LAM BTAB PA ZHES 'BYUNG BA NI YONGS SU 'GYUR BA'I NYAN THOS BSTAN PA NYID DE, SNGAR NYAN THOS KYI THEG PAR SMON LAM BTAB PA'I 'OG TU PHYIS SMON LAM CHEN PO BTAB PA NI SMON LAM BTAB PA ZHES KYANG BYA, YONGS SU 'GYUR BA ZHES KYANG BYA'O, ,GANG GIS BYANG CHUB CHEN PO LA GZHOL BA'I SEMS BSKYED PA DE NI BYANG CHUB SEMS DPA'I SMON LAM GYIS BSDUS PAS NYAN THOS ZHES MI BYA'O, ,MNGON PA'I NGA RGYAL CAN GANG YIN PA DE NI SMON LAM GYIS BSDUS PA 'AM, YANG NA SMON LAM DANG, CHOS NYID GNYIS KYIS BSDUS PA'I PHYIR DE LAS MA BSTAN TO, ,MDO 'DI NYID LAS SPRUL PA DANG MNGON PA'I NGA RGYAL CAN MA BSTAN PA YANG GONG MA BZHIN DU RIG PAR BYA'O, ,GZHAN YANG DON DAM YANG DAG 'PHAGS 'DI LTAR NGAS LEGS PAR GSUNGS PA, LEGS PAR BCAS PA'I CHOS 'DUL BA SHIN TU RNAM PAR DAG PA'I BSAM PAS BSHAD PA, LEGS PAR BSTAN PA'I CHOS LA NI SEMS CAN RNAMS KYI MOS PA RNAM PA SNA TSOGS KYI RIM PA YANG SNANG STE ZHES BYA BA 'DI MAN CHAD NI LNGA PA NGO BO NYID MED PAR STON PA'I @23B BSTAN PA LAS BRTZAMS NAS, MOS PA MI MTHUN PAR GYUR PA RNAM PAR 'BYED DO, ,'DI YANG RNAM PA GSUM GYIS BSTAN TE, BSTAN PA LA BRTEN NAS MOS PA THA DAD PAR GYUR PA MDOR BSTAN PA DANG, RIGS KYI BU ZHES BYA BA MAN CHAD KYIS BSTAN PA LA BRTEN NAS MOS PA THA DAD PAR GYUR BA RGYA CHER RNAM PAR 'BYED PA DANG, RIGS KYI BU ZHES BYA BA MAN CHAD KYIS BSTAN PA LA BRTEN NAS MOS PA THA DAD PAR GYUR BA BSHAD PA SPYI'I MJUG BSDU BA BSTAN PA STE 'DI NI DANG PO'O, ,MDO'I TSIG 'DI LA YANG BSHAD PA RNAM PA GSUM YOD DE, KHA CIG NA RE LEGS PAR GSUNGS PA ZHES BYA BA NI SDE SNOD RNAM PA GSUM LAS MDO SDE'I SDE SNOD DO, ,LEGS PAR BCAS PA'I CHOS ZHES BYA BA NI CHOS MNGON PA'I SDE SNOD DO, ,'DUL BA ZHES BYA BA NI 'DUL BA'I SDE SNOD NYID DO ZHE'O, ,KHA CIG NA RE LEGS PAR GSUNGS PA ZHES BYA BA NI RNAM PA GSUM LAS MOD SDE'I SDE SNOD DANG, CHOS MNGON PA'I SDE SNOD DO, ,LEGS PAR BCAS PA'I CHOS 'DUL BA ZHES BYA BA NI 'DUL BA'I SDE SNOD DO ZHE'O, ,KHA CIG NA RE LEGS PAR GSUNGS PA LEGS PAR BCAS PA ZHES BYA BA NI SDE SNOD GSUM SPYIR SMOS PA YIN TE, DE BZHIN GSHEGS PAS CHOS LEGS PAR GSUNGS SHING LEGS PAR BCAS PA'I PHYIR RO, ,'DUL BA ZHES BYA BA NI SDE SNOD GSUM CHAR LA YANG SDIG PA 'DUL BA'I NUS PA YOD PAS 'DUL BA ZHES BYA'O, ,'GOG PA ZHES KYANG BYA STE, SDE SNOD GSUM CHAR LA YANG SDIG PA 'GOG PA'I DON YOD PA'I PHYIR RO ZHE'O, ,SLOB DPON NGO BO NYID MED KYIS BYAS PA THEG PA CHEN PO BSDUS PA'I 'GREL BA LAS KYANG, YANG NA DGE BA THAMS CAD KYIS SDIG PA RNAMS 'GOG PAR NUS PAS NA 'DUL BA ZHES BYA'O ZHES BSHAD DO, ,LEGS PAR GSUNGS PAS LEGS PAR BCAS PA ZHES BYA BA NI BSTAN BCOS RNAL 'BYOR SPYOD PA'I SA LAS, RIGS PAS BSDUS PA'I PHYIR DANG, YON TAN KHYAD PAR CAN YONGS SU 'DZIN PA'I PHYIR DANG, TSIG DANG DON ZUR PHYIN PA STE, TSIG 'BRU YONGS SU RDZOGS PA'I PHYIR LEGS PAR GSUNGS PA ZHES BYA'O, ,BSLAB PA'I GNAS THAMS CAD 'CHA' BAR MDZAD PA'I PHYIR LEGS PAR BCAS PA ZHES BYA'O ZHES BSHAD DO, ,CHOS 'DUL BA ZHES BYA BA NI BSTAN BCOS RNAL 'BYOR SPYOD PA'I SA LAS, @24A *, ,'PHAGS PA'I LAM YAN LAG BRGYAD KYIS YANG DAG PA'I RIGS PA KHONG DU CHUD PA'I PHYIR CHOS ZHES BYA'O, ,NYON MONGS PA THAMS CAD 'GOG PA'I PHYIR 'DUL BA ZHES BYA'O, ,SHIN TU RNAM PAR DAG PA'I BSAM PAS BSHAD PA ZHES BYA BAS NI CHOS STON PAR NUS PA'I BSAM PA BSTAN TE, CHOS STON PA'I BSAM PA DE YANG SO SO NAS BSHAD PA MI MTHUN PAS SLOB DPON KLU SGRUB KYIS BSHAD PA DANG SBYAR NA CHOS STON PA NI RNAM PA GNYIS YOD DE, DANG PO 'KHOR BA DANG BCAS PA'I GANG ZAG GIS CHOS STON PAR BYED PA GANG YIN PA DE NI NGES PAR RTOG PA DANG DPYOD PA LA GNAS NAS SO, ,GNYIS PA CHOS KYI SKU'I BYANG CHUB SEMS DPAS CHOS STON PA GANG YIN PA DE NI RTOG PA DANG DPYOD PA LA MI GNAS PAR STON TO ZHES BSTAN TE, DE'I PHYIR SHES RAB KYI PHA ROL TU PHYIN PA'I 'GREL PA LAS, GZHAN YANG DE'I TSE BYANG CHUB SEMS DPA' RTAG PAR BSAM GTAN DANG TING NGE 'DZIN LA ZHUGS LA ZHUGS NAS SEMS BSDUS TE, MI G-YO BAS RTOG PA DANG DPYOD PA MI 'BYUNG YANG, PHYOGS BCU'I SEMS CAN THAMS CAD LA SGRA SKAD TSAD MED PAS CHOS STON CING YONGS SU GROL BAR BYED PA GANG YIN PA DE NI BSAM GTAN GYI PHA ROL TU PHYIN PA ZHES BYA'O, ,MDO DAG LAS SNGAR RTOG PA DANG DPYOD PAS BSAMS NAS DE'I 'OG TU GDOD CHOS 'CHAD PAR BYED DO ZHES GSUNGS PA DANG SBYAR NA BSAM GTAN DANG TING NGE 'DZIN LA ZHUGS PA'I TSE, NGAG GI RTOG PA DANG DPYOD PA MED PAS CHOS STON PAR 'GYUR PA'I MI RIGS NA, CI'I PHYIR KHYOD BSAM GTAN DANG TING NGE 'DZIN LA GNAS PA RTOG PA DANG DPYOD PA MI 'BYUNG BAR YANG SEMS CAN LA CHOS STON PAR BYED CES BSTAN, SMRAS PA, GANG 'KHOR BA DANG BCAS PA'I GANG ZAG DE DAG NI TING NGE 'DZIN LA ZHUGS PA'I TSE, SNGAR NGAG GI RTOG PA DANG DPYOD PA LA GNAS NAS, DE'I 'OG TU CHOS STON PAR BYED KYANG CHOS KYI SKU'I BYANG CHUB SEMS DPA' NI SKYE SHI'I LUS DANG BRAL TE, CHOS THAMS CAD RTAG TU GNAS SHING TING NGE 'DZIN GYI MTSAN NYID LTA BUR KHONG DU CHUD PAS RNAM PAR G-YENG BA'I CHOS KYANG MI GSAL LA CHOS KYI SKU'I BYANG CHUB SEMS DPA' SPRUL BA TSAD MED PAS SEMS CAN LA CHOS KYANG STON YANG SEMS LA RNAM PAR @24B RTOG PA MED DE, ,JI LTAR LHA MA YIN GYI BI WANG RTAG PAR RANG NYID LAS SGRA BYUNG ZHING, GZHAN GYIS RIG PA MED PAR YID BZHIN DU GYUR BA YANG RNAM PAR G-YENG BA MED PA'I SEMS DANG, YONGS SU 'DZIN PA MED PA'I SEMS DANG, BSOD NAMS KYI RNAM PAR SMIN PA LAS SKYES PA'I PHYIR YID BZHIN DU SGRA 'BYUNG BA LTAR CHOS KYI SKU'I BYANG CHUB SEMS DPA' YANG DE BZHIN DU RNAM PAR RTOG PA MED PA DANG, RNAM PAR G-YENG BA MED PA'I SEMS LA CHOS BSHAD PA'I MTSAN NYID MED PAR YANG BSOD NAMS DANG, BSAM GTAN DANG, TING NGE 'DZIN DANG, YE SHES TSAD MED PAS RGYU DANG RKYEN BYAS PA'I PHYIR CHOS KYI SKU'I BYANG CHUB SEMS DPA' DE LAS CHOS KYI SGRA SKAD RNAM PA SNA TSOGS MOS PA JI LTA BA BZHIN DU 'BYUNG NGO ZHES BSHAD DE, RGYA CHER DE NYID LAS BSTAN PA BZHIN NO, ,RTOG PA DANG DPYOD PA MI MNGA' BAR CHOS STON PA'I NANG NA DE BZHIN GSHEGS PA MCHOG TU GYUR PA'I PHYIR, SHIN TU RNAM PAR DAG PA'I BSAM PAS BSHAD PA ZHES GSUNGS SO ZHE'O, ,SLOB DPON NYE BA'I 'OD KYIS BSHAD PA DANG SBYAR NA NI SA BRGYAD PA YAN CHAD LA RTOG PA DANG DPYOD PA MED PAR YANG CHOS STON TO ZHES BSHAD DE, DE LA RTOG PA DANG DPYOD PA NI ZAG PA DANG BCAS PA KHO NA'O ZHES BSHAD PA'I PHYIR RTOG DPYOD GNYIS MED DE, CHOS BSTAN PA'I NANG NA DE BZHIN GSHAGS PA MCHOG TU GYUR BA'I PHYIR SHIN TU RNAM PAR DAG PA'I BSAM PAS BSHAD PA ZHES GSUNGS SO ZHE'O, ,SLOB DPON CHOS SKYONG GIS BSHAD PA'I GZHUNG DANG SBYAR NA NI RDO RJE LTA BU'I TING NGE 'DZIN MAN CHAD KYIS BYANG CHUB SEMS DPA' RNAMS 'DUL BA'I CHED DU CHOS STON PA NI NGES PAR RTOG PA DANG DPYOD PA LA LTOS DGOS TE, 'DI LTAR SMAN DANG NAD YONGS SU SHES PAR GYUR BA'I PHYIR RIGS PA DES NAS BRGYAD PA YAN CHAD ZAG PA MED PA'I RTOG PA DANG DPYOD PAS KYANG CHOS STON PAR NUS SO, ,SANGS RGYAS KYIS NI YON TAN MTHAR THUG PA'I PHYIR RTZOL BA YANG MI MNGA' BAS RTOG DPYOD LA MI LTOS PAR CHOS STON PAR SPYOD DO ZHES STON TE, DE'I PHYIR BSTAN BCOS RNAM PAR RIG PA TZAM DU GRUB PA LAS, YON TAN GYI MTHAR PHYIN PA DAG NI SMAN DANG NAD YONGS SU MI SHES PA'I PHYIR RJES LA THOB PA'I YE SHES KYIS GZHAN DAG LA CHOS STON PAS NGES PAR RTOG PA DANG DPYOD @25A *, ,PA LA LTOS SO, ,SANGS RGYAS KYIS LA NI RTZOL BA MI MNGA' BAR STON TO ZHES BSHAD PAS DE'I PHYIR SHIN TU RNAM PAR DAG PA'I BSAM PAS BSHAD PA ZHES GSUNGS SO ZHE'O, ,GAL TE SA BCU'I BYANG CHUB SEMS DPA' DAG RTOG PA DANG DPYOD PA LA BRTEN NAS CHOS STON PA YIN, SHES RAB KYI PHA ROL TU PHYIN PA'I 'GREL PA LAS BSTAN PA JI LTAR SHES SHING RNAM PAR BSHAD PAR BYA ZHE NA, SMRAS PA, BSTAN BCOS MDZAD PA RNAMS KYI DGONGS PA THA DAD PAS BRDA SPROD CING RNAM PAR BSHAD PAR MI RUNG STE, SHES RAB KYI PHA ROL TU PHYIN PA'I 'GREL BA LAS JI SKAD DU, RTOG PA DANG DPYOD PA GNYIS KA 'BYUNG NGO ZHES BSHAD PA DANG, 'PHAGS PA BYAMS PA LA SOGS PAS GNYIS KA MI 'BYUNG NGO ZHES BSTAN PA 'DI LTA BU LA SOGS PA'I THA DAD PA NI GCIG KHO NA MA YIN PA'I BRDA SPROD CING BSHAD DU MI RUNG NGO, ,SLOB DPON CHOS SKYONG GIS BSHAD PA'I GZHUNG DANG SBYAR NA NI SA BDUN PA MAN CHAD NI THAMS CAD KYANG RTOG PA DANG DPYOD PA LA GNAS LA, RDO RJE LTA BU'I TING NGE 'DZIN NI BSAM GTAN BZHI PA YIN TE, RTOG PA DANG DPYOD PA YANG MED PAS CHOS BSHAD PAR YANG MI 'GYUR RO ZHE NA, SMRAS PA, BSAM GTAN BZHI BA NI RTOG PA DANG DPYOD PA MED KYANG SNGAR SA 'OG MA'I RTOG PA DANG DPYOD PA BSKYED PA'I DBANG GIS MNYAM PA NYID DU BYANG CHUB PA'I GNAS SKABS SU YANG CHOS STON CING, 'GOG PA'I SNYOMS PAR ZHUGS PA LAS MA LANGS PAR YANG SPYOD LAM RNAMS STON TO, ,BSHAD PA 'DI SBYAR NA LEGS PAR BSTAN PA'I CHOS LA ZHES BYA BA NI BSHAD PAR BYA BA'I BSTAN PA RNAMS LA BYA STE, BSTAN BCOS RNAL 'BYOR SPYOD PA'I SA LAS, BCOM LDAN 'DAS KYIS CHOS NI RNAM PA BZHI'I SGO NAS LEGS PAR GSUNGS PA YIN PAR RIG PAR BYA STE, DANG PO NI ZHI BA LA GZHOL BAR BYED PA STE, PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS THOB PAR BYED PA'I PHYIR RO, ,GNYIS PA NI MYA NGAN LAS 'DA' BAR BYED PA STE, PHUNG PO'I LHAG MA MED PA'I MYA NGAN LAS 'DAS PA'I DBYINGS 'THOB PAR BYED PA'I PHYIR RO, ,GSUM PA NI BYANG CHUB TU 'GRO BAR BYED PA STE, NYAN THOS DANG RANG SANGS RGYAS DANG, BLA NA MED PA YANG @25B DAG PAR RDZOGS PA'I BYANG CHUB THOB PAR BYED PA'I PHYIR RO, ,BZHI PA NI BDE BAR GSHEGS PAS RNAM PAR PHYE NAS BSTAN PA STE, SHIN TU MTHAR THUG PA DANG MNGON SUM DU MYONG BA BLA NA MED PA'I STON PA CHEN POS RAB TU PHYE NAS BSTAN PA'I PHYIR ZHES BSTAN TE, DON GONG MA DE LTA BU DAG DANG LDAN PA'I PHYIR LEGS PAR BSTAN PA'I CHOS LA ZHES GSUNGS SO, ,SEMS CAN RNAMS KYI MOS PA RNAM PA SNA TSOGS KYI RIM PA YANG SNANG STE ZHES BYA BAS NI BSAM PA MI MTHUN PAR GYUR PA NYID YANG DAG PAR STON TO, ,DE YANG RNAM PA BZHI STE, BSTAN PA DANG DON SHES SHING MNGON PAR YID CHES PA DANG BSTAN PA KHO NA LA MNGON PAR YID CHES SHING DON ME SHES PA DANG, BSTAN PA LA MNGON PAR YID CHES SHING, DON LA MNGON PAR YID MI CHES BA DANG BSTAN PA DANG DON GNYI GA LA MNGON PAR YID MI CHES PA YANG YOD PAS DE'I PHYIR RNAM PA SNA TSOGS ZHES GSUNGS TE PHYIS 'OG NAS STON TO, , RIGS KYI BU DE BZHIN GSHEGS PA NI 'DI LTAR NGO BO NYID MED PA NYID RNAM PA GSUM PO DAG GI DGONGS PA ZHES BYA BA 'DI MAN CHAD NI GNYIS PA BSTAN PA LA BRTEN NAS MOS PA THA DAD PAR GYUR PA RGYA CHER RNAM PAR 'BYED PA STON TO, ,'DI YANG RNAM PA GNYIS KYIS BSTAN TE, BRTEN PA'I BSTAN PA NYID SMOS PA DANG, MDO SDE DE LAS ZHES BYA BA MAN CHAD KYIS SEMS CAN GYI BSAM PA MI MTHUN PAR GYUR PA NYID YANG DAG PAR BSTAN PA'O, ,DANG PO YANG RNAM PA GNYIS TE, BSTAN PAS BRTEN PA'I RIGS PA NYID BSTAN PA DANG, RIGS PA NYID LAS BRTZAMS NAS BSTAN PA GSUNGS PAR GYUR BA BSTAN PA'O, ,'DI NI DANG PO STE, 'DI LTAR NGO BO NYID MED PA RNAM PA GSUM STON PA DRANG BA'I DON GSANG BA'I MTSAN NYID KYI BSTAN PA NYID BSTAN PA'I GNAS SU GYUR PAS SO, ,ZAB MO NYID LAS BRTZAMS NAS DRANG BA'I DON GYI MDO GSANG BA'I MTSAN NYID KYI CHOS RNAMS KYI DGONGS PA BRJOD PA 'DI LTA STE, CHOS THAMS CAD SKYE BA MED PA, 'GAG BA MED PA, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA'O ZHES STON TO ZHES BYA BA NI GNYIS PA RIGS NYID LAS BRTZAMS NAS BSTAN PA GSUNGS PAR GYUR PA BSTAN PA'O, ,MDO'I TSIG 'DI YANG RNAM PA @26A *, ,GSUM GYIS BSTAN TE, BSTAN PA GSUNGS PA'I DGONGS PA BSTAN PA DANG, BSTAN PA GSANG BA NYID DU BSTAN PA DANG, BSTAN PA GSANG BA NYID GANG YIN PA BSTAN PA'O, ,DGONGS PA ZAB MO ZHES BYA BA NI 'DI LTA STE, NGO BO NYID MED PA RNAM PA GSUM THOB CING KHONG DU CHUD PAR GYUR PA'I DGONGS PA SHIN TU ZAB PA NYID DO, ,DRANG BA'I DON GYI MDO GSANG BA'I MTSAN NYID KYI CHOS RNAMS KYI DGONGS PA BRJOD PA ZHES BYA BA NI BSTAN PA GSANG BA NYID DU BSTAN PA STE, 'DI LTAR 'PHAGS PA RNAMS KYIS GSUNG RAB MKHYUD PA DANG, MNGON DU STON PA MI MTSUNGS PAS 'DIR YOD PA NYID MKHYUD NAS MED PA NYID RAB TU BSTAN PA'I PHYIR GSANG BA ZHES BYA BA ZHES GSUNGS SO, ,CHOS RNAMS KYI DGONGS PA ZHES BYA BA NI 'DI LTA STE, GCES PA BSDUS PA'O, ,DE NI 'DI SKAD DU 'DI LTAR DGONGS PA'I DBANG GIS DRANG PA'I DON GYI MDO LAS, NGO BO NYID MED PA RNAM PA GSUM GYI GSANG BA'I MTSAN NYID LAS BRTZAMS NAS CHOS THAMS CAD NGO BO NYID MED PA LA SOGS PA NYID DU GSUNGS SO ZHES BSTAN PAR 'GYUR RO, ,DE LA CHOS KYI DGONGS PA ZHES BYA BA NI 'DI LTA STE, CHOS THAMS CAD NGO BO NYID MED PA LA SOGS PAR GSUNGS PA NYID DE, ,'DIS NI GSUM PA BSTAN PA GSANG BA NYID GANG YIN PA RAB TU BSTAN PAS SNGA MA BZHIN DU RAB TU DBYE ZHING RGYA CHER BSHAD PAR BYA'O, ,MDO SDE DE LAS SEMS CAN GANG DAG DGE BA'I RTZA BA CHEN PO BSKYED PA SGRIB PA YONGS SU DAG PA, RGYUD YONGS SU SMIN PA, MOS PA MANG DU BSGOMS PA, BSOD NAMS DANG, YE SHES KYI TSOGS CHEN PO RAB TU BSAGS PA ZHES BYA BA 'DI MAN CHAD NI GNYIS PA SEMS CAN GYI BSAM PA MI MTHUN PAR GYUR PA NYID YANG DAG PAR BSTAN PA'O, ,'DI YANG RNAM PA BZHIS BSTAN TE, DNGOS PO LNGA YANG PHUN SUM TSOGS LA, MNGON PAR YID CHES PA'I GANG ZAG BSTAN PA DANG, DNGOS PO LNGA PHUN SUM TSOGS PAR MA GYUR LA MNGON PAR YID CHES PA DANG LDAN PA'I GANG ZAG BSTAN PA DANG, MNGON PAR YID CHES PA SKYES KYANG SGRA'I RJES SU MNGON PAR ZHEN PA'I GANG ZAG BSTAN PA DANG, DNGOS PO LNGA YANG GTAN MED LA MNGON @26B PAR YID CHES PA YANG MED PA'I GANG ZAG BSTAN PA'O, ,GANG ZAG BZHI PO DE DAG KYANG DGE BA'I RTZA BA BSKYED PA LA SOGS PA'I DNGOS PO LNGA'I MANG NYUNG LAS GANG ZAG RNAM PA DRUG TU DBYE STE, DNGOS PO LNGA PHUN SUM TSOGS PA DANG, RNAM PA BZHI DANG LDAN PA GCIG MTSANG BA DANG, RNAM PA GSUM DANG LDAN LA GNYIS MA TSANG BA DANG, RNAM PA GNYIS DANG LDAN LA GSUM MA TSANG BA DANG, RNAM PA GCIG MA TSANG LA BZHI DANG LDAN PA DANG, DNGOS PO LNGA GNAS MED PA'O, ,DNGOS PO YANG RNAM PA GNYIS TE, DNGOS PO LNGA YONGS SU SMIN PA BSTAN PA DANG, DE DAG GIS ZHES BYA BA MAN CHAD KYIS BSTAN PA THOS NAS KHONG DU CHUD PAR GYUR PA BSTAN PA STE, 'DI NI DANG PO'O, ,DE DAG GIS CHOS DE THOS NA, NGA'I DGONGS TE BSHAD PA SHIN TU ZAB PA YANG DAG PA JI LTA BA BZHIN DU SHES SHING ZHES BYA BA LA SOGS PAS NI GNYIS PA BSTAN PA THOS NAS KHONG DU CHUD PAR GYUR PAR STON TO, ,'DI YANG RNAM PA GNYIS TE, BSTAN PA THOS NAS KHONG DU CHUD PA NYID BSTAN PA DANG, YANG DAG PA JI LTA BA BZHIN DU KHONG DU CHUD PA'I PHAN YON BSTAN PA'O, ,'DI NI DANG PO STE, 'DI LTAR CHOS THOS PAR GYUR PA'I DBANG GIS DE BZHIN GSHEGS PAS DGONGS TE GSUNGS PAS RAB TU PHYE BA'I DON YANG DAG PA JI LTA BA BZHIN DU KHONG DU CHUD PAR GYUR PA'O, ,CHOS DE DAG LA YANG SHIN TU MOS PA SKYE BAR 'GYUR LA, DON DE YANG PHYIN CI MA LOG PA'I SHES RAB KYIS YANG DAG PA JI LTA BA BZHIN DU RTOG PAR 'GYUR RO, ,RTOGS PA 'DI LA BRTEN NAS SHIN TU GOMS PAR BYAS PA'I PHYIR, MYUR BA MYUR BA KHO NAR SHIN TU MTHAR THUG PA NYID KYANG THOB PAR 'GYUR TE, ZHES BYA BA LA SOGS PAS NI GNYIS PA YANG DAG PA JI LTA BA BZHIN DU KHONG DU CHUD PA'I PHAN YON STON TO, ,'DI YANG RNAM PA GNYIS KYIS BSTAN TE, KHONG DU CHUD PA'I PHAN YON NYID BSTAN PA DANG, DE BZHIN GSHEGS PA LA MNGON PAR YID CHES PA'I PHAN YON BSTAN PA STE, 'DI NI DANG BO'O, ,MDO'I TSIG 'DI YANG RNAM PA GNYIS SU DBYE STE, CHOS LA MOS PA BSTAN PA DANG, DON LA MOS PA BSTAN PA'O, ,DON LA MOS PA YANG RNAM PA GSUM DU @27A *, ,DBYE STE, MTHONG BA'I LAM GYIS YANG DAG PA JI LTA BA BZHIN DU KHONG DU CHUD PAR GYUR PA BSTAN PA DANG, BSGOM PA'I LAM LA GNAS PAS RTOG PA DE NYID LA BRTEN NAS SHIN TU GOMS PAR BYED PA BSTAN PA DANG, MTHAR THUG PA LA GNAS PAS MYUR PA KHO NAR BLA NA MED PA'I BYANG CHUB KYI MYA NGAN LAS 'DAS PA THOB PAR 'GYUR BAR BSTAN PA'O, ,NGA LA YANG SHIN TU DAD PA BSKYED NAS, DE BZHIN GSHEGS PA DE NI YANG DAG PAR RDZOGS PA'I SANGS RGYAS CHOS THAMS CAD LAS MNGON PAR RDZOGS PAR SANGS RGYAS PA YIN PAR RAB TU SHES SO ZHES BYA BA NI GNYIS PA DE BZHIN GSHEGS PA LA MNGON PAR YID CHES PA'I PHAN YON BSTAN PA'O, ,SEMS CAN GANG DAG DGE BA'I RTZA BA CHEN PO BSKYED PA DANG, SGRIB PA YONGS SU DAG PA DANG, RGYUD YONGS SU SMIN PA DANG, MOS PA MANG DU BSGOMS PA MA YIN PA, BSOD NAMS DANG YE SHES KYI TSOGS CHEN PO BSAGS PAR MA GYUR PA ZHES BYA BA 'DI MAN CHAD NI GNYIS PA DNGOS PO LNGA PHUN SUM TSOGS PAR MA GYUR LA MNGON PAR YID CHES PA DANG LDAN PA'I GANG ZAG BSTAN PA'O, ,'DI YANG RNAM PA GNYIS TE, DNGOS PO LNGA DANG LDAN PAR MA GYUR PA BSTAN PA DANG, MNGON PAR YID CHES PA NYID BSTAN PA STE, 'DI NI DANG BO'O, ,'DI NI RNAL 'BYOR BA DAG DNGOS PO LNGA PO DAG DANG LDAN PAR MA GYUR KYANG, DNGOS PO RNAM PA BZHI MNGON PAR 'GRUB PA'I DBANG GIS MNGON PAR YID CHES PA NI SKYED DO ZHES STON TO, ,DNGOS PO BZHI'I BYE BRAG NI SNGAR BSHAD PA BZHIN NO, ,DE'I RANG BZHIN DRANG ZHING DRANG BO'I RANG BZHIN CAN DU GYUR PA, RTOG PA DANG SEL NUS PA'I MTHU MED KYANG, RANG GI LTA BA MCHOG TU 'DZIN PA LA MI GNAS PA ZHES BYA BA LA SOGS PAS NI GNYIS PAS MNGON PAR YID CHES PA NYID STON TO, ,'DI YANG RNAM PA GSUM GYIS BSTAN TE, RANG GI LTA BA LA DE MI GNAS PAR YID CHES PA NYID BSTAN PA DANG, MDO SDE DAG CES BYA BA MAN CHAD KYIS MNGON PAR YID CHES PA'I DBANG GIS RANG NYID KHYAD DU BSAD NAS GNAS PAR BSTAN PA DANG, MDO SDE DE DAG LA ZHES BYA BA MAN CHAD KYIS BDAG NYID LA SMAN PA'I DBANG GIS BSOD NAMS DANG @27B YE SHES KYI TSOGS SOGS PAR BSTAN PA'O, ,DANG PO YANG RNAM PA GSUM DU DBYE STE, RANG GI LTA BA LA MI GNAS PA BSTAN PA DANG, BSTAN PA THOS PAS MNGON PAR YID CHES PA SKYE BAR BSTAN PA DANG, MNGON PAR YID CHES PA'I MTSAN NYID RAB TU BSTAN PA'O, ,'DI NI DANG PO STE, DE'I RANG BZHIN PHRANG PO ZHES BYA BA NI DAD PA NYID DE, DE'I PHYIR 'PHAGS PA DRI MA MED PAR GRAGS PAS BSTAN PA'I MDO LAS, DRANG PO'I SEMS NI BYANG CHUB KYI SNYING PO'I ZHES GSUNGS PAS DRANG BO'I SEMS NI MNGON PAR YID CHOS PA'I SEMS LA BYA'O, ,'PHAGS PA SHES RAB KYI PHA ROL TU PHYIN PA'I 'GREL BA LAS KYANG, SANGS RGYAS KYI CHOS KYI RGYA MTSOR NI DAD PAS 'JUG PAR NUS SO ZHES BSTAN PA'I PHYIR DRANG PO ZHES BYA BA NI MNGON PAR YID CHES PA LA BYA BAR MNGON NO, ,DE NI 'DI SKAD DU DRANG PO NYID DU GYUR PA'I PHYIR, ,SHES RAB KYI STOBS KYIS 'PHAGS PA'I GSUNG RAB LAS GSUNGS PA GANG YIN PA DANG, MA YIN PA'I RIGS PA NYID RAB TU SEL BAR MI NUS KYANG, RANG GI LTA BA MCHOG TU 'DZIN PA LA MI GNAS SHING, YANG NGES PA'I DON GYI MDO SDE YONGS SU TSOL BAR RTZOL BA'I PHYIR DRANG BA'I DON GYI MDO SDE DAG LAS SGRA JI BZHIN DU MNGON PAR ZHEN PAR MI BYED DO ZHES BSTAN PAR 'GYUR RO, , DE DAG GIS NI CHOS DE THOS NA DA'I DGONGS TE BSHAD PA SHIN TU ZAB PA YANG DAG PA JI LTA BA BZHIN DU SHES PA'I MTHU MED MOD KYI, 'ON KYANG CHOS DE LA MOS PAR BYED CING, YONGS SU DAG PA'I DAD PA YANG SKYE BAR 'GYUR TE ZHES BYA BA NI GNYIS PA BSTAN PA THOB PAS MNGON PAR YID CHES PA SKYE BAR BSTAN PA STE, DE RANG GI LTA BA MCHOG TU 'DZIN PA LA MNGON PAR YID CHES PA DANG, DE CHOS THOS PA'I DBANG GIS DGONGS TE GSUNGS PA KHONG DU CHUD PA'I MTHU MED MOD KYI, 'ON KYANG BSTAN PA DE LA MNGON PAR YID CHES PA'I SEMS SKYED PAR BYED PA'O, ,MDO SDE 'DI DAG NI DE BZHIN GSHEGS PAS GSUNGS PA ZAB PA ZAB BAR SNANG BA, STONG PA NYID DANG LDAN PA MTHONG BAR DKA' BA, RTOGS PAR DKA' BA, DPYOD MI NUS PA, RTOG GE'I SPYOD YUL MA YIN PA, ZHIB MO BRTAGS PA, MKHAS SHING MDZANGS PAS RIG PA NI NO ZHES MOS PAR BYED DO ZHES BYA BA GSUM PA MNGON PAR @28A *, ,YID CHES PA'I MTSAN NYID RAB TU BSTAN PA'O, ,'DI LTAR MDO SDE 'DI'I DON RNAM PA DRUG DANG LDAN PAS SHIN TU ZAB PA YIN NO ZHES MNGON PAR YID CHES PA STE, DANG PO MDO SDE 'DI DAG NI ZHES BYA BA LA SOGS PAS NI MDO SDE DE BZHIN GSHEGS PAS GSUNGS PA YIN PAR YID CHES PA'I PHYIR ZAB PA YIN NO, ,GNYIS PA ZAB PA ZAB PAR SNANG BA ZHES BYA BA NI MDO SDE DES SHIN TU ZAB PA'I DON GSAL BAR RAB TU PHYE BA'I PHYIR RAB TU PHYE BA ZAB PA ZHES BYA'O, ,GSUM PA STONG PA NYID DANG LDAN PA ZHES BYA BA NI 'PHAGS PA'I GSUNG RAB DE STONG PA NYID KYI RANG BZHIN KHO NA YIN PA'I PHYIR STONG PA NYID DANG 'BREL PAS NA DE'I PHYIR STONG PA NYID DANG LDAN PA ZHES BYA'O, ,BZHI PA MTHONG BAR DKA' BA RTOGS PAR DKA' BA ZHES BYA BA NI MDO SDE DE SO SO'I SKYE BO DAG GIS MTHONG BAR MI NUS SHING THEG PAR GNYIS KYIS KYANG RTOGS PAR MI NUS PAS SO, ,YANG NA SO SO'I SKYE BO DANG THEG PA PA GNYIS KYIS MTHONG BA DANG RTOGS PAR MI NUS PA'I PHYIR MTHONG BAR DKA' BA RTOGS PAR DKA' BA ZHES BYA'O, ,LNGA PA DPYOD MI NUS PA ZHES BYA BA LA SOGS PAS NI 'PHAGS PA'I GSUNG RAB DE RTOG GE'I SPYOD YUL LAS SHIN TU 'DAS PA'I PHYIR DPYAD DU MED BAR GYUR BA'O, ,DE LA DPYOD PA ZHES BYA BA NI KHAMS GSUM PA ZAG PA DANG BCAS PA'I SEMS DANG SEMS LAS BYUNG BA CHOS SO, ,YANG NA DPYOD PA ZHES BYA BA NI GZHAN DU 'GYUR BA LAS RTOG PA DANG DPYOD PA'I CHOS GNYIS SO, ,DRUG PA ZHI BA MO ZHES BYA BA LA SOGS PAS NI 'PHAGS PA'I GSUNG RAB DE BYANG CHUB SEMS DPA' SA LA GNAS PA ZHI BA MO BRTAGS PA MKHAS SHING MDZANGS PA DAG GIS KHONG DU CHUD PAR 'GYUR BAS SO,, ,,BAM PO NYI SHU DGU PA, MDO SDE DE DAG GI DON BSTAN PA DAG BDAG MI SHES SO SNYAM NAS 'DUG STE, 'DI SKAD CES SANGS RGYAS RNAMS KYI BYANG CHUB NI SHIN TU ZAB LA, CHOS RNAMS KYI CHOS NYID KYANG SHIN TU ZAB PAS DE BZHIN GSHEGS PA KHO NA RAB TU MKHYEN GYI, BDAG GIS SHES PAR BYA BA NI MA YIN NO ZHES BYA BA NI 'DI MAN CHAD NI GNYIS PA MNGON PAR YID CHES PA'I DBANG GIS RANG NYID KHYAD DU BSAD NAS GNAS PAR BSTAN @28B PA'O, ,'DI YANG RNAM PA GNYIS SU DBYE STE, BSTAN PA'I DON LA BDAG NYID KHYAD DU BSAD NAS GNAS PA DANG, BSTAN PA GSUNG BA PO LA BRTEN NAS, BDAG NYID KHYAD DU BSAD NAS GNAS PA STE, 'DI NI DANG PO'O, ,'DI LTAR MDO SDE ZAB MO DE DAG LAS BSTAN PA'I DON DAG LA RANG NYID KYI SHES PA KHYAD DU BSAD NAS BDAG NI MI SHES PA YIN NO SNYAM NAS 'DI SKAD CES SANGS RGYAS RNAMS LA NI BYANG CHUB BRNYES PAS YANG DAG PA DANG, KUN RDZOB KYI MKHYEN PA GNYIS MNGA' BAS SHIN TU ZAB PA YIN PA DES MNGON SUM DU MDZAD PA CHOS RNAMS KYI CHOS NYID YANG DAG PA DANG, KUN RDZOB RNAM BA GNYIS KYANG SHI TU ZAB CING GZUNG BA DANG 'DZIN NA BA DRANG BRAL BA'I NOG BO NYID YIN PA'I PHYIR, DE BZHIN GSHEGS PA NYAG GCIG GIS MKHYEN GYI, BDAG CAG GI SHES PA DMAN PAS SHES BAR BYA BA NI MA YIN NO SNYAM DU SEMS PA STE, BSTAN BCOS BYE BRAG TU BSHAD PA CHEN PO LAS JI SKAD DU, CHOS RNAMS KYI CHOS NYID KYI RNAM PA NI SHIN TU ZAB CING GYA NOM PAS THAMS CAD MKHYEN PA KHO NAS MTHAR THUG PA YIN NO ZHES BSTAN PA DANG, PHRENG LDAN MA'I MDO LAS, RIGS KYI BU GANG GIS CHOS RNAMS NI SHIN TU ZAB PA NYID LA BDAG NYID KYIS RTOGS PAR MI NUS PA DES JI SKAD DU, DE NI BCOM LDAN 'DAS KYIS MKHYEN GYI, BDAG GI SPYOD YUL NI MA YIN PAS SANGS RGYAS NYAG GCIG GIS MKHYEN TO ZHES BYA BA LA SOGS PA GSUNGS PA LTA BU'O, ,DE BZHIN GSHEGS PA RNAMS NI MOS PA RNAM PA SNA TSOGS KYI SEMS CAN DE DAG LA YANG DAG PA'I CHOS KYI BSTAN PA 'JUG PAR MDZAD PAS DE BZHIN GSHEGS PA RNAMS NI MKHYEN PA DANG, GZIGS PA MTHA' BYAS PA YIN GYI, BDAG CAG GI SHES PA DANG, MTHONG BA NI BA LANG GI RJES TZAM MO SNYAM NAS ZHES BYA BA NI GNYIS PA BSTAN PA GSUNG BA PO LA BSTAN NAS BDAG NYID KHYAD DU BSAD NAS GNAS PA STON TO, ,'DI LTAR DE BZHIN GSHEGS PA RNAMS NI SEMS CAN GANG RJES SU GZUNG BAR MDZAD PA DE DAG GI MOS PA'I RJES SU YANG DAG PA'I CHOS KYI BSTAN PA 'JUG PAR MDZAD PAS, STON PAR MDZAD PA'I MKHYEN PA LA TSAD DANG MTHA' MED PA YIN GYI, BDAG CAG GI SHES PA @29A *, ,DANG, MTHONG BA NI BCOM LDAN 'DAS KYI MKHYEN PA DANG GZIGS PA LA LTOS NA, DPER NA BA LANG GI RMIG RJES KYI CHUS RGYA MTSO CHEN PO'I CHU DANG BSGRUN PA BZHIN NO SNYAM DU SEMS PA'O, ,DGONGS PA ZAB MO RNAM PAR DGROL BA'I MDO LAS NI, DE BZHIN GSHEGS PA RNAMS KYI MKHYEN PA NI MTHA' MED PAS MKHYEN PAR BYA BA NI RGYA MTSO BZHIN NO, ,BDAG GI SHES PA DANG MTHONG BA NI BA LANG GI RJES TZAM MO ZHES 'BYUNG NGO, ,MDO SDE DAG LA GUS PAR BYAS TE, GZHAN DAG LA STON PAR YANG BYED YI GER 'DRI BAR YANG BYED YI GER BRIS NAS 'CHANG BAR YANG BYED, KLOG PAR YANG BYED, YANG DAG PAR 'GED PAR YANG BYED, MCHOD PAR YANG BYED, LUNG NOD PAR YANG BYED, 'DON PAR YANG BYED, KHA TON DU YANG BYED MOD KYI, 'ON KYANG 'DI LTAR BSGOM PA'I RNAM PAS SBYOR BA BSKYED PAR YANG MI NUS PAS ZHES BYA BA LA SOGS PAS NI GSUM PA BDAG NYID LA SMAD PA'I DBANG GIS BSOD NAMS DANG YE SHES KYI TSOGS STZOGS PAR BSTAN PA'O, ,'DI YANG RNAM PA GNYIS KYIS BSTAN TE, BDAG NYID LA SMAD PA'I DBANG GIS RTOGS PAR MI 'GYUR BAR BSTAN PA DANG, MA RTOGS PA'I PHYIR YANG BSOD NAMS DANG YE SHES LA BRTEN PAR BSTAN PA'O, ,DANG PO YANG RNAM PA GNYIS TE, RNAM PAR BSHAD PA DANG, MJUG BSDU BA'O, ,'DI NI DANG PO STE, BYANG CHUB SEMS DPA' DE 'DI LTAR BDAG LA SMAD PA'I DBANG GIS MDO SDE DAG LA GUS PA BSKYED PA LA SOGS PA CHOS SPYOD PA BCU LA SPYOD PAR BYED KYANG, DA DUNG BSGOM PA'I RNAM PAS BSOD NAMS DANG YE SHES KYI SPYOD PA RNAM PA GNYIS BSKYED PAR MI NUS PA'O, ,CHOS SPYOD DE YANG BSTAN PA RNAMS LAS SO SO NAS BSHAD PA MI MTHUN TE, 'PHAGS PA SHES RAB KYI PHA ROL TU PHYIN PA BAM PO LNGA BRGYA BDUN CU GSUM PA LAS, DE DAG GI MING BKOD PAR ZAD KYI, RNAM PAR BSHAD PA NI MED DE DE'I PHYIR DE NYID LAS BCOM LDAN 'DAS KYIS KUN DGA' BO LA BKA' STZAL PA, MDO SDE 'DI YANG YONGS SU 'DZIN PA LA CHOS SPYOD PA RNAM PA BCU YOD DE, YI GER 'DRI BA DANG, MCHOD PA BYED PA DANG, GZHAN DAG LA SBYIN PAR BYED PA DANG, GUS PAR NYAN PA DANG, KLOG PA DANG 'CHANG BAR BYED PA DANG, GZHAN DAG LA RGYA CHER STON PA DANG, @29B KHA TON DU 'DON PA DANG, SEMS PAR BYED PA DANG, BSGOM PA'O ZHES GSUNGS SO, ,'PHAGS PA SHES RAB KYI PHA ROL TU PHYIN PA BAM PO BZHI BRGYA NYI SHU BDUN PA DANG, 'PHAGS PA SHES RAB KYI PHA ROL TU PHYIN PA MCHOG GI LHAS ZHUS PA'I MDO DANG, BLA NA MED PA'I GNAS BSTAN PA'I MDO DANG, BSTAN BCOS MDO SDE'I RGYAN LAS NI MING BKOD PA KHO NAR ZAD DO, ,BSTAN BCOS RNAL 'BYOR SPYOD PA'I SA DANG, DBUS DANG MTHA' RNAM PAR 'BYED PA DANG, RNAM PAR BSHAD PHA LAS 'DI DAG GI DON RGYA CHER STON TE, SNGA PHYI'I GO RIMS MI MTHUN YANG DON THA DAD PA MED DE, DE'I PHYIR BSTAN BCOS RNAM PAR BSHAD PA LAS, BYANG CHUB SEMS DPA'I SDE SNOD MANG YANG RUNG NYUNG YANG RUNG BSTI STANG DANG BCAS SHING GUS PAS YI GER 'DRI BA'I CHOS BSHAD PA DANG, MCHOD PA'I YO BYAD MCHOG GAM, MCHOG MA YIN PA YANG RUNG MCHOD PAR BYED PA'I CHOS SPYOD PA DANG, BDAG NYID KYIS YI GER BRIS NAS SNYING BRTZEBS GZHAN DAG LA SBYIN PA'I CHOS SPYOD PA DANG, PHA ROL GUS PA'I SEMS BSKYED NAS GYI NOM PA'I SGRAS BSTAN BSHAD BSGRAGS PA DAG LA SHIN DU BKUR BA'I BSAM PAS GUS PAR NYAN PA'I CHOS SPYOD PA DANG, YONG SU DAG PA'I MOS PA DANG, GUS PA'I SEMS KYIS KLOG PAR BYED PA'I CHOS SPYOD PA DANG, CHOS KYI SPYOD PA BSGOM PAR 'DOD PAS GZHAN DAG LAS YANG DAG PAR MNOS TE, KHA TON DU 'DON PA'I CHOS SPYOD PA DANG, KHA TON DU BSLABS NAS BSTAN PA NYID DU GZUNG BA'I PHYIR, DBYANGS SNYAN PAS 'DON PAR BYED PA'I CHOS SPYOD PA DANG, GZHAN DAG LA SNYING BRTZE BA'I PHYIR MOS PA JI LTA BA BZHIN DU RGYAS PA 'AM BSDUS PA NYID DU RAB TU PHYE NAS 'CHAD PA'I CHOS SPYOD PA DANG, GCIG PU DBEN PA DAG TU LEGS PAR SEMS PA DANG, 'JAL BA DANG SO SOR BRTAGS NAS SEMS PAR BYED PA'I CHOS SPYOD PA DANG, JI LTAR BSAM PA BZHIN DU ZHI GNAS DANG LHAG MTHONG GTZO BOR BYAS NAS GANG YONGS SU TSOL BA'I DON MNGON PAR BSGRUB PA'I PHYIR GZHOL ZHING 'JUG PA'I CHOS SPYOD PA ZHES 'BYUNG NGO, ,BSTAN BCOS MDO SDE'I RGYAN LAS NI 'DI DANG CUNG ZAD MI MTHUN TE, DE'I PHYIR DE NYID LAS YI GER 'DRI BA DANG, @30A *, ,MCHOD BA BYED PA DANG, YANG DAG PAR 'GED PA DANG NYAN PAR BYED PA DANG, KLOG PAR BYED PA DANG, GZHAN DAG LA STON PAR BYED PA DANG, KHA TON DU 'DON PA DANG, 'CHAD PA DANG, SEMS PA DANG, BSGOM PA'I ZHES 'BYUNG NGO, ,DE BSTAN BCOS RNAM PAR BSHAD PA DANG, DON MI MTHUN PAR GYUR PA YANG, BSTAN BCOS RNAM PAR BSHAD PA LAS DRUG PA KHA TON DU 'DON PA DANG, BDUN PA 'DON PAR BYED PA ZHES BYA BA GNYIS GCIG TU BSDUS NAS KHA TON DU 'DON PA ZHES BSTAN PA DANG, YANG GZHAN DAG LA STON PAR BYED PA ZHES BYA BA BSNAN TE DRUG PAR BYAS PAS SO, ,BSTAN PA GZHAN DAG LAS NI DON 'DI NI MI 'BYUNG BAS BSTAN BCOS DE'I DGONGS PA NI YI GE YIN TE, GZHAN DAG LA MDO TZAM DU STON PA GANG YIN PA DE NI GZHAN DAG LA STON PAR BYED PA'O ZHES BYA'O, ,GZHAN DAG LA RGYA CHER STON PA GANG YIN PA DE NI 'CHAD PA ZHES BYA'O ZHES DGONGS PA'O, ,BSTAN PA GZHAN DAG GI DGONGS PA NI BSDUS PA'AM RGYAS PA GANG YANG RUNG STE, GZHAN DAG LA BSHAD PA YIN PAS GCIG TU BSDUS PAR DGONGS PA'I PHYIR PHAN TSUN 'GAL BA MED DO, ,'DIR MDO 'DI NI 'PHAGS PA SHES RAB KYI PHA ROL TU PHYIN PA LAS GSUNGS PA DANG MTHUN PAR CHOS SPYOD PA RNAM PA BCU STON PA YIN NO, ,BSTAN BCOS RNAL 'BYOR SPYOD PA'I SA LAS CHOS SPYOD PA BCU PO DE DAG LAS DU ZHIG BSOD NAMS RGYA CHEN PO SKYE BA'I LAM YIN ZHE NA, SMRAS PA, THAMS CAD DO, ,DU ZHIG NI SBYOR BA'I LAM YIN ZHE NA, SMRAS PA, GCIG STE, DGU PA'O, ,DU ZHIG SGRIB PA RNAM PAR DAG PA'I LAM YIN ZHE NA, SMRAS PA, GCIG STE, BCU PA'O ZHES BSHAD DO, ,RGYA CHER RNAM PAR 'BYED PA NI BSTAN BCOS THEG PA CHEN PO BSDUS PA DANG, DBUS DANG MTHA' RNAM PAR 'BYED PA DANG, RNAL 'BYOR SPYOD PA'I SA LAS BSTAN PA BZHIN DU RIG PAR BYA'O, ,DE'I PHYIR NGA'I DGONGS TE BSHAD PA ZAB MO 'DI RTOGS PAR MI NUS TE ZHES BYA BA NI GNYIS PA MJUG BSDU BA STE, DES SBYOR BA BSKYED PAR MI NUS PA'I PHYIR NGAS DGONGS TE BSHAD PA ZAB MO KHONG DU CHUD PAR MA GYUR TO ZHES BYA BA'I THA TSIG GO, ,GZHI DES NA SEMS CAN DE DAG @30B BSOD NAMS DANG YE SHES KYI TSOGS RNAM PA GNYIS KYANG 'PHEL BAR 'GYUR LA, GONG DU YANG RGYUD YONGS SU MA SMIN PA DAG KYANG YONGS SU SMIN PAR BYED DO ZHES BYA BA NI GNYIS BA MA RTOGS PA'I PHYIR YANG BSOD NAMS DANG YE SHES LA BRTEN PAR BSTAN PA STE, 'DI LTAR BYANG CHUB SEMS DPA' DE SBYOR BA RNAM PA BZHIS MA BSKYED PA'I PHYIR DGONGS TE GSUNGS PA RTOGS PAR MI 'GYUR BA DE CHOS SPYOD PA RNAM PA BCUS RGYU DANG RKYEN BYAS PAS BSOD NAMS DANG YE SHES KYI TSOGS RNAM PA GNYIS BSGRUBS NAS PHYI MA LA YANG GANG YONGS SU MA SMIN PA DE YANG YONGS SU SMIN PAR BYED PAR 'GYUR BA'O, ,'DIR YONGS SU SMIN PA ZHES BYA BA YANG GNAS RE RE LA BSGOM PA PHUN SUM TSOGS PA LA YONGS SU SMIN PA ZHES BYA BA'I DNGOS PO LNGA RGYUN MI 'CHAD PA LA YONGS SU SMIN PA ZHES BYA BA NI MA YIN NO, ,YANG NA GZHAN LA PHAN 'DOGS PA NI YONGS SU SMIN PA'O, , GZHAN YANG GZHI DES NA ZHES BYA BA LA SOGS PA NI MNGON PAR YID CHES PA BSTAN PA LA RNAM PA GNYIS TE, MNGON PAR YID CHES PA RGYA CHER RNAM PAR BSHAD PA DANG, MNGON PAR YID CHES PA'I NUS PA BSHAD PA'I PHYIR MJUG BSDU BA STE, DE YAN CHAD DU MNGON PAR YID CHES PA RGYA CHER BSTAN NAS 'DI NI GNYIS PA SPYI'I MJUG BSDU BA YIN PAR RIG PAR BYA'O ZHES BYA BA'I THA TSIG GO, ,CI STE SEMS CAN GANG NGAG BSOD NAMS DANG YE SHE KYI TSOGS CHEN PO'I BAR DU BSAGS PAR YANG MA GYUR LA, DRANG PO DANG DRANG PA'I RANG BZHIN CAN MA YIN PA DAG NI RTOG PA DANG, SEL NUS PA'I MTHU DANG LDAN YANG RANG GI LTA BA MCHOG TU 'DZIN PA LA GNAS PAS ZHES BYA BA 'DI MAN CHAD NI GSUM PA MNGON PAR YID CHES PA SKYES KYANG SGRA'I RJES SU MNGON PAR ZHEN PA'I GANG ZAG BSTAN PA'O, ,'DI YANG RNAM PA GNYIS KYIS BSTAN TE, STONG PA NYID BRTAGS PA BSTAN PA DANG, SLOB MAS BRTAGS PA RNAM PAR 'BYED PA'O, ,DANG PO YANG RNAM PA GNYIS TE, SNGA MA LA LTOS NA THA DAD PA RNAM PAR 'BYED PA DANG, SGRA JI BZHIN DU MNGON PAR ZHEN PA NYID BSTAN PA STE, 'DI NI DANG PO'O, ,MDO'I TSIG 'DI YANG RNAM PA ZHIN PHYE NAS BSTAN TE, DNGOS PO LNGA DANG @31A *, ,LDAN PA DANG MI LDAN PA BSTAN PA DANG, DRANG PO DANG DRANG PO MA YIN PA BSTAN PA DANG, MTHU DANG LDAN PA DANG MI LDAN PA BSTAN PA DANG, RANG GI LTA BA LA GNAS PA DANG MI GNAS PA BSTAN PA'O, ,DE LA JI STE SEMS CAN GANG DAG CES BYA BA LA SOGS PAS NI MDO'I TSIG 'DI DAG LA BSHAD PA RNAM PA BZHI YOD DE, KHA CIG NA RE 'DIR NI DNGOS PO LNGA MA TSANG BA KHO NA BZUNG STE, DE'I PHYIR DGONGS PA ZAB MO RNAM PAR DGROL BA'I MDO LAS, DGE BA'I RTZA BA MA BSKYED PA NAS BSOD NAMS DANG YE SHES YANG DAG PAR MA GRUB PA'I BAR DU ZHES GSUNGS SO, ,BZHI PA DANG BYE BRAG YOD PA YANG 'DI NI CHOS LA MNGON PAR YID CHES SHING, DON LA YID MI CHES PA YIN LA, BZHI PA NI CHOS DANG DON GNYI GA LA MNGON PAR YID MI CHES PA YIN PAS SO ZHE'O, ,KHA CIG NA RE 'DIR NI MDOR BSDUN GANG ZAG GSUM LAS MED DE, DANG PO NI DANG PO GCIG DANG LDAN LA BZHI MTSANG BA'O, ,GNYIS PA NI DANG PO GNYIS DANG LDAN LA GSUM MTSANG BA'O, ,GSUM PA NI DANG PO GSUM DANG LDAN LA GNYIS MA TSANG BA'O ZHE'O, ,KHA CIG NA RE 'DIR GANG ZAG BZHI LAS MED DE, SNGA MA GSUM GYI STENG DU YANG DANG PO BZHI DANG LDAN LA GCIG MTSANG BAS BSNAN NA'O, ,GNYIS PA BYE BRAG YOD PA YANG GNYIS PA LAS BSTAN PA'I GANG ZAG NI DRANG PO'I RANG BZHIN YIN LA GSUM PA'I GANG ZAG 'DI NI DRANG PO'I RANG BZHIN CAN MA YIN PAS SO ZHE'O, ,KHA CIG NA RE 'DI GANG ZAG LNGA LAS MED DE SNGA MA BZHI'I STENG DU YANG DNGOS LNGA MTSANG BAS BSNAN NA'O, ,GNYIS PA DANG BZHI BA DANG BYE BRAG YOD PA YANG SNGA MA BZHIN DU BSHAD PAR BYA'O ZHE'O, ,DE LTAR RNAM PA BZHIR BSHAD PA YOD MOD KYI, BZHI PA NI YANG DAG PA YIN TE, TSIG GI MTSAN NYID DANG RJES SU MTHUN PA'I PHYIR RO, ,RANG GI LTA BA MCHOG TU 'DZIN PA LA GNAS PAS ZHES BYA BA NI GANG DU NGES PA'I DON THEG PA CHEN PO YONGS SU MI TSOL BAR RTAG PAR SGRA JI BZHIN DU MNGON PAR ZHEN NAS KHONG DU MA CHUD PA'I PHYIR ZHES BSTAN PA STE, DE'I PHYIR BSTAN BCOS MNGON PA SNA TSOGS KUN LAS BTUS PA LAS CI'I PHYIR SHIN TU RGYAS PA LA SEMS CAN KHA CIG MOS KYANG NGES PAR 'BYUNG BAR @31B MI 'GYUR ZHE NA, SMRAS PA, BDAG NYID LTA BA MCHOG TU 'DZIN PA LA RAB TU GNAS PA'I PHYIR DANG, RTAG PAR DON LA SGRA JI BZHIN DU MNGON PAR ZHEN PA'I PHYIR RO, ,DE DAG LA BDAG NYID LTA BA MCHOG TU 'DZIN PA LA RAB TU GNAS PA ZHES BYA BA NI YANG NGES PA'I DON GYI MDO SDE YONGS SU MI TSOL BA'I PHYIR RO, ,RTAG PAR DON LA SGRA JI BZHIN DU MNGON PAR ZHEN PA ZHES BYA BA NI RTAG PAR DRANG BA'I DON GYI MDO SDE DAG RAB TU 'DZIN PA'I PHYIR TE, DPER NA 'GA' ZHIG CHOS THAMS CAD NI MTHAR RANG BZHIN MED DO ZHES BYA BA'I TSIG THOS PA'I PHYIR CHOS RNAMS THAMS CAD NGO BO NYID KYI MTSAN NYID KYANG MED CES SKUR PAR LTA BA STE, GZHAN DRANG BA'I DON GYI MDO SDE DAG LA MNGON PAR ZHEN NAS, SGRA JI BZHIN DU DON 'DZIN PA YANG DE BZHIN TE, DE'I PHYIR THEG PA CHEN PO LA MOS PAR BYED KYANG NGES PAR 'BYUNG BAR MI 'GYUR TE, 'DI LTAR THEG PA CHEN PO'I MDO SDE DAG NI DGONGS PA SNA TSOGS KYIS GSUNGS PA'I PHYIR RO ZHES 'BYUNG NGO, ,DE DAG GIS NI CHOS DE THOS NAS YANG NGA'I DGONGS TE BSHAD PA ZAB MO YANG DAG PA JI LTA BA BZHIN DU YONGS SU MI SHES TE ZHES BYA BA LA SOGS PAS NI GNYIS PA SGRA JI BZHIN DU MNGON PAR ZHEN PAR GYUR PA NYID BSTAN PA'O, ,'DI YANG RNAM PA GNYIS TE SGRA JI BZHIN DU MNGON PAR ZHEN PA SKYE BA NYID BSTAN PA DANG, GZHI DES NA ZHES BYA BA MAN CHAD KYIS MNGON PAR ZHEN PA'I NYES DMIGS BSTAN PA'O, ,DANG PO YANG RNAM PA GNYIS KYIS BSTAN TE THOS PAR GYUR NA KHONG DU MI CHUD PA DANG, MNGON PAR YID CHES KYANG MNGON PAR ZHEN PAR BYED PA STE, 'DI NI DANG PO'O, ,'DI LTAR BYANG CHUB SEMS DPA' DE BSTAN PA DE THOS PAR GYUR KYANG DRANG PO'I RANG BZHIN CAN MA YIN PA DANG, RANG GI LTA BA LA GNAS PA NYID KYI PHYIR NGA'I DGONGS TE BSHAD PA'I BSTAN PA ZAB MO DAG LA YANG DAG PA JI LTA BA BZHIN DU YONGS SU SHES PAR MI 'GYUR ZHES BYA BA'I THA TSIG GO, ,CHOS DE LA MOS PAR GYUR KYANG DE'I DON LA SGRA JI BZHIN DU MNGON PAR ZHEN NAS ZHES BYA BA LA SOGS PAS NI GNYIS PA MNGON PAR YID CHES PAR GYUR KYANG MNGON PAR ZHEN PAR BYED PA STON TO, ,'DI YANG RNAM PA GNYIS TE, MNGON PAR ZHEN PA NYID BSTAN PA @32A *, ,DANG, MNGON PAR ZHEN PA PO'I MTSAN NYID BSTAN PA'O, 'DI NI DANG PO STE DGONGS TE GSUNGS PA'I BSTAN PA DAG LA MNGON PAR YID CHES PAR GYUR KYANG YONGS SU MI SHES PA'I DBANG GIS SGRA JI BZHIN DU MNGON PAR ZHEN PAR GYUR PA'O, ,CHOS THAMS CAD NI RANG GI NGO BO NYID MED PA KHO NA'O, ,GZOD MA NAS ZHI BA KHO NA'O, ,RANG BZHIN GYIS YONGS SU MYA NGAN LAS 'DAS PA KHO NA'O ZHES ZER BAS ZHES BYA BA NI GNYIS PA MNGON PAR ZHEN PA PO'I MTSAN NYID BSTAN PA'O, ,YANG DAG PA'I DON DU NA MDO 'DI LAS TSIG BZHI YOD DE, DANG PO NI CHOS THAMS CAD NGO BO NYID MED PA STE, GONG DU BSTAN PA'I MDO'I TSIG DAG DANG SBYAR NA SPYIR NGO BO NYID MED PA RNAM PA GSUM LAS BRTZAMS NAS GSUNGS PA YIN PAS NGO BO NYID RNAM PA GSUM PO DAG NYID KYIS NGO BO NYID MED DO, ,GNYIS PA SKYE BA MED PA DANG, 'GAG PA MED PA'O, ,GSUM PA NI GZOD MA NAS ZHI BA'O, ,BZHI PA NI RANG BZHIN GYIS YONGS SU MYA NGAN LAS 'DAS PA STE TSIG 'DI GSUM NI MDO'I TSIG 'DI GONG DU BSTAN PA DAG DANG SBYAR NA NGO BO NYID MED PA NYID RNAM PA GNYIS KHO NA LAS BRTZAMS NAS GSUNGS PA 'DI LTA STE, MTSAN NYID NGO BO NYID MED PA NYID DANG DON DAM PA NGO BO NYID MED PA NYID DO, ,BSTAN BCOS SHIN TU RGYAS PA BRGYAB LA SOGS PA LAS BSTAN PA DANG SBYAR NA NI TSIG BZHI CHAR YANG NGO BO NYID MED PA NYID DANG PO LAS BRTZAMS NAS BSTAN PA YIN NO, ,BSTAN BCOS CHOS MNGON PA SNA TSOGS KUN LAS BTUS PA LAS NI, TSIG BZHI CHAR YANG NGO BO NYID MED PA NYID RNAM PA GSUM LAS BRTZAMS NAS BSTAN PA YIN PAR BSHAD DE, ,SNGA MA BZHIN DU DBYE BAR BYA'O, ,SANGS RGYAS KYIS DGONGS TE GSUNGS PA DE YANG, DRANG BA'I DON GYI BSTAN PA DAG LAS CHOS RNAMS NI NGO BO NYID MED PA ZHES BYA BA NAS RANG BZHIN GYIS YONGS SU MYA NGAN LAS 'DAS PA KHO NA'O ZHES STON PAS RANG GI LTA BA LA GNAS PA'I GANG ZAG DE DAG GIS DE BZHIN GSHEGS PAS DGONGS TE GSUNGS PA MI SHES PA'I PHYIR MNGON PAR YID CHES PA BSKYED PAR GYUR KYANG SGRA JI BZHIN DU MNGON PAR ZHEN NAS CHOS THAMS CAD NI NGO BO NYID MED PA KHO NA'O ZHES @32B BYA BA NAS RANG BZHIN GYIS YONGS SU MYA NGAN LAS 'DAS PA KHO NA'O ZHES BYA BA'I BAR DU MNGON PAR ZHEN TE, MNGON PAR ZHEN PA'I GANG ZAG DE YANG BSTAN PA RNAMS LAS SO SO NAS BSHAD PA MI MTHUN TE, 'PHAGS PA SHES RAB KYI PHA ROL TU PHYIN PA'I 'GREL BA LAS, LOG PAR LTA BA NI RNAM PA GSUM STE, 'BRAS BU 'JIG PAR BYED LA, RGYU 'JIG PAR MI BYED PA DANG, RGYU DANG 'BRAS BU GNYI GA 'JIG PAR BYED LA, CHOS THAMS CAD YOD PA MA YIN NO ZHES 'JIG PAR BYED PA STE, GSUM PA NI LTA BA NGAN PA'I GANG ZAG GO ZHES BSHAD DE, RGYA CHER DE NYID LAS BSTAN PA BZHIN DU RIG PAR BYA'O, ,PHRENG LDAN MA'I MDO LAS NI, MU STEGS CAN BSTAN PA'O ZHES GSUNGS SO, CHOS MNGON PA SNA TSOGS KUN LAS BTUS PA LAS NI, BYANG CHUB SEMS DPA' GANG SGRA JI BZHIN DU DON 'DZIN CING, TSUL BZHIN DU CHOS SEMS PA MED PA'I PHYIR RO ZHES BSTAN TE, RGYA CHER DE NYID KYI 'GREL PA LAS 'BYUNG BA BZHIN DU RIG PAR BYA'O, MDO 'DI NYID LAS NI SEMS CAN GANG DAG CES 'BYUNG GI, BYANG CHUB SEMS DPA' 'AM, MU STEGS CAN ZHES NI MA GSUNGS TE, DON DANG SBYAR NA NI CHOS MNGON PA SNA TSOGS KUN LAS BTUS PA DAG LAS BSTAN PA DANG MTHUN TE, LNGA PA YANG BSOD NAMS DANG YE SHES KYI TSOGS DANG MI LDAN YANG, SNGA MA'I BZHI PO DGE BA'I RTZA BA LA SOGS PA DANG LDAN PA'I PHYIR RO, ,GZHI DES NA CHOS THAMS CAD LA MED PAR LTA BA DANG, MTSAN NYID MED PAR LTA BA THOB PAR 'GYUR TE ZHES BYA BA LA SOGS PAS NI GNYIS PA MNGON PAR ZHEN PA'I NYES DMIGS STON TO, ,'DI YANG RNAM PA GNYIS TE, MNGON PAR ZHEN PA'I NYES PA NYID YANG DAG PAR BSTAN PA DANG, NGA'I CHOS LA ZHES BYA BA MAN CHAD KYIS BRGAL BA'I LAN BTAB PA'O, ,DANG PO YANG RNAM PA LNGAS BSTAN TE, NYES DMIGS RNAM PA GNYIS MDOR BSTAN PA DANG, NYES DMIGS GNYIS KYI MTSAN NYID BSTAN PA DANG, BRTAG PA DANG, RGYA CHER RNAM PAR BSHAD PA DANG, SPYI'I MJUG BSDU BA'O, ,'DI NI DANG PO STE, MNGON PAR ZHEN PAS RGYU DANG RKYEN BYAS PA'I PHYIR CHOS THAMS CAD LA LTA BA GNYIS THOB PAR GYUR PA YIN @33A *, ,TE, MED PAR LTA BA DANG, MTSAN NYID MED PAR LTA BA'O, ,LTA BA GNYIS PO 'DI LA YANG BSHAD PA RNAM PA GNYIS YOD DE, KHA CIG NA RE MED PAR LTA BA ZHES BYA BA NI GZHAN GYI DBANG DANG, YONGS SU GRUB PA MED PAR SKUR BA'O, ,MTSAN NYID MED PAR LTA BA ZHES BYA BA NI KUN BRTAGS MED DO ZHES SKUR PA'O ZHE'O, ,KHA CIG NA RE MED PAR LTA BA ZHES BYA BA NI CHOS KYI ME LONG GI MDO LAS, YANG DAG PA'I LTA BA MA YIN PA NYI SHU RTZA BRGYAD BSTAN PA LAS, LTA BA DANG PO'I MTSAN NYID DO, ,MTSAN NYID MED PAR LTA BA ZHES BYA BA NI DE'I 'OG MA LTA BA GSUM PO 'DI LTA STE, GDAGS PA 'JIG PA'I LTA BA DANG, KUN DU RTOG PA 'JIG PA'I LTA BA DANG, DE KHO NA NYID 'JIG PA'I LTA BA'O, ,DE'I PHYIR BSTAN BCOS CHOS MNGON PA SNA TSOGS KUN LAS BTUS PA LAS MDO DE NYID BSHAD PA'I PHYIR, DE LA MTSAN NYID DU LTA BA ZHES BYA BA NI 'DI LTA STE, THEG PA CHEN PO'I MDO DAG LAS CHOS THAMS CAD NGO BO NYID MED PA DANG, SKYE BA MED PA DANG, 'GAG PA MED PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA ZHES BYA BA LA SOGS PAR GSUNGS PA'I TSIG THOS NAS DGONGS PA LEGS PAS KHONG DU MA CHUD PAS SGRA'I DON GYI RJES SU MOS PA BSKYED NAS 'DI LTAR BCOM LDAN 'DAS KYIS CHOS THAMS CAD NI NGO BO NYID MED PA DANG, SKYE BA MED PA KHO NA'O ZHES BYA BA LA SOGS PA GSUNGS SO SNYAM NAS, NGO BO NYID MED PA LA SOGS PA'I MTSAN NYID DU MNGON PAR ZHEN PA NI MTSAN NYID DU LTA BA ZHES BYA'O, , 'DI LTAR NGO BO NYID MED PA'I MTSAN NYID DE, ,DE DAG LA MNGON PAR ZHEN PA NA NGO BO NYID RNAM PA GSUM LA SKUR PA BTAB NAS NGO BO NYID RNAM PA GSUM LA SKUR BA'I RNAM PA SKYED PAS DE NYID LTA BA GSUM PO GDAGS PA 'JIG PA'I LTA BA DANG, KUN TU RTOG PA 'JIG PA'I LTA BA DANG, DE KHO NA NYID 'JIG PA'I LTA BA'O ZHES 'BYUNG STE, RGYA CHER DE NYID KYI 'GREL BA LAS BSTAN PA BZHIN DU RIG PAR BYA'O ZHE'O, ,DE DANG MDO 'DI LAS BSTAN PA'I MING THA DAD PAR GYUR PA YANG DE LAS NGO BO NYID MED PAR LTA BA ZHES GSUNGS SO, ,DE LAS NI NGO BO NYID RNAM PA GSUM 'JIG PA'I RIGS MA SMOS @33B PA'I PHYIR, 'JIG PA'I LTA BA ZHES BSTAN LA 'DIR NI NGO BO NYID RNAM PA GSUM GYI MTSAN NYID LA SKUR PA 'DEBS PA SMOS BA'I PHYIR MTSAN NYID MED PAR LTA BA ZHES GSUNGS SO, ,MED PAR LTA BA DANG, MTSAN NYID MED PAR LTA BA THOS PA NYID KYI PHYIR, MTSAN NYID THAMS CAD LA MTSAN NYID MED PA'O ZHES SKUR BA 'DEBS LA, CHOS RNAMS KYI KUN BRTAGS PA'I MTSAN NYID DANG, GZHAN GYI DBANG GI MTSAN NYID DANG, YONGS SU GRUB PA'I MTSAN NYID LA YANG SKUR BA 'DEBS SO ZHES BYA BA NI GNYIS PA NYES DMIGS RNAM PA GNYIS KYI MTSAN NYID BSTAN PA'O, ,MDO'I TSIG 'DI LA YANG BSHAD PA RNAM PA GNYIS YOD DE, KHA CIG NA RE MED PAR LTA BA DANG, MTSAN NYID MED PAR LTA BA THOB PA NYID KYI ZHES BYA BA NI LTA BA GNYIS CIG CAR SMOS PA'O, ,MTSAN NYID THAMS CAD LA MTSAN NYID MED PA'O ZHES SKUR PA 'DEBS ZHES BYA BA NI LTA BA GNYIS KYIS MNGON PAR BSGRUBS PA'I NYES DMIGS RAB TU BSTAN PA STE, NGO BO NYID RNAM PA GSUM GYI MTSAN NYID LA MTSAN NYID MED PA'O ZHES SKUR PAS SO, ,CHOS RNAMS KYI KUN BRTAGS PA'I MTSAN NYID CES BYA BA LA SOGS PAS NI MTSAN NYID RNAM PA GSUM LA SKUR PA 'DEBS PA'I NYES DMIGS RNAM PAR PHYE STE BSTAN TO ZHE'O, ,KHA CIG NA RE MED PAR LTA BA DANG, MTSAN NYID MED PAR LTA BA DANG, 'THOB PA ZHES BYA BA NI LTA BA GNYIS CIG CAR SMOS PA'O, ,MTSAN NYID THAMS CAD LA MTSAN NYID MED PA'O ZHES SKUR PA 'DEBS PA ZHES BYA BA NI MED PAR LTA BA RNAM PAR PHYE STE BSTAN PA'O, ,CHOS RNAMS KYI ZHES BYA BA LA SOGS PAS NI MTSAN NYID MED PAR LTA BA RNAM PAR PHYE STE BSHAD PA YIN NO ZHE'O, ,DE CI'I PHYIR ZHE NA ZHES BYA BA NI GSUM PA BRTAG PA'O, ,BRTAG PA LAS, RGYAL BA RNAMS KYI STONG NYID NI, ,LTA KUN NGES PAR 'BYIN PAR GSUNGS, ,GANG DAG STONG PA NYID LTA BA, ,DE DAG GSOR MI RUNG BAR GSUNGS, ,ZHES 'BYUNG BA LTA BU STE, 'DI NYID KYI 'GREL PA LAS, STONG PA NYID DU LTA BA GANG ZHE NA, 'DI LTA STE, STONG PA NYID LA MNGON PAR ZHEN NAS STONG PA 'DI NI YOD PA'O ZHES ZER BA GANG YIN PA'O, ,STONG PA NYID LA MNGON PAR ZHEN PA 'DI LA NYES PA CI YOD NA, DE BZHIN @34A *, ,GSHEGS PAS STONG PA NYID DU LTA BA'I SEMS CAN DE DAG GSOR MI RUNG BAR GSUNGS, DON DE YANG JI LTA BU ZHE NA, JI LTAR BKRU SMAN 'THUNGS NAS NAD RNAMS BSKYED DE, 'KHRUR MI BTUB NA SLAR NAD CHEN POR 'GYUR PA LTAR, DE BZHIN DU CHOS STONG PA NYID DU GSUNGS PA DANG, LTA BA NGAN PA RNAMS SPANG BA'I CHED DU GSUNGS PA YIN NA, GAL TE YANG STONG PA NYID LA MNGON PAR ZHEN PAR GYUR NA DE NI GSOR MI RUNG ZHES GSUNGS TE, DON DE'I PHYIR STONG PA NYID SPANG BA GANG YIN PA DE NI NYES PA MED PA YIN NO ZHES 'BYUNG STE, STONG PA NYID DU 'DZIN PA NI DPER NA RNAL 'BYOR PA'I MKHAN PO DAG STONG PA NYID KYI DON RNAM PAR BZHAG NAS, DE KHO NA NYID KYI DON DU 'DZIN PA NI STONG PA NYID LA LOG PAR ZIN PA ZHES BYA STE, DE'I PHYIR BSTAN BCOS SHES RAB SGRON MA LAS, GZHAN YANG SA BCU BDUN DU SMRA BA DAG NI 'DI SKAD DU, JI LTAR BRTAGS PA BZHIN DU BDAG NYID MED PA'I PHYIR BRTAGS PA'I BDAG NYID STONG PA STE, CHOS RNAMS STONG BA NYID 'DI NI YANG DAG PAR YOD PA YIN NO, ,JI LTAR YANG DAG PAR YOD PA YIN ZHE NA, BYED PA POR MI RTOG PA'I PHYIR RO ZHES ZER TE, BSTAN BCOS MDZAD PAS SMRAS PA, KHYOD DE LTAR MTHONG BA NI STONG PA NYID DU LTA BA LA MNGON PAR ZHEN PA ZHES BYA'O, ,RGOL PA NA RE NGED JI LTAR NA STONG PA NYID LA MNGON PAR ZHEN PA ZHES BYA, BSTAN BCOS MDZAD PAS SMRAS PA, 'DI LTAR CHOS THAMS CAD BDAG NYID MED PA'I PHYIR NI STONG PA NYID NI YANG DAG PAR YOD PA'I CHOS MA YIN PAS MNGON PAR ZHEN PAR MI BYA'O ZHES 'BYUNG STE, RGYA CHER DE NYID LAS BSTAN PA BZHIN NO, ,GNYIS PA NI SLOB DPON CHOS SKYONG LA SOGS PAS 'PHAGS PA BYAMS PA'I GZHUNG LA BRTEN NAS STONG PA DANG, YOD PA NYID DU BSHAD PA YANG 'DI SKAD DU STON TE, ,DE LA STONG PA NYID LEGS PAR ZIN PA NI 'DI LTA STE, GZHAN GYI DBANG LA BRTAGS PA'I NGO BO NYID NI MED LA, DE NYID LA BDAG MED PA NYID NI YOD DE, 'DI LTAR YOD PA DANG, MED PA GNYIS KA YANG STONG PA'O ZHES STON PA'O, ,STONG PA NYID LA LOG PAR ZIN PA NI GZHAN GYI DBANG LA BRTAGS PA'I NGO BO NYID NI MED LA, GZHAN @34B GYI DBANG DANG YONGS SU GRUB PA'I NGO BO NYID NI YOD DO ZHES BSTAN NA MNGON PAR YID MI CHES SHING CHOS THAMS CAD NI GTAN MED PA'O ZHES MNGON PAR ZHEN PAR BYED PA NI STONG PA NYID LOG PAR ZIN PA ZHES BYA STE, DE'I PHYIR LEGS PA'I TSUL KHRIMS BSTAN PA'I MDO'I LE'U GNYIS PA LAS, GANG ZAG RNAM PA GNYIS NI SANGS RGYAS KYI CHOS LAS RING DU GYUR PAS SANGS RGYAS KYI SLOB MA YANG MA YIN LA, SANGS RGYAS KYI CHOS KYANG GTAN DU STOR BA YIN TE, GANG GIS GZUGS NAS MYA NGAN LAS 'DAS PA'I BAR DU YANG DAG PA'I NGO BO NYID YOD DO ZHES ZER BA DANG, 'JIG RTEN RNAM PAR GZHAG PA'I NGO BO NYID LA MNGON PAR YID MI CHES PA'O, ,GANG ZAG 'DI LTA BU RNAM PA GNYIS NI BYANG CHUB SEMS DPA'I TSUL KHRIMS YANG DAG PAR LEN PA'I 'OS SU YANG MI RUNG BAS GAL TE SBYIN PAR BYED NA TSUL KHRIMS KYANG 'THOB PAR MI 'GYUR LA, SLOB DPON YANG NYES PA DANG BCAS PAR 'GYUR RO, , CI'I PHYIR 'THOB PAR MI 'GYUR ZHE NA, CHOS YANG DAG PA LA SKUR PA 'DEBS SHING, CHOS MA YIN PA LA MNGON PAR ZHEN PA'I PHYIR RO, ,BYANG CHUB SEMS DPA'I TSUL KHRIMS NI GANG GIS THOB PA MA YIN GYI, SEMS DANG NGAG TSOGS NA GDOD 'THOB PAS SO, ,GAL TE KHA CIG THEG PA CHEN PO'I MDO SDE LAS CHOS THAMS CAD NI STONG PA'O ZHES BSHAD DO ZHES ZER NA YANG KHA NA MA THOB CHEN PO THOB PAR 'GYUR RO, ,THEG PA CHEN PO'I MDO SDE'I DON LEGS PAR KHONG DU MA CHUD PAR NGA RGYAL GYI SEMS KYIS BDAG LEGS PAR KHONG DU CHUD DO ZHES RANG GI SEMS KYI RJES SU YANG DAG PA MA YIN PA'I BSAM PAS GZHAN DAG LA RGYA CHER BSTAN NA YANG KHA NA MA THOB CHEN PO DAG 'THOB PAR 'GYUR RO, ,GAL TE YANG 'DI SKAD DU CHOS THAMS CAD KYI NGO BO NYID NI YOD PA MA YIN NO, ,'JIG RTEN RNAM PAR GZHAG PAR JI LTAR YOD PAR 'GYUR ZHES ZER NA YANG KHA NA MA THOB CHEN PO THOB PAR 'GYUR RO, ,DE CI'I PHYIR ZHE NA, CHOS THAMS CAD LA SKUR PA 'DEBS PA NI MU STEGS CAN RDZOGS BYED LA SOGS PA'I SLOB MA YANG DAG PA YIN TE, JI LTAR RDZOGS BYED CHOS RNAMS KYI NGO BO NYID MED DO ZHES SMRA BA LTAR, SANGS RGYAS KYI CHOS LAS KYANG YOD KYANG YOD MED KYANG MED PAR STON TO ZHES @35A *, ,GAL TE LA LA ZHIG GIS CHOS THAMS CAD STONG PA'O ZHES ZER NA, GANG ZAG DE NI LHAN CIG GNAS SHING 'BREL BA'I GTAM SMRA BA DANG, GSO SBYONG BYED CING SO SOR THAR PA'I MDO 'DON DU MI RUNG BA NYID DU SHES PAR BYA'O, ,GAL TE LHAN CIG GNAS PA NAS SO SOR THAR BA'I MDO 'DON PA'I BAR DU BYED NA YANG KHA NA MA THOB CHEN PO THOB PAR 'GYUR RO, ,DE CI'I PHYIR ZHE NA, STONG PA NYID KYI DON MI SHES PA'I PHYIR RO ZHES BYA BA DANG, GZHAN YANG DE NYID LAS, JI LTAR NA YANG DAG PAR SHES PA YIN ZHE NA, 'DI LTAR GANG GI GZUGS NAS MYA NGAN LAS 'DAS PA'I BAR DU RNAM PAR RTOG PA TZAM DU ZAD KYI, MTSAN NYID RNAM PA SNA TSOGS KYI NGO BO NYID NI MED PA NYID DO ZHES BYA BA NI GZUGS STONG PA NYID DO, ,GZUGS KYI DE KHO NA 'JIG RTEN RNAM PAR GZHAG PA GANG YIN PA DE NI STONG PA MA YIN PA ZHES BYA'O ZHES DON DE'I PHYIR GZUGS KYI CHOS GCIG KHO NA LA YOD PA YANG YIN, MED PA YANG YIN ZHES STON CING, DE GNYIS SHES PA NYID KYI PHYIR YOD PA YANG YIN STONG PA YANG YIN PA DE NYID LA RNAM PAR RTOG PAS MNGON PAR ZHEN PA MI BSKYED PA NI STONG PA NYID KYI DON YANG DAG PAR SHES PA ZHES BYA'O ZHES GSUNGS TE, RGYA CHER NI DE NYID LAS BSTAN PA BZHIN NO, ,GZHAN YANG BSTAN BCOS RNAL 'BYOR SPYOD PA'I SA LAS, JI LTAR NA STONG BA NYID LEGS PAR ZIN PA YIN ZHE NA, GANG GI PHYIR GANG LA GANG MED PA DE NI NGES STONG PAR YANG DAG PAR MTHONG LA, 'DI LA LHAG MA GANG YIN PA DE NI 'DI NA YANG DAG PAR YOD DO ZHES YANG DAG PA JI LTA BA BZHIN DU RAB TU SHES PA DE NI STONG PA NYID LA YANG DAG PA JI LTA BA BZHIN DU PHYIN CI MA LOG PAR ZHUGS PA ZHES BYA'O ZHES 'BYUNG STE, BSTAN BCOS SO SOR YONGS SU 'DZIN PA LAS KYANG 'DI DANG MTHUN PAR BSHAD DO, ,GZHAN YANG BSTAN BCOS CHOS MNGON PA SNA TSOGS KUN LAS BTUS PA LAS, STONG PA'I MTSAN NYID NI 'DI LTA STE, GANG LA GANG MED PA DE NI NGES STONG PAR YANG DAG PAR RJES SU MTHONG STE, 'DI LA YANG LHAG MA GANG YIN PA DE NI 'DI LTAR YOD PA'O ZHES YANG DAG PA JI LTA BA BZHIN DU RAB TU SHES SO, ,'DI NI STONG BA NYID LA 'JUG PA YANG DAG PA JI LTA BA STE, PHYIN @35B CIM LOG PA ZHES BYA'O ZHES 'BYUNG NGO, ,GZHAN YANG BSTAN BCOS RNAM PAR BSHAD PA LAS, STONG PA NYID KYI RANG GI MTSAN NYID NI YOD PA DANG, MED PAR NGES PA YANG MA YIN NO, ,DE LA YOD PAR NGES PA MA YIN PA NI 'DI LTA STE, 'DU BYED RNAMS LA SEMS CAN GYI RANG BZHIN DANG, NGO BO NYID KYI RANG BZHIN GTAN DU YOD PA MA YIN PA'I PHYIR RO, ,YOD PAR NGES PA MA YIN PA NI 'DI LTA STE, 'DI LA SEMS CAN BDAG MED PA DANG, CHOS KYI DE KHO NA NYID YOD PA'I PHYIR RO ZHES BSHAD DO, ,GZHAN YANG BSTAN BCOS SANGS RGYAS KYI RANG BZHIN BSTAN PA LAS, BDEN PA GNYIS SU YOD CES BYAR YANG MI RUNG LA, MED CES BYAR YANG MI RUNG STE, YOD PA YANG MA YIN MED PA YANG MA YIN PA'I PHYIR RO, ,DON DAM PA'I BDEN PAR YOD CES BSHAD DU YANG MI RUNG LA, MED CES BSHAD DU YANG MI RUNG BA NI GANG ZAG DANG, CHOS MED PA'I PHYIR NI YOD CES BYAR MI RUNG LA, STONG PA NYID GNYIS KYIS RAB TU PHYE BA'I PHYIR NI MED CES BYAR MI RUNG NGO, ,KUN RDZOB KYI BDEN PAR YANG DE BZHIN TE, KUN RDZOB TU RTOG PA'I NGO BO NYID KYI PHYIR NI YOD CES BYAR MI RUNG LA, GZHAN GYI DBANG GI NGO BO NYID KYI PHYIR NI MED CES BYAR YANG MI RUNG NGO, ,GZHAN YANG DON DAM PA'I BDEN PAR YOD PA DANG MED PAR NGES PA MED PAS GANG ZAG DANG CHOS MED KYANG YOD PA MA YIN LA, STONG PA NYID RNAM PA GNYIS YOD KYANG YOD PA MA YIN NO, ,KUN RDZOB KYI BDEN PAR YANG DE BZHIN TE, KUN RDZOB TU RTOG PA'I NGO BO NYID KYI PHYIR NI MED PAR NGES PA YANG MA YIN LA, GZHAN GYI DBANG GI NGO BO NYID KYI PHYIR NI YOD PAR NGES PA YANG MA YIN NO ZHES 'BYUNG NGO, ,GZHAN YANG BSTAN BCOS RNAL 'BYOR SPYOD PA'I SA LAS, JI LTAR NA STONG PA NYID LOG PAR ZIN PA YIN ZHE NA, DGE SBYONG NGAM, BRAM ZE GANG LA LA GANG GIS STONG PA NYID DE YANG MI 'DOD LA, GANG GIS STONG PA NYID DE YANG MI 'DOD PA 'DI LTA BU 'DI NI STONG PA NYID LOG PAR ZIN PA ZHES BYA'O, ,DE CI'I PHYIR ZHEN, GANG GIS STONG PA DE NI MED PA YIN LA, GANG STONG PA DE NI YANG DAG PAR YOD PA YIN PA'I PHYIR, RIGS PA DES STONG PA ZHES BSHAD DE, GAL TE THAMS CAD MED NA NI GANG DU CI ZHIG, @36A *, ,GANG GIS STONG PAR 'GYUR TE, DES DE NYID STONG BA NYID DU 'GYUR DU MI RUNG NGO, ,DE BAS NA DE LTA BU NI STONG BA NYID LA LOG PAR ZIN PA YIN NO ZHES BSHAD DO, ,GZHAN YANG RNAL 'BYOR SPYOD PA'I SA LAS, THEG PA CHEN PO LA STONG PA NYID LOG PAR BZUNG NAS 'DI SKAD CES KUN RDZOB TU NI THAMS CAD YOD LA, DON DAM PAR NI CHOS THAMS CAD MED DO ZHES ZER RO, ,DE LA 'DI SKAD CES TSE DANG LDAN PA KUN RDZOB NI GANG YIN, DON DAM PA NI GANG YIN ZHES BRJOD PAR BYA'O, ,DE SKAD CES DRIS PA NI GAL TE 'DI SKAD CES CHOS THAMS CAD KYI NGO BO NYID MED PA GANG YIN PA DE NI DON DAM PA YIN LA, NGO BO NYID MED PA'I CHOS DE DAG LA NGO BO NYID DU DMIGS PA GANG YIN PA DE NI KUN RDZOB YIN NO, ,DE CI'I PHYIR ZHE NA, 'DI LTA STE, DE NI YOD PA MA YIN BDAG LA KUN RDZOB TU BYED PA DANG, 'DOGS PA DANG, MNGON PAR BRJOD PA DANG, THA SNYAD DU BYED PA'I PHYIR RO ZHES LAN 'DEBS PAR 'GYUR NA, DE LA 'DI SKAD CES BRJOD PAR BYA STE, CI NGO BO NYID DU DMIGS PA DE MNGON PAR BRJOD PA DANG, KUN RDZOB KYI RGYU LAS BYUNG BA YIN PAR 'DOD DAM, 'ON TE MNGON PAR BRJOD PA DANG KUN RDZOB TZAM ZHIG YIN PAR 'DOD, GAL TE MNGON PAR BRJOD PA DANG KUN RDZOB KYI RGYU LAS BYUNG BA YIN NA NI DES NA MNGON PAR BRJOD PA DANG, KUN RDZOB KYI RGYU LAS BYUNG BA YIN PAS YOD PA MA YIN NO ZHES BYAR MI RUNG NGO, ,GAL TE MNGON PAR BRJOD PA DANG, KUN RDZOB TZAM ZHIG YIN NA NI DES NI GZHI MED PAR MNGON PAR BRJOD PA DANG, KUN RDZOB TZAM ZHES BYAR MI RUNG NGO, ,DE LA 'DI SKAD CES TSE DANG LDAN PA CI'I PHYIR GANG DMIGS PA DE MED PA YIN NO ZHES KYANG BRJOD PAR BYA'O, ,DE SKAD CES DRIS PA NA GAL TE 'DI SKAD CES PHYIN CI LOG GI DNGOS PO YIN PA'I PHYIR RO ZHES LAN 'DEBS PAR 'GYUR NA DE LA 'DI SKAD CES BRJOD PAR BYA STE, CI PHYIN CI LOG DE YOD PAR 'DOD DAM, 'ON TE MED PAR 'DOD, GAL TE YOD NA NI DES NA CHOS THAMS CAD KYI NGO BO NYID MED PA NYID NI DON DAM PA'O ZHES BYAR MI RUNG NGO, ,GAL TE MED NA NI DES NA PHYIN CI LOG GI DNGOS PO YIN PA'I PHYIR, GANG DMIGS PA DE NGO BO NYID MED DO ZHES BYAR MI @36B RUNG NGO ZHES 'BYUNG STE, BSTAN BCOS SANGS RGYAS KYI RANG BZHIN BSTAN PA LAS KYANG DE SKAD DU STON TO, ,GZHAN YANG BSTAN BCOS SANGS RGYAS KYI RANG BZHIN BSTAN PA LAS, GZHAN YANG GANG ZAG MNGON PA'I NGA RGYAL CAN DAG STONG PA NYID LTA BA NYID DU BZUNG STE, 'DI NI YANG DAG PA'I STONG PA NYID RNAM PAR THAR PA'I SGO YIN NO ZHES STONG PA'I RNAM PAR THAR PA'I SGO DE NYID LA STONG PA NYID DU MNGON PAR ZHEN NAS YOD PA DANG MED PA THAMS CAD NI STONG PA'O ZHES ZER TE, STONG PA NYID LA MNGON PAR ZHEN PA DE NI YOD PA MA YIN PA NYID DU 'GYUR LA, YOD PA MA YIN PA NYID DU 'GYUR BA'I PHYIR, RGYU DANG 'BRAS BU DANG, BDEN PA GNYIS KYI RIGS PA YANG NYAMS PAR 'GYUR RO, ,STONG BA NYID LA MNGON PAR ZHEN PA'I NYES PA NYID KYI PHYIR NI LOG PAR LTA BA NYID DU LHUNG BAR 'GYUR BAS 'DI LTA BU'I MNGON PAR ZHEN PA DAG NI STONG PA NYID LAS BYUNG BA'I PHYIR DE LA MNGON PAR GRUB PA YIN GYI, LOG PAR ZHAN PA LAS MA YIN NO, ,LOG PAR 'DZIN PA THAMS CAD NI STONG PA NYID KYI DBANG GIS BSAL BAR BYA BA YIN NO, MNGON PAR ZHEN PA 'DI NI STONG PA NYID LAS 'BYUNG BA'I PHYIR GSOR MI RUNG BA'I GANG ZAG CES BSHAD DO ZHES GSUNGS TE, DE'I PHYIR BCOM LDAN 'DAS KYIS 'OD SRUNGS LA BKA' STZAL PA, GANG LA LA ZHIG BDAG TU LTA BA RI RAB TZAM DU 'DZIN PA NI NGAS GNANG NGO, ,DE CI'I PHYIR ZHE NA, 'DI LTAR BZLOG TU RUNG BA'I PHYIR RO, ,GANG ZAG MNGON PA'I NGA RGYAL CAN GANG STONG PA NYID DU 'DZIN PA SKRA'I NYAG MA GCIG GI BZHI CHA GCIG TZAM SKYES NA YANG, NGAS MYUR DU SMOD CING GDON MI ZA BAR GNANG NGO ZHES GSUNGS PA YIN NO, ,GZHAN YANG BSTAN BCOS SHIN TU RGYAS PA BRGYA PA LAS, GZHAN YANG CHOS RNAMS KYI YANG DAG PA'I DON GANG ZHE NA, 'DI LTA STE, CHOS THAMS CAD KYI STONG PA NYID DANG, BDAG MED PA'I DON GANG YIN PA'O, , GAL TE DE LTA NA RIGS PA 'DI LA YANG NYES PA YOD DO, ,DE CI'I PHYIR ZHE NA, JI LTAR KHA CIG STONG PA NYID DANG, BDAG MED PA THOS NAS CHOS RNAMS NI MED PA'O ZHES RGYU DANG 'BRAS BU'I YANG DAG PA'I RIGS PA THAMS CAD LA SKUR PA 'DEBS SHING DGE BA'I RTZA BA THAMS CAD CHOD PAR @37A *, ,BYED PA RANG GI LTA BA NYES PA DANG BCAS PA DE DAG STONG BA NYID DANG, BDAG MED PA'I NYES PA MA YIN NAM, STONG BA NYID LA LOG PAR BZUNG BA'I BDAG GIS YANG DAG PA MA YIN PAS LOG PAR LTA BA BSKYED NAS NYES PAR SPYOD PA BYAS PA RNAMS KYI STONG BA NYID DANG, BDAG MED PA'I DON NI SEMS DANG, TSIG GIS DPAG PAR MI NUS TE, DE BDAG GIS 'THOB PAR 'GYUR BA MA YIN PAS SO SO'I SKYE BO DAG CHOS RNAMS STONG BA'O ZHES THOS NAS 'PHAGS PA'I DGONGS PA MA SHES NAS KUN RDZOB TZAM DU YOD PA'I RGYU DANG 'BRAS BU LA SKUR BA 'DEBS SHING DGE BA'I CHOS RNAMS 'JIG PAR BYED PA DE CI STONG BA NYID DANG, BDAG MED PA'I NYES PA YIN NAM, 'PHAGS PA RNAMS STONG PA NYID KYI GSUNGS PA BSTAN PA LA DGONGS PA CI YOD CE NA, YANG DAG PA MA YIN PA RNAM PAR RTOG PA YOD PA NYID DU 'DZIN PA RAB TU BSTZAL BA'I PHYIR RO, GAL TE DE LTA NA CHOS RNAMS KYANG GSUNGS PA NYID DU 'GYUR TE, YANG DAG PA MA YIN PAS CHOS RNAMS STONG PA NYID DU 'DZIN PA RAB TU BSTZAL PA'I PHYIR RO ZHE NA, YANG DAG PAR NA GANG DAG CHOS RNAMS STONG PA NYID DU 'DZIN PA'I CHED DU DE BZHIN GSHEGS PAS CHOS RNAMS YOD PA NYID DU YANG GSUNG BAR MDZAD DO, ,GAL TE 'DZIN PA BTZAL BA'I CHED DU YOD PAR GSUNGS, STONG PA NYID DU YANG GSUNGS PA YIN NA, CHOS RNAMS KYI YANG DAG PA'I DON DE STONG PA ZHIG GAM, 'ON TE YOD PA ZHIG YIN ZHE NA, CHOS RNAMS KYI YANG DAG PA'I DON NI YOD PA MA YIN, STONG BA YANG MA YIN TE, RNAM PAR RTOG PA'I SPROS PA DAG GIS 'THOB PAR MI NUS PAS SO, ,CI'I PHYIR 'PHAGS PAS GSUNGS PA DAG BRDZUN PA MA YIN ZHE NA, LOG PAR ZIN PA RAB TU SEL BA'I PHYIR BRDZUN PA MA YIN NO, ,STONG PA DANG YOD PA'I BSTAN PA GNYIS KA YANG 'DZIN PA RAB TU SEL BA YIN NA, CI'I PHYIR DE BZHIN GSHEGS PAS PHAL CHER STONG BA NYID KYI BSTAN PA GSUNG BAR MDZAD, 'DI LTAR SEMS CAN RNAMS PHAL CHE BA YOD PA NYID DU 'DZIN CING 'KHOR BA YANG PHAL CHER YOD PAR 'DZIN PA LAS 'BYUNG BAS, DE'I PHYIR DE BZHIN GSHEGS PAS YOD PA NYID DU @37B 'DZIN PA RAB TU BSAL BA DANG, 'KHOR BA'I SDUG BSNGAL SPANG BA'I CHED DU STONG PA NYID KYI BSTAN PA PHAL CHER GSUNGS PA YIN NO, ,GAL TE STONG PA NYID DANG YOD PA GNYI GA YANG BSTAN PA'I SGO YIN NA, CI'I PHYIR SNGAR STONG PA NYID YANG DAG PA'I DON YIN ZHES BSTAN CE NA, THABS KYIS BRTAGS PA TZAM DU BSTAN PA YIN PAS PHAN TSUN 'GAL BA MED DO, ,GZHAN YANG STONG PA ZHES BYA BA'I TSIG 'DI NI MA YIN PA DGAG CING, MA YIN PA NYID DU STON PAS STONG PA NYID YOD PA KHO NA MA YIN GYI, STONG PA NYID KYANG YOD DE, STONG PA NYID KYIS 'DZIN PA'I SEMS CAN THAMS CAD SEL CING CHOS RNAMS THAMS CAD YOD PA YANG MA YIN, STONG PA NYID KYANG MA YIN PA MTHAR THUG PA YANG DAG PA'I DON RTOGS PAR BYED KYANG, CHOS RNAMS KYI DE KHO NA NYID KYI DON NI YANG DAG PAR NA STONG PA NYID KYI RANG BZHIN YANG MA YIN TE, STONG PA NYID SGOR GYUR BA'I PHYIR BRTAGS PA TZAM DU STONG BA NYID CES BSTAN PAS DE KHO NA NYID KYI DON NI STONG BA NYID KYANG MA YIN NO, ,STONG PA NYID SGOR GYUR BA YANG DE KHO NA NYID KYI DON NI YOD PA MA YIN PAS YOD PA'I SGOR 'GYUR BA'I RIGS SO ZHE NA, DBANG PO'I RJES SU SGO ZHES BSHAD PA YIN PAS YOD PA NYID LA BYA NA YANG NYES PA MED KYANG SGO'I DON NI STONG PA NYID DANG RJES SU MTHUN PAS YOD PA YOD CES BYA BA THAMS CAD NI MNGON PAR ZHEN PA'I SEMS KYI RJES SU 'BRANG BA YIN LA, STONG PA STONG PA ZHES BYA BA THAMS CAD NI YANG DAG PA MA YIN PA'I 'DZIN PA DAG RAB TU SEL BAS DE LTA BAS NA BLO DANG LDAN PA DAG NI STONG PA ZHES BYA BA'I TSIG THOS NAS YANG YOD PA DANG MED PAR 'DZIN PA THAMS CAD DANG BRAL BAS CHOS KYI DE KHO NA NYID KYI DON YOD PA YANG MA YIN, MED PA YANG MA YIN PA KHONG DU CHUD DE, YOD PA DANG MED PA'I RNAM PAR RTOG PA'I SPROS PA SKYED PAR MI BYED DO ZHES STON TO, ,STONG PA NYID LA LOG PAR BZUNG BA'I NYES DMIGS KYI MTSAN NYID NI, BSTAN BCOS RNAL 'BYOR SPYOD PA'I SA LAS JI SKAD DU BSTAN PA BZHIN TE, DE NYID LAS KHA CIG SHES PAR DKA' BA'I MDO SDE THEG PA CHEN PO DANG LDAN PA ZAB MO STONG PA NYID DANG LDAN PA DGONGS PA'I DON BSTAN PA DAG THOS NA, @38A *, ,BSHAD PA'I DON YANG DAG PA JI LTA BA BZHIN DU MA SHES NAS TSUL BZHIN MA YIN PAR BRTAGS TE RIGS PA MA YIN PAS BSKYED PA'I RTOG GE TZAM GYIS 'DI DAG THAMS CAD NI BRTAGS PA TZAM DU ZAD DE, 'DI KHO NA YIN NO, ,SU 'DI LTAR LTA BA DE NI YANG DAG PAR LTA BA YIN NO ZHES DE LTAR LTA ZHING DE SKAD SMRA'O, ,DE DAG GI LTAR NA 'DOGS PA'I GZHI'I DNGOS PO TZAM YANG MED PAS 'DOGS PA DE NYID KYANG THAMS CAD KYI THAMS CAD DU MED PAR 'GYUR NA BRTAGS PA TZAM GYI KHO NA LTA YOD PAR GA LA 'GYUR TE, DE'I PHYIR RNAM GRANGS DES NA DE DAG GIS DE KHO NA DANG, BRTAGS PA DE KHO NA LA YANG SKUR BA BTAB PAR 'GYUR TE, BRTAGS PA DANG DE KHO NA LA SKUR BA BTAB PAS NA MED PAR LTA BA'I GTZO BO YIN PAR RIG PAR BYA'O, ,DE LTAR MED PA BA DE NI TSANGS PA MTSUNGS PAR SPYOD PA MDZAD SA PA RNAMS KYIS SMOS PA'I 'OS MA YIN PA DANG, 'GROGS PAR MI BYA BA YIN TE, DE NI BDAG NYID KYANG PHUNG BAR BYED LA, 'JIG RTEN GANG DE'I LTA BA LA PHYOGS PA YANG PHUNG BAR BYED DO, ,BCOM LDAN 'DAS KYIS 'DI LA DGONGS NAS 'DI NA LA LA GANG ZAG TU LTA BA NI BLA'I, LA LA STONG BA NYID LA LOG PAR ZIN PA NI DE LTA MA YIN NO ZHES BKA' STZAL TO, ,DE CI'I PHYIR ZHE NA, GANG ZAG TU LTA BA CAN GYI SKYE BO NI SHES BYA LA RMONGS PA 'BA' ZHIG TU ZAD KYI, SHES BYA THAMS CAD LA SKUR BA 'DEBS PA MA YIN TE, GZHI DES NA SEMS CAN DMYAL BA RNAMS SU SKYE BAR MI 'GYUR LA, GZHAN YANG CHOS 'DOD PA DANG, SDUG BSNGAL RNAMS LAS THAR BAR 'DOD PA DAG KYANG PHUNG BAR BYED CING SLU BAR MI BYED LA, CHOS DANG BDE BA LA YANG 'GOD PAR BYED DO, ,BSLAB PA'I GZHI DAG LA YANG G-YEL BAR MI 'GYUR RO, ,STONG PA NYID LA LOG PAR ZIN PA NI SHES BYA'I DNGOS PO LA YANG RMONGS LA SHES BYA THAMS CAD LA YANG SKUR BA 'DEBS TE, GZHI DES SEMS CAN DMYAL BA RNAMS SU SKYE BAR 'GYUR LA, GZHAN YANG CHOS 'DOD PA DANG SDUG BSNGAL LAS RNAM PAR THAR PAR 'DOD PA RNAMS KYANG PHUNG BAR BYED DO, BSLAB PA'I GZHI DE DAG LA YANG G-YEL BAR 'GYUR TE, DE LTAR YANG @38B DAG PA JI LTA BA BZHIN GYI DNGOS PO LA SKUR BA 'DEBS PA NI CHOS 'DUL BA 'DI LAS RAB TU NYAMS PA YIN NO ZHES 'BYUNG NGO, ,BSTAN BCOS SHIN TU RGYAS PA BRGYA PA LAS KYANG, RNAL 'BYOR SPYOD PA'I SA LAS BSTAN PA DANG MTHUN PAR BSHAD DE, DE'I PHYIR DE NYID LAS, GZHAN YANG SHES RAB ZHAN PA DAG GI MDUN DU STONG PA NYID DANG, BDAG MED PA'I DON BRJOD NA LTA BA NGAN PA 'PHEL BAR 'GYUR TE, DE CI'I PHYIR ZHE NA, TSIG LE'UR BYAS PA LAS, DE YIS BDAG TU 'DZIN PA BSKYED SLA YI, ,STONG DANG BDAG MED LTA BA DE LTA MIN, ,DE NA NGAN 'GRO DAG LA GZHOL BA'ANG YIN, ,DANG PO MYA NGAN 'DAS LA RGYAB KYIS PHYOGS, ,ZHES 'BYUNG STE, 'DI NYID KYI 'GREL PA LAS, DE'I BYA BA NI 'JIG RTEN NA SHES RAB ZHAN PA GANG YIN PA DAG GO, BDAG TU 'DZIN PA ZHES BYA BA NI 'JIG TSOGS LA LTA BA STE, BDAG GIR LTA BA DE YANG BDAG TU 'DZIN PA DANG BCAS PA DANG, DE'I PHYIR BDAG TU 'DZIN PA ZHES BYA BA'I TSIG GIS LTA BA DE YANG BSDUS SO, ,BDAG TU 'DZIN PA YANG DAG PA'I RIGS PA DANG RJES SU MTHUN PA MA YIN MOD KYI, DE 'BYUNG BA NI SLA STE, NYES DMIGS YANG PA'I PHYIR RO, ,STONG PA NYID DANG BDAG MED PAR LTA BA NI YANG DAG PA'I RIGS PA DANG RJES SU MTHUN PA YIN MOD KYI, 'ON KYANG DE DAG GIS YANG DAG PA JI LTA BA BZHIN DU KHONG DU MI CHUD DE, GZHI DES CHOS RNAMS LA SKUR BA 'DEBS SHING, 'JIG PAR BYED PAS NYES PA LCI BA'I PHYIR DE MI 'BYUNG BAR MDZAD PA'O, ,RNAM PA 'DI GNYIS KYI NYES PA LCI YANG DU GYUR BA YANG GANG ZHE NA, 'DI LTA STE, DANG PO BDAG TU 'DZIN PA NI MYA NGAN LAS 'DAS PA LA RGYAB KYIS PHYOGS PA KHO NA'O, ,PHYI MA STONG PA NYID LA LOG PAR 'DZIN PA DAG NI DAN 'GRO LA GZHOL BA YANG YIN TE, SHES RAB ZHAN PA DE DAG STONG PA NYID LOG PAR 'DZIN PAN DGE PA'I RTZA BA DAG LA YANG SKYO BAR BYED NA, SEMS CAN DAG LA LTA SMOS KYANG CI DGOS, 'DI LTAR DE DAG DGE BA DANG, 'JIG RTEN LA RGYAB KYIS PHYOGS PA DANG, DGE BA'I RTZA BA BCAD DE SEMS CAN LA GNOD PA BYAS PA'I DBANG GIS SHIN TU BSIL BA'I MYA NGAN LAS 'DAS PA 'BA' @39A *, ,ZHIG LA RGYAB KYIS PHYOGS PA YIN GYI, RANG GI LUS KYANG SEMS CAN DMYAL BA'I ME YONGS SU 'DZIN PAR BYED DE, BDAG TU LTA BA BSKYED PA LA NI DNGOS PO DE LTA BU MED DE, DE CI'I PHYIR ZHE NA, DE DAG BDE BA DANG BDAG MED PA SDUG BSNGAL DANG BRAL BAR 'DOD PAS SDIG PA RNAMS KYANG MI BYED LA BSOD NAMS CHEN PO DAG KYANG BSTZAGS NAS NGAN 'GRO RNAMS LAS GROL BAR 'GYUR BAS LHA DANG MI'I LUS KYANG STONG PAR MI 'GYUR TE, MYA NGAN LAS 'DAS PA LA SKRAG CING RNAM PAR GROL BA MNGON DU MI BYED PA KHO NAR ZAD PAS, DE'I PHYIR MDO DAG LAS, BDAG TU LTA BA RI RAB TZAM BSKYED PA NI SLA'I, STONG PA NYID LA LOG PAR BZUNG NAS MNGON PA'I NGA RGYAL BYED PA NI DE LTA MA YIN NO ZHES GSUNGS SO, ,GAL TE DE LTA NA CHOS RNAMS KYI STONG PA NYID DANG, BDAG MED PA'I DON NI G-YANG SA'I 'GRO BA DANG NYE BAR GYUR BAS 'PHAGS PA DAG GIS BSTAN PA'I MI RIGS SO ZHE NA, YANG DAG PAR NA SHES RAB ZHAN PA DAG GI MDUN DU BSHAD PA NI MI RIGS TE, SHES RAB KHYAD PAR CAN DAG GIS NI DE DAG GI RJES SU BSGRUBS NAS PHAN YON CHEN PO THOB PAR 'GYUR BA'I PHYIR DE DAG LA NI BSHAD PA DGOS SO ZHES 'BYUNG BA YIN NO ZHE'O,, ,,BAM PO SUM CU PA, NGA'I CHOS LA CHOS SU 'DU SHES SKYED PAR BYED MOD KYI, DON MA YIN PA LA DON DU 'DU SHES ZHES BYA BA 'DI MAN CHAD NI GNYIS PA BRGAL BA'I LAN BTAB PA STON TO, ,BRGAL BA RNAM PA GNYIS KYI LAN BSTAN PA NYID LAS RNAM PA GNYIS SU DBYE STE, CHOS LA YANG MNGON PAR YID CHES PAS GAL NYID DU MI 'GRUB PAR BSTAN PA DANG, CHOS LA MNGON PAR YID CHES PAS BSOD NAMS DANG YE SHES DANG LDAN PAR 'GYUR BA'I GAL BSTAN PA'O, ,DANG PO YANG RNAM PA GNYIS KYIS BSTAN TE, BRGAL BA'I LAN DE NYID YANG DAG PAR BSTAN PA DANG, GTAN TSIGS BSTAN PA STE, 'DI NI DANG PO'O, ,'DI LTAR BYANG CHUB SEMS DPA' DE NGA'I BSTAN PA LA BRTEN NAS, BSTAN PA'I 'DU SHES SKYED PAR BYED KYANG, YANG DAG PA'I DON MA YIN PA LA, YANG DAG PA'I DON DU 'DU SHES PAS BSTAN PA LA YID CHES KYANG NYES @39B PA DANG BCAS PA YIN NO ZHES BYA BA'I THA TSIG GO, ,NGA'I CHOS LA CHOS SU 'DU SHES PA'I PHYIR DANG, DON MA YIN PA LA DON DU 'DU SHES PA'I PHYIR, CHOS DE DAG LA YANG CHOS SU 'DZIN, DON MA YIN PA LA YANG DON DU 'DZIN TO ZHES BYA BA NI GNYIS PA GTAN TSIGS BSTAN PA'O, ,'DI LTAR NGA'I CHOS LA CHOS SU 'DU SHES PA'I PHYIR, CHOS DE DAG LA CHOS YANG DAG PA NYID DU MNGON PAR YID CHES PA DANG, DON MA YIN PA LA DON DU 'DU SHES PA'I PHYIR YANG DAG PA'I DON MA YIN PA LA YANG DAG PA'I DON DU 'DZIN TO ZHES BYA'O, ,DE DAG CHOS LA MOS PA'I PHYIR, BSOD NAMS 'PHEL BAR 'GYUR MOD KYI, 'ON KYANG DON MA YIN PA LA MNGON PAR ZHEN PA'I PHYIR, SHES RAB LAS YONGS SU NYAMS PA'I PHYIR NI DGE BA'I CHOS SHIN TU RGYA CHE BA DANG, SHIN TU DPAG TU MED PA LAS KYANG YONGS SU NYAMS PAR 'GYUR RO ZHES BYA BA NI GNYIS PA CHOS LA MNGON PAR YID CHES PAS BSOD NAMS DANG, YE SHES DANG LDAN PAR 'GYUR BA'I GAL BSTAN PA'O, ,PHYI ROL BA DAG 'DI SKAD DU GNAS 'DI'I BYANG CHUB SEMS DPA' DNGOS PO BZHI DANG LDAN PAS, BSTAN PA THOS PA TZAM GYIS YID CHES PAR 'GYUR NA, CI'I PHYIR BSOD NAMS DANG YE SHES KYI TSOGS YONGS SU RDZOGS PAR MI 'GYUR ZHES RGOL BA'I PHYIR LAN DU 'DI GSUNGS PA YIN TE, CHOS LA RAB TU DANG BA BSKYED PA'I PHYIR BSOD NAMS 'PHEL BAR 'GYUR MOD KYI, DON MA YIN PA LA MNGON PAR ZHEN PA NYID KYI PHYIR, SHES RAB YONGS SU NYAMS PAR 'GYUR LA SHES RAB YONGS SU NYAMS PA'I PHYIR, DGE BA DPAG TU MED PA YANG NYAMS PAR 'GYUR RO ZHES BYA BA'I THA TSIG GO, ,RIGS DANG LDAN PA'I BYANG CHUB SEMS DPA' LA NYAMS PAR 'GYUR BA YOD DAM, GAL TE DE LTAR GYUR NA YANG NYES PA CI YOD CE NA, GAL TE NYAMS PAR GYUR NA, BKOD PA LA MOS PA'I MDO LAS GSUNGS PA DE JI LTAR GO ZHING RNAM PAR BSHAD PAR BYA STE, MDO DE LAS NI RIGS KYIS LA GNAS PA'I BYANG CHUB SEMS DPAS DUS GCIG TU 'DZAM BU'I GLING GI SEMS CAN RNAMS BSAD PA'I KHA NA MA THO BA DE DANG LDAN YANG, SEMS CAN DMYAL BAR LTUNG BAR @40A *, ,MI 'GYUR RO, ,GLING BZHI NAS STONG GSUM GYI STONG CHEN PO'I BAR GYI SEMS CAN RNAMS BSAD KYANG, SEMS CAN DMYAL BAR LTUNG BAR MI 'GYUR RO, ,DE CI'I PHYIR ZHE NA, GANG ZAG DE BSKAL BA DPAG TU MED PA NAS SANGS RGYAS MANG PO LA MCHOD PA BYAS SHING, BSOD NAMS DANG YE SHES KYI DGE BA'I RTZA BA YONGS SU SMIN PAS, KHA NA MA THO BA CHEN PO BYAS KYANG, BSOD NAMS CHE BA'I PHYIR SDIG PA YANG 'BYANG LA, SEMS CAN DMYAL BAR LTUNG BAR MI 'GYUR RO ZHES GSUNGS PA DANG, GZHAN YANG SLOB DPON NGO BO NYID MED KYIS BYAS PA'I THEG PA CHEN PO BSDUS PA'I 'GREL BA LAS, BSKAL BA GRANGS MED PA DANG PO BSTAN PA'I SKABS NAS, SEMS BRTAN KHYAD PAR 'GRO BA YI, ,ZHES BYA BA NI MI DGE BA'I GROGS PO DANG PHRAD PAR GYUR NAS, THABS KYIS MOS BZLOG PAR BYED KYANG, BYANG CHUB CHEN PO'I SEMS YONGS SU MI GTONG ZHING, MTHONG BA'I CHOS DANG, TSE RABS PHYI MA LA DGE BA'I CHOS GONG NAS GONG DU 'PHEL BA DANG, YONGS SU MI NYAMS PA'I PHYIR RO ZHES BSHAD DE, SLOB DPON DBYIG GNYEN GYIS MDZAD PA'I 'GREL PA LAS KYANG DE SKAD DU STON TO, , GAL TE YONGS SU NYAMS PAR MI 'GYUR NA, ,SA YONGS SU 'DZIN PA'I MDO LAS RIGS KYI SA'I BYANG CHUB SEMS DPA' YANG SEMS CAN DMYAL BAR LTUNG BAR 'GYUR RO ZHES BYA BA LA SOGS PA GSUNGS PA DE JI LTAR BRDA PHRAD PAR BYA ZHE NA, SMRAS PA, DON 'DI LA YANG BSHAD PA RNAM PA GNYIS YOD DE, DANG PO NI SLOB DPON KLU SGRUB KYIS RIGS LA GNAS PA YONGS SU NYAMS PAR MI 'GYUR RO ZHES BSHAD DE, DE'I PHYIR BSTAN BCOS RIN PO CHE'I NGO BO NYID BSTAN PA LAS, KHA CIG GIS KLU SGRUB KYI SA YONGS SU 'DZIN PA'I MDO LAS, RIGS KYI SA'I BYANG CHUB SEMS DPA' MNAR MED PA'I SEMS CAN DMYAL BAR LTUNG BAR 'GYUR ZHES GSUNGS PA'I DON DE JI LTA BU YIN ZHES DRIS PA DANG, ,KLU SGRUB KYIS SMRAS PA, DE SKAD GSUNGS PA'I MDO YOD MOD KYI, BDAG NI DE SKAD SMRA BA'I THUG MI THUB PO, ,DE CI'I PHYIR ZHE NA, 'PHEL BA @40B DANG SGRIB PA MED PA'I MDO LAS, RIGS KYI SA'I BYANG CHUB SEMS DPA' NI NAMS KYANG SEMS CAN DMYAL BAR LTUNG BAR MI 'GYUR RO ZHES BSTAN PAS, BKOD PA LA MOS PA'I MDO DANG MTHUN TE, SA YONGS SU 'DZIN PA LA SOGS PA LAS LTUNG BAR 'GYUR RO ZHES GSUNGS PA NI, SA'I MDUN ROL GYI BYANG CHUB SEMS DPA' DAG 'JIGS PA SKYED CING, MYUR DUS DANG PO THOB PAR MDZAD PA'I PHYIR GSUNGS PA YIN GYI, DE YANG DAG PAR MNAR MED PAR LTUNG BAR 'GYUR BAR GSUNGS PA NI MA YIN NO ZHES 'BYUNG NGO, ,SLOB DPON RTA SKAD KYIS MOS PA BSKYED PA'I BSTAN BCOS MDZAD PA LAS KYANG, GONG MA SKAD DU BSHAD DE, DE'I PHYIR DE NYID LAS MDO DAG LAS YONGS SU NYAMS SHING NGAN 'GROR LTUNG BAR 'GYUR RO ZHES GSUNGS PA NI YANG DAG PAR LTUNG BAR 'GYUR BA MA YIN GYI, BYANG CHUB SEMS DPA' SLOB PA DANG PO PA YANG DAG PA'I GNAS SU MA ZHUGS PA LE LO CAN DAG 'JIGS PA DANG, NAN TAN BRTZON 'GRUS BSKYED PA'I PHYIR RO ZHES BSHAD DO, ,GNYIS PA NI 'PHAGS PA BYAMS PA'I GZHUNG GIS BSTAN PA STE, 'DI YANG BSHAD PA RNAM PA GNYIS YOD DE, DANG PO NI SLOB DPON KLU SGRUB KYIS BSTAN PA DANG MTHUN NO, ,GNYIS PA NI BYANG CHUB SEMS DPA'I SA LAS BSTAN PA'I MDO LA BRTEN NAS, GNAS PA BCU YAN CHAD NI RIGS KYI GNAS ZHES BYA'O ZHES BSHAD DO, GNAS PA BCU LAS KYANG SNGA MA DRUG NI YONGS SU NYAMS PAR 'GYUR BA ZHES BYA'O, ,BDUN PA NI YONGS SU NYAMS PAR MI 'GYUR BA'O ZHES BSHAD PAS DE'I PHYIR RIGS LA GNAS PA LA YANG YONGS SU NYAMS PAR 'GYUR BA'I DON YOD PAR RIG PAR BYA'O, ,GZHAN YANG BSTAN BCOS RNAL 'BYOR SPYOD PA'I SA LAS, DE LA MOS PAS SPYOD PA'I SA LA GNAS PA'I BYANG CHUB SEMS DPA' NI BYANG CHUB SEMS DPA'I BSGOM PA LA CHUNG DUR BYED PA DANG, RGYUN CHAGS MA YIN PAR BYED PA DANG, NGES PAR MI BYED PA DANG, THOB PA LAS KYANG YONGS SU NYAMS PAR 'GYUR RO ZHES BYA BA DANG, GZHAN YANG DE NYID LAS MOS PAS SPYOD PA'I BYANG CHUB @41A *, ,SEMS DPA' NI CHED 'GA' BYANG CHUB CHEN POR SEMS BSKYED PA LAS KYANG GTONG BAR MI 'GYUR RO ZHES BSHAD DE, LEGS PA'I TSUL KHRIMS BSTAN PA'I MDO DANG, SA YONGS SU 'DZIN PA'I MDO LAS KYANG 'DI DANG MTHUN PAR 'BYUNG NGO, , GZHAN YANG BSTAN BCOS RNAL 'BYOR SPYOD PA'I SA LAS BYANG CHUB SEMS DPA' GANG MOS PAS SPYOD PA'I SA LA GNAS PA NI GCIG BU NGAN 'GROR 'GRO BAR 'GYUR RO ZHES BSHAD DE, LEGS PA'I TSUL KHRIMS BSTAN PA'I MDO DANG, SA YONGS SU 'DZIN PA'I MDO LAS KYANG DE SKAD DU GSUNGS SO, ,BKOD PA LA MOS PA'I MDO DANG, THEG PA CHEN PO BSDUS PA LAS YONGS SU NYAMS PAR MI 'GYUR RO ZHES BSTAN PA DE NI PHAL CHE BA'I DBANG DU MDZAD NAS BSTAN PA YIN GYI, DON MTHAR THUG PA NI MA YIN NO ZHE'O, ,GZHAN YANG SEMS CAN GANG DAG GZHAN LAS CHOS SU DANG, DON MA YIN PA LA DON DU THOS NAS DE DAG GI LTA BA'I RJES SU 'BRANG BAR BYED DE, DE LA NI CHOS LA CHOS SU 'DU SHES PA DANG, DON MA YIN PA LA DON DU 'DU SHES PAS CHOS LA CHOS SU DANG, DON MA YIN PA LA DON DU MNGON PAR ZHEN PAR GYUR ZHES BYA BA 'DI MAN CHAD NI GNYIS PA SLOB MAS BRTAGS PA RNAM PAR 'BYED PA'O, ,'DI YANG RNAM PA GNYIS KYIS BSTAN TE, BRTAGS PA RNAM PA GNYIS RNAM PAR PHYE STE BSHAD PA DANG, GZHI DES ZHES BYA BA MAN CHAD KYIS BRTAGS PA RNAM PA GNYIS BSTAN PA'I MJUG BSDU BA'O, ,DANG PO YANG BRTAGS PA RNAM PA GNYIS YOD PA NYID LAS RNAM PA GNYIS SU DBYE BSTE, JI LTAR THOS PA BZHIN DU SGRA'I RJES SU MNGON PAR ZHEN PAR GYUR PA BSTAN PA DANG, DE DAG GI LTA BA'I RJES SU 'BRANG BAR MI BYED CING, MNGON PAR YID MI CHES PA'I GANG ZAG BSTAN PA'O, ,DANG PO YANG RNAM PA GNYIS TE, SGRA'I RJES SU MNGON PAR ZHEN PAR GYUR PAR BSTAN PA DANG, MNGON PAR ZHEN PA'I NYES DMIGS BSTAN PA'O, ,'DI NI DANG PO STE, 'DI LTAR SEMS CAN DE STON PA GSUM PA LAS BSTAN PA DAG THOS @41B PA YANG SLOB DPON DE CHOS LA CHOS SU DANG, DON MA YIN PA LA DON DU MTHONG BAS NA DE DANG STONG PA THA DAD DU LTA BA MED PAR GYUR PA'O, ,DE LA BYE BRAG TU GYUR BA YOD PA YANG, STON PA GSUM PA DE NI SANGS RGYAS KYI BSTAN PA MNYAN NAS THOS PA YIN LA, ,GANG ZAG BZHI PA 'DI NI PHA ROL LAS BRGYUD DE THOS PA YIN PAS STON PA DANG BRTAGS PA MTHUN PA YIN NO, ,CHOS MNGON PA DANG SBYAR NA NI SNGA MA BZHIN DU STON PA GSUM PA BYANG CHUB SEMS DPA' YIN PAR BSHAD PA RNAM PAR DBYE BAR BYA'O, ,DGONGS PA ZAB MO RNAM PAR DGROL BA'I MDO DANG SBYAR NA NI STON PA GSUM PA 'DI LOG PAR LTA BA'I GANG ZAG YIN PAR STON PAS DE'I PHYIR DE NYID LAS, GZHAN YANG SEMS CAN GANG DAG LOG PAR LTA BA'I GANG ZAG DE DAG LAS CHOS THOS NAS SHES PAR 'BYUNG BA YIN NO, ,GZHI DES NA DE DAG DANG MTSUNGS PA DGE BA'I CHOS YONGS SU NYAMS PAR RIG PAR BYA'O ZHES BYA BA NI GNYIS PA MNGON PAR ZHEN PA'I NYES DMIGS BSTAN PA STE, SNGAR BSTAN PA'I GSUM PA DAG DANG 'DRA BAR DGE BA DPAG TU MED PA LAS NYAMS PAR RIG PAR BYA'O ZHES BYA BA'I THA TSIG GO, ,GAL TE SEMS CAN GANG DAG DE'I LTA BA'I RJES SU 'BRANG BAR MI BYED PA DAG NI DE DAG LAS CHOS RNAMS THAMS CAD NGO BO NYID MED PA DANG, SKYE BA MED PA DANG, 'GAG PA MED PA DANG, GZOD MA NAS ZHI BA DANG, RAB BZHIN GYIS YONGS SU MYA NGAN LAS 'DAS PA'O ZHES THOS NA SKRAG CING DNGANG LA ZHES BYA BA LA SOGS PAS NI GNYIS PA DE DAG GI LTA BA'I RJES SU 'BRANG BAR MI BYED CING, MNGON PAR YID MI CHES PA'I GANG ZAG BSTEN PA'O, ,'DI YANG RNAM PA GNYIS TE, BSTAN PA THOS KYANG MNGON PAR YID MI CHES PAR GYUR BA BSTAN PA DANG, GZHI DES NA ZHES BYA BA MAN CHAD KYIS MNGON PAR YID MI CHES PA'I NYES DMIGS BSTAN PA'O, ,DANG PO YANG RNAM PA GSUM DU DBYE STE, BSTAN PA THOS PAS SKRAG CING DNGANG PAR 'GYUR BAR BSTAN PA DANG, PHYIN CI LOG GI SHES PA'I DBANG GIS SKRAG PA SKYE BAR @42A *, ,BSTAN PA DANG, SHES PA'I DBANG GIS SKUR BA 'DEBS PAR GYUR BA BSTAN PA STE 'DI NI DANG PO'O, ,'DI LTAR SEMS CAN DE STON PA GSUM PA LAS DE'I BSTAN PA THOS KYANG STON PA SNGA MA DE'I LTA BA'I RJES SU MI 'BRANG BAS CHOS THAMS CAD NGES PAR NGO BO NYID MED PA LA SOGS PA'O ZHES BSTAN PA DANG, DE LAS CHOS THAMS CAD NGO BO NYID MED PA LA SOGS PA'O ZHES BYA BA'I TSIG THOS PA NA SEMS LA SKRAG PA SKYES NAS, JI LTAR NA CHOS RNAMS NGO BO NYID MED PA LA SOGS PA YIN ZHES BSTAN PA DE'I DBANG GIS SKRAG GCING DNGANG BAR GYUR BA'O, ,GANG ZAG RNAM PA GSUM GYIS BSTAN PA LA SKRAG PA SKYE BAR 'GYUR TE, BSTAN BCOS CHOS MNGON PA SNA TSOGS KUN LAS BTUS PA LAS JI SKAD DU, GZHAN YANG CI'I PHYIR SEMS CAN KHA CIG SHIN TU RGYAS PA ZAB PA DAG LA MOS PAR MI 'GYUR ZHING SKRAG PAR 'GYUR ZHE NA, CHOS NYID DANG BRAL BA'I PHYIR DANG, DGE BA'I RTZA BA MA BSKYED PA'I PHYIR DANG, MI DGE BA'I GROGS POS YONGS SU ZIN PA'I PHYIR RO, ,DE LA CHOS NYID NI 'DI LTA STE, MYA NGAN LAS 'DA' BA'I RIGS CAN DAG YIN TE, DE'I BDAG NYID YIN PA'I PHYIR RO, ,'DI LTAR SEMS CAN KHA CIG LA MYA NGAN LAS 'DA' BA'I RIGS MED PA'I PHYIR, SEMS SHIN TU DMAN PAR GYUR NAS SHIN TU RGYAS PA ZAB BA DAG LA MOS PAR MI 'GYUR BA DE'I PHYIR SKRAG BAR 'GYUR BA YIN, GZHAN YANG SEMS CAN KHA CIG MYA NGAN LAS 'DA' BA'I RIGS DANG LDAN YANG BYANG CHUB CHEN POR YANG DAG PAR SMON PA LA SOGS PA'I DGE BA'I RTZA BA MA BSKYED PA'I PHYIR, DE LA MOS PAR MI 'GYUR BAS DE'I PHYIR YANG SKRAG PAR 'GYUR BA YIN NO, ,GZHAN YANG SEMS CAN KHA CIG DGE BA'I RTZA BA BSKYED PA YIN MOD KYI, THEG PA CHEN PO LA SKUR BA 'DEBS PA'I SEMS CAN MI DGE BA'I GROGS POS YONGS SU BZUNG BA'I PHYIR DE LA MOS PAR MI 'GYUR TE, DE'I PHYIR YANG SKRAG PA YIN NO ZHES @42B BSTAN PA LTA BU'O, ,KUN DU DNGANG BAR GYUR NAS 'DI SKAD CES 'DI NI SANGS RGYAS KYI BKA' MA YIN GYI, BDUD KYIS SMRAS PA YIN NO ZHES ZER ZHES BYA BA NI GNYIS PA PHYIN CI LOG GI SHES PA'I DBANG GIS SKRAG PA SKYE BAR BSTAN PA'O, ,'DI LTAR SKRAG PA'I DBANG GIS LOG PA'I SHES PAS 'DI SKAD DU SANGS RGYAS KYI BSTAN PA NGES PAR MA YIN PAS 'DI NI SANGS RGYAS KYI BKA' MA YIN GYI, BDUD KYIS SMRAS PA YIN NO ZHES ZER BA'O, ,DE LTAR RIG NAS MDO SDE DE DAG LA SKUR BA 'DEBS PAR BYED, MI BSNGAGS PA RJOD PAR BYED, NGAN DU RJOD BAR BYED CES BYA BA NI GSUM PAS SHES PA LOG PA'I DBANG GIS SKUR BA 'DEBS PAR BSTAN PA'O, ,CHOS LA SKUR BA 'DEBS PA'I RKYEN YANG RNAM PA GNYIS SAM, YANG NA RNAM PA BZHI YOD DE, DE'I PHYIR 'PHAGS PA SHES RAB KYI PHA ROL TU PHYIN PA'I MDO LAS, TSE DANG LDAN PA RAB 'BYOR GYIS YANG BCOM LDAN 'DAS LA GSOL BA, GANG ZAG GTI MUG CAN DE DAG RGYU DANG RKYEN DU'I SLAD DU CHOS ZAB MO DAG LA SKUR PA 'DEBS PAR BGYID LAGS, BCOM LDAN 'DAS KYIS BKA' STZAL BA, RAB 'BYOR RGYU DANG RKYEN GNYIS KYIS TE, LOG PA'I BDUD KYIS RAB TU BSLUS PA DANG, ,CHOS ZAB MO DAG LA MOS PAR MI 'GYUR BA'O, ,GZHAN YANG RAB 'BYOR RGYU DANG RKYEN RNAM PA BZHIS CHOS ZAB MO DAG LA SKUR PA 'DEBS PAR BYED DE, MI DGE BA'I GROGS POS BSLUS PA DANG DGE BA'I CHOS LA NAN TAN GYIS SGRUB PAR MI BYED PA DANG, MNAR SEMS DANG LDAN ZHING GZHAN GYI NYES PA TSOL BA LA DGA' BA DANG, PHRAG DOG GIS BDAG LA BSTOD CING GZHAN LA SMOD PA STE, RGYU DANG RKYEN DE DAG DANG LDAN PA'I PHYIR GANG ZAG GTI MUG CAN DE DAG CHOS ZAB MO LA SKUR BA 'DEBS PAS LAS SHIN TU LCI BA DPAG TU MED PA SKYED PAR BYED DO ZHES GSUNGS TE, GZHAN YANG DE NYID DANG LE'U CHEN PO DANG, SHES RAB KYI PHA ROL TU PHYIN PA'I 'GREL PA LAS KYANG, CHOS LA SKUR PA 'DEBS PA'I RKYEN GZHI 'DI LAS BSTAN PA DAG DANG MTHUN PAR 'BYUNG NGO, ,GZHI DES @43A *, ,PHONGS PA CHEN PO 'THOB PAR 'GYUR ZHING, LAS KYI SGRIB PA CHEN POS KYANG REG PAR 'GYUR RO ZHES BYA BA NI GNYIS PA MNGON PAR YID MI CHES PA'I NYES DMIGS BSTAN PA'O, ,GONG DU BSTAN PA LTA BU'I CHOS LA SKUR BA BTAB PA'I DBANG GIS PHONGS PA CHEN PO THOB PAR 'GYUR ZHING, LAS KYI SGRIB PA CHEN POS KYANG REG PAR 'GYUR BA'O, ,GZHI DES NA NGAS GANG DAG MTSAN NYID THAMS CAD LA MTSAN NYID MED PAR LTA BA DANG, DON MA YIN PA LA DON DU STON PAR BYED PA DAG NI ZHES BYA BA LA SOGS PAS NI GNYIS PA SPYI'I MJUG BSDU BA STON TO, , 'DI YANG RNAM PA GNYIS TE, BRTAGS PA DANG PO'I MJUG BSDU PA DANG, BRTAGS PA PHYI MA'I MJUG BSDU BA'O, ,'DI NI DANG PO STE, 'DI LTAR PHA ROL LAS CHOS THOS PA'I MNGON PAR ZHEN PA NYID KYIS RKYEN BYAS PA'I PHYIR, BCOM LDAN 'DAS NYID KYIS GSUNGS PA'I NGO BO NYID RNAMS GSUM GYI MTSAN NYID DAG LA MTSAN NYID MED PAR BSTAN PA DANG, DON MA YIN PA LDON DU STON PA NYID KYIS LOG PAR LTA BA NYID DU MNGON PAR 'GRUB PA'O, ,LAS KYI SGRIB PA CHEN PO BSKYED PA'I THABS YIN NO ZHES BSHAD DE, DES SKYE BO TSAD MED PA SLU BAR BYED CING LAS KYI SGRIB PA CHEN PO THOB PAR BYED PA'I PHYIR RO ZHES BYA BA NI GNYIS PA BRTAGS PA PHYI MA'I MJUG BSDU BA STE, MDO NYID KYI BRDA PHRAD PAR ZAD DO, ,YANG NA SGRA JI BZHIN DU MNGON PAR ZHE NA PA LA RNAM PA GNYIS TE, SGRA JI BZHIN DU MNGON PAR ZHEN PA RGYA CHER RNAM PAR BSHAD PA DANG, GZHI DES NA ZHES BYA BA MAN CHAD NI SPYI'I MJUG BSDU BA'O, ,DE LTAR RNAM PA GNYIS SU BSHAD PA YOD KYANG BSHAD PA NI PHYI MA BZANG NGO, ,RIGS KYI BU SEMS CAN GANG DAG DGE BA'I RTZA BA MA BSKYED SGRIB PA YONGS SU MA DAG ,RGYUD YONGS SU MA SMIN BSOD NAMS DANG YE SHES KYI TSOGS MA BSAGS PA, DRANG PO MA YIN ZHING DANG PO'I RANG BZHIN CAN MA YIN PA DAG NI RTOG PA SEL NUS PA'I MTHU DANG LDAN YANG RANG GI LTA BA MCHOG TU 'DZIN PA LA GNAS PAS ZHES BYA BA 'DI MAN CHAD NI BZHI PA DNGOS PO LNGA YANG GTAN MED LA, RANG GI LTA BA LA GNAS PA MNGON PAR YID CHES PA YANG MED PA'I GANG ZAG BSTAN PA'O, ,'DI YANG RNAM PA @43B GSUM STE, DNGOS PO LNGA DANG MI LDAN PAR BSTAN PA DANG, MNGON PAR YID MI CHES PA NYID RAB TU BSTAN PA DANG, SKUR BA 'DEBS PA'I NYES DMIGS BSTAN PA STE, 'DI NI DANG PO'O, ,MDO'I TSIG 'DI YANG RNAM PA GNYIS KYIS BSTAN TE, DNGOS PO LNGA DANG MI LDAN PAR BSTAN PA DANG, DNGOS PO GSUM GYI BYE BRAG BSTAN PA STE, MDO 'DI NYID KYIS BRDA PHRAD PAR ZAD DO, ,DE DAG GIS CHOS DE THOS NAS YANG DAG PA JI LTA BA BZHIN DU NGA'I DGONGS TE BSHAD PA ZAB MO RAB TU MI SHES SHING, CHOS DE LA MOS PAR YANG MI 'GYUR ZHES BYA BA LA SOGS PAS NI GNYIS PA MNGON PAR YID MI CHES PA NYID RAB TU BSTAN PA'O, ,'DI YANG RNAM PA LNGAR DBYE STE, MDO SDE THOS KYANG YID CHES PAR MI 'GYUR BA NYID DANG, 'DU SHES GNYIS 'BYUNG BA DANG, MNGON PAR ZHEN PA GNYIS 'BYUNG BA DANG, GZHI DES LOG PAR SHES PA SKYE BAR 'GYUR BA DANG, SKUR PA NYID YANG DAG PAR BSTAN PA'O, , 'DI NI DANG PO STE, 'DI RANG GI LTA BA MCHOG TU 'DZIN PA LA GNAS PA NYID KYI PHYIR DGONGS TE GSUNGS PA'I BSTAN PA THOS NA YANG MNGON PAR YID CHES PAR MI 'GYUR BA'O, ,CHOS DE LA CHOS MA YIN PA'I 'DU SHES SHING, DON LA DON MA YIN PAR 'DU SHES PAS ZHES BYA BA NI GNYIS PA 'DU SHES GNYIS 'BYUNG BAR BSTAN PA'O, ,'DI LTAR SNGAR BSTAN PA THOS KYANG MOS PAR MA GYUR PA NYID KYI PHYIR CHOS DANG DON LA LOG PA'I 'DU SHES RNAM PA GNYIS BSKYED PAR GYUR PA'O, ,CHOS DE DAG LA YANG CHOS MA YIN PAR MNGON PAR ZHEN LA, DON LA YANG DON MA YIN PAR MNGON PAR ZHEN NAS ZHES BYA BA NI GSUM PA MNGON PAR ZHEN PA RNAM PA GNYIS 'BYUNG BAR BSTAN PA STE, 'DI LTAR 'DU SHES SNGA MA GNYIS KYI DBANG GIS MNGON PAR ZHEN PA GNYIS 'BYUNG BA'I PHYIR RO ZHES BYA BA'I THA TSIG GO, ,'DI SKAD CES 'DI NI SANGS RGYAS KYI BKA' MA YIN GYI, BDUD KYIS SMRAS PA YIN NO ZHES ZER ZHES BYA BA NI BZHI PA GZHI DES LOG PAR SHES PA SKYE BAR BSTAN PA'O, ,'DI LTAR CHOS DANG DON LA MNGON PAR ZHEN PA GNYIS BSKYED PA'I PHYIR RGYU DANG RKYEN DES LOG PA'I SHES PA 'DI 'BYUNG BAR 'GYUR BA'O, ,DE LTAR RIG NAS MDO SDE DE DAG LA SKUR @44A *, ,PA 'DEBS PAR BYED, MI BSNGAGS PA RJOD PAR BYED NGAN DU RJOD PAR BYED CING, LHAD CAN YIN PAR SKUR NAS RNAM GRANGS DU MAR MDO SDE DE DAG SPANGS PA DANG, CHUD GZAN PA DANG RNAM PAR GZHIG PAR YANG BYED CES BYA BA LA SOGS PAS NI LNGA PA SKUR BA NYID YANG DAG PAR BSTAN PA'O, ,'DI YANG RNAM PA GSUM STE, MDO SDE NYID LA SKUR PA 'DEBS PA YANG DAG PAR BSTAN PA DANG, MDO SDE LA MOS PA RNAMS LA SDANG BAR BSTAN PA DANG, CHOS LA SKUR PA'I RKYEN RNAM PAR 'BYED PA STE, 'DI NI DANG PO'O, ,GANG GIS MDO SDE DAG LA MOS PA RNAMS LA YANG DGRAR 'DU SHES PAR 'GYUR RO ZHES BYA BA NI GNYIS PA MDO SDE LA MOS PA RNAMS LA SDANG BAR BSTAN PA'O, ,DE DAG NI DANG PO NYID NAS KYANG LAS KYI SGRIB PAS BSGRIBS PA YIN ZHES BYA BA NI GSUM PA CHOS LA SKUR PA 'DEBS PA'I RKYEN RNAM PAR 'BYED PA STE, 'DI LTAR SGRIB PA RNAM PA GSUM LAS, LAS KYI SGRIB PAS BSGRIBS PA'I PHYIR CHOS LA SKUR PA 'DEBS SO ZHES BYA BA'I THA TSIG GO, ,GZHI DES KYANG LAS KYI SGRIB BA DE LTA BUS SGRIB PAR BYED DE, LAS KYI SGRIB PA DE'I DANG PO NI GDAGS PAR SLA'I, BSKAL BA BRGYA STONG BYE BA KHRAG KHRIG PHRAG 'DI SNYED KYI BAR GYIS 'BYANG BAR 'GYUR RO ZHES BYA BA'I DUS NI MED DO ZHES BYA BA NI GSUM PA SKUR PA 'DEBS PA'I NYES DMIGS BSTAN PA'O, ,'DI LTAR TSE RABS SNGA MA'I LAS KYI SGRIB PAS BSGRIBS PA DANG, TSE 'DI LA CHOS LA SKUR BA 'DEBS PA'I LAS KYI SGRIBS PAS BSGRIBS PA STE, LAS KYI SGRIB PA DE DAG DANG PO LAS BYED PA'I TSE NI GDAGS PAR SLA YANG LAS KYI 'BRAS BU MYONG BA NA BSKAL PA BRGYA STONG KHRAG KHRIG 'BUM PHRAG 'DI SNYED KYIS 'BYUNG BAR 'GYUR BA'I DUS NI MED DO ZHES BYA BA'I THA TSIG GO, ,DE LA BYE BA KHRAG KHRIG CES BYA BA NI MDZOD KYI BSTAN BCOS KYI NANG NAS, MDO SDE KHUNGS SU BSTAN PA LAS 'DI SKAD DU, LUS LA MED PA'I GRANGS GCIG GIS MGO BTZUGS TE, GCIG PHRAG BCU LA BCU'O, ,BCU PHRAG BCU LA BRGYA'O, ,BRGYA PHRAG BCU LA STONG NGO, ,STONG PHRAG BCU LA KHRI'O, ,KHRI PHRAG BCU LA 'BUM MO, ,'BUM PHRAG BCU LA @44B SA YA'O, ,SA YA PHRAG BCU LA BYE BA'O, ,BYE BA PHRAG BCU LA DUNG PHYUR RO, ,DUNG PHYUR PHRAG BCU LA THER 'BUM MO, ,THER 'BUM PHRAG BCU LA THER 'BUM CHEN PO'O, ,THAR 'BUM CHEN PO PHRAG BCU LA KHRAG KHRIG CES BYA STE, DE BZHIN DU GONG NAS GONG DU GRANGS BCU DRUG TSANG BA'I BAR DU'O ZHES 'BYUNG BA LTA BU STE, ZHIB TU DE NYID LAS BSTAN PA BZHIN DU RIG PAR BYA'O, ,YANG NA GDAGS PAR SLA BA ZHES BYA BA NI 'DAS PA'I LAS KYI SGRIB PA NI DANG POR BYAS PA'I PHYIR, LCI YANG GANG GIS MTSAN NYID GDAGS PAR SLA'I, 'DIR CHOS LA SKUR BA BTAB PA'I LAS NI SDUG BSNGAL MYONG BA LA MTHA' MED PAS RNAM PAR DBYE BA NI SHIN TU DKA' BAR GYUR PA'O, ,CHOS LA SKUR PA 'DEBS PA'I NYES DMIGS RGYA CHER NI, 'PHAGS PA SHES RAB KYI PHA ROL TU PHYIN PA'I MDO DANG, DAM PA'I CHOS PADMA DKAR PO LA SOGS PA LAS BSTAN PA BZHIN DU RIG PAR BYA'O, ,GONG DU BSTAN PA DE DAG LA BYE BRAG YOD PA YANG GANG ZAG DANG PO GNYIS BSTAN PA DANG, DON GNYIS KA LA MNGON PAR YID CHES PA'O, ,GANG ZAG GSUM PA LAS NI SLOB DPON RNAM PA GNYIS GTOGS PAR GANG ZAG GSUM YOD DE, DE LA GANG ZAG DANG PO GNYIS NI BSTAN PA LA MNGON PAR YID CES SHING DON LAS RAB TU NYAMS PA'O, ,GANG ZAG PHYI MA GCIG NI DON LA MNGON PAR YID CHES SHING, BSTAN PA LAS RAB TU NYAMS PA'O, ,GANG ZAG BZHI PA NI BSTAN PA DANG, DON GNYI GA LAS RAB TU NYAMS PA YIN NO, ,GZHAN YANG GANG ZAG RNAM PA BZHI LAS GANG ZAG SNGA MA GNYIS NI BYANG CHUB SEMS DPA' KHO NA YIN NO, ,DE LA BYE BRAG YOD PA YANG DANG PO NI DNGOS PO LNGA DANG LDAN LA, PHYI MA NI DNGOS PO BZHI DANG LDAN PAS SO, ,GANG ZAG GSUM PA NI DGONGS PA ZAB MO RNAM PAR DGROL BA'I MDO DANG SBYAR NA, DNGOS PO BZHI DANG LDAN PA DANG SEMS CAN ZHES SMOS PA KHO NAR ZAD LA, BSTAN BCOS MNGON PA DANG LE'U CHEN PO'I MDO LAS NI BYANG CHUB SEMS DPA' ZHES 'BYUNG BAS, DE'I PHYIR BSTAN PA RNAMS MI MTHUN PAR GYUR PA YIN NO, ,RIGS KYI BU DE LTAR NA NGA'I LEGS PAR GSUNGS PA, LEGS PAR BCAS PA'I CHOS 'DUL BA SHIN TU RNAM PAR DAG PA'I BSAM PAS @45A *, ,BSHAD PA, LEGS PAR BSTAN PA'I CHOS LA SEMS CAN RNAMS KYI MOS PA RNAM PA SNA TSOGS KYI RIM PA DAG BSNAN PAR GYUR BA YIN NO ZHES BYA BA NI MOS PA DAD PAR GYUR BA BSTAN PA LA MDOR BSTAN PA DANG, RNAM PAR PHYE STE RGYA CHER RNAM PAR BSHAD PA DANG, SPYI'I MJUG BSDU BA'O ZHES RNAM PA GSUM DU BSTAN PA LAS, DE YAN CHAD DU RNAM PA GNYIS BSHAD ZIN NAS, DA 'DIR NI SPYI'I MJUG BSDU BA BSTAN PA YIN PAR RIG PAR BYA'O, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO ZHES BYA BA 'DI MAN CHAD NI GNYIS PA TSIGS SU BCAD PAS BZLAS TE BSTAN PA STON TO, ,'DI YANG RNAM PA GNYIS TE, TSIGS SU BCAD PAS STON PA'I MDZAD PA'I DGONGS PA BSTAN PA DANG, TSIGS SU BCAD PA MOS NAS YANG DAG PAR STON PAR MDZAD PA STE, 'DI NI DANG PO'O, ,CHOS RNAMS THAMS CAD NGO BO NYID MED DANG, ,SKYE MED 'GAG MED GZOD MA NAS ZHI DANG, ,CHOS RNAMS RANG BZHIN MYA NGAN 'DAS PAR NI, ,MKHAS PA GANG ZHIG DGONGS PA MED PAR SMRA, ,ZHES BYA BA 'DI MAN CHAD NI GNYIS PA TSIGS SU BCAD PA SMOS NAS YANG DAG PAR STON PAR MDZAD PA'O, ,'DI YANG RNAM PA GNYIS TE, DANG PO'I TSIGS SU BCAD PA GNYIS KYIS NI GONG DU CHOS THAMS CAD NGO BO NYID MED PA'O ZHES BYA BA LA SOGS PAR BSTAN PA DAG ZLOS SHING DGONGS TE GSUNGS PA'I BSTAN PA LA RMONGS PA DANG, KHONG DU CHUD PA MI MTSUNGS PAR GYUR PA STON TO, ,KUN GYI RNAM PA DAG LAM ZHES BYA BA MAN CHAD TSIGS SU BCAD PA GSUM GYIS NI DGONGS PA'I BSTAN PAS THEG PA GCIG TU GSUNGS PA'I DON ZLOS PA'O, ,GZHAN YANG RNAM PA GNYIS SU DBYE STE, TSIGS SU BCAD PA DANG PO GNYIS KYIS NI GONG DU CHOS THAMS CAD NGO BO NYID MED PA LA SOGS PAR BSTAN PA ZLOS PA YIN LA, TSIGS SU BCAD PA PHYI MA GSUM NI GONG DU THEG PA GCIG TU GSUNGS PA MAN CHAD RNAM GRANGS GNYIS KYIS DON ZLOS PA YIN PAR SBYAR RO, ,DANG PO YANG RNAM PA GNYIS KYIS BSTAN TE, TSIGS SU BCAD PA DANG PO GCIG GIS NI MDO'I TSIG BZHI RNAM PAR BSHAD CING DGONGS PA DANG LDAN PAR @45B BSTAN LA, TSIGS SU BCAD PA 'OG MA GCIG GIS NI NGO BO NYID MED PA RNAM PA GSUM LAS BRTZAMS NAS DGONGS PA YANG DAG PAR BSTAN PA YIN TE, MDO DAG LAS NGO BO NYID MED PA ZHES BYA BA LA SOGS PA'I TSIGS SU BCAD PA GSUNGS PA YANG, NGES PAR NGO BO NYID LA SOGS PA MED PA'I PHYIR NGO BO NYID MED PA ZHES GSUNGS PA NI MA YIN GYI, NGO BO NYID MED PA RNAM PA GSUM GYI DON LAS BRTZAMS NAS NGO BO NYID MED PA ZHES GSUNGS PA YIN TE, ZHIB TU BSHAD PA NI GONG DU RGYA CHER BSTAN PA BZHIN NO ZHES BSTAN PA'I PHYIR, MKHAS PA GANG ZHIG DGONGS PA MED PAR SMRA, , ZHES GSUNGS PA YIN NO, ,MTSAN NYID SKYE DANG DON DAM NGO BO NYID, ,MED PAR 'DI LTAR NGA YIS RAB TU BSTAN, ,GANG GIS SANGS RGYAS DGONGS PA 'DI MA SHES, ,YANG DAG LAM NI RAB NYAMS 'GRO MI NUS, ,ZHES BYA BA NI GNYIS PA NGO BO NYID MED PA RNAM PA GSUM LAS BRTZAMS NAS DGONGS PA YANG DAG PAR BSTAN PA'O, ,'DI LTAR NGO BO NYID MED PA ZHES BYA BA LA SOGS PA GSUNGS PA'I TSIG KHONG DU MI CHUD PAS NGAS MTSAN NYID DANG, SKYE BA DANG DON DAM PA NGO BO NYID MED PAS NGO BO NYID MED PAR GSUNGS PA'I DGONGS PA RAB TU BSTAN PA YIN TE, GAL TE GANG GIS DGONGS TE GSUNGS PA 'DI KHONG DU CHUD PAR MA GYUR NA YANG DAG PA'I LAM LAS RAB TU NYAMS PA'I PHYIR BLA NA MED PA'I BYANG CHUB BGROD PAR MI NUS SO ZHES BYA BA'I THA TSIG GO, ,NYAMS PAR 'GYUR BA DE YANG BSTAN BCOS THEG PA CHEN PO BSDUS PA'I 'GREL BA NGO BO NYID MED KYIS BYAS PA LAS JI SKAD DU, MED PA DANG RGYU MED PA LA NAN GYIS YOD PA NYID DU 'JOG PA'I PHYIR SGRO 'DOGS PA ZHES BYA'O, ,YOD PA DANG MED PA'I RGYU LA NAN GYIS MED DO ZHES SKUR BA 'DEBS PAS DE'I PHYIR RAB TU NYAMS PA ZHES BYA STE, SGRO 'DOGS PA DANG SKUR BA 'DEBS PA 'DI GNYI GA YANG MTHA' ZHES BYA BAS NA, RAB TU LTUNG BA'I DON YIN TE, 'DI GNYIS LA 'JUG PA DBU MA'I LAM LAS RAB TU NYAMS PAR 'GYUR RO ZHES BSTAN PA LTA BU'O, ,KUN GYI LAM NI RNAM DAG GCIG PU STE, ,RNAM PAR DAG PA 'ANG GCIG LAS GNYIS PA MED, ,DE'I PHYIR THEG PA GCIG TU 'DOGS BYED KYANG, ,SEMS CAN RIGS NI BYE BRAG MED PA @46A *, ,YIN, ,ZHES BYA BA 'DI MAN CHAD NI GNYIS PA NGO BO NYID MED PA'I RNAL 'BYOR LAS BRTZAMS NAS THEG PA GCIG TU GSUNGS PA'I DGONGS PA STON TO, ,'DI YANG RNAM PA BZHIR DBYE STE, DANG PO NI TSIGS SU BCAD PA GCIG GIS THEG PA GSUM GYI GANG ZAG LAS BRTZAMS NAS THEG PA GCIG GSUNGS PA'I DGONGS PA BSTAN PA'O, ,GNYIS PA NI TSIGS SU BCAD PA PHYED KYIS RIGS NGES PA'I GANG ZAG BDAG GCIG PU MYA NGAN LAS 'DAS PAR BSTAN PA'O, ,GSUM PA NI TSIGS SU BCAD PA PHYED KYIS MA NGES PA'I RIGS CAN DAG MYA NGAN LAS 'DAS PA CHEN PO THOB PAR BSTAN PA'O, ,BZHI PA NI TSIGS SU BCAD PA GCIG GIS MYA NGAN LAS 'DAS PA'I MTSAN NYID RNAM PAR BSHAD PA'O, ,'DI NI DANG PO THEG PA GSUM GYI GANG ZAG LAS BRTZAMS NAS THEG PA GCIG TU GSUNGS PA'I DGONGS PA 'DI BSTAN PA STE, 'DI LTAR THEG PA GSUM GYI GANG ZAG DE DAG KUN KYANG NGO BO NYID MED PA ZAG PA MED PA 'PHAGS PA'I LAM LA BRTEN NAS SO SO NAS MYA NGAN LAS 'DAS PA THOB PAR 'GYUR BAS LAM GNYIS PA MED PA'I PHYIR THEG PA GCIG TU GSUNGS KYANG THEG PA GSUM PO DE DAG GI BYE BRAG MED PA NI MA YIN NO ZHES BYA BA'I THA TSIG GO, ,SEMS CAN KHAMS 'DIR SEMS CAN DPAG MED DAG ,BDAG NYID GCIG PU MYA NGAN 'DA' BAR BYED, ,CES BYA BA NI GNYIS PA RIGS NGES PA'I GANG ZAG BDAG GCIG PU MYA NGAN LAS 'DA' BAR BSTAN PA'O, ,DE'I RGYUD LA NGES PAR DE BZHIN GSHEGS PA'I THUGS RJE'I SA BON MED PA'I PHYIR GTAN DU BLA NA MED PA'I BYANG CHUB MNGON PAR RDZOGS PAR MI 'GYUR BA STE, RGYA CHER NI GONG DU BSTAN PA BZHIN NO, ,SNYING RJE CHEN POS DPA' BTUL MYA NGAN 'DA', ,SEMS CAN MI GTONG DE DAG SHIN TU DKON, ,ZHES BYA BA NI GSUM PA MA NGES PA'I RIGS CAN DAG MYA NGAN LAS 'DAS PA CHEN PO THOB PAR BSTAN PA'O, ,RIGS MA NGES PA'I GANG ZAG DE DAG GI RGYUD LA SANGS RGYAS KYI RIGS YOD PA'I PHYIR NAN TAN BRTZON 'GRUS KYIS SANGS RGYAS KYI MYA NGAN LAS 'DAS PA THOB PAR BYED KYANG, SEMS CAN LA PHAN 'DOGS PA'I BYA BA MI GTONG BAS YE SHES RNAM PA BZHI DANG LDAN PAR GYUR NAS GTAN DU MYA NGAN LAS 'DA' BA @46B 'THOB PAR 'GYUR GYI, RIGS NGES PA'I GANG ZAG DE DAG GIS THOB PAR 'GYUR BA NI SHIN TU DKON ZHES BYA BA'I THA TSIG GO, ,PHRA ZHING BSAM PAR DKA' BA ZAG MED DBYINGS, ,DER RNAM GROL DAG MNYAM PAS BYE BRAG MED, ,THAMS CAD DON 'GRUB NYON MONGS SDUG BSNGAL SPONG, ,THA DAD GNYIS SU BRJOD PA BRTEN BDE YIN, ,ZHES BYA BA NI BZHI PA MYA NGAN LAS 'DAS PA'I MTSAN NYID RNAM PAR BSHAD PA'O, ,PHAR ZHING BSAM PAR DKA' BA ZAG MED DBYINGS, ,ZHES BYA BA NI 'DI LTA STE, MYA NGAN LAS 'DAS PA'I NGO BO NYID DO, ,DBYINGS ZHES BYA BA NI BDAG NYID LA BYA STE, MYA NGAN LAS 'DAS PA'I BDAG NYID KYI MTSAN NYID YIN PA'I PHYIR PHRA ZHING BSAM PAR DKA' BAR GYUR BA'O, ,DER RNAM GROL DAG MNYAM PAS BYE BRAG MED, ,CES BYA BA NI MYA NGAN LAS 'DAS PA'I 'BRAS BU MTSUNGS SHING BYE BRAG MED PAR RAB TU BSTAN PA'O, ,DE BZHIN NYID GCIG PA SKU RNAM PA GNYIS DANG LDAN PA'I DON YOD PAS DANG PO RNAM PAR GROL BA'I SKU NI 'DI LTA STE, DE BZHIN NYID LA BRTEN TE NYON MONGS PA SPANGS NAS, RNAM PAR GROL BA THOB PAR 'GYUR BA GANG YIN PA DE NI RNAM PAR GROL BA'I SKU ZHES BYA'O, ,GNYIS PA CHOS KYI SKU NI 'DI LTA STE, SANGS RGYAS KYI CHOS KYI SKU STOBS DANG, MI 'JIGS PA LA SOGS PA'I YON TAN GYI RTEN DU GYUR PAS DE'I PHYIR CHOS KYI SKU ZHES BYA'O, ,DE LA CHOS KYI SKU NI DE BZHIN GSHEGS PA NYAG GCIG LA MNGA'O, ,RNAM PAR GROL BA'I SKU NI THEG PA GSUM PO DAG BYE BRAG MED PA'I PHYIR RNAM PAR GROL BA MNYAM PAS BYE BRAG MED CES GSUNGS TE, DE'I PHYIR 'OG NAS MDO NYID LAS, RIGS KYI BU RNAM PAR GROL BA'I LUS NYID KYI PHYIR NI NYAN THOS DANG RANG SANGS RGYAS THAMS CAD KYANG DE BZHIN GSHEGS PA RNAMS DANG MTSUNGS SHING MNYAM MO ZHES BSHAD LA CHOS KYI SKU'I PHYIR NI KHYAD PAR DU 'PHAGS SO ZHES BSHAD DE, DE BZHIN GSHEGS PA'I CHOS KYI SKU LA BYE BRAG YOD PA'I PHYIR YON TAN KHYAD PAR DU 'PHAGS PA DPAG TU MED PA'I RTEN DU GYUR BA YIN NO ZHES GSUNGS PA YIN NO, ,BSTAN BCOS RNAL 'BYOR SPYOD PA'I SA LAS KYANG, THEG PA GSUM PO DAG GI LHAG MA MED PA'I MYA NGAN LAS 'DAS PA LA RAB DANG, THA MA'I BYE BRAG MED PA'O ZHES BSHAD DE DE'I @47A *, ,PHYIR DE NYID LAS 'DI LTAR LHAG MA MED PA'I DBYINGS DE LA NI DMAN PA DANG, 'BRING DANG, KHYAD PAR DU 'PHAGS PA RNAM PAR GZHAG PA YANG MED LA, MTHO DMAN YANG MED, BZANG NGAN YANG MED DE, 'DI NI DE BZHIN GSHEGS PA DANG, NYAN THOS BYE BRAG MED PA'O ZHES BSHAD DE, RGYA CHER DE NYID LAS BSTAN PA BZHIN NO, ,THAMS CAD DON 'GRUB CES PA LA SOGS PA LA DON NI KHYAD PAR DU 'PHAGS PA STE, 'DI LTAR LHAG MA MED PA'I MYA NGAN LAS 'DAS PA'I DE BZHIN NYID KYI BDAG NYID LA 'DUS MA BYAS PA'I YON TAN THAMS CAD 'GRUB PA DANG, NYON MONGS PA DANG, SDUG BSNGAL GYI RTEN DU GYUR PA'I LUS SPONG BA DAG MI MTSUNGS PAS LHAG MA DANG BCAS PA NI NYON MONGS PA NYI TSE SPANG BA YIN NO, ,MYA NGAN LAS 'DAS PA 'DI LA BRTEN NAS THA DAD DU BRJOD PA GNYIS PO 'DI LTA STE, BRTAN PA DANG BDE PA'O, ,'DI LTAR NYON MONGS PA DANG BRAL BA'I PHYIR NI BRTAN BA ZHES GSUNGS LA, SDUG BSNGAL DANG BRAL BA'I PHYIR NI BDE BA ZHES GSUNGS SO, ,BSTAN BCOS RNAL 'BYOR SPYOD PA'I SA LAS KYANG, DON RNAM PA GSUM GYI PHYIR NI RTAG PA ZHES BYA'O, ,DON RNAM PA GNYIS KYI PHYIR NI BDE BA ZHES BSTAN TE, DE'I PHYIR DE NYID LAS CI'I PHYIR RTAG PA ZHES BYA ZHE NA, SMRAS PA, DE BZHIN NYID RNAM PAR DAG PAS RAB TU PHYE BA'I PHYIR DANG, RKYEN LAS BYUNG BA MA YIN PA'I PHYIR DANG, SKYE BA DANG 'GAG PA MED PA'I PHYIR RO, ,CI BDE BAR BRJOD PAR BYA BA 'AM, BDE BA MA YIN PAR BRJOD PAR BYA ZHE NA, SMRAS PA DON DAM PA BDE BAS BDE PAR BRJOD PAR BYA'I, TSOR BA'I BDE PAS NI MA YIN NO, ,DE CI'I PHYIR ZHE NA, NYON MONGS PA THAMS CAD DANG, DE LAS BYUNG BA'I SDUG BSNGAL THAMS CAD LAS YANG DAG PAR 'DAS PA NYID KYI PHYIR RO ZHES 'BYUNG BAS NA BSTAN BCOS RNAL 'BYOR SPYOD PA'I SA LAS RTAG PA'I DON RNAM PA GSUM DANG BDE BA'I DON RNAM PA GNYIS LAS BRTZAMS NAS BSTAN PA YIN TE, DON RNAM PA DE GNYIS THA DAD PA'I PHYIR 'DIR THA DAD PA GNYIS SU BRJOD PA ZHES BYA BA GSUNGS SO,, ,,BAM PO SUM CU GCIG PA, DE NAS DE'I TSE BYANG CHUB SEMS DPA' DON DAM YANG DAG 'PHAGS KYIS KYANG BCOM LDAN 'DAS LA 'DI SKAD CES @47B GSOL TO, ,BCOM LDAN 'DAS KYIS CI TZAM DU SANGS RGYAS RNAMS KYIS DGONGS TE GSUNGS PA, PHRA BA MCHOG TU PHRA BA, ZAB PA MCHOG TU ZAB PA, RTOGS PAR DKA' BA, MCHOG TU RTOGS PAR DGA' BA'I BAR DU GSUNGS PA NI NGO MTSAR RMAD DU BYUNG BA LAGS SO ZHES BYA BA 'DI MAN CHAD NI RNAM PAR LNGAR PHYE PA'I GSUNGS PA KHONG DU CHUD PAR GYUR NAS BKA' YANG DAG PAR BLANGS PA'I PHYOGS ZHES BYA BA STON TO, ,'DI YANG RNAM PA GNYIS TE, BYANG CHUB SEMS DPA' GO BAR GYUR BA BSTAN PA DANG, DE NAS BCOM LDAN 'DAS KYIS ZHES BYA BA MAN CHAD DE BZHIN GSHEGS PAS BSGRUB PAR BSKUL BA'O, ,DANG PO YANG RNAM PA GSUM DU DBYE STE, BSTAN PA SHIN TU ZAB PA NYID DU BSNGAGS PA DANG, 'DI LTAR BDAG GIS ZHES BYA BA MAN CHAD KYIS BDAG NYID KYIS KHONG DU CHUD PAR GYUR BAR BSTAN PA DANG, BCOM LDAN 'DAS DPER BGYI NA ZHES BYA BA MAN CHAD KYIS DPE SMOS NAS BZLAS TE BSHAD PA'O, ,'DI NI DANG PO BSTAN PA SHIN TU ZAB PA NYID DU BSNGAGS PA'O, ,MDO'I TSIG 'DI YANG RNAM PA GNYIS TE, BSNGAGS PA SPYIR BRJOD PA DANG, PHRA BA MAN CHAD BSNGAGS PA BYE BRAG TU BRJOD PA'O, ,DE LA PHRA BA DANG ZAB PA DANG, RTOGS PAR DKA' BA ZHES BYA BA NI GO RIMS BZHIN DU SO SO'I SKYE BO DANG, THEG PA PA GNYIS DANG, BYANG CHUB SEMS DPA'I GNAS SKABS LAS YANG DAG PAR 'DAS PA'I BYE BRAG GI PHYIR RO, ,YANG NYAN THOS DANG, RANG SANGS RGYAS DANG BYANG CHUB SEMS DPA'I SA LAS YANG DAG PAR 'DAS PA'I PHYIR RO, ,YANG NA BSKAL BA GRANGS MED PA GSUM PA'I BYANG CHUB SEMS DPA'I SPYOD YUL LAS YANG DAG PAR 'DAS PA'I PHYIR, MING 'DI GSUM GSUNGS PA YIN NO, ,'DI LTAR BDAG GIS DENG 'DIR BCOM LDAN 'DAS KYIS BKA' STZAL BA'I DON 'TSAL BA LTAR NA ZHES BYA BA LA SOGS PAS NI GNYIS PA BDAG NYID KYIS KHONG DU CHUD PAR GYUR BA STON TO, ,'DI YANG RNAM PA GNYIS TE, PHUNG PO LA SOGS PA SGO LNGA PO DAG THUGS SU CHUD NAS NGO BO NYID RNAM PA GSUM GSUNGS PAR BSTAN PA DANG, BDEN PA LA SOGS PA'I SGO GNYIS PO DAG THUGS SU CHUD NAS NGO BO NYID MED PA RNAM PA GSUM GSUNGS PAR BSTAN PA'O, ,DANG PO YANG GNYIS KYIS BSTAN TO, GZUGS LAS BRTZAMS NAS NGO BO NYID @48A *, ,MED PA RNAM PA GSUM GSUNGS PAR BSTAN PA DANG, ZLAS PHUNG PO GZHAN LA SOGS PA BSTAN PA'O, ,GZUGS KYI PHUNG PO LAS BRTZAMS PA YANG RNAM PA GNYIS SU DBYE STE, NGO BO NYID SNGA MA GNYIS KHONG DU CHUD PAR BSTAN PA DANG, NGO BO NYID GSUM PA KHONG DU CHUD PAR BSTAN PA'O, ,DANG PO YANG RNAM PA GNYIS TE, KHONG DU CHUD PAR GYUR BA MDOR BSTAN PA DANG, KHONG DU CHUD PA RNAM PAR PHYE NAS BSHAD PA STE, 'DI NI DANG PO'O, ,RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS 'DU BYED KYI MTSAN MA DAG LA GZUGS KYI PHUNG PO ZHES NGO BO NYID KYI MTSAN NYID DAM, BYE BRAG GI MTSAN NYID DU MID DANG BRDAR RNAM PAR GZHAG PA DANG, GZUGS KYI PHUNG PO SKYE'O ZHE 'AM, GZUGS KYI PHUNG PO 'GAG GO ZHE 'AM, GZUGS KYI PHUNG PO GTAN DU SPANGS PA DANG, YONGS SU SHES PA'O ZHES NGO BO NYID KYI MTSAN NYID DAM BYE BRAG GI MTSAN NYID DU MING DANG BRDAR RNAM PAR GZHAG PA GANG LAGS PA DE NI KUN BRTAGS PA'I MTSAN NYID LAGS TE ZHES BYA BA LA SOGS PA NI GNYIS PA KHONG DU CHUD PAR GYUR BA RNAM PAR PHYE STE BSHAD PA'O, ,'DI YANG RNAM PA GNYIS TE, BRTAGS PA'I MTSAN NYID BSTAN PA DANG, GZHAN GYI DBANG GI NGO BO NYID RAB TU BSTAN PA'O, , BRTAGS PA'I MTSAN NYID BSTAN PA YANG RNAM PA GNYIS SU DBYE STE, GZHAN LA BRTAN NAS BRTAGS PA'I NGO BO NYID RNAM PAR GZHAG PAR BSTAN PA DANG, BCOM LDAN 'DAS DE LA BRTEN NAS ZHES BYA BA MAN CHAD KYIS KUN BRTAGS PA'I MTSAN NYID LA BRTEN NAS MTSAN NYID NGO BO NYID MED PAR GSUNGS PA YIN PAR BSTAN PA STE, 'DI NI DANG PO'O, MDO'I TSIG 'DI YANG RNAM PA GSUM DU DBYE STE, RNAM PAR RTOG PA'I SPYOD YUL GYI GNAS KYI MTSAN NYID BSTAN PA DANG, GZUGS KYI PHUNG PO'I NGO BO NYID DANG BYE BRAG BSTAN PA DANG, GZUGS KYI PHUNG PO'I SKYE BA DANG, 'GAG PA DANG, GTAN DU SPANGS PA DANG YONGS SU SHES PA RNAM PAR DBYE BA'O, ,DE LA RNAM PAR RTOG PA'I SPYOD YUL ZHES BYA BA NI RNAM PAR RTOG PA NYID KUN DU GZHAL BA'I SEMS DANG SEMS LAS BYUNG BA NYID DE, SPYOD YUL ZHES BYA BA NI DES BRTAGS PA'I NGO BO NYID YANG DAG PA'I GZUGS KYI PHUNG PO LA SOGS PA NI RNAM PAR RTOG PA DE'I SPYOD YUL @48B YIN PA'I PHYIR RNAM PAR RTOG PA'I SPYOD YUL ZHES BYA'O ZHES RAB TU BSTAN PA'O, ,BSHAD PA'I RNAM GRANGS GZHAN DU NA, SPYOD YUL ZHES BYA BA NI GZHAN GYI DBANG YIN TE, BRTAGS PA'I GZUGS KYI PHUNG PO LA SOGS PA NI RNAM PAR RTOG PA DE'I DMIGS PA'I RKYEN YIN PA'I SPYOD YUL ZHES BYA'O, ,KUN BRTAGS PA'I MTSAN NYID KYI GNAS 'DU BYED KYI MTSAN MA DAG LA ZHES BYA BA NI 'DU BYED KYI MTSAN MA DE LA YANG BSHAD PA RNAM PA GNYIS YOD DE, KHA CIG NA RE 'DU BYED NI LTA BA'I RNAM PA STE, 'DU BYED LA BYE BRAG TU DMIGS PA'I SHES PA'O, ,MTSAN MA NI RGYU MTSAN GYI RNAM PA STE, DMIGS PAR BYA BA'I MTSAN MA'O ZHE'O; ,KHA CIG NA RE 'DU BYED KYI MTSAN MA ZHES BYA BA NI 'DUS BYAS KYI RNAM PA STE, THAMS CAD KYANG GZHAN GYI DBANG GI RNAM PA'I MTSAN NYID DO ZHE'O, ,BSHAD PA RNAM PA GNYIS LAS BSHAD PA NI PHYI MA BZANG NGO, ,BSHAD PA SNGA MA DANG SBYAR NA NI GZHAN GYI DBANG MI RUNGS TE LTA BA LA SOGS PA'I RNAM PA YIN PA'I PHYIR RO, ,GZUGS KYI PHUNG PO'I NGO BO NYID DANG BYE BRAG GI MTSAN NYID DU MING DANG BRDAR RNAM PAR GZHAG PA ZHES BYA BA NI MTSAN NYID KYI BDAG NYID SPYIR BSTAN PA LA NGO BO NYID CES BYA STE, RANG GI NGO BO NYID DE NYID LA THAG PA DANG BCAS PA DANG ZAG PA MED PA DANG, BSTAN DU YOD PA DANG, BSTAN DU MED PA ZHES BYA BA LA SOGS PAS NI BYE BRAG CES BYA'O, ,GZUGS KYI PHUNG PO SKYE'O, ,'GAG GO ZHES BYA BA LA SOGS PAR RNAM PAR GZHAG PA ZHES BYA BA LA, SNGON MED PA LAS YOD PAR GYUR BA NI SKYE BA ZHES BYA'O, ,SKYES NAS MED PAR GYUR PA GANG YIN PA DE NI 'GAG PA ZHES BRJOD DO, ,SKYE BA DANG 'GAG PA RNAM PAR 'BYED PA GANG YIN PA DE NI NGO BO NYID KYI MTSAN NYID CES BYA'O, ,SKAD CIG MAR SKYE ZHING 'JIG PA DANG, THANG CIG TZAM DU GNAS PA LA SOGS PA NI BYE BRAG GI MTSAN NYID CES BYA'O, ,KUN NAS NYON MONGS PA'I GZUGS KYI PHUNG PO GANG YIN PA DE NI GTAN DU SPANG BAR BYA'O, ,KUN NAS NYON MONGS PA MA YIN PA'I GZUGS KYI PHUNG PO GANG YIN PA DE NI YONGS SU SHES PAR BYA BA'O, ,YANG NA KUN 'BYUNG BA'I DON GYI MTHA' GANG YIN PA DE NI GTAN DU SPANG BAR BYA BA'O, ,SDUG BSNGAL GYI BDEN PA'I DON GYI MTHA' GANG YIN PA DE NI YONGS SU SHES PAR BYA BA'O, ,GTAN DU SPANG BA DANG, YONGS SU SHES PA DE YANG GTAN DU @49A *, ,SPANG BA SPYIR BSTAN PA GANG YIN PA DE NI GTAN DU SPANG BA'I RANG GI NGO BO NYID CES BYA'O, ,MTHONG BA DANG BSGOM PA'I LAM LA SOGS PAS SPANG BAR BYA BA GANG YIN PA DE NI GTAN DU SPANG BA'I BYE BRAG CES BYA'O, ,GZUGS KYI RANG GI NGO BO NYID SPYIR SHES PA GANG YIN PA DE NI YONGS SU SHES PA'I RANG GI NGO BO NYID CES BYA'O, ,GZUGS KYI PHUNG PO BYE BRAG TU SHES PA GANG YIN PA DE NI YONGS SU SHES PA'I BYE BRAG CES BYA STE, DE LTAR RNAM PAR GZHAG PA GANG YIN PA DE NI KUN BRTAGS PA'I MTSAN NYID CES BYA'O, ,DON DAM PA'I BDEN PA'I MTSAN NYID KYI LE'U LAS NI MTSAN NYID RNAM PA DRUG PO 'DI LTA STE, PHUNG PO THOB PA'I PHYIR DANG PHUNG PO'I MTSAN MA THOB PA'I PHYIR DANG, PHUNG PO'I SKYE BA THOB PA'I PHYIR DANG, PHUNG PO 'GOG PA THOB PA'I PHYIR DANG, PHUNG PO 'GOG PA MNGON DU BYA BA THOB PA'I PHYIR ZHES BYA BA BSTAN LA, LE'U 'DI'I MGOR NI MTSAN NYID RNAM PA LNGA BSTAN CING, KHONG DU CHUD PA'I SKABS NAS NI TSIG DRUG 'BYUNG NA, CI'I PHYIR SNGA PHYI MI MTHUN PAR GYUR ZHEN, SMRAS PA, SNGA PHYIR BSTAN PA RNAMS GCIG TU BSDUS NA, MTSAN NYID RNAM PA BCU YOD DE, DON DAM PA'I BDEN PA'I MTSAN NYID KYI LE'U LAS MTSAN NYID RNAM PA DRUG BSTAN PA DANG, NGO BO NYID MED PAR BSTAN PA'I LE'UR YANG MTSAN NYID RNAM PA GNYIS KYIS BSTAN PA 'DI LTA STE, GTAN DU SPANGS PA DANG, YONGS SU SHES PA DANG, KHONG DU CHUD PA BSTAN PA'I SKABS NAS YANG MTSAN NYID RNAM PA GNYIS KYIS BSTAN PA 'DI LTA STE, NGO BO NYID KYI MTSAN NYID DANG BYE BRAG GI MTSAN NYID DO, ,MTSAN NYID RNAM PA BCU PO DE DAG LAS RANG GI NGO BO NYID DANG BYE BRAG GI MTSAN NYID KYI PHYIR GRANGS KYANG NGES PA MED PAS BYE BRAG GZHAG NAS SPYI'I DBANG DU BYA NA NI MTSAN NYID GCIG KHO NA LAS MED DO, SPYI GZHAG NAS BYE BRAG GI DBANG DU BYAS TE BRJOD NA NI MTSAN NYID GNYIS KHO NA LAS MED DO, ,SPYI DANG BYE BRAG GNYI GA'I DBANG DU BYAS TE BRJOD NA NI MTSAN NYID RNAM PA GSUM YOD PAS DE'I PHYIR SNGA PHYI'I BSKYED PA DANG, DBRI BA DAG MI MTHUN PAR GYUR BA YIN NO, ,'DIR KHONG DU CHUD PA'I SKABS NAS NI KHONG DU CHUD PA'I LE'U DANG PO YIN PA'I PHYIR TSIG DRUG PO DE DAG GSUNGS PA YIN NO, ,YANG LE 'U NYID KYI MGOR MTSAN @49B NYID DRUG KYANG BSTAN TE, 'DI LTAR PHUNG PO RNAMS KYANG BSTAN PAS NA, DON DAM PA'I BDEN PA'I MTSAN NYID KYI LE'U LAS PHUNG PO THOB PA'I SLAD DU ZHES BYA BA LA SOGS PA BSTAN PA NYID DO, ,KHONG DU CHUD PA 'DI LAS NI MTSAN NYID RNAM PA BDUN YOD DE, GZUGS KYI PHUNG PO NI MTSAN NYID DANG PO YIN PA'I PHYIR RO, ,CI'I PHYIR LE'U GNYIS PA LAS PHUNG PO LA SOGS PA'I CHOS LAS BRTZAMS NAS 'GOG PA DANG, 'GOG PA MNGON DU BYA BA DANG, GTAN DU SPANG PA DANG, YONGS SU SHES PA ZHES BSTAN LA, LE'U 'DI LAS GTAN DU SPANG BA DANG, YONGS SU SHES PA KHO NA BSTAN GYI, 'GOG PHA DANG, 'GOG PA MNGON DU BYA BA GSUNGS SHE NA, SMRAS PA GTAN DU SPANG BA NI KUN 'BYUNG GI BDEN PA YIN, YONGS SU SHES PAR BYA BA NI SDUG BSNGAL GYI BDEN PA YIN, 'GOG PA NI 'GOG PA'I BDEN PA YIN, MNGON DU BYA BA NI LAM GYI BDEN PA YIN PAS YANG DAG PA'I DON DU PHUNG PO LA SOGS PA NI BDEN PA BZHI DANG LDAN PA YIN NO, ,PHYOGS GCIG GI DBANG DU MDZAD DE BRJOD PAS GCIG GIS GCIG RAB TU BSTAN PA YIN NO, ,BCOM LDAN 'DAS KYIS DE LA BRTEN NAS CHOS RNAMS KYI MTSAN NYID NGO BO NYID MA MCHIS PA NYID 'DOGS PAR MDZAD LAGS SO ZHES BYA BA NI GNYIS PA KUN BRTAGS PA'I MTSAN NYID LA BRTEN NAS MTSAN NYID NGO BO NYID MED PAR GSUNGS PA YIN PAR RAB TU BSTAN PA STE, MDO NYID KYIS BRDA PHRAD PAR ZAD DO, ,RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS 'DU BYED KYI MTSAN MA GANG LAGS PA DE NI GZHAN GYI DBANG GI MTSAN NYID LAGS TE ZHES BYA BA LA SOGS PA NI GNYIS PA GZHAN GYI DBANG GI NGO BO NYID RAB TU BSTAN PA'O, ,'DI YANG RNAM PA GNYIS KYIS BSTAN TE, KUN BRTAGS PA'I GNAS GZHAN GYI DBANG YIN PAR BSTAN PA DANG, GZHAN GYI DBANG LA BRTEN NAS NGO BO NYID NAM PA GNYIS BSTAN PA STE, 'DI NI DANG PO'O, ,BCOM LDAN 'DAS KYIS DE LA BRTEN NAS CHOS RNAMS KYI SKYE BA NGO BO NYID MA MCHIS PA NYID DANG, DON DAM PA NGO BO NYID MA MCHIS PA NYID LAS PHYOGS GCIG KYANG 'DOGS PAR MDZAD LAGS SO ZHES BYA BA NI GNYIS PA GZHAN GYI DBANG LA BRTEN @50A *, ,NAS NGO BO NYID MED PA GNYIS BSTAN PA'O, ,'DI LTAR BDAG GIS DENG 'DIR BCOM LDAN 'DAS KYIS BKA' STZAL BA'I DON 'TSAL BA LTAR NA ZHES BYA BA LA SOGS BAS NI GNYIS BA NGO BO NYID GSUM PA KHONG DU CHUD PAR 'GYUR BA BSTAN PA'O, ,'DI YANG RNAM PA GNYIS KYIS BSTAN TE, KHONG DU CHUD PAR GYUR BA MDOR BSTAN PA DANG, KHONG DU CHUD PA NYID RNAM PAR PHYE NAS BSHAD PA STE, 'DI NI DANG PO'O, ,RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS 'DU BYED KYI MTSAN MA DE NYID LA KUN BRTAGS PA'I MTSAN NYID YONGS SU 'GRUB PA'I SLAD DU NGO BO NYID DE KHO NAS NGO BO NYID MA MCHIS PA NYID CHOS BDAG MA MCHIS PA DE BZHIN NYID RNAM PAR DAG PA'I DMIGS PA GANG LAGS PA DE NI YONGS SU GRUB PA'I MTSAN NYID LAGS TE ZHES BYA BA LA SOGS PAS NI GNYIS PA KHONG DU CHUD PA NYID RNAM PAR PHYE NAS BSHAD PA BSTAN TO, ,'DI YANG GNYIS SU DBYE STE, GZHAN GYI DBANG LA BRTEN NAS YONGS SU GRUB PA NYID RNAM PAR DBYE BA DANG, YONGS SU GRUB PA LAS BRTZAMS NAS DON DAM PA NGO BO NYID MED PA NYID LAS PHYOGS GCIG BSTAN PA'O, ,'DI NI DANG PO STE, 'DI LTAR KUN BRTAGS PA'I MTSAN NYID KYI GNAS GZHAN GYI DBANG GI NGO BO NYID KUN BRTAGS RAB TU STZAL PA'I PHYIR NGO BO NYID MED PAS RAB TU PHYE BA, CHOS BDAG MED PA NYID GANG YIN PA DE NI YONGS SU GRUB PA ZHES BYA BAS SO, ,BCOM LDAN 'DAS KYIS DE LA BRTEN NAS DON DAM PA NGO BO NYID MA MCHIS PA NYID LAS PHYOGS GCIG 'DOGS PAR MDZAD LAGS SO ZHES BYA BA NI GNYIS PA YONGS SU GRUB PA LAS BRTZAMS NAS DON DAM PA NGO BO NYID MED PA NYID KYI PHYOGS GCIG BSTAN PA'O, ,GZUGS KYI PHUNG PO JI LTA BA BZHIN DU PHUNG PO LHAG MA RNAMS LA YANG DE BZHIN DU RGYA CHER BSHAD PAR BGYI LAGS SO ZHES BYA BA 'DI MAN CHAD GNYIS PA ZLAS PHUNG PO GZHAN LA SOGS PA BSTAN PA'O, ,'DI YANG RNAM PA LNGAR DBYE STE, ZLAS PHUNG PO LHAG MA RNAMS BSTAN PA DANG, ZLAS SKYE MCHED BCU GNYIS BSTAN PA DANG, ZLAS SRID PA'I YAN LAG BCU GNYIS BSTAN PA DANG, ZLAS ZAS BZHI PO DAG BSTAN PA DANG, ZLAS KHAMS DRUG DANG, BCVA BRGYAD PA BSTAN PA STE, 'DI NI DANG PO'O, ,PHUNG PO RNAMS @50B LA JI LTA BA BZHIN DU SKYE MCHED BCU GNYIS PO DAG GI SKYE MCHED RE RE LA YANG DE BZHIN DU RGYA CHER BSHAD PAR BGYI LAGS SO ZHES BYA BA NI GNYIS PA ZLAS SKYE MCHED BCU GNYIS BSTAN PA STE, NGO BO NYID MED PA NYID DU KHONG DU CHUD PAR GYUR PA NI GONG MA BZHIN DU RIG PAR BYA'O, ,SRID PA'I YAN LAG BCU GNYIS PO DAG GI SRID PA'I YAN LAG RE RE LA YANG DE BZHIN DU RGYA CHER BSHAD PAR BGYI LAGS SO ZHES BYA BA NI GSUM PA ZLAS SRID PA'I YAN LAG BCU GNYIS BSTAN PA STE, NGO BO NYID MED PA NYID DU KHONG DU CHUD PAR GYUR PA YANG GONG MA BZHIN DU RIG PAR BYA'O, ,ZAS BZHI PO DE DAG GIS ZAS RE RE YANG DE BZHIN DU RGYA CHER BSHAD PAR BGYI LAGS SO ZHES BYA BA NI BZHI PA ZLAS ZAS BZHI PO DAG BSTAN PA STE, NGO BO NYID MED PA NYID DU KHONG DU CHUD PAR GYUR PA YANG GONG MA BZHIN DU RIG PAR BYA'O, ,KHAMS DRUG DANG, KHAMS BCVA BRGYAD PO DAG GI KHAMS RE RE LA YANG DE BZHIN DU RGYA CHER BSHAD PAR BGYI LAGS SO ZHES BYA BA NI LNGA PA ZLAS KHAMS DRUG DANG, KHAMS BCVA BRGYAD BSTAN PA STE, NGO BO NYID MED PA NYID DU KHONG DU CHUD PAR GYUR PA YANG GONG MA BZHIN DU RIG PAR BYA'O, ,DE LA KHAMS DRUG CES BYA BA NI SA DANG CHU DANG ME DANG RLUNG DANG NAM MKHA' DANG RNAM PAR SHES PA DAG GO, ,KHONG DU CHUD PAR GYUR PA 'DIR BSTAN PA DAG DANG SBYAR NA, LE'U GONG MA LAS KHAMS SNA TSOGS PA ZHES BSTAN PAS NI KHAMS DRUG PO DAG KYANG DER BSDUS PA YIN NO, ,'DI LTAR BDAG GIS DENG 'DI RA BCOM LDAN 'DAS KYIS BKA' STZAL BA'I DON 'TSAL BA LTAR NA ZHES BYA BA 'DI MAN CHAD NI GNYIS PA BDEN PA LA SOGS PA'I SGO GNYIS PO DAG THUGS SU CHUD PAR GYUR NAS NGO BO NYID MED PA RNAM PA GSUM GSUNGS BAR BSTAN PA'O, ,'DI YANG RNAM PA GNYIS KYIS BSTAN TE, SDUG BSNGAL GYI BDEN PA LAS BRTZAMS NAS NGO BO NYID MED PA THUGS SU CHUD PAR GYUR BAR BSTAN PA DANG, ZLAS BDEN PA LHAG MA LA SOGS PA LAS BRTZAMS NAS NGO BO NYID MED PAR GSUNGS BAR BSTAN PA'O, ,DANG PO YANG GNYIS SU DBYE STE, NGO BO NYID RNAM PA GNYIS LA BRTEN NAS NGO BO NYID MED PA THUGS SU CHUD PAR GYUR PAR BSTAN PA DANG, YONGS SU GRUB PA NYID LA BRTEN NAS DON @51A *, ,DAM PA NGO BO NYID MED PA NYID LAS PHYOGS GCIG RNAM PAR GZHAG PAR BSTAN PA'O, ,DANG PO YANG RNAM PA GNYIS TE, KHONG DU CHUD PAR GYUR PA MDOR BSTAN PA DANG, KHONG DU CHUD PA NYID RNAM PAR PHYE NAS BSHAD PA STE, 'DI NI DANG PO'O, ,RNAM PAR RTOG PA'I SPYOD YUL KUN BRTAGS PA MTSAN NYID KYI GNAS 'DU BYED KYI MTSAN MA LA SDUG BSNGAL GYI BDEN PA DANG, SDUG BSNGAL GYI BDEN PA YONGS SU SHES PA ZHES NGO BO NYID KYI MTSAN NYID DAM, BYE BRAG GI MTSAN NYID DU MING DANG BRDAR RNAM PAR GZHAG PA GANG LAGS PA DE NI KUN BRTAGS PA'I MTSAN NYID LAGS TE ZHES BYA BA LA SOGS PA NI GNYIS PA KHONG DU CHUD PA RNAM PAR PHYE NAS BSHAD PA'O, ,'DI YANG RNAM PA GNYIS TE KUN BRTAGS PA'I NGO BO NYID LA BRTEN NAS MTSAN NYID NGO BO NYID MED PAR GSUNGS PA KHONG DU CHUD PAR GYUR BAR BSTAN PA DANG, GZHAN GYI DBANG GI NGO BO NYID LA BRTEN NAS SKYE BA NGO BO NYID MED PA DANG, DON DAM PA NGO BO NYID MED PA NYID LAS PHYOGS GCIG GSUNGS PAR KHONG DU CHUD PAR BSTAN PA'O, ,DANG PO YANG RNAM PA GNYIS KYIS BSTAN TE, GZHAN GYI DBANG LA BRTEN NAS KUN BRTAGS RNAM PAR GZHAG PA YIN PAR BSTAN PA DANG, KUN BRTAGS LA BRTEN NAS NGO BO NYID MED PA NYID 'DOGS PA YIN PAR BSTAN PA'O, ,'DI NI DANG PO STE, 'DI LTAR KUN BRTAGS KYI GNAS 'DU BYED KYI MTSAN MA GZHAN GYI DBANG LA MING DANG BRDAS SDUG BSNGAL GYI BDEN PA ZHES RNAM PAR GZHAG PA GANG YIN PA DANG, SDUG BSNGAL GYI BDEN PA YONGS SU SHES PA ZHES RNAM PAR GZHAG PA GANG YIN PA DE NI KUN BRTAGS PA'I MTSAN NYID CES BYA STE, DNGOS PO DE DAG LA YANG RANG GI NGO BO NYID DANG, BYE BRAG GI MTSAN NYID YOD PAS RAB TU GNOD PAR 'GYUR BA GANG YIN BA DE NI SDUG BSNGAL GYI BDEN PA'I RANG GI NGO BO NYID KYI MTSAN NYID CES BYA'O, ,SDUG BSNGAL GSUM DANG BRGYAD LA SOGS PA NI SDUG BSNGAL GYI BDEN PA'I BYE BRAG GI MTSAN NYID CES BYA'O, ,SDUG BSNGAL GYI BDEN PA'I RANG GI MTSAN NYID GANG YIN PA DE NI YONGS SU SHES PA'I BYE BRAG GI MTSAN NYID CES BYA'O, ,BCOM LDAN 'DAS KYI SA DE LA BRTEN NAS CHOS RNAMS KYI MTSAN NYID NGO BO NYID MA MCHIS PA NYID @51B 'DOGS PAR MDZAD PA LAGS SO ZHES BYA BA NI GNYIS PA KUN BRTAGS LA BRTEN NAS NGO BO NYID MED PA NYID 'DOGS PAR BSTAN PA'O, ,'DI LTAR KUN BRTAGS PA'I MTSAN NYID KYI PHYIR MTSAN NYID NGO BO NYID MED PA NYID RNAM PAR GZHAG PA YIN PAS GONG MA BZHIN DU RIG PAR BYA'O, , RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS 'DU BYED KYI MTSAN MA GANG LAGS PA DE NI GZHAN GYI DBANG GI MTSAN NYID LAGS TE ZHES BYA BA LA SOGS PAS NI GNYIS PA GZHAN GYI DBANG GI NGO BO NYID LA BRTEN NAS SKYE BA NGO BO NYID MED PA DANG, DON DAM PA NGO BO NYID MED PA NYID LAS PHYOGS GCIG GSUNGS PAR KHONG DU CHUD PAR GYUR PA BSTAN PA'O, ,'DI YANG RNAM PA GNYIS TE, GZHAN GYI DBANG GI NGO BO NYID GANG YIN PA BSTAN PA STE, 'DI NI DANG PO'O, ,BCOM LDAN 'DAS KYIS DE LA BRTEN NAS CHOS RNAMS KYI SKYE BA NGO BO NYID MA MCHIS PA NYID DANG, DON DAM PA NGO BO NYID MA MCHIS PA NYID LAS PHYOGS GCIG KYANG 'DOGS PAR MDZAD LAGS SO ZHES BYA BA NI GNYIS PA GZHAN GYI DBANG LA BRTEN NAS NGO BO NYID MED PA GSUNGS PAR BSTAN PA'O, ,'DI LTAR BDAG GIS DENG 'DIR BCOM LDAN 'DAS KYIS BKA' STZAL PA LTAR NA ZHES BYA BA 'DI MAN CHAD NI GNYIS PA YONGS SU GRUB PA NYID LA BRTEN NAS DON DAM PA NGO BO NYID LAS PHYOGS GCIG RNAM PAR GZHAG PA BSTAN PA'O, ,'DI YANG RNAM PA GNYIS SU DBYE STE, KHONG DU CHUD PAR GYUR PA MDOR BSTAN PA DANG, KHONG DU CHUD PA RNAMS RNAM PAR PHYE NAS BSTAN PA STE 'DI NI DANG PO'O, ,RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS 'DU BYED KYI MTSAN MA DE NYID LA KUN BRTAGS PA'I MTSAN NYID YONGS SU MA GRUB PA'I SLAD DU NGO BO NYID DE KHO NAS NGO BO NYID MA MCHIS PA NYID CHOS BDAG MA MA CHIS PA DE BZHIN NYID RNAM PAR DAG PA'I DMIGS PA GANG LAGS PA DE NI YONGS SU GRUB PA'I MTSAN NYID CES BGYI LAGS TE ZHES BYA BA LA SOGS PA NI GNYIS PA KHONG DU CHUD PA NYID RNAM PAR PHYE NAS BSTAN PA'O, ,'DI YANG RNAM PA GNYIS TE, YONGS SU GRUB PA'I MTSAN NYID @52A *, ,BSTAN PA DANG, DON DAM PA NGO BO NYID MED PA NYID LAS PHYOGS GCIG 'DOGS PAR MDZAD PA'O, ,'DI NI DANG PO STE GONG MA BZHIN DU RIG PAR BYA'O, ,BCOM LDAN 'DAS KYIS DE LA BRTEN NAS DON DAM PA NGO BO NYID MA MCHIS PA NYID LAS PHYOGS GCIG 'DOGS PAR MDZAD LAGS SO ZHES BYA BA NI GNYIS PA NGO BO NYID MED PA NYID LAS PHYOGS GCIG 'DOGS PAR MDZAD PA STE, MDO 'DI NYID KYIS BRDA PHRAD PAR ZAD DO, ,SDUG BSNGAL GYI BDEN PA LA JI LTA BA BZHIN, BDEN PA LHAG MA RNAMS LA YANG DE BZHIN DU RGYA CHER BSHAD PAR BGYI LAGS SO ZHES BYA BA 'DI MAN CHAD NI GNYIS PA ZLAS BDEN PA LHAG MA LA SOGS PA LA BRTZAMS NAS NGO BO NYID MED PA GSUNGS BAR BSTAN PA'O, ,'DI YANG RNAM PA GNYIS TE, ZLAS BDEN PA LHAG MA RNAMS BSTAN PA DANG, ZLAS BYANG CHUB KYI PHYOGS BSTAN PA'O, ,'DI NI DANG PO STE, 'DI LTAR SDUG BSNGAL GYI BDEN PA NGO BO NYID RNAM PA GSUM DANG LDAN PAS NGO BO NYID RNAM PA GSUM PO DAG LA BRTEN NAS NGO BO NYID MED PA RNAM PA GSUM RNAM PAR GZHAG PA DE BZHIN DU BDEN PA GSUM PO 'DI DAG KYANG NGO BO NYID RNAM PA GSUM DANG LDAN TE, NGO BO NYID RNAM PA GSUM PO DE DAG LA BRTEN NAS NGO BO NYID MED PA RNAM PA GSUM RNAM PAR GZHAG PA YIN PAS DE'I PHYIR SDUG BSNGAL GYI BDEN PA LA JI LTA BA BZHIN DU BDEN PA LHAG MA RE RE LA YANG NGO BO NYID RNAM PA GSUM DANG LDAN PAR SBYAR RO ZHES BYA BA'I THA TSIG GO, ,RGYA CHER NI BSTAN BCOS DBUS DANG MTHA' RNAM PAR 'BYED PA DANG, RNAM PAR RIG PA TZAM DU GRUB PA LAS BSTAN PA BZHIN DU RIG PAR BYA'O, ,MDO 'DI DANG BYE BRAG YOD PA YANG SDUG BSNGAL GYI BDEN PA LA SA BRTZAMS NAS NI YONGS SU SHES PA ZHES BSTAN TO, ,KUN 'BYUNG GI BDEN PA LAS BRTZAMS NAS NI GTAN DU SPANG BA ZHES BSTAN TO, ,'GOG PA'I BDEN PA LAS BRTZAMS NAS NI MNGON DU BYA BA ZHES BYA BA BSTAN TO, ,LAM GYI BDEN PA LAS BRTZAMS NAS NI BSGOM PA ZHES BYA BA BSTAN TE, GONG DU BSTAN PA BZHIN DU RIG PAR BYA'O, ,'PHAGS PA'I BDEN PA LA JI LTA BA BZHIN DU DRAN BA NYE BAR GZHAG PA DANG, YANG DAG PA'I SPONG BA DANG, @52B RDZU 'PHRUL GYI RKANG PA DANG, DBANG PO DANG, STOBS DANG, BYANG CHUB KYI YAN LAG DANG, LAM GYI YAN LAG RNAMS LA YANG DE BZHIN DU RGYA CHER BSHAD PAR BGYI LAGS SO ZHES BYA BA LA SOGS PAS NI GNYIS PA BYANG CHUB KYI PHYOGS LAS BRTZAMS NAS NGO BO NYID MED PAR GSUNGS PAS KHONG DU CHUD PAR BSTAN PA'O, ,'DI YANG RNAM PA GNYIS TE, SGO RNAM PA BDUN LA BRTEN NAS KHONG DU CHUD BAR GYUR PA BSTAN PA DANG, 'DI LTAR BDAG GIS DENG 'DIR ZHES BYA BA MAN CHAD KYIS 'PHAGS PA'I LAM GYI YAN LAG BRGYAD PA YANG DAG PA'I TING NGE 'DZIN LA BRTEN NAS KHONG DU CHUD PAR GYUR PA BSTAN PA'O, ,'DI NI DANG PO SGO BDUN PO BYANG CHUB KYI PHYOGS LAS BRTZAMS NAS KHONG DU CHUD PAR BSTAN PA STE, JI LTAR 'PHAGS PA'I BDEN PA BZHI NGO BO NYID RNAM PA GSUM GYI DON LA BRTEN NAS NGO BO NYID MED PA RNAM PA GSUM BSTAN PA BZHIN DU 'DI YANG DE BZHIN DU RIG BAR BYA'O ZHES BYA BA'I THA TSIG GO, ,'DI LTAR BDAG GIS DENG 'DIR BCOM LDAN 'DAS KYIS BKA' STZAL BA'I DON BSTAN PA LTAR NA ZHES BYA BA LA SOGS PAS NI GNYIS PA 'PHAGS PA'I LAM GYI YAN LAG BRGYAD PA YANG DAG PA'I TING NGE 'DZIN LA BRTEN NAS KHONG DU CHUD PAR BSTAN PA STON TO, , 'DI YANG RNAM PA GNYIS SU DBYE STE, NGO BO NYID RNAM PA GNYIS LA BRTEN NAS NGO BO NYID MED PA GNYIS KHONG DU CHUD PAR BSTAN PA DANG, YONGS SU GRUB PA NYID LA BRTEN NAS DON DAM PA NGO BO NYID MED PA NYID KHONG DU CHUD PAR BSTAN PA'O, ,DANG PO YANG RNAM PA GNYIS TE, KHONG DU CHUD PA MDOR BSTAN PA DANG, KHONG DU CHUD PA RNAM PAR PHYE NAS BSTAN PA STE 'DI NI DANG PO'O, ,RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS 'DU BYED KYI MTSAN MA YANG DAG PA'I TING NGE 'DZIN ZHE'AM, YANG DAG PA'I TING NGE 'DZIN GYI MI MTHUN PA'I PHYOGS SAM, GNYEN PO ZHE 'AM, YANG DAG PA'I TING NGE 'DZIN SGOM PA ZHE'AM, MA SKYES PA SKYE ZHE 'AM, SKYES PA GNAS PA DANG MI BSKYUD PA DANG SLAR ZHING 'BYUNG BA DANG, 'PHEL ZHING RGYAS PA NYID CES NGO BO NYID KYI MTSAN NYID DAM BYE BRAG GI MTSAN NYID DU MING DANG BRDAR BTAGS PAR GZHAG PA GANG LAGS PA DE NI KUN @53A *, ,BRTAGS PA'I MTSAN NYID LAGS TE ZHES BYA BA LA SOGS PAS NI GNYIS PA KHONG DU CHUD PA RNAM PAR PHYE STE BSHAD PA'O, ,'DI YANG RNAM PA GNYIS SU DBYE STE, KUN BRTAGS LA BRTEN NAS MTSAN NYID NGO BO NYID MED PA NYID KHONG DU CHUD PA DANG, GZHAN GYI DBANG LA BRTEN NAS SKYE BA NGO BO NYID MED PA DANG, DON DAM PA NGO BO NYID MED PA NYID LAS PHYOGS GCIG KHONG DU CHUD PAR BSTAN PA'O, ,DANG PO YANG RNAM PA GNYIS TE, KUN BRTAGS PA'I MTSAN NYID RNAM PAR GZHAG PA DANG, MTSAN NYID NGO BO NYID MED PA NYID 'DOGS PA'O, ,'DI NI DANG PO STE, 'PHAGS PA'I LAM GYI YAN LAG BRGYAD PA YANG DAG PA'I TING NGE 'DZIN LA BRTEN NAS KHONG DU CHUD PA BSTAN PA YIN PAS GONG MA BZHIN DU RIG PAR BYA'O, ,YANG DAG PA'I TING NGE 'DZIN RNAM PAR DBYE BA YANG RNAM PA GNYIS TE, RNAM PAR RTOG PA'I SPYOD YUL ZHES BYA BA LA SOGS PAS NI KUN BRTAGS PA'I NGO BO NYID GZHAN GYI DBANG LA BRTEN PA YIN PAR BSTAN TO, ,MING DANG BRDAR RNAM PAR GZHAG PA GANG LAGS PA DE NI ZHES BYA BA LA SOGS PA NI GZHAN GYI DBANG LA BRTEN NAS KUN BRTAGS RNAM PAR GZHAG PA BSTAN TO, ,KUN BRTAGS DE LAS DNGOS PO LNGA RNAM PAR GZHAG STE, DANG PO NI YANG DAG PA'I TING NGE 'DZIN GYI RANG GI NGO BO DANG BYE BRTAG RNAM PAR GZHAG PA 'DI LTA STE, TING NGE 'DZIN GYI NGO BO NYID SPYIR BSTAN PA GANG YIN PA DE NI TING NGE 'DZIN GYI NGO BO NYID CES BYA'O, ,MI LCOGS PA MED PA DANG KHYAD PAR CAN DANG, BSAM GTAN BZHI PA LA SOGS PA NI TING NGE 'DZIN GYI BYE BRAG CES BYA'O, ,GNYIS PA YANG DAG PA'I TING NGE 'DZIN GYI MI MTHUN PA'I PHYOGS DANG, GNYEN PO RNAM PAR GZHAG PA NI 'DI LTA STE, LAM GYI YAN LAG BRGYAD LAS YANG DAG PA'I TING NGE 'DZIN GANG YIN PA DE NI GNYEN PO ZHES BYA'O, ,LOG PA BRGYAD LAS BRGYAD PA LOG PA'I TING NGE 'DZIN GANG YIN PA DE NI MI MTHUN PA'I PHYOGS ZHES BYA STE, RANG GI NGO BO NYID DANG BYE BRAG GI MTSAN NYID NI GONG MA BZHIN DU RIG PAR BYA'O, ,GSUM PA NI YANG DAG PA'I SGOM PA DANG, MA SKYES PA SKYE BA RNAM PAR GZHAG PA'O, , @53B BZHI PA NI SKYES PA GNAS PA'O, ,LNGA PA NI MI BRJED PA DANG, PHYIR ZHING 'BYUNG BA DANG 'PHEL ZHING RGYAS PA'O, ,GONG DU PA BSTAN PA'I SGO LNGA PO DE DAG RE RE LA YANG RANG GI NGO BO NYID DANG BYE BRAG GI MTSAN NYID YOD PAS BRTAGS NA SHES PAR 'GYUR TE, 'DI LTAR MTSAN NYID RNAM PA LNGAS YANG DAG PA'I TING NGE 'DZIN RNAM PAR GZHAG PA GANG YIN PA DE NI KUN BRTAGS PA'I MTSAN NYID CES BYA'O, ,BCOM LDAN 'DAS KYIS DE LA BRTEN NAS CHOS RNAMS KYI MTSAN NYID NGO BO NYID MA MCHIS PA NYID 'DOGS PAR MDZAD LAGS SO ZHES BYA BA NI GNYIS PA MTSAN NYID NGO BO NYID MED PA NYID 'DOGS TE, GONG MA BZHIN DU RIG PAR BYA'O, ,RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS 'DU BYED KYI MTSAN MA GANG LAGS PA DE NI GZHAN GYI DBANG GI MTSAN NYID LAGS TE ZHES BYA BA LA SOGS PAS NI GNYIS PA GZHAN GYI DBANG LA BRTEN NAS SKYE BA NGO BO NYID MED PA DANG, DON DAM PA NGO BO NYID MED PA NYID LAS PHYOGS GCIG KHONG DU CHUD PAR BSTAN TO, ,'DI YANG RNAM PA GNYIS TE, GZHAN GYI DBANG BSTAN PA DANG, NGO BO NYID MED PA NYID RNAM PA GNYIS RAB TU BSTAN PA STE 'DI NI DANG PO'O, ,BCOM LDAN 'DAS KYIS DE LA BRTEN NAS CHOS RNAMS KYI SKYE BA NGO BO NYID MA MCHIS PA NYID DANG, DON DAM PA NGO BO NYID MA MCHIS PA NYID LAS PHYOGS GCIG KYANG 'DOGS PAR MDZAD LAGS SO ZHES BYA BA NI GNYIS PA GZHAN GYI DBANG LA BRTEN NAS NGO BO NYID MED PA NYID RNAM PA GNYIS BSTAN PA STE GONG MA BZHIN DU RIG PAR BYA'O, ,'DI LTAR BDAG GIS DENG 'DIR BCOM LDAN 'DAS KYIS BKA' STZAL BA'I DON 'TSAL BA LTAR NA ZHES BYA BA 'DI MAN CHAD NI GNYIS PA YONGS SU GRUB PA LAS BRTZAMS NAS DON DAM PA NGO BO NYID MED PA NYID LAS PHYOGS GCIG BSTAN PA'O, ,'DI YANG RNAM PA GNYIS TE, KHONG DU CHUD PA MDOR BSTAN PA DANG, KHONG DU CHUD PA RNAM PAR PHYE NAS BSHAD PA STE 'DI NI DANG PO'O, ,RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS 'DU BYED KYI MTSAN MA 'DI NYID LA KUN BRTAGS PA'I MTSAN NYID YONGS SU MA GRUB PA'I SLAD DU, NGO BO NYID DE @54A *, ,KHO NAS NGO BO NYID MA MCHIS PA NYID CHOS BDAG MA MCHIS PA DE BZHIN NYID RNAM PAR DAG PA'I DMIGS PA GANG LAGS PA DE NI YONGS SU GRUB PA'I MTSAN NYID CES BGYI LAGS TE ZHES BYA BA LA SOGS PAS NI GNYIS PA KHONG DU CHUD PA RNAM PAR PHYE STE BSHAD PA'O, ,'DI YANG RNAM PA GNYIS TE, YONGS SU GRUB PA'I MTSAN NYID BSTAN PA DANG, NGO BO NYID MED PA BSTAN PA'O, ,'DI NI DANG PO STE GONG MA BZHIN DU RIG PAR BYA'O, ,BCOM LDAN 'DAS KYIS DE LA BRTEN NAS CHOS RNAMS KYI DON DAM PA NGO BO NYID MA MCHIS PA NYID LAS PHYOGS GCIG 'DOGS PAR MDZAD LAGS SO ZHES BYA BA NI GNYIS PA NGO BO NYID MED PA NYID BSTAN PA STE GONG MA BZHIN DU RIG PAR BYA'O, ,BCOM LDAN 'DAS DPER BGYI NA BCA' SGA NI PHYE MA'I SMAN DANG SBYAR BA DANG, BCUD KYIS LEN SBYAR BA THAMS CAD DU GSAL BAR BGYI LAGS SO ZHES BYA BA 'DI MAN CHAD NI GSUM PA DPE SMOS NAS BZLAS TE BSHAD PA STON TO, ,'DI YANG DPE RNAM PA BZHIS BSTAN PA NYID LAS RNAM PA BZHIR DBYE STE, 'DI NI DANG PO'I BCA' SGA'I DPES BSTAN PA'O, ,'DI YANG RNAM PA GNYIS KYIS BSTAN TE, DPE BSTAN PA DANG, DPE DANG DON DU SBYAR BA'O, ,'DI NI DANG PO DPE BSTEN PA STE, GAL TE BCA' SGA SMAN PHYE MA RNAMS KYI NANG DU BCUG NA MTHU CAN DU 'GYUR BAS SO, ,DE BZHIN DU BCOM LDAN 'DAS KYIS KYANG CHOS RNAMS KYI NGO BO NYID MA MCHIS PA DANG, SKYE BA MA MCHIS PA DANG, 'GAG PA MA MCHIS PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA NYID LAS BRTZAMS NAS NGO BO NYID MA MCHIS PA NYID NGES PA'I DON BSTAN PA 'DI YANG DRANG BA'I DON GYI MDO SDE THAMS CAD DU STZAL BAR MDZAD LAGS SO ZHES BYA BA NI GNYIS PA CHOS DPE DANG MTSUNGS PAR BSTAN PA STE, 'DI LTAR NGO BO NYID MED PA LA SOGS PA'I TSIG DE DAG DRANG BA'I DON GYI MDO SDE THAMS CAD DU RNAM PAR GZHAG NA, MDO SDE DE DAG GI DGONGS PA RNAMS KHONG DU CHUD PAR 'GYUR BA'O, ,BCOM LDAN 'DAS DPER BGYI NA RI MO BRI BA'I GZHI NI SNGON PO 'AM, SER PO'AM, DMAR PO'AM DKAR PO'AM @54B RI MOR BGYI BA THAMS CAD DU KHYAB PAS RO GCIG PA LAGS SHING, RI MOR BRIS PA DE YANG SHIN TU GSAL BAR BGYID PA LAGS SO ZHES BYA BA LA SOGS PAS NI GNYIS PA RI MO'I GZHI DPES BSTAN PA'O, ,'DI YANG RNAM PA GNYIS TE, DPE BSTAN PA DANG, DPE DANG DON DU SBYAR BA'O; ;'DI NI DANG PO STE, DPER NA RI MO SNGON PO DANG, SER PO LA SOGS PA 'DRI BA'I GZHI NI RI MO RNAM PA SNA TSOGS KYI BYA BA THAMS CAD KUN DU KHYAB CING SNGON PO DANG SER PO LA SOGS PA DANG MTSUNGS PA NYID DU RO GCIG PAR BYED LA, RI MO BRI BA DE DAG THAMS CAD KYANG SHIN TU GSAL PAR BYED PAS SO, ,DE BZHIN DU BCOM LDAN 'DAS KYIS CHOS RNAMS KYI NGO BO NYID MA MCHIS PA NYID NAS RANG BZHIN GYIS YONGS SU MYA NGAN LAS 'DAS PA'I BAR LAS BRTZAMS NAS, NGO BO NYID MA MCHIS PA NYID NGES PA'I DON DAM PA 'DI YANG DRANG BA'I MDO SDE THAMS CAD DU KHYAB CING RO GCIG PA DANG, MDO SDE DE DAG LAS DRANG BA'I DON GSUNGS PA RNAMS SHIN TU GSAL BAR MDZAD PA LAGS SO ZHES BYA BA NI GNYIS PA DPE DANG DON DU SBYAR BA STE, MDO 'DI NYID KYIS BRDA PHRAD PAR ZAD DO, ,BCOM LDAN 'DAS DPER BGYI NA CHA BA MAR NI SNOD DU BSGRAL BA DANG G-YOS DANG, BAG CHOS KYI RNAM PA THAMS CAD DU STZAL NA, SHIN TU BDA' BAR 'GYUR LAGS SO ZHES BYA BA LA SOGS PAS NI GSUM PA ZHUN MAR GYI DPES BSTAN PA'O, ,'DI YANG RNAM PA GNYIS KYIS BSTAN TE, DPE SMOS PA DANG, DPE DANG DON DU SBYAR BA STE 'DI NI DANG PO'O, ,DE BZHIN DU BCOM LDAN 'DAS KYIS KYANG CHOS RNAMS KYI NGO BO NYID MA MCHIS PA NYID NAS RANG BZHIN GYIS YONG SU MYA NGAN LAS 'DAS PA'I BAR LAS BRTZAMS NAS NGO BO NYID MA MCHIS PA NYID NGES PA'I DON BSTAN PA 'DI YANG DRANG PA'I MDO SDE THAMS CAD DU STZAL BAS MCHOG TU DGA' BA SKYE BAR 'GYUR LAGS SO ZHES BYA BA NI GNYIS PA DPE DANG DON DU SBYAR BA STE, MDO 'DI NYID KYIS BRDA PHRAD PAR ZAD DO, ,BCOM LDAN 'DAS DPER BGYI NA NAM MKHA' NI THAMS CAD LA RO GCIG PA DANG, STZAL BA THAMS CAD LA SGRIB PAR MI 'GYUR BA LAGS SO ZHES BYA BA LA SOGS PAS NI BZHI PA NAM MKHA' RO GCIG PA'I DPES @55A *, ,BSTAN PA'O, ,'DI YANG RNAM PA GNYIS TE DPES BSTAN PA DANG, DPE DANG DON DU SBYAR BA STE 'DI NI DANG PO'O, ,DE BZHIN DU BCOM LDAN 'DAS CHOS RNAMS KYI NGO BO NYID MA MCHIS PA NYID NAS RANG BZHIN GYIS YONGS SU MYA NGAN LAS 'DAS PA'I BAR DU RGYA CHER BSHAD PA LAS BRTZAMS NAS NGO BO NYID MA MCHIS PA NYID NGES PA'I DON BSTAN PA 'DI YANG DRANG BA'I DON GYI MDO SDE THAMS CAD LA RO GCIG PA DANG, NYAN THOS KYI THEG PA DANG, RANG SANGS RGYAS KYI THEG PA DANG, THEG PA CHEN POR STZAL BA THAMS CAD LA SGRIB PAR MI 'GYUR LAGS SO, ,'DI SKAD CES GSOL BA DANG ZHES BYA BA NI GNYIS PA DPE DANG DON DU SBYAR BA STE, 'DI LTAR NGO BO NYID MED PA NGES PA'I DON DU BSTAN PA STE, DRANG BA'I DON GYI MDO SDE THAMS CAD LA KHYAB CING NGO BO NYID MED PA'I RO GCIG TU GYUR PA DANG, THEG PA GSUM PO DAG GI STZAL BA THAMS CAD LA SGRIB PAR MI 'GYUR BAS SO, ,DE NAS BCOM LDAN 'DAS KYIS BYANG CHUB SEMS DPA' DON DAM YANG DAG 'PHAGS LA LEGS SO LEGS SO ZHES BSNGAGS TE ZHES BYA BA 'DI MAN CHAD GNYIS PA DE BZHIN GSHEGS PAS BSGRUB PAR BSKUL PA ZHES BYA BA STON TO, ,'DI YANG RNAM PA BZHIR DBYE STE, LEGS PA SPYIR BSNGAGS PA DANG, DON ZAB MO KHONG DU CHUD PAR GYUR BAR BSNGAGS PA DANG, DPE LEGS PAR BYAS PA LA BSNGAGS PA DANG, MCHOG LA BSLAB PAR BSKUL BA STE, 'DI NI DANG PO LEGS PA SPYIR BSNGAGS PA'O, ,RIGS KYI BU KHYOD KYIS DENG DE BZHIN GSHEGS PA'I DGONGS TE BSHAD BA'I DON ZAB MO LEGS PAR SHES PAR GYUR NAS ZHES BYA BA 'DI NI GNYIS PA DON ZAB MO KHONG DU CHUD PAR GYUR PAR BSNGAGS PA'O, ,YANG DON DE LA DPE LEGS PAR BYAS PA 'DI LTA STE, BCA' SGA DANG RI MO BRI BA'I GZHI DANG, MAR GYIS GDAB PA DANG, NAM MKHA'O ZHES BYA BA NI GSUM PA DPE LEGS PAR BYAS PA LA BSNGAGS PA'O, ,DON DAM YANG DGA' 'PHAGS DE DE BZHIN NO, ,DE DE BZHIN TE, THA DAD DU GYUR BA GZHAN CI YANG MED PAS DE DE BZHIN DU KHYOD KYIS ZUNG SHIG CES BYA BA NI BZHI PA MCHOG LA BSLAB PAR BSKUL BA'O, ,DE NAS BYANG CHUB SEMS DPA' DON DAM YANG DAG @55B 'PHAGS KYIS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS KYIS DUS DANG POR YUL B'A R'A nA S'I DRANG SRONG LHUNG BA'I NAGS RI DAGS RGYU BA'I GNAS SU NYAN THOS KYI THEG PA LA YANG DAG PAR ZHUGS PA RNAMS LA BDEN PA BZHI'I RNAM PA BSTAN PAS YANG DAG PA'I CHOS KYI 'KHOR LO BSKOR BA YANG ZHES BYA BA 'DI MAN CHAD NI RNAM PA LNGAR PHYE BA'I BZHI PA KHYAD PAR GYI BSNGAGS PA BRJOD CING BSGRUB PA'I PHYOGS ZHES BYA BA STON TO, 'DI YANG RNAM PA GNYIS SU DBYE STE, BYANG CHUB SEMS DPAS ZHU BA GSOL BA DANG, DE NAS ZHES BYA BA MAN CHAD BCOM LDAN 'DAS KYIS YANG DAG PAR BSHAD PA'O, ,DANG PO YANG RNAM PA GNYIS TE, 'KHOR LO RNAM PA GSUM GYIS KHYAD PAR MI MTSUNGS PAR BSTAN PA DANG, BCOM LDAN 'DAS RIGS KYI BU ZHES BYA BA MAN CHAD BSOD NAMS KYI KHYAD PAR ZHUS PA'O, ,DANG PO YANG 'KHOR LO RNAM PA GSUM YOD PA NYID KYIS RNAM PA GSUM DU DBYE STE, 'DI NI DANG PO BDEN PA BZHI'I CHOS KYI 'KHOR LO BSTAN PA'O, ,'DI YANG RNAM PA GNYIS KYIS BSTAN TE, CHOS KYI 'KHOR LO NYID YANG DAG PAR BSTAN PA DANG, NGO MTSAR RMAD DU BYUNG BA ZHES BYA BA MAN CHAD BSTAN PA DE DMAN PA YIN PAR RAB TU BSTAN PA'O, ,'DI NI DANG PO STE, MDO'I TSIG 'DI YANG RNAM PA LNGAR PHYE NAS BSTAN TE, ZHU BA GSOL BA DANG, LAN GSUNG BA PO BSTAN PA DANG, GSUNGS PA'I DUS BSTAN PA DANG, GSUNGS PA'I GNAS BSTAN PA DANG, GANG GI CHED DU BSTAN PA GSUNGS PA DANG, ,CHOS KYI 'KHOR LO BSTAN PA'O, ,DE LA DE NAS ZHES BYA BA LA SOGS PAS NI ZHU BA GSOL BA DANG, LAN GSUNG BA'I GANG ZAG BSTAN TO, ,DUS DANG POR ZHES BYA BAS NI MDO SDE GSUNGS PA'I DUS BSTAN TE, 'DI LTAR CHOS KYI 'KHOR LO RNAM PA GSUM LAS, 'KHOR LO DANG PO GSUNGS PA'I DUS LA BYA'O, ,YUL B'A R'A nA S'I ZHES BYA BA LA SOGS PAS NI MDO SDE GSUNGS PA'I GNAS BSTAN TE, DGONGS PA ZAB MO RNAM PAR DGROL BA'I MDO LAS NI B'A R'A nA S'I GRONG KHYER DRANG SRONG 'DUS PA RI DAGS RGYU BA'I GNAS ZHES 'BYUNG NGO, ,SLOB DPON YANG DAG BDEN PAS, TSIG NGES PAR 'GREL BA'I MDO BRJED BYANG BYAS PA LAS, @56A *, ,DUS DANG POR YUL B'A R'A nA S'I RI DAGS KYI TSAL DRANG SRONG 'DUS PA'I GNAS SU ZHES BYA BA NI YON TAN RNAM PA GSUM DANG LDAN PA'I PHYIR GANG ZAG RNAM PA GSUM RTAG TU DER 'DU'O, ,YON TAN RNAM PA GSUM ZHES BYA BA YANG DANG POR NI TSAL GYI YON TAN TE, SHING GI YAL GA RNAMS KUN KHYAB PAR G-YOGS PAS DPYID NI TSA BA'I SKYABS BYED, DBYAR NI CHAR BA'I SKYABS BYED, DGUN NI RLUNG GI SKYABS BYED, GNYIS PA NI CHU'I YON TAN TE, RTAG PAR YON TAN LNGA PO YANG BA DANG GRANG BA DANG, MNYEN PA DANG ZHIM PA DANG, DRI DANG LDAN PAS SO, ,GSUM PA NI GNAS KYI YON TAN TE, TSAL GYI PHYI ROL YANGS SHING RGYA CHE BAS BYA DANG RI DAGS THAMS CAD DER 'DU ZHING, BZA' BA DANG BTUNG BA DAG LA 'JIGS PA MED PA DANG, GZHAN YANG SA'I 'OG NA RIN PO CHE'I GTER CHEN PO YOD DE, RGYAR YANG RGYANG GRAGS BRGYAD YOD LA, ZABS SU YANG RGYANG GRAGS BRGYAD YOD DO, , RES 'GA' STENG DU 'BYUNG YANG MI DAG GIS BLANG DU MED KYI, NAM 'KHOR LOS SGYUR BA'I RGYAL PO 'BYUNG BA'I TSE, RIN PO CHE 'DI BLANGS NAS SPYOD PAR BYED DO, ,RI DAGS KYI TSAL ZHES BYA BA YANG DON RNAM PA GNYIS YOD DE, DANG PO NI SNGON GNAS 'DIR RI DAGS SHA BA TSAD MED PA SNYED GNAS PAS YUL DE'I RGYAL POS RI DAGS DE RNAMS BSAD PAR BYAS PA LAS, RI DAGS KYI RGYAL POS NYIN GCIG LA RE RE ZHIG BSAD NA YUN RING DU THUB PAR 'GYUR RO ZHES SMRAS SO, ,DE NAS DUS GZHAN ZHIG NA SHA BA SPRUM MA ZHIG LA RES BAB PA DANG, RI DAGS KYI RGYAL PO DE SNYING RJE BA'I BSAM PAS DE'I SKYIN PAR BSAD PA'I GNAS SU SONG BA, RGYAL POS MTHONG NAS RI DAGS KYI RGYAL PO DE GTONG NGO, ,DES KYANG BYANG CHUB SEMS DPA'I LAM RNAMS BSTAN PAS RGYAL POS THOS TE GO BAR GYUR NAS SHA BA GZHAN RNAMS KYANG BTANG STE, RGYA CHAR NI RI DAGS KYI RGYAL POS SHA BA SBRUM MA'I PHYIR SROG BTANG BAR BYAS PA BSTAN PA DANG, BSTAN BCOS BYE BRAG TU BSHAD PA CHEN PO LAS 'BYUNG BA BZHIN DU RIG PAR BYA'O, ,GNYIS PA NI CHOS KYI 'KHOR LO BSKOR BA NA RI DAGS SHA BA GSUM RTAG PAR BCOM LDAN 'DAS LAS CHOS NYAN DU 'ONG BAS SO, ,DE LA GANG ZAG GSUM ZHES BYA BA YANG @56B DANG PO NI SANGS RGYAS 'JIG RTEN DU MA BYUNG BA'I TSE, DRANG SRONG RNAMS GNAS 'DIR 'DUS NAS, DRANG SRONG GI LAM BSGRUBS PAS SO, ,GNYIS PA NI SANGS RGYAS 'JIG RTEN DU MA BYUNG BA NA RANG SANGS RGYAS THAMS CAD GNAS 'DIR 'DUS NAS RANG SANGS RGYAS KYI LAM BSGOMS PAS SO, ,GSUM PA NI SANGS RGYAS 'JIG RTEN DU BYUNG NAS NYAN THOS RNAMS DANG THABS CIG TU GNAS 'DIR BZHUGS PAS SO ZHES BSHAD DO, ,BKOD PA CHEN PO BSTAN PA'I MDO LAS NI DRANG SRONG LHUNG BA RI DAGS BYIN PA'I TSAL ZHES BSHAD DE, DE'I PHYIR DE NYID LAS TSE GCIG GIS THOGS PA'I BYANG CHUB SEMS DPA' NAM LHUMS SU 'JUG PAR DGONGS PA NA, LHA'I BU DAG 'DZAM BU'I GLING DU BABS NAS RANG SANGS RGYAS RNAMS LA 'PHAGS PA DAG ZHING 'DI YONGS SU SPANG PA'I RIGS SO, ,DE'I CI'I PHYIR ZHE NA, LO BCU GNYIS 'DAS NA BYANG CHUB SEMS DPA' YUM GYI LHUMS SU 'JUG PAR 'GYUR RO ZHES SMRAS PA DANG, DE'I TSE YUL B'A R'A nA S'IR RANG SANGS RGYAS LNGA BRGYAS LHA'I BU'I TSIG THOS PAS 'DUG PA'I STAN LAS LANGS NAS NAM MKHA' LA T'A LA BDUN TZAM DU 'PHAGS TE, MES RANG GI PHUNG PO BSREGS NAS YONGS SU MYA NGAN LAS 'DAS KYI SH'A RI'I BU 'BA' ZHIG NAM MKHA' LAS BABS BAS, DE'I PHYIR GNAS 'DI DRANG SRONG LHUNG BA'I GNAS ZHES BYA'O, ,GZHAN YANG 'DAS PA'I DUS RGYAL PO SNYING RJE DANG LDAN PAS RI DAGS MANG PO RNAMS LA MI 'JIGS PA BYIN PA'I GNAS YIN PAS DE'I PHYIR YANG GNAS DE DRANG SRONG LHUNG BA RI DAGS BYIN PA'I TSIL ZHES BYA'O ZHES GSUNGS TE, ZHIB TU DE NYID LAS BSTAN PA BZHIN NO, ,BSTAN BCOS BYE BRAG TU BSHAD PA CHEN PO LAS, BCOM LDAN 'DAS YUL B'A R'A nA S'I DRANG SRONG SMRA BA'I GNAS RI DAGS BYIN PA'I GNAS NA KUN SHES KOOndI N+YA LA SOGS PA LA YANG DAG PA'I CHOS KYI 'KHOR LO BSKOR TE ZHES GSUNGS PA DE LA CI'I PHYIR B'A R'A nA S'I ZHES BYA ZHE NA, SMRAS PA, 'DI NI CHU KLUNG GI MING YIN TE, DE LAS MI RING BA NA RGYAL PO'I GRONG KHYER BRTZIGS PAS, DE'I PHYIR GRONG KHYER 'DI YANG B'A R'A nA S'I ZHES BYA'O, ,CI'I PHYIR DRANG SRONG SMRA BA ZHES BYA ZHE NA, SMRAS PA, GAL TE 'DI SKAD DU SANGS RGYAS RNAMS NI NGES PAR GNAS DER YANG DAG PA'I CHOS KYI @57A *, ,'KHOR LO BSKOR BA YIN NO ZHES ZER NA NI DE 'DI SKAD DU SANGS RGYAS RNAMS NI DRANG SRONG MCHOG YIN TE, THAMS CAD KYIS GNAS DER DANG PO CHOS KYI 'KHOR LO BSKOR BA'I PHYIR DRANG SRONG SMRA BA'I GNAS ZHES BYA'O ZHES BRJOD PAR BYA'O, ,GAL TE 'DI SKAD DU SANGS RGYAS RNAMS GNAS DER CHOS KYI 'KHOR LO BSKOR BA NGES PA YANG MA YIN NO ZHES ZER NA NI 'DI SKAD DU DRANG SRONG GNAS ZHES BRJOD PAR BYA STE, 'DI LTAR SANGS RGYAS 'JIG RTEN DU BYUNG BA NA, DRANG SRONG CHEN PO DANG 'PHAGS PA'I SLOB MA DRANG SRONG MANG PO RNAMS KYI GNAS SU GYUR PA DANG, SANGS RGYAS 'JIG RTEN DU MA BYUNG BA'I TSE NI DRANG SRONG RANG SANGS RGYAS GNAS PA DANG, RANG SANGS RGYAS MED PA'I TSE NI 'JIG RTEN PA'I DRANG SRONG MNGON PAR SHES PA LNGA DANG LDAN PA DAG GNAS DER RTOG PAR RGYUN DU DRANG SRONG GNAS PAR GYUR PA DANG, GNAS PA DANG GNAS PAR 'GYUR BA'I PHYIR DRANG SRONG GI GNAS ZHES BYA'O, ,KHA CIG NA RE DRANG SRONG LHUNG BA'I GNAS ZHES BRJOD PAR BYA STE, SNGON DRANG SRONG LNGA BRGYA NAM MKHA' LA RGYU BA LAS GNAS 'DIR NYAMS PA'I RKYEN GYIS DUS GCIG TU LTUNG BAS SO, ,CI'I PHYIR RI DAGS BYIN PA'I GNAS ZHES BYA ZHE NA, SMRAS PA, RTAG PAR RGYUN DU RI DAGS RNAMS TSAL 'DIR RGYU ZHING GNAS BA'I PHYIR NI RI DAGS KYI TSAL ZHES BYA LA, SNGON RGYAL PO TSANGS PAS BYIN ZHES BYA BAS TSAL 'DI RI DAGS RNAMS LA BYIN PA'I PHYIR NA RI DAGS BYIN PA'I GNAS ZHES BYA STE, JI LTAR KHYIM BDAG KA LAN TA KAS RGYAL PO'I KHAB 'OD MA'I TSAL DU RDZING CIG BRKOS NAS BYA KA LAN TA KA RNAMS LA BRTZE BA'I PHYIR KA LAN TA KA'I RDZING ZHES BRJOD PA LTA BU'O ZHES 'BYUNG STE, GONG DU BSTAN PA'I GTAN TSIGS DES NI RI DAGS BYIN PA'I GNAS ZHES BYA'O, ,SLOB DPON DBYIG GNYEN GYIS CHOS KYI 'KHOR LO BSKOR BA'I BSTAN BCOS LAS NI RKYEN RNAM PA BZHI'I PHYIR TSAL DER CHOS KYI 'KHOR LO BSKOR BA YIN NO ZHES BSHAD DO, ,DE'I PHYIR DE NYID LAS DON GANG GI PHYIR GNAS MCHOG SKYE BO MANG PO'I GNAS SPANGS NAS, YUL B'A R'A nA S'I'I SKYE BO MI MANG BA'I GNAS RI DAGS KYI TSAL DU CHOS KYI 'KHOR LO BSKOR ZHE NA, DE'I DON 'DIR BSHAD PAR BYA STE, BCOM LDAN 'DAS KYIS SNGON GNAS DER LAN @57B GRANGS BYE BA PHRAG DRUG CU'I BAR DU SBYIN PA RGYA CHER BTANG BA'I PHYIR DANG, SANGS RGYAS BYE BA PHRAG DRUG CU SNYED LA DER MCHOD CING BSNYEN BKUR MDZAD PA'I PHYIR DANG, GZHAN YANG GNAS DER SANGS RGYAS BYE BA PHRAG DRUG CUS SNGON CHOS KYI 'KHOR LO BSKOR BA'I PHYIR DANG, GZHAN YANG GNAS DE NA RTAG PAR DRANG SRONG RAB TU ZHIB MANG PO GNAS PAR GYUR PA LA SOGS PA'I YON TAN DANG LDAN PA'I PHYIR RO ZHES BSHAD DO, RGYA CHER NI DE NYID LAS BSTAN PA BZHIN DU RIG PAR BYA'O,, ,,BAM PO SUM CU GNYIS PA, NYAN THOS KYI THEG PA LA YANG DAG PAR ZHUGS PA RNAMS LA ZHES BYA BAS NI GANG GI CHED DU BSTAN PA GSUNGS PA BSTAN TE, THEG PA PA RNAM PA GSUM LAS NYAN THOS KYI THEG PA PA KHO NA'I CHED DU GSUNGS PAR GYUR PA'O, ,BSTAN BCOS BYE BRAG TU BSHAD PA CHEN PO DANG, MDZOD KYI BSTAN BCOS DANG, YANG DAG PA'I RIGS PA DANG RJES SU MTHUN PA DANG, CHOS KYI 'KHOR LO BSTAN PA DAG LAS NI DGE SLONG LNGA PO DAG GI CHED DU GSUNGS PA YIN NO ZHES STON TE, ,DGE SLONG LNGA PO YANG 'DUL BA DUM BU BZHI PA LAS NI, KUN SHES KOOndI N+YA DANG, AA SHI BA PHYI DANG, MA H'A NAM DANG, BHA DE DANG, BHA BU RNAMS SO ZHES BSHAD DO, ,'DUL BA DUM BU LNGA PA LAS NI KUN SHES KOOndI N+YA DANG, BHA DE DANG, SA PHA DANG, AAN [?] PHYI DANG, MA H'A NAM ZHES 'BYUNG NGO, ,BSTAN BCOS RNAL 'BYOR SPYOD PA'I SA LAS NI, KUN SHES KOOndI N+YA'I CHED DU GSUNGS PA YIN PAR BSHAD LA, MDO 'DI LAS NI NYAN THOS KYI THEG PA PA THAMS CAD KYI CHED DU GSUNGS PA YIN PAR BSTAN TO, ,DE LA BDEN PA BZHI'I RNAM PA BSTAN PAS YANG DAG PA'I CHOS KYI 'KHOR LO BSKOR BA YANG ZHES BYA BA NI CHOS KYI 'KHOR LO NYID YANG DAG PAR STON TO, ,RNAM PA'I MTSAN NYID BCU GNYIS LAN GSUM YANG DAG PAR BSKOR BA STE, CHOS KYI 'KHOR LO BSTAN PA'I MDO LAS JI SKAD GSUNGS PA LTA BU'O, ,CHOS KYI 'KHOR LO DE YANG MDOR BSDU NA SGO RNAM PA BZHIR RNAM PAR PHYE NAS BSTAN PAR BYA STE, NGES TSIG YANG DAG PAR BSTAN PA DANG, NGO BO NYID BSTAN PA DANG, DRIS LAN DAG GIS RNAM PAR DBYE BA DANG, RNAM PA'I MTSAN NYID BCU GNYIS YANG DAG PAR BSHAD PA'O, ,DE LA NGES TSIG YANG DAG PAR BSTAN PA NI MDO DAG LAS @58A *, ,JI SKAD DU, BCOM LDAN 'DAS KYIS CHOS KYI 'KHOR LO BSKOR BA ZHES GSUNGS PA LTA BU STE, BSTAN BCOS BYE BRAG TU BSHAD PA CHEN PO LAS CI'I PHYIR 'KHOR LO ZHES BYA ZHE NA, CHOS LA MNGON PAR GRUB CING, CHOS KYI NGO BO NYID BYED PA'I PHYIR CHOS KYI 'KHOR LO ZHES BYA'O, , JI LTAR 'JIG RTEN PA'I 'KHOR LO GSER LA SOGS PA LAS MNGON PAR GRUB CING GSER LA SOGS PA NGO BO NYID BYED PAS GSER LA SOGS PA'I 'KHOR LO ZHES BRJOD PA BZHIN DU 'DI YANG DE BZHIN NO, ,KHA CIG NI 'KHOR LO 'DIS 'PHAGS PA'I SHES RAB KYI CHOS KYI MIG RNAM PAR DAG PAR BYED PA'I PHYIR CHOS KYI 'KHOR LO ZHES BYA'O ZHES ZER RO, ,KHA CIG NI 'KHOR LO 'DIS 'KHOR LO MA YIN PA'I GNYEN POR GYUR PA'I PHYIR CHOS KYI 'KHOR LO ZHES BYA'O, ,'KHOR LO MA YIN PA NI 'DI LTA STE, RDZOGS BYED LA SOGS PA STON PA DRUG GI LOG PA'I YAN LAG BRGYAD PA'I 'KHOR LO BSKOR BA GANG YIN PA'O ZHE'O, ,CI'I PHYIR 'KHOR LO ZHES BYA, 'KHOR LO ZHES BYA BA'I DON CI YIN ZHE NA, SMRAS PA, G-YO ZHING MI GNAS PA GANG YIN PA DE NI 'KHOR LO'I DON TO, ,'DI SPANGS NAS DER 'GRO BA GANG YIN PA DE NI 'KHOR LO'I DON TO, ,PHYIR RGOL BA 'JOMS PAR BYED PA GANG YIN PA DE NI 'KHOR LO'I DON TO, ,'DI LTA BU LA SOGS PA'I DON NYID KYI PHYIR 'KHOR LO ZHES BYA'O, ,DE LA G-YO ZHING MI GNAS PA ZHES BYA BA LA, MTHONG BA'I LAM NI MYUR BA'I LAM DANG DUS KYI SEMS MI 'BYUNG BA'I LAM YIN TE, G-YO ZHING MI GNAS PA'I NANG NA MCHOG TU RJES SU MTHUN PAR GYUR PA'I PHYIR RO, ,'DI SPANGS NAS DER 'GRO BA ZHES BYA BA NI MTHONG BA'I LAM LAS SDUG BSNGAL GYI MNGON PAR RTOGS PA SPANGS NAS KUN 'BYUNG BA'I MNGON PAR RTOGS PAR 'GRO BA DANG DE BZHIN DU 'GOG PA'I MNGON PAR RTOGS PA SPANGS NAS LAM GYI MNGON PAR RTOGS PA'I BAR DU 'GRO BA'I PHYIR RO, ,PHYIR RGOL BA 'JOMS PAR BYED PA'I DON NI JI LTAR 'KHOR LOS SGYUR BA'I RGYAL PO LA YOD PA'I 'KHOR LO RIN PO CHES GLING BZHI'I PHYIR RGOL BA RNAMS 'JOMS PAR BYED PA DE BZHIN DU RNAL 'BYOR PA RNAMS KYI MTHONG BA'I LAM KYI 'KHOR LOS KYANG BDEN PA BZHIS SPONG BAR BYA BA'I NYON MONGS PA RNAMS 'JOMS PAR BYED PA'I PHYIR CHOS KYI 'KHOR @58B LO ZHES BYA'O ZHES 'BYUNG NGO, ,DE LA BSKOR BA ZHES BYA BA NI G-YO BAR BYED PA'I DON TE, GZHAN GYI RGYUD LA 'PHAGS PA'I LAM SLONG BAR BYED PA'I PHYIR BSKOR BA ZHES BYA STE, DE'I PHYIR BSTAN BCOS BYE BRAG TU BSHAD PA CHEN PO LAS, GAL TE DE'I RGYUD LA 'PHAGS PA'I LAM SKYE BAR GYUR PA DE NYID LA CHOS KYI 'KHOR LO BSKOR BA ZHES BYA BA ZHIG YIN NA, CI'I PHYIR SANGS RGYAS KYIS CHOS KYI 'KHOR LO BSKOR ZHES BSHAD CE NA, SMRAS PA, BSKOR BAR NUS PA'I RGYU'I DBANG DU MDZAD NAS, DE'I PHYIR DE SKAD BSHAD DE 'DI LTAR DE'I RGYUD LA 'PHAGS PA'I LAM YOD KYANG, BCOM LDAN 'DAS KYIS GAL TE TSIG GIS BSTAN CING BSKOR BAR MA GYUR NA, DE'I 'PHAGS PA'I LAM SKYE BA'I RGYU MED PAR 'GYUR TE, DE'I 'PHAGS PA'I LAM SKYE BA NI SANGS RGYAS KYI MTHU YIN PAS DE'I PHYIR SANGS RGYAS KYIS DANG POR CHOS KYI 'KHOR LO BSKOR TO ZHES BSHAD PA YIN NO ZHES 'BYUNG STE, THAMS CAD YOD PAR SMRA BA'I GZHUNG GIS 'DOD PA'I DON YANG GONG DU BSTAN PA YIN NO, ,MDO SDE PAS 'DOD PA DANG SBYAR NA NI DON RNAM PA GNYIS YOD DE, 'PHAGS PA'I BSTAN PA DANG 'PHAGS PA'I LAM MO, ,'PHAGS PA'I BSTAN PA 'DI'I DBANG GIS PHA ROL GYI RGYUD LA GNAS PA'I PHYIR BSKOR BA ZHES BYA BA STE, DE'I PHYIR MDZOD KYI BSTAN BCOS LAS, CHOS KYI RNAM GRANGS DE NYID LA CHOS KYI 'KHOR LO ZHES BYA'O ZHES BSTAN PA NI YANG DAG PA'I RIGS PA YIN NO, ,JI LTAR NA BSKOR BA YIN ZHE NA, CHOS KYI RNAM GRANGS DE NYID GZHAN GYI RGYUD LA DON GO BAR BYED PA'I PHYIR DANG, YANG NA 'PHAGS PA'I LAM RNAMS NI CHOS KYI 'KHOR LO YIN TE, GDUL BA'I RGYUD LA 'JUG PA'I PHYIR RO, ,DE NI GZHAN GYI RGYUD LA MTHONG BA'I LAM SKYE BA NA BSKOR BAR RTZOM PAS DE'I PHYIR BSKOR BA ZHES BYA'O ZHES 'BYUNG NGO, ,THEG PA CHEN PO'I GZHUNG GIS DON RNAM PA GNYIS SU BSTAN PA NI, BSTAN BCOS RNAL 'BYOR SPYOD PA'I SA LAS JI SKAD BSTAN PA BZHIN DU RIG PAR BYA STE, PHYIS 'OG NAS RNAM PAR DBYE BAR BYA'O, ,DE LA NGO BO NYID BSTAN PA YANG SO SO NAS BSHAD PA MI MTHUN PAS THAMS CAD YOD PAR SMRA BA DAG NI MDZOD KYI BSTAN BCOS LA SOGS PA LAS BSTAN PA DANG SBYAR NA, 'PHAGS PA'I LAM GYI NGO BO NYID BYED DO ZHES BSHAD DE, DE'I PHYIR MDZOD KYI BSTAN @59A *, ,BCOS KYI TSIG LE'UR BYAS PA LAS, DGE SBYONG NGO BO NYID BSTAN PA, ,DE NYID BRAM ZE ZHES KYANG BYA, ,TSANGS PA'I 'KHOR LO ZHES KYANG BYA, ,YANG DAG TSANGS PAS BSKOR PHYIR RO, ,'DI NI MTHONG BA'I LAM DAG LA, ,CHOS KYI 'KHOR LO ZHES BSHAD DE, ,MYUR SOGS 'KHOR LO 'DRA BA DANG, ,RTZIBS LA SOGS DANG LDAN PHYIR RO, ,ZHES 'BYUNG STE, 'DI NYID KYI 'GREL PA LAS, 'DIR NI MTHONG BA'I LAM KHO NA LA CHOS KYI 'KHOR LO ZHES BSTAN TO ZHES 'BYUNG BAS, MTHONG BA'I LAM YAN LAG BRGYAD PA'I NGO BO NYID YIN PAR MNGON NO, ,BSTAN BCOS SEMS SNA TSOGS BSTAN PA LAS KYANG MDZOD KYI BSTAN BCOS LAS 'BYUNG BA DANG MTHUN PAR BSHAD DE, DE'I PHYIR DE NYID KYI TSIG LE'UR BYAS PA LAS, THUB PAS MTHONG BA'I LAM DAG LA, ,MYUR PHYIR 'KHOR LO ZHES GSUNGS SO, ,YANG NA SLOB PA'I YAN LAG BRGYAD, ,GZHAN GYI RGYUD LA 'JUG PAS SO, ,ZHES 'BYUNG STE, 'DI NYID KYI 'GREL PA LAS, TSIGS SU BCAD PA PHYED DANG POS NI THAMS CAD YOD PAR SMRA BA'I DON BSTAN TO, ,PHYED 'OG MAS NI BTZUN PA RAB DBYANGS KYIS RNAM PAR GZHAG PA'I GZHUNG GI DON BSTAN TO ZHES 'BYUNG STE, ZHIB TU DE NYID LAS BSTAN PA BZHIN NO, ,GZHAN YANG BSTAN BCOS BYE BRAG TU BSHAD PA CHEN PO LAS, CHOS KYI 'KHOR LO GANG ZHE NA, SMRAS PA, 'PHAGS PA'I LAM YAN LAG MTSUNGS PAR LDAN PA DANG BCAS PA PHUNG PO LNGA'I NGO BO NYID DO ZHES BYA BA DANG, GZHAN YANG DE NYID LAS MTHONG BA'I LAM KHO NA LA CHOS KYI 'KHOR LO ZHES BSTAN TO ZHES 'BYUNG STE, ZHIB TU DE NYID LAS BSTAN PA BZHIN NO, ,BYE BRAG TU SMRA BA DE DAG RNAM PA BCU GNYIS LAN GSUM DU BSKOR BA DE YANG GO RIMS BZHIN DU MTHONG BA'I LAM LA SOGS PA'I LAM GSUM DANG SBYAR BAS MTHONG BA'I LAM 'BA' ZHIG DANG SBYAR BA YANG MA YIN TE, DE'I PHYIR SLOB DPON DBYIG GNYEN GYIS RNAM PA BCU GNYIS LAN GSUM DU BSKOR BA LAS BRTZAMS NAS THAMS CAD YOD PAR SMRA BA DAG MTHONG BA'I LAM KHO NA LA CHOS KYI 'KHOR LO ZHES BSTAN PA RNAM PAR 'JOG PAS DE'I PHYIR MDZOD KYI BSTAN BCOS LAS, GZHAN YANG 'DI SKAD DU, RNAM PA GSUM DU BSKOR BA DE DAG GIS NI RIM BZHIN DU MTHONG @59B BA'I LAM DANG, BSGOM PA'I LAM DANG MI SLOB PA'I LAM RNAMS BSTAN TO ZHES BYE BRAG TU SMRA BA DAG DE SKAD DU ZER TE, 'DI NI THAMS CAD YOD PAR SMRA BA'I DON SMOS PA'O, ,GAL TE DE LTAR NA MTHONG BA'I LAM 'BA' ZHIG LA RNAM PA BCU GNYIS LAN GSUM BZLAS PA ZHES BYA BA YANG MA YIN NA JI LTAR NA MTHONG BA'I LAM 'BA' ZHIG LA CHOS KYI 'KHOR LO ZHES RNAM PAR GZHAG STE, DE BAS NA LAN GSUM BZLAS PA DANG, RNAM PA BCU GNYIS LA YOD PA'I CHOS KYI RNAM GRANGS DE NYID LA CHOS KYI 'KHOR LO ZHES BSHAD PA NI YANG DAG PA'I RIGS PA DANG MTHUN PA YIN NO ZHES BSHAD DE ZHIB TU DE NYID LAS BSTAN PA BZHIN NO, ,BSTAN BCOS YANG DAG PA'I RIGS PA DANG RJES SU MTHUN PA LAS NI THAMS CAD YOD PAR SMRA BA'I BYE BRAG TU SMRA BA DAG GI BSAM PA NI MDOR BSDU NA 'PHAGS PA'I LAM THAMS CAD LA CHOS KYI 'KHOR LO ZHES BYA'O ZHES ZER TE, 'DI LTAR LAN GSUM DU BZLAS BDAG NI LAM GSUM GYIS BSDUS PAR BSHAD PA'I PHYIR RO, ,GZHAN GYI RGYUD LA MTHONG BA'I LAM BSKYED PA NI DANG POR BSKOR BAR RTZOM PA YIN PA'I PHYIR BSKOR ZIN PA ZHES BYA STE, MTHONG BA'I LAM DE 'BA' ZHIG CHOS KYI 'KHOR LO'I DANG PO YIN PAS, DE'I PHYIR CHOS KYI 'KHOR LO NI MTHONG BA'I LAM KHO NA'O ZHES BSHAD PAS LHA LA SOGS PAS DANG PO LAS BRTZAMS NAS CHOS KYI 'KHOR LO BSKOR BA ZHES ZER GYI LAM GNYIS LA NI RTEN PAR MI BYED DO ZHES 'BYUNG NGO, ,DGE 'DUN PHAL CHEN PA'I SDE PA DAG NI CHOS KYI 'KHOR LO'I NGO BO NYID NI RANG BZHIN NO ZHES BSHAD DE, DE'I PHYIR BSTAN BCOS BYE BRAG TU BSHAD PA CHEN PO LAS, DE DAG NI 'DI SKAD DU SANGS RGYAS KYI GSUNG THAMS CAD NI CHOS KYI 'KHOR LO YIN NO ZHES ZER TE ZHES 'BYUNG BA YIN NO, ,MDO SDE PA DAG GI GZHUNG GIS NI MDZOD KYI BSTAN BCOS LAS BSHAD PA BZHIN DU NGO BO NYID NI RNAM PA GNYIS TE, BSTAN PA'I BDAG NYID DANG, 'PHAGS PA'I LAM THAMS CAD KYI BDAG NYID DO ZHES BSHAD DE, DE DAG GIS 'PHAGS PA'I GSUNG RAB KHUNGS SU BSTAN PA NI GZHAN NAS BSTAN PA BZHIN NO, ,SDE PA THA DAD PA'I GZHUNG LUGS KYI BSTAN BCOS LAS BSTAN PA DANG SBYAR NA, DGE 'DUN PHAL CHEN PA'I SDE PA DANG, LHAN CIG BRJOD PA'I @60A *, ,SDE PA DANG, 'JIG RTEN LAS 'DAS PAR SMRA BA'I SDE PA DANG, BYA MNGAL BA'I SDE PA RNAMS NI MTHUN PAR DE BZHIN GSHEGS PA'I GSUNG THAMS CAD NI CHOS KYI 'KHOR LO BSKOR BAR MDZAD DO ZHES ZER ZHES BSHAD DO, ,MANG DU THOS PA'I SDE PA DAG NI 'DI SKAD DU SANGS RGYAS KYI GSUNG RNAM PA LNGA NI 'JIG RTEN LAS 'DAS PA'I BSTAN PA YIN TE, MI RTAG PA DANG, SDUG BSNGAL BA DANG, STONG PA DANG, BDAG MED PA DANG, MYA NGAN LAS 'DAS PA NI ZHI BA'O ZHES GSUNGS PA'O, ,LNGA PO 'DI DAG GIS NGES PAR 'BYUNG BA'I LAM BSKYED PA'I PHYIR DE BZHIN GSHEGS PA'I GSUNG GZHAN DAG NI 'JIG RTEN PA'I BSTAN PA YIN NO ZHES BSHAD DE, GONG DU BSTAN PA DE DAG THAMS CAD KYANG 'PHAGS PA'I GSUNG RAB LA CHOS KYI 'KHOR LO'I NGO BO NYID DU BSTAN TO, ,'DIR THEG PA CHEN PO'I BSTAN PA DANG SBYAR NA, 'PHAGS PA'I LAM DANG, 'PHAGS PA'I BSTAN PA DE DAG LA CHOS KYI 'KHOR LO'I NGO BO NYID DU STON TE, DE'I PHYIR MDO 'DI NYID LAS CHOS KYI 'KHOR LO DANG PO GNYIS NI NGES PA'I DON MA YIN NO, ,CHOS KYI 'KHOR LO GSUM PA NI NGES PA'I DON GYI MDO YIN NO ZHES BSTAN TO, ,DGONGS PA ZAB MO RNAM PAR DGROL BA'I MDO LAS, GNYIS PA NI DRANG BA'I MDO YIN NO, , GSUM PA NI NGES PA'I DON KYI MDO YIN NO ZHES BSHAD DE, DANG PO LA DRANG BA'I DON GYI MDO ZHES MA BSTAN PA NI LO TZ'A BA DAG GIS MDOR BSDUS PA'I PHYIR RO, ,MDO SDE 'DI LA SOGS PA LAS BSTAN PA DAG DANG SBYAR NA THAMS CAD LAS KYANG 'PHAGS PA'I BSTAN PA LA CHOS KYI 'KHOR LO ZHES BSTAN TO; ,BSTAN BCOS RNAL 'BYOR SPYOD PA'I SA LAS NI BSTAN PA DANG SGRUB PA LA SPYIR STON TO, ,DE'I PHYIR DE NYID LAS YANG DAG PA'I LTA BA LA SOGS PA LAS MNGON PAR 'GRUB PA'I RANG BZHIN YIN PA'I PHYIR CHOS KYI 'KHOR LO ZHES BYA'O, ,'DI LTAR TSANGS PA ZHES BYA BA NI DE BZHIN GSHEGS PA DGRA BCOM PA'I TSIG BLA DAGS YIN TE, DES YONGS SU BSKOR BA'I PHYIR TSANGS PA'I 'KHOR LO ZHES BYA'O ZHES BSHAD DO, ,GZHAN YANG BSTAN BCOS RNAL 'BYOR SPYOD PA'I SA LAS MTSAN NYID RNAM PA LNGAS CHOS KYI 'KHOR LO BSKOR BAR STON PAS DE 'DIR BRJOD PAR BYA STE, DE'I PHYIR DE NYID LAS, @60B GZHAN YANG MTSAN NYID RNAM PA LNGAS CHOS KYI 'KHOR LO BSKOR BA NI CHOS KYI 'KHOR LO LEGS PAR BSKOR BA YIN PAR RIG PAR BYA STE, LNGA GANG ZHE NA, BCOM LDAN 'DAS BYANG CHUB SEMS DPAR GYUR PA NA GANG LA DMIGS NAS BRNYES PAR BYA BA BRNYES PA DANG, THABS GANG GIS BRNYES PA DANG, BRNYES PAR BYA BA GANG YIN PA DANG BRNYES PAR BYA BA DE YANG GZHAN GYI RGYUD LA NGES PA BSKYED PA DANG, NYID KYIS THUGS SU CHUD PA LA YID CHES PA BSKYED PA DANG GZHAN DAG KYANG GZHAN GYIS RTOGS PA LA YID CHES PA BSKYED PA'O, ,DE LA DMIGS PA NI 'PHAGS PA'I BDEN PA BZHI PO DAG GO ,DE LA THABS NI 'PHAGS PA'I BDEN PA BZHI PO DE DAG LAN GSUM DU BZLAS BA RNAM PA BCU GNYIS KYI YE SHES GANG YIN PA'O, ,DE LA DANG POR BZLAS PA NI 'DI LTA STE, SNGON GYI BYANG CHUB SEMS DPA' MNGON PAR RTOGS PAR GYUR BA NA YANG DAG PA JI LTA BA BZHIN DU 'DI NI SDUG BSNGAL 'PHAGS PA'I BDEN PA YIN NO ZHES BYA BA NAS 'DI NI LAM 'PHAGS PA'I BDEN PA YIN NO ZHES BYA BA'I BAR DU STE, DES NA MNGON SUM GYI 'PHAGS PA'I YE SHES YOD PA GANG GIS MTHONG BAS SPANG BAR BYA BA'I NYON MONGS PA RNAMS SPANGS PA GANG YIN PA DE LA DE'I TSE, 'PHAGS PA'I SHES RAB KYI MIG SKYES PA ZHES BYA STE, DE YANG 'DAS PA DANG NGA LTAR DANG MA 'ONGS PA'I BYE BRAG GI PHYIR GO RIMS BZHIN DU MIG DANG RIG PA DANG BLO ZHES BYA'O, ,DE LA BZLAS PA GNYIS PA NI 'DI LTA STE, SLOB PA DANG BCAS PA'I SHES RAB GYA [?] NOM PAS YANG DAG PA JI LTA BA BZHIN DU BDAG GIS YONGS SU MA SHES PA YONGS SU SHES PAR BYA BA SDUG BSNGAL GYI BDEN PA DANG, GTAN DU SPANG BAR BYA BA MA SPANGS PA KUN 'BYUNG BA'I BDEN PA DANG, MNGON DU BYA BA MNGON SUM DU MA BYAS PA 'GOG PA'I BDEN PA DANG, BSGOM PAR BYA BA MA BSGOMS PA LAM GYI BDEN PA YOD DO SNYAM DU RTOGS PA STE, SNGA MA BZHIN DU RNAM PA BZHIR RIG PAR BYA'O, ,DE LA BZLAS PA GSUM NI 'DI LTA STE, MI SLOB PAS ZAD PA SHES PA DANG, MI SKYE BA SHES PA BRNYES PA'I PHYIR BDAG GIS BYA BA BYAS ZIN TO SNYAM PA STE, SNGA MA BZHIN DU RNAM PA BZHIR RIG PAR BYA'O, ,DE LA KHYAD PAR YOD PA YANG RNAM PA BZHI BZLAS PA SNGA MA GNYIS @61A *, ,NI SLOB PA'I YANG DAG PA'I 'PHAGS PA'I SHES RAB KYI MIG GO ,BZLAS PA PHYI MA GCIG NI MI SLOB PA'I YANG DAG PA'I 'PHAGS PA'I SHES RAB KYI MIG GO ,DE LA BRNYES PAR BYA BA BRNYES BA NI BLA NA MED PA YANG DAG PAR RDZOGS PA'I BYANG CHUB YIN PAR RIG PAR BYA'O, ,GZHAN GYI RGYUD LA NGES PA BSKYED PA DANG NYID KYIS THUGS SU CHUD PA LA YID CHES PA BSKYED PA NI 'DI LTA STE, TSE DANG LDAN PA KUN SHES KOOndI N+YAS BCOM LDAN 'DAS LAS CHOS YANG DAG PA THOS NAS THOG MAR 'PHAGS PA'I BDEN PA BZHI'I CHOS KUN SHES PAR GYUR TE, DRIS NA YANG BDAG GIS KUN 'TSAL TO ZHES SMRAS PA DANG, DE'I 'OG TU YANG SNGA MA BZHIN DU MTHAR THUG PA'I RNAM PA DAG GI LNGA CHAR GYIS DGRA BCOM PA NYID THOB STE, RNAM PAR GROL BA'I YE SHES KYANG BSKYED PA LTA BU'O, ,DE LA GZHAN DAG KYANG GZHAN GYIS RTOGS PA LA YID CHES PA BSKYED PA NI 'DI LTA STE, JI LTAR TSE DANG LDAN PA KUN SHES KOOndI N+YAS BDAG GIS CHOS KUN SHES SO ZHES KOOndI N+YA'I 'JIG RTEN PA'I SEMS BSKYED PA YANG RIG LA, KUN SHES KOOndI N+YAS CHOS KUN SHES PAR GYUR TO SNYAM DU DE BZHIN GSHEGS PA'I 'JIG RTEN PA'I DGONGS PA YANG RIG NAS SA LA GNAS PA'I GNOD SPYIN RNAMS KYIS SGRA BRJOD NAS SKAD CIG YUD TZAM THANG CIG DE NYID LA TSANGS PA'I 'JIG RTEN GYI BAR DU SGRA GRAG PAR GYUR TE, BCOM LDAN 'DAS KYIS KUN SHES KOOndI N+YA'I RGYUD LA KUN SHES PA'I CHOS NYID MTHUN PAR BSKOR LA, DE YANG GZHAN DAG LA MTHUN PAR BSKOR BAR GYUR PA DANG DE DAG KYANG GZHAN DAG LA MTHUN PAR BSKOR BAR GYUR PA LTA BU STE, DE BAS NA GCIG NAS GCIG TU BRGYUD DE MTHUN BAR BSKOR BA'I DON GYI PHYIR 'KHOR LO ZHES BYA'O, ,YANG DAG PA'I LTA BA LA SOGS PA'I RANG BZHIN LAS MNGON PAR GRUB PA'I PHYIR CHOS KYI 'KHOR LO ZHES BYA'O, ,'DI LTAR TSANGS PA ZHES BYA BA DGRA BCOM PA'I TSIG BLA DAGS YIN TE, NGES BSKOR BA'I PHYIR TSANGS PA'I 'KHOR LO ZHES BYA'O ZHES 'BYUNG STE, DES NA RNAL 'BYOR SPYOD PA'I SA LAS, MTSAN NYID RNAM PA LNGA'I DON GYIS MDO SDE LAS GSUNGS PA'I DON GYI DGONGS PA BSTAN PA YIN PAR RIG PAR BYA'O, ,DE LA GSUM PA DRIS LAN DAG GIS RNAM PAR DBYE BA YANG DRIS @61B PA THAMS CAD YOD PAR SMRA BA DAG LA BRTEN NAS MTHONG BA'I LAM KHO NA LA CHOS KYI 'KHOR LO ZHES BSTAN PA YIN NAM, SMRAS PA, MTHONG BA'I LAM NI MYUR BA'I LAM DANG DUS KYI SEMS MI 'BYUNG BA'I LAM YIN PAS G-YO ZHING MI GNAS PA'I NANG NA MCHOG TU RJES SU MTHUN PAR GYUR PA'I PHYIR DE GCIG PU LA CHOS KYI 'KHOR LO ZHES BYA STE, 'DI LTAR SEMS KYI SKAD CIG MA BCU DRUG PO DAG SO SO NAS SKAD CIG MA RE RE YIN PA'I PHYIR NI MYUR BA ZHES BYA'O, ,SEMS CAN GZHAN GYI BAR DU MCHOD PA'I PHYIR NI DUS KYI SEMS MI 'BYUNG BA ZHES BYA STE, BSTAN BCOS SEMS SNA TSOGS BSTAN PA DANG, MDZOD KYI BSTAN BCOS DANG, YANG DAG PA'I RIGS PA DANG RJES SU MTHUN PA LAS KYANG PHAL CHER 'DI DANG MTHUN PAR DE SKAD DU STON TO, ,KHA CIG NA RE MTHONG BA'I LAM NI RTZIBS DANG MU KHYUD DANG, LTE BA'I CHOS LTA BU YIN PA'I PHYIR 'KHOR LO ZHES BSHAD DE, JI LTAR SHING RTA'I 'KHOR LO LTE BA DBUS SU GNAS PAS RTZIBS LTE BA LA BRTEN PA DANG MU KHYUD KYIS LTE BA BSDUS PA DE BZHIN DU MTHONG BA'I LAM LAS SDUG BSNGAL DANG, KUN 'BYUNG BA'I BZOD PA DANG SHES PA NI RTZIBS LTA BU'O, ,'GOG PA'I BZOD PA DANG 'GOG PA'I SHES PA NI LTE BA LTA BU'O, ,LAM GYI BZOD PA DANG LAM GYI SHES PA NI MU KHYUD LTA BU YIN TE; LAM THAMS CAD LA DMIGS PA'I PHYIR RO, ,KHA CIG NA RE YANG DAG PA'I LTA BA DANG, YANG DAG PA'I RTOG PA DANG, YANG DAG PA'I RTZOL BA NI RTZIBS LTA BU YIN NO, ,YANG DAG PA'I NGAG DANG, YANG DAG PA'I LAS KYI MTHA' DANG, YANG DAG PA'I 'TSO BA NI LTE BA LTA BU YIN NO, ,YANG DAG PA'I DRAN PA DANG, YANG DAG PA'I TING NGE 'DZIN NI MU KHYUD LTA BU YIN NO ZHES ZER TE, RGYA CHER NI BSTAN BCOS BYE BRAG TU BSHAD PA CHEN PO LAS RNAM GRANGS DRUG GI BSHAD PA LAS 'BYUNG BA BZHIN DU RIG PAR BYA'O, ,GAL TE MTHONG BA'I LAM KHO NA LA CHOS KYI 'KHOR LO ZHES BYA NA, CI'I PHYIR RNAM PA BCU GNYIS GYI YE SHES LAN GSUM DU BSKOR BA LA YANG CHOS KYI 'KHOR LO ZHES BSTAN CE NA, SMRAS PA, MDZOD KYI BSTAN BCOS LA SOGS PA LAS NI RGOL BA 'DI'I LAN BSTAN PA MED DO, ,BSTAN BCOS YANG DAG PA'I RIGS PA DANG RJES SU MTHUN PA LAS RGOL BA 'DI'I LAN STON TE, GONG DU NGO BO NYID BSTAN @62A *, ,PA'I SKABS SU BSHAD PA BZHIN NO, ,GAL TE 'PHAGS PA'I LAM LA CHOS KYI 'KHOR LO ZHES BYA BA NI BYANG CHUB KYI SHING DRUNG DU CHOS KYI 'KHOR LO BSKOR BA YIN NA CI'I PHYIR YUL B'A R'A nA S'IR BYON PA LA CHOS KYI 'KHOR LO BSKOR BA ZHES BSTAN CE NA, SMRAS PA, CHOS KYI 'KHOR LO BSKOR BA NI RNAM PA GNYIS TE, RANG GI RGYUD LA BSKOR BA DANG, GZHAN GYI RGYUD LA BSKOR BA'O, ,BYANG CHUB KYI SHING DRUNG NI RANG LA BSKOR BA'I CHOS KYI 'KHOR LO'O, ,YUL B'A R'A nA S'IR NI GZHAN LA BSKOR BA STE, 'DI LTAR DE BZHIN GSHEGS PAS GZHAN LA PHAN GDAGS PA GANG YIN PA DE NI YANG DAG PA'I DNGOS POR MDZAD PA'I GZHAN LA PHAN 'DOGS PA LAS DGONGS NAS CHOS KYI 'KHOR LO DANG PO ZHES GSUNGS PA YIN TE, RGYA CHER NI THAMS CAD YOD PAR SMRA BA DE DAG GIS BSTAN PA LAS 'BYUNG BA BZHIN NO, ,DGE 'DUN PHAL CHEN PA'I SDE PA DAG SANGS RGYAS KYI GSUNG THAMS CAD NI CHOS KYI 'KHOR LO YIN NO ZHES BSTAN PA DANG SBYAR NA BYANG CHUB KYI SHING DRUNG DU TSONG PA LA CHOS BSTAN NAS DE NYID LA CHOS KYI 'KHOR LO ZHES BYA BA'I RIGS NA, CI'I PHYIR YUL B'A R'A nA S'IR CHOS KYI 'KHOR LO BSKOR BA LA CHOS KYI 'KHOR LO ZHES BYA ZHE NA, SMRAS PA, BSTAN BCOS BYE BRAG TU BSHAD PA CHEN PO LAS RGOL BA 'DI'I LAN BSTAN PA MED KYANG, SDE PA THA DAD PA'I LTA BA BSTAN PA GZHUNG LUGS KYI 'KHOR LO'I BSTAN BCOS DE LAS SANGS RGYAS KYI GSUNG THAMS CAD NI CHOS KYI 'KHOR LO BSKOR BAR MDZAD DO ZHES BSHAD PA'I PHYIR TSOD PA LA BSTAN PA YANG CHOS KYI 'KHOR LO YIN PAR RIG PAR BYA'O, ,'DIR RI DAGS BYIN PA'I TSAL DU BSKOR BA LA CHOS KYI 'KHOR LO ZHES BSTAN PA NI RNAM PA MTSAN NYID BCU GNYIS LAN GSUM DU BSKOR BA'I DBANG DU MDZAD PA'I PHYIR DE SKAD DU GSUNGS PA YIN NO, ,MDO SDE PA DANG, THEG PA CHEN PO DAG GIS 'PHAGS PA'I LAM THAMS CAD DANG RNAM PA BCU GNYIS LAN GSUM DU BZLAS PA LA CHOS KYI 'KHOR LO ZHES BSTAN NA, CI'I PHYIR BYANG CHUB KYI SHING DRUNG DU BCOM LDAN 'DAS KYIS CHOS KYI 'KHOR LO BSKOR TO ZHES SBYIR STON PAS RI DAGS KYI TSAL DU CHOS KYI 'KHOR LO BSKOR ZHES BSTAN, GAL TE BSTAN PA THAMS CAD LA CHOS KYI 'KHOR LO @62B ZHES BYA NA NI, CI'I PHYIR YUL B'A R'A nA S'IR MTHONG BA'I LAM SKYES PA LA BSKOR BA ZHES GSUNGS SHE NA RGOL BA'I LAN NI, MDZOD KYI BSTAN BCOS LAS JI SKAD DU RNAM PA BCU GNYIS KYI CHOS KYI RNAM GRANGS JI SNYED YOD PA DAG NI CHOS KYI 'KHOR LO ZHES BYA STE, CHOS KYI RNAM GRANGS DE GZHAN GYI RGYUD LA 'GRO ZHING DON KHONG DU CHUD PAR GYUR PA'I PHYIR RO, ,YANG NA 'PHAGS PA'I LAM RNAMS NI CHOS KYI 'KHOR LO ZHES BYA STE, 'DUL BA'I RGYUD LA 'JUG PA'I PHYIR RO, ,GZHAN GYI RGYUD LA MTHONG BA'I LAM SKYE BA NA DANG POR BSKOR BAR RTZOM PA'I PHYIR BSKOR BA ZHES BSTAN PA LTA BU'O, ,MDO SDE PA DAG BSTAN PA RNAMS DANG, LAM RNAMS NI CHOS KYI 'KHOR LO ZHES BYA'O ZHES BSTAN PA YANG DANG POR BSKOR BA LAS BRTZAMS PA'I PHYIR BSKOR ZIN PA ZHES BSTAN GYI, LAM GZHAN DANG BSTAN PA GZHAN DAG CHOS KYI 'KHOR LO MA YIN PA'I PHYIR ZIN PA ZHES BSHAD PA NI MA YIN NO, ,THEG PA CHEN PO'I GZHUNG GIS GONG DU BSTAN PA LTAR BSHAD NA YANG RIGS PA DANG 'GAL BA MED DO, ,DE LA BZHI PA RNAM PA'I MTSAN NYID RNAM PA BCU GNYIS RNAM PAR BSHAD PA NI RNAM PA BCU GNYIS LAN GSUM DU BSKOR BA YANG SO SO'I GZHUNG GIS MTHUN PAS THAMS CAD YOD PAR SMRA BA'I GZHUNG NI BSTAN BCOS BYE BRAG TU BSHAD PA CHEN PO LAS SLOB DPON GSUM GYIS BSHAD PA LAS 'BYUNG BA LTA BU YIN TE, DE'I PHYIR DE NYID LAS MDO LAS JI SKAD DU, BCOM LDAN 'DAS KYIS BKA' STZAL PA, DGE SLONG DAG SDUG BSNGAL 'PHAGS PA'I BDEN PA 'DI NI BDAG GIS SNGON MA THOS PAS CHOS 'DI TSUL BZHIN DU YID LA BYAS NA, DES MIG DANG SHES PA DANG RIG PA DANG BLO SKYE BAR 'GYUR RO ZHES SDUG BSNGAL 'PHAGS PA'I BDEN PA 'DI SHES RAB KYIS YONGS SU SHES PAR BYA'O, ,BDAG GIS SNGON MA THOS PAS ZHES BYA BA NAS SDUG BSNGAL 'PHAGS PA'I BDEN PA 'DI SHES RAB KYIS YONGS SU SHES PAR GYUR TO ZHES BYA BA'I BAR DU RGYA CHER BSHAD PAR BYA'O, ,BDAG GIS SNGON MA THOS PAS ZHES BYA BA NAS KUN 'BYUNG BA DANG 'GOG PA DANG, LAM GYI BDEN PA'I BAR DU RGYA CHER BSHAD PAR BYA BA YANG DE BZHIN NO ZHES GSUNGS PA LTA BU STE, DE LA SDUG BSNGAL 'PHAGS PA'I BDEN PA 'DI BDAG GIS SNGON MA THOS PAS ZHES BYA BA @63A *, ,LA SOGS PAS NI MI SHES PA KUN SHES PA'I DBANG PO BSTAN TE, ,SDUG BSNGAL 'PHAGS PA'I BDEN PA 'DI SHES RAB KYIS YONGS SU SHES PAR BYA'O ZHES BYA BA LA SOGS PAS NI KUN SHES PA'I DBANG PO BSTAN TO, ,SDUG BSNGAL 'PHAGS PA'I BDEN PA 'DI SHES RAB KYIS YONGS SU SHES PAR GYUR TO ZHES BYA BA LA SOGS BAS NI KUN SHES BA DANG LDAN PA'I DBANG PO BSTAN TE, KUN 'BYUNG BA DANG 'GOG PA DANG LAM GYI BDEN BA LA SO SO NAS DBANG PO GSUM BO DAG RAB TU BSTAN PA DE YANG DE BZHIN DU RIG PAR BYA'O, ,BTZUN PA CHOS SKYONG NI 'DI DAG GIS MDO 'DI BSAMS PA DANG, LUS KYI BA SPU LANGS TE 'DI LTAR BCOM LDAN 'DAS KYI BKA' NI GDON MI ZA BAR DON DANG MI 'GAL BAS NGES PAR GO RIMS YOD PA YIN NA, MDO 'DI NI GO RIMS LAS BZLOG NAS KUN SHES PA DANG LDAN PA'I DBANG PO DANG, GZHAN YANG MI SHES PA KUN SHES PA'I DBANG PO BSTAN PA'I PHYIR SANGS RGYAS DANG RANG SANGS RGYAS DANG NYAN THOS RNAMS LA NI 'DI LTA BU'I RNAL 'BYOR BSGOM PA'I GO RIMS YOD PA MA YIN NA, KUN SHES PA DANG LDAN PA'I DBANG PO'I 'OG TU CI'I PHYIR YANG GANG ZAG PA MED PA'I DBANG PO DANG PO 'BYUNG BAR 'GYUR, MDO 'DI SPANG BAR BYA BA 'AM SNYAM NA NI GDON MI ZA BAR RIGS PA DANG 'GAL BAR 'GYUR TE, BCOM LDAN 'DAS KYIS DANG POR GSUNGS PA YIN PA'I PHYIR DANG DGE SLONG LNGA PO GTZO BOR GYUR PA DANG, LHA'I BU BRGYAD KHRI PO DAG BSTAN PA 'DI THOS NAS THAMS CAD KYIS CHOS RTOGS PA'I PHYIR RO, ,GAL TE SPANG BAR MI BYA 'AM SNYAM NA NI GO RIMS DANG 'GAL BAS DE'I PHYIR MDO 'DI BSAMS PA DANG LUS KYI BA SPU LANGS PAR GYUR TO ZHES ZER RO, ,BTZUN PA DE DE SKAD DU ZER MOD KYI, 'ON KYANG MDO SDE SPONG BAR MI BYED KYI TSIG LTAG 'OG SPONG BA TZAM DU ZAD DE, DE 'DI SNYAM DU MDO 'DI NI 'DI SKAD DU GSUNG PA'I RIGS TE, SDUG BSNGAL 'PHAGS PA'I BDEN PA 'DI NI BDAG GIS SNGON MA THOS PAS ZHES BYA BA NAS RGYA CHER BSHAD PA'I BAR DU'O, ,KUN 'BYUNG BA DANG 'GOG PA DANG LAM GYI BDEN PA RGYA CHER BSHAD PA YANG DE BZHIN NO, ,SDUG BSNGAL 'PHAGS PA'I BDEN PA 'DI NI SHES RAB KYIS YONGS SU SHES PAR BYA'O, KUN @63B 'BYUNG BA 'PHAGS PA'I BDEN PA 'DI NI SHES RAB KYIS GTAN DU SPANG BAR BYA'O, ,'GOG PA 'PHAGS PA'I BDEN PA 'DI NI SHES RAB KYIS MNGAN DU BYA'O, ,LAM 'PHAGS PA'I BDEN PA 'DI NI SHES RAB KYIS BSGOM PAR BYA STE, SNGON MA THOS PAS ZHES BYA BA LA SOGS PA NI SNGA MA BZHIN NO, ,SDUG BSNGAL 'PHAGS PA'I BDEN PA 'DI NI SHES RAB KYIS YONGS SU SHES PAR GYUR TO, ,KUN 'BYUNG 'PHAGS PA'I BDEN PA 'DI NI SHES RAB KYIS GTAN DU SPANGS SO, ,'GOG PA 'PHAGS PA'I BDEN PA 'DI NI SHES RAB KYIS MNGON DU BYAS SO, ,LAM 'PHAGS PA'I BDEN PA 'DI NI SHES RAB KYIS BSGOMS SO; ;SNGON MA THOS PAS ZHES BYA BA LA SOGS PA NI SNGA MA BZHIN TE, GAL TE DE SKAD DU BSTAN NA NI GO RIMS KYANG STON PAR MI 'GYUR LA RNAL 'BYOR DANG RJES SU MTHUN PAS MDO LAS GSUNGS PA LTA BU NI MA YIN NO SNYAM DU SEMS SO, ,CHOS MNGON PA'I SLOB DPON RNAMS NI 'DI SKAD DU MDO'I TSIG 'DI BAB CHOL DU LTAG 'OG BSNOR BAR MI BYA STE, SNGON GYI BSTAN BCOS MDZAD PA'I SLOB DPON CHEN PO DBANG PO RNO BA MANG DU THOS PA BTZUN PA CHOS SKYOD BAS LHAG PA RNAMS KYIS KYANG, MDO'I TSIG 'DI LHAG 'OG SPONG BA'I THUGS MA THUB NA 'DIR BTZUN PA CHOS SKYONG GIS BSNOR BA'I THUGS MI THUB PA CI SMOS TE, MDO SDE'I DGONGS PA YONGS SU BTZAL BA TZAM DU MDZAD DO ZHES 'BYUNG STE, 'DI LTAR CHOS 'CHAD PA DAG NI GO RIMS RNAM PA GNYIS LA BRTEN TE, DANG PO NI CHOS 'CHAD PA'I RJES SU MTHUN PA'I GO RIMS TE MDO 'DI NYID LAS GSUNGS PA LTA BU'O, ,GNYIS PA NI MNGON PAR RTOGS BA'I RJES SU MTHUN PA'I GO RIMS TE BTZUN PA RTZIBS KYIS JI SKAD DU, MDO 'DI NI ZAG PA MED PA'I DBANG PO RNAM PA GSUM STON PA MA YIN GYI, BYANG CHUB KYI SHING DRUNG DU 'DOD PA'I KHAMS KYI THOS PA DANG BSAMS PA LAS BYUNG BA'I SHES RAB KYI STOBS KYIS BSGOM PA'I BDEN PA BZHI BSTAN PA YIN NO ZHES BSHAD PA LTA BU'O, ,BCOM LDAN 'DAS KYIS GAL TE NGA NI RNAL 'BYOR 'DI'I DBANG GIS BLA NA MED PA YANG DAG PAR RDZOGS PA'I BYANG CHUB BRNYES PAR GYUR TE ZHES GSUNGS PA LTAR GYUR NA YANG, CI THOS PA DANG BSAMS PAS BLA NA MED PA'I BYANG CHUB RNYES PAR GYUR @64A *, ,BA'I DON YOD DAM ZHE NA, SMRAS PA, BYANG CHUB SEMS DPA' NI THOS PA DANG BSAMS PA'I SHES RAB KYI STOBS KYIS 'PHAGS PA'I BDEN PA BZHI BO THAMS CAD KYIS KUN DU GTI MUG PA ZIL GYIS GNON CING RAB TU SEL TE, DES NGES PAR BLA NA MED PA'I BYANG CHUB BRNYES PA'I PHYIR DES BYANG CHUB BRNYES ZHES GSUNGS PA YIN TE, DPER NA SKYES BU LA LA ZHIG SNGAR PAGS PA RLON PAS GDONG G-YOGS PA LAS PHYIS DE BOR NAS DAR LAS G-YOGS PA LAS DE'I SGRIB PA YANG ZHING BSRABS PA'I PHYIR, SGRIB BA MED BA ZHES ZER BA LTA BU YIN PAS DE'I PHYIR 'DI YANG ZAG PA MED PA'I DBANG PO GSUM BSTAN PA MA YIN TE, MDO LAS JI SKAD DU, BCOM LDAN 'DAS KYIS DGE SLONG RNAMS LA BKA' STZAL PA, NGA NI 'PHAGS PA'I BDEN PA BZHI RNAM PA BCU GNYIS LAN GSUM BZLAS PA'I DANG POS, MIG DANG SHES PA DANG RIG PA DANG, BLO SKYES SO ZHES GSUNGS PA LTA BU'O, ,'DI LAN BCU GNYIS SU BZLAS PA DANG RNAM PA'I MTSAN NYID KYANG BZHI BCU RTZA BRGYAD YOD PA'I RIGS NA, CI'I PHYIR LAN GSUM DU BZLAS PA DANG RNAM PA'I MTSAN NYID KYANG BCU GNYIS KHO NA ZHES GSUNGS, SMRAS PA, BDEN BA RE RE LA LAN GSUM DU BSKOR BA DANG, RNAM PA'I MTSAN NYID BCU GNYIS YOD PAR LTA MOD KYI, LAN GSUM DU BZLAS PA DANG RNAM PA YANG BCU GNYIS LAS GONG NA MED PA'I PHYIR DE SKAD DU GSUNGS TE, JI LTAR RGYUN TU ZHUGS PA DAG GI RE LTAR THOGS NA SRID PA LAN BDUN PA DANG MKHAS PA'I GNAS BDUN DANG, CHOS GNYIS LA SOGS PA LTA BU'O, ,DE LA MIG CES BYA BA NI 'DI LTA STE, CHOS SU BZOD PA'O, ,SHES PA NI 'DI LTA STE, CHOS SU SHES PA RNAMS SO, ,RIG PA NI 'DI LTA STE, RJES SU SHES PA'I BZOD PA'O, ,BLO NI 'DI LTA STE, RJES SU SHES PA RNAMS SO, ,GZHAN YANG MIG NI MTHONG BA'I DON TO, ,SHES PA NI RAB TU RNAM PAR 'BYED PA'I DON TO, ,RIG PA NI GSAL BAR RTOGS PA'I DON TO, ,BLO NI SAD PA DANG SO SOR BRTAGS PA'I DON TO, ,DE LA RNAM PA BCU GNYIS SU BSKOR BA NI BDEN PA BZHI PO RE RE LA YANG BZLAS PA GSUM GSUM @64B YOD PA'I PHYIR BZLAS PA RNAM PA BCU GNYIS SU 'GYUR RO, ,RNAM PA'I MTSAN NYID BZHI BCU RTZA BRGYAD NI JI LTAR SDUG BSNGAL GYI BDEN PA LA BZLAS PA GSUM YOD PAS BZLAS PA RE RE LA YANG MIG DANG, SHES BA DANG RIG PA DANG BLO SKYE BA YOD PA'I PHYIR RNAM PA BCU GNYIS SU MNGON PAR GRUB PA DE BZHIN DU BDEN PA LHAG MA RNAMS KYANG DE BZHIN TE, SPYIR BSDOMS NA RNAM PA'I MTSAN NYID BZHI BCU RTZA BRGYAD DU 'GYUR BAS SO, ,MKHAS PA'I GNAS BDUN DANG, CHOS GNYIS NI BSTAN BCOS BYE BRAG TU BSHAD PA CHEN PO LAS JI SKAD DU, MKHAS PA'I GNAS BDUN GANG ZHE NA, 'DI LTA STE, YANG DAG PA JI LTA BA BZHIN DU GZUGS SHES PA DANG, GZUGS 'DUS PA SHES PA DANG, GZUGS 'GOG PA'I 'GRO BA SHES PA DANG, GZUGS 'GOG PA'I RNAM PA SHES PA DANG, GZUGS KYI MNGON SHES PA DANG, GZUGS KYI NYES DMIGS SHES PA DANG, GZUGS KYI NGES PAR 'BYUNG BA SHES PA DANG, YANG DAG PA JI LTA BA BZHIN DU TSOR BA DANG, 'DU SHES DANG, 'DU BYED DANG, RNAM PAR SHES PA YANG DE BZHIN NO ZHES BSHAD PA LTA BU STE, RGYA CHER DE NYID LAS BSTAN PA BZHIN NO, ,GZHAN YANG DE NYID LAS, GAL TE DE LTA NA 'O NA NI MKHAS PA'I GNAS SUM CU RTZA LNGA 'AM, YANG NA MKHAS PA TSAD MED PA BSTAN PA'I RIGS NA CI'I PHYIR BDUN KHO NA BSTAN CE NA SMRAS PA PHUNG PO RE RE LA BRTAGS NA SO SO NAS BDUN KHO NA YOD DE GRANGS BDUN LAS LHAG PA MED PAS, DE'I PHYIR BDUN YOD PAR BSTAN PA STE, MDO GZHAN DAG LAS, JI SKAD DU RGYUN DU ZHUGS PA RNAMS NI RE LTAR THOGS NA SRID PA LAN BDUN PA ZHES GSUNGS LA, DE DAG KYANG 'GRO BA GNYIS DANG, SRID PA RNAM PA GNYIS PHYE STE BSTAN NA NYI SHU RTZA BRGYAD DU 'GYUR RO, ,'DI LTA STE, MI'I 'GRO BA'I SRID PA BDUN DANG, LHA'I 'GRO BA'I SRID PA BDUN DANG, MI'I BAR DO'I SRID PA BDUN DANG, LHA'I BAR DO'I SRID PA BDUN YOD KYANG, BDUN LAS GONG NA MED PA'I PHYIR BDUN MING DU BSTAN PA LTA BU'O, ,GZHAN YANG BAR MA DO GZHAN DAG LAS CHOS RNAM PA GNYIS TE, 'DI LTA STE, MIG GIS GZUGS NAS YID KYIS CHOS ZHES BYA BA'I BAR DU @65A *, ,GSUNGS PA LTA BU DANG, GZHAN YANG MDO GZHAN DAG LAS CHOS KYI 'KHOR LO LAN GSUM BZLAS PA LA RNAM PA BCU GNYIS YOD PAR GSUNGS PA LTA BU STE, DE DAG GNYIS DANG BCU GNYIS LAS GONG NA MED PA'I PHYIR GNYIS DANG, BCU GNYIS ZHES GSUNGS PA LTAR 'DI YANG DE BZHIN NO ZHES 'BYUNG STE, RGYA CHER DE NYID LAS BSHAD PA'I RNAM GRANGS RNAM PA GNYIS KYIS MIG DANG SHES PA DANG RIG PA DANG BLO RNAM PAR BSHAD PA LAS BSTAN PA BZHIN NO, ,DE YANG RNAM GRANGS DANG PO NI MTHONG BA'I LAM KHO NA LA BRTEN NAS SO, ,RNAM GRANGS PHYI MA NI LAM PHYI MA GNYIS LA BRTEN NAS SO, ,YANG NA DANG PO NI MTHONG BA'I LAM LA BRTEN NAS SO, ,PHYI MA NI LAM GSUM CHAR LA BRTEN NAS SO, ,'DIR MDO SDE PAS THAMS CAD YOD PAR SMRA BA DAG MTHONG BA'I LAM KHO NA LA BRTEN NAS CHOS KYI 'KHOR LO BSKOR BA ZHES BYA'O ZHES 'DOD PA RNAM PAR 'JIG PA DANG SBYAR NA NI, SPYIR 'PHAGS PA'I BSTAN PA DANG 'PHAGS PA'I LAM RNAMS LA LAN GSUM DU BZLAS PA DANG, RNAM PA BCU GNYIS ZHES BSTAN TE, DE'I PHYIR MDZOD KYI BSTAN BCOS LAS GAL TE LAN GSUM DU BZLAS PA DANG RNAM PA BCU GNYIS MTHONG BA'I LAM KHO NA MA YIN NA, JI LTAR MTHONG BA'I LAM KHO NA LA CHOS KYI 'KHOR LO ZHES RNAM PAR GZHAG STE, DE'I PHYIR LAN GSUM DU BZLAS PA DANG, RNAM PA BCU GNYIS PO DE NYID LA YOD PA'I CHOS KYI RNAM GRANGS DE NYID LA CHOS KYI 'KHOR LO ZHES ZER BA NI YANG DAG PA'I RIGS PA DANG MTHUN PA YIN NO, , JI LTAR NA LAN GSUM DU BZLAS PA YIN ZHE NA, LAN GSUM DU BZLAS PA'I PHYIR RO, ,JI LTAR NA RNAM PA BCU GNYIS PHUN SUM TSOGS PA YIN ZHE NA, 'PHAGS PA'I BDEN PA BZHI LA LAN GSUM DU BYA BA'I PHYIR TE, 'DI LTA STE, 'DI NI SDUG BSNGAL DANG KUN 'BYUNG BA DANG 'GOG PA DANG LAM MO ZHES BYA BA DANG, 'DI NI YONGS SU SHES PAR BYA BA DANG, GTAN DU SPANG BAR BYA BA DANG, MNGON DU BYA BA DANG, BSGOM PAR BYA'O ZHES BYA BA DANG, 'DI NI YONGS SU SHES PA DANG, GTAN DU SPANGS PA DANG, MNGON DU BYAS PA DANG, BSGOMS PA ZHES BYA BA NAS RGYA CHER @65B BSHAD PA'I BAR DU'O ZHES 'BYUNG STE, MDO SDE PA DAG GNAS SKABS LAS BRTZAMS NAS NI GSUM DU BSTAN TO, ,BDEN PA LAS BRTZAMS NAS NI BZHIR BSTAN TE, RNAM PA BCU GNYIS KYI MTSAN NYID NI THEG PA CHEN PO BDAG GI LTAR BSHAD PAR BYA'O, ,GAL TE DE LTAR NA SNGAR KHUNGS SU BSTAN PA'I MDO SDE JI LTAR GO ZHING BSHAD PAR BYA ZHE NA, SMRAS PA, MDO NI BSHAD PA'I GO RIMS LAS BRTZAMS NAS BSTAN PAS MIG DANG SHES PA DANG, RIG PA DANG BLO ZHES BYA BA BSTAN BCOS RNAL 'BYOR SPYOD PA'I SA LAS BSTAN PA DANG MTHUN PAR BSHAD NA YANG 'GAL BA MED DO, , 'DIR THEG PA CHEN PO DAG GI BSTAN PA DANG SBYAR NA YANG MDO SDE PAS 'DOD PA DANG MTHUN PAS DE'I PHYIR BSTAN BCOS CHOS KYI 'KHOR LO BSTAN PA LAS, GZHAN YANG BCOM LDAN 'DAS KYIS BZLAS PA RNAM PA DU DANG, RNAM PA'I MTSAN NYID DU CHOS KYI 'KHOR LO BSKOR BA DE'I DON 'DIR BSHAD PAR BYA STE, CHOS KYI 'KHOR LO NI BZLAS PA RNAM PA GSUM DANG, RNAM PA'I MTSAN NYID BCU GNYIS DANG LDAN TE 'DI NI SDUG BSNGAL 'PHAGS PA'I BDEN PA'O, ,'DI NI KUN 'BYUNG 'PHAGS PA'I BDEN PA'O, ,'DI NI 'GOG PA 'PHAGS PA'I BDEN PA'O, ,'DI NI LAM 'PHAGS PA'I BDEN PA'O ZHES BYA BA 'DI NI BZLAS PA DANG PO'O, ,'DI NI SDUG BSNGAL 'PHAGS PA'I BDEN PA STE YONGS SU SHES PAR BYA BA'O, ,'DI NI KUN 'BYUNG 'PHAGS PA'I BDEN PA STE, GTAN DU SPANG BAR BYA BA'O, ,'DI NI 'GOG PA 'PHAGS PA'I BDEN PA STE MNGON DU BYA BA'O, ,'DI NI LAM 'PHAGS PA'I BDEN PA SE BSGOM PAR BYA BA'O ZHES BYA BA 'DI NI BZLAS PA GNYIS PA'O, ,'DI NI SDUG BSNGAL 'PHAGS PA'I BDEN PA STE YONGS SU SHES SO, ,'DI NI KUN 'BYUNG 'PHAGS PA'I BDEN PA STE GTAN DU SPANGS SO, ,'DI NI 'GOG PA 'PHAGS PA'I BDEN PA STE MNGON DU BYAS SO, ,'DI NI LAM 'PHAGS PA'I BDEN PA STE YONGS SU BSGOMS SO ZHES BYA BA 'DI NI BZLAS PA GSUM PA STE 'DI NI LAN GSUM DU BZLAS PA BSTAN PA'O, ,'DI NI SDUG BSNGAL SHES PA'O, ,KUN 'BYUNG SHES PA'O, ,'GOG PA @66A *, ,SHES PA'O, ,LAM SHES PA'O ZHES JI LTAR SDUG BSNGAL GYI BDEN PA LA BZLAS PA GSUM YOD PA DE BZHIN DU KUN 'BYUNG BA'I BDEN PA DANG, DE BZHIN DU 'GOG PA'I DBEN PA DANG, DE BZHIN DU LAM GYI DBEN PA LA YANG BZLAS PA GSUM GYI SHES PA YOD DO ZHES 'BYUNG STE, DE LAS RNAM PA BCU GNYIS KYI MTSAN NYID DE SKAD DU BSTAN TE, BSTAN BCOS RNAL 'BYOR SPYOD PA'I SA LAS KYANG PHAL CHER 'DI DANG MTHUN PAR DE SKAD DU STON TO, ,DE LA BYE BRAG YOD PA YANG CHOS KYI 'KHOR LO BSKOR BA'I BSTAN BCOS LAS NI, MIG DANG, SHES PA DANG, RIG PA DANG, BLO RNAM PAR PHYE STE BSTAN PA MED LA, RNAL 'BYOR SPYOD PA'I LAM NI, MIG DANG, SHES PA DANG, RIG PA DANG, BLO ZHES BYA BA DUS GSUM GYI YUL LAS BRTZAMS NAS SPYI DANG BYE BRAG THA DAD PA YOD PAR BSTAN TE, NGO BO NYID BSTAN PA'I SKABS SU SNGAR BSHAD PA BZHIN NO, ,'DUL BA DUM BU BZHI PA LAS NI LAN GSUM PA BZLAS PA'I PHYIR KUN SHES KOOndA N+YI LA SOGS PA CHOS KYI MIG RNAM PAR DAG GO ZHES 'BYUNG GI, DGRA BCOM PA'I 'BRAS BU THOB PA SKAD DU MI 'BYUNG BAS CHOS KYI RNAM GRANGS GZHAN DAG LA YONGS SU BRTAG PAR BYA STE, ZHIB TU NI BSTAN BCOS BYE BRAG TU BSHAD PA CHEN PO DANG, SEMS SNA TSOGS BSTAN PA DANG, MDZOD KYI BSTAN BCOS DANG, YANG DAG PA'I RIGS PA DANG RJES SU MTHUN PA LA SOGS PA LAS BSTAN PA BZHIN DU RIG PAR BYA'O, ,NGO MTSAR RMAD DU BYUNG BA'I 'JIG RTEN THAMS CAD KYI LHA DANG MI LA SOGS PA SUS KYANG SNGON CHOS DANG MTHUN PAR MA BSKOR BA LAGS MOD KYI, DE'I TSE YONGS SU BSKOR BA'I 'KHOR LO DE NI BLA NA MCHIS PA SKABS MCHIS PA, DRANG BA'I DON RTZOD PA'I GZHI'I GNAS SU GYUR PA LAGS SO ZHES BYA BA NI GNYIS PA BSTAN PA DE DMAN ZHING NGES PA'I DON MA YIN PAR BSTAN PA STE, 'DI LTAR CHOS KYI 'KHOR LO 'DI STONG PA NYID MKHYUD CING YOD PA NYID DU BSTAN PAS DRANG BA'I DON YIN LA 'KHOR BA DANG MYA NGAN LAS 'DAS PA'I RGYU DANG, 'BRAS BU DANG, GANG ZAG LA BDAG MED PA YONGS SU RDZOGS PAR STON CING, CHOS STONG PA NYID KYI @66B RIGS PA STON PAR MI BYED PAS, DE'I PHYIR BSTAN PA 'DI NI GONG NA KHYAD PAR CAN YOD PA'I BSTAN PA DANG, SKABS KHYAD PAR CAN YOD PA'I BSTAN PA DANG, GZHAN DAG GIS GZHIG PAR BYA BA DANG, SDE PA NYI SHU PO RTZOD PAR SMRA BA DAG GI GNAS SU GYUR PA YIN NO ZHES BYA BA'I THA TSIG GO ,SLOB DPON YANG DAG BDEN PA'I BRJED BYANG LAS NI, DANG POR THEG PA CHUNG NGU BA'I BDEN PA BZHI MTHONG BA NI MTSAN NYID MED PA MA YIN PA'I PHYIR DRANG BA'I DON ZHES BYA'O, ,GONG NA THEG PA CHEN PO YOD PA'I PHYIR BLA NA YOD PA ZHES BYA'O, ,THEG PA CHEN PO DAG GI SNGON PHYIN PA'I PHYIR RGOL BA DANG BCAS PA'O, ,'JIG RTEN PA'I DON DANG THA DAD PAR GYUR PA'I PHYIR DE DAG DANG 'THAB CING RTZOD PAR GYUR BA'O ZHES 'BYUNG NGO,, ,,BAM PA SUM CU GSUM PA, BCOM LDAN 'DAS KYIS SNGON DUS GNYIS PA'I TSE THEG PA CHEN PO LA YANG DAG PAR ZHUGS PA RNAMS LA CHOS RNAMS KYI NGO BO NYID MA MCHIS PA DANG, SKYE BA MA MCHIS PA DANG, 'GAG PA MA MCHIS PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA NYID LAS BRTZAMS NAS 'DI LTAR MI MNGON PA'I RNAM PAS YANG DAG PA'I CHOS KYI 'KHOR LO BSKOR BA ZHES BYA BA 'DI MAN CHAD NI GNYIS PA MTSAN NYID MED PA'I CHOS KYI 'KHOR LO BSTAN PA'O, ,'DI YANG RNAM PA GNYIS TE, CHOS KYI 'KHOR LO NYID YANG DAG PAR BSTAN PA DANG, NGES PA'I DON MA YIN PAR RAB TU BSTAN PA STE 'DI NI DANG PO'O, ,MDO'I TSIG 'DI YANG GSUNGS PA'I DUS BSTAN PA DANG, GANG GI CHED DU GSUNGS PA BSTAN PA DANG, CHOS KYI 'KHOR LO NYID BSTAN PA'O, ,BCOM LDAN 'DAS KYIS SNGAN DUS GNYIS PA'I TSE ZHES BYA BAS NI GSUNGS PA'I DUS BSTAN TE, CHOS KYI 'KHOR LO RNAM PA GSUM LAS GNYIS PA GSUNGS PA'I TSE NA ZHES BYA BA'I THA TSIG GO, ,THEG PA CHEN PO LA YANG DAG PAR ZHUGS PA RNAMS LA ZHES BYA BA LA SOGS PAS NI GANG GI CHED DU BSTAN PA GSUNGS PA BSTAN TE, 'DI LTAR THEG PA GSUM YONGS SU GNYER BA LAS, THEG PA CHEN PO LA YANG DAG PAR GZHOL BA'I CHED DU GSUNGS PA'O, ,DGONGS PA ZAB MO RNAM PAR DGROL BA'I MDO LAS @67A *, ,KYANG DE SKAD DU GSUNGS TE, DE'I PHYIR MDO DE NYID LAS THEG PA CHEN PO LA GNAS PA'I SEMS CAN GYI CHED DU CHOS RNAMS NGO BO NYID MA MCHIS PA LA SOGS PA GSUNGS SO ZHES 'BYUNG STE, 'PHAGS PA RDO RJE GCOD PA LAS KYANG, THEG PA CHEN PO LA YANG DAG PAR ZHUGS PA RNAMS KYI CHED DU BSTAN TO, THEG PA MCHOG LA YANG DAG PAR ZHUGS PA RNAMS KYI CHED DU BSTAN TO ZHES GSUNGS PA YIN NO, ,CHOS RNAMS KYI NGO BO NYID MA MCHIS PA LA SOGS PA LAS BRTZAMS NAS ZHES BYA BAS NI GNYIS PA MTSAN NYID MED PA'I SHES RAB YANG DAG PAR BSTAN TE, GZHUNG GANG MTSAN MA MED PAR STON PA GANG YIN PA DE NI CHOS THAMS CAD NGO BO NYID MED PA NAS RANG BZHIN GYIS YONGS SU MYA NGAN LAS 'DAS PA'I BAR DU STON PAS SO, ,CHOS KYI 'KHOR LO DANG PO NI STONG PA NYID MKHYUD NAS YOD PA NYID DU STON PAR MDZAD PA YIN LA, GNYIS PA 'DI NI YOD PA NYID MKHYUD NAS STONG PA NYID STONG PA NYID DU STON PAR MDZAD PAS, DE'I PHYIR MI MNGON PA'I RNAM PAS YANG DAG PA'I CHOS KYI 'KHOR LO BSKOR ZHES GSUNGS PA YIN TE, GSANG BA'I RNAM PA ZHES KYANG BYA BA DE'I PHYIR 'PHAGS PA SHES RAB KYI PHA ROL TU PHYIN PA'I MDO LAS SKYE BA MED PA DANG, 'GAG PA MED PA LA SOGS PA LAS NI SANGS RGYAS RNAMS KYI GSANG BA BSTAN PA YIN NO ZHES GSUNGS SO, ,DE LA GNYIS PA MTSAN MA MED PA'I THEG PA CHEN PO 'DI NYID NI SHES RAB KYI PHA ROL TU PHYIN PA'I MDO RNAMS LA BYA STE, SNGON GYI BSHAD PA LAS SHES RAB KYI PHA ROL TU PHYIN PA SDE BRGYAD CES BSTAN PA NYID DO, ,SDE SNOD GSUM PO DE LE'U GCIG 'PHAGS PA SHES RAB KYI PHA ROL TU PHYIN PA RDO RJE GCOD PA'I 'GREL PA SLOB DPON RDO RJE DRANG SRONG GIS MDZAD PA BSGYUR BA LAS 'JIG RTEN PA RNAMS KYIS MOS PA'I RJES SU SHES RAB KYI PHA ROL TU PHYIN PA SDE BRGYAD GSUNGS TE SDE DANG PO LA SHU LOG 'BUM YOD DO, ,SDE GNYIS PA LA NI SHU LOG NYI KHRI LNGA STONG YOD DO, ,SDE GSUM PA LA NI SHU LOG KHRI BRGYAD STONG YOD DE, 'DI LE'U CHEN PO ZHES BYA BA NYID YIN NO, ,SDE BZHI PA LA NI SHU LOG BRGYAD STONG YOD DE, 'DI NI LE'U CHUNG DU ZHES BYA BA NYID @67B YIN NO, ,SDE LNGA PA LA NI SHU LOG BZHI STONG YOD DO, ,SDE DRUG PA LA NI SHU LOG LNGA BRGYA YOD DO, ,SDE BDUN PA LA NI SHU LOG DRUG BRGYA YOD DE, 'DI NI SHES RAB KYI PHA ROL TU PHYIN PA 'JAM DPAL GYIS ZHUS PA NYID YIN NO, ,SDE BRGYAD PA LA NI SHU LOG SUM BRGYA YOD DE 'DI NI SHES RAB KYI PHA ROL TU PHYIN PA RDO RJE GCOD PA NYID YIN NO, ,DE LA SDE SNGA MA BDUN NI MTSAN MA RAB TU BSAL BA DA DUNG MA ZAD PA'I SHES RAB KYI PHA ROL TU PHYIN PA ZHES BRJOD PA KHO NAR ZAD DO, ,SDE BRGYAD PA NI MTSAN MA RAB TU BSAL BA'I MCHOG TU GYUR PA'I PHYIR LOGS SHIG TU RDO RJE ZHES BYA BA'I MING RNAM PAR GZHAG PA YIN NO ZHES 'BYUNG STE, SLOB DPON YANG DAG BDEN PA YANG PHAL CHER GONG MA DANG MTHUN PAR BSHAD DO, ,GZHAN YANG DE NYID LAS SDE DANG PO DANG GNYIS PA GNYIS KYI DPE NI DA DUNG RGYA GAR YUL NA BZHUGS TE, 'DIR MA GSHEGS SO, ,LNGA PA DANG DRUG PA DANG GNYIS NI DA DUNG MA BSGYUR TE, RGYA GAR GYI DPE NYID DU BZHUGS SO ZHES 'BYUNG NGO, ,SLOB DPON HYAN TZANG GIS RGYA GAR GYI DPE LAS SHU LOG 'BUM BSGYUR BA DE YANG GNAS BZHIR 'DUS PA BCU DRUG TU GSUNGS PAR 'BYUNG STE, 'DUS PA DANG PO DRUG DANG BCO LNGA PA NI RGYAL PO'I KHAB BYA RGOD PHUNG PO'I RI LA BZHUGS TE GSUNGS SO, ,'DUS PA BDUN PA DANG BRGYAD PA DANG DGU PA DANG BCU GCIG PA DANG BCU GNYIS PA DANG, BCU GSUM PA DANG BCU BZHI PA NI MNYAN DU YOD PA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS TE GSUNGS SO, ,'DUS PA BCU PA NI GZHAN 'PHRUL DBANG BYED KYI LHA'I RGYAL PO'I KHANG PA NA BZHUGS TE GSUNGS SO, ,'DUS PA BCU DRUG PA NI RGYAL PO'I KHAB 'OD MA'I TSAL BYA KA LAN DKA'I RDZING DRUNG DU BZHUGS TE GSUNGS SO, ,CHES NGO MTSAR RMAD DU BYUNG BA LAGS MOD KYI, DE'I TSE YONGS SU BSKOR BA'I CHOS KYI 'KHOR LO DE YANG BLA NA MCHIS PA SKABS MCHIS PA DRANG BA'I DON, RTZOD PA'I GZHI'I GNAS SU GYUR PA LAGS SO ZHES BYA BA NI GNYIS PA NGES PA'I DON MA NGES PAR RAB TU BSTAN PA STE, 'DI LTAR SHES RAB KYI PHA ROL TU PHYIN PA'I MDO RNAMS LAS MTSAN NYID MED PA LA SOGS PA STON PAR MDZAD KYANG, NGO BO NYID @68A *, ,MED PA RNAM PA GSUM DANG NGO BO NYID RNAM PA GSUM GYI YOD PA DANG MED PA'I DON RNAM PAR PHYE BAS DE'I PHYIR DGONGS PA ZAB MO RNAM PAR DGROL BA'I MDO 'DI LAS MTSAN NYID MED PA LA SOGS PAR BSHAD PA GANG YIN PA DE NI NGES PA'I DON MA YIN PA ZHES BSTAN TO, , GZHAN YANG DON TSAD MED PA'I MDO LAS NGA SNGAR SNYING PO BYANG CHUB KYI SHING DRUNG DU LO DRUG GI BAR DU LUS DRANG POR BSRAD STE 'DUG PAS BLA NA MED PA YANG DAG PAR RDZOGS PA'I BYANG CHUB THOB NAS SANGS RGYAS KYI SPYAN GYIS CHOS RNAMS THAMS CAD BLTAS PA LAS BSHAD DU MI RUNG BAR GYUR TO, ,DE CI'I PHYIR ZHE NA, SEMS CAN RNAMS KYI RANG BZHIN DANG, MOS PA MI MTSUNGS PAS CHOS BSHAD PA'I THABS RNAM PA SNA TSOGS KYI STOBS KYI LO BZHI BCU 'DAS PA'I THA MAR GDOD DE KHO NA NYID PAR DU BSTAN TE, DE'I PHYIR SEMS CAN LAM THOB PA LA KHYAD PAR YOD PAS, MYUR DU BLA NA MED PA YANG DAG PAR RDZOGS PA'I BYANG CHUB THOB PAR MI 'GYUR RO ZHES GSUNGS TE, BSTAN PA 'DI DAG DANG SBYAR NA SHES RAB KYI PHA ROL TU PHYIN PA RNAMS NI NGES PA'I DON MA YIN NO, ,DON 'DI'I PHYIR BDEN PA BZHI'I 'KHOR LO LA LTOS NA SHIN TU ZAB PA DANG, NGO MTSAR RMAD DU BYUNG BA YIN YANG GSUM PA LA LTOS NA BLA NA YOD PA SKABS YOD PA DRANG BA'I DON YIN LA DRANG BA'I DON YIN PA'I PHYIR RTZOD PAR SMRA BA DANG BCAS PA YIN NO, ,SLOB DBON YANG DAG BDEN PA'I BRJED BYANG LAS, BAR MA 'DI NI THEG PA CHEN PO THEG PA CHUNG DU LAS THA DAD PAR STON PA'I PHYIR NGES PA'I DON MA YIN PA'O, ,DA DUNG THEG PA GCIG YOD PA'I PHYIR GONG MA DANG BCAS PA'O, ,THEG PA CHUNG DU PA DAG DANG THA DAD PA'I PHYIR THEG PA CHUNG DU PA DAG DANG 'THAB CING RTZOD PAR 'GYUR BA'O, ,THEG PA GCIG GIS RNAM PAR 'JIG PA'I PHYIR RGOL BA DANG BCAS PA'O ZHES 'BYUNG DO, ,BCOM LDAN 'DAS KYIS DENG DUS GSUM PA 'DIR THEG PA THAMS CAD LA YANG DAG PAR ZHUGS PA RNAMS LA CHOS THAMS CAD NGO BO NYID MA MCHIS PA DANG, SKYE BA MA MCHIS PA DANG, 'GAG PA MA MCHIS PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA @68B NYID LAS BRTZAMS NAS 'DI LTAR RAB TU PHYE BA'I RNAM PAS YANG DAG PA'I CHOS KYI 'KHOR LO BSKOR BA ZHES BYA BA 'DI MAN CHAD NI GSUM PA NGES PA'I DON THEG PA CHEN PO YANG DAG PAR STON TO, ,'DI YANG RNAM PA GNYIS TE, NGES PA'I DON YANG DAG PAR BSTAN PA DANG, NGES PA'I DON GYI MTSAN NYID RAB TU BSTAN PA STE 'DI NI DANG PO'O, ,MDO'I TSIG 'DI YANG RNAM PA GSUM DU DBYE STE, GSUNGS PA'I DUS BSTAN PA DANG, BSTAN PA GSUNGS PA'I DGONGS PA BSTAN PA DANG, CHOS KYI 'KHOR LO NYID RAB TU BSTAN PA'O, ,BCOM LDAN 'DAS KYIS DENG DUS GSUM PA 'DIR ZHES BYA BAS NI BSTAN PA GSUNGS PA'I DUS BSTAN TE, CHOS KYI 'KHOR LO RNAM PA GSUM GSUNGS PA'I DUS NA ZHES BYA BA'I THA TSIG GO, ,THEG PA THAMS CAD LA YANG DAG PAR ZHUGS PA RNAMS LA ZHES BYA BAS NI BSTAN PA GSUNGS PA'I DGONGS PA BSTAN TE, CHOS KYI 'KHOR LO 'DI NI NGES PA'I DON GYI BSTAN PA YIN PAS 'DI LTAR STONG PA NYID RNAM PA GNYIS DANG, NGO BO NYID RNAM PA GSUM LA SOGS PA'I DON RNAM PAR DBYE BAS NA DE'I PHYIR THEG PA GSUM PO DAG SO SO NAS RANG GI 'BRAS BU 'THOB PAR 'GYUR BA YIN TE, DE'I PHYIR BSTAN BCOS RNAM PAR BSHAD PA LAS, DE LA SBYOR BA NI 'DI LTA STE, 'DI LTAR NGO BO NYID RNAM PA GSUM KHONG DU CHUD PA NYID KYIS NYAN THOS DANG RANG SANGS RGYAS DANG, BLA NA MED PA YANG DAG PAR RDZOGS PA'I BYANG CHUB KYI THABS SU 'GYUR BA GANG YIN PA'O ZHES BSTAN TO, ,THAMS CAD KYI NGO BO NYID MA MCHIS PA ZHES BYA BA LA SOGS PAS NI CHOS KYI 'KHOR LO NYID RAB TU BSTAN TE, CHOS THAMS CAD KYI NGO BO NYID MA MCHIS PA ZHES BYA BA LA SOGS PA YANG SNGAR GONG DU NI MI MNGON PA'I RNAM PAS YANG DAG PA'I CHOS KYI 'KHOR LO BSKOR BA YIN PAR BSTAN PA YIN LA, GSUM PA 'DIR NI GONG MA'I TSIG RE RE LA YANG NGO BO NYID MED PA NYID CES BRJOD PAR BYA STE, NGO BO NYID MED PA NYID GANG YIN PA DE NI NGO BO NYID MED PA NYID RNAM PA GSUM YIN TE, SNGAR BSHAD PA BZHIN NO, ,'DI LTAR NGO BO NYID MED PA NYID RNAM PA GSUM GANG YIN PA DE NYID NI NGO BO NYID RNAM PA GSUM YIN PAS RIGS PA DES @69A *, ,NA NGO PO NYID MED PA NYID KYIS NI NGO BO NYID YOD PA DANG NGO BO NYID MED BA NYID RAB TU STON PAS NA DE'I PHYIR 'DI LTAR RAB TU PHYE BA'I RNAM PAS YANG DAG PA'I CHOS KYI 'KHOR LO BSKOR BA ZHES GSUNGS PA YIN NO, ,'DI NI SHIN TU NGO MTSAN RMAD DU BYUNG BA LAGS PAS DENG 'DIR BCOM LDAN 'DAS KYIS YONGS SU BSKOR BA'I CHOS KYI 'KHOR LO 'DI NI BLA NA MA MCHIS PA SKABS MA MCHIS PA DES PA'I DON LAGS TE, RTZOD PA RNAMS KYI GZHI'I GNAS SU GYUR PA MA LAGS SO ZHES BYA BA NI GNYIS PA NGES PA'I DON GYI MTSAN NYID RAB TU BSTAN PA'O, ,CHOS KYI 'KHOR LO BSKOR BA DE MCHOG TU RMAD DU BYUNG ZHING DE LAS LHAG PA'I MCHOG GZHAN MED PA'I PHYIR BLA NA MED PA ZHES BYA'O, ,PHYIS MCHOG TU 'GYUR BA'I SKABS MED CING PHYIS GZHIG PA'I SKABS MED PA'I PHYIR SKABS MED PA ZHES BYA'O, ,YOD PA DANG MED PA YONGS SU RDZOGS PAR BSTAN PA'I PHYIR NGES BA'I DON YIN ZHING RTZOD PAR SMRA BA RNAMS KYI GZHI'I GNAS MA YIN PA'O, ,SLOB DPON YANG DAG BDEN PA'I BRJED BYANG LAS, 'DIS NI THEG PA DES THEG PA CHUNG DU PA DANG, THEG PA CHEN PO PA DAG DANG RGYU RKYEN MTSUNGS SHING 'BRAS BU MTSUNGS BSTON PA'I PHYIR RNAM PAR MI RTOG PA DON DAM PA BSTAN PA ZHES BYA'O, ,CHOS KYI 'KHOR LO DE MCHOG TU RMAD DU BYUNG BA DON DE LAS LHAG PA GZHAN MED PA'I PHYIR BLA NA MED PA ZHES BYA'O, ,GZHAN YANG THEG PA CHUNG DU KUN GYIS BGROD PAR BYA BA YIN PA'I PHYIR RTZOD PA MED PA'O, ,RTZOD PA MED PA'I PHYIR GZHIG TU MED PA'O, ,GZHIG TU MED PA'I PHYIR RGOL BA MED PA'O ZHES 'BYUNG NGO, ,GONG DU BSTAN PA'I CHOS KYI 'KHOR LO RNAM PA GSUM PO DE DAG KYANG MDOR BSDU NA SGO RNAM PA GSUM GYIS RAB TU DBYE BAR BYA STE, DUS DANG GNAS SO SO NAS BSHAD PA MTSUNGS PA DANG MI MTSUNGS PA BSTAN PA DANG, BSTAN PA BSDU BA'I TSAD DANG NGES PA'I DON YIN NAM MA YIN PAR RAB TU BSTAN PA DANG, BRJOD PAR BYA BA'I GZHUNG ZAB PA DANG ZAB PA MA YIN PA'I BYE BRAG BSTAN PA'O, ,DE LA DANG PO DUS DANG GNAS SO SO NAS BSHAD PA MTSUNGS MI MTSUNGS BSTAN PA YANG, SLOB DPON YANG DAG BDEN PAS TSIG @69B DES PAR 'GREL PA'I MDO'I 'GREL PA BYAS PA LAS, GZHAN YANG DE BZHIN GSHEGS PAS CHOS KYI 'KHOR LO LAN GSUM BSKOR BA NI GANG ZAG RNAM PA GSUM GYI CHED DU, DANG PO NI YUL B'A R'A nA S'IR RI DAGS KYI TSAL DRANG SRONG 'DU BA'I GNAS SU NYAN THOS RNAMS LA CHOS KYI 'KHOR LO BSKOR BA 'DI NI DUS DANG POR BDEN PA BZHI'I CHOS KYI 'KHOR LO BSKOR BA YIN TE, ,YONGS SU BSKOR BA'I 'KHOR LO GANG YIN BA DE NI DRANG BA'I DON BLA NA YOD PA RGOL PA DANG BCAS PA, RTZOD PA DANG BCAS PA'O, ,GNYIS PA DE NI DE BZHIN GSHEGS PA MNGON PAR RDZOGS PAR SANGS RGYAS NAS LO BDUN LON PA DANG MNYAN DU YOD PA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS NAS DUS GNYIS PAR THEG PA CHEN PO SPYOD PA'I GANG ZAG RNAMS KYI CHED DU CHOS THAMS CAD NGO BO NYID MED PA DANG, SKYE BA MED PA DANG, 'GAG PA MED PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA'O ZHES MTSAN NYID RAB TU BSTAN PA NI CHOS KYI 'KHOR LO BSKOR BA ZHES BYA STE, SHES RAB KYI PHA ROL TU PHYIN PA DANG, SA BCU PA LA SOGS PA STON PA CHOS KYI 'KHOR LO NGO MTSAR RMAD DU BYUNG BA BSAM GYIS MI KHYAB PA LHA DANG MI GANG GIS KYANG YONGS SU MA BSKOR BA YIN YANG CHOS KYI 'KHOR LO DE NI DRANG BA'I DON, BLA NA YOD PA, RGOL BA DANG BCAS PA, RTZOD PA DANG BCAS PA'O, ,MGON MED ZAS SBYIN GYI KUN DGA' RAB NAS RKANG GRAGS GCIG TZAM NA RDZING ZHIG YOD PA GANG GIS DER CHU 'THUNGS SAM KHRUS BYAS NA SHES RAB 'PHEL BAR 'GYUR BAS KUN GYIS SHES RAB SBYIN PA'I RDZING ZHES BRJOD DO, ,BCOM LDAN 'DAS KYIS RDZING DE'I 'GRAM DU THEG PA CHEN PO SHES RAB KYI PHA ROL TU PHYIN PA'I MDO GSUNGS PAS RDZING BU DE'I MING BU MO SHES RAB CAN GYI RDZING ZHES BYA BAR BTAGS TE, , LHA'I BU MO'I GNAS YIN PAS SO, ,GSUM PA NI BCOM LDAN 'DAS MNGON PAR RDZOGS PAR SANGS RGYAS PA'I 'OG TU LO SUM CU RTZA BRGYAD LON NAS YUL YANGS BA CAN GYI YI DAGS KYI RGYAL PO'I CHOS KYI KHANG PA NA BZHUGS NAS BYANG CHUB SEMS DPA' DON DAM YANG DAG 'PHAGS LA @70A *, ,SOGS PA LA TSIG NGES PAR 'GREL PA'I MDO DANG, DRI MA MED PAR GRAGS PAS BSTAN PA DANG, DAM PA'I CHOS PADMA DKAR PO'I MDO LA SOGS PA GSUNGS PA NI DUS GSUM PA STE, BCOM LDAN 'DAS KYIS THEG PA GSUM BSGRUB PA'I GANG ZAG RNAMS YONGS SU BZLA BA'I CHED DU CHOS THAMS CAD NGO BO NYID MED PA DANG, SKYE BA MED PA DANG, 'GAG PA MED PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA'O ZHES RAB TU BSTAN PA NI RNAM PAR MI RTOG PA'I MTSAN NYID GYI 'KHOR LO BSTAN PA YIN PAS CHOS KYI 'KHOR LO DE NI SHIN TU RNAM PAR DAG PA NGO MTSAR RMAD DU BYUNG BA BSAM GYIS MI KHYAB PA, NGES PA'I DON BLA NA MED PA, RGOL PA MED PA, RTZOD PA MED PA STE, SEMS CAN DBANG PO RTUL PO RNAMS KYI CHED DU DE BZHIN GSHEGS PAS RIM GYIS CHOS KYI 'KHOR LO GSUNGS PA YIN NO ZHES 'BYUNG NGO, ,DE BZHIN GSHEGS PAS GSUNGS PA YIN NA CI'I PHYIR RNAM PA GSUM DU GYUR ZHE NA, SMRAS PA, BDEN PA RNAM PAR BZHAG PA DANG BDEN PA RNAM PAR MA BZHAG PA'O, ,RI DAGS KYI TSAL DU CHOS BSTAN PA GANG YIN PA DE NI BDEN PA BZHI RNAM PAR BZHAG PA'O, ,RGYAL BYED KYI TSAL DU CHOS GSUNGS PA GANG YIN PA DE NI BDEN PA GNYIS RNAM PAR MA BZHAG PA'O, ,YANGS PA CAN DU CHOS BSHAD PA GANG YIN PA DE NI BDEN PA RNAM PAR MA BZHAG PA STE, DON DAM PA DANG KUN RDZOB GANG YIN PA NGES PA NYID DU YANG GYUR PAS BDEN PA RNAM PAR MA BZHAG PA ZHES BRJOD DO, ,BRGYUD DE BSHAD PA DAG LAS SLOB DPON YANG DAG BDEN PA NA RE CHOS KYI 'KHOR LO DANG PO NI DPYID ZLA 'BRING PO'I TSES BRGYAD LA MNGON PAR RDZOGS PAR SANGS RGYAS NAS DBYAR ZLA RA BA'I TSES BRGYAD LA YUL B'A R'A nA S'IR CHOS KYI 'KHOR LO DANG PO BSKOR TO, ,CHOS KYI 'KHOR LO GNYIS PA NI BYANG CHUB SEMS DPA' DANG THEG PA GNYIS PO DAG GI CHED DU SHES RAB KYI PHA ROL TU PHYIN PA'I MDO RNAMS GSUNGS PA YIN NO ZHES ZER ZHE'O, ,BRGYUD DE BSHAD PA LAS NI CHOS KYI 'KHOR LO DANG PO NI NYI MA DANG ZLA GRANGS BCAS PA'O, ,CHOS KYI 'KHOR LO GNYIS PA NI THEG PA @70B PA GNYIS KYI CHED DU'O ZHES ZER TE, DON GZHAN NI TSIG NGES PAR 'GREL PA'I MDO'I 'GREL BA LAS BSTAN PA DANG MTHUN NO, ,GZHAN YANG TSIG NGES PAR 'GREL BA'I MDO'I 'GREL BA LAS, GAL TE BSTAN PA GNYIS PA YANGS BCAN DU BZHUGS TE, GSUNGS PAR GYUR NA MDO LAS GSUNGS PA DANG 'GAL BAR 'GYUR TE, MDO LAS RGYAL PO'I KHAB BYA RGOD PHUNG PO'I RIL BZHUGS TE ZHES GSUNGS PAS SO, ,'DIR SDE SNOD GSUM PA SLOB DPON PHYAN TZANG GIS NI CHOS KYI 'KHOR LO RNAM PA GSUM PO DE YANG GNAS BSTAN PA KHO NAR ZAD KYI, DUS TSIGS DANG NYI MA DANG ZLA BA DANG, LO GRANGS BSTAN PA MED DE CHOS KYI 'KHOR LO DANG PO'I GNAS NI SLOB DPON YANG DAG BDEN PAS BSHAD PA DANG MTHUN TE, GONG DU SNGAR BSTAN PA BZHIN DU RNAM PAR DBYE BAR BYA'O, ,CHOS KYI 'KHOR LO GNYIS PA NI GNAS BZHIR 'DUS PA BCU DRUG TU GSUNGS PAR BSHAD DE, SHES RAB KYI PHA ROL TU PHYIN PA 'BUM LA SOGS PA'O ZHES GONG DU BSTAN PA BZHIN NO, ,SLOB DPON YANG DAG BDEN PAS MNYAN DU YOD PA MGON MED ZAS SBYIN GYI KUN DGA' RA BA NA BZHUGS TE ZHES BSTAN PA NI GNAS BZHI LAS GNAS GCIG YONGS SU RDZOGS PAR BSHAD PA'I PHYIR RO, ,CHOS KYI 'KHOR LO GSUM PA NI GNAS GNYIS SU BZHUGS NAS GSUNGS TE, ZHING YONGS SU DAG PA DANG ZHING YONGS SU MA DAG PA STE SNGAR GONG DU BSTAN PA BZHIN NO, ,SLOB DPON YANG DAG BDEN PA'I BRJED BYANG LAS, GAL TE YANGS PA CAN DU GZHUGS NAS ZHES BSTAN NA DES ZHING YONGS SU MA DAG PA NA BZHUGS PAR BSTAN PAR 'GYUR BAS MDO DANG MI MTHUN PAR 'GYUR RO, ,SPYIR DAM PA'I CHOS PADMA DKAR PO'I MDO DA, SNGON PO BKOD PA LA SOGS PA LAS GSUM PA ZHES ZER NA NI BYA RGOD PHUNG PO'I RI DANG GNAS BDUN DU 'DUS PA BRGYAD KYIS GSUNGS PAR 'GYUR TE, MDO LAS 'BYUNG BA BZHIN DU RIG PAR BYA'O ZHES 'BYUNG NGO, DGONGS PA ZAB MO RNAM PAR DGROL BA'I MDO LAS, DANG PO NI NYAN THOS BSGRUB PA'I GANG ZAG GI CHED DU'O, ,GNYIS PA NI THEG PA CHEN PO LA GNAS PA'I @71A *, ,GANG ZAG GI CHED DU'O, ,GSUM PA NI THEG PA THAMS CAD LA GNAS PA'I CHED DU'O ZHES 'BYUNG LA MDO 'DI LAS DANG PO NI NYAN THOS KYI THEG PA LA YANG DAG PAR ZHUGS PA RNAMS KYI CHED DU'O, ,GNYIS PA NI THEG PA CHEN PO LA YANG DAG PAR ZHUGS PA RNAMS KYI CHED DU'O, ,GSUM PA NI THEG PA THAMS CAD LA YANG DAG PAR ZHUGS PA'I CHED DU'O ZHES GSUNGS NA MDO 'DI NYID GANG NI YANG DAG PA YIN ZHE NA, SMRAS PA, MDO 'DI'I DPE YANG DAG PA YIN PAS SNGAR BSTAN PA BZHIN DU RIG PAR BYA STE, DON LA 'GAL BA MED PA'I PHYIR RO, , GZHAN YANG SLOB DPON YANG DAG BDEN PA'I BRJED BYAS LAS KYANG DE SKAD DU 'BYUNG BAS DE'I PHYIR TSIG NGES PAR 'GREL PA'I MDO LAS, DANG PO NI NYAN THOS KYI GANG ZAG GI CHED DU'O, ,GNYIS PA NI THEG PA CHEN PO'I GANG ZAG GI CHED DU'O, ,GSUM PA NI THEG PA GSUM GYI GANG ZAG GI CHED DU'O ZHES BSTAN PA YIN NO, ,DE LA GNYIS PA BSTAN PA BSDU BA'I TSAD DANG NGES PA'I DON YIN NAM MA YIN PA RAB TU BSTAN PA YANG SNGAR NI BSTAN PA BSDU BA'I TSAD BSTAN LA DE'I 'OG TU NGES PA'I DON YIN NAM MA YIN PA RAB TU BSTAN PAR BYA'O, ,DE LA BSTAN PA BSDU BA'I TSAD KYANG SO SO NAS BSHAD PA MI MTHUN PAS SLOB DPON YANG DAG BDEN PAS SDE PA RNAMS KYI LTA BA BSTAN PA'I BRJED BYAD BYAS PA LAS, THEG PA CHUNG DU BA'I SDE SNOD GSUM PA GANG YIN PA DE DAG NI CHOS KYI 'KHOR LO DANG PO ZHES BYA STE, ,CHUNG DU KHO NA YIN GYI CHEN PO NI MA YIN NO, ,MYA NGAN LAS 'DAS PA CHEN PO'I MDO NI CHOS KYI 'KHOR LO GNYIS PA ZHES BYA STE, THEG PA CHEN CHUNG GNYI GA'I CHED DU GSUNGS PA'O, ,'PHAGS PA SANGS RGYAS PHAL PO CHE DANG, SHES RAB KYI PHA ROL TU PHYIN PA'I MDO RNAMS NI CHOS KYI 'KHOR LO GSUM PA ZHES BYA STE CHEN PO KHO NA'I CHED DU YIN GYI, CHUNG DU NI MA YIN NO ZHES BSHAD DO, DE'I PHYIR BRJED BYANG DE NYID LAS SANGS RGYAS KYI BSTAN PA LA NI CHOS KYI 'KHOR LO RNAM PA GSUM YOD PAS, DANG PO NI THEG PA CHUNG DU PA'I CHOS KYI 'KHOR LO STE, DE NI SNOD GSUM GYI BSTAN PA DAG GO, ,GNYIS PA NI THEG PA CHEN PO'I CHOS KYI @71B 'KHOR LO THEG PA CHEN PO THEG PA CHUNG DU DANG THA DAD PA BSTAN PA STE, DE NI MYA NGAN LAS 'DAS PA CHEN PO'I MDO LAS, THEG PA CHE CHUNG GI DON SPYIR BSTAN PA LTA BU'O, ,GSUM PA NI THEG PA GCIG GI CHOS KYI 'KHOR LO THEG PA CHE CHUNG THA DAD PA MED PAR BSTAN PA STE, 'PHAGS PA SANGS RGYAS PA LA PO CHE DANG, SHES RAB KYI PHA ROL TU PHYIN PA'I MDO LA SOGS PA LAS THEG PA GSUM GYI GANG ZAG STONG PA NYID RNAM PA GNYIS SU LTA BA DANG, DE KHO NA NYID KYI YE SHES BSGRUB PA MTSUNGS PAR STON PA LTA BU STE, DE'I PHYIR THEG PA CHE CHUNG THA DAD PA MED DO ZHES 'BYUNG BA YIN NO, ,TSIG NGES PAR 'GREL PA'I MDO'I 'GREL PA LAS NI GONG DU BSHAD PA BZHIN DU DANG POR NI BDEN PA BZHI'I CHOS KYI 'KHOR LO GSUNGS SO, ,GNYIS PA'I TSE NI SHES RAB KYI PHA ROL TU PHYIN PA'I MDO RNAMS GSUNGS SO, ,GSUM PA'I TSE NI TSIG NGES PAR 'GREL PA DANG, DRI MA MED PAR GRAGS PAS BSTAN PA DANG, SANGS RGYAS PHAL PO CHE'I MDO LA SOGS PA GSUNGS SO ZHES 'BYUNG STE, SLOB DPON YANG DAG BDEN PA'I BRJED BYANG RNAM PA GNYIS KYANG RANG NYID PHAN TSUN 'GAL BA NYID DU 'GYUR BAS RNAM PA GNYIS SU BSHAD PA YOD KYANG RE ZHIG BSHAD PA PHYI MA LA BRTEN NAS BSHAD PAR BYA STE, MDO'I TSIG DANG RJES SU MTHUN PA'I PHYIR RO, ,'DI LTAR BDEN PA BZHI NI DANG PO'I BSTAN PA'O, ,SHES RAB KYI PHA ROL TU PHYIN PA RNAMS NI DUS GNYIS PA'I BSTAN PA'O, ,DGONGS PA ZAB MO RNAM PAR 'GREL PA DANG, DRI MA MED PAR GRAGS PAS BSTAN PA DANG, DAM PA'I CHOS PADMA DKAR PO DANG, SANGS RGYAS PHAL PO CHE LA SOGS PA NI DUS GSUM PA'I BSTAN PA'O ZHES SLOB DPON YANG DAG BDEN PAS NI GSUNG RAB RNAMS LA DE SKAD DU BSHAD DO, ,'DIR NI BSTAN PA RNAMS KYANG BDEN PA BZHI STON PA GANG YIN PA DE DAG NI DANG POR GSUNGS PA'I BSTAN PA'O, ,MTSAN NYID MED PAR STON PA GANG YIN PA DE DAG NI DUS GNYIS PA'I BSTAN PA'O, ,NGO BO NYID RNAM PA GSUM DANG NGO BO NYID MED PA RNAM PA GSUM LA SOGS PA LAS BRTZAMS NAS YOD PA DANG MED PA'I RIGS PA MA LUS SHING YONGS SU RDZOGS PAR STON PA @72A *, ,GANG YIN PA DE DAG NI DUS GSUM PA'I BSTAN PA'O ZHES STON GYI, LO DANG ZLA BA DANG DUS TSIGS LA BRTEN NAS, DUS SNGAR PHYI'I BSTAN PA STON PA LTA BU NI MA YIN NO, ,SHES RAB KYI PHA ROL TU PHYIN PA RNAMS DUS GNYIS PAR BSTAN PA YIN PAR CI LA BRTEN TE SHES PAR BYA ZHE NA, SMRAS PA, 'PHAGS PA SHES RAB KYI PHA ROL TU PHYIN PA'I MDO LAS, DE'I TSE LHA'I BU BRGYA STONG TSAD MED PA RNAMS NAM MKHA' LA ME TOG GTOR NAS SKAD MTHUN PAR 'DI SKAD DU, KYE BDAG CAG LA SOGS PAS NI DENG 'DZAM BU'I GLING DU BCOM LDAN 'DAS KYIS SHIN TU GYA NOM PA'I CHOS KYI 'KHOR LO GNYIS PA BSKOR BAR MTHONG NGO ZHES SMRAS SO ZHES GSUNGS TE, SHES RAB KYI PHA ROL TU PHYIN PA BAM PO BZHI BRGYA SUM CU BDUN PA DANG, LNGA BRGYA BDUN PA DANG, LNGA BRGYA BZHI BCU LDA PA DANG, LE'U CHEN PO DANG, SHES RAB KYI PHA ROL TU PHYIN PA'I 'GREL PA LAS KYANG DE SKAD DU STON PAS SO, ,DE LA NGES PA'I DON YIN NAM MA YIN PA RAB TU BSTAN PA YANG RE ZHIG MDO 'DI NYID DANG SBYAR NA, CHOS KYI 'KHOR LO RNAM PA GSUM LAS DANG PO GNYIS NI DRANG BA'I DON TO, ,GSUM PA NI NGES PA'I DON TO ZHES STON TE, DE CI'I PHYIR ZHE NA, GONG DU BSTAN PA LTAR NA CHOS KYI 'KHOR LO DANG PO NI STONG PA NYID MKHYUD NAS YOD PA NYID DU STON PA DANG, CHOS KYI 'KHOR LO GNYIS PA NI YOD PA MKHYUD NAS STONG PA NYID DU STON PA YIN LA CHOS KYI 'KHOR LO GSUM PA NI STONG PA DANG YOD PA'I RIGS PA YONGS SU RDZOGS PAR STON PA'I PHYIR NGES PA'I DON ZHES BSTAN GYI, BRJOD PA LAS ZAB PA DANG ZAB PA MA YIN PA'I PHYIR YOD PA'I PHYIR NGES PA DANG NGES PA MA YIN PA ZHES BSTAN PA NI MA YIN NO, ,DE CI'I PHYIR ZHE NA, GNYIS PA DANG GSUM PAS MTSAN NYID MED PA STON PA LA DON ZAB PA DANG, ZAB PA MA YIN PA ZHES BYA BA MED KYANG YONGS SU RDZOGS SHING RAB TU PHYE BA'I RNAM BAS RNAM PAR PHYE BA'I PHYIR NI NGES PA'I DON ZHES BRJOD LA YONGS SU MA RDZOGS SHING MKHYUD PA'I PHYIR NI DRANG BA'I DON ZHES BYA STE, RIGS PA DES NA NGES PA DANG DRANG BA'I DON LA SO SO NAS BSHAD PA MI MTHUN PAR GYUR NGA YIN NO, ,THEG PA CHUNG DU'I SDE PA NYI SHU DANG SBYAR NA NI DE LAS BSHAD PA @72B NAM PA GNYIS 'BYUNG STE, DANG PO NI DGE 'DUN PHAL CHEN PA DANG, LAN CIG BRJOD PA DANG, 'JIG RTEN LAS 'DAS PAR SMRA BA DANG, BYA MNGAL BA DANG, RTAG PAR SMRA BA DANG, MCHOD RTEN RIM PA DANG, NUB KYI RIL GNAS PA DANG, BYANG GI RIL GNAS PA DANG, CHOS GSANG BA PA DANG, 'OD SRUNGS KYI SDE PA DANG, BCU PO 'DI RNAMS NI MTHUN PAR DE BZHIN GSHEGS PAS GSUNGS PA THAMS CAD NI NGAS PA'I DON YIN NO ZHES STON TO, ,GNYIS PA NI THAMS CAD YOD PAR SMRA BA LA SOGS PA SDE PA GZHAN BCU PO DAG NI DE BZHIN GSHEGS PAS GSUNGS PA LA NGES PA'I DON DANG DRANG BA'I DON YANG YONG PAS THAMS CAD NGES PA'I DON MA YIN NO ZHES BSHAD DO, ,SLOB DPON YANG DAG BDEN PAS SDE PA RNAMS KYI LTA BA BSTAN BCOS KYI BRJED BYANG BYAS PA LAS, YONGS SU MA SMIN PA'I SEMS CAN GANG YIN PA DE DAG NI PHAL CHER NGES PA'I DON GYI MDO GSUNGS NA 'TSAM PAR 'GYUR RO, ,DES PA DANG NGES PA MA YIN PA DE LA YANG MU BZHI YOD PAS DANG PO NI TSIG NGES LA DON MA NGES PA STE THEG PA CHUNG DU BDAG GI MDO SDE DAG LTA BU'O, ,GNYIS PA NI DON NGES LA TSIG MA NGES PA STE, RGYAL BU BSAD PA'I TSIGS SU BCAD PA DANG, BSTAN BCOS MNGON PA SNA TSOGS KUN LAS BTUS PA LAS JI SKAD DU, PHA DANG MA NI BSAD BYAS SHING, ,RGYAL PO MANG DU THOS GNYIS DANG, ,YUL 'KHOR 'KHOR DANG BCAS BCOM NA, ,MI DE DAG PAR 'GYUR ZHES BSHAD, ,CES 'BYUNG BA LTA BU STE, RGYA CHER DE NYID LAS BSTAN PA BZHIN NO, , GSUM PA NI TSIG DANG DON GNYI GA MA NGES PA STE, MU STEGS CAN GYIS BSHAD PA RNAMS SO, ,BZHI PA NI TSIG DANG DON GNYI GA NGES PA NI THEG PA CHEN PO'I MDO SDE RNAMS TE, KHONG DU CHUD PA DAG GIS GO SLA BAS NA ZAB PA YANG MA YIN LA MI RTOGS PA DAG GIS GO DKA' BAS NA MI ZAB PA YANG MA YIN NO ZHES BSHAD DO, ,GZHAN YANG DE NYID LAS MDO SDE THAMS CAD NGES PA'I DON MA YIN NO ZHES BSTAN PA NI RIGS PA DANG MTHUN PAR SMRAS PA YIN TE, DES NA NGES PA'I DON DANG DRANG BA'I DON ZHES BYA BA YANG RNAM PA GNYIS SU 'GYUR BAS DANG PO NI TSIG MA NGES LA DON NI YANG DAG @73A *, ,PAR NGES PAR GYUR PA STE, PHA DANG MA DANG RGYAL PO LA SOGS PA BSAD BYAS NA ZHES BSTAN PA'I TSIGS SU BCAD PA LTA BU NGES PA MA YIN YANG DON NI YANG DAG PAR NGES PAR 'GYUR BA'O, ,GNYIS PA NI TSIG NGES LA DON MA NGES PAR MA GYUR PA STE, BCOM LDAN 'DAS SH'AKYA THUB PAS JI SKAD DU, NGAS NI BRTZON 'GRUS SPYAD PA'I PHYIR CHOS 'JIG RTEN NA YUN RING DU GNAS SO, ,SANGS RGYAS GZHAN DAG NI LE LO'I PHYIR CHOS 'JIG RTEN DU YUN RING DU GNAS PAR MA GYUR TE, SANGS RGYAS 'OD SRUNGS MYA NGAN LAS 'DAS PA'I 'OG TU 'JIG RTEN NA CHOS ZLA BA BDUN GNAS PAR GYUR TO, ,SANGS RGYAS 'KHOR BA 'JIG MYA NGAN LAS 'DAS PA'I 'OG TU 'JIG RTEN NA CHOS LO BCU GNYIS GNAS PAR GYUR TO, ,SANGS RGYAS GSER THUB MYA NGAN LAS 'DAS PA'I 'OG TU 'JIG RTEN NA CHOS LO DRUG GNAS PAR GYUR TO, ,NGA MYA NGAN LAS 'DAS PA'I 'OG TU 'JIG RTEN NA CHOS LO NYIS STONG GNAS PAR 'GYUR RO ZHES GSUNGS PA'I TSIG DE SHIN TU NGES PA YIN YANG DON NI NGES PA MA YIN NO, ,NGES PAR MA GYUR PA NI BCOM LDAN 'DAS KYIS SANGS RGYAS GZHAN DE DAG CHOS 'CHAD PA LA BRTZON PAR MI MDZAD PA LA DGONGS PA'I PHYIR LE LO CAN ZHES GSUNGS TE, DE DAG NI CHOS GCIG LA NYES DMIGS GCIG TU YANG DAG PAR STON PAR MDZAD LA, BCOM LDAN 'DAS SH'AKYA THUB PA NI CHOS KYI RNAM GRANGS THAMS CAD LA NYES DMIGS TSAD MED PA SNYED DU MDZAD NAS BZLAS TE GSUNGS PA'I PHYIR BRTZON 'GRUS SPYAD PA ZHES BSHAD DO ZHES 'BYUNG STE, RGYA CHER DE NYID LAS BSTAN PA BZHIN BSTAN BCOS RNAM PAR BSHAD PA LAS NGES PA'I DON MA YIN PA'I BSTAN PA NI 'DI LTA STE, MDO'I SDE DANG, DBYANGS KYIS BSNYAD PA'I SDE DANG, LUNG DU BSTAN PA'I SDE LA SOGS PA LAS BCOM LDAN 'DAS KYIS DON MDO TZAM DU SMOS SHING RGYA CHER RNAM PAR PHYE BAS YANG RNAM PAR PHYE ZHING BSHAD DGOS PA GANG YIN PA'O, ,NGES PA'I DON GYI BSTAN PA NI 'DI LTA STE SNGA MA BZLOG PA LAS RIG PAR BYA'O, ,MI MNGON PA'I BSTAN PA NI 'DI LTA STE, PHAL CHER NYAN THOS KYI SDE SNOD KYI BSTAN PA'O, ,RAB TU PHYE BA'I BSTAN PA NI 'DI LTA STE, PHAL CHER THEG PA CHEN PO'I SDE SNOD KYI @73B BSTAN PA'O ZHES 'BYUNG STE, BSTAN BCOS RNAL 'BYOR SPYOD PA'I SA LAS KYANG DE SKAD DU BSTAN TO, ,'PHAGS PA SHES RAB KYI PHA ROL TU PHYIN PA'I 'GREL PA LAS, DE LA NGES PA'I DON GYI MDO SDE ZHES BYA BA NI SHES PA'I GANG ZAG THAMS CAD KYI NANG NA SANGS RGYAS MCHOG GO, ,GTZUG LAG GI YI GE THAMS CAD KYI NANG NA SANGS RGYAS KYI CHOS MCHOG GO, ,TSOGS MANG PO THAMS CAD KYI NANG NA DGE 'DUN MCHOG GO, ,SBYIN PA BTANG BAS LONGS SPYOD CHEN POR 'GYUR RO, ,TSUL KHRIMS BSRUNGS BAS MTHO RIS SU SKYE BAR 'GYUR RO ZHES BYA BA LA SOGS PAR BSTAN PA GANG YIN PA DE NI NGES PA'I DON GYI MDO YIN NO, ,GONG MA SKAD DU CHOS 'CHAD PA'I CHOS KYI MKHAN PO DE LA NI PHAN YON RNAM PA LNGA YOD DE, LONGS SPYOD CHE BA DANG, MANG PO'I YID DU 'ONG BA DANG, BYAD BZHIN BZANG BA DANG, SGRA DANG GRAGS PA DANG LDAN PA DANG, MA 'ONGS PA NA MYA NGAN LAS 'DAS PAR 'GYUR RO ZHES STON PA GANG YIN PA DE NI NGES PA'I DON MA YIN TE, CI'I PHYIR NGES PA MA YIN ZHE NA, SBYIN PAS LONGS SPYOD 'THOB PAR 'GYUR RO ZHES BSHAD PA NI DON NGES PA YIN YANG CHOS 'CHAD PA LA NI ZANG ZING GI SBYIN PA MED PAS LONGS SPYOD 'THOB PAR 'GYUR RO ZHES BSTAN PA NI LONGS SPYOD THOB PAR 'GYUR BA YANG CHOS 'CHAD PA'I GANG ZAG GI RNAM PA SNA TSOGS KYIS SBYIN PA'I BSNGAGS PA BRJOD NAS GZHAN GYI SER SNA'I SEMS BKROL BA DANG, BDAG NYID KYI SER SNA YANG RAB TU SEL BAS RGYU DANG RKYEN DES LONGS SPYOD THOB PAR 'GYUR BA DE'I PHYIR NGES PA MA YIN PA ZHES BYA'O ZHES 'BYUNG NGO; ,BYANG CHUB SEMS DPA'I SDE SNOD CHEN PO'I MDO LAS NI PHAN TSUN LTOS PA RNAM PA DGUS NGES PA DANG, NGES PA MA YIN PA'I DON STON PAR MDZAD DE, DANG PO NI JI TZAM DU TSIG 'BRU RGYAS PA GANG YIN PA DE DAG NI DRANG BA'I MDO ZHES BYA'O, ,JI TZAM DU DON RGYAS PA DE DAG NI NGES PA'I DON GYI MDO ZHES BYA'O, ,GNYIS PA NI LAM YONGS SU BSTAN PA GANG YIN PA DE DAG NI DRANG BA'I DON CES BYA'O, ,'BRAS BU BSTAN PA GANG YIN PA DE DAG NI NGES PA'I DON CES BYA'O, ,GSUM PA NI KUN RDZOB KYI BDEN PA BSTAN PA GANG YIN PA DE DAG NI DRANG BA'I DON CES BYA'O, ,DON DAM PA'I BDEN PA BSTAN PA GANG YIN PA @74A *, ,DE DAG NI NGES PA'I DON CES BYA'O, ,BZHI PA NI LAS DANG NYON MONGS PA'I KUN NAS NYON MONGS PA BSTAN PA GANG YIN PA DE DAG NI DRANG BA'I DON CES BYA'O, ,LAS DANG NYON MONGS PA ZAD PAR BSTAN PA GANG YIN PA DE DAG NI NGES PA'I DON CES BYA'O, ,LNGA PA NI KUN NAS NYON MONGS PA'I CHOS LA SMOD PA GANG YIN PA DE DAG NI DRANG BA'I DON CES BYA'O, ,RNAM PAR BYANG BA'I CHOS BSGRUB PAR STON PA GANG YIN PA DE DAG NI NGES PA'I DON CES BYA'O, ,DRUG PA NI 'KHOR BA LA YONGS SU SKYO ZHING RGYAB KYIS PHYOGS PA DANG MYA NGAN LAS 'DAS PA LA MOS PAR BYA'O ZHES STON PA GANG YIN PA DE DAG NI DRANG BA'I DON CES BYA'O, ,'KHOR BA DANG MYA NGAN LAS 'DAS PA GNYIS SU MED CING BYE BRAG MED PAR STON PA GANG YIN PA DE DAG NI NGES PA'I DON CES BYA'O, ,BDUN PA NI TSIG 'BRU RNAM PA SNA TSOGS KYI BYE BRAG BSTAN PA GANG YIN PA DE DAG NI DRANG BA'I DON CES BYA'O, ,SHIN TU ZAB CING MTHONG BAR DKA' BA DANG RIG PAR DKA' BA STON PA GANG YIN PA DE DAG NI NGES PA'I DON CES BYA'O, ,BRGYAD PA NI TSIG 'BRU RGYA CHER BSHAD NAS SEMS DGA' BAR BYED PA GANG YIN PA DE DAG NI DRANG BA'I DON CES BYA'O, ,TSIG 'BRU DANG SEMS THAL BA LTA BUR STON PA GANG YIN PA DE DAG NI NGES PA'I DON CES BYA'O, ,DGU PA NI BDAG DANG SEMS CAN LA SOGS PA YOD PAR STON PA DANG, GZHAN YANG TSOR BA'I PHUNG PO RNAM PA SNA TSOGS YOD PAR RNAM PAR 'JOG LA, SEMS CAN LA DBANG BYED PA MED PAR STON PA GANG YIN PA DE DAG NI DRANG BA'I DON CES BYA'O, ,STONG BA DANG MTSAN MA MED PA LA SOGS PA DANG, BDAG YOD PA MA YIN PA LA SOGS PA DANG RNAM PAR THAR PA GSUM PO STON PA GANG YIN PA DE DAG NI NGES PA'I DON CES BYA'O ZHES BSHAD DO, ,'DUS PA CHEN PO'I MDO LAS KYANG PHAN TSUN LTOS PA RNAM PA BDUN GYIS STON PAR MDZAD PA YANG GNYIS PA DANG GSUM PA NI MI 'BYUNG STE RNAM GRANGS GZHAN PHAL CHER NI MTHUN NO, ,DE LA BYE BRAG YOD PA YANG 'DUS PA CHEN PO'I MDO LAS, NGES PA'I DON MA YIN PA'I MDO NI RJES SU 'BRANG BA'I LAM RNAM PAR 'BYED PA'O, ,NGES PA'I DON GYI MDO NI 'BRAS BUR RNAM PAR MI RTOG PA'O ZHES BSHAD DO, ,'DI NI BYANG CHUB SEMS DPA'I SDE SNOD KYI MDO LAS RGYU @74B DANG 'BRAS BU PHAN TSUN LTOS PA ZHES BSTAN PA NYID DO, ,RNAM PAR MI RTOG PA ZHES BYA BA NI LO TZ'A BA DAG GIS NOR BAR BSGYUR TE, GZHAN YANG 'DUS PA CHEN PO'I MDO LAS DRANG BA'I DON GYI MDO NI PHAL CHER SEMS CAN RNAMS LA DGE SDIG GI MTSAN NYID BSTAN PAS CHOS THOS PA DE DAG SEMS LA SPRO BA DANG; GDUNG BA SKYED PAR BYED PA GANG YIN PA'O, ,NGES PA'I DON GYI MDO NI JI TZAM DU BSHAD PA GANG YIN PA DES GDON MI ZA BAR NYAN PA DAG GIS SEMS 'DUL BA 'THOB PAR 'GYUR PA GANG YIN PA'O ZHES 'BYUNG STE, 'DI NI BYANG CHUB SEMS DPA'I SDE SNOD KYI MDO LAS BRGYAD PA RGYAS PA DANG, BSDUS PA PHAN TSUN LTOS PA BSTAN PA NYID DE TSIG MI MTHUN PA 'DRA YANG DON MI MTHUN PA MED DO, ,BYANG CHUB SEMS DPA'I SDE SNOD KYI MDO LAS, THAL BA LTA BU ZHES GSUNGS PA NI DUL BA'I MDO NYID YIN NO, ,'PHAGS PA MYA NGAN LAS 'DAS PA CHEN PO'I MDO LAS NI NYAN THOS KYI THEG PA DANG, BLA NA MED PA'I THEG PA CHEN PO LA SOGS PA PHAN TSUN LTOS PA RNAM PA BDUN GYIS NGES PA DANG NGES PA MA YIN PA STON TE, RGYA CHER DE NYID LAS GSUNGS PA BZHIN DU RIG PAR BYA'O, ,MDO 'DI NYID LAS NGES PA DANG NGES PA MA YIN PA'I BSTAN PA YANG MI MNGON PA DANG, RAB TU PHYE BA'I RNAM PAS NGES PA DANG NGES PA MA YIN PAR BSHAD PA MDZAD DO, ,GONG DU BSTAN PA BZHIN DU RNAM PAR DBYE BAR BYA'O, ,DE LTAR NA BSTAN PA RNAMS LAS NGES PA DANG, NGES PA MA YIN PA'I DON RNAM PA SNA TSOGS MI MTHUN PA'I PHYIR NGES PA DANG NGES PA MA YIN PA'I TSIG GIS BSTAN PA RNAMS LA ZAB BA DANG ZAB PA MA YIN PA ZHES BCAD DU MI RUNG NGO, ,DE LA GSUM PA BRJOD PAR BYA BA'I GZHUNG GIS DON ZAB PA DANG ZAB PA MA YIN PA'I BYE BRAG BSTAN PA YANG, RGYA GAR YUL PA'I SLOB DPON DAG GI BSHAD PA RNAM PA GNYIS YOD DE DANG PO NI SLOB DPON BHA BYA LA SOGS PAS 'DI SKAD DU CHOS KYI 'KHOR LO RNAM PA GSUM LAS BDEN PA BZHI NI DANG PO YIN NO, ,DGONGS PA ZAB MO NGES PAR 'GREL BA LA SOGS PA NI GNYIS PA YIN TE, CHOS KYI MTSAN NYID STON PA'I PHYIR RO, ,SHES RAB KYI PHA ROL TU PHYIN PA'I MDO RNAMS NI GSUM PA YIN TE DMIGS SU MED PA STON PA'I PHYIR RO ZHES BSHAD DE, DE DAG @75A *, ,GIS RIGS PA DANG LUNG KHUNGS SU BSTAN PA DAG NI GONG DU STONG PA NYID LEGS PAR ZIN PA BSTAN PA'I SKABS SU BSHAD PA BZHIN DU RIG PAR BYA'O, ,YUL 'DI PA'I SLOB DPON DAG GI BSHAD PA YANG RNAM PA GNYIS YOD DE, KHA CIG NA RE CHOS KYI 'KHOR LO RNAM PA GSUM PO DAG NI KUN BRTAGS RAB TU SEL BA TZAM DU ZAD DO ZHE'O, ,KHA CIG NA RE NGO BO NYID GSUM PO DAG YONGS SU RDZOGS PAR SEL TO ZHES ZER TE, BSTAN BCOS LAG NA RIN PO CHE LA SOGS PA LTA BU'O, ,GNYIS PA NI SLOB DPON CHOS SKYONG LA SOGS PA'I GZHUNG GIS, KUN BRTAGS BSAL BA TZAM DU ZAD KYI, NGO BO NYID GNYIS BSAL BA NI MA YIN BA'O ZHES STON TO, ,DE DAG GI GZHUNG NYID LAS KYANG BSHAD PA RNAM PA GNYIS YOD DE, DANG PO NI SDE SNOD GSUM PA YANG DAG BDEN PA NA RE NGO BO NYID RNAM PA GSUM YONGS SU RDZOGS PAR BSAL NAS NGO BO NYID MED PA RNAM PA GSUM RNAM PAR GZHAG PA YIN PAS GO RIMS BZHIN DU RNAM PAR GZHAG PA DANG RNAM PAR GZHAG PA MA YIN PA BSTAN PAR RIG PAR BYA'O ZHE'O, ,GNYIS PA NI SDE SNOD GSUM PA HYA NA TZAD NA RE, NGO BO NYID RNAM PA GSUM LAS KUN BRTAGS BSAL BAR ZAD KYI, NGO BO NYID GNYIS NI MA YIN NO ZHES ZER TE, GONG DU STONG PA NYID LEGS PAR ZIN PAR BSHAD PA'I SKABS SU BSTAN PA YIN NO, ,DE DAG GIS BRJOD PA LA ZAB PA DANG ZAB PA MA YIN PA YOD PA YANG DANG PO BDEN PA BZHI'I CHOS KYI 'KHOR LO BSKOR BA NYID LA YANG DON RNAM PA GNYIS YOD DE, MNGON PAR 'DU BYAS PA DANG BCAS PA DANG, MNGON BAR 'DU BYAS PA MED PA'O, ,DE NI DNGOS PO YOD PA DANG RNAM PAR 'GYUR BA'I BDEN PA BZHI STE, CHOS KYI 'KHOR LO DANG POR BSKOR BA NI DANG PO LA DGONGS PA YIN NO, ,CHOS KYI 'KHOR LO GNYIS PA NI KUN BRTAGS PA BSAL BA KHO NA'O, ,CHOS KYI 'KHOR LO GSUM PA NI NGO BO NYID MED PA NYID RNAM PA GSUM YONGS SU RDZOGS PAR STON TO, ,DE LA CHOS KYI 'KHOR LO GNYIS PA DANG GSUM PAS MTSAN NYID MED PAR STON PA YANG DON LA NI ZAB PA DANG ZAB PA MA YIN PA ZHES BYA BA MED DO ZHES BSHAD DE, BSHAD PA 'DI DANG SBYAR NA GNYIS KA YANG NGES PA'I DON YIN NO, ,'DIR GSUM PA @75B LA NGES PA'I DON CES BSTAN PA NI NGO BO NYID RNAM PA GSUM LA SOGS PA TSANG BAR BSTAN PA'I PHYIR RO, ,YANG DAG PA'I DON DU NA SHES RAB KYI PHA ROL TU PHYIN PA'I MDO RNAMS KYANG NGES PA'I DON YIN MOD KYI PHAL CHE BA'I DBANG DU MDZAD PAS DE'I PHYIR NGES BA MA YIN PA ZHES BSTAN TE, DE'I PHYIR NGO BO NYID MED KYIS THEG PA CHEN PO BSDUS PA'I 'GREL PA BYAS PA LAS, GZHAN YANG SHES RAB KYI PHA ROL TU PHYIN PA'I MDO LAS JI SKAD DU, BYAMS PA JI SNYAM DU SEMS, KUN BRTAGS RNAMS LAS YANG DAG PAR YOD PA MA YIN PA NGO BO NYID GANG YIN PA DE CI GZUGS CAN NAM, GZUGS CAN MA YIN PA ZHIG YIN NAM, BCOM LDAN 'DAS MA LAGS SO, ,GZHAN GYI DBANG RNAMS MING DANG 'DU SHES KYIS BRDA DANG THA SNYAD BRJOD PA'I NGO BO NYID GANG YIN PA DE CI GZUGS CAN NAM, GZUGS CAN MA YIN PA ZHIG YIN NAM, BCOM LDAN 'DAS MA LAGS SO, ,YONGS SU GRUB PA RNAMS LAS STONG BA NYID DANG BDAG MED PA GANG YIN PA DE CI GZUGS CAN NAM, GZUGS CAN MA YIN PA ZHIG YIN NAM, BCOM LDAN 'DAS MA LAGS SO, ,BYAMS PA RNAM GRANGS DES NI 'DI LTAR SHES PAR BYA STE, KUN BRTAGS PA'I NGO BO NYID RNAMS NI GDAN MI ZA BAR YOD PA MA YIN PA'O, ,GZHAN GYI DBANG GI NGO BO NYID RNAMS NI MING DANG 'DU SHES KYIS BRDA DANG THA SNYAD DU YOD PA KHO NA'O, ,YONGS SU GRUB PA'I NGO BO NYID RNAMS NI STONG PA DANG BDAG MED PA'I NGO BO NYID DU YONGS SU RDZOGS PAR YANG DAG PA NYID DU YOD DE, NGAS DE LA DGONGS PA'I PHYIR DGONGS PAS DE DAG LA GRANGS GNYIS MED DO ZHES BSHAD DE, 'DI LTA STE, GZUGS LA SOGS PA'O ZHES GSUNGS PA LTA BU'O ZHES 'BYUNG NGO, ,GZHAN YANG DE NYID LAS SHAS RAB KYI PHA ROL TU PHYIN PA KHUNGS SU BZHAG NAS PHUNG PO LNGA NAS SANGS RGYAS KYI CHOS KYI BAR DU KUN LA YANG NGO BO NYID RNAM PA GSUM YOD PAR STON TE, RGYA CHER DE NYID LAS BSTAN PA BZHIN NO, ,GZHAN YANG SHES RAB KYI PHA ROL TU PHYIN PA RNAM PA GNYIS YOD DE, ZAB PA DANG ZAB PA MA YIN PA'O, ,DE LA ZAB PA NI NGES PA'I DON TO, ,ZAB PA MA YIN PA NI DRANG BA'I DON TE DE'I PHYIR 'PHAGS PA SHES RAB KYI PHA ROL TU PHYIN PA'I 'GREL PA LAS, GZHAN YANG CHOS @76A *, ,JI LTA BU ZHIG GIS SHIN TU ZAB CING SHES RAB KYI PHA ROL TU PHYIN PA LAS KHYAD PAR CAN DU GYUR NA SHES RAB KYI PHA ROL TU PHYIN PA NI KUN DGA' BO LA YONGS SU GTAD PAR MDZAD LA, MDO SDE GZHAN DAG NI BYANG CHUB SEMS DPA' DAG LA GTAD PAR MDZAD CE NA, SMRAS PA, SHES RAB KYI PHA ROL TU PHYIN PA NI SHIN TU GSANG BA'I CHOS MA YIN LA, DAM PA'I CHOS PADMA DKAR PO'I MDO LA SOGS PA DAG LAS, DGRA BCOM PA RNAMS MNGON PAR RDZOGS PAR 'TSANG RGYA BAR 'GYUR BAR LUNG STON PAS, BYANG CHUB SEMS DPA' DAG GIS YONGS SU 'DZIN TO, ,GZHAN YANG BCOM LDAN 'DAS KYIS BSAM GYIS MI KHYAB PA RNAM PAR THAR BA'I MDO LAS JI SKAD DU, DGRA BCOM PA LNGA BRGYA PO DAG BCOM LDAN 'DAS KYI ZHAM 'BRING NA 'DUG KYANG THOS PAR MA GYUR TE, ,GAL TE THOS PAR GYUR NA YANG YONGS SU SPYOD PAR MI NUS SO ZHES GSUNGS PA LTA BU'O, ,GZHAN YANG SHES RAB KYI PHA ROL TU PHYIN PA NI RNAM PA GNYIS YIN TE, NYAN THOS DANG THUN MONG DU GSUNGS PA DANG GNAS PA BCU LAS, SA BCU PA'I BYANG CHUB SEMS DPA' CHEN PO RNAMS KHO NA LA GSUNGS PAS SA DGU PA DAG GIS KYANG THOS PAR BYA BA MA YIN NA GSAR DU SEMS BSKYED PA RNAMS LTA SMOS KYANG CI DGOS PA'O; SA DANG PO YAN CHAD KYIS THOS NA YANG SO SO NAS MI MTHUN TE, SHES RAB KYI PHA ROL TU PHYIN PA'I SPYI'I MTSAN NYID GCIG KHO NA YIN YANG, ZAB PA DANG, ZAB PA MA YIN PA NI THA DAD DO ZHES 'BYUNG STE, RGYA CHER DE NYID LAS BSHAD PA BZHIN NO, ,DES NA SHES RAB GZHAN SA DGU PA MAN CHAD SA DANG PO YAN CHAD KYIS THOS NA YANG SO SO NAS MI MTHUN TE, SHES RAB KYI PHA ROL TU PHYIN PA'I SPYI'I MTSAN NYID GCIG KHO NA YIN YANG, ZAB PA DANG, ZAB PA MA YIN PA NI THA DAD DO ZHES 'BYUNG STE, RGYA CHER DE NYID LAS BSHAD PA BZHIN NO, ,DES NA SHES RAB KYI PHA ROL TU PHYIN PA LA YANG NGES PA DANG BCAS PA MA YIN PA'I DON YOD PAR RIG PAR BYA'O, ,GZHAN YANG SHES RAB KYI PHA ROL TU PHYIN PA'I 'GREL BA LAS, THUN MONG DANG THUN MONG MA YIN PA'I SHES RAB KYI PHA ROL TU PHYIN PA ZHES STON TE, MANGS SU DOGS NAS 'DIR MA BRJOD DO,, ,,BAM PO SUM CU BZHI PA, BCOM LDAN @76B 'DAS RIGS KYI BU'AM RIGS KYI BU MO GANG GIS DE BZHIN GSHEGS PAS CHOS THAMS CAD NGO BO NYID MA MCHIS PA DANG, SKYE BA MA MCHIS PA DANG, 'GAG PA MA MCHIS PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA NYID LAS BRTZAMS NAS GSUNGS PA SHIN TU ZAB PA NGES PA'I DON BSTAN PA ZHES BYA BA 'DI MAN CHAD NI GNYIS PA BSOD NAMS KYI KHYAD PAR YANG DAG PAR ZHUS PA'O, ,'DI YANG RNAM PA GNYIS TE, BYANG CHUB SEMS DPAS ZHU BA GSOL BA DANG, DE BZHIN GSHEGS PAS LAN YANG DAG PAR GSUNGS PA'O, ,DANG PO YANG RNAM PA GNYIS TE, GANG ZAG LAS BRTZAMS NAS ZHUS PA SMOS PA DANG, THOS NAS MOS BAR BGYID PA ZHES BYA BA MAN CHAD KYIS CHOS SPYOD RNAM PA BCU BSKYED PAS BSOD NAMS MANG NYUNG JI TZAM SKYE BAR 'GYUR BA NYID YANG DAG PAR ZHU BA'O, ,'DI NI DANG PO STE GONG DU BSTAN PA LTA BU'I NGO BO NYID MED PA NYID KYI TSIG RAB TU STON PA'I PHYIR SHIN TU ZAB PA NGES PA'I DON BSTAN PA ZHES BYA BA GSUNGS SO ZHES BYA BA'I THA TSIG GO, ,THOS NAS MOS PAR BGYID PA DANG, YI GER 'DRIR STZOL BA DANG, YONGS SU BSRUNG BA DANG, MCHOD PA DANG, YANG DAG PAR 'GREL PA DANG, 'CHANG BA DANG, KLOG PA DANG, KHA DON BGYID PA DANG, TSUL BZHIN DU SEMS PA DANG, BSGOM PA'I RNAM PAS SBYOR BAR BGYID PAS DE BSOD NAMS JI TZAM BSKYED PAR 'GYUR LAGS, DE SKAD CES GSOL BA DANG ZHES BYA BA NI GNYIS PA CHOS SPYOD RNAM PA BCU BSKYED PAS BSOD NAMS MANG NYUNG JI TZAM BSKYED PAR 'GYUR BA NYID YANG DAG PAR ZHUS PA STE, CHOS SPYOD RNAM PA BCU PO 'DI DAG NI SNGAR GONG DU BSHAD PA BZHIN DU RIG PAR BYA'O, ,DE NAS BCOM LDAN 'DAS KYIS BYANG CHUB SEMS DPA' DON DAM YANG DAG 'PHAGS LA 'DI SKAD CES BKA' STZAL TO, ,DON DAM YANG DAG 'PHAGS RIGS KYI BU 'AM, RIGS KYI BU MO DE NI BSOD NAMS DPAG TU MED, GRANGS MED PA BSKYED PA, DPER BYA BA SLA BA MA YIN YANG NGAS DENG 'DIR KHYOD LA MDOR BSDUS NAS PHYOGS CUNG ZAD CIG BSHAD PAR BYA'O ZHES BYA BA LA SOGS PAS NI GNYIS PA DE BZHIN GSHEGS PAS LAN YANG @77A *, ,DAG PAR GSUNGS PA BSTAN TO, ,'DI YANG RNAM PA GNYIS TE, MCHOG GI BSNGANGS PA BRJOD NAS BSHAD PAR GNANG BA DANG, ZHUS PA BZHIN DU LAN YANG DAG PAR GSUNGS PA'O, ,'DI NI DANG PO STE, MDO NYID KYIS BRDA PHRAD PAR ZAD DO, ,DPER NA SEN MO LA GNAS PA'I SA'I RDUL GANG YIN PA DE NI SA LA GNAS PA'I RDUL RNAMS DANG BSKRUN NA BRGYA'I CHAR YANG NYE BAR MI 'GRO ZHING, STONG GI CHA DANG, 'BUM GYI CHA DANG, GRANGS DANG, CHA DANG, BGRAD PA DANG, DPE DANG, RGYUR YANG NYE BAR MI 'GRO'O ZHES BYA BA LA SOGS PAS NI GNYIS PA DE BZHIN GSHEGS PAS LAN YANG DAG PAR BSTAN TO, ,'DI YANG RNAM PA GNYIS TE, DPE RNAM PA GNYIS SMOS NAS, SHIN TU ZAB PA'I KHYAD PAR BSTAN PA DANG, DE BZHIN DU ZHES BYA BA MAN CHAD KYIS DPE DANG DON DU SBYAR NAS BSOD NAMS KYI KHYAD PAR BSTAN TO, ,DANG PO DPE BSTAN PA YANG RNAM PA GNYIS SU DBYE STE, SEN MO'I SA'I DPE DANG BA LANG GI RJES KYI DPE'O, ,MDO 'DI LAS NI CHA RNAM PA BRGYAD KYIS BSOD NAMS KYI KHYAD PAR STON PAR MDZAD DE, BRGYA'I CHA DANG, STONG GI CHA DANG, BRGYA STONG GI CHA DANG, GRANGS KYI CHA DANG, RTZIS KYI CHA DANG, BGRANG BA DANG, DPE'I CHA DANG, RGYU'I CHA'O, ,MCHOG TU ZLA MED PA'I MDO DANG, NGO MTSAR RMAD DU BYUNG BA'I MDO LAS KYANG CHA RNAM PA BRGYAD KYIS STON TE, MDO 'DI DANG MTHUN NO, ,BYANG CHUB SEMS DPA'I SDE SNOD KYI MDO LAS GRANGS 'DI DANG MTHUN PAR 'BYUNG YANG CHA PHYI MA LNGA PO GRANGS DANG CHA DANG BGRANG BA DANG DPE DANG RGYU ZHES BYA BA DANG, RGYA GAR SKAD DU 'BYUNG STE, DE DAG LAS SNGA MA BZHI NI GSUNG RAB LAS BSTAN PA DAG DANG SBYAR NA GO RIMS BZHIN DU GRANGS DANG, CHA DANG, BGRANG PA DANG, DPE DANG SBYAR BAR BSHAD DE, 'PHAGS PA SHES RAB KYI PHA ROL TU PHYIN PA RDO RJE GCOD PA'I 'GREL PA LAS KYANG GRANGS DANG, CHA DANG, BGRANG BA DANG, DPE DANG SBYAR BAR BSHAD DO, ,'PHAGS PA RDO RJE GCOD PA DANG 'KHOR LO BCU PA'I MDO LAS NI CHA RNAM PA BCU BSTAN TO, ,BRGYA STONG GI 'OG TU YANG BYE BA DANG, KHRAG KHRIG GI CHAS BSNAN NA'O, ,'PHAGS PA SHES RAB KYI PHA @77B ROL TU PHYIN PA'I MDO LAS NI CHA RNAM PA BCU GSUM 'BYUNG BAS BRGYA STONG GI 'OG TU YANG CHA RNAM PA LNGA BSNAN PA 'DI LTA STE, BYE BA'I CHA DANG BYE BA BRGYA'I CHA DANG, BYE BA STONG GI CHA DANG, BYE BA BRGYA STONG GI CHA DANG BYE BA KHRAG KHRIG GI CHA'O, ,DE LA CHA RNAMS KYI BYE BRAG BSHAD PA YANG SLOB DPON YANG DAG BDEN PAS BSGYUR BA SHES RAB KYI PHA ROL TU PHYIN PA RDO RJE GCOD PA'I MDO LAS BRGYA'I CHAR YANG NYE BAR MI 'GRO'O, ,STONG DANG KHRI DANG 'BUM GYI CHAR YANG NYE BAR MI 'GRO'O, ,BGRANG BA DANG GRANGS SU YANG NYE BAR MI 'GRO BA NAS MTHU STOBS DANG RNAM PA DANG RJES SU MTHUN PA DANG, DPE'I BAR DU NYE BAR MI 'GRO'O ZHES 'BYUNG STE, SLOB DPON YANG DAG BDEN PAS BSHAD PA'I 'GREL PA LAS DON RNAM PA LNGA SMOS NAS 'DI KHYAD PAR DU 'PHAGS SHING, DE DMAN PA YIN PAR RAB TU BSTAN PA YIN TE, GRANGS KYI TSAD LAS BRTZAMS PA'I PHYIR KHYAD PAR DU 'PHAGS PA DANG MTHU STOBS LAS BRTZAMS PA'I PHYIR KHYAD PAR DU 'PHAGS PA DANG RNAM PA LAS BRTZAMS PA'I PHYIR KHYAD PAR DU 'PHAGS PA DANG RJES SU MTHUN PA LAS BRTZAMS PA'I PHYIR KHYAD PAR DU 'PHAGS PA DANG DPE LAS BRTZAMS PA'I PHYIR KHYAD PAR DU 'PHAGS PA'O, ,DE LA GRANGS KYI TSAD CES BYA BA NI GRANGS KYI TSAD KYI MTHAR GTUGS KYANG NYE BAR MI 'GRO STE, MDO LAS BRGYA'I CHAR YANG NYE BAR MI 'GRO BA ZHES BYA BA NAS, GRANGS SU YANG NYE BAR MI 'GRO'O ZHES GSUNGS PA'I BAR DAG GO, ,MTHU STOBS ZHES BYA BA NI 'DI LTA STE, JI LTAR 'DOD PA BZHIN DU THEG PA GSUM GYI 'BRAS BU KHYAD PAR DU 'PHAGS PA THOS PAS YID BZHIN GYI NOR BU RIN PO CHE KHYAD PAR DU 'PHAGS PA MNGON PAR 'GRUB PA STE, BRDAR BTAGS PA'I 'JIG RTEN PA YID BZHIN GYI NOR BU RIN PO CHE RI RAB RI'I RGYAL PO TZAM STONG GSUM GYI STONG CHEN PO'I 'JIG RTEN GYI KHAMS YONGS SU GANG BA LA YANG THEG PA GSUM GYI 'BRAS BU 'THOB PA'I MTHU STOBS 'DI LTA BU MED PA'I PHYIR RO, , RNAM PAS KHYAD PAR DU 'PHAGS PA ZHES BYA BA LA RNAM PA NI RNAM PA LNGA STE, SDE SNOD LNGA'I DON NYID DE DE BZHIN GSHEGS PA DANG, YANG DAG PA'I CHOS DANG, CHOS KYI SKU DANG, 'JIG RTEN LAS 'DAS PA'I CHOS DANG, RANG BZHIN RNAM PAR DAG PA'O, ,SDE SNOD LNGA'I DON NYID NI RNAM PA'I DON YIN TE, DE @78A *, ,BZHIN NYID KYI RNAM PA GCIG LA SDE SNAD LNGA'I DON YOD PAS, DANG BOS NI NGO BO NYID BDAG NYID BSTAN TO, ,GNYIS PAS NI RGYU RAB TU BSTAN TO, ,GSUM PAS NI 'BRAS BU BSTAN TO, ,BZHI PAS NI YON TAN BSTAN TO, ,LNGA PAS NI THUN MONG MA YIN PA BSTAN TE, RNAM PAR MI RTOG PA'I YE SHES KHO NAS BRNYES PAR BYA BA YIN PA'I PHYIR RO, ,LNGA PO 'DI LTA BU DAG NI RNAM PA'I DON YIN LA ZANG ZING GI SBYIN PA'I BSOD NAMS DE DAG LA DON LNGA PO 'DI LTA BU'I RNAM PA MED PAS DE'I PHYIR NYE BAR MI 'GRO'O, ,DE LA RJES SU MTHUN PA ZHES BYA BAS NI RGYU DANG 'BRAS BU RJES SU MTHUN PAR GYUR PA BSTAN TE, 'DI LTAR THEG PA CHEN PO LA MOS PA GANG YIN PA DES NI DE BZHIN NYID RTOGS PAR 'GYUR LA, SBYIN PA BTANG BA'I BSOD NAMS KYI DE BZHIN NYID DANG, RJES SU MTHUN BAR MI 'GYUR BAS RJES SU MTHUN PA DE LTA BU MED PA'I PHYIR NYE BAR MI 'GRO'O, ,DE LA DPE ZHES BYA BA NI DE BZHIN NYID 'DI NYID CHOS KYI DAM PA YIN TE, CHOS GZHAN 'DI DANG MTSUNGS PA GANG YANG MED PA'I PHYIR DPER BYAR RUNG BA MED DO ZHES 'BYUNG STE, ZHIB TU DE NYID LAS BSHAD PA BZHIN NO, ,BOD LE'U CHIS BSGYUR BA'I RDO RJE GCOD PA LAS NI BRGYA'I CHAR YANG MI PHOD DO, ,STONG GI CHAR YANG MI PHOD DO, ,BRGYA STONG GI CHAR YANG MI PHOD DO, ,GRANGS KYI CHAR YANG MI PHOD DO, ,RGYU'I CHAR YANG MI PHOD PA NAS BGRANG BA DANG, DPE'I BAR DU YANG MI BZOD DO ZHES 'BYUNG STE, SLOB DPON DBYIG GNYEN GYIS 'PHAGS PA SHES RAB KYI PHA ROL TU PHYIN PA RDO RJE GCOD PA'I 'GREL PA MDZAD PA LAS NI KHYAD PAR DU 'PHAGS PA RNAM PA BZHI LAS BRTZAMS NAS MCHOG DANG DMAN PA'I KHYAD PAR BSTAN TE, DE'I PHYIR TSIG LE'UR BYAS PA LAS, GRANGS DANG MTHU DANG MTSUNGS MED 'PHAGS PA DANG, ,MTSUNGS PA MED PA'I RGYU YANG DE BZHIN TE, ,'JIG RTEN PA YI CHOS NI THAMS CAD KYIS, ,DPER BYAR RUNG BDAG NI RNYED MI 'GYUR, ,ZHES 'BYUNG NGO, ,'DI NYID KYI 'GREL PA LAS 'DIS NI DON CI ZHIG STON CE NA, BSOD NAMS SNGA MA PAS BSOD NAMS 'DI KHYAD PAR DU 'PHAGS PAR STON TO, ,JI LTAR 'PHAGS SHE NA, GRANGS KYIS KHYAD PAR DU @78B 'PHAGS PA DANG MTHUS KHYAD PAR DU 'PHAGS PA DANG, MTSUNGS PA MED PAS KHYAD PAR DU 'PHAGS PA DANG, RGYUS KHYAD PAR DU 'PHAGS PA STE, DE'I PHYIR TSIG LE'UR BYAS PA LAS, 'JIG RTEN PA YI CHOS NI THAMS CAD KYAS, ,DPER BYAR RUNG BA DAG NI RNYED MI 'GYUR, ,ZHES BSTAN PA YIN NO, ,DE LA GRANGS KYIS KHYAD PAR DU 'PHAGS PA NI, MDO LAS BRGYA'I CHAR YANG MI PHOD PA NAS BGRANG BA DANG, DPE'I BAR DU YANG MI BZOD PA'O ZHES GSUNGS PA STE, GRANGS KYI TSAD MED PA'I PHYIR DE LAS GZHAN PA'I GRANGS RNAMS KYANG BRJOD PAR RIG PAR BYA'O, ,MTHUS KHYAD PAR DU 'PHAGS PA NI MDO LAS CHAR YANG MI PHOD DO ZHES GSUNGS PA'I PHYIR RO, ,MTSUNGS PA MED PAS KHYAD PAR DU 'PHAGS PA NI BSOD NAMS 'DI GRANGS SU DE MI BGRANG BA'I PHYIR TE MDO LAS BGRANG BAR YANG MI PHOD DO ZHES GSUNGS PA'I PHYIR RO, ,RGYUS KHYAD PAR DU 'PHAGS PA NI RGYU DANG 'BRAS BU'I TSUL TZAM GYIS MTSUNGS PA YANG MED DE, 'DI'I RGYU DANG 'BRAS BU LAS KHYAD PAR DU 'PHAGS PA'I PHYIR MDO LAS RGYU'I BAR DU MI BZOD DO ZHES GSUNGS PA YIN TE, CHOS 'DI DAG GIS KHYAD PAR DU 'PHAGS SHING 'JIG RTEN NA CHOS GANG GIS 'DI'I DPER BYAR RUNG BA MED PA'I PHYIR TSIG LE'UR BYAS PA LAS, 'JIG RTEN PA YI CHOS NI THAMS CAD KYIS, ,DPER BYAR RUNG BDAG NI RNYED MI 'GYUR, ,ZHES BSTAN TE, DE LTAR NA 'DI'I BSOD NAMS LA LTOS NA DE'I BSOD NAMS SHIN TU CHUNG BAS DE'I PHYIR CHOS GANG YANG DE'I DPER RUNG BA MED DO ZHES 'BYUNG NGO, ,SLOB DPON RDO RJE DRANG SRONG GI 'GREL PA LAS BRGYA'I CHAR YANG MI PHOD DO ZHES BYA BA LA SOGS PA NI GRANGS KHYAD PAR DU 'PHAGS PA STE, 'DIS NI ZAG PA DANG BCAS PA'I BSOD NAMS NI ZAD PA'I CHOS CAN YIN PAS DE'I PHYIR TSAD YOD PA YIN LA ZAG PA MED PA'I DAG PA'I CHOS NI ZAD PA MED PA'I CHOS YIN TE, GRANGS KYI TSAD KYANG MED PAS KHYAD PAR DU 'PHAGS PA YIN NO ZHES BSTAN TO, ,CHAR YANG MI PHOD CES BYA BA NI MTHUS KHYAD PAR DU 'PHAGS PA STE, 'DI LTAR ZAG PA MED PA'I DGE BA'I CHOS KYI BSOD NAMS KYI STOBS NI ZAG PA DANG BCAS PA'I DGE BA'I CHOS LAS KHYAD PAR DU 'PHAGS PA'I PHYIR MTHUS KHYAD PAR DU 'PHAGS PA ZHES BYA'O, , @79A *, ,BGRANG BA'I CHAR YANG MI PHOD CES BYA BA NI MTSUNGS PA MED PAS KHYAD PAR DU 'PHAGS PA STE, BGRANG BA DGONG NAS GONG DU SHIN TU PHRA ZHING THA MAR CUNG ZAD CIG YOD PA'I CHAR YANG MI PHOD PAS NA, DE'I PHYIR MTSUNGS PA MED PAS KHYAD PAR DU 'PHAGS PA ZHES BYA STE, 'DIS NI ZAG PA MED PA'I DGE BA'I CHOS DE GAL TE GZUGS CAN ZHIG YIN NA NI NAM MKHA' DANG CHOS KYI DBYINGS KYIS KYANG SHONG BAR MI 'GYUR TE, 'DI LTAR ZAG PA DANG BCAS PA NI ZAD PA'I CHOS CAN GZUGS CAN YIN LA, 'DUS MA BYAS NI ZAG PA MED PA'I CHOS CAN YIN PA'I PHYIR TE, CI STE MTSUNGS PA MA YIN PA THA NA TIL 'BRU GCIG CHA KHRI PHRAG DU MA TZAM DU GSES PA TZAM YOD NA YANG RI RAB LA SGRIB PAS LUS CHUD ZOS PA DAG GIS PHAN TSUN BSGRUN DU MI RUNG NGO ZHES BYA BA'I THA TSIG GO, ,RGYUR YANG MI BZOD DO ZHES BYA BA NI RGYUS KHYAD PAR DU 'PHAGS PA STE RGYU DANG 'BRAS BU MI MTSUNGS PAR STON TO, ,RIN PO CHE DANG ZAG PA DANG BCAS PA'I DGE BA DAG NI KHAMS GSUM GYI RNAM PAR SMIN PA THOB PAS RGYU DANG 'BRAS BU GNYIS KA DMAN PA YIN LA, ZAG PA MED PA'I DGE BAS NI MTHAR 'BRAS BU SANGS RGYAS SU 'GRUB PAR 'GYUR PAS RGYU DANG 'BRAS BU GNYI GA KHYAD PAR DU 'PHAGS PA'I PHYIR RGYU DANG 'BRAS BU MI MTSUNGS PA ZHES BYA'O ZHES 'BYUNG NGO, ,MDO 'DI LAS GSUNGS PA'I CHA SNGA MA GSUM NI MING NYID KYIS BRDA PHRAD PAR ZAD DO, ,DE LA GRANGS KYI CHA ZHES BYA BA NI SA BCU'I MDO SDE'I 'GREL PA LAS DE LA GRANGS ZHES BYA BA NI GCIG PHRAG GNYIS LA GNYIS SO, ,GNYIS PHRAG GNYIS LA BZHI'O ZHES BYA BA LA SOGS PA'O ZHES BSHAD DO, ,SLOB DPON YON TAN BYIN GYIS 'PHAGS PA SHES RAB KYI PHA ROL TU PHYIN PA RDO RJE GCOD PA'I MDO'I 'GREL PA BYAS PA LAS DE LA GRANGS ZHES BYA BA NI GNAS SKABS DRUG PO DAG STE, DE LAS 'DAS PA PHAN CHAD NI BGRANG BAR MI NUS SO ZHES 'BYUNG STE, MDZOD KYI BSTAN BCOS LAS NI GRANGS PHRA BA NAS BRTZEGS PA'I 'GRES DRUG CU STON TO, ,SANGS RGYAS PHAL PO CHE'I MDO LAS NI 'GRES BRGYA NYI SHU 'BYUNG NGO, ,'DIR NI RE ZHIG MDZOD KYI BSTAN BCOS LAS BSHAD PA DANG SBYAR BA'I PHYIR DRUG CU ZHES BSTAN TO, ,RDO RJE DRANG SRONG GI 'GREL PA DANG SBYAR NA DE LAS @79B CHA SNGA MA LNGA NI KUN KYANG GRANGS KYI CHA ZHES BYA'O ZHES BSTAN TE, DE'I PHYIR DE NYID LAS BRGYA'I CHAR YANG MI PHOD DO ZHES BYA BA LA SOGS PAS NI GRANGS KHYAD PAR DU 'PHAGS PA'O ZHES BSHAD PA YIN NO, ,DE LA BGRANG BA'I CHA ZHES BYA BA NI 'PHAGS PA SA BCU'I MDO'I 'GREL PA LAS, BGRANG BA ZHES BYA BA NI GCIG NAS BRTZEGS PA DANG BCU LAS BSKYAD PA LA SOGS PA'O ZHES BSHAD DO, ,BSTAN BCOS BYE BRAG TU BSHAD PA CHEN PO LAS, GRANGS ZHES BYA BA'I CHOS CI YIN ZHE NA, SMRAS PA TSUL BZHIN DU 'GYUR BA'I YID KYI LAS DANG DE'I RTEN DU GYUR PA THABS MKHAS PA'I SHES PA RNAMS SO, ,'DIR GRANGS ZHES BYA BA YANG BGRANG BAR BYA BA 'BRAS DANG, TIL LA SOGS PA'I DNGOS PO'I GRANGS BRGYA STONG LA SOGS PA LA BYA BA MA YIN GYI JI TZAM DU BGRANG BAR NUS PA'I CHOS LA BYA BAS DE GRANGS ZHES BSHAD DO ZHES BYA BA NAS 'DI LTAR PHUNG PO BZHI NI GRANGS KYI NGO BO NYID YIN NO ZHES BYA BA'I BAR DU BSTAN TO, , GZHAN YANG DE NYID LAS BGRANG PA ZHES BYA BA'I CHOS CI YIN ZHE NA, SMRAS PA TSUL BZHIN DU RNAM PAR 'GYUR BA'I DAG GI LAS DANG, DE'I RTEN DU GYUR PA THABS MKHAS PA'I SHES PA RNAMS SO, ,'DIR BGRANG BA ZHES BYA BA YANG BGRANG BA'I GRANGS GCIG DANG, BCU DANG, BRGYA DANG, STONG DANG, KHRI DANG, 'BUM LA SOGS PA'I CHOS LA BYA BA MA YIN GYI JI TZAM DU BGRANG BAR NUS PA'I CHOS LA BYA BAS BGRANG BAR NUS PA'I CHOS DE LA DE'I PHYIR BGRANG BA ZHES PA BSHAD DO ZHES BYA BA NAS, 'DI LTAR PHUNG PO LNGA NI BGRANG BA'I NGO BO NYID DO ZHES BYA BA'I BAR DU BSTAN TO, ,BSHAD PA 'DI DANG SBYAR NA GRANGS DANG BGRANG BAR NUS PA'I THABS MKHAS PA'I SHES PA LA SOGS PA LAS BGRANG BA DANG, GRANGS ZHES BYA BAR STON TE, DE LTA BU'I DON DANG LDAN YANG 'DIR NI RE ZHIG BSHAD PA SNGA MA LTAR SBYAR RO, ,DE LA CHA ZHES BYA BA NI YON TAN GYI 'GREL PA LAS, CHAR YANG MI PHOD DO BGRANG BAR YANG MI PHOD DO ZHES 'BYUNG YANG, 'DIR NI CHA SHIN TU PHRA BA'I DON LA BRTEN NAS BSHAD DE, 'DI LTAR 'CHANG BA DANG 'DZIN PA'I BSOD NAMS NI MCHOG TU PHRA BA'I NGO BO NYID DE, BSOD NAMS SHIN TU MANG BAS SNGA MAS BSGRUB PAR MI NUS TE, DPAG PA'I CHA'I MTHAR GTUGS PA TZAM DU YANG MI MTSUNGS PAS SHIN TU PHRA BA YANG DE DANG 'DRA NA @80A *, ,GZHAN THAMS CAD LTA SNOS KYANG CI DGOS ZHES BSHAD DO, ,BSTAN BCOS MNGON PA KUN LAS BTUS PA LAS NI, BGRANG BA DANG CHA GNYI GA YANG GRANGS ZHES BSHAD DE DE'I PHYIR DE NYID LAS GRANGS NI RNAM PA GNYIS TE BGRANG BA'I GRANGS DANG, NGES PA'I GRANGS SO, , DE LA BGRANG BA'I GRANGS NI 'DI LTA STE, PHA ROL TU PHYIN PA DRUG PO DAG GO, ,NGES PA'I GRANGS NI 'DI LTA STE, PHA ROL TU PHYIN PA'I GRANGS NI DRUG PO KHO NA YOD PAS DE LAS MI MANG MI NYUNG NGO ZHES BSHAD DO, ,DPE'I CHA ZHES BYA BA NI YON TAN BYIN GYI 'GREL PA LAS DPE'I CHAR YANG MI PHOD DO ZHES BYA BA NI JI LTAR BU MO GZHON NU MAL ZLA BA'I GDONG ZHES BRJOD PA LTA BU RIL ZLA BA 'DRA'O ZHES BRJOD PA MA YIN GYI MDOG MDANGS CUNG ZAD TZAM ZHIG GI CHA DE'I MTSAN NYID DANG MTSUNGS PAS SO, ,SNGA MA'I BSOD NAMS NI DE LTA MA YIN TE, CUNG ZAD TZAM ZHIG 'DRA ZHING DPER BYA BA YANG MED PAS SO, ,RGYUR YANG NYE BAR MI 'GRO'O ZHES BYA BAS NI MTHA' BSTAN TE, 'DI NI GRANGS DANG BGRANG BA DANG CHA DANG, DPE ZHES BYA BA BZHI PO DAG GI NANG NA MCHOG TU THAMS CAD GYUR BA GCIG GI MTHA' YIN PA'I PHYIR, GRANGS LA SOGS PA LAS RGYUR YANG NYE BAR MI 'GRO BA ZHES BSHAD DO, ,GZHAN YANG RGYUR YANG NYI BAR MI 'GRO'O ZHES BYA BA NI GRANGS KYI MTHA' KHO NA YIN PAS 'DI NI RGYA GAR YUL PA RNAMS KYI GRANGS KYI NANG NAS THA MAR GYUR PA'I MING YIN NO, ,DE NI YUL 'DI PA'I GRANGS KYI MTHA'I MING RJE LTA BU YIN YANG RJE'I DNGOS NI MA YIN TE, YUL 'DIR GRANGS KYI MING NYUNG BAS RNAM PA BCU DRUG LAS MED LA, RGYA GAR YUL PA RNAMS LA NI GRANGS KYI MING DRUG CU YOD PAS SO, ,SLOB DPON DBYIG GNYEN DANG YON TAN BYIN GYIS 'PHAGS PA RDO RJE GCOD PA'I 'GREL PA LAS, RGYUR YANG NYE BAR MI 'GRO'O ZHES BYA BA'I DON GANG ZHE NA, DE'I BSOD NAMS KYI CHA SHAS CHUNG NGUS NI 'BRAS BU MCHOG GI RGYU'I NGO BO NYID DU MNGON PAR 'GRUB PAR 'GYUR LA, SNGA MA'I BSOD NAMS KYI NI RGYU'I NGO BO NYID DU MNGON PAR 'GRUB BAR MI 'GYUR LA, 'BRAS BU YANG DAG PA NYID KYANG MI 'THOB PA'I PHYIR RO ZHES BSHAD DO, ,BA LANG GI RJES KYI CHU NI RGYA MTSO CHEN PO BZHI'I CHU DANG BSGRUN NA BRGYA'I CHAR YANG NYE BAR MI 'GRO BA NAS RGYU'I BAR DU YANG NYE BAR MI 'GRO'O @80B ZHES BYA BA NI GNYIS PA BA LANG GI RJES KYI CHU'I DPES BSTAN PA STE, SNGA MA BZHIN DU RIG PAR BYA'O, ,DE BZHIN DU DRANG BA'I DON GYI MDO SDE RNAMS THOS TE MOS PA NAS BSGOM PA'I RNAM PAS SBYOR BAR BYED PA'I BAR GYI BSOD NAMS 'THOB PA GANG YIN PA DE NI NGES PA'I DON BSTAN PA'I MDO SDE 'DI THOS NAS MOS PAS BSAGS PA'I BSOD NAMS BSGOM PA'I RNAM PAS SBYOR BA'I BAR GYIS BSAGS PA'I BSOD NAMS DANG BSGYUN NA BRGYA'I CHAR YANG NYE BAR MI 'GRO BA NAS, RGYU'I BAR DU YANG NYE BAR MI 'GRO'O, ,DE SKAD CES BKA' STZAL BA DANG ZHES BYA BA NI GNYIS PA DPE DANG DON DU SBYAR NAS BSOD NAMS KYI KHYAD PAR BSTAN PA STE, MDO NYID KYIS BRDA PHRAD PAR ZAD DO, ,DE NAS BYANG CHUB SEMS DPA' DON DAM YANG DAG 'PHAGS KYIS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS DGONGS PA ZAB MO NGES PAR 'GREL PA'I CHOS KYI RNAM GRANGS LAS BSTAN PA 'DI'I MING CI LAGS, BDAG GIS JI LTAR GZUNG BAR BGYI ZHES BYA BA 'DI MAN CHAD NI RNAM PA LNGAR PHYE BA'I THA MA BKA' BZHIN DU SPYOD PA SPYAD PA'I PHYOGS ZHES BYA BA STON PAR MDZAD DO, 'DI YANG RNAM PA GNYIS TE, BYANG CHUB SEMS DPAS ZHU BA GSOL BA DANG, DE BZHIN GSHEGS PAS LAN YANG DAG PAR GSUNGS PA'O, ,'DI NI DANG PO STE 'DIR NI ZHU BA'I DNGOS PO BSTAN PA'I MING DANG, JI LTAR GZUNG BA RNAM PA GNYIS ZHUS PA YIN NO, ,BCOM LDAN 'DAS KYIS BYANG CHUB SEMS DPA' DON DAM YANG DAG 'PHAGS LA BKA' STZAL PA, RIGS KYI BU 'DI NI DON DAM PA NGES PA'I DON BSTAN PA ZHES BYA STE, DON DAM PA NGES PA'I DON BSTAN PA 'DI KHYOD KYIS YONGS SU GZUNG BAR BYA'O ZHES BYA BA LA SOGS PA NI GNYIS PA DE BZHIN GSHEGS PAS LAN YANG DAG PAR GSUNGS PA STON TO, ,'DI YANG RNAM PA GNYIS TE ZHUS PA BZHIN DU LAN YANG DAG PAR BSTAN PA DANG, BSTAN PA GSUNGS PA'I PHAN YON KHYAD PAR DU 'PHAGS PA BSTAN PA'O, ,'DI NI DANG PO STE 'DI LTAR BSTAN PA 'DI'I MING NI DON DAM PA DES PA'I DON BSTAN PA ZHES BYA BA YIN PAS, MING 'DI JI LTA BA BZHIN DU YONGS SU SPYAD PAR BYA'O ZHES BYA BA'I THA TSIG GO, ,DON DAM @81A *, ,PA NGES PA'I DON BSTAN PA 'DI BSHAD PA NA 'KHOR 'DUS PA CHEN PO DE LAS SROG CHAGS DRUG 'BUM NI BLA NA MED PA YANG DAG PAR RDZOGS PA'I BYANG CHUB KYI SEMS SKYES SO ZHES BYA BA LA SOGS PAS NI GNYIS PA BSTAN PA GSUNGS PA'I PHAN YON KHYAD PAR DU 'PHAGS PA STON TO, , PHAN YON GYI KHYAD PAR DU 'PHAGS PA RNAM PA BZHI YOD PAS DE NYID LAS RNAM PA BZHIR DBYE STE, 'DI NI PHAN YON DANG PO'O, ,BSTAN BCOS RNAL 'BYOR SPYOD PA'I SA DANG SBYAR NA NI PHAN YON RNAM PA LNGA YOD PAR BSHAD DE, DE'I PHYIR DE NYID LAS LNGA PO 'DI DAG NI SANGS RGYAS DANG BYANG CHUB SEMS DPA' RNAMS KYIS SEMS CAN RNAMS LA CHOS BSTAN PA'I 'BRAS BU'I PHAN YON RGYA CHE BA YIN PAR RIG PAR BYA STE, LNGA GANG ZHE NA DE DAG LAS SEMS CAN KHA CIG NI DAM PA'I CHOS BSTAN PA DE NYID KYI TSE CHOS RNAMS LA CHOS KYI MIG RDUL MED CING DRI MA DANG BRAL BA SKYED PAR 'GYUR RO, ,DE DAG LAS SEMS CAN KHA CIG NI DAM PA'I CHOS BSTAN PA'I MOD LA ZAG PA ZAD PA THOB PAR 'GYUR RO, ,DE DAG LAS SEMS CAN KHA CIG NI BLA NA MED PA YANG DAG PAR RDZOGS PA'I BYANG CHUB TU SEMS SKYED PAR BYED DO, ,DE DAG LAS SEMS CAN KHA CIG DAM PA'I CHOS THOS PA DE NYID KYI MOD LA BYANG CHUB SEMS DPA'I BZOD PA MCHOG THOB PAR 'GYUR RO, ,SANGS RGYAS RNAMS DANG BYANG CHUB SEMS DPA' RNAMS KYIS DAM PA'I CHOS BSTAN PAS LUNG DPOG PA DANG KHA TON PHYED PA DANG, YANG DAG PAR BSGRUB PA GCIG NAS GCIG TU BRGYUD PA'I TSUL GYIS DAM PA'I CHOS KYI TSUL YUN RING DU GNAS PAR BYED PAR 'GYUR TE, LNGA PO 'DI DAG NI CHOS BSTAN PA'I 'BRAS BU'I PHAN YON RGYA CHE BA YIN PAR RIG PAR BYA'O ZHES 'BYUNG NGO,, ,MDO 'DI LAS NI PHAN YON RNAM PA BZHI BSTAN TE, PHYI MA RNAM PA GCIG MA TSANG NGO, ,MDO GZHAN PHAL CHE LAS STON PAR MI MDZAD DO, ,PHAN YON RNAM PA BZHI LAS 'DI NI DANG PO SEMS BSKYED PA'I PHAN YON YIN TE 'PHAGS PA SHES RAB KYI PHA ROL TU PHYIN PA'I 'GREL PA'I NANG NAS SKYE BA MED PA'I LE'U LAS BYANG CHUB RNAM PA LNGA GANG ZHE NA, SMRAS PA, SHIN TU NGES PA'I RJES SU MTHUN PA'I BZOD PA DANG MI SKYE BA'I CHOS LA BZOD PA DANG, BYANG CHUB RNAM PA GSUM @81B MO ZHES 'BYUNG STE, SA'I MDUN ROL PA DANG SA LA GNAS PA DANG, THEG PA GSUM GYI MI SLOB PA'I BYANG CHUB DANG RNAM PA LNGA'O, ,GZHAN YANG BYANG CHUB RNAM PA LNGA YOD DE, DANG PO NI SEMS BSKYED PA'I BYANG CHUB STE, TSE RABS GRANGS MED PA NAS BLA NA MED PA YANG DAG PAR RDZOGS PA'I BYANG CHUB GNYER BA'I CHED DU SEMS BSKYED PA'I PHYIR BYANG CHUB CES BYA STE 'DI RGYU LA 'BRAS BU BTAGS PA'O, ,GNYIS PA NI SEMS ZIL GYIS GNON PA'I BYANG CHUB STE, NYON MONGS PA RNAMS SPANGS NAS SEMS BTUL TE, PHA ROL TU PHYIN PA RNAMS SPYOD PA GANG YIN PA'O, ,GSUM PA NI RIG PA'I BYANG CHUB STE, DUS GSUM GYI CHOS RNAMS LA RANG BZHIN GYIS YOD PA'I SPYI'I MTSAN NYID DANG, BYE BRAG GI MTSAN NYID DU BLTA BA DANG CHOS RNAMS MTHAR RNAM PAR DAG PA NYID DU RNAM PAR 'BYED CING GZHAL BA 'DI LTA STE, SHES RAB KYI PHA ROL TU PHYIN PA GANG YIN PA'O, ,BZHI PA NI NGES PAR 'BYUNG BA MTHAR THUG BAR 'GYUR BA'I BYANG CHUB STE, SHES RAB KYI PHA ROL TU PHYIN PA LAS THABS MKHAS PA THOB PA'I PHYIR SHES RAB KYI PHA ROL TU PHYIN PA LA MNGON PAR ZHEN PA MED PAR NYON MONGS PA THAMS CAD BKAG PA DANG PHYOGS BCU THAMS CAD KYI SANGS RGYAS RNAMS MTHONG BA DANG, MI SKYE BA'I CHOS LA BZOD PA THOB NAS KHAMS GSUM LAS NGES PAR 'BYUNG ZHING, THAMS CAD MKHYEN PA'I GNAS SU PHYIN PA GANG YIN PA'O, LNGA PA NI BLA NA MED PA'I BYANG CHUB STE BYANG CHUB KYI SNYING PO LA BZHUGS TE, NYON MONGS PA'I BAG CHAGS BCOM NAS BLA NA MED PA YANG DAG PAR RDZOGS PA'I BYANG CHUB BRNYES PA GANG YIN PA'O ZHES BSHAD DO, ,SDE SNOD GSUM PA RNA RINGS KYIS BSHAD PA LAS BSTAN PA'I RIGS YAN CHAD NI, SEMS BSKYED PA'I GNAS SKABS ZHES BYA'O, ,DE'I 'OG MA'I SEMS SUM CU PO DAG NI SEMS GDUL BA'I GNAS SKABS ZHES BYA'O, ,SA DANG PO NAS SA BDUN PA MAN CHAD NI RIG PA'I GNAS SKABS ZHES BYA'O, ,SA BRGYAD PA DANG DGU PA DANG BCU PA DAG NI NGES PAR 'BYUNG BA MTHAR THUG PAR 'GYUR PA'I GNAS SKABS ZHES BYA'O, ,GYA NOM PAR SANGS RGYAS PA GANG YIN PA DE NI BLA NA MED PA'I GNAS SKABS ZHES BSHAD DO, ,'DIR BSHAD PA LNGA PO 'DI DAG LA @82A *, ,BRTEN NAS MDO'I TSIG 'DI BSHAD PA BYA NA, DE LA BLA NA MED PA YANG DAG PAR RDZOGS PA'I BYANG CHUB CES GSUNGS PA NI YONGS SU BTZAL BAR BYA BA'I BYANG CHUB STE, YONGS SU BTZAL BAR BYA BA'I BYANG CHUB LA SEMS BSKYED PAR ZHES GSUNGS PA NI YONGS SU TSOL BA'I SEMS BSKYED PAR NUS PA'I PHYIR, BYANG CHUB KYI SEMS SKYE'O ZHES GSUNGS PA YIN TE, 'DI NI RNAM PA LNGA LAS DANG PO'I BYANG CHUB GNYIS LA BYA'O, ,KHA CIG NA RE 'DI NI GSUM PA RIG PA'I BYANG CHUB PO ZHES ZER TE, DE CI'I PHYIR ZHE NA, SLOB DPON RDO RJE DRANG SRONG GIS SA DANG PO'I BYANG CHUB SEMS DPA' SEMS BSKYED PA'I PHYIR RO ZHES BSHAD PAS SO, ,YANG NA YONGS SU TSOL BA ZHES BYA BA NI YONGS SU TSOL BA'I SEMS RNAM PA LNGA PO DAG DANG SBYAR TE, RGYU'I GNAS SKABS LA GNAS PA KHO NA'O ZHE'O, ,NYAN THOS SUM CU NI RDUL SPANGS SHING DRI MA DANG BRAL NAS CHOS RNAMS LA CHOS KYI MIG RNAM PAR DAG PA THOB BO ZHES BYA BAS NI GNYIS PA RDUL DANG DRI MA DANG BRAL BA'I PHAN YON BSTAN TO, ,BSTAN PA 'DI THOS PAS PHAN YON RNAM PA GNYIS THOB PAR 'GYUR PA STE, RDUL SPANGS NAS DRI MA DANG BRAL BA'I PHAN YON DANG, CHOS KYI MIG RNAM PAR DAG PA THOB PA'I PHAN YON NO, ,PHAN YON RNAM PA 'DI GNYIS KYANG BSTAN PA RNAMS LAS SO SO NAS BSHAD PA MI MTHUN PAS BSTAN BCOS BYE BRAG TU BSHAD PA CHEN PO LAS, MDO LAS JI SKAD DU BCOM LDAN 'DAS KYIS CHOS KYI RNAM GRANGS 'DI BSHAD PA NA TSE DANG LDAN PA KUN SHES KOOndI N+YA DANG, LHA'I BU BRGYAD KHRI RDUL RNAMS SPANGS SHING DRI MA DANG BRAL NAS CHOS RNAMS LA CHOS KYI MIG RNAM PAR DAG PA SKYES SO ZHES GSUNGS PA LTA BU STE, DE LA RDUL SPANGS PA ZHES BYA BA NI 'DI LTA STE, BAG LA NYAL SPANGS PA'O, ,DRI MA DANG BRAL BA ZHES BYA BA NI 'DI LTA STE, KUN NAS DKRIS PA DANG BRAL BA'O, ,CHOS RNAMS LA ZHES BYA BA NI 'DI LTA STE, 'PHAGS PA'I BDEN PA BZHI PO DAG LAS SO, ,CHOS KYI MIG RNAM PAR DAG PA SKYES SO ZHES BYA BA NI 'DI LTA STE, 'PHAGS PA'I BDEN PA BZHI MTHONG BA'I DBANG GIS CHOS KYI MIG RNAM PAR DAG PA SKYES PAR GYUR PA'O ZHES BSHAD DO, ,BSTAN BCOS CHOS MNGON PA SNA TSOGS KUN LAS BTUS PA LAS, MDO @82B LAS JI SKAD DU RDUL SPANGS SHING DRI MA DANG BRAL NAS CHOS RNAMS LA CHOS KYI MIG YANG DAG PAR SKYES SO ZHES GSUNGS PA DE NI MTHONG BA'I LAM GYI DBANG DU MDZAD NAS GSUNGS PA STE, CHOS KYI BZOD PA RNAMS KYIS NI RDUL RNAMS SPANGS SO, ,CHOS KYI SHES PA RNAMS KYIS NI DRI MA DANG BRAL TE, 'DI LTAR DE DAG GI DBANG GIS THOG MA KHO NAR BDEN PA RNAMS LA 'PHAGS PA'I MIG SHIN TU GYA NOM PAS NGO BO NYID BYED PA'I PHYIR RO, ,CHOS KYI BZOD PAS RDUL SPANGS PA NI 'DI LTAR CHOS KYI BZOD PA RNAMS KYIS NYON MONGS PA'I RDUL THAMS CAD GTAN DU SPANGS PA'I PHYIR RO, ,CHOS SHES PAS DRI MA DANG BRAL BA NI 'DI LTAR CHOS SHES PA RNAMS KYIS SGRIB PA'I DRI MA SPANGS PA NAS, RTEN DANG THOB PA SKYES PA'I PHYIR RO, ,GZHAN YANG BZOD PA DANG SHES PA GNYIS PA'I GNAS SKABS DANG, GO RIMS BZHIN DU SBYAR NAS BSHAD PAR BYA STE, YONGS SU SHES PAR GYUR PA'I PHYIR DANG GTAN DU SPANGS PA'I PHYIR LAM DANG THOB PA RNAM PAR DAG PAR 'GYUR BA'I PHYIR 'DI LA BRTEN NAS RDUL SPANGS SHING DRI MA DANG BRAL NA ZHES GSUNGS SO ZHES 'BYUNG NGO, ,BSTAN BCOS CHOS MNGON PA KUN LAS BTUS PA LAS KYANG DE SKAD BSHAD DE, YONGS SU SHES PAR GYUR PA'I PHYIR DANG GTAN DU SPANGS PA'I PHYIR DANG LAM THOB PA RNAM PAR DAG PAR 'GYUR BA ZHES BYA BA NI CHOS KYI MIG RNAM PAR DAG PA SPYIR BSTAN PA'O, ,BSTAN BCOS RNAL 'BYOR SPYOD PA'I SA LAS GZHAN YANG RDUL SPANGS NAS DRI MA DANG BRAL BA ZHES BYA BA NI RDUL NI 'DI LTA STE, MTHAR THUG PA'I SHES PA SKYES PA DANG MNGON PAR RTOGS PA LA SGRIB PA BAR CHAD DANG BCAS PA LAM, BAR CHAD MED PAR NGA'O SNYAM PA'I NGA RGYAL MNGON DU 'JUG PA GANG YIN PA'O, ,DRI MA NI 'DI LTA STE MTHONG BAS SPANG PAR BYA BA'I PHYOGS KYI GNAS NGAN LEN TE, 'DIR GTAN MED PA'I PHYIR RDUL SPANGS PA DANG DRI MA DANG BRAL BA ZHES BYA'O, ,GZHAN YANG RDUL ZHES BYA BA NI 'DI LTA STE, NGA'O SNYAM PA'I NGA RGYAL DANG MTHONG BAS SPANG BAR BYA BA'I NYON MONGS PA THAMS CAD DE, PHYOGS GNYI GA'I GNAS NGAN LEN GYI DRI MA'O, ,CHOS RNAMS LA ZHES BYA BA NI 'DI LTA STE, RANG GI MTSAN NYID DANG SPYI'I MTSAN NYID DU GNAS PA DAG PA'O, ,CHOS KYI MIG CES BYA BA NI 'DI LTA STE, YANG DAG PA JI LTA BA @83A *, ,BZHIN DU MNGON SUM DU NYAMS SU MYONG BA CAN GYI SHES RAB BO, ,CHOS MTHONG BA NI 'DI LTA STE, SDUG BSNGAL LA SOGS PA LAS YANG DAG PA JI LTA BA BZHIN DU MTHONG BA'I PHYIR RO, ,CHOS THOS PA NI 'DI LTA STE, DGE SBYONG GI 'BRAS BU MTHUN PAR THOB PA'I PHYIR RO ZHES 'BYUNG STE RGYA CHER DE NYID LAS BSHAD PA BZHIN NO, ,GZHAN YANG BSTAN BCOS RNAL 'BYOR SPYOD PA'I SA LAS GZHAN YANG MTSAN NYID RNAM PA GNYIS KYIS 'PHAGS PA RNAMS KYI SHES RAB KYI MIG RNAM PAR DAG PAR 'GYUR BAR RIG PAR BYA STE, RDUL SPANGS PA DANG DRI MA DANG BRAL BA'I PHYIR RO, ,MTHONG BAS SPANG BAR BYA BA'I NYON MONGS PA'I KUN NAS DKRIS PA RNAMS DANG BRAL BA'I PHYIR RDUL SPANGS PA ZHES BYA'O, ,DE BAG LA NYAL DANG BRAL BA'I PHYIR DRI MA DANG BRAL BA ZHES BYA'O, ,GZHAN YANG MNGON PAR RTOGS PA'I TSE NGA'O SNYAM PA'I NGA RGYAL RAGS PA YID LA BYED PA LA ZHUGS PA BAR CHAD DANG BCAS PA DANG, ,BAR CHAD MED PAR 'JUG STE, GAL TE GZUNG BA DANG 'DZIN PA LA DMIGS PA MNYAM PA NYID DU YONGS SU SHES PAR GYUR NA DE YONGS SU SPANG BAR 'GYUR LA DE SPANGS PA'I PHYIR RDUL SPANGS PA ZHES BYA'O, ,MTHONG BAS SPANG BAR BYA BA'I NYON MONGS PA'I BAG LA NYAL THAMS CAD SPANG BA'I PHYIR DRI MA DANG BRAL BA ZHES BYA'O, ,CHOS MTHONG BA DANG CHOS THOB PA LA PHAN YON RNAM PA BCU YOD PAR RIG PAR BYA'O ZHES 'BYUNG STE ZHIB TU DE NYID LAS BSTAN PA BZHIN NO, ,NYAN THOS 'BUM LNGA KHRI NI ZAG PA RNAMS GTAN DU ZAD NAS SEMS RNAM PAR GROL LO ZHES BYA BA NI GSUM BA GROL BA THOB PA'I PHAN YON BSTAN TE, ZAG PA RNAMS GTAN DU SPANGS PAS SHES RAB RNAM PAR GROL BA THOB PAR 'GYUR LA, TING NGE 'DZIN GYI SGRIB PA GTAN DU SPANGS PAS NI SEMS RNAM PAR GROL BA THOB PAR 'GYUR RO, ,YANG NA ZAG PA GSUM DANG BRAL BA'I PHYIR ZAG PA RNAMS GNYAN DU ZAD PA ZHES BYA'O, ,'DOD CHAGS DANG GTAN DU BRAL BA'I PHYIR SEMS RNAM PAR GROL BA THOB PAR 'GYUR BA'O, ,BSTAN BCOS BYE BRAG TU BSHAD PA CHEN PO LAS, ZAG PA ZAD PA NI 'DI LTA STE, ZAG PA RNAMS GTAN DU ZAD PA GANG YIN PA'O, ,ZAG PA RNAMS KYI RJES @83B SU 'BRANG PA'I CHOS LAS GTAN DU ZAD PA ZHES BYA BA THOB PAR 'GYUR BA YIN NA, CI'I PHYIR ZAG PA DE KHON [?] ZAD PA ZHES BSTAN CE NA, SMRAS PA, DE DAG ZAG PA ZAD PA GTZO BOR BYED PAS, ZAG PA'I RJES SU 'BRANG BA'I CHOS KYANG ZAD PA NYID BRJOD PAR RIG PAR BYA'O, ,GZHAN YANG ZAG PA RNAMS NI SPANGS SHING GZHIG PAR DKA' BA DANG, BZLA BAR DKA' BA YIN LA ZAG PA'I RJES SU 'BRANG BA'I CHOS NI DE LTA MA YIN PA'I PHYIR PHYOGS GCIG BRJOD PA YIN NO, ,GZHAN YANG ZAG PA RNAMS KYI NYES DMIGS NI MANG ZHING BSTAN PA YIN LA ZAG PA'I RJES SU 'BRANG BA'I CHOS NI DE LTA MA YIN PA'I PHYIR PHYOGS GCIG BRJOD PA YIN NO ZHES 'BYUNG STE, RGYA CHER DE NYID LAS BSHAD PA BZHIN DU RIG PAR BYA'O, ,'PHAGS PA SHES RAB KYI PHA ROL TU PHYIN PA'I 'GREL PA LAS, KHAMS GSUM GYI ZAG PA RNAM PA GSUM ZAD NAS LHAG MA MA LUS PA'I PHYIR ZAG PA RNAMS ZAD PA'O ZHES 'BYUNG STE, SEMS RNAM PAR GROL BA THOB PA'I BSHAD PA NI GONG DU BSTAN PA BZHIN NO, ,JI LTAR SHIN TU ZAB PA'I THEG PA CHEN PO 'DI BSTAN PA NA THEG PA GNYIS KYI PHAN YON THOB PAR 'GYUR ZHE NA, SMRAS PA, 'PHAGS PA SHES RAB KYI PHA ROL TU PHYIN PA'I 'GREL PA LAS, JI SKAD DU DE BZHIN GSHEGS PAS MNYAN PA GSUNGS PA YANG RNAM PA GNYIS TE RAB TU PHYE BA DANG DGONGS TE GSUNGS PA'O ZHES BSTAN PA LTA BU STE, GAL TE RAB TU PHYE BA'I DBANG DU MDZAD NA NI 'BRAS BU CHEN PO KHO NA THOB PAR 'GYUR BA YIN NA, 'DIR NI DGONGS PA DANG YANG LDAN PA'I PHYIR CHE CHUNG GNYI GA'I PHAN YON SPYIR BSTAN PA YIN TE, DE'I PHYIR MDO LAS, SANGS RGYAS GSUNG GCIG TU NI CHOS BSAN KYANG, ,SEMS CAN MOS PA JI BZHIN SO SOR GO, ,ZHES GSUNGS PA YIN NO, ,GZHAN YANG DON TSAD MED PA'I MDO LAS, DE BZHIN GSHEGS PAS NI GSUNG GCIG TU CHOS KYI 'KHOR LO RNAM PA GSUM GSUNG BAR MDZAD DO ZHES GSUNGS PA DANG, GZHAN YANG KHAMS CHEN PO'I MDO LAS, DE BZHIN GSHEGS PAS GSUNG GCIG CHOS BSTAN PAS, ,DPAG MED MDO SDE RGYA MTSO RAB TU GSUNGS, ,ZHES 'BYUNG BA DANG, GZHAN YANG MDO 'DI NYID LAS, THEG PA THAMS CAD LA YANG DAG PAR ZHUGS PA RNAMS LA NGES PA'I DON 'DI GSUNGS SA ZHES 'BYUNG BA'I PHYIR, 'DI @84A *, ,THOS PA NA THEG PA RNAM PA GSUM GYI 'BRAS BU THOB PAR GYUR RO ZHES GSUNGS KYANG 'GAL BA MED DO, ,BYANG CHUB SEMS DPA' BDUN KHRI LNGA STONG GIS NI MI SKYE BA'I CHOS LA BZOD PA THOB PAR GYUR TO ZHES BYA BA NI BZHI PA MI SKYE BA'I CHOS LA BZOD PA THOB PA'I PHAN YON BSTAN TO, , MI SKYE BA DE YANG RNAM PA GNYIS TE, DANG PO NI LAS DANG PO PA'I BYANG CHUB SEMS DPA' LA MI SKYE BA THOB PA ZHES BYA STE, DE'I PHYIR 'PHAGS PA SHES RAB KYI PHA ROL TU PHYIN PA'I 'GREL BA LAS, BZOD PA NI RNAM PA GNYIS TE DUL BA RJES SU MTHUN PAR GYUR PA'I BZOD PA DANG, MI SKYE BA'I BZOD PA'O ZHES BSHAD DE, DE LA DUL BA RJES SU MTHUN PA'I BZOD PA NI YONGS SU BSNGO BA RNAM PA BCU LA GNAS PA DAG LA'O, ,MI SKYE BA'I BZOD PA NI SA BRGYAD PA YAN CHAD DE, CHOS RNAMS MI SKYE BA'I BZOD PA THOB PA'I PHYIR RO, ,MI'I RGYAL POS ZHUS PA'I MDO LAS, BZOD PA RNAM PA LNGA NI 'DI LTA STE, ZIL GYIS GNON PA'I BZOD PA DANG, MNGON PAR YID CHES PA'I BZOD PA DANG, DUL BA RJES SU MTHUN PA'I BZOD PA DANG, MI SKYE BA'I BZOD PA DANG, RAB TU ZHI BA'I BZOD PA'O, ,DE DAG KYANG GO RIMS BZHIN DU SA'I MDUN ROL GYI SEMS SUM CU PO DAG NI ZIL GYIS GNON PA'I GNAS SKABS SO, , SA DANG PO DANG GNYIS PA DANG GSUM PA DAG NI MNGON PAR YID CHES PA'I BZOD PA'I GNAS SKABS SO, ,SA BZHI PA DANG, LNGA PA DANG, DRUG PA DAG NI DUL BA RJES SU MTHUN PA DAG GI BZOD PA'I GNAS SKABS SO, ,SA BDUN PA DANG, BRGYAD PA DANG, DGU PA NI MI SKYE BA'I BZOD PA'O, ,SA BCU PA DANG SANGS RGYAS KYIS NI RAB TU ZHI BA'I BZOD PA'O ZHES GSUNGS PA STE, RGYA CHER DE NYID LAS BSTAN PA BZHIN NO, ,BSTAN BCOS BYANG CHUB KYI TSOGS BSTAN PA LAS MI SKYE BA'I BZOD PA THOB PA NI BYANG CHUB SEMS DPA'I SA MI G-YO BA LA GNAS PA'I ZHES BSHAD DO, ,GZHAN YANG BYANG CHUB SEMS DPA'I SDE SNOD KYI MDO LAS SH'A RI'I BU LUNG BSTAN PAR GYUR PA DE'I TSE NGA MI SKYE BA'I CHOS LA BZOD PA THOB PAR GYUR TO, ,SH'A RI'I BU MI SKYE BA'I CHOS LA BZOD PA DE YANG JI LTA BU ZHIG THOB PAR GYUR CE NA, 'DI LTA STE, GZUGS KYI CHOS THAMS CAD DMIGS SU MED PA'I BZOD PA THOB PAR GYUR TO, ,TSOR @84B BA DANG, 'DU SHES DANG, 'DU BYED DANG, RNAM PAR SHES PA DMIGS SU MED PA'I BZOD PA THOB PAR GYUR TO, ,PHUNG PO DANG KHAMS DANG SKYE MCHED KYI CHOS DMIGS SU MED PA'I BZOD PA THOB PAR GYUR TO, ,SH'A RI'I BU BZOD PA THOB PAR GYUR ZHES BYA BA NI CHOS RNAMS DMIGS SU MED PAR BZOD PAR GYUR PA NYID DO, ,DE CI'I PHYIR ZHE NA, BZOD PA THOB PA DE LTA BU THOB PAR GYUR PA'I TSE 'JIG RTEN PA'I CHOS RNAMS MNGON DU 'GYUR PA MA YIN PAS, SO SO'I SKYE BO'I CHOS KYANG MA YIN, SLOB PA RNAMS KYI CHOS KYANG MA YIN, RANG SANGS RGYAS KYI CHOS KYANG MA YIN, BYANG CHUB SEMS DPA' RNAMS KYI CHOS KYANG MA YIN, SANGS RGYAS RNAMS KYI CHOS KYANG MNGON DU 'GYUR BA MA YIN NO, ,DE CI'I PHYIR ZHE NA, CHOS THAMS CAD MNGON DU MI SNANG BA'I PHYIR BZOD PA THOB PAR GYUR PA ZHES BSHAD DO, ,CHOS THAMS CAD MTHAR THOB PA MED CING DMIGS SU MED PA'I PHYIR BZOD PA THOB PAR GYUR PA ZHES BSHAD DO, ,GZHAN YANG BZOD PA DES SKAD CIG MA GCIG LA MTSAN MA DANG, DMIGS PA THAMS CAD ZAD PAR BYED PA'I PHYIR BZOD PA ZHES BYA'O, ,GZHAN YANG BZOD PA DES MIG MI BZOD CING MIG DANG DMIGS PA RNAMS 'JIG PAR MI BYED PA'I PHYIR BZOD PA ZHES BYA'O, , RNA BA DANG, SNA DANG, LCE DANG, LUS DANG, YID MI BZOD CING YID 'JIG PAR MI BYED DO, ,BZOD PA DE DAG NI SPYOD YUL MI BZOD PA DANG, BZOD PA DE DAG NI SPYOD YUL LAS GZHOL BA MA YIN PA'I PHYIR BZOD PA ZHES BYA'O ZHES GSUNGS SO, ,GZHAN YANG BSTAN BCOS RNAL 'BYOR SPYOD PA'I SA LAS MDO LAS MI SKYE BA'I CHOS LA BZOD PA ZHES JI SKAD DU GSUNGS PA DE'I RNAM PAR GZHAG PA JI LTA BU YIN ZHE NA, SMRAS PA, NGO BO NYID RNAM PA GSUM LAS RNAM PAR GZHAG GO, ,'DI LTA STE, KUN BRTAGS PA'I NGO BO NYID LA BRTEN NAS NI GZOD MA NAS MI SKYE BA'I BZOD PA RNAM PAR GZHAG GO, ,GZHAN GYI DBANG GI NGO BO NYID LA BRTEN NAS NI MI SKYE BA'I BZOD PA RNAM PAR GZHAG GO, ,YONGS SU GRUB PA'I NGO BO NYID LA BRTEN NAS NI NYON MONGS PA DANG, SDUG BSNGAL GYI DRI MA MI SKYE BA'I BZOD PA RNAM PAR GZHAG STE, BZOD PA DE DAG NI PHYIR MI LDOG PA YIN PAR RIG PAR BYA'O @85A *, ,ZHES 'BYUNG STE, BSTAN BCOS RNAM PAR BSHAD PA LAS KYANG DE SKAD DU BSHAD DE, GZHAN YANG BSTAN BCOS RNAM PAR BSHAD PA LAS, BZOD PA RNAM PA GSUM PO 'DI DAG NI PHYIR MI LDOG PA'I SA LA YOD DO ZHES BSHAD DO, ,'PHAGS PA 'DUS PA CHEN PO'I MDO DANG, SLOB DPON YON TAN BYIN GYIS 'PHAGS PA SHES RAB KYI PHA ROL TU PHYIN PA RDO RJE GCOD PA'I 'GREL PA BYAS PA LAS KYANG DE SKAD DU BSHAD DO, ,'PHAGS PA SANGS RGYAS KYI SA'I 'GREL PA LAS SA BRGYAD PA YAN CHAD NI PHYIR MI LDOG PA'I SA ZHES BSTAN TO, ,GZHAN YANG 'PHAGS PA SANGS RGYAS KYI SA'I 'GREL PA LAS BSHAD PA RNAM PA GNYIS 'BYUNG STE, KHA CIG NA RES DANG PO YAN CHAD NI MI SKYE BA'I BZOD PA THOB PA YIN NO ZHES ZER RO, ,KHA CIG NA RE SA BRGYAD PA YAN CHAD KYI MI SKYE BA'I BZOD PA YIN NO ZHES ZER RO ZHES BSHAD DE, RGYA CHER DE NYID LAS BSTAN PA BZHIN NO, ,'DIR MI SKYE BA'I BZOD PA ZHES GSUNGS PA NI 'PHAGS PA SHES RAB KYI PHA ROL TU PHYIN PA'I 'GREL PA DANG SBYAR NAS DANG PO YAN CHAD MI SKYE BA'I CHOS LA BZOD PA THOB PA ZHES BSTAN TO, ,MI'I RGYAL POS ZHUS PA'I MDO DANG SBYAR NA NI SA BDUN PA DANG, BRGYAD PA DANG, DGU PA LA MI SKYE BA'I BZOD PA THOB PA ZHES BSTAN TE, RGYA CHER RNAM PAR 'BYED PA NI 'PHAGS PA SANGS RGYAS KYI SA'I 'GREL PA LAS BSHAD PA BZHIN DU RIG PAR BYA'O, ,DGONGS PA ZAB MO NGES PAR 'GREL PA'I MDO LAS RNAL 'BYOR RNAM PAR 'BYED PA'I LE'U STE DRUG PA'O,, ,,BAM PO SUM CU LNGA PA, LE'U 'DI'I BSHAD PA YANG MDOR BSDU NA RNAM PA GNYIS TE, LE'U 'DI NYID KYI MING RNAM PAR BSHAD PA DANG, MDO'I TSIG NYID YANG DAG PAR BSHAD PA'O, ,DE LA LE'U NYID KYI MING RNAM PAR BSHAD PA YANG, RGYA GAR SKAD DU YO GA ZHES BYA BA BSGYUR NA RNAL 'BYOR ZHES ZER TE, RNAL 'BYOR DE BSTAN BCOS RNAL 'BYOR SPYOD PA'I SA'I 'GREL BA NA BSHAD PA MI MTHUN PA RNAM PA GNYIS YOD PAS, KHA CIG NI SPYIR THEG PA GSUM GYI YUL DANG BSGRUB PA DANG, 'BRAS BU LA SOGS PA'O ZHES ZER TE, SOGS PA'O ZHES BYA BAS NI BRJOD PAR BYA BA BSTAN PA'I CHOS RNAMS KYI RNAM PA BSDU BAS @85B DE DAG LA RNAL 'BYOR ZHES BYA STE, THAMS CAD LA YANG THABS MKHAS PA DANG RJES SU MTHUN PA'I DON YOD PA'I PHYIR RO, ,YUL GYI RNAL 'BYOR NI 'DI LTA STE, YUL THAMS CAD LA PHYIN CI LOG MED PA NYID DANG, RJES SU MTHUN PA NYID DANG MTHUR THUG PAR BGROD PA NYID DO ZHES BSHAD DE GO RIMS BZHIN DU RANG GI NGO BO NYID JI LTA BA BZHIN DU GYUR PA DANG, RIGS PA DANG MI 'GAL BA DANG CHOS RNAMS KYI RJES SU MTHUN PAR GYUR PA DANG, 'DI'I DBANG GIS BYANG CHUB DANG MYA NGAN LAS 'DAS PA LEN CING YANG DAG PA'I RIGS PA DANG, BSTAN PA DANG GRUB PA DANG 'BRAS BU DANG RJES SU MTHUN PAR GYUR PA'I PHYIR RNAL 'BYOR ZHES BYA'O, ,YUL GYI RNAL 'BYOR ZHES BYA BA 'DI THAMS CAD DU KHYAB PA YIN YANG, MDO SDE DANG BSTAN BCOS LAS NI MTSAN NYID DANG, DBANG PO'I DBANG DU MDZAD NAS THA DAD PA RNAM PA SNA TSOGS SU BSHAD PAS KHA CIG LAS NI LTOS PA LA SOGS PA'I RIGS PA BZHI NAS DE BZHIN DU PHUNG PO DANG KHAMS DANG, SKYE MCHED DANG RTEN CING 'BREL PAR 'BYUNG BA DANG, BDEN PA LA SOGS PA'I BAR LA RNAL 'BYOR ZHES BYA'O ZHES BSHAD DE, NGO BO NYID RNAM PA BZHI DANG LDAN ZHING NGO BO NYID RNAM PA BZHI DANG RJES SU MTHUN PAR GYUR PA'I PHYIR RO, ,DE LA BSGRUB PA'I RNAL 'BYOR NI 'DI LTA STE, SGRUB PA THAMS CAD PHAN TSUN RJES SU MTHUN PAR GYUR PA'I PHYIR DANG, YANG DAG PA'I RIGS PA DANG MTHUN PAR GYUR PA'I PHYIR DANG, YANG DAG PA'I BSTAN PA DANG MTHUN PAR GYUR PA'I PHYIR DANG, YANG DAG PA'I 'BRAS BU LA GZHOL BAR GYUR PA'I PHYIR RNAL 'BYOR ZHES BSHAD DE 'DI BSGRUB PA THAMS CAD DU KHYAB PA YIN YANG, MDO SDE DANG BSTAN BCOS LAS NI MTSAN NYID DANG DBANG PO'I DBANG DU MDZAD NAS, THA DAD PA'I RNAM PA SNA TSOGS SU BSHAD PAS LA LA LAS NI SPYOD PA RNAMS YANG DAG PAR SGRUB PA LA RNAL 'BYOR ZHES STON TO, ,LA LA LAS NI BYANG CHUB KYI PHYOGS KYI CHOS SUM CU RTZA BDUN LA RNAL 'BYOR ZHES STON TO, ,LA LA LAS NI ZHI GNAS DANG LHAG MTHONG ZUNG DU 'BREL PA'I LAM LA RNAL 'BYOR ZHES BSTAN PA NAS, DE BZHIN DU KHA CIG LAS BYANG CHUB SEMS DPA'I SHES RAB DANG SNYING RJE KHYAD PAR CAN MNYAM PA NYID DU 'JUG PA LA RNAL 'BYOR @86A *, ,ZHES BYA'O ZHES BSHAD PA'I BAR DU STE, GONG DU BSTAN PA'I DON RNAM PA BZHI DANG LDAN PA'I PHYIR RO, ,DE LA 'BRAS BU'I RNAL 'BYOR NI 'DI LTA STE, 'BRAS BU THAMS CAD PHAN TSUN MTHUN BAR GYUR PA'I PHYIR DANG, YANG DAG PA'I RIGS PA DANG MTHUN PAR GYUR PA'I PHYIR DANG, YANG DAG PA'I BSTAN PA DANG MTHUN PAR GYUR BA'I PHYIR DANG YANG DAG PA'I RGYU DANG MTHUN PAR GYUR PA'I PHYIR RNAL 'BYOR ZHES BYA'O, ,'BRAS BU'I RNAL 'BYOR 'DI 'BRAS BU THAMS CAD DU KHYAB PA YIN YANG, MDO SDE DANG BSTAN BCOS RNAMS LAS NI MTSAN NYID DANG DBANG PO'I DBANG DU MDZAD NAS, THA DAD PA RNAM PA SNA TSOGS SU BSHAD PAS KHA CIG LAS NI STOBS DANG MI 'JIGS PA LA SOGS PA SANGS RGYAS KYI CHOS MA 'DRES PA RNAMS LA RNAL 'BYOR ZHES BYA'O ZHES BSHAD PA NAS DE BZHIN DU KHA CIG LAS, 'DUS BYAS DANG 'DUS MA BYAS PA'I YON TAN LA RNAL 'BYOR ZHES BYA'O ZHES BSHAD PA'I BAR DU STE GONG DU BSTAN PA'I DON DANG LDAN PA'I PHYIR RO, ,DE BZHIN DU 'PHAGS PA'I BSTAN BA RNAMS LA RNAL 'BYOR ZHES BSHAD DE, YANG DAG PA'I RIGS PA DANG MTHUN PAR GYUR PA'I PHYIR DANG, YANG DAG PA'I SGRUB PA DANG MTHUN PAR GYUR PA'I PHYIR DANG, YANG DAG PA'I 'BRAS BU RAB TU 'DREN PA'I PHYIR RO, ,KHA CIG NI 'DI SKAD DU THEG PA RNAM PA GSUM GYI BSGOM PA DAG LA RNAL 'BYOR ZHES BYA STE, YANG NAS YANG DU RTZOL ZHING BSGOM PAS RIGS PA DANG MTHUN ZHING BSGRUB PA'I RJES SU MTHUN PAR GYUR NAS 'BRAS BU KHYAD PAR DU 'PHAGS PA THOB PA'I PHYIR DANG, YUL DANG 'BRAS BU DANG 'PHAGS PA'I BSTAN PA'I RNAL 'BYOR GYI SPYOD YUL YIN PA'I PHYIR DANG, RNAL 'BYOR GYI 'BRAS BU YIN PA'I PHYIR DANG RNAL 'BYOR BRJOD PA'I PHYIR DANG, RNAL 'BYOR ZHES BYA'I, YANG DAG PA'I RNAL 'BYOR NI MA YIN NO ZHES BSHAD DE, 'GREL PA DE LAS RNAM PA GNYIS SU BSHAD PA YOD KYANG MDO 'DI LAS GSUNGS PA'I RNAL 'BYOR NI BSHAD PA GNYIS PA DANG SBYAR TE, SGRUB PA RNAMS LA ZHI GNAS DANG LHAG MTHONG GI NGO BO NYID DE, 'OG NAS MDO LAS GSUNGS PA BZHIN DU ZHI GNAS DANG LHAG MTHONG ZUNG DU 'BREL PA'I LAM LA RNAL 'BYOR ZHES BSTAN PA'I PHYIR RO, ,LE'U 'DI @86B LAS ZHI GNAS DANG LHAG MTHONG GI RNAL 'BYOR GYI DON RGYA CHER STON PA'I PHYIR, RNAL 'BYOR RNAM PAR 'BYED PA ZHES BYA'O, ,DE NAS BYANG CHUB SEMS DPA' SEMS DPA' CHEN PO BYAMS PAS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHUB SEMS DPA' CI LA BRTEN CI LA GNAS NAS THEG PA CHEN PO LA ZHI GNAS DANG LHAG MTHONG SGOM PAR BGYID LAGS ZHES BYA BA 'DI MAN CHAD NI DE YAN CHAD DU LE'U BZHI PO DAG GIS YONGS SU BRTAG PAR BYA BA'I YUL BSTAN NAS, 'DIR NI LE'U GNYIS KYIS BRTAG PA'I SPYOD PA STON PAR MDZAD DO, ,DE YANG RNAM PA GNYIS SU DBYE STE, DANG PO RNAL 'BYOR RNAM PAR 'BYED PAS NI ZHI GNAS DANG LHAG MTHONG BSGRUB PA'I SGO STON PAR MDZAD LA, GNYIS PA SA DANG PHA ROL TU PHYIN PA DAG GIS NI SA BCU DANG, PHA ROL TU PHYIN PA BCU RAB TU STON PAR MDZAD DO, ,LE'U RNAM PA GNYIS YOD PA LAS ZHI GNAS DANG LHAG MTHONG NI SPYI YIN PAS SNGAR BSTAN LA, SA DANG PHA ROL TU PHYIN PA BCU PO DAG NI BYE BRAG YIN PA'I PHYIR PHYIS BSTAN TO, ,YANG NA ZHI GNAS DANG LHAG MTHONG NI BSDUS PA YIN PA'I PHYIR SNGAR BSTAN LAS DANG PHA ROL TU PHYIN PA BCU BDAG NI RGYAS PA YIN PAS PHYIS BSTAN TO, ,ZHI GNAS DANG LHAG MTHONG BSTAN PA YANG RNAM PA GNYIS SU DBYE STE, ZHI GNAS DANG LHAG MTHONG YANG DAG PAR BSHAD PA DANG, DE NAS BYANG CHUB SEMS DPA' BYAMS PA ZHES BYA BA MAN CHAD KYIS BKA' BZHIN DU SGRUB PA RAB TU STAN TO, ,DANG PO YANG RNAM PA GNYIS TE TSIG RKYANG PAS RGYA CHER RNAM PAR BSHAD PA DANG, TSIGS SU BCAD PAS MDOR BSTAN PA'O, ,KHA CIG NA RE LE'U 'DI GCIG NI MDOR BSDU NA RNAM PA GSUM DU DBYE STE, TSIG RKYANG LAS RGYA CHER RNAM PAR BSHAD PA DANG, TSIGS SU BCAD PA SMOS NAS MDOR BSTAN PA DANG, BKA' BZHIN DU SPYOD PA BSTAN PA'O ZHE'O, ,TSIG RKYANG PA YANG RNAM PA GNYIS SU DBYE STE, ZHI GNAS DANG LHAG MTHONG RGYA CHER RNAM PAR DBYE BA DANG DE NAS BCOM LDAN 'DAS KYIS DE SKAD CES BKA' STZAL NAS ZHES BYA BA MAN CHAD KYIS MJUG BSDU ZHING BSGRUB PAR BSKUL BA'O, ,RGYA CHER RNAM PAR DBYE BA YANG SGO RNAM PA BCO BRGYAD KYIS BSTAN TE, ZHI GNAS DANG @87A *, ,LHAG MTHONG GI RTEN DANG GNAS RNAM PAR 'BYED PA'I SGO DANG, ZHI GNAS DANG LHAG MTHONG GI DMIGS PA'I BYE BRAG BSTAN PA'I SGO DANG, ZHI GNAS DANG LHAG MTHONG YONGS SU TSOL BA RNAM PAR 'BYED PA'I SGO DANG, ZHI GNAS DANG LHAG MTHONG RJES SU MTHUN PA YID LA BYED PA BSTAN PA'I SGO DANG, ZHI GNAS DANG LHAG MTHONG GI LAM GNYIS GCIG PA DANG THA DAD PA RNAM PAR 'BYED PA'I SGO DANG, ZHI GNAS DANG LHAG MTHONG RNAM PAR RIG PA TZAM DU RNAM PAR 'BYED PA'I SGO'AM, YANG NA SEMS DANG YUL GCIG PA DANG THA DAD PA NYID DU RNAM PAR 'BYED PA'I SGO DANG, ZHI GNAS DANG LHAG MTHONG ZUNG DU BSGOM PA'I SGO DANG, ZHI GNAS DANG LHAG MTHONG RNAM PAR RAB TU DBYE BA'I SGO DANG, CHOS LA BRTEN PA DANG BRTEN PA MA YIN PA'I ZHI GNAS DANG LHAG MTHONG BSTAN PA'I SGO DANG, RTOG PA DANG DPYOD PA DANG BCAS PA LA SOGS PA RAB TU DBYE BA'I SGO DANG, ZHI GNAS DANG RAB TU 'DZIN PA DANG BTANG SNYOMS KYI RGYU MTSAN RAB TU DBYE BA'I SGO DANG, CHOS DANG DON RIG PA RAB TU DBYE BA'I SGO DANG, ZHI GNAS DANG LHAG MTHONG GI TING NGE 'DZIN GZHAN RNAMS BSDU BA'I SGO DANG, ZHI GNAS DANG LHAG MTHONG GI RGYU DANG 'BRAS BU DANG LAS BYED PA'I SGO DANG, ZHI GNAS DANG LHAG MTHONG GI GNAS DANG GNYEN POR GYUR PA RAB TU DBYE BA'I SGO DANG, LHAG MTHONG GIS BYANG CHUB THOB PAR BSTAN PA'I SGO DANG, MTHU DANG YON TAN YANGS SHING RGYA CHE BA RAB TU 'DREN PA'I SGO DANG, LHAG MA MED PA'I DBYINGS SU TSOR BA DGAG BAR 'GYUR BAR BSTAN PA'I SGO STE, 'DI NI DANG PO ZHI GNAS DANG LHAG MTHONG GI RTEN DANG GNAS RNAM PAR DBYE BA'I SGO'O, ,'DI YANG RNAM PA GNYIS TE ZHU BA GSOL BA DANG LAN DU GSUNGS PA'O, ,'DI NI DANG PO BYANG CHUB SEMS DPA' ZHU BA GSOL BA STE, DE LA BYAMS PA ZHES BYA BA NI MEE TRI ZHES BYA BA'I SGRA LAS DRANGS NA DON RNAM PA GSUM DANG LDAN PAS DANG PO NI YUM LAS MTSAN DU BTAGS PA YIN TE, 'DI LTAR DE'I YUM BYAMS MA ZHES BYA BAS YUM BYAMS MA LAS MTSAN DU BTAGS BA'I PHYIR BYAMS PA ZHES BYA'O, ,GNYIS PA NI DE'I RANG BZHIN BYAMS PA DANG, @87B SNYING RJE CAN YIN PAS BYAMS PA ZHES BYA STE, DE'I PHYIR 'PHAGS PA SANGS RGYAS PHAL PO CHE'I MDO LAS THOG MA KHO NAR BYAMS PA'I SEMS KYI TING NGE 'DZIN THOB PA'I PHYIR BYAMS PA ZHES BYA'O ZHES GSUNGS PA YIN NO, ,GSUM PA NI SMON LAM LAS MTSAN DU BTAGS PA YIN TE, 'PHAGS PA DRANG SRONG YE SHES THAMS CAD KYI 'OD CES BYA BA'I MDO LAS, BYAMS PA SNGON DRANG SRONG YE SHES THAMS CAD KYI 'OD CES BYA BAR GYUR PA NA SANGS RGYAS BYAMS PA ZHES BYA BA LAS TING NGE 'DZIN BSTAN PA ZHES BYA BA'I MDO THOS PAS MA 'ONGS PA NA BDAG MNGON PAR RDZOGS PAR SANGS RGYAS PA'I TSE YANG MING BYAMS PA ZHES BYA BAR GYUR CIG CES SMON LAM BTAB PO ZHES GSUNGS TE, DON RNAM PA 'DI GSUM DANG LDAN PA'I PHYIR BYAMS BA ZHES BYA'O, ,'DIR ZHU BA GSOL BA YANG DGONGS PA RNAM PA GNYIS YOD DE, DANG PO NI GANG LA BRTEN NAS ZHI GNAS DANG LHAG MTHONG BSGOM PAR BGYI LAGS ZHES ZHUS PA'O, ,GNYIS PA NI CHOS GANG LA GNAS NAS ZHI GNAS DANG LHAG MTHONG BSGOM PAR BGYI LAGS ZHES ZHUS PA'O, ,DE LA ZHI GNAS DANG LHAG MTHONG ZHES BYA BA NI TING NGE 'DZIN DANG SHES RAB YIN TE, DE'I PHYIR BSTAN BCOS DE KHO NA NYID GRUB PA'I NANG NAS ZHI GNAS DANG LHAG MTHONG BSTAN PA'I LE'U LAS ZHI GNAS NI TING NGE 'DZIN TO, ,LHAG MTHONG NI SHES RAB PO ZHES BSTAN TO, ,'PHAGS PA SANGS RGYAS KYI SA'I 'GREL PA LAS KYANG ZHI GNAS NI 'DI LTA STE, TING NGE 'DZIN TO, ,LHAG MTHONG NI 'DI LTA STE, SHES RAB PO ZHES BSHAD DO, GZHAN YANG 'PHAGS PA SHES RAB KYI PHA ROL TU PHYIN PA'I MDO LAS ZHI GNAS NI 'DI LTA STE, SEMS RTZE GCIG PA'O, ,LHAG MTHONG NI 'DI LTA STE, CHOS RNAMS YANG DAG PA JI LTA BA BZHIN DU MTHONG BA'O ZHES GSUNGS SO, ,GZHAN YANG BSTAN BCOS THEG PA CHEN PO BSDUS PA'I 'GREL PA SLOB DPON NGO BO NYID MED KYIS BYAS PA LAS ZHI GNAS NI 'DI LTA STE, RNAM PAR G-YENG BA'I TING NGE 'DZIN RNAMS KYI GNYEN POR GYUR PA'O, ,LHAG MTHONG NI 'DI LTA STE, PHYIN CI LOG GI SHES RAB KYI GNYEN POR GYUR PA'O ZHES 'BYUNG NGO, ,BSTAN BCOS DE KHO NA NYID GRUB PA DANG MOS PA SKYED PA DANG, @88A *, ,CHOS MNGON PA SNA TSOGS KUN LAS BTUS PA DANG, RNAM PAR BSHAD PA DANG, DGE BSNYEN GYI SDOM PA BSTAN PA'I MDO DANG, BYANG CHUB SEMS DPA'I SDE SNOD KYI MDO DANG, 'DUS PA CHEN PO'I MDO DANG, MYA NGAN LAS 'DAS PA CHEN PO'I MDO LAS 'DI GNYIS KYI BYE BRAG GI MTSAN NYID BSTAN PA 'BYUNG BA NI MANGS KYIS DOGS NAS 'DIR MA BRJOD DO, ,BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL PA, RIGS KYI BU BYANG CHUB SEMS DPA' NI CHOS GDAGS PA RNAM PAR GZHAG PA DANG, BLA NA MED PA YANG DAG PAR RDZOGS PA'I BYANG CHUB KYI SMON LAM MI GTONG BAS, RTEN DANG GNAS BYAS NAS THEG PA CHEN PO LA ZHI GNAS DANG LHAG MTHONG SGOM PAR BYED DO ZHES BYA BA NI DE BZHIN GSHEGS PAS LAN YANG DAG PAR GSUNGS PA STE, 'DI LTAR BYANG CHUB SEMS DPA' RNAMS GSUNG RAB YAN LAG BCU GNYIS KYI CHOS GDAGS PA RNAM PAR GZHAG PAS RTEN BYAS NAS, ZHI GNAS DANG LHAG MTHONG BSGOM PA DANG GZHAN YANG BYANG CHUB KYI SMON LAM CHEN PO MI GTONG BA LA GNAS NAS ZHI GNAS DANG LHAG MTHONG BSGOM BAS SO, ,DE LA CHOS GDAGS PA RNAM PAR GZHAG PA ZHES BYA BA NI CHOS RNAMS THAMS CAD BRJOD PA DANG BRAL BA YIN PAS BTAGS PA TZAM DU GSUNG RAB YAN LAG BCU GNYIS KYI BSTAN PA ZHES RNAM PAR GZHAG PA YIN PAS DE'I PHYIR MDO 'DI NYID LAS BRJOD DU MED PA'I CHOS NYID GZHAN DAG MNGON PAR RDZOGS PAR RTOGS PAR BYA BA'I PHYIR BTAGS PA'I MING DANG 'DU SHES KYIS ZHES GSUNGS PA DANG, GZHAN YANG DRIN LAN GSUNGS PA'I MDO LAS CHOS LA BRJOD PA MED KYANG DE BZHIN GSHEGS PAS SHIN TU THABS MKHAS PAS MING DANG MTSAN MA MED PA'I CHOS LA MING DANG MTSAN MAR BRJOD DO ZHES GSUNGS PA DANG, GZHAN YANG BSTAN BCOS RNAL 'BYOR SPYOD PA'I SA LAS DE LTAR CHOS THAMS CAD BRJOD DU MED PA'I NGO BO NYID YIN NA, CI'I PHYIR BRJOD PA SBYOR BAR BYED CE NA, SMRAS PA, 'DI LTAR BRJOD PA MED NA YANG BRJOD DU MED PA'I CHOS NYID DE GZHAN DAG LA BSNYAD PA DANG THOS PAR BYED KYANG MI NUS LA TSIG DANG THOS PA MED NA YANG BRJOD DU MED PA'I NGO BO NYID DE SHES PAR @88B MI NUS SO, ,DE BAS NA THOS PA DANG SHES PAR BYA BA'I PHYIR BRJOD PA YANG SBYOR BAR BYED DO ZHES BSTAN PA YIN NO, ,DE LA BYANG CHUB KYI SMON LAM LA GNAS PA NI BSTAN BCOS RNAM PAR BSHAD PA LAS JI SKAD DU SEMS BSKYED PA NI 'DI LTA STE, BYANG CHUB SEMS DPA' RNAMS BYANG CHUB TU SEMS BSKYED PA GANG YIN PA STE, BYANG CHUB SEMS DPA' GANG BYANG CHUB SEMS DPA'I CHOS NYID LA GNAS PA NI PHYOGS BCU'I 'JIG RTEN GYI KHAMS GYI SEMS CAN RNAMS LA PHAN GDAGS PA'I CHED DU RGYU DANG RKYEN MTHU CAN KHYAD PAR CAN 'PHAGS PA DE DAG GI RNAM PA LA BRTEN TE BLA NA MED PA'I BYANG CHUB KYI YI DAM CHEN PO BSKYED NAS SEMS BSKYED PA'I CHOS NOD PAR BYED DE 'DI LTAR BDAG NI GDON MI ZA BAR BLA NA MED PA YANG DAG PAR RDZOGS PA'I BYANG CHUB THOB PAR 'GYUR BAS PHYOGS BCU'I SEMS CAN THAMS CAD YONGS SU BZLA BAR BYA'O SNYAM STE, NYON MONGS PA RNAMS DANG DBRAL BA'I PHYIR DANG, SDUG BSNGAL GYI BDEN PA LAS DBRAL BA'I PHYIR RO, ,SEMS BSKYED PA YANG DAG PAR BLANG BAR BYA BA DE YANG RNAM PA GNYIS TE, DANG PO NI KUN RDZOB TU SEMS BSKYED PA 'DI LTA STE, JI LTAR KHA CIG MKHAS PA'I MDUN DU GUS PAS 'DUG PA STE, LHAG PA'I BSAM PA BSKYED NAS YI DAM BLANG BA'I TSIG 'DI SKAD DU TSE DANG LDAN PA DGONGS SU GSOL ZHE'AM, YANG NA 'PHAGS PA DGONGS SU GSOL ZHE'AM, YANG NA MKHAN PO DGONGS SU GSOL, BDAG MING 'DI ZHES BGYI BA DENG NAS BLA NA MED PA'I BYANG CHUB TU SEMS BSKYED DE, SEMS CAN RNAMS LA PHAN GDAGS PA'I SLAD DU DENG SLAN CHANG BDAG GIS JI TZAM DU PHA ROL TU PHYIN PA DRUG YONGS SU SPYAD PA GANG LAGS PA DE DAG NI BLA NA MED PA'I BYANG CHUB THOB PAR BGYI BA'I SLAD DU DENG BDAG BYANG CHUB SEMS DPA' RNAMS DANG MTHUN PAR RAB TU 'BYUNG NA BTZUN PAS BDAG BYANG CHUB SEMS DPA' LAGS BAR MKHYEN PAR MDZAD DU GSOL ZHES LAN GNYIS LAN GSUM DU BRJOD PA LTA BU'O, ,GNYIS PA NI CHOS NYID KYIS THOB PA 'DI LTA STE, JI LTAR BSKAL PA GRANGS MED PA DANG PO 'DAS NAS BYANG CHUB SEMS DPA'I SA DANG PO RAB TU DGA' BA THOB PAS DE'I DBANG GIS BYANG CHUB SEMS DPA'I SMON LAM LAS PHYIR MI LDOG @89A *, ,PAR MOS PA GANG YIN PA DE NI CHOS NYID KYIS THOB PA'I SEMS BSKYED PA ZHES BYA'O ZHES BSTAN PA LTA BU'O, ,YANG NA BYANG CHUB KYI SMON LAM LA GNAS PA NI 'PHAGS PA SHES RAB KYI PHA ROL TU PHYIN PA'I MDO LAS, LAN GLAN PA'I SEMS RNAM PA BZHI ZHES GSUNGS PA NYID DE, DE'I PHYIR SLOB DPON YON TAN BYIN GYIS BYAS PA 'PHAGS PA SHES RAB KYI PHA ROL TU PHYIN PA RDO RJE GCOD PA'I 'GREL PA LAS, JI LTAR GNAS PAR BGYI BA ZHES BYA BA NI MTSAN NYID DANG, 'BRAS BU GANG LA SEMS GNAS NAS SMON CING CHOL BAR BYED CES BYA'O, ,'DIS NI BYANG CHUB SEMS DPA'I 'BRAS BU'I PHAN YON RNAM PA BZHI DANG RJES SU MTHUN PAR GYUR PA'I SEMS BSTAN TO, ,BZHI GANG ZHE NA, DANG PO NI MTHA' MED PA'I SEMS TE, MDO LAS JI SKAD DU, SEMS CAN JI TZAM SEMS CAN DU BSDU BAR BYA ZHES BYA BA LA SOGS PA GSUNGS PA'O, ,GNYIS PA NI MCHOG TU GYUR PA'I SEMS TE, MDO LAS JI SKAD DU PHUNG PO'I LHAG MA MED PA'I MYA NGAN LAS 'DAS PAR YONGS SU MYA NGAN LAS BZLA BA ZHES GANG GSUNGS PA'O, ,GSUM PA NI YONGS SU GZUNG BA'I SEMS TE, MDO LAS JI SKAD DU SEMS CAN TSAD MED PA YONGS SU MYA NGAN LAS BZLAS KYANG SEMS CAN GANG YANG YONGS SU MYA NGAN LAS BZLA BAR GYUR PA MED DO ZHES GANG GSUNGS PA'O, ,BZHI PA NI YANG DAG PA'I SHES PA'I SEMS TE, MDO LAS JI SKAD DU, GAL TE SEMS CAN DU 'DU SHES PAR GYUR NA BYANG CHUB SEMS DPA' ZHES MI BYA'O ZHES GANG GSUNGS PA'O ZHES 'BYUNG STE, ZHIB TU DE NYID LAS BSHAD PA BZHIN NO, ,SLOB DPON DBYIG GNYEN GYIS 'PHAGS PA RDO RJE GCOD PA'I 'GREL BA MDZAD PA LAS NI, RGYA CHE BA'I SEMS DANG MCHOG TU GYUR PA'I SEMS DANG, RTAG PAR BYED PA'I SEMS DANG, PHYIN CI MA LOG PA'I SEMS ZHES BSHAD DO, ,DE LA THEG PA CHEN PO LA ZHES BYA BA NI ZHI GNAS DANG LHAG MTHONG BSGOM PA'I SGO NI SDE SNOD GNYIS SU GTOGS PAS NYAN THOS KYI SDE SNOD LAS DGAR BA'I PHYIR THEG PA CHEN PO ZHES GSUNGS TE, DES DON DAM PA DANG, BSTAN PA DANG, SGRUB PA DANG, 'BRAS BU YONGS SU BSDUS PA GANG YIN PA DE DAG NI GANG ZAG CHEN PO'I @89B THEG PA NUS PA KHYAD PAR CAN DANG LDAN PA YIN PA'I PHYIR THEG PA CHEN PO ZHES BYA'O, ,THEG PA CHEN PO ZHES BYA BA DE YANG BSTAN BCOS MOS PA BSKYED PA DANG, 'PHAGS PA 'DUS PA CHEN PO'I MDO LAS NI DON RNAM PA GSUM GYIS THEG PA CHEN PO ZHES BSTAN TO, ,SLOB DPON NGO BO NYID MED KYIS BYAS PA THEG PA CHEN PO BSDUS PA'I 'GREL PA LAS NI DON RNAM PA BDUN GYIS THEG PA CHEN PO ZHES STON TO, ,BSTAN BCOS SGO BCU GNYIS PA LAS NI DON RNAM PA DRUG GI PHYIR THEG PA CHEN PO ZHES BSTAN TO, ,LEGS PA'I TSUL KHRIMS BSTAN PA'I MDO DANG, BSTAN BCOS SA YONGS SU 'DZIN PA DANG, RNAM PAR BSHAD PA DANG CHOS MNGON PA SNA TSOGS KUN LAS BTUS PA DANG, MDO SDE'I RGYAN DANG, RNAL 'BYOR SPYOD PA'I SA LAS NI DON RNAM PA DRUG DANG, BDUN GYIS THEG PA CHEN PO ZHES BYA'O ZHES STON TO, ,ZHI GNAS DANG LHAG MA THONG SGOM PAR BGYID LAGS ZHES BYA BA NI BYANG CHUB SEMS DPA'I SPYOD PA'I NANG NAS ZHI GNAS DANG LHAG MTHONG GTZO BOS GYUR BAS, DE'I PHYIR DAM PA'I CHOS PADMA DKAR PO'I MDO LAS, SANGS RGYAS BDAG NYID THEG PA CHE GNAS PAS, ,YANG DAG JI BZHIN CHOS NI RNYED PAR 'GYUR, ,TING 'DZIN SHES RAB STOBS KYIS BRGYAN PAS NA, ,DES NI SEMS CAN YONGS SU BZLA BAR MDZAD, ,CES GSUNGS PA DANG, GZHAN YANG 'PHAGS PA SHES RAB KYI PHA ROL TU PHYIN PA'I 'GREL PA LAS, DPER NA SHING RTA'I 'KHOR LO GNYIS LAS GCIG NI STOBS DANG LDAN LA GCIG NI MTHU CHUNG BAR GYUR NA BDE BAR MI 'GYUR BA DE BZHIN DU SHES RAB DANG TING NGE 'DZIN MI MNYAM PA YANG DE BZHIN TE, DE'I PHYIR BYANG CHUB SEMS DPA' NI ZHI GNAS DANG LHAG MTHONG ZUNG DU SGOM PAR BYED DE ZHES BSTAN TO, ,BSTAN BCOS CHOS MNGON PA SNA TSOGS KUN LAS BTUS PA LAS, MU BZHI PO TING NGE 'DZIN DANG LDAN LA SHES RAB MED PA DANG, SHES RAB DANG LDAN LA TING NGE 'DZIN MED PA DANG, SHES RAB DANG TING NGE 'DZIN GNYI GA DANG LDAN PA DANG, TING NGE 'DZIN DANG SHES RAB GNYI GA MED PA ZHES 'BYUNG BA YANG 'DIR BRJOD PAR BYA'O, ,BYANG CHUB SEMS DPA' BYAMS PAS YANG BCOM LDAN @90A *, ,'DAS LA 'DI SKAD CES GSOL TO, ,BCOM LDAN 'DAS KYIS CI SKAD DU DMIGS PA'I DNGOS PO RNAM PA BZHI PO ZHES BYA BA 'DI MAN CHAD NI GNYIS PA ZHI GNAS DANG LHAG MTHONG GI DMIGS PA'I BYE BRAG BSTAN PA'I SGO STON PAR MDZAD DO, ,'DI YANG RNAM PA GNYIS TE ZHU BA GSOL BA DANG LAN DU GSUNGS PA'O, ,ZHU BA GSOL BA YANG RNAM PA GSUM DU DBYE STE, GRANGS MDOR BSTAN PA DANG, GRANGS BZHIN DU MING BKOD PA DANG, ZHU BA NYID YANG DAG PAR ZHUS PA STE, 'DI NI DANG PO'O, ,DE LA DMIGS PA'I DNGOS PO ZHES BYA BA LA DMIGS PA NI SPYOD YUL GYI DNGOS PO STE, BDAG NYID KYI DNGOS PO DMIGS PAR BYA BA'I YUL BZHI PO KUN LA YANG NGO BO NYID YOD PA'I PHYIR, DMIGS PA'I DNGOS PO ZHES BYA'O, ,RNAM PAR RTOG PA DANG BCAS PA'I GZUGS BRNYAN DMIGS PAR BYA BA'I YUL GYI DNGOS PO DANG RNAM PAR MI RTOG PA'I GZUGS BRNYAN DMIGS PAR BYA BA YUL GYI DNGOS PO DANG DNGOS PO'I MTHA' DMIGS PAR BYA BA YUL GYI DNGOS PO DANG, DGOS PA YONGS SU GRUB PA DMIGS PAR BYA BA YUL GYI DNGOS PO'O ZHES GSUNGS PA ZHES BYA BA NI GNYIS PA GRANGS BZHIN DU MING BKOD PA'O, ,DMIGS PAR BYA BA'I YUL NI MDOR BSDU NA RNAM PA BZHI YOD PAS 'DI LTA STE, KHYAB PA'I DMIGS PA DANG, SPYOD PA RNAM PAR SBYONG BA'I DMIGS PA DANG, MKHAS PA'I DMIGS PA DANG, NYON MONGS PA RNAM PAR SBYONG BA'I DMIGS PA'O, ,RNAM PA BZHI PO 'DI DAG KYANG BSTAN PA RNAMS LAS SO SO NAS BSHAD PA MI MTHUN TE MDO 'DI NYID DANG, DGONGS BA ZAB MO RNAM PAR 'GREL PA'I MDO LAS NI KHYAB PA'I DMIGS PA RNAM PA BZHI'I MING BKOD PAR ZAD KYI RNAM PAR BSHAD PA NI MA GSUNGS SO, ,BSTAN BCOS RNAL 'BYOR SPYOD PA'I SA LAS KYANG KHYAB PA DANG SPYOD PA RNAM PAR SBYONG BA LA SOGS PA DMIGS PA RNAM PA BZHI'I MING BKOD PAR ZAD KYI RNAM PAR BSHAD PA NI MED DO, ,BSTAN BCOS CHOS MNGON PA SNA TSOGS KUN LAS BTUS PA DANG, RNAM PAR BSHAD PA DANG, RNAL 'BYOR SPYOD PA'I SA NYAN THOS KYI SA'I NANG NAS NI GO RIMS BZHIN DU DMIGS PA RNAM PA BZHI RGYA CHER STON PAS DE DAG @90B 'DIR BSTAN PA YIN TE, DE'I PHYIR CHOS MNGON PA SNA TSOGS KUN LAS BTUS PA LAS, CHOS KYI DMIGS PA'I RAB TU DBYE BA GANG ZHE NA, MDOR BSDU NA RNAM PA BZHI PO 'DI LTA STE, KHYAB PA'I DMIGS PA DANG SPYOD PA RNAM PAR SBYONG BA'I DMIGS PA DANG MKHAS PA'I DMIGS PA DANG NYON MONGS PA RNAM PAR SBYONG BA'I DMIGS PA'O, ,KHYAB PA'I DMIGS PA YANG RNAM PA BZHI STE, 'DI LTA STE, RNAM PAR RTOG PA DANG BCAS PA'I GZUGS BRNYAN GYI DMIGS PA DANG, RNAM PAR MI RTOG PA'I GZUGS BRNYAN GYI DMIGS PA DANG, DNGOS PO'I MTHA'I DMIGS PA DANG, DGOS PA YONGS SU GRUB PA'I DMIGS PA'O, ,RNAM PAR RTOG PA DANG BCAS PA'I GZUGS BRNYAN GYI DMIGS PA NI 'DI LTA STE, MOS PA YID LA BYED PAS GANG ZHI GNAS DANG LHAG MTHONG LA DMIGS PA'O, ,RNAM PAR MI RTOG PA'I GZUGS BRNYAN GYI DMIGS PA NI 'DI LTA STE, DE KHO NA YID LA BYED PAS ZHI GNAS DANG LHAG MTHONG LA DMIGS PA'I SPYOD YUL GANG YIN PA'O, ,DNGOS PO'I MTHA'I DMIGS PA NI 'DI LTA STE, GANG CHOS THAMS CAD KYI JI SNYED YOD PA NYID DANG JI LTA BA BZHIN DU YOD PA NYID DO, ,DE LA JI SNYED YOD PA NYID NI 'DI LTA STE, PHUNG PO DANG KHAMS DANG SKYE MCHED RNAMS SO, ,JI LTA BA BZHIN DU YOD PA NYID NI 'DI LTA STE, 'PHAGS PA'I BDEN PA BZHI DANG, DE BZHIN NYID DANG 'DU BYED THAMS CAD MI RTAG PA DANG, 'DU BYED THAMS CAD SDUG BSNGAL BA DANG, CHOS THAMS CAD BDAG MED PA DANG, MYA NGAN LAS 'DAS PA ZHI BA DANG, STONG PA NYID DANG, SMON PA MED PA DANG, MTSAN MA MED PA'O, ,DGOS PA YONGS SU GRUB PA'I DMIGS PA NI 'DI LTA STE GNAS GYUR PA'O, ,SPYOD PA RNAM PAR SBYONG BA'I DMIGS PA YANG RNAM PA LNGA'O, ,'DI LTA STE, 'DOD CHAGS LA MANG DU SPYOD PA RNAMS KYIS NI MI GTZANG BA'I YUL LA DMIGS PA'O, ,ZHE SDANG LA MANG DU SPYOD PA RNAMS KYIS NI BYAMS PA'I YUL LA BSGOM PA'O, ,GTI MUG LA MANG DU SPYOD PA RNAMS KYIS NI RTEN CING 'BREL BAR 'BYUNG BA'I YUL LA DMIGS PA'O, ,NGA RGYAL LA SPYOD PA RNAMS KYIS NI KHAMS RAB TU DBYE BA LA DMIGS PA'O, , @91A *, ,RNAM PAR RTOG PA LA SPYOD PA RNAMS KYIS NI DBUGS 'BYUNG BA DANG, RDUB PA RJES SU DRAN PA'I YUL LA DMIGS PA'O ZHES 'BYUNG STE, DE LA MI GTZANG BA SGOM PA NI MDZOD KYI BSTAN BCOS DANG, BSTAN BCOS YANG DAG PA'I RIGS PA DANG RJES SU MTHUN PA DANG BYE BRAG TU BSHAD PA CHEN PO DANG RNAL 'BYOR SPYOD PA'I SA LAS RGYA CHER STON TO, ,BYAMS PA BSGOM PA NI MDZOD KYI BSTAN BCOS DANG, BSTAN BCOS YANG DAG PA'I RIGS PA DANG RJES SU MTHUN PA DANG, BYE BRAG TU BSHAD PA CHEN PO DANG, RNAL 'BYOR SPYOD PA'I SA DANG, 'PHAGS PA MYA NGAN LAS 'DAS PA CHEN PO'I MDO LAS RGYA CHER STON TO, ,RTEN CING 'BREL PAR 'BYUNG BA BSGOM PA NI BSTAN BCOS RNAL 'BYOR SPYOD PA'I SA LAS STON TO, ,KHAMS RAB TU DBYE BA NI BSTAN BCOS SEMS SNA TSOGS BSTAN PA DANG, BYE BRAG TU BSHAD PA CHEN PO DANG, RNAL 'BYOR SPYOD PA'I SA LAS RGYA CHER STON TO, ,DBUGS 'BYUNG BA DANG RDUB PA NI BSTAN BCOS SEMS SNA TSOGS BSTAN PA DANG, MDZOD KYI BSTAN BCOS DANG, YANG DAG PA'I RIGS PA DANG RJES SU MTHUN PA DANG, BYE BRAG TU BSHAD PA CHEN PO DANG, RNAL 'BYOR SPYOD PA'I SA LAS RGYA CHER STON TO, ,GZHAN YANG BSTAN BCOS CHOS MNGON PA SNA TSOGS KUN LAS BTU SA PA DE NYID LAS MKHAS PA'I DMIGS PA YANG RNAM PA LNGA PO 'DI LTA STE, PHUNG PO LA MKHAS PA DANG, KHAMS LA MKHAS PA DANG, SKYE MCHED LA MKHAS PA DANG, RTEN CING 'BREL PAR 'BYUNG BA LA MKHAS PA DANG, GNAS DANG GNAS MA YIN PA LA MKHAS PA'O, ,GNAS DANG GNAS MA YIN PA LA MKHAS PA JI LTA ZHE NA, RTEN CING 'BREL PAR 'BYUNG BA LA MKHAS PA LAS BLTA'O, ,GNAS DANG GNAS MA YIN PA LA MKHAS PA DANG, RTEN CING 'BREL PAR 'BYUNG BA LA MKHAS PA LA BYE BRAG CI YOD CE NA, CHOS RNAMS LAS CHOS MNGON PAR 'BYUNG BA'I PHYIR RGYU MED PA DANG, MI MTHUN PA'I RGYU YONGS SU SPANGS PAS RTEN CING 'BREL PAR 'BYUNG BA LA MKHAS PA'O, ,RGYU DANG MTHUN PAR 'BRAS BU 'BYUNG BA YONGS SU GZUNG BA'I PHYIR GNAS DANG GNAS MA YIN PA LA MKHAS PA'O ZHES 'BYUNG STE, 'DI @91B NYID KYI 'GREL PA LAS 'DI LTAR MA RIG PA LA SOGS PA'I CHOS RNAMS LAS 'DU BYED LA SOGS PA'I CHOS RNAMS 'BYUNG BAS CHOS RNAMS RGYU MED PA LAS SKYE BA MA YIN LA, DBANG PHYUG LA SOGS PA MI MTHUN PA'I RGYU LAS BYUNG BA YANG MA YIN TE, DE LTAR RTOGS PA'I SHES PA GANG YIN PA DE RTEN CING 'BREL PAR 'BYUNG BA LA MKHAS PA'O ZHES BYA'O, ,CHOS TZAM GYI RGYU LAS BYUNG BA YIN YANG MTHUN PA'I RGYU LAS MTHUN PA'I 'BRAS BU NYID 'BYUNG STE, JI LTAR LEGS PAR SPYOD PA'I RNAM PAR SMIN PA SDUG PA DANG, NYES PAR SPYOD PA'I RNAM PAR SMIN PA YID DU MI 'ONG BA ZHES BYA BA LA SOGS PA SHES PA GANG YIN PA 'DI NI GNAS DANG GNAS MA YIN PA LA MKHAS PA ZHES BYA'O ZHES BSHAD DE, MKHAS PA RNAM PA LNGA RGYA CHER BSHAD PA NI BSTAN BCOS RNAL 'BYOR SPYOD PA'I SA LAS BSTAN PA BZHIN DU RIG PAR BYA'O, ,GZHAN YANG DE NYID LAS NYON MONGS PA RNAM PAR SPYOD PA'I DMIGS PA NI 'DI LTA STE, SA 'OG MA RNAMS KYI RAGS PA NYID DANG, SA GONG MA RNAMS KYI NI ZHI BA NYID DANG, DE BZHIN NYID DANG, 'PHAGS PA'I BDEN PA BZHI'O ZHES 'BYUNG STE, 'DI NYID KYI 'GREL PA LAS, SA 'OG MA RNAMS KYI RAGS PA NYID DANG, SA GONG MA RNAMS KYI ZHI BA NYID CES BYA BA NI 'JIG RTEN PA'I LAM DANG SBYAR TE BSHAD NA DES KUN NAS DKRIS PA RNAM PAR GNON PA'I PHYIR RO, ,DE BZHIN NYID DANG, 'PHAGS PA'I BDEN PA BZHI ZHES BYA BA NI 'JIG RTEN LAS 'DAS PA'I LAM DANG SBYAR TE BSHAD NA BSDUS PA'I PHYIR NI DE BZHIN NYID DO, ,SPROS PA'I PHYIR NI 'PHAGS PA'I BDEN PA BZHI STE, DES BAG LA NYAL GTAN DU SPONG BA'I PHYIR RO ZHES 'BYUNG STE, RGYA CHER RNAM PAR 'BYED PA NI BSTAN BCOS RNAL 'BYOR SPYOD PA'I SA LAS BSTAN PA BZHIN NO, ,DMIGS PA PHYI MA GSUM NI BSTAN BCOS RNAMS LAS PHAL CHEN MTHUN PA'I PHYIR 'DIR RNAM PAR PHYE STE MA BSHAD DO, ,KHYAB PA'I DMIGS PA RNAM PA BZHI NI BSTAN PA RNAMS LAS THA DAD PA'I BYE BRAG YOD PAS, DE'I PHYIR 'DIR PHAN TSUN NAS BSTAN PA YIN NO, ,MDO 'DI NYID LA SOGS PA LAS NI GTZO BO'I DBANG DU MDZAD NAS BSTAN PA'I PHYIR KHYAB PA'I DMIGS PA RNAM PA BZHI LAGS @92A *, ,SHIG TU BSTAN PA YIN TE, RNAM PA BZHI PO DE DAG GI MING YANG SPYI DANG BYE BRAG YOD DO, ,DE LA SPYI'I MING NI RNAM PA BZHI CHAR YANG KHYAB PA'I DMIGS PA ZHES BYA STE, DE'I PHYIR BSTAN BCOS RNAL 'BYOR SPYOD PA'I SA LAS, DMIGS PA DE'I DNGOS PO BZHI PO DE DAG NI THAMS CAD DU 'GRO ZHING DMIGS PA THAMS CAD KYI RJES SU SONG BA DANG, 'DAS PA DANG MA 'ONGS PA DANG, DA LTAR BYUNG BA'I YANG DAG PAR RDZOGS PA'I SANGS RGYAS RNAMS KYIS BSHAD PA YIN PAS NA DE'I PHYIR DE DAG NI KHYAB PA'I DMIGS PA ZHES BYA'O, ,GZHAN YANG DE DAG NI ZHI GNAS KYI PHYOGS DANG, DNGOS PO THAMS CAD DU KHYAB PA DANG, DE KHO NA NYID KYI DNGOS PO LA KHYAB PA DANG, RGYU DANG 'BRAS BU RJES SU 'BREL PA'I DNGOS PO LA KHYAB PA'I PHYIR YANG KHYAB PA ZHES BYA STE, DE LA RE ZHIG RNAM PAR RTOG PA DANG BCAS PA'I GZUGS BRNYAN ZHES GANG GSUNGS PA DES NI 'DIR LHAG MTHONG GYI PHYOGS YIN NO, ,RNAM PAR RTOG PA MED PA'I GZUGS BRNYAN ZHES GANG GSUNGS PA DE NI 'DIR ZHI GNAS KYI PHYOGS YIN NO, ,DNGOS PO'I MTHA' NYID CES GANG GSUNGS PA DE NI 'DIR DNGOS PO THAMS CAD DANG LDAN PA DANG DE KHO NA NYID KYI DNGOS PO YIN NO, ,DGOS PA YONGS SU GRUB PA ZHES GANG GSUNGS PA DE NI 'DIR RGYU DANG 'BRAS BU RJES SU 'BREL BA'I DNGOS PO YIN NO ZHES BYA BA NAS DE LTAR NA KHYAB PAR DMIGS PA DES NI YID CHES PA'I LUNG GIS DAG PA DANG, RIGS PA DANG LDAN PA YIN PAR RIG PAR BYA STE, DE NI KHYAB PA'I DMIGS PA ZHES BYA'O ZHES BYA BA'I BAR DU 'BYUNG NGO, ,DE LA BYE BRAG GI MING YANG BSTAN PA RNAMS LAS SO SO NAS MI MTHUN TE, BSTAN BCOS CHOS MNGON PA SNA TSOGS KUN LAS BTUS PA LAS, MOS PA YID LA BYED PAS ZHI GNAS DANG LHAG MTHONG GI DMIGS PA'I SPYOD YUL JI SNYED PA DE DAG NI RNAM PAR RTOG PA DANG BCAS PA'I GZUGS BRNYAN ZHES BYA STE, GCIG TU 'JIG RTEN PA'I YID LA BYED PA'I DMIGS PA YIN PA'I PHYIR RO, ,DE KHO NA NYID YID LA BYED PAS ZHI GNAS DANG LHAG MTHONG GI DMIGS PA'I SPYOD YUL JI SNYED PA YOD PA DE DAG NI RNAM PAR RTOG PA MED PA'I GZUGS BRNYAN ZHES BYA STE, @92B GCIG TU 'JIG RTEN LAS 'DAS PA'I YID LA BYED PA DANG, RJES LAS THOB PA'I DMIGS PA YIN PA'I PHYIR RO, ,CHOS RNAMS KYI BDAG NYID KYI DNGOS PO NI 'DI DAG TZAM DU ZAD DO ZHES TSAD KYI DNGOS PO PHUNG PO DANG, KHAMS DANG, SKYE MCHED JI LTA BA BZHIN DU GYUR PA NI DNGOS PO MTHA'I DMIGS PA ZHES BYA'O, ,GNAS GYUR PA THOB PA'I DMIGS PAR GYUR PA'I PHYIR DGOS PA YONGS SU GRUB PA'I DMIGS PA ZHES BYA'O ZHES 'BYUNG STE, ZHIB TU DE NYID LAS BSTAN PA BZHIN NO, ,BSTAN BCOS RNAL 'BYOR SPYOD PA'I SA LAS NI, DE LA RNAM PAR RTOG PA DANG BCAS PA'I GZUGS BRNYAN NI 'DI LTA STE, SHES BYA'I DNGOS PO DANG MTHUN PA'I GZUGS BRNYAN LA MNYAM PAR GZHAG PA'I SA PA'I LHAG MTHONG GI RNAM PA DAG GIS LTA BAR BYED CING, RNAM PAR 'BYED PAR BYED, YONGS SU RTOG PAR BYED, YONGS SU DPYOD PAR BYED PA STE, DE LA SHES BYA'I DNGOS PO NI 'DI LTA STE, SPYOD PA RNAM PAR SBYONG BA'I DMIGS PA DANG, MKHAS PA'I DMIGS PA DANG, NYON MONGS PA RNAM PAR SBYONG BA'I DMIGS PA GANG YIN PA DE DAG SHES BYA'I DNGOS PO DE DANG 'DRA BAR SNANG BAS NA RIGS PA DES SHES BYA'I DNGOS PO DANG CHA MTHUN PA'I GZUGS BRNYAN ZHES BYA STE, RNAL 'BYOR PAS DE YONGS SU BRTAGS PA'I PHYIR RANG BZHIN DE LA YANG DAG PAR RTOG PA NA YON TAN DANG SKYON NGES PAR RTOG PAR BYED PA GANG YIN PA DE NI RNAM PAR RTOG PA DANG BCAS PA'I GZUGS BRNYAN ZHES BYA'O, ,RNAM PAR RTOG PA MED PA'I GZUGS BRNYAN NI 'DI LTA STE, RNAL 'BYOR PAS GZUGS BRNYAN GYI MTSAN MA YONGS SU BZUNG NAS RNAM PAR LTA BAR MI BYED CING, RNAM PAR 'BYED PAR MI BYED RAB TU RNAM PAR 'BYED PAR MI BYED, YONGS SU RTOG PAR MI BYED, YONGS SU DPYOD PAR MI BYED MOD KYI 'ON KYANG DMIGS PA DE NYID MA BTANG BA'I SEMS DE ZHI GNAS KYI RNAM PAS YANG DAG PAR ZHI BAR BYED PA DE NI RNAM PAR MI RTOG PA'I GZUGS BRNYAN ZHES BYA'O, ,DNGOS PO'I MTHA' NYID NI 'DI LTA STE, JI SNYED YOD PA NYID DANG, JI LTA BA BZHIN DU YOD PA NYID LA DMIGS PA GANG YIN PA'O, ,JI SNYED YOD PA NYID NI 'DI LTA STE PHUNG PO DANG, KHAMS DANG, @93A *, ,SKYE MCHED DANG, BDEN PA BZHI'O, ,JI LTA BA BZHIN DU YOD PA NI 'DI LTA STE, DE KHO NA NYID DANG, DE BZHIN NYID RIGS PA BZHI PO NYID LA DMIGS PA GANG YIN PA'O, ,DE LA DGOS PA YONGS SU GRUB PA NI 'DI LTA STE, RNAL 'BYOR PA DES ZHIG NAS DANG LHAG MTHONG LA KUN TU BSTEN CING, GOMS PAR BYAS PA'I GZUGS BRNYAN LA DMIGS PA'I YID LA BYED PA YONGS SU RDZOGS PAR GYUR CING, DE YONGS SU RDZOGS PAR GYUR PA'I PHYIR GNAS NGAN LEN THAMS CAD LAS GNAS GYUR CING SHIN TU 'BYUNG BAR 'GYUR LA GNAS YONGS SU GYUR PA'I PHYIR GZUGS BRNYAN LAS YANG DAG PAR 'DAS TE, SHES BYA'I DNGOS PO DE NYID LA RNAM PAR RTOG PA MED PA'I YE SHES DANG, MTHONG BA MNGON SUM DU GYUR NAS BSAM GTAN DANG PO LA SNYOMS PAR ZHUGS PA GANG YIN PA DE BSAM GTAN THOB PA'I TSE BSAM GTAN DANG PO'I SPYOD YUL NAS 'DU SHES MED 'DU SHES MED MIN GYI SKYE MCHED LA SNYOMS PAR ZHUGS PA GANG YIN PA DE SNYOMS PAR ZHUGS PA'I CHE SNYOMS PAR 'JUG PA DE NYID KYI SPYOD YUL LA DMIGS PA GANG YIN PA'I BAR DE DAG NI DGONGS PA YONGS SU GRUB PA'O ZHES BSHAD DE, ZHIB TU NI DE NYID LAS BSTAN PA BZHIN NO, ,BZHI PO 'DI DAG NYID NI BSTAN BCOS RNAL 'BYOR SPYOD PA'I SA LAS YID LA BYED PA BCU GCIG CES BSTAN PA LAS, YID LA BYED PA RNAM PA BZHI ZHES BSTAN PA NYID YIN TE, YID LA BYED PA RNAM PA BZHI NI RNAM PAR RTOG PA DANG BCAS PA'I GZUGS BRNYAN LA DMIGS PA'I YID LA BYED PA DANG, RNAM PAR RTOG PA MED PA'I GZUGS BRNYAN LA DMIGS PA'I YID LA BYED PA DANG, DNGOS PO'I MTHA' LA DMIGS PA'I YID LA BYED PA DANG, DGOS PA YONGS SU GRUB PA LA DMIGS PA'I YID LA BYED PA'O, ,YONGS SU BSGOM PA RNAM PA GSUM YANG DANG PO NI GZUGS BRNYAN BSGOM PA STE, RNAM PAR RTOG PA DANG BCAS PA'I GZUGS BRNYAN DANG, RNAM PAR RTOG PA MED PA'I GZUGS BRNYAN GCIG TU BYAS PA'I PHYIR RO, ,GNYIS PA NI DNGOS PO'I MTHA' BSGOM PA'O, ,GSUM PA NI DGOS PA YONGS SU GRUB PA'I MTHA' BSGOM PA'O, ,BSTAN BCOS RNAM PAR BSHAD PA LAS, RNAM PAR RTOG PA DANG BCAS PA'I @93B GZUGS BRNYAN NI 'DI LTA STE SHES BYA'I DNGOS PO DANG CHA MTSUNGS PA'I TING NGE 'DZIN GYIS BTAGS PA'I SPYOD YUL GANG YIN PA'O, ,RNAM PAR MI RTOG PA'I GZUGS BRNYAN NI 'DI LTA STE, SHES BYA'I DNGOS PO DANG CHA MTSUNGS PA'I TING NGE 'DZIN GYI SPYOD YUL YANG DAG PA'I YUL GANG YIN PA'O, ,DNGOS PO'I MTHA' NI 'DI LTA STE, JI SNYED YOD PA NYID DANG, JI LTA BA BZHIN DU YOD PA NYID GANG YIN PA'O, ,DGOS PA YONGS SU GRUB PA NI 'DI LTA STE, GNAS GYUR PA DANG DE NYID LA BRTEN PA'I RNAM PAR MI RTOG PA'I YE SHES GANG YIN PA'O ZHES BSHAD DO, ,BSTAN BCOS NGO BO NYID MED PA RNAM PA GSUM BSTAN PA LAS BSHAD DE 'BYUNG BA RNAMS NI NOR BA DAG MANG BA'I PHYIR 'DIR MA BRJOD DO, ,GONG DU BSTAN PA RNAMS LAS BSTAN BCOS RNAM PAR BSHAD PA LAS BSTAN PA RNAMS NI MDO'I TSIG DANG RJES SU MTHUN GYI, BSTAN BCOS CHOS MNGON PA SNA TSOGS KUN LAS BTUS PA LA SOGS PA NI MA YIN TE, CHOS MNGON PA SNA TSOGS KUN LAS BTUS PA LA SOGS PA LAS DANG PO GNYIS NI ZHI GNAS DANG LHAG MTHONG GI YUL DU GTOGS SO ZHES BSTAN PA'I PHYIR, ,BSTAN BCOS RNAL 'BYOR SPYOD PA'I SA DE MDO 'DI DANG THA DAD PAR GYUR PA NI BSAM GTAN LA SOGS PA YANG DGOS PA YONGS SU GRUB PAR GTOGS SO ZHES BSTAN PA'I PHYIR RO, ,MDO 'DI LAS RNAM PA BZHI GSUNGS PA NI BSTAN BCOS RNAM PAR BSHAD PA DANG, DON MTHUN PA'I PHYIR RNAM PAR PHYE STE MA BSHAD DO, ,RNAM PA BZHI PO DE DAG LAS DU ZHIG NI ZHI GNAS KYI DMIGS PA LAGS DU ZHIG NI LHAG MTHONG GI DMIGS PA LAGS, DU ZHIG NI GNYI GA'I DMIGS PA LAGS ZHES BYA BA NI GSUM PA NYID YANG DAG PAR ZHUS PA'O, ,BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL PA, RIGS KYI BU GCIG NI ZHI GNAS KYI DMIGS PA'I YUL GYI DNGOS PO YIN TE, 'DI LTA STE, RNAM PAR MI RTOG PA'I GZUGS BRNYAN NO, ,GCIG NI LHAG MTHONG GI DMIGS PA'I YUL GYI DNGOS PO YIN TE, 'DI LTA STE, RNAM PAR RTOG PA DANG BCAS PA'I GZUGS BRNYAN NO, ,GNYIS NI GNYI GA'I YUL GYI DMIGS PA'I DNGOS PO YIN TE 'DI LTA STE DNGOS PO'I MTHA' DANG DGOS PA YONGS SU GRUB PA'O @94A *, ,ZHES BYA BA NI GNYIS PA DE BZHIN GSHEGS PAS LAN YANG DAG PAR GSUNGS PA'O, ,YUL RNAM PA BZHI THA DAD PA'I PHYIR TE SNGAR BSHAD PA BZHIN NO, ,RNAM PA BZHI LAS GNYIS PA NI YUL YANG DAG PA YIN TE, 'DI LTAR ZHI GNAS LA RNAM PAR RTOG PA MED PA'I PHYIR RO, , RNAM PA BZHI LAS DANG PO NI YONGS SU BRTAG PAR BYA BA'I YUL YIN TE, 'DI LTAR LHAG MTHONG NI RNAM PAR RTOG PA DANG BCAS PA'I PHYIR RO, ,RNAM PA BZHI LAS PHYI MA GNYIS NI ZHI GNAS DANG LHAG MTHONG GNYI GA'I YUL DU YANG GTOGS TE ZHI GNAS DANG LHAG MTHONG NI YUL RNAM PA GNYIS LA DMIGS PA'I PHYIR, YUL BZHI PO 'DI GNAS SKABS DANG SA BYE BRAG YOD PA YANG SO NAS BSHAD PA MI MTHUN TE, KHA CIG NA RE DANG PO GNYIS NI SA'I MDUN ROL PA'I YUL YIN TE, BSTAN PA BZHIN DU YANG DAG PAR SGRUB PA NI BDAG NYID LAS GYUR PA'I CHOS DANG DON LTA BU'I GZUGS BRNYAN LA DMIGS PAR BYED DE, RGYU MTSAN GYI RNAM PA'I LHAG MTHONG GIS YONGS SU TSOL BAR BYED PAS RNAM PAR RTOG PAR BYED PA DANG BCAS PA ZHES BYA'O, ,TING NGE 'DZIN GYIS NI YONGS SU TSOL BA ZHI BAR BYED PAS RNAM PAR RTOG PA MED PA ZHES BYA'O, ,GSUM PA NI SA BCU PO RNAMS KYI ZHI GNAS DANG LHAG MTHONG GI DMIGS PA'I SPYOD YUL YIN TE, SA BCU PO RNAMS PHYIN PA NA GDONG YUL GYI MTHA' KHONG DU CHUD PAR 'GYUR BA'I PHYIR RO, ,BZHI PA NI SANGS RGYAS KYI SA KHO NA LA YOD DE 'DI LTAR GNAS GYUR PA BRNYES NAS RTEN YONGS SU GRUB CING 'BYOR PA'I DMIGS PA YIN PA'I PHYIR RO, ,GAL TE DE LTA NA CI'I PHYIR CHOS MNGON PA SNA TSOGS KUN LAS BTUS PA LAS, RNAM PAR RTOG PA MED PA'I GZUGS BRNYAN NI 'DI LTA STE, RNAM PAR MI RTOG PA DANG RJES LAS THOB PA'I YE SHES KYI YUL GANG YIN PA'O ZHES BSTAN ZHE NA SMRAS PA, BSTAN BCOS DE NI LOGS SHIG TU RIGS PA BSKYED PAS NA, DE'I PHYIR DON RNAM PAR GZHAG PA STE BSTAN BCOS RNAL 'BYOR SPYOD PA'I SA LA SOGS PA DANG THA DAD PA YIN NO ZHE'O, ,KHA CIG NA RE DANG PO GNYI GA YANG SA'I MDUN ROL PA DANG SA BCU PO RNAMS SU GTOGS PA YIN TE, GNAS SKABS GNYI GA YANG GZUGS BRNYAN GYI YUL DANG BCAS PA'I PHYIR RO @94B ZHES ZER TE, GZHAN NI SNGAR BSHAD PA BZHIN NO, ,KHA CIG NA RE SNGA MA GSUM PO DAG NI SA'I MDUN ROL PA DANG, SA BCU PO'I GNAS SKABS SU GTOGS PA YIN TE, JI SNYED YOD PA NYID LA SOGS PA GNAS SKABS THAMS CAD DU GTOGS PA'I PHYIR RO ZHES ZER TE, GZHAN NI SNGAR BSHAD PA BZHIN NO, ,KHA CIG NA RE BZHI CHAR YANG GNAS SKABS THAMS CAD DU GTOGS PA YIN TE, BSTAN BCOS RNAL 'BYOR SPYOD PA'I SA LAS JI SKAD DU DGOS PA YONGS SU GRUB PA BSGOM PA NI 'DI LTA STE, BSAM GTAN DANG SNYOMS PAR 'JUG PA'I DNGOS GZHI LA SNYOMS PAR ZHUGS PA 'AM, 'JIG RTEN PA'I TING NGE 'DZIN NAS 'JIG RTEN LAS 'DAS PA'I TING NGE 'DZIN BSGOM PA GANG YIN PA DE NI DGOS PA YONGS SU GRUB PA BSGOM PA ZHES BYA'O ZHES BSTAN PA LTA BU STE, BSTAN BCOS RNAM PAR BSHAD PA DANG RNAL 'BYOR SPYOD PA'I SA LAS SA MANG PO DANG, NYAN THOS KYI SA LAS KYANG DE SKAD DU BSHAD DO ZHE'O, ,KHA CIG NA RE GONG DU BSHAD PA DE DAG KUN KYANG RIGS PA DANG 'GAL BA MED DE, MDO 'DI NYID LAS 'OG NAS BSTAN PA DAG DANG SBYAR NA SA'I MDUN ROL DU NI DANG PO GNYIS KHO NA'O, ,SA BCU PO RNAMS SU SNGA MA GSUM DANG LDAN NO, ,SANGS RGYAS KYI SA LA NI BZHI CHAR TSANG BAR YOD DE DE'I PHYIR 'OG NAS MDO LAS, DES SNGAR NI DMIGS PA RNAM PA GNYIS THOB PA YIN LA DES DA LTAR NI LAM MTHONG BA YIN PA'I PHYIR YANG DNGOS PO'I MTHA'I DMIGS PA THOB PA YIN TE ZHES BYA BA NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO ZHES GSUNGS PA DANG, GZHAN YANG DGOS PA YONGS SU GRUB PA'I DMIGS PA YANG 'THOB STE ZHES GSUNGS PA YIN TE, ZHIB TU DE NYID LAS BSTAN PA BZHIN NO ZHE'O, ,ZAG PA MED PA'I SEMS KYI GZUGS BRNYAN STON PAR BYED DAM MI BYED, GAL TE STON PAR MI BYED NA BSTAN BCOS CHOS MNGON PA SNA TSOGS KUN LAS BA TUS PA LAS BSTAN PA DE JI LTAR GO ZHING RNAM PAR BSHAD PAR BYA, GAL TE GZUGS BRNYAN STON PAR BYED PA YIN NA NI BSTAN BCOS RNAM PAR RIG PA TZAM DU GRUB PA LAS, NAM ZHIG DMIGS PA DAG LA NI, ,SHES PAS MI DMIGS PA DE'I TSE, ,ZHES BSTAN PA DE CI LTAR RUNG ZHE NA, SMRAS PA, @95A *, ,DON 'DI'I BSHAD PA NI BSTAN BCOS RNAM PAR RIG PA TZAM DU GRUB PA LAS JI SKAD DU BSTAN PA BZHIN TE, DE'I PHYIR DE NYID LAS 'DI NI RTOG PA'I GNAS SKABS YIN TE, DE'I MTSAN NYID JI LTA BU ZHE NA TSIG LE'UR BYAS PA LAS, NAM ZHIG DMIGS PA DAG LA NI, ,SHES PAS MI DMIGS DE YI TSE, ,RNAM PAR RIG PA TZAM LA GNAS, ,'DZIN GNYIS MTSAN NYID BRAL PHYIR RO, ,ZHES 'BYUNG STE, 'DI NYID KYI 'GREL PA LAS NAM ZHIG BYANG CHUB SEMS DPA' DMIGS PAR BYA BA'I YUL DAG LA SHES PAS MI DMIGS PA DE'I TSE, ,SPROS PA RNAM PA SNA TSOGS KYI MTSAN MA MI LEN PA'I PHYIR RO ZHES BYA BA NAS RGYA CHER BSHAD PA'I BAR DU BSTAN PA YIN NO, ,GZHAN YANG DE NYID LAS KHA CIG NA RE SHES PA 'DI'I CHA GNYIS NI GNYI GA YANG BRJOD PA MED DE, GZUNG BA DANG 'DZIN PA'I MTSAN MA MED PA'I PHYIR RO ZHE'O, ,KHA CIG NA RE SHES PA 'DI'I RGYU MTSAN DANG LTA BA GNYI GA YANG DE'I MTSAN MA DANG BCAS PA LAS BYUNG BA DE LA DMIGS PA ZHES BYA BA'I PHYIR RO, ,GAL TE RGYU MTSAN MED PA YANG DE LA DMIGS PA ZHES BYA NA NI, GZUGS LA SOGS PA'I SHES PA YANG SGRA LA SOGS PA'I SHES PA ZHES BYA BA NYID DU 'GYUR RO, ,GAL TE LTA BA'I RNAM PA MED NA NI DMIGS PAR YANG MI NUS PAR 'GYUR BAS, DE BZHIN NYID LA DMIGS PA'I SHES PA ZHES KYANG JI SKAD DU BRJOD DE DE BZHIN NYID KYI NGO BO NYID NI DMIGS PAR BYED PA ZHES MI BRJOD PAS, DE'I PHYIR 'DI LA NGES PAR LTA BA'I RNAM PA YOD PAR BRJOD DGOS SO ZHE'O, ,KHA CIG NA RE SHES PA 'DI LA LTA BA NI YOD LA RGYU MTSAN NI MED PAS MTSAN MA MED PA ZHES BSHAD DE MTSAN MA LEN PA DANG MI LEN PA'I PHYIR, ,LTA BA'I RNAM PA YOD KYANG RNAM PAR RTOG PA MED PAS 'DZIN PA MA YIN PA ZHES BSHAD KYI GZUNG BA GTAN MED PA NI MA YIN NO, ,RGYU MTSAN GYI RNAM PA MED KYANG 'DI LA DE BZHIN NYID KYI MTSAN MA DANG BCAS PA LAS 'BYUNG BA ZHES BRJOD DE, DE BZHIN NYID DANG MA BRAL BA'I PHYIR RO, ,DE JI LTAR BDAG NYID KYI RTOG PA'I RNAM PAR LTA BA'I RNAM PA LA DMIGS PA'I TSE, YONGS SU MA BSGYUR BAR YANG DMIGS PAR BYED PA LTAR 'DI YANG DE BZHIN NO, ,YONGS SU BSGYUR NAS DMIGS @95B PAR BYED NA NI MNGON SUM DU RTOGS PA MA YIN PA NYID DU 'GYUR TE PHYIS THOB PA'I SHES PA BZHIN DU RNAM PAR RTOG PA DANG BCAS PAR 'GYUR BAS, DE'I PHYIR 'DI LA LTA BA YOD CING RGYU MTSAN MED PAR BRJOD DGOS SO ZHE'O, ,PHYIS THOB PA'I SHES PA RNAMS LA CHA GNYIS YOD DAM ZHE NA, KHA CIG NA RE GNYI GA MED DO ZHES ZER TE 'DZIN PA GNYIS DANG BRAL BA'I PHYIR RO ZHE'O, ,KHA CIG NA RE SHES PA 'DI LA LTA BA YOD KYI RGYU MTSAN NI MED DE, SHES PA 'DI'I RNAM PA LA RNAM PAR RTOG PA YOD PAR BSHAD PA'I PHYIR DANG, 'PHAGS PA'I SHES RAB DAG NI YUL MNGON SUM DU MTHONG BA'I PHYIR RO ZHE'O, ,KHA CIG NA RE SHES PA 'DI NI CHA GNYI GA DANG LDAN TE, MDO'I BSAM PA LA DE BZHIN NYID KYI MTSAN MA 'DRA BA ZHES BSHAD DE DE KHO NA NYID KYI DE BZHIN NYID KYI NGO BO NYID MI MTHONG BA'I PHYIR RO ZHE'O ZHES 'BYUNG STE RGYA CHER DE NYID LAS BSHAD PA BZHIN NO, ,DE LTAR RNAM PA SNA TSOGS SU BSHAD PA YOD KYANG, SLOB DPON CHOS SKYONG GI GZHUNG DANG SBYAR NA, RNAM PAR MI RTOG PA'I YE SHES NI LTA BA DANG LDAN LA RGYU MTSAN NI MED DO, ,PHYIS THOB PA'I SHES PA RNAMS NI LTA BA DANG RGYU MTSAN GNYI GA DANG LDAN PAR BSHAD DO, ,GRAL TE DE LTAR NA BSTAN BCOS CHOS MNGON PA SNA TSOGS KUN LAS BTUS PA BSTAN PA DE JI LTAR KHONG DU CHUD CING RNAM PAR BSHAD PAR BYA STE, DE LAS RNAM PAR RTOG PA MED PA'I GZUGS BRNYAN NI 'DI LTA STE, DE KHO NA NYID YID LA BYED PA ZHI GNAS DANG LHAG MTHONG GI DMIGS PA'I SPYOD YUL GANG YIN PA'O, ,DE KHO NA NYID YID LA BYED PA NI GCIG TU 'JIG RTEN LAS 'DAS PA DANG PHYIS THOB PA'I YID LA BYED PA'O ZHES BSHAD PAS SO ZHE NA, SMRAS PA SLOB DPON THOGS MED KYIS NI DE KHO NA NYID YID LA BYED PA ZHES BSHAD KYI, 'JIG RTEN LAS 'DAS PA'I SHES PA ZHES MA BSTAN PAS DE'I PHYIR 'JIG RTEN LAS 'DAS PA ZHES BYA BA LA SOGS PA'I TSIGS NI; SLOB DPON RTOGS PA'I SENG GE'I DGONGS PA YIN GYI THOGS MED KYIS BSTAN PA MA YIN PA'I PHYIR PHAN TSUN 'GAL BA MED DO,, ,,BAM PO SUM CU DRUG PA, BCOM LDAN 'DAS LA BYANG CHUB SEMS DPA' BYAMS PAS YANG 'DI SKAD CES GSOL TO, ,BCOM LDAN 'DAS JI LTAR @96A *, ,NA BYANG CHUB SEMS DPA' ZHI GNAS DANG LHAG MTHONG GI DMIGS PA'I DNGOS PO BZHI PO DE DAG LA BRTEN NAS ZHI GNAS YONGS SU TSOL BAR BGYID PA DANG LHAG MTHONG LA MKHAS PA LAGS ZHES BYA BA 'DI MAN CHAD NI GSUM PA ZHI GNAS DANG LHAG MTHONG YONGS SU TSOL BA RNAM PAR 'BYED PA'I SGO ZHES BYA BA STON TO, ,'DI YANG RNAM PA GNYIS SU DBYE STE, ZHU BA GSOL BA DANG LAN DU GSUNGS PA STE 'DI NI ZHU BA GSOL BA'O, ,ZHU BA GSOL BA YANG DGONGS PA RNAM PA GNYIS TE DANG PO NI JI LTAR NA BYANG CHUB SEMS DPA' ZHI GNAS DANG LHAG MTHONG GI DMIGS PA RNAM PA BZHI PO DAG LA BRTEN NAS ZHI GNAS YONGS SU TSOL BA ZHUS PA'O, ,GNYIS PA JI LTAR NA LHAG MTHONG LA MKHAS PAR 'GYUR BA ZHU BA'O, ,DE LA YONGS SU TSOL BA DANG MKHAS PA ZHES BYA BA YANG BSHAD PA GSUM YOD DE, ,KHA CIG NA RE YONGS SU TSOL BA DANG, MKHAS PA ZHES BYA BA GNYI GA YANG BSGOM PA'I DON YIN TE, ZHI GNAS DANG LHAG MTHONG RNAM PAR DBYE BA'I PHYIR YONGS SU TSOL BA DANG MKHAS PA ZHES BYA BA GSUNGS PA YIN NO ZHE'O, ,KHA CIG NA RE YONGS SU TSOL BA DANG, MKHAS PA NI ZHI GNAS DANG LHAG MTHONG GNYI GAR GTOGS PA YIN TE, DE'I PHYIR 'PHAGS PA DGONGS PA ZAB MO RNAM PAR DGROL BA'I MDO LAS, ZHI GNAS DANG LHAG MTHONG LA MKHAS PA ZHES GSUNGS PA YIN NO ZHE'O, ,KHA CIG NA RE YONGS SU TSOL BA NI BSGOM PA'I DON YIN TE ZHI GNAS BSGOM PAR RTZOL BA'I PHYIR, ZHI GNAS KHO NA YIN GYI LHAG MTHONG NI MA YIN NO, , MKHAS PA NI LHAG MTHONG LA MKHAS PA YIN TE DON LEGS PAR KHONG DU CHUD PAR BYED PA'I PHYIR LHAG MTHONG NI YIN GYI ZHI GNAS NI MA YIN TE DE'I PHYIR MDO NYID LAS ZHI GNAS YONGS SU TSOL BAR BGYID PA DANG, LHAG MTHONG LA MKHAS PA ZHES GSUNGS PA YIN NO ZHE'O, ,BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL PA, RIGS KYI BU JI LTAR NGAS BYANG CHUB SEMS DPA' RNAMS LA CHOS GDAGS PA RNAM PAR GZHAG PA BSTAN PA 'DI LTA STE, MDO'I SDE DANG DBYANGS KYIS BSNYAD PA'I SDE DANG LUNG BSTAN PA'I SDE DANG TSIGS SU BCAD PA'I SDE DANG, CHED DU @96B BRJOD PA'I SDE DANG, GLENG GZHI'I SDE DANG, RTOGS PA BRJOD PA'I SDE DANG, DE LTA BU BYUNG BA'I SDE DANG, SKYES PA RABS KYI SDE DANG, SHIN TU RGYAS PA'I SDE DANG, RMAD DU BYUNG BA'I CHOS KYI SDE DANG, GTAN LA PHAB PAR BSTAN PA'I SDE DANG ZHES BYA BA LA SOGS PAS NI GNYIS PA DE BZHIN GSHEGS PAS LAN DU GSUNGS PA YANG DAG PAR STON TO, ,'DI YANG RNAM PA GNYIS TE BSGOM PA'I GNAS GSUNG RAB BSTAN PA DANG BSTAN PA BZHIN DU YANG DAG PAR BSGOM PA RAB TU BSTAN PA STE, 'DI NI DANG PO'O, ,BCOM LDAN 'DAS KYIS BYAMS PA LA BKA' STZAL PA, NGAS BYANG CHUB SEMS DPA' RNAMS LA CHOS GDAGS PA RNAM PAR GZHAG PA BSTAN PA GSUNG RAB YAN LAG BCU GNYIS PO 'DI LTA STE, MDO'I SDE NAS GTAN LA PHAB PAR BSTAN PA'I SDE ZHES BYA BA'I BAR DU GSUNGS PA GANG YIN PA'O, ,DA LA GSUNG RAB YAN LAG BCU GNYIS PO DE YANG BSTAN PA RNAMS LAS RGYA CHER STON PAR MDZAD DE, BSTAN BCOS CHOS MNGON PA KUN LAS BTUS PA LAS MDO'I SDE NI 'DI LTA STE GANG BSDU BA'I TSUL GYIS RKYANG PAR GSUNGS PA'O, ,DBYANGS KYIS BSNYAD PA'I SDE NI MDO SDE RNAMS LAS DBUS DANG THA MAR TSIGS SU BCAD DE DBYANGS KYIS BSNYAD PA'O, ,GZHAN YANG DRANG BA'I DON GYI MDO SDE RTOGS PAR BYED PA'I PHYIR DBYANGS KYIS BSNYAD PA'O ZHES BYA'O, ,LUNG DU BSTAN PA'I SDE NI 'DI LTA STE, GANG LAS 'PHAGS PA NYAN THOS SHI BA'I DUS BYAS PA'I YON TAN DANG SKYON DANG SKYE BA'I GNAS KYI BYE BRAG LUNG STON PA GANG YIN PA'O, ,GZHAN YANG NGES PA'I DON GYI MDO SDE LA LUNG BSTAN PA'I SDE ZHES BYA STE, DGONGS PA ZAB MO LUNG STON CING RAB TU PHYE BA'I PHYIR RO, ,TSIGS SU BCAD PA'I SDE NI 'DI LTA STE, MDO SDE RNAMS LAS TSIGS SU SBYAR NAS, RTZA BA GNYIS PA DANG RTZA BA GSUM PA DANG RTZA BA BZHI PA DANG RTZA BA LNGA PA DANG RTZA BA DRUG PA GSUNGS PA GANG YIN PA'O, ,CHED DU BRJOD PA'I SDE NI 'DI LTA STE, DE BZHIN GSHEGS PA NYID THUGS RANGS NAS BRJOD PA GANG YIN PA'O, ,GLENG GZHI'I SDE NI 'DI LTA STE, ZHUS PA'I RGYUS GSUNGS PA DANG, GZHAN YANG BYUNG BA DANG BCAS PA'I BSLAB PA BCA' BA GANG YIN PA DE LA YANG GLENG GZHI ZHES BYA'O, ,RTOGS PA BRJOD PA'I SDE NI 'DI LTA STE, DPE DANG BCAS @97A *, ,PAR GSUNGS PA GANG YIN PA'O, ,DE LTA BU BYUNG BA'I SDE NI 'DI LTA STE, 'PHAGS PA RNAMS KYI SNGON GYI SBYOR BA DANG LDAN PA BRJOD PA GANG YIN PA'O, ,SKYES PA RABS KYI SDE NI 'DI LTA STE, GANG BYANG CHUB SEMS DPA'I SPYOD PA DANG LDAN PA BRJOD PA GANG YIN PA'O, ,SHIN TU RGYAS PA'I SDE NI 'DI LTA STE, BYANG CHUB SEMS DPA'I SDE SNOD DANG LDAN PA'O, ,SHIN TU RGYAS PA'I JI LTA BA DE BZHIN DU RGYA CHER RNAM PAR 'THAG PA DANG MTSUNGS PA MED PA YANG DE BZHIN NO, ,CI'I PHYIR SHIN TU RGYAS PA ZHES BYA ZHE NA, SEMS CAN THAMS CAD LA PHAN PA DANG BDE BA'I GNAS SU GYUR PA'I PHYIR DANG, YANGS PA DANG, RGYA CHE BA DANG, ZAB PA'I CHOS RNAM PAR BSTAN PA'I PHYIR RO, ,CI'I PHYIR RNAM PAR 'THAG PA ZHES BYA ZHE NA, SGRIB PA THAMS CAD RNAM PAR 'THAG PA'I PHYIR RO, ,CI'I PHYIR MTSUNGS PA MED PA ZHE NA, MTSUNGS PA'I ZLA MED PA'I PHYIR RO, ,RMAD DU BYUNG BA'I CHOS KYI SDE NI 'DI LTA STE, GANG LAS NYAN THOS DANG BYANG CHUB SEMS DPA' DANG DE BZHIN GSHEGS PA LA SOGS PA'I NGO MTSAR RMAD DU BYUNG BA'I CHOS BSTAN PA'O, ,GTAN LA PHAB PAR BSTAN PA'I SDE NI 'DI LTA STE, GONG DU CHOS KYI MTSAN NYID PHYIN CI MA LOG PAR BSTAN PA'O ZHES BSHAD DE, CHOS KYI MTSAN NYID MA KHYUD PA RNAMS STON PAS SO, ,DGONGS PA ZAB MO RNAM PAR DGROL BA'I MDO LAS NI BCU GNYIS PO 'DI DAG RGYA GAR SKAD DU MA BSGYUR BAR SO NAS 'BYUNG STE, RGYA CHER BSHAD PA NI MTSAN NYID BSTAN PA DAG LAS 'BYUNG BA BZHIN DU RIG PAR BYA'O, ,BYANG CHUB SEMS DPA' DE DAG LEGS PAR THOS LEGS PAR BZUNG KHA TON BYANG BAR BYAS YID KYIS LEGS PAR BRTAGS MTHONG BAS SHIN TU RTOGS PAR BYAS NAS ZHES BYA BA LA SOGS PA NI GNYIS PA BSTAN PA BZHIN DU YANG DAG PAR BSGOM PA RAB TU BSTAN PA ZHES BYA BA STON TO, ,'DI YANG RNAM PA GNYIS SU DBYE STE ZHI GNAS DANG LHAG MTHONG GI SBYOR BA YANG DAG PAR BSTAN PA DANG GZHAN YANG YID LA BYED PA'I SEMS GANG GIS ZHES BYA BA MAN CHAD KYIS ZHI GNAS DANG LHAG MTHONG GI SGO RNAM PA GNYIS YANG DAG PAR BSHAD PA'O, ,DBANG PO YANG RNAM PA GNYIS TE THOS PA'I SHES RAB BSTAN PA DANG, BSAMS PA'I SHES RAB BSTAN PA @97B STE; 'DI NI DANG PO'O, ,THOS PA'I SHES RAB DE YANG MTSAN NYID RNAM PA LNGA STE, LEGS PAR THOS PA DANG, LEGS PAR BZUNG BA DANG, KHA TON DU BYANG BAR BYAS PA DANG, YID KYIS LEGS PAR BRTAGS PA DANG, MTHONG BAS SHIN TU RTOGS PAR BYAS PA'O, ,'DI LTAR BYANG CHUB SEMS DPA' RNAMS BSTAN PA'I CHOS DE DAG LA SEMS RTZE GCIG TU NYAN PAR BYED PA DANG, LEGS PAR BZUNG BA DANG, KHA TON DU BYANG BAR BYED PA DANG, YID KYIS LEGS PAR SEMS PA DANG, SHES RAB KYIS SHIN TU RTOGS PAR BYED PAS SO, ,BSTAN BCOS RNAL 'BYOR SPYOD PA'I SA LAS NI MTSAN NYID RNAM PA BZHIS THOS PA'I SHES RAB STON TE MDO 'DI LAS GSUNGS PA'I DANG PO THOS PA'I MTSAN NYID MA GTOGS PA GZHAN RNAMS KYIS SO, ,GZHAN YANG RNAL 'BYOR SPYOD PA'I SA LAS THOS PA LAS BYUNG BA'I SA'I NANG NAS NI MTSAN NYID RNAM PA DRUG GIS STON TE YANG BLO ZHES BYA BAS BSNAN NA'O, , MTSAN NYID PHYI MA LNGA NI MING CUNG ZAD THA DAD KYANG DON NI MDO 'DI LAS GSUNGS PA DANG MTHUN TE, DE'I PHYIR BSTAN BCOS DE NYID LAS THOS PA LAS BYUNG BA'I SA GANG ZHE NA, 'DI LTA STE RIG PA'I GNAS LNGA GANG YIN PA DE DAG MING DANG TSIG DANG YI GE TSAD MED PA'I BYE BRAG LAS BLO SNGON DU BTANG STE, NYAN PA DANG, 'DZIN PA DANG, 'CHANG BA DANG, KHA TON BYED PA DANG, RJES SU DRAN PA DANG, PHYIN CI MA LOG PAR SHES PA'O ZHES 'BYUNG BAS GO RIMS BZHIN DU MDO 'DI LAS RNAM PA LNGA GSUNGS PA DANG SBYAR TE, DE LA NYAN PA ZHES BYA BA NI LEGS PAR THOS PA ZHES GSUNGS PA NYID DO, ,'DZIN PA DANG, 'CHANG BA ZHES BYA BA NI LEGS PAR BZUNG BA ZHES GSUNGS PA NYID DO, ,KHA TON SHIN TU BYANG BAR BYAS PA ZHES BYA BA NI KHA TON BYANG BAR BYAS PA ZHES GSUNGS PA NYID DO, ,RJES SU DRAN PA NI YID KYIS LEGS PAR BRTAGS PA ZHES GSUNGS PA NYID DO, ,PHYIN CI MA LOG PAR SHES PA ZHES BYA BA NI MTHONG BAS SHIN TU RTOGS PA ZHES GSUNGS PA NYID DO, ,JI LTAR LEGS PAR BSAMS PA'I CHOS DE DAG GCIG TU DBEN PAR 'DUG STE YID LA BYED PA ZHES BYA BA NI GNYIS PA BSAMS PA'I SHES RAB BSTAN PA STE, BSAMS PA'I SHES RAB DE NI THOS PA'I SHES RAB KYIS BSAMS PA'I CHOS @98A *, ,DE DAG GCIG TU DBEN PAR 'DUG STE, CHOS DANG DON THOS PA'I GZUGS BRNYAN RNAM PA GNYIS YID LA BYED CING SEMS PA YIN TE, DE'I PHYIR BSTAN BCOS RNAL 'BYOR SPYOD PA'I SA LAS BSAMS PA LAS BYUNG BA'I SA GANG ZHE NA 'DI LTA STE JI LTAR KHA CIG GCIG PU DBEN PA NA 'DUG CING, JI LTAR THOS PA DANG JI LTAR KUN CHUB PAR BYAS PA'I CHOS RNAMS KYI RIGS PA SO SOR BRTAGS NAS SEMS PAR BYED PA'O ZHES BSTAN PA YIN NO, ,GZHAN YANG RNAL 'BYOR SPYOD PA'I SA LAS DBEN PA LA MOS PA GANG YIN PA DES NI NANG GI SEMS BDE BAR GNAS PA YANG DAG PA'I ZHI GNAS DANG RAB TU 'DREN PAR 'GYUR RO, ,YANG DAG PA'I ZHI GNAS LA SEMS BDE BAR GNAS PA GANG YIN PA DES NI LHAG MTHONG RAB TU 'DREN PAR 'GYUR RO ZHES BSHAD DO, ,GZHAN YANG YID LA BYED PA'I SEMS NANG DU RGYUN CHAGS SU BYED PA'I YID LA BYED PAS SEMS PAR BYED DO, ,DE LTAR ZHUGS SHING LAN MANG DU GNAS PA'I PHYIR LUS SHIN TU SBYANGS PA DANG SEMS SHIN TU SBYANGS PA 'BYUNG BA GANG YIN PA DE NI ZHI GNAS ZHES BYA'O ZHES BYA BA LA SOGS PAS NI GNYIS PA ZHI GNAS DANG LHAG MTHONG GI SGO RNAM PA GNYIS YANG DAG PAR BSHAD PA'O, ,'DI YANG RNAM PA GNYIS TE ZHI GNAS BSTAN PA DANG, LHAG MTHONG GI SGO RNAM PAR PHYE STE BSTAN PA'O, ,DANG PO YANG RNAM PA GNYIS TE ZHI GNAS KYI SGO YANG DAG PAR BSTAN PA DANG, MJUG BSDU ZHING ZHUS PA SNGA MA'I LAN BSTAN PA'O, ,SGO DANG PO 'DI LA YANG BSHAD PA RNAM PA GNYIS YOD DE, KHA CIG NA RE MDO'I TSIG 'DI YANG RNAM PA BZHIR DBYE STE, DMIGS PAR BYA BA'I YUL DANG DMIGS PAR BYED PA'I ZHI GNAS DANG GNAS SKABS DANG MING BSTAN PA'O, ,DE LA GZHAN YANG YID LA BYED PA'I SEMS GANG GIS ZHES BYA BAS NI DMIGS PAR BYA BA'I YUL BSTAN TE MDO'I TSIG 'DI BSHAD PA YANG RNAM PA GNYIS YOD PAS, KHA CIG NA RE CHOS DANG DON GYI YUL DE DAG LA YANG DAG PAR SEMS SHING THOS PA DANG, BSAMS PA'I SHES RAB RNAM PA GNYIS DANG RJES SU MTHUN PA'I SEMS DMIGS PA'I YUL DU GYUR PA'O ZHE'O, ,KHA CIG NA RE SHES RAB RNAM PA GNYIS DANG RJES SU MTHUN PA'I SEMS DMIGS @98B PA'I YUL DU GYUR PA'O ZHES ZER TE, DE NI DON DU NA ZHI GNAS KYI SGOS SEMS RAB TU ZHI BAR BYED CING, DMIGS PA GCIG LA GNAS PAR BYED PAS DE'I PHYIR DMIGS PA'I SEMS LA YUL ZHES BSHAD LA LHAG MTHONG GIS NI SEMS KYIS SHES BYA'I DON RAB TU RNAM PAR 'BYED PA'I PHYIR, THOS PA DANG BSAMS PA'I SHES RAB RNAM PA GNYIS KYIS YONGS SU BSGYUR BA'I RGYU MTSAN GYI RNAM PA LA DMIGS PA'I YUL ZHES BSTAN PA YIN NO ZHES STON TO, ,SEMS NANG DU RGYUN CHAGS SU BYED PA'I YID LA BYED PAS SEMS PAR BYED DO ZHES BYA BAS NI DMIGS PAR BYED PAS ZHI GNAS BSTAN TE; DE LA SEMS NANG DU ZHES BYA BA NI DMIGS PA'I SEMS BSDUS NAS TING NGE 'DZIN LA GNAS PAR BYED PAS SEMS NANG DU ZHES BSTAN TE DE'I PHYIR BSTAN BCOS RNAL 'BYOR SPYOD PA'I SA LAS NANG GI DMIGS PA LA SEMS NYE BAR GTOD PA NI PHYI ROL TU RNAM PAR MI G-YENG BA NYID KYI PHYIR RO ZHES 'BYUNG STE, 'DIS NI SEMS NANG DU RGYUN CHAGS SU BYED PA'I YID LA BYED PAS SEMS PAR BYED PA THOS PA DANG, BSAMS PA DANG RJES SU MTHUN PA'I SEMS BSTAN TO, ,DE LTAR ZHUGS SHING LAN MANG DU GNAS PA'I PHYIR LUS SHIN TU SBYANGS PA DANG SEMS SHIN TU SBYANGS PA 'BYUNG BA ZHES BYA BA NI GNAS SKABS TE, 'DI LTAR ZHI GNAS NI NANG DU GNAS PA LA SOGS PA YANG DAG PA'I SPYOD PA RNAM PA DGU DANG LDAN PA'I PHYIR LUS SHIN TU SBYANGS PA DANG SEMS SHIN TU SBYANGS PA NI 'BYUNG BAR BYED PAS SO, ,DE LA LUS SHIN TU SBYANGS PA NI 'BYUNG BA CHEN PO BZHIS RGYUR BYAS PA'I SHIN TU SBYANGS PA'I REG BYA GANG YIN PA'O, ,SEMS SHIN TU SBYANGS PA NI BCU GCIG DGE BA LAS SHIN TU SBYANGS PA'I GRANGS SU GTOGS PA'O, ,BSTAN BCOS THEG PA CHEN PO BSDUS PA'I 'GREL PA NGO BO NYID MED KYIS BYAS PA LAS LUS YANG ZHING ZO MDOG BDE BA'I NGO BO NYID GANG YIN PA DE NI SHIN TU SBYANGS PA'I MTSAN NYID DO ZHES BSHAD DE, 'DI LTAR LUS DANG SEMS SHIN TU SBYANGS PA'I GNAS SKABS LA ZHI GNAS RNAM PAR GZHAG PA'I PHYIR RO, ,BSTAN BCOS RNAL 'BYOR SPYOD PA'I SA LAS DE LA SEMS BDE BAR GNAS PA RNAM PA DGU PO GANG YIN PA DE NI ZHI GNAS KYI PHYOGS YIN NO ZHES @99A *, ,BSHAD DE, SEMS GNAS PA RNAM PA DGU NI BSTAN BCOS MNGON PA KUN LAS BTUS PA LAS, RNAM PA DGU'I MING SMOS PAR ZAD KYI RNAM PAR BSHAD PA NI MED DO, ,CHOS MNGON PA SNA TSOGS KUN LAS BTUS PA LAS NI GO RIMS BZHIN DU MING SMOS NAS RNAM PAR BSHAD DE, DE'I PHYIR BSTAN BCOS DE NYID LAS ZHI GNAS NI 'DI LTA STE, SEMS NANG KHO NAR 'JOG PA DANG, RGYUN DU 'JOG PA DANG, BRLAN TE 'JOG PA DANG, NYE BAR 'JOG PA DANG, 'DUL BAR BYED PA DANG, ZHI BAR BYED PA DANG, RNAM PAR ZHI BAR BYED PA DANG, RTZE GCIG TU ZHI BAR BYED PA DANG, MNYAM PAR 'JOG PA STE, RNAM PA DGU PO 'DI DAG GIS SEMS BDE BAR GNAS PAR BYED PAS ZHI GNAS ZHES BYA'O, ,DE LA SEMS NANG KHO NAR 'JOG PA NI PHYI ROL GYI DMIGS PA RNAMS LAS PHYIR BRLAN NAS NANG DU MI G-YENG BAR DANG PO NYID DU SEMS NYE BAR 'DOGS PA'I PHYIR RO, ,RGYUN DU 'JOG PA NI DE LTAR SEMS G-YO BA RAGS PA THOG MA NYID DU NYE BAR BTAGS PAS DMIGS PA DE NYID LA RGYUN GYI TSUL DANG, PHRA BAR BYED PAS MNGON PAR SDUD PA'I PHYIR RO, ,BRLAN TE 'JOG PA NI GAL TE BRJOD NAS PHYI ROL DU G-YENGS PAR GYUR NA YANG PHYIR BRLAN PAR BYED PA'I PHYIR RO, ,NYE BAR 'JOG PA NI DANG PO NYID NAS SEMS PHYI ROL TU MI 'PHRO BAR BYA BA'I PHYIR DRAN PA NYE BAR GNAS PA'I PHYIR RO, ,'DUL BAR BYED PA NI DANG PO NYID NAS RNAM PAR G-YENG PA'I RGYU GZUGS LA SOGS PA'I CHOS LA NYES DMIGS KYI 'DU SHES BSKYED NAS DBANG DU BYED PA'I PHYIR DANG, SEMS RAB TU BTUL NAS 'PHROR MI STER BA'I PHYIR RO, ,ZHI BAR BYED PA NI SEMS 'KHRUG PAR BYED PA, NYES PAR RNAM PAR RTOG PA NYE BA'I NYON MONGS PA RNAMS LA NYES DMIGS SU LTA BAS SEMS BTUL NAS 'PHROR MI STER BA'I PHYIR RO, ,RNAM PAR ZHI BAR BYED PA NI GAL TE BRJED NAS RNAM PAR RTOG PA LA SOGS PA GLO BUR DU MNGON DU BYUNG NA YANG DANG DU MI LEN CING YANG 'BYUNG BAR MI BYED PA'I PHYIR RO, ,RTZE GCIG TU BYED PA NI BRTZON 'GRUS KYI SBYOR BAS SKABS MED CING, BAR CHAD MED PAR TING NGE 'DZIN MCHOG LA BDE BAR GNAS PA'I PHYIR RO, ,MNYAM PAR 'JOG PA NI SHIN TU GOMS PAR BYAS PA'I PHYIR, MNGON PAR 'DU BYA BA MED PAR TING NGE 'DZIN GYI SEMS KYI RGYUN G-YENG BA @99B MED PAR 'BYUNG BA'I PHYIR RO ZHES 'BYUNG STE, RGYA CHER RNAM PAR 'BYED PA NI BSTAN BCOS RNAL 'BYOR SPYOD PA'I SA DANG, MDO SDE'I RGYAN LAS BSTAN PA BZHIN DU RIG PAR BYA'O, ,DE NI ZHI GNAS ZHES BYA STE ZHES BYA BA NI MING BSTAN PA'O, ,KHO NA RE MDO'I TSIG 'DI NYID LAS RNAM PA GNYIS SU DBYE STE, DANG PO GZHAN YANG YID LA BYED PA'I SEMS GANG GIS ZHES BYA BAS NI ZHI GNAS KYI THABS BSTAN TO, ,GNYIS PA NI DE LTAR ZHUGS SHING ZHES BYA BA LA SOGS PAS NI ZHI GNAS NYID YANG DAG PAR BSHAD PA STE, 'DIS NI BSAMS PA'I SHES RAB CHEN PO'I RNAM PA DES YANG THOS PA DANG, BSAMS PA'I SHES RAB DMAN PA'I RNAM PA GNYIS LA DMIGS PAR BYED PAS NANG GI SEMS RGYUN CHAGS SU GYUR PA DMIGS PA MED PAR BSTAN TO ZHES ZER TE, ZHI GNAS KYI MTSAN NYID YANG DAG PAR BSHAD PAR NI DON GONG DU BSTAN PA YIN NO, ,DE LTAR NA BYANG CHUB SEMS DPA' ZHI GNAS YONGS SU TSOL BAR BYED PA YIN NO ZHES BYA BA NI GNYIS PA MJUG BSDU ZHING ZHUS PA SNGA MA'I LAN BSTAN PA'O, ,DE LUS DANG SEMS SHIN TU SBYANGS PA THOB PAS GNAS BYAS PA'I PHYIR JI LTAR LEGS PAR BSAMS PA'I CHOS DE DAG NYID NANG DU TING NGE 'DZIN GYI SPYOD YUL GZUGS BRNYAN DU SO SOR RTOG PAR BYED MOS PAR BYED, SEMS KYI MTSAN MA YONGS SU SPONG BAR BYED DE ZHES BYA BA 'DI MAN CHAD NI GNYIS PA LHAG MTHONG GI SGO RNAM PAR PHYE STE BSTAN PA'O, ,'DI YANG RNAM PA GNYIS SU DBYE STE, LHAG MTHONG GI SGO YANG DAG PAR BSTAN PA DANG, MJUG BSDU ZHING ZHUS PA SNGA MA'I LAN BSTAN PA'O, ,SGO DANG PO LA YANG BSHAD PA RNAM PA GNYIS YOD DE, KHA CIG NA RE TING NGE 'DZIN GYI GNAS SKABS LA BRTEN NAS MDO'I TSIG 'DI BSHAD PA RNAM PA GNYIS SU 'GYUR RO ZHES ZER BAS RNAM PA GNYIS SU DBYE STE, DMIGS PAR BYA BA MA YIN PA RAB TU DBYE BA DANG YUL LA BRTEN NAS LHAG MTHONG SKYE BAR BSTAN PA STE 'DI NI DANG PO'O, ,MDO'I TSIG 'DI YANG RNAM PA GNYIS SU DBYE STE, DANG PO DE LUS DANG SEMS SHIN TU SBYANGS PA THOB PAS ZHES BYA BA LA SOGS PAS NI LHAG MTHONG GI GNAS BSTAN TE, 'DI LTAR SNGAR SHIN TU SBYANGS PA THOB NAS GNAS BYAS PA'I PHYIR LHAG MTHONG SKYES PAR GYUR PA'O, ,GNYIS PA JI LTAR @100A *, ,LEGS PAR BSAMS PA ZHES BYA BA LA SOGS PAS NI DMIGS PAR BYAS PA MA YIN PAR RAB TU DBYE BA STE 'DI LTAR SNGAR BSTAN PA'I THOS PA DANG BSAMS PA'I DMIGS PA YID LA BYED PA'I CHOS DE DAG LA NANG GI TING NGE 'DZIN CHA MTSUNGS PA'I GZUGS BRNYAN SNANG BAR BYED PA BSKYED NAS, GZUGS BRNYAN DE NYID LA MOS PAS YID LA BYED PA DANG, SO SOR RTOG PAR BYED PA BSKYED BA NI LHAG MTHONG DANG ZHI GNAS KYI DMIGS PA SEMS KYI MTSAN MA 'BYUNG BA'I PHYIR RO, ,DE LA SEMS KYI MTSAN MA ZHES BYA BA NI SEMS NYID MTSAN MA YIN PAS DE'I PHYIR SEMS KYI MTSAN MA ZHES BYA'O, ,DE LTAR TING NGE 'DZIN GYI GZUGS BRNYAN ZHES BYA BA'I DON DE DAG LA YANG DAG PAR RNAM PAR 'BYED PA DANG, RAB TU RNAM PAR 'BYED PA DANG, YONGS SU RTOG PA DANG, YONGS SU DPYOD PA DANG, BZOD PA DANG, 'DOD PA DANG, SHES RAB DANG, LTA BA DANG, RTOG PA GANG YIN PA DE NI LHAG MTHONG ZHES BYA STE ZHES BYA BA NI GNYIS PA YUL LA BRTEN NAS LHAG MTHONG SKYE BAR BSTAN PA'O, ,MDO'I TSIG 'DI YANG RNAM PA BZHIR PHYE NAS BSHAD PAR BYA STE, DANG PO DE LTAR TING NGE 'DZIN GYI GZUGS BRNYAN ZHES BYA BA LA SOGS PAS NI YONGS SU BRTAG PAR BYA BA'I YUL BSTAN TE, SNGAR GONG DU BSTAN PA'I NANG GI TING NGE 'DZIN GYI SPYOD YUL GYI GZUGS BRNYAN NYID CES BYA BA'I DON YIN PAS YONGS SU BRTAG PA'I YUL ZHES BYA'O, ,GNYIS PA YANG DAG PAR RNAM PAR 'BYED PA ZHES BYA BA LA SOGS PAS NI RNAL 'BYOR GYI MTSAN NYID BSTAN TE, 'DI NI SHES RAB KYI MTSAN NYID RNAM PA BZHI'O, ,MTSAN NYID RNAM PA BZHI PO DE DAG KYANG BSTAN BCOS CHOS MNGON PA SNA TSOGS KUN LAS BTUS PA LAS BSTAN PA BZHIN DU RIG PAR BYA STE, DE'I PHYIR BSTAN BCOS DE NYID LAS CHOS RNAMS RNAM PAR 'BYED PA ZHES BYA BA NI CI SNYED YOD PA NYID KYI PHYIR RO, ,RAB TU RNAM PAR 'BYED PA NI JI LTA BA BZHIN DU YOD PA NYID KYI PHYIR RO, ,YONGS SU RTOG PA NI RNAM PAR RTOG PA DANG BCAS PA'I YID LA BYED PA SHES RAB DANG BCAS PAS CHOS RNAMS KYI MTSAN NYID RNAM PAR 'JOG PA'I PHYIR RO, ,YONGS SU DPYOD PA NI YONGS SU TSOL BA DANG LDAN PA'I PHYIR RO ZHES 'BYUNG BA YIN NO, ,BSTAN BCOS RNAL 'BYOR SPYOD @100B PA'I SA LAS KYANG PHAL CHER 'DI DANG MTHUN PAR 'BYUNG STE, DE'I PHYIR DE NYID LAS DE LA LHAG MTHONG RNAM PA BZHI GANG ZHE NA, 'DI LTA STE DGE SLONG GIS NANG GI SEMS KYI ZHI GNAS LA BRTEN NAS CHOS RNAM PAR 'BYED PAR BYED PA DANG, RAB TU RNAM PAR 'BYED PA DANG YONGS SU RTOG PAR BYED PA DANG, YONGS SU DPYOD PAR BYED PA GANG YIN PA DE NI LHAG MTHONG RNAM PA BZHI ZHES BYA'O, ,DE LA JI LTAR RNAM PAR 'BYED CE NA, 'DI LTA STE SPYOD PA RNAM PAR SBYONG BA'I DMIGS PA DANG MKHAS PA'I DMIGS PA DANG NYON MONGS PA RNAM PAR SBYONG BA'I DMIGS PA DAG LA JI SNYED YOD PA NYID KYIS RNAM PAR 'BYED DO, ,JI LTAR RAB TU RNAM PAR 'BYED CE NA, 'DI LTA STE, DMIGS PAR BYA BA'I SPYOD YUL DE DAG NYID LA JI LTA BA BZHIN DU YOD PA NYID KYIS RAB TU RNAM PAR 'BYED PAR BYED DO, ,JI LTAR YONGS SU RTOG PAR BYED CE NA, 'DI LTA STE, DMIGS PA DE DAG LA SHES RAB DANG LDAN PA'I YID LA BYED PA RNAM PAR RTOG PA DANG BCAS PAS DE'I MTSAN MA YONGS SU BZUNG NAS YONGS SU RTOG PAR BYED DO, ,JI LTAR YONGS SU DPYOD PAR BYED CE NA, 'DI LTA STE, DMIGS PAR BYA BA'I SPYOD YUL DE DAG LA YANG DAG PAR RTOG PAR BYED PA'I TSE, YONGS SU DPYOD PAR BYED DO ZHES 'BYUNG STE, BSTAN BCOS RNAM PAR BSHAD PA LAS KYANG BZHI PO 'DI DAG LA GO RIMS BZHIN DU LHAG MTHONG RNAM PA BZHI ZHES BSHAD DO, ,GSUM PA BZOD PA ZHES BYA BA LA SOGS PAS NI LHAG MTHONG GI MING GI RNAM GRANGS BSTAN PA YIN TE, DE YANG RNAM PA LNGA'O, ,DE LA BZOD PA NI 'DI LTA STE, KHONG DU CHUD PAR BZOD PA'O, ,'DOD PA NI 'DI LTA STE, MOS PAR GYUR PA'O, ,SHES RAB NI RNAM PAR 'BYED PA'O, ,LTA BA NI YONGS SU TSOL BA'O, ,RTOG PA NI 'DI LTA STE, SO SOR RTOG PA'O, ,RNAM PA LNGA PO 'DI DAG KYANG DON NI GCIG LA MING NI THA DAD PAR GYUR PA YIN TE, DE'I PHYIR BSTAN BCOS RNAL A'BYOR SPYOD PA'I SA LAS SHES RAB DANG YE SHES DANG MTHONG BA DANG RIG PA DANG BLO DANG RTOG PA LA SOGS PA NI MING GI BYE BRAG YIN TE, CHOS MTSAN NYID DANG SEMS LAS BYUNG BA'I CHOS RAB TU RNAM PAR 'BYED PA'I NGO BO NYID DO ZHES GBSHAD DE BSTAN BCOS RNAM PAR BSHAD PA LAS KYANG DE SKAD DU STON TO, ,GZHI DE NI LHAG MTHONG ZHES BYA STE ZHES @101A *, ,BYA BA NI MJUG BSDU BA'O, ,KHA CIG NA RE RTZA BA DANG GZUGS BRNYAN PA BRTAN NAS MDO'I TSIG 'DI BSTAN PA YIN TA, DE LA JI LTAR LAGS PAR BSAMS PA ZHES BYA BA LA SOGS PAS NI RTZA BA NYID KYI CHOS RAB TU STON TE, NANG DU TING NGE 'DZIN ZHES BYA BA LA SOGS PAS NI RTZA BA LA BRTEN NAS GZUGS BRNYAN 'BYUNG BA BSTAN TE, GZUGS BRNYAN LA BRTEN NAS SO SOR RTOG PAR BYED PAS SO, ,DE LTAR TING NGE 'DZIN GYI ZHES BYA BA LA SOGS PAS NI LHAG MTHONG GI GZUGS BRNYAN GYI DBANG GIS ZHES BYA BA'I DON RTZA BA LAS 'BYUNG BA'I YUL KHONG DU CHUD PAR BSTAN TE, DE'I PHYIR BSTAN BCOS RNAL 'BYOR SPYOD PA'I SA LAS, RNAL 'BYOR PA DES GZUGS BRNYAN BRTAG PA'I PHYIR YONGS SU SHES PAR BYA BA'I DNGOS PO RANG BZHIN DE LA YANG DAG PAR RTOG PA NA YON TAN DANG SKYON NGES PAR RTOG PAR BYED PA GANG YIN PA ZHES 'BYUNG STE, MDO'I TSIG GZHAN BSHAD PA'I DON NI SNGAR BSTAN PA BZHIN NO ZHE'O, ,KHA CIG NA RE TING NGE 'DZIN DANG RNAM PAR G-YENG BA LAS BRTZAMS NAS, MDO'I TSIG 'DI BSTAN PA YIN PAS RNAM PA GNYIS SU DBYE STE, LHAG MTHONG GI SBYOR BA BSTAN PA DANG, DE LTAR ZHES BYA BA MAN CHAD KYIS RTZA BA'I LHAG MTHONG YANG DAG PAR BSTAN PA'O, ,DANG PO YANG RNAM PA GNYIS TE, LHAG MTHONG GI GNAS BSTAN PA DANG, JI LTAR ZHES BYA BA MAN CHAD KYIS SBYOR BA YANG DAG PAR BSTAN PA'O, ,'DI LTAR LUS DANG SEMS SHIN TU SBYANGS PA THOB PAS GNAS BYAS PA'I PHYIR DANG, TING NGE 'DZIN LA BRTEN NAS LHAG MTHONG SKYE BA YANG GDON MI ZA BAR THOS PA DANG BSAMS PA'I SEMS RNAM PAR G-YENG BAS SBYOR BAR BYED PA'I PHYIR, 'DIS NI THOS PA DANG BSAMS PA'I SBYOR BA NYID YANG DAG PAR BSTAN PA STE, DE CI'I PHYIR ZHE NA, ZHI GNAS DANG LHAG MTHONG GNYIS KYI RNAM PA'I MTSAN NYID THA DAD PA'I PHYIR TING NGE 'DZIN THOB PAR GYUR KYANG YANG THOS PA DANG, BSAMS PA'I SEMS RNAM PAR G-YENG BA 'BYUNG BAS SO, ,NANG DU TING NGE 'DZIN ZHES BYA BA NI SEMS BSDUS NAS RNAM PAR MI G-YENG BAS NANG ZHES BYA BA'I YANG DAG PA'I TING NGE 'DZIN LA GNAS PA LA BYA BA NI MA YIN PAS DE'I PHYIR NANG ZHES BYA BA GSUNGS TE, GZHAN NI SNGAR BSHAD PA BZHIN NO ZHE'O, ,SBYOR BA DANG RTZA @101B BA'I GNAS SKABS DE LA YANG BSHAD PA RNAM PA GNYIS YOD DE, DANG PO NI GZUGS BRNYAN KHO NA LAS BRTZAMS NAS SO, ,GNYIS PA NI RTZA BA DANG GZUGS BRNYAN GNYI GA LA BRTEN NAS TE DON NI SNGAR BSHAD PA BZHIN NO, ,DE LTAR BYANG CHUB SEMS DPA' LHAG MTHONG LA MKHAS PA YIN NO ZHES BYA BA NI GNYIS PA MJUG BSDU ZHING ZHUS PA SNGA MA'I LAN DU GSUNGS PA NYID DO, ,BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS GAL TE BYANG CHUB SEMS DPA' RNAMS DMIGS PA'I SEMS YUL DU GYUR PA NA NANG DU YID LA BGYID PA'I SEMS JI SRID DU LUS DANG SEMS SHIN TU SBYANGS PA MA THOB PA DE'I BAR DU YID LA BGYID PA DE LA MING CI ZHES BGYI LAGS ZHES BYA BA 'DI MAN CHAD NI BZHI PA ZHI GNAS DANG LHAG MTHONG DANG RJES SU 'JUG PA'I YID LA BYED PA BSTAN PA'I SGO ZHES BYA BA STON TO, ,'DI YANG RNAM PA GNYIS SU DBYE STE, ZHI GNAS DANG RJES SU MTHUN PA'I YID LA BYED PA BSTAN PA DANG LHAG MTHONG DANG RJES SU MTHUN PA'I YID LA BYED PA BSTAN PA'O, ,DANG PO YANG RNAM PA GNYIS TE ZHU BA GSOL BA DANG LAN DU GSUNGS PA'O, ,'DI NI DANG PO ZHU BA GSOL BA STE, GONG DU BSTAN PA LTAR DMIGS PA'I SEMS KYIS NANG GI SEMS RGYUN CHAGS SU YID LA BYED PA NA YID LA BYED PA DES JI SRID DU SHIN TU SBYANGS PA MA THOB PA DE SRID DU DE'I MING CI ZHES BYA BA'I THA TSIG GO, ,BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL PA, RIGS KYI BU ZHI GNAS KYI YID LA BYED PA NI MA YIN TE, ZHI GNAS KYI RJES SU MTHUN PA'I MOS PA DANG MTSUNGS PAR LDAN PA'I YID LA BYED PA YIN PAR BRJOD PAR BYA'O ZHES BYA BA NI GNYIS PA BCOM LDAN 'DAS KYIS LAN YANG DAG PAR GSUNGS PA STE, ZHI GNAS DANG RJES SU MTHUN PA'I YID LA BYED PA YIN GYI, YANG DAG PA'I ZHI GNAS NI MA YIN TE, SHIN TU SBYANGS PA MED PA'I PHYIR RO ZHES BYA BA'I THA TSIG GO, ,BCOM LDAN 'DAS GAL TE BYANG CHUB SEMS DPA' RNAMS JI SRID DU LUS DANG SEMS SHIN TU SBYANGS BA MA THOB PA DE'I BAR DU JI LTAR LEGS PAR BSAMS PA'I CHOS RNAMS NANG DU TING NGE 'DZIN GYI SPYOD YUL GZUGS BRNYAN DU YID LA BGYID NA YID LA BGYID PA DE LA MING CI ZHES BGYI LAGS ZHES BYA BA LA SOGS PAS NI @102A *, ,GNYIS PA LHAG MTHONG DANG RJES SU MTHUN PA'I YID LA BYED PA BSTAN TO, ,'DI YANG RNAM PA GNYIS SU DBYE STE, ZHU BA GSOL BA DANG LAN DU GSUNGS PA'O, ,'DI NI DANG PO ZHU BA GSOL BA STE, SNGAR BSTAN PA JI LTAR LEGS PAR BSAMS PA'I CHOS RNAMS NANG DU TING NGE 'DZIN GYI SPYOD YUL GZUGS BRNYAN DU SO SOR RTOG PA'I MOS PAS SEMS KYI MTSAN MA YONGS SU SPANGS PA YID LA BYED PA DE DAG JI SRID DU SHIN TU SBYANGS PA MA THOB PA DE'I BAR DU MING CI ZHES BYA BA'I THA TSIG GO, ,RIGS KYI BU LHAG MTHONG GI YID LA BYED PA NI MA YIN TE, LHAG MTHONG GI RJES SU MTHUN PA'I MOS PA DANG MTSUNGS PAR LDAN PA'I YID LA BYED PA YIN PAR BRJOD PAR BYA'O ZHES BYA BA NI GNYIS PA DE BZHIN GSHEGS PAS LAN DU YANG DAG PAR GSUNGS PA STE, LHAG MTHONG GI RJES SU MTHUN PA'I YID LA BYED PA YIN GYI YANG DAG PA'I LHAG MTHONG NI MA YIN TE, SHIN TU SBYANGS PA MED PA'I PHYIR RO, , MDO'I TSIG 'DI DANG SBYAR NA ZHI GNAS DANG LHAG MTHONG NI TING NGE 'DZIN GYI GNAS SKABS LA YOD PA KHO NA NYID DU RIG PAR BYA'O, ,GZHAN YANG MDO'I TSIG 'DIS NI GANG DU NANG GI SEMS RGYUN CHAGS SU YID LA BYED PA ZHES BYA BA LA SOGS PA NYID LA DE'I SBYOR BA YIN NO ZHES BSTAN PA YANG YANG DAG PA'I DON NYID DU GYUR PA YIN NO, ,BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS ZHI GNAS KYI LAM DANG LHAG MTHONG GI LAM THA DAD CES BGYI'AM THA DAD PA MA LAGS ZHES BGYI ZHES BYA BA 'DI MAN CHAD NI LNGA PA ZHI GNAS DANG LHAG MTHONG GI LAM GNYIS GCIG PA DANG THA DAD PA RNAM PAR 'BYED PA'I SGO ZHES BYA BA STON TO, ,'DI YANG RNAM PA GNYIS SU DBYE STE, ZHU BA GSOL BA DANG LAN DU GSUNGS PA'O, ,'DI NI DANG PO ZHU BA GSOL BA STE ZHI GNAS DANG LHAG MTHONG RNAM PA GNYIS NI RNAL 'BYOR PA RNAMS KYIS BGROD PAR BYA BA'I GNAS DANG 'PHAGS PA RNAMS KYI LAM GYI CHOS RAB TU 'DREN PA'I PHYIR LAM ZHES BYA STE, LAM GNYIS PO DE DAG GCIG PA ZHIG LAGS SAM THA DAD PA ZHIG LAGS ZHES BYA BA'I THA TSIG GO, ,BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL PA, RIGS KYI BU THA DAD PA @102B YANG MA YIN THA DAD PA MA YIN PA YANG MA YIN ZHES BRJOD PAR BYA'O ZHES BYA BA LA SOGS PAS NI GNYIS PA DE BZHIN GSHEGS PAS LAN YANG DAG PAR GSUNGS PA BSTAN TO, ,'DI YANG RNAM PA GNYIS SU DBYE STE, ZHUS PA BZHIN DU MDOR BSTAN PA DANG, DRIS PA DANG LAN DAG GIS RNAM PAR PHYE NAS BSHAD PA STE 'DI NI DANG PO'O, ,CI'I PHYIR THA DAD PA MA YIN ZHE NA LHAG MTHONG GI DMIGS PA'I SEMS LA DMIGS PA'I PHYIR RO, ,CI'I PHYIR THA DAD PA MA YIN PA YANG MA YIN ZHE NA, RNAM PAR RTOG PA'I GZUGS BRNYAN DMIGS PAR BYA BA MA YIN PA'I PHYIR RO ZHES BYA BA NI GNYIS PA DRIS PA DANG LAN DAG GIS RNAM PAR PHYE NAS BSHAD PA'O, ,MDO'I TSIG 'DI LA YANG BSHAD PA RNAM PA GNYIS YOD DE, KHA CIG NA RE THA DAD PA MA YIN PA ZHES BYA BA'I GZUGS GNYIS LA BRTAN NAS BSTAN PA YIN TE, DE LA RE ZHIG DPER NA ZHI GNAS DANG LHAG MTHONG GNYI GA CIG CAR 'JUG PA'I TSE THOS PA DANG BSAMS PA'I DMIGS PA'I RGYU MTSAN GYI RNAM PA'I YUL LA MTSUNGS PAR DMIGS SHING LTA BA'I RNAM PA'I SEMS LA GZUGS KYI YUL NYID DU DMIGS PAR BYED DE, GZUGS NYID DU MTSUNGS PA'I PHYIR THA DAD PA MA YIN ZHES BYA'O, ,THA DAD PA MA YIN PA YANG MA YIN ZHES BYA BA NI GZUGS BRNYAN LAS BRTZAMS NAS GSUNGS PA YIN TE, 'DI LTAR ZHI GNAS DANG LHAG MTHONG DE DAG DMIGS PAR MTSUNGS PAR GYUR PA NA GZUGS BRNYAN SPRUL PA GANG YIN PA DE DAG SO SO NAS MI 'DRA STE, RNAM PAR RTOG PA DANG BCAS PA DANG RNAM PAR RTOG PA MED PA'I GZUGS BRNYAN LA BYE BRAG YOD PA'I PHYIR THA DAD PA MA YIN PA YANG MA YIN PA ZHES BYA'O ZHE'O, ,KHA CIG NA RE THA DAD PA YANG MA YIN PA ZHES BYA BA NI 'DI LTAR ZHI GNAS KYI LHAG MTHONG GI DMIGS PA THOS PA DANG BSAMS PA'I RGYU MTSAN GYI YUL LA DMIGS PAR MI BYED MOD KYI 'ON KYANG THOS PA DANG BSAMS PA'I SHES RAB RNAM PA GNYIS PO DE DAG GI DMIGS PA'I YUL LA YOD PA'I LTA BA'I RNAM PA'I SEMS LA DMIGS PAR BYED PA'I PHYIR THA DAD PA MA YIN PA ZHES BYA'O, ,THA DAD PA MA YIN PA YANG MA YIN ZHES BYA BA'I DON NI SNGAR BSHAD PA BZHIN NO ZHES ZER TE, BSHAD PA RNAM PA GNYIS LAS BSHAD PA NI PHYI MA BZANG STE, MDO'I TSIG SNGA MA DANG RJES SU MTHUN PA'I PHYIR RO, ,BYANG CHUB @103A *, ,SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS LHAG MTHONG DANG TING NGE 'DZIN GYI SPYOD YUL RNAMS KYI GZUGS BRNYAN GANG LAGS PA DE DAG SEMS 'DI DANG THA DAD PA ZHES BGYI'AM, THA DAD PA MA LAGS ZHES BGYI ZHES BYA BA 'DI MAN CHAD NI DRUG PA ZHI GNAS DANG LHAG MTHONG RNAM PAR RIG PA TZAM DU 'BYED PA'I SGO'AM YANG NA SEMS DANG YUL GCIG PA DANG THA DAD PA NYID DU RNAM PAR 'BYED PA'I SGO ZHES BYA BA STON TO, ,'DI YANG RNAM PA DRUG TU DBYE STE, ZHU BA GSOL BA DANG LAN DU GSUNGS PA DANG BRTAG PA DANG RNAM PAR BSHAD PA DANG LAN GSOL BA DANG SPYIR BSTAN PA'O, ,'DI NI DANG PO 'PHAGS PA BYAMS PAS ZHU BA GSOL BA STE, ZHU BA GSOL BA 'DI LA YANG BSHAD PA RNAM PA GSUM YOD DE, ,KHA CIG NA RE 'DIR NI LHAG MTHONG SMOS NAS TING NGE 'DZIN GYI DMIGS PA ZHUS PA YIN TE, BSTAN BCOS THEG PA CHEN PO BSDUS PA LAS JI SKAD DU TING NGE 'DZIN GYI SPYOD YUL GYI GZUGS BRNYAN RNAMS BSTAN NAS LHAG MTHONG MA BSHAD PA LTA BU DANG, MDO 'DI NYID LAS 'OG NAS TING NGE 'DZIN GYI GZUGS BRNYAN LTA BUR SNANG NGO ZHES GSUNGS PA LTA BU'O ZHE'O, ,KHA CIG NA RE 'DIR TING NGE 'DZIN SMOS NAS LHAG MTHONG GI DMIGS PA ZHUS PA YIN TE GZHAN DAG NAS ZAD PAR GYI SKYE MCHED BCU'I RNAL 'BYOR LA SOGS PA'I SKYON BSTAN PA LTA BU STE, DE'I PHYIR BSTAN BCOS THEG PA CHEN PO BSDUS PA LA SOGS PA LAS TING NGE 'DZIN ZHES BYA BA NI TING NGE 'DZIN LA BRTEN NAS LHAG MTHONG 'BYUNG BA'I PHYIR TING NGE 'DZIN ZHES BYA BA'I TSIG BSTAN PA BZHIN NO ZHE'O, ,KHA CIG NA RE TING NGE 'DZIN DANG SHES RAB KYI DMIGS PA'I GZUGS BRNYAN CIG CAR ZHUS PA YIN TE, MDO 'DI LAS LHAG MTHONG DANG TING NGE 'DZIN GYI DMIGS PA'I YUL ZHU BA'I PHYIR TE, ZHUS PA 'DI'I DON NI 'DI SKAD DU LHAG MTHONG DANG TING NGE 'DZIN GYI SPYOD YUL SNGON PO LA SOGS PA DE DAG SEMS PA 'DI DANG GCIG PA ZHIG LAGS SAM, THA DAD PA ZHIG LAGS ZHES BYA BA'I THA TSIG GO, ,DGONGS PA ZAG MO RNAM PAR DGROL BA'I MDO LAS KYANG MDO 'DI DANG MTHUN PAR TING NGE 'DZIN GYI SPYOD YUL GYI GZUGS BRNYAN ZHES 'BYUNG NGO, ,SLOB DPON NGO BO NYID MED @103B KYI SA THEG PA CHEN PO BSDUS PA'I 'GREL PA BYAS PA LAS, DE LA TING NGE 'DZIN ZHES BYA BA NI DMIGS PA LA SEMS RTZE GCIG PA'I NGO BO NYID DE, SEMS LAS BYUNG BA'I CHOS KYI BDAG NYID DO, ,'DIS DMIGS PA'I YUL LA SPYOD YUL ZHES BYA STE, RANG GI YUL GANG YIN PA DE NI GZUGS ZHES BYA'O, ,DE DANG 'DRA BAR SNANG BA GANG YIN PA DE NI GZUGS BRNYAN ZHES BYA'O ZHES BSHAD DO, ,GZUGS BRNYAN DE YANG BSTAN BCOS THEG PA CHEN PO BSDUS PA DANG SBYAR NA RNAM PAR BSNGOS PA DANG RNAM PAR BAM PA LA SOGS PA'I GZUGS BRNYAN LA BYA BAR BSHAD DO, ,THEG PA CHEN PO BSDUS PA'I 'GREL PA MI MTHUN PA RNAM PA GCIG LAS NI, ZAD PAR GYI SKYE MCHED BCU LAS SNGA MA BRGYAD NI GZUGS YIN TE, 'DI LTA STE SNGON PO DANG, DMAR PO DANG, DKAR PO DANG, SER PO DANG, SA DANG, CHU DANG, ME DANG, RLUNG NGO, ,GZUGS RNAM PA BRGYAD PO DE DAG KYANG THAMS CAD YOD PAR SMRA BA'I GZHUNG GIS RNAM PA BRGYAD LAS 'BYUNG BA CHEN PO BZHI NI REG BYA'I SKYE MCHED KYIS BSDUS SO, ,SNGON PO LA SOGS PA RNAM PA BZHI NI GZUGS KYI SKYE MCHED KYIS BSDUS PAR BSHAD DE, DE'I GZHUNG GIS CHOS KYI SKYE MCHED NI GZUGS LAS RNAM PAR RIG BYED MA YIN PA KHO NA BSDUS PAR 'DOD PA'I PHYIR RO, ,MDO SDE PA'I GZHUNG GIS NI BSTAN BCOS DE KHO NA NYID GRUB PA LAS BSTAN PA BZHIN DU RNAM PAR RIG BYED MA YIN PA NI GZUGS KYANG MA YIN SEMS KYANG MA YIN PA KHO NA'O ZHES STON TE, TING NGE 'DZIN RNAMS KYI SPYOD YUL GYI GZUGS NI CHOS KYI SKYE MCHED KYIS BSDUS PAR 'DOD PA YANG PHAL CHER THEG PA CHEN PO DAG DANG YANG MTHUN TE, DE'I PHYIR MDZOD KYI BSTAN BCOS LAS MDO SDE PA DAG NA RE MDO DAG LAS, GZUGS RNAM PHA GSUM MO ZHES GANG GSUNGS PA DE YANG, RNAL 'BYOR PA DAG NA RE BSAM GTAN BSGOM PA NI TING NGE 'DZIN GYI STOBS KYIS BSKYED PA'I TING NGE 'DZIN GYI SPYOD YUL GYI GZUGS BRNYAN GANG YIN PA DE NI MIG GI DBANG PO'I YUL MA YIN PA'I PHYIR BSTAN DU MED PA ZHES BYA'O, ,GNAS LA MI SGRIB PA'I PHYIR THOGS PA MED PA ZHES BYA'O, ,GAL TE DE LTAR NA CI'I PHYIR GZUGS ZHES BYA ZHE NA, DE'I MING BSHAD PA YANG RNAM PAR RIG BYED MA YIN PA BSHAD PA @104A *, ,DANG MTHUN NO, ,GZHAN YANG MDO LAS ZAG PA MED PA'I GZUGS ZHES GSUNGS PA YANG RNAL 'BYOR PA DAG NA RE TING NGE 'DZIN GYI MTHUS BSKYED PA'I GZUGS LAS ZAG PA MED PA'I TING NGE 'DZIN LA BRTEN PA GANG YIN PA DE NI ZAG PA MED PA ZHES BSHAD DO ZHES 'BYUNG NGO, , 'DIR THEG PA CHAN PO'I ZAD PAR GYI SKYE MCHED RNAM PA BCU'I RNAL 'BYOR BSGOM PA DANG SBYAR NA RNAM PAR THAR PA LA SOGS PA LAS DMIGS PA'I YUL GYI GZUGS GANG YIN PA DE DAG NI CHOS KYI SKYE MCHED DU GTOGS PA DAG YIN NO, ,'DIR CI'I PHYIR LHAG MTHONG KHO NA'I DMIGS PA'I SPYOD YUL BSTAN ZHE NA, SMRAS PA, SNGAR GONG DU ZHI GNAS NI SEMS LA DMIGS PA KHO NA'O, ,LHAG MTHONG NI YUL RNAMS LA DMIGS PA'O ZHES BSHAD PA'I SHUGS KYIS ZHU BA GSOL BA YIN PAS DE'I PHYIR ZHI GNAS MA BRJOD DO, ,DE NI 'DI SKAD DU DMIGS PA'I YUL DANG LHAG MTHONG GCIG PA ZHIG LAGS SAM, THA DAD PA ZHIG LAGS ZHES BYA BA'I RIGS NA CI'I PHYIR SEMS DANG GCIG PA ZHIG LAGS SAM THA DAD PA ZHIG LAGS ZHES BRJOD CE NA, SMRAS PA, SEMS DANG MTSUNGS PAR LDAN PA'I PHYIR SEMS ZHES KYANG BRJOD DO, RNAM PAR RIG PA TZAM MO ZHES BRJOD PA DANG MTSUNGS PA'I PHYIR PHAN TSUN 'GAL BA MED DO, ,BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL PA, RIGS KYI BU THA DAD PA MA YIN PA ZHES BRJOD PAR BYA'O ZHES BYA BA NI GNYIS PA DE BZHIN GSHEGS PAS LAN MDOR BSDUS TE GSUNGS PA'O, ,YUL SEMS LAS GUD NA MED PA'I PHYIR THA DAD PA MA YIN ZHES GSUNGS KYI, YANG DAG PAR NI GCIG PA YANG MA YIN THA DAD PA YANG MA YIN PA YANG THA DAD PA NYID DU 'DZIN PA RNAM PAR GZHIG PA'I PHYIR THA DAD PA MA YIN PA ZHES BYA BA GSUNGS SO, ,DE CI'I PHYIR ZHE NA ZHES BYA BA NI GSUM PA BYANG CHUB SEMS DPAS SLAR BRTAGS PA STE, DMIGS PAR BYA BA DE DMIGS PAR BYED PA'I SEMS LAS GUD NA YOD PA MA YIN NAM ZHES BYA BA'I THA TSIG GO, ,GZUGS BRNYAN DE RNAM PAR RIG PA TZAM DU ZAD PA'I PHYIR ZHES BYA BA LA SOGS PA NI BZHI PA DE BZHIN GSHEGS PAS YANG DAG PAR RNAM PAR BSHAD PA'O, ,'DI YANG RNAM PA GNYIS TE, GZHUNG SMOS @104B NAS YANG DAG PAR BSHAD PA DANG, PHA ROL GYI THE TSOM BSAL BA'O, ,'DI NI DANG PO STE, 'DI LTAR GZUGS BRNYAN DE RNAM PAR RIG PA LAS GYUR BA'I PHYIR RO, ,RIGS KYI BU NGAS RNAM PAR SHES PA'I DMIGS PA NI RNAM PAR RIG PA TZAM LAS SNANG BAR BSHAD PA'I PHYIR RO ZHES BYA BA NI GNYIS PA PHA ROL KYI THE TSOM BSAL BA STE, NGO BO NYID MED KYIS THEG BA CHEN PO BSDUS PA'I 'GREL PA BYAS PA LAS RNAM PAR RIG PA TZAM LAS LOGS SHIG NA DMIGS PA'I YUL YOD PA GANG YIN PA DE NI NANG GI RNAM PAR RIG PAS RAB TU PHYE'O ZHES BSHAD PA DE NI DMIGS PA'I SPYOD YUL RNAM PAR RIG PA'I NGO BO NYID KYI DON TO ZHES 'BYUNG STE, DE NI 'DI SKAD DU, RNAM PAR SHES PAS DMIGS PA'I SPYOD YUL GANG YIN PA DE NI RNAM PAR RIG PA TZAM LAS SNANG BA'I GZUGS BRNYAN YIN GYI, LOGS SHIG NA BDAG NYID DU GYUR PA NI MED DO ZHES BSTAN PAR 'GYUR RO, ,SLOB DPON DBYIG GNYEN GYIS THEG PA CHEN PO BSDUS PA'I 'GREL PA MDZAD PA LAS KYANG 'DI LTA STE, RNAM PAR SHES PA'I DMIGS PA NI RNAM PAR RIG PA TZAM LAS SNANG STE GUD NA YUL GYI DON DU GYUR PA NI MED DO, ,GZHAN YANG RNAM PAR SHES PA SMOS PA NI NGAS RNAM PAR SHES PA'I SPYOD YUL NI NGES PAR RNAM PAR RIG PA TZAM LA SNANG GI GUD NA BDAG NYID DU GYUR PA NI MED DO ZHES BSHAD PA YANG RAB TU BSTAN PA'O ZHES 'BYUNG NGO, ,GZHAN YANG 'DIR BSTAN BCOS THEG PA CHEN PO BSDUS PA GSAR RNYING RNAM PA GNYIS DANG, RNAM PAR RIG PA TZAM DU GRUB PA DANG SANGS RGYAS KYI SA'I 'GREL PA DANG, CHOS MNGON PA SNA TSOGS KUN LAS BTUS PA LAS RNAM PAR RIG PA TZAM DU BSTAN PA'I RIGS PA DAG KYANG BRJOD PAR BYA'O,, ,,BAM PO SUM CU BDUN PA, BCOM LDAN 'DAS GAL TE DE'I SPYOD YUL GZUGS BRNYAN SEMS DE LAS THA DAD PA MA LAGS NA JI LTAR SEMS DE NYID KYIS SEMS DE NYID MTHONG BAR 'GYUR LAGS ZHES BYA BA NI GANG GSOL BA STE, DE NI 'DI SKAD DU SEMS NI DMIGS PAR BGYID PA'I DON LAGS, YUL NI BRTEN PAR BGYID PA'I DON LAGS NA, BCOM LDAN 'DAS KYIS SPYOD YUL GZUGS BRNYAN DE DAG SEMS DANG THA DAD PA MA LAGS PAR BKA' STZAL PA LTA NA, JI LTAR SEMS DE NYID KYIS SEMS DE NYID MTHONG BAR 'GYUR TE, 'O NA NI 'JI @105A *, ,RTEN PA DAG MIG NI RANG NYID MI MTHONG NGO, ,MDZUB MO NI RANG NYID MI 'DZUG GO, ,MTSON GYIS NI RANG NYID LA MI GCOD DO ZHES BRJOD PA DAG DANG 'GAL BAR 'GYUR RO ZHES BSTAN PAR 'GYUR RO, ,SLOB DPON NGO BO NYID MED KYIS BYAS PA'I 'GREL PA LAS, JI LTAR SEMS DE NYID KYIS SEMS DE NYID MTHONG BAR 'GYUR ZHES BYA BA 'DI NI BYED PA'I NUS PA DANG BDAG NYID DANG MI 'GAL BAR BSTAN TO ZHES 'BYUNG NGO, ,THEG PA CHEN PO BSDUS PA'I 'GREL PA MI MTHUN PA RNAM PA GCIG LAS NI GAL TE RNAM PAR SHES PA GZHAN ZHIG RNAM PAR SHES PA'I YUL GYI DNGOS PO BYED PA ZHIG YOD NA YANG RNAM PAR RIG PA TZAM GYI DON 'GRUB PAR MI 'GYUR LA, RANG GI BDAG NYID LA DMIGS PA YUL GYI DNGOS PO BYED NA YANG 'GRUB PAR MI 'GYUR TE, 'DI LTAR 'JIG RTEN NA DE LTA BU'I RNAM PA MED PA'I PHYIR RO ZHES 'BYUNG NGO, ,RIGS KYI BU 'DI LA CHOS CUNG ZAD GANG GIS KYANG CHOS CUNG ZAD GANG YANG MTHONG BAR MI 'GYUR MOD KYI, 'ON KYANG SEMS DE DE LTAR SKYES PA'I TSE GZUGS BRNYAN DE DAG DE LTAR RAB TU SNANG NGO ZHES BYA BA LA SOGS PAS NI DRUG PA DE BZHIN GSHEGS PAS SPYIR BSTAN PA STON TO, ,'DI YANG RNAM PA GNYIS TE, TING NGE 'DZIN GYI SPYOD YUL SEMS LAS GUD NA MED PAR BSTAN PA DANG, ZHUS PA DANG LEN DAG GIS RNAM PAR G-YENG BA'I SEMS KYI DMIGS PA RNAM PAR 'BYED PA'O, ,DANG PO YANG RNAM PA GSUM DU DBYE BAS 'DI LTA STE, DON DANG, DPE DANG DON DU SBYAR BA'O, ,'DI NI DANG PO DON BSTAN PA STE, SLOB DPON NGO BO NYID MED KYIS 'GREL PA LAS, CHOS CUNG ZAD GANG GIS KYANG CHOS CUNG ZAD GANG YANG MTHONG BAR MI 'GYUR ZHES BYA BA 'DIS NI BRGAL BAS SNGA MA'I LAN BSTAN PA STE, BYED PA MED PA'I PHYIR RO, ,CHOS THAMS CAD BYED PA MED PA GANG YIN PA DE NI MNGON PAR 'GRUB PAR MI 'GYUR BA'I PHYIR RO ZHES 'BYUNG STE, CHOS CUNG ZAD GANG YANG MED PAS BYED PA MED PAR RAB TU BSTAN TO ZHES BYA BA YANG, CHOS CUNG ZAD GANG YANG MTHONG BAR MI 'GYUR BA DE NYID KYIS BYED PA MED PAR BSTAN PAS SO, ,THEG PA CHEN PO BSDUS PA'I 'GREL BA MI MTHUN PA RNAM PA GCIG LAS NI CHOS GANG GIS KYANG CHOS GANG YANG 'DZIN PAR BYED PA MED DO ZHES 'BYUNG NGO, ,THEG PA CHEN PO BSDUS PA'I 'GREL PA @105B LANG GI TSE BSGYUR BA LAS NI CHOS GANG GIS KYANG CHOS GZHAN 'DZIN PAR BYED PA MED DO ZHES 'BYUNG NGO, ,DGONGS PA ZAB MO RNAM PAR 'GREL PA'I MDO LAS NI CHOS GANG YANG RTOG PAR MI BYED CES 'BYUNG STE, DE DAG GI TSIG THA DAD KYANG DON NI MI MTHUN PA MED DO, ,GZHAN YANG CHOS GANG GIS KYANG CHOS GANG YANG 'DZIN PAR BYED PA MED DO ZHES BYA BA NI GZHAN GYI DBANG GI SEMS LAS GYUR PA'I SEMS KYI BDAG NYID MED CING YANG DAG PA'I NUS PA GANG YANG MED PAS SO, ,SEMS DE LAS LOGS SHIG NA YOD DO ZHE NA, GZHAN DAG NA RE YANG DAG PA'I NUS PA YOD PA MA YIN NA JI LTAR GZUNG BA DANG 'DZIN PA YOD PAR 'GYUR ZHES RGOL BAS DE'I PHYIR TSIG 'DI GSUNGS PA YIN TE, 'DI LTAR GZHAN GYI DBANG SEMS LTA BUR SKYES PA'I TSE, DE LTA BU'I GZUGS BRNYAN DAG RAB TU SNANG BAS DE'I PHYIR SEMS DES YUL DU 'DZIN PAR BYED DO ZHES BSHAD PA YIN NO, ,NGO BO NYID MED KYIS 'GREL PA LAS 'ON KYANG SEMS DE DE LTAR SKYES PA'I TSE ZHES BYA BA NI RTEN CING 'BREL PAR 'BYUNG BA'I CHOS RNAMS SHIN TU MTHU CHE BA'I PHYIR NGO BO NYID KYI RNAM PA GCIG LA GZUGS BRNYAN RNAM PA GNYIS SKYES PA PHAN TSUN LTOS NA DE NYID KYANG MA YIN LA, DE NYID DANG BRAL BA YANG MA YIN PAS SEMS DANG SEMS LAS BYUNG BA'I CHOS RNAMS RKYEN GYI MTHU LAS DE'I NGO BO NYID CHOS NYID KYIS DE LTAR SKYE'O ZHES 'BYUNG NGO, ,SEMS DE DAG YUL LA DMIGS PA'I RIGS PA NI BSTAN BCOS RNAM PAR RIG PA TZAM DU GRUB PA LAS BSTAN PA BZHIN DU RIG PAR BYA STE, DE'I PHYIR DE NYID LAS PHYI ROL GYI GZUGS YANG DAG PAR MED KYANG NANG GI RNAM PAR SHES PA'I YUL PHA ROL GYI SEMS YANG DAG PAR YOD PA MA YIN NA, CI NA RANG GI DMIGS PA MA YIN ZHES SMRAS, SU ZHIG GZHAN GYI SEMS RANG GI RNAM PAR SHES PA'I YUL LA MA ZHEN ZHES ZER TE, DE'I NYE BA'I DMIGS PA YIN PAR MA BSTAN PA TZAM DU ZAD DE 'DI LTAR RNAM PAR SHES PA SKYES PA NA YANG DAG PAR BYED PA MED PAS, JI LTAR LAG PA LA SOGS PA LTAR PHYI ROL GYI DNGOS PO MNGON SUM DU 'DZIN PA DANG, NYI MA LA SOGS PA'I 'OD KYIS PHYI ROL GYI YUL MNGON SUM DU GSAL BAR BYED PA LTA BU MA YIN GYI, ME LONG LA SOGS PA BZHIN DU PHYI ROL GYI YUL LTA BUR SNANG BAS GZHAN GYI SEMS SHES PHA @106A *, ,ZHES BYA'I, MNGON SUM DU KHONG DU CHUD PA NI MA YIN TE, MNGON SUM GYI DMIGS PA NI BDAG GI BDAG NYID LAS GYUR BA YIN PAS DE'I PHYIR MDO DAG LAS CHOS CUNG ZAD GANG GIS KYANG CHOS GZHAN 'DZIN PAR BYED PA MED KYANG, RNAM PAR SHES PA SKYES PA'I TSE DE'I MTSAN NYID 'DRA BAR SNANG BAS DNGOS PO DE 'DZIN PA ZHES BYA STE, GZHAN GYI SEMS LA DMIGS PA JI LTA BA BZHIN DU GZUGS LA SOGS PA YANG DE BZHIN NO ZHES 'BYUNG STE, DRIS PA DANG LAN DAG GIS RGYA CHER RNAM PAR DBYE BA NI BSTAN BCOS DE NYID LAS 'BYUNG BA BZHIN DU RIG PAR BYA'O, ,RIGS KYI BUD PER NA ME LONG GI DKYIL 'KHOR SHIN TU YONGS SU DAG PA LA GZUGS KYIS RKYEN BYAS PAS GZUGS BRNYAN MTHONG YANG BDAG GIS GZUGS BRNYAN MTHONG NGO SNYAM DU SEMS SHING GZUGS LAS LOGS SHIG NA SPYOD YUL GZUGS BRNYAN SNANG NGO SNYAM DU YANG SEMS SO ZHES BYA BA NI GNYIS PA DPES BSTAN PA STE, ME LONG GI GZUGS BRNYAN GYI MTSAN NYID KYANG DE KHONG DU CHUD PAR DKA' BAS DE'I PHYIR 'DIR SNGAR SO SO'I GZHUNG GI BSHAD PA BRJOD NAS, DE'I 'OG TU MDO'I TSIG 'DI NYID YANG DAG PAR BSHAD PAR BYA'O, ,DE LA RE ZHIG SO SO'I GZHUNG GI BSHAD PA DANG SBYAR NA GZUGS BRNYAN DANG, GZUGS NYID NA 'BREL PA DANG, 'BREL PA MED PA DANG BTAGS PA DANG RDZAS SU YOD PA LA BRTEN NAS MDOR BSDU NA BSHAD PA RNAM PA LNGA YOD DE, DANG PO NI 'BREL PA MED CING RDZAS SU YOD PA STE, JI LTAR GNAS BRTAN PA'I SDE PA DAG DPE 'DI NYID LA BRTEN NAS SRID PA BAR MA RNAM PAR MI GZHAG PA LTA BU DANG, MDZOD KYI BSTAN BCOS DANG, YANG DAG PA'I RIGS DANG RJES SU MTHUN PA DANG, BYE BRAG TU BSHAD PA CHEN PO LAS BYE BRAG TU SMRA BA DAG SRID PA BAR MA RNAM PAR MI GZHAG PA LTA BU STE, ME LONG GI GZUGS BRNYAN LA NI BAR CHAD DANG BCAS PA'I DON YOD PAS GNAS BRTAN PA'I SDE PA DAG GIS KYANG DE DANG MTHUN PAR BSHAD DE, ,GNYIS PA NI 'BREL PA MED CING RJES SU YOD PA MA YIN PA STE, 'DI LTAR CHOS RNAMS RGYU DANG RKYEN 'DUS PA'I MTHU LAS DE LTAR MTHONG BAS CHOS RNAMS KYI NGO BO NYID KYI NUS PA'I BYE BRAG NI SHIN TU DPAG PAR DKA' BA STE, JI LTAR SLOB DPON DBYIG GNYEN GYIS SRID PA BAR MA RNAM PAR GZHAG PA @106B MDZOD KYI BSTAN BCOS LAS RGYA CHER BSTAN PA LTA BU'O, ,GSUM PA NI 'BREL PA DANG BCAS SHING RDZAS SU YOD PA STE, JI LTAR SLOB DPON 'DUS BZANG GIS SRID PA BAR MA RNAM PAR GZHAG PA SLOB DPON DBYIG GNYEN GYI GZHUNG RNAM PAR 'JIG PA LTA BU STE, ZHIB TU BSTAN BCOS YANG DAG PA'I RIGS PA DANG RJES SU MTHUN PA LAS BSTAN PA BZHIN DU RIG PAR BYA'O, ,BZHI PA NI 'BREL PA DANG BCAS SHING RDZAS SU YOD PA MA YIN PA STE, SO SO'I GZHUNG LAS TSIG 'DI YOD KYANG TSAD MAR BZUNG DU RUNG BA'I GTAN TSIGS NYID MA MTHONG BAS GTUGS PAR BYA'O, ,LNGA PA NI 'BREL PA DANG 'BREL PA MED PA DANG RDZAS SU YOD PA MA YIN PA STE, BTZUN PA BAR MA LTA BU'O, ,'DI NI MDO SDE PA'I SLOB DPON GSUM PA STE, 'DI LTAR MDO SDE'I SLOB DPON NI GSUM YOD DE, KU MA RA TA DANG, SHI RI RA TA DANG, BTZUN PA RA TA'O, ,MIG GI DBANG POS YUL GZUGS LA DMIGS PA NI, RANG GI GDONG NYID MTHONG YANG GZUGS BRNYAN GZHAN ZHIG MTHONG NGO SNYAM DU SEMS PA STE, BSTAN BCOS YANG DAG PA'I RIGS PA DANG RJES SU MTHUN PA LAS, DE DAG GIS BRTAGS PA RGYA CHER RNAM PAR 'JIG PAS, DER BRTAGS NA KHONG DU CHUD PAR 'GYUR RO, ,'DIR THEG PA CHEN PO'I BSTAN PA DANG SBYAR NA BSHAD PA RNAM PA GNYIS YOD DE, DANG PO NI MDO NYID KYI NANG NAS SEMS DANG YID DANG RNAM PAR SHES PA'I LE'U LAS BSTAN PA DANG SBYAR NA ME LONG GI NANG NA GZUGS BRNYAN YOD DE, ,DE'I PHYIR MDO 'DI NYID LAS GZHAN YANG DPER NA ME LONG GI DKYIL 'KHOR SHIN TU YONGS SU DAG PA LAS GAL TE GZUGS SHIG 'BYUNG BA'I RKYEN NYE BAR GNAS PAR GYUR NA GZUGS BRNYAN YANG GCIG KHO NA 'BYUNG NGO, ,GAL TE GZUGS BRNYAN GNYIS SAM, GAL TE RAB TU MANG PO DAG 'BYUNG BA'I RKYEN NYE BAR GNAS PAR GYUR NA, GZUGS BRNYAN YANG RAB TU MANG PO DAG 'BYUNG NGO ZHES GSUNGS PA DANG, GZHAN YANG 'PHAGS PA SANGS RGYAS KYI SA'I MDO LAS, DPER NA ME LONG GI DKYIL 'KHOR LA BRTEN NAS GZUGS BRNYAN DAG SNANG NGO ZHES BYA BA NAS GZHAN YANG DPER NA ME LONG GI DKYIL 'KHOR NI GZUGS KYI RKYEN LA LTOS NAS GZUGS BRNYAN SNA TSOGS 'BYUNG BA'I RGYUR 'GYUR RO ZHES BYA BA'I BAR DU GSUNGS PA YIN NO, ,GNYIS PA NI MDO 'DI NYID LAS, @107A *, ,DPER NA ME LONG GI DKYIL 'KHOR SHIN TU YONGS SU DAG PA LA GZUGS KYIS RKYEN BYAS PAS GZUGS NYID MTHONG YANG BDAG GIS GZUGS BRNYAN MTHONG NGO SNYAM DU SEMS SHING GZUGS LAS LOGS SHIG NA SPYOD YUL GZUGS BRNYAN SNANG NGO SNYAM DU SEMS SO ZHES GSUNGS PA LA SOGS PA LA BRTEN NAS SO, ,THEG PA CHEN PO'I SLOB DPON RNAMS KYI BSHAD PA YANG RNAM PA GNYIS SU DBYE'O, ,DANG PO NI SLOB DPON KLU SGRUB KYI GZHUNG STE, BSHAD MA THAG PA'I MDO'I TSIG DANG, 'PHAGS PA SANGS RGYAS KYI SA'I MDO LA SOGS PA LA BRTEN TE ME LONG GI NANG NA GZUGS BRNYAN SNANG BA YANG BDAG NYID LOGS SHIG NA YOD PAR RNAM PAR GZHAG NAS, MDO SDE PA'I GZHUNG DANG RANG NYID BZHIN MTHONG BA RNAM PAR 'JIG PAR MDZAD DE, ,DE'I PHYIR 'PHAGS PA SHES RAB KYI PHA ROL TU PHYIN PA'I 'GREL PA LAS GRIB MA'I GZUGS DANG GZUGS BRNYAN GYI GZUGS NI THA DAD PAR BSHAD PA NI MI RIGS TE, DE CI'I PHYIR ZHE NA, MIG GI GSAL BA ME LONG YONGS SU DAG PA DANG PHRAD PA DE RANG GI GRIB MA MTHONG BAS KYANG 'OD LA SGRIB PA'I PHYIR GZUGS BRNYAN SNANG BAR ZAD KYI CHOS GZHAN NI CI YANG MED DO ZHE NA, SMRAS PA, DNGOS PO DE NI DE LTAR MA YIN TE, DPER NA 'BRU MAR GYI NANG DU GZUGS BRNYAN SNANG BA DANG PO'I GZUGS NYID MA YIN PA DANG, RAL GRI BSNYAL TE LTA BA'I TSE NI GDONG CHE LA BSGRENG STE LTA BA'I TSE NI GDONG MCHU RINGS SU 'GYUR BA LTA BU DANG PO NI BZHIN NYID MA YIN PA DANG CHU SHEL GYI THIG LE RE RE'I NANG NA GZUGS BRNYAN SNANG BA LTA BU'I BZHIN GYI GZUGS BRNYAN GCIG KHO NA MA YIN TE, RGYU DANG RKYEN DE'I PHYIR DANG PO'I GZUGS NYID MTHONG BA NI MA YIN NO, ,GZHAN YANG ME LONG DANG YONGS SU 'DZIN PA'I MING DANG SNANG BA YOD CING RKYEN MANG PO TSOGS PA'I PHYIR GZUGS BRNYAN 'BYUNG GI, RKYEN MANG PO DANG LDAN PAR MA GYUR NA GZUGS BRNYAN MI 'BYUNG NGO ZHES BSHAD DE ZHIB TU DE NYID LAS BSTAN PA BZHIN NO, ,BSHAD PA 'DI DAG DANG RANG GI GDONG MTHONG ZHES BYA BA NI MDO SDE PA'I GZHUNG GIS DPE'I MTSAN NYID RAB TU BSTAN PA YIN GYI THEG PA CHEN PO'I DON NI MA YIN NO, ,GNYIS PA NI 'PHAGS PA BYAMS PA'I BZHUNG STE, 'DI LA YANG BSHAD PA RNAM PA GNYIS YOD DE, KHA CIG NA RE ME LONG GI NANG @107B NA GZUGS BRNYAN GZHAN YOD PAS MIG GI RNAM PAR SHES PA SKYE BA'I GZUGS BRNYAN LA DMIGS NAS SKYE BA'O, ,GAL TE GZUGS KHO NAR ZAD KYI GZUGS BRNYAN GZHAN MED NA NI LTA BA'I RNAM PA 'BA' ZHIG YOD PAR 'GYUR BA'I RIGS KYI, RGYU MTSAN GYI RNAM PA NI MED PAR 'GYUR BAS 'O NA NI DPE DANG DON 'DRA BA MED PA'I SKYON DU 'GYUR RO, ,GZHAN YANG BSTAN PA RNAMS LAS ME LONG GI GZUGS BRNYAN NI GZHAN GYI DBANG GI DPER BSTAN PA YIN LA, NAM MKHA'I ME TOG NI KUN BRTAGS PA'I NGO BO NYID KYI DPE BSTAN PA YIN PAS DE'I PHYIR NGES PAR GZUGS BRNYAN YOD DE, GZUGS KYI SKYE MCHED KYIS BSDUS PA YIN NO, ,MDO 'DI LAS NI NGES PAR GZUGS LAS LOGS SHIG NA GZUGS BRNYAN YOD DO ZHES 'DZIN PA RNAM PAR GZHIG PA YIN PA DE'I PHYIR GZUGS KYIS RKYEN BYAS PAS GZUGS NYID MTHONG YANG BDAG GIS GZUGS MTHONG NGO SNYAM DU SEMS SHING GZUGS LAS LOGS SHIG NA SPYOD YUL GZUGS BRNYAN SNANG NGO SNYAM DU SEMS SO ZHES BYA BA GSUNGS KYANG YANG DAG PA'I DON DU NA GZUGS BRNYAN DANG GZUGS NYID NI GCIG PA YANG MA YIN THA DAD PA YANG MA YIN NO, ,GCIG PA NYID MA YIN PA'I PHYIR NI GZUGS DANG GZUGS BRNYAN MI MTSUNGS LA, THA DAD PA YANG MA YIN PA'I PHYIR NI GZUGS GZUGS NYID MTHONG ZHES BYA'O, ,KHA CIG NA RE GZUGS LAS GUD NA GZUGS BRNYAN GZHAN MED DO ZHES PHAL CHER MDO SDE PA DAG DANG MTSUNGS PAR BDAG NYID KYI BZHIN MTHONG BA YIN NO ZHES ZER TE, 'DI LTAR RMONGS SHING NOR BA'I PHYIR BDAG GIS GZUGS BRNYAN MTHONG SNYAM DU SEMS SHING GZUGS LAS LOGS SHIG NA SPYOD YUL GZUGS BRNYAN SNANG NGO SNYAM DU SEMS PAR ZAD KYI YANG DAG PA'I DON DU NA CI YANG MED DE, DE'I PHYIR 'PHAGS PA SANGS RGYAS KYI SA'I 'GREL PA LAS, YANG DAG PAR GZUGS BRNYAN ME LONG GI DKYIL 'KHOR GYI NANG DU YOD PA MA YIN NA JI LTAR DPER RUNG ZHE NA, GZUGS DANG ME LONG YANG YOD CING TSOGS PA LAS RKYEN BYAS PA'I PHYIR MTSAN MA DE LTA BUR SNANG BAS DE'I PHYIR DPER RUNG STE, 'DI LTAR SEMS CAN RNAMS PHYIN CI LOG TU MNGON PAR ZHEN PA GZUGS BRNYAN GYIS YONGS SU BSGOS PA YONGS SU SMIN PA'I MTHU'I PHYIR DANG, ME LONG DANG GDONG GIS RKYEN BYAS PA'I PHYIR RANG GI RNAM @108A *, ,PAR SHES PA GYUR NAS BZHIN GYI GZUGS BRNYAN LTA BUR SNANG BAS DES NA 'JIG RTEN PA DAG MNGON BA'I NGA RGYAL BSKYED NAS BDAG GIS ME LONG GI NANG DU GZUGS BRNYAN MTHONG NGO SNYAM DU SEMS KYANG GZUGS BRNYAN GZHAN ME LONG GI NANG DU SKYES PA GANG YANG MED DE DE'I PHYIR MDO LAS GZUGS BRNYAN MANG PO SNANG NGO ZHES GSUNGS KYI SKYES PA ZHES NI MA GSUNGS SO ZHES BSTAN PA YIN NO ZHE'O, ,GAL TE DE LTA NA CI'I PHYIR 'PHAGS PA SANGS RGYAS KYI SA'I MDO DANG, MDO 'DI NYID KYI NANG NAS SEMS DANG YID DANG RNAM PAR SHES PA'I LE'U LAS SKYE BA ZHES BYA BA GSUNGS, SMRAS PA SNANG BA'I DBANG DU MDZAD NAS SKYE BA ZHES GSUNGS SO, ,GZHAN YANG SLOB DPON NGO BO NYID MED KYIS BYAS PA THEG PA CHEN PO BSDUS PA'I 'GREL PA LAS, GZHAN YANG DPER NA ME LONG LA SOGS PA'I NANG DU GZUGS BRNYAN SNANG BA GZUGS NYID MTHONG YANG BDAG GIS GUD NA GZUGS BRNYAN MTHONG NGO SNYAM DU SEMS TE, GZUGS BRNYAN DE NI YANG DAG PAR YOD PA MA YIN NO ZHES 'BYUNG NGO, ,GZHAN YANG SLOB DPON DBYIG GNYEN GYIS THEG PA CHEN PO BSDUS PA'I 'GREL PA MDZAD PA LAS, ,DPER NA GZUGS BRNYAN NI YANG DAG PAR DON YOD PA MA YIN YANG GZUGS DE NYID LA GZUGS BRNYAN GYI BLO SKYED PAR BYED DE, GZUGS BRNYAN DE'I DON LOGS SHIG NA MI DMIGS SO, ,'DI YANG DE BZHIN TE ZHES 'BYUNG NGO, ,DE LTAR RNAM PA GNYIS SU BSHAD PA YOD KYANG BSHAD PA NA PHYE MA BZANG STE BSTAN PA RNAMS DANG RJES SU MTHUN PA'I PHYIR RO, ,GZUGS BRNYAN MED PAR BSTAN PA LA YANG BSHAD PA RNAM PA GNYIS YOD DO, ,KHA CIG NA RE ME LONG GI NANG NA GZUGS BRNYAN CI YANG MED DO ZHES SNGA MA BZHIN DU BSTAN BCOS THEG PA CHEN PO BSDUS PA LA SOGS PA KHUNGS SU BSTAN NAS, GZUGS NYID LA GZUGS BAN GYI BLO BSKYED PA YIN NO ZHES ZER RO, ,KHA CIG NA RE ME LONG GIS BZHIN SNANG BAR BYED PA ZHES BYA BA YANG RNAM PA BZHI YOD PAS, DANG PO NI KUN GZHI RNAM PAR SHES PA LAS GYUR PA'I GZUGS SO, ,GNYIS PA NI MIG GI RNAM PAR SHES PA LAS GYUR BA'I RGYU MTSAN GYI RNAM PA'O, ,GSUM PA NI DUS MTSUNGS PAR YID KYI RNAM PAR SHES PA'I RGYU MTSAN GYI RNAM PA STE, RNAM PA GSUM PO 'DI DAG GI GZUGS NYID @108B DANG GNAS MTSUNGS PA'O, ,BZHI PA NI RNAM PAR RTOG PA'I YID KYI RNAM PAR SHES PA'I RGYU MTSAN GYI RNAM PA STE, RNAM PA 'DI GCIG NI ME LONG DANG BZHIN LA YOD PA YIN TE, 'DI NI BSTAN BCOS SA MNGON PA SNA TSOGS KUN LAS BTUS PA LAS, CHOS KYI SKYE MCHED RNAM PA LNGAS BSDUS PA'I GZUGS LAS KUN BRTAGS PA'I GZUGS NYID DO, ,DE LA DANG PO RNAM PA LNGA NI BSDUS PA LAS GYUR PA DANG, MNGON PAR SKABS YOD PA DANG YANG DAG PAR BLANGS PA LAS BYUNG BA DANG DBANG 'BYOR PAS BSKYE PA DANG KUN BRTAGS PA'I GZUGS SO ZHE'O, ,DE LA ME LONG DANG GZUGS DANG GZUGS BRNYAN BYE BRAG TU GYUR PA'I MTSAN NYID KYANG SO SO NAS BSHAD PA MI MTHUN PAS, KHA CIG NA RE ME LONG NI TING NGE 'DZIN GYI DPER BSTAN PA'O, ,GZUGS NI SEMS KYI RGYAL PO'I DPER BSTAN PA'O, ,GZUGS BRNYAN GYI RGYU MTSAN GYI RNAM PA'I DPER BSTAN PA'O ZHES ZER TE, DE NI 'DI SKAD DU SEMS KYI MTHU'I DBANG GIS NI TING NGE 'DZIN LA BRTEN NAS SNGON PO LA SOGS PA LA DMIGS PAR BYED KYANG, GZUGS BRNYAN DE NI SEMS KYIS SPRUL PA'I PHYIR SEMS DANG BRAL BAS DE'I PHYIR RANG NYID KYIS SEMS MTHONG BA ZHES BSHAD KYI, LTA BA'I RNAM PA NYID KYI SA LTA BA'I RNAM PA MTHONG BA NI MA YIN PA'I PHYIR RANG NYID MTHONG BA ZHES BRJOD PA YIN NO ZHES BSTAN PAR 'GYUR RO, ,GAL TE TING NGE 'DZIN DANG RNAM PAR G-YENG BA YANG BSDUS NAS DPE 'DI GSUNGS PA YIN NA NI, 'DI LA BSHAD PA RNAM PA GNYIS YOD DE, KHA CIG NA RE RNAM PAR G-YENG BA'I GNAS SKABS NA YANG TING NGE 'DZIN YOD PA'I PHYIR, DON TING NGE 'DZIN GYI GNAS SKABS 'DRA'O ZHE'O, ,KHA CIG NA RE RNAM PAR G-YENG BA'I NANG NA ME LONG NI RTZA BA'I GZUGS KYI DPE'O, ,GZUGS NI LTA BA'I RNAM PA'I DPE'O, ,GZUGS BRNYAN NI RGYU MTSAN GYI RNAM PA'I DPE'O ZHE'O, ,KHA CIG NA RE ME LONG NI LTA BA'I RNAM PA'I DPE'O, ,GZUGS BRNYAN NI RGYU MTSAN GYI RNAM PA'I DPE'O, ,GZUGS NI BDAG NYID KYIS RTOG PA'I RNAM PA'I DPER BSTAN TO ZHES ZER TE, DE NI 'DI SKAD DU BDAG NYID KYIS RTOG PA'I RNAM PA'I DBANG GIS LTA BA DANG RGYU MTSAN GYI RNAM PAR YONGS SU GYUR PA'I PHYIR LTA BA RGYU MTSAN LA DMIGS PAR BYED KYANG RGYU MTSAN DANG LTA BA DE DAG NI BDAG NYID KYIS RTOG PA DANG MA BRAL BA'I PHYIR RNAM PAR RIG @109A *, ,PA TZAM DU GSUNGS PA YIN NO ZHES BSTAN PAR 'GYUR RO, ,DE BZHIN DU SEMS DE SKYES PA NA TING NGE 'DZIN GYI SPYOD YUL GZUGS BRNYAN THA DAD PA 'DRA BAR RAB TU SNANG NGO ZHES BYA BA NI GSUM PA DPE DANG DON DU SBYAR BA STE, 'DI LTAR TING NGE 'DZIN GYI SEMS DE LTAR SKYES PA NA RMONGS SHING NOR BA'I PHYIR SEMS LAS PHYI ROL NA THA DAD PA'I GZUGS BRNYAN SNANG BA ZHIG MTHONG NGO SNYAM DU SEMS TE, YANG DAG PA'I DON DU NI SEMS KYIS YONGS SU BSGYUR BA'I MTSAN MA DAG NI SEMS LAS GUD NA MED PA'I PHYIR SEMS ZHES BSHAD KYI SEMS LAS LOGS SHIG NA GZHAN ZHIG MTHONG BA'I PHYIR BDAG NYID KYIS SEMS MTHONG ZHES BYA BA NI MA YIN NO ZHES BYA BA'I THA TSIG GO, ,BCOM LDAN 'DAS SEMS CAN RNAMS KYI RANG BZHIN DU GNAS PA GZUGS LA SOGS PA LA DMIGS PA'I SEMS DANG SPYOD YUL GZUGS BRNYAN GANG LAGS PA DE YANG SEMS 'DI DANG THA DAD PA LAGS ZHES BGYI'AM ZHES BYA BA LA SOGS PAS NI GNYIS PA ZHUS PA DANG LAN DAG GIS RNAM PAR G-YENG BA'I SEMS KYI DMIGS PA RNAM PAR 'BYED PA STON TO, ,'DI YANG RNAM PA GNYIS SU DBYE STE, ZHU BA GSOL BA DANG LAN DU GSUNGS PA'O, ,'DI NI DANG PO ZHU BA GSOL BA STE, DE LA ZHU BA GSOL BA'I DGONGS PA NI TING NGE 'DZIN GYI SPYOD YUL DE YANG BCOM LDAN 'DAS KYIS JI SKAD DU, SEMS CAN RNAMS NI RTZOL BA MED PAR RANG BZHIN DU GNAS PA'I SEMS KYIS GZUGS LA SOGS PA LA DMIGS SO ZHES GSUNGS NA GZUGS BRNYAN RNAMS KYI YUL GANG LAGS PA DE YANG SEMS 'DI DANG THA DAD PA MA LAGS ZHES BGYI 'AM ZHES BYA BA'I THA TSIG GO RIGS KYI BU THA DAD PA MA YIN PA YANG BYIS PA PHYIN CI LOG GI BLO CAN RNAMS NI GZUGS BRNYAN RNAMS LA RNAM PAR RIG PA TZAM DU YANG DAG PA JI LTA BA BZHIN DU MI SHES PAS PHYIN CI LOG TU SEMS SO ZHES BYA BA NI GNYIS PA DE BZHIN GSHEGS PAS LAN DU YANG DAG PAR GSUNGS PA STE, RNAM PAR G-YENG BA'I SEMS KYI DMIGS PA YANG SEMS LAS GUD NA MED KYANG 'DI LTAR BYIS PA RNAMS SEMS NOR PAR GYUR PA'I PHYIR GZUGS BRNYAN SEMS LAS PHYI ROL DU GYUR PA YIN PAR SEMS SE ZHES BYA'O, ,BCOM LDAN 'DAS KYIS RNAM PAR RIG PA TZAM DU GSUNGS PA LA DGONGS PA CI YOD CE NA, SMRAS PA, BSTAN BCOS @109B SHIN TU RGYAS PA BRGYA PA LAS, JI SKAD DU MDO DAG LAS RNAM PAR RIG BA TZAM MO ZHES GSUNGS PA NI RNAM PAR RIG PA TZAM DU BSGOMS NAS PHYI ROL GYI DON SPANG BA'I CHED DU STE, PHYI ROL GYI DON SPANGS NA YANG DAG PA MA YIN PA'I SEMS NYE BAR ZHI BAR 'GYUR LA, YANG DAG PA MA YIN PA'I SEMS ZHI BA'I PHYIR NI DBU MA'I LAM RTOGS PAR 'GYUR BAS DE'I PHYIR MDO DAG LAS, YUL NYID SEMS TZAM DU NI MA SHES NA, ,RNAM RTOG RNAM GNYIS RAB TU 'BYUNG BAR 'GYUR, ,YUL NYID SEMS TZAM DU NI RTOGS GYUR NA, ,RNAM PAR RTOG PA DAG NI SKYE MI 'GYUR, ,CHOS RNAMS SEMS TZAM DU NI RIG GYUR NA, ,PHYI ROL DON GYI MTSAN MA SPONG 'GYUR TE, ,DES NA RNAM PAR RTOG PA RAB ZHI NAS, ,MNYAM NYID YANG DAG STONG PA GO BAR 'GYUR, ,ZHES GSUNGS TE, BYIS BA SO SO'I SKYE BO DAG NI YUL GYI ROL MNGON PAR ZHEN NAS 'DOD PA RNAMS KYI BDE BA MYONG ZHING GTONG BA'I SEMS MED PAS 'KHOR BAR 'KHOR ZHING SRID PA GSUM GYI RGYA MTSOR BYING NAS SDUG BSNGAL SHIN TU MI BZAD PA MYONG BAS RNAM PAR GROL BAR 'GYUR BA'I RGYU MED PAS NA DE BZHIN GSHEGS PAS THUGS RJE DANG THABS KYIS CHOS RNAM PAR RIG PA TZAM DU BSTAN PAS PHYI ROL GYI YUL DU 'DZIN PA SPONG BAR MDZAD DO, ,PHYI ROL GYI YUL SPANGS PA NYID KYIS YANG DAG PA MA YIN PA'I RNAM PAR SHES PA YANG NYE BAR ZHI BAR 'GYUR LA, YANG DAG PA MA YIN PA'I RNAM PAR SHES PA NYE BAR ZHI BA'I PHYIR NI MYA NGAN LAS 'DAS PAR 'GYUR BAS DE'I PHYIR MDO DAG LAS, DPER NA 'JIG RTEN SMAN PA MKHAS PA DAG, ,SMAN RAB NAD RNAMS YONGS SU BSAL BA LTAR, ,DE BZHIN GSHEGS PA RNAMS KYANG DE BZHIN DU, ,SEMS CAN DAG GI CHED DU SEMS TZAM BSHAD, ,CES 'BYUNG STE, ZHIB TU DE NYID LAS BSTAN PA BZHIN NO, ,RNAM PAR RIG PA TZAM DU RGYA CHER RNAM PAR BSHAD PA NI BSTAN BCOS RNAM PAR RIG PA TZAM DU GRUB PA LA SOGS PA LAS BSTAN PA BZHIN DU RIG PAR BYA'O, ,BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS CI TZAM GYIS NA BYANG CHUB SEMS DPA' GCIG TU LHAG MTHONG BSGOM PA ZHES BGYI LAGS ZHES BYA BA 'DI MAN CHAD BDUN PA ZHI GNAS DANG LHAG MTHONG DANG ZUNG DU BSGOM PA'I SGO ZHES BYA BA STON TE, DE'I PHYIR BSTAN BCOS MDO SDE'I RGYAN @110A *, ,LAS; DE LA CHA GCIG BSGOM PA NI 'DI LTA STE, ZHI GNAS DANG LHAG MTHONG SO SO NAS BSGOM PA GANG YIN PA'O, ,ZUNG DU BSGOM BA NI 'DI LTA STE, ZHI GNAS DANG LHAG MTHONG 'DRES PAR BSGOM PA'O ZHES 'BYUNG NGO, ,'DI YANG RNAM PA GNYIS SU DBYE STE, SPYI DANG BYE BRAG TU BSGOM PA BSTAN PA DANG, BCOM LDAN 'DAS SEMS KYI MTSAN MA GANG LAGS ZHES BYA BA MAN CHAD KYIS DMIGS PA GSUM GYI BYE BRAG BZLAS TE BSTAN PA'O, ,DANG PO YANG RNAM PA GSUM STE, GCIG TU LHAG MTHONG BSGOM PA BSTAN PA DANG, ZHI GNAS DANG LHAG MTHONG GNYIS CIG CAR 'JUG PA BSTAN PA'O, ,RNAM PA GSUM PO DE DAG RE RE LA YANG ZHU BA GSOL BA DANG, LAN DU GSUNGS PA YOD PAS 'DI NI DANG PO LHAG MTHONG LAS BRTZAMS NAS BYANG CHUB SEMS DPAS ZHU BA GSOL BA STE, 'DI NI LHAG MTHONG BSGOM PA'I SPYOD PA DANG, SHES PA'I TSAD ZHUS PA YIN NO, ,BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL PA, RIGS KYI BU RGYUN CHAGS SU YID LA BYED PA GANG GIS SEMS KYI MTSAN MA YID LA BYED PA'O ZHES BYA BA NI GNYIS PA DE BZHIN GSHEGS PAS LAN DU YANG DAG PAR GSUNGS PA STE, 'DI LTAR RGYUN CHAGS SU YID LA BYED PA THOS PA DANG, BSAMS PA'I SHES RAB DANG BCAS PA'I SEMS KYI RGYU MTSAN GYI RNAM PA GANG YIN PA'O ZHES BYA BA'I THA TSIG GO, ,SNGAR SEMS KYI MTSAN MA SPANGS PA ZHES GSUNGS PA DE DANG 'DI BYE BRAG CI YOD CE NA, SMRAS PA, SEMS KYI MTSAN MAR MTSUNGS KYANG 'DI NI BDAG PO'I DBANG DU MDZAD NAS BSHAD PA YIN LA, DE NI LAS YONGS SU 'DZIN PA'I DBANG DU MDZAD NAS BSHAD PA YIN PA'I PHYIR BYE BRAG YOD DO, ,DGONGS PA ZAB MO RNAM PAR DGROL BA'I MDO LAS NI LHAG MTHONG DE'I RJES SU MTHUN PAR GYUR CING SEMS KYI MTSAN MA RGYUN MI 'CHAD BA ZHES 'BYUNG NGO, , BCOM LDAN 'DAS JI TZAM GYIS NA BYANG CHUB SEMS DPA'I GCIG TU ZHI GNAS BSGOM PA LAGS ZHES BYA BA NI GNYIS PA ZHI GNAS BSGOM PA KHO NA ZHUS PA'O, ,RIGS KYI BU RGYUN CHAGS SU YID LA BYED BA GANG GIS BAR CHAD MED PA'I SEMS YID LA BYED PA'O ZHES BYA BA NI GNYIS PA DE BZHIN GSHEGS PAS @110B RNAL 'BYOR SPYOD PA'I SA LAS BAR CHAD MED PAR YID LA BYED PA NI 'DI LTA STE, DUS THAMS CAD DU BAR CHAD MED PAR RGYUN DU 'JUG PA GANG YIN PA'O ZHES 'BYUNG BAS DE'I PHYIR BAR CHAD MED PA ZHES BYA BA NI RGYUN CHAGS LA BYA BAR RIG PAR BYA STE, 'DI LTAR ZHI GNAS KYIS SEMS RNAM PAR MI G-YENG BAR BYED PA'I PHYIR SEMS LA DMIGS PA KHO NA'O, ,GZHAN YANG BAR CHAD MED PA'I SEMS ZHES BYA BA NI DE'I GONG MA BAR CHAD MED PA'I SEMS DMIGS PAR GYUR PA'O, ,DE LTAR RNAM PA GNYIS SU BSHAD PA YOD KYANG BSHAD PA NI SNGA MA BZANG NGO, ,DGONGS PA ZAB MO RNAM PAR DGROL BA'I MDO LAS NI SEMS KYI MTSAN MA RGYUN MI 'CHAD PA ZHES 'BYUNG NGO, ,BCOM LDAN 'DAS JI TZAM GYIS NA BYANG CHUB SEMS DPA' ZHI GNAS DANG LHAG MTHONG GNYIS 'DRES PAR GYUR TE, MNYAM PAR ZUNG DU 'JUG PA ZHES BGYI LAGS ZHES BYA BA NI GSUM PA GNYI GA CIG CAR DU 'JUG BA'I MTSAN NYID ZHUS PA'O, ,RIGS KYI BU GANG GIS SEMS RTZE GCIG PA NYID YANG DAG PAR YID LA BYED PA'O ZHES BYA BA NI GNYIS BA DE BZHIN GSHEGS PAS LAN DU YANG DAG PAR GSUNGS PA STE, DE LA SEMS RTZE GCIG PA NYID CES BYA BA NI 'DI LTA STE, ZHI GNAS DANG LHAG MTHONG CIG CAR 'JUG CING YUL LA DMIGS PA'O, ,TSIG 'DI GCIG KYANG SO SO NAS BSHAD PA MI MTHUN PAS KHA CIG NA RE SEMS RTZE GCIG PA NYID CES BYA BA NI KUN RDZOB TU RNAM PAR RIG PA TZAM KHO NA STE YUL NI SEMS LAS LOGS SHIG NA MED PAS SEMS RTZE GCIG PA NYID CES BYA'O, ,YANG NA SEMS RTZE GCIG PA KHO NANG ZAD PAS SEMS RTZE GCIG PA NYID CES BYA'O, ,YANG NA SEMS RTZE GCIG PA NYID CES BYA BA NI DON DAM PAR YANG RNAM PAR RIG PA TZAM KHO NA STE, 'DI LTAR CHOS THAMS CAD NI DE KHO NA NYID GCIG I NGO BO NYID YIN PA SEMS RTZE GCIG PA NYID CES BYA'O ZHE'O, ,KHA CIG NA RE NYID CES BYA BA NI KUN RDZOB TU GTOGS PAS, DE'I PHYIR BSTAN BCOS RNAM PAR RIG PA TZAM DU GRUB PA LAS 'DI LTA STE, RNAM PAR RIG PA'I NGO BO NYID DE YANG MDOR BSDU NA RNAM PA GNYIS TE, DANG PO NI KUN RDZOB STE, GZHAN GYI DBANG GI NGO BO NYID DO, ,GNYIS PA NI DON DAM PA STE, YONGS SU GRUB PA'I NGO BO NYID DO ZHES 'BYUNG BA YIN NO ZHE'O, ,DGONGS PA ZAB MO RNAM PAR DGROL BA'I MDO LAS NI @111A *, ,SEMS LA SEMS RTZE GCIG TU RTOG PA ZHES 'BYUNG NGO, ,BCOM LDAN 'DAS SEMS KYI MTSAN MA GANG LAGS PA ZHES BYA BA LA SOGS PAS NI GNYIS PA DMIGS PA RNAM PA GSUM GYI BYE BRAG BZLAS TE BSTAN PA STON TO, ,'DI YANG DMIGS PA RNAM PA GSUM BSTAN PA NYID KYIS RNAM PA GSUM DU DBYE STE, 'DI NI DMIGS PA DANG PO ZHUS PA'O, ,RIGS KYI BU 'DI LTA STE TING NGE 'DZIN GYI SPYOD YUL RNAM PAR RTOG PA DANG BCAS PA'I GZUGS BRNYAN LHAG MTHONG GI DMIGS PA GANG YIN PA'O ZHES BYA BA NI DE BZHIN GSHEGS PAS YANG DAG PAR BSHAD PA STE, GONG DU JI SKAD BSTAN PA'I SEMS KYI MTSAN MA NYID NI TING NGE 'DZIN GYI SPYOD YUL GZUGS BRNYAN YANG YIN LA LHAG MTHONG GI SEMS KYI SPYOD YUL YANG YIN PAS SO, ,BCOM LDAN 'DAS BAR CHAD MA MCHIS PA'I SEMS GANG LAGS ZHES BYA BA LA SOGS PAS NI DMIGS PA GNYIS PA ZHUS PA BSTAN TO, ,RIGS KYI BU 'DI LTA STE; GZUGS BRNYAN DE LA DMIGS PA'I SEMS ZHI GNAS KYI DMIGS PA GANG YIN PA'O ZHES BYA BA NI DE BZHIN GSHEGS PAS YANG DAG PAR BSHAD PA STE, GZUGS BRNYAN DE LA DMIGS PA THOS PA DANG BSAMS PA SHES RAB RNAM PA GNYIS DANG MTSUNGS PAR LDAN PA RGYU MTSAN GYI RNAM PA'I SEMS GANG YIN PA DE NI ZHI GNAS KYI DMIGS PA'I SPYOD YUL YIN PAS SO, ,BCOM LDAN 'DAS SEMS RTZE GCIG PA NYID GANG LAGS ZHES BYA BA LA SOGS PAS NI DMIGS PA GSUM PA ZHUS PA BSTAN TO, ,RIGS KYI BU 'DI LTA STE, TING NGE 'DZIN GYI SPYOD YUL DE LA 'DI NI RNAM PAR RIG PA TZAM YIN NO ZHES RTOGS PA STE DE RTOGS NAS KYANG DE BZHIN NYID YID LA BYED PA GANG YIN PA'O ZHES BYA BA NI DE BZHIN GSHEGS PAS YANG DAG PAR BSHAD PA STE, 'DI LTAR DE'I TSE CHOS RNAMS NI RNAM PAR RIG PA LAS GUD NA MED DO ZHES RTOGS PA STE, DE LTAR RTOGS NAS KYANG DE BZHIN NYID YID LA BYED DE, SNGA MA'I SGO GNYIS KYIS NI SEMS DANG YUL THA DAD PAR RTOGS PAS ZHI GNAS DANG LHAG MTHONG CIG CAR MI 'JUG PAR BSTAN LA, SGO GSUM PA 'DIS NI SEMS DANG YUL LA 'DRES PAR DMIGS SHING ZHI GNAS DANG LHAG MTHONG CIG CAR 'JUG PAR BSTAN PAS SO, ,ZHI GNAS DANG LHAG MTHONG GI LA GNYI GA CIG CAR 'JUG PA RGYA @111B CHER BSHAD PA NI, BSTAN BCOS RNAL 'BYOR SPYOD PA'I SA LAS BSTAN PA BZHIN DU RIG PAR BYA'O, ,SEMS RTZE GCIG PA NYID RGYA CHER BSHAD PA YANG BSTAN BCOS RNAL 'BYOR SPYOD PA'I SA LAS BSTAN PA BZHIN DU RIG PAR BYA'O, ,BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS LHAG MTHONG LA RNAM PA DU MCHIS ZHES BYA BA 'DI MAN CHAD NI BRGYAD PA ZHI GNAS DANG LHAG MTHONG GI RNAM PA RAB TU DBYE BA'I SGO ZHES STON TO, ,'DI YANG RNAM PA GNYIS TE, LHAG MTHONG BSTAN PA DANG, ZHI GNAS BSTAN PA'O, ,LHAG MTHONG BSTAN PA YANG RNAM PA GNYIS SU DBYE STE, ZHU BA GSOL BA DANG LAN DU GSUNGS PA STE, 'DI NI DANG PO ZHU BA GSOL BA'O, ,BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL PA, RIGS KYI BU MDOR BSDU NA RNAM PA GNYIS YOD DE ZHES BYA BA LA SOGS PAS NI GNYIS PA DE BZHIN GSHEGS PAS YANG DAG PAR LAN DU GSUNGS PA BSTAN TO, ,'DI YANG RNAM PA GSUM DU DBYE STE, GRANGS SMOS PA DANG, MING BKOD PA DANG, RNAM PAR PHYE NAS BSHAD PA STE, 'DI NI DANG PO'O, ,MTSAN MA DANG BCAS PA'I LHAG MTHONG DANG, YONGS SU TSOL BA'I LHAG MTHONG DANG, SO SOR RTOG PA'I LHAG MTHONG NGO ZHES BYA BA NI GNYIS PA GRANGS BZHIN DU MING BKOD PA'O, ,MTSAN MA DANG BCAS PA'I LHAG MTHONG GANG ZHE NA ZHES BYA BA LA SOGS PAS NI GSUM PA RNAM PAR PHYE NAS BSHAD PA STON TO, ,'DI YANG MTSAN NYID RNAM PA GSUM BSTAN PA NYID KYIS RNAM PA GSUM DU DBYE STE, 'DI NI DANG PO'I MTSAN NYID ZHUS PA'O, ,'DI LTA STE, TING NGE 'DZIN GYI SPYOD YUL RNAM PAR RTOG PA DANG BCAS PA'I GZUGS BRNYAN 'BA' ZHIG YID LA BYED PA'I LHAG MTHONG GANG YIN PA'O ZHES BYA BA NI DANG PO MTSAN NYID YANG DAG PAR BSHAD PA STE, RNAM PAR RTOG PA DANG BCAS PA'I GZUGS BRNYAN CHOS DANG DON 'DRA BA 'BA' ZHIG YID LA BYED PAS NA YUL LAS MING DU BTAGS PA YIN PAS MTSAN MA DANG BCAS PA ZHES BYA'O, ,YONGS SU TSOL BA'I LHAG MTHONG GANG ZHE NA ZHES BYA BA NI GNYIS PA ZHUS PA'O, ,'DI LTA STE, SHES RAB KYIS DE DANG DER SHIN TU LEGS PAR MA RTOGS PA'I CHOS THAMS CAD SHIN TU LEGS PAR RTOGS PAR @112A *, ,BYA BA'I PHYIR YID LA BYED PA'I LHAG MTHONG GANG YIN PA'O ZHES BYA BA NI GNYIS PA'I MTSAN NYID YANG DAG BAR BSHAD PA STE, 'DI LTAR SHES RAB KYI DBANG GI PHYIR GZUGS BRNYAN MTSAN MA DANG BCAS PA'I YUL LEGS PAR MA RTOGS PA DAG LEGS PAR BYA BA'I PHYIR YID LA BYED PA GANG YIN PA'O, ,SO SOR RTOG PA'I LHAG MTHONG GANG ZHE NA ZHES BYA BA NI GSUM PA ZHUS PA'O, ,'DI LTA STE, SHES RAB KYIS DE DANG DER SHIN TU LEGS PAR RTOGS PA'I CHOS THAMS CAD LA LEGS PAR SHIN TU RNAM PAR GROL BA MTHONG BA'I PHYIR, YID LA BYED PA'I LHAG MTHONG GANG YIN PA'O ZHES BYA BA NI GSUM PA'I MTSAN NYID YANG DAG PAR BSHAD PA STE, 'DI LTAR YUL DE DAG SHIN TU LEGS PAR RTOGS PAR GYUR NAS, SHIN TU RNAM PAR GROL BA THOB PAR BYA BA'I PHYIR YID LA BYED PA GANG YIN PA'O, ,BSTAN BCOS RNAL 'BYOR SPYOD PA'I SA LAS KYANG PHAL CHER MDO 'DI DANG MTHUN PAR BSHAD DE, DE'I PHYIR BSTAN BCOS DE NYID LAS, MTSAN MA TZAM GYI RJES SU ZHUGS PA'I LHAG MTHONG GANG ZHE NA, 'DI LTA STE, GANG GIS THOS PA DANG BZUNG BA'I CHOS SAM, GDAMS NGAG DANG RJES SU BSTAN PA'I CHOS RNAM SLA MNYAM PAR BZHAG PA'I SA LAS, TSUL BZHIN DU YID LA BYED CING SEMS PAR MI BYED, RTOG PAR MI BYED, 'JAL BAR MI BYED NYE BAR RTOG BAR MI BYED PA STE, DE NI MTSAN MA TZAM GYI RJES SU ZHUGS PA'I LHAG MTHONG ZHES BYA'O, ,GANG GI TSE SEMS PAR BYED, RTOG PAR BYED, 'JAL BAR BYED NYE BAR RTOG PAR BYED PA DE'I TSE NA NI YONGS SU BTZAL BA'I RJES SU ZHUGS PA'I LHAG MTHONG ZHES BYA'O, , GANG GI TSE DE NYID LA BSAMS SHING BRTAGS LA GZHAL ZHING NYE BAR BRTAGS NAS JI LTAR RNAM PAR GZHAG PA DE BZHIN DU SO SOR RTOG PAR BYED PA'I TSE NA NI SO SOR RTOG PA'I RJES SU ZHUGS PA'I LHAG MTHONG ZHES BYA'O ZHES 'BYUNG BA YIN NO, ,ZHI GNAS DANG LHAG MTHONG DE DAG GI RAB TU DBYE BA YANG BSTAN BCOS RNAL 'BYOR SPYOD PA'I SA LAS BSHAD PA BZHIN DU RIG PAR BYA STE, DE'I PHYIR DE NYID LAS, ZHI GNAS GANG ZHE NA SEMS GNAS PA RNAM PA DGU'O, ,LHAG MTHONG GANG ZHE NA, DE NI GZHI RNAM PA GSUM GYI LHAG MTHONG DANG, RNAM PA BZHI'I LHAG MTHONG DANG, GZHI RNAM PA DRUG RAB TU DBYE BA LA @112B DMIGS PA'I LHAG MTHONG GANG YIN PA'O, ,DE LA GZHI RNAM PA GSUM GYI LHAG MTHONG NI MTSAN MA DANG BCAS PA'I LHAG MTHONG DANG, YONGS SU TSOL BA'I LHAG MTHONG DANG, SO SOR RTOG PA'I LHAG MTHONG NGO, ,RNAM PA BZHI'I LHAG MTHONG NI 'DI LTA STE, CHOS RNAM PAR 'BYED PA'I RNAM PA'I LHAG MTHONG DANG, RAB TU RNAM PAR 'BYED PA'I RNAM PA'I LHAG MTHONG DANG, YONGS SU RTOG PA'I RNAM PA'I LHAG MTHONG DANG, YONGS SU DPYOD PAR BYED PA'I RNAM PA'I LHAG MTHONG NGO, ,GZHI RNAM PA DRUG RAB TU DBYE BA LA DMIGS PA'I LHAG MTHONG NI, DON LA DMIGS PA'I LHAG MTHONG DANG, DNGOS PO LA DMIGS PA'I LHAG MTHONG DANG; MTSAN NYID LA DMIGS PA'I LHAG MTHONG DANG, PHYOGS LA DMIGS PA'I LHAG MTHONG DANG, DUS LA DMIGS PA'I LHAG MTHONG DANG, RIGS LA DMIGS PA'I LHAG MTHONG ZHES BSTAN PA YIN NO, ,BSTAN BCOS RNAM PAR BSHAD PA LAS KYANG DE SKAD DU STON TE, SEMS GNAS PA RNAM PA DGU DANG GZHI RNAM PA GSUM GYI LHAG MTHONG DANG, RNAM PA BZHI'I LHAG MTHONG NI SNGAR BSTAN PA BZHIN NO, ,GZHI RNAM PA DRUG GI LHAG MTHONG GANG YIN PA DE NI 'DIR BSHAD PAR BYA STE, DE'I PHYIR BSTAN BCOS RNAL 'BYOR SPYOD PA'I SA LAS DE LA GZHI RAB TU DBYE BA RNAM PA DRUG LA DMIGS PA'I LHAG MTHONG GANG ZHE NA, 'DI LTA STE; YONGS SU TSOL BAR BYED PA NA GZHI RNAM PA DRUG YONGS SU TSOL BAR BYED DE, DON DANG DNGOS PO DANG MTSAN NYID DANG PHYOGS DANG DUS DANG RIGS PA YONGS SU TSOL BAR BYED CING, YONGS SU BTZAL NAS KYANG DE DAG LA SO SOR RTOG PAR BYED DO, ,DE LA JI LTAR DON YONGS SU TSOL BAR BYED CE NA, SMRAS PA, 'DI'I DON NI 'DI YIN NO ZHES DE LTAR DON YONGS SU TSOL BAR BYED DO, ,JI LTAR DNGOS PO YONGS SU TSOL BAR BYED CE NA, DNGOS PO RNAM PA GNYIS PO NAG GI DANG PHYI ROL GYI STE, DE LTAR DNGOS PO YONGS SU TSOL BAR BYED DO, ,JI LTAR MTSAN NYID YONGS SU TSOL BAR BYED CE NA, MTSAN NYID RNAM PA GNYIS PO RANG GI MTSAN NYID DANG SPYI'I MTSAN NYID DE, DE LTAR MTSAN NYID YONGS SU TSOL BAR BYED DO, ,JI LTAR PHYOGS YONGS SU TSOL BAR BYED CE NA, PHYOGS RNAM PA GNYIS PO NAG PO'I PHYOGS DANG, DKAR PO'I PHYOGS TE NAG PO'I PHYOGS NI SKYON DANG NYES DMIGS KYI SGO NAS SO, ,DKAR PO'I PHYOGS NI YON TAN DANG @113A *, ,PHAN YON GYI SGO NAS TE, DE LTAR PHYOGS YONGS SU TSOL BAR BYED DO, ,JI LTAR DUS YONGS SU TSOL BAR BYED CE NA, DUS RNAM PA GSUM PO 'DAS PA DANG MA 'ONGS PA DANG DA LTAR BYUNG BA'I DUS TE, 'DI LTAR 'DAS PA'I DUS NA 'DI LTA BU ZHIG BYUNG BAR GYUR TO, ,'DI LTAR MA 'ONGS PA'I DUS NA 'DI LTA BU ZHIG 'BYUNG BAR 'GYUR RO, ,'DI LTAR DA LTAR BYUNG BA'I DUS NA 'DI LTA BU ZHIG DA LTAR YOD DO ZHES DE LTAR DUS YONGS SU TSOL BAR BYED DO, ,JI LTAR RIGS PA YONGS SU TSOL BAR BYED CE NA, RIGS PA BZHI PO LTOS PA'I RIGS PA DANG, BYA BA BYED PA'I RIGS PA DANG, 'THAD PAS BSGRUB PA'I RIGS PA DANG, CHOS NYID KYI RIGS PA STE, DE LTAR RIGS PA YONGS SU TSOL BAR BYED DO, ,CI'I PHYIR GZHI RAB TU DBYE BA RNAM PA DRUG GIS LHAG MTHONG RNAM PAR GZHAG CE NA, RTOGS PA RNAM PA GSUM GYI DBANG DU BYAS PA'I PHYIR TE, SMRAS PA'I DON RTOGS PA DANG DNGOS PO'I MTHA' RTOGS PA DANG, YANG DAG PA JI LTA BA BZHIN DU RTOGS PA'O, ,DE LA DON YONGS SU TSOL BAS NI SMRAS PA'I DON RTOGS PA YIN NO, ,DNGOS PO YONGS SU TSOL BA DANG, RANG GI MTSAN NYID YONGS SU TSOL BAS NI DNGOS PO'I MTHA' RTOGS PA YIN NO, ,DE LA SPYI'I MTSAN NYID YONGS SU TSOL BA DANG, PHYOGS YONGS SU TSOL BA DANG, DUS YONGS SU TSOL BA DANG, RIGS PA YONGS SU TSOL BAS NI YANG DAG PA JI LTA BA BZHIN DU RTOGS PA YIN TE, RNAL 'BYOR PAS SHES PAR BYA BA NI 'DI LTA STE, SMRAS PA'I DON DANG SHES BYA'I DNGOS PO JI SNYED YOD PA NYID DANG JI LTA BA BZHIN DU YOD PA NYID GANG YIN PA DE TZAM DU ZAD PA'I PHYIR RO ZHES 'BYUNG STE, ZHIB TU DE NYID LAS BSTAN PA BZHIN DU RIG PAR BYA'O, ,RIGS PA RNAM PA BZHI NI PHYIS 'OG NAS STON TO,, ,,BAM PO SUM CU BRGYAD PA, BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS ZHI GNAS LA RNAM PA DU MCHIS ZHES BYA BA 'DI MAN CHAD NI GNYIS PA ZHI GNAS KYI RNAM PA MANG NYUNG RNAM PAR 'BYED PA'O, ,'DI YANG RNAM PA GNYIS TE, ZHU BA GSOL BA DANG, YANG DAG PAR BSHAD PA STE, 'DI NI DANG PO ZHU BA GSOL PA'O, ,BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL PA, BAR CHAD MED PA'I SEMS DE'I RJES SU @113B 'BRANG BA'I PHYIR, DE YANG RNAM PA GSUM YOD PAR RIG PAR BYA'O ZHES BYA BA LA SOGS PAS NI GNYIS PA YANG DAG PAR BSHAD PA BSTAN TO, ,'DI YANG RNAM PA GSUM DU DBYE STE, ZHI GNAS RNAM PA GSUM BSTAN PA DANG, ZHI GNAS RNAM PA BRGYAD BSTAN PA DANG, ZHI GNAS RNAM PA BZHI BSTAN PA'O, ,'DI NI DANG PO MTSAN MA DANG BCAS PA LA SOGS PA RNAM PA GSUM BSTAN PA STE, DE LA DE'I RJES SU 'BRANG BA ZHES BYA BA NI RJES SU 'BRANG BAR BYED PA LTA BA'I RNAM PA'O, ,DE LA 'DI SKAD DU, SEMS KYI MTSAN MA DE LA DMIGS PA'I LHAG MTHONG LA RNAM PA GSUM YOD PA'I PHYIR, BAR CHAD MED PA'I SEMS LA DMIGS PA'I ZHI GNAS KYI SEMS LA YANG RNAM PA GSUM YOD DO ZHES BSTAN PAR 'GYUR RO, ,YANG RNAM PA BRGYAD YOD DE, 'DI LTA STE, BSAM GTAN DANG PO NAS 'DU SHES MED 'DU SHES MED MIN GYI SKYE MCHED PA'I BAR DU RE RE LA YANG ZHI GNAS RNAM PA RE RE YOD PA'I PHYIR RO ZHES BYA BA NI GNYIS PA TING NGE 'DZIN RNAM PA BRGYAD STON TE, 'DI NYID ZHI GNAS RNAM PA BRGYAD CES BYA'O, ,TING NGE 'DZIN BRGYAD PO DE YANG RNAM PA GNYIS SU DBYE STE, BSAM GTAN BZHI BSTAN PA DANG, GZUGS MED PA'I SNYOMS PAR 'JUG PA BZHI BSTAN PA'O, ,BSAM GTAN BZHI BSTAN PA YANG SGO RNAM PA GNYIS KYIS BSTAN TE, DES PA'I TSIG BSTAN PA DANG, NGO BO NYID BSTAN PA'O, ,DE LA NGES PA'I TSIG BSTAN PA YANG SPYI DANG BYE BRAG GNYIS KYIS BSTAN TE, DE LA SPYI NI THAMS CAD YOD PAR SMRA BA'I GZHUNG BSTAN BCOS BYE BRAG TU BSHAD PA CHEN PO LAS BSHAD PA RNAM PA GCIG YOD DE, DE'I PHYIR BSTAN BCOS DE NYID LAS CI'I PHYIR BZHI PO 'DI DAG LA BSAM GTAN ZHES BYA ZHE NA, SMRAS PA, RAB TU ZHI ZHING BSAM GTAN LA 'BEBS PAS SA BZHI PO 'DI DAG TU TING NGE 'DZIN DANG SHES RAB MNYAM PA'I PHYIR BSAM GTAN ZHES BRJOD DE, GZHAN DAG LAS NI MA TSANG BAS MING 'DI THOB PO ZHES 'BYUNG BA YIN NO, ,BSTAN BCOS YANG DAG PA'I RIGS PA DANG RJES SU MTHUN PA LAS NI BSHAD PA RNAM PA GNYIS YOD DE, DE'I PHYIR DE NYID LAS DON GANG GI PHYIR BSAM GTAN ZHES BYA BA'I MING RNAM PAR GZHAG CE NA, SMRAS PA, RAB TU ZHI BA 'DI LA BRTEN NAS BSAM PA GTAN LA 'BEBS PA'I PHYIR BSAM PA GTAN LA 'BEBS PA NYID NI YANG DAG PA NYID DU KHONG DU CHUD PA'I DON TO ZHES 'BYUNG STE, @114A *, ,MDZOD KYI BSTAN BCOS LAS KYANG DE SKAD DU BSHAD DO, ,GZHAN YANG DE NYID LAS, KHA CIG NA RE TING NGE 'DZIN 'DIS NI MCHOG DANG, KUN DU MCHOG GI TSUL BZHIN DU SEMS PA YONGS SU 'DZIN PA'I PHYIR BSAM GTAN ZHES BYA'O, ,DE LA MCHOG CES BYA BA'I TSIG GIS NI 'DOD PA'I KHAMS LAS RAB TU DBYE BA YIN NO, ,KUN DU MCHOG CES BYA BAS NI GZUGS MED PA LAS RAB TU DBYE BA YIN NO, ,TSUL BZHIN DU SEMS PA ZHES BYA BAS NI THA DAD PA'I PHYIN CI LOG LAS RAB TU DBYE BA YIN NO, ,TING NGE 'DZIN 'DI YONGS SU 'DZIN PAR BYED PA NI GYA NOM PA'I TING NGE 'DZIN YIN PAS GYA NOM PA'I TING NGE 'DZIN DE LA BSAM GTAN ZHES BYA'O ZHES 'BYUNG STE, TSIG 'DIS NI ZHI GNAS DANG LHAG MTHONG ZUNG DU 'JUG PA PHYIN CI LOG MED PA'I TING NGE 'DZIN LA BSAM GTAN ZHES BSTAN TO, ,GZHAN YANG BSTAN BCOS BYE BRAG TU BSHAD PA DANG SBYAR NA BSHAD PA RNAM PA GSUM YOD DE; KUN DU SBYOR BA GCOD PA DANG, YANG DAG PAR RTOG PA DANG, DON RNAM PA GNYIS DANG LDAN PA'I PHYIR RO ZHES BSHAD DE, DE'I PHYIR BSTAN BCOS DE NYID LAS, DON GANG GI PHYIR BSAM GTAN ZHES BYA ZHE NA, KHA CIG NI 'DI SKAD DU SBYOR BA SPONG BA'I PHYIR BSAM GTAN ZHES BYA'O ZHES ZER RO, ,GZUGS MED PA'I TING NGE 'DZIN RNAMS KYIS KUN DU SBYOR BA SPONG BAS BSAM GTAN ZHES BYA BA'I RIGS SO ZHE NA, SMRAS PA, TING NGE 'DZIN GANG GIS MI DGE BA DANG, LUNG DU MI STON PA RNAM PA GNYIS KYIS KUN DU SBYOR BA SPONG BAR NUS PA NI BSAM GTAN ZHES BYA BA YIN NA, GZUGS MED PA'I TING NGE 'DZIN RNAMS NI LUNG DU MI STON PA 'BA' ZHIG SPONG GI, ,MI DGE BA NI MA YIN PA'I PHYIR BSAM GTAN ZHES BYA BA ZHES 'BYUNG STE, KUN DU SBYOR BA SPONG BA LA YANG BSHAD PA RNAM PA GNYIS YOD PA NI MANGS KYIS DOGS NAS 'DIR MA BRJOD DO, ,GZHAN YANG DE NYID LAS KHA CIG NA RE YANG DAG PAR RTOG PAR BYED PA'I PHYIR BSAM GTAN ZHES BYA'O ZHES ZER RO, ,GAL TE DE LTA NA 'DOD PA'I KHAMS KYI TING NGE 'DZIN YANG DAG PAR RTOG PAR BYED PAS BSAM GTAN ZHES BYA BA'I RIGS SO ZHE NA, SMRAS PA, TING NGE 'DZIN GANG TING NGE 'DZIN GYI MING DANG, NUS PA DANG LDAN ZHING YANG DAG PAR RTOG PAR BYED PA NI BSAM GTAN ZHES BYA BA @114B YIN NA 'DOD PA'I KHAMS KYI TING NGE 'DZIN GYI MING DANG LDAN YANG TING NGE 'DZIN GYI NUS PA MED PAS, DPER NA 'JIM PA'I DRIL BU DANG GDUNG MA ZHES BRJOD PA LTAR MING DANG LDAN YANG NUS PA MED PA'I PHYIR BSAM GTAN MA YIN NO ZHES 'BYUNG STE, YANG DAG PAR RTOG PA LA BSHAD PA RNAM PA GSUM 'BYUNG BA NI MANGS KYIS DOGS NAS 'DIR MA BRJOD DO, ,GZHAN YANG DE NYID LAS DE LTAR BSHAD PA YANG DON RNAM PA GNYIS DANG LDAN NA GDOD BSAM GTAN ZHES BYA'O, ,'DI LTA STE, KUN DU SBYOR BA SPONG BA DANG, YANG DAG PAR RTOG PAR BYED PA'O, ,'DOD PA'I KHAMS KYI TING NGE 'DZIN YANG DAG PAR RTOG PAR BYED KYANG KUN DU SBYOR BA SPONG BAR MI BYED LA GZUGS MED PA'I TING NGE 'DZIN RNAM PA KUN TU SBYOR BA SPONG BAR BYED KYANG YANG DAG PAR RTOG PAR MI BYED PA'I PHYIR BSAM GTAN MA YIN NO, ,GZHAN YANG GZUGS MED PA'I TING NGE 'DZIN NI DBEN PA DANG LDAN YANG GTAN LA 'BEBS PA MED LA, 'DOD PA'I KHAMS KYI TING NGE 'DZIN NI BSAM PA GTAN LA 'BEBS PA YOD KYANG DBEN PA MED DO, ,GZUGS KYI TING NGE 'DZIN NI GNYI GA DANG LDAN PA'I PHYIR BSAM GTAN ZHES BYA'O ZHES 'BYUNG STE, DON RNAM PA GNYIS DANG LDAN PA LA YANG BSHAD PA RNAM PA GNYIS 'BYUNG BA NI MANGS KYIS DOGS NAS 'DIR MA BRJOD DO, THEG PA CHEN PO'I BSTAN PA DAG DANG SBYAR NA YANG, BSTAN BCOS YANG DAG PA'I RIGS PA DANG RJES SU MTHUN PA LAS RNAM GRANGS DANG POS BSTAN PA DANG MTHUN PAR BSHAD DE, DE'I PHYIR BSTAN BCOS RNAL 'BYOR SPYOD PA'I SA LAS BSAM GTAN ZHES BYA BA NI DMIGS PA LA DRAN PA RTZE GCIG TU BYED CING, RAB TU DBEN PA DANG YANG DAG PAR NYE BAR GTOD PA'I PHYIR BSAM GTAN ZHES BYA'O ZHES 'BYUNG NGO, ,DE LA BYE BRAG GI MING NI DANG PO DANG GNYIS PA DANG GSUM PA DANG BZHI BA ZHES BYA BA GANG YIN PA DE NI BYE BRAG GI MING ZHES BYA STE, DE'I PHYIR BSTAN BCOS YANG DAG PA'I RIGS PA DANG RJES SU MTHUN PA LAS BSAM GTAN RNAMS KYI SPYI'I MTSAN NYID LA BYE BRAG MED KYANG SA'I BYE BRAG RAB TU BSTAN PA'I CHED DU GRANGS KYI DBANG DU BYAS NAS NGES TSIG BSTAN PA'I PHYIR DANG PO ZHES BYA BA NAS BZHI BA ZHES BYA BA'I BAR DU BSTAN PA YIN NO, ,GAL TE DGE BA'I NGO BO NYID DANG SEMS RTZE GCIG TU BSDUS PA NYID DANG, GROGS LAS BSAM @115A *, ,GTAN BZHI RNAM PAR GZHAG PA YIN NA, MTSAN NYID GANG LAS BRTZAMS NAS DANG PO DANG, GNYIS PA DANG, GSUM PA DANG, BZHI PA ZHES RNAM PAR GZHAG CE NA, SMRAS PA, DPYOD PA DANG DGA' BA DANG BDE BA DANG BCAS PA LAS NI DANG PO RNAM PAR GZHAG GO, ,RIM GYIS YAN LAG SNGA MA DANG BRAL BA LAS NI GNYIS PA DANG, GSUM PA DANG, BZHI PA RNAM PAR GZHAG STE, 'DI LTAR DPYOD PA SPANGS SHING RNAM PA GNYIS DANG LDAN PA'O, ,BSAM GTAN GNYIS NI DPYOD PA DANG BRAL ZHING DGA' BA DANG BDE BA GNYIS DANG BCAS PAS GNYIS SPANGS NAS BDE BA DANG BCAS PA'O, , BSAM GTAN GSUM PA NI DPYOD PA DANG DGA' BA GNYIS DANG BRAL ZHING BDE BA KHO NA DANG BCAS PA'O, ,RNAM PA GSUM CHAR DANG BRAL BA NI BSAM GTAN BZHI PA STE, DPYOD PA DANG DGA' BA DANG BDE BA SPANGS PA GSUM DANG GO RIMS BZHIN NO, ,DE'I PHYIR DMIGS PA'I NGO BO NYID GCIG LA RNAM PA BZHIR PHYE BA YIN NO, ,BSAM GTAN RNAMS LA BYAMS PA LA SOGS PA LTAR THUN MONG MA YIN PA'I MING GI MTSAN NYID MED DAM ZHE NA, 'DIR DANG PO LA SOGS PA'I GRANGS BZHI LA BRTEN NAS BYE BRAG GI MING RNAM PAR GZHAG CE NA, SMRAS PA, 'DIR THUN MONG MA YIN PA'I MING GI MTSAN NYID MED PA MA YIN MOD KYI, 'ON KYANG MED PA NI SA GCIG GI MING KHO NAS KUN BSDUS PAR 'GYUR PAS, DE'I PHYIR GRANGS LA BRTEN NAS BYE BRAG GI MING DU BSTAN PA YIN NO ZHES 'BYUNG STE, MDZOD KYI BSTAN BCOS KYANG 'DI DANG MTHUN PAR BSHAD DO, ,GZHAN YANG MDZOD KYI BSTAN BCOS KYI TSIG LE'UR BYAS PA LAS, DANG PO DAG NI DPYOD DANG DGA' BDE BCAS, ,PHYI MA RIM GYIS YAN LAG SNGA MA SPONG, ,ZHES 'BYUNG NGO, ,CI'I PHYIR TSIG LE'UR BYAS PA LAS RTOG PA TSANG BAR MA SMOS SHE NA, SMRAS PA, MDZOD KYI BSTAN BCOS LAS, DE'I PHYIR RTOG PA DANG LDAN PAR YANG BSTAN TE, GDON MI ZA BAR LHAN CIG 'JUG PA'I PHYIR RO, ,DPER NA DUD PA DANG ME LTA BUR DPYOD PA DANG YANG DGA' BA DANG BDE BA KHO NA DANG LDAN ZHING, RTOG PA DANG MI LDAN PA NI MA YIN PAS SO, ,GZHAN YANG BSTAN BCOS BYE BRAG TU BSHAD PA CHEN PO LAS, BSAM GTAN BZHI NI 'DI LTA STE, BSAM GTAN DANG PO NAS BSAM GTAN BZHI PA'I @115B BAR DU STE, KHA CIG NA RE RTOG PA DANG DGA' BA DANG, BDE BA DANG, BTANG SNYOMS DANG MTSUNGS PAR LDAN PA'I BSAM GTAN NI GO RIMS BZHIN DU BZHI PO DAG YIN PAR SBYAR RO ZHES ZER RO ZHES 'BYUNG NGO, ,'DIR THEG PA CHEN PO'I BSTAN PA DANG SBYAR NA YANG GRANGS KYI DBANG DU MDZAD NAS MING BKOD PA NI BSTAN BCOS YANG DAG PA'I RIGS PA DANG RJES SU MTHUN PA LAS BSTAN PA DAG DANG MTHUN PAS, DE'I PHYIR BSTAN BCOS RNAL 'BYOR SPYOD PA'I SA LAS, GRANGS KYI GO RIMS DANG RJES SU MTHUN PA'I DBANG DU BYAS PAS, DANG PO ZHES BYA BA NAS BZHI PA ZHES BYA BA'I BAR DU BSTAN PA YIN NO ZHES BSHAD DO, ,DE LA NGO BO NYID BSTAN PA YANG THAMS CAD YOD PAR SMRA BA'I GZHUNG GIS NI BSTAN BCOS PHYE BRAG TU BSHAD PA CHEN PO LAS BSTAN PA BZHIN DU, BSAM GTAN RNAM PA BZHI PO DAG NI KUN KYANG RANG GIS PA'I DGE BA NYON MONGS PA CAN DANG MA BSGRIBS LA LUNG DU MA BSTAN PA'I PHUNG PO LNGA'I NGO BO NYID DO ZHES BSHAD DO, , GZHAN YANG BSTAN BCOS BYE BRAG TU BSHAD PA CHEN PO LAS, BSAM GTAN GYI NGO BO NYID NI RNAM PA GNYIS TE BSGOMS NAS THOB PA DANG, SKYES NAS THOB PA'O, ,DE LA BSGOMS NAS THOB PA NI SA DE NYID KYIS BSDUS PA'I SEMS RTZE GCIG PA NYID DE, GAL TE GROGS SU GYUR PA YANG BSDUS NA NI PHUNG PO LNGA'I NGO BO NYID DO, ,SKYES NAS THOB PA NI GANG DU SKYES PA'I SA PA DE NYID KYI DANG LDAN PA GZHAN PHUNG PO LNGA PO DAG GI NGO BO NYID DO, ,MDZOD KYI BSTAN BCOS DANG YANG DAG PA'I RIGS PA DANG RJES SU MTHUN PA LAS KYANG DON 'DI DANG MTHUN PAR BSHAD DO, ,'DIR THEG PA CHEN PO'I BSTAN PA DANG SBYAR NA YANG PHAL CHER BSTAN BCOS BYE BRAG TU BSHAD PA CHEN PO LAS BSTAN PA DANG MTHUN PAR SRID PA LAS SKYE BA DANG, TING NGE 'DZIN LAS SKYES PA NI DGE BA NYON MONGS PA CAN DANG, LUNG DU MA BSTAN PA'I PHUNG PO LNGA'I NGO BO NYID DO, DGE BA NI ZAG PA DANG BCAS PA DANG, ZAG PA MED PA'I PHUNG PO LNGA'I NGO BO NYID DO ZHES BSHAD DO, ,DE LA GZUGS MED PA'I SNYOMS PAR 'JUG PA BZHI YANG MDOR BSDU NA SGO RNAM PA GNYIS KYIS BSTAN TE, NGES TSIG BSTAN PA DANG, NGO BO NYID BSTAN PA'O, ,NGES TSIG BSTAN PA YANG SPYI DANG BYE BRAG GNYIS KYIS BSTAN TE, DE LA SPYI'I MING YANG THAMS CAD YOD PAR SMRA BA'I GZHUNG GIS NI BSTAN BCOS @116A *, ,YANG DAG PA'I RIGS PA DANG RJES SU MTHUN PA LAS BSTAN PA BZHIN DU NGON RNAM PA GSUM YOD DE, ,DGAG PA'I DON DANG, MTHAR THUG PA RAB TU BSTAN PA'I DON DANG, YOD PA RAB TU BSTAN PA'I DON TO ZHES BSHAD DE, DE'I PHYIR BSTAN BCOS DE NYID LAS DON GANG GI PHYIR GZUGS MED PA'I MING RNAM PAR GZHAG CE NA, R'U PA ZHES BYA BA'I TSIG GIS NI RNAM PAR 'GYUR ZHING, BSTAN DU YOD PA'I DON RAB TU STON PAS, RNAM PAR 'GYUR ZHING BSTAN DU YOD PA LA BRTEN NAS GZUGS ZHES BSTAN TO, ,AA ZHES BYA BA'I TSIG GIS NI DGAG PAR BYED PA'I DON RAB TU STON TE, 'KHOR BA'I RGYA MTSO'I NANG NA YANG RE ZHIG TZAM DU GZUGS KYI SKYE MCHED DGAG PAR YOD DO ZHES RAB TU BSTAN PA'I CHED DU, DGAG PA'I DON GYI DBANG DU BYAS NAS MED PA ZHES BYA BA BSTAN TO, ,'DI LTAR KHAMS DE NA RNAM PAR 'GYUR ZHING BSTAN DU YOD PA ZLOG PAR BYED PAS GZUGS MED PA'I DON LA BRTEN NAS, AA R'U PA ZHES BYA'O, ,YANG AA ZHES BYA BA 'DI NI MTHAR THUG PA'I DON RAB TU STON PA YANG YIN TE, KHAMS GZHAN NA YANG RNAM PAR MI 'GYUR ZHING BSTAN DU MED PA'I CHOS YOD KYANG, GZUGS MED PA'I KHAMS NI RNAM PAR 'GYUR BA DANG, BSTAN DU MED PA'I NANG NA MTHAR THUG PA YIN TE, 'DI NA YOD DO DE NA YOD DO ZHES BYA BA BRTEN PA'I GZUGS MED PA'I PHYIR RO, ,YANG NA AA ZHES BYA BA 'DI NI YOD PA'I DON BSTAN PA YANG YIN TE, 'DI LTAR KHAMS 'DI NI GZUGS MED PA TZAM MO ZHES DGAG PA'I PHYIR, AA ZHES BYA BAS NI GZUGS MED PA YOD PAR RAB TU BSTAN TE, 'JIG RTEN NA YANG TZAM ZHES BYA BA NI DGAG PA'I TSIG DANG, DGAG NAS RAB TU BSTAN PA YANG YIN PAR MTHONG BA NI JI LTAR AAS 'DI RAB TU BSTAN KYANG DGAG PA KHO NA MA YIN PA LTA BU YIN PAS DE'I PHYIR AA ZHES BYA BAS NI DGAG PA DANG RAB TU BSTAN PA YANG YONGS SU RDZOGS PAR STON TO ZHES 'BYUNG STE, BSTAN BCOS GZHUNG RAB TU BSTAN PA LAS KYANG DE SKAD DU STON TO, ,BSTAN BCOS BYE BRAG TU BSHAD PA CHEN PO LAS NI CI'I PHYIR 'DI BZHI LA GZUGS MED PA ZHES BYA ZHE NA, SMRAS PA, BZHI PO 'DI DAG NI GZUGS CAN GYI CHOS THAMS CAD LAS YANG DAG PAR 'DAS PA'I PHYIR DANG, GZUGS CAN GYI CHOS @116B THAMS CAD RAB TU NYAMS PAR BYAS PA'I PHYIR DANG, GZUGS KYI CHOS 'DIR SKYE BA'I SKABS MED PA'I PHYIR GZUGS MED PA ZHES BYA'O ZHES 'BYUNG NGO, ,DE LA BYE BRAG GI MING YANG THAMS CAD YOD PAR SMRA BA'I GZHUNG GIS, DANG PO NAM MKHA' MTHA' YAS SKYE MCHED KYI SNYOMS PAR 'JUG PA NI BSTAN BCOS BYE BRAG TU BSHAD PA CHEN PO LAS BSTAN PA BZHIN DU, RNAM GRANGS RNAM PA BZHIS STON TE DE'I PHYIR BSTAN BCOS DE NYID LAS SBYOR BA'I DBANG GIS NA NAM MKHA' MTHA' YAS SKYE MCHED KYI TING NGE 'DZIN ZHES BYA STE, 'DI LTAR LAS DANG PO PAS THOG MA KHO NAR RTZIG PA DANG SKYE SHING DANG, BRAG DANG KHANG KHYIM LA SOGS PA LA YOD PA'I NAM MKHA' RNAMS KYI MTSAN MA YID LA BYED DO, ,MTSAN MA DE YONGS SU BZUNG NAS BRDA'I 'DU SHES KYI MOS PA'I MTHA' MED PA'I NAM MKHA'I MTSAN MA RNAMS SO SOR RTOG CING GSAL BAR KHONG DU CHUD PAR BYED DO, ,SNGAR MTHA' MED PA'I NAM MKHA'I MTSAN MA YID LA BYAS SHING SBYOR BA BSGOMS PAS, GONG NAS GONG DU GZUGS MED PA'I SNYOMS PAR 'JUG PA DANG PO RAB TU 'DREN PA'I PHYIR, 'DI LA NAM MKHA' MTHA' YAS SKYE MCHED CES BSHAD DO, ,GZHAN YANG CHOS NYID KYIS DANG POR GZUGS KYIS DAG DANG BRAL BA'I NAM MKHA' MTHA' YAS SKYE MCHED CES BYA BAS SO, ,GZHAN YANG CHOS NYID KYIS DANG POR GZUGS KYI SA PA DAG LAS RNAM PAR GROL BA LA NAM MKHA' MTHA' YAS SKYE MCHED CES BYA BAS SO, ,GZHAN YANG RGYU MTHUN PA'I DBANG DU BYAS PA'I PHYIR, TING NGE 'DZIN 'DI LA NAM MKHA' MTHA' YAS SKYE MCHED CES BSHAD DE, 'DI LTAR RNAL 'BYOR PA DE TING NGE 'DZIN 'DI LAS LANGS PA NA GDON MI ZA BAR NAM MKHA' 'DRA BA'I 'DU SHES BSKYED PA MNGON DU 'GYUR TE, JI SKAD DU DGE SLONG TING NGE 'DZIN 'DI LAS LANGS NAS LAG PA GNYIS NAM MKHA' LA BSNYAMS PA DANG GZHAN DAG GIS KHYOD CI ZHIG TSOL ZHES DRIS SO, ,DGE SLONG DES SMRAS PA, BDAG GI RANG GIS RANG GI LUS TSOL LO, ,DES SMRAS PA KHYOD KYI LUS NAGS KHROD NA GNAS NA CI'I PHYIR GZHAN DU RANG GI LUS TSOL BAR BYED CES SMRAS SO ZHES GRAGS TE, DE'I 'PHYIR 'DI LAS LANGS NA NAM MKHA'I 'DU SHES 'BYUNG BAR MNGON NO, ,'DU SHES 'DI NYID NI TING NGE 'DZIN @117A *, ,SNGA MA DE'I RGYU MTHUN PA YIN PAS DE'I PHYIR NAM MKHA' MTHA' YAS SKYE MCHED CES BYA'O ZHES 'BYUNG STE, ZHIB TU DE NYID LAS BSTAN PA BZHIN NO, ,MDZOD KYI BSTAN BCOS LAS NI DON GYIS BSTAN BCOS BYE BRAG TU BSHAD PA CHEN PO LAS BSTAN PA'I RNAM GRANGS DANG PO BSTAN PA DANG MTHUN PAR BSHAD DO, ,BSTAN BCOS YANG DAG PA'I RIGS PA DANG RJES SU MTHUN PA DANG, GZHUNG RAB TU BSTAN PA LAS KYANG DON GYIS BYE BRAG TU BSHAD PA CHEN PO LAS RNAM GRANGS DANG PO GSUM GYIS BSTAN PA DANG MTHUN PAR BSHAD DO, ,DE LA RNAM SHES MTHA' YAS SKYE MCHED CES BYA BA NI; BSTAN BCOS BYE BRAG TU BSHAD PA CHEN PO LAS RNAM GRANGS GNYIS KYIS STON TE, DE'I PHYIR BSTAN BCOS DE NYID LAS SBYOR BA KHO NA'I DBANG GIS RNAM SHES MTHA' YAS SKYE MCHED KYI TING NGE 'DZIN ZHES BYA STE, 'DI LTAR LAS DANG PO PA'I RNAL 'BYOR PA DAG THOG MA KHO NAR YONGS SU DAG PA'I MIG LA SOGS PA'I RNAM PAR SHES PA DRUG GI MTSAN MA YID LA BYED DO, ,MTSAN MA YONGS SU BZUNG NAS BRDA'I 'DU SHES KYI MOS PAS RNAM SHES MTHA' YAS KYI MTSAN MA SO SOR BRTAGS SHING GSAL BAR KHONG DU CHUD NAS SNGAR RNAM SHES MTHA' YAS YID LA BYAS SHING SBYOR BA LA BRTEN NAS GONG NAS GONG DU GZUGS MED PA'I TING NGE 'DZIN GNYIS PA RAB TU 'DREN PA'I PHYIR RNAM SHES MTHA' YAS SKYE MCHED CES BYA'O, ,GZHAN YANG RGYU MTHUN PA'I DBANG DU BYAS PA'I PHYIR TING NGE 'DZIN LA RNAM SHES MTHA' YAS SKYE MCHED CES BSHAD DE, 'DI LTAR RNAL 'BYOR PA DE TING NGE 'DZIN 'DI LAS LANGS PA NA, GDON MI ZA BAR RNAM PAR SHES PA 'DRA BA'I 'DU SHES BSKYED PA MNGON DU 'GYUR TE, RNAM PAR SHES PA LA RAB TU DGA' BAS GNAS PAS DE'I PHYIR RNAM SHES MTHA' YAS SKYE MCHED CES BYA'O ZHES 'BYUNG STE, ZHIB TU DE NYID LAS BSTAN PA BZHIN NO, ,MDZOD KYI BSTAN BCOS LAS NI BSHAD PA'I RNAM GRANGS DANG PO DANG MTHUN PAR BSHAD DO, ,BSTAN BCOS GZHUNG RAB TU BSTAN PA LAS KYANG 'DI DANG MTHUN PAR BSHAD DO, ,DE LA CI YANG MED PA'I SKYE MCHED CES BYA BA NI BSTAN BCOS BYE BRAG TU BSHAD PA CHEN PO LAS RNAM GRANGS LNGAS STON TE, DE'I PHYIR DE NYID LAS 'DI CI'I PHYIR CI @117B YANG MED PA'I SKYE MCHED CES BYA ZHE NA, SMRAS PA, 'DI LA BDAG DANG BDAG GI BA MED PA'I PHYIR RO, ,SA THAMS CAD LA YANG BDAG DANG BDAG GI BA MED PA YIN NA, CI'I PHYIR 'DI 'BA' ZHIG LA CI YANG MED PA ZHES BYA ZHE NA, SMRAS PA, GZHAN GANG LA YANG BDAG TU 'DZIN PA DANG, BDAG GIR 'DZIN PA NYAMS SMAD PA DANG, 'BIGS SHING SRAB PA DANG, MTHU STOBS 'BRI BAR BYED PA SA 'DI LTA BU'I NUS PA MED PA'I PHYIR CI YANG MED PA'I SKYE MCHED CES BYA'O, ,GZHAN YANG SA 'DI LA DE KHO NA RTAG PAR GNAS PA RNAM PAR MI 'GYUR BA'I CHOS MED KYANG RTAG PAR LTA BA NYAMS SMAD PAR BYED PAS GZHAN DAG LAS KHYAD PAR DU 'PHAGS PA'I PHYIR 'DI 'BA' ZHIG LA CI YANG MED PA'I SKYE MCHED CES BYA'O, ,GZHAN YANG 'DI LA GZHOL BA DANG SKYABS SU 'GRO BA'I KHANG KHYIM MED KYANG, MGON SKYABS MED CING NGA RGYAL DANG LE LO DANG BAG MED PA RNAM PAR GNON PAS GZHAN DAG LAS KHYAD PAR DU 'PHAGS PA'I PHYIR 'DI 'BA' ZHIG LA CI YANG MED PA'I SKYE MCHED CES BYA'O, ,GZHAN YANG SA 'DIR RNAM PA'I MTSAN NYID MTHA' MED PA MED CING DANG PO KHO NAR DE'I MTSAN NYID SPANGS PA'I PHYIR, 'DI 'BA' ZHIG LA CI YANG MED PA'I SKYE MCHED CES BYA'O, ,BTZUN PA DBYIG GI BSHES GNYEN NI 'DI SKAD DU, TING NGE 'DZIN 'DI LA YONGS SU 'DZIN PA'I RNAM PA'I MTSAN NYID 'JUG PA MED PA'I PHYIR, JI LTAR BDAG MA YIN PA NI GNAS DANG DUS GANG DU YANG DNGOS PO RJES SU 'BREL PA DANG, GNAS DANG DUS GANG DU YANG BDAG DANG RJES SU 'BREL PA MED PA LTA BU YIN PA'I PHYIR 'DI 'BA' ZHIG LA CI YANG MED PA'I SKYE MCHED CES BYA'O ZHES ZER TE ZHES 'BYUNG STE, ZHIB TU DE NYID LAS BSTAN PA BZHIN NO, ,BSTAN BCOS YANG DAG PA'I RIGS PA DANG RJES SU MTHUN PA LAS NI, MOS PA'I DBANG GIS SBYOR BA THAMS CAD SPANGS PA LAS MNGON PAR GRUB PA GANG YIN PA DE NI CI YANG MED PA'I SKYE MCHED CES BYA'O, ,'DI LTAR RNAM PA TSAD MED PA DAG LA RAGS SHING G-YO BA NYID DU LTA BAS DE LA SKYO ZHING SPANG BA'I CHED DU SBYOR BA 'DI BSKYED PAS DE'I PHYIR GNAS 'DI NI SPANGS PA KHYAD PAR CAN ZHES BYA STE, 'DI YANG RNAM PA'I MTSAN NYID MNGON PAR 'DU BYED PA LA MI MOS @118A *, ,PA DANG, SEMS KYI DMIGS PA RNAMS SPANGS SHING ZHI BA LA GNAS PA'I PHYIR RO ZHES 'BYUNG STE, BSTAN BCOS GZHUNG RAB TU BSTAN PA LAS KYANG 'DI DANG MTHUN PAR BSHAD DO, ,DE LA 'DU SHES MED 'DU SHES MED MIN SKYE MCHED CES BYA BA NI, BSTAN BCOS BYE BRAG TU BSHAD PA CHEN PO LAS RNAM GRANGS GCIG GIS STON TE, DE'I PHYIR DE NYID LAS 'DI LA CI'I PHYIR 'DU SHES MED 'DU SHES MED MIN GYI SKYE MCHED CES BYA ZHE NA, SMRAS PA, 'DI LA GSAL BA'I 'DU SHES MED CING, 'DU SHES MED PA'I MTSAN MA YANG MED PA'I PHYIR, 'DU SHES MED 'DU SHES MED MIN SKYE MCHED CES BYA'O, ,GSAL BA'I 'DU SHES MED PA NI SA BDUN PO DAG LTAR 'DU SHES DANG BCAS PA'I TING NGE 'DZIN MA YIN PA'I PHYIR RO, ,'DU SHES MED PA'I MTSAN MA YANG MED PA NI 'DU SHES PA MED PA DANG 'GOG PA'I SNYOMS PAR 'JUG PA LTA BU MA YIN PA'I PHYIR RO, ,SA 'DI'I 'DU SHES MI GSAL ZHING RTUL BA DANG, ZHEN CING GSAL BA MED PA DANG NGES PA MED PA'I PHYIR, 'DU SHES MED 'DU SHES MED MIN SKYE MCHED CES BYA'O ZHES 'BYUNG STE, MDZOD KYI BSTAN BCOS DANG YANG DAG PA'I RIGS PA DANG RJES SU MTHUN PA DANG, GZHUNG RAB TU BSTAN PA LAS KYANG 'DI DANG MTHUN PAR BSHAD DO, ,GZHAN YANG BSTAN BCOS YANG DAG PA'I RIGS PA DANG RJES SU MTHUN PA LAS GZUGS MED PA BZHI PO 'DI DAG SKYE MCHED CES BYA BA NI SRID PA RNAMS BSKYED PA'I GNAS SU GYUR PA'I PHYIR TE, SKYE MCHED BZHI PO 'DI DAG TU YOD PA DANG MED PA'I SRID PA DAG GIS LAS DANG NYON MONGS PA RNAM PA SNA TSOGS SKYED CING 'PHEL PAR BYED PA'I PHYIR DANG YANG DAG PA MA YIN PAS, DE LA MYA NGAN LAS 'DAS PA NYID DU 'DZIN PA RNAM PAR GZHIG PA'I PHYIR DANG, BCOM LDAN 'DAS KYIS SRID PA SKYED PA'I GNAS ZHES GSUNGS SO ZHES 'BYUNG NGO, ,THEG PA CHEN PO'I GZHUNG DANG SBYAR NA BSTAN BCOS RNAL 'BYOR SPYOD PA'I SA LAS, GZHAN YANG RNAM PA DE THAMS CAD DU GZUGS KYI 'DU SHES LAS YANG DAG PAR 'DAS TE THOGS PA'I 'DU SHES NUB PAR GYUR CING, SNA TSOGS KYI 'DU SHES RNAMS YID LA MI BYED PAS NAM MKHA' MTHA' YAS SO SNYAM NAS, NAM MKHA' MTHA' YAS SKYE MCHED BSGRUBS TE GNAS SO ZHES GSUNGS @118B PA DE LA, DE RNAM PA THAMS CAD DU GZUGS KYI 'DU SHES RNAMS LAS YANG DAG PAR 'DAS TE ZHES BYA BA NI NAM MKHAR MOS PAR BYED PA'I PHYIR KHA DOG SNGON PO DANG, SER PO DANG, DMAR PO DANG, DKAR PO DANG LDAN PA'I 'DU SHES DE DAG MI SNANG BA'I PHYIR DANG, SKYO ZHING 'DOD CHAGS DANG BRAL BA'I PHYIR YANG DAG PAR 'DAS PAS NA, DE'I PHYIR RNAM PA THAMS CAD DU GZUGS KYI 'DU SHES RNAMS LAS YANG DAG PAR 'DAS TE ZHES BYA BA GSUNGS SO, ,THOGS PA'I 'DU SHES NUB PAR GYUR CING ZHES BYA BA NI DE DAG LAS YANG DAG PAR 'DAS SHING MI SNANG BAR GYUR PA'I RGYUS KHA DOG BSAGS PA'I RGYUR GYUR PA'I SGRIB PA'I 'DU SHES RNAM PA DU MA SNA TSOGS MANG PO DAG DANG BRAL BAS NA DE'I PHYIR THOGS PA'I 'DU SHES NUB PAR GYUR CING ZHES BYA BA GSUNGS SO, ,SNA TSOGS GYI 'DU SHES YID LA MI BYED PAS ZHES BYA BAS NI, DE DAG DANG BRAL BA THOGS PA KHYAD PAR CAN RNAM PA SNA TSOGS DE DAG NYID LA 'DI LTA STE, ZAS DANG, SKOM DANG, BZHON PA DANG, GOS DANG RGYAN DANG, NAGS DANG, SKYED MOS TSAL DANG, NAGS TSAL DANG, DMAG DANG, RI LA SOGS PAR NYE BAR 'DOGS PA'I 'DU SHES 'JUG PA GANG YIN PA'I 'DU SHES DE DAG DE RNAMS LA GTAD KYANG, RNAM PA THAMS CAD KYI THAMS CAD DU DE LA 'BYUNG BAR MI 'GYUR BAS NA, DE'I PHYIR SNA TSOGS KYI 'DU SHES RNAMS YID LA MI BYED PAS ZHES BYA BA GSUNGS SO, ,NAM MKHA' MTHA' YAS SO SNYAM NAS ZHES BYA BA NI DES DE LTAR GZUGS DANG THOGS PA DANG SNA TSOGS KYI 'DU SHES DAG RNAM PAR BSHIG NAS, NAM MKHA' MTHA' YAS PA'I RNAM PAS MOS PAR BYED PAS NA, DE'I PHYIR NAM MKHA' MTHA' YAS SO SNYAM NAS ZHES BYA BA GSUNGS SO, ,NAM MKHA' MTHA' YAS SKYE MCHED BSGRUBS TE GNAS SO ZHES BYA BA NI DE NYER BSDOGS LAS YANG DAG PAR 'DAS SHING SBYOR BA MTHAR THUG PA YID LA BYED PAS, GONG MA SBYOR BA MTHAR THUG PA'I 'BRAS BU'I DNGOS GZHI LA SNYOMS PAR 'JUG PAR BYED PAS NA, DE'I PHYIR NAM MKHA' MTHA' YAS SKYE MCHED BSGRUBS TE GNAS SO ZHES BYA BA GSUNGS SO, ,DE SRID DU DNGOS GZHI LA SNYOMS PAR MI 'JUG PA'I BAR DU NI DE NAM MKHA' KHO NA LA DMIGS PAR BYED DO, ,DNGOS @119A *, ,GZHI LA SNYOMS PAR ZHUGS NAS NI NAM MKHA' DE NYID DANG DE LAS GZHAN PA RANG GIS PA'I PHUNG PO RNAMS LA DMIGS PAR BYED DO, ,NYER BSDOGS KYI TSE NA NI SA 'OG MA'I PHUNG PO RNAMS LA YANG DMIGS PAR BYED DO, ,GZHAN YANG DE RNAM PA THAMS CAD DU NAM MKHA' MTHA' YAS SKYE MCHED LAS YANG DAG PAR 'DAS TE, RNAM SHES MTHA' YAS SO SNYAM NAS RNAM SHES MTHA' YAS SKYE MCHED NYE BAR BSGRUBS TE GNAS SO ZHES GSUNGS PA DE LA, DE RNAM PA THAMS CAD DU NAM MKHA' MTHA' YAS SKYE MCHED LAS YANG DAG PAR 'DAS TE, RNAM SHES MTHA' YAS SO SNYAM NAS ZHES BYA BA NI DE RNAM PAR SHES PA GANG GIS NAM MKHA' MTHA' YAS PAR MOS PAR BYED PA, NAM MKHA' LA MTHA' YAS PA'I RNAM PAS MOS PAR BYED PA'I RNAM PAR SHES PA DE NYID KYIS RNAM SHES MTHA' YAS LA SNYOMS PAR 'JUG 'DOD PAS NAM MKHA' MTHA' YAS SKYE MCHED KYI 'DU SHES LAS BZLOG STE, RNAM PAR SHES PA DE NYID LA MTHA' YAS PA'I RNAM PAS MOS PAR BYED CING, NAM MKHA' MTHA' YAS SKYE MCHED KYI DNGOS GZHI NYER BSDOGS DANG BCAS PA LAS YANG DAG PAR 'DAS PAS NA DE'I PHYIR, DE RNAM PA THAMS CAD DU NAM MKHA' MTHA' YAS SKYE MCHED LAS YANG DAG PAR 'DAS TE, RNAM SHES MTHA' YAS SO SNYAM NAS ZHES BYA BA GSUNGS SO, ,RNAM SHES MTHA' YAS SKYE MCHED BSGRUBS TE GNAS SO ZHES BYA BA NI, RNAM SHES MTHA' YAS SKYE MCHED KYI NYER BSDOGS LAS YANG DAG PAR 'DAS SHING, SBYOR BA MTHAR THUG PA'I BAR DU YID LA BYAS PAS, GONG MA SBYOR BA MTHAR THUG PA'I 'BRAS BU'I DNGOS GZHI LA SNYOMS PAR 'JUG PAR BYED NA, DE'I PHYIR RNAM SHES MTHA' YAS SKYE MCHED BSGRUBS TE GNAS SO ZHES GSUNGS TE, GZHAN YANG DE RNAM PA THAMS CAD DU RNAM SHES MTHA' YAS SKYE MCHED LAS YANG DAG PAR 'DAS TE, CI YANG MED DO SNYAM NAS CI YANG MED PA'I SKYE MCHED BSGRUBS TE GNAS SO ZHES GSUNGS PA NI, DE RNAM SHES MTHA' YAS SKYE MCHED LAS BSKYOD CING RNAM PAR SHES PA LAS GZHAN PA'I DMIGS PA CI YANG RUNG BA DANG LDAN PA GZUGS CAN NI GZUGS CAN MA YIN PA YONGS SU TSOL BAR BYED PA NA MA RNYED DE, DES DMIGS PA DE MA RNYED @119B NAS RNAM SHES MTHA' YAS SKYE MCHED KYI DNGOS GZHI NYER BSDOGS DANG BCAS PA LAS YANG DAG PAR 'DAS TE, DMIGS PA GZHAN CI YANG MED DO ZHES MOS PAR BYED CING, DE CI YANG MED PA'I 'DU SHES KHO NA LA MOS PAR 'GYUR TE, DES 'DU SHES LA MOS PA DE LA LA NA MANG DU BYAS PA'I PHYIR, CI YANG MED PA'I SKYE MCHED KYI NYER BSDOGS LAS YANG DAG PAR 'DAS TE, SBYOR BA MTHAR THUG PA'I BAR DU YID LA BYAS PAS SBYOR BA MTHAR THUG PA'I 'BRAS BU'I DNGOS GZHI LA SNYOMS PAR 'JUG PAR BYED PAS NA, DE'I PHYIR RNAM PA THAMS CAD DU RNAM SHES MTHA' YAS SKYE MCHED LAS YANG DAG PAR 'DAS TE, CI YANG MED DO SNYAM NAS CI YANG MED PA'I SKYE MCHED BSGRUBS TE GNAS SO ZHES BYA BA GSUNGS SO, ,GZHAN YANG RNAM PA THAMS CAD DU CI YANG MED PA'I SKYE MCHED LAS YANG DAG PAR 'DAS NAS, 'DU SHES MED 'DU SHES MED MIN SKYE MCHED BSGRUBS TE GNAS SO ZHES GSUNGS PA DE LA, RNAM PA THAMS CAD DU CI YANG MED PA'I SKYE MCHED LAS YANG DAG PAR 'DAS NAS ZHES BYA BA NI, CI YANG MED PA'I SKYE MCHED LAS BSKYOD CING CI YANG MED PA'I SKYE MCHED KYI 'DU SHES LA RAGS PAR 'DU SHES SHING, NYES DMIGS SU 'DU SHES PA'I PHYIR CI YANG MED PA'I SKYE MCHED LAS LDOG PAR BYED PAS NA DE'I PHYIR DE RNAM PA THAMS CAD DU CI YANG MED PA'I SKYE MCHED LAS YANG DAG PAR 'DAS NAS ZHES BYA BA GSUNGS SO, ,'DU SHES MED CES BYA BA NI DE SNGON CI YANG MED PA'I SKYE MCHED LA SNYOMS PAR 'JUG PA'I TSE NA NI, CI YANG GI 'DU SHES LAS YANG DAG PAR 'DAS LA, DA LTAR CI YANG MED PA'I 'DU SHES LAS YANG DAG PAR 'DAS PAS NA, DE'I PHYIR 'DU SHES MED CES BYA BA GSUNGS TE, 'DI LTA STE, CI YANG GI 'DU SHES DANG CI YANG MED PA'I 'DU SHES MED PA LA BYA'O, ,'DU SHES MED MIN ZHES BYA BA NI DE'I 'DU SHES DE 'DI LTA STE, DPER NA 'DU SHES MED PA 'AM, 'GROG PA'I SNYOMS 'JUG PA DAG GI LTAR RNAM PA THAMS CAD KYI THAMS CAD DU 'GAGS PA MA YIN TE, 'DU SHES DE PHRA ZHING DMIGS PA DE LA MTSAN MA MED PAR 'JUG PA KHO NA YIN PAS NA, DE'I PHYIR 'DU SHES MED MIN ZHES BYA BA GSUNGS SO, ,SKYE MCHED BSGRUBS TE GNAS SO ZHES BYA BA NI DE DE LTAR SKYE MCHED @120A *, ,DE LA MOS PAR BYED PA NA, CI YANG MED PA'I SKYE MCHED KYI DNGOS GZHI NYER BSDOGS DANG BCAS PA LAS YANG DAG PAR 'DAS SHING 'DU SHES MED 'DU SHES MED MIN GYI SKYE MCHED KYI NYER BSDOGS DANG BCAS PA SBYOR BA MTHAR THUG PA'I BAR DU YID LA BYAS LAS SBYOR BA MTHAR THUG PA'I 'BRAS BU'I DNGOS GZHI LA SNYOMS PAR 'JUG PAR BYED PAS NA, DE'I PHYIR RNAM PA THAMS CAD DU CI YANG MED PA'I SKYE MCHED LAS YANG DAG PAR 'DAS NAS 'DU SHES MED 'DU SHES MED MIN SKYE MCHED BSGRUBS TE GNAS SO ZHES BYA BA GSUNGS SO ZHES 'BYUNG STE, RGYA CHER RNAM PAR 'BYED PA NI BSTAN BCOS RNAM PAR BSHAD PA LAS BSTAN PA BZHIN DU RIG PAR BYA'O, ,DE LA NGO BO NYID BSTAN PA YANG THAMS CAD YOD PAR SMRA BA'I GZHUNG GIS NI, BSTAN BCOS YANG DAG PA'I RIGS PA DANG RJES SU MTHUN PA LAS BSTAN PA BZHIN DU GZUGS MED PA BZHI'I NGO BO NYID NI MDOR BSDU NA DGE BA'I NGO BO NYID KYIS BSDUS SHING SEMS RTZE GCIG PA'I NGO BO NYID DO, ,DE YANG GROGS LAS NI GZUGS KYI PHUNG PO MA GTOGS TE, GZUGS MED PA LA RJES SU 'JUG PA'I GZUGS MED PA'I PHUNG PO BZHI'I NGO BO NYID DO ZHES BSHAD DO, ,BSTAN BCOS BYE BRAG TU BSHAD PA CHEN PO LAS NI RNAM PA GNYIS YOD DO ZHES BSHAD DE, 'DI LTA STE, TING NGE 'DZIN DANG SKYES NAS THOB PA'O, ,DE LA TING NGE 'DZIN NI 'DI LTA STE, GZUGS MED PA'I SNYOMS PAR 'JUG PA'O, ,SKYES NAS THOB PA NI GZUGS MED PA'I KHAMS SU SKYES PA'O ZHES BSHAD DE, DER SKYES PA GANG YIN PA DE NI MA BSGRIBS LA LUNG DU MA BSTAN PA'I TSOR BA DANG, 'DU SHES DANG, 'DU BYED DANG, RNAM PAR SHES PA'O ZHES 'BYUNG STE, TSIG 'DIS NI PHUNG PO BZHI PO DE DAG GI RNAM PAR SMIN PA'I NGO BO NYID DO ZHES BSTAN TO, ,GZHAN YANG BSTAN BCOS BYE BRAG TU BSHAD PA CHEN PO LAS, GZUGS MED PA BZHI PO DAG GI NGO BO NYID NI RNAM PA GNYIS YOD DE, BSGOMS NAS THONG PA DANG, SKYES NAS THOB PA'O, ,BSGOMS NAS THOB BA NI SA DE NYID KYIS BSDUS PA SEMS RTZE GCIG PA'I NGO BO NYID DO, ,GROGS DANG BCAS PA NI PHUNG PO BZHI'I NGO BO NYID DO, ,SKYES NAS THOB PA NI SA DE NYID DANG LDAN PA GZHAN PHUNG PO BZHI PO DAG GI NGO BO NYID DO ZHES 'BYUNG NGO, ,THEG PA CHEN PO'I @120B GZHUNG GIS NGO BO NYID BSTAN PA NI THAMS CAD YOD PAR SMRA BA DAG DANG MTHUN TE, DE LA BYE BRAG YOD PA NI GZUGS KYI PHUNG PO YANG YOD TING NGE 'DZIN GYI SPYOD YUL GYI GZUGS NI GZUGS MED PAR YANG GTOGS PA'I PHYIR RO ZHES BSHAD DO, ,YANG RNAM PA BZHI YOD DE 'DI LTA STE, BYAMS PA DANG, SNYING RJE DANG, DGA' BA DANG, BTANG SNYOMS TSAD MED PA BZHI PO RE RE LA YANG, ZHI GNAS RNAM PA RE RE YOD PA'I PHYIR RO ZHES BYA BA NI GSUM PA ZHI GNAS RNAM PA BZHI BSTAN PA STE, TSAD MED PA BZHI DANG MTSUNGS PAR LDAN PA'I TING NGE 'DZIN GYI PHYIR RO, ,TSAD MED PA BZHI PO DE DAG KYANG MDOR BSDU NA SGO RNAM PA GNYIS KYIS DBYE BAR BYA STE, NGES PA'I TSIG BSTAN PA DANG, NGO BO NYID BSTAN PA'O, ,NGES PA'I TSIG BSTAN PA YANG RNAM PA GNYIS TE, SPYI DANG BYE BRAG GO, ,DE LA TSAD MED PA ZHES BYA BA NI SPYI'I MING STE, THAMS CAD YOD PAR SMRA BA'I GZHUNG GIS NI BSTAN BCOS BYE BRAG TU BSHAD PA CHEN PO LAS BSTAN PA BZHIN DU RNAM GRANGS RNAM PA BZHIS STON TE, DE'I PHYIR BSTAN BCOS DE NYID LAS, DE'I PHYIR TSAD MED PA ZHES BYA BA'I DON CI YIN ZHE NA, SMRAS PA, SEMS CAN LA KHYAB PAR DMIGS SHING, SPROS PA'I NYON MONGS PA TSAD MED PA'I GNYEN POR GYUR PA'I PHYIR TSAD MED PA ZHES BYA'O, ,SPROS PA YANG RNAM PA GNYIS TE, LTA BA'I NYON MONGS PA DANG SRID PA'I NYON MONGS PA STE, DE'I PHYIR SPROS PA'I NYON MONGS PA ZHES BYA'O, ,GZHAN YANG SEMS CAN LA KHYAB PAR DMIGS SHING, BAG MED PA'I NYON MONGS PA TSAD MED PA'I GNYEN POR GYUR PA'I PHYIR TSAD MED PA ZHES BYA'O, ,'DOD PA'I KHAMS KYI NYON MONGS PA NI BAG MED PA'I NYON MONGS PA ZHES BYA'O, ,GZHAN YANG RNAM PA BZHI PO 'DI DAG NI 'PHAGS PA RNAMS KYIS RGYA CHER BGROD PA'I GNAS SU GYUR PA'I PHYIR TSAD MED PA ZHES BYA'O, ,GZHAN YANG RNAM PA BZHI PO 'DI DAG NI SEMS CAN TSAD MED PA LA DMIGS PA YUL DU GYUR PA'I PHYIR DANG, BSOD NAMS TSAD MED PA SKYED PA'I PHYIR DANG 'BRAS BU TSAD MED PA RAB TU 'DREN PA'I PHYIR TSAD MED PA'O ZHES 'BYUNG STE, MDZOD KYI BSTAN BCOS DANG YANG DAG PA'I RIGS PA DANG RJES SU MTHUN PA LAS NI, BYE BRAG TU BSHAD PA CHEN PO LAS BSTAN PA'I RNAM GRANGS BZHI PA DANG MTHUN PAR 'BYUNG NGO, ,THEG PA @121A *, ,CHEN PO'I GZHUNG GIS NI BSTAN BCOS RNAM PAR BSHAD PA LAS BSTAN PA BZHIN DU, DON RNAM PA GSUM GYIS TSAD MED PA ZHES STON TE, YANGS PA DANG CHE BA DANG TSAD MED PA'O, ,DE LA YANGS PA NI MTHONG BA'I SPYOD YUL YID LA BYED PA'I PHYIR RO, ,CHE BA NI THOS PA'I SPYOD YUL YID LA BYED PA'I PHYIR RO, ,TSAD MED PA NI BYE BRAG PHYED PA DANG RNAM PAR SHES PA YID LA BYED PA'I PHYIR RO, ,'DI LTAR DON RNAM PA GSUM PO DE DAG GIS PHYOGS GCIG LA KHYAB PAR DMIGS PA NAS, DE BZHIN DU PHYOGS BCU'I BAR GYI SNOD KYI 'JIG RTEN DANG SEMS CAN GYI 'JIG RTEN MTHA' MED PA DAG LA DMIGS PA'I PHYIR TSAD MED PA ZHES BYA'O ZHES STON TO, ,DE LA BYE BRAG GI MING NI BYAMS PA DANG, SNYING RJE DANG, DGA' BA DANG, BTANG SNYOMS ZHES BYA BA NYID DE, THAMS CAD YOD PAR SMRA BA'I GZHUNG GIS NI MDZOD KYI BSTAN BCOS LAS BSTAN PA BZHIN DU BYAMS PA NI BDE BA SBYIN PA'O, SNYING RJE NI SDUG BSNGAL LAS 'DREN PA'O, ,DGA' BA NI MOS SHING MA GU BA'O, ,BTANG SNYOMS NI MNYAM PA NYID DO ZHES BSHAD DO, ,BSTAN BCOS BYE BRAG TU BSHAD PA CHEN PO LAS NI PHAN GDAGS PA GANG YIN PA DE NI BYAMS PA'I MTSAN NYID DO, ,GNOD PA RAB TU SEL BA GANG YIN PA DE NI SNYING RJE'I MTSAN NYID DO, ,RAB TU DGA' ZHING BTANG SNYOMS THOB PA GANG YIN PA DE NI DGA' BA'I MTSAN NYID DO, ,BRJED NGAS PA 'JIG CING MNYAM PA NYID DU GYUR PA NI BTANG SNYOMS KYI MTSAN NYID DO ZHES BSHAD DO, ,THEG PA CHEN PO'I GZHUNG GIS NI BSTAN BCOS RNAM PAR BSHAD PA LAS BSTAN PA BZHIN DU BYAMS PA TSAD MED PA NI 'DI LTA STE, BYAMS PA'I SEMS DANG BCAS PA GANG YIN PA'O, ,BYAMS PA'I SEMS DANG BCAS PAR GYUR PA NI SEMS CAN SDUG BSNGAL MED PA DANG, BDE BA MED PA DAG LA BDE BA'I YO BYAD SBYIN PAR 'DOD CING, YID KYIS MOS PA'I SEMS DANG MTSUNGS PAR LDAN PA'I PHYIR RO, ,SNYING RJE TSAD MED PA NI 'DI LTA STE, SNYING RJE DANG BCAS PA'I SEMS GANG YIN PA'O, ,SNYING RJE DANG BCAS PA'I SEMS NI SEMS CAN SDUG BSNGAL BA DAG LA SDUG BSNGAL GYI RGYU LAS 'DRON PAR 'DOD CING YID KYIS MOS PA'I SEMS DANG MTSUNGS PAR LDAN PA'I PHYIR RO, ,DGA' BA TSED MED @121B PA NI 'DI LTA STE, ,DGA' BA DANG BCAS PA'I SEMS GANG YIN PA'O, ,DGA' BA DANG BCAS PA'I SEMS NI 'DI LTA STE, SEMS CAN GANG DAG BDE BA DANG LDAN PA DAG LA DE'I DGA' BA'I RJES SU YI RANG ZHING YID KYIS MOS PA'I SEMS DANG MTSUNGS PAR LDAN PA'I PHYIR RO, ,BTANG SNYOMS TSAD MED PA NI 'DI LTA STE, BTANG SNYOMS DANG BCAS PA'I SEMS GANG YIN PA'O, ,BTANG SNYOMS DANG BCAS PA'I SEMS GANG YIN PA DE NI, CHAGS PA MED PAR 'DUN CING YID KYIS MOS PA'I SEMS DANG MTSUNGS PAR LDAN PA'I PHYIR RO ZHES BSHAD DO, ,DE LA NGO BO NYID BSTAN PA YANG THAMS CAD YOD PAR SMRA BA'I GZHUNG GIS NI, BSTAN BCOS BYE BRAG TU BSHAD PA CHEN PO LAS BSTAN PA BZHIN DU BYAMS PA DANG SNYING RJE TSAD MED PA LA BSHAD PA RNAM PA GNYIS SU BSTAN TE, DE'I PHYIR BSTAN BCOS DE NYID LAS KHA CIG NA RE BYAMS PA DANG SNYING RJE GNYI GA YANG ZHE SDANG MED PA'I DGE BA'I RTZA BA'I NGO BO NYID DE, ZHE SDANG GI GNYEN POR GYUR PA'I PHYIR RO, ,MTSUNGS PAR LDAN PA'I RJES SU 'JUG PA NYID KYANG BZUNG NA NI, 'DOD PA'I KHAMS NA NI PHUNG PO BZHI'O, ,GZUGS KYI KHAMS NA NI PHUNG PO LNGA'O, ,DE LA BYE BRAG YOD PA YANG BYAMS PA NI SROG GCOD PA'I ZHE SDANG GI GNYEN PO'O, ,SNYING RJE NI RDEG PA LA SOGS PA'I ZHE SDANG GI GNYEN PO'O ZHE'O, ,KHA CIG NI 'DI SKAD DU BYAMS PA NI ZHE SDANG MED PA'I DGE BA'I RTZA BA'I NGO BO NYID DO, ,SNYING RJE NI RNAM PAR MI 'TSE BA'I DGE BA'I RTZA BA'I NGO BO NYID DO, ,RNAM PAR 'TSE BA'I GNYEN POR GYUR PA'I PHYIR RO ZHE'O, ,DGA' BA TSAD MED PA'I NGO BO NYID LA YANG BSHAD PA NI RNAM PA BZHI YOD DE, LA CIG NA RE DGA' BA NI DGA' BA'I DBANG PO'I NGO BO NYID DE, PHUNG PO BZHI DANG, PHUNG PO LNGA ZHES BYA BA YANG GONG MA BZHIN DU RIG PAR BYA'O, ,GAL TE DGA' BA TSAD MED PA DGA' BA'I DBANG PO'I NGO BO NYID YIN NA, BSTAN BCOS RNAM PA'I GNAS BSTAN PA LAS BSHAD PA DE JI LTAR 'THAD DE, JI SKAD DU DGA' BA TSAD MED PA GANG ZHE NA, 'DI LTA STE DGA' BA DANG DGA' BA DANG MTSUNGS PAR LDAN PA'I TSOR BA DANG, 'DU SHES DANG, 'DU BYED DANG, RNAM PAR SHES PA DANG, DES BSLANG BA'I LUS DANG NGAG GI LAS GNYIS DANG, DES BSLANG BA'I SEMS DANG MTSUNGS PAR LDAN PA'I 'DU BYED RNAMS NI DGA' BA @122A *, ,ZHES BYA'O ZHES BSHAD PA LTA BU STE, 'DI DGA' BA'I TSOR BA TSOR BA DANG MTSUNGS PAR LDAN PA YANG YOD DAM ZHE NA, SMRAS PA, TSIG 'DI NI 'DI SKAD DU DGA' BA DANG DGA' BA DANG MTSUNGS PAR LDAN PA'I 'DU SHES DANG, 'DU BYED DANG RNAM PAR SHES PA ZHES BRJOD PA'I RIGS KYI TSOR BA ZHES BRJOD PA'I MI RIGS TE, DE NI 'DON PA DAG GIS NOR TO, ,GZHAN YANG BSTAN BCOS DE LAS SPYIR PHUNG PO LNGA LA DGA' BA TSAD MED PA'I NGO BO NYID DU BSTAN PAS, DGA' BA'I TSOR BA TSOR BA DANG MTSUNGS PAR MI LDAN YANG, GZHAN YANG SEMS DANG, SEMS LAS BYUNG BA'I CHOS RNAMS TSOR BA DANG MTSUNGS PAR LDAN PA'I PHYIR DE SKAD DU BSHAD KYANG 'GAL BA MED DO ZHE'O, ,SLOB DPON KHA CIG NI 'DI SKAD DU DGA' BA TSAD MED PA 'DI NI MOS PA'I NGO BO NYID DE, MOS PA'I TSOR BA MA YIN YANG SEMS LAS BYUNG BA GZHAN ZHIG SEMS DANG MTSUNGS PAR LDAN NO ZHES ZER TE, LA LA NI DGA' BA'I DBANG PO DANG MTSUNGS PAR BSHAD LA, LA LA NI DGA' BA'I DBANG PO'I 'OG TU SKYE'O ZHES BSHAD PAS DE SKAD DU BSHAD PA DAG DANG SBYAR NA, DGA' BA'I TSOR BA DANG MTSUNGS PAR LDAN NA YANG 'GAL BA MED DO, ,BTANG SNYOMS NI MA CHAGS PA'I DGE BA'I RTZA BA'I NGO BO NYID DE, PHUNG PO BZHI DANG PHUNG PO LNGA ZHES BYA BA YANG GONG MA BZHIN DU SBYAR BAR RIG PAR BYA'O ZHES 'BYUNG NGO, ,MDZOD KYI BSTAN BCOS LAS NI RNAM PA BZHI LAS, DANG PO GNYIS KYIS BDAG NYID ZHES DANG MED PA YANG, YANG DAG PA'I DON DU NI SNYING RJE NI RNAM PAR MI 'TSE BA YIN PAR BRJOD PAR BYA'O, , DGA' BA NI TSOR BA'O, ,BTANG SNYOMS NI MA CHAGS PA'O, ,'KHOR NI PHUNG PO LNGA'O ZHES 'BYUNG NGO, ,BSTAN BCOS YANG DAG PA'I RIGS PA DANG RJES SU MTHUN PA LAS KYANG TSAD MED PA GSUM NI, MDZOD KYI BSTAN BCOS LAS BSTAN PA DAG DANG MTHUN PAR BSHAD DO, ,DGA' BA NI BYED BRAG TU BSHAD PA CHEN PO LAS BSTAN PA'I SLOB DPON KHA CIG GIS BSHAD PA DANG MTHUN PAR MOS PA'I NGO BO NYID DO, ,YANG NA MA CHAGS PA'I NGO BO NYID DO ZHES BSTAN TO, ,DRIS LAN DAG GIS RNAM PAR DBYE BA NI BSTAN BCOS BYE BRAG TU BSHAD PA CHEN PO LAS, JI SKAD DU BSTAN PA BZHIN DU RIG PAR BYA STE, @122B DE'I PHYIR BSTAN BCOS DE NYID LAS DON GANG LAS DGONGS PA'I PHYIR, MDO DAG LAS, TSAD MED PA BZHI BSGOMS PA YANG BYAMS PA'I MTHA' NI DGE RGYAS KYI BAR DU'O, ,SNYING RJE'I MTHA' NI NAM MKHA' MTHA' YAS SKYE MCHED KYI BAR DU'O, ,DGA' BA NI RNAM SHES MTHA' YAS SKYE MCHED KYI BAR DU'O, ,BTANG SNYOMS NI CI YANG MED PA'I SKYE MCHED KYI BAR DU'O ZHES GSUNGS, JI LTAR NA GZUGS KYI KHAMS KYI CHOS KYIS GZUGS MED PA 'BRAS BU 'DREN PAR BYED, GZHAN YANG BSAM GTAN BZHI PO DAG LA SNYING RJE MED PA NI GANG YANG MED NA CI'I PHYIR BYAMS PA BSGOMS PA'I MTHA' NI DGE RGYAS KHO NA YIN ZHE NA, GZHAN KHA CIG NI MDO'I TSIG 'DI BYAMS PA'I GTZO BOS MKHYEN PA YIN NO SNYAM DU BSAMS NAS DON 'DI 'CHAD PA YANG YOD DO, ,TSE DANG LDAN PA K'A TY'A YA NA'I BUS SNGON DON 'DI SHAR MA TAR TA LA DRIS PA DANG, BTZUN PA DES KYANG BSAMS BZHIN DU RAB TU ZHI BA'I TING NGE 'DZIN LA ZHUGS TE, PHYI DE NYIN PAR BSHAD PAR BYAS PA LAS DE'I TSE K'A TY'A YA NA'I BU YANG RAB TU ZHI BA'I TING NGE 'DZIN LA SNYOMS PAR ZHUGS PAS MA PHRAD PAR GNYIS YANG MYA NGAN LAS 'DAS BAS NA, DE'I PHYIR DENG SANG GI BAR DU GANG GIS KYANG BSHAD PAR MI NUS SO ZHES GRAG GO ZHE'O, ,BYE BRAG TU SMRA BA DAG NI 'DI SKAD DU MDO 'DI NI 'DRA BA TZAM GYI DBANG DU MDZAD NAS GSUNGS PA YIN PAR RIG PAR BYA STE, 'DI LTAR BDE BA'I TSOR BA'I CHOS NI BYAMS PA DANG 'DRA BA YIN TE, BYAMS PA NI BDE BA SBYIN PA LTA BU'I RNAM PAR 'JUG PA'I PHYIR DANG, BDE BA NI DGE RGYAS KYI BAR DU PHYIN PA YIN PAS SA GONG MA DAG LA MED PA'I PHYIR, BYAMS PA BSGOMS PA'I MTHA' NI DGE RGYAS YIN NO ZHES GSUNGS PA YIN NO, ,SDUG BSNGAL GYI CHOS DANG MA BRAL BA GANG YIN PA DE NI SNYING RJE DANG 'DRA BA YIN TE, SNYING RJE NI SDUG BSNGAL LAS 'DREN PA LTA BU'I RNAM PAR 'JUG PA'I PHYIR DANG, GZUGS CAN GYI LUS NI SDUG BSNGAL RAGS PA SBYOD PA'I RGYU BYED PAS, LUS DANG BCAS PA GANG YIN PA DE DAG LA NI MGO GCAD PA LA SOGS PA YOD PA'I PHYIR DANG, NAM MKHA' MTHA' YAS SKYE MCHED KYI NYER BSDOGS NI LUS GZUGS CAN DAG LA YONGS SU SKYO BA YIN PA'I PHYIR, SNYING RJE BSGOMS PA'I MTHA' NI NAM MKHA' MTHA' @123A *, ,YAS SKYE MCHED KYI BAR DU'O ZHES GSUNGS PA YIN NO, ,SHIN TU SBYANGS PA'I BDE BA'I CHOS NI DGA' BA DANG 'DRA BA YIN TE, DGA' BA NI BDE BA'I RNAM PA 'BYED PA LTA BUR 'JUG PA'I PHYIR DANG, RNAM SHES MTHA' YAS SKYE MCHED KYI SHIN TU SBYANGS PA'I BDE BA 'PHEL BA GANG YIN PA DE NI RANG GI RNAM PAR SHES PA MTHA' MED PA LA DMIGS PA'I SGOR GYUR PA'I PHYIR DANG, MTHA' MED PA'I RNAM PAR SHES PA'I MTSAN NYID SHIN TU 'PHEL BA DANG BDE BAR GYUR PA'I PHYIR DGA' BA BSGOMS PA'I MTHA' NI RNAM SHES MTHA' YAS SKYE MCHED KYI BAR DU'O ZHES GSUNGS PA YIN NO, ,YONGS SU SPANGS PA'I CHOS GANG YIN PA DE NI BTANG SNYOMS DANG 'DRA BA YIN TE, BTANG SNYOMS NI YONGS SU SPANGS PA LTA BU'I RNAM PA 'JUG PA'I PHYIR DANG, CI YANG MED PA'I SKYEM CHED NI NYER BSDOGS KYI DBANG GIS MTHA' MED PA SPONG BA'I RNAM PA YONGS SU RDZOGS PA'I PHYIR, BTANG SNYOMS BSGOMS PA'I MTHA' NI CI YANG MED PA'I SKYE MCHED KYI BAR DU'O ZHES GSUNGS PA YIN NO ZHES BYA BA NAS, RNAM GRANGS RNAM PA GSUM GYIS RGYA CHER BSHAD PA'I BAR DU 'BYUNG BA YIN NO, ,MDO SDE DAG NI TSAD MED PA BZHI PO DAG NI THAMS CAD KYANG SHES RAB KYI NGO BO NYID DO ZHES RNAM PAR 'JOG STE, DE'I PHYIR BSTAN BCOS DE KHO NA NYID GRUB PA LAS, CI GSUM PO 'DI DAG KYANG BYAMS PA YIN NAM, SMRAS PA, BYAMS PA'I SEMS KYI KHYAD PAR RNAM PA GSUM NYID YIN TE, 'DI LTAR SEMS MNYAM PA NYID KYIS MDZA' BA SHES DANG DGRA BO'I SEMS SPANGS NAS, SEMS CAN THAMS CAD LA BYAMS PA'I SEMS MNYAM PAR 'JOG GO, , SNYING RJE DANG DGA' BA YANG DE BZHIN TE, DE'I PHYIR NGAS SNGAR BYAMS PA'I SEMS SKYES PA'I BYE BRAG GIS SNYING RJE DANG DGA' BA LA SOGS PA TSAD MED PA BZHI PO DAG NI SHES RAB KYI NGO BO NYID DO ZHES BSTAN PA YIN NO ZHES 'BYUNG NGO, ,'DIR THEG PA CHEN PO'I BSTAN PA DANG SBYAR NA, SO SO NAS BSHAD PA MI MTHUN TE, BSTAN BCOS MNGON PA SNA TSOGS KUN LAS BTUS PA LAS NI, TSAD MED PA RNAM PA BZHI PO DE DAG KUN KYANG TING NGE 'DZIN DANG SHES RAB DANG, DE DAG DANG MTSUNGS PAR LDAN PA'I SEMS DANG SEMS LAS BYUNG BA'I CHOS KYI NGO BO NYID DO ZHES BSHAD DO, ,BSTAN BCOS RNAM PAR BSHAD PA LAS, @123B BYAMS PA NI ZHE SDANG MED PA'I DGE BA'I RTZA BA'I BDAG NYID DO, ,SNYING RJE NI RNAM PAR MI 'TSE BA'I DGE BA'I RTZA BA'I BDAG NYID DO, ,DGA' BA NI PHRAG DOG MED PA'I DGE BA'I RTZA BA'I BDAG NYID DO, ,BTANG SNYOMS NI MA CHAGS PA DANG ZHES DANG MED PA'I DGE BA'I RTZA BA'I BDAG NYID DE, THAMS CAD KYANG SEMS CAN LA SNYING BRTZE BA'I CHOS CAN YIN PA'I PHYIR RO, ,RNAM PA BZHI PO DE DAG LAS BYAMS PA NI ZHE SDANG MED PA KHO NA'O, ,DE'I 'OG MA TSAD MED PA GNYIS NI ZHES DANG MED PA'I PHYOGS GCIG GO, ,BTANG SNYOMS NI MA CHAGS PA DANG ZHE SDANG MED PA'I PHYOGS GCIG GOM ,GZHAN YANG DE DAG DANG MTSUNGS PAR LDAN PA'I TING NGE 'DZIN DANG, SEMS DANG SEMS LAS BYUNG BA'I CHOS RNAMS DANG DE DAG GI 'KHOR DANG BCAS PA GANG YIN PA DE DAG KYANG TSAD MED PA BZHI'I BDAG NYID YIN NO ZHES 'BYUNG NGO, RGYA CHER RNAM PAR 'BYED PA NI MTSAN NYID BSTAN PA DAG LAS 'BYUNG BA BZHIN DU RIG PAR BYA'O, , LE'U 'DI LAS SNGAR GONG DU NI ZHI GNAS SNGAR BSTAN LA LHAG MTHONG NI PHYIS BSTAN NA CI'I PHYIR SGO GONG MA 'DI GNYIS LAS SDAR LHAG MTHONG BSTAN LA, ZHI GNAS NI PHYIS BSTAN ZHE NA, SMRAS PA, GO RIMS LA RNAM PA GNYIS YOD PAS, DANG PO NI RNAL 'BYOR BSGOM PA'I GO RIMS TE, SNGAR ZHI GNAS BSTAN LA LHAG MTHONG PHYIS BSTAN PA'O, ,GNYIS PA NI THA SNYAD KYI GO RIMS TE, DON NGES PA MED PAS DE'I PHYIR 'DIR NI THA SNYAD KYI DBANG DU MDZAD NAS BSTAN PA'O, ,RNAM GRANGS GZHAN DU NA RNAL 'BYOR BSGOM PA LA DON RNAM PA GNYIS YOD PAS, DANG PO NI ZHI GNAS LA BRTEN NAS LHAG MTHONG SKYE'O, ,GNYIS PA NI LHAG MTHONG GI DBANG GIS ZHI GNAS RAB TU 'DREN PA STE, DE'I PHYIR BSTAN BCOS RNAL 'BYOR SPYOD PA'I SA LAS ZHI GNAS KYIS RTEN BYAS PA'I PHYIR NI LHAG MTHONG MYUR DU RNAM PAR DAG PAR 'GYUR LA, LHAG MTHONG GIS RTEN BYAS PA'I PHYIR NI ZHI GNAS 'PHEL ZHING RGYAS PAR 'GYUR RO ZHES 'BYUNG BAS, DON DE'I PHYIR PHAN TSUN 'GAL BA MED DO,, ,,BAM PO SUM CU DGU PA, BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS KYIS JI SKAD DU CHOS LA GNAS PA'I ZHI GNAS DANG LHAG MTHONG ZHES KYANG GSUNGS, @124A *, ,GZHAN YANG CHOS LA MI GNAS PA'I ZHI GNAS DANG LHAG MTHONG ZHES KYANG GSUNGS NA ZHES BYA BA 'DI MAN CHAD NI, DGU PA CHOS LA BRTEN PA DANG MI BRTEN PA'I ZHI GNAS DANG LHAG MTHONG BSTAN PA'I SGO ZHES BYA BA STON TO, ,'DI YANG RNAM PA GSUM DU DBYE STE, CHOS LA GNAS PA DANG MI GNAS PA BSTAN PA'I SGO DANG 'DRES PA DANG MA 'DRES PA'I CHOS LA DMIGS PA'I BSTAN PA'I SGO DANG, 'DRES PA'I CHOS LA DMIGS PA'I BYE BRAG BSTAN PA'I SGO'O, ,'DI NI DANG PO STE, 'DI YANG RNAM PA GNYIS SU DBYE BAS ZHU BA GSOL BA DANG LAN DU GSUNGS PA'O, ,ZHU BA GSOL BA YANG RNAM PA GNYIS SU DBYE STE, BRTEN PA'I MTSAN NYID SMOS PA DANG BSTAN PA NYID LA BRTEN NAS ZHU BA GSOL BA STE, 'DI NI DANG PO'O, ,JI LTAR NA CHOS LA GNAS PA'I ZHI GNAS DANG LHAG MTHONG ZHES BGYI LAGS, JI LTAR NA CHOS LA MI GNAS PA'I ZHI GNAS DANG LHAG MTHONG ZHES BGYI LAGS ZHES BYA BA NI GNYIS PA BSTAN PA NYID LA BRTEN NAS ZHU BA GSOL BA STE, ZHU PA GSOL BA LA DGONGS PA RNAM PA GNYIS YOD PA NI MDO NYID KYIS BRDA PHRAD PAR ZAD DO, ,BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL PA, RIGS KYI BU BYANG CHUB SEMS DPA' GANG GIS SNGAR YONGS SU BZUNG BA DANG, BSAMS PA'I CHOS KYI MTSAN MA'I DON DAG LA ZHI GNAS DANG LHAG MTHONG THOB PA GANG YIN PA DE NI CHOS LA GNAS PA'I ZHI GNAS DANG LHAG MTHONG ZHES BYA'O ZHES BYA BA 'DI MAN CHAD NI GNYIS PA DE BZHIN GSHEGS PAS LAN DU YANG DAG PAR GSUNGS PA STON TO, ,'DI YANG RNAM PA GNYIS SU DBYE STE, ZHUS PA BZHIN DU YANG DAG PAR BSHAD PA DANG, CHOS LA BRTEN NAS ZHES BYA BA MAN CHAD KYIS DANG, DAD PA LA BRTZAMS NAS CHOS LA GNAS PA DANG MI GNAS PA BSTAN PA'O, ,DANG PO YANG RNAM PA GNYIS TE, CHOS LA GNAS PA BSTAN PA DANG, CHOS LA MI GNAS PA BSTAN PA'O, ,'DI NI CHOS LA GNAS PA BSTAN PA STE, 'DI LTAR BYANG CHUB SEMS DPA' RNAMS SDAR THOS PA'I SHES RAB KYIS YONGS SU BZUNG BA DANG, BSAMS PA'I SHES RAB KYIS BSAMS PA'I CHOS GSUNG RAB YAN LAG BCU GNYIS PO DAG GI DON LA ZHI GNAS DANG LHAG MTHONG THOB PA GANG YIN PA DE NYID LA CHOS LA GNAS PA'I ZHI GNAS @124B DANG LHAG MTHONG ZHES BSHAD PA'O, ,BYANG CHUB SEMS DPA' GANG GIS YONGS SU BZUNG BA DANG, BSAMS PA'I CHOS KYI MTSAN MA LA MI LTOS PAR GZHAN GYI GDAMS NGAG DANG RJES SU BSTAN PA LA BRTEN NAS, DE DAG GI DON LA ZHI GNAS DANG LHAG MTHONG THOB PA GANG YIN PA'O ZHES BYA BA LA SOGS PAS NI GNYIS PA CHOS LA MI GNAS PA STON TO, ,'DI YANG RNAM PA GSUM DU DBYE STE, MDOR BSTAN PA DANG, RGYA CHER RNAM PAR BSHAD PA DANG SPYI'I MJUG BSDU BA'O, ,'DI NI DANG PO MDOR BSTAN PA STE, 'DI LTAR BYANG CHUB SEMS DPA' RNAMS DANG BZHIN BRTUL BA'I PHYIR YONGS SU BZUNG BA DANG BSAMS PA'I CHOS KYI DON LA MI LTOS PAR, GZHAN GYIS BSTAN PA'I DBANG GIS DE DAG GI DON LA ZHI GNAS DANG LHAG MTHONG THOB PA GANG YIN PA'O, ,'DI LTA STE, RNAM PAR BSDOS PA 'AM, RNAM PAR RNAGS PA LA SOGS PA LA SO SOR RTOG PA 'AM, 'DU BYED THAMS CAD KYI MI RTAG PA ZHES BYA BA 'AM, 'DU BYED RNAMS SDUG BSNGAL ZHES BYA BA 'AM, CHOS THAMS CAD LA BDAG MED PA ZHES BYA BA 'AM, MYA NGAN LAS 'DAS PA NI GTAN DU ZHI BA ZHES BYA BA NI GNYIS PA RGYA CHER BSHAD PA STE, RJES SU BSTAN PA'I MTHUS DMIGS PA YONGS SU DAG PA RNAM PA LNGA PO DAG LAS MI GTZANG BA NYID DU BSGOM PA LA SO SOR RTOG PA 'DI LTA STE, RNAM PAR BSNGOS PA DANG RNAM PAR RANGS PA LA SOGS PA'O, ,STZOGS PA ZHES BYA BAS NI BYAMS PA BSGOM PA'I YUL NAS DE BZHIN DU BYE BRAG GI MTSAN NYID DRAN PA NYE BAR GZHAG PA'I DMIGS PA'I YUL RNAMS BSDU BA'O, ,'DU BYED THAMS CAD NI MI RTAG PA ZHES BYA BA NAS BDAG MED PA ZHES BYA BA'I BAR GYIS NI SPYI'I MTSAN NYID KYI DRAN PA NYER BAR GZHAG PA BSTAN TO, ,GONG DU BSTAN PA'I RNAL 'BYOR DE DAG NI DRAN PA NYE BAR GZHAG PA DMIGS PA'I YUL LAS MI RTAG PA NAS BDAG MED PA LA SOGS PAR SO SOR RTOG PA GANG YIN PA DE DAG NI SPYI'I MTSAN NYID KYI DRAN PA NYI BAR GZHAG PA YIN TE, DE BZHIN DU BRAG PA MED PA'I RNAL 'BYOR GYIS SDUG BSNGAL DANG MI RTAG PA ZHES BYA BA LA SOGS PA'I BAR DU 'AM, YANG NA MI SLOB DPA'I GNAS SKABS KYI MYA NGAN LAS 'DAS PA LA ZHI BA'O ZHES SO SOR RTOG PA'O, ,YANG NA RNAM PAR BSNGOS PA ZHES BYA BA LA SOGS PA NI MI GTZANG BA NYID DU BSGOM PA'I RNAL @125A *, ,'BYOR LAS, 'DU SHES RNAM PA DGU'I RNAL 'BYOR TE, 'DU SHES RNAM PA DGU'I RNAL 'BYOR NI 'PHAGS PA SHES RAB KYI PHA ROL TU PHYIN PA'I 'GREL PA LAS RGYA CHER STON TO, ,'DU BYED THAMS CAD LA MI RTAG PA LA SOGS PAR BSGOM PA GANG YIN PA DE NI CHOS KYI PHYAG RGYA YIN TE, CHOS KYI MTSAN NYID NGES PA NYID DU RTOG CING RNAM PAR 'GYUR BA MED PA'I DON GYIS CHOS KYI PHYAG RGYA ZHES BYA STE, DE'I PHYIR BSTAN BCOS MDO SDE'I RGYAN LAS, CHOS KYI PHYAG RGYA BZHI NI 'DU BYED THAMS CAD MI RTAG PA'I PHYAG RGYA DANG, 'DU BYED THAMS CAD SDUG BSNGAL BA'I PHYAG RGYA DANG, CHOS THAMS CAD BDAG MED PA'I PHYAG RGYA DANG, MYA NGAN LAS 'DAS PA NI ZHI BA ZHES BYA BA'I PHYAG RGYA GANG YIN PA DE NI CHOS KYI PHYAG RGYA BZHI ZHES BYA BA'O ZHES BSTAN PA YIN NO, ,BYANG CHUB SEMS DPA'I SDE SNOD BSDUS NAS SBYIN PAR BYED PA ZHES BYA BA'I MDO LAS NI CHOS KYI MDO BZHI ZHES 'BYUNG STE, DE NI MDOR BSTAN PA'I MTSAN NYID DE JI SKAD DU MI RTAG PA ZHES BYA BA NI 'DUS BYAS KYI CHOS MDOR BSDUS PA'I MTSAN NYID DO, ,SDUG BSNGAL ZHES BYA BA NI ZAG PA DANG BCAS PA'I CHOS MDOR BSTAN PA'I MTSAN NYID DO, ,BDAG MED PA ZHES BYA BA NI CHOS THAMS CAD MDOR BSTAN PA'I MTSAN NYID DO, ,MYA NGAN LAS 'DAS PA NI ZHI PA'O ZHES BYA BA NI 'DUS MA BYAS MDOR BSTAN PA'I MTSAN NYID DO ZHES BSTAN PA LTA BU'O, ,BSTAN BCOS DE KHO NA NYID GRUB PA DANG, 'PHAGS PA SHES RAB KYI PHA ROL TU PHYIN PA'I 'GREL PA LAS NI, CHOS KYI PHYAG RGYA GSUM ZHES 'BYUNG STE, SDUG BSNGAL GYI PHYAG RGYA BSTAN PAS SO, ,CHOS KYI MDO BZHI'I DON RGYA CHER RNAM PAR 'BYED PA NI BYANG CHUB SEMS DPA'I SDE SNOD KYI MDO DANG, LEGS PA'I TSUL KHRIMS BSTAN PA'I MDO DANG, BSTAN BCOS SA YONGS SU 'DZIN PA DANG RNAL 'BYOR SPYOD PA'I SA LAS BSTAN PA BZHIN DU RIG PAR BYA'O, ,DE LTA BU DANG MTHUN PA'I ZHI GNAS DANG LHAG MTHONG GANG YIN PA DE NI CHOS LA MI GNAS PA'I ZHI GNAS DANG LHAG MTHONG ZHES BYA'O ZHES BYA BA NI GSUM PA SPYI'I MJUG BSDU BA STE, BRDA PHRAD PAR ZAD DE, CHOS LA BRTEN NAS ZHI GNAS DANG LHAG MTHONG THOB PA'I PHYIR, NGAS CHOS KYI RJES SU 'BRANG BA'I BYANG CHUB SEMS DPA' NI DBANG PO RNON PO NYID DU 'DOGS SO ZHES BYA BA LA SOGS PA NI GNYIS PA CHOS DANG @125B DAD PA LAS BRTZAMS NAS CHOS LA GNAS PA DANG MI GNAS PA STON TO, ,'DI YANG RNAM PA GNYIS TE, CHOS LA BRTEN PA RNAM PAR BSHAD PA DANG, CHOS LA MI BRTEN PA RNAM PAR BSHAD PA'O, ,'DI NI DANG PO STE 'DI LTAR CHOS LA BRTEN NAS ZHI GNAS DANG LHAG MTHONG THOB PA GANG YIN PA DE NI DBANG PO RNO BA'I PHYIR DE BZHIN GSHEGS PAS CHOS KYI RJES SU 'BRANG BA ZHES STON PAR MDZAD PAS SO, ,CHOS LA MI BRTEN PAR ZHI GNAS DANG LHAG MTHONG THOB PA'I PHYIR, NGAS DAD PAS RJES SU 'BRANG BA'I BYANG CHUB SEMS DPA' NI DBANG PO RTUL PO NYID DU 'DOGS SO ZHES BYA BA NI GNYIS PA CHOS LA MI BRTEN PA RNAM PAR BSHAD PA STE, GZHAN DAG GI RJES SU BSTAN PA LA BRTEN NAS ZHI GNAS DANG LHAG MTHONG THOB PA GANG YIN PA DE NI DBANG PO RTUL BA'I PHYIR DE BZHIN GSHEGS PAS DAD PAS RJES SU 'BRANG BA ZHES STON PAR MDZAD PAS SO, ,DAD PA DANG CHOS KYI RJES SU 'BRANG PA DE YANG SO SO NAS BSHAD PA MI MTHUN PAS, THAMS CAD YOD PAR SMRA BA'I GZHUNG GIS NI 'DI SKAD DU MDO LAS, GANG ZAG NI RNAM PA BDUN YOD DO, DAD PAS RJES SU 'BRANG BA DANG CHOS KYI RJES SU 'BRANG BA DANG DAD PAS MOS PA DANG, MTHONG BAS THOB PA DANG LUS KYIS MNGON SUM DU BYED PA DANG, SHES RAB KYIS RNAM PAR GROL BA DANG, GNYI GA'I CHA LAS RNAM PAR GROL BA'O ZHES GSUNGS TE, MTHONG BA'I LAM GYI GNAS SKABS LA GNAS PA DBANG PO RTUL PO GANG YIN PA DE NI DAD PAS RJES SU 'BRANG PA ZHES BYA'O, ,DBANG PO RNON PO GANG YIN BA DE NI CHOS KYI RJES SU 'BRANG BA ZHES BYA'O, ,BSGOM PA'I LAM GYI GNAS SKABS LA GNAS PA DBANG PO RTUL PO GANG YIN PA DE NI DAD PAS MOS PA ZHES BYA'O, ,DBANG PO RNON PO GANG YIN PA DE NI MTHONG BAS THOB PA ZHES BYA'O, ,'GOG PA'I SNYOMS PAR 'JUG PA THOB PA GANG YIN PA DE NI LUS KYIS MNGON SUM DU BYED PA ZHES BYA'O, ,MI SLOB PA'I GNAS SKABS SU 'GOG PA'I SNYOMS PAR 'JUG PA DA DUNG MA THONG BA GANG YIN PA DE NI SHES RAB KYIS RNAM PAR GROL BA ZHES BYA'O, ,'GOG PA'I SNYOMS PAR 'JUG PA THOB PA GANG YIN PA DE NI GNYI GA'I CHA LAS RNAM PAR GROL BA ZHES BYA'O ZHES ZER TE, ZHIB TU NI BSTAN BCOS RNAMS LAS BSTAN PA BZHIN DU RIG PAR BYA'O, ,MDO SDE PA'I GZHUNG GIS NI DAD PA DANG CHOS KYI RJES SU 'BRANG BA GNYIS @126A *, ,NI MTHONG BA'I LAM GYI MDUN ROL BA'O, ,MTHONG BA'I LAM LA GNAS PA GANG YIN PA DE NI MTSAN MA MED PAR SPYOD PA CAN ZHES ZER TE, DE'I PHYIR BSTAN BCOS DE KHO NA NYID GRUB PA LAS, RGYUN DU ZHUGS PA'I RJES SU 'BRANG BA'I GANG ZAG NI RNAM PA GSUM YOD DE, DANG PAS RJES SU 'BRANG BA DANG CHOS KYI RJES SU 'BRANG BA DANG MTSAN MA MED PAR SPYOD PA CAN NO, ,DE LA DAD PAS RJES SU 'BRANG BA NI GANG ZAG GIS STONG BA DANG, BDAG MED PA'I SHES PA MTHOB PA GANG YIN PA STE, SANGS RGYAS KYI GSUNG LA MNGON PAR YID CHES PA'I PHYIR DANG, SANGS RGYAS KYI GSUNG GI RJES SU 'BRANG BA'I PHYIR DAD PAS RJES SU 'BRANG BA ZHES BYA'O, ,CHOS KYI RJES SU 'BRANG BA NI GANG ZAG DE BDAG MED PA'I SHES PA THOB NAS DGE BA'I RTZA BA BZHI LA GNAS SHING, CHOS KYI RJES SU 'BRANG BA GANG YIN PA DE NI CHOS KYI RJES SU 'BRANG BA ZHES BYA'O, ,RJES SU 'BRANG BA'I GANG ZAG 'DI GNYIS MTHONG BA'I LAM LA ZHUGS NAS, 'GOG PA'I BDEN PA MTHONG BA'I PHYIR MTSAN MA MED PAR SPYOD PA CAN ZHES BYA'O ZHES 'BYUNG STE, BSHAD PA 'DI DANG SPYAR NA DAD PA DANG CHOS KYI RJES SU 'BRANG BA GNYIS NI MTHONG BA'I LAM GYI MDUN ROL BA YIN PAR MNGON NO, ,'DIR THEG PA CHEN PO BA'I BSTAN PA DANG SBYAR NA YANG SO SO NAS BSHAD PA MI MTHUN PAS, 'PHAGS PA SHES RAB KYI PHA ROL TU PHYIN PA'I 'GREL BA LAS NI MTHONG BA'I LAM GYI SEMS BCO LNGA PO DBANG PO RNON PO GANG YIN PA DE NI CHOS KYI RJES SU 'BRANG BA ZHES BYA'O, ,DBANG PO RTUL PO GANG YIN PA DE NI DAD PA'I RJES SU 'BRANG BA ZHES BYA'O, ,GANG ZAG GNYIS PO DE NYID LA MTSAN MA MED PAR SPYOD PA CAN ZHES KYANG BYA'O ZHES BSHAD DO, ,BSTAN BCOS MNGON PA SNA TSOGS KUN LAS BTUS PA LAS NI DAD PA DANG CHOS KYI RJES SU 'BRANG BA GNYIS NI TSOGS KYI LAM DANG MTHONG BA'I LAM LA GNAS PA, SEMS BCO LNGA PA DBANG PO RTUL PO GANG YIN PA DE NI DAD PA'I RJES SU 'BRANG BA ZHES BYA'O, ,DBANG PO RNON PO GANG YIN PA DE NI CHOS KYI RJES SU 'BRANG BA ZHES BYA'O, ,SEMS BCU DRUG PA LAS GNAS PA DE NYID NI MTHONG BAS THOB PA ZHES KYANG BYA'O ZHES BSHAD DE, DE'I PHYIR BSTAN BCOS DE NYID LAS, DAD PAS RJES SU 'BRANG BA NI 'DI LTA STE, TSOGS PA SAGS PA DBANG PO RTUL @126B PO PHA ROL GYIS BSTAN PA'I RJES SU 'BRANG BA NAS, BDEN PA MNGON PAR RTOGS PAR BYA BA'I PHYIR SBYOR BA'O, ,CHOS KYI RJES SU 'BRANG BA NI 'DI LTA STE, GANG TSOGS BSAGS PA DBANG PO RNON PO BDAG NYID KYIS BDEN PA'I DBANG DU BYA BA'I CHOS KYI RJES SU 'BRANGS NAS BDEN PA MNGON PAR RDZOGS PAR BYA BA'I PHYIR SBYOR BA'O, ,DAD PAS MOS PA NI 'PHI [?] LTA STE, DAD PA'I RJES SU 'BRANG BA GANG ZAG GANG 'BRAS BU'I GNAS SU PHYIN PA'I DUS NA'O, ,MTHONG BAS THOB PA NI 'DI LTA STE, CHOS KYI RJES SU 'BRANG BA'I GANG ZAG 'BRAS BU'I GNAS SU PHYIN PA'I DUS NA'O ZHES 'BYUNG STE, 'BRAS BU'I GNAS SKABS LA DAD PAS MOS PA DANG MTHONG BAS THOB PA ZHES BYA BAS DE'I PHYIR MTHONG BA'I LAM LA GNAS PA SEMS KYI SKAD CIG MA BCO LNGA BA'I GNAS SKABS GANG YIN PA DE NI DANG PA DANG CHOS KYI RJES SU 'BRANG BA YIN PAR RIG PAR BYA'O, ,BSTAN BCOS RNAM PAR BSHAD PA DANG RNAL 'BYOR SPYOD PA'I SA LAS KYANG DE SKAD DU BSHAD DO, ,BSTAN BCOS RNAL 'BYOR SPYOD PA'I SA LAS MTHONG BA'I LAM GYI MDUN ROL PA GANG YIN PA DE NI DAD PA DANG CHOS KYI RJES SU 'BRANG BA ZHES BYA'O, ,MTHONG BA'I LAM LA GNAS PA GANG YIN PA DE NI MTSAN MA MED PAR SPYOD PA CAN ZHES BYA'O ZHES BSTAN PA YANG 'GAL BA MED DE, DE CI'I PHYIR ZHE NA, MTSAN MA MED PAR SPYOD PA CAN GYI GANG ZAG DANG, DAD PA DANG CHOS KYI RJES SU 'BRANG BA'I GANG ZAG GNYIS KYANG MTHONG BA'I LAM GYI MDUN ROL BA ZHES BSTAN NA NI 'GAL BAR 'GYUR RO, ,GAL TE DE SKAD MI STON NAN DAD PA DANG CHOS KYI RJES SU 'BRANG BA YANG MTHONG BA'I LAM DU GTOGS SO, ,BYANG CHUB SEMS DPA' NI NGES PAR BSTAN PA'I GSUNG RAB MED DE, DON GYIS SA'I MDUN ROL BA DANG SA LA GNAS PA DAG DANG SBYAR BAR BSHAD NA YANG 'GAL BA MED DE, YANG DAD PAS MOS PA LA SOGS PA LOGS SHIG NA RNAM PAR GZHAG PA'I PHYIR RO, ,BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS KYIS JI SKAD DU MA 'DRES PA'I CHOS LA DMIGS PA'I ZHI GNAS DANG LHAG MTHONG ZHES KYANG GSUNGS, GZHAN YANG 'DRES PA'I CHOS LA DMIGS PA'I ZHI GNAS NGANG LHAGS THONG ZHES KYANG GSUNGS NA ZHES BYA BA 'DI MAN CHAD NI GNYIS PA 'DRES PA DANG MA 'DRES PA'I CHOS LA DMIGS PA BSTAN PA'I SGO ZHES BYA BA STON @127A *, ,TO; ,'DI YANG RNAM PA GNYIS SU DBYE STE, ZHU BA GSOL BA DANG LAN DU GSUNGS PA'O, ,ZHU PA GSOL BA YANG RNAM PA GNYIS TE, ZHU BA GLENG BA'I GNAS BSTAN PA DANG BSTAN PA BZHIN DU ZHU BA GSOL BA STE, 'DI NI DANG PO'O, ,JI LTAR NA MA 'DRES PA'I CHOS LA DMIGS PA'I ZHI GNAS DANG LHAG MTHONG ZHES BGYI BA LAGS, JI LTAR NA 'DRES PA'I CHOS LA DMIGS PA'I ZHI GNAS DANG LHAG MTHONG ZHES BGYI PA LAGS ZHES BYA BA NI GNYIS PA BSTAN PA BZHIN DU ZHU BA GSOL BA STE, ZHU BA GSOL BA LA DGONGS PA RNAM PA GNYIS YOD PA NI MDO NYID KYIS BRDA PHRAD PAR ZAD DO, ,BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL PA, RIGS KYI BU BYANG CHUB SEMS DPA' GANG GIS MDO'I SDE LA SOGS PA'I CHOS JI LTAR GZUNG BA DANG, BSAMS PA'I CHOS LA SO SOR DMIGS SHING, ZHI GNAS DANG LHAG MTHONG SGOM PAR BYED PA GANG YIN PA DE NI MA 'DRES PA'I CHOS LA DMIGS PA'I ZHI GNAS DANG LHAG MTHONG ZHES BYA'O ZHES BYA BA LA SOGS PAS NI, GNYIS PA DE BZHIN GSHEGS PAS YANG DAG PAR LAN DU GSUNGS PA STON TO, ,'DI YANG RNAM PA GNYIS TE, MA 'DRES PA DMIGS PA'I LAN GSUNGS PA DANG, MA 'DRES PA LA DMIGS PA BSTAN PA STE, 'DI NI DANG PO'O, ,MDO'I TSIG 'DI YANG RNAM PA GNYIS SU DBYE STE, RNAM PAR BSHAD PA DANG MJUG BSDU BA'O, ,MDO'I TSIG 'DI LA YANG BSHAD PA RNAM PA GNYIS YOD DE, KHA CIG NA RE MA 'DRES PA LA DMIGS PA NI GSUNG RAB YAN LAG BCU GNYIS KYIS BSTAN PA DAG SO SO NAS THA DAD PA'I PHYIR, SO SOR MA 'DRES PA ZHES BYA'I SDE RE RE LA SO SO NAS RNAM PA MANG BA'I PHYIR MA 'DRES PA ZHES BYA BA NI MA YIN NO, ,MDO'I SDE LA SOGS PA'I CHOS ZHES BYA BA NI GSUNG RAB YAN LAG BCU GNYIS SO SO'I YUL GYI BDAG NYID MA 'DRES PA BSTAN TO ZHES ZER TE, BSHAD PA 'DI DANG SPYAR NAM 'DRES PA'AM 'DRES PAS SDE RE RE LA DMIGS PA GANG YIN PA DE NI MA 'DRES PA LA DMIGS PA ZHES BYA'O, ,BSHAD PA 'DI DANG SBYAR NA 'DRES PA PHYI MA GSUM LAS DANG PO 'DRES PA CHUNG DU YANG 'DI'I NANG DU BSDUS PAR 'GYUR RO, ,KHA CIG NA RE SO SOR MA 'DRES PA LA DMIGS PA ZHES BYA BA NI SDE RE RE LA YANG SO SO NAS RNAM PA MANG PO YOD @127B PA STE, GSUNG RAB YAN LAG BCU GNYIS PO DAG SO SO NAS THA DAD PA'I DON DANG LDAN PA'I PHYIR MA 'DRES PA ZHES BYA'O, YAN LAG BCU GNYIS KYI MING THA DAD PA LA MA 'DRES PA ZHES BYA BA NI MA YIN NO, ,MDO SDE LA SOGS PA'I CHOS ZHES BYA BAS NI GSUNG RAB YAN LAG BCU GNYIS SO SO'I MA 'DRES PA'I YUL BSTAN TO ZHES ZER TE, BSHAD PA 'DI DANG SBYAR NA DON RNAM PA GNYIS DANG LDAN NA GDOD MA 'DRES PA LA DMIGS PA ZHES BYA STE, SDE THA DAD PA DANG, RNAM PA THA DAD PA'O, ,BSHAD PA 'DI DANG SBYAR NAM 'DRES PA LA DMIGS PA 'DIR NI 'DRES PA CHUNG DU MI BSDU STE, DE NI 'DI SKAD DU, MDO'I SDE LA SOGS PA'I CHOS SO SOR MA 'DRES PA LA DMIGS PAS SNGAR BSTAN PA'I THOS PA'I SHES RAB KYIS YONGS SU BZUNG BA DANG, BSAMS PA'I SHES RAB KYIS BSAMS PA'I TSIG DANG DON GYI CHOS DAG LA ZHI GNAS DANG LHAG MTHONG SGOM PAR BYED PA GANG YIN PA DE NI MA 'DRES PA LA DMIGS PA'O ZHES BSTAN PAR 'GYUR RO, ,BYANG CHUB SEMS DPA' GANG GIS MDO SDE LA SOGS PA'I CHOS THAMS CAD LA DMIGS SHING, GCIG TU BZLUM PA DANG, GCIG TU BSDU BA DANG, GCIG TU BRTUL BA DANG, PHUNG PO GCIG TU BYAS NAS 'DI SNYAM DU YID LA BYED DO ZHES BYA BA LA SOGS PAS NI GNYIS PA 'DRES PA LA DMIGS PA STON TO, ,'DI YANG RNAM PA GNYIS TE RNAM PAR BSHAD PA DANG MJUG BSDU BA'O, ,RNAM PAR BSHAD PA YANG RNAM PA GSUM DU DBYE STE, MA 'DRES PA 'DRES PAR BSDU BA'I YID LA BYED PA BSTAN PA DANG, YID LA BYED PA'I MTSAN NYID BSTAN PA DANG, ZHI GNAS DANG LHAG MTHONG BSGOM PA'I MJUG BSDU BA STE, 'DI NI DANG PO'O, MDO'I TSIG 'DI LA YANG BSHAD PA RNAM PA GNYIS YOD DE, KHA CIG NA RE MDO'I SDE LA SOGS PA'I CHOS THAMS CAD LA DMIGS SHING, GCIG TU BZLUM PA ZHES BYA BA LA SOGS PAS NI GSUNG RAB YAN LAG BCU GNYIS SPYIR GCIG TU ZLUM PAR BYED PAS, DE'I PHYIR THAMS CAD CES BYA BA GSUNGS TE, RNAM PA BCU GNYIS DANG LDAN NA GDOD THAMS CAD BYA BA'I PHYIR RO ZHE'O, ,KHA CIG NA RE THAMS CAD CES BYA BA NI DON RNAM PA GSUM DANG LDAN TE, DANG PO NI GSUNG RAB YAN LAG RE RE LA YANG RNAM PA MANG PO YOD PA'I PHYIR THAMS CAD CES GSUNGS SO, , @128A *, ,GNYIS PA NI GSUNG RAB YAN LAG BCU GNYIS BSDUS NAS GCIG TU BZLUMS PA'I PHYIR THAMS CAD CES GSUNGS SO, ,GSUM PA NI GSUNG RAB YAN LAG BCU GNYIS KYIS BSTAN PA MED PA RNAMS BSDUS PA'I PHYIR THAMS CAD CES GSUNGS TE, DE'I PHYIR 'OG NAS MDO LAS 'DRES PA 'DI NYID LAS RNAM PA GSUM DU PHYE NAS BSTAN PA 'DI LTA STE, 'DRES PA CHUNG DU LA SOGS PA'O ZHES ZER TE, DE LTAR BSHAD PA RNAM PA GNYIS YOD KYANG BSHAD PA NI PHYI MA YANG DAG PA YIN TE, TSIG DANG DON DANG RJES SU MTHUN PA'I PHYIR RO, ,DE LA BZLUM PA DAD BSDU BA DANG BRTUL BA DANG, PHUNG PO ZHES BYA BA YANG [?] DON NI GCIG LA MING THA DAD PAR GYUR PA'O, ,DE NI 'DI SKAD DU MDO'I SDE LA SOGS PA'I CHOS THAMS CAD LA DMIGS SHING, GCIG TU BZLUM PA LA YANG DAG PA'I SHES PA NYID DU BSAMS NAS ZHI GNAS DANG LHAG MTHONG SGOM PAR BYED PA GANG YIN PA DE NI 'DRES PA'I CHOS LA DMIGS PA'I ZHI GNAS DANG LHAG MTHONG ZHES BYA'O ZHES BSTAN PAR 'GYUR TE, DE'I PHYIR BSTAN BCOS THEG PA CHEN PO BSDUS PA LAS, CI'I PHYIR YANG RNAM PAR RIG PA TZAM DE LA 'JUG CE NA, 'DRES PA'I CHOS LA DMIGS PA'ANG 'JIG RTEN LAS 'DAS PA'I ZHI GNAS DANG LHAG MTHONG GIS SHES PA'I PHYIR RO ZHES 'BYUNG STE, 'DI NYID KYI 'GREL PA NGO BO NYID MED KYIS BYAS PA LAS, 'DRES PA'I CHOS LA DMIGS PA ZHES BYA BA NI CHOS THAMS CAD KYI 'DRES PA'I MTSAN NYID KYIS RAB TU PHYE BA'I DE BZHIN NYID YUL DU GYUR PA LA DMIGS PA STE, THEG PA CHEN PO'I BSTAN PA LAS BSTAN PA'I CHOS THAMS CAD KYI DE BZHIN NYID BYED PA'I PHYIR DE BZHIN NYID LA DMIGS PA'I TSE, DE NYID CHOS THAMS CAD GYI NGO BO NYID KHONG DU CHUD PA YIN PAS, CHOS THAMS CAD LA DMIGS PA NYID DE BZHIN NYID LA DMIGS PA YIN NO ZHES 'BYUNG NGO, ,CHOS 'DI DAG THAMS CAD NI DE BZHIN NYID LA GZHOL BA DE BZHIN NYID LA 'BAB PA, DE BZHIN NYID LA BAB PA ZHES BYA BA LA SOGS PAS NI, GNYIS PA YID LA BYED PA'I MTSAN NYID BSTAN TO, ,'DI YANG RNAM PA GNYIS TE, BSTAN PA LA NUS PA KHYAD PAR CAN RNAM PA GSUM YOD PAR YID LA BYED PA BSTAN PA DANG 'PHAGS PA'I BSTAN PAS DGE BA'I CHOS MNGON PAR BRJOD PAR 'GYUR BA'I YID LA BYED PA BSTAN PA'O, ,DANG PO YANG @128B RNAM PA GNYIS TE, DE BZHIN NYID KYI TSUL LAS BRTZAMS NAS NUS PA RNAM PA GSUM YID LA BYED PAR BSTAN PA DANG, BYANG CHUB LA SOGS PA LAS BRTZAMS NAS NUS PA RNAM PA GSUM YID LA BYED PA BSTAN PA'O, ,'DI NI DANG PO STE, 'DI LTAR BYANG CHUB SEMS DPA' RNAMS 'DI SNYAM DU YID LA BYED DE, GSUNG RAB YAN LAG BCU GNYIS PO DAG LA NUS PA RNAM PA GSUM YOD DE, DE BZHIN NYID LA GZHOL BA DANG, DE BZHIN NYID LA 'BAB PA DANG, DE BZHIN NYID LA BAB PA'O SNYAM PA STE, 'PHAGS PA'I BSTAN PA DE DAG YANG DAG PA'I RIGS PA'I RJES SU GZHOL BA'I PHYIR DANG, YANG DAG PA'I RIGS PA'I RJES SU 'BAB PA'I PHYIR DANG, YANG DAG PA'I RIGS PA'I RJES SU 'JUG PA'I PHYIR RO, ,BSHAD PA'I RNAM GRANGS GZHAN DU NA 'PHAGS PA'I GSUNG RAB KYI DBANG GIS SHES RAB RNAM PA GSUM THOB PAR 'GYUR TE, THOS PA'I SHES RAB KYIS NI GZHOL BAR BYED DO, ,BSAMS PA'I SHES RAB KYIS NI 'BAB PAR BYED DO, ,BSGOMS PA'I SHES RAB KYIS NI BAB PAR BYED DO, ,GZHAN YANG 'PHAGS PA'I GSUNG RAB KYI DBANG GIS SBYOR BA RNAM PA GSUM THOB PAR 'GYUR TE, DE LA GZHOL BA ZHES BYA BA NI DE BZHIN NYID LA YUN RING PO NAS SBYOR BA'O, ,'BAB PA ZHES BYA BA NI NYE BA'I SBYOR BA'O, ,BAB PA ZHES BYA BA NI THA MA'I SBYOR BA'O, ,TSIG 'DI GSUM YANG BSTAN BCOS RNAL 'BYOR SPYOD PA'I SA LAS NI DRAN PA NYE BAR GZHAG PA'I SGO DANG, BSAM GTAN DANG TING NGE 'DZIN LAS BRTZAMS NAS STON TO, ,BYANG CHUB LA GZHOL BA MYA NGAN LAS 'DAS PA LA GZHOL BA GNAS GYUR PA GZHOL BA, DE DAG LA 'BAB PA DE DAG LA BAB PA DAG STE ZHES BYA BA NI GNYIS PA BYANG CHUB LA SOGS PA LAS BRTZAMS NAS NUS PA RNAM PA GSUM YID LA BYED PAR BSTAN PA'O, ,MTSAN NYID 'DI GSUM NI GNAS GSUM DU 'JUG STE, BYANG CHUB DANG, MYA NGAN LAS 'DAS PA DANG, GNAS GYUR BA'O, ,GSUNG RAB YAN LAG BCU GNYIS PO 'DI DAG LA LTOS NA, THAMS CAD LA YANG GZHOL BA DANG 'BAB PA DANG BAB PA'I NUS PA KHYAD PAR CAN RNAM PA GSUM YOD DE, GONG MA BZHIN DU RIG PAR BYA'O, ,MYA NGAN LAS 'DAS PA DANG GNAS GYUR BA LA BYE BRAG CI YOD CE NA, SMRAS PA, MYA NGAN @129A *, ,LAS 'DAS PA NI DE BZHIN NYID SGRIB PA GNYIS DANG BRAL BA'I DON LA BRTEN NAS BSTAN PA YIN LA GNAS GYUR PA NI BYANG CHUB DANG MYA NGAN LAS 'DAS PA GNYI GA YANG BSDUS PA YIN TE, DE'I PHYIR BSTAN BCOS RNAM PAR RIG PA TZAM DU GRUB PA LAS, GNAS NGAN LEN SPANGS PA'I PHYIR GNAS GYUR BA THOB PA YIN NO ZHES 'BYUNG STE, SLOB DPON CHOS SKYONG GIS BSHAD PA LAS KYANG BYANG CHUB DANG MYA NGAN LAS 'DAS PA'I GNAS GYUR PA RNAM PA GNYIS THOB PAR 'GYUR RO ZHES BSHAD DO, ,GZHAN YANG BYANG CHUB NI 'DUS BYAS PA'I 'BRAS BU'O, ,MYA NGAN LAS 'DAS PA NI 'DUS MA BYAS PA'I 'BRAS BU'O, ,GNAS GYUR PA NI CHOS KYI SKU'I 'BRAS BU'O, ,CHOS 'DI DAG THAMS CAD NI DGE BA'I CHOS DPAG TU MED PA GRANGS MED PA DAG MNGON PAR BRJOD PA YIN NO SNYAM DU ZHES BYA BA NI GNYIS PA 'PHAGS PA BSTAN PAS DGE BA'I CHOS MNGON PAR BRJOD PAR 'GYUR BAR YID LA BYED PA BSTAN PA'O, ,YANG DAG PA'I DON DU NI 'PHAGS PA'I BSTAN PA RNAMS NGO BO NYID YONGS SU RDZOGS PAR STON PA YIN MOD KYI, ZHI GNAS DANG LHAG MTHONG YID LA BYED CING BSGOM PA YONGS SU BSTAN PAR BZHED PA'I PHYIR PHYOGS GCIG TU DGE BA ZHES GSUNGS PA YIN NO, ,DE LTAR SEMS SHING ZHI GNAS DANG LHAG MTHONG SGOM PAR BYED PA GANG YIN PA ZHES BYA BA NI GSUM PA ZHI GNAS DANG LHAG MTHONG SGOM PA'I MJUG BSDU BA'O, ,DE NI 'DRES PA'I CHOS LA DMIGS PA'I ZHI GNAS DANG LHAG MTHONG ZHES BYA'O ZHES BYA BA NI GNYIS PA 'DRES PA'I CHOS LA DMIGS PA BSHAD PA MJUG BSDU BA STE, MDO NYID KYIS BRDA PHRAD PAR ZAD DO, ,BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS KYIS JI SKAD DU 'DRES PA CHUNG DU'I CHOS LA DMIGS PA'I ZHI GNAS DANG LHAG MTHONG ZHES KYANG GSUNGS, 'DRES PA CHEN POR GYUR PA'I CHOS LA DMIGS PA'I ZHIG GNAS DANG LHAG MTHONG ZHES KYANG GSUNGS, 'DRES PA TSAD MED PA'I CHOS LA DMIGS PA'I ZHI GNAS DANG LHAG MTHONG ZHES KYANG GSUNGS NA ZHES BYA BA 'DI MAN CHAD NI GSUM PA 'DRES PA'I CHOS LA DMIGS PA'I BYE BRAG BSTAN PA'I SGO ZHES BYA BA STON TO, ,'DI YANG RNAM PA GSUM DU @129B DBYE STE, 'DRES PA CHUNG DU'I CHOS LA DMIGS PA LA SOGS PA'I BYE BRAG BSTAN PA'I SGO DANG 'DRES PA'I CHOS LA DMIGS PA RKYEN DANG LDAN PAR RAB TU BSTAN PA'I SGO DANG RTOGS PA DANG THOB PA'I GNAS SKABS RNAM PAR 'BYED PA'I SGO STE 'DI NI DANG PO'O, ,DANG PO YANG RNAM PA GNYIS SU DBYE STE, ZHU BA GSOL BA DANG LAN DU GSUNGS PA'O, ,ZHU BA GSOL BA YANG RNAM PA GNYIS TE, ZHU BA GSOL BA'I GNAS GSUNG RAB SMOS PA DANG, BSTAN PA LA BRTEN NAS ZHU BA GSOL BA STE, 'DI NI DANG PO'O, ,JI LTAR NA 'DRES PA CHUNG DU'I CHOS LA DMIGS PA'I ZHI GNAS DANG LHAG MTHOD ZHES BGYI LAGS, JI LTAR NA 'DRES PA CHEN POR GYUR PA'I CHOS LA DMIGS PA'I ZHI GNAS DANG LHAG MTHONG ZHES BGYI LAGS, JI LTAR NA 'DRES PA TSAD MA MCHIS PA'I CHOS LA DMIGS PA'I ZHI GNAS DANG LHAG MTHONG ZHES BGYI LAGS ZHES BYA BA NI GNYIS PA BSTAN PA LA BRTEN NAS ZHU BA GSOL BA STE, ZHU BA GSOL BA GSUM YOD PA NI MDO NYID KYIS BRDA PHRAD PAR ZAD DO, ,BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL PA, RIGS KYI BU GANG GIS MDO'I SDE NAS GTAN LA DBAB PAR BSTAN PA'I SDE'I BAR DAG GIS SO SO LA DMIGS SHING GCIG TU BZLUMS NAS YID LA BYED PA GANG YIN PA DE NI, 'DRES PA CHUNG DU'I CHOS LA DMIGS PA'I ZHI GNAS DANG LHAG MTHONG YIN PAR RIG PAR BYA'O ZHES BYA BA LA SOGS PAS NI GNYIS PA DE BZHIN GSHEGS PAS YANG DAG PAR LAN DU GSUNGS PA STON TO, ,'DI YANG 'DRES PA'I DMIGS PA RNAM PA GSUM PA BSTAN PA NYID KYIS RNAM PA GSUM DU DBYE STE, 'DI NI DANG PO CHUNG DU'I CHOS LA DMIGS PA RNAM PAR BSHAD PA'O, ,'DI LTAR GSUNG RAB YAN LAG BCU GNYIS PO DAG LA SO SOR THA DAD PAR DMIGS PAR BYED PA 'DI LTA STE, MDO'I SDE MANG PO RNAMS GCIG TU SDUD PA NAS GTAN LA PHAB PAR BSTAN PA'I SDE MANG PO'I BAR DAG GCIG TU SDUD PAR BYED PAS DE'I PHYIR 'DRES PA CHUNG DU ZHES BYA'O, ,GANG GIS MDO SDE LA SOGS PA'I CHOS JI SNYED YONGS SU BZUNG BA DANG, BSAMS PA'I BAR DAG LA DMIGS SHING GCIG TU BZLUMS NAS YID LA BYED KYI SO SO LA DMIGS PAR BYED PA @130A *, ,MA YIN PA GANG YIN PA DE NI 'DRES PA CHEN POR GYUR PA'I CHOS LA DMIGS PA'I ZHI GNAS DANG LHAG MTHONG YIN PAR RIG PAR BYA'O ZHES BYA BA NI GNYIS PA 'DRES PA CHEN POR GYUR PA'I CHOS LA DMIGS PA RNAM PAR BSHAD PA'O, ,MDO'I TSIG 'DI YANG RNAM PA GSUM DU DBYE STE, RNAM PAR BSHAD PA DANG, RAB TU DBYE BA DANG, MJUG BSDU BA'O, ,RNAM PAR BSHAD PA LAS GANG GIS ZHES BYA BA NI, GSUNG RAB YAN LAG BCU GNYIS KYI BSTAN PA DAG LA YONGS SU TSANG BAR GANG GIS DMIGS PA'O, ,YONGS SU BZUNG BA LA SOGS PAS NI DMIGS PA'I TSAD BSTAN PA STE, DE NI 'DI SKAD DU 'DRES PA CHEN POR GYUR PA LA DMIGS PA GANG YIN PA DE NI GSUNG RAB YAN LAG BCU GNYIS PO DAG GI SPYI LA DMIGS SHING DE DAG GI TSAD NAS JI TZAM DU KHONG DU CHUD PAR GYUR PA YONGS SU BZUNG BA DANG BSAMS PA'I GNAS GSUNG RAB YAN LAG BCU GNYIS KYI BSTAN PA'I BAR DAG GCIG TU BZLUMS NAS YID LA BYED PA NI 'DRES PA CHEN PO ZHES BSTAN PAR 'GYUR RO, ,SO SOL DMIGS PAR BYED PA MA YIN ZHES BYA BA NI 'DRES PA CHUNG DU LAS RAB TU DBYE BA STE, 'DRES PA CHUNG DU LTAR TE RE RE'I SO SO LA DMIGS PA NI MA YIN NO ZHES BYA BA'I THA TSIG GO, ,GANG GIS DE BZHIN GSHEGS PA'I CHOS BSTAN PA TSAD MED PA DANG, CHOS KYI TSIG DANG YI GE TSAD MED PA RNAMS DANG, GONG NAS GONG DU SHES RAB KYIS BRTAGS SHING KHONG DU CHUD PA LA DMIGS SHING GCIG TU BZLUMS NAS YID LA BYED KYI YONGS SU BZUNG BA DANG BSAMS PA'I BAR DAG LA DMIGS PAR BYED PA MA YIN PA GANG YIN PA DE NI 'DRES PA'I TSAD MED PA'I CHOS LA DMIGS PA'I ZHI GNAS DANG LHAG MTHONG YIN PAR RIG PAR BYA'O ZHES BYA BA NI GSUM PA 'DRES PA TSAD MED PA LA DMIGS PA RNAM PAR BSHAD PA'O, ,MDO'I TSIG 'DI YANG RNAM PA GSUM DU PHYE NAS BSHAD PAR BYA STE, RNAM PAR BSHAD PA DANG, RAB TU DBYE BA DANG MJUG BSDU BA'O, ,RNAM PAR BSHAD PA LAS GANG GIS DE BZHIN GSHEGS PA'I CHOS BSTAN PA'I TSAD MED PA LA SOGS PA LA DMIGS ZHES BYA BAS NI, TSAD MED PA RNAM PA GSUM LA DMIGS PAR BSTAN TE, GCIG TU BZLUMS NAS YID LA BYED PA GANG YIN PA DE NI 'DRES PA TSAD MED PA'O ZHES BYA BA'I THA TSIG GO, ,DE LA TSAD MED PA RNAM PA GSUM @130B YANG DANG PO NI DE BZHIN GSHEGS PA'I CHOS BSTAN PA TSAD MED PA LA DMIGS PA STE, 'DI LA YANG BSHAD PA RNAM PA GSUM YOD DO, KHA CIG NI CHOS BSTAN PA TSAD MED PA ZHES BYA BA NI 'DI LTAR SGRA SKAD TSAD MED PAS CHOS TSAD MED PA STON PAR MDZAD PA'I PHYIR CHOS BSTAN PA TSAD MED PA ZHES BYA'O, ,DE BZHIN GSHEGS PAS ZHES BYA BAS NI GSUNG BA PO RAB TU BSTAN PA YIN NO ZHE'O, ,KHA CIG NA RE TSAD MED PAS ZHES BYA BAS NI GSUNG BA PO PHYOGS BCU DUS GSUM GYI DE BZHIN GSHEGS PAS MANG PO RAB TU STON PAR BYED PA'I PHYIR TSAD MED PA ZHES BYA'O, ,KHA CIG NA RE TSAD MED PA ZHES BYA BA NI RNAM PA GNYIS SU GTOGS PA YIN TE, 'DI LTAR SANGS RGYAS DANG BSTAN PA'O ZHE'O, ,GNYIS PA NI CHOS KYI TSIG LA SOGS PA TSAD MED PA ZHES BYA BA NI SGRA LA BRTEN NAS MING DANG TSIG DANG YI GE 'BYUNG BA GANG YIN PA'O, ,GSUM PA GONG NAS GONG DU SHES RAB KYIS BRTAGS SHING KHONG DU CHUD PA ZHES BYA BA NI DMIGS PAR BYED PA'I SHES PA SMOS PA YIN TE, BYANG CHUB SEMS DPA' DMIGS PA'I BSTAN PAS RAB TU PHYE BA'I SHES PA NI GCIG KHO NA MA YIN PAS DE'I PHYIR GONG NAS GONG DU ZHES BYA BAS GSUNGS PA YIN TE, ,DE'I PHYIR DGONGS PA ZAB MO RNAM PAR DGROL BA'I MDO LAS GONG MA GONG MA ZHES GSUNGS SO, ,BSTAN BCOS RNAM PAR RIG PA TZAM DU GRUB PA LAS NI GCIG GIS GCIG RNAM PAR BSHAD PA'I PHYIR GONG NAS GONG DU ZHES BYA BA GSUNGS SO ZHES BSHAD DO, ,CI'I PHYIR TSAD MED PA RNAM PA GSUM PO 'DI GCIG TU BZLUMS PA LA SOGS PAR GSUNGS SHE NA, 'DIS NI DMIGS PAR BYA BA'I YUL CHOS BSTAN PA LA DON RNAM PA GSUM YOD PAR BSTAN PA YIN TE, DANG POS NI STON PAR BYED PA'I GANG ZAG SMOS PAS, BSTAN PA LAS MNGON PAR ZHEN PAR BYED PA BSTAN TO, ,GNYIS PAS NI MING DANG TSIG DANG YI GE BSTAN PA'I BDAG NYID YANG DAG PA BSTAN TO, ,GSUM PAS NI DMIGS PAR BYED PA SHES PA LA BRTEN NAS DMIGS PAR BYA BA'I YUL BSTAN PA LA MNGON PAR ZHEN PA BSTAN TE, DES NA RNAM PA GSUM DU GSUNGS KYANG TSAD MED PA RNAM PA GSUM PO DAG BSTAN PA'I NGO BO NYID NI MA YIN NO, ,RNAM PA GSUM PO DE DAG LA BYE BRAG YOD PA YANG SO SO NAS BSHAD PA MI MTHUN PAS SLOB DPON YANG DAG BDEN PAS 'PHAGS PA GSER @131A *, ,'OD DAM PA'I MDO'I BRJED BYANG BYAS PA LAS CHOS BSTAN PA ZHES BYA BA NI TSIG SO SO YANG DAG PAR RIG PA'I YUL LO, ,CHOS KYI TSIG DANG YI GE TSAD MED PA ZHES BYA BA NI CHOS SO SO YANG DAG PAR RIG PA'I YUL LO, ,SHES PA TSAD MED PA ZHES BYA BA NI DON DANG SDOBS PA SO SO YANG DAG PAR RIG PA GNYIS KYI BDAG NYID DE DON KHONG DU CHUD NAS THABS MKHAS PA BSHAD PA'I PHYIR RO ZHES 'BYUNG NGO, ,BSTAN BCOS RNAM PAR RIG PA TZAM DU GRUB PA LAS, KUN DU RMONGS PA RNAM PA NYI SHU LAS DANG PO'I SO SO YANG DAG PAR RIG PA GSUM PO DAG NYID YIN TE, CHOS DANG DON TSAD MED PA BSTAN PA LA THOGS PA MED PA NI DON SO SO YANG DAG PAR RIG PA'O, ,MING DANG TSIGS DANG YI GE TSAD MED PA NI CHOS SO SO YANG DAG PAR RIG PA'O, ,GONG NAS GONG DU SHES RAB DANG SBOBS PA ZHES BYA BA NI TSIG SO SO YANG DAG PAR RIG PA STE, SGRA SKAD KYIS GCIG GIS GCIG RNAM PAR BSHAD PAS SO ZHES BSHAD DO, ,DGONGS PA ZAB MO RNAM PAR DGROL BA'I MDO LAS NI GONG MA GONG MA'I SHES RAB DANG SBOBS PA TSAD MED PA ZHES 'BYUNG STE, MDO DE DANG SBYAR NA NI TSAD MED PA GSUM PA NI SO SO YANG DAG PAR RIG PA GNYIS DANG LDAN PAR 'GYUR TE, ,GONG MA GONG MA'I SHES RAB CES BYA BA NI TSIG SO SO YANG DAG PAR RIG PA'O, ,SPOBS PA ZHES BYA BA NI SPOBS PA SO SO YANG DAG PAR RIG PA YIN PAS SO, ,MDO 'DI NI SLOB DPON CHOS SKYONG GIS BSTAN PA DANG DON MTHUN TE, DON MDOR BSDU NA SO SO YANG DAG PAR RIG PA BZHIS DMIGS PAR BYA BA 'PHAGS PA'I BSTAN PA RNAMS GCIG TU BZLUMS NAS YID LA BYED DO ZHES BSTAN PAR 'GYUR RO, ,'DRES PA RNAM PA GSUM LA BYE BRAG CI YOD CE NA, SMRAS PA, 'DI LA BSHAD PA RNAM PA GNYIS YOD DE, ,KHA CIG NA RE 'DRES PA CHUNG DU NI GSUNG RAB YAN LAG BCU GNYIS LAS SDE RE RE'I TSIG MANG PO'I SO SO LA DMIGS PAR BYED DO, 'DRES PA CHEN PO NI GSUNG RAB YAN LAG BCU GNYIS KYI RNAM PA GCIG KHO NA LA DMIGS PAR BYED DO, ,'DRES PA TSAD MED PA NI GSUNG RAB YAN LAG BCU GNYIS KYI BSTAN PA'I SPYI LA DMIGS PAR BYED DO ZHE'O, ,KHA CIG NI 'DRES PA CHUNG DU NI SNGA MA BZHIN DU BSHAD DO, ,'DRES PA CHEN POS NI @131B SANGS RGYAS GCIG KHO NA'I GSUNG RAB YAN LAG BCU GNYIS LA DMIGS SO, ,'DRES PA TSAD MED PAS NI SANGS RGYAS THAMS CAD KYI GSUNG RAB YAN LAG BCU GNYIS KYI BSTAN PA'I SPYI LA DMIGS PAR BYED DO ZHE'O, ,DMIGS PAR BYED PA GSUM PO 'DI DAG GIS MTSAN MA JI LTA BU ZHIG YID LA BYED CE NA, SMRAS PA, 'DI LA BSHAD PA RNAM PA GSUM YOD DE, KHA CIG NA RE 'DRES PA GSUM PO 'DI DAG GIS NI BSTAN PA KHO NA YID LA BYED DE, SNGAR BSTAN PA BZHIN DU MDO'I SDE LA SOGS PA LA DMIGS SHING GCIG TU BZLUMS NAS YID LA BYED PAS GZHOL BA LA SOGS PA NUS PA RNAM PA GSUM DANG LDAN PA DANG, DGE BA'I CHOS THAMS CAD MNGON PAR BRJOD DO ZHE'O, KHA CIG NA RE 'DRES PA GSUM PO 'DI DAG NI DE BZHIN NYID 'BA' ZHIG YID LA BYED DE, PHYIS 'OG NAS BSTAN PA'I RKYEN RNAM PA LNGA LAS 'BYUNG BA BZHIN DU DE BZHIN NYID KYI RNAL 'BYOR LAS BRTZAMS NAS GNAS NGAN LEN LA SOGS PA THAMS CAD 'JIG PAR BYED PA'I PHYIR RO ZHE'O, ,KHA CIG NA RE DON RNAM PA GNYIS DANG LDAN PAS BSTAN PA LA DMIGS PA DANG, DE BZHIN NYID LA DMIGS PAR BSHAD KYANG DON DU 'GAL BA MED DO ZHE'O,, ,,BAM PO BZHI BCU PA, BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS JI TZAM GYIS NA 'DRES PA'I CHOS LA DMIGS PA'I ZHI GNAS DANG LHAG MTHONG THOB PAR 'GYUR LAGS ZHES BYA BA 'DI MAN CHAD GNYIS PA 'DRES PA'I CHOS LA DMIGS PA RKYEN DANG LDAN PA RAB TU BSTAN PA'I SGO ZHES BYA BA STON TE, 'DRES PA'I CHOS LA DMIGS PA THOB PA'I TSAD BSTAN PA'I SGO ZHES KYANG BYA'O, ,'DI YANG RNAM PA GNYIS TE ZHU BA GSOL BA DANG, YANG DAG PAR BSHAD PA'O, ,'DI NI DANG PO ZHU BA GSOL BA STE, RKYEN DU ZHIG DANG LDAN NA 'DRES PA'I CHOS LA DMIGS PA'I ZHI GNAS DANG LHAG MTHONG ZHES BGYI LAGS ZHES BYA BA'I THA TSIG GO, ,BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL BA, RIGS KYI BU RKYEN RNAM PA LNGAS THOB PAR 'GYUR BAR RIG PAR BYA STE, ZHES BYA BA LA SOGS PAS NI GNYIS PA BCOM LDAN 'DAS KYIS YANG DAG PAR BSHAD PA STON TO, ,'DI YANG RNAM PA GNYIS SU DBYE STE, GRANGS SMOS NAS LAN MDOR BSTAN PA @132A *, ,DANG, RKYEN RNAM PA LNGAS RNAM PAR PHYE STE BSTAN PA'O, ,'DI NI DANG PO STE, RKYEN RNAM PA LNGA DANG LDAN PA'I PHYIR 'DRES PA LA DMIGS PA THOB PA ZHES BYA'O ZHES BYA BA'I THA TSIG GO, ,DE LA RKYEN RNAM PA LNGA NI BSTAN BCOS THEG PA CHEN PO BSDUS PA LAS BSGOM PA RNAM PA LNGAS 'BRAS BU RNAM PA LNGA THOB PAR 'GYUR RO ZHES BSHAD PA NYID DE, DE LAS NI BSGOM PA LA LTOS PA'I PHYIR 'BRAS BU ZHES BSTAN LA, 'DIR NI ZHI GNAS DANG LHAG MTHONG LA LTOS NAS RKYEN GYI STOBS ZHES KYANG BYA STE, BSGOM PA RNAM PA LNGA PO DE YANG BSTAN BCOS THEG PA CHEN PO BSDUS PA DANG, CHOS MNGON PA SNA TSOGS KUN LAS BTUS PA LAS BSGOM PA RNAM PA LNGA PO DAG GI MING BKOD PAR ZAD KYI, RNAM PAR BSHAD PA NI MED PAS 'DIR NI SLOB DPON NGO BO NYID MED KYIS BYAS PA THEG PA CHEN PO BSDUS PA'I 'GREL BA DANG THEG PA CHEN PO BSDUS PA'I 'GREL BA MI MTHUN PA RNAM PA GCIG DANG SBYAR NA, DE LA MING BKOD NAS RNAM PAR BSHAD PA YANG 'BYUNG BAS, DE'I PHYIR 'DIR RE ZHIG NGO BO NYID MED KYIS 'GREL PA LA SOGS PA LA BRTEN NAS BSGOM PA LNGA'I MTSAN NYID BSHAD NAS DE'I 'GO TU MDO 'DI LAS GSUNGS PA'I 'BRAS BU LNGA'I BYE BRAG BSTAN PAR BYA'O, ,DE LA BSGOM PA RNAM PA LNGA NI, BSTAN BCOS THEG PA CHEN PO BSDUS PA LAS, 'DI LTA STE BYANG CHUB SEMS DPA' RNAMS DANG SA LA ZHI GNAS DANG LHAG MTHONG BSGOM PA NA RNAM PA LNGAS BSGOM STE, LNGA GANG ZHE NA 'DI LTA STE, 'DRES PAR BSGOM PA DANG, MTSAN MA MED PAR BSGOM PA DANG, LHUN GYIS GRUB PAR BSGOM PA DANG, 'BAR BAR BSGOM PA DANG, CHOG PAR MI 'DZIN PAR BSGOM PAS SO ZHES 'BYUNG STE, 'DI NYID KYI 'GREL PA LAS, ZHI GNAS NI TING NGE 'DZIN TE RNAM PAR G-YENG BA'I GNYEN PO'O, ,LHAG MTHONG NI PHYIN CI LOG GI GNYEN PO STE SHES RAB PO, ,SA NAS SAR RNAM PA DE NYID BSGOM PA YANG MTSAN NYID RNAM PA LNGAS YANG NAS YANG DU SGOM PAR BYED DE, MTSAN NYID RNAM PA LNGA NI 'DRES PAR BSGOM PA LA SOGS PA NYID DO, ,DE LA 'DRES PAR BSGOM PA NI 'DI LTA STE, 'DRES PA THAMS CAD PHUNG PO GCIG TU BSDUS TE, DOGS PA NYID BSAL NAS SGOM PAR BYED PAS CHOS BSTAN PA'I DON RNAMS KYIS 'DRES PA PHUNG PO GCIG TU 'DUS SHING DE BZHIN NYID RAB @132B TU PHYE NAS DGONGS PA NYID SGOM PA GANG YIN PA'O, ,GZHAN KENG RUS LA SOGS PA'I DNGOS PO'I SPYOD YUL SGOM PA NA YANG THAMS CAD GCIG TU BSDUS TE, 'DRES PAR SGOM PAR BYED DO SNYAM PA DE BSAL BA'I PHYIR, MTSAN MA MED PAR SGOM PA ZHES BYA BA SMOS TE, 'DIS NI GNYIS PA MTSAN MA MED PAR BSGOM PA BSTAN TE, BSGOM PA PHYI MA BZHI PO DAG NI 'DRES PAR BSGOM PAR DON GYI BYE BRAG TU GYUR PA YOD KYANG MTSAN MA THAMS CAD DANG BRAL BA DE KHO NA NYID CHOS KYI DBYINGS DBYER MED PAR BSGOM PA'I PHYIR TE, 'DIS NI MTSAN MA MED PA DNGOS PO YONGS SU BSAL BA'I BYE BRAG BSTAN TO, ,MTSAN MA MED PAR BSGOM PA YANG DON NYID MTSAN MA MED PAR BYED KYANG RTZAL BA DANG BCAS PA YIN NO SNYAM NA SGOM PA DE RTZOL BA LA MI LTOS PAR RANG GI DANG GIS 'JUG GO ZHES BSTAN PA'I PHYIR, DE'I 'OG TU LHUN GYIS GRUB PAR SGOM PA ZHES BYA BA SMOS TE BSGRIM MI DGOS PAR RANG GI NGANG GIS 'JUG PA'I PHYIR RO, ,'DIS NI LHUN GYIS GRUB PAR BSGOM PA BSTAN TO, ,BSGRIM MI DGOS PAR RANG GI NGANG GIS 'JUG PAR BSGOM PA YIN YANG, MCHOG DANG MCHOG MA YIN PA RNAM PA GNYIS SU 'GYUR RO SNYAM PA BSAL BA'I PHYIR DE'I 'GO TU BZHI PA BAR BAR SGOM PA ZHES BYA BA SMOS TE, 'BAR BA DANG MCHOG CES BYA BA NI DON GCIG GO, ,'DIS NI 'BAR BAR BSGOM PA BSTAN TO, ,LA LA 'BAR BAR BSGOM PA THOB NAS 'DI THAMS CAD BYAS ZIN NAS GZHAN GYIS CI ZHIG BYA ZHES CHOG PAR 'DZIN PA BSAL BA'I PHYIR, THA MAR CHOG PAR MI 'DZIN PAR BSGOM PAS SO ZHES BYA BA SMOS TE, MTSAN MA MED PA DANG, LHUN GYIS GRUB PA DANG, 'THAR BAR BSGOM PA KHO NAR ZAD PA MA YIN GYI, SANGS RGYAS KYI 'BRAS BU KHYAD PAR CAN THOB PAR BYA BA'I PHYIR BSGOM PA LA BRTZON PAR BYA'O ZHES BYA BA'I THA TSIG STE, 'DIS NI CHOG PAR MI 'DZIN PAR BSGOM PA BSTAN TO ZHES 'BYUNG STA, BSGOM PA RNAM PA LNGA PO 'DI DAG NI NGO BO NYID KYI BYE BRAG GSUNG RAB TSAD MA LAS YANG DAG PAR BSTAN PA MED KYANG SPYI'I MTSAN NYID RNAM PAR PHYE STE BSTAN NA THAMS CAD KYANG TING NGE 'DZIN DANG, SHES RAB DANG, DE DAG LHAN CIG 'JUG PA'I CHOS KYI NGO BO NYID DO, ,BSTAN BCOS THEG PA CHEN PO BSDUS PA'I 'GREL PA MI MTHUN PA RNAM PA GCIG LAS NI GO RIMS @133A *, ,BZHIN DU SHES RAB DANG, MTSAN MA DANG, YANG DAG PA'I LTA BA DANG, BRTZON 'GRUS DANG, DANG PA'I NGO BO NYID DO ZHES BSHAD DE, ZHI BA TU NI DE NYID LAS BSTAN PA BZHIN DU RIG PAR BYA'O, ,THEG PA BSDUS PA'I 'GREL PA HYAN TZANG GIS BSGYUR BA DANG, DE'I 'GAB LO LA BSGYUR BA LAS NI 'DI LTA BUR RNAM PAR PHYE BA MED DO, ,BSTAN BCOS CHOS MNGON PA SNA TSOGS KUN LAS BTUS PA LAS NI BSGOM PA RNAM PA LNGA PO DE DAG GI MING BKOD PAR ZAD KYI RNAM PAR BSHAD PA NI MED DE, DE'I PHYIR BSTAN BCOS DE NYID LAS 'DI LTAR RNAM PA LNGAR BSGOMS PAS 'BRAS BU LNGA THOB PAR 'GYUR TE LNGA GANG ZHE NA, 'DI LTA STE, MTSAN MA NYE BAR ZHI BA'I SGOM PA DANG MTHUN PA'I SGOM PA DANG, MTSAN MA MED PAR SGOM PA DANG, RTZOL BA MED PAR SGOM PA DANG, MTSAN MA BZLOG PA'I SGOM PA'O ZHES 'BYUNG STE, CHOS MNGON PA SNA TSOGS KUN LAS BTUS PA LAS, MTSAN MA NYE BAR ZHI BA SGOM PA ZHES 'BYUNG BA NI THEG PA CHEN PO BSDUS PA LAS 'BAR BAR SGOM PA ZHES BSTAN PA NYID DO, ,MTHUN PA'I SGOM PA'I ZHES 'BYUNG BA NI 'DRAS PAR SGOM PA ZHES BSTAN PA NYID DO, ,MTSAN MA MED PAR SGOM PA DANG, RTZOL BA MED PAR SGOM PA ZHES 'BYUNG BA NI MTSAN MA MED PA DANG LHUN GYIS GRUB PAR SGOM PA ZHES BSTAN PA NYID DO, ,MTSAN MA BZLOG PA'I SGOM PA ZHES 'BYUNG BA NI CHOG PAR MI 'DZIN PAR SGOM PA ZHES BSTAN PA NYID DO, ,DE LTAR BSTAN BCOS GNYIS THA DAD PAR GYUR PA YANG, SLOB DPON RTOGS PA'I SENG GES RIGS PA LOGS SHIG TU RNAM PAR GZHAG NAS, BSGOM PA RNAM PA LNGA'I GO RIMS DE LTAR RNAM PAR GZHAG PA YIN TE, 'DI LTAR RNAL 'BYOR PAS DANG PO KHO NAR RNAL 'BYOR LA 'JUG PA NA, MTSAN MA NYE BAR ZHI BAR BYED CING 'BAR BAR BYED PAS, DE'I PHYIR 'BAR BAR BYED PA DANG POR SMOS PA YIN NO, ,'BRAS BU LNGA ZHES BYA BA YANG MDO 'DI NYID LAS GSUNGS PA NYID YIN PAS, DE'I PHYIR SLOB DPON THOGS MED KYIS BSTAN BCOS THEG PA CHEN PO BSDUS PA MDZAD PA LAS, MDO'I TSIG 'DI RDZOGS PAR SMOS KYI RNAM PAR BSHAD PA NI MA MDZAD DO, ,SLOB DPON DBYIG GNYEN DANG, NGO BO NYID MED KYIS NI SO SO NAS RNAM PAR BSHAD PA MDZAD NAS, DON RNAM PA LNGA RNAM PAR BSHAD @133B PAS DE'I PHYIR BSTAN BCOS GNYIS LA BRTEN NAS MDO'I TSIG YANG DAG PAR BSHAD PAR BYA'O, ,YID LA BYED PA'I TSE SKAD CIG SKAD CIG LA GNAS NGAN LEN GYI RTEN THAMS CAD 'JIG PAR BYED PA ZHES BYA BA LA SOGS PA NI GNYIS PA RKYEN RNAM PAR PHYE STE BSTAN PA'O, ,'DI YANG RKYEN RNAM PA LNGA BSTAN PA NYID KYIS RNAM PA LNGAR DBYE STE, 'DI NI DANG PO GNAS NGAN LEN 'JIG PAR BYED PA'I 'BRAS BU BSTAN PA'O, ,DGONGS PA ZAB MO RNAM PAR DGROL BA'I MDO LAS NI SKAD CIG SKAD CIG LA NYON MONGS PA'I LUS KYI RTEN THAMS CAD 'OG PAR BYED PA ZHES 'BYUNG STE, SLOB DPON THOGS MED NI MDO 'DI NYID LA BRTEN NAS BSTAN BCOS MDZAD DO, ,SLOB DPON DBYIG GNYEN GYIS MDZAD PA'I 'GREL BA LAS, NYON MONGS PA'I SGRIB PA DANG SHES BYA'I SGRIB PA THOG MA MED PA'I DUS NAS YONGS SU BSGOS PA'I SA BON GANG YIN PA DE NI GNAS NGAN LEN ZHES GSUNGS TE, SGRIB PA'I PHUNG PO 'DI GNYIS KYANG 'DRES PA'I CHOS LA DMIGS PA'I ZHI GNAS DANG LHAG MTHONG GI SHES PA'I STOBS KYIS SKAD CIG RE RE LA 'JIG PAR BYED DE, 'DIR DON DU SGRIB PA'I PHUNG PO 'JIG PAR BYED PA BZUNG BA'I PHYIR YANG 'JIG PAR BYED PA ZHES BYA'O, ,NYON MONGS PA SHIN TU NYAMS SMAD PAR BYED PA'I PHYIR YANG 'JIG PAR BYED PA'O ZHES 'BYUNG NGO, ,SLOB DPON NGO BO NYID MED KYIS 'GREL PA LAS, KUN GZHI RNAM PAR SHES PA NI GNAS NGAN LEN GYI RTEN ZHES BYA STE, DE'I TSE TSOGS NYAMS SHING 'JIG PAR BYED PA'I PHYIR 'JIG PAR BYED PA'O ZHES BYA'O ZHES 'BYUNG STE, 'DIR BSTAN BCOS GNYIS KYI DGONGS PA BYE BRAG BSTAN NA, SLOB DPON DBYIG GNYEN NI SA BON LA GNAS NGAN LEN ZHES BSTAN TE, LAS SU RUNG BA MED PA'I PHYIR RO, ,GNAS ZHES KYANG BSTAN TE, GNAS SU SNANG BA'I PHYIR RO, ,SA BON GTAN DU SPANG BAS 'JIG PAR BYED PA ZHES BYA'O, ,MNGON DU SNANG BA'I SA BON RNAM PAR GNON PAS SHIN TU NYAMS SMAD PAR BYED PA ZHES BYA'O ZHES BSTAN TO, ,SLOB DPON NGO BO NYID MED NI SNANG BA'I RNAM PAR SHES PA LA RTEN DU BSTAN TO, ,SA BON DANG SNANG BA GCIG TU BSDUS PA LA NI TSOGS ZHES BSTAN TO, ,TSOGS PA'I NANG NA SA BON KHO NA NYAMS PAR BYED KYI SNANG BA NI MA YIN PA'I PHYIR NYAMS SHING 'JIG @134A *, ,PAR BYED PA ZHES BSTAN TO, ,YANG SLOB DPON NGO BO NYID MED KYI DGONGS PA YANG, SLOB DPON DBYIG GNYEN DANG MTHUN PAR BSHAD NA DON DU 'GAL BA MED DO, ,BSTAN BCOS THEG NGAN PO BSDUS PA'I 'GREL PA DE'I 'GAB LO LA BSGYUR BA LAS NI SLOB DPON DBYIG GNYEN GYIS BSHAD PA DANG MTHUN PAR 'BYUNG NGO, ,THEG PA CHEN PO BSDUS PA'I 'GREL PA LANG GI TSE BSGYUR BA LAS NYON MONGS PA'I SGRIB PA DANG, SHES BYA'I SGRIB PA NI GNAS NGAN LEN ZHES BYA STE, RTZA BA'I RNAM PAR SHES PA LA KUN NAS NYON MONGS PA'I PHYOGS YONGS SU BSGOS PA'I SA BON YOD PA THAMS CAD KYIS NI 'DI GNYIS KYI RTEN GYI CHOS BYED DO, ,SKAD CIG MA DANG POS NI DE MA THAG PA'I LAM BYED LA, SKAD CIG MA GNYIS PAS NI RNAM PAR GROL BA'I LAM BYED PAS SKAD CIG MA DANG POS NI MNGON DU SNANG BA'I NYON MONGS PA NYE BAR ZHI BAR BYED LA SKAD CIG MA GNYIS PAS NI MA 'ONGS PA'I NYON MONGS PA MI SKYE BAR BYED DO ZHES 'BYUNG BAS, DES NAS THAMS CAD LA YANG NYON MONGS PA'I SGRIB PA SPONG BAR MNGON NO, SNA TSOGS KYI 'DU SHES DANG BRAL TE, CHOS KYI DGA' BA'I DGA' BA THOB PA ZHES BYA BA NI GNYIS PA CHOS KYI DGA' BA THOB PA'I 'BRAS BU BSTAN PA'O, ,DGONGS PA ZAB MO RNAM PAR DGROL BA'I MDO LAS NI 'DU SHES SNA TSOGS RNAM PAR SPANGS TE, CHOS KYI DGA' BA'I DGA' BA THOB PA ZHES 'BYUNG NGO, ,SLOB DPON THOGS MED KYIS MDZAD PA'I BSTAN BCOS LAS KYANG SNA TSOGS KYI 'DU SHES DANG BRAL ZHING CHOS KYI KUN DPA' LA DGA' BA THOB PA ZHES 'BYUNG NGO, ,SLOB DPON DBYIG GNYEN GYIS MDZAD PA'I 'GREL PA LAS NI, RNAM GRANGS GNYIS KYIS STON TO, ,RNAM GRANGS DANG PO LAS NI MDO'I SDE LA SOGS PA'I CHOS KYI NGO BO NYID SNA TSOGS LA GNAS PAS, DE LTAR NGO BO NYID SNA TSOGS KYI 'DU SHES YONGS SU SPANGS PA GANG YIN PA DE NI CHOS KYI KUN DGA'I DGA' BA THOB PA YIN TE, DE GNAS SU GYUR PA'I PHYIR KUN DGA' ZHES BYA'O ZHES 'BYUNG STE, 'DI NYID KYI 'GREL PA LAS 'DIS NI BSTAN PA SPANGS NAS DE BZHIN NYID RO GCIG PA THOB PA'I DBANG DU MDZAD NAS CHOS KYI DGA' BA ZHES BSTAN TO, ,DE LA MDO'I SDE LA SOGS PA'I CHOS KYI NGO BO NYID SNA TSOGS LA GNAS PA ZHES BYA BA LA GSUNG RAB YAN LAG BCU @134B GNYIS NI, MDO'I SDE LA SOGS PA ZHES BYA'O, ,BCU GNYIS MI MTHUN PA NYID NI SNA TSOGS LA GNAS PA ZHES BYA'O, ,YANG NA MDO'I SDE LA SOGS PA'I CHOS NI RJOD PAR BYED PA'I BSTAN PA'O, ,NGO BO NYID SNA TSOGS LA GNAS PA NI BRJOD PAR BYA BA'I DON DE, CHOS DANG DON SNA TSOGS KYI NGO BO NYID KYI 'DU SHES SPANGS PAS NA CHOS KYI KUN DGA' BA'I DGA' BA THOB PA ZHES BSHAD DO, ,RNAM GRANGS GNYIS PA LAS NI DON GZHAN DU NA JI LTAR NA YONGS SU BZUNG BA RTOG PA DANG, DPYOD PA'I CHOS DAG MYONG BA DANG SO SOR RTOG PA RAGS SHING GSAL BA MA BSKYED PAR YANG ZHI GNAS DANG LHAG MTHONG GIS SNANG BA YID LA BYED PA'I DBANG GIS KHYOD ZHING, SO SOR RTOG PA SHIN TU PHRA MO 'BYUNG BA GANG YIN PA'O ZHES 'BYUNG STE, 'DI NYID KYI 'GREL PA LAS 'DI NI BSTAN PA'I DON DAG LA PHRA BA NYID DU SO SOR RTOG PA'I DBANG DU MDZAD NAS, CHOS KYI KUN DGA'I DGA' BA ZHES BSTAN TO, ,'DI NI LOGS SHIG NAS RTOG PA DANG DPYOD PA DANG BCAS PA LA SOGS PA TING NGE 'DZIN RNAM PA GSUM BSTAN PA LAS, TING NGE 'DZIN GNYIS PA NYID DE 'DI LTAR MYONG BA DANG, SO SOR RTOG PA RAGS SHING GSAL BA DANG BRAL NAS SHIN TU PHRA BA'I SNANG BA YID LA BYED PA DE DANG LDAN PA'I MYONG BA DANG SO SOR RTOG PA GANG YIN PA DE NI BSTAN PA'I CHOS LA BRTEN PA'I MYONG BA DANG, SO SOR RTOG PA ZHES KYANG BYA CHOS KYI KUN DGA'I DGA' BA ZHES KYANG BYA'O, ,GSUM PA DE NI CHOS RNAMS KYI MTSAN MA YID LA BYED PA CI YANG MED PA'I MYONG BA DANG SO SOR RTOG PA YIN PAS DE'I PHYIR CHOS KYI DGA' BA'I DGA' BA ZHES MI BYA'O ZHES BSHAD DO, ,NGO BO NYID MED KYIS 'GREL PA LAS NI BDAG DANG CHOS DANG SANGS RGYAS LA SOGS PA'I MTSAN MA'I 'DU SHES DANG BRAL BA'I PHYIR RO, ,KUN DGA' NI 'DI LTA STE, 'DIR KUN DGA' BAS KUN DGA' STE, 'DI LTAR CHOS KYI DBYINGS NI KUN DGA' YIN PA'I PHYIR, CHOS KYI KUN DGA' ZHES BYA STE, 'DIR DGAR ZHING TSIM PA YIN PA DE NI CHOS KYI KUN DGA'I DGA' BA ZHES BYA'O, ,DE NYID THOB PA'I PHYIR CHOS KYI KUN DGA'I DGA' BA THOB PA STE, DPER NA RGYAL PO'I PHO BRANG GI PHYI ROL GYI KUN DGA' RAB 'AM SKYED MOS TSAL GYA NOM PA DAG TU DER RTZE ZHING DGA' BA KHYAD PAR DU 'PHAGS PA MYONG BA LTAR CHOS KYI DBYINGS SU YANG @135A *, ,DE BZHIN NO ZHES 'BYUNG STE, 'DI NYID KYI 'GREL PA LAS RNAM PAR MI RTOG PA'I YE SHES KYIS BGROD PA'I GNAS, CHOS KYI DBYINGS KYI KUN DGA' RA BAR RNAM PAR MI RTOG PA'I YE SHES DANG MTSUNGS PAR LDAN PA'I DGA' BA THOB PA ZHES BSHAD DE, PHAL CHER SLOB DPON DBYIG GNYEN GYIS BSHAD PA'I RNAM GRANGS DANG PO DANG MTHUN NO, ,DE LA BYE BRAG YOD PA YANG SLOB DPON DBYIG GNYEN NI MDO'I SDE LA SOGS PA'I 'DU SHES KHO NA LAS SO, ,SLOB DPON NGO BO NYID MED NI DKON MCHOG GSUM GYI MTSAN MA'I 'DU SHES TSAR BAR SPANG BA LAS SO, ,DE LA BDAG DANG BRAL BA ZHES BYA BA NI 'DI LTA STE, SANGS RGYAS DANG DGE 'DUN GYI MTSAN MA DANG BRAL BA'O, ,CHOS DANG BRAL BA ZHES BYA BA NI CHOS DKON MCHOG GI MTSAN MA DANG BRAL BA'O, ,BSTAN BCOS THEG PA CHEN PO BSDUS PA'I 'GREL PA DE'I 'GAB PA LO LA BSGYUR BA LAS KYANG, PHAL CHER HYAN TZANG GIS BSGYUR BA LAS BSTAN PA DANG MTHUN PAR BSHAD DO, ,LANG GI TSE BSGYUR BA LAS NI BSHAD PA PHYI MA MI 'BYUNG STE, GZHAN NI HYAN TZANG GIS BSGYUR BA LAS 'BYUNG BA DANG MTHUN PAR BSHAD DO, ,PHYOGS BCU BYE BRAG MED PA'I MTSAN NYID DANG CHOS KYI SNANG BA TSAD MED PA YANG DAG PAR SHES PA ZHES BYA BA NI GSUM PA CHOS KYI SNANG BA YANG DAG PAR KHONG DU CHUD PA'I 'BRAS BU BSTAN PA'O, ,DGONGS PA ZAB MO RNAM PAR DGROL BA'I MDO LAS NI YANG DAG PA JI LTA BA BZHIN DU, PHYOGS BCU'I MTHA' TSAD MED PA SHES PA DANG, CHOS KYI SNANG PA TSAD MED PA YANG DAG PAR SHES PA 'BYUNG NGO, ,SLOB DPON THOGS MED KYIS MDZAD PA'I BSTAN BCOS LAS NI, CHOS KYI SNANG BA CHEN PO THAMS CAD DU TSAD MED CING RNAM PA YONGS SU MA CHAD PA'I MTSAN NYID YANG DAG PAR SHES PA ZHES 'BYUNG NGO, ,SLOB DPON DBYIG GNYEN GYIS MDZAD PA'I 'GREL PA LAS NI PHYOGS BCU MTHA' MED PA RNAM PA YONGS SU MA CHAD PA'I MTSAN NYID YANG DAG PAR SHES PA DAG NI, DPER NA YI GE'I SNANG BA LEGS PAR KHA TON DU 'DON PA LTA BU YIN PAS, CHOS KYI SNANG BA ZHES BYA'O ZHES 'BYUNG NGO, ,SLOB DPON NGO BO NYID MED KYIS 'GREL PA LAS NI, PHYOGS BCU 'DI TZAM ZHES MTHA' MED CING, RNAM PA YONGS SU MA CHAD PAR GSAL BAR @135B 'JUG PA'I PHYIR CHOS KYI SNANG BA ZHES BYA STE, DPER NA, YI GE'I SNANG BA LEGS PAR KHA TON DU 'DON PA LTA BU'O ZHES 'BYUNG NGO, 'GREL PA GNYIS LAS CHOS KYI SNANG BA BSTAN PA DE LA YANG BSHAD PA RNAM PA GNYIS YOD DE, KHA CIG NA RE MDO'I SDE KHA TON DU BYED PAS CHOS KYI SNANG BA 'DI THOS NAS SEMS LA SNANG BA YIN NO ZHE'O, ,KHA CIG NA RE MING DANG TSIG DANG YI GE'I TSOGS MI BRJOD PAR DMIGS PAR BYED PA'I SEMS KYIS GSAL BAR DRAN PA'I PHYIR CHOS KYI SNANG BA ZHES BYA'O ZHE'O, ,GZHAN YANG BSHAD PA RNAM PA GNYIS YOD DE, KHA CIG NA RE PHYIS THOS PAS SHES PAR BYA BA RGYU MTSAN GYI RNAM PA SNANG BA GANG YIN PA DE NI CHOS KYI SNANG BA ZHES BYA'O ZHE'O, KHA CIG NA RE MTSAN RTOGS PA'I LTA BA GANG YIN PA DE NI CHOS KYI SNANG BA ZHES BYA'O ZHE'O, ,THEG PA CHEN PO BSDUS PA'I BSTAN BCOS MI MTHUN PA RNAM PA GNYIS LAS NI, GSAL BAR MTHONG BA'I SHES PA GANG YIN PA DE NI CHOS KYI SNANG BA ZHES BYA'O ZHES BSHAD DE, DGONGS PA YONGS SU GRUB PA DANG MTSUNGS PAR LDAN PA RNAM PAR DAG PA'I PHYOGS RNAM PAR RTOG PA MED PA'I MTSAN MA RGYUN MI 'CHAD PA MNGON SUM DU 'GYUR BA ZHES BYA BA NI BZHI PA RGYU DANG, YE SHES MNGON DU SNANG BA'I 'BRAS BU BSTAN PA'O, ,DGONGS PA ZAB MO RNAM PAR DGROL BA'I MDO LAS NI, BYA BA YONGS SU GRUB PA DANG MTSUNGS PAR LDAN PA RNAM PAR DAG PA'I PHYOGS RNAM PAR RTOG PA MED PA'I MTSAN MA MNGON SUM DU GYUR PA ZHES 'BYUNG NGO, ,SLOB DPON THOGS MED KYIS MDZAD PA'I BSTAN BCOS LAS NI RNAM PAR DAG PA'I CHA MTHUN PA RNAM PAR MA BRTAGS PA'I MTSAN MA MED PA KUN DU 'BYUNG BA ZHES 'BYUNG NGO, ,SLOB DPON DBYIG GNYEN GYIS MDZAD PA'I 'GREL BA LAS 'DI LTA STE, DNGOS PO YONGS SU GRUB PA DANG MTSUNGS PAR LDAN PA'I CHOS RNAMS NI, RNAM PAR DAG PA'I CHA DANG MTHUN PHA MTSAN MA MED PA KUN DU 'BYUNG BA ZHES BYA STE, 'DIR DON DU NA BLA NA MED PA'I BYANG CHUB KYI 'BRAS BU THOB PA GANG YIN PA DE LA DNGOS PO YONGS SU GRUB PA ZHES BYA BAR BZUNG NGO ZHES 'BYUNG STE, SLOB DPON DBYIG GNYEN NI SLOB DPON THOGS MED KYI DGONGS PA YONGS SU BZUNG NAS RGYU KHO NA SMOS KYI 'BRAS BU NI RNAM PAR PHYE BA'I PHYIR MDO LAS GSUNGS @136A *, ,PA'I DNGOS PO YONGS SU GRUB PA ZHES BYA BA DE 'GREL PA'I TSIG TU BSTAN NAS BSTAN BCOS DE RNAM PAR BSHAD PA YIN NO, ,SLOB DPON DBYIG GNYEN GYIS MDZAD PA'I 'GREL PA LAS MDO'I TSIG 'DI BSHAD PA DANG SBYAR NA, DGONGS PA YONGS SU GRUB PA NYID NI SANGS RGYAS SU GRUB PA'I 'BRAS BU'O, ,MTSUNGS PAR LDAN PA MAN CHAD NI RGYU'I MING BSTAN PA'O ZHES BSHAD DO, ,SLOB DPON NGO BO NYID MED KYIS 'GREL PA LAS, MA 'ONGS PA NA SANGS RGYAS NYID DU 'GYUR BA NI, RNAM PAR DAG PA'I CHA ZHES BYA'O, ,'DIS DE 'DREN PAR BYED PA'I PHYIR RNAM PAR MA BRTAGS PA'I MTSAN MA MED PA KUN DU 'BYUNG BA DANG MTHUN PA ZHES 'BYUNG STE, NGO BO NYID MED KYIS SLOB DPON THOGS MED KYIS BSTAN PA'I RNAM PAR DAG PA'I CHA RNAM PAR BSHAD PA GANG YIN PA DE NYID NI MDO LAS GSUNGS PA'I DGONGS PA YONGS SU GRUB PA NYID DO, ,MTHUN PA DANG RNAM PAR MA BRTAGS PA ZHES BYA BA LA SOGS PA NI RGYU'I MING BSTAN PA NYID DO, ,SLOB DPON NGO BO NYID MED KYIS 'GREL PA LAS, MDO'I TSIG 'DI RNAM PAR BSHAD PA DANG SBYAR NA, DGONGS PA YONGS SU GRUB PA ZHES BYA BA NI 'BRAS BU'I MING NGO, ,MTSUNGS PAR LDAN PA RNAM PAR DAG PA'I PHYOGS ZHES BYA BA LA SOGS PA NI RGYU'I MING STE, RNAM PAR DAG PA'I PHYOGS ZHES BSTAN PA NI DNGOS PO YONGS SU GRUB PA NYID DO, ,MDO LAS DGONGS PA YONGS SU GRUB PA ZHES LOGS SHIG TU SMOS PAS, DE'I PHYIR MTSUNGS PAR LDAN PA RNAM PAR DAG PA'I PHYOGS ZHES BYA BA NI RGYU'I MING ZHES BSTAN TO, ,DE LTAR 'GREL PA RNAM PA GNYIS MI MTHUN PAS, 'DIR MDO'I TSIG 'DI SLOB DPON DBYIG GNYEN GYIS MDZAD PA'I 'GREL PA DANG SBYAR NAS BSHAD PA YIN TE BRTAGS NA KHONG DU CHUD PAR 'GYUR RO, ,CHOS KYI SKU THOB PA DANG, YONGS SU GRUB PA DANG, YONGS SU RDZOGS PAR BYA BA'I PHYIR, GONG MA BAS CHES GONG MA KHYAD PAR DU 'PHAGS PA GYA NOM PA'I RGYU YONGS SU 'DZIN PAR BYED DO ZHES BYA BA NI LNGA PA GONG MA BAS CHES GONG MA'I RGYU'I 'BRAS BU BSTAN PA'O, ,DGONGS PA ZAB MO RNAM PAR DGROL BA'I MDO LAS NI CHOS KYI SKU YONGS SU GRUB PA DANG, RGYU MCHOG TU GYUR PA DANG KHYAD PAR DU GYUR PA DANG, KHYAD PAR DU 'PHAGS PA THOB PAR 'GYUR RO ZHES 'BYUNG NGO, SLOB @136B DPON THOGS MED KYIS MDZAD PA'I BSTAN BCOS LAS NI, CHOS KYI SKU YONGS SU RDZOGS PAR BYA BA DANG, YONGS SU GRUB PAR BYA BA'I PHYIR, GONG MA BAS CHES GONG MA'I RGYU YONGS SU 'DZIN PAR BYED DO ZHES 'BYUNG NGO, ,SLOB DPON DBYIG GNYEN GYIS MDZAD PA'I 'GREL PA LAS, 'DI LTA STE SA BCU PA'I CHOS KYI SKU GANG YIN PA DE NI YONGS SU RDZOGS PA ZHES BYA'O, ,BCU GCIG PA SANGS RGYAS KYI SA'I CHOS KYI SKU GANG YIN PA DE NI YONGS SU GRUB PA ZHES BYA'O, ,RGYU THAMS CAD LAS GANG GIS SANGS RGYAS KYI SA SKYED PA GANG YIN PA DE NI MCHOG DANG KHYAD PAR DU 'PHAGS PA YIN PAS DE'I PHYIR GONG MA BAS CHES GONG MA KHYAD PAR DU 'PHAGS PA'I RGYU YANG YANG DAG PAR YONGS SU 'DZIN PAR BYED DO ZHES BYA BA BSTAN TO ZHES 'BYUNG NGO, ,NGO BO NYID MED KYIS 'GREL PA LAS KYANG 'DI LTA STE, SA BCU PA GANG YIN PA DE NI YONGS SU RDZOGS PA ZHES BYA'O, ,SANGS RGYAS KYIS LA MNGA' BA GANG YIN PA DE NI YONGS SU GRUB PA ZHES BYA TSE, 'DI THOB PAR BYED PA'I RGYU GANG YIN PA DE NI MCHOG DANG KHYAD PAR DU 'PHAGS PA YIN PAS, KHYAD PAR DU 'PHAGS PA'I RGYU ZHES BSHAD DE, RGYU SNGA MA LAS BYUNG BA'I PHYIR, GONG MA BAS CHES GONG MA ZHES BYA BA GSUNGS SO, ,KHA CIG NA RE SA BCU BZHI YONGS SU GRUB PA ZHES BYA LA, SANGS RGYAS KYI SA LA NI YONGS SU RDZOGS PA ZHES BYA NA NI BSTAN BCOS RNAMS DANG 'GAL BAR 'GYUR RO ZHES ZER RO ZHES 'BYUNG STE, CHOS KYI SKU THOB PA DANG, YONGS SU GRUB PA DANG, YONGS SU RDZOGS PAR BYA BA'I PHYIR RO ZHES GSUNGS PA NI BSTAN BCOS THEG PA CHEN PO BSDUS PA'I 'GREL PA DE'I 'GAB LO DANG, LANG GI TSE BSGYUR BA LAS 'BRAS BU BZHI RNAM PAR RTOG PAR 'BYUNG BAS, MDO 'DI DANG 'GAL BAR 'GYUR LA, GZHAN NI HYAN TZANG GIS BSGYUR PO'I DPE DANG MTHUN PAR 'BYUNG NGO, ,MDO'I TSIG 'DI BSHAD ZIN TO, ,BSTAN BCOS RNAMS LAS THA DAD PA'I BYE BRAG KYANG RNAM BA BZHI YOD PAS, DANG PO NI MING RNAM PAR BZHAG NAS 'BRAS BU DANG MA SBYAR BA STE, 'BRAS BU'I MING LOGS SHIG TU RNAM PAR BZHAG NAS BSGOM PA RNAM PA LNGAS LOGS SHIG TU 'BRAS BU RNAM PA LNGA DANG MA SBYAR BA YIN TE, BSTAN BCOS MDO SDE'I RGYAN LAS JI SKAD DU 'BYUNG BA @137A *, ,PHYIS 'OG NAS BSTAN PA LTA BU'O, ,GNYIS PA NI 'BRAS BU DANG SBYAR NAS MING RNAM PAR GZHAG PA STE, BSGOM PA RNAM PA LNGAS LOGS SHIG TU 'BRAS BU'I MING RNAM PAR GZHAG PA GANG YIN PA STE, SLOB DPON NGO BO NYID MED KYIS 'GREL PA LAS BSHAD PA LTA BU'O, ,DE'I PHYIR DE NYID LAS DE LTAR BSGOM PA RNAM PA LNGA PO DE YANG GRANGS KYI GO RIMS BZHIN DU 'BRAS BU RNAM PA LNGA THOB PAR 'GYUR RO ZHES 'BYUNG BA YIN NO, ,GSUNGS PA, MING YANG RNAM PAR GZHAG LA 'BRAS BU DANG YANG SBYAR BA STE, 'BRAS BU'I MING YANG LOGS SHIG TU RNAM PAR GZHAG LA 'BRAS BU RNAM PA LNGA DANG SBYAR BA STE, BSTAN BCOS THEG PA CHEN PO BSDUS PA'I 'GREL PA LANG GI TSE BSGYUR BA LAS JI SKAD DU BSTAN PA LTA BU'O, ,DE'I PHYIR DE NYID LAS NYON MONGS PA NYE BAR ZHI NAS MI SKYE BA'I 'BRAS BU GANG YIN PA DE NI 'DRES PAR BSGOMS PAS THOB PA'O, ,SANGS RGYAS KYI CHOS YONGS SU GRUB PA'I 'BRAS BU GANG YIN PA DE NI MTSAN MA MED PAR BSGOMS PAS THOB PA'O, ,YE SHES GNYIS KYI 'BRAS BU GANG YIN PA DE NI LHUN GYIS GRUB BAR BSGOMS PAS THOB PA'O, ,NGES PAR 'BYUNG BA'I 'BRAS BU GANG YIN PA DE NI 'BAR BAR BSGOMS PAS THOB PA'O, ,YONGS SU RDZOGS PA'I 'BRAS BU GANG YIN PA DE NI CHOG PAR MI 'DZIN PAR BSGOMS PAS THOB PA'O ZHES 'BYUNG BA YIN NO, ,BZHI PA NI MING YANG RNAM PAR MA BZHAG LA 'BRAS BU DANG YANG MA SBYAR BA STE, BSTAN BCOS THEG PA CHEN PO BSDUS PA'I 'GREL PA SLOB DPON DBYIG GNYEN DANG, NGO BO NYID MED KYIS MDZAD PA DANG, DE'I 'GAB LO LA BSGYUR BA LAS BSTAN PA LTA BU'O, ,BSTAN BCOS MDO SDE'I RGYAN LAS NI RNAM PA GNYIS SU BSDAGS PA BRJOD NAS 'BRAS BU RNAM PA LNGA DANG SBYAR BA BSHAD DE, DE'I PHYIR BSTAN BCOS DE NYID LAS YON TAN LNGA GANG ZHE NA, TSIG LE'UR BYAS PA LAS, SKAD CIG RE RE BAG CHAGS KUN SBYONG DANG, ,LUS DANG SEMS KYANG SHIN TU SBYANGS PA DANG, ,SHIN TU GSAL DANG MTSAN MA MTHONG BA STE, ,YONGS RDZOGS RNAM PAR DAG PA CHOS KYI SKU, ,ZHES 'BYUNG STE, 'DI NYID KYI 'GREL PA LAS YON TAN RNAM PA LNGA NI BAG CHAGS KUN SBYONG BA DANG, LUS SHIN TU SBYANGS PA DANG SEMS SHIN TU SBYANGS BA DANG @137B SHIN TU GSAL BA DANG MTSAN MA MTHONG BA'O, ,DE LA BAG CHAGS KUN SBYONG BA NI SKAD CIG RE RE LA BAG CHAGS KYI PHUNG PO THAMS CAD RNAM PAR 'JIG PAR BYED PA'I PHYIR RO, ,LUS SHIN TU SBYANGS PA NI SHIN TU SBYANGS PA BSGOMS PAS LUS KUN TU KHYAB PA'I PHYIR RO, ,SEMS SHIN TU SBYANGS PA YANG DE BZHIN NO, ,SHIN TU GSAL BA NI STONG PA NYID KYI RNAM PA THAMS CAD LA SHIN TU MKHAS SHIN CHAD DANG GRANGS DANG BRAL BA'I PHYIR RO, ,MTSAN MA MTHONG BA NI RNAM PAR RTOG PA MED PA'I MTSAN MA MTHONG BA STE, RNAM PAR DAG PA'I PHYI MA'I RGYU BYED PA'I PHYIR RO, ,YONGS RDZOGS RNAM PAR DAG PA CHOS KYI SKU, ,ZHES BYA BA NI RNAM PA THAMS CAD KYI SKU YONGS SU RDZOGS PA DANG, RNAM PAR DAG PAR BYA BA'I PHYIR RTAG PAR RGYU LNGA PO 'DI DAG MNGON PAR 'DU BYED PA'I PHYIR RO, ,DUS GANG GI TSE YONGS SU RDZOGS SHING DUS GANG GI TSE RNAM PAR DAG PAR 'GYUR ZHE NA, SMRAS PA, SA BCU'I TSE NI YONGS SU RDZOGS PAR 'GYUR LA, SANGS RGYAS KYI SA'I TSE NI RNAM PAR DAG PAR 'GYUR RO, ,'DIR YON TAN RNAM PA LNGA PO DE DAG LAS SNGA MA GSUM NI ZHI GNAS KYI PHYOGS YIN LA PHYI MA GNYIS NI LHAG MTHONG GI PHYOGS YIN PAR RIG PAR BYA'O ZHES 'BYUNG NGO, ,BSTAN BCOS THEG PA CHEN PO BSDUS PA LAS NI SA BCU'I GNAS SKABS DANG SBYAR NAS 'BRAS BU RNAM PA LNGA BSTAN NA, CI'I PHYIR MDO SDE'I RGYAN LAS SA'I MDUN ROL BA DANG SBYAR TE BSTAN ZHEN, SMRAS PA, BSTAN BCOS MDO SDE'I RGYAN NI LAS DANG PO PA'I DBANG DU MDZAD NAS SA'I MDUN ROL PA DANG SBYAR TE BSTAN TO ,THEG PA CHEN PO BSDUS PA NI BRAG PA MED PA'I DBANG DU MDZAD PA'I PHYIR SA BCU DANG SBYAR TE BSTAN TO, ,BSTAN BCOS MNGON PA SNA TSOGS KUN LAS BTUS PA LAS NI RNAM PA GSUM DU BSDAGS PA BRJOD NAS 'BRAS BU LNGA SDUD PAR STON TO, ,DE'I PHYIR BSTAN BCOS DE NYID LAS, GZHAN YANG SHIN TU RGYAS PA'I PHYOGS LA TING NGE 'DZIN DU MKHAS PA'I BYANG CHUB SEMS DPA'I MTSAN NYID JI LTAR KHONG DU CHUD PAR BYA ZHE NA, 'DI LTAR RGYU RNAMS LNGA'I PHYIR TE, ,SKAD CIG RE RE LA GNAS NGAN LEN GYI RTEN THAMS CAD 'JIG PAR BYED PA DANG, SNA TSOGS KYI 'DU SHES DANG BRAL TE CHOS KYI KUN DGA' LA DGA' BA THOB @138A *, ,PA DANG, RNAM PAR MI RTOG PA'I MTSAN MA TSANG MED PA YANG DAG PAR SHES PA DANG, RNAM PAR DAG PA DANG CHA MTHUN PA RNAM PAR RTOG PA MED PA'I MTSAN MA KUN DU 'BYUNG BA DANG, GONG MA BAS KYANG CHES GONG MA SANGS RGYAS KYI CHOS KYI SKU YONGS SU RDZOGS PA DANG, YONGS SU 'GRUB PAR BYA BA'I RGYU YONGS SU 'DZIN PAR BYED PA'O ZHES 'BYUNG NGO, ,BSTAN BCOS CHOS MNGON PA SNA TSOGS KUN LAS BTUS PA DANG, THEG PA CHEN PO BSDUS PA YANG DGONGS PA MI MTHUN PAS DE'I PHYIR DE LA MDO SDE KHONGS SU BZHAG NAS BSTAN PA LAS 'DI LTAR RNAM PA LNGA PO DE DAG KYANG BYANG CHUB SEMS DPA' RNAMS KYI BSDAGS PA BRJOD PA'I YON TAN RNAM PA GSUM LAS BRTZAMS NAS BSTAN PA YIN TE, 'DI LTA STE, ZHI GNAS KYI BSDAGS PA BRJOD PA'I YON TAN DANG, LHAG MTHONG GI BSDAGS PA BRJOD PA'I YON TAN DANG, DE GNYI GA'I PHYOGS KYI BSDAGS PA BRJOD PA'I YON TAN NO, ,ZHI GNAS KYI BSNGAGS PA BRJOD PA'I YON TAN YANG RNAM PA GNYIS TE, SKAD CIG RE RE LA GONG NAS GONG DU SHIN TU SBYANGS PA NYID DU GYUR PAS RGYUN CHAD PA MED PAR GNAS KUN DU KHYAB PA'I PHYIR SKAD CIG SKAD CIG LA GNAS NGAN LEN GYI RTEN THAMS CAD 'JIG PAR BYED PA DANG, BSTAN PA'I CHOS THAMS CAD LA BYE BRAG MED PA'I MTSAN NYID DU MOS PAS YANG DAG PA NYID DU SO SOR RTOG PAS RO GCIG TU GYUR PA'I PHYIR PHUNG PO DANG, KHAMS DANG SKYE MCHED LA SOGS PA SNA TSOGS KYI DON RNAMS KYI MTSAN MA'I 'DU SHES DANG BRAL TE, MDO'I SDE LA SOGS PA'I DGA' BA CHOS KYI DGA' BA THOB PA'O, ,LHAG MTHONG GI BSDAGS PA BRJOD PA'I YON TAN YANG RNAM PA GNYIS TE, CHOS RNAM PAR 'BYED PA LA RGYUN CHAD MED PA'I PHYIR DRAN PA'I SGO NAS RNAM PAR RTOG PA MED PA'I MTSAN MA TSAD MED PA DANG MDO'I SDE LA SOGS PA'I CHOS SHES RAB KYIS GSAL BAR KHONG DU CHUD PA DANG, GNAS GYUR PA'I MDUN ROL DU GZUGS KYI DNGOS PO JI SNYED PA DE DAG LA RNAM PAR RTOG PA MED CING 'BAD PA MED PA'I MTSAN MA MNGON SUM DU GYUR PA'O, ,LNGA PA GCIG TU NI DE GNYI GA'I PHYOGS KYI BSDAGS PA BRJOD PA'I YON TAN TE, CHOS KYI SKU NI SHES BYA'I SGRIB PA GTAN DU SPANGS PA'I GNAS SU GYUR PAS BSDUS PAS DE YANG SA BCU PA LA NI YONGS @138B SU RDZOGS PA ZHES BYA'O, ,DE BZHIN GSHEGS PA'I SA LA NI YONGS SU GRUB PA BYA STE, CHOS KYI SKU MYUR DU YONGS SU RDZOGS PA DANG, YONGS SU GRUB PAR BYED PA'I PHYIR MDO LAS GSUNGS PA'I GONG MA BAS KYANG CHES GANG MA ZHES BYA BA KHUNGS SU BSTAN PA YIN NO, ,RGYU MTHUN PA'I BAG CHAGS YIN PAS DE'I PHYIR DE'I RGYU YONGS SU 'DZIN PAR BYED PA ZHES BYA'O, ,DE LTAR RNAM PA LNGA PO DE DAG GIS NI BSGOMS PA RNAM PA LNGAS 'BRAS BU RNAM PA LNGA THOB PAR BSTAN TE, LNGA GANG ZHE NA 'DI LTA STE, MTSAN MA NYE BAR ZHI BAR BSGOM PA DANG, MTHUN PA'I BSGOM PA DANG, MTSAN MA MED PAR BSGOM PA DANG, RTZOL BA MED PAR BSGOM PA DANG, MTSAN MA BZLOG PA'I BSGOM PA'O ZHES BSTAN PA YIN NO, ,BSTAN BCOS MDO SDE'I RGYAN LAS NI RNAM PA GNYIS SU BSNGAGS PA BRJOD NA, CI'I PHYIR CHOS MNGON PA SNA TSOGS KUN LAS BTUS PA LAS, RNAM PA GSUM DU BSNGAGS PA BRJOD CE NA, SMRAS PA, KHUNGS SU BSTAN PA'I MDO NYID LAS 'PHAGS PA BYAMS PA DANG, SLOB DPON THOGS MED KYIS RNAM PAR PHYE BA MED KYI, SLOB DPON DBYIG GNYEN DANG, RTOGS PA'I SENG GES SO SO NAS LOGS SHIG TU RIGS PA RE RE BSKYED NAS, MDO LAS GSUNGS PA'I 'BRAS BU LNGA BSHAD PA YIN PAS, DE'I PHYIR PHAN TSUN 'GAL BA MED DO, ,BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS 'DRES PA'I CHOS LA DMIGS PA'I ZHI GNAS DANG LHAG MTHONG GANG LAS RTOGS SHING GANG LAS THOB PAR 'TSAL BAR BGYI LAGS ZHES BYA BA 'DI MAN CHAD NI GSUM PA RTOGS PA DANG, THOB PA'I SA'I GNAS SKABS RNAM PAR 'BYED PA'I SGO ZHES BYA BA STON TO, ,'DI YANG RNAM PA GNYIS TE, ZHU BA GSOL BA DANG LAN DU GSUNGS PA'O, ,'DI NI DANG PO ZHU BA GSOL BA STE, MDO NYID KYIS BRDA PHRAD PAR ZAD DO, ,BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL PA, RIGS KYI BU SA DANG PO RAB TU DGA' BA LAS NI RTOGS PA ZHES BYA'O, ,SA GSUM PA 'OD BYED PA LAS NI THOB PA ZHES BYA'O ZHES BYA BA LA SOGS PAS NI GNYIS PA DE BZHIN GSHEGS PAS YANG DAG PAR LAN DU GSUNGS PA BSTAN TO, ,'DI YANG RNAM PA GNYIS TE, @139A *, ,ZHU BA SNGA MA'I LAN YANG DAG PAR GSUNGS PA DANG, LAS DANG PO PA LA BSLAB PAR BSKUL BA'O, ,'DI NI DANG PO ZHU BA SNGA MA'I LAN YANG DAG PAR GSUNGS PA STE, 'DI LTAR SA DANG PO NYID KYIS DE BZHIN NYID MNGON PAR RTOGS PA ZHES BYA BA YANG DA DUNG YONGS SU MA BYANG BAS THOB PA ZHES MI BYA'O, ,YANG NA SA DANG PO YAN CHAD KYI SA RNAMS NI THAMS CAD KYANG RTOGS PA ZHES BYA'O, ,SA GSUM PAS NI TING NGE 'DZIN GYI SA THOB PA'I PHYIR TING NGE 'DZIN LA BRTAN NAS LHAG MTHONG BSKYED PA DANG, YONGS SU BYANG BA YANG THOB BAS, DE'I PHYIR SA GONG MA RNAMS LA THOB PA ZHES BYA'O, ,YANG DAG PA'I DON DU YANG NAS RNAMS KUN LA YANG DON RNAM PA GNYIS TSANG BAR YOD KYANG, MTSAN NYID RAB TU GSAL BA'I DBANG DU MDZAD PA'I PHYIR DE SKAD DU GSUNGS BA YIN NO, ,DGONGS PA ZAB MO RNAM BAR DGROL BA'I MDO LAS KYANG SA DANG PO NI RTOGS PA ZHES BYA'O, ,SA GSUM PA NI THOB PA ZHES BYA'O ZHES 'BYUNG NGO, , RIGS KYI BU BYANG CHUB SEMS DPA' LAS DANG PO BAS KYANG DE LA RJES SU BSLAB CING YID LA BYA STE, DA DUNG BSDAGS PAR BYA BA MA YIN MOD KYI, 'ON KYANG LE LOS GTANG BAR MI BYA'O ZHES BYA BA NI GNYIS PA LAS DANG PO LA BSLAB PAR BSKUL BA STE, SA'I MDUN ROL GYI BYANG CHUB SEMS DPA' DAG NI RTOGS BAR YANG MA GYUR THOB PA YANG MA YIN PAS DA DUNG BSNGAGS PAR BYA BA MA YIN MOD KYI, 'ON KYANG DE LA RJES SU BSLAB CING YID LA BYED PAS NAN TAN GYIS SGRUB DGOS PAS LE LOS GTANG BAR MI BYA'O ZHES BYA BA'I THA TSIG GO,, ,,BAM PO BZHI BCU GCIG BA, BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS ZHI GNAS DANG LHAG MTHONG DE DAG LAS JI LTAR NA RTOG PA DANG BCAS SHING DPYOD PA DANG BCAS PA'I TING NGE 'DZIN CES JI LTAR BGYI BAR 'GYUR LAGS, JI LTAR NA RTOG PA MA MCHIS SHID DPYOD PA TZAM GYI TING NGE 'DZIN CES BGYI PAR 'GYUR LAGS, JI LTAR NA RTOG BA MA MCHIS PA DANG DPYOD PA MA MCHIS PA'I TING NGE 'DZIN CES BGYI BAR 'GYUR LAGS ZHES BYA BA 'DI MAN CHAD NI BCU PO RTOG PA DANG DPYOD PA LA SOGS PA RAB TU DBYE BA'I SGO ZHES BYA BA STON TO, ,'DI YANG RNAM PA GNYIS TE, ZHU BA GSOL BA DANG LAN DU GSUNGS @139B PA'O, ,'DI NI DANG PO ZHU BA GSOL PA STE, DE LA ZHU BA GSOL BA'I DGONGS PA NI GONG DU BSTAN PA'I ZHI GNAS DANG LHAG MTHONG RNAM PA GNYIS PO DE DAG KYANG RTOG PA LA SOGS PA RNAM PA GSUM GYI BYE BRAG GANG GI MTSAN NYID DANG LDAN PA LAGS NA, JI LTAR NA RTOG PA DANG BCAS SHING DPYOD PA DANG BCAS PA'I TING NGE 'DZIN ZHES BGYI LAGS, DE BZHIN DU JI LTAR NA RTOG PA MA MCHIS PA DANG, DPYOD PA MA MCHIS PA'I TING NGE 'DZIN CES BGYI LAGS ZHES BSTAN PAR 'GYUR RO, ,RNAM PA GSUM CHAR LA YANG TING NGE 'DZIN ZHES GSUNGS PA NI, RNAM PAR G-YENG BA'I GNAS SKABS LAS RAB TU DBYE BA'I PHYIR DE SKAD DU GSUNGS PA YIN NO, ,DE DAG BYE BRAG YOD PA YANG THAMS CAD YOD PAR SMRA BA'I GZHUNG GIS NI SO SO BDAG NYID THA DAD PAR YOD DE PHAN TSUN MTSUNGS PAR LDAN PA YIN NO ZHES BSHAD DO, ,MDO SDE PA'I GZHUNG GIS NI BDAG NYID KYI RNAM PA MTSUNGS KYANG CIG CAR 'BYUNG BA NI MA YIN NO ZHES BSHAD DE, DE'I PHYIR BSTAN BCOS DE KHO NA NYID GRUB PA'I NANG NAS RTOG PA DANG DPYOD PA'I LE'U LAS, KHA CIG RTOG PA DANG DPYOD PA NI SEMS GCIG LA YOD DO ZHES ZER YANG, DNGOS PO DE NI DE LTA MA YIN TE ZHES 'BYUNG BAS DE DANG SBYAR NA BSTAN BCOS DE KHO NA NYID GRUB PA LAS BSTAN PA'I DGONGS PA NI DUS GCIG TU 'BYUNG BA YANG MA YIN LA, SEMS LAS GUD NA NGO BO NYID THA DAD PAR YOD PA YANG MA YIN PAR STON TO, ,'DIR THEG PA CHEN PO'I BSTAN PA DANG SBYAR NA GNYI GA YANG SEMS PA DANG SHES RAB KYI NGO BO NYID DO, ,PHAN TSUN MTSUNGS PAR LDAN PA YANG MA YIN TE, RTZID PA DANG ZHIB PA THA DAD PA'I PHYIR RO ZHES BSHAD DE, BSTAN BCOS RNAL 'BYOR SPYOD PA'I SA'I 'GREL PA LAS JI SKAD DU RTOG PA NI 'DI LTA STE KUN DU TSOL BA'O, ,DPYOD PA NI 'DI LTA STE SO SOR RTOG PA'O, ,YANG NA SEMS DPA' 'AM SHES RAB KYI YUL KUN DU TSOL BA RTZID PA'I GNAS SKABS GANG YIN PA DE NI RTOG PA ZHES BYA'O, ,RNAM PA DE GNYIS KYIS YUL SO SOR RTOG BA ZHIB PA'I GNAS SKABS GANG YIN PA DE NI DPYOD PA ZHES BYA'O, ,SKAD CIG MA GCIG LA CHOS GNYIS MTSUNGS PAR LDAN PA YANG MA YIN TE, RNAM PA GCIG LA RTZING BA DANG ZHIB PA SNGA PHYI THA DAD PA'I PHYIR RO ZHES BSHAD PA LTA BU'O, ,BCOM LDAN 'DAS KYIS BYANG CHUB SEMS DPA' @140A *, ,BYAMS PA LA BKA' STZAL BA, RIGS KYI BU JI LTAR BZUNG ZHING RTOG PA DANG DPYOD PA'I CHOS KYI MTSAN MA DAG LA RAGS SHING GSAL BAR MYONG BA DANG, SO SOR RTOG PA DANG BCAS PA'I ZHI GNAS DANG LHAG MTHONG GANG YIN PA DE NI RTOG PA DANG BCAS SHING DPYOD PA DANG BCAS PA'I TING NGE 'DZIN ZHES BYA'O ZHES BYA BA LA SOGS PAS NI GNYIS PA DE BZHIN GSHEGS PAS YANG DAG PAR LAN DU GSUNGS PA BSTAN TO, ,'DI YANG RNAM GRANGS RNAM PA GNYIS KYIS STON PAS RNAM PA GNYIS SU DBYE STE, SA'I MDUN ROL KHO NA'I DBANG DU MDZAD NAS BYE BRAG GI MTSAN NYID BSTAN PA DANG, SA LA GNAS PA'I SPYI'I DBAB DU MDZAD NAS BYE BRAG GI MTSAN NYID BSTAN PA'O, ,DANG PO YANG THA DAD PA RNAM PA GSUM YOD PAS DE NYID LAS RNAM PA GSUM DU DBYE STE, 'DI NI DANG PO'O, ,'DI LTAR BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL BA, JI LTAR THOS PA DANG BSAMS PA'I SHES RAB RNAM PA GNYIS KYIS YONGS SU BZUNG BA'I TSIG 'BRU DANG, CHOS KYI DON GYI MTSAN MA DE DAG LA RTOG PA DANG DPYOD PAR BYED PAS RAGS SHING GSAL BAR MYONG BA SO SOR RTOG PA'I ZHI GNAS DANG LHAG MTHONG GANG YIN PA DE NI RTOG PA DANG BCAS SHING DPYOD PA DANG BCAS PA'I TING NGE 'DZIN ZHES BYA'O ZHES BSTAN PA'O, ,GANG LA DE DAG NYID KYI MTSAN MA RAGS SHING GSAL BAR MYONG BA DANG, SO SOR RTOG PA MED MOD KYI, 'ON KYANG DE'I SNANG BA'I DRAN PA PHRA MA TZAM GYI MYONG BA DANG SO SOR RTOG PA DANG BCAS PA'I ZHI GNAS DANG LHAG MTHONG GANG YIN PA DE NI RTOG PA MED CING DPYOD PA TZAM GYI TING NGE 'DZIN ZHES BYA'O ZHES BYA BA NI GNYIS PA RTOG PA MED CING DPYOD PA TZAM GYI MTSAN NYID BSTAN PA STE, SNGAR GONG DU BSTAN PA'I 'DRES PA DANG, 'DRES PA MA YIN PA'I CHOS KYI MTSAN MA DE DAG LA RAGS SHING GSAL BA'I SO SOR RTOG PA MED KYANG SNGAR BSTAN PA'I 'DRES PA DANG, 'DRES PA MA YIN PA'I GSUNG RAB KYI CHOS KYI SNANG BA DRAN PA PHRA MO TZAM GYI RJES SU DRAN PA'I MYONG BA DANG, SO SOR RTOG PA DANG BCAS PA'I ZHI GNAS DANG, LHAG MTHONG GANG YIN PA DE NI RTOG PA MED CING DPYOD PA TZAM GYI TING NGE 'DZIN CES BYA STE, DE'I PHYIR SLOB DPON THOGS MED KYIS MDZAD PA'I 'GREL BA LAS, RJES SU DRAN PAS BZUNG BA @140B RTOG PA DANG DPYOD PA'I CHOS DAG LA RAGS SHING GSAL BA'I MYONG BA DANG, SO SOR RTOG PA MA BSKYED PAR YANG ZHI GNAS DANG LHAG MTHONG GIS SNANG BA DRAN PA'I DBANG GIS MYONG BA DANG, SO SOR RTOG PA 'BYUNG BAR BYED PA'O ZHES BSHAD PA YIN NO, ,SNANG BA'I DRAN PA DE YANG RNAM PA MANG PAS THOS PA'I SHES RAB LA BRTEN NAS SNANG BA BSTAN PA YANG YOD DE, BSTAN BCOS RNAL 'BYOR SPYOD PA'I SA LAS JI SKAD DU, DE LA JI LTAR THOS PA BZHIN DU KUN CHUB PAR BYAS PA DANG, KHONG DU CHUD PA RNAMS LA BRJED NGAS PA MED PA NI CHOS RNAMS KYI SNANG BA ZHES BYA'O, ,DE DANG 'GROGS PA DANG, DE DANG MTSUNGS PAR LDAN PA'I 'DU SHES GANG YIN PA DE NI SNANG BA'I 'DU SHES YIN PAR RIG PAR BYA'O ZHES BSTAN PA LTA BU'O, ,SHES RAB RNAM PA GSUM LA BRTEN NAS CHOS KYI SNANG BA BSTAN PA YANG YOD DE, DE'I PHYIR BSTAN BCOS RNAL 'BYOR SPYOD PA'I SA LAS, DE LA CHOS KYI SNANG BA NI 'DI LTA STE, JI LTAR 'DI NA KHA CIG JI LTAR GZUNG BA DANG, JI LTAR BSAMS PA DANG, JI LTAR REG PA'I CHOS RNAMS LA SO SOR RTOG PA'AM, SANGS RGYAS LA SOGS PA RJES SU DRAN PA BSGOM PA'O ZHES 'BYUNG BA YIN NO, ,KHA CIG LAS RNAM PA BZHIR BSTAN PA YANG YOD DE, BSTAN BCOS RNAL 'BYOR SPYOD PA'I SA LAS JI SKAD DU, DE LA DON GYI SKABS 'DIR SNANG BA'I 'DU SHES NI CHOS SEMS SHING RNAL 'BYOR YID LA BYED PA'I BAR DU GCOD PA SPANGS PA'I PHYIR, ,CHOS KYI SNANG BA DANG, DON GYI SNANG BA DANG, ZHI GNAS KYI SNANG BA DANG, LHAG MTHONG GI SNANG BA DANG, SNANG BA DE DAG GI DBANG DU BYAS PA NI SNANG BA'I 'DU SHES YIN PAR RIG PAR BYA'O ZHES BSTAN PA LTA BU STE, SNANG BA DE DAG LA YANG BSHAD PA RNAM PA GNYIS YOD DE, KHA CIG NA RE DE'I SNANG BA ZHES BYA BA NI DES YONGS SU BZUNG BA'I CHOS DANG CHA MTSUNGS PA'I GZUGS BRNYAN DRAN ZHING GSAL BAR SNANG BA NI DE'I DRAN PA ZHES BYA'O ZHES ZER TE, DE NI DMIGS PAR BYED PA'I DRAN PA'O, ,BSHAD PA 'DI DANG SBYAR NA SNANG BA'I DRAN PA NYID NI SNANG BA'I DRAN PA ZHES BYA STE, BDAG PO'I DBANG DU BYAS PA'I RNAM PAR BSHAD PA'O, ,KHA CIG NA RE DMIGS PAR BYED PA'I DRAN PAS GSAL BAR KHONG DU CHUD PA GANG YIN PA DE NI DE'I SNANG BA ZHES BYA'O ZHES ZER TE, BSHAD PA 'DI'ANG SBYAR NA, @141A *, ,'DI NI LAS YONGS SU 'DZIN PA'I RNAM PAR BSHAD PA YIN TE, DRAN PA NYID SNANG BA YIN PA'I PHYIR RO, ,CHOS DE DAG THAMS CAD KYI MTSAN MA YID LA BYED PA CI YANG MED PA'I MYONG BA DANG, SO SOR RTOG PA'I ZHI GNAS DANG LHAG MTHONG GANG YIN PA DE NI RTOG PA MED PA DANG, DPYOD PA MED PA'I TING NGE 'DZIN ZHES BYA'O ZHES BYA BA NI GSUM PA RTOG PA DANG, DPYOD PA MED PA'I MTSAN NYID BSTAN PA'O, ,SNGA MA'I ZHI GNAS DANG LHAG MTHONG DE DAG GI GNAS SKABS KYI DMIGS PA'I CHOS RNAMS LA RANG GI NGANG NYID DU YONGS SU BYANG BAR GYUR NAS YID LA BYED PA CI YANG MED PA'I MYONG BA DANG, SO SOR RTOG PA GANG YIN PA DE NI RTOG PA MED PA DANG DPYOD PA MED PA'I TING NGE 'DZIN CES BYA BA'I THA TSIG GO, ,BSHAD PA'I RNAM GRANGS GZHAN DU NA YID LA BYED PA CI YANG MED PA ZHES BYA BA NI 'DI LTA STE, SA'I MDUN ROL DU DE BZHIN DU BSGOM PA'I RNAL 'BYOR BSLABS PAS RNAM PAR RTOG PA RNAMS NYE BAR ZHI BAR GYUR BA GANG YIN PA DE NI YID LA BYED PA MED PA ZHES BYA'O, ,GZHAN YANG RIGS KYI BU YONGS SU TSOL BA DANG BCAS PA'I ZHI GNAS DANG LHAG MTHONG GANG YIN PA DE NI RTOG PA DANG BCAS SHING DPYOD PA DANG BCAS PA'I TING NGE 'DZIN ZHES BYA'O ZHES BYA BA 'DI MAN CHAD NI GNYIS PAS LA GNAS PA'I SPYI'I DBANG DU MDZAD NAS BYE BRAG GI MTSAN NYID BSTAN PA STON TO, ,'DI YANG RNAM GSUM BSTAN PA NYID KYIS RNAM PA GSUM DU DBYE STE, 'DI NI DANG PO'O, ,'DI NI SA'I MDUN ROL BA'I YONGS SU TSOL BA RNAM PA BZHI'I DBANG DU MDZAD NAS GSUNGS PA STE, 'DI LTAR SBYOR BA'I GNAS SKABS NA, DRO BAR GYUR BA DANG RTZE MO'I DGE BA'I RTZA BA LA GNAS PA DAG GIS MING DANG NGON GYI BYE BRAG GI RANG GI NGO BO NYID YONGS SU TSOL BA GANG YIN PA DE NI YONGS SU TSOL BA ZHES BYA BAS NA, DE'I PHYIR RTOG PA DANG BCAS SHING DPYOD PA DANG BCAS PA'I TING NGE 'DZIN ZHES BYA'O, ,SO SOR RTOG PA DANG BCAS PA'I ZHI GNAS DANG LHAG MTHONG GANG YIN PA DE NI RTOG PA MED CING DPYOD PA TZAM GYI TING NGE 'DZIN ZHES BYA'O ZHES BYA BA NI GNYIS PA RTOG PA MED CING DPYOD PA TZAM GYI MTSAN NYID BSTAN PA'O, ,'DI LTAR BZOD PA DANG, 'JIG RTEN PA'I CHOS KYI MCHOG RNAM PA GNYIS KYI DGE BA'I RTZA BA LA GNAS PA DAG GIS YANG DAG PA @141B JI LTA BA BZHIN DU MING LA SOGS PA'I YUL BZHI PO DAG KHONG DU CHUD PA GANG YIN PA DE NI SO SOR RTOG PA ZHES BYA STE, DE NYID NI RTOG PA MAD CING DPYOD PA TZAM GYI TING NGE 'DZIN ZHES BYA'O, ,'DI LTAR SO SOR RTOG PA DANG, YANG DAG PA JI LTA BA BZHIN DU KHONG DU CHUD PA RGYA CHER RNAM PAR 'BYED PA NI, BSTAN BCOS RNAM PAR RIG PA TZAM DU GRUB PA DANG, THEG PA CHEN PO BSDUS PA DANG, RNAL 'BYOR SPYOD PA'I SA'I NANG NAS BYANG CHUB SEMS DPA'I SA LAS BSTAN PA BZHIN DU RIG PAR BYA'O, ,'DRES PA'I CHOS LA DMIGS PA'I ZHI GNAS DANG LHAG MTHONG GANG YIN PA DE NI RTOG PA MED PA DANG DPYOD PA MED PA'I TING NGE 'DZIN ZHES BYA'O ZHES BYA BA NI GSUM PA RTOG PA MED PA DANG, DPYOD PA MED PA'I MTSAN NYID BSTAN PA STE, 'DI LTAR SA LA GNAS PA DAG GIS 'DRES PA'I CHOS RNAMS LA DMIGS SHING DE BZHIN NYID DU BSGOMS PAS RTOG PA DANG DPYOD PA RNAMS DANG BRAL BA GANG YIN PA DE NI RTOG PA DANG DPYOD PA MED PA ZHES BYA STE, DE'I PHYIR BSTAN BCOS THEG PA CHEN PO BSDUS PA LAS, DON GANG GI PHYIR RNAM PAR RIG PA TZAM GYI NGO BO NYID LA 'JUG CE NA, 'DRES PA'I CHOS LA DMIGS PA 'JIG RTEN LAS 'DAS PA'I ZHI GNAS DANG LHAG MTHONG GIS SHES PA'I PHYIR RO ZHES BSHAD DE, RTOG PA DANG DPYOD PA DANG BCAS PA'I TING NGE 'DZIN 'DI'I BYE BRAG GI MTSAN NYID KYI DON ZHIB TU MTSAN NYID BSTAN PA DAG LAS 'BYUNG BA BZHIN DU RIG PAR BYA'O, ,BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS ZHI GNAS KYI RGYU MTSAN NI GANG LAGS, RAB TU 'DZIN PA'I RGYU MTSAN NI GANG LAGS, BTANG SNYOMS KYI RGYU MTSAN NI GANG LAGS ZHES BYA BA 'DI MAN CHAD BCU GCIG PA ZHI GNAS DANG RAB TU 'DZIN PA DANG, BTANG SNYOMS KYI RGYU MTSAN RAB TU DBYE BA'I SGO ZHES BYA BA STON TO, ,'DI YANG RNAM PA GNYIS TE, ZHU BA GSOL BA DANG LAN DU GSUNGS PA'O, ,'DI NI DANG PO ZHU BA GSOL BA STE, DE LA DANG PO ZHU BA GSOL BA'I DGONGS BA NI 'DI SKAD DU BCOM LDAN 'DAS KYIS DE DANG DE DAG TU ZHI GNAS DANG RAB TU 'DZIN PA DANG, BTANG SNYOMS RNAM PA GSUM PO DAG GI BYE BRAG GI MTSAN NYID GSUNGS TE, DE LA ZHI GNAS NI SEMS BSRUNGS NAS YUL LA GNAS @142A *, ,SHING RNAM PAR G-YENG BA DANG BRAL BA'I PHYIR ZHI GNAS ZHES BYA'O, ,LHAG MTHONG NI CHOS RNAMS KUN DU TSOL ZHING RAB TU RNAM BAR 'BYED PAS LHAG MTHONG ZHES KYANG BYA, RAB TU 'DZIN BA ZHES KYANG BYA STE, BYING BA DANG BRAL BA'I PHYIR RO, ,BTANG SNYOMS NI BYING BA DANG BRAL BA'I PHYIR RO ZHES GSUNGS NA, 'DIR NI RE ZHIG LHAG MTHONG MI GLENG STE, RNAM PA GSUM PO DE DAG GI MTSAN NYID JI LTA BU LAGS ZHES BYA BA'I THA TSIG GO, ,BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL PA, RIGS KYI BU GAL TE SEMS RGOD PA'AM RGOD DU DOGS PA NA, KUN DU SKYO BAR 'GYUR BA MTHUN PAR CHOS RNAMS YID LA BYED BA DANG, BAR CHAD MED PA'I SEMS DE YID LA BYED PA GANG YIN PA DE NI ZHI GNAS KYI RGYU MTSAN ZHES BYA'O ZHES BYA BA LA SOGS PAS NI GNYIS PA DE BZHIN GSHEGS PAS YANG DAG PAR LAN DU GSUNGS PA STON TO, ,ZHU BA SNGA MA RNAM PA GSUM GYI LAN GSUNGS PA NYID KYIS RNAM PA GSUM DU DBYE STE, 'DI NI DANG PO ZHI GNAS KYI RGYU MTSAN ZHUS PA'I LAN DU GSUNGS PA NYID DO, ,'DI LTAR BYANG CHUB SEMS DPA' RNAL 'BYOR SGOM PA NA GAL TE SEMS RGOD PAR GYUR TAM, RGOD PAR 'GYUR DU DOGS PA'I TSE YID LA BYED PA RNAM PA GNYIS YOD DE, YONGS SU SKYO BAR 'GYUR BA'I CHOS LA DMIGS PA DANG, BAR CHAD MED PA'I SEMS LA DMIGS PA'O, ,'DI LTAR YID LA BYED PA RNAM PA GNYIS PO DE'I DBANG GIS SEMS ZHI ZHING DBEN PAR GYUR BA GANG YIN PA DE NI ZHI GNAS KYI RGYU MTSAN ZHES BYA'O, ,BAR CHAD MED PA'I SEMS NI SNGAR BSTAN PA'I ZHI GNAS KYI DMIGS PAR BYA BA'I SPYOD YUL GANG YIN PA'O, ,GAL TE SEMS BYING BA'AM BYING DU DOGS PA NI MNGON PAR SPRO BAR 'GYUR BA'I CHOS RNAMS YID LA BYED PA DANG, SEMS KYI MTSAN MA DE YID LA BYED PA GANG YIN PA DE NI RAB TU 'DZIN PA'I RGYU MTSAN ZHES BYA'O ZHES BYA BA NI GNYIS PA RAB TU 'DZIN PA'I MTSAN NYID BSTAN PA STE, 'DI LTAR BYANG CHUB SEMS DPA' RNAL 'BYOR SGOM PA NA, SEMS BYING BAR GYUR TAM BYING BAR GYUR DU DOGS PA'I TSE, YID LA BYED PA RNAM PA GNYIS YOD DE, MNGON PAR SPRO BAR GYUR BA'I CHOS LA DMIGS PA DANG, SEMS KYI MTSAN @142B MED PA DMIGS PA'O, ,'DI LTAR YID LA BYED PA RNAM PA GNYIS PO DE'I DBANG GIS SEMS SPRO ZHING RTZOL BAR 'GYUR BA GANG YIN PA DE NI RAB TU 'DZIN PA'I RGYU MTSAN ZHES BYA'O, ,DE LA SEMS KYI MTSAN MA ZHES BYA BA NI SNGAR BSTAN PA'I LHAG MTHONG GIS DMIGS PAR BYA BA'I SPYOD YUL GANG YIN PA'O, , ZHI GNAS KYI LAM LA GCIG TU NGES PA'AM, LHAG MTHONG GI LAM LA GCIG TU NGES PA'AM, ZUNG DU 'BREL BA'I LAM YANG RUNG STE, NYE BA'I NYON MONGS PA GNYIS KYIS NYE BAR NYON MONGS PAR GYUR BA NA, 'BAD PA MED PA'I YID LA BYED PA DANG, SEMS RANG GI NGANG GIS 'JUG PA'I YID LA BYED PA GANG YIN PA DE NI BTANG SNYOMS KYI RGYU MTSAN ZHES BYA'O ZHES BYA BA NI GSUM PA BTANG SNYOMS KYI MTSAN NYID BSTAN PA STE, 'DI LTAR ZHI GNAS LA GCIG TU NGES PA'AM, LHAG MTHONG LA GCIG TU NGES PA'AM, ZUNG DU 'JUG PA'I LAM LA YANG RUNG STE, BYING BA DANG RGOD PA'I NYE BA'I NYON MONGS PA GNYIS KYIS KUN DU NYON MONGS PAR GYUR PA NA, RTZOL BA MED PA'I YID LA BYED PA DANG, RANG GI NGANG GIS 'JUG PA'I YID LA BYED PA JI SNYED PA DE DAG NI BTANG SNYOMS KYI RGYU MTSAN ZHES BYA STE, ZHI GNAS DANG LHAG MTHONG GCIG TU NGES SHING SO SO NAS BYING BA DANG, RGOD PA'I RJES SU MTHUN PA DANG, MI MTHUN PA'I SGRIB PA GNYIS DANG BRAL BAR GYUR BA'I PHYIR YANG BTANG SNYOMS ZHES BYA'O, ,'BAD PA MED PA DANG RANG GI NGANG GIS 'JUG PA LA BYE BRAG CI YOD CE NA, SMRAS PA, RNAM PA'I MTSAN NYID 'DRA YANG RTZOL BA MED PA DANG POR MNGON PAR GRUB PA GANG YIN PA DE NI 'BAD PA MED PA ZHES BYA'O, ,PHYIS YONGS SU GOMS PAR GYUR BA NA RANG GI NGANG GIS 'JUG PA'I PHYIR NI RANG GI NGANG GIS 'JUG PA ZHES BYA STE, BSTAN BCOS RNAM PAR RIG PA TZAM DU GRUB PA LAS BTANG SNYOMS KYI MTSAN NYID BSTAN PA'I SKABS NAS JI SKAD DU MNYAM PA NYID DANG, RNAL DU 'DUG PA DANG, LHUN GYIS GRUB PA NI DANG PO DANG BAR MA DANG THA MA GSUM GYI BYE BRAG GI RNAM PA'I MTSAN NYID DO ZHES BSTAN PA LTA BU STE, 'DI YANG DE BZHIN NO, ,CHOS GSUM PO 'DI DAG GI BDAG NYID JI LTA BU ZHE NA, SMRAS PA, ZHI GNAS NI TING NGE 'DZIN GYI BDAG NYID DO, ,RAB TU 'DZIN PA NI LHAG MTHONG GI BDAG NYID DO, ,BTANG SNYOMS NI @143A *, ,SNGON GYI BRGYUD PA DAG LAS BSHAD PA RNAM PA GNYIS YOD DE, KHA CIG NA RE ZHI GNAS DANG LHAG MTHONG GCIG TU BSDUS PA'I BDAG NYID DO ZHES ZER TE BYING BA DANG RGOD PA DANG BRAL BA'I PHYIR RO, ,KHA CIG NA RE BCU GCIG PA DE DAG LAS BTANG SNYOMS KYI NGO BO NYID DE, DE'I PHYIR BSTAN BCOS RNAM PAR RIG PA TZAM DU GRUB PA LAS, BTANG SNYOMS NI BRTZON 'GRUS KYI DBANG PO GSUM GYI SEMS MNYAM PA NYID DANG, RNAL DU 'DUG PA DANG, LHUN GYIS GRUB PA NYID DU GNAS PA'I BDAG NYID DE, BYING BA DANG RGOD PA'I GNYEN POR GYUR BA RAB TU ZHI BAR GNAS PA'I LAS CAN NO ZHES 'BYUNG STE, DES NA BTANG SNYOMS KYI BDAG NYID YIN PAR MNGON NO ZHE'O, ,DE LTAR RNAM PA GNYIS SU BSHAD PA YOD KYANG BSHAD PA NI PHYI MA BZANG NGO, ,'DIR NI ZHI GNAS DANG LHAG MTHONG DANG, BTANG SNYOMS LA YID LA BYED PA ZHES GSUNGS PA NI NYE BAR GYUR BA'I RNAM PAR BSHAD PA YIN TE, DPER NA DRAN PA NYE BAR GZHAG PA BZHI LA DRAN PA ZHES GSUNGS KYANG, NGO BO NYID NI SHES RAB YIN PA LTA BU'O, ,LHAG MTHONG RAB TU 'DZIN PA YIN NA, CI'I PHYIR BSTAN BCOS RNAL 'BYOR SPYOD PA'I SA LAS, RNAM PA BZHI PO 'DI LTA STE, ZHI GNAS DANG, LHAG MTHONG DANG, RAB TU 'DZIN PA DANG, BTANG SNYOMS ZHES RNAM PAR PHYE STE BSTAN ZHE NA, SMRAS PA, RAB TU 'DZIN PA GANG YIN PA DE NI GDON MI ZA BAR LHAG MTHONG YIN LA, LHAG MTHONG GI SGO KHA CIG NI RAB TU 'DZIN PA MA YIN PA YANG YOD DE, 'DI LTA STE, BYING BA LA SOGS PA'I GNYEN POR MA GYUR BA'I DUS NA'O, ,'DI DAG GI BYE BRAG GI MTSAN NYID NI, BSTAN BCOS RNAL 'BYOR SPYOD PA'I SA LAS ZHI GNAS DANG, LHAG MTHONG DANG, RAB TU 'DZIN PA DANG, BTANG SNYOMS RNAMS RE RE LA MTSAN NYID RNAM PA GSUM LA MTSAN NYID RNAM PA GSUM YOD PAR BSTAN PA 'DI LTA STE, ZHI GNAS DANG, ZHI GNAS KYI MTSAN MA DANG, ZHI GNAS KYI DUS ZHES BYA BA LA SOGS PA BSTAN PA LTA BU'O, ,BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, BCOM LDAN 'DAS ZHI GNAS DANG LHAG MTHONG SGOM PA'I BYANG CHUB SEMS DPA' RNAMS NI CHOS SO SO YANG DAG PAR RIG PA LAGS NA, JI LTAR @143B CHOS SO SO YANG DAG PAR RIG PA LAGS, JI LTAR NA DON SO SO YANG DAG PAR RIG PA LAGS ZHES BYA BA 'DI MAN CHAD NI BCU GNYIS PA CHOS DANG DON SO SO YANG DAG PAR RIG PA RAB TU DBYE BA'I SGO ZHES BYA BA STON TO, ,'DI YANG RNAM PA GNYIS SU DBYE STE, CHOS DANG DON SO SO YANG DAG PAR RIG PA BSTAN PA DANG, BYANG CHUB SEMS DPA' BYAMS PAS YANG ZHES BYA BA NAS YID LA BGYID PA GANG GIS MTSAN MA GANG JI LTAR RNAM PAR SEL BAR BGYI LAGS ZHES BYA BA MAN CHAD KYIS MTSAN MA RNAMS RAB TU SEL BA BSTAN PA'O, ,DANG PO YANG RNAM PA GNYIS TE, YONGS SU SHES PAR BYA BA LAS BRTZAMS NAS, CHOS DANG DON SO SO YANG DAG PAR RIG PA BSTAN PA DANG, BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS THOS PA LAS BYUNG BA'I SHES RAB KYIS DON SO SO YANG DAG PAR RIG PA GANG LAGS PA ZHES BYA BA MAN CHAD KYIS YONGS SU SHES PAR BYA BA LAS BRTZAMS NAS, DON SO SO YANG DAG PAR RIG PA BSTAN TE, BSTAN BCOS THEG PA CHEN PO BSDUS PA'I 'GREL BA SLOB DPON NGO BO NYID MED KYIS BYAS PA LAS, THEG PA CHEN PO'I CHOS DANG DON NI THOS PA LA SOGS PA'I SHES RAB RNAM PA GSUM GYIS DMIGS PAR BYA BA YIN NO ZHES BSHAD DO, , BSHAD PA'I RNAM GRANGS GZHAN DU NA, DANG PO NI CHOS SO SO YANG DAG PAR RIG PA DANG, DON SO SO YANG DAG PAR RIG PA RNAM PAR BSHAD PA'O, ,GNYIS PA NI BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO ZHES BYA BA NAS SHES PA NI GANG LAGS, MTHONG BA NI GANG LAGS ZHES BYA BA MAN CHAD KYIS SHES RAB DANG MTHONG BA'I BYE BRAG BSTAN PA'O, ,DE LTAR RNAM PA GNYIS SU BSHAD PA YOD KYANG, 'DIR NI RE ZHIG BSHAD PA SNGA MA DANG SBYAR NAS BSTAN PAR BYA'O, ,DANG PO CHOS DANG DON YANG DAG PAR RIG PA BSTAN PA DE YANG RNAM PA GNYIS SU DBYE STE, ZHU BA GSOL BA DANG LAN DU GSUNGS PA'O, ,'DI NI DANG PO ZHU BA GSOL BA'O, ,MDO'I TSIG 'DI YANG RNAM PA GNYIS TE, ZHU BA GSOL BA'I GNAS GSUNG RAB BSTAN PA DANG, JI LTAR NA ZHES BYA BA MAN CHAD KYIS ZHU BA NYID KYI TSIG YANG DAG PAR BSTAN PA'O, ,BCOM LDAN 'DAS KYIS BYANG CHUB SEMS DPA' @144A *, ,BYAMS PA LA BKA' STZAL BA, RIGS KYI BU BYANG CHUB SEMS DPA' DE DAG GI MTSAN NYID RNAM PA LNGAS CHOS SO SO YANG DAG PAR RIG PAR 'GYUR TE ZHES BYA BA LA SOGS PAS NI GNYIS BA DE BZHIN GSHEGS PAS YANG DAG PAR LAN DU GSUNGS PA STON TO, ,'DI YANG RNAM PA GNYIS TE; CHOS SO SO YANG DAG PAR RIG PA RNAM PAR BSHAD PA DANG, DON SO SO YANG DAG PAR RIG PA RNAM PAR BSHAD PA'O, ,CHOS SO SO YANG DAG PAR RIG PA LA YANG RNAM PA BZHIR DBYE STE, GRANGS SMOS NAS MDOR BSTAN PA DANG, GRANGS BZHIN DU MING BKOD PA DANG, GO RIMS BZHIN DU RNAM PAR PHYE STE BSTAN PA DANG, RNAM PAR BSHAD NAS SPYI'I MJUG BSDU BA STE, 'DI NI DANG PO'O, ,MING SHES PA DANG, TSIG SHES PA DANG, YI GE SHES PA DANG, SO SO BA SHES PA DANG, 'DRES PA SHES PAS SO ZHES BYA BA NI GNYIS PA GRANGS BZHIN DU MING BKOD PA'O, ,RNAM PA LNGA LAS SNGA MA GSUM NI BSTAN PA'I NGO BO NYID YANG DAG PAR RIG PA YIN TE, MDO'I TSIG 'DI DANG SBYAR NA, DE BZHIN GSHEGS PA'I BSTAN PA NI MING DANG, TSIG DANG YI GE'I NGO BO NYID YIN PAR MNGON NO, ,PHYI MA GNYIS NI 'DRES PA DANG, MA 'DRES PA'I DON SHES PA YIN NO, ,'DRES PA DANG, MA 'DRES PA'I DON SHES PA DE LA YANG DAG PAR BSHAD PA RNAM PA LNGA YOD DE, KHA CIG NA RE MING SHES PA'I PHYIR NI SO SO BA SHES PA ZHES BYA'O, ,MA 'DRES PA'I TSIG 'DI SHES PA GANG YIN PA DE NI 'DRES PA SHES PA ZHES BYA'O ZHE'O, ,KHA CIG NA RE MING LA MING MANG PO YOD PAS SO SO MA 'DRES PAR SHES PA GANG YIN PA DE NI MA 'DRES PA'I SHES PA ZHES BYA'O, ,SO SO BA DANG 'DRES PA GNYI GA GCIG TU 'DRES PAR SHES PA GANG YIN PA DE NI 'DRES PAR SHES PA ZHES BYA STE, TSIG GI TSOGS DANG YI GE'I TSOGS KYI 'DRES PA DANG, MA 'DRES PA YANG DE BZHIN NO ZHE'O, ,KHA CIG NA RE MING DANG, TSIG DANG YI GE'I TSOGS DANG, SO SO MA 'DRES PAR SHES PA GANG YIN PA DE NI SO SO BA SHES PA ZHES BYA'O, ,MANG DANG TSIG DANG, YI GE GCIG TU 'DRES PAR SHES PA GANG YIN PA DE NI 'DRES PA SHES PA ZHES BYA'O ZHE'O, ,KHA CIG NA RE MDO SDE LA SOGS PA MANG PO SO SO MA 'DRES PAR SHES PA GANG YIN PA DE NI SO SO BA SHES PA ZHES BYA'O, ,GCIG TU @144B 'DRES PAR SHES PA GANG YIN PA DE NI 'DRES PA SHES PA ZHES BYA'O ZHES ZER TE, RGYA CHER SNGA MA BZHIN DU RIG PAR BYA'O, ,KHA CIG NA RE 'DRES PA DANG SO SO BA ZHES BYA BA NI 'DI LTA STE, 'DRES PA DANG MA 'DRES PA LA DMIGS PA'I SEMS SHES PA GANG YIN PA DE NI 'DRES PA DANG, SO SO BA SHES PA ZHES BYA BA'I MING LA SOGS PA SHES PA NI MA YIN NO ZHE'O, ,GAL TE SEMS SHES PA LA BYA NA, JI LTAR CHOS SO SO YANG DAG PAR RIG PA ZHES BYA BAR 'GYUR ZHE NA, SMRAS PA, BSTAN BCOS RNAM PAR BSHAD PA LAS JI SKAD DU 'CHAD PA PO DANG, GANG GI CHED DU BSHAD PAR BYA BA DE YANG YI GE SHES PA ZHES BYA'O ZHES BSHAD PA LTA BU STE, DE'I PHYIR SO SO YANG DAG PAR RIG PA LA DMIGS PA'I SEMS LA YANG CHOS SO SO YANG DAG PAR RIG PA ZHES BYA'O, ,MING GANG ZHE NA ZHES BYA BA LA SOGS PAS NI GSUM PA GO RIMS BZHIN DU RNAM PAR PHYE STE BSHAD PA BSTAN TO, ,'DI YANG RNAM PA LNGAR DBYE STE, RE RE LA ZHU BA GSOL PA DANG, LAN DU GSUNGS PA YOD PAR SBYAR TE 'DI MING NI ZHUS PA NYID DO, ,'DI LTA STE, KUN NAS NYON MONGS PA DANG, RNAM PAR BYANG BA'I CHOS THAMS CAD LA YANG RANG GI NGO BO NYID RNAM PAR BZHAG NAS, 'DU SHES KYI BRDAR BTAGS PA GANG YIN PA'O ZHES BYA BA NI GNYIS PA YANG DAG PAR BSHAD PA'O, ,'DI LTAR CHOS THAMS CAD NI KUN NAS NYON MONGS PA DANG, RNAM PAR BYAD PA LAS GUD NA MED PAS KUN NAS NYON MONGS PA DANG, RNAM PAR BYANG BA'I CHOS RNAMS KYI RANG GI NGO BO NYID RJOD PAR BYED PA 'DU SHES KYI BRDAR BTAGS PA GANG YIN PA DE NI MING ZHES BYA STE, DE NI DON DU NA 'DI SKAD DU CHOS THAMS CAD NI DON RNAM PA GNYIS DANG LDAN PAS, DANG PO NI RANG GI NGO BO NYID DE, LHA DANG MI DANG, MIG DANG, RNA BA ZHES BYA BA LA SOGS PA RANG GI NGO BO NYID RJOD PA LTA BU STE, DE'I MING ZHES BYA'O, ,MING DE YANG 'DU SHES LAS BYUNG BA'I PHYIR 'DU SHES ZHES GSUNGS SO, ,YANG DAG PA'I DON DU NA, CHOS RNAMS NI THA SNYAD DANG BRAL BA YIN YANG BTAGS PA TZAM DU BRJOD PA YIN PA'I PHYIR BRDAR BTAGS PA ZHES BYA'O, ,TSIG GANG ZHE NA ZHES BYA BA LA SOGS PAS NI GNYIS PA TSIG RNAM PAR BSHAD PA STON TO, ,'DI YANG ZHU BA GSOL BA DANG LAN DU GSUNGS PA STE, 'DI NI ZHU BA GSOL BA'O, ,'DI LTA @145A *, ,STE, MING DE DAG NYID KYI TSOGS PA LA KUN NAS NYON MONGS PA DANG, RNAM PAR BYANG BA'I DON RJES SU THA SNYAD GDAGS PA'I GNAS DANG, 'DZIN PAR BYED PA RNAM PAR GZHAG PA GANG YIN PA'O ZHES BYA BA NI GNYIS PA YANG DAG PAR LAN DU GSUNGS PA STE, 'DI LTAR MING DE DAG NYID KYI TSOGS PA LAS LOGS SHIG TU BTAGS PA'I CHOS KUN NAS NYON MONGS PA DANG, RNAM PAR BYANG BA'I BYE BRAG GI DON BRJOD PAR BYED PA STE, TSIG GI CHOS 'DIS BRJOD PAR BYA BA'I GNAS BYED PA'I PHYIR GNAS ZHES BYA'O, ,BRJOD PAR BYA BA SDUD CING MI STONG PA NYID DU BYED PA'I PHYIR 'DZIN PAR BYED PA ZHES BYA'O, ,YANG NA GNAS ZHES BYA BA NI 'DI LTA STE, TSIG DON LA BRTEN NAS DE RAB TU STON PA'I PHYIR GNAS ZHES BYA'O, ,YI GE GANG ZHE NA ZHES BYA BA LA SOGS PAS NI GSUM PA YI GE'I RNAM PAR BSHAD PA STON TO, ,'DI YANG ZHU BA GSOL BA DANG LAN DU GSUNGS PA STE, 'DI NI ZHU BA GSOL PA'O, , 'DI LTA STE, DE GNYI GA'I GNAS KYI YIG 'BRU GANG YIN PA'O ZHES BYA BA NI GNYIS PA YANG DAG PAR LAN DU GSUNGS PA STE, 'DI LTAR YI GE DE RJOD PAR BYED MI NUS KYANG DE DAG GI GNAS BYED DO, GAL TE YI GE DANG BRAL NA GNYI GA MNGON PAR MI 'GRUB PA'I PHYIR RO, ,RNAM PA GSUM PO DE DAG LA BYE BRAG YOD PA YANG, RGYA GAR SKAD DU N'A MA ZHES BA SGYUR NA MING ZHES ZER BAR RJES SU PHYOGS PA'I DON YIN TE, BRJOD PAR BYA BA'I RJES SU 'GRO BA'I PHYIR RO, ,MING DE YANG BSTAN BCOS RNAMS LAS SO SO NAS BSHAD PA MI MTHUN PAS, BSTAN BCOS BYE BRAG TU BSHAD PA CHEN PO LAS NI DON RNAM PA GSUM GYI PHYIR TE, 'DI LTA STE, RJES SU 'BRANG BA DANG, 'BONG PA DANG, 'BYOR PA'O ZHES BSHAD DE, DE'I PHYIR BSTAN BCOS DE NYID LAS CI'I PHYIR MING ZHES BYA ZHE NA, SMRAS PA, MING ZHES BYA BA NI RJES SU 'BRANG BA ZHES KYANG BYA'O, ,'BOD PA ZHES KYANG BYA'O, ,'BYOR PA ZHES KYANG BYA'O, ,DE LA RJES SU 'BRANG BA NI JI LTAR BYAS PA BZHIN DU 'GRO ZHING MTHUN PAR GYUR PA'O, ,'BOD PA NI DON DE RNAM PAR BZHAG NAS JI LTAR 'DOD PA BZHIN DU LAN 'DEBS PA'O, ,'BYOR PA NI TSI GE LE'UR BYAS PA DANG, RNAM PAR BSHAD PA BYAS PA'I RJES SU DON 'BYOR PAR 'GYUR BA'O ZHES BSHAD DE, ,BSTAN BCOS PHUNG PO LNGA PA'I RAB TU BYED PA @145B LAS NI 'DU BYED RNAMS KYI NGO BO NYID KYI TSIG BLA DAGS SO ZHES 'BYUNG STE, CHOS MNGON PA SNA TSOGS KUN LAS BTUS PA LAS KYANG DE SKAD DU STON TO, ,CHOS MNGON PA SNA TSOGS KUN LAS BTUS PA LAS, NGO BO NYID KYI TSIG BLA DAGS ZHES BYA BA NI 'DI LTA STE, LHA DANG MI DANG, MIG DANG, RNA BA ZHES BYA BA LA SOGS PAR BRJOD PA'I DNGOS PO GANG YIN PA'O ZHES BSHAD DE, BSTAN BCOS RNAM PAR BSHAD PA LAS KYANG PHAL CHER 'DI DANG MTHUN PAR BSHAD PA LA BSTAN BCOS RNAL 'BYOR SPYOD PA'I SA LAS KYANG, MING ZHES BYA BA'I DON GANG ZHE NA SNA TSOGS SU THUN MONG DU LEGS PAR SHES PAR BYED PA'I PHYIR MI ZHES BYA'O, ,YANG DAG GIS MING DU 'BOD PA'I PHYIR YANG MING ZHES BYA'O ZHES 'BYUNG STE, BSTAN BCOS RNAM PAR BSHAD PA LAS KYANG 'DI DANG MTHUN PAR BSHAD DO, ,RGYA GAR SKAD DU PA DA ZHES BSGYUR NA RJES LA BYA STE DPER NA GLANG PO CHE'I RJES MA THOD PA LAS GLANG PO CHE YIN PAR SHES PA LTAR, DE BZHIN DU TSIG BZHI YOD PA LAS TSIGS SU BCAD PAR 'GYUR BAR BSTAN PA'O, ,DON GYI RJES SU BSGYUR NA NI TSIG CES BYA'O, ,TSIG CES BYA BA NI RNAM PAR BSHAD PA YANG BSTAN BCOS RNAMS LAS MI MTHUN PAS, BSTAN BCOS BYE BRAG TU BSHAD PA CHEN PO LAS NI, DON YONGS SU RDZOGS PAR STON PAS NA TSIG CES BYA'O ZHES BSHAD DO, ,BSTAN BCOS PHUNG PO LNGA PO'I RAB TU BYED PA LAS NI TSIG GI TSOGS GANG ZHE NA 'DI LTA STE, CHOS RNAMS KYI KHYAD PAR GYI TSIG BLA DAGS KYI NGO BO NYID DO ZHES 'BYUNG STE, BSTAN BCOS CHOS MNGON PA SNA TSOGS KUN LAS BTUS PA LAS KYANG DE SKAD DU BSTAN TO, ,CHOS MNGON PA SNA TSOGS KUN LAS BTUS PA LAS, KHYAD PAR GYI TSIG BLA DAGS ZHES BYA BA NI 'DI LTA STE, 'DU BYED RNAMS MI RTAG GO ZHES BYA BA DANG SEMS CAN THAMS CAD MTHAR 'CHI BAR 'GYUR RO ZHES BYA BA LA SOGS PAR BSTAN PA'I DON GANG YIN PA'O ZHES 'BYUNG STE, BSTAN BCOS RNAM PAR BSHAD PA DANG, RNAL 'BYOR SPYOD PA'I SA LAS KYANG PHAL CHER 'DI DANG MTHUN PAR BSHAD DO, ,GZHAN YANG RNAL 'BYOR SPYOD PA'I SA LAS MING RNAMS KYI MTHA' BLANGS NAS MNGON DU MI GSAL BA'I DON GSAL BAR STON PA'I PHYIR MING ZHES BYA'O ZHES 'BYUNG STE, BSTAN BCOS RNAM PAR BSHAD PA LAS @146A *, ,KYANG DE SKAD DU BSTAN TO, ,RGYA GAR SKAD DU BYANYDZA NA ZHES BYA BA BSGYUR NA YIG 'BRU ZHES ZER TE, 'DI NI GTZUG LAG GI TSIG GO, ,RGYA GAR SKAD DU AAKshA RA ZHES BYA BA BSGYUR NA YI GE ZHES ZER TE, 'DI NI PHAL CHE BA'I TSIG GO, ,YIG 'BRU DANG YI GE ZHES BYA BA GCIG PA NYID DU MI SHES SU DOGS PA'I PHYIR, KHA CIG LAS YIG 'BRU NI YI GE NYID YIN NO ZHES BSHAD PA YIN NO, ,BSTAN BCOS CHOS MNGON BA SNA TSOGS KUN LAS BTUS PA LAS YI GE'I TSOGS NI 'DI LTA STE, DE GNYI GA'I GNAS YI GE RNAMS LA YI GE'I TSOGS ZHES GDAGS TE ZHES 'BYUNG STE, 'DI NYID KYI BSHAD PA LAS DE GNYI GA'I GNAS YI GE RNAMS ZHES BYA BA NI 'DI LTA STE, NGO BO NYID KYI KHYAD PAR TSIG BLA DAGS KYI GNAS SU GYUR PA'I YI GE RNAMS TE, DPER NA AA AI AU ZHES BYA BA LA SOGS PA LTA BU'O, ,YIG 'BRU NI SGRIB PAR BYED PA'I DON TE, DE GNYI GA'I SGRIB PA'I PHYIR RO, ,YIG 'BRU NI GSAL BAR BYED PA ZHES KYANG BYA STE, DON GSAL BAR BYED PA'I PHYIR RO, ,'DI NI YI GE ZHES KYANG BYA STE THA DAD PAR 'JUG PA MED PA'I PHYIR RO, ,DE CI'I PHYIR ZHE NA, DPER NA MIG LA MIG CES BYA BA NI MING DE LAS GUD NA GZHAN GSAL BAR BYED PA DANG, KHRID BYED CES BYA BA LA SOGS PA'I MING GI RNAM GRANGS SU 'GYUR ZHING 'JUG PA YOD PAS DE DAG GI DBANG GIS MTSUNGS PAR DE'I MTSAN NYID RAB TU STON PA'I PHYIR, AA AI LA SOGS PA'I YI GE NI DE LTA MA YIN TE, AA AI LA SOGS PA'I KHYAD PAR LAS LOGS SHIG NA KHYAD PAR GZHAN GYIS YI GE 'DI DAG RAB TU STON PAR BYED PA'I PHYIR, THA DAD PA MED PAR 'JUG PA LA YI GE ZHES BSHAD DO, ,DE LA THA DAD PA MED PAR 'JUG PA NI 'DI LTA STE, GZHAN DU MI 'GYUR BA'O ZHES 'BYUNG STE, BSTAN BCOS PHUNG PO LNGA'I RAB TU BYED PA DANG, RNAM PAR BSHAD PA DANG, RNAL 'BYOR SPYOD PA'I SA LAS KYANG DE SKAD DU BSHAD DO, ,GZHAN YANG BSTAN BCOS RNAL 'BYOR SPYOD PA'I SA LAS, MING DANG TSIG GI RJES SU GSAL BAR BYED PA'I PHYIR YI GE ZHES BYA'O ZHES 'BYUNG STE, BSTAN BCOS RNAM PAR BSHAD PA LAS KYANG 'DI DANG MTHUN PAR BSHAD DO, ,DE'I NGO BO NYID BSTAN PA YANG, THAMS CAD YOD PAR SMRA BA'I GZHUNG GIS SGRA LAS LOGS SHIG NA @146B NGO BO NYID DU GYUR PA YOD DO, ,DE YANG MTSUNGS PAR LDAN PA MA YIN PA'I 'DU BYED KYI PHUNG POS BSDUS PA YIN NO ZHES BSHAD DE, RGYA CHER RNAM PAR 'BYED PA NI BSTAN BCOS YANG DAG PA'I RIGS PA DANG RJES SU MTHUN PA LAS BSTAN PA BZHIN DU RIG PAR BYA'O, ,MDO SDE PA DAG NI SGRA LA BRTEN NAS BTAGS PA TZAM DU MING LA SOGS PA ZHES ZER BAS DE LA YANG BSHAD PA RNAM PA GSUM YOD DE, KHA CIG NA RE SGRA'I SKYE MCHED KYIS BSDUS PA YIN TE, SGRA LAS LOGS SHIG NA MING DANG TSIG LA SOGS PA MED PA'I PHYIR RO ZHE'O, ,KHA CIG NA RE CHOS KYI SKYE MCHED KYIS BSDUS PA YIN TE YID KYI RNAM PAR SHES PA TZAM KHO NA YIN PA'I PHYIR RO ZHE'O, ,KHA CIG NA RE SGRA'I SKYE MCHED DANG CHOS KYI SKYE MCHED GNYIS KYIS BSDUS PA'I PHYIR RO ZHE'O, ,'DIR THEG PA CHEN PO'I BSTAN PA DANG SBYAR NA, MTSUNGS PAR LDAN PA MA YIN PA'I 'DU BYED KYI PHUNG POS BSDUS PAS BTAGS PA YIN GYI, RDZAS SU YOD PA MA YIN NO ZHES BSHAD DE, ZHIB TU NI BSTAN BCOS RNAL 'BYOR SPYOD PA'I SA LAS BSTAN PA BZHIN NO, RGYA CHER RNAM PAR 'BYED PA NI MTSAN NYID BSTAN PA DAG LAS 'BYUNG BA BZHIN DU RIG PAR BYA'O, ,DE DAG SO SO LAS YANG DAG PAR RIG PA GANG ZHE NA ZHES BYA BA LA SOGS PAS NI BZHI PA MA 'DRES PAR RNAM PAR BSHAD PA BSTON TO, ,'DI YANG ZHU BA GSOL BA DANG LAN DU GSUNGS PAS BSTAN TE 'DI NI ZHU BA GSOL PA'O, ,MA 'DRES PA LA DMIGS PA'I YID LA BYED PA GANG YIN PA'O ZHES BYA BA GNYIS PA YANG DAG PAR LAN DU GSUNGS PA STE, 'DI LTAR MING LA SOGS PA MA 'DRES PA'I MTSAN NYID KYI BRJOD PA DANG, NUS PA SO SO THA DAD PAR SHES PA GANG YIN PA DE NI SO SO BA LAS SO SO YANG DAG PAR RIG PA ZHES BYA BAS SO, ,DE DAG BSDUS PA LAS SO SO YANG DAG PAR RIG PA GANG ZHE NA ZHES BYA BA LA SOGS PAS NI LNGA PA 'DRIS PA RNAM PAR BSHAD PA BSTAN TO, ,'DI YANG ZHU BA GSOL BA DANG LAN DU GSUNGS PAS BSTAN TE, 'DI NI ZHU BA GSOL PA'O, ,'DI LTA STE, 'DRES PA LA DMIGS PA'I YID LA BYED PA GANG YIN PA'O ZHES BYA BA NI, GNYIS PA YANG DAG PAR LAN DU GSUNGS PA STE, 'DI LTAR MING LA SOGS PA RNAM PA GSUM 'DRES PA GCIG TU BSDUS NAS BRJOD @147A *, ,PAR BYA BA'I DON KHONG DU CHUD PAR BYA BA'I PHYIR 'DRES PA YANG DAG PAR RIG PA ZHES BYA'O, ,'DRES PA DANG MA 'DRES PA DE DAG RNAM PAR BSHAD PA LA YANG RNAM PA LNGA YOD PA NI GONG DU BSTAN PA BZHIN DU RIG PAR BYA'O, ,DE DAG THAMS CAD GCIG TU BSDUS NAS CHOS SO SO YANG DAG PAR RIG PA ZHES BYA'O ZHES BYA BA NI BZHI PA MJUG BSDU BA YIN PA RIG PAR BYA'O, ,RIGS KYI BU BYANG CHUB SEMS DPA' DE DAG NI MTSAN NYID RNAM PA BCUS DON SO SO YANG DAG PAR RIG PAR 'GYUR TE ZHES BYA BA 'DI MAN CHAD NI GNYIS PA DON SO SO YANG DAG PAR RIG PA RNAM PAR BSHAD PA STON TO, ,'DI YANG RNAM PA GNYIS SU DBYE STE, ZHI GNAS DANG LHAG MTHONG GI DON RIG PAR 'GYUR BAR BSTAN PA DANG, SHES RAB RNAM PA GSUM GYI DON RIG PAR 'GYUR BAR BSTAN PA'O, ,BSHAD PA'I RNAM GRANGS GZHAN DU NA SHES RAB RNAM PA GSUM NI DON SO SO YANG DAG PAR RIG PA'I NANG DU MA GTOGS PAS, DON SO SO YANG DAG PAR RIG PA DE NYID KYANG RNAM PA BZHIR DBYE STE, DON RNAM PA BCU LAS BRTZAMS NAS, DON SO SO YANG DAG PAR RIG PA RNAM PAR BSHAD PA DANG DON RNAM PA LNGA LAS BRTZAMS NAS DON SO SO YANG DAG PAR RIG PA RNAM PAR BSHAD PA DANG DON RNAM PA BZHI LAS BRTZAMS NAS, DON SO SO YANG DAG PAR RIG PA RNAM PAR BSHAD PA DANG DON RNAM PA GSUM PA LAS BRTZAMS NAS DON SO SO YANG DAG PAR RIG PA RNAM PAR BSHAD PA'O, ,DON RNAM PAR BCU LAS BRTZAMS PA DE YANG RNAM PA BZHIR DBYE STE, SGO BSTAN NAS GRANGS SMOS PA DANG, GRANGS SMOS PA BZHIN DU MING BKOD PA DANG, GO RIMS BZHIN DU RNAM PAR PHYE STE BSHAD PA DANG SPYI'I MJUG BSDU BA STE, 'DI NI DANG PO SGO BSTAN NAS GRANGS SMOS PA'O, ,JI SNYED YOD PA NYID SHES PA DANG, JI LTA BA BZHIN DU YOD PA NYID SHES PA DANG, 'DZIN PA'I DON SHES PA DANG, GZUNG BA'I DON SHES PA DANG, RNAM PAR GZHAG PA'I DON SHES PA DANG, LONGS SPYOD KYI DON SHES PA DANG, PHYIN CI LOG GI DON SHES PA DANG, PHYIN CI MA LOG PA'I DON SHES PA DANG, KUN NAS NYON MONGS PA'I DON SHES PA DANG, RNAM PAR BYANG BA'I DON SHES PAS SO ZHES BYA BA NI GNYIS PA GRANGS SMOS PA BZHIN DU MING BKOD PA'O, ,RIGS KYI BU JI @147B SNYED YOD PA NYID NI 'DI LTA STE, KUN NAS NYON MONGS PA DANG, RNAM PAR BYANG BA'I CHOS RNAMS LA RNAM PA RAB TU DBYE BA THAMS CAD KYI MTHAR THUG PA GANG YIN PA DE NI 'DIR JI SNYED YOD PA NYID CES BYA STE ZHES BYA BA 'DI MAN CHAD NI GSUM PA GO RIMS BZHIN DU RNAM PAR PHYE NAS BSHAD PA STE, DON RNAM PA BCU RNAM PAR PHYE STE, BSHAD PA NYID LAS RNAM PA BCUR DBYE'O, ,DANG PO YANG RNAM PA GNYIS SU DBYE STE, YANG DAG PAR RNAM PAR BSHAD PA DANG, DNGOS PO BSTAN NAS ZLAS RNAM PAR BSHAD PA'O, ,'DI NI DANG PO STE, MDO'I TSIG 'DI YANG RNAM PA GSUM GYIS BSTAN TE, MDOR BSTAN PA DANG, RNAM PAR BSHAD PA DANG, MJUG BSDU BA'O, ,'DI LTAR YONGS SU SHES PAR BYA BA'I CHOS NI KUN NAS NYON MONGS PA DANG, RNAM PAR BYANG BA'I CHOS LAS GUD NA MED PAS KUN NAS NYON MONGS PA DANG, RNAM PAR BYAD PA'I CHOS LA RNAM PAR RAB TU DBYE BA JI SNYED YOD PA DE DAG THAMS CAD KYIS CHOS RNAMS MA LUS PAR BSDUS PA GANG YIN PA DE NI JI SNYED YOD PA NYID CES BYA'O ZHES BYA BA'I THA TSIG GO, ,JI LTAR PHUNG PO RNAMS KYI GRANGS LNGAS SO, ,NANG GI SKYE MCHED RNAMS KYI NI GRANGS DRUG GIS SO, ,PHYI ROL GYI SKYE MCHED RNAMS KYI YANG GRANGS DRUG GO ZHES BYA BA LA SOGS PA THAMS CAD DO ZHES BYA BA NI GNYIS PA DNGOS PO BSTAN NAS, ZLAS RNAM PAR BSHAD PA'O, ,JI LTAR PHUNG PO RNAMS KYI NI GRANGS LNGAS SO ZHES BYA BA LA SOGS PA'I TSIG NYID NI DNGOS PO BSTAN PA YIN TE, 'DI LTAR CHOS THAMS CAD CES BYA BA NI RNAM PA GNYIS YOD PAS, DANG PO NI 'DUS BYAS THAMS CAD NGE, DPER NA PHUNG PO'I GRANGS NI LNGA'O ZHES BYA BAS 'DUS BYAS MTHA' DAG BSDUS PA'I PHYIR JI SNYED YOD PA NYID CES GSUNGS SO, ,GNYIS PA NI 'DUS BYAS DANG 'DUS MA BYAS THAMS CAD NI NANG GI SKYE MCHED DRUG DANG, PHYI ROL GYI SKYE MCHED DRUG STE, BCU GNYIS PO DE DAG GIS 'DUS BYAS DANG 'DUS MA BYAS THAMS CAD BSDUS PA'I PHYIR YANG JI SNYED YOD PA NYID CES GSUNGS SO ZHES BYA BA LA SOGS PA THAMS CAD DO ZHES BYA BAS NI ZLAS RNAM PAR BSHAD PA NYID BSTAN TE, PHUNG PO DANG SKYE MCHED LA JI LTA BA DE BZHIN DU KHAMS BCO BRGYAD LA SOGS PA YANG DE BZHIN NO ZHES BYA BA'I THA TSIG GO, ,JI LTA BA BZHIN DU YOD PA NI 'DI LTA STE, KUN NAS @148A *, ,NYON MONGS PA DANG RNAM PAR BYANG BA'I CHOS THAMS CAD KYI DE BZHIN NYID GANG YIN PA DE NI 'DIR JI LTA BA BZHIN DU YOD PA NYID CES BYA'O ZHES BYA BA LA SOGS PA NI GNYIS PA JI LTA BA BZHIN DU YOD PA NYID RNAM PAR BSHAD PA'O, ,'DI YANG RNAM PA GNYIS TE, MDOR BSDUS NAS BSTAN PA DANG, RGYA CHER BSHAD PA'O, ,DANG PO MDOR BSDUS NAS BSTAN PA 'DI YANG RNAM PA GSUM DU PHYE NAS BSTAN TE, MDOR BSTAN PA DANG, RNAM PAR BSHAD PA DANG, MJUG BSDU PA'O, ,'DI LTA STE, KUN NAS NYON MONGS PA DANG, RNAM PAR BYANG BA'I CHOS RNAMS LA RO GCIG PA'I DE BZHIN NYID DANG, MNYAM PA'I CHOS NYID YOD PA GANG YIN PA DE NI JI LTA BA BZHIN DU YOD PA NYID CES BYA'O, ,NGO BO NYID 'DI GNYIS KYANG DANG PO MDO 'DI NYID LAS GSUNGS PA YIN PAS, BSTAN BCOS MDZAD PA'I SLOB DPON RNAMS KYIS 'DI LTAR SO SO NAS DON GYIS MDO'I TSIG BZUNG NAS MI MTHUN PA RNAM PA SNA TSOGS SU BSHAD DE BSTAN BCOS RNAM PAR BSHAD PA DANG, DGONGS PA ZAB MO RNAM PAR DGROL BA'I MDO LAS NI, MDO 'DI NYID DANG MTHUN PAR BSHAD DO, ,BSTAN BCOS CHOS MNGON PA KUN LAS BTUS PA DANG, CHOS MNGON PA SNA TSOGS KUN LAS BTUS PA LAS NI PHUNG PO DANG KHAMS DANG SKYE MCHED GSUM PO DAG NI JI SNYED YOD PA NYID CES BYA'O, ,BDEN PA BZHI DANG, RNAM PA BCU DRUG DANG, DE BZHIN NYID DANG, CHOS KYI PHYAG RGYA BZHI DANG, RNAM PAR THAR PA GSUM LA SOGS PA NI JI LTA BA BZHIN DU YOD PA NYID CES BYA'O ZHES BSHAD DE, DE'I PHYIR BSTAN BCOS CHOS MNGON PA KUN LAS BTUS PA LAS, JI SNYED YOD PA NYID NI 'DI LTA TSE, PHUNG PO DANG KHAMS DANG SKYE MCHED RNAMS SO, ,JI LTA BA BZHIN DU YOD PA NI 'DI LTA STE, 'PHAGS PA'I BDEN PA BZHI DANG, RNAM PA BCU DRUG DANG, DE BZHIN NYID DANG, 'DU BYED THAMS CAD MI RTAG PA DANG, 'DU BYED THAMS CAD SDUG BSNGAL BA DANG, CHOS THAMS CAD BDAG MED PA DANG, MYA NGAN LAS 'DAS PA NI ZHI BA DANG, STONG PA DAD SMON PA MED PA DANG MTSAN MA MED PA'O ZHES 'BYUNG STE, BSTAN BCOS CHOS MNGON PA SNA TSOGS KUN LAS BTUS PA'I NANG NAS 'DI NYID KYI BSHAD PA LAS NI, PHYOGS KYI TSAD DANG MTHA' NI 'DI DAG TU ZAD DO ZHES DE'I PHUNG PO @148B DANG KHAMS DANG SKYE MCHED GSUM PO DAG RNAM PAR GZHAG PA GANG YIN PA DE NI JI SNYED YOD PA NYID CES BYA'O, ,DON DE LTA BU LA SOGS PA'I KHYAD PAR GYI SGO NAS YONGS SU SHES PAR BYA BA'I YUL KHONG DU CHUD PAR 'GYUR BA'I PHYIR JI LTA BA BZHIN DU YOD PA NYID CES BYA'O ZHES BSHAD DE, ZHIB TU DE NYID LAS BSTAN PA BZHIN NO, ,GONG DU BSTAN PA'I BSTAN BCOS RNAM PA GNYIS LAS MDO'I DGONGS PA BSHAD PA DANG SBYAR NA CHOS KYI RNAM GRANGS GSUM GYIS CHOS RNAMS MA LUS PAR BSDUS PAS NA, JI SNYED YOD PA NYID CES BYA'O, ,'DI LTAR 'PHAGS PA'I BDEN PA BZHI'I RIGS PA BSTAN PA NAS SMON PA MED PA LA SOGS PA'I BAR DU BSTAN PA GANG YIN PA DE DAG GIS YONGS SU SHES PAR BYA BA'I YUL KHONG DU CHUD PAR 'GYUR BAS, JI LTA BA BZHIN DU YOD PA NYID CES BYA'O, ,DE BZHIN NYID LA JI LTA BA BZHIN DU YOD PA NYID CES BYA BA NI MA YIN ZHES BSTAN TO, ,BSTAN BCOS RNAM PAR BSHAD PA LAS NI MING BKOD PAR ZAD KYI, RNAM PAR BSHAD PA YIN MED DO, ,BSTAN BCOS RNAL 'BYOR SPYOD PA'I SA LAS BSTAN PA DANG SBYAR NA NI SNGAR BSHAD PA DAG DANG MI MTHUN TE, DE'I PHYIR BSTAN BCOS DE NYID LAS, DE LA JI SNYED YOD PA NYID GANG YIN ZHE NA, 'DI LTA TSE, PHAN CHAD GZUGS KYI PHUNG PO DANG, TSOR BA'I PHUNG PO DANG, 'DU SHES KYI PHUNG PO DANG, 'DU BYED KYI PHUNG PO DANG, RNAM PAR SHES PA'I PHUNG PO MED DO ZHES CHOS LNGAS 'DUS BYAS KYIS DNGOS PO THAMS CAD BSDUS PA DANG, KHAMS DANG SKYE MCHED RNAMS KYIS CHOS THAMS CAD BSDUS PA DANG, 'PHAGS PA'I BDEN PA BZHI PO DAG GIS SHES BYA'I DNGOS PO THAMS CAD BSDUS PA GANG YIN PA DE NI JI SNYED YOD PA NYID CES BYA'O, ,DE LA JI LTA BA BZHIN DU YOD PA NYID GANG ZHE NA, 'DI LTA STE, DMIGS PA'I YANG DAG PA NYID GANG YIN PA DANG, DE BZHIN NYID GANG YIN PA DE NI DMIGS PA RNAM PA BZHI PO 'DI LTA STE, LTOS PA'I RIGS PA DANG, BYA BA BYED PA'I RIGS PA DANG, 'THAD PA SGRUB PA'I RIGS PA DANG, CHOS NYID KYI RIGS PA DANG LDAN PA STE ZHES 'BYUNG BA YIN TE, DE LA MI MTHUN PA ZHES BYA BA YANG BSTAN BCOS CHOS MNGON PA DANG, CHOS MNGON PA SNA TSOGS KUN LAS BTUS PA LAS NI, 'PHAGS PA'I BDEN PA BZHI LA JI LTA BA BZHIN DU YOD PA NYID CES BSHAD DE GONG DU BSTAN PA BZHIN NO, ,BSTAN BCOS @149A *, ,RNAL 'BYOR SPYOD PA'I SA LAS NI, DON GYIS 'PHAGS PA'I BDEN PA BZHI LA JI SNYED YOD PA NYID CES BSHAD PAS SO, ,DE LTAR BSHAD PA YANG 'PHAGS PA'I BDEN PA BZHI PO DAG GIS KUN NAS NYON MONGS PA DANG, RNAM PAR BYANG BA'I CHOS RNAMS BSDUS PAS DON DE LAS BRTZAMS PA'I PHYIR JI SNYED YOD PA NYID CES BSTAN TE, SO SO NAS DON RE RE SMOS PA'I PHYIR PHAN TSUN 'GAL BA MED DO, ,GZHAN YANG BSTAN BCOS CHOS MNGON PA KUN LAS BTUS PA LA SOGS PA GCIG LAS RIGS PA RNAM PA BZHI LA JI LTA BA BZHIN DU YOD PA NYID CES MA BSTAN PA DANG, BSTAN BCOS RNAL 'BYOR SPYOD PA'I SA LAS, CHOS KYI PHYAG RGYA RNAM PA BZHI LA SOGS PA LA JI LTA BA BZHIN DU YOD PA NYID CES MA BSTAN PA'I PHAN TSUN GCIG GIS GCIG RAB TU BSTAN PAS NA 'GAL BA MED DO, ,DE BZHIN NYID DANG KHAMS DANG SKYE MCHED KYIS MA BSDUS SAM ZHE NA, CI'I PHYIR JI SNYED YOD PA NYID CES MA BSTAN ZHE NA, SMRAS PA, YANG DAG PA'I DON DU NA NGO BO NYID GNYIS PA DAG GI NGO BO NYID LA YANGS DOG MED KYANG, KHAMS DANG SKYE MCHED KYIS CHOS THAMS CAD BSDUS PA'I PHYIR DANG, RAGS PA RNAM PA BZHI PO DAG GIS CHOS RNAMS MA LUS PAR BSDUS PA'I PHYIR, PHAN TSUN GCIG GIS GCIG BSTAN PA'I DBANG DU MDZAD NAS PHUNG PO LA SOGS PA'I CHOS GSUM PO DAG LA NI JI SNYED YOD PA ZHES BSTAN LA, DE BZHIN NYID BDUN LA SOGS PA LA JI LTA BA BZHIN DU YOD PA ZHES BSTAN TO, ,YANG NA MTSAN NYID KYI RJES SU RNAM PAR DBYE NA MU RNAM PA BZHIR 'GYUR TE, JI SNYED PA YIN LA JI LTA BA BZHIN MA YIN PA YANG YOD DE, PHUNG PO DANG SKYE MCHED LA SOGS PA LTA BU'O, ,JI LTA BA BZHIN YIN LA JI SNYED PA MA YIN PA YANG YOD DE, DE BZHIN NYID BDUN LA SOGS PA LTA BU'O, ,JI SNYED PA YANG MA YIN LA JI LTA BA BZHIN YOD PA YANG YOD DE, 'PHAGS PA'I BDEN PA BZHI PO LTA BU'O, ,JI SNYED PA YANG MA YIN LA JI LTA BA BZHIN MA YIN PA YANG YOD DE, NAM MKHA'I ME TOG LA SOGS PA LTA BU'O,, ,,BAM PO BZHI BCU GNYIS PA, DE YANG RNAM PA BDUN TE ZHES BYA BA 'DI MAN CHAD KYIS GNYIS PA DE BZHIN NYID RNAM PA BDUN RGYA CHER RNAM PAR BSHAD PA'O, ,'DI YANG RNAM PA GSUM DU DBYE STE, GRANGS MDOR @149B SMOS PA DANG, GO RIMS BZHIN DU RNAM PAR PHYE STE BSHAD PA DANG, MNYAM PA NYID RNAM PA BZHI LAS BRTZAMS NAS DE BZHIN NYID BDUN BSDU BA STE, 'DI NI DANG PO'O, ,'JUG PA'I DE BZHIN NYID NI 'DI LTA STE, 'DU BYED THAMS CAD KYI THOG MA DANG THA MA MED PA GANG YIN PA'O ZHES BYA BA LA SOGS PAS NI GNYIS PA GO RIMS BZHIN DU RNAM PAR PHYE STE BSHAD PA STON TO, ,DE BZHIN NYID BDUN PO 'DI NYID NI DANG PO'I MDO SDE DE NYID LAS GSUNGS PA YIN PAS, BSTAN BCOS MDZAD PA'I SLOB DPON RNAMS KYIS KYANG MDO 'DI NYID KYI TSIG 'DI LA BRTEN NAS, SO SO NAS MI MTHUN PAR BSTAN TE, 'PHAGS PA SANGS RGYAS KYI SA'I 'GREL PA DANG, BSTAN BCOS NGO BO NYID MED PA GSUM BSTAN PA DANG, STONG BA NYID BCO BRGYAD BSTAN PA LAS NI DE BZHIN NYID KHO NA LAS BRTZAMS NAS RNAM PA BDUN DU 'BYED DE, BSHAD PA 'DI DANG SBYAR NA DE KHO NA NYID KYI MTSAN NYID KYI DE BZHIN NYID GCIG PU NI LAS YONGS SU 'DZIN PA KHO NA'I RNAM PAR BSHAD PA YIN TE, DE KHO NA NYID NI DE BZHIN NYID YIN PA'I PHYIR RO, ,RNAM PAR DAG PA'I DE BZHIN NYID LA NI DON RNAM PA GNYIS YOD DE, DANG PO NI BTAGS PA DANG RDZAS SU YOD PA SO SOR PHYE STE, BRJOD NA BDAG PO'I DBANG DU BYAS PA'I RNAM PAR BSHAD PA KHO NA YIN PAR 'GYUR BAS, 'GOG PA'I BDEN PA NI BTAGS PA'I YOD PA YIN LA, DE BZHIN NYID NI RDZAS SU YOD PA YIN TE, 'GOG PA'I DE BZHIN NYID YIN PA'I PHYIR RO, ,GNYIS PA NI BTAGS PA RDZAS SU YOD PA'I RJES SU BSDU NA, LAS YONGS SU 'DZIN PA'I RNAM PAR BSHAD PA YIN TE, 'GOG PA NYID DE BZHIN NYID YIN PA'I PHYIR, GZHAN LNGA PO DAG NI BDAG PO DBANG DU BYAS PA'I RNAM PAR BSHAD PA KHO NA YIN TE, 'DI LTA STE, 'JUG PA'I DE BZHIN NYID CES BYA BA NAS YANG DAG PAR SGRUB PA'I DE BZHIN NYID CES BYA BA'I BAR GYI DE BZHIN NYID YIN PA'I PHYIR RO, ,BSTAN BCOS MDO SDE'I RGYAN DANG, DBUL DANG MTHA' [?] RNAM PAR 'BYED PA LAS NI MTSAN NYID KHO NA'I DBANG DU MDZAD NAS STON TE, 'JUG PA LA SOGS PA DE DAG SO SO NAS RANG GI BDAG NYID JI LTA BA BZHIN DU RANG GI NGO BO NYID MI STON PAS DE BZHIN NYID CES BYA'I RO GCIG PA'I DE BZHIN NYID LA DE BZHIN NYID CES BYA BA NAM YIN NO, ,DE LA DE KHO NA NYID KYI MTSAN NYID GCIG PU NI YANG DAG PA'I DE KHO NA NYID KYI DE BZHIN @150A *, ,NYID DO, ,RNAM PAR DAG PA DON GNYIS DANG LDAN PA NI SNGA MA BZHIN DU RIG PAR BYA'O, ,GZHAN LNGA PO DAG NI YANG DAG PA'I DE BZHIN NYID MA YIN NO ZHES BSHAD DE BSHAD PA 'DI DANG SBYAR NA, DE BZHIN NYID BDUN CHAR YANG LAS YONGS SU 'DZIN PA'I RNAM PAR BSHAD PA YIN NO, ,BSTAN BCOS RNAM PAR RIG PA TZAM DU GRUB PA LAS NI DON RNAM PA GNYIS KYIS STON TE, DANG PO DE BZHIN NYID LAS BRTZAMS PA NI SANGS RGYAS KYI SA'I 'GREL PA LAS BSTAN PA DANG MTHUN NO, ,GNYIS PA MTSAN NYID KYI DBANG DU BYAS PA NI MDO SDE'I RGYAN LA SOGS PA LAS BSTAN PA DAG DANG MTHUN TE, DE'I PHYIR BSTAN BCOS DE NYID LAS, DE KHO NA NYID BDUN PO 'DI DAG NI YONGS SU GRUB PAS BSDUS TE, RTZA BA DANG RJES LAS THOB PA'I YE SHES GNYIS KYI YUL YIN PA'I PHYIR RO, ,MTSAN NYID KYI RJES SU BSDUN 'JUG PA DANG, SDUG BSNGAL DANG, KUN 'BYUNG GSUM GYI NGO BO NYID SNGA MA GNYIS KYIS BSDUS TE, YANG DAG PA MA YIN PAS KUN NAS NYON MONGS PAR MNGON PAR ZHEN PA'I PHYIR RO, ,GZHAN BZHI PO DAG NI YONGS SU GRUB PAS BSDUS SO ZHES 'BYUNG BA YIN NO, ,BSTAN BCOS RNAM PAR BSHAD PA LAS NI DE BZHIN NYID BDUN PO THAMS CAD KYANG DAG PA'I DE BZHIN NYID YIN NO ZHES BSHAD DE, DE LAS DE BZHIN NYID BDUN PO DAG LA KUN DU KHYAB PA ZHES STON PA'I PHYIR RO, ,YANG NA MTSAN NYID KYI RJES SU RAB TU DBYE NA SNGA MA GSUM NI YANG DAG PA'I DE BZHIN NYID YIN NO, ,PHYI MA BZHI NI BDEN PA BZHI YIN NO ZHES BSHAD DO, ,DGONGS PA ZAB MO RNAM PAR DGROL BA'I MDO LAS KYANG PHAL CHER MDO 'DI LAS GSUNGS PA DANG MTHUN PAR 'BYUNG BAS, DE'I PHYIR LOGS SHIG TU RNAM PAR PHYE STE MA BSTAN TO, ,RGYA CHER RNAM PAR DBYE BA NI BSTAN BCOS NGO BO NYID MED PA GSUM BSTAN PA DANG STONG PA NYID BCO BRGYAD BSTAN PA LA SOGS PA LAS 'BYUNG BA BZHIN DU RIG PAR BYA'O, ,'DIR DE BZHIN NYID RNAM PA BDUN STON PAR MDZAD PAS DE NYID LAS RNAM PA BDUN DU DBYE STE, 'DI NI DANG PO 'JUG PA'I DE BZHIN NYID RNAM PAR BSHAD PA'O, ,'DI LTA STE, 'DU BYED THAMS CAD KYI THOG MA DANG THA MA MED PA NYID CES BYA BA GANG YIN PA ZHES BYA BA 'DI LA YANG BSHAD PA RNAM PA GSUM YOD DE, KHA CIG NA RE 'DU BYED THAMS CAD KYI DE BZHIN NYID DE KHO NA'I NGO BO NYID LA THOG MA DANG THA MA'I MTHA' MED PA'I @150B PHYIR THOG MA DANG THA MA MED PA NYID CES BYA'O ZHE'O, ,KHA CIG NA RE 'JUG PA NYID LA DE BZHIN NYID CES BSHAD DE, 'DI LTAR 'DU BYED THAMS CAD NI SKAD CIG RE RE LA SKYE 'GAG DANG BCAS PAS SNGON MED PA LAS YOD PAR GYUR BA GANG YIN PA DE NI SKYE BA ZHES BYA BAS DE'I PHYIR THOG MA MED PA NYID CES BYA'O, , YOD PAR GYUR NAS YANG MED PAR GYUR BA GANG YIN PA DE NI 'GAG PA ZHES BYA BAS NA THA MA MED PA NYID CES BYA'O ZHE'O, ,KHA CIG NA RE 'DU BYED RNAMS 'JUG PA LA THOG MA DANG THA MA MED PA'I PHYIR THOG MA DANG THA MA MED PA NYID CES BYA'O ZHE'O, ,BSTAN BCOS NGO BO NYID MED PA GSUM BSTAN PA DANG STONG PA NYID BCO BRGYAD BSTAN PA DANG SBYAR NA, RE RE LA YANG BSHAD PA RNAM PA GSUM GSUM YOD PA NI MDAS KYIS DOGS NAS 'DIR MA BRJOD DO, ,MTSAN NYID KYI DE BZHIN NYID NI 'DI LTA STE, CHOS THAMS CAD KYI GANG ZAG BDAG MED PA DANG CHOS BDAG MED PA NYID GANG YIN PA'O ZHES BYA BA NI GNYIS PA MTSAN NYID KYI DE BZHIN NYID RNAM PAR BSHAD PA STE, CHOS THAMS CAD LA BDAG MED PA'I DE BZHIN NYID GANG YIN PA'O, ,BSTAN BCOS RNAM PAR RIG PA TZAM DU GRUB PA LAS NI BDAG MED PA GNYIS KYIS YONGS SU BZUNG BA'I DE KHO NA NYID GANG YIN PA'O ZHES BSHAD DO, ,CI'I PHYIR MDO SDE DANG, BSTAN BCOS LAS DE LTAR THA DAD PAR GYUR ZHE NA, YANG DAG PA'I DON DU NA BDAG MED PA NYID NI CHOS MED PA NYID KYIS RAB TU PHYE BA'I DE KHO NA NYID DE BZHIN NYID KYI BDAG NYID YIN NA, MDO 'DI LAS NI GANG LA MNGON PAR ZHEN PA DE LAS RAB TU GSAL BAR BYED PA'I MING BSTAN PA YIN NO, ,BSTAN BCOS RNAM PAR RIG PA TZAM DU GRUB PA LA SOGS PA LAS NI, DE KHO NA NYID KYI DBANG DU MDZAD NAS BSTAN PA'I PHYIR, RAB TU GSAL BAR BYA BA BSTAN PA YIN TE, DE'I PHYIR BSTAN BCOS RNAL 'BYOR SPYOD PA'I SA LAS, 'DUS BYAS DANG 'DUS MA BYAS GANG YIN PA DE NI YOD PA ZHES BYA'O, ,BDAG DANG BDAG GI MED PA GANG YIN PA DE NI MED PA ZHES BYA'O ZHES BSTAN PA YIN PA'O, ,RNAM PAR RIG PA'I DE BZHIN NYID NI 'DI LTA STE, 'DU BYED THAMS CAD RNAM PAR RIG PA TZAM NYID GANG YIN PA'O ZHES BYA BA NI GSUM PA RNAM PAR RIG PA TZAM GYI DE BZHIN NYID RNAM PAR BSHAD PA'O, ,DE BZHIN NYID LA YANG BSHAD PA RNAM PA GNYIS YOD DE, SANGS RGYAS KYI SA'I 'GREL PA @151A *, ,LA SOGS PA LAS BSTAN PA DANG SBYAR NA RNAM PAR RIG PA TZAM GYI NGO BO NYID GANG YIN PA DE NI RNAM PAR RIG PA TZAM NYID CES BYA'O ZHES BSHAD DO, ,BSTAN BCOS RNAM PAR RIG PA TZAM DU GRUB PA LAS BSTAN PA DANG SBYAR NA NI DON RNAM PA GNYIS YOD DE, GCIG NI SANGS RGYAS KYI SA'I 'GREL PA LAS BSTAN PA DANG MTHUN NO, ,YANG BSHAD PA GCIG YOD PA LAS NI 'DU BYED THAMS CAD RNAM PAR RIG PA TZAM DU BSGOM PA'I SHES PA'O ZHES BSHAD DE, DE'I PHYIR BSTAN BCOS RNAM PAR RIG PA TZAM DU GRUB PA LAS, MTSAN NYID KYI RJES SU BYAS TE BRJOD NA YONGS SU GRUB PAS GSUNGS SO ZHES BSHAD DE, DE LTAR MTSAN NYID KYI RJES SU BYA NA YONGS SU GRUB PA YIN PAR BSHAD PA DANG SBYAR NA ZAG PA MED PA RNAM PAR RIG PA TZAM DU SGOM PA'I SHES PA YIN PAR RIG PAR BYA STE, DE'I PHYIR BSTAN BCOS MDO SDE'I RGYAN LAS RNAM PAR RIG PA TZAM GYI DE BZHIN NYID NI 'DI LTA STE, RNAM PAR MI RTOG PA'I YE SHES GANG YIN PA'O ZHES BSHAD DO, ,DGONGS PA ZAB MO RNAM PAR DGROL BA'I MDO LAS RNAM PAR RIG PA TZAM GYI DE BZHIN NYID NI 'DUS BYAS DANG 'DU BYED RNAMS SEMS TZAM DU SHES PA GANG YIN PA'O ZHES 'BYUNG STE, BSTAN BCOS RNAM PAR BSHAD PA LAS KYANG DE SKAD DU BSTAN TO, ,GNAS PA'I DE BZHIN NYID NI 'DI LTA STE, NGAS SDUG BSNGAL 'PHAGS PA'I BDEN PA RNAMS BSTAN PA GANG YIN PA'O ZHES BYA BA NI BZHI PA SDUG BSNGAL GYI BDEN PA'I DE BZHIN NYID RNAM PAR BSHAD PA'O, ,DE BZHIN NYID 'DI YANG DON RNAM PA GNYIS DANG LDAN TE, 'DI LTAR SDUG BSNGAL GYI BDEN PA'I DE KHO NA NYID DAM, YANG NA SDUG BSNGAL GYI BDEN PA NI KUN 'BYUNG BA'I BDEN PA'I RGYU LAS MNGON PAR GRUB PA'I PHYIR GNAS PA ZHES BYA'O, ,YANG NA BDEN PA BZHI PO KUN KYANG RNAM PAR GZHAG PA ZHES BYA STE, SDUG BSNGAL GYI BDEN PA DANG POR SMOS PAS GNAS PA'I MING THOB PA YIN NO, ,BSTAN BCOS RNAM PAR BSHAD PA DANG, RNAL 'BYOR SPYOD PA'I SA LAS NI DON GYIS GNAS PA STON TO, ,DGONGS PA ZAB MO RNAM PAR DGROL BA'I MDO LAS NI MNGON PAR ZHEN PA ZHES 'BYUNG STE, BDAG DANG BDAG GIR 'DZIN PA'I GNAS SU GYUR BA'I PHYIR RO, ,BSTAN BCOS STONG BA NYID BCO BRGYAD BSTAN PA LAS NI GNAS ZHES 'BYUNG STE, SEMS CAN GYI RTEN @151B GYI GNAS SU GYUR BA'I PHYIR RO, ,LOG PAR SGRUB PA'I DE BZHIN NYID NI 'DI LTA STE, NGAS KUN 'BYUNG BA 'PHAGS PA'I BDEN PA RNAMS BSTAN PA GANG YIN PA'O ZHES BYA BA NI LNGA PA KUN 'BYUNG BA'I BDEN PA'I DE BZHIN NYID RNAM PAR BSHAD PA STE, 'DI LA YANG BSHAD PA RNAM PA GNYIS YOD PA NI GONG DU SDUG BSNGAL GYI BDEN PA'I DE BZHIN NYID BSTAN PA LAS 'BYUNG BA BZHIN DU RIG PAR BYA'O, RNAM PAR DAG PA'I DE BZHIN NYID NI 'DI LTA STE, NGAS 'GOG PA 'PHAGS PA'I BDEN PA RNAMS BSTAN PA GANG YIN PA'O ZHES BYA BA NI DRUG PA 'GOG PA 'PHAGS PA'I BDEN PA'I DE BZHIN NYID RNAM PAR BSHAD PA STE, 'DI LA YANG BSHAD PA RNAM PA GNYIS YOD PA NI GONG MA BZHIN DU RIG PAR BYA'O, ,YANG DAG PAR SGRUB PA'I DE BZHIN NYID NI 'DI LTA STE, NGAS LAM 'PHAGS PA'I BDEN PA RNAMS BSTAN PA GANG YIN PA'O ZHES BYA BA NI BDUN PA LAM 'PHAGS PA'I BDEN PA'I DE BZHIN NYID RNAM PAR BSHAD PA STE, 'DI LA YANG BSHAD PA RNAM PA GNYIS YOD PA NI BRDA PHRAD PAR ZANG NGO, ,DE LA 'JUG PA'I DE BZHIN NYID DANG GNAS PA'I DE BZHIN NYID DANG LOG PAR SGRUB PA'I DE BZHIN NYID KYI PHYIR NI SEMS CAN THAMS CAD MTSUNGS SHING MNYAM MO ZHES BYA BA 'DI MAN CHAD NI GSUM PA MNYAM PA NYID RNAM PA BZHI LAS BRTZAMS NAS, DE BZHIN NYID DANG BDUN BSDU BA STON TO, ,'DI YANG RNAM PA BZHIR DBYE BA LAS 'DI NI DANG PO STE, 'DI LTAR DE BZHIN NYID RNAM PA GSUM GYI PHYIR, SEMS CAN RNAMS MTSUNGS SHING MNYAM PAR GYUR BA YIN TE, DE CI'I PHYIR ZHE NA, DE LA 'JUG PA NI RTEN CING 'BREL BAR 'BYUNG BA BCU GNYIS PO DAG YIN LA, GNAS PA DANG LOG PAR SGRUB PA NI SDUG BSNGAL DANG KUN 'BYUNG BA YIN TE, 'DI DAG GI DBANG GIS SEMS CAN RNAMS MNGON PAR GRUB CING GNAS PA'I PHYIR RO, ,MTSAN NYID KYI DE BZHIN NYID DANG RNAM PAR RIG PA'I DE BZHIN NYID KYI PHYIR NI CHOS THAMS CAD MTSUNGS SHING MNYAM MO ZHES BYA BA NI GNYIS PA DE BZHIN NYID KYI RNAM PA GNYIS KYI PHYIR CHOS THAMS CAD MNYAM PAR GYUR BA NYID DU BSTAN PA STE, CHOS RNAMS THAMS CAD NI DE BZHIN NYID RNAM PAR RIG PA TZAM GYI RIGS PAS RANG GI NGO BO NYID BYED PA'I PHYIR RO, ,RNAM PAR DAG PA'I DE BZHIN NYID KYI PHYIR NI NYAN THOS KYI BYANG CHUB GANG YIN PA DANG, RANG @152A *, ,SANGS RGYAS KYI BYANG CHUB GANG YIN PA DANG BLA NA MED PA YANG DAG PAR RDZOGS PA'I BYANG CHUB GANG YIN PA'I BYANG CHUB THAMS CAD MTSUNGS SHING MNYAM MO ZHES BYA BA NI GSUM PA RNAM PAR DAG PA'I DE BZHIN NYID KYI PHYIR, THEG PA GSUM GYI BYANG CHUB MTSUNGS SHING MNYAM PA NYID DU BSTAN PA STE, THAMS CAD NYON MONGS PA'I SGRIB PA SPANGS PA DANG, SO SOR BRTAGS PA'I 'GOG PA'I MYA NGAN LAS 'DAS PA BRNYES PAR BYE BRAG MED PA'I PHYIR RO, ,MDO SDE RNAMS LAS THEG PA GSUM GYI 'PHAGS PA RNAMS NI RNAM PAR GROL BA'I GDAN LA BZHUGS PAR MTSUNGS SO ZHES GSUNGS PA'I DGONGS PA YANG THOB PAR BYA BA'I 'GOG PA DANG, THOB PAR BYED PA'I SHES PA LA MNYAM PA'I DON YOD PA NYID SMOS PA YIN NO, ,YANG DAG PAR SGRUB PA'I DE BZHIN NYID KYI PHYIR NI YANG DAG PA'I CHOS THOS PA 'DRES PA'I CHOS LA DMIGS PA'I ZHI GNAS DANG, LHAG MTHONG KHYAD PAR DU 'PHAGS PAS BSDUS PA'I SHES RAB MTSUNGS SHING MNYAM MO ZHES BYA BA NI BZHI PA DE BZHIN NYID GCIG GI PHYIR ZHI GNAS DANG LHAG MTHONG GIS BSDUS PA'I SHES RAB MNYAM PA NYID DU BSTAN PA STE, DE BZHIN NYID BDUN PO 'DI DAG RGYA CHER RNAM PAR 'BYED PA'I MTSAN NYID BSTAN PA DAG LAS 'BYUNG BA BZHIN DU RIG PAR BYA'O, ,'DZIN PA'I DON NI 'DI LTA STE, NANG GI SKYE MCHED GZUGS CAN LNGA DANG, SEMS DANG YID DANG RNAM PAR SHES PA DANG, SEMS LAS BYUNG BA'I CHOS RNAMS SO ZHES BYA BA NI GSUM PA 'DZIN PA'I DON RNAM PAR BSHAD PA STE, 'DI LTAR 'DZIN PA'I DON NI DBANG PO GZUGS CAN LNGA PO DAG NYID DE, YUL LNGA PO DAG YONGS SU 'DZIN PA'I PHYIR RO, ,SEMS DANG YID DANG RNAM PAR SHES PA ZHES BYA BA NI RNAM PAR SHES PA BRGYAD PO DAG GO, ,DE YANG DON RNAM PA GNYIS TE SPYI DANG BYE BRAG STE, ZHIB TU NI GONG DU BSTAN PA BZHIN NO, ,DE DAG DANG MTSUNGS PAR LDAN PA'I SEMS LAS BYUNG BA'I CHOS RNAMS KYANG 'DZIN PA ZHES BYA STE, YUL MTSUNGS PAR GYUR BA'I PHYIR RO, ,RGYA CHER NI BSTAN BCOS MNGON PA KUN LAS BTUS PA DANG, CHOS MNGON PA SNA TSOGS KUN LAS BTUS PA LAS BSTAN PA BZHIN DU RIG PAR BYA'O, ,GZUNG BA'I DON NI 'DI LTA STE, PHYI ROL GYI SKYE MCHED DRUG PO DAG YIN NO, ,YANG 'DZIN @152B PA'I DON GANG YIN PA NA GZUNG BA'I DON KYANG YIN NO ZHES BYA BA NI BZHI PO GZUNG BA'I DON RNAM PAR BSHAD PA STE, 'DI LTAR SKYE MCHED BCU GNYIS PO DAG LAS PHYI ROL GYI SKYE MCHED DRUG PO DAG DANG, SEMS LAS BYUNG BA RNAMS MA GTOGS PA GANG YIN PA DE NI GZUNG BA KHO NA YIN GYI 'DZIN PA NI MA YIN PA'I PHYIR RO, , YANG SNGAR BSTAN PA'I 'DZIN PA GANG YIN PA DE NI GZUNG BA YANG YIN TE, SEMS DANG SEMS LAS BYUNG BA DAG GIS YUL 'DZIN PAR BYED PA'I PHYIR RO, ,RGYA CHER RNAM PAR 'BYED PA NI BSTAN BCOS CHOS MNGON PA KUN LAS BTUS PA DANG, CHOS MNGON PA SNA TSOGS KUN LAS BTUS PA LAS BSTAN PA BZHIN DU RIG PAR BYA'O, ,RNAM PAR GZHAG PA'I DON NI 'DI LTA STE, SNOD KYI 'JIG RTEN GYI KHAMS GANG YIN PA DER, ,SEMS CAN THAMS CAD KYI KHAMS RNAM PAR GZHAG PA SNANG BA ZHES BYA BA 'DI MAN CHAD NI LNGA PA RNAM PAR GZHAG PA'I DON RNAM PAR BSHAD PA'O, ,'DI YANG RNAM PA GNYIS SU DBYE STE, SPYI DANG BYE BRAG BSTAN PA'O, ,'DI NI DANG PO SPYI BSTAN PA STE, 'DI LTAR SNOD KYI 'JIG RTEN GANG YIN PA DE NYID NI SEMS CAN RNAM PAR GZHAG PA'I GNAS YIN TE, SEMS CAN YONGS SU 'DZIN PAR BYED PA'I PHYIR RNAM PAR GZHAG PA ZHES BYA'O, ,'DI LTA STE, GRONG TSIGS GCIG DANG GRONG TSIGS BRGYA DANG, GRONG TSIGS STONG DANG GRONG TSIGS BRGYA STONG ZHES BYA BA LA SOGS PAS NI GNYIS PA RNAM PAR GZHAG PA'I PHYIR BYE BRAG BSTAN PA'O, ,'DI LA YANG BSHAD PA RNAM PA GSUM YOD DE, ,KHA CIG NA RE 'DI NI GO RIMS BZHIN DU RNAM PA BCUR DBYE STE, GRONG TSIGS KYI TSAD DANG, SA CHEN PO'I TSAD DANG, 'DZAM BU GLING GI TSAD DANG, GLING BZHI PA'I TSAD DANG STONG CHUNG DU'I 'JIG RTEN GYI KHAMS KYI TSAD DANG STONG PAR MA'I 'JIG RTEN GYI KHAMS KYI TSAD DANG, STONG CHEN PO'I 'JIG RTEN GYI KHAMS KYI TSAD DANG, 'JIG RTEN GYI KHAMS BYE BA'I TSAD DANG, 'JIG RTEN GYI KHAMS GRANGS MED PA'I TSAD DANG, RDUL PHRA RAB SNYED KYI 'JIG RTEN GYI KHAMS KYI TSAD BSTAN PA'O ZHE'O, ,KHA CIG NA RE 'DI NI RNAM PA BDUN DU DBYE STE, SNGAR BSTAN PA'I BDUN PO DAG GO, ,STONG CHEN PO'I 'JIG RTEN GYI KHAMS BSTAN PA NYID LA BYE BRAG RNAM PA BZHI YOD DE, BRGYA STONG GI TSAD DANG, BYE BA'I TSAD DANG, GRANGS MED PA'I TSAD DANG, RDUL PHRA RAB KYI TSAD @153A *, ,DE ZHE'O, ,KHA CIG NA RE 'DI LA YANG RNAM PA LNGA YOD DE GRONG TSIGS KYI TSAD DANG, SA CHEN PO'I TSAD DANG, GLING BZHI PA'I TSAD DANG, STONG GSUM GYI STONG CHEN PO'I 'JIG RTEN GYI KHAMS KYI TSAD DANG, PHYOGS BCU'I 'JIG RTEN GYI KHAMS KYI TSAD DO ZHE'O, ,DE LTAR RNAM PA GSUM DU BSHAD PA YOD KYANG 'DIR NI RE ZHIG GSUM DANG SBYAR NAS BSHAD PAR BYA STE, 'DI NI DANG PO'O, ,SA CHEN PO GCIG NAS RGYA MTSO'I MTHA' LA THUG PA DANG, DE BRGYA DANG, DE STONG DANG, DE BRGYA STONG ZHES BYA BA NI GNYIS PAS CHEN PO'I TSAD RNAM PAR 'BYED PA STE, MDO 'DI NYID KYIS BRDA PHRAD PAR ZAD DO, , 'DZAM BU'I GLING GCIG DANG, DE BRGYA DANG, DE STONG DANG, DE BRGYA STONG DANG, GLING BZHI PA GCIG DANG, DE BRGYA DANG, DE STONG DANG, DE BRGYA STONG ZHES BYA BA NI GSUM PA GLING BZHI PA'I TSAD RNAM PAR 'BYED PA'O, ,DE LA GLING BZHI PA ZHES BYA BA LA DANG PO NI LHO'I 'DZAM BU GLING STE, SHING LAS MING DU BTAGS PA'O, ,BYANG NI ZHENG CHE LA LHO NI ZHENG CHUNG NGO, ,DE'I DBYIBS SHING RTA 'DRA STE LHO'I NGOS NI DPAG TSAD BYED DANG BZHI'O, ,GZHAN NGOS GSUM PO DAG NI KUN KYANG DPAG TSAD NYIS STONG NYIS STONG YOD DO, ,GNYIS PA NI SHAR GYI LUS 'PHAGS GLING STE, SHAR GYI NGOS NI ZHENG CHUNG LA NUB KYI NGOS NI ZHED CHE STE, DBYIBS NI ZLA BA KHAM PA 'DRA'O, ,NGOS GSUM GYI TSAD NI MNYAM MO, ,SHAR GYI NGOS LA NI DPAG CHAD SUM BRGYA LNGA BCU'O, ,NGOS GZHAN GSUM PO DAG NI DPAG TSAD NYIS STONG NYIS STONG NGO, ,GSUM PA NI NUB KYI BA LANG SPYOD KYI GLING STE, DBYIBS ZLA BA NYA BA 'DRA'O, ,DE'I TSAD NI DPAG TSAD BDUN STONG LNGA BRGYA'O, ,BZHI PA NI BYANG GI SGRA MI SNYAN GYI GLING STE, GNAS KHYAD PAR DU 'PHAGS PA ZHES KYANG BYA KHYAD PAR DU SKYES PA ZHES KYANG BYA STE DBYIBS NI GRU BZHI'O, ,NGOS BZHI CHAR TSAD MNYAM STE, DPAG TSAD NYIS STONG NYIS STONG NGO, ,GLING GI RJES SU MI'I GDONG YANG DE DANG 'DRA'O, ,RGYA CHER RNAM PAR 'BYED PA NI MDZOD KYI BSTAN BCOS DANG, RNAL 'BYOR SPYOD PA'I SA LA SOGS PA LAS BSTAN PA BZHIN DU RIG PAR BYA'O, ,STONG CHUNG DU'I 'JIG RTEN GYI KHAMS GCIG DANG, DE BRGYA DANG, DE STONG DANG, DE BRGYA STONG DANG, STONG BAR MA'I 'JIG RTEN GYI KHAMS GCIG DANG, DE BRGYA @153B DANG, DE STONG DANG, DE BRGYA STONG DANG, STONG GSUM GYI STONG CHEN PO'I 'JIG RTEN GYI KHAMS GCIG DANG, DE BRGYA DANG, DE STONG DANG, DE BRGYA STONG ZHES BYA BA 'DI MAN CHAD NI BZHI PA STONG GSUM GYI STONG CHEN PO 'JIG RTEN GYI KHAMS KYI TSAD RNAM PAR 'BYED PA'O, ,'DI YANG RNAM PA GSUM DU DBYE STE, BRGYA STONG GI TSAD BSTAN PA DANG, BYE BA'I TSAD BSTAN PA DANG, GRANGS MED PA'I TSAD BSTAN PA STE, 'DI NI DANG PO'O, ,MDO'I TSIG 'DI YANG RNAM PA GSUM GYIS BSTAN PA STE, STONG CHUNG DU BSTAN PA DANG, STONG BAR MA BSTAN PA DANG, STONG CHEN PO BSTAN PA'O, ,STONG CHUNG DU DANG, STONG BAR MA DANG, CHEN PO 'DI DAG RE RE LA YANG TSIG BZHI BZHI YOD DE, 'DI LTA STE, 'JIG RTEN GYI KHAMS GCIG DANG, 'JIG RTEN GYI KHAMS BRGYA DANG, 'JIG RTEN GYI KHAMS STONG DANG, 'JIG RTEN GYI KHAMS BRGYA STONG NGO, ,'JIG RTEN GYI KHAMS KYI TSAD DE YANG SO SO NAS BSHAD PA MI MTHUN PAS SLOB DPON YANG DAG BDEN PA'I SDE PA RNAMS KYI BRJED BYANG LAS NI, 'DI LTAR GLING BZHI PA LA RNAM GRANGS GCIG TU BYAS TE GRANGS GCIG NAS BCU, BCU NAS BRGYA, BRGYA NAS STONG GANG YIN PA DE NI STONG CHUNG DU'I 'JIG RTEN GYI KHAMS SO, ,STONG CHUNG DU'I SUM 'GYUR GANG YIN PA DE NI STONG GSUM ZHES BYA BAS, 'DI LTA STE, LAN GCIG BSKYED PA STONG CHUNG DU BCU LA THUG PA DANG LAN GNYIS BSKYED PA BRGYA STONG LA THUG PA DANG, LAN GSUM BSKYED PA 'BUM PHRAG BCU LA THUG PA GANG YIN PA DE NI STONG GSUM GYI 'JIG RTEN GYI KHAMS SO, ,STONG GSUM 'GYUR GANG YIN PA DE NI STONG CHEN PO ZHES BYA BAS, 'DI LTA STE, LAN GCIG BSKYED LA STONG GSUM PA PHRAG BCU LA THUG PA DANG, LAN GNYIS BSKYED PA STONG GSUM PA PHRAG BRGYA LA THUG PA DANG, LAN GSUM BSKYED PA STONG GSUM PA PHRAG STONG LA THUG PA GANG YIN PA DE NI STONG CHEN PO'I 'JIG RTEN GYI KHAMS SO ZHES BSHAD DO, ,SLOB DPON YANG DAG BDEN PA'I 'PHAGS PA SHES RAB KYI PHA ROL TU PHYIN PA RDO RJE GCOD PA'I BRJED BYANG LAS, STONG GSUM ZHES BYA BA NI STONG BAR MA SMOS PA'O, ,STONG CHEN PO ZHES BYA BA NI STONG CHEN PO'I PHYI MA SMOS PA YIN TE, STONG CHUNG DU LAN GSUM DU BSKYED PA NI STONG GSUM ZHES BYA BAS SO ZHES BSHAD DO, ,LUNG RING @154A *, ,PO LAS NI NYI MA DANG ZLA BA STONG DANG, RI RAB STONG DANG, GLING BZHI PA STONG DANG, 'DOD PA'I KHAMS KYI LHA RIS STONG DANG, TSANGS PA STONG GANG YIN PA DE NI STONG CHUNG DU'I 'JIG RTEN GYI KHAMS ZHES BYA'O, ,STONG CHUNG DU'I 'JIG RTEN GYI KHAMS STONG GANG YIN PA DE NI STONG PAR MA'I 'JIG RTEN GYI KHAMS ZHES BYA'O, ,STONG BAR MA'I 'JIG RTEN GYI KHAMS STONG GANG YIN PA DE NI STONG GSUM GYI STONG CHEN PA'I 'JIG RTEN GYI KHAMS ZHES BYA'O ZHES GSUNGS TE, LUNG SNA TSOGS LAS NI DE SKAD DU 'BYUNG NGO, ,MDZOD KYI BSTAN BCOS DANG SBYAR NA NI DE LAS DON RNAM PA GNYIS STON TE, GNAS KYI TSAD BSTAN PA DANG, STONG GSUM GYI STONG CHEN PO NYID YANG DAG PAR BSTAN PA'O, ,DE LA GNAS KYI TSAD BSTAN PA NI BSTAN BCOS DE LAS 'THAB BRAL LA SOGS PA'I LHA DE DAG GI GZHAL MED KHANG GNAS KYI TSAD JI TZAM ZHE NA, SLOB DPON KHA CIG NI 'DI YAN CHAD KYI LHA BZHI PO DAG GI GNAS KYI TSAD NI, RI RAB KYI RTZE MO'I TSAD TZAM MO ZHES ZER RO, ,GZHAN DAG NA RE NYIS 'GYUR RO ZHES ZER RO, ,GZHAN KHA CIG NA RE BSAM GTAN DANG PO'I SA BA'I GZHAL MED KHANG GI TSAD NI GLING BZHI PA GCIG DANG MNYAM MO, ,BSAM GTAN GNYIS PA'I NI STONG CHUNG DU'I 'JIG RTEN GYI KHAMS DANG MNYAM MO, ,BSAM GTAN GSUM BA'I NI STONG BAR MA'I 'JIG RTEN GYI KHAMS TZAM MO, ,BSAM GTAN BZHI PA'I NI STONG CHEN PO'I 'JIG RTEN GYI KHAMS KYI TSAD TZAM MO ZHES ZER RO, ,GZHAN KHA CIG NA RE BSAM GTAN 'OG MA DAG GI TSAD KYI GO RIMS BZHIN DU STONG CHUNG DU DANG, BAR MA DANG CHEN PO'I TSAD TZAM MO, ,BSAM GTAN BZHI PA'I NI MTHA' MED DO ZHES ZER RO ZHES 'BYUNG NGO, ,DE LA STONG GSUM PA ZHES BYA BA NI BSTAN BCOS DE LAS JI TZAM GYIS NA, STONG CHUNG DU DANG, STONG BAR MA DANG, STONG CHEN PO ZHES BYA ZHE NA, TSIG LE'UR BYAS PA LAS, GLING BZHI PA DANG NYI ZLA DANG, ,RI RAB DANG NI 'DOD LHA DANG, ,TSANGS PA'I 'JIG RTEN STONG LA NI, ,STONG NI CHUNG DU ZHES BYA'O, ,CHUNG DU DE NYID STONG LA NI, ,STONG NI BAR MA GCIG CES BYA, ,DE STONG LA NI STONG GSUM MO, ,MNYAM DU 'JIG CING MNYAM DU 'BYUNG, ,ZHES BSTAN PA YIN TE, BSTAN BCOS YANG DAG PA'I RIGS PA DANG RJES SU MTHUN PA LAS KYANG PHAL CHER MDZOD KYI BSTAN BCOS LAS @154B 'BYUNG BA DANG MTHUN PAR BSHAD DO, ,DE DAG BYE BRAG YOD PA YANG BSTAN BCOS DE LAS 'DIR STONG CHUNG DU ZHES BYA BAS NI TSANGS PA'I 'JIG RTEN MAN CHAD KHO NA YIN PAS, DE'I PHYIR 'OD CHUNG LA SOGS PA NI STONG CHUNG DU'I 'JIG RTEN GYI KHAMS KYIS BSDUS PA MA YIN NO, ,STONG CHUNG DU LA SOGS PA LAS BRTZEGS PA GANG YIN PA DE NI STONG BAR MA DANG CHEN PO ZHES BYA BAS DE'I PHYIR STONG BAR MA DANG CHEN POS KYANG DE DAG MA BSDUS SO, ,GZHAN YANG CHUNG DU ZHES BYA BA NI DMAN PA'I DON YIN TE GONG MA MA GTOGS PA'I PHYIR RO, ,DPER NA RTZA BCAD PA'I GLANG BZHIN DU CHUNG DU BRTZEGS PA LAS GZHAN MNGON PAR GRUB PA YIN YANG DE DAG BSDUS PA MA YIN NO ZHES 'BYUNG NGO, ,BSTAN BCOS YANG DAG PA'I RIGS PA DANG RJES SU MTHUN PA LAS BSTAN PA DANG SBYAR NA, STONG GSUM GYI STONG CHEN PO ZHES BYA BA NI TSANGS PA'I 'JIG RTEN MAN CHAD KHO NA DANG SBYAR TE, 'PHAGS PA'I GSUNG RAB LAS TSANGS PA'I 'JIG RTEN MAN CHAD LA THUG PA KHO NAR GSUNGS PA'I PHYIR DANG, KHAMS CHUNG DU BRTZEGS PA LAS BAR MA DANG CHEN PO MNGON PAR GRUB PA'I PHYIR RO, ,'DIR THEG PA CHEN PO'I BSTAN PA RNAMS DANG SBYAR NA YANG, SO SO NAS BSHAD PA MI MTHUN PAS BSTAN BCOS MNGON PA SNA TSOGS KUN LAS BTUS PA LAS, SANGS RGYAS KYI SA'I 'GREL PA DANG, RNAL 'BYOR SPYOD PA'I SA DANG, 'PHAGS PA SHES RAB KYI PHA ROL TU PHYIN PA'I 'GREL PA LAS, SNGAR GONG DU LUNG RING PO LA SOGS PA KHUNGS SU BSTAN PA LAS 'BYUNG BA DAG DANG MTHUN PAR BSHAD DE, DE LAS THA DAD PA'I RNAM PAR BSHAD PA MED DO, ,BSTAN BCOS RNAM PAR BSHAD PA LAS KYANG PHAL CHER GONG DU BSTAN PA DAG DANG MTHUN PAR 'BYUNG STE, DE LA BYE BRAG YOD PA YANG BSTAN BCOS DE LAS RGYU DANG RKYEN GANG GANG GI PHYIR STONG CHUNG DU'I 'JIG RTEN GYI KHAMS LA DMAN ZHING CHUNG BA ZHES BYA ZHE NA, SMRAS PA, DPER NA GLANG RTZA GNYIS BCAD PA NYAMS SHING MA TSANG BA'I PHYIR DMAN ZHING CHUNG BA ZHES BRJOD PA LTAR DE BZHIN DU TSANGS PA'I 'JIG RTEN MAN CHAD NA YOD PA'I STONG GI 'JIG RTEN GYI KHAMS RNAMS SA 'OG MA DAG DANG MI MTSUNGS PA'I PHYIR DMAN ZHING CHUNG BA ZHES BYA'O, 'DI LTAR STONG GSUM GYI 'JIG RTEN GYI KHAMS DE YANG 'JIG PA GSUM GYIS 'JIG PAR 'GYUR TE, 'DI LTA STE ME DANG RLUNG DANG CHU DAG @155A *, ,GIS 'JIG PA'O ZHES 'BYUNG BAS BSHAD PA 'DI DANG SBYAR NA, STONG CHUNG DU NI SA GONG MA DAG TU MI THUG LA BAR MA DANG CHEN POS NI SA GONG MA DAG TU THUG PAR RIG PAR BYA'O, ,GZHAN YANG STONG GSUM GYI 'JIG RTEN GYI KHAMS NI 'JIG PA GSUM GYIS 'JIG PAR 'GYUR RO ZHES 'BYUNG BAS, DE'I PHYIR BSAM GTAN DANG PO NI STONG CHUNG DU'O, ,BSAM GTAN GNYIS PA NI STONG BAR MA'O, ,BSAM GTAN GSUM PA NI STONG CHEN PO YIN PAR RIG PAR BYA'O, ,GZHAN YANG BSTAN BCOS RNAM PAR SHES PA BAM PO BCO BRGYAD PA LAS NI GONG DU BSTAN PA LAS CUNG ZAD THA DAD DE, DE'I PHYIR BSTAN BCOS DE LAS RGYU DANG RKYEN GANG GI PHYIR STONG GSUM GYI STONG CHEN PO'I 'JIG RTEN GYI KHAMS 'DIR 'JIG RTEN GYI KHAMS MANG PO YOD PAR GYUR LA, 'OG MIN GYI BAR LA 'JIG RTEN GYI KHAMS GCIG TU BSHAD CING, DE YANG TSANGS PA'I 'JIG RTEN MAN CHAD DO ZHES BSTAN ZHE NA, RGYU RNAM PA GNYIS KYI PHYIR TE, CHAGS PA DANG 'JIG PA MTSUNGS PA'I PHYIR DANG, 'KHOR 'DUS PA RNAM PAR GZHAG PA'I PHYIR RO ZHES 'BYUNG STE, BSHAD PA 'DI DANG SBYAR NA STONG CHEN PO'I 'JIG RTEN GYI KHAMS NI BSAM GTAN BZHI PA MAN CHAD DU THUG PAR RIG PAR BYA'O, ,LUNG RING PO LA SOGS PA LAS TSANGS PA'I 'JIG RTEN MAN CHAD CES GSUNGS PA NI RGYU RNAM PA GNYIS KYIS SO, ,DANG PO CHAGS PA DANG 'JIG PA MTSUNGS PA NI 'DI LTA STE, 'JIG PA GSUM GYIS CHAGS PA DANG 'JIG PA DANG LDAN PA'I PHYIR RO, ,GNYIS PA 'KHOR 'DUS PA RNAM PAR GZHAG PA NI, 'DI LTA STE, BSAM GTAN DANG PO MAN CHAD RGYAL PO'I 'KHOR GYI BYE BRAG GI 'KHOR 'DUS PA'I PHYIR RO, ,STONG GSUM GYI 'JIG RTEN GYI KHAMS SU GAL TE 'OG MIN YANG GTOGS PA YIN NA, CI'I PHYIR 'JIG PA GSUM GYIS 'JIG PA LAS STONG GSUM GYI 'JIG RTEN GYI KHAMS RNAM PAR GZHAG PA YIN ZHES BSTAN ZHE NA, SMRAS PA, RE ZHIG 'JIG PA GSUM GYI DBANG DU MDZAD NAS STONG GSUM RNAM PAR GZHAG PA YIN PAR BSHAD KYANG YANG DAG PA'I DON DU NA BSAM GTAN BZHI PA YANG STONG CHEN POR GTOGS PA YIN TE, DE'I PHYIR 'PHAGS PAS BCU'I MDO LAS, SA BRGYAD PA'I BYANG CHUB SEMS DPA' NI, PHAL CHER STONG GI 'JIG RTEN GYI KHAMS GYI BDAG @155B PO TSANGS PA CHEN POR 'GYUR RO, ,SA DUG PA'I BYANG CHUB SEMS DPA' NI PHAL CHER STONG GNYIS PA'I 'JIG RTEN GYI KHAMS KYI BDAG POR 'GYUR RO, ,SA BCU PA'I BYANG CHUB SEMS DPA' NI LHA'I RGYAL PO DBANG PHYUG CHEN PO STONG GSUM GYI 'JIG RTEN GYI KHAMS KYI BDAG POR 'GYUR RO ZHES GSUNGS SO, ,DGONGS PA ZAB MO RNAM PAR DGROL BA'I MDO LAS NI GONG DU BSTAN PA DANG CUNG ZAD MI MTHUN TE, DE'I PHYIR MDO DE NYID LAS DE BGYA DANG, DE STONG DANG, DE BRGYA STONG DANG, 'DZAM BU'I GLING DANG, DE BRGYA DANG, DE STONG DANG, DE BRGYA STONG GANG YIN PA DE NI STONG GI 'JIG RTEN GYI KHAMS ZHES BYA'O, ,STONG GI 'JIG RTEN GYI KHAMS DE BRGYA 'GYUR DANG, STONG 'GYUR DANG, DE BRGYA STONG 'GYUR DU GYUR PA GANG YIN PA DE NI STONG GNYIS PA BAR MA'I 'JIG RTEN GYI KHAMS ZHES BYA'O, ,STONG GNYIS PA BAR MA'I 'JIG RTEN GYI KHAMS DE BRGYA 'GYUR DANG, STONG 'GYUR DANG, BRGYA STONG 'GYUR GANG YIN PA DE NI STONG CHEN PO'I 'JIG RTEN GYI KHAMS, ZHES BYA'O ZHES GSUNGS PA NI LO TZ'A BA DAG GI BSAM PA THA DAD PA'I PHYIR RO, ,'PHAGS PA GSER 'OD DAM PA'I MDO LAS NI STONG GSUM GYI 'JIG RTEN GYI KHAMS SU NI, GZUGS MED PA'I KHAMS KYANG GTOGS SO ZHES BSHAD DE, DE'I PHYIR MDO DE LAS MI'I RGYAL PO DE LAG PAS BOG POR BTEG STE MDO SDE LA MCHOD PA BYED PA'I TSE, DE THANG CIG YUD TZAM CIG LA STONG GSUM GYI STONG CHEN PO 'JIG RTEN GYI KHAMS NYI ZLA 'BUM PHRAG BRGYA NAS, 'DU SHES MED 'DU SHES MED MIN 'BUM PHRAG BRGYA'I BAR DU KUN DU KHYAB PAR 'GYUR RO ZHES GSUNGS PA YIN TE, 'DI DANG SBYAR NA THEG PA CHEN PO'I BSTAN PA LAS STONG GSUM GYI STONG CHEN PO'I 'JIG RTEN GYI KHAMS SU NI 'DU SHES MED 'DU SHES MED MIN YANG GTOGS PAR BSTAN TO, ,GAL TE DE LTA NA, BSTAN BCOS RNAL 'BYOR SPYOD PA'I SA LA SOGS PA DE DAG JI LTAR GO ZHING RNAM PAR BSHAD PAR BYA ZHE NA, SMRAS PA, 'PHAGS PA'I BSTAN PA NI RNAM PA GNYIS YOD PAS DANG PO NI THUN MONG GI BSTAN PA STE, LUNG RING PO LA SOGS PA'O, ,GNYIS PA NI THUN MONG MA YIN PA'I BSTAN PA STE, 'PHAGS PA GSER 'OD DAM PA'I MDO LA SOGS PA'O, ,THUN MONG GI BSTAN PA DE LA YANG BSHAD PA RNAM PA GNYIS YOD DE, BSTAN BCOS YANG DAG PA'I RIGS PA DANG RJES SU MTHUN PA LA @156A *, ,SOGS PA DANG SBYAR NA NI, BSAM GTAN DANG PO MAN CHAD KHO NA LA STONG GSUM GYI 'JIG RTEN GYI KHAMS ZHES STON TO, BSTAN BCOS RNAM PAR BSHAD PA DANG SBYAR NA NI, YANG DAG PA'I DON DU NA BSAM GTAN BZHI PA MAN CHAD LA BYA BAR BSHAD DO, ,RGYU RNAM PA GNYIS KYI PHYIR LUNG RING PO LA SOGS PA LAS BSAM GTAN DANG PO MAN CHAD KHO NA LA BYA BAR BSHAD PA NI SNGAR GONG DU BSTAN PA BZHIN NO, ,STONG GSUM GYI STONG CHEN PO'I 'JIG RTEN GYI KHAMS KYI BDAG PO DE SU YIN ZHE NA, SMRAS PA, DON 'DI'I BSHAD PA NI BSTAN BCOS RNAMS LAS SO SO NAS MI MTHUN PAS, 'PHAGS PA LE'U CHEN PO'I MDO LA SOGS PA LAS NI, 'KHOR LOS SGYUR BA'I RGYAL PO LA SOGS PAS BDAG PO BYED DO ZHES BSHAD DE, DE'I PHYIR MDO DE NYID LAS 'KHOR LOS SGYUR BA'I RGYAL POR SPRUL NAS, STONG GSUM GYI STONG CHEN PO'I 'JIG RTEN GYI KHAMS LA DBANG BYED DO ZHES GSUNGS SO, ,'DUS PA CHEN PO'I MDO LAS NI BDUD KYI RGYAL POS DBANG BYED DO ZHES BSHAD DO, ,DE'I PHYIR MDO DE LAS BDUD KYI RGYAL PO NI STONG GSUM GYI STONG CHEN PO'I 'JIG RTEN GYI KHAMS LA DBANG BYED PA YIN NO, ,'PHAGS PA DAM PA'I CHOS PADMA DKAR PO'I MDO LAS NI, BSAM GTAN DANG PO LA NI TSANGS PA'I RGYAL POS BDAG PO BYED DO ZHES BSHAD, DE'I PHYIR MDO DE LAS MI MJED KYI 'JIG RTEN GYI KHAMS KYI BDAG PO NI TSANGS PA CHEN PO YIN NO ZHES GSUNGS SO, ,GZHAN YANG 'PHAGS PA SHES RAB KYI PHA ROL TU PHYIN PA'I 'GREL PA LAS, STONG GSUM GYI STONG CHEN PO'I 'JIG RTEN GYI KHAMS KYI BDAG PO NI LHA'I RGYAL PO TSANGS PA RAL PA CAN YIN NO ZHES BSTAN TO, , GZHAN YANG LUNG RING PO LA SOGS PA LAS KYANG STONG GSUM GYI 'JIG RTEN GYI KHAMS NI BSAM GTAN DANG PO YAN CHAD DO ZHES BSTAN PA'I PHYIR RO, ,'PHAGS PAS BCU'I MDO LAS NI BYANG CHUB SEMS DPA' SA BCU PAS BDAG PO BYED DO ZHES BSHAD DO, DE'I PHYIR MDO DE NYID LAS BYANG CHUB SEMS DPA' LA BCU PA NI PHAL CHER LHA'I RGYAL PO DBANG PHYUG CHEN PO STONG GSUM GYI STONG CHEN PO'I 'JIG RTEN GYI KHAMS KYI BDAG POR 'GYUR RO ZHES GSUNGS PA YIN NO, ,GZHAN YANG BSTAN BCOS RNAM PAR BSHAD PA LAS, STONG GSUM GYI 'JIG RTEN GYI KHAMS SU NI 'OG MIN YANG GTOGS PAR BSTAN PA'I PHYIR RO, ,'PHAGS PA @156B MI'I RGYAL POS ZHUS PA'I MDO LAS NI, BCOM LDAN 'DAS BDAG PO MDZAD PAR BSHAD DE DE'I PHYIR MDO DE NYID LAS, YONGS RDZOGS YE SHES MTSAN MA MED PA KHAMS GSUM BDAG ,CES GSUNGS PA'O, ,'PHAGS PA GSER 'OD DAM PA'I MDO LAS KYANG STONG GSUM GYI STONG CHEN PO'I 'JIG RTEN GYI KHAMS SU NI GZUGS MED PA YANG GTOGS PAR GSUNGS PA'I PHYIR RO, ,DE BYE BA DANG, DE BYE BA PHRAG BRGYA DANG, DE BYE BA PHRAG STONG DANG, DE BYE BA PHRAG BRGYA STONG NGO ZHES BYA BA NI GNYIS PA BYE BA'I TSAD BSTAN PA'O, ,TSIG ZLOS BUR BYA BA ZHES GSUNGS PA NI THER 'BUM LA BYA'O, ,DGONGS PA ZAB MO RNAM PAR DGROL BA'I MDO LAS KYANG THER 'BUM ZHES 'BYUNG NGO, ,'PHAGS PA SHES RAB KYI PHA ROL TU PHYIN PA'I 'GREL PA LAS KYANG THER 'BUM ZHES BSHAD DE, DE'I PHYIR DE NYID LAS NYI ZLA 'BUM PHRAG BRGYA NAS TSANGS PA CHEN PO 'BUM PHRAG BRGYA'I BAR GANG YIN PA DE NI STONG GSUM GYI STONG CHEN PO'I 'JIG RTEN GYI KHAMS ZHES BYA'O ZHES 'BYUNG NGO, ,BSTAN BCOS RNAL 'BYOR SPYOD PA'I SA LAS KYANG NYI MA DANG, ZLA BA BYE BA PHRAG BRGYA DANG, TSANGS PA'I 'JIG RTEN GYI BAR DU BYE BA PHRAG BRGYA GANG YIN PA DE NI STONG GSUM GYI STONG CHEN PO'I 'JIG RTEN GYI KHAMS ZHES BYA'O ZHES 'BYUNG BAS BYE BA ZHES BYA BA NI THER 'BUM LA BYA BAR MNGON NO, , BSTAN BCOS BYE BRAG TU BSHAD PA CHEN PO LAS NI, GCIG LAS BRTZEGS PA STONG PHRAG BRGYA GANG YIN PA DE NI 'BUM ZHES BYA'O, ,'BUM PHRAG BRGYA STONG GANG YIN PA DE NI BYE BA ZHES BYA'O, ,BYE BA PHRAG BRGYA STONG GANG YIN PA DE NI SA YA ZHES BYA'O ZHES 'BYUNG NGO, ,MDZOD KYI BSTAN BCOS LAS NI GCIG PHRAG BCU LA BCU'O, ,BCU PHRAG BCU LA BRGYA'O, ,BRGYA PHRAG BCU LA STONG NGO, ,STONG PHRAG BCU LA KHRI'O, ,KHRI PHRAG BCU LA 'BUM MO, ,'BUM PHRAG BCU LA THER 'BUM MO, ,THER 'BUM BCU LA B LA B'O, ,BYE BA PHRAG BCU LA MA TA'O, ,MA TA PHRAG BCU LA AU SNU TA ZHES 'BYUNG NGO, ,'PHAGS PA SHES RAB KYI PHA ROL TU PHYIN PA'I 'GREL PA LAS NI, GCIG GCIG GANG YIN PA DE NI GNYIS ZHES BYA'O, ,GNYIS GNYIS GANG YIN PA DE NI BZHI ZHES BYA'O, ,GSUM GSUM GANG YIN PA DE NI DGU ZHES BYA'O, ,BCU BCU GANG YIN PA DE NI BRGYA ZHES BYA'O, ,BRGYA PHRAG BCU GANG YIN PA DE NI STONG ZHES BYA'O, ,STONG PHRAG BCU GANG YIN PA DE @157A *, ,NI KHRI ZHES BYA'O, ,KHRI PHRAG BCU GANG YIN PA DE NI 'BUM ZHES BYA'O, ,'BUM PHRAG BCU GANG YIN PA DE NI SA YA ZHES BYA'O ZHES 'BYUNG NGO, ,BYE BA DE YANG BRGYUD DE BSHAD PA RNAM PA GSUM YOD DE, DANG PO NI KHRI PHRAG BCU'I 'O, ,GNYIS PA NI KHRI PHRAG BRGYA'I 'O, ,GSUM PA NI KHRI PHRAG STONG GI'O ZHES BSHAD DO, ,'DI LTA STE, BYE BA GCIG GI STONG GSUM GYI STONG CHEN PO'I 'JIG RTEN GYI KHAMS SMA, GRANGS BRGYA LA THUG PA 'AM, GRANGS STONG LA THUG PA'I 'AM, GRANGS BRGYA STONG LA THUG PA'I ZHES BYA BA'I THA TSIG GO, ,DE GRANGS MED PA DANG, DE GRANGS MED PA PHRAG BRGYA DANG, DE GRANGS MED PA PHRAG STONG DANG, DE GRANGS MED PA PHRAG BRGYA STONG ZHES BYA BA NI GSUM PA GRANGS MED BA'I TSAD BSTAN PA'O, ,BSTAN BCOS BYE BRAG TU BSHAD PA CHEN PO DANG, MDZOD KYI BSTAN BCOS LAS GRANGS KYI MING DRUG CU YOD PA LAS, LNGA BCU GNYIS PA GANG YIN PA DE NI GRANGS MED PA ZHES BSHAD DO, ,'PHAGS PA SHES RAB KYI PHA ROL TU PHYIN PA'I 'GREL PA LAS, MI SHES PAR MI NUS PA 'AM, BGRANG BA'I MTHAR THUG PA'I GRANGS YIN PAS, YANG SHES PAR MI NUS PA GANG YIN PA DE NI GRANGS MED PA ZHES BYA'O ZHES BSHAD DE, ZHIB TU DE NYID LAS BSTAN PA BZHIN NO, ,'PHAGS PA SANGS RGYAS PHAL PO CHE'I MDO'I NANG NAS GRANGS BSTAN PA'I LE'U LAS GRANGS BRGYA NYI SHU BSTAN PA LAS BRGYA RTZA GSUM PA GANG YIN PA DE NI GRANGS MED PA ZHES BYA'O ZHES 'BYUNG NGO, ,'DI LTA STE, GRANGS MED PA GCIG GI STONG GSUM GYI STONG CHEN PO'I 'JIG RTEN GYI KHAMS SMA, GRANGS BRGYA LA THUG PA'I 'AM, GRANGS STONG LA THUG PA'AM, GRANGS BRGYA STONG LA THUG PA'I ZHES BYA BA'I THA TSIG GO, ,STONG GSUM GYI STONG CHEN PO'I 'JIG RTEN GYI KHAMS GRANGS MED PA PHRAG BRGYA STONG GI RDUL PHRA RAB KYI TSAD SNYED KYI PHYOGS BCU'I NGOS DPAG TU MED, GRANGS MED PA'I SNOD KYI 'JIG RTEN GYI KHAMS RNAMS SO ZHES BYA BA NI LNGA PA PHYOGS BCU'I 'JIG RTEN GYI KHAMS KYI TSAD BSTAN PA'O, ,'DI YANG DANG PO NI STONG GSUM GYI 'JIG RTEN GYI KHAMS SO, ,GNYIS PA NI GRANGS MED PA PHRAG BRGYA STONG GI STONG GSUM GYI 'JIG RTEN GYI KHAMS SO, ,GSUM BA RDUL PHRA RAB SNYED KYI PHYOGS BCU'I TSAD MED PA'I STONG GSUM GYI 'JIG RTEN GYI KHAMS TE, DE'I PHYIR BSTAN BCOS RNAM PAR BSHAD PA LAS, STONG GSUM GYI STONG CHEN PO'I 'JIG RTEN GYI KHAMS @157B DANG, GRANGS MED PA PHRAG BRGYA STONG GI 'JIG RTEN GYI KHAMS DANG, RDUL PHRA RAB KYI TSAD SNYED KYI PHYOGS BCU DPAG TU MED PA'I GRANGS MED PA'I 'JIG RTEN GYI KHAMS ZHES 'BYUNG BA YIN NO, ,BSHAD PA'I RNAM GRANGS GZHAN DU NA PHYOGS GCIG GI GRANGS MED PA PHRAG BRGYA STONG DANG, RDUL PHRA RAB KYI TSAD SNYED KYI STONG GSUM GYI STONG CHEN PO'I 'JIG RTEN GYI KHAMS GANG YIN PA DANG, PHYOGS BCU DPAG TU MED GRANGS MED PA'I STONG GSUM GYI STONG CHEN PO'I 'JIG RTEN GYI KHAMS GANG YIN PA DANG, PHYOGS BCU DPAG TU MED PA GRANGS MED PA'I STONG GSUM GYI STONG CHEN PO'I 'JIG RTEN GYI KHAMS GANG YIN PA DE DAG KYANG RNAM PAR GZHAG PA'I DON ZHES BYA'O ZHES BSTAN PA'O, ,LONGS SPYOD PA'I DON NI, 'DI LTA STE, NGAS SEMS CAN RNAMS LONGS SPYAD BAR BYA BA'I PHYIR YONGS SU BZUNG BA DANG, YO BYAD BSTAN PA GANG YIN PA DAG GO ZHES BYA BA NI DRUG PA LONGS SPYOD PA'I DON RNAM PAR BSHAD PA'O, ,'DI LTAR SEMS CAN RNAMS LONGS SPYAD PAR BYA BA'I PHYIR YONGS SU BZUNG BA'I YO BYAD BCU PO DAG PHUN SUM TSOGS PAR BSTAN PA GANG YIN PA STE, BSTAN BCOS RNAL 'BYOR SPYOD PA'I SA LAS YO BYAD BCU GANG ZHE NA, ZAS DANG SKOM DANG BZHON PA DANG GOS DANG RGYAN DANG BZHAD GANG DANG GLU BRO DANG ROL MO'I SGRA DANG SPOS DANG ME TOG PHRENG BA DANG BYUG PA DANG SNOD SPYOD DANG SNANG BA DANG SKYES PA DANG BUD MED DGA' MGUR SPYOD PA RNAMS SO ZHES BSTAN PA DAG YIN NO, ,BSHAD PA'I RNAM GRANGS GZHAN DU NA YONGS SU BZUNG BA ZHES BYA BA NI YONGS SU BZUNG BA'I DNGOS PO RNAM PA BDUN NO, ,YO BYAD CES BYA BA NI YO BYAD BCU PO DAG NYID DO, ,DE LA YONGS SU BZUNG BA'I DNGOS PO RNAM PA BDUN NI BSTAN BCOS RNAL 'BYOR SPYOD PA'I SA LAS JI SKAD DU YONGS SU BZUNG BA'I DNGOS PO BDUN GANG ZHE NA, BDAG DANG PA MA'I DNGOS PO DANG BU DANG CHUNG MA'I DNGOS PO DANG, BRAN DANG BRAN MO DANG, LAS BYED PA DANG ZHO SHAS 'TSO BA'I DNGOS PO DANG, MDZA' BSHES DANG BLON PO DANG NYE DU DANG SNAG GI GNYEN MTSAMS KYI DNGOS PO DANG, ZHING DANG, KHANG KHYIM DANG, ZONG DGRAM PA'I DNGOS PO DANG, BSOD NYAMS BYA BA DANG LAS KYI MTHA' LA SBYOR BA'I DNGOS PO DANG, NOR LA SOGS PA'I DNGOS PO ZHES BSTAN PA'O, ,YO BYAD RNAM PA BCU NI GONG DU BSTAN PA BZHIN DU RIG BAR BYA'O, ,PHYIN CI LOG GI DON NI 'DI LTA STE, @158A *, ,'DZIN PA LA SOGS PA'I DON DE DAG NYID LA MI RTAG PAR 'DZIN PAS, 'DU SHES PHYIN CI LOG DANG, SEMS PHYIN CI LOG DANG, LTA BA PHYIN CI LOG TU GYUR PA DANG, SDUG BSNGAL LA BDE BAR 'DZIN PA DANG, MI GTZANG BA LA GTZANG BAR 'DZIN PA DANG, BDAG MED PA LA BDAG TU 'DZIN PAS, 'DU SHES PHYIN CI LOG DANG, SEMS PHYIN CI LOG DANG, LTA BA PHYIN CI LOG TU GYUR PA GANG YIN PA'O ZHES BYA BA NI BDUN PA PHYIN CI LOG GI DON RNAM PAR BSHAD PA'O, ,'DI LTA STE, GONG DU BSTAN PA'I 'DZIN PA LA SOGS PA'I DON DE DAG LA PHYIN CI LOG BDUN DU GYUR PA GANG YIN PA DE DAG NI PHYIN CI LOG GI DON ZHES BYA STE, PHYIN CI LOG BDUN PO DAG NI BSTAN BCOS BCU BDUN BSTAN PA LAS, JI SKAD DU BSTAN PA NYID DE, DE'I PHYIR BSTAN BCOS DE NYID LAS PHYIN CI LOG GIS YONGS SU BZUNG BA NI 'DI LTA STE, PHYIN CI LOG BDUN PO, 'DU SHES PHYIN CI LOG DANG, LTA BA PHYIN CI LOG DANG, SEMS PHYIN CI LOG DANG, MI RTAG PA LA RTAG GO SNYAM PA PHYIN CI LOG DANG, SDUG BSNGAL LA BDE BA'O SNYAM PA PHYIN CI LOG DANG, MI GTZANG BA LA GTZANG NGO SNYAM PA'I PHYIN CI LOG DANG, BDAG MED PA LA BDAG GO SNYAM PA'I PHYIN CI LOG GO, ,'DU SHES PHYIN CI LOG NI 'DI LTA STE, MI RTAG PA LA RTAG GO SNYAM PA DANG, SDUG BSNGAL BA LA BDE'O SNYAM PA DANG, MI GTZANG BA LA GTZANG NGO SNYAM PA DANG, BDAG MED PA LA BDAG GO SNYAM PA'I 'DU SHES KYI RTOG PA GANG YIN PA'O, ,LTA BA PHYIN CI LOG NI 'DI LTA STE, 'DU SHES KYI YONGS SU RTOG PA DE NYID LA DE BZHIN DU BZOD PA DANG, 'DOD PA DANG RNAM PAR 'JOG PA DANG, MNGON PAR ZHEN PA GANG YIN PA'O, ,SEMS PHYIN CI LOG NI 'DI LTA STE, MNGON PAR ZHEN PA DE NYID LA DE BZHIN DU 'DOD CHAGS LA SOGS PAS KUN NAS NYON MONGS PA GANG YIN PA'O, ,DE LA NYON MONGS PA RNAMS NI MDOR BSDU NA RNAM PA GSUM DU RIG PAR BYA STE, NYON MONGS PA LAS PHYIN CI LOG GI RTZA BA YANG YOD DO, ,NYON MONGS PA LAS PHYIN CI LOG GI BDAG NYID YIN PA YANG YOD DO, ,NYON MONGS PA LAS PHYIN CI LOG GI RGYU MTHUN PA YIN PA YANG YOD DO, ,DE LA PHYIN CI LOG GI RTZA BA NI 'DI LTA STE, MA RIG PA'O, ,PHYIN CI LOG GI BDAG NYID NI 'DI LTA STE, 'JIG TSOGS LA LTA BA DANG, MTHAR 'DZIN PAR LTA BA'I PHYOGS GCIG DANG, LTA @158B BA MCHOG TU 'DZIN PA DANG, TSUL KHRIMS DANG, BRTUL ZHUGS MCHOG TU 'DZIN PA DANG, 'DOD CHAGS SO, ,PHYIN CI LOG GI RGYU MTHUN PA NI 'DI LTA STE, LOG BAR LTA BA DANG, MTHAR 'DZIN PAR LTA BA'I PHYOGS GCIG DANG, KHONG KHRO BA DANG NGA RGYAL DANG, THE TSOM MO, ,DE LA 'JIG TSOGS LA LTA BA NI BDAG MED PA LA BDAG GO SNYAM DU PHYIN CI LOG PA'O, ,MTHAR 'DZIN PAR LTA BA'I PHYOGS GCIG NI MI RTAG PA LA BRTAG GO SNYAM PA'I PHYIN CI LOG PA'O, ,LTA BA MCHOG TU 'DZIN PA NI MI GTZANG BA LA GTZANG NGO SNYAM DU PHYIN CI LOG PA'O, ,TSUL KHRIMS DANG BRTUL ZHUGS MCHOG TU 'DZIN PA NI SDUG BSNGAL LA BDE BA'O SNYAM DU PHYIN CI LOG PA'O, ,'DOD CHAGS NI MI GTZANG BA LA GTZANG NGO SNYAM DU PHYIN CI LOG PA DANG, SDUG BSNGAL LA BDE BA'O SNYAM DU PHYIN CI LOG PA GNYIS KA YANG YIN NO ZHES BSTAN PA YIN TE RGYA CHER RNAM PAR 'BYED PA NI, MDZOD KYI BSTAN BCOS DANG YANG DAG PA'I RIGS PA DANG RJES SU MTHUN PA DANG, BYE BRAG TU BSHAD PA CHEN PO DANG, PHYIN CI LOG BZHI BSTAN PA DAG LAS BSTAN PA BZHIN DU RIG PAR BYA'O, ,PHYIN CI MA LOG PA'I DON NI GONG MA LAS BZLOG PA STE, DE'I GNYEN POR GYUR PA LAS DE'I MTSAN NYID DU RIG PAR BYA'O ZHES BYA BA NI BRGYAD PA PHYIN CI MA LOG PA'I DON RNAM PAR BSHAD PA STE GONG MA BZHIN DU RIG PAR BYA'O, , KUN NAS NYON MONGS PA'I DON NI 'DI LTA STE, KHAMS GSUM PA'I NYON MONGS PA RNAM PA GSUM PO, NYON MONGS PA'I KUN NAS NYON MONGS PA DANG, LAS KYI KUN NAS NYON MONGS PA DANG, SKYE BA'I KUN NAS NYON MONGS PA GANG YIN PA'O ZHES BYA BA NI DGU PA KUN NAS NYON MONGS PA'I DON RNAM PAR BSHAD PA'O, ,MDO'I TSIG 'DI YANG RNAM PA GSUM DU DBYE STE, BSTAN PA'I SGO BSTAN PA DANG, GRANGS BSTAN PA DANG, MING BKOD PA'O, ,BSTAN BCOS THEG PA CHEN PO BSDUS PA'I 'GREL PA SLOB DPON NGO BO NYID MED KYIS BYAS PA LAS, DE LA KUN NAS NYON MONGS PA ZHES BYA BA NI 'DRES PA DANG, RNYOG PA DANG YONGS SU MA DAG PA'I DON TO, ,KUN NAS NYON MONGS PA YANG RNAM PA GSUM STE, NYON MONGS PAS BYAS PA DANG, LAS KYIS BYAS PA DANG, SKYE BAS BYAS PA'O ZHES BSHAD DO, ,NYON MONGS PA'I SEMS MI DBEN ZHING 'KHRUL PAR BYED PAS 'DRES PA ZHES BYA'O, ,LAS NGO BO NYID KYIS BYAS PAS SEMS @159A *, ,DANG MI 'GYUR BAS RNYOG PA ZHES BRJOD DO, ,'KHOR BAR BAR CHAD DANG BCAS PAS YONGS SU MA DAG PA ZHES BYA'O, ,GZHAN YANG BSTAN BCOS RNAM PAR BSHAD PA LAS, NYON MONGS PA'I KUN NAS NYON MONGS PA ZHES BYA BA NI 'DI LTA STE, NYON MONGS PA DANG NYE PA'I NYON MONGS PA THAMS CAD GCIG TU BSDUS PA LA NI NYON MONGS PA'I KUN NAS NYON MONGS PA ZHES BYA'O, ,LAS KYI KUN NAS NYON MONGS PA NI 'DI LTA STE, NYON MONGS PA'I RGYUS BSKYED PA'AM, NYON MONGS PA'I RGYUS DGE BA'I CHOS KYI GROGS KYI RKYEN BYAS NAS BSKYED PA GANG YIN PA STE, CI RIGS PAR KHAMS GSUM PAS BSDUS PA'I LUS DANG NGAG DANG YID KYI LAS RNAMS SO, ,SKYE BA'I KUN NAS NYON MONGS PA NI 'DI LTA STE, NYON MONGS PA DANG LAS KYI RGYU'I PHYIR SKYES PAR GYUR PA DANG, SKYES PA'I PHYIR SDUG BSNGAL BAR GYUR PA GANG YIN PA'O ZHES 'BYUNG STE, ZHIB TU DE NYID LAS BSTAN PA BZHIN NO, ,RGYA CHER RNAM PAR 'BYED PA NI BSTAN BCOS RNAL 'BYOR SPYOD PA'I SA LAS BSTAN PA BZHIN DU RIG PAR BYA'O, ,RNAM PAR BYANG BA'I DON NI 'DI LTA STE, KUN NAS NYON MONGS PA RNAM PA GSUM PO DE DAG NYID DANG BRAL BAR BYA BA BYANG CHUB KYI PHYOGS KYI CHOS JI SNYED YOD PA RNAMS TE ZHES BYA BA NI, BCU PA RNAM PAR BYANG BA'I DON RNAM PAR BSHAD PA'O, , BRAL BAR BYA BA BYANG CHUB KYI CHOS JI SNYED PA ZHES BYA BA LA YANG BSHAD PA RNAM PA GNYIS YOD DE, KHA CIG NA RE BRAL BAR BYA BA DANG BYANG CHUB KYI PHYOGS KYI CHOS JI SNYED YOD PA GANG YIN PA DE NI RNAM PAR BYANG BA'I DON ZHES BYA'O ZHES ZER TE, 'DI NI MI MTHUN PA'I RNAM PAR BSHAD PA'O, ,KHA CIG NA RE BRAL BAR BYA BA BYANG CHUB KYI PHYOGS KYI CHOS JI SNYED PA ZHES BYA BA NI 'BRAS BU SMOS NAS RGYU RAB TU BSTAN PA GANG YIN PA DE NI RNAM PAR BYANG BA'I DON ZHES BYA'O ZHES ZER TE, 'DI NI BDAG PO'I DBANG PO BYAS PA'I RNAM PAR BSHAD PA'O, ,'DI LTAR RNAM PA GNYIS SU BSHAD PA YOD KYANG BSHAD PA NI PHYI MA BZANG STE, DE'I PHYIR BSTAN BCOS RNAM PAR BSHAD PA LAS, RNAM PAR BYANG BA'I DON NI 'DI LTA STE, KUN NAS NYON MONGS PA RNAM PA GSUM PO DAG LAS BRAL BA THOB PAR BYA BA'I PHYIR BYANG CHUB KYI PHYOGS KYI CHOS THAMS CAD BSGOM PA GANG YIN PA'O ZHES BSTAN PA YIN NO, ,GZHAN YANG BSTAN BCOS THEG PA CHEN PO BSDUS PA'I 'GREL PA LAS, RNAM PAR BYANG BA'I DON @159B ZHES BYA BA NI, SHIN TU GSAL BA DANG, GTZANG BA DANG, RAB TU GSAL BA'I DON YIN NO, ,RNAM PAR BYANG BA YANG RNAM PA GNYIS TE, 'JIG RTEN PA'I RNAM PAR BYANG BA NI ZAG PA DANG BCAS PA'I LAM GYIS RE ZHIG TZAM DU KUN NAS DKRIS PA'I NYON MONGS PA NYAMS SMOD CING RNAM PAR GNON PA'I PHYIR RO, ,'JIG RTEN LAS 'DAS PA'I CHA RNAM PAR BYANG BA NI ZAG PA MED PA'I LAM GYIS ZAG LA NYAL GTAN DU SPONG BA'I PHYIR RO ZHES BSHAD DE, NYON MONGS PA DANG BRAL PAS NA SHIN TU GSAL BA ZHES BRJOD DO, ,LAS DANG BRAL BAS NA SHIN TU GTZANG BA ZHES BYA'O, ,SKYE SHI'I DON DANG BRAL BAS NA RAB TU GSAL BA ZHES BRJOD DO, ,RIGS KYI BU DE LTAR RNAM BA BCU PO DE DAG GIS DON THAMS CAD BSDUS PAR RIG PAR BYA'O ZHES BYA BA NI BZHI PA SPYI'I MJUG BSDU BA STE, DON RNAM PA BCU PO DAG GIS DON RNAMS SDUD PAR BYED PAS SO, ,DON RNAM PA BCU PO DE DAG KYANG BSTAN BCOS RNAM PAR BSHAD PA LAS MDO LAS GSUNGS PA DANG MTHUN PAR 'BYUNG STE, DE LA BYE BRAG YOD PA YANG BSTAN BCOS DE LAS DE BZHIN NYID RNAM PA BDUN PO DE DAG MING BKOD BA KHO NAR ZAD KYI RNAM PAR BSHAD PA NI MED PAS SO,, ,,BAM PO BZHI BCU GSUM PA, GZHAN YANG RIGS KYI BU BYANG CHUB SEMS DPA' RNAMS NI RNAM PA LNGAS DON SO SO YANG DAG PAR RIG PA'I PHYIR DON SO SO YANG DAG PAR RIG PA ZHES BYA'O ZHES BYA BA 'DI MAN CHAD NI GNYIS PA DON RNAM PA LNGA LAS BRTZAMS NAS, DON SO SO YANG DAG PAR RIG PA'I RNAM PAR BSHAD PA'O, ,'DI YANG RNAM PA BZHIR DBYE STE, MDOR BSTAN NAS GRANGS SMOS PA DANG, ZHUS PA'I LAN DAG GIS GRANGS KYI MING BKOD PA DANG, GO RIMS BZHIN DU RNAM PAR PHYE STE BSHAD PA DANG, DON RNAM PA LNGA BSHAD PA SPYI'I MJUG BSDU BA STE, 'DI NI DANG PO'O, ,DON LNGA GANG ZHE NA, YONGS SU SHES PAR BYA BA'I DNGOS PO DANG, YONGS SU SHES PAR BYA BA'I DON DANG, YONGS SU SHES PA DANG, YONGS SU SHES PA'I 'BRAS BU THOB PA DANG, DE RAB TU RIG PAR BYED PA'O ZHES BYA BA NI GNYIS PA ZHUS PA DANG, LAN DAG GIS GRANGS KYI MING BKOD PA'O, ,RNAM PA LNGA PO DE DAG KYANG MDOR BSDU NA RNAM PA GSUM DU DBYE STE, DANG PO GNYIS NI YONGS SU SHES PAR BYA BA'I YUL LO, GSUM BA NI YONGS SU SHES PAR BYED PA'I SHES PA STE, RGYU'I SPYOD PA'O, ,PHYI MA GNYIS NI SPYOD @160A *, ,PAS THOB BA'I 'BRAS BU'O, ,RIGS KYI BU DE LA YONGS SU SHES BAR BYA BA'I DNGOS PO NI SHES BYA THAMS CAD YIN PAR RIG PAR BYA STE, 'DI LTA STE, PHUNG PO RNAMS ZHES BYA BA'AM, NANG GI SKYE MCHED RNAMS ZHES BYA BA'AM, PHYI ROL GYI SKYE MCHED RNAMS ZHES BYA BA'AM DE LTA BU LA SOGS PA THAMS CAD DO ZHES BYA BA 'DI MAN CHAD NI GSUM PA GO RIMS BZHIN DU RNAM PAR PHYE STE BSHAD PA'O, ,'DI YANG RNAM PA LNGA BSTAN PA NYID KYI SA RNAM BA LNGAR DBYE STE, 'DI NI DANG PO'O, ,MDO'I TSIG 'DI LA YANG RNAM PA GSUM STE, MDOR BSTAN PA DANG, RNAM PAR BSHAD PA DANG, ZLAS DNGOS PO'I BDAG NYID BSTAN PA'O, ,'DI LTAR CHOS THAMS CAD YONGS SU SHES PAR BYA BA'I YUL NI PHUNG PO LNGA DANG, SKYE MCHED BCU GNYIS PO DE YANG NANG GI SKYE MCHED DRUG DANG PHYI ROL GYI SKYE MCHED DRUG PO DAG GO, ,DE LTA BU LA SOGS PA THAMS CAD CES BYA BA NI ZLAS KHAMS RNAMS KYANG YONGS SU SHES PAR BYA BA YIN PAR BSTAN PA STE, BSTAN BCOS RNAM PAR BSHAD PA LAS, PHUNG PO DANG SKYE MCHED DANG KHAMS LA SOGS PA'O ZHES BSTAN PAS SO, ,BSTAN BCOS RNAL 'BYOR SPYOD PA'I SA LAS, YONGS SU SHES PAR BYA BA'I DNGOS PO NI 'DI LTA STE, PHUNG PO DANG KHAMS DANG SKYE MCHED DANG, RTEN CING 'BREL PAR 'BYUNG BA DANG, DRAN PA NYE BAR GZHAG PA DANG, YANG DAG PAR SPONG BA LA SOGS PA'O ZHES BSHAD DE, BSTAN BCOS RNAM PAR BSHAD PA LAS KYANG DE SKAD DU BSTAN TO, ,YONGS SU SHES PAR BYA BA'I DON NI RNAM PA'I BYE BRAG JI SNYED YOD PA DAG GIS SHES BYA SHES PAR BYA BA GANG YIN PA STE ZHES BYA BA LA SOGS PAS NI GNYIS PA YONGS SU SHES PAR BYA PA'I DON RNAM PAR BSHAD PA'O, ,'DI YANG RNAM PA GSUM DU DBYE STE, MDOR BSTAN PA DANG, RNAM PAR PHYE STE BSHAD PA DANG, ZLAS BSTAN PA'O, ,'DI NI DANG PO STE, SNGA MA'I YONGS SU SHES PAR BYA BA'I DNGOS PO DANG BYE BRAG YOD PA YANG SNGA MA NI SHES PAR BYA BA'I YUL GYI BDAG NYID BSTAN KYANG, DON RNAM PA SNA TSOGS KYI SGO'I BYE BRAG MA BSTAN PAS DE'I PHYIR SGO 'DIS DON GYI BYE BRAG BSTAN PA YIN NO, ,'DI LTA STE, KUN RDZOB KYI PHYIR DANG DON DAM PA'I PHYIR ZHES BYA BA 'DI MAN CHAD NI GNYIS PA RNAM PAR PHYE STE BSHAD PA BSTAN PA'O, ,RNAM PAR BYE NA BSHAD PA 'DI YANG SGO RNAM PA BCU GCIG GIS BSTAN TE, 'DI NI DANG PO KUN RDZOB DANG DON @160B DAM PA'I SGO'O, ,BSTAN BCOS CHOS MNGON PA KUN LAS BTUS PA DANG, CHOS MNGON PA SNA TSOGS KUN LAS BTUS PA LAS JI SKAD DU, JI LTAR NA KUN RDZOB TU YOD PA YIN, KUN RDZOB YOD PA RNAMS NI DU ZHIG ,CI'I PHYIR KUN RDZOB TU YOD PAR BRTAG CE NA, THAMS CAD KYANG KUN RDZOB TU YOD PA'O, ,DE LA THAMS CAD CES BYA BA NI PHUNG PO LNGA DANG, SKYE MCHED BCU GNYIS DANG, KHAMS BCO BRGYAD DE, CHOS SUM CU RTZA LNGA DANG LDAN PA'I PHYIR THAMS CAD CES BYA BA BSTAN TO, BDAG LA KUN NAS NYON MONGS PA'I MTSAN NYID DU MNGON PAR ZHEN PA SPANG BA'I PHYIR KUN RDZOB TU BRTAG GO, ,JI LTAR NA DON DAM PAR YOD DON DAM PAR YOD PA RNAMS NI DU ZHIG ,CI'I PHYIR DON DAM PAR YOD PAR BRTAG CE NA, 'DI LTA STE, RNAM PAR DAG PAR 'GYUR BA'I DMIGS PA NI DON DAM PAR YOD PA'O, ,THAMS CAD KYANG DON DAM PAR YOD PA'O, ,BDAG LA RNAM PAR DAG PA'I MTSAN NYID DU MNGON PAR ZHEN PA SPANG BA'I PHYIR DON DAM PAR YOD PAR BRTAG PA YIN NO ZHES 'BYUNG BA LTA BU STE, CHOS MNGON PA SNA TSOGS KUN LAS BTUS PA LAS, THAMS CAD KYANG DON DAM PAR YOD PA'O ZHES BYA BA NI, 'DI LTAR CHOS THAMS CAD DE BZHIN NYID LAS GUD NA MED PA'I PHYIR BSHAD DE, RGYA CHER RNAM PAR 'BYED PA NI BDEN PA GNYIS BSTAN PA LAS 'BYUNG BA BZHIN DU RIG PAR BYA'O, ,YON TAN GYI PHYIR DANG SKYON GYI PHYIR ZHES BYA BA NI GNYIS PA YON TAN DANG SKYON GYI SGO BSTAN PA'O, ,'DI LTA STE, TSAD MED PAR BZHI LA SOGS PA DANG, SANGS RGYAS KYI CHOS MA 'DRES PA BRGYA BZHI BCU PO DAG NI YON TAN ZHES BYA'O, ,MTSAMS MED PA LNGA DANG, MI DGE BA BCU DANG, LCI BA BZHI DANG NYON MONGS PA LA SOGS PA NI SKYON ZHES BYA STE, DE'I PHYIR 'OG NAS MDO LAS SKYON NI KUN NAS NYON MONGS PA'I CHOS RNAMS SO, ,YON TAN NI RNAM PAR BYANG BA'I CHOS RNAMS SO ZHES BSTAN TO, ,BSTAN BCOS DBUS DANG MTHA' RNAM PAR 'BYED PA LAS KYANG MYA NGAN LAS 'DAS PA NI YON TAN ZHES BYA'O, ,'KHOR BA NI NYES DMIGS ZHES BYA'O ZHES BSTAN TO, ,RKYEN GYI PHYIR DANG DUS KYI PHYIR DANG ZHES BYA BA NI GSUM PA RKYEN BZHI RAB TU DBYE BA'I SGO DANG, BZHI PA DUS GSUM RAB TU DBYE BA'I SGO'O, ,DE LA RKYEN BZHI ZHES BYA BA NI BSTAN BCOS RNAL 'BYOR SPYOD PA'I SA LAS JI SKAD DU, RKYEN BZHI STE, RGYU'I RKYEN NI 'DI LTA STE, SA BON GANG YIN PA'O, , @161A *, ,MTSUNGS PA DE MA THAG PA'I RKYEN NI 'DI LTA STE, RNAM PAR SHES PA GANG GI MJUG THOGS SU RNAM PAR SHES PA GANG DAG 'BYUNG BAR NGES PA GANG YIN PA DE NI DE DAG GI MTSUNGS PA DE MA THAG PA'I RKYEN TO, ,DMIGS PA'I RKYEN NI 'DI LTA STE, SEMS LAS BYUNG BA'I CHOS GAD DAG GI DMIGS PA GANG YIN PA'O, ,BDAG PO'I RKYEN NI 'DI LTA STE, SA BON MA GTOGS PA GNAS GZHAN GANG YIN PA STE, JI LTAR MIG DANG DE'I GROGS SU GTOGS PA'I CHOS MIG GI RNAM PAR SHES PA LA LTOS PA BZHIN DU RNAM PAR SHES PA LHAG MA RNAMS KYANG DE DANG 'DRA'O, ,GZHAN YANG DGE BA DANG MI DGE BA'I NGO BO NYID GANG GIS 'DOD PA DANG, MI 'DOD PA'I 'BRAS BU YONGS SU 'DZIN PAR BYED PA GANG YIN PA DANG, DE LTA BU DANG MTHUN PA RNAMS NI BDAG PO'I RKYEN TO ZHES BSTAN PA LTA BU STE, RGYA CHER NI MTSAN NYID BSTAN PA DAG LAS 'BYUNG BA BZHIN DU RIG PAR BYA'O, ,DE LA DUS GSUM NI BSTAN BCOS RNAL 'BYOR SBYOD PA'I SA LAS JI SKAD DU, DE LA DUS GSUM RNAM PAR GZHAG PA JI LTA BU YIN ZHE NA, SA BON RNAMS KYI CHOS DE LAS THA MI DAD PA'I PHYIR CHOS BZHIN DU RNAM PAR GZHAG GO, ,GZHAN YANG 'BRAS BU BYIN MA BYIN PA'I DBANG GI PHYIR, CHOS RNAMS KYI 'BRAS BU 'GAGS PA'I MTSAN NYID GANG YIN PA DE NI 'DAS PA'O, ,RGYU YOD LA MA BYUNG BA'I MTSAN NYID GANG YIN PA DE NI MA 'ONGS PA'O, ,BYUNG LA MA 'GAGS PA'I MTSAN NYID GANG YIN PA DE NI DA LTAR BYUNG BA'O ZHES BSTAN PA LTA BU'O, ,GZHAN YANG BSTAN BCOS RNAL 'BYOR SPYOD PA'I SA LAS SA BON GYI RGYUN 'BRAS BU BSKYED ZIN PA NI KHAMS 'DAS PA ZHES BYA'O, ,SA BON GYI RGYUN 'BYUNG BA 'BRAS BU MA BSKYED PA NI KHAMS MA 'ONGS PA ZHES BYA'O, ,DE LTAR GYI SA BON GYI RGYUN 'BRAS BU MA BSKYED PA NYID NI KHAMS DA LTAR BYUNG BA ZHES BYA STE, 'DI LA DGONGS PA NI DE YIN PAR RIG PAR BYA'O ZHES 'BYUNG NGO, ,GZHAN YANG DE NYID LAS 'DAS PA'I 'DU BYED RNAMS NI 'BRAS BU BSKYED ZIN PA'I PHYIR YOD LA, 'DU BYED MA 'ONGS PA RNAMS NI RGYU YONGS SU 'DZIN PA'I PHYIR YOD DO, ,CI'I PHYIR ZHE NA, DA LTAR GYI 'DU BYED RNAMS NI MTSAN NYID RNAM PA GSUM GYIS RAB TU PHYE BA YIN TE, DANG PO NI 'DAS PA'I 'BRAS BU'I NGO BO NYID YIN PA'I PHYIR DANG, GNYIS PA NI MA 'ONGS PA'I RGYU'I NGO BO NYID YIN PA'I PHYIR @161B DANG, GSUM PA NI RANG GI MTSAN NYID KYI RGYU NA MI 'CHAD PA'I PHYIR RO ZHES 'BYUNG STE, BSTAN BCOS DBUS DANG MTHA' RNAM PAR 'BYED PA DANG, CHOS MNGON PA KUN LAS BTUS PA DANG, CHOS MNGON PA SNA TSOGS KUN LAS BTUS PA DANG, RNAM PAR BSHAD PA LAS KYANG PHAL CHER RNAL 'BYOR SPYOD PA'I SA LAS BSTAN PA DANG MTHUN PAR BSHAD DO, ,GZHAN YANG BSTAN BCOS RNAM PAR RIG PA TZAM DU GRUB PA LAS, THEG PA CHEN PO'I RTEN CING 'BREL PAR 'BYUNG BA'I YANG DAG PA'I RIGS PA LAS YID CHOS PAR BYA STE, 'DI LTAR YANG DAG PA'I RIGS PA 'DI NI SHIN TU ZAB CING GYA NOM PA'I TSIG DANG BRAL BAS RGYU DANG 'BRAS BU LA SOGS PA ZHES BYA BA NI BTAGS PA TZAM YIN TE, DA LTAR GYI CHOS LA BRTAGS NA PHYI MA 'DRES PA'I NUS PA DANG LDAN PAS MA 'ONGS PA'I 'BRAS BU ZHES GDAGS TE, DE LTAR GYI RGYUL LTOS NAS BSTAN PA'O, ,DA LTAR GYI CHOS LA BRTAGS NA SNGA MA'I MTSAN NYID DANG MTHUN PA YOD PAS SNGON GYI RGYU ZHES GDAGS TE, DA LTAR GYI 'DRAS BU LA LTOS NAS BSTAN PA'O, ,DE LA BTAGS PA NI 'DI LTA STE, SNANG BA'I RNAM PAR SHES PA GANG YIN PA'O, ,NGA 'DI LTAR DE'I MTSAN NYID LAS RGYU DANG 'BRAS BU DE DAG SNANG BA NI RIGS PA NYID KYIS DE LTAR RAB TU PHYE BA YIN PAS MTHA' GNYIS YONGS SU SPANGS PA DBU MA'I LAM KHONG DU CHUD PAR 'GYUR ZHES 'BYUNG STE, RGYA CHER RNAM PAR 'BYED PA NI MTSAN NYID BSTAN PA DAG LAS 'BYUNG BA BZHIN DU RIG PAR BYA'O, ,SKYE BA DANG, GNAS PA DANG, 'JIG PA'I MTSAN NYID KYI PHYIR ZHES BYA BA NI LNGA BA SKYE BA LA SOGS PA'I MTSAN NYID GSUM BSTAN PA STE, BSTAN BCOS RNAL 'BYOR SPYOD PA'I SA LAS, JI SKAD DU RKYEN GYI DBANG GIS RGYU SNGON MA BYUNG BA LAS DANG PO CHOS GANG DU BYUNG BA DE NI 'DUS BYAS KYI MTSAN NYID SKYE BA ZHES BYA'O, ,DE NYID GZHAN DU 'GYUR BA NI RGA BA'O, ,DE YANG RNAM PAR GNYIS TE, GZHAN NYID GZHAN DU 'GYUR BA DANG, ,THA DAD PAR GZHAN DU 'GYUR BA'O, ,DE LA 'DRA BAR 'BYUNG BA NI GZHAN NYID DU 'GYUR BA'O, ,MI 'DRA BAR 'BYUNG BA NI THA DAD BAR GZHAN DU 'GYUR BA'O, ,SKYES MA THAG PA'I SKYE BA TZAM GYI RJES SU 'JUG PA NI GNAS PA'O, ,SKYE BA'I SKAD CIG PHAN CHAD SKAD CIG MI GNAS PA NI MI RTAG PA NYID DE, DE DAG KYANG CHOS DE NYID KYI DUS KYI BYE BRAG LAS MTSAN NYID BZHIR 'GYUR RO ZHES BSTAN @162A *, ,PA LTA BU STE, RGYA CHER NI MTSAN NYID BSTAN PA DAG LAS 'BYUNG BA BZHIN DU RIG BAR BYA'O, ,NAD LTA BU LA SOGS BA'I PHYIR ZHES BYA BA NI DRUG PA NAD LTA BU LA SOGS PAR RNAM BAR 'BYED PA'I SGO STE, DE'I PHYIR BSTAN BCOS RNAL 'BYOR SPYOD PA'I SA LAS MI MTHUN PA'I 'DU SHES NI RNAM PA BZHI PO 'DI LTA STE, 'DU BYED RNAMS LA NAD DANG, 'BRAS DANG, ZUG RNGU DANG, SDIG PA YIN PAR YID LA BYED PA'O, ,DE LA NAD LTA BU NI 'DI LTA STE, DPER NAL LA ZHIG KHAMS MA SNYOMS BA'I RGYU LAS BYUNG BA'I NAD KYIS SDUG BSNGAL LA MI MTHUN PAR 'DU SHES BSGOM PA'O, ,'BRAS BU NI 'DI LTA STE, SNGON GYI LAS KYI RGYU LAS BYUNG BA'I 'BRAS BU SDUG BSNGAL LA MI MTHUN PAR 'DU SHES BSGOM PA'O, ,ZUG RNGU LTA BU NI 'DI LTA STE, DPER NA LA LA ZHIG DGRA GZHAN GYIS BSNUN PA'I ZUG RNGU'I RGYU LAS BYUNG BA'I SDUG BSNGAL LA MI MTHUN PAR 'DU SHES BSGOM PA'O, ,SDIG PA LTA BU NI 'DI LTA STE, GNYEN PO DANG LONGS SPYOD LA SOGS PA LAS GYUR BA'I PHONGS PA RNAMS LA RANG GI LOG BAR RTOG PA'I SDIG PA'I RGYU LAS PHYUNG BA'I SDUG BSNGAL LA MI MTHUN PA'I 'DU SHES BSGOM BA GANG YIN PA STE, 'DI NI RNAL 'BYOR PAS 'DU BYED RNAMS LA MI MTHUN PAR BSGOM PA'O ZHES BSTAN PA YIN NO, ,GZHAN YANG 'PHAGS PA SHES RAB KYI PHA ROL TU PHYIN PA'I 'GREL PA LAS, 'KHOR LNGA PO DGA' 'KHRUG PA RNAMS SKYE BAR RTOGS PA'I PHYIR NAD LTA BU ZHES GSUNGS SO, ,KHA CIG 'KHOR LO LNGA PO NAD LTA BU YIN PAR THOS NAS DE NI NGAS YA NGA BA YIN NO SNYAM DU SEMS PAS NA, DE'I PHYIR 'BRAS LTA BUR 'BYAD DKA' BA ZHES GSUNGS SO, ,'ON KYANG DE NI GSOR RUNG NGO SNYAM DU SEMS PAS NA DE'I PHYIR ZUG RNGU LTAR LUS LA REG MA THAG TU DE DBYUNG DU MI RUNG BA ZHES BYA BA GSUNGS SO, ,KHA CIG NA RE DPER NA ZUG RNGU LUS LA YOD PA BZHIN DU DBYUNG BAR DKA' MOD KYI DPYAD MKHAS PA DANG, SGYU RTZAL RAB DAG GIS NI PHYIN PAR 'GYUR RO SNYAM DU SEMS PAS NA, DE'I PHYIR RTAG PAR NA ZHING 'KHRUG PAR 'GYUR PA ZHES BYA BA GSUNGS SO ZHES 'BYUNG STE, RGYA CHER DE NYID LAS BSTAN PA BZHIN NO, ,SDUG BSNGAL DANG KUN 'BYUNG BA LA SOGS PA'I PHYIR ZHES BYA BA NI BDUN PA BDEN PA BZHI RNAM PAR 'BYED PA'I SGO'O, ,SOGS PA ZHES BYA BAS NI 'GOG PA DANG, LAM GYI BDEN PA GNYIS @162B KYANG BZUNG BA'O, ,BDEN PA BZHI PO DAG GI DON NI MTSAN NYID BSTAN PA DAG LAS 'BYUNG BA BZHIN DU RIG PAR BYA'O, ,DE BZHIN NYID DANG, YANG DAG PA'I MTHA' DANG, CHOS KYI DBYINGS LA SOGS PA'I PHYIR ZHES BYA BA NI BRGYAD PA DE BZHIN NYID KYI MI GI RNAM GRANGS MANG PO BSTAN PA'I SGO'O, ,DE LA DE BZHIN NYID CES BYA BA NI, BSTAN BCOS RNAM PAR RIG PA TZAM DU GRUB PA LAS JI SKAD DU DE BZHIN NYID CES BYA BA NI DE KHO NA NYID DE, YANG DAG PA MA YIN PAR BSTAN PA'O, ,NYID CES BYA BA NI RTAG PA NYID DE RNAM PAR 'GYUR BA MED PAR BSTAN PA STE, 'DI LTAR DE KHO NA NYID 'DI GNAS SKABS THAMS CAD DU RTAG PAR NGO BO NYID JI LTA BA BZHIN PA NYID KYIS NA, DE'I PHYIR DE BZHIN NYID CES BYA STE, 'DI NI RNAM PAR MI 'GYUR BA BRDZUN PA MA YIN PA'I DON TO ZHES BSTAN PA LTA BU'O, ,GZHAN YANG DE NYID LAS DON NYID BRDZUN PA DANG, PHYIN CI LOG MA YIN PA'I PHYIR DE BZHIN NYID CES BYA'O ZHES 'BYUNG NGO, ,SLOB DPON NYE BA'I 'OD KYIS 'GREL PA LAS, YANG DAG PA MA YIN PA DANG, PHYIN CI LOG GI MING BTAGS PA THAMS CAD DANG BRAL BAS NA DE BZHIN NYID CES BYA'O ZHES BSHAD DO, ,YANG DAG PA'I MTHA' ZHES BYA BA NI SLOB DPON NGO BO NYID MED KYIS 'GREL PA LAS, DE BZHIN NYID KYI PHYIR YANG DAG PA'I MTHA' ZHES BYA'O, ,MTHAR THUG PAS NA MTHA' ZHES BYA STE, MTHA' ZHES BYA BA'I SGRA NI MU'I MTHA' LA ZHES BYA BAS NA, DE'I PHYIR DE BZHIN NYID LA MTHA' ZHES BYA'O ZHES BSHAD DO, ,SLOB DPON NYE BA'I 'OD KYIS 'GREL PA LAS, CHOS RNAMS SO SOR BSRES TE, BRTAGS NA 'DI LAS GONG DU BZLAR MED DE, 'DI KHO NA BDEN PAS BTAGS PA TZAM DU YANG DAG PA'I MTHA' ZHES RNAM PAR GZHAG PA YIN NO ZHES BSHAD DO, ,CHOS KYI DBYINGS ZHES BYA BA NI SLOB DPON NGO BO NYID MED KYIS 'GREL PA LAS, CHOS KYI DBYINGS NI 'DI LTA STE, CHOS RNAM PAR BYANG BA'I THAMS CAD KYI RGYU'O ZHES BSHAD DO, ,SLOB DPON NYE BA'I 'OD KYIS 'GREL PA LAS, DGE BA'I CHOS THAMS CAD KYI GNAS BYED PAS BTAGS PA TZAM DU CHOS KYI DBYINGS ZHES BYA'O ZHES BSTAN TO, DE LA SOGS PA ZHES BYA BA NI STONG PA DANG, BDAG MED PA LA SOGS PA BSDU BA'O, ,MING GI RNAM GRANGS MANG PO DE YANG BSTAN PA RNAMS LAS SO SO NAS BSHAD PA MI MTHUN PAS, BSTAN BCOS @163A *, ,DBUS DANG MTHA' RNAM PAR 'BYED PA LAS NI MDOR BSDUS NAS BDAG MED PA LA SOGS PA'I MING DRUG GIS BSTAN PA YIN TE, DE'I PHYIR DE NYID KYI TSIG LE'UR BYAS PA LAS, STONG PA NYID KYI MDOR BSDU NA, ,DE BZHIN NYID DANG YANG DAG MTHA', ,MTSAN MA MED DANG DON DAM DANG, , CHOS KYI DBYINGS NI RNAM GRANGS SO, ,ZHES 'BYUNG STE, RGYA CHER DE NYID LAS BSTAN BA BZHIN NO, ,BSTAN BCOS CHOS MNGON PA SNA TSOGS KUN LAS BTUS PA LAS NI MDOR BSDUS NAS MING BDUN GYIS BSTAN TE, 'DI LTA STE, DE BZHIN NYID DANG, BDAG MED PA NYID DANG, STONG PA NYID DANG, MTSAN MA MED PA DANG, YANG DAG PA'I MTHA' DANG, DON DAM PA DANG, CHOS KYI DBYINGS TE RGYA CHER NI DE NYID LAS BSTAN PA BZHIN NO, ,BSTAN BCOS THEG PA CHEN PO BSDUS PA DANG, SANGS RGYAS KYI SA'I 'GREL PA LAS KYANG, MING GI RNAM GRANGS MANG PO STON TE, DE YANG YONGS SU RDZOGS PA MA YIN NO, ,'PHAGS PA SHES RAB KYI PHA ROL TU PHYIN PA'I MDO LAS NI MING BCU GCIG STON PAR MDZAD DE, 'DI LTA STE, CHOS KYI DBYINGS DANG, CHOS NYID DANG, YANG DAG PA NYID DANG, MI 'GYUR BA NYID DANG, MNYAM PA NYID DANG, SKYON MED PA NYID DANG, CHOS NGES PA NYID DANG, CHOS GNAS PA NYID DANG, YANG DAG PA'I MTHA' DANG, NAM MKHA'I KHAMS DANG, BSAM GYIS MI KHYAB PA'I KHAMS SO ZHES GSUNGS SO, ,RGYAS PA DANG BSDUS PA'I PHYIR ZHES BYA BA NI DGU PA RGYAS PA DANG BSDUS PA RNAM PAR 'BYED PA'I SGO'O, ,BSTAN BCOS RNAM PAR BSHAD PA LAS, BSDUS PA DANG, RGYAS PA ZHES BYA BA NI 'DI LTA STE, SDAR NI CHOS TSIG GCIG BSTAN NAS, PHYI MA PHYI MA'I TSIG TSAD MED PA DAG GIS RNAM PAR 'BYED CING RAB TU PHYE BAS KHONG DU CHUD PA MTHAR THUG PA GANG YIN PA'O ZHES 'BYUNG STE, MDO 'DI NYID LAS KYANG 'OG NAS BSDUS PA DANG, RGYAS BA ZHES 'BYUNG BAS BSTAN BCOS RNAM PAR BSHAD PA DANG MTHUN NO, ,GZHAN YANG BSTAN BCOS RNAL 'BYOR SPYOD PA'I SA LAS, DE LA BSDUS PA'I DON NI 'DI LTA STE, RIGS PA DANG 'BREL PA'I CHOS BSTAN PA LAS SO, ,DE LA RGYAS PA'I DON NI 'DI LTA STE, SO SO DANG 'BREL PA'I CHOS BSTAN PA LAS SO, ,GZHAN YANG BSDUS PA'I DON NI RNAM PA GNYIS TE, MING BSDUS PA DANG DON BSDUS PA LAS SO, ,BSDUS @163B PA'I DON JI LTA BA BZHIN DU RGYAS PA'I DON YANG RNAM PA GNYIS TE, MING RGYAS PA DANG, DON RGYAS BA LAS TE, MDO LAS BCOM LDAN 'DAS KYIS JI SKAD DU, SH'A RI'I BU NGA NI MDOR BSDUS TE CHOS STON PAR YANG BYED RGYAS PAR YANG BYED MOD KYI SHES PA YANG BYED BA SHIN TU DKON NO ZHES GSUNGS PA LTA BU'O, , DE LA YANG BCOS LDAN 'DAS KYIS MDO'I SDE LA NI TSIG 'BRU RGYAS PA YIN LA DON BSDUS PA YIN PA DANG, TSIGS SU BCAD PA'I SDE LA NI DON RGYAS PA YIN LA TSIG 'BRU BSDUS PA YIN PAR YONGS SU BSTAN PA YIN BAR RIG PAR BYA'O ZHES BSTAN TO, ,GZHAN YANG 'PHAGS PA SHES RAB KYI PHA ROL TU PHYIN PA'I 'GREL PA LAS, SANGS RGYAS RNAMS CHOS STON PA YANG RNAM PA GNYIS, RES 'GA' NI SNGAR NI BSDUS TE STON BAR MDZAD LA, PHYIS NI RGYAS PA STON PAR MDZAD DE DON RNAM PAR BSHAD PAR MDZAD PA'I PHYIR RO, ,RES 'GA' NI SNGAR RGYAS BA STON PAR MDZAD LA, PHYIS NI BSDUS PA STON PAR MDZAD DE, GZUNG SLA BA'I PHYIR RO ZHES 'BYUNG NGO, ,BSTAN BCOS GNAS PA BCU'I BSHAD PAS BSDUS TE BSTAN PA NI TSIG NYUNG DUS DON MANG PO BSDUS PAS GANG ZAG DBANG PO RNON POS THOS NA GO BAR 'GYUR BA GANG YIN PA'O, ,RGYAS BAR BSTAN PA NI DNGOS PO GCIG DANG, DON GCIG LA RGYU DANG RKYEN MANG POS DBANG PO RTUL PO RNAM PAR DBYE BA LA MOS PA RNAMS KYI CHED DU BSTAN PA GANG YIN PA'O, ,BSDUS PA DANG RGYAS PAR STON PA NI 'DI LTAR TSIG GCIG GIS DON RGYAS BA SDUD PA DANG, GZHAN YANG RNAM PA SNA TSOGS KYIS DON GCIG STON PA GANG YIN PA'O ZHES 'BYUNG NGO, ,MGO GCIG TU LUNG BSTAN PA'I PHYIR DANG, RNAM PAR PHYE NAS LUNG BSTAN PA'I PHYIR DANG, DRIS NAS LUNG BSTAN PA'I PHYIR DANG, GZHAG PAS LUNG BSTAN PA'I PHYIR ZHES BYA BA NI BCU PA LUNG BSTAN PA RNAM BA BZHI RAB TU DBYE BA'I SGO STE, 'PHAGS PA SANGS RGYAS KYI SA'I 'GREL BA LAS, JI SKAD DU LUNG BSTAN PA RNAM PA BZHI NI MGO GCIG TU LUNG BSTAN PA DANG, RNAM PAR PHYE NAS LUNG BSTAN PA DANG, DRIS NAS LUNG BSTAN PA DANG, MI SMRA BAR GZHAG PAS LUNG BSTAN PA'O, ,DE SNGA MA MGO GCIG TU LUNG BSTAN PA NI DPER NA KHA CIG SKYE BA THAMS CAD GDON MI ZA BAR 'GAG PAR 'GYUR RAM, SANGS RGYAS DANG, CHOS DANG, DGE 'DUN DKON MCHOG BSOD NAMS KYI ZHING GSHIN PA YIN @164A *, ,NAM ZHES BYA BA LA SOGS BA DE SKAD DU 'DRI NA, DON DE DAG NI NGES PAR DE YIN NO ZHES MGO GCIG TU LUNG BSTAN PA LTA BU'O, ,RNAM PAR PHYE NAS LUNG BSTAN PA NI, DPER NA KHA CIG 'GAG PAR 'GYUR BA THAMS CAD NGES PAR YANG SKYE BA YIN NAM, SANGS RGYAS DANG, CHOS DANG, DGE 'DUN DKON MCHOG KHYAD PAR DU 'PHAGS PA ZHIG YIN NAM, 'ON TE DMAN PA ZHIG YIN ZHES BYA BA LA SOGS PA DE SKAD DU 'DRI PA LA, SLAR DE NYID LAS KHYOD GANG LA LTOS TE 'DRI ZHES SLAR DRIS NAS LUNG BSTAN PA LTA BU'O, ,MI SMRA BAR GZHAG PAS LUNG BSTAN PA NI, DPER NA KHA CIG BDAG YANG DAG PAR YOD PA DE DGE BA ZHIG GAM, 'ON TE MI DGE BA ZHIG CES ZER BA DANG, MO GSHAM GYI BU DE NAG PO ZHIG GAM 'ON TE DKAR PO ZHIG CES DE SKAD DU 'DRI NA, CANG MI SMRA BAR GZHAG PAS LAN GDAB PAR BYA STE, LUNG BSTAN PAR MI RIGS PA'I PHYIR DANG, SPROS BA SKYED PAR BYED PA'I PHYIR RO ZHES 'BYUNG STE, RGYA CHER RNAM PAR 'BYED PA NI MDZOD KYI BSTAN BCOS DANG YANG DAG PA'I RIGS PA DANG RJES SU MTHUN PA DANG, BYE BRAG TU BSHAD PA CHEN PO DANG, 'PHAGS PA SHES RAB KYI PHA ROL TU PHYIN PA'I 'GREL PA DANG, 'PHAGS PA MYA NGAN LAS 'DAS PA CHEN PO'I MDO DANG, RNAL 'BYOR SPYOD PA'I SA LAS BSTAN PA BZHIN DU RIG PAR BYA'O, , GSANG BA'I PHYIR DANG, BSGRAGS PA'I PHYIR ZHES BYA BA NI BCU GCIG PA GSANG BA DANG BSGRAGS PA RAB TU DBYE BA'I SGO STE, BSTAN BCOS RNAM PAR BSHAD PA LAS JI SKAD DU GSANG BA'I BSTAN PA NI 'DI LTA STE, PHAL CHER NYAN THOS KYI SDE SNOD KYI BSTAN PA GANG YIN PA'O, ,BSGRAGS PA'I BSTAN PA NI 'DI LTA STE, PHAL CHER THEG PA CHEN PO'I SDE SNOD KYI BSTAN PA GANG YIN PA'O ZHES BSTAN PA LTA BU'O, ,BSTAN BCOS RNAL 'BYOR SPYOD PA'I SA LAS KYANG DE SKAD DU STON TO, ,'PHAGS PA SHES RAB KYI PHA ROL TU PHYIN PA'I 'GREL PA LAS, SANGS RGYAS RNAMS KYI MDZAD PA NI RNAM PA GNYIS TE GSANG BA DANG RAB TU BSTAN PA'O, ,CHOS KYI 'KHOR LO DANG PO BSKOR BA GANG YIN PAS NI NYAN THOS KYI 'BRAS BU THOB BAR 'GYUR RO, ,RAB TU PHYE BA'I BSTAN PA LA BRTEN NAS NI BYANG CHUB SEMS DPA'I MI SKYE BA'I BZOD PA LA SOGS PA THOB PAR 'GYUR ZHES 'BYUNG STE, RGYA CHER DE NYID LAS BSTAN PA BZHIN NO, ,YANG NA @164B NGO BO NYID RNAM PA GSUM STON PA'I BSTAN PA GANG YIN BA DE NI BSGRAGS PA ZHES BYA'O, ,NGO BO NYID MED PA GSUM GYI BSTAN PA GANG YIN PA DE NI GSANG BA ZHES BYA'O, ,DE LTA BU LA SOGS PA THAMS CAD NI YONGS SU SHES PAR BYA BA'I DON YIN PAR RIG PAR BYA'O ZHES BYA BA NI GSUM PA ZLAS BSTAN PA STE, MDO NYID KYIS BRDA PHRAD PAR ZAD DO, ,DE LA YONGS SU SHES PA NI SNGA MA GNYIS YONGS SU 'DZIN PAR BYED PA BYANG CHUB KYI PHYOGS KYI CHOS GANG YIN PA 'DI LTA STE, DRAN PA NYE BAR GZHAG PA DANG, YANG DAG PAR SPONG BA LA SOGS PA YIN PAR RIG PAR BYA'O ZHES BYA BA NI GSUM PA YONGS SU SHES PA RNAM PAR BSTAN PA STE, 'DI LTAR SNGA MA GNYIS KYI YUL YONGS SU 'DZIN PAR BYED PA DRAN PA NYE BAG GZHAG PA BZHI LA SOGS PA BYANG CHUB KYI PHYOGS KYI CHOS SUM CU RTZA BDUN PO GANG YIN PA DAG GO, ,YONGS SU SHES PA'I 'BRAS BU THOB PA NI ZHES BYA BA LA SOGS PA NI BZHI PA YONGS SU SHES PA'I 'BRAS BU THOB PA RNAM PAR BSHAD PA'O, , 'DI LA YANG MDOR BSTAN PA DANG RNAM PAR BSHAD PAS BSTAN TE 'DI NI MDOR BSTAN PA NYID DO, ,'DI LTA STE, 'DOD CHAGS DANG, ZHE SDANG DANG, GTI MUG GTAN DU 'DUL BA DANG, 'DOD CHAGS DANG, ZHE SDANG DANG, GTI MUG GTAN DU SPANGS PA DGE SBYONG GI 'BRAS BU RNAMS ZHES BYA BA LA SOGS PA NI GNYIS PA YANG DAG PAR BSHAD PA'O, ,'DI YANG RNAM PAR DBYE BA STE, 'DUS MA BYAS KYI 'BRAS BU BSTAN PA DANG, 'DUS BYAS KYI 'BRAS BU BSTAN PA STE, 'DI NI DANG PO'O, ,DE LA 'DUL BA ZHES BYA BA NI 'GOG PAR BYED PA STE, 'DI NI 'DOD CHAGS DANG, ZHE SDANG DANG, GTI MUG DE DAG 'DUL ZHING 'GOG PAR BYED PA NYID DO, ,GTAN DU SPANGS PA ZHES BYA BA NI YANG DAG PAR 'GOG PA NYID KYI NUS PA BSTAN PA STE, YANG DAG PAR 'GOG PA DE NYID NI DGE SBYONG GI 'BRAS BU ZHES BYA STE, DE'I PHYIR BSTAN BCOS RNAM PAR BSHAD PA LAS, 'DI LTA STE, 'DOD CHAGS DANG, ZHE SDANG DANG, GTI MUG GTAN DU 'GOG PA DANG, 'DOD CHAGS DANG, ZHE SDANG DANG, GTI MUG MA LUS PAR SPANGS PA DGE SBYONG GI 'BRAS BU BZHI ZHES BSTAN PA YIN NO, ,NGAS NYAN THOS DANG, DE BZHIN GSHEGS PA'I THUN MONG DANG THUN MONG MA YIN PA, 'JIG RTEN DANG, 'JIG RTEN LAS 'DAS PA'I YON TAN JI SNYED PA DE DAG MNGON DU BYA BAR BSTAN @165A *, ,PA GANG YIN PA'O ZHES BYA BA NI GNYIS PA 'DUS BYAS KYI 'BRAS BU BSTAN PA'O, ,'DI LTA STE, NYAN THOS DANG DE BZHIN GSHEGS PA RNAMS KYI RNAM PAR THAR PA BRGYAD LA SOGS PA THUN MONG DU GYUR PA'I YON TAN RNAMS DANG, STOBS DANG MI 'JIGS PA LA SOGS PA MA 'DRES PA'I YON TAN BRGYA BZHI BCU PO DE DAG MNGON SUM DU BYA BAR BSTAN PA GANG YIN PA RNAMS SO, ,CI'I PHYIR RANG SANGS RGYAS KYI YON TAN MA BSTAN ZHE NA, SMRAS PA, YANG DAG PA'I DON DU NA, RANG SANGS RGYAS KYI YON TAN DANG YANG LDAN TE, DE'I PHYIR BSTAN BCOS RNAM PAR BSHAD PA LAS, THEG PA GSUM CHAR GYI YON TAN SPYIR BSTAN PA YIN NO, ,MDO LAS NI ZLAS KHONG DU CHUD BAR 'GYUR PA'I PHYIR MDOR BSDUS NAS MA BSTAN TO, ,YANG NA NYAN THOS KYI SDE SNOD KYI NANG DU BSDUS PA'I PHYIR RO, ,DE RAB TU RIG PAR BYED PA NI 'DI LTA STE, MNGON SUM DU BYAS PA'I CHOS DE DAG NYID LAS RNAM PAR GROL BA'I SHES PA RNAMS KYIS GZHAN DAG LA RGYA CHER STON PAR MDZAD PA DANG, RNAM PAR PHYE NAS STON PA GANG YIN PA'O ZHES BYA BA NI LNGA PA RAB TU RIG PAR BYED PA'I DON RNAM PAR BSHAD PA'O, ,'DI LTAR PHYIS THOB PA'I SHES PAS 'DUS BYAS DANG, 'DUS MA BYAS MNGON SUM DU BYAS PA YON TAN JI SNYED YOD PA SHES SHING MNGON DU BYED PA RNAM PAR GROL BA'I SHES PA RNAMS KYIS GZHAN DAG LA RGYA CHER STON PA DANG, RNAM PAR PHYE NAS STON PA GANG YIN PA STE, DE'I PHYIR DGONGS PA ZAB MO RNAM PAR DGROL BA'I MDO LAS, RNAM PAR GROL BA SHES PA DANG, RNAM PAR GROL BA MYONG BAS GZHAN DAG LA RGYA CHER STON PA ZHES GSUNGS PA YIN NO, ,YANG NA RNAM PAR GROL BA'I SHES PA RNAMS ZHES BYA BA NI YE SHES KYI BDAG NYID SGRIB PA DANG BRAL BA LA RNAM PAR GROL BA'I SHES PA ZHES BYA'O, ,BSTAN BCOS RNAM PAR BSHAD PA LAS NI, YONGS SU SHES PA'I 'BRAS BU LA LONGS SPYOD PA ZHES 'BYUNG NGO, ,RIGS KYI BU DE LTAR NA DON LNGA PO DE DAG GIS DON THAMS CAD BSDUS PAR RIG PAR BYA'O ZHES BYA BA NI LNGA PA SPYI'I MJUG BSDU BA STE, MDO NYID KYIS BRDA PHRAD PAR ZAD DO, ,BSTAN BCOS RNAM PAR BSHAD PA LAS BSTAN PA'I DON RNAM PA LNGA YANG MDO LAS GSUNGS PA DANG MTHUN PAS DE LAS GZHAN DU BSHAD PA MED DE, ,BSTAN BCOS CHOS MNGON PA SNA TSOGS KUN LAS BTUS PA @165B LAS NI TSIG RNAM PA GNYIS 'BYUNG BAS, TSIG SNGA MA DANG SBYAR NA DON RNAM PA DRUG TU PHYE NAS TSIG GI DON BSHAD PA YANG CUNG ZAD MI MTHUN TE, DE'I PHYIR BSTAN BCOS DE NYID LAS YONGS SU SHES PAR BYA BA'I DNGOS PO NI 'DI LTA STE, PHUNG PO LA SOGS PA'O, ,YONGS SU SHES PAR BYA BA'I DON NI 'DI LTA STE, MI RTAG PA LA SOGS PA'O, ,YONGS SU SHES PAR BYA BA'I RGYU DANG RKYEN NI 'DI LTA STE, TSUL KHRIMS YONGS SU DAG CING DBANG PO'I SGO BSDAMS PA LA SOGS PA'O, ,YONGS SU SHES PAR BYA BA'I RANG GI NGO BO NYID NI 'DI LTA STE, BYANG CHUB KYI PHYOGS KYI CHOS SO, ,YONGS SU SHES PAR BYA BA'I 'BRAS BU NI 'DI LTA STE, RNAM PAR GROL BA'O, ,DE RAB TU SHES PA NI 'DI LTA STE, ,RNAM PAR GROL BA'I YE SHES MTHONG BA'O ZHES BSTAN PA YIN NO, ,CHOS MNGON PA KUN LAS BTUS PA LAS NI DRUG PO DAG GI MING BKOD PAR ZAD KYI RNAM PAR BSHAD PA NI MED DO, ,BSTAN BCOS CHOS MNGON PA SNA TSOGS KUN LAS BTUS PA LAS BSTAN PA'I TSIG PHYI MA DANG SBYAR NA, DE LA RO MYANG BA ZHES BYA BA'I MDO ZHES BYA BA KHUNGS SU BZHAG NAS MDO 'DI LAS GSUNGS PA'I DON LNGA PO DE DAG STON PAS MING NI MDO LAS GSUNGS PA DANG MTHUN YANG TSIG GI DON BSHAD PA NI THA DAD PAS DE'I PHYIR DE NYID LAS YONGS SU SHES PAR BYA BA'I DNGOS PO NI 'DI LTA STE, GZUGS LA SOGS PA'O, , YONGS SU SHES PAR BYA BA'I DON NI 'DI LTA STE, RO MYANG BA LA SOGS PA STE, DON GYI BYE BRAG DES GZUGS LA SOGS PA'I DNGOS PO DE YONGS SU SHES PA'I PHYIR RO, ,YONGS SU SHES PA NI 'DI LTA STE, NYE BAR LEN PA'I PHUNG PO DE DAG LA DE LTAR GSUM DU BSGYUR BAS YANG DAG PA JI LTA BA BZHIN DU YONGS SU SHES PA'O, , DE LA GSUM DU BSGYUR BA NI SNGA MA'I YONGS SU SHES PAR BYA BA'I DNGOS PO DANG, YONGS SU SHES PAR BYA BA'I DON DANG, YONGS SU SHES PAR BYED PA 'DI NYID LA GSUM DU BSGYUR BA ZHES BYA STE, 'DI LTAR PHUNG PO LNGA PO DAG LA LAN GSUM DU SO SOR RTOG PA'I PHYIR RO, ,BSHAD PA GZHAN DU NA PHUNG PO LNGA PO DAG LA LAN GSUM DU SO SOR RTOG PA'I PHYIR GSUM DU BSGYUR PA ZHES BYA STE, DANG PO NI RO MYANG BA NYID DU KUN 'BYUNG BA'I BDEN PA LA SO SOR RTOG PA'O, ,GNYIS PA NI NYES DMIGS SU SDUG BSNGAL GYI BDEN PA LA SO SOR RTOG PA'O, ,GSUM PA NI NGES PAR 'BYUNG BA NYID DU LAM DANG 'GOG PA'I BDEN PA LA SO SOR RTOG PA'O, , @166A *, ,YANG NA MTSAN NYID BSTAN PA DANG, BSGRUB PAR BSKUL BA DANG, RTOG PA'I BSKOR BA LA GSUM DU BSGYUR BA ZHES BYA'O, ,YONGS SU SHES PA'I 'BRAS BU 'DI LTA STE, LHA DANG BCAS PA'I 'JIG RTEN 'DI LAS ZHES BYA BA NAS, LHA DANG MI DANG BCAS PA'I BAR LAS RNAM PAR GROL BA NAS RNAM PAR THAR PA RAB TU GROL BA ZHES BYA BA'I BAR DU'O, ,DE RAB TU SHES PA NI 'DI LTA STE, BDAG NYID KYIS BDAG NI BLA NA MED PA YANG DAG PAR RDZOGS PA'I BYANG CHUB MNGON PAR SANGS RGYAS SO ZHES SHES PA GANG YIN PA'O ZHES BSTAN PA YIN NO, ,GZHAN YANG RIGS KYI BU BYANG CHUB SEMS DPA' DE DAG NI DON RNAM PA BZHI SO SO YANG DAG PAR RIG PA'I PHYIR, DON SO SO YANG DAG PAR RIG PA ZHES BYA STE ZHES BYA BA 'DI MAN CHAD NI GSUM PA DON RNAM PA BZHI LAS BRTZAMS NAS DON SO SO YANG DAG PAR RIG PA RNAM PAR BSHAD PA STON TO, ,'DI YANG RNAM PA GSUM DU DBYE STE, MDOR BSTAN PA DANG, RNAM PAR PHYE STE BSHAD PA DANG, MJUG BSDU BA STE 'DI NI DANG PO'O, ,DON RNAM PA BZHI GANG ZHE NA ZHES BYA BA LA SOGS PAS NI GNYIS PA RNAM PAR PHYE STE BSHAD PA STON TO, ,'DI YANG BRTAG PA DANG LAN DU GSUNGS PAS BSTAN TE 'DI NI DANG PO'O, ,SEMS KYI LEN PA'I DON DANG, MYONG BA'I DON DANG, RNAM PAR RIG PA'I DON DANG, KUN NAS NYON MONGS PA DANG, RNAM PAR BYANG BA'I DON GYIS TE ZHES BYA BA NI GNYIS PA LAN DU YANG DAG PAR GSUNGS PA'O, ,DON RNAM PA BZHI PO 'DI LA BSHAD PA RNAM PA GNYIS YOD DE, KHA CIG NA RE SEMS KYI LEN PA'I DON ZHES BYA BA NI 'DI LTA STE, BDAG NYID KYIS SEMS YUL LEN PAR SHES PA GANG YIN PA'O, ,MYONG BA'I DON ZHES BYA BA NI 'DI LTA STE, TSOR BA RNAM PA GSUM GYIS MYONG BA'I DON SHES PA GANG YIN PA'O, ,RNAM PAR RIG PA'I DON NI 'DI LTA STE, RNAM PAR SHES PA RNAMS KYI YUL SO SOR RIG PA'I DON SHES PA GANG YIN PA'O, ,KUN NAS NYON MONGS PA DANG RNAM PAR BYANG BA'I DON ZHES BYA BA 'DI LTA STE, CHOS THAMS CAD KYI KUN NAS NYON MONGS PA DANG, RNAM PAR BYANG BA'I SHES PA GANG YIN PA'O ZHE'O, ,KHA CIG NA RE BZHI PO 'DI DAG NI GO RIMS BZHIN DU DRAN PA NYE BAR GZHAG PA BZHI PO DAG GIS DMIGS PAR BYA BA'I YUL BZHI PO 'DI LTA STE, LUS DANG TSOR BA DANG, SEMS DANG, CHOS SHES PA GANG YIN PA'O, ,DE LA SEMS KYI LEN PA ZHES @166B GSUNGS PA NI LEN PAR BYED PA SMOS SHING BLANG BAR BYA BA'I LUS BSTAN PA YIN NO ZHE'O, ,RIGS KYI BU DON RNAM PA BZHI PO DE DAG GIS KYANG DON THAMS CAD BSDUS PAR RIG PAR BYA'O ZHES BYA BA NI GSUM PA MJUG BSDU BA YIN PAR RIG PAR BYA'O, ,GZHAN YANG RIGS KYI BU BYANG CHUB SEMS DPA' DE DAG NI DON RNAM PA GSUM SO SO YANG DAG PAR RIG PA'I PHYIR DON SO SO YANG DAG PAR RIG PA ZHES BYA STE ZHES BYA BA 'DI MAN CHAD NI BZHI PA DON RNAM PA GSUM LAS BRTZAMS NAS, DON SO SO YANG DAG PAR RIG PA RNAM PAR BSHAD PA STON TO, ,'DI YANG RNAM PA GSUM DU DBYE STE, MDOR BSTAN PA DANG, MING BKOD PA DANG, RNAM PAR PHYE NAS BSHAD PA STE 'DI NI DANG PO'O, ,DON RNAM PA GSUM GANG ZHE NA, TSIG 'BRU'I DON DANG KHAMS KYI DON GYIS SO ZHES BYA BA NI GNYIS PA ZHUS PA DANG LAN DAG GIS MING BKOD PA'O, ,RIGS KYI BU DE LA TSIG 'BRU'I DON NI 'DI LTA STE, MING GI TSOGS LA SOGS PA'O, ,ZHES BYA BA LA SOGS PA NI GSUM PA PHYE STE BSHAD PA STON TO, ,'DI YANG DON RNAM PA GSUM BSTAN PA NYID KYIS RNAM PA GSUM DU DBYE STE 'DI NI DANG PO'O, ,DE LA TSIG 'BRU'I DON NI 'DI LTA STE, MING GI TSOGS DANG, TSIG GI TSOGS DANG, YI GE'I TSOGS GANG YIN PA STE MING LA SOGS PA GSUM PO 'DI DAG KUN KYANG GSAL BA'I DON DANG LDAN PAS TSOGS ZHES BYA'O, ,YANG NA TSOGS ZHES BYA BA NI NGO BO NYID KYI DON TE, 'DI LTAR MING LA SOGS PA GSUM PO DE DAG KUN KYANG NGO BO NYID DANG LDAN PA'I PHYIR TSOGS ZHES BYA'O, ,GSUM PO 'DI DAG GIS DON STON PA GANG YIN PA DE NI TSIG 'BRU ZHES BYA'O, ,TSIG 'BRU 'DI NYID NI BRJOD PAR BYA BA'I DON YIN PAS DE'I PHYIR TSIG 'BRU'I DON ZHES BYA'O, ,DON GYI DON NI RNAM PA BCU YOD PAR RIG PAR BYA STE ZHES BYA BA LA SOGS PA NI GNYIS PA DON GYI DON RNAM PAR BSHAD PA'O, ,'DI YANG RNAM PA GNYIS TE, MDOR BSTAN PA DANG GRANGS BZHIN DU MING BKOD PA'O, ,'DI NI DANG PO STE, SNGAR BSTAN PA'I TSIG 'BRU'I DON GYI DON NYID DO, ,DE KHO NA'I MTSAN NYID CES BYA BA 'DI MAN CHAD NI GNYIS PA GRANGS BZHIN DU MING BKOD PA'O, ,'DI NI MTSAN NYID DANG PO STE, 'DI LTAR CHOS THAMS CAD KYI DE KHO NA'I MTSAN NYID DE, DE'I PHYIR 'OG NAS MDO LAS, BDEN PA NI 'DI LTA STE, CHOS RNAMS KYI DE BZHIN NYID GANG YIN PA'O ZHES GSUNGS TE, BDEN PA NYID NI DE KHO NA'I MTSAN NYID @167A *, ,YIN PAS SO, ,YONGS SU SHES PA'I MTSAN NYID DANG, ,GTAN DU SPANGS PA'I MTSAN NYID DANG, ,MNGON DU BYAS PA'I MTSAN NYID DANG, BSGOMS PA'I MTSAN NYID DANG ZHES BYA BA RNAM PA BZHI PO 'DI DAG NI GO RIMS BZHIN DU, SDUG BSNGAL DANG, KUN 'BYUNG BA DANG, 'GOG PA DANG, LAM GYI BDEN PA BZHI PO DAG GI MTSAN NYID BSTAN PA YIN NO, ,DE KHO NA'I MTSAN NYID LA SOGS PA DE DAG NYID KYI RNAM PA RAB TU DBYE BA'I MTSAN NYID CES BYA BA 'DI MAN CHAD NI MTSAN NYID NI DRUG PA STE, 'DI NI SNGAR BSTAN PA'I MTSAN NYID LNGA PO DE DAG RE RE RE LA YANG DON GYI RNAM GRANGS KYI RNAM PA'I BYE BRAG MANG PO YOD PAS SO; ,GNAS DANG GNAS RAB TU 'BREL BA'I MTSAN NYID CES BYA BA NI MTSAN NYID BDEN PA STE, BSTAN BCOS RNAM PAR BSHAD PA LAS, GNAS DANG GNAS PAR RAB TU 'BREL BA'I MTSAN NYID NI 'DI LTA STE, 'BYUNG BA CHEN PO NI GNAS YIN LA, RGYUR BYAS PA'I GZUGS RNAMS NI GNAS PA YIN NO, ,YANG NA MIG LA SOGS PA NI GNAS YIN LA MIG LA SOGS PA'I RNAM PAR SHES PA NI GNAS PA YIN NO, ,YANG NA BRJOD PAR BYA BA NI GNAS YIN LA, RJOD PAR BYED PA NI GNAS PA YIN TE, PHAN TSUN 'BREL PA GANG YIN PA DE NI RAB TU 'BREL BA'I MTSAN NYID CES BYA'O ZHES BSHAD DO, ,YONGS SU SHES PA LA SOGS PA'I BAR DU GCOD PA'I CHOS KYI MTSAN NYID CES BYA BA NI MTSAN NYID BRGYAD PA STE, BDEN PA BZHI PO DAG GIS SPANG BAR BYA BA'I NYON MONGS PA GANG YIN PA DE NI BAR DU GCOD PA'I CHOS KYI MTSAN NYID CES BYA'O, ,MDO'I TSIG 'OG NAS BSTAN PA DANG SBYAR NA NI 'DI LTAR BYANG CHUB KYI PHYOGS KYI CHOS BSGOM PA'I BAR DU GCOD PA'I KUN NAS NYON MONGS PA'I CHOS GANG YIN PA DE NI DE'I BAR DU GCOD PA'I CHOS KYI MTSAN NYID CES BYA'O, ,DE DAG GI RJES SU MTHUN PA'I CHOS KYI MTSAN NYID CES BYA BA NI MTSAN NYID DGU PA STE, BDEN PA BZHI PO DAG GIS NYON MONGS PA SPONG BAR BYED PA'I SHES PA GANG YIN PA DE NI RJES SU MTHUN PA'I CHOS KYI MTSAN NYID CES BYA'O, ,MDO'I TSIG 'OG NAS BSTAN PA DANG SBYAR NA NI, DE DAG LA BYA BA MANG DU BYED PA'I CHOS YOD PA GANG YIN PA DE NI RJES SU MTHUN PA'I CHOS KYI MTSAN NYID CES BYA'O, ,YONGS SU MI SHES PA LA SOGS PA DANG, NYES DMIGS DANG, YON TAN GYI MTSAN NYID DO ZHES BYA BA NI MTSAN NYID BCU @167B PA STE, 'DI LTAR YONGS SU MI SHES PA LA SOGS PA LA NYES DMIGS DANG, YONGS SU SHES PA LA SOGS PA'I SHES PA LA YON TAN NYID DU RAB TU DBYE BA STE, DE'I PHYIR 'OG NAS MDO LAS, DE DAG GI NYES DMIGS KYI MTSAN NYID NI BAR DU GCOD PA'I CHOS DE DAG GI NYES DMIGS JI SNYED YOD PA NYID YIN PAR RIG PAR BYA'O, ,DE DAG GI PHAN YON GYI MTSAN NYID NI RJES SU MTHUN PA'I CHOS DE DAG YON TAN JI SNYED YOD PA NYID YIN PAR RIG PAR BYA'O ZHES GSUNGS PA YIN NO, ,BSHAD PA'I RNAM GRANGS GZHAN DU NA BDEN PA BZHI BSTAN PA GANG YIN PA DE NI DE KHO NA'I MTSAN NYID CES BYA STE, DE'I PHYIR BSTAN BCOS RNAL 'BYOR SPYOD PA'I SA LAS DANG PO NI BDEN PA'I MTSAN NYID DO ZHES 'BYUNG STE, MTSAN NYID GZHAN DGU PO DAG GI MING NI MDO 'DI LAS GSUNGS PA DANG MTHUN PAR 'BYUNG NGO, ,SDUG BSNGAL GYI BDEN PA NI YONGS SU SHES PA'I MTSAN NYID CES BYA'O, ,KUN 'BYUNG BA'I BDEN PA NI GTAN DU SPANG BAR BYA BA'I MTSAN NYID CES BYA'O, ,'GOG PA'I BDEN PA NI MNGON DU BYA BA'I MTSAN NYID CES BYA'O, ,LAM GYI BDEN PA NI BSGOM PA'I MTSAN NYID CES BYA'O, ,BDEN PA RNAM PA BCU DRUG TU DBYE BA NI DE KHO NA'I MTSAN NYID LA SOGS PA DE DAG NYID KYI RNAM PA RAB TU DBYE BA'I MTSAN NYID CES BYA'O, ,RGYU KUN 'BYUNG BA DANG, 'BRAS BU SDUG BSNGAL BA DANG, RGYU LAM DANG, 'BRAS BU 'GOG PA PHAN TSUN MTHUN PAR GYUR PA'I DON GANG YIN PA DE NI GNAS DANG GNAS PAR 'BREL PA'I MTSAN NYID CES BYA'O, ,DE LA RGYU NI GNAS ZHES BYA'O, ,'BRAS BU NI GNAS PA ZHES BYA'O, ,BDEN PA BZHI'I GNAS KYI CHOS BSTAN PA GANG YIN PA DE NI YONGS SU SHES PA LA SOGS PA'I BAR DU GCOD PA'I CHOS KYI MTSAN NYID CES BYA'O, ,RAB TU RNAM PAR 'BYED PA'I PHYOGS LA SOGS PA NI DE DAG GI RJES SU MTHUN PA'I CHOS KYI MTSAN NYID CES BYA'O, ,NYON MONGS PA'I NYES DMIGS DANG, YONGS SU SHES PA'I YON TAN GANG YIN PA DE NI YONGS SU SHES PA LA SOGS PA DANG, YONGS SU SHES PA LA SOGS PA'I NYES DMIGS DANG, YON TAN GYI MTSAN NYID CES BYA'O, ,BSTAN BCOS CHOS MNGON PA SNA TSOGS KUN LAS BTUS PA LAS NI, RO MYANG BA'I MDO KHUNGS SU BZHAG NAS MTSAN NYID RNAM PA BCU PO DAG ZHIB TU STON TE, DE'I PHYIR BSTAN BCOS DE NYID LAS DE LA DE KHO NA'I MTSAN NYID NI 'DI LTA STE, NYE @168A *, ,BAR LEN PA'I PHUNG PO LNGAS BSDUS PA SDUG BSNGAL GYI BDEN PA GANG YIN PA'O, ,YONGS SU SHES PA'I MTSAN NYID NI 'DI LTA STE, RO MYANG BA LA SOGS PAS DE DAG NYID YANG DAG PA JI LTA BA BZHIN DU SHES PA'O, ,GTAN DU SPONG BA'I MTSAN NYID DANG, MNGON SUM DU BYED PA'I MTSAN NYID NI 'DI LTA STE, 'JIG RTEN THAMS CAD LAS RNAM PAR GROL BA STE, SGRIB PA GTAN DU SPONG BA DANG GNAS GYUR PA MNGON DU BYED PA'I PHYIR RO, ,BSGOM PA'I MTSAN NYID NI 'DI LTA STE, PHYIN CI LOG DANG BRAL BA'I SEMS KYIS LAN MANG DU GNAS PA'O, ,RNAM PA RAB TU DBYE BA'I MTSAN NYID NI DE KHO NA'I MTSAN NYID RNAM PA LNGAR DBYE BA STE, GZUGS NAS RNAM PAR SHES PA'I BAR DU'O, ,YONGS SU SHES PA'I MTSAN NYID NI RNAM PA GSUM DU DBYE STE, RO MYANG BA'I PHYIR DANG, NGES PAR 'BYUNG BA'I BAR LA NGES PAR 'BYUNG BAR YANG DAG PA JI LTA BA BZHIN DU SHES PA'O, ,GTAN DU SPONG BA'I MTSAN NYID DANG, MNGON SUM DU BYA BA'I MTSAN NYID NI RE RE LA YANG GNYIS GNYIS SU DBYE STE, NYON MONGS PA LAS RNAM PAR GROL BA DANG, SDUG BSNGAL LAS RNAM PAR GROL BA'O, ,DE LA LHA DANG BCAS PA'I 'JIG RTEN ZHES BYA BA NAS LHA DANG MIR BCAS PA'I SKYE DGU'I BAR LAS RNAM PAR GROL BA NI NYON MONGS PA LAS RNAM PAR GROL BA ZHES BYA STE, DE BAS NA BYE BRAG TU BYA BA'I DON RAB TU BSTAN PA'I PHYIR NGES PAR 'BYUNG BA ZHES BYA BA GSUNGS TE, DE CI'I PHYIR ZHE NA, 'DI LTAR MDO GZHAN DAG LAS NGES PAR 'BYUNG BA GANG YIN, 'DUN PA DANG, 'DOD CHAGS 'DUL BA DANG, 'DUN PA DANG 'DOD CHAGS SPONG BA DANG, 'DUN PA DANG 'DOD CHAGS LAS YANG DAG PAR 'DAS PA'O ZHES GSUNGS PA'I PHYIR RO, ,DE LTAR MA 'ONGS PA'I SDUG BSNGAL MNGON PAR GRUB PAR BYED PA'I NYON MONGS PA DANG BRAL NA SDUG BSNGAL LAS KYANG RNAM PAR GROL BAR 'GYUR RO ZHES BYA BA'I DON RAB TU BSTAN PA'I PHYIR 'CHING BA DANG BRAL BA DANG, RAB TU RNAM PAR GROL BA ZHES BYA BA GSUNGS SO; ,BSGOM PA'I MTSAN NYID NI RNAM PA GNYIS SU DBYE STE, MTHONG BA'I LAM DANG, BSGOM PA'I LAM MO, ,DE LA PHYIN CI LOG DANG BRAL BA'I SEMS ZHES BYA BAS NI MTHONG BA'I LAM BSTAN TO, ,LAM MANG DU GNAS PA ZHES BYA BAS NI BSGOM PA'I LAM BSTAN TO, ,GNAS DANG GNAS PAR RAB TU 'BREL @168B PA'I MTSAN NYID NI 'DI LTA STE, DE KHO NA'I MTSAN NYID LA SOGS PA GONG MA GONG MA'I GNAS YIN PAR STON PA'I PHYIR RO, ,YONGS SU SHES PA LA SOGS PA'I BAR DU GCOD PA'I MTSAN NYID NI 'DI LTA STE, DE LTAR RNAM PA GSUM DU BSGYUR BA YANG DAG PA JI LTA BA BZHIN DU RNAM PAR MI SHES PA'O, ,YONGS SU SHES PA LA SOGS PA'I RJES SU MTHUN PA'I MTSAN NYID NI 'DI LTA STE, GZUGS LA SOGS PA 'DI DAG JI LTAR GNAS PA'I CHOS LA RO MYANG BA LA SOGS PA'I MTSAN NYID DU SO SOR RTOG PA'O, ,YONGS SU MI SHES PA LA SOGS PA'I NYES DMIGS KYI MTSAN NYID NI 'DI LTA STE, RNAM PAR MI GROL BA NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG MI RGYA BA'I BAR DU'O, ,DE LAS BZLOG PA NI YONGS SU SHES PA LA SOGS PA'I YON TAN ZHES BYA'O ZHES 'BYUNG NGO, ,DE LA KHAMS KYI DON NI KHAMS RNAM PA LNGA PO 'DI LTA STE ZHES BYA BA LA SOGS PAS NI GSUM PA KHAMS KYI DON RNAM PAR BSHAD PA STON TO, , 'DI YANG RNAM PA GSUM DU DBYE STE, MDOR BSTAN CING GRANGS SMOS PA DANG, GRANGS BZHIN DU MING BKOD PA DANG, DON RNAM PA GSUM BSTAN PA'I MJUG BSDU BA STE 'DI NI DANG PO'O, ,SNOD KYI 'JIG RTEN GYI KHAMS DANG, SEMS KYI KHAMS DANG, CHOS KYI KHAMS DANG, 'DUL BA'I KHAMS DANG, 'DUL BA'I THABS KYI KHAMS TE ZHES BYA BA NI GNYIS PA GRANGS BZHIN DU MING BKOD PA'O, ,BSTAN BCOS MDO SDE'I RGYAN LAS NI DPAG TU MED PA LNGA ZHES 'BYUNG STE, DE'I PHYIR BSTAN BCOS DE NYID LAS DPAG TU MED PA'I DNGOS PO LNGA YANG DANG PO NI 'DUL BA'I DNGOS PO DPAG TU MED PA STE, SEMS CAN GYI KHAMS THAMS CAD SDUD PA'I PHYIR RO, ,GNYIS PA NI YONGS SU SBYANG BAR BYA BA'I DNGOS PO DPAG TU MED PA STE, SNOD KYI 'JIG RTEN GYI KHAMS THAMS CAD BSDUS PA'I PHYIR RO, ,GSUM PA NI THOB PAR BYA BA'I DNGOS PO DPAG TU MED PA STE, CHOS KYI KHAMS THAMS CAD SDUD PA'I PHYIR RO, ,BZHI PA NI YONGS SU SMIN PAR BYA BA'I DNGOS PO DPAG TU MED PA STE, GDUL BAR BYA BA'I SEMS CAN THAMS CAD SDUD PA'I PHYIR RO, ,LNGA PA BSTAN PA'I DNGOS PO DPAG TU MED PA NI GSUNG RAB YAN LAG BCU GNYIS SDUD PAR BYED PA STE, GDUL BA'I THABS YIN PA'I PHYIR RO ZHES BSTAN PA YIN NO, ,BSTAN BCOS RNAM PAR BSHAD PA @169A *, ,LAS KYANG, DPAG TU MED PA LNGA ZHES 'BYUNG STE, DE'I PHYIR BSTAN BCOS DE NYID LAS, SEMS CAN DPAG TU MED PA NI BYANG CHUB SEMS DPA' 'JIG RTEN GYI KHAMS DPAG TU MED PA DAG NA SEMS CAN THAMS CAD KYI BYE BRAG GI MTSAN NYID NI, RKANG GNYIS SAM, RKANG BZHI PA'AM, RKANG MANGS SAM, GZUGS CAN NAM, GZUGS MED BA'AM, 'GRO BA LNGA'AM SKYE BA RNAM PA BZHI LA SOGS PA'O SNYAM DU SEMS PA GANG YIN BA'O, ,'JIG RTEN GYI KHAMS DPAG TU MED PA NI BYANG CHUB SEMS DPAS PHYOGS BCU DPAG TU MED PA'I SNOD KYI 'JIG RTEN GYI MTSAN NYID DAG LA 'JIG RTEN GYI KHAMS 'DI NI YONGS SU MA DAG PA'O, ,'DI NI CHAGS PA'O 'JIG PA'O ZHES RNAM PA SNA TSOGS KYI DBYIBS KYI BYE BRAG RNAM PAR GZHAG PA SEMS PA GANG YIN PA'O, ,CHOS KYI KHAMS DPAG TU MED PA NI BYANG CHUB SEMS DPA' PHYOGS BCU DPAG TU MED PA'I 'JIG RTEN GYI KHAMS KYI CHOS THAMS CAD KYI RANG GI MTSAN NYID DANG, SPYI'I MTSAN NYID DAG LA 'DI NI GZUGS CAN BSTAN DU YOD PA'O, ,BSTAN DU MED BA'O ZHES BYA BA LA SOGS PA'O SNYAM DU SEMS PA GANG YIN PA'O, ,GDUL BA DPAG TU MED PA NI BYANG CHUB SEMS DPA' PHYOGS BCU DPAG TU MED PA'I 'JIG RTEN GYI KHAMS DAG GI SEMS CAN GYI SPYOD PA SNA TSOGS DANG, RIGS SNA TSOGS NYAN THOS KYI RIGS CAN DANG, RANG SANGS RGYAS KYI RIGS CAN DANG, DE BZHIN GSHEGS PA'I RIGS CAN DBANG PO THA MA DANG, 'BRING DANG, RAB DAG LAS KHYAD PAR 'PHAGS PA DANG, DMAN PA'I BYE BRAG LA SOGS PA'O SNYAM DU SEMS PA GANG YIN PA'O, ,GDUL BA'I THABS DPAG TU MED PA NI BYANG CHUB SEMS DPAS PHYOGS BCU DPAG TU MED PA'I 'JIG RTEN GYI KHAMS DAG NA SEMS CAN GDUL BA'I THABS DAG LA 'DI NI GSANG BA'I CHOS BSTAN PA'I RGYUS 'DUL BAR 'GYUR RO, ,'DI NI YONGS SU BZUNG BA'I RGYUS 'DUL BAR 'GYUR RO, ,'DI NI SMA PHAB PA'I THABS KYI RGYUS 'DUL BAR 'GYUR RO SNYAM DU SEMS PA GANG YIN PA'O ZHES 'BYUNG STE, ZHIB TU DE NYID LAS BSTAN BA BZHIN NO, ,RGYA CHER RNAM PAR 'BYED BA NI 'OG NAS MDO LAS BSTAN DU RIG PAR BYA'O, ,RIGS KYI BU DON RNAM PA GSUM PO DE DAG GIS KYANG DON THAMS @169B CAD BSDUS PAR RIG PAR BYA'O ZHES BYA BA NI GSUM PA DON RNAM PA GSUM BSHAD PA'I MJUG BSDU BA STE BRDA PHRAD PAR ZAD DO,, ,,BAM PO BZHI BCU BZHI PA, BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS THOS PA LAS BYUNG BA'I SHES RAB KYIS DON SO SO YANG DAG PAR RIG BA GANG LAGS PA DANG, BSAM PA LAS BYUNG BA'I SHES RAB KYIS DON SO SO YANG DAG PAR RIG PA GANG LAGS PA DANG, ZHI GNAS DANG LHAG MTHONG BSGOM PA LAS BYUNG BA'I SHES RAB KYIS DON SO SO YANG DAG PAR RIG PA GANG LAGS PA DE DAG LA BYE BRAG TU BGYI BA CI MCHIS LAGS ZHES BYA BA 'DI MAN CHAD NI GNYIS PA SHES RAB RNAM PA GSUM GYIS DON SO SO YANG DAG PAR RIG PA STON TO, ,BSHAD PA'I RNAM GRANGS GZHAN DU NA SNGAR GONG DU CHOS DANG DON SO SO YANG DAG PAR RIG PA LA RNAM PA GNYIS SU PHYE STE, YONGS SU SHES PAR BYA BA LAS BRTZAMS NAS CHOS DANG DON SO SO YANG DAG PAR RIG PA BSTAN PA DANG, YONGS SU SHES PA LAS BRTZAMS NAS CHOS DANG DON SO SO YANG DAG PAR RIG PA BSTAN PA LAS, DE YAN CHAD DU YONGS SU SHES PAR BYA BA LAS BRTZAMS NAS CHOS DANG DON SO SO YANG DAG PAR RIG PA BSTAN PA NAS, 'DI MAN CHAD NI YONGS SU SHES PA LA SOGS PA LAS BRTZAMS NAS CHOS DANG DON SO SO YANG DAG PAR RIG PA STON PAR MDZAD DO, ,'DI YANG RNAM PA GNYIS SU DBYE STE, SHES RAB RNAM PA GSUM GYIS DON SO SO YANG DAG PAR RIG PA'I BYE BRAG BSTAN PA DANG, SHES PA DANG, MTHONG BA RNAM PA GNYIS KYIS BYE BRAG BSTAN PA'O, ,DANG PO YANG RNAM BA GNYIS TE ZHU BA GSOL PA DANG LAN DU GSUNGS PA STE, 'DI NI DANG PO'O, ,MDO'I TSIG 'DI YANG RNAM PA GNYIS KYIS BSTAN TO, ,ZHU BA GSOL PA NI GNAS BSTAN PA DANG ZHU BA GSOL BA NYID KYI TSIG YANG DAG PAR BSTAN PA STE, MDO 'DI NYID KYIS BRDA PHRAD PAR ZAD DO, ,BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL PA, RIGS KYI BU THOS PA LAS BYUNG BA'I SHES RAB NI TSIG 'BRU LA GNAS PA SGRA JI BZHIN PA, DA DUNG DGONGS PA LA MI MKHAS PA, MNGON SUM DU MA GYUR PA RNAM PAR THAR PA'I RJES SU MTHUN PA, DA DUNG RNAM PAR THAR PA MNGON PAR GRUB PA'I DON SO SO YANG DAG PAR RIG PAR MI NUS PA'O ZHES @170A *, ,BYA BA 'DI MAN CHAD NI GNYIS PA DE BZHIN GSHEGS PAS LAN DU YANG DAG PAR GSUNGS PA'O, ,'DI YANG RNAM PA GNYIS TE, RNAM PAR BSHAD PA DANG, MJUG BSDU BA'O, ,RNAM PAR BSHAD PA LA YANG SHES RAB RNAM PA GSUM BSTAN BA NYID LAS RNAM PA GSUM DU DBYE STE, 'DI NI DANG PO THOS PA'I SHES RAB BSTAN PA'O, ,SPYIR DON RNAM PA DRUG LAS BRTZAMS NAS SHES RAB RNAM PA GSUM GYI BYE BRAG GI MTSAN NYID BSTAN PA LAS 'DI NI THOS BA'I SHES RAB KYI DON RNAM PA DRUG GI BYE BRAG BSTAN PA'O, ,DANG PO TSIG 'BRU LA GNAS PA NI 'DI LTAR THOS PA'I SHES RAB NI TSIG 'BRU'I DBANG GIS 'BYUNG BA'I PHYIR RO, ,GNYIS PA SGRA JI BZHIN PA NI 'DI LTAR TSIG 'BRU JI LTA BA BZHIN DU DON 'DZIN PAR BYED KYI, SHES RAB GNYIS PO DAG LTAR DON GYIS TSIG 'BRU 'DZIN PA MA YIN PA'I PHYIR RO, ,GSUM PA DA DUNG DGONGS PA LA MI MKHAS PA NI 'DI LTAR DA DUNG 'PHAGS PA'I GSUNG RAB KYI DGONGS PA LEGS PAR KHONG DU MA CHUD PA'I PHYIR RO, ,BZHI PA MNGON SUM DU MA GYUR PA NI 'DI LTAR YUL LA DMIGS PA'I TSE, CHA MTHUN PA'I GZUGS BRNYAN DA DUNG MNGON SUM DU MA GYUR PA DANG, TING NGE 'DZIN DA DUNG MA THOB PA'I PHYIR RO, ,LNGA PA RNAM PAR THAR PA'I RJES SU MTHUN PA NI 'DI LTAR YUN RING POR MYA NGAN LAS 'DAS PA'I RNAM PAR GROL BA DANG, RJES SU MTHUN PA'AM, YANG NA 'DUS BYAS DANG, 'DUS MA BYAS KYI RNAM PAR GROL BA RNAM PA GNYIS KA YANG SDUD PA'I PHYIR RO, ,DRUG PA DA DUNG RNAM PAR THAR PA MNGON PAR MA GRUB PA'I DON SO SO YANG DAG PAR RIG PAR MA NUS PA NI 'DI LTAR 'GOG PA MA THOB PAS RNAM PAR G-YENG BA'I SEMS LA GNAS SHING KUN DU SBYOR BA MA SPANGS PA'I PHYIR RO, ,BSAM PA LAS BYUNG BA'I SHES RAB KYANG TSIG 'BRU LA GNAS PA KHO NA YIN LA, SGRA JI BZHIN MA YIN PA'O, ,DGONGS PA LA MKHAS PA MNGON SUM DU MA GYUR PA RNAM PAR THAR PA'I RJES SU CHES MTHUN PA DA DUNG RNAM PAR THAR PA MNGON SUM PAR GRUB PA'I DON SO SO YANG DAG PAR RIG PAR MI NUS PA'O ZHES BYA BA NI GNYIS PA BSAMS PA'I SHES RAB RNAM PAR BSHAD PA STE, BSAMS PA'I SHES RAB KYI DON RNAM PA DRUG LAS, DANG PO TSIG 'BRU LA GNAS PA NI 'DI LTAR THOS PA'I SHES RAB KYI SKABS SU BSTAN PA DANG MTHUN NO, ,GNYIS PA SGRA JI BZHIN MA YIN PA NI NGES PA DANG NGES PA MA YIN PA'I @170B BSTAN PA'I BYE BRAG GI PHYIR RO, ,GSUM PA DGONGS PA LA MKHAS PA NI 'DI LTAR 'PHAGS PA'I GSUNG RAB KYI DGONGS PA LEGS PAR KHONG DU CHUD PA'I PHYIR RO, ,BZHI PA MNGON SUM DU MA GYUR PA YANG THOS PA'I SHES RAB KYI SKABS SU BSTAN PA DANG MTHUN NO, ,LNGA PA RNAM PAR THAR PA'I RJES SU CHES MTHUN PA ZHES BYA BA NI KHYAD PAR DU 'PHAGS PA STE, THOS PA'I SHES RAB LAS KHYAD PAR DU 'PHAGS PA'I PHYIR RO, ,DRUG PA DA DUNG RNAM PAR THAR BA MNGON PAR GRUB PA'I DON SO SO YANG DAG PAR RIG PAR MI NUS PA'O ZHES BYA BA YANG THOS PA'I SHES RAB KYI SKABS SU BSTAN PA DANG MTHUN TE, 'DI LTAR BSAMS PA'I SHES RAB 'DI SNGA MA'I THOS PA'I SHES RAB LA LTOS NA DON RNAM PA GSUM GYIS MCHUNGS TE, 'DI LTA STE, DANG PO DANG, BZHI PA DANG, DRUG PA'O, ,DON RNAM PA GSUM NI MI MTSUNGS TE, 'DI LTA STE, GNYIS PA DANG, GSUM PA DANG, LNGA PA'O, ,BYANG CHUB SEMS DPA' RNAMS KYI BSGOM PA LAS BYUNG BA'I SHES RAB KYIS NI TSIG 'BRU LA GNAS PA DANG, TSIG 'BRU LA GNAS PA MA YIN PA DANG, SGRA JI BZHIN PA DANG, SGRA JI BZHIN MA YIN PA DANG, DGONGS PA LA MKHAS PA DANG, SHES BYA'I DNGOS PO DANG CHA MTHUN PA'I TING NGE 'DZIN GYI SPYOD YUL GYI GZUGS BRNYAN MNGON SUM DU GYUR PA RNAM PAR THAR PA'I RJES SU CHES SHIN TU MTHUN PA, RNAM PAR THAR PA'I MNGON PAR GRUB PA'I DON KYANG SO SO YANG DAG PAR RIG PA YIN TE ZHES BYA BA NI GSUM PA BSGOMS PA'I SHES RAB RNAM PAR BSHAD PA STE, DON RNAM PA DRUG LAS DANG PO TSIG 'BRU LA GNAS PA MA YIN PA NI 'DI LTA STE, BSGOMS PA'I SHES RAB 'DI 'DRES BA DANG, 'DRES PA MA YIN PA'I CHOS LA DMIGS PA NAS DON LEN PA'I PHYIR NI TSIG 'BRU LA GNAS PA'O, ,NGES 'GA' BSTAN PA SPANGS NAS DON LEN PA'I PHYIR NI TSIG 'BRU LA GNAS PA MA YIN PA'O, ,GNYIS PA SGRA JI BZHIN PA DANG, SGRA JI BZHIN MA YIN PA'I DON NI BSAMS PA'I SHES RAB KYI SKABS SU BSTAN PA DANG 'DRA'O, , GSUM PA DGONGS PA LA MKHAS PA YANG BSAMS PA'I SHES RAB KYI SKABS SU BSTAN PA DANG 'DRA STE, 'DI NI LDEM POR DGONGS PA BZHI DANG, DGONGS PA BZHI LA SOGS PA'O, ,BZHI PA SHES BYA'I DNGOS PO DANG MTHUN PA'I TING NGE 'DZIN GYI SPYOD YUL GYI GZUGS BRNYAN MNGON SUM DU GYUR PA NI TING NGE @171A *, ,'DZIN THOB PA'I PHYIR RO, ,LNGA PA RNAM PAR THAR PA'I RJES SU CHES SHIN TU MTHUN PA NI RNAM PAR GROL BA'I 'BRAS BU DANG SHIN TU RJES SU MTHUN PAR GYUR PA'I PHYIR RO, ,DRUG PA RNAM PAR THAR BA MNGON PAR GRUB BA'I DON YANG SO SO YANG DAG PAR RIG PA NI 'DI LTAR BSGOMS PA'I SHES RAB DE TING NGE 'DZIN KHO NA LA GNAS NAS MNGON PAR SHES PA DANG, ZAG PA MED PA SKYED PA'I PHYIR NYON MONGS PA SPANGS NAS 'GOG PA MNGON DU BYED PAS DON RNAM PA DRUG DANG LDAN BA MA YIN NO, ,'DI LTA STE, BSGOMS PA'I SHES RAB 'DI NI SRA MA'I THOS PA'I SHES RAB LA LTOS NA DON RNAM PA DRUG CAR YANG MI MTSUNGS SO, , SNGA MA'I BSGOMS PA'I SHES RAB LA LTOS NA DON RNAM PA GNYIS NI MTSUNGS TE, 'DI LTA STE, GNYIS PA DANG, GSUM PA'O, ,DON RNAM PA BZHI NI MI MTSUNGS TE, 'DI LTA STE, DANG PO DANG, BZHI PA DANG, LNGA PA DANG, DRUG PA'O, ,MDO 'DI LAS NI 'DI LTAR DON RNAM PA DRUG GI SHES RAB RNAM PA GSUM GYIS MTSUNGS PA DANG MI MTSUNGS PA'I BYE BRAG BSTAN TO, ,BSTAN BCOS RNAL 'BYOR SPYOD PA'I SA LAS NI RGYU RNAM PA LNGAS MTSUNGS PA DANG, MI MTSUNGS PA BSTAN TE, DE'I PHYIR BSTAN BCOS DE NYID LAS GZHAN YANG RGYU RNAM PA LNGA YOD DE, 'DI LTA STE, BDAG GIS MTHOS PA MNYAN PAR BYA'O ZHES PA DANG, BDAG GIS THOS PA RNAMS BYANG BAR BYA'O ZHES BYA BA DANG, BDAG GIS SOM NYI SPANG BAR BYA'O ZHES BYA BA DANG, BDAG GIS LTA BA RNAMS LA RGYAB KYIS PHYOGS PAR BYA'O ZHES BYA BA DANG, BDAG GIS SHES RAB KYIS DON DANG TSIG ZAB MO THAMS CAD RTOGS PAR BYA'O ZHES BYA BA STE, SANGS RGYAS BCOM LDAN 'DAS RNAMS KYIS RGYU RNAM PA LNGA BO DE DAG GIS THOS PA DANG, BSAM PA DANG, BSGOMS PA LAS BYUNG BA'I SHES RAB RNAM PA GSUM GYI RNAM PAR BYANG BA'I THABS YONGS SU BSTAN PA YIN TE, 'DI LTA STE, DANG PO'I RNAM PA GNYIS KYIS NI THOS PA LAS BYUNG BA'I SHES RAB YONGS SU BSTAN TO, ,BAR MA'I RNAM PA GNYIS KYIS NI BSAMS PA LAS BYUNG BA'I SHES RAB YONGS SU BSTAN TO, ,THA MA'I RNAM PA GCIG GIS NI BSGOMS PA LAS BYUNG BA'I SHES RAB YONGS SU BSTAN TO ZHES 'BYUNG BA YIN TE, BSTAN BCOS RNAM PAR BSHAD PA LAS KYANG 'DI DANG MTHUN PAR BSHAD DO, ,SHES RAB RNAM PA GSUM PO 'DI YANG BSTAN PA RNAMS LAS SO SO NAS BSHAD @171B PA MI MTHUN TE, THAMS CAD YOD PAR SMRA BA'I GZHUNG GIS THOS PA'I SHES RAB NI MING LA DMIGS PA'O, ,BSAMS PA'I SHES RAB NI MING DANG DON LA DMIGS PA'O, ,BSGOMS PA'I SHES RAB NI DON LA DMIGS PA'O ZHES BSTAN TE, DE'I PHYIR MDZOD KYI BSTAN BCOS KYI TSIG LE'UR BYAS PA LAS, THOS BSAMS BSGOMS LAS BYUNG BA NI, ,MING DANG GNYI GA DON GYI YUL, ,ZHES 'BYUNG STE, 'DI NYID KYI 'GREL PA LAS SHES RAB GSUM PO 'DI DAG GI MTSAN NYID KYI BYE BRAG JI LTA BU ZHE NA, BYE BRAG TU SMRA BA DAG NA RE 'DI LTA STE, SHES RAB GSUM PO'I MTSAN NYID KYANG GO RIMS BZHIN DU MING DANG GNYI GA DANG DON LA DMIGS PA'I BYE BRAG YOD DE, THOS PA LAS BYUNG BA'I SHES RAB NI MING GI YUL KHO NA LA DMIGS PAR BYED DE, YI GE MA SPANGS PAR DON LA SO SOR RTOG PA'I PHYIR RO, ,BSAMS PA LAS BYUNG BA'I SHES RAB NI MING DANG DON GYI YUL LA DMIGS PAR BYED DE, RES 'GA' NI YI GES DON 'DREN PAR BYED LA RES 'GA' NI DON GYIS YI GE 'DREN PAR BYED DE, YI GE TSANG BAR MA SPANGS PAR YANG DON LA SO SOR RTOG PA'I PHYIR RO, ,BSGOMS PA LAS BYUNG BA'I SHES RAB KYI DON GYI YUL LA DMIGS PA KHO NA STE, 'DI LTAR YI GE SPANGS NAS DON TZAM LA SO SOR RTOG PA'I PHYIR RO, ,DPER NA 'GA' ZHIG 'BAB CHU ZAB CING RGYUN DRAG PO LA RKYAL BAR 'DOD PA GANG SNGON MA BSLABS PA GANG YIN PA DE NI RTEN SPONG BAR MI BYED DO, ,GANG BSLABS NAS DA DUNG MA BYANG BA GANG YIN PA DE NI RES 'GA' NI SPONG BAR BYED LA, RES 'GA' NI 'DZIN PAR BYED DO, ,GANG BSLABS NAS LEGS PAR BYANG BA GANG YIN PA DE NI RTEN LA MI LTOS PAR YANG RANG GI MTHUS PHA ROL TU PHYIN PAR NUS PA BZHIN DU SHES RAB RNAM PA GSUM PO DAG KYANG DE BZHIN NO ZHES ZER RO, ,KHA CIG NA RE GAL TE DE LTA NA BSAMS PA'I SHES RAB MNGON PAR 'GRUB PAR MI 'GYUR TE, 'DI LTAR DE DAG TE MING LA DMIGS PA DANG, DON LA DMIGS PA GNYI GAR GTOGS PA YANG YIN NA NI GO RIMS BZHIN DU THOS PA DANG BSGOMS PA LAS BYUNG BA YIN PAR 'GYUR RO ZHES 'BYUNG STE, 'DI NI SLOB DPON DBYIG GNYEN GYIS SLOB DPON GZHAN DAG GI TSIG BZLAS NAS THAMS CAD YOD PAR SMRA BA DAG SUN 'BYIN PA YIN NO, ,'DI LTAR GSUM PO DAG GI MTSAN NYID DPYAD NA SO SO THA @172A *, ,DAD PAR BSTAN PA LAS GONG NA MED DE 'DI LTAR RNAL 'BYOR PA DAG YANG DAG PA'I BSTAN BA THOB BA LA BRTEN TE, 'BYUNG BA KHYAD PAR DU 'PHAGS PA'I SHES RAB GANG YIN PA DE NI THOS PA LAS BYUNG BA ZHES BYA'O, ,BSAM BA'I RIGS PA LA BRTEN TE BYUNG BA KHYAD PAR DU 'PHAGS PA'I SHES RAB GANG YIN PA DE NI BSAMS PA LAS BYUNG BA ZHES BYA'O, ,TING NGE 'DZIN BSGOMS PA LA BRTEN TE BYUNG BA KHYAD PAR DU 'PHAGS PA'I SHES RAB GANG YIN PA DE NI BSGOMS PA LAS BYUNG BA ZHES BYA'O, ,DE LA DE DAG LAS BYUNG BA ZHES GSUNGS PA NI KHYAD BAR DU 'PHAGS PA'I SHES RAB RNAM PA GSUM PO DE DAG THOS PA DANG BSAMS PA LA SOGS PA'I RGYU GSUM PO DAG LAS MNGON PAR GRUB PA YIN PAR BSTAN PA YIN TE, DPER NA 'JIG RTEN SROG DANG BA LANG LA SOGS PA LA GO RIMS BZHIN DU ZAS DANG RTZVA LAS MNGON PAR GRUB PA ZHES BSTAN PA LA SLOB DPON DBYIG GNYEN GYIS SDE BA RNAMS KYI DON BSTAN PA LAS NI DPER NA ZAS KYIS NI SROG MNGON PAR GRUB BA DANG, RTZVA LAS NI MDZOD MNGON PAR GRUB BA ZHES BRJOD PA YIN NO ZHES BSHAD DO, ,RGYA CHER RNAM PAR 'BYED PA NI BSTAN BCOS SEMS SNA TSOGS BSTAN PA DANG, YANG DAG PA'I RIGS BA DANG RJES SU MTHUN PA DANG, BYE BRAG TU BSHAD PA CHEN PO LAS 'BYUNG STE MANGS KYIS DOGS NAS 'DIR MA BRJOD DO, ,MDO SDE PA DAG GI GZHUNG NI BSTAN BCOS DE KHO NA NYID GRUB PA LAS JI SKAD DU TSIGS LAS RTOGS PA GANG YIN PA DE NI THOS PA'I SHES RAB BO, ,DON GYI DGONGS PA LAS RTOGS PA GANG YIN PA DE NI BSAMS PA'I SHES RAB BO, ,SHES RAB GNYIS NGO DE DAG LAS SEMS KYI DGA' BA SKYE BA NAS SEMS BSDUS PA LAS YANG DAG PA JI LTA BA BZHIN GYI SHES PA SKYE BA'I BAR GANG YIN PA DE NI BSGOMS PA'I SHES RAB BO ZHES 'BYUNG BA LTA BU'O, ,GZHAN YANG BSTAN BCOS DE NYID KYI NANG NAS SHES RAB RNAM PA GSUM BSTAN PA'I LE'U LAS, GSUNG RAB YAN LAG BCU GNYIS LAS SKYES PA GANG YIN PA DE NI THOS PA'I SHES RAB CES BYA'O, ,GSUNG RAB YAN LAG BCU GNYIS KYI DON SEMS PA GANG YIN PA DE NI BSAMS PA'I SHES RAB CES BYA'O, ,BSAMS PA'I 'OG TU NI JI SKAD BSTAN PA BZHIN DU BSGRUBS PAR SHES PA DANG, MTHONG BA MNGON SUM DU GYUR PA GANG YIN PA DE NI BSGOMS PA'I SHES RAB CES @172B BYA'O, ,JI SKAD BSTAN PA BZHIN DU BSGRUBS PAS ZHES BYA BA NI SEMS DE LAS PHUNG PO LNGA DAG SKYE BA DANG, 'JIG PA NYID DU MTHONG BA'O ZHES 'BYUNG STE, ZHIB TU DE NYID LAS BSTAN PA BZHIN NO, ,'DIR THEG PA CHEN PO'I BSTAN PA DANG SBYAR NA YANG PHAL CHER SLOB DPON DBYIG GNYEN GYIS BSTAN PA DAG DANG MTHUN TE, DE'I PHYIR DGE BSNYEN GYI SDOM PA BSTAN PA'I MDO LAS, SHES RAB NI RNAM PA GSUM STE, THOS PA LAS BYUNG BA DANG, BSAMS PA LAS BYUNG BA DANG, BSGOMS PA LAS BYUNG BA'O, ,YI GE LAS DON THOB PA GANG YIN PA DE NI THOS PA LAS BYUNG BA ZHES BYA'O, ,BSAMS BA LAS DON THOB BA GANG YIN PA DE NI BSAMS PA LAS BYUNG BA ZHES BYA'O, ,BSGOMS PA LAS DON THOB PA GANG YIN PA DE NI BSGOMS PA LAS BYUNG BA ZHES BYA'O ZHES GSUNGS PA YIN NO, ,GZHAN YANG BSTAN BCOS RNAL 'BYOR SBYOD PA'I SA'I 'GREL BA LAS, THOS PA LAS BYUNG BA'I SHES RAB CES BYA BA LA THOS PA NI MNYAN PAS THOS PA'O, ,DE NI RNA BA'I DBANG POS RNA BA'I RNAM PAR SHES PA SKYED PA STE, TSIG GIS BSTAN PA THOS PA'I PHYIR RO, ,THOS PA LAS BYUNG BA'I TSIG 'BRU DANG DON SHES PA'I SHES RAB DANG SHES RAB MTSUNGS BAR LDAN PA'I SEMS DANG SEMS LAS BYUNG BA'I NGO BO NYID DO, ,BSAMS PA NI SEMS BAR BYED PA STE, BSTAN PA SEMS SHING SHES RAB BSKYED NAS CHOS SEMS PA DANG, RAB TU RNAM PAR 'BYED PA'I PHYIR RO, ,BSAMS BA LAS BYUNG BA'I CHOS SHES PA'I SHES RAB DANG SHES RAB MTSUNGS BAR LDAN PA'I SEMS DANG SEMS LAS BYUNG BA'I NGO BO NYID DO, ,BSGOMS PA NI YONGS SU GOMS PAR BYED PA STE, DE NI TING NGE 'DZIN GYI KHYAD PAR DU 'PHAGS BAS SHES RAB BSKYED NAS GNYEN PO SGOM PAR BYED PA'I PHYIR RO, ,BSGOMS PA LAS BYUNG BA'I DON DANG DNGOS PO SHES PA'I SHES RAB DANG SHES RAB MTSUNGS PAR LDAN PA'I SEMS DANG SEMS LAS BYUNG BA'I NGO BO NYID DO ZHES 'BYUNG NGO, ,BSTAN BCOS RNAL 'BYOR SBYOD PA'I SA'I 'GREL PA LAS NI THOS PA'I SHES RAB NI TSIG 'BRU DANG DON SHES PA'O, ,BSAMS PA'I SHES RAB NI CHOS KYI MTSAN NYID SHES PA'O, ,BSGOMS PA'I SHES RAB NI DON DANG DNGOS PO SHES PA'O ZHES BSTAN NI CI'I PHYIR BSTAN BCOS RNAL 'BYOR SBYOD BA'I SA LAS, THOS BA'I SHES RAB NI CHOS LA DMIGS PA'O, ,BSAMS PA DANG BSGOMS @173A *, ,PA'I SHES RAB GNYIS NI DON LA DMIGS BA'O ZHES BSTAN, GZHAN YANG BSTAN BCOS RNAL 'BYOR SPYOD PA'I SA LAS, RNAM PA GSUM GYIS NA 'PHAGS PA'I BDEN PA YONGS SU 'DZIN BAR BYED DE, GSUM GANG ZHEN, THOS PA'I SHES RAB KYIS NI TSIG 'BRU YONGS SU 'DZIN PAR BYED DO, ,BSAMS PA'I SHES RAB KYIS NI MTSAN NYID YONGS SU 'DZIN PAR BYED DO, ,BSGOMS PA'I SHES RAB KYIS NI MNGON SUM DU BYED PA YONGS SU 'DZIN PAR BYED DO ZHES ZHIB TU DE NYID LAS BSTAN PA BZHIN TE, CI'I PHYIR 'DI LTAR MI MTHUN PAR 'GYUR, DE CI LTAR BRDA PHRAD PAR BYA ZHE NA, SMRAS PA, THEG PA CHEN PO'I GZHUNG GI BSTAN PA DANG SBYAR NA YANG DAG PA'I DON DU NA THOS BA LA SOGS PA'I SHES RAB GSUM CHAR DON DANG TSIG 'BRU SHES BA YIN TE, BSTAN BCOS RNAL 'BYOR SBYOD PA'I SA LAS THOS PA'I SHES RAB NI CHOS LA DMIGS PA'O, ,BSAMS PA'I SHES RAB NI DON YONGS SU 'DZIN PA'O ZHES BYA BA LA SOGS PA BSTAN PA NI MTSAN NYID KYI DBANG DU MDZAD NAS RAB TU BSTAN PA YIN NO, ,KHAMS DANG SA'I BYE BRAG THA DAD PA YANG THAMS CAD YOD PAR SMRA BA'I GZHUNG GIS 'DOD BA'I KHAMS NA NI THOS PA DANG BSAMS PA'I SHES RAB GNYIS KHO NA DANG LDAN PA'O, ,GZUGS KYI KHAMS NA NI THOS PA DANG BSGOMS PA'I SHES RAB GNYIS KHO NA DANG LDAN NO, ,GZUGS MED BA'I KHAMS NA NI BSGOMS PA'I SHES RAB KHO NA'O ZHES ZER TE, BSTAN BCOS BYE BRAG TU BSHAD PA CHEN PO LA SOGS PA LAS BSTAN BA BZHIN NO, ,MDO SDE BA'I GZHUNG GIS 'DOD BA DANG GZUGS KYI KHAMS NA NI BSGOMS BA KHO NA'O ZHES ZER TE, DE'I PHYIR BSTAN BCOS DE KHO NA NYID GRUB PA'I NANG NAS SHES RAB RNAM PA GSUM BSTAN PA'I LE'U LAS, SHES RAB GSUM PO DE DAG LAS DU NI 'DOD PA'I KHAMS KYI YIN, DU NI GZUGS DANG GZUGS MED PA'I KHAMS KYI YIN ZHE NA, SMRAS PA, 'DOD PA DANG, GZUGS KYI KHAMS NI THAMS CAD DO, , GZUGS MED PA'I KHAMS NI BSGOMS PA'I SHES RAB KHO NA'O ZHES 'BYUNG BA YIN TE, ZHIB TU DE NYID LAS BSTAN PA BZHIN NO, ,'DIR THEG PA CHEN PO'I BSTAN PA DANG SBYAR NA YANG PHAL CHER THAMS CAD YOD PAR SMRA BA DAG GIS BSTAN PA DANG MTHUN NO, ,LE'U CHEN PO'I MDO LAS NI 'DOD PA'I KHAMS NA YANG TING NGE 'DZIN YOD DO ZHES @173B GSUNGS SO, ,KHA CIG NA RE THEG PA CHEN PO'I BSTAN PA LAS SHES RAB RNAM BA GSUM NI KHAMS GSUM PO KUN DU GTOGS PA YIN NO ZHES ZER TE, DE NI GTUGS PAR BYA'O, ,RGYA CHEN RNAM PAR 'BYED PA NI MTSAN NYID BSTAN PA DAG LAS 'BYUNG BA BZHIN DU RIG PAR BYA'O, ,RIGS KYI BU 'DI NI SO SO YANG DAG PAR RIG PA RNAM PA GSUM GYI BYE BRAG CES BYA'O ZHES BYA BA NI GNYIS PA SBYI'I MJUG BSDU BAR RIG PAR BYA'O, ,BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS ZHI GNAS DANG LHAG MTHONG BSGOM PA'I BYANG CHUB SEMS DPA' RNAMS KYI CHOS SO SO YANG DAG PAR RIG PA DANG DO NA SO SO YANG DAG PAR RIG PA'I SHES PA NI GANG LAGS, MTHONG BA NI GANG LAGS ZHES BYA BA 'DI MAN CHAD NI GNYIS BA SHES PA DANG MTHONG BA'I BYE BRAG BSTAN PA'O, ,'DI YANG RNAM PA GNYIS TE, ZHU BA GSOL BA DANG, LAN DU GSUNGS PA STE, 'DI NI ZHU BA GSOL BA'O, , BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL PA, RIGS KYI BU NGAS RNAM GRANGS DU MAR SHES PA DANG MTHONG BA'I BYE BRAG BSTAN MOD KYI, 'ON KYANG 'DIR KHYOD LA MDOR BSDUS TE DE'I MTSAN NYID BSHAD PAR BYA'O ZHES BYA BA LA SOGS PA NI GNYIS PA DE BZHIN GSHEGS PAS YANG DAG PAR LAN DU GSUNGS PA STON TO, ,'DI YANG RNAM PA GNYIS TE, BSHAD PAR BKAS GNANG BA DANG, YANG DAG PAR BSHAD PA STE, 'DI NI DANG PO'O, ,'DRES PA'I CHOS LA DMIGS PA'I ZHI GNAS DANG LHAG MTHONG BSGOMS PA'I SHES RAB KHYAD PAR CAN GANG YIN PA DE NI SHES PA ZHES BYA'O ZHES BYA BA LA SOGS PA NI GNYIS PA DE BZHIN GSHEGS PAS YANG DAG PAR BSHAD PA STON TO, ,'DI YANG RNAM PA GNYIS TE, SHES PA BSTAN PA DANG, MTHONG BA BSTAN PA STE, 'DI NI SHES PA BSTAN PA'O, ,MA 'DRES PA'I CHOS LA DMIGS PA'I ZHI GNAS DANG LHAG MTHONG BSGOMS PA'I SHES RAB KHYAD PAR CAN GANG YIN PA DE NI MTHONG BA ZHES BYA'O ZHES BYA BA NI GNYIS PA MTHONG BA RNAM PAR PHYE STE BSHAD PA'O, ,YANG DAG PA'I DON DU NA CHOS RNAM PA GNYI GA YANG SHES PA DANG MTHONG BAR GTOGS PA YIN TE, YONGS SU TSOL BA DANG, YONGS SU GCOD PA NI DON DANG LDAN PA'I PHYIR RO, ,'DIR NI RNAM PA GNYIS KYIS KHYAD @174A *, ,BAR DU 'PHAGS PA DANG DMAN PA DAG RAB TU BSTAN PA'I PHYIR 'DRES PA MA YIN PA LA DMIGS PA'I MTHONG BA ZHES BSTAN LA 'DRES PA LA DMIGS PA NI SHES PA ZHES BSTAN TO, ,DGONGS PA ZAB MO RNAM PAR DGROL BA'I MDO LAS GSUNGS BA DANG 'DI MI MTHUN PAR GYUR BA NI LO TZ'A BA DAG GI BSAM PA THA DAD PA'I PHYIR RO, ,SHES PA DANG MTHONG BA DE YANG BSTAN PA RNAMS LAS SO SO NAS BSHAD PA MI MTHUN TO, MDZOD KYI BSTAN BCOS LAS BZOD PA NI SHES PA'I NGO BO NYID MA YIN TE, RANG GI THE TSOM GCAD BAR BYA BA DANG MA CHAD PA'I PHYIR LTA BA'I NGO BO NYID KYIS BSDUS TE RTOG BA'I BDAG NYID KYI PHYIR RO, ,ZAD PA DANG SKYE BA'I YE SHES GNYIS KYANG LTA BA'I NGO BO NYID MA YIN TE, YONGS SU TSOL BA'I SEMS NYE BAR ZHI BA DANG YANG RTOG PA MI BYED PA'I PHYIR RO, ,DE LAS GZHAN BA RNAMS NI YE SHES DANG LTA BA GNYI GA'I NGO BO NYID DU GTOGS TE, RANG GI THE TSOM MCHAD BA DANG RTOG PA'I BDAG NYID YIN PA'I PHYIR RO, ,ZAG PA DANG BCAS PA'I SHES PA RNAMS NI CHOS SHES PA'I NGO BO NYID KYIS BSDUS TE, DE LAS RNAM BA DRUG NI LTA BA'I NGO BO NYID KHO NA YIN TE, 'DI LTA STE, KUN NAS NYON MONGS BA DANG RNAM PAR BYANG BA'I LTA BA LNGA DANG, 'JIG RTEN PA'I YANG DAG PA'I LTA BA DRUG STE, JI SKAD DU BSTAN PA'I 'PHAGS PA'I GANG ZAG DANG BCAS PA'I SHES RAB NI CHOS RAB TU RNAM PAR 'BYED PA'I PHYIR SHES RAB KYI BDAG NYID KYIS BSDUS PA YIN NO ZHES 'BYUNG NGO, ,BSTAN BCOS BYE BRAG TU BSHAD PA CHEN PO LAS KYANG MTHONG BA GANG ZHE NA, SMRAS PA, MIG LA SOGS PA'I LTA BA LNGA DANG, 'JIG RTEN PA'I YANG DAG PA'I LTA BA DANG, SLOB PA DANG MI SLOB PA'I MTHONG BA'O, , SHES PA GANG ZHE NA, SMRAS PA, RNAM PAR SHES PA LNGA DANG, MTSUNGS PAR LDAN PA'I SHES RAB DANG, ZAG BA MED PA'I BZOD PA MA GTOGS PA GZHAN YID KYI RNAM PAR SHES PA DANG MTSUNGS PAR LDAN PA'I BZOD PA RNAMS SO ZHES 'BYUNG STE, RGYA CHER DE NYID LAS BSTAN PA BZHIN NO, ,GZHAN YANG DE NYID LAS CI MTHONG BA RNAMS SHES BA YIN ZHE NA, SMRAS PA, DE YANG MU BZHIR DBYE STE, DANG PO NI MTHONG BA YIN PA SHES PA MA YIN PA'ANG YOD DE, ,'DI LTA STE, MIG GI DBANG BO DANG ZAG PA MED PA'I BZOD PA DAG GO, ,GNYIS PA NI SHES PA YIN LA MTHONG BA MA YIN PA YANG YOD DE, 'DI LTA STE, RNAM PAR @174B SHES PA'I TSOGS LNGA DANG MTSUNGS PAR LDAN PA'I SHES RAB DANG ZAD BA DANG MI SKYE BA'I YE SHES DANG LTA BA LNGA DANG, 'JIG RTEN PA'I YANG DAG PA'I LTA BA MA GTOGS PA GZHAN YID KYI RNAM BAR SHES PA DANG MTSUNGS PAR LDAN BZAG PA DANG BCAS PA'I SHES RAB BO, ,GSUM PA NI MTHONG BA YAD YIN LA, SHES PA YANG MA YIN BA YANG YOD DE, 'DI LTA STE, LTA BA LNGA DANG, 'JIG RTEN PA'I YANG DAG PA'I LTA BA DANG, ZAG PA MED PA'I BZOD PA DANG, ZAD PA DANG MI SKYE BA'I YE SHES MA GTOGS PA GZHAN ZAG PA MED PA'I SHES RAB SLOB PA'I SHES PA BRGYAD DANG, MI SLOB PA'I YANG DAG PA'I LTA BA DAG GO, , DE'I ZAG PA MED PA'I SHES RAB DANG, SNGA MA'I LTA BA LNGA DANG, 'JIG RTEN PA'I YANG DAG PA'I LTA BA NI SHES PA DANG, MTHONG BA GNYIS KYI MTSAN NYID YIN PA'I PHYIR MU GSUM PAS BSDUS SO, ,BZHI PA NI MTHONG BA YANG MA YIN SHES BA YANG MA YIN PA YANG YOD DE, 'DI LTA STE, SNGA MA'I MTSAN NYID DANG, MA TSAN NYID KYI GZHI'I MID MA GTOGS PA CHOS GANG MU GSUM PAS BSTAN PAR BYA BA'I CHOS GANG YIN PA DE NI MTSAN NYID CES BYA'O, ,DE LAS GZHAN BA'I CHOS RNAMS NI MU BZHI PA YIN BAS MU BZHI PAS BSTAN BAR BYA BA YIN NO, ,DE YANG JI LTA BU ZHIG CE NA, 'DI LTA STE, GZUGS KYI PHUNG PO LAS MIG MA GTOGS BA GZUGS GZHAN RNAMS DANG 'DU BYED KYI PHUNG PO LAS SHES RAB MA GTOGS PA 'DU BYED GZHAN RNAMS PHUNG PO GZHAN GSUM PO RIL DANG 'DUS MA BYAS KYI CHOS NI MU BZHI BA ZHES 'BYUNG STE, RGYA CHER DE NYID LAS BSTAN PA BZHIN NO, ,MDO SDE PA DAG NI SHES PA DANG MTHONG BA NI THA MI DAD DO ZHES 'CHAD DE, DE'I PHYIR BSTAN BCOS DE KHO NA NYID GRUB PA'I NANG NAS SHES PA DANG MTHONG BA BSTAN PA'I LE'U LAS, MTHONG BA DANG SHES BA LA BYE BRAG CI YOD CE NA, SMRAS PA, BDAG NYID GCIG BA YIN PAS BYE BRAG TU GYUR PA MED DO ZHES BYA BA NAS MTHONG BA DANG SHES PA NI CHOS RTOGS SHING MDON DU BYED PA THOB PA YIN BAS DON GCIG GO, ,MDO DAG LAS SHES PA DANG MTHONG BA DAG GIS ZAG PA ZAD BA THOB PAR 'GYUR RO ZHES GSUNGS NA DE LA BYE BRAG CI YOD CE NA, SMRAS PA, DANG PO KHO NAR 'JIG PAR SHES BA GANG YIN PA DE NI SHES PA ZHES BYA'O, ,GNAS SKABS SU ZHUGS PA GANG YIN PA DE NI MTHONG BA ZHES BYA'O, , @175A *, ,THOG MAR SO SOR RTOG PA GANG YIN PA DE NI SHES PA ZHES BYA'O, ,RTOGS SHING KHONG DU CHUD PA GANG YIN PA DE NI MTHONG BA ZHES BYA STE, DE'I ZAB PA DANG ZAB PA MA YIN PA'I BYE BRAG YOD DO ZHES BYA BA'I BAR DU BSTAN BA YIN TE, RGYA CHER DE NYID LAS BSTAN PA BZHIN NO, ,'DIR THEG PA CHEN BO BSTAN PA DANG SBYAR NA, YANG SO SO NAS BSHAD PA MI MTHUN PAS SLOB DPON DBYIG GNYEN GYIS 'PHAGS PA SHES RAB KYI PHA ROL TU PHYIN BA RDO RJE GCOD PA'I 'GREL PA MDZAD PA LAS NI, SHES PA DANG MTHONG BA GCIG TU BSTAN PA LA DGONGS PA RNAM PA GNYIS YOD DE, RJES SU DPAG PA'I SHES PA LAS RAB TU DBYE BA DANG, SHA'I DANG LHA'I MIG LAS RAB TU DBYE BA YIN NO ZHES BSHAD DE, DE'I PHYIR 'GREL PA DE NYID LAS MKHYEN TO ZHES BYA BAS MCHOG GAM, CI NA CI'I PHYIR YANG DE BZHIN GSHEGS PAS GZIGS SO ZHES BYA BA GSUNGS SHE NA, GAL TE GZIGS SO ZHES BYA BA MA GSUNGS NA KHA CIG 'DI LTAR DE BZHIN GSHEGS PA'I RJES SU 'PHAGS PA'I MKHYEN PAS MKHYEN PA YIN NO SNYAM DU SEMS PAR GYUR PAS SO, ,GAL TE DE LTA NA GZIGS ZHES BYA BAS CHOG MOD, CI'I PHYIR YANG DE BZHIN GSHEGS BAS MKHYEN TO ZHES BYA BA GSUNGS SHE NA, GAL TE MKHYEN TO ZHES BYA BA MA GSUNGS NA, KHA CIG 'DI LTAR DE BZHIN GSHEGS PA NI SHA'I SBYAN LA SOGS PAS GZIGS PA YIN NO SNYAM DU SEMS PAR GYUR PAS SO ZHES 'BYUNG STE, SLOB DPON YON TAN BYIN GYIS 'GREL PA LAS KYANG DON PHAL CHER 'DI DANG MTHUN PAR BSHAD DO, ,'PHAGS PA SHES RAB KYI PHA ROL TU PHYIN PA'I 'GREL PA LAS NI DPER NA GZHAN DAG LAS KLOG PA DANG KHA TON SLOB PA DANG RNAM PAR 'BYED CING DPYOD BA LTA BU GANG YIN PA DE NI SHES PA ZHES BYA'O, ,RANG GI LUS KYI MDON DU BYAS PA THOB BA LTA BU GANG YIN PA DE NI MTHONG BA ZHES BYA'O, ,DPER NA RNA BAS DNGOS PO DAG THOS NA DA DUNG THE TSOM DANG BCAS PA LTA BU GANG YIN PA DE NI SHES PA ZHES BYA'O, ,RANG GI MIG GIS GSAL BAR MTHONG NAS THE TSOM MED BA LTA BU GANG YIN PA DE NI MTHONG BA ZHES BYA'O ZHES 'BYUNG NGO, ,GZHAN YANG DE NYID LAS DANG POR SHES PA GANG YIN PA DE NI SHES PA ZHES BYA'O, PHYIS SHIN TU ZHUGS BA GANG YIN PA DE NI MTHONG BA ZHES BYA'O, ,SHES PA NI MTHAR MA PHYIN BA ZHES BYA'O, , @175B MTHONG BA NI MTHAR PHYIN PA ZHES BYA'O, ,SHES PA DANG MTHONG BA LA YANG MU BZHI YOD DE, DANG PO NI SHES PA YIN LA MTHONG PA MA YIN PA YANG YOD DE, 'DI LTA STE, JI SNYED PA SHES PA GANG YIN PA DANG, 'JIG RTEN PA'I MANG DAG PA'I LTA BA DANG, LTA BA LDA PO MA GTOGS PA DE LAS GZHAN PA'I SHES RAB KYI CHOS GANG YIN BA DE NI SHES PA ZHES BYA'O, ,GNYIS PA NI MTHONG BA MA YIN LA SHES PA MA YIN PA YANG YOD DE, 'DI LTA STE, LTA BA LNGA DANG 'JIG RTEN PA'I YANG DAG PA'I LTA BA DANG, BZOD PA BRGYAD PO DAG GO, ,DE LAS GZHAN ZAG PA MED PA'I SHES RAB GANG YIN PA DE NI SHES BA ZHES KYANG BYA'O, ,MTHONG BA ZHES KYANG BYA'O, , MTHONG BA DANG SHES PA DE LAS MA GTOGS PA'I CHOS GZHAN GANG YIN PA DE NI MTHONG BA YANG MA YIN LA SHES PA YANG MA YIN NO ZHES 'BYUNG NGO, ,GZHAN YANG DE NYID LAS JI LTAR TING NGE 'DZIN BSGOMS PAS SHES PA DANG MTHONG BA THOB PAR 'GYUR ZHE NA, DE LA MIG MED PAR YANG GZUGS KYI YUL RNAMS LA LTA BA DANG, RTOG PA GANG YIN PA DE NI MTHONG BA ZHES BSHAD DO, ,LHA RNAMS KYI MING NI 'DI LTA BU'O, ,RIGS DANG RNAM PA NI 'DI LTA BU'O ZHES SHES PA GANG YIN PA DE NI SHES PA ZHES BYA'O ZHES BSHAD DO, ,GZHAN YANG BSTAN BCOS RNAL 'BYOR SBYOD PA'I SA LAS SHES PA DANG MTHONG BA GNYIS LA KHYAD PAR CI YOD CEN, 'DAS PA DANG, MA 'ONGS PA LKOG TU GYUR PA'I YUL CAN GYI SHES RAB GANG YIN PA DE NI SHES PA ZHES BYA'O, ,DA LTAR GYI YUL CAN GYI SHES RAB GANG YIN PA DE NI MTHONG BA ZHES BYA'O, ,GZHAN YANG GZUNG BAS DMIGS PAR BYAS PA'I SHES RAB GANG YIN PA DE NI SHES PA ZHES BYA'O, , 'DZIN PAS DMIGS PAR BYAS PA'I SHES RAB GANG YIN PA DE NI MTHONG BA ZHES BYA'O, ,GZHAN YANG THOS PA DANG BSAMS PA LAS BYUNG BA'I SHES RAB GANG YIN PA DE NI SHES BA ZHES BYA'O, ,BSGOMS PA LAS BYUNG BA'I SHES RAB GANG YIN PA DE NI MTHONG BA ZHES BYA'O, ,GZHAN YANG NYON MONGS PA SPONG BA'I SHES RAB GANG YIN PA DE NI SHES PA ZHES BYA'O, ,NYON MONGS PA SPANGS NAS RNAM PAR GROL BA MDON SUM DU BYED PA'I SHES RAB GANG YIN PA DE NI MTHONG BA ZHES BYA'O, ,GZHAN YANG RANG GI MTSAN NYID KYI YUL LA DMIGS PA'I SHES RAB GANG YIN PA DE NI SHES PA ZHES BYA'O, ,SPYI'I MTSAN @176A *, ,NYID KYI YUL LA DMIGS PA'I SHES RAB GANG YIN BA DE NI MTHONG BA ZHES BYA'O, ,GZHAN YANG GDAGS PA LA BRTEN TE, NANG DANG PHYI ROL GYI 'DU BYED LA 'DI LTA STE, BDAG CES BYA BA'AM, LHA DANG, KLU DANG, GNOD SBYIN DANG, LHA MA YIN DANG, NAM MKHA' LDING DANG, LTO 'PHYE CHEN PO ZHES BYA BA'AM, DMAG DANG, NAGS TSAL DANG, KHANG KHYIM DANG, RI ZHES BYA BA'AM, DE LTA BU LA SOGS PA'I RNAM PA'I BRDA'I TSUL GYIS ZHES BYA BA DE DANG DE DAG LA DMIGS PA'I SHES RAB GANG YIN PA DE NI SHES PA ZHES BYA'O, ,RANG GI MTSAN NYID DANG, SBYI'I MTSAN NYID LA MDZAD PA'I SHES RAB GANG YIN PA DE NI MTHONG BA ZHES BYA'O, ,GZHAN YANG CHOS RNAMS YONGS SU TSOL BA'I SHES RAB GANG YIN PA DE NI SHES PA ZHES BYA'O, ,YONGS SU BSAL BA LA SO SOR RTOG PA'I SHES RAB GANG YIN PA DE NI MTHONG BA ZHES BYA'O, ,GZHAN YANG RNAM PAR MI RTOG PA'I GZUGS BRNYAN YUL DU GYUR PA LA DMIGS PA'I SHES RAB GANG YIN PA DE NI SHES PA ZHES BYA'O, ,RNAM PAR RTOG PA DANG BCAS PA'I GZUGS BRNYAN YUL DU GYUR BA LA DMIGS PA'I SHES RAB GANG YIN PA DE NI MTHONG BA ZHES BYA'O, ,GZHAN YANG SHES BYA GZUGS CAN GYI GZUGS BRNYAN LA DMIGS PA'I SHES RAB GANG YIN PA DE NI MTHONG BA ZHES BYA'O, ,SHES BYA GZUGS CAN MA YIN PA'I GZUGS BRNYAN LA DMIGS PA'I SHES RAB GANG YIN PA DE NI SHES PA ZHES BYA'O ZHES 'BYUNG NGO, ,BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS ZHI GNAS DANG LHAG MTHONG BSGOM BA'I BYANG CHUB SEMS DPA' RNAMS YID LA BGYID PA GANG GIS MTSAN MA GANG DAG JI LTAR RNAM BAR SEL BAR BGYI LAGS ZHES BYA BA 'DI MAN CHAD NI GNYIS BA MTSAN MA RNAMS RAB TU SEL BA STON TO, ,'DI YANG RNAM PA GSUM DUD BYE STE, ZHUS BA DANG LAN DAG GIS MTSAN MA RNAMS RAB TU SEL BA RNAM BAR 'BYED PA DANG BCOM LDAN 'DAS BCOM LDAN 'DAS KYIS JI SKAD DU ZHES BYA BA MAN CHAD ZHUS BA DANG, LAN DAG GIS SO SOR BRTAG PAR NUS PA DANG MI NUS BA RNAM BAR 'BYED PA DANG, BCOM LDAN 'DAS ZHES BYA BA MAN @176B CHAD ZHUS PA DANG LAN DAG GIS MTSAN MA BSAL BAR DKA' BA RNAMS RNAM PAR 'BYED BA'O, ,DE LA DANG PO MTSAN MA RNAMS RAB TU SEL BA YANG RNAM PA BZHIR DE BYA STE ZHUB GSOL BA DANG, LAN DU GSUNGS BA DANG, RNAM PAR BSHAD PA STE, 'DI NI DANG PO ZHUB GSOL PA'O, ,DE LA ZHU BA GSOL PA LA YANG DGONGS PA RNAM PA GSUM YOD DE, DANG PO YID LA BGYID PA GANG GIS ZHES BYA BA NI SEL BAR ZHUS PA YID LA BYED PA ZHUS PA STE, YID LA BYED PA RNAMS LAS YID LA BYED PA GANG GIS ZHES BYA BA'I THA TSIG GO, ,GANG DAG CES BYA BA NI YONGS SU BSAL BAR BYA BA'I MTSAN MA ZHUS BA'O, , JI LTAR RNAM PAR SEL BAR BGYID LAGS ZHES BYA BA NI MTSAN MA BSAL BA'I THABS ZHUS PA STE, RNAL 'BYOR JI LTA BU ZHIG DANG RNAL 'BYOR GYI CHO GA JI 'DRA BA ZHIG GIS ZHES BYA BA'I THA TSIG GO, ,DGONGS BA ZAB MO RNAM PAR DGROL BA'I MDO LAS SEMS GANG GIS CHOS KYI MTSAN MA GANG ZHIG LA RTOG PAR BGYID CES 'BYUNG BA NI LO TZ'A BA DAG GIS NOR RO, ,BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL PA, RIGS KYI BU DE BZHIN NYID YID LA BYED PAS ZHES BYA BA LA SOGS PAS NI GNYIS PA DE BZHIN GSHEGS PAS YANG DAG PAR LAN DU GSUNGS PA'O, ,LAN DU GSUNGS PA 'DI LA YANG BSHAD PA RNAM BA GNYIS YOD DE, KHA CIG NA RE MDO'I TSIG 'DI NI SA'I MDUN ROL BA'I RNAL 'BYOR BSGOM PA'I SGO YIN BAS GONG DU ZHUS PA DAG GI LAN DU GSUNGS PA YIN TE, GONG DU ZHUS PA RNAM PA GSUM GYI LAN BSTAN PA NYID LAS GSUM DU DBYE'O ZHE'O, ,'DI NI ZHUS PA DANG PO'I LEN DU GSUNGS PA STE, 'DI LTAR BYANG CHUB SEMS DPA' RNAMS YID LA BYED PA RNAMS KYI NANG NAS DE BZHIN NYID YIN LA BYED PA'I DBANG GIS ZHES BYA BA'I THA TSIG GO, ,DGONGS PA ZAB MO RNAM PAR DGROL BA'I MDO LAS NI, DE BZHIN NYID BSGOM PA'I SEMS ZHES 'BYUNG NGO,, DE LA YID LA BYED PA RNAMS ZHES BYA BA NI BSTAN BCOS RNAL 'BYOR SPYOD PA'I SA LAS BSTAN PA'I YID LA BYED PA BZHI BCU PO DAG STE, DE BZHIN NYID YID LA BYED PA ZHES BYA BA 'DI NI YID LA BYED PA BCU'I NANG NAS DE KHO NA NYID YID LA BYED BA ZHES BSTAN PA NYID DO, ,CHOS KYI MTSAN MA DANG, DON GYI MTSAN MA RNAM PAR SEL BAR BYED DE ZHES BYA BA NI ZHUS PA GNYIS PA'I @177A *, ,LAN DU GSUNGS SO, ,'DI LTAR YONGS SU BSAL BAR BYA BA'I MTSAN MA NI RNAM PA GNYIS LAS MAD DE, GONG DU BSTAN PA'I RJOD PAR BYED PA'I MING LA SOGS PA DANG, BRJOD PAR BYA BA DON BCU LA SOGS PA DON RNAMS KYI GZUGS BRNYAN GYI MTSAN MA'AM, YANG NA CHOS DANG DON LA MNGON PAR ZHEN PA'I MTSAN MA DAG DE BZHIN NYID KYI RNAL 'BYOR LA ZHUGS PA'I TSE DE DAG MI MTHONG BA'I PHYIR RO, ,NAM MING LA MING GI NGO BO NYID MI DMIGS PA NA DE'I GNAS KYI MTSAN MA YANG DAG PAR RJES SU MI MTHONG BAS RNAM PAR SEL TO ZHES BYA BA 'DI MAN CHAD NI ZHUS PA GSUM BA'I LAN DU GSUNGS PA STE, RNAL 'BYOR BSGOM PA'I CHO GA BSTAN PA'O, ,'DI YANG RNAM PA GNYIS KYIS BSTAN TE, MING LAS BRTZAMS NAS RNAL 'BYOR RNAM PAR 'BYED PA DANG, ZLAS TSIG LA SOGS PA BSTAN PA'O, ,'DI NI DANG PO STE, 'DI LTAR BYANG CHUB SEMS DPA' RNAMS MING LA SO SOR RTOG PA'I TSE, ,MING RNAMS DANG, MING GI NGO BO NYID DE DAG RANG GI SEMS GYUR BA BTAGS PA TZAM DU YOD PA NYID DU MTHONG BAS YANG DAG BA NYID DU MNGON PAR ZHEN PA DAG MI DMIGS TE, DE LTAR RTOG PA'I TSE MING 'BA' ZHING DMIGS SU MED PAR MTHONG BA MA YIN GYI, MING LA SOGS PA DE DAG NI GNAS MNGON PAR SHES PA'I NGO BO NYID RNAM PAR SHES PA LA YANG MI RTOG GO, ,BSHAD PA GZHAN DU NA MNGON PAR ZHEN PA'I MING DMIGS SU MED PAS MTHONG BA'I TSE KUN DU BRTAGS PA'I MING LA SOGS PA DE DAG GI GNAS GZHAN GYI DBANG DANG MING LA SOGS PA LA YANG MI RTOG STE DE NI 'DI SKAD DU DE BZHIN NYID BSGOM PA LA ZHUGS NAS MNGON PAR ZHEN PA BSAL BA NA GZHAN GYI DBANG DANG MING LA SOGS PA SNANG BAR MI 'GYUR BA'I PHYIR RNAM PAR SEL BA ZHES BYA BA'I STONG PA DANG, RANG GI NGO BO NYID CI YANG MED PAR BRTAGS PA LA RNAM PAR SEL BAR ZHES BYA BA NI MA YIN NO ZHES BSTAN PAR 'GYUR TE, DE'I PHYIR SLOB DPON NGO BO NYID MED KYIS THEG PA CHEN PO BSDUS PA'I 'GREL PA LAS, RNAM PAR MI RTOG PA'I YE SHES MNGON SUM DU GYUR PA NA YUL GYI DON THAMS CAD SNANG BAR MI 'GYUR RO ZHES BSTAN PA YIN NO, ,GZHAN YANG BSTAN BCOS RNAM PAR BSHAD PA LAS DE BZHIN NYID KYI RNAL 'BYOR GYIS KUN BRTAGS PA YONGS SU BSAL BA'I TSE, GZHAN GYI DBANG SNANG THAR MI 'GYUR BAS DMIGS SU MED @177B PA'O ZHES BYA'O ZHES BSHAD DE, DE'I PHYIR BSTAN BCOS DE NYID LAS SNANG BAR MI 'GYUR BAS DMIGS SU MED PA ZHES BYA BA NI CHOS RNAMS YONGS SU BTZAL BA NA RANG GI NGO BO NYID MI MTHONG BA LA BYA'I, RNAM PA THAMS CAD DU CI YANG MED PA LA BYA BA NI MA YIN TE, 'ON KYANG KUN DU BRTAGS PA'I NGO BO NYID MI DMIGS PA'I TSE GZHAN GYI DBANG GI RANG GI MTSAN NYID LA SO SOR RTOG PAR MI BYED DE, SO SOR MI RTOG PA'I PHYIR GZHAN GYI DBANG MI SNENG NGO ZHES BSTAN TO, ,MING LA JI LTA BA BZHIN DU TSIG DANG YI GE DANG, DON THAMS CAD LA YANG DE BZHIN DU RIG PAR BYA'O ZHES BYA BA LA SOGS PA NI GNYIS PA ZLAS TSIG LA SOGS PA'O, , 'DI YANG RNAM PA GNYIS TE, ZLAS TSIG DANG, YI GE DANG, DON RNAM PA BCU BSTAN PA DANG, ZLAS DON RNAM PA LNGA LA SOGS PA BSTAN PA'O, ,KHAMS KYI BAR ZHES BYA BA MAN CHAD KYIS NI ZLAS DON RNAM PA GSUM BSTAN PA'O, ,'DI NI DANG PO ZLAS DON RNAM PA GSUM PO TSIG DANG YI GE DANG, DON RNAM PA BCU BSTAN PA STE, JI LTAR MING LA MING GI NGO BO NYID MI DMIGS PA'I TSE, DE'I GNAS KYI MTSAN MA YANG DAG PAR MI MTHONG BA DE BZHIN DU TSIG DANG YI GE DANG DON RNAM PA BCU PO RE RE LA YANG RANG GI NGO BO NYID MI DMIGS PA DANG, DE DAG GI GNAS KYI MTSAN MA YANG DAG PAR RJES SU MI MTHONG BA YANG SNGA MA BZHIN DU RIG PAR BYA'O ZHES BYA BA'I THA TSIG GO, ,KHAMS KYI BAR LA YANG KHAMS KYI NGO BO NYID MI DMIGS PA NA DE'I GNAS KYI MTSAN MA YANG DAG PAR RJES SU MI MTHONG BAS DE LTAR RNAM PAR SEL TO ZHES BYA BA NI GNYIS PA ZLAS DON RNAM PA LNGA LA SOGS PA BSTAN PA'O, ,'DI LTA STE, DON RNAM PA LNGA DANG, DON RNAM PA BZHI DANG, DON RNAM PA GSUM BSTAN PA LAS TSIG 'BRU'I DON DANG, DON KYI DON ZHES BYA BA NAS KHAMS LNGA BO'I BAR DAG GAM, YANG NA TSIG 'BRU'I DON DANG DON GYI DON DANG, KHAMS KYI DON GYI BAR DAG GANG YIN PA DE DAG RE RE LA YANG DON RNAM PA GNYIS GNYIS YOD DE, RANG GI NGO BO NYID DMIGS SU MED PA DANG, DE DAG GI GNAS KYI MTSAN MA YANG DAG PAR RJES SU MI MTHONG BA YANG GONG MA BZHIN DU RIG PAR BYA'O ZHES BYA BA'I THA TSIG GO, ,RNAL 'BYOR GYI SGO DE DAG KYANG BSTAN BCOS RNAM PAR RIG PA TZAM DU GRUB PA LAS JI SKAD DU BSTAN PA BZHIN TE, DE'I PHYIR BSTAN BCOS RNAM PAR RIG PA TZAM DU GRUB PA LAS @178A *, ,BSTAN PA'I DON BRJOD PAR BYA'O, ,BSTAN BCOS DE LAS RE ZHIG KUN DU TSOL BA BZHI DANG, YANG DAG PA JI LTA BA BZHIN DU SHES PA BZHI LAS BRTZAMS NAS MING DANG DON DE DAG LA SO SOR RTOG PAR STON TO, ,'DI LTA STE, DRO BAR GYUR PA DANG, RTZE MO'I GNAS SKABS SU NI YONGS SU TSOL BA BZHI LA BRTEN NAS GZUNG BA'I MING DANG, DON GYI RANG GI NGO BO NYID DANG BYE BRAG DMIGS SU MED PAR SO SOR RTOG GO, ,YANG DAG PA JI LTA BA BZHIN DU SHES PA BZHI LA BRTEN NAS NI, 'DZIN PA'I MING DANG, DON GYI RNAM PAR SHES PA DMIGS SU MED PAR SO SOR RTOG STE, DE'I PHYIR TSIG LE'UR BYAS PA LAS, CI YANG RUNG STE MDUN GZHAG NAS, ,DE NI RNAM RIG TZAM SNYAM NAS, ,DMIGS PA DANG NI BCAS PA'I PHYIR, ,RNAM RIG TZAM LA GNAS PA MIN, ,ZHES 'BYUNG BA YIN TE, 'DI NYID KYI 'GREL PA LAS MTHONG BA'I LAM LA 'JUG PA'I PHYIR, RNAM PAR RIG PA TZAM GYI NGO BO NYID LA GNAS PAS YANG SBYOR BA BSGOMS NAS 'DZIN PA GNYIS RNAM PAR GNON CING SEL BAR BYED DE, 'DI LTA STE, DRO BAR GYUR PA DANG, RTZE MO DANG, BZOD PA DANG, 'JIG RTEN PA'I CHOS KYI MCHOG GI DGE BA'I RTZA BA BZHI PO DE DAG GIS KUN DU TSOL BA BZHI DANG, YANG DAG PA JI LTA BA BZHIN DU SHES PA BZHI LA BRTEN NAS DANG PO DANG THA MA'I GNAS SKABS RNAM PAR GZHAG PA YIN NO, ,DE LA KUN DU TSOL BA BZHI NI MING DANG DON DANG NGO BO NYID DANG BYE BRAG STE, GZHAN GYI DBANG NI BTAGS PA TZAM DU YOD PA DANG, KUN DU BRTAGS PA NI YANG DAG PAR MED PA'I NGO BO NYID GANG YIN PA'O, ,YANG DAG PA JI LTA BA BZHIN DU SHES PA BZHI PO DAG NI RNAM PAR SHES PA LAS GUD NA YANG MED LA RNAM PAR SHES PA NYID KYANG MA YIN PAS YANG DAG PA JI LTA BA BZHIN DU SHES PA ZHES BYA'O, ,SNANG BA THOB PA'I TING NGE 'DZIN LA BRTEN TE KUN DU TSOL BA THAM BSKYED NAS GZUNG BA MED PA NYID DU MTHONG BA LAS NI BRO BAR GYUR PA'I GNAS SKABS RNAM PAR GZHAG STE, 'DI LTAR GNAS SKABS 'DIR THOG MA KHO NAR GZUNG BA MING LA SOGS PA'I CHOS BZHI PO DE DAG NI RANG GI SEMS GYUR PA BTAGS PA TZAM DU YOD KYI, YANG DAG PAR NA DMIGS SU MED PA NYID DU MTHONG BAS SO, SNANG BA MCHED PA'I TING NGE 'DZIN LA BRTEN TE KUN DU TSOL BA MCHOG BSKYED NAS GZUNG BA MED PA NYID DU MTHONG BA LAS NI RTZE MO'I GNAS SKABS @178B RNAM PAR GZHAG STE, 'DI LTAR GNAS SKABS 'DIR YANG NAS YANG DU GZUNG BA MING LA SOGS PA'I CHOS BZHI PO DAG NI RANG GI SEMS GYUR PAR BTAGS PA TZAM DU YOD KYI, YANG DAG PAR NI DMIGS SU MED PA NYID DU MTHONG BAS SO, ,RJES SU MTHUN PA'I TING NGE 'DZIN LA BRTEN TE YANG DAG PA'I JI LTA BA BZHIN DU SHES PA THAM BSKYED NAS GZUNG BA MED PA NYID LA YANG NGES PA NYID DU 'DZIN PAR BYED LA 'DZIN PA MED PA LA YANG GZHOL BA DANG, 'DOD PA DANG BZOD PAR BYED DE, YUL YANG YANG DAG PAR YOD PA MA YIN NA 'DZIN PA DANG BRAL BA'I RNAM PAR SHES PA LTA GZUNG BA'I YUL LAS GUD NA YANG DAG PA'I RNAM PAR SHES PA GA LA YOD SNYAM STE, GZUNG BA DANG 'DZIN PA DAG NI PHAN TSUN LTOS PA LAS RNAM PAR GZHAG PA'I PHYIR RO, ,BAR CHAD MED PA'I TING NGE 'DZIN LA BRTEN TE, YANG DAG PA JI LTA BA BZHIN DU SHES PA MCHOG BSKYED NAS 'DZIN PA GNYIS STONG PA NYID DU MTHONG BA LAS 'JIG RTEN PA'I CHOS KYI MCHOG RNAM PAR GZHAG STE, 'DI LTAR SNGA MA'I BZOD PA CHEN POS NI GZUNG BA 'BA' ZHIG STONG PA NYID DU MTHONG BA LA 'DIR 'JIG RTEN PA'I CHOS KYI MCHOG GIS NI STONG PA NYID GNYI GA MTHONG BAS SO, ,'DZIN PA'I RNAM PAR SHES PA LA BRTEN NAS NI GZUNG BA STONG PA NYID SO SOR RTOG STE, BZOD PA THA MA BYUNG BA'I TSE STONG PA NYID KYI MTSAN MA 'JIG PAR BYED DO, ,BZOD PA 'BRING 'JUG PA'I GNAS SKABS SU NI 'DZIN PA'I RNAM PAR SHES PA LA YANG YUL JI LTA BA BZHIN DU STONG PA YIN PAR GZHOL BA DANG MOS PA DANG BZOD PAR BYED DO, ,BZOD PA CHEN PO 'BYUNG BA'I GNAS SKABS SU NI 'DZIN PA STONG PA NYID KYANG 'JIG PAR BYED DO, ,'JIG RTEN CHOS KYI MCHOG GI DUS SU NI STONG PA DANG MTSAN MA MED PA GNYI GA YANG 'JIG PAR BYED DE MTSAN MA DANG BCAS PA'I PHYIR DANG, DE KHO NA MNGON SUM DU MI BYED PA'I PHYIR BYANG CHUB SEMS DPA'I GNAS BZHI PO DE DAG TU CI YANG RUNG BA ZHIG MDUN DU BZHAG NAS 'DI NI RNAM PAR RIG PA TZAM DU DON DAM PA'I NGO BO NYID YIN NO SNYAM DU SEMS NA 'DI LTAR DE DAG STONG PA DANG, YOD PA'I MTSAN MA GNYIS MA SPANGS SHING MTSAN MA DANG BCAS PAS SEMS LA SO SOR RTOG PAS DMIGS PA DANG BCAS PA'I PHYIR, YANG DAG PAR RNAM PAR RIG PA TZAM GYI DON LA GNAS PA MA YIN GYI DE'I MTSAN MA NYE BAR ZHI BAR GYUR PA NA GDOD YANG DAG PAR GNAS @179A *, ,BA ZHES BYA'O ZHES BSTAN PA YIN TE, DE'I PHYIR TSIGS SU BCAD PA LAS, BYANG CHUB SEMS DPA' MNYAM GZHAG PAS, ,GZUGS BRNYAN SEMS TZAM MTHONG BAS NA, ,DON GYI 'DU SHES LDOG GYUR NAS, ,RANG GI 'DU SHES NGES PAR GZUNG, ,DE LTAR NANG DU SEMS GNAS PAS, , GZUNG BA MED PAR RTOG PAR 'GYUR, ,DE YI 'OG TU 'DZIN MED PAS, ,DE NAS MI DMIGS LEGS PAR 'GYUR, ,ZHES GSUNGS PA YIN NO ZHES 'BYUNG NGO, ,TSIGS SU BCAD PA 'DI NYID KYI BSHAD PA NI, BSTAN BCOS THEG PA CHEN PO BSDUS PA'I 'GREL PA DANG, CHOS MNGON PA SNA TSOGS KUN LAS BTUS PA LAS JI SKAD DU BSTAN PA BZHIN NO, ,DE LA MING LA SOGS PA MED PA NI DRO BAR GYUR PA DANG, RTZE MO'I GNAS SKABS GNYIS SU GZUNG BA STONG PA NYID DU MTHONG BAS SO, ,DE'I PHYIR GNAS SKABS KYI MTSAN MA YANG DAG PAR RJES SU MI MTHONG BA NI BZOD PA DANG 'JIG RTEN PA'I CHOS KYI MCHOG GI TSE 'DZIN PA STONG PA NYID DU MTHONG BAS SO, ,KHA CIG NA RE MDO'I TSIG 'DI NI SA LA GNAS PA YAN CHAD KYI RNAL 'BYOR GYI SGO YIN PAS ZHUS PA SNGA MA'I LAN DU GSUNGS PA YIN TE, 'DI LTAR SA LA GNAS PA YAN CHAD KYI BYANG CHUB SEMS DPA' RNAMS DE BZHIN NYID KYI RNAL 'BYOR LA ZHUGS PA NA MING LA SOGS PA RANG GI NGO BO NYID DANG, DE DAG GI GNAS KYI MTSAN MA RNAMS MI DMIGS PAS YUL DANG SHES PA RO GCIG PA'I MNYAM PA NYID THOB NAS 'DZIN PA'I MTSAN MA YONGS SU SPONG BA'I PHYIR RO ZHE'O,, ,,BAM PO BZHI BCU LNGA PA, BCOM LDAN 'DAS CI DE BZHIN NYID GYI DON SO SO YANG DAG PAR RIG PA'I MTSAN MA GANG LAGS PA DES DE BZHIN NYID KYI MTSAN MA YANG RNAM PAR SEL BAR BGYID LAGS SAM ZHES PA'I BYA BA NI GSUM PA BRTAG PA STE, 'DI LTAR SNGAR BSTAN PA'I DE BZHIN NYID YID LA BGYID PAS DMIGS PA'I DE BZHIN NYID DE YANG RNAM PAR SEL BAR BGYID LAGS SAM ZHES BYA BA'I THA TSIG GO, ,RIGS KYI BU DE BZHIN NYID KYI SO SO YANG DAG PAR RIG PA LA NI MTSAN MA YANG MED LA DMIGS SU YANG MED NA CI ZHIG RNAM PAR SEL BAR 'GYUR ZHES BYA BA LA SOGS PA NI BZHI PA DE BZHIN GSHEGS PAS RNAM PAR BSHAD PA STON TO, ,'DI YANG RNAM PA GNYIS TE, YANG DAG PAR RNAM PAR BSHAD PA DANG, BZLAS @179B TE RNAM PAR BSHAD PA STE, 'DI NI DANG PO'O, ,MDO'I TSIG 'DI LA YANG BSHAD PA RNAM PA GNYIS YOD DE, KHA CIG NA RE MDO'I TSIG 'DI NI SA'I MDUN ROL PA'I RNAL 'BYOR GYI DBANG DU MDZAD NAS GSUNGS PAS PHYI ROL PAS BRGAL BA'I LAN DU GSUNGS PA YIN TE, 'DI LTAR DE BZHIN NYID DU BSGOM PA'I TSE, MTSAN MA RNAMS CI YANG MED DE MTSAN MA MED PA'I PHYIR DMIGS SU YANG MED PA NI CI ZHIG RNAM PAR SEL BAR BYED CE'O, ,KHA CIG NA RE MDO'I TSIG 'DI NI SA LA GNAS PA MAN CHAD KYI DBANG DU MDZAD NAS GSUNGS PAS PHYI ROL LAS BRGAL BA'I LAN DU GSUNGS PA YIN TE, 'DI LTAR DE BZHIN NYID KYI RNAL 'BYOR LA ZHUGS PA NA GZUNG BA DANG 'DZIN PA'I MTSAN MA CI YANG MI DMIGS PAS DE'I PHYIR BSTAN BCOS RNAM PAR RIG PA TZAM DU GRUB PA'I NANG NAS RAB TU RTOGS PA'I GNAS SKABS KYI TSIGS SU BCAD BA LAS, NAM ZHIG DMIGS PA DAG LA NI, ,SHES PAS MI DMIGS DE YI TSE, ,RNAM PAR RIG PA TZAM LA GNAS, ,'DZIN GNYIS MTSAN MA BRAL PHYIR RO, ,ZHES BSTAN PA YIN TE, 'DI NYID KYI 'GREL PA LAS, NAM ZHIG BYANG CHUB SEMS DPA' DMIGS PAR BYA BA'I YUL DAG LA RNAM PAR MI RTOG PA'I YE SHES KYIS CIG CAR YANG MI DMIGS PA NA SPROS PA'I MTSAN MA RNAM PA SNA TSOGS MI LEN PA'I PHYIR RO ZHES 'BYUNG STE, RGYA CHER DE NYID LAS BSTAN PA BZHIN NO, ,RIGS KYI BUD NI DE BZHIN NYID KYI DON SO SO YANG DAG PAR RIG PA'I TSE, CHOS DANG DON GYI MTSAN MA THAMS CAD ZIL GYIS GNON PAR SMRA STE; SO SO YANG DAG PAR RIG PA DE MA YIN PA GZHAN GYIS GNON PAR MI NUS PAS SO ZHES BYA BA NI, GNYIS PA BZLAS TE RNAM PAR BSHAD PA'O, , DE BZHIN NYID KYI MTSAN NI GZHAN GYIS BSAL BAR NUS PA MA YIN TE, DE NI 'DI SKAD DU MTSAN MA GZHAN THAMS CAD NI MTSAN MA DANG BCAS PA'I PHYIR DE BZHIN NYID KYIS RNAM PAR SEL BAR 'GYUR LA DE BZHIN NYID MNGON DU GYUR PA'I TSE, DE BZHIN NYID MNGON DU GYUR PA DE LA MTSAN MA CI YANG MED PAS CHOS GZHAN GYIS DE BZHIN NYID 'DI YONGS SU BSAL BAR BYAR RUNG BA MA YIN NO ZHES BSTAN PAR 'GYUR RO, ,'DI NI DON TSAD MED PA'I MDO LAS DE KHO NA NYID KYI MTSAN NYID CES GANG BSTAN PA DE NI MTSAN MA MED PA LA MTSAN MAR MI BYED PA MTSAN MA MED PA ZHES GSUNGS PA NYID DE, DE LA MTSAN MA MED PA LA @180A *, ,MTSAN MAR MI BYED PA ZHES BYA BA NI MTSAN MA MED PA RNAM PAR MI SEL BA'O, ,MTSAN MAR MI BYED PA MTSAN MA MED PA ZHES BYA BA NI MTSAN MA MED PA NYID YONGS SU BSAL BAR MI BYED PA'O, ,BCOM LDAN 'DAS KYIS JI SKAD DU CHAB RNYOG MA CAN MCHIS PA'I SNOD KYI DPE DANG, ME LONG YONGS SU MA DAG PA'I DPE DANG, MTSE'U 'KHRUGS PA'I DPES GZHAN GYI GZUGS BRNYAN GYI MTSAN MA BRTAG BAR MI NUS LA DE LAS BZLOG PAS NI NUS PA ZHES BYA BA 'DI MAN CHAD NI GNYIS PA ZHUS PA DANG, LAN DAG GIS SO SOR BRTAG PAR NUS PA DANG, MI NUS PA RNAM PAR 'BYED PA ZHES STON TO, ,'DI YANG RNAM PA GNYIS TE, ZHU BA GSOL PA DANG, LAN DU GSUNGS PA'O, ,ZHU BA GSOL PA YANG RNAM PA GNYIS TE, GNAS KYI BRTAG PA SMOS PA DANG, BSTAN PA BZHIN DU ZHU BA GSOL BA NYID DO, ,DANG PO YANG RNAM PA GNYIS TE, DPES BSTAN PA DANG, DPE DANG DON DU SBYAR BA STE, 'DI NI BSTAN PA'O, ,MDO'I TSIG 'DI YANG RNAM PA GNYIS TE, SO SOR BRTAG PAR NUS PA'I DPE DANG SO SOR BRTAG PAR MI NUS PA'I DPE'O, ,'DI LTAR BCOM LDAN 'DAS KYIS CHU RNYOG MA'I SNOD KYI DPE DANG, ME LONG YONGS SU MA DAG PA'I DPE DANG, MTSE'U 'KHRUGS PA'I DPE RNAM PA GSUM PO DE DAG GIS RANG GI BZHIN GYI GZUGS BRNYAN GYI MTSAN MA SO SOR BRTAG PAR MI NUS PAR GSUNGS PA'I PHYIR RO, ,DGONGS PA ZAB MO RNAM PAR DGROL BA'I MDO LAS NI, SNOD YONGS SU MA DAG PA DANG, ME LONG YONGS SU MA DAG PA DANG, CHU LA SOGS PA RNYOG PA DAG GIS BZHIN GYI GZUGS BRNYAN MI MTHONG ZHES 'BYUNG NGO, ,CHU YONGS SU DANG BA'I SNOD KYI DPE DANG, ME LONG YONGS SU DAG PA'I BZHIN GYI DPE DANG, MTSE'U YONGS SU DANG BA'I DPE RNAM PA GSUM PO DE DAG NI GO RIMS BZHIN DU SHES RAB RNAM PA GSUM GYI DPER BSTAN PA YIN TE, CHU YONGS SU DANG BA'I SNOD KYIS KYANG GZUGS BRNYAN STON PAR NUS MOD KYI, 'ON KYANG ME LONG TZAM DU MI PHOD PA'I PHYIR, THOS PA'I SHES RAB KYI DPER BSTAN TO, ,YONGS SU DAG PA'I ME LONG GSAL BA YIN MOD KYI, DANG BA'I NGO BO NYID MED PA'I PHYIR BSAMS PA'I SHES RAB KYI DPER BSTAN TO, ,CHU'I RANG BZHIN NI DUL ZHING MNYEN LA YONGS SU DANG PA DANG, YONGS SU DAG PA'I NGO BO NYID DANG LDAN PA'I PHYIR BSGOMS PA'I @180B SHES RAB KYI DPER BSTAN TE, YANG NA GSUM CHAR YANG SHES RAB RNAM PA GSUM GYI DPER BSTAN PA YIN NO, ,DE BZHIN DU LEGS PAR MA BSGOMS PA'I SEMS KYIS YANG DAG PA JI LTA BA BZHIN DU DE BZHIN NYID JI SNYED YOD PA SO SOR BRTAG PAR MI NUS KYI, LEGS PAR BSGOMS PA GANG YIN PA DES NI NUS SO ZHES BKA' STZAL PA GANG LAGS PA ZHES BYA BA NI GNYIS PA DPE DANG DON DU SBYAR BA STE, GO RIMS BZHIN DU SHES RAB RNAM PA GSUM MA THOB BA'I TSE, LEGS PAR SEMS MA BSGOMS NA YANG DAG PA JI LTA BA BZHIN DU DE BZHIN NYID KYI MTSAN NYID SO SOR BRTAG PAR MI NUS PAS CHU RNYOG PA LA SOGS PA BZHIN DU RANG GI BZHIN MTHONG BAR MI 'GYUR LA LEGS PAR SEMS BSGOMS PA GANG YIN PA DES NI SO SOR BRTAG PAR NUS PAS CHU YONGS SU DANG BA LA SOGS PAS RANG GI BZHIN MTHONG BAR 'GYUR BA BZHIN NO, ,DE LA JI LTA BU ZHIG LA SO SOR BRTAG PA'I SEMS LEGS PAR GSUNGS SHING DE BZHIN NYID NI GANG LAS DGONGS TE DE SKAD BKA' STZAL LAGS ZHES BYA BA NI GNYIS PA BSTAN PA BZHIN DU ZHU BA GSOL PA NYID DO, ,ZHU BA GSOL BA'I DGONGS PA YANG RNAM PA GNYIS TE, DANG PO NI SO SOR BRTAG PA'I SEMS ZHUS PA STE, SO SOR BRTAG PA'I SEMS GANG LAS DGONGS TE, DE SKAD DU GSUNGS ZHES BYA BA'I THA TSIG GO, ,GNYIS PA NI SO SOR BRTAG PAR BYA BA'I YUL ZHUS PA STE, DE BZHIN NYID GANG LAS DGONGS TE RDE SKAD DU BKA' STZAL ZHES BYA BA'I THA TSIG GO, ,RIGS KYI BU 'DIR NI SO SOR BRTAG PA'I SEMS RNAM PA GSUM BSTAN PA YIN TE, 'DI LTAR THOS PA LAS BYUNG BA'I SO SOR BRTAG PA'I SEMS DANG, BSAMS PA LAS BYUNG BA'I SO SOR BRTAG PA'I SEMS DANG, BSGOMS PA LAS BYUNG BA'I SO SOR BRTAG PA'I SEMS SO, ,RNAM PAR RIG PA'I DE BZHIN NYID LAS DGONGS TE DE SKAD BSTAN PA YIN NA NI ZHES BYA BA NI GNYIS PA DE BZHIN GSHEGS PAS YANG DAG PAR LAN DU GSUNGS PA'O, ,MDO'I TSIG 'DI YANG RNAM PA GNYIS TE, DANG BO NI SO SOR BRTAG PA'I LAN BSTAN TE, SHES RAB RNAM PA GSUM GYI SEMS NYID DO, ,DE'I PHYIR DGONGS PA ZAB MO RNAM PAR DGROL BA'I MDO LAS, SEMS KYIS SO SOR BRTAG PA RNAM PA GSUM ZHES GSUNGS PA YIN NO, @181A *, ,GNYIS PA SO SOR BRTAG PAR BYA BA'I LAM BSTAN PA YIN TE, DE BZHIN NYID RNAM PA BDUN LAS RNAM PAR RIG PA'I DE BZHIN NYID DO, ,DE BZHIN NYID DE YANG RNAM PA GNYIS TE, DANG PO NI 'DU BYED THAMS CAD RNAM PAR RIG PA TZAM GYI NGO BO NYID YIN PA'I PHYIR DE BZHIN NYID CES BYA STE, 'DI NI KUN RDZOB TU RNAM PAR RIG PA TZAM DU BSGOM PA'O, ,GNYIS PA NI RNAM PAR RIG PA TZAM GYI NGO BO NYID LA RNAM PAR RIG PA'I NGO BO NYID CES BYA STE, 'DI NI DON DAM PAR RNAM PAR RIG PA TZAM DU BSGOM PA'O, ,DE YANG SA'I MDUN ROL PA GANG YIN PA DE DAG NI RNAM PAR RIG PA TZAM GYI MTSAN MA LA SO SOR RTOG PAR BYED DO, ,SA DANG PO YAN CHAD KYIS NI RNAM PAR RIG PA TZAM GYI NGO BO NYID LA SO SOR RTOG PAR BYED DE, 'DI NI RNAL 'BYOR PA GNYI GA SPYIR BSTAN PA YIN NO, ,BCOM LDAN 'DAS DE LTAR CHOS DANG DON SO SO YANG DAG PAR RIG PA'I BYANG CHUB SEMS DPA' MTSAN MA RNAMS RNAM PAR SEL BA LA SBYOR BAR BRTZON PAS MTSAN MA DU ZHIG RNAM PAR BSAL DKA' LAGS LA, GANG GIS NI RNAM PAR SEL BAR BGYID LAGS ZHES BYA BA 'DI MAN CHAD NI GSUM PA ZHUS PA DANG, LAN DAG GIS MTSAN MA BSAL BAR DKA' BA RNAMS RNAM PAR 'BYED PA ZHES BYA BA STON TO, ,'DI YANG RNAM PA GSUM DU DBYE STE, ZHUS PA DANG LAN DAG GIS MTSAN MA BSAL BAR DKA' BA LA SOGS PA RNAM PAR 'BYED PA DANG, BCOM LDAN 'DAS MTSAN MA RNAM PA BCU RNAM PAR SEL BAR BGYID PA NA ZHES BYA BA MAN CHAD ZHUS PA DANG LAN DAG GIS MTSAN MA YONGS SU BSAL BA'I RNAM PAR GROL BA RNAM PAR 'BYED PA DANG, DE NAS BYANG CHUB SEMS DPA' BYAMS PA ZHES BYA BA MAN CHAD ZHUS PA DANG, LAN DAG GIS STONG PA NYID KYI MTSAN NYID BSDUS PA RNAM PAR 'BYED PA'O, ,DE LA DANG POR MTSAN MA BSAL BA DKA' BA RNAM PAR 'BYED PA YANG ZHU BA GSOL BA DANG LAN DU GSUNGS PAS BSTAN TE, 'DI NI DANG PO MTSAN MA YONGS SU BSAL BAR DKA' PA'I GRANGS DANG RNAM PAR SEL PAR BYED PA'I STONG PA NYID ZHUS PA'O, ,RIGS KYI BU MTSAN MA NI RNAM PA BCU YOD DE, STONG PA NYID KYI RNAM PAR SEL TO ZHES BYA BA 'DI MAN CHAD NI GNYIS PA DE BZHIN GSHEGS PAS YANG DAG PAR LAN DU GSUNGS PA'O, ,DE YANG RNAM PA GSUM DU DBYE STE, GRANGS @181B SMOS NAS LAN MDOR GSUNGS PA DANG, BRTAG PA DANG, DE BZHIN GSHEGS PAS RGYA CHER RNAM PAR BSHAD PA STE 'DI NI DANG PO'O, ,DE LA MTSAN MA NI RNAM PA BCU ZHES BYA BA NI ZHUS PA DANG PO'I LAN GSUNGS PA STE, 'DI LTAR MTSAN MA YONGS SU BSAL BAR DKA' BA NI MDOR BSDU NA RNAM PA BCU YOD PAS SO, , MTSAN MA RNAM PA BCU PO DE DAG KYANG STONG PA NYID DU BSGOMS PAS RNAM PAR SEL BAR 'GYUR GYI, JI LTAR DNGOS PO DAG LA MI GTZANG BA NYID DU SGOM PA LA SOGS PA LTA BU NI MA YIN NO, ,STONG PA NYID BSGOMS PAS YONGS SU GTZANG BA LA SOGS PA RNAM PAR SEL BA MA YIN MOD KYI, DE LAS RAB TU DBYE BA'I PHYIR RNAM PAR BSAL DKA' BA'O ZHES BYA BA GSUNGS SO, ,'OG NAS MDO LAS GSUNGS PA DANG SBYAR NA MTSAN MA RNAM PA BCU DRUG YOD NA, CI'I PHYIR MTSAN MA RNAM PA BCU KHO NA GSUNGS SHE NA, SMRAS PA, YANG DAG PA'I DON DU NA RAB TU DBYE BA'I MTSAN MA RNAM PA BCU DRUG YOD KYANG SO SOR YANG DAG PAR RIG PA'I DON RNAM PA BCU YOD PA'I PHYIR, MDOR BSDUS NAS MTSAN MA RNAM PA BCU BSTAN PA YIN NO, ,STONG PA NYID KYIS RNAM PAR SEL TO ZHES BYA BA NI ZHUS PA GNYIS PA'I LAN DU GSUNGS PA STE, STONG PA NYID RNAM PA BCU BDUN GYIS RNAM PAR SEL TO ZHES BYA BA'I THA TSIG GO, ,DGONGS PA ZAB MO RNAM PAR DGRAL BA'I MDO LAS NI STONG PA NYID BCO BRGYAD 'BYUNG STE MTSAN MA BRGYAD PA LA STONG PA NYID LNGA YOD PA'I PHYIR RO, ,BCU GANG ZHE NA ZHES BYA BA NI GNYIS PA BRTAG PA'O, ,CHOS DANG DON SO SO YANG DAG PAR RIG PA'I PHYIR TSIG 'BRU DANG YI GE SNA TSOGS YOD PA GANG YIN PA'O ZHES BYA BA LA SOGS PAS NI GSUM PA DE BZHIN GSHEGS PAS RGYA CHER RNAM PAR BSHAD PA STON TO, ,'DI YANG MTSAN MA RNAM PA BCU PO DAG STONG PA NYID KYIS MTSAN MA RNAM PA BCU RNAM PAR SEL BA BSTAN PA NYID KYIS RNAM PA BCUR DBYE STE 'DI NI DANG PO'O, ,DANG PO YANG RNAM PA GNYIS TE, YONGS SU BSAL BAR BYA BA'I MTSAN MA SMOS PA DANG, YONGS SU SEL BAR BYED PA'I STONG PA NYID BSTAN PA STE 'DI NI DANG PO'O, ,DE LA CHOS DANG DON ZHES BYA BA LA, CHOS NI BSTAN PA'I CHOS SO, ,DON NI YUL GYI DON TO, ,CHOS NYID DON YIN PA'I PHYIR 'DI NI LAS YONGS SU 'DZIN PA'I RNAM PAR BSHAD PA'O, ,TSIG 'BRU DANG YI GE ZHES BYA BA NI MING DANG @182A *, ,YI GE'I TSOGS KYANG SPYIR TSIG 'BRU DANG YI GE ZHES BYA STE, DE'I PHYIR BSTAN BCOS RNAL 'BYOR SPYOD PA'I SA LAS DE LA MDO SDE'I LUS NI MDOR BSDU NA RNAM PA GNYIS TE TSIG 'BRU DANG DON TO, ,DE LA TSIG 'BRU NI GNAS YIN LA DON NI DE LA GNAS PA YIN PAR RIG PAR BYA'O, ,DE LA TSIG 'BRU GANG ZHE NA, 'DI LTA STE, MING GI TSOGS DANG TSIG GI TSOGS DANG, YI GE'I TSOGS SO ZHES 'BYUNG BAS DE'I PHYIR TSIG 'BRU NI MING DANG TSIG DANG YI GE LA BYA BAR MNGON NO, ,DE NI 'DI SKAD DU, 'DI LTAR BYANG CHUB SEMS DPA' RNAMS THOG MA KHO NAR RNAL 'BYOR BSGOM PA'I TSE, GSUNG RAB YAN LAG BCU GNYIS PO DAG YUL GYI DON DU SO SOR YANG DAG PAR RIG PAR BYA BA'I PHYIR, TSIG 'BRU DANG YI GE'I MTSAN MA SNA TSOGS SNANG BAR GYUR TO ZHES BSTAN PAR 'GYUR RO, ,DE NI CHOS THAMS CAD STONG PA NYID KYIS YANG DAG PAR RNAM PAR SEL TO ZHES BYA BA NI GNYIS PA YONGS SU SEL BAR BYED PA'I STONG PA NYID BSTAN PA'O, ,STONG PA NYID DE DAG KYANG SO SO NAS BSHAD PA MI MTHUN TE, 'PHAGS PA SHES RAB KYI PHA ROL TU PHYIN PA MDO DUM BU DANG PO LAS NI STONG PA NYID RNAM PA NYI SHU'I DON STON PAR MDZAD DE, DE'I PHYIR MDO DE NYID LAS, GZHAN YANG RAB 'BYOR BYANG CHUB SEMS DPA' SEMS DPA' CHEN PO RNAMS KYI THEG PA CHEN PO'I MTSAN NYID NI 'DI LTA STE, NANG STONG PA NYID DANG, PHYI STONG PA NYID DANG, PHYI NANG STONG PA NYID DANG, STONG PA NYID STONG PA NYID DANG, CHEN PO STONG PA NYID DANG, DON DAM PA STONG PA NYID DANG, 'DUS BYAS STONG PA NYID DANG, 'DUS MA BYAS STONG PA NYID DANG, MTHA' LAS 'DAS PA STONG PA NYID DANG, THOG MA DANG THA MA MED PA STONG PA NYID DANG, DOR BA MED PA STONG PA NYID DANG, RNAM PAR 'GYUR BA MED PA STONG PA NYID DANG, RANG BZHIN GYIS STONG PA NYID DANG, RANG GI MTSAN NYID DANG SPYI'I MTSAN NYID STONG PA NYID DANG, CHOS THAMS CAD STONG PA NYID DANG, MI DMIGS PA STONG PA NYID DANG, DNGOS PO MED PA STONG PA NYID DANG, NGO BO NYID STONG PA NYID DANG, DNGOS PO MED PA'I NGO BO NYID STONG PA NYID GANG YIN PA DE NI BYANG CHUB SEMS DPA' SEMS DPA' CHEN PO RNAMS KYI THEG PA CHEN PO'I MTSAN NYID CES BYA'O, ,RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS NANG STONG PA NYID GANG LAGS, BCOM LDAN @182B 'DAS KYIS BKA' STZAL PA, RAB 'BYOR NANG NI NANG GI CHOS NANG GI SKYE MCHED DRUG PO DAG NYID DE DE LA MIG NI MIG GIS STONG NGO, ,DE CI'I PHYIR ZHE NA, RTAG PA YANG MA YIN 'JIG PA YANG MA YIN TE, RANG BZHIN GYIS DE LTA YIN PA'I PHYIR RO, ,RNA BA LA SOGS PA YANG DE BZHIN NO, ,PHYI NI PHYI ROL GYI CHOS PHYI ROL GYI SKYE MCHED DRUG PO RNAMS TE GONG MA BZHIN DU RIG PAR BYA'O, ,PHYI NANG ZHES BYA BA NI PHYI NANG GI CHOS SKYE MCHED BCU GNYIS PO DAG STE, DE LA NANG GI SKYE MCHED DRUG NI PHYI ROL GYI SKYE MCHED DRUG GIS STONG NGO, ,DE CI'I PHYIR ZHE NA, RTAG PA YANG MA YIN 'JIG PA YANG MA YIN TE RANG BZHIN GYIS DE LTA YIN PA'I PHYIR RO, ,STONG PA NYID STONG PA NYID GANG ZHE NA, 'DI LTA STE, CHOS THAMS CAD STONG PA NYID GANG YIN PA STE, STONG PA NYID 'DI NI STONG PA NYID KYIS STONG NGO, ,DE CI'I PHYIR ZHE NA, RTAG PA YANG MA YIN 'JIG PA YANG MA YIN TE RANG BZHIN GYIS DE LTA YIN PA'I PHYIR RO, ,BCOM LDAN 'DAS KYIS BKA' STZAL PA, CHEN PO STONG PA NYID NI 'DI LTA STE, PHYOGS BCU STONG PA NYID GANG YIN PA'O, ,BCOM LDAN 'DAS KYIS BKA' STZAL PA, DON DAM PA STONG PA NYID NI 'DI LTA STE, MYA NGAN LAS 'DAS PA NYID DE DON DAM PA 'DI NI DON DAM PA STONG PA NYID KYIS STONG NGO, ,BCOM LDAN 'DAS KYIS BKA' STZAL PA, RAB 'BYOR 'DUS BYAS STONG PA NYID NI 'DI LTA STE, KHAMS GSUM PO DAG GANG YIN PA'O, ,DE LA 'DOD PA'I KHAMS NI 'DOD PA'I KHAMS KYIS STONG STE, GZUGS DANG GZUGS MED PA YANG DE BZHIN NO, ,BCOM LDAN 'DAS GYIS BKA' STZAL PA, 'DUS MA BYAS PA STONG PA NYID NI 'DI LTA STE, SKYE BA MED PA DANG, GNAS PA MED PA DANG, 'GYUR BA MED PA DANG, 'GAG PA MED PA GANG YIN PA'O, ,'DUS MA BYAS 'DI NI 'DUS MA BYAS KYIS STONG NGO, ,MTHA' LAS 'DAS PA STONG PA NYID NI 'DI LTA STE, STONG PA NYID RNAMS MTHAR DMIGS SU MED PA GANG YIN PA'O, ,BCOM LDAN 'DAS KYIS BKA' STZAL PA, THOG MA DANG THA MA MED PA STONG PA NYID NI 'DI LTA STE, THOG MA DANG THA MA MI DMIGS SHING 'GRO BA DANG 'ONG BA'I MTHA' MI DMIGS PA GANG YIN PA'O, ,BCOM LDAN 'DAS KYIS BKA' STZAL PA, DOR BA MED PA STONG PA NYID NI 'DI LTA STE, DOR ZHING BSAL BA DAG DMIGS PA GANG YIN PA'O, ,BCOM LDAN 'DAS KYIS BKA' STZAL PA, RNAM PAR 'GYUR BA MED PA STONG PA NYID NI 'DI LTA STE, DOR ZHING @183A *, ,BSAL BA MED PAS YONGS SU SPANG BAR BYA BA MED PA DAG DMIGS PA GANG YIN PA'O, ,BCOM LDAN 'DAS KYIS BKA' STZAL PA, RANG BZHIN GYIS STONG PA NYID NI 'DI LTA STE, CHOS THAMS CAD NI RANG BZHIN GYIS 'DUS BYAS KYI CHOS KYI NGO BO NYID DAM 'DUS MA BYAS KYI CHOS KYI NGO BO NYID GANG YIN PA DE DAG NI THEG PA GSUM PO DAG GIS BYAS PA MA YIN GZHAN GYIS KYANG BYAS PA MA YIN PA GANG YIN PA'O, ,BCOM LDAN 'DAS KYIS BKA' STZAL PA, RANG GI MTSAN NYID NI 'DI LTA STE, CHOS THAMS CAD KYI RANG GI MTSAN NYID RNAM PAR 'GYUR ZHING THOGS PA DANG BCAS PA NI GZUGS KYI RANG GI MTSAN NYID DO, ,MYONG BA NI TSOR PA'I RANG GI MTSAN NYID DO, ,MTSAN MAR 'DZIN PA NI 'DU SHES KYI RANG GI MTSAN NYID DO, ,MNGON PAR 'DU BYED PA NI 'DUS BYED KYI RANG GI MTSAN NYID DO, ,RNAM PAR RIG PA NI RNAM PAR SHES PA'I RANG GI MTSAN NYID DO ZHES BYA BA LA SOGS PA LTA BU STE, 'DUS BYAS KYI RANG GI MTSAN NYID DAM, 'DUS MA BYAS KYI RANG GI MTSAN NYID GANG YIN PA'O, ,BCOM LDAN 'DAS KYIS BKA' STZAL PA, SPYI'I MTSAN NYID NI 'DI LTA STE, CHOS THAMS CAD KYI SPYI'I MTSAN NYID DE, DPER NA SDUG BSNGAL NI ZAG PA DANG BCAS PA'I CHOS KYI SPYI'I MTSAN NYID DO, ,MI RTAG PA NI ZAG PA DANG BCAS PA'I CHOS KYI SPYI'I MTSAN NYID DO, ,BDAG MED PA NI CHOS THAMS CAD KYI SPYI'I MTSAN NYID DO ZHES BYA BA DANG, DE LTA BU LA SOGS PA SPYI'I MTSAN NYID DPAG TU MED PA GANG YIN PA'O, ,BCOM LDAN 'DAS KYIS BKA' STZAL PA, CHOS THAMS CAD NI 'DI LTA STE, PHUNG PO LNGA DANG, SKYE MCHED BCU GNYIS DANG, KHAMS BCO BRGYAD DE GZUGS CAN DANG, GZUGS CAN MA YIN PA DANG, BSTAN DU YOD PA DANG, BSTAN DU MED PA DANG, THOGS PA DANG BCAS PA DANG, THOGS PA MED PA DANG, ZAG PA DANG BCAS PA DANG, ZAG PA MED PA DANG, 'DUS BYAS DANG, 'DUS MA BYAS GANG YIN PA'O, ,BCOM LDAN 'DAS KYIS BKA' STZAL BA, MI DMIGS PA NI 'DI LTAR CHOS THAMS CAD MI DMIGS PA, 'DI LTA STE, DUS GSUM MI DMIGS PAS 'DAS PA LA DUS GNYIS MED PAS MI DMIGS PA DANG, MA 'ONGS PA LA DUS GNYIS MED PAS MI DMIGS PA DANG, DA LTAR LA DUS GNYIS MED PAS MI DMIGS PA GANG YIN PA'O, ,BCOM LDAN 'DAS @183B KYIS BKA' STZAL PA, DNGOS PO MED PA'I STONG PA NYID NI 'DI LA DNGOS PO CUNG ZAD TZAM YANG MI DMIGS PA GANG YIN PA'O, ,BCOM LDAN 'DAS KYIS BKA' STZAL PA, NGO BO NYID STONG PA NYID 'DI LTA STE, CHOS RNAMS KYI 'DUS PA'I NGO BO NYID MI DMIGS PA GANG YIN PA'O, ,BCOM LDAN 'DAS KYIS BKA' STZAL PA, DNGOS PO MED PA'I NGO BO NYID NI 'DI LTA STE, CHOS RNAMS LA 'DUS PAR BYED PA'I NGO BO NYID DANG, 'DUS PAR BYA BA'I NGO BO NYID DANG BCAS PA MED PA GANG YIN PA'O ZHES GSUNGS TE, DE LA DNGOS PO MED PA'I ZHES BYA BA NI DNGOS PO RNAMS KYI BDAG NYID MED PA GANG YIN PA'O, ,NGO BO NYID CES BYA BA NI GNYI GA BSDUS TE BSTAN PA'O, , GZHAN YANG STONG PA NYID NI RNAM PA BZHI PO 'DI LTA STE, DNGOS PO YOD PA DANG, DNGOS PO MED PA DANG, RANG GI NGO BO NYID DANG, GZHAN GYI NGO BO NYID DO, ,DE LA DNGOS PO YOD PA NI 'DI LTA STE, 'DUS MA BYAS SO, ,RANG GI NGO BO NYID NI 'DI LTA STE, CHOS THAMS CAD RANG GI NGO BO NYID KYIS STONG PA GANG YIN PA'O, ,STONG PA NYID DE YANG SHES PAS BYAS PA MA YIN, MTHONG BAS BYAS PA MA YIN, GZHAN GYIS BYAS PA MA YIN NO, ,GZHAN ZHES BYA BA NI 'DI LTA STE, DE BZHIN GSHEGS PA 'JIG RTEN DU BYUNG YANG RUNG MA BYUNG YANG RUNG STE, CHOS THAMS CAD NI CHOS GNAS PA NYID CES BYA BA NAS YANG DAG PA'I MTHA' ZHES BYA BA'I BAR DAG YIN PAS THAMS CAD KYANG GZHAN GYI NGO BO NYID KYI PHYIR STONG PA NYID GANG YIN PA'O ZHES GSUNGS SO, ,GZHAN YANG 'PHAGS PA SHES RAB KYI PHA ROL TU PHYIN PA'I MDO DUM BU GNYIS PA LAS NI, STONG PA NYID BCO BRGYAD STON PAR MDZAD DE, SNGAR BSTAN PA'I STONG PA NYID RNAM PA NYI SHU DANG, SPROS PA DANG BSDUS PA'I BYE BRAG YOD KYANG DON LA NI YANGS DOG MED DO, ,RNAM PA NYI SHU LAS DOR BA DANG, RNAM PAR 'GYUR BA MED PA NI DOR BA DANG DOR BA MED PA STONG PA NYID CES GCIG TU BSDUS PA DANG, RANG GI MTSAN NYID STONG PA NYID NI RANG DANG SPYI'I MTSAN NYID CES GCIG TU BSDUS PAS SO, ,'PHAGS PA SHES RAB KYIS PHA ROL TU PHYIN PA'I MDO DUM BU GSUM PA LAS NI STONG PA NYID BCU DGU'I MING BKOD NAS RNAM PAR BSHAD PA NI MED DE, DE YANG STONG PA NYID DANG PO RNAM PA BCU DRUG NI SNGAR BSTAN PA DANG MTHUN NO, ,STONG PA NYID PHYI MA GSUM LA NI BYE BRAG YOD DE, 'DI LTA STE, DMIGS PA STONG PA NYID DANG, BDAG PO STONG PA NYID DANG, GCIG LA GCIG MED PA'I STONG PA NYID DO ZHES @184A *, ,'BYUNG NGO, ,DUM BU GSUM PA LAS STONG PA NYID RNAM PA BCU DRUG BSTAN PA YANG STONG PA NYID RNAM PA NYI SHU LAS RANG GI MTSAN NYID STONG PA NYID DANG, SPYI'I MTSAN NYID STONG PA NYID CES BYA BA DE MTSAN NYID CES GCIG TU BSDUS PA DANG, DOR BA MED PA STONG PA NYID DANG, MI DMIGS PA STONG PA NYID DANG, RANG BZHIN GYIS STONG PA NYID LA TSANG BAS SO, ,DE LA MING LA BYE BRAG YOD PA YANG RNAM PAR 'GYUR BA MED PA STONG PA NYID CES BYA BA DE DOR BA MED PA STONG PA NYID CES BYA BAR 'GYUR TE, MTSAN NYID RNAM PAR BSHAD PA NI STONG PA NYID NYI SHU BSTAN PA'I SKABS SU BSHAD PA DANG MTHUN NO, ,'PHAGS PA SHES RAB KYI PHA ROL TU PHYIN PA DUM BU GNYIS PA BAM PO BZHI BRGYA GSUM PA LAS NI, STONG PA NYID RNAM PA BDUN YOD PAR BSTAN TE, PHUNG PO LNGA DANG, SKYE MCHED BU GNYIS DANG, KHAMS BCO BRGYAD DANG, BDEN PA BZHI DANG, RTEN CING 'BREL BAR 'BYUNG BA'I YAN LAG BCU GNYIS DANG, 'DUS BYAS DANG 'DUS MA BYAS LA SOGS PA'I CHOS THAMS CAD RANG BZHIN GYI NGO BO NYID DO ZHES MING BKOD PAR ZAD KYI RNAM PAR BSHAD PA NI MED DO, ,LE'U CHEN PO MDO LAS NI, STONG PA NYID BCO BRGYAD DANG, STONG PA NYID BZHI ZHES STON TO, ,'PHAGS PA SHES RAB KYI PHA ROL TU PHYIN PA'I 'GREL PA LAS KYANG, STONG PA NYID BCO BRGYAD DANG, STONG PA NYID BZHI ZHES STON TO, ,GZHAN YANG DE BZHIN NYID LAS STONG PA NYID BCO BRGYAD PO NANG STONG PA NYID LA SOGS PA'I MJUG TU THAMS CAD LAS RTAG PA YANG MA YIN 'JIG PA YANG MA YIN PA'I PHYIR RO ZHES GSUNGS PA'I DON DE JI LTA BU ZHE NA, SMRAS PA, GANG GIS STONG PA NYID 'DI MA BSGOMS NA GDON MI ZA BAR MTHA' GNYIS PO RTAG PA'AM CHAD PA NYID DU LTUNG BAR 'GYUR RO, ,DE CI'I PHYIR ZHE NA, GAL TE CHOS RNAMS YANG DAG PAR YOD PA ZHIG YIN NA NI 'GAG PA'I DON MED PAR 'GYUR BAS RTAG PA NYID DU LTUNG BAR 'GYUR TE, DPER NA 'GA' ZHIG KHANG PA GCIG NAS BYUNG STE, KHANG PA GCIG TU 'JUG PA MIG GIS MI MTHONG BA YANG MED CES BYAR MI RUNG BA BZHIN DU CHOS RNAMS KYANG DE BZHIN TE, MA 'ONGS BA'I DUS NAS NI DA LTAR GYI DUS SU 'JUG LA, DA LTAR GYI DUS NAS 'DAS PA'I DUS SU 'JUG NA NI DA LTAR 'GAG PA MA YIN PA NYID DU 'GYUR BA ZHIG NA RNAL 'BYOR BA DAG NI YOD PA LA NYES DMIGS SU LTA BAS STONG PA NYID KYIS YOD PAR 'DZIN PAR @184B BYED DO, ,SEMS KYANG STONG PA NYID LA GYA NOM PA NYID DU BLTAS NAS STONG PA NYID LA MNGON PAR ZHEN PAR BYED NA NI CHAD PA NYID DU LTUNG BAR 'GYUR BAS DE'I PHYIR RNAL 'BYOR PA DAG STONG PA NYID KYIS YOD PA 'JIG PAR BYED KYANG STONG PA NYID MNGON PAR ZHEN PAR YANG MI BYED PAS MTHA' GNYIS SPANGS NAS DBU MA'I LAM DU 'JUG STE, STONG PA NYID BCO BRGYAD PO DAG KYANG THUGS RJE CHEN POS SEMS CAN BZLA BA'I CHED DU GSUNGS PA YIN PAS DE'I PHYIR STONG PA NYID BCO BRGYAD PO DAG GI MJUG TU RTAG PA MA YIN, 'JIG PA MA YIN ZHES BYA BA GSUNGS PA GANG YIN PA DE NI THEG PA CHEN PO ZHES BYA'O, ,'DI LAS BZLOG PA GANG YIN PA DE NI SPROS PA LA DGA' BA GANG ZAG SMYON PA ZHES BYA STE, SANGS RGYAS KYI CHOS LAS CI YANG THOB PA MED PA YIN NO, ,DE NI DPER NA LA LA ZHIG RIN PO CHE'I PHUNG PO'I NANG NAS NOR BU DE ZAN LEN PAR BYED PA'I MIG GIS BZANG BA NYID DU MTHONG YANG RIN THANG CI YANG MED PA BZHIN NO, ,GAL TE STONG PA NYID BCO BRGYAD PO DAG GIS STONG BA NYID RNAMS BSDUS PA YIN NA, CI'I PHYIR NA STONG PA NYID BZHI GSUNGS SHE NA, SMRAS PA, STONG PA NYID BCO BRGYAD KYIS STONG PA NYID MA LUS PAR BSDUS PA YIN MOD KYI, SANGS RGYAS RNAMS KYIS STON PAR MDZAD PA NI RNAM PA GNYIS YOD DE, DE CHED 'GA' NI SNGAR BSDUS NAS PHYIS RGYA CHEN PO STON TO, ,CHED 'GA' NI SNGAR RGYA CHER BSTAN NAS PHYIS BSDUS TE BSTAN TO, ,DON RNAM PAR BSHAD PA'I PHYIR NI SNGAR RGYA CHER BSTAN NAS PHYIS BSDUS TE BSTAN PAR MDZAD DO, ,GZUNGS LA BA DANG 'KHOR 'DUS PAR PHYIS 'ONGS PA'I SEMS CAN DAG GI CHED DU NI MDOR BSDUS NAS DON GCES PA NYID DAM, YANG NA TSIGS SU BCAD PAS STON PAR MDZAD DE, DE'I PHYIR 'DIR BCOM LDAN 'DAS KYIS SNGAR NI RGYA CHER STONG PA NYID BCO BRGYAD BSTAN LA, PHYIS NI BZHIR BSDUS TE BSTAN PA YIN NO ZHES 'BYUNG STE, RGYA CHER DE NYID LAS BSTAN PA BZHIN NO, ,'PHAGS PA MYA NGAN LAS 'DAS PA CHEN PO'I MDO LAS NI, STONG PA NYID BCU GCIG CES 'BYUNG NGO, , 'PHAGS PA 'DUS PA CHEN PO'I MDO LAS NI STONG PA NYID BCO BRGYAD DU STON TO, ,LE'U CHEN PO'I MDO LAS NI, STONG PA NYID BCO BRGYAD DANG STONG PA NYID BZHI ZHES STON TO, ,BSTAN BCOS RNAM PAR BSHAD PA DANG, DBUS DANG MTHA' RNAM PAR 'BYED PA LAS NI STONG PA NYID BCU DRUG TU STON TO, ,'PHAGS PA LANG @185A *, ,GAR GSHEGS PA'I MDO DANG, 'PHAGS PA SHES RAB GYI PHA ROL TU PHYIN PA'I 'GREL PA LAS NI, STONG PA NYID NI RNAM PA DRUG GO ZHES BSHAD DO, ,BSTAN BCOS RNAL 'BYOR SPYOD PA'I SA LAS NI STONG PA NYID NI BZHI ZHES 'BYUNG STE, MDO DANG BSTAN BCOS LAS STONG PA NYID BCO BRGYAD DANG, STONG PA NYID BCU DRUG DANG, STONG PA NYID BCU BZHI DANG, STONG PA NYID RNAM PA GNYIS ZHES BSTAN PA YANG ZHIB TU MTSAN NYID BSTAN PA DAG LAS 'BYUNG BA BZHIN DU RIG PAR BYA'O, ,DE YANG CHAD DU BSTAN PA RNAMS LAS BSHAD PA DAG BRJOD NAS, DA NI MDO'I TSIG GI DON BSHAD PAR BYA'O, ,MDO 'DI LAS NI STONG PA NYID BCU BDUN STON PAR MDZAD DE, STONG PA NYID NYI SHU LAS DOR BA DANG, RANG BZHIN GYIS STONG PA NYID RNAM PA GNYIS MA TSANG NGO, NYI SHU LAS RANG GI MTSAN NYID DANG, SPYI'I MTSAN NYID STONG PA NYID RNAM PA GNYIS NI MTSAN NYID STONG PA NYID RNAM PA GCIG TU BSDUS PA'I PHYIR BCU BDUN DU GYUR PA YIN NO, ,STONG PA NYID BCO BRGYAD LAS NI RANG BZHIN GYIS STONG PA NYID MA TSANG NGO, ,'DI NI DANG PO CHOS THAMS CAD STONG PA NYID DE, 'PHAGS PA SHES RAB KYI PHA ROL TU PHYIN PA'I MDO LAS, CHOS THAMS CAD STONG PA NYID NI 'DI LTA STE, PHUNG PO LNGA DANG, KHAMS BCO BRGYAD DANG, SKYE MCHED BCU GNYIS TE, GZUGS CAN DANG, GZUGS MED PA DANG, BSTAN DU YOD PA DANG, BSTAN DU MED PA DANG, THOGS PA DANG BCAS PA DANG, THOGS PA MED PA DANG, ZAG PA DANG BCAS PA DANG, ZAG PA MED PA DANG, 'DUS BYAS DANG, 'DUS MA BYAS PA'I CHOS THAMS CAD GANG YIN PA'O ZHES GSUNGS SO, ,'PHAGS PA SHES RAB KYI PHA ROL TU PHYIN PA'I 'GREL PA LAS, CHOS THAMS CAD STONG PA NYID CES BYA BA LA, CHOS THAMS CAD NI PHUNG PO LNGA DANG, SKYE MCHED BCU GNYIS DANG, KHAMS BCO BRGYAD LA SOGS PA'O ZHES 'BYUNG STE, ZHIB TU DE NYID LAS BSTAN PA BZHIN NO, ,BSTAN BCOS LAS STONG PA NYID BCO BRGYAD BSTAN PA DANG, DBUS DANG MTHA' RNAM PAR 'BYED PA LAS CHOS THAMS CAD CES BYA BA NI, DE BZHIN GSHEGS PA'I STOBS BCU DANG, MI 'JIGS PA LA SOGS PA STE, 'DIR CHOS THAMS CAD NI SANGS RGYAS KYI CHOS YONGS SU DAG PA THAMS CAD DO ZHES BSHAD DO, ,MDO LAS NI RJOD PAR BYED PA'I BSTAN PA THAMS CAD SDUD PAR BYED PA'I PHYIR TSIG 'BRU DANG YI GE LA BRTEN @185B NAS CHOS THAMS CAD STONG PA NYID RAB TU BSTAN PA YIN NO, ,CI'I PHYIR MDO 'DI LAS MTSAN MA RNAM PA BCU DANG, STONG PA NYID BCU BDUN BSTAN ZHE NA, SMRAS PA, 'PHAGS PA SHES RAB KYI PHA ROL TU PHYIN PA'I 'GREL PA LAS, JI SKAD DU BSDUS NA NI YONGS SU RDZOGS PAR MI 'GYUR LA, SPROS NA NI BYA BA DAG MANG POR 'GYUR BA'I PHYIR BCO BRGYAD KHO NA'O ZHES BSTAN PA LTA BU STE, 'DI YANG DE DANG MTSUNGS SO, ,GNAS BA'I DE BZHIN NYID KYI DON SO SO YANG DAG PAR RIG PA'I PHYIR SKYE BA DANG, 'JIG PA DANG, GNAS PA DANG, GZHAN DU GYUR PA NYID KYI RGYUN GYI RJES SU 'JUG PA'I MTSAN MA YOD PA GANG YIN PA ZHES BYA BA NI MTSAN MA GNYIS BSTAN PA'O, ,'DI YANG MTSAN MA BSTAN PA DANG STONG PA NYID BSTAN PAS BSTAN TE 'DI NI DANG PO'I MTSAN MA BSTAN PA'O, ,'DIR GNAS PA'I DE BZHIN NYID CES GSUNGS PA NI 'PHAGS PA'I BDEN PA BZHI LAS SDUG BSNGAL GYI BDEN PA'O, ,DE BZHIN NYID RNAM PA BDUN LAS SNGAR BSTAN PA'I GNAS PA'I DE BZHIN NYID CES BYA'O, ,LAS DANG NYON MONGS PA LA SOGS PAS RNAM PAR GZHAG PA'I PHYIR RO, ,YANG NA BDEN PA BZHI RNAM PAR GNAS PA LAS SDUG BSNGAL GYI BDEN PA NI DANG PO YIN PAS GNAS PA'I MING THOB PA YIN TE, NGO BO NYID SRUNG ZHING MI 'GYUR BAR BYED PA'I PHYIR DE BZHIN NYID CES PA'O, ,DES NA SDUG BSNGAL GYI BDEN PA LA SKYE BA LA SOGS PA'I MTSAN MA RGYUN GYI RJES SU 'JUG PA YOD PAS DE BZHIN NYID CES BYA'O, ,YANG NA 'DI LA MTSAN MA RNAM PA GNYIS YOD DE, DANG PO NI SKYE BA LA SOGS PA'I MTSAN MA RNAM PA BZHI'O, ,GNYIS PA NI DUS GSUM GYI RGYUN GYI RJES SU 'JUG PA'I MTSAN MA STE, DES NA STONG PA NYID RNAM PA GNYIS KYIS MTSAN MA RE RE RNAM PAR SEL BAR BYED DO, ,DE NI MTSAN NYID STONG PA NYID DANG, THOG MA DANG THA MA MED PA STONG PA NYID KYIS YANG DAG PAR RNAM PAR SEL TO ZHES BYA BA NI GNYIS PA GNYEN POR GYUR PA'I STONG PA NYID BSTAN PA'O, ,'DI YANG RNAM PA GNYIS TE, MTSAN NYID STONG PA NYID DANG, THOG MA DANG THA MA MED PA STONG PA NYID DE, 'PHAGS PA SHES RAB KYI PHA ROL TU PHYIN PA'I MDO LAS NI, MTSAN NYID STONG PA NYID 'DI LA STONG PA NYID RNAM PA GNYIS SU PHYE NAS BSTAN TE, RANG GI MTSAN NYID STONG PA NYID DANG, SPYI'I MTSAN NYID STONG PA NYID DANG, DE'I PHYIR MDO SDE DE NYID LAS RANG GI MTSAN NYID STONG PA NYID NI 'DI LTA STE, @186A *, ,CHOS THAMS CAD KYI RANG GI MTSAN NYID DE JI LTAR RNAM PAR 'GYUR ZHING THOGS PA DANG BCAS PA NI GZUGS KYI RANG GI MTSAN NYID DO, ,MYONG BA NI TSOR BA'I RANG GI MTSAN NYID DO ZHES BYA BA LA SOGS PA LTA BU'O, DE LA SPYI'I MTSAN NYID NI 'DI LTA STE, CHOS THAMS CAD KYI SPYI'I MTSAN NYID DE, JI LTAR SDUG BSNGAL BA NI ZAG PA DANG BCAS PA'I CHOS KYI SPYI'I MTSAN NYID DO ZHES BYA BA LA SOGS PA LTA BU'O ZHES GSUNGS PA YIN NO, ,THOG MA DANG THA MA MED PA STONG PA NYID 'DI LA NI MTHA' LAS 'DAS PA STONG PA NYID CES 'BYUNG STE, DE'I PHYIR MDO DE NYID LAS, MTHA' LAS 'DAS PA STONG PA NYID NI MTHA' GSUM MI DMIGS PA'O ZHES BYA BA LA SOGS PA GSUNGS PA YIN NO, ,'PHAGS PA SHES RAB KYI PHA ROL TU PHYIN PA'I 'GREL PA LAS, MTSAN NYID STONG PA NYID BSTAN PA YANG MING NI MDO 'DI LAS GSUNGS PA DANG MTHUN LA, DON NI 'PHAGS PA SHES RAB KYI PHA ROL TU PHYIN PA LAS GSUNGS PA DANG MTHUN TE, RGYA CHER DE NYID LAS BSTAN PA BZHIN NO, ,THOG MA DANG THA MA MED PA STONG PA NYID DE LAS THOG MA DANG THA MA MED PA STONG PA NYID CES 'BYUNG STE, DE'I PHYIR 'GREL PA DE NYID LAS, THOG MA DANG THA MA MED PA STONG PA NYID NI 'JIG RTEN DANG SEMS CAN GYI CHOS GANG LA YANG THOG MA MED PA'I PHYIR THOG MA MED PA STONG PA NYID CES 'BYUNG STE, RGYA CHER DE NYID LAS BSTAN PA BZHIN NO, ,MDO 'DI NYID DANG SBYAR NA DE LAS BSTAN PA DANG MI MTHUN TE, MTSAN MA RNAM PA BZHI RNAM PAR SEL BA'I PHYIR MTSAN NYID STONG PA NYID CES BYA'O, ,'KHOR BAR 'JUG PA RNAM PAR SEL BA'I PHYIR, THOG MA DANG THA MA MED PA STONG PA NYID CES BYA'O ZHES STON PAS SO, ,BSTAN BCOS DBUS DANG MTHA' RNAM PAR 'BYED PA LAS, 'KHOR BA NI YUN RING BAS THOG MA DANG THA MA'I MTHA' MED DO ZHES BSHAD DO, ,BSTAN BCOS STONG PA NYID BCO BRGYAD BSTAN PA LAS, THOG MA DANG THA MA MED PA STONG PA NYID CES DANG THOG MA MED PA STONG PA NYID CES KYANG BYA'O ZHES BSHAD DE, RGYA CHER DE NYID LAS BSTAN PA BZHIN NO, ,'DZIN PA'I DON SO SO YANG DAG PAR RIG PA'I PHYIR 'JIG TSOGS LA LTA BA'I MTSAN MA DANG, NGA'O SNYAM PA'I NGA RGYAL GYI MTSAN MA YOD PA GANG YIN PA ZHES BYA BA LA SOGS PAS NI MTSAN MA GSUM PA STON TO, ,'DI YANG MTSAN MA BSTAN PA DANG, STONG PA NYID BSTAN PAS BSTAN TE, 'DI NI MTSAN MA BSTAN PA'O, ,DE YANG RNAM PA @186B GNYIS TE, 'DI LTA STE, 'JIG TSOGS LA LTA BA'I MTSAN MA DANG NGA'O SNYAM PA'I MTSAN MA'O, ,GONG DU BSTAN PA'I 'DZIN PA'I DBANG PO LNGA DANG, SEMS DANG SEMS LAS BYUNG BA SO SOR YANG DAG BAR RIG BA'I DBANG GIS MTSAN MA RNAM PA GNYIS PO 'BYUNG BAR 'GYUR TE, 'JIG TSOGS LA LTA BA'I MTSAN MA 'DI LTA STE, BDAG TU LTA BA'I RTZA BA LA SOGS PAS CHOS RNAMS LEN PAR BYED PA DANG, NGA'O SNYAM PA'I NGA RGYAL GYI MTSAN MA NI BDAG GO SNYAM PA'I SEMS LA SOGS PAS GZHAN LAS KHYAD PAR DU 'PHAGS SO SNYAM PA'I PHYIR RO, ,DE NI NANG STONG PA NYID DANG, MI DMIGS PA STONG PA NYID KYIS YANG DAG PAR SEL TO ZHES BYA BAS NI GNYIS PA YONGS SU SEL BA'I STONG PA NYID STON TO, ,DE YANG RNAM PA GNYIS TE, 'DI LTA STE, NANG STONG PA NYID DANG, MI DMIGS PA STONG PA NYID DO, ,'PHAGS PA SHES RAB KYI PHA ROL TU PHYIN PA'I MDO LAS, DE LAS NANG STONG PA NYID NI NANG GI SKYE MCHED DRUG PO DAG STONG PA NYID GANG YIN PA'O, ,MI DMIGS PA STONG PA NYID NI DUS GSUM MI DMIGS PA'I PHYIR MI DMIGS PA ZHES BYA'O ZHES GSUNGS SO, ,'PHAGS PA SHES RAB KYI PHA ROL TU PHYIN PA'I 'GREL PA LAS, NANG STONG PA NYID NI 'DI LTA STE, NANG GI SKYE MCHED DRUG PO DAG LA BDAG DANG BDAG GI MED PAS MIG LA SOGS PA MED PA'I CHOS GANG YIN PA'O, ,MI DMIGS PA'I CHOS NI THAMS CAD DANG, RGYU DANG RKYEN RNAMS MTHAR MI DMIGS PAS NA, MI DMIGS PA STONG PA NYID CES BYA'O ZHES BSHAD DO, ,'DIR MDO NYID DANG SBYAR NA DBANG PO DRUG PO SO SOR YANG DAG PAR RIG PA NYID KYIS RANG GI LUS LA CHAGS SHING MNGON PAR ZHES PAR GYUR PAS DE NI NANG STONG PA NYID DU BSGOMS PAS YANG DAG PAR RNAM PAR SEL PAR BYED LA, BDAG YOD PAR 'DZIN PA'I PHYIR NI NGA'O SNYAM PA'I NGA RGYAL 'BYUNG BAR 'GYUR TE, DE NI MI DMIGS PA STONG PA NYID DU BSGOMS PAS YANG DAG PAR RNAM PAR SEL BAR BYED DE BDAG KYANG DMIGS SU MED NA NGA RGYAL JI LTAR 'BYUNG BAR 'GYUR ZHES STON PAR 'GYUR RO, ,YANG NA STONG PA NYID RNAM PA GNYIS KYIS MTSAN MA RNAM PA GNYIS SPYIR RNAM PAR SEL BAR 'GYUR BA'O, ,GZUNG BA'I DON SO SO YANG DAG PAR RIG PA'I PHYIR LONGS SPYOD LA LTA BA'I MTSAN MA YOD PA GANG YIN PA ZHES BYA BA LA SOGS PAS NI MTSAN MA BZHI BA STON TO, ,'DI YANG @187A *, ,MTSAN MA BSTAN PA DANG STONG PA NYID BSTAN PAS BSTAN TE, 'DI NI MTSAN MA BSTAN PA'O, ,GONG DU BSTAN PA'I SKYE MCHED DRUG LA SOGS PA GZUNG BA'I DON LA LONGS SPYOD DU LTA ZHING CHAGS PA'I MTSAN MA GANG YIN PA'O, ,DE NI PHYI STONG PA NYID KYIS YANG DAG PAR RNAM PAR SEL TO ZHES BYA BA NI GNYIS PA YONGS SU SEL BAR BYED PA'I STONG PA NYID BSTAN PA'O, ,'PHAGS PA SHES RAB KYI PHA ROL TU PHYIN PA'I MDO LAS, PHYI STONG PA NYID NI 'DI LTA STE, PHYI ROL GYI SKYE MCHED DRUG PO GANG YIN PA'O ZHES GSUNGS PA'O, ,'PHAGS PA SHES RAB KYI PHA ROL TU PHYIN PA'I 'GREL PA LAS PHYI STONG PA NYID NI 'DI LTA STE, PHYI ROL GYI SKYE MCHAD DRUG PO DAG LA BDAG DANG BDAG GI MED PA GANG YIN PA DANG, CHOS DRUG PO MED PA GANG YIN PA'O ZHES BSHAD DO, ,MDO 'DI YANG DE DANG MTHUN PAR PHYI STONG PA NYID KYIS RNAM PAR SEL BAR BSTAN TO, ,YONGS SU LONGS SPYOD PA'I DON DU SKYES PA DANG BUD MED KYI BSNYEN BKUR DANG, YO BYAD DANG LDAN PA SO SOR YANG DAG PAR RIG PA'I PHYIR NANG GI BDEN PA'I MTSAN MA DANG, PHYI ROL GYI SDUG PA'I MTSAN MA YOD PA GANG YIN PA ZHES BYA BA LA SOGS PAS NI MTSAN MA LNGA PA STON TO, ,'DI YANG MTSAN MA BSTAN PA DANG, STONG PA NYID BSTAN PAS BSTAN TE, 'DI NI MTSAN MA BSTAN PA'O, ,'DI LTAR YONGS SU LONGS SPYOD PA'I DON DU SKYES PA DANG, BUD MED KYI BSNYEN BKUR DANG, YO BYAD DAG NYAMS SU LEN PA'I PHYIR SKYES PA DANG BUD MED SEMS CAN GYI GRANGS SU GTOGS PA LAS NI NANG GI BDE BA'I 'DU SHES 'BYUNG LA, YO BYAD SEMS CAN MA YIN PA LAS NI PHYI ROL GYI SDUG PA'I 'DU SHES 'BYUNG BAS SO, ,YANG NA NI NANG GI SKYE MCHED DRUG GO, ,PHYI ROL NI PHYI ROL GYI SKYE MCHED DRUG STE, NANG GI SKYE MCHED DRUG PO DAG LA NI BDE BAR 'DU SHES SKYED LA, PHYI ROL GYI SKYE MCHED DRUG PO DAG LA NI SDUG PA'I 'DU SHES SKYED PA'O, ,DE NI PHYI NANG STONG PA NYID DANG, RANG BZHIN STONG PA NYID KYIS YANG DAG PAR RNAM PAR SEL TO ZHES BYA BA NI GNYIS PA YONGS SU SEL BAR BYED PA'I STONG PA NYID BSTAN PA'O, ,DE YANG RNAM PA GNYIS TE, PHYI NANG STONG PA NYID DANG, RANG BZHIN GYIS STONG PA NYID DO, ,'PHAGS PA SHES RAB KYI PHA ROL TU PHYIN PA'I MDO LAS 'DI LTA STE, PHYI NANG GI SKYE MCHED DRUG PO DAG NI PHYI NANG STONG PA NYID CES BYA'O, ,CHOS THAMS CAD RANG BZHIN GYIS 'DUS BYAS KYI NGO BO NYID DAM, @187B 'DUS MA BYAS KYI NGO BO NYID GANG YIN PA DE DAG NI THEG PA GSUM DANG, GZHAN GANG GIS KYANG BYAS PA MA YIN PA GANG YIN PA DE NI RANG BZHIN GYIS STONG PA NYID CES GSUNGS SO, ,'PHAGS PA SHES RAB KYI PHA ROL TU PHYIN PA'I 'GREL PA LAS, PHYI NANG STONG PA NYID CES BYA BA NI 'DI LTA STE, PHYI NANG GI SKYE MCHED DRUG PO DAG LA BDAG DANG BDAG GI MED PAS PHYI ROL CHOS ME DANG GANG YIN PA'O, ,RANG BZHIN GYIS STONG PA NYID CES BYA BA NI 'DI LTA STE, CHOS RNAMS RTOG PAR STONG PA NYID GANG YIN PA STE, BTAGS PA TZAM DU RGYUN MI 'CHAD PA'I PHYIR YOD PA 'DRA BAS MI STONG NGO, ,DPER NA CHU'I RANG BZHIN NGO BO NYID KYIS BSIL BA YIN YANG, ME'I DBANG GIS TSA BAR 'GYUR BA NA ME ZHI BAR GYUR TE, YUN RING DU LON NA CHU SLAR GRANG BAR 'GYUR BA LTAR CHOS RNAMS KYI NGO BO NYID KYANG DE BZHIN TE, MA SKYES PA'I TSE NI STONG ZHING DMIGS SU MED DE, CI LTAR CHU'I RANG BZHIN RTAG PAR BSIL BA BZHIN NO, ,CHOS RNAMS RKYEN MANG PO TSOGS PA'I PHYIR NI YOD PA 'DRA BAR SNANG STE, JI LTAR CHU ME THOB PAS TSA BA NYID DU MNGON PAR 'GRUB PA BZHIN NO, ,RKYEN MANG PO GAL TE 'GRIBS PAR GYUR TAM, GAL TE MED PAR GYUR NA YOD PAR 'DRA BA'I CHOS DE YANG JI LTAR ME ZHI NAS SLAR BSIL BA NYID DU GYUR PA BZHIN NO ZHES 'BYUNG NGO, ,GZHAN YANG 'GREL PA DE NYID LAS, DNGOS PO STONG PA NYID NI CHOS RNAMS KYI DNGOS PO GZHIG PA STE, JI LTAR CHU DE LA TSA BA NYID MED KYANG CHU'I MTSAN NYID NI MED PA MA YIN PA BZHIN NO, ,MTHA' LAS 'DAS PA STONG PA NYID KYIS NI MTSAN NYID MED PA NAS, RGYU DANG RKYEN GYIS CHOS KYI MTSAN NYID KYANG MED PA'I BAR DU RNAM PAR GZHIG PA BZHIN NO ZHES BSHAD DO, 'DIR NI MDO 'DI BSHAD PA YANG SO SO NAS MI MTHUN TE, ,KHA CIG NA RE NANG STONG PA NYID KYIS NI NANG GI BDE BA'I MTSAN MA RNAM PAR SEL TO, ,PHYI NANG STONG PA NYID KYIS NI SDUG PA'I MTSAN MA RNAM PAR SEL TO, ,RANG BZHIN GYIS STONG PA NYID KYIS NI MTSAN MA GNYI GA SPYIR RNAM PAR SEL TO ZHE'O, ,KHA CIG NA RE PHYI NANG STONG PA NYID KYIS NI SDUG PA'I MTSAN MA RNAM PAR SEL TO, ,RANG BZHIN GYIS STONG PA NYID KYIS NI MTSAN MA GNYIS RNAM PAR SEL TO ZHE'O, ,KHA CIG NA RE PHYI NANG STONG PA NYID KYIS NI NANG GI BED PA'I MTSAN MA RNAM PAR SEL TO, ,SEMS CAN GYI GRANGS SU GTOGS PA'I PHYIR @188A *, ,NANG ZHES BYA'O, ,BDAG NYID LAS PHYI ROL DU GYUR PA'I PHYIR PHYI ZHES BYA'O, ,RANG BZHIN GYIS STONG PA NYID KYIS NI SDUG PA'I MTSAN MA RNAM PAR SEL TO ZHE'O, ,KHA CIG NA RE PHYI NANG STONG PA NYID KYIS NI NANG GI BDE BA'I MTSAN MA RNAM PAR SEL TE 'DI LTAR SKYES PA DANG BUD MED LA SOGS PA SKYE MCHED BCU GNYIS DANG LDAN PA'I PHYIR PHYI NANG STONG PA NYID KYIS RNAM PAR SEL PAR BYED DO, ,RANG BZHIN GYIS STONG PA NYID KYIS NI SDUG PA'I MTSAN MA RNAM PAR SEL BAR BYED DO ZHE'O, ,PHYI ROL GYI SDUG PA'I MTSAN MA CI'I PHYIR STONG PA NYID KYIS RNAM PAR SEL BAR BYED DO ZHES MA BSTAN ZHE NA, SMRAS PA, YANG DAG PA'I DON DU PHYI STONG PA NYID KYIS RNAM PAR SEL BAR BYED MOD KYI, SNGAR BSHAD ZIN PA'I PHYIR MA BSTAN TO, ,GZHAN GNAS KYI DON SO SO YANG DAG PAR RIG PA'I PHYIR TSAD MED PA'I MTSAN MA YOD PA GANG YIN PA ZHES BYA BA LA SOGS PAS NI MTSAN MA DRUG BSTON TO, ,'DI YANG MTSAN MA BSTAN PA DANG, STONG PA NYID BSTAN PAS BSTAN TE, 'DI NI MTSAN MA BSTAN PA'O, ,'DI LTAR SNGAR BSTAN PA'I SNOD KYI 'JIG RTEN RNAM PAR GZHAG PA'I DON GYI PHYIR STONG GSUM LA SOGS PA'I MTSAN MA MED PA YOD PAR GYUR PA GANG YIN PA'O, ,DE NI CHEN PO STONG PA NYID KYIS YANG DAG PAR RNAM PAR SEL TO ZHES BYA BA NI GNYIS PA GNYEN POR GYUR BA'I STONG PA NYID BSTAN PA'O, ,'PHAGS PA MYA NGAN LAS 'DAS PA CHEN PO'I MDO LAS, SHES RAB KYI PHA ROL TU PHYIN PA NI CHEN PO STONG PA NYID CES BYA'O ZHES GSUNGS SO, ,'PHAGS PA SHES RAB KYI PHA ROL TU PHYIN PA'I MDO LAS, CHEN PO STONG PA NYID NI 'DI LTA STE, PHYOGS BCU STONG PA NYID GANG YIN PA'O ZHES GSUNGS SO, ,'PHAGS PA SHES RAB KYI PHA ROL TU PHYIN PA'I 'GREL PA LAS KYANG PHAL CHER 'PHAGS PA SHES RAB KYI PHA ROL TU PHYIN PA'I MDO LAS GSUNGS PA DANG MTHUN PAR 'GYUR STE, DE LA BYE BRAG YOD PA NI DON RNAM PA DRUG GI CHEN PO STONG PA NYID KYI MING YONGS SU RDZOGS PAR STON TE, DE'I PHYIR 'GREL BA DE NYID LAS CI'I PHYIR PHYOGS BCU STONG PA NYID GANG YIN PA DE LA CHEN PO STONG PA NYID CES BYA ZHE NA, SMRAS PA, SHAR PHYOGS LA MTHA' MED PA'I PHYIR DANG GNAS THAMS CAD DU YOD PA'I PHYIR DANG, GZUGS THAMS CAD LA KHYAB PA'I PHYIR DANG, RTAG TU YOD PA'I PHYIR DANG, 'JIG RTEN LA PHAN @188B 'DOGS SA PA'I PHYIR DANG, SEMS CAN RNAM PAR RMONGS PAR MI BYED PA'I PHYIR CHEN PO ZHES BYA'O, ,CHEN PO DE LTA BUS GDOD 'JIG PAR NUS PA'I PHYIR CHEN PO STONG PA NYID CES BYA'O ZHES 'BYUNG STE, ZHIB TU DE NYID LAS BSTAN PA BZHIN NO, ,MDO 'DI LAS NI PHAL CHER 'PHAGS PA SHES RAB KYI PHA ROL TU PHYIN PA'I MDO LAS GSUNGS PA DANG MTHUN PAR BSTAN TO, ,GZUGS MED PA SO SOR YANG DAG PAR RIG PA'I PHYIR NANG GI ZHIB RNAM PAR THAR PA'I MTSAN MA YOD PA GANG YIN PA ZHES BYA BA LA SOGS PAS NI MTSAN MA BDUN PA STON TO, ,'DI YANG MTSAN MA BSTAN PA DANG, STONG PA NYID BSTAN PAS BSTAN TE, 'DI NI MTSAN MA BSTAN PA'O, 'DI LTAR GONG DU 'DOD PA DANG GZUGS KHAMS KYI SNOD KYI 'JIG RTEN GYI MTSAN MA BSTAN PAS, GZUGS MED PA'I NANG GI ZHIB STON TO, ,RNAL 'BYOR PA TING NGE 'DZIN SGOM BDAG GZUGS MED PA'I TING NGE 'DZIN ZHI BA RNAM PAR THAR PA'I MYA NGAN LAS 'DAS PA THOB PA'I PHYIR RNAM PAR THAR BA'I MTSAN MA ZHES BYA'O, ,DE NI 'DUS BYAS KYI STONG PA NYID KYIS YANG DAG PAR RNAM PAR SEL TO ZHES BYA BA NI GNYIS PA GNYEN POR GYUR PA'I STONG PA NYID BSTAN TO, ,'PHAGS PA SHES RAB KYI PHA ROL TU PHYIN PA'I MDO LAS, 'DUS BYAS STONG PA NYID NI 'DI LTA STE, KHAMS GSUM PA STONG PA NYID GANG YIN PA'O ZHES GSUNGS SO, ,'PHAGS PA SHES RAB KYI PHA ROL TU PHYIN PA'I 'GREL PA LAS, 'DUS BYAS STONG PA NYID NI 'DI LTA STE, RGYA DANG RKYEN GYI TSOGS PA LAS SKYES PA'I PHUNG PO DANG, KHAMS LA SOGS PA DON RNAM PAR GNYIS DANG LDAN PA'I PHYIR STONG PA NYID CES BYA STE, DANG PO NI BDAG DANG BDAG GI BA MED PAS MI DMIGS PA'I PHYIR STONG PA NYID DO, ,GNYIS PA NI 'DUS BYAS KYI CHOS KYI MTSAN NYID RNAMS STONG ZHING SKYE BA DANG 'GAGS PA MED PAS MI DMIGS PA'I PHYIR STONG PA NYID SO ZHES BSHAD DE RGYA CHER DE NYID LAS BSTAN PA BZHIN NO, ,'DIR MDO 'DI NYID LAS KYANG SHES RAB KYI PHA ROL TU PHYIN PA'I MDO LAS GSUNGS PA DANG MTHUN PAR BSTAN TO,, ,,BAM PO BZHI BCU DRUG PA, MTSAN NYID KYI DE BZHIN NYID KYI DON SO SO YANG DAG PAR RIG PA'I PHYIR GANG ZAG BDAG MED PA'I MTSAN MA DANG, CHOS BDAG MED PA'I MTSAN MA DANG, RNAM PAR RIG PA TZAM GYI MTSAN MA DANG, DON DAM PA'I MTSAN MA YOD PA GANG YIN PA'O ZHES BYA BA LA SOGS PAS NI MTSAN MA BRGYAD PA @189A *, ,STON TE, 'DI YANG MTSAN MA BSTAN PA DANG, STONG PA NYID BSTAN PAS BSTAN TE, 'DI NI MTSAN MA BSTAN PA'O, ,'DI LTAR GONG DU MTSAN NYID KYI DE BZHIN NYID GSUNGS PA'I PHYIR, DES MTSAN MA RNAM PA BZHI YOD PAR GYUR PA YIN TE, 'DI LTA STE, GANG ZAG BDAG MED PA'I MTSAN MA DANG, CHOS BDAG MED PA'I MTSAN MA DANG, RNAM PAR RIG PA TZAM GYI MTSAN MA DANG, DON DAM PA'I MTSAN MA'I PHYIR RO, ,DE NI MTHA' LAS 'DAS PA STONG PA NYID DANG, DNGOS PO MED PA STONG PA NYID DANG, DNGOS PO MED PA'I NGO BO NYID STONG PA NYID DANG, DON DAM PA STONG PA NYID KYIS YANG DAG PAR RNAM PAR SEL TO ZHES BYA BA NI GNYIS PA GNYEN POR GYUR PA'I STONG PA NYID BSTAN PA'O, ,'PHAGS PA SHES RAB KYI PHA ROL TU PHYIN PA'I MDO LAS, MTHA' LAS 'DAS LA STONG PA NYID NI 'DI LTA STE, CHOS RNAMS MTHAR MI DMIGS PA GANG YIN PA'O, ,DNGOS PO MED PA STONG PA NYID NI 'DI LTA STE, DNGOS PO CUNG ZAD TZAM YANG DMIGS SU MED PA GANG YIN PA'O, ,DNGOS PO MED PA'I NGO BO NYID STONG PA NYID NI 'DI LTA STE, CHOS RNAMS LA TSOGS PAR BYED BA'I DNGOS PO DANG, TSOGS PAR BYA BA'I RANG GI NGO BO NYID GANG YIN PA'O, ,DON DAM PA STONG PA NYID NI 'DI LTA STE, MYA NGAN LAS 'DAS PA'O ZHES GSUNGS SO, ,'PHAGS PA SHES RAB KYI PHA ROL TU PHYIN PA'I 'GREL PA LAS MTHA' LAS 'DAS PA STONG BA NYID CES BYA BA NI, 'DUS BYAS STONG PA NYID DANG, 'DUS MA BYAS STONG PA NYID KYI CHOS RNAMS BSHIG NAS YONGS SU BTZAL DU MED PA GANG YIN PA DE NI MTHA' LAS 'DAS PA STONG PA NYID CES BYA'O, ,DNGOS PO MED PA STONG PA NYID CES BYA BA NI CHOS GANG YANG 'GAG PAR 'GYUR BA MED DO, ,'GAG PA MED PA'I PHYIR DNGOS PO MED PA STONG PA NYID CES BYA'O, ,DNGOS PO MED PA'I NGO BO NYID STONG PA NYID CES BYA BA NI DNGOS PO MED PA DANG DNGOS PO YOD PA'I MTSAN MA BLANG ZHING DMIGS SU MED PAS DNGOS PO MED PA'I NGO BO NYID STONG PA NYID CES BYA'O, , GZHAN YANG KHA CIG NA RE 'DAS PA DANG MA 'ONGS PA'I CHOS STONG PA GANG YIN PA DE NI DNGOS PO MED PA STONG PA NYID CES BYA'O, ,DA LTAR DANG 'DUS MA BYAS PA'I CHOS STONG PA GANG YIN PA DE NI DNGOS PO YOD PA STONG PA NYID CES BYA'O, ,DE GNYI GA YANG STONG PA'I PHYIR NI DNGOS PO MED PA'I NGO BO NYID STONG PA @189B NYID CES BYA'O ZHE'O, ,GZHAN YANG KHA CIG NA RE 'DUS MA BYAS KYI CHOS LA SKYE BA DANG, GNAS PA DANG, 'GAG PA MED PA GANG YIN PA DE NI DNGOS PO MED PA STONG PA NYID CES BYA'O, ,'DUS BYAS KYI CHOS SKYE BA DANG, GNAS PA DANG, 'GAG PA DANG BCAS PA GANG YIN PA DE NI DNGOS PO YOD PA STONG PA NYID CES BYA'O, ,DE GNYI GA YANG STONG PA'I PHYIR NI DNGOS PO MED PA'I NGO BO NYID STONG PA NYID CES BYA'O ZHE'O, ,DON DAM PA NI CHOS RNAMS KYI DE KHO NA NYID KYI MTSAN NYID CES BYA STE, 'JIG PA DANG NYAMS PAR MI 'GYUR BA'I PHYIR CHOS RNAMS KYI DE KHO NA NYID KYI MTSAN NYID KYANG STONG PA NYID DO, ,DE CI'I PHYIR ZHE NA, LEN PA MED PA DANG MNGON PAR ZHEN PA MED BA'I PHYIR RO ZHES 'BYUNG STE, RGYA CHER DE NYID LAS BSTAN PA BZHIN NO, ,MDO 'DI LAS STONG PA NYID KYI MTSAN MA RNAM PAR SEL BAR GSUNGS PA LA YANG BSHAD PA RNAM PA GSUM YOD DE, KHA CIG NA RE MTHA' LAS 'DAS PA STONG PA NYID KYIS NI MTSAN MA SNGA MA GNYIS RNAM PAR 'JIG PAR BYED DO, ,DNGOS PO MED PA'I STONG PA NYID KYIS NI RNAM PAR RIG PA TZAM GYI MTSAN MA RNAM PAR 'JIG PAR BYED DO, ,DON DAM PA'I STONG PA NYID KYIS NI DON DAM PA'I MTSAN MA RNAM PAR 'JIG PAR BYED DO ZHE'O, ,KHA CIG NA RE MTHA' LAS 'DAS PA STONG PA NYID KYIS NI MTSAN MA SNGA MA GNYIS RNAM PAR 'JIG PAR BYED DO, ,RNAM PAR RIG PA TZAM GYI MTSAN MA LA MNGON PAR ZHEN PA GANG YIN PA DE NI DNGOS PO MED PA STONG PA NYID KYIS RNAM PAR SEL TO, ,GZHAN GYI DBANG LA DON DAM PA STONG PA NYID DU MNGON PAR ZHEN PA'I MTSAN MA GANG YIN PA DE NI DNGOS PO MED PA'I NGO BO NYID STONG PA NYID KYIS RNAM PAR SEL TO, ,YONGS SU GRUB PA NYID DU MNGON PAR ZHEN PA GANG YIN PA DE NI DON DAM PA STONG PA NYID KYIS RNAM PAR SEL TO ZHE'O, ,KHA CIG NA RE GO RIMS BZHIN DU SNGA MA'I MTSAN MA RNAM PA BZHI RNAM PAR SEL BAR BYED DE, DES NA BDAG TU 'DZIN PA'I MTSAN MA GANG YIN PA DE NI KUN KYANG MTHA' LAS 'DAS PA STONG PA NYID KYIS RNAM PAR SEL TO, ,CHOS SU 'DZIN PA'I MTSAN MA GANG YIN PA DE NI DNGOS PO MED PA'I STONG PA NYID KYIS RNAM PAR SEL TO ZHES BSTAN PA YIN TE, YANG DAG PA'I DON DU NA CHOS STONG PA NYID KYANG STONG PA NYID RNAMS KYIS YONGS SU BSAL DGOS PAS GONG DU BSTAN PA'I STONG PA NYID RNAMS KYANG CHOS STONG PA NYID KYIS YONGS SU @190A *, ,BSAL BA YIN TE, DE'I PHYIR 'DIR RE ZHIG DNGOS PO MED PA SMOS NAS CHOS STONG PA NYID RNAM PAR SEL BAR BSTAN PA YANG CHOS RNAM PAR RIG PA TZAM LAS GUD NA MED PAR RAB TU BSTAN PA'I PHYIR 'DI LTAR DNGOS PO MED PA'I NGO BO NYID STONG PA NYID KYIS NI RNAM PAR RIG PA TZAM GYI MTSAN MA RNAM PAR SEL TO, ,DON DAM STONG PA NYID KYIS NI DON DAM PA'I MTSAN MA RNAM PAR SEL TO ZHES BSTAN TE, MING DANG DON DU 'TSAM PA'I PHYIR DON GYIS RAB TU BSTAN PA YIN PAS BRDA PHRAD PAR ZAD DO, ,DGONGS PA ZAB MO RNAM PAR DGROL BA'I MDO LAS NI MTSAN MA RNAM PA BZHI PO DE DAG STONG PA NYID RNAM PA LNGAS RNAM PAR SEL BAR BYED DO ZHES STON TE, 'DI LTA STE, RANG BZHIN STONG PA NYID DANG, DNGOS BO MED PA STONG BA NYID DANG, RANG GI MTSAN NYID STONG PA NYID DANG, DNGOS PO MED PA'I NGO BO NYID STONG PA NYID DANG, DON DAM PA STONG BA NYID DO ZHES 'BYUNG STE, MDO DE DANG SBYAR NA DE LAS STONG PA NYID BCO BRGYAD TSANG BAR STON TE, DE'I PHYIR MDO DE NYID LAS BYAMS PA BSGOM PAR DKA' BA'I MTSAN MA NI RNAM PA BCU YOD DE, STONG PA NYID BCO BRGYAD LA BRTEN NAS BSGOM BAR DKA' BA'I MTSAN MA DE DAG BLTA BAR BYA'O ZHES GSUNGS PA YIN NO, ,RNAM PAR DAG PA'I DE BZHIN NYID KYI DON SO SO YANG DAG PAR RIG PA'I PHYIR 'DUS MA BYAS KYI MTSAN MA DANG 'GYUR BA MED PA'I MTSAN MA YOD PA GANG YIN PA ZHES BYA BA LA SOGS PAS NI MTSAN MA DGU PA STON TO, ,'DI YANG MTSAN MA BSTAN PA DANG, STONG PA NYID BSTAN BAS BSTAN TE, 'DI NI MTSAN MA BSTAN PA'O, ,'DI LTAR SNGAR GONG DU BSTAN PA'I RNAM PAR DAG PA'I DE BZHIN NYID 'GOG PA'I BDEN PA SO SOR YANG DAG PAR RIG PA'I PHYIR, DE SO SO YANG DAG PAR RIG PAR GYUR PA NA MTSAN MA RNAM PA GNYIS 'BYUNG STE, 'DUS MA BYAS PA'I MTSAN MA DANG 'GYUR BA MED PA'I MTSAN MA'O, ,DE NI 'DUS MA BYAS STONG PA NYID DANG 'GYUR BA MED PA STONG PA NYID KYIS YANG DAG PAR RNAM PAR SEL TO ZHES BYA BA, GNYIS PA GNYEN POR GYUR PA'I STONG PA NYID STON BA'O, ,'PHAGS PA SHES RAB KYI PHA ROL TU PHYIN PA'I MDO LAS, 'DUS MA BYAS STONG PA NYID NI 'DI LTA STE, SKYE BA MED PA DANG, GNAS PA MED PA DANG, 'GYUR BA MED PA DANG, 'JIG PA MED PA GANG YIN PA DE NI 'DUS MA BYAS STONG PA NYID CES BYA'O, , @190B 'GYUR BA MED PA NI 'DI LTA STE, GTONG BA MED PA DANG, DOR BA MED PA DANG, SPANGS PA MED CING DMIGS SU MED PA GANG YIN PA DE NI 'GYUR BA MED PA'O ZHES BYA'O ZHES GSUNGS SO, ,'PHAGS PA SHES RAB KYI PHA ROL TU PHYIN PA'I 'GREL PA LAS, 'DUS MA BYAS ZHES BYA BA NI RGYU DANG RKYEN MED PA ZHES BYA STE, RTAG PAR MI SKYE BA DANG, MI 'GAG PA DANG, NAM MKHA' LTA BU'O ZHES BSHAD DE, 'GYUR BA MED PA STONG BA NYID NI 'GREL PA DE LAS RNAM PAR BSHAD PA MED DO, ,MDO 'DI LAS KYANG PHAL CHER 'PHAGS PA SHES RAB KYI PHA ROL TU PHYIN PA'I MDO LAS GSUNGS PA DANG MTHUN PAR STON TE, 'DI LTAR STONG PA NYID MNGON DU GYUR PA'I TSE MTSAN MA GNYIS MED PA'I PHYIR STONG BA NYID RNAM PA GNYIS KYIS RAB TU SBONG NGO, ,MTSAN MA DE'I GNYEN POR STONG PA NYID DE NYID YID LA BYED PA'I PHYIR STONG PA NYID KYI MTSAN MA YOD PA GANG YIN PA ZHES BYA BA LA SOGS PAS NI MTSAN MA BCU PA STON TO, ,'DI YANG MTSAN MA BSTAN PA DANG, STONG PA NYID BSTAN PAS BSTAN TE, 'DI NI MTSAN MA BSTAN PA'O, ,MDO'I TSIG 'DI LA YANG BSHAD PA RNAM PA GNYIS YOD DE, KHA CIG NA RE MTSAN MA DE'I ZHES BYA BA NI SNGAR BSHAD MA THAG PA'I 'DUS MA BYAS KYI MTSAN MA DANG, 'GYUR BA MED PA'I MTSAN NYID DO, ,GNYEN PO STONG PA NYID CES BYA BA NI 'DI LTA STE, SNGAR BSHAD MA THAG PA'I 'DUS MA BYAS STONG PA NYID DANG, 'GYUR BA MED PA NYID DE, DGONGS PA ZAB MO RNAM PAR DGROL BA'I MDO LAS JI SKAD DU BSTAN PA BZHIN NO, ,DE NI 'DI SKAD DU, BYANG CHUB SEMS DPA' MTSAN MA GNYIS KYI GNYEN POR STONG PA GNYIS YID LA BYED PA'I PHYIR STONG PA NYID KYI MTSAN MA SNANG BAR GYUR TO ZHES BSTAN PAR 'GYUR RO ZHE'O, ,KHA CIG NA RE MTSAN MA DE'I ZHES BYA BA NI 'DI LTA STE, MTSAN MA SNGA MA DGU PO DAG GO, ,GNYEN PO STONG PA NYID CES BYA BA NI STONG PA NYID SDE MA BCU DRUG PO DAG STE, SNGA MA'I STONG PA NYID BCU DRUG PO DAG YID LA BYED PA'I PHYIR STONG PA NYID BCU DRUG GI MTSAN MA SNANG BAR GYUR PA'O ZHE'O, ,DA NI STONG PA NYID KYIS YANG DAG PAR RNAM PAR SEL TO ZHES BYA BA NI GNYIS PA GNYEN POR GYUR PA'I STONG PA NYID BSTAN PA'O, ,'PHAGS PA SHES RAB KYI PHA ROL TU PHYIN PA'I MDO LAS DE LA STONG PA NYID STONG PA NYID NI 'DI LTA STE, CHOS THAMS CAD STONG PA NYID NI STONG PA NYID 'DIS STONG PAS NA STONG PA NYID STONG PA NYID CES @191A *, ,BYA'O ZHES GSUNGS SO, ,'PHAGS PA SHES RAB KYI PHA ROL TU PHYIN BA'I 'GREL PA LAS KYANG DON DE SKAD DU STON TE, DE'I PHYIR 'GREL PA DE NYID LAS, STONG PA NYID STONG PA NYID CES BYA BA NI 'DI LTAR STONG PA NYID 'DIS SNGA MA'I NANG STONG PA NYID DANG, PHYI STONG PA NYID DANG, PHYI NANG STONG PA NYID RNAM PA GSUM 'JIG PAR BYED PA'I PHYIR STONG PA NYID STONG PA NYID CES BYA'O ZHES 'BYUNG STE, RGYA CHER DE NYID LAS BSTAN PA BZHIN NO, ,BSTAN BCOS DBUS DANG MTHA' RNAM PAR 'BYED PA LAS, STONG PA NYID KYI SHES PA MAD STONG PAS STONG PA NYID STONG PA NYID CES BYA'O ZHES BSHAD DE, DE'I PHYIR BSTAN BCOS DE NYID LAS, NANG GI SKYE MCHED LA SOGS PA DE YANG GANG GIS STONG PAR MTHONG ZHE NA, STONG PA NYID SHES PA STE, DE'I STONG PA NYID NI STONG PA NYID DO ZHES BSHAD PAS DON GYIS BSTAN BCOS DBUS DANG MTHA' RNAM PAR 'BYED PA LAS GSUNGS PA DANG MTHUN PAR SNGA MA'I NANG STONG PA NYID DANG, PHYI STONG PA NYID DANG, PHYI NANG STONG PA NYID DANG, CHEN PO STONG PA NYID RNAM PAR 'JIG PA YIN NO, ,'PHAGS PA MYA NGAN LAS 'DAS PA CHEN PO'I MDO LAS NI YOD PA DANG, MED PA CIG CAR RNAM PAR SEL BA'I PHYIR STONG PA NYID CES BSTAN TE, DE'I PHYIR MDO DE NYID LAS YOD PA GANG YIN PA DANG, MED PA GANG YIN PA DE STONG PA NYID STONG PA NYID NI YIN PA YANG MA YIN PA YIN PA YANG MA YIN PA'I PHYIR STONG PA NYID STONG PA NYID CES BYA'O ZHES GSUNGS TE, KHO NA PHAB SHIN DE RTEN CING 'BREL PAR 'BYUNG BA'I CHOS NI YOD PA DANG MED PAR MTSUNGS TE, BDAG NYID MTSUNGS PA'I PHYIR MED PA'I CHOS NI YOD PAR 'GYUR LA, YOD PA'I CHOS NI MED PAR 'GYUR TE 'DUS MA BYAS YOD PA'I PHYIR YOD PA YIN YANG, YOD PA NYID KYANG MA YIN LA 'DUS BYAS MED PA'I PHYIR MED PA YIN YANG, MED PA NYID KYANG MA YIN TE, YOD PA YANG MA YIN MED BA YANG MA YIN PA'I PHYIR STONG PA NYID STONG PA NYID CES BYA'O ZHES BSHAD DO, ,MDO 'DI LAS GSUNGS PA'I DON NI SNGAR BSTAN PA DANG MI MTHUN PAS BSHAD PA RNAM PA GNYIS YOD DE, KHA CIG NA RE 'DI LTAR STONG PA NYID STONG PA NYID KYIS NI MTSAN MA RNAM PA DGU'I NANG NA STONG PA NYID RNAM PA GNYIS PO 'DUS MA BYAS STONG PA NYID DANG, 'GYUR BA MED PA STONG PA NYID KYI MTSAN MA RNAM PAR SEL BA'I PHYIR STONG PA NYID CES BYA STE, DE'I PHYIR DGONGS PA ZAB MO RNAM PAR DGROL BA'I MDO LAS, 'DUS MA BYAS @191B DANG, 'GYUR BA MED PA'I STONG BA NYID KYI MTSAN MA'I GNYEN POR GYUR PA'I PHYIR STONG PA NYID STONG PA NYID CES BYA'O ZHES GSUNGS TE, ZHIB TU DE NYID LAS BSTAN PA BZHIN NO ZHE'O, ,KHA CIG NA RE 'DI LTAR STONG PA NYID STONG PA NYID KYIS NI SNGA MA'I STONG PA NYID BCU DRUG PO DAG GI MTSAN MA RNAM PAR SEL BAR BYED PA'I PHYIR STONG PA NYID STONG PA NYID CES BYA'O ZHE'O, ,DGONGS PA ZAB MO RNAM PAR DGROL BA'I MDO LAS, STONG PA NYID RNAM PA GNYIS KYI MTSAN MA RNAM PAR SEL BAR BSTAN PA NI LO TZ'A BA DAG GI BSAM PA THA DAD PA'I PHYIR RO, ,BCOM LDAN 'DAS DE LTAR MTSAN MA RNAM PA BCU RNAM PAR SEL BAR BGYID PA NA GANG DAG RNAM PAR SEL BAR BGYID CING, MTSAN MA GAD LAS YONGS SU GROL BAR 'GYUR LAGS ZHES BYA BA 'DI MAN CHAD NI GNYIS PA MTSAN MA YONGS SU BSAL BA'I RNAM PAR GROL BA RNAM PAR 'BYED PA STON TO, ,'DI YANG RNAM PA GNYIS SU DBYE STE, ZHUS BA DANG, LAN DAG GIS MTSAN MA YONGS SU BSAL BA RNAM PAR GROL BA RNAM PAR 'BYED PA DANG, RIGS KYI BU GTZO BO'I DBANG DU BYAS NAS ZHES BYA BA MAN CHAD GZHAN GYIS BRGAL BA'I THE TSOM GCOD PA'O, ,DANG PO YANG RNAM PA GNYIS TE, ZHU BA GSOL BA DANG, LAN DU GSUNGS PA STE, 'DI NI ZHU BA GSOL BA'O, ,ZHU BA GSOL BA LA YANG DGONGS PA RNAM PA GNYIS YOD DE, MTSAN MA GANG DAG RNAM PAR SEL BAR 'GYUR BA ZHU BA DANG, MTSAN MA GANG LAS YONGS SU GROL BAR 'GYUR BA ZHU BA'O, ,ZHUS PA DANG PO'I DGONGS PA YANG BSHAD PA MI MTHUN PA RNAM PA GSUM YOD DE, KHA CIG NA RE GONG DU BSTAN PA'I YONGS SU 'DZIN PA'I MTSAN MA DE DAG RNAM PAR SEL BA NA, MTSAN MA GAD DAG YONGS SU BSAL BAR 'GYUR ZHES BYA BA'I THA TSIG GO ZHE'O, ,KHA CIG NA RE GONG DU MTSAN MA RNAM PA BCU YONGS SU BSAL BAR BSTAN PA DE YANG TING NGE 'DZIN DANG, RNAM PAR G-YENG BA'I MTSAN MA'I NAD NAS MTSAN MA GANG LAS BRTZAMS NAS BSTAN ZHES BYA BA'I THA TSIG GO ZHE'O, ,KHA CIG NA RE GONG DU YONGS SU 'DZIN PA'I MTSAN MA RNAM PAR SEL BAR BSTAN PA DE YANG MTSAN MA JI LTA BU ZHIG CES BYA BA'I THA TSIG GO ZHE'O, ,ZHUS PA GSUM PA 'DI DAG DANG SBYAR NA LAN YANG RNAM PA GSUM DU 'GYUR TE, MDO'I TSIG THAD DKAR BAB PA NA BSHAD PAR BYA'O, ,RIGS KYI BU TING NGE 'DZIN GYI SPYOD YUL GZUGS BRNYAN GYI @192A *, ,MTSAN MA RNAM PAR SEL BAR BYED CING KUN NAS NYON MONGS PA'I MTSAN MA LAS YONGS SU GROL BAR 'GYUR LA DE YANG RNAM PAR SEL TO ZHES BYA BA NI GNYIS PA DE BZHIN GSHEGS PAS YANG DAG PAR ZHUS PA RNAM PA GNYIS KYI LAN DU GSUNGS PA'O, ,LAN DU GSUNGS PA 'DI YANG SNGA MA'I ZHUS PA RNAM PA GSUM YOD PA NYID KYIS 'DI LA BSHAD PA RNAM PA GSUM YOD DE, KHA CIG NA RE STONG PA NYID BSGOMS PAS KUN DU BRTAGS PA'I MTSAN MA RNAM PA BCU PO DAG RNAM PAR SEL BA NA STONG PA NYID DU BSGOMS PA'I SEMS LA DA DUNG GZHAN GYI DBANG STONG PA 'DRA BA'I GZUGS BRNYAN STONG PA NYID KYI SEMS KYI RJES SU SNANG BAS, STONG BA NYID KYI RNAL 'BYOR DE LAS MNGON PAR RTOGS PA'I SHES PA LA ZHUS NAS YANG STONG PA 'DRA BA'I GZUGS BRNYAN GYI RGYU MTSAN GYI RNAM PAR RNAM PAR SEL BAR BYED DE, RGYU MTSAN GYI RNAM PA YONGS SU BSAL BA NYID KYIS KUN NAS NYON MONGS PA'I 'CHING BA'I SA BON LAS YONGS SU GROL BAR 'GYUR RO, ,YONGS SU GROL BA'I SEMS KYANG YONGS SU SPONG BAR 'GYUR BA'I PHYIR DE YANG RNAM PAR SEL TO ZHES BYA BA GSUNGS SO ZHE'O, ,KHA CIG NA RE GONG DU BSTAN PA LTAR MTSAN MA RNAM PA BCU RNAM PAR SEL BA NA, TING NGE 'DZIN GYI SPYOD YUL GZHAN GYI DBANG GIS GZUGS BRNYAN GYI RGYU MTSAN GYI RNAM PA KHO NA RNAM PAR SEL BAR BYED DE, TING NGE 'DZIN GYI GZUGS BRNYAN RNAM PAR SEL BA NYID KYI PHYIR ZAG PA DANG BCAS PA'I MTSAN MA'I 'CHING BA LAS YONGS SU GROL BAR 'GYUR RO, ,MTSAN MA'I 'CHING BA LAS YONGS SU GROL BA'I MTHU'I PHYIR DMIGS PAR BYED PA, LTA BA'I RNAM PA YANG RNAM PAR SEL BAR BYED DO, ,YANG NA MNGON DU SPYOD PA'I MTSAN MA'I 'CHING BA LAS YONGS SU GROL BA'I MTHU'I PHYIR MTSAN MA'I 'CHING BA'I SA BON LAS KYANG YONGS SU GROL BAR 'GYUR BA'O ZHE'O, ,KHA CIG NA RE GONG DU BSTAN PA LTAR MTSAN MA RNAM PA BCU RNAM PAR SEL BA DE NI TING NGE 'DZIN LA BRTEN NAS SNANG BA'I GZUGS BRNYAN KUN BRTAGS PA'I MTSAN MA'O, ,'DI LTAR TING NGE 'DZIN LA GZUGS BRNYAN DANG BCAS PA SNANG BAS PHYIS RNAM PAR G-YENG BAR SEMS KYANG, GZUGS BRNYAN DE LA BRTEN NAS YANG DAG PA MA YIN PA'I SEMS GYI RJES SU YONGS SU 'DZIN PA'I MTSAN MA YOD PAR 'GYUR PAS, ,DE'I PHYIR STONG PA @192B NYID DU BSGOMS PA'I TSE MTSAN MA DE LTA BU DAG RNAM PAR SEL BAR BYED DE, YONGS SU 'DZIN PA'I MTSAN MA RNAM PAR SEL BA'I PHYIR KUN NAS NYON MONGS PA'I MTSAN MA LAS YONGS SU GROL BAR 'GYUR RO ZHE'O, ,YANG NA SLOB DPON CHOS SKYONG GIS BSTAN PA LTAR TING NGE 'DZIN GYI SPYOD YUL GYI GZUGS BRNYAN RNAM PAR SEL BA ZHES BYA BA YANG SNGAR BSTAN PA BZHIN DU MNGON DU MI SNANG BA'I PHYIR RNAM PAR SEL BA ZHES BYA'I, RANG GI BDAG NYID KYANG MED PA'I PHYIR RNAM PAR SEL BA ZHES BYA BA NI MA YIN TE, DE'I PHYIR BSTAN BCOS RNAL 'BYOR SPYOD PA'I SA LAS, RNAL 'BYOR BA KUN BRTAGS PA'I NGO BO NYID LA YANG DAG PAR ZHUGS PA'I TSE NGO BO NYID GANG GI RJES SU 'JUG CE NA, SMRAS PA, YONGS SU GRUB BA'I NGO BO NYID KYI RJES SU 'JUG GO, ,RNAL 'BYOR PA YONGS SU GRUB PA'I NGO BO NYID RJES SU ZHUGS PA'I TSE, NGO BO NYID GANG RNAM PAR SEL CE NA, SMRAS PA, GZHAN GYI DBANG GI NGO BO NYID RNAM PAR SEL BAR BYED DO ZHES 'BYUNG NGO, ,GZHAN YANG DE NYID LAS RNAL 'BYOR PAS JI LTAR DMIGS PA'I YUL GYI MTSAN MA RNAM PAR SEL BAR BYED CE NA, SMRAS PA, YANG DAG PA'I TING NGE 'DZIN GYIS SHES BYA'I GZUGS BRNYAN LA SNGAR SO SOR BRTAGS PAS PHYIS DON DAM PA'I YID LA BYAS PA'I STOBS KYIS MTSAN MA DANG BCAS BA NYID NI RNAM PAR LDOG LA MTSAN MA MED PA NYID NI THOB PAR 'GYUR RO ZHES 'BYUNG NGO, ,GZHAN YANG DE NYID LAS GCOD PAR NUS SHING SPONG BAR NUS PA'I PHYIR RNAM PAR SEL BA ZHES BSHAD DO, ,BSTAN BCOS RNAM PAR BSHAD PA LAS, DE LA RNAM PAR SEL BA'I BSGOM PA NI 'DI LTA STE, JI LTAR KHA CIG TING NGE 'DZIN GYI SPYOD YUL GYI GZUGS BRNYAN GYI MTSAN MA YID LA BYAS PA'I PHYIR, CHOS RNAMS KYI RTZA BA'I NGO BO NYID KYI MTSAN MA RNAM PAR SEL BAR BYED CING, YANG SNANG BAR MI 'GYUR BAR BYED PAS KHYI GUS KHYI GUD DBYUNG BA'I RIGS PA LA RTEN PAR BYED DE, DPER NA SKYES BU LA LA KHYI GU PHRA MOS KHYI GU SBOM PO 'BYIN PA LTAR, LUS SHIN TU SBYANGS PAS LUS KYI GNAS NGAN LEN RNAM PAR SEL BAR BYED BA LTA BU'O ZHES 'BYUNG STE, BSTAN BCOS RNAL 'BYOR SPYOD PA'I SA LAS KYANG DE SKAD DU STON TO, ,RIGS KYI BU GTZO BO'I DBANG DU BYAS NAS STONG PA NYID DE DAG NI MTSAN MA DE DAG GI GNYEN POR GYUR PA ZHES BSTAN KYANG, RE RE LA YANG MTSAN MA THAMS CAD KYI GNYEN POR MI 'GYUR BA NI MA YIN PAR @193A *, ,RIG PAR BYA'O ZHES BYA BA 'DI MAN CHAD NI GNYIS PA GZHAN GYIS BRGAL BA'I THE TSOM GCOD PA'O, ,'DI YANG RNAM PA GSUM DU DBYE STE, DON BSTAN PA DANG, DPES NYE BAR MTSON PA DANG, DPE DANG, DON SBYAR BA'O, ,'DI NI DANG PO'I BSTAN PA STE, GZHAN DAG NA RE CI RE RES KYANG MTSAN MA RNAM PA BCU PO DAG YONGS SU SEL BAR MI BYED DAM, CI'I PHYIR SO SO NAS MTSAN MA THA DAD PA RE RE RNAM PAR SEL BAR BYED CES RGOL BAS DE'I PHYIR LAN DU 'DI GSUNGS PA YIN TE, YANG DAG PA'I DON DU NA RE RES KYANG MTSAN MA THAMS CAD RNAM PAR SEL BAR BYED MOD KYI, GTZO BO'I DBANG DU MDZAD PA'I PHYIR MTSAN MA RE RE RNAM PAR SEL BAR BSTAN PA YIN NO ZHES BYA BA'I THA TSIG GO, ,DPER NA MA RIG PA NAS RGA SHI'I BAR GYI KUN NAS NYON MONGS PA'I CHOS RNAMS MI BSKYED PA MA YIN MOD KYI, GTZO BO'I DBANG DU BYAS NAS 'DU BYED SKYED PA ZHES BSTAN TE, 'DU BYED RNAMS KYI NYE BA'I RKYEN YIN PA'I PHYIR ZHES BYA BA NI GNYIS PA DPE NYE BAR MTSON PA STE, MDO NYID KYIS BRDA PHRAD PAR ZAD DO, ,'DI LA YANG TSUL DE BZHIN DU RIG PAR BYA'O ZHES BYA BA NI GSUM PA DPE DANG SBYAR BA'O, ,DE NAS BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS 'DI LA STONG PA NYID GANG GIS STONG PA NYID KYI MTSAN NYID BSDUS PA GANG LAGS, BYANG CHUB SEMS DPA' RNAMS KYIS DE RTOGS NAS STONG PA NYID KYI MTSAN NYID RAB TU NYAMS PAR MI 'GYUR ZHING, MNGON PA'I NGA RGYAL YONGS SU SPONG BAR 'GYUR LAGS ZHES BYA BA 'DI MAN CHAD NI GSUM PA ZHUS PA DANG LAN DAG GIS STONG PA NYID KYI MTSAN NYID BSDUS PA RNAM PAR 'BYED PA'O, ,'DI YANG RNAM PA GNYIS TE, ZHU BA GSOL BA DANG LAN DU GSUNGS PA STE, 'DI NI DANG PO ZHU BA GSOL PA'O, ,'DI LA STONG PA NYID GANG LAGS, STONG PA NYID KYI MTSAN NYID MDOR BSDUS PA ZHES BYA BA NI STONG PA NYID MDOR BSDUS PA GANG YIN PA NYID YANG DAG PAR ZHUS PA'O, ,DE LA ZHU BA GSOL PA'I DGONGS PA NI 'DI YIN TE, NGO BO NYID RNAM PA GSUM LAS CHOS STONG PA NYID NI STONG PA NYID GANG GIS BSDUS PA LAGS ZHES BYA BA'I THA TSIG GO, ,BYANG CHUB SEMS DPA' RNAMS KYIS ZHES BYA BA LA SOGS PAS NI ZHU BA GSOL BA'I DGONGS PA BSTAN PA STE, @193B GAL TE STONG PA NYID MDOR BSDUS PA KHONG DU CHUD PAR GYUR NA, RAB TU NYAMS PAR GYUR BA STONG PA NYID DU NYE BAR GZUNG BA'I SKYON MED PAS DE'I DBANG GIS MA THOB PAR THOB BO SNYAM PA'I MNGON PA'I NGA RGYAL GYI NYES PA YANG YONGS SU SPONG BAR 'GYUR BA'O, ,DE NAS BCOM LDAN 'DAS KYIS BYANG CHUB SEMS DPA' BYAMS PA LA LEGS SO LEGS SO ZHES BSNGAGS PA BRJOD NAS RIGS KYI BU KHYOD KYIS DENG 'DIR DE BZHIN GSHEGS PA LA 'DI LTAR DON ZAB MO 'DRI BA NI BYANG CHUB SEMS DPA' RNAMS STONG PA NYID KYI MTSAN NYID LAS RAB TU NYAMS PAR MI 'GYUR BAR BYA BA'I CHED DU'O ZHES BYA BA LA SOGS PAS NI GNYIS PA DE BZHIN GSHEGS PAS YANG DAG PAR LAN DU GSUNGS PA STON TO, ,'DI YANG RNAM PA GNYIS TE, ZHUS PA'I BSNGAGS PA BRJOD NAS BSHAD PAR GNANG BA BSTAN PA DANG ZHUS PA BZHIN DU LAN YANG DAG PAR GSUNGS PA'O, ,DANG PO YANG RNAM PA GSUM DU DBYE STE, ZHU BA ZHUS PA LA PHAN YON YOD PAR BSNGAGS PA DANG, ZHU BA MA GSOL BA'I NYES DMIGS BSTAN PA DANG, MNYEN PAR BSKUL ZHING BSHAD PAR GNAD PA STE, 'DI NI DAD PO ZHU BA ZHUS PA LA PHAN YON YOD PAR BSNGAGS PA'O, ,DE CI'I PHYIR ZHE NA, RIGS KYI BU BYANG CHUB SEMS DPA' GANG STONG PA NYID KYI MTSAN NYID LAS RAB TU NYAMS PA NI THEG PA CHEN PO MTHA' DAG LAS RAB TU NYAMS PAR 'GYUR BAS ZHES BYA BAS NI GNYIS PA ZHU BA MA GSOL BA'I NYES DMIGS BSTAN PA'O, ,MDO'I TSIG 'DI YANG RNAM PA GNYIS SU DBYE STE, DANG PO CI'I PHYIR ZHE NA ZHES BYA BA NI STONG PA NYID KYI MTSAN NYID RAB TU NYAMS PAR MI 'GYUR BA'I GTAN TSIGS BSTAN PA'O, ,RIGS KYI BU ZHES BYA BA LA SOGS PAS NI RAB TU NYAMS PAR 'GYUR BA'I MTSAN NYID RAB TU BSTAN TO, ,DE LA BYANG CHUB SEMS DPA' GANG STONG PA NYID KYI MTSAN NYID LAS RAB TU NYAMS PA NI THEG PA CHEN PO MTHA' DAG LAS KYANG RAB TU NYAMS PAR 'GYUR ZHES BYA BA LA THEG PA CHEN PO MTHA' DAG CES BYA BA NI SNGAR KHUNGS SU BSTAN PA 'PHAGS PA SHES RAB KYI PHA ROL TU PHYIN PA'I MDO LAS, STONG PA NYID BCO BRGYAD LA SOGS PA JI SKAD DU BSTAN PA NYID NI THEG PA CHEN PO ZHES BYA'O, ,'DIR RAB TU NYAMS PAR 'GYUR ZHES GSUNGS PA DE YANG, BSTAN @194A *, ,BCOS RNAL 'BYOR SPYOD PA'I SA LAS JI SKAD DU, JI LTAR BYANG CHUB SEMS DPA' THEG PA CHEN PO LAS RAB TU NYAMS PA YIN ZHE NA, 'DI LTA STE BYANG CHUB SEMS DPA' GAL TE CHOS RNAMS KYI ZAB PA DANG, NGO BO NYID MED PA NYID THOS NA RANG BZHIN GYIS NYON MONGS PA'I RIMS NAD NYID MED BAR YONGS SU 'DZIN CID BDAG NYID 'KHOR BA'I NAD LCI BA MED DO SNYAM DU SEMS TE, DPER NA RIMS KYIS BTAB PAR GYUR PA DE NYID BDAG NYID NAD MED PAR RLOM PAR BYED PA RIMS KYI NAD LAS THAR BAR MI 'GYUR ZHING RAB TU NYAMS PAR 'GYUR BA DANG 'DRA BAR BYANG CHUB SEMS DPA' YANG DE BZHIN DU BLTA BAR BYA'O ZHES 'BYUNG NGO, ,GZHAN YANG BSTAN BCOS RNAL 'BYOR SPYOD PA'I SA LAS NI, SGRO 'DOGS PA DANG SKUR BA 'DEBS PA DANG, STONG PA NYID NYES PAR BZUNG BA LA RAB TU NYAMS PA ZHES BSHAD DE, DE'I PHYIR BSTAN BCOS DE NYID LAS GANG ZAG RNAM PA GNYIS NI SANGS RGYAS KYI CHOS 'DUL BA LAS RAB TU NYAMS PAR 'GYUR TE, GZUGS LA SOGS PA'I CHOS RNAMS DANG GZUGS LA SOGS PA'I DNGOS PO 'DOGS PA'I TSIG GI NGO BO NYID KYI MTSAN NYID YOD PA MA YIN PA LA SGRO BTAGS NAS MNGON PAR ZHEN PA GANG YIN PA DANG, 'DOGS PA'I MTSAN MA'I GZHI DANG, 'DOGS PA'I MTSAN MA'I RTEN DU GYUR PA BRJOD DU MED PA'I BDAG NYID KYI DON DAM PAR YOD PA YANG DAG PA'I DNGOS PO LA THAMS CAD KYI THAMS CAD DU MED DO ZHES SKUR PA 'DEBS SHING, CHUD GSON BAR BYED PA GANG YIN PA ZHES BYA BA NAS STONG PA NYID NYES PAR BZUNG BA'I BAR GANG YIN PA DE NI RAB TU NYAMS PA ZHES BYA'O ZHES BSHAD DE, RGYA CHER DE NYID LAS BSTAN PA BZHIN DU RIG PAR BYA'O, ,DE'I PHYIR KHYOD KYIS LEGS PAR NYON CIG DANG, KHYOD LA STONG PA NYID KYI MTSAN NYID BSDUS PA BSHAD PAR BYA'O ZHES BYA BA NI GSUM PA MNYAM PAR BSKUL ZHING BSHAD PAR GNANG BA BSTAN PA'O, ,RIGS KYI BU GZHAN GYI DBANG GI MTSAN NYID DANG, YONGS SU GRUB PA'I MTSAN NYID RNAM PA THAMS CAD DU KUN NAS NYON MONGS PA DANG, RNAM PAR BYAD BA'I KUN BRTAGS PA'I MTSAN NYID SHIN TU RNAM PAR BRAL BA NYID DANG, DE LA CI YANG DMIGS SU MED PA GANG YIN PA DE NI THEG PA CHEN PO LA STONG BA NYID KYI MTSAN NYID BSDUS PA ZHES BYA'O ZHES BYA BA NI GNYIS PA ZHUS PA BZHIN DU LAN @194B YANG DAG PAR GSUNGS PA'O, ,MDO'I TSIG 'DI YANG RNAM PA GNYIS TE, ZHUS PA BZHIN DU LAN YANG DAG PAR BSTAN PA DANG, DE NI ZHES BYA BA MAN CHAD NI MJUG BSDU ZHING GZHAN DAG GIS BRGAL BA'I LAN BTAB PA'O, ,LAN YANG DAG BAR BSTAN PA LA YANG RGYA GAR YUL PA'I SLOB DPON DAG GI BSHAD PA RNAM PA GNYIS YOD DE, DANG PO SLOB DPON BHA BYA LA SOGS PAS MDO 'DI LAS NI NGO BO NYID RNAM PA GSUM CHAR YANG STONG PA NYID DU STON PAR MDZAD DO ZHES BSHAD DE, MDO 'DI LAS JI SKAD DU GZHAN GYI DBANG DANG YONGS SU GRUB PA'I MTSAN NYID RNAM PA THAMS CAD DU KUN NAS NYON MONGS PA DANG RNAM PAR BYANG BA'I KUN BRTAGS PA'I MTSAN NYID SHIN TU RNAM PAR BRAL BA NYID CES GSUNGS PAS NI KUN BRTAGS PA'I NGO BO NYID STONG PA NYID DU BSTAN TO, ,DE LA CI YANG DMIGS SU MED PA GANG YIN PA ZHES GSUNGS PAS NI GZHAN GYI DBANG DANG, YONGS SU GRUB PA'I NGO BO NYID RNAM PA GNYIS KYIS STONG PA'I DON BSTAN TE, DE LTAR NGO BO NYID RNAM PA GSUM PO DAG DMIGS SU MED PA GANG YIN PA DE NI STONG PA NYID KYI MTSAN NYID BSDUS PA ZHES BYA'O, ,GZHAN GYI DBANG YANG RNAM PAR SEL BAR JI LTAR SHES SHE NA, DES MDO LAS GSUNGS PA KHUNGS SU BSTAN PA, CHOS NI GANG YANG CUNG ZAD SKYE BA MED, ,CHOS NI CUNG ZAD GANG YANG 'GAG PA MED, ,LTA BA DAG LAS CHOS RNAMS RAB BRTAGS NA, ,YOD PA MA YIN MED PA'ANG MIN, ,ZHES GSUNGS PA DANG GZHAN YANG MDO GNYIS PO DAG LAS, CHOS RNAMS RKYEN LAS GANG SKYES PA, ,RKYEN DANG CHOS NI GNYI GA MED, ,DE LTAR YANG DAG GANG SKYES PA, ,RKYEN NI RTOGS PA ZHES BYA'O, ,, CHOS NI RKYEN LAS GANG SKYES PA, ,CHOS DE DNGOS PO CI YANG MED, ,CHOS DNGOS MED PA GANG YIN PA, ,CHOS DE RKYEN LAS SKYES MA YIN, ,ZHES GSUNGS PA DANG, GZHAN YANG 'PHAGS PA SHES RAB KYI PHA ROL TU PHYIN PA'I 'GREL PA LAS KYANG, CHOS RNAMS NI DMIGS SU MED PA'O ZHES BYA BAS NA CHOS KYI DBYINGS DANG YANG DAG PA'I MTHA' ZHES GSUNGS PAS DE'I PHYIR YONGS SU GRUB PA'I NGO BO NYID KYANG DMIGS SU MED PAR SHES PAR BYA'O, ,GAL TE DE LTA NA MDO LAS GSUNGS PA DE CI LTAR BRDA SPRAD CING RNAM PAR BSHAD PAR BYA STE, MDO LAS NI, KUN BRTAGS DAG NI YOD MA YIN, ,GZHAN @195A *, ,GYI DBANG NI YOD MA YIN, ,RNAM PAR RTOG NA RAB NYAMS SHING, ,SGRO 'DOG SA SKUR 'DEBS MTHAR LTUNG 'GYUR, ,ZHES GSUNGS SO ZHE NA, SMRAS PA, DE LA MING NI KUN BRTAGS PA YIN LA, DON NI GZHAN GYI DBANG GI NGO BO NYID YIN TE, MING NI DON LA YOD PA MA YIN PA'I PHYIR MED LA, DON NI 'JIG RTEN PA'I RJES SU MED PA MA YIN PA'I PHYIR YOD PAS 'DI KHUNGS SU BZHAG NAS, GZHAN GYI DBANG YOD PAR BSGRUB TU MI RUNG NGO ZHES BSHAD DE, 'DI LA SOGS PA'I GTAN TSIGS MANG PO YOD PA NI 'DIR MA BRJOD DO, ,GNYIS PA NI SLOB DPON CHOS SKYONG LA SOGS PAS NGO BO NYID RNAM PA GSUM LAS, KUN BRTAGS BSAL BAR ZAD KYI NGO BO NYID GZHAN GNYIS NI MA YIN NO ZHES STON TO, DE'I PHYIR MDO DE NYID LAS GZHAN GYI DBANG GI MTSAN NYID DANG, YONGS SU GRUB PA'I MTSAN NYID RNAM PA THAMS CAD DU KUN NAS NYON MONGS PA DANG, RNAM PAR BYANG BA'I KUN DU BRTAGS PA'I MTSAN NYID SHIN TU RNAM PAR BRAL BA NYID CES GSUNGS PA 'DI NI NGO BO NYID RNAM PA GNYIS KUN BRTAGS YONGS SU SPANG BAR BSTAN PAS DE'I PHYIR KUN BRTAGS PA YONGS SU BSAL BA NYID KYI STONG PA NYID KYI NGO BO NYID BSTAN PA YIN PAR RIG PAR BYA'O, ,DE LA CI YANG DMIGS PA GANG YIN PA ZHES BYA BA NI YANG DAG PAR BSHAD DE, 'DI LTAR STONG PA NYID KYIS MTSAN NYID BSDUS PA DE LA MTSAN MA BCU PO THAMS CAD DMIGS SU MED PA LA BYA'I, SNGAR BSTAN PA LTAR STONG BA NYID BCU DRUG PO DAG GI SO SO NAS MTSAN MA RE RE RNAM PAR SEL BA LA BYA BA NI MA YIN PA'O, ,YANG NA KUN DU BRTAGS PA'I NGO BO NYID GNYIS PO DE LA GTAN DU BRAL BA'AM, CI YANG MI DMIGS PA'O, ,GZHAN YANG MDO GZHAN DAG LAS, KUN BRTAGS DAG NI YOD MA YIN, ,GZHAN GYI DBANG NI YOD MA YIN, ,RNAM PAR RTOG NA RAB NYAMS SHING, ,SGRO 'DOGS SKUR 'DEBS MTHAR LTUNG 'GYUR, ,ZHES GSUNGS PA DANG, GZHAN YANG MDO 'DI NYID KYI NANG NAS RANG GI NGO BO NYID MED PA'I MTSAN GYI LE'U LAS, 'ON KYANG SEMS CAN RNAMS NI GZHAN GYI DBANG GI NGO BO NYID DANG, YONGS SU GRUB PA'I NGO BO NYID LA KUN BRTAGS PA'I NGO BO NYID DU SGRO 'DOGS PA'I PHYIR, DES NGO BO NYID MED PA RNAM PA GSUM RNAM PAR GZHAG PA YIN TE @195B ZHES GSUNGS PA DANG, GZHAN YANG 'PHAGS PA SHES RAB KYI PHA ROL TU PHYIN PA'I MDO LAS, KUN DU BRTAGS PA'I NGO BO NYID RNAMS NI GDON MI ZA BAR YOD PA MA YIN NO, ,GZHAN GYI DBANG GI NGO BO NYID RNAMS NI MING DANG 'DU SHES KYIS BRTAGS PA TZAM DU YOD CING THA SNYAD DU BRJOD PA'O, ,YONGS SU GRUB PA'I NGO BO NYID RNAMS DANG BDAG MED PA NYID DE, YANG DAG PAR YOD PA MA YIN NO ZHES GSUNGS SO, ,GZHAN YANG SLOB DPON NGO BO NYID MED KYIS THEG PA CHEN PO BSDUS PA'I 'GREL BA DANG, 'PHAGS PA SHES RAB KYI PHA ROL TU PHYIN PA'I 'GREL PA'I NANG NAS, 'PHAGS PA SHES RAB KYI PHA ROL TU PHYIN PA'I MDO KHUNGS SU BSTAN PA LAS KYANG KUN DU BRTAGS PAS BSAGS PA DANG, BSKYED PA DANG, BLANGS PA DANG, RTAG PAR RGYUN DU RNAM PAR 'GYUR BA MED PA'O SNYAM PA'I CHOS GANG YIN PA DE DAG THAMS CAD NI MED PA ZHES BYA'O, ,RGYU DANG RKYEN GYIS BSKYED PA GANG YIN PA DE DAG NI YOD PA ZHES BSHAD DO, ,GZHAN YANG DE BZHIN GSHEGS PAS DE DANG DE DAG TU NGO BO NYID RNAM PA GSUM PO DE DAG LAS KUN BRTAGS PA'I NGO BO NYID NI STONG PA'O, ,GZHAN GYI DBANG DANG YONGS SU GRUB PA'I NGO BO NYID GNYIS PO DAG NI YOD PA YIN NO ZHES GSUNGS PAS, DE'I PHYIR STONG PA NYID DU GSUNGS PA'I BSTAN PA DAG LA DGONGS PA GZHAN YOD PAS DE'I PHYIR SGRA JI BZHIN DU BZUNG NAS CHOS RNAMS MED DO ZHES SKUR DU MI RUNG NGO, ,SGRA JI BZHIN DU DON 'DZIN PA GANG YIN PA DE NI THEG PA CHEN PO LA SKUR BA BTAB PA YIN TE, STONG PA NYID NYES PAR BZUNG BA MA YIN PAS LOG PAR LTA BA CHEN PO NYID MNGON PAR GRUB PAR 'GYUR RO ZHES BSHAD DE, DE LTA BU'I GTAN TSIGS LA SOGS BA MANG PO GZHAN YOD PA NI 'DIR MI BRJOD DO, ,GAL TE DE LTA NA JI LTAR SNGAR MDO SDE KHUNGS SU BZHAG NAS GZHAN GYI DBANG YONGS SU BSAL BAR BSTAN PA DE DAG JI LTAR BRDA SPRAD CING RNAM PAR BSHAD PAR BYA ZHE NA, SLOB DPON CHOS SKYONG GIS BSHAD PA LAS 'BYUNG BAR SNGAR MDO DAG LAS, CHOS NI GANG YANG CUNG ZAD SKYE BA MED, ,CHOS NI GANG YANG CUNG ZAD 'GAG PA MED, ,CES GSUNGS PA DE'I DGONGS BA NI KUN DU BRTAGS PA'I NGO BO NYID KYI RANG GI NGO BO NYID KYI BYE BRAG RJOD PAR BYED PA DANG, BRJOD PAR BYA BA'I BDAG NYID STONG ZHING SKYE BA MED PA DANG, 'GAG PA MED PA NYID DU BSTAN @196A *, ,PAR BZHED PA'O, ,LTA BA DAG LAS CHOS RNAM PAR BRTAGS NA YOD PA MA YIN MED PA MIN ZHES GSUNGS PA NI KUN BRTAGS PA DANG BRAL BA'I LTA BA YONGS SU DAG PAS 'JIG RTEN PA'I RGYU DANG RKYEN GYIS BSKYED PA'I CHOS RNAMS YOD PA YANG MA YIN MED PA YANG MA YIN PA NYID DU MTHONG NA PHYI MA'I MDO GNYIS LAS GSUNGS PA YANG KHONG DU CHUD PAR 'GYUR TE, 'DI LTAR MDO PHYI MA GNYIS LAS KYANG RKYEN LAS BYUNG BA'I CHOS RNAMS RANG GI NGO BO NYID MED PA NYID DU STON PAR MDZAD PAS PHAN TSUN 'GAL BA MED DO, ,'DI LTAR RKYEN LAS SKYE BA'I CHOS NI RNAM PA GNYIS TE, KUN DU BRTAGS PA'I NGO BO NYID DANG, GZHAN GYI DBANG GI NGO BO NYID DO, ,'DI NI DON GYIS KUN DU BRTAGS PA'I RANG GI NGO BO NYID YOD PA MA YIN PA NYID DU STON PAR MDZAD KYI, GZHAN GYI DBANG NI MA YIN NO ZHES BSHAD DE, DE YAN CHAD DU SLOB DPON CHOS SKYONG LA SOGS PAS GSUNGS PA DAG PHAN TSUN BRDA SPROD PAR BSTAN TO, , SLOB DPON BHA BYA YANG MDO SDE KHUNGS SU BZHAG NAS 'DI SKAD DU, GAL TE GZHAN GYI DBANG YOD PA YIN NA, CI'I PHYIR MDO LAS CHOS KYI DNGOS PO THAMS CAD NI MI STONG PA GANG YANG MED DO ZHES GSUNGS, GZHAN YANG CI'I PHYIR MDO LAS, BCOM LDAN 'DAS KYIS RAB 'BYOR LA BKA' STZAL BA, GZUGS LA SOGS PA'I CHOS RNAMS KYI RANG GI NGO BO NYID NI THAMS CAD DU MED PA'O ZHES BYA BA DANG, GZHAN YANG BCOM LDAN 'DAS KYIS BLO GROS CHEN PO LA BKA' STZAL PA, CHOS THAMS CAD KYI DNGOS PO NI SKYE BA MED DE, SNGAR YONG PA'AM SNGAR MED PA YANG SKYE BAR MI RUNG BA'I PHYIR RO ZHES BYA BA GSUNGS TE ZHES GAL 'DZUGS TE, SLOB DPON CHOS SKYONG GIS NI 'DI LA DGONGS PA YOD DE DGONGS PA DE YANG JI LTA BU ZHE NA, 'DI LTA STE, MDO SDE DE DAG NI KUN DU BRTAGS PA RNAM PAR GZHIG PA KHO NA'I CHED DU GSUNGS PA YIN GYI, THAMS CAD MED PA NI MA YIN TE, GAL TE THAMS CAD MED DO ZHES ZER NA, 'ON NI LOG PAR LTA BA NYID DU 'GYUR RO, ,DE LTA BU'I DGONGS PA CI LTAR SHES SHE NA, MDO GZHAN DAG LAS RAB TU PHYE NAS BSTAN PA'I PHYIR TE, 'DI LTAR BCOM LDAN 'DAS KYIS SNGAR 'DI SKAD DU, NGA NI MTSUNGS PAR LDAN PA'I RANG GI NGO BO NYID KHO NA LA DGONGS NAS CHOS THAMS CAD NGO BO NYID MED DO ZHES BSTAN TE, @196B GAL TE KHA CIG SGRA JI BZHIN DU MNGON PAR ZHEN NAS KUN NAS NYON MONGS PA DANG, RNAM PAR BYANG BA'I CHOS KYI NGO BO NYID KYANG MED DO ZHES ZER NA STONG PA NYID NYES PAR BZUNG BA DE NI LOG PAR LTA BA ZHES BYA'O ZHES GSUNGS TE, ZHIB TU DE NYID LAS BSTAN PA BZHIN NO, ,DO NI DE'I PHYIR SLOB DPON DBYIG GNYEN GYIS MDZAD PA RNAM PAR RIG PA TZAM GYI BSTAN BCOS NYI SHU PA'I 'GREL PA LAS, CHOS RNAMS RNAM PA THAMS CAD DU MED PAR SHES PA LA CHOS BDAG MED PAR 'JUG PA ZHES BYA BA MA YIN GYI, BYIS PA RNAMS KYIS KUN DU BRTAGS PA'I NGO BO NYID KYI BYE BRAG YONGS SU SPANGS PA CHOS RNAMS KYI BDAG MED PA GANG YIN PA DE LA CHOS BDAG MED PAR 'JUG PA ZHES BYA STE, SANGS RGYAS RNAMS KYI YUL GANG YIN PA BRJOD DU MED PA'I CHOS NYID CI YANG MED PA NI MA YIN PAS DE'I PHYIR CHOS BDAG MED PA'O ZHES BSTAN PA YIN NO, ,GZHAN YANG SLOB DPON NGO BO NYID MED KYIS BYAS PA'I THEG PA CHEN PO BSDUS PA'I 'GREL PA LAS, RGYU MED PA LA NAN GYIS RGYU YOD PA NYID DU 'JUG PA'I PHYIR SGRO 'DOGS PA ZHES BYA'O, ,YOD PA DANG MED PA'I RGYU LA NAN GYIS MED PA NYID DU SKUR BA'I PHYIR SKUR BA ZHES BYA'O ZHES BYA BA NAS KUN BRTAGS PA LA NI SGRO 'DOGS PA KHO NA YIN GYI, SKUR PA 'DEBS PA NI MED DE CI YANG MED PA'I PHYIR RO, ,'DI LTAR YOD PA LA GDONG SKUR PA 'BYUNG BAS SO, ,GZHAN GYI DBANG LA NI SGRO 'DOGS PA DANG SKUR BAR MI BYED DE, BDAG NYID KYIS YOD PA'I PHYIR RO, ,NGA 'DI LTAR YOD PA MA YIN PA LA GDOD SGRO 'DOGS PA YOD PAS SO, ,SKUR PAR YANG MI BYED DE YANG DAG PA MA YIN PA TZAM DU YOD PA'I PHYIR RO, ,YONGS SU GRUB PA LA NI SGRO 'DOGS PAR MI BYED DE YANG DAG PAR YOD PA'I PHYIR RO, ,SKUR PA KHO NA YOD DO ZHES BYA BA'I BAR DU BSTAN PA YIN TE, RGYA CHER DE NYID LAS BSTAN PA BZHIN NO, ,GZHAN YANG BSTAN BCOS RNAL 'BYOR SPYOD PA'I SA LAS, GZHAN GYI DBANG DANG YONGS SU GRUB PA LA MED DO ZHES SKUR BA GANG YIN PA DE NI STONG PA NYID LOG PAR ZIN BA ZHES BYA'O ZHES BSHAD DE, SNGAR GONG DU BSTAN PA BZHIN DU RAB TU DBYE BAR BYA'O, ,GZHAN YANG 'PHAGS PA SHES RAB KYI PHA ROL TU PHYIN PA'I 'GREL PA LAS, YOD PAR LTA BA LA MANG DU MNGON PAR ZHEN PA DANG, MED PAR LTA BA LA MANG DU MNGON @197A *, ,PAR ZHEN PA'I SEMS CAN DE DAG NI YOD PAR LTA BA DANG MED PAR LTA BA LA MNGON PAR ZHEN PA STE, LTA BA RNAM PA GNYIS PO DE DAG NI YANG DAG PA MA YIN PA YIN GYI YANG DAG PA NI MA YIN PAS DBU MA'I LAM 'JIG PAR BYED PA'O, ,DPER NA LA LA ZHIG LAM DOG PAR ZHUGS TE, 'GRO BA NGOS GCIG TU NI CHU SHIN TU ZAB PA YOD LA NGOS GCIG TU ME CHEN PO YOD NA PHYOGS GANG DU SONG YANG 'CHI BAR 'GYUR BA BZHIN DU, YOD PA LA MNGON PAR ZHEN PA DANG, MED PA LA MNGON PAR ZHEN PA YANG DNGOS PO GNYI GA STOD PAR 'GYUR RO ZHES 'BYUNG STE, ZHIB TU DE NYID LAS BSTAN PA BZHIN NO ZHE'O, ,STONG PA NYID BSDUS PA 'DI DANG, STONG PA NYID BCU BDUN PO DAG LA BYE BRAG CI YOD CE NA, SMRAS PA, 'DI LA BSHAD PA RNAM PA GNYIS YOD DE, KHA CIG NA RE NGO BO NYID LA BYE BRAG MED KYANG SPYI DANG BYE BRAG NI THA DAD DO ZHE'O, ,KHA CIG NA RE STONG PA NYID BSDUS PA 'DIS NI KUN DU BRTAGS PA'I NGO BO NYID RNAM PAR SEL BAR BYED LA SNGA MA'I STONG PA NYID BCU BDUN PO DAG GIS NI GZUGS BRNYAN RNAM PAR SEL BAR BYED PA'I PHYIR BYE BRAG YOD DO ZHE'O, ,BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS ZHI GNAS DANG LHAG MTHONG 'DI DAG GIS TING NGE 'DZIN KHYAD PAR DU 'PHAGS PA DU ZHIG SDUD PAR BGYID LAGS CES PA 'DI MAN CHAD NI BCU GSUM PA ZHI GNAS DANG LHAG MTHONG GIS TING NGE 'DZIN GZHAN RNAMS BSDU BA ZHES BYA BA'I SGO ZHES BYA BAR STON TO, ,'DI YANG RNAM PA GNYIS TE, ZHU BA GSOL BA DANG, LAN DU GSUNGS PA STE, 'DI NI ZHU BA GSOL BA'O, ,BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL PA, RIGS KYI BU NGAS JI SKAD DU NYAN THOS DANG BYANG CHUB SEMS DPA' DANG, DE BZHIN GSHEGS PA'I TING NGE 'DZIN KHYAD PAR DU 'PHAGS PA DPAG TU MED PA JI SNYED BSTAN PA GANG YIN PA DE DAG THAMS CAD 'DIS BSDUS PA YIN PAR RIG PAR BYA'O ZHES BYA BA NI GNYIS PA DE BZHIN GSHEGS PAS YANG DAG PAR LAN DU GSUNGS PA STE, THEG PA GSUM PO THAMS CAD KYI TING NGE 'DZIN DPAG TU MED PA DAG NI ZHI GNAS DANG LHAG MTHONG 'DI'I NANG DU BSDUS PAR RIG PAR BYA STE, TING NGE 'DZIN GZHAN GANG YANG @197B 'DIS MA BSDUS PA MED PA'I PHYIR RO, ,BCOM LDAN 'DAS ZHI GNAS DANG LHAG MTHONG 'DI DAG GI RGYU GANG GIS BGYI LAGS ZHES BYA BA 'DI MAN CHAD NI BCU BZHI BA ZHI GNAS DANG LHAG MTHANG GA RGYU DANG 'BRAS BU DANG LAS BYED PA'I SGO ZHES BYA BA STON TO, ,'DI YANG RNAM PA GSUM DU DBYE STE, RGYU BSTAN PA DANG, 'BRAS BU BSTAN PA DANG, LAS BSTAN PA STE, 'DI NI DANG PO RGYU BSTAN PA'O, ,DANG PO YANG RNAM PA GNYIS SU DBYE STE, ZHU BA GSOL BA DANG, LAN DU GSUNGS PA STE, 'DI NI ZHU BA GSOL BA'O, ,RIGS KYI BU TSUL KHRIMS RNAM PAR DAG PA DANG, THOS PA DANG BSAMS PA LAS BYUNG BA'I YANG DAG PA'I LTA BA RNAM PAR DAG PAS DE DAG GI RGYU BYED DO ZHES BYA BA NI GNYIS PA LAN DU GSUNGS PA'O, ,'DI LTAR ZHI GNAS DANG LHAG MTHONG DE DAG GI TING NGE 'DZIN GYIS THOB PA'I PHYIR RNAM PAR GROL BA'I TSUL KHRIMS THOB PA GANG YIN PA DANG, RNAM PAR G-YENG BA'I GNAS SKABS SU YANG THOS PA DANG BSAMS PA'I SHES RAB GNYIS KYIS DE DAG GI RGYU BYED PAS SO, , BCOM LDAN 'DAS ZHI GNAS DANG LHAG MTHONG DE DAG GI 'BRAS BU GANG LAGS ZHES BYA BA LA SOGS PAS NI GNYIS PA ZHI GNAS DANG LHAG MTHONG GI 'BRAS BU STON TO, ,'DI YANG ZHU BA GSOL BA DANG, LAN DU GSUNGS PA STE, 'DI NI ZHU BA GSOL BA'O, ,RIGS KYI BU SEMS SHIN TU RNAM PAR DAG PA DANG, SHES RAB SHIN TU RNAM PAR DAG PAS DE DAG GI 'BRAS BU BYED DO ZHES BYA BA LA SOGS PAS NI GNYIS PA LAN DU YANG DAG PAR GSUNGS PA STON TO, ,'DI YANG RNAM GRANGS GNYIS KYIS BSTAN TE 'DI NI DANG PO'O, ,DE LA SEMS SHIN TU RNAM PAR DAG PA ZHES BYA BA NI ZHI GNAS KYI 'BRAS BU'O, ,SHES RAB SHIN TU RNAM PAR DAG PA ZHES BYA BA NI LHAG MTHONG GI 'BRAS BU'O, ,'DI DAG NI RGYU MTHUN PA'I 'BRAS BU'I DBANG DU MDZAD NAS GSUNGS PA'O, ,DBANG GI 'BRAS BU DANG SBYAR NA NI 'BRAS BU GNYIS GNYIS THOB PAR 'GYUR PA YIN NO, ,YANG NA SEMS SHIN TU RNAM PAR DAG PA DANG, SHES RAB SHIN TU RNAM PAR DAG PA ZHES BYA BA NI ZAG PA MED PA'I PHYIR SHIN TU ZHES BYA'O, ,DPE GZHAN KHA CIG LAS TSUL KHRIMS SHIN TU RNAM PAR DAG PA DANG, SEMS SHIN TU RNAM PAR DAG PA DANG, SHES RAB SHIN TU RNAM PAR DAG PA ZHES 'BYUNG BA NI NOR TO, ,DGONGS PA ZAB MO RNAM PAR DGROL BA'I MDO DANG, DPE GZHAN DAG DANG GTUGS PA LAS KYANG @198A *, ,TSUL KHRIMS ZHES MI 'BYUNG BAS SO, ,GZHAN YANG RIGS KYI BU NYAN THOS THAMS CAD DANG, DE BZHIN GSHEGS PA LA SOGS PA'I 'JIG RTEN PA DANG, 'JIG RTEN LAS 'DAS PA'I DGE BA'I CHOS THAMS CAD KYANG ZHI GNAS DANG LHAG MTHONG DE DAG GIS THOB PA'I 'BRAS BU YIN PAR RIG PAR BYA'O ZHES BYA BAS NI RNAM GRANGS GNYIS PAS DE DAG GI 'BRAS BU BSTAN PA'O, ,MDO'I TSIG 'DI YANG SO SO NAS BSHAD PA MI MTHUN PAS, KHA CIG NA RE TSIG 'DIS NI NYAN THOS DANG BYANG CHUB SEMS DPA' DANG, DE BZHIN GSHEGS PA'I BSTAN PA YIN NO ZHES ZER TE, BSHAD PA 'DI DANG SBYAR NA SOGS PA ZHES BYA BA'I TSIG GIS NI BYANG CHUB SEMS DPA' YANG BZUNG BA YIN TE, DE'I PHYIR DGONGS PA ZAB MO RNAM PAR DGROL BA'I MDO LAS, NYAN THOS DANG BYANG CHUB SEMS DPA' DANG, RANG SANGS RGYAS RNAMS KYIS ZHES 'BYUNG BA YIN NO, ,KHA CIG NA RE 'DIR NYAN THOS ZHES GSUNGS PA NYID KYIS RANG SANGS RGYAS KYANG BSDUS PA YIN NO ZHES ZER TE, GZHAN NI SNGAR BSHAD PA BZHIN NO, ,KHA CIG NA RE STZOGS PA ZHES BYA BA NI RANG SANGS RGYAS DANG, BYANG CHUB SEMS DPA' BSDUS PA YIN NO ZHES ZER TE, GZHAN NI SNGAR BSTAN PA BZHIN NO, ,DE NI 'DI SKAD DU THEG PA GSUM PO DAG GIS 'JIG RTEN PA DANG, 'JIG RTEN LAS 'DAS PA'I DGE BA'I CHOS JI SNYED PA DE DAG THAMS CAD NI ZHI GNAS DANG LHAG MTHONG GIS THOB PAR BYA BA'I 'BRAS BU YIN PA'I PHYIR RO ZHES BSTAN PAR 'GYUR RO, ,DE BZHIN GSHEGS PAS BRNYES PA'I 'BRAS BU THAMS CAD NI ZAG PA MED PA YIN NA, CI'I PHYIR DE DAG LA 'JIG RTEN PA ZHES BSTAN ZHEN SMRAS PA, 'JIG RTEN PA NI RNAMS GNYIS TE, DANG PO NI NGO BO NYID KYIS ZAG PA DANG BCAS PA'I PHYIR 'JIG RTEN PA ZHES BYA'O, ,GNYIS PA NI NGO BO NYID KYIS ZAG PA MED PA YIN YANG 'JIG RTEN PA LA DMIGS PA'I PHYIR 'JIG RTEN PA ZHES BYA'O, ,'DI LTA STE, RJES LAS THOB PA'I YE SHES DANG MTSUNGS PAR LDAN PA'I SEMS LA SOGS PA'O, ,DE'I PHYIR BCOM LDAN 'DAS LA YANG 'JIG RTEN PA'I CHOS MNGA'O, ,BCOM LDAN 'DAS ZHI GNAS DANG LHAG MTHONG GIS LAS GANG DAG BGYID LAGS ZHES BYA BA LA SOGS PAS NI GSUM PA ZHI GNAS DANG, LHAG MTHONG GI LAS STON TO, ,'DI YANG ZHU BA @198B GSOL BA DANG, LAN DU GSUNGS PAS BSTAN TE, 'DI NI ZHU BA GSOL BA NYID DO, ,RIGS KYI BU DE DAG GIS 'CHING BA RNAM PA GNYIS PO DAG LAS RNAM PAR THAR PAR BYED DO, 'DI LTA STE, MTSAN MA'I 'CHING BA DANG, GNAS NGAN LEN GYI 'CHING BA DAG LAS SO ZHES BYA BAS NI GNYIS PA DE BZHIN GSHEGS PAS YANG DAG PAR LAN DU GSUNGS PA'O, ,'CHING BA RNAM PA GNYIS LAS RNAM PAR THAR PA'I LAS BYED DE, 'DI LTA STE, MTSAN MA'I 'CHING BA DANG, GNAS NGAN LEN GYI 'CHING BA DAG LAS SO, ,DE MTSAN MA'I 'CHING BA ZHES BYA BA NI KHA CIG NA RE RGYU MTSAN GYI RNAM PA NYID DE, 'DI LTAR ZAG PA DANG BCAS PA'I RGYU MTSAN GYIS LTA BA'I RNAM PA DE RANG DBANG MED PAR BYED PAS MTSAN MA'I 'CHING BA ZHES BYA STE, MTSAN MA NYID 'CHING BA YIN PAS MTSAN MA'I 'CHING BA ZHES BYA'O ZHE'O, ,KHA CIG NA RE NYON MONGS PA CAN GYI YID NI MTSAN MA'I 'CHING BA'I NGO BO NYID BYED DE, 'DI LTAR NYON MONGS PA CAN GYI YID KYI DBANG GIS GZHAN MIG LA SOGS PA'I RNAM PAR SHES PA RNAMS DMIGS PAR BYA BA'I MTSAN MA DAG LA RANG DBANG MED PAR BYED PAS SO ZHES ZER TE, BSHAD PA 'DI DANG SBYAR NA MTSAN MA'I 'CHING BA YIN PA'I PHYIR MTSAN MA'I 'CHING BA ZHES BYA'O, ,DE LA GNAS NGAN LEN GYI 'CHING BA YANG RNAM PA GNYIS YOD DE, DANG PO NI ZAG PA DANG BCAS PA'I CHOS LA LAS SU MI RUNG BA'I NGO BO NYID YOD PA GANG YIN PA DE NI GNAS NGAN LEN GYI 'CHING BA ZHES BYA STE, ZAG PA DANG BCAS PA'I CHOS DANG, GCIG PA YANG MA YIN THA DAD PA YANG MA YIN PA'O, ,BDAG NYID GUD NA MED PA'I PHYIR THA DAD PA MA YIN PA ZHES BYA'O, ,SPANGS PA DANG MA SPANGS PA THA DAD PA'I PHYIR GCIG PA MA YIN PA ZHES BYA'O, ,GNYIS PA NI SGRIB PA GNYIS KYI SA BON GANG YIN PA DE NI SPYIR GNAS NGAN LEN ZHES BYA STE, DE YANG DGONGS PA RNAM PA GNYIS KYIS SA BON LA GNAS NGAN LEN ZHES BYA'O, ,RGYA CHER RNAM PAR 'BYED PA NI DON DAM PA'I BDEN PA MTSAN NYID KYI LE'U LAS BSTAN PA BZHIN DU RIG PAR BYA'O,, ,,BAM PO BZHI BCU BDUN PA, BCOM LDAN 'DAS BCOM LDAN 'DAS KYIS JI SKAD DU GAGS RNAM PA LNGA GSUNGS PA GANG LAGS PA DE DAG LAS DU NI ZHI GNAS KYI GAGS DAG LAGS, DU NI LHAG MTHONG GI GAGS DAG LAGS, @199A *, ,DU [?] NI GNYI GA'I GAGS DAG LAGS ZHES BYA BA 'DI MAN CHAD NI BCO LNGA PA ZHI GNAS KYI GAGS DANG, GNYEN POR GYUR BA RAB TU DBYE BA'I SGO ZHES BYA BA STON TO, ,'DI YANG RNAM PA BZHIR DBYE STE, GAGS RNAM PA LNGA PO DAG ZHI GNAS DANG, LHAG MTHONG GI GAGS SU GYUR PA BSTAN PA'I SGO DANG, SGRIB PA LNGA PO DAG ZHI GNAS DANG LHAG MTHONG GI SGRIB PAR BSTAN PA'I SGO DANG, RNAM PAR G-YENG BA RNAM PA LNGA RU DBYE BA'I SGO DANG, ZHI GNAS DANG LHAG MTHONG GI SGRIB PA BCU GCIG GI GNYEN POR GYUR PA BSTAN PA'I SGO STE 'DI NI DANG PO'O, ,DANG PO LA YANG RNAM PA GNYIS TE, ZHU BA GSOL BA DANG, LAN DU GSUNGS PA'O, ,'DI NI DANG PO ZHU BA GSOL BA STE, GNAS RNAM PA LNGA PO DE DAG LAS, DU NI ZHI GNAS KYI GAGS LAGS, DU NI LHAG MTHONG GI GAGS LAGS, DU NI GNYI GA'I GAGS LAGS ZHES BYA BA'I THA TSIG GO, ,DE LA GAGS RNAM PA LNGA ZHES BYA BA NI BSTAN BCOS DE KHO NA NYID GRUB PA LAS SEMS KYI 'CHING BA LNGA ZHES 'BYUNG STE, NYON MONGS PA'I SDIG PA'I CHOS KYIS SEMS 'CHING ZHING SPONG BAR MI BYED PA'I PHYIR SEMS KYI 'CHING BA ZHES BYA STE, RANG GI LUS LA CHAGS PA DANG, PHYI ROL GYI 'DOD PA LNGA PO DAG LA CHAGS PA DANG, KHYIM PA DAG DANG 'DRES PAR MOS PA DANG, 'PHAGS PA'I GTAM LA SEMS KYIS MOS PA MED PA DANG, DGE BA'I CHOS CUNG ZAD TZAM GYIS CHOG PAR 'DZIN PA'O ZHES BSHAD DO, ,BSTAN BCOS CHOS MNGON PO SNA TSOGS KUN LAS BTUS PA LAS, GAGS NI RNAM PA GSUM MO ZHES BSHAD DE, DE'I PHYIR DE NYID LAS GAGS NI GSUM STE, 'DOD CHAGS KYI GAGS DANG, ZHE SDANG DANG GTI MUG GI GAGS SO, ,GSUM PO DE DAG LA GNAS PA'I PHYIR LUS DANG LONGS SPYOD LA LTA BA DANG, BLO MA BYANG BA DANG 'DRE BAR GNAS PA DANG, DGE BA CUNG ZAD TZAM GYIS CHOG PAR 'DZIN PAS DE'I DBANG GIS DGE BA'I CHOS RNAMS MI SGRUB PA'I PHYIR GAGS ZHES BYA'O ZHES 'BYUNG STE, BSTAN BCOS CHOS MNGON PA SNA TSOGS KUN LAS BTUS PA LAS, BLO MA BYANG BA ZHES 'BYUNG BA NI MDO 'DI NYID LAS 'PHAGS PA'I BSTAN PA RNAMS LA 'DOD PA BZHIN DU MA THOB PA ZHES GSUNGS PA NYID DO, ,GZHAN YANG CHOS MNGON PA SNA TSOGS KUN LAS BTUS PA LAS, GAGS RNAM PA LNGA LAS BRTZAMS NAS @199B GAGS KYI DON STON TO, ,DE'I PHYIR BSTAN BCOS DE NYID LAS, GZHAN YANG LUS LA LTA BA LA SOGS PA DANG BCAS PA NI SEMS KYI GAGS RNAM PA LNGA'I DBANG DU BYAS TE BSTAN PA'O, ,LNGA GANG ZHE NA 'DI LTA STE, LUS LA LTA BA DANG, 'DOD PA RNAMS LA LTA BA DANG, 'DRE BAR GNAS PAR MOS PA DANG, RJES SU MTHUN PA'I RJES SU BSTAN PA DANG, GDAMS NGAG MED PA DANG, DGE BA'I CHOS RNAMS LA CUNG ZAD TZAM GYIS CHOG PAR 'DZIN PAS SEMS KYI GAGS SU GYUR PA'I PHYIR SEMS KYI GAGS ZHES BYA'O ZHES BSHAD DE, BSTAN BCOS CHOS MNGON PA SNA TSOGS KUN LAS BTUS PA DANG, CHOS MNGON PA KUN LAS BTUS PA THA DAD PAR GYUR BA YANG DER LAS GSUM PAR BSTAN PA 'DIR ZHI BAR BYAS PA'I PHYIR RO, ,BSTAN BCOS RNAL 'BYOR SPYOD PA'I SA LAS NI MING BKOD PAR ZAD KYI, RNAM PAR BSHAD PA NI MED DE, DE'I PHYIR 'DIR LNGA PO DAG LAS BRTZAMS NAS ZHU BA GSOL BA YIN NO, ,RIGS KYI BU LUS DANG LONGS SPYOD LA LTA BA NI ZHI GNAS KYI GAGS YIN NO, ,'PHAGS PA'I BSTAN PA RNAMS LA 'DOD PA BZHIN DU MA THOB PA NI LHAG MTHONG GI GAGS YIN NO ZHES BYA BA LA SOGS PAS NI GNYIS PA DE BZHIN GSHEGS PAS YANG DAG PAR LAN DU GSUNGS PA STON TO, ,'DI LTAR LUS LA LTA BA DANG, LONGS SPYOD LA LTA BA RNAM PA GNYIS PO DAG NI ZHI GNAS LA SGRIB PAR BYED PA 'PHAGS PA'I BSTAN PA RNAMS LAS 'DOD PA BZHIN DU MA THOB PAS DES NI BSTAN PA'I DGONGS PA RNAMS RAB TU DBYE BAR MI NUS PAS DE'I PHYIR LHAG MTHONG LA SGRIB PAR BYED DO, ,'DRE BAR GNAS PAR MOS PA DANG, CUNG ZAD TZAM GYIS CHOG PAR 'DZIN PA NI GNYI GA'I GAGS YIN PAR RIG PAR BYA STE, DANG PO'I PHYIR NI SGOM PAR MI BYED DO, ,GNYIS PA'I PHYIR NI SBYOR BA MTHAR THUG PAR MI 'GYUR RO ZHES BYA BA NI GNYI GA'I GAGS BSTAN PA STE, 'DI LTAR GNYI GA'I GAGS NI RNAM PA GNYIS TE, 'DRE BAR GNAS BAR MOS PA DE'I DBANG GIS NI ZHI GNAS DANG LHAG MTHONG SGOM PAR MI BYED LA, CUNG ZAD TZAM GYIS CHOG PAR 'DZIN PA'I STOBS KYIS NI ZHI GNAS DANG, LHAG MTHONG SGOM PA MTHAR THUG PAR MI 'GYUR BAS SO, ,BCOM LDAN 'DAS SGRIB PA LNGA PO GANG LAGS PA DE DAG LAS, DU NI ZHI GNAS KYI SGRIB PA LAGS, DU NI LHAG MTHONG GI SGRIB PA LAGS, DU NI GNYI GA'I SGRIB PA DAG LAGS @200A *, ,ZHES BYA BA 'DI MAN CHAD NI GNYIS PA SGRIB PA LNGA PO DAG ZHI GNAS DANG LHAG MTHONG GI SGRIB PAR BSTAN PA'I SGO ZHES BYA BAR STON TO, ,'DI YANG RNAM PA GNYIS TE, SGRIB PA LNGA PO DAG ZHI GNAS DANG, LHAG MTHONG LA SGRIB PAR BSTAN PA DANG, BCOM LDAN 'DAS ZHES BYA BA MAN CHAD KYIS ZHI GNAS DANG LHAG MTHONG GI LAM GNYIS YONGS SU RDZOGS PAR 'GYUR PA NYID BSTAN PA'O, ,DANG PO YANG ZHU BA GSOL BA DANG, LAN DU GSUNGS PAS BSTAN TE, 'DI NI DANG PO ZHU BA GSOL BA NYID DO, ,RIGS KYI BU RGOD PA DANG 'GYOD PA NI ZHI GNAS KYI SGRIB PA YIN NO, ,RMUGS PA DANG GNYID DANG THE TSOM NI LHAG MTHONG GI SGRIB PA YIN NO, ,'DOD PA LA 'DUN PA DANG GNOD SEMS NI GNYI GA'I SGRIB PA YIN PAR RIG PAR BYA'O ZHES BYA BA NI GNYIS PA DE BZHIN GSHEGS PAS YANG DAG PAR LAN DU GSUNGS PA'O, ,'DI LTAR SGRIB PA LNGA PO DAG LAS RGOD PA DANG 'GYOD PA NI ZHI GNAS KYI SGRIB PA YIN TE, RNAM PAR G-YENG BAR BYED PA'I PHYIR RO, ,RMUGS PA DANG GNYID DANG THE TSOM NI LHAG MTHONG GI SGRIB PA YIN TE, 'DI LTAR MI GSAL ZHING NGES PA MED PA'I PHYIR RO, ,'DOD PA LA 'DUN PA DANG GNOD SEMS NI GNYI GA'I SGRIB PA YIN TE, RTZA BA'I NYON MONGS PA YIN PAS SGRIB PA'I NUS PA MCHOG TU GYUR BA'I PHYIR RO, ,SGRIB PA LNGA PO 'DI DAG GI NGO BO NYID DANG, MTSAN NYID DANG NGES TSIG BSTAN PA NI BSTAN BCOS BYE BRAG TU BSHAD PA CHEN PO LAS JI SKAD DU BSTAN PA BZHIN DU RIG PAR BYA'O, ,DE'I PHYIR 'DI NYID LAS SGRIB PA NI LNGA YOD DE, 'DI LTA STE, 'DOD PA LA 'DUN PA'I SGRIB PA DANG, GNOD SEMS KYI SGRIB PA DANG, RMUGS PA DANG GNYID KYI SGRIB PA DANG, RGOD PA DANG 'GYOD PA'I SGRIB PA DANG, THE TSOM GYI SGRIB PA'O, ,SGRIB PA LNGA PO 'DI DAG GI NGO BO NYID JI LTA BU ZHE NA, SMRAS PA, 'DOD PA'I KHAMS KYI DNGOS PO SUM CU'I NGO BO NYID DE, 'DI LTA STE, 'DOD PA LA 'DUN PA DANG GNOD SEMS 'DOD PA'I KHAMS KYI SDE LNGA DANG SO SOR SBYAR BA'I DNGOS PO BCU DANG, RMUGS PA DANG RGOD PA KHAMS GSUM GYI SDE LNGA PO DAG DANG, SO SOR SBYAR NA MI DGE BA DANG LUNG DU MI STON PAR YANG GTOGS PA LAS, MI DGE BA KHO NA SGRIB PAR GZHAG PA'I DNGOS PO BCU DANG GNYID NI 'DOD PA'I KHAMS KYI SDE LNGA DANG SBYAR NA DGE BA DANG MI DGE BA DANG LUNG DU MI STON PAR YANG @200B GTOGS PA LAS, MI DGE BA KHO NA SGRIB PAR GZHAG PA'I DNGOS PO LNGA DANG 'GYOD PA NI 'DOD PA'I KHAMS KHO NA'I BSGOM PAS SPANG BAR BYA BA YIN TE, DGE BA DANG MI DGE BAR YANG GTOGS PA LAS, MI DGE BA KHO NA'I SGRIB PAR GZHAG PA'I DNGOS PO GCIG DANG, THE TSOM NI KHAMS GSUM GYI SDE BZHIR GTOGS TE, MI DGE BA DANG LUNG DU MI STON PAR YANG GTOGS PA LAS, MI DGE BA KHO NA SGRIB PAR GZHAG PA'I DNGOS PO BZHI STE, DES NA SGRIB PA LNGA PO DE DAG NI 'DOD PA'I KHAMS KYI DNGOS PO SUM CU'I NGO BO NYID YIN NO, ,SGRIB PA LA MTSAN NYID JI LTA BU ZHIG YOD CE NA, BTZUN BA BSHES GNYEN GYIS 'DI SKAD DU, NGO BO NYID GANG YIN PA DE NYID MTSAN NYID YIN LA MTSAN NYID GANG YIN PA DE NYID NI NGO BO NYID YIN TE, 'DI LTAR CHOS THAMS CAD KYI NGO BO NYID DANG MTSAN NYID NI PHAN TSUN MI 'BRAL BA'I PHYIR RO ZHE'O, ,GZHAN YANG 'DOD PA RNAMS GNYER ZHID TSOL PA GANG YIN PA DE NI 'DOD PA LA 'DUN PA'I MTSAN NYID DO, ,SEMS CAN LA MNAR SEMS DANG BCAS PA GANG YIN PA DE NI GNOD SEMS KYI MTSAN NYID DO, ,LUS DANG SEMS PHYIR BA GANG YIN PA DE NI RMUGS PA'I MTSAN NYID DO, ,LUS DANG SEMS 'PHYAR ZHID G-YO BA GANG YIN PA DE NI RGOD PA'I MTSAN NYID DO, ,SEMS MI GSAL ZHING SDUD PA GANG YIN PA DE NI GNYID KYI MTSAN NYID DO, ,YID LA GCAGS PA GANG YIN PA DE NI 'GYOD PA'I MTSAN NYID DO, ,SEMS YID GNYIS ZAB GANG YIN PA DE NI THE TSOM GYI MTSAN NYID DE SGRIB PA'I NGO BO NYID DANG MTSAN NYID BSHAD ZIN TO, ,NGES PA'I TSIG 'DIR BSHAD PAR BYA STE, CI'I PHYIR SGRIB PA LNGA YIN, SGRIB PA ZHES BYA BA'I DON CI YIN ZHE NA, SMRAS PA, BAR DU GCOD PA'I DON GANG YIN PA DE NI 'DI LTA STE, 'PHAGS PA'I LAM GYI BAR DU GCOD GPA DANG, 'PHAGS PA'I LAM GYI SBYOR BA'I DGE BA'I RTZA BA'I BAR DU GCOD PA'I PHYIR SGRIB PA ZHES BYA'O ZHES 'BYUNG STE, RGYA CHER DE NYID LAS BSTAN PA BZHIN NO, ,BSTAN BCOS CHOS MNGON PA SNA TSOGS KUN LAS BTUS PA LAS NI DGE BA'I PHYOGS GSAL BAR MI BYED PA GANG YIN PA DE NI SGRIB PA'I DON TO ZHES BSHAD DE, GONG DU SMOS PA'I BSTAN BCOS DAG LAS NI SEMS LA SGRIB CING DGE BA'I PHYOGS RNAMS LA 'JUG PAR MI BYED PA'I PHYIR RO ZHES BSTAN TO, ,BSTAN BCOS RNAL 'BYOR SPYOD PA'I SA LAS NI NYON MONGS PA LA SPYIR SGRIB PA ZHES BSHAD DE, @201A *, ,DE'I PHYIR DE NYID LAS DE KHO NA'I DON LA SGRIB G-YOGS BYED PAS NA SGRIB PA RNAMS SO ZHES BSTAN PA YIN NO, ,GZHAN YANG DE NYID LAS SHES BYA'I DNGOS PO LA SHES PA'I SGRIB BAR GYUR PA'I PHYIR SGRIB PA RNAMS SO ZHES BSHAD DO, ,GZHAN YANG DE NYID LAS SGRIB BA LNGA NI GNAS SKABS LNGA DANG MI MTHUN PA LAS RNAM PAR GZHAG PAR RIG PAR BYA STE, KHYIM NA GNAS BA'I YUL GYIS PHROGS PA'I PHYIR 'PHAGS PA'I BSTAN BA DANG MI MTHUN PA'I SGO NAS NI 'DOD PA'I 'DUN PA SGRIB BAR RNAM PAR GZHAG GO, ,CHOS MTHUN PA RNAMS KYIS GLENG BA DANG, SMA DBAB BA DANG, RJES SU BSTAN PA LA SOGS PAS GDUL BA MI BZOD BAS YANG DAG BAR DGA' BAR BYA BA'I CHOS DANG MI MTHUN BA'I SGO NAS GNOD SEMS KYI SGRIB PA RNAM PAR GZHAG GO, ,ZHI GNAS DANG MI MTHUN PA'I SGO NAS NI RMUGS PA DANG GNYID KYI SGRIB PA RNAM PAR BZHAG GO, ,LHAG MTHONG DANG MI MTHUN PA'I SGO NAS NI RGOD PA DANG 'GYOD PA'I SGRIB BA RNAM PAR GZHAG GO, ,CHOS GYI 'BEL BA'I GTAM PHYIN CI LOG MED PAR RAB TU 'BYED PA DANG, CHOS SBYOD BA DANG STON PA'I BSTAN PA DANG, MYA NGAN LAS 'DAS PA LA MOS PA DANG MI MTHUN PA'I SGO NAS NI THE TSOM GYI SGRIB BA RNAM PAR GZHAG GO ZHES 'BYUNG STE, SGRIB BA LNGA RGYA CHER RNAM PAR BSHAD PA NI BSTAN BCOS BYE BRAG TU BSHAD PA CHEN PO DANG, DE KHO NA NYID SGRIB BA DANG CHOS MNGON PA SNA TSOGS KUN LAS BTUS PA DANG, RNAL 'BYOR SPYOD PA'I SA DANG MTSAN NYID BSTAN PA DAG LAS 'BYUNG BA BZHIN DU RIG PAR BYA'O, ,BCOM LDAN 'DAS CI TZAM GYIS NA ZHI GNAS KYI LAM YONGS SU RDZOGS PAR RNAM PAR DAG PA THOB BA ZHES BGYI LAGS ZHES BYA BA 'DI MAN CHAD NI GNYIS PA ZHIG NAS DANG LHAG MTHONG GI LAM GNYIS YONGS SU RDZOGS PAR 'GYUR BA NYID STON TO, ,'DI YANG RNAM PA GNYIS TE, ZHI GNAS KYI LAM BSTAN PA DANG, LHAG MTHONG GI LAM BSTAN PA'O, ,RE RE LA YANG ZHU BA GSOL BA DANG, LAN DU GSUNGS PAS BSTAN TE, 'DI NI DANG PO ZHIG NAS KYI LAM DU ZHUGS PA'O, ,RIGS KYI BU JI TZAM DU RMUGS PA DANG GNYID YOD PA DAG YANG DAG BAR LEGS PAR RAB TU BSAL BAR GYUR BA DE TZAM GYIS NA ZHI GNAS KYI LAM YONGS SU RDZOGS PA RNAM PAR DAG BA THOB PA ZHES BYA'O ZHES BYA BA NI GNYIS PA DE @201B BZHIN GSHEGS PAS LAN DU YANG DAG PAR GSUNGS BA'O, ,'DI LTA STE, RIGS KYI BU DANG PO'I THOB PA LTA BU LA BYA BA MA YIN GYI, CI TZAM DU RGOD BA DANG 'GYOD PA RAB TU BSAL TE YONGS SU RDZOGS PAR GYUR PA NA, RMUGS PA DANG GNYID RAB TU SEL BAR BYED PAS GDOD YONGS SU RDZOGS PAR THOB PA ZHES BYA'O ZHES BYA BA'I THA TSIG GO, ,BCOM LDAN 'DAS JI TZAM GYIS NA LHAG MTHONG GI LAM YONGS SU RDZOGS PAR RNAM PAR DAG BA THOB PA ZHES BGYI LAGS ZHES BYA BA NI LHAG MTHONG GI LAM YONGS SU RDZOGS BAR 'GYUR BA ZHUS PA'O, ,RIGS KYI BU JI TZAM DU RGOD PA DANG 'GYOD PA YOD PA DAG YANG DAG PAR LEGS PAR RAB TU BSAL BAR GYUR PA DE TZAM GYIS NA LHAG MTHONG GI LAM YONGS SU RDZOGS PAR RNAM PAR DAG PA THOB PA ZHES BYA'O ZHES BYA BA NI GNYIS PA DE BZHIN GSHEGS PAS YANG DAG PAR LAN DU GSUNGS PA'O, ,'DI LTA STE, RIGS KYI BU DANG PO'I THOB BA LTA BU LA BYA BA MA YIN GYI JI TZAM DU RMUGS BA RAB TU BSAL BA NAS 'GYOD PA'I BAR DU BSAL BAR GYUR PA DE TZAM GYIS NA GDOD YONGS SU RDZOGS PAR THOB PA ZHES BYA BAS SO ZHES BYA BA'I THA TSIG GO, ,CI'I PHYIR SGRIB PA LNGA PO DAG ZHI GNAS DANG LHAG MTHONG LA SGRIB BAR BSTAN PA LAS, RGOD PA DANG 'GYOD BA NI ZHI GNAS LA SGRIB PAR BYED LA, LHAG MTHONG LA MA YIN RMUGS PA DANG GNYID NI LHAG MTHONG LA SGRIB PAR BYED LA ZHI GNAS YONGS SU RDZOGS PA LA MA YIN, GOD DU BSTAN BA DAG DANG 'GAL BAR 'GYUR RO ZHE NA, SMRAS BA, ZHI GNAS DANG LHAG MTHONG NI RE RE LA YANG SGRIB BA GNYIS GNYIS YOD DE, DANG PO NI NGO BO NYID DANG MTSAN NYID DANG PHAN TSUN RJES SU MTHUN BA'I SGRIB PA YIN PAS RMUGS PA NI ZHI GNAS LA SGRIB PAR BYED LA, RGOD PA NI LHAG MTHONG LA SGRIB PAR BYED, DE'I PHYIR BSTAN BCOS RNAL 'BYOR SBYOD PA'I SA LAS, RMUGS PA NI ZHI GNAS LA SGRIB PAR BYED DO, ,RGOD PA NI LHAG MTHONG LA SGRIB BAR BYED DO ZHES BSHAD DO, , BYID BA DANG YANG ZHING RNO BA'I NGO BO NYID KYI RJES SU MTHUN PA'I PHYIR RO, ,GNYIS PA NI DO BO NYID DANG MTSAN NYID DANG PHAN TSUN BZLOG BA'I SGRIB PA YIN PAS RMUGS PA NI LHAG MTHONG LA SGRIB BAR BYED LA, RGOD PA DE NI ZHI GNAS LA SGRIB PAR BYED DE, BSTAN BCOS CHOS MNGON PA SNA TSOGS KUN @202A *, ,LAS BTUS PA DANG, RNAM PAR BSHAD PA DANG, RNAM PAR RIG PA TZAM DU GRUB PA LA SOGS PA LAS, JI SKAD DU RMUGS PA NI LHAG MTHONG GI GNAS SKABS DANG RGOD PA NI ZHI GNAS KYI GNAS SKABS DANG PHAN TSUN MI MTHUN BA YIN NO ZHES BSHAD PA LTA BU STE, DE'I PHYIR SGRIB BA'I SKABS SU NI PHAN TSUN MI MTHUN PA'I SGRIB BA BSTAN PA LA 'DIR YONGS SU RDZOGS PA'I GNAS SKABS SU NI, SO SO NAS CIG CAR RJES SU MTHUN BA DANG, PHAN TSUN MI MTHUN BA'I SGRIB PA GNYIS PO DAG BSAL NA YONGS SU RDZOGS PA THOB PA'I PHYIR RO, ,BCOM LDAN 'DAS GAL TE BYANG CHUB SEMS DPA' RNAMS ZHI GNAS DANG LHAG MTHONG MNGON SUM DU GYUR PA NA SEMS RNAM PAR G-YENG BAR 'GYUR BA'I CHOS DU ZHIG KHONG DU CHUD BAR BGYI 'TSAL LAGS ZHES BYA BA 'DI MAN CHAD NI GSUM PA RNAM PAR G-YENG BA RNAM PA LNGA RAB TU DBYE BA'I SGO ZHES BYA BA STON TO, ,'DI YANG RNAM PA GNYIS TE, ZHU BA GSOL BA DANG LAN DU GSUNGS PA'O, ,'DI NI DANG PO ZHI GNAS DANG LHAG MTHONG SKYES BAR GYUR PA'I TSE SEMS RNAM PAR G-YENG PA'I RGYUR 'GYUR BA'I CHOS DU ZHIG SHES BAR BYA DGOS PA ZHUS PA YIN NO, ,RIGS KYI BU RNAM PA LDA SHES PAR BYA DGOS TE ZHES BYA BA LA SOGS PAS NI GNYIS PA YANG DAG PAR LAN DU GSUNGS PA STON TO, ,'DI YANG RNAM PA GSUM GYIS BSTAN TE, GRANGS SMOS NAS LAN MDOR GSUNGS PA DANG, GRANGS BZHIN DU MING BKOD PA DANG, GO RIMS BZHIN DU RNAM PAR PHYE STE BSHAD PA'O, ,'DI NI DANG PO STE RNAM PAR G-YENG BA NI MDOR BSDU NA RNAM PA LNGA YOD PAR SHES BAR BYA DGOS SO ZHES BYA BA'I THA TSIG GO, ,RNAM PAR G-YENG BA DE DAG KYANG BSTAN PA RNAMS LAS SO SO NAS BSHAD PA MI MTHUN TE, MDO 'DI LAS NI RNAM PA LNGAR GSUNGS TE, MDO LAS GSUNGS PA BZHIN DU RIG PAR BYA'O, ,DGONGS PA ZAB MO RNAM BAR DGROL BA'I MDO LAS KYANG, RNAM BA LNGAR GSUNGS TE, MING LA THA DAD PA YOD KYANG DON NI MTHUN TE, DE'I PHYIR DGONGS BA ZAB MO RNAM BAR DGROL BA'I MDO LAS, SEMS RNAM PAR G-YENG BA DANG NYON MONGS PAS RNAM PAR G-YENG BA ZHES GSUNGS TE, GZHAN GSUM NI MDO 'DI LAS GSUNGS PA DANG MTHUN NO, ,LANG GI TSE BSGYUR @202B BA'I BSTAN BCOS THEG PA CHEN PO BSDUS PA'I 'GREL PA LAS KYANG RNAM PA LNGAR BSTAN TE, MDO 'DI LAS GSUNGS PA DANG MI MTHUN NO, ,DE'I PHYIR DE NYID LAS RNAM PAR G-YENG BA RNAM PAR SEL BAR BYED PA'I PHYIR RNAM PAR SMOD PA ZHES BYA STE, 'DIS NI BSAM GTAN GYI PHA ROL TU PHYIN PA STON TO, , 'DI NYID KYI 'GREL BA LAS RNAM PAR G-YENG BA NI RNAM BA LNGA YOD DE, NGO BO NYID KYIS RNAM BAR G-YENG BA NI 'DI LTA STE, RNAM PAR SHES BA'I TSOGS LNGA'O, ,PHYI ROL DU G-YENG BA NI 'DI LTA STE, YID KYI RNAM PAR SHES PA PHA ROL GYI YUL LA 'PHRO BA GANG YIN PA'O, ,NANG GI RNAM PAR G-YENG BA NI 'DI LTA STE, SEMS MTHO DMAN DU GYUR NAS RO MYOD BA LA SOGS PA GANG YIN PA'O, ,GNAS NGAN LEN GYI G-YENG BA NI 'DI LTA STE, BDAG DANG BDAG GIR 'DZIN BA LA SOGS PA GANG YIN PA'O, ,YID LA BYED PA'I RNAM PAR G-YENG BA NI 'DI LTA STE, SEMS DMAN PAS THEG PA CHEN PO SPANGS NAS THEG PA CHUD DU PA'I YID LA BYED PA GANG YIN PA'O ZHES 'BYUNG BA YIN TE, RNAM PA LNGA LAS MTSAN MA'I RNAM PAR G-YENG BA BTON NAS NGO BO NYID KYI RNAM PAR G-YENG BA BSNAN BAS SO, ,SLOB DPON DBYIG GNYEN DANG, NGO BO NYID MED KYIS MDZAD PA'I 'GREL BA LAS NI RNAM BAR PHYE BA MED DO, ,BSTAN BCOS CHOS MNGON PA KUN LAS BTUS PA DANG, CHOS MNGON PA SNA TSOGS KUN LAS BTUS PA LAS KYANG RNAM PAR G-YENG BA RNAM BA DRUG GO ZHES BSTAN BCOS DBUS DANG MTHA' RNAM PAR 'BYED PA LAS BSTAN PA DANG MTHUN PAR BSHAD DE, DE'I PHYIR DBUS DANG MTHA' RNAM PAR 'BYED PA LAS RNAM PAR G-YENG BA NI RNAM PA DRUG YOD DE, NGO BO NYID KYI RNAM PAR G-YENG BA DANG, PHYI ROL DU RNAM PAR G-YENG BA DANG, NANG DU RNAM PAR G-YENG BA DANG, MTSAN MA'I RNAM PAR G-YENG BA DANG, GNAS NGAN LEN GYI RNAM PAR G-YENG BA DANG, YID LA BYED BA'I RNAM PAR G-YENG BA'O ZHES 'BYUNG STE, ZHIB TU DE NYID LAS BSTAN BA BZHIN NO, ,BSTAN BCOS RNAM PAR BSHAD PA LAS KYANG, DBUS DANG MTHA' RNAM PAR 'BYED BA LAS 'BYUNG BA DANG MTHUN PAR RNAM PA DRUG GO ZHES BSHAD DE, DE LA BYE BRAG YOD BA YANG YID LA BYED BA NI DANG POR BSTAN LA, NGO BO NYID NI DRUG PAR 'BYUNG NGO, ,MDO LAS NI RNAM PA LNGA'O ZHES GSUNGS NA CI'I @203A *, ,PHYIR BSTAN BCOS RNAMS LAS YANG NGO BO NYID KYIS ZHES BYA BAS BSNAN NAS GCIG TU BSDUS TE RNAM PA DRUG GO ZHES BSTAN ZHEN, SMRAS PA, BSTAN BCOS RNAMS KYANG MDO LA BRTAN NAS RNAM PA LNGA ZHES BSTAN PA'I RIGS PA LAS LOGS SHIG TU BSTAN PAR GYUR PA YANG, SANGS RGYAS KYI SA'I GNAS SKABS MA GTOGS PA GNAS SKABS GZHAN DAG NA RNAM PAR SHES PA'I TSOGS LNGA PO DAG NI RNAM PAR G-YENG BA KHO NA YIN TE, MNYAM PAR GZHAG PA MA YIN PAS DE'I PHYIR LOGS SHIG TU NGO BO NYID KYIS RNAM PAR G-YENG BA ZHES BSTAN TO, ,MDO LAS NGO BO NYID KYIS RNAM PAR G-YENG BA ZHES MA GSUNGS PA NI TING NGE 'DZIN LA SGRIB PAR BYED PA'I RING DU GYUR PA'I PHYIR DANG, SGRIB BA MCHOG MA YIN PA'I PHYIR MDOR BSDUS NAS MA GSUNGS SO, ,BSTAN BCOS THEG PA CHEN PO BSDUS PA'I 'GREL PA LANG GI TSE BSGYUR BA LAS RNAM PAR G-YENG BA LNGA YOD PAR BSTAN PA DE YANG SKYON RNAM PA GNYIS YOD DE, MDO DAG DANG MI MTHUN PA DANG SLOB DPON DBYIG GNYEN DANG, NGO BO NYID MED KYIS MDZAD PA'I 'GREL PA LAS KYANG DE LTA BU'I BSHAD PA MED PA'I PHYIR TSAD MAR GZUNG DU MI RUNG NGO, ,DE LAS GZHAN PA'I TSIG GI DON RNAMS NI MDO'I TSIG THAD KAR BAB PA NA STON BAS DE'I PHYIR 'DIR MA BSTAN TO, ,YID LA BYED PA'I RNAM PAR G-YENG BA DANG, PHYI ROL DU SEMS RNAM PAR G-YENG BA DANG, NANG DU SEMS RNAM PAR G-YENG BA DANG, MTSAN MA'I RNAM PAR G-YENG BA DANG, GNAS NGAN LEN GYI RNAM PAR G-YENG BA'O ZHES BYA BA NI GNYIS PA GRANGS BZHIN DU MING BKOD PA'O, ,RIGS KYI BU GAL TE BYANG CHUB SEMS DPA' RNAMS THEG PA CHEN PO DANG LDAN PA'I YID LA BYED PA BTANG STE, NYAN THOS DANG RANG SANGS RGYAS DANG LDAN PA'I YID LA BYED PAR LTUNG BAR GYUR NA DE NI YID LA BYED PA'I RNAM PAR G-YENG BA YIN PAR RIG PAR BYA'O ZHES BYA BA LA SOGS PAS NI GSUM PA GO RIMS BZHIN DU RNAM PAR PHYE STE STON TO, ,RNAM PAR G-YENG BA DE DAG KYANG MDOR BSDU NA SGO RNAM PA GNYIS SU RAB TU PHYE NAS, DE'I 'OG TU 'DOD PA MDO'I TSIG GI DON BSHAD PAR BYA'O, ,'DI LTA STE, DES TSIG BSTAN PA DANG, NGO BO NYID BSTAN PA'O, ,DE LA DANG PO NGES TSIG BSTAN PA YANG SBYI DANG BYE BRAG GIS BSTAN TE, DE LA SBYI NI RNAM PAR G-YENG BA LDA ZHES BSTAN PA'O, ,DE LA @203B LNGA ZHES BYA BA NI GRANGS SMOS PA'O, ,YID LA BYED PA ZHES BYA BA LA SOGS PA DE DAG GIS NI SEMS RNAM PAR 'PHRO BAR BYED PA'I PHYIR RNAM PAR G-YED BZHES BYA STE, RNAM PAR BSHAD PA RNAM BA DRUG LAS GRANGS DANG BCAS PA'I RNAM PAR BSHAD PA'O, ,DE LA BYE BRAG GI MING YANG RNAM PA LNGA STE, YID LA BYED PA DANG PHYI ROL GYI SEMS DANG, NANG GI SEMS DANG MTSAN MA DANG, GNAS NGAN LEN ZHES BYA BA DAG GO, ,DE LA YID LA BYED PA ZHES BYA BA NI MDO LAS THEG PA CHEN PO DANG LDAN PA'I YID LA BYED PA BTANG STE, NYAN THOS DANG RANG SANGS RGYAS DANG LDAN PA'I YID LA BYED PAR LTUNG BAR GYUR NA DE NI YID LA BYED PA'I RNAM PAR G-YENG BA ZHES GSUNGS PA STE, MDO'I TSIG 'DI LA BSHAD PA RNAM PA GNYIS YOD DE, KHA CIG NA RE YID LA BYED PA NYID RNAM PAR G-YENG BA'I NGO BO NYID CES BYA'O ZHES ZER TE, BSHAD PA 'DI DANG SBYAR NA RNAM PAR BSHAD PA RNAM PA DRUG LA, 'DI NI LAS YONGS SU 'DZIN PA'I RNAM PAR BSHAD PA YIN TA, 'DI LTAR MING LA BYED PA DE NYID RNAM PAR G-YENG BA YIN PA'I PHYIR RO, ,KHA CIG NA RE MDO 'DI LAS NI YID LA BYED PA RNAM PA GNYIS KYIS RNAM PAR G-YENG BA 'DREN PAR BYED PA'I PHYIR YID LA BYED PA'I RNAM PAR G-YENG BA ZHES BYA'O ZHES BSTAN KYANG YANG DAG PA'I DON DU RNAM PAR G-YENG BA NYID KYIS NGO BO NYID BYED DO ZHES ZER TE, BSHAD PA 'DI DANG SBYAR NA 'DI NI BDAG PO'I DBANG DU BYAS PA'I RNAM PAR BSHAD BA'O, ,'DI LA DON RNAM PA GNYIS YOD DE, DGONGS PA ZAB MO RNAM PAR DGROL BA'I MDO LAS NI, BYANG CHUB SEMS DPA'I YID LA BYED PA'I RNAM PAR G-YENG BA YIN PAR BSHAD DO, ,DE'I PHYIR DGONGS PA ZAB MO RNAM BAR DGROL BA'I MDO LAS, YANG DAG PA YID LA BYED PA'I RNAM PAR G-YENG BA ZHES 'BYUNG BA YIN NO ZHE'O, ,KHA CIG NA RE NYAN THOS KYI YID LA BYED PA'I RNAM PAR G-YENG BA YIN PA'I PHYIR, BSTAN BCOS DBUS DANG MTHA' RNAM PAR 'BYED PA LAS DMAN PA'I SEMS KYIS YID LA BYED PA ZHES BSTAN PA YIN NO ZHES ZER TE, 'DI LTAR RNAM PA GNYIS SU BSHAD PA YOD KYANG BSHAD BA NI PHYI MA YANG DAG PA YIN TE, DE'I PHYIR BSTAN BCOS CHOS MNGON PA KUN LAS BTUS PA LAS, RNAM PAR G-YENG BA'I CHOS DE YANG RNAM PA DRUG YOD PAR BSTAN PA YIN NO, ,DE LA PHYI ROL DU SEMS RNAM PAR G-YENG PA @204A *, ,ZHES BYA BA NI MDO LAS, GAL TE PHYI ROL GYI 'DOD PA'I YON TAN LNGA BO DAG DANG 'DRES BA'I MTSAN MA RNAMS LA YOD PA'I RNAM PAR RTOG BA'I NYE BA'I NYON MONGS PA DANG PHYI ROL GYI DMIGS PA'I YUL LA SEMS RNAM PAR 'PHRO BAR GTONG NA ZHES GANG GSUNGS PA'O, ,MDO'I TSIG 'DI NI DON GYIS PHYI ROL NI RNAM PA GSUM YOD PAR BSTAN TE, DANG PO NI PHYI ROL GYI 'DOD PA'I YON TAN LNGA BO DAG GO, ,GNYIS PA NI 'DRES PA'I MTSAN MA RNAMS TE, DE NYID NI 'DU 'DZI'I MTSAN MA YIN TE, DE'I PHYIR BSTAN BCOS RNAM PAR BSHAD PA LAS, 'DOD PA'I YON TAN LNGA PO DAG DANG, 'DU 'DZI'I MTSAN MA ZHES 'BYUNG BA YIN NO, ,GSUM PA NI SNGA MA GNYIS MA GTOGS PA DE LAS GZHAN PA'I PHYI ROL GYI YUL RNAMS TE, YUL RNAM PA GSUM PO DAG LA RNAM PAR G-YENG BA THA DAD KYI NGO BO NYID DO, ,BSHAD PA 'DI DANG SBYAR NA 'DI NI BDAG PO'I DBANG DU BYAS PA'I RNAM PAR BSHAD PA'O, ,DE LA NANG GI RNAM PAR G-YENG BA ZHES BYA BA NI MDO LAS GAL TE RMUGS PA DANG GNYID KYIS BYING BA'AM, SNYOMS PAR 'JUG PA'I RO MYANG BA'AM, SNYOMS PAR 'JUG PA'I NYE BA'I NYON MONGS PA GANG YANG RUNG BAS NYON MONGS PAR GYUR NA DE'I NANG DU SEMS RNAM PAR G-YENG BA YIN PAR RIG PAR BYA'O ZHES GANG GSUNGS BA STE, DE LA NANG DU SEMS ZHES BYA BA NI TING NGE 'DZIN DANG MTSUNGS PAR LDAN PA'I NANG GI TING NGE 'DZIN GYI SEMS SO, ,DE NI 'DI SKAD DU NANG GI TING NGE 'DZIN LA SGRIB PAR GYUR PA NI RNAM PA BZHI YOD DE, RMUGS PA DANG GNYID DANG BYING BA LA SOGS BA'I LAS KYI NUS PA DANG, SNYOMS PAR 'JUG BA'I NYE BA'I NYON MONGS PA GANG YANG RUNG BAS NANG GI TING NGE 'DZIN GYI SEMS LA SGRIB PAR BYED PA'I PHYIR NANG GI SNYOMS PAR 'JUG PA ZHES BYA'O ZHES BSTAN PAR 'GYUR RO, ,'DI LA YANG BSHAD PA RNAM PA GNYIS YOD DE, KHA CIG NA RE RMUGS PA LA SOGS PA BZHI PO DAG NYID LA RNAM PAR G-YENG BA'I NGO BO NYID CES BYA'O ZHE'O, ,KHA CIG NA RE RMUGS PA LA SOGS PA'I STOBS KYIS BSKYED PA'I NYON MONGS PA CAN GYI SEMS KYIS DRANGS PA'I RNAM PAR G-YENG BA'I NGO BO NYID CES ZER TE, BSHAD BA RNAM PA GNYIS KYI DON YANG SNGA MA BZHIN DU RIG PAR BYA'O, ,DE LA MTSAN MA'I RNAM PAR G-YENG BA ZHES BYA BA NI MDO LAS GAL TE PHYI ROL GYI MTSAN MA LA @204B BRTEN NAS NANG GI TING NGE 'DZIN GYI SPYOD YUL GYI MTSAN MA RNAMS YID LA BYED NA DE NI MTSAN MA'I RNAM PAR G-YENG BA ZHES BYA'O ZHES GANG GSUNGS PA STE, TING NGE 'DZIN LA BRTEN NAS PHYI ROL GYI MTSAN MA YID LA BYED KYI, TING NGE 'DZIN LA ZHUGS PA'I TSE NA TSIG GI BRJOD PA DANG BRAL BAS RGYU DANG RKYEN DES NA ZHI GNAS DANG LHAG MTHONG LA SGRIB PAR BYED PAS MTSAN MA'I RNAM PAR G-YENG BA ZHES BYA'O, ,BSHAD PA RNAM PA GNYIS KYI NGO BO NYID BSTAN BA NI GONG MA BZHIN DU RIG PAR BYA'O, ,DGONGS PA ZAB MO RNAM BAR DGROL BA'I MDO LAS NI PHYI ROL GYI MTSAN MA LA BRTEN NAS NANG GI LUS KYI SPYOD YUL GYI MTSAN MA YID LA BYED BA NI MTSAN MA'I RNAM PAR G-YENG BA ZHES BYA'O ZHES 'BYUNG NGO, ,GZHAN YANG BSTAN BCOS RNAM PAR BSHAD BA LAS NI PHYI ROL GYI MTSAN MA YID LA BYED PA LA BRTEN NAS NANG GI SPYOD YUL GYI MTSAN MA YID LA BYED PA ZHES 'BYUNG STE, DE LTAR NA MDO SDE DANG BSTAN BCOS RNAMS LAS KYANG MDO 'DI LAS GSUNGS PA DANG DON MTHUN PA YIN TE, BSTAN PA GZHAN DAG LAS MTHUN PA DANG MI MTHUN PA'I BYE BRAG YOD PA NI MDO'I TSIG THAD KAR BAB PA'I TSE BSHAD PAR BYA'O, ,DE LA GNAS DAN LEN GYI RNAM PAR G-YENG BA ZHES BYA BA NI MDO LAS GAL TE NANG GI YID LA BYED PAS RKYEN BYAS BA LAS BYUNG BA'I TSOR BA LA GNAS DAN LEN GYI LUS KYIS NGA'O SNYAM BA'I RLOM SEMS SKYED PAR BYED NA DE NI GNAS NGAN LEN GYI RNAM PAR G-YENG BA ZHES BYA'O ZHES GANG GSUNGS PA STE, TING NGE 'DZIN LA GNAS PA'I BDE BA LA BDAG GIR 'DZIN CING GNAS DAN LEN GYI LUS LA NGA'O SNYAM DU RLOM SEMS SKYED PA'O, ,YANG NA GAL TA NANG GI YID LA BYED PAS RKYEN BYAS PA LAS BYUNG BA'I TSOR BA BDE BA LA SOGS PAS DMIGS PA'I YUL DU GYUR PA LA GNAS NGAL LEN GYI SA BON GYI RGYU DANG RKYEN GYIS BSKYED PA'I BDAG TU LTA BA'I NGA RGYAL GYIS SNGA MA'I TSOR BA RNAMS LA BDAG TU LTA BA SKYED PA DANG, BDAG GO SNYAM DU NGA RGYAL BSKYED PA STE BDAG TU LTA BA'I NGA RGYAL DANG MTSUNGS PAR LDAN PA'I RNAM PAR G-YENG BA DE NYID LA GNAS NGAN LEN ZHES BYA'O, ,DON RNAM PA GNYIS LAS BSHAD BA SNGA MA DANG SBYAR NA NI GNAS NGAN LEN GYI LUS LA BRTEN NAS BDAG TU LTA BA LA SOGS PA SKYES PAS RGYU DANG RGYE NA DES BSKYED PA'I RNAM PAR G-YENG BAR @205A *, ,GNAS NGAN LEN ZHES BYA'O ZHES BSTAN TO, ,BSHAD PA PHYI MA DANG SBYAR NA NI BDAG TU LTA BA LA SOGS PA DANG MTSUNGS PAR LDAN PA'I PHYIR GNAS NGAN LEN ZHES BYA'O ZHES BSTAN TO, ,'DI LA YANG BSHAD PA RNAM PA GNYIS YOD DE, KHA CIG NA RE BDAG TU LTA BA DANG NGA RGYAL LA SOGS PA NI GNAS NGAN LEN GYI RNAM PAR G-YENG BA ZHES BYA'O ZHE'O, ,KHA CIG NA RE DE LAS BYUNG BA'I RNAM PAR G-YENG BA'I NGO BO NYID YIN NO ZHES ZER RO, ,DE LA GNYIS PO'I NGO BO NYID BSTAN PA YANG SO SO NAS BSHAD PA MI MTHUN TE, SLOB DPON YANG DAG BDEN PAS THEG PA CHEN PO BSDUS PA'I 'GREL PA'I BRJED BYANG BYAS PA LAS KYANG RNAM PAR G-YENG BA RNAM PA LNGA'I NGO BO NYID STON TO, GZHAN NAS BSTAN PA DAG DANG BYE BRAG TU GYUR PA MED DO, ,RGYA CHER RNAM PAR 'BYED PA NI SDE PA RNAMS KYI BRJED BYANG DANG BSTAN BCOS DBUS DANG MTHA' RNAM PAR 'BYED PA LAS 'BYUNG STE, MANGS KYIS DOGS NAS 'DIR MA BRJOD DO, ,DE LA YID LA BYED PA'I RNAM PAR G-YENG BA YANG BSHAD PA RNAM PA GNYIS YOD DE, KHA CIG NA RE LNGA KUN DU 'GRO BA LAS 'DI NI YID LA BYED PA'I NGO BO NYID DE, YID LA BYED PA DE YANG SHES RAB RNAM PA GSUM DANG LDAN NO, ,YANG NA DGE BA LA SOGS PA'I NGO BO NYID RNAM PA GSUM DU YANG DGONGS TE, BSTAN BCOS CHOS MNGON PA SNA TSOGS KUN LAS BTUS PA LAS RNAM PAR G-YENG BA NI ZHES BYA BA NI RNAM PAR G-YENG BA'I RKYEN SMOS NAS YID LA BYED PA ZHES BSTAN PA YIN NO ZHES BSHAD DO ZHE'O, ,KHA CIG NA RE NYE BA'I NYON MONGS PA RNAMS KYI NANG NAS RNAM PAR G-YENG BA'I NGO BO NYID DE YID LA BYED PA'I RKYEN SMOS NAS RNAM PAR G-YENG BA DE BSTAN PA YIN NO ZHE'O, ,BSTAN BCOS CHOS MNGON PA SNA TSOGS KUN LAS BTUS PA LAS, NYE BA'I NYON MONGS PA'I NGO BO NYID RNAM PAR G-YENG BA LA BRTEN NAS PHYI ROL DU SEMS RNAM PAR G-YENG BA ZHES BSHAD DE, 'DOD PA'I YON TAN LNGA DANG 'DU 'DZI DANG YUL GZHAN GSUM PO DAG LA SEMS RNAM PAR 'PHRO BAR BYED PAS NYE BA'I NYON MONGS PA LAS G-YENG BA'I NGO BO NYID DO, ,DE LA NANG DU SEMS RNAM PAR G-YENG BA LA YANG BSHAD PA RNAM PA GNYIS YOD DE, KHA CIG NA RE BSTAN BCOS DBUS DANG MTHA' RNAM PAR 'BYED PA DANG, CHOS MNGON PA SNA TSOGS KUN LAS @205B BTUS PA DANG, THEG PA CHEN PO BSDUS PA'I 'GREL PA LAS BSTAN PA BZHIN DU CHOS RNAM PA GSUM GYI NGO BO NYID DE 'DI LTAR BYING BA DANG RGOD PA DANG RO MYANG BA'O, ,YANG NA BSTAN BCOS RNAM PAR BSHAD PA DANG, MDO 'DI NYID LAS GSUNGS PA BZHIN DU CHOS BZHI'I NGO BO NYID DE, 'DI LTA STE, RMUGS PA DANG GNYID DANG DMAN PA'I ROL SRED PA DANG, NYE BA'I NYON MONGS PA RNAMS SO, ,DE LA DMAN PA NI RMUGS PA DANG GNYID KYI RTZAL LO, ,YANG NA CHOS LNGA'I STE DMAN PA NYID NI LE LO YIN PAS SO ZHE'O, ,KHA CIG NA RE BYING BA DANG RGOD PA LA SOGS PA'I STOBS KYIS NYON MONGS PA CAN DU GYUR PA'I PHYIR RNAM PAR G-YANG BSKYED PAS BYING BA LA SOGS PAS SMOS NAS RNAM PAR G-YENG BA BSTEN PA YIN NO ZHE'O, ,DE LA MTSAN MA'I RNAM PAR G-YENG BA ZHES BYA BA NI TING NGE 'DZIN GYI MDUN ROL DU THOB PA'I MTSAN MA RNAMS NANG GI TING NGE 'DZIN GYI SPYOD YUL GYI MTSAN MA YID LA BYED PAR GYUR PA'AM, YANG NA PHYI ROL GYI GZUGS KYI MTSAN MA LA BRTEN NAS, NANG GI TING NGE 'DZIN GYI GZUGS KYI MTSAN MA YID LA BYED PA'O, ,YANG NA MTSAN MA ZHES BYA BA NI RGYU STON PA'I MTSAN MA STE, YID LA BYED PA NGO BO NYID DU GYUR PA'O, ,KHA CIG NA RE 'DI NI YID LA BYED PA'I RKYEN SMOS NAS RNAM PAR G-YENG BA BSTAN PA YIN PAS SNGA MA BZHIN DU RIG PAR BYA'O ZHES ZER TE, DE LA GNAS NGAN LEN GYI RNAM PAR G-YENG BA ZHES BYA BA LA LTA BA DANG NGA RGYAL GYI SA BON NI GNAS NGAN LEN ZHES BYA STE, DE DAG GIS RKYEN BYAS PAS BDAG NYID KYI BDE BA LA SOGS PA'I TSOR BA LA BDAG DANG BDAG GIR 'DZIN CING NGA'O SNYAM DU RLOM PAR BYED PAS MNGON DU SPYOD PA'I BDAG TU LTA BA DANG PA'O SNYAM DU RLOM PA NYID KYIS NGO BO NYID BYED DO, ,YANG NA BDAG TU LTA BA DANG NGA'O SNYAM DU RLOM PA LAS RNAM PAR G-YENG BA 'BYUNG BAS RNAM PAR G-YENG BA NYID KYI NGO BO NYID DO ZHE'O, ,GONG DU BSTAN PA'I BSHAD PA RNAM PA GNYIS LA GAL TE BSHAD PA DANG PO DANG SBYAR BAR GYUR NA, BSTAN BCOS CHOS MNGON PA KUN LAS BTUS PA DANG, CHOS MNGON PA SNA TSOGS KUN LAS BTUS PA LAS BSTAN PA DE DAG JI LTAR KHONG DU CHUD CING RNAM PAR BSHAD PAR BYA STE, 'DI LTAR BSTAN BCOS MNGON PA KUN LAS BTUS PA LAS NI 'DI LTA STE, RNAM PAR G-YENG BA'I NGO BO NYID @206A *, ,DE YANG RNAM PA DRUG GO ZHES BSTAN LA, CHOS MNGON PA SNA TSOGS KUN LAS BTUS PA LAS NI NYE BA'I NYON MONGS PA'I NGO BO NYID LA RNAM PAR G-YENG BA ZHES BSHAD PAS SO ZHE NA, SMRAS PA, DE LA NGO BO NYID RNAM PAR G-YENG BA LA BRTEN NAS RNAM PAR G-YENG BA'I NGO BO NYID BSTAN PAS PHAN TSUN 'GAL BA MED DO, ,GAL TE BSHAD PA PHYI MA DANG SBYAR BAR GYUR NA, BSTAN BCOS DBUS DANG MTHA' RNAM PAR 'BYED PA LA SOGS PA LAS BSTAN PA DE DAG JI LTAR KHONG DU CHUD CING RNAM PAR BSHAD PAR BYA STE, 'DI LTAR BSTAN BCOS DE NYID LAS NGO BO NYID KYIS RNAM PAR G-YENG BA NI RNAM PAR SHES PA'I TSOGS LNGA'O ZHES BSHAD PAS SO ZHE NA, SMRAS PA, RNAM PAR G-YENG BA NI RNAM PA GNYIS YOD DE, DANG PO NI NYE BA'I NYON MONGS PA'I RNAM PAR G-YENG BA STE, DE NI NYON MONGS PA'I NGO BO NYID KHO NA'O, ,GNYIS PA NI SANGS RGYAS MA GTOGS PA DE LAS GZHAN PA RNAMS KYI RNAM PAR SHES PA LNGA PO DAG NI MNYAM PA NYID LAS BYUNG BA MA YIN PA'I PHYIR SPYIR RNAM PAR G-YENG BA ZHES BYA'O, ,DE YANG NGO BO NYID RNAM PAR RTOG PA YANG YIN TE, DE'I PHYIR BSTAN BCOS RNAM PAR RIG PA TZAM DU GRUB PA LAS, GZHAN YANG RNAM PAR SHES PA LNGA PO DAG LAS RNAM PAR G-YENG BA ZHES BSTAN PA NI GZHAN DAG LAS BYUNG BA BSTAN PA YIN GYI, SANGS RGYAS LAS BYUNG BA'I BSTAN PA NI MA YIN PA'I PHYIR RO ZHES 'BYUNG BAS, DES NA RNAM PAR SHES PA LNGA PO DAG LA RNAM PAR G-YENG BA ZHES BYA BAS NA DE'I PHYIR PHAN TSUN 'GAL BA MED DO, ,DON BSHAD ZIN TO, ,DA NI TSIG GI DON BSHAD PAR BYA STE, 'DI YANG RNAM PAR G-YENG BA RNAM PA LNGA RNAM PAR PHYE STE BSHAD PA NYID LAS RNAM PA LNGAR DBYE STE 'DI NI DANG PO'O, ,DE LA THEG PA CHEN PO DANG LDAN PA'I YID LA BYED PA ZHES BYA BA NI BSTAN BCOS RNAL 'BYOR SPYOD PA'I SA LAS THEG PA CHEN PO DANG LDAN PA'I YID LA BYED PA SGOM PA GANG ZHE NA, 'DI LTAR NA BYANG CHUB SEMS DPA' DANG BYANG CHUB SEMS DPA'I CHOS NYID LA GNAS PA YANG DAG PA NYID DU SKYON MED PA LA MA ZHUGS PA 'AM, YANG DAG PA NYID DU SKYON MED PA LA ZHUGS PA BDAG GI DON DANG GZHAN GYI DON LA LTA BA ZHES 'BYUNG STE, ZHIB TU DE NYID LAS BSTAN PA BZHIN DU RIG PAR BYA'O, ,GZHAN YANG DE NYID LAS DE LA NYAN @206B THOS KYI THEG PA DANG LDAN PA'I YID LA BYED PA SGOM PA GANG ZHE NA, SMRAS PA, 'DI LTAR DE NI NYAN THOS KYI CHOS NYID LA GNAS PA YANG DAG PA NYID DU SKYON MED PAR MA ZHUGS PA'AM, YANG DAG PA NYID DU SKYON MED PA LA ZHUGS PA SEMS CAN GYI DON LA MI LTA BA BDAG GI DON LA LTA BA ZHES 'BYUNG STE, RGYA CHER DE NYID LAS BSTAN PA BZHIN DU RIG PAR BYA'O, ,BSTAN BCOS RNAM PAR BSHAD PA LAS KYANG RNAL 'BYOR SPYOD PA'I SA LAS BSTAN PA DANG MTHUN PAR 'BYUNG STE, DE NI 'DI SKAD DU YANG DAG PA NYID DU SKYON MED PA LA MA ZHUGS PA'I BYANG CHUB SEMS DPA' THEG PA CHEN PO DANG LDAN PA'I YID LA BYED PA SPANGS NAS THEG PA 'OG MA GNYIS DANG LDAN PA'I YID LA BYED NA ZHES BSTAN PAR 'GYUR RO, ,YID LA BYED PA DE YANG BSTAN PA RNAMS LAS SO SO NAS BSHAD PA MI MTHUN TE, DGONGS PA ZAB MO RNAM PAR DGROL BA'I MDO LAS NI, THEG PA CHEN PO DANG LDAN PA'I MTSAN MA YANG DAG PA'I DRAN PA BTANG STE THEG PA GNYIS KYI DRAN PA ZHES 'BYUNG NGO, ,LANG GI TSE BSGYUR BA THEG PA CHEN PO BSDUS PA'I 'GREL PA LAS NI, YID LA BYED PA'I RNAM PAR G-YENG BA NI 'DI LTA STE, DMAN PA'I SEMS KYIS BYANG CHUB SEMS DPA'I THEG PA CHEN PO'I YID LA BYED PA BTANG NAS THEG PA DMAN PA'I YID LA BYED PA ZHES 'BYUNG NGO, ,BSTAN BCOS MNGON PA KUN LAS BTUS PA LAS NI 'DI LTA STE, SNYOMS PAR 'JUG PA BZHAG NAS THEG PA GZHAN LA 'JUG PA DANG GNAS PA'I RNAM PAR 'PHRO BA GANG YIN PA'O ZHES 'BYUNG STE, 'DI NYID KYI 'GREL PA LAS SNYOMS PAR 'JUG PA GZHAN LAS SNYOMS PAR 'JUG PA DANG, THEG PA GZHAN LA BRTEN PA SNGA MA LA LTOS PA'I RNAM PAR G-YENG BA YIN PAR RIG PAR BYA'O ZHES 'BYUNG STE, 'DI NI NYE BA'I NYON MONGS PA'I NGO BO NYID KYI RNAM PAR G-YENG BA'I DBANG DU BYAS TE BSHAD PA'O, ,BSTAN BCOS DBUS DANG MTHA' RNAM PAR 'BYED PA DANG, RNAM PAR BSHAD PA LA SOGS PA LAS NI YID LA BYED PA ZHES 'BYUNG NGO, ,DBUS DANG MTHA' RNAM PAR 'BYED PA RNYING 'GYUR LAS NI SEMS PA ZHES 'BYUNG STE, SEMS PA DANG DRAN PA ZHES BYA BA YANG YID LA BYED PA'I RNAM GRANGS YIN TE, LO TZ'A BA DAG GI BSAM PA THA DAD PA'I PHYIR MING GDAGS PA MI MTHUN @207A *, ,PAR GYUR PA YIN NO,, ,,BAM PO BZHI BCU BRGYAD PA, GAL TE PHYI ROL GYI 'DOD PA'I YON TAN LNGA PO DAG DANG 'DRES PA'I MTSAN MA RNAMS LA YOD PA'I RNAM PAR RTOG PA'I NYE BA'I NYON MONGS PA DANG, PHYI ROL GYI DMIGS PA'I YUL LA SEMS RNAM PAR 'PHRO BAR GTONG NA, DE NI PHYI ROL DU SEMS RNAM PAR G-YENG BA YIN PAR RIG PAR BYA'O ZHES BYA BA NI GNYIS PA PHYI ROL DU SEMS RNAM PAR G-YENG BA STON TO, ,MDO'I TSIG 'DI YANG RNAM PA GNYIS SU DBYE STE, RNAM PAR BSHAD PA DANG MJUG BSDU BA'O, ,RNAM PAR G-YENG BA 'DI YANG BSTAN PA RNAMS LAS SO SO NAS BSHAD PA MI MTHUN TE, ,BSTAN BCOS CHOS MNGON PA KUN LAS BTUS PA LAS NI DGE BA LA ZHUGS PA'I TSE, ,'DOD PA'I YON TAN LNGA PO DAG LA SEMS RNAM PAR 'PHRO BA'O ZHES 'BYUNG STE, ,CHOS MNGON PA SNA TSOGS KUN LAS BTUS PA'I NANG NAS 'DI NYID KYIS 'GREL PA LAS, 'DI LTAR THOB PA LA SOGS PA'I DGE BA LA SBYOR BA BSGOM PA NA DE LA DMIGS PA BTANG NAS, PHYI ROL DU 'DOD PA'I YON TAN LNGA PO DAG LA SEMS RNAM PAR 'PHRO BAR RIG PAR BYA'O ZHES 'BYUNG NGO, ,BSTAN BCOS DBUS DANG MTHA' RNAM PAR 'BYED PA LAS NI PHYI ROL GYI YUL ZHES 'BYUNG NGO, ,BSTAN BCOS DBUS DANG MTHA' RNAM PAR 'BYED PA GSAR 'GYUR DANG, RNAM PAR RIG PA TZAM DU GRUB PA LAS NI DMIGS PA LA SEMS RNAM PAR 'PHRO BA ZHES 'BYUNG NGO, ,BSTAN BCOS RNAM PAR BSHAD PA LAS RNAM PA GNYIS LA DMIGS NA NYAMS PAR 'GYUR TE, ,'DI LTA STE 'DOD PA'I YON TAN LNGA DANG, ,'DU 'DZI'I MTSAN MA'O ZHES BSHAD DO, ,DGONGS PA ZAB MO RNAM PAR DGROL BA'I MDO LAS NI NYAMS PAR 'GYUR BA RNAM PA GSUM DANG LDAN PAR BSHAD DE, 'DI LTA STE, 'DOD PA'I YON TAN LNGA DANG 'DU 'DZI'I GNAS DANG MTSAN MA LA MNGON PAR ZHEN PA'O, ,MDO 'DI NYID LAS NI YUL RNAM PA GSUM LAS BRTZAMS NAS PHYI ROL GYI RNAM PAR G-YENG BA STON PAR MDZAD DO, ,DE LA SEMS RNAM PAR 'PHRO BAR GTONG NA ZHES BYA BA NI RNAM PAR G-YENG BA RNAM PA GSUM GYI BDAG NYID YANG DAG PAR BSTAN TE, 'DOD PA'I YON TAN LNGA PO DAG LA SEMS RNAM PAR 'PHRO BA DANG, 'DRES PA'I MTSAN MA RNAMS LA RNAM PAR 'PHRO BA DANG, @207B YUL SNGA MA GNYIS LAS GZHAN PA'I DMIGS PA'I YUL LA SEMS RNAM PAR 'PHRO BA'O, ,DE LA GAL TE PHYI ROL GYI 'DOD PA'I YON TAN LNGA PO DAG CES BYA BAS NI YUL DANG PO SMOS PA YIN TE, SEMS KYI RJES SU MTHUN PA'I YUL LNGA PO DAG NI 'DOD PA'I YON TAN LNGA ZHES BYA'O, ,'DRES PA'I MTSAN MA RNAMS ZHES BYA BA NI 'DU 'DZI'I MTSAN NYID YIN TE, YUL GNYIS PA SMOS PA'O, ,DE'I PHYIR BSTAN BCOS RNAM PAR BSHAD PA LAS 'DOD PA'I YON TAN LNGA DANG 'DU 'DZI'I MTSAN MA ZHES STON TO, ,YOD PA'I RNAM PAR RTOG PA'I NYE BA'I NYON MONGS PA ZHES BYA BA'I YUL SNGA MA GNYIS KYI NYE BA'I NYON MONGS PA JI SNYED YOD PA DAG LAS SPYIR RNAM PAR RTOG PA ZHES BSTAN TO, THAMS CAD LA YANG DMIGS PA LA GTONG PA'I NUS PA YOD PA'I PHYIR RO, ,PHYI ROL GYI DMIGS PA'I YUL ZHES BYA BAS NI YUL GSUM PA SMOS PA STE, SNGA MA'I YUL GNYIS PO DAG LAS GZHAN PA DBANG PO LA SOGS PA'I RNAM PA RNAMS NI PHYI ROL ZHES BYA'O, ,'DIR YANG YOD PA'I RNAM PAR RTOG PA'I NYE BA'I NYON MONGS PA LA ZHES SMOS PA'I RIGS PA LAS, SNGA MA'I ZLAS KHONG DU CHUD PAR 'GYUR BA'I PHYIR MDOR BSDUS NAS GSUNGS TE, DE'I PHYIR DGONGS PA ZAB MO RNAM PAR DGROL BA'I MDO LAS YUL RNAM PA GSUM BSTAN PA'I RJES LA NYE BA'I NYON MONGS PA ZHES GSUNGS PA YIN NO, ,LA ZHES BYA BA NI BSTAN BCOS RIGS PA'I SGO BSTAN PA LAS DGAR BA'I DON YIN NO ZHES BSTAN TO, ,DE NI 'DI SKAD DU YUL RNAM PA GSUM PO DAG LA YOD PA'I RNAM PAR RTOG PA'I NYE BA'I NYON MONGS PA RNAMS LAS KHRO BA LA SOGS PA'I NYE BA'I NYON MONGS PA GZHAN DGAR ZHING SEMS RNAM PAR 'PHRO BA'I NYE BA'I NYON MONGS PA GCIG KHO NA PHYI ROL GYI RNAM PAR G-YENG BA YIN NO ZHES BSTAN PA'I PHYIR LA ZHES BYA BA GSUNGS SO ZHES BSTAN PAR 'GYUR RO, ,GAL TE RMUGS PA DANG GNYID KYIS BYING BA'AM, SNYOMS PAR 'JUG PA'I RO MYANG BA 'AM SNYOMS PAR 'JUG PA'I NYE BA'I NYON MONGS PA GANG YANG RUNG BAS NYON MONGS PAR GYUR NA DE'I NANG DU SEMS RNAM PAR G-YENG BA YIN PAR RIG PAR BYA'O ZHES BYA BA NI GSUM PA NANG GI RNAM PAR G-YENG BA STON TO, ,MDO'I @208A *, ,TSIG 'DI YANG RNAM PA GNYIS SU DBYE STE, RNAM PAR BSHAD PA DANG MJUG BSDU BA'O, ,RNAM PAR G-YENG BA 'DI YANG BSTAN PA RNAMS LAS SO SO NAS BSHAD PA MI MTHUN PAS DE'I PHYIR BSTAN PA RNAMS LAS 'BYUNG BA SNGAR BSTAN NAS, DE'I 'OG TU MDO'I TSIG GI DON BSTAN PAR BYA'O, ,BSTAN BCOS CHOS MNGON PA KUN LAS BTUS PA LAS 'DI LTA STE, DGE BA LA ZHUGS PA NA BYING BA DANG RO MYONG BAR BYED PA'O ZHES 'BYUNG STE, CHOS MNGON PA SNA TSOGS KUN LAS BTUS PA'I NANG NAS 'DI NYID KYI 'GREL BA LAS NI BYING BA DANG RGOD PA DANG RO MYANG BA 'BYUNG BAR BYED PA'I PHYIR TING NGE 'DZIN LAS NYAMS PAR BYED PA'O ZHES BSHAD DO, ,BSTAN BCOS DBUS DANG MTHA' RNAM PAR 'BYED PA LAS NI TING NGE 'DZIN GYI RO MYANG BA DANG, RGOD PA NI NANG GI G-YENG BA'O ZHES 'BYUNG NGO, ,BSTAN BCOS THEG PA CHEN PO BSDUS PA'I 'GREL BA LANG GI TSE BSGYUR BA LAS, NANG GI SEMS RNAM PAR G-YENG BA NI 'DI LTA STE, RNAM PAR G-YENG BA'I SEMS MTHO DMAN DU GYUR PA DANG, RO MYANG BA'O ZHES BSHAD DO, ,BSTAN BCOS RNAM PAR BSHAD PA LAS NI 'DI LTA STE, RMUGS PA DANG GNYID KYIS DMA' BAR GYUR PA'AM, TING NGE 'DZIN RNAMS KYI RO MYANG BA'AM, TING NGE 'DZIN SNA TSOGS KYI NYE BA'I NYON MONGS PA'I PHYIR SEMS RNAM PAR G-YENG BAR GYUR PA GANG YIN PA'O ZHES 'BYUNG NGO, ,DGONGS PA ZAB MO RNAM PAR DGROL BA'I MDO LAS NI GAL TE BYANG CHUB SEMS DPA' GNYID KYIS NON PA DANG, SEMS KYIS TING NGE 'DZIN LA MNGON PAR ZHEN PA DANG, TING NGE 'DZIN DANG SNYOMS PAR 'JUG PA GZHAN GYI NYON MONGS PAR GYUR PA GANG YIN PA DE NI NANG DU SEMS RNAM PAR G-YENG BA ZHES BYA'O ZHES GSUNGS TE, BSTAN BCOS RNAM PAR BSHAD PA LAS KYANG DE DANG MTHUN PAR 'BYUNG BAS, DE'I PHYIR BSTAN BCOS RNAM PAR BSHAD PA LA BRTEN NAS MDO'I TSIG 'DI BSHAD PAR BYA'O, ,'DI LTAR NA NANG GI RNAM PAR G-YENG BA NI RNAM PA LNGA STE, DANG PO NI RMUGS PA'O, ,GNYIS PA NI GNYID DO, ,GSUM PA NI 'CHING BA'O, ,BSTAN BCOS RNAM PAR BSHAD PA LAS NI ZHAN PA'I SEMS ZHES 'BYUNG STE, SEMS KYI NGO BO NYID ZHAN CING TING NGE 'DZIN GNYER BA'I SEMS MED PAS DE'I PHYIR ZHAN PA'I SEMS @208B ZHES BYA STE, LE LO'I NGO BO NYID DO, ,BZHI PA NI SNYOMS PAR 'JUG PA'I RO MYANG BA STE, 'DIS 'DOD PA'I KHAMS KYI 'DOD CHAGS BSTAN TO, ,GONG MA'I TING NGE 'DZIN LA MNGON PAR ZHEN PA'I PHYIR SNYOMS PAR 'JUG PA'I RO MYANG BA ZHES BYA'I THAMS CAD YOD PAR SMRA BA DAG LTAR KHAMS GONG MA'I 'DOD CHAGS LA RO MYANG BA'I TING NGE 'DZIN CES BSTAN PA NI MA YIN TE, 'DI LTAR 'DOD CHAGS KYI NYON MONGS PAS GONG MAR MI 'GRO BA'I PHYIR RO, ,BSTAN BCOS RNAM PAR BSHAD PA LAS NI NGA RGYAL MCHOG TU GYUR PA'I BSAM GTAN DANG, THEG PA MCHOG TU GYUR PA'I BSAM GTAN DANG, LTA BA MCHOG TU GYUR PA'I BSAM GTAN ZHES 'BYUNG NGO, ,LNGA PA NI SNYOMS PAR 'JUG PA'I NYE BA'I NYON MONGS PA GANG YANG RUNG BAS NYON MONGS PAR GYUR PA STE, ZIL GYI SNGON PA'I SKYE MCHED BRGYAD DANG, ZAD PAR GYI SKYE MCHED BCU DANG, GZUGS MED PA'I SNYOMS PAR 'JUG PA BZHI LA SOGS PA LA SGRIB PAR BYED PA'I NYE BA'I NYON MONGS PA RNAMS TE, BAG MED PA DANG LE LO LA SOGS PA'O, ,DE LTAR NYE BA'I NYON MONGS PA RNAM PA LNGA PO DAG GIS NYON MONGS PAR GYUR PA'O, ,DE LA NYON MONGS PAR GYUR PA ZHES BYA BA NI TING NGE 'DZIN LAS NYAMS PAR BYED PA'I PHYIR NYON MONGS PAR GYUR BA ZHES BYA'O, ,BSTAN BCOS CHOS MNGON PA SNA TSOGS KUN LAS BTUS PA LAS NI BYING BA DANG RGOD PA DANG RO MYANG BAS BSAM GTAN LAS NYAMS PAR BYED PA'O ZHES BSHAD DO, ,GZHAN YANG BSTAN BCOS DBUS DANG MTHA' RNAM PAR 'BYED PA'I 'GREL BSHAD LAS, NGO BO NYID KYI DANG PHYI ROL DU G-YENG BAS NI MA THOB PA GANG YIN PA THOB PAR MI 'GYUR RO, ,NANG GI DANG MTSAN MA'I GNYIS KYIS NI THOB ZIN PA YANG NYAMS PAR BYED DO, ,GNAS NGAN LEN GYI G-YENG BAS NI RNAM PAR GROL BA THOB PAR MI BYED DO, ,DRUG PA YID LA BYED PA'I G-YENG BAS NI BLA NA MED PA'I BYANG CHUB THOB PAR MI BYED PAS, DE'I PHYIR RMUGS PA LA SOGS PAS NI THOB ZIN PA LAS KYANG NYAMS PAR BYED DO ZHES BSHAD DO, ,YANG NA BSTAN BCOS DBUS DANG MTHA' RNAM PAR 'BYED PA'I 'GREL BSHAD LAS NI MTSAN NYID RE RE SO SOR PHYE BA YIN PAS, YANG DAG PA'I DON DU NA RMUGS PA LA SOGS PA NI KUN KYANG MA @209A *, ,THOB PA LAS NYAMS PAR BYED PAS SGRIB PA NYID DU MNGON PAR 'GRUB PAR 'GYUR RO, ,GAL TE PHYI ROL GYI MTSAN MA LA BRTEN NAS, NANG GI TING NGE 'DZIN GYI SPYOD YUL GYI MTSAN MA RNAMS YID LA BYED NA DE NI MTSAN MA'I RNAM PAR G-YENG BA ZHES BYA'O ZHES BYA BA NI BZHI PA MTSAN MA'I RNAM PAR G-YENG BA BSTAN PA'O, ,RNAM PAR G-YENG BA 'DI YANG SO SO NAS BSHAD PA MI MTHUN TE, BSTAN BCOS CHOS MNGON PA KUN LAS BTUS PA LAS 'DI LTA STE, GZHAN YID CHES PAR BYA BA SNGON DU BTANG STE, RGYUS DGE BA LA SBYOR BAR STON PA'O ZHES 'BYUNG STE, 'DI NYID KYI 'GREL PA LAS GZHAN GYIS BDAG LA YON TAN DANG LDAN PAR YID CHES PAR BYA BA'I PHYIR DE'I MTSAN MA STON PA STE, RGYU DANG RKYEN DES DGE BA LA ZHUGS PA KHAD KYIS NYAMS PAR RIG PAR BYA'O ZHES BSHAD DO, ,BSTAN BCOS DBUS DANG MTHA' RNAM PAR 'BYED PA LAS NI, RGYUS MTSAN MA BSTAN NAS TING NGE 'DZIN LA SBYOR BA'I PHYIR RO ZHES 'BYUNG STE, DE NYID KYI 'GREL PA LAS SA 'OG MA'I YID DA DUNG MA NGES SHING NYE BAR MA ZHI BAS MTSAN MA'I G-YENG BA ZHES BYA'O ZHES BSHAD DE, TING NGE 'DZIN THOB PA YANG GANG YIN PA DE TING NGE 'DZIN THOB MOD KYIS 'GO MA PA'I YID DA DUNG NGES PAR MA GYUR CIG NYE BAR MA ZHI BAS RGYUS MTSAN MA DE STON PA'O, ,BSTAN BCOS RNAM PAR BSHAD PA LAS NI, MTSAN MA'I SEMS RNAM PAR G-YENG BA NI 'DI LTA STE, PHYI ROL GYI MTSAN MA LA BRTEN NAS NANG GI YUL GYI MTSAN MA YID LA BYED PA GANG YIN PA'O ZHES 'BYUNG NGO, ,DGONGS PA ZAB MO RNAM PAR DGROL BA'I MDO LAS NI, GAL TE BYANG CHUB SEMS DPA' PHYI ROL GYI MTSAN MA LA BRTEN NAS NANG GI LUS KYI NANG GI TING NGE 'DZIN GYI SPYOD YUL GYI MTSAN MA YID LA BYED PA GANG YIN PA DE NI MTSAN MA'I RNAM PAR G-YENG BA ZHES BYA'O ZHES GSUNGS TE, BSTAN BCOS RNAM PAR BSHAD PA DANG, DGONGS PA ZAB MO RNAM PAR DGROL BA'I MDO LAS BSTAN PA NI MDO 'DI NYID LAS GSUNGS PA DANG DON MTHUN NO, ,DE LA NANG GI TING NGE 'DZIN GYI SPYOD YUL GYI MTSAN MA ZHES BYA BA NI 'DI LTA STE, NANG GI TING NGE 'DZIN LA YANG DAG PAR GNAS PA NA MNGON SUM GYI MTSAN MAS BRJOD DU MED PA'I MTSAN MA SNA TSOGS THOB PA GANG YIN PA'O, ,DE NI 'DI SKAD DU TING NGE 'DZIN @209B MA THOB PA'I MDUN ROL DU PHYI ROL GYI YUL LA BRTEN NAS 'DI SNYAM DU NANG GI TING NGE 'DZIN GYI SPYOD YUL GYI MTSAN MA THOB BO SNYAM PA STE, 'DI NI NANG GI GANG YIN PA DE PHYI ROL GYI MTSAN MA DANG MTSUNGS PAR BSTAN PA YIN NO ZHES BSTAN PAR 'GYUR RO, ,BSHAD PA'I RNAM GRANGS GZHAN DUN YANG DAG PAR TING NGE 'DZIN GYI RANG GI MTSAN MA MA THOB KYANG, MTSAN MA CUNG ZAD CIG MNGON SUM DU GYUR PA LA YANG DAG PAR RANG GI TING NGE 'DZIN GYI MTSAN MA THOB BO SNYAM DU 'DZIN PA GANG YIN PA DE NI RNAM PAR G-YENG BA ZHES BYA'O, ,GAL TE NANG GI YID LA BYED PAS RKYEN BYAS PA LAS BYUNG BA'I TSOR BA LA GNAS NGAN LEN GYI LUS KYIS NGA'O SNYAM DU RLOM SEMS SKYED PAR BYED NA DE NI GNAS NGAN LEN GYI RNAM PAR G-YENG BA YIN PAR RIG PAR BYA'O ZHES BYA BA NI LNGA PA GNAS NGAN LEN GYI RNAM PAR G-YENG BA BSTAN PA'O, ,TING NGE 'DZIN GYI BDE BA LA BDAG GI'O SNYAM DU 'DZIN CING GNAS NGAN LEN GYI LUS LA BDAG GO SNYAM DU NGA RGYAL BSKYED PA GANG YIN PA DE NI GNAS NGAN LEN GYI RNAM PAR G-YENG BA ZHES BYA'O, ,YANG NA GAL TE NANG GI YID LA BYED PAS RKYEN BYAS PA LAS BYUNG BA BDE BA LA SOGS PA'I TSOR BA DMIGS PA'I YUL DU GYUR PA LA, GNAS NGAN LEN GYI SA BON GYIS RGYU DANG RKYEN BYAS NAS BSKYED PA'I BDAG TU LTA BA DANG NGA'O SNYAM DU NGA RGYAL SKYED PAR BYED PAS LTA BA DANG NGA RGYAL DANG MTSUNGS PAR LDAN PA'I RNAM PAR G-YENG BA NYID LA GNAS NGAN LEN CES BYA STE, DE'I PHYIR BSTAN BCOS CHOS MNGON PAR SNA TSOGS KUN LAS BTUS PA LAS, GNAS NGAN LEN GYI RNAM PAR G-YENG BA NI NGAR 'DZIN PA DANG, NGA YIR 'DZIN PA DANG NGA'O SNYAM PA'I PHYOGS KYI GNAS NGAN LEN GYI STOBS LA BRTEN NAS, DGE BA'I CHOS SGOM PA'I TSE TSOR BA BYUNG BA RNAMS LA NGA 'AM NGA YI ZHE 'AM, NGA'O SNYAM DU 'DZIN PA DANG 'DRES PA DANG MTSAN MAR 'DZIN PA'O ZHES 'BYUNG STE, 'DI NYID KYI 'GREL PA LAS, 'DI LTA STE, BDAG TU 'DZIN PA LA SOGS PA'I GNAS NGAN LEN GYI STOBS KYIS BDE BA LA SOGS PA'I TSOR BA BYUNG BA RNAMS LA BDAG GO ZHE'AM, BDAG GI'O ZHE 'AM NGA'O SNYAM DU 'DZIN PA'I PHYIR DGE BA'I PHYOGS YONGS SU MA DAG PAR BYA'O ZHES BSHAD DO, ,BCOM LDAN 'DAS ZHI GNAS DANG LHAG MTHONG DE @210A *, ,DAG BYANG CHUB SEMS DPA'I SA DANG PO NAS BZUNG STE, DE BZHIN GSHEGS PA'I SA'I BAR DU SGRIB PA GANG DAG GI GNYEN POR GYUR PA LAGS ZHES BYA BA 'DI MAN CHAD NI BZHI PA ZHI GNAS DANG LHAG MTHONG SGRIB PA BCU GCIG GI GNYEN POR GYUR PAS BSTAN PA'I SGO ZHES BYA BA STON TE, 'DI YANG RNAM PA GNYIS TE, ZHU BA GSOL PA DANG, LAN DU GSUNGS PA STE, 'DI NI ZHU BA GSOL BA NYID DO, ,RIGS KYI BU ZHI GNAS DANG LHAG MTHONG DE DAG SA DANG PO LA NI NGAN SONG PA'I NYON MONGS PA DANG LAS NGAN SKYE BA'I KUN NAS NYON MONGS PA LNGA'I SGRIB PA'I GNYEN POR GYUR PA YIN NO ZHES BYA BA LA SOGS PAR NI GNYIS PA DE BZHIN GSHEGS PAS YANG DAG PAR LAN DU GSUNGS PA STON TO, ,'DI YANG SGRIB PA RNAM PA BCU GCIG GI GNYEN POR GYUR PA NYID KYIS RNAM PA BCU GCIG TU DBYE STE, 'DI NI SA DANG PO'I SGRIB PA BSTAN PA'O, ,'PHAGS PA SA BCU PA'I 'GREL PA LAS NI SO SO'I SKYE BO'I BDAG NYID KYI MTSAN NYID KYI SGRIB PA ZHES 'BYUNG NGO, ,SLOB DPON DBYIG GNYEN GYIS MDZAD PA'I 'GREL PA LAS NI SO SO'I SKYE BO NYID KYI SGRIB PA'O ZHES BSHAD DO, ,DGONGS PA ZAB MO RNAM PAR DGROL BA'I MDO DANG, MDO 'DI NYID LAS NI MING BKOD PAR ZAD KYI RNAM PAR BSHAD PA NI MED DO, ,BSTAN BCOS THEG PA CHEN PO BSDUS PA'I 'GREL PA LANG GI TSE BSGYUR BA LAS NI SO SO'I SKYE BO NYID KYI MA RIG PA'O ZHES 'BYUNG STE, NGO BO NYID KYI MTSAN NYID KYANG MDO TZAM DU STON TO, ,BSTAN BCOS RNAM PAR RIG PA TZAM DU GRUB PA LAS NI SO SO'I SKYE BO NYID KYI SGRIB PA ZHES BSHAD DE, DE LA MTSAN NYID KYI RGYA CHER STON PAS DE'I PHYIR 'DIR RE ZHIG RNAM PAR RIG PA TZAM DU GRUB PA'I BSTAN BCOS DANG SBYAR NAS SGRIB PA DE DAG GI MTSAN NYID BSTAN PAR BYA'O, ,DE LA SGRIB PA'I NGO BO NYID BSTAN PA YANG DON RNAM PA GNYIS YOD DO, DANG PO NI MING GI RJES SU NGO BO NYID BSTAN PA STE, DE NI SGRIB PA GNYIS SU RNAM PAR RTOG PA'I NGO BO NYID DE, DE'I PHYIR BSTAN BCOS RNAM PAR RIG PA TZAM DU GRUB PA LAS, SO SO'I SKYE BO NYID KYI SGRIB PA NI 'DI LTA STE, SGRIB PA GNYIS LAS RNAM PAR RTOG PA LAS BYUNG BA GANG YIN PA'O, ,DE'I SA BON LA BRTEN NAS SO SO'I SKYE BO NYID DU RNAM PAR GZHAG PA'I PHYIR RO ZHES @210B BSHAD DO, ,GZHAN YANG DE NYID LAS BDAG DANG CHOS SU MNGON PAR ZHEN PA'I KUN DU RMONGS PA GANG YIN PA DE NI 'DIR BSTAN PA'I SO SO'I SKYE BO'I NGO BO NYID DO ZHES 'BYUNG NGO, GNYIS PA NI YANG DAG PA NYID LAS BRTZAMS NAS NGO BO NYID BSTAN PA STE, 'DI NI KUN DU RMONGS PA NYI SHU RTZA GNYIS DANG DE'I GNAS NGAN PA'I NGO BO NYID DE, DE'I PHYIR BSTAN BCOS RNAM PAR RIG PA TZAM DU GRUB PA LAS, MTHONG BA'I LAM SKYES PA'I TSE NGAN SONG BA'I LAS RNAMS DANG, 'BRAS BU LA SOGS PA SPONG MOD KYI, 'DI NI RE ZHIG NYON MONGS PA 'BYUNG BAR BYED PA NYID RTZA BA YIN PA'I PHYIR DE NAS SA DANG PO PAS KUN DU RMONGS PA GNYIS DANG DE'I GNAS NGAN LEN SPONG BAR BSHAD DO, ,DANG PO NI BDAG DANG CHOS SU MNGON PAR ZHEN PA'I KUN DU RMONGS PA STE, DE NI 'DIR BSTAN PA'I SO SO'I SKYE BO NYID KYI SGRIB PA'O, ,GNYIS PA NI NGAN SONG BA'I KUN DU RMONGS PA STE, DE NGAN SONG BA'I LAS DANG 'BRAS BU LA SOGS PA YIN PAR RIG PAR BYA STE KUN DU RMONGS PA'I PHYOGS THAMS CAD KYANG KUN DU RMONGS PA ZHES BSHAD DO, ,YANG NA DE DAG GIS SGRIB PA RNON PO DANG RTUL PA GANG YIN PA GNYI GA LAS KUN DU RMONGS PA GNYIS 'BYUNG BA KHO NAR BSTAN TO, ,DE'I GNAS NGAN LEN CES BYA BA'I TSIG GIS NI RNAM PA GNYIS PO DE DAG GAM, YANG NA GNYIS PO DAG LAS 'BYUNG BA'I LAS SU MI RUNG BA NYID RAB TU BSTAN TO ZHES 'BYUNG STE, ZHIB TU DE NYID LAS BSTAN PA BZHIN NO, ,GZHAN YANG MDO NYID LAS NGAN SONG BA'I NYON MONGS PA DANG, LAS DANG SKYE BA'I KUN NAS NYON MONGS PA'I SGRIB PA'I GNYEN POR GYUR PA ZHES GSUNGS PA'I PHYIR YANG DAG PA LAS BRTZAMS NAS SA DANG PO LA SGRIB PA GNYIS KYI GNYEN POR GYUR PA LA SOGS PAS NGO BO NYID BYED PAR RIG PAR BYA'O, ,BSTAN PA RNAMS BRDA SPROD PA YANG 'PHAGS PA SA BCU PA'I 'GREL PA LAS SO SO'I SKYE BO DAG GI MTSAN NYID KYI SGRIB PA ZHES BSTAN PA DANG, SLOB DPON DBYIG GNYEN GYIS MDZAD PA'I 'GREL PA LAS, SO SO'I SKYE BO NYID KYI SGRIB PA ZHES BSTAN PA DANG, THEG PA CHEN PO BSDUS PA'I 'GREL PA LANG GI TSE BSGYUR BA LAS, SO SO'I SKYE BO NYID KYI MA RIG PA ZHES 'BYUNG BA NI BDAG DANG CHOS SU MNGON PAR ZHEN PA'I KUN DU RMONGS PA ZHES BSTAN PA NYID DO, ,DA LA BYE BRAG YOD PA YANG LANG GI TSE BSGYUR BA'I 'GREL PA LAS, @211A *, ,BSTAN PA'I MING NI SPANGS PA MA YIN TE MA RIG PA ZHES STON TO, ,'GREL PA GZHAN LAS BSTAN PA'I MING NI SPANGS PA YIN TE, SGRIB PA ZHES BYA BA'I TSIG GIS STON PA'I PHYIR RO, ,DGONGS PA ZAB MO RNAM PAR DGROL BA'I MDO LAS, NGAN SONG BA'I LAS DANG SKYE BA DANG NYON MONGS PA'I KUN NAS NYON MONGS PA ZHES GSUNGS PA DANG, MDO 'DI NYID LAS GSUNGS PA GANG YIN PA DE NI NGAN SONG BA'I NYON MONGS PA'I KUN DU RMONGS PA ZHES BSTAN PA NYID DO, ,MDO 'DI GNYIS DANG 'GREL PA GSUM PA LAS NI SO SO NAS KUN DU RMONGS PA RE RE SMOS LA, RNAM PAR RIG PA TZAM DU GRUB PA LAS NI KUN DU RMONGS PA GNYIS LA SOGS PA BSTAN PA'I PHYIR YANG DAG PA LAS BRTZAMS TE, BRJOD PA KUN DU RMONGS PA GNYIS PO LA SOGS PA'I NGO BO NYID YIN PAR RIG PAR BYA'O, ,YANG NA MDO GNYIS KYANG BSTAN BCOS RNAM PAR RIG PA TZAM DU GRUB PA LAS BSTAN PA DANG MTHUN TE, NYON MONGS PA ZHES BYA BA'I TSIG GIS SHES BYA'I SGRIB PA BSDUS PA YIN TE, NGO BO NYID MTSUNGS PA'I PHYIR NYON MONGS PA'I MING GIS BSTAN NO, ,DE LA NGES PA'I TSIG BSTAN PA YANG SO SO'I SKYE BO NYID KYI SGRIB PA ZHES BYA BA NI BDAG PO'I DBANG DU BYAS PA'I RNAM PAR BSHAD PA YIN TE, SGRIB PA GNYIS LA BRTEN NAS SO SO'I SKYE BO'I NGO BO NYID RNAM PAR GZHAG PA'I PHYIR RO, ,NGAN SONG BA'I NYON MONGS PA DANG LAS DANG SKYE BA'I KUN NAS NYON MONGS PA ZHES GSUNGS PA NI LAS YONGS SU 'DZIN PA'I RNAM PAR BSHAD PA YIN TE, KUN NAS NYON MONGS PA RNAM PA GSUM PO DAG SGRIB PA YIN PA'I PHYIR RO, ,SA GNYIS PA LA NI LTUNG BA PHRA MO'I 'KHRUL PA KUN DU 'BYUNG BA'I SGRIB PA'I GNYEN POR GYUR PA YIN NO ZHES BYA BA NI SA GNYIS PA'I SGRIB PA BSTAN PA'O, ,'DI LTAR SHES BYA'I SGRIB PA LAS LHAN CIG SKYES PA'I PHYOGS GCIG DANG, DES BSKYED PA'I 'KHRUL PA'I LTUNG BA LAS GSUM PO DAG GI NGO BO NYID DO, ,KUN DU 'BYUNG BA DANG SA BON DANG KUN DU BRTAGS PA LAS NI KUN DU 'BYUNG BA DANG SA BON DANG BAG CHAGS KYANG GTOGS SO, ,DE LAS BAG CHAGS NI LAS SU MI RUNG BA NYID DE, DE'I PHYIR BSTAN BCOS RNAM PAR RIG PA TZAM DU GRUB PA LAS, GNYIS PA LOG PAR SGRUB PA GNYIS LAS LHAN CIG SKYES PA'I PHYOGS GCIG DANG, DES BSKYED PA'I 'KHRUL PA'I @211B LTUNG BA LAS GSUM PO DAG GO ZHES 'BYUNG BA YIN TE, DE NI MDO LAS LTUNG BA PHRA MO'I 'KHRUL PA KUN DU RMONGS PA DANG, LAS KYI RNAM PA SNA TSOGS LA KUN DU RMONGS PA ZHES GSUNGS PA NYID DE ZHIB TU DE NYID LAS BSTAN PA BZHIN NO, ,'PHAGS PA SA BCU PA'I 'GREL PA LAS NI SEMS CAN GYI LUS LA SOGS PA'I LAS LA SPYOD PA'I SGRIB PA ZHES 'BYUNG NGO, ,SLOB DPON DBYIG GNYEN GYIS MDZAD PA'I 'GREL BA LAS NI SEMS CAN GYI DNGOS PO RNAMS LA LOG PAR SGRUB PA ZHES 'BYUNG NGO, ,DGONGS PA ZAB MO RNAM PAR DGROL BA'I MDO LAS KYANG LTUNG BA PHRA MO'I 'KHRUL BA ZHES 'BYUNG NGO, ,KUN DU 'BYUNG BA YANG DON RNAM PA GSUM DANG LDAN TE, LAS YONGS SU 'DZIN PA'I RNAM PAR BSHAD PA DANG SBYAR NA NI LAS RNAM PA GSUM PO DAG GIS NGO BO NYID BYED DO, ,BDAG PO'I DBANG DU BYAS PA'I RNAM PAR BSHAD PA DANG SBYAR NA NI MA RIG PAS NGO BO NYID BYED DO, ,DON GYI MTHAR GTUGS TE BRJOD NA NI LAS RNAM PA GSUM DANG MA RIG PAS NGO BO NYID BYED DO, ,BSTAN BCOS THEG PA CHEN PO BSDUS PA'I 'GREL PA LANG GI TSE BSGYUR BA LAS LUS KYI LAS KYIS SEMS CAN RNAMS LA LOG PAR SGRUB PA'I MA RIG PA ZHES BSTAN PA YANG DON RNAM PA GNYIS TE, GAL TE MING GI RJES SU BRJOD NA NI MA RIG PAS NGO BO NYID BYED DO, ,YANG DAG PA'I DON GYI DBANG DU BYAS TE BRJOD NA NI MA RIG PA DANG LAS KYIS NGO BO NYID BYED DO, ,DE LA NGES PA'I TSIG BSTAN PA YANG BSTAN BCOS THEG PA CHEN PO BSDUS PA'I 'GREL PA LAS, LOG PAR SGRIB PA SKYED PA'I MA RIG PA ZHES 'BYUNG BA NI LAS YONGS SU 'DZIN PA'I RNAM PAR BSHAD PA'O, ,MDO 'DI NYID LA SOGS PA LAS LTUNG BA PHRA MO'I 'KHRUL PA KUN DU 'BYUNG BA ZHES BYA BA LA SOGS PAR GSUNGS PA YANG SNGA MA BZHIN DU BDAG PO'I DBANG DU BYAS PA DANG LAS YONGS SU 'DZIN PA'I RNAM PAR BSHAD PA YIN PAR RAB TU DBYE BAR BYA STE, 'KHRUL PA KUN DU 'BYUNG BA'I SGRIB PA YIN PA'I PHYIR RAM, YANG NA 'KHRUL BA KUN DU 'BYUNG BA NYID SGRIB PA YIN PA'I PHYIR RO, ,SA GSUM PA LA NI 'DOD PA'I 'DOD CHAGS KYI SGRIB PA GNYEN POR GYUR PA YIN NO ZHES BYA BA NI SA GSUM PA'I SGRIB PA BSTAN PA YIN NO, ,BSTAN BCOS RNAM PAR RIG PA TZAM DU GRUB PA LAS NI 'DI LTA STE, SHES BYA'I SGRIB PA LAS LHAN CIG SKYES PA'I @212A *, ,PHYOGS GCIG GIS NI 'DI LTAR SA GSUM PA'I TING NGE 'DZIN KHYAD PAR CAN BSGOM PA'I SHES RAB LA SGRIB PAR BYED LA 'DOD CHAGS KYI NYON MONGS PAS NI GSUNGS DANG, THOS PA DANG BSAMS PA DANG BSGOMS PA'I SHES RAB LA SGRIB PAR BYED PAS, BRJED NGAS PA DANG, SHES BZHIN MA YIN PAS NGO BO NYID BYED DO ZHES BSHAD DO, DE'I PHYIR BSTAN BCOS RNAM PAR RIG PA TZAM DU GRUB PA LAS, RMONGS PA'I SGRIB PA NI 'DI LTA STE, SHES BYA'I SGRIB PA LAS LHAN CIG SKYES PA'I PHYOGS GCIG GIS THOS PA DANG, BSAMS PA DANG BSGOMS PA'I CHOS BRJED PAR BYED PA GANG YIN PA STE, DES GSUM PA'I TING NGE 'DZIN DANG, GZUNGS KHYAD PAR DU 'PHAGS PA DANG, GZUNGS KYIS BSKYED PA'I SHES RAB KHYAD PAR DU 'PHAGS PA RNAM PA GSUM LA SGRIB PAR BYED LA KUN DU RMONGS PA NYI SHU RTZA GNYIS LAS 'DOD PA'I 'DOD CHAGS KYI KUN DU RMONGS PA DANG, THOS PA'I GZUNGS YONGS SU RDZOGS PA LA KUN DU RMONGS PA YANG SDUD PAR BYED DO ZHES BSTAN PA YIN NO, ,BSAGS PA SA BCU PA'I 'GREL PA LAS NI THOS PA DANG BSAMS PA DANG BSGOMS PA LA SOGS PA LA KUN DU RMONGS SHING CHOS RNAMS BRJED PAR GYUR PA'I SGRIB PA ZHES 'BYUNG NGO, ,SLOB DPON DBYIG GNYEN GYIS MDZAD PA'I 'GREL PA LAS NI THOS PA DANG, BSAMS PA DANG BSGOMS PA DAG LA RMONGS RTUL ZHING BRJED NGAS PA DANG BCAS PA'O ZHES 'BYUNG NGO, ,BSTAN BCOS THEG PA CHEN PO BSDUS PA'I 'GREL PA LANG GI TSE BSGYUR BA LAS NI SEMS RTZE GCIG PA MYUR DU MI SHES PA'I MA RIG PA DANG, THOS PA DANG BSAMS PA DANG BSGOMS PA BRJED BAR BYED PA'I MA RIG PA ZHES 'BYUNG STE, DON GYIS BSTAN BCOS RNAM PAR RIG PA TZAM DU GRUB PA LAS KUN DU RMONGS PA RNAM PA GNYIS BSTAN PA DANG MTHUN NO, ,DGONGS PA ZAB MO RNAM PAR DGROL BA'I MDO LAS, DGE BA'I CHOS THOB PAR 'DOD PA'I NYES PA ZHES 'BYUNG BA DANG MDO 'DI NYID LAS 'DOD PA'I 'DOD CHAGS KYI KUN DU RMONGS PA ZHES GSUNGS PA NI KUN DU RMONGS PA DANG PO BSDUS PA YIN YANG, YANG DAG PA'I DON DU NA KUN DU RMONGS PA GNYI GA LA NGO BO NYID DU SDUD DE, BSTAN BCOS RNAM PAR RIG PA TZAM DU GRUB PA LAS BSTAN PA BZHIN NO, ,DE LA NGES PA'I TSIG BSTAN PA YANG GZHAN DAG @212B LAS RMONGS PA'I SGRIB PA ZHES BSTAN PA NI 'DI LTAR 'DOD CHAGS NYID RMONGS PA'I SGRIB PA YIN PA'I PHYIR RMONGS PA'I SGRIB PA ZHES BYA STE, 'DI NI LAS YONGS SU 'DZIN PA'I RNAM PAR BSHAD PA'O, ,YANG NA RMONGS PA NI NYON MONGS PA'I MING YIN TE, 'DI LTAR SHES BYA'I SGRIB PA LA RMONGS PA ZHES BSTAN PA NI NGO BO NYID GCIG PA'I PHYIR RO, ,BSHAD PA 'DI DANG SBYAR NA NI BDAG PO'I DBANG DU BYAS PA'I RNAM PAR BSHAD PA YIN TE, RMONGS PA'I SGRIB PA YIN PA'I PHYIR RO, ,DE LA 'DOD PA'I 'DOD CHAGS KYI SGRIB PA ZHES BYA BA NI BDAG PO'I DBANG DU BYAS PA'I RNAM PAR BSHAD PA'O, ,YANG NA CHOS LA SRED PA NI 'DOD CHAGS YIN PA'I PHYIR LAS YONGS SU 'DZIN PA'I RNAM PAR BSHAD PA'O, ,SA BZHI PA LA NI SNYOMS PAR 'JUG PA LA SRED PA DANG CHOS LA SRID PA'I SGRIB PA'I GNYEN POR GYUR PA YIN NO ZHES BYA BA NI SA BZHI PA'I SGRIB PA BSTAN PA'O, ,BSTAN BCOS RNAM PAR RIG PA TZAM DU GRUB PA LAS NI YID KYI RNAM PAR SHES PA DANG LHAN CIG SKYES PA'I BDAG TU LTA BA DANG, SNYOMS PAR 'JUG PA LA SRED PA DANG CHOS LA SRED PA'I NGO BO NYID DO ZHES BSHAD DO, ,DE'I PHYIR BSTAN BCOS DE NYID LA BZHIN PA NI NYON MONGS PA PHRA MO KUN DU 'BYUNG BA'I SGRIB PA NI 'DI LTA STE, SHES BYA'I SGRIB PA LAS LHAN CIG SKYES PA'I PHYOGS GCIG DANG YID KYI RNAM PAR SHES PA DANG LHAN CIG PA'I 'JIG TSOGS LA LTA BA LA SOGS PAS BSDUS PA GANG YIN PA'O, ,DE LAS BZHI PA'I BYANG CHUB KYI PHYOGS KYI CHOS LA SRED PAR BYED DE, SA BZHI BA LA ZHUGS PA LA YONGS SU SPONG PAR BYED DO ZHES 'BYUNG STE, ZHIB TU DE NYID LAS BSTAN PA BZHIN NO, ,DE LA 'JIG TSOGS LA LTA BA LA SOGS PA ZHES BYA BA'I TSIG GIS NI THOG MA MED PA'I SHES BYA'I SGRIB PA DANG, SNYOMS PAR 'JUG PA'I SRED PA DANG, CHOS LA SRED PA YANG BSDU BA STE, SNYOMS PAR 'JUG PA LA SRED PA DANG, CHOS LA SRED PA DE DAG NI SA GSUM PA DAG GIS KYANG 'PHEL BAR BYED PAS SA BZHI PA LA ZHUGS PA'I TSE, GDOD YONGS SU SPONG BAR BYED DE, BYANG CHUB KYI PHYOGS KYI CHOS NI DE DAG DANG SHIN TU MI MTHUN PA'I PHYIR RO, ,GZHAN YANG MDO 'DI NYID LAS 'OG NAS KUN DU RMONGS PA RNAM PA GNYIS SO ZHES STON PAR MDZAD DE, SNYOMS PAR 'JUG PA LA SRED PA'I KUN DU RMONGS PA DANG, CHOS LA SRED PA'I KUN DU RMONGS PA DANG, @213A *, ,DE'I GNAS NGAN LEN CES STON PAS SO, ,BSTAN BCOS THEG PA CHEN PO BSDUS PA'I 'GREL PA LANG GI TSE BSGYUR BA LAS NI NYON MONGS PA PHRA MO KUN DU 'BYUNG BA 'JIG TSOGS LA LTA BA LA SOGS PA'I MA RIG PA ZHAS 'BYUNG NGO, ,SLOB DPON DBYIG GNYEN GYIS MDZAD PA'I 'GREL PA LAS KYANG BZHI PA NI NYON MONGS PA PHRA MO KUN DU 'BYUNG BA LHAN CIG SKYES PA'I 'JIG TSOGS LA LTA BA LA SOGS PAS BSDUS PA ZHES 'BYUNG STE, BSTAN BCOS GONG MA GNYIS PO 'DI GNYIS KYANG DON GYIS BSTAN BCOS RNAM PAR RIG PA TZAM DU GRUB PA LAS BSTAN PA DANG MTHUN PAR BSHAD DE, SOGS PA ZHES BYA BA'I TSIG YOD PA'I PHYIR RO, ,GAL TE DE LTA NA CI'I PHYIR 'PHAGS PAS BCU PA'I 'GREL PA LAS, CHOS KYI NGA RGYAL GYI SGRIB PA ZHES BSTAN CE NA, SMRAS PA, SA GSUM PA LA CHOS KYI BSTAN PA SO SOR YANG DAG PAR RIG PAR GYUR PA'I TSE, CHOS YANG DAG PAR RIG PA'I NGA RGYAL SKYED PA NYID KYI CHOS LA SRED PA YANG SKYE BA'I PHYIR SA BCU PA'I 'GREL PA LA SOGS PA YANG SO SO NAS DE NA RE RE SMOS PAS PHAN TSUN 'GAL BA MED DO, ,DGONGS PA ZAB MO RNAM PAR DGROL BA'I MDO LAS SNYOMS PAR 'JUG PA LA SRED PA'I SEMS KYI KUN DU RMONGS PA ZHES 'BYUNG BA NI TING NGE 'DZIN GYI SRED PA YIN TE, LO TZ'A BA'I BSAM PA THA DANG PA'I PHYIR RO, ,MDO 'DI NYID LA SA SNYOMS PAR 'JUG PA DANG, CHOS LA SRED PA ZHES GSUNGS PA NI KUN DU RMONGS PA GNYIS CIG CAR BSDU BA'O, ,'JIG TSOGS LA LTA BA ZHES MA GSUNGS PA NI, YANG DAG PAR KUN DU RMONGS PA RNAM PA GNYIS KHO NAR MA ZAD PA'I PHYIR RO, ,DE LA NGES PA'I TSIG BSTAN PA YANG BSTAN BCOS RNAM PAR RIG PA TZAM DU GRUB PA LAS, NYON MONGS PA PHRA MO KUN DU 'BYUNG BA'I SGRIB PA NI 'DI LTA STE, LHAN CIG SKYES PA'I 'JIG TSOGS LA LTA BA GANG YIN PA'O ZHES BSTAN PA'O, ,BSTAN BCOS DE LAS PHRA MO ZHES 'BYUNG BA NI DON RNAM PA GSUM DANG LDAN TE, PHYOGS MA YIN PA'I PHYIR DANG, YID KYI DMIGS PA MI BYED PA'I PHYIR DANG, YUN RING POR KUN DU 'BYUNG BA'I RJES SU 'BRANG BA'I PHYIR RO, ,NYON MONGS PA ZHES 'BYUNG BA NI DE DANG NYON MONGS PA BDAG NYID GCIG TU 'BYUNG BA'I PHYIR NYON MONGS PA ZHES BSTAN PA YIN TE, DE NYID NYON MONGS PA PHRA MO KUN DU 'BYUNG @213B BA'I SGRIB PA YIN PA'I PHYIR, 'DI NI BDAG PO'I DBANG DU BYAS PA'I RNAM PAR BSHAD PA'O, ,MDO 'DI LAS SNYOMS PAR 'JUG PA LA SRED PA DANG, CHOS LA SRED PA'I SGRIB PA ZHES GSUNGS PA YANG BDAG PO'I DBANG DU MDZAD NAS GSUNGS PA YIN NO, ,YANG NA LAS YONGS SU 'DZIN PA'I RNAM PAR BSHAD PA YIN TE, 'DI LTAR SHES BYA'I SGRIB PA YANG SRED PA'I MING THOB PA YANG YIN PAS, DE'I PHYIR CHOS LA SRED PA LA SOGS PA SRED PA ZHES BYA BAS LAS YONGS SU 'DZIN PA'I RNAM PAR BSHAD PA YIN NO, ,GZHAN YANG SRED PA ZHES BYA BA NI NYON MONGS PA KHO NA'I MING YIN PAS LAS YONGS SU 'DZIN PA'I RNAM PAR BSHAD PA NYID DU MNGON PAR GRUB PA YIN TE, 'DI LTAR SNGAR NI SPYI'I MING GIS SHES BYA'I SGRIB PA'I BDAG NYID BSTAN PA YIN LA, DE'I 'OG TU NI SGRIB PA ZHES BSTAN PA'I PHYIR RO, ,BSTAN BCOS GZHAN DAG LAS NGES PA'I TSIG BSTAN PA NI MANGS PAS 'DIR MA BRJOD DO, ,SA LNGA PA LA NI 'KHOR BA DANG MYA NGAN LAS 'DAS PA DAG LA GCIG TU PHYOGS PA DANG, MNGON DU PHYOGS PA'I SGRIB PA'I GNYEN POR GYUR PA YIN NO ZHES BYA BA NI SA LNGA PA'I SGRIB PA BSTAN PA'O, ,BSTAN BCOS RNAM PAR RIG PA TZAM DU GRUB PA LAS NI SHES BYA'I SGRIB PA LAS LHAN CIG SKYES PA'I PHYOGS GCIG DANG, KUN DU RMONGS PA NYI SHU RTZA GNYIS LAS NI 'KHOR BA LA GCIG TU MI PHYOGS PA NYID YID LA BYED PA DANG, MYA NGAN LAS 'DAS PA LA MNGON DU PHYOGS PA'I KUN DU RMONGS PAS NGO BO NYID BYED DO ZHES BSHAD DE, DE'I PHYIR BSTAN BCOS RNAM PAR RIG PA TZAM DU GRUB PA LAS LNGA PA THEG PA DMAN PA'I MYA NGAN LAS 'DAS PA'I SGRIB PA NI 'DI LTA STE, SHES BYA'I SGRIB BA LAS LHAN CIG SKYES PA'I PHYOGS GCIG GIS 'KHOR BA LA SHIN TU SKYO BA DANG, MYA NGAN LAS 'DAS PA LA GZHOL BAR MOS PAS THEG PA 'OG MA GNYIS DANG MTSUNGS PAR SDUG BSNGAL LA SKYO ZHING 'GOG PA LA SPRO BAS DES SA LNGA PA'I KHYAD PAR MED PA'I LAM LA SGRIB PA GANG YIN PA'O ZHES 'BYUNG BA YIN NO, ,KUN DU RMONGS PA RNAM PA GNYIS RNAM PAR BSHAD PA YANG MDO 'DI NYID LAS 'OG NAS JI SKAD DU, 'KHOR BA LA GCIG TU MI PHYOGS PA NYID YID LA BYED PA DANG, MYA NGAN LAS 'DAS PA LA GCIG TU MNGON DU PHYOGS PA NYID YID LA BYED PA ZHES @214A *, ,GSUNGS PA LTA BU'O, ,'PHAGS PA SA BCU BA'I 'GREL PA LAS NI LUS YONGS SU GTZANG NGO SNYAM PA'I NGA RGYAL GYI SGRIB PA ZHES 'BYUNG NGO, ,BSTAN BCOS THEG PA CHEN PO BSDUS PA'I 'GREL PA LANG GI TSE BSGYUR BA LAS NI THEG PA DMAN PA'I MYA NGAN LAS 'DAS PA'I MA RIG PA ZHES BSTAN PA DANG, SLOB DPON DBYIG GNYEN GYIS MDZAD PA'I 'GREL PA LAS THEG PA 'OG MA'I MYA NGAN LAS 'DAS PA'I SGRIB PA ZHES 'BYUNG BA YANG KUN DU RMONGS PA GCIG BSDUS PA YIN YANG DON GYIS NI KUN DU RMONGS PA GNYI GA BSTAN TO, ,DGONGS PA ZAB MO RNAM PAR DGROL BA'I MDO LAS KYANG DON GYIS MDO 'DI DANG MTHUN PAR STON TO, ,'KHOR BA DANG MYA NGAN LAS 'DAS PA DAG LA GCIG TU PHYOGS PA DANG, MNGON DU PHYOGS PA ZHES BYA BAS NI KUN DU RMONGS PA GNYIS YANG DAG PAR BSDU BA YIN TE, MING NYID KYIS BRDA PHRAD PAR ZAD DO, ,DE LA NGES PA'I TSIG BSTAN PA YANG BSTAN BCOS RNAM PAR RIG PA TZAM DU GRUB PA LAS, THEG PA DMAN PA'I MYA NGAN LAS 'DAS PA'I SGRIB PA ZHES BSTAN PA NI BDAG PO'I DBANG DU BYAS PA'I RNAM PAR BSHAD PA YIN TE, THEG PA DMAN PA'I MYA NGAN LAS 'DAS PA'I SGRIB PA YIN PA'I PHYIR RO, ,MDO 'DI NYID LAS GSUNGS PA NI LAS YONGS SU 'DZIN PA'I DBANG DU MDZAD PA'I RNAM PAR BSHAD PA YIN TE, YONGS SU SKYO ZHING RGYAB KYIS PHYOGS PA NYID SHES BYA'I SGRIB PA YIN PA'I PHYIR RO ZHES PAS DRUG PA LA NI MTSAN MA MANG PO KUN DU 'BYUNG BA'I SGRIB PA'I GNYEN POR GYUR PA YIN NO ZHES BYA BA NI SA DRUG PA'I SGRIB PA BSTAN PA'O, ,BSTAN BCOS RNAM PAR RIG PA TZAM DU GRUB PA LAS NI SHES BYA'I SGRIB PA LAS LHAN CIG SKYES PA'I PHYOGS GCIG PA DES SA GSUM PA DAG TU BDEN PA BZHI SGOM PAR BYED DE, BDEN PA BZHI PO DAG LA KUN NAS NYON MONGS PA DANG RNAM PAR BYANG BA'I MTSAN NYID DU 'DZIN PAR BYED DE, 'DI LTA STE, SDUG BSNGAL BA DANG, KUN 'BYUNG BA 'KHOR BAR 'JUG PA GANG YIN PA DE NI KUN NAS NYON MONGS PA'I PHYOGS KYI MTSAN NYID DO, ,'GOG PA DANG LAM LUGS LAS LDOG PA GANG YIN PA DE NI RNAM PAR BYANG BA'I PHYOGS KYI MTSAN NYID DO SNYAM DU SEMS SO ZHES BSHAD DE, DE'I PHYIR BSTAN BCOS DE NYID LAS DRUG PA MTSAN MA RAGS PA KUN DU 'BYUNG BA'I SGRIB PA NI 'DI LTA STE, @214B SHES BYA'I SGRIB PA LHAN CIG SKYES PA'I PHYOGS GCIG GIS KUN NAS NYON MONGS PA'I PHYOGS KYI MTSAN MA RAGS PA KUN DU 'BYUNG BA YOD PA NYID DU 'DZIN PAS DES SA DRUG PA'I KUN NAS NYON MONGS PA DANG, RNAM PAR BYANG BA MED PA'I LAM LA SGRIB PAR BYED DE, SA DRUG PAR ZHUGS PA'I TSE YONGS SU SPONG BAR BYED PA DES NA, SA DRUG PAS NI KUN DU RMONGS PA RNAM PA GNYIS DANG, DE'I GNAS NGAN LEN SPONG BAR BYED DE, DANG PO NI 'KHOR BAR 'JUG PA SO SOR RTOG PA KUN DU 'BYUNG BA RMONGS PA STE, DE NI 'DIR KUN NAS NYON MONGS PA LA 'KHOR BAR 'JUG PA'I SPYOD PA RNAMS YOD PA NYID DU 'DZIN PAS KUN NAS NYON MONGS PA'I PHYOGS KYIS BSDUS PA'I PHYIR RO, ,GNYIS PA NI MTSAN MA MANG PO KUN DU 'BYUNG BA'I RMONGS PA STE, DE NI 'DIR RNAM PAR BYANG BA YOD PA NYID DU 'DZIN CING, RNAM PAR BYANG BA'I MTSAN MA LEN PA'I PHYIR MTSAN MA MANG PO KUN 'BYUNG BAS YUN RING DU MTSAN MA MED PA'I RNAL 'BYOR GNAS PAR MI NUS PA'O ZHES 'BYUNG BA YIN NO, ,'PHAGS PA SA BCU PA'I 'GREL PA LAS NI BAG CHAGS PHRA MO'I SGRIB PA ZHES BSHAD DO, ,BSTAN BCOS THEG PA CHEN PO BSDUS PA'I 'GREL PA LANG GI TSE BSGYUR BA LAS NI MTSAN MA PHRA MO KUN DU 'BYUNG BA'I MA RIG PA ZHES 'BYUNG NGO, ,SLOB DPON DBYIG GNYEN GYIS MDZAD PA'I 'GREL PA LAS NI RNAM PAR RIG PA TZAM GYI MTSAN MA RAGS PA KUN DU 'BYUNG BA DAG NI MTSAN MA'I RNAM PA'O, ,MING RNAM PAR GZHAG CING NGO BO NYID BRJOD PA YANG SPYIR RMONGS PA GNYIS BSDUS PAR BSHAD NA YANG DON DU 'GAL BA MED PA'O ZHES 'BYUNG NGO, ,DGONGS PA ZAB MO RNAM PAR DGROL BA'I MDO LAS MTSAN MA RNAMS KUN DU 'BYUNG BA ZHES GSUNGS PA DANG, MDO 'DI NYID LAS MTSAN MA MANG PO KUN DU 'BYUNG BA ZHES GSUNGS PA DANG, DON GYIS BSTAN BCOS RNAMS LAS 'BYUNG BA DANG MTHUN TE, DON 'GAL BA MED PA'I PHYIR RO, ,DE LA NGES PA'I TSIG BSTAN PA NI THAMS CAD KYANG BDAG PO'I DBANG DU BYAS PAR BSHAD PA DAG YIN TE, MTSAN MA MANG PO KUN DU 'BYUNG BA'I MTSAN MA YIN PA'I PHYIR TE, BRTAGS NA BRDA PHRAD PAR 'GYUR RO, ,SA BDUN PA LAS NI MTSAN MA PHRA MO KUN DU 'BYUNG BA'I SGRIB PA'I GNYEN POR GYUR PA YIN NO ZHES BYA BA NI SA BDUN PA'I SGRIB PA BSTAN TE, 'DI LTAR SHES BYA'I SGRIB PA LAS @215A *, ,LHAN CIG SKYES PA'I PHYOGS GCIG GIS SNGA MA'I SA DRUG PA LA, RTEN CING 'BREL PAR 'BYUNG BA YAN LAG BCU GNYIS NYID DU SGOM ZHING 'KHOR BAR 'JUG PA'I MTSAN MA PHRA MO DANG, LUGS LAS LDOG PA'I MTSAN MA YOD PA NYID DU 'DZIN PAS MTSAN MA DE GNYIS YONGS SU BZUNG BA'I PHYIR SA BDUN PA'I GYA NOM PA MTSAN MA MED PA'I LAM LA SGRIB PAR BYED DE, DE'I PHYIR BSTAN BCOS RNAM PAR RIG PA TZAM DU GRUB PA LAS, BDUN PA MTSAN MA PHRA MO KUN DU 'BYUNG BA'I SGRIB PA NI 'DI LTA STE, SHES BYA'I SGRIB PA LAS LHAN CIG SKYES PA'I PHYOGS GCIG GIS SKYE BA DANG, 'JIG PA'I MTSAN MA PHRA MO KUN DU 'BYUNG BA YOD PA NYID DU 'DZIN PAS DES SA BDUN PA'I GYA NOM PA MTSAN MA MED PA'I LAM LA SGRIB PAR BYED DE, SA BDUN PAR ZHUGS PA'I TSE YONGS SU SPONG BAR BYED PAS DES NA SA BDUN PAS NI KUN DU RMONGS PA RNAM PA GNYIS DANG, DE'I GNAS NGAN LEN SPONG BAR BSHAD DE, DANG PO NI MTSAN MA PHRA MO KUN DU 'BYUNG BA'I RMONGS PA STE, DE 'DIR SKYE BA YOD PA NYID DU 'DZIN CING 'KHOR BAR 'JUG PA'I SKYE BA PHRA MO'I MTSAN MA LEN PA'I PHYIR RO, ,GNYIS PA NI GCIG TU MTSAN MA MED PA'I YID LA BYED PAS GNYER BA'I KUN DU RMONGS PA STE, DE NI 'DI 'GOG PA LA YOD PA NYID DU 'DZIN CING LUGS LAS LDOG PA'I MTSAN MA LEN PA'I PHYIR GCIG TU MTSAN MA MED PA NYID YID LA BYED PAS NAN TAN GYIS YONGS SU TSOL BAR BYED KYANG STONG PA NYID LA SPYOD PA KHYAD PAR DU 'PHAGS PA BSKYED PAS MI NUS PA'O ZHES 'BYUNG BA YIN NO, ,'PHAGS PA SA BCU PA'I 'GREL PA LAS NI MTSAN MA PHRA MO'I BAG CHAGS KYI SGRIB PA ZHES BSHAD DO, ,BSTAN BCOS THEG PA CHEN PO BSDUS PA'I 'GREL PA LANG GI TSE BSGYUR BA LAS NI MTSAN MA PHRA MO KUN DU 'BYUNG BA'I MA RIG PA ZHES 'BYUNG NGO, ,SLOB DPON DBYIG GNYEN GYIS MDZAD PA'I 'GREL PA LAS NI MTSAN MA PHRA MO KUN DU 'BYUNG BA ZHES BSHAD DO, ,BSTAN BCOS RNAM PAR RIG PA TZAM DU GRUB PA LAS KYANG MTSAN MA PHRA MO KUN DU 'BYUNG BA'I SGRIB PA ZHES BSTAN TO, ,DGONGS PA ZAB MO RNAM PAR DGROL BA'I MDO LAS MTSAN MA PHRA MO KUN DU 'BYUNG BA'I NYES PA ZHES GSUNGS PA DANG, MAD 'DI NYID LAS MTSAN MA PHRA MO KUN DU 'BYUNG BA'I SGRIB @215B PA ZHES GSUNGS PA NI MTSAN MA'I RNAM PA LAS MING DU GZHAG PA DANG, KUN DU RMONGS PA RNAM PA GNYIS BSDU BA YIN PAS, PHAN TSUN 'GAL BA MED PA YANG GONG MA BZHIN DU RIG PAR BYA'O, ,DE LA NGES PA'I TSIG BSTAN PA YANG DE DAG THAMS CAD BDAG PO'I DBANG DU BYAS PA'I RNAM PAR BSHAD PA YIN TE, SNGA MA BZHIN DU RIG PAR BYA'O, ,SA BRGYAD PA LA NI MTSAN MA MED PA LA RTZOL BA DANG MTSAN MA DANG BCAS PA LA DBANG DU MA GYUR PA'I SGRIB PA'I GNYEN POR GYUR PA YIN NO ZHES BYA BA NI SA BRGYAD PA'I SGRIB PA BSTAN PA'O, ,'DI LTAR SHES BYA'I SGRIB PA LAS LHAN CIG SKYES PA'I PHYOGS GCIG GIS MTSAN MA MED PA SGOM PA RANG GI NGANG GIS MI 'BYUNG BA DANG, KUN DU RMONGS PA RNAM PA GNYIS KYANG BSDUS PA YIN TE, MTSAN MA MED PA LA RTZOL BA'I KUN DU RMONGS PA DANG, MTSAN MA DANG BCAS PA LA DBANG DU MA GYUR PA'I KUN DU RMONGS PA'O, ,DE'I PHYIR BSTAN BCOS RNAM PAR RIG PA TZAM DU GRUB PA LAS, BRGYAD PA MTSAN MA MED PA LAS RTZOL BA DANG BCAS PA'I SGRIB PA NI 'DI LTA STE, SHES BYA'I SGRIB PA LAS LHAN CIG SKYES PA'I PHYOGS GCIG GIS MTSAN MA MED PAR BSGOM PA RANG GI NGANG GIS MI SKYE BA GANG YIN PA'O, ,SA SNGA MA LNGA PO DAG TU MTSAN MA DANG BCAS PA'I RNAL 'BYOR NI MANG LA, MTSAN MA MED PA'I RNAL 'BYOR NI NYUNG NGO, ,SA DRUG PA LA NI MTSAN MA DANG BCAS PA'I RNAL 'BYOR NI NYUNG LA, MTSAN MA MED PA'I RNAL 'BYOR NI MANG NGO, ,SA BDUN PA LA NI GCIG TU MTSAN MA MED PA'I RNAL 'BYOR RGYUN DU MNGON SUM DU 'GYUR YANG RTZOL BA DANG BCAS PA YIN TE, 'DI LTAR MTSAN MA MED PA LA RTZOL BA DANG BCAS PA'I PHYIR RANG GI NGANG GIS MTSAN MA DANG ZHING STON PAR MI NUS SO ZHES BYA BA NAS RGYA CHER BSHAD PA'I BAR DU BSTAN PA YIN NO, ,'PHAGS PAS BCU PA'I 'GREL PA LAS MTSAN MA MED PA LA RTZOL BA DANG BCAS PA'I SGRIB PA ZHES 'BYUNG BA DANG, BSTAN BCOS THEG PA CHEN PO BSDUS PA'I 'GREL PA LANG GI TSE BSGYUR BA LAS MTSAN MA MED PA'I MNGON BAR 'DU BYED PA ZHES BSHAD PA DANG, BSTAN BCOS RNAM PAR RIG PA TZAM DU GRUB PA LAS, MTSAN MA MED PA LA RTZOL BA'I SGRIB PA ZHES 'BYUNG BA KUN DU RMONGS PA GCIG TU BSDUS PA YIN PAS 'DI LTA STE, MTSAN MA MED PA LA RTZOL [?] BA'I KUN DU RMONGS PA'O, ,BSTAN @216A *, ,BCOS RNAM PAR RIG PA TZAM DU GRUB PA LAS MING GCIG SMOS PA YANG SPYIR KUN DU RMONGS PA GNYIS BSDUS PA YIN TE, 'DI LTA STE, MTSAN MA MED PA LA RTZOL BA'I KUN DU RMONGS PA DANG, MTSAN MA LA DBANG DU MA GYUR PA'I KUN DU RMONGS PA'O, ,DGONGS PA ZAB MO RNAM PAR DGOL BA'I MDO LAS NI, MTSAN MA MED PA LA RANG GI NGANG GIS RTZOL BA MED PAR 'JUG PA'I GNYEN POR GYUR PA YIN NO ZHES 'BYUNG STE, 'DI LA YANG BSHAD PA RNAM PA GNYIS YOD DE, KHA CIG NA RE SA BRGYAD PA LA MTSAN MA MED PA'I SHES PA'I SPYOD PA RTZOL BA MED PA RANG GI NGANG GIS 'JUG PAS 'DIS DE LA SGRIB PA'I PHYIR MTSAN MA MED PA LA RANG GI NGANG GIS RTZOL BA MED PAR 'JUG PA ZHES BYA BA GSUNGS TE, 'DI NI RNAM PA GNYIS LAS MTSAN MA MED PA LA RTZOL BA'I KUN DU RMONGS PA NYID DO ZHE'O, ,KHA CIG NA RE MDO DE YANG DGONGS PA ZAB MO NGES PAR DGROL PA'I MDO DANG MTHUN PAR KUN DU RMONGS PA GNYIS CIG CAR SMOS PA YIN TE, DE LA DANG PO MTSAN MA MED PA'I SPYOD PA ZHES BYA BA NI MTSAN MA MED PA LA RTZOL BA'I KUN DU RMONGS PA ZHES BYA BA NYID DE, ,GNYIS PA RANG GI NGANG GIS 'JUG PA'I NYES PA ZHES BYA BA NI MTSAN MA DANG BCAS PA LA DBANG DU 'GYUR BA'I KUN DU RMONGS PA ZHES BYA BA NYID DO, ,SGRIB PA 'DI GCIG GIS NI KUN DU RMONGS PA GNYIS TSANG BAR BSDUS PA YIN TE, MDO LAS GSUNGS PA BZHIN DU RIG PAR BYA'O ZHE'O, ,NGES PA'I TSIG BSTAN PA YANG BSTAN BCOS THEG PA CHEN PO BSDUS PA'I 'GREL PA LANG GI TSE BSGYUR BA DANG, SLOB DPON DBYIG GNYEN GYIS MDZAD PA'I 'GREL PA DANG, RNAM PAR RIG PA TZAM DU GRUB PA LAS MTSAN MA MED PA LA RTZOL PA'I SGRIB PA ZHES BSTAN PA NI BDAG PO'I DBANG DU BYAS PA'I RNAM PAR BSHAD PA YIN TE, 'DI LTAR MTSAN MA MED PA'I DBANG GIS RTZOL BA'I SHES PA 'BYUNG BAS RTZOL BA'I SHES PA'I NGO BO NYID NI SGRIB PA YIN TE, 'DI NI RTZOL BA'I SHES PA'I SGRIB PA YIN PA'I PHYIR BDAG PO'I DBANG DU BYAS PA'I RNAM PAR BSHAD PA YIN NO, ,MDO 'DI NYID LAS MTSAN MA MED PA LA RTZOL BA DANG MTSAN MA DANG BCAS PA LA DBANG DU MA GYUR PA'I SGRIB PA ZHES GSUNGS PA YANG BDAG PO'I DBANG DU BYAS PA'I RNAM PAR BSHAD PA'O, @216B SA DGU PA LAS NI RNAM PA THAMS CAD DU TSIG MKHAS PA LA DBANG DU MA GYUR PA'I SGRIB PA'I GNYEN POR GYUR BA YIN NO ZHES BYA BA NI SA DGU PA'I SGRIB PA BSTAN PA'O, ,'DI LTAR SHES BYA'I SGRIB PA LAS LHAN CIG SKYES PA'I PHYOGS GCIG GIS SO SO YANG DAG PAR RIG PA BZHI'I CHOS LA SGRIB PAR BYED PA'I NGO BO NYID DE, DE'I PHYIR BSTAN BCOS RNAM PAR RIG PA TZAM DU GRUB PA LAS, DGU PA GZHAN LA PHAN 'DOGS PA SGRUB PAR MI 'DOD PA'I SGRIB PA NI 'DI LTA STE, SHES BYA'I SGRIB PA LAS LHAN CIG SKYES PA'I PHYOGS GCIG GIS SEMS CAN LA PHAN 'DOGS PA'I DNGOS PO LA RTZON PAR MI 'DOD CING RANG GI DON LA MOS PA GANG YIN PA STE, DES SA DGU PA'I SO SO YANG DAG PAR RIG PA BZHI LA SGRIB PAR BYED DE, SA DGU PA LA ZHUGS PA'I TSE YONGS SU SPONG BAR BYED PAS DES NAS DGU PAS KUN DU RMONGS PA GNYIS DANG DE'I GNAS NGAN LEN SPONG NGO ZHES BSTAN TE, DANG PO NI CHOS BSTAN PA'I MING DANG TSIG DANG YI GE DPAG TU MED PA DANG, GONG NAS GONG DU SHES RAB DANG SPOBS PA DANG, GZUNGS KYI DBANG LA KUN DU RMONGS PA'O, ,DE LA CHOS BSTAN PA DPAG TU MED PA'I GZUNGS LA DBANG BA ZHES BYA BA NI 'DI LTA STE, DON SO SO YANG DAG PAR RIG PAS BRJOD PAR BYA BA'I GZUNGS LA DBANG THOB PAS DON GCIG GI NANG DU DON THAMS CAD STON PA'I PHYIR RO, ,MING DANG TSIG DANG YI GE DPAG TU MED PA'I GZUNGS LA DBANG BA ZHES BYA BA NI 'DI LTA STE, CHOS SO SO YANG DAG PAR RIG PAS RJOD PAR BYED PA'I GZUNGS LA DBANG THOB PAS MING DANG TSIG DANG YI GE GCIG GI NANG DU MING DANG TSIG DANG YI GE THAMS CAD STON PA'I PHYIR RO, ,GONG NAS GONG DU SHES RAB DANG SPOBS PA DANG GZUNGS LA DBANG BA ZHES BYA BA NI 'DI LTA STE, TSIG SO SO YANG DAG PAR RIG PAS SGRA SKAD GCIG GIS GCIG RNAM PAR BSHAD PA'I GZUNGS LA DBANG THOB PAS SGRA SKAD GCIG GI NANG DU THAMS CAD STON PA'I PHYIR RO, ,GNYIS PA NI SPOBS PA LA DBANG BA'I KUN DU RMONGS PA'O, ,DE LA SPOBS PA LA DBANG BA NI 'DI LTA STE, SPOBS PA SO SO YANG DAG PAR RIG PAS DBANG PO LA MKHAS SHING CHOS STON PA LA MKHAS PA'I PHYIR RO, ,KUN DU RMONGS PAS DBANG RNAM PA BZHI PO DAG LA SGRIB PAR BYED PA @217A *, ,GANG YIN PA DE DAG NI 'DIR SGRIB PA DGU PAS BSDUS PA YIN NO ZHES 'BYUNG BA YIN NO, ,'PHAGS PA SA BCU PA'I 'GREL PA LAS NI SEMS CAN LA LEGS PAR PHAN MI 'DOGS PA'I SGRIB PA ZHES BSHAD DO, ,BSTAN BCOS THEG PA CHEN PO BSDUS PA'I 'GREL PA LANG GI TSE BSGYUR BA LAS SEMS CAN LA PHAN 'DOGS PA'I BYA BA RTZOL BA LA MI LTOS PA'I MA RIG PA ZHES 'BYUNG BA DANG, SLOB DPON DBYIG GNYEN GYIS MDZAD PA'I 'GREL PA LAS, SEMS CAN LA PHAN 'DOGS PA'I BYA BA MI BYED PA ZHES 'BYUNG BA NI, GNYI GA YANG KUN DU RMONGS PA GNYIS BSDUS PA YIN PAS DON DU 'GAL BA MED DE, THA DAD PA MED PA'I PHYIR RO, ,DGONGS PA ZAB MO RNAM PAR DGROL BA'I MDO LAS RNAM PA THAMS CAD DU CHOS BSTAN PA LA DBANG DU MA GYUR PA ZHES GSUNGS PA DANG, MDO 'DI NYID LAS RNAM PA THAMS CAD DU TSIG LA MKHAS PA LA DBANG DU MA GYUR PA'I SGRIB PA ZHES GSUNGS PA LA YANG BSHAD PA RNAM PA GNYIS YOD DE, KHA CIG NA RE 'DI NI SPOBS PA LA DBANG BA'I KUN DU RMONGS PA NYID DO ZHE'O, ,KHA GCIG NA RE SPYIR KUN DU RMONGS PA GNYIS BSDUS PA YIN NO ZHES ZER RO, ,DE LA RNAM PA THAMS CAD DU TSIG LA MKHAS PA ZHES BYA BA NI SO SO YANG DAG PAR RIG PA BZHI LA SPYIR RNAM PA THAMS CAD TSIG LA MKHAS PA ZHES BYA'O, ,DE LA NGES PA'I TSIG BSTAN PA NI GONG DU BSTAN PA'I BSTAN BCOS DANG, 'GREL PA RNAM PA BZHI DANG MDO GNYIS PO DAG LAS BSTAN PA THAMS CAD KYANG BDAG PO'I DBANG DU MDZAD PA'I RNAM PAR BSHAD PA YIN TE, BRTAGS NA KHONG DU CHUD PAR 'GYUR RO,, ,,BAM PO BZHI BCU DUG PA, SA BCU PA LA NI CHOS KYI SKU YONGS SU RDZOGS PA MNGON DU BYA BA MTHOB PA'I SGRIB PA'I GNYEN POR GYUR PA YIN NO ZHES BYA BA NI SA BCU PA'I SGRIB PA BSTAN PA'O, ,'DI YANG SHES BYA'I SGRIB PA LAS LHAN CIG SKYES PA'I PHYOGS GCIG YIN NO, ,BSTAN BCOS RNAM PAR RIG PA TZAM DU GRUB PA DANG, MDO 'DI NYID LAS 'OG NAS BSTAN PA DANG SBYAR NA KUN DU RMONGS PA RNAM PA GNYIS KYANG BSDUS PA YIN TE, DE'I PHYIR BSTAN BCOS RNAM PAR RIG PA TZAM DU GRUB PA LAS, BCU PA CHOS RNAMS LA DBANG MA THOB PA'I SGRIB PA NI 'DI LTA STE, SHES BYA'I SGRIB PA LAS @217B LHAN CIG SKYES PA'I PHYOGS GCIG GIS CHOS RNAMS LA DBANG THOB PAR MI BYED PAS DES SA BCU PA'I CHOS CHEN PO'I SPRIN GYI SHES PA DANG, YONGS SU SPAS PA DANG DES BSKYED PA'I BYA BA DAG LA SGRIB PAR BYED DE, SA BCU PAR ZHUGS PA'I TSE YONGS SU SPONG BAR BYED PA DES NA SA BCU PAS KUN DU RMONGS PA RNAM PA GNYIS DANG, DE'I GNAS NGAN LEN SPONG BAR BYED DO ZHES BSHAD DO, ,SA DANG PO NI MNGON PAR SHES PA CHEN PO LA KUN DU RMONGS PA STE, DE NI 'DI LTAR DES BSKYED PA'I BYA BA DAG LA SGRIB PAR BYED PA ZHES BSTAN PA NYID DO, GNYIS PA NI GSANG BA'I RJES SU 'JUG CING KHONG DU CHUD PA LA KUN DU RMONGS PA STE, DE NI 'DIR CHOS CHEN PO'I SPRIN GYI SHES PA DANG YONGS SU SPAS PA LA SGRIB PAR BYED PA NYID DO ZHES BSTAN PA NYID DO ZHES 'BYUNG BA YIN NO, ,'PHAGS PA SA BCU'I 'GREL PA DANG, BSTAN BCOS THEG PA CHEN PO BSDUS PA'I 'GREL PA LANG GI TSE BSGYUR BA DANG, RNAM PAR RIG PA TZAM DU GRUB PA LAS CHOS RNAMS LA DBANG MA THOB PA'I SGRIB PA ZHES 'BYUNG BA NI KUN DU RMONGS PA RNAM PA GNYIS LAS GSANG BA'I RJES SU 'JUG CING KHONG DU CHUD PA LA KUN DU RMONGS PA ZHES BSTAN PA NYID DO, ,YANG NA SPYIR KUN DU RMONGS PA GNYIS BSDUS PAR BSTAN TO, ,DGONGS PA ZAB MO RNAM PAR DGROL BA'I MDO LAS SA BCU PA LAS NI CHOS KYI SKU YONGS SU RDZOGS PA MNGON DU BYA BA'I GNYEN PO'O ZHES GSUNGS PA DANG, MDO 'DI NYID LAS SA BCU PA LA NI CHOS KYI SKU YONGS SU RDZOGS PA MNGON DU BYA BA MA THOB PA'I SGRIB PA'I GNYEN POR GYUR PA YIN NO ZHES GSUNGS PAS KUN DU RMONGS PA GNYIS BSDUS PAR BSHAD NA YANG DON DU 'GAL BA MED DE, LOGS SHIG TU MA SBYAR BA'I PHYIR RO, ,MDO 'DI NYID LAS CHOS KYI SKU YONGS SU RDZOGS PA MA THOB PA ZHES GSUNGS PA NI DE BZHIN NYID KYI SKU'I DBANG DU MDZAD NAS BSTAN PA YIN TE, DE'I PHYIR BSTAN BCOS CHOS MNGON PA SNA TSOGS KUN LAS BTUS PA LAS, DE LA CHOS KYI SKU NI 'DI LTA STE, SHES BYA'I SGRIB PA GTAN DU SPANGS SHING GNAS GYUR PAS BSDUS PA GANG YIN PA'O, ,DE YANG SA BCU PA LAS NI YONGS SU RDZOGS PA ZHES BYA'O, ,DE LA DE BZHIN GSHEGS PA'I SA LA NI MNGON PAR GRUB PA ZHES BYA'O ZHES BSTAN TO, ,DE LA NGES PA'I @218A *, ,TSIG BSTAN PA NI BSTAN BCOS RNAM PA BZHI DANG, MDO 'DI NYID LAS BSTAN CING GSUNGS PA'I MING LA THA DAD PA YOD KYANG THOB PA'I MING DU MTSUNGS PAS BDAG PO'I DBANG DU BYAS PA'I RNAM PAR BSHAD PA YIN NO, ,RIGS KYI BU ZHIG NAS DANG LHAG MTHONG DE DAG DE BZHIN GSHEGS PA'I SA LA NI NYON MONGS PA DANG SHES BYA'I SGRIB PA SHIN TU PHRA BA MCHOG TU CHES SHIN TU PHRA BA'I GNYEN POR GYUR PA YIN TE ZHES BYA BA LA SOGS PAR NI SGRIB PA BCU GCIG PA BSTAN TO, ,'DI YANG RNAM PA GNYIS SU DBYE STE, YONGS SU SPANG BAR BYA BA'I SGRIB PA BSTAN PA DANG, SGRIB PA SPANGS PA'I PHAN YON BSTAN PA STE, 'DI NI DANG PO'O, ,'DI LTA STE, SGRIB PA GNYIS LAS LHAN CIG SKYES PA'I PHYOGS GCIG GO, ,DE LA SHIN TU PHRA BA ZHES BYA BA NI NYON MONGS PA'I SGRIB PA'O, ,MCHOG TU CHES SHIN TU PHRA BA ZHES BYA BA NI SHES BYA'I SGRIB PA'O, ,YANG NA SHIN TU PHRA BA DANG, MCHOG TU CHES SHIN TU PHRA BA ZHES BYA BA NI SGRIB PA GNYIS KA DANG YANG SBYAR TE, GNAS SKABS MTHAR THUG PAS YONGS SU SPANG BAR BYA BA YIN PA'I PHYIR NI SHIN TU PHRA BA ZHES BYA'O, ,GNAS SKABS MCHOG GIS YONGS SU SPANG BAR BYA BA YIN PA'I PHYIR NI MCHOG TU CHES SHIN TU PHRA BA ZHES BYA'O, ,GZHAN YANG KUN DU RMONGS PA SHIN TU PHRA BA MED PAS SHIN TU PHRA BA ZHES BYA'O, ,SHIN TU PHRA BA MCHOG TU GYUR PA MED PAS MCHOG TU CHES SHIN TU PHRA BA ZHES BYA'O, ,'PHAGS PA SANGS RGYAS KYI SA'I 'GREL PA LAS SGRIB PA GNYIS LAS MTHONG BAS SPANG BAR BYA BA GANG YIN PA DE NI SA DANG PO LAS SPANGS SO, ,BSGOM PAS SPANG BAR BYA BA LAS SHES BYA'I SGRIB PA GANG YIN PA DE NI MDO SDE DANG BSTAN BCOS RNAMS LAS BSTAN PA DAG DANG MTHUN PAR BSHAD DO, ,NYON MONGS PA RNAMS LAS LHAN CIG SKYES PA GANG YIN PA DE DAG NI SNGA MA'I SA BCU PO RNAMS SU CHED DU BZHAG NAS MI SPONG GI, ,SANGS RGYAS KYI SAR GDOD SPONG STE, DE'I PHYIR BSTAN BCOS RNAM PAR RIG PA TZAM DU GRUB PA LAS, SA 'DIR CHOS LA DBANG THOB MOD KYI SGRIB PA LHAG MA DANG BCAS PAS SHIN TU MTHAR THUG PA ZHES MI BYA STE, 'DI LTAR LHAN CIG SKYES PA'I SHES BYA'I SGRIB PA PHRA MO DANG, RANG GI RANG GIS 'BYUNG BA'I NYON MONGS PA'I SGRIB PA'I SA BON YOD PA GANG YIN PA RDO RJE LTA BU'I TING NGE 'DZIN MNGON SUM DU GYUR @218B PA NA DE DAG CIG CAR SPANGS NAS DE BZHIN GSHEGS PA'I SAR 'JUG PAS DES NA SANGS RGYAS KYI SAR KUN DU RMONGS PA GNYIS DANG, DE'I GNAS NGAN LEN SPONG NGO ZHES BSHAD DO, DANG PO NI SHES BYA THAMS CAD LA CHAGS PA PHRA MO'I KUN DU RMONGS PA STE, DE NI 'DIS SHES BYA'I SGRIB PA SHIN TU PHRA MO ZHES BSTAN PA'O, , GNYIS PA NI THOGS PA SHIN TU PHRA MO'I KUN DU RMONGS PA STE, DE NI 'DIR RANG GI NGANG GIS 'BYUNG BA'I NYON MONGS PA'I SGRIB PA'I SA BON ZHES BSTAN PA NYID DE, DE'I PHYIR BSTAN BCOS CHOS MNGON PAR KUN LAS BTUS PA LAS, DE BYANG CHUB THOB PA NA NYON MONGS PA'I SGRIB PA DANG SHES BYA'I SGRIB PA CIG CAR SPONG BA'O, ,CIG CAR DGRA BCOM PA DANG, DE BZHIN GSHEGS PAR 'GYUR TE, MYA NGAN LAS 'DAS PA CHEN PO DANG, BYANG CHUB CHEN PO THOB PAR 'GYUR RO ZHES BSTAN PA YIN NO ZHES 'BYUNG NGO, ,MDO 'DI NYID LAS GSUNGS PA 'DI NI KUN DU RMONGS PA GNYIS BSTAN PA NYID DO, ,DGONGS PA ZAB MO RNAM PAR DGROL BA'I MDO LAS, SA BCU GCIG PA LA NI SHES BYA'I SGRIB PA SHIN TU PHRA BA DANG MCHOG TU CHES SHING TU PHRA BA'I GNYEN POR GYUR PA YIN NO ZHES GSUNGS PA NI PHYOGS GCIG TU SHES BYA'I SGRIB PA BSTAN PA YIN NO, ,SANGS RGYAS KYI SA'I SGRIB PA 'DI NI BSTAN BCOS GZHAN DAG LAS MI LTOS BAS DE'I PHYIR 'DIR MA SBYAR RO, ,DE LA NGES PA'I TSIG BSTAN PA NI RNAM PAR BSHAD PA DRUG LAS YONGS SU 'DZIN PA'I RNAM PAR BSHAD PA'O, ,DE LTAR SGRIB PA DE DAG YONGS SU BCOM PA'I PHYIR MTHAR THAMS CAD LA CHAGS PA MED PA DANG, THOGS PA MED PA'I SHES PA DANG, MTHONG BA THOB CING DGONGS PA YONGS SU GRUB PA'I DMIGS PA LA BRTEN NAS CHOS KYI SKU SHIN TU RNAM PAR DAG PA RNAM PAR GZHAG PA YIN NO ZHES BYA BA NI GNYIS PA SGRIB PA SPANGS PA'I PHAN YON STON TO, ,MDO'I TSIG 'DI YANG RNAM PA GNYIS SU DBYE STE, DANG PO NI SGRIB PA SPANGS NAS SHES PA DANG, MTHONG BA THOB PAR BSTAN PA STE, 'DI LTAR SGRIB PA RNAM PA GNYIS GTAN DU SPANGS PA'I PHYIR RO, ,GO RIMS BZHIN DU MTHAR CHOS STONG PA NYID KYIS CHAGS PA MED PA'I SHES PA DANG, MTHONG BA THAMS CAD 'THOB PA DANG, GANG ZAG STONG PA NYID KYI THOGS PA MED PA'I SHES PA DANG, MTHONG BA THAMS CAD 'THOB PAR 'GYUR TE, DE'I PHYIR @219A *, ,BSTAN BCOS RNAM PAR RIG PA TZAM DU GRUB PA LAS, DE LA CHAGS PA ZHES BYA BA NI ZHES BYA'I SGRIB PA YIN NO, ,THOGS PA ZHES BYA BA NI NYON MONGS PA'I SGRIB PA YIN NO ZHES 'BYUNG BAS CHOS STONG PA NYID DU BSGOMS PA'I SHES RAB NI CHAGS PA MED PA ZHES BYA'O, ,GANG ZAG STONG PA NYID DU SGOM PA'I SHES PA NI THOGS PA MED PA ZHES BYA BAR RIG PAR BYA'O, ,GNYIS PA NI DMIGS PAR BYA BA LAS CHOS KYI SKU RNAM PAR GZHAG PA STE, 'DI LTAR BZHI PO DGONGS PA YONGS SU GRUB PA'I DMIGS PA LA BRTEN NAS SGRIB PA GNYIS YONGS SU SPANGS PA RNAM PAR DAG PA'I DE BZHIN NYID KYI CHOS KYI SKU RNAM PAR GZHAG PA'AM, YANG NA CHOS KYI SKU RNAM PA GNYIS RNAM PAR GZHAG PA'O, ,BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS JI LTAR BYANG CHUB SEMS DPA'I ZHI GNAS DANG LHAG MTHONG LA BRTEN NAS NAN TAN DU BSGRUB PA'I SLAD DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR LAGS ZHES BYA BA 'DI MAN CHAD NI BCU DRUG PA ZHI GNAS DANG LHAG MTHONG GIS BYANG CHUB THOB PAR BSTAN PA'I SGO ZHES BYA BA STON TO, ,'DI YANG ZHU BA GSOL BA DANG, LAN DU GSUNGS PAS BSTAN TE, 'DI NI ZHU BA GSOL BA NYID DO, ,JI LTAR NA BYANG CHUB SEMS DPA' ZHI GNAS DANG LHAG MTHONG THOB PA DE DAG GIS ZHI GNAS DANG LHAG MTHONG LA BRTEN NAS NAN TAN DU BSGRUBS PA'I SLAD DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'CHANG RGYA BAR 'GYUR ZHES BYA BA'I THA TSIG GO, ,BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL PA, RIGS KYI BU BYANG CHUB SEMS DPA' BYAMS PA ZHI GNAS DANG LHAG MTHONG THOB PA DANG DE BZHIN NYID RNAM PA BDUN LAS BRTZAMS TE, CI LTAR THOS PA DANG BSAMS PA'I CHOS DAG LA MNYAM PAR GZHAG PA'I SEMS KHYAD PAR CAN GYIS LEGS PAR GTAN LA 'BEBS PA DANG, LEGS PAR BSAMS PA DANG, LEGS PAR GZHAG PA'I DE BZHIN NYID DE NYID NANG DU YANG DAG PAR YID LA BYED DE ZHES BYA BA LA SOGS PAS NI GNYIS PA DE BZHIN GSHEGS PAS YANG DAG PAR LAN DU GSUNGS PA STON TO, 'DI YANG RNAM PA GNYIS SU DBYE STE, @219B RNAM PAR BSHAD PA DANG, MJUG BSDU BA'O, ,DANG PO YANG RNAM PA GNYIS KYIS BSTAN TE, RGYU'I GNAS SKABS SU SPYOD PA RNAMS BRTZON 'GRUS KYIS SGRUB PAR BSTAN PA DANG, 'BRAS BU'I GNAS SKABS BYANG CHUB THOB PAR BSTAN PA'O, ,DANG PO YANG RNAM PA GSUM DU DBYE STE, DON NYID BSTAN PA DANG, DPES BSTAN PA DANG, DPE DANG DON DU SBYAR BA'O, ,DON NYID BSTAN PA LA YANG BSHAD PA RNAM PA GNYIS YOD DE, KHA CIG NA RE 'DI NI LAM RNAM PA BZHI LAS BRTZAMS NAS BSTAN PA YIN PAS RNAM PA BZHIR DBYE STE, TSOGS KYI GNAS SKABS BSTAN PA DANG, DES ZHES BYA BA MAN CHAD KYIS SBYOR PA'I GNAS SKABS BSTAN PA DANG, DE PHAN CHAD CES BYA BA MAN CHAD KYIS MTHONG BA'I GNAS SKABS BSTAN PA DANG, GONG MA GONG MA ZHES BYA BA MAN CHAD KYIS BSGOM PA'I GNAS SKABS BSTAN PA'O, ,'DI NI DANG PO'I TSOGS KYI LAM GYI GNAS SKABS BSTAN PA STE, MDO'I TSIG 'DI YANG RNAM PA GNYIS SU DBYE STE, DANG PO NI TSOGS KYI LAM LA GNAS PA'I GANG ZAG ZHI GNAS DANG LHAG MTHOR THOB PA'I RNAL 'BYOR PA BSTAN PA'O, ,GNYIS PA NI DE BZHIN NYID RNAM PA BDUN LAS BRTZAMS TE ZHES BYA BA MAN CHAD KYIS NI YUL LA BRTEN NAS LHAG MTHONG SKYE BAR BSTAN PA STE, 'DI YANG RNAM PA GSUM DU DBYE'O, ,DE LA DANG PO DE BZHIN NYID RNAM PA BDUN LAS BRTZAMS TE ZHES BYA BA NI BRTAG PAR BYA BA'I YUL SMOS PA STE, 'DI LTAR TSOGS KYI GNAS SKABS SU ZHI GNAS DANG LHAG MTHONG DE DAG LA BRTEN NAS, DE BZHIN NYID BDUN PO DAG LA RTOG PAR BYED PAS SO, ,GNYIS PA JI LTAR THOS PA ZHES BYA BA LA SOGS PAS SHES RAB RNAM PA GSUM GYI GNAS BSTAN TE, DE LA JI LTAR THOS PA ZHES BYA BA'I THOS PA'I SHES RAB KYI GNAS BSTAN PA STE, THOS PA ZHES BYA BA NI NYAN PAR BYED PA'O, ,DE NI RNA BA'I DBANG POS RNA BA'I RNAM PAR SHES PA BSKYED NA BSTAN PA THOS PA'I PHYIR RO, ,BSAMS PA'I CHOS DAG LA ZHES BYA BA NI BSAMS PA'I SHES RAB KYI GNAS BSTAN PA STE, 'DI LTAR BSAMS PA'I SHES RAB NI BSTAN PA DAG LA SEMS PAR BYED PAS SHES RAB SKYED NAS, CHOS RNAMS LA SEMS SHING RAB TU RNAM PAR 'BYED PA'I PHYIR RO, ,MNYAM PAR GZHAG PA'I SEMS KHYAD PAR CAN ZHES BYA BA NI BSGOM PA'I GNAS BSTAN PA STE, BSGOM PA NI GOMS PAR BYED @220A *, ,PA STE, DE NI TING NGE 'DZIN KHYAD PAR CAN GYI SHES RAB SKYED NAS GNYEN PO SGOM PAR BYED PA'I PHYIR RO, ,LEGS PAR GTAN LA 'BEBS PA ZHES BYA BA LA SOGS PAS NI DE DAG GIS BSKYED PA'I SHES RAB BSTAN PA STE, DE LA THOS PA'I SHES RAB KYIS NI DE BZHIN NYID BDUN LA BRTEN NAS LAGS PAR GTAN LA 'BEBS SO, ,LEGS PAR BSAMS PAS ZHES BYA BA NI BSAMS PA LAS BYUNG BA'I SHES RAB KYIS SO, ,LEGS PAR GZHAG PA ZHES BYA BA LA SOGS PAS NI BSGOMS PA LAS BYUNG BA'I SHES RAB KYIS DE BZHIN NYID RNAM PA BDUN LA BRTEN NAS NANG DU YID LA BYED PA'I PHYIR RO ZHE'O, , KHA CIG NA RE 'DI NI RNAM PA GSUM DU DBYE STE, SBYOR BA'I GNAS SKABS BSTAN PA DANG, MTHONG BA'I GNAS SKABS BSTAN PA DANG, BSGOM PA'I LAM BSTAN PA'O, ,SBYOR BA'I LAM BSTAN PA YANG RNAM PA GNYIS SU DBYE BSTE, DE KHO NA NYID YID LA BYED PA'I SGOM PA BSTAN PA DANG, DES ZHES BYA BA MAN CHAD KYIS MTSAN MA RNAM PAR SEL BA BSTAN PA STE 'DI NI DANG PO'O, ,MDO'I TSIG 'DI YANG RNAM PA GNYIS SU PHYE NAS BSTAN TE, DE BZHIN NYID RNAM PA BDUN LA BRTEN NAS YID LA BYED PA SGOM PA BSTAN PA DANG, LEGS PAR GTAN LA 'BEBS PA ZHES BYA BA MAN CHAD DE KHO NA NYID DU SGOM PA BSTAN PA'O, ,'DI LTAR BYANG CHUB SEMS DPA' RNAMS DE BZHIN NYID RNAM PA BDUN LAS BRTZAMS NAS CI LTAR THOS PA DANG BAS MAS PA DANG MNYAM PAR GZHAG PA KHYAD PAR CAN GYI STOBS KYIS DRO BAR GYUR PA DANG, RTZE MO'I GNAS SKABS SU KUN DU TSOL BA BZHI PO DAG GIS LEGS PAR GTAN LA 'BEBS SHING, NANG GI MTSAN MA'AM PHYI ROL GYI MTSAN MA'AM, NANG DANG PHYI ROL GYI MTSAN MA ZHES BYA BA NI GNYIS PA NANG LA SOGS PA'I MTSAN MA RNAM PA GSUM PA'O, ,PHYI NANG LA SOGS PA DE YANG MDOR BSDU NA BSHAD PA RNAM PA GSUM YOD DE, KHA CIG NA RE RANG GI LUS GANG YIN PA DE NI NANG ZHES BYA'O, ,GZHAN GYI LUS GANG YIN PA DE NI PHYI ROL ZHES BYA'O, , GNYI GA BSDUS PA GANG YIN PA DE NI PHYI NANG ZHES BYA'O ZHE'O, ,KHA CIG NA RE DBANG PO DRUG PO DAG NI NANG ZHES BYA'O, ,YUL DRUG BO DAG NI PHYI ROL ZHES BYA'O, ,GNYI GA BSDUS PA NI PHYI NANG ZHES BYA'O ZHE'O, ,KHA CIG NA RE SEMS CAN GANG YIN PA DE NI NANG ZHES BYA'O, ,SEMS CAN MA YIN PA GANG YIN PA DE NI PHYI @220B ROL ZHES BYA'O, ,GNYI GA BSDUS PA GANG YIN PA DE NI PHYI NANG ZHES BYA'O ZHE'O, ,BSTAN BCOS BYE BRAG TU BSHAD PA CHEN PO LAS PHYI NANG GI CHOS KYI BYE BRAG RNAM PA GSUM YOD DE, DANG PO 'BREL BA'I PHYI NANG NI 'DI LTA STE, BDAG NYID KYI LUS LA YOD PA GANG YIN PA DE NI NANG ZHES BYA'O, ,GZHAN GYI LUS LA YOD PA DANG SEMS CAN MA YIN PA GANG YIN PA DE NI PHYI ROL ZHES BYA'O, ,GNYIS PA GNAS KYI PHYI NANG NI 'DI LTA STE, SEMS DANG SEMS LAS BYUNG BA'I RTEN GANG YIN PA DE NI NANG ZHES BYA'O, ,DMIGS PAR BYA BA GANG YIN PA DE NI PHYIR ROL ZHES BYA'O, ,GSUM PA SEMS CAN DANG SEMS CAN MA YIN PA'I PHYI NANG NI 'DI LTA STE, SEMS CAN GYI GRANGS SU GTOGS PA'I CHOS GANG YIN PA DE NI NANG ZHES BYA'O, ,SEMS CAN MA YIN PA'I GRANGS SU GTOGS PA'I CHOS GANG YIN PA DE NI PHYI ROL ZHES BYA'O ZHES BSHAD DO, ,'PHAGS PA SHES RAB KYI PHA ROL TU PHYIN PA LA SOGS PA'I MDO LAS NI GONG MA'I BSHAD PA GNYIS DANG MTHUN PAR BSHAD DE, DE'I PHYIR DE NYID LAS NANG STONG PA NYID NI 'DI LTA STE, NANG GI SKYE MCHED DRUG PO DAG GO, ,PHYI STONG PA NYID NI 'DI LTA STE, PHYI ROL GYI SKYE MCHED DRUG PO DAG GO, ,PHYI NANG STONG PA NYID NI 'DI LTA STE, PHYI NANG GI SKYE MCHED DRUG PO DAG GO ZHES GSUNGS SO, ,BDAG GIS SEMS CAN GYI DON LA SBYAR BAR BYA'O SNYAM PA'I MTSAN MA ZHES BYA BA NI GSUM PA GZHAN LA PHAN 'DOGS PA'I MTSAN MA BSTAN PA'O, ,'DI NI BSTAN BCOS RNAM PAR BSHAD PA LAS, SEMS CAN LA PHAN 'DOGS PA'I SPYOD PA ZHES BSTAN PA NYID DE, 'DI LTAR BSDU BA'I DNGOS PO BZHI PO DAG GIS SEMS CAN LA PHAN 'DOGS PA'I PHYIR RO, ,GZHAN YANG DE NYID LAS GZHAN LA PHAN 'DOGS PA'I NANG NA GZHAN LA PHAN 'DOGS PA'I SPYOD PA'O ZHES 'BYUNG STE, RGYA CHER NI BSTAN BCOS RNAL 'BYOR SPYOD PA'I SA LAS BSTAN PA BZHIN DU RIG PAR BYA'O, ,YANG DAG PA'I SHES PA'I MTSAN MA'AM DE BZHIN NYID KYI MTSAN MA ZHES BYA BA NI YANG DAG PA'I YE SHES DANG DE BZHIN NYID KYI MTSAN MA BSTAN PA'O, ,YANG NA 'DIR MTSAN MA RNAM PA LNGA RAB TU DBYE BA YIN TE, MTSAN MA NI MING DANG RGYU MTSAN RNAM PAR RTOG PA DANG YANG DAG PA'I YE SHES DANG, DE BZHIN NYID DE, GTZO BO'I DBANG DU MDZAD PA'I PHYIR 'DI RE ZHIG MTSAN MA GNYIS PA @221A *, ,BSTAN TE, MING LA SOGS PA'I MTSAN MA RNAM PA LNGA RGYA CHER 'BYED PA NI BSTAN BCOS RNAL 'BYOR SPYOD PA'I SA LAS BSTAN PA BZHIN DU RIG PAR BYA'O, ,LEGS PAR SEMS PAR BYED PAS RNAM PAR SHES PA NI 'JOG LA MTSAN MA NI RNAM PAR SEL BAR BYED DO, ,BZOD PA DANG 'JIG RTEN PA'I CHOS KYI MCHOG GI GNAS SKABS SU NI YANG DAG PA JI LTA BA BZHIN DU BSGOM PA BZHI PO DAG GIS DE BZHIN NYID LA LEGS PAR BZHAG NAS, NANG GI YANG DAG PAR YID LA BYED PAS 'DZIN PAR BYED PA'I RNAM PAR SHES PA YANG RNAM PAR SEL BAR BYED DO ZHE'O, ,DE DAG GI MTSAN NYID RGYA CHER BSHAD PA NI SNGAR GONG DU BSTAN PA BZHIN NO, ,DE LTAR RNAM PA GNYIS SU BSHAD PA YOD KYANG 'DIR RE ZHIG BSHAD PA PHYI MA DANG SBYAR NAS BSTAN TO, ,DES DE BZHIN NYID YANG DAG PAR YID LA BYAS PA'I PHYIR SEMS KYI MTSAN MA PHRA MO KUN DU 'BYUNG BA THAMS CAD LAS YANG BTANG SNYOMS SU 'JOG NA MTSAN MA RAGS PA DAG LA LTA SMOS KYANG CI DGOS ZHES BYA BA LA SOGS PAS NI GNYIS PA MTSAN MA RNAMS RNAM PAR SEL BA'O, ,'DI YANG RNAM PA GNYIS SU DBYE STE, RNAM PAR SEL BA NYID BSTAN PA DANG, DES DE LTAR SBYOD PA DE DAG LA MANG DU GNAS PA'I PHYIR ZHES BYA BA MAN CHAD KYIS SEMS LEGS PAR SBYOR BA BSTAN PA'O, ,DANG PO YANG RNAM PA GSUM STE MTSAN MA RNAM PAR SEL BA MDOR BSTAN PA DANG, RIGS KYI BU ZHES BYA BA MAN CHAD YONGS SU BSAL BAR BYA BA'I MTSAN MA BSTAN PA DANG, KUN DU 'BYUNG BA DE DAG CES BYA BA MAN CHAD KYIS RNAM PAR SEL BA NYID YANG DAG PAR BSTAN PA STE, 'DI NI DANG PO'O, ,'DI LTAR SBYOR BA LA GNAS PA'I BYANG CHUB SEMS DPA'I DES DE BZHIN NYID RNAM PA BDUN LA BRTEN NAS YANG DAG PAR YID LA BYAS PA'I PHYIR SO SOR RTOG PAR BYED PA'I SEMS DES SEMS KYI LEN PA LA SOGS PA MTSAN MA PHRA MO KUN DU 'BYUNG BA YANG YONGS SU SPONG BAR BYED NA, MTSAN MA RAGS PA LTA SMOS KYANG CI DGOS ZHES BYA BA'I THA TSIG GO, ,DE LA MTSAN MA RAGS PA ZHES BYA BA NI RNAM PAR G-YENG BA'I GNAS SKABS STON PAS YONGS SU BZUNG BA'I MTSAN MA RNAMS SO, ,YANG NA KUN NAS NYON MONGS PA'I KUN DU 'BYUNG BA'I MTSAN MA THAMS CAD DO, ,YANG NA 'DOD PA'I KHAMS SA 'OG MA'I MTSAN MA RNAMS TE, DE'I PHYIR BSTAN BCOS RNAL 'BYOR SPYOD PA'I SA LAS RAGS PA'I MTSAN @221B MA GANG ZHE NA, SA 'OG MA LA RAGS PAR LTA BA'I MTSAN MA RAGS PA THAMS CAD DO ZHES BSTAN PA YIN NO, ,RIGS KYI BU DE LA MTSAN MA PHRA MO NI 'DI LTA STE, SEMS KYIS LEN PA'I MTSAN MA'AM, MYONG BA'I MTSAN MA'AM, RNAM PAR RIG PA'I MTSAN MA 'AM, KUN NAS NYON MONGS PA DANG RNAM PAR BYANG BA'I MTSAN MA ZHES BYA BA LA SOGS PAS NI GNYIS PA YONGS SU BSAL BAR BYA BA'I MTSAN MA BSTAN PA'O, ,YONGS SU BSAL BAR BYA BA'I MTSAN MA DE YANG RNAM PA NYI SHU RTZA GCIG YOD DE, DE YANG RNAM PA BCU GCIG TU BSDUS NAS BSTAN PAR BYA'O, ,'DI NI DANG PO LEN PA LA SOGS PA'I MTSAN MA RNAM PA BZHI BSTAN PA YIN TE, GO RIMS BZHIN DU LUS DANG TSOR BA DANG SEMS DANG CHOS DRAN PA NYE BAR GZHAG PA'I YUL DANG SBYAR RO, ,DE NI 'DI SKAD DU LEN PA LA BRTEN NAS, GZUGS BRNYAN DU GYUR PA GANG YIN PA DE NI MTSAN MA PHRA MO ZHES BSTAN PAR 'GYUR TE, 'OG MA RNAMS KYANG DE BZHIN DU RIG PAR BYA'O, SDUG BSNGAL DANG KUN 'BYUNG BA DANG, 'GOG PA DANG, LAM GYI MTSAN MA ZHES BYA BA NI LNGA PA BDEN PA BZHI'I MTSAN MA BSTAN PA'O, ,BSTAN BCOS BYE BRAG TU BSHAD PA CHEN PO LAS SDUG BSNGAL DANG, KUN 'BYUNG BA DANG, 'GOG PA DANG LAM SO SO NAS MTSAN NYID CI DANG LDAN ZHE NA, BTZUN PA RTZIBS NA RE RAB TU NYAM NGA BA GANG YIN PA DE NI SDUG BSNGAL GYI MTSAN NYID DO, ,SKYE ZHING 'PHEL BAR BYED PA GANG YIN PA DE NI KUN 'BYUNG BA'I MTSAN NYID DO, ,RAB TU ZHI BA GANG YIN PA DE NI 'GOG PA'I MTSAN NYID DO, ,NGES PAR 'BYIN PA GANG YIN PA DE NI LAM GYI MTSAN NYID DO ZHES 'BYUNG STE, RGYA CHER DE NYID LAS RNAM GRANGS RNAM PA BZHIS BSTAN PA LAS 'BYUNG BA BZHIN DU RIG PAR BYA'O, ,'DUS BYAS KYI MTSAN MA 'AM 'DUS MA BYAS KYI MTSAN MA ZHES BYA BA NI DRUG PA 'DUS MA BYAS KYI MTSAN MA BSTAN PA'O, ,SKYE BA LA SOGS PA'I MTSAN NYID RNAM PA BZHI DANG LDAN PA GANG YIN PA DE NI 'DUS BYAS KYI MTSAN MA ZHES BYA'O, ,DE LAS BZLOG PA GANG YIN PA DE NI 'DUS MA BYAS KYI MTSAN MA ZHES BYA STE, RGYA CHER NI BSTAN BCOS CHOS MNGON PA SNA TSOGS KUN LAS BTUS PA DANG, BYE BRAG TU BSHAD PA CHEN PO LAS BSTAN PA BZHIN DU RIG PAR BYA'O, ,RTAG PA'I MTSAN MA'AM, MI RTAG PA'I MTSAN MA ZHES BYA BA NI BDUN PA RTAG PA DANG, MI RTAG PA'I MTSAN MA @222A *, ,BSTAN PA'O, ,SNGAR BSTAN PA'I 'DUS BYAS DANG 'DUS MA BYAS DANG, NGO BO NYID BYE BRAG MED KYANG DON THA DAD PA'I PHYIR BSTAN PA YIN NO, ,SDUG BSNGAL RNAM PAR 'GYUR BA DANG BCAS PA NYID KYI MTSAN MA'AM, SDUG BSNGAL RNAM PAR 'GYUR BA MED PA NYID KYI MTSAN MA ZHES BYA BA NI BRGYAD PA SDUG BSNGAL RNAM PAR 'GYUR BA DANG BCAS PA LA SOGS PA'I MTSAN MA BSTAN PA'O, ,'DI LTA STE, SDUG BSNGAL DANG BDE BA'I TSOR BA GNYIS NI SDUG BSNGAL RNAM PAR 'GYUR BA DANG BCAS PA NYID KYI MTSAN MA ZHES BYA'O, ,BTANG SNYOMS KYI TSOR BA GANG YIN PA DE NI SDUG BSNGAL RNAM PAR 'GYUR BA MED PA NYID KYI MTSAN MA ZHES BYA'O, ,GZHAN YANG BRTAGS PA'I NGO BO NYID DANG, GZHAN GYI DBANG GI NGO BO NYID GANG YIN PA DE NI SDUG BSNGAL RNAM PAR 'GYUR BA DANG BCAS PA NYID KYI MTSAN MA ZHES BYA'O, ,YONGS SU GRUB PA'I NGO BO NYID GANG YIN PA DE NI SDUG BSNGAL RNAM PAR 'GYUR BA MED PA NYID KYI MTSAN MA ZHES BYA'O, ,BSTAN BCOS DBUS DANG MTHA' RNAM PAR 'BYED PA DANG, RNAM PAR RIG PA TZAM DU GRUB PA LAS NI BDEN PA BZHI PO DAG NGO BO NYID RNAM PA GSUM DU GTOGS PAR RGYA CHER STON TO, ,DGONGS PA ZAB MO RNAM PAR DGROL BA'I MDO LAS SDUG BSNGAL DANG, KUN 'BYUNG BA RNAM PAR MI 'GYUR BA'I NGO BO NYID KYI LAS CAN ZHES 'BYUNG BA DE NI LO TZ'A BA DAG GI BSAM PA THA DAD PAS SO, ,'DUS BYAS KYI MTSAN NYID THA DAD PA'I MTSAN MA'AM, 'DUS MA BYAS KYI MTSAN NYID 'DRA BA'I MTSAN MA ZHES BYA BA NI DGU PA 'DUS BYAS GCIG PA DANG, THA DAD PA'I MTSAN MA BSTAN PA'O, ,'PHAGS PA SHES RAB KYI PHA ROL TU PHYIN PA'I MDO LAS, RANG GI MTSAN NYID NI 'DI LTA STE, CHOS THAMS CAD RANG GI MTSAN NYID DE, CI LTAR RNAM PAR 'GYUR ZHING THOGS PA DANG BCAS PA NI GZUGS KYI RANG GI MTSAN NYID DO, ,MYONG BA NI TSOR BA'I RANG GI MTSAN NYID DO, ,MTSAN MAR 'DZIN PA NI 'DU SHES KYI RANG GI MTSAN NYID DO, ,MNGON PAR 'DU BYED PA NI 'DU BYED KYI RANG GI MTSAN NYID DO, ,RNAM PAR RIG PA NI RNAM PAR SHES PA'I RANG GI MTSAN NYID DO ZHES BYA BA LA SOGS PA RANG GI MTSAN NYID DPAG TU MED PA RNAMS SO, ,SPYI'I MTSAN NYID NI 'DI LTA STE, CHOS THAMS CAD KYI SPYI'I MTSAN NYID DO, ,JI LTAR SDUG BSNGAL BA NI ZAG PA @222B DANG BCAS PA'I CHOS RNAMS KYI SPYI'I MTSAN NYID DO, ,MI RTAG PA NI ZAG PA DANG BCAS PA'I CHOS RNAMS KYI SPYI'I MTSAN NYID DO, ,STONG PA DANG BDAG MED PA NI CHOS THAMS CAD KYI SPYI'I MTSAN NYID DO ZHES BYA BA LA SOGS PA SPYI'I MTSAN NYID DPAG TU MED PA RNAMS SO ZHES GSUNGS PA LTA BU'O, ,THAMS CAD LA THAMS CAD YIN PA NYID DU RIG NAS THAMS CAD YOD PA'I MTSAN MA ZHES BYA BA NI BCU PA THAMS CAD SHES PA'I MTSAN MA BSTAN PA'O, ,THAMS CAD LA THAMS CAD YIN PA NYID DU RIG NAS ZHES BYA BA NI DE YAN CHAD DU MTSAN MA RNAMS RNAM PAR PHYE STE BSHAD NAS 'DIR NI MTSAN MA RNAMS SPYIR STON PAS YONGS SU SHES PAR BYED PA'I SHES PA SMOS NAS YONGS SU SHES PAR BYA BA'I MTSAN MA RAB TU BSTAN PA YIN TE, 'DIS NI CHOS RNAMS KYI RANG GI MTSAN NYID BSTAN PA'O, ,THAMS CAD YOD PA'I MTSAN MA ZHES BYA BAS NI BYE BRAG GI MTSAN NYID BSTAN TE, RE RE LA YANG BSTAN DU YOD PA DANG BSTAN DU MED PA LA SOGS PA'I THAMS CAD CES BYA BA YOD PA'I PHYIR RO, ,YANG NA SNGA MA NI JI SNYED YOD PA NYID DO, ,PHYI MA NI THAMS CAD CES BYA BA NI JI LTA BA BZHIN DU YOD PA NYID DO, ,GANG ZAG BDAG MED PA'I MTSAN MA'AM, CHOS BDAG MED PA'I MTSAN MA GANG YIN PA DAG STE ZHES BYA BA NI BCU GCIG PA BDAG MED PA'I MTSAN MA BSTAN PA'O, ,DE LA BUD KA LA NI BSGYUR NA YANG SBYOR BA ZHES BYA STE, YANG NAS YANG DU 'GRO BA RNAMS LEN PAS SO, ,BDAG MED PA 'DI GNYIS KYANG BSTAN BCOS RNAL 'BYOR SPYOD PA'I SA LAS BSTAN PA BZHIN DU RIG PAR BYA'O, ,DE'I PHYIR BSTAN BCOS DE NYID LAS GANG ZAG BDAG MED PA NI RTEN CING 'BREL BAR 'BYUNG BA'I 'DU BYED RNAMS LAS DON THA DAD PA'I BDAG MED PA'I PHYIR RO, ,CHOS BDAG MED PA NI RTEN CING 'BRAL BAR 'BYUNG BA'I 'DU BYED GANG YIN PA DE DAG BDAG MED DE, MI RTAG PA'I PHYIR RO ZHES BSTAN PA YIN NO, ,KUN DU 'BYUNG BA DE DAG LAS SEMS BTANG SNYOMS SU 'JOG GO ZHES BYA BA NI GSUM PA RNAM PAR SEL BA NYID YANG DAG PAR BSTAN PA'O, ,GONG DU BSTAN PA'I KUN DU 'BYUNG BA'I MTSAN MA RNAMS DE BZHIN NYID DU BSGOM PA'I SEMS KYIS YANG DAG PAR SEL BAR 'GYUR BA'O, ,MTSAN MA DE DAG NI GZHAN GYI DBANG YIN NA, CI'I PHYIR DE DAG LA RNAM @223A *, ,PAR SEL BAR BYA BA ZHES BSTAN CE NA, SMRAS PA, GONG DU BSTAN PA BZHIN DU MNGON DU MI SNANG BA'I PHYIR RNAM PAR SEL BA ZHES BYA'I, GZHAN GYI DBANG LA RTEN CING 'BREL BAR 'BYUNG BA'I RIGS PA YANG YONGS SU BSAL BA LAS RNAM PAR SEL BA ZHES BYA BAS NI MA YIN NO, ,GZHAN YANG KUN NAS NYON MONGS PA'I PHYIR GZHAN GYI DBANG SPANGS PA'I PHYIR RNAM PAR SEL BA ZHES BYA STE, DE'I PHYIR BSTAN BCOS RNAL 'BYOR SPYOD PA'I SA LAS, SPONG BAR NUS SHING DBRAL BAR NUS PA'I PHYIR RNAM PAR SEL BA ZHES BYA'O ZHES BSHAD DO, ,DES DE LTAR SPYOD PA DE DAG LA MANG DU GNAS PA'I PHYIR DUS DUS SU GAGS DANG, SGRIB PA DANG, RNAM PAR G-YENG BA THAMS CAD LAS LEGS PAR SEMS RNAM PAR SBYONG PAR BYED DO ZHES BYA BA NI GNYIS PA SEMS LEGS PAR SBYONG BA STON TO, ,'DI LTAR DE BZHIN NYID LA SO SOR RTOG PA'I PHYIR GONG DU BSTAN PA'I GAGS RNAM PA LNGA DANG, SGRIB PA LNGA DANG, RNAM PAR G-YENG BA LNGA PO DAG LAS SEMS RNAM PAR SBYONG BAR BYED PAS SO, ,DE PHAN CHAD DE BZHIN NYID BDUN PO DAG LA SO SOR NANG GI RANG GIS RIG PA BDUN YOD PAS RTOGS PAS SHES PA SKYE BAR 'GYUR BA GANG YIN PA DE NI MTHONG BA'I LAM ZHES BYA'O ZHES BYA BA 'DI MAN CHAD NI GNYIS PA MTHONG BA'I LAM GYI GNAS SKABS STON TO, ,'DI YANG RNAM PA GNYIS TE, MTHONG BA'I LAM NYID YANG DAG PAR BSTAN PA DANG, DE THOB PA'I PHYIR ZHES BYA BA MAN CHAD KYIS MTHONG BA'I LAM GYI PHAN YON BSTAN PA'O, ,'DI NI DANG PO MTHONG BA'I LAM NYID YANG DAG PAR BSTAN PA STE, THOG MKHO NAR DON MTHONG BA YIN PA'I PHYIR LAM MTHONG BA ZHES BYA STE, DE'I PHYIR SLOB DPON NGO BO NYID MED KYIS BYAS PA'I BSTAN BCOS THEG PA CHEN PO BSDUS PA'I 'GREL PA LAS, SNGON MA MTHONG BA'I CHOS KYI DBYING KHYAD PAR DU 'PHAGS PA MTHONG BA'I PHYIR MTHONG BA'I LAM ZHES BYA'O ZHES BSTAN PA YIN NO, ,GZHAN YANG BSTAN BCOS RNAM PAR RIG PA TZAM DU GRUB PA LAS, SBYOR BA BAR CHAD MED PA'I SHES PA 'DI SKYES PA'I TSE DE BZHIN NYID KHONG DU CHUD PAR 'GYUR BAS RAB TU RTOG PA'I GNAS SKABS ZHES BYA'O, ,DANG PO KHO NAR DON MTHONG BA YIN PA'I PHYIR MTHONG BA'I LAM ZHES BYA'O ZHES 'BYUNG NGO, ,MTHONG BA'I LAM DE YANG @223B RNAM PA GNYIS TE, DANG PO DE KHO NA NYID KYI MTHONG BA'I LAM NI 'DI LTA STE, 'JIG RTEN PA'I CHOS KYI MCHOG PAR CHAD MED PA SKYES PAS CIG CAR GANG ZAG DANG, CHOS STONG PA NYID KYI DE BZHIN NYID MNGON DU GYUR NAS MTHONG BAS SPANG BAR BYA BA'I NYON MONGS PA THAMS CAD CIG CAR SPONG BA GANG YIN PA DE NI DE KHO NA NYID KYI MTHONG BA'I LAM ZHES BYA'O, ,'DIR SO SOR NANG GI RANG GIS RIG PA'I DE BZHIN NYID BDUN GSUNGS PA NI BRJOD PAR BYA BA LAS BRTZAMS NAS BSTAN PA YIN TE, 'KHOR BA'I CHOS RNAMS KYI DE KHO NA NYID KYI DON MNGON SUM DU GYUR PA'I MTHA' LA LTOS NA, SO SO NAS DE BZHIN NYID GCIG SKYE BA NAS, DE BZHIN DU SO SO NAS BDEN PA BZHI'I DE KHO NA NYID KYI DON MNGON DU 'GYUR BA'I MTHA' LA LTOS NA, SO SO NAS BDEN PA BZHI'I DE KHO NA NYID SKYE BA'I BAR DU 'GYUR BA LA BYA'I, MTSAN MA MED PA'I MTHONG BA'I LAM 'DI'I GNAS SKABS SNGA PHYI DUS BDUN PO DAG SO SO NAS NANG GI RANG GIS RIG PA LA BYA BA NI MA YIN NO, ,GNYIS PA MTSAN MA DANG BCAS PA'I MTHONG BA'I LAM NI SEMS RNAM PA GSUM PO 'DI LTA STE, SEMS CAN DU BTAGS PA TZAM LA DMIGS PA'I SHES PA DANG, CHOS SU BTAGS PA TZAM LA DMIGS PA'I SHES PA DANG, SEMS CAN DANG CHOS BTAGS PA TZAM YONGS SU SEL BA LA DMIGS PA'I SHES PA DANG, SEMS BCU DRUG PO 'DI LTA STE, SDUG BSNGAL LA CHOS SHES PA'I BZOD PA LA SOGS PA'O, ,MTHONG BA'I LAM GNYIS PO DE YANG BSTAN BCOS RNAM PAR RIG PA TZAM DU GRUB PA DANG, RNAL 'BYOR SPYOD PA'I SA DANG, MTSAN NYID BSTAN PA DAG LAS 'BYUNG BA BZHIN DU RIG PAR BYA'O, ,DE LA THOB PA'I PHYIR BYANG CHUB SEMS DPA'I YANG DAG PA NYID SKYON MED PA LA ZHUGS PA DANG, DE BZHIN GSHEGS PA'I RIGS SU SKYES PA ZHES BYA STE, SA DANG PO THOB PA YIN NO, ,GZHAN YANG SA DE NI PHAN YON YANG YONGS SU MYONG BA YIN NO ZHES BYA BA LA SOGS PA NI GNYIS PA MTHONG BA'I LAM GYI PHAN YON STON TO, ,'DI YANG RNAM PA GNYIS SU DBYE STE, PHAN YON RNAM PA BZHI BSTAN PA DANG, DES ZHES BYA BA MAN CHAD KYIS DNGOS PO'I MTHA'I DMIGS PA'I PHAN YON BSTAN TE, 'DI NI DANG PO'O, ,PHAN YON DE YANG BSTAN BCOS RNAM PAR RIG PA TZAM DU @224A *, ,GRUB PA LAS BSTAN PA DANG SBYAR NA MTHONG BA'I LAM GYI PHAN YON NI RNAM PA BRGYAD DO ZHES BSHAD DE, DE'I PHYIR BSTAN BCOS DE NYID LAS BYANG CHUB SEMS DPA' MTHONG BA'I LAM THOB PAR 'GYUR BA'I TSE DE BZHIN GSHEGS PA'I TSE RIGS SU SKYE BAR 'GYUR, SA RAB TU DGA' BA LA GNAS PAR 'GYUR, CHOS KYI DBYINGS LEGS PAR RTOGS PAR 'GYUR, CHOS RNAMS KYI MNYAM PA NYID THOB PAR 'GYUR, RTAG PAR SANGS RGYAS KYI 'KHOR 'DUS PA CHEN PO RNAMS SU SKYE BAR 'GYUR, CHOS KYI SGO BRGYA PA MANG PO LA DBANG THOB PAR 'GYUR RO, ,BDAG NYID RING PO MI THOGS PAR BYANG CHUB CHEN BO THOB PAR SHES SO, ,PHYI MA'I MTHA' JI SRID PAR THAMS CAD LA PHAN 'DOGS PAR BYED DO ZHES BSTAN PA YIN NO, ,BSTAN BCOS THEG PA CHEN PO BSDUS PA DANG SBYAR NA NI, PHAN YON RNAM PA DRUG YOD PAR STON TE, DE'I PHYIR BSTAN BCOS DE NYID LAS, SA RAB TU DGA' BA LA ZHUGS PA YIN, CHOS KYI DBYINGS LEGS PAR RTOGS PA YIN, DE BZHIN GSHEGS PA'I RIGS SU SKYES PA YIN, SEMS CAN THAMS CAD LA SEMS MNYAM PA NYID THOB PA YIN, BYANG CHUB SEMS DPA' THAMS CAD LA SEMS MNYAM PA NYID THOB PA YIN, SANGS RGYAS THAMS CAD LA SEMS MNYAM PA NYID THOB PA YIN NO ZHES BSTAN TO, ,PHAN YON RNAM PA DRUG PO 'DI RGYA CHER RNAM PAR 'BYED PA NI, SLOB DPON NGO BO NYID MED DANG DBYIG GNYEN GYIS MDZAD PA'I 'GREL PA LAS BSTAN PA BZHIN NO, ,PHAN YON RNAM PA BRGYAD DANG, RNAM PA BCU NI THEG PA CHEN PO BSDUS PA'I 'GREL PA LANG GI TSE BSGYUR BA LAS BSTAN PA BZHIN NO, ,'DIR MDO 'DI NYID LAS NI PHAN YON RNAM PA BZHI STON TE, BYANG CHUB SEMS DPA'I YANG DAG PA NYID SKYON MED PA LA ZHUGS PA DANG, DE BZHIN GSHEGS PA'I RIGS SU SKYES PA DANG, SA DANG PO THOB PA DANG, SA DE'I PHAN YON YANG NYAMS SU MYONG BA'O, ,DE LA YANG DAG PA NYID SKYON MED PA ZHES BYA BA LA, YANG DAG PA NYID NI 'PHAGS PA'I LAM MO, ,SKYON MED PA ZHES BYA BA NI LAM MTHONG BAS SPANG BAR BYA BA KUN DU BRTAGS PA'I NYON MONGS PAS 'GRO BA DRUG DANG, SKYE BA RNAM PA BZHI PO RNAMS SU SKYE BAR BYED PA DAG NI DPER NA ZAS MA TSOS PAS NAD RNAMS @224B SLONG BA DANG 'DRA BAR DPE LAS MING DU BTAGS PA'I PHYIR SKYON ZHES BYA'O, ,MTHONG BA'I LAM SKYES PA'I TSE GANG DU BSTAN PA LTA BU'I KUN DU BRTAGS PA'I NYON MONGS PA DAG DANG BRAL BAR 'GYUR BA'I PHYIR SKYON MED PA ZHES BYA'O, ,MDZOD KYI BSTAN BCOS DANG SBYAR NA SDUG BSNGAL LA CHOS SHES PA DANG, BZOD PA LA YANG MING RNAM PA GNYIS YOD DE, DE'I PHYIR DE NYID LAS 'DI NYID NI YANG DAG PA NYID SKYON MED PAR ZHUGS PA ZHES KYANG BYA'O, ,YANG DAG PA NYID DU NGES PA ZHES BYA STE, DE'I DBANG GIS THOG MA KHO NAR YANG DAG PA NYID SKYON MED PAR ZHUGS PA YANG YIN LA, THOG MA KHO NAR YANG DAG PA NYID DU NGES PAR ZHUGS PA YANG YIN PA'I PHYIR RO, ,MDO DAG LAS YANG DAG PA NYID NI 'DI LTA STE, MYA NGAN LA SA 'DAS PA'O ZHES GSUNGS SO, ,YANG NA YANG DAG PA NYID CES BYA BA'I THA TSIG NI 'PHAGS PA'I LAM GYI RGYU LAS BYUNG BA'O, ,SKYON NI NYON MONGS PA'AM YANG NA DBANG PO YONGS SU SMIN PA'O, , 'PHAGS PA'I LAM GYIS YONGS SU BZLA BAR NUS PA'I PHYIR SKYON MED PA ZHES BYA'O, ,NGES PA KHO NAR MYA NGAN LAS 'DAS PA LEN PA'AM, BDEN PA'I MTSAN NYID NGES PA NYID DU BYED PA'I PHYIR 'PHAGS PA'I LAM YANG NGES PA'I MING THOB PA YIN NO, ,GNAS SKABS 'DIR PHYIN PA LA NI ZHUGS PA ZHES BSTAN TO ZHES 'BYUNG BA YIN TE, MDZOD KYI BSTAN BCOS LAS YANG DAG PA NYID NI RNAM PA GNYIS TE MYA NGAN LAS 'DAS PA DANG 'PHAGS PA'I LAM MO, ,SKYON YANG DON RNAM PA GNYIS DANG LDAN PAS DANG PO NI NYON MONGS PA'I SKYON TE, DPER NA ZAS MA TSOS PA LTA BU'O, ,GNYIS PA NI 'PHAGS PA'I LAM YONGS SU MA SMIN PAS NI SKYON ZHES BYA'O ZHES BSTAN TO, ,BSTAN BCOS YANG DAG PA'I RIGS PA DANG, RJES SU MTHUN PA DANG GZHUNG RAB TU BSTAN PA LAS KYANG MDZOD KYI BSTAN BCOS LAS 'BYUNG BA DANG MTHUN PAR BSTAN TO, ,BSTAN BCOS BYE BRAG TU BSHAD PA CHEN PO LAS KYANG DON RNAM PA GNYIS KYIS STON PAS DANG PO MTHONG BAS SPANG BAR BYA BA'I NYON MONGS PA NI ZAS MA TSOS PA LTA BU'O ZHES BSHAD DE, DE'I PHYIR BSTAN BCOS DE NYID LAS, GZHAN YANG MTHONG BAS SPANG BAR BYA BA'I NYON MONGS PAS NI SEMS CAN RNAMS NGAN 'GRO RNAMS SU @225A *, ,LTUNG ZHING SDUG BSNGAL DRAG PO MYONG BAR BYED DE, DPER NA ZAS MA TSOS PA YUN RING POR KHONG DU LUS NA SDUG BSNGAL GYI DNGOS PO RNAM PA SNA TSOGS SKYED PA DANG 'DRA BAS, DE'I PHYIR NYON MONGS PA 'DI LA SKYON ZHES BSHAD DE, MTHONG BA'I LAM GYIS 'GOG PAR BYED PA'I PHYIR SKYON MED PA ZHES BYA'O, ,GZHAN YANG 'JIG TSOGS LA LTA BA LA SOGS PA YOD PA DAG SHIN TU GDUL BAR DKA' ZHING, GCAN GZAN LTAR BKA' BLO MI BDE BA'I PHYIR SKYON ZHES BSHAD DE, MTHONG BA'I LAM GYIS 'GOG PAR BYED PA'I PHYIR SKYON MED PA ZHES BYA'O ZHES 'BYUNG NGO, ,YANG NA DGE BA'I RTZA BA YONGS SU MA SMIN PAS SKYON ZHES BYA STE, DE'I PHYIR BSTAN BCOS BYE BRAG TU BSHAD PA CHEN PO LAS, GZHAN YANG NYON MONGS PA THAMS CAD DANG 'DOD CHAGS DANG, SRED PA RNAMS KYIS NI DGE BA'I RTZA BA YONGS SU SMIN PAR MI 'GYUR ZHING SRED PA RNAMS BRLAN NAS NYES PA 'BYUNG BAR BYAD PA'I PHYIR SKYON ZHES BYA'O, ,MTHONG BA'I LAM SKYES NAS DE'I STOBS NYAMS SMAD CING YANG NYES PA 'BYUNG BA'I DBANG DU MI 'GYUR BAS DE NAS MTHONG BA'I LAM GCIG PU LA SKYON MED PA ZHES BYA'O ZHES 'BYUNG STE, RGYA CHER DE NYID LAS BSTAN PA BZHIN NO, ,DE LA DE BZHIN GSHEGS PA'I RIGS SU SKYES PA ZHES BYA BA NI SLOB DPON NGO BO NYID MED KYIS 'GREL BA LAS, 'DI LTA STE, SANGS RGYAS KYI CHOS KYI DBYINGS NI DE BZHIN GSHEGS PA'I RIGS ZHES BYA STE, DER MNGON SUM DU 'GYUR ZHING KHONG DU CHUD PAR 'GYUR BA'I PHYIR SKYES PA ZHES BSHAD DO, ,SLOB DPON DBYIG GNYEN GYIS MDZAD PA'I 'GREL BA LAS, DE BZHIN GSHEGS PA'I RIGS SU SKYES PA ZHES BYA BA NI DE'I DBANG GIS SANGS RGYAS RNAMS KYI GDUNG RGYUN 'CHAD PAR MI 'GYUR BA'I PHYIR RO ZHES BSHAD DO, ,GNAS PA BCU'I BSHAD PA LAS SANGS RGYAS RNAMS KYI RIGS GANG YIN PA DE NI DE BZHIN GSHEGS PA'I RIGS ZHES BYA STE, BYANG CHUB SEMS DPA' DE DAG DE BZHIN GSHEGS PA'I LAM DU 'JUG PA RGYUN MI 'CHAD PA'I PHYIR, DE BZHIN GSHEGS PA'I RIGS ZHES BYA'O ZHES BSHAD DE, RGYA CHER DE NYID LAS RNAM GRANGS MANG POS BSTAN PA LAS 'BYUNG BA BZHIN DU RIG PAR BYA'O, , @225B BA [?] LAS DANG PO THOB PA YIN NO ZHES BYA BA NI 'OG NAS STON TO, ,GZHAN YANG SA DE'I PHAN YON YANG YONGS SU MYONG BA YIN NO ZHES BYA BA 'DIS NI BSTAN BCOS RNAM PAR RIG PA TZAM DU GRUB PA LAS PHAN YON GZHAN DRUG BSTAN PA DAG BSDUS PAR STON TO, ,DES SNGAR ZHI GNAS DANG LHAG MTHONG THOB PA'I PHYIR DMIGS PA RNAM PA GNYIS KYANG THOB PAR 'GYUR TE, 'DI LTA STE, RNAM PAR RTOG PA DANG BCAS PA'I GZUGS BRNYAN GYI DMIGS PA DANG, RNAM PAR MI RTOG PA'I GZUGS BRNYAN GYI DMIGS PA'O, ,DES DA LTAR MTHONG BA'I LAM THOB PA'I PHYIR YANG DNGOS PO'I MTHA'I DMIGS PA YANG THOB PAR 'GYUR RO ZHES BYA BA 'DIS NI GNYIS PA DNGOS PO'I MTHA'I DMIGS PA'I PHAN YON STON TO, ,'DI LTAR SNGAR SA'I MDUN ROL DU DMIGS PA RNAM PA GNYIS THOB PA'I PHYIR, MTHONG BA'I LAM 'DIR YANG GSUM PA DNGOS PO'I MTHA'I DMIGS PA'I BYE BRAG GI MTSAN MA THOB PAR 'GYUR TE, SNGAR GONG DU BSTAN PA BZHIN NO, ,YANG GONG MA GONG MA'I SA THAMS CAD DU BSGOM PA'I LAM LA ZHUGS PAS DMIGS PA RNAM PA GSUM PO DE DAG NYID YID LA BYED DE ZHES BYA BA NI GSUM PA BSGOM PA'I LAM GYI GNAS SKABS STON TO, ,MDO'I TSIG 'DI YANG RNAM PA GNYIS SU DBYE STE, DANG PO NI BSGOM PA LA BRTZON PAR BSTAN PA STE, DE LA BSGOM PA NI 'PHEL ZHING GSAL BAR 'GYUR BA'I DON TE, 'DI LTAR MTHONG BA'I LAM GYI GONG DU PHYI MA'I SA DGU PO RNAMS SU BSGOM PA'I SHES PA KHAD KYIS 'PHEL BAR GYUR BA'O, ,YANG NA GONG MA GONG MA ZHES BYA BAS NI SA BCU PO DAG TSANG BAR BSTAN PA YIN TE, MTHONG BA'I LAM GYI GONG DU SA BCU YOD DE, GCIG KHO NA MA YIN PAS TSIG ZLOS BUR GONG MA GONG MA ZHES GSUNGS SO, ,GNYIS PA NI DMIGS PA RNAM PA GSUM PO ZHES BYA BA LA SOGS PAS NI DMIGS PA RNAM PA GSUM DANG LDAN PAR BSTAN TE, 'DI LTAR RNAM PAR MI RTOG PA'I YE SHES KYIS NANG GI DNGOS PO'I MTHA'I DE BZHIN NYID YANG DAG PA'I YUL YANG DAG PAR YID LA BYED KYI GZUGS BRNYAN SPRUL BAR NI MI BYED DE, RJES LAS THOB PA'I YE SHES NI RNAM PAR RTOG PA DANG BCAS PA'I GZUGS BRNYAN DANG, RNAM PAR MI RTOG PA'I GZUGS BRNYAN GYI SPYOD @226A *, ,YUL RNAM PA GNYIS YID LA BYED PA MA YIN PAS SO, ,GTAN TSIGS DES NAS BCU PO KUN LA YANG YUL RNAM PA GSUM PO DAG TSANG BAR YOD PAR MNGON NO,, ,,BAM PO LNGA BCU PA, DPER NA LA LA ZHIG KHYI GU CHES PHRA MOS KHYI GU CHES SBOM PO 'BYIN PA ZHES BYA BA NI GNYIS PA DPES BSTAN PA'O, ,DPER NA 'JIG RTEN PA RNAMS SHING GSHEG PA NA, SNGAR NI KHYI GU SBOM PO SPYOD LA, DE'I 'OG TU NI KHYI GU PHRA MO SPYOD BA DAG 'DI LTAR KHYI GU PHRA MOS KHYI GU SBOM PO 'BYIN PA BZHIN NO ZHES BYA BA'I THA TSIG GO, ,DE BZHIN DU BYANG CHUB SEMS DPA' YANG KHYI GUS KHYI GU DBYUNG BA LTA BU'I THABS 'DI LA BRTEN NAS NANG GI MTSAN MA RNAM PAR SEL BA'I PHYIR, KUN NAS NYON MONGS PA'I CHA DANG RJES SU MTHUN PA'I MTSAN MA THAMS CAD RNAM PAR SEL BAR BYED DO, ,MTSAN MA YONGS SU BSAL BA'I PHYIR GNAS NGAN LEN RNAMS KYANG RNAM PAR SEL BAR BYED DO ZHES BYA BA LA SOGS PAS NI GSUM PA DPE DANG DON DU SBYAR BA STON TO, ,'DI YANG RNAM PA GNYIS SU DBYE STE, SA DANG POR 'CHING BA GNYIS LAS GROL BAR BSTAN PA DANG, SA GZHAN RNAMS SU SEMS RNAM PAR SBYONG BA BSTAN PA'O, ,'DI NI DANG PO STE, 'DI LTAR SA DANG PO'I BYANG CHUB SEMS DPA' YANG KHYI GUS KHYI GU DBYUNG BA LTA BU'I THABS 'PHAGS PA'I LAM DE LA BRTEN NAS, TING NGE 'DZIN GYI NANG GI MTSAN MA RNAM PAR SEL BAR BYED DO, ,MTSAN MA YONGS SU BSAL BA'I PHYIR MTSAN MA'I 'CHING BA THAMS CAD RNAM PAR SEL TO, ,MTSAN MA'I 'CHING BA YONGS SU BSAL BA'I PHYIR GNAS NGAN LEN GYI 'CHING BA YANG DE'I ZLA LA SPONG BAR 'GYUR TE, DE'I PHYIR BSTAN BCOS RNAL 'BYOR SPYOD PA'I SA LAS RNAM PAR MA BZHAG PA'I BDEN PA LA SBYOD PA NI MTSAN MA LA SPYOD PA YIN TE, MTSAN MA LA MI SBYOD PA'I PHYIR MTSAN MA'I 'CHING BA LAS YONGS SU GROL LA, MTSAN MA'I 'CHING BA LAS YONGS SU GROL BA'I PHYIR GNAS NGAN LEN GYI 'CHING BA LAS KYANG YONGS SU GROL BAR 'GYUR RO ZHES BSTAN TE, 'CHING BA GNYIS KYI BYE BRAG GI MTSAN NYID NI SNGAR BSTAN PA BZHIN DU RIG PAR BYA'O, ,SA DANG PO YAN CHAD KYI 'CHING BA GNYIS LAS YONGS SU GROL BA JI LTAR @226B SHES SHE NA, SMRAS PA, BSTAN BCOS RNAM PAR RIG PA TZAM DU GRUB PA LAS JI SKAD DU SBYOR BA'I GNAS SKABS LA GNAS PA DES MTSAN MA'I 'CHING BA YONGS SU MA BSAL BAS, GNAS NGAN LEN GYI 'CHING BA YANG SPONG BAR BYED DO ZHES BSTAN PA DANG, GZHAN YANG THEG PA CHEN PO BSDUS PA'I 'GREL BA LANG GI TSE BSGYUR BA LAS GAL TE RNAM PAR MI RTOG PA'I YE SHES THOB PAR GYUR NA, MTSAN MA'I 'CHING BA LAS YONGS SU GROL BAR 'GYUR RO, ,MTSAN MA'I 'CHING BA MI 'BYUNG BA NYID KYIS GNAS NGAN LEN GYI 'CHING BA YANG DE'I RJES SU NYE BAR ZHI BAR 'GYUR RO ZHES 'BYUNG BAS, DE'I PHYIR SA'I MDUN ROL BAS 'CHING BA GNYIS MI SPONG BAR RIG PAR BYA'O, ,KHYI GUS KHYI GU DBYUNG BA 'DI YANG BSTAN PA RNAMS LAS BSHAD PA MI MTHUN TE, BSTAN BCOS RNAL 'BYOR SPYOD PA'I SA LAS GZUGS BRNYAN NI KHYI GU PHRA MO LTA BU'O, ,GZUGS NI KHYI GU SBOM PO LTA BU'O, ,LUS SHIN TU SBYANGS PA GANG YIN PA DE NI KHYI GU PHRA MO LTA BU'O, ,LUS KYI GNAS NGAN LEN GANG YIN PA DE NI KHYI GU SBOM PO LTA BU STE, 'DI LTAR KHYI GU PHRA MOS KHYI GU SBOM PO 'BYIN PAR BYED PAS SO ZHES BSHAD DE, DE'I PHYIR BSTAN BCOS DE NYID LAS SPANG BA BSGOM PA GANG ZHE NA, SMRAS PA, 'DI LTAR 'DI NA LA LA TING NGE 'DZIN GYI SPYOD YUL GYI MTSAN MA YID LA BYED PAS RANG BZHIN GYI MTSAN MA KHYI GUS KHYI GU DBYUNG BA'I TSUL GYIS MNGON PAR 'BYIN PAR BYED MNGON PAR SEL BAR BYED DE, 'DI LTA STE, DPER NA LA LA ZHIG GIS KHYI GU CHES PHRA BAS KHYI GU CHES SBOM PA 'BYIN PAR BYED PA DE BZHIN DU, RNAL 'BYOR BA YANG SHIN TU SBYANGS PA'I TSOGS KYIS LUS KYI GNAS NGAN LEN GYI TSOGS MNGON PAR 'BYIN PAR BYED MNGON PAR SEL BAR BYED, MNGON PAR SPONG BAR BYED PA GANG YIN PA DE NI SPANG BA BSGOM PA ZHES BYA'O ZHES 'BYUNG NGO, ,GZHAN YANG BSTAN BCOS RNAM PAR BSHAD PA LAS SPANG BA BSGOM PA NI 'DI LTA STE, 'DI LTAR 'DI NA LA LA TING NGE 'DZIN GYI SPYOD YUL GYI GZUGS BRNYAN GYI MTSAN MA YID LA BYAS PA'I PHYIR CHOS RNAMS KYI RTZA BA'I NGO BO NYID KYI MTSAN MA YONGS SU BSAL NAS YANG MNGON DU MI 'GYUR BA GANG YIN PA'O ZHES BSHAD DE, GZHAN NI BSTAN BCOS RNAL 'BYOR @227A *, ,SPYOD PA'I SA LAS BSTAN PA DANG MTHUN NO, ,BSTAN BCOS THEG PA CHEN PO BSDUS PA'I 'GREL BA LANG GI TSE BSGYUR BA LAS, KHYI GU SBOM PO KHYI GU PHRA MOS 'BYIN PA NI SA BCU PO DAG TU SHES PA KHYAD PAR DU 'PHAGS PA DAG GIS SHES PA DMAN PA DAG RNAM PAR SEL BA'I DPER BSTAN PA'O ZHES BSHAD DE, DE'I PHYIR DE NYID LAS DPER NA 'JIG RTEN CAN SHING GSHEGS PAR 'DOD PA DAG SNGAR NI KHYI GU PHRA MO SPYOD LA DE'I 'OG TU NI SBOM PO SPYOD PA LTAR, RNAL 'BYOR PAS NYON MONGS PA 'JIG PAR BYED PA YANG DE BZHIN TE, DANG POR NI LAM DMAN PA SPYOD PA'O, ,BAR DU LAM 'BRING SPYOD DO THA MAR NI LAM MCHOG SPYOD DO ZHES 'BYUNG NGO, ,BSTAN BCOS THEG PA CHEN PO BSDUS PA LAS, 'PHAGS PA'I LAM NI KHYI GU PHRA MO LTA BU'O, ,KUN NAS NYON MONGS PA'I SA BON NI KHYI GU SBOM PO LTA BU'O ZHES BSHAD DE, DE'I PHYIR SLOB DPON DBYIG GNYEN GYIS MDZAD PA'I 'GREL PA LAS, GNYEN POS RAB TU DBYE BA NI 'DI LTA STE, CHOS THAMS CAD 'DRES PA LA DMIGS PA'I YE SHES KYI KHYI GUS KHYI GU DBYUNG BA'I TSUL DU KUN GZHI'I RNAM PAR SHES PA LA SGRIB PA'I SA BON YOD PA THAMS CAD 'BYIN PA'I PHYIR RO ZHES 'BYUNG STE, 'DI NYID KYI 'GREL BA LAS CHOS 'DRES PA LA DMIGS PA'I YE SHES NI SGRIB PA THAMS CAD KYI GNYEN POR GYUR PAS, DPER NA KHYI GU PHRA MOS KHYI GU SPOM PO 'BYIN PA LTA BU'O, ,RTZA BA'I RNAM PAR SHES PA LA KUN NAS NYON MONGS PA'I CHOS RNAMS KYIS YONGS SU BSGOS PA'I SA BON YOD PA GANG YIN PA DE NI SBOM PO ZHES BYA'O, ,GNYEN POR GYUR PA'I LAM RNAMS NI DE DAG SPONG BAR NUS PA'I PHYIR PHRA MO'I DON YIN NO ZHES BSHAD DO, ,GZHAN YANG SLOB DPON NGO BO NYID MED KYIS THEG PA CHEN PO BSDUS PA'I 'GREL BA BYAS PA LAS, 'PHAGS PA'I LAM NI SHIN TU GYA NOM PA'I PHYIR KHYI GU PHRA MO LTA BU'O, ,DES SPANG BAR BYA BA'I SA BON DE'I RANG BZHIN NI RAGS PA'I PHYIR KHYI GU SBOM PO LTA BU'O ZHES BSHAD DE, GZHAN NI SLOB DPON DBYIG GNYEN GYIS MDZAD PA'I 'GREL BA DANG MTHUN NO, ,BSTAN PA 'DI DAG LA SOGS PA LA BRTEN NAS MDO'I TSIG 'DI BSHAD PA YANG SO SO NAS BSHAD PA MI MTHUN PAS, @227B KHA CIG NA RE MDO'I TSIG 'DI NI BSTAN BCOS THEG PA CHEN PO BSDUS PA'I 'GREL BA LANG GI TSE BSGYUR BA LAS BSTAN PA DANG MTHUN PAR SHES PA KHYAD PAR DU 'PHAGS PA'I KHYI GUS SHES PA DMAN PA'I KHYI GU 'BYIN PAR BSTAN PA YIN NO ZHE'O, ,KHA CIG NA RE MDO'I TSIG 'DI'I DGONGS PA NI SLOB DPON DBYIG GNYEN GYIS MDZAD PA'I 'GREL BA LA SOGS PA DANG MTHUN TE, 'DI LTAR 'PHAGS PA'I YE SHES KYI KHYI GUS NYON MONGS PA'I KHYI GU 'BYIN PA STON TO ZHE'O, ,KHA CIG NA RE MDO'I TSIG 'DI NI MTSAN NYID KYI DBANG DU MDZAD DE RAB TU BSTAN NA SLOB DPON DBYIG GNYEN GYIS MDZAD PA'I 'GREL BA LA SOGS PA DANG MTHUN TE, SPYIR MTSAN NYID KYI DBANG DU MDZAD NAS BSTAN PA YIN PAS KUN KYANG PHAN TSUN 'GAL BA MED DE, 'DI LTAR BYANG CHUB SEMS DPA' RNAMS SA'I MDUN ROL DU NI RTZA BA'I TING NGE 'DZIN THOB PAS LUS SHIN TU SBYANGS PAS LUS KYI GNAS NGAN LEN RNAM PAR SEL BAR BYED LA, DE'I 'OG TU TING NGE 'DZIN GYI NANG GI GZUGS BRNYAN PHRA MO NI PHYI ROL GYI MTSAN MA RAGS PA RNAM PAR SEL BA'AM, YANG NA GZUGS BRNYAN GYI MTSAN MA PHRA MOS RTZA BA'I MTSAN MA RAGS PA RNAM PAR SEL BAS SA LA GNAS PA'I BYANG CHUB SEMS DPA' RNAMS DE BZHIN NYID DU BSGOM PA'I RNAL 'BYOR GYIS, GZUGS BRNYAN GYI MTSAN MA YONGS SU SEL BAR BYED DE, DE BZHIN DU YE SHES KYIS NYON MONGS PA RNAMS SEL BAR BYED PA'I BAR GANG YIN PA DE NI BRTAGS NA KHONG DU CHUD PAR 'GYUR RO, ,YANG NA DPE DANG DON DU SBYAR BA NI BSGOM PA'I LAM GYIS GNAS SKABS KHO NA DANG SBYAR TE BSTAN PA'O, ,MTSAN MA DANG GNAS NGAN LEN THAMS CAD GTAN DU BCOM PA'I PHYIR, RIM GYIS SA GONG MA GONG MA DE DAG TU GSER SBYANG BA LTA BUR SEMS RNAM PAR SBYANGS PAS ZHES BYA BA NI GNYIS PA SEMS RNAM PAR SBYONG BA STON TO, ,'DI LTAR SA DANG PO LA 'CHING BA GNYIS GTAN DU BCOM PA'I STOBS KYIS SA GONG MA RNAMS SU GSER MA BYANG BA SBYANG BA LTA BUR SEMS RNAM PAR SBYONG BAS SO, ,GSER SBYANG BA'I DPE 'DI YANG BSTAN BCOS RNAL 'BYOR SPYOD PA'I SA LAS, GSER SBYANG BA DANG 'DRA BAR SEMS SBYANG BAR GSUNGS PA DE JI LTAR LTA @228A *, ,ZHE NA, GSER RNAM PAR DAG PA LA RNAM PA GSUM YOD DE SKYON RNAM PAR DAG PA DANG, GAR BU RNAM PAR DAG PA DANG, LAS SU RUNG BA RNAM PAR DAG PA'O, ,DE LA SKYON RNAM PAR DAG PA NI 'BYUNG KHUNGS NA 'DUG PA'I GSER GYI SKYON RAGS PA DAR 'BRING DANG, CHA PHRA BA BSAL BAS CI TZAM DU GSER PHYE DAG PAR 'GYUR BA KHO NA LUS PAR GYUR PA'O, ,DE LA GAR BU RNAM PAR DAG PA NI DE NYID BZHU NAS GAR BUR GYUR PA GANG YIN PA'O, ,DE LA LAS SU RUNG BA RNAM PAR DAG PA NI GAR BU DE KHRO BA LA SOGS PA'I SKYON RNAM PAR SBYANGS PA'I PHYIR RO ZHES BSHAD DO, ,GZHAN YANG DE NYID LAS 'DI LTA STE, DPER NA MGAR BA'AM, MGAR BA'I SLOB MA ZHIG GIS GANG GI TSE GSER RAM DNGUL ZHIG DRI MA DANG, SNYIGS MA THAMS CAD SBYANG BA'I PHYIR DUS DUS SU MER BSREGS SHING CHUR BKRUS NAS RGYAN DE DANG DE DAG TU BYA BA LA MNYEN ZHING LAS SU RUNG BA'I TSUL GYIS MNGON SUM DU BYA BAR 'GYUR TE, DE LA MGAR BA'AM MGAR BA'I SLOB MA MKHAS PA DE DANG MTHUN PA'I BZO SHES PA DES MGAR SPYAD KYIS RGYAN GYI RNAM PA CI 'DOD PA DER SGYUR BAR BYED PA DE BZHIN DU, RNAL 'BYOR PAS KYANG GANG GI TSE SEMS DE BRNAB SEMS LA SOGS PA'I DRI MA DANG, SNYIGS MA LA MI PHYOGS PA NYID KYIS SKYO BAR BYAS LA, NYON MONGS PA CAN YID MI BDE BA LA MI PHYOGS PA NYID DANG, DGE BA'I PHYOGS LA MNGON PAR DGA' BA LA MNGON DU PHYOGS PA NYID KYIS MNGON PAR DGA' BAR BYAS NAS RNAL 'BYOR DES SEMS DE ZHI GNAS KYI PHYOGS SAM, LHAG MTHONG GI PHYOGS GANG DANG GANG DAG LAS NGES PAR SBYONG PAR BYED PA DE DANG DE DAG LA SHIN TU NYE BAR SBYAR BA DANG, SHIN TU RNAL DU 'BAB PA DANG MI G-YO BA DANG, MI 'GUL BAR 'GYUR ZHING, JI LTAR BSAMS PA'I DON YANG DAG PAR 'GRUB PA'I PHYIR 'GRO BAR YANG DAG PAR 'GYUR RO ZHES 'BYUNG NGO, , BLA NA MED PA YANG DAG PAR RDZOGS PA'I BYANG CHUB KYI BAR DU YANG 'THOB PAR 'GYUR LA, DGOS PA YONGS SU GRUB PA'I DMIGS PA YANG THOB PAR 'GYUR TE ZHES BYA BA NI GNYIS PA 'BRAS BU'I GNAS SKABS ZHES BYA BA STON TE, GNAS SKABS RNAM PA LNGAS 'DI NI LNGA PA MTHAR PHYIN PA'I @228B GNAS SKABS SO, ,'DI LTAR SA RNAMS SU SEMS SBYANG BA KHO NA MA YIN GYI MTHAR PHYIN PA'I GNAS BLA NA MED PA YANG DAG PAR RDZOGS PA'I BYANG CHUB KYI BAR DU YANG YONGS SU SBYANG DGOS PA'O, ,GZHAN YANG GNAS 'DI LA BRTEN NAS DMIGS PA RNAM PA BZHI LAS BZHI PA DGOS PA YONGS SU GRUB PA'I DMIGS PA YANG THOB PAR 'GYUR BA'O, ,SANGS RGYAS KYI SA'I GNAS SKABS SU NI DMIGS PA RNAM PA BZHI PO DAG TSANG BAR MNGA'O, ,BSHAD PA RNAM PA GZHAN DU NA, SA'I MDUN ROL PA DAG NI DMIGS PA RNAM PA GNYIS 'THOB BO, ,SA BCU PA LA GNAS PA DAG NI DNGOS PO'I MTHA' ZHES BYA'O, ,SANGS RGYAS KYI SA'I GNAS SKABS KYI NI YONGS SU RDZOGS PA ZHES BYA STE, DE LTAR RNAM PA GNYIS SU BSHAD PA YOD KYANG BSHAD PA NI SNGA MA BZANG NGO, ,RIGS KYI BU DE LTAR BYANG CHUB SEMS DPAS NANG GI ZHI GNAS DANG LHAG MTHONG LA YANG DAG PAR BSGRUBS PA'I PHYIR BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO ZHES BYA BA NI GNYIS PA SPYI'I MJUB BSDU BA STE, 'DI LTAR SA LA GNAS PA'I BYANG CHUB SEMS DPA' DAG GIS ZHI GNAS DANG LHAG MTHONG GI LAM LA BRTEN NAS NAN TAN DU BSGRUB PA'I PHYIR BLA NA MED PA'I BYANG CHUB THOB PAR 'GYUR RO, ,BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS JI LTAR SGRUB PAR BGYID NA BYANG CHUB SEMS DPA'I MTHU DANG, YON TAN YANGS SHING RGYA CHER RAB TU 'DREN PAR 'GYUR LAGS ZHES BYA BA 'DI MAN CHAD NI BCU BDUN PA MTHU DANG YON TAN YANGS SHING RGYA CHE BA'I BAR DU 'DREN PA'I SGO ZHES BYA BA STON TO, ,'DI YANG RNAM PA GNYIS TE, ZHU BA GSOL BA DANG, LAN DU GSUNGS PA STE, 'DI NI ZHU BA GSOL BA NYID DO, ,RIGS KYI BU GAL TE BYANG CHUB SEMS DPA' RNAMS GNAS DRUG LA MKHAS PAR GYUR NA, BYANG CHUB SEMS DPA'I MTHU DANG, YON TAN YANGS SHING RGYA CHE BA JI SNYED YOD PA DAG RAB TU 'DREN PAR 'GYUR TE ZHES BYA BA 'DI MAN CHAD NI GNYIS PA DE BZHIN GSHEGS PAS LAN DU YANG DAG PAR GSUNGS PA @229A *, ,STON TO, ,'DI YANG RNAM PA GNYIS SU DBYE STE, ZHUS PA BZHIN DU YANG DAG PAR RNAM PAR BSHAD PA DANG, RIGS KYI BU ZHES BYA BA MAN CHAD SPYI'I MJUG BSDU BA'O, ,DANG PO YANG RNAM PA GSUM DU DBYE STE, GRANGS SMOS NAS LAN MDOR GSUNGS PA DANG, GRANGS BZHIN DU MING BKOD PA DANG, GO RIMS BZHIN DU RNAM PAR PHYE STE BSHAD PA'O, ,'DI NI DANG PO GRANGS SMOS NAS LAN MDOR GSUNGS PA STE, 'DI LTAR BYANG CHUB SEMS DPA' RNAMS GNAS DRUG LA MKHAS PAR GYUR NA, MTHU DANG YON TAN RGYA CHE BA RAB TU 'DREN PAR 'GYUR BAS SO, ,SEMS KYI SKYE PA LA MKHAS PA DANG, SEMS KYI GNAS LA MKHAS PA DANG, SEMS KYI BSLAB PA DANG, SEMS KYI 'PHEL BA LA MKHAS PA DANG, SEMS KYI 'GRIB PA LA MKHAS PA DANG, SEMS KYI THABS LA MKHAS PA'O ZHES BYA BA NI GNYIS PA GRANGS BZHIN DU MING BKOD PA'O, ,JI LTAR NA SEMS KYI SKYE BA LA MKHAS PA YIN ZHE NA ZHES BYA BA LA SOGS PAS NI GSUM PA GO RIMS BZHIN DU RNAM PAR PHYE STE BSHAD PA STON TO, ,'DI YANG GNAS DRUG RNAM PAR PHYE STE BSHAD PA NYID LAS RNAM PA DRUG TU DBYE STE, 'DI NI DANG PO SEMS KYI SKYE BA LA MKHAS PA RNAM PAR BSHAD PA'O, ,'DI YANG RNAM PA GNYIS TE, BRTAG PA DANG LAN DU GSUNGS PA STE, 'DI NI BRTAG PA'O, ,DE LA MKHAS PA ZHES BYA BA NI YONGS SU SHES PAR BYED PA'I SEMS SO, ,SKYE BA ZHES BYA BA NI YONGS SU SHES PAR BYA BA'I SEMS TE, 'OG MA RNAMS KYANG 'DI BZHIN DU SBYAR RO, ,'DI LTA STE, YANG DAG PA JI LTA BA BZHIN DU SEMS KYI RNAM PA BCU DRUG GI SKYE BA RAB TU DBYE BA SHES PA GANG YIN PA DE NI SEMS KYI SKYE BA LA MKHAS PA ZHES BYA'O ZHES PA LA SOGS PAS NI GNYIS PA YANG DAG PAR LAN DU GSUNGS PA STON TO, ,'DI YANG RNAM PA GNYIS TE, LEN MDOR GSUNGS PA DANG, RNAM PAR PHYE NAS BSHAD PA STE, 'DI NI DANG PO LAN MDOR GSUNGS PA'O, ,DE LA SEMS KYI SKYE BA RNAM PA BCU DRUG RAB TU DBYE BA YANG ZHES BYA BA LA SOGS PAS NI GNYIS PA SEMS RNAM PA BCU DRUG RNAM PAR PHYE NAS BSHAD PA'O, ,'DI YANG RNAM PA GNYIS TE, MDOR BSTAN PA DANG, RNAM PAR BSHAD @229B PA STE, 'DI NI MDOR BSTAN PA'O, ,SNOD BRTAN PAR GNAS PA'I RNAM PAR RIG PA'I SKYE BA RNAM PAR MI RIG PA NI 'DI LTA STE, LEN PA'I RNAM PAR SHES PA'O ZHES BYA BA 'DI MAN CHAD NI GNYIS PA GO RIMS BZHIN DU RNAM PAR BSHAD PA STON TO, ,'DI YANG SEMS RNAM PA BCU DRUG TU BSTAN PA NYID KYIS RNAM PA BCU DRUG TU DBYE STE, 'DI NI SEMS DANG PO RNAM PAR BSHAD PA'O, ,MDO'I TSIG 'DI YANG RNAM PA GNYIS SU DBYE STE, SEMS KYI MING BSTAN PA DANG, NGO BO NYID BSTAN PA'O, ,MDO'I TSIG 'DI LA YANG BSHAD PA RNAM PA GNYIS YOD DE, KHA CIG NA RE MI RIG PA ZHES BYA BA NI KUN GZHI RNAM PAR SHES PA STE, DES DMIGS PA'I RNAM PA MI RIG PAS SO, ,RTAG PAR RGYUN MI 'CHAD PA'I PHYIR BRTAN PAR GNAS PA ZHES BYA'O, ,SNOD KYI 'JIG RTEN 'DZIN PA'I PHYIR SNOD CES BYA'O, ,LEN PA'I RNAM PAR SHES PA ZHES BYA BA NI NGO BO NYID BSTAN PA'O, ,'DI YANG RNAM PA GSUM DANG LDAN TE, DBANG PO'I RTEN YONGS SU 'DZIN PA DANG, SA BON YONGS SU 'DZIN PA DANG, SKYE BA'I RGYUN YONGS SU 'DZIN PA'O ZHE'O, ,KHA CIG NA RE MI RIG PA ZHES BYA BA NI 'DI LTA STE, THUN MONG GI 'BRAS BU'I MTSAN NYID PHYI ROL GYI SNOD KYI 'JIG RTEN RANG NYID KYIS SPRUL PA RAB TU DBYE BA'I MTSAN NYID RNAM PAR MI RIG PA'O ZHES ZER RO, ,RNAM PA SNA TSOGS KYI DMIGS PA'I RNAM PAR RIG PA'I SKYE BA ZHES BYA BA LA SOGS PAS NI SEMS GNYIS RNAM PAR BSHAD PA STON TO, ,'DI YANG MING SMOS PA DANG, NGO BO NYID BSTAN PAS STON TE, 'DI NI MING SMOS PA'O, ,DMIGS PA'I RNAM PA YANG YUL GYI RJES SU GCIG KHO NA MA YIN PA'I PHYIR RNAM PA SNA TSOGS ZHES BYA BA GSUNGS SO, ,DMIGS PA'I RNAM PAR RIG PA SKYE BA ZHES BYA BA NI YUL LA MING DU BTAGS PA STE, YUL LA DMIGS PA'I RNAM PAR SHES PA YIN PA'I PHYIR RO, ,DMIGS PA'I RNAM PAR RIG PA SKYE BA ZHES BYA'O CIG CAR GZUGS LA SOGS PA'I YUL THAMS CAD 'DZIN PA'I RNAM PAR RTOG PA'I YID KYI RNAM PAR SHES PA CIG CAR NANG DANG PHYI ROL GYI YUL 'DZIN CING TSOR BA RIG PA ZHES BYA BA LA SOGS PAS NI GNYIS PA NGO BO NYID STON TO, ,'DI YANG RNAM PA GNYIS TE, ZAG PA DANG BCAS PA'I @230A *, ,YID KYI RNAM PAR SHES PA BSTAN PA DANG, ZAG PA MED PA'I YID KYI RNAM PAR SHES PA BSTAN PA'O, ,'DI NI DANG PO STE 'DI LTAR DUS GCIG TU CIG CAR GZUGS LA SOGS PA'I YUL THAMS CAD 'DZIN PA RNAM PAR RTOG PA'I YID KYI RNAM PAR SHES PA DE NI RNAM PAR SHES PA LNGA PO DAG DANG DUS GCIG TU RNAM PAR RTOG PA'I YID KYI RNAM PAR SHES PA'AM, YANG NA RNAM PAR SHES PA LNGA PO DAG GI MJUG THOGS SU RNAM PAR RTOG PA'I YID KYI RNAM PAR SHES PA'O, ,YANG NA DUS GCIG TU CIG CAR NANG DANG PHYI ROL GYI SKYE MCHED BCU GNYIS PO DAG GI YUL 'DZIN PAS TSOR BA MYONG ZHING RIG PA'I RNAM PAR RTOG PA'I YID KYI RNAM PAR SHES PA'O, ,SKAD CIG DANG THANG CIG DANG, YUD TZAM CIG CAR TING NGE 'DZIN MANG PO LA SNYOMS PAR 'JUG PA STON PA SANGS RGYAS KYI ZHING MANG PO MTHONG BA, DE BZHIN GSHEGS PA MANG PO MTHONG BA RNAM PAR RTOG PA'I YID KYI RNAM PAR SHES PA'O ZHES BYA BA NI GNYIS PA ZAG PA MED PA'I YID KYI RNAM PAR SHES PA BSTAN PA'O, ,DE LA SKAD CIG CES BYA BA NI SHIN TU YUN THUNG BA STE, DE'I PHYIR BSTAN BCOS SEMS SNA TSOGS BSTAN PA LAS, SKYES BU SHIN TU STOBS DANG LDAN PA'I SE GOL GTOGS PA GCIG LA SKAD CIG MA DRUG CU YOD DO ZHES 'BYUNG BAS SKAD CIG CES BYA'O, ,DE LA THANG CIG DANG YUD TZAM ZHES BYA BA NI, MDZOD KYI BSTAN BCOS LAS SKAD CIG BRGYA NYI SHU LA DE'I SKAD CIG GCIG GO, ,DE'I SKAD CIG DRUG CU LA NI THANG CIG GO THANG CIG SUM CU LA NI YUD TZAM GCIG GO ZHES BSHAD DO, ,DE NI 'DI SKAD DU PHYIS ZAG PA MED PA LA DBANG THOB PA'I MTHU'I DBANG GIS DUS GCIG TU SKAD CIG MA GCIG LA TING NGE 'DZIN MANG PO LA SNYOMS PAR 'JUG PA DANG, SANGS RGYAS KYI ZHING MANG PO MTHONG BA DANG, SANGS RGYAS MANG PO MTHONG BA'I RNAM PAR RTOG PA'I YID KYI RNAM PAR SHES PA'O ZHES BSTAN PAR 'GYUR RO, ,PHYIS THOB PA 'DI YANG ZAG PA DANG BCAS PA'I SEMS LA LTOS NA NI RNAM PAR MI RTOG PA ZHES BYA'O, ,NGO BO NYID KYI YE SHES LA LTOS NA NI RNAM PAR RTOG PA ZHES BYA'O, ,SKAD CIG MA GCIG LA DE BZHIN GSHEGS PA MANG PO @230B MTHONG NGO ZHES BSTAN PA DE'I DON NI DE LTAR MI RUNG BAS, JI LTAR SKAD CIG MA GCIG LA TING NGE 'DZIN MANG PO LA SNYOMS PAR 'JUG CE NA, SMRAS PA, SANGS RGYAS DANG BYANG CHUB SEMS DPA' RNAMS KYI MTHU BSAM GYIS MI KHYAB PAS SKAD CIG MA GCIG LA TING NGE 'DZIN RNAM PA SNA TSOGS LA SNYOMS PAR 'JUG STE, DE'I PHYIR BSTAN BCOS CHOS MNGON PA SNA TSOGS KUN LAS BTUS PA LAS SANGS RGYAS BCOM LDAN 'DAS DANG, BYANG CHUB SEMS DPA' MTHU CHEN PO THOB PA NI JI LTAR BZHED CING 'DOD PA BZHIN DU SKAD CIG SKAD CIG LA TING NGE 'DZIN TSAD MED PA DAG LA SNYOMS PAR 'JUG PAS RAB TU DBYE BA'I PHYIR RO ZHES BSTAN PA YIN NO, ,RNAM PA GZHAN DU NA JI LTAR 'OS PA BZHIN DU TING NGE 'DZIN RNAMS LA SNYOMS PAR 'JUG PA YIN GYI YANG DAG PAR SKAD CIG MA GCIG LA TING NGE 'DZIN THAMS CAD LA SNYOMS PAR 'JUG PA NI MA YIN NO, ,GAL TE DE LTA MA YIN NA NI JI LTAR SKAD CIG GCIG LA SANGS RGYAS KYI ZHING MANG PO LA 'JUG STE, SEMS CAN GANG LA YANG LUS MANG PO MED PA'I PHYIR SPRUL PA'I LUS KYIS SANGS RGYAS KYI ZHING MANG POR 'JUG PAR STON TO, ,MTSAN MA CHUNG DU LA DMIGS PA'I RNAM PAR RIG PA SKYE BA NI 'DI LTA STE, 'DOD PA'I KHAMS DANG LDAN PA'I RNAM PAR RIG PA'O ZHES BYA BAS NI SEMS GSUM PA STON TO, ,'OG NAS 'BYUNG BA'I MTSAN MA LNGA PO DAG NI KUN GZHI RNAM PAR SHES PA LAS BRTZAMS NAS BSTAN PA YIN TE, DE'I PHYIR BSTAN BCOS RNAL 'BYOR SPYOD PA'I SA LAS, KUN GZHI RNAM PAR SHES PA DE YANG 'DOD PA'I KHAMS SU NI RGYU CHUNG DU'I DMIGS PA RNAM PAR RIG PAS DMIGS PA CHUNG DU'I DMIGS PA'I PHYIR RO ZHES BSTAN PA YIN NO, ,BSTAN BCOS CHOS MNGON PA SNA TSOGS KUN LAS BTUS PA LAS, CHUNG NGU'I 'DU SHES NI 'DI LTA STE, 'DOD PA'I KHAMS KYI STE SHIN TU DMAN PA'I PHYIR RO ZHES BSHAD DO, ,MTSAN MA CHEN POR GYUR PA LA DMIGS PA'I RNAM PAR RIG PA SKYE BA NI 'DI LTA STE, GZUGS KYI KHAMS DANG LDAN PA'I RNAM PAR RIG PA'O ZHES BYA BAS NI SEMS BZHI PA STON TO, BSTAN BCOS RNAL 'BYOR SPYOD PA'I SA LAS @231A *, ,KUN GZHI'I RNAM PAR SHES PA NI RGYA CHEN POR 'GYUR BA'I DMIGS PA RNAM PAR RIG PAS DMIGS PA RGYA CHEN PO LA DMIGS PA'I PHYIR RO ZHES BSHAD DO, ,BSTAN BCOS CHOS MNGON PA SNA TSOGS KUN LAS BTUS PA LAS KYANG RGYA CHEN POR GYUR PA NI 'DI LTA STE, GZUGS KYI KHAMS MCHOG TU GYUR PA'I PHYIR RO ZHES BSHAD DO, ,MTSAN MA MED PA LA DMIGS PA'I RNAM PAR RIG PA SKYE BA 'DI LTA STE, NAM MKHA' DANG, RNAM SHES MTHA' YAS SKYE MCHED DANG LDAN PA'I RNAM PAR RIG PA'O ZHES BYA BAS NI SEMS LNGA PA STON TO, ,BSTAN BCOS RNAL 'BYOR SPYOD PA'I SA LAS KUN GZHI'I RNAM PAR SHES PA NI GZUGS MED PA'I KHAMS NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED NA NI RGYU MTSAN MED PA'I DMIGS PA RNAM PAR RIG PAS TSAD MED PA ZHES BYA BA'I PHYIR RO ZHES BSHAD DO, ,BSTAN BCOS CHOS MNGON BA SNA TSOGS KUN LAS BTUS PA LAS KYANG TSAD MED PA NI 'DI LTA STE, NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED DE MTHA' MED PA'I PHYIR RO ZHES BSHAD DO, ,MTSAN MA PHRA MO LA DMIGS PA'I RNAM PAR SKYE BA NI 'DI LTA STE, CI YANG MED PA'I SKYE MCHED DANG LDAN PA'I RNAM PAR RIG PA'O ZHES BYA BAS NI SEMS DRUG PA BSTAN PA'O, ,BSTAN BCOS RNAL 'BYOR SPYOD PA'I SA LAS, KUN GZHI RNAM PAR SHES PA NI CI YANG MED PA'I SKYE MCHED NA NI RGYU PHRA BA'I DMIGS PA RNAM PAR RIG PAS PHRA BA'I DMIGS PA LA DMIGS PA'I PHYIR RO ZHES BSHAD DO, ,MTSAN MA MTHAR THUG PA LA DMIGS PA'I RNAM PAR RIG PA SKYE BA NI 'DI LTA STE, 'DU SHES MED 'DU SHES MED MIN SKYE MCHED DANG LDAN PA'I RNAM PAR RIG PA'O ZHES BYA BAS NI SEMS BDUN PA STON TE, KHAMS GSUM PA'I NANG NA MCHOG TU MTHAR THUG PA YIN PA'I PHYIR MTHAR THUG PA ZHES BYA'O, ,BSTAN BCOS RNAL 'BYOR SPYOD PA'I SA LAS KUN GZHI'I RNAM PAR SHES PA NI 'DU SHES MED 'DU SHES MED MIN SKYE MCHED NA NI SHIN TU PHRA BA'I DMIGS PA'I RNAM PAR RIG PAS SHIN TU PHRA BAS DMIGS PA'I PHYIR RO ZHES BSHAD DO, ,BSTAN BCOS RNAM PAR BSHAD PA @231B LAS KYANG GONG DU BSTAN PA'I MTSAN MA LNGA PO DAG BSTAN BCOS RNAL 'BYOR SPYOD PA'I SA LAS BSTAN PA DANG MTHUN PAR BSHAD DO, ,YANG NA MTSAN MA LNGA PO DE DAG CI RIGS PAR RNAM PAR SHES PA DRUG PO DAG DANG SBYAR RO, ,MTSAN MA MED PA'I RNAM PAR RIG PA SKYE BA NI 'DI LTA STE, 'JIG RTEN LAS 'DAS PA'I RNAM PAR RIG PA DANG, 'GOG PA LA DMIGS PA'I RNAM PAR RIG PA'O ZHES BYA BAS NI SEMS BRGYAD PA STON TE, DE LA 'JIG RTEN LAS 'DAS PA'I RNAM PAR RIG PA ZHES BYA BA NI ZAG PA MED PA'I LAM GYI BDEN PA DANG, MTSUNGS PAR LDAN PA'I RNAM PAR SHES PA ZAG PA DANG BCAS PA'I SPROS PA'I MTSAN MA RNAMS YONGS SU SPANGS PA'I PHYIR MTSAN MA MED PA ZHES BYA'O, ,'DIR ZAG PA MED PA RNAM PAR DAG PA'I RNAM PAR SHES PA BRGYAD PO DAG KYANG GTOGS SO, ,SDUG BSNGAL DANG LDAN PA'I RNAM PAR RIG PA SKYE BA NI 'DI LTA STE, SEMS CAN DMYAL BA'I RNAM PAR RIG PA'O ZHES BYA BA NI SEMS DGU PA STON TO, ,'DI LTA STE, SEMS CAN DMYAL BA RIL DANG, YI DAGS DANG DUD 'GRO LAS KHA CIG NI GCIG TU SDUG BSNGAL MYONG BA GANG YIN PA'O, ,DGONGS PA ZAB MO RNAM PAR DGROL BA'I MDO LAS, SDUG BSNGAL DANG MTSUNGS PAR LDAN PA'I RNAM PAR RIG PA NI NGAN 'GRO'I RNAM PAR RIG PA LTA BU'O ZHES 'BYUNG NGO, ,TSOR BA 'DREN MA DANG LDAN PA'I RNAM PAR RIG PA SKYE BA NI 'DI LTA STE, 'DOD PA NA SPYOD PA'I RNAM PAR RIG PA'O ZHES BYA BA NI SEMS BCU PA BSTAN TE, 'DI LTAR MI DANG 'DOD PA'I KHAMS KYI LHA RIL DANG, YI DAGS DANG DUD 'GRO LAS KHA CIG NI 'JUG PA'I RNAM PAR SHES PA DANG MTSAN MTSUNGS PAR LDAN PA SDUG BSNGAL GYI TSOR BA DANG, BDE BA'I TSOR BA DANG, SDUG BSNGAL YANG MA YIN BDE BA YANG MA YIN PA'I TSOR BA DANG 'DREN MAR 'JUG PAS SO, ,DGONGS PA ZAB MO RNAM PAR DGROL BA'I MDO LAS, TSOR BA 'DREN MA DANG, MTSUNGS PAR LDAN PA'I RNAM PAR RIG PA NI 'DOD PA'I KHAMS KYI RNAM PAR SHES PA LTA BU'O ZHES 'BYUNG NGO, ,DGA' BA DANG LDAN PA'I RNAM PAR RIG PA SKYE BA NI 'DI LTA STE, BSAM GTAN DANG PO DANG GNYIS PA'I RNAM PAR RIG PA'O ZHES BYA BAS NI SEMS BCU GCIG PA BSTAN TO, , @232A *, ,'DI LTAR BSAM GTAN DANG PO DANG GNYIS PAS NI TSOR BA BDE BA DANG LDAN PA THEG PA CHE CHUNG GI BSTAN PA KUN LAS BSHAD DE, DE LA THEG PA CHEN PO'I GZHUNG GIS BSTAN PA YANG NGO BO NYID NI MTHUN LA DON NI THA DAD DE, BDE BA'I TSOR BA YANG YOD PAR STON PAS SO, ,MDO 'DI LAS NI TSOR BA RNAM PA LNGA THA DAD PAR BYED PA'I PHYIR, RE ZHIG DGA' BA'I TSOR BA BSTAN PA YIN NO, ,DGONGS PA ZAB MO RNAM PAR DGROL BA'I MDO LAS KYANG DGA' BA DANG, MTSUNGS PAR LDAN PA'I RNAM PAR RIG PA NI BSAM GTAN DANG PO DANG GNYIS PA'I RNAM PAR SHES PA LTA BU'O ZHES 'BYUNG NGO, , BDE BA DANG LDAN PA'I RNAM PAR RIG PA SKYE BA NI 'DI LTA STE, BSAM GTAN GSUM PA'I RNAM PAR RIG PA'O ZHES BYA BAS NI SEMS BCU GNYIS PA BSTAN TO, ,BSTAN BCOS RNAL 'BYOR SPYOD PA'I SA LAS BSAM GTAN 'OG MA GSUM NI GCIG TU BDE BA'I TSOR BA DANG LHAN CIG 'JUG GO ZHES BSHAD DO, ,DGONGS PA ZAB MO RNAM PAR DGROL BA'I MDO LAS, BDE BA DANG MTSUNGS PAR LDAN PA'I RNAM PAR RIG PA NI BSAM GTAN GSUM PA LTA BU'O ZHES 'BYUNG NGO, ,SDUG BSNGAL YANG MA YIN BDE BA YANG MA YIN PA'I RNAM PAR RIG PA SKYE BA NI 'DI LTA STE, BSAM GTAN BZHI PA DANG, 'DU SHES MED 'DU SHES MED MIN SKYE MCHED PA'I RNAM PAR RIG PA'O ZHES BYA BAS NI SEMS BCU GSUM PA STON TO, ,'DI LTAR BSAM GTAN BZHI PA YAN CHAD KYIS PA RNAMS GCIG TU TSOR BA BTANG SNYOMS DANG MTSUNGS PAR LDAN PAS SO, ,'DIR NI ZAG PA DANG BCAS PA'I YID KYI RNAM PAR SHES PA DANG, KUN GZHI'I RNAM PAR SHES PA YANG GTOGS SO, ,DGONGS PA ZAB MO RNAM PAR DGROL BA'I MDO LAS, TSOR BA BTANG SNYOMS DANG MTSUNGS PAR LDAN PA'I RNAM PAR RIG PA NI BSAM GTAN BZHI PA DANG, 'DU SHES MED 'DU SHES MED MIN SKYE MCHED PA'I BAR GYI RNAM PAR SHES PA LTA BU'O ZHES 'BYUNG NGO, ,NYON MONGS PA DANG LDAN PA'I RNAM PAR RIG PA SKYE BA NI 'DI LTA STE, NYON MONGS PA DANG NYE BA'I NYON MONGS PA DANG LDAN PA'I RNAM PAR RIG PA'O ZHES BYA BAS NI SEMS BCU BZHI PA STON TE, CI RIGS PAR RTZA BA'I NYON MONGS PA DRUG DANG NYE BA'I NYON MONGS PA @232B NYI SHU RTZA BZHI PO DAG DANG MTSUNGS PAR LDAN PA ZAG PA DANG BCAS PA'I RNAM PAR RIG PA GANG YIN PA'O ZHES BYA BA'I THA TSIG GO, ,DGE BA DANG LDAN PA'I RNAM PAR RIG PA SKYE BA NI 'DI LTA STE, DAD PA LA SOGS PA DANG LDAN PA'I RNAM PAR RIG PA'O ZHES BYA BAS NI SEMS BCO LNGA PA BSTAN TE, 'DI LTA STE, DAD PA LA SOGS PA DGE BA BCU GCIG DANG MTSUNGS PAR LDAN PA ZAG PA DANG BCAS PA'I RNAM PAR SHES PA DRUG DANG, ZAG PA MED PA'I RNAM PAR SHES PA BRGYAD DO ZHES BYA BA'I THA TSIG GO, ,LUNG MA BSTAN PA DANG LDAN PA'I RNAM PAR RIG PA SKYE BA NI 'DI LTA STE, 'DI GNYI GA DANG MI LDAN PA'I RNAM PAR RIG PA'O ZHES BYA BAS NI SEMS BCU DRUG PA STON TO, ,'DI LTA STE, DGE BA DANG, NYON MONGS PA DE DAG DANG MI LDAN PA ZAG PA DANG BCAS PA'I RNAM PAR SHES PA DRUG DANG, KUN GZHI'I RNAM PAR SHES PA'O ZHES BYA BA'I THA TSIG GO, ,JI LTAR NA SEMS KYI GNAS LA MKHAS PA YIN ZHE NA ZHES BYA BA LA SOGS PAS NI GNYIS PA SEMS KYI GNAS LA MKHAS PA RNAM PAR BSHAD PA STON TO, ,'DI YANG BRTAG PA DANG LAN DU GSUNGS PAS BSTAN TE, 'DI NI BRTAG PA'O, ,DE LA MKHAS PA ZHES BYA BA NI YONGS SU SHES PAR BYED PA'I SEMS TE, 'OG MA RNAMS KYANG 'DI DANG 'DRA BAR BSHAD PAR BYA'O, ,'DI LTA STE, YANG DAG PA JI LTA BA BZHIN DU RNAM PAR RIG PA'I DE BZHIN NYID RAB TU SHES PA'O ZHES BYA BAS NI GNYIS PA LAN DU GSUNGS PA BSTAN TE, 'DI LTAR YANG DAG PA JI LTA BA BZHIN DU RNAM PAR MI RTOG PA'I YE SHES DANG MTHUN PA'I SEMS RNAM PAR RIG PA'I DE BZHIN NYID RAB TU SHES PAR GYUR NAS, DE BZHIN NYID LA BRTEN TE GNAS PA'O, ,YANG NA RNAM PAR RIG PA'I DE BZHIN NYID CES BYA BA NI DE BZHIN NYID RNAM PA BDUN LAS RNAM PAR RIG PA'I DE BZHIN NYID DE, DE NI SO SOR BRTAG PAR NUS PA'I SHES PA LA RNAM PAR RIG PA'I DE BZHIN NYID CES BYA STE, DE KHO NA MA YIN PA'I PHYIR RO, ,BSTAN BCOS MDO SDE'I RGYAN LAS, RNAM PAR RIG PA'I DE BZHIN NYID NI 'DI LTA STE, RNAM PAR MI RTOG PA'I YE SHES SO ZHES BSHAD DO, ,DE NI 'DI SKAD DU 'DI LTAR YANG DAG PA JI LTA BA BZHIN DU RNAM PAR RIG PA TZAM DU BSGOM PA'I SHES PA DANG MTHUN PA'I SEMS GANG YIN PA RAB TU SHES @233A *, ,PAR 'GYUR TE, YUL LA BRTEN NAS GNAS PA GANG YIN PA DE NI SEMS KYI GNAS LA MKHAS PA ZHES BYA'O ZHES BSTAN PAR 'GYUR RO, ,JI LTAR NA SEMS KYI BSLANG BA LA MKHAS PA YIN ZHE NA ZHES BYA BA LA SOGS PAS NI GSUM PA SEMS KYI BSLANG BA LA MKHAS PA RNAM PAR BSHAD PA STON TO, ,'DI YANG BRTAG PA DANG LAN DU GSUNGS PAS BSTAN TE, 'DI NI BRTAG PA'O, ,YANG DAG PA JI LTA BA BZHIN DU 'CHING BA RNAM PA GNYIS PO LAS BSLANG BAR BYA'O ZHES RAB TU SHES PA 'DI LTA STE, MTSAN MA'I 'CHING BA DANG GNAS NGAN LEN GYI 'CHING BA DE DAG LAS SEMS 'DI BSLANG BAR BYA'O ZHES BYA BA LA MKHAS PA'O ZHES BYA BA NI GNYIS PA LAN DU GSUNGS PA STE, 'DI LTAR YANG DAG PA JI LTA BA BZHIN DU RNAM PAR MI RTOG PA'I YE SHES DANG MTHUN PAR 'GYUR BA'I SEMS RAB TU SHES PAR GYUR NAS 'CHING BA RNAM PA GNYIS PO DAG LAS NGES PAR 'BYUNG BAR GYUR PA'O, , YONGS SU SHES PA'I SEMS DE LA MKHAS PAR GYUR NA, RNAM PAR MI RTOG PA'I YE SHES DANG MTHUN PAR GYUR PA'I SEMS KYI 'CHING BA GNYIS PO DAG LAS 'BYUNG BAR 'GYUR BAS SO, ,JI LTAR NA SEMS KYI 'PHEL BA LA MKHAS PA YIN ZHE NA ZHES BYA BA LA SOGS PA NI BZHI PA SEMS KYI 'PHEL BA LA MKHAS PA RNAM PAR BSHAD PA STON TO, ,'DI YANG BRTAG PA DANG LAN DU GSUNGS PAS BSTAN TE, 'DI NI BRTAG PA'O, ,'DI LTA STE, YANG DAG PA JI LTA BA BZHIN DU MTSAN MA'I 'CHING BA DANG GNAS NGAN LEN GYI 'CHING BA'I GNYEN PO'I SEMS GANG YIN PA DE 'PHEL BA DANG DE BSAGS BAR GYUR PA'I TSE 'PHEL BAR GYUR TO, ,BSAGS PAR GYUR TO ZHES RAB TU SHES PA GANG YIN PA DE NI 'PHEL BA LA MKHAS PA ZHES BYA'O ZHES BYA BA NI GNYIS PA LAN DU GSUNGS PA STE, YANG DAG PA JI LTA BA BZHIN DU 'CHING BA GNYIS KYI GNYEN POR GYUR PA'I SEMS DE 'PHEL BAR GYUR PA DANG, DE BSAGS PAR GYUR PA'I TSE 'CHING BA'I GNYEN POR GYUR PA'I SEMS DANG MTHUN PAR GYUR PA'I SHES RAB LA SOGS PAS RAB TU SHES PA GANG YIN PA DE NI 'PHEL BA LA MKHAS PA ZHES BYA'O, ,DE LA 'PHEL BA DANG BSAGS PA LA BYE BRAG YOD PA YANG MNGON DU SPYOD PA 'PHEL BAR GYUR PA GANG YIN @233B PA DE NI 'PHEL BA ZHES BYA'O, ,YONGS SU BSGOS NAS SA BON DU GYUR PA GANG YIN PA DE NI BSAGS PA ZHES BYA'O, ,YANG NA 'PHEL BAR GYUR PA'I DUS GANG YIN PA DE NI 'PHEL BA ZHES BYA'O, ,YANG NAS YANG DU BSGOS PA LAS BYUNG BA GANG YIN PA DE NI BSAGS PA ZHES BYA'O, ,JI LTAR NA SEMS KYI 'GRIB PA LA MKHAS PA YIN ZHE NA ZHES BYA BA LA SOGS PAS NI SEMS KYI 'GRIB PA LA MKHAS PA RNAM PAR BSHAD PA STON TO, ,'DI YANG BRTAG PA DANG LAN DU GSUNGS PAS BSTAN TO, ,'DI NI BRTAG PA'O, ,'DI LTA STE, YANG DAG PA JI LTA BA BZHIN DU DE DANG MI MTHUN PA'I PHYOGS SU GYUR PA, MTSAN MA DANG GNAS NGAN LEN GYIS KUN NAS NYON MONGS PA CAN DU GYUR PA'I SEMS DE 'GRIB PA DANG 'BRI BAR GYUR PA NI DE 'GRIBS SO BRI BAR GYUR TO ZHES RAB TU SHES PA GANG YIN PA DE NI SEMS KYI 'GRIB PA LA MKHAS PA ZHES BYA'O ZHES BYA BA NI GNYIS PA LAN DU GSUNGS PA STE, 'DI LTAR YANG DAG PA JI LTA BA BZHIN DU DE DANG MI MTHUN PAR GYUR PA'I 'CHING BA GNYIS KYIS KUN NAS NYON MONGS PA CAN DU GYUR PA'I SEMS 'GRIB PA DANG 'BRI BAR 'GYUR BA'I TSE, KUN NAS NYON MONGS PA CAN DU GYUR PA'I SEMS DANG MTSUNGS PAR LDAN PA'I LTA BA LA SOGS PA YANG 'GRIB CING, 'BRI BAR 'DU SHES BA GANG YIN PA DE NI 'GRIB PA LA MKHAS PA ZHES BYA'O ZHES BYA BA'I THA TSIG GO, ,'GRIB PA DANG, 'BRI BA LA BYE BRAG YOD PA YANG GONG DU BSTAN PA'I 'PHEL BA DANG BSAGS PA LAS BZLOG PAR RIG PAR BYA'O, ,JI LTAR NA THABS LA MKHAS PA YIN ZHEN ZHES BYA BA LA SOGS PAS NI DRUG PA THABS MKHAS PA'I RNAM PAR BSHAD PA STON TO, ,'DI YANG BRTAG PA DANG LAN DU GSUNGS PAS STON TO, ,'DI NI BRTAG PA'O, ,'DI LTA STE, YANG DAG PA JI LTA BA BZHIN DU RNAM PAR THAR PA DANG, ZIL GYIS GNON PA'I SKYE MCHED DANG, ZAD PAR GYI SKYE MCHED DAG SGOM PA'AM, ,YONGS SU BSAL BA RAB TU SHES PA ZHES BYA BA NI GNYIS PA LAN DU GSUNGS PA STE, 'DI LTAR YANG DAG PA JI LTA BA BZHIN DU, RNAM PAR THAR PA BRGYAD DANG, ZIL GYIS GNON PA'I SKYE MCHED BRGYAD DANG, ZAD PAR GYI SKYE MCHED BCU STE, RNAM PA GNYIS @234A *, ,PO 'DI DAG BSGOMS PA'I PHAN YON DANG, RNAM PA GSUM PO DE DAG GIS SGRIB PA YONGS SU BSAL BA RAB TU SHES PA NI THABS KYIS MNGON PAR SHES PA DANG, NYON MONGS PA MED PA LA SOGS PA YON TAN RNAM PA SNA TSOGS RAB TU 'DREN PAR BYED PA'I PHYIR THABS ZHES BYA'O, , YON TAN RNAMS RAB TU 'DREN PAR BYED PA YANG BSTAN PA RNAMS LAS SO SO NAS BSHAD PA MI MTHUN PAS BSTAN BCOS RNAM PAR BSHAD PA LAS NI RNAM PAR THAR PA BRGYAD LAS, RNAM PAR THAR PA LNGA PAS YON TAN RNAMS 'DREN PAR BYED DO ZHES BSHAD DO, ,DE'I PHYIR BSTAN BCOS DE NYID LAS 'PHAGS PA RNAMS KYIS MNGON BAR ZHEN PA SHES PA DANG, NYON MONGS PA MED PA DANG, SMON NAS SHES PA DANG, SO SO YANG DAG PAR RIG PA LA SOGS PA'I YON TAN RNAMS MNGON PAR BSGRUB PA'I PHYIR YANG RNAM SHES MTHA' YAS SKYE MCHED KYI RNAM PAR THAR PA MNGON DU BYED DO ZHES BSHAD DO, ,BSTAN BCOS RNAL 'BYOR SPYOD PA'I SA LAS NI BSHAD PA MI MTHUN PA RNAM PA GSUM 'BYUNG STE, BSHAD PA RNAM PA GCIG LAS, RNAM PAR THAR PA DANG POS NI ZIL GYIS GNON PA'I SKYE MCHED DANG, ZAD PAR GYI SKYE MCHED DANG, 'PHAGS PA RNAMS KYI RDZU 'PHRUL DANG NYON MONGS PA MED PA DANG, SMON NAS SHES PA DANG, SO SO YANG DAG PAR RIG PA LA SOGS PA MNGON PAR SGRUB PAR BYED DO ZHES BSHAD DO, ,GZHAN YANG DE NYID LAS GZUGS KYI ZAD PAR GYI SKYE MCHED BRGYAD YONGS SU DAG PA RNAMS KYIS NI 'PHAGS PA'I MOS PA DANG DNGOS PO YONGS SU BSGYUR BA'I RDZU 'PHRUL MNGON PAR SGRUB PAR BYED DO, ,ZAD PAR RNAM PAR SHES PA'I SKYE MCHED YONGS SU DAG PAS NI NYON MONGS PA MED PA DANG, SMON NAS SHES PA DANG, SO SO YANG DAG PAR RIG PA LA SOGS PA RNAMS MNGON PAR SGRUB PAR BYED DO, ,ZAD PAR NAM MKHA'I SKYE MCHED YONGS SU DAG PAS NI GANG 'DOD PA DE NAM MKHAR SGYUR BAR BYED DO ZHES BSHAD DO, ,GZHAN YANG DE NYID LAS RNAM PAR THAR PA DANG, ZIL GYIS GNON PA'I SKYE MCHED DANG, ZAD PAR GYI SKYE MCHED LA SOGS PA NI RDZU 'PHRUL GYIS MNGON PAR SGRUB PAR BYED DO ZHES BSTAN TO, ,RNAL 'BYOR SPYOD PA'I SA GTAN LA DBAB PA LAS KYANG GSUM @234B PO DAG MNGON PAR SGRUB PAR BYED PA YIN PAR BSTAN TO, ,RNAL 'BYOR SPYOD PA'I SA LAS DANG PO DAG NI GDON MI ZA BAR RNAM PAR THAR PA DANG PO KHO NAR DGONGS PAS DE'I PHYIR RNAL 'BYOR SPYOD PA'I SA LAS RE ZHIG RNAM PAR THAR PA LA BRTEN NAS, DE'I 'OG TU RIM GYIS ZAD PAR GYI SKYE MCHED SGOM PA MNGON PAR SGRUB PAR BYED PA BSTAN PA YIN TE, YANG DAG PA'I DON DU NA GSUM PO KUN GYIS KYANG, YON TAN RNAMS MNGON PAR SGRUB PAR BYED PAS, DE'I PHYIR BSTAN BCOS RNAL 'BYOR SPYOD PA'I SA LAS BSTAN PA'I BSHAD PA RNAM PA GCIG DANG, MDO 'DI NYID LAS GSUM PO KUN KYANG RDZU 'PHRUL LA SOGS PA MNGON PAR SGRUB PA BSTAN TO, ,RNAM PA GSUM PO DE DAG BYE BRAG YOD PA YANG BSTAN BCOS CHOS BYE BRAG TU BSHAD PA CHEN PO LAS, RNAM PAR THAR PA DANG, ZIL GYIS GNON PA DANG, ZAD PAR GYI SKYE MCHED LA BYE BRAG CI YOD CE NA SMRAS PA, MING DANG BYE BRAG YOD DE 'DI NI RNAM PAR THAR PA'O, ,'DI NI ZIL GYIS GNON PA'I SKYE MCHED DO, ,'DI NI ZAD PAR GYI SKYE MCHED DO ZHES ZER BAS SO, ,GZHAN YANG DGE BA'I RTZA BA CHUNG DU NI ZIL GYIS GNON PA'I SKYE MCHED CES BYA'O, ,DGE BA'I RTZA BA CHEN PO NI ZAD PAR GYI SKYE MCHED CES BYA'O, ,GZHAN YANG DGE BA'I RTZA BA CHUNG DU GANG YIN PA DE NI RNAM PAR THAR PA ZHES BYA'O, ,DGE BA'I RTZA BA CHEN PO GANG YIN PA DE NI ZIL GYIS GNON PA'I SKYE MCHED CES BYA'O, ,DGE BA'I RTZA BA TSAD MED PA GANG YIN PA DE NI ZAD PAR GYI SKYE MCHED CES BYA'O, ,GZHAN YANG RGYU GANG YIN PA DE NI RNAM PAR THAR PA ZHES BYA'O, , 'BRAS BU GANG YIN PA DE NI ZAD PAR GYI SKYE MCHED CES BYA'O, ,RGYU DANG 'BRAS BUR GTOGS PA GANG YIN PA DE NI ZIL GYIS GNON PA'I SKYE MCHED CES BYA'O,, ,,BAM PO LNGA BCU GCIG PA, BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS BCOM LDAN 'DAS KYIS JI SKAD DU PHUNG PO LHAG MA MED PA'I MYA NGAN LAS 'DAS PA'I DBYINGS SU TSOR BA THAMS CAD MA LUS PAR 'GAG PAR 'GYUR RO ZHES GANG GSUNGS PA LA, TSOR BA GANG DAG DER GTAN DU 'GAG PAR 'GYUR LAGS ZHES BYA BA 'DI MAN CHAD @235A *, ,NI BCO BRGYAD PA LHAG MA MED PA'I DBYINGS SU TSOR BA 'GAG PAR 'GYUR BA BSTAN PA'I SGO ZHES BYA BA STON TO, ,'DI YANG RNAM PA GNYIS SU DBYE STE, ZHU BA GSOL PA DANG, LAN DU GSUNGS PAS BSTAN TE, 'DI NI ZHU BA GSOL BA'O, ,MDO'I TSIG 'DI YANG RNAM PA GNYIS TE, ZHU BA GSOL BA'I BSTAN PA SMOS PA DANG, ZHU BA DE NYID YANG DAG PAR GSOL BA NYID DO, ,RIGS KYI BU MDOR BSDU NA TSOR BA RNAM PA GNYIS MA LUS PAR 'GAG PAR 'GYUR TE ZHES BYA BA 'DI MAN CHAD NI GNYIS PA DE BZHIN GSHEGS PAS YANG DAG PAR LAN DU GSUNGS PA STON TO, ,'DI YANG RNAM PA GNYIS TE, ZHUS PA BZHIN DU YANG DAG PAR RNAM PAR BSHAD PA DANG, DE'I PHYIR ZHES BYA BA MAN CHAD KYIS SPYI'I MJUG BSDU BA BSTAN PA'O, ,RNAM PAR BSHAD PA LA YANG RNAM PA GNYIS SU DBYE STE, GRANGS SMOS NAS LAN MDOR BSTAN PA DANG, BRTAG PA DANG, LAN DAG GIS RGYA CHER RNAM PAR BSHAD PA STE, 'DI NI DANG PO LAN MDOR GSUNGS PA'O, ,GNYIS GANG ZHE NA ZHES BYA BA LA SOGS PAS NI GNYIS PA BRTAG PA DANG LAN DAG GIS RGYA CHER BSHAD PA STON TO, ,'DI YANG BRTAG PA DANG LAN DU GSUNGS PA STE, 'DI NI BRTAG PA'O, ,GNAS NGAN LEN RIG PA DANG, DE'I 'BRAS BU YUL RIG PA'O ZHES BYA BA LA SOGS PAS NI RGYA CHER RNAM PAR BSHAD PA STON TO, ,'DI YANG RNAM PA GNYIS SU DBYE STE, TSOR BA RNAMS YANG DAG PAR BSTAN PA DANG, LHAG MA DANG BCAS BA ZHES BYA BA MAN CHAD KYIS GTAN DU 'GAG PAR 'GYUR BA BSTAN PA'O, ,DANG PO YANG RNAM PA GNYIS TE, TSOR BA RNAM PA GNYIS KYIS LAN MDOR GSUNGS PA DANG, GO RIMS BZHIN DU RNAM PAR PHYE NAS BSHAD PA STE 'DI NI DANG PO'O, ,TSOR BA GNYIS KYI BYE BRAG GI MTSAN NYID KYIS SO SO NAS BSHAD PA MI MTHUN PAS, KHA GCIG NA RE GNAS KYI GNAS NGAN LEN RIG PA ZHES BYA BA NI 'DI LTA STE, ZAG PA DANG BCAS PA'I RO MYANG BA DBANG PO DRUG PO DAG LA BRTEN NAS BYUNG BA GANG YIN PA'O, ,DBANG PO LAS MING THOB PAS NA GNAS ZHES MING BRJOD PA YIN NO, ,SGRIB PA GNYIS KYI SA BON GYI GNAS NGAN LEN GYI RJES SU 'BRANG BA'I PHYIR @235B GNAS KYI GNAS NGAN LEN RIG PA ZHES BYA'O, ,DE'I 'BRAS BU YUL RIG PA ZHES BYA BA NI 'DI LTA STE, PHYI ROL GYI YUL DRUG PO DAG NI NANG GI DBANG PO DRUG GI MTHU LAS SKYES PA'I PHYIR YUL DRUG BO DAG LA DE'I 'BRAS BU ZHES BYA'O, ,YUL RIG PA DE YANG DE DAG LA DMIGS NAS SKYES PA'I PHYIR DE'I 'BRAS BU YUL RIG PA ZHES BYA STE, YANG DAG PA'I DON DU NA TSOR BA GNYI GA YANG BDAG NYID BYE BRAG TU GYUR PA MED KYANG DBANG PO DANG YUL GYI RJES SU DON GYI TSOR BA GNYIS SU BSTAN PA YIN NO ZHE'O, ,KHA CIG NA RE GNAS KYI GNAS NGAN LEN RIG PA ZHES BYA BA NI 'DI LTA STE, SA BON GYI MYONG BA'O, ,DE'I 'BRAS BU YUL RIG PA ZHES BYA BA NI 'DI LTA STE, MNGON DU SPYOD PA MYONG BA'O, ,'DI LTAR ZAG PA DANG BCAS PA'I SA BON NI DA LTAR GYI 'BRAS BU'I RTEN BYAS PAS SO, ,YANG NA SGRIB PA GNYIS KYI SA BON GNAS NGAN LEN RJES SU 'BRANG BA'I PHYIR GNAS KYI GNAS NGAN LEN RIG PA ZHES GSUNGS SO, ,MNGON DU SPYOD PA MYONG BA GANG YIN PA DE NI SA BON GYI MYONG BA LAS BYUNG BA'I PHYIR DE'I 'BRAS BU YUL RIG PA ZHES BYA BA GSUNGS SO ZHE'O, ,KHA CIG NA RE DE LA GNAS KYI GNAS NGAN LEN RIG PA ZHES BYA BA NI NANG GI DBANG PO DRUG LA BRTEN NAS NANG GI RGYUD KYI DBANG PO DRUG DANG YUL LA DMIGS PA ZAG PA DANG BCAS PA GANG YIN PA DE NI RTEN DBANG PO DANG RJES SU 'BRANG BA'I CHOS LAS MING DU BTAGS PA YIN TE, 'DI LTAR DBANG PO DRUG LA BRTEN BAS SAM, YANG NA SGRIB PA GNYIS KYI SA BON GYI GNAS NGAN LEN RJES SU 'BRANG BA'I PHYIR RO, ,DE'I 'BRAS BU YUL RIG PA ZHES BYA BA NI 'DI LTA STE, PHYI ROL GYI YUL DRUG PO DAG DBANG PO DRUG PO DAG GI DBANG GIS 'BRAS BUR GYUR PA GANG YIN PA STE, DE'I PHYIR BSTAN BCOS CHOS MNGON PA SNA TSOGS KUN LAS BTUS PA LAS KYANG MIG LA SOGS PA'I DBANG PA DAG YONGS SU LONGS SPYOD PA'I MTHU'I PHYIR DBANG PO DRUG SKYES PAR GYUR TE ZHES BSHAD PAS TSOR BA GNYIS PO 'DI NI NANG GI DBANG PO DRUG LA BRTEN NAS PHYI ROL GYI YUL DRUG PO DAG LA DMIGS PAR BYED PAS YUL LAS MING THOB PA YIN PA'I PHYIR DE'I 'BRAS BU YUL RIG PA ZHES GSUNGS TE, ,DMIGS PA RNAM PA GNYIS LAS NI RANG GI NGO BO @236A *, ,NYID KYI MYONG BA DANG YUL GYI MYONG BA YIN NO ZHES ZER TE, ,DE LTAR RNAM PA GSUM DU BSHAD BA YOD KYANG 'DIR NI RE ZHIG GSUM PA DANG SBYAR RO, ,DE LA GNAS KYI GNAS NGAN LEN RIG PA NI RNAM PA BZHI YOD PAR RIG PAR BYA STE ZHES BYA BA 'DI MAN CHAD NI GNYIS PA GO RIMS BZHIN DU RNAM PAR PHYE STE BSHAD PA STON TO, ,'DI YANG RNAM PA GNYIS SU DBYE STE, GNAS KYI GNAS NGAN LEN RIG PA RNAM PAR BSHAD PA DANG, DE'I 'BRAS BU YUL RIG PA RNAM PAR BSHAD PA'O, ,DANG PO YANG RNAM PA GSUM STE, GRANGS SMOS PA DANG, GRANGS BZHIN DU MING BKOD PA DANG, GANG GO DKA' BA BZLAS TE BSHAD PA STE, 'DI NI DANG PO'O, ,GZUGS CAN GYI GNAS RIG PA DANG, GZUGS MED PA'I GNAS RIG PA DANG, 'BRAS BU GRUB PA'I GNAS NGAN LEN RIG PA DANG, 'BRAS BU MA GRUB PA'I GNAS NGAN LEN RIG PA'O ZHES BYA BA NI GNYIS PA GRANGS BZHIN DU MING BKOD PA'O, ,TSOR BA BZHI PO 'DI YANG SO SO NAS BSHAD PA MI MTHUN PAS 'DI LA YANG BSHAD PA RNAM PA GSUM YOD DE, DE LA SLOB DPON DANG PO'I BSHAD BA NI SLOB DPON GSUM PA'I BSHAD PA DANG MTHUN PAS DE'I PHYIR LOGS SHIG TU MA SMOS SO, ,SLOB DPON GNYIS PAS NI 'DI SKAD DU GZUGS CAN GYI GNAS RIG PA NI 'DI LTA STE, 'DOD PA'I KHAMS KYI TSOR BA'I SA BON GANG YIN PA'O, ,GZUGS MED PA'I GNAS RIG PA ZHES BYA BA NI 'DI LTA STE, GZUGS MED PA'I KHAMS KYI TSOR BA'I SA BON GANG YIN PA'O, ,'BRAS BU GRUB PA'I GNAS NGAN LEN RIG PA ZHES BYA BA NI 'DI LTA STE, DA LTAR 'BRAS BU 'BYIN PA'I SA BON GANG YIN PA'O, ,'BRAS BU MA GRUB PA'I GNAS NGAN LEN RIG PA ZHES BYA BA NI 'DI LTA STE, DA DUNG 'BRAS BU MA BYIN PA'I SA BON GANG YIN PA'O ZHES ZER RO, ,KHA CIG NA RE GZUGS CAN GYI GNAS RIG PA ZHES BYA BA NI 'DI LTA STE, RNAM PAR SHES PA'I TSOGS LNGA DANG MTSUNGS PAR LDAN PA'I TSOR BA GANG YIN PA'O, ,GZUGS MED PA'I GNAS RIG PA ZHES BYA BA NI 'DI LTA STE, YID KYI RNAM PAR SHES PA DANG MTSUNGS PAR LDAN PA'I TSOR BA GANG YIN PA'O, ,'DI DAG NI LUS DANG SEMS KYI TSOR BA'O, ,'BRAS BU GRUB PA'I GNAS @236B NGAN LEN RIG PA NI 'DI LTA STE, 'DAS PA'I MA RIG PA DANG, 'DU BYED LA SOGS PAS BSKYED PA DA LTAR GYI 'BRAS BU MYONG BA GANG YIN PA'O, ,'BRAS BU MA GRUB PA'I GNAS NGAN LEN RIG PA NI 'DI LTA STE, LAS DANG PO PA NYON MONGS PA DANG MTSUNGS PAR LDAN PA MA 'ONGS PA'I RGYU 'GOG PAR BYED, PA'I TSOR BA GANG YIN PA'O ZHES ZER TE, DE LTAR RNAM PA GSUM DU BSHAD PA YOD KYANG GSUM PA NI YANG DAG PA YIN TE, TSIG DANG DON GYI RJES SU MTHUN PA'I PHYIR RO, ,DE LA 'BRAS BU GRUB PA'I RIG PA NI 'DI LTA STE, DA LTAR GYI MYONG BA GANG YIN PA'O, ,'BRAS BU MA GRUB PA'I RIG PA NI 'DI LTA STE, MA 'ONGS PA'I RGYUR GYUR PA'I MYONG BA GANG YIN PA'O ZHES BYA BA NI GSUM PA GANG GO DKA' BA BZLAS TE BSHAD PA'O, ,'DI LTAR DANG PO GANG YIN PA DE NI SNGON GYI LAS KYIS THOB PA DA LTAR GYI 'BRAS BU MYONG BA'O, ,PHYI MA NI MA 'ONGS PA'I RNAM PAR SMIN PA MNGON PAR GRUB PA LAS DANG NYON MONGS PA DANG MTSUNGS PAR LDAN PA'I MYONG BA STE, MA 'ONGS PA'I 'BRAS BU'I RGYU DANG, MA 'ONGS PA'I RGYU'I TSOR BA'O, ,DE'I 'BRAS BU YUL RIG PA YANG RNAM PA BZHI YOD DO ZHES BYA BA LA SOGS PAS NI GNYIS PA DE'I 'BRAS BU YUL RIG PA RNAM PAR BSHAD PA'O, ,'DI YANG RNAM PA GNYIS TE, GRANGS SMOS PA DANG, GRANGS BZHIN DU MING BKOD PA STE 'DI NI DANG PO'O, ,GNAS RIG PA DANG, YO BYAD RIG PA DANG, LONGS SPYOD RIG PA DANG, LTOS PA RIG PA'O ZHES BYA BA NI GNYIS PA GRANGS BZHIN DU MING BKOD PA'O, ,TSOR BA BZHI PO DE DAG KYANG SO SO NAS BSHAD PA MI MTHUN PAS, KHA CIG NA RE TSOR BA BZHI PO 'DI DAG NI MNGON DU SBYOD PA DAG YIN TE, ,DE DAG BYE BRAG YOD PA YANG RNAM PA BZHI STE, DANG PO GNAS RIG PA NI 'DI LTA STE, SNOD KYI 'JIG RTEN LA DMIGS PA'I TSOR BA'O, ,GNYIS PA YO BYAD RIG PA NI 'DI LTA STE, 'CHI BA'I YO BYAD LA DMIGS PA'I TSOR BA'O, ,GSUM PA LONGS SPYOD PA'I RIG PA NI 'DI LTA STE, ,GOS DANG ZAS LA SOGS PA MNGON SUM DU LONGS SPYOD PA'I TSOR BA'O, ,GSUM PO 'DI DAG NI DA LTAR GYI YUL LA DMIGS PA'I TSOR BA'O, ,BZHI PA LTOS PA'I RIG PA NI 'DI LTA STE, 'DAS PA'I YUL @237A *, ,SNGA MA GSUM PO DAG LA DMIGS PA LAS BYUNG BA'I TSOR BA'O ZHES ZER RO, ,KHA CIG NA RE GNAS RIG PA NI SNOD KYI 'JIG RTEN LA DMIGS PA'I TSOR BA'O, ,YO BYAD RIG PA NI 'DI LTA STE, GOS DANG SMAN LA SOGS PA'I DMIGS PA'I TSOR BA'O, ,LONGS SPYOD RIG PA NI GNAS DANG YO BYAD GNYIS KYI TSOR BA BSDUS TE BSTAN PA'O, ,LTOS PA RIG PA NI TSOR BA DANG RDZAS LA LTA BA'I TSOR BA'O ZHE'O, ,KHA CIG NA RE GO RIMS BZHIN DU SNOD KYI 'JIG RTEN LA DMIGS PA DANG, GOS DANG SMAN LA SOGS PA'I DMIGS PA DANG, DA LTAR GYI LA DMIGS PA DANG, 'DAS PA LA DMIGS PA'O ZHES ZER RO, ,PHUNG PO LHAG MA DANG BCAS PA'I MYA NGAN LAS 'DAS PA'I DBYINGS SU NI 'BRAS BU MA GRUB PA'I RIG PA THAMS CAD 'GAGS PAS DE'I MI MTHUN PA'I PHYOGS RIG PA'I 'DUS TE REG PA LAS BYUNG BA'I TSOR BA YANG MYONG BA THUN MONG DU YOD PA YANG MYONG NGO, ,YANG NA DE'I 'BRAS BU GRUB PA'I TSOR BA'O, ,GZHAN YANG TSOR BA RNAM PA GNYIS THAMS CAD KYI THAMS CAD DU 'GAGS PAS RIG PA'I 'DUS TE REG PA LAS BYUNG BA'I TSOR BA 'BA' ZHIG MNGON DU MYONG NGO ZHES BYA BA 'DI MAN CHAD NI GNYIS PA GTAN DU 'GAG PAR 'GYUR BA STON TO, ,'DI YANG RNAM PA GNYIS TE, PHUNG PO LHAG MA DANG BCAS PAR GTAN DU 'GAG PAR 'GYUR BA BSTAN PA DANG, PHUNG PO LHAG MA MED PAR GTAN DU 'GAG PAR 'GYUR BAR BSTAN PA STE 'DI NI DANG PO'O, ,MDO'I TSIG 'DI YANG BSHAD PA'I RNAM GRANGS GNYIS YOD PAS SO SO NAS BSHAD PA MI MTHUN TE, KHA CIG NA RE 'BRAS BU MA GRUB PA'I RIG PA THAMS CAD 'GAGS PAS ZHES BYA BA NI RDO RJE LTA BU'I SEMS KYI TSE MA 'ONGS PA'I 'BRAS BU DANG, LAS DANG NYON MONGS PA DANG MTSUNGS PAR LDAN PA'I TSOR BA RNAMS SPONG ZHING 'GAG PAR 'GYUR BA'O, ,DE'I MI MTHUN PA'I PHYOGS RIG PA'I 'DUS TE REG PA LAS BYUNG BA'I TSOR BA YANG MYONG BA ZHES BYA BA NI LAS DANG NYON MONGS PA DE'I MI MTHUN PA'I PHYOGS ZAD PA DANG MI SKYE BA'I YE SHES DANG MTSUNGS PAR LDAN PA ZAG PA MED PA'I TSOR BA MYONG BA'O, ,THUN MONG DU YOD PA YANG MYONG NGO ZHES BYA BA NI THUN MONG DU YOD PA SNOD @237B KYI 'JIG RTEN RIG PA YANG MYONG BA STE, MDO LAS GNAS RIG PA ZHES GSUNGS PA NYID DO, ,MDOR BSDUS PAS NI YO BYAD RIG PA DANG LONGS SPYOD RIG PA'I TSOR BA GNYIS NAM GSUNGS SO, ,LTOS PA'I RIG PA NI MA GTOGS TE 'DOD CHAGS DANG MTSUNGS PAR LDAN PA'I PHYIR RO, ,YANG NA DE'I 'BRAS BU GRUB PA'I TSOR BA'O ZHES BYA BA NI 'DI LTAR 'BRAS BU GRUB PA'I TSOR BA NI GNAS NGAN LEN DANG BCAS PA DANG, GNAS NGAN LEN MED PAR YANG GTOGS LA MI SLOB PA'I RGYU LA NI GNAS NGAN LEN MED PA'I TSOR BA KHO NA YOD PAS DE'I PHYIR YANG NA ZHES BYA BA GSUNGS SO, ,MDOR BSDUS PAS GZHAN GZUGS CAN GYI GNAS RIG PA DANG, GZUGS MED PA'I GNAS RIG PA NI MI SLOB PA LA YANG 'BYUNG NGO ZHES NI MA GSUNGS SO, ,GZHAN YANG TSOR BA RNAMS PA GNYIS THAMS CAD KYI THAMS CAD DU 'GAGS PAS ZHES BYA BA NI 'DI LTAR GNAS KYI GNAS NGAN LEN RIG PA DANG, DE'I 'BRAS BU YUL RIG PA YANG SPANGS PAS SO, ,RIG PA'I 'DUS TE REG PA LAS BYUNG BA'I TSOR BA 'BA' ZHIG MNGON DU MYONG NGO ZHES BYA BA 'DI NI ZAG PA ZAD PA LA YOD PA'I TSOR BA RNAMS NI RIG PA'I 'DUS TE REG PA LAS BYUNG BA'I TSOR BA YIN NO ZHES BSTAN PA YIN NO ZHE'O, ,KHA CIG NA RE 'BRAS BU MA GRUB PA'I RIG PA THAMS CAD 'GAGS PAS ZHES BYA BA NI 'DI LTA STE, LHAG MA DANG BCAS PA'I MYA NGAN LAS 'DAS PA THOB PA NI MA 'ONGS PA'I TSOR BA MNGON PAR 'GRUB PA'I SA BON THAMS CAD 'GAG PAR 'GYUR BA'O, ,DE'I MI MTHUN PA'I PHYOGS RIG PA'I 'DUS TE REG PA LAS BYUNG BA'I TSOR BA YANG MYONG NGO ZHES BYA BA NI GNYEN POR GYUR PA'I LAM ZAG PA MED PA'I TSOR BA'O, ,THUN MONG DU YOD PA YANG MYONG ZHES BYA BA NI 'DI LTA STE, DE'I 'BRAS BU YUL RIG PA'O, ,YANG NA DE'I 'BRAS BU GRUB PA'I TSOR BA ZHES BYA BA NI 'DI LTA STE, MNGON DU SPYOD PAS DA LTAR 'BRAS BU SBYIN PA'I TSOR BA'O, ,GONG DU BSTAN PA DE DAG NI LHAG MA MED PAR MA ZHUGS PA DAG TSOR BA GSUM PO DE DAG DANG LDAN PAR BSTAN PA'O, ,GZHAN YANG TSOR BA RNAM PA GNYIS THAMS CAD KYI THAMS CAD DU 'GAGS PAS RIG PA'I 'DUS @238A *, ,TE REG PA LAS BYUNG BA'I TSOR BA 'BA' ZHIG MNGON PAR MYONG NGO ZHES BYA BA NI LHAG MA MED PAR ZHUGS PA'I TSE ZAG PA MED PA'I SEMS 'BA' ZHIG LHAG MA MED PA LA DMIGS PA'I PHYIR PHYIS THUN MONG DU YOD PA MYONG BA DANG, DE'I 'BRAS BU GRUB PA TSOR BA YANG 'GAGS NAS ZAG PA MED PA'I TSOR BA 'BA' ZHIG YOD PA'I PHYIR, GZHAN YANG TSOR BA RNAM PA GNYIS THAMS CAD KYI THAMS CAD DU 'GAGS PAS ZHES BYA BA GSUNGS SO, ,RIG PA'I 'DUS TE REG PA LAS BYUNG BA'I TSOR BA 'BA' ZHIG MYONG ZHES BYA BA 'DI NI RIG PA'I 'DUS TE REG PA ZAG PA MED PA 'BA' ZHIG GI DBANG DU MDZAD NAS DE SKAD DU BSTAN PA YIN NO ZHES ZER RO, ,GZHAN YANG MDO'I TSIG 'DI LA SLOB DPON DE GNYIS KYIS SNGA MA'I GZHUNG LAS GZHAN DU BSHAD DE, DANG PO NI 'DI SKAD DU LHAG MA DANG BCAS PA'I DBYINGS SU MA 'ONGS PA'I RGYU'I TSOR BA NI 'GAG PAR 'GYUR LA, TSOR BA GZHAN GSUM NI YOD DO ZHES BYA BA 'DI NI ZAG PA MED PA'I TSOR BA LA RIG PA'I 'DUS TE REG PA LAS BYUNG BA'I TSOR BA KHO NA NYID DU RNAM PAR GZHAG PA'I PHYIR TSOR BA GSUM YOD DO ZHES BSTAN TO ZHE'O, ,GNYIS PA NI 'DI SKAD DU MI SLOB PA'I GANG ZAG GI RGYUD LA YOD PA'I TSOR BA NI ZAG PA DANG BCAS PA DANG, ZAG PA MED PAR YANG GTOGS PAS SPYIR RIG PA'I 'DUS TE REG PA LAS BYUNG BA'I TSOR BA ZHES BYA STE, DON DE'I PHYIR LHAG MA DANG BCAS PA'I DBYINGS SU GZHAN YANG TSOR BA RNAM PA GNYIS THAMS CAD KYI THAMS CAD DU 'GAGS ZHES GSUNGS PA YIN TE, 'DI LTAR SNGA MA'I GNAS KYI GNAS NGAN LEN RIG PA DANG, DE'I 'BRAS BU YUL RIG PA'I TSOR BA GNYIS PO DE DAG THAMS CAD 'GAGS NAS MI SLOB PA'I GANG ZAG GI RIG PA'I 'DUS TE REG PA LAS BYUNG BA'I TSOR BA 'BA' ZHIG YOD PA'O ZHES ZER TE, SNGA MA'I BSHAD PA 'DI DAG NI BSAM DGOS SO, ,KHA CIG NA RE MDO'I TSIG 'DI LA RNAM GRANGS GNYIS KYI DON YOD PAS TSOR BA RNAM PA BRGYAD LAS LHAG MA DANG BCAS PA'I DBYINGS SU MYA NGAN LAS 'DAS PA NA 'BRAS BU MA GRUB PA'I TSOR BA 'BA' ZHIG 'GAG PAR 'GYUR TE, NYON MONGS PA DANG LDAN PA'I PHYIR DE'I MI @238B MTHUN PA'I PHYOGS RIG PA'I 'DUS TE REG PA LAS BYUNG BA'I TSOR BA MYONG ZHING YANG ZAG PA MED PA'I TSOR BA 'THOB PA'I PHYIR RO, ,THUN MONG DU YOD PA YANG MYONG NGO ZHES BYA BA NI 'DI LTA STE, TSOR BA RNAM PA BRGYAD LAS 'BRAS BU MA GRUB PA DANG, 'BRAS BU GRUB PA MA GTOGS PAR GZHAN DRUG PO DAG NI SO SO'I SKYE BO DANG 'PHAGS PA RNAMS THUN MONG DU YOD PA'I PHYIR THUN MONG DU YOD PA ZHES GSUNGS SO, ,JI LTAR MI SLOB PA LA YANG LTOS PA'I RIG PA YOD CE NA, SMRAS PA, LTOS PA NI RNAM PA GNYIS YOD DE, 'DOD CHAGS KYIS GCIG LA GCIG SEMS PA NI DGRA BCOM PAS SPANGS SO, , NYON MONGS PA MED PAS BSNGAGS PA BRJOD CING GCIG LA GCIG SEMS PA NI DGRA BCOM PA LNGA YANG YOD PA'I PHYIR THUN MONG DU YOD PA ZHES BYA BA GSUNGS SO, ,YANG NA THUN MONG DU YOD PA ZHES BYA BA NI TSOR BA LNGA PO KHO NA DANG LDAN PAS LTOS PA NI MA GTOGS TE, 'DOD CHAGS KYIS GCIG LA GCIG CHAGS PA'I PHYIR DANG GO SLA BA'I PHYIR MDOR BSDUS NAS MA BSTAN TO, ,YANG NA DE'I 'BRAS BU GRUB PA'I TSOR BA'O ZHES BYA BA 'DIS NI DGRA BCOM PA'I RGYUD LA YANG DA LTAR GYI 'BRAS BU MYONG BA YOD PA'I PHYIR RO, ,CI'I PHYIR TSOR BA 'DI THUN MONG DU YOD PA ZHES MI BYA ZHE NA, SMRAS PA, YANG DAG PA'I DON DU NA THUN MONG DU YOD PA MA YIN MOD KYI, SNGA MA'I 'BRAS BU MA GRUB PA'I TSOR BA LA LTOS NAS YOD PA DANG MED PA'I MTSUNGS PAS DE'I PHYIR LOGS SHIG TU BSTAN TO, ,GZHAN YANG TSOR BA RNAM PA GNYIS THAMS CAD KYI THAMS CAD DU 'GAGS PAS RIG PA'I 'DUS TE REG PA LAS BYUNG BA'I TSOR BA 'BA' ZHIG MNGON DU MYONG NGO ZHES BYA BA NI 'GREL PA DAG LAS BSHAD PA RNAM PA GNYIS YOD DO ZHES ZER TE, ,KHA CIG NA RE DGRA BCOM PA'I RGYUD LA YOD PA'I TSOR BA RNAMS NI BAG LA NYAL DANG BRAL BA'I PHYIR ZAG PA MED PA ZHES BYA STE, SNGAR GONG DU TSOR BA BRGYAD PO DAG NI GCIG TU ZAG PA DANG BCAS PA ZHES BSTAN PA'I PHYIR THAMS CAD MED CES BSTAN TO, ,DE LA RNAM PA GNYIS ZHES BYA BA NI SNGAR BSTAN PA'I RTZA BA'I TSOR BA GNYIS TE, TSOR BA BRGYAD PO DAG BSDUS PA'O ZHE'O, ,KHA CIG NA RE SEMS MED PA'I TING NGE 'DZIN LA SNYOMS PAR ZHUGS PA'I TSE, TSOR BA GZHAN BRGYAD PO DAG 'GAG PAR 'GYUR TE, ZAG PA @239A *, ,MED PA'I TSOR BA YOD DO ZHES GSUNGS PA NI SEMS MED PA'I SNYOMS PAR 'JUG PA'I NYE BA'I SBYOR BA YIN PA'I PHYIR, BTAGS BCAM DU 'GAG PAR MI 'GYUR ZHES GSUNGS KYI YANG DAG PA'I DON DU 'GAG PAR MI 'GYUR BA MA YIN NO ZHE'O, ,PHUNG PO LHAG MA MED PA'I MYA NGAN LAS 'DAS PA'I DBYINGS SU MYA NGAN LAS 'DAS PA'I TSE NI DE YANG GTAN DU 'GAG PAR 'GYUR TE ZHES BYA BA NI GNYIS PA LHAG MA MED PA'I DBYINGS SU GTAN DU 'GAG PAR 'GYUR BA STON TO, ,'DI LTAR LHAG MA MED PA'I DBYINGS SU RIG PA'I 'DUS TE REG PA LAS BYUNG BA'I TSOR BA DE YANG 'GAG PAR 'GYUR BA'AM, YANG NA GONG DU BSTAN PA'I THUN MONG DU YOD PA'I TSOR BA LA SOGS PA YANG 'GAG PAR 'GYUR BA'O, ,DE'I PHYIR PHUNG PO LHAG MA MED PA'I MYA NGAN LAS 'DAS PA'I DBYINGS SU TSOR BA THAMS CAD MA LUS PAR GTAN DU 'GAG PAR 'GYUR RO ZHES BSHAD PA YIN NO ZHES BYA BA NI GNYIS PA SPYI'I MJUG BSDU BA YIN PAR RIG PAR BYA'O, ,DE NAS BCOM LDAN 'DAS KYIS DE SKAD CES BKA' STZAL NAS YANG BYANG CHUB SEMS DPA' BYAMS PA LA 'DI SKAD CES BKA' STZAL TO, ,LEGS SO LEGS SO RIGS KYI BU KHYOD KYIS DE 'DIR YONGS SU RDZOGS PA DANG, SHIN TU YONGS SU DAG PA DANG, SHIN TU GYA NOM PA'I RNAL 'BYOR GYI LAM LAS BRTZAMS NAS DE BZHIN GSHEGS PA LA DRI BA DRIS BAS KHYOD RNAL 'BYOR LA SHIN TU RNAM PAR NGES SHING SHIN TU MKHAS PAR 'GYUR RO ZHES BYA BA LA SOGS PAS NI GONG DU TSIGS RKYANG PAS RGYA CHER BSHAD PA LA RNAM PA GNYIS SU PHYE STE, ZHI GNAS DANG LHAG MTHONG GI MTSAN NYID RGYA CHER RNAM PAR BSHAD PA DANG, MJUG BSDU ZHING BSGRUB PAR BSKUL BA'O ZHES BSTAN PA LAS, DE YAN CHAD DU ZHI GNAS DANG LHAG MTHONG GI MTSAN NYID BSTAN NAS, 'DI MAN CHAD NI GNYIS PA MJUG BSDU ZHING BSGRUB PAR BSKUL BA ZHES BYA BA STON TO, ,'DI YANG RNAM PA GSUM DU DBYE STE, ZHU BA GSOL BA LA PHAN YON YOD PAR BSNGAGS PA DANG, NGAS KYANG ZHES BYA BA MAN CHAD SANGS RGYAS RNAMS KYIS MTSUNGS PAR GSUNGS PA NYID DU BSTAN PA DANG, RIGS KYI BU ZHES BYA BA MAN CHAD KYIS BSGRUB PAR BSKUL BA BSTAN PA'O, ,'DI NI DANG PO MDO NYID KYIS BRDA @239B PHRANG [?] BAR ZAD DO, ,NGAS KYANG KHYOD LA YONGS SU RDZOGS PA DANG, SHIN TU YONGS SU DAG PA DANG, GYA NOM PA'I RNAL 'BYOR GYI LAM BSTAN PA STE, 'DAS PA DANG MA 'ONGS PA'I YANG DAG PAR RDZOGS PA'I SANGS RGYAS JI SNYED PA THAMS CAD KYIS KYANG DE LTAR BSTAN PA DANG, STON PAR 'GYUR RO ZHES BYA BA NI GNYIS PA SANGS RGYAS RNAMS KYIS MTSUNGS PAR GSUNGS PA NYID DU STON TO, ,'DI LTA STE, NGAS ZHI GNAS DANG LHAG MTHONG GI LAS GYA NOM PA GSUNGS PA DE YANG 'BA' ZHIG GIS DE SKAD DU BSTAN PA NI MA YIN GYI, DUS GSUM GYI SANGS RGYAS RNAMS KYIS KYANG DON DE DE SKAD DU MTSUNGS PAR GSUNGS SO ZHES BYA BA'I THA TSIG GO, ,RIGS KYI BU DANG RIGS KYI BU MO RNAMS KYIS KYANG 'DI LA BRTEN NAS, SHIN TU BRTZON PAS YANG DAG PAR BSGRUB PA'I RIGS SO ZHES BYA BA NI GSUM PA BSGRUB PAR BSKUL BA STE, MDO NYID KYIS BRDA PHRAD PAR ZAD DO, ,DE NAS BCOM LDAN 'DAS KYIS DON DE NYID YANG DAG PAR BSTAN PA'I PHYIR, TSIGS SU BCAD PA 'DI DAG GSUNGS SO ZHES BYA BA LA SOGS PAS NI LE'U 'DI LA GONG DU ZHI GNAS DANG LHAG MTHONG YANG DAG PAR BSHAD PA DANG, BKA' BZHIN DU BSGRUB PAR RAB TU BSTAN PA ZHES BYA BA RNAM PA GNYIS SU PHYE STE BSTAN PA LA, YANG DAG PAR BSHAD PA YANG RNAM PA GNYIS TE, TSIG RKYANG PAS RGYA CHER BSHAD PA DANG, TSIGS SU BCAD PAS MDOR BSTAN PA'O ZHES BSTAN PA LAS 'DI NI TSIGS SU BCAD PAS MDOR BSTAN PA'O, ,YANG NA LE'U 'DI GCIG LA MDOR BSDU BA NA RNAM PA GSUM DU DBYE STE, TSIG RKYANG PAS RGYA CHER BSHAD PA DANG, TSIGS SU BCAD PAS BZLAS TE BSHAD PA DANG, BKA' BZHIN DU SGRUB PAR BYED PAS BSTAN PAR SBYAR BA LAS, 'DI NI GNYIS PA TSIGS SU BCAD PA BZLAS TE BSHAD PA'O, ,'DI YANG RNAM PA GNYIS SU DBYE STE, TSIGS SU BCAD PA'I GLENG BSLANG BA DANG, TSIGS SU BCAD PA NYID KYIS BZLAS TE BSHAD PA STE 'DI NI DANG PO'O, ,CHOS GDAGS RNAM GZHAG RNAL 'BYOR DAG LA NI, ,GANG ZHIG BAG MED SPYOD PA DON CHEN NYAMS, ,CHOS DANG RNAL 'BYOR 'DI LA BRTEN NAS NI, ,YANG DAG SGRUB NA BYANG CHUB CHEN PO 'THOB, ,CES BYA BA 'DI MAN CHAD NI GNYIS PA @240A *, ,TSIGS SU BCAD PA SMOS NAS YANG DAG PAR BSHAD PA STON TO, ,'DI YANG TSIGS SU BCAD PA LNGA PA YOD PA NYID LAS RNAM PA LNGAR DBYE STE, DE YANG TSIGS SU BCAD PA DANG PO GCIG GIS NI CHOS DANG, RNAL 'BYOR GYI RJES SU MTHUN PA DANG 'GAL BA'I YON TAN DANG NYES DMIGS BSTAN TO, ,DE'I 'OG MA TSIGS SU BCAD PA GNYIS PAS NI DMIGS PA DANG BCAS PA'I NYES DMIGS BSTAN TO, ,TSIGS SU BCAD PA GSUM PAS NI SEMS CAN LA PHAN 'DOGS PA DANG ZANG ZING SPANGS PA'I YON TAN BSTAN TE, ,TSIGS SU BCAD PA BZHI PAS NI 'DOD PAS CHOS STON PA'I NYES DMIGS BSTAN TO, ,TSIGS SU BCAD PA LNGA PAS NI MNGON PAR ZHEN PA SPANGS PA DANG SEMS CAN LA PHAN 'DOGS PA'I PHAN YON BSTAN TO, ,'DI NI DANG PO CHOS DANG RNAL 'BYOR LA BRTEN NAS RJES SU MTHUN PA DANG 'GAL BA'I PHAN YON DANG NYES DMIGS BSTAN PA STE, 'DI LTAR GSUNG RAB YAN LAG BCU GNYIS PO CHOS GDAGS PA RNAM PAR GZHAG PA LAS BSTAN PA'I RNAL 'BYOR ZHI GNAS DANG LHAG MTHONG GI LAM DAG LA GANG ZHIG BAG MED PAR GYUR NA, DON CHEN PO MYA NGAN LAS 'DAS PA'I 'BRAS BU LAS RAB TU NYAMS PAR 'GYUR LA, GAL TE BSTAN PA 'DI DANG ZHI GNAS DANG LHAG MTHONG LA BRTEN NAS YANG DAG PAR SGRUB PAR BYED NA BYANG CHUB CHEN PO THOB PAR 'GYUR RO ZHES BSTAN PA'O, ,DMIGS BCAS LTA BAS BGEGS LAS THAR TSOL ZHING, LTA BA DE YIS CHOS THOB GANG ZER BA, ,BYAMS PA DE DAG RNAL 'BYOR LAS NI RING, ,DPER NA GNAM SA RING BA JI BZHIN NO, ,ZHES BYA BA NI GNYIS PA DMIGS PA DANG BCAS PA'I NYES DMIGS STON TO, ,'DI LTAR ZHI GNAS DANG LHAG MTHONG LA BRTEN NAS YONGS SU TSOL NA DMIGS PA DANG BCAS PA'I LTA BA NYID DU 'GYUR TE, GAL TE DE LTA BA DE NYID LA MNGON PAR ZHEN NAS CHOS THOB PA YIN NO SNYAM DU SEMS SHING 'KHOR BA'I BGEGS LAS THAR BA YIN NO ZHES ZER NA, RNAL 'BYOR GYI LAM THAG RING BAR GYUR PA YIN TE, DPER NA GNAM SA JI LTA BA BZHIN NO, ,DE'I PHYIR 'PHAGS PA KHYAD PAR SEMS KYIS ZHUS PA'I MDO LAS, JI TZAM DU SEMS KYIS CHOS RNAMS RNAM PAR RTOG PA GANG YIN PA DE NI LOG PA'O, ,SEMS @240B KYIS CHOS RNAMS LA RNAM PAR MI RTOG PA GANG YIN PA DE NI YANG DAG PA'O ZHES GSUNGS SO, ,BSTAN BCOS BYE BRAG TU BSHAD PA CHEN PO LAS KYANG, GNAM SA RAB TU THAG RING STE, ,RGYA MTSO'I PHA MTHA' DAG KYANG RING, ,NYI MA 'CHAR NUB GNAS THAG RING, ,YANG DAG LOG CHOS RING LAS RING, ,ZHES 'BYUNG STE, MDO 'DI LAS NI DPE DANG PO KHO NA GSUNGS PA YIN NO, ,SEMS CAN DON LA BRTAN PAS LAM RIG NAS, ,BRTZON PAS SEMS CAN PHAN 'DOGS BYED PA YIN, ,BLO LDAN BSKAL PA MTHAR THUG TSAD BYED NA, ,ZANG ZING MED PA'I DGA' BA DAM PA 'THOB, ,ZHES BYA BA NI GSUM PA SEMS CAN LA PHAN 'DOGS PA DANG, ZANG ZING MED PA'I YON TAN STON TO, ,'DI LTAR BYANG CHUB SEMS DPA' RNAMS SEMS CAN LA PHAN 'DOGS PA NI SNYING RJE CHEN PO BRTAN PAR GYUR PAS 'DI SNYAM DU SEMS TE BDAG NI PHAN 'DOGS PA'O, ,DE NI PHAN GDAGS PAR BYA BA MED DO SNYAM DU DON DE LTA BUR RIG PAR GYUR NAS NGES SEMS CAN LA PHAN 'DOGS PA'I BYA BA DAG LA BSKAL PA'I MTHA' JI SRID PAR BRTZON PAS NA, ZANG ZING MED PA'I DGA' BA THOB PAR 'GYUR TE, DE'I PHYIR BSTAN BCOS SA YONGS SU 'DZIN PA LAS, BYANG CHUB SEMS DPA' RNAL 'BYOR PA NI DNGOS PO RJES SU 'DZIN CING DE BZHIN NYID RJES SU 'DZIN PAR BYED KYANG 'DI SNYAM DU 'DI NI DNGOS PO'O, ,'DI NI DE BZHIN NYID DO SNYAM DU MI SEMS TE ZHES BYA BA LA SOGS PA ZHIB TU 'BYUNG STE, 'DIR ZHIB TU MA BRJOD DO, ,GANG DAG 'DOD PHYIR CHOS KYI LUNG 'BOGS PA, ,DE NI 'DOD PAS 'DOD PHYIR LEN ZHES BYA, ,RMONGS PAS RIN THANG MED PA'I RIN PO CHE, ,THOB NAS PHYIR YANG SPRANG POR 'GYUR BAR BYED, ,CES BYA BA NI BZHI PA 'DOD PAS CHOS STON PA'I NYES DMIGS STON TO, ,GAL TE LA LA ZHIG GRAGS PA DANG RNYED PA YONGS SU TSOL BA GZHAN DAG LA CHOS STON PAR BYED NA, 'DOD PA SPANGS NAS PHYIR 'DOD PA LEN PA'I CHOS STON PA ZHES BYA BAS, DE NI TSIG GI SGO NAS 'DOD PA SPANGS KYANG SEMS RNYED PA LA CHAGS PAS NI PHYIR 'DOD PA LEN PA ZHES BYA STE, BSTAN BCOS SHIN TU RGYAS PAR BRGYA PA LAS, ,BAG MED PA DANG TSUL KHRIMS YONGS SU MA DAG PA LA SMAD PA'I TSIGS SU BCAD PA LAS JI SKAD DU, JI LTAR RANG BZHIN @241A *, ,PHAN TSUN REG PA DANG, ,MDUN DU KHRID NA PHYIR YANG 'THEG NA PA LTAR, ,KHYOD KYIS 'DOD PHYIR TSUL KHRIMS BSRUNG BA YI, ,DNGOS PO DE DAG KYANG NI DE BZHIN TE, ,LUS KYIS TSUL KHRIMS SRUNG BAR BYED KYANG NI, ,SEMS NI 'DOD PA DAG GIS RAB TU KHRID, ,LAS 'DI YONGS SU DAG PA MA YIN NA, ,TSUL KHRIMS BSRUNGS PA DE YIS CI ZHIG BYA, ,ZHES BSTAN PA LTA BU STE DE BZHIN DU RMONGS PA GCIG GIS, 'DI LTAR CHOS KYI RIN PO CHE RIN THANG MED PA THOB NA YANG BLA NA MED PA YANG DAG PAR RDZOGS PA'I BYANG CHUB MI GNYER BAS PHYIR 'JIG RTEN PA'I GRAGS PA DANG RNYED PA TSOL BA DAG NI, DPER NA 'JIG RTEN PA'I GANG ZAG BLUN POS RIN THANG MED PA'I RIN PO CHE THOB KYANG SLAR SPRANG PO BYED PA BZHIN NO ZHES BYA BA'I THA TSIG GO, ,BSHAD PA'I RNAM GRANGS GZHAN DU NA GANG LA LA ZHIG STONG PA NYID BLANG BA'I PHYIR CHOS STON PA DAG NI YOD PA SPANGS NAS STONG PA LA MNGON PAR ZHEN PA ZHES BYA STE, GANG ZAG BLUN PO DE NI CHOS KYI RIN PO CHE RIN THANG MED PA THOB KYANG, GSUNG RAB KYI DGONGS TE GSUNGS PA KHONG DU MA CHUD PAS STONG PA NYID DU MNGON PAR ZHEN PA SKYED PAR BYED DO ZHES BSTAN TO, ,RTZOD DANG 'DU 'DZIN SPROS LA MNGON ZHEN PA, ,RNAM PAR SPONG LA BRTZON 'GRUS MCHOG BSKYED DE, ,LTAR BCAS PI YI 'JIG RTEN BSGRAL BA'I PHYIR, ,RNAL 'BYOR 'DI LA KHYOD KYIS BA SLAB PAR GYIS, ,ZHES BYA BA LNGA PA MNGON PAR ZHEN PA SPANGS PA DANG, SEMS CAN LA PHAN 'DOGS PA'I YON TAN BSTAN TO, ,RTZOD PA DANG 'DU 'DZIN DANG, SPROS PA'I MNGON PAR ZHEN PA RNAM PAR SPANG PA'I CHED DU BRTZON 'GRUS MCHOG BSKYED DE, 'JIG RTEN PA RNAMS YONGS SU BA ZLA BA'I PHYIR NAN TAN GYIS ZHI GNAS DANG LHAG MTHONG BSGOM PAR BYA'O ZHES BYA BA'I THA TSIG GO, ,DE NAS BYANG CHUB SEMS DPA' BYAMS PAS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS DGONGS PA ZAB MO RNAM PAR NGES PA'I 'GREL PA'I CHOS KYI RNAM GRANGS 'DIR BSTAN PA 'DI'I MING CI LAGS, BDAG GIS JI LTAR GZUNG BAR BGYI ZHES BYA BA 'DI MAN CHAD NI GSUM PA BKA' BZHIN DU SGRUB PA'I PHYOGS ZHES BYA BA STON TO, ,'DI YANG RNAM PA GNYIS TE, ZHU BA @241B GSOL BA DANG, LAN DU GSUNGS PA'O, ,'DI NI 'PHAGS PA BYANG CHUB SEMS DPA' BYAMS PAS DE BZHIN GSHEGS PA LA ZHU BA GSOL BA'O, ,ZHU BA GSOL BA LA YANG DGONGS PA RNAM PA GNYIS YOD DE, BSTAN PA'I MING ZHUS PA DANG, JI LTAR GZUNG BA ZHUS PA'O, ,BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL PA, RIGS KYI BU 'DI NI RNAL 'BYOR NGES PA'I DON BSTAN PA ZHES BYA STE, RNAL 'BYOR NGES PA'I DON BSTAN PA 'DI LA KHYOD KYIS BSLAB PAR BYA'O ZHES BYA BA NI GNYIS PA ZHUS PA'I LAN DU YANG DAG PAR GSUNGS PA'O, ,'DI YANG RNAM PA GNYIS SU DBYE STE, ZHUS PA RNAM PA GNYIS KYI LAN YANG DAG PAR BSTAN PA DANG, RNAL 'BYOR NGES PA'I DON BSTAN PA 'DI BSHAD PA NA ZHES BYA BA MAN CHAD BSTAN PA GSUNGS PA'I PHAN YON KHYAD PAR DU 'PHAGS PA BSTAN PA TSE, 'DI NI DANG PO'O, ,RNAL 'BYOR NGES PA'I DON BSTAN PA 'DI BSHAD PA NA 'KHOR 'DUS PA CHEN PO DE LAS SROG CHAGS DRUG 'BUM NI BLA NA MED PA YANG DAG PAR RDZOGS PA'I BYANG CHUB TU SEMS SKYES SO, ,NYAN THOS SUM 'BUM NI RDUL SPANGS NAS DRI MA DANG BRAL TE, CHOS RNAMS LA CHOS KYI MIG RNAM PAR DAG PA THOB PAR GYUR TO, ,NYAN THOS 'BUM LNGA KHRI NI ZAG PA RNAMS YONGS SU ZAD NAS SEMS RNAM PAR GROL BA THOB PAR GYUR TO, ,BYANG CHUB SEMS DPA' BDUN KHRI LNGA STONG GIS NI RNAL 'BYOR YANGS SHING RGYA CHE BA'I YID LA BYED PA THOB PAR GYUR TO ZHES BYA BA NI GNYIS PA BSTAN PA GSUNGS PA'I PHAN YON KHYAD PAR DU 'PHAGS PA STON TO, , PHAN YON YANG RNAM PA BZHI YOD DE, BYANG CHUB TU SEMS BSKYED PA DANG, RDUL SPANGS NAS DRI MA DANG BRAL TE CHOS KYI MIG RNAM PAR DAG PA THOB PA DANG, ZAG PA RNAMS GTAN DU ZAD NAS SEMS RNAM PAR GROL BAR GYUR PA'I PHAN YON TE, PHAN YON 'DI GSUM NI GONG DU BSTAN PA BZHIN NO, BZHI PA RNAMS 'BYOR YANGS SHING RGYA CHE BA'I YID LA BYED PA THOB PA ZHES BYA BA NI GANG ZAG DANG CHOS STONG PA NYID RNAM PA GNYIS PO GANG YIN PA DE NI YANG SA SHING RGYA CHE BA ZHES BYA STE, BSTAN BCOS THEG PA CHEN PO BSDUS PA LAS JI SKAD DU ZHI GNAS DANG LHAG MTHONG GI LAM GNYIS NI RNAL 'BYOR ZHES @242A *, ,BYA'O ZHES BSTAN PA LTA BU'O, ,GNAS DRUG BSTAN PA'I MDO LAS NI 'DI LTA TSE, BYANG CHUB SEMS DPA' DES STONG PA NYID RNAM PA GNYIS LA DMIGS PA'I ZHI GNAS DANG, LHAG MTHONG THOB PA'I PHYIR RNAL 'BYOR YANGS SHING RGYA CHE BA'I YID LA BYED PA ZHES BYA'O ZHES GSUNGS SO, , BSTAN BCOS RNAL 'BYOR SPYOD PA'I SA LAS NI, LNGA PO 'DI DAG NI SANGS RGYAS DANG BYANG CHUB SEMS DPA' RNAMS KYIS SEMS CAN RNAMS LA CHOS BSTAN PA'I 'BRAS BU'I PHAN YON RGYA CHE BA YIN PAR RIG PAR BYA STE, LNGA GANG ZHE NA, DE DAG LAS SEMS CAN KHA CIG NI DAM PA'I CHOS BSTAN PA DE NYID KYI TSE CHOS RNAMS LA CHOS KYI MIG RDUL MED CING DRI MA DANG BRAL BA SKYES PAR 'GYUR RO, ,DE NAS SEMS CAN KHA CIG NI DAM PA'I CHOS BSTAN PA'I MDO LA ZAG PA ZAD PA THOB PAR 'GYUR RO, ,DE DAG LAS SEMS CAN KHA CIG NI BLA NA MED PA YANG DAG PAR RDZOGS PA'I BYANG CHUB TU SEMS SKYED PAR BYED DO, ,DE DAG LAS SEMS CAN KHA CIG NI DAM PA'I CHOS THOS PA DE NYID KYI MOD LA BYANG CHUB SEMS DPA'I BZOD PA'I MCHOG THOB PAR 'GYUR RO, ,DE DAG LAS SEMS CAN KHA CIG NI SANGS RGYAS DANG BYANG CHUB SEMS DPA' RNAMS KYIS DAM PA'I CHOS BSTAN PAS LUNG 'BOGS PA DANG, KHA TON BYED PA DANG, YANG DAG PAR SGRUB CING GCIG NAS GCIG TU BRGYUD PA'I TSUL GYIS DAM PA'I CHOS KYI TSUL YUN RING DU GNAS PAR BYED PAR 'GYUR RO ZHES 'BYUNG NGO, ,BSTAN BCOS MDO SDE'I RGYAN LAS NI, BYANG CHUB SEMS DPA' CHOS 'CHAD PAS 'BRAS BU RNAM PA LNGA 'THOB PAR 'GYUR TE, CHOS NYAN PA DAG BYANG CHUB TU SEMS BSKYED PAR 'GYUR BA DANG, MI SKYE BA'I CHOS LA BZOD PA DANG, CHOS RNAMS LA RDUL SPANGS NAS DRI MA DANG BRAL TE CHOS KYI MIG RNAM PAR DAG PA 'THOB PA DANG, ZAG PA ZAD PA RNAMS 'THOB PA DANG, DAM PA'I CHOS YUN RING DU GNAS PA DANG, DON MA BSLABS PA RNAMS DON 'THOB PA DANG, THE TSOM MA BCAD PA RNAMS THE TSOM CHAD PAR 'GYUR BA DANG, THE TSOM CHAD PA RNAMS YANG DAG PA'I CHOS SGRIB PA MED PA'I DGA' BA CHEN PO'I ROL YONGS SU LONGS SPYOD PAR 'GYUR BA'O ZHES BSHAD DO, ,MDO 'DI LAS NI PHAN YON RNAM PA BZHI @242B YOD PAR GSUNGS TE, RNAL 'BYOR YID LA BYED PA ZHES BYA BA NI BYANG CHUB SEMS DPA' MI SKYE BA'I BZOD PA NYID LA BYA'O,, ,,BAM PO LNGA BCU GNYIS PA, DGONGS PA ZAB MO RNAM PAR DGROL BA'I MDO LAS SA DANG PHA ROL DU PHYIN PA'I LE'U STE BDUN PA'O ZHES BYA BA LA 'DI YANG SGO RNAM PA GSUM DU PHYI NA SA BSTAN TE, LE'U 'DI NYID KYI MING BSTAN PA DANG, GO RIMS BZHIN DU DGONGS PA BSTAN PA DANG, TSIG GI DON YANG DAG PAR BSHAD PA'O, ,DE LA LE'U 'DI NYID KYI MING BSTAN PA NI, RGYA GAR SKAD DU, BH'U MI ZHES BYA BA BSGYUR NAS ZHES ZER TE, 'DI LTA STE, SA RAB TU DGA' BA LA SOGS PAS BCU GCIG PO DAG SKYE BA LA SOGS PA'I DON DANG LDAN PA'I PHYIR SA ZHES BYA'O, ,SA ZHES BYA BA'I DON DE YANG BSTAN PA RNAMS LAS SO SO NAS BSHAD PA MI MTHUN TE, KHA CIG LAS NI DON RNAM PA GCIG GIS SA ZHES BYA BA STON TE, MI'I RGYAL POS ZHUS PA'I MDO LAS JI SKAD DU, RIGS LA 'JUG PA'I SHES RAB GANG YIN PA DE NI GNAS PA ZHES BYA'O, ,GNAS PA LAS NI YON TAN RNAMS SKYE BAS SA ZHES BRJOD DO ZHES GSUNGS PA LTA BU'O, ,GNAS BCU PA'I BSHAD PA LAS DGE BA'I RTZA BA RIM PAR GNAS PA'I GNAS GANG YIN PA DE NI SA ZHES BYA'O ZHES BSHAD DO, ,SLOB DPON NGO BO NYID MED KYIS BYAS PA'I THEG PA CHEN PO BSDUS PA'I 'GREL PA LAS, CHOS BDAG MED PA'I SHES PA'I GNAS SKABS GANG YIN PA DE NI SA ZHES BYA'O ZHES BSHAD PA'O, ,BSTAN BCOS RNAL 'BYOR SPYOD PA'I SA LAS, MYA NGAN LAS 'DAS PA SDUD CING 'DZIN PA'I PHYIR SA ZHES BYA'O ZHES BSHAD PA'O, KHA CIG LAS NI DON RNAM PA GNYIS NI SA ZHES BYA'O ZHES BSHAD DE, SNGON GYI LAS BSTAN PA'I MDO LAS JI SKAD DU, SANGS RGYAS KYI SA NI YON TAN BRGYA STON GRANGS MED PA 'DZIN PAR BYED PAS SKYE BA ZHES BYA'O, ,RGYU DANG 'BRAS BU THAMS CAD MNGON PAR 'GRUB PAR BYED PA'I PHYIR SA ZHES BYA'O ZHES GSUNGS PA LTA BU'O, ,BSTAN BCOS RNAM PAR RIG PA TZAM DU GRUB PA LAS NI RNAL 'BYOR BA'I GNAS DANG YONGS SU 'DZIN PA MCHOG TU GYUR CING SKYE ZHING 'PHEL BAR BYED PA'I PHYIR SA ZHES BYA'O ZHES 'BYUNG STE, DE YANG GNAS SU GYUR PA'I PHYIR NI SKYE BA ZHES BYA'O, ,YONGS SU @243A *, ,'DZIN PA'I PHYIR NI 'PHEL BZHES BYA'O, ,KHA CIG LAS NI DON RNAM PA GSUM GYIS NAS ZHES BYA'O ZHES BSHAD DE, 'PHAGS PA SANGS RGYAS KYI SA'I 'GREL PA LAS JI SKAD DU, SA NI 'DI LTA STE, GNAS DANG SPYOD PAR BYED PA DANG BSDU BA GANG YIN PA'O, ,DE NI DE BZHIN NYID DANG YE SHES BZHI PO DAG NI LONGS SPYOD DANG, DGONGS PA RO GCIG PA LA SOGS PA'I DNGOS PO NI SANGS RGYAS KYI GNAS DANG, SPYOD YUL DANG BSDU BA YIN PA'I PHYIR SANGS RGYAS KYI SA ZHES BYA'O ZHES 'BYUNG STE, DE LA GNAS ZHES BYA BA NI DE BZHIN NYID DO, ,SPYOD PAR BYED PA ZHES BYA BA NI YE SHES BZHI PO DAG STE SPYOD PA DANG LDAN PA'I PHYIR RO, ,BSDU BA ZHES BYA BA NI YE SHES BZHI DANG MTSUNGS PAR LDAN PA'I SEMS DANG SEMS LAS BYUNG BA LA SOGS PA'O, ,KHA CIG LAS NI DON RNAM PA BZHIS SA ZHES BYA'O ZHES BSHAD DE, BSTAN BCOS RNAL 'BYOR SPYOD PA'I SA'I 'GREL PA LAS JI SKAD DU, SA ZHES BYA BA NI 'DI LTA TSE, SPYOD YUL DANG GNAS DANG SPYOD PA DANG BSDU BAR BYA BA'I DON YIN TE, RNAL 'BYOR BA'I SPYOD YUL YIN PA'I PHYIR SA ZHES BYA STE, DPER NA RTA'I DKYUS PA LTA PHUR DE KHO NA LAS GZHAN PHYI ROL DU MI 'GRO BA'I PHYIR RO, ,YANG NA RNAL 'BYOR PAS GNAS 'DI LA BRTEN NAS RANG GI CHOS BRTAS SHING 'PHEL BAR 'GYUR BA'I PHYIR SA ZHES BYA STE, DPER NA LO TOG SPYOD PA'I SA DANG 'DRA BAR DE NI DE DAG GIS YIN NO, ,YANG NA RNAL 'BYOR SPYOD PA'I SAR BSDUS PA'I YE SHES KYI SPYOD PA 'DI LA BRTEN NAS MNGON DU BYED PA DANG, 'DI LA BRTEN NAS 'PHEL BAR 'GYUR BA'I PHYIR SA ZHES BYA STE, DPER NA RIN PO CHE'I 'BYUNG KHUNGS KYIS LTA BU'O, ,YANG NA RNAL 'BYOR PA DAG 'DI LA SPYOD PAR BYED CING RANG GI CHOS KYI LONGS SPYOD NYAMS SU MYONG BAR BYED PA'I PHYIR SA ZHES BYA STE, DPER NA BA LANG GIS DANG 'DRA BAS DE NI DE DAG GIS YIN NO ZHES 'BYUNG BA LTA BU STE ZHIB TU DE NYID LAS BSTAN PA BZHIN NO, ,RGYA CHER RNAM PAR 'BYED PA NI BSTAN BCOS MDO SDE'I RGYAN DANG, THEG PA CHEN PO BSDUS PA'I 'GREL PA LANG GI TSE BSGYUR BA DANG, 'PHAGS PA SANGS RGYAS KYI SA'I 'GREL PA LA SOGS PA LAS BSTAN PA BZHIN DU RIG PAR BYA'O, ,BSTAN PA RNAM PA DE @243B LTAR THA DAD PAR GYUR PA YANG 'JIG RTEN PA'I SA BZHIN DU GONG DU BSTAN PA'I DON RNAMS DANG LDAN PAS DPE LAS MING DU BTAGS PA'I PHYIR SA ZHES BRJOD DO, ,RGYA GAR SKAD DU PAR MI TA ZHES BYA BA BSGYUR NA PHA ROL DU PHYIN PA ZHES ZER TE, SBYIN PA LA SOGS PA'I STOBS KYIS 'KHOR BA'I TSU ROL NAS MYA NGAN LAS 'DAS PA'I PHYI ROL DU PHYIN PAR BYED PA'I PHYIR PHA ROL DU PHYIN PA ZHES BYA'O, ,LE'U 'DI LAS SA DANG PHA ROL DU PHYIN PA RNAMS RGYA CHER STON PA'I PHYIR SA DANG PHA ROL TU PHYIN PA'I LE'U ZHES GSUNGS SO, ,DE LA GO RIMS KYI DGONGS PA BSTAN PA YANG MTSUNGS PA MED PAR SPYOD PA LA GONG DU DON RNAM PA GNYIS SU BSTAN TE, ZHI GNAS DANG LHAG MTHONG BSTAN PA DANG, SA DANG PHA ROL DU PHYIN PA BSTAN PA'O ZHES BSTAN PA LAS, DE YAN CHAD DU ZHI GNAS DANG LHAG MTHONG BSTAN NAS, 'DI MAN CHAD DU NI GNYIS PA SA DANG PHA ROL TU PHYIN PA'I SGO ZHES STON TE, 'DI LTAR RNAL 'BYOR BSGOM PA'I SGO NI RNAM PA GNYIS TE, DANG PO NI ZHI GNAS DANG PHA ROL DU PHYIN PA LA GNAS NAS LHAG MTHONG SKYED PA GANG YIN PA DE NI SPYI'I MTSAN NYID KYI SGO YIN PAS DE'I PHYIR SNGAR BSTAN TO, ,GNYIS PA NI SA LA BRTEN NAS PHA ROL DU PHYIN PA SKYED PA GANG YIN PA DE NI BYE BRAG GI MTSAN NYID KYI SGO YIN PAS DE'I PHYIR PHYIS BSTAN TO, ,YANG NA ZHI GNAS DANG LHAG MTHONG NI BSDUS PA YIN PA'I PHYIR SNGAR BSTAN LAS LA BRTEN NAS PHA ROL TU PHYIN PA SKYED PA NI RGYAS PA YIN PA'I PHYIR PHYIS BSTAN TO, ,GO RIMS KYI DGONGS PA BSHAD ZIN TE, NGA NI TSIG GI DON BSHAD PAR BYA'O, ,DE NAS BYANG CHUB SEMS DPA' SPYAN RAS GZIGS DBANG PHYUG GIS BCOM LDAN 'DAS LA 'DI SKAD CES GSOL TO, ,BCOM LDAN 'DAS BCOM LDAN 'DAS KYIS JI SKAD DU, BYANG CHUB SEMS DPA'I SA BCU NI 'DI LTA STE, RAB TU DGA' BA'I SA DANG, DRI MA MED PA'I SA DANG, 'OD BYED PA'I SA DANG, 'OD 'PHRO BA CAN GYIS DANG, SHIN TU SBYANG BAR DKA' BA'I SA DANG, MNGON DU GYUR PA'I SA DANG, RING DU SONG BA'I SA DANG, MI G-YO BA'I SA DANG, LEGS PA'I BLO GROS KYIS DANG, CHOS KYI SPRIN GYI SA'O ZHES GSUNGS PA DANG, GZHAN YANG SANGS RGYAS KYIS NI BCU GCIG PA'O ZHES @244A *, ,GANG GSUNGS PA'I SA DE DAG RNAM PAR DAG PA DU DAG DANG, YAN LAG DU DAG GIS BSDUS LAGS ZHES BYA BA 'DI MAN CHAD NI GSUM PA TSIG GI DON YANG DAG PAR STON TO, ,LE'U 'DI YANG MDOR BSDU NA RNAM PA GNYIS SU DBYE STE, ZHUS PA DANG LAN DAG GIS YANG DAG PAR BSTAN PA'I PHYOGS DANG, DE NAS BYANG CHUB SEMS DPA' SPYAN RAS GZIGS DBANG PHYUG CES BYA BA MAN CHAD BKA' BZHIN DU SGRUB PA'I PHYOGS BSTAN PA'O, ,DANG PO YANG RNAM PA GNYIS SU DBYE STE, TSIG RKYANG PAS RGYA CHER RNAM PAR BSHAD PA DANG, TSIGS SU BCAD PAS MDOR BSDUG TE BSTAN PA'O, ,YANG NA LE'U 'DI LA RNAM PA GSUM DU DBYE STE, TSIG RKYANG PAS RGYA CHER RNAM PAR BSHAD PA DANG, TSIGS SU BCAD PAS MDOR BSDUS TE BSTAN PA DANG, BKA' BZHIN DU YANG DAG PAR SGRUB PA'O, ,DE LTAR RNAM PA GNYIS SU BSHAD PA YOD KYANG, 'DIR NI RE ZHIG BSHAD PA SNGA MA DANG SBYAR NAS BSTAN PAR BYA'O, ,DE LA TSIG RKYANG PAS RGYA CHER RNAM PAR BSHAD PA YANG RNAM PA BZHIR DBYE STE, SA RNAMS RGYA CHER BSTAN PA DANG, BYANG CHUB SEMS DPA' SPYAN RAS GZIGS DBANG PHYUG GIS KYANG BCOM LDAN 'DAS LA 'DI SKAD CES GSOL TO, BCOM LDAN 'DAS BYANG CHUB SEMS DPA' RNAMS KYI BSLAB PA'I GZHI RNAM PA DU ZHIG MCHIS ZHES BYA BA MAN CHAD KYIS PHA ROL TU PHYIN PA RNAMS RGYA CHER BSTAN PA DANG, BYANG CHUB SEMS DPA' SPYAN RAS GZIGS DBANG PHYUG GIS KYANG BCOM LDAN 'DAS LA 'DI SKAD CES GSOL TO, ,BCOM LDAN 'DAS SA DE DAG LA NYON MONGS PA'I BAG LA NYAL DU MCHIS LAGS ZHES BYA BA MAN CHAD KYIS SA LA BRTEN NAS PHA ROL TU PHYIN PA SKYE BA DANG, MI MTHUN PA'I PHYOGS KYI SGRIB PA BSTAN PA DANG, BYANG CHUB SEMS DPA' SPYAN RAS GZIGS DBANG PHYUG GIS KYANG BCOM LDAN 'DAS LA 'DI SKAD CES GSOL TO, ,BCOM LDAN 'DAS KYIS JI SKAD DU NYAN THOS KYI THEG PA GANG YIN PA'O ZHES BYA BA MAN CHAD KYIS DE BZHIN GSHEGS PAS THEG PA GCIG TU GSUNGS PA'I DGONGS PA BSTAN PA'O, ,DE LTAR RNAM PA BZHIR BSTAN PA LA YANG SA RNAMS LA BRTEN NAS NI PHA ROL TU PHYIN PA 'BYUNG BAR 'GYUR BA DANG, PHA ROL DU PHYIN PA LA BRTEN NAS NI @244B SGRIB PA RNAMS SEL BA DANG, SGRIB PA YONGS SU BSAL BA'I PHYIR NI THEG PA GCIG GIS 'BRAS BU THOB PAR 'GYUR BA'I PHYIR RNAM PA BZHIR BSTAN TO, ,DE LAS RNAMS RGYA CHER RNAM PAR BSHAD PA YANG RNAM PA DRUG TU DBYE STE, RNAM PAR DAG PA RNAM PA BZHI STE, YAN LAG BCU GCIG LAS BRTZAMS NAS SA RNAMS RNAM PAR DBYE BA DANG, SA'I MING GI DON BSTAN PA DANG, KUN DU RMONGS PA NYI SHU RTZA GNYIS LAS BRTZAMS NAS SA RNAMS RNAM PAR DBYE BA DANG, KHYAD PAR DU 'PHAGS PA RNAM PA BRGYAD KYIS SA RNAMS RNAM PAR DBYE BA DANG, SKYE BA KHYAD PAR DU 'PHAGS PA LAS BRTZAMS NAS SA RNAMS RNAM PAR DBYE BA DANG, SMON LAM RNAM PA GSUM LAS BRTZAMS NAS SA RNAMS RNAM PAR DBYE BA'O, ,DANG PO YANG ZHU BA GSOL BA DANG, LAN DU GSUNGS PAS BSTAN TE, 'DI NI DANG PO BYANG CHUB SEMS DPAS ZHU BA GSOL BA'O, ,MDO'I TSIG 'DI YANG RNAM PA GSUM DU BSTAN TE, ZHU BA GSOL BA DANG, LAN DU GSUNGS PA SMOS PA DANG, BCOM LDAN 'DAS KYIS JI SKAD DU ZHES BYA BA MAN CHAD ZHU BA GSOL BA NYID KYI BSTAN PA SMOS PA DANG, GANG GSUNGS PA'I SA DE DAG CES BYA BA MAN CHAD ZHU BA GSOL BA NYID KYI TSIG BSTAN PA'O, ,DE LA BYANG CHUB SEMS DPA' SPYAN RAS GZIGS DBANG PHYUG CES BYA BA 'DI NI ZHU BA GSOL BA'I BYANG CHUB SEMS DPA'I MING STE, 'DI LTAR BYANG CHUB SEMS DPA' 'DI NANG SHES RAB DANG SNYING RJE DANG LDAN ZHING PHYI ROL TU LUS LA SOGS PA'I LAS GSUM PO DAG RTZOL BA MED PAR RANG GI DANG GIS RANG DBANG DU GYUR PAS SPYAN RAS GZIGS DBANG PHYUG CES BYA'O, , YANG NA SHES PA DANG YUL LAS SPYAN RAS GZIGS DBANG PHYUG CES MING DU BTAGS PA YIN TE, DE'I PHYIR 'PHAGS PA SANGS RGYAS PHAL PO CHE'I MDO LAS, BYANG CHUB SEMS DPA' SPYAN RAS GZIGS DBANG PHYUG NI SNYING RJE CHEN PO'I CHOS KYI SGO MO LA GNAS PA'O ZHES GSUNGS SO, ,GZHAN YANG DAM PA'I CHOS PADMA DKAR PO'I MDO LAS, SPYAN RAS GZIGS DBANG YE SHES GYA NOM STOBS KYIS NI, ,'JIG RTEN SDUG BSNGAL RNAMS LAS YONGS SU SKYOB PAR BYED, ,CES GSUNGS SO, ,DE BZHIN GSHEGS PA'I TING NGE 'DZIN GZIGS PA'I MDO LAS, BYANG CHUB SEMS DPA' SPYAN RAS GZIGS @245A *, ,DBANG PHYUG NI SNGAR MNGON PAR RDZOGS PAR BYANG CHUB PA'I SANGS RGYAS BA YIN TE, MTSAN YANG DAG PA'I CHOS KYI SNANG BA ZHES BYA'O ZHES GSUNGS SO, ,'PHAGS PA DE BZHIN GSHEGS PAS SBYAN RAS GZIGS DBANG PHYUG LUNG BSTAN PA'I MDO LAS, BYANG CHUB SEMS DPA' SPYAN RAS GZIGS DBANG PHYUG NI, SANGS RGYAS BYAMS PA'I RGYAL TSAB DU GYUR PA YIN TE, MTSAN NI SANGS RGYAS KUN DU STON PA'I RI'I RGYAL PO ZHES BYA'O ZHES GSUNGS SO, ,DE LA BCOM LDAN 'DAS KYIS JI SKAD DU ZHES BYA BA LA SOGS PAS NI ZHU BA GSOL BA'I GSUNG RAB NYID SMOS PA STE, 'DI LTAR 'PHAGS PA SA BCU'I MDO LA SOGS PA LAS, SA BCU'I DANG DE BZHIN GSHEGS PA'I SA YONGS SU RDZOGS PAR GSUNGS PAS SO, ,DE LA GANG GSUNGS PA DE DAG CES BYA BA LA SOGS PAS NI ZHU BA GSOL BA NYID KYI TSIG YANG DAG PAR BSTAN TO, ,'DI LA DGONGS PA RNAM PA GNYIS YOD DE, DANG PO NI SA BCU PO DAG RNAM PAR DAG PA BZHI LAS, DU DAG GIS BSDUS PAR 'GYUR ZHES ZHUS PA'O, ,GNYIS PA NI YAN LAG BCU GCIG LAS NI DU DAG GIS BSDUS PAR 'GYUR ZHES ZHU BA'O, ,DE NAS BCOM LDAN 'DAS KYIS BYANG CHUB SEMS DPA' SBYAN RAS GZIGS DBANG PHYUG LA 'DI SKAD CES BKA' STZAL TO, ,RIGS KYI BU SA DE DAG NI RNAM PAR DAG PA BZHI DANG YAN LAG BCU GCIG GIS BSDUS PAR RIG PAR BYA'O ZHES BYA BA 'DI MAN CHAD NI GNYIS PA DE BZHIN GSHEGS PAS YANG DAG PAR LAN DU GSUNGS PA STON TO, ,'DI YANG RNAM PA GNYIS TE, LAN MDOR BSDUS TE GSUNGS PA DANG, ZHUS BA DANG LAN DAG GIS RGYA CHER BSHAD PA STE, 'DI NI DANG PO'O, ,JI LTAR RNAM PAR DAG PA BZHI PO DAG GIS SA RNAMS BSDUS PAR 'GYUR ZHE NA ZHES BYA BA LA SOGS PAS NI ZHUS PA DANG LAN DAG GIS RGYA CHER RNAM PAR BSHAD PA STON TO, ,'DI YANG RNAM PA GNYIS TE, RNAM PAR DAG PA BZHIS SA RNAMS BSDUS PAR BSTAN PA DANG, YAN LAG BCU GCIG GIS SA RNAMS BSDUS PAR BSTAN PA'O, ,DANG PO YANG BRTAG PA DANG LAN DU GSUNGS PAS BSTAN TE, 'DI NI DANG PO BRTAG PA'O, ,'DI LTA STE, SA DANG PO NI LHAG PA'I BSAM PA RNAM PAR @245B DAG BAS BSDUS SO, ,SA GNYIS PA NI LHAG PA'I TSUL KHRIMS RNAM PAR DAG PAS BSDUS SO, ,SA GSUM PA NI LHAG PA'I SEMS RNAM PAR DAG PAS BSDUS SO, ,LHAG PA'I SHES RAB RNAM PAR DAG PA NI SA PHYI MA DAG TU CHES GYA NOM PAR 'GYUR BA'I PHYIR SA BZHI PO NAS BZUNG STE, SANGS RGYAS KYI SA'I BAR DU BSDUS PAR RIG PAR BYA'O ZHES BYA BA LA SOGS PAS NI GNYIS PA YANG DAG PAR LAN DU GSUNGS PA'O, ,'DI YANG RNAM PA GNYIS TE, RNAM PAR BSHAD PA DANG, MJUG BSDU BA STE, 'DI NI DANG PO RNAM PAR BSHAD PA'O, ,'DI LTAR RNAM PAR DAG PA NI BZHI STE, MDO 'DI NYID LAS JI SKAD DU GSUNGS PA LTA BU'O, ,BSTAN BCOS RNAL 'BYOR SPYOD PA'I SA LAS NI GNAS PA BZHI ZHES BSHAD DE, DE'I MDO 'DI NYID LAS GSUNGS PA'I RNAM PAR DAG PA BZHI PO DAG NYID DO, ,DE LAS DANG PO NI LHAG PA'I BSAM PA RNAM PAR DAG PAS BSDUS SO ZHES BYA BA LA LHAG PA'I BSAM PA DE'I BDAG NYID KYANG BSTAN PA RNAMS LAS SO SO NAS BSHAD BA MI MTHUN TE, BSTAN BCOS THEG PA CHEN PO BSDUS PA'I 'GREL PA LANG GI TSE BSGYUR BA LAS NI, RNAM PAR MI RTOG PA'I YE SHES KYI NGO BO NYID DO ZHES BSHAD DE, DE'I PHYIR 'GREL BA DE NYID LAS LHAG PA'I BSAM PA NI RNAM PAR MI RTOG PA'I YE SHES SO ZHES BSTAN TO, ,GZHAN YANG DE NYID LAS RNAM PAR MI RTOG PA'I YE SHES NI BSAM PA RNAM PAR DAG PA NYID DO ZHES BSHAD DO, ,BSTAN BCOS RNAL 'BYOR SPYOD PA'I SA LAS NI MOS PA'I NGO BO NYID DO ZHES BSHAD DO, ,DE'I PHYIR LHAG PA'I BSAM PA'I LE'U LAS DAD PA SNGON DU 'GRO BA DANG, CHOS RNAM PAR 'BYED PA SNGON DU 'GRO BA DANG, SANGS RGYAS KYI CHOS RNAMS LA MOS PA DANG SO SOR RTOG PA DANG, NGES PAR 'BYED PA GANG YIN PA DE NI BYANG CHUB SEMS DPA'I LHAG PA'I BSAM PA ZHES BSHAD DO, ,THEG PA CHEN PO BSDUS PA'I 'GREL PA SLOB DPON NGO BO NYID MED KYIS BYAS PA LAS NI, DANG PA DANG 'DUN PA'I NGO BO NYID DO ZHES BSHAD DE, DE'I PHYIR 'GREL PA DE NYID LAS LHAG PA'I BSAM PA NI 'DI LTA STE, DAD PA DANG 'DUN PA'I NGO BO NYID DO ZHES BSHAD DO, ,SLOB DPON DBYIG GNYEN GYIS MDZAD PA'I 'GREL PA LAS KYANG DE SKAD DU BSTAN TE, DE'I PHYIR 'GREL PA DE NYID LAS @246A *, ,LHAG PA'I BSAM PA'I NGO BO NYID NI 'DI LTA STE, 'DUN PA DANG MOS PA'O, ,DE LA RE ZHIG 'DUN PA NI RE ZHING TSOL BA'O, ,DAD PA NI MOS PA ZHES BYA'O ZHES BSHAD DO, ,BSTAN BCOS THEG PA CHEN PO BSDUS PA LAS KYANG DE SKAD DU BSTAN TO, ,THEG PA CHEN PO BSDUS PA'I 'GREL PA LANG GI TSE BSGYUR BA LAS, YANG DAG PA'I BSTAN PA RNAMS LA SEMS NGES SHING SOM NYI MED PA'I PHYIR DAD PA ZHES BYA'O, ,JI LTAR MNGON PAR YID CHES PA'I CHOS NYID LA BSGOM PAR 'DUN PA GANG YIN PA DE NI LHAG PA'I BSAM PA ZHES BYA'O ZHES BSHAD DO, ,LHAG PA'I BSAM PA DE'I RNAM PA DANG, GRANGS THA DAD PAR GYUR PA NI BSTAN BCOS RNAL 'BYOR SPYOD PA'I SA LAS LHAG PA'I BSAM PA RNAM PA BCU JI SNYED BSTAN PA BZHIN TE, DE'I PHYIR BSTAN BCOS DE NYID LAS 'DI LA BYANG CHUB SEMS DPA' THOG MA NYID DU RAB TU DGA' BA'I SA LA GNAS PA LA BSAM PA RNAM PA BCUS BSAM PA DAG PA THOB PA YIN NO, ,SLOB DPON DANG BLA MA DANG SBYIN GNAS THAMS CAD LA MI SLU BA'I LHAG PA'I BSAM PA DANG CHOS MTHUN PA'I BYANG CHUB SEMS DPA' LA NGES PA DANG, 'GROGS NA BDE BA'I BSAM PA DANG NYON MONGS PA DANG NYE BA'I NYON MONGS PA DANG, BDUD KYI LAS THAMS CAD ZIL GYIS GNON CING RANG GI SEMS LA DBANG BYA BA'I BSAM PA DANG, 'DU BYED THAMS CAD LA NYES PA'I BSAM PA DANG, MYA NGAN LAS 'DAS PA LA PHAN YON GYI BSAM PA DANG, BYANG CHUB KYI PHYOGS DANG MTHUN PA'I CHOS DGE BA RNAMS SGOM PA LA RTAG TU BYA BA'I BSAM PA DANG, BSGOM PA DE NYID KYI RJES SU MTHUN PA'I RAB TU DBEN PA'I BSAM PA DANG, 'JIG RTEN GYI ZANG ZING DANG, THOS PA DANG RNYED PA DANG BKUR STI THAMS CAD LA MI LTA BA'I BSAM PA DANG, THEG PA DMAN PA SPANGS TE, THEG PA CHEN PO RTOGS PAR BYA BA'I BSAM PA DANG, SEMS CAN THAMS CAD KYI DON BYA BA'I BSAM PA STE, PHYIN CI LOG MED PA'I BSAM PA BCU PO 'DI DAG NI SEMS DE LA 'JUG PA YIN TE, DE'I PHYIR LHAG PA'I BSAM PA DAG PA ZHES BYA'O ZHES 'BYUNG NGO, ,RGYA CHER RNAM PAR DBYE NA LHAG PA'I BSAM PA BCO LNGA YOD DE, BSTAN BCOS RNAL 'BYOR @246B SBYOD PA'I SA LAS BSTAN PA BZHIN DU RIG PAR BYA'O, ,BSTAN BCOS THEG PA CHEN PO BSDUS PA'I 'GREL PA SLOB DPON NGO BO NYID MED KYIS BYAS PA LAS, LHAG PA'I BSAM PA'I MTSAN NYID NI RNAM PA BRGYAD YOD DE, TSOGS KYI PHYIR ZHES BYA BA NI, 'DI LTA STE, MOS PAS SBYOD PA'I SA DAG GI BSOD NAMS DANG YE SHES KYI TSOGS RNAM PA GNYIS DANG RAB TU BSTAN PA GANG YIN PA'O, ,BZOD PA'I 'OS SU GYUR PA'I PHYIR ZHES BYA BA NI 'DI LTA STE, CHOS LA SO SOR RTOG PA'I BZOD PA MCHOG THOB PA GANG YIN PA STE, DE NI BZOD PA DANG 'JIG RTEN PA'I CHOS KYI MCHOG DAG YIN NO, ,DMIGS PA'I PHYIR ZHES BYA BA NI 'DI LTA STE, THEG PA CHEN PO ZAB CING RGYA CHE BA 'PHAGS PA'I BSTAN PA DAG LA DMIGS PA GANG YIN PA'O, ,YID LA BYED PA'I PHYIR ZHES BYA BA NI 'DI LTA STE, CHOS THAMS CAD RNAM PAR RTOG PA TZAM DU RIG PA'I YID LA BYED PA GANG YIN PA'O, ,GNYEN POR GYUR PA'I PHYIR ZHES BYA BA NI 'DI LTA STE, RNAM PAR MI RTOG PA'I YE SHES GANG YIN PA'O, ,RANG GI NGO BO NYID KYI PHYIR ZHES BYA BA NI 'DI LTA STE, LHAG PA'I BSAM PA DE DAD PA DANG 'DUN PAS RANG GI BDAG NYID BYED PA'I PHYIR RO, ,RTAGS KYI PHYIR ZHES BYA BA NI 'DI LTA STE, SA'I MDUN ROL PA DANG SA LA GNAS PA DAG TING NGE 'DZIN LA ZHUGS PA NA SANGS RGYAS RNAMS MTHONG BA'I RTAGS GANG YIN PA'O, ,PHAN YON GYI PHYIR ZHES BYA BA NI 'DI LTA STE, BYANG CHUB DANG NYE ZHING DKA' BA MED PAR KHONG DU CHUD PA'I PHYIR RO ZHES 'BYUNG STE, RGYA CHER RNAM PAR DBYE BA NI TSIGS SU BCAD BA GSUM PA DANG 'GREL PA NYID LAS BSTAN TE, ZHIB TU DE NYID LAS BSTAN PA BZHIN NO, ,SLOB DPON DBYIG GNYEN GYIS MDZAD PA'I 'GREL BA LAS NI MTSAN NYID RNAM PA BDUN GYIS STON TE GNYEN POR GYUR BA BKOD PA'I PHYIR RO, ,DE LAS GNYIS PA NI LHAG PA'I TSUL KHRIMS RNAM PAR DAG PAS BSDUS SO ZHES BYA BA NI 'DI LTA STE, SA GNYIS PAS 'CHAL BA'I TSUL KHRIMS KYI NYES PA PHRA MO YONGS SU SPANGS NAS SA 'DI LA GNAS SHING RANG BZHIN GYI TSUL KHRIMS DANG LDAN TE LAS KYI NYES PA CHUNG DU YANG KUN DU MI SBYOD NA, @247A *, ,'BRING DANG CHEN PO LTA CI SMOS TE, TSUL KHRIMS YONGS SU DAG PA DES NAS GNYIS PA BSDUS PA YIN TE, RGYA CHER RNAM PAR 'BYED PA NI BSTAN BCOS RNAL 'BYOR SBYOD PA'I SA LAS BSTAN PA BZHIN NO, ,GZHAN YANG RNAL 'BYOR SBYOD PA'I SA LAS SA 'DI LA 'JIG RTEN PA'I BSAM GTAN BZHI DANG, GZUGS MED PA'I SNYOMS PAR 'JUG PA BZHI DANG, TSAD MED PA BZHI DANG, MNGON PAR SHES BA LNGA BSGRUBS TE GNAS SO, ,DE DE DAG GIS LAN MANG DU GNAS TE, BSAM GTAN DANG RNAM PAR THAR BA DANG, TING NGE 'DZIN DANG, SNYOMS PAR 'JUG PA DE DAG LAS BZLOG NAS SMON LAM GYI DBANG GIS 'DOD PA'I KHAMS SU GANG DU SEMS CAN GYI DON BYANG CHUB KYI PHYOGS DANG MTHUN PA YONGS SU RDZOGS PAR GYUR PA MTHONG BA DER SKYE BAR 'GYUR BA ZHES BYA BA NAS, NANG GI SEMS RNAM PAR DAG PA LA BRTEN NAS DE'I 'OD DANG LDAN PA YIN TE, DE LTA BAS NA GNAS DE LHAG BA'I SEMS ZHES BYA'O ZHES BYA BA'I BAR DU 'GYUR BAS DON DES NAS GSUM PA NI LHAG PA'I SEMS RNAM PAR DAG PAS BSDUS SO ZHES GSUNGS TE, RGYA CHER NI BSTAN BCOS RNAL 'BYOR SPYOD PA'I SA LAS BSTAN PA BZHIN NO, ,DE LA LHAG PA'I SHES RAB RNAM PAR DAG PA NI SA BZHI PA NAS BZUNG STE, SANGS RGYAS KYI SA'I BAR DU ZHES BYA BA NI 'DI LTAR LHAG PA'I SHES RAB KYI SA PHYI MA BRGYAD PO DAG SDUD PAS SA BZHI PA NAS GONG MA GONG MA'I SA RNAMS SU SHES RAB KYI SGO RNAM PA SNA TSOGS CHES KHYAD PAR DU 'PHAGS SHING GYA NOM PAR 'GYUR PA'I PHYIR RO, ,'DI LTAR SA BZHI PA NI BYANG CHUB KYI PHYOGS DANG MTHUN PA DANG LDAN PA'I LHAG PA'I SHES RAB LA GNAS PA'O, ,LNGA PA NI BDEN PA DANG LDAN PA'I LHAG PA'I SHES RAB LA GNAS PA'O, ,DRUG PA NI RTEN CING 'BREL PAR 'BYUNG BA DANG LDAN PA'I LHAG PA'I SHES RAB LA GNAS PA'O, ,BDUN PA NI RTZOL BA DANG BCAS PA'I MTSAN MA MED PA LA GNAS PA'O, ,BRGYAD PA NI RTZOL BA MED PA'I MTSAN MA MED PA LA GNAS PA'O, ,DGU PA NI SO SO YANG DAG PAR RIG PA BZHI LA GNAS PA'O, ,BCU PA NI BYANG CHUB SEMS DPA' RNAMS KYI MCHOG DANG YONGS SU RDZOGS PA LA GNAS @247B PA'O, ,BCU GCIG PA NI DE BZHIN GSHEGS PA'I GNAS PA STE, RGYA CHER NI BSTAN BCOS RNAL 'BYOR SPYOD PA'I SA LAS BSTAN PA BZHIN NO, ,SA BZHI PA YAN CHAD SHES RAB 'BA' ZHIG DANG LDAN PAR CIS MNGON ZHE NA, SMRAS PA BSTAN BCOS RNAL 'BYOR SBYOD PA'I SA LA GNAS PA NI RNAM PA BZHI LAS GNAS PA BZHI PA NI LHAG PA'I SHES RAB KYI GNAS PA'O ZHES 'BYUNG BA'I PHYIR, DE YAN CHAD SHES RAB LAS BRTZAMS NAS BSTAN PA YIN PAR SHES SO, ,RIGS KYI BU RNAM PAR DAG PA RNAM PA BZHI PO DE DAG GIS SA RNAMS YONGS SU BSDUS PAR RIG PAR BYA'O ZHES BYA BA NI GNYIS PA SPYI'I MJUG BSDU BA'O, ,'DI LTAR DAG PA BZHI PO DAG NI YON TAN RDZAS SU YOD PA YIN LA SA NI BTAGS PA YIN PAS, 'DI NI RDZAS SU YOD PA DAG GIS BRTAGS PA BSDUS PA YIN NO, ,JI LTAR YAN LAG RNAM PA BCU GCIG GIS SA RNAMS BSDUS PAR 'GYUR ZHE NA ZHES BYA BA 'DI MAN CHAD NI GNYIS PA YAN LAG BCU GCIG SDUD PAR STON TO, ,'DI YANG RNAM PA GNYIS KYIS BSTAN TE ZHU BA GSOL BA DANG, LAN DU GSUNGS PA'O, ,'DI NI DANG PO BSTAN PA LA BRTEN NAS ZHU BA GSOL BA STE, YAN LAG BCU GCIG DANG, SA BCU GCIG PO DAG GNAS SKABS THA DAD PA MED KYANG DON NI THA DAD DE, DE'I PHYIR BSTAN BCOS RNAL 'BYOR SBYOD PA'I SA LAS MYA NGAN LAS 'DAS PA'I DON SDUD CING YONGS SU 'DZIN PAR BYED PA'I PHYIR SA ZHES BYA'O, ,LONGS SBYOD PA'I GNAS KYI DON GYI PHYIR GNAS ZHES BYA'O ZHES BSHAD DO, ,BSTAN BCOS MDO SDE'I RGYAN LAS NI GNAS PAR MOS PAS GNAS ZHES BYA'O ZHES BSHAD DO, ,DE LA YAN LAG CES BYA BA NI GNAS KYI DON TE, 'DI LTAR GNAS BCU GCIG PO DAG PHYOGS SO SO THA DAD PA'I YAN LAG CES BSHAD DE, GNAS PA BCU'I BSHAD PA'I NANG NAS DPE'I LE'U LAS DE LAS DANG PO'I YAN LAG NI CHOS RNAMS JI SNYED YOD PA 'DUS PA LAS SA DANG PO MNGON PAR 'GRUB PA GANG YIN PA DE NI SA DANG PO'I YAN LAG CES BYA'O, ,'DI NI GNAS PA BCU GSUM LAS DANG PO GNYIS MA GTOGS PA GANG YIN PA DE NI GNAS PA BCU GCIG CES BYA STE, GNAS PA @248A *, ,BCU GCIG NI BSTAN BCOS RNAL 'BYOR SBYOD PA'I SA LAS JI SKAD DU RIGS LA GNAS PA DANG, MOS PAS SPYOD PA LA GNAS PA DANG, RAB TU DGA' BA LA GNAS BA DANG, LHAG PA'I TSUL KHRIMS LA GNAS PA DANG, LHAG PA'I SEMS LA GNAS PA DANG, BYANG CHUB KYI PHYOGS DANG LDAN PA'I LHAG PA'I SHES RAB LA GNAS PA DANG, BDEN PA DANG LDAN PA'I LHAG PA'I SHES RAB LA GNAS PA DANG, RTEN CING 'BREL PAR 'BYUNG BA DANG LDAN PA'I LHAG PA'I SHES RAB LA GNAS PA DANG, MNGON PAR 'DU BYED PA DANG BCAS SHING RTZOL BA DANG BCAS PA'I MTSAN MA MED PA LA GNAS PA DANG, RTZOL BA MED CING LHUN GYIS GRUB PA'I MTSAN MA MED PA LA GNAS PA DANG, SO SO YANG DAG PAR RIG PA LA GNAS PA DANG, BYANG CHUB SEMS DPA'I GNAS PA MCHOG DANG, DE BZHIN GSHEGS PA'I GNAS PA'O ZHES BSHAD PA LTA BU'O, ,RGYA CHER DE NYID LAS BSTAN PA BZHIN NO, ,MDO 'DI LAS NI GNAS PA DANG PO GNYIS MA GTOGS PA GNAS PA BCU GCIG LAS BRTZAMS NAS YAN LAG GI MING GIS STON PAR MDZAD PAS, DE'I PHYIR 'DIR YAN LAG GIS SA RNAMS SDUD PAR BSTAN TO, ,'DI LTA STE, BYANG CHUB SEMS DPA' RNAMS SNGAR MOS PAS SPYOD PA'I SA LA CHOS SPYOD PA RNAM PA BCU LA BRTEN NAS MOS PA'I BZOD PA SHIN TU BSGOMS PA'I PHYIR ZHES BYA BA 'DI MAN CHAD NI GNYIS PA DE BZHIN GSHEGS PAS YANG DAG PAR LAN DU GSUNGS PA STON TO, ,'DI YANG RNAM PA GNYIS TE, ZHUS BA BZHIN DU LAN YANG DAG PAR GSUNGS PA DANG, RIGS KYI BU ZHES BYA BA MAN CHAD SPYI'I MJUG BSDU BA'O, ,LAN DU YANG DAG PAR GSUNGS PA LA YANG YAN LAG BCU GCIG PA BSTAN PA NYID KYIS BCU GCIG TU DBYE STE, 'DI NI YAN LAG DANG POS SA RAB TU DGA' BA BSDUS PAR BSTAN PA'O, ,'DI YANG RNAM PA GNYIS SU DBYE STE, SA'I MDUN ROL BAS DANG POR MA ZHUGS PA BSTAN PA DANG SA DE LAS YANG DAG PAR 'DAS NAS ZHES BYA BA MAN CHAD SA'I MDUN ROL LAS YANG DAG PAR 'DAS NAS SA DANG POR 'JUG PA BSTAN PA STE, 'DI NI DANG PO'O, ,YAN LAG BCU GCIG PO 'DI BSTAN PA LA YANG BSHAD PA RNAM PA GNYIS @248B YOD DE, KHA CIG NI BSTAN BCOS THEG PA CHEN PO BSDUS PA'I 'GREL PA LAS KYANG LANG GI TSE BSGYUR BA LA BRTEN NAS SA RE RE LA YANG SGRIB PA GSUM GSUM SPANGS NAS YON TAN KHYAD PAR DU 'PHAGS PA THOB BAR 'GYUR BA LAS BRTZAMS NAS SA BCU GCIG PO DAG STON TE, DE LA BYA BRAG YOD PA YANG, DE LAS DANG PO GCIG GIS NI SGRIB PA RNAM PA GSUM SPANGS NAS YON TAN BCU THOB PAR 'GYUR RO, ,SA BAR MA DGU PO DAG GIS NI SO SO NAS SGRIB PA GSUM GSUM SPANGS NAS YON TAN BRGYAD 'THOB PAR 'GYUR RO, ,SA PHYI MA GCIG GIS NI SGRIB PA GSUM SPANGS NAS YON TAN BDUN 'THOB PAR 'GYUR TE, RGYU DANG RKYEN DES NAS YONGS SU RDZOGS PAR 'GYUR BA YIN NO ZHES ZER TE, PHYIS 'OG NAS JI SKAD DU BSTAN PA BZHIN DU RIG PAR BYA'O, ,KHA CIG NA RE SA RE RE LA YANG SBYOD PA RNAMS BSGRUBS PAS RGYU DANG RKYEN BYED DE JI LTAR SA RAB TU DGA' BA LA CHOS SPYOD RNAM BA BCU DANG, MOS PA'I BZOD PA BSGOMS PAS RGYU DANG RKYEN BYED PA BZHIN NO, ,DE LA YAN LAG CES BYA BA NI 'DI YIN TE, SA BCU'I PHYOGS KYI CHA SO SO THA DAD PA GANG YIN PA DE NI YAN LAG CES BYA'O ZHE'O, ,DE LA SA DANG PO BSTAN PA YANG RNAM PA GNYIS SU DBYE STE, SA'I MDUN ROL PAS PHYI MA'I RGYU SPYOD PA BSGRUB PA BSTAN PA DANG, RANG GI YAN LAG YONGS SU RDZOGS PAR BYA BA'I PHYIR BSGRUB PAR BSTAN PA STE, 'DI NI DANG PO'O, ,'DI LTA STE, BYANG CHUB SEMS DPA' RNAMS ZHES BYA BA NI RNAL 'BYOR SPYOD PA'I GANG ZAG SMOS PA STE, RIGS DANG LDAN PA DANG, BRTEN BA'I RIGS CAN GYI GANG ZAG RNAM PA GNYIS PO DAG GO, ,SNGAR MOS PAS SBYOD PA'I SA LAS ZHES BYA BA NI SPYOD PA GNAS PA'I GNAS SKABS TE, SNGAR BSTAN PA'I TSOGS DANG SBYOR BA DANG, MTHONG BA DANG, BSGOM PA DANG, MTHAR PHYIN PA'I GNAS SKABS LNGA LAS GNAS SKABS DANG PO GNYIS LA BRTEN NAS, MOS PA SHIN TU ZAB PA SKYED PAS MOS PA SPYOD PAS SPYOD PA'I SA ZHES BYA STE, DE'I PHYIR BSTAN BCOS THEG PA CHEN PO BSDUS PA'I 'GREL PA LAS 'DI LTA STE, SA RNAMS LA MOS PA SHIN TU ZAB PA GANG YIN PA DE NI SA'I GRANGS KYI CHOS LA DE KHON BZHIN DU NGES @249A *, ,PAR 'DZIN PAR BYED DO ZHES BSHAD DO, ,DE LA CHOS SPYOD PA RNAM PA BCU LA BRTEN NAS ZHES BYA BA LA SOGS PA NI GNAS SKABS LA BRTEN NAS SPYOD PA SLONG BA STE, MOS PAS SPYOD PA'I SA LA BRTEN NAS YANG DAG PA'I SPYOD PA RNAM PA BCU 'BYUNG BAS SO, ,YANG DAG PA'I SPYOD PA RNAM PA BCU NI BSTAN BCOS RNAL 'BYOR SPYOD PA'I SA LAS JI SKAD DU, GZHAN YANG THEG PA CHEN PO LA BYANG CHUB SEMS DPA' RNAMS KYI CHOS SPYOD PA BCU PO 'DI DAG NI SEMS CAN YONGS SU SMIN PAR BYED PAR 'GYUR BA YIN TE, BCU GANG ZHE NA, 'DI LTA STE, THEG PA CHEN PO DANG LDAN PA'I MDO SDE LA SOGS PA'I CHOS BYANG CHUB SEMS DPA'I SDE SNOD KYIS BSDUS PA DAG YI GER 'DRIR BCUG PA DANG, 'DZIN PA DANG, DE BZHIN NYID DU MCHOD PA DANG, GZHAN DAG LA SBYIN PA DANG, STON PA NA GUS PAR BYAS TE NYAN PA DANG, BDAG NYID KLOG PA DANG, DE BZHIN DU KUN CHUB PAR LUNG NOD PA DANG, LUNG PHOG PA RNAMS RGYA CHER DBYANGS KYIS KHA DON BYED PA DANG, GZHAN DAG LA RGYA CHER YANG DAG PAR STON PA DANG, GCIG PU DBEN PAR SONG STE, SEMS PA DANG 'JAL BA DANG, NYE BAR RTOG PAR BYED PA DANG, SGOM PA'I RNAM PAR RJES SU 'JUG PAR BYED PA'O, ,CHOS SPYOD PA BCU PO DE DAG LAS DU ZHIG BSOD NAMS RGYA CHEN PO SKYE BA'I LAM YIN ZHE NA, SMRAS PA, THAMS CAD DO, ,DU ZHIG SBYOR BA'I LAM YIN ZHE NA, SMRAS PA GCIG STE, DGU SOGS DU ZHIG SGRIB PA RNAM PAR DAG PA'I LAM YIN ZHE NA, SMRAS PA GCIG STE, BCU PA'O ZHES BSTAN PA LTA BU'O, ,CHOS SPYOD PA RNAM PA BCU PO 'DI DAG NI SNGAR GONG DU BSTAN PA BZHIN DU RIG PAR BYA'O, DE LA MOS PA'I BZOD PA SHIN DU BSGOMS PA'I PHYIR ZHES BYA BA NI THEG PA CHEN PO BSDUS PA'I 'GREL PA LANG GI TSE BSGYUR BA LAS, BYANG CHUB SEMS DPA' SNGAR MOS PAS SPYOD PA'I SA LA CHOS SPYOD PA RNAM PA BCU LA BRTEN NAS SMON LAM DANG, BZOD PA BSGOMS PA MNGON PAR 'GRUB PAR 'GYUR LA, SMON LAM DANG BZOD PA MNGON PAR GRUB PAS MOS PAS SPYOD PA'I SA LAS YANG DAG PAR 'DAS NAS YANG DAG PA @249B NYID KYI GNAS SKABS LA 'JUG PAR 'GYUR RO, ,DE LA SMON LAM NI SMON LAM RGYA CHEN PO BCU'O, ,BZOD PA NI RNAM PAR MI RTOG PA'I YE SHES SO ZHES 'BYUNG NGO, ,SLOB DPON YANG DAG BDEN PA'I BRJED BYANG LAS, SA DANG PO LA MI SKYE BA'I SMON LAM DANG BZOD PA DANG, SMON LA MA CHEN PO BCU MNGON PAR 'GRUB PAR 'GYUR RO ZHES BSHAD DE, BSHAD PA 'DI DANG SBYAR NA BSTAN BCOS THEG PA CHEN PO BSDUS PA'I 'GREL PA LANG GI TSE BSGYUR BA LAS, SPYOD PA MCHOG CES BYA BA BSTAN PA 'DI SA DANG PO'I RNAM PAR MI RTOG PA'I YE SHES SO, ,'DIR MDO 'DI'I DGONGS PA BRTAGS NA DGE BA'I RTZA BA BZHI PO DAG LA SPYIR BZOD PA ZHES STON PAR MDZAD DO, ,YANG NA LHAG PA'I BZOD PA DANG, 'JIG RTEN PA'I CHOS KYI MCHOG LA MOS PA'I BZOD PA ZHES BYA'O ZHES BSTAN TO, ,DGONGS PA ZAB MO RNAM PAR DGROL BA'I MDO LAS NI, MOS PAS SPYOD PA'I SA LA BYANG CHUB SEMS DPA'I CHOS SPYOD PA RNAM PA BCU YOD PAS, BYANG CHUB SEMS DPA'I RNAM PAR THAR PA'I BZOD PA SHIN TU SGOM PAR BYED DO ZHES GSUNGS SO, ,SA DE LAS YANG DAG PAR 'DAS NAS BYANG CHUB SEMS DPA'I YANG DAG PA NYID SKYON MED PAR 'JUG GO, ,BYANG CHUB SEMS DPA' DE DAG RGYU DANG RKYEN DES YAN LAG DE YONGS SU RDZOGS PA YIN ZHES BYA BA NI GNYIS PA RANG GI YAN LAG YONGS SU RDZOGS PA STON TO, ,'DI LTAR SA DANG PO DAG SNGA MA'I SBYOR BA'I SA'I CHOS SPYOD PA RNAM PA BCU LA SOGS PA'I RGYU DANG RKYEN GYI STOBS KYIS SBYOR BA LAS YANG DAG PAR 'DAS NAS SA DANG PO'I YANG DAG PA NYID SKYON MED PA LA 'JUG STE, RGYU DANG RKYEN DES NA YAN LAG DE YONGS SU RDZOGS PAR 'GYUR BA'O, ,DE LA YANG DAG PA NYID CES BYA BA NI ZAG PA MED PA'I 'PHAGS PA'I LAM STE, LOG PA LAS BZLOG PA'I PHYIR YANG DAG PA NYID CES BYA'O, ,MTHONG BAS SPANG BAR BYA BA'I NYON MONGS PAS SEMS CAN LA GNOD PA NI ZAS MA TSOS PA DANG 'DRA BAS NA SKYON ZHES BYA'O, ,ZAG PA MED PA'I 'PHAGS PA'I LAM GYIS MTHONG BAS SPANG BAR BYA BA'I NYON MONGS PA SPONG BA'I PHYIR YANG DAG PA @250A *, ,NYID SKYON MED PA ZHES BYA STE, RGYA CHER RNAM PAR 'BYED PA NI GONG DU RNAL 'BYOR RNAM PAR 'BYED PA'I LE'U LAS BSHAD PA'I SKABS SU BSTAN PA BZHIN DU RIG PAR BYA'O, ,DGONGS PA ZAB MO RNAM PAR DGROL BA'I MDO LAS NI MOS PAS SPYOD PA'I SA DE LAS YANG DAG PAR 'DAS NAS TING NGE 'DZIN GYI PHUNG PO RGYUD LA YOD PA'I 'JUG GO ZHES GSUNGS SO, ,TSIG THA DAD KYANG DON MI MTHUN PA MED DO, ,'PHAGS PA SHES RAB KYI PHA ROL TU PHYIN PA'I MDO LA BRTEN NAS YANG DAG PA NYID SKYON MED PA ZHES BYA BA LA BSHAD PA RNAM PA GNYIS YOD DE, KHA CIG NA RE DMIGS SU YOD PA GANG YIN PA DE NI SKYON ZHES BYA'O, ,DMIGS SU MED PA'I SHES RAB GANG YIN PA DE NI YANG DAG PA NYID SKYON MED PA ZHES BYA STE, DE'I PHYIR MDO DE NYID LAS, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS BYANG CHUB SEMS DPA' YANG DAG PA NYID SKYON MA MCHIS PA LA ZHUGS PA THOB PA'I SKYON NI GANG LAGS, ,SKYON DANG BRAL BA NI GANG LAGS, BCOM LDAN 'DAS KYIS RAB 'BYOR LA BKA' STZAL PA, BYANG CHUB SEMS DPA' RNAMS KYI JI TZAM DU DMIGS PA DANG BCAS PA GANG YIN BA DE THAMS CAD NI SKYON ZHES BYA'O, ,THAMS CAD DU DMIGS SU MED PA GANG YIN PA DE NI YON TAN ZHES BYA'O ZHES GSUNGS TE, ZHIB TU DE NYID LAS BSTAN PA BZHIN DU ZHE'O, ,KHA CIG NA RE CHOS LA SRED PA'I RJES SU 'BRANG BA NI SKYON ZHES BYA STE, DPER NA ZAS G-YOS SU MA BYAS BAS NAD SLONG BA LTA BU'O, ,STONG PA NYID KHONG DU CHUD PA'I SHES PAS SKYON DE NYE BAR ZHI BAR BYED PAS DE'I PHYIR YANG DAG PA NYID SBYON MED PA ZHES BYA STE, DE'I PHYIR 'PHAGS PA SHES RAB KYI PHA ROL TU PHYIN PA'I MDO LAS, BYANG CHUB SEMS DPA' THABS MKHAS PA DANG MI LDAN PAS PHA ROL TU PHYIN PA DRUG BSGOM PA NI THEG PA GNYIS KYI SAR LTUNG BAR 'GYUR BAS BYANG CHUB SEMS DPA'I YANG DAG PA NYID SKYON MED PA LA 'JUG PAR 'GYUR RO, ,DE NAS TSE DANG LDAN PA SH'A RI'I BUS, TSE DANG LDAN PA RAB 'BYOR LA SMRAS PA, CHOS GANG NI SKYON ZHES BYA ZHE NA, RAB 'BYOR GYIS @250B SMRAS PA, DE LA SKYON NI 'DI LTA STE, BYANG CHUB SEMS DPA' CHOS LA SRED PA'I RJES SU 'BRANG BA GANG YIN PA'O, ,CHOS LA SRED PA DE NYID NI SKYON ZHAS BYA STE, DPER NA ZAS MA TSOS PAS NAD RNAMS SLONG BA DANG 'DRA'O, ,DE YONGS SU BSAL BA'I PHYIR SKYON MED PA ZHES BYA'O ZHES GSUNGS TE, ZHIB TU DE NYID LAS BSTAN PA BZHIN NO ZHE'O, ,'PHAGS PA SHES RAB KYI PHA ROL TU PHYIN PA'I MDO BAM PO SUM CU DRUG PA DANG, BZHI BRGYA BRGYAD PA DANG, LE'U CHEN PO'I MDO LAS BSHAD PA PHYI MA DANG MTHUN PAR STON TO, ,RGYA CHER RNAM PAR 'BYED PA NI 'PHAGS PA SHES RAB KYI PHA ROL TU PHYIN PA'I 'GREL PA LAS BSTAN PA BZHIN NO, ,BSTAN BCOS THEG PA CHEN PO BSDUS PA'I 'GREL PA LAS KYANG LANG GI TSE BSGYUR BA LAS BSTAN PA DANG SBYAR TE, MDO'I TSIG 'DI BSHAD PA NA, DE LAS SGRIB PA GSUM SPANGS NAS YAN LAG BCU'I YON TAN THOB PA'I RGYU DANG RKYEN DE'I STOBS KYIS SA DANG PO YONGS SU RDZOGS PAR 'GYUR RO ZHES BSHAD DE, DE'I PHYIR 'GREL PA DE NYID LAS, SA RNAMS SO SO NAS SGRIB PA GSUM SPANGS NAS, SO SO NAS YON TAN KHYAD PAR DU 'PHAGS PA 'THOB PAR 'GYUR RO, ,DE LAS DANG PO PAS SPONG BAR BYED PA'I SGRIB PA GSUM NI CHOS DANG BDAG TU RNAM PAR RTOG PA'I MA RIG PA DANG NGAN SONG BA'I LAS KYI MA RIG PA'O, ,MA RIG PA NI 'DI GNYIS KYI SBYOR BA LAS MNGON PAR GRUB PA'I 'KHOR BA GANG YIN PA DE NI GNAS NGAN LAN RNAM PAR SMIN PA ZHES PA'O, ,SGRIB PA GSUM PO DAG SPANG PA'I PHYIR BRTZON 'GRUS RTZOM PAR BYED DO, , SGRIB PA GSUM PO SPANGS NAS YAN LAG BCU GCIG YONGS SU RDZOGS PA 'THOB PAR 'GYUR TE, BYANG CHUB SEMS DPA'I YANG DAG PA'I TING NGE 'DZIN GYI GNAS SKABS LA 'JUG PAR 'GYUR BA YIN TE, DE BZHIN GSHEGS PA'I RIGS SU SKYES PA YIN, CHO RIGS SMAD PA MED PA YIN, 'JIG RTEN PA'I CHOS SPYOD PA THAMS CAD LAS BZLOG PA YIN TE, NGES PAR SROG GCOD PA LA SOGS PA LOG PAR SPYOD PA MI BYED PA'I PHYIR RO, ,'JIG RTEN LAS 'DAS PA'I SPYOD PA LAS YANG DAG PAR 'DAS PA YIN TE, GZHAN GYI SEMS SHES PA THOB PA LA @251A *, ,ZLA MED PA'I PHYIR RO, ,BYANG CHUB SEMS DPA'I CHOS KYI DE BZHIN NYID THOB PA YIN TE, BDAG DANG GZHAN LA MNYAM PA NYID THOB PA'I PHYIR RO, ,BYANG CHUB SEMS DPA'I GNAS LA LEGS PAR GNAS PA YIN TE, BYANG CHUB SEMS DPA'I DE KHO NA NYID KYI CHOS THOB PA'I PHYIR RO, ,DUS GSUM LAS 'DAS SHING MNYAM PA NYID DU GYUR PA YIN TE, CHOS BDAG MED PA'I DE BZHIN NYID THAMS CAD RTOGS PAR KHONG DU CHUD PA'I PHYIR RO, ,NGES PAR DE BZHIN GSHEGS PA'I RIGS LA GNAS PA YIN TE, MA 'ONGS PA NA GDON MI ZA BAR MNGON PAR 'TSANG RGYA BAR 'GYUR BA'I PHYIR RO, ,SGO NGA'I DNGOS PO SPANGS PA DANG 'JIG PA YIN TE, SANGS RGYAS LAM GYI BSTAN PA MA RIG PA'I SGO NGA'I SPUBS BCOM NAS, DE LAS PHYI ROL DU YONGS SU MYA NGAN LAS 'DAS PA'I PHYIR RO, ,BYANG CHUB SEMS DPA' SA DANG PO LA CHOS KYI DBYINGS KUN DU KHYAB PA'I DON MTHONG BAS, YAN LAG BCU PO 'DI DAG 'THOB PAR 'GYUR LA, YAN LAG DE 'THOB PA'I PHYIR SA DANG PO YONGS SU RDZOGS PA YIN NO ZHES BSHAD DO, ,DE LAS BCU GCIG PAS SGRIB PA GSUM SPANG BAR BYA BA GANG YIN PA DE NI MDO LAS MA RIG PA NYI SHU RTZA GNYIS ZHES GSUNGS PA NYID DO, ,GNAS NGAN LEN BCU GCIG NI 'OG NAS RGYA CHER STON TO, ,LTUNG BA PHRA MO'I 'KHRUL PA KUN DU 'BYUNG BA DAG SHES BZHIN DU SPYOD PAR MI NUS PAS RGYU DANG RKYEN DES YAN LAG DE YONGS SU MA RDZOGS PA YIN TE ZHES BYA BA LA SOGS PAS NI YAN LAG GNYIS PAS DRI MA MED PA BSDUS PAR STON TO, ,'DI YANG RNAM PA GNYIS TE, SNGA MA LA PHYI MA'I SPYOD PA YONGS SU RDZOGS PAR BRTZON PA BSTAN PA'O, 'DI NI DANG PO STE, 'DI LTAR YAN LAG DANG PO'I TSE NI LTUNG BA PHRA MO'I 'KHRUL BA'I NYES PA DANG BCAS PA'I PHYIR 'KHRUL PA'I NYES PA YONGS SU BSAL BAR MI NUS PAS NA RGYU DANG RKYEN DES YONGS SU RDZOGS PAR MI 'GYUR RO, ,YAN LAG DE YONGS SU RDZOGS PAR BYA BA'I PHYIR 'BAD DE BSGOMS PAS DE YANG 'THOB BO, ,BYANG CHUB SEMS DPA' DE DAG RGYU DANG RKYEN DES YAN LAG DE YONGS SU RDZOGS PA YIN ZHES BYA BA NI, GNYIS PA RANG GI YAN LAG NAN TAN GYIS @251B YONGS SU RDZOGS PAR BYA BA'I PHYIR BA RTZON PAR BSTAN PA'O, ,BSTAN BCOS RNAL 'BYOR SPYOD PA'I SA'I NANG NAS GNAS PA'I LE'U LAS, DE LTAR GNAS PA BCU PO DAG BDAG NYID BCU PO DE DAG BDAG NYID CHE BA'I PHYIR DANG, YONGS SU RDZOGS PAR BYA BA'I PHYIR, BYANG CHUB SEMS DPA'I LHAG PA'I TSUL KHRIMS KYI GNAS PA NYID LA 'JUG CING GNON TO, ,GNAS DE LA RANG BZHIN GYIS TSUL KHRIMS DANG LDAN PAS LOG PA'I LAM DU GTOGS PA'I 'CHAL BA'I TSUL KHRIMS CHUNG DU YANG KUN DU MI SPYOD NA, 'BRING NGAM CHEN PO LTA CI SMOS ZHES 'BYUNG BA LTA BU STE, RGYA CHER DE NYID LAS BSTAN PA BZHIN NO, ,RGYU DANG RKYEN DES YAN LAG DE YONGS SU RDZOGS PA YIN ZHES BYA BA NI, BSTAN BCOS THEG PA CHEN PO BSDUS PA'I 'GREL PA LANG GI TSE BSGYUR BA LAS, BYANG CHUB SEMS DPA'I SA DANG PO LA NUS PA KHYAD PAR DU 'PHAGS PA DANG MI LDAN PAS BYANG CHUB SEMS DPA' TSUL KHRIMS LAS 'CHAL BA'I TSUL KHRIMS KYI NYES PA PHRA MO'I 'KHRUL PA KUN DU SPYOD PA MI RTOGS SO, ,DE LTAR MI NUS PA YANG SGRIB PA GSUM GYI PHYIR TE, LTUNG BA PHRA MO'I NYES PA'I MA RIG PA DANG, LAS KYI RNAM PA SNA TSOGS PA'I MA RIG PA'O, ,MA RIG PA 'DI NYID KYI SBYOR BA LAS MNGON PAR GRUB PA'I 'KHOR BA GANG YIN PA DE NI GNAS NGAN LEN RNAM PAR SMIN PA ZHES BYA'O, ,SGRIB PA GSUM PO DAG SPANG BA'I PHYIR YANG DAG PAR BRTZON PAR BYED DO, SGRIB PA GSUM PO DAG SPANGS NAS SA GNYIS PA LA 'JUG CING YON TAN RNAM PAR DAG PA BRGYAD 'THOB PAR 'GYUR TE, BSAM PA RNAM PAR DAG PA DANG, BYAMS PA DANG SNYING RJE RNAM PAR DAG PA DANG, PHA ROL TU PHYIN PA RNAM PAR DAG PA DANG, SANGS RGYAS KYI MDZAD PA MDZAD PA MTHONG BA RNAM PAR DAG PA DANG, SEMS CAN YONGS SU SMIN PAR BYED PAR RNAM PAR DAG PA DANG, MTHU DANG YON TAN RNAM PAR DAG PA'O, SA GONG MA GONG MA NAS SANGS RGYAS KYI SA'I BAR DAG NI YON TAN BRGYAD PO 'DI DAG CHES MCHOG DANG, KHYAD PAR DU 'PHAGS PAR RIG PAR BYA STE, YAN LAG DES NAS GNYIS PA YONGS SU RDZOGS PAR 'GYUR BA YIN NO ZHES 'BYUNG STE, RNAM PAR DAG PA BRGYAD NI 'OG NAS PHYIS STON TO,, ,BAM PO LNGA @252A *, ,BCU GSUM PA, 'JIG RTEN PA'I TING NGE 'DZIN DANG, SNYOMS PAR 'JUG PA YONGS SU RDZOGS PA DANG, THOS PA'I GZUNGS YONGS SU RDZOGS PA THOB PAR MI NUS PAS, RGYU DANG RKYEN DES YAN LAG DE YONGS SU MA RDZOGS PA YIN TE ZHES BYA BA LA SOGS PAS NI GSUM PA STON TO, ,'DI YANG RNAM PA GNYIS TE, SA GSUM PA PHYI MA'I SPYOD PA YONGS SU MA RDZOGS PAR BSTAN PA DANG, RANG GI YAN LAG YONGS SU RDZOGS PA THOB PAR MI NUS PAS SO, ,DE LTA TING NGE 'DZIN ZHES BYA BA NI BYING RGOD DANG BRAL BA'I PHYIR TING NGE 'DZIN ZHES BYA'O, ,GZHAN YANG RTZE GCIG PA NYID DU GYUR PA'I TING NGE 'DZIN ZHES BYA'O, ,SNYOMS PAR 'JUG PA ZHES BYA BA LA NI BYING RGOD DANG BRAL BA'I MTHAR THUG PA'I PHYIR TE, 'DI LTAR RAB TU ZHI ZHING DPEN PA'I MTHA'I GNAS YIN PA'I PHYIR SNYOMS PAR 'JUG PA ZHES BYA'O, ,RNAM PA GNYIS PO 'DI DAG NI ZAG PA DANG BCAS PA'I PHYIR DANG 'JUG PAR 'GYUR BA'I PHYIR 'JIG RTEN PA ZHES BYA'O, ,TING NGE 'DZIN DE DAG GI MING YANG BSTAN BCOS RNAL 'BYOR SPYOD PA'I SA'I 'GREL PA DANG SBYAR NA MING YANG RNAM PA GSUM YOD DE, 'DI LTA STE, MNYAM PAR GZHAG PA DANG, TING NGE 'DZIN DANG SNYOMS PAR 'JUG PA STE, DE'I PHYIR 'GREL PA DE NYID LAS MNYAM PAR GZHAG PA'I SA ZHES BYA BA NI, 'DI LTA STE, TING NGE 'DZIN GYI MCHOG BYING RGOD DANG BRAL BAS MNYAM PA NYID DU GYUR PA'AM, MNYAM PA NYID DU 'DRES PA'AM, MNYAM PA NYID KYIS BSKYED PA'I PHYIR MNYAM BAR GZHAG PA'I SA ZHES BYA'O, ,KHA CIG NA RE MING 'DI NI SEMS DANG BCAS PA'I TING NGE 'DZIN THAMS CAD BSDUS PA YIN TE, THAMS CAD KYANG MNYAM PA NYID DU GYUR CING, YON TAN RNAMS 'DRES PA'I PHYIR RO, ,SEMS MED PA DAG NI MI BSDU STE, 'DI LTAR TSIGS SU BCAD PA SNGA MA LAS TING NGE 'DZIN DANG LHAN CIG PA'I PHYIR RO ZHES BSTAN PAS SO, ,TING NGE 'DZIN ZHES BYA BA NI YUL SO SOR NGES PA LAS SEMS LAS BYUNG BA'I CHOS KYI GRANGS GCIG YIN PA'I PHYIR DANG, SEMS MED PA'I TING NGE 'DZIN GYIS YON TAN RNAMS 'DREN PAR MI NUS PA'I PHYIR MNYAM PAR GZHAG @252B PA'I SA YIN NO, ,GAL TE DE LTA NA CI'I PHYIR MNYAM PAR GZHAG PA'I SA ZHES BYA ZHE NA, MNYAM PAR GZHAG PA'I SA NI MDOR BSDU NA RNAM PA BZHI YOD PAS, 'DI LTA STE, BSAM GTAN DANG, RNAM PAR THAR PA DANG, TING NGE 'DZIN DANG, SNYOMS PAR 'JUG PA'O, ,DE LA BSAM GTAN BZHI ZHES BYA BA NI 'DI LTA STE, BSAM GTAN BZHI PA DAG GO, ,RNAM PAR THAR PA ZHES BYA BA NI 'DI LTA STE, RNAM PAR THAR PA BRGYAD PO DAG GO, ,TING NGE 'DZIN ZHES BYA BA NI, 'DI LTA STE, STONG PA NYID KYI TING NGE 'DZIN DANG, SMON PA MED PA'I TING NGE 'DZIN DANG, MTSAN MA MED PA'I TING NGE 'DZIN TO, ,SNYOMS PAR 'JUG PA NI MTHONG BA LNGA'I SNYOMS PAR 'JUG PA'O, ,DE LA MTHONG BA LNGA'I SNYOMS PAR 'JUG PA NI NANG GI LUS KYI MI SDUG PA LA SO SOR RTOG PA DANG, KENG RUS LA RNAM PAR SHES PA DER RGYU BAR BYED DO ZHES SO SOR RTOG PA DANG, KED RUS LA RNAM PAR SHES PA DENG 'DRA BA DANG, MA 'ONGS PA NA GNAS SO ZHES SO SOR RTOG PA DANG, KENG RUS LA RNAM PAR SHES PA DER RGYU PAR BYED KYANG DA LTAR GYI LA MI GNAS KYI MA 'ONGS PA LA GNAS PA KHO NA'O ZHES BYA BA SO SOR RTOG PA DANG, KENG RUS LA RNAM PAR SHES PA DER RGYU BAR BYED KYANG DA LTAR DANG, MA 'ONGS PA LA MI GNAS PA'O ZHES SO SOR RTOG PA STE, RGYA CHER NI BSTAN BCOS BYE BRAG DU BSHAD PA CHEN PO LAS BSTAN PA BZHIN NO, ,BSTAN BCOS RNAL 'BYOR SPYOD PA'I SA LAS KYANG, ZIL GYIS GNON PA'I SKYE MCHED BRGYAD KYI SNYOMS PAR 'JUG PA DANG, ZAD PAR GYI SKYE MCHED BCU'I SNYOMS PAR 'JUG PA DANG, GZUGS MED PA'I SNYOMS PAR 'JUG PA DANG, 'DU SHES MED PA'I SNYOMS PAR 'JUG PA DANG, 'GOG PA'I SNYOMS PAR 'JUG PA'O ZHES 'BYUNG BAS 'DI LA NYES PA MED DO, ,SEMS MED PA'I SNYOMS PAR 'JUG PA NI MNYAM PAR GZHAG PA'I SKYON YIN PA'I PHYIR, DE YANG DAG PAR MNYAM PAR GZHAG PA MA YIN NO ZHE'O, ,KHA CIG NA RE MING 'DI NI SEMS DANG BCAS PA'I GNAS SKABS DANG, SEMS MED PA'I GNAS SKABS LA YOD PA'I TING NGE 'DZIN GYI BDAG NYID DE, SEMS DANG BCAS PA'I MNYAM PA NYID DU GYUR PA GANG YIN PA DE NI, @253A *, ,YON TAN RNAMS 'DREN PA'I PHYIR DANG, MNYAM PA NYID KYI DBANG PO 'DREN PAR YANG PHAL CHER MTSUNGS PA'I PHYIR DANG, BYING RGOD DANG BRAL BA'I PHYIR DANG, 'GYOD PA MED PA LA SOGS PA'I MNYAM PA NYID KYI SBYOR BA YANG RAB TU 'DREN PA'I PHYIR MNYAM PAR GZHAG PA ZHES BYA'O, ,SEMS MED PA'I TING NGE 'DZIN GANG YIN PA DE NI YON TAN KHYAD PAR DU 'PHAGS PA 'DREN PAR MI NUS MOD KYI, MNYAM PA NYID KYI DBANG PO 'DREN PAR PHAL CHER MTSUNGS PA'I PHYIR DANG, MNYAM PA NYID KYI TING NGE 'DZIN GYIS BSKYED PA'I PHYIR, DE LA YANG MNYAM PAR GZHAG PA ZHES BYA'O, ,GAL TE DE LTA NA CI'I PHYIR TSIGS SU BCAD PA SNGA MA LAS TING NGE 'DZIN DANG LHAN CIG CES BSHAD KYANG NYES PA MED CE NA, TSIGS SU BCAD PA LAS LDAN PA ZHES BYA BA MI MNGON PAR BYAS PAS DE DANG LHAN CIG CES BYA BA SMOS PA YIN TE, YANG DAG PAR NA MNYAM PAR GZHAG PA NI LHAN CIG BAR YANG MA YIN LA, MNYAM PAR GZHAG PA'I SEMS MED GTOGS PAR BSTAN PA'I PHYIR RO, ,YANG DAG PA'I DON DU NA MNYAM PAR GZHAG PA'I SA'I MING NI KUN DU BSDUS PAR GTOGS PA YANG YOD, SPANGS PA MA YIN PA YANG YOD DE, SAMS YOD PA DANG MED PA'I GNAS SKABS GNYI GA BSDUS PA'I PHYIR NI KUN BSDU BAR GTOGS PA ZHES BYA'O, ,GZHAN YANG 'DU SHES MED PA DANG, 'GOG PA'I SNYOMS PAR 'JUG PA YANG MNYAM PAR GZHAG PA'I SA'I BDAG NYID YIN PAR BSTAN PA'I PHYIR ZAG PA DANG BCAS PA'I DANG, ZAG PA MED PA'I TING NGE 'DZIN KHYAD PAR DU 'PHAGS PA LA BYA'I, 'DOD PA'I KHAMS LA SOGS PA RNAM PAR G-YENG BA'I SEMS THAMS CAD LA BYA BA NI MA YIN PA'I PHYIR SPANGS PA MA YIN PA ZHES BYA'O ZHE'O, ,CI'I PHYIR BSAM GTAN LA SOGS PA LA MNYAM PAR GZHAG PA'I SA ZHES BYA BA LA, 'DOD PA'I KHAMS KYI SEMS RTZE GCIG PA NYID NI MA YIN ZHE NA, TING NGE 'DZIN DE NI 'GYOD PA MED PA DANG, MCHOG TU DGA' BA DANG, DGA' BA DANG, SHIN TU SBYANGS PA DANG, BDE BAS BSGRUBS PA YIN LA 'DOD PA NA SPYOD PA NA DE LTA MA YIN NO ZHES 'BYUNG STE, 'DI DANG SBYAR NA KHAMS GONG MA'I @253B SEMS RNAM PAR G-YENG BA YANG MNYAM PAR GZHAG PA MA YIN TE, 'DOD PA'I KHAMS DANG MTSUNGS PA'I PHYIR RO, ,DE NAS PHAN TSUN LTOS PA'I MU BZHIR 'GYUR TE, TING NGE 'DZIN DANG LHAN CIG PA YIN LA MNYAM PAR GZHAG PA'I SEMS MA YIN PA YANG YOD DO, ,'DI LTA STE, 'DOD PA'I KHAMS LA SOGS PA RNAM PAR G-YENG BA'I SEMS KYI GNAS SKABS SU TING NGE 'DZIN DANG LDAN PA'I SEMS DANG, SEMS LAS BYUNG BA GANG YIN PA RNAMS SO, ,MNYAM PAR GZHAG PA'I SA YIN LA TING NGE 'DZIN DANG LHAN CIG PA MA YIN PA YANG YOD DE, 'DI LTA STE, SNYOMS PAR 'JUG PA'I GNAS SKABS SU TING NGE 'DZIN GYI BDAG NYID DANG, 'DU SHES MED PA'I SNYOMS PAR 'JUG PA'I GNAS SKABS LA YOD PA'I CHOS RNAMS GANG YIN PA'O, ,TING NGE 'DZIN DANG LHAN CIG PA YANG YIN LA, MNYAM PAR GZHAG PA'I SA YIN PA YANG YOD DE, 'DI LTA STE, BSAM GTAN RNAMS DANG GZUGS MED PA'I SEMS YOD PA'I TING NGE 'DZIN GYI GNAS SKABS KYI SEMS DANG, SEMS LAS BYUNG BA LA SOGS PA GANG YIN PA STE, TING NGE 'DZIN MA GTOGS PA'O, ,GNYI GA MA YIN PA YANG YOD DE, GONG DU BSTAN PA'I GNAS SKABS LA MA GTOGS PA'I CHOS RNAMS GANG YIN BA'O, ,GZHAN YANG TING NGE 'DZIN DANG, SNYOMS PAR 'JUG PA DANG, MNYAM PAR GZHAG PA LA YANG DON CI YOD CE NA, DE LA TING NGE 'DZIN ZHES BYA BA NI SEMS LAS BYUNG BA'I CHOS KYI NANG NA TING NGE 'DZIN ZHES BYA BA CHOS GCIG GI MING YIN TE, SEMS YOD PA'I GNAS SKABS KYI SEMS RTZE GCIG PA NYID THAMS CAD BSDUS SHING, MNYAM PAR GZHAG PA DANG, RNAM PAR G-YO BA'I GNAS SKABS SU YANG GTOGS PA YIN YANG, MDO SDE DANG BSTAN BCOS DAG LAS NI GTZO BO'I DBANG DU MDZAD NAS STONG PA DANG, SMOD PA MED PA LA SOGS PA LA TING NGE 'DZIN ZHES BSTAN TO, ,SNYOMS PAR 'JUG PA'I MING NI SEMS YOD PA DANG, SEMS MED PA'I TING NGE 'DZIN RNAMS KYI GNAS SKABS THAMS CAD LA YOD PA'I TING NGE 'DZIN GYI BDAG TU GTOGS PA YIN YANG MDO SDE DANG BSTAN BCOS DAG LAS NI GTZO BO'I @254A *, ,DBANG DU MDZAD NAS MTHONG BA LNGA LA SOGS PA DANG LDAN PA'I TING NGE 'DZIN RNAMS LA SNYOMS PAR 'JUG PA ZHES BSTAN TO, ,MNYAM PAR GZHAG PA'I SA ZHES BYA BA'I MING NI SEMS YOD PA DANG, MED PA'I TING NGE 'DZIN GYI GNAS SKABS KYI YON TAN YIN PA'I PHYIR, SA 'DIS TING NGE 'DZIN GYI GNAS SKABS THAMS CAD YON TAN THAMS CAD BSDUS TE SPYI YIN PA'I PHYIR GCIG BUS SA'I MING THOB PA YIN NO, ,MDO 'DI NYID LAS NI MDOR BSDUS NAS MING GNYIS BSTAN TE, MNYAM PAR GZHAG PA DANG, RNAM PAR G-YENG BA DANG, SEMS YOD PA DANG, SEMS MED PA RNAMS SDUD PA'I PHYIR RO, ,DE LA GZUNGS ZHES BYA BA NI DRAN PA DANG, SHES RAB KYI BDAG NYID DO, ,GZUNGS DE YANG MDOR BSDU NA RNAM PA BZHI STE, BSTAN BCOS RNAL 'BYOR SPYOD PA'I SA LAS JI SKAD DU, DE LA BYANG CHUB SEMS DPA' RNAMS KYI GZUNGS DAM PA GANG ZHE NA, DE NI MDOR BSDU NA RNAM PA BZHIR BLTA BAR BYA STE, CHOS KYI GZUNGS DANG, DON GYI GZUNGS DANG, GSANG SNGAGS KYI GZUNGS DANG, BYANG CHUB SEMS DPA'I BZOD PA THOB PAR BYED PA'I GZUNGS SO, ,DE LA BYANG CHUB SEMS DPA'I CHOS KYI GZUNGS GANG ZHE NA, 'DI LTA STE, DE LA BYANG CHUB SEMS DPA' NI GANG GIS THOS PA TZAM KHO NAS GOMS SHING KHA DON BYA BAR MA BYAS PA'I MING DANG, TSIG DANG YI GER GTOGS PA'I RIM BZHIN DU BSDEBS SHING RIM BZHIN DU SBYAR BA'I YI GE TSAD MED PA DPAG TU TSAD MED PAR 'DZIN PAR 'GYUR BA DE LTA BU'I DRAN PA DANG, SHES RAB KYI BSKYED PA THOB PAR 'GYUR BA DE NI, BYANG CHUB SEMS DPA'I CHOS KYI GZUNGS ZHES BYA'O, ,DE LA DON GYI GZUNGS GANG ZHE NA, 'DI LTA STE, SNGA MA DANG DRAN PA LAS DE'I KHYAD PAR NI 'DI YIN NO, ,CHOS DE BDAG NYID KYI DON TSAD MED PA DAG MA GOMS SHING YID KYI BYA BAR MA BYAS PAS DUS TSAD MED PA DAG TU 'DZIN CING BRJED PAR MI 'GYUR BA GANG YIN PA DE NI, BYANG CHUB SEMS DPA'I DON GYI GZUNGS ZHES BYA'O, DE LA BYANG CHUB SEMS DPA'I GSANG SNGAGS KYI GZUNGS GANG ZHE NA, 'DI LTA STE, 'DI LA BYANG CHUB SEMS DPA' NI GANG GI GSANG SNGAGS KYI GZHI GANG DAG @254B SEMS CAN RNAMS YAMS KYI NAD YANG DAG PAR ZHI BAR BYED PA'I PHYIR BYIN GYIS RLOB PAR BYED, YAMS KYI NANG RNAM PA DU MA YANG DAG PAR ZHI BAR BYA BA LA DE DAG GRUB CING MCHOG TU GRUB LA, DON YOD PA DE LTA BU'I TING NGE 'DZIN GYI DBANG 'THOB PAR 'GYUR TE, 'DI NI BYANG CHUB SEMS DPA'I GSANG SNGAGS KYI GZUNGS ZHES BYA'O, ,DE LA BYANG CHUB SEMS DPA' RNAMS KYI BYANG CHUB SEMS DPA'I BZOD PA THOB PAR BYED PA'I GZUNGS GANG ZHE NA, 'DI LTA STE, 'DI LA BYANG CHUB SEMS DPA' BDAG NYID KYI RGYU LA SHIN TU SPYAD PA SHES RAB DANG LDAN PA DPEN PA LA GNAS SHING TSIG KYANG MI SMRA LA, SU DANG YANG MI PHUD CING DE BZHIN DU RAN PAR ZA BA DANG, BAB COL DU MI ZA BA DANG, KHA ZAS SNA GCIG ZA BA DANG, SEMS LHUR BYED PA DANG, MTSAN MO YUN THUNG DU NYAL ZHING YUN RING DU MI NYAL BA NI, BYANG CHUB SEMS DPA'I BZOD PA THOB PAR BYED PA'I GSANG SNGAGS BZHI GANG DAG DE BZHIN GSHEGS PAS GSUNGS PA DE DAG SEMS SHING 'JAL BA NYE BAR RTOG STE ZHES 'BYUNG BA LTA BU STE, RGYA CHER DE NYID LAS BSTAN PA BZHIN NO, ,ZHIB TU MTSAN NYID BSTAN PA DAG LAS 'BYUNG BA BZHIN DU RIG PAR BYA'O, ,DE NI 'DI SKAD DU, TING NGE 'DZIN DANG, SNYOMS PAR 'JUG PA NI BSGOMS PA'I SHES RAB KYI RGYU'O, ,GZUNGS NI THOS PA DANG BSAMS PA'I SHES RAB KYI RGYU YIN TE, BYANG CHUB SEMS DPA'I TING NGE 'DZIN DANG, SNYOMS PAR 'JUG PA LA SOGS PA'I SHES RAB RNAM PA GSUM BSKYED PA'I RGYU THOB PAS, RGYU DANG RKYEN DES LHAG PA'I SEMS KYI YAN LAG DE YONGS SU RDZOGS PAR GYUR PAR STON TO ZHES BSTAN PAR 'GYUR RO, ,YAN LAG DE YONGS SU RDZOGS PAR BYA BA'I PHYIR 'BAD DE BSGOMS PAS DE YANG 'THOB PO, ,BYANG CHUB SEMS DPA' DE DAG RGYU DANG RKYEN DES YAN LAG DE YONGS SU RDZOGS PA YIN ZHES BYA BA NI GNYIS PA RANG GI YAN LAG 'BAD DE BSGOMS PAS YONGS SU RDZOGS PAR 'GYUR BA STON TO, ,'DI LTAR SA GSUM PAS TING NGE 'DZIN DANG, SNYOMS PAR 'JUG PA DANG, GZUNGS THOB PA'I RGYU DANG RKYEN GYI STOBS KYIS YAN LAG DE YONGS SU RDZOGS PAR 'GYUR BA'O, ,BSTAN BCOS @255A *, ,THEG PA CHEN PO BSDUS PA'I 'GREL BA LANG GI TSE BSGYUR BA LAS, BYANG CHUB SEMS DPA' SA GNYIS PA LA NUS PA KHYAD PAR CAN DANG MI LDAN PAS, BSAM GTAN BZHI DANG, GZUGS MED PA'I SNYOMS PAR 'JUG PA BZHI DANG, THOS PA'I GZUNGS DRAN PA'I STOBS DANG LDAN PAR MI 'GYUR RO, ,DE LTAR 'THOB PAR MI 'GYUR PA YANG SGRIB PA GSUM GYI PHYIR TE, 'DOD PA LA SRED PA'I MA RIG PA DANG, THOS PA DANG GZUNGS DANG LDAN PA'I MA RIG PA'O, ,MA RIG PA 'DI NYID KYI SBYOR BA LAS MNGON PAR 'GRUB PA'I 'KHOR BA GANG YIN PA DE NI GNAS NGAN LEN RNAM PAR SMIN PA ZHES BYA'O, ,SGRIB PA GSUM BO DE DAG SPANG BA'I PHYIR YANG DAG PAR RTZOL BA'I RGYU SGRUB PAR BYED DO, ,YANG DAG PAR RTZOL BAS SGRIB PA GSUM PO DAG SPANGS NAS SA GSUM PO LA 'JUG CING RNAM PAR DAG PA KHYAD PAR DU 'PHAGS PA RNAM PA BRGYAD DANG, SNYOMS PAR 'JUG PA BZHI LA SOGS PA YANG 'THOB LA, CHOS KYI DBYINGS RGYU MTHUN PA'I DON DU YANG RTOGS PAR 'GYUR TE, YAN LAG DES SA GSUM PA YONGS SU RDZOGS PAR 'GYUR BA YIN NO ZHES BSHAD DO, ,BYANG CHUB KYI PHYOGS DANG MTHUN PA'I CHOS JI LTAR THOB PA DAG LA LAN MANG DU BSGOMS SHING GNAS PAR BYA BA DANG, SNYOMS PAR 'JUG PA LA SRED PA DANG, CHOS LA SRED PA LAS SEMS LHAG PAR BTANG SNYOMS SU 'JOG MI NUS PAS, RGYU DANG RKYEN DES YAN LAG DE YONGS SU MA RDZOGS PA YIN TE ZHES BYA BA LA SOGS PA NI BZHI PA YAN LAG BZHI PAS SA BZHI PA 'OD 'PHRO BA CAN SDUD PA STON TO, ,'DI YANG RNAM PA GNYIS TE, SA GSUM PA LA PHYI MA'I SPYOD PA YONGS SU MA RDZOGS PAR BSTAN PA DANG, RANG GIS 'BAD DE BSGOMS PAS YONGS SU MA RDZOGS PAR 'GYUR BA BSTAN PA STE, 'DI NI DANG PO'O, ,'DI LTAR BYANG CHUB SEMS DPA' DE RKYEN RNAM PA GNYIS KYI PHYIR SA BZHI PA'I BYANG CHUB KYI PHYOGS YONGS SU RDZOGS PAR MI 'GYUR TE, BYANG CHUB KYI PHYOGS DANG MTHUN PA'I CHOS JI LTAR THOS PA DAG LA LAN MANG DU MI GNAS PA DANG, SNYOMS PAR 'JUG PA LA SRED PA DANG, CHOS LA SRED PA LAS LHAG PAR BTANG SNYOMS SU 'JOG MI @255B NUS PA STE, RKYEN RNAM PA DE GNYIS KYIS YAN LAG DE YONGS SU RDZOGS PAR MI 'GYUR BA'O, ,YAN LAG DE YONGS SU RDZOGS BAR BYA BA'I PHYIR 'BAD DE BSGOMS PAS DE YANG 'THOB PA'O, ,BYANG CHUB SEMS DPA' DE DAG RGYU DANG RKYEN DES YAN LAG DE YONGS SU RDZOGS PA YIN ZHES BYA BA NI GNYIS PA RANG GIS 'BAD DE BSGOMS PAS YONGS SU RDZOGS PAR 'GYUR BA STON TO, ,'DI YANG SA BZHI BA DAG GIS BYANG CHUB KYI PHYOGS THOB PA DANG, SNYOMS PAR 'JUG PA DANG, CHOS LA SRED PA RNAM PA GNYIS SPANGS PA'I RGYU DANG RKYEN GYI STOBS KYIS YAN LAG DE YONGS SU RDZOGS PAR 'GYUR BA'O, ,BSTAN BCOS THEG PA CHEN PO BSDUS PA LANG GI TSE BSGYUR BA LAS, BYANG CHUB SEMS DPA' SA GSUM PA LA NUS PA KHYAD PAR CAN DANG MI LDAN PAS, JI LTAR BDAG GIS THOB PA'I BYANG CHUB KYI PHYOGS LA YID BZHIN DU GNAS PA DANG, SNYOMS PAR 'JUG PA LA SRED PA DANG, CHOS LA SRED PA SPANGS NAS SEMS YONGS SU DAG PAR GNAS PAR MI NUS SO, ,DE LTAR MI NUS PA YANG SGRIB PA GSUM GYI PHYIR TE, TING NGE 'DZIN DANG, SNYOMS PAR 'JUG PA LA SRED PA'I MA RIG PA DANG, CHOS LA SRED PA'I MA RIG PA'O, ,MA RIG PA 'DI GNYIS KYI SBYOR BA LAS MNGON PAR 'GRUB PA'I 'KHOR BA GANG YIN PA DE NI GNAS NGAN LEN RNAM PAR SMIN PA ZHES BYA'O, ,SGRIB PA DE DAG SPANG PA'I PHYIR YANG DAG PAR RTZOL BA'I RGYU SGRUB PAR BYED DO, ,YANG DAG PAR RTZOL BAS SGRIB PA GSUM PO SPANGS NAS SA BZHI PA LA 'JUG CING RNAM PAR DAG PA KHYAD PAR DU 'PHAGS PA RNAM PA BRGYAD DANG, BYANG CHUB KYI PHYOGS KYI CHOS LA YUN RING DU GNAS PA LA SOGS PA YANG 'THOB LA, CHOS KYI DBYINGS GZUNG BA MED PA'I DON DU YANG RTOGS PAR 'GYUR TE, YAN LAG DES SA BZHI PA YANG YONGS SU RDZOGS PAR 'GYUR BA YIN NO ZHES BSHAD DO, ,BDEN PA RNAMS KYI RIGS PA LA RNAM PAR DPYAD PAR MI NUS PA DANG, GZHAN YANG 'KHOR BA DANG MYA NGAN LAS 'DAS PA DAG LA GCIG TU MI PHYOGS PA DANG, MNGON DU PHYOGS PA NYID YIN LA BYED BA LA LHAG PAR BTANG SNYOMS SU BZHAG PAR MI NUS PA DANG, @256A *, ,GZHAN YANG THABS KYIS ZIN PA'I BYANG CHUB KYI PHYOGS DANG MTHUN PA'I CHOS BSGOM PAR MI NUS PAS RGYU DANG RKYEN DES YAN LAG YONGS SU MA RDZOGS PA YIN TE ZHES BYA BA LA SOGS PAS NI LNGA PA YAN LAG LNGA PAS SA SHIN TU SBYANG DKA' BA BSDUS PAR STON TO, ,'DI YANG RNAM PA GNYIS TE, SA BZHI PA LA PHYI MA'I SPYOD PA YONGS SU MA RDZOGS PAR BSTAN PA DANG, RANG GI SA YONGS SU RDZOGS PAR BYA BA'I PHYIR BSGRUB PAR BSTAN PA STE, 'DI NI DANG PO'O, ,'DI LTAR SA BZHI BAS BYANG CHUB KYI PHYOGS DANG MTHUN PA'I CHOS THOB PAR GYUR KYANG, RKYEN RNAM PA GSUM GYI PHYIR SA LNGA PA 'THOB PAR MI 'GYUR TE, SA DANG PO NI BYANG CHUB KYI CHOS SUM CU RTZA BDUN THOB PAR GYUR KYANG BDEN PA RNAMS KYI RIGS PA LA YANG DAG PA JI LTA BA BZHIN DU RNAM PAR DPYAD PAR MI NUS PA'O, ,DE LA BDEN PA RNAMS ZHES BYA BA NI, 'PHAGS PAS BCU PA'I MDO LAS, 'PHAGS PA BDEN PA RNAM PA BZHI DANG, BDEN PA RNAM PA GNYIS ZHES BYA BA LA SOGS PA JI SKAD DU BSTAN PA LTA BU STE, ZHIB TU DE NYID LAS BSTAN PA BZHIN NO, ,GNYIS PA NI 'KHOR BA LA GCIG TU RGYAB KYIS PHYOGS SHING, MYA NGAN LAS 'DAS PA LA MNGON DU PHYOGS PA NYID KYI YID LA BYED PA RNAM PA GNYIS LHAG PAR BTANG SNYOMS SU GZHAG PAR MI NUS PA STE, BSTAN BCOS RNAM PAR RIG PA TZAM DU GRUB PA LAS JI SKAD DU, 'KHOR BA DANG MYA NGAN LAS 'DAS PA BYE BRAG MED PA'I LAM MA THOB PA'I PHYIR RO ZHES PA BSTAN PA LTA BU'O, ,GSUM PA NI THABS KYIS ZIN PA'I BYANG CHUB KYI PHYOGS DANG MTHUN PA'I CHOS BSGOM PAR MI NUS PA'O, ,SA BZHI PA NI BYANG CHUB KYI PHYOGS THOB ZIN PA YIN NA, CI'I PHYIR BYANG CHUB KYI PHYOGS KYI CHOS BSGOM PAR MI NUS SHE NA, SMRAS PA, BYANG CHUB KYI CHOS NI RNAM PA GNYIS TE, DANG PO NI BYANG CHUB KYI PHYOGS KYI CHOS SUM CU RTZA BDUN PO DAG STE, SNGAR BSHAD PA BZHIN NO, ,GNYIS PA NI THABS KYIS ZIN PA'I BYANG CHUB KYI PHYOGS KYI CHOS RNAM PA GSUM STE, 'PHAGS PA SA BCU'I MDO LAS, SA LNGA PA'I GNAS NAS JI SKAD DU, BSOD NAMS NYE BAR RTZOM PAS NGOMS MI SHES PA YIN, YE @256B SHES KYI YONGS SU TSOL BAS BRTZON 'GRUS RGYUN MI 'CHAD PA YIN, BYAMS PA DANG SNYING RJE CHEN PO'I TSOGS YANG DAG PAR SKYO BA MED PA'I BSAM PA DANG LDAN PA YIN ZHES GSUNGS PA LTA BU STE, DE'I PHYIR SNGA PHYIR BSHAD PA LA PHAN TSUN 'GAL BA MED DO, ,RKYEN RNAM PA GSUM PO DES NA, YAN LAG DE YONGS SU RDZOGS PAR MI 'GYUR BA'O, ,YAN LAG DE YONGS SU RDZOGS PAR BYA BA'I PHYIR 'BAD DE BSGOMS PAS DE YANG 'THOB BO, ,BYANG CHUB SEMS DPA' DE DAG RGYU DANG RKYEN DES YAN LAG DE YONGS SU RDZOGS PA YIN ZHES BYA BA NI GNYIS PA RANG GIS YONGS SU RDZOGS PAR BYA BA'I PHYIR SGRUB PAR BYED PAR STON TO, ,'DI LTAR BYANG CHUB SEMS DPA' SA LNGA PO DE GONG DU BSTAN PA'I SKYE BA RNAM PA GSUM GYI STOBS KYIS YAN LAG DE YONGS SU RDZOGS PAR 'GYUR BA'O, ,BSTAN BCOS THEG PA CHEN PO BSDUS PA LANG GI TSE BSGYUR BA LAS, BYANG CHUB SEMS DPA'I SA BZHI PA LAS NI NUS PA KHYAD PAR CAN BDEN PA BZHI BSGOM PAR MI NUS PA DANG, 'KHOR BA DANG MYA NGAN LAS 'DAS PAR LTA ZHING RGYAB KYIS PHYOGS SHING MNGON DU PHYOGS PA YONGS SU MA SPANGS PA DANG, SEMS KYI THABS KYIS ZIN PA'I BYANG CHUB KYI PHYOGS RNAMS BSGOM PAR MI NUS TE, DE LTAR MI NUS PA YANG SGRIB PA GSUM GYI PHYIR TE, 'KHOR BA DANG MYA NGAN LAS 'DAS PA DAG LA GCIG TU RGYAB KYIS PHYOGS SHING MNGON DU PHYOGS PA NYID YID LA BYED PA'I MA RIG PA DANG, THABS KYIS ZIN PA'I BYANG CHUB KYI PHYOGS KYI MA RIG PA'O, ,MA RIG PA 'DI GNYIS KYI RGYU DANG RKYEN LAS MNGON PAR GRUB PA GANG YIN PA DE NI GNAS NGAN LEN RNAM PAR SMIN PA ZHES BYA'O, ,SGRIB PA GSUM PO DE DAG SPANG BA'I PHYIR YANG DAG PAR RTZOL BA'I RGYU MNGON PAR SGRUB PAR BYED DO, ,YANG DAG PAR RTZOL BAS SGRIB PA DAG SPANGS NAS SA LNGA PA LA 'JUG CING, RNAM PAR DAG PA KHYAD PAR DU 'PHAGS PA RNAM PA BRGYAD KYANG 'THOB LA, RGYAB KYIS PHYOGS PA DANG MDUN DU PHYOGS PA'I SEMS LA SOGS PA SPONG BAR 'GYUR RO, ,CHOS KYI RGYUN THA DAD PA'I DON GYI BAR DU YANG RTOGS PAR 'GYUR TE, YAN @257A *, ,LAG DES SA LNGA PA YONGS SU RDZOGS PAR 'GYUR BA YIN NO ZHES BSHAD DO, ,'KHOR BAR 'JUG PA LA YANG DAG PA JI LTA BA BZHIN DU SO SOR RTOGS PAR MI NUS PA DANG, GZHAN YANG DE LA SKYO BA MANG BA'I PHYIR, MTSAN MA MED PA YID LA BYED PAS MANG DU GNAS PAR MI NUS PAS, RGYU DANG RKYEN DES YAN LAG DE YONGS SU MA RDZOGS PA YIN TE ZHES BYA BA LA SOGS PA NI DRUG PA YAN LAG DRUG PAS MNGON DU GYUR BA BSDUS PA STON TO, ,'DI YANG RNAM PA GNYIS TE, SA LNGA PA LA PHYI MA'I SPYOD PA YONGS SU MA RDZOGS PA BSTAN PA DANG, RANG GI SA YONGS SU RDZOGS PAR SGRUB PAR BYED PA BSTAN PA STE, 'DI NI DANG PO'O, ,'DI LTAR SA LNGA PAS BDEN PA'I RNAL 'BYOR THOB MOD KYI, RGYU DANG RKYEN RNAM PA GNYIS KYIS SA DRUG PA 'THOB PAR MI 'GYUR TE, 'KHOR BAR 'JUG PA LA YANG DAG PA JI LTA BA BZHIN DU RTEN CING 'BREL BAR 'BYUNG BA'I RIGS PA SO SOR RTOGS PAR MI NUS PA DANG, SDUG BSNGAL BA DANG, KUN 'BYUNG BA'I NYON MONGS PA LA SKYO BA MANG DU SKYES PA'I PHYIR, MTSAN MA MED PA YID LA BYED PAS MANG DU GNAS PAR MI NUS PA STE, RKYEN RNAM PA GNYIS PO DES SA DRUG PA'I YAN LAG YONGS SU RDZOGS PAR MI 'GYUR BA YIN NO ZHES BYA BA'I THA TSIG GO, ,YAN LAG DE YONGS SU RDZOGS PAR BYA BA'I PHYIR 'BAD DE BSGOMS PAS DE YANG 'THOB PO, ,BYANG CHUB SEMS DPA' DE DAG RGYU DANG RKYEN DES YAN LAG DE YONGS SU RDZOGS PA YIN ZHES BYA BA NI GNYIS PA RANG GI SA'I CHOS YONGS SU RDZOGS PAR SGRUB PA STON TO, ,'DI LTAR SA DRUG PA'I BYANG CHUB SEMS DPA' RTEN CING 'BREL BAR 'BYUNG BA MTHONG BA'I PHYIR, YAN LAG DE YONGS SU RDZOGS PAR 'GYUR BA'O, ,BSTAN BCOS THEG PA CHEN PO BSDUS PA'I 'GREL BA LANG GI TSE BSGYUR BA LAS, BYANG CHUB SEMS DPA' SA LNGA PA LA 'DU BYED KYI CHOS RNAMS RGYUN MI 'CHAD PAR 'BYUNG BA TSUL BZHIN DU MNGON DU BYED PA'I NUS PA KHYAD PAR DU 'PHAGS PA DANG MI LDAN PA'I PHYIR, 'DUS BYAS KYI CHOS LA CHOS MANG DU BSGOMS PAS YUN RING POR YID BZHIN DU MTSAN @257B MA YID LA BYED PAS GNAS PAR MI NUS PA'I PHYIR RO, ,DE LTAR MI NUS PA YANG SGRIB PA GSUM GYI PHYIR TE, 'DU BYED KYI CHOS RNAMS RGYUN MI 'CHAD PAS 'JUG PA MNGON DU BYA BA'I MA RIG PA DANG, MTSAN MA MANG PO KUN DU 'BYUNG BA'I MA RIG PA'O, ,MA RIG PA 'DI GNYIS GYI RGYU DANG RKYEN LAS MNGON PAR GRUB PA'I 'KHOR BA GANG YIN PA DE NI GNAS NGAN LEN RNAM PAR SMIN PA ZHES BYA'O, ,SGRIB PA GSUM PO DE DAG SPANG BA'I PHYIR, YANG DAG PAR RTZOL BA'I RGYU MNGON PAR SGRUB PAR BYED DO, ,YANG DAG PAR RTZOL BAS SGRIB PA GSUM PO DAG SPANGS NAS SA DRUG PA LA 'JUG CING, RNAM PAR DAG PA KHYAD PAR DU 'PHAGS PA RNAM PA BRGYAD KYANG 'THOB PAR 'GYUR LA, 'DU BYED RNAMS RGYUN MI 'CHAD PAR 'BYUNG BA LA SOGS PA MNGON DU BYED PA DANG, CHOS KYI DBYINGS KUN NAS NYON MONGS PA DANG, RNAM PAR BYANG BA MED PA'I DON KYANG RAB TU RTOGS PAR 'GYUR BAS YAN LAG DES SA DRUG PA YANG YONGS SU RDZOGS PAR 'GYUR BA YIN NO ZHES BSHAD DO, ,BAR CHAD MED PA DANG, RGYUN MI 'CHAD PAR MTSAN MA MED PA'I YID LA BYED PA MED PAS RGYU DANG RKYEN DES YAN LAG DE YONGS SU MA RDZOGS PA YIN TE ZHES BYA BA LA SOGS PA NI, BDUN PA YAN LAG BDUN PAS RING DU SONG BA'I SA GSUM PA STON TO, ,'DI YANG RNAM PA GNYIS TE, SA DRUG PA LA PHYI MA'I SPYOD PA YONGS SU MA RDZOGS PAR BSTAN PA DANG, RANG GIS YONGS SU RDZOGS PAR BSTAN PA STE, 'DI NI DANG PO'O, ,'DI LTAR SA DRUG PAS RTEN CING 'BREL BAR 'BYUNG BA SGOM PA THOB KYANG SA BDUN PA LTAR NA MTSAN MA MED PA 'BA' ZHIG TU BSGOM PAR MI NUS PAS SO, ,MTSAN MA MED PAR BSGOM PA NA RGYUN CHAD PA MED CING 'GAG PA MED PA'I PHYIR BAR CHAD MED PA ZHES BYA'O, ,MTSAN MAS BAR DU CHOD PA MA YIN PA'I PHYIR RGYUN CHAD PA MED PA ZHES BYA STE, DE'I PHYIR BSTAN BCOS RNAM PAR RIG PA TZAM DU GRUB PA LAS, SA SNGA MA LNGA PO DAG NI MTSAN MA DANG BCAS PA'I BSGOM PA NI MANG LA MTSAN MA MED PA'I BSGOM PA NI NYUNG NGO, ,SA DRUG PA LA NI MTSAN MA MED PA'I BSGOM PA NI MANG LA, MTSAN MA DANG BCAS PA'I BSGOM PA NI @258A *, ,NYUNG NGO, ,SA BDUN PA LA NI GCIG TU MTSAN MA MED PA 'BA' ZHIG TU BSGOMS PAS, RGYU DANG RKYEN DES YAN LAG DE YONGS SU RDZOGS PAR MI 'GYUR BA'O, ,YAN LAG DE YONGS SU RDZOGS PAR BYA BA'I PHYIR 'BAD DE BSGOMS PAS DE YANG 'THOB PO, ,BYANG CHUB SEMS DPA' DE DAG RGYU DANG RKYEN DES YAN LAG DE YONGS SU RDZOGS PA YIN NO ZHES BYA BA NI GNYIS PA RANG GI SA YONGS SU RDZOGS PAR BYA BA BSGRUB PA STON TO, ,'DI LTAR SA BDUN PA'I BYANG CHUB SEMS DPA' BAR CHAD MED PA DANG, RGYUN CHAD PA MED PAR MTSAN MA MED PA'I YID LA BYED PA MNGON DU GYUR PAS NA, RGYU DANG RKYEN DES YAN LAG DE YONGS SU RDZOGS PAR 'GYUR BA'O, ,BSTAN BCOS THEG PA CHEN PO BSDUS PA'I 'GREL BA LANG GI TSE BSGYUR BA LAS, BYANG CHUB SEMS DPA' SA DRUG PA LA 'DUS BYAS KYI CHOS KYI MTSAN MA MED PA'I SPYOD PA PHRA MO KUN DU 'BYUNG BA SPONG PA'I NUS PA KHYAD PAR DU 'PHAGS PA DANG, YUN RING POR YID BZHIN DU BAR CHAD MED PA DANG, RGYUN CHAD PA MED PAR MTSAN MA MED PA'I YID LA BYED PA LA GNAS PAR MI NUS SO, ,DE LTAR MI NUS PA YANG SGRIB PA GSUM GYI PHYIR TE, MTSAN MA PHRA MO KUN DU 'BYUNG BA'I MA RIG PA DANG, MTSAN MA MED PA GCIG TU THABS KYIS MA RIG PA'O, ,MA RIG PA 'DI GNYIS KYI RGYU DANG RKYEN LAS MNGON PAR GRUB PA'I 'KHOR BA GANG YIN PA DE NI GNAS NGAN LEN RNAM PAR SMIN PA ZHES BYA'O, ,SGRIB PA GSUM DAG YANG SPONG BA'I PHYIR YANG DAG PAR RTZOL BA'I RGYU SGRUB PAR BYED DE, YANG DAG PAR RTZOL BAS SGRIB PA GSUM SPANGS NAS, SA BDUN PA LA 'JUG CING RNAM PAR DAG PA KHYAD PAR DU 'PHAGS PA RNAM PA BRGYAD KYANG 'THOB PAR 'GYUR LA, 'DUS BYAS KYI CHOS MTSAN MA KUN DU 'BYUNG BA PHRA MO YONGS SU SPONG BAR 'GYUR TE, CHOS KYI DBYINGS CHOS SNA TSOGS THA DAD PA MED PA'I DON KYANG RAB TU RTOGS PAR 'GYUR BAS, YAN LAG DES SA BDUN PA YONGS SU RDZOGS PAR 'GYUR BA YIN NO ZHES BSHAD DO, ,MTSAN MA MED PAR GNAS PA LA RTZOL BA LHAG PAR BTANG SNYOMS SU BZHAG PA DANG, GZHAN YANG MTSAN MA LA DBANG THOB PAR MI NUS PAS @258B RGYU DANG RKYEN DES YAN LAG DE YONGS SU MA RDZOGS PA YIN TE ZHES BYA BA LA SOGS PA NI BRGYAD PA YAN LAG BRGYAD PAS MI G-YO BA'I SA BSDUS PA STON TO, ,'DI YANG RNAM PA GNYIS TE, YAN LAG DE SNGA MA LA PHYI MA'I SPYOD PA YONGS SU MA RDZOGS PAR BSTAN PA DANG, RANG GI YAN LAG LA 'BAD PAS BSGRUB PAR BSTAN PA STE, 'DI NI DANG PO'O, ,'DI LTAR SA BDUN PA'I BYANG CHUB SEMS DPA' DE MTSAN MA MED PAR GNAS PA LA RTZOL BA SPANG BAR MI NUS PA DANG, GZHAN YANG MTSAN MA LA DBANG THOB PAR MI NUS PAS, RGYU DANG RKYEN DES YAN LAG BRGYAD PA DE MA RDZOGS PAR GYUR BA'O, ,YAN LAG DE YONGS SU RDZOGS PAR BYA BA'I PHYIR 'BAD DE BSGOMS PAS DE YANG 'THOB BO, ,BYANG CHUB SEMS DPA' DE DAG RGYU DANG RKYEN DES YAN LAG DE YONGS SU RDZOGS PA YIN ZHES PA NI, GNYIS PA RANG GI SA'I CHOS 'BAD PAS YONGS SU SGRUB PA STON TO, ,'DI LTAR SA BRGYAD PA'I BYANG CHUB SEMS DPA' DE MTSAN MA MED PAR GNAS PA DE LA 'BAD PA SPONG BAR NUS PA DANG, GZHAN YANG MTSAN MA LA DBANG THOB PAR NUS PAS, RGYU DANG RKYEN DES YAN LAG DE YONGS SU RDZOGS PAR 'GYUR BA'O, ,BSTAN BCOS THEG PA CHEN PO BSDUS PA'I 'GREL PA LANG GI TSE BSGYUR BA LAS, BYANG CHUB SEMS DPA' SA BDUN PA SPANGS NAS, MTSAN MA MED PA LA GNAS PA DANG, BDAG LA PHAN 'DOGS PA DANG, GZHAN LA PHAN 'DOGS PA'I MTSAN MA LA DBANG THOB PA'I NUS PA KHYAD PAR DU 'PHAGS PA DANG MI LDAN TE, DE LTAR MI NUS PA YANG SGRIB PA GSUM GYI PHYIR TE, MTSAN MA MED PA LA SOGS PA'I MA RIG PA DANG, MTSAN MA LA DBANG MA THOB PA'I MA RIG PA'O, ,MA RIG PA 'DI GNYIS KYIS MNGON PAR BSGRUB PA'I 'KHOR BA GANG YIN PA DE NI GNAS NGAN LEN RNAM PAR SMIN PA ZHES BYA'O, ,SGRIB PA GSUM PO DAG SPANG BA'I PHYIR YANG DAG PAR RTZOL BA'I RGYU SGRUB PAR BYED DE, ,YANG DAG PAR RTZOL BAS SGRIB PA GSUM PO SPANGS NAS SA BRGYAD PA LA 'JUG CING, RNAM PAR DAG PA KHYAD PAR DU 'PHAGS PA RNAM PA BRGYAD KYANG 'THOB PAR 'GYUR, RTZOL BA DANG BRAL BA'I SEMS KYIS MTSAN MA MED PA LA GNAS PA LA SOGS PA @259A *, ,YANG THOB PAR 'GYUR, CHOS KYI DBYINGS 'PHEL BA DANG 'GRIB PA MED PA'I DON KYANG RAB TU RTOGS PAR 'GYUR TE, YAN LAG DE'I PHYIR SA BRGYAD PA YONGS SU RDZOGS PAR 'GYUR BA YIN NO ZHES BSHAD DO, ,RNAM GRANGS DANG, MTSAN NYID MANG PO DANG, NGES PA'I TSIG RAB TU DBYE BA DANG, RNAM PA THAMS CAD DU CHOS STON PA LA DBANG THOB PAR MI NUS PAS RGYU DANG RKYEN DES YAN LAG DE YONGS SU MA RDZOGS PA YIN TE ZHES BYA BA LA SOGS PAS NI, DGU PA YAN LAG DGU PAS SA LEGS PA'I BLO GROS BSDUS PA STON TO, ,'DI YANG RNAM PA GNYIS TE, YAN LAG SNGA MA LA PHYI MA'I SPYOD PA YONGS SU MA RDZOGS PAR BSTAN PA DANG, RANG GI PHYOGS BRTZON 'GRUS KYIS YONGS SU RDZOGS PAR SGRUB PAR BYED PA BSTAN PA STE, 'DI NI DANG PO'O, ,DE LA RNAM GRANGS ZHES BYA BA NI CHOS SO SO YANG DAG PAR RIG PA'I YUL LO, ,MTSAN NYID MANG PO ZHES BYA BA NI DON SO SO YANG DAG PAR RIG PA'I YUL LO, ,NGES PA'I TSIG RAB TU DBYE BA ZHES BYA BA NI, NGES PA'I TSIG SO SO YANG DAG PAR RIG PA'I YUL LO, ,RNAM PA THAMS CAD DU STON PA LA DBANG THOB PA ZHES BYA BA NI, SPOBS PA SO SO YANG DAG PAR RIG PA'I YUL TE, DE'I PHYIR BSTAN BCOS RNAL 'BYOR SPYOD PA'I SA LAS, CHOS KYI RNAM GRANGS LA BRTEN PA'I SHES PA NI, 'DI LTA STE BYANG CHUB SEMS DPA'I THOGS PA MED PA'I SHES RAB GANG YIN PA'O, ,CHOS KYI MTSAN NYID LA BRTEN PA'I SHES PA NI, 'DI LTA STE, BYANG CHUB PA'I DON LA THOGS PA MED PA'I SHES RAB GANG YIN PA'O, ,NGES PA'I TSIG LA BRTEN PA'I SHES PA NI, 'DI LTA STE, BYANG CHUB SEMS DPA'I NGES PA'I TSIG LA THOGS PA MED PA'I SHES RAB GANG YIN PA'O, ,CHOS THAMS CAD KYI RNAM PA RAB TU DBYE BA LA BRTEN PA'I SHES PA NI, 'DI LTA STE, BYANG CHUB SEMS DPA'I SPOBS PA THOGS PA MED PA'I SHES RAB GANG YIN PA'O ZHES BSHAD DO, ,'DI LTAR SA BRGYAD PA'I BYANG CHUB SEMS DPA' SA DGU PA'I SO SO YANG DAG PAR RIG PA BZHI MA THOB PA'I PHYIR MI NUS PA ZHES BSHAD DE, ,RGYU DANG RKYEN DES YAN LAG DGU PA YONGS SU MA RDZOGS PAR GYUR PA'O, ,YAN LAG @259B DE YONGS SU RDZOGS PAR BYA BA'I PHYIR 'BAD DE BSGOMS PAS DE YANG 'THOB PO, ,BYANG CHUB SEMS DPA' DE DAG RGYU DANG RKYEN DES YAN LAG DE YONGS SU RDZOGS PA YIN ZHES BYA BA NI, GNYIS PA RANG GI YAN LAG BRTZON 'GRUS KYIS BSGRUB PAR BSTAN TE, 'DI LTAR SA DGU PAS SO SO YANG DAG PAR RIG PA BZHI THOB PA'I PHYIR, THOB PA ZHES BSHAD DE, RGYU DANG RKYEN DES YAN LAG DE YANG YONGS SU RDZOGS PAR 'GYUR BA'O, ,BSTAN BCOS THEG PA CHEN PO BSDUS PA'I 'GREL PA LANG GI TSE BSGYUR BA LAS, BYANG CHUB SEMS DPA'I SA BRGYAD PA LA YANG DAG PAR CHOS BSTAN PA PHUN SUM TSOGS PA'I MTSAN NYID DANG RNAM GRANGS DANG, RNAM PA LA SOGS PA LA DBANG THOB PA'I NUS PA KHYAD PAR DU 'PHAGS PA DANG MI LDAN PAS LEGS PAR BSHAD PA'I GZUNGS 'THOB PAR MI NUS SO, ,DE LTAR MI NUS PA YANG SGRIB PA GSUM GYI PHYIR TE, CHOS BSTAN PA DPAG TU MED PA DANG, CHOS KYI TSIG DANG, YI GE DPAG TU MED PA DANG, GONG NAS GONG DU SHES RAB DANG, SPOBS PA DANG, GZUNGS GYI DBANG THOB PA'I MA RIG PA DANG SO SO YANG DAG PAR RIG PA BZHIS THE TSOM BCAD NAS SHES PA SKYE BA'I MA RIG PA'O, ,MA RIG PA 'DI GNYIS KYIS MNGON PAR BSGRUB PA'I 'KHOR BA GANG YIN PA DE NI GNAS NGAN LEN RNAM PAR SMIN PA ZHES BYA'O, ,SGRIB PA GSUM PO DAG SPANG BA'I PHYIR YANG DAG PAR RTZOL BA'I RGYU SGRUB PAR BYED DO, ,YANG DAG PAR RTZOL BAS SGRIB PA GSUM PO DAG SPANGS NAS SA DGU PA LA 'JUG CING RNAM PAR DAG PA KHYAD PAR DU 'PHAGS PA RNAM PA BRGYAD KYANG 'THOB PO, ,YANG DAG PAR CHOS BSTAN PA LA PHUN SUM TSOGS PA'I DBANG LA SOGS PA YANG 'THOB PAR 'GYUR ZHING, CHOS KYI DBYINGS YE SHES LA DBANG BA'I GNAS KYI DON KYANG RAB TU RTOGS PAR 'GYUR BAS YAN LAG DE'I PHYIR SA DGU PA YANG YONGS SU RDZOGS PAR 'GYUR BA YIN NO ZHES BSHAD DO, ,BSTAN BCOS THEG PA CHEN PO BSDUS PA'I 'GREL PA LANG GI TSE BSGYUR BA LAS BSTAN PA DANG SBYAR NA MA RIG PA GNYIS KYIS SO SO YANG DAG PAR RIG PA BZHI LA SGRIB PAR BYED DE, 'DI LTA STE, MA RIG PA DANG POS NI @260A *, ,SO SO YANG DAG PAR RIG PA DANG PO GSUM LA SGRIB PAR BYED DO, ,MA RIG PA GNYIS PAS NI SO SO YANG DAG PAR RIG PA BZHI PA LA SGRIB PAR BYED DO ZHES BSHAD PA DE YANG BSTAN BCOS RNAL 'BYOR SPYOD PA'I SA DANG, MDO 'DI NYID KHUNGS SU BZHAG NAS, SLOB DPON YANG DAG BDEN PAS RANG NYID KYIS BZHAG PA YIN GYI, THEG PA CHEN PO BSDUS PA'I 'GREL PA, RGYA GAR GYI DPE NYID LAS NI TSIG 'DI LTA BU DANG, GTAN TSIGS 'DI LTA BU GTAN MED DE, MA RIG PA GNYIS PA NI MOS PA SO SO YANG DAG PAR RIG PA LA SGRIB PAR BYED PA'I PHYIR RO, ,CHOS KYI SKU YONGS SU RDZOGS PA MNGON DU BYA BA DANG, RAB TU MYONG BA 'THOB PAR MI NUS PAS RGYU DANG RKYEN DES YAN LAG DE YONGS SU MA RDZOGS PA YIN TE ZHES BYA BA LA SOGS PAS NI, BCU PA YAN LAG BCU PAS SA CHOS KYI SPRIN SGRUB PA STON TO, ,'DI YANG RNAM PA GNYIS TE, YAN LAG SNGA MA LAS SNGA MA'I SPYOD PA YONGS SU MA RDZOGS PAR BSTAN PA DANG, RANG GI YAN LAG 'BAD DE BSGRUB PAR BSTAN PA STE, 'DI NI DANG PO'O, ,'DI LTAR SA DGU BA RGYU YONGS SU MA RDZOGS PA'I PHYIR CHOS KYI SKU YONGS SU RDZOGS PA MNGON DU BYA BAR MI NUS PA'O, ,SLOB DPON YANG DAG BDEN PA'I 'GREL BA LAS, 'DI LTAR SA DGU PA YONGS SU MA RDZOGS PAS SKU GSUM YONGS SU RDZOGS PA MNGON DU BYA BAR MI NUS TE, RGYU DANG RKYEN DES YAN LAG DE YONGS SU RDZOGS PAR MA GYUR TO ZHES BSHAD DO, ,YAN LAG DE YONGS SU RDZOGS PAR BYA BA'I PHYIR 'BAD DE BSGOMS PAS DE YANG 'THOB PO, ,BYANG CHUB SEMS DPA' DE DAG RGYU DANG RKYEN DES YAN LAG DE YONGS SU RDZOGS PA YIN ZHES BYA BA NI GNYIS PA RANG GI YAN LAG 'BAD DE BSGRUB PAR BSTAN PA'O, ,'DI LTAR SA BCU PA DE YONGS SU RDZOGS PA'I PHYIR CHOS KYI SKU YONGS SU RDZOGS PA 'THOB PAR 'GYUR BA STE, RGYU DANG RKYEN DES YAN LAG DE YONGS SU RDZOGS PAR 'GYUR BA'O, ,BSTAN BCOS THEG PA CHEN PO BSDUS PA'I 'GREL PA LANG GI TSE BSGYUR BA LAS, BYANG CHUB SEMS DPA' SA DGU PA LA NUS PA KHYAD PAR DU 'PHAGS PAS YANG DAG PAR CHOS STON PA'I CHOS KYI SKU YONGS SU RDZOGS PA DAG [?] @260B MA CHAGS MA THOGS PA'I MNGON PAR SHES PA DRUG GI SHES RAB 'THOB PAR MI NUS TE, DE LTAR MI NUS PA YANG SGRIB PA GSUM GYI PHYIR TE, MNGON PAR SHES PA DRUG GI SHES RAB KYI MA RIG PA DANG, SANGS RGYAS KYI CHOS SHIN TU GSANG BA LA 'JUG PA'I MA RIG PA'O, ,MA RIG PA 'DI GNYIS KYIS MNGON PAR BSGRUB PA'I 'KHOR BA GANG YIN PA DE NI GNAS NGAN LEN RNAM PAR SMIN PA ZHES BYA'O, ,SGRIB PA GSUM PO DE DAG SPANG BA'I PHYIR YANG DAG PAR RTZOL BA'I RGYU SGRUB PAR BYED DO, ,YANG DAG PAR RTZOL BAS SGRIB PA GSUM PO SPANGS NAS SA BCU PA LA 'JUG CING KHYAD PAR DU 'PHAGS PA'I RNAM PAR DAG PA BRGYAD KYANG 'THOB PAR 'GYUR LA, YANG DAG PAR CHOS BSTAN PA'I CHOS KYI SKU YONGS SU RDZOGS PA LA SOGS PA YANG 'THOB PAR 'GYUR TE, CHOS KYI DBYINGS LA DBANG BA'I GNAS KYI DON KYANG RAB TU RTOGS PAR 'GYUR PAS, YAN LAG DE'I PHYIR, SA BCU PA YANG YONGS SU RDZOGS PAR 'GYUR BA YIN NO ZHES BSHAD DO, ,SLOB DPON YANG DAG BDEN PA'I 'GREL BA LAS, SA DGU PA YONGS SU RDZOGS NAS THOB PA'I SKU GSUM PA GANG YIN PA DE NI CHOS KYI SKU YONGS SU RDZOGS PA ZHES BYA STE, 'DI NI YANG DAG PAR CHOS STON PA'I CHOS KYI SKU'O, ,CHOS KYI SKU LAS BYUNG BA'I MNGON PAR SHES PA DRUG GI SHES RAB GANG YIN PA DE NI SPRUL PA'I SKU YIN TE, 'DI LTAR LAS LA DBANG THOB PAS SPRUL PA'I SKU MNGON PAR 'GRUB PAS SO ZHES BSHAD DO, ,SHES BYA THAMS CAD LA CHAGS PA MED PA DANG, THOGS PA MED PA'I SHES PA DAM PA DANG, MTHONG BA DAM PA 'THOB PAS RGYU DANG RKYEN DES YAN LAG DE YONGS SU RDZOGS PA YIN TE ZHES BYA BA LA SOGS PAS NI, YAN LAG BCU GCIG PAS SANGS RGYAS KYI GSUNGS PA STON TO, ,'DI YANG RNAM PA GNYIS TE, YAN LAG SNGA MA LA PHYI MA'I SPYOD PA YONGS SU MA RDZOGS PAR BSTAN PA DANG, RANG GI YAN LAG 'BAD DE YONGS SU RDZOGS PAR BSGRUB PA STE, 'DI NI DANG PO'O, 'DI LTAR SA BCU PAS SHES BYA'I YUL THAMS CAD KHYAD PAR KHONG DU CHUD CING CHOS STON PA NYID KYI CHAGS PA MED PAR SHES PA DAM PA DANG MTHONG BA DAM PA DANG, GANG ZAG @261A *, ,STONG PA NYID KYI THOGS PA MED PA'I SHES PA DAM PA DANG, MTHONG BA DAM PA THOB PAR MI NUS PAS RGYU DANG RKYEN DES YAN LAG DE YONGS SU MA RDZOGS PAR GYUR PA'O, ,YAN LAG DE YONGS SU RDZOGS PAR BYA BA'I PHYIR 'BAD DE BSGOMS PAS DE YANG 'THOB STE, RGYU DANG RKYEN DES YAN LAG DE YONGS SU RDZOGS PA'I PHYIR, YAN LAG THAMS CAD KYANG YONGS SU RDZOGS PA YIN TE ZHES BYA BA NI GNYIS PA, RANG GI YAN LAG DE 'BAD DE RDZOGS PAR BSGRUB BA STON TO, ,'DI LTAR SANGS RGYAS KYI SA 'DIR SHES PA DANG, MTHONG BA THAMS CAD YONGS SU THOB PAS RGYU DANG RKYEN DES SANGS RGYAS KYI SA YONGS SU RDZOGS PAR GYUR PA'O, ,SANGS RGYAS KYI SA YONGS SU RDZOGS PA'I PHYIR, YAN LAG BCU GCIG PA THAMS CAD KYANG YONGS SU RDZOGS PAR GYUR PA'O, ,BSTAN BCOS THEG PA CHEN PO BSDUS PA'I 'GREL PA LANG GI TSE BSGYUR BA LAS, BYANG CHUB SEMS DPA' SA BCU PA YONGS SU RDZOGS PAR GYUR KYANG, NUS PA KHYAD PAR DU 'PHAGS PA RNAM PAR DAG PA'I CHOS KYI SKU YONGS SU RDZOGS PA DANG, SHES BYA THAMS CAD LA CHAGS PA MED PA DANG, THOGS PA MED PA'I MTHONG BA DANG, SHES PA THOB PAR MI NUS TE, DE LTAR MI NUS PA YANG SGRIB PA GSUM GYI PHYIR TE, SHES BYA THAMS CAD LA CHAGS PA SHIN TU PHRA MO'I MA RIG PA DANG, SHES BYA THAMS CAD LA THOGS PA SHIN TU PHRA MO'I MA RIG PA'O, ,MA RIG PA 'DI GNYIS KYIS MNGON PAR BSGRUBS PA'I 'KHOR PA GANG YIN PA DE NI, GNAS NGAN LEN RNAM PAR SMIN PA ZHES BYA'O, ,SGRIB BA GSUM PO DE DAG SPANG BA'I PHYIR YANG DAG PAR RTZOL BA'I RGYU SGRUB PAR BYED DO, ,YANG DAG PA'I RTZOL BAS SGRIB PA GSUM PO DE DAG SPANGS NAS BCU GCIG PA DE BZHIN GSHEGS PA'I SA LA 'JUG CING KHYAD PAR DU 'PHAGS PA'I RNAM PAR DAG PA BDUN DANG, SKYE BA DANG BRAL BA'I RNAM PAR DAG PA DANG, RNAM PAR DAG PA'I CHOS KYI SKU YONGS SU RDZOGS PA DANG, CHAGS PA MED PA DANG, THOGS PA MED PA'I MTHONG BA DANG, SHES PA YANG 'THOB PAR 'GYUR TE, YAN LAG DE'I PHYIR SANGS RGYAS KYIS YONGS SU RDZOGS PAR 'GYUR BA YIN NO @261B ZHES BSHAD DO, ,KHA CIG NA RE YAN LAG BCU GCIG GIS SA BCU GCIG BSDU BA YANG RNAM PA GSUM DU DBYE BAS DE LA DANG PO'I YAN LAG GCIG KYANG RNAM PA GNYIS SU DBYE STE, GNAS SKABS SNGA MA LA SPYOD PA YONGS SU MA RDZOGS PAR BSTAN PA DANG, SA DE LAS YANG DAG PAR 'DAS ZHES BYA BA MAN CHAD KYIS RANG GIS YONGS SU RDZOGS PAR GYUR PA BSTAN PA'O, ,GNYIS PA NI BYANG CHUB SEMS DPA' DE DAG CES BYA BA MAN CHAD YAN LAG DGU PO DAG NI RE RE YANG YAN LAG GSUM GSUM DU DBYE STE, SNGA MA'I GNAS SKABS KYI YAN LAG YONGS SU RDZOGS PAR BSTAN PA DANG, GNAS SKABS PHYI MA YONGS SU MA RDZOGS PAR BSTAN PA DANG, YAN LAG DE YONGS SU RDZOGS PAR BYA BA'I PHYIR ZHES BYA BA MAN CHAD YONGS SU RDZOGS PAR BYA BAR BSGRUB PAR BSTAN PA'O, ,GSUM PA NI BYANG CHUB SEMS DPA' DE DAG CES BYA BA MAN CHAD KYI YAN LAG BCU GCIG GIS BSTAN TE, 'DI YANG RNAM PA BZHIR DBYE STE, GNAS SKABS SNGA MA YONGS SU RDZOGS PAR BSTAN PA DANG, YAN LAG DE YONGS SU RDZOGS PAR BYA BA'I PHYIR ZHES BYA BA MAN CHAD KYIS YONGS SU RDZOGS PAR BYA BA BSGRUB PAR BSTAN PA DANG, YAN LAG DE YONGS SU RDZOGS PAR BYA BA'I PHYIR ZHES BYA BA MAN CHAD KYIS YONGS SU RDZOGS PAR GYUR PA BZLAS TE BSTAN PA'O ZHES ZER TE, DE LTAR RNAM PA GNYIS SU BSHAD PA YOD KYANG BSHAD PA NI SNGA MA YANG DAG PA YIN NO, ,RIGS KYI BU DE LTAR YAN LAG BCU GCIG PO DE DAG GIS SA RNAMS MA LUS PAR BSDUS PAR RIG PAR BYA'O ZHES BYA BA NI GNYIS PA SPYI'I MJUG BSDU BA YIN PAR RIG PAR BYA'O,, ,,BAM PO LNGA BCU BZHI PA, BYANG CHUB SEMS DPA' SPYAN RAS GZIGS DBANG PHYUG GIS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS DE CI'I SLAD DU SA DANG PO LA RAB TU DGA' BA ZHES BGYI, ,CI'I SLAD DU SANGS RGYAS KYI SA'I BAR LA SANGS RGYAS KYI SA ZHES BGYI BA LAGS ZHES BYA BA 'DI MAN CHAD NI GNYIS PA SA'I MING GI DON BSTAN PA ZHES BYA BA STON TO, ,'DI YANG ZHU BA GSOL BA DANG LAN DU GSUNGS PAS BSTAN TE, 'DI NI DANG PO SA RNAMS KYI MING GI DON ZHUS PA'O, ,BCOM LDAN @262A *, ,'DAS KYIS BYANG CHUB SEMS DPA' SPYAN RAS GZIGS DBANG PHYUG LA BKA' STZAL PA, RIGS KYI BU DON CHEN PO YONGS SU GRUB CING SNGON MA 'DRIS PA 'JIG RTEN LAS 'DAS PA'I SEMS THOB NAS DGA' BA CHEN PO SKYE BAS DE'I PHYIR DANG PO NI RAB TU DGA' BA'I SA ZHES BYA'O ZHES BYA BA LA SOGS PAS NI, GNYIS PA DE BZHIN GSHEGS PAS YANG DAG PAR LAN DU GSUNGS PA STON TO, ,'DI YANG SA BCU GCIG BSTAN PA NYID KYIS RNAM PA BCU GCIG TU DBYE STE, 'DI NI DANG POS RAB TU DGA' BA BSHAD PA'O, ,BSHAD PA 'DI LA YANG DON RNAM PA GNYIS YOD DE, BDAG LA PHAN 'DOGS PA'I THOB PA DANG ZAG PA MED PA'I SEMS THOB PA STE, DE'I PHYIR 'PHAGS PA SA BCU'I 'GREL PA LAS, BDAG DANG GZHAN LA PHAN 'DOGS PA BLA NA MED PA YONGS SU GRUB CING, 'PHAGS PA'I GNAS THOG MA KHO NAR THOB PA'I PHYIR RAB TU DGA' BA ZHES BSHAD DO, ,DE LA 'PHAGS PA'I GNAS ZHES BYA BA NI ZAG PA MED PA'I YE SHES SO, ,SA'I MING GI DON RNAM PAR BSHAD PA YANG BSTAN PA RNAMS LAS SO SO NAS BSHAD PA MI MTHUN PAS KHA CIG LAS NI DON RNAM PA GCIG GIS RAB TU DGA' BA'I MING STON PA YANG YOD DE, 'PHAGS PA MI'I RGYAL POS ZHUS PA'I MDO LAS JI SKAD DU, BYANG CHUB SEMS DPA' LEGS PAR RTOGS PA DANG, LHA'I RGYAL PO CHEN PO BZHIS BDEN PA GNYIS KYI MNYAM PA NYID KYI DON CIG CAR GSAL BAR MTHONG BA ZHES GSUNGS PA LTA BU'O, ,BSTAN BCOS THEG PA CHEN PO BSDUS PA LAS NI DE THOG MA KHO NAR BDAG DANG GZHAN GYI DON SGRUB PAR NUS PA'I YON TAN THOB PA'I PHYIR RO ZHES BSHAD DO, ,SLOB DPON DBYIG GNYEN DANG, NGO BO NYID MED KYIS 'GREL PA LAS KYANG DE SKAD DU BSHAD DO, ,BSTAN BCOS RNAM PAR BSHAD PA LAS NI GONG NA MED PA'I MNGON PAR RTOGS PA YANG DAG PAR THOB NAS LHAG PA'I DGA' BA LA GNAS PA'I PHYIR RAB TU DGA' BA LA GNAS PA BSTAN TO, ,GNAS PA BCU'I BSHAD PA LAS NI THOG MA KHO NAR DGE BA'I CHOS KYI RO THOB PAS SEMS KYI DGA' BA MANG BA'I MING NGO ZHES BSHAD DO, ,KHA CIG LAS NI DON RNAM PA GNYIS KYIS RAB TU DGA' BA ZHES STON TO, , @262B MDO 'DI NYID DANG, 'PHAGS PA SA BCU'I 'GREL PA LA SOGS PA LAS JI SKAD BSTAN PA LTA BU'O, ,DON RNAM PA GSUM GYIS STON PA YANG YOD DO, 'PHAGS PA GSER 'OD DAM PA'I MDO LAS JI SKAD DU, 'DI LTA STE, THOG MA KHO NAR 'JIG RTEN LAS 'DAS PA'I SEMS THOB PA DANG, SNGON MA THOB PA GDOD THOB PA DANG, BYA BA DANG NUS PA CHEN PO THOB PAS JI LTAR SMOS PA BZHIN DU GRUB PA'I PHYIR RAB TU DGA' BA ZHES BYA'O ZHES GSUNGS PA LTA BU STE, DE LA BYA BA CHEN PO NI BDAG LA PHAN 'DOGS PA'O, ,BSTAN BCOS RNAM PAR RIG PA TZAM DU GRUB PA LAS KYANG, THOG MA KHO NAR 'PHAGS PA'I NGO BO NYID THOB PA DANG, STONG PA NYID RNAM PA GNYIS YONGS SU RDZOGS PA MNGON DU GYUR PA DANG, DGA' BA LA PHAN 'DOGS SHING DGA' BA RGYA CHEN PO SKYE BA'I PHYIR RO ZHES BSHAD DO, ,DAD PA MANG BA LA SOGS PA DANG SANGS RGYAS KYI RJES SU DRAN PA RNAM PA DGU LA SOGS PA DANG, 'JIG RTEN GYI SPYOD YUL YANG DAG PAR 'DAS PA RNAM PA BCU LA SOGS PA DANG, DGA' BA RNAM PA BCU RGYA CHER RNAM PAR 'BYED PA NI, 'PHAGS PA SA BCU'I 'GREL PA LAS JI SKAD DU BSTAN PA BZHIN DU RIG PAR BYA'O, ,'CHAL BA'I TSUL KHRIMS KYI NYES PA THAMS CAD YONGS SU SPANGS PAS DE'I PHYIR GNYIS PA NI DRI MA MED PA'I SA ZHES BYA'O ZHES BYA BA NI GNYIS PA DRI MA MED PA'I SA RNAM PAR BSHAD PA'O, ,MTSAMS RNAM PAR DGROL BA'I MDO DANG, DGONGS PA ZAB MO RNAM PAR DGROL BA'I MDO LAS KYANG 'DI DANG MTHUN PAR 'BYUNG NGO, ,'PHAGS PA MI'I RGYAL POS ZHUS PA'I MDO LAS NI BRAL BA DANG, RTOG PA ZHES 'BYUNG STE, DE'I PHYIR TSIGS SU BCAD PAR, BRAL DANG RTOG PA RAB PHYE SKYES BU NI, ,RGYAL RIGS RNAMS SU LUS NI RAB STON CING, ,'GRO BA DRUG PO RNAMS NI STONG KHAMS SU, ,ZHES 'BYUNG BA YIN NO, ,'PHAGS PA GSER 'OD DAM PA'I MDO LAS NI, LTUNG BA PHRA MO'I 'TSAL BA'I TSUL KHRIMS KYI NYES PA THAMS CAD YONGS SU DAG PA'I PHYIR DRI MA DANG BRAL BA'I SA ZHES BYA'O ZHES GSUNGS SO, ,'PHAGS PA SA BCU'I MDO LAS NI, SER SNA DANG, PHRAG DOG DANG, 'CHAL BA'I TSUL KHRIMS KYI DRI MA'I @263A *, ,SEMS YONGS SU SPANG PA'I PHYIR DRI MA DANG BRAL BA'I SA ZHES BYA'O ZHES GSUNGS SO, ,'PHAGS PA NI 'KHRUL BA'I SEMS 'CHAL BA'I TSUL KHRIMS KYI NYES PA 'BYUNG BAR BYED PA'I NYON MONGS PA LA SOGS PA DANG BRAL NAS TSUL KHRIMS RNAM PAR DAG PA PHUN SUM TSOGS PAR GYUR PA'I PHYIR DRI MA DANG BRAL BA'I SA ZHES BSTAN TO, ,BSTAN BCOS THEG PA CHEN PO BSDUS PA LAS NI 'CHAL PA'I TSUL KHRIMS KYI DRI MA THAG BSRINGS PA'I PHYIR RO ZHES 'BYUNG NGO, ,SLOB DPON DBYIG GNYEN GYIS MDZAD PA'I 'GREL PA LAS NI, RANG BZHIN GYIS TSUL KHRIMS PHUN SUM TSOGS PAS SA DANG PO LTAR BSAMS NAS TSUL KHRIMS MA YIN GYI, TSUL KHRIMS YONGS SU GRUB PA'I PHYIR DANG, 'CHAL BA'I TSUL KHRIMS KYI DRI MA RNAMS YONGS SU SPANGS PA'I PHYIR RO ZHES BSHAD DO, ,SLOB DPON NGO BO NYID MED KYIS MDZAD PA'I 'GREL PA LAS KYANG DON GYIS SLOB DPON DBYIG GNYEN GYIS MDZAD PA'I 'GREL PA DANG MTHUN PAR BSHAD DO, ,BSTAN BCOS RNAM PAR BSHAD PA LAS NI, THEG PA GNYIS KYI SA LAS YANG DAG PAR 'DAS SHING, TSUL KHRIMS RNAM PAR DAG PA THOB NAS 'CHAL BA'I TSUL KHRIMS KYI DRI MA THAMS CAD KYI GNYEN POR GYUR PA'O ZHES BSHAD DO, ,GNAS PA BCU'I MDO LAS NI DGE BA BCU'I LAS KYI LAM GYI DRI MA RNAMS DANG BRAL BA'I PHYIR RO ZHES GSUNGS SO, ,BSTAN BCOS RNAM PAR RIG PA TZAM DU GRUB PA LAS NI, TSUL KHRIMS YONGS SU DAG PA DANG LDAN ZHING 'CHAL BA'I TSUL KHRIMS KYI NYES PA PHRA MO 'BYUNG BA'I DRI MA THAG BSRINGS PA'I PHYIR DRI MA DANG BRAL BA'I SA ZHES BYA'O ZHES BSHAD DO, ,DE TING NGE 'DZIN DANG, THOS PA'I GZUNGS THOB PA DAG GIS SHES PA'I SNANG BA TSAD MED PA'I GNAS BYED PAS, DE'I PHYIR GSUM PA NI 'OD BYED PA'I SA ZHES BYA'O ZHES BYA BA NI GSUM PA 'OD BYED PA'I SA RNAM PAR BSHAD PA'O, ,'DI LTAR SA GSUM BAS TING NGE 'DZIN THOB PA'I PHYIR NI BSGOMS PA'I SHES RAB KYI SNANG BSKYED PAR BYED LA, THOS PA'I GZUNGS THOB PA'I PHYIR NI THOS PA DANG BSAMS PA'I SHES RAB KYI SNANG BA BSKYED PAS DE'I PHYIR GSUM PA NI 'OD BYED @263B PA'I SA ZHES BYA'O, ,YANG NA SA LA LTOS NAS 'OD SKYED PA'I GNAS BYED PAS 'OD BYED PA'I SA ZHES BYA'O, ,MTSAMS RNAM PAR DGROL BA'I MDO LAS NI SNANG BA'I SA ZHES 'BYUNG NGO, ,DGONGS PA ZAB MO RNAM PAR DGROL BA'I MDO LAS NI 'OD KYI SA ZHES 'BYUNG NGO, ,'OD BYED PA'I SA ZHES 'BYUNG BA NI LO TZ'A BA DAG GI BSAM PA THA DAD PA'I PHYIR RO, ,'PHAGS PA MI'I RGYAL POS ZHUS PA'I MDO LAS NI, SHES RAB GSAL BA'I SA ZHES 'BYUNG STE, DE'I PHYIR DE NYID KYI TSIGS SU BCAD PA LAS, SHES RAB GSAL ZHING STONG NYID LTA BA 'THA' BRAL LHA YI RGYAL, ,ZHING KHAMS MANG POR BDAG NYID LUS STON SEMS CAN 'DREN PAR BYED, ,CES GSUNGS SO, ,'PHAGS PA GSER 'OD DAM PA'I MDO LAS NI, SHES RAB SNANG BA'I TING NGE 'DZIN DPAG TU MED PA DAG MI G-YO ZHING, GANG GIS KYANG ZIL GYIS GNON PAR MI NUS PA DANG, THOS PA'I GZUNGS KYIS GZHI BYED PA'I PHYIR SNANG BA'I SA ZHES BYA'O ZHES GSUNGS SO, ,'PHAGS PA SA BCU'I MDO LAS NI 'DOD CHAGS DANG ZHE SDANG MED PA LA SOGS PA'I DGE BA'I RTZA BA GSUM PO DAG GONG NAS GONG DU GSAL ZHING YONGS SU DAG PAR GYUR PA'I PHYIR SNAG BA'I SA ZHES BYA'O ZHES GSUNGS SO, ,'PHAGS PA SANGS RGYAS PHAL PO CHE'I MDO LAS GNAS PA BCU BSTAN PA DANG, LEGS PA'I TSUL KHRIMS BSTAN PA'I MDO LAS KYANG, PHAL CHER 'PHAGS PA SA BCU'I MDO LAS GSUNGS PA DANG MTHUN PAR STON TO, ,BSTAN BCOS THEG PA CHEN PO BSDUS PA LAS NI TING NGE 'DZIN DANG, SNYOMS PAR 'JUG PA NYAMS PA MED PA'I GNAS SU GYUR PA'I PHYIR DANG, CHOS KYI SNANG BA CHEN PO'I GNAS SU GYUR PA'I PHYIR 'OD BYED PA'I SA ZHES BYA'O ZHES 'BYUNG NGO, ,SLOB DPON DBYIG GNYEN GYIS MDZAD PA'I THEG PA CHEN PO BSDUS PA'I 'GREL PA LAS NI, SA 'DIR TING NGE 'DZIN DANG, SNYOMS PAR 'JUG PA DANG, RTAG TU MI 'BRAL ZHING NYAMS PA MED PA'I PHYIR DANG, THEG PA CHEN PO'I CHOS KYI SNANG BA BYED PA'I PHYIR 'OD BYED PA'I SA ZHES BYA'O ZHES BSHAD DO, ,RGYA CHER RNAM PAR 'BYED PA NI, SLOB DPON NGO BO NYID MED KYIS 'GREL PA LAS BSTAN PA BZHIN NO, ,BSTAN BCOS RNAM PAR @264A *, ,BSHAD PA LAS NI TING NGE 'DZIN SHIN TU RNAM PAR DAG PA'I PHUNG PO THOB NAS YE SHES CHEN PO'I SNANG BA GNAS GYUR PAS 'OD BYED PA'I SA ZHES BYA'O, ,TING NGE 'DZIN MCHOG DANG, YON TAN CHEN PO'I GZUNGS YONGS SU GRUB NAS SHES RAB DAM PA'I 'OD DPAG TU MED PA'I PHYIR YANG 'OD BYED PA'I SA ZHES BYA'O ZHES BSHAD DO, ,'PHAGS PA SHES RAB KYI PHA ROL TU PHYIN PA'I 'GREL PA LAS NI 'OD DANG BCAS PA'I SA ZHES 'BYUNG NGO, ,DE BYANG CHUB KYI PHYOGS KYI CHOS THOB PA DAG GIS NYON MONGS PA RNAMS SREG PAR BYED PA'I YE SHES ME'I 'OD 'PHRO BA LTA BUR GYUR PAS DE'I PHYIR BZHI BA NI 'OD 'PHRO BA CAN GYIS ZHES BYA'O ZHES BYA BA NI BZHI PA 'OD 'PHRO BA CAN RNAM PAR BSHAD PA'O, ,'DI LTAR BYANG CHUB KYI PHYOGS KYI CHOS KYI YE SHES KYI 'OD KYIS NYON MONGS PA'I SHING BSREG PA'I PHYIR 'OD 'PHRO BA CAN ZHES BYA'O, ,MTSAMS RNAM PAR DGROL BA'I MDO DANG, DGONGS PA ZAB MO RNAM PAR DGROL BA'I MDO LAS KYANG, MDO 'DI NYID LAS GSUNGS PA DANG MTHUN PAR BSHAD DO, ,'PHAGS PA MI'I RGYAL POS ZHUS PA'I MDO LAS KYANG 'OD 'PHRO BA CAN ZHES 'BYUNG STE, DE'I PHYIR DE NYID KYI TSIGS SU BCAD PA LAS, SHES RAB 'OD 'PHRO SNANG BA DAM PA BRTZON 'GRUS CHE, ,DGA' LDAN LHA YI RGYAL PO STONG KHAMS MANG PO RGYU, , ZHES GSUNGS SO, ,'PHAGS PA GSER 'OD DAM PA'I MDO LAS NI, NYON MONGS PA NYE BAR ZHI BAR BYED CING YE SHES KYI MES SNANG BA 'PHEL BAR BYED PA DANG, BYANG CHUB KYI PHYOGS BSGOM PA'I GNAS SU GYUR PA'I PHYIR 'OD 'PHRO BA CAN GYI SA ZHES BYA'O ZHES GSUNGS SO, ,'PHAGS PA SA BCU'I MDO LAS NI, RTAG PAR YE SHES KYI 'OD GTONG BA DPER NA YID BZHIN GYI NOR BU RIN PO CHE GZHAN DAG GIS MI 'PHROGS PA DAG DANG MTSUNGS PA'I PHYIR 'OD 'PHRO BA CAN ZHES BYA'O ZHES BSHAD DE, ,'PHAGS PA SANGS RGYAS PHAL PO CHE'I MDO'I NANG NAS GNAS PA BCU BSTAN PA LAS KYANG DE SKAD DU STON TO, ,'PHAGS PA SA BCU'I 'GREL PA LAS NI, MI BRJED PA'I NYON MONGS PA'I SHING YE SHES KYI MES BSREG PA'I PHYIR 'OD 'PHRO BA CAN GYIS ZHES BYA'O, ,DE LA MI BRJED PA ZHES BYA BA NI LHAN CIG SKYES PA'I NYON MONGS PA RANG GI NGANG GIS RGYUN DU 'BYUNG BA'I PHYIR MI BRJED PA ZHES BYA'O ZHES BSHAD DO, ,BSTAN BCOS MDO'I SDE'I RGYAN LAS NI, BYANG @264B CHUB KYI PHYOGS KYI SHES RAB GANG YIN PA DE NI 'OD KYI NGO BO NYID DO, ,NYON MONGS PA DANG SHES BYA'I SGRIB PA GNYIS NI SHING GI NGO BO NYID DE, SA 'DI'I BYANG CHUB SEMS DPA' SHES RAB KYI 'OD BSKYED NAS SGRIB PA GNYIS KYI SHING SREG BAR BYED PAS 'OD 'PHRO BA CAN GYI SA ZHES BSHAD DE, BSTAN BCOS THEG PA CHEN PO BSDUS PA LAS NI BYANG CHUB KYI PHYOGS KYI CHOS RNAMS KYIS SGRIB PA THAMS CAD BSREG PA'I PHYIR 'OD 'PHRO BA CAN ZHES BYA'O ZHES BSHAD DO, ,SLOB DPON DBYIG GNYEN GYIS MDZAD PA'I 'GREL PA LAS NI SA 'DIR BYANG CHUB KYI PHYOGS KYI CHOS KHYAD PAR DU 'PHAGS PA GNAS BAS GNAS 'DI'I DBANG GIS RTZA BA'I NYON MONGS PA DANG, NYE BA'I NYON MONGS PA THAMS CAD BSREGS NAS THAL BAR BRLAGS PAS SHES RAB 'OD 'PHRO BA CAN GYI SA ZHES BSHAD DE, SLOB DPON NGO BO NYID MED KYIS 'GREL PA LAS KYANG DON GYIS DE SKAD DU STON TO, ,BSTAN BCOS RNAM PAR RIG PA TZAM DU GRUB PA LAS KYANG BYANG CHUB KYI PHYOGS KYI CHOS KHYAD PAR DU 'PHAGS PA GNAS PAS NYON MONGS PA'I SHING BSREGS NAS SHES RAB KYI 'OD 'PHEL BAR BYED PA'I PHYIR 'OD 'PHRO BA CAN ZHES 'BYUNG NGO, ,'PHAGS PA SHES RAB KYI PHA ROL TU PHYIN PA'I 'GREL PA LAS NI 'OD 'PHEL BAR BYED PA'I SA ZHES 'BYUNG NGO, ,BSTAN BCOS MDO SDE'I RGYAN LA SOGS PA LAS SGRIB PA GNYIS KYI SHING BSREGS PAS SHES RAB 'OD 'PHRO BA CAN GYI SA ZHES BSHAD PA DANG, SLOB DPON DBYIG GNYEN GYIS MDZAD PA'I 'GREL PA LAS RTZA BA'I NYON MONGS PA DANG, NYE BA'I NYON MONGS PA THAMS CAD THAL BAR BRLAGS NAS ZHES BSTAN PA 'DI NI SHES BYA'I SGRIB PA GTAN DU SPANGS SHING, NYON MONGS PA RNAM BAR GNON PA DANG, SPANGS PA THAL BAR BRLAGS PA ZHES BYA'O, ,GAL TE DE LTA MA YIN PA NI BSTAN BCOS THEG PA CHEN PO BSDUS PA LAS, CHED DU NYON MONGS PA BZHAG PA DANG, NYON MONGS PA ZAD PA LA SOGS PA ZHES BSTAN PA DANG 'GAL BAR 'GYUR BAS SO, ,BYANG CHUB KYI PHYOGS KYI CHOS DE DAG NYID THABS KYIS BSGOM PA LA SHIN TU DKA' BAS GDOD DBANG THOB PAS DE'I PHYIR LNGA PA NI SHIN TU RGYAL BAR DKA' BA'I SA ZHES BYA'O ZHES BYA BA NI LNGA PA SHIN TU RGYAL BAR DKA' BA'I SA BSTAN PA'O, ,'DI LTAR BSGOM PAR DKA' BA LAS DBANG THOB PA'I PHYIR SHIN TU RGYAL BAR DKA' BA ZHES BYA'O, ,MTSAMS @265A *, ,RNAM PAR DGROL BA'I MDO LAS KYANG, MDO 'DI NYID LAS GSUNGS PA DANG MTHUN PAR 'BYUNG NGO, ,DGONGS PA ZAB MO RNAM PAR DGROL BA'I MDO LAS NI, BYANG CHUB KYI PHYOGS KYI CHOS THABS KYIS BSGOMS PA SHIN TU RGYAL BAR DKA' BA ZHES BYA'O ZHES 'BYUNG NGO, ,'PHAGS PA MI'I RGYAL POS ZHUS PA'I MDO LAS NI SHES RAB MCHOG TU GYUR PA'I SA ZHES BYA'O ZHES 'BYUNG STE, DE'I PHYIR DE NYID KYI TSIGS SU BCAD PA LAS, SHES RAB MCHOG GIS BDEN PA GSUM PO GSAL BAR RTOGS, ,'PHRUL DGA' LHA YI RGYAL PO ZHING NI 'BUM PHRAG BRGYA, ,ZHES GSUNGS PA YIN NO, ,'PHAGS PA GSER 'OD DAM PA'I MDO LAS NI BSGOM PA'I THABS KYI SHES RAB MCHOG LA DBANG THOB PAS SHIN TU RGYAL BAR DKA' BA'I PHYIR DANG, MTHONG BA DANG BSGOM PAS SPANG BAR BYA BA'I NYON MONGS PA DAG GIS ZIL GYIS GNON PAR MI NUS PA'I PHYIR SHIN TU RGYAL BAR DKA' BA'I SA ZHES BYA'O ZHES GSUNGS PA'O, , 'PHAGS PA SA BCU'I MDO LAS NI SA 'DI LA GNAS PA'I DGE BA'I RTZA BA THAMS CAD DANG, SHES RAB DANG YE SHES DANG SEMS KYIS SHIN TU BRTAGS PA DANG, LDAN PA'I PHYIR CHES GSAL ZHING YONGS SU DAG PA DANG, SA 'OG MA'I DGE BA'I RTZA BA DANG THEG PA GNYIS KYI DGE BA'I RTZA BAS MI 'PHROGS PAS SHIN TU RGYAL BAR DKA' BA'I SA ZHES BYA'O ZHES GSUNGS TE, 'PHAGS PA SANGS RGYAS PHAL PO CHE'I NANG NAS GNAS PA BCU BSTAN PA DANG, LEGS PA'I TSUL KHRIMS BSTAN PA'I MDO LAS KYANG DON GYIS DE SKAD DU STON TO, ,'PHAGS PA SA BCU'I 'GREL PA LAS NI 'JIG RTEN LAS 'DAS PA'I YE SHES DANG, THABS MKHAS PA THOB PAS SHIN TU RGYAL BAR DKA' BA LAS RGYAL BA'I PHYIR SHIN TU RGYAL BAR DKA' BA'I SA ZHES BYA'O ZHES BSHAD DO, ,BSTAN BCOS RNAL 'BYOR SBYOD PA'I SA LAS NI, SA 'DIR BYANG CHUB SEMS DPA'I 'PHAGS PA'I BDEN PA RNAMS LA RNAM PAR NGES PA'I SHES PA'I MCHOG STON PAS, SHIN TU RGYAL BAR DKA' BAS SHIN TU SBYANG DKA' BA'I SA ZHES BYA'O ZHES BSHAD DO, ,BSTAN BCOS MDO SDE'I RGYAN LAS NI SA LNGA PA NI DKA' BA RNAM PA GNYIS YIN TE SEMS CAN YONGS SU SMIN PAR BYED PA LA BRTZON PA NI NYON MONGS PA MED PAR DKA' BA DANG, RANG GI SEMS KYANG SRUNG ZHING NYON MONGS PA MED PAR DKA' BA @265B STE, SA 'DI'I BYANG CHUB SEMS DPA' NI DKA' BA RNAM PA GNYIS LAS YANG DAG PAR 'DAS SHING SHIN TU DKA' BA LAS RGYAL BAR GYUR BAS SHIN TU RGYAL BAR DKA' BA'I SA ZHES BYA'O ZHES 'BYUNG NGO, ,BSTAN BCOS THEG PA CHEN PO BSDUS PA LAS NI YANG DAG PA'I BDEN PA DANG, 'JIG RTEN PA'I SHES PA GNYIS PHAN TSUN MI MTHUN PAS DE BSGRUB PAR DKA' BA'I PHYIR SHIN TU SBYANG DKA' ZHES BYA'O ZHES 'BYUNG STE, SLOB DPON DBYIG GNYEN DANG NGO BO NYID MED KYIS 'GREL PA LAS KYANG DON DE SKAD DU STON TO, ,BSTAN BCOS RNAM PAR BSHAD PA LAS NI SHIN TU RNAM PAR DAG PA'I BDEN PA LA DMIGS PA'I SHES BYA MDO SDE RNAMS DANG, SHES RAB DAM PA'I PHUNG PO SHIN TU BSGRUB PAR DKA' BA 'KHOR BA DANG, ZHI BA LA MI GNAS PA'I 'PHAGS PA'I LAM THOB PA GANG YIN PA DE NI SHIN TU SBYANG DKA' BA ZHES BYA'O ZHES BSHAD DO, ,GNAS PA BCU'I 'GREL PA LAS NI SA LNGA PA LA YON TAN GYI STOBS BRTAS BAS BDUD THAMS CAD KYIS 'JIGS PAR MI NUS PA'I PHYIR SHIN TU RGYAL BAR DKA' BA'I SA ZHES BYA'O ZHES BSHAD DO, ,BSTAN BCOS RNAM PAR RIG BA TZAM DU GRUB PA LAS NI DON THAMS CAD BSTAN BCOS THEG PA CHEN PO BSDUS PA LAS BSTAN PA DANG MTHUN PAR BSHAD DO, ,'DU BYED RNAMS KYI 'JUG PA LA SO SOR RTOG PA MNGON SUM DU GYUR PA NYID DANG, MTSAN MA MED PA LAN MANG DU BYED PA MNGON DU GYUR PAS DE'I PHYIR DRUG PA NI MNGON DU GYUR PA'I SA ZHES BYA'O ZHES BYA BA NI DRUG PA MNGON DU GYUR BA'I SA RNAM PAR BSHAD BA'O, ,'DI LTAR SA 'DI LA 'DU BYED RNAMS KYI 'JUG PA LA SO SOR RTOG PA MNGON SUM DU GYUR BA NYID DANG, MTSAN MA MED PA LAN MANG DU YID LA BYED PA'I DON RNAM PA GNYIS DANG LDAN PA'I PHYIR MNGON SUM DU GYUR PA'I SA ZHES BYA'O, ,DGONGS PA ZAB MO RNAM PAR DGROL BA'I MDO LAS KYANG, MDO 'DI NYID LAS GSUNGS PA DANG MTHUN BAR 'BYUNG NGO, ,'PHAGS PA MI'I RGYAL POS ZHUS PA'I MDO LAS NI CHOS MNGON DU GYUR BA ZHES BSHAD DE, DE'I PHYIR DE NYID KYI TSIGS SU BCAD PA LAS, CHOS MNGON GYUR PA'I SKYES BU DE DAG MI DBANG RGYAL PO ZHING NI 'BUM PHRAG SNANG, ,ZHES GSUNGS SO, ,'PHAGS PA GSER 'OD DAM PA'I MDO LAS NI MDO 'DI NYID LAS GSUNGS PA DANG MTHUN BAR 'BYUNG NGO, , @266A *, ,'PHAGS PAS BCU'I MDO LAS NI SGRIB BA MED PA'I YE SHES KYI SGO MNGON SUM DU GYUR PA THOB PAS SHES RAB KYI SNANG BA MNGON DU GYUR PA ZHES GSUNGS TE, 'PHAGS PA SANGS RGYAS PHAL PO CHE'I NANG NAS GNAS PA BCU BSTAN PA DANG, LEGS PA'I TSUL KHRIMS BSTAN PA'I MDO LAS KYANG DON GYIS 'PHAGS PAS BCU'I MDO LAS GSUNGS PA DANG MTHUN PAR STON TO, ,BSTAN BCOS MDO SDE'I RGYAN LAS NI 'KHOR BA DANG MYA NGAN LAS 'DAS PA LA MI GNAS PAR BSGOM PA'I SHES RAB MNGON SUM DU GYUR PAS MNGON DU GYUR PA'I SA ZHES BYA'O ZHES BSHAD DO, ,BSTAN BCOS THEG PA CHEN PO BSDUS PA'I 'GREL PA LAS NI RTEN CING 'BREL PAR 'BYUNG PA'I SHES PA'I GNAS YIN PAS SHES RAB KYI PHA ROL TU PHYIN PA LA GNAS PA MNGON DU BYED PA'I PHYIR RO ZHES BSHAD DO, ,SLOB DPON DBYIG GNYEN GYIS MDZAD PA'I 'GREL PA LAS NI 'DI LTA STE, SA 'DI LA RTEN CING 'BREL BAR 'BYUNG BA'I SHES PA LA GNAS PAS SHES PA 'DI'I STOBS KYIS RNAM PAR RTOG PA MED PAR SHES RAB KYI PHA ROL TU PHYIN PA MCHOG LA GNAS PA MNGON DU GYUR NAS CHOS THAMS CAD KUN NAS NYON MONGS PA DANG, RNAM PAR BYANG BA MED PA NYID DU RTOG PAS SA BDUN PA LA NI MNGON PAR 'DU BYED PA DANG BCAS PA NYID DU 'GYUR LA, SA BRGYAD PA NI MNGON PAR 'DU BYED PA NYID DU 'GYUR RO ZHES BSHAD DO, ,SLOB DPON NGO BO NYID MED KYIS 'GREL PA LAS KYANG DON GYIS DE SKAD DU STON TO, ,GNAS PA BCU'I 'GREL PA LAS NI BDUN GYI DNGOS PO RNAMS DKA' NAS BYANG CHUB SEMS DPA' RNAMS KYI LAM GYI CHOS MNGON DU GYUR PAS SO ZHES BSHAD DO, ,BSTAN BCOS RNAM PAR RIG PA TZAM DU GRUB PA LAS KYANG THEG PA CHEN PO BSDUS PA LAS BSTAN PA DANG MTHUN BAR BYUNG NGO, ,'PHAGS PA SHES RAB KYI PHA ROL TU PHYIN PA'I 'GREL PA LAS NI MNGON DU GYUR PA'I SA ZHES 'BYUNG NGO, ,MTSAN MA MED PA'I YID LA BYED PA BAR CHAD MED CING RGYUN MI 'CHAD PAR RING DU RJES SU ZHUGS SHING RNAM PAR DAG PA'I SA DANG RJES SU 'BREL PAS DE'I PHYIR BDUN PA NI RING DU SONG BA'I SA ZHES BYA'O ZHES BYA BA NI BDUN PA RING DU SONG BA'I SA RNAM PAR BSHAD PA'O, ,'DI LTAR SA 'DI LA BAR CHAD MED CING RGYUN CHAD PA MED PAR MTSAN MA MED PA'I RJES SU ZHUGS PAS NA SA @266B DRUG PA LTAR RE ZHIG TZAM DU MNGON DU GYUR PA MA YIN PA DANG, GZHAN YANG BRGYAD PA RNAM PAR DAG PA'I SA DANG NYE BAR GYUR PAS DON RNAM PA GNYIS PO 'DI DANG LDAN PA'I PHYIR RING DU SONG BA'I SA ZHES BYA'O, ,MTSAMS RNAM PAR DGROL BA'I MDO DANG, DGONGS PA ZAB MO RNAM PAR DGROL BA'I MDO LAS KYANG DON GYIS MDO 'DI NYID LAS GSUNGS PA DANG MTHUN PAR STON TO, ,MI'I RGYAL POS ZHUS PA'I MDO LAS NI RING DU RTOG PA'I SA ZHES BSHAD DE, DE'I PHYIR DE NYID KYI TSIGS SU BCAD PA LAS, RING DU RTOG PA MI SKYE BSAM GTAN DANG PO'I RGYAL, ,RTAG PAR ZHING NI 'BUM PHRAG DU MAR SEMS CAN SGROL, ,ZHES GSUNGS SO, ,'PHAGS PA GSER 'OD DAM PA'I MDO LAS NI ZAG PA MED CING PAR CHAD MED PAR MTSAN MA MED PA'I YID LA BYED PAS RNAM PAR THAR BA DANG, TING NGE 'DZIN RING DU BSGOM PA'I PHYIR SA DE RNAM PAR DAG CING SGRIB PA MED PA DANG, THOGS PA MED PAS RING DU SONG BA'I SA ZHES BYA'O ZHES GSUNGS SO, ,'PHAGS PA SA BCU'I MDO LAS NI LUS DANG NGAG DANG YID KYI LAS ZAB CING DBEN LA RGYU BA MED PA DANG LDAN PA YANG RAB TU THOB PA YIN TE, KHYAD PAR GONG DU BTZAL BA'I BRTZON 'GRUS KYANG YONGS SU MI GTONG NGO, ,GZHAN YANG DE BAS KYANG SEMS CAN LA PHAN GDAGS PA'I PHYIR CHOS KYI BZOD PA RNAM PAR DAG PAR 'GYUR BAS RING DU SONG BA'I SA ZHES BYA'O ZHES GSUNGS SO, ,'PHAGS PA SANGS RGYAS PHAL PO CHE'I MDO'I NANG NAS GNAS BA BCU BSTAN PA DANG, LEGS PA'I TSUL KHRIMS BSTAN PA'I MDO LAS KYANG DON GYIS 'PHAGS PA SA BCU'I MDO LAS GSUNGS PA DANG MTHUN PAR STON TO, ,'PHAGS PA SA BCU'I 'GREL PA LAS NI MTSAN MA MED PA'I BAR BSGOMS PA'I RTZOL BA MTHAR PHYIN PAS 'JIG RTEN PA DANG, THEG PA PA GNYIS KYI 'JIG RTEN LAS 'DAS PA'I LAM LAS YANG DAG PAR 'DAS PA'I PHYIR RING DU SONG BA'I SA ZHES BYA'O ZHES 'BYUNG NGO, ,BSTAN BCOS MDO SDE'I RGYAN LAS NI BYANG CHUB SEMS DPA' NI SA BDUN PA LA THEG PA GCIG GI LAM DANG NYE BAR GYUR PAS RING DU SONG BA'I SA ZHES BYA'O ZHES BSHAD DO, ,RING DU SONG BA SU YIN ZHE NA, SMRAS PA, RTZOL BA'I SBYOR BA MTHAR PHYIN PAS DES RING DU 'GRO @267A *, ,BAS NA RING DU 'GRO BA DE'I PHYIR RING DU SONG BA ZHES BYA'O, ,BSTAN BCOS THEG PA CHEN PO BSDUS PA LAS NI SBYOR BA LAS BYUNG BA'I SBYOD PA'I MTHA' YIN PA'I PHYIR RO ZHES 'BYUNG NGO, ,SLOB DPON DBYIG GNYEN GYIS MDZAD PA'I 'GREL PA LAS NI 'DI LTAR SA 'DI LA SBYOR BA'I SPYOD PA'I MTHAR PHYIN CING MTSAN MA THAMS CAD DANG BRAL BAS MI G-YO BA YIN YANG MTSAN MA MED PA LA DA DUNG RTZOL BA DANG BCAS PA ZHES BYA'O ZHES BSHAD DE, SLOB DPON NGO BO NYID MED KYIS 'GREL PA LAS KYANG DON GYIS DE SKAD DU STON TO, ,GNAS BA BCU'I 'GREL PA LAS NI KHAMS GSUM PA LAS THAG RING POR GYUR CING CHOS KYI RGYAL PO'I GNAS DANG NYE BAR GYUR PA'I PHYIR RING DU SONG BA'I SA ZHES BSHAD DO, ,BSTAN BCOS RNAM PAR RIG PA TZAM DU GRUB PA LAS NI MTSAN MA MED PA'I GNAS PA MTHAR PHYIN CING, SBYOR BA'I MTHAR PHYIN PA YIN PAS 'JIG RTEN PA DANG THEG PA BA GNYIS KYI LAM LAS YANG DAG PAR 'DAS PA'I PHYIR RING DU SONG BA'I SA ZHES 'BYUNG NGO, ,MTSAN MA MED PA LA RTZOL BA MED PA THOB PAS MTSAN MA RNAMS LAS KUN DU BYUNG BA'I NYON MONGS PAS MI BSKYOD PAS DE'I PHYIR BRGYAD PA NI MI G-YO BA'I SA ZHES BYA'O ZHES BYA BA NI BRGYAD PA MI G-YO BA'I SA RNAM PAR BSHAD PA'O, ,'DI LTAR SA 'DI LA RTZOL BA'I NYON MONGS PA DAG GIS MI BSKYOD PAS NA MI G-YO BA'I SA ZHES BYA'O, ,BSTAN BCOS THEG PA CHEN PO BSDUS PA'I 'GREL BA LANG GI TSE BSGYUR BA LAS, MDO'I TSIG 'DI LA DON RNAM PA GSUM GYIS STON TE, DE'I PHYIR 'GREL PA 'DI NYID LAS MTSAN MA DANG, NYON MONGS PA DANG, RTZOL BA DAG GIS MI G-YO BA'I PHYIR TE, 'DI LTAR SA 'DI YUL RNAM PA GNYIS YOD PAS DANG PO NI DE KHO NA'I YUL TE, MTSAN MA MED PA ZHES BYA'O, ,BYANG CHUB SEMS DPAS YUL DE LA GNAS SHING MTSAN MA RTZOL BA THAMS CAD KYIS MI BSKYOD PAS SO, ,GNYIS PA NI KUN RDZOB KYI YUL TE, DE NI MTSAN MA THAMS CAD CES BYA'O, ,BYANG CHUB SEMS DPA' YUL DE LA GNAS KYANG NYON MONGS PA THAMS CAD KYIS MI BSKYOD PA'I PHYIR, MI G-YO BA'I SA ZHES BYA'O ZHES 'BYUNG NGO, ,MTSAN MA RNAM PAR DGROL BA'I MDO LAS KYANG MDO 'DI LAS GSUNGS PA DANG MTHUN PAR 'BYUNG NGO, , @267B MI'I RGYAL POS ZHUS PA'I MDO LAS NI MNYAM PA NYID DU BSGOM ZHES BSHAD DE, DE'I PHYIR DE NYID KYI TSIGS SU BCAD PA LAS, MNYAM BSGOM BYANG CHUB SEMS DPA' BSAM GTAN GNYIS PA'I RGYAL, ,GANG G'A'I ZHING LA 'JUG CING SEMS CAN THAMS CAD SGROL, ,ZHES GSUNGS SO, ,'PHAGS PA GSER 'OD DAM PA'I MDO LAS NI MTSAN MA MED PA'I YID LA BYED PA BSGOM PA LA DBANG THOB PAS NYON MONGS PA RNAMS KYI KUN DU SPYOD PAS MI BSKYOD PA'I SA ZHES BYA'O ZHES GSUNGS SO, ,RGYA CHER RNAM PAR 'BYED PA NI 'PHAGS PAS BCU'I MDO DANG, SANGS RGYAS PHAL PO CHE LA SOGS PA LAS BSTAN PA BZHIN DU RIG PAR BYA'O, ,'PHAGS PA SA BCU'I MDO'I 'GREL PA LAS NI RNAM PAR SMIN PA'I MDO SBYOD PA YONGS SU BYANG ZHING MTSAN MA MED PA LA BAR CHAD MED PAS MI G-YO BA ZHES BYA'O ZHES 'BYUNG NGO, ,BSTAN BCOS MDO SDE'I RGYAN LAS NI SA BRGYAD PA LA NI MTSAN MA DANG BCAS PA'I 'DU SHES DANG, MTSAN MA MED PA'I RTZOL BA'I 'DU SHES GNYI GAS MI BSKYOD PAS DE'I PHYIR MI G-YO BA'I SA ZHES BYA'O ZHES 'BYUNG NGO, ,BSTAN BCOS THEG PA CHEN PO BSDUS PA LAS NI MTSAN MA DANG RTZOL BA'I MNGON PAR 'DU BYED PA THAMS CAD KYIS MI G-YO BA'I PHYIR RO ZHES 'BYUNG NGO, ,SLOB DPON DBYIG GNYEN GYIS MDZAD BA'I 'GREL BA LAS NI SA 'DIR MTSAN MA JI SNYED YOD PA RNAMS DANG, MNGON BAR 'DU BYED PA THAMS CAD KYIS MI G-YOS SHING RNAM PAR MI RTOG PA'I YE SHES RANG GI DANG GIS 'JUG PAS SO ZHES BSHAD DO, ,SLOB DPON NGO BO NYID MED KYIS 'GREL PA LAS NI 'DI LTAR MTSAN MA THAMS CAD DANG MNGON BAR 'DU BYED PA THAMS CAD KYIS DE'I SEMS G-YO BAR MI NUS PA'I PHYIR DANG, SA BDUN PA LA MTSAN MA THAMS CAD KYIS MI G-YO ZHING KUN DU MI 'BYUNG MOD KYI, 'ON KYANG RANG GI NGANG GIS 'JUG PA LA DBANG MA THOB CING SBYOR BA DANG BCAS PA'I PHYIR DANG, SA BRGYAD PA LA NI RANG GI NGANG GIS 'JUG CING SBYOR BA'I RTZOL BA MED PA'I PHYIR TE, 'DI NI SA BDUN PA DANG BRGYAD PA'I BYE BRAG GO ZHES 'BYUNG NGO, ,BSTAN BCOS THEG PA CHEN PO BSDUS PA'I 'GREL PA LANG GI TSE BSGYUR BA LAS NI RNAM GRANGS GNYIS KYIS STON TE, DANG PO NI MDO 'DI NYID LAS GSUNGS PA DANG MTHUN NO, , @268A *, ,GNYIS PA NI THEG PA CHEN PO BSDUS PA'I 'GREL BA SLOB DPON NGO BO NYID MED KYIS MDZAD PA LAS BSTAN PA DANG MTHUN NO, ,GNAS PA BCU'I 'GREL PA LAS NI LHA DANG BDUD DANG TSANGS BA DANG DGE SBYONG DANG, BRAM ZE GANG GIS KYANG DE'I YI DAM LAS BSKYOD PAR MI NUS PA'I PHYIR, MI G-YO BA'I SA ZHES BYA'O ZHES 'BYUNG NGO, ,BSTAN BCOS RNAM PAR RIG PA TZAM DU GRUB PA LAS NI RNAM PAR MI RTOG PA'I YE SHES RANG GI DANG GIS RGYUN MI 'CHAD CING MTSAN MA'I RTZOL BA'I NYON MONGS PAS MI BSKYOD PA'I PHYIR RO ZHES 'BYUNG NGO, ,RNAM PA THAMS CAD DU CHOS STON PA'I DBANG LA KHA NA MA THO BA MED PA'I BLO GROS SHIN TU YANGS SHING RGYA CHE BA THOB PAS DE'I PHYIR DGU BA NI LEGS PA'I BLO GROS KYI SA ZHES BYA'O ZHES BYA BA NI DGU PA LEGS PA'I BLO GROS KYIS RNAM PAR BSHAD PA'O, ,KHA NA MA THO BA ZHES BYA BA NI NYES PA DANG THOGS PA DANG RMONGS PA LA BYA'O, ,'DI LTAR SA 'DI LA RNAM PA THAMS CAD DU CHOS SNA TSOGS STON PA LA DBANG THOB PAS THOGS PA MED CING YANGS SHING RGYA CHE BA'I BLO GROS THOB PA DE YANG SHIN TU DGE BA'I PHYIR LEGS BA'I BLO GROS ZHES BYA'O, ,MTSAMS RNAM PAR DGROL BA'I MDO DANG, DGONGS PA ZAB MO RNAM PAR DGROL BA'I MDO LAS KYANG, MDO 'DI NYID LAS GSUNGS PA DANG MTHUN BAR 'BYUNG NGO, ,'PHAGS PA MI'I RGYAL BOS ZHUS PA'I MDO LAS NI SHES RAB SNANG BA DANG BCAS BZHES BSHAD DE, DE'I PHYIR DE NYID KYI TSIGS SU BCAD PA LAS, SHES RAB SNANG BYED SKYES BU BSAM GTAN GSUM PA'I RGYAL, ,GANG DAG STONG PHRAG ZHING RNAMS SU NI CIG CAR SNANG, ,ZHES GSUNGS SO, ,'PHAGS BA GSER 'OD DAM BA'I MDO LAS NI, YANG DAG BA JI LTA BA BZHIN DU SEMS CAN GYI PHUNG BO GSUM RAB TU SHES SHING YE SHES DE'I RJES SU 'BRANG BAS LEGS PA'I BLO GROS ZHES BSHAD DE, 'PHAGS PA SANGS RGYAS PHAL PO CHE'I MDO LAS KYANG DE SKAD DU STON TO, ,'PHAGS PAS BCU'I 'GREL BA LAS NI SO SO YANG DAG PAR RIG PA'I STOBS KYIS CHOS BSTAN PA YONGS SU GRUB NAS GZHAN LA PHAN 'DOGS PA'I PHYIR RO ZHES BSHAD DO, ,BSTAN BCOS MDO SDE'I RGYAN LAS NI SA DGU PA LA NI SO SO @268B YANG DAG PAR RIG PA BZHI'I SHES RAB KHYAD PAR DU 'PHAGS PAS SKAD CIG MA GCIG LA STONG GSUM GYI STONG CHEN PO'I 'JIG RTEN GYI KHAMS NA LHA DANG MI LA SOGS PA RNAM PA THA DAD BAS SKAD CIG THA DAD PA DAG GIS DON THA DAD PA DAG BYANG CHUB SEMS DPA' DE LA DRIS PAS NA SGRA SKAD GCIG GIS DRIS PA MANG PO LA LAN CIG CAR 'DEBS SHING MANG PO'I THE TSOM RNAMS GCOD PAS DES NA LEGS PA'I BLO GROS KYIS ZHES BYA'O ZHES BSHAD DO, ,BSTAN BCOS THEG PA CHEN PO BSDUS PA LAS NI SO SO YANG DAG PAR RIG PA'I SHES PA KHYAD PAR DU 'PHAGS PA THOB PA'I PHYIR RO ZHES 'BYUNG NGO, , SLOB DPON DBYIG GNYEN GYIS MDZAD PA'I 'GREL BA LAS NI SA 'DI'I SO SO YANG DAG PAR RIG PA'I SHES PA GANG YIN PA DE LA BLO GROS ZHES BYA STE, BLO GROS SHIN TU DGE BA'I PHYIR LEGS PA'I BLO GROS ZHES BYA'O ZHES 'BYUNG NGO, ,SLOB DPON NGO BO NYID MED KYIS 'GREL PA LAS NI 'DI LTAR SO SO YANG DAG PAR RIG PA BZHI'I SHES PA KHYAD PAR DU 'PHAGS PA THOB PAS SO SO YANG DAG PAR RIG PA RNAMS KYI NANG NAS MCHOG TU GYUR CING, SHES PA NYID BLO GROS YIN PA'I PHYIR LEGS PA'I BLO GROS ZHES BYA'O, ,DE LA SO SO YANG DAG PAR RIG PA BZHI NI SPOBS PA SO SO YANG DAG PAR RIG PA LA SOGS PA'O, ,DE LA CHOS SO SO YANG DAG PAR RIG PA LA DBANG THOB PAS NI MING DANG TSIG THAMS CAD KHONG DU CHUD PAR 'GYUR RO, ,DON SO SO YANG DAG PAR RIG PA LA DBANG THOB PAS NI, DON THAMS CAD KYI TSUL RAB TU RTOGS PAR 'GYUR RO, ,NGES PA'I TSIG SO SO YANG DAG PAR RIG PA LA DBANG THOB PAS NI SGRA SKAD THAMS CAD RNAM PAR 'BYED PA LA MKHAS PAR 'GYUR RO, ,SBOBS PA SO SO YANG DAG PAR RIG PAS NI PHYOGS BCU THAMS CAD DU DBANG THOB PA'I SPOBS PAS STON PAR BYED DO, ,SA 'DI LA SNGON MA THOB PA'I SO SO YANG DAG PAR RIG PA THOG MAR THOB PA'I PHYIR LEGS BA'I BLO GROS ZHES BYA'O ZHES 'BYUNG NGO, ,'PHAGS PA GNAS BCU'I 'GREL BA LAS NI SHES RAB DE GONG NAS GONG DU CHER GSAL ZHING SHIN TU DUL BA NYID DU GYUR PAS LEGS PA'I BLO GROS ZHES BYA'O ZHES BSHAD DO, ,BSTAN BCOS RNAM PAR RIG PA TZAM DU GRUB PA LAS SHIN TU GYA NOM PA'I SA @269A *, ,SO YANG DAG PAR RIG PA BZHI YONGS SU GRUB PAS PHYOGS BCU KUN DU LEGS PAR CHOS STON PA'I PHYIR RO ZHES 'BYUNG NGO, ,'PHAGS PA SHES RAB KYI PHA ROL TU PHYIN PA'I 'GREL PA LAS NI MTSAN NYID LA MKHAS PA'I SHES PA ZHES 'BYUNG NGO, ,GNAS NGAN LEN GYI LUS NAM MKHA' LTA BU LA CHOS KYI SKU YONGS SU RDZOGS PA SPRIN CHEN PO LTA BUS KHYAB CING KHEBS PAS DE'I PHYIR BCU PA NI CHOS KYI SPRIN GYIS ZHES BYA'O ZHES BYA BA NI BCU PA CHOS KYI SPRIN RNAM PAR BSHAD PA'O, ,'DI LTAR BDAG DANG CHOS SU 'DZIN PAS YONGS SU BSGOS PA'I SA BON GANG YIN PA DE NI LAS SU MI RUNG BA'I PHYIR GNAS NGAN LEN ZHES BYA'O, ,STONG PA NYID RNAM PA GNYIS DANG, BDAG MED PA'I DON LA SGRIB PA'I PHYIR MDO LAS NAM MKHA' LTA BU'O ZHES GSUNGS SO, ,SA BCU PO DE LA CHOS KYI DBYINGS RNAM PA BCU'I CHOS KYI SKU YONGS SU RDZOGS PA NI SPRIN CHEN PO DANG MTSUNGS TE, CHOS KYI DBYINGS MNGON DU GYUR PA NI CHOS KYI SKU YONGS SU RDZOGS PA DANG, BSGOMS PA LAS BYUNG BA'I CHOS KYI SKU GNAS NGAN LEN NAM MKHA' LTA BU LA KHEBS PA'I PHYIR CHOS KYI SPRIN ZHES BYA'O, ,MTSAMS RNAM PAR DGROL BA'I MDO LAS NI NAM MKHA' LTA BU'I NYES PA DAG LA NI SPRIN CHEN PO LTA BU'I CHOS KYI SKUS KUN DU KHYAB PAS ZHES 'BYUNG NGO, ,DGONGS PA ZAB MO RNAM PAR DGROL BA'I MDO LAS NI SEMS CAN NYON MONGS PA'I NYES PA LAS BYUNG BA'I LUS GANG YIN PA DE NI NAM MKHA' DANG MTSUNGS LA, DE BZHIN GSHEGS PA'I CHOS KYI SKU NI SPRIN CHEN PO LTAR SEMS CAN GYI KHAMS LA KHYAB CING CHOS STON PAR SNANG NGO ZHES GSUNGS SO, ,'PHAGS PA MI'I RGYAL POS ZHUS PA'I MDO LAS NI DBANG BSKUR BA'I SA ZHES BSHAD DO, ,DE'I PHYIR DE NYID KYI TSIGS SU BCAD PA LAS, DBANG BSKUR BYANG CHUB SEMS DPA' BSAM GTAN BZHI PA'I RGYAL, ,ZHING NI GANG G'A'I 'BUM PHRAG DAG DU SEMS CAN MANG PO SGROL, ,ZHES GSUNGS PA YIN NO, ,'PHAGS PA GSER 'OD DAM PA'I MDO LAS NI CHOS KYI SKU NAM MKHA' LTA BU DANG, SHES RAB SPRIN CHEN PO LTA BUS THAMS CAD KUN LA KHEBS SHING KHYAB PA'I PHYIR RO ZHES GSUNGS PA STE, SLOB DPON YANG DAG BDEN PA'I BRJED BYANG @269B LAS, NAM MKHA' LTA BU ZHES BYA BA NI DE BZHIN NYID RNAM PA GSUM GYI DPER BSTAN PA'O, ,'DI LTAR NAM MKHA' YANG DON RNAM PA GSUM DANG LDAN TE, DANG PO KUN RDZOB GANG YIN PA DE NI NGO BO NYID KYI CHOS KYI SKU'I DPER BSTAN TE, 'KHOR BA MI SGRIB PA'I PHYIR RO, ,GNYIS PA MTHA' MED PA NI RAB TU GSAL PA'I CHOS KYI SKU'I DPER BSTAN TE, RAB TU GSAL BAR GYUR MOD KYI 'ON KYANG MTHAR PHYIN PA MA YIN PAS NAM MKHA' LTAR YONGS SU DAG PA'I GNAS KYANG YOD, RDUL DANG KHUG RNAL SOGS PA DANG BCAS PA'I GNAS KYANG YOD DE, DPER NA LAM LA YOD PA'I CHOS KYI SKU LTA BU'AM, YANG NA DBU MA'I LAM SHES PA LTA BU'O, ,GSUM PA NI YONGS SU DAG CING RDUL DANG KHUG RNA MED PA NI 'PHAGS PA'I 'BRAS BU CHOS KYI SKU'I YE SHES KYI DPER BSTAN PA'O, ,DE LA SPRIN CHEN PO LTA BU ZHES BYA BA NI DE BZHIN NYID DANG YE SHES KYI DPER BSTAN PA'O, ,'DI YANG RNAM PA GSUM TE, LAM GYI MDUN ROL DU NGO BO NYID KYIS THOB PA DANG, LAM DU ZHUGS TE BSGOMS NAS THOB PA DANG, LAM GYI 'OG TU MTHAR PHYIN PA'I GNAS THOB PA'O, ,KUN LA ZHES BYA BA NI NGO BO NYID KYIS THOB PA'I DE BZHIN NYID DANG, YE SHES DE BZHIN NYID KYI DON KUN LA KHYAB BAR GYUR PA'O, ,KHEBS SHING ZHES BYA BA NI BSGOMS NAS THOB PA'I DE BZHIN NYID DO, , KHYAB PA ZHES BYA BA NI MTHAR PHYIN NAS THOB PA'I DE BZHIN NYID DANG YE SHES TE, DE BZHIN NYID KYI DON LA KHYAB PAR GYUR PAS YUL DANG SHES PA GNYIS PHAN TSUN KHYAB CING 'TSAM PAR GYUR PA'O, ,DE LA SPRIN ZHES BYA BA NI CHAR BA NYID YIN PAS CHAR PA YANG DON RNAM PA GSUM DANG LDAN TE, DANG PO NI RDUL MI LDANG BAR BYED PA DE BZHIN DU LAM GYI MDUN ROL GYI NGO BO NYID KYI SHES PA YANG RNAM PAR DAG CING KUN NAS NYON MONGS PA MED PA'I DON DANG LDAN PAS SO, ,GNYIS PA NI DRI MA 'KHRU BAR BYED PA DE BZHIN DU LAM DU ZHUGS PA YANG NYON MONGS PA SPONG ZHING NYES PA SPONG BA'I DON DANG LDAN PAS SO, ,GSUM PA NI MYU GU SKYED PAR BYED PA DE BZHIN DU LAM GYI 'OG TU YANG MYU GU SKYED PAR BYED PAS SO, ,GZHAN YANG CHOS KYI SKU NI NAM MKHA' STA BU'O, ,LONGS SPYOD RDZOGS PA'I SKU NI SPRIN LTA BU'O ZHES 'BYUNG NGO, ,'PHAGS PAS BCU'I MDO LAS NI DPER NA RGYA MTSO'I KLU'I RGYAL PO NI SPRIN LAS RNAM PAR BKYE BA 'CHU'I PHUNG @270A *, ,PO CHEN PO NI, RGYA MTSO CHEN PO MA GTOGS PAR SA'I PHYOGS GZHAN GYIS BZOD PA'AM, BDAG GIR BYA BA'I BLA MA'AM GZUNG BAR MI NUS SO, ,KYE RGYAL BA'I SRAS DAG DE BZHIN DU DE BZHIN GSHEGS PA THAMS CAD KYI DE BZHIN GSHEGS PA'I GSANG BA LA 'JUG PA DANG, CHOS KYI SNANG BA CHEN PO DANG CHOS KYI 'OD CHEN PO DANG, CHOS KYI SPRIN CHEN PO DE DAG NI SEMS CAN THAMS CAD DANG, NYAN THOS DANG RANG SANGS RGYAS THAMS CAD DANG SA DANG PO NYE BAR GZUNG BA YAN CHAD SA DGU'I BAR LA GNAS PA'I BYANG CHUB SEMS DPA' DAG GIS KYANG BZOD PA'AM, BLA MA'AM, YANG DAG PAR GZUNG BA'AM, BDAG GIR BYA BA MA YIN PA'I PHYIR CHOS KYI SPRIN GYIS ZHES BYA'O, ,KYE RGYAL BA'I SRAS GZHAN YANG BYANG CHUB SEMS DPA'I SA CHOS KYI SPRIN LA GNAS PA'I BYANG CHUB SEMS DPA' NI RANG GI SMON LAM GYI STOBS DANG SHUGS KYIS SNYING BRTZE BA DANG, SNYING RJE CHEN PO'I SPRIN CHOS KYI SNANG BA CHEN PO RAB TU SGROGS PA 'BRUG SGRA SHIN TU SGROGS PA MNGON PAR SHES PA DANG, RIG PA DANG, MI 'JIGS PA'I GLOG RNAM PAR 'GYUR PA, 'OD ZER CHEN PO'I RLUNG GIS SHIN TU BSKYOD PA, BSOD NAMS DANG YE SHES KYI SPRIN GYI DRA BSTUG POS KUN NAS KHEBS PA, LUS SNA TSOGS KYI GLOG YANG DAG PAR STON PA, CHOS KYI SPRIN CHEN PO RAB TU SGROL BA, BDUD KYI 'KHOR THAMS CAD SHIN TU TSAR GCOD PA, SKAD CIG YUD TZAM THANG CIG TU PHYOGS BCU'I 'JIG RTEN SNGA MA DE DAG RDUL SHIN TU PHRA BA JI SNYED PA DE SNYED KYI 'JIG RTEN GYI KHAMS KYANG DGE BA'I BDUD RTZI'I RGYUN GYI CHAR CHEN PO BSAM PA JI LTA BA BZHIN DU SEMS CAN RNAMS MI SHES PA LAS LANGS PA'I NYON MONGS PA'I RDUL GYI ME LCE THAMS CAD RAB TU ZHI BAR BYED PA DANG, GZHAN YANG MTSAN NYID RNAM PA BRGYAD KYIS MNGON PAR RDZOGS PAR 'TSANG RGYA BAR STON CING SEMS CAN RNAMS YONGS SU SGROL BA'I PHYIR CHOS KYI SPRIN ZHES BYA'O ZHES GSUNGS TE, ZHIB TU DE NYID LAS BSTAN PA BZHIN TU RIG PAR BYA'O, , BSTAN BCOS MDO SDE'I RGYAN LAS NI SA BCU PA LA NI TING NGE 'DZIN NAS GZUNGS KYI SGO THOS PAS YONGS SU BSGOS PA'I RGYU THAMS CAD GZHI RNAM PAR SHES PA LA KHEBS SHING KHYAD PAR BSDUS PAS JI LTAR SPRIN NAM MKHA' KUN DU KHEBS SHING GANG BA LTA BUR THOS PAS YONGS SU BSGOS PA'I SPRIN GYIS SKAD CIG @270B MA GCIG LA MTSAN RE RE DANG, SPU'I KHUNG BU RE RE NAS CHOS KYI CHAR TSAD MED DPAG TU MED PA DAG 'BEBS SHING 'DUL BAR 'OS PA'I SEMS CAN RNAMS TSIM PAR BYED PA SPRIN GYI CHOS DANG MTSUNGS PA'I PHYIR CHOS KYI SPRIN GYIS ZHES BYA'O ZHES BSHAD DO, ,CHOS KYI SKU YONGS SU RDZOGS PAR BYED PA'I PHYIR RO ZHES 'BYUNG NGO, ,SLOB DPON DBYIG GNYEN GYIS MDZAD PA'I 'GREL PA LAS NI SA 'DI LA 'DRES BA'I CHOS THAMS CAD LA DMIGS PA'I SHES PA NI SPRIN CHEN PO LTA BU'O, ,GZUNGS KYI SGO DANG, TING NGE 'DZIN GYI SGO NI YONGS SU DANG BA LTA BU DAG SHES PA 'DIS YONGS SU SKYED PAR BYED DE, DPER NA SPRIN GYIS CHU YONGS SU SPED PA JI LTA BA BZHIN NO, ,GZHAN YANG DPER NA SPRIN CHEN POS NAM MKHA' KHEBS PAR BYED PA DE BZHIN DU 'DRES PA'I CHOS THAMS CAD LA DMIGS PA'I SHES PAS KYANG RGYA CHE BA'I SGRIB PA RNAMS 'GEGS SHING NYE BAR ZHI BAR BYED DO, ,CHOS KYI SKU YONGS SU RDZOGS PAR BYED CES BYA BA NI JI LTAR SPRIN CHEN PO 'KHRIGS NAS NAM MKHA' KUN DU KHYAB PAR BYED PA DE BZHIN DU SHES PA 'DIS KYANG BYANG CHUB SEMS DPA' RNAMS KYI GNAS SU GYUR PA'I CHOS KYI SKU YONGS SU RDZOGS PAR BYED CING KUN DU KHYAB PAR BYED DO, ,'DIS YONGS SU RDZOGS PA ZHES BYA BA NI KUN DU KHYAB PA LA BYA BAR DGONGS SO ZHES 'BYUNG NGO, ,SLOB DPON NGO BO NYID MED KYIS 'GREL BA LAS NI 'DRES PA LA DMIGS PA YIN PAS 'DRES PA LA DMIGS PA YANG MA YIN LA, CHOS THAMS CAD SHES PA YANG MA YIN PAR 'DRES PA DMIGS PAS CHOS THAMS CAD SHES PA STE, DE NYID LAS GZHAN MA YIN PAS MDO'I SDE LA SOGS PA CHOS THAMS CAD BSDUS PA LA DMIGS TE, CHOS THAMS CAD KYI SPYI'I MTSAN NYID KYI YUL SHES PA DE NI SPRIN LTA BU'O, ,TING NGE 'DZIN DANG GZUNGS KYI SGO RNAMS NI CHU GTZANG MA LTA BU'O, ,YE SHES KYIS DE SPED PAR NUS PAS DPER NA SPRIN GYIS CHU SPED PAR BYED PA BZHIN NO, ,DE'I NUS PA KHYAD PAR CAN SKYED PAR BYED PA'I PHYIR RO, ,GZHAN YANG JI LTAR SPRIN GYIS NAM MKHA' LA SGRIB PAR BYED KHEBS PAR BYED PA DE BZHIN DU CHOS THAMS CAD BSDUS PA LA DMIGS BA'I SHES PA DES KYANG NYON MONGS PA DANG SHES BYA'I SGRIB PA CHEN PO NAM MKHA' LTA BU RGYA CHE ZHING MU MED PA LA SGRIB PAR BYED KHEBS PAR BYED DE, DE @271A *, ,LA SGRIB PAR BYED KHEBS PAR BYED CES BYA BA NI GCOD PA DANG SPONG BAR BYED CES BYA BA'I THA TSIG GO, ,GZHAN YANG JI LTAR SPRIN GYIS NAM MKHA' LA CHUS KUN DU 'GENGS PA DE BZHIN DU YE SHES DES KYANG YON TAN GYI TSOGS KYI 'BYUNG GNAS CHOS KYI SKU YONGS SU RDZOGS PAR BYED DO ZHES 'BYUNG NGO, ,BSTAN BCOS THEG PA CHEN PO BSDUS PA'I 'GREL BA LANG GI TSE BSGYUR BA LAS TSIG MI MTHUN YANG DON THA DAD PAR 'GYUR BA NI MED DO, ,BSTAN BCOS RNAM PAR RIG PA TZAM DU GRUB PA LAS NI, CHOS CHEN PO'I YE SHES KYI SPRIN YON TAN MANG PO'I CHU SPED BA DANG NAM MKHA' LTA BU'I GNAS NGAN LEN 'GEGS PA DANG, CHOS KYI SKU YONGS SU RDZOGS PAR BYED PA'I PHYIR CHOS KYI SPRIN ZHES BYA'O ZHES 'BYUNG STE, 'DI LA YANG DON RNAM PA GSUM YOD DE, ,DANG PO NI CHOS CHEN PO'I YE SHES KYI SPRIN YON TAN SNA TSOGS KYI CHU SPED PAS NA DPER NA SPRIN CHEN PO LTA BU'O, ,DE LA 'DRES PA'I CHOS THAMS CAD LA DMIGS PA'I SHES PA NI SPRIN CHEN PO LTA BU'O, ,GZUNGS DANG TING NGE 'DZIN GYI SGO NI CHU LTA BU STE, YE SHES DE SPED PAR NUS PAS DPER NA SPRIN GYIS CHU SPED PAR BYED PA BZHIN NO, ,GNYIS PA NI NAM MKHA' LTA BU'I GNAS NGAN LEN 'GEBS PAR BYED PA STE, DPER NA SPRIN CHEN POS NAM MKHA' LA SGRIB PAR BYED 'GEBS BAR BYED PA DE BZHIN DU 'DRES PA'I CHOS THAMS CAD LA MI GNAS PA'I SHES PA DES KYANG NAM MKHA' LTA BUR RGYA CHE ZHING DPAG TU MED PA'I NYON MONGS PA DANG, SHES BYA'I SGRIB PA GNYIS LA SGRIB PAR BYED, KHEBS PAR BYED PAS SO, ,DE LA SGRIB PAR BYED KHEBS BAR BYED CES BYA BA NI BAR DU GCOD PA'I DON DANG SPONG BAR BYED PA'I DON TO, ,GSUM PA NI CHOS KYI SKU YONGS SU RDZOGS PAR BYED PA'I PHYIR TE, DPER NA SPRIN CHEN PO LAS NAM MKHA' CHUS SHIN TU BSIL BAR 'GENGS PAR BYED PA DE BZHIN DU 'DRES PA'I CHOS THAMS CAD LA DMIGS PA'I YE SHES KYIS KYANG YON TAN KHYAD PAR DU 'PHAGS PA TSAD MED PA DAG GI 'BYUNG GNAS SU GYUR BA CHOS KYI SKU YONGS SU RDZOGS PAR BYED PA'O, ,NYON MONGS PA DANG SHES BYA'I SGRIB PA SHIN TU PHRA MO GTAN DU SPANGS PAS CHAGS PA MED CING THOGS PA MED PAR RNAM PA THAMS CAD DU SHES BYA'I SPYOD YUL LAS MNGON @271B PAR RDZOGS PAR BYANG CHUB BA NYID KYI PHYIR BCU GCIG PA NI SANGS RGYAS KYIS ZHES BYA'O ZHES BYA BA NI BCU GCIG PA SANGS RGYAS KYIS RNAM PAR BSHAD BA'O, ,'DI LTAR SKAD CIG MA DANG PO RDO RJE LTA BU'I TING NGE 'DZIN BAR CHAD MED PA'I LAM DU GYUR PAS CIG CAR SGRIB PA GNYIS KYI SA BON SHIN TU PHRA BA DAG SPANGS PA'O, ,NYON MONGS PA'I SGRIB PA SPANGS BA'I PHYIR NI CHAGS PA MED PA ZHES BYA'O, ,SHES BYA'I SGRIB PA SPANGS BA'I PHYIR NI THOGS PA MED PA ZHES BYA'O, ,SKAD CIG MA GNYIS PA NI RNAM PAR GROL BA'I LAM DU GYUR NAS RNAM PA THAMS CAD DU SHES BYA'I SPYOD YUL LAS MNGON PAR RDZOGS PAR BYANG CHUB PA GANG YIN PA DE NI YE SHES BZHI DANG MTSUNGS PAR LDAN PA'I SEMS KYI PHYOGS YIN PAS MNGON PAR RDZOGS PAR BYANG CHUB BA ZHES BYA'O, ,DE LA SANGS RGYAS KYIS ZHES BYA BA LA SANGS RGYAS NI DON RNAM PA LNGA DANG LDAN NO, ,SA NI DON RNAM PA GSUM DANG LDAN TE, DE'I PHYIR SANGS RGYAS KYI SA'I 'GREL PA LAS, DE LA SANGS RGYAS KYIS ZHES BYA BA NI RNAM PA THAMS CAD MKHYEN PA'I YE SHES DANG LDAN PA NYON MONGS PA DANG, SHES BYA'I SGRIB PA DANG BRAL BA'I CHOS THAMS CAD DANG, MTSAN NYID RNAM PA THAMS CAD LAS BDAG NYID BLO BYE BA, SEMS CAN THAMS CAD GNYID LOG PA DANG 'DRA BA LAS PADMA KHA BYE BA LTA BUR GYUR PA'I PHYIR SANGS RGYAS ZHES BYA'O, ,SA NI GNAS PA DANG SPYOD YUL DANG BSDUS PA STE, DE NI CHOS KYI DBYINGS RNAM PAR DAG PA DANG, ME LONG LTA BU'I YE SHES DANG, MNYAM PA NYID KYI YE SHES DANG, SO SOR RTOG PA'I YE SHES DANG, BYA BA GRUB PA'I YE SHES RDZOGS PAR LONGS SPYOD PAS DGONGS PA RO GCIG PA 'DRES PA LA SOGS PA GANG YIN PA DE NI SANGS RGYAS KYI GNAS DANG SPYOD YUL DANG BSDUS PA YIN PA'I PHYIR SANGS RGYAS KYIS ZHES BYA'O ZHES 'BYUNG STE, DE LA DON RNAM PA LNGA NI DON DAM PA DANG, KUN RDZOB KYI MKHYEN PA DANG LDAN PA DANG, DON DAM PA DANG KUN RDZOB KYI YUL RAB TU RTOGS PA DANG, BDAG DANG GZHAN SAD PAR MDZAD PA DANG, MA RIG PA DANG BRAL BA'I PHYIR RO, ,SHES RAB RNAM PAR GROL BA BRNYES PAS GNYID LOG PA LAS SAD PA DANG MTSUNGS STE, 'DOD PA'I 'DOD CHAGS SPANGS PA'I PHYIR RO, ,SEMS RNAM PAR GROL BA BRNYES @272A *, ,PAS PADMA KHA BYE BA DANG MTSUNGS TE, DON RNAM PA LNGA PO DE DAG DANG LDAN PA'I PHYIR SANGS RGYAS ZHES BYA'O, ,'DIR MDO 'DI NYID LAS NI DON RNAM PA BZHI DANG LDAN PAR BSTAN TE, DANG PO NI SGRIB PA DANG BRAL BA STE, NYON MONGS PA DANG, SHES BYA'I SGRIB PA SHIN TU PHRA MO GNAS SU SPANGS PAS ZHAS GANG GSUNGS PA'O, ,GNYIS PA NI YE SHES GNYIS DANG LDAN PA 'DI LTA STE, SEMS CAN STONG PA NYID DANG CHOS STONG PA NYID KYI YE SHES TE, CHAGS PA MED PA DANG THOGS PA MED PA ZHES GANG GSUNGS PA'O, ,GSUM PA NI DON DAM PA DANG KUN RDZOB KYI YUL RAB TU RTOGS PA STE, RNAM PA THAMS CAD DU SHES PAR BYA BA'I SPYOD YUL ZHES GANG GSUNGS PA'O, ,BZHI PA NI BDAG DANG GZHAN SAD PAR MDZAD PA DANG LDAN PA STE, MNGON PAR RDZOGS PAR BYANG CHUB PA NYID KYI PHYIR ZHES GANG GSUNGS PA'O, ,DE LA DON RNAM PA GSUM NI THAMS CAD KYI GNAS DANG SPYOD YUL DANG BSDUS PAR GYUR PA STE, SNGAR GONG DU BSTAN PA BZHIN DU RIG PAR BYA'O, ,GZHAN YANG 'PHAGS PA SANGS RGYAS KYI SA'I MDO LAS SANGS RGYAS KYI SA NI CHOS RNAM PA LNGAS BSDUS TE 'DI LTA STE, CHOS KYI DBYINGS RNAM PAR DAG PA DANG, YE SHES BZHI PO DAG GO ZHES GSUNGS TE, RGYA CHER DE NYID LAS BSTAN PA BZHIN NO, ,'DIR MJUG BSDU BA'I PHYIR BCU GCIG PA NI SANGS RGYAS KYI SA ZHES BYA'O ZHES GSUNGS SO, ,MTSAMS RNAM PAR DGROL BA'I MDO LAS NI, NYON MONGS PA DANG SHES BYA'I SGRIB PA SHIN TU PHRA MO SPANGS NAS, CHAGS PA MED CING THOGS PA MED PA SHES BYA'I SGRIB PA RNAM PA THAMS CAD LAS MNGON PAR RDZOGS PAR BYANG CHUB BA BRNYES PA'I PHYIR BCU GCIG PA NI SANGS RGYAS KYI SA ZHES BYA'O ZHES GSUNGS SO, ,DGONGS PA ZAB MO RNAM PAR DGROL BA'I MDO LAS NI BAG CHAGS SHIN TU PHRA BA THAMS CAD DANG, YUL THAMS CAD SHES BYA'I SGRIB PA'I BAG CHAGS DANG BRAL NAS CHAGS PA MED CING THOGS PA MED PAR CHOS THAMS CAD LA MNGA' BRNYES PA'I PHYIR BCU GCIG PA NI SANGS RGYAS KYI SA ZHES BYA'O ZHES 'BYUNG NGO, ,RGYA CHER RNAM PAR 'BYED PA NI 'PHAGS PA SA BCU'I 'GREL PA DANG, THEG PA CHEN PO BSDUS PA'I 'GREL PA LANG GI TSE BSGYUR BA DANG, RNAL 'BYOR SPYOD PA'I SA LAS BSTAN PA BZHIN DU RIG PAR BYA'O,, ,,