@1A [DD] #, ,RGYA GAR SKAD DU, A'ARYA LAm KA AA BA T'A RA BRiTTI, BOD SKAD DU, 'PHAGS PA LANG KAR GSHEGS PA'I 'GREL PA, SANGS RGYAS DANG BYANG CHUB SEMS DPA' [DD] THAMS CAD LA PHYAG 'TSAL LO, ,KUN MKHYEN SANGS RGYAS 'GYUR BA GSUNG BDAG MTSUNGS, ,SEMS DPA' GNYIS MI GNYIS KYI CHOS MCHOG DANG, ,'DUS PA MTHA' DAG CHUD LAM THEG GSUM LA, ,PHYAG 'TSAL NAS NI SHES DPAL BZANG MING GIS, ,MOS PA'I SEMS CAN RNAMS LA PHAN GDAGS PAR, ,BDAG GI BLO DANG GZHAN GYI BLOR GSUNGS PA, ,LANG KAR GSHEGS PA THOS TSUL CHOS DANG NI, ,RIGS PA YIS NI BSHAD PAR BYED PA'O, ,'DI SKAD BDAG GIS THOS PA DUS GCIG NA, BCOM LDAN 'DAS LANG KA'I GRONG RDAL RIM LA YA'I RTZE MO RIN PO CHE'I RIGS KYI ME TOG SNA TSOGS KYIS BRGYAN PA LA BZHUGS TE, ZHES BYA BA LA SOGS PA NI TSIG LA DBANG THOB PA LA SOGS PA YANG DAG PAR SDUD PAR BYED PA RNAMS KYI TSIG GO, ,GNAS BRTAN BTZUN @2A *, ,GTZO 'JAM DPAL GYIS THOG MA DANG THA MA RE RE'I GNAS SU BTZUN GTZO'I BYANG CHUB SEMS DPA' PHYOGS BCU'I 'JIG RTEN GYI KHAMS NAS 'DUS PA DANG LHAN CIG TU SDE SDOD BDUN DU THEG PA CHEN PO YANG DAG PAR BSDU BAR BYAS SO ZHES GRAG GO, ,GNOD SBYIN DANG SRIN PO LA SOGS PA GDUL BA'I PHYIR LANG KA'I GRONG RDAL DU BZHUGS PAS NA MDO SDE 'DI LANG KAR GSHEGS PA ZHES BYA'O, ,GNOD SBYIN SHING RDUL SOGS PAR YANG GSUNGS PA YIN NO, ,GNOD SBYIN RNAMS MNGON PAR RAB TU DAD BA'I PHYIR KLAG GO, ,ZHES SO, ,GNOD SBYIN 'BOD 'GROGS LA SOGS PA GANG DAG GIS SNGON RGYAL BA LA BSNYEN BKUR PA, BSOD NAMS KYIS YAN LAG CHE BA DANG, SGYU MA'I RNAM PAR THAR PA THOB PA DANG; GNAS GSUM DU RNAM PAR RGYAL BA, GZUGS SNA TSOGS SU BSGYUR BA LA DBANG BAS JI LTAR 'DOD PA BZHIN DU LUS 'DZIN CING, GTONG BA NOR BU BZANG LA SOGS PAS BRGYAD LA SOGS PA'I DBANG BO RNAMS SO, ,LHAG MA RTOGS PAR BYA BA'I PHYIR DE DAG LA CHOS ZAB MO STON TO, ,'BOD 'GROGS KYANG GZUGS MED PA'I TING NGE 'DZIN THOB BO, ,ZHES MDO SDE 'DI NYID LAS 'BYUNG STE, LUS SPANGS NAS AINDRA N'I LA'I MGO GLAD CAN GYI BI WANG DU BZHUGS @2B TE, BCOM LDAN 'DAS LA SHA RDZA LA SOGS PAS PI WANG BLANGS ZHES PA'O, ,DE BZHIN DU GZUGS RNAM PA SNA TSOGS SU BSGYUR BA'I RNAL 'BYOR GYI DBANG PO SNANG BA DANG BCAS PA DANG, SNANG BA MED PA'I TING NGE 'DZIN THOB PA YIN NA, JI LTAR MTHU BO CHE DGA' BA CAN DU GYUR PAS SGYEL BAR NUS, BYANG CHUB SEMS DPA' RNAMS NI GDUL DKA' BA'I SEMS CAN 'DUL BA YIN TE, 'PHAGS PA BTZUN GTZO RDO RJE'I 'DZIN LA SOGS PA BZHIN NO, ,GNOD SBYIN GYI DBANG PO LA SOGS PA'I GZUGS KYIS 'JIG RTEN GSUM DU RNAM PAR RGYAL BAR BYED CING DBANG PHYUG CHEN PO BTZUN MO DANG BCAS PA ZHABS KYIS MNAN TE, GZUNGS DANG RNAM PAR THAR PA YANG THOB PAR BYED PAS PHAN THOGS PAR MDZAD PA STE, SEMS CAN YONGS SU SMIN PAR MDZAD PAS BSAM DU MED PA DANG, BYANG CHUB SEMS DPA'I SPYOD PA BSAM DU MED PA DANG, SANGS RGYAS KYI BYANG CHUB BSAM DU MED PA'I PHYIR RO, ,JI LTAR 'PHAGS PA 'JAM DPAL GYI RGYUD KHRO BO RNAM PAR RGYAL BA'I BSKAL PA LAS, 'JAM DPAL GZHON NUS BSKAL PA BSHAD PA GDUL BYA'I LHA LA SOGS PA GDUL BA DANG, LHA MO LA SOGS PA BSGRUB PA'I PHYIR BCOM LDAN 'DAS 'PHANG SA BA RDO RJE 'DZIN GYIS NGAS BSHAD PAR BYA'O ZHES GSUNGS PA'O, ,DNGOS GRUB RAB TU 'BYED PAR BSHAD PA DANG, 'PHAGS PA ZHI BA'I BLO GROS KYIS DRIS PA, SNYING RJE CHE BA'I BSTAN PA LA LAG NA RDO RJE JI LTAR NA KHYOD KYIS DRAG PO DANG, 'DOD PA DANG LDAN PA DE SKAD DU SMRA BAR BYED, 'PHAGS PA RDO RJE 'DZIN PA'I LAN NI SNGAR SMRAS PA YIN TE, SEMS CAN YONGS SU SMIN PAR MDZAD PA TSAD MED PA ZHES BYA BA LA SOGS PA'O, ,SNYING RJE DBANG GIS PHYIR 'BOD 'GROGS LA'ANG DE BZHIN TE, SEMS CAN 'DUL BA DANG, BYANG CHUB KYI DPYAD PA BSAM DU MED PA'I PHYIR, JI LTAR BYANG CHUB SEMS DPA'I SDE SNOD LAS 'BYUNG BA SNYING RJE'I SEMS NYE BAR GZHAG STE, MI DGE BA BCU'I LAS KYI LAM DU 'JUG TU ZIN KYANG BSOD NAMS MANG DU 'PHEL LA LTUNG BA YANG MED DO, ,MDO KUN LAS BTUS PA LAS 'BYUNG BA, GAL TE MI DGE BA BCU'I LAS KYI LAM @3A *, ,KHA NA MA THO BA DANG BCAS PA CHEN PO ZHIG BYAS NA YANG NANG PAR DANG NYI MA PHYED NA SKYON MED PA'I BYANG CHUB KYI SEMS BSGOMS PAS NYES PA MED PAR 'GYUR RO, ,LHA CHEN PO DANG, GTOGS 'DOD DANG, TSANGS PA LA SOGS PA DE DAG KYANG RDO RJE'I DBANG BSKUR BAS NA BYANG CHUB SEMS DPA' NYID DAG GO, ,DE DAG NI SANGS RGYAS SU BSGRUB PAR 'DOD PA DANG LDAN NO, ,ZHES RNAL 'BYOR KYI DBANG PO RNAMS LA 'GAL BA'I TSIG MA YIN NO, ,TSE THA MA PA BTZUN MO DANG ROL BA RNAM PA SNA TSOGS NI SHES RAB DANG THABS LA MKHAS PAS NA BTZUN MO'O, ,SANGS RGYAS DANG BYANG CHUB SEMS DPA'I SPYAD PA'I LTAD MO BSAM DU MED PA SDONG POS BRGYAN PHA LA SOGS PA LA RIG PAR BYA'O, ,DGE SLONG CHEN PO'I DGE 'DUN ZHES PA NI GANG DAG LA RDZU 'PHRUL YOD PA DE DAG BZUNG NGO, ,BYANG CHUB SEMS DPA' SEMS DPA' CHEN PO'I TSOGS ZHES PA NI RDZU 'PHRUL CAN DE DAG NYID 'KHOR DU 'DUS PAR BSNYAD PA YIN NO, ,DER MCHOG TU ZAB PA'I RNAM PAR SHES PA'I DBU MA'I TING NGE 'DZIN 'CHAD DE, DE BAS NA GSUNGS PA SANGS RGYAS KYI ZHING SNA TSOGS NAS 'DUS PA ZHES SO, ,TING NGE 'DZIN DANG, DBANG PO DANG, STOBS DANG, MNGON PAR SHES PA DU MAS RNAM PAR ROL PA ZHES PA LA, TING NGE 'DZIN NI SEMS RTZE GCIG PA STE, 'JIG RTEN DANG, 'JIG RTEN LAS 'DAS PA DANG, SNANG BA DANG BCAS PA DANG, SNANG BA MED PA'I TING NGE 'DZIN DU 'BYED PA'O, ,DBANG DANG STOBS THOB PAS MNGON PAR SHES PA GANG DAG RNAM PAR ROL PA DE DAG LA DE SKAD CES BYA'O, ,MNGON PAR SHES PA NI LNGA STE, 'JIG RTEN PA DANG, 'JIG RTEN LAS 'DAS PA THUN MONG BA STE, LHA'I MIG DANG, LHA'I RNA BA DANG, SNGON GYI GNAS DRAN PA DANG, GZHAN GYI SEMS SHES PA DANG, NAM MKHA' LA 'GRO BA'I RDZU 'PHRUL DANG LNGA'O, ,DRUG PA NI NYON MONGS PA ZAD PA MNGON PAR SHES PA 'JIG RTEN LAS 'DAS PA'I RNAL 'BYOR PA RNAMS KYI YIN TE, MI RTAG PA DANG, BDAG MED PA DANG, SDUG BSNGAL BA DANG, MI GTZANG BAR BSGOMS PAS GANG ZAG LA BDAG MED PAR RTOGS @3B PAR BYED DE, PHYI ROL PA 'DOD PA'I 'DOD CHAGS DANG BRAL BA RNAMS NI BDAG TU LTA BA MA SPANGS PAS YANG SRID PAR NYING MTSAMS SBYOR RO ZHES SO, ,BTZUN GTZO'I BYANG CHUB SEMS DPA' RNAMS CHOS DANG GANG ZAG LA BDAG MED PAR DANG PO NYID DU YONGS SU SHES PAR GYUR TE, DE DAG GIS BDAG KYANG MI MTHONG NA BDAG GIS LTA CI SMOS TE, JI LTAR NA SHES RAB KYI PHA ROL TU PHYIN PA LAS GSUNGS PA, 'DOD CHAGS DANG BRAL BA NYID DAG THUGS RJE DANG BRTZE BAS BYANG CHUB SEMS DPA'I SPYAD PA SPYAD DO ZHES SO, ,JI LTAR YANG DBU MA LAS GSUNGS PA, MYA NGAN 'DA' BA'I MTHA' GANG YIN, ,'KHOR BA'I MTHA' YANG GANG YIN PA, ,DE GNYIS PAR NA CHUNG ZAD CIG ,SHIN TU PHRA BA YOD MA YIN, ,SHES RAB KYIS YONGS SU MYA NGAN LAS 'DAS KYANG BTZUN GTZO BYANG CHUB SEMS DPA' RNAMS THUGS RJES GZHAN GYI DON SPYOD CES SO, , BYANG CHUB SEMS DPA' BLO GROS CHEN PO LA SOGS PA ZHES PA NI SNANG BA DANG BCAS PA DANG, SNANG BA MED PA'I TING NGE 'DZIN THAMS CAD MI GNYIS PA'I TSUL LA CHES ZAB PA'I BLO GROS GANG LA YOD PA DANG, GZHAN GYI DON DU THAMS CAD MKHYEN PA LA YONGS SU GSOL ZHING 'DRI BA DANG, LAN RGYA CHE BA DE NI DE LTAR BLO GROS CHE BA STE, BTZUN GTZO DE GANG DAG GIS THOG MAR SMOS PA BTZUN GTZO BYANG CHUB SEMS DPA' DE DAG NI THAMS CAD MKHYEN PA'I 'KHOR DU DE BZHIN DU MCHOD PAR BYA BA YIN NO, ,SANGS RGYAS THAMS CAD KYIS PHYAG GI DBANG BSKUR BAS DBANG BSKUR BA ZHES BYA BA NI MCHOG TU ZAB PA MI GNYIS PAR RTOGS PA KUN TU RIG PA DANG MNYAM PAS SANGS RGYAS KYIS DBANG BSKUR BA DANG, THAMS CAD MKHYEN PA NYID DANG, SEMS CAN THAMS CAD KYI DON BYED NUS PA DANG, SRID BA'I 'JIGS PA THAMS CAD SPANGS PA DANG, DBUGS 'BYIN PA 'THOB PA DANG, DE BZHIN DU BTZUN GTZO SANGS RGYAS RNAMS KYIS BYANG CHUB SEMS DPA' RNAMS LA PHYIR MI LDOG BAR GSUNGS PA NI MGO LA PHYAG GIS DBANG BSKUR BA'I TSUL LO, ,BDAG GI SEMS SNANG BA'I SPYOD YUL YONGS SU SHES PA'I DON LA MKHAS ZHES PA @4A *, ,LA; BDAG GIS SEMS RNAM PAR SHES PAR BYA BA YUL NYID DU MKHAS PA GANG DAG GIS DON YONGS SU SHES PA DE DAG LA DE SKAD CES BYA'O, ,SHES PA MA GTOGS PAR PHYI'I DON MED DO ZHES GANG DAG GIS YONGS SU RTOGS ZHES BYA BA'I THA TSIG GO, ,PHYI'I DON 'BYUNG PA NI MDO SDE 'DI NYID LAS 'BYUNG STE, GZUGS NI RDUL PHRAN GZHIGS PA NA, ,RDUL PHRAN CHA NI YOD PA MIN, ,ZHES PA'O, ,GZUGS SBOM PO PHYOGS KYI TSAR DBYEN KHANG PA DANG, SDE DANG NAGS TSAL BZHIN TE STONG BA YIN NO, ,RDUL PHRA MO YANG PHYOGS KYI CHAR DBYE NA STONG PA NYID DO, ,'O NA CI ZHIG SNANG ZHES THAMS CAD MKHYEN PA LA GSOL BA DANG, LAN DU GSUNGS PA, PHYI YI DNGOS PO MED PAR YANG, ,SEMS NI RNAM PA GNYIS SU SNANG, ,ZHES SO, ,SEMS CAN SNA TSOGS KYI SEMS SNA TSOGS DANG, GZUGS DANG, TSUL DANG, 'DUL PA RNAM PA THA DAD PA'I CHA BYAD 'CHAR BA ZHES PA NI SEMS CAN SNA TSOGS KYI SEMS SNA TSOGS LA GZUGS KYI TSUL RNAMS KYIS 'DUL BA'I CHA BYANG 'CHANG BA'I NGANG TSUL CAN GANG YIN PA DE DAG LA DE LTA BU ZHES BYA STE, GZUGS BRNYAN GANG DAG GIS SEMS CAN THUL BAR 'GYUR BA DE LTA BU'I CHA BYAD 'DZIN PAR BYED DO, ,CHOS LNGA DANG, RANG BZHIN DANG, RNAM PAR SHES PA DANG, BDAG MED PA GNYIS KHONG DU CHUD PAR RTOGS PA ZHES PA NI MDO SDE 'DI NYID LAS 'BYUNG STE, THEG PA CHEN PO'I DON THAMS CAD BSDU BA NI, ,CHOS LNGA RNAMS DANG RANG BZHIN DANG, ,RNAM PAR SHES PA BRGYAD RNAMS DANG, ,BDAG MED GNYIS KYI NANG DU NI, ,THEG PA CHEN PO THAMS CAD 'DUS, ,CHOS LNGA LA MING DANG, MTSAN MA DANG, RTOG PA DANG, YANG DAG PA'I YE SHES DANG, DE BZHIN NYID DANG, DE DAG NI KUN TU BRTAGS PA DANG, GZHAN GYI DBANG DANG, YONGS SU GRUB PAR BSDU STE, MING NI KUN TU BRTAGS PAR RO, ,MTSAN MA DANG, RTOG PA NI GZHAN GYI DBANG DU'O, ,YANG DAG PA'I YE SHES DANG, DE BZHIN NYID NI YONGS SU GRUB PAR BSDU'O, ,RANG BZHIN NI CHOS KYI DBYINGS TE, SRED PA DANG THAR PA'I THUN MONG GI CHUD PA LA BYA BAR @4B RTOGS SO, ,RNAM PAR SHES PA BRGYAD NI MIG LA SOGS PA 'JUG PA'I RNAM PAR SHES PA DRUG DANG, NYON MONGS PA'I YID DANG, KUN GZHI RNAM PAR SHES PA'O, ,BDAG MED PA GNYIS NI GANG ZAG LA BDAG MED PA DANG, CHOS LA BDAG MED PA'O, ,GANG YOD PA DE DAG THAMS CAD NI SKAD CIG PA YIN TE, SE GOL GYI SGRA DANG 'BAB CHU BZHIN NO, ,RTAG PA MA SKYES PAS NA YOD PAR MI BZUNG STE, MO GSHAM GYI BU LA SOGS PA BZHIN PAS NA GANG ZAG LA BDAG MED DO, ,CHOS LA BDAG MED PA YANG GZUGS LA SOGS PA'I CHOS SBOM PA DANG PHRA BA RNAMS SHES RAB KYIS GZHIGS PA MA KHANG BA DANG, SDE DANG NAGS TSAL LA SOGS PA BZHIN DU STONG PAR 'GYUR RO, ,'DI NYID DU GSUNGS PA, LUS DANG LONGS SPYOD GNAS SNANG BA, ,KUN GZHI KUN DU 'BYUNG BA STE, ,RNAM BRGYAD RNAM DGU DGE BZHIN DU, ,RGYA MTSO RLABS RNAMS BZHIN DU'O, ,GANG GI TSE SHES PAR BYA BA SBOM PA DANG, PHRA BA SHES RAB KYIS GZHIGS TE MI DMIGS NAS STONG PAR GYUR PA DE'I TSE, 'DZIN PA DANG, GZUNG BA DANG, SMRA BA DANG, SMRA BAR BYA BA DANG, BYA BA DANG, BYED PA PO DANG, BSKYED PA DANG, SKYED PA PO DANG, DNGOS PO DANG, DNGOS PO MA YIN PA LA SOGS PA GNYIS SU RNAM PAR RTOG PA MED PAS NA MI GNYIS PAR KHONG DU CHUD CING RTOGS PA RNAMS SO, ,GZUNG BA MED PA NYID KYIS 'DZIN PA MED PAR 'JUG STE, JI LTAR BYAMS PA'I DGONGS PA 'BYED PA'I LUGS LAS 'BYUNG BA, BDAG DANG SEMS CAN DON RNAMS SHES, ,RNAM RIG SNANG BAR BSKYE BA, ,DE YI DON NI MED PA STE, ,DE MED PAS NA DE YANG MED, ,BYED PA PO DANG BYA BA DANG 'BREL PA MED DO, ,GANG GI TSE NA SKAD CIG PA GCIG PA DE'I TSE NA SKAD CIG PA GNYIS PA MED PA STE, DNGOS PO DANG, DNGOS PO MA YIN PA DAG KYANG 'BREL BA MED PAS NA DU MA BSKYED PAR PHAN GDAGS PA BZHIN NO, ,BLO GROS CHEN PO RIM DU BYUNG BA MI 'THAD PA DANG, CIG CHAR BYUNG BA YANG MI 'THAD DO, ,RGYUS MTSAN NYID MA THOB PAS NA PHAN 'DOGS @5A *, ,PA DANG, PHAN GDAGS PA MED DE, GNYIS KAS KYANG BDAG 'BYUNG BA THOB PA'I PHYIR RO, ,DES NA SKYE BAR BYA BA SKYED PAR BYED PA LA SOGS PA CHOS GZHAN MI BYED DO, ,JI LTAR DBU MA LAS 'BYUNG BA, DE STE SKYE BA 'DUS BYAS NA, ,MTSAN NYID GSUM PA DER RIGS TE, ,ZHES PA'O, ,SKYE BA DANG, GNAS PA DANG, 'GOG PA MTSAN NYID GSUM MO, ,'ON TE SKYE BA 'DUS MA BYAS, ,'DUS BYAS MTSAN NYID JI LTAR RUNG, ,SKYE BA SKYE BA JI LTA BA, ,BDAG NYID GZHAN GYIS MA YIN TE, ,'GAG PA LA YANG 'GAG PA NI, , BDAG NYID GZHAN GYIS MA YON NO, ,DES NA SKYE BA LA SOGS PA'I CHOS GUD NA MED PA'I PHYIR RTEN CING 'BREL PAR 'BYUNG BA MI 'BYUNG BA'O, ,BYED PA PO LA MNGON PAR CHAGS PAS 'KHOR BAR BDAG ,BYED PA PO DANG BYA BA LA MNGON PAR CHAGS PA MED PA NI DE LDOG STE, CHOS DANG GANG ZAG LA BDAG MED PA YONGS SU SHES PA'I PHYIR RO, ,MI GNYIS PA'I BYANG CHUB SNANG BA MED PA'I TING NGE 'DZIN DU RNAM PA GNYIS PA'I RNAM PAR RTOG PA'I GZUGS BRNYAN THAMS CAD MI SNANG NGO, ,SNANG BA DANG BCAS PA LA MTHONG YANG SHES RAB KYIS MI MTHONG NGO, ,JI LTAR 'PHAGS PA SHES RAB KYI PHA ROL TU PHYIN PA LAS 'BYUNG BA MI RTAG PA DANG, SDUG BSNGAL BA DANG, MI GTZANG BA LA SOGS PA BSGOM PA NA GZUGS BRNYAN LA SOGS BAR SNANG BA NYID DO, ,RGYA MTSO'I KLU'I RGYAL PO'I GNAS NAS ZHAG BDUN LON TE BYUNG NAS ZHES PA NI MI LAS 'DAS PA'I RDZU 'PHRUL GYI CHO 'PHRUL TE, BCOM LDAN 'DAS KYIS 'GRO BA GSUM MGU BAR BYED PA'O, ,'DZUM PA MDZAD CES PA NI GNYIS KYI MI GNYIS PA'I CHOS ZAB MO SNGON GYI DE BZHIN GSHEGS PAS KYANG DER BSHAD DE, ,RMI LAM DU SNANG BA BZHIN DU YUN RING BOR THUN MONG DU SNANG STE, PHYI'I DON RI'AM RGYA MTSO MCHING NAM ZHES BYA BA GANG YANG MED PA'O, ,BCOM LDAN 'DAS KYI 'DZUM PA NI RIB RIB CAN GNYIS KYIS ZLA BA GNYIS SU 'KHRUL BA BZHIN DU GANG GIS 'JIG RTEN DPYAD PA MTSUNGS PAR 'JUG PAR BRTAG GO, ,'PHAGS PA SO SO RANG GIS @5B RIG PA'I YE SHES DANG, RTOG GE'I LTA BA DANG, MU STEGS CAN DANG, NYAN THOS DANG, RANG SANGS RGYAS DANG, 'PHAGS PA'I YUL DE DAG GIS BSGOMS PA'I CHOS BSTAN ZHES PA NI GZUNG BA DANG, 'DZIN PA DANG, DNGOS PO DANG, DNGOS PO MA YIN PA DANG, SMRA BA DANG, SMRA BA MA YIN PA DANG, BYA BA DANG, BYED PA PO DANG, BSKYED PA DANG, SKYED PA PO DANG, YOD PA DANG, MED PA LA SOGS PA'I RNAM PAR RTOG PA GNYIS KYI RNAM PA DANG BRAL BA 'PHAGS PA SO SO RANG GIS RIG PA'I YE SHES MI GNYIS PA'I MTSAN NYID DE, MCHOG TU ZAB PA, GNYIS KYIS STONG PA'O, ,RTOG GE'I LTA BA'I MTSAN NYID KYI YANG TSAD MA DANG, GZHAL BAS RTEN CING 'BREL BAR 'BYUNG BA DANG, BYANG CHUB KYI PHYOGS SUM CU RTZA BDUN GYI CHOS 'BYED CING SNANG BA'I TSUL DU BSTAN NO, ,JI LTAR DGE SLONG DAG GZUGS SPYI RTAG PA YIN NAM MI RTAG PA YIN BTZUN PA 'DI MI RTAG PA LAGS SO ZHES SO, ,GANG MI RTAG PA YIN PA DE SDUG BSNGAL BA'O, 'DI CI BDAG GAM, 'DI BDAG GI BDAG GAM, BDAG GI 'DI PA'AM, 'DI BDAG ZHES PA DANG, BCOM LDAN 'DAS DE LTA MA LAGS SO ZHES TE, BDAG TU LTA BA'I RI'I RTZE MO NYI SHU YE SHES KYI RDO RJES BCOM STE, DGRA BCOM PA MNGON SUM DU BYAS SO, ,BCOM LDAN 'DAS KYIS MU STEGS CAN GYI RNAL 'BYOR PA RNAMS LA CHOS KYI LTA BAS CHOS BSHAD DO, ,RTOG GER LTA BA RNAMS LA BRGAL BA'I LAN DU YANG RTAG PA DANG, GCIG PA DANG, GNYIS PA DANG, MI GNYIS PA MED DO ZHES CHOS 'CHAD PAR MDZAD DO, ,RTAG PA NI MA SKYES PA'I PHYIR YOD PA MA YIN TE, RI BONG GI RVA BZHIN NO ZHES TE, BCOM LDAN 'DAS KYIS GANG ZAG LA BDAG MED PAS BSGRUB PAR TSAD MAR GSUNGS SO, , GCIG PA YANG GTOGS 'DOD DANG, LHA CHEN PO DANG, TSANGS PA LA SOGS PA KHYAB PA DANG, GZUGS SNA TSOGS KYI RNAL 'BYOR PA'I DBANG PO YANG DAG PAR MI RIGS TE, GROL BA DANG, MA GROL BA DANG, PHYUG PA DANG DBUL BA LA SOGS PA GCIG PA'I @6A *, ,SKYON DU 'GYUR BA'I PHYIR RO, ,GZUGS GNYIS PA YANG MI RIGS TE, KshA PA NA KA DANG, DBYOD PA CAN LA SOGS PA KUN TU BRTAGS PA'O, ,RANG BZHIN GCIG LA SPYI DANG KHYAD PAR GYI BDAG NYID DU RNAM PA GNYIS SU MI RUNG STE, GZHAN GYI BYA BA GZHAN GYIS BYED PAR 'GYUR RO, ,YANG NA GNYIS KYI BDAG NYID MA YIN NO, ,MI GNYIS PA YANG MI RIGS TE, GCIG DANG, DU MA DANG, RTAG PA DANG, MI RTAG PA DANG, GZUGS DANG GZUGS MED PA LA SOGS PA DANG BRAL BA YIN NA NI MED PA'I GZUGS NYI KUN TU BRTAGS PAR 'GYUR RO, ,RGOL BA DE DAG NYID BCOM LDAN 'DAS KYIS 'ANG KAR GSHEGS PA NYID DU RGYA CHER GSAL TO, ,GANG DAG GIS MOS BRGYA CHE BA DE DAG GI RTOG GE'I LTA BA BCOM LDAN 'DAS KYIS LTA BA MED PAR MDZAD DO, ,TSAD MA DANG, GZHAL BYA RNAM PAR GZHAG PA NI GNYID KYIS MA LOG PA'I DUS NA SLU BA DANG, SLU BA MED PAR NGES PAS THA SNYAD PAS THA SNYAD DU BYED PA GNYID KYIS LOG PA'I DUS NA YANG SLU BA DANG, SLU BA MED PAR NGES PA YOD DE, MTSO DANG, MYA NGAN GYI SMIG RGYU LA SOGS PA CHUR MTHONG STE, BYI'I DON MED DU MTSUNGS KYANG, 'KHRUL PA RNAM PA SNA TSOGS SU 'GYUR BAR BYED DO, ,SEMS 'KHRUGS NAS MGO 'KHOR BA DANG, BRGYAL BA LA SOGS PA SNANG BA LTA BU SKYE, 'KHRUGS PA SHES RAB KYIS ZHI BA NA THAR PA ZHES BYA'O, ,DE NAS GNOD SBYIN GYI BDAG PO ZHES BYA BA LA SOGS PA LA DE BZHIN GSHEGS PA'I BYIN GYI RLABS NI DE LTAR RNAM PA DE LTA BU STE, GANG GIS 'JIG RTEN GSUM DU RNAM PAR RGYAL BA'I BYA BA 'BOD 'GROGS KYIS BSAL TO, ,MCHOG TU DGA' BA'I 'DOD CHAGS DANG BRAL BA THAMS CAD MKHYEN CING RNAL 'BYOR GYI DBANG PO RNAM PA SNA TSOGS KYI GZUGS DANG LDAN PAS CHO 'PHRUL GYIS MA GU BAR MDZAD PA LA MCHOD CING BSNYEN BKUR DANG, CHOS MNYAN PA'I PHYIR ME TOG GI GZHAL MED KHANG NAS BABS NAS DE BZHIN GSHEGS PA'I ZHABS KYI DRUNG DU RIM GRO DANG BCAS PAR PHYAG 'TSAL TO, ,BCOM LDAN 'DAS KYIS KYANG RGYA MTSO @6B MCHING NAM GYI RLABS LA GZIGS NAS, GNAS DANG GNAS PA'I DNGOS PO 'BREL PAR CHED DU BRJOD PAR MDZAD PA NI KUN GZHI RNAM PAR SHES PA YUL GYI RNAM PAR SHES PA 'JUG PA'I RNAM PAR SHES PA YUL GYI RLUNG GIS BSKYOD PA NI RTEN CING 'BREL PAR 'BYUNG BA STE, JI LTAR 'DI NYID DU GSUNG PA, ,LUS DANG LONGS SPYOD GA NAS SNANG BA, ,KUN GZHI KUN TU 'BYUNG BA STE, ,RNAM BRGYAD RNAM DGU DE BZHIN DU, ,RGYA MTSO RLABS RNAMS BZHIN DU'O, ,SEMS CAN LA GZIGS NAS SU JI LTAR DAD PA BZHIN DU CHOS BSHAD PAR MDZAD PA NI SPYIR GSUNG PA DANG, ZUR GYIS GSUNG PA STE, JI LTAR MO GZHON RMI LAM DU, ,DU BYUNG 'CHIB MTHONG BA DANG, ,BYUNG DGA' SHI BAS MYA NGAN GNAS, ,DE LTAR CHOS KUN SHES PAR GYIS, ,ZHES PA STE, STONG PA NYID DAM, MI RTAG PAR RTOGS PAR BYED DO, ,BCOM LDAN 'DAS LA 'BOD 'GROGS KYIS GANDHA RA LA SOGS PA DBYANGS KYI DKYIL 'KHOR GYI PI WANG BLANGS PA STE, RTZED MO RLOM PAR BLANG BA NI, ,LNGA BA DBU MA DBYANGS DAG STE, ,DPA' BO DRAG PO NGO MTSAR DU, ,DRUG SKYES KHYU MCHOG DE BZHIN NO, ,GANDHA NI SHA DBYANGS DAG GIS, ,SNYING RJE ROL PA BLANG BAR BYA, ,'THAB MO 'JIGS DANG BCAS PA LA, ,DHEE PAD DBYANGS NI BLANG BAR BYA'O, ,DE LTA BAS NA 'BOD 'GROGS KYIS, ,DON DANG MTHUN PAR BLANGS PA STE, ,DBYANGS KYI DKYIL 'KHOR NI BRTAN DANG, ,BI SHA KYI LA'I GZHUNG LAS BRTAG PAR BYA'O, ,DBYANGS BDUN RNAMS DANG GRONG GSUM DANG, ,RGYAL BA NYI SHU RTZA GCIG DANG, ,TA NA BZHI BCU DGU RNAMS TE, ,DBYANGS KYI DKYIL 'KHOR DE TZAM MO, ,'BOD 'GROGS KYIS LUS MI SNANG BAR BYAS TE, PO WANG GI KHOG PAR ZHUGS NAS TSIGS SU BCAD PAS GLU BLANGS PAS NA SNANG BA MED PA'I TING NGE 'DZIN THOB CING RNAL 'BYOR GYI DBANG PO YIN PA'I PHYIR DE JI LTAR NA GTOGS 'DOD KYIS SKYEL BAR NUS, GNOD SPYIN SHING RTA LAS NI GNOD SBYIN GYI RGYAL PO RNAMS SA BRGYAD KYI BDAG PO YIN PAR 'BYUNG NGO, ,RNAM PAR SHES PAR SMRA BA LAS NA @7A *, ,GTOGS 'DOD KYANG SA BDUN GYI DBANG PO YIN PA 'DRA STE, JI LTAR GYI GA LAS BYUNG BA, ,MI SHES PAS NI YE SHES BSGRIBS, ,DES NA SKYE BO RMONGS PAR 'GYUR, ,YE SHES KYIS NI MI SHES PA, ,GANG DAG GIS NI BCOM PA NA, ,DE DAG YE SHES NYI MA BZHIN, , MCHOG TU SNANG BAR 'GYUR BA STE, ,ZHES BYA BA LA SOGS PA'O, ,DE NAS SA GONG MA LA GNAS PA RNAMS KYIS SHES RAB DANG THABS LAM PAS SA 'OG MA LA GNAS PA RNAMS 'DUL BAR BYED DO, ,BTZUN GTZO BYANG CHUB SEMS DPA' RNAMS NI BYANG CHUB SEMS PA'I SA BCU PA THOB PA NA DBANG PHYUG CHEN POR 'GYUR TE, DES NA 'BOD 'GROGS KYIS DBANG PHYUG CHEN PO LA MNYES PAR BYED PA LA NYES PA MED DO, ,CI DE 'DOD CHAGS DANG BRAL BA LA DBANG THOB PAS 'DOD PA'I RTZEBS RTZE'AM, 'ON TE 'DOD CHAGS DANG MA BRAL BA ZHIG GAM, SHIN TU DGA' BA RNAM PAR DAG PA'I GNAS 'DI YIN TE, GANG ZHE NA, BYANG CHUB SEMS DPA'I GNAS SO, ,KHA CIG LA NI RJES SU CHAGS PA DANG, KHA CIG LA NI CHAGS PA MED PAR ZHES RNAL 'BYOR GYI DBANG PO RNAMS LA GSUNGS PA'I ZUR SA BCU PA LAS 'BYUNG NGO, ,BYANG CHUB SEMS DPA'I SA BCU POR DBANG PHYUG CHEN POR 'GYUR BAS NA STONG PA NYID KYI TING NGE 'DZIN THOB PAR YANG BRTAG GO, ,DBANG PHYUG CHEN POS SMRAS PA'I RNAL 'BYOR LAS 'BYUNG BA, DNGOS PO MED LAS THAR PAR SMRAS, ,'CHING BA DNGOS POR RTOG PA LAS, ,DE BAS DNGOS PO YONGS SPANGS TE, ,STONG PA'I DNGOS POR GNAS PAR BYA, ,CI GTZANG GNAS RIGS KYI 'DOD CHAGS DANG BRAL BA DBANG PHYUG TU BZUNG BAR BRTAG GAM, DE MA YIN NO, ,DE NI TING NGE 'DZIN DANG YE SHES SO, ,CHE BA NYID MA YIN PAR BA LA MI KAS RANG BZOR SMRAS PA NI YID CHES ME RUNG STE, SPRA BO CHE RNAMS DUM BUR BRLAGS PAS BRGYA BYIN LHA'I DBANG PO'I SMON LAM GYIS GSON POR GYUR LA, ,GNOD SBYIN DANG SRIN PO RNAMS SMRAS MA THAG TU 'CHI BAR 'GYUR ZHES PA DE LTA NA NI DBANG PO LA THOG MAR CI'I PHYIR DMOD MOS MA BSAD BRGYA BYIN YANG JI LTAR DE DAG GIS BCINGS @7B TE 'ONGS, SA DE NI 'BOD 'GROGS KYIS BSTOD PA DE BSHAD PAR BYA STE, SEMS KYI RANG BZHIN TSUL NYID CHOS KYI GTER, ,BDAG MED LTA DANG RNAM BRAL DRI MA MED, ,SO SO RANG RIG BYED PA STON PA YI, ,CHOS TSUL MGON POS 'DIR YANG BSHAD DU GSOL, ,ZHES PA LA SEMS MA GTOGS BAR GZUGS LA SOGS PA PHYI'I CHOS MED PA NI BCOM LDAN 'DAS KYIS 'DI NYID DU GSUNGS PA, GZUGS NA RDUL PHRAN GZHIGS PA NA, ,RDUL PHRAN CHA NI YOD PA MIN, ,ZHES PA LA, 'ON CI ZHIG SNANG ZHES PA DANG, PHYI YI DNGOS PO MED PAR YANG, ,SEMS NI RNAM PA GNYIS SU SNANG, ,ZHES PA'O, ,LUS DANG LONGS SPYOD GNAS SNANG BA, ,KUN GZHI KUN TU 'BYUNG BA STE, ,RNAM BRGYAD RNAM DGU DE BZHIN DU, ,RGYA MTSO RLABS RNAMS BZHIN DU'O, ,CHOS KYI GTER GYI SGRAS 'BOD 'GROGS KYIS SNGON THAMS CAD MKHYEN PA'I CHOS THOS PA'I RJES SU SONGS BAS KUN GZHIR BRTAGS PA'I DON DU SNANG NGO, ,CHOS DANG GANG ZAG LA BDAG MED PA RTOGS PAS LTA BA DANG BRAL BA STE, RTAG PA DANG, BDAG DANG, BYED PA PO'I LTA BA SPANGS PAS NA DE NYID DRI MA MED PA'O, ,'KHRUL BA RNAMS KYI GANG GI SDUG BSNGAL LA RJES SU 'BREL BAR 'JUG PA DE DANG DE NI BDAG TU CHAGS PA LAS TE, MAR ME LA SOGS PAR PHYE MA LEB BZHIN NO, ,'KHOR BAR YANG SKYE BA DANG, RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA'I MTSAN NYID KYIS 'JUG BA NI SDUG BSNGAL RJES SU 'BREL BA ZHES BYA'O, ,'ON TE LOG PA'I SHES PA MA GTOGS PAR YANG SDUG BSNGAL RJES SU 'BREL BAR 'JUG PA DANG DE NI BDAG TU CHAGS PA LAS, DE LTA NA YANG YE SHES KYI KHYAD PAR SKYES PA RNAMS LA GANG BA DANG G-YANGS LA SOGS PA'I YUL SPONG DU ZIN KYANG DE NYID DU LTUNG BAR 'GYUR TE, 'DI NI MI MTHUN PA'I PHYOGS LA GNOD PA'I TSAD MA'O, ,DE NAS BDAG TU CHAGS PA LAS 'KHOR BA'I SDUG BSNGAL 'BYUNG NGO, ,BDAG MED PA YONGS SU @8A *, ,RTOGS PA LAS THAR TE, RDZU 'PHRUL GYI STOBS DANG, MGUNG LA SOGS PA GZHAN SUS KYANG BYIN PA'AM, PHRAG PA MED DO, ,BKRA SHIS DANG, BKRA SHIS MA YIN PA DANG, RIN PO CHE DANG, GSER 'CHANG BA DANG, 'BRAS BU DANG, RTZA BA LA SOGS PA BZA' BA DANG, 'KHRU BA DANG, SBYIN SREG DANG, G-YANGS LA SOGS PA DANG, THAL BAS BSKU BA DANG, SKRA 'BAL BA DANG, DRI MA DANG, RAL PA LA SOGS PA 'DZIN PAS KYANG THAR PA MA YIN, BA LANG DANG, RI DAGS DANG, RMA BYA'I BRTUL ZHUGS LA SOGS PAS KYANG MA YIN GYI, BDAG MED PA YONGS SU RTOGS PAS LTA BA THAMS CAD SPANGS TE THAR BAR 'GYUR RO ZHES 'BOD 'GROGS KYIS BSAM PA'O, ,SO SO RANG RIG CES PA NI YANG DAG PAR RIG PA MNGON SUM DU STE, MIG GI SHES PA NGES PAR ZHUGS PA DBUGS THUB PA YANG DAG PA RIG PA BZHIN NO, ,STON PA NI MI GNYIS PA STON PA STE, MI RTAG PA DANG, BDAG MED PA DANG, MI GTZANG BA DANG, STONG PA LA SOGS PA SPYI RNAM PAR CHOS BSHAD PA 'JUG PA'O, ,DE LTA BU'I MTSAN NYID DANG LDAN PA RANG GI RIG PA SMRA BAR MI NUS SO, ,JI LTAR DIG NA GANG SMRAS PA; ,DON DANG SGRA YI KHYAD PAR LA, ,SMRA BYA SMRA BA 'DOD MA YIN, ,DE SNGON MTHONG BA MA YIN PHYIR, ,SPYIR NI NYE BAR BRJOD PAR BYA, ,CHOS KYI TSUL NI GNYIS KYI MI GNYIS PA YIN YANG GNYIS DANG MI GNYIS PA'I CHOS KYI TSUL LO, ,DE LA GNYIS KYI MTSAN NYID NI PHUNG PO DANG, KHAMS DANG, SKYE MCHED DANG, RTEN CING 'BREL BAR 'BYUNG BA DANG, BYANG CHUB KYI PHYOGS KYI CHOS SUM CU RTZA BDUN DANG, STOBS BCU DANG, MI 'JIGS PA LA SOGS PA'I MTSAN NYID DO, ,MI GNYIS PA'I RANG BZHIN NI 'DZIN PA DANG, GZUNG BA DANG, RJOD PA DANG, BRJOD PAR BYA BA DANG, SKYED PA DANG, BSKYED PAR BYA BA DANG, BYA BA DANG, BYED BA PO DANG, DNGOS PO DANG, DNGOS PO MA YIN PA RNAM PAR RTOG PA DANG BRAL BA'O, ,DGE BA'I CHOS KYIS YANG DAG BSAGS PA'I SKU, ,BDE GSHEGS 'PHRUL PAS SPRUL PA STON PA STE, ,SO SOR RANG RIG RTOG @8B PA'I CHOS DGYES PA, ,THUB PA DES NI LANG KAR GSHEGS PA'I DUS, ,DGE BA'I CHOS ZHES BYA BA NI SBYIN PA LA SOGS PA PHA ROL TU PHYIN PA'I MTSAN NYID CAN TE, DE DAG GIS GANG GI SKU YANG DAG PAR BSAGS PA DE LA BSTOD CING PHYAG 'TSAL TE, PHAN 'DOGS PAR GSOL BA 'DEBS SO, ,SNGA MA NI LAS KYI TSIG GO, ,PHYI MA NI 'BOD PA'I TSIG GO, ,'PHRUL PAS SPRUL PA STON PA STE, ,ZHES PA NI, SANGS RGYAS MYA NGAN 'DA' PA MED, ,CHOS KYANG NUB PAR 'GYUR BA MIN, ,SEMS CAN YONGS SU SMIN BYA'I PHYIR, ,DE DAG MYA NGAN 'DA' BSTON, ,ZHES PA STE, 'PHRUL PAS SPRUL PA'I SKU RNAMS KYIS DE DAG GI STON CES BYA'O, ,'BYUNG BAR STON PA NI JI LTAR GSUNGS PA, GNAS DE NYID DU SANGS RGYAS 'BYUNG, ,'JIG RTEN MKHYEN PA'I BSTAN PA 'BAR, ,YE SHES MI LDAN DE MI MTHONG, ,GANG GIS SPYOD DAG MA SBYANGS PA'O, , GNYIS KYI RNAM PA'I GZHAN GYI DBANG NI KUN RDZOB KYI BDEN PA'O, ,MI GNYIS PA'I TSUL NI DON DAM PA STE, THAMS CAD MKHYEN PA'I SNANG BA DANG BCAS PA DANG, SNANG BA MED PA'I TING NGE 'DZIN DU 'BYED PAS BCOM LDAN 'DAS CHE BAR 'BOD 'GROGS KYIS BSGRAGS SO, ,BDAG NYID KYIS RIG PA GZHAN LA SMRA BAR MI NUS SO, ,'O NA RNAL 'BYOR PA DAG GIS THOS PA DANG, RTOGS PA DANG, RNAM PAR SHES PA JI LTAR GZHAN LA SMRA BAR BYED, DE BDEN TE SPYI'I RNAM PAR CHOS BSHAD PA 'BYUNG NGO, ,GZHAN DAG GI YANG GANG RANG GI MTSAN NYID YIN PA RANG GI RIG PAR GYUR PA DE CI GZHAN DAG LA RANG BZHIN DU STON NUS SAM, GTAN TSIGS SU BHA DRA HA RA'I TSIGS SU BCAD PA BZHAG PA, ME DANG 'BREL PAS BDAG TSIG CES, ,SEMS PA GZHAN DU GYUR PA STE, ,TSIG PA'I SGRAS NI TSIG PA'I DON, ,SHES PAR 'GYUR PA GZHAN DU'O, ,DHARMA K'I RTA'I GTAN TSIGS LAS, ,BRTAG PA SGRA YIS RJOD PAR BYED, ,DE NI DPYOD PHYIR 'DOD PA STE, ,DE TSE RANG GI MTSAN NYID MED, ,DES NA DE NI BRTAGS PA MED, ,BDE LA SOGS PA'I BDAG NYID NI, ,GZHAN DU MI RTEN 'BREL MI NUS, , @9A *, ,DE PHYIR DE DAG RANG GI PA, ,MNGON PAR BRJOD DANG 'BREL BA MED, ,YANG DAG DON DU DON BDAG NYID, ,SBYOR ZHING THA DAD MED PA STE, ,GZUGS NI GCIG DANG DU MA ZHES, ,DE DAG BLO YI 'KHRUL PA'O, ,THAMS CAD MKHYEN PA YANG SNANG BA DANG BCAS PA DANG, SNANG BA MED PA'I TING NGE 'DZIN MA LUS PA'I RNAL 'BYOR GYI DBANG PO DON DAM PA'I BDEN PA MI GNYIS PA'I BYANG CHUB DNGOS PO DANG DNGOS PO MA YIN PA'I RNAM PAR RTOG PA DANG BRAL BA STE, DON DAM PA'I THUGS RJES SNANG BA DANG BCAS PA'I TING NGE 'DZIN LA SNYOMS PAR 'JUG GO ZHES SO; ,LANG KA 'DI SNGON GYI RGYAL BA DANG ZHES BYA BA LA SOGS PA NI SNGON THAMS CAD MKHYEN PA LAS 'BOD 'GROGS CHOS MNYAN PA NA, BTZUN GTZO BYANG CHUB SEMS DPA'I 'KHOR 'DUS PA NI GZUGS MANG PO 'CHANG BA BZHUGS ZHES TE, LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI 'AM CI DANG, LTO 'PHYE CHEN PO DANG, MI DANG, MI MA YIN PA LA SOGS PA'I GZUGS RNAMS KYIS TE, JI LTAR SEMS CAN RNAMS DAD CING 'DUL PAR 'GYUR BA DE LTA BU'I GZUGS RNAL 'BYOR GYI DBANG PO RNAMS KYIS BYIN GYIS RLOB BO, ,GANG GI TSEN SANGS RGYAS MANG PO LA BSNYEN BKUR BYAS PA GZUGS MANG PO 'CHANG BA'I RNAL 'BYOR GYID BANG PO GNOD SBYIN GNAS PAS NA DE'I TSE MI GNYIS PA'I CHOS KYI YUL 'TSAL BAS NA BSHAD DU GSOL ZHES 'BOD 'GROGS KYIS SNGAR BSTOD CING GSOL BA GDAB PAR BSAM PAR BRTAG GO, ,BCOM LDAN 'DAS NI DGUNG BDUN TE ZHES BYA BA LA SOGS PA NI MCHOG TU YONGS SU DAG LA, 'DOD CHAGS DANG BRAL ZHING THAMS CAD MKHYEN PA GZUGS RNAM PA SNA TSOGS KYIS RNAL 'BYOR GYI DBANG PO'I SEMS CAN MTHA' DAG GI DON SGRUB BAR BYED PA MI LAS 'DAS PA'I BRTZON 'GRUS DANG RNAL 'BYOR GYI DBANG PO BSGRAGS PA STE SDUD PA'I TSIG GO, ,GRONG RDAL 'DI NA SU GNAS DANG ZHES BYA BA LA SOGS PA NI 'BOD 'GROGS KYIS GSOL BA STE, DE LAS BSHAD PA'I TSUL @9B LAS RNAM GROL BA ZHES BYA BA LA SOGS PA NI, GZUGS LA SOGS PA'I PHUNG PO NGO BO GNYIS SU MNGON PAR CHAGS PA RNAMS LA MI RTAG PA DANG, BDAG MED PA DANG, MI GTZANG BA DANG, SDUG BSNGAL BA LA SOGS PAR STON PAR 'JUG PA RIM GYIS BSTAN PA SMRAS PA YIN NO, , SO SO RANG GIS RTOGS PA'I SPYOD YUL NI MI GNYIS PA STE, STONG PA GNYID DANG, MTSAN MA MED PA DANG, SMON PA MED PA'I RNAM PAR THAR PA'I SGO ZAB MO'I TSUL LA BZHUGS PA RNAMS KYI'O, ,LANG KAR GSHEGS PA'I MDO SDE NI ZHES PA NI RNAM PAR SHES PA DBU MA'I TSUL ZAB MO STE, SANGS RGYAS SNGA MAS GSUNGS PA'O, ,THAMS CAD MKHYEN PAS BSHAD DU GSOL, ,ZHES 'BOD 'GROGS KYIS GSOL BA BTAB CES BYA BA'I DON TE, DE STE SNGON GYI THAMS CAD MKHYEN PA RNAMS LAS GNOD SBYIN DAG GIS CHOS THOS NA MNYAN PAR BYA BA GZHAN CI ZHIG YOD CES GLENG DU DOGS NAS 'BOD 'GROGS KYIS DE SPANG BAR SMRAS PA, RNAL 'BYOR NYES DANG RNAM BRAL BA, ,ZHES BYA BA LA SOGS PA'O, ,SNGON GYI THAMS CAD MKHYEN PA LAS CHOS THOS NAS MI RTAG PA DANG, BDAG MED PA DANG, SDUG BSNGAL BA DANG, MI GTZANG BAR YONGS SU SHES PAS RTAGS PA DANG, BDAG DANG, BYED PA PO DANG, 'KHRU BA DANG, SBYIN SREG DANG, G-YANG SA DANG, BKRA SHIS DANG, BKRA SHIS MA YIN PA DANG, RIN PO CHE DANG, RTZA BA LA SOGS PA 'DZIN PA'I RNAL 'BYOR GYIS THAR PA MNGON PA'I NGA RGYAL GYI SGYON DANG BRAL BA'I GANG ZAG DANG, CHOS LA BDAG MED PA SEMS PA RNAMS SO, ,GNOD SBYIN DAG NI 'DI NA MCHIS, ,ZHES PA NI SNGYON GYI THAMS CAD MKHYEN PAS BSNGAGS PA MU STEGS CAN GYI RNAL 'BYOR GYI SKYON DANG BRAL BA RNAMS SO, ,DE DAG LA GONG MA'I YANG GONG MA'I CHOS BSHAD PAS SA GZHAN RTOGS PAR BYED PA'I PHYIR, YANG DAG PAR 'JUG PAR BYED DO ZHES PA'O, ,THEG CHEN TSUL LA DAD PA YIS, ,ZHES BYA BA LA SOGS PA LA THEG PA CHEN PO NI CHEN PO RNAMS KYI THEG PA YIN PA'I PHYIR RO, ,YANG NA BSAM PA CHE BA STE, SEMS @10A *, ,CAN THAMS CAD SGROL BAR ZHUGS PA'I PHYIR RO, ,TSOGS CHE BA'I PHYIR TE SA DANG PHA ROL TU PHYIN PA'I KHYAD PAR GYIS CHE BA NYID DO, ,BSKAL BA DU MAR BYANG CHUB KYI SPYOD PA DKA' BAR SPYAD PAS MI SKYO BAR NI DUS CHE BA'O, ,'BRAS BU CHE BA NI 'DOD CHAGS DANG BRAL BA DANG, RNAM PA THAMS CAD MKHYEN PA NYID DANG, 'GRO BA MA LUS PA'I DON MDZAD PA DANG, STOBS BCU DANG, MI 'JIGS PA LA SOGS PA'I YON TAN GYI YAN LAG GIS BRGYAN PA STE, DE DAG RNAM PA DE LTA BU'I THEG PA CHEN POS RANG ZHUGS NAS GZHAN DAG KYANG 'JUG PAR BGYID CES TE, BYANG CHUB SEMS DPA' NYID DAG GNOD SBYIN LA SOGS PA'I GZUGS SNA TSOGS SU SNANG BA'I DON DU 'BOD 'GROGS KYIS BSAM PA'O, ,SRID GSUM DBANG PO ZHES BYA BA NI 'DIR BCOM LDAN 'DAS SEMS CAN THAMS CAD KYI DBANG PO'I PHYIR RO, ,ME TOG GI GZHA' MED BAR DU BZHUGS NAS MCHOD PA BZHES TE CHOS BSHAD PA MDZAD DO ZHES PA'O, ,'BOD 'GROGS KYIS KYANG BYANG CHUB SEMS DPA' CHEN PO BTZUN GTZO BLO GROS CHEN PO LA BSTONG NAS THAMS CAD MKHYEN PA LA MU STEGS CAN DANG, NYAN THOS DANG, RANG SANGS RGYAS KYI CHOS DANG BRAL BA THEG PA CHEN PO'I CHOS ZAB MO MCHOG TU YONGS SU DAG PA SEMS CAN THAMS CAD LA PHAN PAR ZHUGS PA ZHUS SHIG PA STE, RANG RGYAL NYAN THOS RNAMS DANG NI, ,MU STEGS NYES LAS RNAM PAR GROL, ,SO SO RANG RIG CHOS NYID GTZANG, ,SANGS RGYAS SA NI THOB BYED PA'O, ,ZHES BYA BA DE LA RANG SANGS RGYAS DANG, NYAN THOS KYI GANG ZAG LA BDAG MED PA YONGS SU RTOGS KYANG PHYI'I DON MED PAR PHYI'I DON LA MNGON BAR CHAGS PA'O, ,MU STEGS CAN NI RTAG PA DANG, BDAG DANG, DBANG PO DANG, DAM PA SBYIN PA DANG, 'KHRUB DANG, SBYIN SREG DANG, GDAB DANG, GSANG [?] SA DANG, GAR BYED PA DANG, GLU LEN PA DANG, RNAM PA SNA TSOGS KYI CHA LUGS 'DZIN PA DANG, RIN PO CHE DANG, RTZA BA 'DZIN CING BKRA SHIS DANG, BKRA SHIS MA YIN PA ZA BAS THAR PA LAS 'KHRUL PA @10B RNAMS SO, ,'KHRUL PA DE RNAM PA GNYIS BCAD PA'I PHYIR, MCHOG TU YONGS SU DAG PA DNGOS PO DANG, DNGOS PO MA YIN PA RNAM PAR RTOG PA GNYIS RTOGS PAR BYED PA THEG PA CHEN PO'I CHOS STON PA NI SANGS RGYAS SGRUB PAR BYED PA'O, ,BCOM LDAN 'DAS KYIS DER SGRUL TE, ,ZHES BYA BA LA SOGS PA NI THAMS CAD MKHYEN PAS RIN PO CHE SNA TSOGS KYI 'BYUNG GNAS KYI RTZE MO 'DZIN SPRUL PA MDZAD DO, ,'BOD 'GROGS KYIS KYANG MCHOG TU YONGS SU DAG PA RNAL 'BYOR GYI DBANG PO RIM LA YA DU MA LA BZHUGS PA GZUGS SNA TSOGS MNGA' BA'I BCOM LDAN 'DAS DE LA MCHOD PA'I PHYIR LUS THA MAR SPRUL PA BYED DO, ,STONG PHRAG BRGYA PA'I MDO SDE ZHES BYA BA NI MDO SDE RNAM PA BRGYA STONG DU KLAG STE, STONG PA LA SOGS PA'I TSIG TU NI JI LTAR SHES RAB KYI PHA ROL TU PHYIN PAR RO, ,YANG NA STONG PHRAG BRGYA NI GANG GI LJAGS LAS DON MTHA' MED PAR SEMS CAN LA SNANG BA THAMS CAD MKHYEN PA'I GSUNG GI SGRAS DON DU MAR CHUD PAR BYED PA'O, ,THAMS CAD 'KHOR NI MA BRI BAR, ,RE RE LA YANG SHIN TU SNANG, ,ZHES PA NI RIN PO CHE 'BYUNG GNAS KYI RI THAMS CAD DU PHYOGS BCU'I 'JIG RTEN GYI KHAMS SU GNAS PA'I SANGS RGYAS KYI ZHING THAMS CAD DANG, DE DAG NA BZHUGS PA'I THAMS CAD MKHYEN PA RNAL 'BYOR GYI DBANG PO LA RIN PO CHE 'BYUNG GNAS KYI RI LA SNANG BA NI NAM MKHA'I SKAR MA MANG PO CHU'I SNOD KYI NANG DU SNANG BA BZHIN DU GZUGS BRNYAN GYI TSUL GYIS SO, ,STON PA DANG NI RGYAL SRAS RNAMS, ,ZHES BYA BA LA SOGS PA NI STON PA DANG GANG DAG 'KHOR DER 'DUS PA'I BYANG CHUB SEMS DPA' SEMS DPA' CHEN PO RNAMS RNAM PA DE LTA BU'I MIG YOR DANG, SGYU MA'I RNAM PAR THAR PA'I RMI LAM DANG, MIG 'PHRUL BZHIN DU BSTAN NAS MI SNANG BAR GYUR PA NI 'BOD 'GROGS LA SOGS PA RNAM PAR SHES PA'I YUL LAS 'DAS NAS MI RTAG PA DANG, BDAG MED PA DANG, SDUG BSNGAL BA DANG, MI GTZANG BA YONGS SU SHES PAR MDZAD PA'I DON DANG, STONG PA NYID DANG, MTSAN MA MED PA DANG, SMON @11A *, ,PA MED PA'I RNAM PAR THAR PA'I SGO ZAB MO'I YUL GYI RNAL 'BYOR BSGOM PA'I PHYIR RO, ,GNOD SBYIN 'BOD 'GROGS BDAG GI LUS, ,KHYIM NA GNAS PAR MTHONG BA DANG, ,ZHES BYA BA LA SOGS PA NI RNAL 'BYOR BA'I DBANG POS BYIN GYIS BRLABS PAS 'BOD 'GROGS KYIS THAMS CAD RTEN CING 'GREL PAR 'BYUNG BA THOG MA DANG THA MAR STONG PA NYID DANG, DBUS SU NYID KYIS STONG PA NYID RTOGS PA STE, SEMS 'KHRUGS NAS 'GRO BA RNAM PA SNA TSOGS SU SNANG BA NI RMI LAM DANG MIG 'PHRUL SNANG BA BZHIN NO, ,MGO 'KHOR BA DANG, BRGYAL PA LA SOGS BA LTA BU'I 'KHRUGS PA BZLOG PA NI GANG GI TSE 'BOD 'GROGS KYI SHES RAB KYIS GZUGS SBOM PO DANG, PHRA MO MI DMIGS PA DE'I TSE GNYIS ZHI ZHING BSAM PA MED PA DANG, SNANG BA MED PA DANG, DNGOS PO DANG DNGOS PO MA YIN PA'I RNAM PAR RTOG PA MED CING DON DAM PA'I BDEN PA MI GNYIS PA'I CHOS NYID YANG DAG PA'I RIG PA DE LTAR KHONG DU CHUD PAR MDZAD PA NI SHES RAB DANG THABS KYIS SO, ,DE DE LTAR SHES RAB KYIS CHOS NYID RNAM PA DE LTA BU'I MI RTOG PA DANG STONG PA NYID DU RTOGS NAS 'BOD 'GROGS KYIS RGYU DANG RKYEN MANG PO RMI LAM DANG, MIG 'PHRUL DANG, MGAL ME'I 'KHOR LO DANG, DRI ZA'I 'GRO BA BYAR DANG, SMIG RGYU DANG, CHU ZLA DANG, MO GZHON GYI RMI LAM DU BU MTHONG BAR BYED PA RNAMS KYIS MI RTAG PA DANG, STONG PA NYID KYI DON GYI KHYAD PAR RTOGS PAR BYED PA'I DON DU'O, ,RMI LAM DANG MIG 'PHRUL LA SOGS PA DPER BZHAG PA THAMS CAD LA MI RTAG PA DANG, STONG PA NYID DU'O, ,YANG THAMS CAD LA THOG MA DANG THA MA'I STONG PA NYID DANG, DBUS SU DNGOS PO GNYIS MED PA'I STONG PA NYID DU'O, ,PHYI'I DON DU GZUNG BA DANG, 'DZIN PAR NGES PAR BYED PA RNAM PA GNYIS PAR BYED PA THAMS CAD LA SKYE BA MED PAR RO, ,'KHRUL PA'I DBANG LAS DE DAG NI SNANG BA'I CHOS NYID DE, SHES RAB KYIS DE DAG MI DMIGS SO ZHES SO, ,LTA BA MED CING LTA BA'ANG MED, ,SMRA MED SMRA BAR BYA MED NA, ,GZHAN DU RNAM PAR RTOG PA 'DI, ,SANGS RGYAS DANG NA CHOS LTAR GNAS, , @11B ZHES BYA BA LA LTA BA NI PHYI'I DON MED PAS NA MED DO, ,LTA BA YANG DE NYID KYI PHYIR MED DE, BDAG DANG GZHAN GYI RGYUD KYI DBANG GIS SEMS 'KHRUGS PAS SNANG BA'I CHOS NYID LA DMIGS PA STE, SHES RAB KYIS MI DMIGS SO, ,BCOM LDAN 'DAS NI DA ROD TZAM DU SNANG BA'I CHOS NYID DE, 'BOD 'GROGS KYIS SGYU MA'I RNAM PAR THAR PA SGOM PAR BYED DO, ,JI LTAR MTHONG BZHIN DU LTA BA ZHES BYA BA LA SOGS PA NI SNANG BA DANG BCAS PA DANG, SNANG BA MED PA'I TING NGE 'DZIN DU 'BYED PAR BZHUGS PA'I THAMS CAD MKHYEN PA LA MTHONG BAR BYED PA GANG DAG GIS CHOS NYID LA DE LTAR MTHONG BA'O, ,RNAM PAR RTOG PA MI 'JUG CING ZHES BYA BA LA SOGS PA NI DNGOS PO DANG DNGOS PO MA YIN PAR RNAM PAR RTOG PA DANG BRAL BA RTOG PA DAG PA GANG GI TSE NA MTHONG BAR GYUR BA DE'I TSE MCHOG TU YONGS SU DAG PA BDEN PA RTOGS PA'I NGO BO NYID DE DE BZHIN GSHEGS PA MTHONG BA YIN NO, ,GANG GI TSE NA RNAM PAR RTOG PA 'JUG PAR 'GYUR TE, 'DZIN PA DANG, GZUNG BA'I NGO BOR PHYI'I DON LA MNGON PAR CHAGS PA DE'I TSE GZUGS KYI SKU'I MTSAN NYID DU STANG BA DE LTAR SANGS RGYAS BCOM LDAN 'DAS MTHONG YANG CHOS KYI SKUR MI MTHONG BA'O, ,BCOM LDAN 'DAS NI RNAM PAR RTOG PA 'JUG PA DANG, MI 'JUG PA LAS MTHONG BA DANG MI MTHONG BA ZHES BYA'O, ,LANG KA'I BDAG PO ZHES BYA BA LA SOGS PA NI RTOGS PA MA GTOGS PAR PHYI'I DON NI MED PAR NI 'DI DAG THAMS CAD SNANG BA'I CHOS NYID KYI PHYIR TE, SEMS 'KHRUGS PA'I MTHUS MGO 'KHOR BA DANG, BRGYAL BA LA SOGS PA BZHIN DU MIG YOR DU SNANG BA STE, GANG GI TSE SHES BAR BYA BA SBOM PA DANG, PHRA BA SHES RAB KYIS MI DMIGS PA DE'I TSE MI DMIGS PA'I RNAL 'BYOR RO, ,DE LTAR 'BOD 'GROGS KYIS MI DMIGS PA'I RNAL 'BYOR GYI 'OG TU RNAM PAR RTOG PA RGYU BA LA GNAS TE, RTEN CING 'BREL TE 'BYUNG BA'I 'DU BYED RNAMS LA THOG MA DANG THA MA'I STONG PA NYID GNYIS MI DMIGS PAR MTHONG ZHING DBUS SU GNYIS KYIS NGO BO NYID STONG PA NYID LA SPYOD CING SGYU MA DANG 'DRA BA'I CHOS NYID DU RJES SU BYED DO, ,SNGON KYI DGE BA'I @12A *, ,RTZA BAS BSKUL BA NI 'BOD 'GROGS KYIS THAMS CAD MKHYEN PA LA MCHOD CING BSNYEN BKUR BA DANG, CHOS NYAN PA DANG BYANG CHUB KYI SEMS BSGOM PA'I MNGON PAR 'DU BYED PA'I BSOD NAMS DANG, BCOM LDAN 'DAS KYIS THABS DU MA'I PHYIN GYI RLABS KYIS BSKUL BA'O, ,GTZUG LAG THAMS CAD LA MKHAS PA'I BLO ZHES PA NI, 'JIG RTEN DANG 'JIG RTEN LAS 'DAS PA GNYIS DANG, MI GNYIS PA LA SOGS PA'I GTZUG LAG THAMS CAD LA 'BOD 'GROGS MKHAS PAR SMRAS PA YIN NO, ,THOS PA DANG, SEMS PA DANG, BSGOM BA'I SHES RAB GANG LA YOD PA DE NI RNAL 'BYOR DE GNYIS DANG MI GNYIS PA'I TING NGE 'DZIN GYI RNAM PAR RTOG PA'O, ,GZHAN GYI DRING MI 'JOG CES BYA BA NI CHOS DANG GANG ZAG LA BDAG MED PAR YONGS SU SHES PAS RTAG PA DANG, BDAG DANG DBANG PO LA SOGS PAR LTA BA SPONG BA NI MCHOG SBYIN PA DANG, 'KHRU BA DANG, SPYIN SREG DANG, THOGS PA MED PA'I G-YANGS DANG, BKRA SHIS DANG, BKRA SHIS MA YIN PA DANG, BZA' BA DANG, CHA LUGS RNAM PA SNA TSOGS SU 'DZIN PAS 'KHOR BA LAS 'BYUNG BA'I PHYIN CI LOG SPONG BA'O, ,BDAG DANG BDAG GIR RTAG PAR MNGON BAR CHAGS PAS BSLAD PA RNAMS LA SDUG BSNGAL DU 'GYUR BA NI MER PHYE MA LEB BZHIN NO, ,BDAG MED PA RNAM PA GNYIS YONGS SU SHES PA LAS BDAG TU CHAGS PA LDOG PA LAS 'KHOR BA'I SDUG BSNGAL BZLOG STE, MKHAS PA NI BDAG NYID KYIS YONGS SU SHES PA'O, ,RTOG GER MI LTA BA ZHES BYA BA NI KHONG DU MA CHUD PA'I DON LA CI 'DI LTA YIN NAM MA YIN ZHES RGYU LA SBYONG PA NI RTOG PA ZHES BYA'O, ,SRID PA DANG THAR PA 'BYED PA'I RGYU YONGS SU SHES PA GDON MI ZA BA DA LA YOD PAS DE LA CHOS LA THE TSOM MED DO, ,BDAG LA SOGS PAR LTA BA DANG BRAL BAS GONG NAS GONG DU SA THAMS CAD DU RANG GI MTSAN NYID RTOGS PAR BYA BA LA MKHAS PAS NI DE LA SA'I DBANG POR GRUB PA NYID DO, ,SA THAMS CAD YONGS SU SBYONG BA LA MKHAS PA GONG MA'I YANG GONG MAR SA THAMS CAD KYI RANG GI MTSAN NYID RTOGS PAR BYA BA LA @12B MKHAS PA, RANG GI MTSAN NYID KHYAD PAR DU RTOGS PAR BYED PA GNYIS DANG MI GNYIS PA'I TING NGE 'DZIN LA MKHAS SHING, SA THAMS CAD KYI GONG MA'I YANG GONG MA'I YON TAN BYANG CHUB KYI TSOGS BSOD NAMS DANG, YE SHES DANG LDAN PA LA GZUGS SNA TSOGS KYI RNAL 'BYOR GYI DBANG PHYUG CHEN POR SANGS RGYAS THOB PA'I PHYIR 'BOD 'GROGS LA SMRA BAR BYA STE, SHES RAB DANG THABS LA MKHAS PAR BYA BA CHUD PAS NA CHE BA'O, ,SEMS DANG YID DANG YID KYI RNAM PAR SHES PA'I RANG BZHIN DBEN PA LA DGA' BA ZHES BYA BA NI MDO SDE 'DI NYID LAS 'BYUNG STE, SEMS NI KUN GZHI RNAM SHES TE, ,NGAR SEMS NYID NI YID YIN NO, ,GANG GIS YUL RNAMS 'DZIN PA NI, ,DE NI RNAM PAR SHES ZHES BYA, ,SEMS MA GTOGS PAR YUL DANG RNAM PAR SHES PA'I SNANG BA MED DE, JI LTAR RMI LAM GYI DUS NA GZUGS LA SOGS PA'I YUL DANG RNAM PAR SHES PA RNAMS SNANG YANG DE NA YUL MED LA, MIG LA SOGS PA'I RNAM PAR SHES PA YANG MED DO, ,DES NA SEMS MNYAM PAR MA 'DUS PA'I PHYIR MA RIG PA DANG, LAS RNAM PAR SMIN PA'I STOBS LAS 'GRO BA RNAM PA SNA TSOGS SU SNANG STE, SBOM PO DANG PHRA BA'I GZUGS SHES RAB KYIS CHAR RNAM PAR DBYE BA NI, GANG GI TSE NA MI DMIGS PA DE'I TSE GROL BAR 'GYUR RO, ,RGYUD GSUM CHAD PAR LTA BA ZHES BYA BA NI GANG GI TSE NA SKAD CIG PA GCIG PA DE'I TSE NA SKAD CIG PA GNYIS PA MED PAS NA 'DAS PA DANG, MA 'ONGS PA DANG, DA LTAR GYI SKAD CIG PA GSUM DU 'DU ZHING 'BREL BA MED DO, ,SNGA MA'I 'OG TU DE YOD PAS 'DI YOD DO ZHES RTEN CING 'BREL TE 'BYUNG BAR RAB TU NGES SHING LAS DANG 'BRAS BU 'BREL BA RNAM PAR GZHAG PA 'BA' ZHIG GO, ,DE BZHIN NYID CES BYA BA NI 'BOD 'GROGS LA CHOS DANG GANG ZAG LA BDAG MED PA YONGS SU SHES PA YOD DE, DES NA MU STEGS CAN GYI LTA BA'I NYES PA LAS RNAM PAR GROL ZHES BYA'O, ,MU STEGS CAN THAMS CAD KYI RGYU DANG BRAL BA'I BLOR GYUR PA ZHES TE, GTOGS 'DOD DANG, LHA CHEN PO DANG, TSANGS PA LA SOGS PA MU @13A *, ,STEGS CAN GYIS RGYUR KUN TU RTOG PA NI GANG DANG GANG KHYAD PAR CAN GYI DBYIBS YOD PA DE BLO CAN GYI SKYES BUS BYAS PA YIN TE, BUM PA DANG, PHRU [?] BA LA SOGS PA BZHIN DU LUS DANG, BYED PA DANG, GNAS LA SOGS PA KHYAD BAR CAN GYI DBYIBS SO, ,CHU'I STOBS LA SOGS PAS BYE MA LA SOGS PA DBYIBS SU SNANG BA BLO CAN GYIS BYAS PA MA YIN NO, ,DUS PA CIG TU 'DUS PA'I MTHUS PADMA LA SOGS PA'I MYU GU 'BYUNG BA DER BLO CAN BYED PA PO'I LAS MI SNANG NGO, ,JI LTAR DHARMA [?] K'I RTI SA SMRAS PA, MTHUN DANG MI MTHUN DAG GIS NI, , GANG DAG GANG LAS NYER SKYE BA, ,GAL TE DE LAS RGYU GZHAN NA, ,DE LTAR 'GYUR BAS MTHA' MED DO, ,DES NA GNYIS DANG MI GNYIS PAR SMRA BAS KUN TU BRTAGS PA'I RGYU MA STEGS CAN GYI 'KHRUL PA'I MTSAN 'BOD 'GROGS LA MED DE, RTAG PA DANG, BDAG TU CHAGS PAS 'KHOR BA'I SDUG BSNGAL DANG BDAG MED PA SHES PAS SDUG BSNGAL BZLOG SO ZHES SHES SO, ,DE BZHIN GSHEGS PA'I SNYING PO SANGS RGYAS KYIS LA NANG DU SNYOMS PAR ZHUGS PA ZHES BYA BA LA, DE BZHIN GSHEGS PA'I SNYING PO NI SEMS CAN THAMS CAD DO, ,DE BZHIN DU NANG GI MI GNYIS GNYIS PAR RTOGS PA'I CHOS NI SANGS RGYAS KYI SA'O, ,GNYIS SU MED PA'I CHOS NYID DANG MNYAM PAS NA ME SPYIR GNAS PA BZHIN DU SNYOMS PAR ZHUGS SO, ,SGRA THOS PA NI 'BOD 'GROGS KYIS DE BZHIN GSHEGS PA RNAMS KYI SGRA'O, ,GANG GI BLO LAS BLO GNAS BDEN TSIG SBYAR RO, ,GANG LA RNAL 'BYOR DE LTA BU YOD PA DES THOS SO ZHES TSIG 'BYED PAR BSGYUR RO, ,LEGS SO LEGS SO ZHES BYA BA NI DE BZHIN GSHEGS PA RNAMS DE BZHIN DU BLTA BAR BYA'O ZHES BYA BA LA SOGS PA STE, RTOGS PAR MNYAM PA NYID DANG, DNGOS PO DANG DNGOS PO MA YIN PAR RNAM PAR RTOG PA SPANGS PA DANG, DON DAM PA'I BDEN PA'I NGO BO NYID DU DE BZHIN GSHEGS PA RNAMS MTHONG BA YIN NO, ,RNAM PA GZHAN DU BLTAS NA CHAD PA LA GNAS PAR 'GYUR RO ZHES BYA BA NI GAL TE YANG SEMS NI KUN NAS NYON MONGS PA DANG, RNAM PAR BYANG [?] BA'I RGYU MA YIN @13B PAR GYUR NA DE'I TSE DGE BA DANG MI DGE BA MNGON PAR 'DU BYED PA RNAMS CHAD PA NYID DU 'GYUR RO, ,LAS DANG 'BRAS BUR 'BREL BA RNAMS KYI GNAS NI SEMS TE, JI LTAR DE KHO NA NYID BSDUS PA LAS GSUNGS PA, SEMS NI RANG BZHIN GYIS 'OD GSAL BA STE, GANG JI LTAR YONGS SU SBYONG BA DE DE LTAR YANG DAG PAR GRUB PA'O ZHES SO, ,DGE BA DANG MI DGE BAR SEMS KYIS MNGON PAR 'DU BYED PA JI SRID DU YOD PA DE SRID DU GNYIS KYI RNAM PA NYID DO, ,SHES RAB KYIS SBOM PA DANG PHRA BA'I CHA MI DMIGS PA NA DON DAM PA'I BDEN PA MI GNYIS PA'I BYANG CHUB RTOGS ZHES BYA'O, ,DE BZHIN DU YANG SA'I DBANG PO RNAMS KYIS RNAL 'BYOR GYI DBANG PO NANG DU SPYOD PAS CHOS THAMS CAD RNAM PAR BSGOM PAR BYA STE, PHYI ROL GYI DON DU LTA BA LA MNGON BAR CHAGS PAS NI MA YIN NO, ,KHYOD KYI NYAN THOS DANG, RANG SANGS RGYAS DANG, MU STEGS CAN GYI MNGON PAR RTOGS PA DANG, TSIG GI DON GYI SPYOD YUL DU LTUNG BA'I LTA BA DANG TING NGE 'DZIN DU MA YIN, GTAM DANG SGRUNG LA DGA' BAR MA YIN PA ZHES PA LA, MU STEGS CAN NI RTAG PA DANG, BDAG DANG DBANG PO DANG, MCHOG SBYIN PA DANG, 'KHRU BA DANG, SBYIN SREG DANG, KHA 'TSO BA DANG, CHA LUGS SNA TSOGS DANG, GAR DANG, GLU DANG, BKRA SHIS DANG, BKRA SHIS MA YIN PA RNAM PAR RTOG PA DANG, RIN PO CHE DANG, ME TOG LA SOGS PA 'DZIN CING BTUL ZHUGS LA SOGS PAS THAR PA KUN TU RTOG GO, ,RTAG TU BDAG TU CHAGS PAS 'KHRUGS PAS 'KHOR BAR LTUNG BA NI PHYI MA LEB BZHIN NO, ,SEMS CAN RNAMS KYI BDAG TU CHAGS PA LOG PA NA 'KHOR BA'I SDUG BSNGAL LAS RNAM PAR GROL BAR 'GYUR RO, ,DE BAS NA MU STEGS CAN GYIS BDAG MED PA MI SHES PAS RNAM PAR RTOG PA DU MAS 'KHOR ZHING THAR PA'I RGYU MI RIG GO, ,'BOD 'GROGS LA NI NYAN THOS LAS THA DAD PA THEG PA CHEN PO'I CHOS BSHAD PA DE LTA BUR BSHAD DO, ,NYAN THOS RNAMS NI PHYI'I DON LA MNGON BAR CHAGS PA STE, THEG PA CHEN PO LA CHOS DANG GANG ZAG LA BDAG MED CING BLA NA MED PA'I YE SHES THAMS CAD @14A *, ,MKHYEN PA NI SEMS CAN THAMS CAD LA PHAN 'DOGS PAR 'GYUR RO, ,RNAL 'BYOR CHEN PO'I RNAL 'BYOR DANG LDAN PA ZHES PA NI THAMS CAD MKHYEN PA RNAMS KYI GNYIS PA DANG MI GNYIS PA'I TING NGE 'DZIN TO, ,PHA ROL RGOL BA RAB TU 'JOMS BA ZHES BYA BA NI MU STEGS CAN GYI 'KHRUL PA LTA BA THAMS CAD SEL ZHING MUN PA 'JOMS PA RNAMS TE, BDAG MED PAR SMRA BA PO RNAMS KYI RTAG PA DANG, BDAG DANG, DBANG PO LA SOGS PAR LTA BA DANG, 'KHRU BA DANG, SBYIN SREG DANG, BKRA SHIS DANG, BKRA SHIS MA YIN PAR RNAM PAR RTOG PA DANG, CHA LUGS RNAM PA SNA TSOGS DANG, RIN PO CHE DANG, RTZA BA LA SOGS PA 'CHANG BAS THAR PA'O ZHES RGOL BA RNAMS KYI SMRA BA 'JOMS PA'O, ,LTA BA NGAN PA SEL BA NI RTAG PA DANG, BDAG TU LTA BA 'JIG PAR BYED DO, ,BDAG TU LTA BA RNAM PAR BZLOG PA LA MKHAS PA LA NI BLO ZHIB CING RNAM PAR SHES PA SHIN TU 'GYUR BA LA MKHAS PA STE, SHES RAB DANG THABS LA MKHAS PAS SEMS KYI RGYUD NYID LA BDAG GO ZHES SMRA BAR BYED DO, ,SHES RAB PHRA MOS DPYOD CING SHES PAR BYA BA SBOM PA DANG PHRA BA RNAM PAR GZHIGS NAS GANG GI TSE MTSAN MA LA CUNG ZAD KYANG MI DMIGS PA DE'I TSE NA SEMS BZLOG PA LA MKHAS PAR 'GYUR RO, ,THEG PA CHEN PO LA SPYOD PA RNAMS ZHES BYA BA NI SHES RAB DANG SNYING RJE LA SBYOR BAS THEG PA CHEN PO DON BZHIN PA SPYOD PA DANG, DE DAG DMIGS PA DANG BCAS PA DANG, DMIGS PA MED PA'I TING NGE 'DZIN DU 'BYED PAS BDAG DANG GZHAN GYI DON SPYOD DO, ,SNANG BA DANG BCAS PA DANG, SNANG BA MED PA'I TING NGE 'DZIN DU 'BYED PA NI MNGON PAR RTOGS PA ZHES BYA STE, DES NA LANG KA'I BDAG PO 'DI NI RTOGS PA'O ZHES BYA STE, RTAG PA DANG, BDAG DANG, BDE BA DANG, GTZANG BA'I DNGOS POR PHYIN CI LOG THAMS CAD CI RNAM PAR TOG PA SPONG BA'I PHYIR RO, ,JI LTAR SHES RAB KYI PHA ROL TU PHYIN PA LAS 'BYUNG BA DNGOS PO DANG DNGOS PO MA YIN PA MNYAM PAS MNGON PAR MNYAM PAR RTOG PA'O ZHES PA'O, ,DE BZHIN GSHEGS PA'I BDAG GI SO SOR RANG GIS LA 'JUG PA @14B KHONG DU CHUD PAR BYA BA'I PHYIR KHYOD KYIS BRTZON PAR GYIS SHIG CES BYA BA NI SA YONGS SU SBYONG BA DANG, SA LA 'JUG PA DANG, SA 'THOB PA STE, THOS PA DANG, SEMS PA DANG, BSGOM PA LA MNGON PAR BSGRUBS PAS GONG MA'I YANG GONG MA CHUD PAR 'GYUR BA THAMS CAD MKHYEN PA NYID THOB PAR BYA BA DANG, SEMS CAN THAMS CAD LA PHAN PAR BYA BA DANG, RNAL 'BYOR GYI DBANG PO KHO NA BSGRUB PA'I PHYIR YIN GYI, NYAN THOS DANG, RANG SANGS RGYAS DANG, MU STEGS CAN GYI RJES SU 'JUG PA'I SGO'I SPYOD YUL NI MA YIN TE, JI LTAR BDAG TU 'DZIN PA DANG SNANG BA'I MTSAN NYID LA MNGON PAR CHAGS PA DANG, 'BYUNG BA DANG, YON TAN DANG, RDZAS LA YANG DAG PAR RJES SU SPYOD PA BYIS PA MU STEGS CAN GYI RNAL 'BYOR GYIS RNAL 'BYOR BA RNAMS KYI RTOGS PA DANG, MA RIG PA'I RKYEN DU LTA BA LA MNGON PAR CHAGS PA LA MNGON PAR ZHEN PA NYAN THOS DANG, RANG SANGS RGYAS NI MI RTAG PA DANG, SDUG BSNGAL BA DANG, BDAG MED PA DANG, MI GTZANG BA'I RNAM PAR PHYI'I DON LA ZHUGS PA RNAMS SO, ,DE LA MU STEGS CAN NI RTAG PA DANG, BDAG DANG, DBANG POS BYIN GYIS BRLABS TE, RDZAS DANG, YON TAN DANG, LAS DANG, SPYI DANG, KHYAD PAR DANG 'BREL PA'I MTSAN NYID DU KUN DU RTOG PAR BYED DO, ,PHYI'I SA LA SOGS PA 'BYUNG BA RNAMS LA YON TAN DANG, LAS RNAMS GNAS SO ZHES RDZAS NI DGU STE, SA DANG, CHU DANG, ME DANG, RLUNG DANG, NAM MKHA' DANG, DUS DANG, PHYOGS DANG, BDAG DANG, YID CES SO, ,DE DAG KYANG RTAG PA DANG MI RTAG PA YIN TE, RDUL PHRA MO'I RDZAS RNAMS NI RTAG PA'O, ,DE DAG GIS BRTZAMS PA YAN LAG CAN GYI RDZAS SBOM PO NI MI RTAG PA'O, ,YON TAN RNAMS NI GZUGS DANG, RO DANG, DRI DANG, REG BYA DANG, TSAD DANG, GRANGS DANG, THA DAD PA DANG, SBYOR BA DANG, BRAL BA DANG, GZHAN DANG, GZHAN MA YIN PA DANG, BLO RNAMS DANG, BDE BA DANG, SDUG BSNGAL BA DANG, 'DOD PA DANG, ZHE SDANG DANG, NAN TAN YANG NGO, ,YANG ZHES BYA BA'I SGRAS GSHER BA DANG, LCI BA DANG, SNUM @15A *, ,PA DANG, 'DU BYED DANG, MA MTHONG BA DANG, MTHONG BA DANG, SGRA RNAMS TE, YON TAN RNAM PA NYI SHU RTZA BZHI'O, ,LAS LA YANG RNAM PA LNGA STE, LEN PA DANG, 'DOR BA DANG, BRKYANG BA DANG, BSKUM PA DANG, 'GRO BA NI LAS SO, ,SPYI NI RNAM PA GNYIS TE, MCHOG DANG MCHOG MA YIN PA'O, ,MCHOG NI TSIG GI DON GSUM YOD PAR BYED PAS NA YOD DO ZHES PA'O, ,SPYI MCHOG MA YIN PA YANG BA LANG NYID DANG, RTA NYID DANG, BUM PA NYID LA SOGS PA'O, ,KHYAD PAR RNAMS NI KHYAD PAR GYIS BLO BSKYED PA RNAMS TE, NYE BAR BTAGS PA DANG, NYE BAR MA BTAGS PA RNAMS SO, ,NYE BAR BTAGS PA NI RIGS DANG, YON TAN DANG, BYED PAS BYAS PA NI BTAGS PA'O, ,NYE BAR MA BTAGS PA NI PHA MA'I KHYAD PAR TE, JI LTAR SA'I RDUL RNAMS DANG, SA MA YIN PA'I RDUL RNAMS LAS BRTZAMS TE, RIGS DANG YON TAN DU SBYOR YANG KHYAD PAR GYI KHYAD PAR DU 'BYED CES SO, ,'BREL PA NI 'DIR BLO 'BREL BA STE, RDZAS LA RDZAS DANG, YON TAN LA YON TAN DANG, LAS LA LAS ZHES SO, ,KHYAD PAR CAN GYI RGYUD KYI DRA BA YONGS SU SHES PAS GROL BAR 'GYUR RO ZHES KHA CIG GO, ,GRANGS CAN RNAMS KYI BYA BA NI DE KHO NA NYID NYI SHU RTZA LNGA YONGS SU SHES PAS GRO LA'O ZHES TE, SKYES BU YON TAN LAS LHAG MA RNAM PA NYI SHU RTZA BZHIR BYED PA YONGS SU SHES PAS SO, ,YOD PA DANG, RDUL DANG, MUN PA DANG, YON TAN RNAMS MNYAM PAR GNAS PA NI GTZO BO ZHES SO, ,DE LAS CHEN PO ZHES TE, DE NI BLO'I RNAM GRANGS SO, ,CHEN PO LAS NGAR BYEN PA'O, ,NGAR SKYED PA LAS DE TZAM LNGA STE, SGRA LA SOGS PA YUL LNGA'O, ,DE TZAM LNGA RNAMS LAS 'BYUNG BA LNGA DANG, BLO'I DBANG PHO LNGA STE, RNA BA DANG, PAGS PA DANG, MIG DANG, LCE DANG, SNA RNAMS SO, ,LAS KYI DBANG PO LNGA STE, TSIGS DANG, LAG PA DANG, RKANG PA DANG, GSANG KHUNG DANG, MTSAN MA'I MTSAN NYID RNAMS SO, ,YID NI KUN DU RTOG PA'O, ,SEMS CAN NI SKYES BU'I RANG BZHIN NO, ,KHO NA SHES PA NYI SHU LNGA, ,GNAS NI GANG LA GAR DGA' RUNG, ,MGO BREGS @15B RAL PA PHUD PU CAN, ,GROL BAR 'GYUR LA DAR DOGS MED, ,CES GRANGS CAN RNAMS KYIS THAR BAR RTOG GO, ,DE STE NYON MONGS PA YONGS SU ZAD PA MA GTOGS PA RANG BZHIN DANG, SKYES BU'I KHYAD PAR KHONG DU CHUD PA LAS THAR BAR 'GYUR TE, DE LTA NA NI BYA DANG, RTZIG PA DANG, SNAM BU DANG, BUM PA'I SOGS PA'I KHYAD PAR KHONG DU CHUD PAS THAR BAR CIS NA MI 'GYUR, SRID PA YONGS SU MA ZAD KYI BAR DU KHYAD PAR CAN RNAMS KYI RDZAS DANG, YON TAN LA SOGS PA'I KHYAD PAR YONGS SU SHES LA THAR PAR 'GYUR TE, DE LTA BUR ZIN NA NI BYE PHUNG GI BYE MA'I 'BRUM BU RNAMS KYI GRANGS KHONG DU CHUD PAS CIS NA YANG THAR PAR MI 'GYUR, DE DE BZHIN DU MU STEGS CAN KshA PHAN KA RNAMS KYI LTA BA NI YOD PAR 'GYUR BA DANG, MED PAR 'GYUR BA DANG, YOD KYANG YOD LA MED KYANG MED PAR 'GYUR RO, ,YOD PAR 'GYUR BA NI SPYI'I BDAG NYID DU'O, ,MED PAR 'GYUR BA NI KHYAD PAR GYI BDAG NYID DU'O, ,YOD KYANG YOD LA MED KYANG MED PAR 'GYUR BA NI SPYI DANG KHYAD PAR GYI BDAG NYID DU STE, DE DAG NA SMRA BAR BYA BA'I PHYOGS SO, ,SMRA BAR MI BYA BA'I PHYOGS LA SPYI'I BDAG NYID DU YOD PAR 'GYUR BA KHYAD PAR GYI BDAG NYID DU YANG SMRA BAR MI BYA'O, ,KHYAD PAR GYI BDAG NYID DU YONG BAR 'GYUR BA SPYI'I BDAG NYID DU YANG SMRA BAR MI BYA'O, ,SPYI DANG KHYAD PAR GYI BDAG NYID DU YOD PAR 'GYUR BA CIG CAR SMRA BAR MI BYA'O, ,SPYI DANG KHYAD PAR GYI BDAG NYID DU YOD KYANG YOD LA MED KYANG MED PAR 'GYUR BA CIG CAR YANG SMRA BAR MI BYA'O, ,DE DE LTAR 'BOD 'GROGS LA MU STEGS CAN GYI GTI MUG GI DRA BA BZLOG PA'I DON DU THAMS CAD MKHYEN PAS CHOS BSHAD DO, ,RTAG PA DANG, BDAG DANG, DBANG PO DANG, GCIG PO DANG, GNYIS DANG, MI GNYIS PA LA SOGS PA'I RGYU DGAG PA'I PHYIR YANG 'BOD 'GROGS LA CHOS BSHAD DO, ,CHA LUGS RNAM PA SNA TSOGS KYI BRTUL ZHUGS DANG, BKRA SHIS DANG, BKRA SHIS MA YIN PA DANG, RNAM PAR RTOG PAS KUN TU MI RTOG PA'I PHYIR DNGOS PO DANG DNGOS PO MA YIN PAR MI RTOG PA DANG, DON DAM PA'I BDEN PA RTOGS PAR BYED PA @16A *, ,DANG, MI GNYIS PA KHONG DU CHUD PAR BYED PA'I CHOS STON TO, ,GZUGS RNAM PA SNA TSOGS KYI RNAL 'BYOR GYI DBANG PO KHO NAR BSGRUB PA DANG, GTOGS 'DOD DANG, LHA CHEN PO DANG, TSANGS PA LA SOGS PA RTAG PA DANG, BDAG DANG, BYED PA POR LTA BA RNAM PAR GCAD PA'I DON DU YANG DAG PA'I DON CHOS DANG, GANG ZAG LA BDAG MED BZHI BA'I CHOS LA 'JUG PAR BYED DE, LANG KA'I BDAG PO BDAG GIS SO SO RANG GI RIG PA RTOGS PAR BYED PA'I THEG PA CHEN PO KHONG DU CHUD PA 'DI NI GZUGS SNA TSOGS RAB TU THOB PAR BYED PA'O ZHES BYA BA NI GZUGS RNAM PA SNA TSOGS SU GYUR PA DANG, GAL TE GZUGS GCIG RNAM PAR BZLOG KYANG DE BZHIN DU GZUGS GZHAN GYIS GNAS TE 'JIG PAR MI 'GYUR BA NI SNANG BA DANG BCAS PA DANG, SNANG BA MED PA GNYIS PA DANG MI GNYIS PA'I TING NGE 'DZIN THOB PAS SO, ,THEG PA CHEN PO KHONG DU CHUD PA ZHES BYA BA NI NYAN THOS DANG, MU STEGS CAN MA GTOGS PAR RNAM PA DE LTA BU'I THEG PA CHEN PO NYID KYIS BDAG DANG GZHAN GYI DON PHUN SUM TSOGS PA BSGRUB PA'I PHYIR GZUGS RNAM PA SNA TSOGS KYI RNAL 'BYOR GYI DBANG PO CHEN PO RNAMS KYI TING NGE 'DZIN GYI KHYAD PAR RNAMS YIN NO, ,THEG PA CHEN PO NYID KYIS GANG ZAG DANG CHOS LA BDAG MED PA KHONG DU CHUD PAR BYED PAS NA THEG PA CHEN PO'I RNAL 'BYOR KHONG DU CHUD PAS KHYAD PAR DU KHONG DU CHUD PAR BYA BA DANG, MCHOG TU YONGS SU DAG CING 'DOD CHAGS DANG BRAL BA THAMS CAD MKHYEN PA RNAL 'BYOR GYI DBANG PO SEMS CAN THAMS CAD LA PHAN THOGS PA'I SA THOB BO, ,KHEBS PA'I G-YOGS MA RNAM PAR SHES PA SNA TSOGS KYI RLABS ZLOG PAR BYED PA YIN TE ZHES BYA BA LA SOGS PA NI MNYAM PAR MI 'DU BA'I MA RIG PAS 'KHRUGS PA'I MTHUS RNAM PAR SHES PA SNA TSOGS KYI RNAM PAR SNANG BA NI MGO 'KHOR BA DANG BRGYAL BA LA SOGS PA BZHIN NO, ,DPYOD PA'I SHES RAB MNYAM PAR 'DUD PA DANG LDAN PAS SHES PAR BYA BA SBOM PO DANG PHRA BA GZHIGS PAR BYED PA NA DE MI DMIGS TE STONG PAR MTHONG NGO, ,DE DE LTAR MA RIG PAS KHEBS PA'I G-YOGS MA SHES PAS RTOG PA NA @16B YANG BZLOG STE, 'DI MI GNYIS PA DON DAM PA'I BDEN PA RTOGS PAR BYED PA NI THEG PA CHEN PO'I RNAL 'BYOR CES BYA BA STE, MU STEGS CAN GYI RNAL 'BYOR GYI GNAS SU LHUNG BA MA YIN NO ZHES BYA BA LA SOGS PA'O, ,MU STEGS CAN GYI RNAL 'BYOR GYI GNAS NI 'KHOR BAR LTUNG BAR BYED PA STE, PHYIN CI LOG PA RNAMS KYI BDAG TU CHAGS PA MI LDOG GO, ,JI SRID DU BDAG MED PA YONGS SU SHES PAR MA GYUR PA DE SRID DU THAR BAR MI 'GYUR RO, ,RLUNG DGAG PA LA SOGS PA'I RNAL 'BYOR GYIS GZUGS RNAM PA SNA TSOGS DANG, SRID PA'I LONGS SPYOD MA THOB PO, , THAL BAS BYUG PA DANG, DRI MA 'CHANG BA DANG, SKRA 'BAL BA DANG, RAL BA BSDUS PA'I ZHAGS PA DANG, CHA BYAD SNA TSOGS DANG, KHA 'TSO BA DANG, GAR DANG, GLU DANG, 'KHRU BA DANG, SBYIN SREG DANG, GAD BA DANG, G-YANG SA DANG, GRANG BA DANG, TSA BA DANG, NYI MA DANG, BKRA SHIS DANG, BKRA SHIS MA YIN PA RNAM PAR RTOG CING RNAL 'BYOR GYI DBANG PO MGU BAR BYED PA DANG, MCHOG SLONG BA LA SOGS PAR THAR PAR MI 'GYUR TE, JI SRID DU SHES RAB KYIS MI RTAG PA DANG, SDUG BSNGAL BA DANG, MI GTZANG BA DANG, STONG PA NYID KYI CHOS NYID MA SPYAD PA DE SRID DU RTAG PA DANG, BDAG TU CHAGS PA MI BZLOG GO, ,MU STEGS CAN GYI RNAL 'BYOR DU PHYIN CI LOG PA RNAMS NI 'KHOR BA NYID DU LTUNG BAR 'GYUR TE, SHES RAB KYI GROL BAS DE'I PHYIR THAMS CAD MKHYEN PAS RGYU GSUNGS PA, LANG KA'I BDAG PO MU STEGS KYI RNAL 'BYOR NI MU STEGS CAN RNAMS KYI BDAG TU MNGON PAR ZHEN PA LAS 'BYUNG BA'O ZHES TE, BDAG TU CHAGS PA YOD NA JI LTAR DU THAR BAR 'GYUR ZHES DGONGS PA'O, ,GNYIS PA DANG, MI GNYIS PAR SMRA BA MU STEGS CAN THAMS CAD NI BDAG TU MNGON PAR CHAGS PA LA GNAS PAS BDAG SDUG BSNGAL LAS GROL BAR BYED PA DANG, MCHOG TU DGA' BA'I BSAM GTAN DU BDAG BDE BAR GZHAG PAR BYA'O ZHES TE, BDAG TU ZHEN PA DE NYID MI LDOG PA YIN NO, ,BDAG MED PAR SMRA BA RNAMS KYIS SKAD CIG MAR 'JIG PAR YONGS SU @17A *, ,SHES PAS BDAG DANG BDAG GI SRED PAS GANG YANG MI 'JUG GO, ,RNAM PAR SHES PA'I RANG BZHIN GNYIS KYI DON LA CHAGS PAR LTA BAS MU STEGS CAN RNAMS KYI LAS RNAL 'BYOR 'DI GZHAN PA'O ZHES BYA BA LA RNAL 'BYOR 'DI GZHAN PA'O ZHES BYA BA NI MU STEGS CAN RNAMS RNAM PAR SHES PA'I RANG BZHIN LA DE LTAR GNYIS KYI RNAM PA MED PAR YANG RAB RIB DANG, RMI LAM GYI SHES PA BZHIN PA LA 'DZIN PA DANG GZUNG BA'I NGO BOR GNYIS KYI DON DU YONGS SU RTOGS PAR BYED PA DANG, RANG BZHIN GYIS 'OD GSAL ZHING SKAD CIG PA'I RGYUD MI GNYIS PA'I RTOGS PA 'DZIN PA DANG, GZUNG BA'I DNGOS PO DANG BRAL BA DNGOS PO DANG DNGOS PO MED PA'I RNAM PAR RTOG PA MED PA YANG DAG PAR RIG PA TZAM NI DBANG PO'I SHES PA RTOG PA MED PAR ZHUGS PAS MYONG BA BZHIN DU MU STEGS CAN RNAMS KYIS KHONG DU CHUD PAR MI BYED DO, ,CHOS DANG GANG ZAG LA BDAG MED PA RTOGS PAS DON DAM PA'I BDEN PA MI GNYIS PA RANG GIS RIG PA YOD PA DANG, MED PAR SMRAR MED PA NYID DU BDE BAR GSHEGS PA PA RNAMS, DON DAM PA'I DNGOS POR KHONG DU CHUD PAR BYED DO, ,TSAD MA DANG, GZHAL BYA LA SOGS PA TSIG GI DON BCU DRUG RNAMS GTAN LA PHAB PA YONGS SU SHES PAS GDON MI ZA BAR GNAS KHONG DU CHUD BAR 'GYUR RO ZHES GANG DAG DE SKAD SMRA BA DE DAG LA YANG TSAD MA DANG, GZHAL BYA MA GTOGS PAR TSIG GI DON MED PA'I PHYIR RO, ,DOGS PA DANG, DGOS PA DANG, GRUB PA'I MTHA' DANG, DPE DANG, YAN LAG DANG, RTOG GE DANG, NGES PA DANG, RTZOD PA DANG, ZUG ZUG TU SMRA BA DANG, THO BTZAMS PA DANG, RGYUR SNANG BA DANG, KLAN KA DANG, RIGS 'DRA BA DANG, TSAR GCAD PA'I GNAS RNAMS KYANG SHES PA DANG, SHES PAR BYA BA MA GTOGS PA MED PA'I PHYIR RO, ,SHES PA MA GTOGS PAR SHES PAR BYA BA MI SRID CES BYA STE, RAB RIB DANG, GZUGS BRNYAN DANG, RMI LAM DANG, MIG 'PHRUL LA SOGS PA BZHIN DU 'KHRUL BA'I MTHUS NYI SHU LNGA LA SOGS PA SMRA BA THAMS CAD KYIS GNYIS KYI RNAM PA SNANG BA NI BDAG DANG @17B BDAG GIR MNGON PAR CHAGS PA'O, ,RTAG PA NI MA SKYES PAS RI BONG GI RVA BZHIN DU DNGOS POR MED DO, ,MI GNYIS PAR SMRA BA RNAMS LA PHYI'I DNGOS PO MED DU ZIN KYANG 'ON KYANG DE DAG LA GCIG BUR BDAG DANG TSANGS PA DANG, DBANG PO LA SOGS PA MA GTOGS PAR DNGOS PO GZHAN MED PAS NA GROL BA DANG, MA GROL BA DANG, PHYUG PA DANG, DBUL BA LA SOGS PA GCIG PA'I SKYON DU 'GYUR RO, ,BDE BAR GSHEGS PA DPE MI GNYIS PAR SMRA BA RNAMS KYIS PHYI'I DON MED KYANG SKAD CIG PA'I CHUD BA'I RGYUD 'BYED PAS MAR ME THA DAD PA BZHIN DU BDAG DANG GZHAN GYI RGYUD KYI DBANG GIS MNYAM PAR MI 'DZIN PA'I MA RIG PA DANG, LAS RNAM PAR SMIN PA'I MTHUS SEMS CAN MANG PO RNAMS LA RNAM PA SNA TSOGS KYI RNAM PA THA DAD PAR SNANG NGO, ,SHES RAB KYIS DPYAD DE GANG GI TSE SHES PAR BYA BA SPOM PA DANG, PHRA BA YAN LAG DU MA RNAM PAR PHYE STE STONG BAR MTHONG BA DE'I TSE, BDAG NYID MI GNYIS PA'I CHUD PA YIN PAS 'KHOR BA DANG MYA NGAN LAS 'DAS PA SDUG BSNGAL BA DANG SDUG BSNGAL MED PAR 'BYED BAR MU STEGS CAN GYI KUN TU RTOG PA LTAR MA YIN NO, ,JI LTAR DBU MA LAS GSUNGS PA, ,MYA NGAN 'DAS PAR RNAM RTOG MED, ,'KHOR BA BSAL BAR BYA BA MIN, ,GANG NA 'KHOR BA'ANG MYA NGAN 'DAS, ,DE NI CI ZHIG RNAM PAR RTOG ,LEN MED PA NI MYA NGAN 'DAS, ,MYA NGAN 'DAS KYANG NGA YIR 'GYUR, ,GANG DAG 'DZIN PA DE DAG LEN, ,DE NI LEGS MIN 'DZIN PA'O, ,MYA NGAN 'DAS PA'I MTHA' GANG YIN, ,'KHOR BA'I MTHA' YANG GANG YIN PA, ,DE DAG GNYIS KYI BAR NA YANG, ,CHUNG ZAD PHRA BA YOD MA YIN, ,SHES RAB KYIS DPYAD NAS MTHONG BA YANG MI MTHONG STE, MKHAS PA YANG DAG PAR GROL BA RNAMS NI GZHAN GYI DON DU GZUGS BRNYAN DANG DRI ZA'I GRONG KHYER LA SOGS PA BZHIN DU 'KHOR BAR SPYOD DO, ,NYAN THOS DANG MU STEGS CAN RNAMS MA GTOGS PAR THEG PA CHEN POR SNANG BA'I TSUL BZHIN DU DNGOS PO DANG DNGOS PO MA YIN PAR RNAM PAR RTOG PA BSTZAL TE, MTHA' GNYIS DPYAD BA DON DAM PA'I BDEN PA MI GNYIS PAR @18A *, ,RTOGS PA NI 'KHOR BA'I SDUG BSNGAL ZAD PA YIN NO ZHES 'BOD 'GROGS LA CHOS BSHAD DO, ,DE BZHIN GSHEGS PA MTHONG BA LAS ZHES BYA BA NI BLOS RTOGS PA MTHONG BA DE NYID LAS, DE BZHIN GSHEGS PA MTHONG BA YIN ZHES DE LTAR DGONGS PAR BRTAG GO, ,BDAG GI ZHAS BYA BA LA SOGS PA NI RNAL 'BYOR CAN RNAMS KYI GTZO BO THAMS CAD MKHYEN PA LA GSOL BAR BYA'O ZHES 'BOD 'GROGS KYIS BSAM PA'O, ,DE LA RNAL 'BYOR MNGA' BAS NA RNAL 'BYOR CAN NO, ,THOS PA DANG, SEMS PA DANG, BSGOM PA SHIN TU SKYES PAS RNAL 'BYOR GYI DBANG PO YIN NO, ,RNAL 'BYOR LA MNGA' MDZAD PA NI RNAL 'BYOR RNAM PA DE'I DBANG DU 'GYUR BA'I PHYIR SNANG BA DANG BCAS PA DANG, SNANG BA MED PA'I TING NGE 'DZIN DU 'BYED PA LAS GANG GIS THAMS CAD MKHYEN PAR 'GYUR BA YIN NO, ,THOS PA DANG, SEMS PA'I SHES RAB GYIS DPYOD BAS THOG MAR SNANG BA DANG BCAS PA'I RNAL 'BYOR RNAMS SU 'GYUR RO, , [?] GANG GI TSE SHES RAB GYIS BSHIG CING SPOS PA DANG PHRAL BA MI DMIGS PA DE'I TSE BAR DU SNANG BA MED PA'I RNAL 'BYOR DU RNAM PAR GZHAG PAR 'GYUR RO, ,GANG GI TSE SNYING RJE'I BAG CHAGS KYIS GLENG STE GZHAN GYI DON BYED PA DE'I TSE, THA MAR THAMS CAD MKHYEN CING GZUGS RNAM BA SNA TSOGS KYI RNAL 'BYOR DBANG BOR GYUR TE, SEMS CAN RNAMS JI LTAR 'DUL BAR 'GYUR BA BZHIN DU LHA DANG, KLU DANG, GNOD SBYIN DANG, LHA MA YIN DANG, NAM MKHA' LDING DANG, MI 'AM CI DANG, LTO 'PHYE CHEN PO DANG, MI DANG MI MA YIN PA'I GZUGS RNAMS KYIS DE LTAR CHOS BSTON PAR MDZAD DO, ,BDE BAR GSHEGS PA LA SEMS CAN RNAMS KYIS KYANG LHA CHEN PO DANG, TSANGS PA LA SOGS PA'I GZUGS SU SHES TE, JI LTAR MDO SDE 'DI NYID DU GSUNGS PA STE, DE NAS BCOM LDAN 'DAS RNAL 'BYOR THAMS CAD LA MNGA' MDZAD PA YIN NO, ,MU STEGS CAN GYI RNAL 'BYOR RNAM PAR BZLOG PA'I PHYIR, BCOM LDAN 'DAS LA GSOL BAR BYA'O ZHES 'BOD 'GROGS KYIS BSAM PA'I DON TE, THAMS CAD MKHYEN PA NI 'JIG RTEN PA DANG 'JIG RTEN @18B LAS 'DAS PA'I RNAL 'BYOR GYI RJES SU SNYOMS PAR 'JUG GO ZHES TE JI LTAR 'DI NYID DU GSUNGS PA, BCOM LDAN 'DAS NI DBANG PHYUG CHEN PO MCHOG GI RNAL 'BYOR LA SNYOMS PAR 'JUG GO ZHES TE, SRID PA GSUM PO KHA CIG SPRUL KHA CIG SNGA NAS SPRUL BA STE, DE NI THEG PA RNAM STON PA, ,DE NI NGA YI RANG BZHIN SA, ,DBANG PHYUG CHEN PO GNAS KYI MCHOG ,'OG MIN SHIN TU RNAM PAR MDZES, ,ZHES BYA BA LA SOGS PA'O, ,KHAMS GSUM RNAM PAR SPRUL BA GANG, ,DE YI 'OG ZE RAB TU 'BYUNG, ,ZHES BA'O, ,DE DE LTAR MA LUS PA'I RNAL 'BYOR GYI DBANG PO THAMS CAD MKHYEN PA'I SKU RNAM PA SNA TSOGS KYI GZUGS KYI CHO 'PHRUL GYIS SEMS CAN GYI TSOGS MGU BAR MDZAD PA'O, ,SO SO RANG GI RIG PA ZHES BYA BA LA SOGS PA NI GNYIS SU MED PA'I CHOS KYI SKU STON PA'O, ,'PHRUL BAS SPRUL BA DANG BRAL ZHES BYA BA NI 'PHRUL BA SPRUL PA ZHES BYA'O, ,NYON MONGS PA'I SHING ZAD PAR BYED CES BYA BA LA, NYON MONGS PA NI 'DOD CHAGS LA SOGS PA STE, YUL MA NGES PA'I SHES PA LA RTAG PA DANG, BDAG DANG, BDE BA DANG, GTZANG BA'I PHYIN CI LOG RNAMS BGEGS BYED DO, ,DES NA MI RTAG PA DANG, BDAG MED PA DANG, SDUG BSNGAL BA DANG, MI GTZANG BA DANG, STONG BA BSGOMS PAS BZLOG PAR 'GYUR RO, ,JI LTAR GSUNGS PA GANG GI TSE G-YOGS MA MED PA LTA BU'I THAMS CAD MKHYEN PA'I YE SHES PAR BYA BA THAMS CAD LA RAB TU 'JUG GO ZHES SO, ,RGYAL BA'I SRAS KYIS YONGS SU BSKOR, ,ZHES BYA BA NI SNOD CHUNG DU'I CHU'I NANG DU GRONG DANG, KUN DGA' RAB DANG, GZHAL MED KHANG DANG, SKAR MA MANG PO RNAMS GZUGS BRNYEN GYI TSUL GYIS PHAN TSUN DU THOGS PA MED PAR SNANG BA BZHIN DU 'KHOR GYI DKYIL 'KHOR RNAMS KYANG NYAG MA'I RTZE MOR SNANG BAR 'GYUR RO, ,DON DAM PAR NA SEMS CAN NYID MA RIG PAS GLONGS TE RNAM PA GNYIS SU 'BYUNG NGO, ,SHES RAB KYI SNANG BA MED PAR 'GYUR TE, DE BAS NA SNANG BA DANG BCAS PA DANG, SNANG BA MED PA'I TING NGE 'DZIN SHES PAS THAMS CAD MKHYEN PA YIN TE @19A *, ,DE'I PHYIR DE LTAR RNAL 'BYOR LA DBANG MDZAD CING GZUGS RNAM PA SNA TSOGS KYI RNAL 'BYOR GYI DBANG BO SEMS CAN THAMS CAD LA PHAN PA MDZAD CING BZHUGS KYANG YONGS SU MYA NGAN LAS 'DAS PA ZHES BYA BA STE, DNGOS PO DANG DNGOS PO MA YIN PAR LOG PAR RTOG PA SPANG BA'I PHYIR RO, ,JI LTAR 'DI NYID DU GSUNGS PA, MTSAN NYID DANG NI BYA BA DANG, ,DNGOS PO MYA NGAN MI 'DA', ,RNAM ROG RNAM SHES BZLOG PA NA, ,NGA NI MYA NGAN 'DAS PA'O, ,YOD PA'I ZLAS DRANGS MED PA STE, ,YOD PA'ANG MED PA'I ZLAS DRANGS SO, ,DE BAS MED PAR SHES MI BYA, ,YOD PAR YANG NI MI RTAG GO, ,JI LTAR SHES RAB KYI PHA ROL TU PHYIN PA LAS 'BYUNG BA DNGOS PO DANG DNGOS PO MA YIN PA MNYAM PA NYID KYIS MDON PAR RTOGS PAR 'GYUR RO ZHES PA'O, ,THUGS RJE CAN DANG THAMS CAD MKHYEN PA DANG, THAMS CAD KHYAB PA ZHES BYA BA LA SOGS PA NI BCOM LDAN 'DAS KYI YON TAN RGYA CHER SMRAS PA YIN NO, ,THAMS CAD DU KHYAB PA ZHES BYA BA NI YANG DAG PA'I YON TAN TSAD MAR GYUR PAS YANG DAG PAR BSTOD PA STE, YE SHES LA GZUGS MED PAS NA YUL RNAM PAR CAD PA MED DE, GZUGS CAN MA YIN PA'I CHOS RNAMS NI PHYOGS SU MI GNAS ZHES BYA'O, ,DE BAS NA, THAMS CAD RNAM RTOG MED CING SNANG BA MED, ,'PHROS PA RNAMS KYIS MA 'PHROS PA, ,'DI NI 'JIG RTEN MGON PO DAG ,SANGS RGYAS BSTAN PA BDUD RTZE'O, ,STONG BA ZHES PAR SMRA MI BYA, ,MI STONG PAR YANG MA YIN TE, ,GNYIS KA MI GNYIS MA YIN PA, ,ZHI LA BZHI PO GA LA ZHI [?] BA [?] , ,MU STEGS CAN NI RTAG PA DANG, NYAN THOS NI MI RTAG PA DANG, THEG PA CHEN PO'I TSUL NI RTOGS RGYUN RTAG PA DANG, CHAD PA DANG PHRAL BAS TON MONGS PA ZAD PA'I THAR BA'O, ,BYED PA DANG MTSAN NYID RNAM PAR LOG PA ZHES BYA BA NI GANG NA BYED PA'AM MTSAN NYID RTAG PA MED PA'O, ,GNYIS PA DANG MI GNYIS BA MU STEGS CAN GYI RNAL 'BYOR PHYI ROL DANG BDAG TU LTA BAS SKYON CAN DU BYAS PAS SPANGS TE, DON DAM PA'I BDEN PA DANG DNGOS PO DANG DNGOS PO MA YIN PAR MI RTOG PA, MI @19B GNYIS PA RTOGS PA, BYED PA'I MTSAN NYID DANG BRAL BA, BDE BAR GSHEGS PA'I RNAL 'BYOR SANGS RGYAS KYIS 'THOB PAR BYED PA SHES PAR 'DOD DO, ,DE LA YANG MU STEGS CAN RNAMS KYI BYED PA DANG, BYED PA POR MNGON PA 'CHAGS BAS 'KHOR BAR GDAGS SO, ,'DU BYED SKAD CIG PAR YONGS SU SHES PAS BDAG DANG, BYED PA PO DANG, BYED PA LA MNGON PAR CHAGS PAR BZLOG PAS 'KHOR BA'I SDUG BSNGAL LDOG STE, CHOS DANG GANG ZAG LA BDAG MED PAR RTOGS PAS CHAGS PA MED PAR 'GROL BAR 'GYUR RO, ,SKAD CIG PA'I DNGOS BO NI 'JIG PA DANG THA DAD PA MA YIN TE, DE BYED PA POR GZHAG TU NI SKAD CIG PA GZHAN DU GNAS SHING BYED PA MED PAS SO, ,JI LTAR 'PHAGS PA'I DGE 'DUN CHEN PO BA RNAMS GYIS LOG PA, 'DU BYED RNAMS NI SKAD CIG MA, ,MI BRTAN BYED PA GAL ZHIG ,GANG BYUNG BYED PA DE NYID DE, PHYED PA BOR YANG DE NYID BRJOD, ,DE DE [?] LTAR NA BYED PA PO DANG BYED BA MNGON PAR 'BREL BA DNGOS POR BYUNG BA MI RUNG, BYED PA PO LAS THA DAD BYED PA'I BYED PA MED, DE DANG BRAL BA'I BYED PA PO YANG BSNGO BAR MI BYA'O, ,DE BAS NA BHA DRA HA RIS BYED PA BSTAN PA LAS SMRAS PA, GRUB DANG MA GRUB JI SNYED PA, ,BSGRUB PA'I PHYIR NI BSTAN BAR BYA, ,RTEN BA'I RIM GYI RANG BZHIN PHYIR, ,DE NI BYED PAR BRJOD PA'O, ,ZHES PA STE, BYED PA DBYAD ZIN TO, ,DA NI MTSAN NYID DBYAD PAR BRTZAM STE, JI LTAR DBUM LAS 'BYUNG BA, ,MTSON BYA MTSAN NYID GAL TE GZHAN, ,MTSAN LA MTSAN NYID MED PAR 'GYUR, ,GCIG NA'ANG DE GNYIS MI 'GRUB STE, ,THA DAD NA YANG GZHAN DU MED, ,CES PA'O, ,MTSAN NYID LA'ANG MTSAN NYID GZHAN DGOS PAR 'GYUR RO, ,BDAG NYID MA GRUB PAS GZHAN GYIS MTSAN NYID DU JI LTAR NA 'GYUR, BYED PA DANG MTSAN GYI THA SNYAD KYANG RNAM PA GNYIS KYI SHES PA LAS 'BYUNG GI ,GNYIS 'BYUNG BYED BA'I DON DAM PA'I BDEN PA RANG GIS RIG CING RNAM PAR MI RTOG PA SNANG BA MED PA LA NI MA YIN TE, JI LTAR RDO RJE GCOD PA LAS GSUNGS PA, JI TZAM DU MTSAN PHUN SUM TSOGS PA DE @20A *, ,TZAM DU BRDZUN NO, ,JI TZAM DU MTSAN PHUN SUM TSOGS PA MED PA DE TZAM DU MI BRDZUN NO ZHES PA STE, DE BAS NA BYED PA DANG, BYED PA BO DANG, MTSAN MAR BYA BA DANG, MNGON PAR RDZOD [?] BA DANG, MNGON PAR BRJOD PAR BYA BA DANG, CHOS DANG, CHOS CAN DU RNAM PAR RTOG PAR 'PHROS PA NI THA SNYAD DU BYA BA YIN GYIS, DON DAM PAR BYA BA NI CHA YIN NO, ,JI LTAR DBU MA LAS BYUNG BA, 'PHROS PA LAS 'DAS PA MI GNYIS BA, ,GANG DAG SANGS RGYAS 'PHROS [?] BAR BYED, ,DE DAG 'PHROS NYAMS GLEN PA RNAMS, ,DE BZHIN GSHEGS PA MI MTHONG NGO, ,ZHES PA'O, ,GZHAN GYI DBANG 'DZIN PA DANG, GZUNG BA'I RANG BZHIN GNYIS KYIS STONG DON DAM PA'I BDEN BA MI GNYIS PA YANG DAG PAR RIG PA DBU MA'I RNAL 'BYOR MU STEGS PA DANG NYAN THOS KYI RNAL 'BYOR DANG BRAL BA GANG GIS YE SHES KYI BYAD PAR RTOGS PAR BYA BA'I PHYIR BLA MA'I RTOGS BA CHUD PAR BYA BAR GSOL LO SNYAM PA NI, JI LTAR DBU MA LAS BYUNG BA, SU DAG DNGOS BO YOD MTHONG DANG, ,MED PAR MTHONG BA BLO CHUNG RNAMS, ,LTA BA NYER ZHI ZHI BA NI, ,DE DAG RNAMS KYIS MI MTHONG NGO, ,ZHES PA STE, DE DON DAM PA TSUL LA YONGS SU DRI BAR 'BOD 'GROGS KYIS NAN TAN BSKYED PA NI, RNAM PAR MI RTOG PA LA DPYOD PA BDE BA'I TING NGE 'DZIN LA SNYOMS PAR 'JUG PAS GNAS BDE BZHIN GSHEGS PAS THUGS SU CHUD PA'I MA THOB PAR BYED PA BDAG GIS CHUD PA YANG 'PHEL BAR 'GYUR RO SNYAM MO ZHES PA STE, 'PHROS BA LAS 'DAS PA DNGOS PO DANG, DNGOS PO MA YIN PA RNAM PAR MI RTOG BA DON DAM PA'I BDEN PA MI GNYIS PA'I RTOGS PA SANGS RGYAS KYIS THOB PAR BYED PAS MCHOG TU 'PHAGS BA'I RNAL 'BYOR DE 'DI GZUGS RNAM PA SNA TSOGS KYI RNAL 'BYOR GYI DBANG BO 'BOD 'GROGS KYIS NYAN CING SHES BAR 'DOD PA'O, ,MA SKYES PA'I CHOS LA BZOD PA THOB PAR THUGS SU CHUD NAS ZHES BYA BA LA SOGS PA NI PHYI ROL GYI DON DU NGES SHIR GANG 'DZIN PA DANG, GZUNG BA'I NGO BO GNYIS KYI RNAM PAR SNANG BA THAMS CAD RAB RIB [?] DANG, GZUGS BSNYAN DANG, RMI LAM DANG, MIG @20B 'PHRUL LA SOGS PA BZHIN DU DE DAG MA SKYES BA NYID DO, ,GZUGS MED PAR YANG SNANG BA'I CHOS NYID KYIS BLO PHYI'I DON LTA BUR SKYES PA YIN TE, SBOM PO DANG PHRA MO RNAM PAR DBYE BA NA STONG BA YIN PAR SHES NAS CHOS MI SKYE BAR BZOD PAR 'GYUR RO, ,RANG BZHIN MED PA RNAM PA GSUM STE, JI LTAR DGONGS PA NGES PAR 'GREL BA LAS GSUNGS PA MTSAN NYID KYI RANG BZHIN MED PA DANG, SKYE BA'I RANG BZHIN MED PA DANG, DON DAM PA'I RANG BZHIN MED PA'O ZHES BYA'O, ,PHYI'I DON DNGOS PO LA SOGS PA'I MTSAN NYID RTAG PA DANG MI RTAG PA JI LTAR BRTAGS PA DE LTAR MED PA NI MO GSHAM GYI BU LA SOGS PA BZHIN NO, ,SKYE BA'I RANG BZHIN MED PA NI GNYIS KYI RNAM PA'I SHES PA MA SKYES BA STE, RAB RIB DANG, GZUGS BRNYAN DANG, RMI LAM DANG, MIG 'PHRUL LA SOGS PA'I GZUGS BZHIN NO, ,DON DAM PA'I YE SHES YONGS SU GRUB PA LA YANG GNYIS KYI RNAM PA'I RANG BZHIN MED DO, ,DE DE LTAR CHOS LA RNAM PA GNYIS MED PA'I TSUL GYIS CHOS DANG GANG ZAG LA BDAG MED PA'I YONGS SU SHES PAS 'BOD 'GROGS KYIS MI SKYE BA'I CHOS LA BZOD PA 'THOB BO, ,BDAG MED PA GNYIS KYANG BYED PA DANG BYED PA PO MNGON BAR 'BREL BA MED PA DANG, 'DZIN PA DANG GZUNG BA DNGOS PO GNYIS KYI RNAM PAR SKYE BAR MI RUNG STE, GANG GI TSE NA SKAD CIG PA GCIG 'BYUNG BA DE'I TSE NA GNYIS PA MED DE, 'DAS PA DANG, MA 'ONGS PA'I MTSAN NYID KYI PHYIR RO, ,JI LTAR KHYOD RNAM PAR RTOG PA'I GNAS SHIN TU GYUR NAS ZHES BYA BA LA SOGS PA LA GNAS RGYUR BA NI KUN GZHI RNAM PAR SHES PA'O, ,SA RNAMS KYI MI MTHUN PA'I PHYOGS NI NYON MONGS PA MED PA'I MI SHES PA DANG 'JUNGS PA LA SOGS PA'I NYES PA'O, ,RAB TU 'BYED PA'I BLO ZHES BYA BA NI SHES RAB BO, ,SO SOR RANG GI RIG PA'I TSUL GYI MTSAN NYID NI MI GNYIS PA'O, ,TING NGE 'DZIN GYIS SANGS RGYAS RNAMS KYIS ZHES BYA BA NI RDZOGS LONGS SPYOD BA'I SKU RNAMS KYIS SO, ,ZHI BA NI NYON MONGS PA ZHI BAR BYED PA'O, ,NYES PA LAS 'DAS PA NI NYES PA DANG BRAL BA STE, GSUM 'BREL PA LAS DBEN PA ZHES BYA @21A *, ,STE; SNGA MA'I 'OG TU 'DI YOD NA 'DI YOD PAR 'GYUR BA 'BA' ZHIG STE, SNANG BA DANG BCAS PA LA GNYIS KYI RNAM PAR LAS DANG 'BRAS BUR 'BREL BAR SNANG NGO, ,SNANG BA MED PA LA NI GNYIS KYI RNAM PAR SNANG BA'ANG MED DO, ,'DAS PA DANG, MA 'ONGS BA DANG, DA LTAR GYI 'BYED PAR SNANG BA'I RNAM BAR RTOG BA MED PA'I PHYIR RO, ,BDAG NYID LA RIG PAR BYA BA DANG, RIG BA POR 'GYUR BA BDAG NYID LA BYED PA MED PAS SO, ,YANG DAG PAR RIG PA TZAM ZHIG YIN MOD KYI, 'ON KYANG DNGOS PO DANG DNGOS PO MA YIN PA'I RNAM PAR RTOG PA MED DO, ,DE SKYE BA LA SOGS PA'I CHOS GZHAN MED PAS NA BDAG MED BA GNYIS LA YANG RNAM PAR RTOG PA RNAMS SO SOR MI SNANG STE, JI LTAR DBU MA LAS BYUNG BA, GAL TE SKYE BA 'DUS BYAS NA, ,MTSAN NYID GSUM LDAN DER RIGS TE, ,'ON TE SKYE BA 'DUS BYAS MIN, ,'DUS BYAS MTSAN NYID JI LTAR RUNG, ,SKYE BA SKYE BA JI BZHIN PA'I, ,BDAG NYID GZHAN GYI MA YIN TE, ,'GOG PA LA NI 'GOG PA YANG, ,BDAG NYID GZHAN GYI MA YIN PA'O, ,ZHES PA NAS, RTEN CING 'BREL TE 'BYUNG BA NI MI 'BYUNG BA STE, BYED PA DANG BYED PA POR 'BREL NAS SKYE BAR MI RUNG BA'I PHYIR RO, ,GNYIS KYI RNAM PA'I SKAD CIG PA RNAMS LA, SKYE BA'I RANG BZHIN MED PA YIN TE, DES NA BCOM LDAN 'DAS KYIS 'BOD 'GROGS KYIS BDAG MED PA GNYIS LA YANG SKYE BA MED PAR BZOD PA THUGS SU CHUD NAS CHO 'PHRUL GYIS MGU BAR MDZAD DO, ,'PHRUL PAS SBRUL BA RNAMS KYIS BSTAN PA ZHES BYA BA NI RNAM PAR SNA TSOGS SU MOS PA RNAMS LA BSAM PA CHUD PAR MDZAD PA'I GNAS KYI DKYIL 'KHOR RO, ,NGO BO DE BZHIN GSHEGS PA RNAMS KYIS NI MA GSUNGS SO ZHES BYA BA NI RGOL BA DANG LAN GDAB PAR MI GSUNGS SO, ,THAMS CAD MKHYEN PAS 'BOD 'GROGS MGU BAR BYAS BA DANG, PHYAG 'TSAL ZHING GSOL BA LA SOGS PA NI SNGON GYI BCOM LDAN 'DAS RNAMS KYIS KYANG CHOS GNYIS ZHUS PA'I LAN BSHAD PA'I TSUL BZHIN DU BLA NA NA, DE BZHIN DU BCOM LDAN 'DAS KYIS KYANG CHOS DANG CHOS MA YIN PA RNAM PAR RTOG PA RNAM @21B BA GNYIS SU JI LTAR 'BYED PA BKAL STZAL DU GSOL, 'BOD 'GROGS KYIS CI BAS MA ZHE NA, DON DAM PA'I BDEN PA GNYIS SU MED PAR RNAM PAR RIG PAR BYA BA'I CHOS NYID LA CHOS DANG, CHOS MA YIN PA RNAM PA GNYIS KYIS RNAM PAR RTOG PA RNAMS MI SRID CES SO, ,GNYIS KYI CHOS NYID LA CHOS DANG, CHOS MA YIN PA GNYIS KYI RNAM PA'I SHES PAR RTOGS PA NI 'PHRUL BAS SPRUL PA BSTAN TO, ,SA BCUR DBANG BSKUR BA DER, RNAL 'BYOR GYI DBANG BOR GYUR TE, SNANG BA BZHIN DU CHOS KYI TSUL RJES SU MTHUN PAR DON DAM PA'I BDEN PA MI GNYIS PAR RTOGS PA LA BZHUGS PA'I NGO BO DE BZHIN GSHEGS PA'I SKU RNAMS KYI TSIG GI SPYOD YUL DU MA LHUNG BAR CHOS STON PAR MDZAD DO, ,BCOM LDAN 'DAS CHOS LA MNGA' MDZAD PA NYID KYIS CHOS GNYIS PO DE LEGS PAR BSHAD DU GSOL ZHES BYA BA LA CHOS LA MNGA' MDZAD CES BYA BA NI SNANG BA DANG BCAS PA DANG, SNANG BA MED PA'I TING NGE 'DZIN GYI THAMS CAD MKHYEN PA RNAL 'BYOR GYI DBANG PO GZUGS SNA TSOGS SU CHO 'PHRUL MDZAD PAS MGU BAR MDZAD PA'O, ,'JIG RTEN PA THAMS CAD KYIS BSAM PA'I DOGS PA JI LTAR LDOG PAR 'GYUR BA DE LTAR BSHAD DU GSOL ZHES SO, ,CHOS NYID KYANG SPONG BAR BGYID NA CHOS MA MCHIS PA LTA CI SMOS, CHOS GNYIS PA DE JI LTAR SPANG BAR 'GYUR, ,CHOS SA MA CHOS MA MCHIS PA GANG LAGS, GNYIS SPANG BA'I CHOS CAN RNAM PAR RTOG PA'I MTSAN NYID DU LHUNG BA RNAMS LA JI LTAR NA MA CHIS ZHES BYA BA NI DON DAM PA MI GNYIS PA'I RTOGS PA LA CHOS DANG CHOS MA YIN PAR RNAM PAR RTOG PA GNYIS MI SNANG BA'I PHYIR RO, ,KHYAD PAR DU SNANG BA MED NA YANG JI LTAR NA CHOS DANG CHOS MA YIN PAR 'BYED PA YOD, DE DAG YOD PA NYID DE 'BRAS BUR 'BREL BAR BYED PA NGES PA'I PHYIR RO, ,DE DAG DON DAM PAR YOD PA MA YIN PAR JI LTAR YID CHES PAR BYA ZHES 'DRI BA LA, 'BOD 'GROGS KYIS RIGS PA GZHAN SMRAS PA, 'BYUNG BA LAS GYUR BA MA LAGS PA'I ZHES BYA BA LA SOGS PA STE, 'BYUNG BA LAS GYUR BA MA YIN PA'I DNGOS @22A *, ,PO DANG, DNGOS PO MA YIN PA STE, YIN PA'I SGRA BSNAN PAR BYA'O, ,GANG DAG YANG DON DAM PA'I DNGOS POR MI 'GYUR BA YANG DAG PAR PHYI ROL GYI DON MED PAS NA YANG DAG PA LAS MA GYUR PA'O, ,DE DAG KYANG SPYI'I RNAM PAR SGRO BTAGS PA RNAM PAR RTOG PAR 'GYUR RO, ,KUN GZHI RNAM PAR SHES PA YONGS SU MA RIG PAS KHYAD PAR GYI MTSAN NYID MA MCHIS PA ZHES BYA BA LA SOGS PA LA KUN GZHI RNAM PAR SHES PA NI RANG BZHIN GYIS 'OD GSAL BA LA SOGS PA'I NGO BO NYID YONGS SU MI SHES PA STE, MNYAM PAR MI 'DU BA'I MA RIG BAS 'KHRUG PAS SGRA DANG DON DU GNYIS KYI RNAM PA'I THA SNYAD 'BYUNG BA NI DON DAM PAR YOD PA MA YIN NO, ,BAG CHAGS BSAGS PA DANG RNAM PAR SMIN PA'I RIM PAR DBYE BA 'BYED PA NA RMI LAM DANG, MIG 'PHRUL PA LA SOGS PA BZHIN NO, ,CHOS DANG CHOS MED PA GNYIS KYI RNAM PA YANG JI LTAR YOD CE NA, LUS DANG LONGS SPYOD GNAS SNANG BA, ,KUN GZHI KUN TU 'BYUNG BA STE, ,RNAM BRGYAD RNAM DGU DE BZHIN DU, ,RGYA MTSO RLABS RNAMS BZHIN DU'O, ,RMI LAM GYI DUS NA GZUGS LA SOGS PA YUL DANG, MIG LA SOGS PA'I RNAM PAR SHES PA DANG, BDE BA DANG SDUG BSNGAL LA SOGS PA RANG GI RIG PA DE RNAMS KYANG MED DE, KUN GZHI RNAM PAR SHES PA 'BA' ZHIG YOD DE BDAG DANG GZHAN GYI RGYUD KYI DBANG LAS NANG GLONGS PA SA MGO 'KHOR BA DANG, BRGYAL BA LA SOGS PA BZHIN DU RNAM PA SNA TSOGS KYI RNAM PA SNANG NGO, ,SGRA SHAD 'DZINGS PA CHU DANG ZHENG DU SNANG BA'I KHYAD PAR DU 'BYED BA BZHIN DER RNAM PA GNYIS SU JI LTAR 'BYED CES 'BOD 'GROGS KYIS GSOL BA'O, ,RING DU MI GNAS PA DANG, SKAD CIG MAR 'JIG PA'O, ,RTAG PA YANG YOD PA MA YIN TE, MA SKYES PAS NA MO GSHAM GYI BU LA SOGS PA BZHIN NO, ,DBANG PO'I SHES PA MA DAG PA'I YUL CAN ZHES BYA BA NI MGO 'KHOR BA DANG BRGYAL BA LA SOGS PA RNAMS KYIS SHES PA RNAMS KYI BZHIN DU GZUGS LA SOGS PA YUL GZUNG BA DANG 'DZIN PA'I RNAM PAR SNANG GI ,DE DAG DON DAM PAR MCHIS PA NI MA LAGS ZHES GSOL BA DANG, SNANG BA DANG BCAS PA DANG, @22B SNANG BA MED PA'I TING NGE 'DZIN GZUGS RNAM PA SNA TSOGS KYI RNAL 'BYOR GYI DBANG PO SEMS CAN THAMS CAD LA PHAN GDAGS PAR ZHUGS PA'I BCOM LDAN 'DAS KYIS DRIS PA'I LAN DU BKA' STZAL PA, LANG KA'I BDAG PO 'DI LTAR BUM PA LA SOGS PA 'CHAG BA'I RANG BZHIN 'JIG PA'I CHOS CAN RNAMS ZHES BYA BA LA SOGS PA NI DON DAM PA'I BDEN PA MI DMIGS PAR RTOGS PA LA CHOS DANG CHOS MED PA LA SOGS PA SO SOR SNANG BAR 'BYED PA MED DU ZIN YANG, 'ON KYANG BUM PA DANG SNAM BU LA SOGS PA BYIS PA RNAMS KYIS RNAM PAR RTOG PA'I SPYOD YUL BZHIN DU THA DAD PA'I BYE BRAG YOD DO, ,LAS DANG 'BRAS BUR 'BREL PA 'DI BDAG DANG GZHAN GYI RGYUD KYI DBANG GI MTHU LAS DGE BA DANG MI DGE BA MNGON PAR 'DU BYED PA RNAMS KYIS GANG GI TSE GNYIS KYI RNAM PA'I SHES PA SO SOR SNANG BA'I TSE RNAM PAR GZHAG GO, ,THAMS CAD MKHYEN PAS KYANG SNANG BAR 'BYED PA NYID KYI LAN DU GSUNGS PA NI DON DAM PAR CHOS DANG CHOS MED PA DBYER MED MOD KYI, 'ON KYANG BUM PA DANG SNAM BU LA SOGS PA BZHIN DU SO SOR SNANG BAR 'BYED PAS DBYE BA YOD NA BYIS PA'I RNAM PAR RTOG PA NYE BAR BZUNG STE CHOS DANG CHOS MED PA THA DAD PA'I BYE BRAG GI 'BRAS BU DE BZHIN DU 'DI LA YANG CI'I PHYIR MI GZUNG, JI LTAR DE KHO NA NYID BSDUS PA LAS 'BYUNG BA, RIGS KYI BU SEMS 'DI NI RANG BZHIN GYIS 'OD GSAL BA STE, DGE BA DANG MI DGE BA'I MNGON BAR 'DU BYED PA RNAMS KYIS GANG JI LTAR SBYONG BA BZHIN DU DE DE LTAR YANG DAG PAR 'GRUB PAR 'GYUR RO ZHES PA STE, SA DANG PHA ROL TU PHYIN PA GONG MA GONG MA'I BSOD NAMS KYI TSOGS KYI MTSAN GYIS BRGYAN PA'I SKU SO SOR SNANG BA RNAMS KYIS SEMS CAN THAMS CAD KYI DON MDZAD PAR SPYOD PA'I THAMS CAD MKHYEN PAR 'GYUR RO, ,SDIG PA MNGON PAR 'DU BYED PA RNAMS KYIS KYANG NGAN SONG DU SNANG BA RNAMS MTHONG ZHING RMI LAM NGAN PA BZHIN DU YUN RING PO MI BZAD PA TSA BA'I 'BRAS BU RNAM PAR SMIN PA STE, RGYU DANG 'BRAS BU'I NGO BO 'DI YANG RNAM PAR SHES PAR GYUR PA NYID YIN TE, CHOS DANG CHOS MED PA SO SOR NGES PAR SMIN PA SNANG NGO, ,PHYI'I DON @23A *, ,MED PAR YANG RMI LAM DU MES TSIG PA LA SOGS PA DANG, CHUS 'KHRUB DANG 'THUNG BA LA SOGS PA DGOS PA BZHIN DU 'KHOR BA STONG PA LA YANG CHOS DANG CHOS MED PA'I 'BRAS BU NGES PA YIN GYI, 'PHAGS PA'I YE SHES KHONG DU CHUD PAR MTHONG BAS NI MA YIN NO, ,'PHAGS PA'I YE SHES NI MI GNYIS PA STE, SO SOR SNANG BA 'BYED PAS NI PHYE BA MA YIN PAS DER RGYU DANG 'BRAS BUR 'BREL BAR 'JUG PA CHOS DANG CHOS MED PA GNYIS KYI RNAM PAR SNANG BAR 'BYED PA MED DO, ,THAMS CAD MKHYEN PAS RIGS PA'I KHYAD PAR GZHAN YANG GSUNGS BA, LANG KA'I BDAG PO BUM PA LA SOGS PA DNGOS PO'I MTSAN NYID SNA TSOGS SU LHUNG BA RNAMS NI BYIS PA DAG GI YIN TE, 'PHAGS PA RNAMS KYI MA YIN PA LTA ZHOG LA, RANG BZHIN GCIG CING ZHES BYA BA NI MI GNYIS PA DON DAM PAR RTOGS PAR BYA'O, ,'BAR BA GCIG LAS BYUNG BA'I RAB TU 'BAR BA KHYIM DANG, GNAS DANG, SKYED MOS TSAL DANG, KHANG PA LA 'DUG PA'I SHING GI DBANG GIS 'OD RING BA DANG, THUNG BA DANG, CHUNG BA DANG, CHE BA'I KHYAD PAR DANG, THA DAD PA'I BYE BRAG TU SNANG BA ZHES BYA BA NI ME TZAM GYIS GZUNG BA SPYIR KHYIM LA SOGS PA'I 'BAR BA LA SHING GI DBANG GIS THUNG DU DANG, RING PO LA SOGS PA'I KHYAD PAR RAB TU SHES PAR BYED PA DE BZHIN DU SEMS CAN THAMS CAD LA MI GNYIS PA'I CHOS NYID CHUD PA TZAM YOD MOD KYI 'ON KYANG BDAG DANG GZHAN GYI RGYUD KYI DBANG GIS DAM PA DANG, DAM PA MA YIN PA'I CHOS BSHAD PAS BSOD NAMS DANG, SDIG PA MNGON PAR 'DU BYED PA'I RGYUD THA DAD PAR 'BYED PAS DBYE BA NA RTOGS PA KHYAD PAR CAN DU 'GYUR BA NI RGYU'I KHYAD PAR LAS 'BRAS BU'I KHYAD PAR LTA BU STE, JI LTAR DHARMA K'IRTIS SMRA BA 'BYED PA DANG, 'BYED PA'I RGYU ZHES BYA BA 'DI NI 'DI LTA STE, 'GAL BA'I CHOS LA GNAS PA DANG, PHYED PAR 'BYED PA'O ZHES SO, ,CHOS DANG CHOS MED PA SO SOR SNANG BAR 'BYED PAS 'BYED DO ZHES BYA BA THAMS CAD MKHYEN PA'I DGONGS PA RJES SU DPAG GO, ,JI LTAR SLOB DPON DHARMA K'IRTIS SMRAS PA, GZHAN LA GZHAN DU 'GRIB PA YANG, ,DBYER MED MIN TE GZUGS MTHONG PHYIR, ,RANG @23B BZHIN THA DAD MI MTHONG BAS, ,BLOS NI THA DAD MI RTOGS SO, ,ZHES PA STE, DE BZHIN DU 'DI LA YANG CHOS DANG CHOS MED PA THA DAD PA'I BYE BRAG YOD PAR CI'I PHYIR MI GZUNG, ME LCE RGYUD GCIG TU GYUR BA'I 'OD 'DRO BA THA DAD PA'I BYE BRAG TU MTHONG BA 'BA' ZHIG TU YANG MA ZAD DE, LANG KA'I BDAG PO SA BON GCIG LAS BYUNG YANG MYU GU DANG, LJANG BU DANG, SOG MA DANG, TSIGS DANG, LO MA DANG, YAL GA DANG, ME TOG DANG, 'BRAS BU DANG, GRA MA'I BYE BRAG YOD PA DE BZHIN DU PHYI'I CHOS SKYE BA'I CHOS CAN THAMS CAD KYI'O, ,NANG GI RNAMS KYI YANG MA RIG PA LAS RAB TU BYUNG BA PHUNG PO DANG, KHAMS DANG, SKYE MCHED DU GTOGS PA THAMS CAD CES BYA BA LA SA BON GCIG LAS BYUNG BA NI JI LTAR MYU GU DANG, LJANG BU DANG, 'DAB MA DANG, ME TOG DANG, 'BRAS BU LA SOGS PA'I RIM PA THA DAD PAR DBYE BA RKYEN GYI KHYAD PAR GYI DBANG LAS 'BYED PAS 'BYED PA DE BZHIN DU RTOGS PA BDAG DANG GZHAN GYI RGYUD KYI DBANG GIS CHOS DANG CHOS MA YIN PA MNGON PAR 'DU BYED PAS MTHO RIS DANG, NGAN SONG SO SOR SNANG STE, BDE 'GRO DANG, NGAN 'GRO RNAM PA LNGAR SNANG BA KHAMS GSUM DU RNAM PA SNA TSOGS SU SNANG BA YIN NO, ,PHUNG PO DANG, KHAMS DANG, SKYE MCHED LA SOGS PA 'BYED PA RNAMS MA RIG PA LAS BYUNG BA NI SEMS RGYU GCIG NYID LAS BYUNG BA YIN TE, JI LTAR 'PHAGS PA SA BCU PA LAS GSUNGS PA, KYE RGYAL BA'I SRAS KHAMS GSUM PA 'DI NI SEMS TZAM MO ZHES BYA'O, ,KHAMS GSUM DU SKYES PA'I CHOS THAMS CAD LA BDE BA DANG, DBYIBS DANG, BRJOD PA MED PA DANG, 'GRO BA'I KHYAD PAR YANG SNANG NGO, ,MTSAN NYID GCIG PA'I RNAM PAR SHES PA YUL LA MNGON PAR 'DZIN PAR RAB TU 'JUG PA'I KHYAD PAR RAB DANG, 'BRING DANG, THA MA'I BYE BRAG DANG, RNAM PAR BYANG BA DANG, DGE BA DANG, MI DGE BAR YANG SNANG NGO ZHES BYA BA LA KHAMS GSUM DU SKYES BA'I CHOS THAMS CAD KYI KHYAD PAR SNANG NGO, ,BDE BAR 'BYED PA DANG, DBYIBS SU 'BYED PA NI KHAMS GNYIS SU STE 'DOD PA'I BDE BA 'DOD PA'I KHAMS SO, ,BSAM @24A *, ,GTAN GYI BDE BA NI GZUGS KYI KHAMS SU STE, LUS GYI'O, ,DE BAS NA KHAMS GNYIS GA NI BDE BAR 'BYED PA DANG DBYIBS KYIS 'BYED PA'O, ,BSAM GTAN GYI BAR DU NI YID KYI YANG NGO, ,RNAM PAR RTOG PA DANG BCAS PA DANG, RNAM PAR DPYOD PA DANG BCAS BA NI BSAM GTAN DANG PO'O, ,RNAM PAR RTOG PA DANG RNAM PAR DPYOD PA MED PA NI BSAM GTAN GNYIS PA'O, ,DGA' BA DANG BCAS PA DANG, DGA' BA MED PA NI BSAM GTAN GSUM PA DANG BZHI PA'O, ,BRJOD PA MED PA'I KHYAD PAR SNANG BA ZHES BYA BA NI GZUGS DANG GZUGS MED PA'I KHAMS SU 'BREL TE, GZUGS GYI KHAMS SU NI BSAM GTAN GNYIS PA LA SOGS PA BRJOD PA MED PA'O, ,GZUGS MED PA'I KHAMS SU NI GANG NA 'DU SHES MED PA DE YANG BRJOD PA MED PA'O, ,BSAM GTAN ZHES KHYAD PAR RO, ,MTSAN NYID GCIG PA'I RNAM PAR SHES PA NI RTOG PA TZAM GYIS YIN TE, KHYAD PAR 'DI NI RKYEN GYI KHYAD PAR LAS SO, ,RNAL 'BYOR CAN RNAL 'BYOR SGOM PA RNAMS KYI RNAL 'BYOR GYI LAM LA YANG SO SO RANG GIS RIG PA'I MTSAN NYID KYI KHYAD PAR SNANG NA ZHES BYA BA NI CHUD PA SKAD CIG PA'I RGYUN RAB TU 'JUG PA RNAMS NI RANG GI MTSAN NYID THA DAD PAR DBYER MED KYANG RNAL 'BYOR GOMS PAR BYED PA SNANG BA DANG BCAS PA DANG, SNANG BA MED PA GNYIS PA DANG, MI GNYIS PA'I TING NGE 'DZIN LA GNAS PA DE DAG LA DBYE BA YOD NA SO SO'I RNAM PAR RTOG PA LAS BYUNG BA'I CHOS DANG CHOS MED PA'I KHYAD PAR LTA CI'I PHYIR MED DE YOD DO ZHES SO, , CHOS DANG CHOS MED PA'I THA DAD PA'I BYE BRAG NI GNYIS KYI RNAM PA'I PHYIR TE, GZUGS DANG SGRA LA SOGS PA SNANG BZHIN PAR THAMS CAD MKHYEN PAS DGONGS NAS LANGKA'I BDAG PO CHOS DANG CHOS MED PA THA DAD PA'I BYE BRAG YOD DO ZHES GSUNGS SO, ,DE'I PHYIR THAMS CAD MKHYEN PAS RGYU'I KHYAD PAR GSUNGS PA, RNAM PAR RTOG PA'I MTSAN NYID KYI PHYIR ZHES SO, ,GANG GI PHYIR ZHE NA, RGYU DANG 'BRAS BU'I DNGOS PO RNAM PAR RTOG PAS KHONG DU CHUD PAR BYA BA 'DI YOD PAS 'DIR 'GYUR RO ZHES RNAM PAR SHES PA'I RTOG PAS RNAM PAR GZHAG GO, ,GANG YANG RANG GI MTSAN NYID YIN PA DE @24B NI MI GNYIS PA STE, DER 'DAS PA DANG, MA 'ONGS PA DANG, DA LTAR GYI LA RIG PA PO DANG, RIG PAR BYA BA'I DNGOS POR RNAM PAR RTOG PA'I SNANG BAR 'BYED PA MED DO, ,DE LA RANG GI RIG PAS BDAG NYID LA BYA BA MED LA, BDAG GI RANG BZHIN LA SEMS KYANG RGYU BA MED NA YI GE DANG SGRA LTA CI SMOS TE, DE NI DON DAM PA'I BDEN PA MI GNYIS PA'I RTOG PA ZHES BYA'O, ,RNAM PAR RTOG PA DANG BCAS PA DANG RNAM PAR RTOG PA MED PA'I SHES PA RNAMS NI SKYE BO RNAMS DANG, RNAL 'BYOR CAN RNAMS LA YANG YOD DO, ,MIG LA SOGS PA'I SHES PA NI ME DANG DUD PA LA SOGS PAR SNANG BA GNYIS KYI RNAM PA CAN DE DE MA THAG PA TZAM GYIS SO SOR SNANG STE, BTAGS PA MNGON PAR MI SHES PA'I RNAM PAR MI RTOG PA DES NI THA SNYAD MED DE, NGES PAR ZHUGS PA DBANG PO'I SHES PA RANG GI RIG PA YIN MOD KYI, 'ON KYANG RNAM PAR MI RTOG PA'O, ,DE BAS NA SKYE BO DANG RNAL 'BYOR PA RNAMS LA CHUD PA MANG DU 'BYED PA YIN NO, ,SANGS RGYAS PA RNAMS KYI YE SHES GNYIS SU MED MOD KYI, 'ON KYANG CHUD PA 'BYED PA LAS CHOS DANG CHOS MED PAR 'BYED PAR 'GYUR RO, ,TSANGS PA DANG DBANG PO LA SOGS PAR SMRA BA RNAMS KYI CHUD PA LA KHYAD PAR MED PAS NA CHOS DANG CHOS MED PA YANG MI 'BYED DE, GROL BA DANG MA GROL BA DANG, PHYUG DBUL LA SOGS PA GCIG PA'I SKYON DU 'GYUR RO, ,DE LA MU STEGS CAN MI GNYIS PA RNAMS LA NI 'BOD 'GROGS KYIS RGOL BA RUNG STE, SANGS RGYAS PA RNAMS KYI SHES PA NI BDAG DANG GZHAN GYI RGYUD KYI DBANG DANG, RKYEN GYI KHYAD PAR GYI MTHU LAS CHOS DANG CHOS MA YIN PA'I KHYAD PAR CAN DU 'GYUR RO, ,LANGKA'I BDAG PO DE LA CHOS RNAMS GANG ZHE NA, 'DI LTA STE, MU STEGS CAN DANG, NYAN THOS DANG, RANG SANGS RGYAS DANG, BYIS PA RNAMS KYI RNAM PAR RTOG PAS RNAM PAR BRTAGS PA RGYU LAS YON TAN DANG, RDZAS KYI GZHI BTZUGS PA NI CHOS RNAMS ZHES BYA'O, ,DE DAG NI SPANG BAR BYA BA GTANG BAR BYA BA STE, MTSAN NYID DU SO SOR RNAM PAR BRTAG PAR MI BYA BA NI RANG GI SEMS SNANG BA'I CHOS NYID LA MED PA YIN TE ZHES BYA BAS CHOS DANG CHOS MED PA THA DAD PA'I BYE BRAG DANG SPONG BA YANG THAMS CAD MKHYEN @25A *, ,PAS GSUNGS NGO, ,JI LTAR MU STEGS CAN KHYAD PAR CAN LA SOGS PA RTOG PA NI RDUL PHRA MO'I RDZAS LA YAN LAG CAN GNAS TE, DE BZHIN DU YON TAN DANG, LAS DANG, SPYI DANG, 'BREL BA STE, DE DAG KYANG CHOS DANG CHOS CAN DU 'BYED PAR BRTAGS PA NI SPANG BAR BYA'O, , DE JI LTA ZHE NA, GZUGS NI RDUL PHRAN GZHIGS PA NA, ,RDUL PHRAN CHA NI YOD PA MIN, ,ZHES BYA'O, ,'O NA DE LTAR MTSAN NYID DU BRTAGS PA'I PHYI ROL GYI MED NA CI ZHIG SNANG ZHES GLENGS BA DANG, THAMS CAD MKHYEN PAS LAN DU GSUNGS PA, RANG GI SEMS SNANG BA'I CHOS RNAMS LA MED CES SO, ,CHOS RNAMS NI RANG GI SEMS LA SNANG BA NYID DE RAB RIB TU SNANG BA DANG, GZUGS BRNYAN DANG, RMI LAM DANG, MIG 'PHRUL LA SOGS PA BZHIN DU CHUD PA MA GTOGS PAR CHUD PAR BYA BA'I PHYI ROL GYI MED DO, ,DE DE LTAR NA GLANGS CAN DANG, NE YA YI KA DANG, KshA PA NA KA DANG, DPYOD PA CAN DANG, 'JIG RTEN RGYANG 'PHEN PA DANG, KHYAD PAR CAN LA SOGS PA SMRA BA PO RNAMS KYI PHYI'I DON MI RIGS TE, GANG SNGON PO LA SOGS PA SO SO'I SNANG BA'I SHES PA DE NI RANG GI DNGOS PO 'DZIN PA RAB RIB CAN LA SOGS BA'I SNANG BA BZHIN NO, ,PHYI ROL GYI SBOM PO DANG, PHRA MO PHYOGS KYI CHAR RNAM PAR DBYE BA NA KHANG PA DANG, SDE DANG, NAGS TSAL LA SOGS PA BZHIN DU STONG NGO, ,RDZA MA LA SOGS PA'I CHOS BYIS PAS KUN BRTAGS PA LUS LA MA REG PA RNAMS ZHES PA RNAM PAR PHYE BA NA STONG PAR 'GYUR RO, ,RDUL PHRA MO RNAMS KYANG PHYOGS KYI CHA THA DAD PAR DBYE BA NA STONG PA NYID DO, ,DE LTA BUR LHAG MTHONG GIS RAB TU MTHONG NAS SPONG BAR 'GYUR RO ZHES BYA BA STE, SO SOR SNANG DU ZIN KYANG RAB RIB KYI GZUGS DANG, GZUGS BRNYAN DANG, RMI LAM DANG, MIG 'PHRUL LA SOGS PA BZHIN DU SHES RAB KYIS MI DMIGS SO, ,DES NA CHOS SBOM PO DANG PHRA MO BYIS PAS KUN BRTAGS PA DE DAG SHES RAB NYID KYIS SPANGS TE, MI 'DZIN PA'I PHYIR RO, ,DE LA CHOS MED PA RNAMS GANG ZHE NA, GANG DE DAG BDAG NYID DU MA RED PA YIN TE, MTSAN NYID KYI RNAM PAR RTOG PA RGYU BA MED PA'I CHOS DON GYI RGYU LAS 'BYUNG BA DE DAG GANG YANG DAG PA @25B PA DANG, YANG DAG PA MA YIN PAR 'JUG PA MED PAR MTHONG NAS DE'I PHYIR CHOS MED PA SPONG BAR 'GYUR RO ZHES BYA BA LA BDAG NYID DU MA RED PA MTSAN NYID KYI RNAM PAR RTOG PA RGYU BA MED PA ZHES BYA BA NI GANG DAG LA RANG GI MTSAN NYID DU 'DZIN PA'I CHOS GZUGS LA SOGS PA BZHIN DU SO SOR SNANG BA YANG MED PA'O, ,DE DAG GI DON NI RTAG PA DANG BDAG LA SOGS PA'I RNAM PAR RTOG PA STE, DE'I RGYU LAS BYUNG BA NI RNAM PAR RTOG PA RGYU BA MED PA'O, ,YANG DAG PA LAS MA BYUNG BA ZHES BYA BA NI YANG DAG PAR SO SOR SNANG BA LAS MA BYUNG BAS NA BYUNG BA MED PA'O, ,DE DAG 'JUG PA MED PAR MTHONG NAS CHOS MED PA SPONG BAR 'GYUR TE ZHES BYA BA NI DE BAS NA, JI LTAR BYIS PA RNAM RTOG BA, ,DE LTAR DNGOS PO YOD MA YIN, ,ZHES BYA STE, RTAG PA DANG, BDAG DANG, BDE BA DANG, GTZANG BAR PHYI'I DNGOS POR BSKYED PA RNAMS SO, ,DE DAG MI RTAG PA DANG, BDAG MED PA DANG, SDUG BSNGAL BA DANG, STONG PAR YONGS SU SHES PAS CHOS MED PA LOG PA'I SHES PA'I MTSAN NYID SPONG BAR 'GYUR RO, ,YANG BDAG NYID DU MA RED PA'I CHOS RNAMS GANG ZHE NA, 'DI LTA STE, RI BONG DANG, RNGA MO DANG, BONG BU DANG, RTA'I RVA DANG, MO GSHAM GYI BU LA SOGS PA'I CHOS RNAMS TE, BDAG NYID DU MA RED PA'I PHYIR ZHES BYA BA NI RI BONG GI RVA LA SOGS PA DE DAG MA SKYES PAS NA SO SOR SNANG BA YANG MED PA STE, GZHAN GYI DBANG GI CHOS RMI LAM DANG, MIG 'PHRUL DANG, RAB [?] RIB LA SOGS PA'I RANG BZHIN 'BYUNG BA DANG, 'JIG PA'I CHOS CAN 'DZIN PA DANG, GZUNG BA'I RNAM PA TZAM DU PHYI ROL GYI NGES PA LTA BUR MA SKYES PA'O, ,RI BONG GI RVA LA SOGS PA DE DAG SGRA'I DON TZAM NYID DE, JI LTAR SLOB DPON DHARMA K'IRTIS SMRAS PA, THOG MA MED PA'I BAG CHAGS 'BYUNG, ,RNAM PAR RTOG LAS MTHAR PHYIN PA; ,SGRA YI DON TE CHOS RNAM GSUM, ,DNGOS PO DNGOS MIN GNYIS KA'I GNAS, ,ZHES PA'O, ,BUM PA LA SOGS PA LTAR JI LTAR DE DAG RNAM PAR SHES PAS MI BZUNG BA'I PHYIR SPANG BAR BYA BA DE BZHIN DU RNAM PAR RTOG PA'I DNGOS PO RNAMS KYANG SPANG BAR BYA BA YIN TE, DE'I PHYIR @26A *, ,CHOS DANG CHOS MED PA RNAMS SPANGS PA YIN NO ZHES BYA BA NI GANG NA DON GYI BYA BA BYED PA BUM PA LA SOGS PA GSAL BAR SNANG BA YANG SHES RAB KYIS RNAM PAR PHYE BA NI STONG PAS SPONG BAR 'GYUR NA RI BONG GI RVA LA SOGS PA MA SKYES PA DANG, SNANG BA MED PA'I CHOS MED PA RNAMS DER SPONG BAR 'GYUR BA LTA CI SMOS TE, SPONG BAR CHER SLA BA NI MI BZUNG BA NYID KYI PHYIR RO, ,JI LTAR MDO SDE NYID DU GSUNGS LA, YOD PA'I ZLAS DRANGS MED PA STE, ,YOD PA'ANG MED PA'I ZLA DRANGS SO, ,DE BAS MED PAR SHES MI BYA, ,YOD PAR YANG NI MI RTAG GO, ,LANG KA'I BDAG PO KHYOD KYIS CHOS DANG CHOS MED PA GNYIS JI LTA BUR SPANG BAR BYA ZHES SMRAS PA DE NI 'DI LTAR BSHAD DO ZHES BYA BA NI THAMS CAD MKHYEN PAS CHOS DANG CHOS MED PA SNANG BA DANG BCAS PA DANG, SNANG BA MED PAR DBYE BAS JI LTAR 'BYED [?] BA DANG, SHES RAB KYIS BZUNG DU MED PA'I PHYIR JI LTAR SPANGS PA DE YANG GSUNGS SO, ,GANG YANG LANG KA'I BDAG PO KHYOD KYIS SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LA YANG BDAG GIS DRIS TE DE DAG GIS KYANG LAN BLA NA NO ZHES SMRAS PA YANG LANG KA'I BDAG PO SNGON ZHES BYA BA 'DI NI RNAM PAR RTOG PA'I TSIG BLA DAGS TE ZHES BYA BA LA SOGS PA NI 'DAS PA DANG, MA 'ONGS PA DANG, DA LTAR DU YANG RNAM PAR RTOG PA SNANG BAR 'BYED PA RNAMS KYIS CHOS DANG CHOS MED PAR BYED DO, ,DE BZHIN GSHEGS PA RNAMS NI DE'I CHOS NYID KYIS RNAM PAR MI RTOG PA ZHES BYA BA NI BSAM PA MED CING SNANG BA MED PA MI GNYIS PA'I DON DAM PA'I BDEN PA RANG GIS RIG PA LA BZHUGS PAS NI, RNAM PAR MI RTOG STE, SNYING RJE'I BAG CHAGS KYIS BSKUL BAS SNANG BA DANG BCAS PA'I TING NGE 'DZIN GYIS THAMS CAD MKHYEN PA RNAL 'BYOR GYI DBANG POS GZUGS RNAM PA SNA TSOGS KYI CHO 'PHRUL GYIS SKYE BO MGU PAR MDZAD PA'I PHYIR CHOS STON TO, ,RNAM PAR RTOG PA'I SPROS PA THAMS CAD LAS 'DAS PA ZHES BYA BA NI BCOM LDAN 'DAS DE BZHIN GSHEGS PA RNAMS RANG BZHIN GYIS 'OD GSAL BA GNYIS SU MED PA'I RTOGS PA DON DAM PA'I BDEN PA LA YANG DAG PAR BZHUGS PAS @26B DNGOS PO DANG DNGOS PO MA YIN PA'I RNAM PAR RTOG PA MED CING SPROS PA DANG BRAL BA RNAMS SO, ,JI LTAR DBU MAR GSUNGS PA, SPROS LAS 'DAS PA MI GNYIS PA, ,GANG DAG SANGS RGYAS SPROS PAR BYED, ,DE DAG SPROS NYAMS GLEN PA RNAMS, ,DE BZHIN GSHEGS PA MI MTHONG NGO, ,GANG DAG YOD PAR MTHONG BA RNAMS, ,DNGOS PO RNAMS KYANG MOD MTHONG BA, ,NYER ZHI ZHI BA BLTA BYA BA, ,BLO CHUNG RNAMS KYIS MI MTHONG NGO, ,SPROS PA MED CING SNANG BA MED, ,SPROS PA RNAMS KYIS MA SPROS PA, ,'DI NI 'JIG RTEN MGON PO DAG ,SANGS RGYAS BSTAN PA BDUD RTZI YIS, , STONG PA ZHES BYAR SMRA BYA MIN, ,MI STONG ZHES PAR 'GYUR BA'ANG MIN, ,GNYIS DANG MI GNYIS SHES PA YANG, ,RNAM ZHI ZHI LA GA LA ZHIG ,MYA NGAN 'DAS PA'I MTHA' GANG YIN, ,'KHOR BA'I MTHA' YANG GANG YIN PA, ,DE GNYIS PAR NA CUNG ZAD KYANG, ,SHIN TU PHRA BA'ANG YOD PA MIN, ,LEN MED NGA NI MYA NGAN 'DA', ,MYA NGAN 'DA' BANG YIR 'GYUR, ,DE LTAR GANG 'DZIN DE DAG NI, ,LEN PA LEGS MIN 'DZIN PA'O, ,MYA NGAN 'DA' BA'I RNAM RTOG MED, ,'KHOR BA BSAL BA MA YIN TE, ,GANG 'KHOR MYA NGAN 'DAS BA DER, ,SU ZHIG RNAM PAR RTOG PAR PAR BYA, ,ZHES BYA STE, DE DE LTAR DNGOS PO DANG DNGOS PO MA YIN PAR RNAM PAR RTOG PA 'PHROS PA MED PA'I RTOGS PA NYID THAR PA STE, JI LTAR 'PHAGS MA SHES RAB KYI PHA ROL TU PHYIN PA BDUN BRGYA PA LAS GSUNGS PA, 'DI NYID MYA NGAN LAS 'DAS PA YIN TE, GANG ZHE NA, MI SEMS PA NYID CES PA'O, ,GZUGS KYI NGO BO NYID LA BRTAGS PA LTAR NI MA YIN GYI ZHES BYA BA NI GCIG DANG, SBOM PO DANG, CHE BA DANG, GZUGS CAN DANG, REG PA CAN DANG, RDUL PHRA MO LAS BRTZAMS PA'I YAN LAG CAN ZHES PAR RNAM PAR MI BRTAG GO, ,GZHAN DU NA YE SHES THUGS SU CHUD PA BDE BA'I DON DU MTSAN MA MED PA LA SPYOD PA'I SHES RAB KYIS RNAM PAR BSGOM MO, ,DE'I PHYIR DE BZHIN GSHEGS PA RNAMS NI YE SHES KYI BDAG NYID CES BYA BA NI GANG GI TSE SBOM PA DANG PHRA BA'I MTSAN MA SHES RAB KYIS GZHIGS PA NA DE'I TSE SGYU MA'I RNAM PAR THAR PA LA GNAS @27A *, ,PAS GZIGS KYANG MI GZIGS SO, ,DE BZHIN GSHEGS PA RNAMS YE SHES KYI BDAG NYID NI DAG PA 'JIG RTEN GYI TING NGE 'DZIN LA BZHUGS PA STE, BYAMS PA DANG, SNYING RJE DANG, DGA' BA DANG, BTANG SNYOMS KYI YUL DU RNAM PAR BYE STE, SNOD DANG SNOD MA YIN PA'I SEMS CAN RNAMS LA MOS PA JI BZHIN DU CHOS BSHAD PA MDZAD DO, ,YE SHES KYI SKU NI MI SNANG BA'I TING NGE 'DZIN GYI YUL LAS BZHENGS NAS SNANG BA DANG BCAS PA THAMS CAD MKHYEN PA'I TING NGE 'DZIN GYIS GZUGS RNAM PA SNA TSOGS KYI RNAL 'BYOR GYI DBANG PO BDE BAR GSHEGS PA GTOGS 'DOD DANG, TSANGS BA DANG LHA CHEN PO LA SOGS PA'I GZUGS KYIS GNYIS DANG MI GNYIS PA'I CHOS RNAMS KYI BYE BRAG STON PAR MDZAD DO, ,GANG GIS MI RTAG CE NA, YID KYI BDAG DANG ZHES BYA BA LA SOGS PA STE, BDAG DANG SROG LA SOGS PAR RNAM PAR RTOG PA RNAMS KYIS MI RTAG STE, YID KYIS SO, ,RTAG PA'I BDAG NI MA SKYES PAS NA MO GSHAM GYI BU LA SOGS PA BZHIN DU YOD PAR MI RIGS SO, ,DON DU YANG YUL DANG YUL CAN GYI DNGOS POR RNAM PAR MI RTAG GO, ,GZUGS KYI MTSAN NYID DANG DBYIBS DANG, RNAM PA BZHIN ZHES BYA BA LA GZUGS NI SNGON PO LA SOGS PA'I MTSAN NYID PA'O, ,DBYIBS NI RIM PA'I GZUGS TE, ZLUM PO DANG, GRU BZHI LA SOGS PAS PHYE BA'O, ,RNAM PA NI 'OD DANG MUN PA LA SOGS PA'I GZUGS KYI RNAM PA TZAM STE, DE LTA BU'I RNAM PA THAMS CAD NI GZHAN GYI DBANG NGO, ,SNYING RJE'I BAG CHAGS KYIS GLENGS TE, SBYIN PA'I PHA ROL TU PHYIN PA LA SOGS PA'I BSOD NAMS KYI TSOGS LAS BYUNG BA'I RNAL 'BYOR CAN RNAMS KYI MTSAN GYIS BRGYAN PA'I SKU LA SOGS PA SEMS CAN GYI DON DU SNANG BA NI YE SHES NYID SO SOR SNANG BA YIN NO, ,SKYE BO RNAMS KYI YANG BDAG DANG GZHAN GYI SEMS KYI RGYUD KYI BDAG RKYEN GYI KHYAD PAR GYIS 'KHRUG PA MNYAM PAR MA 'DUS PA'I MA RIG PA DANG, LAS RNAM PAR SMIN PA'I MTHU LAS RNAM PA SNA TSOGS KYI RNAM PA RNAM PAR SHES PA'I SO SOR SNANG NGO, ,JI LTAR MDO SDE 'DI NYID DU MCHOG TU YONGS SU DAG PA 'DOD CHAGS DANG BRAL BA'I THAMS @27B CAD MKHYEN PA RNAL 'BYOR GYI DBANG PO GZUGS RNAM PA SNA TSOGS MNGA' BAS RAB TU SGRUB PAR MDZAD PAS BRTAGS PA NI RANG BZHIN GYIS DNGOS PO THAMS CAD MA SKYES TE, GZHAN DBANG LA NI BRTEN NAS NI, ,MI RNAMS RNAM PAR RTOG PA SKYE, ,RNAM PAR RTOG PAS RNAM SPANGS SHING, , GANG TSE GZHAN DBANG DAG PA NI, ,RDZOGS PA DE BZHIN NYID CES BYA, ,MDO SDE MDO SDER NGAS SMRAS SO, ,ZHES SO, ,KUN RDZOB DANG DON DAM PA'I BDEN PAS BRTAGS PA DANG, GZHAN GYI DBANG DANG DNGOS SU GRUB PA RNAMS THAMS CAD MKHYEN PAS DE LTAR BSTAN TO, ,DE BAS NA ZHES BYA BA NI BSDU BAR MDZAD PA STE, KHYOD KYIS BRTAG PAR BYA BA DANG, RNAM PAR RTOG PA DANG BRAL BAR BYA'O ZHES SO, ,DE 'DI NYID DU GSUNGS PA, DNGOS PO TZAM DU BRTAGS PA STE, ,RNAM PAR BRTAGS PA KHYAD PAR DU, ,CHOS NYID RANG GI MTSAN NYID GANG, ,CHOS NYID RANG BZHIN DE NYID DO, ,BRTAGS PA NI BRJOD PA TZAM STE, RTAG PA DANG, BDAG DANG, RDUL PHRA MO DANG, YAN LAG CAN DANG, RDZAS LA SOGS PA SNANG BAR 'GYUR BAR DGONGS PAR BRTAG GO, ,KHYAD PAR DU RNAM PAR RTOG PA NI, GZHAN GYI DBANG DON GYI BYED PA GSAL BAR NUS PA 'DZIN PA DANG, GZUNG BA'I DNGOS POR BRTAG GO, ,RANG GI MTSAN NYID NI YONGS SU GRUB PA PA DON DAM PA'I BDEN PA GNYIS SU MED PAR RANG GI RIG PA'I CHOS NYID KYI RANG BZHIN DU THAMS CAD MKHYEN PAS THUGS LA DGONGS PAR RJES SU DPAG GO, ,THAMS CAD MKHYEN PA YANG RGYU'I DON DU GSUNGS PA, LANG KA'I BDAG PO 'DI LTAR YANG SEMS CAN GYI SPYOD PA RNAMS NI RTZIG PA'I RI MO'I GZUGS DANG 'DRA STE ZHES PA NI LUS DANG NGAG GI SPYOD PA THA SNYAD KYI MTSAN NYID NI SO SOR SNANG BA TZAM STE GANG DAG GIS RGYUD GZHAN PAR RJES SU DPAG PAR BYED PA'O, ,JI LTAR SLOB DPON DHARMA K'I RTIS SMRAS PA, THOG MAR BLO BYED BDAG LUS DANG, ,MTHONG NAS GZHAN DU DE GZUNG PHYIR, ,BLO ZHES GAL TE SHES GYUR NAS, ,SEMS TZAM TSUL DANG DE MTSUNGS SO, ,PHYI'I DON MED PAS NA BDAG DANG GZHAN GYI RGYUD KYI DBANG LAS LUS LA SOGS PA SNANG BA SO SOR SNANG @28A *, ,NGO; ,RMI LAM DU YANG LHA DANG 'DRE SHA ZA LA SOGS PA'I DBANG GI STOBS LAS LUS LA SOGS PA THA DAD PAR SNANG BA SNANG NGO, ,SHIN TU GTAN LA PHAB PA'I 'BRAS BUS RGYU LA SBRU [?] BAR MI BYED CES BYA STE, DE BAS NA RAB RIB DNGAS MDA' LA SOGS PA'I 'BRAS BU GSAL BAR SNANG YANG NAMS KYANG GZHAN GYI BLO BAR RJES SU MI DPAG GO, ,DON YANG RGYU TZAM MA YIN GYI SNANG BA'I KHYAD PAR YANG NGO, ,LANG KA'I BDAG PO 'JIG RTEN GNAS PA NI, G-YO BA MED PA STE ZHES BYA BA NI SU GANG NA SNANG BA DE DE NYID DU 'GAG PA STE, DE NYID KYI SKAD CIG PAR NI YUL GZHAN NAM DUS GZHAN DU 'PHO BA MED PA NI SKAD CIG PA'I PHYIR RO, ,THAMS CAD MKHYEN PAS DE NYID DU RGYU GZHAN GSUNGS PA, LAS DANG BYED PA LAS BRAL BA ZHES PA'O, ,BYED PA DANG BYED PA PO LA MNGON PAR CHAGS PA NI JI LTAR BYED PA PO RANG DBANG DANG, BYED PAR 'DOD PA'I MCHOG NI LAS DANG, BYED PA POS BYED PA BYA BAR BRTZAMS PA NI LAS ZHES BYA'O ZHES BYA'O, ,BYED PA PO DANG LAS DANG BYED PA RNAMS LA DBYER MED DE, JI LTAR 'PHAGS PA DGE 'DUN CHEN PO PA RNAMS KYIS KLOG PA, 'DU BYED THAMS CAD SKAD CIG PA, ,MI BRTAN BYED PA GAL ZHIG ,'BYUNG BA GANG YIN BYED PA DE, ,BYED PA POR YANG DE NYID BRJOD, ,CES PA STE, RTAG PA DANG, MI RTAG PA RNAMS LA BYED PA PO'I THA SNYAD DON DAM PAR MI RUNG NGO, ,DE JI LTAR ZHE NA, SGRO BTAGS PA'I THA SNYAD NYID DE, JI LTAR BHA DRA HA RIS SMRAS PA, GRUB DANG MA GRUB JI SNYED PA, ,BSGRUB PA'I PHYIR NI BSTAN PA STE, ,BRTEN PA RIM GYIS GZUGS PAS NA, ,DE NI BYED CES MNGON PAR BRJOD, ,CES PA STE, RGYUN LA BRTEN PA'I RIM GYIS RANG BZHIN NI YAN LAG GI SKAD CIG PA GCIG BYED PA DANG 'BREL BA MED DE, DA BAS NA RTEN CING 'BREL TE 'BYUNG BA MI 'BYUNG BA STE, SKYED PAS BSKYED PA'I SKYE BA MED PA'I PHYIR RO, ,JI LTAR DBU MA LAS GSUNGS PA, ,GAL TE SKYE BA 'DUS BYAS NA, ,MTSAN NYID GSUM NI DER RIGS TE, ,'ON TE SKYE BA 'DUS MA BYAS, ,'DUS BYAS MTSAN NYID JI LTAR RUNG, ,SKYE BA @28B SKYE BA JI LTA BA, ,BDAG NYID GZHAN GYIS MA YIN TE, ,'GOG PA LA YANG 'GOG PA NI, ,BDAG NYID GZHAN GYIS MA YIN PA'O, ,DER DE'I DE LTA BU'I DBU MAR BSHAD PA RGYA CHER 'GYUR TE, JI LTAR SA DANG PO'I DBANG PO SLOB DPON BLO GROS KYIS GSUNGS PA, 'GOG MED SKYE BA MED PA DANG, ,CHAD MED RTAG PA MED PA DANG, ,SNA TSOGS DON DANG GCIG DON MIN, ,'ONG BA MED CING 'GRO BA MED, ,GANG GIS RTEN CING 'BREL 'BYUNG BA, ,SPROS PA NYER ZHI ZHI BA NI, ,YANG DAG SANGS RGYAS GSUNGS GYUR PA, ,GSUNG MCHOG DE LA PHYAG 'TSAL LO, ,ZHES BYA'O, ,SKYE BA DANG, GNAS PA DANG, 'GOG PA RNAMS NI DNGOS PO MA GTOGS PAR YOD PAR MI SRID DE, RTEN CING 'BREL TE 'BYUNG BA LAS DANG 'BRAS BU NGES PAR 'BREL BAS SNGA MA'I 'OG TU 'DI YOD PAS 'DI YOD PAR 'GYUR RO ZHES SMOS PA 'BA' ZHIG GO, ,DE LTA BAS NA GZHAN GYI DBANG GIS GNYIS KYI RNAM PA SO SOR SNANG BA'I RANG BZHIN PA RNAMS NI DON DAM PAR MI SKYE BA STE, RMI LAM DANG, MIG 'PHRUL DANG RAB RIB LA SOGS PA'I GZUGS BZHIN NO, ,DON DAM PA'I BDEN PA GNYIS SU MED PA YANG DAG PAR RIG TU ZIN KYANG DE LA KHYAD PAR DU GZUNG BA MED DE, BDAG NYID LA RIG PAR BYA BA DANG RIG PA PO'I DNGOS POR SO SOR SNANG BA'I RNAM PAR RTOG PA MED DO, ,RGYUD KYI RGYUN LA YANG LAS DANG BYED PA MED PA NI JI LTAR RDO RJE GCOD PA LAS GSUNGS PA, RAB 'BYOR 'DAS PA'I SEMS KYANG MI DMIGS SO, ,MA 'ONGS PA'I SEMS KYANG MI DMIGS SO, ,DA LTAR GYI SEMS KYANG MI DMIGS SO, ,ZHES BYA BA LA 'DAS PA DANG, MA 'ONGS PA DAG NI DNGOS PO MED PA'O, ,DA LTAR GYI YANG SEMS DE NYID KYIS SEMS DE NYID LA MI DMIGS SO ZHES BCOM LDAN 'DAS KYIS DGONGS PA'O, ,DE BAS NA RTEN CING 'BREL TE 'BYUNG BA LAS DANG BYED PA DANG BRAL BA'O, ,CHOS THAMS CAD YOD PA MA YIN ZHES BYA BA LA, YOD PA NI JI LTA BUR PHYI DANG NANG GI DNGOS POR 'DZIN PA DANG, GZUNG BA GNYIS KYI RNAM PA GDON MI ZA BAS GDON MI ZA BAR BYED PA RMI LAM DANG, MIG 'PHRUL DANG, GZUGS BRNYAN DANG, @29A *, ,RAB RIB LA SOGS PA'I RANG BZHIN BAS NA, DE LTA BUR MED DO, ,MU STEGS CAN GYI SEMS CAN RTAG PAR KUN TU BRTAGS PA YANG SEMS CAN MA SKYES PAS NA MO GSHAM GYI BU LA SOGS PA BZHIN NO, ,MIG DANG RNA BA LA SOGS SKYE MCHED RNAMS KYIS KYANG JI LTAR SEMS CAN DU GDAGS PAR BYA BA DE LTA BUR YANG SEMS CAN MED DO ZHES THAMS CAD MKHYEN PAS BSGRUB PA GSUNGS PA, 'DI LA GANG YANG NYAN PA'AM, MNYAN PAR BYA BA MED DO, ,LANG KA'I BDAG PO 'JIG RTEN GNAS PA NI SPRUL PA DANG MTSUNGS NA MU STEGS CAN BYIS PA'I RNAL 'BYOR BA RNAMS RNAM PAR MI BSGOM MO ZHES PAS NA, NYAN PA BOS MNYAN PAR BYA BA SGRA'I YUL MNYAN DU MED PA NI RMI LAM LA SOGS PA BZHIN DU PHYI'I DON MED PA'I PHYIR RO, ,'JIG RTEN SPRUL PA DANG MTSUNGS PA NI SO SOR SNANG BA TZAM BAS NA GZUGS LA SOGS PA'I YUL RNAMS MIG LA SOGS PA'I RNAM PAR SHES PA RNAMS KYIS MI SHES SO, ,MU STEGS CAN BYIS PA'I RNAL 'BYOR PA RNAMS KYANG RTAG PA DANG, BDAG DANG PHYI'I DON LA MNGON PAR ZHEN PAS DON DAM PA'I BDEN PA MI GNYIS PA YANG DAG PAR RIG PA MI BSGOM MO, ,LANG KA'I BDAG PO GANG GIS DE LTAR MTHONG BA DE NI YANG DAG PAR MTHONG BA STE, RNAM PA GZHAN DU MTHONG NA RNAM PAR RTOG PA LA SPYOD PA'O, DE LTAR RNAM PAR RTOG PA DANG BCAS PA RNAMS NI RNAM PA GNYIS SU 'DZIN TE ZHES BYA BA GANG DAG RNAM PAR RTOG PA DANG BCAS PA NI 'DZIN PA DANG, GZUNG BA SO SOR SNANG BA NYID KYIS RTAG PAR BDAG DANG, BDAG GIR MNGON PAR ZHEN PA RNAM PA GNYIS SU 'DZIN PAS NI THAMS CAD MKHYEN PAS DPES GSAL BAR BSGRUB PAR MDZAD PA 'DI LTA STE, ME LONG GI NANG DU YOD PA'I BDAG GI GZUGS KYI GZUGS BRNYAN DANG, CHU LA BDAG GI LUS KYI GRIB MA DANG, ZLA BA'I 'OD DANG, KHYIM NA ME 'BAR BA LA BDAG GI LUS KYI GRIB MA DANG BRAG CA'AM, GZHAN YANG BDAG GI RNAM PAR RTOG PA'I GZUNG BA RAB TU GZUNG BA STE, CHOS DANG CHOS MED PA RNAM PAR RTOG CING CHOS DANG CHOS MED PA'I SPONG BA LA MI SPYOD DE, DPYOD DO, ,RNAM PAR RTOG GO, , @29B RGYAS PAR BYED DO, ,RAB TU ZHI BA MI 'THOB PO ZHES TE, DE LA ME LONG DANG, CHU DANG, SNANG BA'I DON DU YOD PA BDAG GI GZUGS KYI GZUGS BRNYAN NI YOD PA DANG MED CES BYA BA BZHIN DU CHOS DANG CHOS MED PAR RNAM PAR RTOG PA DPYOD KYI, YANG 'DI DANG 'DI LTA BUR CHOS DANG CHOS MED PA SPONG BAR MI BYED DO, ,JI LTAR, GZUGS NI RDUL PHRAN GZHIGS PA NA, ,RDUL PHRAN CHA NI MED PA'O, ,ZHES PA TE, SHES RAB KYIS DPYAD PA NI PHYIR DNGOS PO MED PAR MTSUNGS TE, JI TZAM DU GZUGS BRNYAN STONG PA NYID PA DE BZHIN DU LUS KYI RMI LAM DANG, MIG 'PHRUL LA SOGS PA'I RANG BZHIN DU 'JIG RTEN DU CHUD PA SO SOR SNANG NGO ZHES BYA'O, BRAG RTZAL SOGS PAR 'BYED PAS SGRA THOS PA RNAM PAR RTOG PA NI SGRA DE LTA BUR THA DAD PAR YANG GZHAN YOD PA MA YIN TE, RNAM PAR RTOG PA LA SPYOD PA 'BA' ZHIG YIN PAS CHOS DANG CHOS MED PA'I RNAM PAR RTOG PAR RAB TU MI ZHI STE, DES NA DE DAG GI RNAM PAR RTOG PA RNAMS NI SHES PAS RAB TU ZHI BA MI 'THOB BO ZHES BYA STE, 'DI NI RTZE GCIG PA'I TSIG BLA DGAS TE ZHES BYA'O, ,GANG GI TSE GZUGS LA SOGS PA'I MTSAN MA SBOM BO DANG PHRA MO MNYAM PAR 'DUS PA'I SHES RAB KYIS GZHIGS PA NA GANG YANG MI DMIGS PA DE'I TSE DBANG PO'I SHES PA MI RTOG CING SNANG BA MED PAR RANG GI RIG PA 'BYUNG BA BZHIN DU RNAL 'BYOR GYI DBANG BO MNYAM PAR 'DUS PA RNAMS DON DAM PA'I BDEN PA MI GNYIS PA CHUD PA'I CHOS NYID RTZE GCIG PA LA GNAS PA'O, ,DE LTA BAS NA DE BZHIN GSHEGS PA'I SNYING BOR 'JUG PA'I PHYIR TING NGE 'DZIN SKYE'O ZHES BYA'O, ,SEMS CAN THAMS CAD NI DE BZHIN GSHEGS PA'I SNYING PO ZHES BYA STE, CHUD PA'I RANG BZHIN ZHES BYA BA'I DON TO, ,SEMS CAN THAMS CAD LA DE BZHIN GSHEGS PA 'BYUNG ZHES BYA STE, SEMS CAN THAMS CAD KYI SEMS RAB TU SANGS PAS SANGS RGYAS KYI NGO BO THOB STE, DES NA SEMS CAN THAMS CAD MKHYEN PA'I SANGS RGYAS BCOM LDAN 'DAS RNAMS SU 'GYUR BA NI SNANG BA DANG BCAS PA DANG, SNANG BA MED PA'I TING NGE 'DZIN GYI RNAL 'BYOR LA GOMS SHING BSOD NAMS DANG YE @30A *, ,SHES KYI TSOGS MNGON BAR SBEL BA'I PHYIR RO, ,GTOGS 'DOD DANG, LHA CHEN PO DANG, TSANGS PA LA SOGS PA GANG DAG KYANG RNAL 'BYOR GYI DBANG PO KHYAD PAR BDAG LA BSTOD PA BYED PA DE DAG KYANG TSUD PA TZAM SANGS BAS NA TSUD PA TZAM GYIS DBANG STON TO, , BYANG CHUB SEMS DPA' CHOS NYID KYIS SEMS CAN GYI DON LA SPYOD PAS GNYIS PA DANG, MI GNYIS PA'I TING NGE 'DZIN RNAM PAR SPYOD PA NA, DE BZHIN GSHEGS PA'I SNYING PO 'JUG PA'I PHYIR DE DAG LA TING NGE 'DZIN SKYE'O, ,'PHAGS PA LANG KAR GSHEGS PA'I BSHAD PA YE SHES DPAL BZANG POS BYAS PA LAS, LE'U DANG PO SGYU MA'I RNAM PAR THAR PA THOB CING 'JIG RTEN GSUM LAS RNAM PAR RGYAL BA RNAMS LA MI RTAG PA DANG THABS LA MKHAS PAS BYANG CHUB SEMS DPA'I SPYAD PA DANG, CHOS DANG CHOS MA YIN PA GSOL BA'I LAN BKA' STZAL BA DANG, LE'U PHRAN GSUM MO,, ,,ZAB MO RGYA CHEN CHOS RNAMS NOR BU BZHIN, ,RGYA MTSO CHEN PO MCHING LAS GANG RNAMS 'THOB, ,BSGRUB PA GSAL BCIS KYANG DE DAG NI, ,MKHAS PA'I BYANG CHUB LAM DU PHYIN PAR BYAS, ,GANG YOD DE KUN SKAD CIG PA, ,GLOG GI 'KHOR LO 'DRA BA STE, ,RMI STONG SHES DPAL BZANG TSIG GIS, ,BDAG GZHAN PHAN TSIG DBANG MCHOD GYUR, ,DE NAS SANGS RGYAS KYI ZHING THAMS CAD DU RGYU BA'I BYANG CHUB SEMS DPA' CHEN PO BLO GROS CHEN PO ZHES BYA BA LA SOGS PA LA, BLO GROS CHEN PO GNYIS PA DANG, MI GNYIS PA'I CHOS KYI TING NGE 'DZIN GYIS CHOS RAB TU 'BYED PAR RGYA CHE BAS NA BLO GROS CHEN PA'O, ,LHAN CIG CES PA NI SANGS RGYAS KYI ZHING THAMS CAD NAS BYON PA'I BTZUN GTZO'I BYANG CHUB SEMS DPA' RNAMS DANG NGO, ,SANGS RGYAS KYI ZHING THAMS CAD RGYU BA 'JIG RTEN DANG 'JIG RTEN LAS 'DAS BA'I CHOS THAMS CAD GSOL BA'I LAN 'DON PAS SKYON THAMS CAD KYI RGYAL MO BAG CHAGS DANG BCAS PA RTZA BA NAS BTON PA MCHOG TU KUN DAG PA 'DOD CHAGS DANG BRAL ZHING THAMS CAD MKHYEN PA RNAL 'BYOR GYI DBANG PO CHO 'PHRUL GYI RNAM PA DU MA DANG, GZUGS RNAM PA SNA TSOGS @30B KYIS CHOS STON PAS SEMS CAN GYI RGYUD MTHA' MED PA RANGS PAR MDZAD PA'I BCOM LDAN 'DAS BDE BAR GSHEGS PA LA THOG MAR BSTOD DE, SEMS CAN GYI DON DU YONGS SU ZHU BAR BYED DO, ,DE LA BSTOD PA NI, 'JIG RTEN SKYE 'JIG MA MCHIS TE, ,NAM MKHA'I ME TOG RAB TU 'DRA, KHYOD KYI SHES RAB THUGS RJE YIS, ,KHYOD KYIS YOD DANG MED MA DMIGS, ,ZHES PA STE, SKYE BA DANG 'JIG PA LA SOGS PA SKYED PA POS BSKYED PA'I SKYE BA BYED PA PO DANG, BYED PA'I CHOS GZHAN BAR KUN TU BRTAG TU MI RUNG NGO, ,JI LTAR KHYAD PAR CAN DANG, BYA KA RA nA PA LA SOGS PAS YONGS SU RTOG PA DE LTAR SKYE BA DANG, GNAS PA DANG, 'GOG PA LA SOGS PA'I CHOS RNAMS GANG ZAG DANG CHOS LA BDAG MED PA GNYIS LA YANG THA DAD PA YANG YOD PA MA YIN TE, DE BAS NA 'JIG RTEN LA YANG SKYE BA LA SOGS PA YOD PA MA YIN ZHES BRTAG PA'I DON NO, ,SKAD CIG PA GCIG NI SU DANG YANG MI 'BREL TE, GANG GI TSE NA SKAD CIG GCIG PA DE'I TSE NA, SKAD CIG GNYIS PA MED DO, ,SNGA MA'I 'OG TU 'DI YOD PAS 'DI YOD PA NI RTEN CING 'BREL TE 'BYUNG BA STE, DE YANG SKYE BA DANG 'JIG PA LA SOGS PA DANG BRAL BA'O, , GANG ZAG LA BDAG MED PA'I SKAD CIG MA RNAMS NI BYED PA DANG BYED PA POR 'BREL BAS SKYE BA MED PA DANG, CHOS LA BDAG MED PA YANG GNYIS KYI RNAM PAR SKYE BA MED PA NI RMI LAM DANG, MIG 'PHRUL LA SOGS PA BZHIN NO, ,DES NA 'JIG RTEN NAM MKHA'I ME TOG DANG RAB TU 'DRA STE, SBOM PO DANG PHRA MO SHES RAB GYIS THA DAD BAR 'BYED PAS PHYE BA NA MI DMIGS TE, STONG BA 'GYUR BA NI KHANG BA DANG, SDE DANG, NAGS TSAL LA SOGS PA BZHIN NO, ,YOD DANG MED MA DMIGS ZHES BYA BA NI GNYIS KYI RNAM PA'I GNAS NI YOD PA DANG MED PA'I RNAM PAR RTOG PA'I THA SNYAD DO, ,JI LTAR 'DI NYID DU GSUNGS PA, YOD PA'I ZLAS DRANGS MED PA STE, ,YOD PA'ANG MED PA'I ZLAS DRANGS SO, ,DE BAS MED PA ZHES MI BYA, ,YOD PAR YANG NI MI RTAG GO, ,ZHES SO, ,JI LTAR BYIS PA RNAMS RNAM PAR RTOG PA NI GNYID KYIS MA @31A *, ,LOG PA'I DUS NI, GZUGS YOD LA, RMI LAM GYI DUS NA NI MED DO ZHES SO, ,MKHAS PA RNAMS KYIS NI SHES RAB KYI SA YOD PA DANG MED PA MI DMIGS PA NI THOS PA DANG SEMS PA'I YE SHES KYIS SO, ,DE LTAR BSAM PA MED PA DANG, SNANG BA MED PA'I DON DAM PA'I BDEN PA MI GNYIS PA RANG GI RIG PA LA SANGS RGYAS BCOM LDAN 'DAS BZHUGS PA RNAMS SHES RAB KYIS MI DMIGS PA LTA CI SMOS, THUGS RJES KYANG GZHAN GYI DON MDZAD PAR BRTZON ZHING GANG GI TSE DON DAM PA BSHAD PA MDZAD PAS SBYIN PA LA SOGS PA'I TSOGS SU RDZOGS PAR BYED DU GZHUG PA DE'I TSE SGYU MA BYED PA'I SKYES BU BZHIN DU MI DMIGS PA NI GZUGS RNAM PA SNA TSOGS KYI RNAL 'BYOR GYI DBANG PO SGYU MA'I RNAM PAR THAR BA LA GNAS PA RNAMS SNANG BA TZAM LA BZHUGS TE THA SNYAD MDZAD DO, ,CHOS RNAMS THAMS CAD SGYU MA BZHIN, ,SEMS DANG RNAM PAR SHES PA SPANG, , KHYOD KYI SHES RAB THUGS RJE YIS, ,KHYOD KYI YOD DANG MED MA DMIGS, ,ZHES PA NI RMI LAM DANG, MIG 'PHRUL DANG, GZUGS BRNYAN DANG, RAB RIB LA SOGS PA'I RANG BZHIN LTA BUR GNYIS KYI RNAM PA'I SEMS DANG, RNAM PAR SHES PA SPANGS TE, SGYU MA DANG 'DRA BA'I SNANG BA TZAM DU SNANG BA'O, ,JI LTAR 'DI NYID DU GSUNGS PA, SEMS CAN KUN GZHI RNAM SHES TE, ,NGAR SEMS NYID NI YID BZHIN NO, ,GANG GI YUL RNAMS 'DZIN PA NI, ,DE NI RNAM PAR SHES ZHES BYA, ,ZHES PA STE, CHUD PA'I GNYID KYIS RNAM PA DE DAG NI MI SKYE BA STE, SNGAR BSHAD PA BZHIN NO, ,'JIG RTEN RTAG DANG CHAD SPANG BA, ,'KHOR GZUGS RMI LAM 'DRA BA STE, ,KHYOD NI SHES RAB THUGS RJE YIS, ,KHYOD KYI YOD DANG MED MA DMIGS, ,ZHES PA STE, DE LA RTAG PA NI YOD PA MA YIN TE, MED PA'I PHYIR RO, ,MI GNYIS PA'I CHUD PA'I RGYUD LAS CHAD PA YANG MED DO, ,GNYIS KYI RNAM PA'I CHAD PA YANG YUN RING PO DANG, YUN THUNG DU'I RMI LAM BZHIN NO, ,CHOS DANG GANG ZAG BDAG MED DANG, ,KHYOD KYI NYON MONGS SHES BYA RNAMS, ,KHYOD KYI SHES RAB THUGS RJE DANG, ,MTSAN MA MED PAS RTAG TU DAG ,CES BYA @31B BA LA MTSAN MA MED PA NI MI GNYIS PA'I YE SHES KYIS 'DZIN PA DANG, GZUNG BA'I DNGOS PO MTSAN MA GANG YANG MI 'DZIN TO, ,MTSAN MA MED PA'I RNAM PAR THAR BA LA GANG GI TSE GNAS BDE'I TSE GANG ZAG DANG CHOS LA BDAG MED PA'I NYON MONGS PA'I SGRIB PA DANG, SHES BYA'I SGRIB PA RNAM PAR DAG PAR 'GYUR RO, ,SHES RAB KYI MTSAN MA THAMS CAD MTSAN MA MED PAR BYA STE, STONG BAR MTHONG NGO, ,STONG PA LA MTSAN MAR MI 'DZIN PAS SEMS KYIS SMON PAR MI BYED DO, ,SEMS KYIS SMON PAR MI BYED CING DE LTA BU'I SMON PA MED PA'I RNAM PAR THAR PA'I SGOR GYUR KYANG SHES RAB DANG THUGS RJES BDAG DANG GZHAN GYI DON LA BZHUGS PA YIN NO, ,MYA NGAN 'DAS PAR 'DA' BA MIN, ,MYA NGAN 'DAS PA'ANG KHYOD MI GNAS, ,BLO DANG RIG PAR BGYID DANG BRAL, ,YOD DANG MED PA'I PHYOGS KYANG SBANGS, ,ZHES PA NI GANG GI TSE SHES RAB KYIS SBOM PA DANG PHRA BA GZHIGS PA NA, DMIGS PA CUNG ZAD KYANG MI MTHONG BA DE'I TSE NA MI GNYIS PA BSAM PA MED PA SNANG BA MED PA'I DON DAM PA'I BDEN PA YANG DAG PAR RIG PA'I SANGS RGYAS YIN TE, BLO DANG RIG PAR BYA BA DANG BRAL BA 'DZIN PA DANG GZUNG BA'I DNGOS PO GNYIS KYI RNAM PA LAS GROL BAS, DNGOS PO DANG DNGOS PO MED PAS RNAM PAR RTOG PA DANG BRAL BA STE, JI LTAR 'DI NYID DU GSUNGS BA, MTSAN NYID DANG NI BYA BA DANG, ,DNGOS POR MYA NGAN NGA MI 'DA', ,RNAM RTOG RNAM SHES BZLOG PA NA, ,NGA NI MYA NGAN 'DAS PA'O, ,ZHES PA STE, RTAG PA DANG, BDAG DANG, GTZANG BA DANG, BDE BA'I DNGOS PO PHYIN CI LOG GI RNAM PAR RTOG PA SPANG BA'I PHYIR MYA NGAN LAS 'DAS PA YIN GYI, BYED PA PO DANG BYED PA'I RNAM PA GNYIS DANG 'BREL TE, MYA NGAN 'DA' BAS MYA NGAN LAS 'DA' BA MA YIN NO, ,JI LTAR BDUN BRGYA PA LAS GSUNGS PA, 'DI LTA STE, MI SEMS BDE NYID MYA NGAN LAS 'DAS PA'O, ,DE LTAR SKYE 'JIG SPANGS PA YIS, ,THUB PA'I ZHI BA SUS MTHONG BA, ,DE DAG 'DI DANG SLAD MAR YANG, ,CHAGS MED NYER LEN MA MCHIS 'GYUR, ,ZHES PA NI, BDAG MED PA GNYIS LA YANG @32A *, ,BYED PA DANG, BYED PA POR 'BREL NAS SKYE BA MED PAR GANG DAG GIS THUB PA SKYE BA SPANGS PA DE LTAR MTHONG BA DE DAG NI LAS DANG NYON MONGS PA'I SRID PAR MNGON PAR MTSAMS SBYOR BA SPANGS TE, NYE BAR LEN PA MED PAS SNANG BA DANG BCAS PA DANG SNANG BA MED PA'I TING NGE 'DZIN LA BZHUGS PA'I THAMS CAD MKHYEN PAS 'JIG RTEN THAMS CAD LA PHAN PA'I PHYIR GNYIS SU MED PA'I SHES RAB KYIS DNGOS PO DANG DNGOS PO MED PA'I RNAM PAR RTOG PA SPANGS TE, MYA NGAN LAS 'DAS PAR GNAS PA YIN NO, ,CHAGS PA MED PA NI G-YO BA MED PA'O, ,BCOM LDAN BDAG NI BLO CAN TE, ,THEG CHEN KHONG DU CHUD PAR RTOGS, ,DRI BA BRGYA PO RTZA BRGYAD PA, ,GSUNGS PA'I MCHOG LA ZHU BAR BGYI, ,ZHES TE, YE SHES 'JUG PA'I RIGS DANG, BDAG GIS SNGON GYI RGYAL BA RNAMS LA BSNYEN BKUR BYAS PAS SMRA BA YIN TE, SEMS CAN RNAMS KYI LOG PA'I RNAM PAR RTOG PA BSTZAL BA'I PHYIR, JI LTAR BDAG GIS SEMS CAN GYI DON DU SANGS RGYAS KYI ZHING THAMS CAD DU ZHU BA LTAR RO, ,THEG CHEN KHONG DU CHUD PAR RTOGS, ZHES PA NI SNANG BA DANG BCAS PA DANG, SNANG BA MED PA'I TING NGE 'DZIN DU BYED PA'O, ,BYANG CHUB SEMS DPA' RNAMS KYI SPYAD BA SEMS CAN RNAMS KYI LOG PA'I RNAM PAR RTOG PA BSAL BA'I DON DU ZHU BA YONGS SU ZHU BAR 'TSAL NA, BCOM LDAN 'DAS MCHOG TU YONGS SU DAG PA 'DOD CHAGS DANG BRAL ZHING THAMS CAD MKHYEN PA RNAL 'BYOR GYI DBANG PO GZUGS RNAM PA SNA TSOGS KYI CHO 'PHRUL GYIS MTHA' YAS PA'I SEMS CAN GYI RGYUD MGU BAR MDZAD PA JI LTAR SBYAN SNGA NYID DU SEMS CAN RNAMS KYI LOG PA'I RNAM PAR RTOG PA'I RGYA MO LDOG PAR 'GYUR BA DE LTAR YANG DAG PAR ZHU BAR 'TSAL BA BCOM LDAN 'DAS NYID MKHYEN TO, ,ZHES BYANG CHUB SEMS DPA' CHEN PO BLO GROS CHEN POS DGONGS PA'I DON DU DMIGS SO, ,THAMS CAD MKHYEN PAS KYANG 'KHOR GYI BSAM BA THUGS SU CHUD NAS, NGA LA DRIS SHIG RGYAL SRAS RNAMS, ,BLO GROS CHEN PO KHYOD KYANG DRIS, ,ZHES BCOM LDAN 'DAS KYIS KYANG BTZUN GTZO BLO GROS CHEN PO LA SKABS PHYE BA @32B DANG, 'DRI BA'I LUS ZHU BAR BYED DO, ,BCOM LDAN 'DAS KYANG GSUNG BA GANG GIS 'DRI BA THAMS CAD KYI LAN LON PAR 'GYUR BA'I 'JIG RTEN DANG, 'JIG RTEN LAS 'DAS PAR 'DRI BA'I LAN NI MCHOG TU ZAB MO GSUNGS PA'O, ,RNAM PA GNYIS KYI SHES PA LA SHES RAB KYI BYE BRAG RAB TU 'JUG GO, ,GANG YANG DON DAM PAR MI SEMS PA MI GNYIS PA YANG DAG PAR RIG PA DER NI SNANG BA DANG BCAS PA'I RTOG PA THAMS CAD LDOG PAR 'GYUR BA NYID DO, ,SO SO RANG GI SPYOD YUL ZHES PA NI RANG GIS RIG PAR BYA BA STE, DES NA GANG GIS SNANG BA DANG BCAS PA DANG, SNANG BA MED PA'I TING NGE 'DZIN GYIS KHYAD PAR GYI YE SHES SU 'GYUR BA DON DAM PA'I BDEN PA MI GNYIS PA YANG DAG PAR RIG PA TZAM NYID SPYI'I RNAM PA'I TSUL GYIS NGAS KHYOD LA BSTAN PAR BYA'O ZHES THAMS CAD MKHYEN BAS DGONGS PA'O, ,SKABS PHYE BA DANG BLO GROS CHEN POS TSIG MA LUS BA'I BLO GROS KYIS THAMS CAD MKHYEN PA'I YUL DU GYUR PA'I TSAD MA DANG, GZHAL BA DANG, BRJOD PA DANG, SNANG BA DANG BCAS PA DANG, SNANG BA MED PA'I TING NGE 'DZIN RNAMS THUGS SU CHUD PA ZHU BAR BYED DO, ,JI LTAR RTOG GE RNAM DAG 'GYUR, ,RTOG GE CI YI SLAD DU 'BYUNG, ,JI LTA BUR NA NOR BAR GDA', ,CI YI SLAD DU NOR BA 'BYUNG, ,ZHES PA LA, RTOG GE NI RNAM PA MANG PO YOD DE, YANG DAG PA'I YE SHES KYI STOBS DANG, LOG PA'I YE SHES KYI STOBS LAS 'BYUNG BA STE, JI LTAR NI YE YA'I KA RNAMS RTOG PA TSAD MA DANG, GZHAL BA DANG, DOGS PA DANG, DGOS PA DANG, GRUB PA'I MTHA' DANG, DPE DANG, YAN LAG DANG, RTOG GE DANG, NGES PA DANG, RTZOD PA DANG, ZUG ZUG TU SMRA BA DANG, THO BTZAMS PA DANG, RGYUR SNANG BA DANG, KLAN KA DANG, RIGS 'DRA BA DANG, TSAR BCAD PA'I GNAS RNAMS YANG DAG PAR SHES PAS GDON MI ZA BA RNAMS KHONG DU CHUD PAR 'GYUR RO ZHES SO, ,TSAD MA DANG GZHAL BA MA GTOGS PAR TSIG GI DON GZHAN MED DO, ,GZHAL PA YANG TSAD MA MA GTOGS PAR YOD PA MA YIN PA NYID DO, DE LTAR 'DI NYID DU GSUNGS PA, GANG ZAG @33A *, ,RGYUD DANG PHUNG PO RNAMS, ,DE BZHIN RKYEN DANG RDUL PHRAN RNAMS, ,GTZO BO DBANG PHYUG BYED BA RNAMS, ,SEMS TZAM LA NI RNAM PAR RTOG ,YANG JI LTAR GSUNGS PA, GZUGS NI RDUL PHRAN GZHIGS PA NA, ,RDUL PHRAN CHA NI YOD PA MIN, ,'O NA CI SNANG ZHES GSOL BA'I LAN DU THAMS CAD MKHYEN PAS GSUNGS PA, PHYI YI DNGOS PO MED PAR YANG, ,SEMS NI RNAM PA GNYIS SU SNANG, ,DBYID KA'I SMIG RGYU JI BZHIN DU, ,G-YO BAS SEMS NI SLU BAR BYED, ,RI DAGS RNAMS NI CHUR 'DZIN TE, ,DE YI DNGOS PO YOD MA YIN, ,DE BZHIN RNAM SHES SA BON NI, ,G-YO BA SEMS KYI SPYOD YUL LA, ,BYIS PA 'DZIN BSKYE BA NA, ,RAB RIB RAB RIB CAN BZHIN DU'O, ,ZHES PA'O, ,DE DE LTAR BSLU BA DANG MI BSLU BA LA SOGS PA TSAD MA DANG, GZHAL BA'I THA SNYAD 'DI THAMS CAD KUN TU RTOG PA'O, ,RMI LAM DU YANG MTSO CHEN PO LA SOGS PAR 'KHRU BA DANG, BTUNG BA DANG, 'BOGS PA LA SOGS PA'I DGOS PA DANG DER YANG MYA NGAN GYI SMIG RGYU'I CHUS SLU BAR SNANG NGO, ,RNAM PA DE LTA BU'I RTOG GE JI LTAR RNAM PAR DAG PAR 'GYUR ZHE NA, GANG GI TSE SHES RAB KYI MTHUS SBOM PO DANG PHRA MO PHYOGS KYI CHAR GZHIGS TE STONG PAR 'GYUR BA DE'I TSE TSAD MA DANG GZHAL BA GNYIS SHES RAB KYI GCUNG ZAD KYANG MI MTHONG NAS MI GNYIS PA NYID DE, NGES PAR ZHUGS PA'I DBANG PO'I SHES PA RANG GIS RIG PA BZHIN DU DON DAM PA'I BDEN PA DNGOS PO DANG DNGOS PO MED PAR RNAM PAR MI RTOG PA LA GNAS PAR 'GYUR RO, ,DE LA RNAM PA GNYIS SU SNANG BAS GLONG SA BA'I MTHU NYID KYIS MNYAM PAR MI 'DU BA'I MA RIG PA YONGS SU SMIN PAS MGO 'KHOR BA DANG BRGYAL BA LA SOGS PA BZHIN DU BDAG DANG GZHAN GYI RGYUD KYI DBANG DANG RKYEN GZHAN PA RNAMS DU MA'I DBANG LAS KYANG SHES PA RNAM PA SNA TSOGS SU SNANG NGO, ,SHES RAB KYI SA DPYOD PA NI MI SNANG BAR 'GRO BA NI JI LTAR SLOB DPON DHARMA K'IRTIS SMRAS PA, BLOS NI MYONG BYED GZHAN MED DE, ,DE LA'ANG MYONG BYED GZHAN YANG MED, ,'DZIN DANG GZUNG BA CHEMS MED PHYIR, ,DE NI BDAG NYID @33B SNANG BYED DO, ,BLO YIS BDAG NYID DBYER MED KYANG, ,'KHRUL BAR MTHONG BA RNAMS KYIS NI, ,'DZIN PA GZUNG BA YANG DAG RIG ,THA DAD BZHIN DU RTOG PAR BYED, ,JI LTAR MTHONG BA DE BZHIN 'DI, ,'DZIN PA GZUNG BA RIG RNAMS LA, ,TSAD MA GZHAL BA 'BRAS BU NI, ,MED DU ZIN KYANG GZHAG PAR BYA, ,DE DE LTAR GNYIS KYI RNAM PA'I RTOG GE MA DAG PA NI MI GNYIS PA'I YE SHES DON DAM PA'I BDEN PAS RNAM PAR DAG PAR 'GYUR RO, ,KHYAD PAR RNAMS NI TSIG GI DON RNAM PA DRUG YONGS SU SHES PAS MTHAR RO ZHES KUN RTOG PA NI PHYI'I DON MED PAS TSIG GI DON RNAM PA DRUG PO MED PA NYID DO, ,DE DAG GI RTOG GE MA DAG PA NI DON DAM PA'I BDEN PA MI GNYIS PA YANG DAG PAR RIG PAS RNAM PAR DAG PAR 'GYUR RO, ,DE KHO NA NYID NYI SHU LDANG SHES PAS YONGS SU THAR RO ZHES GRANGS CAN RNAMS RNAM PAR RTOG PA PHYI'I DON MED PAS DE DAG GI YANG GTZO BO YUL MED BAS NA LONGS SPYOD MED PA'I PHYIR SPYOD PA'I SKYES BU YANG JI LTAR YOD PAR 'GYUR, SKYES BU'I RANG BZHIN SEMS PA CAN PAS NA RANG GI RIG PA TZAM DON DAM PA'I BDEN PA MI GNYIS PA'I YE SHES NYID DU RUNG NGO, ,NI YE YA'I KA DANG KHYAD PAR CAN GANG DAG YANG BDAG TSOR BA CAN MA YIN PAR KUN TU RTOG PA DE DAG GI DNGOS PO RNAM PA BCU DRUG DANG, DRUG GI KHYAD PAR TSOR BA MED PA LA JI LTAR YONGS SU SHES PAR RUNG, RDZAS DANG, YON TAN DANG, LAS DANG, SBYI DANG, KHYAD PAR DANG, 'BREL PA RNAMS KHYAD PAR BDAG GIS JI LTAR YONGS SU SHES, BDAG DANG YID DU SBYOR BA LAS SKYES BA'I SHES PAS CHUD PAR BYED CES NA NI DE MA GTOGS PAR BDAG NYID MED PA DAG LA RTOG PA NI DON MED PA'O, ,BDE BA DANG, SDUG BSNGAL BA DANG, GTI MUG DANG LDAN PA NI GTZO BO'I MNYAM PA'I DUS NA YON TAN GSUM STE, DE 'DRA BA NI CHEN PO'I RGYU YIN PAR KUN TU RTOG PAR BYED DO, ,CHEN PO ZHES BYA BA NI BLO'I RNAM GRANGS SO, ,CHEN PO LAS NI NGA RGYAL LO, ,NGA RGYAL LAS NI SGRA LA SOGS PA'I YUL DE TZAM RNAM PA LNGA'O, ,DE TZAM RNAM PA LNGA LAS NI 'BYUNG BA LNGA DANG, BLO'I DBANG PO LNGA DANG, LAS KYI DBANG @34A *, ,PO LNGA RNAMS DANG YID DO, ,BDAG TU CHAGS PA LONGS SKU SHES BA MA GTOGS PA GAL TE DE LTA BUR YONGS SU SHES PAS THAL BAR 'GYUR NA NI RE LDE DANG, RTZIG PA LA SOGS PA'I KHYAD PAR YONGS SU SHES PAS CIS NA THAL BAR MI 'GYUR, ,DE BAS NA NE YE YA'I KA DANG, KHYAD PAR CAN GYI TSIG GI DON GYI KHYAD PAR YONGS SU SHES PAS THAR PA'I SKYON 'DI'ANG MTSUNGS SO, , [?] KshA NA KA'I PHYOGS KYI THAR PAR 'GYUR BAR SMRA BSKYANG DOGS PA LDOG PAR MI 'GYUR BA NYID DE, YOD BAR 'GYUR BA NI SPYI'I BDAG NYID DANG, MED PA 'GYUR BA NI KHYAD PAR GYI BDAG NYID DANG, YOD KYANG YOD LA MED KYANG MED PAS LA 'GYUR BA NI SPYI DANG KHYAD PAR GYI BDAG NYID DU'O, ,YOD PAR 'GYUR BA SPYI'I BDAG NYID BA NI KHYAD PAR GYI BDAG NYID DU SMRA BAR MI BYA'O, ,KHYAD PAR GYI BDAG NYID DU SOD BAS 'GYUR BA YANG SPYI'I BDAG NYID DU SMRA BAR MI BYA'O, ,SPYI DANG KHYAD PAR GYI BDAG NYID DU YOD KYANG YOD, MED KYANG MED PA NI CIG CAR SMRA BAR MI BYA'O, ,SPYI DANG KHYAD PAR GYI BDAG NYID DU YOD PAR CIG CAR SMYU BAR MI BYA'O, ,ZHES PA KshA LAN KA RNAMS KYI THAR BA'I RGYUR GDON MI ZAB GANG YANG MED DO, ,DE'I PHYIR NA RTOG GI 'DI NI MA DAG PA STE, DES NA DE NI DON DAM PA'I BDEN BA MI GNYIS PA YANG DAG PAR RIG PAS DAG PAR 'GYUR ZHES BYA'O, ,GANG DAG YANG TSANGS PA DANG, DBANG PO LA SOGS PAR SMRA BA RNAMS PA KUN DU RTOG PA NI 'DI THAMS CAD TSANGS BA YIN TE, DE BAS NA ZHIB LA SNYEN BKUR GYIS SHIG CES PA GNYIS SU MED PAR SMRA BA DE DAG GIS GROL BA DANG, MA GROL BA DANG, PHYUG DBUL LA SOGS PA GCIG PA'I SKYON DU 'GYUR RO, ,BDE BAR GSHEGS PA RNAMS KYI MI GNYIS PA'I CHUD BA NI MANG PO STE, DE BAS NA DE DAG GI RTOG GE NI DAG PA'O, ,SKYOD PA CAN RNAMS KYI RIG PA NI RTAG PA'I TSAD MA STE, ZHES PA NI RTAG PA MA SKYES PA NA RI BONG GI RVA LTAR DNGOS PO MED PAS RTOG GE 'DI YANG MA DAG PA'O, ,GANG YOD PA DE THAMS CAD SKAD CIG BA STE, LOG PA'I SGRA DANG GLOG LA SOGS PA BZHIN NO, ,RTAG PAS NI RIM DANG CIG CAR DON BYED PA 'GAL BA'I PHYIR TE, GANG @34B LA DON BYED PA'I MTHU MED PA DE NI MO GSHAM GYI BU LA SOGS PA BZHIN DU DNGOS POR YOD PA MA YIN NO, ,'JIG RTEN RGYANG 'PHEN PA'I RTOG GE YANG PHYI'I DON MED PAS NA 'BYUNG BA'I 'GYUR PA LA 'GRO BA'I RNAM PA SNA TSOGS MA YIN NO, ,RGYU'I KHYAD PAR GYIS BYED PA MA GTOGS PAR 'BYUNG BA RNAMS KYANG RNAM PA SNA TSOGS SU SUS BYED, DE BAS NA 'GRO BA SNA TSOGS 'BYUNG BA LAS GZHAN PAR 'THAD DE, RGYU'I KHYAD PAR LAS RJES SU DPAG GO, ,DER YANG DBANG PO RGYU MA YIN TE, RTAG PA NI MA SKYES PAS NA MO GSHAM GYI BU LA SOGS PA BZHIN DU DNGOS POR YOD PA MA YIN NO, ,DES NA SDUG BSNGAL GYI RJES SU 'BREL BAR 'JUG PA GANG DANG GANG YIN PA DE DANG DER NI LOG PA'I SHES PAS BDAG TU ZHEN PA'I RGYU LAS 'BYUNG BA STE, MAR ME LA SOGS PAR PHYE BA MA SOGS PA BZHIN NO, ,SDUG BSNGAL RJES SU 'BREL ZHES BYA BA NI 'KHOR BAR SKYE BA DANG, RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID BLONG BA DANG, 'KHRUG PA'I LAS MTSAN NYID DU 'JUG PA'O, ,GAL TE LOG PA'I SHES PA MA GTOGS PAR YANG SDUG BSNGAL RJES SU 'BREL PAR 'JUG PAR 'GYUR NA NI DES DBEN PA'I YE SHES BSKYED KYANG G-YANGS LA SOGS PA'I YUL SPONG DU ZIN KYANG DE NYID DU LTUNG BAR 'GYUR RO ZHES BYA STE, 'DI NI MI MTHUN PA'I PHYOGS LA GNOD PA'I TSAD MA STE, DES NA RTAG PA'I BDAG LA ZHEN PA DANG, LAS KYI SRID PA RAB TU BYUNG STE DE ZAD PA NYID KYI THAR PA STE, PHUNG POR MI GNAS SHING 'JIG PA'O, ,RAB RIB 'KHRUL 'DAS 'KHRUGS PA NYE BAR ZHI BA RAB TU ZHI, ,YOD PA MA SKYES NAM MKHA'I ME TOG PA'ANG CIG CAR DANG, ,RIM GYIS DON BYED MA YIN ZHES PA DPAL BZANGS TSAD MA NI, ,TSUL GNYIS 'DUS PA BDER GSHEGS PA'I YANG MI GNYIS LA'O ZHES BYA'O,, ,,DE DE BZHIN DU PHRAN TSEGS KYI RTOG GE GZHAN YANG TSAD MAR RTOG PA TZAM LA BRTEN NAS THAR PA KUN TU RTOG PA STE, KHRUS DANG, SRIN SREG DANG, GAD PA DANG, G-YANG SA DANG, BKRA SHIS PA DANG, @35A *, ,BKRA SHIS MA YIN PAR RNAM PA RTOG PA'I MTSAN NYID NGO MA DANG, 'O MA MA YIN PA DANG, RTZA BA DANG, 'BRAS BU DANG, ME TOG DANG, RIN PO CHE DANG, GSER LA SOGS PA 'CHANG BA DANG, THAL BAS BSKU BA DANG, SKRA 'BAL BA DANG, RAL PA'I COD PA NA GYIS BRGYAN PA DANG, GAR DANG, GLU DANG, DBANG PO MGU BAR BYED PA DANG, BA LANG GI BRTUL ZHUGS DANG, RI DAGS KYI BRTUL ZHUGS LA SOGS PAR RNAM PAR RTOG PA NI RTOG GE MA DAG PA STE, BDAG TU ZHES PA YONGS SU MA SPANG NA JI LTAR YONGS SU THAR BAR RUNG, RTAG BA'I BDAG TU CHAGS PA'I MTHU NYID LAS 'KHOR BAR SKYE BA'I SDUG BSNGAL RJES SU 'BREL BAR 'GYUR TE, DE BAS NA BDAG MED PA YONGS SU SHES PAS THAR PAR RUNG STE, DE BZHIN DU YANG BDE BAR GSHEGS PA RNAMS KYI RTOG GE RNAM PAR DAG PAR 'GYUR RO, ,JI LTAR MCHOG TU YONGS SU DAG BA 'DOD CHAGS DANG BRAL ZHING THAMS CAD MKHYEN PA RNAL 'BYOR GYI DBANG PO GZUGS KYI CHO 'PHRUL GYIS MTHA' YAS PA'I SEMS CAN GYI RGYUD RANGS PAR MDZAD PAS TING NGE 'DZIN GYI RGYAL PO LAS GSUNGS PA, BDAG TU 'DU SHES LA NI GANG GNAS PA, ,DE DAG SDUG BSNGAL LA NI RAB TU GNAS, ,GANG NA SDUG BSNGAL YOD PA MA YIN PA'I, ,BDAG MED DE DAG GIS NI MI SHES SO, ,RTOG GE ZHES BYA BA NI DON KHONG DU CHUD PA'I RGYU KHONG DU CHUD BAR BYED PA'O, ,DE YANG BDE BAR GSHEGS PA RNAMS KYI TSAD MA'I RANG BZHIN NO, ,DON GSAL BAR CHUNG PAR BYED PA STE, DE LTA NA YANG DAG PA'I SHES PA DES RTOG GE RNAM PAR DAG PAR 'GYUR TE, GANG GI THE TSOM DU GYUR TE DNGOS PO RNAMS MI RTOG PAR MI 'GYUR BAS NA 'BYUNG BA'O, ,DE DE LTAR YANG DAG PA'I SHES PA DANG, LOG PA'I SHES PA'I RTEN NI BDE BAR RTOG PA DANG, 'KHRUL BA'I THA SNYAD DE, MI RTAG PA DANG, BDAG MED PA DANG, SDUG BSNGAL BA DANG, MI GTZANG BA DANG, STONG PA NYID KYI DNGOS PO YONGS SU SHES PAS RTAG PA DANG, BDAG DANG, GTZANG BA'I DNGOS POR PHYIN CI LOG PAR SHES PAS LDOG PA NA MDO SDE 'DIS LOG PA'I SHES @35B BAS RGYA CHER RNAM PAR ZLOG PAR BYED DO, ,CI YI SLAD DU SPRUL DANG ZHING, ,KHYOD KYI MTSAN DANG MU STEGS DANG, ,SNANG BYED RIM PA CI SLAD DU, ,KHYOD KYI RGYAL SRAS GANG LAS LAGS, ,ZHES BYA BA NI PHYI'I DON MED PAR GRANGS LAS 'DAS PA'I ZHING RNAMS JI LTAR SNAL, 'JIG RTEN 'DI NI SMI LAM LTA BUR CHUD PA'I SNANG BA LAGS NA, GANG GIS RMONGS PA RNAM PAR LDOG PA DE LTAR 'JIG RTEN LA BSHAD DU GSOL ZHES THAMS CAD MKHYEN PA'I YUL DU DRI BA BLO GROS CHEN POS BSAM PAR RJES SU DPAG GO, ,PHYI'I DON MED PAR SPRUL PA RNAMS JI LTAR NA SGYUR 'BYED PA SBYU MA'I RANG BZHIN BZHIN DU 'JIG RTEN LA BSHAD DU GSOL, PHYI'I DON MED PAR SKYES BU CHEN PO'I MTSAN RNAMS JI LTAR 'GYUR BA DE DAG RGYANG SGYU MA'I RANG BZHIN DU GANG GIS 'DUS PA'I SKYE BO KUN TU RMONGS PA LDOG PAR 'GYUR BA DE LTAR BSHAD DU GSOL, GNYIS PA DANG MI GNYIS PAR SMRA BA'I MU STEGS CAN JI LTAR LDOG PA DANG, DE DAG RTZOD PA DANG CHOS DANG GANG ZAG LA BDAG MED PA BSTAN PAS BZLOG TU GSOL, SNANG MED RIM PA CI SLAD DU, ,ZHES PA NI, PHUNG PO DANG, KHAMS DANG, SKYE MCHED LA SOGS PA BSHAD NAS RNAM PAR SHES PA TZAM BSHAD PAR MDZAD KYANG DNGOS PO DANG DNGOS PO MED PAR RNAM PAR MI RTOG PAR SNANG BA MED PA'I TING NGE 'DZIN RIM GYIS BSHAD PAR MDZAD NA SNANG BA DANG BCAS PA DANG, SNANG BA MED PA'I TING NGE 'DZIN GO RIMS SU BSHAD PAR MDZAD KYANG DNGOS PO THAMS CAD MKHYEN PA'I DGONGS BDE BSTAN DU GSOL, JI LTAR 'DI NYID DU GSUNGS BA, GCIG LA STON PAR GANG MDZAD BA, ,DE NI GZHAN LA BSTAN PA MIN, ,NAD PA'I DBANG LA SMRAN PA BZHIN, ,SMAN NI THA DAD RTOG BYED PA'O, ,ZHES SO, ,TING NGE 'DZIN RIM GYIS BSGOMS PAS SA DANG PHA ROL TU PHYIN PA'I KHYAD PAR GYI BSOD NAMS DANG, YE SHES KYI TSOGS RGYA CHE BAS RGYAL BA'I SRAS RNAMS KYI YON TAN BLA MA'I BLA MAR KHYAD PAR CAN DU 'GYUR RO, ,JI LTAR 'DI NYID DU GSUNGS BA, SA BDUN DAG NI SEMS YIN TE, ,SNANG BA MED PA BRGYAD PA'O, ,SA GNYIS DAG NI GNAS YIN TE, ,SA GZHAN NGA YI RANG @36A *, ,BZHIN NO, ,DE DE LTAR CHOS RGYA CHE RANG BSTAN DU GSOL, SNANG BA MED PA'I RIM PA JI LTA BUR MCHIS, DE MA MCHIS NAS BCU LA DBANG BA RNAMS KYI KHYAD PAR JI LTAR 'DI NYID DU BSGRUB PAR MDZAD PA, BCU PO PA NI DANG PO YIN, ,DANG PO PA NI BRGYAD PO YIN, ,DGU PO YANG NI BDUN PA STE, ,SNANG BA MED LA RIM CI YOD, ,CES BYA BYA BA LA SOGS PA STE, SA DANG POR CHOS LA BDAG MED PAR SNANG BA MED PA'I TING NGE 'DZIN LA SNYOMS PAR 'JUG PA DANG, SA BCU POR YANG YIN NA STON PA NYID LA KHYAD PAR CI MCHIS ZHES PA LA, DER SBYIN PA LA SOGS PA'I PHA ROL TU PHYIN PA LA SOGS PA'I BSOD NAMS KYI TSOGS YANG DAG PA'I DON DU THAMS CAD MKHYEN PAS BSHAD DU GSOL, GROL BA GANG DU MCHI BAR 'GYUR, ,BCINGS PA SU LAGS GANG GIS 'GROL, ,BSAM GTAN PA YI YUL DE GANG, ,JI LTAR THEG PA GSUM PO LAGS, ,ZHES PA'I 'DOD CHAGS LA SOGS PA'I NYON MONGS LA LONGS SU ZAD DE SEMS DAG PA NI THAR PA STE, DE NI GANG YANG MI 'GRO'O, ,SU STEGS CAN RNAMS KYIS NI SPU BUR STOBS SPYI BOR BRTOL TE NYI MA'I LAM GYIS ZHI BAR 'GRO BA LA SOGS PAS THAR BA'I GNAS SU KUN DU RTOG GO, ,GANG NA YANG 'GRO BA DANG 'ONG BA YOD PA DER SKYE BA'I GNAS YIN GYI THAR BA NI MA YIN NO, ,GROL BA GANG DU 'GRO BAR 'GYUR BA NI THAMS CAD MKHYEN PAS GAR YANG MA YIN NO ZHES BSTAN DU GSOL, BCINGS PA SU ZHIG GANG GIS 'GROL, ,ZHES BYA BA NI PHYUGS KYI BDAG POS PHYUGS KYI GTZO BO BCINGS PA LAS BKROL BA LTAR NI MA YIN GYI, JI LTA ZHE NA, YANG DAG PA'I YE SHES KYI LOG PA'I SHES PA BZLOG PAS BKROL BA STE, JI LTAR DBU MA LAS SMRAS PA, CHAGS PA'I 'DOD CHAGS THA DAD PAR, ,GAL TE 'DOD CHAGS SNGAR GYUR NA, ,DE YI RKYEN GYIS 'DOD CHAGS 'GYUR, , CHAGS MED 'DOD CHAGS CI PHYIR ZHIG ,'DOD CHAGS CHAGS PA SKYE BAR YANG, ,RIM PA DE NI 'DRA BA STE, ,'DOD CHAGS BZHIN DU CHOS RNAMS KUN, ,LHAN CIG MI 'JUG LHAN CIG MIN, ,BSAM GTAN PA YI YUL DE DANG, ,ZHES BYA BA NI GANG YANG MA YIN TE, GANG @36B CHAGS PAR BYED PA DANG, GANG DU CHAGS PAR 'GYUR BA DANG, GANG GIS CHAGS PAR 'GYUR BA DANG, CHOS DE DES KUN DU MI MTHONG BA NI SHES RAB KYIS MI DMIGS PA'I TSUL GYIS SBOM PO DANG PHRA MO RNAM PAR GZHAGS TE GANG YANG MI MTHONG NGO, ,JI LTAR THEG PA GSUM LAGS ZHES BYA BA NI STONG PA NYID LA SNA TSOGS SU BYA BA MED NA JI LTAR THEG PA GSUM DU BZHAG ,JI LTAR THAMS CAD MKHYEN PAS SH'A RI'I BU LA, SHES RAB KYI PHA ROL TU PHYIN PA LAN DU GSUNGS PA THAMS CAD MKHYEN PA SEMS CAN GYI DON GYI TSOGS KYI SA DANG PHA ROL TU PHYIN PAS KHYAD PAR DU PHYE BAS SO, ,YANG JI LTAR 'DI NYID DU GSUNGS PA, NYAN THOS DANG NI RGYAL BA GANG, ,SNANG BA'I GZUGS DAG DE DAG NI, ,BYANG CHUB SEMS DPA' BRTZE BDAG DAG ,DES NA SPRUL PA STON PA'O, ,DES NA THAMS CAD MKHYEN PA KHYOD KYI THEG PA GCIG PU NYID BSHAD DU GSOL ZHES BYA'O, ,THAMS CAD MKHYEN PAS SEMS CAN GYI MOS PA'I KHYAD PAR LAS THEG PA GSUM DU BSGYUR BAR GSUNGS PA, GCIG LA BSHAD PA GANG YIN PA, ,DE NI GZHAN LA BSHAD PA MIN, ,NAD PA'I DBANG LAS SMAN PA BZHIN, ,SMAN NI SO SOR RTOG PAR BYED, , CES SO, ,DE DE LTA BU NI TSIGS SU BCAD PA BSDUS PA LAS ZHUS PA THAMS CAD KYI LAN YOD PAS NA 'DI'I BSHAD PA YANG RGYA CHE BAR DER RIG PAR BYA'O, ,RKYEN GYIS SKYE BA DE DAG CI, ,'BRAS BU CI ZHIG RGYU NI GANG, ,GNYIS KA GZHAN PA CI SLAD DU, ,JI LTA BUR YANG 'BYUNG BA LAGS, ,ZHES BYA BA NI SKYE BA DANG, SKYED PA'I DANGS PO DANG, BYED BA DANG, BYED PA POR 'BREL TE RKYEN LAS 'BRAS BU 'BYUNG BA CUNG ZAD KYANG MED DE, GANG GI TSE NA RGYU YOD PA DE'I TSE NA 'BRAS BU MED PAS NA RGYU JI LTAR NA YOD, JI LTAR 'DI NYID DU THAMS CAD MKHYEN PAS GSUNGS PA; ,BLO GROS CHEN PO BU MA SKYES PAR YANG PHAR 'DOGS PA BZHIN DU RTOG GE PA RNAMS KYI RIM GYIS 'BYUNG BAR MI 'THAD PA DANG, CIG CAR 'BYUNG BAR MI 'THAD DE, RGYUS MTSAN NYID MA THOB PA'I PHYIR DANG, DUS GCIG TU PHAN PAR BYA BA DANG, PHAN PAR BYED PA MI RUNG @37A *, ,STE; DE BAS NA GNYIS KA GZHAN BA'I PHYIR RGYU DANG 'BRAS BU'I DNGOS POR MI RUNG NGO, ,JI LTA BUR YANG 'BYUNG BA LAGS, ,ZHES BYA BA NI MED PA'I 'BRAS BU JI LTAR NA BYA, MED PAR BYED PAR 'GYUR NA NI, ,BYED PAS BRKAG BAR MI 'GYUR RO, ,SNGA MA'I 'OG TU 'DI YOD NA, ,'DI YOD PAR 'GYUR RO ZHES TE, RTEN CING 'BREL BAR BYUNG BA LAS DANG 'BRAS BUR NGES PAR 'BREL BA 'BA' ZHIG GO, ,GZUGS MED SNYOMS PAR 'JUG PA DANG, ,'GOG PA DE YANG JI LTA BU, ,'DU SHES 'GOG BA JI LTA BU, ,CI SLAD JI LTAR SAD BAR 'GYUR, ,ZHES BYA BA NI SHES RAB KYI PHA ROL TU PHYIN PA SEMS 'JUG PA 'GOG BA'I RNAL 'BYOR YIN MOD KYI, 'ON KYANG GNYID LCIG PA LA LAGS PA BZHIN BAS NA, JI LTAR NA SAD BAR 'GYUR, BDAG TU CHAGS PA DANG LAS DANG TSE'I RGYUN JI SRID DU MI LDOG PA NI NYON MONGS PA RNAMS 'GOG PA BDAG TU CHAGS PA YOD NA 'GOG PAR 'GYUR, 'DU SHES 'GOG PA JI LTA BU, ,ZHES BYA BA LA, 'DU SHES NI MTSAN MA 'DZIN PA'I BDAG NYID DE, SHES RAB KYIS STONG PA NYID DU KHONG DU CHUD KYI BAR DE YANG JI LTAR NA 'GAG PAR 'GYUR, STONG PA NYID LA MTSAN MAR MI 'DZIN TE, SEMS LA MTSAN MA MED PAS SMON PAR MI BYED DE, DE LTAR NA 'DU SHES THAMS CAD DANG BRAL BA'I SANGS RGYAS BCOM LDAN 'DAS SU 'GYUR RO, ,CI SLAD JI LTAR SAD BAR 'GYUR, ,ZHES BYA BA NI SNYING RJE BA'I BAG CHAGS KYIS SEMS CAN GYI DON DU SAD NAS, SANGS RGYAS RNAM GZIGS KYANG SHES RAB KYIS MI GZIGS SO, ,GANG DAG LA YANG NAM MKHA' MTHA' YAS DANG, RNAM PAR SHES PA MTHA' YAS DANG, 'DU SHES YOD PA DANG MED PA YANG RUNG STE, RTAG PA DANG BDAG TU 'DU SHES PAS SEMS 'JUG PA 'GAG PA TZAM LA GNAS PA'I MU STEGS CAN RNAMS DES JI LTAR NA; SRID PA'I THOG MA THOB GYUR KYANG, ,BSAM GTAN PA SRID CHAGS MED RNAMS, ,NGAR BYED LCAGS KYUS DRANGS PA DANG, ,SEMS CAN DMYAL BAR YANG LHUNG BA, ,DE DAG SAD PAR JI LTAR RUNG, ,RIGS PA DANG LUNG GI RJES SU MTHUN PAR BDAG GIS CUNG ZAD CIG BSHAD MOD @37B KYI DAM PA'I CHOS 'DRI BA'I LAN NGES PAR NI THAMS CAD MKHYEN PA MKHYEN TO, ,'GRO BA DANG NI LUS 'DZIN KYANG, ,CI YI SLAD DU BYA BA 'BYUNG, ,JI LTAR SA LA 'JUG PAR 'GYUR, ,ZHES BYA BA NI SU PHYOGS DANG DUS GANG DU SKYES BA DE DE NYID DU 'GAGS PAS NA BYA BA CI'I SLAD DU 'BYUNG, SKAD CIG PA'I DON GYI DNGOS PO 'GAGS PAS YUL GZHAN DU 'GRO'O, ,LUS 'DZIN PA YANG RTAG PAR PHYI'I DON DU 'DU SHES PAS SKRAD CIG PA 'DRA BA GZHAN SKYE BA LA GCIG TU NGES PA 'DZIN TO, ,MGO 'KHOR BA DANG, BRGYAL BA LA SOGS PA BZHIN DU CHUD PA 'KHRUL BA'I RNAM PA LA PHYI ROL GYI BAR SGRO BTAGS NAS SEMS CAN RNAMS KYIS GNYIS KYI RNAM PA'I PHYIN CI LOG 'KHRUL BA YIN TE, DES NA SNANG BA MED DO, ,GZUGS NI RDUL PHRAN GZHIGS PA NA, ,RDUL PHRAN CHA NI YOD PA MIN, ,ZHES SO, ,JI LTAR SA LA 'JUG PAR 'GYUR, ,ZHES BYA BA NI SPYIN PA LA SOGS PA'I TSOGS DANG, RNAM PA GNYIS KYI RNAM PAR SHES PA DANG, TING NGE 'DZIN GYI KHYAD PAR BLA MA'I YANG BLA MA RNAMS KYIS SA RNAMS SU 'JUG GO, ,PHYI'I DON MED PAS NA YUL DANG DUS KYI RIM PAS SA LA SOGS PAR 'BYED PA MED DO ZHES PAR THAMS CAD MKHYEN PA SEMS CAN RNAMS LA GO BAR MDZAD DU GSOL ZHES BLO GROS CHEN POS DGONGS PAR RTAG GO, ,SRID GSUM TSOMS NAS PHA DE SU, ,GNAS NI GANG LAGS SU NI CI, ,GNAS SHING 'GRO BA GANG ZHIG TU, ,RGYAL BA'I SRAS SU JI LTAR 'GYUR, ,ZHES BYA BA NI KHAMS GSUM GYI 'DOD CHAGS DANG BRAL BA RNAMS NI SRID PA GSUM TSOMS NAS 'GRO'O, ,GNAS ZHES BYA BA NI DE DAG LA GNAS YOD DE, DE DAG KYANG SANGS RGYAS SU 'GYUR BA'O, ,DE DAG GI LUS NI YE SHES KYI'O, ,DE DAG GNAS PA'I MYA NGAN 'DAS PA LA GNAS PA NA, 'JUG PA DANG LDOG PA'I 'DU SHES KYIS DE DAG 'PHANGS PA STE, GANG DAG LA YANG 'GRO BA DANG, ,'ONG BA'I 'DU SHES YOD PAS SO, ,RGYAL BA'I SRAS BU JI LTAR 'GYUR, ,ZHES BYA BA DES NA 'DOD CHAGS DANG BRAL BA YANG SRID PA GSUM BCOM STE, 'GRO BA MED PA NI SANGS RGYAS SU @38A *, ,'GYUR BA'I PHYIR ZHES PAR BLO GROS CHEN POS DGONGS PAR RTAG GO, ,DPA' DANG TING NGE 'DZIN RNAMS DANG, ,MNGON PAR SHES PA JI LTAR 'THOB, ,JI LTAR SEMS NI MNYAM PAR 'JOG ,RGYAL BA KHYU MCHOG BDAG LA GSUNGS, ,ZHES BYA BA NI 'DOD CHAGS DANG BRAL BA GANG LA SNYING RJE'I SA BON YOD PA DE LA SANGS RGYAS RNAMS KYIS GZHAN GYI DON LA BSKUL BAS NA, BYANG CHUB SEMS DPA'I SPYAD PA MNGON PAR SHES PA DANG, DBANG DANG, TING NGE 'DZIN RNAMS YOD PAR 'GYUR RO, ,SNYING RJE'I BAG CHAGS KYIS GLENG BA NA, CHAGS PA MED PA'I SEMS MNYAM PAR 'JOG STE, SA BON THAMS CAD KYI KUN GZHI RNAM PAR SHES PA MI DGE BA'I BAG CHAGS SPANG STE, DGE BA'I BAG CHAGS DE DAG LA YOD DO, ,DE BAS NA 'DI SKAD DU GSUNGS PA, YID DANG RNAM PAR SHES PA DANG, ,KUN GZHI DE YANG JI LTA BUR, , SNANG LA JI LTAR 'JUG PA LAGS, ,JI LTAR SNANG BAS GLAD DU LDOG ,CES BYA BA NAS, MTSAN RNAMS RNAM PAR DGOD PA DANG, ,BDAG MED PA'ANG JI LTAR 'GYUR, ,ZHES BYA BA'I BAR DU'O, ,NYAN THOS LA SOGS PA NGES PA'I RIGS SU JI LTAR 'GYUR, YONG NI SEMS CAN THAMS CAD DE BZHIN GSHEGS PA'I SNYING PO ZHES BYA STE, SNOD MA YIN PA'I SEMS CAN GANG YANG MED PAS BYANG CHUB TU SEMS BSKYED PA THAMS CAD KYIS THAMS CAD KYANG SANGS RGYAS SU DGOD PAR BYA BAS NA, DE LTAR SGRUB TU GSOL ZHES BLO GROS CHEN POS DRI BAR BSAM PA'O, ,SEMS TZAM DU YANG JI LTAR RIG PAR BYA, PHYI'I DON DU GDON MI ZA BAS SEMS CAN RNAMS KYI THA SNYAD DU 'JUG STE, JI LTAR PHYI'I DON MA MCHIS PAR DE LTAR RIG PA'I KHYAD PAR GYIS BSGRUB PAR GSOL, JI LTAR DON SUN 'BYIN PAR 'DI NYID DU GSUNGS PA, GZUGS NI RDUL PHRAN GZHIGS PA NA, RDUL PHRAN CHA NI YOD PA MIN, ,SNANG BA 'DI CI ZHES PA DANG, GSUNGS PA, PHYI YID NGOS PO MED PAR YANG, ,SEMS NI RNAM PA GNYIS SU SNANG, ,ZHES PA STE RAB RIB DANG, MGO 'KHOR BA DANG, BRGYAL PA LA SOGS PA'I DNGOS PO LTAR RO, ,GANG GI TSE NA, SHES RAB MNYAM @38B PAR 'JOG PAS CUNG ZAD KYANG MI DMIGS PA DE'I TSE, SEMS TZAM NYID LA GNAS PAR 'GYUR RO, ,PHUNG PO DANG, KHAMS DANG, SKYE MCHED LA SOGS PA'I MTSAN NYID JI LTAR SNANG BA DE TZAM PA DE LTAR BSTAN DU GSOL, CHOS DANG GANG ZAG LA BDAG MED PA YANG JI LTAR 'GYUR ZHES BYA BA NI PHYI'I DON MED PA DANG, SKAD CIG PAS JI LTAR 'JIG PAR 'GYUR, DE LTAR RIG PA'I KHYAD PAR GYIS BSGRUB BAR GSOL, SEMS CAN MA MCHIS JI LTA BU, ,KUN RDZOB BSHAD PA JI LTA BU, ,JI LTAR RTAG DANG CHAD PA YI, ,LTA BA RAB TU 'BYUNG MI 'GYUR, , ZHES BYA BA NI, SEMS CAN RNAM PA GNYIS KYANG 'BYUNG BA MED DE, MU STEGS CAN RNAMS KYIS RTAG PA YIN PAR YONGS SU RTOG PA'I SEMS CAN DE MED DE, MO GSHAM GYI BU LA SOGS PA BZHIN DU MA SKYES PA'I PHYIR RO, ,MIG LA SOGS PA'I SKYE MCHED RNAMS KYIS GANG LA SEMS CAN DU GDAGS PAR BGYI BA YANG PHYI'I DON MA MCHIS PAS NA DE YANG MA MCHIS PAR BSTAN DU GSOL, KUN RDZOB BSHAD PA CI LTA BU, ,ZHES BYA BA NI GAL TE PHYI'I DON MED NA, MGO 'KHOR BA DANG BRGYAL BA LA SOGS PA BZHIN DU PHYI'I DON MA RTOGS PAR YANG RNAM PA SNA TSOGS KYI RNAM PAR SHES PA RAB TU 'BYUNG ZHES PAR RO, ,JI LTAR RTAG PA LA MNGON PAR CHAGS PA KHA CIG LA THAR PA YANG BDAG RTAG PA YOD CES PA DANG, JI LTAR KHA CIG CHAD PAR MNGON PAR CHAGS TE, DER THAR PA THAMS CAD KYIS MED CES PA DANG, 'DI RTAG PA DANG CHAD PAR SMRA BA SKAD CIG MA'I RGYUN DON DAM PA'I BDEN PA MI GNYIS PAR YANG DAG PAR RIG PA JI BZHIN DU 'JIG BAR MI 'GYUR BA DE BZHIN DU BSHAD DU GSOL, JI LTAR KHYOD DANG MU STEGS SU, ,MTSAN NYID RNAMS KYIS 'GAL MI 'GYUR, ,SDE PA RNAMS KYANG JI LTA BUR, ,MA 'ONGS DUS NA 'BYUNG BA GSUNGS, ,ZHES BYA BA LA MU STEGS CAN NI GRANGS CAN DANG, KHYAD PAR CAN LA SOGS PA STE, DBANG PO DANG DON GYI KHYAD PAR RNAMS KYIS PHYI'I DON GYI MTSAN NYID YONGS SU RTOGS LA, PHYI'I DON MED PAR YANG PHUNG PO DANG, KHAMS DANG SKYE MCHED LA @39A *, ,SOGS PA'I MTSAN NYID DE BZHIN GSHEGS PA'I TSUL DANG, JI LTAR NA 'GAL BAR MI 'GYUR, SDE PA RNAMS NI THAMS CAD YOD PAR KUN TU RTOG STE, THAMS CAD DU SMRA BA PA NI GRANGS CAN RNAMS KYIS GSAL BA DANG, MI GSAL BAR KUN TU RTOG PA BZHIN DU DUS GSUM DU YANG BYA BA BYED PA DANG, BYA BA MI BYED PA YOD DO ZHES SO, ,SA MI TI BA RNAMS NI GANG ZAG RTAG PAR 'DOD DO, ,DE BZHIN DU 'PHAGS PA DGE 'DUN CHEN PO BA RNAMS DANG, GNAS BRTAN CHEN PO PA RNAMS KYANG RTOG PA THA DAD PA DANG, 'DOD PA THA DAD PAS PHYE BA PHYI'I DON DU SMRA BA RNAM PA BZHI PO YANG RNAM PA BCO BRGYAD DU 'BYED PA'I SDE PA RNAMS MA 'ONGS PA'I DUS NA JI LTAR 'BYUNG, BLO GROS CHEN POS DGONGS PA NI GANG GIS DE LTA BUR SMRA BAR MI 'GYUR BA'I THEG PA CHEN PO 'BA' ZHIG BSHAD DU GSOL ZHES PAR RO, ,JI SLAD JI LTAR STONG PA NYID, ,JI LTAR KHYOD KYI SKAD CIG 'JIG ,SNYING PO JI LTAR 'BYUNG BA LAGS, ,JI LTAR 'JIG RTEN BYED MA MCHIS, ,ZHES BYA BA NI LTA BA THAMS CAD SPONG BA STE, CHOS LA BDAG MED PA YONGS SU MCHIS PA DON DAM PA'I BDEN PA MI GNYIS PAR YANG DAG PAR RIG PAR BYA BA NI SHES RAB KYIS MI DMIGS PA'I TSUL GYIS 'GYUR RO, ,GANG YOD PA DE THAMS CAD SKAD CIG PA STE, SE GOL GYI SGRA BZHIN NO, ,RTAG PA NI RIM DANG CIG CAR DON BYED PA 'GAL PAS NA RI BONG GI RVA BZHIN DU MED PAR DE LTAR THAMS CAD MKHYEN PAR SKAD CIG PAR SGRUB TU GSOL, BSHES PA'I SHES PA NI LOG PA'I SHES PA STE, DE LAS RTAG PAR YID CHES BAR MI 'GYUR TE, SKRA DANG RTZVA LA SOGS PA BCAD NA PHYIR SKYES PA BZHIN DU 'DRA BA'I DNGOS PO GZHAN SKYES PA LA SHES PA 'JUG GO, ,CHOS DANG GANG ZAG LA BDAG MED PA RTOGS PAS SEMS CAN THAMS CAD DE BZHIN GSHEGS PA'I SNYING PO PAR RAB TU CHUD PA THOB PAR 'GYUR RO, ,'JIG RTEN BYED PA MA MCHIS PA NI 'DZIN PA DANG, GZUNG BA DANG, BRJOD PA DANG, RJOD PA DANG, BSKYED PA DANG, SKYED PA DANG, BYED PA DANG, BYED PA POR 'BREL PA MED PA'I PHYIR RO, ,JI LTAR DON DAM PA'I BDEN PA GNYIS SU MED PAR CHUD LA @39B YOD PA DANG, MED PAR BRJOD PAR MI BYA BA KUN TU RTOG PA DANG BRAL BAR 'GYUR BA DE LTAR KHONG DU CHUD PAR MDZAD DU GSOL ZHES BLO GROS CHEN POS DGONGS PA'I DON DU RTAG GO, ,JI STE 'JIG RTEN SMIG RGYU 'DRA, ,DRI ZA 'DRA DANG SMIG RGYU DANG, ,CHU YI ZLA BA 'DRA BA YANG, ,CI YI SLAD PA BDAG LA GSUNGS, ,ZHES BYA BA NI RMI LAM DANG, MIG 'PHRUL DANG, CHU ZLA DANG, DRI ZA'I GRONG KHYER DANG, DGON PA'I SMIG RGYU LA SOGS PA CHUR 'KHRUL PAR SNANG BA BZHIN DU, 'JIG RTEN PA YANG THOG MA DANG THA MAR STONG PA DANG, DBUS SU GNYIS KYI RNAM PA'I NGO BO NYID KYIS STONG BA STE, 'KHRUGS PA'I MTHU DANG MNYAM PAR MI 'DU BA'I MA RIG PA DANG, LAS KYI DBANG DANG, BDAG DANG GZHAN GYI RGYUD DBANG DANG, RKYEN GYI KHYAD PAR LAS 'JIG RTEN RNAM PA SNA TSOGS SU SNANG NGO, ,THOS PA DANG, SEMS PA DANG, BSGOM PA'I SHES RAB KYI RJES SU 'BRANG BAS GANG GI TSE SHES PAR BYA BA SBOM PA DANG PHRA BA PHYOGS KYI CHAR DBYE BAS BYE BA NA STONG PAR MTHONG BA NI, DON DAM PA'I BDEN PA GNYIS SU MED PA YANG DAG PA'I RIG PA DNGOS PO DANG DNGOS PO MA YIN PAR RNAM PAR MI RTOG PAR MNGON PAR RTOGS PAR 'GYUR RO ZHES THAMS CAD MKHYEN PAS SPYIR SGRA'I DON DU SGRO BTAGS TE, 'JIG RTEN GYI GLO BAR CHUD PAR MDZAD DU GSOL ZHES BLO GROS CHEN POS DGONGS PA'O, ,BYANG CHUB YAN LAG JI LTAR CES, ,BYANG CHUB PHYOGS RNAMS CI LAS 'BYUNG, ,YUL 'KHRUG PA DANG KHRAG KHRUG DANG, ,JI LTAR SRID PA LTA BAR 'GYUR, ,ZHES BYA BA NI BSAM GTAN DANG, TING NGE 'DZIN YANG DAG PA'I BYANG CHUB KYI YAN LAG LA SOGS PA GANG DAG BYANG CHUB KYI PHYIR YAN LAG BYED PA DANG, BYANG CHUB KYI PHYOGS KYI CHOS GANG DAG YANG SUM CU RTZA BDUN RNAMS SO, ,GANG DAG YANG MU STEGS CAN RNAMS KYIS RTZOD PA DANG 'THAB PAS PHAN TSUN DU KHRAG KHRUG GI SROG GCOD PA LA SOGS PA'I CHOS DANG YUL 'KHRUGS NAS BSREGS PA DANG, RGOL BA DANG, KHRO BA LA SOGS PA MCHOD SBYIN PA PO DANG, DRAN PA PO DANG, BRTAG PA PO RNAMS KYIS CHOS SU KUN TU BRTAGS PA RNAL 'BYOR PA @40A *, ,DANG; TSE LAN PA PO RNAMS KYI ZHI BA DANG, MA ZHI BA'I GNYIS KYI RNAM PA'I SHES PA LAS KYANG JI LTAR NA 'JUG ,JI LTAR SRID BA LTA BAR 'GYUR, ,ZHES BYA BA NI, MTHO RIS 'DOD PAS MCHOD PAR BYA, ,ZHES PAS NA, GANG GIS PHYI'I DON DU MNGON PAR CHAGS PAS 'KHRUG PA DE DAG LDOG PAR 'GYUR BAR GNYIS SU MED PA DON DAM PA'I BDEN PA BDUD RTZI'I CHOS DE BSTAN DU GSOL, MA SKYES PA DANG MA 'GAGS PA, ,JI LTAR NAM MKHA'I ME TOG 'DRA, ,'JIG RTEN JI LTAR THUGS SU CHUD, ,YI GE MED PAR JI LTAR GSUNGS, ,ZHES BYA BA NI SKYE BA DANG, SKYED PA DANG, BYED PA DANG, BYED PA PO LA MNGON PAR 'BREL BAS MA SKYES PAS NA MA SKYES PA'O, ,SKAD CIG PA'I DNGOS PO MA GTOGS PAR SKYE BA DANG GNAS PA DANG 'GOG PA LA SOGS PA GZHAN PA'I CHOS MED DE, DES NA MA 'GAGS PA'O, ,JI LTAR DBU SA LAS 'BYUNG PA, ,GAL TE SKYE BA 'DUS BYAS NA, ,MTSAN NYID GSUM LDAN DER RIGS TE, ,DE STE SKYE BA 'DUS MA BYAS, ,'DUS BYAS MTSAN NYID JI LTAR RUNG, ,DES NA BDAG MED PA GNYIS LA YANG SKYE BA GANG GNAS PA DANG, 'GOG PA LA SOGS PA'I CHOS GZHAN MED DO, ,CHOS LA BDAG MED PA LA YANG GZHAN GYI DBANG GI NGO BO NYID KYI GNYIS KYI RNAM PA RNAMS MA SKYES PA NI RMI LAM DANG MIG 'PHRUL LA SOGS PA BZHIN NO, ,DE BAS NA NAM MKHA'I ME TOG BZHIN DU SHES RAB KYIS GNYIS KYI RNAM PA STONG STE, DE LTAR DMIGS SU MED PA'I TSUL GYIS 'JIG RTEN THUGS SU CHUD DO, ,YI GE MED PA NI BSAM PA MED CING SNANG BA MED PA DON DAM PA'I BDEN PA MI GNYIS PAR YANG DAG PAR RIG PAR YANG MNGON PA'I TSUL GYIS SPYIR SGRA DANG DON DU SKYED DE, GNYIS PA DANG MI GNYIS PA'I MTSAN NYID KYI CHOS BSHAD PAR MDZAD PA, RNAM PAR MI RTOG PA DE RNAM PAR RTOG PA DANG BCAS PA'I YE SHES KYI BSHAD DU GSOL, ,CI YIS RNAM PAR MI RTOG 'GYUR, ,JI LTAR NAM MKHA' 'DRA BA LAGS, ,DE BZHIN NYID NI RNAM PA DU, ,SEMS DANG PHA ROL PHYIN PA DU, ,ZHES BYA BA NI GANG GI TSE NA, SHES PAR BYA BA SBOM PO DANG PHRA BA PHYOGS SU DBYE BAS PHYE STE, CUNG ZAD @40B KYANG MI DMIGS PA DE'I TSE CHUD PA MI SEMS SHING RNAM PAR MI RTOG PA DANG, CHAGS PA MED PA'I NAM MKHA' DANG 'DRA BAR 'GYUR RO, ,DE BZHIN NYID LA RNAM PA GNYIS YOD DO, DRI MA DANG BCAS PA DANG, DRI MA MED PA STE, 'KHOR BAR 'KHRUL BA'I RNAM PA DANG MI GNYIS PA'I THAR PAR STONG PA'O, ,SEMS ZHES BYA BA, SEMS KYI KUN GZHI RNAM SHES TE, ,NGAR SEMS NYID NI YID YIN NO, ,GANG GI YUL RNAMS 'DZIN PA NI, ,DE NI RNAM PAR SHES ZHES BYA, ,ZHES PA'O, ,DBANG PO DANG DON MED PAR YANG SEMS NYID NI RMI LAM GYI DUS NA, MIG LA SOGS PA'I RNAM PAR SHES PA RNAM PA RNAMS SU SO SOR SNANG BA NI, LUS DANG LONGS SPYOD GNAS SNANG BA, ,KUN GZHI KUN TU 'BYUNG BA STE, ,RNAM BRGYAD RNAM DGU DE BZHIN DU, ,RGYA MTSO RLABS RNAMS BZHIN DU'O, ,PHA ROL TU PHYIN PA NI THEG PA CHEN PO LA PHA ROL TU PHYIN PA BCU'O, ,NYAN THOS KYI THEG PA DRUG KLOG GO, ,THEG PA CHEN PO NI THABS DANG, SMON LAM DANG, STOBS DANG, YE SHES KYI KHYAD PAR GYI MTSAN NYID CAN TE, DE'I PHYIR DE LTAR SHES RAB DANG, THABS LA MKHAS PA DANG, SMON LAM DANG, SEMS CAN GYI DON DU SPYAD PAR BYED PA SANGS RGYAS KYI LAM GYI KHYAD PAR NI NYAN THOS KYI THEG PA YANG MA GSUNGS SO, ,'PHAGS PA'I BDEN PA BZHI'I YE SHES NI BYANG CHUB GSUM GYI YANG THUN MONG PA LAGS TE, DES NA SANGS RGYAS KYI LAM SA DANG, PHA ROL TU PHYIN PA'I KHYAD PAR RNAMS KYIS THEG PA CHEN PO'O, ,MDO SDE RGYA CHE PA NYAN THOS RNAMS KYIS KHONG DU MA CHUD PA STONG PA NYID DANG, MTSAN MA MED PA DANG, SMON PA MED PA'I RNAM PAR THAR PA THOB PA KHA CIG DER 'JUG PAS NA BSHAD DU GSOL, GANG GIS SA YI RIM PAR 'GYUR, ,SNANG MED RGYU BA GANG ZHIG LAGS, ,GANG GIS BDAG MED RNAM PA GNYIS, ,SHES BYA JI LTAR RNAM PAR 'DAG ,CES BYA BA NI CHOS LA BDAG MED PA NI SA DANG POR RTOG PAR 'GYUR RO, ,DE LTAR NI GNYIS SU MI SNANG BA'I TING NGE 'DZIN GYI RIM PA'I KHYAD PAR KYANG JI LTAR NA 'GYUR, RA BA DANG, 'BRING DANG, THA MA DANG, @41A *, ,G-YO BA DANG, MI G-YO BA'I RIM PAS 'GYUR RO, ,GNYIS KYI RNAM PAR BDAG MED PA GNYIS TE, SO SOR SNANG BA'I RNAM PAR RTOG PA'I KHYAD PAR GYIS 'GYUR BA DANG, DE BZHIN DU THOS PA DANG SEMS PA'I YE SHES KYIS PHUNG PO DANG, KHAMS DANG, SKYE MCHED LA SOGS PA SO SOR SNANG BAS GANG ZAG LA BDAG MED PA'O, ,CI SHES BYA JI LTAR RNAM PAR 'DAG ,CES BYA BA JI LTAR ZHE NA, GANG GI TSE SHES PAR BYA BA SHES RAB KYIS CUNG ZAD MI DMIGS PA DE'I TSE SHES BYA 'DAG GO, ,SHES RAB KYIS MI DMIGS PA DANG, SNYING RJES MI DMIGS TE; DES NA SNANG BA DANG BCAS PA DANG, SNANG BA MED PA'I TING NGE 'DZIN DANG, SA DANG PHA ROL TU PHYIN PAS BSOD NAMS DANG YE SHES KYI TSOGS 'PHEL BA NA, THAMS CAD MKHYEN PA'I GZHAN GYI DON 'PHEL BAR 'GYUR RO, ,DE LTAR 'JIG RTEN LAS 'DAS PA'I ZHU BA GSOL NAS, GZHAN GYI DON DU 'JIG RTEN PA DANG THUN MONG PA'ANG GSOL BAR BYED DO, ,MGON PO YE SHES RNAM PA DANG, ,TSUL KHRIMS SEMS CAN 'BYUNG GNAS DU, ,NOR BU MU TIG GSER 'BYUNG BA'I, ,RIGS RNAMS SU YIS RAB TU PHYUNG, ,ZHES BYA BA NI THAMS CAD MKHYEN PA'I YUL DU GYUR PA RNAM PAR SHES PA RNAM PA DU MA ZHU BAR BYED PA NI SHES RAB DANG, BZO DANG, SGYU RTZAL MTHA' MED PA RNAMS SO, ,TSUL KHRIMS NI TSUL KHRIMS DANG BRTUL ZHUGS SNYEMS PAR BYED PA GRANGS MED PA RNAMS SO, ,SEMS CAN 'BYUNG GNAS NI DGE BA DANG, MI DGE BA'I LAS MU MED PA RNAMS SO, ,DE BZHIN DU RIN PO CHE'I 'BYUNG GNAS RNAMS TE, SEMS CAN GYI LAS RNAM PA SNA TSOGS LAS 'BYUNG BA DANG, DE DAG LTA BAR BYA BA'I GTZUG LAG KYANG DPAG TU MED PA'I PHYIR TE, JI LTAR MTHA' YAS PA'I SEMS CAN GYI THE TZOM SPANGS TE, BSAM PA MGU BAR 'GYUR BA DE LTAR BSHAD DU GSOL ZHES PA'O, ,'JIG RTEN GYI ZHU BA SNYING PO MED PA RNAM PA DE LTA BU RNAM PA THAMS CAD MKHYEN PAS SPONG BA'I LAN BKA' STZAL BAR MDZAD PA, RI RAB LA SRANG DU YOD PA DANG, SA LA RDUL DU YOD PA DANG, YUNGS 'BRU DANG, TIL 'BRU DANG, 'BRAS @41B DANG, NAS DANG, SOR DANG, MTHO DANG, KHRU DANG, KHRU BZHI LA GZHU DANG, DE LNGA BRGYA LA RGYANG GRAGS DANG, DE BZHI LA DPAG TSAD LA SOGS PA STONG PHRAG BRGYAL 'BUM DANG, BYE BA DANG, DUNG PHYUR DANG, THER 'BUM DANG, SHU RNGOG LA SOGS PA'I GRANGS SU BYA BA CI'I PHYIR NI MI 'DRI, SKAD CIG YUD TZAM THANG CIG DANG BDUN STONG NYIS BRGYA'O, ,YUD TZAM SUM CU LA THANG CIG GO, ,THANG CIG DE LA SKAD CIG PA SUM KHRI DRUG STONG PO, ,THANG CIG GSUM CU LA NI NYIN ZHAG GCIG GO, ,NYIN ZHAG GCIG LA SKAD CIG PA BYE BA PHRAG DRUG DANG, GZHI MTHUN BRGYAD KHRI STE, GANG NA PHUNG PO LNGA SKYE ZHIR 'GAG BA'O, ,SKAD CIG ,YUD TZAM, THANG CIG ,'JUMS PA DANG, BYE BA DANG, CHU TSOD DANG, THUN DANG, NYIN ZHAG DANG, ZLA BA DANG, LO DANG, BSKAL PA'I GRANGS DANG, YUL THAMS CAD CI STE MI 'DRI, YAL GA LA GZHON NU DANG, SHING GEL PA DANG, RTZA DANG, NAGS TSAL DANG, MYA NGAM GYI THANG DANG, BYE MA'I SGANG GI MTHA' MA DANG, BRAM ZE RNAMS KYI CHOS KYI GTZUG LAG RIG PA'I GNAS RNAM PA BCO BRGYAD DANG, RTOG GE DRUG DANG, RIG SNGAGS KYI YAN LAG DRUG DANG, SNGA MA CAN GYI, SRUNG DANG SMAN DPYAD DO, ,DON GYI GTZUG LAG RNAMS DE DAG RNAM PA BCU DRUG THAMS CAD MKHYEN PA'I YUL DU GYUR PA CIS NA 'DRI BAR MI BYED, SEMS CAN RNAMS KYI 'BYUNG GNAS LA SOGS PA GO 'DUN TSOGS PA'I SKYE BO RNAMS KYI BSAM PAS DRI BA DANG, SHING DANG BONG BA LA SOGS PA RNAMS MANG PO BYIS PA RNAMS KYI RNAM PAR RTOG PA'I RGYAL MO'I DRI BAS NYON MONGS PA YONGS SU ZAD PAR MI BYED LA THAR PA MA YIN NO, ,MI RTAG PA DANG, SDUG BSNGAL BA DANG, MI GTZANG BA DANG, STONG PA BSGOMS PAS 'DOD CHAGS LA SOGS PA'I NYON MONGS PA'I SGRIB PA BAG CHAGS DANG BCAS PA THAMS CAD MKHYEN PA'I MKHYEN PAR MDZAD PA'I DKYIL 'KHOR MTHA' DAG GLANG DOR GYI KHYAD PAR 'BA' ZHIG TU SNANG DBAS NA, GANG GI MI RTAG PA DANG SDUG BSNGAL BA DANG, MI GTZANG BA DANG, STONG PA BSGOMS PAR SBYOR BAS NYON MONGS PA YONGS SU ZAD CING @42A *, ,THAR PA DANG, THAMS CAD MKHYEN PA DANG, SEMS CAN GYI DON DU 'GYUR BAR SEMS CAN GYI PHYIR BLANG BA NYID DE LTAR BSHAD PAR MDZAD DO, ,GANG GIS KHYOD NYAG MA'I DON RNAMS DANG BYE MA LA SOGS PA'I MTSAN NYID KYI KHYAD PAR 'DRI BA NI 'DOD CHAGS LA SOGS PA YONGS SU ZAD PA'I DON DANG, DE BZHIN DU THAR BAR 'GYUR BA MA YIN NO, ,'DI NI SEMS CAN THAMS CAD KYI 'DOD CHAGS LA SOGS PA'I NYON MONGS PA BAG CHAGS DANG BCAS PA SPONG BAR BYED PA'I THABS MA YIN NO ZHES THAMS CAD MKHYEN PAS GSUNG NGO, , SEMS CAN DNGOS PO'I SNA GRANGS DANG, ,MNGON PAR BRJOD PA SU YIS BSKYED, ,RIG PA'I GNAS DANG BZO YI GNAS, ,GANG GIS JI LTAR RAB TU BSHAD, ,CES BYA BA NI SEMS RANG BZHIN GYIS 'OD GSAL ZHING CHUD PA TZAM DE LA JI LTAR NA MNGON PAR BRJOD PA YOD, DE JI LTAR ZHE NA, BDAG DANG GZHAN GYI RGYUD KYI DBANG GIS KUN DU SLONG NAS MGO 'KHOR BA DANG BRGYAL BA LA SOGS PA BZHIN DU, RNAM PA SNA TSOGS KYI RNAM PA'I RNAM PAR RTOG PA SO SOR SNANG BA DBYE BA PHYE BA NA, MNGON PAR BRJOD PA SKYE'O ZHES THAMS CAD MKHYEN PAS BSTAN DU GSOL, SEMS CAN RNAMS KYI MA RIG PAS MNYAM PAR MI 'JIG PA'I PHYIR SEMS CAN GYI 'JIG RTEN DANG, SNOD KYI 'JIG RTEN DAG GIS YIN, DE BZHIN DU THUN MONG BA DANG THUN MONG MA YIN PA'I LAS KYI RNAM PAR SMIN PA'I KHYAD PAR LAS KHYAD PAR DU SNANG BAR 'GYUR RO, ,NGES PA'I LAS SO SOR STON PAR BYED PA NI RNAM PAR SHES PA DANG BZO RNAMS LA YANG RAB TU SHES PAR 'GYUR RO, ,RIGS DANG RIGS MA YIN PA SHES RAB KYIS DANG, BLANG BA SEMS CAN RNAMS KYI LAS KYIS KUN BSKYED PA LAS 'GA' ZHIG MKHAS PA'I RIGS SU 'GYUR RO ZHES THAMS CAD MKHYEN PAS DE SKAD SGRUB TU GSOL, RIG PA'I GNAS DANG BZO RNAMS KYANG YE SHES SHIN TU SKYES PA'I SHES RAB RNAMS KYIS THAMS CAD MKHYEN PA'I MAN NGAG RNAMS LAS GZHAN BSTAN TO, ,TSIGS SU BCAD PA RNAM PA DU, ,TSIGS BCAD RKYANG PA JI LTA BU, ,RIG PA RNAM PA DU ZHIG @42B MCHIS, ,BSHAD PA DAG KYANG JI LTAR 'GYUR, ,ZHES BYA BA NI GUG SKYED DU 'JUG PA DANG, YI GER 'JUG BA TSIGS SU BCAD PAR SBYOR BAR BZHAG PA RNAM PA GNYIS TE, YA RABS KYI TSIG GO, ,DE LAS GANG YANG 'PHAGS PA NI YA RABS TE, DE DE NI MA RABS KYI TSIGS SU BCAD PA'O, ,RIG PA LA RNAM PA MANG PO YOD DE, GTZUG LAG DANG RANG BZO'I SBREL BAR BYA'O, ,SGRA'I DON DU BRTAG PA NI, SGRA'I DON DU JI LTAR SBYOR BAR 'GYUR BA DE LTAR RANG BZO RNAMS KYIS SBYAR BAR BYA'O, ,PHO NYA RJES SU 'GRO LA SOGS, ,GTZO BO DAR BA BZHIN DU NI, ,LNGA YI DUS DANG LDAN PA STE, ,SHIN TU BSHAD MED 'JUG PA NYID, ,SHES RAB CAN SPOBS PA THOB PA RNAMS KYIS BSHAD PA 'DI NI MTHA' MED PA NYID DE, JI LTAR SMRAS PA, BRGYA LAS DPA' BO GCIG CIG 'BYUNG, ,STONG RNAMS LAS KYANG MKHAS PA GCIG ,STONG PHRAG BRGYA LAS SMRA BDE GCIG ,SPYIN STONG BOD PA 'BYUNG NGAM MIN, ,SKOM DANG KHA ZAS SNA TSOGS DANG, ,JI LTAR 'KHRIG PA 'BYUNG BAR 'GYUR, ,RGYAL PO 'KHOR LOS SGYUR BA DANG, ,KHAMS KYI BDAG PO JI LTAR LAGS, ,ZHES BYA BA NI LAS RNAM PA SNA TSOGS LAS SEMS CAN RNAMS KYI SKOM DANG ZAS RJES SU MTHUN PA BZHIN DU SNA TSOGS DU MAR DMIGS SO, ,'KHRIG PA NI RTAG PA DANG, MDZES PA DANG, GTZANG BAR PHYIN CI LOG PA DANG, G-YEM BAG GI KHA ZAS LA SOGS PA LAS KYANG KUN TU BRTAG PA'O, ,'DOD CHAGS DANG BRAL BA RNAMS NI MI RTAG PA DANG, SDUG BSNGAL BA DANG, BDAG DANG, STONG PAR BSGOMS PAS DKYIL 'KHOR GSUM DU MI DMIGS PAS NA GANG CHAGS PAR 'GYUR BA DANG, GANG DU CHAGS PAR 'GYUR BA DANG, GANG GIS CHAGS PAR 'GYUR BA DES CHOS DE MI MTHONG ZHES BYA BA LA SOGS PA'I TING NGE 'DZIN GYI RGYAL PO LAS RGYA CHER 'BYUNG NGO, ,CHOS DANG GANG ZAG LA BDAG MED BA YONGS SU SHES PAR 'DOD PA'I LONGS SPYOD LA MOS PA MED KYANG GZHAN GYI DON DU SMON LAM GYI DBANG THOB PAS LAS JI BZHIN PA DANG MTHUN PAR SA THAMS CAD KYI 'KHOR LOS SGYUR BA GLING BZHI'I BDAG PO'AM, @43A *, ,KHAMS KYI BDAG PO'I RGYAL PO'I THABS SPYOD PAR 'GYUR RO, ,RAB TU DGA' BA'I BYANG CHUB SEMS DPA'I SAR STOBS KYI 'KHOR LOS SGYUR BA MI 'BYUNG ZHING, PHAL CHER GLING BZHI'I DBANG POR 'KHOR LOS SGYUR BAR 'GYUR TE, SEMS CAN DGE BA BCU'I LAM DU 'GOD PAR BYED, SBYIN PA'I PHA ROL TU PHYIN PA YONGS SU RDZOGS PAR BYED PA NI, ZAS 'DOD PA LA ZAS, SKOM 'DOD PA LA SKOM DANG, DE BZHIN DU GOS DANG MAL STAN LA SOGS PA CI 'DOD PA BZHIN DU KHA NA MA THO BA MED PA THAMS CAD LA THAMS CAD SBYIN NO, ,JI LTAR RGYAL SRID BSRUNG BAR 'GYUR, ,LHA YI RIS LA RNAM PA DU, ,SA DANG SKAR TSOGS CI LAS GYUR, ,NYI ZLA GNYIS KYANG JI LTA BU, ,ZHES BYA BA NI BYANG CHUB SEMS DPA' THUGS RJES GZHAN GYI DON MDZAD PA RGYAL SRID JI LTAR SRUNG BAR BYED CE NA, GNOD PA'I SEMS CAN SKROD PAR BYED DE, JI LTAR BYANG CHUB SEMS DPA'I SDE SNOD LAS 'BYUNG BA, SEMS CAN MANG PO LA GNOD CING, DKON MCHOG GSUM LA MI DBEN PA DE LA PHAN PA'I PHYIR SNYING RJE'I SEMS NYE BAR BZHAG STE, CHAD PA'I GTZOS BCAD NA YANG LTUNG BA'ANG MED LA BSOD NAMS KYANG CHER 'GYUR RO ZHES PA'O, , BSOD NAMS CAN RNAMS BSOD NAMS JI BZHIN PA DE BZHIN DU RNAM PA DU MA'I YUL GYI RIS SU 'BYED PAR SKYE BAR 'GYUR RO, ,LHA'I 'JIG RTEN DU SKYES PA'I 'JIG RTEN GYI MGON PO DE DAG GANG GIS DMOD MO DOR BA DANG, PHAN BA BYED PA'I MTHU CAN DU 'GYUR ZHING SA DANG SKAR TSOGS 'BYUNG BA SO SOR SNANG BAR 'GYUR BA DE LTA BU'I TING NGE 'DZIN YOD DO, ,YANG NA NYI MA DANG ZLA BA DAG LAS RNAM PA DU MAS THAMS CAD DU 'JUG PA BZHIN NO, ,THAR BA RNAM PA DU ZHIG MCHIS, ,RNAL 'BYOR LDAN PA RNAM PA DU, ,SLOB MA RNAM PA DU ZHIG MCHIS, ,SLOB DPON DU YANG JI LTAR 'GYUR, , ZHES BYA BA NI MYA NGAN LAS 'DAS PA RNAM PA GNYIS TE, PHUNG PO'I LHAG MA LUS PA DANG BCAS PA DANG, LHAG MA MED PAS 'BYED PAS PHYE BA'O, ,MU STEGS CAN RNAMS NI MI'I 'JIG RTEN GYI SDUG BSNGAL DGROL BA'I MTSAN NYID PAS NA LHA'I 'JIG RTEN DU SKYE BA THAR BA YIN NO ZHES KUN TU @43B RTOG GO, ,KHA CIG GIS NI BDAG 'BA' ZHIG ZHI BA DANG, RO GCIG PA SBYOR BA NI RNAL 'BYOR PA ZHES PA STE, TSANGS PA'I BDAG NYID MI GNYIS DANG, SGRA'I TSANGS PA MI GNYIS DANG, YOD PA MI GNYIS DANG, RNAM PAR SHES PA MI GNYIS DANG, BDAG GI RANG BZHIN TSOR BA DANG BCAS PA DANG, TSOR BA MED PA DANG, KHYAB PA DANG, RDUL TZAM DANG, RNAM PA GCIG PA DANG, RNAM PA DU MA PA'O ZHES SO, ,RNAL 'BYOR LDAN PA LA NI RNAM PA MANG PO YOD DE, THOG MA PA DANG, RNAL 'BYOR GYI LAM LA GNAS PA DANG, RNAL 'BYOR SKYES PA'O, ,DE GNYIS PA DANG MI GNYIS PA'I RNAL 'BYOR DBYE BAS 'BYED CING SNGAGS DANG RGYUD KYI YE SHES KYI MCHOG THOB PA, RNAL 'BYOR GYI DBANG PO THAMS CAD MKHYEN PA, NYON MONGS PA DANG, LAS DANG SHES BYA'I SGRIB PA BAG CHAGS DANG BCAS PA MA LUS PAR RTZA BA NAS BTON PA, THUGS RJE DANG SHES RAB KYIS GZHAN DON SPYOD PAS DANG PHA ROL TU PHYIN PA'I KHYAD PAR RNAMS KYIS BSOD NAMS DANG YE SHES KYI TSOGS YONGS SU RDZOGS PA'O, ,SLOB MA THOG MA PA NI THOS PA DANG, SEMS PA LA BRTZON PA'O, ,BAR MA NI RIG PA YONGS SU RDZOGS PA'O, ,MKHAS PA NI YANG DAG PA'I YE SHES LA RAB TU ZHUGS PA DANG, 'KHOR BA'I SDUG BSNGAL ZAD PAR BYA BA LA 'GRUS PA DANG, SNYING RJE DANG SHES RAB KYIS SEMS CAN THAMS CAD LA PHAN PAR DGA' ZHING GANG RNAL 'BYOR GYI DBANG PO YIN PA'O, ,SLOB DPON YANG DAG PA'I GTZUG LAG GI MAN NGAG STON PA DANG, RNAL 'BYOR GYI LAM DU GZUD PAR BYED PA DANG, YE SHES KYI KHYAD PAR SKYES PA DANG, BDAG DANG GZHAN GYI DON NUS PA DANG, 'DOD CHAGS LA SOGS PA'I NYON MONGS PA'I SKYON ZAD PA DANG, SNYING RJE CAN DANG SHES RAB KYI BLANG BA DANG, DOR BA'I DNGOS PO SHES PA'O, ,SANGS RGYAS RNAM BA DU ZHIG LAGS, ,SKYES PA'I RABS LA RNAM PA DU, ,BDUD LA RNAM PA DU ZHIG MCHIS, ,YA MTSAN CAN YANG RNAM PA DU, ,ZHES BYA BA NI THEG PA GSUM CHAR GYIS KYANG MNGON PAR RDZOGS PAR BYANG CHUB PAS NA SHES RAB RAB DANG, 'BRING @44A *, ,DANG; THA MA'I BYE BRAG GIS MNGON PAR RDZOGS PAR 'TSANG RGYAB LA BRTEN TE SANGS RGYAS SU 'GYUR RO, ,MU STEGS CAN TSANGS PAR SMRA BA BO RNAMS KYIS BYA BA NI DAG BA'I SANGS RGYAS NI GROL ZHES BA'O, ,ZHIB PA RNAMS SMRA BA NI SANGS RGYAS BA SANGS RGYAS PAR BYED PA NI SANGS RGYAS ZHES SO, ,SANGS MA RGYAS PA NI 'KHOR BA CAN NO, ,RIG PA'I DBANG PO DANG TSOGS KYI DBANG PO LA SOGS PA LHA CHEN PO RNAL 'BYOR GYI DBANG PO NI SANGS RGYAS PAR BYED PA ZHES BYA'O, ,SANGS RGYAS NI ZHIB STE, DES NA SMRAS PA, LUS CAN CHA BCAS SHES PAR BYA, ,RIG PA CHA DANG CHA MED RNAMS, ,CHA MED ZHIB DE KHO NA, ,KUN GYI STENG DU GNAS PA'O, ,SKYES PA'I RABS NI SBYIN PA DANG, ,TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB DANG, THABS DANG, SMON LAM DANG, STOBS DANG, YE SHES KYI PHA ROL TU PHYIN PA'I KHYAD PAR DU MTHA' MED PA'O, ,BDUD LA RNAM PA BZHI STE, NYON MONGS PA'I BDUD DANG, PHUNG PO'I BDUD DANG, 'CHI BDAG GI BDUD DANG, LHA'I BU'I BDUD DO, ,YA MTSAN LA RNAM PA MANG STE, GNYIS PA DANG MI GNYIS PAR SMRA BA RNAMS DANG, DBANG PO DOD PA DANG, DBANG PO MA DOD PA RNAMS DANG, KHRUS DANG, SBYIN SREG DANG, GAD PA DANG, G-YANG SAR LUS 'DOR BA DANG, BKRA SHIS PA DANG, BKRA SHIS PA MA YIN PAR RNAM PAR RTOG PA DANG, 'BRAS BU DANG, RTZA BA DANG, 'O MA DANG, 'O MA MA YIN PA DANG, 'BRAS DANG, CHU DANG, LO MA ZA BA DANG, THAL BAS KHYUG PA DANG, SKRA 'BAL BA DANG, RAL BA'I COD PAN GYIS BRGYAN PA DANG, GAR DANG, GLU DANG, BA LANG DANG, RI DAGS DANG, RMA BYA'I BRTUL ZHUGS DANG, CHA BYAD RNAM PA DU MA DANG, RIN PO CHE DANG, GSER LA SOGS PA 'DZIN PAS BDAG TU SMRA BA THAMS CAD KYIS RNAM PAR THAR BAR SMRA BAS NA BDAG TU CHAGS PA YONGS SU MA SPANGS KYI BAR THAR BAR MI RUNG NGO ZHES THAMS CAD MKHYEN PAS BSGRUB PAR GSOL, KHYOD KYI RANG BZHIN RNAM PA DU, ,SEMS NI RNAM BA DU ZHIG MCHIS, , @44B BTAGS PA TZAM YANG JI LTA BU, ,SMRA BA'I MCHOG GIS BDAG LA GSUNGS, ,ZHES BYA BA NI THAMS CAD MKHYEN PA LA RANG BZHIN RNAM PA GNYIS TE, SNANG BA DANG BCAS PA DANG, SNANG BA MED PA'I TING NGE 'DZIN DU DBYE BAS 'BYED PA'O, ,SEMS NI KUN GZHI RNAM PAR SHES PA STE, DE YANG, LUS DANG LONGS SPYOD GNAS SNANG BA, ,KUN GZHI KUN TU 'BYUNG BA STE, ,RNAM BRGYAD RNAM DGU DE BZHIN DU, ,RGYA MTSO RLABS RNAMS BZHIN DU'O, ,BTAGS BA TZAM NI GNYIS KYI RNAM PA'I RNAM PAR SHES PA STE, 'DZIN PA DANG GZUNG BA'I DNGOS POS KHAMS GSUM RNAM PAR GZHAG GO, ,PHYI'I DON YOD PA MA YIN TE, SBOM PO DANG BRA MO RNAM PAR BYE BA NA, JI LTAR STONG BAR 'GYUR BA DE LTAR THAMS CAD MKHYEN PAS BSTAN DU GSOL ZHES BLO GROS CHEN POS GZHAN GYI CHED DU BSAM PAR RTAG GO, ,NAM MKHA'I SPRIN RLUNG CI LAS GYUR, ,DRAN DANG YID GZHUNGS JI LTAR 'BYUNG, ,SHING GI 'KHRI SHING JI LTAR MCHIS, ,SRID GSUM DBANG POS BDAG LA GSUNGS, ,ZHES BYA BA LA SPRIN NI SPRIN TE, 'JIG RTEN GYI LHA LA SOGS PA'I MGON POS 'JIG RTEN GYI DGOS PA BYED PA'O, ,YID GZHUNGS PA LA SOGS PA NI NAD MED PA LAS SKYES PA'O, ,SEMS CAN RNAMS KYI THUN MONG DANG, THUN MONG MA YIN PA'I LAS RNAM PA SNA TSOGS KYI TSUL STUG PO DANG, SHING GI LTUG MA LA SOGS PA'I DNGOS PO SKYES PA STE, GANG GIS SEMS CAN RNAMS LA DUG DANG DUG SMAN LA SOGS PA'I KHYAD PAR DU 'BYED PA NA PHAN PA DANG, GNOD PA'I 'BRAS BU LAGS PAS NA, DE DE LTAR GZUNG BAR SO SOR SNANG BA'I RTEN CING 'BREL TE 'BYUNG BA RNAM PA SNA TSOGS PA SRID PA GSUM GYI DBANG PO LAS KYI KHYAD PAR DU BSTAN DU GSOL, SEMS CAN MTHA' DAG GI BSOD NAMS DANG, YE SHES KYI TSOGS LAS LHAG PA LAS THAMS CAD MKHYEN PA'I YE SHES BYUNG BA RNAL 'BYOR GYI DBANG PO MCHOG TU YONGS SU DAG PA, 'DOD CHAGS DANG BRAL BA MTHA' MED PA'I SEMS CAN GYI RGYUD KYI RGYUN CHEN PO RANGS PAR MDZAD PA, PHUNG PO LA SOGS PA'I GZUGS KYI DBANG PO THAMS CAD MKHYEN PAS LAS @45A *, ,RNAM PA SNA TSOGS BSHAD DU GSOL ZHES PA'O, ,GLANG PO RI DAGS RTA [?] RDUN RNAMS, ,GZUNG DU RUNG BA CI SLAD DU, ,NGAN PA'I MI RNAMS CI LAS GYUR, ,BDAG LA SEMS LUNG BSGYUR BAS GSUNGS, ,ZHES BYA BA NI SEMS 'DI NI RANG BZHIN GYIS 'OD GSAL BAS NA GANG GIS JI LTAR YONGS SU SBYANGS PA BZHIN DU DE DE LTAR DGE BA DANG MI DGE BA MNGON PAR 'DU BYED PAS GRUB PAR 'GYUR BA STE, SHES RAB DANG BLUN PA LA SOGS PA'I KHYAD PAR DU 'BYED PA NA LHA DANG, MI DANG, SEMS CAN DMYAL BA DANG, YI DVAGS DANG [?] MYOL SONG DU SO SOR SNANG NGO, , MA RIG BAS MNYAM PAR BZHAG TU MED PA DANG, LAS RNAM PAR SMIN PA'I MTHU DANG, BDAG DANG GZHAN GYI RGYUD KYI DBANG GIS BYE BRAG RNAMS KYI RTA DANG, GLANG PO DANG, RI DAGS RMONGS PA RNAMS SDIG PA'I RNAM PAR SMIN PAS ZIL GYIS MNAN PAS NI BLUN PA RNAMS MI BLUN PA RNAMS KYIS GZUNG BAR BTUB PO, ,MI MA RABS THA SHAL NGAN LAS LA 'GRUS PA RNAMS DES GZHAN PA'I DBANG PHYUG RNAMS KYIS BKOL BAR BYED DO, ,KYE DE DAG GI SEMS 'DUL BA BO MCHOG TU YONGS SU DRAG CING 'DOD CHAGS DANG BRAL BAS BSHAD DU GSOL, KHAMS DRUG 'DZIN PA CI SLAD DU, , 'DOD CHEN PAR YANG JI LTAR 'GYUR, ,SKYES PA BUD MED MA NING RNAMS, ,JI LTAR SKYE 'GYUR BDAG LA GSUNGS, ,ZHES BYA BA NI LAS KYI KHAMS DRUG TU 'GYUR TE, KHAMS DRUG NI DUS DRAG GO, ,'DOD CHEN PA NI GTI MUG GI LONGS SPYOD RNAMS LA 'JUG PAR 'GYUR RO, ,BUD MED DANG SKYES PA DANG, MA NING RNAMS KYANG LAS GANG GIS SPYOD PA DANG, MI SBYOD PAR 'JUG PA DE LAS RNAM PA SNA TSOGS SU THAMS CAD MKHYEN PAS BSTAN DU GSOL, ,RNAL 'BYOR LAS NI JI LTAR BZLOG ,RNAL 'BYOR LA YANG JI LTAR 'JUG, ,CI 'DRA'I SKYES BU JI LTA BUR, ,RNAL 'BYOR GZHAG PA BDAG LA GSUNGS, ,ZHES BYA BA NI SEMS MNYAM PAR 'DUS PA CAN KUN TU SKYO BAR GYUR TE, SKAD CIG PA TZAM GYIS RNAL 'BYOR LAS YUL RNAMS SU 'JUG PAR BYED DO, ,GANG YANG STONG BA NYID DANG, MTSAN MA MED PA DANG, SMON PA MED PA'I RNAM PAR THAR BA'I @45B SGO RNAMS MI BSGOM PA DE NI PHYI'I DON MDZES PA DANG, MI MDZES PAR DMIGS PA'I TSUL DU RNAM PAR RTOG PAR BYED DO, ,GANG YANG SHES RAB KYIS PHYI'I DON SBOM PA DANG PHRA BA NYID RNAM PAR GZHIG CING MI DMIGS PA NI RNAL 'BYOR LA MI LDOG CING DE LTAR MNYAM PAR 'JOG PA LAS RGYUN TU 'JUG STE, YUL RNAMS MI RTAG PA DANG, SDUG BSNGAL BA DANG, MI MDZES PA DANG, STONG PAR MTHONG NGO, ,GANG DAG SHES RAB KYIS SEMS MNYAM PAR 'DUS TE, YUL RNAMS MI RTAG PA DANG, SDUG BSNGAL BA DANG, MI MDZES PA DANG, STONG PAR MTHONG ZHING SKYE BA CAN DE RNAM BA DE LTA BU DANG LDAN PA DANG, RNAL 'BYOR GYI DBANG POS GANG ZAG DANG CHOS LA BDAG MED PA DE DAG KYANG BSTAN DU GSOL, 'GRO BAR PHYIN PA'I SEMS CAN GYI, ,MTSAN MA MTSAN NYID JI LTA BUR, ,GANG GIS JI LTAR PHYUG POR 'GYUR, ,MKHA' 'DRAS BDAG LA BKA' STZOL CIG ,CES BYA BA NI BTZAS MA THAG LA DGA' BA DANG, 'JIG PA DANG, MYA NGAN YANG DAG PAR SNANG BAS NA SNGON GYI GOMS PA YOD PAR RJES SU DPAG GO, ,SDUG BSNGAL BA DANG BDE BA BSGRUB PAR GDON MI ZA BAR SNGAR YOD PA'I PHYIR RO, ,SPANG BA DANG, BLANG BA DANG, BTANG SNYOMS KYI BLO CAN RNAMS KYI SHES PA'I KHYAD PAR BLA MA'I YANG BLA MA GANG DANG GANG YIN PA DE DANG DE NI SLOB MA RNAMS MKHAS PA'I PHUL DU PHYIN PA'I KHYAD PAR BZHIN DU THOG MA THOG MAR THOS PA DANG, SEMS PA LA SOGS PAR SBYONG BA'I PHYIR TE, DE PAS NA BTZAL MA THAG PA DANG, SHES RAB LA SOGS PA'I KHYAD PAR YOD DO, ,TSOR BA MED PA'I 'BYUNG BA RNAMS LAS DE DAG JI LTAR NA YOD PAR 'GYUR, DE BAS NA 'GRO BAR PHYIN PA RNAMS KYIS SHES RAB LA SOGS PA'I MTSAN MAS TSE GZHAN BSGRUB PA'O, ,'BYUNG BA RNAMS LA KHYAD PAR MED PAS NA 'GRO BA'I RNAM PA DU MA JI LTAR NA RUNG, DE DAG THA DAD PA'I PHYIR ZHES DE SKAD NA NI 'BYUNG BA RNAMS KYI THA DAD PA'I KHYAD PAR DU YANG SUS BYED, GAL TE RGYU GZHAN GYI KHYAD PAR MED NA NI DE DAG GI CHE CHUNG GI DNGOS PO JI LTAR 'GYUR, DES NA 'GRO BA'I RNAM PA SNA TSOGS KYIS GZHAN DU MA 'THAD KYI @46A *, ,RGYU GZHAN RJES SU DPAG GO, ,JI LTAR THAMS CAD MKHYEN PAS CHOS BSDU BA [?] LAS GSUNGS PA, DUD PAS ME NI SHES PAR BYED, ,BYA BZHAD KYIS NI CHUR SHES BYED, ,BYANG CHUB SEMS DPA' SHES LDAN GYI, ,RIGS NI MTSAN MA RNAMS KYIS SHES, ,DE BAS NA SHES RAB DANG, NAD MED PA DANG, LONGS SPYOD DANG, BZHIN BYAD DANG, SKAD KYI NGA [?] RO LA SOGS PA'I 'BRAS BU NI BSOD NAMS LAS SKYES PA DANG, DBUL BA DANG NAD LA SOGS PA'I 'BRAS BU SDIG PA LAS 'BYUNG BAR RJES SU DPAG GO, ,RGYU DU MA LAS 'BRAS BU RNAM PA SNA TSOGS KYIS SKYES PA NI MTSON DU MAS RI MO BRIS PA DANG 'DRA'O, ,'JIG RTEN GYI RNAM PA SNA TSOGS PHYUG PA DANG, DBUL BA DANG, GZUGS LEGS PA DANG, MI LEGS PA DANG, NAD DANG, NAD MED PA MTSAN MA LAS SKYES PAR RJES SU DPAG GO, ,JI LTAR CHI [?] ZHIG SH'AKYA'I [?] RIGS, ,BUR MA SHING SKYES JI LTAR BYUNG, ,YUN RING DRANG SRONG DKA' THUB GANG, ,KHYOD KYIS DE NI JI LTAR BSLABS, ,ZHES BYA BA NI 'GROS PA CHEN PO'I RIGS SU KLOG PA SNGON SER SKYA'I GNAS SU DRANG SRONG SER SKYA GNAS PAS MA SA DBEN GYI SRING MO CHUNG MAR LONG SHIG PAR RGYAL RIGS GZHON NU RNAMS LA DES SMRAS PA DANG, DE DAG GIS SMRAS PA, CI DE LTAR BYED NUS SAM, YANG DES SMRAS PA, NUS ZHES SO, ,DE NAS SH'AKYA ZHES MING BYUNG NGO, ,DE DAG LAS RGYAL RIGS GZHON NU ZHIG RAB TU BYUNG NAS DE'I GNAS SU RKUN PO ZHIG BYUNG BA'I CHAG PAR DE GSAL SHING GIS PHUG PA DANG, DE'I [?] MKHAN PO DKA' THUB CAN DU YUN RING DKA' THUB GLING SKYES ZHES BYA BA DES DE MTHONG NAS, BU DE CI ZHES DRIS PA DANG, JI LTA BUR GYUR PA DES MKHAN PO LA SMRAS PA'I 'OG TU DES KYANG MU STEGS CAN GYI LTA BAR SMRAS PA, BUD MED LA NI 'GRO BA MED, ,CES SO, ,DE BAS NA BU SKYE BAR GYIS, JI LTAR ZHES PA DANG SMRAS PA, SNGON GYI LONGS SPYOD KYI RJES SU DRAN PAR BYAS TE, KHU BA 'BYIN PAR GYIS SHIG DE'I KHU BA'I TSIGS PAS BU GNYIS SU RED PA BUR MA SHING GIR BAR ZHUGS PA DANG, DRANG SRONG GIS GSOS @46B NAS, DE'I TSE BU RAM SHING SKYES ZHES MING DU GYUR TO, ,KHYOD NYID ZHING RNAMS THAMS CAD DU, ,MTSAN DANG DE BZHIN GZUGS SNA TSOGS, ,RGYAL BA'I SRAS KYIS BSKOR BAR YANG, ,CI YI SKAD DU KUN NAS GDA', ,ZHES BYA BA NI NYI MA BZHIN DU GCIG PU NYID 'JIG RTEN THA DAD PAR CHU'I SNOD DU MAR SNANG BA BZHIN SPRUL PA MANG PO 'PHROS NAS GZUGS RNAM PA SNA TSOGS KYI RNAL 'BYOR GYI DBANG PO MCHOG TU YONGS SU DAG CING, 'DOD CHAGS DANG BRAL BA THAMS CAD MKHYAN PA YE SHES KYI MTHA' YAS PA'I SEMS CAN GYI RGYUD MGU BAR MDZAD PA, SKAR MA'I BDAG PO SKAR MA'I TSOGS KYIS BSKOR BA BZHIN DU RNAM PA MANG PO'I BYANG CHUB SEMS DPA'I 'KHOR GYI DKYIL 'KHOR GYI DBUS SU BZHUGS SHING 'GRO BA MA LUS PAR GANG BAR KUN TU SNANG NGO, ,MTHO RIS KYI 'JIG RTEN NAS GSHEGS PA DANG, YUM SGYU MA'I LHUMS SU ZHUGS PA DANG, BLTAMS PA DANG, GZHON NU ROL BA DANG, DKA' BA SPYAD PA DANG, BDUD BCOM PA DANG, CHOS KYI 'KHOR LO BSKOR BA DANG, MYA NGAN LAS 'DA' BA'I DBYINGS SU MYA NGAN LAS 'DA' BAS, SEMS CAN SKYO BAR MDZAD PA DANG, SEMS CAN GO 'DUN GYI MDZAD PAS KHYAB PA GZUGS RNAM BA SNA TSOGS KYI RNAL 'BYOR GYI DBANG POS SEMS CAN RNAMS MANG PO RAB TU 'BYED PA CHUD BAR MDZAD DU GSOL, JI LTAR SHA RNAMS BZAR MI RUNG, ,JI LTAR SHA NI BKAG PA LAGS, ,SHA ZA'I RIGS SU SKYES PA RNAMS, ,SHA 'TSAL BAR YANG JI LTAR GYUR, ,ZHES BYANG CHUB TU SEMS BSKYED PAS SEMS CAN THAMS CAD LA SNYING RJE CHEN PO 'JUG STE, DE BDAG NYID KYIS STONG BA SNA DES JI LTAR SHA ZA BAR 'GYUR, GANG YANG NYAN THOS KYI THEG PA PA SNYING RJE MED PA DE YANG BKAG PA STE, SHA DANG NYA LA SOGS PA NI, ,RAB TU BYUNG BAS BSDOS ZOS NA, ,BRTZE BA MED PA'I SEMS SKYE BAS, ,DE'I PHYIR GSOD PA'ANG 'BYUNG BAR 'GYUR, ,ZHES BYA BAS SO, ,SHA'I 'DOD CHEN LA GOMS TE SDIG PA'I LAS KYIS SHA ZA BA'I RIGS SU SHA ZA BAR 'GYUR BA DANG, LHA DANG KLU DANG, @47A *, ,GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO DANG, MI DANG MI MA YIN PA LA SOGS PA'I SEMS CAN RNAMS SHA'I RO MYONG BA LA CHAGS PA SEMS CAN LA GNOD PA'I SEMS JI LTAR SPONG BAR 'GYUR BA DANG, MTHA' GSUM GTZANG ZHING LHUNG BZED DU STZAL BA 'BRAS LA SOGS PA BZHIN DU CHAGS PA MED CING BTANG SNYOMS KYI SEMS KYIS 'TSOL CIG PAR THAMS CAD MKHYEN PAS THUN MONG DU CHUD PAR MDZAD DU GSOL, JI LTAR TING NGE 'DZIN RGYAL PO LAS GSUNGS PA, MDZANGS PA BLO CAN MKHAS PA YI, ,ZAS GTZANG ZHIM PO CUNG ZAD 'GYUR, ,DE NYID DU NI BZHAG MED NA, ,RNAL CAN DE ZA BKAG MED RUNG, ,YA RABS DANG MA RABS KYI TSIG LA MNGON PAR CHAGS PA'I BLO DGAG PA'I DON DU JI BZHIN DU SEMS CAN RNAMS KYI DON CHUNG BAR 'GYUR BA DE BZHIN DU, SANGS RGYAS KYI GSUNG RAB TU SGRA SBYONG BAR MDZAD DE, DES NA DE DANG GZHAN DU YANG YUL DBUS KYI BAR KLOG GO, ,JI LTAR THAMS CAD MKHYEN PAS GSUNGS PA, DGE SLONG DAG PHYI'I GTZUG LAG RNAMS NI LCAGS KYI SE'U DANG MTSUNGS TE, 'BAD PA CHEN POS KHONG DU CHUD PAR BYA STE, KHONG DU CHUD KYANG 'DOD CHAGS DANG BRAL BA DANG ZHI BA'I DON MED PAS NA 'BRAS BU MED PA YIN NO, ,JI LTAR ZHING RNAMS NYI ZLA'I DBYIBS, ,RI RAB PADMO 'DRA BA DANG, ,DPAL BE'U SENG GE'I DBYIBS 'DRA BA, ,CI YI SLAD PA BDAG LA GSUNGS, ,ZHES BYA BA NI ZHING RNAM PA DU MAR GZHAG PA NI JI LTAR SEMS CAN RNAMS LA MNGON PAR DAD PA'I RGYUR 'GYUR BA DE LTAR THAMS CAD MKHYEN PA GZUGS RNAM PA SNA TSOGS KYI RNAL 'BYOR GYI DBANG PO RNAMS KYIS BYIN GYIS RLOB PAR MDZAD DE, JI LTAR 'PHAGS PA DRI MA MED PAR GRAGS PAS BSTAN PA LAS BYUNG BA, BSAM PA YONGS SU DAG PA NI ZHING YONGS SU DAG PA'O ZHES SO, ,DE NAS NYI MA DANG ZLA BA DANG, RI RAB DANG, PADMO DANG, DPAL BE'U MNGON PAR MDZES PA'I RGYAN RNAMS KYI ZHING BKOD PAR MDZAD DO, ,JI LTAR 'PHAGS PA 'JAM DPAL GYI ZHING BKOD PA'I RGYAN @47B DANG, BDE BA CAN GYI ZHING GI RGYAN LA SOGS PA LTA BU'O, ,STENG DANG 'OG TU BKOD PA DAG ,MIG 'PHRUL 'DRA BA JI LTA BU, ,RIN CHEN KUN GYI ZHING RNAMS KYANG, ,JI LTAR CI SLAD BDAG LA GSUNGS, ,ZHES BYA BA NI 'OG DANG, BAR DANG, LTAG DANG, GLO DANG, RGYUN CHAGS DANG, BAR CHAD DU ZHING GI SNANG BA RNAM PAR GNAS TE, DE DAG THAMS CAD KYANG PHYI'I SNANG BA GRUB PA MED BAR SGYU MA DANG 'DRA ZHING SO SOR SNANG BA'I RIM PA SEMS CAN RNAMS KYI LAS KYI RNAM PA SNA TSOGS SU SNANG NGO, ,JI LTAR RDO RJE GCOD PA LAS 'BYUNG BA, ZHING GI RGYAN ZHING GI RGYAN ZHES BYA BA DE DAG NI ZHING GI RGYAN MA YIN PAR DE BZHIN GSHEGS PAS GSUNGS SO ZHES PA'O, ,SEMS CAN GANG DAG LA BSOD NAMS KYI TSOGS RNAM PAR SMIN PA SO SOR SNANG BAR 'GYUR ZHING BSOD NAMS KYI TSOGS RNAM PAR GRUB PA THAMS CAD NI RIN PO CHER SNANG NGO, ,PI WANG RNGA YI DBYIBS 'DRA DANG, ,'BRAS BU ME TOG SNA TSOGS 'DRA, ,NYI ZLA DAG DANG RNAM BRAL BA, ,JI LTAR CI SLAD BDAG LA GSUNGS, ,ZHES BYA BA NI PI WANG LA SOGS PA'I RANG BZHIN GYI DBYIBS DANG ME TOG DANG 'BRAS BU LTA BU'O, ,NYI MA DANG ZLA BA'I 'OD DANG BRAL BA NI RNAM PA DU MA'I BSOD NAMS KYI KHYAD PAR GYI ZHING GI RGYAN DANG RANG GI 'OD KYIS SO SOR SNANG NGO, ,LA LA SPRUL PA'I SANGS RGYAS DANG, ,SANGS RGYAS LA LA RNAM SMIN BYUNG, ,YANG DAG YE SHES SANGS RGYAS RNAMS, ,JI LTAR CI SLAD BDAG LA GSUNGS, ,ZHES BYA BA NI SPRUL PA GANG DAG MYA NGAN LAS 'DA' BAR BYED PA DE DAG SPRUL PA'I SKU'I SANGS RGYAS YIN NO, ,BSOD NAMS DANG YE SHES KYI TSOGS RNAM PAR SMIN PA LAS BYUNG BA GZUGS RNAM PA SNA TSOGS KYI RNAL 'BYOR GYI DBANG PO LHA LA SOGS PA'I RNAL 'BYOR GYI DBANG PO MGU BAR MDZAD PA THOG MAR MNGON PAR RDZOGS PAR SANGS RGYAS PA THAMS CAD MKHYEN PA'I SNANG BA DANG BCAS PA'I TING NGE 'DZIN LA ZHUGS TE, RNAM PAR SNANG MDZAD KYI SANGS RGYAS BCOM LDAN 'DAS BTZUN GTZO DE DAG SNANG NGO, ,GANG GI TSE SHES RAB KYIS SBOM PA DANG PHRA BA, GZUGS NI RDUL PHRAN GZHIGS BA NA, ,RDUL PHRAN CHA NI YOD PA MIN, , @48A *, ,ZHES BYA BA DE'I TSE PHYI'I DON LA MI DMIGS TE, 'DZIN PA DANG GZUNG BA'I RNAM PA DANG BRAL NAS BSAM PA MED CING SNANG BA MED PA GNYIS SU MED PA'I DON DAM PA'I BDEN PA DE BZHIN NYID LA RANG GI RIG PAR ZHUGS PA DE DAG NI CHOS KYI SKU'I DE BZHIN NYID KYI SANGS RGYAS BCOM LDAN 'DAS ZHES BGYI LAS NA THAMS CAD MKHYEN PAS SKU GSUM GYI KHYAD PAR BSTAN DU GSOL, CI SLAD JI LTAR 'DOD KHAMS SU, ,RNAM SANGS RGYAS BDAG LA GSUNGS, ,CI YI SLAD DU 'OG MIN DU, ,CHAGS BRAL KHROD DU MNGON SANGS RGYAS, ,ZHES BYA BA NI 'DOD PA'I KHAMS SU SPRUL PA'I SKU MNGON PAR 'TSANG RGYA BAR BSTAN PA NI RDZOGS LONGS SPYOD PA'I SKU BSTAN PA'I SKAL BA MED CING RKYEN DU MA BAB PA LA SPRUL PA'I SKU 'TSANG RGYA BA'I RIM PAR MA BSTAN NA 'DOD PA'I KHAMS KYI SEMS CAN RNAMS YID MI CHES TE, 'DOD PA NA SPYOD BA'I LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI 'AM CI DANG, LTO 'BYE CHEN PO DANG, MI DANG MI MA YIN PA'I SEMS CAN RNAMS DRANG BA'I DON DU BDUD BCOM NAS 'DOD PA'I KHAMS SU MNGON PAR RDZOGS PAR SANGS RGYAS PAR, CI YI SLAD DU 'OG MIN DU, ,CHAGS BRAL KHROD DU MNGON SANGS RGYAS, ,ZHES BYA BA NI GZUGS KYI KHAMS SU SKYES NAS GNAS BCU BDUN GYI BSAM GTAN LA SNYOMS PAR ZHUGS PA RNAMS TSANGS BA LA SOGS PA'I RNAL 'BYOR LA MNGON PAR YA MTSAN DU 'DZIN PA BSAL BA'I DON DU DER LONGS SPYOD RDZOGS PA'I SKU RNAM PAR SNANG MDZAD MNGON PAR RDZOGS PAR 'TSANG RGYA BA'I TSUL GYIS SANGS RGYAS TE, DER RNAL 'BYOR BA RNAMS LA CHOS BSHAD PAR MDZAD NA MNGON PAR RDZOGS PA'I BYANG CHUB KYI YE SHES KYI RGYUN 'DI BSTAN DU GSOL, ,BDE GSHEGS MYA NGAN 'DAS NA KO, ,BSTAN PA SU ZHIG 'DZIN PAR 'GYUR, , STON PA JI SRID RAB TU BZHUGS, ,TSUL YANG JI SRID GNAS PAR 'GYUR, ,ZHES BYA BA NI BCOM LDAN 'DAS KYI BSTAN PA KHYAD PAR DU THEG PA CHEN PO NI BTZUN GTZO TSIG GI DBANG PO LA GTAD PAR 'PHAGS PA 'JAM DPAL GZHON NU'I RGYUD LAS KLOG GO, ,'DI NYID DU YANG GSUNGS BA @48B LHO PHYOGS BE TA'I YUL DU NI, ,DGE SLONG DPAL LDAN CHER GRAGS PA, ,DE MING KLU ZHES BOD PA STE, ,YOD DANG MED PA'I PHYOGS 'JIG PA, ,NGA YI THEG PA 'JIG RTEN DU, ,BLA MED THEG CHEN RAB BSHAD NAS, ,RAB TU DGA' BA'I SA BSGRUB STE, ,BDE BA CAN DU DE 'GRO'O, , GANG NA RTOGS PA DANG DGE SLONG GI LAS YONGS SU RDZOGS PAR 'GYUR ZHING NYAMS PA MED PAR LO STONG GI BAR DU BSTAN PA GNAS PAR 'GYUR RO, ,DUS DAM PA YANG LO BRGYAD KHRI BZHI STONG NAS DUS DAR TE, SKYE DGU'I TSE LO BRGYAD KHRI NA MCHOG TU YONGS SU DAG CING 'DOD CHAGS DANG BRAL BA THAMS CAD MKHYEN PA RNAL 'BYOR GYI DBANG PO BTZUN GTZO BYAMS PA MNGON PAR RDZOGS PAR 'TSANG RGYA BA'I BAR DU'O, ,KHYOD KYI GRUB MTHA' RNAM PA DU, ,LTA BA DAG KYANG RNAM PA DU, ,DGE SLONG DNGOS DANG 'DUL BA YANG, ,CI SLAD JI LTAR BDAG LA GSUNGS, ,ZHES BYA BA NI GRUB PA'I MTHA' LA RNAM PA GSUM STE, NYAN THOS DANG, RANG SANGS RGYAS DANG, THEG PA CHEN PO'I BYE BRAG TU PHYE BA'O, ,LTA BA YANG PHYI'I DON DANG, RNAM PAR SHES PA DANG, STONG PA MI GNYIS PA'I MTSAN NYID DU YANG RNAM PA GSUM MO, ,'DUL BA YANG, LNGA DANG BRGYAD DANG BCU KUN KYANG, ,THAMS CAD LAS BRAL KHAS LEN PA, ,DGE BSNYEN ZA GCIG GNAS BA DANG, ,DGE SBYONG BSTAN PA DGE SLONG NGO, ,ZHES BGYI BDE LTAR BSHAD DU GSOL, RANG RGYAL RGYAL SRAS NYAN THOS KYI, ,CI SLAD 'GYUR BA BRGYA PO DANG, ,SNANG BA MED PA BRGYA PO YANG, ,CI YI SLAD PA BDAG LA GSUNGS, ,ZHES BYA BA NI 'KHRUL BA NAS 'PHOB BRGYA NI GNYIS SU MED PA'I DON DAM PA'I BDEN PA'I RIGS PAS SPONG NGO, ,BRGYA NI MTHA' MED PAR NYE BAR BRTAG PAR BYA'O, ,GNAS 'PHO BA NI BSTZAL BA'O, ,DE LA YOD PA DANG MED PA'I RNAM PAR RTOG PA KUN TU SPANGS PA NA SNANG BA MED PA BRGYA YANG GNYIS SU MED DO, ,RANG SANGS RGYAS DANG, NYAN THOS DANG, BYANG CHUB SEMS DPA' RNAMS KYIS STONG PA NYID DANG, MTSAN MA MED PA DANG, SMON PA MED PA RNAM PAR THAR PA'I SGO GSUM SNANG BA MED PA'I TING NGE 'DZIN DU RTOGS @49A *, ,PA MTSUNGS PA NYID DO, ,JI LTAR 'PHAGS MA SHES RAB KYI PHA ROL TU PHYIN PA LAS 'BYUNG BA, DE DAG LA SNYOMS PAR ZHUGS NA YE SHES GSUM RAB TU SHES PAR 'GYUR RO ZHES SO, ,'JIG RTEN MNGON SHES GANG GIS BYUNG, ,'JIG RTEN 'DAS KYI'ANG JI LTA BUR, , SEMS NI SA RNAMS BDUN PO YANG, ,JI LTAR CI SLAD BDAG LA GSUNGS, ,ZHES BYA BA NI RDZU 'PHRUL GYIS NAM MKHAR 'GRO ZHING 'BAR BA DANG, SNANG BA LA SOGS PA'O, ,GZHAN GYI SEMS SHES PA DANG, SNGON GYI GNAS RJES SU DRAN PA DANG, LHA'I MIG DANG, LHA'I RNA BA ZHES BYA BA MNGON PAR SHES PA LNGA NI 'JIG RTEN PA'I RNAL 'BYOR BA DANG THUN MONG PA'O, ,NYON MONGS PA ZAD PA SHES PA DRUG PA NI 'JIG RTEN LAS 'DAS PA STE, BDAG MED PA YONGS SU SHES PAS 'GRUB PA STE, DE 'BYUNG BAS 'KHOR BA'I SDUG BSNGAL LAS THAR PAR 'GYUR RO, , SEMS NI SA RNAMS BDUN PO YANG, ,JI LTAR ZHES BYA BA NI JI LTAR 'DI NYID DU THAMS CAD MKHYEN PAS GSUNGS PA, SA BDUN DAG NI SEMS YIN TE, ,SNANG BA MED PA BRGYAD PA'O, ,SA GNYIS DAG NI GNAS YIN TE, ,SA GZHAN NGA YI RANG BZHIN NO, ,PHYI'I DNGOS PO BSTZAL TE RNAM PAR SHES PA TZAM GYI SA BDUN GYI DBANG PO RNAMS MNYAM PAR 'JOG PAR BYED DO, ,JI LTAR 'DI NYID DU GSUNGS PA, PHYI YI DNGOS PO BSAL NAS SU, ,SHES BA TZAM LA 'JUG PAS NA, ,'DI NI DBU MA'I NAN TAN TE, ,NGA DANG GZHAN GYIS BSHAD PA'O, ,SA BRGYAD PO'I DBANG PO RNAMS NI DNGOS PO DANG DNGOS PO MED PAR MI RTOG PAR DBU MA DRI MA MED PA'I TING NGE 'DZIN LA SNYOMS PAR 'JUG PA STE, JI LTAR 'DI NYID DU GSUNGS PA, DNGOS MIN DNGOS PO MIN YANG MIN, ,YOD DANG MED PAR MI DMIGS PA, ,'DI NI DBU MA'I NAN TAN TE, ,NGA DANG GZHAN GYIS BSHAD PA'O, ,JI LTAR 'PHAGS MA SHES RAB KYI PHA ROL TU PHYIN PA LAS 'BYUNG BA, DNGOS POS MNGON PAR RTOGS PA DANG, DNGOS PO MED PAS MNGON PAR RTOGS PA YANG MA YIN TE, DNGOS PO DANG DNGOS PO MED PAR MNYAM PAS MNGON PAR RTOGS SO ZHES SO, ,KHYOD KYI @49B DGE 'DUN RNAM PA DU, ,JI LTAR DGE 'DUN DBYEN DU 'GYUR, ,SEMS CAN GSO BA'I GTZUG LAG KYANG, ,JI LTAR CI SLAD BDAG LA GSUNGS, ,ZHES BYA BA NI SO SOR THAR PA'I SDOM PA DANG, GNYI GA SDOM PA PA DANG PHYIR MI LDOG PA'I BYANG CHUB SEMS DPA' CHEN PO'I DGE 'DUN NO, , DGE 'DUN GYI DPES KYANG NYAN THOS KYI THEG PA PA DANG 'GYUR RO, ,GNAS KHANG GCIG TU GNAS PAR MI BYA BA DANG, LAM GCIG TU 'GRO BAR MI BYA STE, DE CI'I PHYIR ZHE NA, GANG NA NYAN THOS KYI THEG PA PA'I LTUNG BAR 'GYUR 'DI THEG PA CHEN PO'I LHUNG BA MA YIN NO, ,SEMS CAN GSO BA'I GTZUG LAG TU GYUR BA NI GTI MUG GI RGYU LAS SDIG PA'I NAD LOG PA'I YE SHES KYIS 'BYUNG BA YANG DAG PA'I YE SHES KYIS LDOG PAR 'GYUR BA DE DE LTAR THAMS CAD MKHYEN PAS GSUNGS SO, ,'OD SRUNGS LOG PAR DAD SEL DANG, ,GSER THUB KYANG NI NGA YIN ZHES, ,RGYAL BA'I SRAS LA GSUNGS PA DE, ,THUB PA CHEN PO CI SLAD GSUNGS, ,ZHES BYA BA NI MCHOG TU YONGS SU DAG PA 'DOD CHAGS DANG BRAL ZHING THAMS CAD MKHYEN PA RNAL 'BYOR GYI DBANG PO GZUGS KYI CHO 'PHRUL GYIS MTHA' YAS PA'I SEMS CAN GYI RGYUD MGU BAR MDZAD PA DE JI BZHIN PA RDZOGS PA'I SANGS RGYAS NGA YANG DE BZHIN NO ZHES DE LTAR BU'I DON DGONGS PA MDO SDE 'DI NYID DU GSUNG BAR MDZAD DO, ,BDAG DANG SEMS CAN CIS MED BRJOD, ,RTAG DANG 'JIG GTAM JI LTA BU, ,CI SLAD SEMS CAN YANG DAG NYID, ,THAMS CAD DU NA BSHAD MI MDZAD, ,CES BYA BA LA, BDAG DANG SEMS CAN MED PAR 'CHAD PA NI RTAG PA DANG BDAG TU ZHEN PA'I 'KHOR BA'I SDUG BSNGAL BA BCAD PA'I PHYIR RO, ,RTAG PAR 'DZIN PA 'CHAD PA YANG BYED PA PO SMRA BA BCAD PA'I PHYIR RO, ,RTAG PA GANG YANG MED DE, DE MA SKYES PAS NA YOD PA MA YIN PA MO GSHAM GYI BU LA SOGS PA BZHIN NO, ,YANG DAG PA NYID NI DNGOS PO DANG DNGOS PO MED PA'I RNAM PAR RTOG PA DANG BRAL BA DON DAM PA'I BDEN PA GNYIS SU MED PAR YANG DAG PAR RIG PA'O, ,CI'I SLAD DU SEMS TZAM THAMS CAD DU BSHAD PAR MI MDZAD CES BYA BA DE LTAR BLO GROS CHEN PO PHYI PHYIR GSOL @50A *, ,BAS NA THAMS CAD MKHYEN PAS BSGRUB PAR MDZAD PA GCIG LA BSHAD PA GANG YIN PA DE NI GZHAN LA BSHAD PA MIN, NAD BA'I DBANG LAS SMAN PA BZHIN, ,SMAN NI SO SO BRTOG PA'O, ,ZHES TE, DES NA SNOD MA YIN PA RNAMS LA GNYIS SU MED PA'I YANG DAG PAR NGAS THAMS CAD DU MI 'CHAD DO, ,JI LTA ZHE NA, THOG MA PA GZUNG BA'I PHYIR PHUNG PO DANG, KHAMS DANG, SKYE MCHED LA SOGS PA RIM GYIS NGAS 'CHAD DO, ,CI SLAD SKYES BU NA CHUNG NOR, ,AA RU RA DANG SKYU RU TSAL, ,KE LA SA DANG KHOR YUG RI, ,RDO RJE SRA BA'ANG JI LTA BU, ,ZHES BYA BA LA, SKYES BU DANG NA CHUNG GI NOR NI GANG PHO DANG MO LA MKHO BA DE THAMS CAD NI NOR TE, LUS LAS 'JIG RTEN PA RNAM PA SNA TSOGS 'BYUNG BA'I PHYIR RO, ,AA RUR DANG SKYU RU RA'I TSAL NI SMAN TE, SKYON GSUM 'PHROGS PAS NA THAMS CAD LA MKHO'O, ,KE LA SA DANG KHOR YUG RI, ,RDO RJE SRA BA'ANG JI LTA BU, ,ZHES BYA BA NI 'BYUNG KHUNG MANG BA'I RIN PO CHE'I 'BYUNG GNAS TE, SEMS CAN GYI DON DU 'BYUNG BA LHA RNAMS KYI GNAS SO, ,DE YI DRUNG NA MIG YOR NI, ,RIN CHEN SNA TSOGS RAB BRGYAN CING, ,DRANG SRONG DRI ZAS KUN GANG NA, ,JI LTAR CI SLAD BDAG LA GSUNGS, ,ZHES BYA BA NI RI RAL KYI KHOR YUG GI DRUNG NA RIN PO CHE'I 'BYUNG GNAS MI G-YO BA DRANG SRONG DANG DRI ZA RNAMS KYI GNAS MCHIS BA BSOD NAMS CAN GYI SEMS CAN RNAMS KYI BSOD NAMS KYIS RIN PO CHE'I 'BYUNG GNAS BYUNG BAR THAMS CAD MKHYEN PAR SGRUB TU GSOL, GANG GIS SEMS CAN RNAMS KYI BSOD NAMS MNGON PAR SPEL BA'I SLAD DU SEMS DANG BA'I KHYAD PAR DU 'GYUR BAR RO, ,LHA CHEN GYIS NI GSAN PA DANG, ,ZHES BYA BA LA SOGS PA NI BTZUN GTZO'I SANGS RGYAS NI LHA THAMS CAD KYI LHA CHEN PO YIN NO, ,DRIS PA BRGYA RTZA BRGYAD SLAR BSAL BA NAS GANG DAG 'KHOR BA DANG, LOG PA'I YE SHES DANG, SDUG BSNGAL ZAD BA'I DON DU MKHO BA'I DRIS PA DE DAG GI LAN NI THOG MAR LEGS SO ZHES GSUNGS TE, GSUNG NGO, ,DRIS PA YANG DAG KYANG RTZVA DANG SHING LA SOGS PA'I KHYAD PAR @50B DE DAG LA SKYON CHE BAR BSHAD CING DE DAG 'JIG RTEN GYI CHED DU LAN GSUNGS PA, THEG PA CHE TSUL SNA TSOGS PA, ,SANGS RGYAS RNAMS KYI THUGS MCHOG 'DI, ,SANGS RGYAS 'JIG RTEN MKHYEN PA'I PHUL, ,LHA CHEN GYIS NI GSAN PA DANG, ,ZHES TE, DE 'DRI BA BRGYA RTZA BRGYAD PA BLANG BA DANG, DOR BA'I BYE BRAG GIS THEG PA CHEN PO'I TSUL SNA TSOGS NI SANGS RGYAS RNAMS KYI THUGS MCHOG YIN NO, ,DER LHA CHEN PO THAMS CAD MKHYEN PA'I RNAL 'BYOR GYI DBANG PO MCHOG TU YONGS SU DAG CING 'DOD CHAGS DANG BRAL BA BTZUN GTZO'I SANGS RGYAS DANG, BTZUN GTZO'I BYANG CHUB SEMS DPA' CHEN PO 'PHAGS PA BLO GROS CHEN PO LA LEGS PA BSTABS PA, SHES RAB CHEN PO LEGS SO LEGS, ,KHYOD KYIS YONGS SU GANG DRIS PA, ,DE NI RIM GYIS NGAS BSHAD KYIS, ,BLO CHEN NGA LAS SHES PAR BYOS, ,SKYE DANG SKYE BA MED PA DANG, ,JI LTAR MYA NGAN 'DAS DANG STONG, ,'PHO DANG RANG BZHIN MED PA DANG, ,SANGS RGYAS PHA ROL PHYIN DANG SRAS, ,ZHES BYA BAR SNGAR DRI BA JI LTAR GSOL BA BCOM LDAN 'DAS KYANG DE LTAR BSHAD PAR MDZAD DE, DRI BA GANG DAG LA SKYES BU'I DON DU MKHO BA MED CING SKYON CHE BA DE DAG BCOM LDAN 'DAS KYIS SKYON CHE BAR GSUNGS SHING, BLO GROS CHEN PO LA LAN MI STZOL BA NI SAL RDUL JI SNYED YOD PA DANG, RI RAB LA SRANG DU YOD PA DANG, NYI ZER GYI RDUL PHRA MO JI TZAM PA DANG, RDUL PHRA MO BDUN NAM BRGYAD LA RDUL PHRA MO THAMS CAD KYANG JI TZAM YOD PA CI'I PHYIR MI 'DRI ZHES TE, DE NI RANG BZHIN GYIS DNGOS BO MED PAS NA DNGOS PO MED PA STE, JI LTAR MO GSHAM GYI BU LA SOGS PA BZHIN NO, ,SGRA MA GTOGS PA RDUL PHRA MO LA RDZAS BRGYAD DO, ,MCHOG TU PHRA BA BDUN LA RDUL BAR MAR 'GYUR RO, ,DE BDUN LA RDUL LO, ,DE BDUN BDUN GYI GONG MA'I GRANGS KYI RI BONG DANG, LUG DANG BA LANG GI SBU RDUL DANG, SROM DANG, SHIG DANG, YUNGS KAR DANG, MA SE DANG, NAM DANG, TO LO DANG, 'DZIN BA DANG, GSER SRANG GCIG GI GRANGS LA SOGS PA'O, ,'JIG RTEN GYI NI BRGYAD LAS GRANGS DU 'GRO BA'O, ,'DZIN PA NI SRANG GI BZHI'I @51A *, ,CHAR GRUB PA'O, ,YUNGS KAR BDUN NAM BRGYAD KYIS NAS GCIG GO, ,NAS BRGYAD LA TSIGS SO, ,TSIGS BZHI LA SOR MO'O, ,SOR MO BCU GNYIS LA MTHO'O, ,MTHO DO LA KHRU'O, ,KHRU BZHI LA GZHU'O, ,GZHU LNGA BRGYA LA RGYAD GRAGS SO, ,RGYAD GRAGS BZHI LA DPAG TSAD GNYIS KYI GRANGS LA SOGS PA YUL LO, ,DUS LA SOGS PA'ANG CI'I PHYIR NA MI 'DRI, DE DAG LAS DRI BA'I GTZO RNAMS KYIS LAN NI GLAN PAR 'GYUR MOD KYI, DRI BA BRGYA RTZA BRGYAD PO SANGS RGYAS KYIS BSNGAGS PA DON DAM PA'I BDEN PA YANG DAG BA NYID CES BYA BA, 'DI JI NYON CIG CES NAS THAMS CAD MKHYEN PAS STON PAR MDZAD PA, SKYE BA'I TSIG DANG MI SKYE BA'I TSIG CES BYA BA LA SOGS PA'O, ,DE LA SKYE BA'I TSIG NI KUN RDZOB TU GZHAN GYI DBANG GI GNYIS KYIS RNAM PA'O, ,MI SKYE BA'I TSIG NI BDAG MED PA GNYIS LA BYED BA DANG BYED BA BO MNGON PAR 'BREL BA MED PAS SNGA MA'I 'OG TU ZHES BYA BA NA MI GNYIS PA DON DAM PA'I TSIG GO, ,RTAG BA'I TSIG DANG, MI RTAG PA'I TSIG NI RGYUN RTAG PAS NA RTAG PA'I TSIG GO, ,RANG GI MTSAN NYID DU MI RTAG BAS NA MI RTAG PA'I TSIG GO, ,MTSAN NYID KYI TSIG DANG MTSAN NYID MED BA'I TSIG CES BYA BA LA, MTSAN NYID KYI TSIG NI RANG GI MTSAN NYID LA SKAD CIG PAR THAMS CAD MKHYEN PAS DGONGS PA'O, ,YANG MTSAN NYID NI MTSAN MA STE DON DU MA'I PHYIR RO, ,DAM BA'I CHOS DANG MI 'GAL BA'I SGRA'I DON DU SBYOR BA TZAM DU ZAD KYI, KHYAD PAR NI THAMS CAD MKHYEN PAS MKHYEN TO, , MTSAN NYID MED PA'I TSIG NI GANG NA MTSAN MA CUNG ZAD KYANG MTSAN MAR BYA BA MED PA'AM, RNAM PAR RTOG PA MED PA DNGOS BO DANG DNGOS PO MED PAR RNAM PAR MI RTOG PA DE MI GNYIS PA'O, ,GNAS GZHAN DU 'GYUR BA'I TSIG DANG, GNAS GZHAN DU 'GYUR BA MA YIN PA'I TSIG NI SKAD CIG BA DANG SKAD CIG PA MA YIN PA STE, THEL DANG ZUR GYI RIM PAR RNAM PAR RTOG PA'I MU STEGS CAN GYI BLO'I RJES SU MTHUN BAR MDZAD DE, 'DUS MA BYAS PAR DGONGS PA'O, ,SKAD CIG PA'I TSIG DANG, SKAD CIG BA MED PA'I TSIG NI SKYES MA THAG TU 'JIG PAS NA SKAD CIG PA STE, THOG @51B MA DANG THA MA'I DUS SU GNAS PA'I RNAM PA'I CHA DANG BRAL BA NI SE GOL GYI SGRA LA SOGS PA DE MA THAG TU 'JIG PA BZHIN NO, ,SKAD CIG PA MED PA'I TSIG NI RGYUN RTAG PA'AM, DNGOS BO MED PA STE, RTAG BA MA SKYES PAS NA DNGOS PO MED PA NI MO GSHAM GYI BU LA SOGS PA BZHIN NO, ,SKAD CIG PA MA YIN PA NI RIM DANG CIG CAR DU DON BYED BAR 'GAL LO, ,GANG LA DON BYED PA'I MTHU MED PA DE DNGOS PO MA YIN TE RI BONG GI RVA BZHIN NO, ,RANG BZHIN YOD BA'I TSIG DANG RANG BZHIN MED PA'I TSIG NI GANG LA BSREGS PA DANG 'TSED PA LA SOGS PA'I RANG BZHIN DU DON BYED NUS PA SRA BA DANG, RLAN PA DANG, DRO BA DANG, G-YO BA LA SOGS PA DES 'BYUNG BA'I RANG BZHIN SMOS PAR BYA'O, ,GANG YANG RNAM PA THAMS CAD KYI RNAM PAR RTOG PA DANG BRAL BA, YOD PA DANG MED PAR BRJOD DU MED PA DANG, GNYIS SU MED PA YANG DAG PAR RIG PA DE LA YANG RANG BZHIN MED DO, ,STONG PA NYID KYI TSIG DANG, STONG PA NYID MA YIN PA'I TSIG NI YONGS SU GRUB PA'I CHUD PA GNYIS KYI RNAM PAS STONG PA NYID DE, JI LTAR 'PHAGS PA BTZUN GTZO BYAMS PAS GSUNGS PA, GNYIS MED MED PA'I DNGOS PO NI, ,STONG PA YI NI MTSAN NYID DO, , ZHES SO, ,STONG BA MA YIN PA YANG GZHAN GYI DBANG GI RNAM PAR SHES PA GNYIS KYI RNAM BAS MI STONG BA STE, DER BYIS PA RNAMS DNGOS POR MNGON PAR CHAGS PAR 'JUG PA NI JI LTAR 'DI NYID DU GSUNGS PA, LUS DANG LONGS SBYOD GNAS SNANG BA, ,KUN GZHI KUN TU 'BYUNG BA STE, , RNAM BRGYAD RNAM DGU DE BZHIN DU, ,RGYA MTSO'I RLABS RNAMS BZHIN DU'O, ,CHAD BA'I TSIG DANG CHAD PA MA YIN PA'I TSIG NI SKAD CIG BA CHAD PA DANG, RGYUN MI 'CHAD PA STE, KHYAD BAR DU DGONGS PA'I DON NI THAMS CAD MKHYEN PAS MKHYEN TO, ,SEMS KYI TSIG DANG, SEMS MED PA'I TSIG NI GANG NA SEMS 'JUG PA STE, GZUNG BA DANG, 'DZIN PA DANG, BRJOD PA DANG, RJOD PA DANG, BYED PA DANG, BYED BA POR TSIG TU RNAM PAR RTOG PAS MNGON PAR 'BREL BA DE NI SEMS KYI TSIG GO, ,TSIG NI 'GRO BA STE, GANG NA SEMS KYANG RGYU BA MED NA RTOG @52A *, ,PA RNAMS KYI YI GE LTA CI SMOS TE DE NI SEMS MED PA'I TSIG STE, MI GNYIS PAR YANG DAG RIG PAR BSAM PA MED CING SNANG BA MED PA DON DAM PA'I BDEN PA DNGOS PO DANG DNGOS PO MED PAR MI RTOG PA'O, ,DBU MA'I TSIG DANG, DBU MA MA YIN PA'I TSIG NI GANG DE NA DNGOS PO DANG DNGOS PO MED BAR RNAM PAR RTOG PA DANG BRAL BA NI DBU MA'I TSIG GO, ,JI LTAR 'DI NYID DU GSUNGS PA, YOD PA'I ZLAS DRANGS MED PA STE, ,YOD PA'ANG MED PA'I ZLAS DRANGS SO, ,DE BAS MED PAR SHES MI BYA, ,YOD PAR YANG NI MI RTAG GO, ,JI LTAR SHES RAB KYI PHA ROL TU PHYIN PA LAS GSUNGS PA, DNGOS PO MNGON PAR RTOGS PAR MI 'BYUNG BA DANG, DNGOS PO MED PAS KYANG MA YIN TE, JI LTAR ZHE NA, DNGOS PO DANG DNGOS PO MED PA MNYAM PAS SO, ,DNGOS PO DANG DNGOS PO MED PAR RNAM PAR RTOG PA DE SPANGS PAS CHUD PAR 'GYUR RO, ,DBU MA MA YIN PA'I TSIG KYANG GANG NA DNGOS PO DANG DNGOS PO MED PAR RNAM PAR RTOG PAR 'BYUNG BA'O, ,THER ZUG BA'I TSIG DANG, THER ZUG MA YIN PA'I TSIG CES BYA BA LA, THER ZUG PA'I TSIG NI 'DUS MA BYAS PA DANG, MYA NGAN LAS 'DAS PA'O, ,THER ZUG MA YIN PA'I TSIG NI 'GRO BA STE, SKYE NAS 'GRO BA'I PHYIR RO, ,RKYEN GYI TSIG DANG, RKYEN MA YIN PA'I TSIG CES BYA BA LA, RKYEN GYI TSIG NI RGYUS GANG 'BRAS BU BYED PA'O, ,RKYEN MA YIN PA'I TSIG NI GANG MI BYED PA STE, RI BONG GI RVA LA SOGS PA BZHIN DU DES RTAG PA'O, ,RGYU'I TSIG DANG, RGYU MED BA'I TSIG NI RGYU DANG RKYEN 'DUS TSOGS NAS 'BRAS BUR DGONGS PA'O, ,YANG NA RGYU'I TSIG NI GANG BSGRUB BAR BYA BSGRUB BA'I RGYUS DE LTAR SGRUB BAR BYED PA'O, ,YANG NA RGYU MED BA'I TSIG NI RGYU DNGOS PO MED PAS GANG BSGRUB PAR BYA BA DE MI 'GRUB PA'O, ,NYON MONGS PA'I TSIG DANG, NYON MONGS PA MED PA'I TSIG NI 'DOD CHAGS DANG, ZHE SDANG DANG, GTI MUG LA SOGS PA NI NYON MONGS PA'I TSIG STE, SKYE BA'I SDUG BSNGAL LO, ,NYON MONGS PA MED PA'I TSIG NI BDEN PA'I YE SHES TE, SDUG BSNGAL ZAD PAR BYED PA'I RGYU'O, ,SRED PA MED PA'I TSIG @52B CES BYA BA LA, SKYE BA'I SDUG BSNGAL GYI GNAS NI SRED PA'I RGYU LAS SO, ,SRED PA MED PA'I TSIG NI MYA NGAN LAS 'DAS PA STE, 'DOD CHAGS DANG BRAL BA LA SKYE BA MI SNANG BA'I PHYIR RO, ,BTZAS MA THAG PA LA RGA BA DANG, 'JIG BA DANG, MYA NGAN YANG DAG PAR RTOGS BAS NA BLANG BA DANG, DOR BA DANG, BTANG SNYOMS KYI BLO RNAMS BDE BA DANG SDUG BSNGAL BAR BSGRUB BAR NGES PA SNGAR YOD PA'I PHYIR DES NA SNGON GYI GOMS PA YOD PAR RJES SU DPAG GO, ,THABS KYI TSIG DANG, THABS MA YIN PA'I TSIG NI SHES RAB DANG THABS LA MKHAS PAS GANG NA DGOS PAR BYED NUS PA DE NI THABS KYI TSIG GO, ,GANG NA BYED MI NUS PA DE NI THABS MED PA'I TSIG STE DUS DANG YUL LA LTOS TE GZHAG PAR BYA'O, ,MKHAS PA'I TSIG DANG, MKHAS PA MA YIN PA'I TSIG NI GANG DPYAD CING SHES RAB KYIS SBYOR BAR BYED PA NI MKHAS PA'I TSIG GO, ,GANG NA YANG SBYOR BAR MI BYED PA DE NI MKHAS PA MA YIN PA'I TSIG GO, ,DAG BA'I TSIG DANG, DAG PA MA YIN PA'I TSIG NI MI RTAG PA DANG, SDUG BSNGAL BA DANG, MDZES BA MA YIN PA DANG, STONG PA'I YE SHES NI DAG BA'I TSIG GO, ,RTAG PA DANG, BDAG DANG, SDUG BSNGAL BA MED PA DANG, MDZES PA DANG, STONG BA MA YIN PA'I DNGOS POR PHYIN CI LOG GI SHES PA NI DAG PA MA YIN PA'I TSIG GO, ,RIGS PA'I TSIG DANG, RIGS PA MA YIN PA'I TSIG NI MI RTAG PA DANG, SDUG BSNGAL BA DANG, BDAG MED PA DANG, MDZES PA MA YIN PA DANG, STONG PA'I TSUL GYI TSAD MAS KHYAD PAR SHES PA NI RIGS PA'I TSIG STE, RANG BZHIN GSUM PA'I MTSAN MA MNGON PAR BRJOD PAR BYA BA'I DON TO, ,RIGS PA MA YIN PA'I TSIG NI RTAG PA DANG, BDAG DANG, SDUG BSNGAL BA MA YIN PA DANG, MDZES PA LA SOGS PA'I SHES PA'O, , DPE'I TSIG DANG, DPE MED PA'I TSIG NI TSAD MA KHYAB PA'I TSUL GYIS DON GANG LA 'JIG RTEN GYI RTOG PA PO RNAMS KYI BLO MTSUNGS PA DE NI DPE'O, ,DE LAS LDOG BA NI DPE MA YIN PA'O, ,DES NA SMRAS PA, BSGRUBS PAS RGYU DANG 'BREL BA BYED, ,BSGRUB PA MED PA'ANG MED PA NYID, @53A *, ,GANG NA DPE NI BRJOD BYA BA, ,PHYOGS BCAS PHYOGS MED NYID DU'O, ,SLOB MA'I TSIG DANG, SLOB MA MA YIN PA'I TSIG NI TSANGS PA MTSUNGS PAR SBYOD PA PHAN 'DOGS PA BLA MA RNAMS DANG RTZOD PA NI SLOB MA'I TSIG GO, ,SLOB MA MA YIN PA'I TSIG NI 'GRAN DA BA RNAMS DANG THUB THUB TU SMRA ZHING 'DI NI BLA MA YANG MA YIN SLOB MA YANG MA YIN ZHES BAS NA PHAL 'DUS PA'I NANG DU GZHAN PHAM PAR BYA BA'I RIGS SO SNYAM NAS CHOS DANG BCAS PAS RGOL BA PO TSAR GCOD PA'O, ,BLA MA'I TSIG DANG, BLA MA MA YIN PA'I TSIG NI GANG DAM BA'I CHOS STON PAR BYED PA DE NI BLA MA'O, ,GANG YANG PHYIR RGOL BAR BYED PA DE NI BLA MA MA YIN PA'O, ,RIGS KYI TSIG DANG, RIGS MED PA'I TSIG NI BYANG CHUB SEMS DPA'I TSIG DANG, RANG SANGS RGYAS DANG, NYAN THOS RNAMS KYI RIGS TE, SEMS CAN RNAMS MTSAN MA RNAMS KYIS SHES PAR 'GYUR BA NI JI LTAR CHOS BCU BA LAS GSUNGS PA, DU BAS ME NI SHES PAR BYED, ,BYA BZHAD KYIS NI CHUR SHES BYED, ,BYANG CHUB SEMS DPA' BLO CHEN GYI, ,RIGS NI MTSAN MA RNAMS KYIS SHES, ,DE NI RANG BZHIN SNYING RJE CAN YIN LA, LONGS SBYOD CHES DANG SBYIN PA DE LA DE'I SEMS RAB TU 'JUG GO, ,NYAN THOS BA NI BDAG LA PHAN PAR ZHUGS PA DANG, RANG SANGS RGYAS KYANG BDAG LA PHAN PAR ZHUGS PA NYID YIN NO, ,GANG LA BYANG CHUB GSUM DU'ANG SEMS MI 'JUG LA, 'KHOR BAR MNGON PAR DGA' ZHING SKYO BA MED PA NI BDUD KYI RIGS PA YIN BAS NA RIGS MED DO, ,THEG BA GSUM GYI TSIG DANG, THEG PA GSUM MED PA'I TSIG NI, CHOS DANG GANG ZAG LA BDAG MED PA'I THEG PA NI THEG PA GSUM GYI TSIG GO, ,RTAG PA'I BDAG DANG, TSANGS PA DANG, DBANG BO LA BSNYEN BKUR BYED CING KHRUS DANG, SBYIN SREG DANG, GAD PA DANG, G-YANG SA DANG, BKRA SHIS DANG, BKRA SHIS MA YIN PA DANG, 'BRAS BU DANG, RTZA BA ZA BA DANG, RIN PO CHE DANG GSER LA SOGS PA 'CHANG BAS THAR BAR RTOGS PA NI THEG PA GSUM MED PA'I TSIG GO, ,THAL BAS SKUD PA DANG, SKRA 'BAL BA DANG, RAL @53B PA'I COD PAN GYIS BRGYAN PA DANG, GAR DANG, GLU DANG, BA LANG GI BRTUL ZHUGS DANG RMA BYA'I BRTUL ZHUGS LA SOGS PA 'DI NI BDAG TU ZHEN PAR SBYOR BA YIN GYI, SKYE BA'I SDUG BSNGAL GYI GNYEN POR GYUR BA'I THAR BA'I RGYU MA YIN TE, BDAG MED PA NYID THAR BA'I RGYU YIN PAS NI 'DI THAMS CAD THEG PA GSUM MED PA'I TSIG GO, ,SNANG BA'I TSIG DANG, SNANG BA MED PA MA YIN PA'I TSIG NI SHES RAB KYIS DBYAD PAR BYA BA, GZUGS NI RDUL PHRAN GZHIGS BA NA, ,RDUL PHRAN CHA NI MED PA STE, ,PHYI YI DNGOS PO MED PAR YANG, ,SEMS NI RNAM PA GNYIS SU SNANG, ,ZHES BYA BAR RO, ,BDAG DANG GZHAN GYI RGYUD KYI DBANG GIS DKRUGS PA'I MTHU DANG MNYAM BAR 'JOG PA MED PA'I MA RIG PA DANG LAS RNAM PAR SMIN PA LAS SLONGS TE MGO 'KHOR BA DANG, BRGYAL BA LA SOGS PA BZHIN DU RNAM PA SNA TSOGS KYI RNAM PAR SHES PA 'BYUNG NGO, ,GANG GI TSE SHES BAR BYA BA SBOM PO DANG, PHRA BA PHYOGS KYI CHAR RNAM PAR PHYE BA NA MED PAR GYUR NAS GZUGS LA SOGS PA THAMS CAD STONG PAR 'GYUR TE, BSAM PA MED PA DANG, SNANG BA MED PA DANG, DON DAM PA'I BDEN PA MI GNYIS PAR YANG DAG PAR RIG PA NYID GNAS PAR 'GYUR BA NI SNANG BA MED PA'I TSIG STE, DNGOS PO DANG DNGOS PO MED PA'I RNAM PAR RTOG PA THAMS CAD KYI SNANG BA DANG BRAL BA'O, ,SNANG BA MED PA MA YIN PA'I TSIG NI GZHAN GYI DBANG GI RNAM PA GNYIS KYI RNAM PAR SHES PA SO SOR SNANG STE, SEMS CAN THAMS CAD KYI 'KHOR BA NYID YIN NO, ,SMON PA'I TSIG DANG, SMON PA MED PA'I TSIG NI BZANG PO SBYOD PA'I SMON LAM STE, SHES RAB DANG SNYING RJE DANG LDAN PAS NA, BDAG DANG GZHAN GYI DON DANG, THAMS CAD MKHYEN PAS SANGS RGYAS THOB PAR BYED PA'I TSIG DANG, GNAS KYI TSIG GO, ,TSIG NI 'GRO BA DANG, TSIG NI GSUM YANG SBYOR TE, SGRA RNAMS NI DON DU MA'I PHYIR RO, ,JI LTAR TSIG RGYUD LAS 'BYUNG BA, ,DON 'GREL PA YI MTSAN MA DANG, ,SGRA GZHAN LA NI BSNYEN PA DANG, ,MTHO BA YUL DANG DUS RNAMS KYANG, ,KHYAD PAR DRAN PA'I RGYU RNAMS SO, ,ZHES BYA'O, , @54A *, ,SMON PA MED PA'I TSIG NI 'PHAGS PA'I BDEN PA BZHI RTOGS NAS BDAG GI DON DU MYA NGAN LAS 'DA' BA'O, ,'KHOR GSUM GYI TSIG DANG, 'KHRO GSUM MED PA'I TSIG NI SHES PA DANG, SHES PAR BYA BA DANG, SHES PAS SHES ZHES BYA BA DANG 'KHOR GSUM MO, ,GANG GI TSE SHES RAB KYIS SPYAD DE GZUGS RNAM PAR BSHIG NAS RDUL PHRA MO LA YANG YAN LAG MED DE, ,'KHOR GSUM MI MTHONG BA DE'I TSE, NAD STONG PA NYID DANG, PHYI STONG PA NYID DANG, TSOGS SU MI GNAS PA DANG, 'JIG PA NYID KYI PHYIR 'KHOR GSUM STONG PA NI 'KHOR GSUM MED PA'I TSIG STE, DE LTA BAS RGA 'KHRUL BA MED CES BYA'O, ,MTSAN MA'I TSIG DANG, MTSAN MA MED PA'I TSIG NI BSAM GTAN GANG LA MI RTAG PA DANG, BDAG MED PA DANG, SDUG BSNGAL BA DANG, MI MDZES PA LA SOGS PAS GZUGS KYI MTSAN MA 'DZIN PA DE NI MTSAN MA'I TSIG GO, ,GZUGS NI RDUL PHRAN GZHIGS PA NA, ,RDUL PHRAN CHA NI MED PA STE, ,ZHES BYA BAR GANG NA GZUGS KYI MTSAN MA MI 'DZIN PA DANG, TSOR BA DANG, TSOR BA PO'I RNAM PAR TSOR BA LA SOGS PA LA YANG MI 'DZIN PA NI MTSAN MA MED PA'I TSIG STE, DNGOS PO DANG DNGOS PO MED PAR RNAM PAR MI RTOG GO, ,DON DAM PA'I BDEN PA MI GNYIS PAR YANG DAG PAR RIG PA'O, ,YOD MED KYI PHYOGS KYI TSIG DANG, YOD MED KYI PHYOGS MA YIN PA'I TSIG NI PHYI'I BDAG NYID DU YOD PAR 'GYUR BA DANG, KHYAD PAR GYI BDAG NYID DU MED PAR 'GYUR BA DANG, SPYI DANG KHYAD PAR GYIS DAG NYID DU YOD KYANG YOD LA MED KYANG MED PAR 'GYUR BA DANG, SPYI'I BDAG NYID DU YOD PAR 'GYUR BA YANG KHYAD PAR GYI BDAG NYID DU SMRA BAR MI BYA'O, ,KA BA DANG DNGOS PO LA SOGS PAS SPYIR RDZA MAR 'GYUR BA DANG KA BA CHU 'DZIN PA LA SOGS PAS RDZA MA MED PAR 'GYUR BA DANG, KA BA GRA BA LA SOGS PAS RDZA MAR GYUR KYANG GRU BZHI DANG, ZLUM PO LA SOGS PAS KA BA RDZA BAR BYED DO, DE BZHIN DU SMRA BAR MI BYA BAR YANG SBYAR BAR BYA'O, ,KA BA DNGOS PO LA SOGS BAS SPYIR SNGA MAR @54B GYUR KYANG KHYAD PAR GYI BDAG NYID DU SMRAS BAR MI BYA'O, ,KHYAD PAR GYI BDAG NYID DU BU MA PA LA SOGS PA'I DGOS PAS YOD PAR GYUR KYANG SPYI'I BDAG NYID DU SMRA BAR MI BYA'O, ,BUM PA'I KHYAD PAR GYI BDAG NYID DU YOD PAR GYUR KYANG KA BA LA SOGS PAS SPYIR SMRA BAR MI BYA BA DANG, KA BA SPYI'I BDAG NYID DU RDZA MAR GYUR KYANG KHYAD PAR GYI BDAG NYID DU SMRA BAR MI BYA BA NI KA BA SPYI DANG KHYAD PAR GYI BDAG NYID DU RDZA MAR GYUR KYANG CIG CAR SMRA BAR MI BYA BA ZHES BYA'O, ,SPYI DANG KHYAD PAR GYI BDAG NYID DU YOD KYANG YOD LA MED KYANG MED PAR 'GYUR BA NI CIG CER SMRA BAR MI BYA'O, ,YUL DANG, DUS DANG, RIM DANG, RNAM PA LA LTOS NAS THAMS CAD YOD PA DANG MED DO ZHES KshA BA NA KA SA RNAM PA BDUN DU 'BYUNG BAR SMRA BA'I TSIG NI YOD MED KYI TSIG GO, ,YOD MED KYI PHYOGS MA YIN PA'I TSIG NI DNGOS PO DANG DNGOS PO MED PAR RNAM PAR MI RTOG CING DON DAM PA'I BDEN PA MI GNYIS PAR YANG DAG PAR RIG PA'O, ,GNYIS KA'I TSIG DANG, GNYIS KA MA YIN PA'I TSIG NI GRANGS CAN RNAMS KYI BSAL BA DANG, MI BSAL BA THAMS CAD YOD PA DANG, SPYOD PA RNAMS KYI THA DAD PA DANG, THA DAD PA MA YIN PA'I GZUGS YOD CES PA DE RNAM PA DE LTA BU'I PHYIS PA RNAMS KYI RNAM PAR RTOG PA'O, ,GSAL BA'I DON DANG SPYI DANG, KHYAD PAR CAN GYI DNGOS PO THAMS CAD DMIGS SU YOD DO ZHES NE YI YA YI KA DANG, KHYAD PAR CAN RNAMS RTOG PAR BYED PA'I 'KHRUL BA'I SHES PA BSAL BA'I DON DU THAMS CAD MKHYEN PAS GNYIS KA MA YIN PA'I TSIG BSGRUB PAR GSUNGS PA NI RANG GI MTSAN NYID KYI DON GYI BYA BA NI NUS KYIS SPYIR SGRO BTAGS PA NI RNAM PAR RTOG PAR MI DMIGS PA'O, ,SO SOR RANG GI 'PHAGS PA'I YE SHES KYI TSIG DANG, SO SO RANG GI 'PHAGS PA'I YE SHES MED PA'I TSIG NI GANG GI TSE SHES RAB KYIS DPYAD PAS STONG PA NYID DE, PHUNG POR MI GNAS PA DANG, 'JIG PA NYID RGYUR SHES SHING PHUNG PO GNAS PA THAMS CAD KHANG PA DANG, SDE DANG, NAGS TSAL LA SOGS PA BZHIN DU PHYOGS KYI CHAR RNAM PAR PHYE BA NA STONG BAR 'GYUR RO, ,RTAG PA MA SKYES PAS NI RI BONG GI RVA LTA BUR @55A *, ,DNGOS PO YOD PA MA YIN PA DE'I TSE CHOS DANG GANG ZAG LAS DAG MED PA YONGS SU SHES PA NI SO SO RANG GI 'PHAGS PA'I YE SHES KYI TSIG SO, ,DE RANG GI RIGS NI SKAD CIG PA'I RGYUN 'BYUNG BA DANG DNGOS PO DANG DNGOS PO MED PAR RTOG PA MED PAR GYUR BA'O, ,GANG YANG BDAG DANG, GTZANG BA DANG, BDE BAR BSGOM PA'I PHYIN CI LOG GI SHES BDE NI SO SO RANG GI 'PHAGS PA'I YE SHES MED PA'I TSIG GO, ,MTHONG BA'I CHOS LA BDE BA'I TSIG DANG, MTHONG BA'I CHOS LA BDE BA MED PA'I TSIG CES BYA BA MI 'GOG PAS SNYOMS PAR 'JUG PA DANG, STONG PA NYID DANG, MTSAN MA MED PA DANG, SMON PA MED PA'I RNAM PAR THAR BA'I SGO NI KHAMS GSUM GYI 'DOD CHAGS DANG BRAL BA'I MTHONG BA'I CHOS KYI BDE BA'O, ,BZHENGS NAS DAG PA YE SHES KYI 'JIG RTEN LA ZHUGS PA THUGS RJE CHEN POS GZHAN DON MDZAD PA'I THAMS CAD MKHYEN PA LA MTHONG BA'I CHOS KYI BDE BA MED PA'O, ,ZHING GI TSIG DANG, ZHING MED PA'I TSIG GI SEMS MNYAM PAR MA GZHAG PA'I BDAG DANG, GZHAN GYI RGYUD KYI DBANG GI MTHU LAS MGO 'KHOR SA DANG, BA RGYAL BA LA SOGS PA BZHIN DU 'JIG RTEN CHAGS PA'I ZHING BKOD PA'I RNAM PAR SHES PA'I RNAM PA SNA TSOGS DU MA'I RNAM PAR SNANG NGO, ,GANG GI TSE NA SHES PAR BYA BSGOM PA DANG PHRA BA SHES RAB KYIS PHYOGS KYI CHA THA DAD PAR RNAM PAR PHYE BA NA STONG PAR MTHONG BA DE'I TSE ZHING NI ZHING MED PA'I TSIG TU DON DAM PAR MI GNYIS PAR SHES SO, ,RDUL GYI TSIG DANG RDUL MED PA'I TSIG NI RDUL GYI TSOGS SBOM POR SNANG BA LA NI ZHING GI 'DU SHES SU 'GYUR RO, ,GANG GI TSE NA RDUL MCHOG TU PHRA BA NYID PHYOGS KYI CHAR 'BYED PAS PHYE BA NA STONG PAR 'GYUR TE, DE'I TSE RDUL MED PA'I TSIG STE, 'DZIN PA DANG, GZUNG BA DANG BRAL BA GNYIS SU MED PA'I DON DAM PA'I BDEN PA YANG DAG PAR RIG PAR 'GYUR RO, ,CHU'I TSIG DANG, CHU MED PA'I TSIG NI PHYI'I DON MED PAS NA TSUL SOGS PA 'BYUNG BA RNAMS MED PA'I PHYIR CHU'I TSIG NI CHU MED PA'I TSIG YIN NO, ,BGRUB DANG, LTUNG BAR NGES PA 'DZIN PA JI LTA BU LAGS SNYAM PA LA THAMS CAD MKHYEN PAS GSUNGS PA, @55B RMONGS PA'I TSIG DANG, RMONGS PA MED PA'I TSIG NI CHU LA SOGS PA RMONGS PA'I SHES PA YE SHES KYIS SPONG STE, SHES RAB KYIS DPYAD NA GANG GI TSE NA PHYI'I SBOM PA DANG, PHRA BAR MI DMIGS PA DE'I TSE RMONGS PA'I TSIG NI RMONGS PA MED PA'I TSIG TU 'GYUR TE, 'KHRUL BA DANG, 'BRAL BA MI GNYIS PAR 'GYUR RO, ,BYUNG BA'I TSIG DANG, BYUNG BA MA YIN PA'I TSIG NI, BSREGS PA DANG, 'TSED PA LA SOGS PA'I DGONGS PA DANG, KHRUS DANG, 'BOG LA SOGS PA NI BYUNG BA LA GNAS PAS NI DE BYUNG BA'I TSIG GO, ,'KHRUL BA LAS RMI LAM LA SOGS PA BZHIN DU SNANG BAS NA BYUNG BA'I TSIG MA YIN NO, ,SHES RAB KYIS DPYOD PAS GANG GI TSE NA SBOM PA DANG, PHRA BA RNAM PAR GZHIGS SHING PHYI ROL GYI MI DMIGS PA DE'I TSE BYUNG BA MED PA'I TSIG TU 'GYUR RO, ,GRANGS DANG RTZIS KYI TSIG DANG, GRANGS DANG RTZIS MED PA'I TSIG NI YUL DANG DUS LA SOGS PA'I GRANGS SU 'BYED PA PHYI'I DON MED PA MI RUNG STE, SA'I RDUL PHRA MOR PHYOGS KYI CHAR 'BYED PAS DBYE KHAS NA STONG PAR 'GYUR RO, ,RDUL BDUN NAM BRGYAD KYI GRANGS KYI RIM PAS PHRA BA'I SPU'I THOG MA DANG, DE LAS 'DUS PA'I YAN LAG DANG, SRO MA DANG, YUNGS KAR GYI 'BRU DANG, NAS DANG, TSIGS DANG, SOR MO DANG, MTHO DANG, KHRU DANG, GZHU BRGYA DAG GI RIM PAS RGYANG GRAGS DANG, DPAG TSAD STONG DANG, 'BUM DANG, BYE BA'I KHYAD PAR RNAMS KYIS GRANGS SU BGRANG PA RNAMS NI PHYI'I DON LA GNAS PA'O, ,DUS BGRANG PA YANG, GRANG BA DANG, DRO BA LA SOGS PA'I RIM GYIS BYE BRAG NYID KYANG PHYI'I DON LA GNAS PA STE, PHYI'I DON KYANG MED PAS NA GRANGS DANG RTZIS KYI TSIG NI GRANGS DANG RTZIS MED PA'I TSIG YIN NO, ,MNGON PAR SHES PA'I TSIG DANG, MNGON PAR SHES PA MA YIN PA'I TSIG NI 'BAR BA DANG, CHAR BA DBAB PA DANG, NAM MKHAR 'GRO BA NI 'DZIN PA DANG, GZUNG BA'I DNGOS PO YONGS SU SHES PAS YIN NO, ,PHYI'I DON MED PAS NA THAMS CAD STONG PA'I PHYIR MNGON PAR SHES PA'I TSIG NI MNGON PAR SHES PA MED PA'I TSIG TU 'GYUR TE GNYIS KYI RNAM PA DANG BRAL BA @56A *, ,GNYIS SU MED PAR YANG DAG PAR RIG CING DON DAM PA'I BDEN PA ZHES BYA'O, ,SKYO BA'I TSIG DANG, SKYO BA MED PA'I TSIG NI PHYI ROL GYI DON LA MNGON PAR CHAGS PA'I PHYI'I RNAL 'BYOR PA RNAMS KYI RDZA MA CAN DANG, SKONG PA DANG, GTONG BA'I RLUNG LA GOMS PAR BYA BA DANG, RGYAS PA CAN YANG SKYO BA'I TSIG GO, ,DE LAS PHYOGS GCIG PA'I DBUGS 'BYUNG BA DANG, RDZUS PA RJES SU DRAN PA DE YANG SKYO BA'I TSIG CES BYA'O, ,SHES RAB KYIS DPYAD DE GANG GI TSE SHES PAR BYA BA CI'ANG MI DMIGS PA DE'I TSE NA, YE SHES SKYO BA MED PA'I TSIG BDAG NYID KYIS GNAS SO, ,STUG PO'I TSIG DANG, STUG PO MA YIN PA'I TSIG CES BYA BA LA, STUG PO NI RDUL PHRA MO RNAMS 'DUS PA SNANG BA'O, ,YANG NA STUG PO NI SPRIN RNAMS SU RNAM PAR RTOG PA STE, PHYI'I DON MED PAS NA DE GNYIS KA DANG STUG PO MA YIN PA'I TSIG YIN NO, ,BZO DANG SGYU RTZAL RIG PA'I TSIG DANG, BZO DANG SGYU RTZAL RIG PA MED PA'I TSIG NI RNAM PA GNYIS KYI RNAM PAR SHES PA LAS BZO DANG SGYU RTZAL RIG PA'I TSIG GNAS PAR 'GYUR RO, ,SHES RAB KYIS DPYAD NA RAB RIB DANG, RMI LAM DANG, MIG 'PHRUL LA SOGS PA'I RANG BZHIN BZHIN DU RNAM PA GNYIS PA THAMS CAD MA SKYES PAR MTHONG BAS NA MI GNYIS PA'I SHES PA LA BZO DANG, SGYU RTZAL RIG PA'I TSIG NI TSIG MED PA STE, LDOG PAR 'GYUR BA'O, ,RLUNG GI TSIG DANG, RLUNG MED PA'I TSIG NI NAN TAN GYIS DKRUG NAS 'BYUNG BA DANG, RDUB PA LA SOGS PA'I KHYAD PAR DU 'BYED PA NA SGRA'I MTSAN MA NI RLUNG GI TSIG STE, GANG GI TSE SHES RAB KYIS DPYAD DE STONG PAR MTHONG BA DE'I TSE RLUNG GI TSIG NI RLUNG MED PA'I TSIG TU 'GRUB PO, ,SA'I TSIG DANG, SA MED PA'I TSIG NI STZANG BA DANG BCAS PA'I RNAL 'BYOR LA SA'I TSIG STE, SEMS MED CING SNANG BA MED PA MI GNYIS PA'I DON DAM PA'I BDEN PA YANG DAG PAR RIG PA LA GNYIS KYI RNAM PA'I SA THAMS CAD KYI TSIG NI SHES RAB KYIS DPYAD PAS STONG PAR MTHONG STE, SNANG BA MED PA LA RIM CI YANG CES BYA BA'O, ,BSAM PA'I TSIG DANG, ,BSAM PA MED PA'I TSIG NI RNAM PA GNYIS KYI RNAM PAR SHES PA LA @56B BSAM PA 'JUG STE, SHES RAB KYIS DPYAD PA NA GANG GI TSE SHES PAR BYA BA CUNG ZAD KYANG MI DMIGS PA DE'I TSE BSAM PA'I TSIG NI BSAM PA MED PA'I TSIG STE, GNYIS SU MED CING BSAM DU MED PA SNANG BA MED PA'I DON DAM PA'I BDEN PA YANG DAG PAR RIG PA GNAS SO, ,GDAGS PA'I TSIG DANG, GDAGS PA MED PA'I TSIG NI RNAM PA GNYIS KYI RNAM PAR SHES PA LA PHUNG PO DANG, KHAMS DANG, SKYE MCHED LA SOGS PAR 'DOGS PAR BYED DE, GANG MI GNYIS PA DANG SEMS PA MED PA DANG, SNANG BA MED BDER 'DOGS BAR MI 'JUG GO, ,RANG BZHIN GYI TSIG DANG, RANG BZHIN GYI MED PA'I TSIG NI GANG LA 'DZIN PA DANG, GZUNG BA'I DNGOS PO DANG, BRJOD PA DANG, RJOD PA'I RNAM BAS DNGOS POR BSNGOM PAR BYA BA DE NI RANG BZHIN GYI TSIG GO, ,SHES RAB KYIS DPYAD NA GANG GI TSE NA DMIGS PAR BYA BA CUNG ZAD LA'ANG MI DMIGS PA DE'I TSE RANG BZHIN MED PA MI DMIGS PA'I TSIG TU 'GYUR RO, ,PHUNG PO'I TSIG DANG, PHUNG PO MED PA'I TSIG NI 'DUS PA LAS PHUNG POR 'DU SHES 'JUG STE, 'BYUNG BA'I SGO DANG, RIGS KYI DON RNAMS SU PHUNG PO DANG, ,SKYE MCHED DANG, KHAMS RNAMS TE, JI SRID DU GNYIS KYI RNAM PA'I RNAM PAR SHES PA YOD PA DE SRID DU GCIG DANG DU MAR 'DUS PA'I 'DU SHES 'JUG STE, GANG GI TSE SHES RAB KYIS SHES PAR BYA BA CUNG ZAD KYANG MI DMIGS PA DE'I TSE PHUNG PO'I TSIG NI PHUNG PO MED PA'I TSIG TU CHUD PAR 'GYUR RO, ,SEMS CAN GYI TSIG DANG, SEMS CAN MED PA'I TSIG NI MIG LA SOGS PA'I SKYE MCHED RNAMS KYIS SEMS CAN DU GDAGS PAR KUN TU RTOG PA STE, GANG GI TSE NA, GZUGS NI RDUL PHRAN GZHIGS PA NA, ,RDUL PHRAN CHA NI MED PA STE, ,PHYI YI DNGOS PO MED PAR YANG, ,SEMS NI RNAM PA GNYIS SU SNANG, , ZHES BYA BA DE'I TSE PHYI'I DON MED PAS SEMS CAN GYI TSIG NI SEMS CAN MED PA'I TSIG TU SHES RAB KYIS SHES SO, ,MU STEGS CAN GYIS BRTAGS PA'I SEMS CAN DU KUN BRTAGS PA YANG MA SKYES PA'I PHYIR DNGOS PO MED PA NI MO GSHAM GYI BU LA SOGS PA BZHIN NO, ,BLO'I TSIG DANG, BLO @57A *, ,MED PA'I TSIG CES BYA BA LA, BLO NI CHUD PAR BYA BA LA 'JUG PA STE, GANG GI TSE NA CHUD PAR BYA BA SHES RAB KYIS MI DMIGS PA DE'I TSE BLO'I TSIG NI BLO MED PA'I MCHOG TU 'GYUR TE, STONG PA GNYIS SU MED CING GNYIS KYI RNAM PA DANG BRAL BA DON DAM PA'I BDEN PA YANG DAG PAR RIG PAR BYA'O, ,MYA NGAN LAS 'DAS PA'I TSIG DANG, MYA NGAN LAS 'DAS PA MED PA'I TSIG NI DNGOS PO DANG DNGOS PO MED PA'I RNAM PAR RTOG PA DANG BRAL ZHING, GNYIS SU MED PA NI DON DAM PA'I MYA NGAN LAS 'DAS PA'O, ,'PHAGS PA NYAN THOS RNAMS KYIS MI SHES PA DANG, NYON MONGS PA DANG, LAS KYI MYA NGAN LAS 'DAS PA NI KUN RDZOB TZAM MO, ,GANG DAG PA DER YANG 'KHOR BA DANG MYA NGAN LAS 'DAS PAR RNAM PAR RTOG PA MED PA NI, JI LTAR DBU MA LAS 'BYUNG BA, ,MYA NGAN 'DA' BAR RNAM RTOG MED, ,'KHOR BA BSAM PA MA YIN TE, ,GANG 'KHOR MYA NGAN 'DA' PA DER, ,SU ZHIG RNAM PAR RTOG PAR BYA, ,LEN MED DANG NI MYA NGAN 'DAS, ,MYA NGAN 'DA' BAR YIR 'GYUR, ,DE LTAR GANG 'DZIN DE DAG NI, ,LEN PA LEN MIN 'DZIN PA'O, ,MYA NGAN 'DA' BA'I MTHA' GANG YIN, ,'KHOR BA'I MTHA' YANG GANG YIN PA, ,DE GNYIS PAR NI CHUNG ZAD KYANG, ,SHIN TU PHRA BA YOD MA YIN, ,GANG DAG YOD PAR MTHONG BA DANG, ,DNGOS PO RNAMS KYANG MED MTHONG BA, ,LTA BA NYE BAR ZHI BA NI, ,BLO CHUNG DAG GIS MI MTHONG NGO, ,RNAM PAR RTOG MED SNANG MED PA, , SPROS PA RNAMS KYIS MA SPROS PA, ,DE NI 'JIG RTEN MGON PO DANG, ,SANGS RGYAS BSTAN PA BDUD RTZI'O, ,SPROS LAS 'DAS PA MI GNYIS PA, ,GANG DAG SANGS RGYAS SPROS PAR BYED, ,DE DAG SPROS NYAMS GLEN PA RNAMS, ,DE BZHIN GSHEGS PA MI MTHONG NGO, ,STONG PA ZHES PAR SMRA BYA MIN, ,MI STONG ZHES PAR 'GYUR BA MIN, ,GNYIS DANG MI GNYIS ZHES PA YANG, ,RNAM BZHI ZHE LA GA LA ZHIG ,DES NA MYA NGAN LAS 'DAS PA'I TSIG NI DNGOS PO DANG DNGOS PO MED PA'I RNAM PAR RTOG PA DANG BRAL BA STE, DE NYID MYA NGAN LAS 'DAS PA @57B MED PA'I TSIG STE, MI GNAS PA'I MYA NGAN LAS 'DAS PA'I PHYIR RO, ,YANG NA RNAL 'BYOR PA'I YE SHES NI MYA NGAN LAS 'DAS PA'I TSIG GO, ,'KHOR BA SRED BA DANG, MI SHES PA DANG, TSUL KHRIMS DANG, BRTUL ZHUGS SNYEMS BA LA SOGS PA NI MYA NGAN LDAS 'DAS PA MED PA'I TSIG GO, ,SHES BYA'I TSIG DANG, SHES BYA MED PA'I TSIG NI GZUGS LA SOGS PAR SHES PAR BYA STE, GZUGS RDUL PHRAN DU GZHIGS BA NA RDUL PHRA MO'I CHA MED PAS SHES RAB KYIS STONG PAR MTHONG STE, SHES BYA'I TSIG DE NI SHES BYA MED PA'I TSIG TU SHES SO, ,MU STEGS CAN GYI TSIG DANG, MU STEGS CAN MED PA'I TSIG NI JI LTAR KHYAD PAR CAN GYI RDZAS DANG, YON TAN DANG, LAS DANG SPYI DANG, KHYAD PAR DANG, 'BREL BA DANG, TSIG GI DON DRUG YONGS SU ZHES PAS THAR BAR KUN TU RTOG PA DANG, BDAG RTAG CING GCIG DANG DU MA BAR RIG SNGAGS KYI MTHAR SMRA BA DANG, ZHI BA DANG, NE YI YA YI KA DANG, GRANGS CAN DANG, KshA BA NA KA LA SOGS PAS KUN TU RTOG PAS SNGAR BSHAD PHA BZHIN DU SBYAR BAR BYA'O, ,DES NA RTAG PA DANG, BDAG SU STEGS CAN GYI TSIG NI PHYI'I DON DU RTOG PA LAS BYUNG BA STE, SHES RAB KYIS DPYAD PA NA MU STEGS CAN MED PA'I TSIG TU 'GYUR RO, ,KHRAG KHRUG GI TSIG DANG, KHRAG KHRUG MA YIN PA'I TSIG CES BYA BA LA, KHRAG KHRUG NI 'KHRUL PA STE, 'KHRUL BA YANG RTAG PA DANG, BDAG DANG, BDE BA DANG, MDZES PA DANG, GTZANG BAR SGRO 'DOGS PA'I PHYIN CI LOG STE, MI RTAG PA DANG, SDUG BSNGAL BA DANG, BDAG MED PA DANG, MI GTZANG BA DANG, STONG BA'I DNGOS PO RNAMS LA SHES RAB KYIS DBYAD DE, RTAG PA DANG, BDAG DANG, PHYI'I DON BSAL BAS KHRAG KHRUG GI TSIG NI KHRAG KHRUG MA YIN PA'I TSIG TU 'GYUR RO, ,SKYU MA'I TSIG DANG, SGYU MA MED PA'I TSIG NI GNYIS KYI RNAM PA'I RNAM PAR SHES PA NI SGYU MA'I TSIG GO, ,DON DAM PA'I BDEN PA GNYIS SU MED PAR YANG DAG PAR RIG PA NI SGYU MA MED PA'I TSIG STE, JI LTAR RDO RJE GCOD PA LAS BYUNG BA, JI TZAM DU MTSAN PHUN SUM TSOGS PA DE TZAM DU BRDZUN NO, ,JI TZAM DU MTSAN PHUN SUM @58A *, ,TSOGS PA MED PA DE TZAM DU MI BRDZUN NO, ,RMI LAM GYI TSIG DANG, RMI LAM MA YIN PA'I TSIG NI MNYAM PAR MI 'JOG PA'I MA RIG PA DANG, LAS RNAM PAR SMIN PA LAS GZHAN PA GZHAN GYI DBANG GI GNYIS KYI RNAM PA'I RNAM PAR SHES PA NI RMI LAM GYI TSIG GO, , GNYIS KYI RNAM PAS STONG ZHING BSAM DU MED PA DANG, SNANG BA MED PA DON DAM PA'I BDEN PA MI GNYIS PA YANG DAG PAR RIG PAR GRUB PA NI RMI LAM MA YIN PA'I TSIG GO, ,SMIG RGYU'I TSIG DANG, SMIG RGYU MED PA'I TSIG NI BYED PA'I SNANG BA TZAM GYIS NOR BA'I SHES PA'I TSIG NI SMIG RGYU'I TSIG GO, ,CI'I PHYIR ZHE NA, RNAM PAR SHES PA LAS 'GYUR BA GSAL BA SNANG BA DANG MTSUNGS PAS SO, ,JI LTAR RMI LAM DU YANG MYANG MA GYI THANG LA SOGS PA 'CHUR SHES PA GDON MI ZA BAR 'GYUR BA DE BZHIN DU RMI LAM MED PA'I DUS NA YANG PHYI'I DON MED PAR MYANG MA GYI SMIG RGYU LA SOGS PA LA CHUR SGRO 'DOGS PAR BYED DE, DES NA SMIG RGYU'I TSIG NI SMIG RGYU MED PA'I TSIG LO, ,GZUGS BRNYAN GYI TSIG DANG, GZUGS BRNYAN MED PA'I TSIG NI PHYI'I DON MED PAS NA BZHIN GYI GZUGS NYID MED NA, DE LAS GZUGS BRNYAN DU GYUR PA LTAG PA ZHIG STE, RMI LAM DU RMI LAM GZHAN PA LTA BU BAS NA GZUGS BRNYAN GYI TSIG NI GZUGS BRNYAN MED PA'I TSIG TU 'GYUR RO, ,YANG NA GZUGS NI LUS TE, PHYI'I DON MED PA'I PHYIR DE YANG GZUGS MED PA'I TSIG GO, ,'KHOR LO'I TSIG DANG, 'KHOR LO MED PA'I TSIG NI 'GAL BA NYID YONGS SU MA GRUB PA STE, DE'I TSE DE'I 'BRAS BU GZUGS BRNYAN NI 'KHOR LO MED PA'I TSIG GO, ,DRI ZA'I TSIG DANG DRI ZA MA YIN PA'I TSIG NI DRI ZA'I GRONG KHYER PHYI'I RNAM PAR GRUB PA MED PAS NA DE LAS LHAG PA'I DGOS PA GRUB PA LTA CI SMOS TE, DES NA DRI ZA'I TSIG NI DRI ZA MA YIN PA'I TSIG GO, ,LHA'I TSIG DANG, LHA MA YIN PA'I TSIG NI PHYI'I DON MED PAS NA LHA'I TSIG GNAS NI LHA'I TSIG MA YIN NO, ,ZAS SKOM GYI TSIG DANG, ZAS SKOM MED PA'I TSIG NI RMI LAM GYI DUS NA YANG ZAS DANG SKOM BZA' BTUNG BAR 'GYUR TE, PHYI'I DON MED PAS NA DE YOD BA'ANG MA YIN TE, DE BAS NA ZAS SKOM GYI TSIG 'DI @58B ZAS SKOM MED PA'I TSIG GO, ,'KHRIG PA'I TSIG DANG, 'KHRIG PA MED PA'I TSIG NI LUS YOD NA NI 'KHRIG PAR YANG 'GYUR NA, JI LTAR LUS NI, GZUGS NI RDUL PHRAN GZHIGS PA NA, ,RDUL BRAN CHA NI YOD PA MIN, ,DE LTA BUR PHYI'I DON MED PAS NA, DE'I LUS NYID LA STONG BAR MTHONG NA, DE'I TSE MI RTAG PA DANG, SDUG BSNGAL BA DANG, BDAG MED PA DANG, MDZES PA MA YIN PA DANG, STONG PAR BSGOMS PAS 'KHRIG PA'I TSIG NI 'KHRIG PA MA YIN PA'I TSIG TU KHONG DU CHUD PAR 'GYUR RO, ,LTA BA'I TSIG DANG, LTA BA MED PA'I TSIG NI GZUGS LA SOGS PAR LTA BA STE, SHES RAB KYIS SBOM PO DANG PHRA MO RNAM PAR DBYE BA NA KHANG PA DANG, SDE DANG TSAL LA SOGS PA BZHIN DU STONG BAR 'GYUR TE, DES NA LTA BA'I TSIG NI LTA BA MED PA'I TSIG TU SHES SO, ,PHA ROL TU PHYIN PA'I TSIG DANG, PHA ROL TU PHYIN PA MED PA'I TSIG NI GNYIS KYI RNAM PA'I SHES PAS SBYIN PA LA SOGS PA'I PHA ROL TU PHYIN PA'I TSOGS SU 'GYUR BA GANG GZHAN GYI DBANG GIS GNYIS KYI RNAM PAR SHES PA KUN RDZOB KYI BDEN PA RMI LAM DANG MIG 'PHRUL LA SOGS PA BZHIN DU DON DAM PAR GRUB PA MA YIN TE, GNYIS SU MED PA'I YE SHES LA MI SNANG NGO, ,SHES RAB KYIS DPYOD PA NA SHES PAR BYA BA MI DMIGS PA'I RNAL 'BYOR BSAM DU MED PA, SNANG BA MED CING DON DAM PA'I BDEN PA GNYIS KYI MI GNYIS BAR YANG DAG PAR RIG PA DNGOS PO DANG, DNGOS PO MED PA RNAM PAR MI RTOG PA LA DGE BA DANG MA DGE BA'I CHOS RNAM PA GNYIS PA THAMS CAD MI SNANG NGO, ,TSUL KHRIMS KYI TSIG DANG TSUL KHRIMS MED PA'I TSIG NI 'DI NI BYA BA'O, ,'DI NI MI BYA'O ZHES BYA BA STE, GNYIS KYI RNAM PA'I SHES PA LA TSUL KHRIMS SU RNAM PAR RTOG PAR 'GYUR GYI, SHES RAB KYIS DPYAD PAS GNYIS KYI RNAM PA THAMS CAD MA SKYES PA DANG, STONG BA DANG, SEMS PA DANG, BRAL BA DANG, SNANG BA MED CING MI GNYIS PA'I TSUL KHRIMS DON DAM PA'I BDEN PA YANG DAG PAR RIG PA DNGOS PO MED PAR RNAM PAR MI RTOG PAR MTHONG STE, DES NA TSUL KHRIMS THAMS CAD DU RNAM PAR @59A *, ,RTAG PA'I PHYIR TSUL KHRIMS GYI TSIG NI TSUL KHRIMS MED PA'I TSIG TU 'GYUR RO, NYI ZLA DANG SKAR MA'I TSIG DANG, NYI ZLA DANG SKAR MA MED PA'I TSIG NI BDAG DANG GZHAN GYI RGYUN GYI DBANG DANG, DAM PA DANG DAM PA MA YIN PA'I CHOS BSTAN PA LA SOGS PAS DGE BA DANG MI DGE BA'I LAS LAS GNAS RNAM PA SNA TSOGS MANG PO 'BYUNG ZHING, 'JIG RTEN GYI MGON PO LA SOGS PAR SNANG BA GNYIS KYI RNAM PA'I RNAM PAR SHES PA THAMS CAD NI GZHAN GYI DBANG STE, RMI LAM DANG, MIG 'PHRUL LA SOGS PA BZHIN BAS NA NYI ZLA DANG SKAR MA'I TSIG NI DON DAM PAR STONG PAS NYI ZLA DANG SKAR MA MED PA'I TSIG GO, ,BDEN PA'I TSIG DANG, BDEN PA MED PA'I TSIG NI BDEN PA BZHI'I SHES PA SHES RAB KYIS DPYAD PA NA THAMS CAD GNYIS SU MED PAR RTOGS PAR 'GYUR TE, DE BAS NA BDEN PA'I TSIG NI BDEN PA MED PA'I TSIG GO, ,'BRAS BU'I TSIG DANG, 'BRAS BU MED PA'I TSIG NI RTZE MO NYI SHUR 'PHAGS PA 'JIG TSOGS LA LHA BA'I RI YE SHES KYI RDO RJES BCOM BA STE DGRA BCOM PA'I 'BRAS BU MNGON SUM DU 'THOB BO ZHES BYA'O, ,DE LA RTZE MO NYI SHU ZHES PA NI GZUGS BDAG GO BAR KUN TU MTHONG PA DANG, BDAG GZUGS CAN PA DANG, BDAG GI GZUGS DANG, BDAG LA GZUGS ZHES PAR MTHONG BA DE BZHIN DU TSOR BA LA SOGS PA'I PHUNG PO BZHI RNAMS LA YANG SBYAR BAR BYA'O, ,RMI LAM DANG MIG 'PHRUL LA SOGS PA BZHIN DU GNYIS KYI RNAM PA'I SHES PA THAMS CAD NI STONG PA YIN TE, JI LTAR 'DIR GZUNG BA DGRA BCOM PA NI SEMS KYI 'KHRUL BA ZHES BYA'O, ,JI LTAR RDO RJE GCOD PA LAS 'BYUNG BA, RAB 'BYOR BDAG GIS DGRA BCOM PA THOB PO ZHES PA DGRA BCOM PA LA CI STE SNYAM DU 'GYUR RAM BCOM LDAN 'DAS MA LAGS SO, ,DGRA BCOM PA ZHES BGYI BA'I CHOS DE GANG YANG MA MCHIS SO ZHES TE, DE DE LTAR NA SHES RAB KYIS DPYAD PAS GANG ZAG LA BDAG MED PA GNYIS KYI RNAM PA'I YE SHES KYANG STONG PAR 'GYUR TE, CHOS LA BDAG MED PA DON DAM PA'I BDEN PA MI GNYIS PAR YANG DAG PAR RIG PA LA DNGOS PO DANG, DNGOS PO MED PAR RNAM PAR MI @59B RTOG PAS NA 'BRAS BU'I TSIG NI 'BRAS BU MED PA'I TSIG GO, ,'GOG PA'I TSIG DANG, 'GOG PA MED PA'I TSIG NI GZUNG BA DANG, 'DZIN PA MED PA'I PHYIR GDAGS PAR BYA BA YANG MED PAS NA, 'GOG PA'I TSIG NI 'GOG PA MED PA'I TSIG GO, ,PHUNG PO LHAG MA DANG BCAS PA'I 'GOG PAR BDAG GI SKYE BA ZAD PA DANG, TSANGS PA'I SPYOD PA SPYAD PA DANG, 'DI LAS SRID PA GZHAN MI SHES TE, 'DI LTA BUR BDEN PA BZHIR BSGYUR BA SLOB PA DANG MI SLOB PA RNAMS LA SHES PAR BYA BA DANG, SHES PA LA SOGS PAR SBYAR BAR BYA'O, ,RNAM PA GNYIS NI SHES PA THAMS CAD NI MI GNYIS PA STE, DON DAM PA'I BDEN PA YANG DAG PAR RIG PA DNGOS PO DANG DNGOS PO MED PAR RTOG CING, SEMS MED PA LA MI SNANG STE, DE BAS NA 'GOG PA'I TSIG NI 'GOG PA MED PA'I TSIG GO, ,'GOG PA LAS LDANG BA'I TSIG DANG, ,'GOG PA LAS LDANG BA MED PA'I TSIG NI NYON MONGS PA 'GOG PA BDEN PA'I TING NGE 'DZIN LAS LDANG BA STE, MI RTAG PA DANG, SDUG BSNGAL BA DANG, BDAG MED PA DANG, GTZANG BA MA YIN PA'I RNAM PA DAG 'JIG RTEN GYI BSAM GTAN GNYIS KYI RNAM PA SNANG BA RMI LAM DANG, ,MIG 'PHRUL DANG GZUGS BRNYAN LA SOGS PA'I SHES PA BZHIN DU DON DAM PA'I BDEN PAS STONG PA STE, GNYIS SU MED PA DON DAM PA'I BDEN PA YANG DAG PAR RIG PA LA MI SNANG BAS NA 'GOG PA LAS LDANG BA'I TSIG NI 'GOG PA LAS LDANG BA MED PA'I TSIG GO, ,THE TSOM GYI TSIG DANG, THE TSOM MED PA'I TSIG NI 'DI CI LTAR YIN NAM MA YIN ZHES PA GNYIS KYI RNAM PA'I SHES PA LA MOS PAR 'GYUR GYI GNYIS SU MED PA LA NI MA YIN NO, ,GANG GI TSE SHES RAB GYIS DPYAD DE STONG PA NYID LA PHUNG POR GNAS PA MED PA DANG, 'JIG PA NYID YIN PAR RTOGS PAR 'GYUR BA DE'I TSE, RTAG PA DANG, BDAG DANG, PHYI'I DON DU 'KHRUL BA SPANGS TE, BSAM PA DANG BRAL ZHING SNANG BA MED PA DON DAM PA'I BDEN PA MI GNYIS PAR YANG DAG PAR RIG PA DNGOS PO DANG, DNGOS PO MED PA RNAM PAR MI RTOG PA, DOGS PA DANG BRAL PA GNYIS GNAS @60A *, ,SO, ,MTSAN GYI TSIG DANG, MTSAN MED PA'I TSIG NI CHOS DANG, CHOS CAN DANG, YON TAN DANG, LAS DANG, SPYI DANG, KHYAD PAR LA SOGS PA'I BRTAG PA NI MTSAN NYID KYI TSIG GO, ,GANG DE'I GZHI YIN BA'I RANG GI MTSAN NYID NI SGRA'I DON DU SGRO BTAGS NAS SPYI'I RNAM PAR MNGON PAR BRJOD PA STE, JI LTAR SLOB DPON DHA [?] RMA K'I RTIS SMRAS PA, DON DAM DE NI BDAG NYID KYIS, ,SBYOR BA MED CING THA DAD MED, ,GZUGS NI GCIG DANG THA DAD PAR, ,DE DAG BLO YI 'KHRUL PA'O, ,JI LTAR DBU MA LAS 'BYUNG BA, ,MTSON BYA MTSAN NYID GAL TE GZHAN, ,MTSAN LA MTSAN NYID MED PAR 'GYUR, ,GCIG NA'ANG DE GNYIS MI 'GRUB STE, ,THA DAD NA YANG GZHAN DU MED, ,DE BZHIN CHOS DANG CHOS CAN TE, ,DES NA MTSAN GYI TSIG NI MTSAN MED PA'I TSIG GO, ,YAN LAG GI TSIG DANG, YAN LAG MED PA'I TSIG CES BYA BA LA, YAN LAG NI LUS TE, PHYI'I DON MED PAS NA, DE YANG MED DE DES NA YAN LAG GI TSIG NI YAN LAG MED PA'I TSIG GO, ,SGYU RTZAL RIG PA'I TSIG DANG, SGYU RTZAL RIG PA MED PA'I TSIG NI YAN LAG MED PA'I TSIG GO, ,SGYU RTZAL GYI TSIG TU 'GYUR GYI GNYIS SU MED PA LA DE MI SNANG NGO, ,BSAM GTAN GYI TSIG DANG, BSAM GTAN MED PA'I TSIG NI BSAM GTAN PA DANG, BSAM GTAN DU BYA BA DANG, BSAM GTAN DANG DE GSUM NI PHYI'I DON MI RTAG PA DANG, SDUG BSNGAL BA DANG, MI MDZES PAR BSGOM PA LA SNANG NGO, ,GANG GI TSE SHES RAB KYIS DPYAD DE SBOM PO DANG, PHRA MO GZHIGS TE, MI DMIGS PA DE'I TSE MI GNYIS PA BDAG NYID KYIS GNAS PAR 'GYUR RO, ,NOR PA'I TSIG DANG, NOR BA MA YIN PA'I TSIG NI GNYIS KYI RNAM PA'I SHES PA NOR BA'I TSIG STE, DE GNYIS SHES RAB KYIS DPYAD PA NA GNYIS KYI RNAM PA'I NOR BA DANG BRAL BA NOR PA MED PA'I TSIG TU 'GYUR RO, ,SNANG BA'I TSIG DANG, SNANG BA MED PA'I TSIG NI GZUGS LA SOGS PA SNANG BA'I TSIG STE, GZUGS NI RDUL PHRAN GZHIGS PA NA, ,RDUL PHRAN CHA NI MED PA STE, ,ZHES BYA BAS DE DE LTAR SONG STE, SNANG BA MED PA'I TSIG TU 'GYUR RO, ,SRUNG BA'I TSIG @60B DANG, BSRUNG BA MED PA'I TSIG NI 'DIS BSRUNG BAR BYA BA DANG, 'DI SRUNG BAR MI BYA BA DANG, GNYIS GYI RNAM PA'I RNAM PAR RTOG PA LAS SRUNG BAR 'GYUR GYI, GNYIS SU MED PA LAS DE LDOG STE, DE BAS NA SRUNG BA'I TSIG NI BSRUNG BA MED PA'I TSIG TU 'GYUR RO, ,RUS KYI TSIG DANG, RUS MED PA'I TSIG CES BYA BA LA, RUS NI RGYUD YIN TE, DE YANG GNYIS KYI RNAM PA'I SHES PAS 'DZIN GYI GNYIS SU MED PA LA MI SNANG BAS NA RUS MED PA'I TSIG TU YANG DAG PAR RTOG PAR 'GYUR RO, ,DRANG SRONG GI TSIG DANG, DRANG SRONG MA YIN PA'I TSIG NI BTAN DZA LA'I RNAL 'BYOR LA YAN LAG BRGYAD YOD PA, SDOM PA DANG, NGES PA DANG, STAN DANG, SROG GI 'BAD PA DANG, PHYIS BSGRUB PA DANG, BSAM GTAN DANG, 'DZIN PA DANG, TING NGE 'DZIN TO, ,DRANG SRONG AA GASTA'I RNAL 'BYOR YANG, ,SROG 'BAD DE BZHIN BSAM GTAN DANG, ,PHYIS BSGRUB DE NAS 'DZIN PA DANG, ,RTOG GE TING 'DZIN DE BZHIN DU, ,YAN LAG DRUG GI RNAL 'BYOR BRJOD, ,DRANG SRONG NA KA'I RNAL 'BYOR NI, ,'DZUM PA PHYE BA DE BZHIN DU, ,THAL MO TZAM DU RNAM SHES BYA, ,DE BZHIN BCU GNYIS TZAM PO NI, ,SROG 'BAD PAR NI MNGON BRJOD BYA, ,SROG 'BAD BCU GNYIS 'DZIN PA STE, ,'DZIN PA GNYIS NI RNAL 'BYOR YIN, ,DE LTAR RNAL 'BYOR LDAN PA LA, ,DBANG PHYUG RAB TU 'GRUB PAR 'GYUR, ,BDAG GI MCHOG NI GZI BRJID KYIS, ,DE NI 'BAR BAR MTHONG BA'O, ,DE DE LTAR DRANG SRONG GI RIGS SROG GI 'BAD PA LA SOGS PA'I DKA' THUB DKA' BAS KUN TU NYON MONGS PAR 'GYUR BA'O, ,'KHOR BA'I RGYU NI NYON MONGS PA MA YIN LA, BDAG TU ZHEN PA YONGS SU ZAD PAR BYED PA'I RGYU NI BDAG MED PA'I RNAL 'BYOR YIN PA DE DAG GIS MI SHES TE, DE MI SHES PAS GROL BA MED DE, ,'KHOR BAS NA DRANG SRONG GI TSIG NI DRANG SRONG MA YIN PA'I TSIG GO, ,JI LTAR TING NGE 'DZIN GYI RGYAL PO LAS GSUNGS PA, GANG DAG BDAG TU 'DU SHES GNAS, ,DE DAG SDUG BSNGAL SHIN TU GNAS, ,GANG NA SDUG BSNGAL MED PA YIS, ,BDAG MED DE DAG MI SHES SO, ,RGYAL PO'I SRID KYI TSIG DANG, RGYAL PO'I @61A *, ,SRID MA YIN PA'I TSIG NI RTAG PA DANG, BDAG DANG, BDE BA DANG, MDZES PA'I DNGOS PO PHYIN CI LOG BAS DBANG PHYUG 'DOD PAR 'GYUR RO, ,SHES RAB KYIS DBYAD DE MI RTAG PA DANG, BDAG MED PA DANG, SDUG BSNGAL BA DANG, MDZES PA MA YIN PA DANG, STONG PAR SHES PA NA RGYAL PO'I SRID KYI TSIG NI RGYAL PO'I SRID MA YIN PA'I TSIG GO, ,SKYE BA DANG, 'CHI BA DANG, MNGAL DU GNAS PA DANG, NGAN 'GROR 'GRO BA LA SOGS PA'I GNOD PA THAMS CAD LA SKYOB BAR 'GYUR BA YANG RGYAL PO'I SRID KYI TSIG NI RGYAL PO'I SRID MA YIN PA'I TSIG GO, ,GSUNG BA'I TSIG DANG, GZUNG BA MED PA'I TSIG NI SHES PA 'DI SA CHUD PAR BYED DE, RTOGS PAR BYED 'DZIN PAR SKYED PAS NA GZUNG BA'I TSIG GO, ,JI LTAR 'PHAGS PA BTZUN GTZO BYAMS PAS GSUNGS PA, BDAG DANG SEMS CAN DON RNAMS SHES, ,SNANG BA RAB TU SKYE BA NI, ,RNAM SHES DE YANG DON MED DE, ,DE MED PAS NA DE YANG MED, ,CES BYAS BAS NA GZUNG BA MED PA'I PHYIR GZUNG BA'I TSIG NI GZUNG BA MED PA'I TSIG STE, 'DZIN PA'I RANG BZHIN GYIS STONG PAR 'GYUR RO, ,RIN PO CHE'I TSIG DANG, RIN PO CHE MED PA'I TSIG NI MDZES PA'I RNAM PAR RIN PO CHE BRJOD PA YIN TE, DE YANG LAS RNAM PA SNA TSOGS LAS SKYES PA GNYIS KYI RNAM PA'I SHES PAS SNANG GI, GNYIS SU MED PA'I DON DAM PA'I BDEN PA YANG DAG PAR RIG PA LA NI MA YIN TE, DES NA RIN PO CHE'I TSIG NI RIN PO CHE MA YIN PA'I TSIG GO, ,LUNG BSTAN PA'I TSIG DANG, LUNG BSTAN PA MED PA'I TSIG NI 'DI RNAMS KYIS LUNG STON PAR BYED PAS NA TSIG GI LUNG STON PA'O, ,GZUGS KYI BUNG PO MED PAS NA DE YANG YOD PA MA YIN TE, DES NA LUNG BSTAN PA'I TSIG NI LUNG BSTAN PA MED PA'I TSIG GO, ,'DOD CHEN PA'I TSIG DANG, 'DOD CHEN PA MED PA'I TSIG NI LONGS SPYOD KYIS MNGON PA'I NGA RGYAL BSKYED CING, LHAG PA LA SOGS PAS NA 'DOD CHEN PA'I TSIG NI 'DOD CHEN PA MED PA'I TSIG STE, JI LTAR 'DI NYID DU GSUNGS PA, LONGS SPYOD LA MOS PA NI GNYIS KYI RNAM PAR SHES PA LA SNANG GI ,GNYIS SU MED CING BSAM PA MED PA SNANG BA MED PA'I DON DAM PA'I BDEN PA YANG DAG PAR RIG PA LA NI @61B MA YIN TE, LHAG MA NI SNGA MA BZHIN NO, ,PHO SMOS DANG, MA NING GI TSIG DANG, PHO SMOS DANG, MA NING MED PA'I TSIG CES BYA BA NI PHYI'I DON YOD NA NI PHO SMOS DANG, MA NING GI TSIG TU RNAM PAR RTAG PAR YANG 'GYUR GYI, GANG GI TSE, GZUGS NI RDUL PHRAN GZHIGS PA NA, ,RDUL PHRAN CHA NI MED PA STE, ,ZHES BYA BAS PHYI'I DON MED PAR 'GYUR BAS DE'I TSE PHO SMOS DANG MA NING GI TSIG NI PHO SMOS DANG MA NING MED PA'I TSIG GO, ,BRO BA'I TSIG DANG, BRO BA MED PA'I TSIG NI, RLOM SEMS DPA' BO BZHIN BYAD NGAN, ,GTUM PO RTZED MO 'JIGS BYED RNAMS, ,SNYING RJE RMAD BYUNG ZHI BA YANG, ,GAR GYI BRO NI DGU ZHES BYA, ,KHA CIG LA NI BRO RNAM PA BRGYAD DE, ZHI BA NI THOG MA DANG, THA MAR GNAS PA YIN TE, ZHI BA NYID LAS 'GYUR BA'I RIM PA DANG, RLOM SEMS LA SOGS PA'I BRO 'BYUNG NGO, ,DNGOS PO THAMS CAD KHO NA LAS, ,GANG GIS GZUGS NI MANG 'GYUR BA, ,DE NI BROL GNAS PAR BSAM, ,LHAG MA 'PHO BAR 'DOD PA'O, ,'PHO BA SKYO BA NA PA DANG, ,BRTZE MED RGYAGS GNAS LE LO DANG, ,BRTZE BA'I SEMS DANG GTI MUG DANG, ,DRAN PA MYOS LA SOGS PA'O, ,RLOM SEMS LA SOGS PA'I RGYUR BSAM PA NI 'GYUR BA'I GNAS THOB PA STE, DGOD PA DGA' BA MYA NGAN DANG, ,KHRO BA SPRO BA DE BZHIN 'JIGS, ,RMAD DANG YA MTSAN ZHES PA NI, ,GNAS PA'I DNGOS PO BSGRAGS PA'O, ,'DIR RNAL 'BYOR GYIS DPYAD BA RTZOM BAS NA BRO BA'I DNGOS PO DPYAD BA DE 'DIR SPOR BAR MI BYA STE, RGYA CHER NI BAR TA'I BTZUG LAG LAS RIG PAR BYA'O, ,DE CI'I PHYIR ZHE NA, THAMS CAD MKHYEN PA 'DOD CHAGS DANG BRAL BA MCHOG TU YONGS SU DAG CING, TSIG GI DBANG PO RNAL 'BYOR LA MNGA' DBANG BRNYES PAS GZHAN GYI DON DU THUGS RJE CAN GYI SPONG BA'I CHAR GSUNGS PAR MDZAD DO, ,RTAG PA DANG, BDAG DANG, BDE BA DANG, GTZANG BA'I DNGOS POR PHYIN CI LOG PA RNAMS KYIS RLOM SEMS LA SOGS PAR 'GYUR BA'I PHYI'I DON MED PAR YONGS SU SHES PAS GANG CHAGS PAR 'GYUR BA DANG, GANG DU CHAGS PAR 'GYUR BA DANG, GANG GIS CHAGS PAR 'GYUR BA'I CHOS DES DE @62A *, ,KUN TU MI MTHONG STE, DE BAS NA BRO BA'I TSIG NI SRONG MED PA'I TSIG GO, ,GZHAN YANG 'O MA DANG BU RAM LA SOGS PA MYOD BA PHYI'I DON MED PAR RMI LAM TSOR BA BZHIN PAS NA GNYIS KYI RNAM PA THAMS CAD NI GNYIS SU MED PA DON DAM PA'I BDEN PA YANG DAG PAR RIG PA LA MI 'JUG PAS BRO BA MED PA'I TSIG GO, ,BYED PA'I TSIG DANG, BYED PA MED PA'I TSIG NI, 'DUS BYAS THAMS CAD SKAD CIG PA, ,MI BRTAN BYED PA GAL ZHIG ,GANG BYUNG BYED PA DE NYID DE, ,BYED PA POR YANG DE NYID BRJOD, ,CES BYA BA STE, BYED PA PO DANG BYED PA POR THA DAD PA MA YIN TE, SKAD CIG PA'I TSIG GI DON BYUNG MA THAG TU 'JIG PAS NI BYED PA PO DE'I BYED BA LTAG LA YOD PAS DES NA BYED PA'I TSIG NI BYED PA MED PA'I TSIG GO, ,RGYU'I TSIG DANG, RGYU MED PA'I TSIG CES BYA BA LA, RGYU NI BYED PA PO STE, GANG GI DUS NA RGYU YOD PA DE'I DUS NA, 'BRAS BU MED PA DE'I SKAD CIG PA NI ZHIG BA DANG MA ZHIG PA GANG DANG YANG MI 'BRAL TE, BYA BA MED PAS NI SNGA MA'I 'OG TU 'DI YOD NA 'DI YOD PAR 'GYUR ZHES RTEN CING 'BREL TE 'BYUNG BA 'BA' ZHIG STE, DES NA RGYU'I TSIG NI RGYU MED PA'I TSIG GO, ,LUS KYI TSIG DANG, LUS MED PA'I TSIG NI PHYI'I DON DU SGRO BTAGS PA DE LUS SU KUN TU RTOG PA STE, GZUGS NI RDUL PHRAN GZHIGS PA NA, ,RDUL PHRAN CHA NI MED PA STE, ,ZHES BYA BAS PHYI'I DON SNGAR SUN PHYUNG BA BZHIN DU, PHYI'I DON MED PAS NA LUS KYI TSIG NI LUS MED PA'I TSIG GO, ,RTOG GE'I TSIG DANG, RTOG GE MED PA'I TSIG CES BYA BA LA RTOG GI NI TSAD MA DANG GZHAL BA STE, DE YANG GNYIS KYI RNAM PA'I RNAM PAR SHES PA LAS 'BYUNG BA RMI LAM DANG, MIG 'PHRUL LA SOGS PA BZHIN DU DON DAM PAR YOD PA MA YIN NO, ,GANG NE YI YA YI KA LA SOGS PAS TSIG GI DON BCU DRUG DANG, DRUG DANG, NYID DU LNGA DANG, YOD PAR 'GYUR BA RNAM PA BDUN DANG, THA DAD PA DANG, THA DAD PA MA YIN PA DANG, SPYI DANG BYAD PAR DU KUN TU BRTAGS PAS TSAD MA DANG GZHAL BA LA SOGS PA NI PHYI'I DON MED PAS SHES RAB KYIS DPYAD PA NI PHUNG POR MI GNAS 'JIG PA NYID KYI PHYIR STONG PA YIN NO, ,PHYI ROL GYI PHUNG POR GNAS PA SBOM PO DANG PHRA MO @62B RNAM PAR GZHIGS PA NA KHYIM DANG, SDE DANG NAGS TSAL LA SOGS PA BZHIN DU STONG PAR 'GYUR RO, ,RTAG PA NI MA SKYES PAS NA RI BONG GI RVA LTAR DNGOS PO MED DO, ,DES NA RTAG PA DANG, BDAG DANG PHYI'I DON DU KUN TU BRTAGS PA'I MU STEGS CAN GYI RTOG GE'I TSIG NI RTOG GE MED PA'I TSIG GO, , G-YO BA'I TSIG DANG, G-YO BA MED PA'I TSIG NI SKYE BA DANG, 'GOG PA LA SOGS PA KUN TU RTOG PA GNYIS KYI RNAM PA'I SHES PA LA 'GYUR GYI MI GNYIS PA BSAM PA MED CING SNANG BA MED PA DON DAM PA'I BDEN PA YANG DAG PAR RIG PA, DNGOS PO DANG DNGOS PO MED PAR RNAM PAR RTOG PA LA NI MA YIN NO, ,DBANG PO'I TSIG DANG, DBANG PO MED PA'I TSIG NI LUS LA SOGS PA'I TSIG STE, LUS DANG DBANG PO LA SOGS PA'I TSIG GI BSHAD PA NI PHYI'I DON SUN DBYUNG BA BZHIN NO, ,RING PO LA SOGS PA'I DBYIBS MED PAS NA, DE BZLOG PA'I DON DU RNAM PA MANG PO BSHAD PA YIN TE, LANG KAR GSHEGS PA 'PHAGS MA SHES RAB KYI PHA ROL TU PHYIN PA DANG 'DRA BAR DAM PA'I CHOS THAMS CAD 'GREL BA YIN PAS NA THAMS CAD MKHYEN PA'I GSUNG DER LHAG CHAD KYI SKYON DU MI 'GYUR BAR BSAM MO, ,'DUS BYAS KYI TSIG DANG, 'DUS BYAS MED PA'I TSIG NI RGYU DANG RKYEN GYIS BYAS PA NI 'DUS BYAS SO, ,'DUS MA BYAS PA NI DNGOS PO MED PA'O, ,KHA CIG GIS 'CHAD PA NI CHUD PA GNYIS KYI RNAM PAS STONG ZHING YONGS SU DAG PA NI 'DUS MA BYAS PA NYID DO, ,JI LTAR DGONGS PA NGES PAR 'GREL PA LAS 'BYUNG BA, RIGS KYI BU 'DUS BYAS DANG, 'DUS MA BYAS ZHES BYA BA 'DI NI STON PAS BTAGS PA'I TSIG GO, ,SKAD CIG PA NI 'DUS BYAS SO, ,RGYUN DU 'GREL PA NI 'DUS MA BYAS SO, ,'DI NI SUS KYANG MI BYA STE, CHOS KYI CHOS NYID DE YONGS SU GYUR PA'O ZHES RGYA CHER RO, ,'DIR 'DUS MA BYAS KYI TSIG 'DI 'DZIN PA DANG, GZUNG BA DANG BRAL BA'I STONG BA DON DAM PA BDEN PA MI GNYIS PA YANG DAG BAR RIG PA LA DGONGS PAR RTOG GO, ,RGYU DANG RKYEN GYIS BYAS PA RNAM PA SNA TSOGS KYI RNAM PA NI RMI LAM DANG, MIG 'PHRUL LA SOGS PA SKYE BA BZHIN DU SKYE @63A *, ,BA'I RANG BZHIN MED BAS NA YONGS SU GRUB PA YANG DAG PAR RIG PA'I RANG BZHIN 'BA' ZHIG LA GNOD PA MED DO, ,'PHAGS MA SHES RAB KYI PHA ROL TU PHYIN PA BDUN BRGYA BA BSHAD PA DANG, DGONGS PA NGES PAR 'GREL PA BSHAD PA'I RTZOD PA'I GNAS SU BDAG GIS ZHIB TU BSHAD GYIS 'DIR YANG SBYAR BAR BYA'O, ,RGYU DANG 'BRAS BU'I TSIG DANG, RGYU DANG 'BRAS BU MED PA'I TSIG CES BYA BA LA, RGYU NI BYED PA STE, GANG GI TSE NA 'BRAS BU YOD PA DE'I TSE NA RGYU MED DO, ,CI'I PHYIR ZHE NA, SMAD CIG BA GCIG NI THOG MA DANG, THA MA'I SKAD CIG PA DANG MI 'BREL BA'I PHYIR TE, SNGA MA'I 'OG TU 'DI YOD PAS 'DI YOD PAR 'GYUR RO ZHES RTEN CING 'BREL TE 'BYUNG BA 'BA' ZHIG GO, ,DES NA PHYED PA DANG BYED PA POR 'BREL PAR GZHAN GYIS KUN BRTAGS PA'I RGYU DANG 'BRAS BU'I TSIG NI RGYU DANG 'BRAS BU MED PA'I TSIG GO, ,'OG MA'I TSIG DANG, 'OG MIN GYI TSIG CES BYA BA LA, 'OG MA'I TSIG NI 'KHOR BAR GNAS PA NA'O, ,YANG RNAL 'BYOR BSGOM PA NA MCHOG TU PHYIN NAS MCHOG NI 'OG MIN GYI TSIG GO, ,DUS KYI TSIG DANG, DUS MED PA'I TSIG NI PHYI'I DON YOD NA NI GRANG PA DANG DRO BA LA SOGS PA'I BYAD PAR GYI DUS KYI TSIG KYANG KUN TU BRTAGS NA PHYI'I DON MED PAS DUS KYI TSIG NI DUS MED PA'I TSIG YIN NO, ,GANG GI TSE SHES RAB KYIS DPYAD DE, SBOM PO DANG, PHRA BA RNAM PAR GZHIGS PA NA, KHANG BA DANG, SDE DANG, NAGS TSAL LA SOGS PA MI DMIGS PA DE'I TSE SNGAR BSHAD PA BZHIN DU THAMS CAD GNYIS SU MED PA DANG SBYAR BAR BYA'O, ,SHING DANG SHING GEL BA DANG, LCUG MA GYES PA'I TSIG DANG, SHING DANG, SHING GEL BA DANG, LCUG MA GYES PA MED PA'I TSIG NI RAB TU RMONGS PA RNAMS KYIS DE LTA BUR SNANG BA TZAM LA PHYI'I DON DU KUN TU RTOG PAR BYED DE, DE DAG LA RMI LAM GYI DUS NA YANG SHING DANG YANG, SHING GEL BA DANG, LCUG MA GYES PA'I TSIG SNANG BA DE BZHIN DU RMI LAM MED PA'I DUS NA YANG PHYI'I DON DU KUN TU RTAG PA NA, GZUGS NI RDUL PHRAN GZHIGS PA NA, ,RDUL PHRAN CHA NI MED PA STE, ,PHYI YI DNGOS PO MED PAR YANG, ,SEMS NI RNAM PA GNYIS SU SNANG, , @63B ZHES BYA STE, DES NA SHING DANG, SHING GEL PA DANG, LCUG MA GYES PA'I TSIG NI SHING DANG, SHING GEL BA DANG, LCUG MA GYES PA MED PA'I TSIG STE GANG GI TSE NA SHES RAB KYIS DBYAD DE, CI YANG MI SNANG ZHING MI DMIGS PA DE'I TSE DON DAM PA'I BDEN PA MI GNYIS PA YANG DAG PAR RIG PA NYID GNYIS PA YANG DAG PAR RIG PA NYID GNAS SO, ,SNA TSOGS KYI TSIG DANG SNA TSOGS MED PA'I TSIG CES BYA BA LA, SNA TSOGS NI GANG GZHAN GYI DBANG NYE BAR SKYE BA STE, DE GNYIS KYI RNAM 'DON DAM PAR SKYE PA'I RANG BZHIN MED PAS NA RMI LAM DANG, MIG 'PHRUL LA SOGS PA BZHIN NO, ,JI LTAR SLOB DPON DHARMA K'IRTIS SMRAS PA, DNGOS PO GANG GIS BRTAG BYA BA, ,YANG DAG DE NI GZUGS MED DE, ,GANG PHYIR GCIG DANG DU MAR NI, ,DE DAG GZUGS NI YOD MA YIN, ,GANG GI TSE NA SHES RAB KYIS SHES PAR BYA BA SBOM PO DANG, PHRA MO RNAM PAR GZHIGS TE CUNG ZAD KYANG MI DMIGS PA DE'I TSE, BSAM PA DANG BRAL ZHING SNANG BA MED PA DON DAM PA'I BDEN PA YANG DAG PAR RIG PA GNYIS SU MED PAR GRUB PA NYID GNAS SO, ,DE'I PHYIR DNGOS PO DANG, DNGOS PO MED PAR RNAM PAR MI RTOG PA GNYIS SU MED PA LA RNAM PA SNA TSOGS THAMS CAD MI 'JUG STE, DE BAS NA SNA TSOGS KYI TSIG NI SNA TSOGS MED PA'I TSIG GO, ,BSTAN PAS BZUNG BA'I TSIG DANG, BSTAN PAS BZUNG BA MED PA'I TSIG NI PHYI'I DON MED PAS NA DON DAM PAR SGRA'I DON YOD PA MA YIN PA NYID DO, ,BDAG DANG GZHAN GYI DBANG DANG, YID LA BYED PAS NA SLONG BA'I MTHU DANG, SNYING RJE'I RNAL 'BYOR BA RNAMS KYIS RNAM 'DU MAR [?] SGRA'I DON DU SNANG BA'I RNAM PAR SHES PA 'BA' ZHIG RAB TU 'BYUNG NGO, ,TSE LEN PA RNAMS KYI YANG MGO 'KHOR BA DANG, BRGYAL BA LA SOGS PA BZHIN DU MA RIG PAS DAM PA DANG, DAM LAM YIN PA'I CHOS BSTAN BA LA SOGS PAS KYANG BDAG LA SNANG BA 'BYUNG NGO, ,DES NA BSTAN BAS BZUNG BA'I TSIG NI BSTAN BAS BZUNG BA MED BA'I TSIG GO, ,'DUL BA'I TSIG DANG, 'DUL BA MED PA'I TSIG 'DI NI BYA'O 'DI NI MI BYA'O ZHES BYA BA 'DUL BA'I TSIG NI GNYIS KYA RNAM BA'I RNAM PAR RTOG PA LA YOD DE, , @64A *, ,GNYIS KYI RNAM PAR YANG RMI LAM DANG, MIG 'PHRUL LA SOGS PA BZHIN DU DON DAM PAR MA SKYES BAS NA THAMS CAD YOD PA MA YIN PA'I PHYIR DON DAM PA'I BDEN PA GNYIS SU MED CING DNGOS PO DANG, DNGOS PO MED PA YANG RNAM PAR MI RTOG PA YANG DAG PAR RIG PA'I TSUL KHRIMS LA DE MI SNANG STE, DES NA 'DUL BA'I TSIG NI 'DUL BA MED PA'I TSIG GO, ,DGE SLONG GI TSIG DANG, DGE SLONG MED PA'I TSIG NI SBYIR DGE BSNYEN LA SOGS PA RNAMS LA SROG GCOD PA LA SOGS PA SPONG BA'I MTSAN NYID KYI 'DUL BA'I TSIG KYANG YOD DO, ,DGE SLONG RNAMS KYIS NI SO SOR THAR PA'I SDOM PAS BSLAB BA LHAG PAR 'DZIN TE, GNYIS KYI RNAM PA'I RNAM PAR RTOG PA 'BYUNG BA THAMS CAD NI DON DAM PA'I BDEN PA MI GNYIS PA'I TSUL KHRIMS LAS LDOG PAS NA DGE SLONG GI TSIG NI DGE SLONG MED PA'I TSIG GO, ,BYIN GYI RLABS KYI TSIG DANG, BYIN GYI RLABS MED PA'I TSIG NI DES 'DI BYIN GYI RLABS ZHES BYA BA RNAM GNYIS KYI SHES PA GNYIS SU MED PA LAS SNGOGS PAR 'GYUR TE, DE BAS NA BYIN GYI RLABS KYI TSIG NI BYIN GYI RLABS MED PA'I TSIG STE, MI GNYIS PA NI SNGA MA BZHIN NO, ,YI GE'I TSIG DANG, YI GE MED PA'I TSIG CES BYA BA LA, YI GE'I TSIG NI RNAM PAR RTOG PA'I SHES PA'O, ,YI GE DANG TSIG DANG, BRJOD PA NI BYED PA DANG, BYED PA PO MNGON PAR 'BREL TE SBYOR BAR 'JUG GO ZHES TE, JI LTAR BYA KA RA nA SA YONGS SU RTOGS PAR BYED PA, DON GYI DNGOS PO YID 'JUG PA, ,GANG LAS 'GRO BA'I RAB BYED 'BYUNG, ,TSANGS PA SGRA NI YANG DAG PA, ,THOG MA MED CING MI 'JIGS PA'O, ,'DI NI TSANGS SGRA'I SBRUL PA STE, ,SGRA YI MTHUS NI RNAM PAR GNAS, ,SGRA TZAM LAS NI BYUNG BA YANG, ,DE NYID DU NI ZHI BAR 'GYUR, ,ZHES SO, ,DES NA YI GE DANG 'BYOR BA'I GNYIS KYI RNAM PA'I RNAM PAR RTOG BA'I ZHES PA THAMS CAD NI YI GE MED PA'I TSIG STE, DON DAM PA'I BDEN PA GNYIS SU MED PAR YANG DAG BAR RIG PA LA MI SNANG BA'I PHYIR RO, ,SGRA RNAMS 'DUS BAR SMRAS PA NI, ,'DUS PA'I RIGS NI 'BYUNG BAR BYED, ,YAN LAG MED PA'I SGRA GCIG LA, ,RIM NI BLO RJES SGRUB PA'O, ,THOG MA'I TSIG NI THA DAD KUN, ,TSIG NI LTOS BCAS @64B SHES PA YANG, ,BRJOD PAS SO SOR BLOS MI MTHUN, ,TSUL SMRA RNAMS KYI RNAM PA MANG, ,KHA CIG LA LA YI GE DANG, ,TSIG DANG NGAG NI BRJOD PA STE, ,YI GE MA GTOGS TSIG CES PA, ,GZHAN NI YOD PA MA YIN TE, ,NGAG NI YI GE TSIG LAS KYANG, ,LHAG PAR CUNG ZAD YOD PA MIN, ,TSIG CES BYA BA CUNG ZAD KYANG, ,DNGOS PO NGES PA GANG NA'ANG MED, ,TSIG RNAMS GZUGS DANG DON YANG RUNG, ,NGAG NYID LAS NI CHUD PAR 'GYUR, ,LA LAS TSIG NI RNAM GNYIS DANG, ,RNAM BZHI RNAM LNGAR PHYE BA STE, ,RANG BZHIN RKYEN LA SOGS PA BZHIN, ,NGAG RNAMS LAS NI STON NAS SU, ,LDAN PAR MNGON PAR BRJOD PA DANG, ,LDAN PA LAS MNGON PAR BRJOD PA'I MTSAN NYID CAN GYI NGAG GO ZHES SO, ,SPYOD PA CAN DANG, BYA KA RA nA LA SOGS PA YONGS SU RTOGS PAR BYED PA, JI SNYED CI 'DRA GANG DAG KYANG, ,DON GANG SO SOR BSGRUB PA YIS, ,'BRU RNAMS MTHUS NI RAB SHES PA, ,DES NA YI GE DON CHOS NYID, ,CES RIM BA GANG ZHIG GI DON GANG ZHIG RJOD PAR BYED PA ZHES SO, ,LA LAS SMRA BA NI NGAG GIS SMRA BAR BYED GYI TSIG GIS NI MA YIN TE, YI GE YAN LAG LTAR THE TSOM BSKYED PA'I PHYIR RO, ,RTAG PAR SMRA BA SANGS RGYAS PA LA SOGS PA RNAMS LA NI BTAGS PA'I THA SNYAD PAS DA GNYIS KYI RNAM PA'I RNAM PAR SHES PA THAMS CAD DON DAM PA'I BDEN PA MI GNYIS PA'I SHES PA LAS LDOG PA STE, DES NA YI GE'I TSIG NI YI GE MED PA'I TSIG CES 'PHAGS PA BLO GROS CHEN POS DRI BA BRGYA RTZA BRGYAD GSOL BA'I LAN THAMS CAD MKHYEN PAS MI GNYIS PA'I TSIG TU BKA' STZAL TO, , GANG GNYIS SU MED PA DANG, RNAM PA GNYIS SU MI 'BYED PA DANG, CHAD PA MED PA DANG, PHYE BA MED PA DANG, BDEN PA YANG DAG PAR RIG PA DE NI MI GNYIS PA ZHES BYA'O, ,THAMS CAD MKHYEN PAS SEMS CAN THAMS CAD SO SOR CHUD PAR BYA BA'I DON DU BLANG BA DANG SPANG BA'I KHYAD PAR DU LHAG PA DANG, CHAD PA DANG, ZLOS PA DANG, RNAM GRANGS KYI SGRA'I DON THA DAD PAS RGYA CHER BSGRUB PA NI SEMS CAN RNAM BA MANG PO RAB TU CHUD PAR 'JUG PAS NA BRGAL BAR MI BYA'O, ,SEMS CAN GYI DON DU JI LTAR 'GYUR BA DE BZHIN DU THAMS CAD MKHYEN PA'I TSIG GI DBANG PO MCHOG TU @65A *, ,YONGS SU DAG PA'I 'DOD CHAGS DANG BRAL BA GZUGS RNAM PA SNA TSOGS KYI RNAL 'BYOR GYI DBANG PO CHO 'GRUL SNA TSOGS KYIS MTHA' YAS PA'I SEMS CAN GYI BSAM PA RANGS PAR MDZAD PA RNAMS SANGS RGYAS BCOM LDAN 'DAS SU 'GYUR RO, ,DE'I PHYIR YE SHES BZANG DPAL GYIS TSIG BRGYA RTZA BRGYAD SANGS RGYAS KYIS BLO GROS CHEN PO LA GSUNGS PA 'DI RIGS PA DANG, LUNG DANG, BDAG DANG, GZHAN GYI GRUB PA'I MTHA'I RJES SU MTHUN PAR BSHAD DO, ,RTAG TU BDAG LA CHAGS PAS SRID PA 'BYUNG, ,DE ZAD NYID LAS THAR PAR 'GYUR BA STE, ,TSOGS GNAS MI 'JIGS MIN PA 'KHRUL RAB RIB, ,DRA BAS GLONGS BA BZHIN DU RAB TU ZHI, ,SNGOM PO PHYOGS CHAR DBYE STONG RTAG PA YANG, ,RGAS MKHA' PADMO 'DRA STE MA SKYES PA, ,YE SHES DPAL BZANG TSAD MA TSUL GNYIS NI, ,SANGS PA MI GNYIS YANG DAG 'DUL BA YANG, ,MDO SDE RAB MANG SMON LAM GYIS, ,GZHAN DBANG JI LTAR BYA SNYAM STE, ,SHES RAB SNYING RJE YANGS PAS NI, ,CHOS SBYIN NAN TAN GZHAN GYIS GSOL, ,TSIG DBANG BKA' DRIN DRI BA RNAMS, ,LAN DON KHYAD PAR DRAN YUL GYUR, ,BDAG BLO GZHAN GYI THE TSOM MED, ,SHES DPAL BZANG POS NGES DON BSHAD, ,GLONGS CHOD 'BRAS BUR GYUR KYANG BLA, ,NOR GYIS BSLAD PA MA MTHONG RUNG, ,DE MTHONG BU 'PHANGS RGYAGS GSAR CAN, ,LEGS SDIG LTOS MED SHES NAS NI, ,MI RTAG SDUG BSNGAL MDZES MIN TSOGS, ,'JIG RTEN 'DI NI RMI LAM STONG, ,YE SHES DPAL BZANG TSIG RNAMS KYIS, ,MTHAS [?] BAS SKYE MTHAR NAN TAN GYIS, ,DE NAS YANG BYANG CHUB SEMS DPA' SEMS DPA' CHEN PO BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS RNAM PAR SHES PA RNAMS KYI SKYE BA DANG, GNAS PA DANG, 'GAG PA RNAM PA DU MCHIS, BCOM LDAN 'DAS KYIS BKA' STZAL BA, BLO GROS CHEN PO RNAM PAR SHES PA RNAMS NI SKYE BA DANG, GNAS BA DANG, 'GAG BA LA RNAM PA GNYIS YOD DE, ,RTOG BA BA RNAMS KYIS KHONG DU MI CHUD DO, ,'DI LTA STE, RGYUN 'GAG PA DANG, MTSAN NYID 'GAG PA'O, ,RNAM PAR SHES PA RNAMS KYI SKYE BA YANG RNAM PA @65B GNYIS TE, RGYUN SKYE BA DANG, MTSAN NYID SKYE BA'O, ,GNAS PA'ANG RNAM PA GNYIS TE, RGYUN GNAS PA DANG, MTSAN NYID GNAS BA'O ZHES BYA BA NI 'PHAGS PA BLO GROS CHEN PO GNYIS KYI RNAM PA'I ZHU BA BRGYA RTZA BRGYAD KYI LAN NI BCOM LDAN 'DAS KYIS GNYIS SU MED PA DON DAM PA'I TSIG BRGYA RTZA BRGYAD KYIS SPANGS MOD KYI, 'ON KYANG 'PHAGS PA BLO GROS CHEN POS GZHAN GYI CHED DU SPYI DANG KHYAD PAR GYI RNAM PA DRI BAR BYED PA, BCOM LDAN 'DAS RNAM PAR SHES PA RNAMS KYI SKYE BA DANG, GNAS PA DANG, 'GAG PA RNAM PA DU MCHIS ZHES PA LA, SKYE BA RNAM PA GNYIS ZHES SO, ,DES NA DE LA RGYUN SKYE BA NI GANG LA KUN 'DUS PA'I DBANG GIS RANG GI MTSAN NYID 'PHEN NUS PA STE, JI LTAR BGEGS MED PA'I CHU RGYUN DU 'BAB PA LA SOGS PA 'DRA BA'I SKAD CIG PA GZHAN 'DEBS NUS PA'O, ,JI LTAR SE GOL GYI SGRA DANG, GLOG LA SOGS PA THOG MA DANG, THA MA'I DUS SU GNAS PA'I RNAM PA'I CHA DANG BRAL BA'I SKAD CIG PA RNAMS KYIS SKAD CIG PA MNGON SUM DU 'DZIN PA'O, ,RTOG PA PA RNAMS KYIS KHONG DU MI CHUD PA ZHES BYA BA NI GANG GI TSE SE GOL GYI SGRA BZHIN DU 'DRA BA'I SKAD CIG PA GZHAN 'PHEN PA MED PA DE'I TSE MNGON SUM GYIS SKAD CIG PA 'DZIN TO ZHES THAMS CAD MKHYEN PAS DER DGONGS PA'O, ,DE LA GRANGS CAN DANG NE YI YA YI KA DANG, KHYAD PAR CAN GANG DAG GIS DNGOS PO SKAD CIG PA DRUG GI BAR DU GNAS PAR 'DOD PA DE DAG GI SKAD CIG PA'I MTSAN NYID DANG RGYUN GYI MTSAN NYID KHONG DU MI CHUD DO, ,JI LTAR GRANGS CAN GYI 'GYUR BA CHA DRUG TU 'DOD PA NI SKYE BA DANG, YOD PA DANG, 'GYUR BA DANG, RNAM PAR 'PHEL BAR 'GYUR BA DANG, 'GRIB PA DANG, 'JIG PA ZHES BYA BA STE, BRO DANG, SGRA DANG, MA MYUR DU 'JIG PA RNAMS LA YANG NGO, ,RIM DANG CIG CAR GCIG TU YANG RTAG TU MED NA MYUR DU 'JIG PA'I RANG BZHIN LA JI LTAR 'GYUR, NE YI YA YI KA DANG, KHYAD BAR CAN RNAMS KYIS SKAD CIG PA DRUG TU GNAS PAR KUN TU RTOG PA NI YOD PA DANG, 'BREL BA'I DUS DANG GNAS PA'I DUS DANG, THA MAR YON TAN SKYE BA'I DUS DANG, DMIGS PA'I DUS DANG, @66A *, ,'JIG PA'I RGYU BSNYEN PA'I DUS ZHES SO, ,DE STE MYUR DU 'JIG PA, SKAD CIG PA DRUG TU GNAS PAR KUN TU RTOG NA DE'I TSE, SKAD CIG PA DRUG RE RE LA YANG SKAD CIG PA DRUG GNAS PAR KUN TU RTOG PAR GYIS, DE NAS RTOG PA PA RNAMS RTAG PAR 'KHRUL TE, RTZVA DANG SGRA LA SOGS PA BCAD NAS YANG SKYES PA DE BZHIN DU RGYUN GYI RANG BZHIN LA'ANG BA'I SKAD CIG PA GZHAN 'BYUNG BA MI SHES PAS NA SMAD CIG PA'I MTSAN NYID KHONG DU MI CHUD DO, ,RTOG PA PA RNAMS KYI SHES PA NI TSAD MA STE, JI LTAR GANG GI LHA SBYIN 'DI DE NYID YIN ZHES PA DANG, NYAM CHUNG BA DANG, TSO BA DANG, KHA DOG 'DI NYID BA DANG, RING BA DANG, THUNG BA DANG, DE SDUG BSNGAL CAN 'DI NYID DANG, BDE BA CAN ZHES DE DE LTAR DE DAG RGYUN LA RTAG PAR 'KHRUL NAS DE'I PHYIR RTOG PA PA RNAMS KYIS KHONG DU MI CHUD DO, ,DE DE LTAR THAMS CAD MKHYEN PAS SKYE BA DANG, GNAS PA DANG, 'GOG PA MTSAN NYID DANG, RGYUN RNAM PA GNYIS SU DGONGS LA, RTOG PA PA RNAMS KYIS RGYUN LA RTAG PAR KUN TU RTOG PA NI JI LTAR MU STEGS CAN KshA BA NA KAS KUN TU RTOG PA SPYI BDAG NYID DU RTOG PAR 'GYUR BA DANG, SPYI DANG KHYAD PAR GYI BDAG NYID DU RTAG KYANG RTAG LA MI RTAG PAR 'GYUR BA DANG, SPYI BDAG NYID DU RTAG PAR 'GYUR BA YANG KHYAD PAR GYI BDAG NYID DU SMRA BAR MI BYA BA DANG, KHYAD PAR GYI BDAG NYID DU MI RTAG PAR 'GYUR BA YANG SPYI'I BDAG NYID DU SMRA BAR MI BYA BA DANG, SPYI DANG KHYAD PAR GYI BDAG NYID DU RTAG KYANG RTAG LA MI RTAG PAR 'GYUR BA YANG CIG CAR SMRA BAR MI BYA BA DANG, SPYI DANG KHYAD PAR GYI BDAG NYID DU RTAG PAR 'GYUR BA YANG CIG CAR SMRA BAR MI BYA STE, YUL DANG, DUS DANG, RIM PA DANG, RNAM PA LA LTOS TE THAMS CAD YOD PAR 'GYUR BA DANG, THAMS CAD MED PAR 'GYUR BA DANG, SMRA BAR MI BYA BAR ZHES BYA BA DE DE LTAR SPYI DANG KHYAD BAR DU RTOG PA PA RNAMS KYI GANG DON GYI BYA BA NUS PA DE NYID DE LTAR KYI DUS NA TSAD MAS RTOGS PAR BYA BA GZHAL BAR RNAM PAR GZHAG GO, ,GANG YANG 'DAS PA DANG, MA 'ONGS PA DE NI MED PA NYID DE, RGYUD KYI RGYUN LA RNAL 'BYOR PA'I RTOG PA PA RNAMS KYIS RTAG PA 'BA' ZHIG KUN TU RTOG PA STE, JI LTAR DPYOD PA CAN RNAMS RTOGS PAR @66B BYED PA, DNGOS PO'I GZUGS NI GCIG MIN TE, ,CIG CANG DANG NI RIM GYIS NI, ,'DOD PA BZHIN DU RTOGS PAR BYED, ,TSIG NI RNAM PA GZHAN MED DO, ,'DRES PA'I TSON LA JI LTA BU'I, ,'DOD PA BZHIN DU 'DZIN PAR BYED, ,RNAM GRANGS DNGOS PO DE BZHIN DU, ,THA DAD 'THAD MIN 'DZIN PA'O, ,JI LTAR GCIG PO RNAM GRANGS KYIS, ,YUL GZHAN DU NI 'GRO BA YANG, ,THA DAD YUL GYIS THA MI DAD, ,SGRA YANG DE BZHIN DBYER MED DO, ,SU ZHIG CIG CAR SHES PA LTAR, ,YANG YANG SHES PAR 'GYUR BA NA, ,DUS KYI RIM PHAR DBYER MED PA, ,DE BZHIN SGRA NI DBYER MED DO, , DE STE DNGOS PO DU MA DANG BRAL BA'I DNGOS PO GCIG MED PAR GYUR NA NI, DE'I TSE GCIG MED NA DU MAR YANG JI LTAR 'GYUR, THA DAD PA DANG THA DAD PA MA YIN PAR RTAG PA YANG SGRO BTAGS TE, SGRA'I DON GYI THA SNYAD KUN TU BRTAGS PAR GYIS, DON DAM PAR NA GANG GCIG GI RANG BZHIN YIN PA DE NI, GNYIS PO JI LTAR NA 'GYUR, DE'I TSE BDAG GI GZUGS DANG, GZHAN GYI GZUGS DBYER MED PAS NA BDAG GI GZUGS DANG, GZHAN GYI GZUGS CIS NA YIN, 'JUG PA'I RGYU'I KHYAD PAR MED PAR THA DAD PA DANG, THA DAD PA MA YIN PAR RNAM PAR RTOG PA YANG JI LTAR NA RUNG, RNAM GRANGS GCIG PAR 'GYUR RO, ,'ON TE THA DAD PA DANG, THA DAD PA MA YIN PAR 'JUG PA'I RGYU'I KHYAD PAR YOD DO ZHE NA NI DE'I TSE DER 'JUG PA'I RGYU'I KHYAD PAR BZHIN DU DNGOS PO THAMS CAD KHYAD PAR YOD DO, ,GANG DAG YANG TSANGS PA DANG, DBANG PO LA SOGS PA GZUGS GCIG PA'I 'GRO BA KUN TU RTOG PA DE DAG LA YANG GROL BA DANG, MA GROL BA DANG, PHYUG DBUL LA SOGS PA GCIG PA'I SKYON DU 'GYUR RO, ,SANGS RGYAS BA NI GNYIS PAR SMRA BA RNAMS KYIS CHUD PA MANG BA DANG, DE DAG NYID DAG PA NA THAMS CAD MKHYEN PAR 'GYUR TE, SNANG BA DANG BCAS PA DANG SNANG BA MED PA'I TING NGE 'DZIN THOB NAS BTZUN GTZO SANGS RGYAS BCOM LDAN 'DAS SEMS CAN GYI DON LA BZHUGS SO, ,THAMS CAD MKHYEN PAS SO SOR RANG GIS RTOGS PA'I SPYOD YUL DON DAM PA'I BDEN PA MI GNYIS PAR YANG DAG PAR RIG PA STON PA'I TSIG BRGYA RTZA BRGYAD KYIS PHYI'I @67A *, ,DON GSAL BA DANG, 'JIG RTEN RGYANG PHAN PA'I RTOG PA GANG DAG GIS RNAM PAR SHES PA'I RGYUN CHAD PA'I GLING BSLANG BA SKAD CIG PA GCIG LAS RGYUN NI THA DAD PA YIN NAM, GAL TE THA DAD NA TSIG GI DON GZHAN ZHIG RTAG PAR KUN TU BRTAGS PAR GYUR PA'O, ,GAL TE THA MI DAD NA NI DE'I TSE SKAD CIG PA MA GTOGS PAR RGYUN GYI TSIG GI DON GANG YIN YANG MED DO ZHES PA NI GLENG PA MA YIN TE, SNGA MA'I 'OG TU 'DI YOD PAS 'DI YOD PAR 'GYUR RO ZHES BYA STE, JI LTAR SNGON MYONG BA DRAN PA DANG, SNGA MA ZHIG NAS DE'I 'OG TU SKYES PA'I SA BON DANG, MYU GU LA SOGS PA RGYU DANG 'BRAS BUR 'BREL BA JI BZHIN PA DE BZHIN DU DGE BA DANG MI DGE BA'I LAS KYI RNAM PAR SMIN PA'I 'BRAS BU SO SO'I NGES PA'O, ,DE LTAR SLOB PA RNAMS KYI MNGON SUM DANG, THOS PA DANG, SEMS PA LA SOGS PAS SBYANGS PA LAS RIM GYIS SHES RAB KYI KHYAD PAR DU GYUR PA DE BZHIN DU BTZAS MA THAG PA RNAMS KYIS YANG SHES RAB LA SOGS PA'I KHYAD PAR RNAMS KUN DMIGS PA STE, DES NA SNGON GYI BAG CHAGS LA GOMS PAR RJES SU DPAG GO, ,DE DIR 'JIG RTEN GZHAN SGRUB PA'I TSAD MA NI YE SHES KYI BLA MA'I KHYAD PAR GANG DANG GANG YIN PA DE DANG DE DAG NI SNGA MA SNGA MA THOS PA DANG, SEMS PA LA SOGS PA'I 'DU BYED THOG MAR BYAS PA LAS TE, SLOB MA RNAMS KYI SHIN TU MKHAS PA'I KHYAD PAR BZHIN NO, ,SKYES MA THAG PA'I SHES RAB LA SOGS PA'I KHYAD PAR DGA' BA DANG 'JIG PA DANG, MYA NGAN RTOGS PA YANG YOD DE, BLANG BA DANG, DOR BA DANG, BTANG SNYOMS KYI BLO RNAMS LA BDE BA DANG, SDUG BSNGAL DU SGRUB PAR NGES PA SNGAR YOD PA'I PHYIR RO, ,SKYES MA THAG PA LA YANG YUL KHA CIG TU YANG KHRO ZHING DNGANG BA DANG, KHA CIG TU NI DGA' BA STE, DE LTAR KHA CIG TU 'DOR BA DANG, KHA CIG TU BLANG BAR YANG MTHONG STE, DES NA SNGON GYI GOMS PA YOD PAR RJES SU DPAG GO, , DE BAS NA SEMS KYI RGYUD KYI RGYUN MA CHAD PA STE, 'KHOR BAR KUN TU NYON MONGS PA DANG, RNAM PAR BYANG BA RNAM PAR GZHAG PA DE NYID KYI DBANG DU BYAS TE, LAS DANG 'BRAS BUR 'BREL PA YIN GYI PHYI'I DON GYIS NI MA YIN NO, ,DE'I PHYIR 'PHAGS PA BLO GROS CHEN POS GZHAN GYI DON DU KHYAD PAR DU @67B SHES PAR 'DOD NAS ZHUS PA, THAMS CAD MKHYEN PAS KYANG SPYI DANG KHYAD PAR GYI BYE BRAG TU DE BZHIN RGYA CHER SGRUB PA MDZAD PA, RNAM PAR SHES PA NI RNAM PA GSUM STE, 'JUG PA'I MTSAN NYID DANG, LAS KYI MTSAN NYID DANG, RIGS KYI MTSAN NYID DO ZHES PA STE, DE DAG NI GZUGS LA SOGS PA'I YUL DU SNANG BA RNAMS LA MIG LA SOGS PA'I RNAM PAR SHES PA GANG 'JUG PA DE DAG 'JUG PA'I RNAM PAR SHES PA RNAMS SO, ,GANG DE MA THAG PA'I SHES PA BYA BA'I NAN TAN PA DE NI LAS KYI MTSAN NYID PA'O, ,GANG KHYAB PA PO KUN GZHI RNAM PAR SHES PA NI RIGS KYI MTSAN NYID DE, JI LTAR 'DI NYID DU SGRUB PAR MDZAD PA, LUS DANG LONGS SPYOD GNAS SNANG BA, ,KUN GZHI KUN TU 'BYUNG BA STE, ,RNAM BRGYAD RNAM DGU DE BZHIN DU, ,RGYA MTSO RLABS RNAMS BZHIN DU'O, ,RMI LAM GYI DUS SU RNAM PAR SHES PA GCIG PU NYID YUL DANG YUL CAN GYI DNGOS PO DU MAR 'BYUNG STE, DER GZUGS LA SOGS PA YUL YANG MED LA, MIG LA SOGS PA'I RNAM PAR SHES PA YANG MED DE, YUL THAMS CAD DU KHYAB PA 'DZIN PA DANG, GZUNG BA'I DNGOS POR KUN GZHI RNAM PAR SHES PA GCIG PU NYID SNANG NGO, ,THAMS CAD MKHYEN PAS MDO DE NYID LAS RNAM PA GNYIS SU GRUB PA MDZAD PA, BLO GROS CHEN POS MTSAN NYI DANG RGYAD DU GSUNGS PA'I RNAM PAR SHES PA NI MDOR RNAM PA GNYIS TE, SNANG BA'I RNAM PAR SHES PA DANG, DNGOS PO SO SOR RNAM PAR RTOG PA'I RNAM PAR SHES PA'O, ,BLO GROS CHEN PO JI LTAR ME LONG LA GZUGS BRNYAN BZHIN DU SNANG BA LA SNANG BA'I RNAM PAR SHES PA 'DZIN TO ZHES PA KUN TU RIG PA LA, DE BZHIN DU GZUGS 'DZIN PA DANG, GZUGS SU SNANG BA'O, ,BLO GROS CHEN PO SNANG BA'I RNAM PAR SHES PA DANG DNGOS PO SO SOR RNAM PAR RTOG PA'I RNAM PAR SHES PA DE NYID NI ZHES BYA BA YUL GYI RNAM BAR CHUD PA'I RNAM PAR SHES PA DAG GO, ,SNANG BA'I RNAM PAR SHES PA'I MIG LA SOGS PA'I RNAM PAR SHES PA'I BAR DU'O, ,DNGOS PO SO SOR RNAM PAR RTOG PA'I RNAM PAR SHES PA NI, YID KYI RNAM PAR SHES PA'O, ,GANG GZUGS LA SOGS PA'I DNGOS PO SO SOR RNAM PAR RTOG @68A *, ,PA'O, ,MIG LA SOGS PA'I RNAM PAR SHES PA NI THAMS CAD MKHYEN PAS RNAM PAR MI RTOG PA NYID DU GSUNGS PAR RIG PAR BYA'O, ,DE NYID NI MTSAN NYID THA MI DAD CING ZHES BYA BA NI CHUD PA TZAM GYI PHYIR RO, ,GCIG GI RGYU GCIG GO ZHES BYA BA NI YID KYI RNAM PAR SHES PA MIG LA SOGS PA'I RNAM PAR SHES PA RNAMS KYI DE MA THAG PA'I RKYEN BYED PA DANG, MIG LA SOGS PA'I SHES PA DE DAG KYANG YID KYI RNAM PAR SHES PA'I DE MA THAG PA'I RKYEN DU NYE BAR 'GRO BA'I PHYIR RO, ,BLO GROS CHEN PO DE LA SNANG BA'I RNAM PAR SHES PA NI BSAM GYIS MI KHYAB PA'I BAG CHAGS YONGS SU 'GYUR BA'I RGYU LAS 'BYUNG BA'O, ,DNGOS PO SO SOR RNAM PAR RTOG PA'I RNAM PAR SHES PA NI ZHES PA MGO 'KHOR BA DANG, BRGYAL BA LA SOGS PA BZHIN DU DER PHYI'I DON RGYU MA YIN PAR THOG MA MDE BA'I DUS KYI BAG CHAGS DANG, MNYAM PAR 'JOG PA MED PAS BTAB PA'I SEMS DANG, DAM PA DANG DAM PA MA YIN PA'I CHOS BSTAN PA LA SOGS PA'I RGYUD KYI DBANG LAS RNAM PA SNA TSOGS SU RNAM PAR GSAL BA'I RNAM PAR RTOG PA'I RNAM PAR SHES PA SKYE STE, 'ON KYANG RNAM PA SNA TSOGS SU 'KHRUL PA'I RNAM PAS NI NANG GLONGS NAS SKYES PA RNAMS MNGON SUM DANG GCIG NAS GCIG TU BRGYUD DE GCIG GI RGYU GCIG YIN PA NI DBANG PO'I RNAM PAR SHES PA DANG, YID KYI RNAM PAR SHES PA DAG PHAN TSUN DU DE MA THAG PA'I RKYEN YIN TE, DE LTAR 'JIG RTEN PHYI MA GRUB PAS NA 'KHOR BA THOG MA MED BA'O, ,DE LA BLO GROS CHEN PO DE DBANG PO'I RNAM PAR SHES PA THAMS CAD 'GAG PA NI 'DI LTA STE, KUN GZHI RNAM PAR SHES PA'I YANG DAG PA MA YIN PAR KUN TU RTOG PA'I BAG CHAGS SNA TSOGS 'GOG PA STE, BLO GROS CHEN PO 'DI NI MTSAN NYID 'GA' BA'O ZHES BYA BA LA, DBANG PO'I RNAM PAR SHES PA THAMS CAD NI RANG GI MTSAN NYID DU SNANG BA LNGA PO RNAMS BSAM DU MED PA'I RNAM PAR 'BYUNG BA DANG, DE'I 'OG TU YID KYI RNAM PAR SHES PA STE, KUN GZHI RNAM PAR SHES PA LA YANG DAG PA MA YIN PA KUN TU RTOG PA'I BAG CHAGS LA SOGS PA'I RGYUS 'GAG PAR 'GYUR RO, ,LEN PA'I RNAM PAR SHES PA LAS NI 'DIR, ,SHES PA BDUN NI SKYE BA @68B STE, ,DE DAG DER NI SA BON SOGS, ,BSAGS NYID BRTAS PAR BYED PA STE, ,'DI NI MTSAN NYID 'GAG PA'O, ,ZHES BYA BA NI RANG GI MTSAN NYID DU BYAS PA 'GAG PAR 'GYUR BA'O, ,BLO GROS CHEN PO RGYUN 'GAG PA NI GANG LAS 'BYUNG BA YIN TE, BLO GROS CHEN PO GANG LAS ZHES BYA BA NI GANG LA GNAS PA DANG, GANG LA DMIGS PA'O, ,GANG LA GNAS PA ZHES BYA BA NI MIG LA SOGS PA LA GNAS TE, MIG GI RNAM PAR SHES PA 'BYUNG BA'O, ,GANG LA DMIGS PA ZHES BYA BA NI GZUGS LA SOGS PA LA DMIGS PA'O, ,DE LA GANG LA GNAS PA ZHES BYA BA NI THOG MA MED PA'I DUS KYI SPROS PA GNAS NGAN LEN GYI BAG CHAGS SO, ,GANG LA DMIGS PA ZHES BYA BA NI BDAG GI SEMS SNANG BA RNAM PAR SHES PA'I YUL DU RNAM PAR RTOG PA'O ZHES BYA STE, 'KHRUL PA RNAM PA SNA TSOGS KYI BAG CHAGS KYIS NANG GI MIG LA SOGS PA'I SKYE MCHED RNAMS LA NANG GI 'BRAS BU'I NANG DU GO SNYOD KYI ME TOG GI SNANG BA RNAMS LA GNAS SU KUN RTOG PAR BYED PA'I RMI LAM LA SOGS PA BZHIN DU 'DZIN PA DANG, GZUNG BA'I BAG CHAGS YONGS SU SMIN PA'I SNANG BA NI BDAG GI SEMS SNANG BA'I YUL GYI RNAM PA TZAM DU ZAD KYI, DES SKYE MCHED GNYIS KANG YANG PHYI'I DON MED PA NI, GANG BDAG SA BON LAS RNAM SHES, ,GANG SNANG RAB TU SKYE BA STE, ,SKYE MCHED RNAM PA GNYIS PAR NI, ,DE DAG DE YI THUB PAS GSUNGS, ,NANG 'KHRUGS PA'I MTHU LAS 'KHRUL PA RNAM PA SNA TSOGS LA RNAM PA GNYIS TE, KHA CIG GSAL BA'I RANG BZHIN PA NI MGO 'KHOR BA DANG, BRGYAL BA LA SOGS PA'I DNGOS PO BZHIN NO, ,KHA CIG MI GSAL BA STE, GANG RNAM PAR RTOG PA DANG BCAS PA YIN TE, RNAM PA GNYIS KA YANG RMI LAM LA SOGS PA BZHIN DU SNANG NGO, ,GNAS NGAN LEN GYI BAG CHAGS NI SKYON GYI BAG CHAGS TE, 'KHOR BA'I GNAS SU MNYAM PAR 'JOG PA MED PA'I MA RIG PAR 'GYUR BA'I DUS YIN TE, SHES RAB KYIS DPYAD PA NI CHOS DANG GANG ZAG LA BDAG MED PA'I KUN SHES PAS LDOG GO, ,BLO GROS CHEN PO 'DI LTA STE DPER NA 'JIM PA'I RDUL BRA RAB DANG 'JIM PA'I GONG BU GCIG PA YANG MA YIN, THA DAD PA YANG MA YIN JI LTAR @69A *, ,GSER DANG RGYAN BZHIN TE, BLO GROS CHEN PO JI STE 'DZIN PA'I RDUL PHRA RAB THA DAD PA ZHIG YIN NA NI DE DAG LAS BRTZAMS PA MA YIN PAR 'GYUR NA DE NI 'JIM PA'I RDUL PHRA [?] RAB DE DAG LAS BRTZAMS PAS NA DE'I PHYIR THA DAD PA MA YIN NO, ,DE STE THA DAD PA MA YIN NA NI 'JIM PA'I GONG BU DANG, RDUL PHRA RAB BYE BRAG MED PAR 'GYUR RO, ,DE BZHIN DU BLO GOS CHEN PO 'JUG PA'I RNAM PAR SHES PA RNAMS KUN GZHI RNAM PAR SHES PA'I RIGS KYI MTSAN NYID DANG GAL TE THA DAD PA YIN NA NI KUN GZHI'I RGYU LAS 'BYUNG BAR MI 'GYUR RO, ,DE STE THA DAD BA MA YIN NA NI 'JUG PA'I RNAM PAR SHES PA 'GAGS NA'ANG KUN GZHI RNAM PAR SHES PA'ANG 'GAG PAR 'GYUR NA ZHES BYA BA LA SOGS PA RGYA CHER RO, ,RAB TU PHRA BA'I RDUL TSOGS PAR SNANG BA NYID RIM PA GONG MA THOB NA GONG BU'I SGRAR MNGON PAR BRJOD PAR BYA'O, ,'BRAS BU'I KHYAD PAR YAN LAG CAN GYI RDZAS NI RDUL GYIS BRTZAMS PA ZHES JI LTAR KHYAD PAR CAN DANG, NI YI YA YI KA KUN TU RTOG PA NI KHANG PA DANG, SDE DANG, NAGS TSAL LA SOGS PA BZHIN DU 'DUS PA'I YUL MA GTOGS PAR DE MI DMIGS SO, ,GANG DAG GIS SO SO'I RIM PA'I KHYAD PAR YIN PA DE DE DAG RANG GI RIGS LAS MI 'DA' PA NI RGYA MTSO MCHING NAM GYI RLABS CHU'I RIGS LAS MI 'DA' BA BZHIN NO, ,DE BZHIN DU NI CHEN PO'I TSAD NI MIG LA SOGS PA'I RNAM PAR SHES PAS TSAD KYI GZHI LA GNAS PA MED LA TIL GYI 'BRU TZAM GYI TSAD KYI YUL DU BCAD PA NYID RI TZAM GYI TSAD DAM, 'ON TE YUL CHUNG DU DANG YUL MANG PO GNYIS KANG YANG TSAD CHEN PO RNAMS 'BYUNG ZHE NA NI DE'I TSE DE'I CHAR 'GYUR TE YAN LAG CAN GYI RDZAS PA 'DUS PA'I RANG BZHIN GYI SKYON DU 'GYUR BAS NA DE DE LTAR SHIN TU PHRA BA'I RDUL 'DUS PA LAS GONG BU MA YIN NO, ,JI LTAR GRANGS CAN RNAMS KUN TU RTOG PAR PHYOGS DE DANG DER LCI BA DANG, DE KHA DOG STE DE DAG MA GTOGS PAR RDZAS GZHAN PAR MI DMIGS PAS NA DE'I PHYIR PHRA BA'I RDUL TSOGS MA GTOGS PAR RDZAS GZHAN PA MA YIN NO, ,RMI LAM LA SOGS PA BZHIN DU GZHAN PA DANG, GZHAN PA MA YIN PAR YANG 'DA' BAR MI BYA BAS NA KHANG PA DANG, SDE DANG, TSAL LA SOGS PA BZHIN NO, , @69B KUN GZHI RNAM PAR SHES PA'I GZUNG BA'I RNAM PA DANG 'JUG PA'I RNAM PAR SHES PA'I 'DZIN PA'I RNAM PA NI THAMS CAD LA CHUD PA'I RANG BZHIN THA MI DAD PA YOD PAS NA THAMS CAD MKHYEN PA'I TSAD MA KUN TU BRTAGS PA KUN GZHI LA YOD DO, ,JI LTAR GSUNGS PA, JI LTAR SA BON RKYEN LAS MYU GU STE, ,SA BON GANG YIN MYU GU DE NYID MIN, ,DE LAS GZHAN MIN DE NYID KYANG MA YIN, ,DE LTAR CHAD MED RTOG MED STONG NYID DO, ,JI LTAR RDUL 'DUS PA LAS SNANG BA LAS, ,SA'I GONG BU GCIG PA DANG THA DAD PA MI RUNG BA DE BZHIN DU KUN GZHI RNAM PAR SHES PA MA GTOGS PAR MIG LA SOGS PA 'JUG PA'I SHES PA GCIG PA'I THA DAD PAR YANG MI RUNG NGO, ,RMI LAM GYI DUS NA RNAM PAR SHES PA GCIG PO NYID YUL DANG YUL CAN RNAM PA DU MAR 'DZIN PA DANG, GZUNG BA'I DNGOS PO DER THA DAD PA DANG, THA DAD PA MA YIN PAR DPYAD PAR MI RUNG NGO, ,JI SRID DU 'KHOR BA'I GNAS YOD PA DE SRID DU BDAG DANG GZHAN GYI RGYUD KYI DBANG LAS SKYES PA NANG GLONGS SHING MNYAM PAR MI 'JOG PA'I MA RIG PAS MGO 'KHOR BA DANG, BRGYAL BA LA SOGS PA BZHIN DU SEMS CAN RNAMS LA RNAM PA SNA TSOGS KYI SEMS SBYOR BAR BYED DO, ,GANG GI TSE SHES RAB KYIS DPYAD DE SHES PAR BYA BA SPOM PO DANG, PHRA MO RNAM PAR PHYE STE MI DMIGS PAS DE DAG MI GNYIS PAR 'GYUR BA DE'I TSO DNGOS PO DANG, DNGOS PO MED PAR RNAM PAR MI RTOG CING, BSAM PA DANG BRAL BA DANG, YANG DAG PAR RIG PA TZAM DU GDON MI ZA BAR BDAG NYID KYIS GNAS SO, ,THAMS CAD MKHYEN PA KUN GZHI RNAM PAR SHES PA'I RIGS GCIG DANG 'JUG PA'I RNAM PAR SHES PA SO SOR SNANG BA TZAM GYIS GNAS DANG GNAS PA CAN GYI DNGOS POR DGONGS PA'O, ,KUN GZHI RNAM PAR SHES PA DANG, 'JUG PA'I RNAM PAR SHES PA RNAMS KYIS YANG RNAM PA THA DAD PAR DMIGS PA'I PHYIR DER SNANG BA RNAMS LA THA DAD PA MED PA MA YIN TE, JI LTAR SLOB DPON DHARMA K'I RTIS SMRAS PA, GZHAN LA GZHAN DU 'GRIB PA YANG, ,DBYER MED MIN TE GZUGS MTHONG PHYIR, ,RANG BZHIN THA DAD MI MTHONG BAS, ,BLOS NI THA DAD MI RTOGS SO, ,DNGOS PO GANG GIS @70A *, ,BRTAG BYA BA, ,DE GZUGS YANG DAG YOD MA YIN, ,GCIG DANG DU MA'I RANG BZHIN DU, ,DE DAG YOD PA MA YIN PHYIR, ,'ON KUN GZHI RNAM PAR SHES PA DANG 'JUG PA'I RNAM PAR SHES PA GCIG YIN NO ZHES DE LTAR DOGS NAS THAMS CAD MKHYEN PAS GSUNGS PA DE STE THA DAD PA MA YIN NA NI ZHES TE, DE'I TSE 'JUG PA'I RNAM PAR SHES PA 'GAGS NA KUN GZHI RNAM PAR SHES PA 'ANG 'GAG PAR 'GYUR NA, DE LTAR BDAG GI RIGS KYI MTSAN NYID 'GAG PAR YANG MI 'GYUR TE ZHES BYA'O, ,DE BAS NA SLOB DPON DHARMA K'I RTIS 'DI SKAD DU SMRAS PA, GZHAN DU DNGOS PO GCIG PO LA, ,RNAM GRANGS GZUGS NI SNANG BA CAN, ,RNAM PA BDEN PAR JI LTAR RUNG, ,DE YIS GCIG PA 'GRIB MED DO, ,YANG DAG RIG PA'I RIGS KYI MTSAN NYID DE'I GCIG PA YANG 'GRIB PAR MI 'GYUR RO ZHES THAMS CAD MKHYEN PAS DGONGS PA'I DON DU BRTAG GO, ,LUS DANG LONGS SPYOD GNAS SNANG BA, ,KUN GZHI KUN TU 'BYUNG BA STE, ,RNAM BRGYAD RNAM DGU DE BZHIN DU, ,RGYA MTSO RLABS RNAMS BZHIN DU'O, ,RMI LAM GYI DUS NA KUN TU RIG PA TZAM GCIG PA NYID RNAM PA MANG PO'I YUL DANG YUL CAN DU 'DZIN PA DANG, GZUNG BA'I DNGOS PO RNAM PAR 'BYUNG NGO, ,DE DE LTAR CHUD PA'I PHYIR KHYAB PA YIN GYI DER GZUGS LAS BYA BA'I YUL DANG, MIG LA SOGS PA'I RNAM PAR SHES PA RNAMS KYANG MED LA, DER LUS DANG LONGS SPYOD BLO MYANG BA LA SOGS PA'I KUN TU TSOR BA MED DE 'ON KYANG SO SOR SNANG BA DE BZHIN DU GNYID KYIS MA LOG PA'I DUS NA YANG, RNAM PA SNA TSOGS SU NANG 'KHRUGS PA DANG, MA RIG PA DANG, 'GYUR BA'I MTHU LAS RNAM PA SNA TSOGS SU 'KHRUL BA'I RNAM PA RNAMS LA THA DAD PA DANG, THA DAD PA MA YIN PAR KUN TU TSOL BAR GYUR BA SHES RAB KYIS DPYAD PA NA STONG ZHING MIG GNYIS PA NYID GNAS SO ZHES THAMS CAD MKHYEN PAS DGONGS PA'I DON DU BRTAG GO, ,RIGS KYI MTSAN NYID KYI RNAM PAR SHES PA 'GAG PAR MI 'GYUR GYI, LAS KYI MTSAN NYID NI 'GAG GO ZHES PA NI SO SOR RIG PA'I RJES SU MTHUN PAS RNAM PAR SHES PA'I RGYUN KHA CIG 'CHAD PA MED PAR 'KHOR BAR 'JUG PA'O, , @70B SKYES MA THAG PA'I SHES RAB LA SOGS PA'I KHYAD PAR KUN GYIS DMIGS SU YOD DE, DE BAS NA SNGAR THOS PA DANG, SEMS PA LA SOGS PAS SBYANGS PAR RJES SU DPAG GO, ,BYUNG BA RNAMS NI MED PA NYID DE, YOD DU ZIN KYANG DRAN PA MED PA NA DE DAG GIS SBYONG BAR MI RUNG STE, DE'I PHYIR SNGON GYI GOMS PA DANG LDAN PA'I YE SHES KYI RGYUD 'BYUNG BA YOD PAS RJES SU DPAG GO, ,LAS KYI MTSAN NYID 'GAG PA NI MNGON SUM GYI MTSAN MA NYID DO, ,LAS KYI MTSAN NYID CES BYA BA NI DE KUN GZHI RNAM PAR SHES PAS 'JUG PA'I RNAM PAR SHES PA'O ZHES BSAM PAS DBYE BAR BYED DE, KUN GZHI RNAM PAR SHES PA DE DANG RGYUN 'BREL BAR GNAS TE, DE GSER BZHIN DU RANG BZHIN GYIS 'OD GSAL BA RKYEN GYI BYE BRAG GI MTHUS DRI MA'I RNAM PA LTA BU DE DANG DE DAG CHUD PA NANG 'BYED PA'O, ,DE LA MTSAN NYID KYIS THA MI DAD PAR GYUR PAS NA DE'I PHYIR NANG GLONGS SHING MNYAM PAR MI 'JOG PA'I MA RIG PA DANG LAS RNAM PAR SMIN PA'I MTHU LAS LAS KYI MTSAN NYID MIG LA SOGS PA'I RNAM PAR SHES PA SKYES NAS DE DAG CHAD PAR 'GYUR RO, ,DE DAG CHAD PAR GYUR KYANG DON DAM PA KUN GZHI RNAM PAR SHES PA CHAD PA MED DO, ,DE'I PHYIR BLO GROS CHEN PO RNAM PAR SHES PA RNAMS KYI RANG GI RIGS KYI MTSAN NYID 'GAG PAR MI 'GYUR GYI, LAS KYI MTSAN NYID NI 'GAG GO ZHES PA GSER RGYUN DU 'BYUNG BA LTA BU'I KUN GZHI RNAM PAR SHES PA LA YONGS SU ZAD PA MED DE, DRI MA'I RIM PA 'BA' ZHIG LTA BU'I MIG LA SOGS PA 'JUG PA'I RNAM PAR SHES PA RNAMS MYUR DU SKYE ZHING 'JIG PA STE, SKAD CIG PA KHA CIG NI RGYUN DU GNAS SO, ,KHA CIG NI SKAD CIG PA NYID DU 'JIG PA STE, CHU GZHUNG DU 'BAB PA DANG, MIG GI MCHI MA BZHIN NO, ,GAL TE GCIG RGYUN DU GNAS PAR MI 'GYUR NA, DE'I TSE SNGON MYANGS PA DRAN PAR YANG MI 'GYUR TE, SKYES MA THAG PA'I SHES RAB LA SOGS PA'I KHYAD PAR MED PAR 'GYUR RO, ,BLANG BA DANG, DOR BA DANG, BTANG SNYOMS KYI BLO RNAMS LA BDE BA DANG, SDUG BSNGAL BSGRUB PA GDON MI ZA BAR SNGAR YOD PA'I PHYIR SKYES MA THAG PA RNAMS KYI RGA BA DANG, 'JIG PA DANG, MYA NGAN GYI RTOG PA RNAMS YUL KHA CIG TU DMIGS SU @71A *, ,YOD DE, DES NA RGYUN DU GNAS PA'I RNAM PAR SHES PA LA SNGA MA DANG PHYI MAR LDAN PA'I SNGON GYI GOMS PA YOD PAS NA THOS PA DANG, SEMS PA LA SOGS PA 'DU BYED KYIS SHES RAB KYI KHYAD PAR DU 'GYUR RO, ,RGYU LAS ZHES BYA BA LA SOGS PA NI MU STEGS CAN GYIS RTAG PA DANG, KUN DU BRTAGS PA NI MA SKYES PAS NA DE MED PA'I PHYIR RGYUR MI RUNG STE, DE JI LTAR NI YI YA YI KA KHYAD PAR CAN KUN DU RTOG PA, DBANG PO'I BYIN GYIS BDAG DANG YID KUN TU SBYOR BA LAS SHES PA SKYE'O ZHES SO, ,GRANGS CAN KUN DU RTOG PA NI SEMS CAN DANG, RDUL DANG, MUN PA MNYAM PA'I DUS NA GTZO BO YIN NO, ,DE LA CHEN PO 'BYUNG ZHES TE, DE NI BLO'I RNAM GRANGS SO, ,DE DE LTAR SEMS PA MED PA'I RTAG PA RNAM PAR SHES PA RNAMS KYI RGYU YIN PAR MU STEGS CAN RNAMS KUN TU RTOG GO, ,DE LTAR YANG GAL TE THOG MA DANG, THA MA'I RGYUN YON TAN DANG LDAN PA THOS PA DANG, SEMS PA LA SOGS PA'I SHES RAB KYI KHYAD PAR CAN GYI DNGOS PO 'GA' ZHIG MED PAR GYUR NA NI DE'I TSE YON TAN MNGON PAR 'DUS BYAS KYANG RTAG PA'I RGYUS KHYAD PAR DU MI 'GYUR BA DE NYID DO, ,SNGON GYI GOMS PAS KHYAD PAR CAN DU BYAS PA'I CHUD PA GRAGS PAR YANG MI 'GYUR TE, DE BAS NA GTZO BO DANG, SKYES BU DANG, DBANG PO DANG, DUS DANG, RDUL PHRA MOR SMRA BAR MI RUNG NGO, ,GTZO BO RTAG CING GCIG PAR RANG BZHIN DU MA PA DANG, RIG SNGAGS 'DZIN PA MTHAR SMRA BA'I SKYES BU KUN BRTAGS PA YANG MI RUNG NGO, ,GNYIS PA DANG MI GNYIS PAR SMRA BA PO RNAMS KYI DBANG PO RGYUR KUN TU BRTAGS PA YANG 'DOD CHAGS DANG BRAL BA'AM, 'DOD CHAGS DANG BCAS PA'ANG RUNG STE, RGYUR MI RUNG NGO, ,'DOD CHAGS DANG BRAL BA ZHIG NA NI GZHAN SDUG BSNGAL BAR BYAS PAS DGOS PA CI YOD, 'DOD CHAGS DANG MA BRAL BA ZHIG NA NI BDAG RANG MI SHES PAS 'DOD CHAGS KYI BDAG NYID SDUG BSNGAL PAR 'GYUR BA NI PHRAD PA LAS BRAL NA SDUG BSNGAL THAMS CAD DU BSKYED PA YIN NO, ,DE'I DBANG PHYUG JI LTA BU NIG ,GAL TE BSOD NAMS KYI STOBS LAS DBANG POR BYUNG NA NI DE'I TSE DBANG POR 'GYUR RO, ,'ON TE RGYU MED PA LAS DBANG POR BYUNG NA NI DE'I TSE THAMS CAD KYANG DBANG POR 'GYUR GYI @71B GCIG PU NYID DBANG PO MA YIN NO, ,DUS KYANG DNGOS PO'I RGYUN MA GTOGS PAR MED PA DANG, RDUL PHRA MO RNAMS KYANG RGYUR MI RUNG STE, THOS PAS NANG SEMS PA LA SOGS PA'I 'DU BYED KYIS SNGAR BYAS PA'I 'BRAS BU SHES RAB LA SOGS PA BYUNG BA GLEN PA RNAMS LAS JI LTAR 'BYUNG, GANG DAG YANG TSANGS PA DANG DBANG PO LA SOGS PA'I 'GYUR BAR 'DOD PA DE DAG LA GROL BA DANG, MA GROL BA DANG, PHYUG DBUL LA SOGS PA GCIG PA'I SKYON DU 'GYUR RO, ,GNYIS PAR SMRA BA YANG LUS DANG, BYED PA DANG, GNAS LA SOGS PA RNAMS KYI DBYIBS KYIS KHYAD PAR YOD PA'I PHYIR BLO TZAM GYI SKYES BUS THOG MAR BYAS ZHES PA NI BYED PA POS THOG MAR BYAS PA'I RNAM PA JI LTA BU'I DBYIBS SU BZUNG BA DE'I RNAM PAR DE LTA BUR GZUNG BA MED DE, NGA LHA KHANG LA SOGS PA LA BYED PA PO THIG 'DZIN PA LA SOGS PAR CHUD PAR BYED KYI, BYE MA DANG, RI DANG, RI BO DANG, SHING LA SOGS PA'I DBYIBS LA NI MA YIN NO, ,DBYIBS KYI CHOS DANG BCAS PAS DBYIBS DANG MTHUN PA TZAM LAS RIGS KYI KHYAD PAR DBYE NA RJES SU MTHUN PA DANG, MI MTHUN PAS GANG LA DE'I BDAG NYID DANG, DE LAS SKYES PAR 'BREL BAR BZUNG BA DE NYID RGYUR RIGS TE, DE LTA BAS NA MU STEGS CAN RTAG PA DANG CHAD PAR SMRA BA RNAMS LAS BDE BAR GSHEGS PA RGYUN SMRA BA'I KHYAD PAR RIG PAR BYA'O, ,GZHAN YANG BLO GROS CHEN PO DNGOS PO'I RANG BZHIN BDUN YOD DE, 'DI LTAR 'DU BA DNGOS PO'I RANG BZHIN DANG, DNGOS PO'I RANG BZHIN GYI DNGOS PO DANG, MTSAN NYID KYI DNGOS PO DANG, 'BYUNG BA CHEN PO'I RANG BZHIN GYI DNGOS PO DANG, ZHING GI DNGOS PO DANG, RGYU RKYEN GYI DNGOS PO DANG, 'GRUB PA'I DNGOS PO STE BDUN NO ZHES BYA BA LA, 'DU BA DNGOS PO'I RANG BZHIN NI KUN 'BYUNG GI RNAM PAR MA RIG PA DANG, LAS TE DE'I RGYU LAS CHE'O, ,DE LA MA RIG PAR BDAG TU CHAGS PA'I MTSAN NYID DE, MA RIG PAS NOR NAS MNYAM PAR MI 'JOG PA'I SEMS LA MI RTAG PA DANG, SDUG BSNGAL BA DANG, BDAG MED PA DANG, MI MDZES PA RNAMS LA RTAG PA DANG, BDAG DANG, BDE BA DANG, GTZANG BA'I PHYIN CI LOG TU GYUR PA DE DE LTA BU'I 'KHRUL PA NI MA RIG PA ZHES BYA'O, , @72A *, ,DE'I RGYU LAS SDUG BSNGAL GYI MTSAN NYID KYI PHUNG PO 'PHUNGS [?] PA NI DNGOS PO'I RANG BZHIN GYI DNGOS PO'O, ,MTSAN NYID KYI DNGOS PO NI YANG SA BON DANG LDAN PAR RTAG GO, ,'BYUNG BA CHEN PO'I RANG BZHIN GYI DNGOS PO NI SA LA SOGS PA STE, SRA BA DANG, RLAN PA DANG, DRO BA DANG; G-YO BA'I BDAG NYID DU SNANG BA'O, ,ZHING GI DNGOS PO NI 'JIG RTEN CHAGS PA'O, ,RGYU RKYEN GYI DNGOS PO NI GANG RGYU'I'O, ,'GRUB PA'I DNGOS PO NI GANG DE LAS 'GRUB PA'O, ,SEMS BRTEN CING 'BREL TE 'BYUNG BAR RTAG PA'I DON DU KUN NAS NYON MONGS PA DANG, RNAM PAR BYANG BA'I RNAM PAR GZHAG PA NI MNGON PAR SHES PA SKYES PA RNAMS NYID MKHYEN TE, BDAG GI SGRA'I RJES SU 'BRANG BA'I TSA DAM CAN NO, ,BLO GROS CHEN PO GZHAN YANG DON DAM PA BDUN TE, 'DI LTAR SEMS KYI SPYOD YUL DANG, SHES RAB KYI SPYOD YUL DANG, LTA BA NYID KYI SPYOD YUL DANG, LTA BA GNYIS LAS 'DAS PA'I SPYOD YUL DANG, SNANG BA MED PA'I SPYOD YUL DANG, SRAS KYIS LAS 'DAS PA'I SPYOD YUL DANG, DE BZHIN GSHEGS PA'I SO SO RANG GIS RIG PA'I SPYOD YUL TE ZHES BYA BAR SEMS KYI SPYOD YUL NI, SEMS NI KUN GZHI RNAM PAR SHES, ,NGAR SEMS NYID NI YID YIN NO, , GANG GIS YUL RNAMS 'DZIN PA NI, ,DE NI RNAM PAR SHES ZHES BYA, ,ZHES PA STE, DRI MA DANG BCAS PA DANG, DRI MA MED PA'I DUS KYI SEMS LA 'KHOR BA DANG, RNAM PAR GROL BA'I RIM PA'O, ,RNAM PAR SHES PA YANG MIG LA SOGS PA'I RNAM PAR SHES PA GZUGS LA SOGS PA GNYIS KYI RNAM PAR SNANG BA STE, RMI LAM LA SOGS PA BZHIN DU PHYI'I DON MED PAR YANG 'BYUNG NGO, ,SBOM PO DANG PHRA MO RNAM PAR GZHIGS TE, GANG GI TSE SHES RAB KYIS SHES PAR BYA BA MI DMIGS PA DE'I TSE MI DMIGS PA'I RNAL 'BYOR BDAG NYID KYI SHES RAB KYI SPYOD YUL DU MI GNYIS PA'I RNAL 'BYOR DU 'GYUR RO, ,LTA BA GNYIS KYI SPYOD YUL ZHES BYA BA NI RTAG TU BDAG DANG BDAG GIR LTA BA'I SPYOD YUL LO, ,LTA BA GNYIS LAS 'DAS PA'I SPYOD YUL ZHES BYA BA NI CHOS DANG GANG ZAG PA [?] BDAG MED PA YONGS SU SHES PA'I PHYIR RO, ,SNANG BA MED PA'I SPYOD YUL NI @72B SA BRGYAD YAN CHAD DO, ,SRAS KYI SA LAS 'DAS PA'I SPYOD YUL ZHES BYA BA LA, SRAS KYIS NI BTZUN GTZO BYANG CHUB SEMS DPA' RNAMS KYI SA BCU RNAMS TE, DE LAS 'DA' BA'I RNAL 'BYOR RNAMS NI THAMS CAD MKHYEN PA'I SA LA 'JUG PA'O, ,DE BZHIN GSHEGS PA'I SO SO RANG GIS RIG PA'I SPYOD YUL NI SNANG BA DANG BCAS PA DANG, SNANG BA MED PA GNYIS DANG, MI GNYIS PA'I TING NGE 'DZIN DANG, THAMS CAD MKHYEN PA'I YE SHES KYI YUL LO, ,DON DAM PAR DE KHO NA NYID DANG, SPANG BA DANG, BLANG BA YANG DAG PA'I YUL NI THAMS CAD MKHYEN PA NYID MKHYEN TE, BDAG CAG SGRA'I RJES SU 'BRANG BA'O, ,'DI DAG NI BLO GROS CHEN PO 'DAS PA DANG, MA 'ONGS PA DANG, DA LTAR GYI DE BZHIN GSHEGS PA ZHES PA LA SOGS PA LA DNGOS PO RANG BZHIN NYID NI DON DAM PA'I SNYING PO YIN TE, BDUN PA GNYIS LA KUN NAS NYON MONGS PA DANG, RNAM PAR BYANG BA GNYIS SU GZHAG GO, ,'PHAGS PA'I YE SHES GANG DANG LDAN NAS RANG DANG SPYI'I MTSAN NYID DU RTOGS PA'I CHOS RNAMS LA DGOD PAR BYED PA'O, ,KHYAD PAR GYI MTSAN NYID NI, SBRANG RTZI DANG CHU LA SOGS PA 'DZIN PA'O, ,SPYI NI KA BA DANG, PHRU BA LA SOGS PA RNAMS KYI SRA BA'O, ,BDAG YUL LA RNAM PAR RTOG PA'I LTA BA NI, RTAG PA DANG, BDAG DANG PHYI'I DON DU RNAM PAR RTOG PAR LTA BAS RNAM PAR SHES PA'I RANG BZHIN MA SHES NA MU STEGS CAN BYIS PA RNAMS KYIS RMI LAM LA SOGS PA BZHIN DU BDAG GI SEMS SNANG BA TZAM DU GZUGS LA SOGS PA KHONG DU MA CHUD NAS DE DAG GIS PHYI'I DON DU RTOGS PAR BYED PA NI GNYID KYIS MA LOG PA'I TSEN NI YOD, RMI LAM GYI DUS NA NI MED DO ZHES TE, RANG GI SEMS SNANG BA MA GTOGS PA'I PHYIR DNGOS PO DANG, DNGOS PO MED PAR SMRA BAR 'GYUR RO, ,BLO GROS CHEN PO GZHAN YANG MI SHES PA DANG, SRID PA ZHES BYA BA LA SOGS PA NI RNAM PAR RTOG PA'I RGYUS SRID PA GSUM DU 'GYUR BA STE, LOG PA'I RNAM PAR RTOG PA DANG, MNYAM PAR MI 'JOG PA'I MA RIG PA DANG, LAS RNAM PAR SMIN PA'I MTHU LAS RTAG PA DANG, BDAG DANG, GTZANG BA'I PHYIN CI LOG GI 'KHOR BA'I SDUG BSNGAL 'JUG GO, ,JI LTAR LDOG @73A *, ,PA DE THAMS CAD MKHYEN PAS SGRUB PAR MDZAD PA MI SHES PA DANG, SRED PA DANG, LAS KYI RKYEN RNAM PAR LOG PAS SO, ,DE LA MI SHES PA NI YANG DAG PA MA YIN PAR 'DUS PA'I MTSAN NYID DE, MI RTAG PAS RTAG PAR PHYIN CI LOG PA DANG, BDAG MED PA LA BDAG DANG; SDUG BSNGAL BA LA BDE BA DANG, MI GTZANG BA LA GTZANG BAR PHYIN CI LOG PA DANG, DE BZHIN DU MDZES PAR MNGON DU ZHEN TE, SRED PA LAS BYED DO, ,DE LTAR PHYIN CI LOG GI BLOS BDAG TU SRED PAS PHYE MA LE BA BZHIN DU SRED PAR LHUNG NGO, ,MI RTAG PA DANG, SDUG BSNGAL BA DANG STONG BA DANG, BDAG MED PAR YONGS SU SHES NAS SDUG BSNGAL LDOG GO ZHES SO, ,CHOS DANG GANG ZAG LA BDAG MED PA JI LTAR YONGS SU SHES PAR 'GYUR BA DE THAMS CAD MKHYEN PAS GSUNGS PA, RANG GI SEMS SNANG BSGYUS [?] DANG, SPRIN GYI YUL DPE BSHAD PAR BYA'O ZHES TE GZUGS LA SOGS PA NI SEMS SNANG BA NYID DE, PHYI'I DON MED PA NI RMI LAM DANG, RAB RIB DANG, SGYU MA DANG, SPRIN DANG, GZUGS BRNYAN LA SOGS PA'I RANG BZHIN BZHIN NO, ,DE LA SGYU MA'I DPES CHOS LA BDAG MED PAR SGRUB PAR MDZAD PA'O, ,SPRIN GYI DPES MI RTAG PA YIN PAR TSAD MA'I DON NYID DU SGRUB PA'O, ,BLO GROS CHEN PO DGE SLONG NGAM, BRAM ZE GANG LA LAM BYUNG BA'AM, YOD BA RGYU LAS 'BRAS BU MNGON PA DANG, DNGOS PO YUN RING DU GNAS PA DANG, RKYEN RNAMS LAS PHUNG PO DANG KHAMS DANG, SKYE MCHED RNAMS SKYE BA DANG, GNAS PA BYUNG NAS KYANG 'JIG PAR 'DOD DE ZHES PA NI YI YA YI KA DANG, KHYAD PAR CAN RNAMS MED PA LAS 'BRAS BU 'BYUNG BAR 'GYUR RO ZHES SMRA BAR BYED PA DANG, GRANGS CAN RNAMS YOD PA 'BYUNG NGO ZHES SO, ,DNGOS PO BYUNG BA DUS KHA CIG TU GNAS ZHES PA'O, ,DNGOS PO 'JIG PA YANG RNAM PA GNYIS KYI PHYIR TE, 'DUS PA'I RGYU 'JIG PA DANG, MA 'DUS PA'I RGYU 'JIG PA LAS SO, ,DE LA 'DUS PA'I RGYU 'JIG PA LAS ZHES BYA BA NI JI LTAR RGYU SKRUN ZHIG PA'I PHYIR SNAM BU 'JIG PA'O, ,MA 'DUS PA'I RGYU 'JIG PA ZHES BYA BA NI JI LTAR RGYU SPUN DU SBYOR BA ZHIG @73B PA'I PHYIR SNAM BU 'JIG PA'O, ,GRANGS CAN RTOG PA NI CHOS RNAM PAR GNAS NA NI CHOS GZHAN LDOG CING, CHOS GZHAN 'BYUNG BA STE, MED PA NI MI SKYE, MED PA NI MI 'GAG CES SO, ,NE YI YA YI KA DANG, KHYAD PAR YOD PA DANG, MED PA POR SMRA BA DE DAG KHA CIG NI RTOG ,KHA CIG NI MI RTOG PAR BYED PA RGYU MED PA CAN YOD PA NI RTAG PA YIN ZHES TE, GANG LA RGYU MED CING MA SKYES PA DE YOD PA NYID DU MI RUNG STE, RI BONG GI RVA BZHIN NO, ,DE'I 'BRAS BU YANG DUS GZHAN DU GNAS PAR MI RIGS TE, GAL TE DE GNAS PA'I RANG BZHIN PA YIN NA DUS THAMS CAD DU CI STE MI GNAS, 'ON TE GNAS PA'I RANG BZHIN PA YIN PA'I MTHU NYID KYIS 'JIG PAR 'GYUR GYI DUS GZHAN DU MI GNAS SO, ,MDO SDE PA RNAMS KYI THAR BA NI MAR ME MED PAR 'GYUR BA BZHIN DU 'PHAGS PA'I BDEN PAR 'CHING BA LAS GROL TE PHUNG PO LNGA CHAD DO ZHES SO, ,RNAM PAR 'JIG PA DANG CHAD PA NI SKAD CIG PA'I RGYUN CHAD PA'I DON DU DGONGS PA'O, ,RGYUD NAS KYANG 'JIG PAR 'DOD DE, BLO GROS CHEN PO DE DAG NI RGYUN DANG, BYA BA DANG, SKYE BA DANG, SRID PA DANG, MYA NGAN LAS 'DAS PA DANG, LAM DANG, LAS DANG, 'BRAS BU DANG, BDEN PA RNAM PAR 'JIG PA DANG, CHAD PAR LTA BAR 'GYUR TE ZHES PA NI DON GYI BYA BA MED PA'I PHYIR RO, ,YOD PA LA MNGON PAR MED DE, PHYI'I DON MED PA'I PHYIR RO, ,DE'I RGYUN GYIS 'BRAS BU'I DNGOS PO NI MDO SDE PA DANG, NE YI YA YI KA LA SOGS PA 'DOD PA'O, ,MU STEGS CAN RNAMS NI RTAG PA'I DBANG PO'I BYIN GYIS BDAG DANG YID KUN TU SBYOR BA LAS SHES PA SKYED PAR 'DOD DO, ,DE BZHIN DU BDAG DANG, DBANG PO DANG, YID DANG, DON SBYOR BA BRAL BA'I PHYIR YE SHES CHAD CES SO, ,RGYUN LA GNAS PA'I YE SHES LA KUN NAS NYON MONGS PA DANG, RNAM PAR BYANG BA RNAM PAR GZHAG PA RNAM PAR 'JOG PA YIN NA RTAG PA DANG, CHAD PA POR SMRA BA DE DAG GI KUN NAS NYON MONGS PA DANG, RNAM PAR BYANG BA RNAM PAR GZHAG PAR MI RUNG NGO, ,DE CI'I PHYIR ZHE NA, GANG 'DI MNGON SUM DU MI DMIGS TE, THOG MA DANG THA MA MTHONG BA MED PA'I PHYIR RO, ,BLO GROS CHEN PO 'DI LTA STE, RDZA MA GYO @74A *, ,MONG RGYUR PA RDZA MA'I BYA BA MI BYED DO, ,SA BON TSIG PA YANG MYU GU'I BYA BA MI BYED CES TE, MIG LA SOGS PA'I RNAM PAR SHES PA RNAMS SKYES MA THAG TU 'JIG PAR THOG MA DANG THA MA'I STONG PA NYID KHONG DU CHUD KYANG KUN GZHI RNAM PAR SHES PA RIGS KYI MTSAN NYID DANG LDAN PA, LUS DANG LONGS SPYOD GNAS SNANG BA, ,KUN GZHI KUN TU 'BYUNG BA STE, ,RNAM BRGYAD RNAM DGU DE BZHIN DU, ,RGYA MTSO RLABS RNAMS BZHIN DU'O, ,THAMS CAD RGYUN GYI RANG BZHIN DU RNAM PAR GNAS PA STE, DE NYID RMI LAM GYI DUS NA 'DZIN PA DANG GZUNG BA'I DNGOS PO BRTAG PA MU STEGS CAN RNAMS KYIS DE LTAR KHONG DU MI CHUD DO, ,DE LTAR YANG KHONG DU MI CHUD PAS BDAG RTAG PA DANG, GCIG PU DANG, RIG PA BO PHYI'I DON RIG PAR BYA BAR KUN TU RTOG BA NI RANG GI SEMS SNANG BA KHONG DU MCHUD PA'I PHYIR RO, ,MIG LA SOGS PA'I SHES PA RNAMS KYIS MNGON SUM DU MED DMIGS PA'I NI YI YA YI KA DANG, KHYAD PAR CAN RNAMS 'BRAS BU RNAMS KYI THOG MA DANG, THA MA STONG PA NYID DU KUN TU RTOG PAR BYED DE, BUM PA DANG SA BON LA SOGS PA GYO MO LA SOGS PAR GYUR PA DANG, BUM PA LA SOGS PA'I SNGON DANG, THA MAR SBRANG RTZI DANG CHU 'DZIN LA SOGS PA'I DGOS PA SKYED MI NUS TE, DES NA SNGON LOGS SU MED PA DANG, ZHOM NAS MED PA'I DUS NA BUM PA LA SOGS PA MED DO, ,'ON TE THOG MA DANG, THAM PA'I DUS NA, DNGOS PO YOD NA BDAG GI BYA BA CIS NA MI BYED, DE'I STENG DU YOD PA RNAMS LA BYA BA MED PAS NA YOD PA'ANG JI LTAR NA SKYE BAR 'GYUR, GRANGS CAN PA RNAMS KYIS SMRA BA, DE STE MED PA SKYE BAR 'GYUR NA NI BYE MA RNAMS LAS MAR CI STE MI 'BYUNG, RUS SBAL GYI SPU DANG, RI BONG GI RVA DANG, NAM MKHA'I AUTPAL LA SOGS PA MED PA RNAMS CIS NA 'BYUNG BAR MI 'GYUR, DE DE BZHIN DU KshA PA NA KA DANG, SBYOD PA CAN RNAMS SBOBS PA JI BZHIN PAR YOD PA DANG, MED PA DANG, GNYI GAR SMRA BAR RTOG GO, ,JI LTAR 'JIG RTEN RGYANG 'PHEN PAS SMRA BAS DANG, CHU DANG, ME DANG, RLUNG ZHES BYA BA NI YANG DAG PA MA YIN TE, DE DAG LAS RNAM PAR SHES PA SEMS PA CAN MOS @74B PAR BYED PA'I MTHU BZHIN BA DANG, CHU'I CHU BUR BZHIN DU SROG 'BYUNG STE, SEMS PA SKYES BU'I LUS SU GSAL BAR GYUR PA DANG, DE 'DUS PA'I LUS LA DBANG POR MING GDAGS SO ZHES BYA'O, ,PHYI'I DON DU SMRA BA DE DAG THAMS CAD KYIS KYANG BDAG GI SEMS SNANG BA KHONG DU MA CHUD PAS YOD PA DANG, MED PA DANG, GNYI GA LAS 'BRAS BUR RNAM PAR RTOG GO, ,YOD PA DANG, MED BA DANG, BYED PA DANG BYED PA POR 'BREL TE SKYE BAR MI RUNG NGO, ,YOD BA NI BYA BA MED PA'I PHYIR RO, ,MED PA YANG DNGOS PO MED PAS RNAM PAR RTOG PA TZAM DU ZAD DO, ,MED BA BYED DO ZHES JI SKAD SMRAS PA YIN ZHE NA, DNGOS PO MED PA LA BYED PA STE, JI LTAR YANG MI BYED DO ZHES BYED PA BKAG PA NYID DU GYUR PA'O, ,JI LTAR 'DIR THAMS CAD MKHYEN PAS GSUNGS PA, YOD DANG MED LAS 'BRAS MI SKYE, ,YOD MED GANG YANG RKYEN GYIS MIN, ,RGYU RNAMS KYIS KYANG DNGOS PO NI SKYE BAR 'GYUR BA JI LTA ZHIG ,'ON DE NYID SA DANG PO'I DBANG POS DBU MAR SGRUB PA, YOD DANG MED PA DAG LA YANG, ,RKYEN GYI DON NI MI RUNG STE, ,MED NA RKYEN NI SU YI YIN, ,YOD NA RKYEN PHYIS CI ZHIG BYA, ,DE BAS NA YOD PA DANG MED PA BYED PA PO BYAD PA DANG 'BRAL TE LAS SU BYA BA MI RUNG NGO, GANG GI TSE NA RGYU'I SKAD CIG LA YOD PA DE'I TSE 'BRAS BU'I SKAD CIG PA MED DO, ,JI LTAR NA DNGOS BO DANG, DNGOS PO MED PA 'BREL PAR RUNG, SKAD CIG PA GCIG NI SU DANG YANG 'BREL BA MED DE, ,SNGA MA'I 'OG TU 'DI YOD PAR 'GYUR ZHES RTEN CING 'BREL TE 'BYUNG LA, LAS DANG 'BRAS BU NGES PAR 'BREL PA 'BA' ZHIG GO, ,DE LTAR NA GANG GIS DGE BA DANG MI DGE BA LA SOGS PA'I 'DU BYED RNAMS LA KUN NAS NYON MONGS PA DANG, RNAM PAR BYANG BAR RNAM PAR GZHAG PA YOD PA DANG MED PA MA YIN ZHING, THAMS CAD LAS THAMS CAD DE MA THAG PA MA YIN TE, JI LTA ZHE NA, DGA' ZHING 'GA' ZHIG LAS DE MA THAG TU 'BYUNG BA STE, RUS SBAL GYI SBU DANG, RI BO DGE RVA DANG, MO GSHAM GYI BU DANG, NAM MKHA'I AUTPAL LA SOGS PA LTAR RGYU MED PA NYID LAS NI MA YIN NO, ,MIG LA SOGS PA'I RNAM PAR SHES PA YANG RGYU MED PA LAS SKYE BA MA YIN TE, THOG MA DANG @75A *, ,THA MA'I MTHAR STONG YANG RGYU RKYEN 'DUS PA'I RGYU LAS 'BYUNG BAR 'GYUR, GSUM PHRAD PAS 'DAS PA DANG, MA 'ONGS PA DANG, DU LTAR GYI SKAD CIG PA RNAMS SAM, BYED PA PO DANG, LAS DANG, BYED PA'I MTSAN NYID DU BRTAG PA'O, ,DAM BCAS PA MNYAMS PA NI YOD PA DANG MED PA LA RGYU MI RIGS TE, BYED BA PO LA SOGS PA DANG LDAN PA MED PA'I PHYIR RO, ,YOD PA DANG MED PA MTSUNGS PAS NA GLAGS PHYE STE THAMS CAD DU THAMS CAD YOD PA'AM, MED PAR 'GYUR BA NI YOD PA DANG MED PA LAS 'BYUNG BAR SMRA BA LA NGES PA'I RGYU MED PA'I PHYIR RO, ,GSUM PHRAD PA'I RKYEN ZHES BYA BA NI GSUM PHRAD BA NYID RKYEN YIN TE RGYU'O, ,DE'I BYED PA NI 'DAS PA LA SOGS PA'I RIM MAM LHAN CIG KYANG RUNG STE, GSUM PHRAD PA'I MTSAN NYID NI RGYU RNAMS NYE BAR BRTAG PAR BYA BA YIN TE, MIG DANG GZUGS KYI RKYEN GYIS MIG GI RNAM PAR SHES PA 'BYUNG STE, GSUM 'DUS NA REG PA ZHES BYA STE, DE MA THAG PA'I RKYEN DANG, SNANG BA DANG BAR CHAD MED PA LA SOGS PA RGYU YANG YOD DO, ,DES NA RGYUN DU GNAS SHING, SNGON MYANGS PA RJES SU DRAN PA LA SOGS PA'I 'DU BYED DANG LDAN PA'I MIG LA SOGS PA GSAL BA'I RNAM PAR SHES PA DANG LDAN PA RNAM PAR RTOG PA YOD SHES PA SKYE ZHING 'GAG KYANG SEMS PA MED CING, RNAM PAR SHES PA DE DAG THOG MA DANG, THA MAR GNAS PA'I RGYU KUN GZHI RNAM PAR SHES PA RGYUN YIN PAR RJES SU DPAG PAR BYA'O, ,RMI LAM DU YANG MIG LA SOGS PA DANG YUL YANG DER MED DE, THAMS CAD KYI BDAG NYID DE NYID YOD PAR MNGON SUM RJES SU MYONG NGO, ,GANG DAG KYANG NE YI YA YI GA'I MU STEGS CAN RNAMS DBANG PO DANG, DON PHRAD DE NYE BAR SKYES PA'I SHES PA BSTAN DU MED PAR 'GYUR BA MED CING GDON MI ZA BA'I BDAG NYID GANG YIN PA DE NI MNGON SUM GYI MTSAN NYID CAN GYI SHES PA'O ZHES RTOG PA'O, , KHYAD PAR CAN RNAMS KYIS NI BDAG DANG, YID DANG, DBANG BO DANG DON DU PHRAD PA LAS GANG SKYE BA NI MNGON SUM GYI SHES PAR RTOG GO, ,GRANGS CAN RNAMS KYIS NI RNA BA DANG, BAGS PA DANG, MIG DANG, SNA DANG, LCE RNAMS YID KYIS BYIN GYIS BRLABS TE 'JUG PA RNAMS @75B NI MNGON SUM GYI MTSAN NYID CAN MNGON SUM TSAD MA'O, ,SPYOD PA CAN RNAMS KYIS NI SKYES BU DANG DBANG PO LHAN CIG TU 'BYOR TE, BLO SKYE BA DE NI MNGON SUM PA'O, ,DE THOG MAR BYAS TE RJES SU DPAG PA LA SOGS PA'I TSAD MA GZHAN GZHAG PA'O, ,KshA PA NA KA RNAMS KYIS NI SPYI DANG KHYAD PAR GYI YUL MNGON SUM PA'O, ,THAMS CAD KYI RJES SU DPAG PA NI TSAD MAR BZUNG NAS MNGON SUM DU THOG MAR BYAS PA LAS SO, ,'JIG RTEN RGYAD 'PHEN PA RTOG PA NI YUL NYE BA NI MNGON SUM PA'O, ,YUL RING BA NI RJES SU DPAG PA STE, DE BAS NA DON LA GDON MI ZAB MED DO ZHES PA'O, ,DE DAG THAMS CAD KYIS BDAG GI SEMS SNANG BA KHONG DU MA CHUD PA'I PHYIR DON DU LHAG PAR BSKYED DE, BYED PA DANG, BYED PA PO DANG, TSAD MA DANG, GZHAL BA DANG, RJOD PA DANG, BRJOD PA LA SOGS PA'I THA SNYAD RNAMS KUN TU RTOG GO, ,RMI LAM LA SOGS PAR YANG GZUNG BA DANG 'DZIN PA DANG BYED PA DANG, BYED PA PO DANG, BSKYED PA DANG, SKYED PA LA SOGS PAR SNANG BA'I RNAM PAR RTOG PA YOD DO, ,SKAD CIG PA LA NI SKYE BA DANG, GNAS PA DANG, 'JIG PA LA SOGS PA'I CHOS GUD NA MED DO, ,JI LTAR DBU MA LAS 'BYUNG BA, ,GAL TE SKYE BA 'DUS BYAS NA, ,MTSAN NYID GSUM LDAN DER RIGS TE, ,'ON TE SKYE BA 'DUS MA BYAS, ,'DUS BYAS MTSAN NYID JI LTAR RUNG, ,DES NA YOD PA DANG MED PA LA BYED PA DANG BYED PA POS BSKYED PA LA SOGS PA'I CHOS RNAMS MI RIGS SO, ,CHOS DANG GANG ZAG LA BDAG MED PA GNYIS LA'ANG BSKYED PA LA SOGS PA PHYI'I DON DU SGRO BTABS TE, DE DAG GZHAN PAR BRTAG PAR MI BYA'O, ,GANG DAG GNYIS RNAM PA'I CHOS YIN PA DE DAG RMI LAM DANG MIG 'PHRUL LA SOGS PA BZHIN DU THAMS CAD MA SKYES PAS NA DE'I PHYIR YOD PA DANG MED PA SKYE BAR MI RUNG NGO, ,DE DAG LA ZHES BYA BA NI YOD PA DANG MED PA LA SOGS PAR SMRA BA RNAMS LA'O, ,MED PA MI SKYE LA, MED PA 'GAG PAR MI 'GYUR TE, GRANGS CAN RNAMS KYI GSUM PHRAD PA NI 'DAS PA DANG, MA 'ONGS PA DANG, DA LTAR GYI RNAMS SO, ,RGYU DANG 'BRAS BU'I RANG BZHIN GYI MTSAN NYID CES BYA BA LA SOGS PA LA, YOD PA DANG @76A *, ,MED PA'I MTSAN NYID YOD PAR ZHES PA NI MNGON SUM YOD PAR BYED PA YE YOD PA'I SPYI'I MTSAN NYID DE, YON TAN DANG, RDZAS DANG, BYED PA LDAN PA'O, ,YON TAN DANG LDAN PA NI 'BREL PA'I RGYU'O, ,RDZAS DANG LDAN PA ZHES BYA BA LA SOGS PA NI KHYAD PAR TE, 'DAS PA LA SOGS PA'I MTSAN NYID YOD PAR STON TO, ,YOD PA DANG MED PA LAS 'BYUNG BA ZHES BYA BA NI DAM BCAS PA DANG 'GAL BA STE, DE STE YOD NA NI JI LTAR NA 'BYUNG BAR 'GYUR, 'ON TE MED PA 'BYUNG BAR 'GYUR NA DNGOS PO MED PA JI LTAR NA 'BYUNG BAR BYED, CUNG ZAD KYANG MI BYED DO ZHES BYA BA STE, BYED PA 'GAG PA'O, ,DES NA RMI LAM DANG, MIG 'PHRUL DANG 'DRA BA'I RTEN CING 'BREL TE 'BYUNG BA THOG MA DANG THA MA'I MTHAR STONG BA DBUS SU 'DZIN PA DANG GZUNG BA GNYIS KYI RANG BZHIN GYIS STONG STE, KUN GZHI RNAM PAR SHES PA 'BA' ZHIG RANG BZHIN GYIS 'OD GSAL BAR GNAS PA NI BDAG DANG GZHAN GYI RGYUD KYI DBANG DANG, RKYEN GYI KHYAD PAR DANG, MNYAM PAR 'JOG PA MED PAS NANG GLONGS PA NI GSER DRI MA CAN DU 'GYUR BA BZHIN TE, MGO MKHOR BA DANG, BRGYAL BA LA SOGS PA BZHIN DU RNAM PA SNA TSOGS KYI RNAM PAR SNANG NGO, ,GANG GI TSE SHES RAB KYIS DPYAD DE, SBOM PA DANG, PHRA BA RNAM PAR PHYE STE, SHES PAR BYA BA MI DMIGS PA DE'I TSE BSAM PA DANG BRAL ZHING SNANG BA MED PA GNYIS BA DON DAM PA'I BDEN PA YANG DAG PAR RIG PA NYID GNAS PAR 'GYUR RO, ,CHOS DANG GANG ZAG LA BDAG MED PA YONGS SU SHES NAS SHES RAB DANG, SNYING RJE'I BAG CHAGS KYIS BSKUL TE SAR DBYE BA 'BYED PA NA SNANG BA DANG BCAS PA DANG, SNANG BA MED PA'I TING NGE 'DZIN THOB NAS YID BZHIN GYI NOR BU RIN PO CHE BZHIN DU SEMS CAN THAMS CAD LA PHAN PAR 'JUG PA'I THAMS CAD MKHYEN PA GZUGS SNA TSOGS KYI RNAL 'BYOR GYI DBANG POR 'GYUR RO, ,BSOD NAMS DANG, YE SHES KYI TSOGS KYI KHYAD PAR LAS BYUNG BA LTA'I MIG LA SOGS PA'I YE SHES KYI MNGON PAR SHES PA DANG LDAN ZHING STOBS BCU DANG, MI 'JIGS PA LA SOGS PA YON TAN GYI TSOGS MA LUS PA GZHAN GYI DON DU 'BYUNG BA RMI LAM LA SOGS PA LTA BUR MIG LA SOGS PA'I SHES PA LAS KHYAD PAR CAN @76B KUN GZHI'I RNAM PAR SHES PA NYID SGYU MA'I RNAM PAR THAR PAR GNAS SHING SNANG BA DANG BCAS PA DANG, SNANG BA MED PA'I TING NGE 'DZIN GYI KHYAD PAR DU DBYE BA NA MTHA' YAS PA'I SEMS CAN GYI DON DU BYED PA RNAMS KYIS THAMS CAD MKHYEN PA YIN NO, ,JI LTAR DE KHO NA NYID BSDU BA LAS GSUNGS PA RIGS KYI BU SEMS 'DI NI RANG BZHIN GYIS 'OD GSAL BA STE, GANG GIS JI LTAR SPYOD PA DE LTAR 'GRUB PAR 'GYUR RO, ,SO SO'I SKYE BO LTA BA DAN PAS ZIN PA DE DAG BRTAGS PA'I SAL GNAS PA NA TSAD MA DANG GZHAL BAR RNAM PAR GZHAG PAR YANG RTAG PA'I BDAG DANG DON DU RNAM PAR RTOG PAR BYED DO, ,DE LA RTAG PA'I BDAG NI TSE DAM PHYI'I DON GZHAL BA DANG, GANG MTHONG BA DE NYID LA BDAG GIS REG GO ZHES 'JAL BAR BYED PA DE DAG GIS NI, LUS DANG LONGS SPYOD GNAS SNANG BA, ,KUN GZHI SEMS KYI RGYUN DANG LDAN PA GANG GIS MI SHES PA DES NA RLUN PA RNAMS KYIS BDAG 'DI LTAR BDE BA DANG, ,SDUG BSNGAL BA'O ZHES SO SOR BSHAD PA'I PHYIR RTAG PA KHO NAS RTAG PAR BYED NA SKRA DANG RTZVA LA SOGS PA BCAD NAS PHYIR SKYES PA YANG SO SOR SHES PA 'JUG PAS NA DES RTAG PA KHO NAR BSGRUB PAR MI RUNG NGO, ,NE YI YA YI KA LA SOGS PAS GANG DAG RJES SU DPAG PAR KUN TU BRTAGS PA DE DAG KYANG DE'I BDAG NYID PA DANG, DE LAS SKYE BAR 'BREL BA MED DE, DE BAS NA SBYOR BA LA SOGS PAR 'BREL BAR NGES PA MA YIN NO, ,DE THOG MAR BYAS TE RJES SU DPAG PA RNAM PA GSUM NI SNGA MA LTA BU DANG, LHAG MA LTA BU DANG, SBYIS MTHONG BA'O, , DE LA SNGA MA LTA BU NI GANG NA RGYUS 'BRAS DU DPAG PA'O, ,DE NI GANG NA RGYU YOD PA DER GDON MI ZA BAR 'BRAS BU 'BYUNG BAR NGES PA MED DO, ,LHAG MA NI BYE BRAG TU DBYE BA MED DO, ,MED DANG DU BAR SBYOR BA'I MTSAN NYID NI 'BREL PAR SMRA BAR BYED PA GANG NA SBYOR BA GCIG YOD PA DER SBYOR BAR BYED PA GZHAN YANG YOD PAR 'GYUR BA'I RIGS PAR NGES PA MED DE 'KHAR BA DANG SKYES BU BZHIN NO, ,SBYIS RJES SU DPAG PA NI RGYU DANG 'BRAS BUR MA GYUR PA'I BYA BZHAD LAS CHU RJES SU DPAG PA'O, ,KHYAD PAR CAN GYI RJES SU DPAG PA YANG SBYOR BA DANG, YAN LAG CAN DANG, DON GCIG TU 'DUS PA @77A *, ,DANG 'GA' BA'I YANG MTSAN MA CAN NO, ,DE NI GANG NA SBYOR BA CAN GCIG SNANG BA DE NI GUNG DANG DUS DANG MI GZHAN PA YOD PAR 'GYUR BA NGES PA MED DO, ,YAN LAG CAN YANG RKANG BA LA LAG PA [?] LTA BU STE, RKANG BA'I RGYU DANG MTSAN MA NI LAG PA YIN ZHES PA DE NI MTHA' GCIG TU NGES PA MED DO, ,DON GCIG TU 'DUS BA NI GZUGS LA REG PA LTA BU STE, DE YANG MUN BA DANG, GRIB MA DANG, 'OD DANG, SNANG BA LA SOGS PA'I GZUGS LA YANG REG PA MED DO, ,'GAL BA ZHI KHYAD PAR CAN GYI RNAM PA DU MAR KUN TU RTOG PAR BYED DE, RLUNG SBRIN DANG KUN TU SBYOR BA NA CHANG PA'ANG BAR 'GYUR ZHES BA NI DE LTA BU'I CHAR BA DANG RNAM PA DU MA'I CHAR BA YANG YOD NA DER CHAR BA GANG 'BANGS PA DANG, GANG MI 'BAB PA DE KHYAD PAR DU SGRA DGOS SO, ,'BREL BA GCIG SBYIR MTHONG BA DANG, KHYAD PAR DU MTHONG BA DANG, SNGA MA LTA BU DANG, LHAG MA LTA BU YANG GRANGS CAN GYI RJE SU DPAG GO, ,BDAG PO'I BDAG GI DANG, 'GYUR BA DANG, YAN LAG LA SOGS PA KUN TU BRTAGS PA NI MI BRTAN PA YIN TE, GANG NA BDAG PO YOD PA DER BDAG GIS TE, DE'I CUNG ZAD KHA CIG TU MTHONG BA GZHAN DU YOD PAR 'GYUR BAR NGES LA MED DO, ,DE DE LTAR KshA PA NA KA DANG, SPYOD PA CAN LA LOG LA RNAMS KYI MNGON SUM GYI THON MAR BYAS BA SBYOR BA LA SOGS PAR 'BREL BA YANG GZHAN BA LA RJES SU DPAG PA LA SLU BAR BYED PA STE, DE'I BDAG NYID DANG DE LA SA SKYES PA DANG BRAL BA'I PHYIR RO, ,DES NA RTAG PA DANG, BDAG DANG, PHYI'I DON KUN TU RTOG PAS MNGON SUM DANG RJES SU DPAG PA'I TSAD MA DANG GZHAL BA LA SOGS PAR RNAM PAR GZHAG BAR BYED PA LUS DANG LONGS SBYOD DANG, GNAS SU SNANG BA'I KUN GZHI RNAM PAR SHES PA MI SHES PAS RTAG PA'I SAL LTA BA NGAN PAS ZIN PA'I RTOG PA RNAMS LOG PA'I SHES PAS RTAG BA DANG, BDAG DANG, BDAG GI DANG, PHYI'I DON NAS MNGON PAR CHAGS BA'I PHYIR 'KHOR BAR SDUG BSNGAL MYONG NGO, ,BTZUN GTZO'I BYANG CHUB SEMS DPA' DGE SBYONG DANG, BRAM ZE LA LA RANG BZHIN MED PA'I SBRIN DANG, MGAL ME BSKOR BA ZHES BYA BA LA SOGS PA LA RANG BZHIN @77B MED PA NI SKAD CIG MA'I PHYIR RO, ,RMI LAM DANG, MIG 'PHRUL LA SOGS PA BZHIN DU GNYIS KYI RNAM PA CAN THAMS CAD DAM SKYES PA'O, ,YANG NA BYED PA PO DANG LAS LA SOGS PA MED BA'I PHYIR MA SKYES PA STE, BDAG MED PA GNYIS KYI BSHAD PA THAMS CAD DU SBYAR BAR BYA'O, ,GANG DAG SHES RAB KYIS DPYAD DE, SBOM PO DANG, PHRA MO RNAM PAR GZHIG PA NA DE DAG 'KHOR BA DANG, MYA NGAN LAS 'DAS PA MNYAM PA NYID THOB PAR 'GYUR RO ZHES BYA STE, DNGOS DANG DNGOS MED MNYAM PAS NI, ,'PHAGS PA RNAMS KYI 'BRAS BU 'BYUNG, ,ZHES PA'O, ,'DI NYID DU YANG GSUNGS PA, YOD PA'I ZLAS DRANGS MED PA STE, ,YOD PA'ANG MED PA'I ZLAS DRANGS SO, ,DE BAS MED PAR SHES MI BYA, ,YOD PAR YANG NI MI BRTAG GO, ,'PHAGS PA SHES RAB KYI PHA ROL TU PHYIN PA LAS KYANG KLOG PA, DNGOS POS NI MNGON PAR RTOGS BA MED DNGOS PO MED PAS KYANG MNGON PAR RTOGS PA MED DE, JI LTA ZHE NA, DNGOS PO DANG DNGOS PO MED PAR MNYAM PAS RTOGS PAR 'GYUR ZHES SO, ,CI SMRAS PA YIN ZHE NA, DNGOS PO DANG DNGOS PO MED PA'I RNAM PAR RTOG PA SPONG PA LAS SO ZHES THAMS CAD MKHYEN PAS DGONGS PAR BRTAG GO, ,JI LTAR MDO SDE 'DI NYID DU GSUNGS PA, MTSAN NYID DANG NI BYA BA DANG, ,DNGOS BOR MYA NGAN 'DAS BA MED, ,RNAM RTOG RNAM SHES BZLOG PA NI, ,NGA NI MYA NGAN 'DAS PA'O, ,THAMS CAD MKHYEN PAS DE SKAD GSUNGS PA DES CI ZHIG RTOGS PAR BYED CE NA, LOG PA'I RNAM PAR RTOG PA SPANGS PAS MNGON PAR RDZOGS PA'I BYANG CHUB BO, ,DE BAS NA RTAG PA DANG, BDAG DANG, BDE BA DANG GTZANG BA'I DNGOS POR PHYIN CI LOG PA'I RNAM PAR RTOG PA SPONG BA MTHONG YANG SHES RAB KYIS MI MTHONG NGO, ,JI LTAR SHES RAB KYI PHA ROL TU PHYIN PA LAS BYUNG BA, RNAM PAR SNGOS PA DANG, RNAM PAR DMAR PA DANG, RNAM PAR GZHIGS PA DANG, RNAM PAR RNAGS PA LA SOGS PA MI DMIGS PA'I TSUL GYIS SHES RAB KYIS MI MDZES PA RNAMS SGOM PAR BYAD PA NA MTHONG YANG MI MTHONG NGO, ,DES NA LOG PA'I RNAM PAR RTOG PA SPONG BA NI NANG STONG BA NYID DANG, PHYI STONG PA NYID DANG, STONG @78A *, ,BA NYID KYI STONG BA NYID LA SOGS PA STE, PHUNG POR MI GNAS PA DANG, RNAM PAR 'JOG PA NYID KYI PHYIR RO, ,PHYI'I DNGOS PO PHUNG POR GNAS PA MED PA DANG, RNAM PAR MI 'JIG PA'I RTAG PA YANG MED DO, ,'PHAGS MA SHES RAB KYI PHA ROL TU PHYIN PA'I DON GYI BSHAD PA NI DAM PA'I CHOS KYI 'BREL BA LA DKAR GSUNGS PA 'DI NYID LAS 'BYUNG STE, GZUGS NI RDUL PHRAN GZHI NAS PA DANG, ,RDUL PHRAN CHA NI MED PA STE, ,'O NA SNANG BA 'DI CI LAGS ZHES GSOL BA'I LAN DU, PHYI YI DNGOS PO MED PAR YANG, ,SEMS NI RNAM PA GNYIS SU SNANG, , DPYID KYI RI DAGS SKOM PA BZHIN, ,G-YO BAS SEMS NI RMONGS PAR BYED, ,RI DAGS RNAMS NI CHUR 'DZIN PA, ,DE YI DNGOS PO YOD PA MIN, ,DE BZHIN RNAM SHES 'KHON NI, ,SEMS SPYOD YUL DU G-YO BA DANG, ,SO SOR SNANG 'BYUNG BYIS PA RNAMS, ,RANG RIB RAB RIB CAN YIN NO, ,THOG MA MED PA'I 'KHOR BAR RANG BZHIN GYIS 'OD GSAL BA RIN PO CHE GSER GYI RANG BZHIN LTAR RNAM PA NGO BO NYID KYIS DAG PA'I KUN GZHI RNAM PAR SHES PA NI BDAG DANG GZHAN GYI RGYUD KYI DBANG GI KHYAD PAR GYI SHUGS DANG, DAM PA DANG, DAM PAS YIN PA'I CHOS BSTAN PA'I BAG CHAGS DANG, DGE BA DANG, MI DGE BA'I 'DU BYED PA RNAMS GSER DRI MAS GOS BA LTA BU'I 'DZIN PA DANG, GZUNG BAR SNANG BA THAL BA DANG, 'DZIN PA'I SE'U SA BTZO BA LA SOGS PA LTA BUR SHES RAB KYIS DPYAD DE GNYIS KYI DRI MA MED PAR BYA'O, ,GANG GI TSE NA, GZUGS NI RDUL PHRAN GZHIGS PHAN, ,RDUL PHRAN CHA NI MED PA STE, ,ZHES PAS PHYI ROL GYI MI DMIGS PA DE'I TSE STONG PA SNANG BA MED PA GNYIS KYI RNAM PA DANG BRAL BA SEMS PA MED PA'I DON DAM PA'I YANG DAG PAR RIG PA BDAG NYID DU GNAS SO, ,SNYING RJE'I BAG CHAGS KYIS BSKUL BAS DGE BA'I BAG CHAGS MNGON PAR 'DU BYANG BA DANG, THAMS CAD MKHYEN PA GZUGS RNAM PA SNA TSOGS KYI RNAL 'BYOR GYI DBANG PO'I CHO 'PHRUL RNAMS KYIS YID BZHIN GYI NOR BU RIN PO CHE BZHIN DU SEMS CAN THAMS CAD LA DON BYED DO ZHES MDO'I SDE SBROS PA'I DON DU THAMS CAD MKHYEN PAS @78B DGONGS PA'O, ,SNANG BA DANG BCAS PA DANG, SNANG BA MED PA'I TING NGE 'DZIN LA BZHUGS TE, RGYU MTHUN PAR BYED PA DANG, CHOS NYID KYI SANGS RGYAS KYI KHYAD PAR RNAMS KYIS THAMS CAD MKHYEN PA RAB TU SANGS RGYAS PA YANG SEMS MNYAM PAR 'JOG PA'I RGYUD 'DAG PAR MDZAD PA'I SLAD DU RNAL 'BYOR PA RNAMS LA CHOS BSHAD DO, ,SPRUL PA'I SANGS RGYAS BCOM LDAN 'DAS RNAMS THAMS CAD MKHYEN PA MCHOG TU YONGS SU DAG CING 'DOD CHAGS DANG BRAL BA GZUGS RNAM PA SNA TSOGS KYI RNAL 'BYOR GYI DBANG PO CHO 'PHRUL RNAM PA SNA TSOGS KYIS MTHA' MED PA'I SEMS CAN RNAMS MGU BAR MDZAD PA'I PHYIR GNYIS PA DANG, MI GNYIS PA'I CHOS RGOL BA DANG, LAN GDAB PA DANG, TSAD MA DANG, GZHAL BYA LA SOGS PA'I TSUL DANG, PHUNG PO DANG, KHAMS DANG, SKYE MCHED DANG, RTEN CING 'BREL TE 'BYUNG BA DANG, BYANG CHUB KYI PHYOGS KYI KHYAD PAR DU 'CHAD PA DANG, SNANG BA RNAM PA SNA TSOGS KYI RJES SU SONG BA DANG, GANG ZAG LA BDAG MED PA KHO NA NYID LA GZHOL BAR CHOS 'CHAD DO, ,BYANG CHUB SEMS DPA'I SPYOD PA RNAM PA SNA TSOGS DANG, SHES RAB KYIS THABS LA MKHAS ZHES BYA BA NI GANG GI TSE SHES RAB KYIS DPYAD DE SHES PAR BYA BA MI DMIGS PA DE'I TSE CHOS KYI SKU LA BZHUGS PA'I SANGS RGYAS BCOM LDAN 'DAS RNAMS BSAM PA MED PA'I SNANG BA MED PA DON DAM PA'I BDEN PA MI GNYIS PA'I CHUD PA STE, DE NI CHOS NYID KYI SANGS RGYAS ZHES BRJOD DO, ,DE SHES RAB DANG MTHUN PA'I BTZUN GTZO'I BYANG CHUB SEMS DPA' GZHAN DAG KYANG DNGOS PO DANG, DNGOS PO MED PA'I RNAM PAR MI RTOG PA'I TING NGE 'DZIN LA GNAS PA 'KHOR BA DANG MYA NGAN LAS 'DAS PA MNYAM PA NYID THOB PAR 'GYUR RO, ,JI LTAR DBU MA LAS 'BYUNG BA, ,MYA NGAN 'DAS PA'I MTHA' GANG YIN, ,'KHOR BA'I MTHA' YANG GANG YIN PA, ,DE GNYIS PAR NA CUNG ZAD KYANG, ,SHIN TU PHRA BA YOD PA MIN, ,ZHES TE, GNYIS KYI RNAM PAR SHES PAS MTHAR DBYE BA NI NUS KYI GNYIS SU MED PA'I CHOS NYID LA NI MA YIN TE, DE BAS NA DNGOS PO DANG, @79A *, ,DNGOS PO MED PA'I RNAM PAR SPONG BA NI MYA NGAN LAS 'DAS PA YIN TE, SEMS KYI RGYUD DAG PA NYID DO, ,GSER GYI DRI MA THAL BA DANG, 'JIM PA'I SE'U SA BTZO BA LA SOGS PAS RIM GYIS DRI MA SPANG ZHING SBYONG BA BZHIN DU SEMS KYANG MI RTAG PA DANG, SDUG BSNGAL BA DANG, MI MDZES PA DANG, STONG PA BSGOMS PAS SEMS YUL LAS BZLOG PAR BYA'O, ,DGE BA MNGON PAR 'DU BYED PA RNAMS KYIS GNAS KYI RIM PA DANG, YUL DANG, DUS DANG, RKYEN GYI KHYAD PAR SNANG BA RNAMS KYIS AA MRA'I 'BRAS BU YONGS SU SMIN PA BZHIN DU SEMS KYANG RIM GYIS YONGS SU SMIN PAR 'GYUR RO, ,DNGOS PO KHA [?] GCIG GI [?] THUN PA DUS DU MAR YUL DU 'PHROGS PA RNAMS KYANG NYI MA DANG ZLA BA'I 'OD KYIS CIG CAR ZAD PAR 'GYUR BA BZHIN NO, ,JI BZHIN DU YANG ME TOG KU MU TA DANG, PADMO 'OD KYIS RGYAS PAR BYED PA DE BZHIN DU THAMS CAD MKHYEN PA YANG SEMS CAN RNAMS KYI SEMS LA SKAL BA YOD PA DANG, MED PA MKHYEN PAR MDZAD DE, NYI MAS PADMO'I TSAL GYI PADMO RIM GYIS CIG CAR RGYAS PAR BYED PA YIN NO, ,DE STE YANG TSANGS PA DANG, DBANG PO LA SOGS PA CHAD PA'I BDAG NYID KYI DNGOS PO RTAG PA NYID YIN NA NI RGYU MED PAS NA YOD PAR MI RIGS TE, MO GSHAM GYI BU DANG, RI BONG GI RVA DANG, NAM MKHA'I AUTPAL LA SOGS PA BZHIN DU MA SKYES PA'I PHYIR RO, ,DES NA RGYU DANG BCAS PA'I CHUD PA RNAMS NYID KUN NAS NYON MONGS PA DANG, RNAM PAR BYANG BAR GZHAG PA'I RIGS SO, ,KUN GZHI RNAM PAR SHES PA RGYUN 'BREL PAR 'JUG PA RNAMS DGE BA DANG, MI DGE BA MNGON PAR 'DU BYED PA RNAMS KYIS KHYAD PAR CAN DU RIGS PAS NA MI RTAG PA RNAMS KYI 'KHRUL PA YONGS SU ZAD DE, YONGS SU DAG 'KHO NA DE DAG LA 'THAD DO, ,DE BAS NA BDAG DANG GZHAN GYI RGYUD KYI DBANG DANG, RKYEN GYI KHYAD PAR GYI MTHUS MGO 'KHOR BA DANG, BRGYAL BA LA SOGS PA BZHIN DU DE DAG GI RNAM PA SNA TSOGS KYI RNAM PA YOD PA SHES RAB KYIS DPYAD DE, SBOM PO DANG PHRA MO RNAM PAR GZHIGS PA NA GANG GI TSE MI DMIGS PA DE'I TSE CHUD PA RNAMS RGYUN 'BREL BAR 'JUG PA BSAM PA DANG BRAL ZHING SNANG BA MED PA GNYIS SU MED PA'I DON DAM PA'I BDEN PA RANG @79B GIS GNAS SO, ,SNYING RJE'I BAG CHAGS KYIS GLENGS PA NA MCHOG TU YONGS SU DAG CING 'DOD CHAGS DANG BRAL BA THAMS CAD MKHYEN PA RNAL 'BYOR GYI DBANG PO DE DAG GI GZUGS RNAM PA SNA TSOGS 'BYUNG NGO, ,DE LTA BUR YANG DE DAG LA SNANG BA DANG BCAS PA DANG, SNANG BA MED PA GNYIS PA DANG, MI GNYIS PA'I TING NGE 'DZIN DU DBYE BAR 'BYED PA NA RAB TU DGA' BA'I SA'I DBANG POR 'GYUR TE, BDAG DANG GZHAN GYI YON TAN GYI TSOGS CHEN PO 'BYUNG BA'I SANGS RGYAS SU 'GYUR RO, ,DE BAS NA BYANG CHUB SEMS DPAS BDAG GI GRUB PA'I MTHA' LA MKHAS PAR BYA'I GZHAN GYI GRUB PA'I MTHA' RNAMS LA NI MA YIN NO, ,RTAG PA DANG, BDAG DANG, TSANGS PA DANG, DBANG PO LA SOGS PA MA SKYES PAS NA RI BONG GI RVA BZHIN DU MED PAR RIG PAR BYA'O, ,DE NAS YANG BLO GROS CHEN POS GSOL BA ZHES BYA BA LA SOGS PA STE, KUN TU BRTAGS PA DANG, GZHAN GYI DBANG DANG, YONGS SU GRUB PA'I RANG BZHIN SHES RAB KYIS DPYAD PA BYA STE, MING DANG, MTSAN MA DANG, RNAM PAR RTOG PA DANG, DE BZHIN NYID DANG, YANG DAG PA'I YE SHES DANG, CHOS LNGA DE DAG KUN TU BRTAGS PA DANG, GZHAN GYI DBANG DANG, YONGS SU GRUB PA'I KHYAD PAR DU SHES PAR BYA'O, ,DE LA KUN TU BRTAGS PA NI JI SRID DU RNAM PAR RTOG PA RNAMS SHES PAR YOD PA DE SRID DU KUN TU BRTAGS PA'O, ,GZHAN GYI DBANG LAS KYI MTSAN NYID NI GSAL BA'I RNAM PA GNYIS KYI RNAM PAS STONG PA NI YONGS SU GRUB PA'O, ,DE LA MING KUN TU BRTAGS PAR BSDU'O, ,MTSAN MA DANG RNAM PAR RTOG PA NI GZHAN GYI DBANG DU'O, , DE BZHIN NYID DANG, YANG DAG PA'I YE SHES NI YONGS SU GRUB PAR RO, ,JI LTAR DGONGS PA NGES PAR 'GREL BA LAS 'BYUNG BA, RIGS KYI BU RANG BZHIN MED PA RNAM PA GSUM STE, MTSAN NYID RANG BZHIN MED PA DANG, SKYE BA RANG BZHIN MED PA DANG, DON DAM PA RANG BZHIN MED PA'O, ,RTAG PA DANG, BDAG DANG, PHYI DANG, YAN LAG CAN DANG, RDUL PHRA MO'I BYE BRAG NI MTSAN NYID DU GANG DAG GIS DNGOS PO RNAMS RNAM PAR RTOG PAR BYED PA DE DAG GIS MED PAS NA MTSAN NYID KYI RANG BZHIN MED PA'O, ,BYED PA DANG, BYED PA POS STONG PA NYID PAS NA RMI LAM DANG MIG 'PHRUL @80A *, ,LA SOGS PA BZHIN GZHAN GYI DBANG GI LAS KYI RNAM PA YANG SKYE BAR MI RUNG NGO, ,RNAM PA GNYIS KYI CHUD PA YONGS SU DAG PA NI DON DAM PA'I RANG BZHIN MED PA STE, GNYIS KYI RNAM PA DANG BRAL BA NYID DO, ,JI LTAR MDO SDE 'DI NYID DU GSUNGS PA, BRTAGS PA'I DNGOS POS DNGOS PO SKYE MED KUN, ,GZHAN DBANG RTEN NAS MI RNAMS RNAM RTOG STE, ,GANG TSE GZHAN DBANG RNAM RTOG BRAL DAG PA, ,GRUB PA DE BZHIN NYID PAR MDOR NGAS BSTAN, ,ZHES PA'O, ,GANG GI TSE NA SHES RAB KYIS SBOM PO DANG, PHRA MO RNAM PAR PHYE STE, 'KHRUL BA'I GZUGS STONG PAR MTHONG BA DE'I TSE RNAM PAR 'KHRUL BA LOG NAS YANG DAG PAR RIG PA MI GNYIS PA NYID GNAS SO, ,DE NAS SNYING RJE'I BAG CHAGS KYIS BSKUL NAS THAMS CAD MKHYEN PA GZUGS RNAM PA SNA TSOGS KYI RNAL 'BYOR GYI DBANG PO MCHOG TU YONGS SU DAG CING 'DOD CHAGS DANG BRAL BA CHO 'PHRUL CHEN POS MTHA' YAS PA'I SEMS CAN GYI RGYUD MGU BAR MDZAD CING, SNANG BA DANG BCAS PA DANG, SNANG BA MED PA'I TING NGE 'DZIN GYI BYE BRAG LAS 'KHOR BA YOD KYI BAR DU GZHAN GYI DON DU RGYUN DU BZHUGS SO, ,DE NAS SANGS RGYAS BCOM LDAN 'DAS RNAMS MYA NGAN LAS 'DAS PA LAS MI BZHUGS SHING, 'KHOR BA DANG MYA NGAN LAS 'DAS PA MNYAM PA NYID BRNYES PA ZHES BYA'O, ,RKYEN GYIS MA BRTZAMS ZHES BYA BA NI GZHAN GYI DBANG LA SKYE BA'I RANG BZHIN MED PAR GSUNGS PA'O, ,PHYI NANG GI YUL RNAM PAR DBEN PA ZHES BYA BA NI MI GNYIS PA'I CHUD PA LA RNAM PA MED PA NYID DO, ,DE STE PHYIR YUL MED NA SNANG BA CI ZHIG CES PA DANG, DE'I PHYIR GZUNGS PA SEMS PHYI ROL TU LTA BAS SO, ,SEMS NYID RNAM PA GNYIS SU SNANG ZHES PA'I BAR DU'O, ,DE LTAR GNYIS KYI RNAM PA MI DMIGS PAS MTSAN MA MED PA'I TING NGE 'DZIN LA GNAS PA RNAMS RAB TU DGA' BA LA SOGS PA'I RIM PA'I TING NGE 'DZIN 'THOB PO, ,BYED PA DANG LDAN PA'I SKYE BA DANG BRAL ZHES BYA BA NI BYED PA PO DANG, LAS DANG, BYED PAS BSKYED PA LA SOGS PAR 'BREL BA DANG BRAL BA'O, ,MU STEGS CAN GYI GNAS SU NYE BAR 'GRO ZHES BYA BA NI MU STEGS CAN THAMS CAD RANGS PAR MDZAD PA'I PHYIR DBANG PO'I GZUGS KYIS DE DAG @80B LA CHOS 'CHAD PAR MDZAD DO, ,GNAS 'PHOS PA ZHES BYA BA NI TING NGE 'DZIN GYI RIM GYIS GNAS 'PHO BA'O, ,DE BZHIN GSHEGS PA'I SPU NI CHOS KYI SKU'O, ,RJES SU 'BRANG BA RAB TU THOB PA RNAMS KYI ZHES PA NI GANG GI TSE PHUNG PO LA SOGS PA'I SKYE BA LA SOGS PA SPROS PA MI MTHONG BA DE'I TSE SNANG BA MED PA'I SANGS RGYAS KYIS LA 'JUG PAR 'GYUR BA NI SEMS TZAM YONGS SU 'DZIN PAS SA LA 'JUG PAR 'GYUR RO, ,TING NGE 'DZIN DU 'PHREL PA'I RIM PA DER SEMS RNAMS 'JOG PAR BYED DO, ,BDAG GI SEMS SNANG BA'I SPYOD YUL DANG RNAM PAR BRAL BAR BYED PA NI GANG GI TSE SHES RAB KYIS DMIGS PA MI MTHONG BA'O, ,THAMS CAD BRJOD PA NI DAM PA'I CHOS KYI 'GREL PA DANG, DAM PA'I CHOS KYI TSIG CES BYA BA DANG, DAM PA'I CHOS KYI SPYOD PA DANG ZHES BYA BA DANG, MTSAN NYID THAMS CAD SPYOD CES BYA BA'I BAR DU'O, ,MTSAN NYID DANG, MTSAN MAR BYA BA GCIG PA DANG, THA DAD PAR MI RUNG BA NI SNGAR BSHAD PA BZHIN NO, ,RGYA MTSO'I RLABS LTA BUR KUN GZHI RNAM PAR SHES PA LA 'JUG PA'I RNAM PAR SHES PA RNAMS SO, ,RANG GI SEMS SNANG BA LA 'DZIN PAR KHONG DU MA CHUD PA NI SEMS KYI SNANG BA BDAG NYID KYI YIN TE DE 'DZIN PA DANG, DE LAS GZHAN PA RNAM PAR DAG PA DANG, RNAM PA GZHAN MED PAR STON PAR BYED DE DE NI TSAD MA GCIG GI BYA BA YIN TE, THAMS CAD MKHYEN PAS GZHAN SPONG BA'I RANG GI MTSAN NYID PAR DGONGS PAR BRTAG GO, ,'DZIN PA NI GZHAN RNAM PAR DGAG PA'O, ,GNAS NGAN LEN NI 'KHRUL PA'I RANG BZHIN TE, DE'I BAG CHAGS MNGON PAR CHAGS PA'O, ,RNAM PAR SHES PA NI 'JUG PA'I RNAM PAR SHES PA RNAMS SO, ,DE'I RANG BZHIN NI RGYU STE KUN GZHI RNAM PAR SHES PA'O, ,RMI LAM LA SOGS PA BZHIN DU DBYER MED PAS DE'I NGO BO NYID DU 'JOG GO, ,GZUGS RNAM PA SNA TSOGS KYI MTSAN NYID NI KHA DOG DANG DBYIBS SU RAB TU PHYE BA'O, ,DE LA NGO MTSAR GYI PHYIR MIG GDANGS PAS RNAM PAR SHES PA 'BYUNG NGO, ,CHU'I KLUNG LTA BU'I KUN GZHI RNAM PAR SHES PA SKAD CIG MA 'BREL BAR 'BYUNG BA LAS RLABS DANG 'DRA BA'I DBANG PO'I CHUD PA RNAMS 'BYUNG NGO, ,THAMS CAD MKHYEN PAS DE DANG @81A *, ,MTSUNGS PAR MDZAD PA MIG GI RNAM PAR SHES PA LA JI LTAR GZUD PA DE LTAR LUS KYI DBANG PO LA SOGS PA THAMS CAD KYI RDUL PHRA MO DANG, SPU'I KHUNG BU LA GNAS TE 'JUG PA'I RNAM PAR SHES PA RNAMS CIG CAR RAM, RIM GYIS YUL ME LONG DU GZUGS BRNYAN SNANG BA BZHIN NO, ,DE LA YANG ME LONG GI GZUGS SU KUN GZHI RNAM PAR SHES PA LA DGONGS PA'O, ,SNGON GZUGS SU SNANG BA'I SDUG BSNGAL BAG CHAGS YONGS SU SMIN PA NI GZUGS BRNYAN GYI GZUGS SU 'JUG PA RNAM PAR SHES PA RNAMS TE, DER SO SOR SNANG NGO, ,SNGAR YUL DU SNANG BA'I RLUNG GIS BTAB PA'I BAG CHAGS YONGS SU SMIN PAS RGYA MTSO'I RLABS THA DAD PA BSLANG BA BZHIN DU SEMS KYI RGYA MTSO KUN GZHI RNAM PAR SHES PA'I RLABS NI DBANG PO'I CHUD PA STE KUN GZHI'I RGYU'O, ,KUN GZHI RNAM PAR SHES PA NI DE'I BYA BA'I MTSAN NYID YOD PA STE, GANG DAG PHAN TSUN GYI RGYUR LDAN PA'O, ,DE NI KUN GZHI DANG 'JUG PA'I CHUD PA GCIG GI RGYU GCIG YIN NO ZHES BYA BA'I BAR DU'O, ,LAS KYI MTSAN NYID NI 'JUG PA'I RNAM PAR SHES PA'O, ,RIGS KYI MTSAN NYID NI KUN GZHI RNAM PAR SHES PAR BSGRUBS PA'O, ,KHONG DU MI CHUD PA NI RNAM PAR SHES PA LNGA'I TSOGS TE RNAM BAR MI RTOG PA'I PHYIR RO, ,RGYU DANG YUL BYE BRAG MED PA'I MTSAN NYID KHONG DU CHUD PA NI RNAM PAR RTOG PA DANG BCAS PA YIN GYI RNAM PAR SHES PA'O, ,RGYU LA RNAM PA GNYIS TE, SHES PAR BYED PA DANG, SKYED PAR BYED PA STE, JI LTAR DUD PAS MI DANG, SA BON GYIS MYU GU LA'O, ,MING ZHES PA NI YID KYI RNAM PAR SHES PA'O, ,YANG LA YANG RNAM PA GNYIS TE GZUGS MA YIN PA'I PHUNG PO RNAMS DANG, MING DANG MTSAN MA LA SOGS PA'I CHOS LNGA RNAMS TE, YID DE DAG GI NANG DU SONG ZHING KHYAB PA'O, ,BDAG NYID NI RNAM PAR SHES PA'I TSOGS LNGA PO STE BSKYED PA'I PHYIR RO, ,DE DAG CES PA LA SOGS PA NI GCIG LA GCIG RTEN CING 'BREL TE 'BYUNG BA YIN KYANG LTOS PA'I RNAM PAR RTOG PA MED DE, DE DAG NI SA LU LJANG BA'I MDO SDE BZHIN NO, ,RANG GI SEMS NI KUN GZHI RNAM PAR SHES PA STE, DE SNANG BA NYID LA PHYI'I DON DU RNAM PAR RTOG PAR MNGON PAR ZHEN PAS YID @81B KYI RNAM PAR SHES PA DANG LHAN CIG TU ZHUGS PAS NA DBANG PO'I RNAM PAR SHES PA 'BA' ZHIG NI GTZO MA YIN PA'I PHYIR RO, ,SHIN TU PHRA BAR RGYU'I BAG CHAGS NI NGES PAR 'JUG PA'I DBANG PO'I SHES PA MNYAM PAR GZHAG PAS CHUD PA'I MTHUR BYED PA'I DON LTA BU STE, DE SNANG BA NYID LA PHYI'I DON DU RNAM PAR RTOG PAR BYED PA DANG, SHIN TU PHRA BAR 'GYUR BA BDAG GI MTHUR ZHUGS ZHES BYA BA'I BAR DU'O, ,KUN GZHI RNAM PAR SHES PA RGYU ZHING 'JUG PA ZHES BYA BA LA RGYU BA NI CHUD PA'O, ,GZHAN DU NA SA'I MTSAN NYID CES BYA BA LA SOGS PA LA SHES RAB NI 'PHAGS PA'I YE SHES LA MKHAS PA STE, LOG PA'I SHES PA BZLOG PA'I DON DU SHES RAB KYI TSIG GO, ,SPROS PA DANG BRAL BA ZHES BYA BA NI SNANG BA DANG BCAS PA DANG SNANG BA MED PA'I TING NGE 'DZIN THOB PA RNAMS KYIS ZHES BYA BA'I DON TO, ,NAGS TSAL STUG PO ZHES BYA BA LA SOGS PA NI SHES RAB KYI RNAL 'BYOR MED PA RNAMS KYIS 'DOD CHAGS DANG BRAL BA'I CHOS TZAM GYI RNAM PA 'DI LTA BU'I CHOS YANG DAG PA NYID MTHONG BAR MI NUS SO, ,RGYAL BAS MDUN DU BYAS PA RNAMS KYIS ZHES BYA BA NI BSNYEN PAR BYAS PA RNAMS KYIS SO, ,YANG NA GANG DAG GIS RGYAL BA MDUN DU BYAS PA RNAMS KYIS ZHES TSIG BSDU'O, ,RANG GI SEMS SNANG BA'I RANG BZHIN NYID RNAM PAR RTOG PA'I SPYOD YUL TE YUL LO, ,JI LTAR RGYA MTSO'I DPA' RLABS RNAMS, ,ZHES BYA BA LA SOGS PA NI RGYA MTSO LAS RLABS RNAMS 'BYUNG BA THA DAD PA MA YIN PA LTAR RO, ,SNGON PO DMAR PO LAN TSVA DANG, ,ZHES BYA BA LA SOGS PA NI JI LTAR 'OD ZER RNAMS GZUGS KYI YUL DU GAR 'CHAR BA DE'I KHA DOG LTA BUR SNANG BA STE, KHA DOG DE NI 'OD ZER RNAMS DANG GCIG PA YANG MA YIN, THA DAD PA YANG MA YIN PA DE BZHIN DU KUN GZHI RNAM PAR SHES PA LAS SHES PA BDUN RNAMS SO, ,LAN TSVA NI KHA DOG DU MA'O, ,DE LTA BUR YANG GNAS SBYAR BA, ,AUTPAL SNGON PO'I TSAL SNANG BAS, , NYI MA'I RKANG PA SNGON POR BYAS, ,MTSON CHA DAM POS BCINGS PA YI, ,LCAGS THAG LCAGS SGROG BZHIN DU'O, ,RKANG PA NI 'OD ZER RNAMS SO ZHES BYA BA LA SOGS PA NI DGE BA DANG MI DGE BA LA SOGS PA'I BAG CHAGS KYIS BSAGS PAS NA SEMS TE, SEMS NI KUN GZHI RNAM PAR @82A *, ,SHES, ,NGAR SEMS NYID DE YID YIN NO, ,GANG GIS YUL RNAMS 'DZIN BA NI, ,DE NI RNAM PAR SHES ZHES BYA, ,ZHES PA STE, BCOM LDAN 'DAS KYIS DE LTAR THA SNYAD KYI PHYIR BRJOD PA'I MTSAN MA THA DAD PAR GSUNGS PA YIN GYI, DON DAM BAR NI BRGYAD PO THA DAD MA YIN MTSAN ZHES TE, ,SHES PA RNAMS KUN GZHI RNAM PAR SHES PA LAS THA DAD PA'I BDAG NYID MA YIN PA'I PHYIR RO, ,MTSAN NYID NI SO SO'I MTSAN MA STE, MTSAN NYID KYI GZHI DANG MTSAN NYID THA DAD PA MED PAS MTSAN NYID THA DAD PA MA YIN PA RNAMS TE, JI LTAR DBU MA LAS 'BYUNG BA, ,MTSON BYA MTSAN NYID GAL TE GZHAN, ,MTSAN LA MTSAN NYID MED PAR 'GYUR, ,GCIG NA'ANG DE GNYIS MI 'GRUB STE, ,THA DAD NA YANG GZHAN DU MED, ,RGYA MTSO DANG NI DPA' RNAMS NI, ,CHUR 'DRA BAS NA THA MI DAD PA DE BZHIN DU SEMS CAN DANG RNAM PAR SHES PA RNAMS CHUD PA MA GTOGS PAR YONGS SU GYUR PA THA DAD PAR MI DMIGS SO, ,SEMS NI PAS RNAMS STZOGS ZHES BYA BA LA SOGS PA NI SEMS KUN GZHI RNAM PAR SHES PAS NYE BAR SOGS SO, ,YID KYANG RNAM PA SNA TSOGS SU RNAM PAR RTOG PA'I BDAG NYID KYIS RNAM GRANGS DU MAS NYE BAR STZOGS SO, ,RNAM PAR SHES PA NI DBANG PO'I SHES PAS DGE BA DANG, MI DGE BA'I 'BRAS BU RIG PA DANG YANG DAG PAR TSOR BA STE, SEMS CAN RNAMS KYI LNGA BOS SNANG BA DMIGS PA LA PHYI'I ZHES RJOD PAR BYED DO, ,RGYA MTSO DANG DPA' RLABS RNAMS THA DAD PA MA MCHIS NA KUN GZHI DANG DBANG PO'I SHES PA RNAMS SNGON PO LA SOGS PA'I RNAM PA DE MCHIS PA DE DAG JI LTAR NA MTHUN PA'I CHOS LAGS, SNGON BO LA SOGS PA'I KHA DOG SEMS LA 'JUG PAR BSHAD PA NI MTSAN NYID KYI DON DU'O, ,SU 'TSAL BAR BGYI BA'I SLAD DU BYIS PA RNAMS KYI'O, ,DE LA 'JUG PA MED PA NI KHA DOG GO, ,CI'I PHYIR ZHE NA, GZUNG BA SPANGS PA'I PHYIR TE, KUN GZHI RNAM PAR SHES PA GZUNG BA'I RNAM PA LA 'JUG PA'I RNAM PAR SHES PA 'DZIN PA'I RNAM BA RNAMS 'JUG GO, ,RGYA MTSO YOD PAS DPA' RLABS 'JUG PA BZHIN PAS NA MTHUN PA'I CHOS SO, ,RGYU GSUNGS PA, LUS DANG LONGS SPYOD GNAS SNANG BA, ,ZHES TE, @82B SEMS KUN GZHI RNAM PAR SHES PA GANG YIN PA DER 'JUG PA'I RNAM PAR SHES PA RNAMS 'JUG STE, DER GNYIS KYI RNAM PA KHO NA YOD PA MA YIN ZHES PA'I DON TO, ,ME LONG DU GZUGS THA MI DAD PA DANG, RMI LAM GYI CHUD PA RANG BZHIN GYI GZUGS THA MI DAD PAR SNANG BA DE BZHIN DU CIG CAR SNANG BA YIN TE LHAN CIG TU SNANG BAR NGES PA NA SEMS RANG GIS GZUNG BA DANG THA MI DAD PA NI THAMS CAD MKHYEN PA'I TSAD MA'O, ,YUL DANG RNAM PAR MI LDAN PAS, ,ZHES BYA BA LA SOGS PA NI 'GYUR BA RNAM PA SNA TSOGS LAS YUL RNAM PA SNA TSOGS 'BYUNG NGO, ,RMI LAM LA SOGS PA DANG KHUR SKAM RING PO BZHIN DU RIM DANG CIG CAR RO, ,LNGA PO RNAMS LA SNANG BAR MNGON, ,ZHES PA NI CIG CAR RO, ,MNYAM PAR GZHAG PA NI G-YEL BAR GNAS PA'I YID BZHIN TE, DE LA MNYAM PA CIG CAR DU GYUR TE, LNGA PO RNAMS KYIS MYONG BA'I RIM PA MED PA NI LTAD MO LTA BA BZHIN NO, ,MTSAN 'GYED PA BZHIN DU SEMS CAN MGU BAR MDZAD PA'I SLAD DU CHOS RNAM PA SNA TSOGS CI'I SLAD DU GSUNGS, TSON LA RI MO YOD PA MIN, ,ZHES TE, RGYU LA 'BRAS BU YOD PA MA YIN TE, DE'I 'BRAS BU MI DMIGS PA'I PHYIR RO, ,DES NI GRANGS CAN GYIS YOD PA LAS 'BRAS BU 'BYUNG BA BKAG PA'O, , YANG DAG LA NI YI GE MED, ,CES BYA BA NI BRJOD DU MED CING MI GNYIS PA YANG DAG PAR RIG PA'O, ,BSHAD PA DAG NI 'KHRUL PA'O, ,ZHES PA NI GZUGS KYI PHUNG PO MED PAS NA SGRA YANG MED PA'I PHYIR RO, ,SNANG BA DANG BCAS PA'I TING NGE 'DZIN GZHAN GYI DBANG GI RNAM PA SNA TSOGS KYI CHOS LA GNAS TE, SPYI'I MTSAN DU YANG DAG PAR STON TO, ,CI'I SLAD DU RNAL 'BYOR PA RNAMS LA SPYI'I MTSAN NYID DU STON ZHES DE SKAD DU SOGS PA GSUNGS BA, SO SO RANG RIG GANG DAG NI, ,ZHES BYA BA LA SOGS PA'O, ,RGYAL BA'I SRAS LA 'DI SKAD BSTAN GYI ZHES BYA BA LA SOGS PA NI RGYAL BA'I SRAS RNAMS LA GNYIS SU MED PA'I SPYI'I RNAM PAR STON TO, ,BYIS PA RNAMS LA NI PHUNG PO LA SOGS PA GNYIS KYI RNAM PAR SBYIR SGRO BTAGS TE STON TO, ,GZHAN GYI DBANG LA GZUGS LA SOGS PA'I PHUNG PO MED KYANG SGYU MA LA SOGS PA BZHIN DU STON TO, ,SEMS TZAM NYID SNANG BA'I CHOS RNAMS KYIS @83A *, ,PHYI'I DON DU MOS PA MGU BAR BYA BA'I PHYIR GZUGS LA SOGS PA'I ZUNG BOR STON TO, ,ZAB MO'I CHOS LA MOS PA'I PHYIR RNAMS LA MOS PA'I MI GNYIS PA STE, SMAN PAS RNAM PA DU MA'I THABS KYI SMAN BTANG BA BZHIN NO, ,RTOG PA CAN NI RTAG PA DANG, BDAG LA SOGS PAR SMRA BA DANG, 'PHAGS PA NYAN THOS RNAMS PHYI'I DON DU SMRA BA RNAMS KYI GNAS 'BOS PA'I KUN GZHI RNAM BAR SHES PA MI GNYIS PA NI YUL MA YIN NO, ,RANG GI SEMS SNANG BA ZHES BYA BA LA SOGS PA NI GZUGS LA SOGS PA RANG GI SEMS LA SNANG BAS MDZES PA LA SOGS PA'I RNAM PAR RTOG PA'I MTSAN NYID NI MI GNAS PAR RIG PAR BYA'O, ,GZHAN YANG ZHES BYA BA LA SOGS PA LA SEMS NI KUN GZHI RNAM PAR SHES PA'O, ,DER SPYOD PA'I BDAG NYID NI SHES RAB PO, ,'DI NI 'DI KHO NA NYID DO ZHES GDON MI ZA BA'I MTSAN NYID NI YE SHES SO, ,DE LA GNAS TE SHES PAR BYA BA SBOM PO DANG PHRA MO GANG GI TSE GANG DU MI DMIGS PA DE'I TSE SNANG BA MED PA'I TING NGE 'DZIN RTOGS PAR 'GYUR BA DE LTA BUR 'PHAGS PA'I YE SHES KYI MTSAN NYID GSUM LA BRTZON PAR BYA'O, ,SNGON GYI SANGS RGYAS KYI SMON LAM DANG, BDAG GI SMON LAM MTHUN PAR GDAB PAR BYA BA NI BZANG PO SPYOD PA'I SMON LAM BZHIN DU'O, ,JI LTAR MI G-YO BA'I SA SNANG BA MED PA LAS LANGS TE SMON LAM RNAMS KYIS GZHAN GYI DON MDZAD PA'O, ,SO SO RANG GIS RIG PA DE YANG MI GNYIS PA DANG RNAM PA GNYIS SU MED PA GZHAN GYI DBANG GI RANG BZHIN TING NGE 'DZIN LAS SKYES PA YANG SHES SO, ,BONG BU 'THENG PO LTA BU NI SNGON GYI SHIN TU PHRA MOR RGYU BA SPANGS TE MI G-YO BAR GYUR PA'O, ,DES SNANG BA MED PA ZHES BYA BA LA SOGS PA'I RNAM PAR THAR PA GSUM THOB PA'I NYAN THOS RNAMS DANG, MU STEGS CAN THAMS CAD LA'ANG SNANG BA MED PA'I BSAM GTAN YOD DO, ,DE LA RIG 'DZIN PA'I MTHA' SMRA BA DANG, ZHI BA DANG, MTHU BO CHER SMRA BA MI GNYIS PAR SMRA BA RNAMS LA SNANG BA MED PA'I MTSAN NYID CAN MI GNYIS PA'I BSAM GTAN YOD DO, ,DE BAS NA 'JIG RTEN PA DANG, 'JIG RTEN LAS 'DAS PA'I GTZUG LAG MANG DU THOS NAS YONGS SU 'DRIS PA LAS 'BYUNG NGO, ,SNGON GYI SANGS RGYAS KYI @83B SMON LAM RNAMS LA RANG GI SMON LAM DU BYIN GYIS BRLABS PA LAS 'BYUNG NGO, ,SO SO RANG GIS RIG PA 'PHAGS PA'I YE SHES KYI MTSAN NYID CES BYA BA NI SNGAR SMOS PA BZHIN DU BSHAD PA'O, ,CHOS THAMS CAD LA MNGON PAR ZHEN PA MED PA ZHES BYA BA NI GANG GI TSE NA GZHAN GYI DBANG LA SGYU MA LTA BUR SHES PA DE'I TSE CHOS THAMS CAD LA MNGON PAR ZHEN BAR MI 'GYUR RO, ,SGYU MA LTA BU'I SNANG BA DANG BCAS PA'I TING NGE 'DZIN GYI RGYU RNAMS KYIS SA BCU STE, SBYIN BA LA SOGS PA'I TSOGS RDZOGS PAR BYAS NAS SANGS RGYAS KYIS KHONG DU CHUD PA'I RTOGS PA RGYU BA LA SOGS PA 'BYUNG STE, SNANG BA MED PA'I TING NGE 'DZIN LA SA'I RIM PA MED PA NI JI LTAR 'DIR GSUNGS PA, ,SNANG BA MED LA RIM CI YOD, ,CES SO, ,TSIG BRGYA RTZA BRGYAD RAB TU PHYE BA'I GNAS ZHES BYA BA NI BRTAG PA DANG, GZHAN GYI DBANG DANG YONGS SU GRUB BA'I MTSAN NYID 'PHAGS PA'I YE SHES KYI DNGOS BO RAB TU MNGON PA'I RANG BZHIN TE, KUN RDZOB DANG DON DAM PA'I BDEN PA'I GZHI'O, ,DE LA 'PHAGS PA'I YE SHES KYI DBANG PO'I RANG BZHIN NI SNANG BA DANG BCAS PA DANG, SNANG BA MED PA'I TING NGE 'DZIN DU BYED PAS PHYE BA'O, ,TSIG BRGYA RTZA BRGYAD LA SOGS PAR KUN TU BRTAGS PA SGRA DANG DON GYI THA SNYAD NI GZHAN GYI DBANG SNANG BA LA 'JUG PA RNAM PA SNA TSOGS SU 'BYED PAR DRIS PA DE LA GRUB PA GNYIS SU MED PA'I 'PHAGS PA'I YE SHES SU LAN GLAN NO, ,GANG LA GNAS SHING ZHES BYA BA NI KUN TU BRTAGS BA DANG, GZHAN GYI DBANG LA SOGS PA MTSAN NYID GSUM LA NI RANG GI MTSAN NYID NI SRA BA DANG, GSHER BA DANG, DRO BA LA SOGS PA'O, ,SPYI'I MTSAN NYID NI MI RTAG BA LA SOGS PA'O, ,YONGS SU BRTAGS PAR RTOGS PAR RAB TU PHYE BA DE NYID DU MU STEGS CAN RNAMS KYI RTAG PA DANG BDAG LA SOGS PA RNAM PAR 'GRO BA'I RNAM PAR RTOG PA DE GZHAG GO, ,BYE BRAG SHIN TU RTOGS PA GANG GIS ZHES BYA BA NI MTSAN NYID RNAM PA GSUM GYIS CHOS LA BDAG MED PA RAB TU RGYU BA SHIN TU SBYANGS TE, SHES RAB KYIS DPYAD DE BDAG MED PA NYID KHONG DU CHUD PAS MKHAS PAR 'GYUR RO, ,'PHAGS PA NYAN THOS LA SOGS PA RNAMS KYI BDAG GI DON GYI BSAM GTAN GYI BDE BA LAS 'DAS TE GZHAN GYI DON DU DON DAM @84A *, ,PA SANGS RGYAS KYI SAR DE BZHIN GSHEGS PA'I CHOS KYI SKU GANG YE SHES KYIS SHIN TU RNAM PAR DAG PA'I CHOS CAN SHES RAB KYIS DPYAD PAR BSAM DU MED DO, ,CHOS LNGA DANG RANG BZHIN RTOGS PA LAS RNAM PA MA LOG PA NI GNYIS SU MED PA MTSAN MA MED CING KUN TU BRTAGS PA DANG, GZHAN GYI DBANG GIS RNAM PAR 'BYED BA DANG BRAL ZHES BYA BA'I BAR DU'O, ,SGYU MA'I SPYOD YUL ZHES BYA BA LA SOGS PA NI SNANG BA DANG BCAS PA'I TING NGE 'DZIN RDZOGS LONGS SPYOD PA'I SKU DANG, SBRUL PA'I SKU MDZES PA SO SOR THOB BO, ,BLO GROS CHEN PO 'DI LA MU STEGS KYI LTA BA CAN MU STEGS CAN LA LA MED PA LA MNGON PAR ZHEN PA DAG CING BYA BA LA SOGS PA NI JI LTAR ZHIB BA RNAMS SMRAS PA, DNGOS PO MED PAS THAB PAR SMRAS, ,DNGOS POR RTOG LAS 'CHING BA STE, ,DE BAS DNGOS PO YONGS SPANGS NAS, ,STONG PA'I DNGOS POR 'JUG PAR GYIS, ,STENG STOD 'OG KYANG STONG BA DANG, , DBUS SU GNAS MED STONG BAS NA, ,DNGOS MED GTOGS PA KUN STONG PA, ,DE NI TING NGE 'DZIN SPYOD YUL LO, ,BDAG STONG DANG NI YID STONG DANG, ,PHYI STONG RNAL 'BYOR RIG PA STE, ,STONG SUS SU YIS MNGON SHES PA, ,NGES PAR DE NI GROL BAR 'GYUR, ,BRTAGS PA DANG GZHAN GYI DBANG DANG, YONGS SU GRUB PA'I RANG BZHIN MNGON PAR MI SHES PAS GZHAN GYI DBANG LTAR YONGS SU GRUB PA LA RTOG GO, ,RNAM PAR RTOG PA'I BLO'I RGYU NI SGRA DANG DON YIN TE, DE ZAD PA'I RANG BZHIN ZHES BYA BA'I BAR DU'O, ,GANG SHES BA'I YUL YIN PA DE THAMS CAD MED DO ZHES PAR DGONGS PA'I DON DU MNGON NO, ,'DI SKAD CES SMRAS PA YIN TE, SHES PA DANG SHES PAR BYA BA'I MTSAN NYID KYI CHOS RI BONG GIR GAR MED KYANG RMI LAM DANG, MIG 'PHRUL BZHIN 'GRO BAR SNANG NGO ZHES SO, ,GZHAN YANG 'BYUNG BA LA SOGS PA NI GANG KHYAD PAR CAN LA SOGS PAS RTOG PAR BYED PA'O, ,'BYUNG BA NI SA LA SOGS PA'O, ,YON TAN NI GZUGS LA SOGS PA'O, ,RDUL NI SHIN TU PHRA BA'O, ,DE DANG SBYOR BA'I YON TAN LAS SKYES BA'I RDUL GNYIS NI RDUL LO, ,DE BZHIN DU RDUL GNYIS PA DANG, GSUM PA LA SOGS PA RIM GYIS SBOM PO YAN LAG GI RDZAS GRU @84B GSUM DANG, GRU BZHI DANG, ZLUM PO LA SOGS PA'I DBYIBS SU GNAS PAR RTOG PAR BYED DO, ,DE YANG RDZAS KHO NA LA SOGS PAR SBYIR YANG RTOG GO, ,RI BONG GI RVA MED PA DANG, SPOM PO'I PHYI'I RDZAS BA GLANG GI RVA YOD DO SNYAM DU RTOG PA BLO GROS CHEN PO DE DAG YOD PA DANG MED PA'I MTHA' GNYIS KYI LTA BAR LHUNG ZHING RANG GI SEMS KYI KHAMS KYI YUL DU RNAM PAR RTOG PA GANG YOD PA DES DNGOS PO DANG DNGOS PO MED PA'I THA SNYAD RNAMS BRTAS PAR BYED DE 'PHEL BAR BYED CES BYA BA'I DON TO, ,LUS LA SOGS PA NI SEMS TZAM LA RNAM PAR RTOG PA YOD PAS PHYI ROL GYI SGRO BTAGS TE LDOG PA LAS RI BONG GI RVA MED DE ZHES RTOG PAR 'GYUR RO, ,GANG DAG YANG MED PA NI YOD PA LAS RNAM PAR LOG PA'I DNGOS PO RNAMS RTOG PA DE DAG GIS RTOG PAR MI BYA STE, CI'I PHYIR ZHE NA, PHAN TSUN LTOS PA'I RGYU'I PHYIR RO, ,YOD PA LDOG PAS MED PA STE, ,MED PA LDOG PAS YOD PA STE, ,RANG DBANG DU DON DAM PAR YOD PA DANG MED PA GNYI GAR YANG MI 'GRUB PO, ,GANG GI PHYIR DE LTAR YOD PA DANG MED PA YIN PAS NA RTOG PAR MI BYA STE, DNGOS PO DANG DNGOS PO MED PAR RTOG PAR MI BYA BA NI DBU MA'I TING NGE 'DZIN TO, ,DE DE LTAR PHYI'I DNGOS PO YOD PAR BTAGS PA DE JI LTAR MED PAR 'GYUR BA RIGS PAR ZHEN PA GZHAN GYIS BSGRUB PAR GSUNGS PA RDUL PHRA RAB KYI BAR DU BRTAGS NA ZHES BYA BA LA SOGS PA STE, SBOM PO YAN LAG CAN GYI RDZAS LAS BRTZAMS TE RDUL PHRA MO'I GZUGS KYI BAR DU SBOM PA DANG, PHRA BA DE THAMS CAD PHYOGS KYI CHAR DBYE BAS PHYE BA NA STONG ZHING 'PHAGS PA'I YE SHES KYI SPYOD YUL LAS RNAM PAR LOG PA YIN TE, DE BAS NA BA GLANG GI RVA YOD DO ZHES BRTAG PAR MI BYA'O, ,DNGOS PO MI DMIGS TE MED PA'I PHYIR ZHES BYA BA NI RGYU'O, ,RNAM PAR RTOG PA MI 'BYUNG BA'I MTSAN NYID CES BYA BA LA SOGS PA NI, GANG PHYIR SGRA NI BRJOD PA LAS, ,GANG TSE DON GANG RTOG PAR BYED, ,DE NI SGRA YI DON DU SMRAS, ,DON GYI MTSAN NYID GZHAN MIN NO, ,ZHES BY'A KA RA nA PA RTOG PAR BYED DE, GANG NA YOD PA DANG DGAG PA'I TSUL SGRA 'JUG PA DER TSIG GI DON YOD PA'AM MED PA'O ZHES BRTAG GO, ,RNAM PAR RTOG PA MI 'BYUNG BA'I MTSAN MA THOS NAS ZHES PA NI 'JUG PA'I MTSAN MA MED PAS DON MED @85A *, ,DO ZHES RJES SU DPAG PA 'JUG GO ZHES PA'O, ,DE DE LTA BU'I SNGA MA'I PHYOGS BCOM LDAN 'DAS KYIS BKA' STZAL PA, BLO GROS CHEN PO RNAM PAR RTOG PA MI 'BYUNG BA LAS LTOS TE DE MED PA MA YIN NO ZHES PA'O, ,DE JI LTA BU ZHES PA DANG, RGYU GSUNGS PA DE NI RNAM PAR RTOG BA 'BYUNG BA'I RGYU STE ZHES PA'O, ,DE NI BRJOD PAR BYA BA LAS RNAM PAR RTOG PAR BYUNG STE, JI LTAR SLOB DPON DHARMA K'IRTIS SGRUB BA, THOG MA MED PA'I BAG CHAGS LAS, ,RNAM RTOG 'BYUNG BAR YOD GNAS BA, ,SGRA DON CHOS NI RNAM PA GSUM, ,DNGOS DANG DNGOS MED GNYI GA GNAS, ,ZHES PA STE, GANG NA BRJOD PAR BYA BAR BRTAG PA'I DON DU MA BRTZAMS PA DER SGRA MI 'JUG GO, ,SGRA MI 'JUG PA'I PHYIR DON MED CES BYA BAR MI RUNG NGO, ,BLO GROS CHEN PO RNAM PAR RTOG PA NI DE'I RVA LAS BRTEN TE BYUNG BA'O ZHES BYA BA LA SOGS PA NI GANG LA BRTEN TE RNAM PAR RTOG PA BYUNG BA DE LA LTOS PAS NA DE MED PA MA YIN TE, DE BRTEN PA'I RGYU YIN PAS NA THA DAD PA DANG, THA DAD PA MA YIN PA RNAM PAR SPANGS PA'O, ,DE NI RGYU LAS GZHAN PA MA YIN TE, GZHAN PA MA YIN PAR GYUR NA NI GZHAN MA BZLOG PA LAS BYUNG BA MA YIN TE, RGYU DANG 'BRAS BU'I KHYAD PAR DU MED PAR 'GYUR BA'I PHYIR RO, ,DE LA LTOS TE ZHES BYA BA NI BRJOD PAR BYA BA LA LTOS TE'O, ,GAL TE RNAM PAR RTOG PA LAS BRJOD PAR BYA BA THA DAD PAR GYUR PA NI DE'I TSE RI BONG GI RVA'I RGYU LAS BYUNG BA MA YIN PAR 'GYUR RO, ,DE STE THA DAD PA MA YIN NA SHES PA GAL TE BRJOD PAR BYA BA LAS RNAM PAR RTOG PA THA MI DAD PAR GYUR PA NI DE'I RGYU LAS BYUNG BA ZHES BYA STE, RGYU NI GZHAN PA'I PHYIR RO, ,RDUL PHRA RAB KYI BAR DU RAB TU BRTAGS NA MI DMIGS PAS RVA DANG RNAM PAR RTOG PA THA MI DAD PA'I PHYIR RVA MED PA BZHIN DU DE YANG MED PAR 'GYUR RO, ,DE GNYIS KA'I DNGOS PO MED NA ZHES PA NI SGRA DANG DON GNYIS KA'I DNGOS PO MED PAS CI LA LTOS TA RI BONG GI RVA MED CES BYA, DE LAS GZHAN PA'I RVA DANG SGRA MED PA'I PHYIR RO, ,BLO GROS CHEN PO GAL TE ZHES BYA BA LA SOGS PA NI GAL TE PHAN TSUN DU LTOS NAS YOD PA DANG MED PA MI 'GYUR NA NI DE'I TSE RI BONG GI RVA MED LA DE LAS GZHAN PA'I RVA YOD DO ZHES SMRA BAR MI BYA'O, ,RGYU MI MNYAM ZHES BYA BA NI PHAN TSUN DU BRTEN PA'I @85B PHYIR RO, ,NAM MKHA'I DNGOS PO YONGS SU RTOGS PA LAS MI MKHAS PA RNAMS ZHES BYA BA LA SOGS PA NI THOGS PA DANG BCAS PA'I GZUGS KYI YUL GYI DNGOS PO MED PA'I RANG BZHIN TZAM NI NAM MKHA' YIN NO ZHES THAMS CAD MKHYEN PAS DGONGS PA'I DON TE, THOGS PA DANG BCAS PHA'I GZUGS KYI YUL NYID NAM MKHA' STE, GANG GIS THOGS PA DANG BCAS PA'I GZUGS BSTZAL BA'I TSE SGU BUR BRTAG PA STE, DES NA DNGOS PO GZHAN BAR RGYUR BA LNGA PA'AM, GZUGS MA GTOGS PAR NAM MKHA' MED DO ZHES THAMS CAD MKHYEN PAS SGRUB BAR GSUNGS PA, GZUGS RNAMS KYI 'BYUNG BA'I RJES SU ZHUGS PA'I PHYIR GZUGS NYID KYANG NAM MKHA' STE, DE'I GZUGS MA GTOGS PAR NAM MKHA'I DNGOS PO GZHAN MED PAS NA NAM MKHA' NYID GZUGS ZHES BYA STE, SBU BUR GNAS PA LA DGONGS PA'O, ,GZHAG PA DANG GZHI'I TSUL DU NAM MKHA' DANG GZUGS SO SO'I RNAM PA THA DAD PA RIG PAR BYA'O, ,SGRA'I DON DU STE, DNGOS PO'I DON NYID DU YOD PA YANG MA YIN NO ZHES DGONGS PA'I DON TO, ,DNGOS PO DANG DNGOS PO MED PAR GZUGS DANG NAM MKHA' RJES SU ZHUGS PAS DE LTAR NA GCIG GI GNAS GCIG YIN NO, ,'BYUNG BA ZHES BYA BA LA SOGS PA NI NAM MKHA'I DNGOS PO MED PAS NA DER MI GNAS PA YIN TE, DE DAG LA YANG NAM MKHA' MED PA MA YIN PA NI BYUNG BA'I YUL DU NAM MKHA' YOD PAR 'GYUR BA'O, ,DE BZHIN DU ZHES BYA BA NI NAM MKHA' DANG RI BONG GI RVA DAG NI BRTAGS PA'I DNGOS POR CHOS MTSUNGS PAR GSUNGS PA'O, ,DE LTAR BA GLANG GI RVA LA SOGS PA YOD PAS BA LANG GI RVA LA LTOS TE RI BONG GI RVA MED PAR GYUR NA NI BA LANG GI RVA CI LAS LTOS TE MED PAR 'GYUR ZHES DGONGS NAS GSUNGS PA, BA LANG GI RVA LA SOGS PA STE, RVA SBOM PO RDUL PHRA MOR PHYE BA NA KHANG PA DANG, SDE DANG NAGS TSAL LA SOGS PA BZHIN DU STONG BAR 'GYUR RO, ,RDUL PHRA MO YANG PHYOGS KYI CHAR GZHIGS NA RDUL PHRA MO YANG MI GNAS TE STONG BAR 'GYUR RO ZHES BA NI SHES RAB KYIS CHOS LA BDAG MED PAR BSGRUB PA'O, ,DE YANG DE LTA BU'I CHOS CAN NO ZHES BYA BA NI PHAN TSUN DU GCIG LTOS TE CHOS DANG CHOS @86A *, ,CAN DANG, MTSAN MAR BYA BA DANG, MTSAN NYID LA SOGS PA GANG RTOG PA DE RANG BZHIN THA DAD PAR MI 'GRUB PAS NA DE THAMS CAD STONG PA'O, ,RI BONG DANG PA LANG GI RVA ZHES BYA BA LA SOGS PA NI BRTAGS PA DANG GZHAN GYI DBANG GI DNGOS PO LA LTA BA'I RNAM PAR RTOG PA DANG BRAL BAR BYA'O, ,DE LA RTOG PA DANG BRAL BAR BYA'O ZHES PA'O, ,DE LA RTAG PA DANG, BDAG DANG, NAM MKHA' DANG, RI BONG GI RVA LA SOGS PA NI SA BRTAGS PA'I PHYIR RO, ,BA LANG GI RVA DANG RMI LAM DANG, MIG 'PHRUL DANG, RAB RIB LA SOGS PA'I RANG BZHIN PA RNAMS NI GZHAN GYI DBANG NYID DE GSAL BAS NA DON GYI BYA BA BYED DO, ,RANG GI SEMS SNANG BA'I RNAL 'BYOR BSTAN PAR BYA'O ZHES PA NI PHYI'I DON MED PAS NA 'DI SKAD DU GSUNGS PA, RANG GI SEMS SNANG BA LA RNAM PAR RTOG PA RJES SU RTOG PA'I YID DU'ANG 'GYUR BAR BYA'O ZHES PAS TE, RANG GI SEMS SNANG BA LAS LHAG PA'I PHYI'I DON RNAM PAR RTOG PAR MA BYED CIG CES PA'O, ,SNA TSOGS SNANG BA YOD PA MIN, ,ZHES BYA BA LA SNANG BA'I PHYIR TE, CI MCHIS ZHES PA DANG, GSUNGS PA DANG, SNA TSOGS KYI SEMS YOD DO ZHES DGONGS PA'I DON TO, ,SNANG BA LAS NI SEMS 'BYUNG STE, ,ZHES BYA BA NI RANG GI YAN LAG NYID LAS 'BYUNG GI PHYI'I DON LAS NI MA YIN PA'I PHYIR RO, ,JI LTAR NA ZHES PA DANG, GSUNGS PA, LUS DANG LONGS SPYOD NGAS SNANG BA, ,KUN GZHI MI LAS SNANG BA YIN, ,ZHES TE, RMI LAM LA SOGS PA BZHIN PAS NA PHYI'I DON MED DO ZHES SO, ,JI LTAR NA PHYI'I DON MED CES PA DANG, GSUNGS PA, SEMS DANG YID DANG RNAM PAR SHES, ,RANG BZHIN DANG NI CHOS LNGA DANG, ,BDAG MED MI GNYIS DAG PA YANG, ,RNAM PAR 'DREN PAS RAB TU GSUNGS, ,ZHES TE, DE LA RANG BZHIN NI CHOS KYI DBYINGS TE, DAG PA DANG MA DAG PA STE, YE SHES DANG GANG CHUD PA YIN PA'O, ,SEMS LA SOGS PA'I SHES PA BRGYAD NI SNGAR BSHAD ZIN TO, ,BDAG MED PA NI GANG ZAG LA BDAG MED PA'O, ,MI GNYIS PA DAG NI CHOS LA BDAG MED PA'O, ,MI GNYIS PA YANG GZHAN GYI DBANG DANG SGYU MA LA SOGS PA'I RANG BZHIN PA NYID YOD DE, DNGOS PO DANG DNGOS PO MED PA MED PAS NA DE GCAD PA'I DON DU DON @86B DAM PA'I BDEN PA MI GNYIS PA'I YE SHES DAG PA BAR DGONGS PA'O, ,MING DANG MTSAN MA LA SOGS PA LNGA NI BSHAD ZIN TO, ,RING PO DANG THUNG DU LA SOGS PA NI RGYU DANG DPE DANG BCAS TE 'DAS PA'I DON RING PO DANG, THUNG DU LA SOGS PA BZHIN NO ZHES TSIGS SU BCAD PAS GSUNGS PA'O, ,GCIG LA GCIG LTOS TE YOD PA DANG MED PAR 'GYUR BA NI RDUL PHRAN DU NI RDZAS BSHIG STE, PHYOGS KYI CHAR PHYE BA NA, GZUGS LA RNAM PAR BRTAG MI BYA, ,ZHES TE, BA LANG GI RVA LA SOGS PA STONG PAS NA DE LA LTOS TE RI BONG GI RVA LTAG LAS NA 'GYUR, DE LTAR PHYI'I DON MED PAS SEMS TZAM PO NYID 'BA' ZHIG STE, DE YANG, 'KHRUL PA RNAMS KYI LTA BA NGAN PAS BSAL MI 'GYUR, ,ZHES TE, RNYOG MA BSAL TE CHU BZHIN DU DANGS PAR 'GYUR BAS NA YONGS SU DAG PAR 'GYUR ZHES PA'I BAR DU'O, ,RTOG PA NI TSAD MA DANG, GZHAL BA LA SOGS PA PHYI'I DON DU LTA BAS RNAM PAR GZHAG PAR RNAM PAR RTOG GI ,SEMS TZAM DU SNANG BA LA NI MA YIN NO, ,NYAN THOS PHYI'I GZUGS LA MI RTAG PA DANG, SDUG BSNGAL BA DANG, MI GTZANG BA DANG, MI MDZES PAR RTOG PAR BYED DO, ,DON DAM PA'I BDEN PA MI GNYIS PA'I YE SHES RNAM PAR MI RTOG CING SNANG BA MED PA NI 'PHAGS PA SA'I DBANG PO BDAG MED PA GNYIS RTOGS PA RNAMS KYI SO SOR BDAG GIS RTOGS PA'I SPYOD YUL YIN TE, YANG DAG PAR RIG PA'I RANG BZHIN MAR ME LTAR BDAG NYID DU SNANG BA'O, ,RANG GI SEMS SNANG BA'I RGYUD RNAM PAR DAG PAR BYA BA'I PHYIR ZHES BYA BA LA SOGS PA NI KHA CIG GSER LA SOGS PA SA'I SE'U LA SOGS PAS BTZO BA BZHIN DU RIM GYIS DRI MA MED PAR 'GYUR RO, ,KHA CIG NI CIG CAR TE MAR MES KHYIM GYI YO BYAD LA SOGS PA SNANG BAR BYED PA BZHIN NO ZHES 'PHAGS PA BLO GROS CHEN POS DE LTAR BSAMS TE THAMS CAD MKHYEN PA DE LA DE SKAD DU GSOL BA'O, ,BZHAD GAD LA SOGS PAR RIM GYIS 'JUG PA NI GANG GI TSE NA GLU MI LEN TE, DE LTAR NA BYA BA KHA CIG NI RIM DU 'BYUNG, KHA CIG NI CIG CAR 'BYUNG STE, JI LTAR ME LONG GI NANG DU GZUGS SNA TSOGS SNANG BA RNAM PAR MI RTOG PA'I SHES PAS CIG CAR SNANG BA STE, 'DZIN ZHES BYA BA'I DON NO, ,DE LTAR RIGS PA'I RIM PAR SONG BA'I SA'I DBANG PO RNAMS KYI @87A *, ,NYON MONGS PA MED PA'I MI SHES PA'I RGYUD DE MI SNANG BA'I SEMS KYI RGYUD RNAMS DE BZHIN GSHEGS PAS SBYONG NGO, ,RANG GI SEMS SNANG BA'I GNAS NGAN LEN GYI BAG CHAGS DANG BRAL BA MIG GI LING TOG DANG BRAL BA BZHIN PA'I BSAM DU MED PA'I YE SHES CAN RNAMS LA RGYAL BA'I SPYOD YUL BZHIN DU THAMS CAD MKHYEN PA'I YUL CIG CAR STON TO, ,SHES PAR BYA BA'I YUL THAMS CAD DUS BCU'I DBANG PHYUG RNAMS KYI DAR LA ME TOG LTA BU'I SGRIB PA BSAL TE, SANGS RGYAS KYI SAR GZUD PAR MDZAD DO, ,'DI LTA STE, KUN GZHI RNAM PAR SHES PA LA SOGS PA LA, LUS DANG GNAS DANG, LONGS SPYOD KYI YUL NI LUS DANG SA DANG, MIG LA SOGS PA'I SHES PA'I SHES PAR BYA BA RNAMS DE CIG CAR 'BYUNG NGO, ,RGYU DANG 'DRA BA'I SANGS RGYAS ZHES BYA BA LA SOGS PA NI MI GNYIS PA'I MTSAN NYID MNGON PAR RDZOGS PA'I BYANG CHUB LAS LANGS TE YID KYI SO SOR SNANG BA RDZOGS LONGS SPYOD PA RNAM PAR SNANG MDZAD KYI SKU LAS SGYU 'DRA BA SPRUL PA'I SKU 'BYUNG STE, YUL DU ZHUGS PAR GSHANG BA'I SEMS CAN RNAMS CHOS RNAM PA SNA TSOGS BSTAN PAS CIG CAR YONGS SU SMIN PAR BYAS TE, 'OG MIN GYI GNAS NA GZHAL MED KHANG GI PHO BRANG DU RNAM PAR SNANG MDZAD KYI SKU SNANG BA RNAL 'BYOR DU SBYOR BA GANG DAG LA YOD PA DE DAG LA THOS PA DANG, SEMS PA DANG, BSGOM PA LA SOGS PA'I TING NGE 'DZIN THOB PA RNAMS KYIS GZHOG GO, ,RNAL 'BYOR DU SBYOR ZHES BYA BA NI SNANG BA DANG BCAS PA DANG, SNANG BA MED PA'I RNAL 'BYOR GNYIS SU DGONGS PAR BRTAG GO, , CHOS NYID KYI SANGS RGYAS NI MI GNYIS PA'I BYANG CHUB KYI TING NGE 'DZIN GYI SKU LAS BZHENGS TE SNANG BA DANG BCAS PA'I TING NGE 'DZIN LA BZHUGS PA'I RNAM PAR SNANG MDZAD KYI SKU NI SGYU DANG 'DRA BA'I SPRUL PA'I SKU'I 'OD ZER RNAMS KYIS RNAM PAR MDZES SO, ,RNAM PAR SNANG BAR MDZAD PAS NA RNAM PAR SNANG MDZAD CES BYA'O, ,'PHAGS PA SO SO RANG GIS RIG PA'I MTSAN NYID CES BYA BA NI GNYIS SU MED PA CHUD PA'I RANG BZHIN GYI CHOS KYI SKU STE, MAR ME LTAR RAB TU SNANG BA'I BDAG NYID DO, ,JI LTAR NA YANG SO SO RANG GIS RIG PA'I MTSAN NYID RANG BZHIN LAGS ZHES PA DANG, DE'I PHYIR GSUNGS @87B PA YOD PA DANG, MED PA'I LTA BA NGAN PA BZLOG PAS ZHES BYA'O, ,JI LTAR RGYA CHE BA'I SHES RAB KYI PHA ROL TU PHYIN PA LAS 'BYUNG BA DNGOS POS MNGON PAR RTOGS PA MA YIN, DNGOS PO MED PAS KYANG MED PA MA YIN TE, CI ZHE NA DNGOS PO DANG DNGOS PO MED PAS MNYAM PAS SO, ,DE NYID KYI SNGON GYI SMON LAM GYIS SEMS CAN GYI DON DU BYA BA GZHAL DU MED DO, ,CHOS NYID 'DRA BAR 'BYUNG BA'I SANGS RGYAS NI GNYIS SU MED PA'I TING NGE 'DZIN LAS BZHENGS PA'I THAMS CAD MKHYEN PA SNANG BA DANG BCAS PA'I TING NGE 'DZIN LA BZHUGS TE, RANG DANG SPYI'I MTSAN NYID DU RTOGS PA RNAMS KYI KHYAD PAR STON TO, ,CHOS THAMS CAD KYI ZHES BYA BA DANG 'BREL TO, ,DE LA RANG GI MTSAN NYID NI SRA BA DANG, BRLAN PA LA SOGS PA'O, ,SPYI'I MTSAN NYID NI MI RTAG PA LA SOGS PA STE, DE DAG GI KHYAD PAR RO, ,RANG GI SEMS SNANG BA NI RMI LAM DANG, MIG 'PHRUL DANG, RAB RIB DANG, MGO 'KHOR BA DANG, BRGYA LAM LA SOGS PA'I RANG BZHIN LTAR GZUGS LA SOGS PA SNANG BA LA BAG CHAGS KYI RGYU DANG MTSAN NYID DANG 'BREL CING PHYI'I DON MED PAR STON TO, ,DE NAS 'DI SKAD CES SMRAS PA YIN TE, RANG GI SEMS SNANG BA NI SNANG BA NYID YIN TE, DE DAG GI RGYU NI BAG CHAGS YIN PA DANG, MTSAN NYID NI MTSAN MAR 'BREL TO, ,YONGS SU BRTAGS PA'I RANG BZHIN LA MNGON PAR ZHEN PA'I RGYU LAS BYUNG BA NI RTAG PA DANG, MI RTAG PA LA SOGS PAR RTOG PA NI RGYU LAS 'BYUNG BA STE, RTAG PA DANG MI RTAG PA LA SOGS PA'I YUL GYI DNGOS PO RNAMS DE'I GZUGS MA GTOGS PAR MED DO, ,JI LTAR NA YANG PHYI'I DON MED CES PA DANG, GSUNGS PA, SGYU MA'I YAN LAG RNAM PA MANG PO'I SKYES BU DE'I BDAG NYID MA YIN PA SNA TSOGS LA MNGON PAR ZHEN PA MI DMIGS PA'I PHYIR ZHES BYA BA NI JI BZHIN DU SGYU MA LA SOGS PA'I PHYI'I DNGOS POR MI 'BYUNG ZHING, RANG GI SEMS KYI SNANG BA TZAM NYID YIN PA DE BZHIN DU 'GRO BA THAMS CAD KYI RANG GI SEMS SNANG BA TZAM NYID DO, ,BLO GROS CHEN PO GZHAN YANG YONGS SU BRTAGS ZHES BYA BA LA SOGS PA LA, 'BYUNG BA'I MTSAN NYID NI RTAG PA DANG, BDAG DANG, RDUL PHRA MO DANG, YAN LAG CAN DANG, @88A *, ,RDZAS LA SOGS PA'O, ,GZHAN GYI DBANG NI SNGON PO LA SOGS PA'I RNAM PAR RANG BZHIN GSAL BA'O, ,DE NYID DU RTAG PA DANG, BDAG DANG BDE BA DANG, GTZANG BA'I DNGOS POR MNGON PAR CHAGS PA LAS RNAM PAR RTOG PA 'BYUNG NGO, ,JI LTAR THAMS CAD MKHYEN PAS 'DI NYID DU GSUNGS PA, RTAG PA YI NI RANG BZHIN GYIS, ,DNGOS PO THAMS CAD MA SKYES TE, ,GZHAN DBANG LA NI BRTEN NAS NI, ,MI YI RNAM RTOG SKYE BA'O, ,DE NYID DU DPE GSUNGS PA, RTZVA DANG SHING DANG GYO MO LA BRTEN TE SGYU MA 'BYUNG ZHES SO, ,DE'I RGYU DANG GZUGS GSUNG BAR MDZAD PA, SNGAGS DANG MI LDAN PA LAS ZHES BYA BA LA SOGS PA STE, GANG DAG LA 'KHRUL PA'I SA BON YONGS SU JI LTAR SMIN PA RIM DANG CIG CAR DU DE DAG LA DE LTAR DU STON TO, ,SGYU MA BYED PAS SEMS CAN THAMS CAD LA GZUGS KYI YAN LAG GI LUS RNAMS KYIS SDE BZHIN DU GZUGS RNAM PA SNA TSOGS 'CHAD PA'I PHUN SUM TSOGS PA SGYU MA'I SKYES BU'I LUS RANG BZHIN GCIG TU MA GRUB PAR STON TO, ,SEMS CAN GYI LUS SU GANG GI GZUGS 'DUS PA DE'I GZUGS NI KHANG PA DANG, SDE DANG, NAGS TSAL LA SOGS PA BZHIN DU GCIG PA MA YIN, DE BAS NA DE LTAR RNAM PAR RTOG PA RNAM PA SNA TSOGS KYIS RNAM PAR BRTAG PA STE, JI BZHIN DU 'KHRUL BA'I GZUGS LA NGES PAR 'DZIN PA DE BZHIN DU DE LA RNAM PAR RTOG GO, ,JI BZHIN DU SEMS CAN RNAMS KYI GZUGS LA SNA TSOGS KYI RNAM PAR 'BYUNG BA LTA BUR DNGOS PO'I RANG BZHIN YANG DAG PAR DE'I BDAG NYID MA YIN PA BZHIN DU GZHAN GYI DBANG LA BRTEN TE RNAM PAR RTOG PA'I RNAM PAR 'BYUNG BA GZHAN GYI DBANG SNGON PO LA SOGS PA'I RNAM PAR MDZES PA DANG MI MDZES PA LA SOGS PA'I RNAM PAR RTOG PA'I MTSAN NYID DU GRUB PA MNGON PAR ZHEN PAS BAG CHAGS LA YONGS SU RTOG CING BYA BA 'BYUNG BA STE, BAG CHAGS LAS 'BYUNG BAR 'GYUR RO, ,'DI NI ZHES BYA BA LA RNAM PAR RTOG PA LA SOGS PA RNAMS KYIS BSHAD PA STE, SNANG BA DANG BCAS PA'I TING NGE 'DZIN GYIS SKU'I GSUNG GI RNAM PAR RTOG PA RGYA CHE BA CHOS KYI SKU'I PHRIN LAS GANG DU 'BYUNG ZHES PA DANG, GSUNGS PA, CHOS NYID KYI SANGS RGYAS NI @88B ZHES PA LA SOGS PA STE, DE LA SEMS KYI RANG BZHIN GYI MTSAN NYID DANG BRAL BA ZHES PA NI LUS DANG LONGS SPYOD DANG, GNAS SU SNANG BA'I KUN GZHI RNAM PAR SHES PA GNYIS KYI RNAM PA DANG BRAL BA'O, ,'PHAGS PA SO SO RANG GIS RIG PA'I SPYOD YUL RNAM PAR GZHOG GO ZHES BYA BA NI SNANG BA MED CING GNYIS SU MED PA'I YE SHES KYI RTOG PA BZHIN DU BZHENGS PA'I YE SHES KYI RNAM PAR SHES PA MAR ME BZHIN DU RANG GIS RANG DU SNANG BA'I BDAG NYID NGES PAR 'JUG PA'I SHES PA YANG DAG PAR RIG PA BZHIN DU YANG DAG PAR RIG PA'I RANG BZHIN MI GNYIS PA SPYIR SGRA'I DON GYI RNAM PAR YUL MED CING MI GNYIS PA'I MTSAN NYID PA YIN NO ZHES RNAM PAR GZHOG GO, ,SO SO RANG GIS RIG PA CHUD PA NYID DE'I SPYOD YUL TE, YUL YIN GYI GZHAN YOD PA MA YIN NO ZHES ZLOG PAR BYED PA'I GSUNG NGO, ,DE LTAR CHOS KYI SKU'I RNAL 'BYOR YANG DAG PAR RTOG PA NI RDZOGS LONGS SPYOD PA'I SKU'I PHRIN LAS SU RNAM BAR GZHAG PAR BSTAN NAS 'PHRUL PAS SPRUL PA'I SKU'I PHRIN LAS RNAM PAR GZHAG PAR MDZAD PA NI 'PHRUL PAS SPRUL PA ZHES BYA BA LA SOGS PA STE, SBYIN PA LA SOGS PA'I PHA ROL TU PHYIN PA DANG, RNAM PAR THAR PA DANG, PHUNG PO DANG, KHAMS DANG, SKYE MCHED LA SOGS PA'I CHOS BSHAD PAR MDZAD DO, ,PHYI DANG RNAM PAR SHES PA GNYIS KYI RNAM PAR MOS PA JI BZHIN PA'I SEMS CAN RNAMS LA RGOL BA DANG, LAN GDAB PA'I CHO 'PHRUL RNAMS KYIS KYANG STON TO, ,RNAM PAR SHES PA 'JUG PA'I MTSAN NYID CES BYA BA NI MI GNYIS PA YANG DAG PAR RIG PA TZAM MO, , MU STEGS CAN GYI LTA BA DANG MTHUN PA LAS 'DAS PA'I MTSAN NYID NI RTAG PA DANG, BDAG DANG, PHYI'I DON LAS 'DAS PA STE, CHOS DANG GANG ZAG LA BDAG MED PAR STON TO, ,SNANG BA MED CING MI GNYIS PAR CHUD PA'I CHOS KYI SKU LAS BZHENGS TE SNANG BA JI BZHIN PA LTAR ZHING SNANG BA DANG BCAS PA'I TING NGE 'DZIN SGYU MA'I RNAM PAR THAR PA LA ZHUGS PA'I SANGS RGYAS RNAMS KYIS DMIGS PA MED CING DMIGS PA DANG BRAL BA GNYIS SU MED PAR THUGS SU CHUD PA BZHIN NO, ,DE NYID KYI KHYAD PAR STON PA NI BYA BA DANG, DBANG PO DANG, TSAD MA'I MTSAN NYID THAMS CAD LA RNAM PAR LOG PA ZHES @89A *, ,PA STE, BYED PA PO DANG, LAS DANG, BYED PA DANG BRAL BA'I PHYIR BYA BA THAMS CAD LA RNAM PAR LOG PA'O, ,SHES PAR BYA BA MED PA'I PHYIR DBANG PO TSAD MA'I MTSAN NYID RNAM PAR LOG PAS NA DE'I PHYIR DE LTAR BYIS PA RNAMS KYI YUL MA YIN ZHES BYA STE, RNAL 'BYOR GYI DBANG PO RNAMS LAS THABS DU MAR RAB TU SNANG BAR MDZAD PA NI DE'I PHRIN LAS SO, ,NYAN THOS KYI THEG PA LA RNAM PA GNYIS TE ZHES BYA BA LA SOGS PA LA, 'PHAGS PA SO SO RANG GIS RIG PA'I KHYAD PAR GYI MTSAN NYID NI STONG PA NYID DANG, MTSAN MA MED PA DANG, SMON PA MED PA'I RNAM PAR THAR PA THOB PA RNAMS KYIS MI GNYIS PA YANG DAG PAR RIG PAR BYA'O, ,GANG DAG KYANG PHYI'I DON DU MNGON PAR ZHEN PA DE DAG GI DNGOS PO RNAM PAR RTOG PA'I RANG BZHIN LA MNGON PAR ZHEN PA'I MTSAN NYID NI LUS LA DRAN PA NYE BAR GZHAG PA LA SOGS PA RNAM PAR RTOG PA RNAMS KYIS DNGOS PO'I RANG BZHIN LA MNGON PAR ZHEN PA NI LUS DANG, TSOR BA DANG, SEMS DANG, CHOS RNAMS LA MTSAN NYID RNAM PA GNYIS SU YONGS SU LTA BA'I PHYIR RO, ,CHOS DANG GANG ZAG LA BDAG MED PA'I KHYAD PAR DU 'BYED PA STE, JI LTAR 'PHAGS PA SHES RAB KYI PHA ROL TU PHYIN PA LAS GSUNGS PA, MI RTAG PA DANG, BDAG MED PA DANG, SDUG BSNGAL BA DANG, MI MDZES PAR BSGOM PA DE YANG MI DMIGS PA'I TSUL GYIS SO, ,DE'I PHYIR NA DE LTAR DER THOG MAR STONG PA SMOS TE, STONG PA DANG, BDAG MED PA DANG, SDUG BSNGAL BA DANG, MI RTAG PA'I YUL GYI BDEN PA MTHONG BA'I PHYIR RO, ,SKYE BA NI SRID PA DANG, LONGS SPYOD PA DANG BRAL BA'I PHYIR RO, ,PHUNG PO DANG, KHAMS DANG, SKYE MCHED DANG, RANG DANG SPYI'I PHYI ROL RNAM PAR 'JIG PA MED PA'I MTSAN NYID KYI PHYIR TE, DE LA RANG GI MTSAN NYID NI GZUGS LA RNAM PA GNYIS SAM, RNAM PA NYI SHU ZHES BYA BA LA SOGS PA'O, ,GZUGS DANG TSOR BA LA SOGS PA SPYI'I MTSAN NYID NI MI RTAG PA DANG, BDAG MED PA LA SOGS PA'O, ,PHUNG PO DANG, KHAMS DANG, SKYE MCHED LA SOGS PA'I MTSAN NYID RNAM PA DE LTA BU YANG DAG PA JI LTA BA BZHIN DU MTHONG NAS RANG GI SEMS SKYO BA'I 'OG TU SEMS MNYAM PAR 'JOG GO, ,RANG GI @89B SEMS MNYAM PAR GZHAG NAS ZHES BYA BA NI SEMS MNYAM PAR GZHAG PAS YANG DAG PA JI LTA BA BZHIN DU SHES PAR 'GYUR BAS NA BSAM GTAN DANG, RNAM PAR THAR PA LA SOGS PA RTOGS PAR 'GYUR RO, ,BAG CHAGS BSAM GYIS MI KHYAB PA YONGS SU GYUR PAS GANG 'CHI 'PHO BA DE DANG BRAL BA'O, , YANG NA DBANG PO RNO BAS BSAM GTAN LA SOGS PA RNAMS KYIS BSAM DU MED PA'I BAG CHAGS YONGS SU GYUR PA SHAS CHE BAS NA 'CHI 'PHO DANG BRAL BA'O, ,'PHAGS PA SO SO RANG GIS RIG PA NI BDE BA YANG DAG PAR TSOR BA STE, RNAM PAR 'PHRUL PA DANG BRAL BA'I PHYIR RO, ,RNAM PA DE 'DRA BA'I BDE BA THAMS CAD DANG, GZUGS MED PA'I SNYOMS PAR 'JUG PA LA BDE BAS YANG LOG PAR RTOG PA DKA' BA'I BDE BA YIN NO, ,'GOG PA LA SNYOMS PAR 'JUG PA'I BDE BA YANG DA LTAR GYI TSE LA BDE BAR GNAS PA'I DON DU BZHAG PA DE YANG KHONG DU CHUD NAS KYANG SEMS CAN GYI DON LA LTOS TE BYANG CHUB SEMS DPA' RNAMS KYIS MNGON SUM DU MI BYA STE, BSLAB PAR MI BYA DER GNAS PAR NI MI BYA'O ZHES BYA BA'I THA TSIG GO, ,DNGOS PO RNAM PAR RTOG PA'I RANG BZHIN LA MNGON PAR CHAGS PA ZHES BYA BA NI SMOS PAR BSHAD PA 'CHANG PA YANG RIG PAR BYA STE, PHYI'I DNGOS POR RNAM PAR RTOG PAS RANG BZHIN LA MNGON PAR CHAGS PA'O, ,'BYUNG BA DANG 'BYUNG BA LAS GYUR PA'I GZUGS NI KHA DOG DANG DBYIBS KYI RANG BZHIN PA YIN TE, THAMS CAD MKHYEN PA NYID KYIS ZHIB TU SGRUB PAR MDZAD PA 'DI LTA STE, SNGON PO DANG SER PO ZHES BYA BA LA SOGS PA STE, BYED PA MED PAR 'BYUNG BA NI BYED PA PO DANG, LAS DANG, BYED PA DANG BRAL BA RNAMS TE, JI LTAR GSUNGS PA, 'DU BYED THAMS CAD SKAD CIG PA, ,MI BRTAN BYED PA GA LA ZHIG ,GANG BYUNG BYED PA DE NYID DE, ,BYED PA POR YANG DE NYID BRJOD, ,RIGS PA DANG LUNG DANG, TSAD MA ZHES BYA BA LA SOGS PA LA, RIGS PA DANG LUNG NI RIGS PA DANG LDAN PA'I LUNG LA STE, THOG MAR DGE ZHES BYA BA LA SOGS PA'O, ,TSAD MA NI MNGON SUM DANG RJES SU DPAG PA STE, SKAD CIG MAR 'JIG PA DANG, BDAG MED PA LA SOGS PAR SGRUB PAR BYED PA'O @90A *, ,DE DE LTAR PHUNG PO LA SOGS PA'I MTSAN NYID KHONG DU CHUD NAS DE LA MNGON PAR ZHEN PA BTZUN GTZO'I BYANG CHUB SEMS DPAS YONGS SU SPANG BAR BYA BA NI BZLOG PAR BYA'O, ,JI LTAR BZLOG PAR BYA ZHES PA DANG, DER GSUNGS PA, CHOS LA BDAG MED PA'I MTSAN NYID LA RJES SU GZHUG CES SO, ,GANG ZAG LA BDAG MED PAR NI PHYI'I DON DU SMRA BA'I NYAN THOS PA RNAMS GNAS SO, ,CHOS LA BDAG MED PA NI ZHI BA PA DANG, GTOGS 'DOD PA DANG, RIG SNGAGS 'DZIN PA'I MTHAR SMRA BA PO RNAMS GNAS SO, ,DE LTA BA GNYIS LAS SEMS CAN RNAMS RIGS PAS BZLOG STE, SA DANG SA'I RIM PAR MTSAMS SBYOR BA LA GNAS PAR BYA BA NI 'JUG PA LA SOGS PA'I NYES PA SPONG DU BCUG STE, RAB TU DGA' BA LA SOGS PA'I SAR RIM GYIS DGOD PAR BYA'O, ,DE LA RIM ZHES BYA BA NI 'JUNGS PA'I GNYEN POR SBYIN PA DANG, NGANG TSUL NGAN PA'I GNYEN POR TSUL KHRIMS DANG, NGAN DU SMRA BA LA SOGS PA KHRO BA'I GNYEN POR JI MI SNYAM ZHING BZOD PA DANG, LE LO'I GNYEN POR BRTZON 'GRUS DANG, MNYAM PAR MI 'JOG PA'I GNYEN POR BSAM GTAN DANG, MA RIG PA'I GNYEN POR SHES RAB DANG, THABS MED PA'I GNYEN POR SHES RAB KYIS THABS LA MKHAS PA DANG, SMON PA MED PA'I GNYEN POR BZANG PO SPYOD PA'I SMON LAM DANG, RNAL 'BYOR GYI LAM GYI STOBS CHUNG BA'I GNYEN POR STOBS DANG, NYON MONGS PA DANG, NYON MONGS PA MED PA'I MI SHES PA THAMS CAD KYI GNYEN POR YE SHES TE, SA BCU'I RIM GYIS MTSAMS SBYOR BA'I KHYAD PAR BSOD NAMS DANG YE SHES KYI TSOGS LA DGOD PAR BYA ZHING SBYIN PA LA SOGS PA PHA ROL TU PHYIN PA BCU'I TSOGS RNAMS KYIS SANGS RGYAS SU DGOD PAR BYA'O, ,RTAG PA BSAM GYIS MI KHYAB CES BYA BA LA SOGS PA LA, RTAG PA NI RGYUN RTAG PA'I PHYIR RO, ,MI RTAG PA NI SKAD CIG MA'I PHYIR RO, ,BSAM GYIS MI KHYAB PA NI BSAM MI NUS PA'O, ,MU STEGS BYED PA RNAMS RGYU RNAMS LA RTAG PA DANG, BSAM GYIS MI KHYAB PAR SMRA'O ZHES PA NI GLENG BA'O, ,LHA CHEN PO DANG, GTOGS 'DOD DANG, TSANGS PA DANG, BDAG DANG, RDUL PHRA MO LA SOGS PA NI GNAS KYI DKYIL 'KHOR GYI DNGOS PO RNAMS KYI RGYU @90B RTAG PA DANG, BSAM GYIS MI KHYAB PAS NUS SO ZHES MI GNYIS PAR SMRA BA RNAMS RTOG PA DANG, RGYU RNAMS KYI RGYU MA RIG PA'I MTHU BSAM GYIS MI KHYAB PO ZHES MI GNYIS PAR SMRA PA RNAMS KYANG SMRA'O, ,GNYIS PAR SMRA BA RNAMS KYANG RDUL GNYIS PA LA SOGS PA'I RIM GYIS RDUL PHRA MO RNAMS LA YAN LAG MED KYANG YAN LAG DANG BCAS PA'I RDZAS RTZOM PAR BYED CES DE SKAD DU GLENGS PA DER THAMS CAD MKHYEN PAS SPONGS BAR GSUNGS PA, MU STEGS BYED PA RNAMS RGYUN NI RTAG PA DANG, BSAM GYIS MI KHYAB PA NYID THOB PAR MI 'GYUR RO ZHES SO, ,DE'I RGYU GSUNGS PA, DE CI'I PHYIR ZHE NA ZHES PA'O, ,RGYU'I RANG GI MTSAN NYID DANG LDAN PA MA YIN TE ZHES BYA BA NI DE'I RGYU'I RANG GI MTSAN NYID DANG LDAN PA MA YIN TE, RTAG PA LA RGYU MED PAS NA RI BONG GI RVA LTAR DNGOS PO MED PA'O ZHES SO, ,THAMS CAD MKHYEN PAS TSAD MA'I DON NYID DU GSUNGS PA, BLO GROS CHEN PO GANG GIS RTAG PA DANG, BSAM GYIS MI KHYAB PA DE'I RGYU'I RANG GI MTSAN NYID DANG MI LDAN PA NI RTAG PA BSAM GYIS MI KHYAB PA RI BONG GI RVA LTAR MA SKYES PAS NA RANG BZHIN MED PA'I PHYIR RANG BZHIN GANG GIS MNGON PAR BYA, ,BYED PA PO'AM, SHES PAR BYED PA MNGON PAR BYED PA'I RGYU GANG GIS RJES SU DPAG PAR BYA, MA SKYES PA NI DNGOS PO MED PAS NA RTAG PA DANG, BSAM GYIS MI KHYAB PA'O ZHES RTAG PA DANG, BSAM GYIS MI KHYAB PAR SMRA BAR MI RUNG NGO, ,DE STE RGYU'I RANG GI MTSAN NYID NI RAG LUS PA'O ZHES BRGYA LA MU STEGS BYED PAS KHAS LEN NA DE'I TSE DE LAS GZHAN PA'I BYAS PA CAN BZHIN DU MI RTAG PAR 'GYUR RO, ,NGA'I ZHES BYA BA LA SOG PA PAS NI RANG GI PHYOGS KYI KHYAD PAR GSUNGS PA'O, ,RTAG PA NI RGYUN RTAG PA'I PHYIR RO, ,GANG NA BSAM PA MED PA DE NI BSAM GYIS MI KHYAB PA STE, DON DAM PA'I BDEN PA GNYIS SU MED PA YANG DAG PAR RIG PA DE NI RTAG PA BSAM GYIS MI KHYAB PAS DE NI DBANG PO'I SHES PA 'JUG PA YANG DAG PAR 'JUG PAR SHES PA BZHIN NO, ,DON DAM PA'I RGYU MTSAN NYID DANG LDAN PA NI MI GNYIS PAR YANG DAG PAR RIG PA'I MTSAN NYID PAS NA MI GNYIS PAR YANG DAG PAR RIG PA'I MTSAN NYID KYI DNGOS PO'I MTSAN NYID KYI DNGOS PO'O, ,DNGOS PO DANG DNGOS PO MED PA DANG BRAL BA NI YOD PA DANG MED @91A *, ,PA'I RNAM PAR RTOG PA MED PA'O, ,'PHAGS PA SO SO RANG GIS RIG PA'I MTSAN NYID KYI PHYIR ZHES BYA BA NI YANG DAG PAR RIG PA RANG BZHIN GNYIS SU MED PA'I PHYIR YONGS SU GRUB PAR DGONGS PA YIN GYI GZHAN GYI DBANG DNGOS PO DANG DNGOS PO MED PA DANG BRAL ZHING GNYIS SU MED PA SGYU MA LA SOGS PA'I RANG BZHIN NI MA YIN NO, ,CHUD PA'I RANG BZHIN NI YANG DAG PAR RIG PA'I DNGOS PO NYID YANG DAG PAR NA MTSAN NYID DO, ,DES NA MTSAN NYID DANG LDAN PA'O, ,GANG NA MTSAN NYID DANG LDAN PA MED PA DES NA RNAM PA GNYIS DANG MA BRAL BAS NA MTSAN NYID DANG LDAN PA MA YIN TE, MNGON PAR BRJOD PAR BYA'O, ,MU STEGS BYED PA RTAG PAR SMRA BA MA GTOGS PA'I SKAD CIG MA'I RGYUN GSUNGS PA RGYU DANG LDAN PA YIN GYI, RGYU MED PA LAS BYUNG BA NI MA YIN NO ZHES SO, ,JI LTAR NA YANG MI GNYIS PA'I YE SHES KYI RGYU DON DAM PA'I YE SHES YIN ZHES PA DANG GSUNGS PA YOD PA DANG BRAL BAS NA ZHES SO, ,DON DAM PA MA YIN PA'I GZHAN GYI DBANG NI YOD PA DANG MED PA GNYIS KYI RNAM PA YIN TE, DE LAS 'DAS PA'I YONGS SU GRUB PA DNGOS PO DANG DNGOS PO MED PA DANG BRAL BA THAMS CAD DU KHYAB PA BRJOD DU MED PA STE, DE BZHIN GSHEGS PA BYUNG YANG RUNG, MA BYUNG YANG RUNG STE, CHUD PA'I RGYUN GYI CHOS NYID DE NI YE NAS GNAS PA YIN TE, DBANG PO LA SOGS PAS MA BYAS PAS NA MA BYAS PA DANG, 'DUS MA BYAS PAS NA NAM MKHA'I CHOS SU BRTAG GO, ,DE BZHIN NYID CES BYA BA NI MI GNYIS PA'I CHOS NYID DO, ,DNGOS PO MI RTAG PA'I MTSAN NYID KYI RGYU LAS GYUR PA'I PHYIR ZHES BYA BA LA SOGS PA NI MI RTAG PA'I DNGOS PO RNAMS KYI MTSAN NYID KYI RANG BZHIN 'BYUNG BA'I RGYU YOD DE, DES NA DE DAG MI RTAG PA'O, ,RGYU DANG LDAN PA MA YIN PAR YOD PA NI RTAG PA STE ZHES PA NI RTAG PA'I RGYU DE LAS MED DE, DES NA BDAG GIS BYAS PA'I RGYU'I MTSAN NYID KYIS RAB TU PHYE BA'I RTAG PA MA YIN NO, ,DE DAG GI RGYU MED DO ZHES DON 'DI 'BYUNG STE, DE RGYU MA PHYE BAS NA RTAG GO ZHES MO GSHAM GYI BU LA SOGS PA BZHIN DU BRTAG PA 'BA' ZHIG TU ZAD DO, ,RGYU DANG BRAL BA RNAMS NI MA SKYES PAS NA RI BONG GI RVA BZHIN DU MED PA NYID DO, ,MU STEGS BYED PA RNAMS RTAG PA DANG, @91B BSAM GYIS MI KHYAB PA RTOG PA NI DUS THAMS CAD DU GNAS PAS NA RTAG PA BSAM PA DANG BRAL BA'I PHYIR BSAM GYIS MI KHYAB PA STE, MI GNYIS PA RNAM PAR MI RTOG PA DANG, SNANG BA THAMS CAD DANG BRAL BA'I PHYIR SHES PA NI DE LTA BUR YANG GROL BA LA SOGS PA GCIG PA'I SKYON DU 'GYUR RO, ,TSAD MA SNGA MA'I DON NYID ZHIB TU GSUNGS PA, BLO GROS CHEN PO DE STE ZHES BYA BA LA SOGS PA STE, BYAS PA'I DNGOS PO MED PAS RTAG PA NYID DU MTHONG NAS RJES SU DPAG PA'I TSAD MA'I BLOS MA BYAS PA NI RTAG PAR 'GYUR ZHES DE LTAR NA NI NGA'I YANG RGYU NYID KYI STE, MA BYAS PAS BYAS PA'I DNGOS PO RNAMS 'JIG PA'I MTSAN NYID DU MED PAS RTAG PAR MTHONG NAS RGYU MED PAR BSTAN PA'I PHYIR RTAG PA STE, MO GSHAM GYI BU LA SOGS PA BZHIN DNGOS PO MED PA NYID DE, DE LTA BAS NA 'PHAGS PA'I LHAS DON DE NYID SMRAS PA, RTEN 'BRAL 'BYUNG YOD MED PA NI, ,NAMS KYANG SU ZHIG GANG DU YANG, ,CUNG ZAD YOD PA MA YIN TE, ,DES NA DE NI RTAG PA'O, ,RGYU MED PA NI DNGOS PO MED, ,RGYU LDAN PA YANG RTAG PA MIN, ,DES NA RGYU MED GRUB PA MED, ,YANG DAG RIG PAS GRUB MED GSUNGS, ,DE STE RGYU DANG MTSAN NYID DANG LDAN PA ZHIG YIN NA NI ZHES BYA BA NI GAL TE RTAG PA DANG BSAM GYIS MI KHYAB PA BSGRUB PA'I RGYU ZHIG YOD NA NI DE'I TSE RUNG NGO ZHES DE NI THAMS CAD MKHYEN PAS DGONGS PA'O, ,RTAG PA DANG BSAM GYIS MI KHYAB PA BSGRUB PA'I RGYU GANG YANG MED PAS NA DE'I PHYIR NYE BAR BSDU BAR MDZAD PA, RGYU'I RANG GI MTSAN NYID KYI DNGOS PO MED PA ZHES TE, GANG GIS SGRUB PAR BYED PA DE'I DNGOS PO MED PAS NA DE MED PA'I PHYIR DE MA SKYES PAS RI BONG GI RVA LTAR DNGOS PO MED DO ZHES TSAD MA'I DON TO, ,RGYUN GYIS RTAG PA'I DBANG GSUNGS PA, NGA YI ZHES BYA BA LA SOGS PA LA, BYAS PA'I DNGOS PO DANG, DNGOS PO MED PA RNAM PAR SPANGS PAS NA ZHES BYA BA NI DE MA YIN PA'I PHYIR SE GOL GYI SGRA LA SOGS PA'I MTSAN NYID KYI SKAD CIG PA DE MA THAG TU MTSAMS MI SBYOR BA NI MTSAN NYID THA DAD PA'I PHYIR RO, ,RGYUD MA SKAD CIG MA 'DRA BA RNAM PAR MI 'CHAD PAS NA SEMS KYI RGYUD RTAG GO ZHES SKAD CIG MA 'JIG PA RNAM PAR DGONGS PA'I DON TO, ,MI GNYIS PAR SMRA BA RNAMS KYIS PHYI ROL GYI DNGOS PO @92A *, ,MED PAS RTAG PAR RJES SU DPAG PAR RIGS PA MA YIN TE, 'GYUR BA'I GROGS BYAS PAS NA MI RTAG PA YIN LA, MA BYAS PA'I PHYIR MI GNYIS PAR RTAG GO ZHES PA PHYOGS DE LA RGYU MED PAS NA RI BONG GI RVA BZHIN DU MED PA KHO NA STE, DE BAS NA PHYI ROL GYI DNGOS PO MED PAS RTAG PA RJES SU DPAG PA'I PHYIR RTAG PA MA YIN NO, ,SMRA BA PO GANG YANG PHYI ROL MED PA'I PHYIR RTAG PA LA RJES SU DPOG PAS DNGOS PO RNAMS RTAG PAS NA RTAG PA DANG BSAM DU MED PA STE ZHES SMRA BA DE RTAG PA DANG, BSAM DU MED PA DE'I RGYU'I RANG GI MTSAN NYID MI SHES TE, RMI LAM DANG MIG 'PHRUL GYI MTSAN NYID KYIS DNGOS POR GYUR PA DE MED PAS NA DE MED DO ZHES PAR RGYU MED PA'I PHYIR DNGOS PO RNAMS KYI RANG BZHIN MED PAR MI SHES SO ZHES DGONGS PA'I DON TO, ,GTAM BYAR YANG MI RUNG NGO ZHES PA NI SMRA BAR MI BYA'O, ,PHYI ROL GYI DON DNGOS PO RTAG PAS RTAG PAR RJES SU DPAG GO ZHES GANG NAS DE SKAD DU 'BYUNG BA DER YANG GNYIS PAR SMRA BA RNAMS KYIS RDUL PHRA MO RNAMS RTAG PA'I RGYU MED PAS NA RI BONG GI RVA LTAR DNGOS PO MED CES SO, ,TSAD MAS KHYAB PA'I TSUL SBYIR GSUNGS PAS GNYIS PA DANG MI GNYIS PAR SMRA BA RNAMS KYIS RJES SU DPAG PA THAMS CAD MKHYEN PA SUN DBYUNG BA'I PHYIR MI GNYIS PAR SMRA BA RNAMS KYIS RTAG PA'I RJES SU DPAG PAR JI LTA BUR MI RUNG BA NI DBYAD PA'O, ,GNYIS PAR SMRA BA RNAMS KYIS DPYAD PAR MI BYA STE, PHYI ROL GYI DNGOS PO RTAG PAS RJES SU DPAG PA NI RDUL PHRA MO RNAMS RTAG PA DANG, BSAM GYIS MI KHYAB PA ZHES TE JI LTA ZHES NA YAN LAG CAN GYI CHA'I DNGOS PO MED BAS SO, ,PHYI ROL GYI YAN LAG CAN GYIS THAMS CAD YAN LAG GI CHA DANG BRAL NA DNGOS PO MED PA STE, DES NA MTHA'I RDUL RNAMS RTAG PA YIN PAS NA RJES SU DPAG PA'O, ,JI LTAR SNANG BA BYED PAS SMRAS PA, BONG BA RNAM PA'I CHAR PHYE BA NA 'JAM PA DANG, CHER 'JAM PA LA SOGS PAR KHYAD PAR DU CHA RNAMS SU BZUNG BA GANG DE LA YANG BA MED PA NI RDUL ZHES BYA'O ZHES PA'I RTAG PAR SMRA BA BO'I MU STEGS CAN RNAMS RTAG PAR SMRA BA PO RNAMS KHONG DU MI CHUD PA RNAMS KYIS RTAG PA RJES SU DPAG PA THAMS CAD MKHYEN PAS MI 'THAD PAR RGYU MED PAR BSTAN PA LA SOGS PA @92B SPYIR BSHAD PA BZHIN NO, ,'KHOR BA'I SDUG BSNGAL RNAM PAR RTOG PA'I 'JIGS PAS SKRAG PA DAG CES BYA BA LA SOGS PA NI PHYI ROL GYI DON DU 'KHRUL NAS GZUGS LA SOGS PA'I PHUNG PO MI RTAG PA DANG, SDUG BSNGAL LA SOGS PAS SHIN TU SKRAG NAS MYA NGAN LAS 'DA' BA TSOL BAR BYED DE, RNAM PAR RTOG PA GNYIS MED PA DON DAM PA'I BDEN PA YANG DAG PAR RIG PA'I MYA NGAN LAS 'DAS PA MI SHES SO, ,PHYI'I DON LAM MGON PAR ZHENGS PAS THEG PA TSUM DU RTOG PAR BYED CES BYA BA NI BSDUS PA'I DON TO, ,KHYAD PAR MI SHES PA ZHES BYA BA NI RANG BZHIN BDEN PA MNGON PAR MI SHES PAS DNGOS PO LA RNAMS PAR RTOG PA MED PA DANG, DBANG PO RNAMS KYI YUL MA 'ONGS PA'I RGYUN BCAD PAS SRID PA DANG LONGS SPYOD LA SKYO BA'I PHYIR 'GOG PA'I DBYINGS KYI MYA NGAN LAS 'DAS PA MNGON SUM DU 'BYED PA'O, ,JI LTAR 'DI NYID DU GSUNGS PA, TING 'DZIN DREGS PAS MYOS PA NI, , DE DAG ZAG MED DBYANGS SU GNAS, ,SO SO RANG GIS RIG PA ZHES BYA BA LA SOGS PA NI CHUD PA'I RANG BZHIN LUS DANG LONGS SPYOD DANG, GNAS SU SNANG BA'I KUN GZHI RNAM PAR SHES PA'I GNAS 'PHOS PA'I MTSAN NYID MI GNYIS PAR YANG DAG PAR RIG PA'I MYA NGAN LAS 'DAS PA GNYIS KYI PHYIN CI LOG GI RNAM PAR RTOG PA SPANGS PA LAS 'GYUR BA NI MI SHES SO, ,MYA NGAN LAS 'DAS PA ZHES BYA BA NI SEMS TZAM NYID DU SNANG BA MED PA NI MYA NGAN LAS 'DA' BA ZHES BYA'O, ,JI LTAR BDUN BRGYA BA LAS 'BYUNG BA, 'DI NYID MYA NGAN LAS 'DAS PA STE, GANG ZHE NA, SEMS PA MED PA NYID DO ZHES TE, DE LTAR SMRA BA POR MI 'GYUR RO, ,RANG GI SEMS SNANG BA'I SPYOD YUL DU MNGON PAR MI SHES PA STE ZHES BYA BA NI GNYIS KYIS RNAM PAR SEMS MI SHES PA'O, ,PHYI ROL GYI SNANG BA SEMS KYI SPYOD YUL DU MNGON PAR ZHEN PA ZHES BYA BA NI GZUNG BA'I CHA LA PHYI ROL GYI BAR RTOG PAR BYED DE, DE DAG KYANG 'KHRUL PAS NA 'KHOR BAR RAB 'KHOR RO, ,GZHAN YANG CHOS THAMS CAD MA SKYES PAR STON TO ZHES BYA BA LA SOGS PA NI GZHAN GYI DBANG GI SKYE BA'I RANG BZHIN MED PAS GSUNG NGO, ,DE'I RGYU GSUNGS PA, RANG GI SEMS SNANG BA'I DNGOD PO MED PA DANG ZHES PA STE, RMI LAM @93A *, ,DANG, MIG 'PHRUL DANG, RAB RIB LA SOGS PA'I RANG BZHIN BZHIN NO, ,JI LTAR NA MA SKYES ZHES PA DANG, RIGS PA GZHAN GSUNGS PA, MED PA LAS SKYE BA MED PA'I PHYIR RO ZHES SO, ,YOD PA NA DNGOS POR YOD PA'I PHYIR SKYE BA MED DO, ,MED PA YANG BSKYED MI NUS PA'I PHYIR RO, ,DNGOS PO DANG DNGOS PO MED PA LA BYED PA PO DANG, LAS DANG BYED PA MNGON PAR 'BREL BA MED DE, JI LTAR DBU MA LAS 'BYUNG BA, ,YOD DANG MED PA'I DON LA NI, ,RKYAN RNAMS YOD PA MA YIN TE, ,MED NA RKYEN NI SU YI YIN, ,YOD PA RKYEN GYIS CI ZHIG BYA, ,BYIS PA SO SO'I SKYE BO RNAMS GYIS YANG DAG PA MA YIN PAR SO SOR BRTAGS PA'I RANG BZHIN DU RNAM PAR BRTAG PA'I PHYIR ZHES BYA BA NI BYIS PA SO SO'I SKYE BO RNAMS KYIS YANG DAG PA MA YIN PA'I PHYI ROL GYI DON YONGS SU RTOG PAR BYED DO, ,RNAM PA DE LTA BU'I RANG BZHIN LA YANG RTAG PA DANG, MDZES PA DANG, GTZANG BA LA SOGS PAR BYIS PA SO SO'I SKYE BO RNAMS KYIS YANG DAG PA MA YIN PAR KUN TU BRTAGS PA STE, YANG DAG PA MA YIN PA KUN TU BRTAGS PA'I RANG BZHIN RNAM PAR BRTAGS PA GANG LA YOD PA DE LA DE SKAD CES BYA'O, ,DON DAM PA'I RTEN CING 'BREL TE 'BYUNG BA GRUB PA MI GNYIS PA YANG DAG PAR RIG PA LAS GSUNGS PA, 'PHAGS PA SO SO RANG GIS RIG PA'I YE SHES KYI SPYOD YUL TE ZHES BYA BA LA SOGS PA NI RTAG PA DANG, GZHAN GYI DBANG GIS GNYIS KYI RNAM PA'I DNGOS PO THAMS CAD KYI RANG BZHIN MED PA NI DON DAM PA'I BDEN PA MI GNYIS PAR YANG DAG PAR RIG PA'I RANG BZHIN TE, DE NYID GNYIS SU MED PA'I RANG BZHIN GYI MTSAN NYID DU SKYE'O, ,MTSAN NYID NI DE NYID SKYE BA GRUB PA'I MTSAN MA STE, RTOG PAR BYED PA'O, ,DE NYID DNGOS PO YIN PAS NA GZHAN DAG RI BONG GI RVA LA SOGS PA BZHIN DU MI SKYE BA STE, GNYIS KYI RNAM PA'I RNAMS SHES RAB KYIS DBYAD PA NA RTEN CING 'BREL BAR 'BYUNG BA NI MI RING NGO, ,DE'I 'OG TU 'BYUNG ZHES BYA BA YANG RANG BZHIN MED PAS NA RTEN CING 'BREL TE 'BYUNG BA MA YIN NO, ,BYIS PA RNAMS LA RANG BZHIN GYI 'KHRUL PA YOD PAS NA BYIS PA RANG BZHIN DU RNAM PAR BRTAGS PAS MI GNYIS @93B PA'I RANG BZHIN SPYOD YUL DU MI 'GYUR RO, ,DE DON DAM PA'I BDEN PA MI GNYIS PAR CHUD PA'I RANG BZHIN GZUNG BA DANG, 'DZIN PA'I YUL MA YIN ZHES PA'I BAR DU'O, ,LUS DANG LONGS SPYOD DANG, GNAS SU SNANG BA'I KUN GZHI RNAM PAR SHES PA SKYE BA DANG, GNAS PA DANG, 'JIG PA'I LTA BAR LHUNG BA'I BSAM PA ZHES BYA BA DE LA BYIS PA RNAMS 'DZIN PA DANG GZUNG BA GNYIS LA MNGON PAR ZHEN PAS RAB RIB CAN RNAMS RNAM PA GNYIS SU 'KHRUL PA BZHIN DU SKYE BA DANG, GNAS PA DANG, 'JIG PA RNAMS RTOG GO, ,DON DAM PAR NI RMI LAM DANG, MIG 'PHRUL LA SOGS PA BZHIN DU GZHAN GYI DBANG GIS 'KHRUL PA'I RNAM PA RNAMS LA SKYE BA DANG, GNAS PA DANG, 'JIG PA MED DO, ,MTSAN NYID YONGS SU 'DRIS PAR BYA BA ZHES BYA BA LA SOGS PA NI SPYI DANG KHYAD PAR GYI MTSAN NYID RAB TU RTOGS PA DE'I SHES PA 'JUG GO, ,DE LA SPYI'I MTSAN NYID NI MI RTAG PA DANG, BDAG MED PA DANG, SDUG BSNGAL BA LA SOGS PA'O, ,KHYAD PAR GYI MTSAN NYID NI RTEN PA LA SOGS PA'I LAS DANG, SRA BA DANG, RLAN PA DANG, DRO BA DANG, G-YO BAR GRUB PA'O, ,YANG 'BYED PA'I MTSAN NYID LA, GZUGS NI DBANG PO LNGA DANG DON, ,LNGA DANG RIG BYED MA YIN GZUGS, ,RNAM GNYIS RNAM PA NYI SHU SGRA, ,BRGYAD PO RO NI RNAM PA DRUG, ,DRI NI RNAM PA BZHI DANG REG ,BCU GCIG GI BDAG NYID CES BYA BA LA SOGS PA'O, ,RTEN CING 'BREL TE 'BYUNG BAR 'JUG PA NI MNGON PAR 'DU BYED PA DANG, NAN TAN BYA BA'I BAR DU'O, ,'JUG PA DES RTEN CING 'BREL TE 'BYUNG BA ZAB MO MI GNYIS PA'I MTSAN NYID LA NAN TAN MI BYED PA'O, ,NYAN THOS KYI THEG PA MNGON PAR RTOGS PA'I LTA BAS ZHES BYA BA NI BDAG GI DON DU LTA BAS 'PHAGS PA'I BDEN PA BZHI KHONG DU CHUD PAR BYA BA'I PHYIR GZHAN GYI DBANG GI RNAM PA NYID LA MI RTAG PA DANG, SDUG BSNGAL BA DANG, BDAG MED PA DANG, STONG PA LA SOGS PA'I RNAM PAS 'DOD CHAGS DANG BRAL NAS, KUN NAS LDANG BA'I NYON MONGS PA DANG, NYON MONGS PA'I BAG CHAGS KYI NYON MONGS PA RNAMS SPANG PA'I PHYIR RO, ,BSAM @94A *, ,GYIS MI KHYAB PA'I 'PHO BA DANG LDAN PA NI BSAM GYIS MI KHYAB PA'I TING NGE 'DZIN DANG LDAN PA STE, SEMS PA MED CES PA'I BAR DU'O, ,JI LTAR 'DIR GSUNGS PA, DE DAG TING NGE 'DZIN MYOS PAS MYOS, ,ZAG PA MED PA'I DBYINGS NA 'KHOD, ,CES SO, ,JI LTAR BDUN BRGYA PA LAS 'BYUNG BA, 'DI NYID MYA NGAN 'DAS PA STE, ,GANG ZHE NA, BSAM PA MED CES PA'O, ,SEMS PA MED PA'I TING NGE 'DZIN DE LAS LANGS NAS, SENG GE'I SGRA SGROGS PA NI BDAG GI SKYE BA ZAD DO ZHES BYA BA LA SOGS PA'O, ,BYANG CHUB SEMS DPA' RNAMS KYI DE BZHIN DU SA LNGA DANG, SA DRUG TU NYON MONGS PA SPANGS PAR GYUR KYANG, MYA NGAN LAS 'DAS PA'I 'DU SHES MED DO, ,GANG ZAG LA BDAG MED PA YONGS SU SHES NAS SKAD CIG MAR 'JIG PA YONGS SU SHES PA'I PHYIR 'PHAGS PA'I NYAN THOS RNAMS PHUNG POR SNANG BA RNAMS LAS SKYO BAR 'GYUR RO, ,BYANG CHUB SEMS DPA' RNAMS NI CHOS DANG GANG ZAG LA BDAG MED PAR YONGS SU SHES NAS RMI LAM DANG, MIG 'PHRUL LA SOGS PA'I RANG BZHIN 'KHOR BA LA SKRAG PAR 'GYUR BA MED CING SNYING RJES DE DAG 'JUG GO, ,BLO GROS CHEN PO GZHAN DAG NI BDAG DANG ZHES BYA BA LA SOGS PA YONGS SU SHES PAS MYA NGAN LAS 'DA' BA TSOL ZHING GANG DAG SKAD CIG PAR 'JIG PAR KHONG DU CHUD PAR MI BYED PA RNAMS SO, ,GZHAN DAG NI ZHES BYA BA LA SOGS PA RGYU LAS SDUG BSNGAL 'BYUNG BAR SHES NAS MYA NGAN LAS 'DAS PA'I BLO CAN DU GYUR PA NI PHYI ROL GYI 'DOD CHAGS DANG BRAL BA GRANGS CAN LA SOGS PA LA CHOS LA BDAG MED PA MTHONG BA MED CING PHYI ROL GYI DON DU LTA BAS THAR PA MED DE, LOG PA'I SHES PA SPONG BA'I BDAG MED PA GNYIS YONGS SU SHES PAS THAR PAR 'GYUR NA DE NI DE DAG LA MED DO, ,JI SRID DU LOG PA'I SHES PA YOD PA DE SRID DU MA RIG PA SPONG BA MED DE, 'KHOR BA YANG MA RIG PA LAS 'BYUNG, YANG DAG PAR SHES PA LAS MYA NGAN LAS 'DAS PA'O ZHES THAMS CAD MKHYEN PAS DGONGS PA'O, ,MU STEGS CAN RNAMS NI 'BYUNG BA MA YIN PA LA 'BYUNG BAR 'DU SHES PA STE, LTA BA NGAN PAS RTAG PA DANG, BDAG DANG, TSANGS PA DANG, DBANG @94B PO DANG, GTZO BO DANG, DUS DANG, 'BYUNG BA DANG, RDUL PHRA MO LA SOGS PA RGYUR SMRA BA'I RNAMS RTAG PAR TSANGS PA DANG, DBANG PO LA SOGS PAS SNANG BA DANG, MCHOD SBYIN DANG, ZHUGS PA DANG, KHRUS DANG, BKRA SHIS DANG, BKRA SHIS MA YIN PA DANG, GLU DANG GAR DANG, RIN PO CHE DANG RTZA BA 'CHANG BA DANG, SBYOR BA DANG DRI MA 'CHANG BA DANG, GRANG BA DANG, DRO BA DANG, NYI MAS GDUNGS PA DANG, SKRA 'BRAL BA DANG, TSER MA LA 'GRE BA DANG, KHA 'TSO BA LA SOGS PA BSAM GTAN GYI BAR CHAD BYED CING 'KHRUL PA DANG MNYAM PAR 'JOG PA MA YIN PA'I SEMS KYIS THAR PA MA YIN PA LA THAR PAR 'DU SHES PA'O, ,'DU 'DZI MED PA'I RKYEN NI BDEN PA'I DNGOS PO LA MNGON PAR GNAS TE RANG SANGS RGYAS KYI MNGON PAR SHES PA SKYED PAR BYED DO, ,RANG RANG GI LUS KYI RDZU 'PHRUL RNAM PA SNA TSOGS RNAM PA MANG POS NI NAM MKHAR 'PHAGS PA LA SOGS PA'O, ,ZUNG GI CHO 'PHRUL NI 'BAR BA DANG CHAR PA 'BEBS PA LA SOGS PA STE, RNAM PA DE LTA BU'I CHO 'PHRUL DE LTA BU BSHAD PA NA DGA' BAR 'GYUR RO, ,DE LA DE BZHIN GSHEGS PA'I THEG PA MNGON PAR RTOGS PA LA SOGS PA NI PHUNG PO LA SOGS PA'I RANG BZHIN MED PAR SHES PA STE, THOS PA DANG SEMS PA'I SHES RAB KYIS DPYAD DE KHONG DU CHUD PAR BYED PA'I PHYIR RO, ,BSGOM PA'I SHES RAB KYIS BDAG NYID RAB TU SNANG BA DON DAM PA'I BDEN PA MI GNYIS PA CHUD PA'I MTSAN NYID MNGON PAR BYED DO, ,SANGS RGYAS KYI ZHING ZHES BYA BA LA SOGS PA NI SNANG BA DANG BCAS PA'I TING NGE 'DZIN MTSAN NYID CHEN PO DANG LDAN PAR BRTAG GO, ,GSUM PO 'DI DAG LAS GANG BSTAN KYANG RUNG STE ZHES BYA BA NI GZHAN GYI DBANG SNANG BA DANG BCAS PA DANG, SNANG BA MED CING BSAM PA MED PA'I DON DAM PA'I BDEN PA MI GNYIS PAR YANG DAG PAR RIG PA'I YONGS SU GRUB PA DANG, PHYI ROL GYI RNAM PAR RTOG PA'I GNAS SANGS RGYAS KYI ZHING GI BKOD PA LA SOGS PA BSTAN KYANG RUNG STE MI SKRAG GO, ,THEG PA GSUM LA MA NGES PA'I RIGS NI GANG LA DGA' BA DE LA RJES SU SBYAR BAR BYA'O, ,YONGS SU SBYAR BA'I SA ZHES BYA BA NI 'JUG PA'I RIM @95A *, ,GYIS GANG RIGS SU RNAM PAR GZHAG PA 'DI LA BYA'O, ,GNA' RIM GYIS ZHING GI BKOD PA 'JUG PA'I GTAN TSIGS PA'I RGYUR NI, MYA NGAN LAS 'DAS PA NGAS SMRAS ZHES PA'O, ,'DI LTAR DAM PA'I CHOS PUndA R'I KA LAS 'BYUNG BA DE LTAR YANG MI RTAG PA DANG, SDUG BSNGAL BA DANG, MI MDZES PA LA SOGS PA'I RNAL 'BYOR GYIS 'DOD CHAGS DANG BRAL BA GANG ZAG LA BDAG MED PAR ZHUGS PA'I RNAMS CHOS BDAG MED PAR GZUNG BAR BYA'O ZHES BYA'O, ,SNANG BA MED PA'I SA LA 'JUG PA'I PHYIR THOG MAR SNANG BA DANG BCAS PAR RNAM PAR DGOD PAR BYA'O ZHES DGONGS PAR BRTAG GO, ,DE BZHIN DU YANG BSGRUB PAR MDZAD PA SO SO RANG GI KUN GZHI ZHES BYA BA LA SOGS PA STE, LUS DANG, LONGS SPYOD DANG, GNAS SU SNANG BA'I KUN GZHI RNAM PAR SHES PA NI RNAM PAR 'KHRUL PA'I BAG CHAGS YONGS SU SMIN PA'I STOBS LAS 'GYUR TE, DE'I RANG GI NYON MONGS PA'I BAG CHAGS DAG DANG BRAL NAS CHOS LA BDAG MED PA MI GNYIS PA'I CHUD PA MTHONG BA'I PHYIR, STONG PA NYID DANG MTSAN MA MED PA DANG, SMON PA MED PA RNAM PAR THAR PA'I SGO'I TING NGE 'DZIN GYI BDE BA BDAG GI DON DU 'THOB NAS SNYING RJE'I SA BON RAB TU SANGS PA YANG GZHAN GYI DON DU RGYAL BA'I SKU'I CHOS KYI SKU NYID THOB PAR 'GYUR RO, ,NYAN THOS RNAMS KYIS NI PHYI ROL GYI NYID BSLAD PA'I 'BRAS BU'O, ,BYIS PA RNAMS LA THEG PA GSUM DANG, THEG PA GCIG DANG, THEG PA MED PAR GSUNGS PA'I 'PHAGS PA RNAMS LA THEG PA GSUM BDEN PA STE, GNYIS SU MED PA'I CHOS NYID DU SMRA STE ZHES BYA BAR SBYOR RO, ,DE'I RGYUR GSUNGS PA, DAM PA'I DON GYI SGO MO LA SOGS PA NI SEMS TZAM DON DAM PA'I BDEN PA MI GNYIS PAR YANG DAG PAR RIG PA LA DNGOS PO DANG, DNGOS PO MED PAR RNAM PAR RTOG PA'I BSAM GTAN LA SOGS PA DE DAG THAMS CAD MED DO, , SEMS CAN THAMS CAD LA NI DE BZHIN GSHEGS PA'I SNYING PO YOD PAS NI BYANG CHUB TU SEMS BSKYED PA RNAMS KYIS DE DAG THAMS CAD SANGS RGYAS SU DGOD PAR BYA'O, ,DUS KYI RIM PA LA LTOS TE, RIGS DANG RIGS MED PAR RNAM PAR GZHAG PA YIN TE, JI LTAR, TING NGE 'DZIN @95B GYI RGYAL PO LAS 'BYUNG BA, 'GRO BA 'DI KUN SANGS RGYAS 'GYUR, ,SNOD MIN SEMS CAN GANG YANG MED, ,CES PA'O, ,'DOD CHEN PA RNAMS THAR BAR 'GYUR KYANG, DE DAG THAR BAR MI 'GYUR TE, LOG PA'I SHES PAS MNGON PA'I NGA RGYAL CAN DAM PA'I CHOS SPONG BAS DGE BA'I RTZA BA THAMS CAD SPONG BA'I PHYIR RO, ,GNYIS PA NI SEMS CAN GYI DON DU SMON LAM BTAB PAS BTZUN GTZO'I BYANG CHUB SEMS DPA' RNAMS THAR PA MI 'CHAD DO, ,SHIN TU MYA NGAN LAS MI 'DA' ZHES BYA BA LA SOGS PA NI CHOS THAMS CAD THOG MA NAS MYA NGAN LAS 'DAS PAR SHES RAB KYIS SHES NAS DE'I DON DAM PA'I BDEN PA MI GNYIS PAR YANG DAG PAR RIG PA YONGS SU MYA NGAN LAS 'DAS PA YIN GYI, NYAN THOS LTAR YONGS SU MYA NGAN LAS MI 'DA'O, ,MA YIN ZHES BYA BA NI NYAN THOS 'DOD CHEN PA STE, JI SKAD CES SMRAS PA YIN ZHE NA, DE BZHIN GSHEGS PA'I BYIN GYI RLABS KYIS DGE BA CHE NAS NAM ZHIG DE MYA NGAN LAS 'DAS PAR 'GYUR RO, ,RANG BZHIN GYI MTSAN NYID GSUM ZHES BYA BA LA SOGS PA NI RTAG PA DANG, GZHAN GYI DBANG DANG, YONGS SU GRUB PA'I MTSAN NYID GSUM LA MKHAS PAR BYA'O, ,DE DAG JI LTA BUR 'BYUNG BA DE LTAR STON TE, KUN TU BRTAGS PA'I RANG BZHIN NI MTSAN MA LAS 'BYUNG STE ZHES PA SNGON PO DANG SER PO LA SOGS PA'I MTSAN MA LAS 'BYUNG NGO, ,GZHAN GYI DBANG MTSAN MA YIN PAR BSGRUB PAR MDZAD PA DE LA ZHES BYA BA LA SOGS PA'O, ,GZHAN GYI DBANG GI RANG BZHIN CI 'DRA BA ZHIG CES PA DANG GSUNGS PA, DNGOS PO'I MTSAN MA'I MTSAN NYID LTA BU'O, ,DNGOS POR SO SOR SNANG BA NA GZUGS LA SOGS PA'I MTSAN MA'I MTSAN NYID DANG, DMA' BA DANG MA THO BA LA SOGS PA DANG, DGE BA DANG MI DGE BA LA SOGS PAR DE DE LTAR RNAM PA DE LTA BU NI GZHAN GYI DBANG GI RANG BZHIN ZHES BYA'O, ,BLO GROS CHEN PO DE LA DNGOS PO'I MTSAN MA'I MTSAN NYID LA MNGON PAR ZHEN PA NI ZHES BYA BA LA SOGS PA LA, JI LTAR RNAM PA GNYIS ZHES PA DANG, DE NYID GSUNGS PA'I MING LA MNGON PAR ZHEN PA'I MTSAN NYID DANG, DNGOS PO'I MTSAN MA LA MNGON PAR ZHEN PA'I MTSAN NYID KYIS SO, ,DE LA DNGOS PO'I @96A *, ,MTSAN MA LA MNGON PAR ZHEN PA'I MTSAN NYID NI NANG DANG PHYI'I CHOS LA MNGON PAR ZHEN PA'O, ,MING LA MNGON PAR ZHEN PA'I MTSAN NYID NI NANG DANG PHYI ROL GYI SKYE MCHED DE DAG NYID LA STE, RANG DANG SPYI'I MTSAN NYID KYI KHYAD PAR GYI MTSAN NYID DU RNAM PAR RTOG GO, ,RANG GI MTSAN NYID NI SRA BA DANG, RLAN PA DANG, DRO BA LA SOGS PA'O, ,SPYI'I MTSAN NYID NI MI RTAG PA DANG, BDAG MED PA LA SOGS PA'O, ,YONGS SU GRUB PA'I RANG BZHIN NI ZHES BYA BA LA SOGS PA LA, MTSAN MA DANG MING GI DNGOS PO'I MTSAN NYID RNAM PAR RTOG PA DANG BRAL BA NI MA GRUB PA'I DE BZHIN NYID DO, ,MTSAN MA NI 'JUG PA'I MTSAN MA STE, RIGS DANG YON TAN DANG, BYED PA'I MTSAN NYID DO, ,DNGOS PO'I MTSAN NYID DER MI 'JUG STE, DE BZHIN DU RNAM PAR RTOG PA LAM YANG BA DKAR MO 'GRO'O ZHES SGRA BRJOD DO, ,NU MA DANG, SKRA DANG LDAN PA NI BUD MED, CES PA DANG, KHRE SER SKYA ZHES BYA BA LA SOGS PA STE, RNAM PA DE LTA BUR 'JUG PA'I MTSAN MA'I DNGOS PO DANG MING DU RNAM PAR RTOG PA DANG BRAL BA NI DE BZHIN NYID CES BYA'O, ,BYED PA PO DANG, LAS DANG BYED PA DANG, RJOD PA DANG, BRJOD PA DANG, 'DZIN PA DANG, GZUNG BA DANG, YOD PA DANG, MED PA'I RNAM PAR RTOG PA THAMS CAD DANG BRAL BA DE BZHIN DU MTSAN MA MED PA DANG, SNANG BA MED PA DANG, DON DAM PA'I BDEN PA MI GNYIS PAR YANG DAG PAR RIG PA'I RANG BZHIN NI DE BZHIN NYID YIN NO, ,MING DANG MTSAN MA DANG, KUN TU RTOG PA NI RTAG PA DANG, GZHAN GYI DBANG GI RANG BZHIN GNYIS KYI MTSAN NYID DU GTOGS SO, ,YANG DAG PA'I YE SHES DANG DE BZHIN NYID DAG NI GRUB PAR GTOGS SO, ,SDUG BSNGAL DANG KUN 'BYUNG GI BDEN PA NI MING DANG, MTSAN MA DANG, RNAM PAR RTOG PA GSUM DU GTOGS SO, ,LAM DANG 'GOG PA'I BDEN PA NI YANG DAG PA'I YE SHES DANG, DE BZHIN NYID DO, ,SLOB DPON BA SU BAN DHUS DBUS MTHA' RNAM PAR 'BYED PA NI THEG PA CHEN PO'I TSUL KUN RDZOB DANG DON DAM PAR BSDUS SO, ,BDAG CAG GIS NI CHOS LNGA BSDU BA LA YANG DAG PA'I YE SHES DANG, DE BZHIN PA NYID DO, ,RIM PA'I @96B KHYAD PAR DU STE, JI LTAR SHES RAB KYI PHA ROL TU PHYIN PA DANG, DGONGS PA DES PAR 'GREL PA LAS NYAN THOS RNAMS KYI LAM GYI RNAM PAR SHES PA DANG, BYANG CHUB SEMS DPA' RNAMS KYI THAMS CAD MKHYEN BA NYID DAR LA PHRA MO'I SGRIB PAS G-YAGS PA LTA BU DANG, SANGS RGYAS BCOM LDAN 'DAS RNAMS KYI RNAM PA THAMS CAD MKHYEN PA LA SGRIB PA MED PAR BSHAD PA STE, DES NA SNANG BA DANG BCAS PA DANG, SNANG BA MED PA'I TING NGE 'DZIN DU 'BYED PA'I KHYAD PAR GNYIS KYI YANG DAG PA'I YE SHES DANG DE BZHIN PA NYID BYE BRAG TU DBYE'O ZHES DAM PA'I CHOS RGYAS PA'I DON DU THAMS CAD MKHYEN PAS DGONGS PAR BRTAG GO, ,GZHAN YANG BLO GROS CHEN PO BYANG CHUB SEMS DPA' SEMS DPA' CHEN POS BDAG MED PA GNYIS KYI MTSAN NYID SHES PA RAB TU DBYE BA LA MKHAS PAR BYA'O ZHES BYA BA LA SOGS PA LA BDAG DANG BDAG GI MED PA ZHES BYA BA NI BDAG RTAG PAR MI RUNG STE, RTAG PA MA SKYES PAS NA RI BONG GI RVA LTAR DNGOS PO MED DO, ,RTAG PA LA NI RIM DANG CIG CAR DON BYED PAR 'GAL TE, RIM GYIS JI LTAR NA BYED LTOS PA'I RGYU MED PAS NA GZHAN GYI KHYAD PAR DU BYA BA MED PA'I PHYIR RO, ,CIG CAR YANG DON BYED PAR MI RIGS TE, THANG CIG TU BYAS PA DUS GSUM DU BYA BA MI DMIGS PA'I PHYIR RO, ,CIG CAR DU BYAS NA YANG DUS GZHAN DU BYED PA MED PAR GNAS PAR MI RUNG STE, DE BZHIN DU YANG DUS KYI RIM PAR DBYE BA NA SHING DANG THAL BA LA SOGS PA BZHIN DU MI RTAG PAR 'GYUR RO, ,SKRA DANG RTZVA LA SOGS PA BCAD NAS PHYIR SKYES PA LA YANG SO SOR BSHES PA'I DON RAB TU 'JUG STE, DES NA SO SOR BSHES PAS RTAG PAR BSGRUB PA MI RIGS SO, ,GANG YOD PA DE THAMS CAD NI SKAD CIG PA STE, SE GOL GYI SGRA DANG, GLOG DANG, ME LCE DANG, CHU'I RGYUN 'BREL PA DANG, RGYUN CHAD MED PA LA SOGS PA BZHIN NO, ,DES NA MI RTAG PA DANG, SDUG BSNGAL BA DANG, MI MDZES PAR BSGOMS PAS 'DOD CHAGS LA SOGS PA NYON MONGS PA RNAMS SPANG STE 'KHOR BA'I SDUG BSNGAL YONGS SU ZAD PAR 'GYUR RO, ,RTAG PA DANG, BDE BA DANG, LAS DANG, GTZANG BAR PHYIN CI LOG PA'I MTSAN NYID NI LOG PA'I SHES PA STE, @97A *, ,'KHOR BA'I SDUG BSNGAL SBYOR RO, ,DE NI 'PHAGS PA'I BDEN PA BZHI BSGOMS PAS SPONG STE, SDUG BSNGAL YONGS SU SHES PAR BYA BA DANG, KUN 'BYUNG SPANG BAR BYA BA DANG, 'GOG PA MNGON DU BYA BA DANG, LAM BSGOM PAR BYA'O, ,DE LA SDUG BSNGAL NI 'KHOR BA'I PHUNG PO RNAMS TE, GZUGS KYI PHUNG PO DANG, TSOR BA'I PHUNG PO DANG, 'DU SHES KYI PHUNG PO DANG, 'DU BYED KYI PHUNG PO DANG, RNAM PAR SHES PA'I PHUNG PO'O, ,DE LA GZUGS KYI PHUNG PO NI MIG LA SOGS PA'I RNAM PAR SHES PA LNGA RNAMS KYI YUL GANG YIN PA'O, ,TSOR BA'I PHUNG PO NI BDE BA DANG, SDUG BSNGAL DANG, BDE BA YANG MA YIN SDUG BSNGAL YANG MA YIN PAR TSOR BA STE, DE 'DUS PA NI PHUNG PO'O, ,'DU SHES NI YUL LA MTSAN MAR 'DZIN PA'I RANG BZHIN TE, BUD MED DANG, SKYES PA DANG, BUM PA DANG, SNAM BU LA SOGS PAR 'DU SHES SO, ,BUM PA'I 'DU SHES KYANG MIG LA SOGS PA'I SHES PA THOG MAR BYAS PA LAS 'BYUNG STE, 'DUS PA LAS PHUNG POR GDAGS SO, ,TSOR BA DANG 'DU SHES MA GTOGS PAR SEMS LAS BYUNG BA'I CHOS THAMS CAD NI, 'DU BYED KYI PHUNG PO STE, DE LA KUN TU 'PHRO BA TSOR BA DANG, 'DU SHES DANG, 'DOD PA DANG, REG PA DANG, BLO GROS DANG, DRAN PA DANG, YID LA BYED PA DANG, MOS PA DANG, TING NGE 'DZIN GYI SEMS NI KUN LA YOD DO, ,ZHIB TU NI CHOS MNGON PA LAS CHUD PAR BYA'O, ,GANG RNAM PAR SHES PA'I TSOGS MANG PO YIN PA NI RNAM PAR SHES PA'I PHUNG PO 'DUS PA STE, NAM GZUGS LA MI RTAG PA DANG, BDAG MED PA DANG, SDUG BSNGAL BA DANG, MI MDZES PAR SHES PAS DE'I TSE GANG ZAG LA BDAG MED PA YONGS SU SHES PAS RTZE MO NYI SHUR 'PHAGS PA 'JIG TSOGS LA LTA BA'I RI YE SHES RDO RJES BCOM STE, DGRA BCOM PA NYID MNGON SUM DU BYED DO, ,THAMS CAD MKHYEN PA'I YE SHES RTOGS PAR BYA BA'I PHYIR CHOS DANG GANG ZAG LA BDAG MED PA RAB TU SHES PAR BYA STE, CHOS THAMS CAD SGYU MA DANG 'DRA BA DANG, RMI LAM DANG 'DRA BA DANG, MIG YOR DANG 'DRA BAR YANG DAG PA JI @97B LTA BA BZHIN DU RAB TU SHES PAR BYA'O ZHES BYA BA LA SOGS PA STE, LUS DANG LONGS SPYOD GNAS SNANG BA, ,KUN GZHI KUN TU 'BYUNG BA STE, ,RNAM BRGYAD RNAM DGU DE BZHIN DU, ,RGYA MTSO RLABS RNAMS BZHIN DU'O, ,PHYI ROL GYI DON MED PAR RANG GI SEMS SNANG BA TZAM ZHIG BRGYAL BA LA SOGS PA BZHIN DU SNANG NGO, ,RMI LAM GYI DUS NA GZUGS LA SOGS PA'I YUL DANG, MIG LA SOGS PA'I RNAM PAR SHES PA MED PAR RNAM PA DU MA'I RNAM PAR SHES PA SNANG BA BZHIN DU RNAM PA SNA TSOGS KYI 'KHRUL PA 'BA' ZHIG GIS BTAB PA'I RNAM PAR SHES PA GCIG PO NYID RNAM PA DU MAR SNANG NGO; ,KUN GZHI RNAM PAR SHES PA ZHES BYA BA THOG MA MED PA'I 'KHOR BAS BDAG DANG GZHAN GYI MTHU DANG, DAM PA DANG DAM PA MA YIN PA'I BAG CHAGS BSGOS PAS MNGON PAR SNANG ZHING MGO 'KHOR BA DANG BRGYAL BA LA SOGS PA BZHIN DU LUS DANG, LONGS SPYOD DANG, GNAS RNAM PA SNA TSOGS MANG PO'I RNAM PAR SMIN PAR 'GYUR BA SNANG BA NA YANG BYIS PA SO SO'I SKYE BO RNAMS KYIS SNANG BA 'JUG PA KHONG DU MI CHUD PAS RTAG PA DANG, BDAG DANG PHYI ROL GYI GZUGS YONGS SU RTOG PAR BYED DO, ,GANG GI TSE SHES RAB KYIS DPYAD DE, SHES PAR BYA BA SBOM PO DANG PHRA MO RNAM PAR GZHIG STE MI DMIGS PA DE'I TSE CHOS DANG GANG ZAG LA BDAG MED PA YONGS SU SHES PAS BSAM PA MED CING SNANG BA MED PA DON DAM PA'I BDEN PA DNGOS PO MED PAR RNAM PAR MI RTOG GO, ,GNYIS SU MED PAR CHUD PA'I BTZUN GTZO'I SANGS RGYAS BCOM LDAN 'DAS SU 'GYUR RO, ,SNYING RJE'I BAG CHAGS KYIS BSKUL TE MCHOG TU YONGS SU DAG PA'I 'DOD CHAGS DANG BRAL BA THAMS CAD MKHYEN CING GZUGS RNAM PA SNA TSOGS KYI RNAL 'BYOR GYI DBANG PO RNAMS GZHAN GYI DON DU SAD PAR 'GYUR BA DE NI LAN DU MAR BSHAD PA MA YIN NO, ,CHOS LA BDAG MED PA DE PHYI'I DON SUN DBYUNG BA SBYOR BAR BYA'O, ,GANG ZAG LA BDAG MED PAR YANG SKAD CIG TU 'JIG PAR RAB TU BSGRUB PAR BYA BA STE, JI LTAR 'PHAGS MA SHES RAB KYI PHA ROL TU PHYIN PA LAS 'BYUNG BA, NANG STONG PA NYID DANG PHYI STONG PA NYID DANG, PHYI NANG GI STONG PA NYID CES BYA BA LA SOGS PA STE, PHUNG POR MI GNYIS @98A *, ,PA DANG, RNAM PAR MI 'JIG PA MA YIN PA'I PHYIR RO, ,PHYI ROL GYI NI CUNG ZAD KYANG PHUNG POR GNAS PA MED DO, ,GANG GI PHYIR ZHE NA, YAN LAG DANG BCAS PA RNAM PAR DBYE BA NA, KHANG PA DANG, SDE DANG, NAGS TSAL LA SOGS PA BZHIN DU STONG PAR 'GYUR BA NI DAM PA'I CHOS KYI 'GREL PA LANG KA 'DI NYID DU GSUNGS PA'I BSHAD PA 'DI DANG SBYAR BAR BYA STE, GZUGS NI RDUL PHRAN GZHIGS PA NA, ,RDUL PHRAN CHA NI MED PA STE, ,CI ZHIG SNANG ZHES PA LA, PHYI YI DNGOS PO MED PAR YANG, ,SEMS NI RNAM PA GNYIS SU SNANG, ,ZHES PA'O, ,RNAM PAR MI 'JIG PA MED PA'I PHYIR ZHES BYA BA NI RNAM PAR MI 'JIG PA'I RTAG PA GANG YANG MED DE, DE MA SKYES PA NI MO GSHAM GYI BU DANG, RI BONG I RVA LA SOGS PA BZHIN DU DNGOS PO MED DO, ,THAMS CAD MKHYEN PAS DAM PA'I CHOS KYI 'GREL PA 'DI NYID DU GSUNGS PA, RGYU MED PAR 'BYUNG BA SU YANG MED DO ZHES TE CHOS LA BDAG MED PAR BSGRUB PAR GSUNGS PA, BLO GROS CHEN PO DE LA CHOS LA BDAG MED PAR SHES PA GANG ZHE NA, 'DI LTA STE PHUNG PO DANG, KHAMS DANG, SKYE MCHED RNAMS KYI KUN BRTAGS PA'I MTSAN NYID KYI RANG BZHIN RTOGS PA DANG ZHES BYA BA LA SOGS PA LA KUN BRTAGS PA NI JI LTAR PHYI ROL GYI RDUL PHRA MO LAS BRTZAMS TE, YAN LAG CAN GYI RDZAS DANG, YON TAN DANG, LAS DANG, SPYI DANG KHYAD PAR LA SOGS PA DE LTAR MED DE, JI LTAR THAMS CAD MKHYEN PAS GSUNGS PA, JI BZHIN DU BYIS PA RNAMS KYI DNGOS POR RNAM PAR BRTAGS PA DE BZHIN DU MED DO ZHES TE, PHYOGS KYI CHA THA DAD PAS DBYE BA NA RDUL PHRA MO NYID KYANG MED NA DE LAS BRTZAMS PA'I YAN LAG GI RDZAS SBOM PO LTA GA LA YOD, TSON GYIS BTZOS PA DANG, MA BTZOS PA DANG, BSGUL BA DANG, MA SGUL BA DANG, BSGRIBS PA DANG, MA BSGRIBS PA LA SOGS PA NI THA DAD PAR DBYE BA NA, KHANG PA DANG, SDE DANG, NAGS TSAL LA SOGS PA BZHIN DU GCIG PAR MI RIGS NA YON TAN DANG LAS LA SOGS PA YANG DE LA GNAS PA LTA GA LA 'GYUR, PHUNG PO DAG RANG DANG SPYI'I MTSAN NYID DANG YANG BRAL BA ZHES BYA BA NI PHUNG PO RNAMS LAS 'BYUNG @98B BA BZHI LAS 'BYUNG BAR KUN TU RTOG GO, ,SPYI'I 'BYUNG BA RNAMS KYI RIG PAR BYA BA'I MTSAN NYID DO, ,KHYAD PAR GYI MTSAN NYID SRA BA DANG, GSHER PA DANG, DRO BA DANG, G-YO BA'I RANG BZHIN NO, ,DE DAG GI RANG DANG SPYI'I MTSAN NYID NI RMI LAM DANG MIG 'PHRUL LA SOGS PA LA YANG SO SOR SNANG STE, DE'I PHYIR PHUNG PO RNAMS NI RANG DANG SPYI'I MTSAN NYID DANG BRAL BA'O, ,RTAG PA DANG BDAG DANG, BDAG GIR KUN TU BRTAGS PA'I MTSAN NYID DANG BRAL BAS GZUGS BDAG MED PA DANG, GZUGS CAN BDAG DANG, BDAG GI GZUGS DANG, BDAG LA GZUGS ZHES PAR KUN TU MTHONG BA DE TSOR BA LA SOGS PA'I PHUNG PO YANG RTZE MO NYI SHUR 'PHAGS PA 'JIG TSOGS LA LTA BA'I RI YE SHES RDO RJES BCOM STE, GANG ZAG LA BDAG MED PAR KHONG DU CHUD PAR 'GYUR RO, ,BTZUN GTZO'I BYANG CHUB SEMS DPA' NI BYED PA DANG, BYED PA PO DANG, LAS DANG BREL ZHING G-YO BA MED PA'I PHUNG PO RNAMS LA, MI SHES PA DANG, SRED PA DANG, LAS KYI RGYU DANG, NYE BAR 'BREL BA RNAMS SNANG BA'I MTSAN NYID DU SHES SO, ,BLO GROS CHEN PO CHOS THAMS CAD LA SEMS DANG, YID DANG, YID KYI RNAM PAR SHES PA DANG, CHOS LNGA DANG, RANG BZHIN DANG BRAL BAR RNAM PAR BSGOM PA'I BYANG CHUB SEMS DPA' SEMS DPA' CHEN PO NI CHOS LA BDAG MED PA LA MKHAS PA YIN NO ZHES BYA BA LA SOGS PA NI RJES SU MTHUN PA BZHIN DU BSHAD PAR BYA STE, JI LTAR 'DIR GSUNGS PA, SEMS NI KUN GZHI RNAM SHES TE, ,NGAR SEMS NYID NI YID YIN NO, ,GANG GIS YUL RNAMS 'DZIN PA NI, ,DE NI RNAM PAR SHES ZHES BYA, ,KUN GZHI RNAM PAR SHES PA NYID RMI LAM GYI DUS SU MIG LA SOGS PA'I RNAM PAR SHES PA DRUG GI RANG BZHIN DU SNANG NGO, ,DRUG PA RNAMS 'DAS DE MA THAG ,RNAM SHES DE GANG YID CES BYA, , NYON MONGS PA'I YID KYANG GANG GI TSE NA, NGA RGYAL DANG LDAN PAR SKYE BA DE'I TSE PHUNG PO DANG, KHAMS DANG, SKYE MCHED DU SNANG BA'I KUN GZHI RNAM PAR SHES PA GCIG PU NYID DU YIN ZHES PAR BYED DO, ,CHOS LNGA YANG KUN GZHI RNAM PAR SHES PA NYID DE, MING DANG MTSAN MA LA SOGS PAR @99A *, ,BRTAGS PA DANG, GZHAN GYI DBANG DANG, YONGS SU GRUB PA'I CHOS KYI KHYAD PAR DU DBYE BA NI, THOG MA MED PA'I 'KHOR BAR BDAG DANG GZHAN GYI DBANG GI MTHU LAS BYUNG BA DRI MA DANG BCAS PA DANG, DRI MA MED PA YIN TE, GANG GI TSE NA SHES PAR BYA BA SBOM PO DANG, PHRA MO RNAM PAR GZHIGS TE MI DMIGS PA DE'I TSE BSAM PAS MED CES SNANG BA MED PA DON DAM PA'I BDEN PA MI GNYIS PAR YANG DAG PAR RIG PA GNAS PAR 'GYUR RO, ,DE DE LTAR DNGOS PO DANG DNGOS PO MED PA'I RNAM PAR RIG PA NYID CHOS DANG GANG ZAG LA BDAG MED PA YONGS SU SHES NAS SNANG BA MED PA'I TING NGE 'DZIN THOB PAS BYANG CHUB SEMS DPA'I SA DANG PO 'THOB PO, ,SNANG BA MED PA'I RAB TU DBYE BA 'THOB PAS, SA'I MTSAN NYID RAB TU DBYE BA KHONG DU CHUD PA'I PHYIR RAB TU DGA' BA'I 'OG TU RIM GYIS SA DGU LA YANG MKHAS PAR BYAS NAS CHOS KYI SBRIN RAB TU 'THOB PO ZHES BYA BA LA SOGS PA NI SHES RAB KYIS DPYOD NAS CHOS DANG GANG ZAG LA BDAG MED PA YONGS SU SHES NAS SNANG BA MED PA RAB TU RTOGS PA'I SA DANG PO GANG GI TSE NA THOB PA DE'I TSE DE LAS GONG MA'I SA'I SNANG BA'I YON TAN GYI DON RGYA CHER TE, JI LTAR 'DIS BCU LAS 'BYUNG BA DE BDAG NYID KYANG MI DMIGS NA BDAG GIS LTA CI SMOS TE, BDAG DANG BDAG GIR CHAGS PA DANG BRAL TE BDAG I THAMS CAD YONGS SU GTONG BAS RAB TU DGA' BAR 'GYUR RO, ,DE'I 'DUS PA NI SA DANG POR SPONG BAR 'GYUR RO, ,DRI MA MED PA NI TSUL KHRIMS YONGS SU 'DAG STE, GNYIS SU MI DMIGS PA'I PHYIR RO, ,RNAM PAR RTOG PA YONGS SU SPONG STE, RGYUN DU MNYAM PAR 'JOG PA GSUM PAR NI BZOD PA'I PHA ROL TU PHYIN PA YONGS SU 'DAG GO, ,GNYIS SU MED PA'I RNAL 'BYOR LA GNAS PAS MI GNYIS PA'I SEMS KYI NAN TAN NI BRTZON 'GRUS SO, ,BSAM GTAN GYI MI GNYIS PA'I RNAL 'BYOR GYIS GNAS SO, ,SHES RAB KYIS DPYAD PAS GNYIS STONG PAR YONGS SU SHES PA'O, ,SHES RAB KYIS MKHAS PA DANG, SNYING RJE'I BAG CHAGS KYIS BSKUL BAS GZHAN LA PHAN PAR BYED DO, ,SMON LAM GYIS 'PHANGS TE, BDAG DANG GZHAN LA PHAN @99B PA'I BSOD NAMS DANG YE SHES KYI TSOGS KYIS MNYAM PAR BSAM PA'I BZANG PO SPYOD PA'I SMON LAM RDZOGS PAR BYED PA'O, ,STOBS KYANG DE LTAR BSAM PA YONGS SU DAG PAS GZHAN GYI SEMS SU SHES PA'I PHYIR YONGS SU MTHUN PA BZHIN DU CHOS KYI SBYIN PA BYED PA'O, ,RNAM PA DE LTA BU'I BDAG DANG GZHAN GYI PHAN PA 'BYUNG BA'I CHOS KYI SPRIN DU DBANG BSKUR BAS SA BCUR RNAL 'BYOR GYI DBANG PO KHO NAR RO, ,SBYIN PA LA SOGS PA PHA ROL TU PHYIN PA BCUS NI BSOD NAMS DANG YE SHES KYI TSOGS TE, BDAG DANG GZHAN GYI DON NUS PAS NI THAMS CAD MKHYEN PA NYID DU SANGS RGYAS KYI SAR GSHEGS PAR 'GYUR RO, ,BCOM LDAN 'DAS KYIS LANG KAR GSUNGS PA'I 'GREL PA'I TSUL DU NYON MONGS PA MED PA'I MI SHES PA MA LUS PAR SPANGS NAS SA BCU GNYIS SU SGRIB PA MED PA'I THAMS CAD MKHYEN PA KHO NA BAR 'PHAGS PA SA BCU PA LAS RGYAS PHAR CHUD PAR BYA'O, ,DAM PA'I CHOS KYI 'GREL PA LANG KAR GSUNGS PA 'DIR NI BDAG DANG GZHAN GYI MTHAR GRUB PA'I RTZOD PA RNAMS RTOG PAR LTA BA RNAMS KYI SEMS KYIS SEMS CAN RNAMS LA GTAN LA DBAB PA'I PHYIR THAMS CAD MKHYEN PAS CHOS BSHAD PAR MDZAD PAS KUN GZHI RNAM PAR SHES PA MNGON SUM DANG RJES SU DPAG PAS RAB TU BSGRUB PA DANG, CHOS DANG GANG ZAG LA BDAG MED PA TSAD MAS RTOGS PAR 'GYUR BA'I TSUL GYIS KYANG BSGRUBS SO, ,THAMS CAD MKHYEN PAS BDAG DANG GZHAN GYI SEMS RNAM PAR SBYONG BA'I DON SA BCU RNAMS KYIS BSTAN PA'O, , CHOS LA BDAG MED PAR MTHONG BAS BLO GROS CHEN PO 'DI NI SA BCU PA'I DBANG PO DANG, CHOS KYI SKU LA MNGA' DBANG MDZAD PA'I DE BZHIN GSHEGS PAR 'GYUR TE ZHES PA DE NI DAM PA'I CHOS LA MNGON PAR 'GRUB PA RNAMS KYI YON TAN GYI DON RGYA CHE BA STE, MDO SDE THAMS CAD DU RIG PAR BYA'O, ,THAMS CAD MKHYEN PA'I SNANG BA DANG BCAS PA DANG SNANG BA MED PA'I TING NGE 'DZIN THOB NAS BDAG DANG GZHAN LA PHAN 'DOGS PAR NUS PA'I SHES RAB DANG, SNYING RJE DANG LDAN PAS BSOD NAMS DANG YE SHES KYI TSOGS LAS 'BYUNG BA'I PHYIR CHOS KYI SKU LA MNGA' @100A *, ,DBANG MDZAD PA DE BZHIN GSHEGS PAR 'GYUR RO, ,NYON MONGS PA THAMS CAD KYI SGRIB PA BAG CHAGS DANG BCAS PA RTZA BA NAS BTON PAS THAMS CAD MKHYEN PAR 'GYUR BA STE, 'DOD CHAGS LA SOGS PA NYON MONGS PA RNAMS NI SPYOD YUL MA NGES PA'I YE SHES KYI SGRIB PA YANG YIN TE, GANG GIS 'DOD CHAGS LA SOGS PA NYON MONGS PA RNAMS ZIL GYIS MNAN PAS MI RTAG PA DANG, SDUG BSNGAL BA DANG, MI MDZES PA'I GZUGS NYE BAR GNAS KYANG MI MTHONG ZHING RTAG PA DANG, BDAG DANG, BDE BA DANG, GTZANG BA'I RNAMS CHUD PAR BYED DE, DE BAS NA 'DOD CHAGS LA SOGS PA'I NYON MONGS PA SPANGS PAS MIG GI LING TOG DANG BRAL BA BZHIN DU MCHOG TU YONGS SU DAG PA'I 'DOD CHAGS DANG BRAL BA RNAL 'BYOR GYI DBANG PO THAMS CAD MKHYEN PA'I YE SHES NI SHES PAR BYA BA'I DKYIL 'KHOR THAMS CAD DU RAB TU 'JUG GO, ,DE LTAR NA GZUGS RNAM PA SNA TSOGS KYI CHO 'PHRUL RNAMS KYIS SKYE BO THAMS CAD MGU BAR MDZAD CING CHOS KYI 'KHOR LO BSKOR RO, ,DE DE LTA BU NI KUN GZHI RNAM PAR SHES PA NYID NI DRI MA DANG BCAS PA DANG DRI MA MED PA'I RIM PAS 'KHOR BA DANG, MYA NGAN LAS 'DAS PA DANG LDAN PAR RNAM PAR SHES PAR BYA STE, SHES RAB KYI STOBS KYI RANG BZHIN GYIS 'OD GSAL ZHING BDAG DANG GZHAN LA PHAN 'DOGS NUS PA'I SANGS RGYAS NYID DU 'GYUR RO, ,JI LTAR DGONGS PA NGES PAR 'GREL PA LAS GSUNGS PA, LEN PA'I RNAM PAR SHES PA ZAB CING PHRA, ,'BAB LAS JI LTAR 'BYUNG BA'I SA BON KUN, ,BYIS PA RNAMS LA NGA YIS DE MA BSHAD, ,BDAG TU RTOG PAR MA GYUR CIG PAR RO, ,THOG MA MED PA'I DUS KYI KHAMS, ,THAMS CAD CHOS KYI GNAS YIN TE, ,DE YOD PAS NA 'GRO BA KUN, ,MYA NGAN 'DA' BA'ANG MTHONG 'GYUR RO, ,DE LA MU STEGS BYED PA RNAMS KYIS SGRO 'DOGS DANG, SKUR PA NI BDAG RTAG GO ZHES BSKYED PA DANG, RNAM PAR SHES PA THAMS CAD RGYUN CHAD PAS RGYUN DU 'BYUNG BA'I KUN GZHI RNAM PAR SHES PA YANG RGYUN CHAD DO ZHES SKUR DU DOGS NAS BLO GROS CHEN POS @100B THAMS CAD MKHYEN PA LA YONGS SU GSOL NAS, BCOM LDAN 'DAS KYIS KYANG DOGS PA THAMS CAD RNAM PAR BCAD PA'I SLAD DU BKA' STZAL BA, SGRO 'DOGS PA DANG SKUR BA DAG ,SEMS TZAM LA NI YOD PA MIN, ,ZHES GSUNGS PA STE, MU STEGS BYED PA RNAMS KYIS BDAG RTAG PA'O ZHES BSKYED PA DANG SKUR PA YANG SEMS KYI RGYUD LA MI RUNG STE, SEMS KYI RGYUD LA 'CHAD PA MED PAS GSER LTA BU'I SEMS KYI RGYUD DUS THAMS CAD DU RNAM PAR GNAS PA'I PHYIR RO, ,GANG GIS SEMS KYI RNAM PAR GNAS PA NYID MI SHES PA DES RTAG PAR SGRO 'DOGS PA DANG, MI RTAG PAR CHAD PAR RTOG PA'I MTHAR RTOG GO, ,GANG DAG GIS LUS DANG LONGS SPYOD DANG GNAS SU SNANG BA'I SEMS MI SHES NAS BSKYED PA DANG SKUR PA SPYOD PA DE DAG NI MKHAS PA MA YIN NO, ,BDAG DANG GZHAN GYI RGYUD KYI DBANG GI KHYAD PAR GYI STOBS LAS SHES PA DANG, GSER RIN PO CHE DRI MAS 'BAGS PAR 'GYUR BA LTA BU'ANG DRI MA MED PAR 'GYUR BA NI RGYUD KYI RGYUD DU GNAS PA'I SHES PA THAL BA DANG, SA'I SE'UR BTZOS PA LTA BU'I SHES RAB KYI RNAL 'BYOR GYIS MGO 'KHOR BA DANG BRGYAL BA DANG BRAL BA LTA BU DANG, MIG GI LING TOG DANG BAL BA LTA BUR NYON MONGS PA DANG, SHES BYA DANG, LAS KYI SGRIB PA DANG, SNANG BA DANG BCAS PA DANG, SNANG BA MED PA GNYIS DANG, MI GNYIS PA'I TING NGE 'DZIN RNAM PAR DAG PA MCHOG TU YONGS SU DAG PA'I 'DOD CHAGS DANG BRAL BA THAMS CAD MKHYEN CING GZUGS RNAM PA SNA TSOGS KYI RNAL 'BYOR GYI DBANG PO BDAG DANG GZHAN LA PHAN 'DOD SPYOD PA'I SANGS RGYAS KYI DNGOS PO THOB PAR 'GYUR RO, ,BLO GROS CHEN PO MED PA LA SGRO 'DOGS PA NI RNAM PA BZHI STE, RNAM PA BZHI GANG ZHE NA 'DI LTA STE, MED PA'I MTSAN NYID LA SGRO 'DOGS PA DANG ZHES BYA BA NI RTAG PA DANG, BDAG LA SOGS PAR SGRO 'DOGS PA'O, ,MED PA'I LTA BAR SGRO 'DOGS PA NI BDE BA DANG GTZANG BA LA SOGS PAR SGRO 'DOGS PA'O, ,RGYU MA YIN PAR SGRO 'DOGS PA NI TSANGS PA DANG, DBANG PO DANG, GTZO BO DANG, BYUNG @101A *, ,BA DANG, DUS DANG, NGES PA'I TSUL DANG, LHA LA SOGS PA'I RGYU YIN PAR SGRO 'DOGS PA'O, ,MED PA'I DNGOS POR SGRO 'DOGS PA NI RDUL PHRA MO LAS BRTZAMS PA'I YAN LAG CAN DANG, YON TAN DANG, LAS DANG, SPYI DANG, KHYAD PAR DANG, 'BREL PA DANG TSIG GI DON DRUG TU 'BRUM BU ZAB PA RNAMS RTOG GO, ,TSAD MA [?] DANG, GZHAL BA MA GTOGS PA DOGS PA DANG, DGOS PA DANG, GRUB PA'I MTHA' DANG, DPE DANG, YAN LAG DANG, RTOG PA DANG, NGES PA DANG, RTZOD PA DANG, ZUG ZUG TU SMRA BA DANG, MTHO BA TZAMS PA DANG, RGYUR SNANG BA DANG, KLAN KA DANG, RIGS DANG TSAR GCOD PA'I GNAS RNAMS RKANG MIG GI SLOB MA RNAMS KYIS MED PA LA SGRO 'DOGS PA'O, ,GRANGS CAN RNAMS KYIS DE KHO NA NYID NYI SHU RTZA LNGA NI MED PA LA SGRO 'DOGS PA'O, ,SKYES BU'I RANG BZHIN NI TSOR BA CAN TE, BDE BA DANG SDUG BSNGAL BA LA SOGS PA'I YUL DU LONGS SPYOD PAS NA RNAM PA SNA TSOGS KYI RGYUN GYIS GZUGS LA RTAG PA MI RIGS SO, ,SEMS CAN DANG, RDUL DANG, MUN PA RNAMS MNYAM PA'I DUS NA GTZO BO STE, DE YANG RTAG CING MA SKYES SO ZHES PA RIM PA'I KHYAD PAR DU DBYE BAS NA SHING DANG THAL BA LA SOGS PA BZHIN DU GTZO BO RIG PA MED PAS BLO DANG, YID DANG, NGA RGYAL CHUD PA'I RANG BZHIN RNAMS MI RUNG NGO, ,SPYI'I DON MED PAR YANG SGRA LA SOGS PA YUL DE TZAM LNGA DANG, BLO'I DBANG PO LNGA DANG, LAS KYI DBANG PO RNAMS KYANG MI RUNG BA NI RMI LAM DANG MIG 'PHRUL LA SOGS PA BZHIN DU CHUD PA'I RANG BZHIN GYI SNANG BA NYID DO, ,DE BZHIN DU RDZAS DANG, YON TAN LA SOGS PA DE LTA BUR DE DAG GI KHYAD PAR YONGS SU SHES PAS KYANG THAR PAR MI RUNG STE, RTZVA STAN DANG RTZIG PA LA SOGS PA'I KHYAD PAR YONGS SU SHES PA BZHIN NO, ,KshA PA NA KA MED PAR SGRO BTAGS PA YANG THAR PA'I RGYU MA YIN TE, SPYI'I BDAG NYID DU YOD PAR 'GYUR BA DANG, KHYAD PAR GYI BDAG NYID DU MED PAR 'GYUR BA DANG, SPYI DANG KHYAD PAR GYI BDAG NYID DU YOD PA DANG @101B MED PAR 'GYUR PA DANG, SPYI'I BDAG NYID DU YOD PAR 'GYUR BA YANG KHYAD PAR GYI BDAG NYID DU YOD PAR SMRA BAR MI BYA'O, ,KHYAD PAR GYI BDAG NYID DU MED PAR 'GYUR BA YANG SPYI'I BDAG NYID DU SMRA BAR MI BYA'O, ,SPYI'I DANG KHYAD PAR GYI BDAG NYID DU YOD KYANG YOD LA MED KYANG MED PAR 'GYUR BA YANG CIG CAR SMRA BAR MI BYA STE, YUL DANG, DUS DANG, RIM PA DANG, RNAM PA LA LTOS TE THAMS CAD SMRA BAR MI BYA'O ZHES PA DE KHO NA NYID KYI TSIG GI DON DU NYES PA MED DE, SOM NYI DANG BCAS PAS NI THAR PAR MI RUNG NGO, ,RTAG PA DANG BDAG LA CHAGS PAS BSLAD PA'I PHYIR, SDUG BSNGAL GYI GNAS SU LHUNG BA NI MAR MER PHYE MA LEB LHUNG BA NI 'KHOR BAR YANG SKYE BA DANG, RGA BA DANG, NA BA DANG, MYA NGAN DANG 'CHI BA'I SDUG BSNGAL GYIS DKRUGS PAR BDAG TU CHAGS PA'I LOG PA'I SHES PAS LHUNG NGO, ,SRED PA DANG BCAS PA NYID KYI PHYIN CI LOG GIS SKYES BA YIN TE, 'DOD CHAGS DANG BRAL BA LA SKYES PA MTHONG BA'I PHYIR RO, ,SKYES MA THAG PA LA YUL KHA CIG TU DGA' BA DANG, 'JIGS PA DANG MYA NGAN RTOGS PAS SNGON GYI GOMS PA RJES SU DPAG PAR BYA STE, SPONG BA DANG, LEN PA DANG, BTANG SNYOMS KYI BLO RNAMS LA BDE BA DANG, SDUG BSNGAL BAR BSGRUB PA GDON MI ZA BA SNGAR BYAS PA'I PHYIR RO, ,RTAG PA DANG MI RTAG PAR MI GNYIS PAR SMRA BA RNAMS KYIS MED PA DNGOS POR SGRO 'DOGS PA YANG GROL BA DANG, MA GROL BA DANG, PHYUG DBUL LA SOGS PA GCIG PA'I SKYON DU 'GYUR RO, ,DE DE BZHIN DU KHRUS DANG, SBYIN SREG DANG, GAD PA DANG, G-YANG SA DANG, BKRA SHIS DANG, BKRA SHIS MA YIN PA DANG, RTZA BA DANG, 'BRAS BU DANG, LO MA DANG, LO MA MA YIN PA DANG, RIN PO CHE DANG, GSER 'PHYANG BA DANG, GAR DANG, GLU DANG, SIL KHROL DANG, RAL PA DANG, SPYI PHUD KYIS BRGYAN PA DANG, THAL BAS SKUD PA DANG, 'DZIN PA DANG, DE BKRU BA DANG, DBUGS THUB PA LA SOGS PA CHA BYAD SNA TSOGS DANG, BA GLANG GI BRTUL ZHUGS DANG, RMA BYA'I @102A *, ,BRTUL ZHUGS LA SOGS PA BDAG TU CHAGS PA YONGS SU MA ZAD PAR THAR PAR MI RUNG STE, DE DE LTAR THAR PAR SMRA BA RNAMS KYIS MED PA'I DNGOS POR SGRO 'DOGS PA'O, ,'JIG RTEN RGYAD 'PHEN PA DANG, KUN DU LTA BA DANG, SPYOD PA CAN RNAMS PHYI'I DON MED PAR PHYI'I DON DU SGRO 'DOGS PA NI MED PA DNGOS POR SGRO 'DOGS PA STE, RTOG PA'I RGYUN DU SGRA TSANGS PA DPYAD PA LA SOGS PAR BDAG DANG GZHAN GYI GRUB PA'I MTHA' ZHIB TU DPYAD KYIS, DE BZHIN DU 'DIR YANG SBYAR BAR BYA'O, ,KHYAD PAR DU DGONGS PA'I DON NI THAMS CAD MKHYEN PA NYID TSAD MA YIN TE, BDAG GIS NI RTOG PA DANG SGRA'I RJES SU 'BRANG STE BSHAD PAR SBYAR RO, ,BLO GROS CHEN PO 'DI NI SGRO 'DOGS PA RNAM PA BZHI STE, SGRO 'DOGS PA'I LTA BA NGAN PA 'DI NYID MI DMIGS PAR RAB TU 'BYED PA NA MED PA'I PHYIR SKUR PAR 'GYUR TE ZHES BYA BA'I SKUR PA'I BSHAD PA NI THAMS CAD MKHYEN PA NYID KYIS MDZAD PA NI 'DI LTA STE SGRO 'DOGS PA'I LTA BA NGAN PA LA SOGS PA ZHES BYA BA STE, MI DMIGS TE RAB TU 'BYED PA NA MED PA'I PHYIR SKUR PAR 'GYUR TE, DE ZHES BYA BA LA DMIGS PA NI SHES RAB KYIS DPYAD PA NA'O, ,'DI YOD PA DANG 'DI MED PA'O ZHES GNYIS YOD NA SGRO 'DOGS PA DANG, SKUR PAR RNAM PAR RTOG PAR 'GYUR RO, ,LTA BA THAMS CAD LAS BRAL BAR BYED PA NI STONG PA NYID DO, ,NANG STONG PA NYID DANG, PHYI STONG PA NYID DANG, PHYI NANG STONG PA NYID LA SOGS PA STE, PHUNG POR MI GNAS PA DANG, RNAM PAR MI 'JIG PA MA YIN PA'I PHYIR TE, STONG PA NYID KYI LTA BA THAMS CAD SPONG BAR 'GYUR PA'I CHOS DANG GANG ZAG LA BDAG MED PA YONGS SU SHES PAS SO, ,MED PA'I MTSAN NYID LA SGRO 'DOGS PA'I BSHAD PA NI PHUNG PO DANG, KHAMS DANG, SKYE MCHED RNAMS KYI RANG DANG SPYI'I MTSAN NYID LA MNGON PAR ZHEN PA'O ZHES TE, GZUGS DANG TSOR BA DANG, 'DU SHES DANG 'DU BYED DANG RNAM PAR SHES PA'I PHUNG PO RNAMS NI GZUNG BA DANG, 'DZIN PA GNYIS KYI RNAM PA STE, RMI LAM LA SOGS PA BZHIN DU SKYE MCHED DANG, KHAMS KYI BYE BRAG TU CHUD PA'I RANG BZHIN GYI @102B SNANG BA NYID SO SOR SNANG NGO, ,DE LA SPYI'I MTSAN NYID NI GZUGS SU 'GYUR BA'I MTSAN NYID PAS NA GZUGS SO, ,KHYAD PAR GYI MTSAN NYID NI RTEN PA LA SOGS PA'I LUS SU GRUB PA DANG, SRA BA DANG, GSHER BA DANG, DRO BA DANG, G-YO BA'O, ,TSOR BA MYONG BA'I MTSAN NYID NI SPYI'I MTSAN NYID DO, ,BDE BA DANG SDUG BSNGAL BA LA SOGS PA NI KHYAD PAR GYI MTSAN NYID DO, ,'DU SHES MTSAN MAR 'DZIN PA'I BDAG NYID NI SPYI'I MTSAN NYID DO, ,PHRA BA DANG, RGYA CHE BA DANG, CHUNG BA DANG, CHEN POR SONG BA DANG, BUD MED DANG, SKYES PA LA SOGS PA'I MTSAN MAR 'DU SHES PA NI KHYAD PAR GYI MTSAN NYID DO, ,RNAM PAR RIG PA NI SO SOR RNAM PAR CHUD PA STE, DE LA DON MTHONG RNAM PAR SHES, ,DE YI KHYAD PAR SEMS LAS BYUNG, ,ZHES PA 'DU BYED KYI PHUNG PO'I SGRAR BRJOD PA STE, DE DAG GI KHYAD PAR NI TSOR BA DANG, SEMS PA DANG, 'DU SHES DANG, 'DOD PA DANG, REG PA DANG, BLO GROS DANG, DRAN PA DANG, MOS PA DANG, TING NGE 'DZIN NI SEMS THAMS CAD LA STE, ZHIB TU NI CHOS MNGON PA LAS RIG PAR BYA STE, SHES PA RNAMS 'DUS PA NI RNAM PAR SHES PA'I PHUNG PO'O, ,MIG LA SOGS PA'I RNAM PAR SHES PA THAMS CAD DANG, GZUGS LA SOGS PA'I YUL YANG RMI LAM GYI DUS NA YANG KUN GZHI RNAM PAR SHES PA GCIG PO MA GTOGS PAR GZHAN MED DE, PHYI ROL GYI DON DU SGRO BTAGS TE MTSAN NYID MED PA LA MNGON PAR ZHEN PA 'BA' ZHIG GO, ,'DI NI 'DI LTA STE, DE BZHIN GYIS GZHAN DU MA YIN NO ZHES BYA BA NI SNGON PO LA SOGS PA'I RANG BZHIN LA PHYI ROL GYI BAR SGRO 'DOGS SO, ,RMI LAM DANG RAB RIB LA SOGS PA'I RANG BZHIN LA YANG DE LTA BU'I RNAM PA YOD PA NYID DO, ,DE LTA BUR NA GNYID KYIS MA LOG PA'I DUS NA NI YOD LA RMI LAM GYI DUS NA NI MED DO ZHES PAR RNAM PAR RTOG PA NI SLAD MA'I BAG CHAGS YONGS SU SMIN PA'I MTHU LAS SKYES PA DE DAG THAMS CAD MTSUNGS SO ZHES THAMS CAD MKHYEN PAS BSGRUB PA MDZAD PA BLO GROS CHEN PO MED PA'I MTSAN NYID LA SGRO 'DOGS PA'I RNAM PAR RTOG PA 'DI NI THOG MA MED @103A *, ,PA'I DUS KYI SPROS PA GNAS NGAN LEN GYI BAG CHAGS SNA TSOGS LA MNGON PAR ZHEN PA LAS 'BYUNG ZHES PA STE, THOG MA MED PA'I DUS KYI SKAD CIG MA'I RGYUN 'BREL PAR 'BYUNG BA'I SEMS BDAG DANG GZHAN GYI RGYUD KYI DBANG GI RKYEN GYI KHYAD PAR GYIS DKRUGS TE, MNYAM PAR MI 'JOG PA'I MA RIG PA'I GNAS NGAN LEN PA SNA TSOGS BAG CHAGS YONGS SU SMIN PA'I MTHU LAS RMI LAM BZHIN DU 'DZIN PA DANG, GZUNG BAR SNANG BA'I 'KHOR BAR SNANG NGO, ,GANG GI TSE NA SHES RAB KYIS DPYAD DE SHES PAR BYA BA SBOM PO DANG PHRA MO RNAM PAR PHYE STE MI DMIGS PA DE'I CHE SNANG BA DANG BCAS PA DANG, SNANG BA MED PA'I TING NGE 'DZIN THOB PAS THAMS CAD MKHYEN PA SEMS CAN THAMS CAD LA PHAN PAR 'JUG PA NI LAN DU MAR BSHAD PA YIN NO, ,BLO GROS CHEN PO GANG PHUNG PO DANG, KHAMS DANG, SKYE MCHED DE DAG NYID LA BDAG DANG, SEMS CAN DANG, SROG DANG, GSO BA DANG, SKYES BU DANG, GANG ZAG TU LTA BA NGAN PAR SGRO 'DOGS PA YIN TE, BLO GROS CHEN PO 'DI NI MED PA'I LTA BAR SGRO 'DOGS PA ZHES BYA'O ZHES PA NI PHUNG PO DANG, KHAMS DANG, SKYE MCHED DU SO SOR SNANG BA LA PHYI ROL GYI DON DU MNGON PAR ZHEN PA NI MED PA'I MTSAN NYID LA SGRO 'DOGS PA'O, ,DER YANG RTAG PA DANG, BDAG DANG, BDAG GIR MNGON PAR ZHEN PA NI LTA BA NGAN PAR SGRO 'DOGS PA'O, ,RTAG PA DANG, BDAG DANG, BDE BA DANG, GTZANG BA'I DNGOS POR PHYIN CI LOG RNAMS KYIS LOG PA'I SHES PA GCIG NAS GCIG TU BRGYUD PA'O, ,BLO GROS CHEN PO MED PA'I RGYUR SGRO 'DOGS PA NI 'DI LTA STE, SNGON RGYU LAS MA SKYES PA'I RNAM PAR SHES PA PHYIS SGYU MA LTA BUR SNGON MA BYUNG ZHING MED PA LAS MIG DANG, GZUGS DANG, SNANG BA'I RGYU DANG, DRAN PA SNGON DU 'JUG PAS 'BYUNG NGO ZHES PA LA; SNGON MA SKYES PA'I RNAM PAR SHES PA ZHES BYA BA MED PA'I RGYUR SGRO 'DOGS PA 'DI NI LOG PA'I RNAM PAR RTOG PA YIN TE, GAL TE SNGON RNAM PAR SHES PA THOG MA MED PA'I DUS RGYUN DU RNAM PAR GNAS PA'I KUN GZHI RNAM PAR SHES PA ZHES BYA BA MED NA NI DRAN PA DANG SO SOR BSHES PA LA @103B SOGS PA JI LTAR NA YONGS SU SHES PAR 'GYUR, ,SKYES MA THAG PA RNAMS LA YUL KHA CIG TU DGA' BA DANG, 'JIG PA DANG, MYA NGAN 'BYUNG BA SNANG BA'I PHYIR RO, ,MIG LA SOGS PA'I RNAM PAR SHES PA DRAN PA DANG, GZUGS DANG, SNANG BA'I RGYU LA STOS TE, DES NA THOG MA DANG THA MAR STONG PA YANG SGYU MA DANG 'DRA BAR RNAM PAR SHES PA SKYE BA NI DE MA THAG PA'I RKYEN GCIG GI RGYU GCIG YIN PA LAS 'BYUNG STE, SEMS KYI RGYUD KYI RGYUN JI LTA JI LTAR MI 'CHAD PA LTAR SNGAR BSGRUBS ZIN TO, ,BLO GROS CHEN PO MED PA'I DNGOS POR SGRO 'DOGS PA NI 'DI LTA STE, NAM MKHA' DANG, 'GOG PA DANG, MYA NGAN LAS 'DAS PA MA BYAS PA'I DNGOS POR MNGON PAR ZHEN CING SGRO 'DOGS PA'O ZHES BYA BA LA MA BYAS PA NI NAM MKHA' RTAG GO ZHES SO, ,MYA NGAN LAS 'DAS PA LA YANG DE BZHIN DU RTAG PA'O ZHES MNGON PAR ZHEN PA STE, DE'I DNGOS PO MED PAR DNGOS POR MNGON PAR CHAGS PA NI MED PA'I DNGOS POR SGRO 'DOGS PA'O, ,'DUS MA BYAS PA'I DNGOS PO LA RNAM PA GSUM STE, JI LTAR NAM MKHA' DANG, SO SOR BRTAGS TE 'GOG PA MA YIN PA STE, GANG 'DUS MA BYAS PA DE NI MA SKYES PAS NA RI BONG GI RVA LA SOGS PA DANG, MO GSHAM GYI BU LA SOGS PA BZHIN DU DNGOS PO MED DO ZHES THAMS CAD MKHYEN PAS DGONGS PA'O, DES NA RTAG PA DANG RDUL PHRA MOS BRTZAMS TE, YAN LAG CAN GYI RDZAS LA SOGS PAS GANG RTAG PA GZHAN YANG MED PA'I DNGOS POR SGRO 'DOGS PA'O ZHES DE LA SNGAR SMRAS SO, ,BLO GROS CHEN PO CHOS 'DI DAG THAMS CAD NI DNGOS PO DANG DNGOS PO MED PA LAS RNAM PAR LOG PA RI BONG DANG, RTA DANG, BONG BU DANG, RNGA MO'I RVA DANG, SKRA SHAD 'DZINGS PA LTA BU YOD PA DANG MED PA'I PHYOGS DANG BRAL BA STE, BLO GROS CHEN PO BYIS PA RANG GI SEMS SNANG BA TZAM DU MA RTOGS PA'I BLO CAN RNAMS SGRO 'DOGS PA DANG, SKUR BAS RNAM PAR RTOG STE, 'PHAGS PA RNAMS KYIS NI MA YIN NO ZHES BYA BA 'DI NI THAMS CAD MKHYEN PAS RIN PO CHE'I 'BYUNG GNAS LAS BDUD RTZI BTON BZHIN DU DON DAM PA'I SNYING PO CHOS KYI DE @104A *, ,KHO NA NYID DBU MA'I BSAM GTAN GSUNGS PA'O, ,DNGOS PO DANG DNGOS PO MED PA'I RNAM PAR RTOG PA LAS RNAM PAR LOG PA LA BYIS PA RNAMS KYIS SGO 'DOGS PA DANG, SKUR PA RNAMS KYIS RNAM PAR RTOG PAR BYED DO, ,RANG GI SEMS SNANG BA TZAM DU MA RTOGS PA ZHES BYA BA NI THOG MA MED PA'I 'KHOR BAR BDAG DANG GZHAN GYI RKYEN GYI DBANG GIS BTAB PA'I 'DU BYED YONGS SU SMIN PA LAS RNAM PA SNA TSOGS KYI SEMS SU 'BYUNG BA MGO 'KHOR BA DANG, BRGYAL BA LA SOGS PA BZHIN DU SNANG BA DER RANG GI SEMS SNANG BAR BYIS PA MA RTOGS PA'I BLO CAN RNAMS KYIS YOD PA DANG MED PAR SGRO 'DOGS PAR BYED DO, ,GANG GI TSE NA SHES RAB KYIS DPYAD DE SBOM PO DANG PHRA MO, GZUGS NI RDUL PHRAN GZHIGS PA NA, ,RDUL PHRAN CHA NI MED PA STE, ,ZHES PAR SHES PA DE'I TSE KHANG PA DANG, SDE DANG, NAGS LA SOGS PA BZHIN DU THAMS CAD STONG PAR MTHONG NGO, ,RAB RIB CAN LA SKA SHAD 'DZINGS PA'I RANG BZHIN LTA BUR STONG PA YIN PA BSLAD PA'I MTHUS RI BONG DANG, RTA DANG, BONG BU DANG, RNGA MO'I RVA LTA BU 'BA' ZHIG GO ZHES THAMS CAD MKHYEN PAS DGONGS PA'O, ,DE YANG SHES RAB KYIS DPYAD DE MTHONG YANG MI MTHONG BA NI JI LTAR SHES RAB KYI PHA ROL TU PHYIN PA LAS 'BYUNG BA, RNAM PAR BSNGOS PA DANG, RNAM PAR DMAR BA DANG, RNAM PAR GZHIGS PA LA SOGS PA MI MDZES PAR BSGOM PA DE YANG MI DMIGS PA'I TSUL DU'O, ,SEMS KYIS BSLAD PA'I SNANG BA MA GTOGS PAR PHYI ROL GYI NYID MI DMIGS NA MDZES PA DANG MI MDZES PA RNAM PAR RTOG PA LTA CI SMOS, GNYIS KYI RNAM PA'I SHES PA YANG MGO 'KHOR BA DANG, BRGYAL BA LA SOGS PA BZHIN DU 'KHRUL PA LAS NYE BAR SKYES PA SHES RAB KYIS GNYIS KYI RNAM PA STONG PAR MTHONG NGO, ,GANG GI TSE NA PHYI ROL GYI BAR ZHEN TE RNAM PA RNAMS SHES PA MA GTOGS PAR SKYE BA MED PA DE'I TSE MNYAM PAR 'JOG PA MED PA'I MA RIG PAS NYE BAR BSLAD PAS SKYES PA DE DAG STONG PA NYID DU KHONG DU CHUD DE, SHES RAB MNYAM PAR GZHAG PAS MTSAN MA MI MTHONG NGO, ,SEMS LA SMON PA MED DE, DE BZHIN DU BSLAD @104B PA'I RNAMS LA LHAG PAR CHAGS PAS YID LA BYED PA MED DO, ,YID LA BYED PA MED PAR RTOG PAR GYUR PA NA BSAM PA MED PA MI GNYIS PA'I DON DAM PA'I BDEN PA GNYIS SU MED PA'I CHUD PA RDZOGS PA'I SANGS RGYAS SU 'GYUR TE, THUGS RJE'I BAG CHAGS KYIS BSKUL NAS SNANG BA DANG BCAS PA DANG, SNANG BA MED PA'I TING NGE 'DZIN BRNYES NAS MCHOG TU YONGS SU DAG PA'I 'DOD CHAGS DANG BRAL BA THAMS CAD MKHYEN PA GZUGS RNAM PA SNA TSOGS KYI DBANG PO YID BZHIN GYI NOR BU DANG, DPAG BSAM GYI SHING LTA BU DANG, SPRIN CHEN PO LTAR GZHAN GYI DON DU 'PHAGS PA'I BDAG NYID GDUNG PA THAMS CAD SEL BA DANG, PHA DANG SMAN PA'I RGYAL PO BZHIN DU GZHAN GYI DON MDZAD DO, ,YONGS SU DAG PA RANG BZHIN GYIS GNYEN DES SPYOD PA RGYU GANG YANG MED PA'I GNYEN YANG DAG PAR RDZOGS PA'I SANGS RGYAS BCOM LDAN 'DAS TE, GZHAN GYI DON DU 'KHOR BAR MI GNAS PA'I MYA NGAN LAS 'DAS PA LA BZHUGS SO, ,BLO GROS CHEN PO GZHAN YANG BYANG CHUB SEMS DPA' RNAMS NI SEMS DANG, YID DANG, YID KYI RNAM PAR SHES PA DANG, CHOS LNGA DANG, RANG BZHIN DANG, BDAG MED PA NYID KYI MTSAN NYID KHONG DU CHUNG BAR RTOGS NAS GZHAN LA PHAN PA'I PHYIR GZUGS DANG CHA BYAD DU MA 'DZIN PA YIN NO ZHES BYA BA NI LAN DU MAR BSHAD PA YIN TE, DA NI GZHUNG GI BSHAD PA SBYAR BAR BYA BA NI, SEMS NI KUN GZHI RNAM SHES TE, ,NGAR SEMS NYID NI YID YIN NO, ,GANG GIS YUL RNAMS 'DZIN PA NA, , DE NI RNAM PAR SHES ZHES BYA, ,TSIGS SU BCAD PA BSDUS PA 'DI NYID DU GSUNGS PA, CHOS LNGA RNAMS DANG RANG BZHIN DANG, ,RNAM PAR SHES PA BRGYAD RNAMS DANG, ,BDAG MED GNYIS KYI NANG DU NI, ,THEG PA CHEN PO THAMS CAD 'DUS, ,SEMS NI KUN GZHI RNAM PAR SHES PA STE, LUS DANG LONGS SPYOD DANG, GNAS SU RNAM PA BRGYAD DANG, RNAM PA DGUR 'BYUNG NGO ZHES DE BSHAD ZIN TO, ,MING DANG MTSAN MA LA SOGS PA DANG, RNAM PAR RTOG PA DANG, YANG DAG PA'I YE SHES DANG, DE BZHIN NYID DE CHOS LNGA YANG BSHAD ZIN TO, ,RANG @105A *, ,BZHIN NI CHOS KYI DBYINGS TE, RANG BZHIN GYIS 'OD GSAL BA'I CHUD PA KUN NAS NYON MONGS PA DANG RNAM PAR BYANG BA'I RGYUD 'BREL PAR GNAS PA LA DGONGS PAR BRTAG GO, ,CHOS DANG GANG ZAG LA BDAG MED PA GNYIS KYANG BSHAD ZIN TO, ,DE DE LTAR KUN NAS NYON MONGS PA DANG, RNAM PAR BYAD PA'I RGYU SEMS YIN PA DANG, YOD PA DANG MED PA'I PHYOGS LAS RNAM PAR BRAL BA RNAM PAR RTOG PA MED CING CHAGS PA DANG BRAL BAR SHES NAS SNANG BA DANG BCAS PA DANG, SNANG BA MED PA'I TING NGE 'DZIN NI BTZUN GTZO'I BYANG CHUB SEMS DPAS THOB NAS GZUGS RNAM PA SNA TSOGS KYI RNAL 'BYOR GYI DBANG PO RNAMS KYIS GZHAN GYI DON BYED DO, ,RMI LAM DANG, SGYU MA DANG, MIG YOR DANG, GZUGS BRNYAN DANG, CHU ZLA'I TSUL GYIS CHOS SKYE BA DANG, 'JIG PA DANG, RTAG PA DANG, CHAD PA DANG, BRAL BA THAMS CAD DE BZHIN GSHEGS PA THAMS CAD LAS MNGON DU NYAN ZHING ZHES BYA BA DANG 'BREL PA STE, STONG PA DANG SKAD CIG PA'I CHOS GNYIS RNAM PA DE DAG SGYU MA DANG, RMI LAM DANG MIG YOR LA SOGS PA BZHIN PAS NA SKYE BA DANG 'JIG PA'I RNAM PAR SNANG BA TZAM DU SO SOR SNANG NGO, ,RTAG PA DANG BRAL PA NI RGYUN 'BREL PAR 'BYUNG BA'I RNAMS TE, DES NA RTAG PA DANG CHAD PA DANG BRAL BA CHUD PA'I RANG BZHIN GYIS CHOS THAMS CAD 'KHOR BA DANG MYA NGAN LAS 'DAS PA'I MNYAM PA NYID THOB PA RNAM PA DE LTA BU RNAMS THAMS CAD MKHYEN PA THAMS CAD LAS BTZUN GTZO'I BYANG CHUB SEMS DPA' RNAMS KYIS MNYAN TE YOD PA DANG MED PA'I PHYOGS LAS RNAM PAR BSGO BA'I PHYIR RANG GI SEMS SNANG BA TZAM LA BZUNG BAS PHYI'I DON DNGOS PO MED PAR GZHAN LA STON TE, SEMS TZAM YANG BDAG DANG GZHAN GYI DBANG GI MTHU LAS MGO 'KHOR BA DANG, BRGYAL BA LA SOGS PA BZHIN DU RNAM PA SNA TSOGS KYI RNAM PA SNANG NGO, ,SHES RAB KYIS DPYAD CING CHOS 'CHAD DO, ,GANG GI TSE NA, GZUGS NI RDUL PHRAN GZHIGS PA NA, ,RDUL PHRAN CHA NI MED PA STE, ,PHYI YI DNGOS PO MED PAR YANG, ,SEMS NI RNAM PA GNYIS SU SNANG, ,ZHES PA DE YANG @105B GNYIS KYI RNAM PA STONG PA'I SEMS SNANG BA MED CING DON DAM PA'I BDEN PA MI GNYIS PAR YANG DAG PAR RIG PA DNGOS PO DANG DNGOS PO MED PAR RNAM PAR RTOG PA DANG BRAL BA'I DBU MA'I TING NGE 'DZIN LA MNYAM PAR 'JOG GO, ,SNYING RJE'I BAG CHAGS KYIS RAB TU SAD DE, SGYU MA'I RNAM PAR THAR PAR DAG PA 'JIG RTEN GYI TING NGE 'DZIN LA GNAS TE CHOS 'CHAD DO, ,SNANG BA DANG BCAS PA DANG, SNANG BA MED PA'I TING NGE 'DZIN THOB NAS GZUGS RNAM PA SNA TSOGS KYI RNAL 'BYOR GYI DBANG PO ZHES BYA BA DE NI LAN DU MA BSHAD PA YIN NO, ,DA NI STONG PA NYID DU RAB TU 'BYED PA'I BSHAD PA SBYAR BAR BYA STE, KUN BRTAGS PA'I RANG BZHIN GYI TSIG CES BYA BA LA SOGS PA STE, STONG PA NYID RNAMS KYI KHYAD PAR NI KUN TU BRTAGS PAS 'BYED DO, ,DON DAM PA'I STONG PA NYID NI 'DZIN PA DANG GZUNG BA'I RNAM PA GNYIS KYI RANG BZHIN GYIS STONG ZHING SEMS PA MED PA DANG, SNANG BA MED PA'I DON DAM PA'I LDAN PA MI GNYIS PAR YANG DAG PAR RIG PA'I CHOS NYID DO, ,DNGOS PO DANG DNGOS PO MED PA'I RNAM PAR RTOG PA DANG BRAL BA DE LA THA DAD PAR SNANG BA'I RNAM PAR RTOG PA MED PA LAS RNAM PAR RTOG PAS SGRO BTAGS PA RNAM PAR BCAD PAS DBYE BA 'BA' ZHIG STE, RTAG PA DANG, BDAG DANG, BDAG GI DANG, BYED PA PO DANG, LAS DANG BYED PA DANG, BSKYED PA DANG, SKYED PA DANG, BRJOD PA DANG, RJOD PA LA SOGS PA'I PHYI ROL GYI DON DU SGRO BTAGS PA'I THA SNYAD RNAM PAR GCAD PAR BYA BA NI JI LTAR TSAD MA'I GTAM LAS 'BYUNG BA, JI TZAM CHAR NI SGRO 'DOGS PA, ,DE BSAL PHYIR NI GDON MI ZA, ,DE SNYED DE BZHIN SGRA RNAMS DANG, ,DES NA DE DAG THA DAD YUL, ,ZHES PA'O, ,JI LTAR SHES RAB KYI PHA ROL TU PHYIN PA LAS 'BYUNG BA, NANG DANG PHYI'I DNGOS PO'I PHYIN CI LOG TU SGRO BTAGS PA MTHA' MED PA RNAM PAR BCAD PA'I MDO'I DON DU MDOR BRJOD NA NANG STONG PA NYID DANG, PHYI STONG PA NYID DANG, PHYI NANG STONG PA NYID CES BYA BA LA SOGS PA STE, DE BZHIN DU 'DIR YANG STONG PA TSIG GI DON LA MI SHES @106A *, ,PA 'DZIN PA RNAM PAR DGAG PA'I PHYIR SEMS CAN RNAMS LA STONG PA NYID RNAM PA BDUN GSUNGS PA NI MTSAN NYID STONG PA NYID DANG, DNGOS PO'I RANG BZHIN STONG PA NYID DANG, SRID PA STONG PA NYID DANG, MI SRID PA STONG PA NYID DANG, CHOS THAMS CAD BRJOD DU MED PA STONG PA NYID DANG, DON DAM PA 'PHAGS PA'I YE SHES STONG PA NYID CHEN PO NYID DANG, GCIG GIS GCIG STONG PA NYID DANG, BDUN NO ZHES TE, JI LTAR MI SHES PA SBOM PO KUN LAS NYON MONGS PA BZLOG PA'I PHYIR THAMS CAD MKHYEN PAS RNAM PAR DBYE BAR GSUNGS PA, BLO GROS CHEN PO DE LA MTSAN NYID STONG PA NYID GANG ZHE NA, 'DI LTA STE, DNGOS PO THAMS CAD NI RANG DANG SPYI'I MTSAN NYID KYIS STONG NGO, ,BLO GROS CHEN PO PHAN TSUN DU 'DUS PA LA LTOS PA DANG, RAB TU DBYE BA'I KHYAD PAR MED PA'I PHYIR DANG, SPYI'I MTSAN NYID NI, 'JUG PA MED DE, BLO GROS CHEN PO BDAG DANG, PHA ROL DANG, GNYIS KA MED PA'I PHYIR MTSAN NYID MED PAS NA DE'I PHYIR DNGOS PO THAMS CAD MTSAN NYID STONG PA ZHES BYA'O ZHES PA LA RANG GI MTSAN NYID NI BDAG GI MTSAN NYID DE, JI LTAR 'BYUNG BA RNAMS KYIS RANG GI MTSAN NYID NI SRA BA DANG, GSHER BA DANG, DRO BA DANG, G-YO BA RNAMS DANG, SPYI'I MTSAN NYID NI REG PAR BYA'O, ,DE DAG NI, GZUGS NI RDUL PHRAN GZHIGS PA NA, ,RDUL PHRAN CHA NI MED PA STE, ,ZHES PA STE, SBOM PO DANG, PHRA MO PHYOGS KYI CHA THA DAD PAR 'BYED PAS DBYE BA NA PHYI ROL NYID DU MED PAS JI LTAR NA STONG PA LA RANG DANG SPYI'I MTSAN NYID YOD PAR RIGS, 'DUS PA LTOS PA NA YANG MTSAN NYID JI LTAR NA RIGS TE, 'DUS PA RNAM PAR PHYE BA NA KHANG PA DANG, SDE DANG NAGS TSAL LA SOGS PA BZHIN DU STONG PA NYID DE DE BAS NA SBOM PO DANG, PHRA MO'I MTSAN NYID LA RAB TU DBYE BA'I KHYAD PAR MED DO, ,RAB TU DBYE BA'I KHYAD PAR MED PA'I PHYIR YANG BDAG DANG, PHA ROL DANG, GNYIS KA MED PAS MTSAN NYID GNAS PA MED DO, ,NANG DANG PHYI ROL GYI RNAMS LA BDAG DANG, PHYI ROL DANG, GNYI GA'I RANG BZHIN @106B MED PA'I PHYIR GZUNG BA DANG, 'DZIN PA'I DNGOS POR RANG GI MTSAN NYID MA GRUB PO, ,GNYIS KYI RNAM PA'I RANG BZHIN MED PA NYID LA MTSAN MA'I GNAS DANG, MTSAN MA'I DNGOS PO KUN RTOG PAR BYED DE, DE DAG NI RMI LAM DANG, MIG 'PHRUL DANG, RAB RIB LA SOGS PA SNANG BA BZHIN DU RANG BZHIN GYIS MA SKYES PA'O, ,RANG BZHIN DU GRUB NA NI PHA ROL PO'I DNGOS PO RNAM PAR BCAD PAR YANG 'GYUR NA, GANG GIS RANG GI MTSAN NYID MA GRUB NA DE LA GZHAN GYI MTSAN NYID JI LTAR NA RNAM PAR GCAD, GANG GI TSE NA SHES PAR BYA BA SBOM PO DANG PHRA MO MTSAN NYID MED PA DE'I TSE SHES PA DE GCOD PA PO'I MTSAN NYID KYANG MED PA NYID DO, ,MTSAN NYID KYI GZHI DANG MTSAN NYID KYANG GCIG DANG THA DAD PAR 'GRUB BA MED DE, JI LTAR DBU MA LAS 'BYUNG BA, ,MTSON BYA MTSAN NYID GAL TE GZHAN, ,MTSAN LA MTSAN NYID MED PAR 'GYUR, ,GCIG NA'ANG DE GNYIS MI 'GRUB STE, ,THA DAD NA YANG GZHAN DU MED, ,CES PA'O, ,TSA BA LA TSA BA NYID DANG TSA BA'I YON TAN GANG YANG RUNG STE, GAL TE THA DAD PA YIN NA ME LAS TSA BA MED PA'I SKYON DU 'GYUR RO, ,RTAG PA DANG, MI RTAG PA DANG, GZUGS CAN DANG, GZUGS MED DANG, CHOS DANG, CHOS CAN LA SOGS PA GZHAN PA YIN NA NI SKYON 'DI NYID DU 'GYUR TE, DES NA CHOS THAMS CAD RANG DANG SPYI'I MTSAN NYID DANG BRAL BA'O ZHES THAMS CAD MKHYEN PAS DGONGS PA'O, ,JI LTAR TSAD MA'I GTAM LAS 'BYUNG, ,DER YANG GZHAN NI LDOG PAS NA, ,GZHAN NI LDOG GYUR ZHES PA YANG, ,SGRA DANG BLO RNAMS DE BZHIN DU, ,BTAGS PA'I RJES SU THOGS PAR 'GYUR, ,SBYOR MED THA DAD MED PA NI, ,DON DAM DON NI BDAG NYID KYIS, ,GZUGS NI GCIG DANG DU MA DANG, ,DE NI BLO YI 'KHRUL PA'O, ,MI GNYIS PA DANG BRJOD DU MED PA DE DAG LA CHOS DANG CHOS CAN GYI DNGOS POR MTSAN NYID BRTAGS TE, SPYIR SGRO BTAGS PAS BRJOD PAR BYA'O, ,DNGOS PO'I RANG BZHIN STONG PA NYID CES BYA BA LA SOGS PA LA RANG BZHIN GYI DNGOS PO SKYE BA MED PA'I PHYIR ZHES PA NI DE LA @107A *, ,DNGOS PO RNAMS RANG GIS THOG MA DANG THA MAR STONG PA NYID DU SKYE BA STE, SKYES PA NI GANG NAS KYANG MI 'ONG LA, 'GAGS PA NA YANG GAR YANG TSOGS SU 'GYUR BA MED DE, 'BRAS BU YANG GNYIS KYI RNAM PA'I RANG BZHIN GYI STONG PA NYID DE, GANG DAG GNYIS KYI RNAM PA CAN YIN PA DE DAG NI RMI LAM DANG, MIG 'PHRUL DANG, RAB RIB LA SOGS PA SNANG BA BZHIN DU DON DAM PAR SKYE BA'I RANG BZHIN MED PA'O, ,BLO GROS CHEN PO SRID PA'I STONG PA NYID GANG ZHE NA, 'DI LTA STE, BDAG DANG, BDAG GI DANG BRAL BA'I PHUNG PO RNAMS RGYU DANG LDAN PA DANG, BYED PA DANG LAS 'BYOR PA LAS SKYE ZHING 'BYUNG STE, DE'I PHYIR SRID PA'I STONG PA NYID CES BYA'O ZHES BYA BA LA SRID PA'I PHUNG PO RNAMS NI MNYAM PAR 'JOG PA MED PA'I MA RIG PA DANG, LAS LAS 'BYUNG BA RNAMS TE, DE DAG LA BDAG DANG, BDAG GI MI RIGS PA NI MA SKYES PAS NA MO GSHAM GYI BU LA SOGS PA BZHIN NO, ,BDAG GI YANG PHYI ROL GYI RNAM PAR PHYE BA NA RTAG PA DANG, BDE BA DANG, GTZANG BA'I DNGOS POR PHYIN CI LOG TU BRTAGS PAS STONG PAR 'GYUR RO, ,RGYU DANG LDAN PA'I 'DUS PA'I MTHU LAS MI RTAG PA DANG, STONG PA'I PHUNG PO RNAMS RMI LAM LA SOGS PA BZHIN DU RAB TU 'BYUNG BAR SNANG NGO, ,'DU BYED THAMS CAD SKAD CIG PA, ,MI BRTAN BYED PA GA LA ZHIG ,GANG 'BYUNG BYED PA DE NYID DE, ,BYED PA POR YANG DE NYID BRJOD, ,CES BYA BA STE, DE BAS NA RGYU DANG LDAN PA DANG, BYED PA DE NYID DANG, BYED PA PO YANG DE NYID CES BYA'O, ,DE'I PHYIR RGYU DANG LDAN PA DANG, BYED PA DANG, LAS NI SNGA MA'I 'OG TU 'DI YOD PAS NA 'DI YOD PAR 'GYUR RO ZHES PAR RNAM PAR GZHAG GI, SKAD CIG PA LA THA DAD PA SKYES PA DANG, GNAS PA DANG, 'GOG PAR BYED PA'I BYED PA DANG, BYED PA PO DANG, LAS SU KUN TU BRTAGS PA'I CHOS RNAMS MED DO ZHES SNGAR BSHAD ZIN TO, ,MI SRID PA'I STONG PA NYID CES BYA BA LA SOGS PA LA, PHUNG PO RNAMS LA MYA NGAN LAS 'DAS PA LA SNGON SRID PA MA YIN TE ZHES PA NI GNYIS KYI RNAM PA STONG PA @107B NYID DANG, BSAM PA MED CING SNANG BA MED PA DANG, DON DAM PA'I BDEN PA NI MI GNYIS PAR YANG DAG PAR RIG PA NI DE'I MYA NGAN LAS 'DAS PA'O, ,BLO GROS CHEN PO BRJOD DU MED PA'I STONG PA NYID GANG ZHE NA, CHOS THAMS CAD BRJOD DU MED PA ZHES TE, DON DANG SGRA YI KHYAD PAR LA, ,PHAN TSUN BRJOD BRJOD 'DOD PA MIN, ,DE SNGAR MTHONG BA MED PAS NA, ,SPYIR NI NYE BAR BRJOD PAR BYA, ,ZHES PA STE, CHOS GANG DAG RIG PAR BYA BA DE DAG MNGON PAR BRJOD PA DANG 'BREL PA MED DE, BDE LA SOGS PA'I RANG BZHIN NI, ,BSNYAD PAR MI NUS GZHAN MI BSTEN, ,DE PHYIR DE DAG RANG RIG PA, ,MNGON PAR BRJOD DANG 'BREL PA MED, ,CES PA'O, ,THAMS CAD MKHYEN PA'I DON 'DI NYID SLOB DPON DIGN'A GA DANG, DHARMA K'IRTI LA SOGS PAS RAB TU SNANG BAR BYAS SO, ,'DI LTA STE, KUN TU BRTAGS PA'I RANG BZHIN BRJOD DU MED PA'I PHYIR ZHES BYA BA NI KUN TU BRTAGS PA'I RANG BZHIN GYIS RANG GI MTSAN NYID BRJOD DU MED PA'I PHYIR TE, DBANG DON DE NI GZHAN NYID DANG, ,SGRA YI SPYOD YUL GZHAN YIN TE, ,SGRA LAS MIG MED MTHONG BA STE, ,MNGON SUM DU NI MTHONG BA MED, ,MED DANG 'BREL PAS GZHAN DU NI, ,BDAG TSIG CES NI SEMS PA STE, ,TSIG PA'I SGRAS NI GZHAN DU YANG, ,TSIG PA'I DON NI SHES PAR BYED, ,CES PA STE, GNYIS KYI RNAM PAR GSAL PA'I RANG GI MTSAN NYID KYANG SGRAS BRJOD PAR MI NUS NA GNYIS KYI STONG PA NYID LTA CI SMOS TE, GANG GIS DE LA BRJOD PA MED PA DES NA BRJOD DU MED PA STONG PA NYID CES BYA'O, ,BLO GROS CHEN PO DON DAM PA 'PHAGS PA'I YE SHES STONG PA NYID CHEN PO NYID GANG ZHE NA, 'DI LTA STE, BDAG GI SO SO RANG GI 'PHAGS PA'I YE SHES KHONG DU CHUD PA NI LTA BA THAMS CAD KYI NYES PA'I BAG CHAGS KYIS STONG STE, DE'I PHYIR DON DAM PA NA 'PHAGS PA'I YE SHES STONG PA CHEN PO MED CES BYA'O ZHES PA NI GANG GI TSE NA RNAL 'BYOR CAN GYI SHES RAB KYIS DPYAD DE PHYI ROL GYI DNGOS PO LA RTAG PA DANG, BDAG DANG, BDE BA DANG, GTZANG BAS SGRO BTAGS PA MI MTHONG BA DE'I TSE @108A *, ,DE'I SEMS YUL GANG DU YANG MDZES PA'I RANG BZHIN DU RAB TU MI 'JUG PA NI DE LAS GZHAN PA'I NYES PAR 'JUG PA'I DBANG PO'I SHES PA DANG, DBUGS THUB PA YANG DAG PAR RIG PA BZHIN DU SEMS PA MED CING SNANG BA MED PA'I DON DAM PA MI GNYIS PA YANG DAG PAR RIG PA BDAG NYID KYIS GNAS SO, ,RGYUN DU MNYAM PAR 'JOG CING DNGOS PO DANG DNGOS PO MED PAR RNAM PAR MI RTOG PA DANG CHAGS PA MED PA DE'I TSE DE'I LOG PA'I SHES PA'I BAG CHAGS MA LUS PAR SPONG BAR 'GYUR TE, DES NA DON DAM PA 'PHAGS PA'I YE SHES STONG PA CHEN PO NYID CES BYA'O, ,BLO GROS CHEN PO GCIG GIS GCIG STONG PA NYID GANG ZHE NA, 'DI LTA STE, GANG GANG NA MED PA DE NI DES STONG ZHES BYA'O ZHES PA NI DNGOS PO THAMS CAD GCIG LA GCIG RNAM PAR LOG PA'I RANG BZHIN PA YIN TE, BUM PA LA SNAM BU MED DE, JI LTAR BA TRI KA LAS 'BYUNG BA, DNGOS PO THAMS CAD RANG BZHIN GYIS, ,BDAG GI DNGOS POR RNAM PAR GNAS, ,RANG GI DNGOS PO GZHAN DNGOS KYIS, ,RNAM PAR LOG PA'I CHA YI PHYIR, ,ZHES PA STE, THAMS CAD MKHYEN PAS GZHAN BSTZAL BA RGYA CHER DGONGS PAS NA 'DIR RAB TU BSHAD PA YIN TE, DE BAS NA 'DI SKAD DU GSUNGS PA, 'DI LTA STE, BLO GROS CHEN PO MRI GA RA'I MI'I KHANG PA NA GLANG PO DANG, BA LANG DANG, LUG LA SOGS PA MED KYANG DGE SLONG GIS STONG PA MA YIN NO ZHES NGAS BSHAD DE, DE NI DE DAG GIS STONG ZHES BYA BA YANG, BLO GROS CHEN PO KHANG PA'I DNGOS POR MED PA MA YIN, DGE SLONG RNAMS KYANG DGE SLONG GI NGO BOR MED PA MA YIN TE, GLANG PO DANG, BA LANG DANG, LUG LA SOGS PA'I DNGOS PO DE DAG GUD NA MI 'KHOR BA YANG MA YIN NO ZHES PA'O, , BLO GROS CHEN PO TING NGE 'DZIN GYI GNAS MA GTOGS PAR RANG YANG MI SKYE LA, MI SKYE BA YANG MA YIN TE, DE'I PHYIR MA SKYES PA DANG, RANG BZHIN MED PA STE, SKYE BA MED PA LA DGONGS NAS DNGOS PO THAMS CAD RANG BZHIN MED PA ZHES BYA'O, ,BLO GROS CHEN PO SKAD CIG @108B MA'I RGYUD KYI RGYUN MED PA DANG, GZHAN DU 'GYUR BAR SNANG BA'I PHYIR CHOS THAMS CAD RANG BZHIN MED PA STE, DE'I PHYIR DNGOS PO THAMS CAD NI RANG BZHIN MED PA'O ZHES BYA BA LA RANG YANG MI SKYE BA NI RGYU LA LTOS PA'I PHYIR RO, ,MI SKYE BA YANG MA YIN PA NI SNGA MA'I 'OG TU 'DI YOD PA LAS 'DI YOD PAR 'GYUR ZHES PA STE, DE'I PHYIR SKYE BA'I RANG BZHIN MED PA LA DGONGS TE, RGYUN 'BREL PA'I RTEN CING 'BREL TE 'BYUNG BA LA DE SKAD CES BYA'O, ,THAMS CAD MKHYEN PAS RGYA CHER DGONGS PA'I SGRA'I DON NI SA DANG PO'I DBANG POS DBU MAR SMRAS PA YIN TE, BDAG LAS MA YIN GZHAN LAS MIN, ,GNYIS DANG RGYU MED PA LAS MIN, ,GAR YANG GANG ZHIG DNGOS PO RNAMS, ,NAMS KYANG SKYE BA MED PA'O, ,ZHES SO, ,BLO GROS CHEN PO MI GNYIS PA'I MTSAN NYID GANG ZHE NA, 'DI LTA STE, GRIB MA DANG, NYI MA LTA BU DANG, RING PO DANG THUNG DU, NAG PO DANG DKAR PO LTA BU DAG NYIS SU RAB TU PHYE BA RNAMS SO SOR THA DAD PA MA YIN NO, ,BLO GROS CHEN PO DE BZHIN DU 'KHOR BA DANG MYA NGA LAS 'DAS PA LTAR CHOS THAMS CAD MI GNYIS PA STE, BLO GROS CHEN PO DE NI MTSAN NYID THA DAD PA'I RGYU YIN PA'I PHYIR RO, ,MYA NGAN LAS 'DAS PA GANG NA BA DE NA 'KHOR BA MED, 'KHOR BA GANG NA BA DE NA MYA NGAN LAS 'DAS PA MED DE, DE'I PHYIR CHOS THAMS CAD 'KHOR BA DANG MYA NGAN LAS 'DAS PA LTA BUR MI GNYIS SO ZHES BYA'O ZHES PA NI DNGOS PO THAMS CAD RANG BZHIN GYIS RNAM PAR LOG PA YIN TE, SEMS CAN RNAMS KYI SEMS NI GSER LTA BU STE, DRI MA DANG BCAS PA DANG, DRI MA MED PA'I DUS NA SKAD CIG MA'I RGYUN THA DAD PAS NA 'KHOR BA DANG MYA NGAN LAS 'DAS PA PHAN TSUN DU THA DAD PA'I RANG BZHIN DU YIN TE, DE DAG NYID MI GNYIS PA NYID NI SEMS CAN NAM, GCIG NYID GCIG GI RANG BZHIN GANG YIN PA DE GNYIS PO'I MA YIN PA'I PHYIR RO, ,RTAG PA DANG GCIG PA'O ZHES MI GNYIS PAR SMRA BA RNAMS LA NI GROL BA DANG MA GROL BA DANG, PHYUG DBUL BA LA SOGS PA GCIG TU 'GYUR RO ZHES THAMS CAD MKHYEN PAS DGONGS PA'O, ,STONG PA NYID DANG, MI SKYE BA DANG, @109A *, ,MI GNYIS PA DANG, RANG BZHIN MED PA'I MTSAN NYID MDO SDE'I NANG DU CHUD PA DE DAG DON 'DI NYID KHONG DU CHUD PAR BYA'O ZHES BYA BA NI MTSAN NYID LA SOGS PA'I STONG PA NYID RNAM PA BDUN DU BSHAD PA'O, ,MI SKYE BA YANG GNYIS KYI RNAM PA RNAMS TE, MI LAM DANG, MIG 'PHRUL LA SOGS PA BZHIN NO, ,SKAD CIG PA LA SKYE BA DANG, 'GOG PA LA SOGS PA'I CHOS THA DAD PA MA YIN TE, DES NA YONGS SU GRUB PA'I CHUD PA RNAMS KYIS GNYIS KYI RNAM PA MI SKYE BAS NA RANG BZHIN MED PA'O, ,DE'I PHYIR DGONGS PA NGES PAR 'GREL PA LA SOGS PA'I MDO SDER YANG DON 'DI NYID DO, ,SEMS PA MED PA DANG, SNANG BA MED PA'I DON DAM PA'I BDEN PA MI GNYIS PAR YANG DAG PAR RIG PA RNAMS NI RNAM PA THAMS CAD DU STONG PA NYID DO, ,DE LA NANG DANG PHYI ROL DU SO SOR SNANG BA'I GNYIS KYI RNAM PA'I RNAM PAR RTOG PA RNAMS KYI STONG PA NYID MTHA' MED PA DANG ZHAL DU MED PA STE BYIS PA RNAMS LA MDOR BSDUS PA'I DON RNAM PAR PHYE BA'I STONG PA NYID KHYAD PAR 'BA' ZHIG BSHAD DO, ,DE NI LAN DU MAR YANG SMRAS SO, ,'PHAGS MA SHES RAB KYI PHA ROL TU PHYIN PAR NI, SEMS CAN GYI LOG PA'I SHES PA'I RNAM PAR RTOG PA JI TZAM YOD PA DE RNAM PAR BCAD PA'I PHYIR DE TZAM NYID DU STONG PA NYID KYI RIM PA GSUNGS PAS NA STONG PA NYID LA MTHA' MED DO, ,DON DAM PA'I STONG PA NYID NI MI GNYIS PA RTOG PA'I CHOS NYID DE, DNGOS PO DANG, DNGOS PO MED PA RNAM PAR RTOG PA DANG BRAL BAS NA DE LA THA DAD PAR SNANG BA'I RNAM PAR RTOG PA MED DO, ,SEMS CAN RNAMS KYI LOG PA'I SHES PA'I DPE'I DON DU THAMS CAD MKHYEN PAS SMIG RGYU LA SOGS PA GZHAG PA NI, BLO GROS CHEN PO 'DI LTA STE DPER NA, SMIG RGYU BA NI RI DAGS SLU BA YIN TE, CHU'I DNGOS POR MNGON PAR ZHEN PAS MNGON PAR ZHEN PAR BYED PA DE DE LA CHU MED DO, ,BLO GROS CHEN PO DE BZHIN DU MDO SDE BSTAN PA'I CHOS THAMS CAD KYANG BYIS PA RNAMS KYI RNAM PAR RTOG PA MGU BAR BYA BA YIN TE, DE NI 'PHAGS PA'I YE SHES RNAM PAR DGOD PA'I GTAM NI MA YIN NO ZHES BYA BA PHYI'I @109B DON LA LTOS TE MI RTAG PA DANG, SDUG BSNGAL BA DANG, MI MDZES PA LA SOGS PA DANG, PHUNG PO LA SOGS PAR BSTAN PA LTA BU NI BYIS PA RNAMS MGU BAR BYA BA YIN TE, RNAM PA DE LTA BU'I SEMS CAN GZUD PAR BYA BA'I PHYIR BSTAN PA MTHA' MED DO, ,JI LTAR t'I KA LAS 'BYUNG BA, ,YANG DAG DON LA GZIGS MED PAR, ,GLANG PO BTZUN PA MDZAD NAS NI, ,'JIG RTEN BLO NI 'BA' ZHIG GI, ,PHYI YI SEMS PA SPROS PAR MDZAD, ,GANG ZAG LA BDAG MED PAR BSTAN PAS BDAG LA CHAGS PA LOG PA'I PHYIR 'KHOR BA'I SDUG BSNGAL YANG BZLOG GO, ,DE'I 'OG TU CHOS LA BDAG MED PA BSTAN PAS SNANG BA DANG BCAS PA DANG, SNANG BA MED PA'I TING NGE 'DZIN DANG, SA'I KHYAD PAR THAMS CAD BSGOM PA DANG, BYANG CHUB TU BZANG PO SPYOD PA'I SMON LAM GYIS THAMS CAD MKHYEN PA NYID DU 'GYUR BA'I BDAG DANG GZHAN GYI DON DU ZHUGS PA'I 'PHAGS PA DE DAG GI PHYIR BSGOM PA'I GTAM DE MA YIN NO, ,DE KHO NA RNAM PAR GZHAG PA'I GTAM MA YIN PA NI DON DAM PAR MA YIN NO ZHES DGONGS PAR RTOG GO, ,CHOS THAMS CAD YONGS SU SHES PA DANG, DE KHO NA NYID LA GDON MI ZA BA'I PHYIR RTZOD PA'I KHYAD PAR MED DO, ,DE BAS NA DON GYI RJES SU 'BRANG PAR BYA'I, BSTAN PA KLOG PA LA MNGON PAR CHAGS PAR MI BYA'O ZHES THAMS CAD MKHYEN PAS BLO GROS CHEN PO9 LA GSUNGS SO, ,'PHAGS PA LANG KAR GSHEGS PA YE SHES DPAL BZANG POS BSHAD PA SBYAR BA LAS GSOL PA BRGYA PO'I 'OG TU RNAM PAR SHES PA BSHAD PA DANG, STONG PA BSHAD PAR SBYAR BA LE'U GNYIS SU GTOGS PA RNAM PA GSUM MO,, ,,DE BZHIN GSHEGS PA'I SNYING PO BSHAD PAR BRTZAMS PA DE LA THAMS CAD MKHYEN PA LA BLO GROS CHEN POS GSOL PA, GTOGS 'DOD DANG, LHA CHEN PO DANG, TSANGS PA LA SOGS PA RNAMS LA YANG CHUD PA'I KHYAB PA'I BSTAN PA MCHIS NA THAMS CAD MKHYEN PAS DE BZHIN GSHEGS PA'I SNYING PO'I SNYING PO LA KHYAD PAR CI ZHIG GSUNGS PAR GYUR, RANG BZHIN GYIS 'OD GSAL BA'I CHUD PA KHYOD KYIS @110A *, ,GSUNGS NA GANG GIS SANGS RGYAS PA'I CHUD PA MI GNYIS PA'I THE TSOM LDOG CING GDON MI ZA BAR 'GYUR BAR DE'I KHYAD PAR BSHAD DU GSOL, SEMS CAN THAMS CAD NI DE BZHIN GSHEGS PA'I SNYING PO'O ZHES 'PHAGS PA SHES RAB KYI PHA ROL TU PHYIN PA LA SOGS PAR KLAG PA'O, ,LHA CHEN POS SMRA BA NI, JI LTAR SHING LA ME YOD DANG, ,SA YI NANG DU CHU YOD PA, ,DE LTAR THAMS CAD LUS RNAMS SU, ,ZHI BA DAG PA RNAM PAR GNAS, ,THAMS CAD 'DI NI ZHI BDAG STE, ,ZHI BA LAS NI RAB TU 'BYUNG, ,'BYUNG PO KUN LA ZHI BA YOD, , ZHI BA GANG YIN DE NGA NYID, ,BRTAN ZHING PHYIN 'GRO DE BZHIN DU, ,CUNG ZAD GANG NI SA LA YOD, ,DE KUN MCHOG GI DBANG PO YIS, ,BDAG NYID KHYAB STE RAB TU GNAS, ,SNGAGS KYI BDAG DANG SEMS PA CAN, ,SKYES BU RNAM PA GNYIS ZHES BYA, ,SNGAGS LAS 'DAS DANG SNGAGS NYID DANG, ,DBANG PHYUG MCHOG LA RNAM PA GNYIS, ,GTOGS 'DOD YANG SMRA BA, NGA YI SKYE GNAS TSANGS CHEN TE, ,DER BU 'JOG PA NGA YIN NO, ,'BYUNG PO THAMS CAD 'BYUNG BA NI, ,BA RAD DE LAS 'BYUNG BAR 'GYUR, ,BDAG NI 'BYUNG PO KUN LA GNAS, ,'BYUNG PO KUN KYANG BDAG LA STE, ,BDAG LDAN DE LTAR SUS RIG PA, ,KUN TU MNYAM PA MTHONG BA'O, ,SU ZHIG NGA LA KUN TU MTHONG, ,KUN KYANG NGA LAS MTHONG BA YANG, ,DE LTAR NGA LA SUS SHES PA, ,DE NI LAS KYIS MI GOS TE, ,ZHES BYA BA RGYA CHER RO, ,TSANGS PAR SMRA BA PO BHA TA HA RI LA SOGS PA YANG SMRA BA, THOG MA MED PA'I TSANGS PA RTAG ,YANG DAG SGRA NI YIG 'BRU GANG, ,GANG LA DON DNGOS 'BYUNG BA DANG, ,'GRO BA'I RAB TU BYED PA YANG, ,GANG YONGS RTOG PA THAMS CAD LA, ,BAR SNANG YANG NI MI GNAS TE, ,RTOG PA'I LUNG DANG RJES DPAG PAS, ,RNAM PA DU MAR KUN BRTAGS PA'O, ,'DAS KYANG 'DU 'DZI BYED PA DANG, ,DNGOS DANG DNGOS MED RIM MI RIM, ,BDEN DANG BRDZUN PAR SNA TSOGS BDAG ,BDEN PA LAS NI RAB TU SNANG, ,'BYUNG PO RNAMS KYI NANG RGYU BA, ,'GRAM DANG RIM @110B DU'ANG SNANG BA STE, ,THAR PA RAB TU GROL BA'O, ,GROL 'DOD RNAMS KYIS BSTAN PAR BYED, ,DE YIS TSOR BA GCIG PO YANG, ,RNAM PA MANG PO RAB TU 'BYED, ,'JIGS PA 'BYUNG BA'I ME MA DAG DANG, ,CHU YI PHUNG POR CHU BZHIN DU, ,DE PHYIR NGA ROD RIGS GNAS PA, ,GSAL BA'I GRONG RNAMS 'GYUR BA NI, ,SPRIN RNAMS CHAR DANG LDAN PA RNAMS, ,RLUNG LAS 'BYUNG BA BZHIN DU'O, ,GSUM GYI GZUGS SU DE SNANG BA, ,MUR SMRA THA DAD RNAMS LA NI, ,MCHOG GI YONGS SU 'GYUR BA STE, ,LTA BA THA DAD KYIS NI BCINGS, ,ZHI ZHING RI BDAG TSANGS PA STE, ,DE LAS BYUNG BA'I MA RIG PA, ,DES NI SRIN PO BZHIN DU MED, ,GANG SMRA MI NUS RNAM DAG GO, ,JI LTAR NAM MKHA' RNAM DAG PAR, ,RAB RIB 'KHRUL PA'I SKYES BU YIS, ,RI MO RNAM PA SNA TSOGS KYIS, ,KUN TU DANG BAR SEMS PA PA, ,DE LTAR TSANGS PA BDUD RTZI 'DI, ,'GYUR BA MED PA MA RIG PAS, ,RNYOG PA LTA BUR BYED PAS NI, ,THA DAD GZUGS SU SNANG BA STE, ,LHA SA RLUNG DANG NAM MKHA' DANG, ,RI DANG CHU DANG PHYOGS RNAMS KYANG, ,NANG DU BYED PA'I YANG DAG GI, ,CHA RNAMS PHYI ROL BZHIN DU GNAS, ,TSUL NI GCIG NYID GANG YIN LAS, ,THA DAD MTHU NI RNAM GNAS PAS, ,MTHU LAS THA DAD MA YIN YANG, ,THA DAD BZHIN DU 'BYUNG BA'O, ,TSANGS SGRA 'DI NI SPRUL PA STE, ,SGRA YI MTHU LAS GNAS PAS NA, ,SGRA TZAM LAS NI BYUNG BA YANG, ,DE DAG NYID DU ZHA BAR 'GYUR, , RAB TU BYED PA GCIG 'BYED LAS, ,MANG POR RAB TU PHYE BA PA, ,DE NI LUNG STON RTOG PA LAS, ,TSANGS PA MCHOG NI CHUD PAR 'GYUR, ,ZHES RGYA CHER RO, ,BCOM LDAN 'DAS KYIS MDO SDE BRJOD PA LAS, DE BZHIN GSHEGS PA'I SNYING PO GSUNGS PA DE, BCOM LDAN 'DAS KYIS RANG BZHIN GYIS 'OD GSAL BA RNAM PAR DAG PAS THOG MA NAS RNAM PAR DAG PA NYID MTSAN SUM CU RTZA GNYIS DANG LDAN PA, SEMS CAN THAMS CAD KYI LUS KYI NANG NA MCHIS PAR BRJOD PA DE, BCOM LDAN 'DAS KYIS RIN PO CHE RIN THANG CHEN PO GOS DRI MA CAN GYIS YONGS SU @111A *, ,DKRIS PA LTAR PHUNG PO DANG KHAMS DANG, SKYE MCHED KYI GOS KYIS YONGS SU DKRIS PA, 'DOD CHAGS DANG, ZHE SDANG DANG, GTI MUG GIS ZIL GYIS NON PA, YONGS SU RTOG PA'I DRI MAS YONGS SU DRI MA CAN DU GYUR PA, RTAG PA BRTAN PA, THER ZUG PAR NI BRJOD NA, BCOM LDAN 'DAS DE BZHIN GSHEGS PA'I SNYING POR SMRA BA MU STEGS BYED KYIS BDAG TU SMRA BA DANG JI LTAR MI 'DRA BA LAGS, BCOM LDAN 'DAS MU STEGS BYED PA RNAMS KYANG RTAG PA DANG, BYED PA YON TAN MED PA KHYAB PA MI 'JUG PA'O ZHES BDAG TU SMRA BA STON PAR BGYID DO ZHES BYA BA NI RTAG PA DANG, GCIG PA DANG, MI 'JIG PA ZHES BYA BA LA GTOGS 'DOD DANG, LHA CHEN PO DANG, TSANGS PAR SMRA BA DANG MTSUNGS SO ZHES SNGA MA'I PHYOGS SU GSOL BA NI GLENG MA PA'O, ,BCOM LDAN 'DAS KYIS BKA' STZAL PA, BLO GROS CHEN PO NGA'I DE BZHIN GSHEGS PA'I SNYING PO BSTAN PA NI MU STEGS KYI BDAG TU SMRA BA DANG MTSUNGS PA MA YIN TE ZHES PA DER THAMS CAD MKHYEN PA'I DGONGS PA GANG ZHE NA, RTAG PA NI MA YIN PAS NA RI BONG GI RVA LTAR DNGOS PO MED PA'O, ,KHYAB PA GCIG PO SEMS CAN THAMS CAD KYI NANG NA YOD PA MI RIGS TE, GROL BA DANG, MA GROL BA DANG PHYUG DBUL LA SOGS PA GCIG PA'I SKYON DU 'GYUR RO, ,'KHOR BA DANG MYA NGAN LAS 'DAS PA'I DUS NA SEMS CAN MANG PO RNAMS KYIS CHUD PA MI GNYIS PA'I RGYUN SKAD CIG PA YIN PAR SANGS RGYAS PA RNAMS SMRA BAS NA DE'I PHYIR GLENG PA 'DI MI RUNG NGO, ,BDAG DANG GZHAN LA BYAMS SDANG DANG, ,RJOD PA BRJOD PA DGONGS PA NI, ,RMI LAM DU NI SEMS GCIG LA, ,'GAL BA'I GZUGS NI BZHIN DU'O, ,ZHES PA RIG SNGAGS 'DZIN PA'I MTHAR SMRA BA PO RNAMS KYIS GANG SMRA BA DE YANG MA RIG PAS GLONGS PA LA NI RIGS KYI MI GNYIS PA YANG DAG PA'I CHUD PA LA NI MA YIN NO, ,SANGS RGYAS RNAMS LA NI SEMS CAN RNAMS KYI CHUD PA MANG PO STE, PHAN TSUN GYI DBANG GIS PHAN PAR BYA BA DANG, PHAN PAR BYED PA'I DNGOS PO'I RGYUN 'BREL PAR 'BYUNG BA DE DAG LA KUN @111B NAS NYON MONGS PA DANG, RNAM PAR BYANG BAR RNAM PAR GZHAG PAR RIGS SO, ,'KHOR BA'I TSE NA MNYAM PAR MI 'JOG PA'I MA RIG PA BDAG DANG GZHAN GYI RGYUD KYI DBANG LAS SKYES PAS RTAG PA DANG, BDAG DANG BDE BA DANG, GTZANG BA'I DNGOS POR PHYIN CI LOG PA RNAMS GANG GI TSE NA CHOS BSTAN PA'I TSE GZHAN GYI DBANG DANG, SHES RAB KYIS DPYAD PA NA MI RTAG PA DANG, BDAG MED PAS SDUG BSNGAL BA DANG, MI MDZES PA DANG, STONG PAR YONGS SU SHES NAS PHYIN CI LOG PA'I RNAMS SPANGS TE, MYA NGAN LAS 'DAS PAR 'GYUR RO, ,DE NAS BDAG MED PAR 'JIG PAR 'GYUR BA'I SEMS CAN RNAMS LA SEMS KYI RGYUD NYID DE BZHIN GSHEGS PA'I SNYING POR STON TO, ,RTAG PA DANG, KHYAB PA DANG, GZUGS RNAM PA SNA TSOGS KYI DBANG PO NI SEMS TZAM RANG GI MTSAN NYID DU 'KHOR BA DANG, MYA NGAN LAS 'DAS PA SPYIR RJES SU SONG BA DANG LDAN PA'I RANG BZHIN GYIS 'OD GSAL BA, RKYEN GYI KHYAD PAR GYI SA BTAB PA'I TSOGS RNAMS KYI DRI MA DANG BCAS PA DRI MA MED PAR 'BYED PAR THAMS CAD MKHYEN PAS SHES RAB DANG, THABS LA MKHAS PAS BSHAD DO, ,BLO GROS CHEN PO NGA'I DE BZHIN GSHEGS PA'I SNYING PO BSTAN PA NI MU STEGS BYED PA'I BDAG TU SMRA BA DANG MTSUNGS PA MA YIN TE ZHES BYA BA NI SEMS CAN RNAMS KYIS CHUD PA NYID RGYUN 'BREL PAR 'BYUNG BA YIN TE, DE BAS NA MU STEGS BYED PA'I BDAG TU SMRA BA DANG MTSUNGS PA MA YIN NO, ,THAMS CAD MKHYEN PAS DE BSGRUB PAR GSUNGS PA, BLO GROS CHEN PO DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI STONG PA NYID DANG, YANG DAG PA'I MTHA' DANG, MYA NGAN LAS 'DAS PA DANG, MA SKYES PA DANG, MTSAN MA MED PA DANG, SMON PA MED PA LA SOGS PA'I TSIG GI DON RNAMS LA DE BZHIN GSHEGS PA'I SNYING POR BSTAN PAR BYAS NA BYIS PA RNAMS BDAG MED PAS 'JIG PAR 'GYUR BA'I GNAS RNAM PAR SPONG BA'I DON DU DE BZHIN GSHEGS PA'I SNYING PO'I SGO BSTAN PAS RNAM PAR MI RTOG PA'I GNAS SNANG BA MED PA'I SPYOD YUL STON TE ZHES @112A *, ,BYA BA LA 'DZIN PA DANG, GZUNG BA'I RNAM PAS STONG PA, BSAM PA MED CING DON DAM PA'I BDEN PA MI GNYIS PAR YANG DAG PAR RIG PA NI DE BZHIN GSHEGS PA'I SNYING PO'I SGRAR BRJOD PA'O, ,YANG DAG PA'I MTHA' NI DON DAM PA MI GNYIS PA'I CHOS NYID DO, ,MYA NGAN LAS 'DAS PA NI NYON MONGS PA DANG, RNAM PAR RTOG PA'I SNANG BA MA LUS PAR SPANGS PA'I PHYIR RO, ,MA SKYES PA NI RTEN CING 'BREL PAR 'BYUNG BA STE, CHOS THAMS CAD LA BYED PA MED PA'I PHYIR 'BREL PA MED PA'O ZHES PA DANG MA ZHIG PA LAS 'BRAS BU SKYED PAR MI BYED PA STE, JI LTAR SLOB DPON KLU POS BSTOD PA LAS, BYED PA DGAG PAR SMRAS PA YIS, ,ZHIG DANG RNAM PAR MA ZHIG PA'I, ,SA BON LAS NI MYUG 'BYUNG MED, ,CES BYA BA LA SOGS PA STE, MA ZHIG PA 'BA' ZHIG GI 'OG TU 'BRAS BU 'BYUNG STE 'DI YOD NA 'DI ZHES BYA BAR RO, ,GANG GI TSE NA SKAD CIG PA GCIG YOD PA DE'I TSE GNYIS PO MED DO, ,GCIG PO NYID NI BYED PA DANG, BYED PA PO GANG DANG YANG 'BREL PA MED DO, ,GANG ZAG LA BDAG MED PA'I SKAD CIG PA GCIG LA SKYE BA DANG, GNAS PA DANG, 'GOG PA'I CHOS GUD NA MED DO, ,CHOS LA BDAG MED PA LA YANG GNYIS KYI RNAM PA RMI LAM DANG, MIG 'PHRUL DANG, RAB RIB LA SOGS PA SNANG BA BZHIN BAS MA SKYES PA'O, ,DE LTAR STONG PA DANG MA SKYES PA'I CHOS RNAMS LA SHES RAB KYIS DPYAD DE NANG DANG PHYI ROL GYI SBOM PO DANG, PHRA MO'I MTSAN MA RNAM PAR PHYE BA NA THA DAD PA DANG, THA DAD PA MA YIN PAR KUN MI MTHONG BA'I TSE NA MI GNYIS PA'I SEMS MTSAN MA MED PA'I BDAG NYID KYIS GNAS PAR 'GYUR RO, ,SMON PA MED PA NI DE'I TSE SEMS KYIS MI SMON PA'I PHYIR RO, ,SNANG BA MED PA DANG DNGOS PO MED PAR RNAM PAR MI RTOG CING KUN NAS NYON MONGS PA'I DRI MA KUN DANG RNAM PAR BRAL BA GSER LTA BU RNAM PAR DAG CING RANG BZHIN GYIS 'OD GSAL BA NI DE BZHIN GSHEGS PA'I SNYING PO'I SGRAR BRJOD PA STE, STONG PA NYID DANG MTSAN MA MED PA DANG, SMON PA MED PA'I RNAM PAR THAR PA'I SGOR THAMS CAD MKHYEN PA @112B RNAMS KYIS GZUD PA'I PHYIR ZHES PA LA LAN DU MA BSHAD PA YIN NO, ,CHOS LA BDAG MED PA'I RNAM PAR RTOG PA'I MTSAN NYID THAMS CAD RNAM PAR LOG PA DE NYID SHES RAB DANG THABS LA MKHAS PA DANG LDAN PA RNAM PA SNA TSOGS KYIS DE BZHIN GSHEGS PA'I SNYING POR BSTAN PA'AM, BDAG MED PAR BSTAN PAR YANG RUNG STE, RDZA MKHAN BZHIN DU TSIG DANG YI GE'I RNAM GRANGS RNAM PA SNA TSOGS KYIS STON TO ZHES BYA BA'I BSDUS PA'I DON NI RDZA MKHAN GYI 'DZIM PA'I GONG BU LA YO BYAD DU MA'I MING DU 'DOGS PA BZHIN DU THAMS CAD MKHYEN PA RNAMS KYIS DE BZHIN GSHEGS PA'I SNYING PO RNAM GRANGS DU MAS STON TO, ,STZOGS PA'I SGRA NI BSAM GYIS MI KHYAB PA DANG, CHOS KYI DBYINGS DANG DE BZHIN NYID LA SOGS PA'I TSIG RNAMS NYE BAR BRTAG PAR BYA'O, ,RANG BZHIN GYIS 'OD GSAL BA YANG 'KHOR BA NI DRI MA DANG BCAS PA'I CHUD PA'O, ,MYA NGAN LAS 'DAS PA'I DUS NA GSER GYI 'BYUNG KHUNGS SU GSER GYI KHAMS BTZO BA LA SOGS PA'I CHO GAS DRI MA MED PAR 'GYUR BA BZHIN DU DE NYID MA RIG PAS GLONGS PA'I NYES PA DRI MA THAMS CAD SHES RAB KYI TSUL GYIS SPANGS TE, RNAM PAR DAG PA'I SANGS RGYAS NYID 'THOB PAR 'GYUR BA DE SPYIR BDAG DANG TSANGS PA DANG, DBANG PO LA SOGS PAR SMA BA DANG KHYAD PAR DU BDAG RTAG PA DANG, KHYAD PAR LA SOGS PAR BRTAG PAR MI BYA'O, ,CHUD PA'I RGYUD DE NYID LA SEMS CAN GZUD PA'I PHYIR RTAG PA DANG, BDAG DANG BYED PA POR SMRA BA MNGON PAR ZHEN PA RNAMS MI RTAG PA DANG, BDAG MED PA DANG, SDUG BSNGAL BA DANG, MI MDZES PA DANG, STONG PA'I CHOS DE KHO NA NYID YONGS SU SHES PAR BYA BA DANG, 'KHOR BA'I SDUG BSNGAL ZAD PAR BYA BA DANG, THAMS CAD MKHYEN PA'I YE SHES THOB PAR BYA BA DANG, BDAG DANG GZHAN LA PHAN PAR BYA BA DANG, BYANG CHUB KYI TSOGS YONGS SU RDZOGS PAR BYA BA DANG, BSOD NAMS DANG YE SHES MNGON PAR SPEL BAR BYA BA'I PHYIR SHES RAB DANG THABS LA MKHAS PAR BSTAN TO, ,RNAM PAR SHES PA MA GTOGS PAR TSIG GI DON GZHAN MED DO ZHES @113A *, ,THAMS CAD MKHYEN PAS STON PAR MDZAD PA, GANG ZAG RGYUN DANG PHUNG PO DANG, ,DE BZHIN RKYEN DANG RDUL DAG DANG, ,GTZO BO DPA' BA BYED PA BOR, ,SEMS TZAM PO LA RNAM PAR BRTAGS, ,ZHES PA STE, GANG ZAG NI SKYES BU DANG RIG PA PO LA SOGS PAR SEMS NYID LA MING THA DAD PAR 'DOGS SO, ,CHUD PA'I RGYUN MA GTOGS PAR YANG RTAG PA DANG, BDAG DANG, DBANG PO DANG, PHYI ROL GYI DMIGS SU MED PA'I PHYIR RO, ,BDE BA DANG SDUG BSNGAL DU YANG DAG PAR TSOR BAR 'BYED PAS DBYE BA NA RTAG PA POR MI RIGS TE, SHING DANG THAL BA LA SOGS PA BZHIN DU RANG BZHIN GZHAN 'BYUNG BA'I PHYIR RO, ,BLO YANG SKAD CIG BA GZHAN DU MI GNAS TE GRANGS CAN 'DOD PA LTAR RGYUN GYI YUL LA GCIG PAR LHAG PAR CHAGS PAR MI RIGS TE, SNGON PO DANG SER PO LA SOGS PA BZHIN DU BLO RNAMS THA DAD PA'I PHYIR 'JIG RTEN BYUNG NAS 'JIG PA'I MTHAR THUG GI BAR DU BLO GCIG GO ZHES GRANGS CAN SMRA BA DANG, SKYES BU YANG GRANG BA DANG DRO BA LA SOGS PA BZHIN PAS NA GCIG BAR MI RUNG BA STE TSOR BA THA DAD PA'I PHYIR RO, ,PHYI'I DON YANG RNAM PAR SHES PA MA GTOGS PAR DNGOS PO YOD PA MA YIN TE, RMI LAM DANG, MIG 'PHRUL DANG, RAB RIB LA SOGS PA'I SNANG BA BZHIN NO, ,PHUNG PO RNAMS KYI SBOM PO DANG, PHRA MO RANG BZHIN RNAM PAR GZHIGS PA NA KHANG PA DANG NAGS TSAL LA SOGS PA BZHIN DU STONG BAR 'GYUR RO, ,GZUNG BA DANG 'DZIN PA DAG KYANG DU MAR MI RIGS PA DANG, SHES PA YANG RNAM PA GCIG PAR MI RUNG STE, SNA TSOGS PA GCIG PAR YANG MI 'THAD PA'I PHYIR RO, ,DE'I PHYIR BSLAD PA'I MTHUS RNAM PA SNA TSOGS RNAMS KYI DBANG PO SO SOR SNANG STE, SHES RAB KYIS DBEN PAR YONGS SU SHES PA NA DRI MA MED PA MI GNYIS PAR 'GYUR RO, ,RKYEN RNAMS NI GNYIS KYI RNAM PA'I SHES PA LA RGYU DANG, DMIGS PA DANG, DE MA THAG PA DANG, DBANG GI RKYEN DU KUN BRTAGS PA'O, ,PHYI ROL GYI DON MED PA'I PHYIR GZUNG BA DANG 'DZIN PA DAG KYANG MED DE CIS NA RGYU DANG 'BRAS BU'I DNGOS POR 'DZIN PAR 'GYUR, BSAM PA MED CING SNANG @113B BA MED PA DON DAM PA'I BDEN PA MI GNYIS PAR YANG DAG PAR RIG PA NI BDAG LA YANG RIG PAR BYA BA DANG, RIG PA PO'I DNGOS POR MI 'DZIN NA THA DAD PAR LTA CI SMOS, 'DAS PA DANG MA 'ONGS PA NI MED LA, MI SNANG NA JI LTAR NA RNAM PAR RTOG BAR 'GYUR, SNGA MA'I 'OG TU 'DI YOD PAS 'DI YOD PAR 'GYUR BA 'BA' ZHIG GO ZHES SNANG BA DANG BCAS PA'I TING NGE 'DZIN LA BZHUGS PA'I RNAL 'BYOR GYI DBANG PO RNAMS STON TE, DER YANG GANG GI TSE NA SKAD CIG MA SNGA MA YOD PA DE'I TSE NA SKAD CIG MA PHYI MA MED DE 'BREL PA MED PAS NA SU'I RGYU YIN JI LTAR BYED PA DBU MA LAS BKAG PA, YOD DANG MED PA'I DON LA NI, ,RKYEN RNAMS YOD PAR MI RUNG STE, ,MED NA RKYEN NI SU YI YIN, ,YOD NA RKYEN GYIS CI ZHIG BYA, ,ZHES PA STE, DE'I 'OG TZAM GYI 'DI YOD NA 'DI YOD CES BYA BA 'BA' ZHIG STE, GZHAN GYI KHYAD PAR MED KYANG RKYEN 'GA' ZHIG LAS RANG BZHIN NGES PA'O, ,PHYI ROL DANG NANG GI 'DZIN PA DANG, GZUNG BA MED PAS NA PHYI ROL GYI DON MED DE JI LTAR 'DI NYID DU BSGRUB PAR MDZAD PA, GZUGS NI RDUL PHRAN GZHIGS PA NA, ,RDUL PHRAN CHA NI MED PA STE, ,ZHES PA'O, ,DES NA TSON GYIS BTZOS PA DANG, MA BTZOS PA DANG, SGUL BA DANG, MA SGUL BA DANG, BSGRIBS PA DANG, MA BSGRIBS PA LA SOGS PAS DBYE BA NA YAN LAG GI RDZAS MED PAR MA ZAD KYI RDUL PHRA MO YANG MED DO, ,GANG DAG YANG PHYOGS THA DAD PAR PHYE BA NA KHANG BA DANG, SDE DANG, NAGS TSAL LA SOGS PA BZHIN DU STONG PA NYID DO, ,BDE BA DANG, SDUG BSNGAL BA DANG, GTI MUG GI BDAG NYID DU GTZO BO LA YON TAN GSUM DU SU DAG KUN TU RTOG PA DE LA YANG DAG PAR RIG PA'I RANG BZHIN BAR YONGS SU BSAL BA NYID DO, ,BDE BA DANG SDUG BSNGAL LA SOGS PA'I SIM PA DANG YONGS SU GDUNG BA LA SOGS PA'I RANG BZHIN BAS NA BAR TI KA LA RTZOD PA RGYA CHER TE, DES NA KHAMS GSUM PA SEMS TZAM MO, ,DBANG PO YANG CHUD PA'I RANG BZHIN NYID DE, BYED PA PO DANG, LAS DANG, BYED PA LA SOGS PA YONGS SU SHES PA'I KHYAD PAR NI CHUD PA'I @114A *, ,BDAG NYID KYI YIN NO, ,DBANG PO YANG YUL GYI RNAM PA SNA TSOGS SU YANG DAG PAR RIG PAR 'BYED PAS PHYE BA NA JI LTAR NA RTAG PA YIN, SHING DANG THAL BA LA SOGS PA BZHIN DU RIM GYI KHYAD PAR GYI PHYIR RO, ,GAL TE 'DOD CHAGS DANG BRAL BA ZHIG NA NI GZHAN LA GNOD PA JI LTAR BYED PAR 'GYUR, 'ON TE 'DOD CHAGS DANG BRAL BA MA YIN NA NI BDAG NYID NOR PA'I SHES PAS GTI MUG GIS RNYOG STE, BDAG NYID LA PHAN PAR MI NUS NA GZHAN LA PHAN PAR CIS NA BYED PAR 'GYUR, GANG YANG DBYIBS KYI KHYAD PAR YOD PA THAMS CAD JI LTA BA BZHIN GYI DBYIBS BYED PA POS SNGAR BYAS PA'I RNAM PA JI LTA BUR BZUNG BA DE LTA BUR GLING GI BAR GYI SGANG DANG, 'BROG DANG SHING LA SOGS PA DE DAG THAMS CAD NI BLO CAN GYI SKYES BUS SNGAR BYAS PAR MI BZUNG STE, DE'I PHYIR RNAM PA DE LTA BU'I 'BRAS BU LAS RNAM PA DE LTA BU'I RGYU LA RJES SU DPAG PA'O, ,LHA KHANG LA SOGS PA'I 'BRAS BU LAS THIG BTAB PA LA SOGS PA RJES SU DPAG PA BZHIN PA 'BREL PA BZUNG NAS RNAM PA DE LTA BU LA NI CHUD PAR BYA BA DANG, CHUD PAR BYED PA'I DNGOS POR RUNG NGO, ,DE LA CI TZAM KHYAD BAR MED PA NYID LAS KHYAD PAR DU RJES SU DPAG PAR BYA BA NI GNAM 'PHANG DU BKAR BA LA SOGS PA TZAM GYIS TSUB MA DANG NA BUN LA SOGS PAR GTOGS PA'I CHOS 'DRA BA TZAM GYIS MER RJES SU DPAG PA LTA BU NI RIGS PA MA YIN NO, ,DE BZHIN DU LUS DANG, BYED PA DANG, GNAS KYI GZHI BLO CAN KHYAD PAR GYI SKYES BUS SNGAR BYAS PAR MI 'DZIN PAS NA JI LTAR NA DE LAS DBANG POR RJES SU DPAG TU RUNG, MI GNYIS PA'I PHYOGS KYI DBANG PO YANG RTAG PA DANG, GCIG PA DANG KHYAB PA'I DNGOS POS DNGOS PO THAMS CAD DE'I RANG BZHIN PA YIN TE, ZHI BA PA SMRA BA LTA BUR DBANG PO'I RANG BZHIN PA'I DNGOS PO RNAM PA LA THA DAD PA MED PAR 'GYUR BA NI, BRTAN DANG 'GRO CAN DE BZHIN DU, ,SA LA YOD PA CUNG ZAD GANG, ,THAMS CAD DE NI DBANG MCHOG STE, ,BDAG NYID KHYAB NAS GNAS PA'O, ,ZHES PA DE'I TSE DBANG PO MA YIN PAR SU YANG MI 'GYUR TE, GROL BA DANG, MA GROL BA DANG, PHYUG PA DANG, DBUL BA LA SOGS PA RNAMS KYI KHYAD @114B PAR DMIGS SU MED PAR 'GYUR LA, THAMS CAD KYANG ZHI BA'I RANG BZHIN PAR 'GYUR TE, DE NI RTOG PA'I RGYAN DU TSANGS PA LA SOGS PA'O, ,RTZOD PA ZHIB MOR 'DIR SBYAR BAR BYA'O, ,'PHAGS PA LANG KAR GSHEGS PA LE'U GNYIS PA YE SHES DPAL BZANG POS BSHAD PA SBYAR BA LAS GSOL BA'I LAN DANG, KUN GZHI DANG, STONG PA NYID RTZOD PA'I GNAS KYI 'OG TU DE BZHIN GSHEGS PA'I SNYING PO'I DPYAD PA BZHI PA'O,, ,,DE NAS BYANG CHUB SEMS DPA' SEMS DPA' CHEN PO BLO GROS CHEN POS MA 'ONGS PA'I SKYE BO'I TSOGS LA BLTAS NAS, YANG BCOM LDAN 'DAS LA GSOL BA BTAB PA, BCOM LDAN 'DAS JI LTAR BYANG CHUB SEMS DPA' ZHES BYA BA LA SOGS PA'O, ,THAMS CAD MKHYEN PAS KYANG BKA' STZAL PA, RGYU BZHIS NA RNAL 'BYOR CHEN PO'I RNAL 'BYOR CAN DU 'GYUR RO, ,'DI LTA STE RANG GI SEMS SNANG BA RNAM PAR BSGOM PA DANG ZHES PA STE, RANG GI SEMS MA GTOGS PAR PHYI ROL GYI RNAM PA DMIGS SU MED PA NI RMI LAM DANG, MIG 'PHRUL DANG, RAB RIB LA SOGS PA'I SNANG BA BZHIN NO, ,SKYE BA DANG, GNAS PA DANG, 'JIG PA'I LTA BA RNAM PAR SPONG BA NI SKYE BA DANG, GNAS PA DANG, 'JIG PA LA SOGS PA'I CHOS RNAMS SKAD CIG PA LA MED DO, ,GANG GI TSE NA SKAD CIG PA GCIG YOD PA DE'I TSE NA SKAD CIG PA GCIG GNYIS PO MED DO, ,SNGA MA'I 'OG TU 'DI YOD NA 'DI YOD DO ZHES BYA BA 'BA' ZHIG GI BYED PA DANG BYED PA PO DANG MNGON PAR 'BREL TE, SKYE BA NI MA YIN TE, BYED PA PO DANG, LAS DANG, BYED PA MNGON PAR 'BREL PA RNAMS NI RGYUN LA BTAGS PA YIN GYI, SKAD CIG PA GCIG LA NI MA YIN NO, ,DE LTAR SKAD CIG PAR 'JIG BA DE NI CHOS DANG GANG ZAG LA BDAG MED PA LA SPYIR BSHAD PA'O, , CHOS LA BDAG MED PA'I KHYAD PAR NI RMI LAM DANG, MIG 'PHRUL DANG, RAB RIB LA SOGS PAR SNANG BA BZHIN DU DON DAM PAR GNYIS KYI RNAM PA THAMS CAD SKYE BA DANG, GNAS PA DANG, 'JIG PA DANG BRAL BA STE, JI LTAR DBU MA LAS 'BYUNG BA, ,RANG BZHIN MED PA'I @115A *, ,DNGOS PO RNAMS, ,GANG PHYIR YOD PA MA YIN PAS, ,'DI YOD PAS NA 'DI YOD CES, ,'DI NI 'THAD PA MA YIN NO, ,ZHES PA GZHAN GYI DBANG GI DBANG DU BYAS NAS SLOB DPON KLU BOS KYIS BSAMS PA STE, JI LTAR DGONGS PA NGES PAR 'GREL PA LAS, RANG BZHIN MED PA RNAM PA GSUM, ,ZHES PA'O, ,DE DER GZHAN GYI DBANG GIS GNYIS KYI RNAM PA SNA TSOGS PAS NA SKYE BA'I RANG BZHIN MED PA NA KHANG PA DANG, SDE DANG, NAGS TSAL LA SOGS PA BZHIN NO, ,GRUB PA LAS SNA TSOGS PAS GNOD PA MED DO, ,GAL TE BSKYED PA 'DUS BYAS NAS, ,MTSAN NYID GSUM LDAN DER RIG STE, ,'ON TE BSKYED PA 'DUS MA BYAS, ,'DUS BYAS MTSAN NYID JI LTAR RUNG, ,SKYE BA SKYE BA JI LTA BUR, ,BDAG NYID GZHAN GYIS MA YIN PA, ,'GOG PA LA NI 'GOG PA YANG, ,BDAG NYID GZHAN GYIS MA YIN PAR, ,GAL TE SKYE BA SNGAR YOD LA, , RGAB 'CHI BA 'PHYIS NA NI, ,SKYE LA RGA BA 'CHI BA MED, ,SKYES KYANG 'CHI BAR MI 'GYUR RO, ,RGA BA 'CHI BAR MI 'GYUR BA'I, ,THAMS CAD CHOS LA THAMS CAD DU, ,SPRO BAR BYED PA SKYE BA CI, ,DE LA RGA BA 'CHI BA'AM CI, ,PHYI ROL GYI DNGOS PO DANG DNGOS PO MED PAR RTOG PA NI PHYI ROL GYI SBOM PO DANG, PHRA MO KUN JI LTAR RTOG PAR BYED PA DE LTAR, GZUGS NI RDUL PHRAN GZHIGS PA NA, ,RDUL PHRAN CHA NI MED PA STE, ,ZHES BYA BAR DNGOS PO RNAM PAR PHYE BA NA SDE DANG NAGS TSAL LA SOGS PA BZHIN DU RTOGS SO, ,'PHAGS PA SO SO RANG GI YE SHES KHONG DU CHUD PA THA DAD PA MED PA'I MTSAN NYID DE GANG GI TSE NA SHES PAR BYA BA SBOM PO DANG, PHRA MO SHES RAB KYIS MI DMIGS PA DE'I TSE NA BSAM PA MED CING SNANG BA MED PA DON DAM PA'I BDEN PA YANG DAG PAR RIG PA NI RNAL 'BYOR PA RNAMS KYI RNAL 'BYOR DU 'GYUR RO, ,JI LTAR DBU MA LAS SPROS PA MED CING MI GNYIS PA'I MTSAN NYID DU BSHAD PA NA, RNAM RTOG MED CING SNANG BA MED, ,SPROS PA RNAMS KYIS MA SPROS PA, ,'DI NI 'JIG RTEN MGON PO YIS, ,SANGS RGYAS BSTAN PA BDUD RTZI YI, ,MI GNYIS PA YI CHUD PA NYID, ,RNAM PAR MI RTOG PA DANG SNANG BA MED PA'O, ,DE NI RTAG PA @115B DANG GZHAN DBANG MO GSHAM GYI BU LTA BUR GRUB PA'I YE SHES MED DO ZHES BHA BYAS GLENG DU MED DO, ,YANG DAG PAR RIG PA TZAM SO SOR RANG GIS RIG PA DANG RIG PAR BYED PA'I DNGOS POR BSTAN DU MED PA SNANG BA DANG BRAL BA, DNGOS PO DANG DNGOS PO MED PAR RNAM PAR MI RTOG PA'I SEMS DON DAM PA'I BDEN PAR BDAG NYID LA'ANG MI RGYU NA YI GE DANG SGRAS BRJOD PA LTA CI SMOS TE, THA DAD PA MED PA'I 'PHAGS PA'I YE SHES MNGON PAR RTOGS PAS NA DE LAS GZHAN PA NGES PAR 'JUG PA'I DBANG PO SHES PA DANG, DBUGS RNGUB PA MYONG BA BZHIN NO, ,YANG DAG PAR RIG PA TZAM NI 'DI'O ZHES YOD PA DANG MED PA SMRAS MED DE, THOG MA DANG THA MAR STONG PA DANG, DBUS SU YANG RANG BZHIN GNYIS KYIS STONG STE, SKAD CIG MA'I RGYUN THA DAD PA YIN YANG, SKAD CIG MA GCIG THA MI DAD PA 'PHAGS PA RNAMS KYIS GNYIS SU MED PAR YANG DAG PAR RIG PA'O ZHES THAMS CAD MKHYEN PAS DGONGS PA'O, ,DE NI BSTAN PA'I TSIG BSDU BA'I DON DU BSHAD PA STE, RGYA CHER NI THAMS CAD MKHYEN PA NYID KYIS STON PAR MDZAD PAS NA DER BSHAD DU MED DO, ,RTEN CING 'BREL BAR 'BYUNG BA'I RGYU'I MTSAN NYID RNAM PA GNYIS TE ZHES BYA BA LA SOGS PA LA PHYI NANG GI DPE NI SNANG BA JI BZHIN PAR THAMS CAD MKHYEN PAS SEMS CAN RNAMS LA KHONG DU CHUD PAR MDZAD PA'I DON DU YIN GYI BUM PA DANG, SNAM BU LA SOGS PA PHYI ROL GYI RDUL DANG, RGYU SPUN GYIS BSKYED PA NI MA YIN NO, ,MA RIG PA DANG SRED PA DANG, LAS LAS GZUGS LA SOGS PA'I PHUNG POR SNANG BA SKYES PA STE, DON DAM PAR NI RMI LAM LA SOGS PA BZHIN DU MA SKYES PA NYID DE, THOG MA MED PA'I NYES PA'I BAG CHAGS KYIS BSLAD PA YONGS SU SMIN PA'I MTHU LAS SNA TSOGS KYI RNAM PA PHUNG PO DANG, KHAMS DANG, SKYE MCHED RTEN CING 'BREL TE 'BYUNG BA'I KHYAD PAR RNAMS SO SOR SNANG BA 'BA' ZHIG GO, ,DE LA RGYUR 'BYED PA NI THAMS CAD MKHYEN PAS SNANG BA'I KHYAD PAR BZHIN DU STON PAR MDZAD PA BLO GROS CHEN PO DE LA RGYU NI RNAM PA DRUG STE, 'DI LTAR 'BYUNG BAR 'GYUR BA'I RGYU DANG, 'BREL @116A *, ,PA'I RGYU DANG, MTSAN NYID KYI RGYU DANG, BYED PA'I RGYU DANG, SNANG BA MED PA'I RGYU DANG, LTOS PA'I RGYU DANG DRUG GO, ,DE LA THAMS CAD MKHYEN PAS RNAM PAR PHYE STE STON PA DE LA BLO GROS CHEN PO 'BYUNG BAR 'GYUR BA'I RGYU NI PHYI NANG GI CHOS RNAMS SKYE BA'I PHYIR RGYU'I BYA BA BYED DO ZHES THAMS CAD MKHYEN PAS DER CI YANG DGONGS PA DE RJES SU DPAG PAR BYA BA NI 'JIG RTEN GYI RNAM PA SNA TSOGS PA NI LAS LAS 'BYUNG BAS NA 'BYUNG BAR 'GYUR BA'O, ,LUS DANG 'JIG RTEN RNAM PA SNA TSOGS NANG DANG PHYI'I SBOM PO DANG, PHRA BA SNANG BA LA DGONGS NA NI THAMS CAD MKHYEN PA NYID TSAD MA'O, ,BLO GROS CHEN PO 'BREL PA'I RGYU NI PHYI NANG GI PHUNG PO DANG SA BON LA SOGS PA 'BYUNG BA'I PHYIR DMIGS PA'I BYA BA BYED DO ZHES PA GZUGS LA SOGS PA SNANG BA NI DMIGS PAS NA DMIGS PA STE, SNANG BA NYID RGYU DANG 'BRAS BU'I DNGOS POR BCOM LDAN 'DAS KYIS DGONGS PA'O, ,BLO GROS CHEN PO MTSAN NYID KYI RGYU NI DE MA THAG TU BYED PA'I MTSAN NYID DANG 'BREL PAR BSKYED DO ZHES PA DE MA THAG TU BYED PA'I LAS KYI MTSAN NYID GANG 'BREL NAS MTSAN NYID GANG GIS GANG LA BRTAG PAR BYA BA DE MTSAN NYID KYI RGYU'O, ,JI LTAR LUNG STON PA'I GTZUG LAG LAS BYED PA PO RANG DBANG NGO ZHES KUN TU RTOG PA'O, ,BLO GROS CHEN PO BYED PA'I RGYU NI DBANG POR GTOGS PA'I BYA BA BYED DO, ,'KHOR LOS SGYUR BA'I RGYAL PO BZHIN NO ZHES PA DE NI SBYOR BA'I RGYU STE, JI LTAR LHAS BYIN GYIS MCHOD SBYIN BUM PA BYED DU BZUNG BA'O, ,'KHOR LOS SGYUR BA'I RGYAL PO BZHIN ZHES PA NI JI LTAR 'KHOR LOS SGYUR BA'I RGYAL POS RGYAL PO GZHAN DAG BYED PAR GZUNG BA DE LTAR GTZO BO'I RGYU DE DBANG DU BYED PA'I RGYUR BRTAG GO, ,KHYAD PAR DU BRTAG PA NI THAMS CAD MKHYEN PA NYID TSAD MA'O, ,BLO GROS CHEN PO SNANG BAR BYED PA'I RGYU NI RNAM PAR RTOG PA'I DNGOS PO SKYES PA'I MTSAN NYID SNANG BA'I BYA BA BYED DE GZUGS LA SOGS PA LA MAR ME BZHIN NO ZHES PA JI LTAR MAR ME BUM PA DANG, SNAM BU LA SOGS PA RNAM PAR RTOG PA'I DNGOS PO RNAMS KYIS SNANG BAR BYED PA'I RGYU YIN PA DE LTAR SNGAR SKYES PA'I KHYAD PAR SNANG BA NI SNANG BA @116B BYED PA ZHES BYA'O, ,DE YANG DAG PAR NA BYED PA NYID DE 'DRA BA'I SKAD CIG PA GZHAN LAS LTOS TE SKAD CIG MA RGYUN DU 'BYUNG BA LAS GANG GIS MTSAN NYID MI MTHUN PAR MI BYED PA NI SNANG BAR BYED PA'O, ,BLO GROS CHEN PO LTOS PA'I RGYU NI RNAM PAR BZLOG PA'I DUS NA RNAM PAR MI RTOG PA'I DNGOS PO 'BYUNG BA'I PHYIR BYA BA RGYUN CHAD PAR BYED DO ZHES PA NI RGYU 'DUS PA GANG YOD PAR GYUR NAS DE'I 'OG TU 'BRAS BU GANG MOD DMA' BAR 'GYUR BA DE DE LTA BU NI LTOS PA'I RGYU ZHES BYA'O, ,JI LTAR ME LA LTOS TE SHING THAL BA'I DNGOS POR 'BYUNG BA NA RNAM PAR MI RTOG PA STE SNGON GYI SHING GI DNGOS POR RNAM PAR MI RTOG CES BYA BA'I BAR DU'O, ,'DI DAG NI BLO GROS CHEN PO BYIS PA SO SO'I SKYE BO RNAMS KYIS RANG GI SEMS KYIS RNAM PAR RTOG PAS BRTAGS TE, RIM GYIS 'JUG PAS KYANG MA YIN, CIG CAR YANG MI 'BYUNG NGO, ,CI'I PHYIR ZHE NA, BLO GROS CHEN PO GAL TE CIG CAR 'BYUNG NA NI, BYA BA DANG BYED PA'I BYE BRAG KYANG MED PAR 'GYUR RO ZHES PA THAMS CAD MKHYEN PAS CI DGONGS SHE NA, GNYIS KAS KYANG BDAG 'BYUNG BA THOB PA'I PHYIR RO, ,RGYU DANG 'BRAS BU'I DUS MTSUNGS PA DANG, PHAN PAR BYA BA DANG, PHAN PAR BYED PA MED PAS NA DUS GCIG TU BYE BRAG TU DBYE BAR MI NUS SO, ,RGYU'I MTSAN NYID DU MA RED PA'I PHYIR ZHES PA NI RGYU 'BRAS BU LA PHAN PAR BYED PAS MTSAN NYID THOB PAR 'GYUR NA PHAN PAR BYED PA MED PAS NA RGYU RGYU'I MTSAN NYID MI THOB PO, ,GZHAN PAR YANG BSHAD NA 'BRAS BU GANG GI RGYU LAS MTSAN NYID DU MA RED PA'I 'BRAS BU STE, THAMS CAD MKHYEN PAS SGRA'I DON LA SBYAR BA'I TSIG GNYIS KAR YANG BRTAG PA NI CHOS NYID DU 'GAL BA MED PA'I PHYIR RO, ,DE STE RIM GYIS 'JUG PAS 'BYUNG NA NI MTSAN NYID DU MA RED PA'I BDAG NYID PAS ZHES BYA BA NI BYA BA'I MTSAN NYID DU RED PA MED PA'I BDAG NYID KYI PHYIR RO, ,GANG GI TSE NA RGYU'I SKAD CIG PA YOD PA DE'I TSE NA 'BRAS BU'I SKAD CIG PA MED DE, YOD PA DANG MED PA DAG KYANG JI LTAR NA 'BREL, SKAD CIG PA GCIG NI SU DANG YANG 'BREL PA MED DO, ,ZHIG PA DANG MA ZHIG PA 'BRAS BU SKYE BA LA @117A *, ,BYED PA MED DE, DER THAMS CAD MKHYEN PAS BYED PA DGAG PAR DGONGS PA'I PHYIR RO, ,DE MA THAG PA TZAM GYIS DNGOS PO SO SOR NGES PA 'BA' ZHIG STE, DE BZHIN DU YANG KUN NAS NYON MONGS PA DANG RNAM PAR BYANG BA KUN RDZOB DANG, DON DAM PA'I BDEN PA GZHAN GYI DBANG DANG, YONGS SU GRUB PA RTEN CING 'BREL TE 'BYUNG BA RNAM PA GNYIS LA SBYAR BAR BYA STE, DES NA RIM GYIS 'JUG PA MI 'BYUNG NGO, ,THAMS CAD MKHYEN PAS DE NYID LA DPER GSUNGS PA, BLO GROS CHEN PO BUM SKYES PAR PA ZHES GDAGS PA DANG 'DRA BA RTOG PA PO RNAMS KYIS RIM GYIS 'JUG PAS 'BREL BA'I TSUL YANG MI RUNG NGO ZHES PA 'DI'I PHA 'DI YIN NO ZHES BUM SKYES PAR YANG PHAR 'DOGS PA JI LTA BU RUNG ZHES THAMS CAD MKHYEN PAS DGONGS PA'O, ,SNGA MA'I 'OG TU 'DI YOD NA 'DI YOD PAR 'GYUR RO ZHES RTEN CING 'BREL BAR 'BYUNG BA 'BA' ZHIG STE, DE MA THAG PA TZAM GYIS KHA CIG TU LAS DANG 'BRAS BUR 'BREL PA'I RANG BZHIN DU SO SOR NGES SO, ,DE BZHIN DU KUN NAS NYON MONGS PA DANG, RNAM PAR BYANG BA BZHAG PA YANG KHA CIG KHA CIG GI DE MA THAG TU DAG PA DANG MA DAG PAR YANG SNANG GI, BDAG NYID LAS MA YIN LA GZHAN THAMS CAD LAS KYANG MA YIN PA DANG, GNYI GA LAS KYANG MA YIN TE JI LTAR THAMS CAD MKHYEN PAS GSUNGS PA BDAG DANG GZHAN DANG GNYIS KA DANG, YOD PA DANG, MED PA LAS SKYES PA MED DO ZHES PA DANG, DE BAS NA SLOB DPON KLU BOS KYI BSTOD PA LAS SMRAS PA, ZHIG DANG RNAM PAR MA ZHIG PA'I, ,SA BON LAS NI MYUG 'BYUNG MED, ,RMI 'BYUNG BZHIN DU 'BYUNG BA DE, ,DE LTAR KUN NI KHYOD GSUNG MDZAD, ,CES SO, ,YOD DANG MED PA LAS BYED PAS RGYU'I 'BRAS BU SPYOD PAR MI BYED DE, JI LTAR BTZUN GTZO BYAMS PAS BSGRUB PAR MDZAD PA SKYE BA DANG 'JIG PA DUS MTSUNGS TE SRANG MDA'I MTHO DMAN BZHIN NO ZHES SO, ,RGYU MED PA LAS KYANG MA YIN, DBANG PO LAS KYANG MA YIN, RANG BZHIN LAS KYANG MA YIN, YON @117B TAN 'PHO BA LAS KYANG MA YIN ZHES BYA BA LA SOGS PA'O, ,'DI YOD NA 'DI YOD PAR 'GYUR ZHES BYA BA LA SOGS PA'O, ,GANG GI TSE NA RGYU SNGAR YOD PA DE'I 'OG TU 'BRAS BU 'BYUNG GI, SKAD CIG PAS BAR CHAD PA NI MED DO, ,RGYU 'JIG PA'I DUS NYID NA 'BRAS BU 'BYUNG GI 'JIG PA DANG, SKYE BA LA SOGS PAR YANG LHAG PA'I CHOS GZHAN MED DO, ,THOG MA DANG THA MA'I SKAD CIG PA NYID KYI DNGOS PO YANG DE MA THAG TU BRTAGS PA'O, ,DE BZHIN DU CHOS DANG CHOS CAN GYI THA SNYAD BYED PAR YID CHES PA BZHIN DU BTZUN GTZO SANGS RGYAS SU 'GYUR BAS DGONGS PA'O, ,CHOS DANG GANG ZAG LA BDAG MED PA GNYIS LA YANG RTEN CING 'BREL TE 'BYUNG BA MI 'BYUNG BAR BDAG GIS DBU MA LTA BUR BSGRUB PA NI, 'GOG MED SKYE BA MED PA DANG, ,RTAG MED CHAD PA MED PA DANG, ,GCIG DON DU MA'I DON SMIN DANG, ,'ONG BA MED PA 'GRO BA MED, ,RTEN CING 'BREL PAR 'BYUNG BA NI, ,SPROS PA NYER ZHI ZHI BA YANG, ,RDZOGS PA'I SANGS RGYAS GSUNGS GYUR PA, ,GSUNG MCHOG DE LA PHYAG 'TSAL TE, ,ZHES PAS, SA DANG PO'I DBANG POS DBU MA'I GTZUG LAG GI LUS SU BSDUS PAR GYUR NA NI BYED PA DANG BYED PA POR 'BREL PA DE NYID GSAL BA'I PHYIR GTZUG LAG LAS 'BYUNG NGO, ,'BRUM BU ZA BA PA DANG, KHAM PA PA DANG, RKANG MIG PA DANG, SPEL BA PA DANG, MDZE'I MI NI PA DANG, TZA RA KA PA DANG, LUNG STON PA RNAMS KYIS KUN TU BRTAGS PA'I 'DZIN PA DANG, GZUNG BA DANG, BYED PA DANG BYED PA POR 'BREL TE RJOD PA DANG BRJOD PA LA SOGS PA'I RNAM PAR RTOG PA'I 'DZINGS PA'I KUN NAS NYON MONGS PA BSAL BAR ZHUGS PA'O, ,DE DAG LAS KYANG SKYE BAR BYA BA SKYE BA POS BSKYED PA NI BYED PA PO 'BREL PA DE THOG MAR SPONG BAR BYED DO, ,BYED PA PO LA MNGON PAR CHAGS PAS 'KHOR BA'I SDUG BSNGAL RAB TU 'BYUNG NGO, , RTAG PA DANG, BDAG DANG, BDAG GI DANG, BYED PA PO DANG, LAS DANG BYED PA LA MNGON PAR CHAGS PA LOG NA SDUG BSNGAL BZLOG GO ZHES SO, ,GANG LA SKYE BA MED PA DE LA GNAS PA DANG, 'GOG PA LA SOGS PA'I CHOS YOD PA MA YIN TE, DE LTAR DBU MA NYID DU SGRUB @118A *, ,PAR BYED PA, GAL TE SKYE BA 'DUS BYAS NA, ,MTSAN NYID GSUM LDAN DER RIG STE, ,'ON TE SKYE BA 'DUS MA BYAS, ,'DUS BYAS MTSAN NYID JI LTAR RUNG, ,SKYE BA SKYE BA JI LTA BUR, ,BDAG NYID GZHAN GYIS MA YIN PA, ,'GOG PA LA NI 'GOG PA YANG, ,BDAG NYID GZHAN GYIS MA YIN PA'O, ,GANG ZAG BDAG LA MED PA YANG, ,RTEN CING 'BREL TE 'BYUNG BA LA SKYE BA LA SOGS PA'I CHOS LHAG PA YOD PA MA YIN TE, JI LTAR 'PHAGS PA DGE 'DUN CHEN PO PA DAG KLOG PA, 'DUS BYAS THAMS CAD SKAD CIG PA, ,MI BRTAN BYED PA GAL ZHIG GANG 'BYUNG BYED PA DE NYID DE, ,BYED PA POR YANG DE NYID BRJOD, ,CES SO, ,RTEN CING 'BREL TE 'BYUNG BA'I SKAD CIG PA'I RGYU LA RTAG PA DANG CHAD PA MED DO, ,GCIG DON MA YIN ZHES BYA BA NI MA RIG PA DANG, LAS RNAM PAR SMIN PA'I RMI LAM LA SOGS PA SNANG BA BZHIN DU RTEN CING 'BREL TE 'BYUNG BA'I YAN LAG BCU GNYIS DON DU MA'I PHYIR RO, ,DU MA'I DON MA YIN ZHES BYA BA NI DON DAM PA GNYIS KYI RNAM PA MED PAS NA MI GNYIS PA'I PHYIR RO, ,'ONG BA DANG, 'GRO BA DANG BRAL BA NI THOG MA DANG THA MA'I MTHA' STONG BA'I PHYIR RO, ,DE'I PHYIR STONG BA NYID KYI CHOS KYI RNAM GRANGS SKYE BA NA GANG NAS KYANG MI 'ONG LA, 'GAG PA NA YANG GAR YANG STZOGS SU MI 'GRO'O ZHES SO, ,BAR DU YANG GNYIS KYI RANG BZHIN GYIS STONG STE, DES NA THAMS CAD MKHYEN PAS RTEN CING 'BREL PAR 'BYUNG BA SBROS PA NYE BAR ZHI BAS NA ZHI BAR GSUNGS SO, ,SANGS RGYAS SU 'GYUR BA'I SA DANG PO'I DBANG POS KYANG DBU MA'I GTZUG LAG DU GTOGS PA LAS, BDAG LAS MA YIN GZHAN LAS MIN, ,GNYIS DANG RGYU MED LAS KYANG MIN, ,DNGOS PO RNAMS NI SKYE BA YANG, ,'GA' ZHIG GAR YANG YOD MIN NO, ,ZHES PA STE, BDAG DANG GZHAN DANG GNYI GA LAS JI LTAR MI SKYE BA DE LTAR THAMS CAD MKHYEN PAS DAM PA'I CHOS KYI 'GREL BA LAS SNGAR BSHAD ZIN TO, ,'PHAGS PA BTZUN GTZO BYAMS PA'I S'A LU LJANG BA'I MDO SDE LAS 'BYUNG BA RTEN CING 'BREL TE 'BYUNG BA'I RTZOD PA'I GNAS RNAMS KYANG BDAG GIS DAM PA'I CHOS KYI @118B 'GREL PA BSHAD PA NA DBANG PO DANG, GTZO BO LA SOGS PA DPYAD PA SNGAR BYAS TA, SEMS KYI RGYUD RTEN CING 'BREL TE 'BYUNG BA RTAG PA LAS KYANG MA YIN, CHAD PA LAS KYANG MA YIN, RGYU MED PA LAS KYANG MA YIN, DBANG PO LAS KYANG MA YIN, RANG BZHIN LAS KYANG MA YIN, YON TAN 'PHOS PA LAS KYANG MA YIN NO ZHES BYA BA LA SOGS PA S'A LU LJANG BA'I MDO LAS ZHIB TU 'BYUNG BA'I PHYIR RTAG PA NI MA SKYES PAS NI MO GSHAM GYI BU LA SOGS PA BZHIN DU DNGOS PO MED DE, RTAG PA DANG, DBANG PO DANG, GTZO BO LA SOGS PA LA YANG TSUL 'DI NYID DO, , SEMS LA RGYU MED PAS MA YIN PA NI 'BYUNG BA RNAMS LAS MI SKYE STE, SKYES MA THAG PA LA RGA BA DANG, 'JIG PA DANG, MYA NGAN SNANG STE, DES NA SNGON GYI GOMS PA YOD PAR RJES SU DPAG GO, ,KUN GZHI RNAM PAR SHES PA BSHAD PAS 'JIG RTEN PHYI MA BSGRUB PA NA DE NI BSHAD ZIN MOD KYI, MDOR NA RTEN CING 'BREL BAR 'BYUNG BA NI MI 'BYUNG BA STE, BYED PA DANG, BYED PA PO DANG MNGON PAR 'BREL NAS RGYU DANG 'BRAS BU'I DNGOS PO MED DE, JI LTAR NA SNGA MA'I 'OG TU 'DI YOD PAS NA 'DI YOD PAR 'GYUR RO ZHES BSTAN PAR BYA'I YOD PA DANG MED PA LAS SKYE BAR NI MI RUNG NGO, ,JI LTAR THAMS CAD MKHYEN PA'I DAM PA'I CHOS KYI 'GREL BA'I BSHAD PA DANG DBU MA LAS, YOD DANG MED PA'I DON LA NI, ,RKYEN RNAMS YOD PAR MI RUNG STE, ,MED NA RKYEN NI SU YI YIN, ,YOD NA'ANG RKYEN GYIS CI ZHIG BYA, ,ZHES BYA BA LAS NA YOD PA DANG MED PA YANG SKYE BAR MI RUNG STE, DNGOS PO LA BYAR MED PA'I PHYIR RO, ,DNGOS PO MED PA BYED CES PA YANG CI YANG MI BYED PA YIN TE, BYED PA 'GAG PAR BYAS PAR GYUR PA NYID DO, ,DE BAS NA CIG CAR DANG, RIM GYIS 'JUG PAR BYED PA DANG, BYED PA POR 'BREL TE MI 'BYUNG NGO, ,RGYU RNAM PA DRUG PO YANG BYIS PAS KUN BRTAGS PA'O, ,KUN BRTAGS PA ZHES BYA BA NI BYED PA PO DANG, LAS DANG BYED PA LA SOGS PA'I RANG BZHIN LA'ANG MNGON PAR ZHEN PA'I MTSAN NYID KYIS ZHES BYA BA'I DON TE, SNANG BAR BYED PA DANG LTOS PA'I @119A *, ,RGYU YANG 'BRAS BU DE MA THAG PA'I RGYU NYID DU THAMS CAD MKHYEN PAS SBYAR TE, RGYU DANG DMIGS PA DANG, DE MA THAG PA DANG DBANG GI RGYU YANG RNAM PA BZHI MDO SDE 'DIR PHYE NAS GSUNGS SO, ,DBU MAR YANG SLOB DPON GYIS KYANG DE BZHIN DU STON PA, RKYEN BZHI RNAMS LA RGYU DANG NI, ,DMIGS DANG DE MA THAG PA DANG, ,DE BZHIN DU YANG DBANG GI STE, ,RKYEN NI LNGA PA MED PA'O, ,ZHES PA STE, DNGOS PO THAMS CAD LA RIM DANG CIG CAR DU SKYE BA DANG, SKYED PA'I DNGOS POR MI RUNG NGO, ,DBU MA LAS MDOR BSHAD PA NI, ,DNGOS PO RANG BZHIN MED RNAMS LA, ,YOD PA MIN PAS GANG LAS NI, ,'DI YOD PAS NA 'DIR 'GYUR ZHES, ,DE NI 'THAD PA MED PA'O, ,ZHES PA NI RNAM PA SNA TSOGS KYI RNAM PA LA GNOD PAR 'GYUR BA'I PHYIR RO, ,RANG BZHIN MED PA ZHES BYA BA NI RNAM PA SNA TSOGS KYI GZHAN GYI DBANG RNAMS KYI STE, GANG DAG 'DZIN PA DANG, GZUNG BA DANG, BRJOD PA DANG, RJOD PA PO SO SOR SNANG BA'I RNAM PAR RTOG PAR 'BYED PA'I YOD PA DE DAG NI GNYIS KYI RNAM PA STONG PA NYID DE, RMI LAM DANG, MIG 'PHRUL DANG, RAB RIB LA SOGS PA SNANG BA BZHIN NO, ,RNAM PAR RTOG PA MED CING SNANG BA MED PA GNYIS SU MED PA'I CHUD PA RNAMS LA THA DAD PA SNANG BA'I RNAM PAR RTOG PA MED PA'I PHYIR YANG RGYU DANG 'BRAS BU'I BYE BRAG 'DZIN PA MED DO, ,RNAM PA DE LTA BU'I MI GNYIS PA'I MTSAN NYID DU'ANG RGYU BA MED NA, 'DI YOD NA 'DI YOD PAR 'GYUR RO ZHES YI GE DANG SGRA LTA CI SMOS, JI LTAR DBU MA'I GTZUG LAG TU SA DANG PO'I DBANG POS GSUNGS PA, GANG GIS DNGOS PO MTHONG BA DANG, ,MED PAR MTHONG BA BLO CHUNG RNAMS, ,NYER ZHI ZHI BA BLTA BYA BA, ,DE DAG GIS NI MI MTHONG NGO, ,RNAM RTOG MED CING SNANG BA MED, ,SPROS PA RNAMS KYIS MA SPROS PA, ,'DI NI 'JIG RTEN MGON RNAMS KYI, ,SANGS RGYAS BSTAN PA BDUD RTZI'O, ,RNAM PAR RTOG PA DANG BCAS PA DANG, RNAM PAR RTOG PA MED PA LA SOGS PA'I CHOS RNAMS NI SEMS NYID LA RIGS TE, DES NA DNGOS PO DANG DNGOS PO MED PA'I RNAM PAR RTOG PA SPANGS TE, MI GNYIS @119B PA YANG SEMS NYID LA RIGS SO, ,JI LTAR 'DI NYID DU GSUNGS PA, SPROS LAS 'DAS PA MI GNYIS PA, ,YANG DAG SANGS RGYAS SPROS PAR BYED, ,DE DAG SPROS NYAMS GLEN PA RNAMS, ,DE BZHIN GSHEGS PA MI MTHONG NGO, ,STONG PA ZHES PAR SMRA MI BYA, ,MI STONG PAR YANG MA YIN TE, ,GNYIS DANG MI GNYIS ZHES PA YANG, ,ZHI LA RNAM PA GA LA ZHIG ,DE BAS NA DNGOS PO DANG DNGOS PO MED PAR RNAM PAR MI RTOG PA'I CHUD PA NYID DU DBU MA'I TING NGE 'DZIN TE, SA BDUN DAG NI SEMS YIN TE, ,SNANG BA MED PA BRGYAD PA'O, ,SA GNYIS DAG NI GNAS YIN TE, ,SA GZHAN NGA YI RANG BZHIN NO, ,PHYI YI DNGOS PO BSTZAL NAS SU, ,SHES PA TZAM LA 'JUG PA NI, ,'DI NYID DBU MA'I NAN TAN TE, ,DA DANG GZHAN GYIS BSTAN PA'O, ,DNGOS PO MED DANG DNGOS MED MIN, ,YOD DANG MED PAR MI DMIGS PA, ,'DI NI DBU MA'I NAN TAN TE, ,NGA DANG GZHAN GYIS BSTAN PA'O, ,ZHES SO, ,THAMS CAD MKHYEN PAS LANG KAR GSHEGS PAR SA BDUN GYI DBANG POS YE SHES LA CHAGS PA YONGS SU SPANGS TE, SA BRGYAD KYI DBANG PO RNAMS DNGOS PO DANG DNGOS PO MED PAR RNAM PAR MI RTOG PA NI DBU MA'I TING NGE 'DZIN DU GSUNGS TE, GANG NA NYAN THOS DANG, RANG SANGS RGYAS DANG, MU STEGS CAN DANG, SA BDUN DU PHYIN PA RNAMS KYI YANG SPYOD YUL MA YIN NO, ,MI SKYE BA'I MTSAN NYID DE NI RMI LAM DANG MIG 'PHRUL LA SOGS PA LTA BUR SKAD CIG MA'I 'DU BYED RNAMS LA SKYE BA DANG, GNAS PA DANG, 'GOG PA LA SOGS PA'I CHOS RNAMS GZHAN DU MI MTHONG NGO, ,BDAG MED PA GNYIS LA YANG RTEN CING 'BREL TE 'BYUNG BA SGYU MA DANG 'DRA BAR MTHONG NGO, ,DE DE LTA BUR BSAM PAR BYED CING SNANG BA MED PA DON DAM PA'I BDEN PA MI GNYIS PA YANG DAG PAR RIG PA LAS, BCOM LDAN 'DAS THAMS CAD MKHYEN PA RNAMS KYI THUGS RJE'I BAG CHAGS KYIS BSKUL TE SEMS CAN THAMS CAD KYI DON GYI PHYIR BSLANG BAR MDZAD DO, ,GANG GIS SNANG BA DANG BCAS PA DAG PA 'JIG RTEN PA TING NGE 'DZIN @120A *, ,LA GNAS TE SEMS CAN GYI PHYIR RAB TU 'JUG PAR 'GYUR RO, ,GAL TE DUS GZHAN DU BDAG NYID RAB TU SAD PAR 'GYUR NA NI SEMS CAN GYI DON DU BYANG CHUB KYI TSOGS KYI BAR CHAD DU 'GYUR RO, ,'DI LA GANG YANG RKYEN RNAMS KYIS ZHES BYA BA LA SOGS PA NI GZHAN GYI DBANG DANG YONGS SU GRUB PA YANG BYED PA DANG, BYED PA PO DANG 'BREL TE MI SKYE'O, ,SNA TSOGS KYI PHYIR GZHAN GYI DBANG SKYE BA MED PA'I RANG BZHIN TE, SNA TSOGS DANG RMI LAM LA SOGS PA BZHIN NO, ,GRUB PA YANG GNYIS KYI RNAM PAS STONG PA NYID DE, CHOS THAMS CAD NGES PAR 'JUG PA'I DBANG PO'O ZHES PA YANG DAG PAR RIG PA BZHIN NO, ,DES NI TSIGS SU BCAD PA'I DON BSHAD ZIN TO, ,'PHAGS PA LANG KAR GSHEGS PA'I BSHAD PA YI SHES DPAL BZANG POS SBYAR BA LAS LE'U GNYIS PA LAS RGYU DANG 'BRAS BU'I DPYAD PA LNGA PA'O,, ,,DE NAS YANG BCOM LDAN 'DAS LA BYANG CHUB SEMS DPA' SEMS DPA' CHEN PO BLO GROS CHEN POS GSOL BA, TSIG GI RNAM PAR RTOG PA'I MTSAN NYID KYI SNYING PO ZHES BYA BA LA SOGS PA'O, ,GSOL BA DE'I LAN BCOM LDAN 'DAS KYIS BKA' STZAL PA, BLO GROS CHEN PO TSIG GI RNAM PAR RTOG PA MTSAN NYID RNAM PA BZHI YOD DE, 'DI LTAR MTSAN NYID KYI TSIG DANG ZHES PA LA MTSAN NYID NI MTSAN MA STE, SGRA RNAMS 'BYUNG BA'I MTSAN MA'O, ,JI LTAR SGRA'I 'GREL PA BYAS PAS SGRUB PAR BYED PA SGRA RNAMS GSUM GYI PHYIR 'JUG STE, 'DI LTAR RIGS PA DANG, YON TAN DANG, BYED PAR 'JUG PA'I MTSAN MA RNAMS KYI SGRA RNAMS 'JUG GO, ,BZHI'I PHYIR SGRA RNAMS 'JUG PA NI SHES PA'I SGRA RNAMS YOD DO ZHES TE, DNGOS PO YOD PA DE LAS BRJOD PA DANG RKYEN DU 'GYUR RO, ,TSIG GSUM YOD PAR BYED PA'I YOD PA NI, RDZAS YOD PA DANG, YON TAN YOD PA DANG, LAS YOD PA'O, ,SGRA 'JUG PA NI RIGS KYI MTSAN MA MED DE DES NA SGRA RNAMS KYI SPYI'I BRJOD PA'O, ,GANG YANG MING DU BTAGS PA RNAMS NI DING THO DANG, DA THE WING THA DANG, LHA SBYIN DANG, MCHOD SBYIN NO, , @120B SBYIR SGRO BTAGS TE 'JUG PA'I MTSAN MA YUL DANG, DUS DANG LDAN PA ZHES SO, ,KHA CIG SMRA BA NI ZLA BA DANG NYI MA ZHES BYA LA, GANG ME TOG KU MU DA RNAMS RGYAS PAR BYED PA DANG, GANG YANG SIM PAR BYED PA DE NI ZLA BA'I ZLA BA KHO NA'O, ,GANG PAD MO RNAMS RGYAS PAR BYED PA DANG, GANG SNANG BAR BYED PA DE NI NYI MA'I NYI MA KHO NA'O, ,YANG NA DNGOS PO THAMS CAD RANG GI DNGOS POR YOD PA DE DAG GI DNGOS PO ZHES BYA'O, ,DE BRJOD PA'I PHYIR KHO NA 'AM NYID YIN TE, GANG RTZVA ZA BA DANG, SHING RTA 'DREN PA DE NI BA LANG GI BA LANG KHO NA'O, ,DE BZHIN DU NAM MKHA'I YANG NAM MKHA' KHO NA STE, BRO BA LA SOGS PA DU MA DANG SBYOR BAS YUL THA DAD PAR BRTAGS PA STE, MANG PO'I GNAS PAS NA NAM MKHA' KHO NA'O ZHES BHA DRA HA RIS SMRAS PA'O, ,SLOB DPON CHOS SKYONG GIS KYANG SGRUB PAR BYED PA NAM MKHA' LA MTSAN MA MANG PO'I TSIG 'JUG PAS NA RNAM PA MANG PO DER NAM MKHA' KHO NA'O ZHES KUN BRTAGS PA'O, ,DES NA, TSIG DON RNAMS KYI RIGS DANG NI, ,SNANG BA NYID KYANG DGAR TE 'AM, ,SGRA KUN NI TSIG DON DU DE LTAR RTAG TU BSHAD PA'O, ,TSIG TU SMRAS PA RNAMS TSIG GI DON GYI TSIG BZUNG NAS BRJOD PA'I RJOD PA NI 'DUS PA BRJOD PA'O, ,BRJOD PA SMRA BA RNAMS NI BRJOD PA NYID DON RJOD PAR BYED PA'O ZHES SO, ,LA LAS TSIG NI THA DAD GNYIS, ,RNAM BZHI RNAM PA LNGA PAR YANG, ,RJOD PA RNAMS LAS BRTEN NAS NI, ,RANG BZHIN RKYEN LA SOGS PA BZHIN, ,ZHES RAB TU 'THOR BA'I TSIG GI RGYUD LAS 'BYUNG NGO, ,BRJOD PA DBYAD PA LAS NI, TSIG CES BYA BA CUNG ZAD KYANG, ,RANG BZHIN GAR YANG NGES PA MED, ,TSIG RNAMS DNGOS PO DON DAG KYANG, ,BRJOD DON GNYIS LAS BYUNG BA STE, ,ZHES BRJOD PA MA RTOGS PAR TSIG GIS THE TSOM DU 'GYUR TE, DES NA BRJOD PA NYID KYI DON BRJOD DE MNGON PAR BRJOD PA 'DUS PA GANG YIN PA BRJOD PA NYID LAS DGAR BAR BYA'O, ,BRJOD PA'I NANG GI YAN LAG DANG MTSUNGS PA'I CHOS DANG LHAG PA BTON TE TSIG GI DON NI DON GYI BYE BRAG LAS DE LTAR RNAM PAR GZHAG STE, LA LIG DKAR PO DANG, RAS DKAR @121A *, ,PO DANG, GOS DKAR PO DANG, BA DKAR MO 'GRO BA DANG, BA NAG MO 'DUG PA STE, DE DE LTAR BRJOD PA'I NANG GI YAN LAG DANG, CHOS MTSUNGS PA DANG, CHOS MI MTSUNGS PAS TSIG GI DON RNAM PAR GZHAG STE, TSIG DANG BRJOD PA'I DPYAD PA ZHIB MO NI SGRA'I GTZUG LAG LAS THAMS CAD MKHYEN PAS DGONGS PA'O, ,MTSAN NYID KYI TSIG CES BYA BA NI SMRA BA RNAMS KYI BRJOD PA'I DON DU 'BYED PAS NA RTZOD PA YANG MANG STE, YI GE MA GTOGS TSIG GZHAN NI, ,YOD PA MA YIN BRJOD PA NI, ,YI GE TSIG NI MA GTOGS PAR, ,CHUNG ZAD KYANG NI YOD PA MIN, ,ZHES DPYOD PA CAN GYI RJES SU MTHUN PAR BYA STE, BHA DRA HA RIS BSHAD PA, SMRAS PA'I SGRA KUN 'DUS PA NI, ,RIGS NI 'JUG PAR 'GYUR BA STE, ,GCIG PU YAN LAG MED PA'I SGRA, ,BLO YIS RIGS SU BSDU BA'O, ,THOG MA'I TSIG NI SO SOR KUN, ,LTOS DANG BCAS TE DE LTAR YANG, ,BRJOD PA'I PHYIR NA THA DAD BLO, ,TSUL SMRA RNAMS KYI RNAM PA MANG, ,ZHES TE, BYED PA DANG BYED PA POR MNGON PAR 'BREL PA BRJOD PA'I DON NI THAMS CAD LA 'KHRUL PA MA YIN TE, DE LTA BUR NA DON YANG RJOD PAR 'GYUR RO, ,GZHON NU CAN GYI MUR BYED PAS SMRAS PA, JI SNYED JI 'DRA GANG DAG NI, ,DON GANG STON NUS YI GE RNAMS, ,MTHU RNAMS RAB TU SHES GYUR PA, ,DE DAG DE LTAR DON RTOGS BYED, ,CES SO, ,RTAG PAR SMRA BA RNAMS KYIS NI, ,YI GE 'BRUM BU GCIG GIS KYANG, ,STON PAR BYED DE DE TSIG DANG, ,BRJOD PA'I DON CHUD PAR BYED LA, BYED PA DANG BYED PA POR MNGON PAR 'BREL PAR YANG CHUD PAR BYED DO, ,RNAM PA DE LTA BU NI YA RABS DANG, MA RABS RNAMS KYI MTSAN MA JI LTA BA BZHIN DU RJES SU CHUD PAR BSGRUB PA'O, ,RMI LAM GYI TSIG NI THAMS CAD SNANG BAR 'BYED PA STE, THA SNYAD DU 'BYED PA'I DPE'O, ,CHUD PA MA GTOGS PAR YANG SGRA'I DON MED PA'I PHYIR RO, ,GNAS NGAN LEN LA MNGON PAR ZHEN PA'I TSIG NI 'DOD CHAGS LA SOGS PA NYON MONGS PA RNAMS LA GOMS PA'I RJES SU BYED PAS RLOM PA DANG, SNGOD LA PHOD PA LA SOGS PA'I GTAM MO, , @121B THOG MA MED PA'I DUS KYI RNAM PAR RTOG PA'I TSIG NI BYIS PA RNAMS LA YANG SGRA'I DON MNGON PAR RJOD PA 'BYUNG STE, NANG GI BYED PAR BZHAG PA NI, ,SGRA KUN GANG DU RGYU BYED PA, ,GNAS RNAMS SU NI THOG MED KYANG, ,SGRA LA MA GOMS MI RUNG STE, ,DES NA 'JIG RTEN GZHAN GYI GOMS PA'I RJES SU DPAG GO, ,ZHIB TU NI THAMS CAD MKHYEN PA NYID KYIS BSGRUB PAR MDZAD PA YIN TE, MDO SDE'I DON BDAG GIS RNAM PAR PHYE BAR ZAD DO, ,DA DUNG YANG BCOM LDAN 'DAS KYIS MI RNAMS KYI TSIG GI RNAM PAR RIG PA RTOG PA ZHES PA LA SOGS PA LA THAMS CAD MKHYEN PAS KYANG GSUNGS PA, MGO DANG ZHES BYA BA LA SOGS PA STE THAMS CAD MKHYEN PAS BSLAB PA'I RIM PA BSTAN PA, YI GE RNAMS KYI GNAS BRGYAD DE, ,BRANG DANG MGUL DANG DE BZHIN MGO, ,LCE DRUNG RNAMS DANG SO RNAMS DANG, ,SNA DANG MCHU DANG RKAN YANG NGO, ,BLO GROS CHEN POS GSOL PA, BCOM LDAN 'DAS RNAM PAR RTOG PA DANG, TSIG THA DAD DAM 'ON TE GCIG GAM CI LAGS ZHES PA NI YID KYI RNAM PAR RTOG PA DANG, RKAN LA SOGS PA'I LAS KYIS SGRA 'BYUNG BA YI GE'I CHOS DANG MTSUNGS PAS DE GNYIS GCIG PAR KHA CIG KUN TU RTOG PAR BYED DO ZHES 'PHAGS PA BLO GROS CHEN POS RNAM PAR RTOG PA LA THAMS CAD MKHYEN PAS KYANG BKA' STZAL BA, BLO GROS CHEN PO TSIG NI RNAM PAR RTOG PA DANG THA DAD PA YANG MA YIN GCIG PA YANG MA YIN NO ZHES SO, ,THA DAD PA DANG GCIG PAR JI LTAR MI RUNG BA DE MCHOG TU YONGS SU DAG PA'I 'DOD CHAGS DANG BRAL BA THAMS CAD MKHYEN PA TSIG GI DBANG POS SGRUB PAR MDZAD PA DE CI'I PHYIR ZHE NA, 'DI LTA STE, DE'I RGYU LAS BYUNG BA'I MTSAN NYID KYI PHYIR BLO GROS CHEN PO TSIG NI RNAM PAR RTOG PA LAS 'BYUNG NGO ZHES TE, RNAM PAR RTOG PA'I RGYU LAS TSIG 'BYUNG STE, 'BRAS BU'I RANG BZHIN GYI PHYIR RO, ,BLO GROS CHEN PO DE STE TSIG 'DI RNAM PAR RTOG PA DANG THA DAD PA ZHIG TYIN NA NI RNAM PAR RTOG PA'I RGYU LAS 'BYUNG BA MA YIN PA'I PHYIR RO, ,DE STE GCIG PA ZHIG YIN NA NI TSIG DE DON GSAL BAR BYED PAR YANG MI 'GYUR NA, DE @122A *, ,NI BYED DE DE BAS NA THA DAD PA YANG MA YIN GCIG PA YANG MA YIN NO ZHES PA GAL TE RNAM PAR RTOG PA RGYU MA YIN GYI, GZHAN PA ZHIG LAS 'BYUNG BAR 'GYUR NA NI DE'I TSE TSIG GI RNAM PAR RTOG PA LAS SKYE BAR MI 'GYUR RO, ,'ON TE SKYE BA NA DE LAS THA DAD PA MA YIN NA NI RGYU DANG 'BRAS BU'I KHYAD PAR MED PAR 'GYUR RO, ,GCIG PA YIN NA NI 'BRAS BU MA YIN LA RGYU YANG MA YIN TE RNAM PAR RTOG PA NI YID KYI YIN LA, SGRA NI RGAN LA SOGS PA'I LAS KYIS BSKYED LA, RNA BA'I RNAM PAR SHES PAS GZUNG BA'I PHYIR DES NA DE DAG RGYU DANG 'BRAS BU'I BYE BRAG TU SO SOR SNANG NGO, ,JI LTAR LUNG STON PA'I GTZUG LAG LAS 'BYUNG BA, SGRA RNAMS LEN PA SGRA DAG NI, ,SGRA MKHAS DAG GIS GNYIS RIG STE, ,GCIG NI SGRA YI MTSAN MA DANG, ,GNYIS POS DON DU SBYOR BAR BYED, ,GTZUB SHING ME GNAS JI BZHIN DU, , RGYU GZHAN GYIS NI SNANG BA STE, ,DE BZHIN BLO LA GNAS PA'I SGRA, ,NYAN PA RNAMS KYI RGYU YIN TE, ,THOG MA THA DAD BLOS BRTAGS TE, ,KHA CIG DON LA GZUNG BA STE, ,RGYU RNAMS RNAM PAR BZLOG PA DANG, ,SGRAS NI RJES SU DON MI 'DZIN, ,ZHES PA DE DE TZAM ZHIG THAMS CAD MKHYEN PA'I GSUNG LUS PA LA 'BRAL TE, LHAG MA RGYAS PA'I SGRAR STON PA NI, SGRA TSANGS PAR SMRA BA RNAMS KYIS BRTAGS PA NYID DE SGRA DANG DON THA DAD PA MED PA LAS THA DAD PAR BYED PA DANG, GANG YANG SGRA DANG DON DAM PA GCIG PAR GNAS SO ZHES PA LA, THA DAD PA DANG, THA DAD PA MA YIN PAR BSAMS TE, DE'I PHYIR DE LTAR 'PHAGS PA BLO GROS CHEN POS GSOL PA'O, ,SGRA TSANGS PAR SMRA BA RNAMS KYI GRUB PA'I MTHA' NI, THOG MA MED PA'I SGRA TSANGS RTAG ,YANG DAG YIG 'BRU GANG YIN PA, ,DON GYI DNGOS POR 'BYUNG BA STE, ,GANG LA 'GRO BA'I RAB BYED PA'O, , ZHES DE DE LTAR CHUD PA MA GTOGS PAR YID KYI RNAM PAR RTOG PA DANG, RKAN LA SOGS PA'I BYED PAS BSGRUB CING RNA BA'I RNAM PAR SHES PAS SGRA GSAL BAR BYED PA DE DAG THA DAD PA MA YIN TE RMI LAM DANG, MIG 'PHRUL DANG, RAB RIB CAN GNYIS KYIS ZLA BA GNYIS MTSUNGS @122B PA'I THA SNYAD NI SNANG BA 'BYED PA'O, ,DE BAS 'KHOR BA 'DI NI SEMS NYID DE, RGYUD GZHAN GYI DBANG GI MTHUS RANG GI RGYUD LA 'KHRUG PA LA 'DZIN PA DANG, BRJOD PA DANG RJOD PA PO DANG, BYED PA DANG BYED PA POR 'BREL BAR BSTAN PAR BYA'O, ,GANG GI TSE NA SHES RAB KYIS DPYAD DE SHES PAR BYA BA RNAM PAR PHYE BA DE'I TSE NA MI DMIGS PAS BSAM PA MED CING SNANG BA MED PA GNYIS SU MED PA'I DON DAM PA'I BDEN PA RANG BZHIN GYIS 'OD GSAL BA DNGOS PO DANG DNGOS PO MED PAR RNAM PAR MI RTOG PA'I CHUD PA BDAG NYID KYIS GNAS PAR 'GYUR TE, THUGS RJE'I BAG CHAGS KYIS BSKUL PA NA SNANG BA DANG BCAS PA DAG PA 'JIG RTEN GYI TING NGE 'DZIN LA THAMS CAD MKHYEN PA BZHUGS PAR GYUR PA NA, SEMS CAN RNAMS LA MI RTAG PA DANG, SDUG BSNGAL BA DANG, MI GTZANG BA DANG, STONG PA'I CHOS RNAMS STON PAR BYED DO, ,DA NI GZUGS RNAM PA SNA TSOGS KYI DBANG POS, RTZOD PA'I GNAS RNAMS KYI DON RGYU DANG, DPE'I KHYAD PAR RNAMS KYIS RGYA CHER BSGRUB PAR MDZAD PA'I PHYIR RO, ,YANG BLO GROS CHEN POS GSOL PA, BCOM LDAN 'DAS TSIG NYID DON DAM PA LAGS SAM, 'ON TE TSIG GIS GANG BRJOD PAR BGYI BA DE DON DAM PA LAGS SAM, CI LAGS ZHES TE, DGONGS PA NI ZHI BA PA DANG, RIG SNGAGS 'DZIN PA'I MTHAR SMRA BA RNAMS SNGAGS KYI RANG BZHIN GYI SGRA LA DON DAM PA KHO NAR RTOG PAR BYED PA NI, SNGAGS KYI BDAG NYID SEMS PA CAN, ,DE BZHIN SKYES BU RNAM GNYIS BRJOD, ,SNGAGS LAS 'DAS DANG SNGAGS DANG NI, ,DBANG PHYUG MCHOG LA RNAM GNYIS NYID, ,RIG SNGAGS 'DZIN PA RNAMS KYIS AOm LA SOGS PA NI DON DAM PA ZHES PA, JI LTAR GTOGS 'DOD KYIS SMRAS PA, ,AOm ZHES YI GE GCIG POS TSANGS, ,GANG GIS BRJOD CING NGA LA NI, ,RJES SU DRAN PAR GYUR PA DE, ,LUS KYIS YONGS SU SPANGS NAS NI, ,'GRO BA MCHOG TU 'GRO BAR 'GYUR, ,ZHES SO, ,DON DAM PA DANG 'BREL PAS NI DON DAM PA ZHES PA DANG, BCOM LDAN 'DAS KYIS BKA' STZAL PA, BLO GROS CHEN PO TSIG @123A *, ,KYANG DON DAM PA MA YIN NO, ,TSIG GIS GANG BRJOD PAR BYA BA DE YANG DON DAM PA MA YIN ZHES PA LA THAMS CAD MKHYEN PAS CIS DGONGS SHE NA, SGRA DANG DON NI GNYIS KYI RNAM PA'I PHYIR DON DAM PA NYID MA YIN TE, SNANG BA DANG BCAS PA'I PHUNG PO'I RANG BZHIN NI RMI LAM DANG, MIG 'PHRUL DANG, RAB RIB LA SOGS PA'I SNANG BA BZHIN NO, ,DAM PA'I BDEN PA NI DON DAM PA STE, 'PHAGS PA RNAMS KYI BDE BA GANG LA BRJOD PAR 'JUG PA STE, DON DAM PA 'PHAGS PA'I BDEN PA GANG LA YOD PA DE NI BSGOM PAS SPYOD PA'I DON DAM PA'O, , TSIG GIS NI SPYI'I RNAM PAR DON DAM PA BSNYAD PAR BYED PAS NA DON DAM PA MA YIN NO ZHES TE, THAMS CAD MKHYEN PAS BSGRUB PAR MDZAD PA, 'PHAGS PA SO SO RANG GI RIG PA'I YE SHES KYIS RTOGS PAR BYA BA YIN TE, TSIG GI RNAM PAR RTOG PA'I BLO'I SPYOD YUL NI MA YIN NO ZHES TE, BSAM PA MED CING SNANG BA MED PA DON DAM PA'I BDEN PA GNYIS SU MED CING RANG BZHIN GYIS 'OD GSAL BA'I CHUD PA NI DON DAM PA'O, ,DE YANG DNGOS PO DANG DNGOS PO MED PAR RNAM PAR MI RTOG PAS NA RNAM PAR RTOG PA'I SPYOD YUL MA YIN ZHES BYA'O, , TSIG NI SKYES NAS 'JIG CING MI BRTAN PA ZHES BYA BA LA SOGS PA NI THAMS CAD MKHYEN PAS SKAD CIG TU 'JIG PA STON PAR MDZAD DE, SE GOL GYI SGRA LTA BUR TSIG SKYES MA THAG TU 'JIG PA NI MI DMIGS PA'I PHYIR RO, ,TSIG GI DON GZHAN 'DRA BAR 'BYUNG BA LA DE NYID 'DI 'DRA'O ZHES PHYIR SHES PA 'BYUNG GI, RTAG PA LAS MA YIN PA NI SKRA DANG RTZVA LA SOGS PA BCAD NAS KYANG SKYES PA BZHIN NO, ,GNAS PA LA MNGON PAR GSAL BA YANG MI RUNG STE, THOG MA DANG THA MA'I DUS SU DE'I 'BRAS BU MI DMIGS PA'I PHYIR, JI LTAR NA GNAS PA YANG RTOG PAR 'GYUR, DE'I PHYIR MU STEGS BYED PA GZHON NU CAN GYIS SMRAS PA'I LAN SMRAS PA YIN NO, ,DES BYA BA NI, GCIG PU SHES GYUR SU ZHIG LTAR, ,YANG DANG YANG DU 'DRIS PA NI, ,DUS KYI THA DAD DBYER MED PA, ,DE LTAR SGRA NI DBYER MED DO, ,JI LTAR RIM @123B GYIS GCIG PU NYID, ,THA DAD YUL DU 'GRO NA YANG, ,YUL GYI THA DAD MI 'BYED PA, ,DE LTAR SGRA YANG MI 'BYED DO, ,ZHES BYA STE, RING BA DANG THUNG BA'I YIG 'BRU DE NYID 'DI YIN PA DANG, NYAMS CHE BA DANG NYAM CHUNG BA'I LHA SBYIN DE NYID 'DI YIN PA DANG, CHOS THA DAD PA'I PHYIR CHOS CAN LA THA DAD PA MED DO, ,DNGOS PO RANG BZHIN DU MA LAGS, ,'DOD PA'I GZUGS SU RTAG PA NI, ,RIM DANG CIG CAR 'JUG PA STE, ,TSIG GI RNAM PA GZHAN MED DO, ,JI LTAR KHA DOG 'DRES PA LA, ,'DOD PA BZHIN DU 'DZIN PAR BYED, ,DNGOS PO SNA TSOGS JI BZHIN YANG, ,THA DAD THA DAD MI DMIGS PA, ,SNANG MED TSIG LA RAG LUS PHYIR, ,YUL DER DE NI GZUNG BA STE, ,TSIG RNAMS NAM MKHA' RGYUN CHAGS PAR, ,KHYAD PAR NUS PA BYED PA'O, ,ZHES PA DE LA, SUN DBYUNG BA NI TSIG DANG YI GE RNAMS LA THA DAD PAR MI SNANG BAS NA BSLAB PAR BYA BA MED DO, ,CHOS CAN LA NYAMS CHE CHUNG LA SOGS PA'I THA DAD PA'I CHOS KYI DBYE BA NI JI LTAR RTAG PAR 'GYUR, 'ON TE CHOS RNAMS KYIS DE'I KHYAD PAR MI STON NA NI DE LA THOG MA DANG THA MA'I DUS SU KHYAD PAR 'BYED PA'I CHOS SU JI LTAR NA 'GYUR, DE STE KHYAD PAR 'BYED PAR 'GYUR BA MA YIN PA NYID NA NI CHOS CAN DE LA CHOS DE DAG GI KHYAD PAR MED NA THA DAD PA'AM, THA DAD PA MA YIN PAR JI LTAR GDAGS, DE BAS NA CHOS DANG CHOS CAN THA DAD PA DBYE BAS 'BYED NA JI LTAR NA GCIG SMRAS BA, GZUGS GCIG PA NI GCIG MA YIN NO ZHES DBANG POS BSGO BA MED PA STE, ZHES PA GAL TE GZUGS DE LTAR GCIG PO NYID GCIG PU YIN NA NI, DU MA YANG JI LTAR NA DU MA YIN NA DE'I PHYIR GCIG DANG DU MA'I THA SNYAD 'CHAD PA'I GLAGS SU 'GYUR TE, DGONGS PA YANG THA DAD PAR MI 'GYUR BA NI TSIG GI DON RNAMS KYIS DON GYI BYA BA THA DAD PAR SNANG BAR 'BYED DO ZHES PA'O, ,YI GE DANG, TSIG DANG, BRJOD PA DANG, NGAG RNAMS NI GCIG LA GCIG BRTEN TE DON LA SPYIR 'JUG PA'I MTSAN MA LA LTOS TE 'BYUNG GI DON DAM PA MI GNYIS PA KHO NA SNANG BAR BYED PA DE NI MA YIN @124A *, ,TE; DE TSIG GI YUL MA YIN PA'I PHYIR RO, ,JI LTA BU ZHE NA, MTSAN MAR BYAS PA'I DON SPYIR BSNYAD PAR BYED PA'O, ,GZHAN DU BYED DANG 'BREL PA'I PHYIR, ,NGA NI TSIG CES TSOR PAR BYED, ,TSIG PA'I SGRAS NI GZHAN PAR YANG, ,TSIG GI DON NI SHES PAR BYED, ,DES NA RANG GI MTSAN NYID MI GNYIS PA NI BRJOD DU MED DE, THAMS CAD MKHYEN PAS KYANG SPYIR SGRO BTAGS TE, MNGON PA'I TSUL GYIS THABS RNAM PA SNA TSOGS NI CHUD PAR MDZAD PA'I THABS SO, ,RIG SNGAGS PA SKYES BUS SMRAS PA MA YIN PA RNAMS NI NAGS TSAL GYI SGRA DANG, RLUNG GI STOBS KYIS BSGUL BA'I SMYUG MA'I SGRA LA SOGS PA BZHIN DU DON MED PA'I PHYIR RO, ,DE LTA BAS NA PHUNG PO DANG, KHAMS DANG, SKYE MCHED DANG, RTEN CING 'BREL PAR 'BYUNG BA DANG, BYANG CHUB KYI PHYOGS KYI CHOS SUM CU RTZA BDUN DANG, STOBS BCU DANG, MI 'JIGS PA LA SOGS PA'I CHOS RNAMS SNANG BA DANG BCAS PA DANG, SNANG BA MED PA STONG PA NYID DANG, MTSAN MA MED PA DANG, SMON PA MED PA DANG, 'GOG PA LA MNYAM PAR 'JOG PA DANG, DE BZHIN DU GZUGS MED PA LA SNYOMS PAR 'JUG PA DANG, GNYIS DANG MI GNYIS PAR STON PA'I CHOS NI SPYIR SGRO BTAGS TE GSUNG RAB MDZAD PA NI RANG GI MTSAN NYID DU SGRA MI NUS PA'I PHYIR RO, ,CI'I PHYIR ZHE NA, DON DANG SGRA YI KHYAD PAR NI, ,BRJOD DANG RJOD PA 'DOD PA MIN, ,DES DE SNGAR NI MA MTHONG PHYIR, ,SPYIR NI BRJOD PAR BYA'O ZHES PA STE, 'DOGS PA DANG THA SNYAD KYI DUS SU SPYI NYID DU SGRA'I DON GZUGS BRNYAN DU SNANG NGO, ,DE LA THA SNYAD NI RANG GI MTSAN NYID LA'O, ,'DOGS PA'I DUS NA MTHONG YANG MTHONG BA MED PA STE, DUS GNYIS KAR YANG SPYIR SNANG BA GANG RVA DANG MJUG MA LA SOGS PA GANG DANG LDAN PA DE DE LTA BU LA BA LANG ZHES SMRA BAR BYA'O, ,DE LTA BAS NA 'DI NI RVA LA SOGS PA DANG LDAN TE, DE'I PHYIR BA LANG GI SGRAR BRJOD DO ZHES SO, ,DE RANG GI MTSAN NYID MNGON SUM DU ZIN KYANG RVA YO BA DANG, KHONG GSO BA LA SOGS PA'I BYE BRAG PHYE BAR MI RTOG GI SPYIR NYE BAR RTOG @124B GO, ,MNGON SUM DU LKOG TU RJES SU SONG BA 'JUG PA'I MTSAN MA DE NI SGRA'I DON ZHES BYA STE, ZHIB TU NI BAR TI KA DANG, RTOG PA'I RGYAN LA SOGS PA LAS RIG PAR BYA'O, ,'PHAGS PA LANG KAR GSHEGS PA YE SHES DPAL BZANG POS BSHAD PA SBYAR BA'I LE'U GNYIS PA LAS SGRA'I DON DPYAD PA DRUG PA'O,, ,,DE NAS YANG BCOM LDAN 'DAS LA BYANG CHUB SEMS DPA' SEMS DPA' CHEN PO BLO GROS CHEN POS 'DI SKAD CES GSOL TO, ,BCOM LDAN 'DAS CHOS THAMS CAD KYI RANG GI SEMS SNANG BA'I SPYOD YUL RTOG PAS RNAM PAR PHYE BA'I MTSAN NYID MCHIS PA DANG, MA MCHIS PA DANG, GCIG PA DANG, THA DAD PA DANG, GNYIS KA DANG, GNYIS KA MA LAGS PA DANG, MCHIS PA YANG MA LAGS PA DANG, MA MCHIS PA YANG MA LAGS PA DANG, RTAG PA DANG, MI RTAG PA SPANGS PA MU STEGS CAN GYI RTOG PA MI RGYU BA 'PHAGS PA SO SO RANG GI YE SHES KYIS MKHYEN PAR BGYI BA KUN BRTAGS PA'I RANG DANG SPYI'I MTSAN NYID LAS RNAM PAR LOG PA, DON DAM PA DE KHO NA NYID LA 'JUG PA SA'I MTSAMS SBYOR ZHING GONG NAS GONG DU RNAM PAR DAG PA'I MTSAN NYID DE BZHIN GSHEGS PA'I SA LA RJES SU 'JUG PA'I MTSAN NYID SNGON GYI SMON LAM GYIS LHUN GYIS GRUB PA, GZUGS SNA TSOGS KYI NOR BU LTA BUR 'JUG PA YUL MTHA' YAS PAR SKAD CIG TU RAB TU RGYU BA ZHES BYA BA LA SOGS PA DE LTA BU'I RTZOD PA DANG, THE TZOM DU MA LA THAMS CAD MKHYEN PAS RIG PA BZHIN DU LAN DU BKA' STZAL PA, BLO GROS CHEN PO BYIS PA SO SO'I SKYE BO RNAMS KYIS RANG GI SEMS SNANG BA TZAM DU KHONG DU MA CHUD PA DANG, PHYI ROL GYI DNGOS PO RNAM PA SNA TSOGS LA MNGON PAR ZHEN PAS YOD PA DANG, MED PA DANG, GCIG PA DANG, THA DAD PA DANG, GNYIS KA DANG, GNYIS KA MA YIN PA DANG, YOD PA'ANG MA YIN PA DANG, MED PA'ANG MA YIN PA DANG, RTAG PA DANG MI RTAG PA'I RANG BZHIN GYIS BAG CHAGS KYI RGYU RNAM PAR RTOG PA LA MNGON PAR ZHEN PAS RNAM PAR RTOG GO ZHES TE, PHYI ROL GYI DON LA MNGON PAR ZHEN NAS MED PA PO RNAMS YANG DAG PA MA YIN PAR @125A *, ,KUN TU RTOG PAR BYED DE, SA DANG, CHU DANG, ME DANG, RLUNG ZHES BYA BA NI YANG DAG PA RNAMS TE, DE DAG LAS SEMS CAN NO ZHES RANG GI SEMS SNANG BA TZAM DU KHONG DU CHUD PA'I PHYIR DE LTAR RTOG GO, ,SEMS NI DE MA THAG PA'I SEMS LAS SHES RAB LA SOGS PA DANG LDAN PAR SKYE BA YIN TE, SKYES MA THAG PA LA YUL KHA CIG NYID DU DGA' BA DANG, 'JIGS PA DANG, MYA NGAN YANG DAG PAR RTOG PAR BYED PA'I PHYIR DE BAS NA 'JIG RTEN PA'I GOMS PA THAMS CAD YOD PAR RJES SU DPAG GO, ,DE BAS NA KUN NAS NYON MONGS PA DANG, RNAM PAR BYANG BA RNAM PAR GZHAG PA LAS, LAS DANG 'BRAS BU SO SOR NGES PAR RUNG NGO, ,GRANGS CAN RNAMS YOD PA SKYE BA YOD PA 'GAG GO ZHES RTOG PA NI MI SHES PA YOD PA LA NI YONGS SU ZAD PA MED LA, SNGON MED PA'I YE SHES SKYE BA MED PAS JI LTAR THAR, KshA PA NA KA RNAMS YOD PAR 'GYUR BA DANG, MED PAR 'GYUR BA DANG, GNYIS KAR 'GYUR BA DANG, GNYIS KA MA YIN PAR 'GYUR BAR SMRA BAR MI BYA BA YANG RTOG GO, ,DE LTA BAS NA BDUN DU PHYE BA LA SPYI'I BDAG NYID DU YOD PAR 'GYUR BA DANG, KHYAD PAR GYI BDAG NYID DU MED PAR 'GYUR BA DANG, SPYI DANG KHYAD PAR GYI BDAG NYID DU YOD PA DANG MED PAR YANG 'GYUR BA DANG, SPYI'I BDAG NYID DU YOD PAR 'GYUR BA YANG KHYAD PAR GYI BDAG NYID DU SMRA BAR MI BYA'O, ,KHYAD PAR GYI BDAG NYID DU MED PAR 'GYUR BA YANG SPYI'I BDAG NYID DU SMRA BAR MI BYA'O, ,SPYI DANG KHYAD PAR GYI BDAG NYID DU YOD PA DANG ME DPAR 'GYUR BA YANG CIG CAR SMRA BAR MI BYA'O, ,YUL DANG DUS DANG, RIM PA DANG, RNAM PA LA LTOS TE THAMS CAD SMRA BAR MI BYA'O ZHES PA NI GANG DON GYI BYA BA BYED PA DE NI TSAD MA'I THA SNYAD KYI RJES SU MTHUN PAS NA YOD DO, ,LHAG MA SPYIR BRTAGS PA NI DON GYI BYED PA MI NUS PAS NA KUN BRTAGS PA NYID DE, DPYOD PA CAN RNAMS KYI GCIG PA DANG, THA DAD PAR GNYIS SU SMRA BA YANG GCIG PO LA RANG BZHIN GNYIS SU MI RUNG NGO, ,RTAG PA DANG MI RTAG CES BYA BA NI NE YI YA YI KA DANG KHYAD PAR CAN SMRA BA BRTZAMS PA YAN @125B LAG CAN GYI RDZAS NI MI RTAG LA, RTZOM PA'I RDUL PHRA MO RNAMS NI RTAG STE, DE DAG GI YAN LAG RNAM PAR PHYE BA MED PA'I PHYIR RO, ,SBYOR BA RNAM PAR PHYE BA LA SOGS PA THA DAD PAR DBYE BA NI RTAG GO ZHES PA G-YO BA MED PA'I CHOS DE DAG GI RANG BZHIN YANG GZHAN DU G-YO BA'I CHOS NYID NI MI RTOG PA KHO NA STE GSAL BAR GNAS KYI RIM PAR 'BYED NA SHING DANG THAL BA LTA BUR GCIG PAR MI RIGS SO, ,MI GNYIS PAR SMRA BA RNAMS KYIS TSIG PA DU MA PAR SMRA BA 'JIG RTEN MTHA' DAG NI TSANGS PA DANG DBANG PO LA SOGS PA'I RANG BZHIN BAR KUN RTOG PA STE, DE LTA BUR YANG GROL BA DANG MA GROL BA DANG, PHYUG DBUL LA SOGS PA GCIG PA'I SKYON DU 'GYUR RO, ,DES NA THAMS CAD MKHYEN PAS BSGRUB PAR MDZAD PA SEMS TZAM DU KHONG DU MA CHUD PA'I PHYIR GNYIS PA DANG, MI GNYIS PAR SMRA BA RNAMS SEMS KYI RGYUD LA PHYI ROL GYI DON DU RNAM PAR RTOG PA DANG, RTAG PA DANG, GCIG PUR RNAM PAR RTOG GO, ,DES NA SEMS KYI RGYUD LA KUN NAS NYON MONGS PA DANG, RNAM PAR BYANG BA RNAM PAR GZHAG TU RUNG NGO, ,DE LA BDAG DANG GZHAN GYI RGYUD KYI DBANG GI MTHU LAS KHYAD PAR DU BYA BA RUNG NGO, ,SEMS 'DI NI RANG BZHIN GYIS 'OD GSAL BA STE, DGE BA DANG MI DGE BA'I MNGON PAR 'DU BYED PA RNAMS KYIS SUS JI LTAR YONGS SU SBYONG BA DE DE LTAR 'GRUB PAR 'GYUR RO, ,DE DE LTAR STONG PA'I 'DU BYED RNAMS LA KUN NAS NYON MONGS PA DANG, RNAM PAR BYANG BA'I LAS KYI 'BRAS BUR 'BREL PAR RNAM PAR GZHAG GO, ,SNANG BA DANG BCAS PA DANG, SNANG BA MED PA'I TING NGE 'DZIN LA GNAS PA RNAMS NI THAMS CAD MKHYEN PA NYID DE, YOD PA DANG, MED PA DANG, GCIG PA DANG, THA DAD PA DANG, GNYIS KA DANG, GNYIS KA MA YIN PA DANG, YOD PA YANG MA YIN, MED PA YANG MA YIN PA DANG, RTAG PA DANG MI RTAG PA LA SOGS TE RNAM PAR RTOG PA SPANGS PA'I MI GNYIS PA'O, ,SA'I MTSAMS SBYOR ZHING ZHES BYA BA NI SNANG BA MED PA LA RIM PA GA LA ZHIG CES DER GSUNGS MOD KYI, SNANG BA DANG BCAS PA'I TING NGE 'DZIN GYIS SA'I RIM PA'I MTSAMS SBYOR @126A *, ,TE; MDO SDE 'DIR DE BZHIN GSHEGS PA SA BCU GNYIS POR 'JUG GO, ,YOD PA DANG MED PA'I PHYOGS LAS DBEN PA ZHES BYA BA NI DNGOS PO DANG DNGOS PO MED PAR RNAM PAR RTOG PA DANG BRAL BA MI GNYIS PAR ZHUGS PA RNAMS NI BYED PA DANG, BYED PA PO LAS SKYE BAR SMRA BA PO MA YIN NO, ,NE YI YA YI KA LA SOGS PA NI MED PA LAS 'BRAS BU 'BYUNG ZHING YOD PA YANG RKYEN DBYIG PA LA SOGS PAS GZHIG PAR RTOG PA LA RMI LAM BZHIN DU DNGOS PO RNAMS MA SKYES PA'AM, SKYES PA SMRA BAR BYA'O, ,BLO GROS CHEN PO RGOL BA PHA ROL PO RNAMS KYI TSAD MA GSUM GYI YAN LAG GI PHYIR GLAGS TSOL BAR 'GYUR BAS NA CHOS THAMS CAD STONG PA'O ZHES THOG MA NYID DU YI DAM BCA' BAR MI BYA'O, ,THAMS CAD MKHYEN PA'I DGONGS PA CI ZHIG CE NA, TSAD MA LA RANG BZHIN GSUM GYI MTSAN MA RNAM PAR GZHAG PAR BYA STE, GANG LA DGONGS SHE NA, GZHAL BAS NA DE MTSUNGS PA DANG, DNGOS PO YOD MIN MED PAR NGES, ,YI DAM GYIS NI BSGRUB PAR MI RUNG STE, THE TSOM SKYE BAR BYED PA'I PHYIR RO, ,RANG BZHIN GSUM GYI MTSAN MA DANG 'BREL PAR KHYAB PAR SMRA BAS NI RTOGS PAR BYED PAS NA BSGRUN PA DANG BSDU BA DAG NI MI DGONGS SO, ,DE DE LTAR DE'I BDAG NYID DANG DE LTAR SKYES PAR 'BREL PA'I MTSAN NYID DO, ,RANG BZHIN GSUM GYIS CHUD PAR BYED PA YIN GYI, YANG 'BREL PA MA GTOGS PAR MTHONG BA DANG, MA MTHONG BA TZAM GYIS BSGRUB PA KHO NA'AM, SUN 'BYIN PA KHO NA MI RUNG NGO, ,GANG DAG STONG PA YIN BDE BA DAG LA NI KUN NAS NYON MONGS PA DANG, RNAM PAR BYANG PA DANG, RNAM PAR GZHAG TU MED DE, MO GSHAM GYI BU LA SOGS PA BZHIN DU STONG LA, DNGOS PO MED CES SLAR RGOL BA DE GRUB PA'I MTHA' THAMS CAD KYI TSUL GYIS SNANG BA TZAM LA RMI LAM DANG, MIG 'PHRUL LTA BUR CHOS DANG CHOS CAN RNAM PAR GZHAG GI NAM MKHA'I ME TOG LTAR STONG PA MA YIN TE, BYIS PAS DNGOS POR RNAM PAR BRTAGS PA DE LTA BUR MED DO ZHES BCOM LDAN 'DAS KYIS DGONGS NAS BYIS PA SO SO'I SKYE BO RNAMS KYIS RANG GI SEMS SNANG BA TZAM DU KHONG DU MA CHUD @126B PA'I PHYIR RTAG PA DANG, BDAG DANG, PHYI'I DON DU KUN RTOG PAR BYED DO, ,DE YANG RTAG PA DANG, GCIG PA DANG, GNYIS KA DANG, GNYIS KA MA YIN PA DANG, YOD PA DANG, MED PA LA SOGS PA RTZOD PA'I GNAS LNGAR SMRAS PA RNAMS SO, ,SNANG BA TZAM DE LA TSAD MA DANG, GZHAL BYA'I THA DAD DANG, RGYU DANG 'BRAS BU'I DNGOS POR RUNG NGO, ,RTEN CING 'BREL PAR 'BYUNG BA MI 'BYUNG BA STE, LHAG PA'I BYED PA DANG, BYED PA PO DANG, SKYED PA DANG, SKYED PA PO LA SOGS PA'I CHOS DANG 'BREL PA MED CING BRAL BA NI DE MA THAG PA TZAM GYIS RGYU DANG 'BRAS BU'I DNGOS PO 'BA' ZHIG STE SNGA MA'I 'OG TU 'DI YOD PAS 'DI YOD PAR 'GYUR RO ZHES PA STE, CIG CAR DANG RIM DU 'JUG PA DANG, 'BREL PA MED PA NI GANG GI TSE NA SKAD CIG PA GCIG YOD PA DE'I TSE NA GZHAN MED DE, SKAD CIG PA GCIG NI SU DANG YANG 'BREL PA MED DO, ,DE BAS NA SKAD CIG PA'I RANG BZHIN MA RTOGS PAR KUN TU BRTAGS PA'I CHOS RNAMS BRJOD DU MED PA'I RTEN CING 'BREL TE 'BYUNG BA LA SOGS PA DANG, BDAG MED PA GNYIS LA YANG MI SRID DO ZHES LAN DU MAR BSHAD PA YIN NO, ,RTEN CING 'BREL TE 'BYUNG BA DANG, MI RTAG PA DANG, SDUG BSNGAL BA DANG, MI MDZES PA LA SOGS PA BSGOMS PAS 'DOD CHAGS LA SOGS PA'I NYON MONGS PA YONGS SU ZAD PA'I PHYIR 'KHOR BA'I SDUG BSNGAL ZAD PAR 'JUG GO, ,STONG PA NYID DANG, MTSAN MA MED PA DANG, SMON PA MED PA BSGOM PA NA SHES RAB KYIS DPYAD DE SNANG BA MED PA DANG, SNANG BA DANG BCAS PA'I TING NGE 'DZIN SNYING RJES NYE BAR BZUNG BA THOB PA DANG, GZHAN LA PHAN PA'I PHYIR THAMS CAD MKHYEN PA NYID DU 'JUG GO, ,THAMS CAD MKHYEN PAS SO SOR SNANG BA LA RGYU DANG DPE RNAM PA MANG PO RNAMS KYIS BSGRUB PAR BYA BA DANG SGRUB PAR BYED PA KHYAB PA'I TSUL GYIS MTSAN MAR 'JUG PA NYID DU GSUNGS PA MYA NGAN GYI SMIG RGYU CHUR SNANG BA LA PHYIN CI LOG TU SGRO BTAGS TE, LHAG PAR CHAGS PAR BYED PA DE BZHIN DU RNAM PAR SHES PA'I RNAM PA LA MGO 'KHOR BA DANG, BRGYAL BA LA SOGS PA BZHIN DU PHYI'I DON @127A *, ,DU 'KHRUL PA'O, ,DE LTA BUS NGAS YANG DRI ZA'I GRONG KHYER DANG, RAB RIB CAN DANG, MGAL ME'I 'KHOR LO DANG, GZUGS BRNYAN DANG, CHU'I CHU BUR DANG, RMI LAM DANG, MIG 'PHRUL DANG, BRAG CA LA SOGS PA'I SNANG BA'I CHOS CAN LA TSAD MA DANG GZHAL BYA'I THA SNYAD DU SLU BA DANG MI SLU BA GDON MI ZA BA NI JI LTAR RMI LAM GYI DUS NA PHYI'I DON MED PAR YANG MYA NGAN GYI SMIG RGYU LA SOGS PA'I CHUS 'KHRU BA DANG, BTUNG BA LA SOGS PA NI SLU BA MED, MTSO LA SOGS PA NI SLU BA MED, DE BZHIN DU GNYID KYIS LOG PA'I DUS NA YANG 'KHRUL BA RNAM PA SNA TSOGS LAS SLU BA DANG SLU BA MED PAR NGES PAS THA SNYAD PA RNAMS LA TSAD MA DANG GZHAL BYA RNAM PAR GZHAG GO, ,RKYEN JI LTA BA BZHIN DU RNAM PAR MI RTOG PA ZHES BYA BA NI THAMS CAD MKHYEN PAS RTOG PA GSAL BA MNGON SUM DU GSUNGS PA STE, JI LTAR SLOB DPON DHARMA K'I RTIS SGRUB PAR BYED PA, MTHONG BA BZHIN DU 'DI NYID NI, ,GZUNG BA 'DZIN PA RIG PA RNAMS, ,YOD PA MIN GANG TSAD MA DANG, ,GZHAL BYA 'BRAS BU GZHAG PAR BYA, ,ZHES TE, SEMS CAN RNAMS KYI RANG GI CHUD PA'I RGYU 'DUS PA 'KHOR BA DANG, BDAG DANG GZHAN GYI RGYUS 'DUS PA DANG, BDAG DANG GZHAN GYI RGYUD KYI DBANG DANG, RKYEN GYI KHYAD PAR DANG, 'KHRUL PA'I SA BON LAS LAS BYUNG BA NI RNAM PA SNA TSOGS KYI RNAM PA'I MGO 'KHOR BA DANG, BRGYAL BA LA SOGS PA BZHIN PA DANG, RMI LAM BZANG PO DANG, RMI LAM NGAN PA RNAM PAR SMIN PA LTAR BSOD NAMS DANG SDIG PAR SNANG BA'I LAS DANG 'BRAS BUR NGES PAR 'BREL PA LAS SEMS CAN RNAMS KYI 'KHOR BA BYUNG BA NI SHES RAB GYIS DPYAD DE, RNAM PAR SHES NAS MI RTAG PA DANG, SDUG BSNGAL BA DANG, MI MDZES PA DANG, STONG PAR BSGOMS PAS LOG NAS BSAM PA MED CING SNANG BA MED PA DON DAM PA'I BDEN PA MI GNYIS PA RANG BZHIN GYIS 'OD GSAL PA'I CHUD PA NA THUGS RJE'I BAG CHAGS BSKUL BA NI THAMS CAD MKHYEN PAR 'GYUR RO, ,DE'I PHYIR DE LTAR SEMS KYI RGYUD NYID LA KUN NAS NYON MONGS PA DANG, RNAM @127B PAR BYANG BA RNAM PAR GZHAG PAR MDZAD DO, ,GANG DANG GANG RNAM PAR DAG PAR 'GYUR BA DE DANG DE DNGOS PO STE GOS BZHIN NO, ,SEMS KYANG RNAM PAR DAG PAR 'GYUR BAS NA DE'I PHYIR DE YANG DNGOS PO YIN ZHES RANG BZHIN GSUM GYI MTSAN MAS DNGOS PO PAR BDEN PA'I DON DU PHYIR RGOL BAR BYED DO, ,GANG DANG GANG STONG PA YIN PA DE DANG DE NI KUN NAS NYON MONGS PA DANG, RNAM PAR BYANG BA DANG BRAL BA STE, RI BONG GI RVA LTAR MI GNYIS PAR STONG NGO ZHES DE RANG BZHIN GSUM GYI TSAD MA DE GSUM GYIS RGOL BA SPONG BAR THAMS CAD MKHYEN PAS GSUNGS PA; 'PHAGS PA RNAMS KYI YE SHES LA NI DNGOS PA DANG DNGOS PO MED PA'I RNAM PAR RTOG PA MED DE, SEMS PA MED CING SNANG BA MED PA DON DAM PA'I BDEN PA MI GNYIS PA YANG DAG PAR RIG PA TZAM DER DNGOS PO'I RNAM PAR RTOG PA MED LA, DNGOS PO MA YIN PA'I RNAM PAR RTOG PA YANG MED DO, ,DE RANG BZHIN GYIS 'OD GSAL BA NI GSER LA SOGS PA LTA BUR RGYUN DU 'BREL CING GLO BUR GYI DRI MA SPANGS TE, DRI MA MED CING SUS KYANG MA BYAS PAS NA 'DUS MA BYAS PA STE, JI LTAR DGONGS PA NGES PAR 'GREL PA LAS 'BYUNG BA, SKAD CIG PA'I PHYIR 'DUS BYAS SO, ,SUS KYANG MA BYAS SHING RGYUN DU GNAS PAS NA 'DUS MA BYAS PA DANG RTAG PAR DGONGS PA STE, DE BZHIN GSHEGS PA BYUNG YANG RUNG, MA BYUNG YANG RUNG STE, CHOS NYID DE NI GNAS PA'O ZHES BYA BA LA SOGS PAR RO, ,CHOS NYID KYANG RTAG PAS SGRA'I DON GYI KHYAD PAR DU 'BYED PA NI GSHER BA DANG, DRO BA DANG, SRA BA DANG, G-YO BA DANG, GZUGS CAN DANG, GZUGS MED PA MI RTAG PA RNAMS KYI MI RTAG PA NYID GZHAN PA'I CHOS MA YIN PA LTA BUR RO, ,GANG DAG YANG BLO MKHAS PA RNAMS KYIS CHOS DANG CHOS CAN DANG, YON TAN DANG, YON TAN CAN GYI DNGOS POR GLENG BAR BYED PA DE DAG LA YANG CHOS NI CHOS CAN DANG BRAL BA DANG, CHOS CAN YANG CHOS DANG BRAL BAR MI RUNG NGO, ,DE BZHIN DU MTSAN NYID DANG, MTSAN MAR BYA BA YANG GCIG DANG THA DAD PA MA YIN PA BZHIN DU @128A *, ,SEMS KYIS STONG PA NYID BSGRUBS PA'O, ,PHYI DANG NANG GI TSIG GI DON RNAMS LA YON TAN DANG YON TAN CAN PA'I DNGOS POR MI RUNG BA NI 'DUS PA LA 'DI NI GZUGS DANG LDAN PA DANG, 'DI NI REG PA DANG LDAN PA'O ZHES YON TAN DANG, YON TAN CAN PAR SMRA BA LA RDZAS KYIS RDZAS GZHAN RTZOM PA DANG, YON TAN GYIS YON TAN GZHAN ZHES KHYAD PAR CAN RTOG GO, ,GCER BU PA RNAMS RNAM PA BDUN DU 'BYED PA'I RTZOD PA'I GNAS LUNG BSTAN DU MED PA YOD PAR 'GYUR BA DANG, MED PAR 'GYUR BA LA SOGS PA SNGAR BSHAD PA RNAMS DANG, YOD PA LAS SKYE BA DANG MED PA LAS SKYE BA GRANGS CAN DANG KHYAD PAR CAN GYI RTAG PA LAS BDE BAR GSHEGS PA'I GRUB PA'I MTHA' THEG PA CHEN POR YOD PA DANG MED PA LAS MI SKYE'O ZHES THAMS CAD MKHYEN PAS BSGRUB PAR MDZAD PA RTEN CING 'BREL TE 'BYUNG BA BYED PA DANG, BYED PA PO DANG MNGON PAR 'BREL BA DANG BRAL BA THAMS CAD MKHYEN PAS DGONGS PA'O, ,GANG GI TSE NA SKAD CIG MA YOD PA DE'I TSE NA SKAD CIG MA PHYI MA MED DE, JI LTAR NA DNGOS PO DANG DNGOS PO MED PA GNYIS 'BREL PAR 'GYUR, DE'I PHYIR SKAD CIG PA GCIG PU DANG YANG MI 'BREL TO, ,KHYAD PAR CAN DANG LUNG STON PA RNAMS KYI SKYE BA DANG, 'GAG PA DANG, 'GOG PA LA SOGS PA'I CHOS RNAMS BYED PA DANG BYED PA PO DANG MNGON PAR 'BREL PAR KUN TU BRTAG PA NI THA DAD PA DANG, THA DAD PA MA YIN PAR MI RUNG NGO, ,GAL TE BYED PA DANG THA DAD PA ZHIG NA NI SU ZHIG SPREL BAR BYED, 'ON TE THA DAD PA MA YIN NA NI BYED PA DANG BYED PA POR MCHIS NA THA DAD PA ZHES BYA, DE DE LTAR THAMS CAD MKHYEN PAS YOD PA DANG MED PA RIM DANG CIG CAR DU SKYE BAS NA BYED PA DANG, BYED PA PO MNGON PAR 'BREL PAR KUN BRTAGS PA NI BKAG GO, ,SNGA MA'I 'OG TU 'DI YOD PAS 'DI YOD PAR 'GYUR RO ZHES BYA BA'I RTEN CING 'BREL TE 'BYUNG BA 'BA' ZHIG STE, DE LTAR NA LAS DANG 'BRAS BUR 'BREL PA SO SOR NGES PA RNAM PAR GZHAG GO, ,KUN NAS NYON MONGS PA DANG RNAM PAR BYANG BA YANG DAG PAR RIG PAR GSUNGS PA LA THEG PA CHEN PO PA RNAMS LA DKAR @128B PO'I PHYOGS RTZA BA NAS PHYUNG BA YIN GYIS, LEGS PA 'DOD PA RNAMS KYIS SPANG BAR BYA'O ZHES PA BLUN PO DAG GIS CI'I PHYIR NA SPONG BAR BYED, DES NA RNAM PA DE LTA BU BA NI SEMS CAN DMYAL BAR GZHOL BAR 'GYUR RO ZHES THAMS CAD MKHYEN PAS LUNG BSTAN TO, ,MU STEGS CAN SMRA BA'I LUNG DU MI STON PA NI CHOS DANG CHOS CAN BZHIN DU THA DAD PA DANG, THA DAD PA MA YIN PA'I RANG BZHIN DU MED DE, GCER BU PA RNAMS KYI SROG DE NI LUS ZHES BYA BA LA SOGS PA STE, 'DU BA DANG NI RGYAS PA DANG, ,SROG NI LUS KYI TSAD CAN TE, ,DE NI RIGS PAS 'DIR SMRAS TE, , BA GANG YANG MA YIN NO, ,MAR ME'I 'OD NI SNOD YANGS PA, ,'PHROS PA BZHIN DU 'DOD PA DE, ,CHU YI SNOD LA TIL MAR THIGS, ,GANG ZHIG 'PHROS PA BZHIN DU'O, ,ZHES SO, ,NE YI YA YI KA DANG, GRANGS CAN DANG, KHYAD PAR CAN RNAMS KYI SROG NI GZHAN LA LUS NI GZHAN NO, ,RIG SNGAGS 'DZIN PA'I MTHAR SMRA BA DANG, ZHI BA MI GNYIS PAR SMRA BA RNAMS KYIS BDAG NI RTAG PA GCIG PU KHYAB PA'O, ,DE DE LTAR RTAG PA GCIG PU DANG, THA DAD PA DANG, GNYIS KA MA YIN PA DANG, YOD PA DANG, MED PA LA SOGS PA SMRA BA PO GZHAN RNAMS KYI MTHA' RNAM PA BZHIR SMRA BA BSGRUB PA'I MTHA' THA DAD PA THAMS CAD DO, ,BDUN PA NI SNGAR DPYAD PA'O, ,RTAG PA NI MA SKYES PAS NA MO GSHAM GYI BU LA SOGS PA BZHIN NO, ,BDAG MED PA GNYIS LA SHES RAB KYIS DPYAD DE, RNAM PAR RTOG PA LA SOGS PA NI DE BZHIN NYID DMIGS PA'I BSAM GTAN NO, ,DE BZHIN GSHEGS PA'I SA SGRIB PA MED PAR SHES PAR BYA BA THAMS CAD KYI DE KHO NA NYID KYI RNAM PA LA 'JUG CING SNANG BA DANG BCAS PA DANG, SNANG BA MED PA'I TING NGE 'DZIN LA MNYAM PAR GZHOG PAS YE SHES KYI MTSAN NYID GRUB NAS GNYIS SU MED PA STONG ZHING MA SKYES PA'O, ,BDE BAR GSHEGS PA RNAMS KYIS STONG PA MA SKYES PAS NA DNGOS PO MED PAS JI LTAR NA GNOD PAR MI 'GYUR, DE NI SKYON MA YIN TE, SGRA PA LA SOGS PA'I KUN TU BRTAGS PA'I BYED PA DANG, BYED PA PO MNGON PAR 'BREL PA @129A *, ,MED PA'I PHYIR RTEN CING 'BREL TE 'BYUNG BA NI MI 'BYUNG BA MED DE, SNGA MA'I 'OG TU 'DI YOD PAS 'DI ZHES BYA BA 'BA' ZHIG GO, ,SKAD CIG MAR 'JIG PA LA CIG CAR SKAD CIG PA GCIG PU DANG 'BREL PA MED DE, GANG ZAG LA BDAG MED PA LA YANG NGO, , CHOS LA BDAG MED PA LA NI RMI LAM DANG MIG 'PHRUL LA SOGS PA BZHIN DU GNYIS KYI RNAM PA MI SKYE BA STE, DE DE LTA BUR NA DNGOS PO RNAM GNYIS KYI RNAM PAS STONG PA'I CHUD PA RNAMS YIN GYIS, MO GSHAM GYI BU LA SOGS PA'I DNGOS PO RNAMS YONGS SU GRUB PAS MED PA NI MA YIN NO, ,JI LTAR DGONGS PA NGES PAR 'GREL PA LAS 'BYUNG BA, RIGS KYI BU RANG BZHIN MED PA RNAM PA GSUM STE, MTSAN NYID RANG BZHIN MED PA STE, SKYE BA RANG BZHIN MED PA DANG, DON DAM PA RANG BZHIN MED PA'O, ,DE LA RTAG PA NI RTAG PA DANG, BDAG DANG, PHYI ROL GYI DANG, RDUL PHRA MOS BRTZAMS PA DANG, RDZAS DANG, YON TAN DANG, LAS DANG, SPYI LA SOGS PA'I MTSAN NYID GANG GIS KUN BRTAGS PAR BYED PA DE DAG GIS DE LA RANG BZHIN MED PA'O, ,GZHAN GYI DBANG GI RNAM PA RNAMS NI SKYE BA MED PA NYID RANG BZHIN MED PA'O, ,DON DAM PA LA YANG GNYIS KYI RNAM PA'I RANG BZHIN MED CING BSAM PA MED PA, SNANG BA MED PA, DON DAM PA'I BDEN PA MI GNYIS PA RANG BZHIN GYIS 'OD GSAL BA DNGOS PO DANG DNGOS PO MED PA RNAM PAR MI RTOG PA'I CHUD PAR DGONGS PA LA GANG YANG BRTAGS PA MED PA BZHIN PA DANG, GZHAN GYI DBANG DNGOS PO MED PA BZHIN DU YONGS SU GRUB PA YANG MED CES SMRA BA DE NI DAM PA'I CHOS DANG BRAL BAR 'BYUNG BA'I LAS SGRUB PAR BYED DO, ,DE 'DI LTAR DGONGS PA NGES PAR 'GREL PA'I TSUL GYIS KHRID PA'I DON GYIS LANG KAR GSHEGS PA DAM PA'I CHOS KYI 'GREL PAR RTZOD PA'I GNAS MDO SDE'I DON BKRI BAR MA LUS PA RGYA CHER BSHAD PAR BYA'O, ,JI LTAR NI RTAG PA MA YIN ZHES BYA BA LA SOGS PA NI BDAG DANG BDAG GIR LA SOGS PAR RNAM PAR RTOG PA LTAR GNYIS SU MED PA RANG DANG SPYI'I RNAM PAR RTOG PA DANG BRAL BA'I PHYIR RO, ,DE LA CHAD PA MA YIN PA NI YE @129B SHES KYI SKAD CIG PAS GONG MA'I DON BYA BA BYED PA'I PHYIR THUGS RJE'I BAG CHAGS KYIS BSKUL NAS SNANG BA DANG BCAS PA'I TING NGE 'DZIN GYIS SEMS CAN GYI DON SBYOR BA'I PHYIR RO, ,'JIG PA MA YIN PA NI SE GOL LA SOGS PA'I SGRA LA SOGS PA BZHIN DU MA YIN TE, 'DUS BYAS KYI PHYIR RO, ,MI GNYIS PA'I CHUD PA'I RGYUN LA NYON MONGS PA MED PA'I PHYIR 'CHI BA MA YIN NO, ,SPANGS PA MED PA DANG THOB PA MED PA NI CHUD PA RANG BZHIN GYIS 'OD GSAL BA'I PHYIR DER CUNG ZAD KYANG SPANG BA DANG, THOB PA YANG MED DO, ,SKAD CIG MA'I RGYUN 'BREL PAS CHAD PA DANG RTAG PA MA YIN NO, ,DON GCIG PA MA YIN PA NI BDAG LA SOGS PA BZHIN DU RTAG PA MA YIN PA'O, ,DON DAM PA THA DAD PA MA YIN PA NI GZHAN GYI DBANG LTAR GNYIS KYI RNAM PA MA YIN PAS MYA NGAN LAS 'DAS PA GNYIS SU MED DO, ,RANG GI MTSAN NYID NI SRA BA DANG, GSHER PA DANG, DRO BA LA SOGS PA'O, ,SPYI'I MTSAN NYID NI MI RTAG PA DANG, SDUG BSNGAL BA LA SOGS PA'O, ,DE KHONG DU CHUD PA NI PHUNG PO RNAMS LA'O, ,'DU 'DZI MED PA NI GCIG PU DGA' BA'I MTSAN NYID DO, ,YUL LA PHYIN CI LOG MED PA NI MI RTAG PA DANG BDAG MED PA LA SOGS PAR SHES PAS SRID PA DANG, LONGS SPYOD LA MDZES PA LA SOGS PA'I RNAM PAR RTOG PA MI 'BYUNG STE, DE'I PHYIR MYA NGAN LAS 'DAS PA'I BLOR 'GYUR RO ZHES PA RNAM PA GNYIS NI SNANG BA MED PAR YANG BDAG RTAG PA LA SOGS PAR RNAM PAR RTOG PA'O, ,SNGON PO LA SOGS PAR SNANG BA LA NI PHYI ROL GYI DON DU RNAM PAR RTOG PA'O, ,MI'I DBANG PO'I BYIN RLABS LAS ZHES BYA BA LA SOGS PA NI SANGS RGYAS RNAMS KYIS BYIN GYIS BRLABS, SMON LAM RNAMS KYIS RNAM PAR SBYANGS PA STE, SMON LAM GNYIS CHUD PAR BYED DO, ,GANG GIS BDUD LA SOGS PA'I LAS KYIS PAR CHAD DU MI 'GYUR TE, DANG POR ZHAL LA SOGS PA MTHONG BA DANG, BCU POR PHYAG GIS DBANG BSKUR BA'O, ,BCOM LDAN 'DAS 'DI YOD NA 'DI YOD DO ZHES PA NI RTAG PA'I RGYU LA GLENG BA NI MA YIN GYIS, SKAD CIG MAR 'JIG PA YANG GANG GI TSE NA 'BRAS BU YOD PA @130A *, ,DE'I TSE NA RGYU MED CE NA PHRAD PA MED PA PA LA 'DI YOD NA 'DI YOD DO ZHES BYA BA JI LTAR NA RUNG, YANG LAN DU BSNYEN PA NI MUR BYED PA RNAMS RANG GI SEMS SNANG BA NYID LA PHYI ROL GYI RGYU RDUL PHRA MO DANG, YAN LAG CAN DANG DBANG PO LA SOGS PA SMRA BA NI PHYI ROL DANG RTAG PA'I RGYU MED DO, ,THOG MA DANG THA MA'I RGYUN BLO LA BZHAG NAS 'DI YOD NA 'DI YOD DO ZHES BRJOD PAR BYA'I, DE LTA BUR RGYU MED PAR SMRA BA NI MA YIN NO ZHES THAMS CAD MKHYEN PAS DGONGS PA'I DON TO, ,BLO GROS CHEN PO DE DAG NI DNGOS PO YANG MA YIN, DNGOS PO MED PA YANG MA YIN TE ZHES BYA BA LA, DNGOS PO YANG MA YIN PA NI PHYI ROL GYI BRJOD PAR BYA BA MED PA'I PHYIR RO, ,DNGOS PO MED PA MA YIN PA NI BLO LA YOD PA'I SGRA'I DON BRJOD PA'I PHYIR RO, ,BRJOD PA NI BYAS PA STE ZHES BYA BA MTSAN MAR BYED PAS DON SNYED PA'I PHYIR RO, ,DE LTA BAS NA SNGON GYI MTSAN MA DANG MI GZUR LA SOGS PAS DON RTOGS PAR YANG 'GYUR RO, ,DE BAS NA SGRA DANG DON DU 'BREL PA RTAG PAR NGES PA THAMS CAD MKHYEN PAS BSAL TO, ,SPYOD PA CAN LA SOGS PA RNAMS KYIS NI SGRA RTAG PA'O ZHES RTOGS SO, ,'PHAGS PA RNAMS KYIS NI MI RTAG PA LA SOGS PA PHYIN CI LOG MA YIN PAR SHES PA'I PHYIR RO, ,NOR PA NI RNAM PA DU MAR SO SOR SNANG NGO, ,NOR PA MED PA LA NI RANG GI DNGOS PO GCIG STE, RTAG PA LA SOGS PA NOR PA LA MI RTAG PAR YANG BYED DE, RTAG PA'I YUL MED PA'I PHYIR RO, ,DNGOS PO DANG DNGOS PO MED PA RNAM PAR SPANG BA'I PHYIR RO ZHES PA NI BYIS PAS NOR PA GZUGS BRNYAN LA SOGS PA LA LHAG PAR JI LTAR CHAGS PA DE LTAR DNGOS PO MED DO, ,JI LTAR SO SOR SNANG BA DE LTAR DNGOS PO MED PA MA YIN NO, ,DE LTAR NOR PA NI ZHES BYA BA 'PHAGS PA RNAMS LA NI DE NI RTAG PA'I PHYIN CI LOG MA YIN PA LA MI RTAG PA'I PHYIN CI LOG KYANG MA YIN NO, ,JI LTAR SHES RAB KYI PHA ROL TU PHYIN PA LAS 'BYUNG BA, GZUGS NI RTAG PA ZHES PA'AM, MI RTAG PA ZHES PAR KUN TU MI MTHONG NGO ZHES BYA BA LA SOGS TE, DE LTAR DE'I PHYIR RTAG PAR RTOGS PA NI NOR PA STE, RTAG PA LA SOGS PA'I YUL MED PA @130B NA SKAD CIG MAR 'JIG PA RAB TU 'BYED PA'I PHYIR RO, ,THA DAD DU MI 'GYUR TE ZHES BYA BA NI RNAM PA DE LTA BUR SNANG BA LA RTAG PA DANG, BDAG LA SOGS PA'I MTSAN MA THA DAD PAS MI 'BYED DE, MNYAM PAR MI 'JOG PA'I MA RIG PA YONGS SU SMIN PA LAS DE LTAR GANG GI PHYIR SNANG BA 'BA' ZHIG BAS NA DE'I PHYIR NOR BRTAG PA'O, ,NOR PA DE KHO NA NYID MA YIN PA'O ZHES PA NI DON DAM PA'I RANG BZHIN MA YIN TE ZHES BYA BA'I DON TO, ,BYIS PA RNAMS KYI BLO NI RTAG PA LA SOGS PA'I DNGOS POR SGRO BTAGS PA'I PHYIN CI LOG TU'O, ,'PHAGS PA RNAMS KYI BLO NI SKAD CUG MAR 'JIG PA LA SOGS PA YONGS SU SHES PAS PHYIN CI LOG MA YIN PAR RO, ,DNGOS PO MA YIN PA SO SOR SNANG BA MI RTAG PA YANG MA YIN PA DANG, RTAG PA MA YIN PA YANG MA YIN TE, DE'I PHYIR THAMS CAD MKHYEN PAS GSUNGS PA, PHYIN CI LOG GI BLO LANG MI 'JUG ,PHYIN CI LOG MA YIN PA'I BLO YANG MI 'JUG STE ZHES PA'O, ,GZHAN DU MED DE ZHES PA NI BYIS PAS SGRO BTAGS TE KUN BRTAGS PA'I YUL DU BLO 'JUG PAS NA, DE JI LTA ZHE NA GYI NA ZHES BYA BA STE, GANG CUNG ZAD 'PHAGS PA'I 'DU SHES SU 'GYUR BA 'PHAGS PA'I YE SHES KYI DMIGS PA'I DNGOS PO JI LTA BU DE NI RNAM PAR 'KHRUL PA'I GZUGS DE LTA BU MA YIN ZHES SO, ,NOR PA DE YANG PHYIN CI LOG DANG PHYIN CI LOG MA YIN PAR ZHES BYA BA NI NOR PA NYID LA RTAG PA DANG, MDZES PA LA SOGS PAR SGRO 'DOGS PAS PHYIN CI LOG GO, ,DER YANG DAG PA JI LTA BU YIN PA'I MI RTAG PA DANG, MI GTZANG BA LA SOGS PA SNANG BA NI PHYIN CI LOG MA YIN PA'O, ,DON DAM PAR NA RANG BZHIN MED PA'I PHYIR SMRAS PA LTA BUR DE'I RANG BZHIN RNAM PA GNYIS SU MED MOD KYIS, 'ON KYANG BYIS PA RNAMS LA RTAG PA DANG BDAG DANG BDAG GIS SOGS PA'I PHYIN CI LOG PA RNAMS KYIS 'KHOR BA'I SDUG BSNGAL DU SNANG BA THOB PAR BYED DO, ,DE NYID 'PHAGS PA RNAMS LA YANG MI RTAG PA DANG, SDUG BSNGAL BA DANG, MI MDZES PA LA SOGS PA BDEN PAR SMRA BA MNGON SUM DU BYED PA LAS THAR PA THOB PAR BYED DO, ,DE LA RANG GI MTSAN NYID NI SRA BA @131A *, ,DANG, GSHER BA DANG, DRO BA LA SOGS PA'O, ,SPYI'I MTSAN NYID NI MI RTAG PA LA SOGS PA'O, ,'DU 'DZI MED PA'I PHYIR ZHES BYA BA NI GCIG PO GNAS PAR MOS PA'I PHYIR TE, RANG SANGS RGYAS RNAMS NI PHAL DANG MI GNAS ZHES BYA BA'I BAR DU'O, ,BYIS PA DANG MKHAS PA DAG LA SNANG BA'I KHYAD PAR YOD DE, DE LA BYIS PA DNGOS POR SGRO 'DOGS PA'O, ,MKHAS PA LA NI STONG PA NYID KHONG DU CHUD PA SANGS RGYAS KYI RIGS THOB PA YIN NO, ,BYIS PA RNAMS KYIS NOR PA'I MTSAN NYID RTAG PA DANG, BDAG DANG, BDAG GI DNGOS PO DANG, BYED PA PO DANG, LAS DANG BYED PA PO LA SOGS PA'I MTSAN NYID DU JI LTAR KUN BRTAGS PA GAL TE DE LTAR YOD NA NI DE'I TSE NGA'I BSTAN PA LA RTEN CING 'BREL TE 'BYUNG BA MU STEGS BYED PA'I RGYU LAS 'BYUNG BA DANG MTSUNGS PAR YANG 'GYUR TE, DE LTAR YANG MI RUNG BA NI RTAG PA DANG, BDAG LA SOGS PA'I RGYU RNAMS KYI 'BRAS BU SHES PAR BYA BA LA TSAD MAS GNOD DO ZHES THAMS CAD MKHYEN PA'I GSUNG GI DON RTOG GO, ,GAL TE NOR PA DANG, SGYU MA 'DRA BA NI SGYU MA LTA BUR GZHAN GYI RGYUR 'GYUR RO, ,DES KYANG CIR 'GYUR ZHE NA, MU STEGS BYED PA RNAMS KYIS RTAG PA DANG, BDAG LA SOGS PA NI NOR PA JI LTAR NA RGYUR MI 'GYUR ZHES BLO GROS CHEN POS DGONGS PAR BRTAG GO, ,THAMS CAD MKHYEN PAS KYANG SPONG BAR GSUNGS PA, NOR PA NI SGYU MA LTA BU MA YIN NO, ,RGYU GSUNGS PA NOR PA NI GNAS NGAN LEN GYI NYES PA 'THOB PA'I RGYU MED PA'I PHYIR RO, ,DE SGYU MA DE LTA BUR 'GYUR BA MA LAGS SAM ZHES PA LA BLAGS TE GSUNGS PA, BLO GROS CHEN PO SGYU MA NI GNAS NGAN LEN GYI NYES PA THOB PAR MI BYED DO, ,JI LTAR NA THOB PAR BYED PA MA YIN ZHES PA DANG, KHYAD PAR DU GSUNGS PA RNAM PAR MA BRTAGS NA ZHES BYA BA STE, JI LTAR LUNG LAS 'BYUNG BA, 'JIG RTEN SNA TSOGS DE GANG DE 'DOD MIN, ,KUN RTOG 'DOD CHAGS SKYES BU'I 'DOD PA STE, ,SNA TSOGS 'JIG RTEN DU NI LUS BZHIN DU, ,DES NA DPA' BO DER 'DOD 'DUL BAR BYED, ,CES PA'O, ,DE'I PHYIR THAMS CAD MKHYEN PAS 'DI SKAD GSUNGS PA, BLO @131B GROS CHEN PO SGYU MA NI SKYES BU GZHAN GYI RIG SNGAGS KYI MTHU LAS 'BYUNG STE, RANG GI LOG PA'I RNAM PAR RTOG PA LAS MA YIN TE, RTAG PA DANG BDAG LA SOGS PA'I NOR PA LTAR SGYU MA 'BYUNG NGO, ,DE BAS NA NOR PA NI GNAS NGAN LEN GYI NYES PA'I BAG CHAGS BYED KYI, SGYU MA TZAM DU RNAM PAR RTOG PAS NI MA YIN NO ZHES SO, ,SKABS DER ZHES PA NI NOR PA'I NANG DU STE, NOR PA DANG 'DRES ZHES PA'I BAR DU'O, ,JI LTAR MU STEGS NOR PA'I RANG BZHIN SNANG BA LA RDZAS DANG, YON TAN DANG, LAS LA SOGS PA YANG DAG PAR KUN RTOG PA'O, ,'PHAGS PA GANG DAG GIS MI GNYIS PA'I STONG PA NYID LA SOGS PA RNAM PAR THAR PA THOB PA DE DAG NI NOR PA'I RANG BZHIN SNANG BA LA MDZES PA DANG, MI MDZAD PA LA SOGS PA YANG DAG PAR KUN TU MI MTHONG STE, JI LTAR 'PHAGS MA SHES RAB KYI PHA ROL TU PHYIN PA LAS GSUNGS PA'O, ,NOR PA SPANGS NAS SHES PA NI GZUGS LA SOGS PA SNANG BA RNAMS SHES RAB KYIS RNAM PAR GZHIGS TE KHANG PA LA SOGS PA BZHIN DU STONG PAR BYAS PA NA MI GNYIS PA'I YE SHES LA YOD PA DANG, MED PA'I MTSAN MAR RNAM PAR RTOG NA DE'I TSE MTSAN MAR RTOG PA DE NYID NOR PA YIN TE, RAB RIB LEGS PAR MA GSOS PAS MA DAG PA LTA BUR MTSAN MAS YE SHES GLONGS PAR 'GYUR RO, ,BZHIN ZHES BYA BA NI DPE'I DON TO, ,SGYU MA NI SHES RAB KYIS DPYAD PA NA PHYI ROL GYI DNGOS POR BYIS PA RNAMS KYIS RNAM PAR RTOG PA LTAR MED DE, DE DANG CHOS MTHUN PAR KHYAB PAS GNYIS KYI RNAM PA'I DNGOS PO THAMS CAD SGYU MA LTA BU'O, ,JI LTAR SHES RAB KYI PHA ROL TU PHYIN PA LAS 'BYUNG BA, GZUGS LAS BRTZAMS TE SANGS RGYAS NYID KYI BAR DU YANG GZUGS LA SOGS PAR SNANG BA NI SGYU MA DANG MTSUNGS, RMI LAM DANG MTSUNGS ZHES SO, ,JI LTAR BYIS PA RNAMS SNA TSOGS LA MNGON PAR CHAGS PAS MTSAN NYID KUN RTOG PAR BYED PA JI DE LTA BU DNGOS PO RNAMS SGYU MA LTA BU LAGS SAM ZHES GSOL PA, GZUGS RNAMS SNA TSOGS KYI MTSAN NYID RNAMS SU PHYI ROL GYI LA SOGS PAR BYIS PAS BRTAGS PA RNAMS KYIS @132A *, ,RGYU MED PAR MTHONG BA'I SLAD DU ZHES PA SGRUB PAR BYED PA RJES SU DPAG PA'I RGYU MI MTHONG BA NI SHES RAB KYIS SBOM PO DANG, PHRA MO RNAM PA'I CHUR DBYE BA NA STONG PA KHO NA'I PHYIR RO, ,SKYES BU DANG SNGAGS LA SOGS PA'I SGYU MA LA PHYI ROL GYI KHYIS PAS BRTAGS PA NI SHES PA SO SOR SNANG BA TZAM NYID DO ZHES SO, ,DE BAS NA THAMS CAD RIG PAS 'DI SKAD DU GSUNGS PA, LOG PA MYUR BA'I GLOG DANG 'DRA BA STE, DES NA SGYU MA DANG 'DRA BA'O, ,LOG PA'I PHYIR SGYU MA DANG 'DRA BA NI, STONG PA RNAMS TE, CHOS LA BDAG MED PA'I TSAD MA'O, ,MYUR BA'I GLOG DANG 'DRA BA DES NI SKAD CIG MA RNAMS TE, GANG ZAG LA BDAG MED PAR RO, ,GANG GIS RMI LAM DANG, SGYU MA DANG, GZUGS BRNYAN LA SOGS PA STONG PA CUNG ZAD CIG KHONG DU CHUD PA DE LA SHES RAB KYIS DPYAD DE, DE DANG CHOS MTHUN PAR GZUGS SU SNANG BA NI GZUGS MA YIN NO ZHES PAR RI LA SOGS PA STONG PAR KHONG DU CHUD PAR BYA'O, ,BYIS PAS KUN BRTAGS PA'I MTSAN NYID PHYI ROL DANG RTAG PA LA SOGS PA'I DNGOS PO DE GNYIS KA YANG STONG PA NYID CES PAR RO, ,DNGOS PO RNAMS KYI RANG DANG SPYI'I MTSAN NYID KYI DNGOS PO SHES RAB KYIS RAB TU RNAM PAR 'BYED PA MED PAS MI SNANG NGO ZHES BYA BA'I DON TO, ,SGYU MA NI YANG DAG PAR YOD PA MA YIN TE, DE MED PA'I CHOS DANG MTHUN PAR DNGOS PO RNAMS YOD PAR BRJOD PAR BYA BA NI SGYU MA LTAR DNGOS PO RNAMS YOD DO ZHES PAR RO, ,GANG YANG MDO SDE SHES RAB KYI PHA ROL TU PHYIN PA LA SOGS PA DU MAR CHOS THAMS CAD NI MA SKYES PA DANG SGYU MA LTA BUR GSUNGS PA, DE SEMS CAN RNAMS LA GDON MI ZA BA'I SLAD DU 'PHAGS PA BLO GROS CHEN PO DAM PA'I CHOS 'DIR GLENG BAR MDZAD DO, ,CHOS GANG MA SKYES PA DE DAG LA NI MO GSHAM GYI BU LA SOGS PA BZHIN DU GZUGS LA SOGS PA'I SO SOR SNANG BA MED LA, SGYU MA'I RANG BZHIN NI RNAM PA SNA TSOGS SU SNANG BA STE, JI LTAR NA MA SKYES PA RNAMS SGYU MA LTA BUR LAGS, DE BAS NA 'DI 'GAL LO ZHES DE LTAR DGONGS PA'O, ,DER THAMS CAD MKHYEN PA'I PHYI MA'I PHYOGS LA BYIS PAS KUN @132B BRTAGS PA'I BYIS PA DANG, BYED PA POR MNGON PAR 'BREL TE SKYE BA NI SKYE BA MED DO, ,CI'I PHYIR ZHE NA, RANG GI SEMS SNANG BA TZAM DU RTOGS PA'I RGYU'I PHYIR RO, ,RANG GI SEMS MA RTOGS PA NI BYIS PA RNAMS KYIS PHYI ROL GYI DON SKYE BA KUN TU RTOG PAR BYED DO, ,YOD PA DANG MED PA LAS MI SKYE BAR MTHONG BAS NA ZHES BYA BA DANG 'BREL TE, PHYI ROL GYI DNGOS PO MED PA'I PHYIR ZHES PA NI SGYU STE, PHYI ROL GYI DON DE YANG GNYIS KYI RNAM PA'I SHES PA LA RGYU DANG 'BRAS BU'I DNGOS PO THA DAD PAR 'DZIN GYI, RNAM PA MED PAS NI MA YIN PAS NA PHYI ROL GYI DON DE YANG SUS SUN PHYUNG, YOD PA NI YOD PAS NA MI SKYE'O, ,MED PA YANG BYA BAR MI NUS PA'I PHYIR 'DI YOD PAS 'DI YOD CES BYA STE, CHOS THAMS CAD NI BYA BA MED PA'I PHYIR DE MA THAG PA TZAM 'BA' ZHIG PAS SGYU MA SKYE BA NI YANG DAG PAR SKYE BA MED PA BZHIN DU DE DAG KYANG SKYE BA NI SKYE BA MED PA'O, ,MO GSHAM GYI BU LA SOGS PA RNAMS KYI SNANG BA MED PA'I PHYIR DE DAG GI RANG BZHIN MED PA LTA BUR SGYU MA LTA BU'I DNGOS PO RNAMS MI SKYE BA MA YIN NO, ,MU STEGS BYED PA RNAMS KYIS RTAG PA DANG, TSANGS PA DANG, DBANG PO DANG, RDUL PHRA MO'I RDZAS LA SOGS PA RGYU LAS BYED PA DANG, BYED PA PO LA SOGS PA DANG 'BREL TE 'BRAS BU SKYE BAR RTOG PA NI RTAG PA DANG, PHYI ROL GYI RGYU MED PA'I PHYIR SEMS TZAM DU SNANG BAS DNGOS PO RNAMS SGYU MA LTA BU'O, ,SLU BA'I RGYU LAS 'BYUNG BAS YANG DAG PAR NA SKYE BA MED PA'O ZHES BRJOD PAS NA SKYE BA MED PA'I TSIG TU BRJOD DO, ,SGYU MA DANG CHOS MTHUN PAS DNGOS PO RNAMS SKYE BA MED DO ZHES BYA BAS NI PHYI ROL GYI DON DU CHUD PAR BYED PA DANG, DNGOS PO THAMS CAD SGYU MA LTA BUR MA SKYES PA ZHES BYA BAS DNGOS PO RNAMS THA DAD PAR BRJOD PA LAGS SO ZHES DE SKAD DU DOGS NAS THAMS CAD MKHYEN PAS GSUNGS PA, YANG DNGOS PO BSTAN PA NI ZHES BYA BA LA SOGS PA STE, DNGOS PO BSTAN PA LA NI LAS DANG 'BRAS BUR 'BREL PA KHONG DU CHUD PAR BYA BA'I PHYIR TE, 'DI NI BSDUS PA'I DON TO, ,RTAG PA DANG BDAG LA SOGS PA DANG, PHYI ROL GYI DON DU CHAGS PA DGAG PA'I PHYIR DNGOS PO RNAMS SGYU MA LTA BUR MI SKYE'O ZHES @133A *, ,BSTAN TO, ,MU STEGS CAN YANG DAG PA JI LTA BA MA YIN PA NYID LA YANG DAG PA LTA BUR PHYIN CI LOG PA'I PHYIR RTAG PA DANG, BDAG DANG PHYI ROL LA SOGS PA DANG, BYED PA PO DANG LAS SU SGRO BTAGS TE BDAG DANG GZHAN LA SLU BAR BYED PA DE DAG LA YANG DAG PA JI LTA BA BZHIN DU SEMS TZAM BSHAD PAR BYA'O ZHES SO, ,SGRA DANG DON LA 'KHRUL PA'I SMRA BA PO MANG STE, LA LAS PHYI ROL GYI BRJOD PA YOD PA'I STENG DU DER YANG SGRA DANG DON RTAG PAR 'BREL TE ZHES RTOG PAR BYED PA DE DAG RMONGS PA BSAL BA'I DON DU SGRA DANG DON YANG DAG PA KHO NA JI LTA BA YIN PA THAMS CAD MKHYEN PAS BSHAD PAR MDZAD PA, DNGOS PO GANG LA GNAS TE ZHES PA STE, GANG BRJOD PA DANG, 'JUG PA'I MTSAN MA DANG, DE LAS GZHAN PA LOG PA DANG, RNAM PA DE LTA BU NI MING STE, TSOGS DANG, LUS DANG, GNAS ZHES BYA BA RNAM GRANGS SO, ,DE NI GZHAN DAG GI TSIG CES BYA BA'I MING NI MA YIN NO, ,TSIG GI TSOGS NI TSIG GI DON RNAMS KYI TSOGS TE, BRJOD PA'I DON ZHES BYA BA'I THA TSIG PAR THAMS CAD MKHYEN PAS DGONGS PAR BRTAG GO, ,DE BAS NA DE GNYIS LAS DON RNAMS GDON MI ZA BAR 'GYUR RO, ,RTAG PA'I DON DU RAB TU SBYAR BA'I 'BRU MANG PO NI YI GE'I TSOGS TE, 'BRU'I TSOGS ZHES BYA'O, ,SNANG BAR BYED PA NI DE DAG 'BREL PA DANG, DON RNAM PA SNA TSOGS SU 'DOGS PA'I MTSAN MA STE, RNAM PA THA DAD PAR GO RIMS KYIS 'KHOD PA NI MTSO DANG, BRO DANG, LCUG MA DANG, SHING TA LA LTA BUR RO, ,DE LTA BAS NA RIM DES MING DANG, TSIG GI TSOGS RNAMS SNANG BAR BYED DO, ,DES NI RTAG PA RTOGS PAR BYED KYI, LUNG STON PAS SGRA GSAL BAR SNANG BAR BYED PA KUN BRTAGS PA DANG, SPYOD PA CAN GYING ROS YI GE SNANG BAR BYED PA NI MA YIN NO, , NGOR DANG, YI GE YANG THA DAD PAR MI DMIGS PAS NA SPYOD PA CAN RNAMS KYIS RNAM GRANGS SU SKYE BO RNAMS SLU BAR BYED DO, ,YI GE'I RIM MA GTOGS PAR SGRA RGYAS PA LA RIM MED PA LA RIM RJES SU BZUNG BAS DON BRJOD PAR YID MI CHES SO, ,TSIG NI MING DU 'JUG ,MING LA DON @133B GSAL BAR 'GYUR RO ZHES SKAD, PHYOGS GANG DAG KUN DU RTOG PA YANG TSIG DANG YI GE NI RNAM GRANGS PAS NA DE MA GTOGS PAR MING MED DE, RTAGS LA LTOS TE, DER 'DUS PA LAS MING LA SOGS PAR 'DU SHES SO, ,YANG DAG PA NI YI GE MA GTOGS PAR MING LA SOGS PA MED PA'I PHYIR MTSAN MA LA LTOS TE DE'I GO RIMS KYI MING LA SOGS PA'I TSIG TU GDAGS SO, ,TSIG GI DBANG PO TING NGE 'DZIN LA THAMS CAD MKHYEN PA BZHUGS NA DBYANGS KYI DKYIL 'KHOR DU BRJOD PA'I DON 'BYED PA BSGRUB PAR MDZAD DE, SNGA MA NI SMRAS PA BSDU BA'I MTSAN NYID DU BRTAG GO, ,GNYIS PA NI 'DUS PA SMRA BA'I BRJOD PAR BRTAG BO, ,DE DAG BRTAG PA'I KHYAD PAR NI BRJOD PA'I DON BLANGS TE, BRJOD PA'I NANG GI YAN LAG DANG CHOS MTHUN PA DANG, CHOS MI MTHUN PA LAS TSIG DGAR TE, TSIG DANG TSIG GI DON RNAM PAR SHES PA'O, ,GNYIS PO NI TSIG DANG TSIG GI DON BLANGS TE 'DUS PA'I BRJOD PA'I DON DU YONGS SU SHES PA'O, ,DES NI 'DI SKAD CES SMRAS PA YIN TE, SPYIR NI TSIG KHYAD PAR DU NI BRJOD PA STE, TSIG GZHAN DANG 'BREL PAR DE LTAR SMRAS PA LAS GANG LHAG PA DE NI BRJOD PA'I DON ZHES SO, ,YANG NA 'BREL PA NI BRJOD PA'I DON NO ZHES PA'O, ,GZHAN SEL BAR BYED PA LA NI SPYI DANG KHYAD PAR DU BRJOD DE, DE LAS GZHAN PA LOG PA NI KHYAD PAR RO, ,TSIG THUG PA ZHES BYA BA NI TSIG RTOGS PAR GYUR PA NA BRJOD PAR 'GYUR BA'O, ,TSIG GI TSOGS 'BA' ZHIG DBYE BAR MA ZAD DE MING GI TSOGS DBYE BAR YANG STON PA, BLO GROS CHEN PO MING NI 'DI LTA STE, YI GE RNAMS KYIS ZHES SO, ,AA LA SOGS PA NAS HA'I MTHAR THUG GI BAR DU SO SOR RE RE'I MING DU 'DU SHES PA STE, AA ZHES BYA BA DANG, KA ZHES BYA BA DANG, HA ZHES BYA BA'I BAR DU'O, ,KHA CIG GIS YI GE'I TSOGS NI AA LAS BRTZAMS TE HA'I MTHAR THUG PA LA SOGS PAR SO SOR 'BREL BA'I 'BRU RNAMS NI MING GI 'DU SHES SU SBYOR BAR BYED DO, ,THUNG DU DANG, 'DREN PA DANG, RING DU 'DREN PA'I DBYANGS RNAMS LA YI GE'I MING DU THAMS CAD MKHYEN PAS DGONGS PA'O, ,YI GE RNAMS @134A *, ,KYI MTSAN NYID GSAL BAR BYED PAS NA SNANG BAR BYED PA'O, ,'DI LTA STE TSIG NI THUG PA'O ZHES GANG GSUNGS PA TSIG DE'I BDE RNAMS NI GLANG PO CHE DANG, RTA LA SOGS PA'O, ,MING DANG YI GE ZHES BYA BA NI GZUGS MED PA'I PHUNG PO RNAMS SO, ,MING GIS BRJOD PA'I PHYIR ZHES PA NI SGRA'I DON DU BRTAGS PA LA DON DU MA STON PAR MDZAD DO, ,YI GE RANG GI MTSAN NYID KYIS SNANG BAR BYED PAS ZHES BYA BA LA MTSAN NYID NI MTSAN MA DANG RNAM GRANGS SO, ,MING TSIG GIS BRJOD PA ZHES BYA BA NI MING GI TSIG GIS BRJOD CES BYA BA'I BAR DU'O, ,SGRA RNAMS KYI DON DU MA YOD PAS NA KHYAD PAR DU BSHAD PA NI THAMS CAD MKHYEN PA NYID TSAD MA'O, ,RIG PA DANG LDAN PA'I RGYU NI RANG BZHIN GSUM GYI STE, DER BLO MED CES BYA BA'I DON TO, ,'DI NI DRI BA MA YIN NO ZHES JI LTAR SMRA BAR BYED CE NA, MKHAS PA RNAMS KYIS GZUGS LA SOGS PA MI RTAG PA CI GZHAN NAM, 'ON TE CI GZHAN PA MA YIN NAM ZHES DRIS PA LA, BCOM LDAN 'DAS LA SMOS TE, GZUGS LA SOGS PA LA MI RTAG PA NYID GZHAN PA DANG, GZHAN MA YIN ZHES BYA BAR DRIS PA 'DI NI BCOM LDAN 'DAS LUNG MA BSTAN PAS NA GZHAG PAR BYA'O ZHES 'DZER TO, ,LUNG MI STON PAR SMRA BA NI MU STEGS CAN RNAMS KYI YIN TE, JI LTAR PHYOGS GOS PA RNAMS 'GYUR BAR SMRA BA NI JI SRID DU SROG YOD PA DE SRID DU LUS SHES TE, SROG JI TZAM PA LUS DE TZAM PA NYID DE, 'DU PA DANG NI GYES PA DANG, ,SROG NI LUS KYI TSAD CAN TE, , DE NI RIGS PA RNAMS KYIS SMRAS, ,NAMS KYANG PHRA MO YOD MA YIN, ,ZHES SO, ,RGYU LA RNAM PAR RTOG PA ZHES BYA BA NI RTAG PA DANG, BDAG DANG, TSANGS PA DANG, DBANG PO LA SOGS PA RGYU KUN TU RTOG PAR BYED PA'O, ,DE DAG LAS 'BRAS BU 'BYUNG BA DANG, GCIG PA DANG, THA DAD PAR LUNG BSTAN DU MED CES RTOG GO, ,NGA'I GSUNG RAB LA MA YIN NO ZHES PA NI JI SKAD DU GSUNGS PA YIN ZHE NA, GNYIS KA DANG GNYIS KA MA YIN PA ZHES BYA BA LA SOGS PA'I RANG BZHIN GNYIS SU LUNG BSTAN DU MED PA NI THAMS CAD MKHYEN PA'I GSUNG @134B RAB LAS NI THAMS CAD BSAM DU MED PAR BRJOD PA STE, JI LTAR ZHE NA, GZUNG BA DANG, 'DZIN PA DANG MI LDAN PA RNAM PAR RTOG CING SNANG BA MED PAR MI GNYIS PAR YANG DAG PAR RIG PA LA YOD PA DANG, MED PA DANG, RTAG PA DANG, MI RTAG PA DANG, GNYIS KA DANG, GNYIS KA MA YIN PA LA SOGS PA'I MTSAN NYID KYI RNAM PAR RTOG PA MI 'JUG GO, ,GANG NA 'DZIN PA DANG GZUNG BA'I DNGOS PO YOD PA DER RNAM PAR RTOG PA 'JUG GI, NGA'I TSUL GYIS MI GNYIS PAR SMRA BA DE DAG LA LUNG MI STON PA ZHES BYA BA'I GZHAG PA LTA GA LA YOD, CHOS THAMS CAD NI BYED PA MED PAS NA ZHES BYA BA NI RANG DANG SKAD CIG PA'I PHYIR LHAG PA'I BYA BA DANG, BYED PA DAG MNGON PAR 'BREL TE 'BRAS BU MI SKYE BAS NA DE'I PHYIR CHOS THAMS CAD MA SKYES PA STE, DE MA THAG PA TZAM GYIS 'DI YOD NA 'DI YOD DO ZHES BYA BA 'BA' ZHIG GO, ,NGO BO NYID MED CES BYA BA NI RANG DANG SPYI'I MTSAN NYID GZHAN PA DANG, GZHAN MA YIN PA RNAM PAR DPYAD PA NA, MI RIGS PAS NA DES NI DER SNGAR DPYAD ZIN TO, ,DE LA BLANG BA MED PA DANG, DOR BA MED PA ZHES BYA BA NI MDO SDE MANG POR RAB TU DGROL BA LA LTOS TE DON CHUD PAR BYA'O, ,RANG DANG SPYI'I MTSAN NYID BLANG NA ZHES PA NI YONGS SU BRTAG PA NA'O, ,BLANG DU MED PA NI SGO RNAM PA DU MAS KYANG KHONG DU MI CHUD DO, ,PHYI ROL GYI 'AM GZHAN GYI DBANG GI MTSAN NYID RANG DANG SPYI'I MTSAN NYID RNAM PA SNA TSOGS SU KUN RTOG PA DE NI GCIG PA DANG THA DAD PAR MI RIGS SO, ,GCIG PA RANG BZHIN GNYIS SU MED PA'I PHYIR MI RTAG PA LA SOGS PA'I 'DU BYED RNAMS LA, MI RTAG PA LA SOGS PA'I MTSAN NYID GZHAN YOD PA MA YIN TE, RNAM PA CIS KYANG CHOS THAMS CAD LA RANG BZHIN GYIS GNYIS PAR GSUNGS PAS NA RANG BZHIN GNYIS PA'I MTSAN NYID MED DE, DNGOS PO GCIG LA GNYIS SU MI RIGS PA'I PHYIR RO, ,'BYUNG BA'I MTSAN NYID DU 'ONG BA MED PAS NA BLANG DU MED DO, ,RNAM PA SNA TSOGS KYI RANG BZHIN MED PAS NA 'JIG PA'I MTSAN NYID CAN DOR BAR YANG MED DO, ,CHOS THAMS CAD RNAM PA THAMS CAD KYIS 'ONGS BA DANG 'GRO BA @135A *, ,DANG BRAL BA'O, ,JI LTAR DBU MA LAS 'BYUNG BA, ,'GAG MED SKYE BA MED PA DANG, ,RTAG MED CHAD PA MED PA DANG, ,'ONG BA MED PA 'GRO BA MED, ,GANG RTEN BRTEN PAR 'BYUNG BA NI, ,ZHES BYA BA LA SOGS PA LA'O, ,DNGOS PO RNAMS GZHAN DU NI 'GAG PAR RTOG STE, RE ZHIG NA DNGOS PA'I RANG BZHIN GYI MTSAN NYID NI YOD PA MA YIN TE, ,YOD PA DANG MED PA GNYIS KYI RNAM PAR SNANG BA'I RNAM PAR RTOG PA DANG BRAL BA'I PHYIR BRJOD DU MED PA LA SU'I 'GAG PA RTOG PAR BYED, MTSAN NYID SKYE BA MI RTAG PA YOD PAS ZHES PA NI SKAD CIG PA'I 'DU BYED RNAMS LA SKYE BA DANG, GNAS PA DANG, RGA BA DANG, MI RTAG PA'I MTSAN NYID RIM GYIS 'BYUNG BA NI MI RUNG NGO, ,'ON TE YANG DE LTAR 'GYUR NA NI SKAD CIG PA GZHAN DU GNAS PA'I PHYIR DE DAG SKAD CIG PA MA YIN PA NYID DU 'GYUR RO, ,DE NI 'DI SKAD CES SMRAS PA YIN TE, 'DUS BYAS KYI MTSAN NYID SKYE BA NI MI RTAG PA NYID YIN PA'I PHYIR MI RTAG PA ZHES BYA'O, ,DES NA SKAD CIG MA DRUG TU GNAS PAR YANG LAN SMRAS PAR RIG PAR BYA'O, ,GSOL BAR GYUR PA MGO GCIG CIG LUNG STON TO, ,KHA CIG TU SPYIR LUNG BSTAN PAS SOM NYI RNAM PAR MA LOG PA'I PHYIR KHYAD PAR CUNG ZAD TZAM ZHIG DRI BA YOD PA NI 'DRI BA'O, ,DE BZHIN DU BSDUS PA'I DON RNAM PAR PHYE STE GZUNG BA'O, ,RTZOD PA'I SKYE BO LA LTOS TE CUNG ZAD KYANG GZHAG PA'O, ,SHES RAB LA LTOS TE GANG ZAB MO'I MTSAN NYID KYI CHOS THAMS CAD LUNG BSTAN PAR MDZAD PA'O, ,GRANGS CAN DANG KHYAD PAR CAN LA SOGS PAS LUNG MI STON PA RNAMS JI LTA BUR SMRAS PA DE BSHAD PAR BYA STE, GNAS DANG GNAS PA GZHAN PA NI LUNG BSTAN DU MED DO ZHES SO, ,SO SOR GRUB PA'I RNAMS SBYOR BA DANG, SO SOR GRUB PA MA YIN PA'I RNAMS NI PHRAD PA STE ZHES PA LA, PHRAD PA'I RGYU MA GTOGS PAR DE LA GNAS PA'I RDZAS DANG YON TAN LA SOGS PA PHYOGS GZHAN DU GRUB PO ZHES SMRA BAR MI NUS SO, ,PHRAD PA'I RGYU'I RANG BZHIN YANG LUNG BSTAN DU MED DO, ,SO SOR GRUB PA RNAMS LA NI BUM PA DANG, SNAM BU LA SOGS PA THA DAD DU LUNG BSTAN DU YOD DO ZHES SO, ,RGYUN DU ZHUGS PA'I 'BRAS BU LA SOGS PA'I RNAM PAR @135B SHES SHING GANG ZAG LA BDAG MED PA YONGS SU SHES NAS CHOS LA BDAG MED PA YONGS SU SHES PAR GYUR TE, SA NAS SA'I MTSAN NYID LAS 'DAS PA RTOGS PAR KHONG DU CHUD PAS ZHES BYA BA NI SA DANG PO LA SOGS PA'I RANG GI PHYOGS DANG, MI MTHUN PA'I PHYOGS KYI JI LTAR SHES SHE NA, DE LA SBYIN PA LA SOGS PA NI RANG GI PHYOGS KYI MTSAN NYID DU 'BYED PA'O, ,'JUNGS PA LA SOGS PA NI MI MTHUN PA'I PHYOGS SO, ,SA DANG SAR MTSAN NYID GANG YIN PA DES SA'I PHYOGS KYI MI MTHUN PA LAS 'DA' BA RTOGS PAR KHONG DU CHUD PA'O, ,NYON MONGS PA MED PA'I MI SHES PA CHUNG DU DANG, 'BRING PO DANG, CHEN PO SA BCUR GTOGS PA YE SHES CHEN PO DANG, 'BRING PO DANG CHUNG DU'I MTSAN NYID KYI SPANG BAR BYA'O ZHES DE LTAR RNAM PAR SHES PAR GYUR PA DANG, CHOS THAMS CAD KYI YUL 'GRO BA'I LUS LONGS SPYOD PAR NYE BAR 'TSO BAR 'GYUR RO ZHES TE; ;DE LA CHOS THAMS CAD KYI YUL LA 'GRO BA'I LUS NI THAMS CAD MKHYEN PA'I CHUD PA'I SKU STE, GNYIS PA DANG MI GNYIS PA'I TING NGE 'DZIN MKHYEN PA'O, ,DE BZHIN DU YANG SEMS CAN THAMS CAD LA YID BZHIN GYI NOR BU LTA BUR CHOS BSHAD PA LA SOGS PA'I LONGS SPYOD KYI 'TSO BAS NYE BAR 'GYUR RO, ,THA MA DANG, BAR MA DANG, MCHOG CES BYA BA NI SHES RAB KYI KHYAD PAR GYIS CHUNG DU DANG, 'BRING PO DANG, CHEN PO'I MTSAN NYID DU BRTAG PAR BYA'O, ,JI LTAR 'DI NYID DU GSUNGS PA, TING NGE 'DZIN GYI MYOS PAS BSLAD PA NI ZAG PA MED PA'I DBYINGS SU GNAS ZHES PA'O, ,'O NA JI LTAR YONGS SU MYA NGAN LAS 'DAS PA ZHES BYA, DAM PA'I CHOS PUndA RI KA LAS, SNANG BA'I RGYU NI MYA NGAN LAS 'DA' BAR NGA SMRA'O ZHES GSUNGS PAS NA DE 'DI NYES PA MED DO, ,SRED PA LA SOGS PA'I NYON MONGS PA SPANGS TE, 'KHOR BA'I SDUG BSNGAL ZAD PA NYID NI THAR PA'O, ,MA RIG PA'I NYON MONGS PA DANG, LAS LAS SKYES PA'I LUS KYI SNANG BA DANG 'BREL TE, BSAM GYIS MI KHYAB PA'I ZAG PA MED PA'I TING NGE 'DZIN THOB NAS DE DAG GI THAR PA NI 'GOG PA LA MNYAM PAR GZHAG PA DANG 'DRA STE, @136A *, ,THAMS CAD MKHYEN PA'I MDAS SNYING RJE'I BAG CHAGS KYI SA BON GYIS SAD DE, SNANG BA DANG BCAS PA'I BYANG CHUB SEMS DPA'I TING NGE 'DZIN THOB NAS SANGS RGYAS NYID DU 'GYUR RO, ,BYE BRAG GIS GONG NAS GONG DU ZHES PA NI 'DOD CHAGS LA SOGS PA KUN TU SPYOD PA DANG BRAL TE, ,MTHONG BA DANG BSGOM PA'I MTSAN NYID KYI BYE BRAG GI LAM GYIS CHEN PO DANG, BAR MA DANG, CHUNG NGU'I SBYOR BA RNAMS RNYOG PA'I MTSAN NYID SPONG BAS 'BRAS BUR 'GYUR RO, ,DE DAG DANG BRAL NAS CHU RNAMS KYI RNYOG PA RAB TU DANG BA BZHIN DU DGRA BCOM PA RNAMS KYI 'BRAS BUR 'GYUR RO ZHES PA NI 'JIG RTEN GYI THA SNYAD DO, ,GZHAN GYI DBANG GSAL BA'I GZUGS SU SNANG BA LA, GANG SNANG BA MED PA'I RTAG PA DANG, BDAG DANG, RDUL PHRA MO LA SOGS PA'I RNAM PAR RTOG PA DE NI GZHAN GYI DBANG LA YONGS SU BRTAGS PA'I RANG BZHIN NO, ,DE BZHIN DU PHUNG PO LNGA'I DAG NYID LA KHYAB PA DANG PHRA BA LA SOGS PAR RTOG PA'O, ,GZHAN GYI DBANG DER KUN BRTAGS PA'I RANG BZHIN DE YANG YOD PA YANG MA YIN, MED PA YANG MA YIN, YOD MED KYANG MA YIN ZHES PA NI GNYIS KA'I RANG BZHIN DU YANG YOD PA MA YIN NO, ,YOD PA MA YIN PA'I RGYU GSUNGS PA, YANG DAG PA MA YIN PA'I KUN BRTAGS PA'I MTSAN NYID PAS NA ZHES TE, GANG GIS RTAG PA DANG, BDAG DANG, PHYI ROL GYI RDZAS LA SOGS PA YANG DAG PA MA YIN PA KUN RTOG PA DES NA KUN BRTAGS PA'I RANG BZHIN LA MNGON PAR ZHEN PA'O, ,YOD PA YANG MA YIN PA NI YANG DAG PA JI LTA BA'I DON MA YIN PA'I PHYIR RO, ,GANG GIS YANG CHUD PA MA YIN PA'I RNAM PAR RTOG PA TZAM DU SNANG BA'I PHYIR MED PA YANG MA YIN NO, ,GNYIS KYI RANG BZHIN MED PA'I PHYIR RNAM PAR RTOG PA GSUM PO YANG YUL MED PA STE, DES NA YANG DAG PA MA YIN PAR KUN RTOG PA'O, ,RANG BZHIN GSUM GYI MTSAN NYID NI THAMS CAD MKHYEN PAS 'DI NYID DU GSUNGS PA, BRTAGS PA YI NI RANG BZHIN GYIS, ,DNGOS PO THAMS CAD MA SKYES TE, ,GZHAN DBANG LA NI BRTEN NAS SU, ,MI RNAMS RNAM PAR RTOG PA SKYE, , RNAM PAR RTOG PAS RNAM SPANGS TE, ,GANG TSE GZHAN DBANG DAG PA NI, ,GRUB PA DE BZHIN NYID BSHAD PAR, ,MDO SDE MDO SDER NGAS SMRAS SO, ,JI LTAR DGONGS PA NGES PAR 'GREL PA LAS BCOM LDAN 'DAS NYID KYIS GSUNGS PA, RIGS KYI BU RANG BZHIN MED PA RNAM PA GSUM STE, MTSAN NYID RANG BZHIN MED @136B PA DANG, SKYE BA RANG BZHIN MED PA DANG, DON DAM PA RANG BZHIN MED PA'O, ,BYIS PA RNAMS KYIS RTAG PA DANG, PHYI ROL GYI RDZAS LA SOGS PA MTSAN NYID GANG DAG GIS KUN RTOG PA'I MTSAN NYID DE DAG GIS KUN BRTAGS PA'AM, MA SKYES PA NA MTSAN NYID RANG BZHIN MED PA'O, ,GZHAN GYI DBANG GI RNAM PA SNA TSOGS KYI RNAM PA RNAMS KYI SKYE BA'I RANG BZHIN MED DE, RMI LAM DANG, MIG 'PHRUL LA SOGS PA RNAM PA SNA TSOGS KYIS RNAM PAR GSAL BAR SKYES SU ZIN KYANG SHES RAB KYIS DPYAD DE KHANG PA DANG, SDE DANG, NAGS TSAL LA SOGS PA BZHIN DU GNOD PA'I PHYIR SKYE BA RANG BZHIN MED PA'O, ,DON DAM PA GRUB PA'I RANG BZHIN GYIS 'OD GSAL ZHING RO GCIG PAR 'GYUR BA'I CHUD PA NI DE BZHIN GSHEGS PA RNAMS BYUNG YANG RUNG MA BYUNG YANG RUNG STE, ,CHOS NYID RGYUN DU GNAS PA LA NI 'DZIN PA DANG GZUNG BA RNAM PA GNYIS KYI RANG BZHIN MED DO, ,JI LTAR 'PHAGS PA BTZUN GTZO BYAMS PAS BSHAD PA, GNYIS MED PA YID DNGOS PO NI, ,STONG PA YI NI MTSAN NYID DO, ,ZHES SO, ,DNGOS PO MED PA'I STONG PA'I MTSAN NYID CI ZHE NA, DNGOS PO NYID DO, ,JI LTAR NA MTSAN NYID CE NA, GNYIS KYI RNAM PA DANG BRAL BA'I CHUD PA YONGS SU GRUB PA'I RANG BZHIN NI CHOS CAN NO, ,DE LA DE'I 'DZIN PA DANG GZUNG BA'I BRAL BA NYID NI CHOS NYID CES BYA STE GRUB PA'I RANG BZHIN NO, , DE STE LANG KAR GSHEGS PA DANG DGONGS PA NGES PAR 'GREL PAR THAMS CAD MKHYEN PAS BSHAD PA'I TSUL DU RANG BZHIN GSUM DU RNAM PAR GZHAG PA MI RUNG NA NI DE'I TSE RANG RANG GI RNAM PAR RTOG PA'I RANG BZO 'BA' ZHIG STE, RTOG PAS SMRA BAR YANG 'GYUR RO, ,GANG DAG YANG GZHAN GYI DBANG GI RANG BZHIN GANG YIN PA DE GRUB PA ZHES SMRA ZHING GZHAN GYIS SKYED PAR BYED PAS NA GZHAN GYI DBANG NGO ZHES PA DON 'DI NI MA YIN TE, DE JI LTA ZHE NA, GZHAN GYI DBANG GIS GNAS PA STE, MA RIG PA LA SOGS PAS RNAM PA SNA TSOGS KYI GZUGS SU SPROS PAR BYED PA'O, ,GNYIS KYI RNAM PA GSAL BAR SNANG BA NI SHES PA NYID RIG PA STE, DE NI 'DI SKAD CES SMRAS PA YIN NO, ,GANG RKYEN GZHAN DAG GI DBANG DU GYUR CING 'DRA BA'I SKAD CIG MA GZHAN LA LTOS PA MA GTOGS PAR DAM PA DANG DAM PA MA YIN PA'I CHOS BSTAN PA LA SOGS PAS RNAM PA SNA TSOGS KYI RNAM PA SKYE BA'I PHYIR GZHAN GYI DBANG DU GYUR PA DE NI GZHAN GYI DBANG NGO, ,MI G-YO BA DE @137A *, ,NI RO GCIG PAR 'BA' ZHIG YANG DAG PAR RIG PA TZAM PO RANG BZHIN GYIS 'OD GSAL BA'I NGO BO NYID THAMS CAD KYI RJES SU SONG BA GSER LTA BU RKYEN GZHAN GYIS 'PHANGS PA'I GLO BUR GYI NYES PA YONGS SU ZAD DE YONGS SU GRUB PA NI GSUM PA'O, ,JI LTAR 'PHAGS PA DE KHO NA NYID BSDUS PA LAS 'BYUNG BA, RIGS KYI BU SEMS 'DI NI RANG BZHIN GYIS 'OD GSAL BA STE, DGE BA DANG MI DGE BA MNGON PAR 'DU BYED PA RNAMS KYIS SUS JI LTAR YONGS SU SBYONG BA DE DE LTAR GRUB PAR 'GYUR RO ZHES TSIG GI DON DU RTOGS PAR 'GYUR RO, ,GZHAN GYI DBANG DE LA YANG RNAM PA GNYIS TE, 'KHOR BA RNAMS KYIS NI MA RIG PA DANG, LAS LAS BYUNG BA RNAM PA SNA TSOGS KYIS 'GRO BA SNANG BA'O, ,RNAL 'BYOR BA RNAMS KYIS NI DGE BA'I 'DU BYED LA SOGS PA RNAM PA DAG PA RDZU 'PHRUL GYI CHO 'PHRUL RNAM PA SNA TSOGS SU SNANG BA'O, ,DE GNYIS KYI RNAM PA DANG BRAL ZHING YANG DAG PAR RIG PA TZAM NI RANG BZHIN GYIS 'OD GSAL ZHING 'DUS BYAS DANG, 'DUS MA BYAS PA'I YONGS SU GRUB PA YIN NO, ,JI LTAR DGONGS PA NGES PAR 'GREL PA LAS 'BYUNG BA, RIGS KYI BU 'DUS BYAS DANG 'DUS MA BYAS ZHES BYA BA DE NI STON PA'I BTAGS PA'I TSIG GO, ,DBANG PO LA SOGS PA SUS KYANG MA BYAS PAS NA 'DUS MA BYAS TE, CHOS NYID 'DI NI YE GNAS PA ZHES BYA'O, ,SKAD CIG PA'I PHYIR 'DUS BYAS ZHES BYA BA'I DON TO, ,DE YANG GANG ZAG LA BDAG MED PA'I DNGOS POR 'DZIN PA MED PAS ZHES BYA BA NI SKAD CIG PA 'JIG PA KHONG DU CHUD PAR GYUR PA'I 'OG TU RTAG PA'I BDAG TU LTA BA SPONG NGO, ,DNGOS POR 'DZIN PA MED PAS ZHES BYA BA NI PHYI ROL GYI DNGOS POR 'DZIN PA MED PA'I PHYIR CHOS LA BDAG MED PA STE ZHES PAR DER BSTAN TO, ,GZHAN DU DNGOS POR 'DZIN PA MED PAR MI RUNG STE, GANG ZAG LA BDAG MED PA NI PHYI ROL GYI DON DU LTA BA'I PHYIR RO, ,DE'I PHYIR RDO RJE GCOD PA LAS 'DI SKAD DU GSUNGS PA, GZUGS LA'ANG MA ZHUGS ZHES BYA BA LA SOGS PA'O, ,DE LTA BAS NA MDO SDE 'DIR LHAN CIG TU SKYES PA'I ZHES BYA BA LA SOGS PA STE, 'JIG TSOGS LA LTA BA NI CHOS LA BDAG MED PA STE, PHYI ROL GYI DON SUN DBYUNG BAR RAB TU BYED PA'I DON GYI PHYIR RO, ,BDAG DANG GZHAN GYI LUS MNYAM PA NYID NI YANG DAG @137B PAR RIG PA TZAM DU MTSUNGS PA'I PHYIR RO, ,PHUNG PO BZHI GZUGS KYI MTSAN NYID KYI PHYIR RO, ,GANG LAS GZUGS MED PAS SHES PAR BYED PA'I RGYUR GSUNGS SO, ,SKYE BAR BYED PA'I RGYUR GSUNGS PA LA 'BYUNG BA DANG 'BYUNG BA LAS GYUR PA RNAMS ZHES BYA BA LA SOGS PA STE, SO SOR SNANG BA ZHES PAR 'BREL TO, ,DE YANG PHAN TSUN GYI RGYU'I MTSAN NYID KYI PHYIR ZHES PA NI 'BYUNG BA RNAMS TSOGS PAR 'DUS PA'I GZUGS NI REG PA LA SOGS PAS GZUGS KYI MTSAN NYID DE, DE LA BRTEN PA LA SOGS PA'I LAS KYIS NI 'BYUNG BA RNAMS RJES SU DPAG GO ZHES SO, ,'BYUNG BA RNAMS PHAN TSUN DU RGYU BYED PA NI RIM DU MI SKYE'O, ,GSUNGS PA BZHIN DU RIG PAR BYA STE, PHYI ROL GYI DNGOS POR LHAN CIG TU SKYES PA'I 'JIG TSOGS LA LTA BA BZLOG PA NI PHYI ROL GYI SGRA DANG, RTAG PA YOD PA'I PHYOGS LA PHYOGS MA YIN PA'I LTA BA MTHONG BA'I PHYIR YANG DAG PA'I YE SHES KYIS SPONG BAR 'GYUR RO, ,DE KHO NA NYID KYI DON DU NI THAMS CAD MKHYEN PAS MKHYEN TO, ,THE TSOM GYI MTSAN NYID NI YANG DAG PA'I YE SHES MA GTOGS PAR MI RTOGS SO, ,'BRAS BU THOB PA'I PHYIR LAM GYI CHOS KHONG DU CHUD PAR BYA BA SHIN TU MTHONG BA'I PHYIR RO, ,DAG KYANG MA DAG PA'I PHYIR ZHES PA NI RGYU'I TSIG STE, STON PA GZHAN GYIS SDUG BSNGAL DANG MI MDZES PA LA SOGS PA 'KHOR BA LAS SKYO BA'I RGYU SMRAS PA LA, RTAG PA DANG, BDAG DANG, TSANGS PA DANG, DBANG PO LA SOGS PA'I RGYU LAS BYUNG ZHES TE, DAG TU ZIN KYANG DAG PA MA YIN ZHES PA NI RGYU'I TSIG STE, DE DAG GI GTZUG LAG LA YON TAN DU MTHONG BAR MI 'GYUR RO, , SDUG BSNGAL SKYE BA'I GNAS ZHES BYA BA NI DES RTAG PA DANG, BDAG DANG, BDAG GIR CHAGS PA'I MA RIG PA DANG, LAS KYI MTSAN NYID KYI KUN 'BYUNG BA DE SHIN TU MTHONG BA'I PHYIR SNYEMS PA MI BYED DO, ,RNAM PAR MI RTOG PA ZAG PA MED PA NI THEG PA CHEN POR CHOS LA BDAG MED PAR RAB TU SBYAR BAR BYA'O, ,BYANG CHUB SEMS DPA'I TSUL KHRIMS KYI YAN LAG NI SA'I KHYAD PAR DU 'GRO BAR RO, ,GZUGS SU SNANG BA'I SKYE BA LAN CIG PAS NA LAN CIG PHYIR 'ONG BA'O, ,DUS GSUM GYI MNYAM PA NYID DANG LDAN PA NI PHYIR MI 'ONG BA STE, DE'I PHYIR 'DI SKAD DU GSUNGS PA, 'DAS PA DANG, @138A *, ,MA 'ONGS PA DANG, DA LTAR GYI MTSAN NYID YOD PA DANG, MED PAR MI 'JUG PAS TE, GANG GIS DON DAM PA'I BDEN PA MI GNYIS PAR YANG DAG PAR RIG PA'I GNAS SU 'JUG PA'O, ,DES DUS GSUM GYI GNYIS KYI MNYAM PA'I TSIG GI DON MI SNANG NGO, ,JI LTAR ZHES PA DANG, DE'I PHYIR GSUNGS PA DANG, LTA BA'I NYES PA BAG LA NYAL BA PHYIR MI 'ONG BA'I PHYIR TE, RGYU MED PAS NA 'BRAS BU'ANG MED DO, ,DE NYID GSUNGS PA, PHYIR MI 'ONG BA'I TSE NA DE SPANGS PA NA'O, ,DGRA BCOM PA NI ZHES BYA BA LA SOGS PA STE, CHOS LA BDAG MED PA RTOGS PA'I PHYIR SO SOR RE RER BSAM GTAN DANG, BSAM GTAN DU BYA BA LA SOGS PA GNYIS KYI RNAM PA'I RNAM PAR RTOG PA SPANGS PAS NA MI GNYIS PA'I TING NGE 'DZIN LA GNAS PA NI DE SKAD CES BYA'O, ,ZHIB PHYOGS GCIG CES BYA BA NI BDAG LA PHAN PAR ZHUGS PA STE, ZHI BA'I MTSAN NYID KYI MYA NGAN LAS 'DAS PA ZHES BYA BA'I DON TO, ,BYANG CHUB SEMS DPA' RNAMS KYIS BYANG CHUB TU SMON LAM BTAB PAS, GANG DGE BA'I RTZA BA LA GOMS PA DER 'PHAGS PA'I NYAN THOS DER RMONGS ZHES BYA'O, ,JI LTAR SDONG PO BRGYAN LAS 'BYUNG BA, MNYAN DU YOD PA NA SANGS RGYAS DANG BYANG CHUB SEMS DPA' RNAMS KYI RDZU 'PHRUL GYI CHO 'PHRUL GYI DGE BA'I RTZA BA YOD PA MA SMIN PA'I PHYIR NYAN THOS DE DAG GIS MI MTHONG BA NI LTA STE, DMUS LONG BZHIN NO ZHES RGYA CHER RO, ,BYANG CHUB SEMS DPA'I SPYOD PA SPYAD PA CAN ZHES BYA BA NI GANG ZAG LA BDAG MED PA RTOGS PAS 'KHOR BA DANG 'BREL BA'I 'DOD CHAGS PA LA SOGS PA'I NYON MONGS PA SPANGS PAR 'GYUR TE, GANG DAG LA SNYING RJE'I SA BON YOD PA DE DAG DE LAS RAB TU SAD DE BYANG CHUB SEMS DPA'I SPYAD PA SPYOD PAS SANGS RGYAS KHO NA BYA BAR NUS KYI, THAMS CAD KYIS NI MA YIN NO, ,ZHI BA'I PHYOGS GCIG PA'I 'DOD CHAGS DANG BRAL BA NI DGONGS PA NGES PAR 'GREL PA BZHIN NO, ,SANGS RGYAS 'PHRUL PAS SPRUL PA ZHES BYA BA NI JI LTAR GSUNGS PA, NYAN THOS DANG NI RGYAL BA YI, ,GANG DE GZUGS SU SNANG BA NI, ,BYANG CHUB SEMS DPA'I BRTZE BDAG GIS, ,SPRUL PA DE DAG STON PA'O, ,ZHES TE, 'PHRUL PAS SPRUL PA NI NYAN THOS KYI BYE BRAG GO, ,RNAM PAR RTOG PA 'JUG PA'I GNAS @138B GZHAN SNA TSOGS BSTAN PA 'DI NI ZHES BYA BA 'BRAS BU'I MTSAN NYID BSTAN PA DANG 'BREL TO, ,GNAS GZHAN NI 'BRAS BUR ZHUGS PAS RGYUN DU ZHUGS PA LA SOGS PA THA DAD PA'O, ,RNAM PAR RTOG PA 'JUG PAS RNAM PA SNA TSOGS SU BSTAN PA PHYI ROL GYI MI MDZES PA LA SOGS PA'I DNGOS PO DE DAG DON DAM PAR CI'I SLAD DU MA MCHIS ZHES PA DANG, DE'I PHYIR RGYU GSUNGS PA, 'BRAS BU THOB PAR BYA BA'I PHYIR BSAM GTAN DANG, BSAM GTAN DU BYA BA DANG, BSAM GTAN PA RNAM PAR DBEN PA'I PHYIR RO, ,RNAM PA DE LTA BU'I LAM DBEN PA'I PHYIR ZHES BYA STE, GNYIS KYI RNAM PA DANG BRAL BAS SO, ,JI LTAR ZHES PA DANG, GSUNGS PA RANG GI SEMS SNANG BAR GTOGS PAS ZHES TE, RANG GI SEMS SNANG BA LAS LHAG PA'I PHYI ROL GYI DON MED CES BYA BA'I THA TSIG GO, ,PHYI ROL GYI BSAM GTAN DU BYA BA MED NA YANG, BSAM GTAN DANG, BSAM GTAN PA JI LTAR NA YOD DE, YANG DAG PAR RIG PA TZAM LA RIG PAR BYA BA DANG, RIG PA PO MED DO, ,GNYIS SU GYUR CING ZHES PA NI PHYI ROL GYI DON LA BZUNG BA'I SKYON TE, JI SRID DU PHYI ROL GYI DON DU MNGON PAR CHAGS PA DE SRID DU RMONGS PA MI SPONG STE, RGYU DE NYID LAS SRID PA KUN TU SBYOR BAR 'GYUR RO ZHES DGONGS PA BRTAG GO, ,RANG GI SEMS SNANG BA'I MTSAN NYID SHES PAR BYA BA'I RNAM PAR SHES RAB KYIS LDOG PAR BYA STE ZHES PA NI PHYI ROL DANG NANG GI GZUGS SNA TSOGS SU SNANG BA RNAM PAR DBYE BA NA KHANG PA LA SOGS PA BZHIN DU STONG PA NYID DE, RNAM PA MTHA' YAS SO ZHES RNAM PA DE LTA BU'I 'DU SHES SU TSOR BA TZAM DGAG PA'I PHYIR SNYOMS PAR 'JUG PA'O, ,RANG GI SEMS SNANG BA'I RGYU LAS 'DA' BA NI SEMS LA YOD PA'I MTSAN MA'I RNAM PA PA'I CHUD PA MA GTOGS PAR 'GOG PAR MI RUNG NGO, ,DE ZHES PA NI RANG GI SEMS NYID KYI DMIGS PA YOD NA NI DE'I TSE 'GOG PA LA SNYOMS PAR 'JUG PA YANG MI RUNG STE SEMS TZAM PA'I PHYIR RO, ,'GOG PA LA SNYOMS PAR 'JUG PA DE'I MTSAN MA YOD PAS DMIGS PA LA RNAM PA SNA TSOGS TZAM NYID MI RUNG STE, GNYIS KYI RNAM PA'I PHYIR RO, ,YANG DAG PAR RIG PA'I SEMS TZAM LA NI, MTSAN MA YOD PA MA YIN PAS NA BSAM PA MED CING SNANG BA MED PA DON DAM @139A *, ,PA'I BDEN PA MI GNYIS PAR RIG PA LA MI RTAG PA DANG, MI MDZES PA LA SOGS PA'I GZUGS SU DMIGS PA MED PA'I PHYIR RNAM PA GNYIS KYI BSAM GTAN LA SOGS PA THAMS CAD DANG 'BRAS BU'I MTSAN MA 'KHRUL PA'I MTSAN NYID KYIS 'JIG RTEN LAS 'DAS PA GNYIS KYI RNAM PA'I BSAM GTAN THAMS CAD KYANG YOD PA MA YIN NO, ,CHOS THAMS CAD MTHA' BZHI DANG BRAL BA ZHES BYA BA NI RNAM PA BZHI'I RNAM PAR RTOG PA MED PA STE, DE DAG KYANG MI DMIGS SO, ,CI'I PHYIR ZHE NA, CHUD PA MTHA' DAG MI GNYIS PA'I PHYIR RO, ,BLO GROS CHEN PO 'DI ZHES BYA BA NI CHOS RNAM PAR 'BYED PA'I BLO STE, DES GCIG PA DANG THA DAD PA LA SOGS PA'I CHOS RNAMS RTOG PA YONGS SU SPANG BAR BYA'O, ,JI LTAR DE BZHIN GSHEGS PAS CHOS THAMS CAD GZUNG BA MED PA DANG, BRJOD DU MED PAR THUGS SU CHUD PA DE BZHIN DU DNGOS PO DANG DNGOS PO MED PA LA SOGS PA'I CHOS GANG GIS KYANG DE RNAM PAR RTOG PAR MI BYA'O, ,GANG DAG SRA BA DANG, TSA BA DANG, GSHER BA LA SOGS PA'I MTSAN NYID DU RNAM PAR RTOG PA'I MTSAN NYID LA MNGON PAR CHAGS PA'I YANG DAG PA MA YIN PA'I KUN RTOG PA DE DAG GI RTAG PA RNAMS RNAM PAR RTOG PA STE, PHYI ROL GYI 'BYUNG BA RNAMS NI MED DO, ,JI LTAR YI DAM 'CHA' BA DANG, RGYU'I MTSAN NYID DANG, DPE LA MNGON PAR CHAGS PA'I PHYIR TE, JI LTAR PHYI ROL GYI DON DU SMRA BA RNAMS KYI BLOS RTOG PA DON GYI BYA BA NUS PA'I PHYIR BYUNG BA RNAMS YOD DO, ,DE DAG MED NA NI TSIG PA DANG, GCES PA LA SOGS PA'I 'BRAS BU YOD PAR MI 'GYUR RO, ,GANG DON GYIS STONG PA'I RNAM PAR SHES PA DE NI SLU BAS KHYAB PA YIN TE, MYA NGAN GYI SMIG RGYU LA SOGS PA BZHIN NO, ,DE STE THAMS CAD DON GYIS STONG PA YIN NA NI SLU BAS KHYAB PAR MI 'GYUR TE, DE LTAR MA YIN PAS NA PHYI ROL GYI DON GRUB PO ZHES SO, ,THAMS CAD MKHYEN PAS DGONGS PA YANG RMI LAM GYI DUS NA SMIG RGYU DANG MTSO LA SOGS PAR SLU BA DANG SLU BA MED PA'I 'BRAS BU YANG DMIGS PAS NA, DE'I PHYIR SHES PA SO SOR SNANG BA LAS MA GTOGS PA BYUNG BA RNAMS YOD PA MA YIN TE, DES NA RNAM PAR RTOG PA'I MTSAN NYID RNAMS LA GANG 'DZIN PA YIN @139B PAS DES GANG MNGON PAR CHAGS PA DES NI RAB TU 'JOG PA'I BLO ZHES BYA'O, ,SNANG BA MED PA'I BLO LA RNAM PAR 'BYED PA'I SHES RAB KYIS 'JUG PAR BYED PA'I PHYIR GANG DPYOD PA STE, SBOM PA DANG PHRA BA RNAM PAR 'BYED PA RJES SU MI DMIGS PA'I MTSAN NYID STONG PA NYID KHONG DU CHUD PAR BYED CING, MI GNYIS PAR YANG DAG PAR RIG PA LA NAN TAN BYED PA'O, ,SPYOD PA'I SA BON THOS PA DANG SEMS PA STE, DE LA MKHAS PAR GYUR PA DANG, SA DANG PO RAB TU DGA' BA RTOGS PA MTSAN NYID KYI SGOM PA'I SHES RAB THOB PAR 'GYUR RO, ,DE LA SA'I YON TAN RGYA CHER GSUNGS PA, TING NGE 'DZIN BRGYA ZHES BYA BA LA SOGS PA'O, ,THOG MA'I MTHA' DANG THA MA'I MTHA' ZHES BYA BA NI 'DAS PA DANG, MA 'ONGS PA STE, 'DAS PA DANG MA 'ONGS PA LA 'JUG PA ZHES BYA BA'I DON TO, ,SA BCU'I BSOD NAMS DANG YE SHES KYI TSOGS KYIS MTHAR THUG PA THOB PAR GYUR PA DANG, DE BZHIN GSHEGS PA'I RANG BZHIN GYIS THUGS SU CHUD PA'I SA THOB NAS SEMS CAN YONGS SU SMIN PAR BYA BA'I PHYIR 'OD ZER GYIS MDZES SO ZHES PA DANG 'BREL TO, ,GANG 'DI 'BYUNG BA DANG, 'BYUNG BA LAS GYUR PA DE NI MING DANG RNAM PAR RTOG PA TZAM STE, RGYU GSUNGS PA RANG GI SEMS SNANG BA TZAM DU KHONG DU CHUD PA'I PHYIR RO, ,JI LTA ZHE NA, SNGAR PHYI ROL DNGOS PO MED PAR BSTAN PA'I PHYIR TE, MTHA' BZHI'I TSUL RNAM PAR DAG CING BRAL BAR GSUNGS PA BZHIN NO, ,RANG GI MTSAN NYID KYI GNAS ZHES PA NI MI GNYIS PAR YANG DAG PAR RIG PA TZAM MO, ,THA DAD PA'I BYED PA DANG BYED POS SO, ,SKYE BA LA SOGS PA DANG BRAL BA'I MTSAN NYID NI, MA SKYES PA STE, DE LTA BUR YOD PA NI RANG BZHIN GYIS 'OD GSAL ZHING GSER LA SOGS PA BZHIN RANG GI MTSAN NYID GRUB PO, ,GSHER BA SNANG BA'I RNAM PAR RTOG PA NI PHYI NANG DU SNANG BA'I CHU'I KHAMS BSKYED DO, ,TSA BA NI ME'I RNAM PAR RTOG PA'O, ,LOG PA LA BDEN PAR CHAGS PAS NI YANG DAG PA MA YIN PA LA BDEN PAR SGRO BTAGS TE CHAGS PA'I PHYIR RO, ,RANG GI RNAM PA NYID LA RAB RIB CAN LA GZUGS LA SOGS PA SNANG BA BZHIN DU PHYI NANG GI DON DU SGRO BTAGS TE, 'DZIN PA DANG GZUNG BA'I RNAM PAR NYE BAR RTOG PA DE LAS PHUNG PO LNGA 'BYUNG NGO, , @140A *, ,RNAM PAR SHES PA YANG ZHES BYA BA LA SOGS PA NI GANG GIS TSIG DANG YUL SNA TSOGS LA GANG MNGON PAR CHAGS PA SRED PA'I MTSAN NYID KYI DE 'DOD PAS RGYUN GYI MTSAN NYID KYIS RNAM PAR SHES PA 'GRO BA GZHAN DU MTSAMS SBYOR BAR 'BYUNG NGO, ,MI 'BRAL BA NA GANG NA GCIG YOD PA DE NA 'BYUNG BA GZHAN RNAMS KYI STE, DES NA SA LA SOGS PA'I 'BYUNG BA LA GNAS PA'I 'BYUNG BA LAS GYUR PA RNAMS KYI RGYU 'BYUNG BA CHEN PO SO SOR SNANG BA'I MTSAN NYID CAN GSHER BA LA SOGS PA'I RNAM PAR RTOG PA'I RGYU SHES PA RNAMS YOD KYI, MU STEGS CAN GYIS KUN BRTAGS PA'I SA LA SOGS PA'I RDUL RTAG PA'I 'BYUNG BA CHEN PO RNAMS KYI NI MED DO, ,MU STEGS CAN GYIS KUN TU BRTAGS PA DE DAG KYANG JI LTAR NA MA MCHIS ZHES YONGS SU ZHUS PA, DE CI'I SLAD DU ZHES SO, ,DNGOS PO NI TSIG GI DON GYI RANG BZHIN TE, DER MTSAN MA NI MNGON RTAGS TE 'JUG PA'I MTSAN MA RIGS DANG, YON TAN DANG BYED PA LA SOGS PA'O, ,'DIS MTSAN MAR BYED PAS NA 'DIS MTSAN NYID DO, ,DES KYANG RDZAS LA SOGS PA GZUNG BA 'DZIN TO, ,DBYIBS NI SBOM PO DANG PHRA MO DANG, ZLUM PO LA SOGS PA'O, ,BYA BA NI 'DEGS PA LA SOGS PA'I MTSAN NYID DO, ,SBYOR BA NI 'BREL PA'O, ,RDUL PHRA MO RNAMS LAS YAN LAG CAN GYI RDZAS BYA BA DANG 'BREL TE SKYE BAR 'GYUR BA STE, RDUL GNYIS DANG RDUL GSUM LA SOGS PA'I RIM NI THOG MAR BYA BA DANG 'BREL PA'I PHYIR RO, ,RDZAS NI RDZAS GZHAN RTZOM PA DANG YON TAN RNAMS KYANG YON TAN GZHAN RTZOM MO, ,DE LA KHYAD PAR CAN LA SOGS PAS DNGOS PO'I MTSAN MA LA SOGS PA'I MTSAN NYID DU BRTAGS PA NI RVA DANG LDAN PA DANG, NOG DANG LDAN PA DANG, LKOG SHAL DANG LDAN PA DANG, MJUG MA DANG LDAN PA NI BA LANG GI MTSAN MA'O, ,DNGOS PO LA RNAM PA GNYIS TE, RDZAS KYI DNGOS PO DANG, SPYI'I DNGOS PO'O, ,DE LA BA LANG KHO NA DANG, BA LANG GI RDZAS KYI YAN LAG GI MTSAN NYID KYI MTSAN MA DANG 'BREL PA NI RGYU RNAMS TE, DES NA DNGOS PO'O, ,RDZAS KYI DBYIBS DANG YAN LAG RVA LA SOGS PA RNAMS KYI MTSAN MA'I MTSAN NYID GZUNG NGO, ,RDUL GNYIS DANG RDUL GSUM LA SOGS PA'I RGYU SPUN RNAMS KYI RIM PAR BYED PA DANG @140B LDAN PAS SKYE BO ZHES GZHAN GYI GRUB PA'I MTHA' NI THAMS CAD MKHYEN PA'I SNGA MA'I PHYOGS SO, ,RTAG PA NI MA SKYES PAS NA MO GSHAM GYI BU LA SOGS PA BZHIN DU DNGOS PO MED PA NI PHYI MA'I PHYOGS SU GNAS PA'O, ,MTSAN MA DANG MI LDAN PA LAS NI MA YIN NO ZHES BYA BA NI GZUGS MED PA GANG DAG LA TSAD LA SOGS PA'I MTSAN MA GZUNG DU MED PA DE DAG LA RDZAS SU RTZOM PA MED DO ZHES MU STEGS KYI LUGS SO, ,PHAN TSUN DU MI MTHUN ZHES BYA BA NI RNAM PAR RTOG PA'I MTSAN NYID THA DAD PA STE, SRA BA DANG GSHER BA LA SOGS PA'O, ,DNGOS PO DANG DNGOS PO MED PA RNAM PAR SPANGS PA ZHES BYA BA NI GANG NA DNGOS PO DANG DNGOS PO MED PA GNYIS KYI RNAM PAR RTOG PA YOD PA DER GRANGS SU 'BYED PA'I THA SNYAD DO, ,DE NI RTOG PA DANG RNAM PAR RTOG PA'I 'DZINGS PA LAS 'DAS SHING MI GNYIS PAR YANG DAG PAR RIG PA ZHES BYA'O, ,GNAS GZHAN PA MA YIN PA NI CHUD PA ME LONG LAS GZHAN PA MA YIN PA'I PHYIR RNAM PA SNA TSOGS KYI GZUGS LA SOGS PAR SNANG BA PHYI ROL NA MED DO, ,'PHAGS PA'I YE SHES RTOGS PA NI MI GNYIS PAR YANG DAG PAR RIG PA'O, ,SHIN TU RMONGS PA NI PHUNG POR RNAM PAR RTOG PA BGEGS DANG 'KHRUL PA'O, ,RNAM PAR LDOG NAS ZHES BYA BA NI BOR NAS SO, ,RAB TU DBEN PA ZHES BYA BA NI 'DZIN PA DANG GZUNG BAR SNANG BA'I RNAM PAR RTOG PA DANG BRAL BA DON DAM PA'I BDEN PA MI GNYIS PA'I CHUD PA BSTAN PAR BYA'O, ,'ON TE MO GSHAM GYI BU LTAR YANG DAG PA KHO NAR CI YANG MED NA BDEN NO ZHES CHOS GANG LA DBEN PAR BSTAN PAR BYA ZHES PA LA, DBEN PA NI BCOM LDAN 'DAS KYIS CHOS GSAL BAR BSTAN PAR NA THEG PA CHEN PO GZHAN RIGS PA DANG LDAN PAR RTAG TU JI LTAR RUNG, DBEN PA NI CI YANG MA YIN ZHES BYA BA 'DI NI DBEN PA'I DON MA YIN NO, ,MYA NGAN LAS 'DAS PA RNAM PA BZHI STE ZHES BYA BA LA, DNGOS PO NI RANG BZHIN MED PA'I MYA NGAN LAS 'DAS PA NI GANG GI TSE NA RNAL 'BYOR CAN RNAMS KYIS ZHI BA DANG, RO GCIG PA'I RNAL 'BYOR THOB PA DE'I TSE BDAG DANG BDAG GI RNAG BZHIN GYIS DNGOS PO MED PAR GYUR BA'I MYA NGAN LAS 'DAS PA'O, ,YOD PA DANG MED PAR BRJOD DU MED KYANG ZHI BA RTAG PA'O ZHES BYE BRAG GO, ,MTSAN NYID SNA TSOGS KYI DNGOS PO MED PA'I MYA NGAN LAS @141A *, ,'DAS PA NI TSANGS PA'I SPYI'I RNAL 'BYOR LA MTSAN MA RNAMS KYI SNA TSOGS SU GSAL BA'I RANG BZHIN MED PA DE NI MYA NGAN LAS 'DAS PA'O ZHES RTOG PAR BYED DE, DE BAS NA SMRAS PA, TSANGS PA'I 'DI NI SGRAS SPRUL PA, ,SGRA YI MTHUR NI RNAM PAR GNAS, ,SGRA TZAM LAS NI BYUNG BA YANG, ,DE NYID DU NI ZHI BAR 'GYUR, ,ZHES SO, ,RANG GI MTSAN NYID KYI DNGOS PO MED PAR RTOG PA'I MYA NGAN LAS 'DAS PA NI RANG BZHIN SKYES BUS BZUNG BA LA, RANG GI MTSAN NYID KYI DNGOS PO MED PAS 'BA' ZHIG PAR SHES PA'I PHYIR PHYI NAS RANG BZHIN MED PAR RTOGS PAR 'GYUR BA NI 'DI GZHAN LA BDAG KYANG GZHAN NI ZHES TE GRANGS CAN GYI MYA NGAN LAS 'DAS PA'O, ,BZHI PA NI MU STEGS CAN GYI THA MA'I MYA NGAN LAS 'DAS PA STE, GANG ZAG LA BDAG MED PAR PHUNG PO RNAMS KYI RGYUN 'CHAD PA NI MYA NGAN LAS 'DAS PA STE, PHUNG PO MED NA BDE BA MCHOG, ,CES PAR RO, ,DE DAG JI LTAR NA, MU STEGS CAN GYI THA MA YIN, ,DE'I PHYIR GSUNGS PA, NGA YI GSUNG RAB LA NI MA YIN NO, ,ZHES TE, DON DAM PA'I CHOS BSHAD PA NA PHYI ROL GYI TSUL DU BSTAN PA NI DGONGS SO ZHES THAMS CAD MKHYEN PA'I GSUNG LAS NGES SO, ,CHOS LA BDAG MED PA'I THEG PA CHEN PO LA NI RNAM PAR RTOG PA DANG BCAS PA'I YID KYI RNAM PAR SHES PA BZLOG PA'I MTSAN NYID KYIS MYA NGAN LAS 'DAS PA'O, ,DE NYID RGYU DANG DMIGS PA'I PHYIR RNAM PAR SHES PA BDUN RNAMS ZHES PA LA, DE ZHES BYA BA NI KUN GZHI RNAM PAR SHES PA STE, DE NYID GANG DAG GI RGYU DANG DMIGS PA YIN ZHES TSIG SBYAR RO, ,YANG NA RTOG PA'I YID KYI RNAM PAR SHES PA DE'I RGYU NI KUN GZHI RNAM PAR SHES PA STE, DMIGS PA YANG DE NYID DO, ,DE DAG GI RGYU DANG DMIGS PAR MTSUNGS KYANG BDUN GYI NANG NA RNAM PAR RTOG PA'I YID RNAM PAR RTOG PA'I BAG CHAGS KYIS KUN GZHI RNAM PAR SHES PA'I MTHA' SHIN TU RGYAS PAR BYED DO, ,RNAM PAR RTOG PA DE BZLOG PA NA YONGS SU MYA NGAN LAS 'DAS PA STE, DER YANG NYON MONGS PA'I RNAM PAR RTOG PA BZLOG PAR RIG PAR BYA'O, ,GZHAN DU MI RTOG PA MED PAS RANG GI TSIG DANG 'GAL TE CHOS BSTAN PA YANG JI LTAR NA RUNG, JI LTAR @141B 'DI'I 'OG TU GSUNGS PA, RNAM RTOG RNAM SHES BZLOG PA NA, ,NGA NI MYA NGAN 'DAS PA'O, ,ZHES PA STE, DE NA SNANG BA DANG BCAS PA DANG, SNANG BA MED PA'I TING NGE 'DZIN GYI RNAM PAR MKHYEN PA NI NYON MONGS PA'I RNAM PAR RTOG PA MED PAR SKYE BO MANG PO 'DUS PAS BRTAGS PA'I DON GSOL BA'I LAN DU RNAM PA SNA TSOGS KYI SGRA DANG, DON THAMS CAD THA DAD PA'I KHYAD PAR DU CHOS STON TO, ,YID DANG LHAN CIG TU ZHES PA NI THOG MA NYID DU RANG DBANG GIS RNAM PAR RTOG PA'I RNAM PAS YUL THAMS CAD DU YONGS SU GCOD PA'I RNAM PAR RTOG PA YID KYI RNAM PAR SHES PA 'BYUNG BA MA YIN TE, DE YANG 'BYUNG BA NA KUN GZHI RNAM PAR SHES PA LA BAG CHAGS RNAMS RAB TU GSO BAR BYED DO, ,KHA CIG TU LA LAR BDAG DANG BDAG GI LA MNGON PAR CHAGS PAS RNAM PAR RTOG PA KHYAD PAR DU 'BYUNG BA NA DER NYON MONGS PA'I YID DANG LHAN CIG TU'O, , JI LTAR NA BDAG DANG BDAG GIR 'DZIN PAR MNGON PAR CHAGS SHE NA, NGAR SEMS PA LTA BUR RJES SU PHYIN NAS 'JUG STE, JI LTAR NGA DANG 'DI NGA'I ZHES PAR RO, ,SO SOR NGES PA'I YUL NYID DU RNAM PAR RTOG PA'I YID KYIS RNAM PAR SHES PA NYON MONGS PA'I YID DANG LHAN CIG TU CIG CAR 'JUG GI THAMS CAD DU 'JUG PAS MA YIN NO ZHES DE DAG GI KHYAD PAR RIG PAR BYA'O, ,SEMS 'DUS PA JI LTAR 'BYUNG ZHES PA LA, LUS THA DAD PA MA YIN PA'I MTSAN NYID CES BYA BA STE, BYED PA'I KHYAD PAR SNGA MA DANG YANG SBYAR BAR BYA'O, ,JI LTAR NA YANG THA DAD PA MA YIN PA ZHE NA; KUN GZHI RNAM PAR SHES PA MA GTOGS PAR 'DUS PA MED PA'I PHYIR RO, ,JI LTAR RMI LAM GYI DUS NA LUS DANG, LONGS SPYOD DANG, GNAS KYI RGYUR GYUR PA KUN GZHI RNAM PAR SHES PA MIG LA SOGS PA'I SHES PA RNAMS DANG, DE GNYIS GZUGS LA SOGS PA'I SKYE MCHED DMIGS PA'I RNAM PAR SO SOR SNANG BA DE BZHIN DU GNYID KYIS MA LOG PA'I DUS NA YANG PHYI ROL GYI DON MED PAR GNYIS RNAM PAR SO SOR SNANG NGO, ,GCIG GI RGYUR GCIG GYUR PA ZHES BYA BA NI BAG CHAGS SOGS PA DANG, YONGS SU SMIN PA'I RGYU'I PHYIR RO, ,DNGOS @142A *, ,POR MYA NGAN MI 'DA' ZHES BYA BA NI MI GNYIS PA'I DON DAM PA'I RANG BZHIN GYIS MYA NGAN LAS 'DA' BA'O, ,RDO RJE'I SKU'I SKU GDUNG YE SHES KYI RDO RJE'I BYA BAS SEMS CAN GYI DON DU ZHIB MOR PHYE BA'O, ,SENG GE NYAL BA LA SOGS PA'I MTSAN NYID KYIS KYANG MA YIN TE; JI LTAR ZHE NA, RNAM RTOG RNAM PAR SHES PA LAS, ,BZLOG PAS MYA NGAN NGA 'DAS SO, ,DNGOS PO DANG DNGOS PO MED PAR RNAM PAR SPANGS PA'I PHYIR RO, ,BRJOD PA NI SGRA NYID DO, ,SNYAN PA LA SOGS PA'I DBYANGS SNA TSOGS PA RNAM PAR RTOG PA NI BRJOD PA LA RNAM PAR RTOG PA'O, ,GANG CI YANG RUNG BA SMRA BAR BYA BA ZHES PA NI SPYI'I RNAM PAR RANG GI MTSAN NYID MI GNYIS PAR YANG RNAM PAR RTOG PAR BYED DE, DE LTA BU'I GANG RNAM PAR RTOG PA'O, ,GANG CHUNG ZAD MYA NGAN GYI SMIG RGYU LA SOGS PA CHUR 'KHRUL BA'I RANG BZHIN RI DVAGS SKOM PA LTA BU'I SMRA BAR BYA BA DE PHUNG PO DANG KHAMS DANG SKYE MCHED LA SOGS PA GNYIS KYI RNAM PAR SNANG BA RNAM PA DE LTA BU LA RANG BZHIN KHONG DU CHUD PAR BYA'O, ,JI LTAR NA ZHES PA DE LA DE LTAR GSAL BAR BRJOD PA'I MTSAN NYID SNA TSOGS LA SOGS PA'O, ,'DI NI 'DI LTA STE, 'DI NI 'DI BZHIN PA NYID KYI GZHAN DU MA YIN NO ZHES BYA BA'I DON NI LHAG MAS BSHAD DO, ,GANG ZHES BYA BA NI SGRUB PA'O, ,GANG GIS ZHES BYA BA NI RGYU DANG, RKYEN GYIS TE RANG BZHIN GSUM GYI MTSAN MAS YOD PA DANG MED PA NGES PAS SO, ,GANG NA 'THAD PA ZHES BYA BAR KLOG PA LA DER RGYU'I MTSAN NYID KHYAB PAR SMRA BA NI GANG RNAM PA DE LTA BU YIN PA'AM, 'THAD DO ZHES RANG BZHIN GSUM GYI MTSAN MA LA DE LTAR GSUNG BAR DGONGS PAR RTOG GO, ,RIG PA LA RNAM PAR RTOG PA NI JI LTAR GANG DAG GIS MTHONG BA DE NYID LA REG PAS NA MTHONG BA DANG REG PA DON GCIG TU 'DZIN PA'I PHYIR BDAG YOD DO ZHES TE, RTZOD PA'I RNAM PAR GZUD PA'I DUS NA BDAG MED DO ZHES BSTAN PAR BYA STE, BDE BA DANG SDUG BSNGAL DU MYONG BA THA DAD PAR DBYE BA NA CHUD PA MA GTOGS PAR DMIGS SU MED PA'I PHYIR RO, ,YOD PA DANG MED PA'I SKYE BA NI GRANGS CAN DANG KHYAD PAR CAN LA SOGS PA'O, ,MI SKYE BA @142B LA RNAM PAR RTOG PA NI SA DANG CHU DANG ME DANG RLUNG DAG GIS YANG DAG PA MA YIN TE, MA BYUNG BA SEMS CAN RKYEN DE DAG RNAMS LAS 'BYUNG BAR 'GYUR RO, ,RGYU MED PA'I LUS ZHES PA NI JI LTAR DA LTAR GYI DUS NA CHUD PA'I RGYU LAS CHUD PA GZHAN SKYE BA DE LTAR SNGON GYI RGYU MED PA'I LUS TE, CHUD PA'I RGYU LAS RIG PA SKYE BA MED DO ZHES SO, ,GNYIS PO GANG DANG GANG SBYOR BA DE NI 'BREL BA STE, GSER GYI SKUD PAR GANG BRGYUS PAR SNANG BZHIN TE, SGYU MA'I RANG BZHIN GYIS PHYI ROL GYI DON LA YANG RIN PO CHE LA SOGS PAR 'BREL BAR RTOG PA DE BZHIN DU, CHUD PA'I RGYUN GYI RGYUD LA GZUNG BA DANG 'DZIN PA DAG GO, ,BCINGS PA NYID KYANG MA BCINGS PA YIN TE THABS SHIG GIS 'GROL BAS NA, BCINGS PA YANG MA BCINGS PA'O, ,DPER NA GSUNGS PA, JI LTAR SKYES BU ZHES TE THAG PA MDUD PA POR BAS BUM PA LA SOGS PA'I DON KHA CIG 'CHING BAS BCINGS PA MDUD PA 'GROL BAS BKROL BA DE BZHIN DU MNYAM PAR MI 'JOG PA'I MA RIG PAS BDAG DANG BDAG GIR CHAGS PA DANG, LAS KYI ZHAGS PAS BCINGS PA LAS BDAG MED PA GNYIS RTOGS NA GROL BAR 'GYUR RO, ,YOD PA DANG MED PA ZHES PA NI 'DI NI YOD DO, ,'DI NI MED DO ZHES PAR MTSAN NYID RTOG PAR BYED DE, RTAG PA PHYI ROL GYI RDUL PHRA MO'I RDZAS KYIS BRTZAMS PA SA LA SOGS PA NI GNYID KYIS MA LOG PA'I DUS NA YOD LA, RMI LAM GYI DUS NA MED DO ZHES SO, ,GZHAN GYI DBANG GI RNAM PA DE LTAR GSAL BA LA BRTAGS PA'I MTSAN NYID RNAM PA DE LTA BUR MNGON PAR CHAGS PAR BYED PA'I SGYU MA'I GNAS SNA TSOGS MTHONG BA BZHIN NO ZHES TE, SGYU MA'I GNAS NI RNAM PAR RTOG PA'I RNAM PA DU MAR GANG SNA TSOGS SU PHYI ROL GYI MDZES PA DANG, MI MDZES PA LA SOGS PA'I RNAM PA 'KHRUL BA RNAMS KYIS MTHONG BA STE, DE LTA BU SGYU MA'I BDAG NYID KYI GZHAN GYI DBANG GZUGS KYI RNAM PA GSAL BA'I GNAS NI BRTAGS PA'I MTSAN NYID YIN NO, ,SGYU MA GZHAN DU MTHONG BA'I BLOS ZHES BA NI MTHONG BA DANG REG PA'I BLOS GZUGS DANG REG PA LA SOGS PA'I @143A *, ,YON TAN RNAM PA SNA TSOGS KYI GNAS GZHAN DU PHYI ROL GYI YAN LAG CAN GYI RDZAS NYID DU 'DZIN PA NI SGYU MA'I GZUGS NYID DU GANG SNANG BA DE LA BYIS PA RNAMS KYIS DE LTAR KUN RTOG GO, ,SNA TSOGS DANG SGYU MA NI GCIG PA DANG THA DAD PA MA YIN PA ZHES PA NI GZUGS DANG REG PA LA SOGS PAR SNANG BA NI 'DUS PA'I YUL GYI PHYIR RO, ,YON TAN DANG YON TAN CAN GYI RKYEN BYIS PAS BRTAGS PA'I RNAM PA DE LTA BU LA 'DI NI GZUGS DANG LDAN NO, ,'DI NI REG PA DANG LDAN ZHING RDZAS GZHAN YIN NO ZHES GZUGS LA SOGS PA 'DUS PA'I GZUGS NYID LA, 'DI NI GZUGS DANG LDAN PA'O 'DI NI REG PA DANG LDAN PA'O ZHES SMOS PAR BYED DO, ,'DUS PA'I GZUGS LA GZUGS SAM GZUGS LA SOGS PA YOD DO ZHES THA DAD PAR BRTAGS PA NI GZUGS LA SOGS PA MA GTOGS PAR RDZAS YOD PA MA YIN NO, ,JI LTAR TSAL GCIG LA SKYED SHING 'DI RNAMS KYIS TSAL 'DI SKYED SHING DU LDAN PA YIN ZHES SKYED SHING NI MANG LA TSAL NI GCIG PU 'DI NYID DU BRTAGS PA'O, ,JI LTAR GZUGS LA SOGS PA 'DUS PA LA SNAM BU LA SOGS PA NI GCIG PU NYID DANG, GZUGS LA SOGS PA MANG PO KHO NAR TE, DE YANG DE DAG MA GTOGS PAR GCIG PU NYID MI SRID LA, THAMS CAD LA YANG GCIG PU NYID DU MA YIN TE, DE LTAR NA THA DAD PA DANG THA DAD PA MA YIN PAR THA SNYAD DU BYA'O, ,DES NA SGYU MA DANG SNA TSOGS GCIG PA DANG, THA DAD PAR GANG RTOGS PA DE NI MI RUNG NGO, ,GANG GIS THA DAD PAR NGES PA DES GCIG PAR MI RUNG NGO, ,'DUS PA'I GZUGS LA SGYU MA'I GZUGS GCIG TU NGES PAS NA THA DAD PAR DMIGS SU MED PA'I PHYIR THA DAD PAR YANG MI RUNG NGO, ,DON DAM PAR NA GNYIS KA YANG MED CES DGONGS PA'O, ,'JIG RTEN CHAGS PA LTAR YOD PA DANG MED PA LTAR MI CHAGS PAR BYA'O ZHES DE'I PHYIR GSUNGS PA'O, ,DE NI SNANG BA TZAM MO ZHES DGONGS PA'O, ,SEMS NI YUL DANG KUN DU 'BREL, ,ZHES BYA BA NI KUN GZHI RNAM PAR SHES PA STE, LUS DANG LONGS SPYOD DANG GNAS SU SNANG @143B BA'I GZHAN GYI DBANG NGO, ,RTOG PA LA NI RNAM PAR 'JUG, ,ZHES PA NI BRTAGS PA'I YUL RTAG PA DANG, PHYI ROL DANG RDZAS DANG, YON TAN DANG, LAS LA SOGS PAR RTOG PA'I YID KYI RNAM PAR SHES PAS RJES SU RTOG PA'O, ,SNANG BA MED PA'I YONGS SU GRUB PA'O, , MI GNYIS PA'I RANG GI MTSAN NYID LA SHES RAB RNAM PA GSUM CHAR YANG 'JUG GO, ,'ANG GI SGRA'I DON NI SNGA MA'I PHYOGS LA LTOS TE BYE BRAG TU SNANG BAR BYAS PA'I PHYIR RO, ,KUN BRTAGS PA'I RANG BZHIN YOD GZHAN GYI DBANG NI MED PA STE ZHES PA NI KUN BRTAGS PA'I RANG BZHIN YID CHES PAR BYED PA YOD LA GZHAN GYI DBANG NI RNAM PAR MI RTOG PA'I CHUD PA MED DO ZHES RNAM PAR RTOG PA DANG BCAS PA MNGON SUM PAR SMRA BA PA RNAMS PHYIR RGOL BAR DE LTAR THUGS DAGS NAS THAMS CAD MKHYEN PA DE'I LAN DU GSUNGS PA, NOR BA DAG GIS BRTAGS PA SNANG, ,ZHES PA STE, NOR BA'I RNAM PAR SGRA'I DON SPYIR 'DZIN PAR BYED DE, DES NA BRTAGS PA'I RANG BZHIN NOR BAS 'DZIN TO, ,GZHAN GYI DBANG GSAL BAS NA RNAM PAR MI RTOG GO ZHES KHYOD KYIS BSHAD MOD KYI, 'ON KYANG KUN BRTAGS PA BZHIN DU RTOG PA STE ZHES DE DE SNYAM DU GYUR BAR THUGS DOGS NAS GZHAN GYI DBANG MI RTOG GO ZHES PA STE, RAB RIB LA SOGS PAS SKRA LA SOGS PA GSAL BA'I GZUGS BDAG NYID 'DOD PA BZHIN DU 'BYUNG BAR 'GYUR BA DANG, 'BYUNG BAR MA GYUR CIG CES 'DOD KYANG DE'I DBANG DU GYUR BA LTA BU'O, ,RTOG PA NI DE LTA BUR MA YIN TE BDAG GI 'DOD PA 'BYUNG BA DANG LDOG PA STE, BDAG NYID LA BDAG NYID KYIS RNAM PAR MI RTOG CES SO, ,GANG NA BRTAGS PAR KLOG PA DER DE YOD PA NYID NI RTA LA RTOG PA YANG BA LANG MTHONG BA'I PHYIR RO ZHES PA'O, ,DON DAM PA'I BDEN PA TSIGS SU BCAD PA SPYIR GSUNGS PA, TSIGS SU BCAD PA RNAMS SU KHYAD PAR DU PHYE BA LA SOGS PAR 'BREL BAR YANG SNANG BAS NA DES NA DE'I PHYIR BSHAD PA TZAM MO, ,SGYU MA YAN LAG DANG YAN LAG CAN RNAM PA SNA TSOGS KYI DNGOS POR BRTAGS @144A *, ,PA PHYI ROL GYI DNGOS PO LTA BUR MI 'GRUB STE, DE SNANG BA TZAM GYI PHYIR RO, ,DE BZHIN DU MTSAN MA YANG GANG DON SNA TSOGS SU BYA BA BYED PAR GZUGS LA SOGS PA PHYI ROL GYI BAR KUN RTOG PA DE LTA BU DE YANG PHYOGS KYI CHA THA DAD PAR DBYE BA NA MI 'GRUB PA NI GZUGS SEMS SNANG BA TZAM GYI PHYIR TE DE BZHIN GYI SGRA RUNG NGO, ,MTSAN MA GNAS NGAN LAN GYI ZHES BYA BA LA SOGS PA LA MTSAN MA NI GZUGS LA SOGS PA'I MTSAN MA STE, NANG GLONGS PA'I MTHUS MGO 'KHOR BA DANG, RAB RIB DANG, BRGYAL BA LA SOGS PA BZHIN DU SNANG NGO, ,DE LA GNAS NGAN LEN GYI MTSAN MA YANG RTAG PA DANG, BDAG DANG BDE BA DANG GTZANG BAR PHYI'I DNGOS POR PHYIN CI LOG GI 'KHOR BA'I 'CHING BAR KUN GZHI RNAM PAR SHES PA'I RGYUN 'BYUNG NGO, ,KUN DU BRTAGS PA NI BDAG DANG, PHYI ROL DANG RDZAS LA SOGS PA'I RANG BZHIN DU KUN DU SGRO BTAGS MI SHES PA BLUN PA RNAMS KYIS GZHAN GYI DBANG GSAL BA'I GZUGS SU SNANG BA LA RTAG PA DANG, PHYI ROL DANG, RDZAS LA SOGS PAR RTOG GO, ,GANG 'DI ZHES BYA BA LA SOGS PA NI GONG MA'I TSIGS SU BCAD PA'I DON DE NYID GSAL BAR MDZAD PA SBOM PO YAN LAG CAN GYI GZUGS MA SKYES PA NYID YON TAN DANG, LAS DANG SPYI LA SOGS PAR 'BREL BA'I RGYU SNA TSOGS SU GZHAN GYI DBANG NYID SKYES SO ZHES KUN RTOG GO, ,DE NI LE'U SNGA MA PHYED PHYI MA PHYED KYIS BSHAD PA NI, SNA TSOGS SNANG BA NI ZHES TE RIGS DANG, YON TAN DANG, LAS LA SOGS PA'I GNAS RNAMS KYIS KUN BRTAGS PA NYID GZHAN GYI DBANG YIN NO ZHES BYIS PA RNAMS KYIS RNAM PAR RTOG GO, ,PHYIN CI LOG MA YIN PA MTSAN NYID GSUM PO 'DIS THEG PA CHEN PO'I MDO SDE ZAB MO RNAMS KHYAB PA STE, JI LTAR 'DIR GSUNG BAR MDZAD PA, RTAG PA YI NI RANG BZHIN GYIS, ,THAMS CAD CHOS NI MA SKYES TE, ,GZHAN DBANG LA NI BRTEN NAS SU, ,MI RNAMS KYI NI RNAM RTOG SKYE, ,GANG TSE GZHAN DBANG RNAM RTOG GI, ,RNAM PAR SPANGS PA DAG @144B PA NI, ,GRUB PA DE BZHIN NYID PAR BSTAN, ,MDO SDE MDO SDER NGAS BSHAD DO, ,ZHES PA'O, ,JI LTAR NA YANG RTAG PA MA SKYES ZHES PA DANG, DE BSGRUB PAR MDZAD PA, KUN RDZOB DANG NI DON DAM STE, ,ZHES PA STE, GANG NA KUN RDZOB GZHAN GYI DBANG GZUGS LA SOGS PA GSAL BAR GCOD PA DES DE KHO NA NYID MI GNYIS PAR YANG DAG PAR RIG PA LA SGRIB PAR BYED DE, RAB RIB CAN LA SOGS PA'I GZUGS KYIS YANG DAG PAR RIG PA LA SGRIB PA BZHIN NO, ,RGYU LAS SKYES PA GSUM PA MED CES PA NI MO GSHAM GYI BU LTA BU'I RTAG PA DANG, BDAG DANG, RDUL PHRA MO DANG, YAN LAG GI RDZAS LA SOGS PAR RNAM PAR BRTAGS PA 'BA' ZHIG STE, DE SKYES PAS NA DE NI BRTAGS PA'O, ,GANG YANG RANG 'KHRUGS PA'I RGYU LAS SKYES PA DE NI GZHAN GYI DBANG STE, RAB RIB CAN GYI GZUGS LA SOGS PA SNANG BA BZHIN TE RAB RIB CAN GYIS GZUGS DE MTHONG BAS SO, ,RMI LAM DANG MIG 'PHRUL LA SOGS PA RNAM PA SNA TSOGS KYI DON BYED PA BZHIN DU SIM PA DANG, GDUNG BA LA SOGS PA'I MTSAN NYID KYI BYA BA YANG DE NA YOD DO, ,RGYU LAS MA SKYES PA'I KUN RDZOB NI BRTAGS PA NYID DE, MI SHES PA'I MU STEGS CAN RNAMS KYI YAN LAG CAN GYI RDZAS YAN LAG RNAMS LAS SKYES SO ZHES SMRAS PA'I DON DE NYID GSUNGS PA, BRTAGS PA DAG NI KUN RDZOB BSHAD, ,CES PA'O, ,DE BCAD CES PA NI MA SKYES PA'I BRTAGS PA DE BCAD PA'I PHYIR TE, NYON MONGS PA BSAL BAR GNYIS KYI RNAM PAR SKYES PA'I KUN RDZOB GZHAN GYI DBANG GI RANG BZHIN SPANGS NAS 'PHAGS PA'I SPYOD YUL TE, DON DAM PA'I BDEN PA'I GRUB PA MI GNYIS PAR YANG DAG PAR RIG PA'O, ,RNAL 'BYOR PA RNAMS KYI SNANG BA MED CING DON DAM PA'I BDEN PA GNYIS SU MED PAR YANG DAG PAR RIG PA'I DNGOS PO NI RNAM PAR MI RTOG PA STE, DE'I TING NGE 'DZIN LAS BZHENGS TE SNANG BA DANG BCAS PA'I TING NGE 'DZIN LA BZHUGS PA RNAMS LA SNA TSOGS NI DNGOS PO GCIG TU SNANG NGO, ,DON @145A *, ,DAM PA DE LAS KYANG SNA TSOGS GUD NA MED PA DE BZHIN DU GZHAN GYI DBANG GI RDZAS LAS KUN BRTAGS PA'I DNGOS PO'I MTSAN NYID GUD NA MED DO, ,RGYU SPUN LA SOGS PA MA GTOGS PAR SNAM BU LA SOGS PA'I RDZAS KYI THA SNYAD MED PA'I PHYIR RO, ,JI LTAR NA YANG GANG GCIG YIN PA SNA TSOGS MA YIN PA ZHES PA DANG GSUNGS PA, JI LTAR RAB RIB CAN DAG GIS, ,ZHES TE, PHYI ROL GYI SBOM PO DANG PHRA MO MTHO BA DANG DMA' BA LA SOGS PA'I RIM PAR GZUGS SU SNANG BA'I SHES PAS SNA TSOGS SU RTOG GI, GZUGS SNA TSOGS KYI DMIGS PA DE NI YOD PA MA YIN TE, DE MED PA'I PHYIR SNA TSOGS SU SHES PA YANG YANG DAG PAR NA YUL MED PA NYID DO, ,'ON KYANG NANG GLONGS PA'I MTHU LAS 'KHRUL BA'I SHES PA SNA TSOGS KYI RNAM PAR SNANG NGO, ,GANG GI TSE NA PHYI ROL GYI DON MED PA'I PHYIR RAB RIB KYI GZUGS NI GZUGS MA YIN PA'I SHES RAB KYIS MTHONG BA DANG, SNANG BA TZAM GYI PHYIR GZUGS MED PA YANG MA YIN PA DE BZHIN DU MKHAS PAS YONGS SU GRUB PA'I RANG BZHIN LAS RAB RIB CAN GYI GZUGS LTA BU'I GZHAN GYI DBANG MED PAR RAB TU YID CHES SO, ,JI LTAR NA YANG GNYIS KYI RNAM PA'I GZHAN GYI DBANG MA GTOGS PAR DAG PA GNYIS SU MED PA'I YANG DAG PAR RIG PA YOD PAR BRTAGS ZHES DE LTA BUR THUGS DOGS NAS SNANG BA DANG BCAS PA DANG SNANG BA MED PA'I THAMS CAD MKHYEN PAS BKA' STZAL BA, JI LTAR GSER ZHES TE, DRI MA DANG BRAL BA'I PHYIR DAG PA'O, ,RNYOG MA SPANGS TE CHU DAG PA DE BZHIN DU BRTAGS PA DANG GZHAN GYI DBANG GI RANG BZHIN MA GTOGS PAR DAG PAR RAB TU BRTAGS PA STE, RNAM PAR GZHAG CES BYA BA'I DON TO, ,BRTAGS PA LA NI DNGOS PO MED, ,CES BYA BA NI RNAM PAR GZHAG PA'I TSUL GYIS SO, ,GZHAN GYI DBANG NI YOD PA STE, ,ZHES PA NI GZHAN GYI DBANG GNYIS KYI RNAM PA 'BA' ZHIG YOD KYI, MI GNYIS PA'I CHUD PA MED DO ZHES DE LTAR RNAM PAR RTOG PA NA LEGS PA'I LAM LAS 'JIG PAR 'GYUR BA NI RNYAG PAR 'GYUR BA STE, DE STE NOR BA LAM DU 'JUG PAR 'GYUR RO, ,GZHAN GYI DBANG @145B YOD PAR SGRO 'DOGS PA DANG, BRTAGS PA DANG GRUB PA MED PAR SKUR BA LA, GAL TE BRTAGS PA DNGOS MED LA, ,BDEN PAR GZHAN GYI DBANG YOD NA, ,ZHES PA STE, DE STE BRTAGS PA SNAM BU LA SOGS PA'I RDZAS DNGOS PO'I BDAG NYID DU YOD PA MA YIN PAR GYUR LA, GZHAN GYI RGYU SPUN LA SOGS PA'I RGYU DON DAM PAR DNGOS PO'I RANG BZHIN DU BDEN NA NI DE'I TSE DNGOS PO MED PAR DNGOS PO STE ZHES PAR RTOG PAR BYED DO, ,RGYU SPUN LA SOGS PA'I RGYU RNAMS KYANG YAN LAG TU RNAM PAR PHYE BAS STONG PA'I PHYIR DE BAS NA DNGOS PO'I SNAM BU LA SOGS PA MED PA LAS 'BYUNG BAR 'GYUR BA NI DNGOS PO MED PA LAS YAN LAG CAN GYI RDZAS 'BYUNG NGO, ,KUN BRTAGS PA NI RGYU SPUN LA SOGS PA'I RDZAS LA GNAS TE, GONG MA'I RIM PA ZHENG DANG CHUR GYUR TE, RGYU SPUN GYI CHA'I RDUL 'DUS PA LAS GSAL BAR SNANG BA'I GZHAN GYI DBANG SNAM BU LA SOGS PA SBOM POR NYE BAR DMIGS SO, ,MING DANG MTSAN MA 'BREL BA LAS, ,ZHES PA NI GCIG PU DANG, SBOM PO DANG, CHEN PO DANG, GRANGS DANG, TSAD LA SOGS PA LA MTSAN MA ZHES BYA'O, ,MING NI RGYU SPUN DANG SNAM BU LA SOGS PAR BRJOD PA STE, DE BAS NA MING DANG MTSAN MAS 'BREL BA LAS SKYE BAR 'GYUR RO, ,RDUL 'DUS PA GZHAN GYI SNANG BA'I GZUGS LA MTSAN MAR GCIG PAR SGRO BTAGS PAS NA KUN BRTAGS PA NYID DO, ,BRTAGS PA SHIN TU MA GRUB STE, GZHAN LAS 'BYUNG BA NI MA YIN NO ZHES PA GZHAN GYI DBANG YAN LAG GI RDZAS BUM PA LA SOGS PA STE, GZHAN LAS 'BYUNG PA'O, ,BRTAGS PA NI RTAG PA'I RDUL GNYIS LA SOGS PA'I RGYU SPUN GYI RGYU GZHAN LAS 'BYUNG BA MA YIN NO, ,SHIN TU MA GRUB PA STE ZHES PA RGYU SPUN LA SOGS PA, GZUGS NI RDUL PHRAN GZHIGS PA NA, ,RDUL PHRAN CHA NI MED PA STE, ,ZHES PAS STONG BA'I PHYIR DE'I TSE SHES PAR BYA BA MED PAS SHES PA 'DZIN PAR YANG MI 'BYUNG NGO, ,GANG GI TSE CI YANG MI DMIGS PA DE'I TSE GZUNG BA DANG, 'DZIN PAS STONG PA STE, MI GNYIS PAR YANG DAG PAR RIG PA'I RANG BZHIN DON DAM PA'I @146A *, ,DAG PA GNAS PAR 'GYUR RO, ,KUN BRTAGS PA NI RNAM PA BCU STE ZHES PA KLOG PA NI BRJOD PA LA SOGS PA'I RNAM PAR RTOG PA'I GRANGS KYIS BRTAG PA BCU GNYIS SU KLAG PAR BRTAG GO, ,GZHAN GYI DBANG NI RNAM PA DRUG, ,CES PA NI RNAM PA'I DON DU KUN GZHI RNAM RNAM PAR SHES PA LUS DANG LONGS SPYOD DANG GNAS SU SNANG BA KHAMS BRGYAD DU BRTAG PAR BRTAG GO, ,GZHAN GYI DBANG RGYU DANG RKYEN LAS 'BYUNG BA DE NYID DE BZHIN PA NYID DU YANG DAG PAR RIG PA TZAM GYI PHYIR RNAM PA GZHAN DU KHYAD PAR DU 'BYED PA MED DO, ,CHOS LNGA GSUNGS PA NI MING DANG, MTSAN MA DANG, RNAM PAR RTOG PA DANG YANG DAG PA'I YE SHES DANG, DE BZHIN NYID DE, DE DAG NYID YANG DAG PA NYID DE CHOS RNAMS KYI RANG BZHIN ZHES BYA BA'I DON TO, ,RANG BZHIN NI BRTAGS PA DANG, GZHAN GYI DBANG DANG YONGS SU GRUB PA'O, ,DE BSGOMS NA ZHES PA NI BRANG BA DANG DOR BA'I KHYAD PAR GYIS SO, ,MI 'DA'O ZHES PA NI DE BZHIN PA NYID LA 'JUG PA'O, ,MTSAN MA NI SNGON PO LA SOGS PAR SNANG BA'I SHES PA STE GZHAN GYI DBANG NGO, ,GANG MING ZHES BYA BA NI RNAM PAR RTOG PA LA 'BREL BA'I SNGON PO DANG, DKAR PO MA YIN PA STE, DER NI DER BRTAGS PA ZHES BYA'O, ,MTSAN MA NI RIGS DANG YON TAN DANG BYED PA LA SOGS PAR GANG DE LTAR GYUR BAR KUN BRTAGS PA DE NI GZHAN GYI DBANG GI GNAS LAS 'BYUNG NGO, ,SHES RAB KYIS RNAM PAR GZHIGS PA NA GZHAN GYI DBANG GNYIS KYI RNAM PAR GSAL BA DANG, BRTAGS PA YANG RJOD PA DANG, BRJOD PA SPYIR RNAM PAR RTOG PA GNYIS KYI RNAM PA'O, ,GNYIS KYIS STONG ZHING GNYIS SU MED PAR YANG DAG PAR RIG PA LAS GRUB PA'I RANG BZHIN MED NA DE JI LTAR GZUNG BA DANG 'DZIN PA'I MTSAN NYID KYIS GNYIS KYI RNAM PA'I BLOS RNAM PAR BRTAGS PA YOD PA DANG MED PA'I RNAM PAR RTOG PAS SPANGS PA'O, ,GRUB PA'I DNGOS PO YOD DE PHYOGS GOS KYI RANG BZHIN LA DNGOS PO DANG DNGOS PO MA YIN PAR GNYIS SU BRTAGS PA LTA BU DANG, SPYOD PA CAN RNAMS KYI THA DAD PA DANG THA DAD PA MA YIN PAR BRTAGS PA LTA BU @146B YANG MA YIN TE, BSAM PA MED CING SNANG BA MED PA YONGS SU GRUB PA'I CHUD PA STE, DER RNAL 'BYOR BA RNAMS KYIS BRTAGS PA LTA BUR SPYIR RJOD PA DANG, BRJOD PA'I RNAM PAR RTOG PA MED DO, ,GZHAN GYI DBANG LTAR 'DZIN PA DANG, GZUNG BA'I RNAM PA GSAL BAR SNANG BA YANG MED DO, , DES NA MI GNYIS PA'I TING NGE 'DZIN GYI DUS NA DNGOS PO DANG DNGOS PO MED PAR RNAM PAR RTOG PA SPANGS PA'I MYONG BAR GRUB PA'I DNGOS PO YOD DO ZHES THAMS CAD MKHYEN PAS DGONGS PAR RTOG GO, ,GZHAN GYI DBANG GNYIS KYI RNAM PAR GSAL BAS NA SGRO BTAGS PA RNAM PA'I RIM PAS RNAM PAR RTOG NUS SO, ,JI LTAR NA RNAL 'BYOR BA RNAMS LA RIGS MTHUN PA DANG, MI MTHUN PA'I RNAM PA LAS BZLOG PA SNGON PO LA SOGS PA GSAL BAR SNANG BZHIN DU GZHAN GYI DBANG SNANG BAR 'GYUR, SNA TSOGS KYI PHYIR DER RIGS MTHUN PA'I RNAM PAR SGRO 'DOGS PA RNAM PAR RTOG PA 'BYUNG NGO, ,DES NA DE 'DRA BA'I REG PA YOD DO ZHES THA SNYAD 'BYUNG NGO, ,RNAL 'BYOR BA LNGA PA'I TSE NA GANG YANG SNANG BA MED CING BSAM PA MED PA'I CHUD PA RIGS MTHUN PA'I RNAM PAR REG PA 'DZIN PA DANG, GZUNG BAR RJES SU CHUD PA'I BLOS JI LTAR NA RNAM PAR BRTAGS PA GAL TE DE KHO NA NYID MKHYEN PAS CHOS BSHAD PA'I DUS SU BSTAN DU ZIN TE, 'ON KYANG GNYIS KYI RNAM PAS STONG PA LA SOGS PA'I GCIG PAR SGRO BTAGS TE 'JUG PA'I MTSAN MA STON TO, ,GAL TE YANG BRTAGS PA DANG, GZHAN GYI DBANG BZHIN DU SHES NAS GRUB PA'I CHUD PA MED DO ZHES, , SLOB DPON BHA BYA LA SOGS PAS RNAM PAR RTOG NA NI SGRA BZHIN PAR GYUR BAS BLOS CI ZHIG RNAM PAR BRTAGS ZHES TE, 'O NA CI BDAG LA SOGS PA DANG MO GSHAM GYI BU DANG, RI BONG GI RVA LA SOGS PA RNAM PAR MI RTOG GAM SGRA DANG RNAM PAR MI RTOG PA NI DNGOS PO YOD PA NYID LA 'JUG PA MA YIN ZHES KYANG CHOG STE RGYA CHER RO, ,DE BAS NA YONGS SU GRUB PA YOD DO, ,JI LTAR DE DAG MIN ZHES PA NI DGAG PAR GSUNGS PA STE, DNGOS PO DANG DNGOS PO MA YIN PA PHAN TSUN DU RANG BZHIN THA DAD PA RANG BZHIN GCIG PAR MI RIGS TE, GRANG BA DANG ME @147A *, ,BZHIN NO, ,DE BAS NA DNGOS PO DANG DNGOS PO MED PAR KHAS BLANG PA MI RIGS SO, ,GNYIS NI BRTAGS PA'I RANG BZHIN LA, ,ZHES BYA BA STE, GNYIS ZHES BYA BA NI YOD PA DANG MED PA'I RNAM PAR RTOG PA'O, ,RANG BZHIN DAG NI MI GNAS TE, ,ZHES PA NI PHAN TSUN DU LTOS PA'I PHYIR RANG DBANG DU RAB TU MI GNAS SO, ,SHES RAB KYIS RNAM PAR GZHAG PA NA DNGOS PO MED PA'I PHYIR MED PA YANG JI LTAR NA 'GYUR ZHES SMRAS PA YIN TE, YANG NA 'DZIN PA DANG GZUNG BA'I RNAM PA CHUD PA MA GTOGS PAR RANG BZHIN MED PAS NA DE DAG RAB TU MI GNAS ZHES BYA'O, , BRTAGS PA NI SBOM PO GCIG PU'O, ,SNA TSOGS SNANG BA NI PHRA BA DKAR PO LA SOGS PA'I RDUL 'DUS PAR SNANG BA NI RNAM PAR RTOG PA'I BAG CHAGS YONGS SU SMIN PA LAS SKYES PA'O, ,JI LTAR GSUNGS PA, KUN BRTAGS PA LA GNAS NAS NI, ,GZHAN GYI DBANG NI DMIGS PAR 'GYUR, ,ZHES DE BRLAN PA LA SOGS PA'I RNAM PAR RTOG PA LAS CHU LA SOGS PA 'BYUNG NGO ZHES BYA BAR MU STEGS BYED PAR BRTAGS PA MA GTOGS PAR GZHAN DU BSHAD DO, ,BRTAGS PA DANG GZHAN GYI DBANG GNYIS KYI RNAM PAS STONG PA NI DAG PA STE MI GNYIS PAR YANG DAG PAR RIG PA 'PHAGS PA'I SPYOD YUL LO, ,BRTAGS PA NI SBOM PA'I RDZAS GCIG LA SOGS PAR YON TAN DANG, LAS DANG SPYI LA SOGS PAS GZHAN GYI DBANG GSAL BA'I RNAM PA RDUL PHRA MO 'DUS PAR SNANG BA LA KHANG BA DANG, SDE DANG NAGS TSAL LA SOGS PA LTAR SBOM PO YAN LAG CAN GYI RDZAS SU KUN TU RTOG GO, ,RNAM PA GZHAN DU ZHES PA NI GAL TE GZUGS DANG, DRI DANG, RO DANG, REG PA PHRA BA GSAL BAR SNANG BA'ANG LHAN CIG TU RGYU BA'I GZHAN GYI DBANG ZHES BYA BA MED PAR GYUR NA NI DE'I TSE MU STEGS SMRA BAR GNAS PAR 'GYUR TE, SBOM PO YAN LAG CAN GYI RDZAS LA SOGS PAR SMRA BAR RO, ,RTOG PA NI SPYIR SGRO 'DOGS PAS 'JUG GO, ,DES NA DE BRTAGS ZHES BYA STE, DE YOD PAS NA YANG RANG GI MTSAN NYID MTHONG BA'I PHYIR NA RGYU LAS 'BYUNG NGO, ,'DZIN PA DANG GZUNG BA'I RNAM PA'I GNAS KYI RNAM PAR RTOG PA DAG LAS @147B GROL BA NI STONG PA GRUB PA BSAM PA MED CING SNANG BA MED PA DON DAM PA'I BDEN PA MI GNYIS PAR YANG DAG PAR RIG PA'O, ,DE NYID CES BYA BA NI GNYIS KYI RNAM PAS MI GNYIS PA DE YIN ZHES BYA BA'I DON TO, ,RTOG PA'I MTSAN NYID CES BYA BA NI SO SO RE RE LA 'BREL TO, ,TSAD MA NI MNGON SUM DANG RJES SU DPAG PA'O, ,YID BRTAN PA BSTAN PA'I LUNG NGO, ,DE YANG GNAS GSUM PO PHAN TSUN DU 'GAL BA MED PA'I DON DU YONGS SU GZUNG NGO, ,'DI NI RNAL 'BYOR GYI LAM DU DBAB PA'I PHYIR KHYAD PAR GYI YE SHES MA SKYES PA'I DBANG DU MDZAD DE GSUNGS SO, , THAMS CAD MKHYEN PA LA NI THAMS CAD MNGON SUM NYID DO, ,BRTAGS PA THOG MAR BYED PA RNAMS RIGS PA DANG, LUNG GIS 'GAL BA MED PAR DPYAD DE, ,THE TSOM BSAL NAS RNAM PAR RTOG PA MED PAS RAB TU 'JUG PAR 'GYUR RO, ,SO SO RANG GI BLOS BLANG BA DANG, DOR BA DE KHO NA NYID GDON MI ZA BAR YID CHES PAR SPYOD DO, ,LTA BA'I RNAM PAR RTOG PA SPANGS NAS ZHES BA NI 'JIG TSOGS LA LTA BA LA SOGS PA'I RNAM PA SPANGS NAS SO, ,GONG NAS GONG DU ZHES PA NI THOS PA DANG, SEMS PA DANG, BSGOM PA MCHOG GI RIM PAS 'BAD DO, ,'DZIN PA DANG GZUNG BA'I RNAM PAR RTOG PA YANG DAG PA JI LTA BA BZHIN DU YONGS SU SHES PA'I PHYIR RNAM PAR RTOG PA MI 'BYUNG BA NI CHOS LA BDAG MED PA YONGS SU SHES PA'I PHYIR TE, THEG PA GCIG PU MI GNYIS PA'I MTSAN NYID KYI RGYUN KHONG DU CHUD PAR 'GYUR RO, , NYAN THOS DANG MU STEGS BYED RNAMS KYI KHONG DU CHUD LA NGA NYID KYIS THUGS SU CHUD CES BYA BA NI RANG GI GRUB PA'I MTHA' KHYAD PAR DU GRAGS PAR MDZAD PA'I DON DU THAMS CAD MKHYEN PAS BYE BRAG TU BRJOD DO, ,CHOS DANG GANG ZAG LA BDAG MED PA KHONG DU CHUD PA'I MTSAN NYID SANGS RGYAS KYI THEG PA GCIG STE, NYAN THOS DANG RANG SANGS RGYAS KYI THEG PA NI DE NYID KYI NANG DU GTOGS SO, ,DE YANG BCOM LDAN 'DAS NYID KYIS STON PA MED PAR SNGAR MNGON PAR RDZOGS PAR SANGS RGYAS SO, ,DES NA DE LTAR THEG PA GCIG PAR 'GAL LO ZHES THAMS CAD @148A *, ,MKHYEN PA LA BLO GROS CHEN POS GSOL BA NI DE STE THEG PA GCIG PU NYID NA NI JI LTAR NA THEG PA GSUM ZHES 'KHOR GYI RNAM PAR RTOG PA BLO GROS CHEN POS MKHYEN NAS SGRA'I KHYAD PAR LAS GLENGS PAR BRTAG GO, ,BDAG NYID YONGS SU MYA NGAN LAS MI 'DA' BA'I CHOS CAN PAS NA ZHES PA NI RANG GI NYON MONGS PA SPONG BAR MNGON PAR MI SHES PA'I PHYIR RO, ,BCOM LDAN 'DAS THAMS CAD MKHYEN PA'I PHYIR SHES BYA'I SGRIB PA SPANGS PA STE, NYES PA BAG CHAGS DANG BCAS PA SPANGS PA'I PHYIR, LAS KYI BAG CHAGS KYANG SPANGS SO, ,RANG SANGS RGYAS DANG, 'PHAGS PA'I NYAN THOS RNAMS KYIS NI NYON MONGS PA'I SGRIB PA NYID DO, ,BCOM LDAN 'DAS KYIS NI BDAG MED PA GNYIS THUGS SU CHUD PA'I PHYIR LAS DANG NYON MONGS PA DANG, SHES BYA'I SGRIB PA DANG GSUM SPANGS SO, ,DE BAS NA DE LTAR SEMS CAN THAMS CAD KYI BSAM PA DANG, BAG LA NYAL BA YONGS SU MKHYEN NAS MOS PA JI LTA BA BZHIN PA'I SNOD KYI SEMS CAN RNAMS LA CHOS STON PA 'BYUNG BAS NA GZUD PA'I RIM PAS TSUL GSUM STON TO, ,CHOS LA BDAG MED PA MA RTOGS PA DANG, RGYU GSUM MED PA'I PHYIR DE DAG LA BDAG NYID KYIS MNGON PAR RDZOGS PA'I BYANG CHUB MED DO, ,THAMS CAD MKHYEN PA LA NI CHOS LA BDAG MED PA THUGS SU CHUD PA'I PHYIR BSAM GYIS MI KHYAB PAR 'GYUR BA'I YANG DAG PAR RDZOGS PA'I BYANG CHUB MNGA' STE, THAMS CAD MKHYEN PAS THUGS SU CHUD PA NI NYAN THOS LA SOGS PAS BSAM MI NUS SO, , GANG NA 'GAG PA MED PA DER NI THAMS CAD MKHYEN PA NYID DANG 'BREL TO, ,BSAM GYIS MI KHYAB PAR 'GYUR BA MA THOB PAS NA NYAN THOS DE DAG LA THEG PA GCIG PU NYID THEG PA GSUM DU NGAS BSTAN TO, ,SHES BYA DANG NYON MONGS PA DANG, LAS KYI SGRIB PA'I BAG CHAGS KYI NYES PA DANG, TING NGE 'DZIN GYI MOS PA MED PAR GYUR BA NA DE DAG THAMS CAD MKHYEN PA NYID DU 'GYUR RO, ,ZAG PA MED PA'I DBYINGS NAS SLAR SAD PAR 'GYUR BAS NA THEG PA CHEN PO LA 'PHAGS PA'I NYAN THOS DANG, RANG SANGS RGYAS KYI MYA NGAN LAS 'DAS PA NI MAR ME LTA BU MA YIN NO, ,JI @148B LTA ZHE NA, LAS DANG NYON MONGS PAS BTAB PA'I LUS SNANG BA SPANGS TE 'GOG PA LAS MNYAM PAR 'JOG PA BZHIN DU SEMS PA MED CING SNANG BA MED PA ZAG PA MED PA'I DBYINGS SU 'KHOD DO, ,THAMS CAD MKHYEN PA'I MNGA' DBANG GIS DE NAS PHYIS SAD DE SNYING RJE'I BAG CHAGS KYIS BSKUL NAS YANG ZHES BYA BAR RO, ,TSOGS ZHES BYA BA NI SA DANG PHA ROL TU PHYIN PA MCHOG GIS BDAG DANG GZHAN GYI DON 'BYUNG BA'I BSOD NAMS DANG YE SHES KYI TSOGS YONGS SU BSKANG NAS CHOS KYI SKU BSAM GYIS MI KHYAB PA THAMS CAD MKHYEN PA'I RDZOGS PA'I BYANG CHUB KYI SKU STE, DE YANG SNANG BA DANG BCAS PA DANG SNANG BA MED PA'I TING NGE 'DZIN LA DBANG BYED PA RNAM PA DE LTA BU'I DBANG BYED PA THOB NAS MA LUS PA'I SEMS CAN LA PHAN 'DOGS PA'I PHYIR 'JUG PAS NA JI LTA BUR BSHAD PA DE LTA BUR THEG PA GCIG PU NYID DO, ,DE STE YANG BRTAGS PA THA DAD PA'I PHYIR THEG PA THA DAD DU 'DZIN NA NI THEG PA GSUM NYI TSER MA ZAD DE LHA LA SOGS PA'I THEG PAR YANG SBYIN PA LA SOGS PA'I DGE BA THA DAD PA RNAMS KYIS THUG PA MED PAR YANG 'GYUR RO, ,JI SRID SEMS RNAMS 'JUG PA'I BAR, ,ZHES PA NI KUN GZHI RNAM PAR SHES PA NI LUS DANG LONGS SPYOD DANG GNAS SU SNANG BA LA BYA'O, ,DE YANG SHIN TU GYUR BA NA GNYIS KYI RNAM PAS STONG STE, THEG PA DANG 'GRO BA'I RNAM PAR RTOG PA MED DO, ,DES NA GNYIS SU MED PA'I SANGS RGYAS KYI THEG PA GCIG NGAS BSTAN TO, ,GZHAN DU NI JI TZAM DU SNANG BAR 'BYED PA DE TZAM DU THEG PAR 'BYED CING, LHA LA SOGS PA 'GRUB PA'I LAS KYANG THEG PA MA YIN PAS NA THEG PA RNAM PAR GZHAG PAR YANG RNAM PAR MI 'GYUR TE, DE YANG MTHA' MED PAS NA RNAM PAR GZHAG PA YANG RNAM PAR GZHAG TU MED DO, ,DE STE GZHAN DU MED NA CI'I SLAD DU THEG PA GSUM DU BSTAN ZHES PA LA DRANG BA'I PHYIR ZHES TE, GSUM PO NYID KYIS 'KHOR BA'I SDUG BSNGAL YONGS SU ZAD PAR BYED NUS KYI LHA LA SOGS PA'I THEG PAS 'KHOR BA'I SDUG BSNGAL BSKYIL BAR BYED PA NI MA YIN NO, ,THA MA DANG, BAR MA DANG, RAB KYI SHES RAB KYI KHYAD PAR GYIS THEG PA GSUM MO, ,DE BZHIN @149A *, ,DU RNAM PAR GROL BA GSUM PO NYON MONGS PA ZAD PA'I MTSAN NYID DU DRANG PA'I PHYIR RO, ,GANG ZAG DANG CHOS LA BDAG MED PA RIM PA BZHIN DU NYAN THOS DANG, RANG SANGS RGYAS DANG, YANG DAG PA'I SANGS RGYAS RNAMS LA'O, ,CHOS LA BDAG MED PA NI THEG PA GCIG PU NYID DO, ,DER THEG PA DANG RNAM PAR GROL BA KHYAD PAR MED DO, ,SHES RAB KYI DBANG PO SHIN TU MCHOG NYID LA YOD PA'I PHYIR TE, CHOS NYID LA 'GAL BA MED PA'I PHYIR GZHAN DU BSHAD PA MED DO, ,CHOS LA BDAG MED PA NYID THEG PA CHEN PO'I MTSAN NYID DE, RNAM PAR GROL BA RNAM PA GSUM PO DE DAG NI DE LAS 'BYUNG BAS NA DE NYID DU GNAS PA'O, ,DE NAS JI LTAR NA YANG 'BYUNG ZHES PA DANG, DE'I PHYIR GSUNGS PA MNYAM NYID YE SHES ZHES PA STE MI GNYIS PA'O, ,NYON MONGS PA ZHES BYA BA NI NYON MONGS PA'I MI SHES PA STE, DE'I GROL BA GANG YIN PA DE NYAN THOS DANG, RANG SANGS RGYAS KYI GROL BA DE DAG SPANGS SO ZHES DGONGS PA'I DON DU CHUD PA'O ZHES DE 'DI SKAD CES SMRAS PA YIN TE, 'DZIN PA DANG GZUNG BA MED PA'I MNYAM PA NYID KYI YE SHES KYI SHES BYA'I SGRIB PA SPANGS PA'I GROL BA DES NYAN THOS DANG RANG SANGS RGYAS KYI NYON MONGS PA'I GROL BA DE DAG SPANGS PA'O, ,RNAM PAR G-YENG BA NI MI BSKYOD PA STE, DE BZHIN DU PHA ROL GYI MTSAN NYID SRA BA DANG, GSHER BA DANG, DRO BA DANG G-YO BA DANG MI RTAG PA DANG, SDUG BSNGAL BA DANG, MI MDZES PA LA SOGS PA 'DAS TE CHOS LA BDAG MED PAR GNAS PA MI THOB PA'O ZHES PA NI MI THOB PA DANG, BKA' STZAL BA, NYON MONGS BAG CHAGS RNAMS DANG 'BREL, ,ZHES PA STE, NYON MONGS PA MED PA'I MI SHES PA DANG NGO, ,KUN NAS LDANG BA ZHES BYA BA NI KUN NAS LDANG BA'I RGYU BAG CHAGS KYI NYON MONGS PA DANG BRAL BA RNAMS SO, ,THA MAR PHYIN PA DE LA MED, ,CES PA NI NYAN THOS SAM ZAG PA MED PA'I DBYINGS KYI CHUD PA'I RGYUN LA BSNYEMS PA STE, 'DI TZAM GYIS MTHAR PHYIN TO ZHES GNAS LA CHAD PA MED DO, ,JI LTAR BDAG TU SMRA BA RNAMS, ,SRID CHAGS MED PA'I BSAM GTAN PA, ,SRID PA'I RTZE MOR @149B PHYIN ZIN KYANG, ,NGA RGYAL LCAGS KYUS DRANGS NAS NI, ,SEMS CAN DMYAL BAR YANG LTUNG NGO, ,ZHES PAR DE DAG KYANG 'KHOR BAR YANG MI LTUNG NGO, ,MU STEGS NI BSAM GTAN GYIS 'PHANGS TE, CI TZAM DU GNAS PA DE NAS SHI 'PHOS TE, YANG BDAG DANG BDAG GIR 'JIG TSOGS LA LTA BA LAS NYON MONGS PA RNAMS BYUNG NAS SEMS CAN DMYAL BA SRID DO, ,JI LTAR SKYES BU RA RO BA ZHES BYA BA LA SOGS PA NI JI LTAR ZAG PA MED PA'I DBYINGS NAS LANGS TE SNYING RJE'I BAG CHAGS KYIS BSKUL NAS ZHES PA SNGA MA BZHIN DU SANGS RGYAS KYI CHOS KYI SKU THOB PAR 'GYUR ZHES PA'O, ,YOD DANG MED PA GNYIS KA YANG, ,DNGOS PO'I DON DU 'BYUNG BA DANG, ,GCIG RTAG DU MA'I PHYOGS BSHAD PA, ,SKAD CIG PA DANG 'GRO MI MTSUNGS, ,GNYIS KYI CHAR STONG RNAM SHES TZAM, ,LANG KAR GSHEGS PA'I MDO TSUL DANG; ,YE SHES DPAL BZANG RIG PA YIS, ,LUS RNAM PA GSUM STE ZHES BYA BA LA SOGS PA'O, ,BTZUN GTZO BYANG CHUB SEMS DPA' RNAMS LA SKU GNYIS TE, TING NGE 'DZIN GYI BDE BA LA SNYOMS PAR 'JUG PA'I YID KYI SKU DANG, CHOS KYI SKU KHONG DU CHUD PA'I YID KYI SKU'O, ,SA DANG PO NAS GONG NAS GONG DU SA'I MTSAN NYID YONGS SU SHES NAS RNAL 'BYOR CAN RNAMS KYIS THOB PAR 'GYUR BA NI BYANG CHUB SEMS DPA'I SA DANG POR SBYIN PA'I PHA ROL TU PHYIN PA'I TSOGS YONGS SU RDZOGS NAS DON DAM PA'I TING NGE 'DZIN GYI BDE BA'I MTSAN NYID RAB TU DGA' BA NYE BAR SKYE'O, ,DE'I TSE 'KHOR BA LAS LOG PAR GYUR NAS DE BZHIN GSHEGS PA'I RIGS SU SKYE BAR GYUR PA DANG, DE LA 'TSO BA'I 'JIGS PA MED PA DANG, MANG DU THOS PAS NGA DANG 'DRA BA 'JIG RTEN DU MED NA LHAG PA LTA GA LA ZHIG SNYAM NAS 'JIGS PA MED PAS 'KHOR DU SPA GONG BA MED PAR 'GYUR RO, ,SANGS RGYAS BRGYA MTHONG BA DANG, ZHING BRGYA G-YO BAR BYED PA DANG, LUS BRGYA STON PAR BYED DO, ,DE DE LTA BUR, TSE DANG LAS DANG YO BYAD MOS, ,SMON LAM RDZU 'PHRUL SKYE DBANG DANG, ,CHOS SEMS DE BZHIN @150A *, ,YE SHES MCHOG, ,DPA' BO DBANG BCU 'DI DAG THOB, ,CHOS DANG SEMS DANG YE SHES CHEN PO NI DANG PO DANG GONG MA'I SA KHYAD PAR DU DBYE BA NI 'PHEL LO, ,TSE DANG LAS DANG YO BYAD LA SOGS PA'I DBANG RNAMS KYIS DANG POR 'KHOR BA'I SKYE BO LAS BYE BRAG PAR 'GYUR RO, , TING NGE 'DZIN GYI BDE BA 'THOB PAS CHOS KHONG DU CHUD PA NI THAMS CAD DU YOD MOD KYI RAB TU DGA' BA LA SBYIN PAS RAB TU DGA' BAR GYUR PA'I PHYIR BTZUN GTZO'I BYANG CHUB SEMS DPA' SEMS CAN DANG 'DRES PAR THAMS CAD MKHYEN PAS DGONGS PAR BRTAG GO, ,SA GSUM DANG BZHI DANG LNGA LA SOGS PAR CHOS KHONG DU CHUD PA NYID DE SEMS CAN DANG 'DRES PA MED PAR BRTAG GO, ,SA GSUM DANG BZHI DANG LNGA LA RANG GI SEMS RNAM PA MANG PO DBEN PAR SPYOD PAS SEMS KYI RGYA MTSO LAS 'JUG PA'I RNAM PAR SHES PA'I RLABS KYI MTSAN NYID BDE BA LA SNYOMS PAR 'JUG PA'I YID KYI LUS NI GANG ZAG DANG CHOS LA BDAG MED PA'I TING NGE 'DZIN GYIS THOB PA DANG PO DANG GNYIS PA LA SOGS PA YANG YOD MOD KYI, DER SBYIN PA DANG, TSUL KHRIMS KYIS SEMS CAN SDUD PAR BYED PAS NA SEMS CAN GYI DON GYI PHYIR BTZUN GTZO'I BYANG CHUB SEMS DPA' LA RAG PAR MNYAM PAR 'JOG PA MED DO, , GSUM PA DANG, BZHI PA DANG SA LNGAR YANG SEMS CAN GYI DON LA 'GRUS PAS SEMS CAN RNAMS KYI BSAM PA DANG, BAG LA NYAL LA MNGON PAR SHES PAS RTOG GO, ,BDUD 'TSE BA'I RIGS CAN RNAMS LA SBYIN PA DANG, TSUL KHRIMS KYIS PHAN 'DOGS KYANG KYAL KA BYED PAR 'GYUR RO; ,GANG GIS 'PHAGS MA SHES RAB KYI PHA ROL TU PHYIN PA LAS GSUNGS PA, BDUD 'TSE BA'I RIGS CAN GYIS THOS TE GTZE BAR YANG MI BYED PAS NA MNGON PAR SHES PA THOB PAS SEMS CAN GYI DON BYED PA'O ZHES SO, ,DE NAS MNGON PAR SHES PA BSKYED PAS CHOS DANG ZANG ZING GI SBYIN PA LA SOGS PA'I THABS RNAMS KYIS GZHAN GYI DON BYED NUS SO, ,DE'I PHYIR SA GSUM DANG BZHI DANG, LNGA LA SOGS PA BTZUN GTZO'I BYANG CHUB SEMS DPA' RNAMS MNGON PAR SHES PA SKYED PAR BYED DE, DE LTAR NA DE DAG GIS SEMS GZHAN GYI DON LAS 'PHO BA @150B MED PAR 'GYUR RO, ,CHUNG DU DANG, BAR MA DANG, CHEN PO'I KHYAD PAR GYIS CHOS DANG GANG ZAG LA BDAG MED PA YONGS SU SHES NAS SKAD CIG MAR 'JIG PA YONGS SU SHES PAR BYA'I BYE BRAG NI NYAN THOS DANG THUN MONG NGO, ,CHOS LA BDAG MED PA YONGS SU SHES PA NI SA DRUG TU MCHOG TU MI G-YO, BDUN POR NA PHYI ROL GYI DON, MED PAR YONGS SU SHES PA YIS, ,GNYIS KYI TSUL SPROS MI GNYIS KYIS, ,YANG DAG RIG PAR KUN RIG GYUR, ,MANG DU THOS PAS SU LA'ANG MED, ,THOS KYANG SHES RAB LDAN PA MED, ,SEMS NI SKYO BA ZAD PA'I PHYIR, ,DES NA 'KHRUG PA MED PAR 'GYUR, ,'PHAGS PA LANG KAR GSHEGS PA SLOB DPON MANG DU THOS PA YE SHES DPAL BZANG POS BSHAD PA SBYAR BA'I LE'U GNYIS PAR NI BSTOD PA ZAB MO DANG, GNYIS SU MED PAR GSOL BA BRGYA DANG DE'I BKA' LAN BRGYA DANG, KUN GZHI RNAM PAR SHES PA YONGS SU SHES PA DANG, STONG PA NYID RNAM PAR GZHAG PA DANG, DE BZHIN GSHEGS PA'I SNYING PO DPYAD PA DANG, RGYU DANG 'BRAS BU DPYAD PA DANG, SGRA'I DON BRTAGS PA YONGS SU SHES PA DANG, RTZOD PA'I GNAS THOR BU DPYAD PA MANG PO DANG, LE'U PHRAN DGU STE LE'U GNYIS PA YANG RDZOGS SO,, ,,DA NI LE'U GSUM PAR TING NGE 'DZIN LAS BYUNG BA'I YID KYI SKU SGRUB PA STE PHYI ROL GYI DON MED PAS NA SNANG BA'I RANG BZHIN DU STON PAR MDZAD DO, ,SBOM PO DANG PHRA BA'I YUL RNAM PAR GZHIGS PA NA KHANG PA DANG, SDE DANG NAGS TSAL LA SOGS PA BZHIN DU STONG PA NYID YIN PAS YANG DAG PAR RIG PAR SNANG BA'I CHOS NYID KYIS DE THAMS CAD DU YOD DO, ,GANG GI TSE NA DE LTA BUR YOD PA DE'I TSE, RDUL GCIG STENG NA RDUL SNYED ZHING RNAMS TE, ,ZHING DER BSAM GYIS MI KHYAB SANGS RGYAS RNAMS, ,SANGS RGYAS SRAS KYI DBUS NAS BZHUGS PA LA, ,BYANG CHUB SPYAD PA SPYOD CING BLTA BAR BGYI, ,ZHES BYA BA DES 'DI 'BYUNG BA YIN TE, DE LTAR PHYOGS RNAMS MA LUS THAMS CAD DU, ,SKRA TZAM KHYON LA DUS GSUM TSAD SNYED KYI, ,SANGS RGYAS @151A *, ,RGYA MTSO ZHING RNAMS RGYA MTSO DANG, BSKAL PA RGYA MTSOR SPYOD CING RAB TU 'JUG, ,CES PA YID KYI SKU RNAMS NI YID KYI RNAM PAR SHES PA BZHIN DU GAR YANG THOGS PA MED DO, ,SANGS RGYAS BCOM LDAN 'DAS RNAMS DANG, BTZUN GTZO'I BYANG CHUB SEMS DPA' RNAMS KYIS YID LTAR MYUR BA'I TING NGE 'DZIN BRNYES PA STE, DE LTAR NA RDUL GCIG GI CHA LA YANG THAMS CAD DU SKAD CIG TU SNANG BA NI GZUGS BRNYAN BZHIN DU DUS GSUM DU SNANG BA'I TSUL GYIS SO, ,JI LTAR SNOD CHUNG NGU'I CHU'I NANG DU GRONG DANG KUN DGA' RA BA DANG, GZHAL MED KHANG DANG, RI DANG NAM MKHA'I STENG GI SKAR MA'I TSOGS MANG PO SNANG BA DE LTAR, NYAG MA GCIG KHYON SANGS RGYAS MANG PO RNAMS, ,GANGG'A'I KLUNG GI BYE MA JI SNYED PAR, ,ZHING YANG DE SNYED RGYAL BA DE DAG GI ,DE DAG THA DAD MTSAN NYID THA DAD CHA, ,GZUGS MED PA'I CHOS RNAMS NI PHYOGS SU MI GNAS TE, CHUD PA DE DAG LA PHYOGS SU GNAS PAR NGES PA MED DO, ,DER SNANG BA YANG DE NYID KYI NANG DU GTOGS PA'I PHYIR TE, CHUD PA'I CHOS NYID NI DE LTA BU'O, ,RDUL PHRA MO LAS BRTZAMS PA'I RDZAS LA SOGS PA'I GZUGS CAN PAR GZHAN GYIS KUN BRTAGS PA NI RNAM PAR DBYE BA NA STONG PA NYID DO, ,TSON GYIS BTZOS PA DANG MA BRTZOS PA DANG, BSGUL BA DANG, MA BSGUL BA DANG, BSGRIBS PA DANG, MA BSGRIBS PA LA SOGS PA'I RIM PAS PHYE BA NA KHANG PA DANG, SDE DANG NAGS TSAL LA SOGS PA BZHIN NO, ,SO SOR GNAS PA RNAMS KYANG RMI LAM DANG, MIG 'PHRUL LA SOGS PA BZHIN DU STONG PA NYID DO, ,DE DE LTAR GNYIS KYI RNAM PAS STONG PA'I 'DU BYED THAMS CAD KYI BSAM GTAN DANG BYUNG BA RNAMS THAMS CAD MKHYEN PAS MI GNYIS PA'I CHOS NYID DU SGRUB PAR MDZAD PA, DE NAS YANG BCOM LDAN 'DAS KYIS BYANG CHUB SEMS DPA' SEMS DPA' CHEN PO BLO GROS CHEN PO LA 'DI SKAD CES BKA' STZAL TO, ,BLO GROS CHEN PO YID KYI LUS RTOGS PA RAB TU DBYE BA'I MTSAN NYID BSTAN GYI NYON CIG ,BLO GROS CHEN PO YID KYI PHYIR BYANG CHUB KYI PHYOGS SUM CU RTZA BDUN NYAN THOS DANG THUN MONG MA YIN PAR BSGOM MO, ,SA DE @151B DAG GIS MI MTHUN PA'I PHYOGS SGRIB PA YANG SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB DANG, THABS DANG, STOBS DANG, SMON LAM DANG YE SHES RNAMS KYI MI MTHUN PA'I PHYOGS NI 'JUNGS PA DANG, NGANG TSUL NGAN PA DANG, MI BZOD PA DANG, LE LO DANG, G-YENG BA DANG, MA RIG PA DANG, THABS MED PA DANG, MI SMON PA DANG, MTHU MED PA DANG, YONGS SU SHES PA MED PA DANG, SBYIN PA'I PHA ROL TU PHYIN PA LA SOGS PA NAS THAMS CAD MKHYEN PA'I YE SHES KYI MTHAR THUG PAR RO, ,BYANG CHUB SEMS DPA' SA BRGYAD DU NI CHOS KHONG DU CHUD PAS ZHES BYA BA NI KHYAD PAR DU GSUNGS PA STE, SA BDUN DAG NI SEMS YIN TE, ,SNANG BA MED PA BRGYAD PA'O, ,SA GNYIS DAG NI GNAS YIN TE, ,LHAG MA SA NI NGA NYID KYI'O, ,DER BTZUN GTZO'I BYANG CHUB SEMS DPA' RNAMS RTEN CING 'BREL TE 'BYUNG BA SGYU MA LTA BUR TE, SKYE BA MED PAR NI SA BRGYAD DU THUGS SU CHUD DO, ,SA BDUN GYI DBANG PO RNAMS NI RNAM PAR SHES PA YOD PAR CHAGS TE 'JUG PA NI JI LTAR LANG KAR GSHEGS PA 'DI NYID DU THAMS CAD MKHYEN PAS GSUNGS PA, PHYI YI DNGOS PO BSAL NAS SU, ,SHES PA TZAM DU 'JUG PA STE, ,'DI NI DBU MA'I NAN TAN DU, ,NGA DANG GZHAN GYIS BSTAN PA'O, ,DBU MA'I TING NGE 'DZIN KYANG, DNGOS PO MED DANG DNGOS MED MIN, ,YOD DANG MED PA MI DMIGS PA, ,'DI NI DBU MA'I NAN TAN TE, ,NGA DANG GZHAN GYIS BSTAN PA'O, ,ZHES SO, ,GANG NA NYAN THOS DANG, RANG SANGS RGYAS DANG, MU STEGS PA RNAMS DANG, SA BDUN DU PHYIN PA RNAMS KYI SPYOD YUL YANG MA YIN NO, ,'DZIN PA DANG GZUNG BA SGYU MA LTA BUR MI SKYE BA'I MTSAN NYID DANG THOG MA DANG THA MA'I MTHA' STENG PA DANG, BAR DU RANG BZHIN GNYIS KYIS STONG PAR MNYAM PAR RTOGS SHING, RMI LAM DANG MIG 'PHRUL DANG, GZUGS BRNYAN LA SOGS PA BZHIN DU SHES SO, ,'JIG RTEN MTHONG YANG MI DMIGS PA'I TSUL GYIS DE LTAR MI MTHONG STE, BSAM PA MED CING @152A *, ,SNANG BA MED PA DON DAM PA'I BDEN PA DNGOS PO DANG DNGOS PO MED PA'I RNAM PAR RTOG PA DANG BRAL BA MI GNYIS PAR YANG DAG PAR RIG PA NYID GNAS SO, ,SANGS RGYAS BCOM LDAN 'DAS RNAMS KYI SNYING RJE'I BAG CHAGS KYIS GLENGS TE BSAM PA MED CING SNANG BA MED PA'I TING NGE 'DZIN DE LTA BU LAS SEMS CAN GYI DON BYED PA'I PHYIR GLENG NGO, ,DES SAD PA DANG CHOS KYI RANG BZHIN SA BRGYAD DU KHONG DU CHUD PAS SNANG BA DANG BCAS PA DAG PA 'JIG RTEN GYI TING NGE 'DZIN LA BZHUGS PA NI YID KYI SKU STE, GZUGS BRNYAN LA SOGS PA BZHIN DU 'BYUNG BA DANG, 'BYUNG BA LAS GYUR PA DANG 'DRA BA 'JIG RTEN THAMS CAD DU KHYAB PA RDUL GYI CHAR YANG SNANG NGO, ,SBOM PO DANG PHRA MO SNANG BA 'BYED PAS SEMS CAN RNAMS LA MI RTAG PA DANG, SDUG BSNGAL BA DANG, MI MDZES PA DANG, STONG PA'I RNAM PAR SNOD JI BZHIN PAR KHONG DU CHUD PAR MDZAD PA'I PHYIR, DES CHOS STON TO, ,CHOS KYI NGO BO NYID RTOGS PAR KHONG DU CHUD PA'I PHYIR ZHES PA NI CHUD PA'I CHOS KYI NGO BO NYID KYI NANG DU SONG BAR SNANG BAS NA YID KYI ZHES BYA'O, ,RIS SU LHAN CIG SKYES PA'I 'DU BYED KYI LUS ZHES BYA BA LA LHAN CIG TU SKYES PA'I 'DU BYED CES BYA BA NI LHUN GYIS GRUB PAR RGYU BA DANG GIS RO GCIG TU 'GYUR RO, ,GANG GI PHYIR SANGS RGYAS BCOM LDAN 'DAS RTAG PAR MNYAM PAR 'JOG CES BYA'O, ,RIS NI NGES PA STE, GANG GI PHYIR DES THAMS CAD MKHYEN PA SANGS RGYAS BCOM LDAN 'DAS RNAMS NYID KYI MA 'DRES PA'I SKU NI YID KYI SKU'O, ,THAMS CAD MKHYEN PA RNAMS KYIS THAMS CAD DU KHYAB CING SEMS CAN THAMS CAD KYI DON DU ZHUGS PA'O, ,RNAL 'BYOR THAMS CAD KYI DBANG PO GZUGS RNAM PA SNA TSOGS KYI CHO 'PHRUL GYIS 'JIG RTEN MTHA' DAG GI BSAM PA RANGS PAR MDZAD PA, MCHOG TU YONGS SU DAG PA'I 'DOD CHAGS DANG BRAL BA, NYON MONGS PA BAG CHAGS DANG BCAS PA'I SGRIB PA MTHA' DAG RTZA BA RNAMS BTON PA'I YE SHES KYI ME DANG LDAN PA'I SKYE STE, DE NI DE BZHIN GSHEGS PA NYID KYIS CHUD PA NYID DE, 'DOD CHAGS LA @152B SOGS PA'I NYON MONGS PA'I SGRIB PA SPANGS PA'I PHYIR RO, ,JI LTAR CHUD PA THAMS CAD MKHYEN PA'I PHYOGS SU RNAM PAR GNAS PAR NGES PAR MI 'GYUR BA DE BZHIN DU YID KYI SKU THAMS CAD DU SONG BA'O, ,THEG CHEN NGA YI THEG MA YIN, ,YI GE MED CING SGRA YANG MED, ,BDEN PA MED CING RNAM THAR MED, ,SNANG BA MED PA'I SPYOD YUL MIN, ,'ON KYANG THEG CHEN THEG PA STE, ,TING NGE 'DZIN LA DBANG BYED CING, ,YID KYI LUS NI SNA TSOGS LA, ,DBANG GI ME TOG DAG GIS BRGYAN, ,ZHES TE THEG PA DE NI PHYIN PAR BYED PA STE, 'GRO BAR BYED PAS NA THEG PA'O, ,CHEN BO NI BYED PA DANG BYED PA POR 'BREL PAR MA DGONGS PA'O, ,SGRA NI CHUD PAR BYED PA'I GDANGS TE, DE'I YAN LAG NI YI GE RNAMS TE, TSIG GI DON GYI MTSAN MA YIN PAS NA DE DAG DE LTA BUR SO SOR NGES PA'I SGRA DANG, DON GYI DON MED PA'I PHYIR SGRA RNAMS KYIS DON DAM PA BRJOD PA MED DO, ,MING GI TSOGS DANG, TSIG GI TSOGS DANG, YI GE'I TSOGS RNAMS NI SPYIR BTAGS PA'I DON LA SGRO BTAGS TE 'JUG PA'I PHYIR BSAM PA MED CING, SNANG BA MED PA DON DAM PA'I BDEN PA MI GNYIS PAR YANG DAG PAR RIG PAR BRJOD DU MED PA DE NI THEG PA CHEN POR DGONGS PA'O, ,'PHAGS PA NYAN THOS DE RNAMS KYI SDUG BSNGAL LA SOGS PA'I BDEN PA YANG PHYI'I DON DU MNGON PAR CHAGS TE 'JUG PAS NA GNYIS SU MED PA'I THEG PA CHEN PO MA YIN NO, ,RNAM PAR THAR PA NI NYAN THOS RNAMS KYI STE, STONG PA NYID DANG, MTSAN MA MED PA DANG, SMON PA MED PA'I MTSAN NYID PA RDUL PHRA MO'I BAR DU SKAD CIG PA THA DAD PAR ZHUGS PA PHA ROL GYI DON SBOM PO MI RTAG PA'I DMIGS PA DE LTA BU NI THEG PA CHEN PO MA YIN NO, ,GZUGS NI RDUL PHRAN GZHIGS PA NA, ,RDUL PHRAN CHA NI MED PA STE, ,ZHES PA THEG PA CHEN PO'I KHYAD PAR RO, , STONG PA NYID LA SOGS PA'I RNAM PAR THAR PA RNAMS NI, PHYI YI DNGOS PO MED PAR YANG, ,SEMS NI RNAM PA GNYIS SU SNANG, ,ZHES TE GANG GI TSE NA SHES RAB KYIS DPYAD DE, SHES PAR BYA BA SBOM PO DANG, PHRA MO MI DMIGS PA'O, ,DES NA, SNANG BA MED PA'I SPYOD @153A *, ,YUL MIN, ,ZHES TE, SNANG BA MED PA MI GNYIS PA YANG DAG PAR RIG PA DON DAM PA'I BDEN PA THEG PA CHEN PO LA DMIGS PA MED DO ZHES THAMS CAD MKHYEN PAS DGONGS PA'O, ,'ON KYANG THEG CHEN THEG PA STE, ,TING NGE 'DZIN LA DBANG BYED CING, ,YID KYI LUS NI SNA TSOGS LA, ,DBANG GI ME TOG DAG GIS BRGYAN, ,ZHES PA NI THAMS CAD MKHYEN PA SNANG BA DANG BCAS PA'I TING NGE 'DZIN LA ZHUGS TE SEMS CAN THAMS CAD KYI DON MDZAD PA NA YID KYI LUS TE, DES NA THEG PA CHEN PO CHE BAS YID MGYOGS PA'I TING NGE 'DZIN BZHIN DU THAMS CAD DU 'GRO BAR DGONGS PA'O, ,DBANG NI SGRIB PA THAMS CAD SPANGS NAS SGRIB PA MED PA'I THAMS CAD MKHYEN PA'I SANGS RGYAS KHO NA NYON MONGS PA BAG CHAGS DANG BCAS PA SPANGS PA'I PHYIR CHOS THAMS CAD THUGS SU CHUD PA'O, ,DE NI SGRIB PA GSUM SPONG STE, ,SHES BYA DANG, NYON RMONGS PA DANG, LAS KYI SGRIB PA GSUM NI THAMS CAD MKHYEN PAS THAMS CAD DU THAMS CAD SPANG NGO, ,DE LTAR NA MIG GI LING TOG DANG BRAL BA'I YE SHES NI SHES PAR BYA BA THAMS CAD DU 'JUG PAS THAMS CAD MKHYEN PAS THAMS CAD MKHYEN PA'O, ,'DOD CHAGS LA SOGS PA'I SGRIB PAS BSGRIBS PA NA NYE BAR GYUR PA YANG MI SHES SO, ,DES NA 'DOD CHAGS LA SOGS PA'I SGRIB PA SPONG BAS THAMS CAD MKHYEN PAR 'GYUR RO, ,DE'I RDZOGS PA'I DBANG NI RNAL 'BYOR GYI DBANG DANG, SEMS CAN THAMS CAD LA PHAN PA'I MTHU DANG, DPAG TU MED PA'I YON TAN GYI TSOGS STOBS BCU DANG, MI 'JIGS PA LA SOGS PA DE LA MNGA'O, ,TSIGS SU BCAD PA'I DON LHAG PAR BSHAD PAR BYA BA NA RANG DANG SPYI'I MTSAN NYID PHA ROL GYI BAR SGRO BTAGS PA NI RANG GI SEMS SNANG BA NYID DU KHONG DU CHUD PA RNAMS LA STONG PA NYID DANG, MTSAN MA MED PA DANG, SMON PA MED PA NI RNAM PAR THAR PA GSUM MO, ,'PHAGS PA LANG KAR GSHEGS PA YE SHES DPAL BZANG POS BSHAD PA SBYAR BA'I LE'U GSUM PA LAS SA DANG TING NGE 'DZIN GYI KHYAD PAR GYIS GONG NAS GONG DU YID KYI SKU RNAM PAR PHYE BA DPYAD PA DANG PO'O,, ,,SU ZHIG @153B GIS MTSAMS MED PA ZHIG BYAS TE, NYAN THOS DANG, RANG SANGS RGYAS DANG, YANG DAG PAR RDZOGS PA'I SANGS RGYAS KYI RNAM PAR GROL BA GSUM GYI DGE BA MI BYED PA LA DE'I 'GYOD PA BSAL BA'I PHYIR, NYAN THOS LA SOGS PA'I GZUGS SU SPRUL PA BYAS NAS SANGS RGYAS DANG BYANG CHUB SEMS DPA'I BYIN GYI RLABS KYIS MTSAMS MED PA BYAS PAS DGE BA SPYAD DE, BSAM GTAN LA MNYAM PAR 'JOG CING CHO 'PHRUL BYED DO ZHES DE LTAR MTHONG NAS GZHAN GYIS KYANG 'GYOD PA SPANGS TE DGE BA LA 'JUG GO ZHES BSDU BA'I DON TO, ,BRTZON PA BOR BA ZHES BYA BA NI BYED PA MED PA'O, ,RTAG BA DANG BDAG DANG BDAG GIR MNGON PAR CHAGS PA NI GANG ZAG LA BDAG MED PAS 'PHO'O, ,CHOS LA BDAG MED PA KHONG DU CHUD PAS PHYI ROL GYI DON LA MNGON PAR CHAGS PAS 'DZIN PA DANG GZUNG BA 'PHO'O, ,KHA CIG LA NI MI GNYIS PA'I CHOS NYID KHONG DU CHUD PAS THEG PA GSUM SPYI LA'O ZHES SO, ,SO SO RANG GIS RIG PA'I CHOS NYID LA SGRA MI 'JUG PAS NA DE BCOM LDAN 'DAS KYIS GANG GI NUB MO MNGON PAR RDZOGS PAR SANGS RGYAS NAS GANG GI NUB MO YONGS SU MYA NGA LAS 'DAS PAR 'GYUR BAS DE'I BAR DU YI GE GCIG KYANG MA BSHAD CES GSUNGS SO, , TSIG MED PA NI SANGS RGYAS KYI TSIG GO ZHES BYA BA NI BSAM PA MED CING SNANG BA MED PA DON DAM PA'I BDEN PA MI GNYIS PAR YANG DAG PAR RIG PA TSIG GIS STON MI NUS PA'I PHYIR RO, ,RANG GI MTSAN NYID LA SPYIR SGRO BTAGS PA 'BA' ZHIG GIS CHAS BSTAN PAR 'JUG GO, ,SANGS RGYAS BCOM LDAN 'DAS THAMS CAD LA SANGS RGYAS KYI SPYI'I YIN TE, DES NA CHOS DE KHO NA NYID GCIG GIS GSUNGS PA YIN NO, ,DGONGS TE GSUNGS PA NI THAMS CAD LA BSDUS PA'I DON DU SHES PAR BYA'O, ,DA NI YOD PA DANG MED PA DPYAD PA BRTZAM PAR BYA STE, RANG GI SEMS SNANG BA TZAM DU KHONG DU MA CHUD PA'I PHYIR BYED PA DANG BYED PA PO LA MNGON PAR CHAGS PA NI BRJOD PA DANG, BRJOD PA'I THA SNYAD LA GOMS PA'I PHYIR RO, ,GNYIS KYI RNAM PAR RTOG PA'I RNAM PAR SHES PA LA NI YOD PA DANG MED PA'I RNAM PAR RTOG PA'I THA SNYAD DU 'JUG GI, NAM @154A *, ,SHES RAB KYIS DPYAD DE SHES PAR BYA BA SBOM PO DANG, PHRA MO RNAM PAR GZHIG PA NI MI DMIGS PAS DES NA DNGOS PO DANG DNGOS PO MED PAR KUN BRTAGS PA GNYIS KYI RNAM PA'I THA SNYAD THAMS CAD MI 'JUG PAS BSAM PA MED CING SNANG BA MED PA'O, ,DON DAM PA'I BDEN PA MI GNYIS PAR YANG DAG PAR RIG PA 'BA' ZHIG GO, ,THUGS RJE'I BAG CHAGS KYIS SAD DE MCHOG TU YONGS SU DAG PA 'DOD CHAGS DANG BRAL BA GZUGS RNAM PA SNA TSOGS KYI DBANG POS SPRUL PA'I THAMS CAD MKHYEN PA DAG PA 'JIG RTEN PA'I SNANG BA DANG BCAS PA'I TING NGE 'DZIN LA BZHUGS PA NA SEMS CAN GYI DON DU GNYIS PA DANG MI GNYIS PA'I TSUL MANG POR CHOS STON PA 'BYUNG NGO, ,DE LTAR NA GRANGS CAN RNAMS KYIS RGYU THAMS CAD YOD PAS DE DAG GI RGYU DANG 'BRAS BU 'CHAD DO, ,GANG DAG LA YANG BYUNG NAS RNAM PAR 'JIG PA DE DAG LA NI YOD PA PA DANG MED PA'I RNAM PAR RTOG PA'O, ,RANG BZHIN GYIS RNAM PAR GROL BA NI SANGS RGYAS KHO NA STE, DE'I PHYIR DE LTAR 'DOD CHAGS LA SOGS PA'I RNAM PAR RTOG PA RNAMS NI RANG BZHIN GYIS YONGS SU DAG PA'I CHOS NYID LA MI 'BYUNG NGO ZHES THAMS CAD MKHYEN PAS GRUB PAR MDZAD PA, DE CI'I PHYIR ZHE NA, 'DI LTA STE, NYON MONGS PA RNAMS GCIG PA DANG THA DAD PA DANG, NANG DANG PHYI ROL DU MI DMIGS PA'I PHYIR TE, BLO GROS CHEN PO 'DOD CHAGS DANG, ZHE SDANG DANG, GNYI MUG LUS MED PA'I PHYIR NANG DANG PHYI ROL TU MI DMIGS SO, ,BLO GROS CHEN PO 'DOD CHAGS DANG ZHE SDANG DANG, GTI MUG GI DNGOS PO RNAMS KHAS MI LEN PA'I PHYIR ZHES TE, RTAG PA DANG, BDAG DANG, BDE BA DANG, GTZANG BA'I DNGOS POR PHYIN CI LOG PA RNAMS KYI 'DOD CHAGS LA SOGS PA'I NYON MONGS PA RNAMS 'KHRUL BA'I RNAM PA CAN SO SOR SNANG NGO, ,DE DAG KYANG MI RTAG PA DANG, BDAG MED PA DANG, SDUG BSNGAL BA DANG, MI MDZES PA DANG, STONG PAR YONGS SU SHES PAS MI SNANG NGO, ,RANG BZHIN GYIS 'OD GSAL BA'I CHUD PA LA 'DOD CHAGS KYANG MED, 'DOD CHAGS DANG BRAL BA YANG MED DO, , @154B JI LTA ZHE NA, GZUGS MED PA'I PHYIR DE LTAR PHYI ROL GYI DON LA MDZES PA DANG, MI MDZES PAR MNGON PAR CHAGS PA YANG MED DO, ,YUL MED PAR 'DOD CHAGS LA SOGS PA GANG CHAGS PAR 'GYUR BA DANG, GANG DU CHAGS PAR 'GYUR BA DANG, GANG GIS CHAGS PAR 'GYUR BA'I CHOS DES DE KUN MI MTHONG NGO, ,'DOD CHAGS LA SOGS PA'I CHOS THAMS CAD KYI RTAG BA DANG, BDAG DANG, BDE BA DANG, GTZANG BA DANG, MDZES PAR MNGON PAR CHAGS PA'I PHYI NANG GI MTSAN MA GCIG PA DANG, THA DAD PA MED PA'I PHYIR TE, JI LTAR 'PHAGS MA SHES RAB KYI PHA ROL TU PHYIN PA LAS 'BYUNG BA, RAB 'BYOR 'CHING BAR BCINGS PA'I RGYU MED PA'I PHYIR, CHOS THAMS CAD BCINGS PA'ANG MED, GROL BA 'ANG MED DO ZHES PA'O, ,'DIR YANG CI DGONGS SHE NA, CHUD PA NI RANG BZHIN GYIS 'OD GSAL LA NYON MONGS PA RNAMS DNGOS PO MED PA'I PHYIR GZHAN PA DANG GZHAN PA MA YIN PAR MI SRID DO ZHES SO, JI LTAR DBU MA LAS 'BYUNG BA, ,ZHEN 'DOD CHAGS PA MA GTOGS PAR, ,GAL TE 'DOD CHAGS SNGAR GYUR NA, ,DE YI RKYEN LAS 'DOD 'GYUR NA, ,ZHEN MED PAR NI JI LTAR 'DOD, ,'DOD CHAGS YOD NA ZHEN PAR YANG, ,RIM PA DE NI MTSUNGS PA STE, ,'DOD CHAGS BZHIN DU THAMS CAD CHOS, ,'JUG PA GCIG MIN THA DAD MIN, ,MTSON BYA MTSAN NYID GAL TE GZHAN, ,MTSAN LA MTSAN NYID MED PAR 'GYUR, ,GCIG NA'ANG DE GNYIS MI 'GRUB STE, ,THA DAD NA YANG GZHAN DU MED, ,GAL TE CHOS DANG CHOS CAN THA DAD PA YIN NA NI DE'I TSE RTAG PA DANG, MI RTAG PA DANG GZUGS CAN DANG, GZUGS MED PA DANG, TSA BA LA SOGS PA THA DAD PA'I PHYIR RTAG PA MI RTAG PA DANG MI RTAG PA RTAG PAR 'GYUR RO, ,GZUGS CAN GZUGS MED PAR 'GYUR RO, ,TSA BA TSA BA MED PA DANG, TSA BA MED PA TSA BAR 'GYUR RO, ,DE LTAR ME LA SOGS PA LA TSA BA LA SOGS PA'I CHOS THA DAD DO ZHE NA NI ME LA SOGS PA'I TSA BA LA SOGS PA'I RANG BZHIN STONG PA NYID DO, ,DE DE @155A *, ,LTAR ME DANG TSA BA DANG, CHOS CAN DANG, MTSAN MAR BYA BA DANG, MTSAN NYID DANG, ZHEN PA DANG 'DOD CHAGS LA SOGS PA DANG, THA DAD PA DANG THA DAD PA MED PAR DPYAD PAS GNYIS KYI RNAM PA'I CHOS SU BRTAGS PA DE DAG STONG PA NYID DO, ,GANG DAG YANG GZUGS LA SOGS PA 'DZIN PA DANG GZUNG BA'I DNGOS POR GSAL BAR SNANG BA DE DAG KYANG DON DAM PAR NA RMI LAM DANG MIG 'PHRUL LA SOGS PA BZHIN DU SKYE BA MED PA'I STONG PA NYID DO, ,DES NA RANG BZHIN GYIS 'OD GSAL BA GRUB PA NI GNYIS KYI RNAM PAS STONG PA NYID DE; BSAM PA MED CING SNANG BA MED PA DON DAM PA'I BDEN PA MI GNYIS PAR YANG DAG PAR RIG PA LA DNGOS PO DANG DNGOS PO MED PAR MI RTAG PA'I PHYIR KUN TU RTOG PA THAMS CAD KYI SNANG BA THA DAD PA'I THA SNYAD MED DO, ,THUGS RJE BAG CHAGS KYIS BSKUL TE SNANG BA DANG BCAS PA'I TING NGE 'DZIN LA THAMS CAD MKHYEN PA BZHUGS PA NA CHOS STON PA 'BYUNG NGO, ,JI LTAR DBU MA LAS 'BYUNG BA, ,'JIG RTEN KUN RDZOB BDEN PA DANG, ,DAM PA'I DON GYI BDEN PA DANG, ,BDEN PA GNYIS LA BRTEN NAS SU, ,SANGS RGYAS RNAMS KYIS CHOS BSTAN 'BYUNG, ,GANG DAG DNGOS PO RNAMS LA NI, ,YONG MED MTHONG BA BLO CHUNG RNAMS, ,ZHI BA NYER ZHI BLTA BYA BA, ,DE DAG GIS NI MI MTHONG NGO, ,GANG DAG LA YOD PA NYID LA RGYU DANG RKYEN YOD PA NI RGYU MED PA LAS YOD PAR SMRA BA YIN TE, RTAG PA DANG BDE BA LA SOGS PA'I DNGOS PO'I MTSAN NYID DU SMRA BAR BYED DO, ,DES NA 'DOD CHAGS LA SOGS PA'I MTSAN MA DANG BRAL BAR RIG PAR BYA'O, ,RKYEN KYIS YOD PAR MA BSGRUBS NA, ,ZHES PA NI GANG GI TSE NA GCIG PA MED PA DE'I TSE NA GNYIS PO MED CES SO, ,JI TZAM DU GNYIS KYI RNAM PA'I SEMS PA DE TZAM DU YOD PA DANG, MED PA'I RNAM PAR RTOG GI, ,GNYIS SU MED PA LA MA YIN NO, ,RTOG PA DANG YI GE MED PA ZHES PA NI PHUNG PO LA SOGS PA'I RANG GI MTSAN NYID DU RNAM PAR RTOG PA STE, SPYI'I RNAM PAR SGRAS SGRO BTAGS TE RNAM PAR RTOG GO ZHES BYA BA'I BAR DU'O, ,LE'U @155B GSUM PA LAS YOD PA DANG, MED PA DANG, 'CHING BA DANG, RNAM PAR GROL BA DPYAD PA GNYIS PA'O,, ,,GRUB PA'I MTHA'I TSUL RNAM PA GNYIS ZHES BYA BA LA SOGS PA LA, DE LA BLO GROS CHEN PO GRUB PA'I MTHA'I TSUL NI 'DI LTA STE, SO SO RANG GIS RIG PA'I BYE BRAG GI MTSAN NYID DE, TSIG GI RNAM PAR RTOG PA DANG, YI GE MED PA ZAG PA MED PA'I DBYINGS RTOGS PA THOB PAR BYED PA, SO SO RANG GIS RTOGS PA'I RANG GI MTSAN NYID MU STEGS CAN DANG BDUD THAMS CAD SPANG ZHES PA NI GANG GI TSE SHES RAB KYIS DPYAD DE PHYI ROL GYI DON SBOM PO DANG, PHRA MO RNAM PAR PHYE BA NA MI MTHONG ZHING KHANG PA DANG, SDE DANG, NAGS TSAL LA SOGS PA BZHIN DU RTOGS PAR 'GYUR RO, ,RTAG PA NI MA SKYES PA'I PHYIR RI BONG GI RVA LA SOGS PA BZHIN DU DNGOS PO MED PA YIN NO, ,DE LTA BUR GNYIS DANG MI GNYIS PA'I RTOGS PA'I MU STEGS KYIS BDUD THAMS CAD LA THUB PAR BYA STE, SEMS PA MED CING SNANG BA MED PA DON DAM PA'I BDEN PA MI GNYIS PAR YANG DAG PAR RIG PA RANG BZHIN GYIS 'OD GSAL BA MDZES SO, ,BLO GROS CHEN PO DE NI GRUB PA'I MTHA'I TSUL GYI MTSAN NYID DO, ,DE LA BSHAD PA'I TSUL GANG ZHE NA, 'DI LTA STE, BSTAN PA YAN LAG DGU SNA TSOGS SU BSHAD PA YIN TE, GCIG PA DANG, THA DAD PA DANG, YOD PA DANG MED PA'I PHYOGS SPANGS PA THABS MKHAS PA'I CHO GA SNGON DU 'GRO BAS SEMS CAN RNAMS LA BSHAD PA 'JUG STE ZHES PA NI GANG DAG LA MI GNYIS PA ZAB MO BSHAD PA MNGON DU MI 'JUG PA DE DAG LA NI PHUNG PO DANG, KHAMS DANG, SKYE MCHED LA SOGS PA LA GSUNG RAB RNAM PAR GZHAG CING BSHAD PAR MDZAD DO, ,KHA CIG LA YAN LAG DGU STE, SKYES PA'I RABS DANG, RTOGS PA BRJOD PA DANG, GLENG GZHI NI DA LTAR DANG 'DAS PA'I SDER GTOGS PA'I PHYIR RO, ,KHA CIG LA NI YAN LAG BCU GNYIS NI 'DI LTA STE, MDO DANG, DBYANGS KYIS BSNYAD PA DANG, LUNG DU BSTAN PA DANG, TSIGS SU BCAD PA DANG, CHED DU @156A *, ,BRJOD PA DANG, GLENG GZHI DANG, RTOGS PA BRJOD PA DANG, DA LTAR DANG, 'DAS PA DANG, SKYES PA'I RABS DANG, SHIN TU RGYAS PA DANG, RMAD DU BYUNG BA DANG, CHOS BSTAN PA'O, ,GZUGS LA SOGS PA'I PHUNG PO RNAMS NI RAB RIB DANG, RMI LAM DANG, MIG 'PHRUL DANG, GZUGS BRNYAN LA SOGS PA BZHIN DU CHUD PA LAS GCIG PA DANG, THA DAD PA'I DPYAD PA DANG BRAL BA'O, ,YONGS SU GRUB PA NI 'DZIN PA DANG, GZUNG BA'I RNAM PAS STONG PA NYID DO, ,DNGOS PO DANG DNGOS PO MED PAR RNAM PAR MI RTOG PA'I PHYIR, SNANG BA'I RNAM PAR RTOG PA'I MTSAN MA THAMS CAD KYIS YOD PA DANG MED PAR BRJOD DU MED DO, ,JI LTAR DBU MA LAS 'BYUNG BA, ,STONG PA ZHES PAR SMRA MI BYA, ,MI STONG PAR YANG MA YIN TE, ,GNYIS DANG MI GNYIS ZHES PAR YANG, ,BZHI LA RNAM BZHI GA LA ZHIG ,CES PA'O, , GSUNG RAB KYI YAN LAG PHYE STE BSHAD PA MDO NI MDO'I DON GYI PHYIR TE, JI LTAR SO SOR THAR PA'I MDO SDE BSHAD PA NI, RNAM PAR 'BYED PA RAB TU 'CHAD PA LA SOGS PA STE, 'DUL BA'I MDO SDE NI LHAG PA'I TSUL KHRIMS SO, ,BSHAD PA'I MDO SDE NI LHAG PA'I SEMS NI MNGON PAR DANG BAR BYA BA'I DON TO, ,DE NI LUNG THA DAD PA'I PHYIR THA DAD PA STE, RING PO'I LUNG DANG, BAR MA'I LUNG DANG, LDAN PA'I LUNG DANG, GCIG YAN CHAD KYI LUNG GI MDO RNAMS SO, ,SHIN TU RGYAS PA'I MDO SDE RNAMS NI THEG PA CHEN PO LA MED DE, JI LTAR 'PHAGS MA SHES RAB KYI PHA ROL TU PHYIN PA DANG, LANG KAR GSHEGS PA DANG, SA BCU PA DANG, TING NGE 'DZIN GYI RGYAL PO DANG, SDONG PO BRGYAN PA DANG, DAM PA'I CHOS DRAN PA NYE BAR GZHAG PA DANG, LHA MO'I MDO SDE LA SOGS PA'O, ,DBYANGS KYIS BSNYAD PA NI RGYUD RING BA'O, LA LAS NI DBYANGS KYIS BSNYAD PA DANG, TSIGS SU BCAD PA DANG, CHED DU BRJOD PA RNAMS NI GCIG PA KHO NAR RTOGS PAR BYED DE, RGYUD THUNG BA TZAM ZHIG NI TSIGS SU BCAD PA, CHED DU BRJOD PA'I GSUNG NI MDO LAS SPOBS PA DE LTA BUR BSKYED PA'O, , @156B LUNG BSTAN PA NI MA 'ONGS PA GSUNGS PA'O, ,DBYANGS KYIS BSNYAD PA NI GDANGS KYIS SEMS CAN MANG PO MGU BAR MDZAD DE, JI LTAR BAR TA'I GTZUG LAG LAS 'BYUNG BA, ,GAN DHAR NI SHA DBYANGS DAG NI, ,SNYING RJE'I ROL BLANG BAR BYA, ,'THAB MO 'JIGS PA DANG BCAS LA, ,BDE BAR DBYANGS NI BLANG BAR BYA'O, ,ZHES TE, CHOS BSHAD PAS KUN TU SKYO BAR BYA BA'I PHYIR RNAM PA DE LTA BU DBYANGS KYI DKYIL 'KHOR GSUNG BAR MDZAD DO, ,RLOM PA DANG DPA' BO LA SOGS PAR GSUNG BAR MI MDZAD PA NI RTZED MO RLOM PAR BLA BA NI, LNGA PA DBU MA DBYANGS DAG STE, ,DPA' BO DRAG PO NGO MTSAR DU, ,DRUG SKYES KHYU MCHOG DE BZHIN NO, ,ZHES PA'O, ,GLENG GZHI NI SNGON 'DAS PA STE, LA LAS RGYUR YANG BRJOD DO, ,DA LTAR DANG 'DAS PA NI SNGA MA DANG 'BREL BAR 'GREL TO, ,SKYES PA'I RABS NI SNGON GYI SPYAD PA'O, ,RTOGS PA BRJOD PA NI NYAN THOS RNAMS KYI TSE GZHAN DU SPYAD PA NYID DE, LA LAS DON GCIG PAR RTOG PA NI JI LTAR DPAL SDE'I RTOGS PA BRJOD PA DANG, GTZUG NA NOR BU'I RTOGS PA BRJOD PA'O, ,SKYES PA'I RABS NI BYANG CHUB SEMS DPA'I SPYAD PA NYID DU GRAGS PA'O, , SHIN TU RGYAS PA NI THEG PA CHEN PO STE, MDO SDE 'GREL PA'I CHOS MNGON PA NI LHAG PA'I SHES RAB PO, ,RMAD DU BYUNG BA NI RDZU 'PHRUL GYI CHO 'PHRUL LO, ,CHOS BSTAN PA NI BSAM GTAN GYI MAN NGAG STE, BYANG CHUB SEMS DPA' GSUM DU YANG RTOGS PA JI BZHIN PAR GYUR PA DANG YAN LAG BCU GNYIS SO, ,YAN LAG DGU NI GSUNG RAB BSDU BA'I PHYIR TE, GAL TE DBYANGS KYIS BSNYAD PA DANG, TSIGS SU BCAD PA DANG, CHED DU BRJOD PA RNAMS GCIG TU BSDU'O, ,YANG NA SKYES PA'I RABS DANG, RTOGS PA BRJOD PA NI DA LTAR DANG, 'DAS PA DANG GLENG GZHI RNAMS GCIG TU BSDU ZHES TE, THAMS CAD MKHYEN PA'AM, YANG DAG PAR BSDU PAR MDZAD PA RNAMS KYIS MDO DANG RGYA CHER DGONGS PA'I DON DU BRTAG GO, ,SHIN TU RGYAS PA NI THEG PA CHEN PO STE, BTZUN GTZO'I BYANG CHUB SEMS @157A *, ,DPA' RNAMS KYIS BRO DANG, BRO'I 'BYUNG GNAS DANG, MIG RTZI DANG, GTER MI ZAD PA DANG, YID BZHIN GYI NOR BU RIN PO CHE DANG, RAL GRI DANG, GZHAL MED KHANG LA SOGS PA SNGAGS KYIS 'GRUB PA'I 'DU BYED NI SEMS CAN GYI DON DU BYANG CHUB KYI TSOGS YONGS SU BSKANG BA'I PHYIR MKHO'O, ,NYAN THOS PA NI MI RTAG PA DANG, SDUG BSNGAL BA DANG, BDAG MED PA DANG, STONG PA'I RNAM PAR 'PHAGS PA'I BDEN PA BZHI BSGOM PA SKYO BA DANG 'DOD PA CHUNG BA RNAMS LA BRO DANG BRO'I 'BYUNG GNAS DANG, MIG RTZI MI DGOS SO, ,DE DAG GIS KYANG SHIN TU RGYA CHE BA NI THEG PA CHEN POR ZUR BYUNG BA YIN TE, JI LTAR 'PHAGS PA DGA' BOS YANG DAG PAR BSDU BA NA SMRAS PA, STOBS BCU'I GSUNG NI GZHAL DU MED PA STE, ,BCOM LDAN 'DAS KYIS LHA'I 'JIG RTEN LA SOGS PAR GSUNGS PA'I MDO SDE MANG PO GANG DAG BDAG GIS MA THOS SHING, DGE SLONG PA KHA CIG GIS THOS SO ZHES TE, DE BAS NA DE LTAR GNAS BRTAN BCUN GTZO'I TSIG GIS DBANG PO LA SOGS PA BYANG CHUB SEMS DPA'I DGE 'DUN DANG, RNAM PAR THAR BA GSUM PO THOB PA'I 'PHAGS PA NYAN THOS KYIS LHO PHYOGS KYI THOG MA'I RI DANG, THA MA RI'I GNAS SU THEG PA CHEN PO NI SDE SNOD BDUN DU YANG DAG PAR BSDU PAR BYAS SO, ,'PHAGS PA 'OD SRUNGS DANG, 'PHAGS PA DGA' BO DANG, AU P'A LI LA SOGS PAS RGYAL PO'I KHAB TU SDE SNOD GSUM YANG DAG PAR BSDUS SO, ,SHIN TU RGYAS PA NI THEG PA CHEN PO BAR, 'PHAGS PA'I NYAN THOS RNAMS KYIS ZUNG BYUNG BA BTZUN GTZO'I BYANG CHUB SEMS DPA' RNAMS KYIS RNAM PAR PHYE BA STE, JI LTAR MDO SDE 'DI NYID DU THEG PA CHEN POR BSDU BA, CHOS LNGA RNAMS DANG RANG BZHIN DANG, ,RNAM BAR SHES PA BRGYAD RNAMS DANG, ,BDAG MED GNYIS KYI NANG DU NI, ,THEG PA CHEN PO THAMS CAD 'DUS, ,ZHES TE DE LA MTSAN MA DANG, RNAM PAR RTOG PA DANG, MING DANG, MANG DAG PA'I YE SHES DANG, DE BZHIN NYID DANG CHOS LNGA'O, ,DE DAG NI BRTAGS @157B PA DANG, GZHAN GYI DBANG DANG, YONGS SU GRUB PAR BSDU STE, MTSAN MA DANG, RNAM PAR RTOG PA GNYIS NI GZHAN GYI DBANG DU BSDU'O, ,MING NI BRTAGS PAR RO, ,YANG DAG PA'I YE SHES DANG, DE BZHIN NYID DAG NI YONGS SU GRUB PAR RO, ,LUS DANG LONGS SPYOD DANG, GNAS SU SNANG BA'I KUN GZHI RNAM PAR SHES PA NA MTSAN MA STE, RNAM BRGYAD RNAM DGU DE BZHIN DU'O, ,DE LA YID KYI RNAM PAR SHES PA NI RNAM PAR RTOG PA'I BDAG NYID DE, GZHAN GYI DBANG GSAL BA'I GZUGS NYID LA RNAM PAR RTOG GO, ,MING NI NGES PA MED DO, , BRTAGS PA LAS SKYE BAS NA DE LTA BU'I PHYIR KUN BRTAGS PA'I MTSAN NYID DO, ,YANG DAG PA'I YE SHES NI SHES RAB DPYOD PA'I RANG BZHIN NO, ,DE NI GNYIS KYI RNAM PA DANG BRAL BA MI GNYIS PA'I CHOS NYID BSAM PA MED CING SNANG BA MED PA DON DAM PA'I BDEN PA GNYIS SU MED PA, YANG DAG PAR RIG PA'I RANG BZHIN DNGOS PO RNAM PAR MI RTOG PA'I DE BZHIN NYID RTOGS PAR BYED DO, ,BDAG MED PA GNYIS NI, CHOS LA BDAG MED PA DANG, GANG ZAG LA BDAG MED PA'O, ,JI LTAR 'PHAGS MA SHES RAB KYI PHA ROL TU PHYIN PA LAS 'BYUNG BA, TSOGS SU MI GNAS PA DANG, MI 'JIGS PA MA YIN PA'I PHYIR NANG DANG PHYI'I STONG PA NYID CES TE, RNAM PAR GZHIGS PA NA KHANG PA DANG, SDE DANG, NAGS TSAL LA SOGS PA BZHIN DU PHYI ROL GYI TSOGS SU GNAS PA MED DO, ,JI LTAR MDO SDE 'DIR GSUNGS PA, GZUGS NI RDUL PHRAN GZHIGS PA NA, ,RDUL PHRAN CHA NI MED PA STE, ,ZHES SO, ,SNANG BA 'DI CI ZHIG CES PA LA, PHYI YI DNGOS PO MED PAR YANG, ,SEMS NI RNAM PA GNYIS SU SNANG, ,ZHES SO, ,MI 'JIGS PA MA YIN PA NI RTAG PA GANG ZAG LA SOGS PA MED DE MA SKYES PAS NA RI BONG GI RAL SOGS PA BZHIN DU DNGOS PO MED PA KHO NA'O, ,DE DE LTAR BDAG MED PA GNYIS NI STONG PA THAMS CAD KYI THABS SU BSHAD PA SBYAR BAR BYA'O, ,RANG BZHIN NI CHUD PA'I DBYINGS TE, CHOS LNGA'I GNAS YIN TE, CHOS NYID LA 'GAL BA MED DO, ,BTZUN @158A *, ,GTZO'I BYANG CHUB SEMS DPA' RNAMS KYIS SEMS CAN GYI DON DU THEG PA CHEN PO LA THAMS CAD MKHYEN PA BSGRUB PA'I PHYIR SA DANG PHA ROL TU PHYIN PAS THEG PA CHEN PO KHYAD PAR DU PHYE BA YIN NO, ,THAMS CAD MKHYEN PAS NYAN THOS RNAMS LA YANG STONG PA NYID DANG, MTSAN MA MED PA DANG, SMON PA MED PA'I RNAM PAR THAR BA RTOGS PAR MDZAD PA'I SLAD DU BSTAN PA NI JI LTAR DGE SLONG DAG MIG NI STONG PA NYID DANG, GSOG DANG, GSO BA DANG, 'DU SHES TZAM PA DANG, 'DUS BYAS SU MTHONG NGO, ,DE BAS NA, GZUGS NI DBU BA'I GONG BUR MTSUNGS, ,TSOR BA CHU YI CHU BUR 'DRA, ,'DU SHES SMIG RGYU LTA BU STE, ,'DU BYED CHU SHING DU NI SNANG, ,RNAM SHES SGYU MA LTA BU'O, ,ZHES PA NYI MA'I GNYEN GYIS GSUNGS, ,ZHES PA'O, ,DE DE LTAR GSUNG RAB DANG MI 'GAL BA LA, KHA CIG GIS NI 'DOD, KHA CIG GIS NI MI 'DOD DO, ,'DOD PA DANG, MI 'DOD PAR ZHUGS PA RNAMS MI SPONG ZHING BRNYAS BAS NA DE DAG LA YANG NGAN SONG NGO, ,MKHAS PA RNAMS NI LEGS PAR GSUNGS PA 'DZIN PA YIN PAS NA SHES RAB CAN RNAMS KYIS NYAN PAR BYED DO, ,RANG GI SEMS SNANG BA TZAM KHONG DU CHUD PAS RTAG PA DANG, BDAG DANG, PHYI ROL GYI DON LA SOGS PAR RNAM PAR RTOG PAR MI BYED CING, THEG PA CHEN PO YANG DAG PA JI LTA BU RTOGS PAR BYED DO, ,NYAN THOS DANG MU STEGS KYI RTOG PA LAS RNAM PAR GROL ZHING, TSANGS PA DANG DBANG PO LA SOGS PA BYED PA POR SMRA BA LAS MA GTOGS BA'I LAS DANG 'BRAS BUR 'BREL PA KHONG DU CHUD PAR 'GYUR RO, ,SEMS 'DI NI RANG BZHIN GYIS 'OD GSAL BA STE, DGE BA DANG MI DGE BA LA SOGS PA'I 'DU BYED RNAMS KYIS SUS JI LTAR SBYOR BA DES, DE LTAR 'GRUB PAR 'GYUR BAS NA SA DANG PHA ROL TU PHYIN PAR 'BYED PAS DBYE BA NA SNANG BA DANG BCAS PA DANG SNANG BA MED PA'I TING NGE 'DZIN THOB PAS THAMS CAD MKHYEN PA KHO NAR 'GYUR RO, ,DES YID BZHIN GYI NOR BU RIN PO CHE LTAR SEMS CAN THAMS CAD KYI DON MDZAD SPYOD DO, ,MCHOG TU YONGS SU DAG PA'I 'DOD CHAGS DANG @158B BRAL BA, THAMS CAD MKHYEN PA, RNAL 'BYOR GYI DBANG PO GZUGS RNAM PA SNA TSOGS KYI CHO 'PHRUL GYIS MTHA' YAS BA'I SEMS CAN GYI RGYUD RANGS PAR MDZAD PA, YON TAN GYI TSOGS DPAG TU MED PA SHES BYA DANG, NYON MONGS PA DANG, LAS KYI SGRIB PA SPANGS PA STE THAMS CAD MKHYEN PA KHO NAR RO, ,DE'I BGEGS NI 'DOD CHAGS LA SOGS PA NYON MONGS PAS BSGRIBS PA STE, DNGOS PO YANG DAG PA NYID NYE BAR JI LTAR GNAS PA YANG MI SHES SO, ,SHES PA'I SPYOD YUL SO SOR NGES PA MED KYANG SGRIB PA SPANGS PA NA MIG GI LING TOG DANG BRAL BA BZHIN DU THAMS CAD SHES SO, ,THOS PA DANG, SEMS PA DANG, BSGOM PA'I RIM PAR DBYE BA NA YE SHES GONG MA NAS GONG MAR KHYAD PAR GANG DANG GANG YOD PA DE DANG DE NI SNGON THOS PA DANG, SEMS PA LAS TSOGS KYI STOBS LAS BYUNG BA STE, SLOB MA RNAMS KHYAD PAR DU MKHAS PAR 'BYED PA BZHIN NO, ,SKYES MA THAG PA RNAMS LA YANG DGA' BA DANG, 'JIGS PA DANG, MYA NGAN SNANG STE, DES NA SNGON GYI GOMS PA RJES SU DPAG GO, ,TSE GZHAN DU MCHOG GI RIM PAR DBYE BA NA SHES RAB LA SOGS PA'I KHYAD PAR RNAMS KYIS THAMS CAD MKHYEN PA'I YE SHES SU 'GYUR RO, ,LTA BA GNYIS ZHES BYA BA NI PHYI ROL DON DU LTA BA DANG, BYED PA DANG, BYED PA LA SOGS PAR LTA BA'O, ,RKYEN NI MI RTAG PA DE MA THAG PA TZAM GYIS SO, ,MI SPANG BA NI SPANG BAR MI BYA BA STE BLANG BAR BYA'O ZHES BYA BA'I DON TO, ,GANG ZAG MED CES PA NI RTAG PAR SNANG BA RNAM PAR RTAG PA NI MED DO, ,'DOD CHAGS LA SOGS PA RNAMS NI PHUNG PO LUS GZHAN GYI DBANG LA RMI LAM DANG 'DRA BAR RGYU YOD DO, ,'PHAGS PA LANG KAR GSHEGS PA YE SHES DPAL BZANG POS BSHAD PA SBYAR BA'I LE'U GSUM PA LAS GRUB PA'I MTHA'I TSUL RNAM PAR 'BYED PAR DPYAD PA GSUM PA'O,, ,,YANG DAG PA MA YIN PAR YONGS SU RTOG PA ZHES BYA BA LA SOGS PA NI BTZUN GTZO'I BYANG CHUB SEMS DPA' BLO GROS CHEN POS GSOL BA'O, ,THAMS CAD MKHYEN PAS KYANG GSOL BA'I LAN DU GSUNGS PA, BLO GROS CHEN @159A *, ,PO DON RNAM PA THA DAD PA SNA TSOGS SU YANG DAG PA MA YIN PAR KUN TU BRTAGS PA LA MNGON PAR CHAGS PAS MI RNAMS KYI RNAM PAR RTOG PA 'BYUNG BAR 'GYUR TE ZHES BYA BA LA SOGS PA'O, ,DON RNAM PA THA DAD PA SNA TSOGS NI SNANG BA RNAM PA SNA TSOGS PA THAMS CAD MKHYEN PAS DGONGS PAR BRTAG GO, ,MGO 'KHOR BA DANG, BRGYAL BA LA SOGS PA BZHIN DU NANG 'KHRUGS PA'I MTHUS RNAM PA SNA TSOGS KYI RNAM PA'I RNAM PAR SHES PA 'BYUNG NGO, ,BCOM LDAN 'DAS PHYI ROL GYI DON ZHES BYA BA LA SOGS PA NI PHYI ROL GYI DON RTOG PA'I RDUL PHRA MO'I RDZAS LA SOGS PA SNA TSOGS KYI MTSAN NYID YANG DAG PA MA YIN PA YONGS SU RTOG PA GANG LA RNAM PAR RTOG PA'I MTSAN NYID YOD PA DE DE LTA BU'O, ,YOD PA DANG MED PA'I PHYOGS SU LHUNG BA'I MTSAN NYID GANG LA YOD PA DE DE LTA BU STE, DON DAM PA MI GNYIS PA'I CHUD PA LAS BZLOG PA'O, ,DE JI LTAR PHYI ROL GYI DON LA TSAD MAS GNOD KYANG YANG DAG PA MA YIN PA YONGS SU RTOG PA 'JUG PA DE BZHIN DU DON DAM PA MI GNYIS PA'I CHUD PA YANG DBANG PO'I SHES PA DANG, RJES SU DPAG PA CHA SHAS KYI RGYU DANG DPE LAS 'DAS PA DER YANG YANG DAG PA MA YIN PAR YONGS SU RTOG PA MTSUNGS NA BCOM LDAN 'DAS DER DE JI LTA BU ZHIG CES GLENGS PA'O, ,DON DAM PA'I MTSAN NYID LA MNGON PAR CHAGS SHING ZHES PA NI MI GNYIS PA YANG DAG PAR RIG PA'I RANG GI MTSAN NYID DO, ,RNAM PAR RTOG PA NI YANG DAG PA MA YIN PAR YONGS SU RTOG PA STE, DON DAM PA LAS LOG PA'I PHYIR RO, ,RNAM PA SNA TSOGS SU SNANG BA LA PHYI ROL GYI RTAG PA DANG, MDZES PA DANG, MI MDZES PA LA SOGS PAR SGRO 'DOGS PA NI YANG DAG PA MA YIN PAR YONGS SU RTOG PA STE, GZHAN GYI DBANG GI GZUNG BA'I CHA LA MNGON PAR CHAGS PA'I DON TE, RMI LAM LTAR SNANG BA LAS SLU BA DANG, SLU BA MED PA'O, ,YOD PA DANG, MED PAR LTA BA NI MU STEGS BYED KYI LTA BA'O, ,SO SOR RNAM PAR RTOG PA NI BDAG DANG, BDAG GIR RNAM PAR RTOG PA STE, JI LTAR GSUNGS PA, YANG DAG MA YIN KUN RTOG NI, ,SEMS DANG SEMS BYUNG KHAMS GSUM PA, ,ZHES PA'O, ,'PHAGS PA BLO GROS CHEN POS @159B KYANG DE STE RGYU LAS YANG DAG PA MA YIN KUN DU RTOG PA 'DI YIN NA NI DON DANG SGRA'I CHOS SU MTHUN PAS JI LTAR NA PHYI ROL GYI DON MA MCHIS, DES NA MI MTSUNGS PA'I RGYUR 'GYUR RO ZHES GLENGS PA LAS THAMS CAD MKHYEN PAS KYANG GLENG BA LA YONGS SU SPONG BAR MDZAD PA, BLO GROS CHEN PO RNAM PAR RTOG PA 'BYUNG BA 'AM LDOG PA MED DO ZHES TE, YANG DAG PA LA DES BRJOD DU MED PA'I PHYIR RO, ,DE CI'I PHYIR ZHE NA, 'DI LTA STE, YOD PA DANG MED PA LAS RNAM PAR RTOG PA MI 'BYUNG BA DANG, PHYI ROL GYI SNANG BA'I DNGOS PO MED PA DANG, RANG GI SEMS SNANG BA TZAM DU RTOG PA STE, BLO GROS CHEN PO BYIS PA RNAMS RANG GI SEMS RNAM PA SNA TSOGS SU PHYI ROL GYI BAR SGRO BTAGS PAS BSAM PA SKYON CAN DU GYUR NAS RNAM PAR RTOG PAS BRTAGS TE, YANG DAG PA MA YIN PA KUN RTOG PA SNA TSOGS KYI DNGOS PO'I MTSAN NYID LA MNGON PAR CHAGS PAS LO RGYUS LAS BYUNG BA SNGON DU 'GRO BA'I RNAM PAR RTOG PA'I 'BYUNG BAR BSHAD DO ZHES TE, YANG DAG BA MA YIN PAR YONGS SU RTOG PA 'PHAGS PA BTZUN GTZO BYAMS PAS BSHAD PA NI, YANG DAG MA YIN KUN RTOG YOD, ,DES NA GNYIS PO YOD MA YIN, ,STONG PA NYID KYANG DE NA YOD, ,DE LA YANG NI DE YOD DO, ,YANG DAG MA YIN KUN RTOG NI, ,SEMS DANG SEMS BYUNG KHAMS GSUM PA, ,ZHES PAS TE, SEMS DANG SEMS LAS BYUNG BA 'DUS PA LAS RNAM PAR RTOG PA 'BYUNG NGO ZHES BYA'O, ,JI LTAR NANG 'KHRUGS PAS MGO 'KHOR BA DANG, BRGYAL BA LA SOGS PA BZHIN DU RNAM PA SNA TSOGS KYI RNAM PA 'BYUNG STE, DES NA YANG DAG PA MA YIN PAR YONGS SU RTOG PA'O, ,DE GNYIS KYIS STONG STE, STONG PA NYID KYANG DE NA YOD DO, ,DE NA YANG DE YOD DE, BYIS PA RNAMS LA YANG DAG PA MA YIN PAS YONGS SU RTOG PA'O, ,YOD PA DANG MED PA LAS RNAM PAR RTOG PA MI 'BYUNG PA ZHES BYA BA NI SNANG DU ZIN KYANG NOR BA'I RNAM PA LA SKYE BA MED DO ZHES THAMS CAD MKHYEN PAS DGONGS PA'O, ,GNYIS KYI RNAM PA MED PA NYID PAS NA RMI LAM DANG, MIG 'PHRUL DANG, RAB RIB LA SOGS PA SNANG BA BZHIN DU SKYE BA MED DO, ,THOG MA MED @160A *, ,PA'I SEMS KYI RGYUD GANG LA YANG SKYE BA DANG GNAS PA DANG, 'GOG PA LA SOGS PA KUN RTOG PA DE LA YANG THA DAD PA'I BYED PA DANG BYED PA POR 'BREL BAR MI RUNG BAR THAMS CAD MKHYEN PAS RIGS PA BZHIN GYIS BSGRUB PAR MDZAD PA, YOD PA DANG MED PA LAS MI SKYE ZHES TE, YOD PA NI DNGOS SU YOD PAS GRANGS CAN LA SOGS PAS KUN BRTAGS PA'I SKYE BA MI RUNG NGO, ,MED PA YANG DNGOS PO BYA MI NUS TE, DNGOS PO MED CES PA NI CANG MI BYED PA NI BYED PA DGAG PAR GYUR PA NYID CES BYA STE, RNAM GRANGS MANG POR BSHAD DO, ,'ON TE YOD PA DANG MED PA LAS MI SKYE NA NI JI LTAR NA 'DIS BYED DO ZHES BYA, 'DZIN PA DANG GZUNG BA'I DNGOS PO YANG MI RUNG NGO ZHES PA DE THAMS CAD MKHYEN PAS BSGRUB PAR MDZAD PA BYED PA PO DANG, LAS DANG, BYED PA'I THA SNYAD MI RUNG BA NI DON JI BZHIN PA'I 'DZIN PA DANG, GZUNG BA MED PA'I PHYIR RO, , GNYIS KYI RNAM PA'I SHES PA LA RNAM PAR RTOG PA 'BYUNG NGO, ,BLO GROS CHEN PO GZHAN DU NA ZHES PA NI 'DZIN PA DANG GZUNG BA'I DNGOS POR BYED PA DANG, BYED PA POS BSKYED DO ZHES RANG GI SEMS SNANG BA LA KUN BRTAGS TE, PHYI ROL GYI DNGOS PO MED DO ZHES THAMS CAD MKHYEN PAS DGONGS PA'O, GANG GI TSE NA SHES RAB KYIS RNAM PAR DPYAD DE, SBOM PO DANG, PHRA MO RNAM PAR PHYE BA NA PHYI ROL GYI MI DMIGS PA DE'I TSE MI GNYIS PA'I YE SHES GNAS SO, ,'DZIN PA DANG GZUNG BA RGYUN DU 'BYUNG BA YANG BYED PA DANG, BYED PA PO DANG, RJOD PA DANG, BRJOD PA LA SOGS PA RNAM PAR RTOG PA'I SNANG BA THAMS CAD DANG BRAL BA'I DON DAM PA'I BDEN PA ZHES BYA'O, ,SNGA MA'I 'OG TU 'DI YOD PAS 'DI YOD DO ZHES BYA BAR SNANG BA DANG BCAS PA'I TING NGE 'DZIN DAG PA 'JIG RTEN PA'I RAB TU CHUD PA LA THAMS CAD MKHYEN PA BZHUGS PA NA SEMS CAN THAMS CAD LA RNAM PA SNA TSOGS KYI RTEN CING 'BREL TE 'BYUNG BA RAB TU SNANG BAR MDZAD PA'I DON DU LAS DANG 'BRAS BUR SO SOR NGES PAR 'BREL BA'I CHOS STON PA 'BYUNG NGO, ,SNANG BA BZHIN DU RJES SU MTHUN PAR KHONG DU CHUD PAR MDZAD PA'I PHYIR PHYOGS DANG, RGYU DANG, DPE DANG, KHYAB @160B PA'I TSUL DANG, CHOS MTHUN PA DANG, MI MTHUN PAR MTHUN PAR GSUNGS SO, ,GANG SKYES PAR RIG PA DE NI MI RTAG PA STE, THAL MO'I SGRA DANG, RMI LAM DANG, MIG 'PHRUL DANG, RAB RIB DANG, CHU ZLA LA SOGS PA BZHIN DU THOG MA DANG, THA MA'I MTHAR STONG BA'O, ,SKYES PA NI RIG PAR 'GYUR RO ZHES BYA BA'I TSAD MAS CHUD PA RNAMS NI THAMS CAD MKHYEN PA'O, ,YOD PA DANG MED PA'I RNAM PAR RTOG PAS BSLAD DE, GNYID KYIS MA LOG PA'I DUS NA NI GZUGS YOD LA RMI LAM GYI DUS NA MED DO ZHES GANG DAG GRANGS CAN DANG, NE YI YA YI KA DANG, KHYAD PAR CAN DANG, KshA PA NA KA DANG, DPYOD PA CAN DANG, 'JIG RTEN RGYANG PAN LA SOGS PA PHYI ROL GYI DON LA MNGON PAR CHAGS PA DE DAG LA PHYI ROL GYI DON NI SNANG BA TZAM DANG, MTSUNGS PAS NA LHAG PAR BSGRUB PA MED DO ZHES SPYIS KHYAB PA'I TSUL DU GSUNGS SO, ,GANG GIS GZUGS NI DE LTAR CUNG ZAD CIG NI YOD, CUNG ZAD CIG NI MED DO ZHE NA NI MI MTSUNGS PAR SMRA BAR YANG 'GYUR NA DE 'PHAGS PA BLO GROS CHEN POS GLENGS PA LA THAMS CAD MKHYEN PAS YONGS SU SPONG BA NI PHYI ROL GYI DON MED PA'I PHYIR ZHES TE, PHYI ROL GYI SBOM PO DANG, PHRA MO RNAM PAR BRTAGS PA NI BLA 'OG TU PHYOGS KYI CHAR 'BYED PAS RNAM PAR PHYE BA NA KHANG PA DANG, SDE DANG, NAGS TSAL LA SOGS PA BZHIN DU STONG PAR 'GYUR RO, ,RDUL PHRA MO RNAMS KYANG YAN LAG MED PAS NA BLA 'OG TU CHAGS SHING TSOGS SU 'DU BAR MI RUNG BA NI SEMS DANG SEMS LAS BYUNG BA BZHIN NO, ,DES NA BDAG DANG GZHAN GYI RGYUD DBANG DANG MNYAM PAR MI 'JOG PA'I MA RIG PAS RNAM PA SNA TSOGS SU BSLAD PAS RNAM PAR SHES PA SNA TSOGS GYI RNAM PA SNANG NGO, ,GANG GI TSE NA SHES RAB KYIS DPYAD NAS SHES PAR BYA BA MI DMIGS PA DE'I TSE BSAM PA MED CING SNANG BA MED PA DON DAM PA'I BDEN PA MI GNYIS PAR YANG DAG PAR RIG PAS GNAS SO, ,GZHAN GYI DON DU THUGS RJES SNANG BA DANG BCAS PA DAG GIS 'JIG RTEN GYI TING NGE 'DZIN LA THAMS CAD MKHYEN PA BZHUGS PA NA PHYI ROL GYI DON MED PAR YANG CHOS 'CHAD PA 'BYUNG @161A *, ,NGO; ,BRTAGS PA DANG GZHAN GYI DBANG DANG YONGS SU GRUB PA RNAMS SU NYON MONGS PA DANG NYON MONGS PA MED PA'I CHOS THAMS CAD BSDU BA NI PHUNG PO DANG, KHAMS DANG, SKYE MCHED DANG, RTEN CING 'BREL TE 'BYUNG BA DANG, BYANG CHUB KYI PHYOGS KYI CHOS SUM CU RTZA BDUN DANG, STOBS BCU DANG, MI 'JIGS PA LA SOGS PA'O, ,SDUG BSNGAL DANG, KUN 'BYUNG KUN NAS NYON MONGS PA RNAMS NI BRTAGS PA DANG, GZHAN GYI DBANG GNYIS SU BSDU'O, ,NYON MONGS PA MED PA RNAMS DANG, 'GOG PA DANG LAM GYI BDEN PA YONGS SU GRUB PAR BSDU'O, ,KHAMS GSUM 'DI NI SEMS TZAM MO ZHES SO, ,SA BCU PA DANG, LANG KAR GSHEGS PA LAS GSUNGS PA NI, LUS DANG LONGS SPYOD GNAS SNANG BA, ,KUN GZHI KUN TU 'BYUNG BA STE, ,RNAM BRGYAD RNAM DGU DE BZHIN DU, ,RGYA MTSO RLABS RNAMS BZHIN DU'O, , YANG LANG KAR GSHEGS PAR GSUNGS PA, BRTAGS PA DANG, RNAM PAR BRTAGS PA DANG, CHOS NYID KYI GZUGS ZHES TE, BRTAGS PA DNGOS PO TZAM PA DANG, ,KHYAD PAR DU NI RNAM PAR BRTAGS, ,RANG GI MTSAN NYID GANG YIN PA, ,CHOS NYID GZUGS NI DE YIN NO, ,ZHES PA'O, , DE LA BRTAGS PA NI GZHAN GYI DBANG NYID DU BRTAGS PA'O, ,DE NYID LA RTAG PA DANG MI RTAG PA LA SOGS PA'I CHOS SU RNAM PAR RTOG GI, RTAG PA LA SOGS PA BRTAGS PA'I YUL NI MED DO, ,GNYIS KYI RNAM PA'I 'KHRUL PA DANG BRAL BA NI GRUB PA STE, CHOS NYID KYI GZUGS ZHES BYA'O, ,'PHAGS PA BTZUN GTZO BYAMS PA'I DGONGS PA BYED PA YANG DAG PA MA YIN PA KUN DU RTOG PA'I BSHAD PA NI, YANG DAG MA YIN KUN RTOG NI, ,SEMS DANG SEMS BYUNG KHAMS GSUM PA, ,DE NA DON MTHONG RNAM PAR SHES, ,DE YI KHYAD PAR SEMS LAS BYUNG, , ZHES PA STE, KHAMS GSUM GYI CHOS KUN NAS NYON MONGS PA DANG, NYON MONGS PA MED PA THAMS CAD KYANG SEMS DANG SEMS LAS BYUNG BA'I TSOGS SU BSDU'O, ,CHOS DANG GANG ZAG LA BDAG MED PA YONGS SU SHES PAS 'DOD CHAGS DANG ZHE SDANG LA SOGS PA SEMS @161B LAS BYUNG BA RNAMS YONGS SU ZAD PAR 'GYUR RO, ,KUN DU 'GRO BA, TSOR BA SEMS PA 'DU SHES DANG, ,'DOD PA REG PA BLO DRAN DANG, ,YID LA BYED PA MOS PA DANG, ,TING NGE 'DZIN SEMS KUN LA STE, ,SEMS LAS BYUNG BA DAG PA RNAMS NI THAMS CAD MKHYEN PA'I DAG PA 'JIG RTEN GYI SNANG BA DANG BCAS PA'I TING NGE 'DZIN LAS 'BYUNG NGO, ,BSAM PA MED CING SNANG BA MED PA DON DAM PA'I BDEN PA MI GNYIS PAR YANG DAG PAR RIG PA DER RIG PA DANG, RIG PA PO'I DNGOS POR SEMS BDAG NYID LA YANG MI RGYUN BAG CHAGS KYIS DUS KYI KUN DU 'GRO BA'I SEMS LAS BYUNG BA RNAMS SNANG BAR 'GYUR BA LTA CI SMOS, 'ON KYANG THUGS RJE'I BAG CHAGS KYIS BSKUL TE, SNANG BA DANG BCAS PA'I TING NGE 'DZIN SEMS LAS BYUNG BA DAG PA RNAMS SO SOR SNANG NGO, ,RTAG PA DANG, BDAG DANG, BDE BA DANG, GTZANG BA'I DNGOS POR PHYIN CI LOG PA'I GNYEN POR MI RTAG PA DANG, SDUG BSNGAL BA DANG, MI MDZES PA DANG, STONG PA'I RNAM PAR SPYIR SGRA DANG DON DU SGRO BTAGS STE, GNYIS KYI RNAM PA'I SHES PA DANG, RANG GI MTSAN NYID LA YANG CHOS STON PA 'JUG STE, DE NI LAN DU MAR BSHAD PA YIN NO, ,BRTAGS PA DANG, GZHAN GYI DBANG DANG, YONGS SU GRUB PA RNAMS SU CHOS THAMS CAD KYI MTSAN NYID 'BYED PA STE, DE LA THAMS CAD MKHYEN PAS BRTAGS PA LA RNAM PA BCUR SNGAR BSHAD PA NI GZUGS LA SOGS PA YUL LNGA DANG, MIG LA SOGS PA DBANG PO LNGA STE, PHYI ROL GYI DON DU SGRO BTAGS TE, RDUL PHRA MO'I BRTZAMS PA'I RDZAS DANG, YON TAN LA SOGS PAR RTOG PAS BRTAGS PA KHO NAR BRTAG GO, ,GZHAN GYI DBANG NI, LUS DANG LONGS SPYOD GNAS SNANG BA, ,KUN GZHI KUN DU 'BYUNG BA STE, ,RNAM BRGYAD RNAM DGU DE BZHIN DU, , RGYA MTSO RLABS RNAMS BZHIN DU'O, ,ZHES PAR GSAL LO, ,KUN GZHI RNAM PAR SHES PA NI, ,GZHAN GYI DBANG DU RGYU DANG RKYEN LAS SKYES PA STE, BDAG DANG GZHAN GYI RGYUD KYI DBANG GIS DAM PA DANG DAM PA MA YIN PA'I CHOS BSHAD PA LA SOGS PA SNA TSOGS KYI RGYUS @162A *, ,BTAB PA'I 'DU BYED SNA TSOGS NYID 'BYUNG NGO, ,GZHAN YANG DAG PA MA YIN PA YONGS SU RTOG PA'I SGRAS BRJOD PAR BYA BA NI KUN GZHI 'DI LAS YANG DAG PA MA YIN PA PHYI ROL GYI GZHAN PAR YONGS SU RTOG PA'O, ,SEMS DANG SEMS LAS BYUNG BA'I TSOGS GNYIS KYI RNAM PA YANG DAG PA MA YIN PA STE, DER YANG LUS DANG LONGS SPYOD DANG, GNAS SU SNANG BA LA RTAG PA DANG, MI RTAG PA DANG, PHYI ROL GYI LA SOGS PAR SEMS CAN RNAMS KYI RNAM PAR RTOG PA 'BYUNG NGO, ,DE NYID DU MTSAN MA DANG, MING DANG, RTOG PA DANG, YANG DAG PA'I YE SHES DANG, DE BZHIN NYID CES BYA BA'I CHOS LNGA RNAM PAR GZHAG GO, DE LA GNYIS KYI KHYAD PAR BSTAN PAR BYA STE, GZHAN GYI DBANG SGRA DANG DON DU 'BYED PA NA MTSAN MA'O, ,GZHAN GYI DBANG DE NYID LUS DANG LONGS SPYOD DANG, GNAS SU SNANG BA'O, ,MING NI BRTAGS PA'I DNGOS POR BSDU STE, KUN TU BRTAGS PA NI RTAG PA DANG, BDAG LA SOGS PA DNGOS PO'I YUL YIN PA'I PHYIR RO, ,RNAM PAR RTOG PA NI GZHAN GYI DBANG DU BSDU'O, ,YANG DAG PA'I YE SHES DANG, DE BZHIN NYID DAG NI YONGS SU GRUB PAR BSDU STE, DE LTAR NA YANG DAG PA'I YE SHES KYI LAM GYIS DE BZHIN NYID GNYIS KYI RNAM PAR DANG BRAL BA NYID YANG DAG PA'I MTHA' RTOGS PAR BYED DE, DE NI LAN DU MAR BSHAD PA DANG SBYAR BAR BYA'O, ,'PHAGS PA LANG KAR GSHEGS PA YE SHES DPAL BZANG POS BSHAD PA SBYAR BA'I LE'U GSUM PA LAS YANG DAG PA MA YIN PA ZHES YONGS SU RTOG PA MDO'I DON DU DPYAD PA BZHIN PA'O,, ,,RGYU RNAMS DANG RKYEN RNAMS KYIS, ,GANG RNAMS 'JIG RTEN 'BYUNG ZHES PA, ,MTHA' BZHI DANG NI LDAN PA STE, ,DE DAG NGA YI TSUL NI SHES, ,ZHES PA NI GNYIS MED PA'I SHES PA LA, RGYU DANG 'BRAS BU'I DNGOS POR GZUNG GI ,GNYIS MED PA LA NI MA YIN NO, ,GANG GNYIS KYI GZUGS YIN PA DE NI RMI LAM DANG, SKAD CIG PA SNGA MA'I 'OG TU 'DI YOD PAS 'DI YOD DO ZHES RGYU DANG 'BRAS BUR 'BREL BA YANG 'DZIN GYI, BYED PA DANG, BYED PA PO DANG 'BREL PA NI MED DO, ,SKAD CIG GI @162B DUS MA GTOGS PAR SKYE BA DANG, GNAS PA DANG, 'GOG PA LA SOGS PA MI SRID PA'I PHYIR TE, JI LTAR DGE 'DUN CHEN PO BA RNAMS KLOG PA, 'DU BYED THAMS CAD SKAD CIG MA, ,MI BRTAN BYED PA GA LA ZHIG ,GANG BYUNG BYED PA DE NYID DE, ,BYED PA POR YANG DE NYID BRJOD, , CES TE, DE DE LTA BUR LHAG PA'I SKYE BA DANG, 'GOG PA LA SOGS PA'I CHOS MED PAS RTEN CING 'BREL TE 'BYUNG BA NI SKYE BA MED PA DANG, 'GOG PA MED PA LA SOGS PA'I MTSAN NYID CAN TE, JI LTAR DBU MA LAS 'BYUNG BA, ,'GOG MED SKYA BA MED PA DANG, ,RTAG MED CHAD PA MED PA DANG, ,GCIG DON DU MA'I DON MIN DANG, ,'ONG BA MED PA 'GRO BA MED, ,CES BYA BA LA SOGS PAR RTEN CING 'BREL TE 'BYUNG BA SNGAR BSHAD PA'O, ,GAL TE SKYE BA 'DUS BYAS NA, ,MTSAN NYID GSUM LDAN DER RIG STE, ,'ON TE SKYE BA 'DUS MA BYAS, ,'DUS BYAS MTSAN NYID JI LTAR RUNG, ,DE DE LTAR YOD PA DANG, MED PA DANG, GNYIS KA DANG, GNYIS KA MA YIN PAR 'GYUR BAS SMRA BA BDUN DU PHYE BA LAS MA GTOGS PA'I RTEN CING 'BREL TE 'BYUNG BA RIG PAR BYA'O, ,GRANGS CAN RNAMS NI YOD PAR SMRA BA STE, YOD PA SKYE'O ZHES PA NI DNGOS POR YOD PAS NA SKYE BAR MI RIGS SO, ,MED PA SKYE'O ZHES PA NA, NE YI YA YI KA DANG, KHYAD PAR CAN LA SOGS PA KUN RTOG PA YANG DNGOS PO MED PAR BYED PA NI, CI YANG MI BYED PA STE, BYED PA DGAG PAR BYED PAS GYUR PA NYID DO ZHES LAN DU MAR BSHAD PA'O, ,GNYIS KA DANG GNYIS KA MA YIN PA NI YOD PAR 'GYUR BA DANG, MED PAR 'GYUR BA DANG, YOD PA DANG MED PAR 'GYUR BA DANG, SMRA BAR MI BYA BAR 'GYUR BA'O ZHES TE, BSTAN PA LA NI RANG BZHIN GNYIS SU MI SRID DE, DER GANG DON BYED NUS DE YOD, ,CES LAN DU MAR BSGRUBS PA'O, , DNGOS PO THAMS CAD MA SKYES PA, ,ZHES BYA BA'I RGYU GSUNGS PA, GANG PHYIR RKYEN LAS BYUNG BAS NA, ,ZHES PA STE, GANG ZAG RKYEN LAS BYUNG BA DE DANG DE DAG MA SKYES PA STE, RMI LAM DANG MIG 'PHRUL LA SOGS PA BZHIN NO, ,RKYEN RNAMS THAMS CAD 'BRAS BU STE, ,'BRAS BU @163A *, ,LAS NI MI SRID SKYE, ,ZHES PA NI RMI LAM DU RGYU DANG 'BRAS BU'I DNGOS PO RGYUN BZHIN NO, ,DE STE 'BRAS BU LAS 'BYUNG NA NYES PA CIR 'GYUR ZHES DE SKAD DU THUGS DOGS NAS THAMS CAD MKHYEN PAS GSUNGS PA, 'BRAS BU GNYIS SU 'GYUR BAS NA, ,'BRAS BU LA NI 'BRAS MI SKYE, ,RNAM PA GNYIS SU RAB 'GYUR BAS, ,'BRAS BU'I DNGOS POR MI DMIGS SO, ,ZHES PA STE, GAL TE 'BRAS BU LAS 'BRAS BU SKYE NA NI LHAN CIG PA'I SKYON DU 'GYUR TE, MA ZHIG PA LAS 'BYUNG BAR 'GYUR RO ZHES THAMS CAD MKHYEN PAS DGONGS PA'I DON DU BRTAG GO, ,ZHIG PA YANG DNGOS PO MED PA'I PHYIR SKYES PA'I MTHU MED DE, SNGA MA'I 'GO TU 'DI YOD NA 'DI YOD DO ZHES 'BA' ZHIG GO, ,KHYAD PAR CAN DANG LUNG STON PA LA SOGS PAS KUN BRTAGS PA'I SKYE BA DANG, GNAS PA DANG 'GOG PA LA SOGS PA'I CHOS LHAG PAR BYED PA DANG, BYED PA POR 'BREL PA MED PAR 'BYUNG BA NI RTEN CING 'BREL TE 'BYUNG BA'O, ,GANG ZAG LA BDAG MED PAR SKAD CIG MAR 'JIG PA LA'ANG MED NA RMI LAM DANG, MIG 'PHRUL LA SOGS PA LTA BUR GNYIS KYI RNAM PAR SKYE BA MED PA'I CHOS LA BDAG MED PA LTA GA LA ZHIG, SKYE BA MED PA DANG 'GOG PA MED PA SOGS PA DE LTA BUR BDAG MED PA GNYIS LA YANG RIG PAR BYA'O ZHES THAMS CAD MKHYEN PAS DGONGS PA'O, ,BSDU BA'I TSIGS SU BCAD PA 'DI 'CHAD PA NI YANG DAG PA MA YIN PA YONGS SU RTOG PA DANG, DON DAM PAR DPYAD PA NA SNGAR BSHAD PA'O, ,DMIGS DANG DMIGS BYA MED PAR YANG, ,NAM ZHIG 'DUS BYAS RNAMS MTHONG NA, ,SEMS MED PA YI SEMS TZAM STE, ,SEMS TZAM DU YANG NGAS BSHAD DO, ,ZHES PA NI NAM ZHIG SHES RAB KYIS DPYAD DE DMIGS PA SBOM PO DANG, PHRA MO THA DAD PAR RNAM PAR PHYE BA NA PHYI ROL GYI DON MED PAR 'DUS BYAS GZUNG BA DANG 'DZIN PA DANG BRAL BAR MTHONG BA DE NA BSAM PA MED CING SNANG BA MED PA DON DAM PA'I BDEN PA MI GNYIS PAR YANG DAG PAR RIG PA NI SNANG BA DANG BCAS PA'I DBYANGS KYI DKYIL 'KHOR DU GNAS PA NA SEMS TZAM DU NGAS BSHAD DO ZHES SO, ,THAMS CAD MKHYEN @163B PAS GNYIS DANG MI GNYIS PAR DAM PA'I CHOS STON PA NA SGRA DANG DON DU 'BYED DO ZHES DGONGS PA'O, ,RGYU DANG 'BRAS BU'I DNGOS PO NI SNGA MA'I LE'UR YANG DPYAD PA STE, RKYEN RNAMS KYIS NI CUNG ZAD KYANG, ,SKYE ZHING 'GAG PA DER MED DE, ,RKYEN RNAMS BRTAGS PA NYID DAG NI, ,SKYE BA DANG NI 'GAG PA'O, ,JI TZAM DU NANG 'KHRUGS PA'I RGYU LAS MGO 'KHOR BA DANG BRGYAL BA LA SOGS PA BZHIN DU BDAG DANG GZHAN GYI RGYUD KYI DBANG LAS GNYIS KYI RNAM PA'I RNAM PAR SHES PA SKYES TE, RNAM PA SNA TSOGS LTA BUR SNANG BA DE TZAM DU RGYU DANG 'BRAS BU LA SOGS PAR THA DAD PAR SNANG BA'I RNAM PAR RTOG PA RNAMS SO, ,GANG GI TSE NA YANG SHES RAB KYIS DPYAD DE RMI LAM DANG MIG 'PHRUL LA SOGS PA BZHIN DU GNYIS KYI RNAM PA MI 'BYUNG BAR MTHONG BA DE'I TSE BSAM PA MED CING SNANG BA MED PA DON DAM PA'I BDEN PA MI GNYIS PAR YANG DAG PAR RIG PA LA RIG PAR BYA BA DANG, RIG PA PO'I DNGOS POR SEMS BDAG NYID LA RNAM PA GNYIS KYI RNAM PAR YANG MI RGYU NA RKYEN DU SNANG BA'I GNYIS KYI RNAM PA'I RNAM PAR RTOG PA DER 'GYUR BA'I GNAS LTA ZHIG GA LA YOD DE, 'ON KYANG SNANG BA DANG BCAS PA'I DAG PA 'JIG RTEN PA THAMS CAD MKHYEN PA'I TING NGE 'DZIN LA SANGS RGYAS BZHUGS PA RNAMS KYIS CHOS STON PA 'BYUNG NGO ZHES LAN MANG POR BSHAD PA STE, DAM PA'I CHOS BSHAD PA THAMS CAD DU DE LTAR SBYAR BAR BYA'O, ,GANG ZAG DANG CHOS LA BDAG MED PA BSDU BA'I THAMS CAD MKHYEN PAS TSIGS SU BCAD PA GSUNGS PA BSHAD PAR BYA STE, DE TZAM NGO BO NYID KYI DBYIBS, ,RKYEN DANG DNGOS PO SPANGS PA STE, ,MTHAR THUG PA NI TSANGS PA'I MCHOG ,DE NI TZAM ZHES NGAS BSHAD DO, ,ZHES TE, YAN LAG GI RNAM PA'I CHA DE TZAM RDUL GNYIS LA SOGS PA'I RIM PA'I RKYEN RNAMS KYIS BRTZAMS PA'I DNGOS PO SPANGS PA STE, SHES PAR BYA BA MED PA'I PHYIR YAN LAG CAN GYI DBYIBS PHYI ROL GYI MED DO, ,MTHAR THUG PA NI DMIGS SU MED PA DANG RDZOGS PA'O, ,DE LA TSANGS PA NI GNYIS SU MED PA'I RANG BZHIN MI GNYIS PA'I SEMS SU DGONGS PA'O, ,BDAG NI BRTAGS PAR YOD PA'I PHYIR, RDZAS YOD DNGOS PO NA @164A *, ,MA YIN NO, ,DE BZHIN PHUNG PO'I PHUNG PO NYID, ,BRTAGS PA YIN TE RDZAS MED DO, ,ZHES PA NI GCIG PA DANG, THA DAD PA DANG, RTAG PA DANG, KHYAB PA'I RANG BZHIN DANG, PHRA BA'I BDAG NYID DU KUN TU BRTAGS PA'I BDAG RNAMS NI DMIGS SU MED DE, SEMS KYI RGYUD 'BA' ZHIG LA BYIS PA SO SO'I SKYE BOS BDAG TU YONGS SU RTOG GO, ,PHUNG PO RNAMS KYANG RMI LAM DANG, MIG 'PHRUL DANG, RAB RIB DANG, MIG YOR DANG, GZUGS BRNYAN LA SOGS PA BZHIN DU GZUNG BA DANG 'DZIN PA'I DNGOS POR SKYE BA MED DO, ,BRTAGS PA NI MA SKYES PAS NA RI BONG GI RVA LTA BUR RDZAS SU MED DO, ,PHYI ROL GYI SBOM PO DANG PHRA MO YANG RNAM PAR PHYE BA NA KHANG PA DANG, SDE DANG, NAGS TSAL LA SOGS PA BZHIN DU DNGOS PO MED DO, ,THAMS CAD MKHYEN PAS CHOS DANG GANG ZAG LA BDAG MED PA'I TSIGS SU BCAD PA GCIG GIS BSGRUB PAR RIG PAR BYA'O, ,MNYAM PA NYID NI RNAM BZHI STE, ,ZHES BYA BA LA SOGS PA LA MTSAN NYID NI MTSAN MA'O, ,RGYU NI BYED PA'O, ,SNOD NI 'JIG RTEN RNAM PA SNA TSOGS SO, ,RNAL 'BYOR PA RNAMS KYIS RNAM PA THAMS CAD MI SNANG NGO, ,CIS NA YANG DNGOS PO RNAMS THA DAD PA'I RNAM PAR SO SOR MI SNANG ZHES PA DANG, RIG PA'I KHYAD PAR GSUNGS PA, LTA BA THAMS CAD RNAM BZLOG CING, ,RTOG DANG BRTAG PA SPANGS PA STE, ,DMIGS MED SKYE BA MED PA NI, ,SEMS TZAM DU YANG NGAS BSHAD DO, ,ZHES TE, GNYIS KYI RNAM PA'I SHES PA LA RTAG PA DAG BDAG DANG PHYI ROL GYI 'DZIN PA DANG, GZUNG BA DANG, BRTAG PA DANG, RTOG PA LA SOGS PA'I RNAM PAR DMIGS SHING, SKYE BA LA SOGS PA'I THA SNYAD KYANG 'JUG NA MI GNYIS PA LA NI MA YIN TE, SNGAR BSHAD PA BZHIN NO, ,CIS NA YANG DMIGS PA DANG, SKYE BA LA SOGS PA'I CHOS MED CES TE, DE LTAR THUGS DOGS NAS THAMS CAD MKHYEN PAS GSUNGS PA, DNGOS MIN DNGOS MED MA YIN PA, ,DNGOS DANG DNGOS MED RNAM PAR SPANGS, ,DE BZHIN SEMS LAS GROL BA NI, ,SEMS TZAM DU YANG NGAS BSHAD DO, ,ZHES PA STE, DNGOS PO DANG @164B DNGOS PO MED PA'I RNAM PAR RTOG PA SPANGS PA NI RNAM PAR SHES PAR SMRA BA'I DBU MA'I TING NGE 'DZIN MNYAM PA THAMS CAD MKHYEN PAS 'DIR GSUNGS PA NA SMRA BA PO THAMS CAD KYI THE TSOM DANG RNAM PAR RTOG PA DANG RGOL BA RNAM PAR BZLOG PA'O, ,DNGOS PO DANG DNGOS PO MED PA'I RNAM PAR RTOG PA SPANGS PA SKYE BA DANG 'GOG PA LA SOGS PA'I CHOS DANG BRAL BA 'DI NI SA BRGYAD DU STE, SKAD CIG MA'I RGYUD RGYUN DU 'BYUNG ZHING BSAM PA MED CING SNANG BA MED PA'I DON DAM PA'I BDEN PA MI GNYIS PA'I RANG BZHIN NO, ,DE BZHIN NYID NI RANG BZHIN GYIS 'OD GSAL BA'I CHUD PA STE, SEMS DANG, YID DANG, RNAM PAR SHES PA'I RIM PAR SNANG BA'I RNAM PAR RTOG PA DANG BRAL BA KUN GZHI RNAM PAR SHES PA 'PHOS PA'I ME LONG GI RANG BZHIN NO, ,JI LTAR 'DIR GSUNGS PA, SEMS NI KUN GZHI RNAM SHES TE, ,RANG SEMS NYID NI YID YIN NO, ,GANG GIS YUL RNAMS 'DZIN PA NI, ,DE NI RNAM PAR SHES ZHES BYA, ,ZHES SEMS TZAM NI KUN GZHI RNAM PAR SHES PA 'PHOS PA LA DGONGS PA'O, ,DE SANGS RGYAS KYI SA LA SOGS PA BZHIN DU ME LONG LTA BU'I YE SHES SO, ,NYON MONGS PA'I YID 'PHOS PA NI MNYAM PA NYID KYI YE SHES SO, ,MIG LA SOGS PA'I RNAM PAR SHES PA 'PHOS PA NI SO SOR RTOG PA'I YE SHES SO, ,'JUG PA'I RNAM PAR SHES PA'I NANG NAS YID KYI RNAM PAR SHES PA 'PHOS PA NI BYA BA NAN TAN GYI YE SHES SO, ,THAMS CAD MKHYEN PA'I DAG PA 'JIG RTEN SNANG BA DANG BCAS PA'I TING NGE 'DZIN YID KYI SKU CHOS STON PAR GZHAG GO, ,THEG PA CHEN PO LEGS PAR GSUNGS PA'I RIN PO CHE'I 'BYUNG GNAS DPAG TU MED PA LA MTHAR THUG PA GA LA YOD DE, LEGS PAR GSUNGS PA RIN PO CHE ZLA BA LAS 'ONGS PA RNAMS KYANG BSHAD PA'O, ,DE BZHIN NYID KYI RANG BZHIN MI SHES PA THAMS CAD MKHYEN PAS THAMS CAD MKHYEN PA STON PA, DE BZHIN NYID DANG STONG PA'I MTHA', ,MYA NGAN MTHA' DANG CHOS KYI DBYINGS, ,SNA TSOGS YID KYI LUS RNAMS NI, ,SEMS TZAM DU NI NGAS BSHAD DO, ,ZHES PA STE, SEMS TZAM NI PHYI ROL GYI DMIGS PA RNAM PAR GCAD DO, ,SNANG BA DANG BCAS PA DANG, SNANG BA MED PA'I @165A *, ,TING NGE 'DZIN DAG NI DE BZHIN GSHEGS PA BYUNG YANG RUNG, MA BYUNG YANG RUNG STE, CHOS KYI CHOS NYID DO, ,CHOS GDON MI ZA BA NYID DO, ,DE BZHIN NYID YANG DAG PA'I MTHA' CHOS KYI DBYINGS RANG BZHIN GYIS 'OD GSAL BA'I CHUD PA, YE NAS GNAS PA'O ZHES 'PHAGS MA SHES RAB KYI PHA ROL TU PHYIN PA DANG, DGONGS PA NGES PAR 'GREL PA LAS KLOG GO, ,GNYIS KYI RNAM PAS NANG GLONGS PA'I MTHUS MGO 'KHOR BA DANG, BRGYAL BA LA SOGS PA'I RNAM PA LTA BU BDAG DANG GZHAN GYI RGYUD KYI DBANG GIS SKYES PA RNAMS NI RMI LAM DANG, MIG 'PHRUL DANG, RAB RIB DANG, MIG YOR LA SOGS PA BZHIN PAS NA SKYE BA MED PA STE, DES NA RANG BZHIN GYIS YONGS SU DAG PA'I CHOS NYID NI DE BZHIN NYID DE, DE LTA BU NYID DU GNAS PA DANG, DBANG PO LA SOGS PA GZHAN DU SUS KYANG MI BYED PA'I PHYIR RO, ,BSLAD PA RNAM PAR SPONG BA NI SHES RAB KYIS DPYAD DE, SBOM PO DANG, PHRA MO RNAM PAR GZHIGS PA NA NAM MI DMIGS PA DE NA, BSAM PA MED CING SNANG BA MED PA DON DAM PA'I BDEN PA MI GNYIS PA'I YANG DAG PA RIG PA SEMS TZAM YANG DAG PA'I MTHA' NGO BO NYID RANG BZHIN GYIS 'OD GSAL BA GNAS PAR 'GYUR RO, ,DE LTAR NA YANG CHOS KYI DBYINGS KYI RANG BZHIN NI SNGON MED PA LAS BYAS PA YIN NO, ,DE NI DRI MA DANG BRAL BA STE, THOG MAR ZHI ZHING MA SKYES PA, ,RANG BZHIN NYID KYIS MYA NGAN 'DAS, ,CHOS KYI 'KHOR LO BSKOR BA NA, ,CHOS RNAMS DNGOS POR KHYOD KYIS BSTAN, ,ZHES PA STE, THOG MA NYID DU ZHI BA NI RANG BZHIN GYIS 'OD GSAL BA'I CHUD PA RNAMS TE, DE DAG GIS BSLAD PA'I DRI MA DANG BRAL BA NI SHES RAB KYIS DPYAD PA'I 'PHAGS PA'I LAM GYIS GSER DANG RIN PO CHE LA SOGS PA BZHIN DU SBYAD GI SNGON MED PA SKYAD PA MA YIN NO, ,SKYE BA DANG, GNAS PA DANG, 'GOG PA LA SOGS PA'I CHOS RNAM BYED PA DANG, BYED PA PO DANG 'BREL PAR KUN BRTAGS PA SKAD CIG MA'I RGYUN GYIS RTAN CING 'BREL TE 'BYUNG BA LA GZHAN PA DANG, GZHAN PA MA YIN PAR YANG MI RUNG STE, GANG GI TSE NA SKAD CIG PA GCIG YOD PA DE'I TSE NA SKAD CIG PA @165B GNYIS PO MED DO, ,GCIG PO NYID NI SU DANG YANG MI 'BREL TO, ,SNGA MA'I 'OG TU 'DI YOD NA 'DI YOD DO ZHES BYA BA 'BA' ZHIG STE, DE LTAR NA RGYU DANG 'BRAS BUR NGES PAR 'BREL BAR BSTAN PAR BYA'O, ,MI GNYIS PA LA NI GNYIS KYI RNAM PA THA DAD PAR SNANG BA'I RNAM PAR RTOG PA MED DO, , DES NA SEMS BDAG NYID LA RIG PAR BYA BA DANG, RIG PA PO'I DNGOS POR YANG MI RGYUN YI GE DANG SGRA RNAMS LTA CI SMOS TE, BSAM PA MED CING SNANG BA MED PA DON DAM PA'I BDEN PA MI GNYIS PAR YANG DAG PAR RIG PA'I RNAM GRANGS DE BZHIN NYID, YANG DAG PA'I MTHA' DANG, RANG BZHIN GYIS 'OD GSAL BA LA SOGS PA NI THAMS CAD MKHYEN PA SNANG BA DANG BCAS PA'I TING NGE 'DZIN LA BZHUGS TE 'BYUNG BA DANG, 'BYUNG BA LAS GYUR PA'I GZUGS LTA BU DANG, SPRUL PA'I 'KHOR LOS RE BA MANG PO YONGS SU SKONG BA'I YID KYI SKUS CHOS STON PAR MDZAD DO, , MI GNYIS PA'I YE SHES LA JI LTAR NA RNAM PAR 'BYUNG ZHES THAMS CAD MKHYEN PAS THUGS DOGS NAS GSUNGS PA, RNAM RTOG BAG CHAGS 'BREL PA YI, ,SNA TSOGS SEMS LAS BYUNG BA STE, ,MI RNAMS LA NI PHYI ROL SNANG, ,'JIG RTEN PA YI SEMS TZAM MO, ,ZHES PA STE, RNAM PA SNA TSOGS KYI RNAM PAR RTOG PA SEMS TZAM GA LA YOD PA SEMS TZAM DE NI RNAM PAR RTOG PA STE, DE YANG 'BYUNG BA NI BDAG DANG GZHAN GYI RGYUD KYI DBANG DANG, DAM PA MA YIN PA'I CHOS BSTAN PA LA SOGS PA'I RKYEN GYI KHYAD PAR GYI MTHU DANG, MNYAM PAR MI 'JOG PA'I MA RIG PA'I MTHU LAS MGO 'KHOR BA DANG, BRGYAL BA LA SOGS PA BZHIN DU RNAM PA SNA TSOGS KYI RNAM PAR SHES PA 'KHOR BA PA RNAMS LA SO SOR SNANG NGO, ,RNAL 'BYOR PA RNAMS LA NI THUGS RJE'I BAG CHAGS KYIS SAD PA DANG, BDAG DANG, GZHAN LA PHAN PA'I DGE BA MNGON PAR 'DU BYED PAS DAG PA 'JIG RTEN GYI MI RTAG PA DANG, SDUG BSNGAL PA DANG, BDAG MED PA DANG, MI MDZES PA DANG, STONG PA'I RNAM PAR RTOG PA SNANG NGO, ,YANG DAG PA'I YE SHES THOG MAR BYAS TE, RTAG PA DANG, BDAG DANG, BDE PA DANG, MDZES @166A *, ,PA'I PHYIN CI LOG GI 'KHOR BA DANG, SDUG BSNGAL GYIS NYON MONGS PA'I YID SPONG NGO, ,DGE BAR MNGON PAR 'DU BYED PA YANG SA DANG PHA ROL TU PHYIN PAR 'BYED PAS DBYE BA NA, GNYIS KYI RNAM PAR SNANG BA'I RNAM PAR RTOG PA NI BSOD NAMS DANG YE SHES KYI TSOGS KYIS DON DAM PA'I RNAM PAR SANGS RGYAS KHO NA'I RGYU YIN TE, DE LA SPANG BA'I RGYU MED DE, 'KHOR BA YOD KYI BAR DU GNAS SO, ,SNYING RJES GNYER BA'I BDAG GI LUS CHEN PO GZHAN GYI DON DU GNYER BA DANG, MNYEN DES CHE ZHING SKYES BU DAM PA RNAMS SO, ,JI LTAR NA YANG SEMS TZAM LAGS ZHES DE SKAD DU THUGS DOGS NAS THAMS CAD MKHYEN PAS GSUNGS PA, PHYI ROL SNANG BA YOD MED DE, ,SEMS NI SNA TSOGS RNAMS SU SNANG, ,LUS DANG LONGS SPYOD GNAS SNANG BA, ,SEMS TZAM DU NI NGAS BSHAD DO, ,ZHES PA STE, PHYI ROL GYI DON SUN DBYUNG BA NI 'DIR THAMS CAD LA GSAL BAS NA JI LTAR GRANGS CAN DANG, NE YI YA YI KA DANG, KHYAD PAR CAN DANG, KshA PA NA KA DANG, DPYOD PA CAN DANG, 'JIG RTEN RGYANG PA NA PA LA SOGS PA SMRA BA RNAMS KYIS PHYI ROL PAR KUN BRTAGS PA DE LTAR MED DO, ,RDUL GNYIS LA SOGS PA'I RIM GYIS YAN LAG GI RDZAS BRTZAMS PA NI RDZAS KYIS RDZAS KYI KHYAD PAR RTZOM PA DANG, YON TAN GYIS KYANG YON TAN GYI KHYAD PAR RTZOM MO ZHES KHYAD PAR CAN GYI MDO'O, ,SNANG BA DANG MI SNANG BA RNAMS LA NI MNGON SUM TSAD MA STE, GZUGS LA SOGS PA'I YON TAN DANG LDAN PA DANG, SNANG BA DANG, RIS MTHUN PA'I YO BYAD DANG, BLO CAN GYI SKYES BUS RLABS PA DANG, RANG BZHIN GYI YAN LAG MED PA DANG, GRANGS DU MA DANG LDAN PA'I RGYU SPUN TSAD CHUNG BA RNAMS LAS TSAD CHE BA GZUGS LA SOGS PA'I YON TAN DANG LDAN PA'I SNAM BU LA SOGS PA'I RDZES SKYE'O ZHES NI YI YA YI KA'I MDO'I LO RGYUS SO, ,GRANGS CAN RNAMS KYIS BDE BA DANG, SDUG BSNGAL BA DANG, GTI MUG YON TAN RNAMS PHYI ROL GYI SEMS PA MED PA DAG GIS GNAS KYI DKYIL 'KHOR RTZOM MO, ,SKYES BU'I RANG BZHIN NI TSOR BA CAN TE, JI LTAR BA'I 'O MA TSOR BA MED @166B PA BE'U TSOR BA CAN LA PHAN PA'I PHYIR 'BYUNG BA DE LTAR TSOR BA MED PA'I GTZO BO SKYES BU LA PHAN PA'I PHYIR 'BYUNG NGO, ,GSAL BA 'DI NI BDE BA DANG, SDUG BSNGAL BA DANG, GTI MUG DANG LDAN PAS NA DE'I RGYU YANG MI GSAL ZHING BDE BA DANG, SDUG BSNGAL BA DANG, GTI MUG DANG LDAN PA YOD PA'I RIGS SO, ,SA'I 'BRAS BU BUM PA DANG, PHRU BA LA SOGS PA DANG MTHUN PAR MTHONG BA'O, ,THOG MA'I RGYU'I YON TAN GYIS 'BRAS BU'I YON TAN DU 'GYUR TE, DES NA PHYI ROL GYI LONGS SPYOD TSOR BA CAN MA YIN LA, LONGS SPYOD PA'I SKYES BU NI TSOR BA CAN YIN NO ZHES GRANGS CAN GYI LO RGYUS SO, ,KshA PA NA KA RNAMS KYANG YONGS SU RTOG PA NI PHYI ROL GYI YUL SPYI DANG KHYAD PAR DU LDAN PA YIN TE, BDAG GI SHES PAS YUL RNAMS 'DZIN TO ZHES PA, 'DU BA DANG NI GYIS PA DANG, ,SROG GI LUS KYI TSAD CAN TE, ,DE NI RIGS PA RNAMS KYIS SMRAS, , NAMS KYANG PHRA BA YOD MA YIN, ,ZHES TE, DES NA LONGS SPYOD PAR BYA BA DANG, LONGS SPYOD PA'I BYE BRAG YOD DO ZHES SO, ,DPYAD PA CAN RNAMS KYANG KUN DU RTOG PA NI KUN DU DMIGS PA'I PHYI ROL GYI YUL DUS GZHAN PA'I BDAG NYID DE, YUL DE DANG NI GZHAN YANG RUNG, ,RMI LAM SHES PA'I SPYOD YUL LO, ,MYUR DU 'KHOR BA'I 'DU BYED KYIS, ,'GAL BA 'KHOR LOR 'KHOR LO YOD, ,DRI ZA'I GRONG DU SPRIN RNAMS DANG, ,YANG NA SNGON MTHONG KHANG PA RNAMS, ,SMIG RGYU CHU YI RNAM SHES LA, ,DE BZHIN PA TSA 'OD ZER SPROS, ,DE LTAR RAB RIB STZOGS SHES LA, ,NYI MA'I 'OD LA SOGS PA'O, ,'JIG RTEN RGYANG PA RNAMS SMRA BA NI, GZUGS LA SOGS PA'I YUL RNAMS MNGON SUM NYID DU SNANG BAS NA MTHONG PA MI 'THAD DO ZHES BYAR MI RUNG BA'I PHYIR SA DANG, CHU DANG, ME DANG, RLUNG RNAMS NI YANG DAG PA'O, ,DE DAG LA TSOR BA SKYE BAS NA RNAM PAR SHES PA CHANG GI MTHU BZHIN NO, ,SROG RNAMS NI CHU'I CHU BUR LTA BU STE, SKYES BU'I LUS NI TSOR BAS SNANG BAR BYAS NAS DE 'DUS PA LAS, LUS DANG DBANG PO GDAGS SO ZHES BYA BA LA SOGS PA'I MDO RNAMS SO, ,DE LTA BUR @167A *, ,DER RGOL BA MTHA' DAG THUB PA DBANG PHYUG GI MCHOG THAMS CAD MKHYEN PA TSIG GI DBANG PO BLA MAS PHYI ROL GYI DON LTA BUR SUN 'BYIN PA DE LTAR MDO SDE 'DIR BSGRUB PAR MDZAD PA, GZUGS NI RDUL PHRAN GZHIGS PA NA, ,RDUL PHRAN CHA NI MED PA STE, ,ZHES SO, ,'O NA SNANG BA 'DI CI ZHIG CES PA DANG, PHYI YI DNGOS PO MED PAR YANG, ,SEMS NI RNAM PA GNYIS SU SNANG, ,ZHES PA'O, ,GANG SBOM PO YAN LAG CAN GYI RDZAS GCIG TU KUN RTOG PA DE RNAM PAR GZHIGS PA NA GCIG PAR MI RUNG BA NI BCOS PA DANG, MA BCOS PA DANG, BSGRUL BA DANG, MA BSGUL BA DANG, BSGRIBS PA DANG, MA BSGRIBS PA DANG, PHYOGS KYI CHA THA DAD PAR PHYE BA NA TIL DANG 'BRAS LA SOGS PA'I TSOGS DANG, KHANG PA DANG, SDE DANG, NAGS TSAL LA SOGS PA BZHIN NO, ,RDUL PHRA MO RNAMS KYANG PHYOGS KYI CHA THA DAD PAR PHYE BA NA GCIG PAR MI RIGS PA NI SNGA MA BZHIN TE, 'GAL BA'I RDZAS DU MA SPUNGS PA LTA BU'O, ,GANG DAG YAN LAG MED PA DE DAG KYANG BLA 'OG TU CHAGS PA'I TSOGS SU MI RUNG STE, SEMS DANG SEMS LAS BYUNG BA BZHIN NO, ,YAN LAG GI YUL DU RNAM PA'I CHAR BRTEN PA DNGOS PO DANG DNGOS PO MA YIN PAR YANG MI RUNG STE, ,DBUS KYI RDUL PHRA MO DE 'OG MA'I PHYOGS KYI MTHAR GANG GNAS PA DE NYID GONG MA'I PHYOGS SU CIS NA GNAS PAR MI 'GYUR, DES NA NANG GLONGS PA'I MTHUS LUS DANG, LONGS SPYOD DANG GNAS SU SNANG BA'I RNAM PAR SHES PA MGO 'KHOR BA DANG, BRGYAL BA LA SOGS PA BZHIN DU RNAM PA SNA TSOGS RNAM PA DU MA'I RNAM PAR SHES PA SO SOR SNANG NGO, ,JI LTAR RMI LAM NA MIG LA SOGS PA'I DBANG PO'I SHES PA DANG, GZUGS LA SOGS PA'I YUL MED PAR KUN GZHI RNAM PAR SHES PA 'BA' ZHIG YUL DANG, YUL CAN GYI DNGOS POR SNANG NGO, ,GANG GI TSE SHES RAB KYIS DPYAD DE, SBOM PO DANG, PHRA MO'I PHYOGS KYI CHA THA DAD PAR PHYE BA NA MI DMIGS PA DE'I TSE, BSAM PA MED CING SNANG BA MED PA DON DAM PA'I BDEN PA MI GNYIS PA YANG DAG PAR RIG PA NYID GNAS SO, ,DAG PA'I 'JIG RTEN GYI SNANG BA DANG BCAS PA'I TING NGE @167B 'DZIN LA BZHUGS PA NA THAMS CAD MKHYEN PA'I CHOS STON PA 'BYUNG NGO, ,'PHAGS PA LANG KAR GSHEGS PA'I BSHAD PA SLOB DPON YE SHES DPAL BZANG POS SBYAR BA'I LE'U GSUM PA LAS YANG DAG PA MA YIN PA YONGS SU RTOG PA DPYAD PA LAS BSDU BA'I TSIGS SU BCAD PA BSHAD PA RNAM PAR SHES PAR SMRA BA'I DBU MA GTAN LA PHAB PA LNGA PA'O,, ,,DE NAS YANG BYANG CHUB SEMS DPA' SEMS DPA' CHEN PO BLO GROS CHEN POS BCOM LDAN 'DAS LA 'DI SKAD CES GSOL TO, ,GANG BCOM LDAN 'DAS KYIS SGRA JI BZHIN GYI DON DU GZUNG BAR MI BYA'O ZHES DE SKAD DU GSUNGS NA ZHES BYA BA LA SGRA JI BZHIN DU GZUNG BA LA NONGS PA CIR 'GYUR, JI LTAR DGONGS PA NGES PAR 'GREL PA LAS 'BYUNG BA, RIGS KYI BU RANG BZHIN MED PA GSUM PO ZHES BYA BA'I DBANG DU CHOS THAMS CAD KYI RANG BZHIN MED PA ZHES TE, BRTAGS PA'I RANG BZHIN MED PA'I PHYIR DNGOS PO MED DO, ,GZHAN GYI DBANG SNA TSOGS SU SKYE BA MED PA'I PHYIR DNGOS PO MED DO, ,DON DAM PA'I RANG BZHIN MED PA NI GNYIS KYI RNAM PAR RANG BZHIN MED PA'I PHYIR TE, DE DE LTA BUR DGONGS PA'O, ,GANG YANG BRTAGS PA'I RANG BZHIN DANG, GZHAN GYI DBANG LTA BUR GRUB PA'I RANG BZHIN MED DO ZHES RTOG PA DE NI CHOS KYI GNOD PA 'BYUNG BA'I LAS SGRUB PAR BYED, DE LTAR NA 'PHAGS PA MA SHES RAB KYI PHA ROL TU PHYIN PA BDUN BRGYA PA LAS TSIG GI DBANG POS GSUNGS PA, DNGOS PO MED PA'I RNAM PAR DE BZHIN GSHEGS PA BLTA'O ZHES SO, ,DER NI SGRA JI BZHIN PAR MO GSHAM GYI BU DNGOS PO MED PA LTA BUR DE BZHIN GSHEGS PAR BYA BA MA YIN NO, ,DAD PA'I DGE SLONG GIS NI DAD PAS SBYIN PA LA LONGS SPYOD PAR MI RIGS SO, ,MA DAD PAS NI RIGS SO ZHES SO, ,DER DON KHYAD PAR DU BSHAD PAR BYA'I, SGRA JI BZHIN DU GZUNG BAR BYA BA MA YIN NO, ,DE BZHIN DU DGONGS PA NI DU MA YOD DE SHES RAB DANG THABS LA MKHAS PAS SEMS CAN GYI DON DU 'BYED PAR RJES SU MTHUN PA DANG, CHOS DANG GANG ZAG LA BDAG MED PA DANG MTHUN PAR BSHAD PAR BYA'O, ,THEG @168A *, ,PA CHEN PO LA DE LAS KHYAD PAR TE, GZHAN GYI DON DU SNYING RJE'I SEMS NYE BAR GZHAG STE MI DGE BA BCU'I LAS KYI LAM LA ZHUGS KYANG LTUNG BA MED LA, BSOD NAMS MANG PO RAB TU 'PHEL BAR 'GYUR RO, ,BYANG CHUB KYI SPYAD PA RNAM PA SNA TSOGS DANG, SEMS CAN YONGS SU SMIN PAR BYA BA RNAM PA SNA TSOGS TE, DES NA THAMS CAD DU GNANG NA BDAG DANG GZHAN GYI DON DU 'GYUR BA CHOS NYID KYI RJES SU 'BRANG ZHING, DE DE LTA BUR BYA BA SHES PAR BYA'I SGRA JI BZHIN PA'I DON DU GZUNG BAS NI MA YIN NO, ,DE LA BLO GROS CHEN PO SGRA GANG ZHE NA, 'DI LTA STE TSIG DANG; YI GER 'PHRAD PA'I RNAM PAR RTOG PA YIN TE, SO DANG, 'GRAM PA DANG, RKAN DANG, LCE DANG, MCHU SBYAR BA LAS BYUNG PA PHAN TSUN SMRA BAR RNAM PAR RTOG PA'I BAG CHAGS KYI RGYU LAS SKYES PA NI SGRA ZHES BYA'O ZHES PA LA YI GE BRJOD PA NI SNGON GYI GOMS PA'I MTHU LAS KYANG DE LTAR BYIS PA RNAMS LA YANG 'BYUNG NGO, ,JI LTAR LUNG STON PA PA RNAMS SMRA BA, THOG MAR NAN TAN SHOM PAS NI, ,SGRA NI GONG DU RGYU BA STE, ,SGRA YI GOMS PA MED PAR YANG, ,GNAS RNAMS SU NI THOGS PA'O, ,BYIS PA RNAMS LA YANG SNGON GOMS PA'I MTHU NYID LAS SGRA DANG DON THA DAD PA'I RNAM PAR RTOG PA 'BYUNG NGO, ,JI LTAR SLOB DPON DHARMA K'IRTIS BSGRUB PAR MDZAD PA, THOG MA MED PA'I BAG CHAGS LAS, ,RNAM RTOG BYUNG LA YOD GNAS PA, ,SGRA DON CHOS NI RNAM PA GSUM, ,DNGOS DANG DNGOS MED GNYIS KA'I GNAS, ,ZHES TE, DE'I PHYIR SGRA PA RNAMS 'DI SKAD CES 'DZER TE; SGRA RNAMS RNAM PAR RTOG LAS 'BYUNG, ,RNAM RTOG RNAMS KYANG SGRA LAS 'BYUNG, ,ZHES TE, DES NA DE DAG GI PHYI ROL GYI DON LA BAG TZAM YANG REG PA MED DO, ,RANG GI BLO LA YOD PA'I RNAM PAR RTOG PA DON GYI RJES SU MTHUN PAR BRJOD PAR BYA BA'I DON CHUNG PAR BYED DO ZHES PA STE, BLO YIS SNGAR NI RNAM BRTAGS TE, ,KHA CIG DON DU GZUNG BAR BYAS, ,NAN TAN RNAMS NI LOG PA DANG, ,TSIG GIS DE NI RJES SU 'DZIN, ,ZHES SO, ,SANGS RGYAS PA RNAMS KYI KHYAD PAR NI SNANG BA DANG RNAM PAR RTOG PA'I DON GCIG TU BYAS TE, RAB RIB CAN GNYIS KYIS ZLA BA GNYIS SU NOR BA'I @168B TSUL DU DE LA GDON MI ZA BAR 'JUG PA'I PHYIR DES NA DON DAM PAR SGRA DANG DON GNYIS SGRA TSANGS PAR SMRA BA LTA BUR THA DAD PA MED DE, SGRA DON THA DAD PA MA YIN KYANG THA SNYAD DU BYED PA THA DAD DO, ,GANG NA SGRA DANG DON DAG DE KHO NA NYID GNYIS PA DER MNYAM PAR GNAS PA'O, ,BAR TI KA BYED PAS KYANG SGRUB PAR BYED PA, SBYOR ZHING THA DAD MED PA NI, ,DON DAM DON NI BDAG NYID KYIS, ,GZUGS NI GCIG DANG DU MA PAR, ,DE NI BLO YIS 'KHRUL PA'O, ,ZHES SO, ,THAMS CAD MKHYEN PAS SNANG BA THA DAD PA'I PHYIR SGRA DANG DON THA DAD PAR STON PA, DE LA BLO GROS CHEN PO DON GANG ZHE NA, 'DI LTA STE, BYANG CHUB SEMS DPA' SEMS DPA' CHEN PO GCIG PU DBEN PAR SONG NAS THOS PA DANG, BSAM PA DANG, BSGOM PA'I SHES RAB KYIS MYA NGAN LAS 'DAS PA'I GRONG KHYER DU 'GRO BA'I LAM RANG GI BLOS BAG CHAGS KYI GNAS RAB TU GYUR PA SNGON DU 'GRO BA SO SO RANG GIS RIG PA, 'PHAGS PA'I SPYOD YUL LAS DANG, SA'I GNAS GZHAN GYI BYE BRAG DANG DON GYI MTSAN NYID 'JUG PAR TU 'THOB NA, DON LA MKHAS PA MA YIN NO ZHES BYA BA TSIG GI DBANG PO'I DBYANGS THOB PA'I SHES RAB KYIS DON THAMS CAD LA MI RTAG PA DANG, BDAG MED PA DANG; MI MDZES PA DANG, STONG PA'I RNAM PAR 'JUG PAR BYED DO, ,SEMS PA YANG GANG YOD PA DE SKAD CIG PA DANG, THAMS CAD STONG PA DANG, BDAG MED PA STE, THAL MO'I SGRA DANG, RMI LAM DANG, MIG 'PHRUL DANG, RAB RIB DANG, MIG YOR [?] DANG, GZUGS BRNYAN LA SOGS PA BZHIN TE, PHUNG POR GNAS PA MED PA DANG, RNAM PAR MI 'JIG PA MED PA'I PHYIR NANG STONG PA NYID DANG, PHYI STONG PA NYID DANG, PHYI NANG GI STONG PA NYID LA SOGS PA STONG PA NYID THAMS CAD KYI BYE BRAG RTOGS PAR BYED DO, ,RNAM PAR GZHIGS PA NA PHYI ROL GYI PHUNG POR GNAS PA GANG YANG MED DE, KHANG PA DANG, SDE DANG, NAGS TSAL LA SOGS PA BZHIN DU STONG PA NYID DO, ,BRTAGS PA NI MA SKYES PAS NA RI BONG GI RVA LA SOGS PA BZHIN DU DNGOS PO MED DE, DES NA GANG RNAM PAR MI 'JIG PAR KUN BRTAGS PA STONG PA NYID DO, , @169A *, ,DE DE LTAR SHES RAB KYIS SPYAD PA NA RTAG PA DANG, BDAG DANG, PHYI ROL GYI DON MI DMIGS SO, ,GANG GI TSE GCIG PU DBEN PAR SONG NAS 'DZIN PA DANG, GZUNG BAR KUN BRTAGS PA'I DNGOS PO CUNG ZAD KYANG MI MTHONG BA DE'I TSE BSAM PA MED CING SNANG BA MED PA DON DAM PA'I BDEN PA MI GNYIS PAR YANG DAG PAR RIG CING MYONG BA'I MTSAN NYID KYI LAM MYA NGAN LAS 'DAS PA'I GRONG KHYER DU 'GRO BA MNGON SUM GYI DON DU TING NGE 'DZIN GYI YUL LO, ,RANG GI BLOS ZHES PA NI BDAG NYID KYIS THOB KYI DBANG POS RAB TU SBYIN PA LA SOGS PAS NI MA YIN TE, DE LAS GZHAN PA'I NGES PAR 'JUG PA'I DBANG PO'I SHES PA DANG, DBUGS THUB PA MYONG BA BZHIN NO, ,SA THA DAD PAR PHYE BA NA 'JIG RTEN DANG 'JIG RTEN LAS 'DAS PA'I TING NGE 'DZIN GYI KHYAD PAR GYIS BTZUN GTZO BYANG CHUB SEMS DPA' RNAMS KYI MNGON PAR SHES PA'I 'BRAS BU'I RIM PA'I BYE BRAG RNAMS TE, GONG NAS GONG DU BSOD NAMS DANG YE SHES KYI TSOGS BDAG DANG GZHAN GYI DON DU BYUNG BA'I KHYAD PAR GYIS THAMS CAD MKHYEN PA RNAL 'BYOR GYI DBANG PO MCHOG TU YONGS SU DAG PA'I 'DOD CHAGS DANG BRAL BA, GZUGS SNA TSOGS KYI CHO 'PHRUL GYIS MTHA' MED PA'I SEMS CAN GYI RGYUD KYI BSAM PA MCHOG TU RANGS PAR BYED PA RNAMS KYIS SEMS CAN GYI DON RGYA CHER 'KHRO BA YOD KYI BAR DU 'JUG GO, ,SA DANG PO LA 'JUG PA NYID KYIS SEMS CAN LA PHAN PA'I PHYIR SEMS CAN THAMS CAD LA DGA' BA'I SBYIN PA RNAMS KYIS RAB TU DGA' BA'I TING NGE 'DZIN GYI KHYAD PAR THOB PAR 'GYUR RO, ,DRI MA MED PAR NI DRI MA GNYIS KYI RNAM PAR RTOG PA THAMS CAD LAS GROL ZHING SEMS CAN RNAMS LA MI GNOD PA'I PHYIR MI GNYIS PA'I TSUL KHRIMS CAN RNAMS SO, ,GSUM POR NI MCHOG TU ZAB MO'I CHOS LA BZOD CING SEMS CAN RNAMS KYIS NGAN DU SMRAS PA'I SDUG BSNGAL YID LA 'JOG PA'I RNAM PAR RTOG PA DANG BRAL BA RNAMS SO, ,DE BZHIN DU SA BZHI POR GONG NAS GONG DU YE SHES SGRO BA YONGS SU DAG PA'I BRTZON 'GRUS CAN RNAMS SEMS CAN MTHA' DAG GDON PA'I MTHU CHEN PO CAN RNAMS SO, ,SA LNGAR NI SEMS RTZE GCIG PAR BTUL BA'I BSAM GTAN LAS G-YO BA MED PA'I BLO CAN RNAMS SO, ,DRUG POR NI RTEN CING 'BREL BAR @169B 'BYUNG BA MNYAM PAR BSGRUBS PAS GNYIS DANG THA DAD PA CHOS DANG GANG ZAG LA BDAG MED PA ZAB MO'I CHOS RNAMS LA 'JUG PA RNAMS SO, ,BDUN POR NI BYANG CHUB KYI PHYOGS KYI CHOS SUM CU RTZA BDUN MCHOG TU RDZOGS SHING NYAN THOS DANG, RANG SANGS RGYAS DANG THUN MONG MA YIN PA'I TING NGE 'DZIN CAN KHAMS GSUM GYI 'DOD CHAGS DANG BRAL BA RNAMS SO, ,SA BRGYAD POR NI RTEN CING 'BREL TE 'BYUNG BA'I CHOS LA SKYE BA DANG, GNAS PA DANG, 'GOG PA LA SOGS PA GZHAN PA DANG, GZHAN PA MA YIN PAR BYED PA DANG BYED PA POR 'BREL CING DNGOS PO DANG DNGOS PO MED PA'I RNAM PAR RTOG PA DANG BRAL BA RNAMS SO, ,JI LTAR MDO SDE 'DIR GSUNGS PA, ,SA BDUN DAG NI SEMS YIN TE, ,SNANG BA MED PA BRGYAD PA'O, ,SA GNYIS DAG NI GNAS YIN TE, ,SA GZHAN NGA YI RANG BZHIN NO, ,ZHES PA STE, GANG NAS BDUN DU PHYIN PA'I BYANG CHUB SEMS DPA' RNAMS DANG, NYAN THOS DANG; RANG SANGS RGYAS DANG, MU STEGS CAN RNAMS KYI SPYOD YUL YANG MA YIN NO, ,MI SKYE BA'I MTSAN NYID DE NI DNGOS PO DANG DNGOS PO MED PA'I RNAM PAR RTOG PA MED PA'I DBU MA'I YE SHES SO, ,MI G-YO BA DER YANG SANGS RGYAS SU LUNG BSTAN PA'O, ,DGUR NI BSAM PA DANG, BAG LA NYAL BA SHES SHING SO SO YANG DAG PAR RIG PA THOB PA RNAMS SO, ,BCUR NI GZHAN THAMS CAD LA PHAN PA'I PHYIR THAMS CAD MKHYEN PA KHO NA'I GO 'PHANG THOB PA'I DON DU CHOS KYI DBANG BSKUR BA STE, PHYOGS BCU'I 'JIG RTEN GYI KHAMS NA BZHUGS PA'I SANGS RGYAS RNAMS KYIS DBANG BSKUR BAR MDZAD DO, ,DER YANG NYON MONGS PA MED PA'I MI SHES PA DE'I 'OG TU SPANG NGO, ,DAR SRAB MOS G-YOGS PA BZHIN DU SHES PAR BYA BA'I DKYIL 'KHOR THAMS CAD SA BCUR SNANG NGO, ,THAMS CAD MKHYEN PA RNAMS LA NI SGRIB PA MED PAS NA SANGS RGYAS KYI SA'I KHYAD PAR TE DES NA SA BCUR SONG BA'I NYON MONGS PA MED PA'I MI SHES PA MNYAM PAR 'JOG PA MED PA LA SOGS PA'I MTSAN NYID CAN BAG CHAGS DANG LDAN PA SHES BYA'I SGRIB PA SPANGS PA NIS DANG POR MTHONG BA'I LAM THOB NAS, BSGOM PA'I LAM GYIS SBOM PO DANG, BAR MA DANG, @170A *, ,PHRA MO DANG, DE LAS PHRA BA DANG, YANG PHRAR GSE STE RIM PAR PHYE ZHING BAG CHAGS DE SANGS RGYAS KYI SA LA SPANG NGO, ,THAMS CAD MKHYEN PA NYID 'BRAS BUR THOB PA NI SA BCUR RGYA CHER RO, ,SA'I PHYOGS MDO SDE 'DIR ZUR TZAM ZHIG BSNYAD PA'I ZLA LA 'ONGS PA NI BSHAD DO, , DE LTAR NA BYANG CHUB SEMS DPA' DON LA MKHAS PA YIN NO ZHES BYA'O, ,GZHAN YANG BLO GROS CHEN PO SGRA'I DON LA MKHAS PA'I BYANG CHUB SEMS DPA' SEMS DPA' CHEN PO, SGRA DANG DON TAM, DON DANG SGRAR YANG GCIG PA MA YIN, THA DAD PA YANG MA YIN PAR YANG DAG PAR RJES SU BLTA STE, ZHES PA NI KHA CIG SGRA DANG, DON GZHAN PA'I DON DU ZHUGS PA RNAMS TE, JI LTAR NE YI YA YI KA DANG, KHYAD PAR CAN DANG, GRANGS CAN DANG, 'JIG RTEN RGYANG PAN PA RNAMS SO, ,KHA CIG NI GZHAN PA MA YIN PA KHO NAR TE, JI LTAR LUNG STON PA DANG, SGRA TSANGS PAR SMRA BA PO RNAMS TE, SGRA DANG DON THA DAD PA MA YIN PAR YANG THA SNYAD DU THA DAD PAR BYED KYANG SGRA DANG DON DAG GI DE KHO NA NYID GCIG STE, DE DAG MNYAM PAR GNAS SO, ,KshA PA NA KA DANG, DPYOD PA CAN RNAMS NI, GNYIS KAR SMRA BA PO RNAMS SO, ,KshA PA NA KA'I RNAM 'GYUR BAR SMRA BA LA GZHAN PAR 'GYUR BA DANG, GZHAN PA MA YIN PAR 'GYUR BA DANG, GZHAN PA DANG GZHAN PA MA YIN PAR 'GYUR BA STE, KHYAD PAR GYI BDAG NYID DU GZHAN PAR 'GYUR BA DANG, SPYI'I BDAG NYID DU GZHAN PA MA YIN PAR 'GYUR BA DANG, SPYI DANG KHYAD PAR GYI BDAG NYID DU GZHAN PA DANG GZHAN PA MA YIN PAR 'GYUR BA DANG, CIG CAR SMRA BAR MI BYA BA DANG, BDUN DU 'BYED PA'O, ,DPYOD PA CAN GYI KUN RTOG NI, ,DNGOS PO GZUGS NI DU MA LA, ,'DOD PA'I GZUGS SU BRTAG PA NI, ,CIG CAR RIM GYIS 'JUG PA YIS, ,TSIG GI RNAM PA GZHAN MED DO, ,JI LTAR KHA DOG 'DRES PA LA, ,DNGOS PO RNAMS NI SNA TSOGS PHYIR, ,'DOD PA BZHIN DU KHA DOG 'DZIN, ,DE BZHIN THA DAD MI DMIGS SO, ,RANG BYUNG 'DOD CHEN KHYI RNAMS KYANG, ,BUD MED LUS NI GCIG PU LA, ,MI GTZANG MDZES PA BZA'O ZHES, ,RNAM PAR RTOG PA GSUM RNAMS SO, , @170B ZHES PA'O, ,MI GNYIS PAR SMRA BA RNAMS LA NI DON DANG GCIG PAR RIG STE, BSLAD PA RNAMS SNA TSOGS SNANG BA THA DAD PA LAS SGRA DANG, DON YANG THA DAD PAR RUNG BA NI THA DAD RAB RIB CAN GNYIS KYIS ZLA BA SNA TSOGS SU NOR BA'I TSUL GYIS SO, ,RNAM PAR SHES PA SMRA BA RNAMS LA YANG SGRA DANG DON GYI SNANG BA THA DAD PAR RUNG STE, BRTAGS PAS DE DAG LAS GZHAN PA DANG, GZHAN PA MA YIN PA'I THA SNYAD RIGS TE, SNANG BA TSOGS KYI PHYIR RO, ,GANG DAG YANG PHYI ROL GYI DON DU SMRA BA DE DAG GI RANG BZHIN GYI MTSAN NYID NI SMRAR MED DE, GZHAN DU ME DANG 'BREL BAS NI, ,BDAG TSIG CES NI TSOR BA STE, ,GZHAN DU TSIG PA'I SGRA YIS NI, ,SGRA YI DON NI SHES PAR BYED, ,DBANG PO'I DON NI GZHAN DU LA, ,SGRA YI SPYOD YUL GZHAN PA STE, ,SGRA LAS MIG MED MTHONG YANG NI, ,MNGON SUM DU NI 'GYUR BA MED, ,CES SO, ,BRJOD PA THAMS CAD NI 'JUG PA'I MTSAN MA RNAMS KYIS BRJOD KYI RANG BZHIN DU NI MA YIN NO, ,JI LTAR 'GREL PA BYED PAS SGRUB PA SGRA RNAMS NI GSUM GYI PHYIR 'JUG STE, RIGS DANG, YON TAN DANG, BYED PA'I SGRA RNAMS YOD DO ZHES TE, BA DKAR MO 'GRO BA LTA BU'O, ,SGRA RNAMS 'JUG PA'I MTSAN MA BZHI PA NI, MING GI SGRA RNAMS YOD PA NI JI LTAR 'DI THE DANG, DA [?] WID THAR MING DU BTAGS PA'I SGRA RNAMS TE, NYE BAR BRTAGS PA'I RIS SU 'JUG PA'I RGYU'O, ,LA LAS NI THOG MA DANG, THA MA DANG, DUS DANG, YUL GYI RJES SU SONG BA'I LHA SBYIN LA SOGS PA 'JUG PA'I RGYUR RTOG GO, , GANG DAG LA YANG NYI MA DANG, ZLA BA DANG, NAM MKHA' LA SOGS PA RNAMS LA SPYI GCIG PA MED PA DE DAG NI RANG BZHIN LA 'JUG PA'I RGYU STE, DE LTAR 'GREL PA LAS 'BYUNG BA'O, ,GANG NA DNGOS PO THAMS CAD RANG GI DNGOS POR 'BYUNG BAS NA DE DE DAG GI DNGOS PO STE, DE BRJOD PA NI KHO NA DANG RANG NYID DU'O, ,ZLA BA'I ZLA BA KHO NA NI GANG TSIM PAR BYED PA DANG, KU MU DA RNAMS RGYAS PAR BYED PA DE'O, ,NYI MA'I NYI MA KHO NA NI GANG SNANG BAR BYED PA DANG, PADMO RGYAS PAR BYED PA DE'O, ,BA LANG KHO NA NI GANG RTZVA ZA BA DANG, SHING RTA 'DREN PA DE'O, ,NAM MKHA'I @171A *, ,DE KHO NA NI NAM MKHA' KHO NA TSIG 'KHOR BA STE, DER SHING RTA LA SOGS PA 'PHRAD PA DANG BRAL BA THA DAD PAR KUN BRTAGS PA STE, YUL MANG PO LA GNAS PAS NAM MKHA' RJES SU SONG BAR KUN RTOG GO, ,DE BZHIN DU STONG BA NYID LA SOGS PA'I SGRA RNAMS DNGOS PO DANG, DNGOS PO MED PAR SPYIR SGRO 'DOGS PAR 'JUG GO, ,DKAR PO DANG, SER PO DANG, DMAR PO DANG, MI DKAR PO LA SOGS PA'I KHA DOG RNAMS KYI KHA DOG KHO NA NI GCIG DANG DU MA DANG, GZUGS DANG, GZUGS MA YIN PA YID CHES PAR MI BYED DO, ,DES NA SPYIR BKRA BA LA BKRA BA KHO NA NI GZHAN PA DANG GZHAN PA MA YIN TE, SGRO 'DOGS PA 'BA' ZHIG GIS KUN BRTAGS PA'O, ,DE BZHIN DU GRANG BA DANG, DRO BA DANG, BRLAN PA DANG, SRA BA LA SOGS PA RNAMS KYI GRANG BA KHO NA DANG, DRO BA KHO NA DANG, BRLAN PA KHO NA DANG, SRA BA KHO NA'O, ,GAL TE GZHAN PA MA YIN NA NI DE'I TSE GRANG BA DANG GRANG BA MA YIN PA DANG, DRO BA DANG DRO BA MA YIN PA DANG, BRLAN PA DANG, SRA BA DAG KYANG DE LAS BZLOG PAR 'GYUR NA, GANG GCIG GI GZUGS YIN PA DE GNYIS POR MI RIGS SO, ,PHYI ROL GYI DON DU SMRA BA LA GCIG PO LA GZUGS DU MA KHO NAR JI LTAR NA RUNG, GZUGS GCIG PA NI GCIG PA KHO NA'O ZHES DBANG POS SMRAS PA MA YIN NO ZHES DE SKAD CE NA NI GANG GI TSE NA DE LTAR GZUGS DU MA YANG GCIG PAR JI LTAR RIGS TE, DE LTAR NA 'GRO BA THAMS CAD KYANG GZUGS GCIG PAR 'GYUR TE, PHYUG DBUL DANG, GROL BA DANG, MA GROL BA LA SOGS PA'I RIM PA DMIGS SU MED LA; GRANG BA DANG, DRO BA DANG, SNGON PO DANG, SER PO LA SOGS PA RNAMS KYIS DON GYI BYA BA BYED PA GCIG PA'I SKYON DU 'GYUR RO, ,DES NA JI LTAR GRANGS CAN LA SOGS PA PHYI ROL GYI DON DKAR PO DANG, SNGON PO LA SOGS PA'I RANG BZHIN NI RANG BZHIN DU MAR MI RIGS SO, ,NOR PA LA LTOS TE, DE'I BDAG DANG, BDAG GIR DANG, BDAG GI BA GANG YIN PA DANG, NOR PA'I GZUGS KYANG JI LTA BU DE YIN PA DE MI RUNG NGO, ,DE STE NOR PA SNA TSOGS KYI PHYIR DU MA'I RNAM PAR SHES PA LA MED NA NI DE'I TSE RAB RIB LA SOGS PA'I NOR PA LTOS PAS, TSIG GI DON @171B RNAMS KYI BDAG NYID MTHA' MED PAR 'BYUNG BAR 'GYUR RO, ,BAR TI KA LAS DPYAD BA LTAR, DMIGS PA KUN PHYI ROL GYI YIN NO ZHES DPYOD PA CAN GANG GIS KUN DU RTOG PA NI, MAR ME LA SOGS SNGON DMAR DU, ,RMA BYA'I MDONGS NI SNANG BA LTAR, ,MIG 'PHRUL RNAMS KYI DKYIL 'KHOR DU, ,KUN DU MTHONG BAR BYED PA'O, ,GANG GI TSE SHES PAR BYA BA GCIG LA GZUGS DU MA MI RUNG BA DE'I TSE, SHES PA RNAM PA DANG BCAS PA KHO NA'O, ,DE LTAR YANG, BLO NI SNGO SOGS GZUGS KYI PHYIR, ,PHYI ROL DON LA CIS NA 'BREL, ,BLO LA SNGO SOGS GZUGS MED NA, ,DE YI DE MYONG JI LTA BU, , ZHES PA STE, NAM RNAM PA DANG BCAS PA'I RNAM PAR SHES PA DE NA DE MA GTOGS PAR PHYI ROL GYI DON GANG YIN, 'ON TE RNAM PAR SHES PA LA RNAM PA MED PA 'DI NI SNGON PO'I MYONG BA YIN GYI SER PO'I MA YIN NO ZHES RNAM PA MED PA'I SHES PAS MYONG BA'I RNAM PA MED PAS JI LTAR NA RUNG, BAG CHAGS BLO LA RNAM PA MED, ,DON NI RNAM PA BCAS PA STE, ,ZHES DPYOD PA CAN RNAMS DE SKAD CES SMRAS PA DE LA RAB RIB CAN GYI RNAM PA MANG PO SNANG NA, CI'I PHYIR DON DE SNYED DE LTAR YOD DAM, DE LTAR NA GZHAN GYIS CI'I PHYIR MI 'DZIN, DES NA NOR PA'I MTHUS RNAM PAR SHES PAR SMRA BA LA RNAM PA SNA TSOGS KYI RNAM PA'I RNAM PAR SHES PA LA SNANG STE, SNANG BA THA DAD PAS, TSAD MA DANG GZHAL BA'I THA SNYAD DANG, SGRA DANG DON THA DAD PAR DE LA GLENG BA CI YANG MED DO, ,NAM SHES RAB KYIS DPYAD DE, SBOM PO DANG, PHRA MO RNAM PAR GZHIGS TE MI DMIGS PA DE LA BSAM PA MED CING SNANG BA MED PA DON DAM PA'I BDEN PA MI GNYIS PAR RIG PA DNGOS PO DANG, DNGOS PO MED PA RNAM PAR MI RTOG PA NYID GNAS SO, ,THUGS RJE'I BAG CHAGS KYIS SAD DE DAG PA 'JIG RTEN GYI SNANG BA DANG BCAS PA'I TING NGE 'DZIN LAS THAMS CAD MKHYEN PA'I SGRA DANG DON GYI THA SNYAD 'BYUNG BA NI, RTOG DANG MOS PA DAG GIS NI, ,'JIG RTEN LAM DU GNAS PA NA, ,SHES DANG SO SOR BRJOD PA YANG, ,BYIS PA DANG NI MKHAS PA 'DRA, ,DE'I PHYIR DE LTAR SGRA'I DON GYI DBANG DU BYAS TE, DES SMRAS PA, GANG PHYIR SGRA NI BRJOD PA YIN, ,GANG TSE DON @172A *, ,GANG YID CHES BYED, ,DE NI SGRA YI DON DU SMRAS, ,DON GYI MTSAN NYID GZHAN MED DO, ,BLO GROS CHEN PO GAL TE SGRA DANG DON DU THA DAD NA NI DON GSAL BAR BYED PA'I RGYU SGRA MA YIN PAR 'GYUR NA, NOR RDZAS LA MAR ME BZHIN DU DON DE LA SGRAS RJES SU 'JUG GO, ,'DI LTA STE, BLO GROS CHEN PO SKYES BU LA LA ZHIG MAR ME THOGS NAS PHYOGS 'DI NANG GI NOR 'DI LTA BU 'DI YOD DO ZHES NOR LA LTA BA ZHES PA NI RTAG PA LA LTOS TE SGRA NI GSAL BAR BYED PA'I RGYU YIN GYI, BYED PA'I RGYU MA YIN PA NI BA DAN LA SOGS PA BZHIN NO, ,GANG GI PHYIR ZHE NA, SGRA BRJOD PA LAS DON GANG YID CHES PAR 'GYUR PA DE NYID SGRA'I DON YIN GYI GZHAN MA YIN NO ZHES THAMS CAD MKHYEN PAS DGONGS PA'O, ,DE BZHIN DU BLO GROS CHEN PO TSIG TU RNAM PAR RTOG PA'I SGRA'I MAR MES BYANG CHUB SEMS DPA' CHEN PO RNAMS TSIG GI RNAM PAR RTOG PA DANG BRAL BA SO SO RANG GIS RIG PA'I DON GYI YUL LA RJES SU 'JUG GO ZHES PA NI DNGOS PO DANG DNGOS PO MED PA DANG, GNYIS KA LA GNAS PA'I SGRA THAMS CAD NI MNGON SUM DANG, MNGON SUM MA YIN PA'I YUL LA SPYIR SGRA'I DON DU SGRO BTAGS TE GSAL BAR BYED PA'I RGYU BSNYAD PA YIN GYI, BYED PA'I RGYU NI MA YIN TE, SPYIR BRTAGS PA'I DON NYID LA SGRA RNAMS 'JUG PA NA RANG GI MTSAN NYID BSNYAD PAR BYED DO, ,DE LTAR NA DE DAG BRTAGS PA'I THA SNYAD KYIS GSAL BAR BYED KYI, RANG BZHIN GYI SGRA DANG DON DU 'BREL PA MED CING, RGYU DANG 'BRAS BUR MA YIN PA NI DE DAG MI 'BRAL BA'I DNGOS PO MA YIN PA'I PHYIR RO, ,JI LTAR SMRAS PA, SGRA NI BRJOD PAR GYUR PA NI, ,DON LA THE TSOM RAB TU 'BYUNG, ,DE LTAR MNGON SUM MTHONG BA DANG, ,MTSAN MA LAS NI NGES PAR 'GYUR, ,ZHES PA STE, JI LTAR SGRA'I DON GYI RNAM PAR RTOG PA LAS RJES SU DPAGS TE, SPYI LAS KHYAD PAR GYI MTSAN NYID GSAL BAR BYED PA DE BZHIN DU SGRA'I DON SPYI LAS KYANG SGRA DANG BRAL BAR RANG GI MTSAN NYID DU 'GRO BA, BSAM PA MED CING SNANG BA MED PA DON DAM PA'I BDEN PA MI GNYIS PAR YANG DAG PAR RIG PA'I CHOS NYID LA BTZUN GTZO'I BYANG CHUB SEMS DPA' 'JUG GO ZHES BYA'O, , @172B THAMS CAD MKHYEN PAS SGRA'I DON MNGON SUM DANG RJES SU DPAG PAS BSGRUB PAR MDZAD PA, GZHAN YANG BLO GROS CHEN PO MA SKYES PA DANG, MA 'GAGS PA DANG, RANG BZHIN GYIS YONGS SU MYA NGAN LAS 'DAS PA DANG, THEG PA GSUM NI THEG PA GCIG PA DANG, CHOS LNGA DANG, SEMS DANG, RANG BZHIN LA SOGS PA LA SGRA JI BZHIN DU, MNGON PAR CHAGS PA LA BRTEN NAS MNGON PAR CHAGS PA ZHES TE, SGRA JI BZHIN PAR GSUNG BAR MI BYA'O ZHES THAMS CAD MKHYEN PAS GSUNG NGO, ,SGRA DANG DON SPYIR 'JUG PA LA YANG, RIGS PA DANG, LUNG GIS 'GAL BA MED PAR 'GA' ZHIG DPYAD PAR BYA'O, ,DE STE MA SKYES PA DANG, RANG BZHIN GYIS MYA NGAN LAS 'DAS PA RNAMS NI MO GSHAM GYI BU LTA BUR CHOS RNAMS 'DZIN NA NI DE'I TSE KUN NAS NYON MONGS PA DANG, RNAM PAR BYANG BA RNAM PAR GZHAG PA JI LTAR NA 'GYUR, DES NA BKRI BA'I DON RNAMS KYIS NGES PA'I DON NYID SHES PAR BYA'O, ,DE STE YANG MA SKYES PA DANG, MA 'GAGS PA DANG, RANG BZHIN GYIS MYA NGAN LAS 'DAS PA RNAM PA DE LTA BU RNAMS LA DON GYI BYE BRAG MED PAR 'GYUR NA NI DE'I TSE SEMS CAN RNAMS LA 'KHOR BA DANG, MYA NGAN LAS 'DAS PA MED DE, CHOS NI GANG, GANG GIS SU LA, CI'I PHYIR NA STON, THEG PA GSUM NI, THEG PA GCIG CES PA DER YANG DGONGS PA'I KHYAD PAR SHES PAR BYA STE, MNA' BA'I RGYU NI MYA NGAN LAS 'DA' BAR NGA SMRA ZHES DAM PA'I CHOS PUndA R'I KA LAS SO, ,'DIR YANG, DE DAG TING 'DZIN MYOS PA RNAMS, , ZAG PA MED PA'I DBYINGS NA GNAS, ,ZHES PA'O, ,DGONGS PA NGES PAR 'GREL PA LAS NI GANG DAG LA SNYING RJE'I SA BON YOD PA DE DAG NI SANGS RGYAS SU BYA BAR NUS SO, ,GANG DAG YANG ZHI BA PHYOGS GCIG GI 'DOD CHAGS DANG BRAL BA NI ZHI BA NYID DU GNAS SO, ,DE DE LTAR NA DAM PA'I CHOS KYIS BKRI BA DANG, NGES PA'I DON GYI BYE BRAG YONGS SU SHES PA'I PHYIR MKHAS PAR BYA'O, ,CHOS LNGA NI DE DAG MING LA SOGS PA RNAMS BRTAGS PA DANG, GZHAN GYI DBANG DANG, YONGS SU GRUB PA'I NANG DU GTOGS SO, ,DE LA MING DANG, MTSAN MA DANG, @173A *, ,BRTAGS PA DANG, YANG DAG PA'I YE SHES DANG, DE BZHIN NYID DU 'BYED PA NI CHOS LNGA ZHES BYA'O, ,DE LA MING NI KUN BRTAGS PAR BSDU'O, ,MTSAN MA NI KUN GZHI RNAM PAR SHES PA STE, LUS DANG, LONGS SPYOD DANG, GNAS SU GSAL BAR SNANG BA GZHAN GYI DBANG NGO, ,DE NYID RNAM PAR RTOG PA STE, DES NA RNAM PAR RTOG PA DER BSDU'O, ,KHYAD PAR DU NI KUN BRTAGS PA STE, YANG BRTAGS PA LA SOGS PA'I YUL MED PAS NA YUL MED PA'O, ,DAM PA'I CHOS KYI LUGS KYIS BRTAGS PA DANG, KUN BRTAGS PA'I KHYAD PAR DE'O, ,DBUNG MTHA' RNAM PAR 'BYED PA LAS, ,YANG DAG PA'I YE SHES DANG, DE BZHIN NYID NI YONGS SU GRUB PA'I MTSAN NYID DU BYAMS PAS GSUNGS PA'O, ,DE'I PHYIR YANG DAG PA'I YE SHES DANG, DE BZHIN NYID YONGS SU GRUB PAR BSDU'O, ,'PHAGS PA'I BDEN PAR CHOS LNGA BSDU BA NI, KUN NAS NYON MONGS PA RNAMS NI SDUG BSNGAL BA DANG, KUN 'BYUNG DU'O, ,DAG PA NI 'GOG PA DAD LAM DU'O, ,DE DE LTAR SGRA JI BZHIN PA TZAM DU DAM PA'I CHOS KYI DON DU BYE BRAG MI SHES SO, ,DES NA SGRA JI BZHIN PA'I DON GZUNG BAR MI BYA'O, ,RIGS PA DANG LUNG GI DAM PA'I CHOS KYI DON JI LTAR RUNG BA DE LTAR DPYAD PAR BYA'O, ,KLUNG GANGGG'A'I BYE MA SNYED KYI BSOD NAMS 'THOB PO ZHES ZUNG GI MDO LA SOGS PA'I MDO SDE LAS BYUNG BA DE RKYANG DON SHES PAR BYA'O, ,SEMS CAN THAMS CAD LA BYANG CHUB KYI SEMS BSKYED PA MNYAM PA NYID DANG, CHOS LA MNGON PAR DAD CING MNYAM PA LA SOGS PAS NGAS SANGS RGYAS DANG MNYAM PA NYID 'THOB PA'I PHYIR BSOD NAMS 'THOB PO ZHES THAMS CAD MKHYEN PAS DGONGS PA'I DON DU BRTAG GO, ,BYANG CHUB SEMS DPA' BSOD NAMS GANG, ,BSKAL PA BYE BAR BSAGS PA NI, ,GZUNGS SNGAGS 'DI NI 'CHANG BA NA, ,ZLA GCIG GIS NI THAMS CAD GNON, ,ZHES PA YANG SBYIN PA DANG, TSUL KHRIMS DANG, BSAM PA'I BSOD NAMS NI BSGOM PA'I BSOD NAMS KYIS ZIL GYIS GNON TO, ,SBYIN PA'I BSOD NAMS SNGA MA DE NI BSGOM PA'I BRGYA'I CHAR YANG MI PHOD DO ZHES BYA BA LA SOGS PA NI RDO RJE GCOD PA LA SOGS PAR DAM PA'I CHOS SU KLOG PA @173B DGONGS PAR GSUNGS PAR BRTAG GO, ,'DIR DAM PA'I CHOS KYI 'GREL PA LANG KAR GSHAGS PAR YANG BCOM LDAN 'DAS KYIS RANG GI DGONGS PA RAB TU BSTAN PA NI SANGS RGYAS THAMS CAD DANG MNYAM PA NYID KYI PHYIR NGA YANG SANGS RGYAS DE NYID DO, ,RANG GIS YANG DAG PAR RIG PA'I CHOS NYID KYI DBANG DU MDZAD DE GSUNGS PA, MNGON PAR SANGS RGYAS NAS YONGS SU MYA NGAN LAS 'DAS KYI BAR DU CHOS MA BSHAD CES SO, ,DE BZHIN DU BDUN BRGYA PA LAS, DNGOS PO MED PA'I DE BZHIN GSHEGS PA DANG, DNGOS PO MED PA'I DE BZHIN NYID CES TE, DER NI RANG BZHIN GYIS 'OD GSAL BA'I CHUD PA LA GLO BUR GYIS GNYIS KYI RNAM PA DANG BRAL BA'I PHYIR DNGOS PO MED PA'O ZHES DGONGS PA'O, ,RANG BZHIN NI CHOS LNGA'I GNAS TE CHOS KYI DBYINGS SO, ,RANG BZHIN GYIS YONGS SU MYA NGAN LAS 'DAS PA NI THOG MA NAS ZHI BA'O, ,MA SKYES PA DANG MA 'GAGS PA NI CHOS DANG GANG ZAG LA BDAG MED PA'I SKAD CIG PA LA SKYE BA DANG, GNAS PA DANG, 'GOG PA LA SOGS PA BYED PA DANG, BYED PA PO LA SOGS PAR 'BREL BAR KUN BRTAGS PA NI THA DAD PA DANG THA DAD PA MA YIN PAR MI RUNG NGO, ,CHOS LA BDAG MED PA LA YANG 'DZIN PA DANG, GZUNG BA'I RNAM PAR SKYE BA MED DE, RMI LAM DANG MIG 'PHRUL LA SOGS PA BZHIN NO, ,BDAG DANG GZHAN GYI DNGOS POR SO SOR SNANG BA 'BYED PA'I RNAM PAR RTOG PA MED PA'I PHYIR GNYIS SU MED PA LA YANG THA DAD PA MI RTOG GO, ,BRJOD DU MED PA'I SKAD CIG PA'I RGYUD LA RANG GI BDAG NYID LA RIG PAR BYA BA DANG, RIG PA PO'I DNGOS POR SEMS KYANG MI RGYUN YI GE DANG SGRA RNAMS LTA CI SMOS TE, THUGS RJE'I BAG CHAGS KYIS SAD NAS BZHENGS TE, DAG PA 'JIG RTEN PA SNANG BA DANG BCAS PA'I TING NGE 'DZIN LA THAMS CAD MKHYEN PA BZHUGS PA RNAMS KYIS CHOS STON PA 'BYUNG NGO ZHES LAN DU MAR BSHAD PA YIN NO, ,SGYU MA SNA TSOGS MTHONG BA'I RNAM PAR RTOG PA LTA BUR SGRO 'DOGS PA DANG, SKUR BA'I LTA BAR LTUNG BA YIN NO, ,RNAM PA GZHAN DU GNAS PA LA RNAM PA GZHAN DU SO SOR RNAM PAR RTOG PA ZHES PA NI YOD DO ZHES SGRO 'DOGS PA DANG, MED DO ZHES SKUR PA STE, JI LTAR @174A *, ,'PHAGS MA SHES RAB KYI PHA ROL TU PHYIN PA DANG, DKON MCHOG BRTZEGS PA LA SOGS PA LAS MTHA' GNYIS RNAM PAR DPYAD PA NI DBU MA'I NAN TAN ZHES SO, ,JI LTAR 'DI NYID DU THAMS CAD NI RTAG PA DANG, MI RTAG PA DANG, BYAS PA DANG, MA BYAS PA MA YIN, THAMS CAD NI THER ZUG PA DANG, THER ZUG PA MA YIN PA'ANG MA YIN, THAMS CAD NI 'DUS BYAS DANG, 'DUS MA BYAS MA YIN, THAMS CAD NI RGYU DANG 'BRAS BU MA YIN, YOD PA DANG MED PA MA YIN, GNYIS KA DANG GNYIS KA MA YIN PA'ANG MA YIN NO ZHES BYA BA LA SOGS PAR BRAM ZE 'JIG RTEN RGYANG PAN PA SUN DBYUNG BA'I PHYIR GSUNGS PA RANG GI SEMS SNANG BA TZAM KHONG DU MCHUD PA'I PHYIR SRIN BAL GYI SRIN BU RNAMS BDAG NYID KYIS BDAG NYID 'CHING BAR BYAS PA BZHIN DU PHYI ROL GYI RNAM PAR RTOG PAR LTA BA'I MU STEGS BYED RNAMS GNYIS KYI RNAM PAR LHUNG BA YIN NO, ,SEMS NI SGYU MA LTA BU STE, ,SNANG BA TZAM PA LA PHYI ROL GYI MED PA LA SGRO BTAGS TE, SNANG BA JI BZHIN PA LA BYIS PA RNAMS RNAM PAR RTOG PA LTAR NI MED DO, ,'DI LTA STE, BLO GROS CHEN PO SGYU MA SNA TSOGS NI RNAM PA GZHAN DU LTA BA YIN NA BYIS PA RNAMS RNAM PA GZHAN DANG SO SOR RNAM PAR RTOG STE, 'PHAGS PA RNAMS KYIS NI MA YIN NO ZHES PA NI RTAG PA DANG, BDAG DANG, 'DZIN PA DANG, GZUNG BA DANG, BYED PA DANG, BYED PA PO DANG, BSKYED PA DANG, SKYED PA PO DANG, RGYU DANG 'BRAS BU DANG, BYAS PA DANG MA BYAS PA DANG, RTAG PA DANG CHAD PA DANG YOD PA DANG, MED PA DANG, GNYIS KA LA SOGS PAR SMRA BA GNYIS KYI RNAM PA'I SHES PA LA BYIS PA RNAMS KYIS KUN RTOG GI, BRJOD DU MED PA BSAM PA MED CING SNANG BA MED PA DON DAM PA'I BDEN PA YANG DAG PAR RIG PA LA NI 'PHAGS PA RNAMS KYIS MI RTOG GO, ,DER BDAG DANG GZHAN GYI DNGOS POR THA DAD PAR SNANG BA'I RNAM PAR SHES PA MED PA'I PHYIR DE LA RTAG PA DANG, MI RTAG PA DANG, BYAS PA DANG, MA BYAS PA DANG, BYED PA DANG, BYED PA PO DANG, RGYU DANG 'BRAS BU LA SOGS PAR 'BYED PA'AM, YOD PA DANG, MED PA DANG, GNYIS KA LA SOGS PAR SNANG BA'I RNAM PAR RTOG @174B PA MED DO, ,'ON KYANG THUGS RJE'I BAG CHAGS KYIS SAD NAS DAG PA 'JIG RTEN GYI SNANG BA DANG BCAS PA'I TING NGE 'DZIN GYI THAMS CAD MKHYEN PAS RANG GI MTSAN NYID MI GNYIS PA MDZUB BTZUGS BZHIN DU SPYI'I RNAM PAR BSNYAD PAR MDZAD DO, ,DE BZHIN DU YANG SHES RAB CAN RNAMS KYIS SHES RAB KYIS DPYAD CING CHOS DANG GANG ZAG LA BDAG MED PAR MI RTAG PA DANG, SDUG BSNGAL BA DANG, MI MDZES PA DANG, STONG PA'I RNAM PAS 'JUG PA NI RMI LAM DANG SPRIN LAS GLOG 'GYUR BA BZHIN NO, ,SPYI'I RNAM PAR BSNYAD PA LA YANG GNYIS KYI CHA STONG PA DANG, 'GRO BA SKAD CIG PA'O ZHES SHES RAB KYIS KHYAD PAR GYI RJES SU 'JUG GO, ,DGE SLONG KHYOD MED PAR 'GYUR BA LTA BUR DE KHO NA NYID SGOMS SHIG CES NAS DES KYANG PHUNG PO DANG, KHAMS DANG, SKYE MCHED LA SOGS PA RNAM PAR PHYE STE, GANG GI LUS KYI RDUL PHRA MO 'DUS PA SKAD CIG PA LA DE BZHIN DU BYAS NAS DE LTAR BDAG TU CHAGS PA NYE BAR ZHI STE, DES RTOGS PAR 'GYUR BA LTA BU'O, ,DE BZHIN DU 'GRO BA RMI LAM LA SOGS PA BZHIN DU STONG PA STE, SKYES PA'AM, SKYES PA MED PAR CHOS LA BDAG MED PAR RTOGS SHING PHYI ROL GYI PHYOGS KYI CHA THA DAD PAS PHYE BA NA STONG PAR MTHONG STE, RTAG PA DANG, BDAG DANG, BDAG GI LA SOGS PAR CHAGS PA LDOG GO, ,JI BZHIN SGRA ZHES BYA BA LA SOGS PA NI GZUGS LA SOGS PA'I SGRA THOS NAS PHYI ROL GYI BAR KUN RTAG PA DANG, LA LAS RTAG PA DANG, BDAG DANG, BDAG GIR SGRO 'DOGS SO, ,DE LTAR NA YANG LOG PA'I SHES PA LAS 'KHOR BA'I SDUG BSNGAL RJES SU 'BREL PAR 'GYUR RO, ,PHUNG PO RNAMS LA ZHES BYA BA LA SOGS PA NI JI LTA BA BZHIN DU PHUNG PO RNAMS LA RTAG PA'I BDAG SGRO 'DOGS PA DE BZHIN DUD MA SKYES PAS NA MO GSHAM GYI BU LA SOGS PA BZHIN DU DNGOS PO MED DO, ,PHUNG PO RNAMS GZHAN GYI DBANG DU GYUR PA NI NANG GLONGS PA'I MTHU LAS RAB RIB DANG, MGO 'KHOR BA DANG, BRGYAL BA'I RNAM PA LTA BUR GSAL BA DER BRTAG PA LA SOGS PA'I RNAM PAR RTOG PAS SGRO 'DOGS SO, ,DNGOS PO THAMS CAD CES BYA BA LA SOGS PA'I RTAG PA DANG, BDAG DANG, PHYI ROL DANG, BDE BA DANG, GTZANG BAR RNAM PAR SGRO BTAGS @175A *, ,TE; JI LTAR BYIS PAS RNAM BRTAGS BZHIN, ,DE STE DNGOS PO DANG DNGOS PO MED PA DE BZHIN NA NI THAMS CAD KYIS YANG DAG PAR MTHONG BA YIN NO, ,CHOS RNAMS THAMS CAD CES BYA BA LA SOGS PA LA CHOS THAMS CAD NI GZUGS LA SOGS PA STE, 'DZIN PA DANG GZUNG BA'I RNAM PAS MED PA'I PHYIR RO, ,DE LTA BAS NA DE DAG LA NYON MONGS PA DANG, DAG PA MED DE 'KHRUL PA'I RNAM PA'I PHYIR TE, RMI LAM DU KUN NAS NYON MONGS PA DANG DAG PA BZHIN NO, ,SO SOR SNANG BA TZAM DU DE DAG NI GZUGS BRNYAN LA SOGS PA BZHIN TE, MTHONG BA DANG MI MTHONG BA LAS DNGOS PO DANG DNGOS PO MED PA'O, ,JI LTAR 'PHAGS MA SHES RAB KYI PHA ROL TU PHYIN PA LAS 'BYUNG BA RAB 'BYOR CHOS THAMS CAD NI BCINGS PA YANG MED, DGROL BA YANG MED PA STE, BRTAGS PA'I BDAG DANG, BDAG GI PA RNAMS KYI DNGOS PO MED PAS NA 'CHING BA DANG BKROL PA MED DE, RI BONG GI RVA DANG MO GSHAM GYI BU LA SOGS PA BZHIN NO, ,GZHAN GYI DBANG RNAMS NI SKYE BA'I RANG BZHIN MED DE, RANG BZHIN GYIS RMI LAM GYI THAR PA BZHIN NO, ,RANG BZHIN GYIS 'OD GSAL BA'I CHUD PA RNAMS GLO BUR GYI GNYIS KYI RNAM PAR STONG PA NYID DO, ,DE DAG RIN PO CHE DANG GSER LA SOGS PA BZHIN DU RANG BZHIN GYI DRI MA DANG 'BREL PA LAS RNAM PAR DAG PAR 'GYUR BA NI MA YIN TE, DES NA CHOS THAMS CAD LA KUN NAS NYON MONGS PA MED PA DANG, RNAM PAR DAG PA MED DO ZHES DGONGS NAS, RAB 'BYOR CHOS THAMS CAD BCINGS PA MED PA DANG, BKROL BA MED PA'O ZHES SO; ,'PHAGS PA LANG KAR GSHEGS PA YE SHES DPAL BZANG POS SBYAR BA'I LE'U GSUM PA LAS SGRA JI BZHIN PA'I DON LA DGONGS PA DPYAD PA DRUG PA'O,, ,,GZHAN YANG BLO GROS CHEN PO YE SHES DANG RNAM PAR SHES PA'I MTSAN NYID KHYOD LA BSHAD DO ZHES BYA BA LA SOGS PA DE LA BLO GROS CHEN PO YE SHES RNAM PA GSUM STE, 'JIG RTEN PA DANG, 'JIG RTEN LAS 'DAS PA DANG, 'JIG RTEN LAS 'DAS PA'I MCHOG GO ZHES BYA BA LA SOGS PA STE, DE LA SKYES NAS 'JIG PA NI RNAM PAR SHES PA'O ZHES PA NI THOG MA DANG THA MA'I DUS KYI GNAS @175B THA DAD PA DANG BRAL BA'O, ,SE GOL GYI SGRA DANG, GLOG LA SOGS PA LTA BU NI 'JIG RTEN PA'I YE SHES SU BRTAG GO, ,MA SKYES MI 'JIG PA NI YE SHES SO ZHES PA NI GANG SKYE BA DANG 'JIG PA RNAM PA THA DAD PAR SNANG BA'I CHOS KYI RNAM PAR RTOG PA MED CING SKAD CIG PA DE NI 'JIG RTEN LAS 'DAS PA STE, GANG GI PHYIR ZHE NA, GNYIS KYI RNAM PA DANG BRAL PAR MTHONG BA'I PHYIR RO, ,SKYE BA DANG 'JIG PA LA SOGS PA'I CHOS NI 'JIG RTEN PAS RNAM PAR RTOG GO, ,YANG NA THA DAD PA DANG THA DAD PA MA YIN PAR LUNG STON PA RNAMS KYIS SO, ,SANGS RGYAS PA RNAMS GYIS NI BYED PA DANG BYED PA PO DANG MNGON PAR 'BREL PA MED PA'I RTEN CING 'BREL TE 'BYUNG BA STE, JI LTAR, 'DUS BYAS THAMS CAD SKAD CIG MA, ,MI BRTAN BYED PA GA LA ZHIG ,GANG BYUNG BYED BA DE NYID DE, ,BYED PA POR YANG DE NYID BRJOD, ,CES TE, DES NA LHAG PA'I SKYE BA DANG, 'JIG PA MED PAS NA MA SKYES PA MI 'JIG PAR DANG CHOS DANG GANG ZAG LA BDAG MED PAR DGONGS PA STE, MU STEGS BYED RNAMS KYI MA SKYES PA NYID MI 'JIG PA NI MA YIN NO, ,YE SHES NI BDAG LA SOGS PA BZHIN DU BRTAGS PA STE, JI LTAR SKYES BU'I RANG BZHIN NI TSOR BA CAN NO ZHES GRANGS CAN RNAMS SO, ,'O NA SNANG BA CI ZHIG CES PA DANG, 'DI BDAG STE RANG SNANG NGO ZHES TE, RANG NYID YANG DAG PAR RIG PA'I RANG BZHIN NO ZHES RIG SNGAGS 'DZIN PAS BSAM PA'O, ,DER NI SGRA DANG DON LA BSLAB PA'I BDAG DANG GZHAN GYI GRUB PA'I MTHAR SMRA BA RNAMS KYI RTZOD PA CHE ZHING MANG NGO, ,MA SKYES PA DANG 'JIG PA MED PA'I YE SHES LA JI LTAR KHA CIG SMRA BA, YANG DAG PAR NI 'DUS BYAS STONG, ,RGYU BZHIN RKYEN LAS 'BYUNG BA'I PHYIR, ,'DUS MA BYAS KYANG YANG DAG MIN, ,YANG DAG MIN PA MKHAS MIN BZHIN, ,ZHES TE, GANG SKYE BA DANG 'GAG PA DE NI KUN RDZOB BDEN PA'I YE SHES TE, RMI LAM DANG MIG 'PHRUL LA SOGS PA BZHIN NO, ,DON DAM PA'I BDEN PA NI RANG BZHIN MED PA STE, RI BONG GI RVA LA SOGS PA BZHIN DU MA SKYES PA DANG MA 'GAGS PA STE, DES NA SANGS RGYAS KHO NA YE SHES KYANG KUN RDZOB KYI BDEN PA'O, , @176A *, ,DON DAM PA'I BDEN PA CI YIN ZHES PA LA CI'ANG MA YIN TE, DNGOS PO MED PA'I RANG BZHIN ZHES SO, ,LA LA YANG RANG GI RNAM PAR RTOG PAS BSLAD DE, MA SKYES PA DANG MI 'JIG PA NI SGRA'I DON BRTAGS PA TZAM GYIS DE DAG RTZOD DE KUN NAS NYON MONGS PA DANG, RNAM PAR BYANG BA'I CHUD PA LA 'KHOR BAR SDUG BSNGAL TSOR BA DANG, GROL BA'I DUS NA SDUG BSNGAL MED PAR 'GYUR BAR DGONGS NA DAM PA'I CHOS MI SHES SO, ,DE LTAR NA YANG GNAS KYI RIM PAR DBYE BA NA, JI LTAR NA RTAG PA YIN, MA SKYES PA DANG MI 'JIG PA GSUNGS SU ZIN KYANG, SKYE BA DANG BYED PA DANG BYED PA POR 'GREL PAR MNGON PAR CHAGS PA GZHAN PA DANG GZHAN PA MA YIN PAR GSAL BA'I PHYIR TE, DE BZHIN DU GANG ZAG LA BDAG MED PA LA YANG BRJOD DO, ,CHOS LA BDAG MED PA LA YANG JI LTAR DGONGS PA NGES PAR 'GREL PA LAS GSUNGS PA, DON RNAM PA SNA TSOGS KYI RNAM PA GZHAN GYI DBANG LA SKYE BA'I RANG BZHIN MED PA STE, RNAM PA DE LTA BUR MI SKYE BA NI RAB RIB LA SOGS PA'I SHES PA BZHIN NO, ,DON DAM PA'I RANG BZHIN MED PA NI RANG BZHIN GYIS 'OD GSAL BA'I CHUD PA 'DZIN PA DANG, GZUNG BA'I RNAM PAS STONG PA NYID DO, ,DE YANG 'DUS BYAS DANG, 'DUS MA BYAS PA KHO NAR BRTAGS PAS SRID PA DANG THAR PA'I RGYUN DU 'BYUNG BA'I BDE BA DANG, SDUG BSNGAL LA SOGS PA'I RIM PAR DBYE BA NA SKAD CIG PA NYID DO, ,DBANG PO LA SOGS PA SUS KYANG MA BYAS PAS DES NA 'DUS MA BYAS PA KHO NA'I RGYU NI DE BZHIN GSHEGS PA BYUNG YANG RUNG MA BYUNG YANG RUNG STE, CHOS NYID YONGS KYIS GNAS SO, ,DES NA 'DUS BYAS DANG, 'DUS MA BYAS ZHES BYA BA'I TSIG 'DI NI STON PAS BTAGS PA'O, ,'DUS BYAS KHO NA'AM 'DUS MA BYAS PA KHO NA BAR THA SNYAD DU BYA BA DE DE LTAR BKRI BA'I DON DU DGONGS PA'I KHYAD PAR GANG DAG GIS MI SHES PA DE DAG MA SKYES PA DANG, MI 'JIG PA RTAG PAR RTOG GO, ,KHA CIG GIS NI RANG BZHIN MED PA STE, SKAD CIG PA NI KUN RDZOB KYI BDEN PA KHO NA DANG, DNGOS PO MED PA NI DON DAM PA'I BDEN PA KHO NA ZHE'O, ,GANG ZHIG SANGS RGYAS KYI DNGOS POR YANG STONG PAR KLOG GO, ,GZUGS LA SOGS PA'I PHUNG PO GZHAN GYI @176B DBANG GI RNAM PA GNYIS KYI RNAM PAS STONG PA NYID DE, DE BSAM PA MED CING SNANG BA MED PA YANG DAG PAR RIG PA LA GNOD PA MED PA'I PHYIR DON DAM PA'I BDEN PA MED DO, ,JI LTAR RDO RJE GCOD PA LAS 'BYUNG BA, JI TZAM DU MTSAN PHUN SUM TSOGS PA DE TZAM DU BRDZUN NO, ,JI TZAM DU MTSAN PHUN SUM TSOGS PA MED PA DE TZAM DU MI BRDZUN NO, ,BCOM LDAN 'DAS MA LAS MTSAN MED CES PA NI GNYIS SU MED PAR YANG DAG PAR RIG CING BRJOD DU MED PA'O, ,CHOS DANG CHOS CAN DU 'BYED PA JI TZAM DU MTSAN NYID DU KUN RTOG PA DE TZAM DU GZHAN PA DANG GZHAN PA MA YIN PAR MI RUNG NGO, ,GRANG BA DANG, DRO BA DANG, GZUGS DANG, GZUGS MED PA LNGA MI RTAG PA LA SOGS PA RNAMS KYI SPYI'I YON TAN LA SOGS PA'I CHOS LTA BUR KUN BRTAGS PA, GAL TE CHOS CAN DE DAG LAS THA DAD PAR GYUR DU ZIN NA NI GRANG BA LA DRO BA DANG, GZUGS CAN LA GZUGS MED PA DANG RTAG PA LA SOGS PA'I RANG BZHIN DU PHYIN CI LOG PAR 'GYUR RO, ,THA MI DAD PA'I PHYIR PHYOGS SU NI CHOS DANG, CHOS CAN DANG, MTSAN MA'I GZHI DANG, MTSAN MA THA MI DAD PAR 'GYUR RO, ,'DUS BYAS THAMS CAD NI KUN RDZOB KYI BDEN PA STE, RMI LAM DANG, MIG 'PHRUL LA SOGS PA BZHIN NO, ,DE LAS BZLOG PA NI DON DAM PA STE, DE YANG 'DUS BYAS SAM, 'DUS MA BYAS PA DPYAD PAR BYA STE, GNYIS KYI RNAM PA'I GZHAN GYI DBANG NI KUN RDZOB CES PA'O, ,DE DANG MTSAN NYID MI MTHUN PA NI NGES PAR 'JUG PA'I DBANG PO'I SHES PA YANG DAG PAR RIG PA BZHIN NO, ,CI GNYIS SU MED PAR GRUB PA'I YE SHES NI DON DAM PA'I BDEN PA YIN NAM, YANG NA CI GNYIS PA DANG MI GNYIS PA'I 'DUS BYAS KYI MTSAN NYID DANG, MI MTHUN PA MO GSHAM GYI BU DANG, RI BONG GI RVA MED PA'I RANG BZHIN DON DAM PA'I BDEN PA YIN, MA SKYES PA DANG, MI 'JIG PA NI DGONGS PAR BSHAD PA DANG BRAL TE, SGRA JI BZHIN PA NI DE'I TSE YANG KUN NAS NYON MONGS PA DANG, RNAM PAR BYANG BAR MI RUNG NGO, ,BRTAGS PA LTA BU DANG, GZHAN GYI DBANG BZHIN DU GRUB PA YANG MED DO ZHES GANG SMRAS PA DE NI DAM PA'I CHOS LAS SDUG BSNGAL 'BYUNG BA'I LAS SGRUB PAR BYED DE, @177A *, ,DGONGS PA NGES PAR 'GREL PA LAS THAMS CAD MKHYEN PA'I DGONGS PA'I DON DE NYID SGYU MA LTA BU'I RTEN CING 'BREL TE 'BYUNG BA THOG MA DANG THA MA'I MTHAR STONG ZHING DBUS SU GNYIS KYI RANG BZHIN GYIS STONG PA NYID DO, ,SKAD CIG PA GCIG NI THOG MA DANG, THA MA'I MTHA'I SKAD CIG PA DANG 'BREL PA MED DO, ,DES NA BYED PA DANG, BYED PA PO DANG MNGON PAR 'BREL PA DANG BRAL BA SNGA MA'I 'OG TU 'DI YOD NA 'DI YOD DO ZHES BYA'O, ,DE LTAR YANG SKYE BA DANG, GNAS PA DANG, 'GOG PA LA SOGS PA'I CHOS RNAMS SKAD CIG PA GCIG LA YOD PA MA YIN TE, DES NA SKYE BA DANG, 'GAG PA MED PA NI RTEN CING 'BREL TE 'BYUNG BA'O ZHES THAMS CAD MKHYEN PAS DGONGS PA'I DON TO, ,DE LTAR YANG PA YANG CHOS DANG GANG ZAG LA BDAG MED PA CHOS NYID DANG MI 'GAL LO, ,CHOS LA BDAG MED PA NI GNYIS KYI RNAM PAS MA SKYES PA RMI LAM DANG MIG 'PHRUL LA SOGS PA BZHIN NO, , GANG ZAG LA BDAG MED PA YANG GANG YOD PA THAMS CAD SKAD CIG PA STE, SE GOL GYI SGRA DANG, GLOG DANG, 'BAB CHU LA SOGS PA BZHIN NO, ,RTAG PA MA SKYES PAS NA MO GSHAM GYI BU LA SOGS PA BZHIN DU DNGOS PO MED DO, ,GANG YANG SKAD CIG PA MNGON SUM PA'O ZHES BRJOD PA JI LTAR NA RUNG, LA LAS SKAD CIG PA DRUG TU GNAS ZHES DER GTOGS PA NI SE GOL GYI SGRA'I DUS NA SKAD CIG PA DRUG CU RTZA BZHI 'DA' BA LTA BU'O, ,KHA CIG SMRA BA NI, RMI LAM GYI DUS YUN THUNG DU DER YANG LO BRGYA LA SOGS PAR TSOR BA MYONG BA STE, DE DE BZHIN DU SKAD CIG PA'I DUS LA CHUD PA SO SOR NGES PA MED CING 'KHOR BAR SNANG BA'I TSAD LA DUS GSUM GYI RTOG PA MED DO, ,DE BAS NA 'KHOR BA MED PA'I PHYIR THAR PAR NAM PAR RTOG PA GANG YID CHES PAR BYED PA GA LA ZHIG CES PA NI RGYU THAMS CAD DANG 'GAL BAR SMRA BA'O, ,TSAD MA DANG GZHAL BAR GZHAG PA NI SNANG BA JI BZHIN PA DANG RJES SU MTHUN PAR GNYIS DANG MI GNYIS PAR SMRA BA LA SOGS PAS DE KHAS LAN TO, ,JI LTAR SE GOL GYI SGRA DANG GLOG LA SOGS PA RNAMS KYIS SKAD CIG PA THOG MA DANG THA MA'I DUS DANG BRAL BA SHIN TU MYUR BAR 'JIG PA MNGON SUM PA DE NYID SKAD CIG PA KHO NA'O, ,GANG YANG GRANGS CAN DANG NE YI YA YI KA @177B DANG; KHYAD PAR CAN RNAMS KYIS SKAD CIG PA DRUG TU GNAS PAR KUN RTOG PA DE NI RIM GYIS 'BYUNG GI CIG CAR NI MA YIN NO, ,JI LTAR GRANGS CAN RNAMS KYI SKYE BA DANG, YOD PA DANG, 'GYUR BA DANG, RNAM PAR 'PHEL BA DANG, ZAD PAR 'GYUR PA DANG, RNAM PAR 'JIG CES PA NI DNGOS PO'I 'GYUR PA RNAM PA DRUG CIG CAR MI 'BYUNG STE, RTOG PAR MI BYED PA'I PHYIR RO, ,NE YI YA YI KA LA SOGS PA'I SKAD CIG PA RNAMS KYANG SKAD CIG PA'I DUS LA DE LAS PHYI MA'I SKAD CIG LA GZHAN GYI DNGOS PO RTOG PAR MI 'GYUR BA NI JI LTAR YOD PA DANG 'BREL PA DANG, GNAS PA'I DUS DANG, YON TAN GZHAN 'BYUNG BA'I DUS DANG, DMIGS PA'I DUS DANG, RNAM PAR 'JIG PA'I RGYU BSNYEN DUS DANG, RNAM PAR 'JIG PA'O, ,DE DE LTAR RIM GYIS 'BYUNG BA'I SKAD CIG PA RNAMS DUS GCIG TU 'BYUNG BA MED DO, ,JI LTAR NA SHIN TU MYUR DU 'JIG PA'I RNAM PAS SKAD CIG PA DRUG GI BAR DU GNAS PAR RUNG, SKAD CIG PA RNAMS KYIS JI LTAR SE GOL GYI SGRA'I DUS LA SKAD CIG PA DRUG CU RTZA BZHI 'BYUNG ZHES TE, DE BZHIN DU MTHE BONG DANG, SOR MO'I YAN LAG RIM GYIS REG NAS PHRAD PA'I 'OG TU SKYES PA'I SGRA LA SKAD CIG PAR THOS SO ZHES PA DE BZHIN DU GRUB PA'I MTHA' THAMS CAD LA SKAD CIG PAR RAB TU GRUB PA'O, ,RMI LAM GYI DUS LTAR RAB TU BSLAD PAS 'KHRUGS PA'I CHUD PA LA DUS YUN THUNG DU DANG RING POR NGES PA MED DO, ,GANG YANG DON DAM PA'I BDEN PA GNYIS SU MED PA'I SKAD CIG PA YANG DAG PAR RIG PA DE LA BDAG THA DAD PAR 'DZIN PA MED DO, ,'ON KYANG SNANG BA DANG BCAS PA THAMS CAD MKHYEN PA'I DAG PA 'JIG RTEN GYI YE SHES KYIS SKAD CIG RE RER MYONG BA LTA BUR THOG MA DANG THA MA'I DUS KYI RIM PA THA DAD PA DANG, BRAL BA'I SKAD CIG PA RTOGS PAS NA, 'DOD CHAGS LA SOGS PA'I SGRIB PA DANG BRAL BA THAMS CAD MKHYEN PA'I YE SHES LA DUS GSUM GYI DON GANG YIN PA DON DE DBEN PAR SNANG BA NI MIG GI LING TOG MED PA LTA BU'I YE SHES PA LA'O, ,'DOD CHAGS LA SOGS PAS 'KHRUL PA LA NI NYE BAR GYUR KYANG YE SHES MI 'JUG GO, ,GANG GI TSE NA 'DOD CHAGS LA SOGS PA DANG BRAL BAR GYUR PA DE'I TSE NA NYON @178A *, ,MONGS PA KUN DANG BRAL BA'I YE SHES KUN TU 'JUG GO, ,GZHAN YANG BLO GROS CHEN PO MTSAN MA DANG MTSAN MA MED PAR LHUNG BA'I RNAM PAR SHES PA ZHES BYA BA NI GZUGS LA SOGS PAR SNANG BA'I MTSAN NYID KYIS MTSAN MAR LTUNG BA STE, PHYI ROL GYI DMIGS PA MED PAR YANG NANG 'KHRUGS PA'I MTHU LAS MGO 'KHOR BA DANG, BRGYAL BA LA SOGS PA BZHIN DU RNAM PA SNA TSOGS PA'I RNAM PA'O, ,MTSAN MA MED PAR LHUNG BA NI GANG GI TSE NA, GZUGS NI RDUL PHRAN GZHIGS PA NA, ,RDUL PHRAN CHA NI MED PA STE, ,ZHES PAR SHES RAB KYIS DPYAD DE MTSAN MA MI DMIGS PA DE'I TSE NA BSAM PA MED CING SNANG BA MED PA DON DAM PA'I BDEN PA MI GNYIS PA YANG DAG PAR RIG PA NYID GNAS SO, ,YOD PA DANG MED PAR LHUNG BA DANG ZHES BYA BA LA YOD PA DANG MED CES BYA BA NI BYIS PA RNAMS KYIS GNYIS KYI RNAM PA'I RNAM PAR SHES PA LA THA DAD PA'I THA SNYAD YOD KYI, DON DAM PA'I BDEN PA MI GNYIS PA'I YE SHES LA NI DNGOS PO DANG, DNGOS PO MED PA'I RNAM PAR RTOG PA SO SOR THA DAD PAR SNANG BA NI MED DO, ,GNYIS KYI RNAM PA'I SHES PA DE YANG GZHAN GYI DBANG NGO, ,MTSAN NYID SNA TSOGS KYI RGYU LAS SKYES PA ZHES PA NI BSLAD PA NI SNA TSOGS KYI MTSAN NYID MTSAN MA RGYU GANG LA YOD PA STE, RNAM PA SNA TSOGS DE LTA BU'I GZUGS GANG NA YOD PA DE LA DE SKAD CES BYA'O, ,GANG SNA TSOGS PA DE RGYU SNA TSOGS LAS SKYES PA STE, DE TSON DU MAS RI MO BRIS PA BZHIN NO, ,'KHOR BAR YANG BDE BA DANG SDUG BSNGAL LA SOGS PA THA DAD PAR DBYE BA NA RNAM PAR SHES PA SNA TSOGS PA YIN TE, DES NA SKYE BO RNAMS KYI LAS DU MA'I RGYUS SKYES PAR SHES PA'O, ,MTSAN MA DANG MTSAN MA MED PA LAS SHIN TU 'DAS PA'I MTSAN NYID NI YE SHES SO ZHES PA NI DNGOS PO DANG DNGOS PO MED PA LA SOGS PAR RNAM PAR RTOG PA'I MTSAN MA LAS 'DAS PA'I MTSAN NYID CAN NI YE SHES TE, BSAM PA MED CING SNANG BA MED PA DON DAM PA'I BDEN PA MI GNYIS PAR YANG DAG PAR RIG PA NI MTSAN MA THAMS CAD LAS 'DAS PAS NA DER YOD PA DANG, MED PA DANG, RTAG PA DANG, MI RTAG PA DANG, BDE BA DANG, SDUG BSNGAL BA DANG, BDAG DANG, BDAG MED PA DANG, MDZES PA DANG, MI @178B MDZES PA LA SOGS PAR THA DAD PAR SNANG BA'I RNAM PAR RTOG PA'I MTSAN MA MED PA'I PHYIR RO, ,THAMS CAD MKHYEN PA'I YE SHES DAG PA 'JIG RTEN GYI SNANG BA DANG BCAS PA LAS DE LTA BU RNAM PA THAMS CAD SO SOR SNANG NGO ZHES SO, ,STZOGS PA'I MTSAN NYID NI RNAM PAR SHES PA'O ZHES PA NI RNAM PA SNA TSOGS KYI RNAM PA'O, ,GANG GI TSE NA MTSAN MA SHES RAB KYIS DPYAD DE, SBOM PO DANG PHRA MO RNAM PAR GZHIGS TE, RNAM PAR MI DMIGS PA DE'I TSE NA BRI BA'I MTSAN NYID BSAM PA MED CING SNANG BA MED PA DON DAM PA'I BDEN PA MI GNYIS PA YANG DAG PAR RIG PA GNAS SO, ,DE LA YE SHES NI RNAM PA GSUM STE ZHES PA GANG YANG DAG PAR RANG DANG SPYI'I MTSAN NYID RTOGS PAR BYED PA STE, DE LA RANG GI MTSAN NYID NI THUN MONG MA YIN PA'O, ,SPYI'I NI SPYIR RJES SU SONG ZHING RNAM PAR RTOG PA'I RNAM PAR BRJOD PAR BYA'O, ,RANG DANG SPYI'I MTSAN NYID RTOGS PAR BYED PA DE NI THA SNYAD KYI SHES PA STE, SGRA DANG DON GYI RANG BZHIN PA GZHAN GSAL BA RGYA CHER SHES PAR BYA'O, ,SKYE BA DANG 'JIG PA RTOGS PAR BYED PA NI SKAD CIG GI RNAM PAR SHES PA STE, SE GOL GYI SGRA'I RNAM PAR SHES PA BZHIN TE, THOG MA DANG THA MA'I DUS KYI RIM PA DANG BRAL BA SKAD CIG PAR RTOGS PAR BYED PA'O, , SKYE BA MED PA DANG 'GOG PA MED PAR RTOGS PAR BYED PA NI KHYAD PAR CAN RNAMS DANG LUNG STON PA LA SOGS PAS SKAD CIG PA LA THOG MA DANG BAR MA DANG THA MA'I DUS SU SKYE BA DANG, GNAS PA DANG, 'GOG PA LA SOGS PA'I CHOS RNAMS KUN TU BRTAGS PA NI BYED PA DANG BYED PA PO DANG MNGON PAR 'BREL BA LHAG PAR DMIGS SU MED DO, 'DUS BYAS THAMS CAD SKAD CIG PA, ,MI BRTAN BYED PA GA LA ZHIG ,GANG BYUNG BYED PA DE NYID DE, ,BYED PA POR YANG DE NYID BRJOD, ,CES PA STE, DE DE LTAR GANG ZAG LA BDAG MED PA LA SKYE BA DANG 'GOG PA MED PAR RTOGS PA SKAD CIG MAR 'JIG PA'O, ,CHOS LA BDAG MED PA LA YANG GNYIS KYI RNAM PAR SKYE BA DANG 'GAG PA MED DE, RMI LAM DANG MIG 'PHRUL LA SOGS PA BZHIN NO, ,DE LA 'JIG RTEN PA'I YE SHES NI GANG ZHE NA, YOD PA DANG MED PA'I PHYOGS LA MNGON PAR CHAGS PA MU STEGS BYED PA DANG @179A *, ,BYIS PA SO SO'I SKYE BO THAMS CAD KYI'O ZHES PA NI RTAG PA'I BDAG NI YOD LA GZUGS NI MED PA STE, BDAG GIS SKAD CIG PA YANG MYONG BA NA BDE BA DANG SDUG BSNGAL LA SOGS PA YOD CES PA DE YANG DAG PAR TSOR BAR DBYE BA NA BDAG DANG, TSANGS PA DANG, DBANG PO LA SOGS PA MI RTAG PA NYID DO, ,RMI LAM DU NI GZUGS MED LA GNYID KYIS MA LOG PA NA YOD CES PA PHYOGS SU MNGON PAR CHAGS PA'O, ,DE LA 'JIG RTEN LAS 'DAS PA'I YE SHES NI RANG DANG SPYI'I MTSAN NYID DU LHUNG BA'I BSAM PA LA MNGON PAR CHAGS PA NYAN THOS DANG, RANG SANGS RGYAS THAMS CAD KYI'O ZHES PA NI PHYI ROL GYI DON LA MNGON PAR CHAGS PA RNAMS KYI NI RANG DANG SPYI'I MTSAN NYID DU MNGON PAR CHAGS PA'O, ,DE LA RANG GI MTSAN NYID NI SA LA SOGS PA 'BYUNG BA SRA BA DANG, GSHER BA DANG, DRO BA DANG, G-YO BA'O, ,DE DAG GI SPYI'I MTSAN NYID NI MI RTAG PA DANG, SDUG BSNGAL BA DANG, BDAG MED PA DANG, MI MDZES PA LA SOGS PA'O, ,PHYI'I GZUGS MED PAS NA SRA BA LA SOGS PA'I RANG GI MTSAN NYID DANG, MDZES PA DANG MI MDZES PA LA SOGS PA SPYI'I MTSAN NYID KYANG MED DE, 'DOD CHAGS DANG BRAL BAS 'KHOR BA'I SDUG BSNGAL 'BA' ZHIG DE DAG LA MED DO, ,DE LA 'JIG RTEN LAS 'DAS PA MCHOG GI YE SHES NI SANGS RGYAS DANG BYANG CHUB SEMS DPA' RNAMS KYIS SNANG BA MED PA'I CHOS LA RAB TU RNAM PAR 'BYED PA ZHES BYA BA NI GANG GI TSE NA SHES RAB KYIS DPYAD DE, SBOM PO DANG PHRA MO PHYOGS KYI CHA THA DAD PAR PHYE STE, DMIGS SU MED CING STONG NAS DE'I TSE BSAM PA MED CING SNANG BA MED PA DON DAM PA'I BDEN PA MI GNYIS PAR YANG DAG PAR RIG PAR GNAS SO, ,SKYE BA MED PA DANG, 'GOG PA MED PAR MTHONG BA DANG, YOD PA DANG MED PA'I PHYOGS DANG BRAL BA ZHES PA NI SKYE BA DANG 'GOG PA LA SOGS PA'I CHOS RNAMS GZHAN GYI DBANG GIS SKAD CIG PHA YANG MI SNANG NA GNYIS MED PA LTA CI SMOS, YOD PA DANG MED PA'I PHYOGS DANG BRAL BA NI BRJOD DU MED PA'I MI GNYIS PA STE, DE BZHIN GSHEGS PA'I SA'I SPYOD YUL CAN NI CHOS LA BDAG MED PA THUGS SU CHUD PA LAS 'BYUNG NGO, ,THAMS CAD MKHYEN PA'I MI GNYIS PA SNGON GYI DE MA @179B THAG PA'I SKAD CIG PA NI DAG PA 'JIG RTEN PA'I SNANG BA DANG BCAS PA'I TING NGE 'DZIN LA SNANG NGO, ,GNYID KYIS MA LOG PA'I THA SNYAD LTA BUR RMI LAM DANG, SPRUL PA LA SOGS PAR SLU BA MED PA DES KYANG RGYUD GZHAN DU BRTAGS PA'I RGYU LAS SKYES PAR RIGS SO, ,GZHAN DU NI DGONGS PA MED PAR RIG SNGAGS 'DZIN PA LTA BUR DE SKAD SU ZHIG GIS STON PAR 'GYUR, GSOL BA DANG LAN DU DGONGS PA RGYUD GZHAN MA GTOGS PAR NI SPRUL PA BSAM PA MED CING, SEMS CAN MA YIN PAS DRIS PA'I LAN JI LTAR NA GLON, ,GSOL PA'I LAN NOR PA MED PA DE NI BDAG DANG GZHAN GYIS RGYUD KYI BRTAGS PA BZUNG NAS LAN BKA' STZAL TE, DES NA BZHENGS PA RJES SU DPAG GO, ,DGONGS PA NGES PAR 'GREL PA LAS, SANGS RGYAS BCOM LDAN 'DAS RNAMS KYIS BZHENGS PA GSAL PAR GSUNGS PA'O, ,'ON TE YANG RGYUD GZHAN GYI DGONGS PA MED PAR GSOL BA'I LAN MA NOR BAR 'GYUR BA NA NI DE'I TSE RGYUD GZHAN MED PAR GSOL BA'I LAN MA NOR BAR GYUR TE, DES KYANG RGYUD GZHAN DU GRUB PA MI 'GRUB PA'I SKYON DU 'GYUR BAS NA DER SPRUL PA LA 'GAG PA MED DO, ,GZHAN YANG BLO GROS CHEN PO CHAGS PA MED PA'I MTSAN NYID NI YE SHES SO ZHES PA NI GANG YUL RNAMS SU CHAGS PA MED PA DE NI CHAGS PA MED PA'I MTSAN NYID KYIS MI GNYIS PA'I YE SHES SO, ,YANG NA DAG PA 'JIG RTEN PA'I TING NGE 'DZIN LA BZHUGS PA'I THAMS CAD MKHYEN PA'I YE SHES NI SHES PAR BYA BA'I DKYIL 'KHOR MTHA' DAG LA THOGS PA MED PA'O, ,'DOD CHAGS LA SOGS PA'I SGRIB PAS BSGRIBS PA NI, SPYOD YUL LA SO SOR CHAD PA MED KYANG NYE BAR GYUR PA LA YANG YONGS SU GSAL BAR MI 'JUG GO, ,YUL DANG DUS LA SOGS PA'I BYE BRAG GIS LA LA DPAG TSAD GCIG DANG, LA LA DPAG TSAD GNYIS LA SOGS PAR KHA CIG LA CUNG ZAD CIG STE, DE LTAR MNGON SUM DU 'GYUR RO, ,DBANG PO LAS 'DAS ZHES BYA BA CUNG ZAD KYANG MED DE, SNGAGS DANG MIG RTZI GRUB PA RNAMS KYIS RE LDE DANG, RTZIG PA LA SOGS PAS BAR BCAD KYANG MTHONG NGO, ,PRA SE NA BYAS PAS DUS GSUM GYI TSIG GI DON THAMS CAD SNANG NGO, , @180A *, ,DES NA BAG CHAGS DANG BCAS PA'I 'DOD CHAGS LA SOGS PA NYON MONGS PA'I SGRIB PA SPANGS TE, THAMS CAD MKHYEN PA'I YE SHES MIG GI LING TOG DANG BRAL BA BZHIN DU SHES PAR BYA BA'I DKYIL 'KHOR THAMS CAD DU CHAGS PA MED PAR 'JUG GO, ,YUL SNA TSOGS LA CHAGS PA'I MTSAN NYID NI RNAM PAR SHES PA'O ZHES PA NI GZHAN GYI DBANG DU DGONGS PA'O, ,DE YANG RNAM PA GNYIS TE, RNAL 'BYOR PA RNAMS KYIS NI THUGS RJE'I BAG CHAGS SAD NAS RDZOGS LONGS SPYOD PA DANG, SPRUL PA'I SKU'I MTSAN NYID SNA TSOGS PA SNANG NGO, ,'KHOR BA PA RNAMS KYIS NI MA RIG PA DANG LAS RNAM PA SNA TSOGS SMIN PA'I MTHU LAS LHA DANG MI LA SOGS PAR SNANG NGO, ,GZHAN YANG BLO GROS CHEN PO GSUM 'DUS PA'I BYA BA SKYE BA DANG LDAN PA'I MTSAN NYID NI RNAM PAR SHES PA'O ZHES PA NI MA RIG PA DANG, SRED PA DANG, LEN PA GSUM 'DUS TE BYA BA SKYE BA NI 'KHOR BA'I MTSAN NYID KYI RNAM PAR SHES PA'O, ,MI LDAN PA'I NGO BO NYID KYI MTSAN NYID NI YE SHES SO ZHES PA NI GROL BA GNYIS SU MED PAR DGONGS PAR BRTAG GO, ,THOB PA MED PA'I MTSAN NYID NI YE SHES TE ZHES PA NI, GANG GIS RANG BZHIN GYIS 'OD GSAL BA'I CHUD PA'I RANG BZHIN LA LHAG PAR CUNG ZAD KYANG 'THOB PAR BYED PA MED DE, GANG SHES PAR BYA BA 'BA' ZHIG GO ZHES DE LTAR DGONGS PA'O, ,BDAG GI SO SO RANG GI 'PHAGS PA'I YE SHES KYIS RTOGS PA'I SPYOD YUL ZHES PA NI 'PHAGS PA RNAMS KYI RANG GIS YANG DAG PAR RIG PA TZAM STE, BSAM PA MED CING SNANG BA MED PA DON DAM PA'I BDEN PA MI GNYIS PA DNGOS PO DANG DNGOS PO MED PAR RNAM PAR MI RTOG PA'O, ,MI 'JUG MI 'BYUNG BA'I PHYIR CHU LA CHU ZLA BZHIN NO ZHES PA NI BYED PA DANG BYED PA PO 'BREL PA MED CING, DNGOS PO THAMS CAD BYED PA MED PA STE, DE BAS NA 'PHAGS PA RNAMS KYI YE SHES 'BYUNG BAS NA, GANG NAS KYANG MI 'ONG BA LA 'GAG PA NA YANG TSOGS SU MI 'GYUR BA STE, DES NA MI 'JUG MI 'BYUNG STE, ,BYED PA MED PA'I PHYIR CHU LA CHU ZLA BZHIN TE, THOG MA DANG THA MA'I MTHA' STONG ZHING BAR DU RANG BZHIN GNYIS KYIS STONG PA MI GNYIS PA'I YE SHES TE, GZUGS BRNYAN DANG 'DRA BA'I SNGON GYI YE SHES KYI RANG BZHIN NO ZHES THAMS @180B CAD MKHYEN PAS DGONGS PA'I DON DU BRTAG GO, ,SGRA'I DON LA DON RNAM PA DU MA YOD PAS NA KHYAD PAR DU DGONGS PA'I DON DU THAMS CAD MKHYEN PA NYID TSAD MA'O, ,KHONG DU CHUD PA DANG GZUNG BA'I PHYIR THAMS CAD MKHYEN PAS BSDU BA'I TSIGS SU BCAD PA RNAMS KYIS CHUD PAR MDZAD PA, SEMS KYIS SU NI LAS RNAMS SOGS, ,YE SHES KYIS NI SOGS DANG BRAL, ,SHES RAB KYIS KYANG SNANG MED PA, ,ZHES PA NI SEMS KYIS BSAMS TE, LAS GANG DGE BA DANG, MI DGE BA BYED PA DE'I 'BRAS BU YOD DO, ,DUS PHYI NAS 'BYUNG BA'I YE SHES KYIS RNAM PA THA DAD PA'I RNAM PA SNA TSOGS PA DANG BRAL BAS DE'I 'BRAS BU YONGS SU MI RDZOGS SO, ,BDAG DANG GZHAN GYI RGYUD KYI DBANG LAS GLONG ZHING MNYAM PAR MI 'JOG PA'I MA RIG PA DANG, LAS RNAM PAR SMIN PA'I MTHU LAS MGO 'KHOR BA DANG, BRGYAL BA LA SOGS PA BZHIN DU RNAM PA SNA TSOGS RNAM PAR SHES PA LA SO SOR SNANG BA GANG GI TSE NA SHES RAB KYIS DPYAD DE, SHES PAR BYA BA GZHIGS PA NI MI DMIGS PA DE'I TSE SNANG BA MED PA DON DAM PA'I BDEN PA MI GNYIS PA NYID GNAS SO, ,DES NI THUGS RJE'I BAG CHAGS KYIS GLENGS TE, SNA TSOGS KYI RNAM PA'I YE SHES RNAL 'BYOR PA RNAMS KYIS 'THOB PA NI GZHAN GYI DON DU RDZOGS LONGS SPYOD PA DANG SPRUL PA LA SOGS PA'I SKU'I MTSAN NYID SNANG BA'O, ,DAG PA'I 'JIG RTEN PA'I TING NGE 'DZIN LA BZHUGS TE, THAMS CAD MKHYEN PA SNANG BA DANG BCAS PA NI PHAN PA MDZAD PAR SPYOD PAR BRTAG GO, ,SEMS NI YUL DANG 'BREL PA STE, ,RTOG PA LA NI YE SHES 'JUG ,SNANG BA MED PA'I BYE BRAG LA, ,SHES RAB YANG DAG RAB TU 'JUG ,CES PA LA, SEMS NI LUS DANG, LONGS SPYOD DANG, GNAS SU SNANG BA'I KUN GZHI RNAM PAR SHES PA'O ZHES 'DI NYID DU GSUNGS PA STE, DES NA YUL DANG 'BREL TO, ,RTOG PA LA NI SHES PA 'JUG ,CES PA NI, 'JUG PA'I RNAM PAR SHES PA'I NANG NAS YID KYI RNAM PAR SHES PA'O, ,GANG GI TSE NA YANG DPYAD CING YUL MI DMIGS PA DE'I TSE SNANG BA MED CING BSAM PA MED PA DON DAM PA'I BDEN PA MI GNYIS PA'I BYE BRAG LA @181A *, ,SHES RAB RAB TU 'JUG GO, ,YUL MED PAS NA BSAM PA MED PA'I PHYIR GNAS KYI RNAM PA DANG BRAL BA'I YANG DAG PAR RIG PA LA GNAS SO, ,SEMS DANG YID DANG RNAM SHES DANG, ,ZHES PA NI, SEMS NI KUN GZHI RNAM SHES TE, ,NGAR SEMS NYID NI YID YIN NO, ,GANG GIS YUL RNAMS 'DZIN PA NI, ,DE NI RNAM PAR SHES ZHES BYA, ,ZHES PA STE, GZHAN GYI DBANG YUL DANG, YUL CAN GYI DNGOS POR GSAL BA'I RNAM PAR SHES PA'O, ,RTOG PA NI RTOG PA DANG, BDAG DANG PHYI ROL GYI RDZAS LA SOGS PA'I YUL GYI 'DU SHES TZAM PA STE, BRTAGS PA LA NI YUL MED DE, ,GZHAN GYI DBANG LA'O, ,NYAN THOS RNAMS LAS KHYAD PAR DU NI BTZUN GTZO'I BYANG CHUB SEMS DPA' RNAMS KYIS CHOS NYID THOB PA STE, GRUB PA MI GNYIS PA'I CHOS NYID THOB PA'I BAR DU'O, ,ZHI DANG BZOD PA'I KHYAD PAR LA, ,DE BZHIN GSHEGS KYI YE SHES DGE ,BYE BRAG DON DU DE SKYE STE, ,KUN TU RGYU BA RNAM PAR SPANGS, ,ZHES PA LA, ZHI BA DANG BZOD PA'I KHYAD PAR NI SA GONG NAS GONG DU RTOGS PA'I KHYAD PAR RO, ,DE BZHIN GSHEGS KYI ZHES PA NI YE SHES TE, SA BCU'I DBANG PO RNAMS KYI NYON MONGS PA MED PA'I MI SHES PA SPANG BAR BYA BA DE BZHIN GSHEGS PA'I YE SHES KYIS NYON MONGS PA BAG CHAGS DANG BCAS PA RNAMS SPANGS PA'I PHYIR RO, ,DE YANG MNYAM PAR MI 'JOG PA'I MTSAN NYID CAN TE, KHAMS GSUM GYI 'DOD CHAGS DANG BRAL BA RNAMS LA KUN TU RGYU'O, ,NYON MONGS PA BAG CHAGS DANG BCAS PA SPANGS PAS THAMS CAD MKHYEN PA NYID NI KHYAD PAR TE, DER YANG SKYON KUN TU RGYU BA MED PA NI YON TAN THAMS CAD KYI TSOGS DANG LDAN PA'I PHYIR RO, ,NGA YI SHES RAB RNAM GSUM STE, ,ZHES BYA BA LA SOGS PA NI THOS PA DANG, SEMS PA DANG BSGOM PA'I PHYIR TE, DES CHOS KYI DE KHO NA NYID YANG DAG PAR 'GREL PA STE 'THOB PA'O, ,THEG PA GNYIS DANG MI LDAN ZHING, ,ZHES PA NI NYAN THOS DANG RANG SANGS RGYAS KYI THEG PA DANG MI LDAN PA RNAMS SO, ,SHES RAB SNANG BA RNAM PAR SPANGS, ,ZHES PA NI BTZUN GTZO'I SANGS RGYAS DANG, BYANG CHUB SEMS DPA' RNAMS KYI STE, GANG GI TSE SHES RAB KYIS DPYAD CING PHYI ROL GYI RDUL PHRA MO DANG, YAN LAG CAN GYI RDZAS PHYOGS KYI CHA THA @181B DAD PAR PHYE STE MI DMIGS PA DE'I TSE SNANG BA DANG BCAS PA SPANGS PAR 'GYUR RO, ,DNGOS PO YOD PAR CHAGS PAS NI ZHES PA NI PHYI ROL GYI DON MNGON PAR CHAGS PAS NYAN THOS RNAMS KYI 'BYUNG BAR 'GYUR RO, ,SEMS TZAM LA NI 'JUG PAS NA, ,BDE GSHEGS SHES RAB DRI MA MED, ,CES PA STE, GANG GI TSE PHYI ROL GYI SBOM PO DANG, PHRA MO DANG, RDUL PHRA MO LAS KUN BRTAGS PAR DPYAD CING PHYOGS KYI CHAR 'BYED PAS PHYE BA NA MI DMIGS PA DE'I TSE RMI LAM DANG, MIG 'PHRUL DANG, MGO 'KHOR BA DANG, BRGYAL BA LA SOGS PA'I GZUGS LTA BUR 'GRO BA SEMS TZAM DU RTOGS PAR 'GYUR RO, ,DE YANG SHES RAB KYIS MI DMIGS SHING THOS PA DANG, SEMS PA NI BSGOM PAS RAB TU DGA' BA LA SOGS PA'I SA NAS BRTZAMS NAS DE BZHIN GSHEGS PA'I SA DRI MA MED PA'I BAR DU CHOS DANG GANG ZAG LA BDAG MED PAR RAB TU RTOGS PAS TING NGE 'DZIN THOB STE, MCHOG GI YANG MCHOG TU BYED PAR PHYE BAS KHYAD PAR THOB PO, ,'PHAGS PA LANG KAR GSHEGS PA'I LE'U GSUM GYI BSHAD PA LAS YE SHES KYI KHYAD PAR DPYAD PA BDUN PA'O,, ,,GZHAN YANG BLO GROS CHEN PO MU STEGS 'GYUR BAR BYA BA RNAMS KYI 'GYUR BAR LTA BA RNAM PA DGU YOD DE, 'DI LTA STE, DBYIBS 'GYUR BA ZHES BYA BA LA SOGS PA STE, GRANGS CAN RNAMS NI GNAS LAS GZHAN DU 'GYUR BA'O, ,DPYOD PA CAN RNAMS KYI NI THA DAD PA DANG, THA DAD PA MED PAR 'GYUR BA'O, ,KshA PA NA KA RNAMS KYI NI BDUN DU 'BYED PAR 'GYUR BA STE, DE DE LTAR NA GRANGS KYIS 'BYUNG BA RNAM PA DGU'O, ,DPE SER NI 'GYUR BAR SMRA BA THAMS CAD LA MTSUNGS SO, ,GSER NI RTAG PA ZHES TE, GDU BU DANG, DPUNG RGYAN DANG, SPEN TOG DANG, G-YUNG DRUNG DANG, MGUL 'KHOR LA SOGS PA'I DBYIBS KYI RGYAN DU THA DAD PAR DBYE BA NA YANG DE NYID RGYUN DU 'BYUNG NGO ZHES TE, THAMS CAD MKHYEN PAS KYANG DE BZHIN DU SNGA MA'I PHYOGS SU GSUNGS PA LA SKAD CIG TU 'JIG PA NI PHYI MA'I PHYOGS TE, GANG YOD PA DE THAMS CAD SE GOL GYI SGRA DANG, 'BAB CHU LA SOGS PA BZHIN DU SKAD CIG PA'O, ,RTAG PA NI MA SKYES PAS NI MO GSHAM GYI BU LA @182A *, ,SOGS PA BZHIN DU MED DO, ,'ON TE GDU BU'I RANG BZHIN GYI GSER DNGOS PO GCIG PA'I PHYIR RTAG PA PO ZHEN NI SPEN TOG LA SOGS PA'I DNGOS POR MI RUNG NGO, ,SNGA MA'I RANG BZHIN ZHIG LA DE BZHIN DU PHYI MA'I DNGOS POR 'BYUNG NA GSER ZHES BYA BA JI LTAR NA RTAG PA YIN, GANG YANG SER PO'I RNAM PAR RGYUN DU 'BYUNG BA NI DER 'DRA BA'I SKAD CIG GCIG PA GZHAN 'BYUNG STE, 'BAB CHU LTA BU SKRA DANG SA LA SOGS PA BCAD NAS YANG SKYES PA LTA BUR SO SOR SHES PA YANG 'JUG PA YIN GYI, RTAG PAS NI MA YIN NO, ,DBYIBS 'GYUR PA NI THAMS CAD MKHYEN PA BDAG NYID KYIS GDU BU DANG SPEN TOG LA SOGS PA'I DPES BSHAD DO, ,LHAG PA NI 'O MA DANG, CHANG LA SOGS PA'I DPES DE NYID KYI NANG DU GTOGS PAR MDZAD PA'O, ,DE LA DA LTAR GYI DUS KYI MU STEGS PA RNAMS 'DIR JI LTA BUR 'JUG PA DE LTAR BSHAD PAR BYA'O, ,GANG DAG GIS BLO YANG NUB PAR GYUR PA DE DAG GI YANG BRTAG CING BSHAD PAR BYA STE, SGRA'I DON NI DON DU MA YIN PAS NA THAMS CAD MKHYEN PA NYID DER MKHYEN TO, ,KHA CIG NI RGYU LA RTOG CES PA NI TSANGS PA DANG DBANG PO LA SOGS PA RNAMS LAS SA DANG CHU LA SOGS PA'I GZUGS 'GYUR BA NI GZHAN PA DANG GZHAN PA MA YIN PAR RNAM PAR SPANGS PA'O, ,MTSAN NYID NI MTSAN MA STE DE BZHIN DU 'GYUR PAS NA 'GYUR RO, ,RGYU NI BYED PA STE 'BRAS BU 'BYUNG BA'I TSE DE GZHAN DU 'GYUR BA'O, ,SBYOR BAS NA SBYOR BA STE, MANG PO 'DUS PA NI SBYOR BA'O, ,DE LTA BUR GYUR PAS DRI DANG SBYOR BA BZHIN DU 'GYUR BA'O, ,LTA BA NI MTHONG BA STE RGYU'I TSOGS LA DE BZHIN DU CHUD PA 'BYUNG BAR 'GYUR TE, GRANGS CAN DANG, RIG SNGAGS 'DZIN PA'I MTHAR SMRA BA LA SOGS PA BZHIN NO, ,YUL SNA TSOGS BDE BA DANG, SDUG BSNGAL BA LA SOGS PA LTA BAR BYED PA'I CHUD PA LA SKYES BUS MTHONG BA TZAM NI LTA BAR 'GYUR BA'O, , SKYE BAR 'GYUR BA NI SNANG BA DANG MI SNANG BAR 'BYED PAS YOD PA SKYE BAR 'GYUR RO ZHES GRANGS CAN RNAMS SO, ,YOD PA DANG, MED PA DANG, GNYIS KA DANG, GNYIS KA MA YIN PAR SNANG BA DANG, MI SNANG BAR 'GYUR ZHES PA NI KshA PA NA KA RNAMS SO, ,THA DAD PA DANG, THA DAD PA MA @182B YIN PAR SKYE BAR 'GYUR ZHES PA NI DPYOD PA CAN RNAMS SO, ,DE LA GRANGS CAN RNAMS KYI NI MED PA NI MI SKYE MED PA NI 'GAG PAR MI 'GYUR TE, GNAS PA'I CHOS CHOS GZHAN DU LDOG PA DANG, CHOS GZHAN DU 'BYUNG NGO ZHES PA NI 'GYUR BA'O, ,KshA PA NA KA RNAMS KYI NI SPYI'I BDAG NYID DU YOD PAR 'GYUR BA NA KHYAD PAR GYI BDAG NYID DU MED PAR 'GYUR BA NI SPYI DANG KHYAD PAR GYI BDAG NYID DU YOD PA DANG MED PAR 'GYUR BA DANG, SPYI'I BDAG NYID DU YOD PAR 'GYUR BA YANG KHYAD PAR GYI BDAG NYID DU SMRA BAR MI BYA'O, ,KHYAD PAR GYI BDAG NYID DU MED PAR 'GYUR BA YANG SPYI'I BDAG NYID DU SMRA BAR MI BYA'O, ,SPYI DANG KHYAD PAR GYI BDAG NYID DU YOD PA DANG, MED PAR 'GYUR BA YANG YUL DANG, DUS DANG, RIM PA DANG RNAM PA LA LTOS TE CIG CAR SMRA BAR MI BYA'O, ,DPYOD PA CAN RNAMS KYI NI, JI LTAR KHA DOG 'DRES PA LA, ,'DOD PA BZHIN DU KHA DOG 'DZIN, ,DE BZHIN DNGOS PO SNA TSOGS PHYIR, ,THA DAD THA DAD MI DMIGS PA'O, ,ZHES PA NI SNA TSOGS GCIG PAR MI RUNG STE, DE BZHIN DU YANG BDAG GI GZUGS DANG, GZHAN GYI GZUGS SU DBEN PA MED PA'I PHYIR GCIG PA DANG DU MAR YID CHES PAR MI SRID DO ZHES RTZOD PA 'DI NI LAN DU MAR SUN PHYUNG BA'O, ,DNGOS POR 'GYUR BA ZHES PA LA DNGOS PO NI YOD DE, DE'I 'GYUR BA LA LUNG STON PA RNAMS KYIS RTOG PA NI DE'I DNGOS PO KHO NA DANG NYID CES TE, DE YANG SO SO'I TSIG GI DON DANG, KHAMS KYI DON DU SMRA BA STE, ,JI LTAR, HA RI 'THOR BA LAS 'BYUNG BA, ,DE YOD DE NI CHE BA DANG, ,BDAG NYID KHO NA NYID SOGS SMRAS, ,ZHES PA'O, ,RKYEN SNANG BAR BYED PAR 'GYUR BA NI JI LTAR SHING GTZUBS PA LAS MED DANG, TIL RNAMS LAS MAR DANG, KHRON PA LAS CHU'O BYA BA SNANG BAR BYED PA'I 'GYUR BA NI JI LTAR SPRUL GYIS ZOS PA DANG, 'DUS PAS NYAMS PA LA SNGAGS DANG, SMAN LA SOGS PAS SROG SNANG BAR BYED CING, DBUGS 'BYIN PA LA SOGS PAR BYED PAR 'GYUR BA'O, ,DE DAG DE LTAR THOG MA DANG THA MA'I RIM PAR THA DAD PAR PHYE BA'I SKAD CIG PA RNAMS RGYU RNAM PA SNA TSOGS KYIS 'BYUNG BAS SHING DANG THAL BA LA @183A *, ,SOGS PA BZHIN DU RNAM PA THA DAD PA RNAMS LA BSLAD PA RNAMS KYIS GCIG PAR KUN RTOG GO, ,MU STEGS BYED DAG GIS ZHES PA NI RNAM PA SNA TSOGS SU SPRUL PA'I SGRA'I DON DU MAR SBYOR BA LA SOGS PA STE, JI LTAR GNYEN DES RNAM PAR DAG PA'I TSIG 'DI STE, GANG ZHE NA, BYANG CHUB SEMS DPA'I TSIG CES BYA BA LA SOGS PA'O, ,CHOS THAMS CAD STONG PA'O ZHES PA LA KHA CIG GIS NI MI RTAG PAR KHONG DU CHUD PAR BYED PA'O, ,GZHAN GYIS NI GNYIS KYI RNAM PA DANG BRAL BAR RO, ,DE BAS NA 'DI SKAD DU GSUNGS PA, 'JIG RTEN PHAN PAR DBYANGS GCIG KHYOD KYI LAS, MO MOS PA SNA TSOGS LAS NI DBYANGS 'BYUNG STE, ,ZHES SO, ,THAMS CAD MKHYEN PAS BSDU BA'I TSIGS SU BCAD PAS DON DAM PA'I DE KHO NA NYID STON PAR MDZAD PA, 'BYUNG DANG DNGOS DANG DBANG PO DANG, ,DUS DANG DBYIBS DANG 'GYUR PA DANG, ,SRID PA BAR MA BSDU BAR YANG, ,GANG RTOG DE DAG MI MA SAS [?] SO; ,'JIG RTEN RTEN CING 'BREL 'BYUNG DANG, ,RGYAL BA RNAM PAR MI RTOG STE, ,'ON KYANG 'JIG RTEN 'DI DAG NI, ,RKYEN NYID DRI ZA'I GRONG KHYER BZHIN, ,ZHES PA STE, JI LTAR DGONGS PA NGES PAR 'GREL PA LAS, JI BZHIN DU GZHAN GYI DBANG GI RANG BZHIN MED PA DE BZHIN DU 'DZIN PA DANG, GZUNG BA'I RNAM PA 'BYUNG BAR MI RUNG BA NI RMI LAM DANG, MIG 'PHRUL LA SOGS PAS SO SOR SNANG BA BZHIN NO, ,YANG DAG PAR RIG PA SO SOR SNANG BA TZAM GYI PHYIR DE LA PHYI ROL GYI RNAM PAR 'BYUNG BA MED DO, ,GAL TE GNYIS KYI RNAM PA GZHON NU'I BU SKYES PA DANG, 'CHI BA BZHIN DU MA SKYES NA NI DE'I TSE SA DANG PHA ROL TU PHYIN PA LA SOGS PA'I 'BRAS BUR SNANG ZHING GONG NAS GONG DU RGYU DANG 'BRAS BU'I DNGOS POS TSOGS YONGS SU BSKOR ZHING JI LTAR NA 'TSANG RGYA ZHES PA DE NI RTOG PA GZHAN ZHES BYA BA STE, SKYES BU CHEN PO'I SKU LA SOGS PA'I MTSAN NYID DU SNANG BA SANGS RGYAS KHO NA YIN KYANG RMI LAM DANG, MIG 'PHRUL LA SOGS PA BZHIN DU DE YANG MA SKYES PA STE, DE JI LTA ZHE NA, RTEN CING 'BREL TE 'BYUNG BAS NA SKYE BA LA SOGS PA'I CHOS RNAMS SKAD CIG GANG LA YANG THA DAD PA MED DE, SNGA MA'I GONG DU 'BA' ZHIG PA NI RANG BZHIN BRJOD DU MED CING RNAM PAR @183B RTOG PA MED PA LA SNANG BA MED PA DON DAM PA'I BDEN PA MI GNYIS PA'I SKAD CIG PA YANG DAG PAR RIG PA RGYUN TU 'BYUNG YANG, RIG PAR BYA BA DANG, RIG PA PO'I DNGOS POR GNYIS KYI RNAM PAR MYONG BA MED DO, ,SEMS RANG BDAG LA DON DAM PA'I BDEN PAR RGYU BA MED NA YI GE DANG SGRA RNAMS SU YANG CI SMOS TE DAG PA 'JIG RTEN PA'I SNANG BA DANG BCAS PA'I TING NGE 'DZIN LA BZHUGS PA NA CHOS STON PA 'BYUNG NGO, ,RANG GI RNAM PAR RTOG PA GOMS PA 'JUG CES BYA BA NI RANG GI RNAM PAR RTOG PA LA GOMS PAS 'JUG GO ZHES THAMS CAD MKHYEN PAS GSUNGS PA LA TSIG SBYOR BAR BYA STE, LAN DU MAR BSHAD PAR BYA'O, ,MU STEGS BYED DAG GI 'GYUR BA RE RER RNAM PAR BRTAGS TE YOD PA DANG MED PA NI GANG YANG MI 'GYUR RO ZHES BYA BA NI YOD PA 'GYUR BAR MI RIGS TE YOD PA'I PHYIR RO, ,MED PA DANG DNGOS PO MI NUS PA'I PHYIR TE, SNGA MA'I BZHIN DU BSHAD DO, ,RANG GI SEMS SNANG BA MA GTOGS PAR PHYI ROL GYI DNGOS PO RNAMS RMI LAM BZHIN TE, PHYI ROL GYI SBOM PO DANG PHRA MO PHYOGS KYI CHA THA DAD PAR BYA BA NA KHANG PA DANG, SDE DANG, NAGS TSAL LA SOGS PA BZHIN DU STONG PAR 'GYUR RO, ,GNYIS KYI RNAM PAR SHES PA LA RGYU DANG, 'BRAS BU DANG, RTAG PA DANG, MI RTAG PA LA SOGS PAR 'GYUR BA YONGS SU RTOG NA RMI LAM DANG, MIG 'PHRUL LA SOGS PA BZHIN DU GNYIS KYI RNAM PA RNAMS MA SKYES PAS 'DZIN PA DANG, GZUNG BA'I DNGOS PO RTAG PA DANG, MI RTAG PA'I RNAM PAR RTOG PA DER MI RUNG NGO, ,GNYIS SU MED PA'I SKAD CIG MA'I RGYUN BRJOD DU MED PA YANG YE SHES YANG DAG PAR RIG PA TZAM GYI PHYIR DER SKAD CIG PA RE RER RNAM PAR RTOG PA MED DO, ,DAG PA 'JIG RTEN PA SNANG BA DANG BCAS PA'I TING NGE 'DZIN LAS DBYINGS KYI DKYIL 'KHOR GYI TSOGS BSHAD PA 'BYUNG NGO ZHES DE SKAD DU BSHAD PA'O, ,DES NA 'JIG RTEN RGYANG PHAN PA LA SOGS PA GANG DAG SMRA BA RNAMS KYIS 'BYUNG BA DANG, DBANG PO LA SOGS PA RNAMS KYI 'GYUR BAR RTOG PA DE DAG LA YANG SRID PA BAR MAR 'GRO BA'I CHOS GANG YANG 'JUG PA'AM LDOG PA MED DE, RMI LAM DANG, MIG 'PHRUL LA SOGS PAR SNANG BA BZHIN DU YANG DAG PAR @184A *, ,RIG PA TZAM GYI PHYIR RO, ,RNAM PA DE LTA BUR 'GRO BAR SNANG BA NI SU YANG 'GRO BA MED LA, 'ONG BA YANG MED DE, CHUD PA STONG PA'I PHYIR RMI LAM LTAR 'KHOR BA'I RIM PA SNANG BA 'BA' ZHIG GO, ,PHYI ROL GYI DON MED PAS NA 'GRO BA YANG MED DE, JI LTAR TING NGE 'DZIN GYI RGYAL PO LAS 'BYUNG BA, SRID PA'I 'GRO KUN RMI LAM MTSUNGS, ,SU YANG SKYE MED 'CHI BA MED, ,LAS RNAMS BYAS KYANG 'JIG MI 'GYUR, ,GNAG DKAR 'BRAS SMIN 'KHOR BA NA'O, ,ZHES PA STE, 'PHAGS PA LANG KAR GSHEGS PA YE SHES DPAL BZANG POS BSHAD PA SBYAR BA'I LE'U GSUM PA LAS 'GYUR BA DPYAD PA BRGYAD PA'O,, ,,BLO GROS CHEN PO CHOS THAMS CAD KYI SGRA JI BZHIN DU MNGON PAR CHAGS PA'I MTSAMS SBYOR BA NI TSAD MED DE ZHES BYA BA LA SOGS PA LA, MTSAN NYID LA MNGON PAR CHAGS PA'I MTSAMS SBYOR BA NI MTSAN NYID MTSAN MA STE, THA SNYAD PA RNAMS KYI CHOS DANG CHOS CAN GYI DNGOS POR RTOG GO, ,RKYEN LA MNGON PAR CHAGS PA'I MTSAMS SBYOR BA ZHES PA LA, RKYEN NI CHUD PA STE, JI LTA BUR YID CHES PA DE LTA BUR YOD DO ZHES TE, KHA CIG GIS MTHONG BA NI MI 'THAD PA MA YIN NO ZHES SO, ,YANG NA BYED PA STE, 'DIS 'DI YOD DO ZHES BYED PA DANG, BYED PA PO LA MNGON PAR CHAGS PA'O, ,DNGOS PO DANG, DNGOS PO MED PAR MNGON PAR CHAGS PA'I MTSAMS SBYOR BA NI GNYID KYIS MA LOG PA'I DUS NA YUL DANG YUL CAN GYI DNGOS PO YOD LA, RMI LAM GYI DUS NA MED DO ZHES BYA BA'I RNAM PAR RTOG PA MNGON PAR CHAGS PA'O, ,SKYE BA DANG MI SKYE BA RNAM PAR RTOG PA LA MNGON PAR CHAGS PA'I MTSAMS SBYOR BA NI 'KHOR BA'I DNGOS PO LAS NI SKYE LA, TSANGS PA DANG, DBANG PO LA SOGS PA MI SKYE'O ZHES MU STEGS CAN RNAM PAR RTOG GO, ,BDE BAR GSHEGS PA RNAMS KYIS YANG KUN RDZOB KYI BDEN PAS 'JIG RTEN SKYE LA, DON DAM PA'I BDEN PAS MI SKYE ZHES MOD KYI, RTEN CING 'BREL PAR 'BYUNG BA LA SKYE BA LA SOGS PA BZHIN LUNG NOD PA LA SOGS PAS KUN BRTAGS PA MI RUNG STE, DES NA MI 'BYUNG BA NI RTEN CING 'BREL TE 'BYUNG BA'O ZHES THAMS CAD MKHYEN PAS DGONGS PA'I DON TO, ,'GOG PA MED PA LA MNGON PAR CHAGS PA SO @184B SOR RNAM PAR RTOG PA'I MTSAMS SBYOR BA NI, 'GOG PA LA SOGS PA YANG SKAD CIG MA GTOGS PAR YOD PA MA YIN NO, ,RTAG PA NI MA SKYES PAS NA MO GSHAM GYI BU LA SOGS PA BZHIN NO, ,MED PA STE LOG BA LA MNGON PAR CHAGS NAS MU STEGS CAN RNAMS KYIS RTAG PAR RNAM PAR RTOG PA'O, ,THEG PA DANG THEG PA MA YIN PA LA MNGON PAR CHAGS PAS SO SOR RNAM PAR RTOG PA'I MTSAMS SBYOR BA NI MU STEGS BYED RNAMS KYI BRTUL ZHUGS DANG, BSAM GTAN LA SOGS PA THAR PA'I PHYIR 'DI NI THEG PA'O, ,'DI NI THEG PA MA YIN NO ZHES RNAM PA MANG POR RTOG GO, ,'DUS BYAS DANG 'DUS MA BYAS PAR SO SOR RNAM PAR RTOG PA LA MNGON PAR CHAGS PA'I MTSAMS SBYOR BA NI GZHAN GYI DBANG SKAD CIG PA'I RGYUN GYI RANG BZHIN RMI LAM DANG, MIG 'PHRUL LA SOGS PA LTA BUR 'GRO BA 'DI NI 'DUS BYAS SO, ,LA LAS NI GRUB PA YANG DAG PAR RIG PA MED CING SKAD CIG PA MA YIN PAR 'DUS MA BYAS PAR YONGS SU RTOG GO, ,LA LAS NI DNGOS PO MED PA'I GZUGS 'DUS MA BYAS PA BYAS PA'O ZHES DON DAM PA'I BDEN PAR RTOG STE, DE 'DI NI RTAG PA'ANG YIN LA DNGOS PO MED PA'ANG MA YIN NO, ,JI LTAR DGONGS PA NGES PA'I DON GYI MDO SDE DGONGS PA NGES PAR 'GREL PA LAS, RIGS KYI BU 'DUS BYAS DANG, 'DUS MA BYAS ZHES BYA BA'I TSIG DE NI STON PAS BRTAGS PA'O ZHES PA STE 'DUS BYAS PA'AM 'DUS MA BYAS PAR THA SNYAD DO, ,DBANG PO LA SOGS PA SUS KYANG DE MA BYAS PAS NA DES NA 'DUS MA BYAS PA STE, CHOS KYI CHOS NYID DE BZHIN NYID RANG BZHIN GYIS 'OD GSAL BA, YANG DAG PAR RIG PA'I CHOS NYID YONGS KYIS GNAS PA DE NI SKAD CIG PA'I RGYUN DU 'DUS BYAS PA BRJOD DU MED PA'I MI GNYIS PA'I YE SHES KYI RANG BZHIN DON DAM PA'I BDEN PA GNYIS SU MED PA'I CHOS NYID DU MTSAMS SBYOR BA'O, ,SA DANG SA'I MTSAN NYID RANG GI RNAM PAR RTOG PA LA MNGON PAR CHAGS PA'I MTSAMS SBYOR BA NI RNAL 'BYOR PA RNAMS LA RANG GI MTSAN NYID THA DAD PAS THA DAD PA'I PHYIR BDAG DANG GZHAN GYI DON DU SNANG BA DANG BCAS PA DANG, SNANG BA MED PA'I TING NGE 'DZIN GYI KHYAD PAR RNAMS 'BYUNG BAR 'GYUR RO, ,RANG GI RNAM PAR RTOG PA MNGON @185A *, ,PAR RTOGS PA'I MTSAMS SBYOR BA NI SEMS CAN RNAMS KYI RTOG PA SNA TSOGS JI BZHIN BA DE BZHIN DU SGRA'I DON RNAMS KYI DON DU MTSAMS SBYOR BA'O, ,YOD PA DANG MED PA'I MTSAMS SBYOR BA NI CUNG ZAD CIG 'GA' ZHIG LA YOD PA DANG, DE CUNG ZAD CIG MED PA ZHES TE, JI LTAR SMRA BA PO RNAMS LA GNYIS PA DANG, MI GNYIS PAR 'BYED PAR YOD PA DANG MED PA ZHES BYA BA YANG DAG PA NYID DO, ,JI LTAR GNYIS SU SMRA BA PO RNAMS LA RMI LAM GYI DUS NA NI GZUGS MED, GNYID MA LOG PA'I DUS NA NI YOD DO ZHES SO, ,MI GNYIS PAR SMRA BA PO RNAMS LA CHUD PA NI YOD DO, ,CHUD PAR BYA BA NI MED DO ZHES 'DI NI YOD, 'DI NI MED DO ZHES SMRA BA BO RNAMS KYI RNAM PAR RTOG PA RNAM PA MANG POS BYIS PA RNAMS LA YANG YOD PA DANG MED PA LA SOGS PAR RNAM PAR RTOG PA'I MTSAMS SBYOR BA'I THA SNYAD DO, ,GNYIS SU SMRA BA'I RNAL 'BYOR PA RNAMS KYANG PHYI ROL GYI GZUGS LA SOGS PA MI RTAG PA DANG, SDUG BSNGAL BA DANG, MI MDZES PA'I YUL YOD DO ZHES MNGON PAR CHAGS PA'O, ,DE'I CHUD PA KUN DU 'KHRUGS NAS MGO 'KHOR BA DANG, BRGYAL BA LA SOGS PA BZHIN DU GZUGS LA SOGS PA SNA TSOGS THA DAD PA RNAMS SO SOR SNANG NGO, ,NAM SHES RAB KYIS DPYAD DE, SBOM PO DANG, PHRA MO RNAM PAR GZHIG CING MI DMIGS PA DE NI MI GNYIS PAR SMRA BA RNAMS KYIS GNYIS KYI RNAM PAR STONG PAR CHUD CING YOD PA DANG MED PA'I RNAM PAR RTOG PA DANG BRAL BA BSAM PA MED CING SNANG BA MED PA, DON DAM PA'I BDEN PA YANG DAG PAR RIG PA GNAS SO, ,KHA CIG GIS NI SKYES PAS NA RMI LAM DANG MIG 'PHRUL LA SOGS PA RANG BZHIN DU MED DO ZHES SMRA BA STE, SNA TSOGS KYI RNAM LA NI RMI LAM LA SOGS PA'I SHES PA LTA BU NI GCIG PAR MI RIGS SO, ,MI GNYIS PA LA NI GNOD PA MED PAS NA RANG BZHIN GCIG CING YANG DAG PAR RIG PA GRUB PA DON DAM PA'I BDEN PA'O ZHES BSHAD PAR BYA BA MANG PO LA NI LAN DU MAR BSTAN PA YIN NO, ,THEG PA GSUM DANG, THEG PA GCIG TU MTSAMS SBYOR BA NI MI RTAG PA DANG, SDUG BSNGAL BA DANG, MI MDZES PA'I RANG BZHIN RNAM PAR SHES NAS 'DOD CHAGS DANG BRAL BAR 'GYUR TE, BRAL NAS KYANG 'KHOR BAR RGYUN 'BREL PA'I LAS MI BYED DO, ,DES NA ZHI BA PHYOGS @185B GCIG TU 'DOD CHAGS DANG BRAL BAR GNAS TE, DE DE LTAR NYAN THOS DANG RANG SANGS RGYAS KYI THEG PA GNYIS SU GDAGS SO, ,SNYING RJE'I BAG CHAGS KYIS SAD DE, BAG CHAGS DANG BCAS PA NYON MONGS PA MED PA'I MI SHES PA'I MNYAM PAR MI 'JOG PA LA SOGS PA NYES PA SPANGS TE PHAN PA THAMS CAD SPYOD PA THAMS CAD MKHYEN CING SANGS RGYAS NYID NI THEG PA GSUM MO, ,DE DE LTAR MTSAMS SBYOR PA THA DAD PA NI MTHA' MED PA STE, SEMS CAN GYI BSAM PA'I SGRA'I DON THA SNYAD DU'O, ,'PHAGS PA 'JAM DPAL GYIS BSTAN PA, CHOS THAMS CAD MI 'JUG PAR BSHAD PA LAS KLOG PA NI SANGS RGYAS KYI CHOS LA MOS PA MED PA'I 'DOD CHAGS DANG BRAL BA 'CHI BA'I DUS NA SEMS CAN DMYAL BAR SKYE BA MTHONG NGO ZHES PA DANG, BZOD PA THOB NA NGAN SONG 'GRO BA MED, ,CE NA, DE JI LTA BUR 'GYUR, DER NI MTSAMS SBYOR BA DGONGS PA'I DON BRTAGS TE, PHYI ROL BA 'DOD PA'I 'DOD CHAGS DANG BRAL BA CHOS DANG GANG ZAG LA BDAG MED PA LA MOS PA MED PA RNAMS LA DE SKAD DU GSUNGS SO, ,GANG DAG LA SNYING RJE'I SA BON YOD PA DE DAG NI 'JAM DPAL SANGS RGYAS SU GZUD PAR NUS SO, ,CHOS BCU PA LAS, DE BZHIN GSHEGS PA LA PHAN PA'I RIGS KYI BU LHAS BYIN RNAM PAR THAR PA THOB PAS SPRUL PA STON PA DANG, GANG DE BZHIN RGSHEGS PA LA GNOD PA DE'I 'GRO BA DE LTA BU'O ZHES SMRA BAR BYED DO, ,ZHI BA PHYOGS GCIG GIS 'DOD CHAGS DANG BRAL BA GNAS SO ZHES PA DES NA MDO SDE RNAMS SU MTSAMS SBYOR BA THA DAD PA MTHA' MED DE, JI LTAR GTZUG TOR GYI SNGAGS KYIS YUNGS KAR LA SOGS PA LA SNGAGS BTAB STE, SHI BA'I LUS LA GTOR NA MTHO RIS SU SKYE'O ZHES DER DE'I SMON LAM GYI BSOD NAMS SU BTAB PA STE, SNGAGS BRJOD PAS LHA'I YON TAN RJES SU DRAN PA'I BSOD NAMS TE, YON TAN 'BYUNG BAR 'GYUR BAS THAMS CAD DU SDIG PA ZAD PAR 'GYUR RO, ,DE DE LTAR DAM PA'I CHOS KYI MTSAMS SBYOR BA MTHA' MED DO, ,BYIS PA SO SO'I SKYE BO RNAMS MTSAMS SBYOR BA DE DAG LA MTSAMS SBYOR NAS DNGOS PO DANG DNGOS PO MED PA'I MTSAMS SBYOR BA'I MTSAN NYID LA MNGON PAR CHAGS SHING ZHEN PAS SO SOR @186A *, ,SNANG BA RTOG CING, DAR GYI SRIN BU BZHIN DU RANG GI RNAM PAR RTOG PA'I LTA BA MTSAMS SBYOR BA 'DOD PA'I PHYIR RANG GI RNAM PAR RTOG PA'I LTA BA MTSAMS SBYOR BA'I SKUD PAS BDAG DANG GZHAN LA YONGS SU 'KHRI'O ZHES PA NI BDAG DANG GZHAN GYI RGYUD KYI DBANG DANG, MNYAM PAR MI 'JOG PA'I MA RIG PA RTAG PA DANG, BDAG DANG, GCIG PA DANG, DU MA DANG, PHYI ROL GYI BAR RNAM PA SNA TSOGS SU MNGON PAR ZHEN PA'I RANG GI LAS KYI SKUD PAS DAR GYI SRIN BU BZHIN DU DKRIS PA'I BYIS PA SO SO'I SKYE BO RNAMS DNGOS PO DANG, DNGOS PO MED PAS MNGON PAR CHAGS PAS ZHEN CING, RTAG PA DANG, BDAG DANG, BDE BA DANG, GTZANG BA'I DNGOS POR PHYIN CI LOG PAS SDUG BSNGAL MYONG BA YIN NO, ,GANG GI TSE NA YANG SHES RAB KYIS DPYAD DE, MI RTAG PA DANG, SDUG BSNGAL BA DANG, STONG PAR SHES PA DE'I TSE DBEN PA MTHONG BAS SDUG BSNGAL LDOG GO ZHES THAMS CAD MKHYEN BAS STON PAR MDZAD PAS NA, BLO GROS CHEN PO CHOS THAMS CAD RAB TU DBEN PAR MTHONG BAS 'DI LA MTSAMS SBYOR BA DANG, MTSAMS SBYOR BA'I MTSAN NYID GANG YANG MED DO ZHES BLO GROS CHEN PO RNAM PAR RTOG PA MI 'JUG PA'I PHYIR BYANG CHUB SEMS DPA' SEMS DPA' CHEN PO CHOS THAMS CAD LA DBEN PAR LTA ZHING GNAS SO ZHES PA STE, RANG BZHIN GYIS GSAL BA'I CHUD PA'I CHOS THAMS CAD LA 'DZIN PA DANG, GZUNG BA'I RNAM PAR DBEN PAR MTHONG BA'I PHYIR RIN PO CHE DANG, GSER LA SOGS PA DBEN PA BZHIN DU BLO BUR GYI NYES PA YONGS SU ZAD NAS DNGOS PO DANG, DNGOS PO MED PA'I RNAM PAR RTOG PA'I DRI MA THAMS CAD DANG BRAL BA'I PHYIR DRI MA MED PA KHO NA STE, DES NA BYANG CHUB SEMS DPA' RNAMS BSAM PA MED CING SNANG BA MED PA DON DAM PA'I BDEN PA MI GNYIS PAR YANG DAG PAR RIG PA MTHONG BAR 'GYUR RO, ,GZHAN YANG BLO GROS CHEN PO PHYI ROL GYI DNGOS PO DNGOS PO MED PAR RANG GI SEMS SNANG BA'I MTSAN NYID KHONG DU CHUD CING, SNANG BA MED PA RANG GI SEMS TZAM GYI RJES SU 'BRANG BA DANG, YOD PA DANG MED PA'I DNGOS PO THAMS CAD LA RNAM PAR RTOG PA'I MTSAMS SBYOR BA RAB TU DBEN PAR MTHONG BAS CHOS THAMS CAD LA MTSAMS SBYOR BA YANG MED, @186B MTSAMS SBYOR BA'I MTSAN NYID KYANG MED DO, ,BLO GROS CHEN PO 'DI LA YANG 'CHING BA YANG MED 'GROL BA YANG MED DE, GZHAN DU NA LOG PAR LTUNG BA'I BLOS BCINGS PA DANG, THAR PAR SHES SO ZHES PA NI PHYI ROL GYI DNGOS PO DNGOS PO MED CES BYA BA'AM, LAN MANG POR BSTAN PA YIN TE, MDO SDE GZHAN DAG LAS NI PHUNG POR MI GNAS PA DANG, RNAM PAR 'JIG PA MED PA'I PHYIR ZHES BYA'O, ,DAM PA'I CHOS THAMS CAD KYI 'GREL BAR BSHAD PA NI, GZUGS NI RDUL PHRAN GZHIGS PA NA, ,RDUL PHRAN CHA NI MED PA STE, ,ZHES SO, ,JI LTAR KHYAD PAR CAN LA SOGS PAS YAN LAG CAN GYI RDZAS KUN BRTAGS PA BCOS PA DANG, MA BTZOS PA DANG, BSGUL BA DANG MA BSGUL BA DANG, BSGRIBS PA DANG, MA BSGRIBS PA LA SOGS PAR THA DAD PAR DBYE BA NI GCIG PAR MI RUNG BA NI KHANG PA DANG, SDE DANG, NAGS TSAL LA SOGS PA BZHIN NO, ,NYAN THOS KYI THEG PA RDUL PHRA MO RNAMS LAS CHA MED PAR KUN BRTAGS PA DANG, BLA 'OG TU CHAGS PAR MI RUNG STE, SEMS DANG SEMS LAS BYUNG BA BZHIN NO, ,GANG GI TSE NA YANG DE LTAR RANG GI SEMS TZAM KHONG DU MA CHUD PA'I PHYIR 'KHOR BA NI MGO 'KHOR BA DANG, BRGYAL BA LA SOGS PA BZHIN DU SNA TSOGS THA DAD PA'I RNAM PAR SO SOR SNANG BA STE, NAM SHES RAB KYIS DPYAD DE MI DMIGS PA DE'I TSE NA MTSAMS SBYOR BA DANG, MTSAMS MI SBYOR BA GANG YANG MED DE, SNANG BA MED PA'I YE SHES LA 'CHING BA YANG MED 'GROL BA YANG MED DO, ,YOD PA DANG MED PA'I RNAM PAR RTOG PA LAS GNYIS KYI RNAM PA'I SHES PA LA 'CHING BA DANG 'GROL BA SO SOR SNANG BA'I RNAM PAR RTOG PA RAB TU 'BYUNG NGO, ,BSAM PA MED PA DON DAM PA'I BDEN PA MI GNYIS PAR YANG DAG PAR RIG PA BRJOD DU MED PA RANG GI RIG PA'I MTSAN NYID KYI RGYUN LA NI RNAM PAR RTOG PA MED NA SHES PAR BYA BA'I RNAM PA 'DZIN PAR 'GYUR BA LTA GA LA ZHIG ,DAG PA 'JIG RTEN PA'I SNANG BA DANG BCAS PA'I TING NGE 'DZIN LA BZHUGS PA NA, THAMS CAD MKHYEN PA'I CHOS STONG PA YANG 'BYUNG NGO, ,DE CI'I PHYIR ZHE NA, 'DI LTA STE, CHOS THAMS CAD LA YOD PA DANG, MED PA LAS MTSAMS SBYOR BA MI DMIGS PA'I PHYIR RO ZHES PA NI GNYIS KA YANG YOD PAR DUS @187A *, ,MTSUNGS PA'I PHYIR YUL DANG YUL CAN GYI DNGOS PO MED PA DANG, PAN PA DANG PHAN PAR BYA BA'I DNGOS PO MED PA'I PHYIR MI DMIGS PA STE, DES NA YOD PA MI DMIGS SO, ,MED PA YANG CI LA MI DMIGS TE YUL MED PA'I PHYIR RO, ,SNGA MA'I 'OG TU SHES PA 'BA' ZHIG STE, MGO 'KHOR BA DANG, BRGYAL BA LA SOGS PA BZHIN DU SNA TSOGS THA DAD PA'I RNAM PA LA DMIGS PA YIN GYI, DER PHYI ROL GYI DON YOD PA LA DMIGS PA MA YIN NO ZHES THAMS CAD MKHYEN PAS DGONGS PA'I DON DU RJES SU DPAG GO, ,YOD PA DANG MED PA'I SKAD CIG PA MI DMIGS PAS NA RTAG PA YANG YUL DANG, YUL CAN GYI DNGOS POR MI RUNG BA NI BDE BLAG STE, RANG BZHIN LA KHYAD PAR DU BYA BA MED PA'I PHYIR RO, ,SKYE BA'I YUL 'BYUNG BA DANG, 'DZIN PA'I LTA BA PO BDAG GI KHYAD PAR YUL 'DZIN PA STE 'BYUNG BA MED DO, ,DES NA SKAD CIG PA YOD PA DANG, SKAD CIG PA MED PA MA YIN PA LAS KYANG MI DMIGS SO, ,GZHAN YANG BLO GROS CHEN PO BYIS PA SO SO'I SKYE BO RNAMS KYI MTSAMS SBYOR BA RNAM PA GSUM MO, ,DE NI 'DOD CHAGS DANG, ZHE SDANG DANG, GTI MUG YIN TE, DGA' BA'I 'DOD CHAGS DANG LDAN PA YANG SRID PA CAN GYI SRED PA DANG ZHES PA NI 'DOD CHAGS DE NYID KYI NANG DU GTOGS PAR GSUNGS PA, DGA' BA'I 'DOD CHAGS DANG LDAN PA ZHES TE, SRED PA DANG, 'DOD CHAGS GNYIS KA YANG CHAGS PA'I MTSAN NYID KYI PHYIR RO, ,GTI MUG THOG MAR BYAS NAS 'DOD CHAGS DANG ZHE SDANG 'BYUNG STE, RMONGS PA MED NA GZHAN DU MI SKYE'O ZHES BYA BA'I PHYIR RO, , RTAG PA DANG BDAG TU CHAGS SHING BSLAD PA NI GTI MUG GO, ,DE DAG LAS 'GRO BA RNAMS KYI MTSAMS SBYOR BA 'BYUNG NGO, ,'DOD CHAGS LA SOGS PA'I NYON MONGS PAS MTSAMS SBYONG BA LAS 'GRO BA LNGAR MTSAMS SBYOR BAR 'GYUR RO, ,NYON MONGS PA RNAMS KYI MTSAMS SBYOR BA CHAD NAS NI SRID PA'I MTSAMS SBYOR BA MED PAR 'GYUR RO, ,GZHAN YANG BLO GROS CHEN PO GSUM 'DUS PA'I ZHES BYA BA LA SOGS PA NI MA RIG PA DANG, SRED PA DANG, LEN PA DANG GSUM 'DUS PA LAS SRID PA'I MTSAMS SBYOR BAR 'GYUR RO, ,MA RIG PA LA SOGS PA BZLOG PA NI SRID PA YANG @187B LDOG GO, ,BTZUN GTZO 'PHAGS PA BYAMS PA'I LUGS NI RNAM PAR THAR PA GSUM MTHONG BA'I PHYIR TE, STONG PA NYID DANG, MTSAN MA MED PA DANG, SMON PA MED PA'I RNAM PAR THAR PA DANG LDAN PA NAS MTSAMS SBYOR BA THAMS CAD LDOG GO ZHES SO, ,'DZIN CING 'CHANG BA DANG, BDE BAR KHONG DU CHUD PA'I DON DU BSDU BA'I TSIGS BCAD KYI DON GSUNGS PA, YANG DAG MA YIN YONGS RTOG NI, ,MTSAMS SBYOR MTSAN NYID CES BYA STE, ,DE NI YANG DAG YONGS SHES NA, ,MTSAMS SBYOR BA YI DRA BA 'CHANG, ,ZHES PA NI GTZUG GTZO 'PHAGS PA BYAMS PAS DBUS DANG MTHA' RNAM PAR 'BYED PAR BSHAD PA 'DIR RIG PAR BYA STE, YANG DAG MA YIN KUN RTOG NI, ,SEMS DANG SEMS BYUNG KHAMS GSUM PA, ,YANG DAG MA YIN KUN RTOG YOD, ,DES NA GNYIS PO YOD MA YIN, ,STONG PA NYID NI DE NA YOD, ,DE NA YANG NI DE YOD DO, ,ZHES PA STE, SEMS DANG SEMS LAS BYUNG BA RNAMS LAS GNYIS KYI RNAM PA'O, ,'O NA STONG PA NYID MED CES PA DANG, DES NA GNYIS KYI RNAM PA DANG BRAL BA NYID YOD DO, ,JI LTAR NA SEMS CAN THAMS CAD KYI MI SHES PA ZHES PA DANG, GNYIS KYI RNAM PA DANG BRAL BA NYID DE LA YANG MNYAM PAR MI 'JOG PA MA RIG PA'I THOG MA MED PA'I BAG CHAGS KYIS G-YENGS PA'I YANG DAG MA YIN KUN RTOG YOD, 'DZIN PA DANG GZUNG BA'I RNAM PAR RTOG PA ZHES BYA BA'I DON TO, ,DE JI LTAR NA SPONG BAR 'GYUR ZHES PA DANG, DE NI YANG DAG YONGS SHES NA, ,MTSAMS SBYOR BA YI DRA BA 'CHANG, ,ZHES THAMS CAD MKHYEN PAS GSUNGS PA'O, ,YANG DAG CES BYA BA DES CI ZHIG CE NA, BTZUN GTZO 'PHAGS PA BYAMS PAS BSHAD PA LTA BU STE, DMIGS PA LA NI GNAS NAS SU, ,MI DMIGS PA NI RAB TU SKYE, ,ZHES PA'O, ,THAMS CAD MKHYEN PAS KYANG 'DIR STON PAR MDZAD PA, PHYI YI DNGOS PO BSAL NAS SU, ,SHES PA TZAM LA 'JUG PA NI, ,'DI NI DBU MA'I NAN TAN DU, ,NGA DANG GZHAN GYIS BSTAN PA'O, ,ZHES SO, ,BTZUN GTZO 'PHAGS PA BYAMS PAS BSHAD PA NI 'PHAGS PA LANG KAR GSHEGS PA DANG, DGONGS PA NGES PAR 'GREL PA'I LUGS SO, ,DNGOS POR SHES PA'I SGRA 'DZIN PAS, ,JI LTAR DAR GYI SRIN BU BZHIN, ,BYIS @188A *, ,PA MTSAMS SBYOR MI MKHAS PA, ,RANG GI RNAM PAR RTOG BAS 'CHING, ,ZHES PA NI RANG GI SEMS MNYAM PAR MI 'JOG PA'I MA RIG PAS RTAG PA DANG, BDAG DANG, BDE BA DANG, GTZANG BA'I DNGOS POR PHYIN CI LOG PA'I RNAM PAR RTOG PA RNAMS KYIS BYIS PA RNAMS SRID PAR 'CHING BAR 'GYUR RO, ,MI RTAG PA DANG, SDUG BSNGAL BA DANG, MI GTZANG BA DANG, STONG PA YONGS SU SHES PAS GROL LO, ,YANG BLO GROS CHEN POS GSOL PA, GANG BCOM LDAN 'DAS KYIS 'DI SKAD DU RNAM PAR RTOG PA GANG DANG GANG GIS DNGOS PO GANG DANG GANG RNAM PAR BRTAGS PA DE DAG NI KUN BRTAGS PA NYID DE, DE DAG LA YANG RANG BZHIN MED DO ZHES BKA' STZAL PA, BCOM LDAN 'DAS DE GAL TE KUN BRTAGS PA NYID LAGS TE DNGOS PO'I RANG BZHIN GYI MTSAN NYID MI RIG NA, BCOM LDAN 'DAS DE SKAD DU BKA' STZAL PA, CHOS THAMS CAD KUN TU BRTAGS PA'I RANG BZHIN DU GYUR PAS KUN NAS NYON MONGS PA DANG, RNAM PAR BYANG BA'I DNGOS PO YANG MA MCHIS PAR YANG 'GYUR RO ZHES PA NI SGRA DANG DON DU SGRO BTAGS PA'I RNAM PAR DON DAM PA'I RTOG PA STE ZHES BLO GROS CHEN POS GSOL PAR THUGS DOGS NAS LAN DU GSUNGS PA NI, BCOM LDAN 'DAS KYIS BKA' STZAL PA, BLO GROS CHEN PO DE DE BZHIN TE, JI LTAR SMRAS PA BZHIN NO, ,BLO GROS CHEN PO JI LTAR BYIS PA SO SO'I SKYE BO RNAMS KYIS DNGOS PO'I RANG BZHIN RNAM PAR BRTAGS PA DE LTA BU NI MA YIN NO, ,DE NI KUN TU BRTAGS PA NYID DE, BLO GROS CHEN PO DNGOS PO'I RANG BZHIN GYI MTSAN NYID MI RIG GO ZHES PA STE, BYIS PA RNAMS KYIS JI LTAR RNAM PAR RTOG PA DE LTAR DON DAM PA DE KHO NA NYID MA YIN NO, ,BLO GROS CHEN PO 'ON KYANG 'PHAGS PA RNAMS KYIS DNGOS PO'I RANG BZHIN JI LTAR RTOG PA ZHES PA STE, JI LTAR NA RANG BZHIN GYIS 'OD GSAL BA'I CHUD PA YIN TE, DON DAM PA'I RNAM PAR RTOG PA THAMS CAD DANG BRAL BA YANG DAG PA RIG PA'I RANG BZHIN NO, ,BSAM PA MED CING SNANG BA MED PA DON DAM PA'I BDEN PA MI GNYIS PAR YANG DAG PAR RIG PA'I RANG BZHIN DE DE BZHIN DU 'PHAGS PA'I YE SHES KYIS MNGON SUM DU MYONG NGO, ,DAG PA 'JIG RTEN PA'I TING NGE 'DZIN LA THAMS CAD MKHYEN PA BZHUGS @188B BA NI BRJOD DU MED PA SKAD CIG PA'I RGYUN DU 'BYUNG BA NI BYIS PA RNAMS RTAG PA DANG, BDAG DANG, BDE BA DANG, GTZANG BA'I DNGOS POR JI LTAR PHYIN CI LOG PA DE BSAL BA'I PHYIR DES NA STON TO, ,'PHAGS PA RNAMS LA NI MI RTAG PA DANG, SDUG BSNGAL BA DANG, MI MDZES PA DANG, STONG PAR STON PA STE, DES NA BYIS PA'I SHES PA LAS 'PHAGS PA RNAMS KYI YE SHES LA KHYAD PAR YOD DO, ,GANG GI TSE NA SHES RAB KYIS DPYAD DE, SHES PAR BYA BA SBOM PO DANG, PHRA MO RNAM PAR GZHIG CING MI DMIGS PA DE'I TSE BSAM PA MED CING SNANG BA MED PA DON DAM PA'I BDEN PA MI GNYIS PAR YANG DAG PAR RIG PA 'PHAGS PA RNAMS KYIS RANG BZHIN GYIS 'OD GSAL BA'I DNGOS POR CHUD PA STE, DE LTAR NA DNGOS PO DANG DNGOS PO MED PAR RNAM PAR MI RTOG PA'O, ,JI LTAR 'PHAGS MA SHES RAB KYI PHA ROL TU PHYIN PA LAS, DNGOS PO DANG, DNGOS PO MED PAR MNYAM PA KHO NA NI RANG BZHIN DU KLOG PA'O, ,'PHAGS PA LANG KAR GSHEGS PA YE SHES DPAL BZANG POS BSHAD PA SBYAR BA'I LE'U GSUM PA LAS MTSAMS SBYOR PA'I LE'U DGU PA'O,, ,,BLO GROS CHEN POS GSOL PA, BCOM LDAN 'DAS DE GAL TE 'PHAGS PA RNAMS KYI 'PHRUL DANG SHA'I MIG GIS MA LAGS KYI; 'PHAGS PA'I YE SHES DANG, 'PHAGS PA'I MTHONG BA DANG, 'PHAGS PA'I SHES RAB KYI MIG GI DNGOS PO'I NGO BO NYID RTOGS PA ZHES BYA BA RGYA CHER TE, DE JI LTAR BYIS PA SO SO'I SKYE BO RNAMS KYI RNAM PAR RTOG PA LDOG PAR 'GYUR ZHES PA DER CI DGOS SHE NA, 'PHAGS PA BLO GOS CHEN BOS GSUNGS PA'I DON JI BZHIN PA LAS BRTAGS NA 'PHAGS PA DANG BYIS PA'I SHES PA GNYIS KA YANG RANG GI YUL DU ZHUGS PAS NA BYIS PA'I SHES PA JI LTAR NA RNAM PAR LDOG PAR 'GYUR ZHES GLENGS PA'O, ,'PHAGS PA'I NGO BO'I DNGOS PO KHONG DU MA CHUD PA'I PHYIR ZHES PA NI 'PHAGS PA'I YE SHES KYIS SHES PAR BYA BA'I KHONG DU MA CHUD PA'O, ,'PHRUL GYI MIG GIS NI LHA DANG DE LAS GZHAN PAS NI SHA'I MIG GIS TE, DE DAG GIS NI KHONG DU MI CHUD PA'O, ,BCOM LDAN 'DAS DE DAG NI PHYIN CI LOG KYANG MA LAGS, PHYIN CI MA LOG PA YANG MA LAGS SO ZHES PA NI @189A *, ,RANG GI YUL LA RTOGS PA'I PHYIR RO, ,DE CI'I SLAD DU ZHE NA, 'DI LTA STE, 'PHAGS PA'I DNGOS PO'I NGO BO NYID RANG BZHIN KHONG DU CHUD PA'I SLAD DU'O ZHES PA STE, RANG GI RTOG PA NI DE DAG GI TSAD MA'O, ,GZHAN GYI RTOG PA NI TSAD MAR GYUR PA MA YIN TE, MNGON PAR SHES PA MED PA'I PHYIR RO, ,YOD PA DANG MED PA'I MTSAN NYID LAS LDOG PAR MTHONG BA'I SLAD DU'O ZHES PA NI DNGOS PO DANG DNGOS PO MA YIN PA DAG GZHAN BTZAL BA'I SGRA DANG DON NI SBYIR RNAM PAR RTOG PA'I DON DU SGRO BTAGS TE PHAN TSUN DU NI LDOG PA NYID DO, ,JI LTAR BAR TI KA LAS 'BYUNG BA, SGRO BTAGS CHA NI JI SNYED PA; ,DE BSAL PHYIR NI GDON MI ZA, ,DE SNYED DE LTAR SGRA RNAMS KYANG, ,DE BAS DE DAG THA DAD YUL, ,THOG MA MED PA BAG CHAGS LAS, ,RNAM PAR RTOG BYUNG LA GNAS PA, ,SGRA DON RNAM PA GSUM GYI CHOS, ,DNGOS DANG DNGOS MED GNYIS KA'I GNAS, ,ZHES PA'O, ,BCOM LDAN 'DAS 'PHAGS PA RNAMS KYIS DNGOS PO RNAMS JI LTAR RNAM PAR BRTAGS PA RANG GI MTSAN NYID KYI YUL LA SBYOD YUL MA LAGS PA'I PHYIR DE BZHIN DU MI 'GYUR RO, ,BCOM LDAN 'DAS DE DAG GI DNGOS PO'I RANG BZHIN GYI MTSAN NYID DE YANG RGYU MA BSTAN PAS KUN BRTAGS PA'I RANG BZHIN NYID SNANG NGO ZHES PA LA RNAM PAR RTOG BA PA SGRA'I DON SPYI'I RNAM PA'I PHYIR RANG GI MTSAN NYID YUL MA YIN NO, ,DE YID CHES PA'I RGYU DANG RGYU MA YIN PA MA BSTAN PA STE, SGRA'I DON GYIS SPYI'I RGYU BSTAN PA MA MCHIS LA, BRJOD DU MED PA'I RANG GI MTSAN NYID KYIS SKAD CIG GI RGYUN LA BSTAN PA MA MCHIS SO, ,DE LTAR 'PHAGS PA RNAMS LA YANG RNAM PAR RTOG PA MI 'BYUNG NGO, ,JI LTAR ZHE NA, 'PHAGS PA RNAMS LA SGRA DANG DON LA SPYIR RGYU SGRO 'DOGS PA DANG, BYIS PA RNAMS LA YANG ME LA SOGS PA RANG GI MYONG BA LA SGRA DANG DON SPYI'I THA SNYAD DO, ,DNGOS PO'I MTSAN NYID LA LTA BAR LTUNG BAS ZHES PA NI BYIS PA RNAMS LA SGRA DANG DON SBYIR 'DUG PA YANG DNGOS POR SGRO BTAGS TE, LTA BAR LTUNG BA 'PHAGS PA RNAMS LA YANG DE BZHIN NO, ,BYIS PA RNAMS LA YANG RANG GI YUL LA DNGOS POR RNAM PAR BRTAGS TE SGRO 'DOGS PAS NA SU'I DNGOS PO YIN PA MA NGES PAS THUG PA MA MCHIS PAR 'GYUR RO ZHES 'PHAGS PA BLO GROS CHEN POS @189B GLENGS PA LA THAMS CAD MKHYEN PAS KYANG LAN DU BKA' STZAL PA, NGAS DNGOS PO'I RANG BZHIN BSTAN PA NI MA BYAS MOD KYI ZHES PA STE, 'DZIN PA DANG, GZUNG BA DANG, RJOD PA DANG, BRJOD PA PO DANG, BYED PA DANG, BYED PA PO DANG, SKYED PA DANG, BSKYED PA PO LA SOGS PA'I CHOS SU SGRO BTAGS PAS NI MA YIN NO, ,'ON KYANG DPEN PA BSTAN PA NYID DNGOS PO DANG, DNGOS PO MED PA'I RNAM PAR RTOG PA DANG BRAL BA YANG DAG PA RIG PA'I NGO BO NYID RANG BZHIN GYIS 'OD GSAL BA'I CHUD PA'O, ,DE BZHIN DU DON DAM PA'I BDEN PA GNYIS SU MED PA LA SKRAG PA'I SEMS CAN RNAMS LA BSHAD CING STONG PA NYID DANG, MTSAN MA MED PA DANG, SMON PA MED PA'I RNAM PAR THAR PA'I SGO STON PAR BYED DO, ,DES NI MI GNYIS PA'I CHOS NYID GZHOL BAR 'GYUR BA STE BSDUS PA'I DON TO, ,YAN LAG GI DON NI MDOR BSHAD PAR BYA STE, BRTAGS PA DANG RANG GI MTSAN NYID RANG BZHIN GZHAN PA DAG ,GZHAN PA DAG GI SPYOD YUL DU 'GYUR RO ZHES DE SKAD DU BLO GROS CHEN POS GLENGS PA, BCOM LDAN 'DAS SO SOR RNAM PAR RTOG PA'I MTSAN NYID KYANG GZHAN LA, DNGOS PO'I RANG BZHIN GYI MTSAN NYID KYANG GZHAN TE, RNAM PAR RTOG PA'I DON GYI MTSAN NYID NI SPYI'I RNAM PA'O, ,DNGOS PO'I RANG BZHIN GYI RANG GI MTSAN NYID NI 'BRAS BU'I SKAD CIG PA SKYE NUS PA'O, ,BCOM LDAN 'DAS RNAM PAR RTOG PA DANG, RANG BZHIN GYI MTSAN NYID KYI RGYU MI MTHUN PA ZHES PA NI RNAM PAR RTOG PA'I RGYU NI SGRO BTAGS PA'I RNAM PA DANG, RANG GI MTSAN NYID KYI SHES PA'I RGYU NI GSAL BA'I DON RNAM PAR MI RTOG PA'I PHYIR TE, DES NA DON DAM PA'I RANG BZHIN RNAMS BRJOD DU MED PA STE, JI LTAR BAR TI KA LAS 'BYUNG BA, SBYOR BA DANG NI THA DAD MED, ,DON DAM DE NI BDAG NYID KYIS, ,GZUGS NI GCIG DANG DU MA ZHES, ,DE NI BLO YI 'KHRUL PA'O, ,DE BZHIN DU GZHAN DAG GIS SMRAS PA, GZHAN NI DBANG PO DON NYID LA, ,GZHAN NI SGRA YI SPYOD YUL TE, ,MIG MED SGRA LAS MTHONG GYUR KYANG, ,MNGON SUM DU NI MTHONG BA MED, ,GZHAN DU ME DANG 'BREL PAS NI, ,BDAG TSIG CES NI SEMS PA STE, ,GZHAN PAR TSIG PA'I SGRA YIS NI, ,TSIG PA'I DON NI SHES PAR BYA, ,ZHES PA DE LTAR RNAM PAR RTOG PA DANG BCAS PA DANG, @190A *, ,RNAM PAR RTOG PA MED PA YUL DANG YUL CAN GYI RANG BZHIN GYIS DE DAG BYIS PA SO SO'I SKYE BO RNAMS KYI PHAN TSUN DU BRTAGS PA NI JI LTAR DE BZHIN DU MI 'GYUR ZHES PA STE, DE DAG PHAN TSUN DU RNAM PAR LDOG PA'I PHYIR JI LTAR NA DE BZHIN DU MI 'GYUR, 'DI LTAR SEMS CAN RNAMS KYI RNAM PAR RTOG PA LDOG PA'I SLAD DU DNGOS PO'I RANG BZHIN LA MNGON PAR CHAGS PA DANG, 'PHAGS PA'I YE SHES KYI SPYOD YUL GYI YUL LA MNGON PAR CHAGS PA YOD PAR DGOD DAM, 'PHAGS PA'I YE SHES KYI NGO BO NYID KYI DNGOS PO BSTEN PAS RAB TU DBEN PA'I CHOS BSTAN PA MA MCHIS PAR BGYI 'AM ZHES 'PHAGS PA BLO GROS CHEN POS GLENGS PA LAS DGONGS PA 'DI LTA BUR BRTAGS TE, JI LTAR 'PHAGS PA RNAMS KYI RANG BZHIN 'PHAGS PA'I YE SHES KYIS RTOGS PAR BYED PA DE LTAR BYIS PA RNAMS KYIS BRTAGS PA'I RANG BZHIN MA LAGS TE, DE LTAR NA PHAN TSUN DU MI MTHUN PA'I RANG BZHIN GYIS GSAL BAR GSUNGS PA'O, ,RANG BZHIN BSTAN PAS RNAM PAR RTOG PA MED PA KHO NA LTA BA DGOD DAM BGYI 'AM ZHES BYA BA'I DON TO, ,BCOM LDAN 'DAS KYIS RANG BZHIN BSTAN PAS DBEN PA'I DNGOS PO MA MCHIS PAR STON PAR MDZAD DAM ZHES DE SKAD DU DOGS NAS BCOM LDAN 'DAS KYIS BKA' STZAL PA, BLO GROS CHEN PO DBEN PA'I CHOS BSTAN PA MED PAR BYA BA YANG MA YIN, YOD PAR LTA BA DGOD PA YANG MA YIN GYI ZHES PA STE, 'DZIN PA DANG GZUNG BA LAS DBEN PAS NA GNYIS SU MED PA'I DON DAM PA'I BDEN PAR RANG BZHIN GYIS 'OD GSAL BA RNAMS PAR MI RTOG PA'I CHUD PA'I DNGOS PO BSTAN PAR BYA'O, ,YOD PAR LTA BA DGOD PA YANG MA YIN PA NI, JI LTAR BYIS PA RNAM RTOG PA, ,DE LTAR DNGOS PO YOD PA MIN, ,ZHES PA STE, RTAG PA DANG BDAG DANG, PHYI ROL GYI SPOM PO LA SOGS PA'I RNAM PAR RTOG PA RNAMS KYIS 'PHAGS PA RNAMS LA NI MA YIN GYI, RANG BZHIN BSTAN PAS DBEN PA'I CHOS BSTAN PAS BYA'O, ,THOG MA MED PA'I DUS NAS LOG PA'I BAG CHAGS KYIS DNGOS PO DANG DNGOS PO MED PA LA MNGON PAR CHAGS PA'I BYIS PA RNAMS LA NI 'PHAGS PA RNAMS KYIS BDEN PA'I CHOS BSTAN PA DNGOS PO DE DAG GIS SKAG PA BSAL BAR BYA'I BYIS PA RNAMS LA YOD PA DANG, MED PA'I LTA BA @190B DGOD PA NI MA YIN TE, DNGOS PA DANG DNGOS PO MED PAS DBEN PA'I PHYIR 'PHAGS PA'I RANG BZHIN GYI CHOS BSTAN PA NI GNYIS SU MED PAS BRJOD DU MED PA'I YANG DAG PAR RIG PA LA GNYIS KYI RNAM PA LAS DBEN PAR BSTAN PAR BYA'O, ,BYIS PA RNAMS NI GNYIS KYI RNAM PA LAS DNGOS POR MNGON PAR CHAGS PA STE, RMI LAM DANG, MIG 'PHRUL DANG, RAB RIB KYI GZUGS DANG, GZUGS BRNYAN BZHIN DU'O, ,GNYIS SU MED PA LA NI DE DAG DNGOS PO MED PAR MNGON PAR CHAGS PA STE, RMI LAM GYI DUS NA NI GZUGS MED, GNYID KYIS MA LOG PA'I DUS NA NI GZUGS YOD DO ZHES KHA CIG LTA BA DE DAG LA 'PHAGS PA'I CHUD PA DAG PA RANG BZHIN DU BSTAN PAS SKAD CIG PAR MI 'GYUR RO, ,THAMS CAD STONG NGO ZHES PA NI SKRAG GO, ,THAMS CAD YOD DO ZHES NA NI DNGOS PO LA CHAGS PA STE, DE BAS NA DNGOS PO DANG, DNGOS PO MED PA'I MTSAN NYID DANG BRAL BA'I DON DAM PA BSTAN PAR BYA'O, ,DE LTAR NA BLO GROS CHEN PO SEMS CAN RNAMS 'JUG PAR 'GYUR RO, ,DE BZHIN DU YANG DBUNG MTHA' RNAM PAR 'BYED PA LAS KLOG PA, STONG PA MA YIN MI STONG MIN, DE BAS THAMS CAD BSHAD PAR BYA, ,YOD DANG MED DANG YOD PA LAS, ,DE NI DBU MA'I NAN TAN TE; ,ZHES PA LA YOD PA NI RNAM PAR RIG PA TZAM NYID DO, ,MED PA NI PHYI ROL GYI DON NO, ,YOD PA YANG ZHES PA NI, GNYIS KYI RNAM PA DANG BRAL BA NYID KYIS STONG PA NYID DE DE NI CHOS RNAMS KYI DBU MA'I NAN TAN NO, ,NGAS DNGOS PO'I RANG BZHIN NI BSTAN PAR MA BYAS MOD KYI ZHES PA NI YANG DAG PAR RAG PA'I SKAD CIG PA'I RGYUN GYI RANG BZHIN BRJOD DU MED PAS NA JI LTAR NA STON ZHE NA, DAG PA 'JIG RTEN PA SNANG BA DANG BCAS PA'I TING NGE 'DZIN LAS THAMS CAD MKHYEN PA'I SPYI'I RNAM PAR BSHAD PA DE LTA BUR STON TO, ,NOR PA LA MTSAN MA MED PA MTHONG BAS ZHES BYA BA NI SPOM PO DANG, PHRA MOR SNANG BA SHES RAB KYIS RNAM PAR DPYAD PA NA MED DE, STONG PA LA SOGS PA'I RNAM PAR THAR PA THOB PA'I PHYIR JI LTA BA BZHIN DU CHUD PA NI DNGOS PO'I RANG BZHIN RNAMS LA BDAG NYID KYIS DE KHO NA NYID SHES SO, ,GZHAN YANG BLO GROS CHEN PO BYANG CHUB SEMS DPA' SEMS DPA' CHEN POS @191A *, ,CHOS THAMS CAD MA SKYES PA'O ZHES DAM BCA' BAR MI BYA'O ZHES BYA BA LA SOGS PA NI JI LTAR THAMS CAD MKHYEN PA NYID KYIS DNGOS PO DANG DNGOS PO MED PA LA MNGON PAR CHAGS PA'I SEMS CAN RNAMS KYI SKRAG PA YONGS SU SPONG BA'I PHYIR 'PHAGS PA'I YE SHES KYI DNGOS PO BSTAN PAS DBEN PAR MDZAD PA NI GNYIS MED PA'I DNGOS PO NI STONG PA'I MTSAN NYID CES ZHES PAR RO, ,JI LTAR LANG KAR GSUNGS PA DANG, DGONGS PA NGES PAR 'GREL PA'I TSUL DANG, BTZUN GTZO 'PHAGS PA BYAMS PAS GSUNGS PA'I DON DE LTA BUR 'GREL BAR BTZUN GTZO'I BYANG CHUB SEMS DPA' RNAMS KYIS RJES SU DPAG PA KHYAB PA'I TSUL GYIS SBYAR BAR BYA'O, ,TSUL DANG 'BREL BAR BSTAN PA GSUNGS PA NI GNYIS KYI CHAR GANG SNANG BA DE NI RMI LAM DANG, MIG 'PHRUL DANG, RAB RIB KYI GZUGS DANG, GZUGS BRNYAN LA SOGS PA BZHIN DU SKYES PA DANG, SKAD CIG PA DANG, BDAG MED PA DANG, MI GTZANG BA'O ZHES DNGOS PO BSTAN PAR BYA'O, ,DE BZHIN DU GANG YOD PA DE SKAD CIG PA STE, SE GOL GYI SGRA DANG 'BAB CHU LA SOGS PA BZHIN NO, ,'GRO BA GNYIS KYI CHAR SNANG BA YANG YOD PA DANG, BYAS PA DANG, SKYES PA'O, ,DES NA CHOS THAMS CAD MA SKYES PA'O ZHES SNGAR DAM BCA' BAR MI BYA'O ZHES THAMS CAD MKHYEN PAS DGONGS PA'O, ,BSGRUB PAR BYA BA DANG SGRUB PA'I CHOS SPYIR KHYAB PAR 'BREL PA'I TSUL GYIS PHYOGS KYI CHOS BSDU BA BYAS PAS RGYUS BSGRUB PA 'GRUB PAR 'GYUR RO, ,DE'I PHYIR NA CIS NA THOG MAR DAM BCA' BAR BYA, RAB TU BYA BAR BSTAN PA NYID LAS RTOGS PAR 'GYUR PA NI, 'DI CI RTAG GAM MI RTAG CES RTZOD PA BRTZAMS PA NA GANG SMRA BAR BYA BA GANG BYAS PA DE NI MI RTAG PA STE, BUM PA LTA BU STE, SGRA YANG BYAS PA'O, ,RANG BZHIN GYI CHOS DANG DE LTAR 'BREL BA'I PHYIR BYIS PA MI RTAG PA DANG THA MI DAD PAR CHUD PAR BYED DO, ,DE BZHIN DU MI DMIGS PA'I TSUL LA YANG GANG DMIGS PA'I MTSAN NYID THOB PA LAS MI DMIGS PAS NA DE 'DI NA MED DE RI BONG GI MGO LA RVA BZHIN DU 'DIR BUM PA MI DMIGS PA STE, DE YOD NA NI PHYOGS KYI RANG BZHIN DBEN PAR DMIGS PAR MI 'GYUR BA ZHIG NA, JI LTA BA @191B BZHIN DU GZHAN LA BTZAL BAS MI DMIGS PAR SBYOR BA'O, ,'BRAS BU'I RGYU YANG GANG NA DUD PA YOD PA DE NA ME STE TSANG BANG NA LTA BU STE, 'DIR YANG DUD PA YOD DE 'BRAS BU NI RGYU LA RAG LUS PA'I RANG BZHIN BAS NA 'BREL PA LAS MI 'GYUR RO, ,DES NA DAM BCA' BAR BYED PA YANG 'DIR ME YOD DO ZHES RTOGS PAR BYED DO, ,RGYU GSUM DANG 'BREL BAS BSGRUB PA 'GRUB PAS NA DAM BCA' BAR MI BYA'O, ,GAL TE YANG CHOS THAMS CAD MA SKYES PA'O ZHES DAM BCA' BAR BYA NA SKYON CIR 'GYUR ZHES THAMS CAD MKHYEN PAS KYANG DE SKAD DU DOGS NAS BKA' STZAL PA, DAM BCA' BA YANG DNGOS PO THAMS CAD KYI NANG DU 'DU BA'I PHYIR RO, ,DE'I RGYUS 'JUG PA'I MTSAN NYID KYI PHYIR ZHES PA NI DAM BCA' BA DE LAS RGYU'I MTSAN NYID 'JUG PAR 'GYUR TE, DE MED NA NI RGYU YANG MED PAR 'GYUR RO ZHES GZHAN GYIS BSAM PA'O, ,DAM BCAS PA DE MA SKYES PA NI ZHES PA NI DAM THOG MAR BYA STE; GANG BRTZAD PA DE NI NYAMS PAR 'GYUR RO, ,JI LTAR ZHE NA, DAM BCA' BAR YANG MA SKYES PA'I PHYIR TE, BSGRUB PA GZHAN GYIS BSGRUB PA DOGS PAS DE BAS NA PHYOGS MA YIN PA NAS LOG STE, PHYOGS DANG BCAS PAR BSGRUB PA GANG PHYIR BSGRUB PA DANG MI 'BRAL BAR KHYAB PAR 'BREL PA'I TSUL RAB TU GRUB PA DE DE LTA BUR SBYAR BAR BYA'O, ,DAM BCA' BAS KYANG SKYON MANG PO THOB PAR BYED PA, BSGRUB PA DANG SGRUB PA CIR KHYAB PA'I TSUL DU NI YON TAN MANG PO 'GYUR PA STE, GNYIS KYI RNAM PA RNAMS RMI LAM LA SOGS PA BZHIN DU SKYE'O ZHES RANG GI DNGOS PO BSTAN PA'I PHYIR SKRAG PAR MI 'GYUR RO, ,GZHAN GYI DBANG GIS RNAM PA SNA TSOGS RNAMS NI RMI LAM LA SOGS PA BZHIN DU MA SKYES SO ZHES TSAD MAR KHYAB PA'I TSUL GYIS DON GCIG PA NYID YIN YANG DNGOS PO MED PAR BSTAN PAS SKRAG PAR 'GYUR TE, JI LTAR MDO SDE 'DI NYID DU GSUNGS PA, RTAG PA YI NI RANG BZHIN GYIS, ,DNGOS PO THAMS CAD MA SKYES TE, ,GZHAN DBANG LA NI BRTEN NAS SU, ,MI RNAMS RNAM PAR RTOG PA SKYE, ,RNAM PAR RTOG PAS RNAM SPANGS TE, ,GANG TSE GZHAN DBANG DAG PA NI, ,GRUB PA DE BZHIN NYID CES SMRAS, ,MDO SDE MDO SDER NGAS BSHAD DO, ,JI LTAR DGONGS @192A *, ,PA NGES PAR 'GREL PA LAS 'BYUNG BA, RIGS KYI BU RANG BZHIN MED PA RNAM PA GSUM STE, MTSAN NYID RANG BZHIN MED PA DANG, SKYE BA RANG BZHIN MED PA DANG, DON DAM PA RANG BZHIN MED PA'O, ,DE LA MTSAN NYID RANG BZHIN MED PA NI MTSAN NYID GANG DAG GI RTAG PA DANG, BDAG DANG, SPOM PO DANG PHRA MO DANG, PHYI ROL GYI RDUL DU RTOG PA'I MTSAN NYID DE DAG GI DNGOS PO'I RANG BZHIN DU MA SKYES PA'O, ,SKYE BA RANG BZHIN MED PA NI GZHAN GYI DBANG GIS RNAM PA SNGON PO DANG, SER PO LA SOGS PA RMI LAM DANG MIG 'PHRUL LA SOGS PA BZHIN DU SKYE BA'I RANG BZHIN MED PA'O, ,DON DAM PA RANG BZHIN MED PA NI GRUB PA STE, GNYIS KYI RNAM PAS STONG PA NYID DO, ,DE DE LTAR LANG KAR GSHEGS PA DANG, DGONGS PA NGES PAR 'GREL BA'I TSUL GYIS THEG PA CHEN PO'I TSUL BSHAD PA LA 'GAL BAR MI 'GYUR RO, ,GANG DAG YANG RTAG PA DANG, GZHAN GYI DBANG BZHIN DU GRUB PA YANG MED DO ZHES RNAM PAR RTOG PAR RTOGS PA DE DAG GIS CHOS KYI GNOD PA BSKYED PA SGRUB PAR BYED DO ZHES DGONGS PA NGES PAR 'GREL PA LA KLOG GO, ,YOD PA DANG MED PA LAS MA SKYES SO ZHES BYA BA NI YOD PA THANG CIG SKYE BAR MI RUNG STE, YOD PA'I PHYIR DE LA BYA BA CI ZHIG YOD, MED PA YANG MI RUNG STE DE LA BYA BA YANG CI YOD DE, MED PA'I DNGOS PO MED CES PAS NA CI YANG MI BYED DE, BYED PA DGAG PAR BYED PAR 'GYUR PA NYID DO, ,JI LTAR S'A LU LJANG BA'I MDO SDE LAS 'BYUNG BA BDAG GIS MA BYAS, GZHAN GYIS MA BYAS, GNYIS KAS KYANG RTEN CING 'BREL PA STE 'BYUNG BA MA BYAS ZHES PA'O, ,BDAG GIS NI RGYU MED PAR MI RUNG BAS SO, ,GZHAN GYIS KYANG BYED PA DANG BYED PA PO DANG 'BREL PAS KYANG MI RUNG NGO, ,JI LTAR LUNG STON PA PO RNAMS RTOG PAR BYED PA PO NI RANG DBANG CAN NO, ,BYED PA POS 'DOD PA'I MCHOG NI LAS SO, ,SGRUB PAR BYED PA'I MCHOG NI BYED PA STE ZHES BYA BA LA SOGS PA'O, ,DE NAS 'DI BYED PA PO DANG, LAS DANG BYED PA DANG BYA BA MNGON PAR 'BREL BAR MI RUNG NGO, ,GANG GI TSE NA SKAD CIG PA GCIG YOD PA DE'I TSE NA SKAD CIG PA GNYIS PO MED DE, SU GANG DANG YANG MI 'BREL TO, ,YON TAN MI 'PHO BA NI LHAN @192B CIG TU MI GNAS PA DANG, RGYU DANG 'BRAS BU'I RANG BZHIN MI 'DRA BA'I PHYIR RO, ,RANG BZHIN LAS KYANG MA YIN TE, SNANG BA DANG MI SNANG BA DAG MTSAN NYID THA DAD PA'I PHYIR SHING DANG THAL BA LA SOGS PA BZHIN TE, GCIG PA KHO NA MA YIN NO, ,DBANG PO LAS KYANG RTEN CING 'BREL TE 'BYUNG BA MA YIN TE, DAG PA NI GZHAN GYI MYA NGAN GYIS SDUG BSNGAL CI NAS BYED, MA DAG PA NI DE'I MI SHES PA YANG SUS BYAS, DE BZHIN DU TSANGS PA LA SOGS PAR MI GNYIS PAR SMRA BA RNAMS LA YANG GROL BA DANG, MA GROL BA DANG, PHYUG DBUL LA SOGS PA GCIG PA'I SKYON NO, ,RTAG PA LAS KYANG MA YIN ZHES PA NI RTAG PA MA SKYES PA STE, MA SKYES PA'I PHYIR MO GSHAM GYI BU LA SOGS PA BZHIN DU MED PA'O, ,CIG CAR DANG RIM GYIS DON BYED PAR 'GAL BA NA RTAG PA NI RI BONG GI RVA LA SOGS PA BZHIN DU MI SRID DO, ,CHAD PA LAS KYANG MA YIN ZHES PA NI RGYU MED PA LAS MA YIN NO, ,DRAN BZHIN PA STE SNGON MYONG BA'I RGYU LAS BYUNG LA, RGYUD LA LTOS TE SKYES MA THAG PA'I DGA' BA DANG, 'JIGS PA DANG, MYA NGAN RTOG PA'I PHYIR SNGON GYI GOMS PA RJES SU DPAG GO, ,BLANG BA DANG, DOR BA DANG, BTANG SNYOMS KYI BLO RNAMS LA BDE BA DANG, SDUG BSNGAL SGRUB PAR GDON MI ZA BAR SNGAR YOD PA'I PHYIR BYIS PA'ANG YUL RNAMS SU BDE BA DANG, SDUG BSNGAL SGRUB CING DGA' BA DANG, MI DGA' BA LA SOGS PA 'BYUNG NGO, ,DE DE LTAR NA SNGA MA'I 'OG TU 'DI YOD PAS 'DI YOD CES BYA BA'I RTEN CING 'BREL PA STE, SKYE BA LA SOGS PA GZHAN LHAG MA NI MI RUNG NGO, ,DES NA RTEN CING 'BREL TE 'BYUNG BA NI 'BYUNG BA MA YIN NO ZHES LAN MANG POR BSHAD PA YIN NO, ,DE DE LTAR MI 'BYUNG BAR 'DRA BA'I SKAD CIG PA GZHAN 'BYUNG BA LA 'KHRUL PA'I MTSAN MA'I RNAM PA SKYE BA LA SOGS PAR BRTAGS PA'O, ,RTAG PA DANG GCIG PAR SGRO 'DOGS PA'I GNAS THA DAD PAR BRTAGS TE, BYED PA DANG BYED PA POR 'BREL PAR PHYI ROL GYI SPOM PO DANG PHRA MOR SGRO BTAGS NAS GZHAN GYI DBANG GIS GNYIS KYI RNAM PA LA RAB TU 'JUG GO, ,BUM PA DANG, SNAM BU LA SOGS PAR BRTAGS SHING RTAG PA RNAMS NI KHANG PA DANG SDE DANG, NAGS TSAL LA SOGS PA BZHIN DU RNAM PAR PHYE BA NA DBEN PA NYID DO, ,DE BZHIN DU GNYIS KYI @193A *, ,RNAM PAS STONG BA RANG BZHIN GYIS 'OD GSAL BA DON DAM PA'I BDEN PA GNYIS SU MED PA'I CHUD PAS DNGOS POR BSTAN PAR BYA STE, BSAM PA MED CING SNANG BA MED PA DNGOS PA DANG DNGOS PO MED PAS RNAM PAR MI RTOG CING BRJOD DU MED PA SKRAD CIG PA'I RGYUN YANG DAG PAR RIG PA'I RANG BZHIN YANG DAG PA JI BZHIN PA TING NGE 'DZIN LA BZHUGS PA RNAMS KYIS MKHYEN PA NI DE LAS GZHAN PA'I NGES PAR 'JUG PA'I DBANG PO'I SHES PA DANG, DBUGS THUB PA YANG DAG PAR RIG PA BZHIN NO, ,DER NI DNGOS PO DANG DNGOS PO MED PAR BSTAN PA DANG, SKYE BA DANG, DAM BCA' BA DANG, YAN LAG LA SOGS PA DANG, TSAD MA DANG GZHAL BA LA SOGS PA'I RNAM PAR RTOG PA MED DE, 'ON KYANG SNANG BA DANG BCAS PA'I TING NGE 'DZIN DAG PA 'JIG RTEN PA'I YE SHES THAMS CAD MKHYEN PA BZHUGS PA NI SPYI'I RNAM PAR SGRA'I DON STON TO, ,DE LA YAN LAG CES BYA BA NI DAM 'CHA' BA DANG, RGYU DANG DPE DANG, SGRUB PA DANG, BSDU BAR BYED PA NE YI YA YI KA LA SOGS PAS BTAGS PA'O, ,DE LA BSGRUB PAR SMOS PA NI DAM BCA' PA'O, ,DPE DANG MTHUN PA'I CHOS KYIS BSGRUB PA SGRUB PA NI RGYU'O, ,SGRUB PA'I CHOS DANG MTHUN PAS DE'I CHOS SU 'GYUR BA NI DPE'O, ,JI LTAR SGRA NI MI RTAG PA STE, BYAS PA'I PHYIR BUM PA BZHIN DU STE, SGRA YANG BYAS PA PO ZHES BYA BA NI BSKRUN PA'O, ,DE BAS NA MI RTAG PA'O ZHES BYA BA NI SDUD PA'O, ,NE YI YA YI KA RNAMS KYIS THOG MAR MNGON SUM DU BYAS NAS RJES SU DPAG PA RNAM PA GSUM STE, SNGA MA LTA BU DANG, LHAG MA LTA BU DANG, SPYIR MTHONG BA ZHES SO, ,DE LA SNGA MA LTA BU NI GANG NA RGYUS 'BRAS BU RJES SU DPAG PA STE, SPRIN BYUNG BAS CHAR PA 'BAB PAR 'GYUR ZHES PA'O, ,LHAG MA LTA BUS NI GANG NA 'BRAS BUS RGYU'I RJES SU DPAG PA STE, DUD PAS ME LTA BUR RO, ,SPYIR RJES SU DPAG PA NI JI LTAR BYAS PA'I PHYIR MI RTAG PA'I PHYIR ZHES BYA BA'O, ,SANGS RGYAS PA RNAMS KYIS NI RANG BZHIN GSUM PA'I RGYU STE, DPAG BYA DE NAS DE MTSUNGS LA, ,DNGOS PO MED PA'ANG MED PAR NGES, ,ZHES PA STE, DE LA RJES SU DPAG PAR BYA BA NI SHES PAR 'DOD PA KHYAD PAR GYI CHOS CAN NO, ,SGRUB PA'I CHOS DANG SPYIR DON MTSUNGS PA NI PHYOGS DANG BCAS PA'O, ,GANG NA @193B BSGRUB PA CHOS SU MI 'JUG PA DE NI MI MTHUN PA'I PHYOGS TE, DES NA BDAG NYID KYIS RTOGS PAR BYA BA'I PHYIR YAN LAG GSUM GYI RJES SU DPAG PA'O, ,GZHAN GYI DON DU YANG GZHAN GYIS KHONG DU MA CHUD PA LA RANG BZHIN DANG 'BRAS BU 'BYUNG BAR 'BREL BAR KHYAB PA'I TSUL DE LA SGRAR BRJOD CING SMRA BAS STONG DU CHUD PAR BYA'O, ,DE LTAR NA 'BREL PA KHYAB PA'I CHUL GYIS SMRA BAR BYA BA LA, GANG NA BSGRUB PA 'DI YOD PA DE BSGRUB PAR BYA BA DE DANG DNGOS PO MI 'BRAL BA STE, JI LTAR BUM PA LA SOGS PA LA BYAS PA YOD PAR MI RTAG PA KHO NA'I DNGOS PO DANG MI 'BRAL BA'O, ,TSAD BANG LA SOGS PAR YANG DUD PA NI ME'I DNGOS PO DANG MI 'BRAL BA DE BZHIN DU SGRA 'DI LA BYAS PA DANG, RI DANG RI BRAGS LA SOGS PA LA DUD PA'O, ,DE LTAR MI DMIGS PA YANG RI BONG GI MGO LA RVA BZHIN DU SA GZHI BUM PAS DBEN PA'I DNGOS DANG MI 'BRAL BA STE, DE BZHIN DU THAMS CAD MKHYEN PAS YAN LAG BSTAN PA LA RGYU GSUM DANG 'BREL BAR DGONGS PA RJES SU DPAG GO, ,GANG GI TSEN DAM 'CHA' BA MA SKYES PA DE'I TSE NA BDAG NYID KYIS DNGOS PO MED PA'I PHYIR PHYI MA'I YAN LAG DANG 'BREL PA MI RUNG STE, DAM 'CHA' BA LA SOGS PA'I YAN LAG TU SMRA BA RNAMS LA NYES PA DE YOD DO, ,MI SHES PA GANG DAG GIS DAM 'CHA' BAR BYED PA DE DAG GIS MA SKYES PAS NA DE'I PHYIR NA MI BYA'O, ,BSGRUB PAR BYA BA'I DNGOS PO MED PAS NA YAN LAG RNAMS KYI PHAN TSUN DU RGYU'I MTSAN NYID MI 'DRA BA STE, YAN LAG RNAMS LTOS PA DANG BCAS PAS BYAS PA'I PHYIR RO, ,SNANG BA DANG MI SNANG BA'I MTSAN NYID CES BYA BA LA SOGS PA BZHIN SNANG BAR PHYI ROL GYI MTSAN NYID CAN DU SPOM PO YAN LAG CAN GYI RDZAS GCIG RDUL PHRA MO LAS BRTZAMS PAR JI LTAR KUN RTOG PA DE LTAR RNAM PAR PHYE BA NA KHANG BA DANG, SDE DANG, NAGS TSAL LA SOGS PA BZHIN DU BUM PA DANG SNAM BU LA SOGS PA STONG PAR 'GYUR RO, ,CHA MED PA'I RDUL PHRA MO RNAMS KYANG BLA 'OG TU GNAS PAR MI RUNG STE, SEMS DANG SEMS LAS BYUNG BA BZHIN NO ZHES LAN DU MAR BSGRUB PA'O, ,DE BAS NA NANG 'KHRUGS PA'I MTHU LAS @194A *, ,MGO 'KHOR BA DANG, BRGYAL BA LA SOGS PA BZHIN DU LTA BA DANG, BLO SLU BAR BYED PA'I SNGON PO LA SOGS PA'I GZUGS SO SOR SNANG NGO, ,NAM SHES RAB KYIS DPYAD DE SBOM PO DANG PHRA MO RNAM PAR PHYE BA NA MI DMIGS PA DE NI BSAM PA MED CING SNANG BA MED PA YANG DAG PAR RIG BA NYID LAS DBEN PA NYID DO ,THUGS RJE'I BAG CHAGS KYIS GLENGS NAS THAMS CAD MKHYEN PA SNANG BA DANG BCAS PA'I TING NGE 'DZIN LA BZHUGS PA NA CHOS STON PA 'BYUNG NGO ZHES LAN MANG PO BSHAD PA YIN NO, ,DE NAS THAMS CAD MKHYEN PAS TSIG GI DON MTHA' DAG STON PA YANG BRJOD DU MED PA'I 'JIG RTEN THAMS CAD KYI DUS GSUM GYI SEMS KYI RGYUD SKAD CIG RANG BZHIN SPYI'I RNAM PAR STON TO, ,RANG BZHIN GYIS 'OD GSAL BA MI GNYIS PA GNYIS SU MED PA'I RNAM PA LA YANG SNANG BA DANG BCAS PA DANG, MTSAN MA DANG BCAS PA DANG, GLENG BA DANG BCAS PAR DUS GSUM YID CHES BAR STON PAR MDZAD PA NI PRA SE NA LAS 'BYUNG BA'I DUS GSUM GYI TSIG GI DON DU YID CHES PAR BYED PA YIN NO, ,THAMS CAD MKHYEN PAS TSIG GI DON THAMS CAD THUGS SU CHUD CING YID CHES PAR STON PA NI LAN DU MAR BSTAN PA YIN TE, DES NA GNYIS PA DANG, MI GNYIS PA'I CHOS BSTAN PA THAMS CAD MKHYEN PA LA RIGS SO, ,BSDU BA'I TSIGS SU BCAD PA BSHAD PA, RANG BZHIN MED CING RNAM RIG MED, ,DNGOS PO MED CING KUN GZHI MED, ,'DI DAG RO BZHIN BYIS PA YIS, ,LOG PA'I RTOG PA CAN GYIS BRTAGS, ,ZHES PA STE GZUNG BA'I RANG BZHIN GYIS DNGOS PO MED PA'I PHYIR RNAM PAR RIG PA YANG DNGOS PO MED DO, ,PHUNG POR GNAS PA MED PA DANG, RNAM PAR MI 'JIG PA MED PA'I PHYIR SBOM PO DANG PHRA MO RNAM PAR PHYE BA NA STONG PA NYID DE, JI LTAR 'PHAGS MA SHES RAB KYI PHA ROL TU PHYIN PA LAS 'BYUNG BA PHYI ROL GYI PHUNG POR GNAS PA MED PA DANG, RTAG PA DANG BDAG LA SOGS PA 'DZIN PA'I DNGOS PO MI 'JIG PA YANG MED DO, ,DE LA 'DI SNYAM DU 'GYUR TE, LUS DANG LONGS SPYOD GNAS SNANG BA, ,KUN GZHI KUN TU 'BYUNG BA STE, ,RNAM BRGYAD RNAM DGU DE BZHIN DU, ,RGYA MTSO RLABS RNAMS BZHIN DU'O, ,ZHES DE SKAD DU THUGS @194B DOGS NAS THAMS CAD MKHYEN PAS BKA' STZAL PA, KUN GZHI MED CES PA STE, RMI LAM GYI DUS NA YANG LUS DANG, LONGS SPYOD DANG, GNAS SU SNANG BA'I KUN GZHI RNAM PAR SHES PA GCIG PO SO SOR SNANG BA STE, BSLAB PA RNAM PA SNA TSOGS YONGS SU SMIN PA'I MTHU LAS SNA TSOGS THA DAD PA'I RNAM PA'I RNAM PAR SHES PA SO SOR SNANG NGO, ,RMI LAM GYI DUS NA YANG MTSO LA SOGS PA LA KHRUS LA SOGS PAS SLU BA MED PA'I PHYIR TSAD MAR NGES SO, ,MYA NGAN GYI SMIG RGYU LA SOGS PA'I CHUS SLU BAR BYED PAR NGES PA'I PHYIR TSAD MA MA YIN NO, ,DE BZHIN DU GNYID KYIS MA LOG PA'I DUS NA YANG SLU BA DANG SLU BA MED PAR GDON MI ZA BAS GNYIS PA DANG MI GNYIS PAR SMRA BA THA DAD PAR SNANG BA TZAM LA GZHAL BA DANG, TSAD MA RNAM PAR GZHAG PA DER MTSUNGS SO, ,PHYI ROL GYI DON KYANG MED DE, RMI LAM DANG, MIG 'PHRUL DANG, RAB RIB DANG, GZUGS BRNYAN LA SOGS PA BZHIN DU 'DZIN PA DANG, GZUNG BA'I RNAM PA DAG MA SKYES PA DANG, STONG PA NYID DANG, RANG BZHIN MED PA NYID DO, ,DES NA LUS DANG, LONGS SPYOD DANG, SA LA SOGS PA SBOM PO DANG PHRA MO SHES RAB KYIS DPYAD PA DE GZHIGS NAS KHANG PA DANG, SDE DANG, NAGS TSAL LA SOGS PA BZHIN DU GANG GI TSE MI DMIGS PA DE'I TSE PHYI ROL GYI LUS LA SOGS PA RANG BZHIN GYIS BYIS PA LOG PAR LTUNG BA BLUN PA RNAMS KYIS KUN BRTAGS PA'O ZHES THAMS CAD MKHYEN PAS DGONGS PA'I DON TO, ,CHOS RNAMS THAMS CAD MA SKYES PAR, ,MU STEGS KUN LA BSGRAGS PA'I PHYIR, ,DNGOS PO RKYEN DANG LDAN PA NI, ,SU LA'ANG SKYES PA YOD MED DO, ,DNGOS PO THAMS CAD MA SKYES PAR, ,DAM 'CHA' BA LA MI RTAG STE, ,ZHES PA NI SKYE BA LA SOGS PA'I CHOS GUD NA YOD PA MA YIN TE, GANG GI TSE NA SKAD CIG PA GCIG YOD PA DE'I TSE NA GNYIS PO MED DE, DES NA DNGOS PO DANG RKYEN DANG LDAN PA YOD PA MA YIN TE, JI LTAR LUNG STON PA PA RNAMS RTOG PAR BYED PA, BYED BA PO NI RANG DBANG CAN DANG, BYED PAR 'DOD PA'I MCHOG NI LAS DANG, SGRUB PAR BYED PA'I GTZO NI BYED PA PO ZHES PA DE LTA BUR BYED PA PO DANG, LAS DANG, BYED PA DANG, @195A *, ,BYA BA DANG, BYED PA PO GANG MNGON PAR 'BREL TE SKYE BA MED DO, ,DES NA MU STEGS THAMS CAD LA BSGRAGS PA'I PHYIR, CHOS THAMS CAD MA SKYES PA STE, MU STEGS BYED RNAMS THAMS CAD NI RTAG BA DANG BDAG TU SMRA BA'O, ,SANGS RGYAS PA RNAMS NI BDAG MED PAR SMRA BA STE, DE'I PHYIR DE DAG GI, 'DU BYED THAMS CAD SKAD CIG MA, ,MI BRTAN BYAD PA GA LA ZHIG ,GANG BYUNG BYED PA DE NYID DE, ,BYED PA POR YANG DER BRJOD DO, ,GZHAN GYI DBANG GIS SNANG BA'I CHOS RNAMS LA YANG RMI LAM DANG, MIG 'PHRUL DANG, RAB RIB LA SOGS PA BZHIN DU SKYE BA'I RANG BZHIN MED PA STE, JI LTAR DGONGS PA NGES PAR 'GREL PA LAS BDAG DANG, RTAG PA LA SOGS PA BRTAG PA RNAMS MO GSHAM GYI BU LA SOGS PA BZHIN DU MA SKYES PAS NA MI SKYE'O, ,DON DAM PA MI GNYIS PA YANG DAG PAR RIG PA SKAD CIG LA RGYUD [?] KYANG BRJOD DU MED PA'I PHYIR SNGA MA'I 'OG TU 'DI YOD PAS 'DI YOD DO ZHES PA 'BA' ZHIG GO, ,BRTAG PA'I SKYE BO LA SOGS PA LHAG PA RNAMS CHOS DANG GANG ZAG LA BDAG MED PA GNYIS LA YANG YOD PA MA YIN NO, ,GANG GIS SKAD CIG PA RNAMS RKYEN DANG LDAN PA MA YIN PA DES NA CHOS THAMS CAD MA SKYES PA STE, SKAD CIG MA GANG LA RGYU'I SKAD CIG PA YOD PA DE LA 'BRAS BU'I SKAD CIG PA MED DE, DES NA DNGOS PO RNAMS RKYEN DANG MI LDAN PA NI ZHES THAMS CAD MKHYEN PAS DGONGS PA'I DON TO, ,CHOS THAMS CAD SKYE BA MED PAR DAM 'CHA' BA MI RTAG CES BYA BA LA SOGS PA CI'I SLAD DU ZHES BYA BA DANG, DE'I PHYIR GSUNGS PA, RGYU DE DANG NI LDAN PA'I PHYIR, ,'GRUB BLO DE NYAMS DE DAG 'GYUR, ,ZHES PA STE, RGYU DE DANG NI LDAN PA'I PHYIR, ,ZHES BYA BA NI DAM 'CHA' BA'I RGYU DANG NGO, ,'GRUB BLO DE NYAMS DE DAG 'GYUR, ,ZHES PA NI CHOS THAMS CAD KYI NANG DU 'DU BA'I PHYIR DAM 'CHA' BA MA SKYES PA'O, ,DAM 'CHA' BA LA SOGS PA SGRUB PA RNAMS KYI DNGOS PO MED PA'I PHYIR BSGRUB PAR BYA BA YANG MI 'GRUB PO, ,'ON TE DAM 'CHA' BA NA SKYES NA NI DES CHOS THAMS CAD KYANG SKYES PA'O, ,DE'I PHYIR SNGAR BSHAD PA'I TSUL GYIS RMI LAM LA SOGS PAR DNGOS POR BSTAN PAR BYA'O, ,STONG PA DANG RANG BZHIN MED @195B PA LA SOGS PA DAM 'CHA' BAR MI BYA STE, 'ON KYANG RMI LAM DANG, MIG 'PHRUL DANG, RAB RIB DANG, GZUGS BRNYAN LA SOGS PA BZHIN DU CHOS THAMS CAD STONG PA DANG, RANG BZHIN MED PA'I PHYI ROL GYI GZUGS SO ZHES SMRA BAR BYA'O, ,'JIG RTEN PA'I CHUD PA THAMS CAD GZUNG BA DANG 'DZIN PA'I RANG BZHIN BSLAD PA LAS 'BYUNG BAR THAMS CAD MKHYEN PA BDAG NYID KYIS SGRUB PAR MDZAD PA, JI LTAR LOG PA SKRA SHAD 'DZINGS, ,SKYE BO RI RAB CANG YIS MTHONG, ,DE BZHIN DNGOS POR RNAM RTOG 'DI, ,LOG PAR BYIS PA RNAM PAR BRTAGS, ,ZHES PA STE, BDAG DANG GZHAN GYI RGYUD KYI DBANG LAS SKYES PA MNYAM PAR MI 'JOG CING NANG GLONGS PA MGO 'KHOR BA DANG, BRGYAL BA DANG, RAB RIB LA SOGS PA LTA BUR 'DZINGS PA DANG GZUNG BA'I DNGOS PO LA GDON MI ZA ZHING, DER NONGS PA RNAMS LA DNGOS POR 'DZIN TO, ,JI LTAR NA YANG BYIS PA RNAMS KYIS DNGOS PO JI LTA BUR MTHONG BA DE LTA BU MED CES PA DANG, THAMS CAD MKHYEN PAS RIGS PA GZHAN BSGRUB PAR MDZAD PA, SRID PA GSUM NI RTAG PA TZAM, ,DNGOS PO'I RANG BZHIN YOD MED DE, ,BRTAGS PA'I DNGOS PO'I RANG BZHIN DU, ,RTOG PA CAN RNAMS RTOG PAR 'GYUR, ,ZHES TE; GCIG PU DANG, SBOM PO DANG, CHEN PO DANG, TSAD CAN DANG, YANGS PA DANG, ZLUM PA LA SOGS PA LUS DANG, BUM PA DANG, SNAM BU LA SOGS PA'I RDZAS SU KHYAD PAR CAN LA SOGS PA RTOG PA CAN RNAMS RTOG GO, ,DE LTA BU'I RNAM PA CAN, BTZOS PA DANG, MA BTZOS PA DANG, BSGUL BA DANG, MA BSGUL BA DANG, BSGRIBS PA DANG, MA BSGRIBS PA LA SOGS PAR RNAM PAR PHYE BA DANG, YAN LAG LAS 'DUS SHING BRTAGS PAS RNAM PA THA DAD PA PHYOGS KYI CHA THA DAD PAS PHYE BA NA KHANG PA DANG, SDE DANG, NAGS TSAL LA SOGS PA BZHIN DU GZUGS GCIG PAR MI RIGS SO, ,PHRA MO'I GZUGS DANG, RO DANG, DRI DANG, REG PA 'DUS PA LA SNAM BU DANG BUM PA LA SOGS PAR GDAGS PAR BYA NA, GZUGS LA SOGS PA PA'I RDUL PHRA MO RNAMS KYANG PHYGOS KYI CHA THA DAD PAS DBYE BA NA STONG PA NYID DE, DNGOS PO'I RNAG BZHIN YOD MED DO, , @196A *, ,GANG LA 'DZIN PA DANG GZUNG BA'I DNGOS PO DE LTA BU'I RNAM PA CAN MED DO ZHES THAMS CAD MKHYEN PAS DGONGS PAR BRTAG GO, ,DE BZHIN DU BSGRUB PAR MDZAD PA, MTSAN DANG DNGOS PO RNAM RIG DANG, ,YID KYI RNAM PAR G-YOS PA LAS, ,NGA YI SRAS RNAMS 'DAS NAS NI, ,DE DAG RNAM PAR MI RTOG SPYOD, ,SMIG RGYU BA LA JI LTA BUR, ,CHU MED PA LA CHUR 'DZIN PA, ,SNANG LA BYIS PA DE BZHIN TE, ,'PHAGS PA RNAMS NI KHYAD PAR LDAN, ,ZHES PA STE, DE LA MTSAN NI GZUGS LA SOGS PA STE, DER RNAM PAR RIG PA'O, ,DE LAS DE MA THAG TU YID KYI RNAM PAR SHES PA STE, SBOM PO DANG, PHRA MO LA SOGS PA RNAM PAR BRTAGS PA'O, ,GANG GIS SHES RAB KYIS DPYAD DE DE RNAM PAR GZHIGS NAS MI DMIGS PA DE'I TSE MTSAN MA THAMS CAD LAS 'DAS NAS RNAM PAR MI RTOG PAR SPYOD CING GNAS SO, ,JI LTAR NA GZUGS LA SOGS PA MED PAR YANG DE DAG LA MNGON PAR CHAGS PAR 'GYUR ZHES THUGS DOGS NAS THAMS CAD MKHYEN PAS BKA' STZAL PA, CHU MED PA LA CHUR 'DZIN PA DE BZHIN DU NANG GLONGS NAS SNANG BA LA PHYI ROL GYI BAR MNGON PAR CHAGS PA'O, ,SNANG BA TZAM LA DAG PA DANG MA DAG PAR RNAM PAR SHES PA'I PHYIR 'PHAGS PA DANG BYIS PA RNAMS LA DE BZHIN TE, 'PHAGS PA RNAMS KYI YE SHES NI MI RTAG PA DANG, SDUG BSNGAL BA DANG, MI MDZES PA KYANG [?] STONG PAR RO, ,BYIS PA RNAMS KYI NI RTAG PA DANG, BDE BA DANG, GTZANG BA'I DNGOS POR PHYIN CI LOG PAR RO, ,KHYAD PAR DANG LDAN PA NI BYIS PA'I SHES PA LAS 'PHAGS PA RNAMS KYI RNAM PAR THAR PA GSUM GYI DAG PA YE SHES KHYAD PAR CAN NO, ,THAMS CAD MKHYEN PAS DE SKAD DU GSUNGS PA, 'PHAGS PA'I MTHONG BA DAG PA STE, ,RNAM PAR THAR PA GSUM LAS SKYES, ,SKYE DANG 'JIG LAS RNAM GROL BA, ,SNANG MED RAB TU SPYOD RNAMS KYIS, ,ZHES PA STE, 'PHAGS PA DANG BYIS PA GNYIS KYIS MTHONG BA'I DAG PA DANG MA DAG PA'O, ,'PHAGS PA RNAMS KYI NI RNAM PAR THAR PA GSUM LAS 'BYUNG NGO, ,BYIS PA RNAMS KYI NI NANG GLONGS PA MNYAM PAR MI 'JOG PA'I MA RIG PA DANG, LAS RNAM PAR SMIN PA LAS SKYES PA STE, MGO 'KHOR BA DANG, @196B BRGYAL BA LA SOGS PA BZHIN DU 'KHOR BAR SNANG BA SNA TSOGS KYI RNAM PA'I SHES PA'O, ,GANG GI TSE SHES RAB KYIS DPYAD CING SHES PAR BYA BA SBOM PO DANG, PHRA MO RNAM PAR PHYE STE MI DMIGS PA DE'I TSE NA GNYIS KYI RNAM PA'I DNGOS PO DANG, DNGOS PO MED PA THAMS CAD DANG, RTAG PA DANG, GCIG PU DANG, BDAG DANG LAS DANG, BYED PA DANG, BYED PA PO MNGON PAR 'BREL PA'I SKYE BA DANG, 'JIG PA LA SOGS PA MTSAN NYID LAS THA DAD PA'I CHOS RNAMS MI DMIGS PA'I PHYIR 'PHAGS PA RNAMS KYI YE SHES NI BSAM PA MED CING SNANG BA MED PA'I DON DAM PA'I BDEN PA GNYIS SU MED PAR YANG DAG PAR RIG PA RANG BZHIN GYIS 'OD GSAL BAR GNAS SO, ,JI LTAR BTZUN GTZO 'PHAGS PA BYAMS PAS DGONGS PA BYED PA LAS 'BYUNG BA, DE STE NYON MONGS DE MA GYUR, ,LUS CAN THAMS CAD GROL BAR 'GYUR, ,DE STE RNAM DAG DE MI 'GYUR, ,'BAD PA 'BRAS BU MED PAR 'GYUR, ,NYON MONGS PA DANG RNAM DAG PA, ,DRIR BCAS DRI MA MED PA'ANG DE'O, ,CHU KHAMS GSER DANG NAM MKHA' RNAMS, ,DAG PA BZHIN DU DAG PA'O, ,ZHES PA STE, GANG GI TSE NA SHES RAB KYIS MI DMIGS PA DE'I TSE NA STONG PAR MTHONG BAS NA MTSAN MAR MI 'DZIN PA DANG, SEMS KYIS MI SMON PA STE, RNAM PAR THAR PA GSUM GONG NAS GONG DU SNANG BA MED PAR SPYOD PA'I 'PHAGS PA DE DAG GI MI GNYIS PA'I YE SHES DES NA DBUNG MTHA' RNAM PAR 'BYED PA LAS BSHAD PA, CHU'I KHAMS DANG, GSER DANG, NAM MKHA'I KHAMS LTA BUR DAG PA'O, ,JI LTAR NA YANG 'PHAGS PA RNAMS KYI CHUD PA'I RANG BZHIN SNANG BA THAMS CAD LAS GROL BA LAGS ZHES THAMS CAD MKHYEN PAS DE SKAD DU THUGS DOGS NAS BKA' STZAL PA, DNGOS PO RNAMS NI SNANG MED DE, ,RNAL 'BYOR CAN LA MED PA'ANG MED, ,DNGOS DANG DNGOS MED MNYAM PAS NI, , 'PHAGS PA RNAMS KYI 'BRAS BU SKYE, ,ZHES PA STE, DE LA SNANG BA MED PA NI DNGOS PO THAMS CAD KYI DON DAM PA STE, 'DZIN PA DANG GZUNG BA'I RNAM PA DANG BRAL BA'O, ,DE JI LTAR NA RTOG PAR 'GYUR ZHES PA DANG, THAMS CAD MKHYEN PAS STON TO, ,DE NI YANG DAG PAR RIG PAS @197A *, ,RTOGS PAR BYA STE, DE LTA BUR RNAM PA CAN NI RNAL 'BYOR CAN GYI DNGOS PO'O, ,JI LTAR ZHE NA, DER RTOGS PA CAN TE NGES PAR 'JUG PA'I DBANG PO'I SHES PAS MYONG BA BZHIN NO, ,DGONGS PA LA LTOS TE SEMS CAN THAMS CAD KYI SEMS KYI RNAM PAR RTOG PA RAB TU 'BYUNG NGO, ,NGES PAR 'JUG PA'I DBANG PO'I SHES PA RNAMS NI YUD TZAM DU GNAS SO, ,BSAM PA MED CING SNANG BA MED PAR YANG DAG PAR RIG PA NI YUN RING POR RO, ,DBUGS THUB PA NI YANG DAG PAR RIG PA TZAM GNAS SO, ,'PHAGS PA RNAMS KYI RNAM PA DE LTA BU'I 'BRAS BU DNGOS PO DANG, DNGOS PO MED PAR MNYAM PAS SKYE BA STE, JI LTAR 'PHAGS MA SHES RAB KYI PHA ROL TU PHYIN PA LAS 'BYUNG BA DNGOS POS MNGON PAR RTOGS PA MA YIN LA, DNGOS PO MED PAS KYANG MA YIN TE, JI LTAR ZHE NA, DNGOS PO DANG DNGOS PO MED PAS MNYAM PAS SO, ,DNGOS PO DANG DNGOS PO MED PA RNAM PAR RTOG PA SPANG BA'I PHYIR RO ZHES BYA PA DE'I BSHAD PA'O ZHES THAMS CAD MKHYEN PAS DGONGS PAR RIG PAR BYA'O, ,JI LTAR YANG MDO SDE 'DIR GSUNGS PA, MTSAN NYID DANG NI BYA BA DANG, ,DNGOS POR MYA NGAN NGA MI 'DA', ,RNAM RTOG RNAM SHES BZLOG PA NA, , NGA NI MYA NGAN 'DAS PA'O, ,YOD PA'I ZLAS DRANGS MED PA STE, ,YOD PA'ANG MED PA'I ZLAS DRANGS SO, ,DE BAS MED PAR SHES MI BYA, ,YOD PAR YANG NI MI BRTAG GO, ,DNGOS PO DANG DNGOS PO MED PA MNYAM ZHING RNAM PAR MI RTOG PA NI DBU MA'I TING NGE 'DZIN NO, ,JI LTAR NA DNGOS PO MED PAS DNGOS PO RNAMS MNYAM PA NYID DU MED CES DE SKAD DU THUGS DOGS NAS THAMS CAD MKHYEN PAS BKA' STZAL PA, JI LTAR DNGOS MED DNGOS PO RNAMS, ,MNYAM PA NYID DU JI LTAR BYED, ,PHYI DANG NANG GI G-YO BA RNAMS, ,NAM ZHIG SEMS KYIS MI SHES NA, ,ZHES PA STE, NAM ZHIG SEMS KYIS 'DZIN PA DANG, GZUNG BA'I DNGOS POR MI SHES PA DE NA RANG BZHIN GYIS 'OD GSAL BA'I MI GNYIS PAR RNAM PAR CHUD PA RNAMS KYIS GNYIS KYI RNAM PA'I DNGOS PO MNYAM PA NYID DU 'GYUR RO, ,PHYI NANG GI G-YO BA RNAMS ZHES BYA BA LA SOGS PA NI SKAD CIG PA YANG @197B DAG PAR RIG PA LA 'DZIN PA'I BDAG NYID KYIS PHYI ROL GYI GZUNG PAR RNAM PAR MI RTOG PA'O, ,RNAM PA DE LTA BU'I DON DAM PA'I BDEN PA GNYIS SU MED PAR YANG DAG PAR RIG PA'I RANG BZHIN LA RIG PAR BYA BA DANG, RIG PA PO'I DNGOS POR SEMS KYANG MI RGYUN YI GE DANG SGRA LTA CI SMOS, DES NA YANG DAG PAR RIG PA GNYIS KYI DNGOS PO MED PA 'JIG PAR MI BYED DO, ,DE BZHIN DU YANG BTZUN GTZO 'PHAGS PA BYAMS PAS GSUNGS PA, GNYIS KYI DNGOS PO MED PA YIS, ,DNGOS PO STONG PA'I MTSAN NYID DO, ,JI LTAR DGONGS PA NGES PAR 'GREL PA LAS 'BYUNG BA, GNYIS KYI RNAM PAS DON DAM PA LA RANG BZHIN MED PA'O, ,RANG BZHIN GYIS 'OD GSAL BA'I CHUD PA'I STONG PA NYID DU 'DIR SMRAS PA YIN NO, ,'PHAGS PA LANG KAR GSHEGS PA SLOB DPON YE SHES DPAL BZANG POS BSHAD PA SBYAR BA'I LE'U GSUM PA LAS MNGON SUM DANG RJES SU DPAG PA DPYAD PA'I LE'U PHRAN BCU PA'O,, ,,BLO GROS CHEN POS GSOL PA, BCOM LDAN 'DAS KYIS 'DI SKAD DU NAM DMIGS PAR BYA BA'I DON SHES PAS MI DMIGS PA DE NI RNAM PAR RIG PA'I GZUNG BA MED PAS 'DZIN PA MED PA YIN NO, ,DE 'DZIN PA MED PAS RNAM PAR RTOG PA ZHES BSGRAGS PA'I RNAM PAR SHES PA YANG MI 'JUG GO ZHES GSUNGS NA ZHES BYA BA NI 'PHAGS PA BYAMS PAS BSHAD PA LTA BU STE, DON DANG SEMS CAN BDAG RNAM RIG ,SNANG BA RAB TU SKYE BA NI, ,RNAM PAR RIG PA'O DE'I DON MED, ,DE MED PAS NA DE YANG MED, ,CES BYA BA 'DI NI THAMS CAD MKHYEN PA'I PHYOGS SU GNAS PA STE, DMIGS BYA DMIGS DANG BRAL BAR NI, ,GANG TSE 'DUS BYAS MTHONG BAR NI, ,MNYAM NYID SEMS SU MTHONG BA NI, ,DE TSE 'JIG PAR MI BYED DO, ,ZHES PAR RO, ,NAM SBOM PO DANG PHRA MO RNAM PAR DPYAD DE, RNAM PAR PHYE BA NA KHANG PA DANG, SDE DANG NAGS TSAL LA SOGS PA BZHIN DU MED DE STONG PA NYID DO, ,CHA MED PA RNAMS KYANG BLA 'OG GI TSOGS SU MI RUNG STE, SEMS DANG SEMS LAS BYUNG BA BZHIN NO, ,KUN MKHYEN DAM CHOS 'DZIN PA 'GREL PA NI, ,BDAG MED GRUB MTHA' TSUL NI RGYAS PA LA, , @198A *, ,NGAS GANG 'DI YI RNAM DPYAD 'DIR BYAS PA, ,GANG NA SNGA MA'I KLUS BOS GNYEN RNAMS KYIS, ,'GREL PA MA BYAS BDAG GIS BYAS NAS NI, ,TSAD MA LUNG DANG RIGS PA SBYAR NAS SU, ,'ON KYANG 'DIR NI LEGS BSHAD PA YI CI, ,LOG PA'I SMON LAM NYID NI BTAB PA'O, , ZHES PA'O, ,PHYI ROL GYI DON DU SMRA BA RNAMS KYIS RDUL PHRA MOL CHA MED PAR KHAS LEN PA DE DAG NI PHYOGS KYI THA DAD PAR DBYE BA NA GCIG PAR MI RIGS SO, ,DES NA PHYI ROL GYI GZUNG BA'I DNGOS PO MED PA'I PHYIR 'DZIN PA'I DNGOS PO YANG MED DO, ,NAM SHES RAB KYIS DPYAD DE, SHES RAB BYA BA SBOM PO DANG, PHRA MO MI DMIGS PA DE NA BSAM PA MED CING SNANG BA MED PA DON DAM PA'I BDEN PA MI GNYIS PA DNGOS PO DANG DNGOS PO MED PA'I MNYAM PA NYID YANG DAG PAR RIG PAR GNAS SO, ,DES NI NGES PAR 'JUG PA'I DBANG PO'I SHES PA DANG, DBUGS THUB PA YANG DAG PAR RIG PA LTA BU'I BSAM PA MED CING SNANG BA MED PA DON DAM PA'I BDEN PA MI GNYIS PA YANG DAG PAR RIG PA BRJOD DU MED PA LA 'JIG PAR MI BYED DO, ,GLONGS PA'I MTHU NYID KYIS LUS LA SEMS CAN DU NGES SO, ,SEMS KYI RGYUD LA RTAG PA DANG, GCIG BU DANG, BDAG TU 'DZIN TO, , MIG LA SOGS PA'I RNAM PAR SHES PA LA BYED PA'I LAS SU RNAM PAR RTOG STE, SEMS CAN LA SOGS PA'I TSOGS KYIS DON THAMS CAD GZUNG BA'I DNGOS PO MA YIN PA'I PHYIR SHES PA MI 'JUG GO, ,DE LA 'PHAGS PA BLO GROS CHEN POS GLENGS PA NI SHES PA'I SHES PAR BYA BA JI LTA BUR NA YONGS SU MI SHES NA CI RANG DANG SPYI'I MTSAN NYID YONGS SU MI SHES SAM, CI GZHAN GYIS ZIL DU BRLAG GAM, CI BSGRIBS PAS SAM, CI RING BAS SAM, CI HA CANG NYE BAS SAM, PHRA BA'I DNGOS POS SAM, CI'I DBANG PO DANG MI LDAN PAS SAM, CI YID BSLAD PAS SAM, DE DE BZHIN DU 'DRES PA'I PHYIR RAM, GRANGS CAN LA SOGS PAS RGOL BA'I THE TSOM DU BZLOG ,BLO GROS CHEN POS THAMS CAD MKHYEN PA LA GSOL PA, RANG DANG SPYI'I MTSAN NYID DU KHONG DU CHUD PA NI DOGS PA LAS KYANG 'BYUNG NGO, ,DE LAS THAMS CAD MKHYEN PA'I PHYI MA'I PHYOGS NI NGAS DE LA @198B DGONGS TE ZHES BYA BA LA SOGS PA STE, NAM SHES RAB KYIS DPYAD DE DMIGS PAR BYA BA'I DON DU SHES PAS MI DMIGS PA DE RNAM PAR RIG PA TZAM DU GZHAG PA YIN NO ZHES BSHAD KYI YONGS SU MI SHES PA TZAM LAS NI MA YIN NO, ,GNYID LOG PA DANG, SMYOS PA DANG, MYOS PA DANG, BLUN PA DANG, LONG BA DANG, LKUGS PA DANG, BYIS PA DANG, GLEN PA DANG, BSGRIBS PA DANG, ZIL DU BRLAG PA DANG, RING BA DANG, PHRA BA DANG, YONGS SU MI GSAL BA DANG, BSLAD PA DANG, LOG PA'I RNAM PA SNA TSOGS SHES PA'I PHYIR RNAM PAR RIG PA TZAM DU RNAM PAR GZHAG PAR BSHAD PA MA YIN NO, ,DER GZHAN PA DANG, GZHAN PA MA YIN PA DANG, RANG DANG SPYI'I MTSAN NYID THA DAD PA DANG, THA MI DAD PAR SMRA BA'I RNAMS NI 'KHRUL PA STE, JI LTAR NE YI YA YI KA DANG, KHYAD PAR CAN RNAMS KYIS SPYI NI THA DAD PAR RTOG GO, ,GRANGS CAN RNAMS KYIS NI THA MI DAD PAR RO, ,KshA PA NA KA DANG DPYOD PA CAN RNAMS NI RANG DANG SPYI'I MTSAN NYID LA THA DAD PA DANG, THA MI DAD PA DANG, GZHAN PA DANG, GZHAN PA MA YIN PA'I RANG BZHIN DU RTOG GO, ,SGRA PA RNAMS NI BDAG GI SHES PA YOD PAR RO, ,TSANGS PAR SMRA BA RNAMS KYIS NI GNYIS SU MED PAR RTOG GO, ,ZHI BA PA RNAMS NI 'JIG RTEN NI ZHIB PA'I MTHU CAN DU RTOG GO, ,GTOGS 'DOD PA RNAMS NI GTOGS 'DOD PA RNAMS KYI BAR RO, ,GNYIS SU SMRA BA PO DE DAG GI SHES PA NI PHYI ROL GYI DON DU BSLAD PA'I RNAM PA'O, ,MI GNYIS PAR SMRA BA RNAMS NI 'JIG RTEN MTHA' DAG GI CHUD PA RNAMS LA RTAG PA DANG, GCIG PU PAR SGRO 'DOGS SO, ,SANGS RGYAS PA RNAMS KYI KHYAD PAR NI SEMS CAN RNAMS KYI CHUD PA SKAD CIG MA'I RGYUN DU 'BYUNG ZHING MANG BA STE, 'KHOR BA DANG, THAR PA'I RIM PAS NOR PA DANG, NOR PA MED PA RNAMS SO, , NAM NANG 'KHRUGS TE MGO 'KHOR BA DANG, BRGYAL BA'I GZUGS DANG, RAB RIB KYI RANG BZHIN LTAR THUN MONG DU SKYES PA'O, ,PHYI ROL GYI SBOM PO DANG, PHRA MO KUN BRTAGS PA KHANG PA DANG, SDE DANG, NAGS TSAL LA SOGS PA BZHIN DU RNAM PAR PHYE BA NA DE'I TSE BSAM PA MED CING @199A *, ,SNANG BA MED PA DON DAM PA'I BDEN PA GNYIS SU MED PA'I MTSAN NYID KYI RGYUD YANG DAG PAR RIG CING BRJOD DU MED PA GNYIS KYI RNAM PAR MA SKYES KYANG RNAM PAR RTOG PAR BYED DO, ,DER NI RTAG PA DANG, MI RTAG PA DANG, BYAS PA DANG, PHYI ROL DANG, NANG DANG, 'DZIN PA DANG, GZUNG BA DANG, BYED PA DANG, BYED PA PO DANG, BSKYED PA DANG, SKYED PA PO DANG, BRJOD PA DANG, RJOD PA LA SOGS PA GNYIS KYI RNAM PA'I THA SNYAD NYID MI SNANG NGO, ,DNGOS PO DANG DNGOS PO MED PAR RNAM PAR MI RTOG PA'I YE SHES LA RTAG PA DANG, GCIG PU DANG, BDAG DANG, PHYI ROL GYI SBOM PO LA SOGS PAR DON THAMS CAD DU RNAM PAR RTOG PA NI SNANG NGO, ,NYAN THOS KYI THEG PA PA RNAMS KYIS ME TOG PA DANG, SDUG BSNGAL BA DANG MI MDZES PA LA SOGS PAR NAM PAR RTOG PA RNAMS PHYI ROL GYI DNGOS PO GNYIS KYI MED PA LA 'JUG GO, ,DES NA RTAG PA DANG, MI RTAG PA DANG, 'DUS BYAS DANG, 'DUS MA BYAS PA LA SOGS PAR NAM PAR RTOG PA RNAMS DON DAM PA MI GNYIS PA LA THA DAD PA'I RNAM PAR MI SNANG NGO, ,GZHAN GYI DBANG YANG RMI LAM DANG, MIG 'PHRUL DANG, RAB RIB DANG, GZUGS BRNYAN LA SOGS PA BZHIN DU SKYE BA'I RANG BZHIN MED PA'I PHYIR 'DZIN PA DANG GZUNG BA'I DNGOS POR MA SKYES SO, ,DES NI RTAG PA YANG MA YIN, MI RTAG PA YANG MA YIN, 'DUS BYAS KYANG MA YIN, 'DUS MA BYAS PA YANG MA YIN, SKYES PA YANG MA YIN, MA SKYES PA YANG MA YIN TE, JI LTAR DGONGS PA NGES PAR 'GREL PA LAS, RIGS KYI BU 'DUS BYAS DANG, 'DUS MA BYAS ZHES BYA BA DE NI STON PAS BTAGS PA'I TSIG GO ZHES PA STE, SGYU MA'I GZUGS LTAR 'DUS BYAS SU DPYAD PA'AM, 'DUS MA BYAS SU YANG RUNG STE, DBANG PO LA SOGS PA SUS KYANG MA BYAS PA'I PHYIR RO, ,DE BZHIN GSHEGS, PA RNAMS BYUNG YANG RUNG, MA BYUNG YANG RUNG STE, DE BZHIN NYID DANG CHOS KYI DBYINGS RANG BZHIN GYIS 'OD GSAL BA'I CHUD PA'I CHOS NYID DE NI YE NAS GNAS PA YIN NO, ,DES NA 'DUS BYAS SKAD CIG MA'I RGYUN 'BYUNG BA YANG, DMIGS BYA DMIGS DANG BRAL BAR NI, ,GANG TSE @199B 'DUS BYAS MTHONG BA NA, ,MNYAM PA NYID KYI SEMS MTHONG BA, ,DE TSE 'JIG PAR MI BYED DO, ,DE BAS NA DE KHO NA NYID KYI YE SHES SO ZHES DE SKAD DU GSUNGS PA'O, ,GZHAN PA DANG GZHAN BA'I RNAM PAR RTOG PA RNAMS KYIS SMRA BA PO RNAMS KYI YE SHES MANG STE, DE DAG LA NI KHO NA NYID KYI YE SHES MED DO, ,NAM SHES RAB KYIS DPYAD DE CI YANG MI DMIGS PA DE NA NGAS RNAM PAR RIG PA TZAM DU RNAM PAR GZHAG GO ZHES THAMS CAD MKHYEN PA'I DGONGS PA'I DON TO, ,YOD PA DANG MED PA'I ZHES BYA BA LA SOGS PA NI PHYI ROL GYI YOD PA DANG, MED PA'I YANG GZUNG BA'I DNGOS PO MED PA'I PHYIR SHES PAS SHIN TU MI DMIGS TE, SHES PA DANG SHES PAR BYA BA DUS MNYAM PAS NA PHAN PAR BYA BA DANG, PHAN PAR BYED PA'I DNGOS PO MED PA'I PHYIR, DUS THA DA PA NA YANG 'BREL PA MED PAS GANG GI TSE NA GCIG YOD PA DE'I TSE NA GNYIS MED NA 'DZIN PA DANG GZUNG BA'I DNGOS PO, SU'I YIN, DES NA BSKYED PA DANG, SKYED PA'I DNGOS POR MI RUNG NGO, ,SHES PA DANG, SHES PAR BYA BA DAG GZUNG BA DANG 'DZIN PA'I DNGOS POR MI RTOG PAS NA GZUNG BA DANG 'DZIN PA MA YIN NO, ,GANG GI TSE NA SHES RAB KYIS DPYAD DE SBOM PO DANG, PHRA MO PHYOGS KYI CHA THA DAD PAR PHYE STE KHANG PA DANG, SDE DANG, NAGS TSAL LA SOGS PA BZHIN DU STONG PAR MTHONG ZHING MI DMIGS PA DE'I TSE STONG PA NYID LA MTSAN MAR MI 'DZIN TE, MTSAN MAR MI 'DZIN PAS KYANG SEMS KYIS MI SMON TE, DE DE BZHIN DU RNAM PAR THAR PA'I SGO LA SNYOMS PAR 'JUG GO, , DE BZHIN DU YANG CHOS DANG, GANG ZAG LA BDAG MED PA'I TING NGE 'DZIN THOB PAS RTAG PA DANG, BDAG DANG, BDAG GIR CHAGS PA MED PA'I PHYIR 'DZUNGS PA SPANGS TE, DE SEMS CAN THAMS CAD LA PHAN PA'I PHYIR 'JUG GO, ,BSOD NAMS DANG, YE SHES KYI TSOGS KYIS MCHOG GI RAB TU DGA' BA'I SA THOB NAS TSUL KHRIMS KYI PHA ROL TU PHYIN PA YONGS SU DAG PAS BYANG CHUB SEMS DPA'I SA DRI MA MED PA LA GNAS SO, ,TSUL KHRIMS KYI PHA ROL TU PHYIN PA YONGS SU DAG PAR GYUR PA DANG, 'OD BYED PA'I SEMS CAN THAMS CAD LA PHAN PA'I SEMS LA BZOD @200A *, ,CING CHOS MNGON PAR RTOGS PA'I MNGON PAR SHES PA LA RAB TU 'JUG GO, ,'OD 'PHRO BA LA NI BRTZON 'GRUS KYI PHA ROL TU PHYIN PA YONGS SU DAG STE, CHOS MNGON PAR RTOGS PA'I SPRO BA LA RAB TU 'JUG GO, ,SHIN TU DKA' RGYAL DU NI SEMS CAN THAMS CAD LA PHAN PA'I PHYIR NYON MONGS PA YONGS SU ZAD PAR BYA BA'I DON DU BSAM GTAN LA SNYOMS PAR 'JUG GO, ,MNGON DU SONG BA NI SHES RAB KYIS DPYAD DE SBOM PO DANG, PHRA MO PHYOGS KYI CHA THA DAD PHYE NAS NAM MI DMIGS PA DE NA ZAB MO'I CHOS LA 'JUG PAS RTEN CING 'BREL TE 'BYUNG BA LA LUGS DANG LUGS MA YIN PAR 'JUG GO, ,RING DU SONG BA NI DE BZHIN DU KHAMS GSUM GYI 'DOD CHAGS DANG BRAL BA BYANG CHUB KYI PHYOGS KYI CHOS SUM CU RTZA BDUN GYI CHOS RNAMS LA SNYOMS PAR 'JUG CING, THABS KYI PHA ROL TU PHYIN PA YONGS SU RDZOGS PAR BYED DO, ,MI G-YO BA NI GZHAN GYI DON DU SMON LAM GYI PHA ROL TU PHYIN PA YONGS SU RDZOGS PAR BYED CING, RTEN CING 'BREL TE 'BYUNG BA THOG MA DANG THA MA'I MTHAR STONG ZHING BAR DU GNYIS KYI RANG BZHIN GYIS STONG PA RMI LAM DANG, MIG 'PHRUL LTA BUR GNYIS KYI RNAM PAR SKYE BA NI BYED PA DANG, BYED PA PO DANG MNGON PAR 'BREL PA MED CING SNGA MA'I 'OG TU GNYIS SU MED PA'I SKAD CIG MA RGYUN DNGOS PO DANG, DNGOS PO MED PA RNAM PAR MI RTOG CING BSAM PA MED CING SNANG BA MED PA DON DAM PA'I BDEN PA GNYIS SU MED PA YANG DAG PAR RIG PA LA 'JUG GO, ,THUGS RJE'I BAG CHAGS KYIS SAD DE SNANG BA DANG BCAS PA'I TING NGE 'DZIN LA BZHUGS NAS CHOS STON TO, ,LEGS PA'I BLO GROS LA NI CHOS DANG DON DANG NGES PA'I TSIG DANG, SPOBS PA DANG, SO SO YANG DAG PAR RIG PA THOB PAS SEMS CAN GYI BSAM PA DANG, BAG LA NYAL BA SHES NAS CHOS STON CING STOBS KYI PHA ROL TU PHYIN PA YONGS SU RDZOGS PAR BYED DO, ,CHOS KYI SPRIN DU NI CHOS MA LUS PAR RDZOGS PA STE, CHU CHEN PO'I SPRIN LTA BUR SANGS RGYAS KYI CHOS BDUD RTZI'I CHAR PAS 'JIG RTEN SIM PAR BYED PA THAMS CAD MKHYEN PAS DBANG BSKUR ZHING DAR LA SRAB MOS G-YOGS PA LTA BUR SHES PAR BYA BA'I @200B DKYIL 'KHOR MTHA' DAG SHES TE, NYON MONGS PA MED PA'I MI SHES PA'I BAG CHAS MNYAM PAR 'JOG PA MED PAS SA BCUR SPONG BAR BYAS PA SPANGS PAR 'GYUR TE, THAMS CAD MKHYEN PAR 'GYUR RO, ,MTHONG PA'I LAM NI CHOS DANG GANG ZAG LA BDAG MED PA'I TING NGE 'DZIN THOB PA'I PHYIR RAB TU DGA' BA'I SAR SKYE STE, 'DUNGS PA LA SOGS PA'I NYON MONGS PA SPANGS SHING, SBYIN PA LA SOGS PA'I PHA ROL TU PHYIN PA YONGS SU RDZOGS PAR BYED PAS NA NYAN THOS RNAMS LAS KHYAD PAR DU PHYE BA RNAMS SO, ,TSUL NI RNAM PA GNYIS SO ZHES BYA BA LA SOGS PA LA BSTAN PA'I TSUL NI SNANG BA TZAM GYIS GNYIS KYI RNAM PA'I YE SHES TE, SBYIN PA LA SOGS PA'I TSOGS DANG, SNANG BA DANG BCAS PA'I TING NGE 'DZIN GYI SKU DANG, SO SOR SNANG BA MTSAN NYID KYI CHO 'PHRUL DANG, DBYANGS KYI DKYIL 'KHOR DANG, BDAG DANG GZHAN GYI DON DU 'BYED PA'I SA'I KHYAD PAR THA DAD PA'I THABS SNA TSOGS PA DANG, DE BZHIN DU PHUNG PO DANG, KHAMS DANG, SKYE MCHED DANG, RTAN CING 'BREL TE 'BYUNG BA DANG, BYANG CHUB KYI PHYOGS KYI CHOS SUM CU RTZA BDUN DANG, STOBS BCU DANG, MI 'JIGS PA LA SOGS PA GNYIS KYI RNAM PAR SNANG BA NI BSTAN PA'I TSUL LO, ,GRUB PA'I MTHA' SO SOR BZHAG PA'I TSUL NI NAM SHES RAB KYIS DPYAD DE SHES PAR BYA BA SBOM PO DANG, PHRA MO RNAM PAR GZHIGS NAS MI DMIGS PA DE NI BSAM PA MED CING SNANG BA MED PA DON DAM PA'I BDEN PA GNYIS SU MED PA'I BYANG CHUB RANG BZHIN GYIS 'OD GSAL BA RNAL 'BYOR PA RNAMS LA GNAS SO, ,SNANG BA DANG BCAS PA'I TING NGE 'DZIN LA THAMS CAD MKHYEN PA BZHUGS PA NI SPYI'I RNAM PAR DE'I CHOS STON PA 'BYUNG NGO, ,BDE BAR 'DZIN CING CHUD PAR BYA BA'I DON DU THAMS CAD MKHYEN PAS BSDU BA'I TSIGS SU BCAD PA, NGA YI TSUL NI RNAM GNYIS TE, ,GRUB PA'I MTHA' DANG BSTAN PA'O, ,BYIS PA RNAMS LA BRJOD PA BSHAD, ,RNAL 'BYOR CAN LA GRUB MTHA'O, ,'JUG PA'I RIM GYIS THAMS CAD MKHYEN PAS CHOS STON PA NI GNYIS DANG, MI GNYIS PA'O, ,GCIG DANG, THA DAD PA DANG, GNYI GA DANG, GNYI GA @201A *, ,MA YIN PA'I PHYOGS DANG, BRAL BA ZHES PA NI MU STEGS CAN GNYIS DANG, MI GNYIS PAR SMRA BA RNAMS KYIS TSANGS PA DANG, DBANG PO LA SOGS PA GCIG PA KUN RTOG PAR BYED PA NI JI LTAR RIG SNGAGS 'DZIN PA'I MTHAR SMRA PAS, 'DI THAMS CAD TSANGS PA ZHI BA YIN PAS NA BSTAN PAR BYA'O ZHES PA DE DAG LA GROL BA DANG, MA GROL BA DANG, PHYUG PA DANG, DBUL BA LA SOGS PA GCIG PA'I SKYON DU 'GYUR RO, ,GZHAN DAG GRANGS CAN DANG, NE YI YA YI KA DANG, KHYAD PAR CAN RNAMS KYIS 'DZIN PA DANG, GZUNG BA THA DAD PAS GNYI GAR 'DOD DE, DE DAG GI DE KHO NA NYID NYI SHU LNGA DANG, TSIG GI DON BCU DRUG DANG, DRUG YOD DO, ,GNYIS PA NI KshA PA NA KA DANG, DPYOD PA CAN RNAMS THA DAD PA DANG, MI DAD PAR RTOG PAR BYED DE, PHYI ROL GYI DON GYI DNGOS PO MED PA'I PHYIR GNYIS KYI RNAM PA'I SHES PA THAMS CAD RMI LAM DANG MIG 'PHRUL DANG, RAB RIB DANG, GZUGS BRNYAN LA SOGS PA BZHIN DU MA SKYES PA DANG, DES NA GNYIS KA DANG, GNYIS KA MA YIN PA DANG, SKYE BA DANG MI SKYE BA LA SOGS PA'I RNAM PAR RTOG PA GANG YIN PA DE DAG GNYIS KYI RNAM PA'I RNAM PAR SHES PA LA RNAM PAR BRTAG GO, ,SEMS CAN GANG DAG LA BSLAD PA YOD PA DE DAG THAMS CAD 'JIG RTEN RGYANG PAN PAR SMRA BA LHUNG NGO, ,'JIG RTEN RGYANG PAN PA NI SHES PA PHYIN CI LOG PA STE, MI RTAG PA DANG, BDAG MED PA DANG, MI GTZANG BA DANG, SDUG BSNGAL BA DANG, STONG PA RNAMS LA MA RIG PA'I MTHUS SEMS CAN RNAMS RTAG PA DANG, BDAG DANG, BDE BA DANG, GTZANG BA'I DNGOS POR YONGS SU SHES SO, ,DES NA MU STEGS BYED RTAG PA DANG, GCIG PA DANG, BDAG DANG PHYI ROL DANG, GNYIS PA LA SOGS PA SMRA PA RNAMS KYIS NI 'JIG RTEN RGYANG PAN PA'I LOG PA'I SHES PA THAMS CAD STON TO, ,DE'I PHYIR DE DAG LA 'PHAGS PA BLO GROS CHEN POS GLENGS PA, BCOM LDAN 'DAS KYANG 'JIG RTEN RGYANG PAN NYID KYANG STON TAM ZHES TE, BCOM LDAN 'DAS KYIS BKA' STZAL PA, BLO GROS CHEN PO NGA NI 'JIG RTEN RGYANG PAN MI 'CHAD DE, JI LTAR ZHE NA, 'DU BA DANG ZAD PA MA YIN @201B GYI ZHES PA STE, GNYIS KYI RNAM PA'I SHES PA LA BYED PA DANG, BYED PA PO 'BREL PAR RTOGS PAS 'DU BA DANG ZAD PA'I RNAM PAR RTOG PA DANG, SKYE BA DANG, GNAS PA DANG, 'GOG PA LA SOGS PA'I CHOS GZHAN PA RNAM PAR RTOG PAR 'GYUR GYI, SKAD CIG MA'I RGYUN GYIS MI GNYIS PA BRJOD DU MED PA YANG DAG PAR RIG PA LA LUNG STON PA LA SOGS PA RTAG PA'I SKYE BA DANG, 'JIG PA LA SOGS PA'I CHOS LHAG PA RNAMS MED DO, ,DE BAS BYED PA DANG, BYED PA PO DANG, MNGON PAR 'BRAL BA DANG BRAL BAR BYED PA MED PA'I RTEN CING 'BREL BAR 'BYUNG BA NI MI 'BYUNG BA STE, SNGA MA'I 'OG TU 'DI YOD CES BYA BA 'BA' ZHIG GO, ,RGYU DANG 'BRAS BU ZHES BYA BA NI BTAGS PA'I CHOS SO, ,MU STEGS BYED RNAMS KYI RTAG PA NI RGYU MED PA'I PHYIR MO GSHAM GYI BU LA SOGS PA BZHIN DU MED PA, TSANGS PA DANG DBANG PO LA SOGS PA RTAG CING GCIG PA RNAMS RGYU MA YIN TE, MO GSHAM GYI BU LA SOGS PA BZHIN DU MA SKYES PA'I PHYIR RO, ,DNGOS PO MED PAR YANG RTAG PA DANG, GCIG PA YANG MI RUNG STE, RI BONG GI RVA LA SOGS PA BZHIN NO, ,GCIG LA DU MAR MI RIGS TE, GZUGS CAN DANG, GZUGS MED PA DANG, GRANG BA DANG, ME LA SOGS PA BZHIN NO, ,GNYI GAR SMRA BAR YANG MI RUNG STE, PHYI ROL GYI DON MED PAS 'DZIN PA MED PA STE, DES TSAD MA DANG GZHAL BYA LA SOGS PA'I TSIG GI DON RNAMS KYIS SLU BA DANG, SLU BA MED PAR NGES PAR GZHAG PA NI RMI LAM DANG, MIG 'PHRUL LA SOGS PA BZHIN NO, , PHYI ROL GYI 'BYUNG BA'I TSIG RNAMS RTAG PAR YANG SHES PA SO SOR SNANG BA LAS MA GTOGS PA DNGOS PO MED PA'I PHYIR 'JIG RTEN RGYANG PAN PAR SMRA BA MI RUNG NGO, ,SA DANG, CHU DANG, ME DANG, RLUNG NI YANG DAG PA YIN TE, DE DAG LAS TSOR BAR 'BYUNG NGO ZHES BYA BA NI MI RUNG NGO, ,'BYUNG BA SBOM PO DANG PHRA MO RNAM PAR PHYE BA NA, KHANG PA DANG, SDE DANG, NAGS TSAL LA SOGS PA BZHIN DU STONG PA NYID DO, ,KLA PA NA KA DANG, DPYOD PA PA RNAMS KYI THA DAD PA DANG, THA DAD PA MA YIN PAR SMRA BA YANG MI RUNG STE, RANG BZHIN GCIG LA RANG BZHIN GNYIS SU MED PA'I PHYIR YOD PAR @202A *, ,GYUR PA DANG, MED PAR GYUR PA DANG, DNGOS PO DANG, DNGOS PO MED PA DAG RANG BZHIN 'GA' TE, DES NA YOD KYANG YONG LA MED KYANG MED PA DANG, SMRA BAR MI BYA BA DE DAG KYANG MI RUNG NGO, ,DE BZHIN DU DNGOS PO DANG DNGOS PO MED PA GNYIS KAR YANG 'GAL BA GCIG TU SMRA BAR MI BYA BA'I RANG BZHIN YANG MI RUNG NGO, ,THEG PA CHEN PO LA DNGOS PO DANG, DNGOS PO MED PA'I RNAM PAR RTOG PA DANG BRAL BA'I DON DAM PA JI LTA BU ZHE NA, DE LA BYIS PAS DNGOS PO DANG, DNGOS POR BRTAGS PA'I RNAM PAR RTOG PA SPANGS TE, RANG BZHIN GYIS 'OD GSAL BA'I CHUD PA DON DAM PA RTOGS NAS DE BZHIN DU THAMS CAD MKHYEN PAS GNYIS SU MED PAR SPYI'I RNAM PAR STON PA MDZAD DO, ,DE'I PHYIR 'DI SKAD DU BKA' STZAL PA, BLO GROS CHEN POR NI MU STEGS BYED THAMS CAD KYI RNAM PAR RTOG PA'I NANG DU GTOGS PAR MI 'CHAD DO ZHES PA'O, ,JI LTAR NA YANG BDE BAR GSHEGS PA'I BLO'I KHYAD PAR BYA ZHES DE SKAD DU THUGS DOGS NAS THAMS CAD MKHYEN PAS BKA' STZAL PA, DE CI'I PHYIR ZHE NA, 'DI LTA STE, PHYI ROL GYI DNGOS PO DANG DNGOS PO MED PA LA MA CHAGS SHING RANG GI SEMS SNANG BA TZAM LA GNAS PA DANG, 'JUG PA RNAM PA GNYIS SU MED PAR RNAM PAR RTOG PA MI 'JUG PA DANG, MTSAN MA'I SPYOD YUL MED PA DANG, RANG GI SEMS SNANG BA TZAM DU RANG GI SEMS SNANG BA'I RNAM PAR RTOG PA MI 'JUG GO ZHES PA STE, DES NA MU STEGS BYED GNYIS PA DANG, MI GNYIS PAR SMRA BA RNAMS LAS THAMS CAD MKHYEN PAS RANG GI BLO'I KHYAD PAR GSUNGS PA'O, , PHYI ROL GYI DNGOS PO DANG DNGOS PO MED PAS GRANGS CAN DANG, NE YI YA YI KA DANG, KHYAD PAR CAN DANG, KshA PA NA KA DANG, DPYOD PA CAN DANG, 'JIG RTEN RGYANG PAN PA'I PHYI ROL GYI DON DU SMRA BA RNAMS LAS BDE BAR GSHEGS PA'I BLO'I KHYAD PAR DU PHYE BA'O, ,PHYI ROL GYI SBOM PO DANG, PHRA MO PHYOGS KYI CHA THA DAD PAR DBYE BA NA KHANG PA DANG, SDE DANG, NAGS TSAL LA SOGS PA BZHIN DU STONG PAR 'GYUR TE, DES NA PHYI ROL GYI DON MED DO, ,GANG GI TSE NA DMIGS PAR BYA BA DE MI DMIGS PA DE'I TSE RANG GI SEMS NOR PA LAS GROL BAS MI GNYIS PA'I SKAD CIG MA'I RGYUN YANG @202B DAG PAR KHONG DU CHUD PAR 'GYUR GYI, SAMS CAN THAMS CAD KYI RANG BZHIN LA RTAG PA DANG GCIG PA DANG, BDAG DE DAG GI NGO BO NYID KHONG DU CHUD PAR NI MA YIN NO, ,DE'I PHYIR MI GNYIS PAR SMRA BA RNAMS KYI GROL BA DANG, MA GROL BA DANG, PHYUG PA DANG DBUL BA LA SOGS PA GCIG PA'I SKYON DU 'GYUR RO, ,RTAG PA NI MA SKYES PA'I PHYIR MO GSHAM GYI BU LA SOGS PA BZHIN DU MED PA'O, ,BDE BAR GSHEGS PA RNAMS KYI SKAD CIG MA'I RGYUN DU 'BYUNG BA CHUD PA RNAMS NI MANG STE, DAG PA'I DUS NA DNGOS PO DANG DNGOS PO MED PA'AM, MI RTOG CING BSAM PA MED PA SNANG BA MED PA DON DAM PA'I BDEN PA MI GNYIS PA'I CHUD PA RNAMS SU 'GYUR RO, ,DES NA MU STEGS BYED RNAMS KYI LTAR RTAG PA DANG, MI GCIG PAR MI RUNG NGO, ,SANGS RGYAS PA'I CHUD PA RNAMS KYI KHYAD PAR NI 'KHOR BA'I DUS SU SDUG BSNGAL THA DAD PA DU MAS PHYE BA YIN NO, ,GROL BA'I DUS NI SDUG BSNGAL ZHI LAS GROL ZHING RAB ZHI BA'I TING NGE 'DZIN GYIS KHYAD PAR RNAMS SU 'GYUR RO, ,DE BZHIN DU YANG GNAS THA DAD PA PHYE BA NA SHING DANG, THAL BA LA SOGS PA BZHIN DU GCIG PAR MI RUNG NGO, ,DES NA STONG PA NYID DANG, MTSAN MA MED PA DANG, SMON PA MED PA'I RNAM PAR THAR PA'I SNANG BA MED PA'I SGO LA ZHUGS PA GZHAN GYI DON DU THAMS CAD MKHYEN PA SNANG BA DANG BCAS PA'I TING NGE 'DZIN LA BZHUGS PAR 'GYUR RO, ,'PHAGS PA LANG KAR GSHEGS PA YE SHES DPAL BZANG POS SBYAR BA'I LE'U GSUM PA LAS GRUB PA'I MTHAR 'JUG PA'I LE'U PHRAN BCU GCIG PA'O,, ,,NGAS MNGON PAR SHES PA ZHES BYA BA LA SOGS PA NI THAMS CAD MKHYEN PA LAS DUS GCIG NA 'JIG RTEN RGYANG PA NA PAS GSOL PA STE, KYE GOO'U TA MA THAMS CAD NI BYAS PA'O, ,BLO GROS CHEN PO NGAS DE LA 'DI SKAD CES BYAS SO, ,KYE BRAM ZE GAL TE THAMS CAD BYAS SHE NA; 'DI NI 'JIG RTEN RGYANG PAN DANG PO'O, ,DER THAMS CAD MKHYEN PA'I DGONGS PA CIR BRTAG CE NA, 'JIG RTEN DU BYA BA DANG, BYED PA LA MNGON PAR 'BREL TE, YE SHES BYAS PA DANG DE LAS 'BYUNG ZHING, RTAG PA LAS 'BYUNG BA'O, ,CHOS RNAMS NI SUS KYANG MI BYED DE, SNGA MA'I @203A *, ,'OG TU 'DI YOD PAS 'DI YOD DO ZHES BYA BA 'BA' ZHIG STE, DE CHOS SU BRTAGS PA'O, ,RGYU MED CING MA BYAS PA'I RTAG PA NI MI RUNG STE, DNGOS PO MED PAS NA RI BONG GI RVA BZHIN NO, ,DE BZHIN DU MI RTAG PA LA SOGS PA'I CHOS RNAMS SKAD CIG PA LA THA DAD PAR MI RUNG STE, JI LTAR 'PHAGS PA DGE 'DUN CHEN PO PA RNAMS KLOG PA, 'DU BYED THAMS CAD SKAD CIG PA, ,MI BRTAN BYED PA GA LA ZHIG ,GANG BYUNG BYED PA DE NYID DE, ,BYED PA PO YANG DER BRJOD DO, ,JI LTAR BAR TI KA LAS 'BYUNG BA, DE YI CUNG ZAD YOD PA MIN, ,MED PAR 'GYUR BA 'BA' ZHIG STE, ,DNGOS PO LA DE, RNAM RTOG 'GYUR, ,TSUL NI DNGOS PO RJES THOGS PHYIR, ,ZHES PA STE, DES NA SKAD CIG PA LA SKYE BA DANG, 'GOG PA LA SOGS PA GZHAN DAG YOD PAR MI RIGS TE, DE'I PHYIR MU STEGS CAN GYI THAMS CAD RTAG PA DANG, GCIG PA DANG, GNYIS KA DANG, GNYIS KA MA YIN PAR ZHES PAR RNAM PAR RTOG PA RNAMS NI MI RUNG STE, DE LTA BUR NI SNGAR BSAL BA'O, ,THAMS CAD BSKYED PA DANG SKYED PA MA YIN ZHES PA NI BRJOD DU MED PA'I SKAD CIG PA LA SKYED PA LA SOGS PA'I LHAG PA MI RIGS TE, DE DE BZHIN DU BYAS PA DANG, MA BYAS PA DANG, RTAG PA DANG, MI RTAG PA DANG, BDAG DANG, BDAG MA YIN PA DANG, SKAD CIG PA DANG, SKAD CIG MA YIN PA LA SOGS PA SO SOR SNANG BA'I RNAM PAR RTOG PA NI GNAS NGAN LEN PA'I BAG CHAGS YONGS SU SMIN PA LAS SKYES PA'I GNYIS KYI RNAM PA'I SHES PA LA RAB TU 'JUG GI ,GNYIS SU MED PA'I SKAD CIG MA'I RGYUN BRJOD DU MED PA'I YANG DAG PAR RIG PA LA NI MA YIN NO, ,RANG GI MTSAN NYID RANG GIS YANG DAG PAR RIG PA DER NI SKAD CIG GI RNAM PAR RTOG PA NI MI 'BYUNG STE, JI LTAR SLOB DPON DHARMA K'I RTIS SGRUB PAR BYED PA, BDE LA SOGS PA'I BDAG NYID NI, ,GZHAN DU MI RTEN 'BREL MI NUS, ,DE PHYIR DE DAG RANG RIG NI, ,MNGON PAR BRJOD DANG 'BREL PA MED, ,CES PA STE, DES NA RANG GI MTSAN NYID SKAD CIG MA'I RGYUN RNAM PAR RTOG PA YANG DAG PAR RIG PA NI BSTAN MI NUS TE, SPYI'I RNAM PAR BRTAGS PA'I DON NI THOG MA DANG THA MA'I MTHAR SONG BA MNGON DU BYA STE, SKAD CIG PA LA @203B SOGS PA'I SGRA YANG 'JUG GI RANG GI MTSAN NYID KYI SKAD CIG LA MA YIN NO, ,DES NA 'JIG RTEN RGYANG PAN PA'I THAMS CAD SKAD CIG PA DANG, THAMS CAD MKHYEN PA MA YIN PA DER BDE BAR GSHEGS PA DANG BDE BAR GSHEGS PA MA YIN PA MANG PO RNAMS NOR PAR ZHUGS PA STE, GZUGS BRNYAN LA SOGS PA BZHIN DU DNGOS PO RNAMS KYI RANG BZHIN MED PAS NI SKAD CIG MAR 'JIG PA'I DNGOS PO MED DO ZHES PA LA, JI LTA BUR SO SOR SNANG BA LA DE LTAR SKAD CIG PA RNAMS TE, SE GOL GYI SGRA BZHIN DU SNGA MA DANG PHYI MA'I DUS GNAS THA DAD PA BRAL BA YIN TE, SNA TSOGS PA NI KHANG PA DANG, SDE DANG, NAGS TSAL LA SOGS PA BZHIN DU GCIG MI RIGS TE, DE LA GNYIS KYI RNAM PAS GNOD PA'I PHYIR RO, ,DNGOS PO GCIG PA LA MI GNOD PA'I PHYIR JI LTAR NA GRUB PA'I RANG BZHIN MED, DER GNYIS KYI RNAM PA'I STONG PA NYID YANG DAG PAR RIG PA MNGON SUM GYI TSAD MA'O, ,GANG MI GNYIS PA DE NI RTAG PA ZHES MU STEGS CAN LA LAS DE LTAR RTOG PA DE YANG MI RUNG STE, 'KHOR BA'I DUS NA CHUD PA RGYUN DU SDUG BSNGAL DU MAS THA DAD PAS PHYE BA JI LTAR NA RTAG PA YIN, DAG PA'I DUS NA YANG SDUG BSNGAL LAS GROL TE GNAS GZHAN PA STE, DE LTAR NA YANG SHING DANG THAL PA LA SOGS PA BZHIN DU RIM PAR PHYE BA NA, JI LTAR NA GCIG PU RUNG, LA LAS NI SKAD CIG PA DANG, SKAD CIG PA MA YIN PA GNYIS KA'I NGO BO NYID DU RTOG PAR BYED PA, GRANG BA DANG MEL SOGS PA BZHIN DU RANG BZHIN GCIG LA DNGOS SO GNYIS ZHES PA DE NI MI RIGS SO, ,GZHAN DAG NI DNGOS PO MED PA'I PHYIR SKAD CIG PA YANG MA YIN, SKAD CIG PA MA YIN PA YANG MA YIN ZHES PA 'DI YANG MI RIGS TE, DNGOS PO LA NI SKAD CIG PA MED DE, DE'I RANG BZHIN RTAG PA NYID NI GNYIS KYI DNGOS PO MED PA'I PHYIR RANG BZHIN GCIG PA NYID DO, ,RMI LAM DANG, MIG 'PHRUL LA SOGS PA LTA BU'I 'DUS BYAS DANG, 'DUS MA BYAS DANG, RTAG PA DANG, MI RTAG PA DANG, SKAD CIG PA DANG, SKAD CIG PA MA YIN PA DANG, SKAD CIG PA MA YIN PA MA YIN PA DANG, SKAD CIG PA MA YIN PA YANG MA YIN @204A *, ,PA RNAM PA DE LTA BU NI RMI LAM DANG, RMI LAM MA YIN PAR DNGOS PO THA DAD PAR MYONG BA'I RANG BZHIN MED PA STE, GANG DE LTA BAS NA MA RIG PAS GLONGS TE, 'KHOR BA'I DUS KYI SHES PA THAMS CAD NI BDEN PA MA YIN PA NYID DO, ,GANG SHES RAB KYIS DPYAD DE GNYIS KYI RNAM PAS STONG PAR MTHONG BA DE NI BSAM DU MED CING SNANG BA MED PA DON DAM PA'I BDEN PA MI GNYIS PAR YANG DAG PAR RIG PA'O, ,DE YANG SKAD CIG PA DANG, SKAD CIG PA MA YIN PA KHO NA GANG GIS NGES PAR 'GYUR, MNGON SUM DU MYONG BAS SO, ,THAMS CAD MKHYEN PAS THAMS CAD SKAD CIG PA CIS NA ZHAL GYIS MI BZHES, MA DGONGS PA'I PHYIR RO DGONGS PA THA DAD PAS MIG LA SOGS PA'I SHES PA NI SRID PA GZHAN DU SKAD CIG MA'I MTSAN MAS SBYOR BA MED DO, ,SEMS NI SKAD CIG PA'I RGYUD KYIS RGYUN DU SRID PA GZHAN DU MTSAMS SBYOR BAR BYED DO, ,SE GOL GYI SGRA SKAD CIG PA GZHAN DU MTSAMS SBYOR BA MED DO, , DES NA THAMS CAD SKAD CIG MAR THAMS CAD MKHYEN PAS DGONGS PA'I DON DU MI RTAG GO, ,DGONGS PA NGES PAR 'GREL PA'I TSUL GYIS 'DUS BYAS DANG, 'DUS MA BYAS PA LTA BU STE, CHOS NYID YE GNAS PA DE NI DBANG PO LA SOGS PA SUS KYANG MI BYED DE, 'DUS MA BYAS PA YANG MA YIN PA NI SKAD CIG PA'I RGYUD DU 'DUS BYAS SO, ,DE LTAR NA THAMS CAD RTAG PA DANG, MI RTAG PA LA SOGS PAR THAMS CAD MKHYEN PAS DGONGS PA'I DON DU RTAG GO, ,PHYI ROL GYI DON DU SGRO BTAGS TE GNYIS KYI RNAM PA'I SHES PA LA SGRO BTAGS PA'I DON THAMS CAD KYI THA SNYAD 'JUG GI MI GNYIS PA'I SKAD CIG PA RNAM PAR MI RTOG PA LA NI MA YIN NO, ,DER SPYI'I RNAM PA THAMS CAD MKHYEN PA'I SGRA'I DON GYI THA SNYAD KYANG 'JUG GO, ,DE BZHIN DU SGRUB PAR MDZAD PA, KYE BRAM ZE NGA NI THOG MA MED PA'I DUS NAS SPROS PAR RNAM PAR RTOG PA'I BAG CHAGS GNAS NGAN LEN GYI RGYU LAS SRID PA GSUM SKYES PAS STON TE, BRAM ZE NGA NI SEMS SNANG BA TZAM DU KHONG DU MA CHUD PAS RNAM PAR RTOG PA 'BYUNG GI ,PHYI ROL GYI DNGOS PO DMIGS PA LAS NI MA YIN NO ZHES PA STE, SHES PA'I RNAM PA MA GTOGS PAR PHYI ROL GYI DON LA DMIGS PA MED DE, JI LTAR ZHE NA, BDAG DANG GZHAN GYI RGYUD KYI DBANG LAS THOG MA MED PA'I @204B SHES PA KUN TU SKYES PA NYID NI NANG GLONGS SHING MNYAM PAR MI 'JOG PA'I MA RIG PA RNAM PAR SMIN PA'I MTHU LAS MGO 'KHOR BA DANG, BRGYAL BA LA SOGS PA BZHIN DU RNAM PA SNA TSOGS PA RNAMS KYIS RNAM PAR GROL BA SNANG STE, DE NI RANG GI RNAM PA LA SEMS CAN RNAMS KYI THA SNYAD DO, ,RTAG PA DANG, GCIG PA DANG, BDAG DANG, BDAG GI DANG, GNYI GA DANG, GNYI GA MA YIN PA DANG, BYAS PA DANG MA BYAS PA DANG, RTAG PA DANG, MI RTAG PA DANG, SKAD CIG PA DANG, SKAD CIG PA MA YIN PA DANG, SKYES PA DANG, MA SKYES PA LA SOGS PA'I RNAM PAR RTOG PA RNAMS GNYIS KYI RNAM PA'I SHES PA LA RAB TU 'JUG GO, ,NAM SHES RAB KYIS DPYAD DE PHYI ROL GYI DON SBOM PO DANG, PHRA MO RNAM PAR PHYE BA NA MI DMIGS TE, DES NA BSAM PA MED CING SNANG BA MED PA DON DAM PA'I BDEN PA MI GNYIS PAR YANG DAG PAR RIG PA STE, RNAM PAR MI RTOG PA SKAD CIG PA'I RGYUN DU 'BYUNG YANG RANG GI MTSAN NYID SMRA BAR MI NUS TE DER SGRA'I DON MI 'BYUNG STE, DE LAS GZHAN PA THA SNYAD PA RNAMS KYI NGES PAR 'JAG PA RANG GIS RIG PA DBANG PO'I SHES PA BZHIN NO, ,'ON KYANG BRJOD DU MED PA'I DE KHO NA NYID LA SPYIR SGRO BTAGS PA'I THA SNYAD DO, ,GANG YOD PA DE THAMS CAD SKAD CIG PA STE, SE GOL GYI SGRA DANG, GLOG LA SOGS PA BZHIN DU THOG MA DANG THA MA'I DUS KYI GNAS THA DAD PA DANG 'BRAL BA'I SKAD CIG PA'I PHYIR RO, ,MI GNYIS PA'I SKAD CIG PA JI LTAR NA RTOGS PAR 'GYUR, THAMS CAD MKHYEN PAS YANG DAG PAR THUGS SU CHUD PA YANG DE LAS GZHAN PA'I THA SNYAD PA RNAMS KYIS JI LTAR NA RTOGS PAR 'GYUR, RNAL 'BYOR PA RNAMS KYI RANG GIS YANG DAG PAR RIG PA YANG DAG PAR RTOGS PA'I SKAD CIG PA'I RGYUN NI SNANG BA DANG BCAS PA DANG, SNANG BA MED PA'I TING NGE 'DZIN DU 'BYED PAS NA KUN GYIS RTOGS PAR MI 'GYUR RO, ,'KHOR BA PA RNAMS KYI SKAD CIG PA JI LTAR NA RNAM PAR GDON MI ZA BAR SO SOR SNANG, DE DAG LA RMI LAM DANG, RMI LAM MA YIN PA'I DUS KYIS SO SOR NGES PA MED PA'I PHYIR RO, ,JI LTAR SE GOL LA SOGS PA'I SGRA TZAM GYIS RMI LAM LA ZLA BA DANG, LO LA SOGS @205A *, ,PA KUN DU TSOR BA DE BZHIN DU GNYID KYIS MA LOG PA'I DUS NA YANG YIN NA 'KHOR BA'I DUS NA SKAD CIG PA LA SOGS PA'I DUS SO SOR JI LTAR NA DES GANG GI TSE NA THUNG BA DANG, RING BA LA SOGS PA'I SKAD CIG PA LA SOGS PA'I DUS SU SO SOR NGES PA MED NA, DE'I TSE DAG PA GNYIS SU MED PA'I SKAD CIG PA'I RGYUN LA JI LTAR NA YANG RJES SU DPAG PAR 'GYUR, SHING DANG THAL BA LA SOGS PA BZHIN DU RANG BZHIN THA DAD PA'I PHYIR DAG PA DANG MA DAG PA'I RANG BZHIN GYI PHYIR RIM PA YANG GCIG PAR MI RIGS TE, DES NA BDE BAR GSHEGS PA RNAMS KYI SKAD CIG MAR 'JIG PAR NGES PA 'DI NI RMI LAM DANG, MIG 'PHRUL LTA BU'I MA RIG PAS GLONGS PA'I SNANG BA MA GTOGS PAR RO, ,GNYIS SU MED PA DAG PA DANG MA DAG PA LA SOGS PAS DE THA DAD PAR DBYE BA NA TSANGS PA DANG, DBANG PO MI GNYIS PA LA SOGS PA'I RTOG PA LTA BUR RTAG CING GCIG PA MA YIN TE, DES NA MU STEGS BYED PA LAS BDE BAR GSHEGS PA'I BLO GROS ZHAN PA'O, ,PHYI ROL GYI DON DU SMRA BA'I KHYAD PAR CAN LA SOGS PA'I MU STEGS BYED PA BDAG DANG, DBANG PO DANG, YID DANG DON DU 'PHRAD PA LAS SHES PA SKYE'O ZHES RTOG PAR BYED DO, ,PHYI ROL GYI DON MED PAS THEG PA CHEN PO LA, LUS DANG LONGS SPYOD GNAS SNANG BA, ,KUN GZHI KUN DU 'BYUNG BA STE, ,RNAM BRGYAD RNAM DGU DE BZHIN DU, ,RGYA MTSO RLABS RNAMS BZHIN DU'O, ,ZHES PA STE, JI LTAR RMI LAM GYI DUS RNAM PA SNA TSOGS BSLAD PA'I BAG CHAGS YONGS SU SMIN PA'I MTHU LAS PHYI ROL GYI DON MED PAR YANG RNAM PAR SHES PA GCIG BU NYID LUS DANG LONGS SPYOD DANG GNAS SU SO SOR SNANG NGO, ,DE'I PHYIR THAMS CAD MKHYEN PAS BSGRUB PA MDZAD PA LTA BU NGA'I MA YIN NO, ,KYE BRAM ZE NGA NI RGYUR SMRA BA YANG MA YIN, RGYU MED PAR SMRA BA YANG MA YIN, GZHAN DU NA RNAM PAR RTOG PA NYID GZUNG BA DANG 'DZIN PA'I DNGOS PO RAB TU BZHAG PA STE, RTEN CING 'BREL TE 'BYUNG BAR BSTAN TO ZHES PA STE, RGYUR SMRA BA RNAMS LA NI PHYI ROL GYI DON RGYU MA YIN TE, SBOM PO DANG PHRA MO RNAM PAR PHYE BA NA MED PA'I PHYIR RO, ,JI LTAR MU STEGS BYED RNAMS @205B KYI BDAG DANG, DBANG PO DANG, YID DANG DON 'PHRAD PA LAS SHES PA SKYES PA DA LTAR MU STEGS CAN GYI BRTAGS PA YID DANG DBANG PO NI SANGS RGYAS PA RNAMS KYI MA YIN GYI, BSLAD PA'I BAG CHAGS YONGS SU SMIN PA'I MTHU LAS SNA TSOGS THA DAD PA'I RNAM PAR SHES PA SNANG NGO, , DE'I RGYU LAS YANG BYED PA DANG BYED PA POR MNGON PAR 'BREL PA'I BYA BA MED DE, SNGA MA'I 'OG TU 'DI YOD NA 'DI YOD DO ZHES BYA BA 'BA' ZHIG GO, ,RNAM PAR RTOG PA NYID CES PA NI SPYIR DON DU SGRO BTAGS PAR BZHAG NAS RTEN CING 'BREL TE 'BYUNG BA STON PA NI, GNYIS KYI RNAM PA'I SHES PA 'DZIN PA DANG GZUNG PA'I DNGOS PO STON GYI, GNYIS SU MED CING BRJOD DU MED PAS MA YIN PA NI DER DNGOS PO MED PA'I RNAM PAR RTOG PA MED PA'I PHYIR RO, ,BSAM PA MED CING SNANG BA MED PA MI GNYIS PAR YANG DAG PAR RIG PA'I SKAD CIG PA RNAMS MNGON SUM GYIS MYONG DU ZIN KYANG DE LTA BUR RNAM PAR RTOG PA'I SGRA'I DON DU THA SNYAD MED DO, ,DES NA RNAM PAR RTOG PA NYID GZUNG BA DANG 'DZIN PA'I DNGOS PO BZHAG STE, RTEN CING 'BREL TE 'BYUNG BA STON TO ZHES THAMS CAD MKHYEN PAS DGONGS PA'I DON TO, ,KHYOD LTA BU DANG GZHAN DAG GIS MI RIG GO ZHES PA NI SKYES PA LA SOGS PA'I CHOS DANG BRAL BA'I RTEN CING 'BREL TE 'BYUNG BA'O, ,BYED PA DANG BYED PA PO DANG MNGON PAR 'BREL TE 'BYUNG BAR MI RIG PA NI NAM SKAD CIG PA GCIG YOD PA DE NA GNYIS PO NI MED DO, ,DNGOS PO DANG DNGOS PO MED PA DAG 'BREL PA MED PA'I PHYIR DE LAS GZHIG ,GANG ZAG LA BDAG MED PA LA NI, 'DU BYED THAMS CAD SKAD CIG MA, ,MI BRTAN BYED PA GA LA ZHIG ,GANG BYUNG BYED PA DE NYID DE, ,BYED PA POR YANG DE NYID BRJOD, ,CES 'PHAGS PA DGE 'DUN CHEN PO PA RNAMS KYIS KLOG PA LTA BU'O, , SHIN TU RGYAS PA CHOS LA BDAG MED PAR YANG GNYIS KYI RNAM PA RNAMS KYI SKYE BA'I RANG BZHIN MED DE, RMI LAM DANG MIG 'PHRUL LA SOGS PA BZHIN NO, ,RNAM PA DE LTA BU'I GZHAN GYI DBANG LA SKYE BA YANG MED MI SKYE BA YANG MED, BYAS PA YANG MA YIN, MA BYAS PA YANG MA YIN, RTAG @206A *, ,PA YANG MA YIN, MI RTAG PA YANG MA YIN, DNGOS PO MA YIN DNGOS PO MED PA YANG MA YIN, SKAD CIG PA MA YIN SKAD CIG PA MA YIN PA KHO NA YANG MA YIN NO, ,'JIG RTEN RGYANG PAN PAS RNAM PA DE LTA BU KHAS BLANGS PA'I PHYI ROL GYI DON MED DO, ,MU STEGS BYED THAMS CAD KYIS RANG DANG SPYI'I MTSAN NYID RNAM PAR BRTAGS PA NI SEMS KYI SNANG BA MA GTOGS PAR BYED DO, ,BSAM PA MED CING SNANG BA MED PA DON DAM PA'I BDEN PA GNYIS SU MED PA'I MTSAN NYID KYI RGYUD YANG DAG PAR RIG PA'I MTSAN NYID KHYOD LTA BU'I PHYI ROL GYI DON LA MNGON PAR CHAGS SHING, 'JIG RTEN RGYANG PAN PAR SMRA BA GNAS PAS MI RIG GO, ,DES NI SA DANG, CHU DANG, ME DANG, RLUNG RNAMS DE KHO NA NYID DO ZHES LA, DE DAG LAS TSOR BA'I RNAM PAR SHES PA NI RA RO BA'I MTHU BZHIN LA, SROG NI CHU'I CHU BUR BZHIN TE, DE 'DUS PA LAS LUS DANG, DBANG PO DANG, BLOR 'DU SHES SO; ,'BYUNG BA SNA TSOGS THA DAD PA'I PHYIR 'GRO BA YANG SNA TSOGS PA STE, RMA BYA'I MDONGS KYI RI MO BZHIN NO ZHES PA 'JIG RTEN RGYANG PAN PA'I MDO LAS ZHI BA PA RNAMS LA PHYI ROL GYI DON MED PAR 'BYUNG BA PA RNAMS DANG, DE LA DAG PA LA TSOR BA 'BYUNG BA YANG MED DO, ,YE SHES KYI GONG MA'I KHYAD PAR GONG DANG GANG YIN PA DE DANG DE NI THOS PA DANG SEMS PA LA SOGS PA THOG MAR BYAS PA LAS BYUNG BA RNAMS TE, SLOB DPON GYI MKHAS PA'I KHYAD PAR BZHIN NO, ,SKYES MA THAG PA RNAMS KYANG SHES RAB DANG, DGA' BA DANG, 'JIGS PA DANG, MYA NGAN DANG, MI DGA' PA LA SOGS PAS BDE BA DANG, SDUG BSNGAL LA SOGS PA BSGRUB PA MTHONG NGO, ,DES NA SNGON GYI GOMS PA RJES SU DPAG GO, ,'GRO BA RNAM PA SNA TSOGS NI, GZHAN DU MI 'THAD PAS NA RGYU'I KHYAD PAR RJES SU DPAG GO, ,'BYUNG BA LAS NI 'BRAS BU THAMS CAD MTHUN PAR 'GYUR LA, BYUNG BA'I KHYAD PAR YANG SUS PHYED, GANG GIS DE DAG KHYAD PAR DU BYED PA DE DAG DGE BA DANG, MI DGE BA'I LAS SU GTOGS SO ZHES THAMS CAD MKHYEN PA'I DGONGS PAR BRTAG GO, ,KHYED LTA BUS MI RIG GO ZHES PA DANG, MU STEGS CAN GZHAN DAG GIS MI RIG GO ZHES PA NI BDAG @206B TU MNGON PAR CHAGS PAR LHUNG BA'I RGYUD CAN GYI PHYIR RO, ,DE LA LA LA NI RTAG PA DANG GCIG PA'I BDAG TU MNGON PAR CHAGS PA NYID DO, ,'JIG RTEN JI LTAR ZHI BA PA DANG, RIG SNGAGS 'DZIN PA'I MTHAR SMRA BA PA RNAMS SO, ,DE DAG LA 'KHOR BA DANG THAR PA'I DUS NA SDUG BSNGAL DANG, SDUG BSNGAL MED PA LA SOGS PA THA DAD PAS PHYE BA'I PHYIR BDAG CI LTAR NA RTAG ,TSANGS PA DANG DBANG PO LA SOGS PA'I BDAG NYID YIN PA'I PHYIR GROL BA DANG, MA GROL BA DANG, PHYUG PA DANG, DBUL BA LA SOGS PA GCIG PA'I SKYON DU 'GYUR RO, ,GRANGS CAN LA SOGS PA RNAMS KYI SKYES BU YANG MANG STE, GANG GI TSE YUL KUN DU RIG PA NA BDE PA DANG, ,SDUG BSNGAL LA SOGS PA 'BYED PAS PHYE BA DE NI SKYES BU RTAG PAR YANG MI RUNG STE, DES NA BDE BAR GSHEGS PA'I TSUL 'KHOR BA DANG, THAR PAR RNAM PAR GNAS PA MU STEGS BYED PA RNAMS KYIS MI RIG GO, ,MYA NGAN LAS 'DAS PA NI JI LTAR BDUN BRGYA PA LAS 'BYUNG BA, MYA NGAN LAS 'DAS PA DE NYID DE, 'DI LTA STE BSAM PA MED PA NYID DO ZHES PA STE, DNGOS PO DANG DNGOS PO MED PAR RNAM PAR MI RTOG GO ZHES PA NI THAR PA'O, ,MYA NGAN LAS 'DAS PA DANG, NAM MKHA' DANG, SO SOR MA BRTAGS PA STE, 'GOG PA RNAMS KYI GSUM PA NYID RNAM PAR MI RTOG NA 'DUS BYAS DANG, 'DUS MA BYAS PA LTA CI SMOS, DNGOS PO DANG DNGOS PO MED PA'I RNAM PAR RTOG PA SPANGS TE, DNGOS PO DANG DNGOS PO MED PA MNYAM PA NYID KYIS RTOGS PAR 'GYUR RO ZHES SHES RAB KYI PHA ROL TU PHYIN PA LAS THAMS CAD MKHYEN PAS DGONGS PAR BRTAG GO, ,KYE GOO TA MA SRID PA GSUM PO 'DI MI SHES PA DANG, SRED PA DANG, LAS KYI RGYU LAS BYUNG NGAM, DE STE RGYU MED PAS, KYE BRAM ZE 'DI GNYIS KA YANG 'JIG RTEN RGYANG PAN PA'O ZHES PA GNYIS KA YANG JI LTAR NA 'JIG RTEN RGYANG PAN PA YIN ZHING DER THAMS CAD MKHYEN PA'I DGONGS PA CI ZHIG ,JI BZHIN DU RGYU LAS BYED PA PO DANG 'BREL BAR KUN DU RTOG PA DE BZHIN DU CHOS THAMS CAD LA LAS MED PAS MI SHES PA DANG, SRED PA DANG, LAS KYI RGYU LAS SRID PA GSUM 'BYUNG BA MED DO, ,RGYU MED PA LAS KYANG MA YIN TE, BDAG @207A *, ,LAS MA YIN GZHAN LAS MIN, ,GNYIS LAS MA YIN RGYU MED MIN, ,ZHES PA STE, 'ON KYANG SNGA MA'I 'OG TU 'DI YOD NA 'DI YOD DO ZHES CHOS SU BTAGS PA STE, RTEN CING 'BREL TE 'BYUNG BA NI 'BYUNG BA MED DE SKYE BA LA SOGS PA'I CHOS SKAD CIG PA LAS GUD NA MED DO, ,BRJOD DU MED CING GNYIS SU MED PA'I SKAD CIG PA'I RGYUD LA YANG RNAM PAR RTOG PA MI 'JUG GO, ,'DI YOD NA 'DI YOD DO ZHES BYA BA NI GZHAN GYI DBANG GNYIS RNAM PA LA CHOS SU BTAGS PA'I RNAM PAR RTOG PAR BYA'O, ,DNGOS PO THAMS CAD RANG DANG SPYI'I MTSAN NYID DU LTUNG BA'O ZHES PA NI 'JIG RTEN RGYANG PAN GYI RGAL BA STE, THAMS CAD MKHYEN PAS SPONG PA RANG DANG SPYI'I MTSAN NYID NI GNYIS KYI RNAM PA'I SHES PA LA PHYI ROL DANG, NANG GI DRO BA DANG, GRANG BA DANG, RTAG PA DANG MI RTAG PA'I DNGOS PO RNAM PAR BRTAG GO, ,DES NA NOR PAR SGRO BTAGS PA'I RNAM PA THAMS CAD LA RANG DANG SPYI'I MTSAN NYID DU BSHAD DO, ,JI LTAR DBU MA LAS, MTSON BYA MTSAN NYID GAL TE GZHAN, ,MTSAN LA MTSAN NYID MED PAR 'GYUR, ,GCIG NA DE GNYIS MI 'GRUB STE, ,THA DAD NA YANG GZHAN DU MED, ,CES PA'O, ,DE LTAR NA NANG DANG PHYI'I MTSAN NYID MED PA LA RNAM PAR RTOG PA DE'I PHYIR 'JIG RTEN RGYANG PAN LA KHYAB PA'I TSUL THAMS CAD MKHYEN PAS GSUNGS PA, BRAM ZE JI TZAM DU YID LAS RNAM PAR G-YOS PA DANG, PHYI ROL GYI DON LA MNGON PAR CHAGS SHING RNAM PAR RTOG PA TZAM DU 'JIG RTEN RGYANG PAN NO ZHES PA NI, JI TZAM DU PHYI ROL GYI DON LA MNGON PAR CHAGS SHING 'DZIN PA DANG GZUNG BA'I RNAM PAR RTOG PA SO SOR SNANG BA'I SHES PA NI LOG PA'I SHES PA'O, ,YID LA RNAM PAR G-YOS PA NI RTAG PA LA SOGS PA'I RNAM PAR 'JUG PA DE TZAM DU THAMS CAD 'JIG RTEN RGYANG PAN PA'O, ,GANG YANG DON DAM PA'I BDEN PA'I YE SHES DE NI BSAM PA MED CING SNANG BA MED PA MI GNYIS PA'I YANG DAG PAR RIG PA DNGOS PO DANG DNGOS PO MED PAR RNAM PAR RTOG PA STE, DES NI GNYIS KYI RNAM PAR RTOG PA'I RNAM PA THAMS CAD MI 'JUG GO, ,GRUB PA'I MTHA' 'DI NI BDEN BAR GSHEGS PA'I YIN TE, MU STEGS @207B BYED THAMS CAD LA MA GTOGS PAR RNAM PAR GZHAG GO, ,SKAD CIG PA'I RGYUN DU 'BYUNG BAS NA MU STEGS BYED PA'I RTAG PA LA SOGS PA DANG MTHUN PA'I CHOS MA YIN NO, ,PHYI ROL GYI DON MED PA'I PHYIR 'JIG RTEN RGYANG PAN GYI 'BYUNG BA'I RGYU LAS LOG CING RIG PAR ZHUGS PA STE, DGE BA DANG MI DGE BA'I LAS KYI BAG CHAGS YONGS SU SMIN PA LAS SKYES PA DANG, SHES RAB LA SOGS PA'I TSOGS LA GOMS PA LAS SKYES PA'I SEMS TE, DES NA 'JIG RTEN RGYANG PAN DGAG PA BSGRUB PAR RJES SU DPAG GO, ,SHES RAB KYIS DPYAD DE SBOM PO DANG PHRA MO RNAM PAR GZHIGS NAS GNYIS SU MED PA NI DMIGS SU ZIN KYANG, 'ON KYANG BSAM PA MED CING SNANG BA MED PA GNYIS SU MED PA'I MTSAN NYID KYI RGYUN YANG DAG PAR RIG PA NI DE LAS GZHAN PA NGES PAR 'JUG PA DBANG PO'I SHES PA YANG DAG PAR RIG PA BZHIN DU MNGON SUM MO, ,GRUB PA'I MTHA' 'DI NI MU STEGS CAN RNAMS KYI MA YIN LA 'JIG RTEN RGYANG PAN LA GRAGS PA YANG MA YIN NO, ,GRUB PA 'DI YANG STON TO ZHES THAMS CAD MKHYEN PA'I DGONGS PA RGYA CHER BSTAN PA MDOR RIG PAR BYA'O, ,PHYI ROL GYI 'BYUNG BAR SGRO 'DOGS PAS RNAM PAR RTOG PA 'BYUNG NGO, ,NAM SHES RAB KYIS DPYAD PA DE NI MI DMIGS SHING RNAM PAR RTOG PA LDOG STE, RANG GI MTSAN NYID DU 'DUG GO, ,CHUD PA 'KHRUGS PA NI DE 'KHRUG GO, ,SHES RAB KYIS DPYAD PAS NOR PA LDOG GO, ,CHUD PA GNAS LAS BYUNG BA NA GZHAN GYI DBANG LA BRTEN PA GNYIS KYI RNAM PA'I RNAM PAR RTOG PA 'JUG GO, ,MTSAN MA MI DMIGS PA NA RANG GI GNAS SU CHUD PA TZAM DU 'DUG GO, ,DE NI THAMS CAD MKHYEN PA NYID KYIS GSAL BAR BSHAD PA'O, ,ZANG ZING SDUD PA NI SRED PA SDUD PA STE SDUG BSNGAL GYI DON TO, ,SDUG BSNGAL YONGS SU ZAD PA NI DAG PA'I CHOS KYIS THOB PAR BYED DO, ,DES NA 'JIG RTEN RGYANG PAN GYI SMRA BA YONGS SU SPONG ZHING DAG PA'I CHOS THOB PAR BRTZON PAR BYA'O ZHES PA'O, ,'PHAGS PA LANG KAR GSHEGS PA YE SHES DPAL BZANG POS BSHAD PA SBYAR BA'I LE'U GSUM PA LAS 'JIG RTEN RGYANG PAN DPYAD PA'I LE'U STE @208A *, ,BCU GNYIS PA'O,, ,,DE LA BLO GROS CHEN POS CHOS SDUD PA GANG ZHE NA, 'DI LTA STE, RANG GI SEMS KYIS CHOS BDAG MED PA GNYIS KHONG DU CHUD PA DANG ZHES BYA BA LA SOGS PA DE LA BDAG MED PA GNYIS NI CHOS DANG GANG ZAG LA BDAG MED PA'O, ,JI LTAR MDO SDE 'DI NYID LAS GSUNGS PA, GZUGS NI RDUL PHRAN GZHIGS PA NA, ,RDUL PHRAN CHA NI MED PA STE, ,ZHES PAR PHUNG POR GNAS PA'I SDOM PO RNAMS PHYE ZHING, BTZOS PA DANG, MA BTZOS PA DANG, BSGUL BA DANG, MA BSGUL BA DANG, BSGRIBS PA DANG, MA BSGRIBS PA LA SOGS PAR PHYOGS KYI CHA THA DAD PAR PHYE BA NI KHANG PA DANG, SDE DANG, NAGS TSAL LA SOGS PA BZHIN DU STONG PAR 'GYUR RO, ,CHA MED PA'I RDUL PHRA MO RNAMS NI BLA 'OG TU CHAGS PAR MI RUNG STE, SEMS DANG SEMS LAS BYUNG BA BZHIN BAR LAN DU MAR BSHAD PA'O, ,GANG ZAG LA BDAG MED PAR YANG GANG YOD PA DE THAMS CAD SKAD CIG PA STE, SE GOL GYI SGRA DANG 'BAB CHU LA SOGS PA BZHIN NO, ,SMRA BA GZHAN DAG GIS BRTAGS PA'I BDAG DANG, TSANGS PA DANG, DBANG PO DANG, RDUL DANG, GTZO BO LA SOGS PA YOD PAR KHAS LEN TO, ,DE DAG GI BLO DANG RNAM PAR RTOG PAS DNGOS PO BLANGS PA MED DE, RTAG PA NI MED PA STE, MA SKYES PA'I PHYIR MO GSHAM GYI BU LA SOGS PA BZHIN NO, ,RIM DANG CIG CAR GYI DON GYI BYA BA 'GAL BA'I PHYIR RI BONG GI RVA LA SOGS PA BZHIN DU DNGOS PO MED PA'O, ,DE LTAR GANG ZAG LA BDAG MED PA YONGS SU SHES SHING SHES RAB KYIS DPYAD DE, RTAG PA DANG, BDAG DANG, BYED PA PO DANG, LAS DANG, BYED PA DANG, BYA BA DANG, GZUNG BA DANG, 'DZIN PA LA SOGS PA'I RNAM PAR RTOG PA MI 'JUG GO, ,JI LTAR 'PHAGS PA SHES RAB KYI PHA ROL TU PHYIN PA LAS, PHUNG POR MI GNAS PA DANG, RNAM PAR 'JIG PA'I PHYIR NANG STONG PA NYID CES BYA BA LA SOGS PA STE, DE BZHIN DU BDAG DANG BDAG GIR CHAGS PA MED PA'I PHYIR 'JUNGS PA SPANGS NAS SBYIN PA LA SOGS PA PHA ROL TU PHYIN PA THAMS CAD KYI BSOD NAMS DANG YE SHES KYI TSOGS KYIS RNAL 'BYOR GYI DBANG PO RNAMS KYI SA'I KHYAD @208B PAR GONG NAS GONG DU YUL LA DBANG ZHING SEMS DANG, YID DANG, YID KYI RNAM PAR SHES PA LDOG GO, ,JI LTAR NA DBANG THOB CES PA DANG, SANGS RGYAS THAMS CAD KYI YE SHES DBANG BSKUR BA RTOGS PA DANG, THUGS PA MED PA'I GNAS YONGS SU BZUNG BA DANG, CHOS THAMS CAD LA LHUN GYIS GRUB PAS DBANG BYED PA NI CHOS ZHES BYA'O ZHES PA STE, SA BCU THA DAD PAS PHA ROL TU PHYIN PA BCU RNAMS KYIS GONG MA'I YANG GONG MAR BSOD NAMS DANG YE SHES KYI TSOGS SU SBYOR BA MCHOG TU DBANG DU GYUR PAS DBANG DANG GZHAN GYI DON DU NUS PA'I RNAL 'BYOR GYI DBANG PO THAMS CAD MKHYEN PA NYID THOB CING SEMS CAN LA PHAN PAR 'JUG PAR 'GYUR RO, ,DE LA SDOM PA GNYIS PA DAD PA SPYOD PA LAS 'DAS TE, RAB TU DGA' BA'I SA LA TING NGE 'DZIN THOB NAS DBANG THOB PA NI 'KHOR BA LAS LOG PA YIN, DE BZHIN GSHEGS PA'I RIGS SU SKYES PA YIN, MANG DU THOS SHING 'JIGS PA MED PA YIN, DE 'KHOR GYI NANG DU SPA GONG BA MED PA YIN, DE KUN DU 'TSE BAS 'JIGS PA MED PA YIN, SANGS RGYAS BRGYA NI MTHONG, ZHING BRGYA NI BSKYOD, LUS BRGYA NI STON, GNYIS KYIS 'KHOR LOS SGYUR BA YIN, DGE BA BCU'I LAS KYI LAM DU SEMS CAN RNAMS DGOD PAR BYED, SEMS CAN THAMS CAD LA SBYIN PA BYIN PA NI ZAS 'DOD PA LA NI ZAS SBYIN ZHES BYA BA LA SOGS PA'I YON TAN RGYA CHER TE, SBYIN PA'I PHA ROL TU PHYIN PA SHAS CHE BAR 'GYUR RO, ,DRI MA MED PAR CHOS DANG GANG ZAG LA BDAG MED PA RTOG PAR 'DZIN PA DANG, GZUNG BA GNYIS KYI RNAM PAR RTOG PA LA MNGON PAR CHAGS PA MED PA'I PHYIR GNYIS SU MED PA'I TSUL KHRIMS KYI TING NGE 'DZIN LA GNAS PA NA TSUL KHRIMS KYI PHA ROL TU PHYIN PA SHAS CHE BAR 'GYUR RO, ,'OD BYED DU MNGON PAR SHES PA DANG, BZOD PA THOB PAS 'OD DANG LDAN PA'I PHYIR SNANG BAR 'GYUR RO, ,'OD 'PHROR 'JIG RTEN PA DANG, 'JIG RTEN LAS 'DAS PA'I CHOS RNAMS RTOGS PAR SPRO BAS BRTZON 'GRUS KYI PHA ROL TU PHYIN PA SHAS CHE'O, ,SHIN TU DKA' RGYAL DU RGYAL BAR DKA' BA'I NYON MONGS PA LAS RGYAL TE SEMS RTZE GCIG TU MNYAM PAR @209A *, ,'JOG PAS BSAM GTAN GYI PHA ROL TU PHYIN PA SHAS CHE'O, ,MNGON DU BAR NI RTEN CING 'BREL TE 'BYUNG BA LAS MTHUN PA DANG, MI MTHUN PAR 'JUG PAR SPYOD PAS SHES RAB KYI PHA ROL TU PHYIN PA SHAS CHE'O, ,RING DU SONG BA NI BYANG CHUB KYI PHYOGS KYI CHOS SUM CU RTZA BDUN RTOGS PA'I PHYIR RING DU SONG BA STE, KHAMS GSUM GYI 'DOD CHAGS DANG BRAL BA YANG SNYING RJE GZHAN GYI DON THABS KYIS BYED DE, DE NI THABS KYI PHA ROL TU PHYIN PA SHAS CHE'O, ,MI G-YO BAR RTEN CING 'BREL TE 'BYUNG BA SHES RAB KYIS DPYAD PA'I STONG PA NYID GNYIS SU MED CING SNANG BA MED PA'I TING NGE 'DZIN LAS LDANG ZHING DAG PA'I 'JIG RTEN PA SNANG BA DANG BCAS PA'I TING NGE 'DZIN SO SOR LTA BA'I YE SHES KYIS 'JIG RTEN SNANG BAR BYED CING GZHAN GYI DON DU SMON LAM GYI PHA ROL TU PHYIN PA SHAS CHE BAR 'GYUR RO, ,LEGS PA'I BLO GROS SU NI SO SOR YANG DAG PAR RIG PA'I TING NGE 'DZIN SO SOR LTA BA'I YE SHES BSAM PA DANG BAG LA NYAL BA THAMS CAD SHES SHING CHOS SMRA BA PO'I CHOS BSTAN PA RAB TU 'BYUNG STE, DE'I STOBS KYI PHA ROL TU PHYIN PA SHAS CHE BAR 'GYUR RO, ,CHOS KYI SPRIN DU NI CHOS MTHA' DAG SHES PA'I PHYIR THAMS CAD MKHYEN PA RNAMS KYIS DBANG BSKUR TE, DE'I YE SHES KYI PHA ROL TU PHYIN PA SHAS CHE BAR 'GYUR RO, ,SA BCUR SPONG BAR BYA BA NYON MONGS PA'I MI SHES PA BAG CHAGS DANG BCAS PA DES SPONG BA'I PHYIR THAMS CAD MKHYEN PA NYID DU 'GYUR RO, ,DE LTAR NA YANG DE CHOS THAMS CAD LA DBANG BYED CING RNAL 'BYOR THAMS CAD KYI DBANG PO SANGS RGYAS NYID DU 'GYUR RO, ,LHUN GYIS GRUB PA MED PA NI SA BDUN GYI BAR DU STE SA BRGYAD KYI DBANG PO RNAMS KYIS NI LHUN GYIS GRUB PA'O, ,SA DANG PO'I DBANG PO RNAMS KYIS YE SHES LA DBANG BYED MOD KYI 'ON KYANG THAMS CAD MKHYEN PA'I DUS SU RDZOGS PAR 'GYUR RO, ,TSE'I DBANG DANG, YO BYAD KYI DBANG DANG, LAS KYI DBANG THOB PAS NA 'KHOR BA LAS LOG PA YIN, DE KUN DU 'TSO BA LAS 'JIGS PA MED PA YIN ZHES BYA BA LA SOGS PA STE, DES NA SA DANG PO NAS BRTZAMS TE DBANG BYED PA YIN NO, ,JI LTAR GSUNGS PA, @209B TSE LAS YO BYAD MOS PA DANG, ,SMON LAM RDZU 'PHRUL SKYE DBANG DANG, ,CHOS SEMS DE BZHIN SHAS CHEN DANG, ,DBANG BCU 'DI DAG DBANG POS 'THOB, ,CES PA STE, DES NA DBANG BYED PAR 'GYUR RO, ,SA BCU THA DAD PAR PHYE BA NA THAMS CAD MKHYEN PA KHO NA THOB PAR BYED DO ZHES 'PHAGS PA SA BCU PA DANG 'DRA BAR THAMS CAD MKHYEN PAS 'DIR BSNYAD PA'O, ,LTA BA THAMS CAD LA SPROS PA LA RNAM PAR RTOG PA'I DNGOS PO MTHA' GNYIS SU LHUNG BAR BYED PAS ZHES BYA BA NI YOD PA DANG MED PA LA SOGS PAR LTA BA'I RNAM PAR RTOG PA STE, RDUL PHRA MO'I RANG BZHIN YOD PA RTAG PA'I GZUGS DANG, SBOM PO YAN LAG GI RDZAS NI BYED PA DANG LDAN PA NAS YON TAN DANG LDAN PA DANG, 'DU BA'I RGYU BA'I BAR DU RDZAS YOD LA RMI LAM GYI DUS NA MED DO ZHES SO, ,SHES RAB KYIS DPYAD NAS, GANG GI TSE NA SBOM PO DANG, PHRA MO RNAM PAR GZHIGS TE, MI DMIGS PA DE'I TSE LTA BA'I SPROS PA LA RNAM PAR RTOG PA SPONG NGO, ,MU STEGS BYED SMRA BA NI BYIS PA RNAMS PHAL CHER RTAG PA DANG, CHAD PA DANG, MTHA' GNYIS SU LHUNG BAR BYED DO, ,MKHAS PA RNAMS NI MA YIN NO, ,RGYU MED PAR SMRA BA YONGS SU BZUNG BAS RNAM PAR LTA BAR 'GYUR RO ZHES PA NI JI LTAR KHYAD PAR CAN LA SOGS PA YOD LA, RGYU DANG MI LDAN PA NI RTAG PA'O ZHES KUN RTOG PAR BYED DE, MTHONG BA DANG REG PA LA SOGS DON GCIG 'DZIN PAS NA, BDAG YOD DO ZHES SO, ,RGYU ZHIG PAR RGYU'I DNGOS PO MED PA'I PHYIR CHAD PAR LTA BAR 'GYUR TE ZHES PA NI RGYU 'JIG PA'I PHYIR SKAD CIG PA'I GNYIS PO LA 'BRAS BU'I DNGOS PO MED PAS SKAD CIG PA SNGA MA RGYU MA YIN NO, ,DE LTAR NA MU STEGS CAN RNAMS CHAD PAR LTA BAR 'GYUR RO, ,DRAN PA DANG SHES PA LA SOGS PA SKAD CIG MAR 'JIG PA LA MI RUNG NGO ZHES PAR RGOL BA LA THAMS CAD MKHYEN PAS KYANG GNAS PA'I PHYOGS SU GSUNGS PA, SKYE BA DANG, GNAS PA DANG, 'JIG PAR MI MTHONG BAS CHOS ZHES DE SKAD DU BYA'O ZHES PA STE, THAMS CAD MKHYEN PA'I DGONGS PA NI 'DI YIN TE, GANG YOD PA DE THAMS CAD SKAD CIG PA STE, SE GOL GYI SGRA DANG, 'BAB CHU LA SOGS PA BZHIN NO, ,RTAG PA NI MA SKYES PAS NA RI BONG GI RVA @210A *, ,LA SOGS PA BZHIN DU DNGOS PO MED DO, ,RIM DANG CIG CAR DU BYED PA DANG 'GAL BA'I PHYIR MO GSHAM GYI BU LA SOGS PA BZHIN DU MED DO, ,DE'I PHYIR DRAN PA DANG, SHES PA DANG, 'CHING BA DANG, GROL BA DANG, BDE BA LA SOGS PA SKAD CIG MAR 'JIG PA LA NI RUNG GI RTAG CING MI 'GYUR BA LA NI MA YIN NO, ,LUNG STON PA LA SKYE BA DANG GNAS PA DANG, 'JIG PA LA SOGS PA THA DAD PAR BYED PA DANG, BYED PA PO MNGON PAR 'BREL BAR KUN RTOG PA DE DAG MI RUNG STE, 'ON KYANG DE NYID MA BYUNG BA LAS BYUNG BA DANG, BYUNG BA LAS PHYIR MED PAR 'GYUR TE, DES NA SKYE BA DANG, GNAS PA DANG, 'JIG PA'I CHOS RTAG PA YIN TE DON DAM PA'I YOD PA NI MA YIN NO, ,JI LTAR DGE 'DUN CHEN PO RNAMS KLOG PA, 'DU BYED THAMS CAD SKAD CIG MA, ,MI BRTAN BYED PA GA LA ZHIG ,GANG BYUNG BYED PA DE NYID DE, ,BYED PA POR YANG DE NYID BRJOD, ,CES PA STE, DES NA BDAG MED PA GNYIS KA LA YANG SKAD CIG MAR 'JIG PA YOD CES THAMS CAD MKHYEN PAS DGONGS PA'O, ,'PHAGS PA LANG KAR GSHEGS PA YE SHES DPAL BZANG POS BSHAD PA SBYAR BA'I LE'U GSUM PA LAS CHOS DPYAD PA'I LE'U STE BCU GSUM PA'O,, ,, DE NAS YANG BYANG CHUB SEMS DPA' SEMS DPA' CHEN PO BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS 'DI LTA STE, MYA NGAN LAS 'DAS PA ZHES GANG MU STEGS BYED THAMS CAD RNAM PAR RTOG PA MYA NGAN LAS 'DAS PA MYA NGAN LAS 'DAS PA ZHES BGYI BA DAG GI TSIG LAGS SO, ,BCOM LDAN 'DAS KYIS BKA' STZAL PA, BLO GROS CHEN PO DE'I PHYIR SHIN TU LEGS PAR NYON LA ZHES BYA BA LA SOGS PA STE, MU STEGS BYED PA KHA CIG NI PHUNG PO DANG, KHAMS DANG, SKYE MCHED RNAMS 'GOG PA DANG, YUL LA 'DOD CHAGS DANG BRAL BA DANG, RTAG PA DANG CHOS MI MTHUN PA MTHONG BAS SEMS DANG SEMS LAS 'BYUNG BA MANG PO MI 'BYUNG STE, 'DAS PA DANG MA 'ONGS PA DANG DA LTAR GYI YUL RJES SU DRAN PA NI MAR ME DANG, SA BON DANG, RLUNG BZHIN DU RGYU ZAD PAS RNAM PAR RTOG PA MI 'JUG PAR BRJOD @210B DO; ,DE'I PHYIR DE DAG LA MYA NGAN LAS 'DAS PAR 'GYUR MOD KYI BLO GROS CHEN PO 'JIG PAR LTA BAS MYA NGAN LAS MI 'DA'O ZHES PA NI PHUNG PO DANG, KHAMS DANG, SKYE MCHED LA SOGS PA'I DPE MAR ME LA SOGS PAS YUL RNAMS SKAD CIG MAR 'JIG PA RNAM PAR SHES PA NAS 'JIG PA'I LTA BA GANG GIS MYA NGAN LAS 'DAS PAR RTOG PA DE DAG LA 'GRO BA THAMS CAD KYI THER ZUG TU SNGA MA'I SKAD CIG PA'I 'OG TU MYA NGAN LAS 'DAS PA NYID DO, ,DE'I PHYIR 'JIG PAR MTHONG BAS MYA NGAN LAS 'DAS PA MED DO ZHES THAMS CAD MKHYEN PA DGONGS PAR BRTAG GO, ,NYAN THOS RNAMS DANG, DGE SLONG SKYE BO'I CHOS BSAM PA CAN ZHES BYA BA RNAMS PHUNG PO 'JIG PAR LTA'O, ,THEG PA CHEN PO LA NI PHYI ROL GYI DON GYI DNGOS PO MED PAS, 'DZIN PA DANG GZUNG BA'I DNGOS PO MED PA'I PHYIR RTAG PA YANG MA YIN, MI RTAG PA YANG MA YIN NO, , JI LTAR 'PHAGS PA SHES RAB KYI PHA ROL TU PHYIN PA LAS RTAG PAR KUN DU MI MTHONG NGO, ,MI RTAG PAR YANG MA YIN NO ZHES PA DANG, BDE BA YANG MA YIN SDUG BSNGAL BA YANG MA YIN, DGE BA YANG MA YIN MI DGE BA YANG MA YIN ZHES BYA BA LA SOGS PA SMOS PA RGYA CHER RO, ,GZHAN DAG NI YUL GZHAN GYI GNAS SU SONG BA THAR PA'O ZHES BRJOD PA NI JI LTAR NYI MA'I DKYIL 'KHOR GYI DBUS NA THAR PAR 'GRO'O, ,KHA CIG NI RLUNG GIS KLAD PA BRTOL TE ZHI BA'I GNAS SU 'GRO'O ZHES RTOG GO, ,GANG NA GNAS SU 'GRO BA DE NA SKYE BA STE, SKYE BA GZHAN DU 'GRO BA NYID KYI KYIS MYA NGAN LAS 'DAS PA NI MA YIN TE, NYON MONGS PA ZAD NAS THAR PA'O ZHES THAMS CAD MKHYEN PAS DGONGS PA'O, ,DE BAS NA, NYON MONGS 'DOD SOGS BSGOS PA YIS, ,SEMS NYID 'KHOR PA YIN PA'I PHYIR, ,DE NYID DE LAS GROL BA NI, ,SRID PA'I MTHAR PHYIN ZHES PAR BRJOD, ,CES PA NI MU STEGS BYED PA KHA CIG NI BLO'I RIG PAR BYA BA MTHONG BA RNAM PAR GZHIG PAS THAR PA BRJOD DO, ,SHES PA LA BLO'I RIG PAR BYA BA ZHIG PAR MA MTHONG BAS THAR PA ZHES BYA BA NI MI RTAG PA SHES NAS SKYO BA THOB PA'O, ,DE NI NYON MONGS PA ZAD PAR BYA @211A *, ,BA THABS MI SHES TE, GAL TE RTAG PA DANG, BDAG TU CHAGS PAS 'KHOR BA'I SDUG BSNGAL 'BYUNG BA BDAG MED PA SHES NA LDOG GO ZHE NA NI DE'I TSE NA THAR PA'I THABS SU 'GYUR NA 'DU SHES KYI RNAM PAR RTOG PA BKAG STE 'KHOD CING JI LTAR SHES RAB KYI THABS RNAMS KYIS CHAGS PA LOG STE, JI LTAR 'GRO BA DE LTA BUR SKAD CIG MAR 'JIG PA MI SHES SO, ,KHA CIG NI RNAM PAR RTOG PA MI 'JUG CING RTAG PA DANG, MI RTAG PAR MTHONG BAS ZHES PA NI RGYUD KYI RGYUN DU GNAS PA'I RNAM PAR SHES PA LA BDAG TU SGRO BTAGS TE RTAG PA DANG, BDAG LA SOGS PA'I RDZAS SU BRTAGS NAS, BLO DANG SGRA DANG MI RNAMS MI RTOG GO ZHES RNAM PAR RTOG PA BZLOG CING DE'I YON TAN BLO LA SOGS PA SKYE BA RNAMS BKAG STE RNAM PAR RTOG GO, ,KHA CIG NI MTSAN MAR RNAM PAR RTOG PA MANG BA NI SDUG BSNGAL SKYE BA THOB PAR BYED PA'O SNYAM NAS, RANG GI SEMS SNANG BA TZAM LA MI MKHAS PA DAG MTSAN MAS 'JIGS SHING SKRAG STE MTSAN MA MTHONG BAS BDE BA 'DOD PA'I PHYIR MYA NGAN LAS 'DAS PA'I BLOR GYUR TE ZHES PA NI 'DU SHES KYI MTSAN MAR 'DZIN PA'I BDAG NYID DE, 'DU SHES SKRAN DANG 'DU SHES ZUG RDU'O SNYAN NAS DE LTA BUR 'DU SHES MED PA CAN YIN NO, ,RANG GI SEMS SNANG BA TZAM LA MI MKHAS PA NI, LUS DANG LONGS SPYOD GNAS SNANG BA, ,KUN GZHI KUN DU 'BYUNG BA STE, ,ZHES PA SHES RAB KYIS DPYAD PAS LDOG PA MI SHES NAS, BDAG RTAG PA NI MCHOG TU DGA' BA'I GNAS KYI MYA NGAN LAS 'DAS PAR RIG SNGAGS 'DZIN PA'I MTHAR SMRA BA RNAMS RTOG GO, ,GANG NA BDE BA'I KUN DU TSOR BA YOD PA DE NA SKYE BA GZHAN GYI GNAS TE, JI LTAR MYA NGAN LAS 'DAS PA YIN ZHES THAMS CAD MKHYEN PAS DGONGS PA'O, ,YANG KHA CIG NI NANG DANG PHYI'I CHOS THAMS CAD KYI RANG DANG SPYI'I MTSAN NYID KHONG DU CHUD CING 'DAS PA DANG, MA 'ONGS PA DANG, DA LTAR BYUNG BA'I DNGOS PO MI GNAS TE, MYA NGAN LAS 'DAS PAR RTOG GO ZHES PA NI ZHI BA PA DANG, GTOGS 'DOD PA DANG, TSANGS PA LA SOGS PA SMRA BA PO RNAMS KYIS DNGOS PO RNAMS SPYI DANG KHYAD PAR DU LDAN PA KUN DU @211B RTOG GO, ,JI LTAR, THAMS CAD 'DI NI ZHI BDAG STE, ,ZHI BA NYID LAS RAB TU BYUNG, ,'BYUNG PO KUN LA ZHI BA STE, ,GANG ZHI DE NI BDAG NYI DO, ,JI LTAR SHING LA ME YOD DANG, ,CHU NI SA LA YOD PA STE, ,DE LTAR 'BYUNG PO THAMS CAD LA, ,ZHI BA DAG PA RNAM PAR GNAS, ,BSTAN PA BYIN 'GRO DE BZHIN DU; ,GANG SAR CUNG ZAD YOD PA NI, ,THAMS CAD DE NI DBANG MCHOG GI ,BDAG NYID KHYAB STE GNAS PA'O, ,GTOGS 'DOD KYIS KYANG SMRAS PA, 'BYUNG PO KUN LA BDAG GNAS PAR, ,BDAG LA 'BYUNG PO THAMS CAD DE, ,BDAG LDAN DE LTAR SUS RIG PA, ,KUN DU MNYAM PAR MTHONG BA'O [?], TSANGS PAR SMRA BA LHA DRA HA RI LA SOGS PAS SGRUB PAR BYED PA, DE PHYIR DA ROD SA GNAS PA, ,SNANG BA'I GRONG NI 'GYUR BA MED, ,TSAD DANG LDAN PA'I SPRIN RNAMS NI, ,RLUNG LAS SKYE BA BZHIN DU'O, ,SO SOR TSIG DON DE DAG DANG, ,KHAMS KYI DON KYANG SMRA BA STE, ,DE YOD DANG NI DE CHE BA, BDAG NYID KHO NA NYID RNAMS SMRAS, ,ZHES PA STE, DE DE LTAR MI GNYIS PAR SMRA BA RNAMS KYIS SPYI DANG KHYAD PAR DU BRTAGS PA RNAM PA THAMS CAD KYI GROL BA DANG, MA GROL BA DANG, PHYUG DBUL LA SOGS PA GCIG PA'I SKYON DU 'GYUR RO, ,KshA PA NA KA DANG, DPYOD PA CAN GYIS THA DAD PA DANG, THA DAD PA MA YIN PAR BRTAGS PA YOD PA MA YIN TE, BDAG DANG GZHAN GYI RANG BZHIN GNYIS GCIG PA GCIG PU LA RANG BZHIN GNYIS MI SRID PA'I PHYIR GZUGS CAN DANG, GZUGS MED PA DANG, GRANG BA DANG, ME LA SOGS PA RNAMS GCIG PA'I SKYON DU 'GYUR BA'I STENG DU PHAN TSUN GYI 'BRAS BU MED PAR YANG 'GYUR RO, ,DES NA RANG DANG SPYI'I MTSAN NYID YONGS SU SHES PAS THAR PA MED DO ZHES THAMS CAD MKHYEN PAS DGONGS PA'O, ,KHA CIG NI BDAG DANG, SEMS CAN DANG, SROG DANG, GSO BA DANG, SKYES BU DANG, GANG ZAG DANG, CHOS THAMS CAD MI 'JIGS PAR MYA NGAN LAS 'DAS PAR RTOG GO ZHES PA NI THOS PA LAS TE, GAL TE BDAG LTA BAR BYAS NA SHES PAR BYA BA DANG, GDON MI ZA BAR BSTAN PAR BYA'O, ,'ON TE SKYE DGU MI 'DOD NA SKYE DGU CI BYA, GANG DAG LA 'JIG RTEN 'DI MED CING 'JIG RTEN GYI MI @212A *, ,RTAG PA NYID SHES NAS BDAG GI RNAL 'BYOR DU GNAS PA DE DAG LA NI JI TZAM DU BDAG TU CHAGS PA YOD PA DE TZAM DU THAR PA MED DO ZHES THAMS CAD MKHYEN PAS DGONGS PA'O, ,BDAG DANG SEMS CAN LA SOGS PA MING NI RNAM GRANGS KYI SGRA BCU GNYIS TE, MU STEGS BYED KYI THAR PAR KUN BRTAGS PA DE DAG RTAG LA GZUGS LA SOGS PA GZHAN NI MI RTAG BA'O ZHES PA STE, DES NA BDAG TU MNGON PAR CHAGS PA'I PHYI DE DAG THAR PAR MI 'GYUR RO, ,JI LTAR TING NGE 'DZIN GYI RGYAL PO LAS, GANG DAG BDAG GI 'DU SHES LA NI GNAS, ,DE DAG SDUG BSNGAL LA NI RAB TU GNAS, ,GANG NA SDUG BSNGAL LA NI MIN PA YI, ,BDAG MED PA'I NI BDAG MI SHES SO ZHES, ,ZHES PA'O, ,BLO GROS CHEN PO MU STEGS BYED MI MKHAS PA'I BLO CAN KHA CIG NI RANG BZHIN DANG SKYES BU'I BYE BRAG MTHONG BA DANG, YON TAN 'GYUR BA BYED PA PO'I PHYIR MYA NGAN LAS 'DAS PAR RTOG GO ZHES PA NI NE YI YA YI KA DANG, KHYAD PAR CAN RNAMS KYI YUL LAS SHIN TU SKYE STE, RTAG PAR BDAG TU SPYOR ZHING RANG GI YON TAN BLO LA SOGS PA KHAS BLANGS PAR SNGAR SMRAS PA RNAMS YONGS SU SPANG BA'I PHYIR THAR PA'O ZHES SO, ,GRANGS CAN RNAMS NI MI MKHAS PA'I BLO CAN DU THAMS CAD MKHYEN PAS GSUNGS PA STE, SGRA LA SOGS PAR DMIGS PA'I YON TAN SKYES BUS BYE BRAG TU MTHONG BA STE, GTZO NI SKYES BU'I DON YIN PAR RTOG GO, ,TSOR BA CAN GYI GZUGS LA SOGS PA'I YUL GYI KHYAD PAR YONGS SU SHES PAR GYUR DU ZIN KYANG RE LDE DANG RTZIG PA'I KHYAD PAR BZHIN TE, BDAG TU CHAGS PA MA LOG PA'I BAR DU, DE TZAM GYIS THAR PAR 'GYUR RAM, BSAM PA MED PA'I YON TAN RNAMS BYED PA PO YIN GYI BSAM PA YOD PA NI BYED PA PO MA YIN NO ZHES PAS NA MI MKHAS PA'I BLO CAN NO ZHES THAMS CAD MKHYEN PAS DGONGS PA'O, ,RANG BZHIN DANG, BDE BA DANG, SDUG BSNGAL DANG, GTI MUG GI MTSAN NYID DU YON TAN GSUM GYI BDAG NYID DANG, SKYES BU'I LONGS SPYOD DANG, YUL GYI NGO BO NYID DO, ,BLOS RTOGS PA'I DON NI SKYES BUS TSOR RO ZHES GRANGS CAN RNAMS KYIS RTOG GO, ,DE'I TSE NA @212B YANG YUL GDON MI ZA BAR YONGS SU BCAD PA NI BSAM PA DANG BCAS PA LA NI RIGS PAS NA BLO DANG SKYES BU JI LTAR NA THA DAD PAR RUNG ZHES BYA BAR BAR TI KA LAS ZHIB TU RTZOD DO, ,KHA CIG NI BSOD NAMS MA YIN PA YONGS SU ZAD PAS ZHES PA NI JI LTAR RIG SNGAGS KYI BUN DA KA'I RGYUD LAS, RNAL 'BYOR GYIS NI GTZUB GTAN GTZUB SHING NI, ,ZHES BSREGS PA MTHA' MED PA GSOD SDIG YIN TE ZHES BYA BA LA SOGS PA'O, ,JI LTAR BA DZA SA NA YA KA LAS BYUNG BA'I RIG SNGAGS NI RIG SNGAGS MA YIN NO, ,MCHOD SBYIN NI MCHOD SBYIN MA YIN NO, ,PHA NI PHA MA YIN NO, ,MA NI MA MA YIN NO ZHES BYA BA DES RKU BA MI RKU BAR 'GYUR RO, ,GDOL BU NI GDOL BU MA YIN NO, ,SME SHA CAN NI SME SHA CAN MA YIN NO, ,BRAM ZE NI BRAM ZE MA YIN PAR 'GYUR RO ZHES BYA BA LA SOGS PAR GANG GNYIS SU MI MTHONG BA DE NYID NA YE SHES MI GNYIS PA'O ZHES PA NI BDAG TU CHAGS PA LOG PA NA SDIG PA YONGS SU ZAD PAR 'GYUR RO, ,ZHI BA LA RTOG PA NI, BCOM LDAN 'DAS KYIS 'BYUNG GCIG GI ,BSOD NAMS SDIG PA ZAD PAR BYED, ,'BYUNG DANG 'DRA BA'I THAR PA MED, ,YI GE PHYI MO MTSUNGS RIG MED, ,GAL TE BDAG TU CHAGS PA MED PA MA YIN PAR RAB TU BYUNG BAS SDIG PA LDOG PAR 'GYUR NA NI LHAS RJES SU BZUNG BA TZAM DU BZHAG GI 'DOD CHAGS DANG MA BRAL BAR NI THAR PAR MI RUNG NGO, ,KHA CIG NI NYON MONGS PA ZAD PAR SHES PAS ZHES PA NI SHES RAB KYIS DPYAD PA MED PAR PHYI ROL GYI 'DOD CHAGS DAG BRAL BA RNAMS KYI YE SHES KYIS 'DOD CHAGS LA SOGS PA'I NYON MONGS PA ZAD DU ZIN KYANG BDAG TU CHAGS PAS NA PHYI ROL GYI RNAMS LA THAR PA MED DO ZHES THAMS CAD MKHYEN PAS DGONGS PA'O, ,DE BAS NA, SRID LA CHAGS MED BSAM GTAN PA, ,SRID PA'I THOG MAR PHYIN PA YANG, ,NGA RGYAL LCAGS KYUS DRANGS NAS SU, ,SEMS CAN DMYAL BAR YANG LHUNG NGO, ,KHA CIG NI 'JIG RTEN RNAMS NI DBANG POS RANG DBANG DU BYAS PAR MTHONG BAS MYA NGAN LAS 'DAS PA RTOG GO ZHES PA NI, BDAG GI SDUG BSNGAL BDE BA LA, ,SKYE BO MI SHES DBANG BYAR MED, , @213A *, ,NGAN SONG NGAM NI MTHO RIS SU, ,DBANG POS BSKYOD PA BZHIN DU 'GRO, ,DE STE DBANG PO'I TSIG BTZAN TE, ,MTHO RIS DANG THAR PA LA SOGS PAR 'GYUR NA NI DE'I TSE DBANG PO DE'I 'DOD CHAGS DANG BRAL BA'I PHYIR THAMS CAD NYID CIS NA THAR PAR MI 'GRO, ,'ON TE 'DOD CHAGS DANG BRAL BA MA YIN NA NI DE LA YANG NYON MONGS PA DANG MI SHES PA'I SDUG BSNGAL SUS BYAS, DE'I PHYIR DBANG POS 'JIG RTEN LA BDE BA DANG, SDUG BSNGAL LA SOGS PA BYED PA MED DO, ,YONGS SU DAG PA ZHIG NA NI THAL BAS SKUD PA DANG, RAL PA 'CHANG BA DANG; LHAB LHUB SNA TSOGS PA'I GAR DANG GLU LA SOGS PAS DBANG BO MGU STE, CIS NA THAR PAR KHRID, DES NA RTAG PA DANG BDAG TU CHAGS PA'I SRED PA DANG MA BRAL BA NI MI RUNG GI ,'DOD CHAGS DANG BRAL BA LA THAR PAR RUNG NGO, ,KHA CIG NI 'JIG RTEN GYI 'BYUNG BA 'DI NI GCIG GIS GCIG ZHUGS PA STE, RGYU LAS MA YIN NO ZHES DE LA RGYU LA MNGON PAR CHAGS PA BZHIN DU GTI MUG PAS KHONG DU MI CHUD DE DE KHONG DU MA CHUD PAS, MYA NGAN LAS 'DAS PA NI MED PAR RTOG GO ZHES PA NI SKYE BA'I SKYE BO RNAMS KYIS LAS KYI MTSAN MA DANG SKYE BA'I MA YANG RGYU, RGYU GANG MED PAS THAR PAR 'GYUR BA DE KHONG DU MI CHUNG NGO, ,BDAG LA CHAGS PA YOD NA LAS BYED DO, ,BDAG MED PAR SHES PAS MI BYED DO, ,BDAG TU CHAGS PA YOD NA NI JI LTAR NA LAS BYED PAR MI 'GYUR RO, ,LAS SU SMRA BA PO RNAMS KYIS BDAG LAS KYI SGRIB PA LAS 'GROL BAR 'GYUR RO ZHES DE CIS NA BRJOD, JI LTAR LAS KYI RGYUS SKYE BA STE, LAS MI BYED NA SKYE BAR MI 'GYUR RO ZHES SO, ,MYA NGAN LAS 'DAS PA'I RTZA BA'I RGYU NI BDAG MED PAR RIG PAR BYA'O ZHES THAMS CAD MKHYEN PA'I DGONGS PAR BRTAG GO, ,BLO GROS CHEN PO MU STEGS BYED KHA CIG NI BDEN PA'I LAM KHONG DU CHUD PAS MYA NGAN LAS 'DAS PAR RTOG GO ZHES PA NI JI LTAR NE YI YA YI KAS RTOG PA STE, SDUG BSNGAL 'BYUNG BA'I NYES PA NI LOG PA'I SHES PA RNAMS KYI STE, YANG NAS YANG DU LHUNG BAR BYED DO, ,DE LTAR MTSAN MAR SBYOR BA MED NA THAR PA'O ZHES @213B SO; ,LAS 'BYUNG NA SKYE BA DANG, RGA BA DANG, RGUD PA DANG, 'CHI BA'I SDUG BSNGAL LO, ,LAS KYANG 'DOD CHAGS LA SOGS PAS BYED DO, ,'DOD CHAGS LA SOGS PA NI LOG PA'I SHES PA LAS 'BYUNG NGO, ,MI RTAG PA DANG, SDUG BSNGAL BA DANG, MI MDZES PA YONGS SU SHES PAS LOG PA'I SHES PA SPANG NGO ZHES SO, ,DE LTA BUR BDEN PA'I SHES PA THAMS CAD MKHYEN PAS DGONGS PA STE, 'ON KYANG DE DAG LA BDAG MED PA'I YE SHES MED PAS DE BZHIN DU BDAG TU CHAGS PA'I PHYIR LAS DANG SKYE BA JI LTAR NA LDOG PAR 'GYUR, KHA CIG NI YON TAN DANG YON TAN CAN MNGON PAR KHONG DU CHUD CING GCIG PA DANG, THA DAD PA DANG, GNYI GA DANG, GNYI GA MA YIN PAR MTHONG BAS MYA NGAN LAS 'DAS PA'I BLOR 'GYUR RO ZHES PA NI KHYAD PAR CAN RNAMS KYIS BDAG GI YON TAN DGU RTZA BA NAS BCAD NA YON TAN CAN BDAG MTHAR RO ZHES RTOG GO, , MI GNYIS PAR SMRA BA RNAMS GCIG PA'I PHYIR TSANGS PA DANG, DBANG PO LA SOGS PA'I CHUD PA MTSUNGS PAS BDE BA DANG, SDUG BSNGAL BA DANG, GTI MUG RNAMS YON TAN GCIG PA YONGS SU SPANGS NAS THAR PA'O ZHES SO, ,JI LTAR GTOGS 'DOD KYIS SMRAS PA, LHA YI 'DI NI YON TAN CAN, ,NGA YI SGYU MA RGAL DKA' BAR, ,DE LTAR NGA LA SU RTOGS 'GYUR, ,DE DAG SGYU MA 'DI LAS RGAL, ,ZHE SO, ,DE BZHIN DU DBANG PO'I SGYU MA NI BYED PA'I MTHU STE, SKYES BU DANG, BUD MED KYI NYI SHU RTZA BZHI'I THA DAD PAS PHYE BA NI 'CHING BAR 'JUG GO, ,SHES PA'I MTHUS THAR PA'O, ,GNYIS KAR SMRA BA NI GNYIS SU SMRA BA'O, ,GNYIS KA'I MA YIN PAR SMRA BA NI GNYIS KA DANG GNYIS KA MA YIN PAR SMRA BA KshA PA NA KA STE, BDAG DANG, BYED PA PO DANG, PHYI ROL DU LTA BAR SMRA BA DE DAG LA BDAG TU CHAGS PA YOD KYI, BDAG MED PA'I YE SHES MED PAS NA 'KHOR BA JI LTAR NA YONGS SU ZAD PAR 'GYUR, KHA CIG NI RANG BZHIN LAS ZHES BYA BA LA SOGS PA NI 'JIG RTEN RGYANG PAN GYI PHYOGS NYID BRTAG STE, JI LTA BA BZHIN DU DNGOS PO 'DI DANG, RANG BZHIN LAS 'BYUNG BA DE BZHIN DU RNAM PAR 'JIG PA NI THAR PA'O ZHES SO, ,DE @214A *, ,NI SKYES MA THAG PA LA DGA' BA DANG, 'JIGS PA DANG, MYA NGAN KUN RTOGS BAS SNGON GYI GOMS PA RJES SU DPAG GO, ,SRED PA DANG BCAS PA NYID NI SKYE BA DANG 'DOD CHAGS DANG BRAL BA NI MI SKYE BAR MTHONG BA'I PHYIR DES NA SRED PA YONGS SU ZAD NA THAR PAR DGONGS PA'I DON DU BRTAG GO, ,GZHAN DU SKYE BA RJES SU DPAG PA NI LAN DU MAR BSHAD PA YIN NO, ,KHA CIG NI DE KHO NA NYID NYI SHU RTZA LNGA KHONG DU CHUD PAS ZHES PA NI GRANGS CAN RNAMS TE, KHA CIG NI DBANG POR 'DOD PA STE, KHA CIG NI DBANG PO MI 'DOD DE, DE KHO NA NYID NYI SHU RTZA LNGA'I STENG DU DBANG PO STE, BYED PA DANG BCAS PA DANG, BYED PA MED PA NI MYA NGAN LAS 'DAS PA'I RGYUR RTOG GO, ,KHO NA SHES PA NYI SHU LNGA, ,GNAS NI GAR DANG GAR YANG RUNG, ,MGO BREGS RAL PA PHUD BU CAN, ,GROL BA DER NI GDON MI ZA, ,ZHES PA NI SPYIR RO, ,DBANG POR MI SMRA BA RNAMS NI RANG BZHIN DANG SKYES BU'I BYE BRAG SHES PAS THAR PA ZHES 'DZER TO, ,DE KHO NA NYID NYI SHU RTZA LNGA LA SEMS PA NI SKYES BU'I NGO BO NYID DO, ,SEMS STOBS DANG, RDUL DANG, MUN PA MNYAM PA'I DUS NA GTZO BO GTZO LAS CHEN PO STE, DE NI BLO'I RNAM GRANGS SO, ,CHEN PO LAS NGA RGYAL LO, ,NGA RGYAL LAS SGRA LA SOGS PA'I YUL DE TZAM LNGA'O, ,DE TZAM LNGA LAS 'BYUNG BA LNGA DANG, BLO'I DBANG PO LNGA DANG, LAS KYI DBANG PO LNGA DANG, YID DE GRANGS CAN GYI LO RGYUS SO, ,KHYAD PAR CAN GYI BYE BRAG NI BLO DANG, BDE BA DANG, SDUG BSNGAL DANG, 'DOD PA DANG, ZHE SDANG DANG, NAN TAN DANG, CHOS DANG CHOS MA YIN PA DANG, 'DU BYED RNAMS BDAG GI YON TAN DGU ZAD NA THAR PA'O, ,GRANGS CAN RNAMS KYI NI YON TAN DANG SKYES BU'I KHYAD PAR MTHONG BAS SO, ,KHA CIG NI SKYE DGU SKYONG BA DANG, YON TAN DRUG BSTAN PA 'DZIN PAS MYA NGAN LAS 'DAS PA RTOG GO ZHES PA NI BDAG GI DON SPANGS LA, GZHAN GYI DON DU BSAM PA DAG CING SNYING RJE CAN GYI SKYE DGU SKYONG BAS YON TAN DRUG BSTAN PA 'DZIN PA'I PHYIR THAR PA ZHES TE SDUG BSNGAL ZAD PAR BRTAGS PA'O, ,YON TAN DRUG NI 'JAL DU MA DANG, 'THAB PA DANG, CHAB DANG, 'KHOD BA DANG, RTEN PA DANG, RNAM PA GNYIS @214B KYI DNGOS PO CHOS KYI TSUL GYIS CIS NA TSE GZHAN LAS THAR ZHES THAMS CAD MKHYEN PA'I SGRA'I DON LAS DGONGS PA'I DON DU BRTAG GO, ,KHA CIG NI BYED PA PO DUS MA YIN PAR MTHONG BA'I PHYIR ZHES BYA BA LA SOGS PA NI JI LTAR DUS KYI MTHU LAS SKYE BA DE LTAR DUS GZHAN DU THAR PA ZHES TE 'BRAS BU 'BYUNG BA NYID THAR PA'O, ,JI LTAR GTOGS 'DOD KYIS SMRAS PA, SROG DANG SROG MIN DBUGS SNYOMS NAS, ,SNA YI NANG DU RGYU BAR BYED, ,DBANG PO YID DANG BLO YANG BSNGAMS, ,THUB PA'I THAR PAR GNAS PA'O, ,ZHES SO, ,LHA CHEN POS KYANG SMRAS PA, RNAM PAR SNYOMS PA'I DBUGS KYIS NI, ,ZHAGS PA SUS NI MCHOD MI 'GYUR, ,ZHES BYA BA LA SOGS PA'O, ,BDAG TU CHAGS PA'I 'DOD CHAGS DANG BRAL BA LA, LAS DANG SKYE BA LAS THAR BAR RUNG NGO, ,BLO GROS CHEN PO KHA CIG NI SRID PAS SO ZHES PA NI CI LTAR MCHOD SBYIN GYIS MCHOD PAR GYUR PAS DE DAG GO, , GANG 'DIR LTA DANG LDAN PA'I YON NI MTHO RIS SU MTHO'O, ,GOS SBYIN PA NI NYI MA DANG LHAN CIG PA'O, ,GSER DNGUL SBYIN PA NI DE KHO NA NYID KYI BDUD RTZI ZA ZHING DE TSE MTHA' MED PA'O, ,KHA CIG NI SRID PA MED PAS SO ZHES PA NI KHRUS DANG SBYIN SREG LA SOGS PAR THAR PA RTOG GO, ,GANG G'A CHU DANG DE BZHIN MCHOD, ,GANG G'A RGYA MTSO 'DRES PAR NI, ,KHRUS BYED DE DAG MTHO RIS 'GRO, ,SHI BA DE DAG YANG SRID MED, ,CES PA LA BDAG TU CHAGS PA NI LAS DANG SKYE BA'I RGYU STE, DE LA MA CHAGS PA NI THAR BAR RUNG NGO, ,YID LTA DPA' BOR GNAS SHING NI, ,RNAL 'BYOR BRTZON PA'I 'GRO BA GANG, ,GANG G'A YA MUN 'DRES PA LA, ,SROG 'DOR DE YI 'GRO BA DE, ,NAM ZHIG DUS KYI RNAM GRANGS KYIS, ,B'A R'A nA S'IR GAL TE 'GRO, ,RDO BAS RKANG PA GNYIS BCAG STE, ,DE NYID DU NI 'CHI BAR BYA, ,BRAM ZE GSOD LA SOGS PA'I MI, ,DER BKRUS NAS NI RNAM PAR GROL, ,SRIN MA PHYE MA LE BA RNAMS KYANG, ,SHI BA GROL BAR GDON MI ZA, ,ZHES PA STE, DE DE LTA BUR 'KHRU BAS SRID PA MED PAR RTOG GO, ,SNGAGS KYIS KYANG MTHO RIS DANG SDE DANG BRAL BA'I GNAS TE JI LTAR GTOGS 'DOD KYIS SMRAS PA, NGA YI RJES SU DRAN PAS @215A *, ,NI, ,BRAM ZE GSAD PA'I SDIG BYED NAS, ,LUS NI BOR NAS RAB 'GRO BA, ,DE NI 'GRO BA'I MCHOG TU 'GRO, ,ZHES GTOGS 'DOD KYIS MTHO RIS DANG THAR PA DANG SRID PA MED PAR BRTAGS PAR BRTAG GO, ,LHA CHEN POS KYANG SMRAS PA, 'CHI BA'I DUS NI BYUNG BA NA, , RIG SNGAGS CHEN PO GCIG LA SOGS, ,MIS NI YID LA BSAMS GYUR NA, ,LUS ZHIG NAS NI ZHI BA DANG, ,LHAN CIG SBYOR 'GRO GDON MI ZA, ,DGU BDAG LA SOGS SNGAGS CHEN NO, ,ZHES PA STE, DE'I PHYIR YANG SMRAS PA, 'JIG RTEN RGYU DANG MI RGYU BA, ,CHANG BTUNG LA SOGS SKYON RNAMS KYIS, ,MI RIGS PAR NI BYAS NA YANG, ,YANG DAG RIGS NYID MI GOS SO, ,TSANGS SPYOD STZOGS PAS LUS LA NI, ,GDUNG BAR CI PHYIR BYA ZHIG GU ,YONGS SHES PAS NI DE DAG GROL, ,DE DAG LA NI GZIR 'GYUR MED, ,DES NA SRID PA MED PA YONGS SU SHES PA NI THAMS CAD MKHYEN PA'I SNGA MA'I PHYOGS SU DGONGS PA'O, ,SNGAGS DANG KHRUS LA SOGS PAS SRED PA DANG 'DOD CHAGS LA SOGS PA'I NYON MONGS PA RNAM PAR LDOG NA NI DE'I TSE SDIG PA YONGS SU ZAD DE THAR PAR RUNG NGO, ,DES NA DER ZHI BA RNAMS KYIS SMRAS PA, SRID ZHI'I RGYUS NI GROL BA'I PHYIR, ,SHES PA MED CING SDOM PA'ANG MED, ,DES NA LKUGS LA SOGS PA RNAMS, ,DER BZHUGS BSKAL PAR BRJOD PA'O, ,SNGAGS KYI RNAL 'BYOR LA SOGS PA GRUB PA RNAMS LA NI SRID PA DANG MYA NGAN LAS 'DAS PA'I KHYAD PAR MED PA YANG THAMS CAD MKHYEN PA'I SNGA MA'I PHYOGS SU DGONGS PA'O, ,JI LTAR PA TAN DZA LIS SMRAS PA LAS 'BYUNG BA, SMAN DANG, NOR BU DANG, SNGAGS DANG, TING NGE 'DZIN LAS TSE GCIG GIS DNGOS GRUB SKYE'O, ,KHA CIG NI TSE GNYIS PO NYID LA DNGOS GRUB STE, GOMS PAR SPRO BA'I DANG SRONG NI THAMS CAD SHES PAR 'GYUR RO ZHES THOS PA'O, ,DER DE LTA BU LA NI RTZOD PA MED PA BDE BAR GSHEGS PA RNAMS LA NI BDAG MED PA'I KHYAD PAR GYI PHYIR RO, ,RJE'U'I KHA ZAS KYI KHA CIG DANG, 'BRAS BU DANG, ME TOG DANG, RTZA BA DANG, SMAN LA SOGS PAS DNGOS GRUB TU BRJOD DO, , @215B DE BZHIN DU SMAN RAS YA NAS LUS BRTAN PA'I DNGOS GRUB TU GYUR PA YANG RUNG, 'KHOR BA NI BDAG TU CHAGS PA DANG LAS KYI RGYU LAS TE MI SHES PA YONGS SU ZAD PA DANG, SKAD CIG MAR 'JIG PA'I SHES RAB KYIS RUNG NGO, ,NOR BUS NI NAD MED PA DANG, CUNG ZAD CIG ZHI BAR BYED PAR 'GYUR BA NI SNGAGS DANG DUG SMAN LA SOGS PAS KYANG DUG DANG, 'DRE SHA ZA LA SOGS PA BSAL BAR YANG RUNG NA, TSE'I BDAG TU CHAGS PA DANG LAS KYI RGYU LAS 'BYUNG BA BDAG MED PAR SHES PAS LDOG GO, ,TING NGE 'DZIN LAS SKYES PA'I DNGOS GRUB RNAMS NI DE BZHIN DU LUS YANG PA'I PHYIR 'JIG RTEN LA SOGS PA'I DNGOS GRUB MNGON PAR SHES PA LNGA PA TAN DZA LA'I RNAL 'BYOR SDOM PA DANG, NGES PA DANG, BSTAN PA DANG, SROG GI 'BAD PA DANG, PHYIS BSGRUB PA DANG, BSAM GTAN DANG, 'DZIN PA DANG, TING NGE 'DZIN DANG, YAN LAG BRGYAD GYIS GRUB PA YOD PAR YANG RUNG, AA GASTA DANG, MCHOD SBYIN SHUN LPAGS DANG, SBRON PA'I YAN LAG DRUG GI RNAL 'BYOR NI, SROG 'BAD DE BZHIN BSAM GTAN DANG, ,PHYIS SGRUB DE NAS 'DZIN PA'O, ,RTOG GE'I TING 'DZIN DE BZHIN DU, ,YAN LAG DRUG LA RNAL 'BYOR BRJOD, ,DRANG SROD SA NA KA'I RNAL 'BYOR NI, 'DZUM PA PHYE BA DE BZHIN DU, ,THAL MO TZAM NI RNAM SHES BYA, ,DE BZHIN BCU GNYIS TZAM PO NI, ,SGROG 'BAD PAR NI MNGON BRJOD BYA, ,SROG 'BAD BCU GNYIS 'DZIN PA STE, ,'DZIN PA GNYIS LA'ANG RNAL 'BYOR YIN, ,DE LA RNAL 'BYOR LDAN PA LA, ,DBANG PHYUG RAB TU 'GRUB PAR 'GYUR, ,BDAG GI MCHOG GI GZI BRJID KYIS, ,DES NI 'BAR BAR MTHONG BA'O, ,ZHES PA DE BZHIN DU GSAL ZHING SNANG BAR 'GYUR BA YANG RUNG STE RLUNG BKAG PA NA ME SKYED PAR BYED DO, ,RNAM PA DRUG GI RNAL 'BYOR GYIS KYANG RDZA MA CAN GYI RNAL 'BYOR LA GNAS PA NA LTOR SON PA'I RLUNG YANG SBYI BOR GNAS SHING YANG DAG PA'I LUS GONG DU KHRID PAR BYED DO, ,DE LTA BU'I MNGON PAR SHES PA YOD PAR YANG RUNG NA BDAG TU CHAGS PA'I RGYU LAS, LAS DANG TSE RNAM PAR MI LDOG PA SNGA MA BZHIN NO, ,LUS @216A *, ,YANG BA'I PHYIR NAM MKHAR 'PHAGS SHING 'BAR BA DANG, RING BA LA SOGS PA YONGS SU SHES PAS MA YIN NO, ,BKRA SHIS DANG, BKRA SHIS MA YIN PA DANG, 'O MA DANG ZAS LA SOGS PA RNAMS LA YANG THAR PA MED PA JI LTAR ZHE NA, SHES RAB KYIS DPYAD PAR SKYO BAR GYUR PA LA THAR PA'O, ,KHA CIG NI SRID PA DANG, MYA NGAN LAS 'DAS PA BYE BRAG MED PAR MTHONG BAS ZHES PA NI SANGS RGYAS PA'I GRUB MTHA' NYID DE, SLOB DPON KLUS BOS KYIS DBU MA MYA NGAN LAS 'DAS PAR BSHAD PA NI, MYA NGAN 'DAS PA'I MTHA' GANG YIN, ,'KHOR BA'I MTHA' YANG GANG YIN PA; ,DE GNYIS PAR NAS CUNG ZAD KYANG, ,SHIN TU PHRA MO YOD PA MIN, ,ZHES PA STE, NAM SHES RAB KYIS DMIGS PAR BYA BA MI DMIGS PA DE LA 'KHOR BA DANG KHYAD PAR MI MTHONG NGO, ,BLO GROS CHEN PO THAMS CAD MKHYEN PA'I SENG GE'I SGRA SGROGS PA ZHES BYA BA DE LA 'DI SKAD CES BYA STE, RANG GI SEMS SNANG BA TZAM JI BZHIN PA KHONG DU CHUD PAS RANG GI SEMS SNANG BA LAS MA GTOGS PA'I PHYI ROL GYI DON RMI LAM DANG, MIG 'PHRUL LA SOGS PA'I GZUGS LTA BU LA MNGON PAR CHAGS PAR MI BYA'O, ,MTHA' BZHIR GNYIS DANG, MI GNYIS PAR SMRAS PA RNAMS KYI STE, GCIG PA DANG, THA DAD PA DANG, GNYIS MA YIN PAR BSHAD PAR BYA'O, ,TSANGS PA DANG DBANG PO LA SOGS PAR SMRA BA RNAMS LA GANG ZAG DANG CHOS LA BDAG MED PA YANG DAG PA JI LTA BUR YONGS SU SHES PA MA GTOGS PAR BRTAG CING GCIG PAS MI RUNG STE, RTAG PA MA SKYES PA'I PHYIR RI BONG GI RVA LTAR MED DE, GCIG LA GROL BA DANG, MA GROL BA DANG, PHYUG PA DANG, DBUL BA LA SOGS PA GCIG PA'I SKYON DU 'GYUR RO, ,PHA ROL GYI DON GZHAN PAR YANG MI RUNG STE, RNAM PAR PHYE BA NI KHANG PA DANG, SNGE LA SOGS PA BZHIN DU STONG PA KHO NA'O, ,PHYI ROL GYI RTAG CING SPYI DANG KHYAD PAR GYI MTSAN NYID LA YANG GNYIS KA DANG, GNYIS KA MA YIN PA DANG, THA DAD PA DANG, THA DAD PA MA YIN PA YANG MI RUNG STE SNGAR BSHAD PA'O, ,RANG GI SEMS SNANG BAR RNAM PAR RTOG PA'I MTHA' GNYIS SU MA LHUNG BA ZHES BYA BA NI RMI LAM YIN PA'I DUS SNGA MA NI YOD, RMI LAM GYI DUS NA NI MED DO ZHES PAR @216B MTHA' GNYIS SU LHUNG BA MED DO, ,JI LTAR NA YANG MTHA' GNYIS SU LHUNG ZHES DE SKAD DU THUGS DOGS NAS THAMS CAD MKHYEN PAS BKA' STZAL PA, GZUNG BA DANG 'DZIN PA MI DMIGS PA'I PHYIR RO, ,SHES RAB KYIS GZHIGS PA NA DMIGS SU MED PA'I RNAL 'BYOR RO, ,TSAD MA THAMS CAD KYIS GRUB PA NI MNGON SUM DANG RJES SU DPAG PA'I TSAD MAS RDUL PHRA MO LA SOGS PA'I PHYI ROL GYI DON GYI DNGOS PO MED PAR RAB TU GRUB PA STE, GNYIS KYI RNAM PA'I SHES PAS MGO 'KHOR BA DANG, BRGYAL BA LA SOGS PA'I SHES PA BZHIN DU RNAM PAR SLU BA'I PHYIR DES NA MNYAM PAR MI 'JOG PAS DKRUGS PA'I GNYIS KYI RNAM PA'I CHUD PA GNYIS SU MED PA'I DE KHO NA NYID ME SHES SO, ,DE BSAL BA DANG ZHES BYA BA LA SOGS PA NI LOG PA'I SHES PA GSAL NA SO SOR BDAG GIS RIGS PAR BYA BA KHO NA NYID DU 'GYUR, BDAG MED PA GNYIS RTOGS PA'I PHYIR ZHES BYA BA NI GANG ZAG DANG CHOS LA BDAG MED PA GNYIS YONGS SU SHES PAS SO, ,CHOS LA BDAG MED PA YONGS SU SHES PA NI GZUGS LA SOGS PA RNAM PAR GZHIGS PA NA STONG PA NYID KYIS SHES SO, ,GANG ZAG LA BDAG MED PA NI GANG YOD PA DE THAMS CAD SKAD CIG PA STE, SE GOL GYI SGRA DANG 'BAB CHU LA SOGS PA BZHIN NO, ,NYON MONGS PA GNYIS RNAM PAR LOG PA DANG, SGRIB PA GNYIS RNAM PAR DAG PA DANG ZHES BYA BA NI CHOS DANG GANG ZAG LA BDAG MED PA GNYIS KHONG DU CHUD PAS NYON MONGS PA DANG SHES BYA'I SGRIB PA 'DAG GO, ,DE LTAR NA SGRIB PA GNYIS RNAM PAR DAG PAS THAMS CAD MKHYEN PA KHO NAR 'GYUR RO, ,SA GONG NAS GONG DU BSOD NAMS DANG YE SHES KYI TSOGS SU 'PHEL BA NI SANGS RGYAS KHO NA'O, ,LAS KYI SGRIB PA NI SA DANG PO NYID DU LOG GO, ,NYON MONGS PA'I SGRIB PA LOG PA NA DE'I MTHONG BA'I LAM SKYE ZHING SHES BYA'I SGRIB PA BSRABS PAR 'GYUR RO, ,SA BCU PAS SPANG BAR BYA BA'I NYON MONGS PA MED PA'I MI SHES PA SHES BYA'I SGRIB PA MNYAM PAR MI 'JOG PA LA SOGS PA'I MTSAN NYID NI BSGOM PA'I LAM DU SPANG NGO, ,DES NA MI SHES PA MA LUS PAR SPANGS TE SA'I RIM PAS MKHYEN PA'I YE SHES @217A *, ,RNAM PAR DAG PA BDAG DANG GZHAN LA PHAN 'DOGS PAR NUS PA MIG GI LING TOG DANG BRAL BA BZHIN DU SHES PAR BYA BA'I DKYIL 'KHOR THAMS CAD DU 'JUG GO, ,SGYU MA DANG GZUGS BRNYAN LA SOGS PA BZHIN DU DAG PA 'JIG RTEN PA'I SNANG BA DANG BCAS PA'I TING NGE 'DZIN LA BZHUGS PA YID KYI SNANG BA SEMS DANG, YID DANG, YID KYI RNAM PAR SHES PA BZLOG PA DE NYID MYA NGAN LAS 'DAS PA'O, ,SEMS NI KUN GZHI RNAM SHES TE, ,NGAR SEMS NYID NI YID YIN NO, ,GANG GIS YUL RNAMS 'DZIN PA NI, ,DE NI RNAM PAR SHES ZHES BYA, ,ZHES PA LA LUS DANG; LONGS SPYOD DANG, GNAS SU SNANG BA'I KUN GZHI RNAM PAR SHES PA LOG PA NI ME LONG LTA BU'I YE SHES ZHES BYA'O, ,NGAR SEMS PA CAN GYI YID KYI RNAM PAR SHES PA LOG PA NI MNYAM PA NYID KYI YE SHES SU BRJOD DO, ,MIG LA SOGS PA'I RNAM PAR SHES PA RNAM PAR LOG PA NI SO SOR RTOG PA'I YE SHES SU BSTAN TO, ,DE DAG DANG 'BREL BA'I DE MA THAG PA'I YID KYI RNAM PAR SHES PA 'PHOS PA NI BYA BA NAN TAN GYI YE SHES SU SANGS RGYAS KYI SA LA SOGS PA'I MDO SDE LAS BRJOD DO, ,DE LTAR SNANG BA DANG BCAS PA DANG, SNANG BA MED PA'I TING NGE 'DZIN GYI KHYAD PAR YONGS SU SHES PAS THAMS CAD MKHYEN PA NYID DU 'GYUR RO, ,DE LTAR GZHAN PA DANG, GZHAN BDAG CES BYA BA LA SOGS PA NI BA LANG GI BRTUL ZHUGS DANG, RMA BYA'I BRTUL ZHUGS DANG, THAL BA'I GNAS SU 'KHOD PA DANG, CHU STAN DANG ME LNGA'I BRTUL ZHUGS DANG, GRANG BA DANG DRO BA DANG, TSER MA LA NYAL BA LA SOGS PA'I BRTUL ZHUGS DANG, BKRA SHIS DANG BKRA SHIS MA YIN PA DANG, 'O MA DANG 'O MA MA YIN PA LA SOGS PA DANG, CHU DANG, RLUNG DANG, TIL DANG, 'BRAS DANG, RGOD DANG, 'BRAS BU DANG ME TOG DANG, RTZA BA'I ZAS LA SOGS PA'I BRTUL ZHUGS DE LA GANG DAG GIS THAR PA RNAM PAR RTOG GO, ,KHRUS DANG, SBYIN SREG DANG, THAL BAS SKUD PA DANG, RAL PA LA SOGS PA 'PHYANG BA DANG, TSUL KHRIMS DANG BRTUL ZHUGS BSNYEMS PAS 'KHOR BAR 'JUG GO, ,SHES RAB KYIS DPYAD PA DANG MI LDOG PAR LDOG PA'I RGYU MNGON PAR MI SHES PA'I @217B PHYIR DE DAG LA THAR PA MED PA 'BA' ZHIG TU MA ZAD KYI RDO RJE PHRENG BA LAS SEMS CAN DMYAL BAR LTUNG BAR KLOG GO, ,DE DAG RANG YANG ZHIG LA LOG PA'I LTA BAS GZHAN DAG KYANG ZHIG PAR BYED DO, ,BKRA SHIS DANG, BA LANG GI LCI BA DANG, GCIN DANG TSOD MA DANG, SHA LU GA DANG, BIL BA'I 'BRAS BU LA SOGS PAS THAR PA RTOG GO, ,GAL TE CHOS LA BDAG MED PAR YONGS SU SHES PAS DE DAG GI BDAG TU CHAGS PA LDOG NA NI THAR PAR RUNG NGO, ,BLO GROS CHEN PO DE DAG THAMS CAD NI MTHA' GNYIS SU LHUNG BA'I BSAM PAS MYA NGAN LAS 'DAS PAR RTOG GO ZHES PA NI 'DI NI MED CES DNGOS PO DANG DNGOS PO MED PA'I MTHA' GNYIS RTOGS PAS RNAM PAR RTOG PA LAS SPYAD DO, ,DNGOS PO DANG DNGOS PO MED PA'I RNAM PAR MI RTOG PA'I THAR PA NI MI SHES SO, ,JI LTAR BDUN BRGYA PA LAS 'BYUNG BA, 'DI NYID MYA NGAN LAS 'DAS PA STE GANG 'DI BSAM PA MED PA NYID DO; ,THAMS CAD MKHYEN PAS DE NYID BSGRUB PAR MDZAD PA, JI TZAM DU YID KYIS 'GRO ZHING G-YO BA DE TZAM DU GANG LA YANG MYA NGAN LAS 'DAS PA MED DO ZHES PA STE, GONG NA 'GRO BA DANG 'ONG BA YOD PA DE NA SKYE BA DANG 'CHI BA YIN NA, JI LTAR MYA NGAN LAS 'DAS PAR RTOG GO, , 'DI LA GANG YANG 'JUG PA YANG MED, LDOG PA YANG MED DO ZHES PA NI SU GANG DU SKYES PA NYID DE NYID DU 'PHAGS PAS NA SU YANG YUL GZHAN DU 'AM DUS GZHAN DU 'JUG PA MED DO, ,RTAG PA'I BDAG DANG SEMS CAN LA SOGS PA RTAG PA GANG YANG 'JUG PA YANG MED LDOG PA YANG MED PA NI RTAG PA'I RANG BZHIN GZHAN MED PA'I PHYIR RO, ,DES NA RTAG PA DANG BDAG TU SMRA BA RNAMS LA THAR PAR MI RUNG NGO, ,BDAG TU CHAGS PAS DE DAG LA 'KHOR BA'I SDUG BSNGAL 'BYUNG NGO, ,THAR PA DANG MYA NGAN LAS 'DAS PA'I YANG BDAG TU CHAGS PA NYID LAS 'DOD PAS BDAG TU CHAGS PA JI LTAR NA LDOG PAR 'GYUR, BDAG MED PAR SMRA BA RNAMS BDAG TU CHAGS PAS MI DMIGS PA'I PHYIR SHES RAB KYIS MYA NGAN LAS 'DA'O, ,JI LTAR DBU MA LAS, MYA NGAN 'DAS PA RNAM RTOG MED, ,GANG NA 'KHOR BA BSAL MED PA, ,GANG DER 'KHOR BA BZHED PA @218A *, ,DANG; ,MYA NGAN 'DAS PAR RNAM RTOG MED, ,CES PA STE, DES NA DNGOS PO DANG DNGOS PO MED PAR RNAM PAR MI RTOG PA'I THAR PAS THAMS CAD MKHYEN PAS DGONGS PAR BRTAG GO, ,'PHAGS PA LANG KAR GSHEGS PA'I BSHAD PA YE SHES DPAL BZANG POS SBYAR BA'I LE'U GSUM PA LAS THAR PA DPYAD PA'I LE'U BCU BZHI PA'O,, ,,DE NAS BYANG CHUB SEMS DPA' SEMS DPA' CHEN PO BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS GANG GIS BDAG DANG, BYANG CHUB SEMS DPA' GZHAN RNAMS ZHES BYA BA LA SOGS PA'O, ,BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BYAS PA'AM, MA BYAS PA'AM, RGYU'AM, 'BRAS BU'AM, MTSAN NYID DAM, MTSAN NYID KYI GZHI'AM, RJOD PA'AM, BRJOD PAR BYA BA'AM, BLO'AM, RIG PAR BYA PA'AM DE LTA BU LA SOGS PA'I TSIG NGES PA'I SGRAR NI GCIG GAM THA DAD DAM CI LAGS, BCOM LDAN 'DAS KYIS BKA' STZAL PA, BLO GROS CHEN PO GAL TE DE BZHIN GSHEGS PA BYAS PA YIN NA NI MI RTAG PAR 'GYUR TE, MI RTAG PA'I PHYIR 'BRAS BU'O COG KYANG DE BZHIN GSHEGS PAR 'GYUR BAS NA ZHES PA'O, ,THAMS CAD MKHYEN PAS CIR DGONGS SHE NA, 'DZIN PA DANG GZUNG BA GNYIS KYI RNAM PA'I SHES PA LA NOR TE, BYA BA DANG BYED PAR 'BREL PA'I RGYU DANG 'BRAS BU KUN RTOG GO, ,NGES PA'I TSIG GI RNAM PAR RTOG PAS NA BYA BA'I PHYIR NA 'BRAS BU'O, ,BYED PA'I PHYIR NA RGYU STE, DE DAG KYANG GANG GI TSE NA SKAD CIG PA DE'I TSE NA SKAD CIG PA GNYI GA MED DE, DES NA SUS KYANG CI YANG MI BYED DE, SNGA MA'I 'OG NA 'DI YOD PAS NA 'DI YOD DO ZHES BYA BA 'BA' ZHIG PAS NA CHOS SU BTAGS PA NI, 'DU BYED THAMS CAD SKAD CIG PA, ,MI BRTAN BYED PA GA LA ZHIG ,GANG BYUNG BYED PA DE NYID DE, ,BYED PA POR YANG DE NYID BRJOD, ,CES PAR BYA BA DANG BYED PA PO MNGON PAR 'BREL PAS DE BZHIN GSHEGS PA MA BYAS SO, ,GNYIS KYI RNAM PA CAN YANG MA YIN TE, RMI LAM DANG MIG 'PHRUL LA SOGS PA BZHIN DU 'BRAS BU GZHAN THAMS @218B CAD DANG MTSUNGS PA'I PHYIR RO, ,JI LTAR ZHE NA YONGS SU GRUB PA MI GNYIS PA'I SKAD CIG PA DE MA THAG PA LA 'DI YOD NA 'DI YOD CES BRJOD DU MED PA'I RANG BZHIN MTSAN NYID LA RGYU DANG 'BRAS BU BYAS PA LA SOGS PA'I THA SNYAD MI 'BYUNG YANG DE'I SPYI'I RNAM PAR SGRO BTAGS TE CHOS SU GDAGS PAR BYA'O, ,JI LTA BUR BYAS PA BSTAN TO, ,MA BYAS PA'I RTAG PA MI SRID PA'I PHYIR TE, SNGA MA'I SKAD CIG MA'I 'OG TU PHYI MA MI 'BYUNG BAS NA MO GSHAM GYI BU LA SOGS PA BZHIN NO, ,DE'I PHYIR DE BZHIN GSHEGS PA NI MA BYAS PA MA YIN NO, ,RJOD PA DANG, BRJOD PAR BYA BA DANG, RIG PAR BYA BA LA SOGS PA'I THA DAD GNYIS KYI RNAM PAR SHES PA LAS 'BYUNG GI, BSAM PA MED CING SNANG BA MED PA DON DAM PA'I BDEN PA MI GNYIS PAR SMRA BA YANG DAG PA RIG PA LA THA DAD PA'I RNAM PA'I THA SNYAD MED DO, ,DES NA GZHAN PA DANG GZHAN PA MA YIN PA'I RNAM PAR RTOG PA'I THA SNYAD PA RNAMS KYI PHAN TSUN DU LTOS TE, YOD PA DANG, MED PA DANG, 'DAS PA DANG, MA 'ONGS PA DANG, DNGOS PO DANG, DNGOS PO MA YIN PA LA SOGS PA'I RNAM PAR RTOG PA RNAMS KUN DU BRTAGS PA STE, SPROS PA THAMS CAD LAS 'DAS PA BRJOD DU MED PA'I DE BZHIN GSHEGS PA LA MI 'JUG GO, ,JI LTAR DBU MA LAS, SPROS LAS 'DAS PA MI GNYIS PA, ,GANG DAG SANGS RGYAS SPROS PAR BYED, ,SPROS NYAMS GLEN PA DE DAG GI ,DE BZHIN GSHEGS PA MI MTHONG NGO, ,ZHES PA STE, DES NA DE BZHIN GSHEGS PA NI RNAM PAR RTOG PA MTHA' DAG LAS GROL BA'O, ,MTSAN MA'I GZHI DANG MTSAN MA DANG, ,CHOS DANG, CHOS CAN GYI THA SNYAD KYI RNAM PAR RTOG PA THAMS CAD KYI BRJOD DU MED PAR BSTAN MI NUS PA'I PHYIR RO, ,JI LTAR DBU MA LAS, MTSON BYA MTSAN NYID GAL TE GZHAN, ,MTSAN LA MTSAN NYID MED PAR 'GYUR, ,GCIG NA DE GNYIS MI 'GRUB STE, ,THA DAD NA YANG GZHAN DU MED, ,CHOS DANG CHOS CAN RNAMS KYI GAL TE ME LAS TSA BA'I MTSAN NYID THA DAD PA YIN NA ME LAS TSA BA MED PAR 'GYUR RO, ,GCIG NA MTSAN MA'I GZHI YANG MED LA MTSAN NYID KYANG MED DO, ,DE DE BZHIN DU CHOS DANG CHOS CAN RNAMS THA DAD PA DANG, THA DAD PA MA YIN PAR BSAM @219A *, ,PA NA STONG PA NYID DE, BRJOD DU MED PA'I RANG BZHIN NYID KYANG SMRA BAR MI NUS PA'I PHYIR TE, CHOS DANG BRAL BA'I CHOS CAN BRJOD DU MED LA, CHOS CAN LAS THA DAD PA'I CHOS RNAMS KYI DNGOS PO YANG MED DO, ,GZHI'I KHYAD PAR GYI CHOS ZHIG GIS SPYIR SGRO BTAGS TE THA SNYAD DU 'JUG GO, ,'ON TE DE DE LTAR CHOS CAN RNAMS KYI GZUGS DANG ZUGS CAN GYI MTSAN NYID THA DAD PAR GYUR DU ZIN NA NI GZUGS CAN NI GZUGS MED PA DANG, GZUGS MED PA GZUGS CAN GYI SKYON DU 'GYUR RO, ,DE DAG GCIG NA NI MTSAN MA'I GZHI DANG, MTSAN MA NYID DU MI RUNG NGO, ,THA DAD NA YANG MTSAN NYID KYI MTSAN NYID GZHAN YANG BTZAL DGOS SO, ,DE DE LTAR CHOS DANG CHOS CAN GYI THA SNYAD THA DAD PA DANG, THA DAD PA MA YIN PAR BSAM PA NA YANG RANG BZHIN GNYIS KYIS STONG PA NYID DE, CHOS DANG CHOS CAN DE DAG THA DAD PAR DMIGS SU MED PA'I PHYIR RO, , CHOS MA RTOGS PAR CHOS CAN GYI RANG BZHIN NI BSTAN MI NUS TE BRJOD DU MED DO, ,DNGOS PO DANG DNGOS PO MED PA LA SOGS PA'I RNAM PAR RTOG PA DANG SGRA THAMS CAD KYIS DE DAG GI SPYIR BRTAGS PA'I DON DU SGRO BTAGS TE 'JUG GO ZHES LAN MANG POR BSHAD PA DE'I PHYIR MI GNYIS PA'I MTSAN NYID BRJOD DU MED PA'I YONGS SU GRUB PA'I RANG BZHIN GYIS 'OD GSAL BA'I CHUD PA YONGS SU DAG PA NI DE BZHIN GSHEGS PA'O, ,DE NI 'BRAS BU MA YIN, RGYU YANG MA YIN, MTSAN MA'I GZHI YANG MA YIN, MTSAN MA YANG MA YIN, RJOD PA YANG MA YIN, BRJOD PAR BYA BA YANG MA YIN, BYAS PA YANG MA YIN, MA BYAS PA YANG MA YIN, BLO YANG MA YIN, RIG PAR BYA BA YANG MA YIN NO, ,DE BZHIN DU GZHAN PA DANG GZHAN PA MA YIN PAR PHAN TSUN DU LTOS PA'I GNYIS KYI RNAM PA'I THA SNYAD LAS 'DAS SHING DE BZHIN GSHEGS PA NI YOD PA DANG MED PAR NI SMRA BA MED DO, ,GNYIS KA YANG NYES PAR 'GYUR ZHES BYA BA LA SOGS PA NI GAL TE BYAS PA ZHIG NA NI DE'I TSE MI RTAG PA KHO NA STE, DE LAS GZHAN PA'I 'KHOR BA'I 'BRAS BU 'KHRUL LO COG DANG 'DRA'O, ,DE BZHIN GSHEGS PA YONGS SU GRUB PA YANG GZHAN GYI @219B DBANG GNYIS KYI RNAM PA DANG 'DRES PA'I 'BRAS BU BZHIN DU SKYE BA DANG, RGA BA DANG, 'CHI BA LA SOGS PA 'BRAS BU'I SNANG BA LAS GROL BAR MI 'GYUR RO, ,GNYIS KYI RNAM PAR SHES PA GZHAN GYI DBANG MA RIG PA MNYAM PAR MI 'JOG PA DANG, LAS KYI MTHU LAS 'BYUNG BA LA 'DIS BYED DO, , ZHES MA RIG PAS GLONGS PA'I 'KHOR BA RNAMS KYI RGYU DANG 'BRAS BU'I DNGOS PO'O, ,DES NA BYA BA DANG BYED PA DANG 'BREL TE YONGS SU DAG PA'I CHUD PA MA BYAS PAS NA BYAS PA'I SGRA LA SOGS PAS SNGA MA'I SKAD CIG GI 'OG TU BRJOD DU MED PA BSTAN MI NUS SO, ,GANG GI TSE NA SKAD CIG PA GCIG PA DE'I TSE NA GNYIS PO MED PAS SUS KYANG CI YANG BYAS PA MED DE, DES NA MA BYAS PA STE SNGA MA'I SKAD CIG PA'I 'OG TU 'DI YOD NA 'DI YOD DO ZHES BYA BAR CHOS BTAGS PA'O, ,RI BONG GI RVA DANG MO GSHAM GYI BU LA SOGS PA DE DAG DMIGS SU MED PA'I BDAG NYID KYI PHYIR DE YANG MED DE, DE BZHIN GSHEGS PA'I DNGOS PO MED DO ZHES PA'I SKYON DER MI 'GYUR RO, ,MA BYAS PA'I PHYIR RTAG PA STE TSIG TZAM DU YOD PA LA SOGS PA'I RNAM PAR RTOG PA'I MTSAN NYID DE RGYU DANG 'BRAS BU LA SOGS PA'I THA SNYAD GNYIS KYI RNAM PA GZHAN GYI DBANG LA 'JUG GI GANG GNYIS SU MED PA DE NI RGYU DANG 'BRAS BUR BSTAN DU MED DE GNYIS KYI RNAM PAR MED DO, ,YOD PA MA YIN TE MED PA'I PHYIR MTHA' BZHI'I PHYI ROL PA STE, YOD PA DANG, MED PA DANG, GNYIS KA DANG GNYIS KA MA YIN PA'I MTHA' BZHI'I THA SNYAD NI GNYIS KYI RNAM PA'I SHES PA LA 'JUG GI GNYIS SU MED PA LA NI MA YIN NO, ,DE DE BZHIN DU BYAS PA DANG, MA BYAS PA DANG, RTAG PA DANG, MI RTAG PA LA SOGS PA THAMS CAD NI THA SNYAD NYID DE, BSAM PA MED CING SNANG BA MED PA DON DAM PA'I BDEN PA GNYIS SU MED PA YANG DAG PAR RIG PA LA RAB TU MI 'JUG GO, ,DE LA 'DI SNYAM DU GYUR TE CHOS THAMS CAD BDAG MED CES THAMS CAD MKHYEN PA'I SENG GE'I SGRA NI BYAS PA'I PHYIR MI RTAG PA DE NI BDAG MED PA NA JI LTAR RGYU DANG 'BRAS BU LA SOGS PA SKAD CIG PA RNAMS LA DE LTAR TSIG DE DAG THAMS CAD KYIS MI BRJOD CES @220A *, ,DE SKAD DU THUGS DOGS NAS THAMS CAD MKHYEN PAS LAN DU GSUNGS PAR BRTAG PA NI, BLO GROS CHEN PO GANG YANG NGAS CHOS THAMS CAD BDAG MED CES BSHAD PA DE'I DON KYANG KHONG DU CHUD PAR GYIS SHIG, BLO GROS CHEN PO BDAG MED PA'I DNGOS PO NI BDAG MED PA NYID DE; RTA DANG BA LANG BZHIN DU CHOS THAMS CAD NI BDAG GI DNGOS POR YOD PA DE GZHAN GYI DNGOS POR NI MED DO ZHES PA STE, THAMS CAD MKHYEN PAS DNGOS PO THAMS CAD KYI GZHAN BSAL BAR GSUNGS PA'O, ,GANG GCIG GI RANG BZHIN YIN PA GZHAN MA YIN TE, DKAR PO DANG, DMAR PO DANG, GRANG BA DANG, DRO BA DANG, GZUGS CAN DANG GZUGS CAN MA YIN PA LA SOGS PA RNAMS KYI 'BRAS BU SO SOR SNANG BA SNA TSOGS THA DAD PA'I PHYIR DNGOS PO THAMS CAD GCIG LAS GCIG RNAM PAR LOG PA'O, ,DES NA BDAG MED PA PHAN TSUN DU BDAG MED PA THAMS CAD MKHYEN PAS DGONGS PA'O, ,RANG BZHIN MED PA RNAMS NI RI BONG GI RVA LA SOGS PA BZHIN DU DNGOS PO MED PA MA YIN PA'I BDAG NYID DU MED PA NYID MA YIN NO, ,BLO GROS CHEN PO BA LANG GI RVA G-YAS PA LAS G-YON PA GZHAN, G-YON PA LAS G-YAS PA GZHAN PA BZHIN TE, DE BZHIN GSHEGS PA YANG PHUNG PO DANG, KHAMS DANG SKYE MCHED RNAMS DANG THA DAD PA YANG MA YIN NO ZHES PA DANG, GNYIS KA YANG SKYON TE PHUNG PO'I MTSAN NYID MI MTHUN NA RI BONG GI RVA LA SOGS PA BZHIN DU DNGOS PO MED PAR 'GYUR RO, ,PHUNG PO'I MTSAN NYID DU YANG BYAS PA'I PHYIR MI RTAG PA STE, DE LAS GZHAN PA'I GZHAN GYI DBANG 'KHOR BA'I 'BRAS BU BZHIN NO, ,SKYON DE GNYIS SPANGS PA'I DE BZHIN GSHEGS PA NI RANG BZHIN GYIS 'OD GSAL BA MI GNYIS PA'I CHUD PA'O, ,GNYIS KYI RNAM PA RNAMS NI GCIG LA GCIG LTOS PA'I RGYU DANG 'BRAS BU STE, 'DUS BYAS DANG 'DUS MA BYAS DANG, RTAG PA DANG, MI RTAG PA DANG, 'DZIN PA DANG, GZUNG BA DANG, MTSAN MA'I GZHI DANG, MTSAN MA DANG, BDAG DANG BCAS PA DANG, BDAG MED PA DANG, DNGOS PO DANG, DNGOS PO MED PA DANG, STONG PA DANG, @220B STONG PA MA YIN PA DANG, RTAG PA YANG MA YIN, MI RTAG PA YANG MA YIN PA LA SOGS PA'I RNAM PAR RTOG PA SO SOR SNANG BA'I SGRA DANG DON RNAMS PHAN TSUN DU LTOS TE 'JUG GO, ,GNYIS SU MED CING BRJOD DU MED PA LA NI RGYU DANG 'BRAS BU LA SOGS PA RNAM PAR RTOG PAR MI 'JUG STE, MI GNYIS PAR YANG DAG PAR RIG PA NI SNANG BA MED PA KHO NA'I PHYIR DER GZUGS LA SOGS PA'I PHUNG PO RNAMS SO SOR SNANG BA MED DO, ,GANG GIS MNYAM PAR MI 'JOG PA'I MA RIG PA LAS SKYES PA'I GZHAN GYI DBANG 'KHOR BA MTHA' DAG TU GZUGS LA SOGS PA'I PHUNG POR RGYU DANG 'BRAS BU LA SOGS PA GNYIS KYI RNAM PAR SNANG BA BZHIN DU DE BZHIN GSHEGS PA YANG MI RTAG PA LTA BUR 'GYUR YANG RTAG PA NYID DE, GLO BUR GYI GNYIS KYI RNAM PA'I NYES PA SPANGS PA'I PHYIR RO, ,GSER LA SOGS PA DRI MA DANG BRAL BA BZHIN DU SKAD CIG MA'I RGYUN BSTAN ZHING RANG BZHIN GYIS 'OD GSAL BA'I CHUD PA NI DE BZHIN GSHEGS PA'O, ,DE NI 'DZIN PA DANG GZUNG BA GNYIS KYI RNAM PAS STONG PA STE, CHOS KYI CHOS NYID DE NI YE NAS GNAS SHING DBANG PO LA SOGS PA SUS KYANG MA BYAS PAS DE'I PHYIR 'DUS MA BYAS PA'O, ,SKAD CIG PA LA NI SKYE BA DANG, GNAS PA DANG, 'GOG PA LA SOGS PA'I CHOS GZHAN MED DE, DES NA DE BZHIN GSHEGS PA SKYE BA MED CING 'GOG PA MED PA DANG, DAG BA RTEN CING 'BREL TE 'BYUNG BA SKAD CIG MA'I RGYU BSTAN PA'O, ,SNGA MA'I 'OG TU 'DI YOD PAS 'DI YOD DO ZHES CHOS BRTAGS PA'O, ,JI LTAR GNYIS KYI RNAM PA THA SNYAD 'JUG PA DE BZHIN DU GNYIS SU MED PA'I SKAD CIG MA'I RGYUN YANG DAG PAR RIG PA BSAM PA MED CING SNANG BA MED PA LA NI MA YIN NO, ,RANG BZHIN GYIS BRJOD DU MED CING DNGOS PO DANG DNGOS PO MED PAR RNAM PAR MI RTOG PA RNAMS KYI RNAM PAR RTOG PA SPANGS PA'I PHYIR SANGS RGYAS NYID DU 'GYUR RO, ,THAMS CAD MKHYEN PA'I SNANG BA DANG BCAS PA'I TING NGE 'DZIN LA ZHUGS PA'I TSE CHOS STON PA 'BYUNG NGO ZHES LAN DU MAR BSHAD PA YIN NO, ,JI LTAR DBU MA LAS, GZHAN DANG GZHAN LA BRTEN NAS GZHAN, ,GZHAN PA DE YANG @221A *, ,YOD MIN PAS, ,GZHAN DNGOS MED PHYIR GZHAN MIN MED, ,YOD PA RNAMS KYANG MA YIN NO, ,ZHES PA STE, DES NA SGRA DANG DON DU RNAM PAR BRTAGS PA DE DAG DON DAM PA LA MED DE, ,DES NA DER CHAD PA DANG, RTAG PA'I LTA BAR GTOGS PAR SMRAS PAR 'GYUR BA NI GANG GNYIS KYI RNAM PA DANG BRAL BA DE NI DNGOS PO MA YIN TE, RI BONG GI RVA DANG, NAM MKHA'I PAD MO DANG, MO GSHAM GYI BU LA SOGS PA BZHIN NO ZHES SO, ,KHA CIG GIS KUN RTOG PA NI GANG GNYIS KYI RNAM PAR NOR PA'I SKAD CIG PA DE MED PA STE, GANG MI GNYIS PA DE NI MI 'GYUR BAS NA RTOG GO ZHES GNYIS SU SMRA BA DE BSAL BA'I PHYIR SRID PA DANG THAR PA'I DUS NA SDUG BSNGAL DANG SDUG BSNGAL MED PA LA SOGS PA THA DAD PAR PHYE BA'I CHUD PA LA DNGOS PO MED PA YANG MA YIN, RTAG PA YANG MA YIN TE, GSER DRI MA DANG BRAL BA BZHIN DU DNGOS PO DANG DNGOS PO MED PA'I RNAM PAR RTOG PA MED PA'I DAG PA SKYE BA MED CING 'GOG PA MED PA'I MTSAN NYID KYI SANGS RGYAS KHO NA'O, ,SKYE BA DANG 'GOG PA LA SOGS PA LUNG STON PA LA SOGS PAS RTEN CING 'BREL TE 'BYUNG BA LA BRTAGS PA NI RNAM PA GNYIS KA LA YANG MED DE GZHAN GYI DBANG RNAM PAR MI RTOG PA'I GNAS SKAD CIG MA'I RGYU LA YANG MED NA BRJOD DU MED PA'I YONGS SU GRUB PA LA YANG LTA CI SMOS TE GNAS 'DI NI MED DO, ,GAL TE RNAM GRANGS KYI SGRA 'DI SKYE BA MED PA DANG, 'GOG PA MED PA DE'I TSE CHOS THAMS CAD MA SKYES SO ZHES SMOS SU MI RUNG BAR 'PHAGS PA BLO GROS CHEN POS DE BZHIN GSHEGS PA NI DNGOS PO MED PA YANG MA YIN TE ZHES BYA BA LA SOGS PA'O, ,THAMS CAD MKHYEN PA'I DGONGS PA CI ZHE NA, GANG YONGS SU GRUB PA'I DNGOS PO YOD DE, MO GSHAM GYI BU LA SOGS PA'I MTSAN NYID MA SKYES PA LTA BUR RNAM PA GNYIS MED PA KHO NA MA YIN NO, ,GZHAN GYI DBANG YANG RMI LAM DANG MIG 'PHRUL DANG, RAB RIB SNANG BA DANG, GZUGS BRNYAN LA SOGS PA LTAR SNA TSOGS THA DAD PA'I RNAM PA SKYE BA'I RANG BZHIN MED PA STE, DE'I PHYIR RANG BZHIN GYIS 'OD GSAL BA YONGS SU DAG PA GNYIS SU MED PA'I CHUD @221B PA NI DE BZHIN GSHEGS PA STE, DE GCIG PO LA GNOD PA MI SRID PA'I PHYIR RO, ,BDUN BRGYA PA LAS KYANG DNGOS PO ZHES 'BYUNG NGO, ,DE BZHIN GSHEGS PA JI LTAR DNGOS PO ZHE NA, DER GSUNGS PA'I DGONGS PA DGONGS PA NGES PAR 'GREL PA LAS RIG PAR BYA STE, DON DAM PA LA NI GNYIS KYI RNAM PA'I DNGOS PO MED DO ZHES TE DES NA DON DAM PA RANG BZHIN MED PA'I STONG PA NI DE BZHIN GSHEGS PA'O, ,BTZUN GTZO 'PHAGS PA BYAMS PA'I BSHAD PA NI 'DIR GSAL BA STE, GNYIS KYI DNGOS PO MED PA YI, ,DNGOS PO'I STONG PA'I MTSAN NYID DO, ,ZHES PA'O, ,SA DANG PO DBANG PO'I DBU MA LAS KYANG, DON DAM DON NI GSAL BA STE, ,RNAM RTOG MED CING SNANG BA MED, ,SPROS PA RNAMS KYIS MA SMOS PA, ,'JIG RTEN MGON PO SANGS RGYAS KYI, ,'DI NI BSTAN PA BDUD RTZI'O, ,GANG DAG DNGOS PO YOD MTHONG DANG, ,MED PAR MTHONG BA BLO CHUNG RNAMS, BLTA BYA NYER ZHI ZHI BA NI, ,DE DAG GIS NI MI MTHONG NGO, ,STONG PA ZHES PAR SMRA MI BYA, ,MI STONG ZHES PAR 'GYUR BA YANG, ,GNYIS DANG MI GNYIS ZHES PAR YANG, ,RNAM BZHI ZHI LA GANG LA ZHIG ,DE DE LTAR DNGOS PO DANG DNGOS PO MED PAR RNAM PAR MI RTOG PAS BRGYAD DU DBU MA'I TING NGE 'DZIN TE, DE SKYE BA DANG, 'GOG PA LA SOGS PA NI RTEN CING 'BREL TE 'BYUNG BA THOG MA DANG THA MA'I MTHA' STONG ZHING DBUS SU RANG BZHIN NYID KYIS STONG PA LA SO SOR MI SNANG NGO, ,SHES PA 'BA' ZHIG LAM ZAD DE SHES PAR BYA BA YANG NGO, ,JI LTAR, PHYI YI DNGOS PO BSAL NAS SU, ,SHES PA TZAM LA 'JUG PAS NI, ,DE NA DBU MA'I NAN TAN TE, ,NGA DANG GZHAN GYIS BSTAN PA'O, ,DE NI SA BDUN GYI DBANG PO RNAMS KYI RNAM PAR SHES PA'I TING NGE 'DZIN TO, ,DBU MA'I TING NGE 'DZIN KYANG, DNGOS MED DNGOS PO MED PA MIN, ,YOD DANG MED PA MI DMIGS PA, ,DE NI DBU MA'I NAN TAN TE, ,NGA DANG GZHAN GYIS BSTAN PA'O, ,RNAM PAR SHES PA DANG DBU MA'I TING NGE 'DZIN DU 'BYED PA NI, SA BDUN DAG NI SEMS YIN TE, ,SNANG BA MED PA BRGYAD PA'O, ,SA GNYIS DAG NI GNAS YIN TE, ,SA GZHAN NGA YI RANG BZHIN NO, , @222A *, ,ZHES PA STE, GANG NA SKYE BA MED PA'I MTSAN NYID DE NI SA BDUN DU PHYIN PA DANG, NYAN THOS DANG, RANG SANGS RGYAS DANG, MU STEGS CAN RNAMS KYI SPYOD YUL MA YIN NO, ,DAG PA 'JIG RTEN PA THAMS CAD MKHYEN PA'I SNANG BA DANG BCAS PA'I TING NGE 'DZIN GYI KHYAD PAR DANG LDAN PA'I YID KYI SKU RNAL 'BYOR GYI DBANG PO THAMS CAD MKHYEN PA BZHUGS PA NA, SEMS CAN RNAMS MOS PA BZHIN DU CHOS STON PA 'BYUNG NGO, ,RNAM PA JI BZHIN DU SPRUL PAS CHOS STON PAR MDZAD PA, DE BZHIN DU THAMS CAD MKHYEN PAS STON PAR MDZAD PA NI, DE BZHIN DU BLO GROS CHEN PO YANG MI MJED KYI 'JIG RTEN GYI KHAMS NA, MING GRANGS MED PA BRGYA STONG PHRAG GSUM DU BYIS PA RNAMS KYI RNA LAM DU GRAGS TE, DE DAG GIS NGA BRJOD KYANG, 'DI DAG NI DE BZHIN GSHEGS PA'I MING GI RNAM GRANGS SU MI SHES SO, ,DE LA BLO GROS CHEN PO KHA CIG NI NGA LA DE BZHIN GSHEGS PAR SHES SO, ,LA LAS NI RANG BYUNG BAR, DE BZHIN DU LA LAS NI 'DREN PA DANG, RNAM PAR 'DREN PA DANG, YONGS SU 'DREN PA DANG, SANGS RGYAS DANG, KHYU MCHOG DANG, TSANGS PA DANG, 'JUG SEL DANG, DBANG PHYUG DANG, GTZO BO DANG, SER SKYA DANG; YANG DAG MU DANG, MI GDON MU KHYUD DANG, ZLA BA DANG, NYI MA DANG, RTZE BA PO DANG, RNAM PAR 'DOR DANG, NE TZO DANG, DBANG PO DANG, STOBS CAN DANG, CHU BDAG TU RAB TU SHES SO ZHES PA GANG TSE BDAG THAMS CAD GANG DAG GIS GZUNG BA'I SEMS CAN DE DAG LA DE BZHIN DU SPRUL PA RNAMS KYI 'DUL BA CHEN POS 'DUL BAR MDZAD DO, ,NGA'I SPRUL PA'I 'KHOR LO RNAMS KYI RNAM GRANGS THA DAD PA MTHA' MED PA RNAMS NI PHYOGS BCUR MTHA' MED PA'I 'JIG RTEN GYI KHAMS KYI KHYON RNAMS SU YANG RAB TU 'JUG GO, ,DES NA RNAM GRANGS RNAMS KYI GCIG PO LA YANG MANG PO STE, JI LTAR LAG PA, BYED PA, SPYOD PA ZHES SO, ,SNANG BA THA DAD PAS KYANG CHU LA ZLA BA MANG BA LTA BU DANG, SGYU MA RNAM PA SNA TSOGS KYIS SPRUL PA'I SKYES BU LTA BU STE, RNAM PA DE LTA BU'I TSANGS PA'I RDZU 'PHRUL GYI CHO 'PHRUL YONG PAR NI RUNG, GRUB PA GNYIS SU @222B MED PA'I MTSAN NYID LA NI SNA TSOGS MED DE, DE BZHIN DU THAMS CAD MKHYEN PA DON DAM PA'I TSUL STON PA GZHAN LA LAS NA SKYE BA MED PA DANG, 'GOG PA MED PA DANG, STONG PA NYID DANG, DE BZHIN NYID DANG, BDEN PA NYID DANG, YANG DAG PA'I MTHA' DANG, CHOS KYI DBYINGS DANG, MYA NGAN LAS 'DAS PA DANG, RTAG PA DANG, MNYAM PA NYID DANG, GNYIS SU MED PA ZHES BYA BA LA SOGS PA STE, GNYIS SU MED PA DANG, MI SKYE BA DANG 'GOG PA MED PA LA SOGS PA NI MU STEGS BYED RNAMS KYI RTAG PA DANG, GCIG PA DANG, BDAG DANG, TSANGS PA DANG, DBANG PO LA SOGS PAR BRTAGS PAR CHAGS PA'O, ,BDE BAR GSHEGS PA KHA CIG LA YANG DE DNGOS PO MED PA'I YUL TE, DE'I PHYIR JI LTAR MANG DU THOS PA RNAMS LAS DMIGS PA'I DON GYI KHYAD PAR 'DI THAMS CAD MKHYEN PAS GSUNGS PA'I DON GYI RJES SU 'BRANG BAR BYA'I YI GE'I PHYIR 'BRANG BAR MI BYA'O ZHES PA STE, THAMS CAD MKHYEN PAS BSNGAGS PA'I MANG DU THOS PA RNAMS KYIS NI RTOGS PAR YANG NUS PA STE, DE DAG NI RJES SU DPAG PAS THAMS CAD SHES SO, ,JI LTAR LUNG STON PA RNAMS KYIS SKYE BA DANG GNAS PA DANG, 'GOG PA LA SOGS PA'I CHOS BYA BA BYAS PA DANG, BYAD PA POR 'BREL PAR KUN BRTAGS PA'I RNAM PA NI DE LTAR THA DAD PAR MI RUNG STE, GANG GI TSE NA SKAD CIG PA GCIG YOD PA DE'I TSE NA SKAD CIG PA GNYIS MED DE, SKYE BA DANG, GNAS PA DANG, 'GOG PA LA SOGS PA SUS GANG ZHIG BYA, JI LTAR, 'DU BYED THAMS CAD SKAD CIG MA, ,MI BRTAN BYED PA GA LA ZHIG ,GANG BYUNG BYED PA DE NYID DE, ,BYED PA POR YANG DE NYID BRJOD, ,CES PA DE DE LTAR SKYE BA LA SOGS PA GANG ZAG LA BDAG MED PA LA MI RUNG NGO, ,CHOS LA BDAG MED PA LA YANG MED DE GNYIS KYI RNAM PA GANG YIN PA DE DAG GI SKYE BA'I RANG BZHIN MED DE, RMI LAM DANG, MIG 'PHRUL DANG, RAB RIB KYI RNAM PA DANG, GZUGS BRNYAN LA SOGS PA LTA BU STE, BSAM PA MED CING SNANG BA MED PA DON DAM PA'I BDEN PA GNYIS SU MED PAR YANG DAG PAR RIG PA BZHIN NO, ,SKAD CIG MA'I RGYUN YANG DAG PAR RIG PA @223A *, ,YANG BRJOD DU MED PA'I PHYIR DNGOS PO DANG DNGOS PO MED PAR SNANG BA'I RNAM PAR RTOG PA THAMS CAD MED PAS 'DZIN PA DANG, GZUNG BA DANG, BYA BA DANG, BYED PA DANG, SKYED PA DANG, BSKYED PA DANG, RJOD PA DANG, BRJOD PAR BYA BA DANG, MTSAN MA'I GNAS DANG, MTSAN MA DANG, GZHAN DANG, GZHAN PA'I GNYIS KYI RNAM PA DANG GNYIS KYI RNAM PA'I THA SNYAD THAMS CAD DER LDOG GO, ,YI GE MED PA NI DON DAM PA STE, RNAM PAR MI RTOG PAR THAMS CAD MKHYEN PAS DGONGS PA STE, DE LAS GZHAN PA'I NGES PAR 'JUG PA DBANG PO'I SHES PA DANG, DBUGS THUB PA YANG DAG PAR RIG PA BZHIN NO, ,SKAD CIG MA'I RGYUN 'BYUNG ZHING RNAM PAR RTOG PA MED PAR MNGON SUM DU MYONG YANG RNAM PA DE LTA BU BSTAN MI NUS PA'I PHYIR DER SEMS NYID KYANG GNYIS KYI RNAM PAR MI 'JUG NA YI GE DANG SGRA LTA CI SMOS, SNANG BA DANG BCAS PA'I TING NGE 'DZIN LA ZHUGS PA NA THAMS CAD MKHYEN PA'I CHOS STON PA YANG 'BYUNG NGO ZHES LAN DU MAR BSHAD PA'O, ,KHYAD PAR CAN LA SOGS PA RNAMS KYIS SA DANG, CHU DANG, ME DANG, RLUNG DANG, NAM MKHA' DANG, DUS DANG, PHYOGS DANG, BDAG DANG, YID DANG RDZAS DGU LTA BUR PHYI ROL GYI DNGOS PO LA SOGS PAS KUN DU BRTAGS PA'I RTAG PA'I RDZAS DGU LA MU STEGS BYED PAS MA SKYES PA 'GAGS PAR KUN DU BRTAGS PA'I RTOG GO ZHES BLO GROS CHEN POS GLENGS PA'I LAN DU KHYAD PAR DE NYID DU GSUNG BAR MDZAD DO, ,DE LA PHYI ROL DANG NANG GI RNAMS LA 'DZIN PA DANG GZUNG BA'I DNGOS POR KUN BRTAGS PA'I RMI LAM DANG MIG 'PHRUL LA SOGS PA BZHIN DU DNGOS PO MED PA'I PHYIR RTAG PA DANG BDAG TU CHAGS PA'I LAS DANG, 'DU BA'I MTHU LAS 'KHOR BA'I SDUG BSNGAL 'BYUNG NGO, ,DE'I PHYIR PHUNG PO RNAMS MI ZAD DE, THAMS CAD MKHYEN PA MI RTAG PA DANG, BDAG MED PA DANG, SDUG BSNGAL BA DANG, MI MDZES PA LA SOGS PAR STON PA RIM GYIS GZUD PA'I PHYIR RO, ,ZAB MO'I CHOS LA MOS PA RNAMS LA NI STONG PA NYID DANG, MTSAN MA MED PA DANG, SMON PA MED PA'I RNAM PAR THAR PA STON PA STE, MNYAM @223B PAR MI 'JOG PA'I BAG CHAGS NYON MONGS PA MED PA'I MI SHES PA SHES BYA'I SGRIB PA SPANGS TE, SEMS CAN THAMS CAD LA PHAN PA NUS PA'I RNAL 'BYOR GYI DBANG PO THAMS CAD MKHYEN PAR 'GYUR RO, ,RAB RIB KYI RNAM PA LTA BUR NOR CING SO SOR SNANG BA LA PHYI ROL GYI DON DU NGES PA PA'I SEMS CAN RNAMS GZUD PA'I RIM GYIS DES NA STON PA'I DON GNYIS SO, ,YONGS SU GRUB PA'I MI GNYIS PA'I SKAD CIG MA RNAMS NI BRJOD DU MED PA'I PHYIR BDAG DANG BDAG MED PA DANG, BYA BA DANG, BYED PA DANG, BYAS PA DANG, MA BYAS PA DANG, RTAG PA DANG, MI RTAG PA LA SOGS PA'I RNAM PAR RTOG PA SHIN TU MED DE, MDZUB MO'I RTZE MO TZAM 'BA' ZHIG GIS RAB KYI MTSAN NYID YI GE MED PA'I THA SNYAD LA DE LTAR YI GE MED PAR YI GER BYA STE, SPYIR SGRO BTAGS NAS MOS PA SNA TSOGS KYIS SEMS CAN RNAMS LA PHUNG PO DANG, KHAMS DANG, SKYE MCHED DANG, RTEN CING 'BREL PAR 'BYUNG BA LA SOGS PA BSTAN PA BRJED PAS GZUD DO, ,GANG GI TSE NA SKAD CIG PA GCIG YOD PA DE'I TSE NA SKAD CIG PA GNYIS MED DE, CHOS THAMS CAD BYED PA MED PAS SUS KYANG CI YANG MI BYED DE, DE MA THAG TU 'DI YOD DO ZHES CHOS SU BRTAGS PA'I PHYIR, THAMS CAD MKHYEN PAS 'DI SKAD DU SGRUB PAR MDZAD PA, RGYU 'BRAS LTA BA LOG PA YIS, ,BDAG BRLAG GZHAN YANG RLAG PAR BYED, ,CES BYA BA LA SOGS PA DANG, RGYU MED SMRA BAS BRTZAN BYA STE, ,MA SKYES PA YANG RAB TU SGRUB, ,SKYE BA MED PAR RANG BSGRUBS NA, ,NGA YI TSUL NI MI 'JUG GO, ,ZHES BYA BA LA SOGS PA STE, RTEN CING 'BREL TE 'BYUNG BA NI 'BYUNG BA MED CES LAN DU MAR BSHAD PA YIN NO, ,SKYE BA LA SOGS PA'I CHOS NI BDAG MED PA GNYIS LA YANG MI RUNG STE, SKAD CIG PA LA SOGS PA'I CHOS GZHAN MED DO, ,GZHAN GYI DBANG GIS GNYIS KYI RNAM PA RNAMS LA YANG SKYE BA'I RANG BZHIN MED PA NYID DE, RMI LAM DANG MIG 'PHRUL LA SOGS PA BZHIN NO, ,DON DAM PA'I BDEN PA GNYIS SU MED PA YANG DAG PAR RIG PA, SKAD CIG MA'I RGYUN RNAMS BRJOD DU MED PA'I PHYIR DER RTAG @224A *, ,PA DANG, BDAG DANG, BDAG MED PA LA SOGS PA'I RNAM PAR RTOG PA MI 'BYUNG NGO, ,GNYIS KYI RNAM PAR SHAS PA LA NI YOD PA DANG, MED PA LA SOGS PA'I THA SNYAD THAMS CAD NYID 'BYUNG NGO, ,JI LTAR 'DIR GSUNGS PA, YOD PA'I ZLAS DRANG MED PA STE; ,YOD PA'ANG MED PA'I ZLAS DRANGS SO, ,DE BAS MED PAR SHES MI BYA, ,YOD PAR YANG NI MI BRTAG GO, ,ZHES PA STE, RTOG PAS SGRO BTAGS TE MA GRUB PA BRTAGS NAS BA LANG GI RVA NI YOD, RI BONG GI RVA MED PA DANG, RMI LAM MA YIN PA NA NI YOD, RMI LAM NA NI MED CES PA DE DE LTAR GANG GI TSE NA, GZUGS NI RDUL PHRAN GZHIGS PA NA, ,RDUL PHRAN CHA NI MED PA STE, ,ZHES PAR SHES RAB KYIS DPYAD PAS, BA LANG GI RVA LTA NYID MED NA, RI BONG GI RVA LTA GA LA ZHIG STE, DE DE LTAR NA, BDAG DANG BDAG MED PHYOGS BSLAD CING, ,SGRA TZAM LA NI 'JUG PA DAG ,CES PA STE, RGYU DANG 'BRAS BU'I DNGOS POR RNAM PAR RTOG GO, ,THAMS CAD MKHYEN PAS GANG DAG GI BDAG MED PA DE DAG GI RANG BZHIN MED PA'O ZHES DE LTAR CHUD PAR MI BYA BAR CHOS DANG GANG ZAG LA BDAG MED PAR KHYAD PAR DU BSTAN PA'O, ,PHAN TSUN DU RNAM PAR LDOG PA'I BDAG NYID PA RNAMS TE, DE BZHIN DU NI GZHAN SPANGS PA'I MTSAN NYID PA RNAMS DES NA BDAG MED PA'I RANG GI MTSAN NYID LA MU STEGS BYED PAS RTAG PA DANG BDAG DANG, PHYI ROL GYI RDZAS LA SOGS PAR RTOG PA DE LTA BU MED NA DE LA LTOS TE BDAG DANG, BDAG MED PA DANG, RTAG PA DANG, MI RTAG PA DANG, SKAD CIG PA DANG, SKAD CIG PA MA YIN PA DANG, PHYI ROL GYI DANG, PHYI ROL MA YIN PA'I RDZAS LA SOGS PAR CIS NA RTOG, GZHAN GYI DBANG GNYIS KYI RNAM PAR GANG SNANG BA DE DAG NI RMI LAM DANG, MIG 'PHRUL DANG, RAB RIB TU SNANG BA DANG, GZUGS BRNYAN LA SOGS PA BZHIN DU RNAM PA DES MA SKYES PAS NA DNGOS PO MED PA RNAMS SO, ,RTAG PA DANG, BDAG DANG, PHYI ROL GYI RDZAS LA SOGS PA'I RANG BZHIN MED PA'I PHYIR MA SKYES PAS NA DNGOS PO MED DO, ,YONGS SU GRUB PA RNAMS @224B KYI NI YANG GNYIS KYI RNAM PAR STONG PA NYID DE BSAM PA MED PA DANG SNANG BA MED PA'O, ,MU STEGS BYED RNAMS KYI NI RTAG PA DANG, BDAG DANG PHYI ROL GYI BAR SGRO BTAGS PA'O, ,SANGS RGYAS RNAMS KYI NI 'DU BYED THAMS CAD SKAD CIG PA'O, ,GZHAN GYI DBANG GIS GANG YIN PA DE DAG KYANG RMI LAM DANG MIG 'PHRUL LA SOGS PA STE, LUNG STON PA PO RNAMS KYIS SKYE BA DANG, 'GOG PA LA SOGS PA BYED PA DANG, BYED PA POR MNGON PAR 'BREL PAR BRTAGS PA GZHAN DAG MED DO, ,SHES RAB KYIS DPYAD PAS 'DZIN PA DANG, GZUNG BA YANG MI DMIGS PA BSAM PA MED CING SNANG BA MED PA DON DAM PA'I BDEN PA GNYIS SU MED PA YANG DAG PAR RIG PA SKAD CIG MA'I RGYUN BRJOD DU MED PA'I PHYIR SKYE BA LA SOGS PAR GZHAN KUN DU BRTAGS PA LTA ZHIG GI SKABS GA LA YOD DE MED DO, ,CHOS THAMS CAD LA YI GE MED PA NI RANG GI MTSAN NYID RNAMS LA YI GE MED PA STE, DE'I PHYIR NA DE KHO NA NYID RNAM PAR MI RTOG GO, ,DNGOS PO DANG DNGOS PO MED PA RNAM PAR MI RTOG PA LA SOGS PA'I DON DAM PA LA NI MU STEGS BYED RNAMS DNGOS POR SGRO BTAGS PAS, BLO GROS CHEN PO NGA'I CHOS NI YOD PA DANG MED PA'I PHYOGS KYI RNAM PAR RTOG PA DANG BRAL BAS DE'I PHYIR MU STEGS BYED RNAMS KYI SKYE BA MED PA DANG, 'GOG PA MED PAR SMRA BA DANG MTSUNGS PA MA YIN NO, ,THAMS CAD MKHYEN PAS NYAN THOS DANG MU STEGS BYED SMRA BA LAS THEG PA CHEN PO KHYAD PAR CAN ZHES TE, GNYIS KA DANG MI GNYIS PA'I CHOS STON PAS SNANG BA DANG BCAS PA DANG, SNANG BA MED PA'I TING NGE 'DZIN GYI KHYAD PAR GSUNGS PA'O, ,RANG GI RNAM PA BRGYAL BA LA SOGS PA LTA BU NAM SHES RAB KYIS DPYAD DE SHES PAR BYA BA GZHIGS NAS MI DMIGS PA DE'I TSE BSAM BA MED CING SNANG BA MED PA DON DAM PA'I BDEN PA MI GNYIS PAR YANG DAG PAR RIG PA DNGOS PO DANG DNGOS PO MED PAR RNAM PAR MI RTOG PA NYID GNAS SO, ,DE LA BYED PA DANG, BYED PA PO DANG, BRJOD PA DANG, RJOD PA PO DANG, 'DZIN PA DANG, GZUNG BA DANG, RTAG PA DANG, MI RTAG PA DANG, BDAG DANG, BDAG MED PA DANG, SEMS @225A *, ,CAN DRUG BRTAGS PA THAMS CAD DANG, 'DU BA'I RNAM PAR RTOG PA PHYI NANG GI RKYEN GYI 'BREL PA GZHAN GYI DBANG GI RNAM PA LA SNANG NGO, ,'BREL PA 'BREL PA ZHES BYA BA NI KUN 'DU BA LA THAMS CAD MKHYEN PAS DGONGS PA STE, SEMS 'KHRUGS NA JI TZAM DU 'KHOR BAR SNANG BA DE TZAM DU MNYAM PAR MI 'JOG PA'I MTSAN NYID CAN GYI MA RIG PA'I RKYEN GYIS 'DU BYED LA SOGS PA RTEN CING 'BREL TE 'BYUNG BA STE, DE NI RTAG PA DANG, BDAG TU CHAGS PA'I MA RIG PA DANG, LAS DANG LEN PA LAS SRID PA STE, DES NA PHAN TSUN GYI 'BREL PA NI NANG GI RTEN CING 'BREL TE 'BYUNG BA'O; ,PHYI ROL GYI 'BYUNG BA LAS GYUR PA'I TSOGS KYI NI 'JIM PA'I GONG BU DANG 'KHOR LO LA SOGS PA 'BYUNG BA'I RTEN LTOS TE 'BYUNG NGO, ,DE LTAR NA BYAS PA NI MI RTAG PA STE, MIG YOR DANG, RMI LAM DANG, MIG 'PHRUL LA SOGS PA BZHIN NO, ,JI LTAR DBU MA LAS, RMI LAM BZHIN DANG SGYU MA BZHIN, ,JI BZHIN DRI ZA'I GRONG KHYER BZHIN, ,DE BZHIN SKYE DANG DE BZHIN GNAS, ,DE BZHIN 'JIG PAR BRJOD PA'O, ,ZHES 'BYUNG BA STE, JI LTAR LUNG STON PA LAS SKYE BA DANG, GNAS PA DANG, 'GOG PA LA SOGS PA'I CHOS KUN BRTAGS PA'I SKAD CIG PA MA GTOGS PAR MED DE, DES NA JI LTAR MU STEGS CAN RNAMS KYI CHOS DANG, CHOS CAN LTA BUR MI RTAG PA NI THA DAD PA YANG MA YIN, THA DAD PA MA YIN PA YANG MA YIN NO, ,GAL TE MI RTAG PA THA DAD NA NI MI RTAG PA MED PA'I PHYIR DE'I TSE NA TSIG GI DON RTAG PAR 'GYUR RO, ,RTAG PA YANG MI RTAG PAR 'GYUR RO, ,DE LTA BAS MI RTAG PA NI GZHAN PA YANG MA YIN, GZHAN PA MA YIN PA YANG MA YIN TE, JI LTAR DBU MA LAS, GAL TE SKYE BA SNGAR YOD LA, ,RGA DANG 'CHI BA PHYI NAS NI, ,SKYE BA RGA BA 'CHI BA MED, ,SKYES PA 'CHI BAR YANG MI 'GYUR, ,GANG NA DE DAG THOG MA DANG THA MA LHAN CIG DANG GO RIMS SU MI 'JUG NA, SKYE BA DANG NI RGA BA YANG, ,CHOS KUN LA NI 'CHI BA CI, ,DNGOS PO KUN LA RNAM RTOG BYED, ,SKYE DANG 'CHI BA MA GTOGS PA, ,DNGOS PO GANG ZHIG YOD PAR 'GYUR, ,ZHES PA STE, JI LTAR LUNG STON PA LA SOGS PAS SKYE BA DANG, GNAS PA DANG, @225B 'GOG PA LA SOGS PA'I CHOS RNAMS BRTAGS PA DANG, JI LTAR KHYAD PAR CAN GYI SKYE BA DANG, GNAS PA DANG, RGA BA DANG, MI RTAG PAR RNAM PAR BRTAGS PA NI RIM DANG CIG CAR DU MI RUNG NGO, ,NAM RIM DU 'GYUR BA DE'I TSE SKYE BA NI RGA BA DANG 'CHI BA DANG 'BRAL BA'O, ,GNAS PA DANG, RGA BA DANG, 'CHI BA RNAMS KYANG SKYE BA DANG BRAL TE, RGYU MED PA LAS SKYE BAR 'GYUR RO, ,SNGAR DNGOS PO MED PA DANG ZHIG NAS DNGOS PO MED PA LA SOGS PAR NE YI YA YI KA DANG, KHYAD PAR CAN DANG, GRANGS CAN DANG, DBYED PA CAN DANG, KshA PA NA KA GANG DAG GIS KUN RTOG PA GAL TE DE DAG DNGOS PO LAS THA DAD PA MA YIN NA NI DE'I TSE DNGOS PO DANG DNGOS PO MED PAR DE LTAR 'BREL PAR MI RUNG STE, GNYIS KA'ANG DNGOS PO PHYIR SU GANG GI KHYAD PAR DU 'GYUR, DE'I PHYIR DNGOS PO BDAG NYID KYI RGYUS DE LTAR 'BYUNG BA DANG 'JIG STE, GANG THOG MA DANG THA MA'I DUS KYI GNAS KYI CHA DANG BRAL BA'I SKAD CIG PA GZHAN NYID DU YANG MI GNYIS PA GRANGS CAN RNAMS KYIS DE SKAD CIG PA DRUG TU GNAS PA'I RTAG PA LTA BUR YANG MI RUNG NGO, ,DRUG NI SKYE BA DANG, YOD PA DANG, 'GYUR BA DANG, RNAM PAR 'PHEL BA DANG, ZAD PA DANG, 'JIG GO ZHES DNGOS PO'I 'GYUR BA DRUG GO, ,SKAD CIG PA GCIG KYANG SKAD CIG PA DRUG TU GNAS PAR 'GYUR BAS RIM DANG CIG CAR MI RUNG NGO, ,DE BZHIN DU NE YI YA YI KA DANG KHYAD PAR CAN LA SOGS PAS BRTAGS PA'I SKAD CIG PA DRUG RNAMS RE RE YANG SKAD CIG PA DRUG DRUG TU GNAS PAR 'GYUR BA NI YOD PAR 'BREL PA'I DUS DANG, GNAS PA'I DUS DANG, YON TAN GONG MA 'BYUNG BA'I DUS DANG, DMIGS PA'I DUS DANG, RNAM PAR 'JIG PA'I RGYU RKYEN BSNYEN PA'I DUS DANG, RNAM PAR 'JIG PA'I DUS TE, YOD PA DANG 'BREL PA LA SOGS PAR RTOG PA'I DUS SNGA MA LA PHYI MA'I KHYAD PAR MI SRID DO, ,DE DAG LA YANG DE BZHIN DU SKYON MI LDOG PAS BLO DANG SGRA DANG, GLOG LA SOGS PA SHIN TU MYUR BAR RNAM PAR 'JIG PA YANG MED PAR 'GYUR RO, ,DES NA SKAD CIG PA LA SKYE BA DANG GNAS PA DANG, 'GOG PA LA SOGS PA'I CHOS @226A *, ,LHAG PA MED DO, ,JI LTAR DGE 'DUN CHEN PO PA RNAMS KLOG PA, 'DU BYED THAMS CAD SKAD CIG PA, ,MI BRTAN BYED PA GA LA ZHIG ,GANG BYUNG BYED PA DE NYID DE, ,BYED PA POR YANG DE NYID BRJOD, ,CES BYA BA DANG, BYED PA POR 'BREL TE SKYE BAR MI RUNG STE, GANG GI TSE NA SKAD CIG PA GCIG PA DE'I TSE NA, SKAD CIG PA GNYIS PO MED DE SNGA MA'I 'OG TU 'DI YOD NA 'DI YOD CES BYA BA 'BA' ZHIG STE CHOS SU BRTAGS PA'O, ,GZHAN GYI DBANG GI GNYIS KYI RNAM PA'I SHES PA LA RGYU DANG 'BRAS BU KUN TU RTOG PA STE, RMI LAM DANG MIG 'PHRUL LA SOGS PA LA YANG DE LTA BU YOD DO, ,KHA CIG GIS NI MNGON SUM DANG RJES SU DPAG PAS DER YANG SKAD CIG MAR 'JIG PA GDON MI ZA BAR BYED DE, JI LTAR SE GOL GYI SGRA THOG MA DANG THA MA'I DUS KYI GNAS THA DAD PA DANG BRAL BA DANG, SKRA DANG RTZVA LA SOGS PA BCAD NAS YANG SKYES PA DANG, KA BA DANG RDZA MAL SOGS PA YANG MCHOG TU RNYINGS PA LA SOGS PAS THOG MA DANG THA MA'I DUS THA DAD PA DANG, ME TOG LA SOGS PA RNAMS RNAM PAR 'JIG PAR RJES SU DPAG PA NI JI LTAR DE DAG SKAD CIG YUD TZAM THANG CIG GIS 'JIG PAS SO, ,GZHAN GYI DBANG LA RNYINGS PA DANG, CHER RNYINGS PA LA SOGS PAR THAMS CAD MKHYEN PA'I MNGON SUM DANG RJES SU DPAG PA DAG GIS SKAD CIG MAR 'JIG PA GDON MI ZA'O, ,BSAM PA MED CING SNANG BA MED PA DON DAM PA'I BDEN PA GNYIS SU MED PA'I SKAD CIG MA'I RGYUN YANG DAG PAR RIG PA BRJOD DU MED PA NI YONGS SU GRUB PAR YANG MNGON SUM STE, DE DE LTAR SKYE BA DANG, GNAS PA DANG, 'GOG PA LA SOGS PA'I CHOS RTAG PAR BRTAGS PA RNAMS GZHAN GYI DBANG DANG YONGS SU GRUB PA RNAMS LA MI SRID DO, ,JI LTAR 'DIR GSUNGS PA, RTAG PA YI NI RANG BZHIN GYIS, ,DNGOS PO THAMS CAD MA SKYES TE, ,GZHAN DBANG LA NI BRTEN NAS SU, ,MI RNAMS RNAM PAR RTOG PA SKYE, ,GANG TSE GZHAN DBANG RNAM RTOG GIS, ,RNAM PAR SPANGS TE DAG PA NA, ,GRUB PA DE BZHIN NYID PAR SMRAS, ,MDO SDE MDO SDER NGAS BSHAD DO, ,RTAG PA DANG, BDAG DANG PHYI ROL GYI RDZAS LA @226B SOGS PA BRTAGS PA RNAMS KYI DNGOS PO MED PA'I PHYIR GZHAN GYI DBANG SNA TSOGS THA DAD PA'I RNAM PAR MA SKYES PA STE, RNAM PA DES SKYES PA'I RANG BZHIN MED PAS GCIG PU LA DU MAR MI RIGS PA DANG, RNAM PA DU MA LA YANG GCIG PUR MI RUNG NGO, ,JI LTAR SLOB DPON DHARMA K'I RTIS SGRUB PAR BYED PA, GANG GIS DNGOS PO BRTAG BYA BA, ,YANG DAG PAR NI GZUGS DE MED, ,GANG PHYIR GCIG DANG DU MAR YANG, ,DE DAG GZUGS NI MED PA'O, ,GZHAN DU DNGOS PO GCIG PO LA, ,SNA TSOGS GZUGS NI SNANG BA'I PHYIR, ,RNAM PA JI LTAR BDEN PAR 'GYUR, ,DES NA GCIG KYANG 'GRIB PA'I PHYIR, ,GZHAN LA GZHAN DU 'GRIB PA YANG, ,DBYER MED MA YIN GZUGS MTHONG PHYIR, ,RANG BZHIN THA DAD MI MTHONG BAS, ,BLO NI THA DAD MI RTOGS SO, ,'O NA BLO NI DE GCIG LA, ,JI LTAR SNA TSOGS SNANG BAR BYED, ,'DI NI DNGOS PO'I MTHU LAS BYUNG, ,MKHAS PA GANG DAG GSUNGS PA STE, ,JI LTAR JI BZHIN DON BSAM PA, ,DE BZHIN DE BZHIN BDEN PAR 'GYUR, ,GANG GI DON RNAMS BDAG NYID KYIS, ,MOS NA DER NI BDAG CI RTOGS, ,ZHES PA STE, DE DE LTAR GZHAN GYI DBANG GCIG PO LA DU MAR MI RIGS SO, ,YONGS SU GRUB PA LA GNOD PA MED PA'I PHYIR BSAM PA MED CING SNANG BA MED PA DON DAM PA'I BDEN PA GNYIS SU MED PAR YANG DAG PAR RIG PAS SANGS RGYAS KHO NA NYID DNGOS PO DANG DNGOS PO MED PA NYID RNAM PAR MI RTOG PA STONG PA NYID DANG, MTSAN MA MED PA DANG, SMON PA MED PAR RNAM PAR THAR PA'I SGO SNANG BA MED PA'I TING NGE 'DZIN LHUN GYIS GRUB PA DON DAM PA LA BZHUGS PA DANG, DAG PA 'JIG RTEN PA SNANG BA DANG BCAS PA'I TING NGE 'DZIN LHUN GYIS GRUB PA MED PA LA THAMS CAD MKHYEN PA BZHUGS TE, MOS PA THA DAD PA LA GNAS PA RNAMS LA GNYIS PA DANG MI GNYIS PA'I CHOS GZUD PA'I TSUL GYIS STON TO, ,PHUNG PO DANG, KHAMS DANG, SKYE MCHED DANG, RTEN CING 'BREL TE 'BYUNG BA DANG, BYANG CHUB KYI PHYOGS KYI CHOS SUM CU RTZA BDUN DANG, STOBS BCU DANG, MI 'JIGS PA LA SOGS PA'I CHOS GNYIS KYI RNAM PA CAN SEMS DKRUGS PA'I @227A *, ,MNYAM PAR MI 'JOG PA'I MA RIG PA LAS SKYES PA'I SEMS CAN RNAMS LA 'KHOR BA'I DUS DANG THAR PA'I RIM PAR SNANG BA'I TSUL DANG, SA DANG PHA ROL TU PHYIN PA THA DAD PA'I BSOD NAMS DANG, YE SHES KYI TSOGS KYI KHYAD PAR RNAMS KYIS RNAL 'BYOR GYI DBANG PO RNAMS LA STE, RDZU 'PHRUL GYI CHO 'PHRUL DANG MTSAN MAS BRGYAN PA'I SKU LA SOGS PAR SNANG BAS SEMS CAN MGU BAR BYA BA'I PHYIR DANG, SHES RAB DANG THABS LA MKHAS PA RNAM PA SNA TSOGS KYIS JI LTAR RTAG PA DANG, BDAG TU CHAGS PA DANG, LAS KYI RGYU LAS SKYE BA DANG, 'CHI BA'I 'KHOR BA'I SDUG BSNGAL LDOG PA DE LTAR CHOS STON TO, ,'DOD CHAGS DANG BRAL BA RNAMS LA NI MI RTAG PA DANG, SDUG BSNGAL BA DANG MI MDZES PA BSGOM PAR CHOS ZAB MO LA MOS PA KHA CIG LA NI SBOM PO DANG PHRA MO SHES RAB KYIS DPYAD DE RNAM PAR GZHIG PA, GZUGS NI RDUL PHRAN GZHIGS PA NA, ,RDUL PHRAN CHA NI MED PA STE, ,ZHES PAR GANG GI TSE PHYI ROL GYI MI DMIGS PA DE'I TSE BSAM PA MED CING SNANG BA MED PA DON DAM PA'I BDEN PA MI GNYIS PAR YANG DAG PAR RIG PAR BRJOD DU MED PA LA GNAS SO, ,DES NA THUGS RJE'I BAG CHAGS KYIS GZHAN GYI DON DU SAD DO, ,SA DANG PHA ROL TU PHYIN PA GONG NAS GONG MA'I TSOGS KYI BSOD NAMS DANG YE SHES KYI TSOGS KYI RNAL 'BYOR LA GOMS PAS GNYIS PA DANG MI GNYIS PA'I TING NGE 'DZIN THOB PAR 'GYUR RO, ,DES NA CHOS DANG GANG ZAG LA BDAG MED PA YONGS SU SHES PA NI DON GYI RJES SU 'BRANG BA LA 'GYUR GYI YI GE'I RJES SU 'BRANG BA LA NI MA YIN TE, JI LTAR THAMS CAD MKHYEN PAS MANG DU THOS PA RNAMS LAS DON RNYED DO ZHES GSUNGS PA'O, ,'PHAGS PA LANG KAR GSHEGS PA'I BSHAD PA YE SHES DPAL BZANG POS SBYAR BA'I LE'U GSUM PA LAS SANGS RGYAS KYI CHOS DBYAD PA'I 'OG TU RTEN CING 'BREL TE 'BYUNG BA DANG MI RTAG PA LA SOGS PA'I CHOS THOR BU DPYAD PA BCVA LNGA PA'O,, ,,THAMS CAD MKHYEN PAS RGYU DANG 'BRAS BU'I DNGOS POR DGONGS PA'I BSDU BA'I DON NI 'DI YIN TE, RGYU 'DUS PA LAS NANG @227B DANG PHYI'I 'BRAS BU'I RANG BZHIN GYI TSOGS SNANG NGO, ,DE NI MIG DANG GZUGS DANG, SNANG BA DANG, YID LA BYED PA RGYU 'DUS PA'I MTHU LAS MIG LA SOGS PA'I RNAM PAR SHES PA NYE BAR SKYE'O, ,DE LA RGYU 'BYONG BAS 'BRAS BU YANG 'BYED PA STE, DE MA THAG PA'I RKYEN GYIS CHUD PA'I RANG BZHIN NO, ,YUL GYIS NI DE 'DRA BAR RO, ,DBANG PO LAS NI YUL SO SOR NGES PA STE, PHYI ROL GYI DON DU SMRA BA RNAMS KYIS DE LTA BUR YUL DANG YUL CAN GYI DNGOS POR KUN DU RTOG GO, ,TSOGS KYI RANG BZHIN GYI RNAM PAR SHES PA DE LTA BUR YANG KHANG PA DANG, SDE DANG, NAGS CHAL LA SOGS PA BZHIN DU RNAM PA DU MA'I PHYIR STONG PA NYID DO, ,'BYUNG BA DANG 'BYUNG BA LAS GYUR PA'I GZUGS YUL YANG 'DUS PA'I PHYIR KHANG PA LA SOGS PA BZHIN DU STONG PA NYID DO, ,'BYUNG BA RNAMS CHA DANG MI 'BRAL BA'I PHYIR THA DAD PA'I DNGOS PO DNGOS POR MED DE; ,DE LAS BYUNG BA'I GZUGS RNAMS KYANG RANG DBANG DU THA DAD PA MED DE, DE SA NA YUL DANG YUL CAN GYI DNGOS PO DE NI SNANG BA'I TSOGS TE DON DAM PAR NI MED DO, ,RMI LAM GYI DUS NA YANG DER GZUGS LA SOGS PA'I YUL DANG, DBANG PO DANG, MIG LA SOGS PA'I RNAM PAR SHES PA MED PA DE BZHIN DU SNANG BA STE BSLAD PA SNA TSOGS KYI BAG CHAGS YONGS SU SMIN PA'I MTHU LAS RNAM PAR SHES PA GCIG PU NYID RNAM PA SNA TSOGS THA DAD PAR SNANG GI ,DER BYED PA DANG BYED PA POR MNGON PAR 'BREL BA'I RGYU DANG 'BRAS BU'I DNGOS PO MED DO, , DES NA 'BYUNG BA MED PA'I RTEN CING 'BREL TE 'BYUNG BA SO SOR SNANG NGO, ,NAM SHES RAB KYIS DPYAD DE SHES PAR BYA BA SBOM PO DANG, PHRA MO PHYOGS KYI CHA THA DAD PAR PHYE STE MI DMIGS PA DE NA BSAM PA MED CING SNANG BA MED PA DON DAM PA'I BDEN PA GNYIS SU MED PA'I SKAD CIG MA YANG DAG PAR RIG PA STE BRJOD DU MED PA'I PHYIR DER DE MA THAG PA TZAM GYIS 'DI YOD NA 'DI YOD DO ZHES CHOS SU BRTAGS PA BSTAN MI NUS SO, ,THAMS CAD MKHYEN PA'I SGRA DANG DON GYI THA SNYAD KYANG SPYI'I RNAM PAR 'JUG GO, ,'GOG PA LA SNYOMS PAR 'JUG PA LAS LANGS PA BZHIN @228A *, ,DU SNANG BA DANG BCAS PA'I TING NGE 'DZIN LA BZHUGS PA NA CHOS STON PA 'BYUNG NGO, ,THUGS RJE'I BAG CHAGS KYIS SAD DE STONG PA NYID DANG, MTSAN MA MED PA DANG, SMON PA MED PA'I RNAM PAR THAR PA'I SGO LAS THAMS CAD MKHYEN PA BZHENGS PA NA SEMS CAN GYI BSAM PA'I DGOS PA MA LUS PAR 'BYUNG STE, DE LTAR NA CHOS STON PA LA BAR CHAD MED DO, ,SNANG BA DANG BCAS PA DANG SNANG BA MED PA'I TING NGE 'DZIN THA DAD PA LA SNYOMS PAR 'JUG CING BZHENGS PA NA CHOS STON PA SNA TSOGS DANG, GSOL BA'I LAN KYANG DGONGS PA, 'PHAGS MA SHES RAB KYI PHA ROL TU PHYIN PA LA SOGS PA'I MDO SDER SBYAR RO, ,DE BZHIN DU G-YO BA MED PA'I SAR TING NGE 'DZIN LA GNAS PA THAMS CAD MKHYEN PA RNAMS KYIS SO SOR SAD PAR BYA BA DANG, SNANG BA DANG BCAS PA'I TING NGE 'DZIN LA 'JUG PA NA SGYU MA DANG 'DRA BA'I RTEN CING 'BREL TE 'BYUNG BA MI 'BYUNG BAR RNAM PAR LTA ZHING CHOS STON TO, ,SBOM PO DANG PHRA MOR SO SOR SNANG BA'I RNAM PA THA DAD PAS PHUNG PO DANG, KHAMS DANG, RTEN CING 'BREL TE 'BYUNG BA DANG BYANG CHUB KYI PHYOGS KYI CHOS SUM CU RTZA BDUN DANG, STOBS BCU DANG, MI 'JIGS PA LA SOGS PA GNYIS KYI RNAM PA'I CHOS STON TO, ,BSOD NAMS DANG TING NGE 'DZIN LAS BYUNG BA GZUGS SU SNANG ZHING SGYU MA DANG 'DRA BA DANG, GNYIS KYI RNAM PA THAMS CAD KYIS STONG ZHING GNYIS SU MED PA DON DAM PA'I BDEN PA YANG DAG PAR RIG PA DAG PA'I SANGS RGYAS NYID KYANG 'KHOR BA'I RNAL 'BYOR DU STON TO, ,'PHAGS PA LANG KAR GSHEGS PA'I BSHAD PA YE SHES DPAL BZANG POS SBYAR BA'I LE'U GSUM PA LAS RTEN CING 'BREL TE 'BYUNG BA DPYAD PA BCU DRUG PA'O,, ,,KHRO GROS CHEN PO MU STEGS BYED THAMS CAD KYIS RNAM PA BRGYAD DU RNAM PAR BRTAGS TE NGAS NI MA YIN NO ZHES BYA BA LA SOGS PA NI MI RTAG PA DANG 'BREL TO, ,RNAM PA BRGYAD GANG ZHE NA, DE LA BLO GROS CHEN PO LA LA NI RAB TU RTZOM PA LAS RNAM PAR LDOG PA MI RTAG PA NYID CES ZER TE, BLO GROS CHEN PO RAB TU RTZOM PA ZHES BYA BA NI SKYE BA YIN TE ZHES PA NI MU STEGS BYED PA RNAMS KYIS RTAG PA @228B RNAMS KYI 'BRAS BU SKYED PAR RTZOM PA STE, DE BZHIN DU BYED PA NI MI RTAG GO ZHES RTOG PA STE, DE DAG RIM GYIS DNGOS POR SKYES PA RNAMS KYANG SKYE BA MED PAR RNAM PAR RTOG GO, ,KHA CIG NI DBYIBS RNAM PAR LDOG PA MI RTAG PA NYID CES ZER RO ZHES PA NI JI LTAR RDZAS SU RTZOM PA'I LAN LAG TU SBYOR BA LA SBYOR BA DANG LDAN PA GZHIGS NAS GLO BUR DU 'ONGS TE GNOD PA 'GAL BA LAS BYUNG NAS GANG GI TSE YAN LAG RNAM PA'I CHA PHYE BA DE'I TSE, BUM PA LA SOGS PA'I RDZAS DBYIG PA LA SOGS PAS 'JIG PAR BYED PA DE LTA BU NI YAN LAG CAN GYI RDZAS KYI DBYIBS NI 'JIG PA STE, RDZU 'PHRUL MA NI MA YIN NO ZHES SO, ,KHA CIG NI GZUGS NYID MI RTAG PA ZHE'O ZHES BYA BA NI JI LTAR ME LCE DANG GLOG LA SOGS PA'I GZUGS NI RTAG PA'O, ,KHA CIG NI GZUGS 'GYUR BA'I BYE BRAG GZHAN MI RTAG PA NYID YIN TE, CHOS THAMS CAD BAR CHAD MED PAR RGYUN DU RANG GI DANG GIS RNAM PAR GROL BAR 'O MA LAS ZHOR 'GYUR BA'I BYE BRAG THA DAD PA BZHIN DU DNGOS PO THAMS CAD LA YANG MI MTHONG BA GZHIG PA MI RTAG PA NYID 'JUG CE'O ZHES BYA BA LA, SNGA MA NI NE YI YA YI KA DANG, KHYAD PAR CAN GYI LTA BA THAMS CAD MKHYEN PAS DGONGS BAR BRTAG GO, 'DI NI GRANGS CAN GYI LTA BA STE, JI LTAR BA TAN DZA LA'I 'GREL BA LAS, YON TAN 'JUG PA NI MI BRTAN PA STE, YON TAN 'DI DAG BDAG LA YUD TZAM DU YANG MI GNAS SO ZHES SO, ,THAMS CAD MKHYEN PAS KYANG DE BZHIN DU DNGOS PO THAMS CAD LA MI MTHONG BA GZHIG PA NI MI RTAG PA'O ZHES GSUNGS SO, ,RANG GI DANG GIS 'BYUNG BA NI 'O MA LAS ZHO DANG DAR BA LA SOGS PA 'GYUR BA'I DNGOS PO 'BYUNG BA NI SNGON GYI GZUGS YONGS SU SPANGS TE CHOS GZHAN SKYE'O ZHES SO, ,KHA CIG NI DNGOS PO MI RTAG PAR RTOG GO ZHES BYA BA NI DNGOS PO SNGA MA MED CING GYO MO DANG SOL BA LA SOGS PA'I DNGOS PO KUN RTOG GO, ,KHA CIG NI DNGOS PO'I DNGOS PO MED PA MI RTAG PAR RTOG GO ZHES PA NI JI LTAR KshA PA NA KA DANG, DPYOD PA CAN LTA BU STE, RTAG PAR 'GYUR BA DANG, MI RTAG PAR 'GYUR BA DANG, RTAG PA DANG MI RTAG PAR 'GYUR BA DANG, @229A *, ,RTAG PAR 'GYUR BA YANG SMRA BAR MI BYA BA DANG, MI RTAG PAR 'GYUR BA YANG SMRA BAR MI BYA BA DANG, RTAG PA DANG, MI RTAG PAR 'GYUR BA YANG SMRA BAR MI BYA BA DANG, RIM PA DANG RNAM PA LA LTOS TE THAMS CAD THAMS CAD DU SMRA BAR MI BYA BA DANG BDUN DU BYED PA'O, , DPYOD PA CAN RNAMS KYI DNGOS PO RNAMS NI SPYI DANG KHYAD PAR DU THA DAD PA DANG THA DAD PA MA YIN PA STE, DNGOS PO GZUGS NI GCIG PO LA, ,BRTAGS TE GZUGS NI 'DOD PA BZHIN, RIM DANG CIG CAR 'JUG PA YIS, ,TSIG GI RNAM PA GZHAN MED DO, ,JI LTAR KHA DOG 'DRES PA LA, ,'DOD PA BZHIN DU KHA DOG 'DZIN, ,DE BZHIN DNGOS PO SNA TSOGS PHYIR, ,THA DAD THA DAD MI DMIGS PA'O, ,JI LTAR SU ZHIG GCIG SHES NAS, ,YANG DAG YANG BAR SHES PA NI, ,DUS KYI THA DAD MI 'BYED PA, ,DE BZHIN SGRA YANG MI 'BYED DO, ,GOMS PAS JI LTAR GCIG PA NI, ,THA DAD YUL DU 'GROR ZIN KYANG, ,THA DAD YUL GYIS MI 'BYED PA, ,DE BZHIN SGRA LA 'BYED PA MED, ,CES PA CHOS CAN RNAMS NI RTAG PA LA, CHOS RNAMS NI THA DAD PA DANG THA DAD PA MED PAR MI RTAG PA NYID DE, NYAM CHUNG BA DANG, NYAMS CHE BA'I LHA SBYIN YANG DE 'DI NYID DO, ,YI GE YANG RING PO DANG THUNG DU DE NYID DO, ,GZHAN GYI RANG GIS MI RTAG PA NYID DANG GIS NI MI RTAG PA NYID CES TE, DPYOD PA CAN LO RGYUS LA NI THA DAD PA MED PA'O, ,GZUGS 'GYUR BA MI RTAG PA NYID NI SMRA BA PO THAMS CAD LA MTSUNGS TE BUM PA ME DANG PHRAD PA NA SNGO BA NI LDOG ,DMAR PA NI SKYE BA'O, ,SKYE BA MI RTAG PA NYID NI DNGOS PO THAMS CAD KYI NANG DU 'DUS PAS DE'I TSE LA SOGS PA'I RDZAS RTAG PA DE DAG LA GZHAN PA MA YIN TE, RDUL PHRA MO LA SOGS PA'I SNGA MA'I RNAM PA BZHIN DU PHYI MA'I RANG BZHIN SKYE BA STE, PHRAD PA'I DUS DANG 'BRAL BA'I DUS SU YANG RANG BZHIN GZHAN SKYE BA NI DE DAG GI DE LTA BUR MI RTAG PA NYID DE, PHRAD PA DANG BRAL BAR THA DAD PAR 'BYED PA NA BYED PA MED PA RNAMS KYI BYED PA SKYE BA NA DE BZHIN DU G-YO BA MED PA'I MTSAN NYID RNAMS YUL GZHAN DU 'PHO BA'I KHYAD PAR GYI BDAG NYID @229B THOB PO, ,G-YOS PA DANG, G-YOS PA MED PA LA SOGS PA THA DAD PA'I DUS KYI MTSAN NYID DANG LDAN PA RNAMS LA GCIG PAR MI RIGS TE, SHING DANG THAL BA LA SOGS PA DANG 'O MA DANG ZHO DANG MAR SAR PA LA SOGS PA BZHIN NO, ,DES NA THOG MA DANG THA MA'I RANG BZHIN GYI KHYAD PAR THA DAD PAR PHYEN RIM PA DANG, YUL DANG DUS THA DAD PAR PHYE BA'I KHYAD PAR GYIS SKYE BA DE DAG RANG BZHIN GYI KHYAD PAR GYIS SKAD CIG PA THOB PAR YID CHES SO, ,RDUL GNYIS LA SOGS PA'I RIM PAS RDUL PHRA MO'I RNAMS SNGAR PHRAD PAR 'BYUNG BA RNAM PAR 'JIG PA YANG RDUL GSUM LA SOGS PA'I RIM GYIS YIN TE, DE LTAR NA SKYE BA MI RTAG PA NYID DO, ,DE DAG LA NAM RDUL PHRA MO'I MTHAR THUG PAR YAN LAG DANG BRAL BAR 'GYUR BA DE NA SKYE BA MED PA'I MI RTAG PA NYID DU THAMS CAD MKHYEN PAS DGONGS PAR BRTAG GO, ,DE BZHIN DU YANG SA LA SOGS PA'I RDUL PHRA MO RNAMS RTAG PA NYID NA SU MI RTAG PAR 'GYUR, RDUL PHRA MO MA GTOGS PAR SBOM PO'I RDZAS MED PA'I PHYIR RO, ,BTZOS PA DANG, MA BTZOS PA DANG, BSGUL BA DANG, MA BSGUL BA DANG, BSGRIBS PA DANG MA BSGRIBS PA LA SOGS PAR PHYE BA DANG, PHYOGS KYI CHA THA DAD PAR PHYE BA NA KHANG PA DANG SDE DANG, NAGS TSAL LA SOGS PA BZHIN DU DNGOS PO MED DO, ,NE YI YA YI KA DANG KHYAD PAR CAN LA SOGS PA RNAMS KYI BYED PA DANG LDAN PA'I 'DUS PA'I RDUL PHRA MO RNAMS KYANG CHA THA DAD PAR PHYE BA NI RTAG PA MED DO ZHES THAMS CAD MKHYEN PAS DGONGS PA'O, ,GRANGS CAN DANG KshA PA NA KA LA SOGS PA RNAMS LA NI MED PA MI SKYEL MED PA MI 'GAG PA STE, YAN LAG CAN DANG, YON TAN DANG LAS RNAMS SNGAR MED PA'I SKYE BA DANG 'JIG PA MED DO ZHE NA SU'I MI RTAG PA NYID YIN TE, DE DE LTAR NA MU STEGS BYED THAMS CAD KYI MI RTAG PA NYID NI SKAD CIG MAR 'JIG PA MA GTOG PAR RDZAS DANG YON TAN DANG LAS DANG SPYI DANG KHYAD PAR LA SOGS PA RNAMS KYI NI MI RUNG STE, YOD PA DANG MED PA LAS SKYE BA MED PA'I PHYIR RO, ,DNGOS PO MI RTAG PA'I PHYIR MI RTAG PA THA DAD PA MI RUNG STE, DNGOS @230A *, ,PO GZHAN SKYE BA NA SNGA MA'I DNGOS PO CI'I PHYIR NA RNAM PAR 'JIG PAR 'GYUR, 'ON TE RANG NYID MI LDOG NA GNAS PA CAN NI SUS KYANG RNAM PAR GZHIG PAR MI BYED PA'I PHYIR RO, ,DNGOS PO MED PA'I MTSAN NYID KYI YANG MI RTAG PA NYID DU BYA MI NUS TE, DNGOS PO MED PA BYED BAS NA BYED PA NYID DAG PAR BYAS PAR GYUR PAR RTOGS SO, ,DE'I PHYIR RIM PA DANG, DBYIBS DANG YON TAN DANG LAS DANG, SPYI DANG KHYAD PAR DANG, CHOS GZHAN DU SKYE BA'I MI RTAG PA NYID NI SKAD CIG MAR 'JIG PA MA GTOGS PAR MI RUNG NGO ZHES THAMS CAD MKHYEN PAS DGONGS PA'O, ,PHYI ROL GYI DON MED PA'I PHYIR GNYIS KYI RNAM PA LA RGYU DANG 'BRAS BU'I DNGOS PO DANG, BYA BA DANG BYED PA POR MNGON PAR 'BREL PA KUN BRTAGS PA THAMS CAD MI RUNG STE THOG MA MED PA'I SEMS DE BZHIN NYID MA YIN PA'I BAG CHAGS YONGS SU SMIN PA'I MTHU LAS RMI LAM DANG MIG 'PHRUL DANG RAB RIB KYI RNAM PA DANG GZUGS BRNYAN LA SOGS PA BZHIN DU BYIS PA RNAMS LA GNYIS KYI RNAM PA'I 'KHOR SO SOR SNANG NGO, ,DE LA GZHAN GYI DBANG GI SHES PA LA SKYE BA DANG, GNAS PA DANG, 'GOG PA LA SOGS PA'I CHOS GANG RTOG PA DE DAG NI MI RUNG STE, SNGA MA DANG PHYI MA'I DUS KYI GNAS THA DAD PA DANG BRAL BA SKAD CIG PA SNANG BA NI MNGON SUM NYID KYI PHYIR RO, ,DER SKAD CIG PA DRUG TU GNAS PA'AM, SKAD CIG PA DRUG CU RTZA BZHIR GNAS PA YANG RUNG STE MI RTOGS SO, ,JI LTAR SE GOL GYI SGRA LA DER MNGON SUM NYID CHAD MA'O, , RIM DU SNANG BA MED PA'I PHYIR SKYE BA DANG GNAS PA DANG, 'GOG PA LA SOGS PA'I CHOS RNAMS LA BYA BA DANG BYED PA PO LA SOGS PAR 'BREL PAR KUN BRTAGS PA RNAMS SKAD CIG MA GTOGS PAR DNGOS PO GZHAN MED DO, ,JI LTAR DGE 'DUN CHEN PO BA RNAMS KYIS KLOG PA, 'DU BYED THAMS CAD SKAD CIG MA, ,MI BRTAN BYED PA GA LA ZHIG ,GANG 'BYUNG BYED PA DE NYID DE, ,BYED PA POR YANG DE NYID BRJOD, ,CES SO, ,RDUL PHRA MO RNAMS DBANG PO LAS 'DAS PA'I PHYIR PHYI ROL GYI DON MED PAS DE 'PHO BA'I DUS LA SKAD CIG DRUG GI MTSAN NYID KYI SKAD CIG PA MI RUNG NGO, , @230B YONGS SU GRUB PA GNYIS KYI RNAM PA DANG BRAL BA'I CHUD PA DER YANG SKAD CIG MA'I RGYUN YANG DAG PAR RIG PA STE, DER BRJOD DU MED PAS SKYE BA DANG, GNAS PA DANG, 'GOG PA LA SOGS PA'I RNAM PAR RTOG PA DER MI 'BYUNG NGO, ,NAM SHES RAB KYIS DPYAD DE SBOM PO DANG PHRA MO PHYOGS KYI CHA THA DAD PAS PHYE STE SHES PAR BYA BA MI DMIGS PA'I DE NAS BSAM PA MED CING SNANG BA MED PA, DON DAM PA'I BDEN PA GNYIS SU MED PA YANG DAG PAR RIG PA, DNGOS PO DANG DNGOS PO MED PAR RNAM PAR MI RTOG PA NYID GNAS SO, ,DE YANG SNGA MA DANG PHYI MA'I DUS KYI SDUG BSNGAL DANG, SDUG BSNGAL MED PA LA SOGS THA DAD PA DANG, SRED PA DANG THAR PA THA DAD PAS 'BYED PA NA SKAD CIG MA'I RGYUN 'BYUNG BA BSTAN TE, GSER RIN PO CHE LA SOGS PA BZHIN DU SNANG BA MED PA'I TING NGE 'DZIN DU GNAS PA STE, MIG LA SOGS PA'I YUL DANG BRAL ZHING, SKAD CIG PA GZHAN DU GSER LA SOGS PA BZHIN DU MTSAMS SBYOR BAR BYED PA NYID DE MIG LA SOGS PA'I RNAM PAR SHES PA LAG MTHIL GYI SGRA LA SOGS PA LTA BUR NI MA YIN NO, ,DE'I PHYIR MU STEGS BYED THAMS CAD KYI RTAG PA DANG BDAG DANG, BYED PA PO DANG, TSANGS PA DANG, DBANG PO LA SOGS PA'I DBANG DANG, LONGS SPYOD PA PO JI LTA BU YIN PA DE LTA BU BYED PA DANG, LONGS SPYOD PA PO DANG, DBANG PO NI SEMS NYID DE SEMS CAN THAMS CAD DE BZHIN GSHEGS PA'I SNYING PO BAS NA CHUD PA'I NGO BO NYID NI BDE BAR GSHEGS PA DANG, GTOGS 'DOD DANG, LHA CHEN PO DANG, TSANGS PA DANG, RNAL 'BYOR GYI DBANG PO LA SOGS PA'I RANG BZHIN DAG PA YIN TE, SPYI DANG KHYAD PAR DU BRTAGS NA DE BZHIN NO, ,DES NA, CHUD PA BYED PA'I SBYIN PA ZHI SRID PA, ,YUL PHYAD SPYAD PO DE DBANG SNA TSOGS TE, ,BDE GSHEGS 'PHROG 'PHROG CAN TSANGS RNAL 'BYOR DBANG, ,DE LAS THA DAD SA CHU ME RLUNG GIS, BRTZAMS PA'I 'JIG RTEN LUS NI MA YIN TE, ,SBOM PO PHYOGS KYI CHAS NI STONG PA STE, ,NAM MKHA' LAS NI SKYES PA'I ME TOG BZHIN, ,MA SKYES PA NI RTAG TU YOD PA MIN, ,'PHAGS PA LANG KAR GSHEGS PA'I BSHAD PA YE SHES DPAL @231A *, ,BZANG POS SBYAR BA'I LE'U GSUM PA LAS MI RTAG PA NYID DPYAD PA BCU BDUN PA'O, ,SHA THANG STE MTHAR PHYIN PA'I RGYA MTSO LTA BU LE'U GSUM PA RDZOGS STO,, ,,RIN CHEN 'BYUNG GNAS RGYAL MTHAR PHYIN MTHONG NAS, ,RGYAL DGA' YUN RING NAN TAN DBUGS PHYIN THOB, ,DED DPON BZHIN DU BDAG GIS DGA' SA RNYED, ,MDO SDE'I DON NI BDAG DANG GZHAN GYI BLO, ,RGYAS SHING SMRA BA DU MAS BRJOD PA LAS, ,THUGS RJE YIS NI GZHAN LA PHAN MDZAD PA, ,RAB BYAMS MCHOD BYED DPAL BZANG DE LTAR RO, ,DE NAS YANG BYANG CHUB SEMS DPA' SEMS DPA' CHEN PO BLO GROS CHEN POS BCOM LDAN 'DAS LA 'DI SKAD CES GSOL TO, ,'GOG PA'I GO RIMS KYIS MTSAMS SBYAR BA'I MTSAN NYID LA MKHAS PA GANG GIS ZHES BYA BA LA SOGS PA'O, ,DE LA THAMS CAD MKHYEN PA'I LAN NI BLO GROS CHEN POS DRUG NAS BZUNG STE BYANG CHUB SEMS DPA' SEMS DPA' CHEN PO RNAMS LA, NYAN THOS DANG, RANG SANGS RGYAS RNAMS 'GOG PA LA SNYOMS PAR 'JUG PA STE ZHES PA'O, ,SA DRUG TU RTEN CING 'BREL TE 'BYUNG BA SO SOR RTOG CING MA RIG PA LA SOGS PA 'GOG PAR SNYOMS PAR 'JUG PA NA 'KHOR BA LAS SKYO NAS RAB TU ZHI BA'I BDE BA LA GNAS PAR 'GYUR RO, ,BDUN LA NI SEMS SKAD CIG SEMS SKAD CIG LA BYANG CHUB SEMS DPA' SEMS DPA' CHEN PO RNAMS DNGOS PO THAMS CAD KYI NGO BO NYID KYI MTSAN NYID GSAL BAS SNYOMS PAR 'JUG STE ZHES BYA BA NI SHES RAB KYIS DPYAD PAS DNGOS PO RNAMS KYI MTSAN MA'I GNAS DANG, MTSAN MA'I DNGOS PO MI RUNG STE, JI LTAR DBU MA LAS, MTSON BYA MTSAN NYID GAL TE GZHAN, ,MTSAN LA MTSAN NYID MED PAR 'GYUR, ,GCIG NA DE GNYIS MI 'GRUB STE, ,THA DAD NA YANG GZHAN DU MED, ,CES PA'O, ,JI LTAR 'PHAGS MA SHES RAB KYI PHA ROL TU PHYIN PA LAS 'BYUNG BA, RTAG PA'I MTSAN NYID NI GZUGS TE, DE YANG DE BZHIN GSHEGS PAS MTSAN NYID MA YIN PAR MNGON PAR RDZOGS PAR SANGS RGYAS SO ZHES BYA BA LA SOGS PA'O, ,NYAN THOS DANG RANG SANGS RGYAS RNAMS MA YIN @231B NO ZHES BYA BA LA SOGS PA LA MTSAN NYID MED PA'I TING NGE 'DZIN LA SNYOMS PAR 'JUG PA MA YIN TE, CI'I SLAD DU ZHES PA DANG THAMS CAD MKHYEN PAS RGYU GZHAN GSUNGS PA, DE DAG GIS 'GOG PA LA SNYOMS PAR 'JUG PA NI MNGON PAR 'DU BYED PA CAN GZUNG BA DANG 'DZIN PA'I MTSAN NYID DU LHUNG BA'O, ,RGYU GNYIS KYIS 'PHAGS PA NYAN THOS RNAMS KYI 'GOG PA LA SNYOMS PAR 'JUG PA NI MNGON PAR 'DU BYED PA'I MTSAN NYID DU LHUNG STE, PHYI ROL GYI MTSAN NYID DU MNGON PAR CHAGS PA DANG, SNYOMS PAR 'JUG PA LAS LDANG BA'I DUS NA PHYI ROL GYI MTSAN MA 'DZIN PA'I PHYIR RO, ,BTZUN GTZO'I BYANG CHUB SEMS DPA'I KHYAD PAR NI SHES RAB KYIS DPYAD PAS 'DZIN PA DANG GZUNG BA'I MTSAN MA MI MTHONG STE, DE LTAR NA DE DAG LA YANG NAN TAN MED PAR BSAM PA MED CING SNANG BA MED PA'I TING NGE 'DZIN SEMS SKAD CIG SEMS SKAD CIG LA YOD MOD KYI SEMS CAN GYI DON DU SNAG BA DANG BCAS PA'I TING NGE 'DZIN LA SNYOMS PAR 'JUG GO, ,CIS NA DUS THAMS CAD DU SNANG BA MED PA NYID DU SNYOMS PAR MI 'JUG CES DE SKAD DU THUGS DOGS NAS BKA' STZAL PA, DE BAS NA DE DAG NI CHOS THAMS CAD BYE BRAG MED PA'I MTSAN NYID THOB PAR 'GYUR RO ZHES PA STE, SNANG BA MED PA'I TING NGE 'DZIN LA DUS THAMS CAD DU GNAS NA NI SA DANG PHA ROL TU PHYIN PA LA THA DAD PAR PHYE BAS BSOD NAMS DANG YE SHES KYI TSOGS KYI KHYAD PAR DANG, SEMS CAN GYI DON DU SNANG BA DANG BCAS PA'I TING NGE 'DZIN GYI KHYAD PAR RNAMS MED PAR SANGS RGYAS SU 'GYUR RO, SNA TSOGS KYI MTSAN NYID MED PAR THOB PAR 'GYUR ZHES PA NI SNANG BA MED PA'I TING NGE 'DZIN TE, SHES RAB KYIS DPYAD DE SHES PAR BYA BA SBOM PO DANG PHRA MO MI SEMS SHING MI DMIGS SO, ,DGE BA DANG MI DGE BA'I RANG GI MTSAN NYID KHONG DU CHUD PAS ZHES PA NI SNANG BA DANG BCAS PA'I TING NGE 'DZIN TE SPANG BAR BYA BA DANG BLANG BAR BYA BA YONGS SU SHES NAS SA GONG NAS GONG MA'I KHYAD PAR RNAMS KYIS SNYOMS PAR 'JUG PA YIN NO, ,SA BCUS SPANG BAR BYA BA NYON MONGS PA MED PA'I MI SHES PA BAG CHAGS DANG BCAS PA MNYAM PAR @232A *, ,MI 'JOG PA'I MTSAN NYID CAN DANG SHES RAB KYIS DPYAD DE NYON MONGS PA DANG LAS KYI SGRIB PA SPANG BAR BYA BA CHOS DANG GANG ZAG LA BDAG MED PA YONGS SU SHES PAS SPONG DO, ,BDAG TU CHAGS PA MED PA'I PHYIR GZUNG BA RNAM PAR LDOG GO, ,GZUNG BA THAMS CAD YONGS SU SPANGS PAS SEMS CAN THAMS CAD SNYING RJES RJES SU YONGS SU GZUNG BA'I PHYIR SBYIN PA'I PHA ROL TU PHYIN PA BSOD NAMS KYI TSOGS SO, ,GNYIS KYI RNAM PAR RTOG PA MED PA'I PHYIR MI GNYIS PA'I TSUL KHRIMS RNAM PAR DAG PA'O, ,DE DE BZHIN DU GNYIS SU MED PA'I TING NGE 'DZIN THOB PAS 'KHRUGS PA MED PA'I PHYIR BZOD PA'O, ,MI GNYIS PA'I RNAL 'BYOR LA BRTZON PA'I PHYIR BRTZON 'GRUS SO, ,GNYIS KYI RNAM PAR RTOG PA MED PA'I PHYIR SEMS RTZE GCIG PA NYID NI BSAM GTAN NO, ,SHES RAB KYIS DPYAD DE 'DZIN PA DANG GZUNG BA'I MTSAN MA LA MI DMIGS SHING BSAM PA MED PA DANG, SNANG BA MED CING MI GNYIS PA'I CHOS NYID NI SHES RAB BO, ,BDUN DU NI BYANG CHUB KYI PHYOGS KYI CHOS SUM CU RTZA BDUN KHONG DU CHUD PAS KYANG SNYING RJE BA'I PHYIR SHES RAB DANG THABS KYI PHA ROL TU PHYIN PAS SEMS CAN GYI DON BYED DO, ,BRGYAD DU SGYU MA DANG 'DRA BA'I RTEN CING 'BREL TE 'BYUNG BA MI 'BYUNG BAR RTOGS SHING, BYED PA DANG BYED PA PO DANG, 'DZIN PA DANG, GZUNG BA DANG BRAL BA DNGOS PO MED PAR RNAM PAR MI RTOG CING SNANG BA MED PA'I TING NGE 'DZIN LA GNAS PA RNAMS THAMS CAD MKHYEN PA RNAMS KYI PHYIR SAD PAR MDZAD PA, SNANG BA DANG BCAS PA'I TING NGE 'DZIN LA SNYOMS PAR 'JUG CING 'JIG RTEN THAMS CAD LA DMIGS TE GZHAN GYI DON DU SMON LAM GYI PHA ROL TU PHYIN PA YONGS SU RDZOGS PAR BYED DO, ,DGUR NI CHOS DANG DON DANG NGES TSIG DANG SPOBS PA SO SO YANG DAG PAR RIG PA'I TING NGE 'DZIN THOB PAS SEMS CAN GYI BSAM PA DANG BGAL NYAL BA SHES PA'I PHYIR CHOS STON PAS STOBS KYI PHA ROL TU PHYIN PA YONGS SU RDZOGS PAR BYED DO, ,BCUR NI SNANG BA DANG BCAS PA DANG SNANG BA MED PA'I TING NGE 'DZIN LA SNYOMS PAR 'JUG PA THAMS CAD RNYED CING BSOD NAMS DANG YE @232B SHES KYI TSOGS KYI KHYAD PAR THOB PAS THAMS CAD MKHYEN PA NYID THOB PAR BYA BA'I PHYIR YE SHES KYI PHA ROL TU PHYIN PA YONGS SU RDZOGS PAR BYED DO, ,DES NA THAMS CAD MKHYEN PA'I CHOS THAMS CAD DU DBANG BSKUR BAR DBANG BSKUR BA DANG, RNAL 'BYOR GYI DBANG PO RNAMS KYI CHOS THAMS CAD LA SNYOMS PAR 'JUG PAR 'GYUR RO, ,SA DANG PO DANG SA DRUG LA NI KHAMS GSUM PA SEMS DANG YID DANG YID KYI RNAM PAR SHES PA TZAM STE ZHES PA NI KHAMS GSUM MTHONG BA STE, DE LA, SEMS NI KUN GZHI RNAM SHES TE, ,NGAR SEMS NYID NI YID YIN NO, ,GANG GIS YUL RNAMS 'DZIN PA NI, ,DE NI RNAM PAR SHES ZHES BYA, ,ZHES PAS NA KHAMS GSUM SEMS TZAM DU MTHONG BA STE, PHYI ROL GYI DON MED PAR SEMS NYID BSLAD PA'I MTHU LAS GNYIS KYI RNAM PAR SNANG NGO, ,KHAMS GSUM PA BDAG DANG BDAG GI MED PA NI GNYIS SU SMRA BA RNAMS KYI BDAG TU RNAM PAR RTOG PA'I BRTAG PA'I SKYES BU MANG NGO, ,MI GNYIS PAR SMRA BA RNAMS TSANGS PA DANG, DBANG PO LA SOGS PA SKYES BU GCIG TU RNAM PAR BRTAGS PA DE LTA BU NI SEMS KYI RGYUD MA GTOGS PAR MI RUNG NGO, ,RTAG PA MA SKYES PAS NA MO GSHAM GYI BU LA SOGS PA BZHIN DU MED DO, ,GNYIS SU MED PAR SMRA BA RNAMS LA NI GROL BA DANG, MA GROL BA DANG, PHYUG PA DANG, DBUL BA LA SOGS PA GCIG PA'I SKYON DU 'GYUR RO ZHES LAN DU MAR BSHAD PA'O, ,CHOS DANG GANG ZAG LA BDAG MED PA YONGS SU SHES NAS SA DANG PO DANG DRUG TU GNYIS SU MED PA'I SEMS KYI SKAD CIG GI TING NGE 'DZIN LA SNYOMS PAR 'JUG GO, ,JI LTAR 'DIR GSUNGS PA, SA BDUN DAG NI SEMS YIN TE, ,SNANG BA MED PA BRGYAD PA'O, ,SA GNYIS DAG NI GNAS YIN TE, ,SA GZHAN NGA YI RANG BZHIN NO, ,ZHES PA'O, ,DNGOS PO DANG DNGOS PO MED PAR RNAM PAR MI RTOG PA SNANG BA MED PA'I TING NGE 'DZIN LA NI SA BRGYAD DU SNYOMS PAR 'JUG PA STE, JI LTAR 'DIR GSUNGS PA, DNGOS MED DNGOS PO MED KYANG MIN, ,YOD DANG MED PAR MI DMIGS PA, ,'DI NI DBU MA'I NAN TAN DU, ,NGA DANG GZHAN GYIS BSHAD PA'O, , @233A *, ,ZHES PA 'DI NI DBU MA'I TING NGE 'DZIN TO, ,RNAM PAR SHES PA'I TING NGE 'DZIN NI JI LTAR 'DIR GSUNGS PA, PHYI YI DNGOS PO BSAL NAS SU, ,SHES PA TZAM DU 'JUG PA STE, ,'DI NI DBU MA'I NAN TAN DU, ,NGA DANG GZHAN GYIS BSTAN PA'O, ,ZHES BYA BA STE DE LTAR SEMS DANG YID DANG YID KYI RNAM PAR SHES PA KHO NAR RNAM PAR RTOG PA NI SA BRGYAD DU DNGOS PO DANG DNGOS PO MED PA LA RNAM PAR MI RTOG PA SNANG BA MED PA'I DBU MA'I TING NGE 'DZIN NI LDOG GO, ,JI LTAR LE'U 'DIR GSUNGS PA, BCU PO PA NI DANG PO YIN, ,DANG PO PA NI BRGYAD PO YIN, , DGU PO YANG NI BDUN PA STE, ,BDUN PO PA YANG BRGYAD PO YIN, ,GNYIS PO PA NI GSUM PO YIN, ,BZHI PO PA NI LNGA PO YIN, ,GSUM PO YANG NI DRUG YIN TE, ,SNANG BA MED LA RIM CI YOD, ,CES TE, GANG ZAG DANG CHOS LA BDAG MED PAR RTOGS PAS SA DAD POR YANG YOD PAS NA SNANG BA MED PA'I TING NGE 'DZIN TE, 'DZIN PA DANG GZUNG BAR SNANG BA'I RNAM PAR RTOG PA MED PA'I PHYIR RO, ,SEMS TZAM YOD PAR MNGON PAR CHAGS PA NI SA BRGYAD PA NA LDOG GO ZHES THAMS CAD MKHYEN PAS DGONGS PAR BRTAG GO, ,GAL TE TING NGE 'DZIN LA KHYAD PAR GNYIS SU MED PA RTOGS PA MED NA NI GZHAN DU JI LTAR NA SA BRGYAD KYI DBANG PO RNAMS KYI SNANG BA MED PA'I TING NGE 'DZIN DU 'GYUR SA BRGYAD DU DNGOS PO DANG DNGOS PO MED PA MNYAM PA KHO NAS KHYAD PAR TE, DER DNGOS PO DANG DNGOS PO MED PAR RNAM PAR RTOG PA MED PA'I PHYIR RO, , SNANG BA MED PA GNYIS SU MED PA'I SEMS KHONG DU CHUD KYANG SA BDUN PO'I DBANG PO RNAMS LA YANG RNAM PAR SHES PA YOD PAR MNGON PAR CHAGS PA PHRA'O ZHES THAMS CAD MKHYEN PA'I DGONGS PA SGRA'I RJES SU DPAG PAS RJES SU DPAG GO, ,SNANG BA MED PA'I RIM CI YOD, ,CES BYA BA NI SA BCU RNAMS LA SNANG BA MED PA STE CHOS DANG GANG ZAG LA BDAG MED PAR RTOGS PAS SA DANG PO'I DBANG PO RNAMS LA YANG PHYI ROL GYI DON MED PA'I STONG PA NYID YOD DO, ,YONGS SU SHES NAS SNANG BA MED PA'I TING NGE 'DZIN MNYAM PAR RTOGS PA'I PHYIR SA BDUN GYI DBANG @233B PO RNAMS KYI BAR DU YANG GNYIS MI SNANG BA'I SEMS RTOGS PA'I TING NGE 'DZIN TO, ,BRGYAD PO'I DBANG PO RNAMS KYI KHYAD PAR NI DNGOS PO DANG DNGOS PO MED PAR RNAM PAR MI RTOG PA SNANG BA MED PA'I TING NGE 'DZIN TO, ,'ON TE DE LTAR NA NI DE BZHIN DU SA BCU RNAMS KYI SNANG BA MED PA'I RIM MED PA DE BZHIN DU LHAG PA'I TING NGE 'DZIN DU PHYE BA MED PAS SANGS RGYAS KYI SA'I RIM KYANG GA LAS 'GYUR, DE NI DER THAMS CAD MKHYEN PAS SNGA MA NYID DU SPANGS PA STE, DBANG MCHOG CHEN PO'I GNAS KYI MCHOG ,'OG MIN GNAS SU RNAM PAR MDZES, ,DER NI THEG PA RNAMS STON PA, ,SA GZHAN NGA YI RANG BZHIN SA, ,ZHES RGYA CHER RO, ,BSOD NAMS DANG YE SHES KYI TSOGS THA DAD PAS PHYE BA NA PHA ROL TU PHYIN PA RNAMS LAS SA'I KHYAD PAR DU GYUR TO, ,DE BZHIN DU YANG SGRIB PA THAMS CAD LA PHAN 'DOGS NUS PA'I THAMS CAD MKHYEN PAR 'GYUR RO, ,SA BCU'I DBANG PO RNAMS LA NI NGAR LAS G-YOGS PA LTA BUR SHES PAR BYA BA'I DKYIL 'KHOR THAMS CAD SNANG STE, THAMS CAD MKHYEN PA SANGS RGYAS BCOM LDAN 'DAS RNAMS KYI KHYAD PAR NI SGRIB PA MED PAS GSAL BA'O, ,DE YI 'OD ZER SNA TSOGS PA; ,YID 'OD ZHI BA RAB TU 'BYUNG, ,DE DAG SRID GSUM SPRUL PAR BYED, ,SRID PA GSUM PO KHA CIG SPRUL, ,KHA CIG SNGA NAS SPRUL PA STE, ,DE NI THEG PA RNAMS STON PA, ,DE NI NGA YI RANG BZHIN SA, ,ZHES BYA BA LA SOGS PA MDO SDE 'DIR RGYA CHER TE, DE LTA BU DER YANG DBANG PO LA SOGS PAS BYAS PA'I NYES PA JI LTAR MI 'GYUR DE LTA BU'I RNAM PA NI CHO 'PHRUL YIN GYI SEMS CAN RNAMS LA SNGAR MED PA'I SPRUL PA YIN TE, SEMS CAN THAMS CAD LA DE BZHIN GSHEGS PA'I SNYING PO NI DE BZHIN GSHEGS PA PHYUNG YANG RUNG MA BYUNG YANG RUNG STE, CHOS NYID DE NI YE NAS GNAS PA'O, ,RANG BZHIN GYIS 'OD GSAL BA'I CHUD PA'I GLO BUR GYIS GNYIS KYI RNAM PA BSLAD PA SPANG BAR BYA BA 'BA' ZHIG STE, NAM SHES RAB KYIS DPYAD DE SHES PAR BYA BA SBOM PO DANG PHRA MO PHYOGS KYI CHA THA DAD PAR BYA STE, SEMS CAN RNAMS KYI @234A *, ,DMIGS BDEN BSAM PA MED CING SNANG BA MED PA DON DAM PA'I BDEN PA MI GNYIS PAR YANG DAG PAR RIG PA SKAD CIG PA'I RGYUN GYI RANG BZHIN DU CHUD PA MANG PO BRTAN PA'I NGO BO NYID GSER RIN PO CHE LA SOGS PA BZHIN DU DRI MA MED PA RNAMS SO, ,RNAL 'BYOR PA RNAMS RNAL 'BYOR GOMS PAR BYED PA NA SO SOR BDAG GIS RIG PA'I KHYAD PAR DU 'GYUR TE, JI LTAR BCOM LDAN 'DAS KYIS GSUNGS PA, ME GCIG GI ZHES PA'I SHING GI ME LCE RNAMS RING PO DANG THUNG DU LA SOGS PA'I KHYAD PAR BZHIN DU 'GYUR RO, ,DES NA BRTAGS PA BDAG DANG, GCIG PO DANG BYED PA POR SMRA BA RNAMS LAS KHYAD PAR RO, ,RTAG PA DANG TSANGS PA DANG, DBANG PO LA SOGS PA RNAMS NI MA SKYES PA'I PHYIR BYED PA POR MI RIGS TE, MA SKYES PAS NA MO GSHAM GYI BU LA SOGS PA BZHIN NO, ,GCIG POR NI GROL BA DANG, MA GROL BA DANG, PHYUG PA DANG, DBUL BA LA SOGS PA THA DAD PA MED PA'I SKYON NO, ,'DOD CHAGS DANG BRAL BAS NI JI LTAR NA GZHAN GYI SDUG BSNGAL BYED, YANG NA RTZED MO LA MOS PAR 'GYUR BA'AM, 'DOD CHAGS DANG MA BRAL BA ZHIG NA NI DE'I MI SHES PA YANG SUS BYAS, DES NA JI TZAM DU SEMS MNYAM PAR 'JOG PAR BYED PA DE TZAM DU MA RIG PA'I GDON GYI MTHA' LAS RTAG PA DANG BDAG GIR RNAM PA SNA TSOGS KYI RNAM PA MGO 'KHOR BA DANG, BRGYAL BA LA SOGS PA BZHIN DU SEMS CAN RNAMS LA SNANG NGO, ,GANG GI TSE DAG PA'I BSHES GNYEN LAS CHOS THOS NAS SHES RAB KYIS DPYAD DE SBOM PO DANG PHRA MO RNAM PAR GZHIGS PA NA MI DMIGS PA DE'I TSE, BSAM PA MED CING SNANG BA MED PA DON DAM PA'I BDEN PA YANG DAG PAR RIG PA LA GNAS SO, ,SNYING RJE'I BAG CHAGS KYIS SAD NAS, ,GZHAN GYI DON DU SNANG BA DANG BCAS PA'I TING NGE 'DZIN LA SNYOMS PAR 'JUG GO, ,JI LTAR SA BRGYAD DU THAMS CAD MKHYEN PA RNAMS KYIS SAD PAR BYA BA STE, GANG DAG LA SNYING RJE'I SA BON MED PA DE DAG LA NI SNANG BA MED PA'I SEMS NYID MYA NGAN LAS 'DAS PA STE, JI LTAR 'PHAGS PA NYAN THOS @234B RNAMS LA GSUNGS PA, DE DAG TING 'DZIN MYOS PAS MYOS, ,ZAG PA MED PA'I DBYINGS NA 'KHOD, ,CES PA'O, ,SKAD CIG PA'I SEMS KYI RGYUD 'BREL BA NI BRTEN ZHING ZAD PA MED PAR THAMS CAD MKHYEN PAS DGONGS PA YIN GYI, YANG JI LTAR SE GOL GYI SGRA DANG GLOG LA SOGS PA RNAMS LA 'DRA BA'I SKAD CIG PA GZHAN PHYIR MTSAMS SBYOR BA MED PA LTAR SEMS KYI SKAD CIG PA MA YIN NO, ,THAMS CAD MKHYEN PAS NI SKAD CIG MA'I RGYUN LA SEMS RTAG PA'O ZHES DGONGS KYI, MU STEGS BYED KYI RTAG PA DANG GCIG PA DANG GNYIS SU MED PA LA NI MA YIN NO; ,DES NA SANGS RGYAS RNAMS KYIS NI RTAG PA DANG CHAD PA DANG BRAL BA, DNGOS PO DANG DNGOS PO MED PAR RNAM PAR MI RTOG CING MTHA' GNYIS RNAM PAR SPONG BA GNYIS SU MED PA'I SEMS LA DGONGS PA STE, JI LTAR DGONGS PA NGES PAR 'GREL BA LAS, RIGS KYI BU 'DUS BYAS DANG 'DUS MA BYAS ZHES BYA BA 'DI NI STON PAS BTAGS PA'I TSIG GO ZHES PA STE, 'DUS BYAS DANG 'DUS MA BYAS MA YIN PAR DPYAD PA'O, ,BLO GROS CHEN PO SA BRGYAD PA LA NI NYAN THOS DANG, RANG SANGS RGYAS DANG BYANG CHUB SEMS DPA' RNAMS KYI MYA NGAN LAS 'DAS PA YIN TE, BYANG CHUB SEMS DPA' RNAMS NI GANG GIS YONGS SU MYA NGAN LAS MI 'DA' BAR TING NGE 'DZIN GYIS SANGS RGYAS RNAMS KYI TING NGE 'DZIN GYI BDE BA DE LA RNAM PAR 'DZIN TO ZHES PA NI GZHAN GYI DON DU BYANG CHUB SEMS DPA' RNAMS LA SNGON GYI SMON LAM DANG SNYING RJE'I SA BON YOD PAS SO, ,DE'I PHYIR THAMS CAD MKHYEN PA RNAMS KYIS RAB TU SAD PAR MDZAD DO, ,GZHAN DU NI SEMS CAN GYI BYA BA YANG RGYUN CHAD PAR 'GYUR ZHING 'TSANG RGYA BA'I PHYIR NAN TAN MI BYED PA NYID DU 'GYUR RO, ,GAL TE PHYIR SAD PAR MI MDZAD NA, DE'I TSE DE BZHIN GSHEGS PA'I RIGS KYI GDUNG YANG CHAD PAR 'GYUR RO, ,'PHAGS PA NYAN THOS GANG DAG LA SNYING RJE'I SA BON YOD PA YANG RAB TU SAD PA NA SANGS RGYAS SU BSGYUR NUS KYI ZHI BA PHYOGS GCIG GI 'DOD CHAGS DANG BRAL BA RNAMS NI MA YIN NO, ,JI LTAR DGONGS PA NGES PAR @235A *, ,'GREL BA LAS, TSIG GI DBANG POS YONGS SU GSOL BA, THAMS CAD MKHYEN PAS GSUNGS PA, BYANG CHUB SEMS DPA'I SA BRGYAD DU SANGS RGYAS BCOM LDAN 'DAS DE DAG SANGS RGYAS KYI CHE BA BSAM GYIS MI KHYAB PA YANG STON TE, DE'I PHYIR DE DAG YONGS SU MYA NGAN LAS MI 'DA'O, ,NYAN THOS DANG, RANG SANGS RGYAS RNAMS NI TING NGE 'DZIN GYI BDE BAS PHROGS PAR 'GYUR TE, DE BAS NA DE DAG NI MYA NGAN LAS 'DAS PA'I BLOR 'GYUR RO, ,JI LTAR BDUN BRGYA PA LAS, 'DI NYID MYA NGAN 'DAS PA STE, ,GANG 'DI BSAM PA MED PA NYID, ,CES SO, ,RNAM PAR RTOG PA ZAD NAS BYANG CHUB SEMS DPA'I SA BRGYAD DU MI SKYE BA LA BZOD PAR 'GYUR RO, ,BYANG CHUB SEMS DPA' RNAMS KYI SEMS LA NI ZAD PA MED DO, ,SHES RAB KYIS NYON MONGS PA ZAD PA NI DE DAG GI THAR PA STE GSER DRI MA DANG BRAL BA BZHIN NO, , BLO GROS CHEN POS SA BDUN DU BYANG CHUB SEMS DPA' SEMS DPA' CHEN PO RNAMS RANG DANG SPYI'I MTSAN NYID MI SHES SHING SA'I GO RIMS DANG MTSAMS SBYAR BA LA MI MKHAS PAS MU STEGS BYED KYI LTA BA DANG ZHES BYA BA LA SOGS PA NI MU STEGS CAN THAR PA 'DOD PA RNAMS KYI SEMS BKAG STE 'KHOD KYI, DE DAG LA NI RANG DANG SPYI'I MTSAN NYID KYI CHOS RAB TU 'BYED PA'I SHES RAB NI MED DO, ,DER KHYAD PAR NI CHOS DANG, DON DANG NGES TSIG DANG, SPOBS PA SO SO YANG DAG PAR RIG PA RAB TU THOB PAS CHOS RAB TU SHES SO, ,BYANG CHUB KYI PHYOGS SUM CU RTZA BDUN KHONG DU CHUD PAS LUS DANG, TSOR BA DANG SEMS DANG, CHOS RNAMS KYI MI MTHUN PA'I PHYOGS YONGS SU BRTAGS PAS 'DOD CHAGS DANG BRAL BA LA GNAS PA DANG, 'GOG PA LA GNAS PA DANG, 'DU 'DZIS GYUR BAR LUS DRAN PA NYE BAR GZHAG PA SGOM PAR BYED DO, ,DE BZHIN DU TSOR BA LA SOGS PA DANG YANG SBYAR RO, ,SPYI'I MTSAN NYID NI SKAD CIG PA LA SOGS PA'O, ,RANG GI MTSAN NYID NI LUS 'DI LA SKRA DANG SO LA SOGS PA YOD DE, DE LA RDUL PHRA MO'I TSOGS LA MI MDZES PA BSGOM MO, ,DE BZHIN DU, GZUGS @235B NI RDUL PHRAN GZHIGS PA DANG, ,RDUL PHRAN CHA NI MED PA STE, ,ZHES PAR GANG ZAG LA BDAG MED PAR SNGAR BYAS TE CHOS LA BDAG MED PAR 'JUG GO, ,DE LTAR BSTAN PA YANG SNANG BA MED PA STE SA RNAMS KYI GO RIMS KHONG DU CHUD PAR MI 'GYUR RO, ,SNANG BA DANG BCAS PA'I TING NGE 'DZIN LA GNAS PA NA GZHAN LA PHAN PA'I SBYIN PA LA SOGS PA'I PHA ROL TU PHYIN PAS BSOD NAMS DANG YE SHES KYI TSOGS KYI KHYAD PAR 'BYUNG BA RNAMS KYIS SA BCU'I DBANG PO SGRIB PA MA LUS PAR SPANGS TE, PHAN PA THAMS CAD SPYOD PA'I THAMS CAD MKHYEN CING SANGS RGYAS NYID DU 'GYUR, DES NAS RNAMS KYI GO RIMS BSTAN PAR BYA'I, DON DAM PA NI 'DI LA GANG YANG 'JUG PA'AM LDOG PA MED DO, ,SNANG BA MED LA RIM CI YOD, ,CES BYA BA STE, DE'I PHYIR SHES RAB DANG SNYING RJE DANG GZHAN LA PHAN PA'I BSOD NAMS KYI KHYAD PAR TSOGS DANG PHA ROL TU PHYIN PA'I RIM PA YONGS SU RDZOGS PA RNAMS DANG 'KHOR BA MTHA' DAG SHES PA RNAMS KYIS MI SHES PA DANG SDUG BSNGAL YONGS SU ZAD DE, BDAG DANG GZHAN LA PHAN PA'I RNAL 'BYOR SHIN TU RNAM PAR DAG PA NA BDAG DANG GZHAN LA PHAN 'DOGS NUS PA'I THAMS CAD MKHYEN PA NYID RNAL 'BYOR GYI DBANG PO KHO NA SANGS RGYAS KYI NGO BO NYID DU 'GYUR RO, ,MU STEGS BYED RNAMS KYI BYA BA NI RNAL 'BYOR ZHES BYA BA SHES RAB DANG, THABS DANG NYON MONGS PA ZAD PA DANG BRAL BA STE, JI SRID SNYING DU ZAD 'GYUR BA, ,DE SRID YID NI DGAG PAR BYA, ,DE NI BSAM GTAN YE SHES TE, ,LHAG MA GZHAN NI GZHUNG RGYAS PA'O, ,YID NI RGOD CING MI BRTAN PA'O, ,GANG PHYIR GANG PHYIR 'BYUNG BA NI, ,DE PHYIR DE PHYIR SDOM PA NA, ,DE TSE BDAG NYID DBANG DU 'GYUR, ,SPRO BA GZUNG BA'I BLO YIS NI, ,KHAD KYIS KHAD KYIS SPANGS NAS SU, , YID NI BDAG LA GNAS BYAS TE, ,CUNG ZAD BSAM PAR YANG MI BYA, ,ZHES SO, ,SANGS RGYAS PA RNAMS KYI GNYIS SU MED PA'I RNAL 'BYOR GYI KHYAD PAR NI SHES RAB KYIS DPYAD DE SBOM PO DANG PHRA MO PHYOGS KYI CHA THA DAD PA PHYE BA NA, GANG GI TSE MI DMIGS PA DE'I TSE BSAM @236A *, ,PA MED CING SNANG BA MED PA YANG DAG PAR RIG PA RANG NYID KYIS GNAS TE, SKAD CIG MA'I RGYUN BRJOD DU MED PAR RANG GI RIG PA MNGON SUM DU BYA'O, ,SNANG BA DANG BCAS PA'I TING NGE 'DZIN LA ZHUGS PA'I RNAL 'BYOR GYI DBANG PO CHOS STON PA 'BYUNG NGO, ,JI LTAR THAMS CAD MKHYEN PAS SNGAR SMRAS PA, DBANG PHYUG CHEN PO'I GNAS KYI MCHOG ,'OG MIN SHIN TU RNAM PAR MDZES, ,DER NI THEG PA RNAMS STON PA, ,ZHES BYA BA LA SOGS PA RGYA CHER RO, ,'PHAGS PA LANG KAR GSHEGS PA'I BSHAD PA YE SHES DPAL BZANG POS SBYAR BA'I MNGON PAR RTOGS PA'I LE'U BZHI PA STE RDZOGS SO,, ,,DE NAS YANG BYANG CHUB SEMS DPA' SEMS DPA' CHEN PO BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RTAG GAM, DE STE MI RTAG GAM CI LAGS, BCOM LDAN 'DAS KYIS BKA' STZAL BA, BLO GROS CHEN PO DE BZHIN GSHEGS PA NI RTAG PA YANG MA YIN MI RTAG PA YANG MA YIN NO, ,DE CI'I PHYIR ZHE NA, 'DI LTA STE, GNYI GAR YANG NYES PAR 'GYUR BA'I PHYIR RO, ,BLO GROS CHEN PO GNYI GAR YANG NYES PAR 'GYUR BA NI RTAG TU ZIN NA RGYUR 'GYUR RO, ,BLO GROS CHEN PO MU STEGS BYED THAMS CAD KYI RGYU RNAMS NI MA BYAS PA RTAG PA STE ZHES PA NI TSANGS PA DANG DBANG PO RGYU RNAMS NI MA BYAS PAR SMRA LA, RTAG PA LA SOGS PAR YANG KUN RTOG PAR BYED DE, DE DAG GI MA BYAS PA'I RGYU NI MO GSHAM GYI BU LA SOGS PA BZHIN DU MED DO, ,DE LTAR DE BZHIN GSHEGS PA RTAG PAR MI RUNG NGO, ,MI RTAG PA YANG MA YIN TE, PHUNG PO'I MTSAN NYID THAMS CAD BYAS PAS MI RTAG PA BZHIN DU DE BZHIN GSHEGS PA YANG MI RTAG PAR 'GYUR RO; ,DE BZHIN GSHEGS PA NI RTAG PA'I PHYIR GSER LTA BUR MNGON PAR RTOGS PA'I YE SHES YONGS SU MI ZAD DE, DE DE BZHIN DU DE BZHIN GSHEGS PA RTAG PA'I RNAM GRANGS YOD DO, ,SEMS KYI GNYIS KYI RNAM PA NI RMI LAM DANG, MIG 'PHRUL DANG, RAB RIB DANG, GZUGS @236B BRNYAN LA SOGS PA BZHIN DU BSLAD PA'I MTHU LAS BYUNG BA'O, ,DES NA MNYAM PAR MI 'JOG PA'I MA RIG PA DANG LAS KYI MTHU LAS MGO 'KHOR BA DANG BRGYAL BA LA SOGS PA BZHIN DU SNA TSOGS PA BZHIN DU SNA TSOGS THA DAD PA'I RNAM PA'I SHES PA 'KHOR BAR SNANG NGO, ,NAM SHES RAB KYIS DPYAD DE PHYI ROL GYI RNAM PAR PHYE BA NA MI DMIGS PA DE NA RTAG PA DANG, BDAG DANG, PHYI ROL GYI DON DANG BRAL BA'I SEMS KYI SKAD CIG PA'I RGYUN TZAM GNYIS SU MED PA BSAM PA MED CING SNANG BA MED PA DON DAM PA'I BDEN PA RTAG PA GNAS SO, ,SKAD CIG MA'I RGYUN RTAG PAS RTAG GI ,YANG MU STEGS BYED PAS BDAG DANG TSANGS PA DANG, DBANG PO DANG RDUL PHRA MO'I RDZAS LA SOGS PAR KUN BRTAGS PAR NI MA YIN NO, ,KUN BRTAGS PAR MI RUNG BA NI MA SKYES PA'I PHYIR RI BONG GI RVA LA SOGS PA BZHIN DU DNGOS PO MED DO, ,PHYI ROL GYI RDZAS KYANG SBOM PO DANG PHRA MO RNAM PAR GZHIGS PA NA KHANG PA DANG SDE DANG, NAGS TSAL LA SOGS PA BZHIN DU STONG PA NYID DE, DES NA MU STEGS BYED KYI RTAG PA NI RANG BZHIN GCIG PA RTAG PA'I PHYIR RO, ,DE BZHIN GSHEGS PA MI RTAG PA YANG MA YIN TE, BYAS PA THAMS CAD MI RTAG PA STE, PHUNG PO LA SOGS PA'I MTSAN NYID SE GOL GYI SGRA BZHIN NO, ,GZUGS LA SOGS PA'I BUM PA DANG RTZIG PA LA SOGS PA LTA BU SKAD CIG PA GZHAN DANG MTSAMS SBYOR BA MED PA'I PHYIR RO, ,GZHAN GYI DBANG NI RMI LAM DANG, MIG 'PHRUL LA SOGS PA BZHIN DU 'DZIN PA DANG, GZUNG BAR SNANG BA'I MTSAN NYID CAN TE, SKYE BA DANG, GNAS PA DANG, 'GOG PA LA SOGS PA'I CHOS DANG BRAL BA SNGA MA'I SKAD CIG GI 'OG TU 'DI YOD NA 'DI YOD DO ZHES BRTAGS PA'I CHOS YIN GYI, LUNG BSTAN PA LA SOGS PAS BYED PA DANG, BYED PA POR MNGON PAR 'BREL TE, SKYE BA KUN BRTAGS PA LTA BUR NI MI RUNG NGO, ,GANG GI TSE NA SKAD CIG PA GCIG PA YOD PA DE'I TSE NA SKAD CIG PA GNYIS PO MED PAS SUS KYANG MI SKYED DO, ,SKYE BA NA YANG SKYED PA GZHAN MED DE, CHOS THAMS CAD MI BYED CING BYED PA DANG, BYED PA PO DANG BRAL BA DANG, DUS @237A *, ,CHUD PA RNAMS DUS THAMS CAD DU SKAD CIG MA'I RGYUN DU 'GYUR ZHING DE BZHIN GSHEGS PA DANG MA SKYES PA DANG MI GNYIS PA'I RANG BZHIN PA RNAMS NI DBANG PO LA SOGS PA SUS KYANG MI BYED DO, ,DES NA 'DUS BYAS DANG 'DUS MA BYAS SU BRTAGS PA'I SEMS KYI CHOS NYID DE NI YE GNAS PA STE, SEMS CAN THAMS CAD NI DE BZHIN GSHEGS PA'I SNYING PO CAN TE ZHES BYA BAS NA RANG BZHIN GYIS 'OD GSAL BA'I CHUD PA RNAMS NI DAG PA DANG MA DAG PA YANG MA YIN NO, ,RANG BZHIN GYIS YONGS SU DAG PA DE DAG BSLAD PAS NYE BAR SKYES PA'I GNYIS KYI RNAM PA GLO BUR GYI NYES PA SPANGS PAS DE DAG GSER LTA BU STE, DE'I PHYIR RTAG PA'I RNAM GRANGS RNAMS KYIS DE BZHIN GSHEGS PA RNAMS RIN PO CHE GSER LA SOGS PA BZHIN NO, ,JI LTAR SA DANG PO'I DBANG PO SNANG BA DANG BCAS PA DANG SNANG BA MED PA'I TING NGE 'DZIN LA GNAS SHING BSOD NAMS KYI TSOGS YONGS SU DAG PAS LUS LA SOGS PA'I MTSAN NYID SO SOR SNANG BA RNAMS KYI SEMS KYI SKAD CIG LA GNYIS KYI RNAM PA SO SOR SNANG NGO, ,DE LTAR SNANG BA MED CING MI GNYIS PA'I YONGS SU GRUB PA'I TING NGE 'DZIN LA GNAS PA RNAMS LA GNYIS KYI RNAM PA SO SOR MI SNANG NGO, ,'DZIN PA DANG GZUNG BA DANG, RJOD PA DANG, BRJOD PAR BYA BA DANG, BYA BA DANG, BYED PA DANG, BYED PA PO DANG, RTAG PA DANG, MI RTAG PA PHAN TSUN DU LTOS PA GNYIS KYI RNAM PA'I THA SNYAD THAMS CAD BSAM PA MED CING SNANG BA MED PA DON DAM PA'I BDEN PA MI GNYIS PA YANG DAG PAR RIG PA BRJOD DU MED PA LAS LDOG PA STE, DNGOS PO DANG DNGOS PO MED PAR RNAM PAR RTOG PA MED PA'I PHYIR RO, ,DES NA PHAN TSUN DU LTOS PA'I DNGOS PO DANG DNGOS PO MA YIN PA DANG, GNYI GA DANG GNYI GA MA YIN PA LA SOGS PA'I RNAM PAR RTOG PA MED PAS GNYIS LA LTOS PA'I YOD PA DANG, MED PA DANG, RTAG PA DANG, MI RTAG PA DANG, DGE BA DANG, MI DGE BA DANG, BDAG DANG, BDAG MED PAR GYUR BA DANG, GCIG PA DANG DU MA LA SOGS PAR SMRA BAS BRTAGS PA DE LTA BU THAMS @237B CAD NI BSAM PA MED CING SNANG BA MED PA DON DAM PA'I BDEN PA GNYIS SU MED PAR YANG DAG PAR RIG PA, DNGOS PO DANG DNGOS PO MED PA RNAM PAR MI RTOG PA LAS LDOG GO, ,SKAD CIG GI RNAM PAR RTOG PA MED MOD KYI, 'ON KYANG SKAD CIG PA STE, SNGA MA DANG PHYI MA'I DUS KYI RIM PA THA DAD PAS PHYE BA NA 'KHOR BA DANG MYA NGAN LAS 'DA' BA SDUG BSNGAL DANG THAR BAS PHYE BA LA GCIG PAR MI RUNG NGO, ,SKYE BA YANG MED DE BYED PA DANG BYED PA POR MNGON PAR 'BREL BA MED PA'I PHYIR RO, ,RNAL 'BYOR RNAMS KYI SEMS KYI YANG DAG PAR RIG PA SNGA MA 'OG TU SKAD CIG PA SKAD CIG PAR BYED PA STE, DE'I PHYIR SKYE BA DANG 'GOG PA'I CHOS SU BRTAGS PA SKAD CIG MAR 'JIG PA LA RIM GYIS 'BYUNG BA'I DNGOS PO MED PA'I PHYIR RI BONG GI RVA LA SOGS PA BZHIN DU MI SKYE BA NI STONG PA NYID MA YIN NO, ,DES NI MU STEGS KYIS BRTAGS PA'I RTAG PAS SMRA BAR 'GYUR RO, ,JI LTAR LA LA 'KHRUL TE ZHI BA DANG, RIG SNGAGS 'DZIN PA'I MTHAR SMRA BA PA DANG, GTOGS 'DOD LA SOGS PA'I LTA BAR LHUNG NAS BDAG LA SOGS PA BZHIN DU SEMS KYANG RTAG GO ZHES BCAB PA LA SOGS PA THOS PA SHIN TU NYUNG BA RNAMS RTAG GO, , KHA CIG NI MI SKYE BA LA CHAD PAR SMRA BAR LDUNG BAS SEMS RI BONG GI RVA LTA BUR YONGS SU RTOG CING RMI LAM DANG, MIG 'PHRUL LA SOGS PA BZHIN GYI DBANG LTA BUR YONGS SU GRUB PA YANG RTOG GO, ,DES NA SEMS KYI RGYUD RNAMS KYI RNAM GRANGS RTAG PA NYID DE, GSER LA SOGS PA BZHIN DU RNAM PAR DGE BA RNAM PAR ZAD PA MED CING SANGS RGYAS KHO NA'O, ,'PHAGS PA LANG KAR GSHEGS PA'I BSHAD PA YE SHES DPAL BZANG POS SBYAR BA'I RTAG PA DANG, MI RTAG PA'I DPYAD PA LE'U LNGA PA STE RDZOGS SHO,, ,,DE NAS BYANG CHUB SEMS DPA' SEMS DPA' CHEN PO BLO GROS CHEN POS BCOM LDAN 'DAS LA GSOL BA BTAB PA, BCOM LDAN 'DAS KYI PHUNG PO DANG, KHAMS DANG, SKYE MCHED RNAMS 'JUG PA DANG, LDOG PA BDE BAR GSHEGS PAS BDAG LA BSHAD DU GSOL, BDAG MA MCHIS NA GANG @238A *, ,ZHIG 'JUG PA'AM LDOG PAR 'GYUR NA BYIS PA RNAMS NI 'JUG PA DANG, LDOG PA LA GNAS PAS SDUG BSNGAL ZAD PA KHONG DU MA CHUD PA'I PHYIR, MYA NGAN LAS 'DAS PA RAB TU MI SHES SO ZHES BYA BA NI GRANGS CAN LA SOGS PA PHYI ROL GYI DON DU SMRA BA'I MU STEGS CAN RNAMS KYIS JI LTAR HA CANG MGYOGS PA'I LUS NI 'KHOR BAR 'JUG GO, ,RANG BZHIN DANG SKYES BU'I KHYAD PAR SHES PAS LDOG GO ZHES RTOG GO, ,PHYI ROL GYI DNGOS PO MED PAR BDAG YOD PAS JI LTAR NA 'JUG PAR 'GYUR, RANG BZHIN DANG SKYES BU THA DAD PAR SHES PAS KYANG JI LTAR LDOG PAR 'GYUR, RE LDE DANG RTZIG PA LA SOGS PA THA DAD PAR SHES PA BZHIN TE, DES NA MU STEGS BYED PA RNAMS LA SDUG BSNGAL ZAD PA KHONG DU CHUD PA MED PA'I PHYIR JI LTAR NA MYA NGAN LAS 'DAS ZHES GZHAN GYI SEMS SHES PA LA LTOS TE, 'PHAGS PA BLO GROS CHEN POS THAMS CAD MKHYEN PA LA GSOL BAR BRTAG GO, ,DE'I PHYIR 'KHOR BDER SDUG BSNGAL JI BZHIN PA DANG, DE JI LTAR LDOG PAR 'GYUR BA DE LTAR THAMS CAD MKHYEN PAS GSUNGS PA, BCOM LDAN 'DAS KYIS BKA' STZAL PA, BLO GROS CHEN PO DE'I PHYIR ZHES BYA BA LA SOGS PA'O, ,BLO GROS CHEN PO DE BZHIN GSHEGS PA'I SNYING PO DGE BA DANG MI DGE BA'I RGYUR GYUR PA SKYE BA DANG 'GRO BA THAMS CAD BYED PAR 'JUG STE BYAS ZHES BYA BA LA, DE BZHIN GSHEGS PA'I SNYING PO NI RANG BZHIN GYIS 'OD GSAL BA'I CHUD PA STE, SKAD CIG MA'I RGYUN DU 'BYUNG ZHING BDAG DANG GZHAN GYI RGYUN GYI DBANG DANG, DAM PA DANG, DAM PA MA YIN PA'I CHOS BSTAN PAS DGE BA DANG, MI DGE BA'I 'DU BYED KYIS BTAB PA NYAM NGA BA'I 'GRO BAR 'JUG GO, ,GAR MKHAN BZHIN PA NI GZUGS SNA TSOGS SU SNANG BA STE, RMI LAM DANG MIG 'PHRUL DANG, RAB RIB KYI RNAM PA DANG GZUGS BRNYAN LA SOGS PA BZHIN NO, ,BDAG DANG BDAG GI SPANGS PA ZHES BYA BA NI RTAG PA DANG BDAG TU MNGON PAR CHAGS PA'I MU STEGS BYED RNAMS KYI RTAG PA NI MA SKYES PAS NA MO GSHAM GYI BU LA SOGS PA @238B BZHIN DU MED DO, ,RIM DANG CIG CAR GYIS DON BYED PA DANG 'GAL BA'I PHYIR RI BONG GI RVA LA SOGS PA BZHIN DU DNGOS PO MED DO, ,LTOS PA'I MI RGYU MED PA DANG GZHAN GYIS BTANG BA'I BYE BRAG MED PA'I PHYIR CIS NA RIM GYIS BYED PAR 'GYUR, GANG BYED PAR 'GYUR BA YANG DE THOG MA NYID DU CIS NA MA BYAS CIG CAR YANG DE'I DON GYI BYA BA BYED PAR MI RIGS TE, DUS GSUM GYI DNGOS PO THANG CIG TU BYAS PAR MI DMIGS PA'I PHYIR RO, ,BYAS NAS KYANG YANG BYED PA MED PA'I PHYIR BYED PA DANG BCAS PA DANG BYED PA MED PA DAG NGO BO NYID GCIG PAR MI RIGS TE; ,GANG DANG GANG DAG RIM PA THA DAD PA'I MTSAN NYID DANG LDAN PA DE DAG GCIG PA MA YIN TE, SHING DANG THAL BA LA SOGS PA'I RIM PA THA DAD PA DANG, MTSAN NYID DANG LDAN PA LTA BU'O, ,DE'I PHYIR MU STEGS BYED RNAMS KYI BDAG BDE BA DANG SDUG BSNGAL LA SOGS THA DAD PAR PHYE BA NI DE DAG GI RTAG PAR MI RIGS TE DES NA RJES SU DRAN PA DANG, SHES PA DANG 'CHING BA DANG, THAR PA DANG, BDE BA LA SOGS PA SKAD CIG TU 'JIG PA LA RUNG GI RTAG CING MI 'GYUR BA LA MA YIN TE, RTOG PA'I RGYUN DU BDAG MED PAR RTZOD PA BZHI BA'O, ,GANG DAG TSANGS PA DANG, DBANG PO LA SOGS PA LA GCIG PAR YANG BDAG RNAM GNYIS SU MED PAR RTOG PA STE, DE LTAR 'DI THAMS CAD NI TSANGS PA'O ZHES PA DANG, THAMS CAD 'DI NI ZHI BDAG STE, ,ZHI BA LAS NI RAB TU 'BYUNG, ,'BYUNG PO KUN LA ZHI BA YOD, ,ZHI BA GANG YIN DE NGA NYID, ,CES SO, ,GTOGS 'DOD KYIS KYANG SMRAS PA, BDAG NI 'BYUNG PO KUN LA GNAS, ,'BYUNG PO KUN KYANG BDAG LA STE, ,BDAG LDAN DE LTAR SUS RIG PA, ,KUN DU MNYAM PAR MTHONG BA'O, ,ZHES DE SKAD CES PA DE DAG LA GROL BA DANG, MA GROL BA DANG, PHYUG PA DANG, DBUL BA LA SOGS PA GCIG PA'I GLAGS SO, ,SBYI DANG KHYAD PAR DU BRTAGS PAS DE BZHIN GSHEGS PA'I SNYING PO BZHIN DU GAL TE DE DAG KYANG DE SKAD DU 'CHAD NA NI DE'I TSE BSHAD PA THA DAD PAR MI 'GYUR RO, ,SEMS CAN MANG PO'I @239A *, ,SEMS KYI RGYUN SKAD CIG PA RNAMS KYANG ME BZHIN DU GNYIS SU MED PA STE, DE BZHIN DU TSA BA DANG RAB TU SNANG BA LA SOGS PA'I CHOS DANG MTHUN PAS GCIG PA'O, ,GSAL BA THA DAD PAS KYANG THA DAD PA STE, RTZVA DANG LO MA DANG SENG LDENG LA SOGS PA'I ME BZHIN NO, ,DE DAG GI NI JI LTAR THOS PA LAS BYUNG BA ME'I ME STAG PHRA MO YAR BA BZHIN DU 'GYUR BA DE DAG LAS RNAM PAR SHES PA STUG PO 'BYUNG STE, DE DAG NYID GYI RJES SU RNAM PAR 'JIG CES BYA BA LA SOGS PA STE, JI LTAR LHA CHEN POS SMRAS PA, JI LTAR SHING LA ME GNAS DANG, , SA YI NANG DU CHU YOD PA, ,DE LTAR THAMS CAD LUS RNAMS SU, ,ZHI BA DAG PA RNAM PAR GNAS, ,ZHES PA STE, DE NI CHUD PA'I BDAG NYID LA BRTAGS PA'O, ,SNGAGS KYI BDAG DANG SEMS PA CAN, ,SKYES BU RNAM PA GNYIS ZHES BYA, ,SNGAGS LAS 'DAS DANG SNGAGS NYID DANG; ,DBANG PHYUG MCHOG LA RNAM GNYIS SO, ,GTOGS 'DOD KYIS KYANG SMRAS PA, SHES PA 'DI LA NYE BRTAN TE, ,NGA YI CHOS MTHUN PHYIN PA RNAMS, ,MTHO RIS SU YANG MI SKYE ZHING, ,RAB TU 'JIG NI GOD MI 'GYUR, ,BHA DRA HA RIS KYANG RIG SNGAGS KYI MTHA' DANG MTHUN PAR SMRAS PA, DE YI TSOR BA GCIG PO YANG, ,RNAM PA MANG PO RAB TU 'BYED, ,'JIG PA 'BYUNG BA'I ME MDAG NI, ,CHU YI PHUNG POR CHU BZHIN DU, ,DE PHYIR DA RDO RIG GNAS PA, ,GSAL BA'I GRONG NI MI 'GYUR BAS, ,SPRIN RNAMS CHAR DANG LDAN PA NI, ,RLUNG LAS 'BYUNG BA BZHIN DU'O, ,GSUM GYI GZUGS SU DE SNANG BA, ,MUR SMRA THA DAD RNAMS LA NI, ,MCHOG NI YONGS SU 'GYUR BA STE, ,LTA BA THA DAD KYIS NI BCINGS, ,ZHI ZHING RIG BDAG TSANGS PA STE, ,DE LAS BYUNG BA'I MA RIG PA, ,DES NI SRIN PO BZHIN DU MING, ,GANG SMRA MI NUS PA RNAMS SO, ,JI LTAR NAM MKHA' RNAM PAR DAG ,RI RAB 'KHRUL PA'I SKYES BU YIS, ,RI MO RNAM PA SNA TSOGS KYIS, ,KUN DU GANG BA SEMS PA'O, ,DE LTAR TSANGS PA BDUD RTZI 'DI, ,'GYUR BA MED PA MA RIG PAS, ,RNYOG PA LTA BUR BYAS PAS NA, ,THA DAD GZUGS SU SNANG BA @239B STE; ,ZHES BYA BA TSANGS PA'I RGYUD DU ZHIB PO, ,DE DE LTAR DE BZHIN GSHEGS PA'I SNYING PO RTAG PA'I BDAG DANG BRAL BA, BDAG DANG GZHAN GYI RGYUD DANG MNYAM PAR MI 'JOG PA'I MA RIG PA DANG, LAS RNAM PAR SMIN PA'I MTHU LAS 'KHOR BA SNA TSOGS THA DAD PA'I RNAM PA SNANG NGO, ,BDAG GI YANG PHYI ROL GYI DON GANG YANG MED DE, KHYAD PAR CAN LA SOGS PAS BRTAGS PA SA'I RDZAS SBOM PO DANG PHRA MO RNAM PAR GZHIGS PA NA KHANG PA DANG, SDE DANG, NAGS TSAL LA SOGS PA BZHIN DU STONG PAR 'GYUR RO, ,DES NA GNYIS KYI RNAM PA DANG BRAL ZHING SKAD CIG GI RGYUN 'BYUNG BA'I DE BZHIN GSHEGS PA'I SNYING PO RANG BZHIN GYIS 'OD GSAL BA DE KHONG DU MA CHUD PAS GSUM 'DUS PA'I RKYEN GYI BYA BA DANG LDAN PAR 'JUG NA ZHES BYA BA LA SOGS PA'O, ,DE LA GSUM 'DUS PA NI MA RIG PA DANG, SRED PA DANG, LAS GSUM 'DUS PA DANG LDAN PA'I 'KHOR BA 'JUG LDOG GO ZHES THAMS CAD MKHYEN PAS DGONGS PA'I DON DU BRTAG GO, ,RGYU LA MNGON PAR CHAGS SHING ZHEN PA'I MU STEGS CAN RNAMS KYIS NI KHONG DU MCHUD DO ZHES BYA BA NI RTAG PA DANG, BDAG DANG, TSANGS PA DANG, DBANG PO LA SOGS PA RNAMS RGYUR YONGS SU RTOG PA STE, RTOG PA NI MA SKYES PAS NA MO GSHAM GYI BU LA SOGS PA BZHIN NO, ,GCIG PA YANG GROL BA DANG, MA GROL BA DANG, PHYUG PA DANG, DBUL BA LA SOGS PA THA DAD PA MED PA'I SKYON TE SNGAR BSHAD PA BZHIN NO, ,'DOD CHAGS DANG BRAL BA ZHIG NA NI GZHAN GYI SDUG BSNGAL CES NA BYED PAR 'GYUR, RTZE MO YANG DE LA JI LTAR NA YOD, 'DOD CHAGS DANG MA BRAL BA ZHIG NA NI, MA SHES PA SUS BYAS, DE'I PHYIR THOG MA MED PA'I DUS KYI SPROS PA'I GNAS NGAN LEN GYI BAG CHAGS RNAM PA MANG POS BSGOS PA KUN GZHI RNAM PAR SHES PA ZHES BSGRAGS PA, MA RIG PA'I GNAS LAS SKYES PA'I RNAM PAR SHES PA BDUN ZHES BYA BA LA SOGS PA STE, BDAG DANG GZHAN GYI RGYUD KYI DBANG LAS RNAM PA SNA TSOGS SU RNAM PAR SHES PA BDUN DANG LHAN CIG TU RGYA MTSO CHEN PO'I RLABS BZHIN DU RTAG TU @240A *, ,LUS KYI RGYUN MI 'CHAD PA, MI RTAG PA'I NYES PA DANG BRAL BA, BDAG TU SMRA BA LAS RNAM PAR LOGS, SHIN TU RANG BZHIN GYIS YONGS SU DAG PA'I RNAM PAR SHES PA GCIG PU NYID 'JUG PA STE, JI LTAR RMI LAM GYI DUS NA DER GZUGS LA SOGS PA'I YUL DANG MIG LA SOGS PA'I SHES PA MED PAR YANG YUL DANG, YUL CAN GYI DNGOS PO SNA TSOGS KYI RNAM PAR SHES PA GCIG PU NYID SNANG BA DE LTA BU GNYID KYIS MA LOG PA'I DUS NA YANG MA RIG PA YONGS SU SMIN PA'I MTHU LAS, LUS DANG LONGS SPYOD GNAS SNANG BA; ,KUN GZHI KUN DU 'BYUNG BA STE, ,RNAM BRGYAD RNAM DGU DE BZHIN DU, ,RGYA MTSO RLABS RNAMS BZHIN DU'O, ,ZHES PAR 'DIR BCOM LDAN 'DAS KYIS GSUNGS PA'O, ,PHYI ROL GYI GZUGS DMIGS PA MED DO ZHES YANG BCOM LDAN 'DAS KYIS 'DI SKAD DU GSUNGS PA GZUGS NI RDUL PHRAN GZHIGS PA NA, ,RDUL PHRAN CHA NI MED PA STE, ,'ON DMIGS PA NI CI ZHIG ,CES PA DANG, PHYI YI DNGOS PO MED PAR YANG, ,SEMS NI RNAM PA GNYIS SU SNANG, ,ZHES PA STE, NAM SHES RAB KYIS DPYAD DE SBOM PO DANG PHRA MO'I CHA THA DAD PAR PHYE BA NA KHANG PA DANG, SDE DANG, NAGS TSAL LA SOGS PA BZHIN DU STONG PAR MTHONG BA DE NA KUN GZHI RNAM PAR SHES PA GNYIS KYI RNAM PAR LDOG PAR 'GYUR TE, RANG BZHIN GYIS YONGS SU DAG PA'I SEMS KYI RGYUD GNYIS SU MED PA GSER LTAR DRI MA DANG BRAL BA 'BA' ZHIG LA 'KHOR BA GZHAG PAR 'GYUR RO; ,MIG LA SOGS PA'I RNAM PAR SHES PA 'JIG PA RNAMS NI SKAD CIG PA DAG STE, SKAD CIG PA GZHAN DU MTSAMS SBYOR BAR MI BYED PAS SEMS NYID LA SRID PA DANG THAR BA'I DUS SU 'JUG PA YOD DO, ,RNAM PAR SHES PA BDUN NI MIG LA SOGS PA'I RNAM PAR SHES PA DRUG DANG, NYON MONGS PA'I YID RTAG TU NGAR BYED PAR 'JUG PA DANG BDUN NO, ,SNANG BA MED PA'I TING NGE 'DZIN LA BZHUGS PA NA BDUN PO RNAMS KYI SNANG BA MED DO, ,DE DAG NI YUL MED PAS MA RIG PA YONGS SU SMIN PA'I MTHU 'BA' ZHIG LAS MGO 'KHOR BA @240B DANG; BRGYAL BA LA SOGS PA BZHIN DU 'KHOR BAR SNA TSOGS THA DAD PA'I RNAM PA'I RNAM PAR SHES PA SNANG NGO, ,DE BZHIN DU RGYA MTSO CHEN PO'I CHU'I RIM PA'I KHYAD PAR DU RLABS THA DAD PA DE BZHIN DU KUN GZHI RNAM PAR SHES PAR 'GYUR BA'I RIM PA'I KHYAD PAR DU RNAM PAR SHES PA BDUN DANG YUL RNAMS 'BYUNG NGO, ,MI RTAG PA'I NYES PA DANG BRAL BA NI BRTAN PA'O, ,BDAG TU SMRA BA LAS RNAM PAR LOG PA NI SKAD CIG PA'I RGYUN DU 'BYUNG BA'I KUN GZHI RNAM PAR SHES PA ZHES BSGRAGS PA GLO BUR GYI GNYIS KYI DRI MA THAMS CAD DANG BRAL TE GSER LTA BUR DRI MA MED PAR RANG BZHIN YONGS SU DAG PA STE LAN DU MAR BSHAD PA'O, ,BDUN PO SKAD CIG PA YIN TE, YANG DAG PA MA YIN PAR YONGS SU RTOG PA'I RGYU LAS SKYES PA DBYIBS KYI BYAD DANG BYE BRAG LA DMIGS PA ZHES BYA BA NI JI LTAR BTZUN GTZO 'PHAGS PA BYAMS PAS YANG DAG PA MA YIN PAR KUN DU RTOG PA BSHAD PA STE, YANG DAG MA YIN KUN RTOG CING, ,SEMS DANG SEMS BYUNG KHAMS GSUM PA, ,DE NA DON MTHONG RNAM PAR SHES, ,DE YI KHYAD PAR SEMS LAS BYUNG, ,ZHES PA'O, ,BDAG DANG GZHAN GYI RGYUD KYI DBANG GIS 'KHRUGS TE MNYAM PAR MI 'JOG PA'I MA RIG PA YONGS SU SMIN PA DANG, RTAG PA DANG, BDAG DANG BDAG GIR CHAGS PA DANG, 'DOD CHAGS DANG ZHE SDANG LA SOGS PA NYON MONGS PA'I SEMS LAS BYUNG BA RNAMS LAS LAS SNA TSOGS MNGON PAR 'DU BYED PA'I RGYU RNAMS KYI KHAMS GSUM PAR SNANG BA SKYED PAR BYED DO, ,RMI LAM DANG MGO 'KHOR BA DANG, BRGYAL BA LA SOGS PA BZHIN DU DER YUL DANG YUL CAN GYI DNGOS PO RANG GI SNANG BA NYID LA MIG LA SOGS PA'I RNAM PAR SHES PA RNAMS 'JUG GO, ,DE DAG GI PHYI ROL GYI DMIGS PA MED PA'I PHYIR YANG DAG PA MA YIN PAR YONGS SU RTOG PAS BSKYED PA'I YUL LA DMIGS PA RNAMS SO, ,MING DANG MTSAN MA LA MNGON PAR CHAGS SHING ZHE NA PA NI YANG DAG PA MA YIN PAR YONGS SU RTOG PAS SGRA DANG DON BRJOD PA'I RNAM PAS BSKYED PA'O, ,MING NI GZUGS LA SOGS @241A *, ,PA BRJOD PAR BYA'O, ,DE LA MTSAN MA NI MDZES PA DANG, MI MDZES PA DANG, BUD MED DANG SKYES PA LA SOGS PA'I MTSAN NYID DO, ,MNGON PAR CHAGS PA'I RGYU NI RANG GI SEMS SNANG BA'I GZUGS DANG MTSAN NYID KHONG DU CHUD PA STE, RANG GI SEMS SNANG BA'I GZUGS RAB RIB CAN DANG RMI LAM DANG MIG 'PHRUL LA SOGS PA'I SHES PA BZHIN DU KHONG DU CHUD PAR BYED DO, ,BDE DANG SDUG BSNGAL MI MYONG BAR ZHES PA NI 'KHOR BA'I NYID MTSAMS SBYOR BA MED PA'I PHYIR TE, MIG LA SOGS PA'I SHES PA RNAMS SKAD CIG BA KHO NA'I PHYIR SKAD CIG PA GZHAN DU MTSAMS SBYOR BA MED DE, DES NA THAR BA'I RGYU MA YIN PAR DGONGS PA'O, ,DE'I PHYIR 'DI BZHIN DU SEMS SKAD CIG PA GZHAN DU NYID MTSAMS SBYOR BAS 'KHOR BAR 'KHOR NA RANG GIS BYAS PA'I LAS KYIS BDE BA DANG SDUG BSNGAL DES MYONG NGO, ,MIG LA SOGS PA'I SHES PA RNAMS SKAD CIG PAS NA SRID PA GZHAN DU BDE BA DANG SDUG BSNGAL MI MYONG NGO ZHES THAMS CAD MKHYEN PAS DGONGS PA'I DON DU BRTAG GO, ,MTHONG BA'I CHOS LA TSOR BA'I LAS KYIS BDE BA DANG SDUG BSNGAL MYONG BA RNAMS ZHES PA NI ZHING DANG BSAM PA'I BYE BRAG LAS SHES PA RNAMS NI MTHONG BA'I CHOS LA TSOR BA'I LAS KYI BDE BA DANG, SDUG BSNGAL MYONG BAR 'GYUR RO, ,DE BAS NA, GANG DAG 'GOG PA MYA NGAN MED, ,BYAMS PA DGRA BCOM 'BRAS BU LAS, ,PHAN GNOD DE DAG LA BYAS PA'I, ,'BRAS BU MOD LA MYONG BAR 'GYUR, ,ZHES BYA MOD KYI THAMS CAD MKHYEN PAS DGONGS PA'I DON NI LUS RNAM PAR ZHIG PA NA DBANG PO'I SHES PA DE DAG LA SKAD CIG PA GZHAN DU NYID MTSAMS SBYOR BA MED DO, ,SKYES NAS TSOR BA'I LAS GANG GIS RGYUD CHAD PA LAS YANG LUS DANG DBANG PO RNAMS GZHAN NYID 'BYUNG BAR 'GYUR RO, ,SEMS NI SKAD CIG GI RGYUN DU 'BYUNG ZHING RGYU DANG 'BRAS BU'I DUS SU CHAD PA MED PAS BDE BA DANG, SDUG BSNGAL LA SOGS PA MYONG NGO, ,SKAD CIG MA'I RGYUN DU 'BYUNG BAS NA RTAG PA'I BDAG TU SMRA BA RNAM PAR SPANGS SO, ,JI LTAR SE GOL GYI @241B SGRA DANG GLOG LA SOGS PA'I SKAD CIG PA DANG, MIG LA SOGS PA'I RNAM PAR SHES PA RNAMS KYI SKAD CIG PA DE LTAR DE'I CHAD PA MA YIN TE, DES NA RTAG PA DANG CHAD PAR SMRA BA MU STEGS BYED DANG, NYAN THOS KYIS BSLAD PA'I SKUR PA THAMS CAD DANG BRAL ZHING SEMS CAN RNAMS KYI DA BZHAN GSHEGS PA'I SNYING PO DAG PA'O, ,GNYIS SU MED PA DE LA SBYI DANG KHYAD PAR DU BRTAGS PA NA GCIG DANG DU MA'I KHYAD PAR RO, ,MIG LA SOGS PA'I SHES PA RNAMS NI BDE BA DANG SDUG BSNGAL MI MYONG BA STE, DE DAG SKAD CIG PA GZHAN DU NYID MTSAMS SBYOR BA'I PHYIR THAR PA'I RGYU MA YIN NO, ,DE'I PHYIR DE LTAR NA SEMS NYID SRID PA DANG THAR PA'I RGYU YIN TE, DES BTAB PA'I LAS RNAM PA LNGA DNGOS DANG BRGYUD PAS RNAM PAR SMIN PAR 'GYUR RO, ,GDON MI ZA BAR TSOR BA NI MTSAMS MED PA'O, ,BSAM PA DRAG POS KHYAD PAR GYI ZHING DU DGE BA DANG MI DGE BA DANG BYAS PA NI MTHONG BA'I CHOS LA TSOR BA'O, ,TSOR BAR NGES PA MED PA DANG, SKYES NAS TSOR BA DANG, RNAM GRANGS GZHAN DU TSOR BA NI DE LAS GZHAN PA STE, DE THAMS CAD SEMS KYI RGYUD KYI BAG CHAGS LA GNAS SO, ,THAR PA YANG SHES RAB KYIS MNGON PAR 'DU BYED CING YON TAN GYI KHYAD PAR DANG NYON MONGS PA ZAD PA YANG SEMS NYID LA YOD DO, ,MING DANG MTSAN MA DANG KUN NAS LDANG BA'I 'DOD CHAGS KYIS BSKYED CING SKYED PAR BYED PA DE'I RGYU LA DMIGS PA'O ZHES BYA BA NI BUD MED DANG SKYES PA MDZES PA DANG MI MDZES PA'I MTSAN MA LA MNGON PAR CHAGS PA'I KUN NAS LDANG BA'I 'DOD CHAGS KYIS GANG YUL DU SNANG BA BSKYED PA DER DMIGS PA RNAMS TE, SNGON GYI BAG CHAGS YONGS SU SMIN PAS BTAB PA RNAMS LA DGONGS PAR BRTAG GO, ,ZIN PA'I DBANG PO ZHES BYA BA DE DAG YONGS SU ZAD CING 'GAGS NAS DE MA THAG TU MI SKYE ZHING ZHES BYA BA NI KHAMS GSUM GYI 'DOD CHAGS DANG BRAL BA RNAMS KYI SEMS DANG YUL RNAM PAR RTOG PAR SNANG BA BKAG STE 'GOG PA LA SNYOMS PAR 'JUG PA YIN NO, ,GZHAN DAG NI @242A *, ,RANG GI BLO'I RNAM PAR RTOG PA'I BDE BA DANG SDUG BSNGAL MI MYONG BA 'DU SHES DANG TSOR BA 'GOG PA'I SNYOMS PAR 'JUG PA LA SNYOMS PAR ZHUGS PA BSAM GTAN BZHI DANG, BDE PA DANG RNAM PAR THAR PA LA MI MKHAS PA'I RNAL 'BYOR CAN RNAMS NI RNAM PAR THAR PA'I BLOR 'GYUR RO ZHES BYA BA NI GZHAN DAG KYANG THAR BA'I BLOR 'GYUR RO ZHES PA DANG 'BREL TO, ,RANG GI BLOS RNAM PAR BRTAGS TE BDE BA DANG SDUG BSNGAL MYONG BA'I 'DU SHES 'GOG PA NYID THAR BA'I BLOR 'GYUR RO, ,BSAM GTAN BZHI PA DANG, BDEN PA DANG, RNAM PAR THAR BA LA MI MKHAS PA ZHES BYA BA LA MU STEGS BYED RNAMS KYIS BRTAGS PA STE, DE DAG JI LTAR RNAM PAR RTOG CE NA, JI SRID SNYING DU ZAD GYUR PA, ,DE SRID YID NI DGAG PAR BYA, ,DE NI BSAM GTAN SHES PA STE, ,LHAG PA GZHAN NI GZHUNG RGYAS PA'O, ,BSAM GTAN BZHI DANG, 'PHAGS PA'I BDEN PA BZHI DANG, RNAM PAR THAR BA'I SGO STONG BA NYID DANG, MTSAN MA MED PA DANG, SMON PA MED PA'O, ,DE LA BRGYAD NI JI LTAR CHOS MNGON PA DANG, JI LTAR SDONG PO BRGYAN PA LA SOGS PAR RGYA CHER RIG PAR BYA'O, ,DE BZHIN GSHEGS PA'I SNYING PO ZHES BSGRAGS PA, KUN GZHI RNAM PAR SHES PA RAB TU MA GYUR NA 'JUG PA'I RNAM PAR SHES PA BDUN RNAMS 'GAG PA MED DO, ,DE CI'I PHYIR ZHE NA, DE RGYU DANG DE LA DMIGS PAS ZHUGS PA'I PHYIR DANG ZHES PA NI RNAM PAR SHES PA BDUN KUN GZHI RNAM PAR SHES PA'I RGYU LAS 'BYUNG ZHING DE LA DMIGS PAR YANG 'JUG PA STE, JI LTAR, LUS DANG LONGS SPYOD GNAS SNANG BA, ,KUN GZHI KUN DU 'BYUNG BA STE, ,RNAM BRGYAD RNAM DGU DE BZHIN DU, ,RGYA MTSO RLABS RNAMS BZHIN DU'O, ,ZHES BYA BAR LAN MANG POR BSHAD PA'O, ,DE BZHIN GSHEGS PA'I SNYING PO DE YANG RANG BZHIN GYIS 'OD GSAL BA'I CHUD PA STE, 'KHOR BA'I DUS SU GLO BUR GYI GNYIS KYI RNAM PAR SO SOR SNANG NGO, ,DER NYAN THOS DANG MU STEGS BYED RNAMS RTAG PA DANG BDAG DANG PHYI ROL GYI DON MNGON PAR CHAGS PA STE, DE BZHIN DU THAMS CAD MKHYEN PAS SGRUB PAR MDZAD PA, @242B NYAN THOS DANG RANG SANGS RGYAS DANG MU STEGS CAN GYI RNAL 'BYOR LA RNAL 'BYOR BA THAMS CAD KYI RNAM PAR SHES PA RNAMS KYI YUL MA YIN PA'I PHYIR ZHES SO, ,DE BZHIN GSHEGS PA'I SNYING PO NI RTAG PA DANG GCIG PA DANG DU MA DANG BDAG TU SMRA BA'I MU STEGS CAN GYI RNAL 'BYOR SPYOD PA'I RNAL 'BYOR PA RNAMS KYI SHES PA'I YUL MA YIN NO, ,DE NI 'DUS BYAS DANG 'DUS MA BYAS PAR RTAG PA NA SKAD CIG PA'I RGYUN RTAG PAS RNAM GRANGS SU RTAG PA STE, JI LTAR DGONGS PA NGES PAR 'GREL BA LAS, RIGS KYI BU 'DUS BYAS DANG 'DUS MA BYAS ZHES BYA BA 'DI NI STON PAS BRTAGS PA'I TSIG GO ZHES 'BYUNG NGO, ,'DUS BYAS SU SPYOD KYANG RUNG 'DUS MA BYAS SU SPYOD KYANG RUNG STE NAM 'DUS BYAS PA DE NI SKAD CIG PA'O, ,NAM RTAG PAR BSAMS TE 'DUS MA BYAS PA DE NI SKAD CIG PA MA YIN TE, DE DE LTAR SKAD CIG TU 'JIG PA YOD NA GZHAN GYI DBANG DANG YONGS SU GRUB PA'I DUS NA BSAM PAS 'DUS BYAS DANG 'DUS MA BYAS SU 'GYUR RO, ,GAL TE YANG SKAD CIG TU 'JIG PA MED DU ZIN NA NI DE'I TSE BDE BAR GSHEGS PAS RTOGS PA DANG MU STEGS BYED PAR KHYAD PAR CI YOD, KHA CIG GIS NI JI LTAR RTAG PO'I DNGOS PO MED PA DE LTAR SKAD CIG GI DNGOS PO MED CES TE, JI LTAR DKON MCHOG PHRENG BA LAS, SKAD CIG GI SKYE BA DANG GNAS PA DANG RGA BA DANG, MI RTAG PA'I MTSAN NYID RIM GYIS CHOS DANG LDAN PA NA DE LTA BUR NI SKAD CIG PA 'GRIB PO ZHES 'PHAGS PA KLUS POS KYIS GLENGS PA NI, SKAD CIG LA NI MTHA' YOD PAS, ,THOG MA BAR YANG RTOGS PAR GYIS, ,DE LTAR SKAD CIG GSUM DAG PHYIR, ,SKAD CIG MI GNAS 'JIG RTEN LA, ,THOG MA BAR DANG THA MA YI, ,CHA RNAMS LA YANG RTOG PAR GYIS, ,THOG MA BAR DANG MTHA' YOD KYI, , 'DUS LA GCIG PA MED PA'O, ,ZHES SO, ,DE DE LTAR GRANGS CAN DANG NE YI YA YI KA LA SOGS PA'I SKAD CIG PA DRUG TU YANG MI RUNG BAR GLENG NGO, ,GANG DAG YANG THOG MA DANG THA MA'I DUS KYI RIM PAR PHYE BA DANG BRAL BA'I SKAD CIG TU JI LTAR SE GOL GYI SGRA LA SOGS PA LTAR CHUD @243A *, ,PAR BYED PA DE LTAR NI GLENG BA'I RNAM PAR RTOG PA 'DI MI 'JUG GO, ,THOG MA DANG THA MA'I DUS KYI RIM PAR RNAM PAR PHYE BA DANG BRAL BA'I SKAD CIG PA RNAMS NI MNGON SUM GYI PHYIR RO, ,'DUS MA BYAS PAR BRTAGS PA'I RTAG PAS NI RANG BZHIN GYIS 'OD GSAL BA YANG DAG PAR RIG PA'I CHOS NYID DE NI YE GNAS SO, ,SEMS CAN RNAMS DE BZHIN GSHEGS PA'I SNYING POR BRTAG PA DBANG PO LA SOGS PAR SUS KYANG MI BYED DE, DE BZHIN GSHEGS PA'I SNYING PO RANG BZHIN GYIS 'OD GSAL ZHING MI GNYIS PA STE RNAM PA DE LTA BU NI DE BZHIN GSHEGS PA'I YUL TE, SNGA MA DANG PHYI MA'I DUS KYI RIM PA THA DAD PA DANG BRAL BA SKAD CIG MA'I RGYUN MYONG BA THOG MA DANG BAR DANG THA MA'I SKAD CIG PA'I YAN LAG THA DAD PAR SNANG BA'I RNAM PAR RTOG PA DANG BRAL BA'O, ,JI LTAR DBU MA LAS BYUNG BA, GAL TE SKYE BA SNGAR YOD LA, , RGA PA 'CHI BA PHYI NAS NI, ,SKYE LA RGA DANG 'CHI MED DE, ,SKYES KYANG 'CHI BA MED PAR 'GYUR, ,ZHES PA STE, GANG NA DE DAG THOG DANG MTHAR, ,LHAN CIG RIM DU MI 'JUG NA, ,SKYE DANG 'CHI BA'I CHOS RNAMS KYI, ,DNGOS PO KUN LA THAMS CAD DU, ,SKYE BA CI ZHIG SPRO BAR BYED, ,RGA BAR 'CHI BA DE CI ZHIG ,RGA DANG 'CHI BA MED PAR NI, ,DNGOS PO GANG ZHIG YOD PAR 'GYUR, ,CES SO, ,GAL TE SKAD CIG TU 'JIG PAR MI 'GYUR NA CHOS DANG GANG ZAG LA BDAG MED PA JI LTAR NA RNAM PAR GZHAG ,'ON TE RMI LAM DANG MIG 'PHRUL LA SOGS PA BZHIN DU GZHAN GYI DBANG GI GNYIS KYI RNAM PA'I SKAD CIG MA RNAMS KYI DNGOS PO MED PA NI YONGS SU GRUB PA'I SKAD CIG PA RNAMS LA GNOD PA MED PA'I PHYIR JI LTAR DNGOS PO MED DE, DON DAM PA RANG BZHIN MED PA NYID NI GNYIS KYI RNAM PAS STONG PA NYID NI, BSAM PA MED CING SNANG BA MED PA MCHOG TU DAG CING GNYIS SU MED PA'I DON DAM PA'I BDEN PA YANG DAG PAR RIG PAR MYONG BA NI DNGOS PO MED PA MA YIN TE, DES NA GANG SHES PAR BYA BA DANG SHES PA DANG, DNGOS PO'I PHYIR BRTAGS PA LTA BU DANG, GZHAN GYI DBANG BZHIN DU YONGS SU @243B GRUB PA ZHES BYA BA LA YANG YID CHES PA MED CES PA NI DGONGS PA NGES PAR 'GREL BA LAS 'BYUNG BA'I TSUL GYIS CHOS KYI GNOD PA 'BYUNG BA'I LAS SGRUB PAR BYED DO, ,RMI LAM BZHIN DU GANG ZAG LA BDAG MED PAR RTOGS PA LA SOGS PA NI 'DZIN PA DANG GZUNG BA LA MNGON PAR CHAGS TE, NYAN THOS RNAMS GANG ZAG LA BDAG MED PAR RTOGS PAR BYED PA'I PHYIR RO, ,RMI LAM BZHIN DU DE DAG GI YE SHES GNYIS KYI RNAM PA CAN TE GNYIS SU MED PA NYID NI MA YIN NO, ,SEMS BSLAD PAS NA DE'I PHYIR DE DAG LA DE BZHIN GSHEGS PA'I SNYING PO RTOGS PA MED DO, ,CHOS LA BDAG MED PA YONGS SU SHES NAS GNYIS KYI RNAM PA'I SHES PA LUS DANG LONGS SPYOD DANG GNAS SU SNANG BA RAB TU GYUR BA NA SHES RAB KYI KUN GZHI NI ME LONG LTA BUR JI LTA BA DE BZHIN DU SHES PA SHES PAR RNAM PAR DAG CING GNYIS SU MED PA MIG LA SOGS PA'I 'JUG PA'I RNAM PAR SHES PA RNAMS SNANG BA MED CING GNYIS SU MED PA'I TSUL GYIS RAB TU LOG PAR GYUR BA RNAMS NI SNANG BA DANG BCAS PA'I TING NGE 'DZIN DU THAMS CAD MKHYEN PA LA MIG LA SOGS PA 'JUG PA'I RNAM PAR SHES PA LNGA SO SOR RTOG PA'I YE SHES SU 'GYUR RO, ,NYON MONGS PA'I YID RAB TU GYUR BA NA MNYAM PA NYID KYI YE SHES ZHES BYA'O, ,'JUG PA'I RNAM PAR YE SHES PA DRUG GI NANG NA YID KYI RNAM PAR SHES PA NI BYA BA NAN TAN GYI YE SHES SU BRJOD DO, ,DE'I TSE KUN GZHI RNAM PAR SHES PA RAB TU LOG PAS BDUN RNAMS KYANG LDOG PAR 'GYUR TE, NYON MONGS PA DANG NYON MONGS PA BDUN RNAMS KYIS DE'I RGYU DANG DE LA DMIGS PA'I PHYIR RO, ,GANG GI TSE CHOS DANG GANG ZAG LA BDAG MED PA YANG DAG PA JI LTA BA YONGS SU SHES NAS CHOS LNGA YONGS SU SHES PAR GYUR BA DE'I TSE GNYIS SU MED PA'I YE SHES LA DON DAM PA'I BDEN PA 'BA' ZHIG TU 'GYUR RO, ,CHOS LNGA PO BSHAD ZIN MOD KYI, GZHUNG BSHAD PA'I CHED DU BYAS TE, YANG SBYAR BAR BYA BA LA MING DANG MTSAN MA DANG, RTOG PA DANG, DE BZHIN NYID DANG, YANG DAG PA'I YE SHES SO, ,NYAN THOS @244A *, ,RNAMS NI GNYIS KYI RNAM PA YONGS SU BZUNG NAS RMI LAM BZHIN DU GANG LA BDAG MED PA YONGS SU SHES SO, ,PHYI ROL GYI DON DU SMRA BA DE DAG LA 'DZIN PA DANG, GZUNG BA LA MNGON PAR CHAGS PA LTA BUR KUN GZHI RNAM PAR SHES PA RAB TU 'GYUR RO, ,DES NA CHOS LA BDAG MED PA YONGS SU SHES PAS NI SHES BYA'I SGRIB PA LDOG GO, ,GANG ZAG LA BDAG MED PA YONGS SU SHES PAS NI NYON MONGS PA'I SGRIB PA LDOG GO, ,DE BZHIN DU YANG BDAG DANG BDAG GIR CHAGS PA LOG PA NA LAS KYI SGRIB PA LDOG STE, DE LTAR NA SNANG BA DANG BCAS PA DANG, SNANG BA MED PA'I TING NGE 'DZIN YONGS SU SHES PA DANG, SA DANG PHA ROL TU PHYIN PAS BSOD NAMS DANG YE SHES KYI TSOGS YONGS SU RDZOGS SHING PHAN PAS THAMS CAD SPYOD PA THAMS CAD MKHYEN PA NYID DU 'GYUR RO, ,RAB TU DAG PA'I SA LA GANG ZAG DANG CHOS LA BDAG MED PA KHONG DU CHUD PA NAS BDAG DANG BDAG GIR MNGON PAR CHAGS PA'I DNGOS PO MED PA'I PHYIR SEMS CAN THAMS CAD LA PHAN PA'I PHYIR BZUNG BA YONGS SU SPANGS TE, SBYIN PA'I PHA ROL TU PHYIN PA YONGS SU RDZOGS PAR 'GYUR RO, ,DRI MA MED PAR NI GNYIS KYI DRI MA SPONG BA'I PHYIR TSUL KHRIMS KYI PHA ROL TU PHYIN PA YONGS SU RDZOGS PAR 'GYUR RO, ,'OD BYED DU NI GNYIS KYIS 'KHRUGS PA MED PA'I PHYIR BZOD PA'I PHA ROL DU PHYIN PA'O, ,'OD 'PHRO BA NI GNYIS SU MED PA'I CHOS LA SHES RAB KYIS DPYOD PAR SPRO BA'I PHYIR BRTZON 'GRUS KYI PHA ROL DU PHYIN PA'O, ,SHIN TU DKA' RGYAL DU NI RGYAL BAR DKA' BA'I NYON MONGS PA RNAMS LAS RGYAL BAR BYED DE GANG ZAG DANG CHOS LA BDAG MED PA KHONG DU CHUD PA'I PHYIR BSAM GTAN GYI PHA ROL TU PHYIN PA SHAS CHE BAR 'GYUR RO, ,MNGON PAR MTHUN PA DANG MI MTHUN PAR RTEN CING 'BREL TE 'BYUNG BA'I CHOS LA ZAB MO SHES RAB KYIS DPYOD PA'I PHYIR SHES RAB KYI PHA ROL TU PHYIN PA MCHOG TU 'GYUR RO, ,RING DU SONG BAR NI 'PHAGS PA'I BDEN PA BZHI DANG BYANG CHUB KYI PHYOGS KYI CHOS SUM CU RTZA BDUN RTOGS SHING KHAMS GSUM GYI @244B 'DOD CHAGS DANG BRAL BA SHES RAB DANG SNYING RJE LDAN PA'I PHYIR GZHAN GYI DON DU THABS KYI PHA ROL TU PHYIN PA LHAG PAR 'GYUR RO, ,MI G-YO BAR NI 'DZIN PA DANG, GZUNG BA DANG, BYA BA DANG, BYED PA DANG, BRJOD PA DANG, RJOD PAR BRAL ZHING DNGOS PO DANG, DNGOS PO MED PAR RNAM PAR MI RTOG PA'I SGYU MA DANG 'DRA BA'I RTEN CING 'BREL TE 'BYUNG BA RTOG PAR BYED CING GNYIS KYI RNAM PAS STONG PA'I TING NGE 'DZIN LA SNYOMS PAR 'JUG PA NA THAMS CAD MKHYEN PA RNAMS KYIS GZHAN GYI DON DU 'GOG PA LA SNYOMS PAR 'JUG PA LTA BU LAS SANGS PAR MDZAD DE, SMON LAM GYI RJES SU DRAN PA'I PHYIR DE'I SMON LAM GYI PHA ROL TU PHYIN PA YONGS SU RDZOGS PAR 'GYUR RO, ,LEGS PA'I BLO GROS SU NI CHOS DANG DON DANG, NGES TSIG DANG, SPOBS PA SO SO YANG DAG PAR RIG PA BZHI THOB PAS SEMS CAN MTHA' DAG GI BSAM PA DANG BAG LA NYAL BA SHES SHING CHOS SMRA BA PO STOBS DANG LDAN PA'I PHYIR STOBS KYI PHA ROL TU PHYIN PA YONGS SU RDZOGS PAR 'GYUR RO, ,CHOS KYI SPRIN DU NI SA BCU POR SPANG BAR BYA BA'I NYON MONGS PA MED PA'I MI SHES PA SPANGS PAS DAR LAS G-YOGS PA LTA BUR SHES PAR BYA BA'I DKYIL 'KHOR THAMS CAD SNANG NGO; ,THAMS CAD MKHYEN PA LA NI SGRIB PA MED PA NYID DE KHYAD PAR RO, ,NYON MONGS PA DANG NYON MONGS PA MED PA'I MI SHES PA'I RGYUD THAMS CAD RTZA BA NAS PHYUNG BA MCHOG TU YONGS SU DAG PA'I 'DOD CHAGS DANG BRAL BA SHES BYA'I SGRIB PA SPANGS PA, THAMS CAD MKHYEN PA'I YE SHES KYI RNAL 'BYOR GYI DBANG PO, ,GZUGS SNA TSOGS KYI CHO 'PHRUL GYIS MTHA' YAS PA'I SEMS CAN GYI RGYUD RANGS PAR MDZAD PA'I STOBS BCU DANG, MI 'JIGS PA LA SOGS PA'I YON TAN GYI TSOGS GZHAL DU MED PA RGYU DANG 'BRAS BUS RGYAS PA RNAMS KYI SA'O, ,DER THAMS CAD MKHYEN PA RNAMS BZHUGS NAS SA BCU'I RGYAL TSAB KYI DBANG PO RNAMS LA CHOS KYI SPRIN GYI DBANG BSKUR BAR MDZAD DE, DER NI YE SHES KYI PHA ROL TU PHYIN PA MCHOG TU 'GYUR, CHOS LNGA DANG BDAG MED PA YONGS SU SHES NAS DE LTAR SA'I GO RIMS SU MTSAMS SBYOR BA NI @245A *, ,'PHAGS PA SA BCU BAR RGYAS PAR BSHAD PA'O, ,CHOS LNGA PO NI LAN MANG POR BSHAD PAS NA DA NI DE DAG LA BDAG MED PAR BSHAD PAR BYA STE, MING DANG MTSAN MA DANG, RTOG PA RNAMS NI GNYIS KYI RNAM PA'I PHYIR RMI LAM DANG MIG 'PHRUL LA SOGS PA BZHIN DU MA SKYES PA STE, DE DAG NI BRTAGS PA DANG GZHAN GYI DBANG DU BSDU'O, ,YANG DAG PA'I YE SHES DANG DE BZHIN NYID NI GRUB PAR BSDU'O, ,MDOR BSDUS NA NI KUN NAS NYON MONGS PA DANG YONGS SU DAG PA'I CHOS THAMS CAD NI BRTAGS PA DANG, GZHAN GYI DBANG DANG YONGS SU GRUB PA'I NANG DU GTOGS SO, ,DE DAG DBYE NA NI CHOS LNGA YONGS SU BZUNG BA STE, MING DANG MTSAN MA DANG YONGS SU RTOG PA'O, ,PHYI ROL GYI DON DU SGRO BTAGS TE SNANG BA DANG BCAS PA LA YE SHES 'JUG CING SGRO 'DOGS PA NI MTSAN MA'O, ,RNAM PA DE LTA BU GZUGS LA MDZES PA DANG MI MDZES PAR RTOG PA NI CHOS LNGA'I NANG DU GTOGS PA'I RNAM PAR RTOG PA'I KHYAD PAR RO, ,GSUM GYI NANG DU GTOGS PA'I BRTAGS PA NI RTAG PA DANG, BDAG DANG RDUL PHRA MO'I RDZAS LA SOGS PA RNAM PAR RTOG PA'I YUL MED DE, MO GSHAM GYI BU LA SOGS PA RNAM PAR RTOG PA BZHIN NO, ,SNANG BA DANG BCAS PA DANG, SNANG BA MED PA TZAM GYI YUL GYI DE GNYIS KYI KHYAD PAR PHYE BA'O, ,YANG DAG PA'I YE SHES NI SHES RAB KYIS DPYAD DE, YANG DAG PAR LTA BA LA SOGS PAR LAM GYI MTSAN NYID DO, ,DE BZHIN NYID NI GNYIS KYI RNAM PA'I BSLAD PA 'GOG PA'I MTSAN NYID DE, GNYIS SU MED PA'I YE SHES GRUB PA'O, ,THAMS CAD MKHYEN PA NYID KYIS NI RAB TU PHYE STE BSHAD PAR MDZAD, BTZUN GTZO 'PHAGS PA BYAMS PAS DBUS MTHA' RNAM PAR 'BYED PA LAS NI RAB TU PHYE BA BSDUS TE 'CHAD PA'O, ,THAMS CAD MKHYEN PAS ZHIB TU 'CHAD PA NI JI LTAR SNGA MA'I LE'U LAS 'BYUNG BA, KUN DU BRTAGS PA RNAM BCU STE, ,GZHAN GYI DBANG NI RNAM PA DRUG ,GRUB PA LA NI DBYE BA MED, ,CES BYA BA LA SOGS PA STE, GZUGS NI DBANG PO LNGA RNAMS DON, ,ZHES PAR RNAM PA BCUR DGONGS PA'I @245B DON DU BRTAG GO, ,MIG LA SOGS PA'I YE SHES PA DRUG NI GZHAN GYI DBANG RNAM PA DRUG GO, ,GRUB PA DBYER MED PA NI BSAM PA MED PA, SNANG BA MED PA DON DAM PA'I BDEN PA MI GNYIS PAR YANG DAG PAR RIG PA LA 'DZIN PA DANG, GZUNG BA DANG, BYA BA DANG, BYED PA DANG, SKYED PA DANG, BSKYED PA DANG, RJOD PA DANG, BRJOD PA DANG, DNGOS PO DANG, DNGOS PO MED PA GNYIS SU RNAM PAR RTOG PA MED PA'I PHYIR RO, ,GNYIS SU MED PA LA NI RIG PAR BYA BA DANG, RIG PA'I DNGOS POR BDAG NYID DU YANG MI RTOGS NA, DBYE BA'I RNAM PA GANG GIS 'DZIN PA DANG; ,GZUNG BA'I RNAM PA DE LA GNYIS KYI RNAM PAR 'GYUR BA'I 'BYED PA 'JUG PA LTA CI ZHIG SMOS TE, DE LTA BUR CHOS LNGA DANG BDAG MED PA YONGS SU SHES PA DANG, SA BCU RTOGS PA DANG, SNANG BA DANG BCAS PA DANG, SNANG BA MED PA'I TING NGE 'DZIN THOB PAS GNYIS SU MED PA'I YE SHES NI THAMS CAD MKHYEN PA KHO NAR 'GYUR RO, ,DES NA 'KHOR BA RNAMS KYI KUN GZHI RNAM PAR SHES PA 'JUG PA DANG RNAL 'BYOR BA RNAMS KYI GNYIS KYI RNAM PA LDOG PA STE, DBANG THOB PA NA NYON MONGS PA GNYIS KYI RNAM PA LDOG GO, ,'PHAGS PA LANG KAR GSHEGS PA'I BSHAD PA YE SHES DPAL BZANG POS SBYAR BA'I LE'U DRUG LAS DE BZHIN GSHEGS PA'I SNYING PO DPYAD PA DANG PO'O,, ,,DE NAS YANG BCOM LDAN 'DAS LA BYANG CHUB SEMS DPA' SEMS DPA' CHEN PO BLO GROS CHEN POS GSOL BA BTAB PA LA, BDAG MED PA GNYIS RAB TU DBYE BA ZHES BYA BA LA SOGS PA'O, ,BCOM LDAN 'DAS KYIS BKA' STZAL BA, 'DI LTA STE, MING DANG MTSAN MA DANG, RNAM PAR RTOG PA DANG, YANG DAG PA'I YE SHES DANG, DE BZHIN NYID DE, DE BZHIN GSHEGS PA BDAG GI SO SO RANG GIS RIG PA LA 'JUG PA DANG, DE LA BLO GROS CHEN PO RNAM PAR RTOG PA NI GANG DAG GIS MING DU BRJOD CING 'DI NI GLANG PO DANG, RTA DANG, SHING RTA DANG, RKANG THANG DANG, SKYES PA DANG, BUD MED LA SOGS PA YIN TE, DE DE BZHIN DU 'DI NI GZHAN DU MA YIN NO ZHES @246A *, ,MTSAN MA GSAL BAR BYED PA DE NI RNAM PAR RTOG PA'O, ,BLO GROS CHEN PO YANG DAG PA'I YE SHES NI GANG GIS MING DANG, MTSAN MA MED DMIGS SHING PHAN TSUN GLO BUR DU BYUNG BA'I PHYIR RNAM PAR SHES PA MI 'JUG PA RTAG PA MED PA DANG CHAD PA MED PA'I PHYIR MU STEGS BYED DANG, NYAN THOS DANG RANG SANGS RGYAS KYI SAR LHUNG BAR MI BYED PAS YANG DAG PA'I YE SHES ZHES BYA'O, ,GZHAN YANG BLO GROS CHEN PO YANG DAG PA'I YE SHES DES BYANG CHUB SEMS DPA' SEMS DPA' CHEN PO MING DNGOS POR MI BYED, MTSAN MA DNGOS POR MI BYED DO, ,SGRO 'DOGS PA DANG SKUR PA'I MTHA' GNYIS SU NGA PAR LTA BA RNAM PAR SPANGS PA MING DANG MTSAN MA'I DON MI 'JUG PAR SHES PA DE LTA BU NI DE BZHIN NYID 'DI YIN PAR BSHAD DO, ,BLO GROS CHEN PO DE BZHIN NYID LA GNAS PA'I BYANG CHUB SEMS DPA' SEMS DPA' CHEN PO NI SNANG BA MED PA'I RTOGS PA'I SPYOD YUL THOB PA'I PHYIR BYANG CHUB SEMS DPA'I SA RAB TU DGA' BA THOB STE, DES BYANG CHUB SEMS DPA'I SA RAB TU DGA' BA THOB NAS MU STEGS CAN DANG NGAN SONG GI 'GRO BA THAMS CAD RNAM PAR LOG PA YIN TE ZHES BYA BA NI SEMS MNYAM PAR MI 'JOG PA'I MA RIG PAS G-YENGS TE, GANG GIS MGO 'KHOR BA DANG BRGYAL BA LA SOGS PA BZHIN DU RNAM PA SNA TSOGS KYI MING DU BRJOD PA STE, DE NI MING DU 'DZIN PA'O, ,GZUGS SNGON PO LA SOGS PAR 'DZIN PA NI DE'I 'KHRUL PA'I MTSAN MA'O, ,GANG GIS BUD MED DANG SKYES PA LA SOGS PA MDZES PA DANG MI MDZES PA'I MTSAN MA 'DZIN PA NI RNAM PAR RTOG GO, ,DE LTAR 'KHRUL PA'I SEMS RNAM PA SNA TSOGS KYIS RNAM PAR SGRO BTAGS PA'I GNYIS KYI RNAM PA'I GZHAN GYI DBANG LA YANG MING DANG, MTSAN MA DANG, RNAM PAR RTOG PA'I CHOS SU 'BYED PA RNAMS NI 'KHOR BA LA YOD DO, ,YANG DAG PA'I YE SHES DE NI GANG GI TSE NA SHES RAB KYIS DPYAD DE SHES PAR BYA BA SBOM PO DANG, PHRA MO MI DMIGS PA DE'I TSE BSAM PA MED CING SNANG BA MED PA DE BZHIN NYID LA GNAS PAR 'GYUR RO, ,BYANG CHUB SEMS DPA'I SA RAB TU @246B DGA' BA THOB STE ZHES PA NI CHOS LA BDAG MED PA 'DI YONGS SU SHES PA'I PHYIR ZHES BYA BA STE, THAMS CAD MKHYEN PA BDAG NYID KYIS GSAL BAR BSHAD PA'O, ,DES BYANG CHUB SEMS DPA'I SA RAB TU DGA' BA THOB NAS MU STEGS CAN DANG NGAN SONG GI 'GRO BA THAMS CAD LAS RNAM PAR LOG PA YIN TE ZHES PA NI MU STEGS CAN RNAMS RTAG PA DANG, GCIG PA DANG, BDAG DANG, BDAG GI DANG, PHYI ROL GYI DON LA MNGON PAR CHAGS PAS CHOS DANG GANG ZAG LA BDAG MED PAR THAR PA'I RGYU MI SHES TE RTAG PA'I BDAG TU CHAGS PA'I PHYIR, ,TSUL KHRIMS DANG BRTUL ZHUGS SNYEMS PAS SRED PA'I MER PHYE MA LEB BZHIN DU LTUNG NGO, ,JI LTAR RDO RJE PHRENG BA LAS GSUNGS PA, GANG BA DANG, TSA BA DANG, THAL BA DANG, DRI MA 'DZIN PA LA SOGS PAR THAR PA LA NOR PAR LTA BAS GZHAN DAG KYANG LOG PA'I SHES PA SBYOR BAR BYED PA'O, ,YANG BLO GROS CHEN POS GSOL PA, BCOM LDAN 'DAS RANG BZHIN GSUM PO CHOS LNGA'I NANG DU 'DUS SAM, 'ON TE RANG GI MTSAN DU GRUB PA'AM, CI LAGS, BCOM LDAN 'DAS KYIS BKA' STZAL PA, BLO GROS CHEN PO 'DI NYID KYI NANG DU RANG BZHIN GSUM DANG, RNAM PAR SHES PA BRGYAD DANG, BDAG MED PA GNYIS KYANG 'DUS SO, ,DE LA MING DANG MTSAN MA NI YONGS SU BRTAGS PA'I MTSAN NYID DU SHES PAR BYA'O, ,GANG YANG BLO GROS CHEN PO DE LA GNAS SHING ZHUGS PA'I RNAM PAR RTOG PA SEMS DANG SEMS LAS BYUNG BA ZHES BSGRAGS PA NYI MA DANG 'OD ZER LHAN CIG BZHIN DU DUS GCIG TU BYUNG BA SNA TSOGS KYI MTSAN NYID RANG GI RNAM PAR RTOG PA KHONG DU CHUD PAR BYED PA'I RANG BZHIN NI BLO GROS CHEN PO GZHAN GYI DBANG ZHES BYA'O, ,BLO GROS CHEN PO YANG DAG PA'I YE SHES DANG DE BZHIN NYID NI MI 'JIG PA'I PHYIR RANG BZHIN YONGS SU GRUB PAR SHES PAR BYA'O ZHES BYA BA LA, MTSAN NI DBYIBS TE, BUD MED DANG SKYES PA LA SOGS PA'I GZUGS SO, ,DE LA MING NI GDOS PA ZHES SAM GO CHA ZHES BYA BA LA SOGS PAS SO, ,DE LA RNAM PAR RTOG PA NI SEMS DANG SEMS LAS BYUNG BA 'DUS PA'I GZHAN GYI DBANG @247A *, ,STE; RGYU DANG RKYEN GYIS BYAS PA NI SNGAR BSHAD PA LTA BU STE, YANG DAG MA YIN KUN RTOG CING, ,SEMS DANG SEMS BYUNG KHAMS GSUM PA, ,ZHES PAR RO, ,GSUM GYI NANG DU GTOGS PA'I BRTAGS PA NI YUL MED PA STE, JI LTAR GSUNGS PA, BRTAGS PA NI YI RANG BZHIN GYIS, ,DNGOS PO THAMS CAD MA SKYES TE, ,GZHAN DBANG LA NI BRTEN NAS SU, ,MI RNAMS RNAM PAR RTOG PA SKYE, ,GANG TSE GZHAN DBANG RNAM RTOG GI ,RNAM PAR SPANGS TE DAG PA NI, ,GRUB PA DE BZHIN NYID CES BYA, ,MDO SDE MDO SDER NGAS BSTAN TO, ,YANG DAG PA'I YE SHES DE BZHIN NYID NI YONGS SU GRUB PA'I RANG BZHIN MI 'JIG PA ZHES PA NI SHES RAB KYIS DPYAD DE SBOM PO DANG PHRA MO RNAM PAR GZHIGS PA NA MI DMIGS PA DE NI YANG DAG PA'I YE SHES KYI MING DANG MTSAN MA DANG, RNAM PAR RTOG PA RNAMS KYI RJES SU MI DMIGS PA'I PHYIR DE BZHIN NYID LA GNAS PA STE, YONGS SU GRUB PA'I DE BZHIN GSHEGS PA'I SNYING PO RANG BZHIN GYIS 'OD GSAL BA STE, DE BZHIN DU GLOR BUR GYI RNAM PAR DANG BRAL BA MI GNYIS PA DUS THAMS CAD DU GNAS SO, ,MIG LA SOGS PA'I RNAM PAR SHES PA BDUN NI SKAD CIG PA RNAMS TE DE BZHIN GSHEGS PA'I SNYING PO KUN GZHI RNAM PAR SHES PA NI SKAD CIG PA 'BREL PA'I RTAG PAS RTAG PA STE, GSER RIN PO CHE LA SOGS PA BZHIN DU YONGS SU GRUB PA'I RANG BZHIN RNAM PAR DAG PA YIN PAR RIG PAR BYA'O, ,JI LTAR MI 'JIG PA'I PHYIR ZHE NA, DUS THAMS CAD KYI PHYIR TE, 'KHOR BA'I DUS SU, LUS DANG LONGS SPYOD GNAS SNANG BA, ,KUN GZHI KUN DU 'BYUNG BA STE, ,RNAM BRGYAD RNAM DGU DE BZHIN DU, ,RGYA MTSO RLABS RNAMS BZHIN DU'O, ,ZHES BYA BAR LAN DU MAR BSHAD PA YIN TE, MNYAM PAR MI 'JOG PA'I MA RIG PAS BDAG DANG BDAG GIR CHAGS PAS 'KHOR BAR 'JUG GO, ,BDAG DANG BDAG GIR 'DZIN PA RNAMS GNYIS ZHI BAS BDAG MED PA GNYIS SKYE'O, ,BLO GROS CHEN PO CHOS LNGA PO 'DI RNAMS KYI NANG DU SANGS RGYAS KYI CHOS THAMS CAD DANG, SA RNAM @247B PAR DBYE BA'I MTSAMS SBYAR BA DANG ZHES BYA BA NI BSOD NAMS DANG YE SHES KYI TSOGS KYI SNANG BA DANG CAS PA DANG SNANG BA MED PA'I TING NGE 'DZIN DU 'BYED PAS SA'I MTSAMS SBYOR BAR BSHAD DO, ,THEG PA CHEN POR BSDUS PA'I TSIGS BCAD NI, CHOS LNGA DAG DANG RANG BZHIN DANG, , RNAM SHES BRGYAD PO NYID DAG DANG, ,BDAG MED RNAM PA GNYIS POR NI, ,THEG CHEN THAMS CAD 'DUS PA YIN, ,ZHES BYA BA LAS CHOS LNGA NI MDO SDE BRTZAMS NAS LAN DU MAR BSHAD MOD KYI, 'ON KYANG JI LTAR THAMS CAD MKHYEN PAS MTSAN MA DANG, GZUGS DANG, DBYIBS SU BSTAN PA DE LTAR BSHAD PAR SBYAR BAR BYA STE, BSLAD PA'I MTHUS MGO 'KHOR BA DANG BRGYAL BA LA SOGS PA BZHIN DU SNANG BA STE, DE LA MING NI GDOS PA DANG GO CHA ZHES BYA'O, ,GANG GIS YI GE DANG, TSIG DANG, BRJOD PA'I MTSAN NYID RJOD CING SEMS DANG SEMS LAS BYUNG BA'I TSOGS DE NI RNAM PAR RTOG PA'O, ,SHES RAB KYIS DPYOD PA'I YANG DAG PA'I YE SHES KYIS GANG GI TSE SBOM PO DANG PHRA MO'I MTSAN MA MI DMIGS PA DE'I TSE, MING DANG RNAM PAR RTOG PA MED CING GNYIS KYI RNAM PA BSLAD PA DANG BRAL BA RANG BZHIN GYIS 'OD GSAL BA DE BZHIN NYID YONGS SU GRUB PA GSER LA SOGS PA BZHIN RTAG PAR GNAS SO, ,RANG BZHIN NI CHOS KYI DBYINGS TE, SRID PA DANG THAR PA'I GNAS DE BZHIN GSHEGS PA'I SNYING PO'O, ,RNAM GRANGS SU KUN GZHI ZHES BYA BA STE, DE GTOGS BAR RNAM PAR SHES PA BRGYAD PO NI 'JUG PA'I RNAM PAR SHES PA DRUG DANG, NYON MONGS PA CAN GYI YID DANG BDUN NO, ,BDAG MED PA GNYIS PA GNYIS NI CHOS LA BDAG MED PA DANG, GANG ZAG LA BDAG MED PA'O, ,CHOS LA BDAG MED PA NI GZUGS LA SOGS PA'I CHOS KYI DNGOS PO MED PA'I PHYIR GNYIS SU MED PA'I YE SHES SO, ,GANG ZAG LA BDAG MED PA NI GANG SKAD CIG PA YIN PA DE THAMS CAD SE GOL GYI SGRA DANG, 'BAB CHU LA SOGS PA LTA BUR BDAG DANG GANG ZAG LA SOGS PAR BRTAGS PA'I RTAG PA MED DO, ,MA @248A *, ,SKYES PA'I PHYIR MO GSHAM GYI BU LA SOGS PA BZHIN TE, RTAG PA NI RIM DANG, CIG CAR GYI DON BYED PAR 'GAL BA'I PHYIR RI BONG GI RVA LA SOGS PA BZHIN DU DNGOS PO MED DO, ,DES NA SKAD CIG PA MA YIN PA CI'ANG MED DE, DE BZHIN GSHEGS PA'I SNYING PO NI SE GOL GYI SGRA LA SOGS PA MA GTOGS PAR GSER LA SOGS PA BZHIN DU SKAD CIG MA GZHAN DU MTSAMS SBYOR BAS RTAG PAR DGONGS PA'O, ,THAMS CAD MKHYEN PAS DGONGS PA NGES PAR 'GREL BA'I NGES PA'I DON GYI TSUL DU GSUNGS PA NI, MING DANG MTSAN MA KUN RTOG PA, ,RANG BZHIN GNYIS KYI MTSAN NYID DE, ,YANG DAG YE SHES DE BZHIN NYID, ,YONGS SU GRUB PA'I MTSAN NYID DO, ,ZHES PA STE, GSUM GYI NANG DU LNGA BSDU BA NI MING DANG, MTSAN MA DANG, KUN DU RTOG PA RNAMS BRTAGS PA DANG, GZHAN GYI DBANG RANG BZHIN GNYIS KYI MTSAN NYID DO, ,YANG DAG PA'I YE SHES DANG DE BZHIN NYID NI YONGS SU GRUB PA'I MTSAN NYID DO, YONGS SU GRUB PA'I PHYIR GNYIS SU MED PA'I YE SHES KYI RANG BZHIN NO, ,'PHAGS PA LANG KAR GSHEGS PA'I BSHAD PA YE SHES DPAL BZANG POS SBYAR BA'I LE'U DRUG PA LAS CHOS LNGA DPYAD PA GNYIS PA'O,, ,,DE NAS YANG BCOM LDAN 'DAS LA BYANG CHUB SEMS DPA' SEMS DPA' CHEN PO BLO GROS CHEN POS 'DI SKAD CES GSOL TO, ,GANG 'DI SKAD DU BCOM LDAN 'DAS KYIS BSTAN PA BRJOD PA LAS DE BZHIN GSHEGS PA 'DAS PA DANG, MA BYON PA DANG, DA LTAR GYI GANG G'A'I KLUNG GI BYE MA SNYED DO ZHES GSUNGS NA ZHES BYA BA LA SOGS PA LA, BLO GROS CHEN POS CIR DGONGS SHE NA, BYE MA'I RNAMS LA NI TSAD YOD KYI, DUS GSUM DU GSHEGS PA'I DE BZHIN GSHEGS PA'I LA TSAD MED DO ZHES DE LTA BUR GSOL BA LA, BCOM LDAN 'DAS KYIS BKA' STZAL PA, SGRA JI BZHIN GYI DON DU GZUNG BAR MI BYA STE ZHES SO, ,SKYI BUNG BA'I SEMS CAN RNAMS LA DE BZHIN GSHEGS PA THOB PAR BYA BA SLA BA'I PHYIR DPE TZAM DU MANG PO GZHAG PAR GSUNGS SO, ,AU DU MA W'A RA'I ME TOG GI DPES NI RAB TU DANG BA RNAMS LA THOB DKA' @248B BAR GSUNGS SO, ,DES NA SGRA JI BZHIN DU GZUNG BAR BYA STE, DON GYI RJES SU 'BRANG BAR BYA'I, YE GE'I RJES SU 'BRANG BAR MI BYA ZHES SO, ,SEMS CAN GYI BSAM PA DU MA LA THABS KYIS RTOGS PAR BYA BA'I PHYIR THAMS CAD MKHYEN PAS BSHAD PA'I CHOS RNAMS NI DGONGS PA'I DON THA DAD PA DU MAR 'JUG GO, ,DE'I PHYIR MKHAS PA RNAMS KYIS DAM PA'I CHOS JI LTA BUR RIGS PA DE LTA BUR GZUNG BAR BYA'O, ,GANG G'A'I KLUNG GI BYE MA'I CHOS DANG MTHUN PAR THAMS CAD MKHYEN PAS SGRA'I DON DU MA STON PAR MDZAD PA NI SANGS RGYAS RNAMS MANG BA DANG, DAG PA DANG, MI ZAD PA DANG, 'KHRUG PA MED PA DANG, GTZANG BA KHO NA STE, DE LTAR NA DBYANGS KYI DKYIL 'KHOR GYI TING NGE 'DZIN LA BZHUGS PA'I TSIG GI DBANG PO RNAMS KYI DON DU MA'I SGRA RNAMS 'BYUNG GI ,NGO BO NYID KYI DE BZHIN GSHEGS PA DE KHO NA NYID GNYIS SU MED CING, BSAM PA MED CING SNANG BA MED PA YANG DAG PAR RIG PA DNGOS PO DANG, DNGOS PO MED PAR RNAM PAR MI RTOG PAR NI MA YIN TE, DER GNYIS KYI RNAM PAR 'JIG RTEN GYI THA SNYAD THAMS CAD MI 'JUG GO, ,SNANG BA MED RING GNYIS SU MED PA DE KHO NA NYID DER DE BZHIN GSHEGS PA RNAMS KYIS GANG G'A'I KLUNG GI BYE MA'I KHYAD PAR DU SNANG BA DPER 'JOG PAR MI MDZAD DO, ,'ON KYANG BYIS PA RNAMS LA BYE MA LA SOGS PA'I DPE RNAMS GSUNG NGO, ,DE BZHIN GSHEGS PA'I SNYING PO SPYI DANG KHYAD PAR DU DGONGS PA NA ME LTA BUR SEMS CAN THAMS CAD DE BZHIN GSHEGS PA'I SNYING PO CAN ZHES GZHAG GO, ,GNYIS KYI RNAM PA LA NI 'BYED PA'I THA SNYAD YOD KYI BRJOD DU MED PAS NA SKAD CIG MA'I RGYUN RNAMS LA NI MED DO, ,DE'I PHYIR DE LTAR YOD PA DANG MED PA'I RNAM PAR RTOG PA SPANGS PAS GANG G'A'I BYE MA DANG 'DRA BAR RNAM PAR RTOG PA MED PA STE, JI LTAR SHES RAB KYI PHA ROL TU PHYIN PA LAS, DNGOS PO DANG DNGOS PO MED PA MNYAM PAS MNGON PAR RTOGS PA ZHES PA'O, ,DRI MA DANG BRAL BA ZHES PA NI 'DOD CHAGS DANG, ZHE SDANG DANG, GTI MUG GI DRI MA MED PA'I PHYIR RO, ,STOBS BCU DANG, MI @249A *, ,'JIGS PA LA SOGS PA'I BSHAD PA NI CHOS MNGON PA LAS RGYAS PAR RIG PAR BYA'O, ,GNAS DANG GNAS MA YIN PA'I STOBS NI THAMS CAD MKHYEN PA RNAMS KYI BLANG BA DANG DOR BA'I YE SHES SO, ,'CHI 'PHO DANG SKYE BA SHES PA'I STOBS NI DUS GSUM GYI YE SHES KYI STOBS TE ZHES BYA BA LA SOGS PA'O, ,MDZA' BA DANG KHONG KHRO BA MED PA'I PHYIR ZHES BYA BA NI MU STEGS CAN DANG, NYAN THOS KYI SKYE PO RNAMS LA BYAMS PA DANG, SNYING RJE DANG, DGA' BA DANG, BTANG SNYOMS SHIN TU GSUNGS PA'I PHYIR YE SHES KYI MNYAM PA NYID DO, ,DE BZHIN GSHEGS PA RNAMS KYI CHOS KYI SKU NI SA'I RDUL RNAMS ME'I KHAMS DANG 'BREL YANG MI TSIG PA BZHIN DU CHOS KYI SKU MI 'JIG GO, ,DE BZHIN GSHEGS PA'I 'OD ZER SNANG BA ZAD MED PA ZHES BYA BA NI MTHA' MED PA'I 'JIG RTEN GYI KHAMS SU SPRUL PA SPROS PA RNAMS KYIS DON GYI BYA BA BYED PA'I PHYIR RO, ,SRID PA THAMS CAD DU 'JUG PA'I RGYU CHAD PA YIN PAS NA 'KHOR BAR 'JUG PA YANG MED LDOG PA YANG MED DO ZHES BYA BA NI RTAG PA DANG BDAG TU CHAGS PA DANG, LAS KYI MTHU LAS SRID PAR 'JUG PAR 'GYUR, BDAG MED PAR 'GYUR, BDAG MED PA GNYIS YONGS SU SHES PAS DE BZHIN GSHEGS PA SRID PAR 'JUG PA NI CHAD DO, ,'O NA LDOG PAR CIS NA MI 'GYUR, THUGS RJES SEMS CAN GYI DON DU BZHUGS PA'I PHYIR RO, ,CHOS NI LUS MED DE, ,LUS DANG LDAN PA LA 'JIG PA YOD KYI LUS DANG MI LDAN PA LA NI MA YIN NO ZHES PA NI RNAM PA DE LTA BU'I GNYIS SU MED PA'I CHUD PA LA NGES PA MED PA'I PHYIR RO, ,CHOS KYI DBYINGS KYI RANG GI DANG GI SMON LAM GYI BDEN PA MI 'DOR RO ZHES PA NI SANGS RGYAS BCOM LDAN 'DAS RNAMS KYI SEMS CAN MTHA' DAG LA PHAN PA'I SMON LAM GYI BDE BA NI CHOS NYID THOG MAR YONGS SU MKHYEN PA'I THUGS RJE LAS BYUNG BA STE, MI RTAG PA DANG, SDUG BSNGAL BA DANG, BDAG MED PA DANG, STONG PA'I CHOS RNAMS LA SEMS CAN RNAMS RTAGS PA DANG, BDAG DANG BDE BA DANG, GTZANG BA'I DNGOS POR PHYIN CI LOG PAS SDUG BSNGAL MYONG BA DE DAG LA BDAG CAG GIS @249B YANG DAG PA'I YE SHES RAB TU CHUD PAR BYA'O ZHES BYANG CHUB SEMS DPA'I TSE NA GANG SMON LAM BTAB PA DE NYID SANGS RGYAS RNAMS KYI RJES SU 'BYUNG NGO, ,DAG PA'I DNGOS POR GYUR PA BDAG TU CHAGS PA DANG, 'JUNGS PA DANG, GZHAN LA GNOD PA DANG, 'DOD CHEN DANG, KHRO BA DANG, GTI MUG DANG, G-YO DANG, SGYU DANG, LE LO'I SKYON DANG BRAL BA'I DAM PA RNAMS LA NI GZHAN LA PHAN PA MA GTOGS PA BYA BA GZHAN CI YOD, BDAG TU CHAGS PA RNAMS LA NI BDAG GI DON DU YOD KYI, GANG LA BDAG TU CHAGS PA MED PA DE LA GZHAN GYI DON LEGS PA'I CHOS NYID DUS KUN DU RNAM PAR GNAS SO, ,DES NA SANGS RGYAS BCOM LDAN 'DAS RNAMS MI GNAS PA'I MYA NGAN LAS 'DAS PA STE, NYON MONGS PA SPANGS PA'I PHYIR YONGS SU MYA NGAN LAS 'DAS PA'O, ,GZHAN LA PHAN PA MDZAD PA'I PHYIR YONGS SU MYA NGAN LAS 'DAS PA MED DO, ,SEMS CAN THAMS CAD JI SRID DU YONGS SU MYA NGAN 'DAS PA DE SRID DU SANGS RGYAS BCOM LDAN 'DAS RNAMS THUGS RJE CHEN POS BZHUGS SO, ,CHOS BSTAN PA THAMS CAD KYANG MYA NGAN LAS 'DAS PA 'BAB PA'I RGYUN DUM THUN PAR 'JUG PA STE ZHES PA NI PHUNG PO DANG, KHAMS DANG, SKYE MCHED LA SOGS PA STON PAS GANG ZAG LA BDAG MED PA'I MYA NGAN LAS 'DAS PA'I RJES SU MTHUN NO, ,CHOS LA BDAG MED PAS NYON MONGS PA BAG CHAGS DANG BCAS PA SPANGS TE, NYES PA THAMS CAD LAS RNAM PAR GROL BA YONGS SU MYA NGAN LAS 'DAS PA'I SANGS RGYAS KHO NA'O, ,BLO GROS CHEN PO GANG GI SEMS SNANG BA'I PHYI ROL GYI DON YONGS SU SHES PAS THOG MA MED PA'I DUS KYI SPROS PA GNAS NGA LEN RNAM PAR RTOG PA'I BAG CHAGS KYI RGYUN RNAM PAR LOG CING RANG GI GNAS SHIN TU GYUR PA'I THAR PA YIN TE, BLO GROS CHEN PO 'JIG PA NI MA YIN NO ZHES BYA BA NI RTAG PA DANG, BDAG DANG, GTZANG BA DANG, BDE BA'I DNGOS POR PHYIN CI LOG PA'I RNAM PAR RTOG PA SPANGS NA THAR PAR 'GYUR TE, LOG PA'I RNAM PAR RTOG PA'I RANG GI GNAS SHIN TU RAB TU GYUR PA NI THAR PA YIN GYI, SEMS @250A *, ,'JIG PAR 'GYUR BA NI THAR PA MA YIN TE, GSER GYI DRI MA MED PA BZHIN DU NYON MONGS PA DANG BRAL NA THAR PA'O ZHES THAMS CAD MKHYEN PAS DGONGS PA'I DON DU BRTAG GO, ,'KHOR BA'I THOG MA DANG THA MA'I MTHA' NI RNAM PAR RTOG PA'I KHYAD PAR TE, GNYIS SU MED PA'I YE SHES NI KHYAD PAR DANG BRAL BA'O, ,DER NI THOG MA DANG, THA MA'I RNAM PAR RTOG PA MED PA'I PHYIR DE LA 'JIG PA DANG SKYE BA'I RNAM PAR RTOG PA MED DO, ,SKAD CIG PA'I RGYUN RTAG PA NYID MYONG DU ZIN YANG BRJOD DU MED PA'I PHYIR SNANG BA DANG BCAS PA'I TING NGE 'DZIN LA BZHUGS PA RNAMS KYI CHOS BSTAN PA 'BYUNG NGO ZHES LAN GRANGS MANG POR BSHAD PA'O, ,'PHAGS PA LANG KAR GSHEGS PA'I BSHAD PA YE SHES DPAL BZANG POS SBYAR BA'I LE'U DRUG PA LAS GANG G'A'I BYE MA DANG 'DRA BAR DE BZHIN GSHEGS PA DPYAD PA GSUM PA'O,, ,, 'PHAGS PA BLO GROS CHEN POS GSOL PA LA CI DGONGS SHE NA, KHA CIG NI SKAD CIG PA GZHAN DU PHYIR MTSAMS SBYOR BA MED DE, SE GOL GYI SGRA LA SOGS PA LTA BUR DE DAG GSAL BAR SKAD CIG PA'O, ,MIG LA SOGS PA'I RNAM PAR SHES PA RNAMS SKAD CIG PAR YANG YID CHES NA GANG DAG YANG RI LA SOGS PA GZUNG BA SNANG BA RNAMS SKAD CIG PA GZHAN 'DRA BA'I SEMS SKYED PAR BYED PA DE DAG THA DAD MED NA JI LTAR SKAD CIG PAR RTOGS PAR 'GYUR SKAD CIG PA DANG SKAD CIG PA MA YIN PA'I THA SNYAD JI LTAR 'JUG CES DE SKAD BSTAN PA KUN GZHI DANG 'JUG PA'I RNAM PAR SHES PA LAS DGONGS TE, DER THAMS CAD MKHYEN PA'I LAS NI BCOM LDAN 'DAS KYIS DE LA 'DI SKAD CES BKA' STZAL TO, ,BLO GROS CHEN PO CHOS THAMS CAD CES BYA BA NI 'DI LTA STE, DGE BA DANG, MI DGE BA DANG, 'DUS BYAS DANG, 'DUS MA BYAS DANG, 'JIG RTEN DANG, 'JIG RTEN LAS 'DAS PA DANG, KHA NA MA THO BA DANG BCAS PA DANG, KHA NA MA THO BA MED PA DANG, ZAG PA DANG BCAS PA DANG, ZAG PA MED PA DANG, ZIN PA DANG, MA ZIN PA RNAMS YIN TE, BLO GROS CHEN PO MDOR NA LEN PA'I PHUNG PO LNGA SEMS @250B DANG, YID DANG, YID KYI RNAM PAR SHES PA'I BAG CHAGS KYI RGYU LAS BYUNG BA SEMS DANG YID DANG, YID KYI RNAM PAR SHES PA'I BAG CHAGS RGYAS PA'I SKYE BO RNAMS KYIS DGE BA DANG, MI DGE BAR YONGS SU BRTAGS SO, ,TING NGE 'DZIN GYI BDE BA DANG, SNYOMS PAR 'JUG PA RNAMS NI ZHES BYA BA LA 'DOD CHAGS LA SOGS PA'I NYON MONGS PA RNAMS NI ZAG PA STE, DE DAG LA NI TING NGE 'DZIN DANG SNYOMS PAR 'JUG PA RNAM PAR GROL BAS NA ZAG PA MED PA STE, DGE BA'I CHOS RNAMS NI THAMS CAD MKHYEN PAS GSAL BAR BSHAD PA'O, ,SEMS DANG; YID DANG, YID KYI RNAM PAR SHES PA'I BAG CHAGS BRTAS PA'I BYIS PA RNAMS KYIS MTHO RIS DANG, NGAN SONG GI RGYU DGE BA DANG MI DGE BA BCU SEMS CAN LA PHAN PA DANG, GNOD PA'I MTSAN NYID CAN LA DGE BA DANG MI DGE BA'I BAG CHAGS YONGS SU SMIN PA'I MTHUS YONGS SU BRTAGS SO, ,RMI LAM BZANG PO DANG RMI LAM NGAN PA MTHONG BA LTA BUR BDE BA DANG, SDUG BSNGAL RNAM PAR SMIN PAR SNANG BAS RNAM PAR SHES PA BRGYAD KYI TSOGS SO SOR SNANG NGO, ,DE LA SKAD CIG MA'I BAG CHAGS KYIS BSGOS PA'I RNAM PAR SHES PA BDUN RNAMS 'BYUNG NGO; ,DE BZHIN GSHEGS PA'I SNYING PO KUN GZHI RNAM PAR SHES PA NI ZAG PA MED PA'I BAG CHAGS KYIS BSGOS PAS SKAD CIG PA MA YIN TE, SKAD CIG PA GZHAN DU PHYIR MTSAMS SBYOR BAS RTAG PA DANG, CHAD PA DANG BRAL BA RGYUN MI 'CHAD PAR RTAG TU 'BYUNG NGO, ,MU STEGS CAN DANG, NYAN THOS KYI RTAG PA DANG MI RTAG PAR BRTAGS PA RNAM PAR GCAD PA'I PHYIR DE SKAD CIG PA MA YIN PAR DGONGS PA'O, ,JI LTAR DGONGS PA NGES PAR 'GREL PA LAS, RIGS KYI BU 'DUS BYAS DANG, 'DUS MA BYAS ZHES BYA BA 'DI NI STON PAS BRTAGS PA'I TSIG GO ZHES 'BYUNG STE, DBANG PO LA SOGS PA SUS KYANG MA BYAS PAS NA 'DUS MA BYAS PA'O, ,SKAD CIG MA'I RGYUN DU 'BREL PA'I PHYIR 'DUS BYAS TE LAN DU MAR BSHAD PA'O, ,ZAG PA DANG BCAS PA'I BAG CHAGS YONGS SU SMIN PA'I PHYIR RNAM PAR SHES PA BDUN NI @251A *, ,SKAD CIG PA RNAMS SO, ,MIG LA SOGS PA'I RNAM PAR SHES PA LNGA MU STEGS CAN RNAMS KYIS RJES SU DBAG PA STE, RANG GI SEMS SNANG BA MA RTOGS PA'I PHYIR TE, 'GAG PA NA YID KYI RNAM PAR SHES PA KHA DOG DANG, NGA ROD DANG, DBYIBS SU NYE BAR SKYE BA NI DGE BA DANG, MI DGE BA'I BAG CHAGS 'GAG PAR MA GYUR GYI BAR DU'O, ,NAM SHES RAB KYIS DPYAD DE PHYI ROL GYI SBOM PO DANG PHRA MO MI DMIGS PA DE NA KUN GZHI RNAM PAR SHES PA SHIN TU GYUR TE, 'DOD CHAGS LA SOGS PA'I MTSAN MA GZUGS MDZES PA DANG, MI MDZES PA LA SOGS PA MI DMIGS TE, DE'I TSE ZAG PA MED CING RTAG PA'I BAG CHAGS KYIS BSGOS PA MI 'GYUR BAR GRUB PAS GRUB PA'I PHYIR MI LDOG GO, ,RDO RJE DANG GSER LA SOGS PA LTA BUR RTAG PA STE, LOG PA'I RNAM PAR RTOG PA SPANGS PAS BSKAL PAR BZHAG KYANG ZAD PA MED PA LTA BU STE, RTAG PA DANG, BDAG DANG GTZANG BA'I DNGOS PO PHYIN CI LOG PA RNAMS KYIS DE'I PHYIR YANG NYON MONGS PAR MI 'GYUR RO, ,MI RTAG PA DANG, BDAG MED PA DANG, SDUG BSNGAL BA DANG, MI MDZES PA DANG, STONG PA'I CHOS RNAM PAR RTOG PAS CHOS YONGS SU DAG PA'I RJES SU 'BRANG BA'I THUGS RJE STE, DE LTAR NA CHOS STON PA YANG 'BYUNG NGO, ,DES NA NYON MONGS PA'I RNAM PAR RTOG PA NI SPANG GI ,DGE BA NI MA YIN TE, DE'I PHYIR STON PA DE LA NYON MONGS PA KUN DU RTOG PA MED DE, SGRIB PA ZAD PAS 'GRO PA LA PHAN PA DANG, RJES SU MTHUN PA'I DGE BA SUS DGAG ,JI LTAR MDO SDE 'DIR GSUNGS PA, MTSAN NYID DANG NI BYA BA DANG, ,DNGOS POR MYA NGAN NGA MI 'DA', ,RNAM RTOG RNAM SHES BZLOG PA NA, ,NGA NI MYA NGAN 'DAS PA'O, ,ZHES PA STE, DER NI THAMS CAD MKHYEN PAS LOG PA'I RNAM PAR RTOG PA SPONG BAR DGONGS BA STE, GZHAN DU NA GSOL PA'I LAN DU CHOS STON PA JI LTAR NA 'BYUNG, 'PHAGS PA LANG KAR GSHEGS PA'I BSHAD PA YE SHES DPAL BZANG POS SBYAR BA'I LE'U DRUG PA LAS SKAD CIG MAR 'JIG PA DPYAD PA BZHI PA'O,, ,, @251B YANG BLO GROS CHEN POS GSOL PA, GANG YANG BCOM LDAN 'DAS KYIS 'DI SKAD DU PHA ROL TU PHYIN PA DRUG YONGS SU RDZOGS PAR BYAS NA SANGS RGYAS THOB PAR 'GYUR RO ZHES BKA' STZAL TO ZHES PA DER THAMS CAD MKHYEN PAS PHA ROL TU PHYIN PA RNAMS KYI KHYAD PAR RGYAS PAR GSUNGS PA STE, BDAG DANG BDAG GIR MNGON PAR CHAGS TE, 'BRAS BU RE BA NI 'JIG RTEN BA'I SBYIN PA DANG, TSUL KHRIMS LA SOGS PA'I PHA ROL TU PHYIN PA'O, ,'JIG RTEN LAS 'DAS PA NI PHYI ROL DU MNGON PAR CHAGS TE 'BRAS BU RE BAR ZHUGS PA NA, 'PHAGS PA NYAN THOS RNAMS KYI'O, ,BLO GROS CHEN PO 'JIG RTEN LAS 'DAS PA'I CHOS RNAMS NI BYANG CHUB SEMS DPA' SEMS DPA' CHEN PO ZHES BYA BA LA SOGS PA STE, RMI LAM DANG MIG 'PHRUL LA SOGS PA BZHIN DU SNA TSOGS KYI BAG CHAGS LAS SKYES PA'I RANG GI SEMS SNANG BA'I RNAM PAR RTOG PAS RTAG PA DANG, MI RTAG PA DANG, MDZES PA DANG, MI MDZES PA LA SOGS PAR 'DZIN PA STE, SHES RAB KYIS GZHIGS PA NI PHYI ROL GYI DON MI MTHONG NGO, ,DE'I PHYIR DE LTAR RANG GI SEMS GZUGS SU SNANG BA LA MTSAN NYID RNAMS KYI SRA BA DANG GSHER BA LA SOGS PA'I MTSAN NYID DU DE LTAR MNGON PAR CHAGS PA'I 'BYUNG BA CHEN PO RNAMS LA MNGON PAR CHAGS PAR MI BYED DE, DE LTAR PHYI'I DON DU MNGON PAR CHAGS PA MED PAR SEMS CAN THAMS CAD LA PHAN PA DANG, BDE BA'I PHYIR, SBYIN PA'I PHA ROL TU PHYIN PA 'BYUNG BAR 'GYUR RO, ,SEMS CAN RNAMS KYI SNANG BA'I TSUL JI LTA BA BZHIN DU DE DAG LAS PHAN PA DANG BDE BAR 'BYUNG NGO, ,DE BZHIN DU BYANG CHUB SEMS DPA'I CHOS DANG, ZANG ZING DANG MI 'JIGS PA RNAMS KYIS SBYIN PA'I PHA ROL DU PHYIN PA RDZOGS PAR 'GYUR BA NI BYANG CHUB SEMS DPA'I SA RAB TU DGA' BAR CHOS DANG GANG ZAG LA BDAG MED PA RTOGS SHING PHYI ROL GYI DON DU MNGON PAR CHAGS PA MED PA'I PHYIR SBYIN PA'I PHA ROL DU PHYIN PA RDZOGS PAR BYED CING BYANG CHUB SEMS DPA'I SA RAB TU DGA' BA YANG THOB PAR 'GYUR RO, ,CHOS DANG GANG ZAG LA @252A *, ,BDAG MED PAR JI LTAR RTOGS PAR 'GYUR ZHE NA, JI LTAR THAMS CAD MKHYEN PAS SKAD CIG 'JIG CING THOG MA DANG THA MA'I MTHA' STONG PA RANG BZHIN GNYIS KYIS KYANG STONG ZHING BYA BA DANG BYED PA PO DANG 'BREL TE, SKYE BA DANG, GNAS PA DANG, 'GOG PA LA SOGS PA LHAG PA'I CHOS DANG BRAL BA MI GNYIS PA SKAD CIG MA'I RGYUN DU 'BYUNG ZHING BRJOD DU MED PAR GSUNGS PA'O, ,SKAD CIG PA DANG SKAD CIG PA MA YIN PAR RTAG NA DGONGS PA NGES PAR 'GREL PA LAS, JI LTAR 'DUS BYAS DANG 'DUS MA BYAS PAR 'BYUNG BA DE LTAR 'DIR YANG DGONGS PA YONGS SU SHES PAR BYA STE, GZHAN DU NA CHOS NYID DANG 'GAL BAR 'GYUR RO, ,DE'I PHYIR DGONGS PA BSHAD PAR BYA STE, STONG PA MI RTAG SKAD CIG PAR, ,'DUS BYAS LA NI BYIS PA RTOG ,'BAB CHU MAR ME SA BON DPES, ,SKAD CIG PA YI DON DU RTOG ,CES PA STE, 'BAB CHU DANG SA BON LA SOGS PA GNYIS KYI RNAM PA CAN NI SKYE BA MED PA STE, RMI LAM DANG, MIG 'PHRUL LA SOGS PA BZHIN DU GZHAN GYI DBANG NI RNAM PA SNA TSOGS NOR BA'I RNAM PA RNAMS NI MED BAS NA DER BYIS PA RNAMS KYIS SKAD CIG PA DANG, SKAD CIG PA MA YIN PAR CI ZHIG RNAM PAR RTOG CES THAMS CAD MKHYEN PAS DGONGS PA'I DON DU BRTAG GO, ,'ON TE GZHAN GYI DBANG RNAM PA SNA TSOGS KYI RNAM PA RNAMS LA SKYE BA MED NA YONGS SU GRUB PA GZHAN LA SKAD CIG PA DANG, SKAD CIG PA MA YIN PA KHO NA JI LTAR NA YOD PAR 'GYUR ZHES DE SKAD DU THUGS DOGS NAS THAMS CAD MKHYEN PAS BKA' STZAL PA, BYED PA MED CING SKAD CIG PA, ,DBEN PA MED PA SPANGS PA DANG, ,CHOS RNAMS SKYE BA MED PA NI, ,SKAD CIG DON DU NGAS BSHAD DO, ,ZHES BYA BA NI YONGS SU GRUB PA LA THAMS CAD MKHYEN PAS DON DAM PAR SKAD CIG TU 'JIG PAR GRUB PA STE, GNYIS SU MED PA'I YANG DAG PAR RIG PA DE LA GNOD PA MED CING RANG BZHIN GCIG PA'I PHYIR NA YOD DO, ,CHOS THAMS CAD LA NI BYED PA MED, BYED PA GANG GIS KYANG SU YANG MI BYED DE, NAM SKAD CIG PA GCIG PA DE NI SKAD CIG PA GNYIS PO MED NA SU ZHIG BYA BA DANG BYED PA PO DANG @252B MNGON PAR 'BREL PAR 'GYUR, JI LTAR LUNG STON PA PO RNAMS KYI BYED PA PO NI RANG DBANG CAN DANG, BYA BA 'DOD PA'I GTZO BO NI LAS DANG, SGRUB PA'I MCHOG NI BYA BA LA SOGS PAR RTOGS PA NI RGYUN RTAG PAR BRTAGS TE GNYIS KYI RNAM PA'I SHES PA LA 'DIS BYED DO ZHES NI RIGS SO, ,GANG YANG BYA BA DANG BYED PA PO GNYIS LAS DBEN ZHING MI GNYIS PA DE NI BYA BA DANG BYED PA POR 'BYED PA'I BYED PA DANG BRAL BAS NA SKYE BA DANG, GNAS PA DANG, 'GOG PA LA SOGS PA'I RIM GYI CHOS RNAMS SKAD CIG PA LA MED DO, ,BDAG MED PA GNYIS LA YANG MED DE, LAN DU MAR SGRUB PA'O, ,DES NA CHOS RNAMS SKYE BA MED PA NI SKAD CIG PA'I DON NO ZHES THAMS CAD MKHYEN PAS DGONGS PA'I DON TO, ,RTEN CING 'BREL TE 'BYUNG BA NI, ,BYUNG BA MED CES SENG GE'I SGRA, ,DE NYID SGRUB PAR MDZAD PAS NA, ,SKYES MA THAG TU 'JIG PAR NI, ,BYIS PA RNAMS LA NGA MI 'CHAD, ,DNGOS PO RNAMS NI RNAM RTOG PA, ,BAR CHAD MED PAR 'GRO BAR G-YO, ,ZHES PA STE, SKYES MA THAG TU 'JIG PA'I SKAD CIG PA GCIG GI RIM THAMS CAD MKHYEN PA RNAMS KYIS BYIS PA RNAMS LA MI 'CHAD DO, ,JI LTAR ZHE NA, SKYE BA DANG, GNAS PA DANG, RGA BA DANG, MI RTAG PA'I CHOS RNAMS NI RGYUN DU GNAS PA LA 'CHAD DO ZHES DGONGS PA'I DON DU BRTAG GO, ,SEMS NI 'BYUNG BAR BYED PA YI, ,RGYU NI MA RIG DE YIN TE, ,JI SRID GZUGS DAG MI SHES PA, ,DE SRID BAR DU DE GNAS CI, ,ZHES BYA BA NI 'DIS 'DI BYED DO ZHES BYED PA POR 'BREL TE DNGOS PO RNAMS KYI RIM GRO BA RNAM PAR RTOG PAS G-YO BA DE NI SEMS CAN RNAMS KYI MA RIG PA STE, BYED PA POR RANG DBANG CAN GYIS GNAS PA'I LAS BYED DO ZHES BYED PA DANG, BYED PA POR RTOG PA STE, DE LTA BUR RTAG PA DANG, BDAG DANG, BYED PA PO LA MNGON PAR CHAGS PA'I PHYIR 'KHOR BAR GDAGS SO, ,SKAD CIG TU 'JIG PA YONGS SU SHES PAS NI BDAG TU CHAGS PA MED PAR 'GYUR, BDAG TU CHAGS PA MED NA LONGS SPYOD KYI DON DU LAS MI BYED DO, ,SEMS RNAMS RNAM PA SNA TSOGS SU BSLAD PAS BDE BA @253A *, ,DANG; SDUG BSNGAL DU 'BYED PAS DBYE BA NA SKAD CIG TU 'JIG PA MNGON SUM DU GRUB BO, ,DER GLENGS PA, GAL TE THAMS CAD SKAD CIG TU 'JIG NA DUS GZHAN DU DE NYID 'DI YIN NO ZHES PAR JI LTAR NA 'GYUR, DE NI 'DRA BA'I SKAD CIG PA GZHAN 'BYUNG BA'I PHYIR SHES PA 'JUG STE, SKRA DANG RTZVA LA SOGS PA BCAD NAS YANG SKYE BA LTA BU YIN GYI SE GOL GYI SGRA LA SOGS PA BZHIN DU 'DRA BA'I SKAD CIG PA GZHAN MTSAMS SBYOR BA MED PAR THAMS CAD SKAD CIG PA MA YIN NO, ,DE BZHIN DU SKAD CIG PA DANG, SKAD CIG PA MA YIN PA LA DGONGS TE THAMS CAD MKHYEN PAS MTSAMS SBYOR GNAS STON PAR MDZAD PA, RNAL 'BYOR CAN GYI SNYOMS 'JUG DANG, ,GSER DANG RGYAL BA'I RING BSREL DANG, ,'OD SNANG GNAS KYI GZHAL MED KHANG, ,'JIG RTEN RGYU YIS 'JIG PA MED, ,CES PA STE, RGYUS BTAB PA SKAD CIG MA'I RGYUN DU BSKAL PAR 'KHOR BAR YANG GNAS TE, JI LTAR GSER DANG, BDE BAR GSHEGS PA'I RING BSREL DANG, RDO RJE RIN PO CHE DANG, 'OD SNANG BA'I GZHAL MED KHANG DANG, 'GOG PA LA SNYOMS PAR 'JUG PA'I LUS LA SOGS PA BSKAL PA'I GNAS BSTAN NO, ,KHA CIG NI SKAD CIG PA GZHAN DU SDOD PA MED PAR SKAD CIG PA DE NYID LA SE GOL GYI SGRA LA SOGS PA LTA BUR RNAM PAR 'JIG GO, ,GNAS PA RNAMS DANG THOB PA'I CHOS, ,SANGS RGYAS YE SHES PHUN SUM TSOGS, ,DGE SLONG NYID DANG SHES THOB RNAMS, ,SKAD CIG MAR NI JI LTAR MTHONG, ,ZHES BYA BA NI THAMS CAD MKHYEN PAS RGYUN RTAG PAS RTAG PA NYID DU DGONGS PA'O, ,GAL TE DE DAG RNAMS KYANG SKAD CIG PA GCIG TU GNAS SU ZIN NA NI DE'I TSE 'DOD CHAGS DANG BRAL BA NI 'DOD CHAGS DANG MA BRAL BA KHO NA DANG, THAMS CAD MKHYEN PA NI THAMS CAD MKHYEN PA MA YIN PA KHO NA DANG DGE SLONG NI DGE SLONG MA YIN PA KHO NA'I GLAGS SU 'GYUR RO, ,GAL TE 'DRI BA'I SKAD CIG PA GZHAN DU MTSAMS SBYOR BA MED PAR 'GYUR NA NI DES NA SKAD CIG PA'I RGYUN CHAD PAR 'GYUR RO, ,DE'I PHYIR DGONGS PAS SKAD CIG PA KHO NA MA YIN LA, MU STEGS BYED PA'I RGYU LTA BUR RTAG PA'I DNGOS POR YANG MA YIN NO, , @253B DE MA SKYES PAS NA MO GSHAM GYI BUL SOGS PA BZHIN NO, ,SGYU MA DRI ZA'I GRONG LA SOGS, ,GZUGS RNAMS JI LTAR SKAD CIG PA, ,'BYUNG BA MA YIN GZUGS RNAMS DANG, ,'BYUNG BA DE DAG GANG DU SONG, ,ZHES BYA BA NI PHYI ROL GYI DON MED PAS 'BYUNG BA DANG 'BYUNG BA LAS GYUR PA'I GZUGS SU SNANG BA RNAMS DRI ZA'I GRONG KHYER DANG SGYU MA DANG, RMI LAM LA SOGS PA SNANG BA BZHIN DU GZHAN GYI DBANG GI RNAM PA SNA TSOGS KYI RNAM PA MA SKYES PAS NA DER SKAD CIG PA DANG, SKAD CIG PA MA YIN PA KHO NAR CI YOD, SNGAR BSHAD PA BZHIN RIG PAR BYA'O, ,DE DE LTAR CHOS DANG GANG ZAG LA BDAG MED PAR RTOGS BAS RTAG PA DANG, BDAG DANG, PHYI ROL GYI DON DU MNGON PAR CHAGS PA MED PA'I PHYIR MU STEGS BYED DANG, NYAN THOS RNAMS LAS LHAG PAR SBYIN PA'I PHA ROL TU PHYIN PA RDZOGS PAR BYED CIR BYANG CHUB SEMS DPA'I SA RAB TU DGA' BA THOB BO, ,BTZUN GTZO'I BYANG CHUB SEMS DPA' RNAL 'BYOR DAM PA LA, RNAL 'BYOR PA ZHES BYA BA NI MU STEGS BYED DANG NYAN THOS KYI RNAL 'BYOR LA MCHOG CHOS DANG, GANG ZAG LA BDAG MED PA RTOGS PA'I PHYIR SA'I DBANG PO RNAMS RNAL 'BYOR DAM PA LA RNAL 'BYOR PA YIN NO, ,GANG DMIGS PA DE NYID LA RNAM PAR RTOG PA MI 'JUG PAR SGOM PA DE NI TSUL KHRIMS TE, PHA ROL TU PHYIN PA ZHES BYA BA NI PHYI ROL GYI GZUGS KYI DNGOS PO MED PAS MDZES PA DANG, MI MDZES PA LA SOGS PA'I RNAM PAR RTOG PA MI 'JUG PA'I NGANG TSUL DU BYED DE, NAM SHES RAB KYIS DPYAD NAS SBOM PO DANG PHRA MO RNAM PAR GZHIGS TE MI DMIGS PA DE NA, GNYIS SU MED PA YONGS SU SHES PA DE TSUL KHRIMS YIN TE, DE NI DE'I TSUL KHRIMS KYI PHA ROL DU PHYIN PA'O, ,GANG GZUNG BA DANG, 'DZIN PA YONGS SU SHES NAS RNAM PAR RTOG PA DE NI MI 'JUG PAR BZOD PA DE NI BZOD PA'I PHA ROL DU PHYIN PA'O ZHES BYA BA NI 'DZIN PA DANG, GZUNG BA GNYIS KYI RNAM PA STONG PA NYID YONGS SU SHES NAS RNAM PAR RTOG PA MI 'JUG PA NI BZOD PA'I PHA ROL DU PHYIN PA'O, , BRTZON 'GRUS GANG GIS NAM GYI CHA STONG DANG, NAM GYI CHA SMAD LA BRTZON PAR BYED CING RNAL 'BYOR DANG MTHUN PAR MTHONG BAS RNAM PAR RTOG PA LDOG PA'I PHYIR, DE NI BRTZON 'GRUS KYI PHA ROL TU PHYIN PA'O ZHES PA NI NAM SHES RAB KYIS DPYOD PA'I BRTZON 'GRUS KYIS SBOM PO DANG, PHRA MO RNAM PAR @254A *, ,GZHIGS TE, MI DMIGS PA DE NA RNAM PAR RTOG PA 'JUG PAR MI 'GYUR BA DE NI BRTZON 'GRUS KYI PHA ROL TU PHYIN PA'O, ,GANG RNAM PAR RTOG PA BZLOG PA'I PHYIR MU STEGS CAN GYI MYA NGAN LAS 'DAS PAR 'DZIN PAR MI LTUNG BA DE NI BSAM GTAN GYI PHA ROL TU PHYIN PA'O ZHES BYA BA NI CHOS DANG GANG ZAG LA BDAG MED PA YONGS SU SHES PAS RTAG PA DANG, BDAG DANG PHYI ROL GYI DON RNAM PAR BZLOG PA'I PHYIR MU STEGS CAN GYI MNGON PAR CHAGS PAR LTUNG BAR MI 'GYUR BA DE NI GNYIS SU MED PA'I BSAM GTAN TE, BSAM GTAN GYI PHA ROL TU PHYIN PA'O, ,DE LA SHES RAB KYI PHA ROL TU PHYIN PA NI NAM RANG GI SEMS KYI RNAM PAR RTOG PA MED PA DANG, BLO RAB TU 'BYED PA'I BAR DU RAB TU PHYEN MTHA' GNYIS SU MI LTUNG ZHING GNAS RAB TU GYUR PA MNGON DU 'GRO BA MI 'JIGS PAS BDAG GI 'PHAGS PA SO SO RANG GIS RIG PA THOB PAR BYA BA'I PHYIR RAB TU SBYOR BA DE NI SHES RAB KYI PHA ROL TU PHYIN PA'O ZHES BYA BA NI RANG GI SEMS KYI RNAM PAR RTOG PA'I DNGOS PO MED PAR GYUR PA STE, NAM BLO RAB TU 'BYED PA'I SHES RAB KYIS DPYAD DE, PHYI ROL GYI DON RAB TU PHYE BAS SBOM PO DANG PHRA MO RNAM PAR GZHIG CING PHUNG PO LA SOGS PA'I MTSAN NYID DU MI LTUNG ZHING MI DMIGS PA DE NI DMIGS SU MED PA'I TSUL GYIS 'DZIN PA DANG GZUNG BA'I SHES PA'I LOG PAR GYUR TE, BSAM PA MED CING SNANG BA MED PA DON DAM PA'I BDEN PA LA GNAS PAR 'GYUR RO, ,DE BZHIN DU SHES RAB KYI PHA ROL TU PHYIN PA NI RNAM PAR MI RTOG CING MTSAN MA MED PA STE, SHES RAB DANG, THABS DANG, SMON LAM DANG, STOBS DANG, YE SHES KYI PHA ROL TU PHYIN PA RNAMS NI SHES RAB KYI PHA ROL TU PHYIN PA THOG MAR BYAS PA LAS RAB TU PHYE BA STE, SA BCU'I DBANG PO RNAMS KYI BDAG DANG GZHAN LA PHAN PA'I SA BCUR 'BYED PA RNAMS KYIS SNANG BA DANG BCAS PA DANG, SNANG BA MED PA'I TING NGE 'DZIN DU DBYE BAS PHYE BA NA SANGS RGYAS NYID 'THOB PA'I PHYIR 'JUG GO, ,DE LTAR NA DES THAMS CAD DU KHYAB PAR GYUR PA STE, SHES RAB KYI PHA ROL TU PHYIN PA DPYAD PA'O, ,'PHAGS PA LANG KAR GSHEGS PA'I BSHAD PA YE SHES DPAL BZANG POS SBYAR BA'I LE'U DRUG PA LAS SA DANG PHA ROL DU PHYIN PA DPYAD PA LNGA PA'O,, ,,DE NAS YANG BCOM LDAN @254B 'DAS LA BYANG CHUB SEMS DPA' SEMS DPA' CHEN PO BLO GROS CHEN POS 'DI SKAD CES GSOL TO, ,SEMS CAN RNAMS YONGS SU MYA NGAN LAS MI 'DA' BA'I CHOS CAN NO ZHES PA'O, ,CI'I SLAD DU BCOM LDAN 'DAS KYIS DGRA BCOM PA RNAMS BLA NA MED PA YANG DAG PAR RDZOGS PA'I BYANG CHUB TU DE BZHIN GSHEGS PAR 'GYUR BAR LUNG BSTAN ZHES BYA BA DE LA CI DGONGS SHE NA, SEMS CAN THAMS CAD DE BZHIN GSHEGS PA'I SNYING PO BAS NA 'DOD CHAGS DANG BRAL BA RNAMS NI SANGS RGYAS SU GDON MI ZA ZHES SO, ,THAMS CAD MKHYEN PAS KYANG BSAM PA'I DON LA GSUNG PAR 'GYUR BA NI BYANG CHUB SEMS DPA' RNAMS YONGS SU MYA NGAN LAS 'DAS PAR 'DOD PA BSAL BA'I DON DU NYAN THOS RNAMS LA SANGS RGYAS SU DE BZHIN GSHEGS PAR 'GYUR BAR LUNG BSTAN TO, ,DE BZHIN GSHEGS PA GANG GI NUB MO BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PA NAS GANG GI NUB MO YONGS SU MYA NGAN LAS 'DAS PA DE'I BAR DU BCOM LDAN 'DAS KYIS YI GE GCIG KYANG MA GSUNGS MA BSHAD CES BYA BA DER DGONGS TE GSUNGS PA'I DON THAMS CAD MKHYEN PAS GSUNGS PA NI JI BZHIN DU SNGON GYI DE BZHIN GSHEGS PA RNAMS KYIS CHOS STON PA DE BZHIN DU NGAS KYANG CHOS DE KHO NA NYID BSHAD KYI, SNGAR MED PA NI CUNG ZAD KYANG MA YIN NO ZHES DGONGS PA'O, ,DE BZHIN GSHEGS PA RNAMS NI RTAG TU MNYAM PAR BZHAG PA LAGS TE, MI RTOG MI DPYOD PAR 'PHRUL PA DAG KYANG SPRUL NAS DE DAG GIS DE BZHIN GSHEGS PA'I BYA BA MDZAD DE RNAM PAR SHES PA RNAMS KYANG SKAD CIG MA GCIG NAS GCIG TU THA DAD PA'I MTSAN NYID DU BSHAD, LAG NA RDO RJE YANG KHOR MOR RTAG TU ZHAM 'BRING DU 'BRANG THOG MA'I MTHAR MI 'DOGS LA MYA NGAN LAS 'DAS PAR 'DOGS, BDUD DANG BDUD KYI LAS RNAMS DANG; LAS KYI RGYU RNAMS DANG, BRAM ZE'I BU MO TZANYTZA DANG, MDZES MA KUN DU RGYU DANG, LHUNG BZED BKRUS BZHIN PA LA SOGS PA LAS KYI SGRIB PA DAG GDA' NA, BCOM LDAN 'DAS DE JI LTAR BCOM LDAN 'DAS KYIS NONGS PA DAG MA SPANGS PAR RNAM PA THAMS CAD @255A *, ,MKHYEN PA NYID THOB CES BYA BAR BSTAN PA DE DAG PHAN TSUN DU 'GAL BA RNAMS THAMS CAD MKHYEN PAS SPANGS PAR GSUNGS PA BCOM LDAN 'DAS KYIS BKA' STZAL PA, BLO GROS CHEN PO DE'I PHYIR SHIN TU ZHES BYA BA LA SOGS PA STE, PHUNG PO LHAG MA MA LUS PA'I DBYINGS LA YANG DGONGS NAS BYANG CHUB SEMS DPA'I SPYOD PA SPYAD PA RNAMS KYANG RAB TU SPRO BAR BYA BA'I PHYIR TE, BLO GROS CHEN PO SANGS RGYAS KYI ZHING 'DI DANG, GZHAN DAG NA BYANG CHUB SEMS DPA'I SPYOD PA SPYAD PA RNAMS GANG DAG NYAN THOS KYI THEG PAS YONGS SU MYA NGAN LAS 'DA' BAR 'DOD PA YOD DE, DE DAG NYAN THOS KYI THEG PA 'DOD PA LAS BZLOG PAR BYA BA DANG, THEG PA CHEN PO LA RAB TU SPRO BAR BYA BA'I PHYIR SPRUL PA'I NYAN THOS RNAMS LA SPRUL PA'I SKU DAG GIS LUNG BSTAN GYI, CHOS NYID KYI SANGS RGYAS RNAMS KYIS NI MA YIN NO, ,BLO GROS CHEN PO DE LA DGONGS NAS NYAN THOS LUNG BSTAN TO, ,BLO GROS CHEN PO RNAM PAR GROL BA RO GCIG PA'I PHYIR NYAN THOS DANG, RANG SANGS RGYAS DANG, SANGS RGYAS RNAMS NYON MONGS PA'I SGRIB PA SPANGS PA NI BYE BRAG MED MOD KYI ZHES BYA BA NI MI RTAG PA DANG, SDUG BSNGAL BA DANG, MI MDZES PAR BSGOMS PAS RTAG PA DANG, BDAG DANG, BDE BA DANG, GTZANG BAR PHYIN CI LOG LAS 'BYUNG BA'I 'DOD CHAGS LA SOGS PA'I NYON MONGS PA RNAMS SPONG STE, 'PHAGS PA'I BDEN PA BZHI RTOGS PA NI BYANG CHUB GSUM DU YANG BYE BRAG MED DO, ,GANG ZAG LA BDAG MED PA YONGS SU SHES PAS NI NYON MONGS PA SPONG NGO, ,CHOS LA BDAG MED PA YONGS SU SHES PAS SHES BYA'I SGRIB PA SPANGS TE, NYON MONGS PA'I SGRIB PA DE YANG MNYAM PAR MI 'JOG PA'I BAG CHAGS DANG BCAS TE SPANGS NAS DE BZHIN GSHEGS PA RNAMS KYI THAMS CAD MKHYEN PA KHO NAR 'GYUR RO; ,BCOM LDAN 'DAS KYIS DE NYID BSGRUB PAR MDZAD PA SHES BYA'I SGRIB PA SPANGS PA NI MA YIN NO, ,BLO GROS CHEN PO SHES BYA'I SGRIB PA NI CHOS LA BDAG MED PA MTHONG BA'I BYE BRAG GIS RNAM PAR DAG PAR 'GYUR RO, ,NYON MONGS PA'I SGRIB PA NI YID KYI RNAM PAR SHES PA BZLOG PA'I @255B PHYIR GANG ZAG LA BDAG MED PA MTHONG BA LA BSGOM PA SNGON DU 'GRO BAS SPONG BAR 'GYUR RO, ,CHOS KYI SGRIB PA RNAM PAR GROL BA DE NI KUN GZHI RNAM PAR SHES PA'I BAG CHAGS BZLOG PA'I PHYIR RNAM PAR NGAG PAR 'GYUR RO, ,SNGON GYI CHOS KYI LUS LA DGONGS TE SNGON DANG PHYIS MED PA MI 'BYUNG BA'I PHYIR SNGON BSHAD PA'I YI GE DE DAG NYID KYIS DE BZHIN GSHEGS PA MI RTOG MI DPYOD PAR CHOS 'CHAD DE, MKHYEN BZHIN DU MDZAD PA DANG, DRAN PA NYAMS PA MED PA DANG, MI RTOG MI DPYOD DO ZHES PA STE, DRAN PA NYAMS PA MED PA'I PHYIR CHOS KYI SKU DANG RDZOGS LONGS SPYOD PA'I SKU LA BZHUGS TE RNAL 'BYOR PA RNAMS LA DNGOS PO CHOS STON CING SANGS RGYAS KYI MDZAD PA THAMS CAD MDZAD DO, ,BSLAD PA LTA BA DU MAR LTUNG BA DANG, NYON MONGS PAS DKRUGS PA RNAMS LA SPRUL PA RNAMS KYIS RTZOD PA DANG, LAN GLAN PA DANG, MU STEGS CAN DANG, BDUD PHAM PAR BYED CING THABS DU MAR CHOS STON TO, ,NYAN THOS RNAMS LA NI SANGS RGYAS SU LUNG STON PAR MDZAD DO, ,DE BZHIN GSHEGS PA NGO BO NI DON DAM PA PHA'I TSUL NYID STON TO, ,SPRUL PA'I SKU RNAMS KYI NI SHES RAB DANG THABS RNAMS KYIS SEMS CAN RNAMS GZUNG BA'I PHYIR GO RIMS KYIS GANG ZAG LA BDAG MED PAR BSTAN NAS PHUNG PO DANG, KHAMS DANG SKYE MCHED LA SOGS PA RAB TU 'BYED PAS SKAD CIG TU 'JIG PA LA ZHUGS PA RNAMS GNYIS SU MED PA'I DON DAM PA'I TSUL LA GZUNG PAR BYA BA'I PHYIR SNOD DU GYUR PA RNAMS LA CHOS LA BDAG MED PA STON CING SEMS CAN GYI DON RNAM PA MANG PO MDZAD DO, ,SEMS CAN GANG DAG LA BDUD KYAL KA BYED PA'I RIGS CAN GYIS CHOS KYI BAR CHAD BYED PA DE DAG LA BTZUN GTZO 'PHAGS PA PHYAG NA RDO RJE CHA NYE BAR GNAS PA YIN NO, ,SEMS CAN RNAMS SKYO BAR BYED PA'I LAS KYI RGYUD RAB TU 'BYED PA GSUNGS TE, KYE MA'O 'DU BYED RNAMS NI MI RTAG GO ZHES RTOG PAR LONGS SPYOD KYIS MOS PA KHA CIG YID 'BYUNG BAR 'GYUR RO, ,KHA CIG NI RTAG PA'I BDAG TU MNGON PAR CHAGS PAS SKAD CIG TU 'JIG PA THOS TE, BDAG MED PAS SKRAG CING CHOS DANG GANG ZAG LA BDAG MED PAS DON DAM PA'I TSUL LA MI 'JUG PA DE DAG LA SEMS KYI SKAD CIG MA @256A *, ,GCIG TU RGYUN RTAG PAS SRID PA DANG, THAR PA'I GNAS KUN GZHI RNAM PAR SHES PA KUN NAS NYON MONGS PA DANG, RNAM PAR BYANG BA'I RGYU STON TO, ,SEMS GCIG PO RTOG GO ZHES BYED PA POR SMRA BAR MNGON PAR CHAGS PA RNAMS LA DE BZHIN GSHEGS PA'I SNYING PO CHUD PA NYID SPYI DANG KHYAD PAR DU DGONGS TE, SEMS CAN RNAMS LA KHYAB PA DANG RTAG PA STON TO, ,DE DE BZHIN DU THABS DU MAS SNGAGS GYI RGYUD DANG, SPRUL PA GTONG BAR GSUNGS KYANG GZUGS RNAM PA SNA TSOGS KYI RNAL 'BYOR GYI DBANG POR GYUR PA STON TO, ,MOS PA THA DAD PA SEMS CAN GYI DON DU SANGS RGYAS GAR MKHAN GYI THABS SNA TSOGS 'DI NI BSAM GYIS MI KHYAB PA STE, BRO BA DANG, SMAN RA SA YAN DANG, MIG RTZI DANG, GTER MI ZAD PA DANG, YID BZHIN GYI NOR BU RIN PO CHE DANG, PHUG DANG GZHAL MED KHANG DANG, LONGS SPYOD RNAM PA DU MA SBYIN PA'I RNAL 'BYOR GYI DBANG PO RNAMS SO, ,LHUNG BZED BKRUS BZHIN DU SLAR JI LTAR GSHEGS SHE NA, DE NI CHOS BCU PA LAS BCOM LDAN 'DAS KYIS GSUNGS TE, BSOD NAMS CHUNG ZHING NYAN THOS RNAMS KYI YI CHAD PA BSTZAL BA'I DON DU DE BZHIN GSHEGS PAS GSUNGS PA'O, ,DE DE BZHIN DU THAMS CAD MKHYEN PA RNAMS KYIS SNGAGS KYI TSUL DANG, CHO 'PHRUL RNAMS KYI 'JIG RTEN LAS 'DAS PA'I MI SNANG BAS SPANG BAR NUS KYANG SKUR PA LA BTANG SNYOMS MDZAD PA NI BSOD NAMS CHUNG ZHING SKUR PA MANG BA'I SEMS CAN RNAMS KYI YID MI BDE BA BSTZAL BA'I DON DU TZANYTZA DANG, MDZES MA MU STEGS KYIS SKUR PA LA BTANG SNYOMS MDZAD DO, ,LHA SBYIN GYIS PA BONG LAS YAR TE PHOG PA LA BTANG SNYOMS SU MDZAD PA NI SEMS CAN MANG POS SMAN BYIN PA'I BSOD NAMS KYI DON DANG, DE DUS GZHAN DU SKYO BAR BYA BA'I PHYIR TE, CHOS BCU PA LAS LOG PA LHA SBYIN NI RNAM PAR THAR PA THOB PA STE, DE BZHIN GSHEGS PA CHE BA KHO NAR MI DANG LHA LA SOGS PA'I SEMS CAN RNAMS LA SGROGS PAR BYED DO, ,GANG YANG SANGS RGYAS DANG, CHOS DANG DGE 'DUN LA MI BDEN PAR BYED PA DE NI DE LTA BUR SEMS CAN DMYAL BAR 'GRO BAR 'GYUR RO ZHES BYA STE, DE LTAR NA SANGS RGYAS KYI BYANG CHUB BSAM GYIS MI KHYAB BO, ,DRAN PA MNYAM PA MED PA @256B DANG; ,MI RTOG MI DPYOD PA DANG, BAG CHAGS KYI SA BZHI SPANGS PA STE ZHES BYA BA NI KUN GZHI RNAM PAR SHES PA DANG, NYON MONGS PA CAN GYI YID DANG, YID KYI RNAM PAR SHES PA DANG, MIG LA SOGS PA'I RNAM PAR SHES PAR BAG CHAGS RNAM BZHI YONGS SU SMIN PA STE, DE DAG TU BSTAN PA DANG, MI BDEN PA'I BAG CHAGS NI DGE BA DANG, MI DGE BA DANG, GNYIS KA DANG, LUNG DU MI STON PAR BRTZAMS SO, ,ZAG PA DANG BCAS PA'I BAG CHAGS NI KUN GZHI RNAM PAR SHES PA LAS RAB TU GYUR PA NA DE BZHIN GSHEGS PA'I SNYING PO NYID ME LONG GI YE SHES SU 'GYUR RO, ,'PHO BA GNYIS DANG BRAL BA NI 'KHOR BA'I 'PHO BA DANG, YONGS SU 'GRIB PA'I 'PHO BA STE, DE DAG BRAL BA NI 'PHO BA GNYIS DANG BRAL BAR BRTAG GO, ,NYON MONGS PA'I SGRIB PA DANG, SHES BYA'I SGRIB PA SPANGS PA'I PHYIR ZHES BYA BA NI 'PHAGS PA'I BDEN PA BZHI BSGOM PAS GANG ZAG LA BDAG MED PA YONGS SU SHES PA'I PHYIR MI RTAG PA DANG, SDUG BSNGAL BA DANG, MI MDZES PA BSGOM PAS 'DOD CHAGS LA SOGS PA NYON MONGS PA'I SGRIB PA SPONG NGO, ,CHOS LA BDAG MED PA YONGS SU SHES PAS SHES BYA'I SGRIB PA SPONG NGO, , BLO GROS CHEN PO YID DANG YID KYI RNAM PAR SHES PA DANG, MIG GI RNAM PAR SHES PA LA SOGS PA BDUN RNAMS NI DGE BA ZAG PA MED PA'I PHYOGS DANG BRAL BA NI 'KHOR BA MA YIN TE, BAG CHAGS KYI RGYU LAS 'BYUNG BA'I PHYIR SKAD CIG PA'O, ,BLO GROS CHEN PO DE BZHIN GSHEGS PA'I SNYING PO NI 'KHOR ZHING MYA NGAN LAS 'DAS PA DANG, BDE BA DANG SDUG BSNGAL GYI RGYU YIN TE ZHES BYA BA NI RNAM PAR SHES PA BDUN RNAMS SKAD CIG PA'I BAG CHAGS KYI RGYU LAS 'BYUNG BAS NA 'KHOR BAR MI 'KHOR RO, ,ZAG PA DANG BCAS PA DANG ZAG PA MED PA'I GNAS DE BZHIN GSHEGS PA'I SNYING PO NI RDO RJE DANG GSER LA SOGS PA BZHIN DU SKAD CIG MA'I RGYUN RTAG PA'I PHYIR 'KHOR BA STE, DUS KYI KHYAD PAR DU BYED PA NA DRI MA DANG BCAS PA DANG DRI MA MED PA DANG, 'KHOR BA DANG SDUG BSNGAL GYI RGYU ZHES BYA BA NI DE BZHIN GSHEGS PA'I SNYING PO @257A *, ,'KHOR BAR 'KHOR BA'I PHYIR RO, ,MYA NGAN LAS 'DAS PA'I BDE BA'I RGYU ZHES BYA BA NI SDUG BSNGAL GYI DNGOS PO MED PA'I PHYIR BDEN BA'I RGYU STE, BDEN PA SHES PA LA NI MI SHES PA THAMS CAD SDUG BSNGAL LO, ,BYIS PA SO SO'I SKYE BOS MI SHES SO ZHES PA NI KHA CIG STONG PA NYID KYIS G-YENGS PA'I BLO CAN THAMS CAD MED CES PA STE, THAMS CAD RTAG PAR YONG CES PA RTAG PA'AM CHAD PAR SMRA BAR LTUNG ZHING SKAD CIG MA'I RGYUN DU RTAG PA DE BZHIN GSHEGS PA'I SNYING PO KHONG DU CHUD PAR MI BYED DO, ,SKAD CIG MA'I PHYOGS LA G-YENGS PAS BLO RTAG TU CHAD PA'AM RTAG TU CHAD PA MED PAR RTOG GO, ,DE BZHIN GSHEGS PA'I SNYING PO NI SHES RAB CAN RNAMS KYIS SHES TE DE LTAR THAMS CAD BSDU BA'I DON DU BSHAD NAS YAN LAG GI DON DU CUNG ZAD CIG BSHAD PAR BYA STE, THAMS CAD MKHYEN PA RNAMS KYI SKU GSUM NI SNANG BA DANG BCAS PA DANG, SNANG BA MED PA'I TING NGE 'DZIN THA DAD PAS RNAM PAR 'BYED DO, ,NGO BO NYID KYI SKU RNAMS NI GNYIS SU MED PA STE, DE BZHIN DU RNAL 'BYOR PA RNAMS KYI YUL TE, BYIS PA SO SO'I SKYE BO RNAMS KYI DBANG PO THAMS CAD KYI YUL LAS 'DAS PA'O, ,BDUD KYAL KA CAN GYI RIGS RNAMS KYI YUL MA YIN PA'I PHYIR 'PHAGS PA PHYAG NA RDO RJE DE YONGS SU SRUNG BA'I DON DU DE ZHAM 'BRING DU MI 'BRANG NGO, ,SPRUL PA RNAMS NI LAS LAS SKYES PA'I MA YIN TE, DE DAG LAS NI DE BZHIN GSHEGS PA GZHAN PA YANG MA YIN, GZHAN PA MA YIN PA YANG MA YIN TE, SNANG BA DANG BCAS PA DANG, SNANG BA MED PA'I TING NGE 'DZIN LA ZHUGS PA'I DE BZHIN GSHEGS PA NYID GCIG POR GYUR TE, RNAM PA MANG POR 'GYUR RO, ,DES NA GZHAN PA DANG GZHAN PA MA YIN PA'I THA SNYAD MI RUNG NGO, ,SNGON MED PA DANG, PHYIS 'BYUNG BA MA YIN PA'I YI GE DE DAG NYID KYI SNGAMS BSHAD PA BZHIN DU THOG MA DAD THA MAR DGE BA 'CHAD KYI LHAG PAR NI MA YIN NO, ,BSOD NAMS DANG YE SHES KYI TSOGS KYI LAS LAS NI NGO BO NYID KYI RNAMS 'BYUNG BA STE, SPRUL PA'I RNAMS NI MA YIN NO, ,PHUNG PO DANG, KHAMS DANG, @257B SKYE MCHED LA SOGS PA SPRUL PA RNAMS KYIS STON GYI, NGO BO NYID RNAMS KYIS NI MA YIN NO, ,RNAL 'BYOR PA RNAMS LA NI GNYIS SU MED PA DANG GNYIS KA YANG NGO, ,SPRUL PA RNAMS LA NYON MONGS PA BAG CHAGS DANG BCAS PA MED PA'I PHYIR DE BZHIN GSHEGS PA RNAMS LA LAS KYI RGYU MED DE, DE'I PHYIR LHUNG BZED BKRUS BZHIN LA SOGS PA'I LAN NI THAMS CAD MKHYEN PA BDAG NYID KYIS, NYON MONGS PA BAG CHAGS DANG BCAS PA SPANGS NAS GSUNGS PA STE, SEMS CAN RNAMS SKYO BAR BYA BA'I PHYIR SEMS CAN RNAMS KYI CHED DU LAS KYI RGYUD BSTAN PAS NA SANGS RGYAS RNAMS CHOS STON PA NI BSAM GYIS MI KHYAB PO, ,'PHAGS PA LANG KAR GSHEGS PA'I BSHAD PA YE SHES DPAL BZANG POS SBYAR BA'I LE'U DRUG PA LAS CHOS THAMS CAD DANG 'GAL BA MED PAR DPYAD PA DRUG PA STE LE'U DRUG PA RDZOGS STO,, ,,DE'I 'OG TU BSDU BA'I TSIGS BCAD 'BYUNG STE, DE NI BDAG GIS DGONGS PA NGES PAR 'GREL PA LAS DON DAM YANG DAG 'PHAGS KYIS YONGS SU GSOL BA'I 'OG TU BSHAD PA STE, SKABS 'DIR BRI BAR BYA'O, ,BSTAN PA'I NGAG DANG, SEMS CAN GYI SEMS BSRUNG BA DANG, SNYING RJE BAS SNYING RJE CAN GYI BYANG CHUB SEMS DPAS SHA BZA' BAR MI BYA'O, ,MI GTZANG BA BSKOS PAS SKYUG BRO BA'I GNAS DANG, PHA MA'I MI GTZANG BA NUR NUR PO LAS BYUNG BA DANG, DRI MI ZHI MA ZHING RMA YOD PA'I LUS KYI SHA STE, DES NA THAMS CAD MI GTZANG BAS SHA BZA' BAR MI BYA'O, ,KHA CIG GIS NI GTZANG BA DANG MI GTZANG BAR RTOG PAR BYED DE, SNGER MO LNGA PA LNGA BZA' BA, ,RI BONG BYI TUR SPAL DKAR DANG, ,BSE DANG RUS SPAL LNGA PA STE, ,PHA YI SBYIN SREG PA SNGO BA BZHIN, ,ZHES DE BZA'O, ,GAL TE SROG CHAGS BSAD NGO COG SDIG PAR GYUR NA NI SHA BZA' CI DGOS DE LA MCHOG SBYIN PA RNAMS RTOG PA NI MCHOD SBYIN DU BSAD PA RNAMS NI BU DANG BCAS PA DANG, KHYU DANG BCAS PAR YANG MTHO RIS SU SKYE'O, ,YANG SMRAS PA, LUG DANG RI DAGS BYA RNAMS DANG, ,BSTAN PA BYIN 'GRO THAMS CAD NI, ,MCHOD SBYIN @258A *, ,DON DU BSANG GYUR PA, ,'GRO BA GTZO NI THOB PAR 'GYUR, ,ZHES PA NI GAL TE DON DAM PA NYID RTZOM NA NI DE DAG LA SROG SDUG PA NYID DE, JI LTAR DRANG SRONG BYAS SA SMRAS PA, SEMS CAN GCIG LA MI 'JIGS YOD, ,SBYIN PA DE NI MCHOG YIN GYI, ,BRAM ZE STONG GI GRANGS RNAMS LA, ,BA STONG GSER DANG BCAS PA YI, ,GANG GIS GSER GYI RI BO DANG, ,RIN CHEN BKANG STE SA SBYIN DANG, ,DE DANG MNYAM PA MA YIN NO, ,ZHES SO, ,NE TZOS KYANG SMRAS PA, GZUGS SHING BCAD DE LUG BSAD NAS, ,KHRAG GI RDZAB TU BYAS NAS NI, ,GAL TE DE LTAR MTHO RIS 'GRO, , DMYAL BAR CIS NA 'GRO BAR 'GYUR, ,ZHES PA'O, ,MCHOD SBYIN PA RNAMS RTOG PA NI SNGAGS KYIS BSAD PA LA SDIG PAR MI 'GYUR RO ZHES TE, 'ON MTSON GYIS BSAD PA LA CIS NA SDIG PAR 'GYUR, DE LTA BAS NA SNYING RJE CAN GYIS SROG GCOD PA SPONG BAR BYA'O, ,LEGS PAR SPYOD PA LA NI GZHAN LA GNOD PA BYED PAS JI LTAR NA BDAG GI DON DU RUNG, JI LTAR DRANG SRONG BYA SAS SMRAS PA, GANG GIS GANG GI SHA ZA BA, ,DE DAG GNYIS KYI KHYAD PAR LTOS, ,GCIG NI SKAD CIG 'GRANGS PAR 'GYUR, ,GCIG NI GTAN DU SROG DANG BRAL, ,'CHI'O SNYAM PA'I SDUG BSNGAL GANG, ,SKYES BU LA NI SKYE 'GYUR BA, ,RJES SU DPAG PA DE YIS NI, ,GZHAN YANG BSRUNG BAR RIG PA'O, ,KshA PA NA KA RNAMS KYIS GSOD PA NI, DAM PA'I CHOS MA YIN NO ZHES DE SKAD CES PA DE NI RUNG NGO, ,CHOS SEMS PA CAN RNAMS KYIS NI DBANG PO RNAMS LAS 'BYUNG BA'I 'O MA DANG, SHA BZA' BAR MI BYA'O, ,DBANG PO LAS MA BYUNG BA'I ZAN DANG, SKOM NI BZA' BAR BYA'O ZHES BTZOG PA DANG, GTZANG BA RNAM PAR RTOG PAR BYED DO, ,DE DE LTAR BTZOG PA DANG GTZANG BAR RNAM PAR RTOG PA'I CHU YANG BTUNG BA MI RIGS TE, CI'I PHYIR ZHE NA, NYA DANG RUS SBAL SEMS CAN MANG PO DANG, MI RMA BKRU BA DANG, RNAG DANG KHRAG LA SOGS PA RUL PA RNAMS KYIS RNYOG PA'I PHYIR RO, ,KHAR SON PA'I ZAS KYANG LDAD PA NA MCHU SGO'I MTSAMS SU TSUD CING SO'I DRI MA PAGS PA DANG, MCHIL MAS DKRIS PA NA KHA ZAS KYANG MI BZA'O, ,LUS THAMS CAD KYANG BTZOG PA YIN NO, ,JI LTAR KHA CIG GIS SMRAS PA, ZAS DANG DE BZHIN @258B BSHAD BA DANG, ,'TSO BA DANG NI 'CHIL MAS KYANG, ,BKRU BA LUS LA GNAS PAS NA, ,MKHAS PA RNAMS KYIS MI GTZANG RIG ,CES SO, ,DGE SLONG SKYE BO GZHAN DAG 'O MA DANG SHAS PHO MTSAN RGYAGS PAR BYED CING, SBYAR BAR BYED PA'I KHA ZAS RNAMS YONGS SU SPONG NGO ZHES RNAM PAR RTOG NA LUS MA BSGOMS PA RNAMS LA YANG SRAN MA SHA DANG, TIL DANG, 'BRU MAR DANG, NAS RJEN GYI PHYE LA SOGS PAS PHO MTSAN CHER RGYAGS PAR BYED DO, ,DE DE LTAR NA BTZOG PA DANG, GTZANG BA RNAM PAR RTOG PA NI TSUL KHRIMS DANG BRTUL ZHUGS SNYEMS PA YIN PAS RAB TU 'BYUNG BA RNAMS KYIS YONGS SU SPANG PAR BYA'O, ,TIL DANG, LA TU DANG, TSOD MA DANG, 'BRU BA DANG, 'BRU RGOD ZAS NI BDAG TU CHAGS PA ZLOG PAR BYED PA YANG MA YIN PA ZHI BAR BYED PA YANG MA YIN PAS CHOS BSAM PA CAN RNAMS BTZOG PA DANG, GTZANG BA RNAM PAR RTOG PA 'DI NI TSUL KHRIMS DANG BRTUL ZHUGS SNYEMS PA'O, ,DE DAG GI SO SO'I GTZO BO NI 'BYUNG BA'I MTHAR PHYIN PA LA SOGS PAR KLOG GO, ,BSKYED PA'I SANGS RGYAS SU NI RNAM PAR GZIGS, ,SPYI TOR CAN, THAMS CAD SKYOB, LOG PAR DAD SEL LA SOGS PA DE DAG BSKYED PA'I SANGS RGYAS SU RJES SU DPAG GO, ,PHUNG PO DANG, KHAMS DANG, SKYE MCHED DANG, RTEN CING 'BREL TE 'BYUNG BA DANG, BYANG CHUB KYI PHYOGS KYI CHOS SUM CU RTZA BDUN DANG, STOBS BCU DANG, MI 'JIGS PA LA SOGS PA SANGS RGYAS KYIS GSUNGS PA DE LTA BU DAG LA DRANG SRONG KHA CIG BZHUGS NAS DE DAG LA BYED PA DANG, PHROGS PA LA SOGS PA'I RNAM PAR BRTAG GO, ,KshA PA NA KA DANG, DBYU GU CAN LA SOGS PAS SBRANG RTZI DANG, SHA NI RANG BZHIN GYIS SDIG PA'I RGYU'O ZHES RTOG PAR BYED NA, DE DAG GI KHA ZAS GZHAN 'BRAS CHAN DANG, SRAN MA SNGON PO LA SOGS PA CIS NI SDIG PA'I RGYUR MI 'GYUR TE; ,DE BAS NA SROG BCAD PA YONGS SU SPANGS SHING KHA ZAS THAMS CAD LA RO'I SRED PA YONGS SU SPANG NGO, ,JI LTAR TING NGE 'DZIN GYI RGYAL PO LAS, MKHAS PA BLO CAN MDZANGS RNAMS KYIS, ,ZAS GTZANG BZANG PO CUNG ZAD BZA', ,RNAL 'BYOR 'GRUB PA BRKAM MED BZA', ,SPANGS PA'I ZAS SU @259A *, ,DER MI 'GYUR, ,ZHES PA STE, DES NA 'O MA DANG SHA LA SOGS PA SPANGS PA 'BA' ZHIG LAS THAR PAR 'GYUR BA NI MA YIN GYI, YUL THAMS CAD YONGS SU SPANG NA THAR PAR 'GYUR RO, ,GZHAN DAG NI SHA ZA BA LA NYES PA MED DE, CHANG LA MED CING 'KHRIG LA'ANG MED, ,DE NI 'BYUNG PO'I 'JUG PA STE, ,BZLOG PA 'BRAS BU CHE BA'O, ,ZHES PA NI BZLOG PAS 'KHOR BA'I SDUG BSNGAL LAS THAR BA NI 'BRAS BU CHE BAR YANG RUNG NGO, ,'JUG PA NI BDAG TU CHAGS PA LAS TE, SHA LA SOGS PA'I YUL DU SRED PAS 'KHRUL PA RNAMS LA 'KHOR BAR SDUG BSNGAL 'BREL PAR 'GYUR BA NI PHYE MA LEB MAR ME LA SOGS PAR LHUNG BA BZHIN NO, ,DER TSAD MA NI GANG DANG GANG 'KHOR BAR SDUG BSNGAL GYI RJES SU 'BREL PAR 'JUG PA DE DANG DE NI BDAG TU CHAGS SHING BSLAD PA THOG MAR BYAS PA LAS 'BYUNG STE, ME LA PHYE MA LEB LA SOGS PA BZHIN NO, ,'KHOR BAR YANG SKYE BA DANG, RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID BLANG BA DANG, 'KHRUL PA'I MTSAN NYID DU 'JUG PA NI SDUG BSNGAL GYI RJES SU 'BREL PA ZHES BYA'O, ,DE'I PHYIR BDAG TU CHAGS PA DANG, SER SNA DANG, GZHAN LA GNOD PA LA SOGS PA NI SRED PA LA RJES SU DPAG GO, ,GAL TE LOG PA'I SHES PA'I BYA BA MA GTOGS PAR SDUG BSNGAL RJES SU 'BRAL BAR 'GYUR NA NI DE'I TSE DBEN PA'I YE SHES SKYES SU ZIN YANG DAM GROG LA SOGS PA YUL SPONG BZHIN DE NYID DU LTUNG BAR 'GYUR RO, ,DE NI MI MTHUN PA'I PHYOGS LA GNOD PA'I TSAD MA'O, ,GZHAN DAG GIS 'BRU LA SOGS PA LA SROG TU KUN BRTAGS PA'I SLONG BA LA SBYIN PA YANG SDIG PAR 'GYUR RO, ,DE CI'I PHYIR BDAG TU CHAGS PA'I LOG PA'I SHES PAS 'KHOR BA'I SDUG BSNGAL 'BYUNG NGO, ,BDAG MED PA SHES PAS 'DOD CHAGS DANG BRAL BA 'KHOR BA'I SDUG BSNGAL BZLOG GO, ,DER BTZOG PA DANG, GTZANG BA DANG, BZA' BA DANG, MI ZA BA LA SOGS PA MI DGOS SO, ,CHA BYAD RNAM PA SNA TSOGS DANG, RGYAN LA SOGS PA DANG, THAL BAS BSKUS PA DANG, DRI MA 'CHANG BA DANG, BA GLANG DANG, RI DAGS KYI BRTUL ZHUGS DANG, KHRUS DANG, ZAN MI ZA BA LA @259B SOGS PA SBYIN SREG LA SOGS PA YANG RUNG STE, GANG GIS 'DOD CHAGS LAS SKYO BA THAR BAR 'GYUR BA BDAG TU SRED PA LAS MI LDOG PA'I PHYIR RO, ,ZHI BA PA RNAMS, GSER LA SOGS PA RKU BA DANG, ,BA LANG SHA YANG ZA BA DANG, ,BRAM ZE STONG YANG BSAD PAS KYANG, ,YANG DAG RIG NA MI GOS SO, ,YOD PA RNAMS NI BYAS PA DANG, ,RGYU DANG MI RGYU 'JIG RTEN BSANG, ,CHANG 'THUNG LA SOGS NYES PA YIS, ,YANG DAG RIG PA LA MI GOS, ,ZHES SO, ,TSANGS SBYOD PA LA SOGS PA YIS, ,CI PHYIR LUS NI LTUNG BAR BYED, ,YANG DAG SHES LAS DE DAG GROL, ,DE DAG LA NI GZIR GYUR MED, ,CES ZER RO, ,DE STE MI RTAG PA DANG, SDUG BSNGAL BA DANG, MI GTZANG BA DANG, STONG PA BSGOM PAS 'DOD CHAGS KYIS SKYO BA LA GNYIS DANG GNYIS SU MED PA'I RNAL 'BYOR DU GYUR NA NI DE'I TSE BDAG TU CHAGS PA DANG, SER SNA DANG, GZHAN LA GNOD PA'I DNGOS BO MED PAS JI LTAR NA RKU BA DANG, CHANG DANG, GZHAN GYI BUNG MED LA SMREL BAR 'GYUR, SROG GCOD PA'I SDIG PA YANG JI LTAR NA BYED, 'DOD CHAGS KYI SKYO BA TSANGS PAR SBYOD PA YANG JI LTAR NA YANG GDUNG BAR BYED, 'ON TE DE KHO NA NYID YI GE 'BRU DE BRJOD PAS NA NI DER ZHUGS PAS NA CI'I PHYIR NA 'DOD CHAGS DANG BRAL BAR MI 'GYUR, BDAG TU CHAGS PA LAS NI 'KHOR BAR SDUG BSNGAL 'BYUNG NA CHAGS PA DANG MA BRAL GYI BAR DU JI LTAR NA 'GROL, DE'I PHYIR CHOS DANG GANG ZAG LA BDAG MED PA YONGS SU SHES NAS MTHAR ZHING THAMS CAD MKHYEN PA NYID DU 'GYUR RO ZHES SANGS RGYAS BLO NI DE LTA BU'O, ,MTHA' GSUM YONGS SU DAG PA'I SHA NI BCOM LDAN 'DAS KYIS GNANG NGO ZHES PA NI GANG GNANG BA YANG MED LA BKAG BA YANG MED DE, JI LTAR ZHE NA, MTHA' GSUM YONGS SU DAG PA'I SHA DKON PAR GSUNGS SO, ,SNYING RJE CAN GYI BYANG CHUB SEMS DPA' LA NI DE YANG MDO SDE 'DIR BKAG PA STE, SNGAGS SMRA BA RNAMS LA NI SHA ZA RNAMS KYIS BAR CHAD BYED CING GNOD PA BYED PAS NA KHYAD PAR DU BKAG GO, ,RLUNG LA SOGS PA'I NAD LA NI BA MAR DANG, 'BRU MAR DANG, TIL DANG, TIL MAR DANG, GRO LA SOGS PAR GYUR PA NI GNYEN PO'O, ,DES NA BTZOG PA DANG GTZANG BA'I SHA SNYING RJE CAN @260A *, ,GYIS MI BZA'O, ,'PHAGS PA'I NYAN THOS RNAMS YANG DAG PAR LTA BA LA SOGS PA'I MTSAN NYID CAN DANG, MI RTAG PA DANG, SDUG BSNGAL BA DANG, MI MDZES PA LA SOGS PA BSGOM PA'I LAM GYI RNAM PA THAMS CAD SHES PA LAS GNAS PA RNAMS JI LTAR NA SHA LA SOGS PA'I ROL MNGON PAR CHAGS PAR 'GYUR, BTZUN GTZO BYANG CHUB SEMS DPA' RNAMS NI THAMS CAD MKHYEN PA NYID LA ZHUGS PA DAR LAS G-YOGS PA LTA BUR SHES PAR BYA BA'I DKYIL 'KHOR MTHA' DAG SNANG NGO, ,BCOM LDAN 'DAS RNAMS NI SGRIB PA MED PAR RNAM PA THAMS CAD MKHYEN TE, DE'I PHYIR RNAM PA THAMS CAD MKHYEN PA NYID DE, DE'I DNGOS PO BAS NA RNAM PA THAMS CAD MKHYEN PA NYID NI CHOS NYID DO, ,SNANG BA DANG BCAS PA DANG, SNANG BA MED PA'I TING NGE 'DZIN LA ZHUGS PA RNAMS KYIS SHES BYA'I SGRIB PA DANG, NYON MONGS PA'I SGRIB PA DANG, LAS KYI SGRIB PA SPANGS PA'I PHYIR DE DAG LA BKRES PA GA LA ZHIG STE, 'GOG PA LA SNYOMS PAR ZHUGS PA LA GNAS PA RNAMS LTA BUR TING NGE 'DZIN GYI DBANG DU 'TSO BA'I DBANG PO DUS THAMS CAD DU GNAS SO, ,MCHOG TU YONGS SU DAG PA'I 'DOD CHAGS DANG BRAL BA THAMS CAD MKHYEN CING GZUGS SNA TSOGS KYI RNAL 'BYOR GYI DBANG PO TING NGE 'DZIN GYI RO BDUD RTZIS 'TSO BA DE DAG LA RNYING PA MI MDZES PA'I SHA LA SOGS PA'I RO MYANG BAR GA LAS NA 'GYUR, SEMS CAN THAMS CAD RGYUD RANGS PAR MDZAD PA, DE BZHIN GSHEGS PA'I SNYING POR THABS SNA TSOGS CAN BYANG CHUB SEMS KYI SEMS RGYU SPANGS PA RTAG PA DANG, GNYIS PA DANG, GNYIS SU MED PA'I CHOS THABS SNA TSOGS KYIS STON PA DANG, DON DAM PA DNGOS PO DANG, DNGOS PO MED PA DANG, YID BZHIN GYI NOR BU YON TAN GYI TSOGS DANG, SA DANG PHA ROL TU PHYIN PA LAS RGYU DANG 'BRAS BUR BYUNG BA DANG, STOBS BCU DANG, MI 'JIGS PA LA SOGS PA YON TAN MANG DU 'BYUNG BA DANG, SEMS KYI TSOGS KHYAD PAR CAN DANG DBYANGS KYI DKYIL 'KHOR GYI GSUNG LA MNGA' BA LA SOGS @260B PA'I YON TAN CAN DANG, CHO 'PHRUL RGYA CHE BA DANG, YE SHES DPAL BZANG POS CHUD PA'I MUN PA CHEN PO MTHA' DAG BCOM STE, RAB TU SNANG BAR BYAS PA DANG, RAB RIB DANG LING TOG BCOM STE NYI MA'I YON TAN GYIS 'JIG RTEN MTHA' DAG SNANG BAR MDZAD PA'I THAMS CAD MKHYEN PA RNAMS TE, MCHOG TU YONGS SU DAG CING, 'DOD CHAGS DANG BRAL BA THAMS CAD MKHYEN CING RNAL 'BYOR GYI DBANG PO SANGS RGYAS BCOM LDAN 'DAS DE DAG DE LTAR SEMS CAN THAMS CAD KYI SDUG BSNGAL YONGS SU SKYOB PAR ZHUGS PA'O, ,MCHOD SBYIN PA KHA CIG NI RANG BYUNG RANG NYID KYIS MCHOD SBYIN GYI DON DU LUGS BYAS SO ZHES RTOG PA DE 'DIR DPYAD PAR BYA STE, GAL TE DE 'DOD CHAGS DANG BRAL BA ZHIG NA NI RTZED MO'I PHYIR BYA STE, GZHAN LA SDUG BSNGAL BAR BYED PA DE LA CI MKHO, ,'ON TE 'DOD CHAGS DANG BRAL BA NYID YIN NA NI NANG GI 'DOD PAS BSLAD DE RNAM PA MANG POR SDUG BSNGAL BAR GYUR PA DE'I MI SHES PA YANG SUS BYAS, DES NA CI YANG SUS KYANG MI BYED DE, GSER GYI 'BYUNG GNAS BZHIN DU SEMS CAN RNAMS KYI CHUD PA RNAMS NI RANG BZHIN GYIS YONGS SU DAG PA'O, ,JI LTA BUR ZHE NA NI BDAG DANG GZHAN GYI RGYUN GYI DBANG DANG, MNYAM PAR MI 'JOG PA'I MA RIG BA NI GNYIS KYI RNAM PA GLO BUR DU BYUNG BA'I DRI MA DANG BRAL NA DAG BA'I SANGS RGYAS SU 'GYUR RO, ,BSAM PA DAG PA DE DAG NI GZHAN GYI SDUG BSNGAL YONGS SU SKYOB CING MI 'JIGS PA SBYIN PAR THAMS CAD DU ZHUGS PA'O, ,DE DAG GIS BSTAN PA LA ZHUGS PA RNAMS KYIS RO'I SRED PA THAMS CAD YONGS SU SPONG NA SEMS CAN LA GNOD PAR 'GYUR PA'I SHA ZA BA'I RO LA CHAGS PAR 'GYUR BA LTA ZHIG CI SMOS, KHA ZAS NI SMAN BZHIN DU BZA'I RGYAGS SHING RLOM PA'I PHYIR NA MA YIN TE, MKHAS PA RNAMS LA GANG NI SDIG PA MED PA RNAMS DE LTA BU NI LUS GSO BA 'BA' ZHIG GI PHYIR RUNG NGO, ,NAN TAN CAN RNAMS LA NI BYE BRAG TU STE, SLONG BA'I ZAS SU GANG LTUNG ZHING KHYIM BDAG GIS BYIN PA NI 'BRAS CHAN BZHIN DU DE @261A *, ,DAG GI ZAS GTZO YIN TE, CI 'DIS DBANG PO BZHIN DU GZHAN LA GNOD PAR BYAS TE ZAS RNYED DAM, 'ON TE CI BDAG NYID KYIS JI LTA BU ZHIG TU 'BYUNG NGAM ZHES RNAM PAR MI BRTAG PAR BLANGS LA NAN TAN PA RNAMS 'BYUNG STE 'GRO'O, ,BRGYUD PA LAS SDIG PAR 'GYUR DU ZIN NA NI 'GRON PA LA YANG SDIG PAR 'GYUR TE, GAL TE 'GRON PO LAM DU MI 'GRO NA NI MI RGOD LA MA BYIN PAR BLANG BAR JI LTAR NA 'GYUR, GAL TE MA BSKYED NA NI JI LTAR NA GSOD PAR 'GYUR, DES NA PHA MA LA YANG SDIG PAR 'GYUR RO, ,DE LTA BAS NA BSAM PA YONGS SU DAG PAS GZHAN LA PHAN PAR ZHUGS TE, SLONG BA BSLANGS NA THAMS CAD DU BSOD NAMS YOD DE, GNYIS KYI RNAM PAR BSOD NAMS SO, ,DE DE LTAR THAMS CAD MKHYEN PAS GZHAN LA GNOD PA LA LTOS TE SHA ZA BA DANG SHA ZA BAR BSKUL PA LA NI SDIG PAR GSUNGS SO, ,MTHA' GSUM BKAG PAR GYUR PA LAS SDIG PA MI BYA STE, MTHA' GSUM YONGS SU DAG PA NI BDAG GIS MA BSAD, GSOD DU MA BCUG ,LTOS PA YANG MED PA STE, RNAM PA DE LTAR 'BRAS CHAN LTA BUR SLONG BA'I ZAS MA BSLANGS PA MA BSAMS PAR BYIN PA NI YONGS SU DAG PA STE, SMAN LTA BUR SHIS PA'I ZAS SO, ,SNYING RJE CAN GYI BYANG CHUB SEMS DPA' LA DE YANG BKAG PA'O, ,SNGAGS MKHAN LA NI KHYAD PAR DU STE, SEMS CAN MGU BAR BYA BA DANG, LHA MNGON PAR DANG BAR BYA BA'I PHYIR RO, ,DE'I PHYIR YUL THAMS CAD KYI RO MYANG BAR CHAGS PA YONGS SU SPANGS NA MTHAR RO, ,SANGS RGYAS BYANG CHUB SKYE BO LA, ,GDON ZA MED PAR BDAR BA YIN, ,GSER BZHIN DU NI BZHAG PA STE, ,MNGON SUM RJES SU DPAG PA YI, ,GNYIS SU 'GRO BA'I YUL GYIS SU, ,SHES RAB KYIS NI GNYIS MED 'GRUB, ,BDAG DANG GZHAN GYI BLO RGYAS PAS, ,RTZOD PA DU MAR RAB PHYE STE, ,YANG DAG CHOS NI BSHAD PA NI, ,BDAG DANG GZHAN LA PHAN PA YI, ,YE SHES DPAL BZANG BYA BAS NI, ,LANG KAR GSHEGS PAR SHES PAR BYA'O, ,SHES RAB GANG NI PHA ROL PHYIN, ,RAB TU RNAM PAR RGYAS PA'I YUL, ,GNYIS KYI TSUL GYIS RAB @261B RGYAS PA, ,GNYIS MED RIGS PAR ZHUGS PA DE, ,LANG KAR GSUNGS DANG DGONGS TSUL GYIS, ,BSHAD PA SBYAR BAR BYA BA NI, ,PHUNG POR GNAS PA RNAM PAR 'JIG ,MGO YUNG RAB RIB MTSUNGS PAR NOD, ,DE NI ZHI BA RAB BZHI STE, ,SBOM PO PHYOGS KYI CHAS STONG PA, ,NAM MKHA' ME TOG BZHIN DU STE, ,MA SKYES PA YANG RTAG PA MED, ,JI 'DRA DON NI 'DRA BA DAG ,GZHAN GYI DBANG NI SMON LAM GYIS, ,JI LTAR BYA ZHES SEMS KHONG CHUD, ,KLU 'PHAGS SOGS PA MKHAS PA RNAMS, ,TSE RING BA YANG RNYED BA'I RNAMS, ,'GRO BA LA NI PHYIR PHYOGS TE, ,RTZOD PA DU MAR BRJOD PA YI, ,BDAG DANG GZHAN GYI BLO RGYAS PA, ,DPAG TU MED PAR BSHAD PA'O, ,KUN MKHYEN MKHYEN PAS RTOGS PA DANG, ,BDE GSHEGS DAM PA'I SRAS RNAMS KYI, ,TSUL NI YANG DAG BSAM STON GYI, ,MDO SDE RIN CHEN 'BYUNG GNAS NI, ,RNAM PA SNA TSOGS THUL GLANG GIS, , RAB TU GLONGS PA'I RGYA MTSO YI, ,BAR NAS YE SHES DPAL BZANG PO, ,LOG PA'I SMON LAM GZHAN DBANG GIS, ,NGAS NI JI LTAR BYA SNYAM NAS, ,GZHAN LA PHAN PA'I SNYING RJE DANG, ,BSOD NAMS 'GAS NI PHA ROL DU, ,RAB TU PHYIN ZHING 'GAL BA'O, ,YE SHES DPAL BZANG DE LTAR NI, ,SNYING RJE DANG NI SHES RAB KYANG, ,RAB TU YANGS PAS GZHAN LA PHAN, ,'DIR NI BDAG GIS GANG BSHAD PA, ,RTOGS PA'I RGYAN GYI GTZUG LAG DANG, ,TSIG TSUL TSANGS PAR SMRA LA SOGS, ,BDAG DANG GZHAN GYI BLO RGYAS PA'O, ,GRUB MTHA'I KHYAD PAR MA BSHAD DO, ,'DIR BSHAD PA YI CHOS RNAMS DBANG, ,GZHAN DU BSHAD PA MED PA STE, ,RGYAL PO LA YANG BRTEN PA MED, ,YE SHES DPAL NI BZANG PO ZHES, ,BYA BAS 'DUS PA BRGYAD PA LAS, ,STON PA'I DON NI BYAS PA'O, ,GANG SNGON 'PHAGS PA KLUS BOS DANG, ,LHA DANG PHYOGS KLU SA DBANG PO, ,MDO 'DI MKHAS PAS MA BSHAD PA, ,SGRA MKHAS RIGS PAS BSOD NAMS NI, ,DER GANG BDAG GI THUB PA MKHYEN, ,LOG PA'I RTOG PAS BSTAN PA DKRUGS PA LA, ,BDAG GZHAN SMA RTZOD BDAG GIS SHES @262A [page missing]