@1A [DD] #, ,RGYA GAR SKAD DU, MA DHY'AN TA BI BHA GA t'I KA, BOD SKAD DU, DBUS DANG MTHA' RNAM PAR 'BYED PA'I 'GREL PA, BAM PO DANG PO, 'JAM DPAL GZHON NUR GYUR PA LA PHYAG 'TSAL LO, ,BSTAN BCOS 'DI NI RAB [DD] MDZAD PA, ,BDE GSHEGS NYID SKYES BDAG SOGS LA, ,'CHAD PA LA YANG MNGON MCHOD NAS, ,DON RNAMS DBYE PHYIR 'BAD PAR BYA, ,DE LA THOG MA KHO NAR BSTAN BCOS KYI LUS RNAM PAR GZHAG STE, MTSAN NYID SGRIB PA DE KHO NA, ,GNYEN PO DAG NI BSGOM PA DANG, ,DE YI GNAS DANG 'BRAS BU THOB, ,THEG PA BLA NA MED PA'O, ,ZHES BYA BA DON BDUN PO 'DI DAG BSTAN BCOS 'DI LAS 'CHAD DO, ,'DI LTA STE, MTSAN NYID DANG; SGRIB PA DANG, DE KHO NA DANG, GNYEN PO BSGOM PA DANG, GNYEN PO BSGOM PA DE NYID KYI GNAS DANG, 'BRAS BU THOB PA DANG, THEG PA BLA NA MED PA STE DON BDUN PA'O, ,DE LA MTSAN NYID LAS BRTZAMS NAS, , YANG DAG MA YIN KUN RTOG YOD, ,DE LA GNYIS PO YOD MA YIN, ,STONG PA NYID NI 'DI LA YOD, ,DE LA YANG NI DE YOD DO, ,ZHES BYA BA GSUNGS SO, ,DE LA YANG DAG PA MA YIN PA'I KUN TU RTOG PA'I NI GZUNG BA DANG @2A *, ,'DZIN PAR RNAM PAR RTOG PA'O, ,GNYIS PO NI GZUNG BA DANG 'DZIN PA'I DNGOS PO DANG BRAL BA'O, ,STONG PA NYID NI YANG DAG PA MA YIN PA'I KUN TU RTOG PA DE GZUNG BA DANG 'DZIN PA'I DNGOS PO DANG BRAL BA NYID DO, ,DE LA YANG NI DE YOD DO, ,ZHES BYA BA NI YANG DAG PA MA YIN PA KUN TU RTOG PA'O, ,DE LTAR GANG NA GANG MED PA DE NI DES STONG PAR YANG DAG PA JI LTA BA BZHIN DU YANG DAG PAR RJES SU MTHONG NGO, ,'DI LA LHAG MA YOD PA GANG YIN PA DE NI 'DIR YOD PAR YANG DAG PA JI LTA BA BZHIN DU RAB TU SHES TE, DE LTAR STONG PA NYID KYI MTSAN NYID PHYIN CI MA LOG PAR BSTAN PA YIN NO, ,STONG PA MA YIN MI STONG MIN, ,DE LTA BAS NA THAMS CAD BSHAD, ,YOD PAS MED PAS YOD PAS NA, ,DE NI DBU MA'I LAM YIN NO, ,STONG PA MA YIN ZHES BYA BA NI STONG PA NYID DANG YANG DAG PA MA YIN PA KUN TU RTOGS PAS SO, ,MI STONG MIN ZHES BYA BA NI, ,GNYIS PA STE, GZUNG BA DANG 'DZIN PAS SO, ,THAMS CAD CES BYA BA NI YANG DAG PA MA YIN PA KUN TU RTOG PA ZHES BYA BA 'DUS BYAS DANG STONG PA ZHES BYA BA 'DUS MA BYAS SO, ,BSHAD CES BYA BA NI BSTAN PA'O, ,YOD PAS ZHES BYA BA NI YANG DAG PA MA YIN PA KUN TU RTOG PA'O, ,MED PAS ZHES BYA BA NI GNYIS PA'O, ,YOD PAS NA ZHES BYA BA NI YANG DAG PA MA YIN KUN TU RTOG PA LA STONG PA NYID YOD PA DANG, @2B DE LA YANG YANG DAG PA MA YIN PA KUN TU RTOG PA YOD PA'O, ,DE NI DBU MA'I LAM YIN NO ZHES BYA BA NI THAMS CAD GCIG TU STONG PA YANG MA YIN NO, ,GCIG TU MI STONG PA YANG MA YIN PA GANG YIN PA'O, ,DE LTAR 'DI NI SHES RAB KYI PHA ROL TU PHYIN PA LA SOGS PA'I NANG NAS 'DI THAMS CAD NI STONG PA YANG MA YIN, MI STONG PA YANG MA YIN ZHES 'BYUNG BA DANG MTHUN PAR BYAS PA YIN NO, ,DE LTAR YANG DAG PA MA YIN PA KUN TU RTOG PA YOD PA'I MTSAN NYID DANG MED PA'I MTSAN NYID BRJOD NAS, DA NI RANG GI MTSAN NYID BRJOD DO, ,DON DANG SEMS CAN BDAG RNAM RIG ,SNANG BA'I RNAM PAR SHES PA NI, ,RAB TU SKYE'O DE'I DON MED, ,DE MED PAS NA DE YANG MED, ,DE LA DON DU SNANG BA NI GZUGS LA SOGS PA'I DNGOS POR SNANG BA GANG YIN PA'O, ,SEMS CAN DU SNANG BA NI DBANG PO LNGAR BDAG DANG GZHAN GYI RGYUD LA SNANG BA GANG YIN PA'O, ,BDAG TU SNANG BA NI BDAG TU RMONGS PA LA SOGS PA DANG MTSUNGS PAR LDAN PA'I PHYIR NYON MONGS PA CAN GYI YID DO, ,RNAM PAR RIG PAR SNANG BA NI RNAM PAR SHES PA DRUG RNAMS SO, ,DE'I DON MED CES BYA BA NI DON DANG SEMS CAN DU SNANG BA RNAMS MED PA DANG, BDAG DANG RNAM PAR RIG PAR SNANG BA NI LOG PAR SNANG BA'I PHYIR RO, ,DON MED PAS 'DZIN PA'I RNAM PAR SHES PA DE YANG MED DO, ,YANG DAG MA YIN KUN RTOG PA, ,DE NI DE PHYIR GRUB PA YIN, ,DE BZHIN MA YIN YE MED MIN, ,'DI LTAR JI LTAR SNANG BA 'BYUNG BA DE NI DE BZHIN DU YOD PA MA YIN NO, ,'KHRUL PA TZAM DU 'BYUNG BA'I PHYIR YE MED PA YANG MA YIN NO, ,CI'I PHYIR DE YE MED PA NYID DU MI 'DOD CE NA, 'DI LTAR, DE ZAD NAS NI GROL BAR 'DOD, ,GZHAN DU NA BCINGS PA DANG THAR PAR MI 'GRUB STE, KUN NAS NYON MONGS PA DANG, RNAM PAR BYANG BA LA SKUR PA 'DEBS PA'I NYES PAR 'GYUR RO, ,DE LTAR YANG DAG PA MA YIN PA KUN TU RTOG PA'I RANG GI MTSAN NYID BSTAN NAS YANG DAG PA MA YIN PA KUN TU RTOG PA TZAM DU ZAD NA NGO BO NYID GSUM DU JI LTAR BSDU BAR 'GYUR BA'I BSDU BA'I MTSAN NYID STON TE, BRTAGS PA DANG NI GZHAN DBANG DANG, ,YONGS SU GRUB PA NYID KYANG NGO, ,DON PHYIR YANG DAG MIN RTOG PHYIR, ,GNYIS PO MED PA'I PHYIR BSHAD DO, ,ZHES BYA BA'O, ,DE LA DON NI KUN TU BRTAGS PA'I NGO BO NYID @3A *, ,DO; ,YANG DAG PA MA YIN PA KUN TU RTOG PA NI GZHAN GYI DBANG GI NGO BO NYID DO, ,GZUNG BA DANG 'DZIN PA MED PA NYID NI YONGS SU GRUB PA'I NGO BO NYID DO, ,DA NI YANG DAG PA MA YIN PA KUN TU RTOG PA DE NYID KYI MED PA'I MTSAN NYID LA 'JUG PA'I THABS KYI MTSAN NYID YONGS SU STON TE, DMIGS PA LA NI BRTEN NAS SU, ,MI DMIGS PA NI RAB TU SKYE, ,MI DMIGS PA LA BRTEN NAS SU, ,MI DMIGS PA NI RAB TU SKYE, ,ZHES BYA BA'O, ,RNAM PAR RIG PA TZAM DU DMIGS PA LA BRTEN NAS DON MI DMIGS PA SKYE'O, ,DON MI DMIGS PA LA BRTEN NAS RNAM PAR RIG PA TZAM YANG MI DMIGS PA SKYE STE, DE LTAR GZUNG BA DANG 'DZIN PA DAG MED PA'I MTSAN NYID LA 'JUG GO, ,DE YI PHYIR NA DMIGS PA NI, ,MI DMIGS NGO BO NYID DU GRUB, ,DMIGS PAR BYA BA'I DON MED NA DMIGS PA MI RUNG BA'I PHYIR RO, ,DE LTA BAS NA DMIGS PA DANG, ,MI DMIGS MNYAM PAR SHES PAR BYA, ,DMIGS PA NI DMIGS PA NYID DU MA GRUB PA'I PHYIR RO, ,MI DMIGS PA'I NGO BO NYID YIN YANG YANG DAG PA MA YIN PA'I DON DU SNANG BAS DMIGS PA ZHES BYA'O, ,DA NI YANG DAG PA MA YIN PA KUN TU RTOG PA NYID KYI RAB TU DBYE BA'I MTSAN NYID STON TE, YANG DAG MA YIN KUN RTOG NI, , SEMS DANG SEMS BYUNG KHAMS GSUM PA, ,ZHES BYA BA'O, ,'DOD PA DANG, GZUGS DANG, GZUGS MED PA NA SPYOD PA THA DAD PAS SO, ,RNAM GRANGS KYI MTSAN NYID KYANG STON TE, DE LA DON MTHONG RNAM PAR SHES, ,DE YI KHYAD PAR SEMS LAS BYUNG, ,ZHES BYA BA'O, ,DON TZAM MTHONG BA NI RNAM PAR SHES PA'O, ,DON GYI KHYAD PAR MTHONG BA NI SEMS LAS BYUNG BA RNAMS TE TSOR BA LA SOGS PA'O, ,'JUG PA'I MTSAN NYID KYANG STON TE, GCIG NI RKYEN GYI RNAM PAR SHES, ,GNYIS PA NYE BAR SPYOD PA CAN, ,NYE BAR SPYOD PA DANG YONGS GCOD DANG, ,DE YI 'JUG BYED SEMS LAS BYUNG, , ZHES BYA BA'O, ,KUN GZHI RNAM PAR SHES PA NI RNAM PAR SHES PA GZHAN DAG GI RKYEN YIN PAS RKYEN GYI RNAM PAR SHES PA'O, ,DE LAS BYUNG BA 'JUG PA'I RNAM PAR SHES PA NI NYE BAR SPYOD PA CAN NO, ,NYE BAR SPYOD PA NI TSOR BA'O, ,YONGS SU SPYOD PA NI 'DU SHES, ,RNAM PAR SHES PA 'JUG PAR @3B BYED PA DAG NI 'DU BYED RNAMS TE, SEMS PA DANG YID LA BYED PA LA SOGS PA'O, ,KUN NAS NYON MONGS PA'I MTSAN NYID KYANG STON TE, SGRIB PA'I PHYIR DANG 'DEBS PA'I PHYIR, ,KHRID PA'I PHYIR DANG KUN 'DZIN PHYIR, ,RDZOGS BYED PHYIR DANG GSUM GCOD PHYIR, ,NYE BAR GCOD PHYIR SDUD PA'I PHYIR, ,SBYOR BA'I PHYIR DANG MNGON DU'I PHYIR, ,SDUG BSNGAL PHYIR NI 'GRO NYON MONGS, ,RNAM GSUM RNAM GNYIS KYANG NYON MONGS, ,RNAM BDUN YANG DAG MIN RTOG LAS, ,ZHES BYA BA'O, ,DE LA SGRIB PA'I PHYIR NI MA RIG PAS YANG DAG PA JI LTA BA BZHIN DU MTHONG BA LA BGEGS BYED PA'I PHYIR RO, ,'DEBS PA'I PHYIR NI 'DU BYED RNAMS KYIS RNAM PAR SHES PA LA LAS KYI BAG CHAGS 'JOG PA'I PHYIR RO, ,KHRID PA'I PHYIR NI RNAM PAR SHES PAS SKYE BA'I GNAS SU PHYIN PAR BYED PA'I PHYIR RO, ,KUN 'DZIN PHYIR NI MING DANG GZUGS KYI LUS SO, ,RDZOGS BYED PHYIR NI SKYE MCHED DRUG GIS SO, ,GSUM GCOD PHYIR NI REG PAS SO, ,NYE BAR SPYOD PA'I PHYIR NI TSOR BAS SO, ,SDUD PA'I PHYIR NI LAS KYIS BTAB PA'I YANG SRID PA SRED PAS SO, ,SBYOR BA'I PHYIR NI LEN PA RNAMS KYIS RNAM PAR SHES PA SKYE BA DANG MTHUN PAR 'DOD PA LA SOGS PA RNAMS SU'O, ,MNGON DU'I PHYIR NI LAS BYAS PA'I RNAM PAR SMIN PA SRID PAS YANG SRID PAR 'BYIN PAR MNGON PAR BYED PA'I PHYIR RO, ,SDUG BSNGAL PHYIR NI SKYE BA DANG, RGA SHIS 'GRO BA RNAMS NYON MONGS PAR BYED PA'O, ,DE YANG, RNAM GSUM RNAM GNYIS KYANG NYON MONGS, ,RNAM BDUN YANG DAG MIN RTOG LAS, ,RNAM GSUM NI NYON MONGS PA'I KUN NAS NYON MONGS PA DANG, LAS KYI KUN NAS NYON MONGS PA DANG, SKYE BA'I KUN NAS NYON MONGS PA'O, ,DE LA NYON MONGS PA'I KUN NAS NYON MONGS PA NI MA RIG PA DANG SRED PA DANG LEN PA RNAMS SO, ,LAS KYI KUN NAS NYON MONGS PA NI 'DU BYED RNAMS DANG SRED PA'O, ,SKYE BA'I KUN NAS NYON MONGS PA NI YAN LAG LHAG MA RNAMS SO, ,KUN NAS NYON MONGS PA RNAM PA GNYIS NI RGYU'I KUN NAS NYON MONGS PA DANG, 'BRAS BU'I KUN NAS NYON MONGS PA'O, ,DE LA RGYU'I KUN NAS NYON MONGS PA NI NYON MONGS PA DANG, LAS KYI NGO BO NYID KYI YAN LAG RNAMS KYIS SO, ,'BRAS BU'I KUN NAS NYON MONGS @4A *, ,PA NI YAN LAG LHAG MA RNAMS KYIS SO, ,KUN NAS NYON MONGS PA RNAM PA BDUN NI RGYU RNAM PA BDUN TE, MA RIG PA NI PHYIN CI LOG GI RGYU'O, ,'DU BYED RNAMS NI 'BEBS PA'I RGYU'O, ,RNAM PAR SHES PA NI NYE BAR KHRID PA'I RGYU'O, ,MING DANG GZUGS DANG SKYE MCHED DRUG NI KUN 'DZIN PA'I RGYU'O, , REG PA DANG TSOR BA NI NYE BAR SPYOD PA'I RGYU'O, ,SRED PA DANG, LEN PA DANG, SRID PA NI SDUD PA'I RGYU'O, ,SKYE BA DANG, RGA SHI NI SKYO BA'I RGYU'O, ,KUN NAS NYON MONGS PA 'DI DAG THAMS CAD NI YANG DAG PA MA YIN PA KUN TU RTOG PA LAS 'BYUNG BA'O, ,YANG DAG PA MA YIN PA KUN TU RTOG PA'I DON BSDUS PA NI YOD PA'I MTSAN NYID DANG, MED PA'I MTSAN NYID DANG, RANG GI MTSAN NYID DANG, BSDU BA'I MTSAN NYID DANG, MED PA'I MTSAN NYID LA 'JUG PA'I THABS KYI MTSAN NYID DANG, RAB TU DBYE BA'I MTSAN NYID DANG, RNAM GRANGS KYI MTSAN NYID DANG, 'JUG PA'I MTSAN NYID DANG, KUN NAS NYON MONGS PA'I MTSAN NYID DE, MTSAN NYID RNAM PA DGU BSTAN PA'O, ,DE LTAR YANG DAG PA MA YIN PA KUN TU RTOG PA BRJOD NAS, STONG PA NYID JI LTAR SHES PAR BYA BA DE STON TE, STONG PA NYID NI MDOR BSDU NA, ,MTSAN NYID DANG NI RNAM GRANGS DANG, ,DE YI DON DANG DBYE BA DANG, ,SGRUB PA DAG STE SHES PAR BYA, ,ZHES BYA BA'O, ,MTSAN NYID JI LTAR SHES PAR BYA ZHE NA, GNYIS DNGOS MED DANG DNGOS MED PA'I, ,DNGOS PO STONG PA'I MTSAN NYID DO, ,GNYIS PO GZUNG BA DANG 'DZIN PA'I DNGOS PO MED PA DANG, DNGOS PO MED PA DE'I DNGOS PO NI STONG PA NYID KYI MTSAN NYID DO, ,DE LTAR DNGOS PO MED PA'I NGO BO NYID NI STONG PA NYID KYI MTSAN NYID DU YONGS SU BSTAN PA YIN NO, ,DNGOS PO MED PA'I NGO BO NYID GANG YIN PA DE NI, YOD PA MA YIN MED PA'ANG MIN, ,JI LTAR YOD PA MA YIN ZHE NA, 'DI LTAR GNYIS PO DE'I DNGOS PO MED PA'O, ,JI LTAR MED PA YANG MA YIN ZHE NA, 'DI LTAR GNYIS PO'I DNGOS PO MED PA'I DNGOS PO DE NI STONG PA NYID KYI MTSAN NYID DE, DE BAS NA YANG DAG PA MA YIN PA KUN TU RTOG PA DANG, THA DAD GCIG PA'I MTSAN NYID MIN, ,THA DAD PA YIN NA NI CHOS LA CHOS NYID GZHAN MA YIN PA MI RUNG STE, MI RTAG PA NYID DANG, SDUG BSNGAL BA NYID BZHIN NO, ,GCIG PA YIN DU ZIN NA NI RNAM PAR DAG PA'I DMIGS PA DANG, SPYI'I @4B MTSAN NYID DU MI 'GYUR TE, DES DE NYID DANG GZHAN LAS RNAM PAR GROL BA STONG PA NYID KYI MTSAN NYID YONGS SU BSTAN PA YIN NO, ,RNAM GRANGS JI LTAR RIG PAR BYA ZHE NA, STONG PA NYID NI MDOR BSDU NA, ,DE BZHIN NYID DANG YANG DAG MTHA', ,MTSAN MA MED DANG DON DAM DANG, ,CHOS KYI DBYINGS NI RNAM GRANGS SO, ,RNAM GRANGS KYI DON JI LTAR SHES PAR BYA ZHE NA, GZHAN MIN PHYIN CI LOG MA YIN, ,DE 'GOG 'PHAGS PA'I SPYOD YUL DANG, ,'PHAGS PA'I CHOS KYI RGYU YI PHYIR, ,RNAM GRANGS DON DE GO RIMS BZHIN, ,GZHAN MA YIN PA'I PHYIR DE BZHIN NYID DE, RTAG TU DE BZHIN PA'I PHYIR RO, ,PHYIN CI LOG MA YIN PA'I PHYIR YANG DAG PA'I MTHA' STE, PHYIN CI LOG GI GZHI MA YIN PA'I PHYIR RO, ,MTSAN MA 'GOG PA'I PHYIR MTSAN MA MED PA STE, MTSAN MA THAMS CAD MED PA'I PHYIR RO, ,'PHAGS PA'I YE SHES KYI SPYOD YUL YIN PAS DON DAM PA STE, YE SHES DAM PA'I YUL YIN PA'I PHYIR RO, ,'PHAGS PA'I CHOS KYI RGYU YIN PAS CHOS KYI DBYINGS TE, 'PHAGS PA'I CHOS RNAMS NI DE LA DMIGS PAS 'BYUNG BA'I PHYIR RO, ,'DIR DBYINGS KYI DON NI RGYU'I DON TO, ,STONG PA NYID KYI RAB TU DBYE BA JI LTAR SHES PAR BYA ZHE NA, KUN NAS NYON MONGS RNAM PAR DAG ,CES BYA BA STE, DE'I RAB TU DBYE BA STE, ,GANG GI TSE KUN NAS NYON MONGS PA LA, GANG GI TSE RNAM PAR DAG CE NA, DE NI DRI BCAS DRI MA MED, ,GANG GI TSE DRI MA DANG BCAS PAR DE'I TSE KUN NAS NYON MONGS PA GNAS PA'O, ,GANG GI TSE DRI MA SPANGS PA DE'I TSE RNAM PAR DAG PA'O, ,GAL TE DRI MA DANG BCAS PAR GYUR LA DRI MA MED PAR YANG 'GYUR NA 'GYUR BA'I CHOS CAN YIN PAS JI LTAR MI RTAG PAR MI 'GYUR ZHE NA, DE NI 'DI LTAR; CHU KHAMS GSER DANG NAM MKHA' RNAMS, ,DAG PA BZHIN DU DAG PAR 'DOD, ,GLO BUR GYI DRI MA DANG BRAL BA LA BYA'I DE'I NGO BO NYID GZHAN DU 'GYUR BA NI MA YIN NO, ,GZHAN YANG RAB TU DBYE BA NI STONG PA NYID RNAM PA BCU DRUG PO 'DI LTA STE, NANG STONG PA NYID DANG, PHYI STONG PA NYID DANG, PHYI NANG STONG PA NYID DANG, CHEN PO STONG PA NYID DANG, STONG PA NYID STONG PA NYID DANG, DON DAM PA STONG PA NYID DANG, 'DUS BYAS STONG PA NYID DANG, 'DUS MA BYAS STONG PA NYID DANG, MTHA' LAS 'DAS PA STONG PA NYID DANG, THOG MA DANG THA MA MED PA STONG PA NYID DANG, DOR BA MED PA STONG PA NYID DANG, RANG BZHIN STONG PA NYID DANG, CHOS THAMS CAD STONG PA NYID @5A *, ,DANG; RANG GI MTSAN NYID STONG PA NYID DANG, DNGOS PO MED PA STONG PA NYID DANG, DNGOS PO MED PA'I NGO BO NYID STONG PA NYID DO, ,DE YANG MDOR BSDU NA ZHES BYA BAR RIG PAR BYA'O, ,ZA BA BZA' DANG DE YI LUS, ,GNAS KYI GZHI YI STONG PA NYID, ,DE YANG GANG GIS JI LTAR MTHONG, ,GANG PHYIR DE YANG STONG PA NYID, ,DGE GNYIS THOB PAR BYA BA'I PHYIR, ,RTAG TU SEMS CAN PHAN BYA'I PHYIR, ,'KHOR BA GTANG BAR MI BYA'I PHYIR, ,DGE BA MI ZAD BYA BA'I PHYIR, ,RIGS KYANG RNAM PAR DAG BYA'I PHYIR, ,MTSAN DANG DPE BYAD THOB BYA'I PHYIR, ,SANGS RGYAS CHOS RNAMS DAG BYA'I PHYIR, ,BYANG CHUB SEMS DPA' SGRUB PAR BYED, , DE LA ZA BA STONG PA NYID NI NANG GI SKYE MCHED RNAMS LAS BRTZAMS SO, ,BZA' BA STONG PA NYID NI PHYI ROL GYI RNAMS SO, ,DE'I LUS NI ZA PA DANG BZA' BA DE GNYIS KYI GNAS GANG YIN PA STE KHOG PA'O, ,DE'I STONG PA NYID NI PHYI NANG STONG PA NYID CES BYA'O, ,GNAS KYI GZHI NI SNOD KYI 'JIG RTEN TE, DE RGYA CHE BA'I PHYIR DE'I STONG PA NYID NI CHEN PO STONG PA NYID CES BYA'O, ,NANG GI SKYE MCHED LA SOGS PA DE YANG GANG GIS STONG PAR MTHONG ZHE NA, STONG PA NYID SHES PAS TE, DE'I STONG PA NYID NI STONG PA NYID STONG PA NYID DO, ,JI LTAR DON DAM PA'I RNAM PAR MTHONG BA DE'I STONG PA NYID NI DON DAM PA STONG PA NYID DO, ,GANG GI PHYIR BYANG CHUB SEMS DPA' SGRUB PAR BYED PA DE YANG STONG PA NYID DO, ,CI'I PHYIR SGRUB PAR BYED CE NA, DGE GNYIS THOB PAR BYA BA'I PHYIR, ,ZHES BYA BA STE, DGE BA GNYIS NI 'DUS BYAS DANG 'DUS MA BYAS SO, ,RTAG TU SEMS CAN PHAN BYA'I PHYIR, ,ZHES BYA BA NI SEMS CAN LA GTAN DU PHAN PAR BYA BA'I PHYIR RO, ,'KHOR BA GTANG BAR MI BYA'I PHYIR, ,ZHES BYA BA NI 'KHOR BA THOG MA DANG THA MA MED PA STONG PA NYID DU MA MTHONG NA SKYO STE 'KHOR BA YONGS SU GTONG NGO, ,DGE BA MI ZAD BYA BA'I PHYIR, ,ZHES BYA BA NI PHUNG PO LHAG MA MED PA'I MYA NGAN LAS 'DAS PA NA YANG MI GTONG ZHING MI 'DOR BA GANG YIN PA'O, ,RIGS KYANG RNAM PAR DAG BYA'I PHYIR, ,ZHES BYA BA LA, RIGS NI RANG BZHIN TE NGO BO NYID KYI PHYIR RO, , MTSAN DANG DPYE BYAD THOB BA'I PHYIR, ,ZHES BYA BA NI, SKYES BU CHEN PO'I MTSAN RNAMS DANG, DPE BYAD BZANG PO RNAMS DANG BCAS PA THOB PAR BYA BA'I PHYIR RO, ,SANGS RGYAS CHOS RNAMS DAG BYA'I PHYIR, ,BYANG CHUB SEMS DPA' SGRUB PAR BYED, ,CES BYA BA NI STOBS DANG MI 'JIGS PA DANG MA 'DRES PA LA SOGS PA'O, ,DE @5B LTAR RE ZHIG STONG PA NYID BCU BZHI RNAM PAR GZHAG PAR SHES PAR BYA'O, ,'DI LA STONG PA NYID GANG YIN ZHE NA, GANG ZAG DANG NI CHOS RNAMS KYI, ,DNGOS PO MED 'DIR STONG PA NYID, ,DE DNGOS MED PA'I DNGOS YOD PA, ,DE NI DE LAS STONG NYID GZHAN, ,ZHES BYA BA'O, ,GANG ZAG DANG CHOS KYI DNGOS PO MED PA NI STONG PA NYID DO, ,DNGOS PO MED PA DE'I DNGOS PO YOD PA YANG YIN NO, ,ZA BA LA SOGS PA STONG PA NYID CES GONG DU JI SKAD SMOS PA DER STONG PA NYID KYI MTSAN NYID BSTAN PA'I PHYIR, DNGOS PO MED PA STONG PA NYID DANG, DNGOS PO MED PA'I NGO BO NYID STONG PA NYID DANG, STONG PA NYID RNAM PA GNYIS THA MAR RNAM PAR 'JOG STE, GANG ZAG DANG CHOS SU SGRO 'DOGS PA DANG, DE'I STONG PA NYID LA SKUR PA 'DEBS PA BSAL BA'I PHYIR GO RIMS BZHIN NO, ,DE LTAR STONG PA NYID KYI RAB TU DBYE BA SHES PAR BYA'O, ,SGRUB PA JI LTAR SHES PAR BYA ZHE NA, GAL TE NYON MONGS DE MA GYUR, ,LUS CAN THAMS CAD GROL BAR 'GYUR, ,GAL TE RNAM DAG DE MA GYUR, ,'BAD PA 'BRAS BU MED PAR 'GYUR, ,GAL TE GNYEN PO MA SKYES PAR YANG CHOS RNAMS KYI STONG PA NYID KYIS GLO BUR GYI NYE BA'I NYON MONGS PA RNAMS KYIS KUN NAS NYON MONGS PAR MI 'GYUR NA NI KUN NAS NYON MONGS PA MED PAS 'BAD PA MED PAR SEMS CAN THAMS CAD GROL BAR 'GYUR RO, ,CI STE GNYEN PO SKYES KYANG RNAM PAR DAG PAR MI 'GYUR NA NI THAR PAR BYA BA'I PHYIR RTZOM PA 'BRAS BU MED PAR 'GYUR RO, ,DE LTAR NA, NYON MONGS MA YIN MI MONGS MIN, ,DE NI DAG DANG MA DAG MIN, ,JI LTAR NYON MONGS PAR GYUR PA MA YIN LA MA DAG PA YANG MA YIN ZHE NA SEMS RANG BZHIN GYIS 'OD GSAL BA'I PHYIR RO, ,JI LTAR NYON MONGS PAR GYUR PA MA YIN PA YANG MA YIN LA DAG PA YANG MA YIN ZHE NA, GLO BUR GYI NYON MONGS PA'I PHYIR RO, ,DE LTAR STONG PA NYID KYI RAB TU DBYE BA BSTAN PA BSGRUBS PA YIN NO, ,DE YANG STONG PA NYID KYI DON BSDUS PA NI MTSAN NYID RNAM PAR GZHAG PAR RIG PAR BYA'O, ,DE LA MTSAN NYID NI DNGOS PO MED PA'I MTSAN NYID DANG, DNGOS PO'I MTSAN NYID DO, ,DNGOS PO'I MTSAN NYID KYANG DNGOS PO @6A *, ,YOD PA DANG DNGOS PO MED PA LAS RNAM PAR GROL BA'I MTSAN NYID DANG, DE NYID DANG GZHAN LAS RNAM PAR GROL BA'I MTSAN NYID DO, ,RNAM PAR GZHAG PA NI RNAM GRANGS LA SOGS PAS RNAM PAR GZHAG PAR RIG PAR BYA'O, ,DE LA RNAM PA BZHI PO 'DI DAG BSTAN PAS NI RNAM PAR RTOG PA DANG, SKRAG PA DANG, LE LO DANG, THE TSOM NYE BAR ZHI BAR BYA BA'I PHYIR STONG PA NYID RANG GI MTSAN NYID DANG, LAS KYI MTSAN NYID DANG, KUN NAS NYON MONGS PA DANG, RNAM PAR BYANG BA'I MTSAN NYID DANG, RIGS PA'I MTSAN NYID BRJOD PA YIN NO, ,BSTAN BCOS DBUS DANG MTHA' RNAM PAR 'BYED PA LAS MTSAN NYID KYI LE'UR BCAD PA ZHES BYA BA STE DANG PO'I 'GREL PA'O,, ,,SGRIB PA'I DBANG DU MDZAD DE, KHYAB DANG NYI TSE LHAG PA DANG, ,MNYAM DANG LEN PA DANG SPONG BA NI, ,GNYIS KYI SGRIB PAR BSTAN PA YIN, ,ZHES BYA PA GSUNGS SO, ,DE LA KHYAB PA NI BYANG CHUB SEMS DPA'I RIGS CAN RNAMS KYI NYON MONGS PA DANG SHES BYA'I SGRIB PA STE, MTHA' DAG PA SGRIB PA'I PHYIR RO, ,NYI TSE BA NI NYAN THOS LA SOGS PA'I RIGS CAN RNAMS KYI NYON MONGS PA'I SGRIB PA'O, ,LHAG MA NI DE DAG NYID KYI SGRIB PA STE, 'DOD CHAGS LA SOGS PA'I SPYOD PA RNAMS KYI SGRIB PA'O, ,MNYAM PA NI CHA MTSUNGS PAR SPYOD PA RNAMS KYI SGRIB PA'O, ,'KHOR BA LEN PA DANG SPONG BA'I SGRIB PA NI BYANG CHUB SEMS DPA'I RIGS CAN RNAMS KYI SGRIB PA STE, MI GNAS PA'I MYA NGAN LAS 'DAS PA LA SGRIB PA'I PHYIR RO, ,DE LTAR 'DI DAG NI CI RIGS PAR BYANG CHUB SEMS DPA'I RIGS CAN RNAMS DANG, NYAN THOS LA SOGS PA'I RIGS CAN RNAMS DANG GNYI GA'I SGRIB PAR BSTAN TO, ,YANG, NYON MONGS MTSAN NYID RNAM DGU'O, ,KUN TU SBYOR RNAMS SGRIB PA YIN, ,KUN TU SBYOR BA DGU NI NYON MONGS PA'I SGRIB PA'O, ,DE DAG GANG LA GANG SGRIB CE NA, SKYO BA DANG BTANG SNYOMS DANG, ,DE KHO NA NI MTHONG BA DANG, ,RJES SU CHAGS PA'I KUN TU SBYOR BA NI KUN TU SKYO BA LA SGRIB PA'O, ,KHONG KHRO BA'I KUN TU SBYOR BA NI BTANG SNYOMS LA SGRIB STE, DES NI MI MTHUN @6B PA LA KHONG KHRO BA'I GZHI LA BTANG SNYOMS SU BYED MI NUS SO, ,LHAG MA RNAMS NI DE KHO NA MTHONG BA LA, JI LTA ZHE NA, DE DAG NI GO RIMS BZHIN DU, 'JIG TSOGS LTA DANG DE'I GZHI DANG, ,'GOG DANG LAM DANG DKON MCHOG DANG, ,RNYED PA DANG NI BKUR STI DANG, ,YO BYAD BSNYUNGS PA YONGS SHES LA, ,SGRIB PA YIN NO, ,NGA RGYAL GYI KUN TU SBYOR BA NI 'JIG TSOGS LA LTA BA YONGS SU SHES PA LA SGRIB PA STE, MNGON PAR RTOGS PA'I DUS NA NGA'O SNYAM PA'I NGA RGYAL BAR CHAD DANG BCAS PA DANG BAR CHAD MED PAR KUN TU 'BYUNG BA'I DBANG GIS DE MA SPANGS PA'I PHYIR RO, , MA RIG PA'I KUN TU SBYOR BA NI 'JIG TSOGS LA LTA BA'I GZHI YONGS SU SHES PA LA SGRIB STE, DES NYE BAR LEN PA'I PHUNG PO RNAMS YONGS SU MI SHES PA'I PHYIR RO, ,LTA BA'I KUN TU SBYOR BA NI 'GOG PA'I BDEN PA YONGS SU SHES PA LA SGRIB STE, 'JIG TSOGS DANG MTHAR 'DZIN PAR LTA BA GNYIS KYIS DE LA SKRAG PA DANG, LOG PAR LTA BAS DE LA SKUR PA 'DEBS PA'I PHYIR RO, ,MCHOG TU 'DZIN PA'I KUN TU SBYOR BA NI LAM GYI BDEN PA YONGS SU SHES PA LA SGRIB STE, RNAM PA GZHAN GYIS MCHOG GI DAG PAR MCHOG TU 'DZIN PA'I PHYIR RO, ,THE TSOM GYI KUN TU SBYOR BA NI DKON MCHOG GSUM YONGS SU SHES PA LA SGRIB STE, DE'I YON TAN LA MNGON PAR YID MI CHES PA'I PHYIR RO, ,PHRAG DOG GI KUN TU SBYOR BA NI RNYED PA DANG, BKUR STI YONGS SU SHES PA LA SGRIB STE, DE'I NYES PA MI MTHONG BA'I PHYIR RO, ,SER SNA'I KUN TU SBYOR BA NI YO BYAD BSNYUNGS PA YONGS SU SHES PA LA SGRIB STE, YO BYAD LA LHAG PAR ZHEN PA'I PHYIR RO, ,DGE LA SOGS PA BCU LA GZHAN, ,DGE BA LA SOGS PA RNAM PA BCU LA SGRIB PA GZHAN DU RIG PAR BYA'O, ,SGRIB PA DE NI GANG, DGE BA LA SOGS PA NI GANG ZHE NA, SBYOR BA MED DANG SKYE MCHED MIN, ,RNAL 'BYOR MIN PAS GANG BSKYED DANG, ,SKYE BA MED DANG YID MI BYED, ,TSOGS NI RAB TU MA RDZOGS DANG, ,RIGS DANG BSHES GNYEN MI LDAN DANG, ,SEMS NI YONGS SU SKYO BA DANG, ,SGRUB PA DANG YANG MI LDAN DANG, ,SKYE BO NGAN DANG 'GROGS PA DANG, , @7A *, ,RANG GI GNAS NGAN LEN GSUM LAS, ,LHAG MA SHES RAB MA SMIN DANG, ,RANG BZHIN GYIS NI GNAS NGAN LEN, ,LE LO DANG YANG BDAG MED DANG, ,SRID DANG LONGS SPYOD CHAGS PA DANG, ,SEMS NI ZHUM PAR GYUR PA DANG, ,MA DAD PA DANG MA MOS DANG; ,SGRA BZHIN DU NI DPYOD PA DANG, ,DAM CHOS CHED CHER MI 'DZIN DANG, ,RNYED LA GDU DANG SNYING RJE MED, ,THOS PAS PHONGS DANG NYUNG BA DANG, ,TING 'DZIN SKYANGS PA MA BYAS PA'O, ,DE DAG NI SGRIB PA'O, ,DGE BA LA SOGS PA GANG ZHE NA, ,DGE DANG BYANG CHUB YANG DAG 'DZIN, ,BLO LDAN 'KHRUL MED SGRIB PA MED, ,BSNGO DANG MI SKRAG SER SNA MED, ,DBANG NI DGE LA SOGS PA'O, ,ZHES BYA BA'O, ,DGE BA LA SOGS PA 'DI DAG LA GANG GANG LA SGRIB PA DU YOD PAR SHES PAR BYA ZHE NA, DE DAG GI NI SGRIB PA RNAMS, ,GSUM GSUM DAG TU SHES PAR BYA, ,ZHES GSUNGS SO, ,DGE BA LA SGRIB PA GSUM NI SBYOR BA MED PA DANG, SKYE MCHED MA YIN PA LA SBYOR BA DANG, TSUL BZHIN MA YIN PA LA SBYOR BA'O, ,BYANG CHUB KYI SGRIB PA GSUM NI DGE BA MI BSKYED PA DANG, YID LA MI BYED PA DANG, TSOGS YONGS SU MA RDZOGS PA'O, ,YANG DAG PAR 'DZIN PA NI BYANG CHUB TU SEMS BSKYED PA STE, DE'I SGRIB PA GSUM NI RIGS DANG MI LDAN PA DANG, DGE BA'I BSHES GNYEN DANG MI LDAN PA DANG, SEMS YONGS SU SKYO BA'O, ,BLO DANG LDAN PA NI BYANG CHUB SEMS DPA' NYID DE, DE'I RAB TU SHES PA LA SGRIB PA GSUM NI SGRUB PA DANG MI LDAN PA DANG, SKYE BO NGAN PA DANG 'GROGS PA DANG, SKYE BO SDANG BA DANG 'GROGS PA'O, ,DE LA SKYE BO NGAN PA NI SKYE BO BLUN PA'O, ,SKYE BO SDANG BA NI ZHE 'GRAS PA RNAMS SO, ,'KHRUL PA MED PA LA SGRIB PA GSUM NI PHYIN CI LOG GI GNAS NGAN LEN DANG, NYON MONGS PA LA SOGS PA'I SGRIB PA GSUM LAS LHAG MA GANG YANG RUNG BA DANG, RNAM PAR GROL BA YONGS SU SMIN PAR BYED PA'I SHES RAB YONGS SU MA SMIN PA'O, ,SGRIB PA SPANGS PA NI SGRIB PA MED PA STE, DE LA SGRIB @7B PA GSUM NI LHAN CIG SKYES PA'I GNAS NGAN LEN DANG, LE LO DANG BAG MED PA'O, ,YONGS SU BSNGO BA'I SGRIB PA GSUM NI GANG DAG GIS SEMS GZHAN DU YONGS SU SNGO BAR BYED KYI, BLA NA MED PA YANG DAG PAR RDZOGS PA'I BYANG CHUB TU NI YONGS SU MI BSNGO BA STE, SRID PA LA CHAGS PA DANG, LONGS SPYOD LA CHAGS PA DANG, SEMS ZHUM PA'O, ,MI SKRAG PA'I SGRIB PA GSUM NI GANG ZAG LA MI SRID SNYAM PA DANG, CHOS LA MI MOS PA DANG, DON LA SGRA JI BZHIN DU DPYOD PA'O, ,SER SNA MED PA'I SGRIB PA GSUM NI DAM PA'I CHOS LA CHED CHER MI 'DZIN PA DANG, RNYED PA DANG, BKUR STI DANG, MCHOD PA LA CHED CHER 'DZIN PA DANG, SEMS CAN RNAMS LA SNYING RJE MED PA'O, ,DBANG GI SGRIB PA GSUM NI, GANG DAG GIS DBANG BYED PA MI 'THOB PA STE, CHOS KYIS PHONGS PAR 'GYUR BA'I LAS BSKYED PAS THOS PAS PHONGS PA DANG, THOS PAS NYUNG BA DANG, TING NGE 'DZIN YONGS SU SBYANG BA MA BYAS PA'O, ,SGRIB PA 'DI NI DGE BA LA SOGS PA DON GANG LA BYED RGYU BCUR 'GYUR BA DON DE'I SKABS KYIS RIG PAR BYA STE, BYED RGYU BCU LA 'BYUNG BA'I BYED RGYU NI DPER NA MIG GI RNAM PAR SHES PA LA SOGS PA'I MIG LA SOGS PA LTA BU'O, ,GNAS PA'I BYED RGYU NI DPER NA SEMS CAN RNAMS KYI ZAS BZHI LTA BU'O, ,RTEN PA'I BYED RGYU NI GANG GI GNAS SU GANG GYUR PA STE, DPER NA SEMS CAN GYI 'JIG RTEN GYI KHAMS KYI SNOD KYI 'JIG RTEN LTA BU'O, ,GSAL BA'I BYED RGYU NI DPER NA GZUGS KYI SNANG BA LTA BU'O, ,'GYUR BA'I BYED RGYU NI DPER NA BTZO BA LA SOGS PA'I ME LA SOGS PA LTA BU'O, ,'BRAL BA'I BYED RGYU NI DPER NA BRDA BAR BYA BA LA SOGS PA'I ZOR BA LA SOGS PA LTA BU'O, ,SGYUR BA'I BYED RGYU NI DPER NA GSER LA SOGS PA'I GSER MGAR LA SOGS PA LTA BU STE, GDU BU LA SOGS PA'I DNGOS POR BSGYUR BA'O, ,YID CHES PA'I BYED RGYU NI DPER NA ME LA SOGS PA'I DU BA LA SOGS PA LTA BU'O, ,YID CHES PAR BYED PA'I BYED RGYU NI DPER NA DAM BCAS PA DANG GTAN TSIGS LTA BU'O, ,'THOB PA'I BYED RGYU NI DPER NA MYA NGAN LAS @8A *, ,'DAS PA LA SOGS PA'I LAM LA SOGS PA LTA BU'O, ,DE BZHIN DU SKYE BA LA SGRIB PA NI DGE BA LA SGRIB PA STE DE BSKYED PAR BYA BA'I PHYIR RO, ,GNAS PA LA SGRIB PA NI BYANG CHUB LA SGRIB STE DE MI 'KHRUGS PA'I PHYIR RO, ,RTEN GYI SGRIB PA NI YANG DAG PAR 'DZIN PA LA SGRIB STE, BYANG CHUB KYI SEMS GZHIR GYUR PA'I PHYIR RO, ,GSAL BA LA SGRIB PA NI BLO DANG LDAN PA LA SGRIB STE, DE BSTAN PAR BYA BA'I PHYIR RO, ,'GYUR BA LA SGRIB PA NI 'KHRUL PA MED PA LA SGRIB STE, DE NI 'KHRUL PA LDOG PAS 'GYUR BA'I PHYIR RO, ,'BRAL BA LA SGRIB PA NI SGRIB PA MED PA LA SGRIB STE, DE'I SGRIB PA DANG BRAL BA'I PHYIR RO, ,SGYUR BA LA SGRIB PA NI BSNGO BA LA SGRIB STE, BYANG CHUB TU SEMS YONGS SU BSNGO BA'I MTSAN NYID KYI PHYIR RO, ,YID CHES PA LA SGRIB PA NI MI SKRAG PA LA SGRIB STE, YID MI CHES PAS SKRAG PA'I PHYIR RO, , YID CHES PAR BYED PA LA SGRIB PA NI SER SNA MED PA LA SGRIB STE, CHOS LA SER SNA MED PAS GZHAN YID CHES PAR BYED PA'I PHYIR RO, ,THOB PA LA SGRIB PA NI DBANG LA SGRIB STE, DBANG BYED PA THOB PA'I MTSAN NYID KYI PHYIR RO, ,BYED RGYU BCU NI SKYE BA DANG, ,GNAS PA RTEN DANG BSTAN BYA DANG, ,'GYUR DANG 'BRAL DANG GZHAN DU DANG, ,YID CHES GO 'BYED 'THOB RNAMS LA, ,MIG DANG ZAS SA MAR ME DANG, ,ME LA SOGS PA DE YI DPE, ,ZOR BA BZO SHES DU BA DANG, ,RGYU DANG LAM LA SOGS PA GZHAN, ,DGE BA LA SOGS PA'I GO RIMS NI 'DI YIN TE, BYANG CHUB THOB PAR 'DOD PAS THOG MA NYID DU DGE BA'I RTZA BA BSKYED PAR BYA'O, ,DE'I 'OG TU DGE BA'I RTZA BA'I STOBS BSKYED NA BYANG CHUB THOB PAR BYA'O, ,DGE BA'I RTZA BA BSKYED PA DE'I GNAS NI BYANG CHUB KYI SEMS SO, ,BYANG CHUB KYI SEMS DE'I GNAS NI BYANG CHUB SEMS DPA'O, ,BYANG CHUB KYI SEMS BSKYED DE, DGE BA'I RTZA BA'I STOBS BSKYED PA THOB PA'I BYANG CHUB SEMS DPA' DES PHYIN CI LOG SPANG BA'I PHYIR PHYIN CI MA LOG PA BSKYED PAR BYA'O, ,DE'I 'OG TU MTHONG BA'I LAM LA PHYIN CI MA LOG PAS BSGOM @8B PA'I LAM GYI SGRIB PA THAMS CAD SPANG BAR BYA'O, ,SGRIB PA SPANGS NAS DGE BA'I RTZA BA THAMS CAD BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BAR BYA'O, ,DE'I 'OG TU BSNGO BA'I STOBS BSKYED NAS CHOS ZAB CING RGYA CHE BA BSTAN PA DAG LA MI SKRAG PAR BYA'O, ,DE LTAR MI SKRAG PA'I YID KYIS CHOS RNAMS KYI YON TAN MTHONG NAS GZHAN DAG LA CHOS DE DAG RGYA CHER YANG DAG PAR BSTAN PAR BYA'O, ,DE'I 'OG TU BYANG CHUB SEMS DPA' DE LTAR YON TAN SNA TSOGS KYI STOBS BSKYED PA THOB PA DE MYUR DU BLA NA MED PA YANG DAG PAR RDZOGS PA'I BYANG CHUB THOB NAS CHOS THAMS CAD LA DBANG 'THOB PO, ,PHYOGS DANG PHA ROL PHYIN SA LA, ,SGRIB PA DAG NI GZHAN YIN NO, ,BYANG CHUB KYI PHYOGS KYI CHOS RNAMS LA SGRIB PA NI, GZHI LA MI MKHAS LE LO DANG, ,GNYIS KYIS TING 'DZIN NYAMS PA DANG, , MI SKYED PA DANG NYAM CHUNG DANG, ,LTA DANG GNAS NGAN LEN SKYON CHAGS, ,GZHI LA MI MKHAS PA NI DRAN PA NYE BAR GZHAG PA RNAMS LA SGRIB PO, ,LE LO NI YANG DAG PAR SPONG BA RNAMS LA SGRIB PO, ,GNYIS KYI TING NGE 'DZIN NYAMS PA NI 'DUN PA DANG, BRTZON 'GRUS DANG SEMS PA DANG, DPYOD PA RNAMS LAS GANG YANG RUNG BA ZHIG MA TSANG BAS YONGS SU MA RDZOGS PA DANG, SPONG BA'I 'DU BYED BSGOM PA MA TSANG BAS RDZU 'PHRUL GYI RKANG PA RNAMS LA SGRIB PO, ,THAR BA'I CHA DANG MTHUN PA RNAMS MI SKYED BA NI DBANG PO RNAMS LA SGRIB PO, ,DBANG PO DE DAG NYAM CHUNG BA NI STOBS RNAMS LA SGRIB STE, MI MTHUN PA'I PHYOGS DANG 'DRES PA'I PHYIR RO, ,LTA BA'I NYES PA NI BYANG CHUB KYI YAN LAG RNAMS LA SGRIB STE, DE DAG MTHONG BA'I LAM GYIS RAB TU PHYE BA'I PHYIR RO, ,GNAS NGAN LEN GYI NYES PA NI LAM GYI YAN LAG RNAMS LA SGRIB STE, DE DAG BSGOM PA'I LAM GYIS RAB TU PHYE BA'I PHYIR RO, ,PHA ROL TU PHYIN PA RNAMS LA SGRIB PA NI, PHYUG PO DANG NI BDE 'GRO DANG, ,SEMS CAN MI GTONG SGRIB PA DANG, ,NYES PA DAG DANG YON TAN RNAMS, ,'BRI DANG 'PHEL DANG 'DZUD PA DANG, ,GROL BAR BYED DANG, @9A *, ,MI ZAD DANG, ,DGE BA RGYUN MI 'CHAD PA DANG, ,NGES PAR BYED DANG CHOS RNAMS LA, ,LONGS PAR SPYOD DANG YONGS SMIN BYED, ,'DI LA PHA ROL TU PHYIN PA BCU PO DAG NI PHA ROL TU PHYIN PA GANG GI 'BRAS BU GANG YIN PA DE LA SGRIB PAS DE'I SGRIB PA ZHES BRJOD PA YIN NO, , DE LA SBYIN PA'I PHA ROL TU PHYIN PA'I 'BRAS BU PHYUG PO DANG, BDAG PO LA SGRIB PAS SGRIB PA'O, ,TSUL KHRIMS KYI PHA ROL TU PHYIN PA'I 'BRAS BU BDE 'GRO LA SGRIB PO, ,BZOD PA'I PHA ROL TU PHYIN PA'I 'BRAS BU SEMS CAN YONGS SU MI GTONG BA LA SGRIB PO, ,BRTZON 'GRUS KYI PHA ROL TU PHYIN PA'I 'BRAS BU NYES PA DANG YON TAN 'BRI ZHING 'PHEL BA LA SGRIB PO, ,BSAM GTAN GYI PHA ROL TU PHYIN PA'I 'BRAS BU GDUL BYA 'JUD PA LA SGRIB PO, ,SHES RAB KYI PHA ROL TU PHYIN PA'I 'BRAS BU RNAM PAR GROL BAR BYED PA LA SGRIB PO, ,THABS KYI PHA ROL TU PHYIN PA'I 'BRAS BU SBYIN PA LA SOGS PA MI ZAD PA LA SGRIB STE, BYANG CHUB TU YONGS SU BSNGOS PAS DE MI ZAD PA'I PHYIR RO, ,SMON LAM GYI PHA ROL TU PHYIN PA'I 'BRAS BU TSE RABS THAMS CAD DU DGE BA RGYUN MI 'CHAD PAR 'BYUNG BA LA SGRIB STE, SMON LAM GYI DBANG GIS DE DANG MTHUN PA'I SKYE BA YONGS SU 'DZIN PA'I PHYIR RO, ,STOBS KYI PHA ROL TU PHYIN PA'I 'BRAS BU DGE BA DE NYID NGES PAR BYED PA LA SGRIB STE, SO SOR BRTAGS PA DANG BSGOMS PA'I STOBS KYIS MI MTHUN PA'I PHYOGS KYIS ZIL GYIS MI GNON PA'I PHYIR RO, ,YE SHES KYI PHA ROL TU PHYIN PA'I 'BRAS BU BDAG DANG GZHAN CHOS LA LONGS SPYOD PA DANG, YONGS SU SMIN PAR BYED PA LA SGRIB STE, THOS PA'I DON SGRA JI BZHIN MA YIN PAR KHONG DU CHUD PA'I PHYIR RO, ,SA RNAMS LA YANG GO RIMS BZHIN TE, KUN TU 'GRO DON MCHOG GI DON, ,RGYU MTHUN DON GYI MCHOG NYID DANG, ,YONGS SU 'DZIN PA MED DON DANG, ,RGYUD RNAMS THA DAD MED DON DANG, ,NYON MONGS RNAM DAG MIN DON DANG, ,THA DAD MED PA'I DON NYID DANG, ,BRI MED 'PHEL BA MED DON DANG, ,DBANG NI RNAM PA BZHI YI GNAS, ,CHOS KYI DBYINGS LA MA RIG PA, ,NYON MONGS CAN MIN SGRIB PA BCU, ,SA BCU'I @9B MI MTHUN PHYOGS RNAMS KYI, ,GNYEN PO DAG NI SA YIN NO, ,KUN TU 'GRO BA'I DON LA SOGS PA'I CHOS KYI DBYINGS RNAM PA BCU LA NYON MONGS PA CAN MA YIN PA'I MI SHES PA GANG YIN PA DE NI BYANG CHUB SEMS DPA'I SA BCU LA GO RIMS BZHIN DU SGRIB STE, DE'I MI MTHUN PA'I PHYOGS SU GYUR PA'I PHYIR RO, ,'DI LTA STE, SA DANG PO LA NI CHOS KYI DBYINGS KUN TU 'GRO BA'I DON LA KUN TU 'GRO BA'I DON DU RTOGS TE, DES BDAG DANG GZHAN MNYAM PA NYID RAB TU 'THOB PO, ,GNYIS PA LA NI MCHOG GI DON DU RTOGS TE, DES 'DI SNYAM DU SEMS TE, DE LTA BAS NA BSGRUB TU MTSUNGS PA LA BDAG GIS RNAM PA THAMS CAD DU YONGS SU SBYONG BA MNGON PAR BSGRUB PA NYID LA MNGON PAR BRTZON PAR BYA'O SNYAM MO, ,GSUM PA LA NI DE'I RGYU MTHUN PA DON GYI MCHOG TU RTOGS TE, DES CHOS KYI DBYINGS KYI RGYU MTHUN PA THOS PA MCHOG TU RIG NAS, DE'I PHYIR ME'I 'OBS STONG GSUM GYI STONG CHEN PO'I TSAD TZAM DU YANG BDAG NYID MCHOD DO, ,BZHI PA LA NI YONGS SU 'DZIN PA MED PA'I DON DU RTOGS TE, 'DI LTAR CHOS LA SRED PA LA YANG LDOG GO, ,LNGA PA LA NI RGYUD THA DAD PA MED PA'I DON DU RTOGS TE, SEMS DANG BSAM PA RNAM PAR DAG PA MNYAM PA NYID RNAM PA BCUS RTOGS SO, ,DRUG PA LA NI KUN NAS NYON MONGS PA DANG, RNAM PAR DAG PA MA YIN PA'I DON DU RTOGS TE, RTEN CING 'BREL BAR 'BYUNG BA'I DON LA GANG KUN NYON MONGS PAR 'GYUR BA 'AM RNAM PAR DAG PAR 'GYUR BA'I CHOS DE GANG YIN YANG MED PAR RAB TU RTOGS PA'I PHYIR RO, ,BDUN PA LA NI THA DAD PA MED PA'I DON DU RTOGS TE, MTSAN MA MED PAS MDO LA SOGS PA'I CHOS KYI MTSAN MA THA DAD PAR MI 'BYUNG BA'I PHYIR RO, ,BRGYAD PA LA NI BRI BA MED CING 'PHEL BA MED PA'I DON DU RTOGS TE, MI SKYE BA'I CHOS LA BZOD PA THOB PAS KUN NAS NYON MONGS PA'AM, RNAM PAR BYANG BA NA YANG BRI BA 'AM 'PHEL BA MI MTHONG BA'I PHYIR RO, ,DBANG RNAM PA BZHI NI RNAM PAR MI RTOG PA LA DBANG BA DANG, ZHING YONGS SU DAG PA LA DBANG BA DANG, YE SHES LA DBANG BA DANG, LAS LA DBANG BA'O, ,DE LAS BRGYAD PA NYID LA CHOS KYI @10A *, ,DBYINGS LA DBANG BA DANG PO DANG, 'OG GI GNAS NYID DU RAB TU RTOGS SO, ,DGU PA LA NI YE SHES LA DBANG BA'I GNAS NYID DU RTOGS TE, SO SO YANG DAG PAR RIG PA THOB PA'I PHYIR RO, ,BCU PA LA NI LAS LA DBANG BA'I GNAS NYID DU RTOGS TE, JI LTAR BZHED PA BZHIN DU SPRUL PA RNAMS KYIS SEMS CAN GYI DON MDZAD PA'I PHYIR RO, ,MDOR BSDU NA, NYON MONGS PA YI SGRIB PA DANG, SHES BYA'I SGRIB PA NYID DU BSTAN, ,DER NI SGRIB PA THAMS CAD DE, ,DE ZAD NAS NI GROL BAR 'DOD, ,SGRIB PA RNAM PA GNYIS PO 'DI ZAD NA SGRIB PA THAMS CAD LAS GROL BAR 'DOD DO, ,SGRIB PA RNAMS KYI DON BSDUS PA STE, SGRIB PA CHEN PO NI KHYAB PA GANG YIN PA'O, ,SGRIB PA CHUNG NGU NI NYE TSE PA GANG YIN PA'O, ,SBYOR BA'I SGRIB PA NI LHAG PA GANG YIN PA'O, ,THOB PA LA SGRIB PA NI MNYAM PA GANG YIN PA'O, ,'THOB PA KHYAD PAR CAN LA SGRIB PA NI LEN PA DANG SPONG BA GANG YIN PA'O, ,YANG DAG PAR SBYOR BA LA SGRIB PA NI NYON MONGS PA'I SGRIB PA RNAM PA DGU GANG YIN PA'O, ,RGYU LA SGRIB PA NI DGE BA LA SOGS PA RNAM PA BCU LA SGRIB PA GANG YIN PA STE, RGYU'I DON GYI SKABS KYI PHYIR RO, ,DE KHO NA LA 'JUG PA LA SGRIB PA NI BYANG CHUB KYI PHYOGS RNAMS LA SGRIB PA GANG YIN PA'O, ,DGE BA BLA NA MED PA LA SGRIB PA NI PHA ROL TU PHYIN PA RNAMS LA SGRIB PA GANG YIN PA'O, ,DE KHYAD PAR DU 'GRO BA LA SGRIB PA NI SA RNAMS LA SGRIB PA GANG YIN PA'O, ,BSDUS PA'I SGRIB PA NI MDOR BSDUS PA RNAM PA GNYIS PO GANG YIN PA'O, ,BSTAN BCOS DBUS DANG MTHA' RNAM PAR 'BYED PA LAS SGRIB PA'I LE'UR BCAD PA ZHES BYA BA GNYIS PA'I 'GREL PA'O,, ,,DE KHO NA'I DBANG DU MDZAD DE GSUNGS PA, RTZA BA MTSAN NYID DE KHO NA, ,PHYIN CI MA LOG MTSAN NYID DANG, , 'BRAS BU RGYU YI DE KHO NA, ,RAGS PA DANG NI PHRA BA DANG, ,GRAGS DANG RNAM PAR DAG YUL DANG, ,BSDU DANG DBYE BA'I MTSAN NYID DANG, ,MKHAS DE KHO NA RNAM BCU NI, ,BDAG TU LTA BA'I GNYEN PO'O, ,ZHES BYA BA 'DI DAG NI DE KHO NA RNAM PA BCU STE, 'DI LTA STE, RTZA BA'I @10B DE KHO NA DANG, MTSAN NYID KYI DE KHO NA DANG, PHYIN CI MA LOG PA'I DE KHO NA DANG, 'BRAS BU DANG RGYU'I DE KHO NA DANG, RAGS PA DANG PHRA BA'I DE KHO NA DANG, GRAGS PA'I DE KHO NA DANG, RNAM PAR DAG PA'I SPYOD YUL GYI DE KHO NA DANG, BSDU BA'I DE KHO NA DANG, RAB TU DBYE BA'I DE KHO NA DANG, MKHAS PA'I DE KHO NA STE, RNAM PA BCU PO DE YANG BDAG TU 'DZIN PA RNAM PA BCU'I GNYEN POR RIG PAR BYA'O, ,'DI LTA STE, PHUNG PO LA MKHAS PA DANG, KHAMS LA MKHAS PA DANG, SKYE MCHED LA MKHAS PA DANG, RTEN CING 'BREL BAR 'BYUNG BA LA MKHAS PA DANG, GNAS DANG GNAS MA YIN PA LA MKHAS PA DANG, DBANG PO LA MKHAS PA DANG, DUS LA MKHAS PA DANG, BDEN PA LA MKHAS PA DANG, THEG PA LA MKHAS PA DANG, 'DUS BYAS DANG 'DUS MA BYAS KYI CHOS LA MKHAS PA'O, ,DE LA RTZA BA'I DE KHO NA NI NGO BO NYID RNAM PA GSUM STE, KUN BRTAGS PA DANG; GZHAN GYI DBANG DANG, YONGS SU GRUB PA STE, DE LA DE KHO NA GZHAN RNAM PAR GZHAG PA'I PHYIR RO, ,DE CI'I PHYIR 'DIR NGO BO NYID GSUM LA DE KHO NA ZHES BYA BAR 'DOD CE NA, NGO BO NYID GSUM RTAG MED DANG, ,YOD KYANG KHO NA MA YIN DANG, ,YOD DANG MED DE KHO NA STE, , NGO BO NYID NI GSUM DU 'DOD, ,KUN TU BRTAGS PA'I MTSAN NYID NI RTAG TU MED PA'O, ,DE NI KUN TU BRTAGS PA'I NGO BO NYID LA DE KHO NA ZHES BYA STE, PHYIN CI MA LOG PA'I PHYIR RO, ,GZHAN GYI DBANG GI MTSAN NYID NI YOD KYANG YANG DAG PA MA YIN TE 'KHRUL PA'I PHYIR RO, ,DE LTA BAS NA GZHAN GYI DBANG GI NGO BO NYID LA DE KHO NA ZHES BYA'O, ,YONGS SU GRUB PA'I MTSAN NYID NI YOD PA DANG MED PA'I DE KHO NA STE, DE BAS NA 'DI NI YONGS SU GRUB PA'I NGO BO NYID LA DE KHO NA'O, ,MTSAN NYID KYI DE KHO NA GANG ZHE NA, 'DI LA CHOS DANG GANG ZAG DANG, ,GZUNG BA DAG DANG 'DZIN PA DANG, ,YOD DANG MED PAR SGRO 'DOGS PA DANG, ,SKUR BA 'DEBS PAR LTA BA DANG, ,GANG SHES NAS NI MI 'BYUNG BA, ,DE DE KHO NA'I MTSAN NYID DO, ,GANG SHES NAS GANG ZAG DANG CHOS GNYIS LA SGRO 'DOGS PA DANG, SKUR PA 'DEBS PAR LTA BA MI 'BYUNG BA DE NI KUN @11A *, ,BRTAGS PA'I NGO BO NYID KYI DE KHO NA'I MTSAN NYID DO, ,GANG SHES NAS GZUNG BA DANG, 'DZIN PA GNYIS LA SGRO 'DOGS PA DANG, SKUR PA 'DEBS PAR LTA BA MI 'BYUNG BA DE NI GZHAN GYI DBANG GI NGO BO NYID KYI DE KHO NA'I MTSAN NYID DO, ,GANG SHES NAS DNGOS PO DANG DNGOS PO MED PAR SGRO 'DOGS PA DANG, SKUR PA 'DEBS PAR LTA BA MI 'BYUNG BA DE NI YONGS SU GRUB PA'I NGO BO NYID KYI DE KHO NA'I MTSAN NYID DO, ,RTZA BA'I DE KHO NA LA MTSAN NYID KYI DE KHO NA PHYIN CI MA LOG PA 'DI NI MTSAN NYID KYI DE KHO NA ZHES BYA'O, ,PHYIN CI MA LOG PA'I DE KHO NA NI RTAG PA LA SOGS PAR PHYIN CI LOG PA'I GNYEN POR MI RTAG PA DANG, SDUG BSNGAL BA DANG, STONG PA DANG, BDAG MED PA NYID DO, ,RTZA BA'I DE KHO NA DER JI LTAR NA MI RTAG PA LA SOGS PA NYID RIG PAR BYA ZHE NA, MI RTAG DON NI MED DON DANG, ,SKYE ZHING 'JIG PA'I MTSAN NYID DANG, , DRI BCAS DRI MA MED DON TE, ,RTZA BA'I KHO NAR GO RIMS BZHIN, ,MI RTAG PA'I DON NI RNAM PA GSUM STE, MED PA'I DON DANG, SKYE ZHING 'JIG PA'I DON DANG, DRI MA DANG BCAS SHING DRI MA MED PA NYID KYI DON NI RTZA BA'I DE KHO NAR NGO BO NYID GSUM PO DAG DANG GO RIMS BZHIN NO, ,SDUG BSNGAL LEN DANG MTSAN NYID DANG, ,'BREL BA GZHAN DU 'DOD PA YIN, ,GANG ZAG DANG CHOS LA MNGON PAR ZHEN PA NYE BAR LEN PA'I PHYIR, NYE BAR LEN PA'I SDUG BSNGAL BA DANG, SDUG BSNGAL BA NYID GSUM GYI MTSAN NYID YIN PAS MTSAN NYID DANG, SDUG BSNGAL DANG 'BREL PA'I PHYIR 'BREL BA YANG STE, RTZA BA'I DE KHO NA NYID KYI NANG DU GO RIMS BZHIN NO, ,DNGOS MED DE DNGOS MA YIN DANG, ,RANG BZHIN GYIS NI STONG PAR 'DOD, ,KUN BRTAGS PA'I MTSAN NYID NI RNAM PA GANG GIS KYANG YOD PA MA YIN TE, DNGOS PO MED PA NYID PAS DE'I STONG PA NYID DO; ,GZHAN GYI DBANG GI MTSAN NYID NI JI LTAR KUN BRTAGS PA DE LTAR MED KYI, YE SHES MED PA SA NI MA YIN TE, DE MA YIN PAS DE'I STONG PA NYID DO, ,YONGS SU GRUB PA'I MTSAN NYID NI, STONG PA NYID KYI NGO BO NYID KHO NA YIN PAS RANG BZHIN KHO NAS DE'I STONG PA NYID DO, ,MTSAN @11B NYID MED PAS BDAG MED DANG, ,DE DANG MI MTHUN MTSAN NYID DANG, ,RANG GI MTSAN NYID BSTAN PA YIN, ,KUN BRTAGS PA'I NGO BO NYID NI MTSAN NYID KYIS MED PA'I PHYIR RO, ,MTSAN NYID DE'I BDAG MED PA NYID DO, ,GZHAN GYI DBANG GI MTSAN NYID NI YOD KYANG JI LTAR KUN TU BRTAGS PA BZHIN DU MED PAS DE DANG MI MTHUN PA'I MTSAN NYID KYIS DE'I BDAG MED PA'O, ,YONGS SU GRUB PA NI NGO BO NYID KYIS BDAG MED PA NYID PAS RANG GI MTSAN NYID KYIS DE'I BDAG MED PA'O, ,RTZA BA DE KHO NA RNAM PA GSUM LA MI RTAG PA NYID RNAM PA GSUM YONGS SU BSTAN TO, MED PA'I DON MI RTAG PA NYID DANG, SKYE ZHING 'JIG PA MI RTAG PA NYID DANG, DRI MA DANG BCAS SHING DRI MA MED PA MI RTAG PA NYID DO, ,SDUG BSNGAL NYID RNAM PA GSUM STE, NYE BAR LEN PAS SDUG BSNGAL NYID DANG, MTSAN NYID KYIS SDUG BSNGAL NYID DANG; 'BREL BAS SDUG BSNGAL NYID DO, ,STONG PA NYID RNAM PA GSUM STE, DNGOS PO MED PAS STONG PA NYID DANG, DE MA YIN PAS STONG PA NYID DANG, NGO BO NYID KYIS STONG PA NYID DO, ,BDAG MED PA RNAM PA GSUM STE, MTSAN NYID MED PAS BDAG MED PA DANG, MI MTHUN PA'I MTSAN NYID KYIS BDAG MED PA DANG, RANG GI MTSAN NYID KYIS BDAG MED PA'O, ,'BRAS BU DANG RGYU'I DE KHO NA NI RTZA BA'I DE KHO NA NYID LA SDUG BSNGAL DANG, KUN 'BYUNG BA DANG, 'GOG PA DANG, LAM GYI BDEN PA NYID DO, ,JI LTAR RTZA BA'I DE KHO NA RNAM PA GSUM LAS SDUG BSNGAL LA SOGS PA'I BDEN PA ZHES BYA ZHE NA, 'DI LTAR DE MI RTAG PA LA SOGS PA'I MTSAN NYID KYIS TE, DE'I PHYIR SDUG BSNGAL BDEN PAR 'DOD, ,KUN 'BYUNG BA'I DON RNAM PA GSUM GYIS KUN 'BYUNG BA'I BDEN PA STE, KUN 'BYUNG BA'I DON RNAM PA GSUM NI, BAG CHAGS DANG NI KUN NAS 'BYUNG, ,MA BRAL BA YANG DE BZHIN NO, ,BAG CHAGS KYI KUN 'BYUNG BA NI, KUN BRTAGS PA'I NGO BO NYID LA MNGON PAR ZHEN PA'I BAG CHAGS SO, ,KUN NAS 'BYUNG BA'I KUN 'BYUNG BA NI LAS DANG NYON MONGS PA RNAMS SO, ,MA BRAL @12A *, ,BA'I KUN 'BYUNG NI DE BZHIN NYID SGRIB PA DANG MA BRAL BA'O, ,'GOG PA RNAM PA GSUM GYIS 'GOG PA'I BDEN PA STE 'GOG PA RNAM PA GSUM MO, ,'GOG PA RNAM PA GSUM NI, ,NGO BO NYID DANG GNYIS MI SKYE, ,DRI MA ZHI BA GNYIS SU 'DOD, ,NGO BO NYID KYIS MI SKYE BA DANG, GZUNG BA DANG 'DZIN PA GNYIS MI SKYE BA DANG, DRI MA ZHI BA GNYIS KYANG STE, SO SOR BRTAGS PA'I 'GOG PA DANG, DE BZHIN NYID CES BYA'O, ,'DI NI 'GOG PA RNAM GSUM STE, ,'DI LTA STE, NGO BO NYID KYIS 'GOG PA DANG, GNYIS PO 'GOG PA DANG, RANG BZHIN GYIS 'GOG PA'O, ,LAM GYI BDEN PA RTZA BA'I DE KHO NA RNAM PA GSUM DU JI LTAR GZHAG CE NA, YONGS SU SHES DANG SPANG BA DANG, ,THOB PAR MNGON SUM BYA BAS NI, ,LAM GYI BDEN PA YANG DAG BSHAD, ,KUN BRTAGS PA NI YONGS SU SHES PAR BYA'O, , GZHAN GYI DBANG NI YONGS SU SHES PAR BYA BA DANG SPANG BA'O, ,YONGS SU GRUB PA NI YONGS SU SHES PAR BYA BA DANG, THOB PAR MNGON SUM DU BYA'O, ,DE LTAR 'DIR YONGS SU SHES PAR BYA BA DANG, SPANG BAR BYA BA DANG, MNGON SUM DU BYAS PAS LAM GYI BDEN PA RNAM PAR GZHAG PAR RIG PAR BYA'O, ,RAGS PA DANG PHRA BA'I DE KHO NA NI KUN RDZOB DANG DON DAM PA'I BDEN PA'O, ,DE RTZA BA'I DE KHO NAR JI LTAR RIG PAR BYA ZHE NA, BRTAGS PA DANG NI SHES PA DANG, ,DE BZHIN BRJOD PA RAGS PA YIN, ,KUN RDZOB PA NI RNAM PA GSUM STE, BRTAGS PA'I KUN RDZOB DANG, SHES PA'I KUN RDZOB DANG, BRJOD PA YANG DAG PA'I KUN RDZOB PO, ,DES KUN RDZOB KYI BDEN PA NYID DE RTZA BA'I DE KHO NAR GO RIMS BZHIN DU RIG PAR BYA'O, ,DAM PA'I DON NI GCIG PU'O, ,DON DAM PA'I BDEN PA NI YONGS SU GRUB PA'I NGO BO NYID GCIG PUR RIG PAR BYA'O, ,DE YANG JI LTAR DON DAM PA YIN ZHE NA, DON DANG THOB DANG SGRUB PA NI, ,DON DAM RNAM PA GSUM DU 'DOD, ,DON DAM PA NI DE BZHIN NYID DE YE SHES DAM PA'I DON YIN PA'I PHYIR RO, ,THOB PAR BYA BA'I DON DAM PA NI MYA NGAN LAS 'DAS PA STE DON GYI DAM PA @12B YIN PA'I PHYIR RO, ,SGRUB PA DON DAM PA NI LAM STE DE'I DON NI DAM PA YIN PA'I PHYIR RO, ,'DUS MA BYAS DANG 'DUS BYAS YONGS SU GRUB PA'I NGO BO NYID DU JI SKAD DU BRJOD CE NA, 'GYUR MED PHYIN CI MA LOG PA, ,YONGS SU GRUB PA RNAM PA GNYIS, ,'DUS MA BYAS NI 'GYUR BA MED PAR YONGS SU GRUB PAS YONGS SU GRUB PA'O, ,'DUS BYAS 'DI LAM GYIS BSDUS PA STE, PHYIN CI MA LOG PAS YONGS SU GRUB PA STE, SHES BYA'I DNGOS PO LA PHYIN CI LOG MED PA'I PHYIR RO, ,GRAGS PA DE KHO NA RTZA BA'I DE KHO NA LA BLO JI LTAR RNAM PAR GZHAG CE NA, GRAGS PA'I DE KHO NA NI RNAM PA GNYIS TE, 'JIG RTEN GYI GRAGS PA DANG, RIGS PA'I GRAGS PA'O, ,DE LA, GCIG GIS 'JIG RTEN GRAGS PA STE, ,KUN BRTAGS PA'I NGO BO NYID KYIS STE, 'JIG RTEN PA THAMS CAD KYI BRDA LA 'DRIS PA'I RJES SU ZHUGS PA'I BLOS DNGOS PO GANG LA 'DI NI SA YIN GYI ME MA YIN NO ZHES BYA BA DANG, 'DI NI GZUGS YIN GYI SGRA MA YIN NO ZHES BYA BA LA SOGS PAR LTA BA MTHUN PA YIN NO, ,GSUM GYIS RIGS PA'I GRAGS PA'O, ,GANG ZAG DAM PA RIGS PA'I DON LA MKHAS PA RTOG GE PA SPYOD YUL CAN DAG TSAD MA GSUM LA BRTEN NAS 'THAD PAS SGRUB PA'I RIGS PAS GRAGS PA'I DNGOS PO'O, ,RNAM PAR DAG PA'I SPYOD YUL GYI DE KHO NA NYID RNAM PA GNYIS TE, NYON MONGS PA'I SGRIB PA RNAM PAR DAG PA'I YE SHES KYI SPYOD YUL DANG, SHES BYA'I SGRIB PA RNAM PAR DAG PA'I YE SHES KYI SPYOD YUL LO, ,RNAM DAG SPYOD YUL RNAM GNYIS TE, ,GCIG PU KHO NAR BRJOD PA YIN, ,YONGS SU GRUB PA'I NGO BO NYID DU BRJOD DE NGO BO NYID GZHAN NI RNAM PAR DAG PA'I YE SHES RNAM PA GNYIS KYI SPYOD YUL MA YIN NO, ,BSDU BA'I DE KHO NA RTZA BA'I DE KHO NAR JI LTAR RIG PAR BYA ZHE NA, RGYU DANG RNAM PAR RTOG PA DANG, ,MING NI RNAM PA GNYIS SU BSDU, ,CI RIGS SU SBYAR RO, ,DNGOS PO LNGA LAS BRTZAMS TE, RGYU DANG RNAM PAR RTOG PA GNYIS NI GZHAN GYI DBANG DU BSDU'O, ,MING NI KUN BRTAGS PAR BSDU'O, ,YANG DAG YE SHES RAB KHO NA, ,GCIG @13A *, ,PU KHO NAS BSDUS PA YIN, ,DE BZHIN NYID DANG YANG DAG PA'I MTHA'I YE SHES NI YONGS SU GRUB PA'I NGO BO NYID KYIS BSDUS SO, ,RAB TU DBYE BA'I DE KHO NA RTZA BA'I DE KHO NAR JI LTAR RIG PAR BYA ZHE NA, RAB TU DBYE BA'I DE KHO NA RNAM PA BDUN TE, 'JUG PA'I DE KHO NA DANG, MTSAN NYID KYI DE KHO NA DANG, RNAM PAR RIG PA'I DE KHO NA DANG, GNAS PA'I DE KHO NA DANG, LOG PAR SGRUB PA'I DE KHO NA DANG, RNAM PAR DAG PA'I DE KHO NA DANG, YANG DAG PAR SGRUB PA'I DE KHO NA STE, DGONGS PA NGES PAR 'GREL BA'I MDO LAS, DE BZHIN NYID RNAM PA BDUN 'BYUNG BA GANG YIN PA DE DAG NYID DO, ,DE LA, 'JUG DE KHO NA RNAM PA GNYIS, ,RTZA BA'I DE KHO NA KUN BRTAGS PA DANG, GZHAN GYI DBANG GI MTSAN NYID DU RIG PAR BYA'O, ,'JUG PA'I DE KHO NA JI LTA BA BZHIN DU, GNAS PA DANG NI NGAN PAR ZHUGS, , GNAS PA DANG LOG PAR SGRUB PA'I DE KHO NA YANG DE BZHIN DU RTZA BA'I DE KHO NA RNAM PA GNYIS SU RIG PAR BYA'O, ,MTSAN NYID RNAM PAR RIG DANG DAG ,YANG DAG SGRUB PA GCIG PU'O, ,MTSAN NYID KYI DE KHO NA LA SOGS PA BZHI NI RTZA BA'I DE KHO NA GCIG STE, YONGS SU GRUB PA'I MTSAN NYID DO, ,MKHAS DE KHO NA RNAM BCU NI, ,BDAG TU LTA BA'I GNYEN PO'O, ,ZHES GSUNGS NA PHUNG PO LA SOGS PA LA BDAG TU LTA BA RNAM PA BCU PO DE DAG JI LTA ZHE NA, GCIG DANG RGYU DANG ZA BA DANG, ,BYED PA DANG NI DBANG SGYUR DANG, ,BDAG PO'I DON DANG RTAG PA DANG, , NYON MONGS PA DANG DAG PA'I GNAS, ,RNAL 'BYOR CAN DANG MA GROL GROL, ,'DI DAG LA NI BDAG TU LTA, ,BDAG MED PA LA 'DZIN PA RNAM PA 'DI BCU NI, PHUNG PO LA SOGS PA LA 'JUG STE, DE'I GNYEN POR MKHAS PA RNAM PA BCU'O, ,'DI LTA STE, GCIG PUR 'DZIN PA DANG, RGYUR 'DZIN PA DANG, ZA BAR 'DZIN PA DANG, BYED PAR 'DZIN PA DANG, RANG DBANG DU 'DZIN PA DANG, BDAG POR 'DZIN PA DANG, RTAG PAR 'DZIN PA DANG, KUN NAS NYON MONGS PA DANG, RNAM PAR BYANG BAR 'DZIN PA DANG, RNAL 'BYOR CAN DU 'DZIN PA DANG, MA GROL @13B BA DANG GROL BAR 'DZIN PA'O, ,MKHAS PA'I DE KHO NA RNAM PA BCU PO 'DI DAG RTZA BA'I DE KHO NAR JI LTAR 'DUS SHE NA, 'DI LTAR NGO BO NYID GSUM DU PHUNG PO LA SOGS PA DE DAG 'DUS SO, ,JI LTAR 'DUS SHE NA, KUN DU RTOG DANG RNAM RTOG DON, ,CHOS NYID DON GYIS DE DAG DER, , ZHES BYA'O, ,GZUGS LA SOGS PA RNAM PA GSUM STE, KUN BRTAGS PA'I GZUGS NI GANG GZUGS KYI KUN BRTAGS PA'I NGO BO NYID DO, ,RNAM PAR BRTAGS PA'I GZUGS NI GANG GZUGS KYI GZHAN GYI DBANG GI NGO BO NYID DE, DE LA GZUGS SU RNAM PAR RTOG PAR BYED DO, , CHOS NYID KYI GZUGS NI GANG GZUGS KYI YONGS SU GRUB PA'I NGO BO NYID DO, ,GZUGS LA JI LTA BA BZHIN DU TSOR BA LA SOGS PA'I PHUNG PO RNAMS DANG, KHAMS DANG, SKYE MCHED LA SOGS PA LA YANG SBYAR BAR BYA'O, ,DE LTAR NA NGO BO NYID GSUM DU PHUNG PO LA SOGS PA 'DUS PA'I PHYIR MKHAS PA'I DE KHO NA RNAM PA BCU NI RTZA BA'I DE KHO NA NYID DU BLTA'O, ,JI LTAR BDAG TU LTA BA RNAM PA BCU'I GNYEN POR PHUNG PO LA SOGS PA LA MKHAS PA 'DI BSHAD NA, PHUNG PO LA SOGS PA'I DON MA BSHAD PAS DE DA BRJOD PAR BYA STE, THOG MA DU MA NYID DANG NA, ,BSDUS DANG YONGS SU PHYE BA'I DON, ,THOG MA KHO NAR PHUNG PO DE DAG DON RNAM PA GSUM DU RIG PAR BYA STE, DU MA'I DON NI GZUGS GANG CI YANG RUNG STE, 'DAS PA DANG MA 'ONGS PA ZHES RGYA CHER 'BYUNG BA'O, ,BSDUS PA'I DON NI DE DAG THAMS CAD GCIG TU BSDUS TE ZHES 'BYUNG BA'O, ,YONGS SU PHYE BA'I DON NI GZUGS LA SOGS PA'I MTSAN NYID THA DAD DU RNAM PAR GZHAG PA'I PHYIR RO, ,PHUNG PO'I DON NI SPUNGS PA'I DON TE, DE LTAR 'JIG RTEN NA SPUNGS PA'I DON MTHONG NGO, ,'DZIN DANG GZUNG DANG DE 'DZIN PA, ,SA BON DON TE GZHAN DU 'DOD, ,GZHAN GANG ZHE NA, KHAMS SO, ,DE LA 'DZIN PA'I SA BON GYI DON NI MIG GI KHAMS LA SOGS PA'O, ,GZUNG BA'I SA BON GYI DON NI GZUGS KYI KHAMS LA SOGS PA'O, ,DE 'DZIN PA'I SA BON GYI DON NI MIG GI RNAM PAR SHES PA'I KHAMS LA SOGS @14A *, ,PA'O, ,TSOR DANG DON RNAMS YONGS GCOD KYI, ,NYER SPYOD 'BYUNG SGO GZHAN YIN NO, ,GZHAN GANG YIN ZHE NA, SKYE MCHED DO, ,DE LA NANG GI SKYE MCHED DRUG PO DAG NI TSOR BA NYE BAR SPYOD PA'I SKYE BA'I SGO'I PHYIR RO, ,PHYI'I DRUG PO DAG NI DON YONGS SU SPYOD PA'I NYE BAR SPYOD PA'I SKYE BA'I SGO'I PHYIR RO, ,RTEN CING 'BREL BAR 'BYUNG BA'I DON NI, RGYU DANG 'BRAS BU RTZOL BA LA, ,SGRO 'DOGS MED CING SKUR 'DEBS MED, ,RGYU DANG 'BRAS BU DANG BYED PA RNAMS LA SGRO 'DOGS PA MED PA DANG, SKUR PA 'DEBS PA MED PA'I DON NI RTEN CING 'BREL BAR 'BYUNG BA'I DON TO, ,DE LA RGYU LA SGRO 'DOGS PA NI 'DU BYED LA SOGS PA'I MI MTHUN PA'I RGYU LA RTOG PA'I PHYIR RO, ,RGYU LA SKUR PA 'DEBS PA NI RGYU MED PA CAN DU RTOG PA'I PHYIR RO, ,'BRAS BU LA SGRO 'DOGS PA NI BDAG DANG BCAS PA'I 'DU BYED LA SOGS PA NI MA RIG PA LA SOGS PA'I RKYEN LAS 'BYUNG BAR RTOG PA'I PHYIR RO, ,'BRAS BU LA SKUR PA 'DEBS PA NI 'DU BYED LA SOGS PA MA RIG PA LA SOGS PA'I RKYEN GYIS 'BYUNG BA MED PAR RTOG PA'I PHYIR RO, ,BYED PA LA SGRO 'DOGS PA NI 'DU BYED LA SOGS PA SKYE BA LA MA RIG PA LA SOGS PA LA BYED PAR RTOG PA'I PHYIR RO, ,BYED PA LA SKUR PA 'DEBS PA NI NUS PA MED PAR RTOG PA'I PHYIR RO, ,DE MED PA'I PHYIR SGRO 'DOGS PA MED PA DANG, SKUR PA 'DEBS PA MED PAR RIG PAR BYA'O, ,MI 'DOD 'DOD DANG RNAM DAG DANG, ,MNYAM DU 'BYUNG DANG DBANG BYED DANG, ,'THOB DANG KUN TU SPYOD PA DAG ,GZHAN DBANG NYID KYI DON TE GZHAN, ,GNAS DANG GNAS MA YIN PA NI GZHAN GYI DBANG NYID RNAM PA BDUN GYI DON GYIS RIG PAR BYA STE, DE LA MI 'DOD PA GZHAN GYI DBANG NYID NI NYES PAR SPYOD LAS MI 'DOD BZHIN DU YANG NGAN 'GROR 'GRO BA'I PHYIR RO, ,'DOD PA GZHAN GYI DBANG NYID NI LEGS PAR SPYOD PAS BDE 'GROR 'GRO BA'I PHYIR RO, ,RNAM PAR DAG PA GZHAN GYI DBANG NYID NI SGRIB PA LNGA MA SPANGS LA BYANG CHUB KYI YAN LAG BDUN GYI BAR DU MA BSGOMS NA SDUG BSNGAL GYI MTHAR MI BYED PA'I PHYIR RO, ,MNYAM DU 'BYUNG BA GZHAN GYI DBANG NYID NI, DE BZHIN @14B GSHES PA DANG, 'KHOR LOS SGYUR BA GNYIS GNYIS SNGA PHYI MED PAR 'JIG RTEN GYI KHAMS GCIG TU MI 'BYUNG BA'I PHYIR RO, ,DBANG DU BYED PA GZHAN GYI DBANG NYID NI, BUD MED 'KHOR LOS SGYUR BA LA SOGS PA MI BYED PA'I PHYIR RO, ,'THOB PA GZHAN GYI DBANG NYID NI BUD MED KYIS RANG BYANG CHUB DANG, BLA NA MED PA'I BYANG CHUB MNGON PAR RDZOGS PAR BYANG CHUB PAR MI 'GYUR BA'I PHYIR RO, ,KUN TU SPYOD PA GZHAN GYI DBANG NYID NI, LTA BA PHUN SUM TSOGS PA BSOD PA LA SOGS PA KUN TU MI SPYOD PAS SO, ,SO SO'I SKYE BO NI KUN TU SPYOD PA'I PHYIR TE, RGYA CHER NI KHAMS MANG PO CAN GYI MDO LAS 'BYUNG BA BZHIN DU KHONG DU CHUD PAR BYA'O, ,DBANG PO NI RNAM PA NYI SHU RTZA GNYIS TE, 'DZIN DANG GNAS DANG RGYUN MI 'CHAD, ,SPYOD DANG DAG PA GNYIS KYI PHYIR, ,'DZIN PA'I PHYIR NAS RNAM PAR DAG PA GNYIS KYI BAR DU STE, DE DAG LA DE DBANG BYED PA'I PHYIR RO, ,GZUGS LA SOGS PA YUL 'DZIN PA LA NI MIG LA SOGS PA DRUG PO DAG DBANG BYED DO, ,GNAS PAR BYA BA LA NI SROG GI DBANG PO DBANG BYED DE, DE'I DBANG GIS MI 'CHI BA'I PHYIR RO, ,RIGS 'TSO BA LA NI PHO DANG MO'I DBANG PO GNYIS DBANG BYED DE, BU 'BYUNG BAR DBANG BYED PA'I PHYIR RO, ,NYE BAR SPYOD PA LA NI TSOR BA'I DBANG PO RNAMS TE, DGE BA DANG MI DGE BA'I LAS KYI 'BRAS BU LA NYE BAR SPYOD PA'I PHYIR RO, ,'JIG RTEN PA'I RNAM PAR DAG PA NI DAD PA LA SOGS PA'O, ,'JIG RTEN LAS 'DAS PA'I RNAM PAR DAG PA NI KUN SHES PAR BYED PA'I DBANG PO LA SOGS PA'O, ,'BRAS BU RGYU RNAMS SPYAD ZIN DANG, ,DE BZHIN MA SPYAD GZHAN YIN NO, ,GZHAN GANG ZHE NA, DUS GSUM MO, ,CI RIGS SU SBYAR TE, 'BRAS BU DANG RGYU SPYAD ZIN PA'I PHYIR 'DAS PA'I DUS SO, ,'BRAS BU DANG RGYU MA SPYAD PA'I PHYIR MA 'ONGS PA'I DUS SO, ,RGYU SPYAD PA LA 'BRAS BU MA SPYAD PA'I PHYIR DA LTAR 'BYUNG BA'I DUS SU RIG PAR BYA'O, ,TSOR BA RGYU DANG BCAS PA'I DON, ,DE YI RGYU NI SGRUB PA YIN, ,DE BZHI BA DANG GNYEN PO'I DON, ,LDAN PA'I PHYIR NA GZHAN DU 'DOD, ,BDEN PA BZHI PO DE @15A *, ,LA SDUG BSNGAL GYI BDEN PA NI TSOR BA RGYU DANG BCAS PA'I DON TE, GANG CI TSOR YANG RUNG DE NI 'DIR SDUG BSNGAL LO ZHES BYA BA'I PHYIR RO, ,TSOR BA'I RGYU NI TSOR BA'I GNAS KYI CHOS RNAMS SU RIG PAR BYA'O, ,DE YI RGYU NI SGRUB PA YIN, ,KUN 'BYUNG BA YI BDEN PA STE, ,SDUG BSNGAL GYI RGYU NI SGRUB PA GANG YIN PA'O, ,DE GNYIS ZHI BA'I PHYIR 'GOG PA'I BDEN PA'O, ,GNYEN PO'I PHYIR LAM GYI BDEN PA'O, ,YON TAN SKYON DANG RNAM MI RTOG ,SHES PAS GZHAN LAS BDAG GIS NI, ,NGES PAR 'BYUNG PHYIR GZHAN ZHES BYA, , THEG PA GSUM STE CI RIGS SU SBYAR BAR BYA'O, ,DE LA MYA NGAN LAS 'DAS PA DANG, 'KHOR BA LA YON TAN SKYON DU SHES SHING GZHAN LAS THOS NAS NGES PAR 'BYUNG BA'I PHYIR NYAN THOS KYI THEG PA'O, ,GZHAN LAS MA THOS PAR DE NYID KYIS BDAG GIS NGES PAR 'BYUNG BA'I PHYIR, RANG SANGS RGYAS KYI THEG PA'O, ,BDAG GIS RNAM PAR MI RTOG PA'I YE SHES KYIS NGES PAR 'BYUNG BA'I PHYIR THEG PA CHEN POR RIG PAR BYA'O, ,BTAGS BCAS RGYUR BCAS RGYU MTSAN DANG, ,RAB TU ZHI BA'I DON BCAS NI, ,THA MA NYID DU BSHAD PA YIN, ,'DUS BYAS DANG 'DUS MA BYAS SO, ,DE LA BTAGS PA NI MING GI TSOGS LA SOGS PA'O, ,RGYU NI SA BON DU BSDUS PA'I KUN GZHI RNAM PAR SHES PA'O, ,RGYU MTSAN NI GNAS DANG LUS DANG LONGS SPYOD DU BSDUS PA DANG, 'JUG PA'I RNAM PAR SHES PAR BSDUS PA YID DANG, 'DZIN PA DANG; RNAM PAR RTOG PA STE, BTAGS PA DANG BCAS SHING RGYU DANG BCAS PA'I RGYU MTSAN MTSUNGS PAR LDAN PA DANG BCAS PA 'DI NI 'DUS BYAS SU RIG PAR BYA'O, ,DE LA YID NI GANG RTAG TU RLOM SEMS PA NI RNAM PA'O, ,'DZIN PA NI RNAM PAR SHES PA'I TSOGS LNGA'O, , RNAM PAR RTOG PA NI YID KYI RNAM PAR SHES PA STE, DE NI RNAM PAR RTOG PAR BYED PA'I PHYIR RO, ,'DUS MA BYAS NI RAB TU ZHI BA 'GOG PA DANG, RAB TU ZHI BA'I DON DE BZHIN NYID DE LAM GYI DMIGS PA YIN PA'I PHYIR RO, ,LAM YANG RAB TU ZHI BA NYID DO, ,DES RAB TU ZHI BAR @15B BYED PA'I PHYIR RO, ,DE LTAR DON 'DIS PHUNG PO LA SOGS PA SHES PA NI PHUNG PO LA SOGS PA LA MKHAS PAR RIG PAR BYA'O, ,DE KHO NA'I DON BSDUS PA NI MDOR BSDU NA DE KHO NA RNAM PA GNYIS TE, ME LONG LTA BA'I DE KHO NA DANG, SNANG BA'I DE KHO NA'O, ,DE LA ME LONG LTA BU'I DE KHO NA NI RTZA BA'I RE KHO NA STE, LHAG MA RNAMS DER SNANG BA'I PHYIR RO, ,SNANG BA'I DE KHO NA NI RNAM PA DGU STE, NGA RGYAL MED PA'I SNANG BA'I DE KHO NA DANG, PHYIN CI LOG GI GNYEN PO'I SNANG BA'I DE KHO NA DANG, NYAN THOS KYI THEG PAS NGES PAR 'BYUNG BA SNANG BA'I DE KHO NA DANG, RAGS PAS YONGS SU SMIN PAR BYED BYING PHRA BAS RNAM PAR GROL BAR BYED PA'I PHYIR THEG PA CHEN POS NGES PAR 'BYUNG BA SNANG BA'I DE KHO NA DANG, DPE LA BRTEN TE RIGS PAS TSAR GCOD PA'I PHYIR PHAS KYI RGOL BA TSAR GCOD PA SNANG BA'I DE KHO NA DANG, THEG PA CHEN PO MNGON PAR BRJOD PA SNANG BA'I DE KHO NA DANG, SHES BYA'I RNAM PA THAMS CAD LA 'JUG PA SNANG BA'I DE KHO NA DANG, MA NOR BA'I DE BZHIN NYID MNGON PAR BRJOD PA SNANG BA'I DE KHO NA DANG, BDAG TU 'DZIN PA'I GZHI LA DGONGS PA THAMS CAD RTOGS PA SNANG BA'I DE KHO NA'O, ,BSTAN BCOS DBUS DANG MTHA' RNAM PAR 'BYED PA LAS DE KHO NA ZHES BYA BA'I LE'UR BCAD PA GSUM PA'I 'GREL PA'O,, ,,BSTAN BCOS DBUS DANG MTHA' RNAM PAR 'BYED PA'I 'GREL PA, BAM PO GNYIS PA STE THA MA, ,GNYEN PO BSGOM PA NI BYANG CHUB KYI PHYOGS BSGOM PA STE, DE DA BRJOD PAR BYA'O, ,DE LA RE ZHIG DANG POR, GNAS NGAN LEN PHYIR SRED RGYU'I PHYIR, ,GZHI YI PHYIR DANG MA RMONGS PHYIR, ,BDEN PA BZHI LA 'JUG BYA BAS, ,DRAN PA NYE BAR GZHAG PA BSGOM, ,LUS KYIS NI GNAS NGAN LEN RAB TU STON TE, DE wYANG YONGS SU BRTAGS PAS SDUG BSNGAL GYI BDEN PA LA 'JUG GO, , DE'I MTSAN NYID NI GNAS NGAN LEN DANG BCAS PA'I 'DU BYED YIN PA'I PHYIR RO, ,GNAS NGAN LEN NI 'DUD BYED KYI SDUG BSNGAL NYID DE DES ZAG PA DANG BCAS PA'I DNGOS PO THAMS CAD 'PHAGS PAS SDUG BSNGAL DU GZIGS SO, ,SRED PA'I RGYU NI TSOR BA STE, DE LA YONGS SU @16A *, ,BRTAGS PAS KUN 'BYUNG GI BDEN PA LA 'JUG GO, ,BDAG TU MNGON PAR ZHEN PA'I GZHI NI SEMS TE, DE LA YONGS SU BRTAGS PAS 'GOG PA'I BDEN PA LA 'JUG STE, BDAG CHAD PAR DOGS PA'I 'JIGS PA MED PA'I PHYIR RO, ,CHOS LA YONGS SU BRTAGS PAS KUN NAS NYON MONGS PA DANG RNAM PAR BYANG BA'I CHOS LA RMONGS PA MED PA'I PHYIR LAM GYI BDEN PA LA 'JUG GO, ,DE BAS NA BDEN PA BZHI LA 'JUG PAR BYA BA'I PHYIR THOG MAR DRAN PA NYE BAR GZHAG PA BSGOM PA RNAM PAR GZHAG GO, ,DE'I 'OG TU YANG DAG PAR SPONG BA BSGOM PA STE, 'DI LTAR MI MTHUN PHYOGS DANG GNYEN PO RNAMS, ,RNAM PA THAMS CAD YONGS SHES NA, DE DAG SPANG PHYIR BRTZON 'GRUS NI, ,RNAM PA BZHI DAG RAB TU 'BYUNG, ,DRAN PA NYE BAR GZHAG PA BSGOMS PAS MI MTHUN PA'I PHYOGS DANG GNYEN PO RNAM PA THAMS CAD DU YONGS SU SHES NA, MI MTHUN PA'I PHYOGS GSAL ZHING GNYEN PO BSKYED PA'I PHYIR BRTZON 'GRUS RNAM PA BZHI RAB TU 'BYUNG STE, SDIG PA MI DGE BA'I CHOS SKYES PA RNAMS SPANG BA'I PHYIR ZHES RGYA CHER 'BYUNG BA'O, ,DER GNAS LAS SU RUNG BA NYID, ,DON RNAMS THAMS CAD 'BYOR PAR 'GYUR, ,NYES PA LNGA SPONG 'DU BYED BRGYAD, ,BRTEN PA'I RGYU LAS BYUNG BA'O, ,DE SPANG BA'I PHYIR BRTZON 'GRUS RTZOM PA DE LA SEMS GNAS PA'I LAS SU RUNG BA NYID NI RDZU 'PHRUL GYI RKANG PA BZHI PO DAG STE, DON THAMS CAD 'BYOR BA'I RGYU YIN PA'I PHYIR RO, ,GNAS PA NI 'DIR SEMS GNAS PA STE TING NGE 'DZIN DU RIG PAR BYA'O, ,DE'I PHYIR YANG DAG PAR SPANG BA'I 'OG TU RDZU 'PHRUL GYI RKANG PA RNAMS SO, ,LAS SU RUNG BA DE YANG NYES PA LNGA SPANG BA'I PHYIR SPONG BA'I 'DU BYED BRGYAD BSGOM PA'I RGYU LAS BYUNG BAR RIG PAR BYA'O, ,NYES PA LNGA PO DE DAG GANG ZHE NA, GSUNGS PA, LE LO DANG NI GDAMS NGAG RNAMS, ,BRJED DANG BYING DANG RGOD PA DANG, ,'DU MI BYED DANG 'DU BYED DE, ,'DI DAG NYES PA LNGAR 'DOD DO, ,DE LA BYING BA DANG RGOD PA NI NYES PA GCIG TU BSDU'O, ,BYING BA DANG RGOD PA RAB TU ZHI BAR BYA BA'I DUS NA MNGON PAR @16B 'DU MI BYED NA NYES PA'O, ,RAB TU ZHI BA'I TSE NI MNGON PAR 'DU BYED PA'O, ,DE DAG SPANG BA'I PHYIR SPONG BA'I 'DU BYED BRGYAD JI LTAR RNAM PAR GZHAG CE NA, LE LO SPANG BA'I PHYIR BZHI STE, 'DUN PA DANG, RTZOL BA DANG, DAD PA DANG, SHIN TU SBYANGS PA'O, ,DE DAG KYANG GO RIMS BZHIN DU RIG PAR BYA STE, GNAS DANG DE LA GNAS PA DANG, RGYU DANG 'BRAS BU NYID DU'O, ,RTZOL BA'I GNAS NI 'DUN PA'O, ,GNAS PA NI RTZOL BA'O, ,GNAS 'DUN PA DE'I RGYU NI DAD PA STE, YID CHES PAR GYUR NA MNGON PAR 'DOD PA'I PHYIR RO, ,GNAS RTZOL BA DE'I 'BRAS BU NI SHIN TU SBYANGS PA STE, BRTZON 'GRUS BRTZAMS PAS TING NGE 'DZIN GYI KHYAD PAR THOB PA'I PHYIR RO, ,SPONG BA'I 'DU BYED LHAG MA BZHI NI DRAN PA DANG, SHES BZHIN DANG, SEMS PA DANG, BTANG SNYOMS TE NYES PA BZHI'I GNYEN POR GRANGS BZHIN NO, ,DE DAG KYANG DRAN PA LA SOGS PAR RIG PAR BYA STE GO RIMS BZHIN NO, ,DMIGS PA BRJED PAR MA GYUR DANG, ,BYING DANG RGOD PA RTOGS PA DANG, ,DE SPONG MNGON PAR 'DU BYED DANG, ,ZHI TSE RNAL DU 'JUG PA'O, ,DRAN PA NI DMIGS PA MA BRJED PA'O, ,SHES BZHIN NI DRAN PA MA BRJED PAR GYUR NA BYING BA DANG RGOD PA RTOGS PA'O, ,RTOGS NAS DE DANG 'BRAL BA'I PHYIR MNGON PAR 'DU BYED PA NI SEMS PA'O, ,BYING BA DANG RGOD PA DE NYE BAR ZHI BAR GYUR PA NA RNAL DU 'JUG PA NI SEMS BTANG SNYOMS SU BYED PA'O, ,RDZU 'PHRUL GYI RKANG PA'I 'OG TU DBANG PO RNAMS TE DAD PA LA SOGS PA'O, ,DE DAG LAS JI LTAR RNAM PAR GZHAG CE NA, THAR PA'I CHA DANG MTHUN BSKYED NAS, ,'DUN DANG SBYOR BA DBANG BYED DANG, ,DMIGS PA BRJED PAR MA GYUR DANG, ,MI 'PHRO RNAM PAR 'BYED KYANG NGO, ,DBANG BYED PA ZHES BYA BAR SNYEGS SO, ,RDZU 'PHRUL GYI RKANG PA RNAMS KYI SEMS LAS SU RUNG BA DANG, THAR BA'I CHA DANG MTHUN PA'I DGE BA'I RTZA BA BSKYED NAS, 'DUN PA NI DBANG BYED PA, SBYOR BA NI DBANG BYED PA, DMIGS PA NA BRJED PA NI DBANG BYED PA, MI 'PHRO BA NI DBANG BYED PA, ,RAB TU RNAM PAR 'BYED PA NI DBANG BYED PA STE, @17A *, ,DAD PA LA SOGS PA DBANG PO LNGA DAG DANG GO RIMS BZHIN DU RIG PAR BYA'O, ,DAD PA LA SOGS PA DE DAG NYID STOBS DANG LDAN PAR 'GYUR BA LA STOBS RNAMS ZHES BYA STE, DE DAG MI MTHUN PHYOGS NI SRAB PA'I PHYIR, STOBS LDAN GANG GI TSE DE DAG NYID MA DAD PA LA SOGS PA MI MTHUN PA'I PHYOGS DANG MI 'DRE BA NA'O, ,CI'I PHYIR DAD PA LA SOGS PA SNGA PHYIR BSTAN ZHE NA, 'DI LTAR SNGA MA'I 'BRAS BU PHYI MA YIN, RGYU DANG 'BRAS BU LA DAD PAR GYUR BA'I RGYUS 'BRAS BU LA BRTZON 'GRUS RTZOM MO, ,BRTZON 'GRUS BRTZAMS PAS NI DRAN PA NYE BAR GNAS SO, ,DRAN PA NYE BAR GNAS PAS NI SEMS MNYAM PAR 'JOG GO, ,SEMS MNYAM PAR GZHAG PAS NI YANG DAG PA JI LTA BA BZHIN DU RAB TU SHES SO, ,THAR PA'I CHA DANG MTHUN PA BSKYED ZIN NAS DBANG PO RNAMS BSTAN NA, NGES PAR 'BYED PA'I CHA DANG MTHUN PA RNAMS CI DBANG PO'I DUS LA RIG PAR BYA 'AM, 'ON TE STOBS KYI DUS LA RIG PAR BYA ZHE NA, DBANG PO RNAMS DANG STOBS RNAMS LA, ,DES 'BYED CHA MTHUN GNYIS GNYIS SO, ,DRO BAR GYUR PA RNAMS DANG RTZE MO DAG GI TSE NI DBANG PO RNAMS SO, ,BZOD PA DAG DANG 'JIG RTEN PA'I CHOS KYI MCHOG RNAMS KYI TSE NI STOBS RNAMS SO, ,STOBS KYI 'OG TU BYANG CHUB KYI YAN LAG RNAMS TE, DE DAG JI LTAR RNAM PAR GZHAG CE NA, RANG BZHIN YAN LAG GNAS YAN LAG ,GSUM PA NGES 'BYUNG YAN LAG STE, ,BZHI PA PHAN YON YAN LAG YIN, ,RNAM GSUM NYON MONGS MED YAN LAG ,MTHONG BA'I LAM LA BYANG CHUB KYI YAN LAG TU GYUR PA DAG NI BYANG CHUB KYI YAN LAG RNAMS SO, ,DE LA DRAN PA NI BYANG CHUB KYI GNAS KYI YAN LAG GO, ,CHOS RNAM PAR 'BYED PA NI RANG BZHIN GYI YAN LAG GO, ,BRTZON 'GRUS NI NGES PAR 'BYUNG BA'I YAN LAG GO, ,DGA' BA NI PHAN YON GYI YAN LAG GO, ,RNAM PA GSUM NI KUN NAS NYON MONGS PA MED PA'I YAN LAG STE, SHIN TU SBYANGS PA DANG, TING NGE 'DZIN DANG, BTANG SNYOMS SO, ,CI'I PHYIR KUN NAS NYON MONGS PA MED PA'I YAN LAG RNAM PA GSUM DU BSTAN ZHE NA, 'DI LA GZHI DANG GNAS DANG NI, , @17B NGO BO NYID DU BSTAN PA YIN, ,KUN NAS NYON MONGS PA NI GNAS NGAN LEN GYI RGYU LAS BYUNG BA'I PHYIR RO, ,SHIN TU SBYANGS PA NI KUN NAS NYON MONGS PA MED PA'I GZHI STE, DE NI DE'I GNYEN PO YIN PA'I PHYIR RO, ,TING NGE 'DZIN NI GNAS SO, ,BTANG SNYOMS NI NGO BO NYID DO, ,BYANG CHUB KYI YAN LAG GI 'OG TU LAM GYI YAN LAG RNAMS TE, DE DAG JI LTAR RNAM PAR GZHAG CE NA, YONGS SU GCOD DANG GO BYED DANG, ,RNAM GSUM GZHAN YID CHES PAR BYED, ,MI MTHUN PHYOGS KYI GNYEN POR NI, ,LAM GYI YAN LAG DE BRGYAD DO, ,YANG DAG PA'I LTA BA NI BSGOM PA'I LAM GYI TSE MTHONG BA'I LAM LA YONGS SU GCOD PA'I YAN LAG STE, 'JIG RTEN LAS 'DAS PA'I RJES LAS THOB PA 'JIG RTEN PA DES RANG GI RTOGS PA YONGS SU GCOD DO, ,YANG DAG PA'I RTOG PA DANG, YANG DAG PA'I NGAG NI GZHAN GO BAR BYED PA'I YAN LAG STE, KUN SLONG BA DANG BCAS PAS NGAG GI DE GO BAR BYED PA'I PHYIR RO, ,GZHAN YID CHES PAR BYED PA'I YAN LAG NI RNAM PA GSUM STE, YANG DAG PA'I NGAG DANG, LAS KYI MTHA' DANG, 'TSO BA'O, ,DE DAG KYANG GO RIMS BZHIN DU, LTA DANG TSUL KHRIMS YO BYAD BSNYUNGS, ,GZHAN LA RNAM PAR RIG BYED 'DOD, ,YANG DAG PA'I NGAG GIS BSNYAD PA DANG, 'BREL PA'I GTAM RNAM PAR NGES PAS SHES RAB LA YID CHES PAR 'GYUR RO, ,YANG DAG PA'I LAS KYI MTHA' NI TSUL KHRIMS LA STE, BYA BA MA YIN PA MI BYED PA'I PHYIR RO, ,YANG DAG PA'I 'TSO BAS NI YO BYAD BSNYUNGS PA LA STE, CHOS KYIS GAS LA SOGS PA TSOD ZIN PAR TSOL BA'I PHYIR RO, ,MI MTHUN PA'I PHYOGS KYI GNYEN PO'I YAN LAG NI RNAM PAR GSUM STE, YANG DAG PA'I RTZOL BA DANG, DRAN PA DANG, TING NGE 'DZIN TO, ,DE DAG NI GO RIMS BZHIN DU, NYON MONGS NYE BA'I NYON MONGS DBANG, ,MI MTHUN PHYOGS KYI GNYEN PO'O, ,MI MTHUN PHYOGS NI RNAM PA GSUM STE, BSGOM PAS SPANG BAR BYA BA'I NYON MONGS PA DANG, NYE BA'I NYON MONGS PA BYING BA DANG, RGOD PA'I DBANG GIS MI MTHUN PA'I PHYOGS TE, YON TAN @18A *, ,KHYAD PAR CAN MNGON PAR SGRUB PA'I GEGS SU GYUR PA'O, ,DE LA DANG PO'I GNYEN PO NI YANG DAG PA'I RTZOL BA STE, DES LAM BSGOM PA'I PHYIR RO, ,GNYIS PA NI YANG DAG PA'I DRAN PA STE, ZHI GNAS LA SOGS PA'I RGYU RNAMS LA DRAN PA SHIN TU NYE BAR GNAS PAS BYING BA DANG RGOD PA MED PA'I PHYIR RO, ,GSUM PA NI YANG DAG PA'I TING NGE 'DZIN TE, BSAM GTAN LA GNAS NAS MNGON PAR SHES PA LA SOGS PA YON TAN MNGON PAR BSGRUB PA'I PHYIR RO, ,GNYEN PO BSGOM PA DE MDOR BSU NA RNAM PA GSUM DU RIG PAR BYA STE, RJES SU MTHUN LA PHYIN CI LOG, ,RJES SU 'BREL BCAS BZLOG PA DANG, ,PHYIN CI MA LOG PHYIN CI LOG ,RJES SU 'BREL MED BSGOM PA'O, ,PHYIN CI MA LOG PA'I RJES SU MTHUN LA PHYIN CI LOG PA DANG, PHYIN CI LOG MED LA PHYIN CI LOG RJES SU 'BREL PA DANG, PHYIN CI LOG KYANG MED LA PHYIN CI LOG RJES SU 'BREL BA YANG MED PA STE, SO SO'I SKYE BO DANG, SLOB PA DANG, MI SLOB PA DANG, GO RIMS BZHIN NO, ,BYANG CHUB SEMS DPA' RNAMS KYI NI, ,DMIGS DANG YID LA BYED PA DANG, ,THOB PAS DE NI KHYAD PAR 'PHAGS TE, NYAN THOS DANG RANG SANGS RGYAS RNAMS NI RANG GI RGYUD DU GTOGS PA'I LUS LA SOGS PA LA DMIGS SO, ,BYANG CHUB SEMS DPA' RNAMS NI BDAG DANG GZHAN GYI RGYUD DU GTOGS PA RNAMS SO, ,NYAN THOS DANG RANG SANGS RGYAS RNAMS NI LUS LA SOGS PA MI RTAG PA LA SOGS PA'I RNAM PAR YID LA BYED DO, ,BYANG CHUB SEMS DPA' RNAMS NI MI DMIGS PA'I TSUL RNAM PAR YID LA BYED DO, ,NYAN THOS DANG RANG SANGS RGYAS RNAMS NI CI NAS KYANG LUS LA SOGS PA DANG BRAL BAR BYA BA'I PHYIR DRAN PA NYE BAR GZHAG PA LA SOGS PA BSGOM MO, ,BYANG CHUB SEMS DPA' RNAMS NI 'BRAL BAR BYA BA'I PHYIR YANG MA YIN, MI 'BRAL BAR BYA BA'I PHYIR YANG MA YIN GYI, CI NAS KYANG MI GNAS PA'I MYA NGAN LAS 'DAS PA'I PHYIR BSGOM MO, ,GNYEN PO BSGOM PA BSHAD ZIN TO, ,DE'I GNAS GANG ZHE NA, @18B RGYU YI GNAS DANG ZHUGS PA DANG, ,SBYOR DANG 'BRAS BU BRJOD PA DANG, ,BYA DANG BYA MED KHYAD PAR DANG, ,DE NI BLA MA BLA NA MED, ,MOS PA DANG NI 'JUG PA DANG, ,NGES PAR 'BYUNG DANG LUNG BSTAN DANG, ,BRJOD PA DANG NI DBANG BSKUR DANG, ,PHYIN PA DANG NI PHAN YON DANG, ,BYA BA BSGRUB PA BSTAN PA'O, ,DE LA RGYU'I GNAS NI GANG RIGS LA GNAS PA'I GANG ZAG GO, ,GZHUGS PA'I GNAS NI SEMS BSKYED PA'O, ,SBYOR BA'I GNAS NI SEMS BSKYED NAS 'BRAS BU MA THOB TSUN CHAD DO, ,'BRAS BU'I GNAS NI THOB PA'O, ,BYA BA BCAS PA'I GNAS NI SLOB PA'O, ,BYA BA MED PA'I GNAS NI MI SLOB PA'O, ,KHYAD PAR GYI GNAS NI MNGON PAR SHES PA LA SOGS PA'I YON TAN GYI KHYAD PAR DANG LDAN PA'O, ,BLA MA'I GNAS NI NYAN THOS LA SOGS PA BAS SAR ZHUGS PA'I BYANG CHUB SEMS DPA'O, ,BLA NA MED PA'I GNAS NI SANGS RGYAS TE, DE'I GONG NA GNAS MED PA'I PHYIR RO, ,MOS PA'I GNAS NI BYANG CHUB SEMS DPA' RNAMS KYI MOS PAS SPYOD PA'I SA THAMS CAD DO, ,'JUG PA'I GNAS NI SA DANG PO'O, ,NGES PAR 'BYUNG BA'I GNAS NI DE'I GONG MAS DRUG PO DAG GO, ,LUNG BSTAN PA'I GNAS NI SA BRGYAD PA'O, ,BRJOD PA'I GNAS NI SA DGU PA'O, ,DBANG BSKUR BA'I GNAS NI SA BCU PA'O, ,PHYIN PA'I GNAS NI SANGS RGYAS KYI CHOS KYI SKU'O, ,PHAN YON GYI GNAS NI LONGS SPYOD RDZOGS PA'I SKU'O, ,BYA BA SGRUB PA'I GNAS NI SPRUL PA'I SKU'O, ,GNAS RNAM PA MANG PO 'DI DAG THAMS CAD KYANG MDOR BSDU NA, CHOS KYI DBYANGS LA RNAM GSUM STE, ,ZHES BYA BAR RIG PAR BYA STE, MA DAG MA DAG DAG PA DANG, ,RNAM PAR DAG PAR CI RIGS SBYAR, ,DE LA MA DAG PA'I GNAS NI RGYU'I GNAS NAS NYE BAR GZUNG STE, SBYOR BA PA'I BAR DU'O, ,MA DAG PA DANG DAG GNAS NI SLOB PA RNAMS SO, ,RNAM PAR DAG PAI' GNAS NI MI SLOB PA RNAMS SO, ,'DI LAS JI LTAR 'OS 'OS SU, ,GANG ZAG RNAM PAR GZHAG PAR 'DOD, ,GNAS RAB TU DBY BA 'DI LAS @19A *, ,CI RIGS PAR GANG ZAG RNAMS RNAM PAR GZHAG PAR RIG PAR BYA STE, 'DI NI RIGS LA GNAS PA'O, ,'DI NI ZHUGS PA'O ZHES BYA BA LA SOGS PA'O, ,GNAS BSHAD ZIN TO, ,'BRAS BU THOB PA GANG ZHE NA, SNOD GYUR RNAM PAR SMIN BRJOD DANG, ,DE YI DBANG GIS STOBS DANG NI, ,'DOD DANG 'PHEL DANG RNAM DAG STE, ,DE DAG 'BRAS BU GO RIMS BZHIN, ,SNOD DU GYUR PA DE NI GANG DGE BA DANG RJES SU MTHUN PA'I RNAM PAR SMIN PA'O, ,STOBS NI GANG SNOD DU GYUR PA'I DBANG GIS DGE BA SHAS CHER GYUR PA'O, ,'DOD PA NI SNGON GOMS PAR BYAS PAS DGE BA 'DOD PA'O, ,'PHEL BA NI GANG DA LTAR BYUNG BA NA DGE BA'I CHOS LA GOMS PAR BYAS PAS DGE BA'I RTZA BA RGYAS PA'O, ,RNAM PAR DAG PA NI GANG SGRIB PA SPANGS PA'O, ,'DI DAG NI 'BRAS BU RNAM PA LNGA DANG GO RIMS BZHIN TE, RNAM PAR SMIN PA'I 'BRAS BU DANG, BDAG PO'I 'BRAS BU DANG, RGYU MTHUN PA'I 'BRAS BU DANG, SKYES BU BYED PA'I 'BRAS BU DANG, BRAL BA'I 'BRAS BU'O, ,PHYI MA PHYI MA THOG MA DANG, ,DE GOMS BYAS DANG RDZOGS PA'O, ,RJES SU MTHUN DANG MI MTHUN PHYOGS, ,BRAL BA DANG NI KHYAD PAR DANG, ,BLA MA DANG NI BLA NA MED, ,'BRAS BU GZHAN TE MDOR BSDUS PA'O, ,PHYI MA PHYI MA'I 'BRAS BU NI RIGS LAS SEMS BSKYED PA ZHES BYA BA DE LTA BU LA SOGS PA'O, ,GCIG NAS GCIG TU BRGYUD PAR RIG PAR BYA'O, ,THOG MA'I 'BRAS BU NI DANG POR 'JIG RTEN LAS 'DAS PA'I CHOS THOB PA'O, ,GOMS PAR BYAS PA'I 'BRAS BU NI DE'I PHA ROL SLOB PA'I GNAS SO, ,RDZOGS PA'I 'BRAS BU NI MI SLOB PA'I CHOS RNAMS SO, ,RJES SU MTHUN PA'I 'BRAS BU NI RGYU'I DNGOS POS PHYI MA 'BRAS BU NYID DU RIG PAR BYA'O, ,MI MTHUN PA'I PHYOGS KYI 'BRAS BU NI SPONG BA'I LAM STE, THOG MA'I 'BRAS BU GANG YIN PA DE NYID DE, DE NI MI MTHUN PA'I PHYOGS GNYEN PO LA BYA BAR 'DOD DO, ,BRAL BA'I 'BRAS BU NI GOMS PAR BYAS PA'I 'BRAS BU DANG RDZOGS PA'I 'BRAS BU STE, NYON MONGS PA DANG BRAL BAR NI SLOB PA DANG MI SLOB PA DANG GO @19B RIMS BZHIN NO, ,KHYAD PAR GYI 'BRAS BU NI MNGON PAR SHES PA LA SOGS PA YON TAN GYI KHYAD PAR RO, ,BLA MA'I 'BRAS BU NI BYANG CHUB SEMS DPA'I SA RNAMS TE, DE MA YIN PA'I THEG PA LAS BLA MAR GYUR PA'I PHYIR RO, ,BLA NA MED PA'I 'BRAS BU NI SANGS RGYAS KYI SA'O, , BZHI PO 'DI DAG NI GOMS PAR BYAS PA DANG, RDZOGS PA'I 'BRAS BU'I RAB TU DBYE BA NYID DO, ,'BRAS BU GZHAN 'DI DAG NI MDOR BSTAN PA STE, RGYAS PAR BYA BA DPAG TU MED DO, ,DE LA GNYEN PO SGOM PA'I DON BSDUS PA NI BYANG BAR BYA BA'I SGOM PA DANG, BSRABS PA'I SGOM PA DANG; YONGS SU SBYANG BAR BYA BA'I SGOM PA DANG, GONG MA YANG DAG PAR RTZOM PA'I SGOM PA DANG, MTHONG BA'I LAM DANG 'DRE BA'I PHYIR 'DRE BA'I SGOM PA DANG, ZHUGS PA'I SGOM PA DANG, MCHOG GI SGOM PA DANG, THOG MA'I SGOM PA DANG, BAR MA'I SGOM PA DANG, MTHA'I SGOM PA DANG, BLA MA DANG BCAS PA'I SGOM PA DANG, BLA NA MED PA'I SGOM PA STE, GANG DMIGS PA DANG, YID LA BYED PA DANG, THOB PA KHYAD PAR DU 'PHAGS PA'O, ,GNAS RNAMS KYI DON BSDUS PA NI RIGS LA GNAS PA'I SKAL PA YOD PA'I GNAS DANG, SEMS BSKYED NAS BZUNG STE, SBYOR BA'I BAR DU RTZOM PA'I GNAS DANG, MA DAG PA DAG PA'I GNAS DANG, SHIN TU DAG PA'I GNAS DANG, RGYAN DANG BCAS PA'I GNAS DANG, SA BCU KHYAB PA'I PHYIR KHYAD PAR BYA BA'I GNAS DANG, BLA NA MED PA'I GNAS SO, ,'BRAS BU RNAMS KYI DON BSDUS PA NI BSDUS PA DANG, DE'I BYE BRAG DANG, SNGON GOMS PAR BYAS PA DANG, GONG NAS GONG DU BSGRUB PA DANG, BSTAN PA DANG, BSHAD PA'O, ,DE LA BSDUS PA NI 'BRAS BU LNGA'O, ,DE'I BYE BRAG NI LHAG MA RNAMS SO, ,SNGON GOMS PAR BYAS PA NI RNAM PAR SMIN PA'I 'BRAS BU'O, ,DE GONG NAS GONG DU BSGRUB PA NI DE MA YIN PA GZHAN BZHI'O, ,BSTAN PA NI PHYI MA PHYI MA'I 'BRAS BU LA SOGS PA BZHI'O, ,BSHAD PA NI RJES SU MTHUN PA'I 'BRAS BU LA SOGS PA DRUG STE, DE DAG NYID BSHAD PA'I PHYIR RO, ,BSTAN @20A *, ,BCOS DBUS DANG MTHA' RNAM PAR 'BYED PA LAS GNYEN PO BSGOM PA ZHES BYA BA'I LE'UR BCAD PA BZHI BA'I 'GREL PA'O,, ,,DA NI THEG PA BLA NA MED PA BSHAD DGOS PAS DE BRJOD DO, ,BLA MED NYID NI SGRUB PA DANG, ,DMIGS PA DANG NI YANG DAG 'GRUB, ,BSTAN PA YIN PAR 'DOD PA'O, ,THEG PA CHEN PO BLA NA MED PA NYID RNAM PA GSUM STE, DES BLA NA MED PA NYID DU 'GYUR RO, ,SGRUB PA BLA NA MED PA NYID DANG, DMIGS PA BLA NA MED PA NYID DANG, YANG DAG PAR 'GRUB PA BLA NA MED PA NYID DO, ,DE LA SGRUB PA BLA NA MED PA NYID NI PHA ROL TU PHYIN PA BCU BSGRUB PAR RIG PAR BYA'O, ,SGRUB PA DAG NI RNAM DRUG STE, ,PHA ROL TU PHYIN PA DE DAG LA'O, ,DAM PA DANG NI YID BYED DANG, ,RJES MTHUN CHOS MTHA' SPANGS PA DANG, ,KHYAD PAR CAN DANG KHYAD PAR MED, ,RNAM PA DRUG PO 'DI DAG NI SGRUB PA STE, 'DI LTAR DAM PAR SGRUB PA DANG, YID LA BYED PA LA SGRUB PA DANG, RJES SU MTHUN PA'I CHOS SGRUB PA DANG, ,MTHA' GNYIS RNAM PAR SPANGS PA SGRUB PA DANG, KHYAD PAR CAN SGRUB PA DANG, KHYAD PAR MED PA SGRUB PA'O, ,DE LA, DAM PA BCU GNYIS BDAG NYID DE, ,RGYA CHE BA DANG YUN RING DANG, ,CHED DU BYA BA DANG MI ZAD DANG, ,RGYUN MI 'CHAD DANG TSEGS MED DANG; ,DBANG 'BYOR BA DANG YONGS GZUNG DANG, ,RTZOM DANG THOB DANG RGYU MTHUN DANG, ,'GRUB PA DAM PAR 'DOD PA YIN, ,RNAM PA BCU GNYIS LO 'DI DAG NI DAM PA STE, 'DI LTAR RGYA CHE BA DAM PA DANG, YUN RING BA DAM PA DANG, CHED DU BYA BA DAM PA DANG, ZAD MI SHES PA DAM PA DANG, RGYUN MI 'CHAD PA DAM PA DANG, TSEGS MED PA DAM PA DANG, DBANG 'BYOR BA DAM PA DANG, YONGS SU GZUNG BA DAM PA DANG, RTZOM PA DAM PA DANG, RAB TU THOB PA DAM PA DANG, RGYU MTHUN PA DAM PA DANG, 'GRUB PA DAM PA'O, ,DE LA RGYA CHE BA DAM PA NI, 'JIG RTEN GYI PHUN SUM TSOGS PA THAMS CAD MI 'DOD PA DANG MCHOG TU RIG PAR BYA'O, ,YUN RING PA DAM PA NI BSKAL PA GRANGS MED PA GSUM DU YONGS SU BSGOMS PA'I PHYIR RO, ,CHE DU BYA BA DAM PA NI SEMS CAN THAMS CAD KYI DON BYA BA'I CHED KYI PHYIR RO, ,ZAD MI SHES PA DAM PA NI BYANG CHUB CHEN POR YONGS SU BSNGOS @20B PAS GTAN DU YONGS SU GTUGS PAR MI 'GYUR BA'I PHYIR RO, ,RGYUN MI 'CHAD PA'I DAM PA NI BDAG GZHAN MNYAM PA NYID DU MOS PA'I PHYIR TE, SEMS CAN THAMS CAD LA SBYIN PA LA SOGS PAS PHA ROL TU PHYIN PA RNAMS YONGS SU RDZOGS PAR BYED PA'I PHYIR RO, ,TSEGS MED PA DAM PA NI GZHAN GYI SBYIN PA LA SOGS PA LA RJES SU YI RANG BA TZAM GYIS PHA ROL TU PHYIN PA YONGS SU RDZOGS PAR BYED PA'I PHYIR RO, ,DBANG 'BYOR PA DAM PA NI NAM MKHA' MDZOD KYI TING NGE 'DZIN LA SOGS PA SBYIN PA LA SOGS PA YONGS SU RDZOGS PAR BYED PA'I PHYIR RO, ,YONGS SU GZUNG BA DAM PA NI RNAM PAR MI RTOG PA'I YE SHES KYIS YONGS SU BZUNG BA'I PHYIR RO, ,RTZOM PA DAM PA NI MOS PA SA SPYOD PA'I SA LA BZOD PA CHER GYUR PA'O, ,'THOB PA DAM PA NI SA DANG PO LA'O, ,RGYU MTHUN PA DAM PA NI DE MA YIN PA GZHAN BRGYAD PO DAG LA'O, ,'GRUB PA DAM PA NI SA BCU PA DANG, DE BZHIN GSHEGS PA'I SA LA BYANG CHUB SEMS DPA' 'GRUB PA DANG, SANGS RGYAS 'GRUB PA'I PHYIR RO, ,DE'I PHYIR DAM PA'I DON GYIS NI, ,PHA ROL GYIN PA BCUR 'DOD DO, ,'DI LTAR DAM PA RNAM PA BCU GNYIS PO 'DI DAG NI DE DAG LA YOD PA'I PHYIR DAM PA ZHES BYA STE, DON 'DIS PHA ROL TU PHYIN PA BCU PO DAG TU 'DOD DO, ,KHA CIG BCU GANG YIN SNYAM DU SEMS PA LA DE DAG GI MING BSTAN PAR BYA BA'I PHYIR, SBYIN DANG TSUL KHRIMS BZOD BRTZON 'GRUS, ,BSAM GTAN DANG NI SHES RAB THABS, ,SLON LAM STOBS DANG YE SHES DANG, ,'DI DAG PHA ROL PHYIN PA BCU, ,ZHES BYA BA BRJOD DO, , 'DI DAG GIS SO SO'I LAS CI ZHE NA, LAS NI RJES SU 'DZIN BYED DANG, ,GNOD MI BYED DANG DE LA BZOD, ,YON TAN 'PHEL DANG 'DZUD NUS DANG, ,RNAM PAR GROL BAR BYA BA DANG, ,MI ZAD PA DANG RTAG 'JUG DANG, ,NGES PAR LONGS SPYOD SMIN PAR BYED, ,'DI DAG NI GO RIMS BZHIN DU DE DAG GI LAS TE, BYANG CHUB SEMS DPA'I SBYIN PAS NI SEMS CAN RNAMS RJES SU 'DZIN TO, ,TSUL KHRIMS KYIS NI DE DAG LA GNOD PAR MI BYED DO, ,BZOD PAS NI GZHAN DAG GIS GNOD PAR BYAS PA LA CI MI SNYAM PAR BYED DO, ,BRTZON 'GRUS KYIS NI YON TAN RNAMS 'PHEL BAR BYED DO, ,BSAM GTAN @21A *, ,GYIS NI RDZU 'PHRUL LA SOGS PAS MGU BAR BYAS TE 'DZUD DO, ,SHES RAB KYIS NI YANG DAG PA'I GDAMS NGAG BYIN PAS RNAM PAR GROL BAR BYED DO, ,THABS LA MKHAS PA'I PHA ROL TU PHYIN PAS NI BYANG CHUB CHEN POR YONGS SU BSNGOS PAS SBYIN PA LA SOGS PA MI ZAD PAR BYED DO, , SMON LAM GYI PHA ROL TU PHYIN PAS NI MTHUN PA'I SKYE BA YONGS SU 'DZIN PAS TSE RABS THAMS CAD DU SANGS RGYAS 'BYUNG BA LA MNYES PAR BYED CING SBYIN PA LA SOGS PA LA RTAG TU 'JUG GO, ,STOBS KYI PHA ROL TU PHIN PAS NI SO SOR RTOG PA DANG, BSGOM PA'I STOBS GNYIS KYIS MI MTHUN PA'I PHYOGS KYIS ZIL GYIS MI NON PA'I PHYIR SBYIN PA LA SOGS PA LA NGES PAR 'JUG GO, ,YE SHES KYI PHA ROL TU PHYIN PAS NI CHOS LA SGRA JI BZHIN DU RMONGS PA DANG BRAL BAS SBYIN PA LA SOGS PA'I DBANG DU MDZAD PA'I CHOS LA LONGS SPYOD PA MYONG BA DANG, SEMS CAN RNAMS KYANG YONGS SU SMIN PAR BYED DO, ,DAM PA BSGRUB PA BSHAD ZIN TO, ,YID LA BYED PA BSGRUB PA GANG ZHE NA, THEG PA CHEN POR CI LTA BUR, ,CHOS RNAMS BTAGS PAR MDZAD PA DANG, ,BYANG CHUB SEMS DPA' RTAG PAR YANG, ,SHES RAB GSUM GYIS YID BYED PA'O, ,SBYIN PA LA SOGS PA'I DBANG DU MDZAD NAS THEG PA CHEN POR MDO LA SOGS PA JI LTAR BTAGS PA'I CHOS RNAMS THOS PA DANG, BSAMS PA DANG, BSGROMS PA LAS BYUNG BA'I SHES RAB KYIS RGYUN DU YID LA BYED PA NI YID LA BYED PA BSGRUB PA'O, ,SHES RAB RNAM PA GSUM GYIS YID LA BYED PA DES YON TAN CI ZHIG THOB CE NA, KHAMS BRTAS BYED DANG 'JUG BYED DANG, ,DE NI DON RNAMS 'GRUB PAR 'GYUR, ,THOS PA LAS BYUNG BA'I SHES RAB KYIS YID LA BYED PAS KHAMS BRTAS PAR 'GYUR RO, ,BSAMS PA LAS BYUNG BAS NI THOS PA DE'I DON LA SNYING NAS 'JUG PAR BYED DO, ,BSGOMS PA LAS BYUNG BAS NI DON 'GRUB PAR 'GYUR TE, SA LA 'JUG PA YONGS SU SBYONG BA'I PHYIR RO, ,DE NI CHOS SPYOD RNAM BCU DANG, ,YANG DAG LDAN PAR SHES PAR BYA, ,YID LA BYED PA SGRUB PA STE, ,DE YANG CHOS SPYOD PA RNAM PA BCUS YONGS SU GZUNG BAR RIG PAR BYA'O, ,CHOS SPYOD RNAM PA BCU GANG ZHE NA, YI GE 'DRI MCHOD SBYIN PA DANG, ,NYAN DANG KLOG DANG LEN PA @21B DANG, ,'CHAD DANG KHA TON BYED PA DANG, ,DE SEMS PA DANG SGOM PA'O, ,THEG PA CHEN PO'I YE GE 'DRI BA DANG, MCHOD PA DANG, GZHAN DGAL SBYIN PA DANG, GZHAN KLOG PA LA NYAN PA DANG, BDAG NYID KLOG PA DANG, LEN PA DANG, TSIG DANG DON 'CHAD PA DANG, KHA TON BYED PA DANG, SEMS PA DANG SGOM PA'O, ,SPYOD PA DE BCU'I BDAG NYID NI, ,BSOD NAMS PHUNG PO DPAG TU MED, ,CI'I PHYIR MDO DAG LAS THEG PA CHEN PO NYID KYI CHOS SPYOD PA NI SHIN TU 'BRAS BU CHE BAR BSTAN GYI, NYAN TYOS KYI THEG PA LA NI MA YIN ZHE NA, RNAM PA GNYIS KYI PHYIR TE, KHYAD PAR PHYIR DANG MI ZAD PHYIR, ,KHYAD PAR PHYIR NI CI LTA BU, ,MI ZAD PA'I PHYIR CI LTA BU ZHE NA, GZHAN LA PHAN 'DOGS MA ZHI'I PHYIR, ,GZHAN LA PHAN 'DOGS PAR ZHUGS PA'I PHYIR KHYAD PAR DU 'PHAGS SO, ,YONGS SU MYA NGAN LAS 'DAS PA NA YANG ZHI BA MED CING RGYUN MI 'CHAD PA'I PHYIR MI ZAD PAR RIG PAR BYA'O, ,YID LA BYED PA BSGRUB PA BSHAD ZIN TO, ,RJES SU MTHUN PA'I CHOS BSGRUB PA GANG ZHE NA, MI G-YENG PHYIN CI MA LOG PAR, ,GYUR PA RJES SU MTHUN PA'I CHOS, ,RNAM PA 'DI GNYIS NI RJES SU MTHUN PA'I CHOS SGRUB PA STE, 'DI LTAR RNAM PAR MI G-YENG BA DANG PHYIN CI MA LOG PAR GYUR PA'O, ,DE LA RNAM PAR MI G-YENG BA RNAM PA DRUG MED PA'I PHYIR MI G-YENG BA'O, ,G-YENG BA RNAM PA DRUG NI, RANG BZHIN GYIS RNAM PAR G-YENG BA DANG, PHYI ROL TU RNAM PAR G-YENG BA DANG, NANG GI RNAM PAR G-YENG BA DANG, MTSAN MA'I RNAM PAR G-YENG BA DANG, GNAS NGAN LEN GYI RNAM PAR G-YENG BA DANG, YID LA BYED PA'I RNAM PAR G-YENG BA'O, ,'DI DAG GI MTSAN NYID CI LTA BUR RIG PAR BYA ZHE NA, LDANG DANG YUL LA 'JUG PA DANG, ,DE BZHIN RO MYANG BYING DANG RGOD, ,YID CHES PA YI BSAM PA DANG, ,YID LA BYED PA NGAR 'DZIN DANG, ,CHUNG NGU'I SEMS NI G-YENG BA STE, ,BLO LDAN RNAMS KYIS SHES PAR BYA, ,RNAM PAR G-YENG BA RNAM PA DRUG GI MTSAN NYID NI DE LTA BU YIN TE, DE BYANG CHUB SEMS DPAS YONGS SU SHES PAR BYA'O, ,DE LA LDANG BA NI RNAM PAR SHES PA'I TSOGS LNGA RNAMS KYIS TING NGE 'DZIN LAS LDANG BA STE, RANG BZHIN GYIS RNAM PAR G-YENG BA'O, ,YUL LA 'JUG PA NI PHYI ROL TU RNAM PAR G-YENG BA'O, ,TING NGE 'DZIN GYI RO MYANG BA DANG, BYING BA DANG, RGOD PA NI NANG GI @22A *, ,RNAM PAR G-YENG BA'O, ,YID CHES PA'I BSAM PA NI MTSAN MA'I RNAM PAR G-YENG BA STE, DE MTSAN MAR BYAS NAS SBYOR BA'I PHYIR RO, ,NGAR 'DZIN PA DANG BCAS PA'I YID LA BYED PA NA GNAS NGAN LEN GYI RNAM PAR G-YENG BA STE, GNAS NGAN LEN GYI DBANG GIS NGA'O SNYAM PA'I NGA RGYAL KUN TU 'BYUNG BA'I PHYIR RO, ,DMAN PA'I SEMS NI YID LA BYED PA'I RNAM PAR G-YENG BA STE, THEG PA DMAN PA YID LA BYED PA KUN TU 'BYUNG BA'I PHYIR RO, ,DE LA PHYIN CI MA LOG PA'I DNGOS PO NI RNAM PA BCUS RIG PAR BYA STE, 'DI LTA STE, YI GE DON DANG YID BYED DANG, ,MI 'PHRO BA DANG MTSAN NYID GNYIS, , MA DAG DAG DANG GLO BUR DANG, ,MI SDANG BA DANG KHENGS PA MED, ,DE LA, 'BREL BA'I PHYIR DANG 'DRIS PHYIR DANG, ,MA 'BREL PHYIR DANG MA 'DRIS PHYIR, ,DON YOD PA DANG MED PA STE, ,DE NI YI GE MA LOG PA'O, ,YI GE RNAMS DANG 'BREL TE RGYUN MI 'CHAD PAR BRJOD PA DANG, 'DI'I MING NI 'DI ZHES BYA'O ZHES 'DRIS PAS DON YOD PA NYID DO, ,BZLOG PA NI DON MED PA NYID DO ZHES DE LTAR MTHONG BA GANG YIN PA DE NI YI GE LA PHYIN CI MA LOG PAR RIG PAR BYA'O, ,DON LA PHYIN CI MA LOG PA JI LTA BU ZHE NA, GNYIS SU SNANG BAR GYUR PA NI, ,DE LTAR YOD PA MA YIN TE, ,DE NI DON LA MA LOG PAR, ,YOD DANG MED PA RNAM PAR SPANGS, ,GNYIS NI GZUNG BA DANG 'DZIN PAR SNANG BA STE DE'I RNAM PHAR 'BYUNG BA'I PHYIR RO, ,JI LTAR SNANG BA DE LTAR NI YOD PA MA YIN TE, DE LTAR DON LA MTHONG BA GANG YIN PA DE NI DE LA PHYIN CI MA LOG PA'O, ,DON GYI YOD PA SPANGS PA NI GZUNG BA DANG 'DZIN PA DNGOS PO MED PA'I PHYIR RO, ,MED PA SPANGS PA NI DER SNANG BA'I 'KHRUL PA YOD PA'I PHYIR RO, ,RTOG PA DE YIS BSGOS PA YI, ,RTOG PA YID BYED DE'I GNAS NI, ,YID LA BYED PA MA LOG PA, ,GNYIS SU SNANG BA'I RGYU LA'O, ,GZUNG BA DANG 'DZIN PAR RTOG PAS YONGS SU BSGOS PA NI RTOG PA'I YID LA BYED PA STE, GZUNG BA DANG 'DZIN PA RNAM PAR RTOG PA DE'I RTEN YIN PAS, 'DI NI YID LA BYED PA LA PHYIN CI MA LOG PA'O, ,YID LA BYED PA GANG LA PHYIN CI MA LOG CE NA, GZUNG BA DANG 'DZIN PA GNYIS SU SNANG BA'I RGYU LA STE, RTOG PA YID LA BYED PA DE NI BRJOD PA'I 'DU SHES KYIS YONGS SU BSGOS PA'I PHYIR RO, ,DON GYI MED DANG YOD PA STE, ,SGYU MA LA SOGS BZHIN DU 'DOD, , @22B DE NI MI 'PHRO MA LOG STE, ,YOD DANG MED PA MI 'PHRO'I PHYIR, ,DON GYI MED PA DANG YOD PA GONG DU BSHAD MA THAG PA GANG YIN PA DE NI SGYU MA LA SOGS PA BZHIN DU 'DOD DE, DPER NA SGYU MA'I GLANG PO CHE LA SOGS PA'I DNGOS POR YOD PA YANG MA YIN LA, DE'I 'KHRUL PA TZAM DU YOD PA'I PHYIR MED PA YANG MA YIN NO, ,DE BZHIN DU DON KYANG JI LTAR GZUNG BA DANG 'DZIN PAR SNANG BA LTAR YOD PA MA YIN LA, DE LA 'KHRUL PA TZAM DU YOD PA'I PHYIR MED PA YANG MA YIN NO, ,SOGS PA ZHES BYA BA'I SGRAS NI SMIG RGYU DANG, RMI LAM DANG CHU ZLA LA SOGS PA'I DPE RNAMS TE CI RIGS SU RIG PAR BYA'O, ,DE LTAR DON LA SGYU MA LA SOGS PA LTA BUR MTHONG NAS SEMS MI 'PHRO BAR MTHONG BA GANG YIN PA DE NI MI 'PHRO BA LA PHYIN CI MA LOG PA STE, DES YOD PA DANG MED PA LA SEMS 'PHRO BA MED PA'I PHYIR RO, ,RTOG PA THAMS CAD MI 'JUG PHYIR, ,THAMS CAD MING TZAM KHO NA STE, ,RANG GI MTSAN NYID MA LOG PA'O, ,GANG 'DI MIG DANG GZUGS RNAMS NAS, YID DANG CHOS RNAMS ZHES BYA BA'I BAR 'DI DAG THAMS CAD NI MING TZAM MO ZHES DE LTAR GANG SHES PA NI RNAM PAR RTOG PA THAMS CAD KYI GNYEN PO YIN PAS 'DI NI RANG GI MTSAN NYID LA PHYIN CI MA LOG PA'O, ,RANG GI MTSAN NYID GANG LA ZHE NA, DON DAM RANG GI MTSAN NYID LA'O, ,KUN RDZOB TU NI 'DI MING TZAM MO ZHES 'DZIN PA MED DO, ,CHOS KYI DBYINGS NI MA GTOGS PAR, ,'DI LTAR CHOS YOD MA YIN TE, ,DE'I PHYIR SPYI YI MTSAN NYID DER, ,DE NI PHYIN CI MA LOG PA'O, ,CHOS LA BDAG MED PA LAS MA GTOGS PAR CHOS GANG MED DE, DE BAS NA CHOS KYI DBYINGS NI CHOS THAMS CAD KYI SPYI'I MTSAN NYID DO ZHES DE LTAR SHES PA GANG YIN PA DE NI SPYI'I MTSAN NYID LA PHYIN CI MA LOG PA'O, ,PHYIN CI LOG GI YID LA BYED, ,MA SPANGS PA DANG SPANGS PA LAS, ,DE NI MA DAG RNAM DAG STE, ,DE YANG DE LA MA LOG PA'O, ,PHYIN CI LOG GI YID LA BYED PA MA SPANGS PA NI CHOS KYI DBYINGS DE RNAM PAR MA DAG PA'O, ,SPANGS PA NI RNAM PAR DAG PA'O ZHES DE LTAR SHES PA GANG YIN PA DE NI RNAM PAR MA DAG PA DANG, RNAM PAR DAG PA LA PHYIN CI MA LOG PA STE GO RIMS BZHIN NO, ,CHOS KYI DBYINGS NI RANG BZHIN GYIS, ,RNAM PAR DAG PHYIR NAM MKHA' BZHIN, ,GNYIS NI GLO BUR BYUNG BA STE, ,DE YANG DE LA MA @23A *, ,LOG PA'O, ,CHOS KYI DBYINGS NI NAM MKHA' BZHIN DU RANG BZHIN GYIS RNAM PAR DAG PA'I PHYIR RNAM PAR MA DAG PA DANG, PHYIS RNAM PAR DAG CES BYA BA 'DI GNYIS KYANG GLO BUR YIN PAR DE LTAR SHES PA GANG YIN PA DE NI GLO BUR DU BYUNG BA NYID LA PHYIN CI MA LOG PA'O, ,CHOS RNAMS DANG NI GANG ZAG GI ,KUN NAS NYON MONGS RNAM DAG MED, ,MED PHYIR DE BAS SKRAG DANG NGA, ,MED DE DE 'DIR MA LOG PA'O, ,GANG ZAG GI KUN NAS NYON MONGS PA MED PAS RNAM PAR DAG PA MED DO, ,CHOS KYI YANG MED DE, 'DI LTAR GANG ZAG MED CING CHOS MED PA'I PHYIR RO, ,GANG GI KUN NAS NYON MONGS PA GANG YANG MED CING RNAM PAR BYANG BA YANG MED PA DE'I PHYIR KUN NAS NYON MONGS PA'I PHYOGS LA SU YANG 'GRIB PA YANG MED LA, RNAM PAR BYANG BA'I PHYOGS LA SU'I KHYAD PAR DU 'GYUR BA'ANG MED NA, DE'I PHYIR SKRAG PA 'AM NGA RGYAL DU GYUR TE, 'DI NI SKRAG PA MED PA DANG, ,KHENGS PA MED PA LA PHYIN CI MA LOG PA'O, ,PHYIN CI MA LOG PA BCU PO 'DI DAG NI RDO RJE'I TSIG BCU PO DAG DANG GO RIMS BZHIN DU SBYAR BAR BYA STE, RDO RJE'I TSIG BCU PO 'DI DAG NI, YOD PA DANG MED PA DANG, PHYIN CI MA LOG PA DANG, GNAS DANG, SGYU MA LTA BU NYID DANG, RNAM PAR MI RTOG PA NYID DANG, RANG BZHIN GYIS 'OD GSAL BA NYID DANG, KUN NAS NYON MONGS PA DANG, RNAM PAR BYANG BA DANG, NAM MKHA' LTA BU DANG, 'GRIB PA MED PA DANG, KHYAD PAR DU 'PHAGS PA MED PA'O, ,RDO RJE'I TSIG RNAMS KYI LUS RNAM PAR GZHAG PA NI NGO BO NYID DE NGO BO NYID RNAM PA GSUM DANG DMIGS PA DANG, RNAM PAR MI RTOG PA NYID DANG, BRGAL BA DANG, LAN TE, RDO RJE'I TSIG LHAG MA RNAMS SO, ,LUS RNAM PAR GZHAG PA GNYIS PA NI, GANG LA GANG ZHIG GANG GIS 'KHRUL, ,MA 'KHRUL GANG ZHIG GANG LA DANG, ,'KHRUL DANG MA 'KHRUL 'BRAS BU NYID, ,DE GNYIS KYI NI MTHA' MA'O, ,RDO RJE'I TSIG RNAMS KYIS BSDUS PA'I DON NI NGO BO NYID GSUM NI DMIGS PA STE, YONGS SU GRUB PA DANG, KUN BRTAGS PA DANG, GZHAN GYI DBANG ZHES BYA BA DAG STE, TSIG DANG PO GSUM DANG GO RIMS BZHIN NO, ,RNAM PAR MI RTOG PA NYID NI GANG GIS RNAM PAR MI RTOG CE NA, RNAM PAR MI RTOG PA'I YE SHES KYIS SO, ,GANG LA RNAM PAR @23B MI RTOG CE NA, RANG BZHIN GYIS 'OD GSAL BA NYID LA'O, ,DE BAS NA 'DIS SHES PA DANG, SHES PA RNAM PAR GZHAG PA 'DI LTA STE, NGO BO NYID GSUM DANG, RNAM PAR MI RTOG PA NYID DANG GO RIMS BZHIN DU RIG PAR BYA'O, ,BRGAL BA DANG, LAN NI LHAG MA RNAMS SO ZHES BYA BA DE LA BRGAL BA NI 'DI YIN TE, GAL TE KUN BRTAGS PA DANG, GZHAN GYI DBANG GI MTSAN NYID KYI CHOS DE DAG MED NA JI LTAR DMIGS PAR 'GYUR, CI STE YOD NA DE LTA NA GO CHOS RNAMS RANG BZHIN GYIS 'OD GSAL BA NYID DU MI RUNG NGO ZHE NA, DE'I LAN NI SGYU MA LTA BU NYID YIN TE, DPER NA SGYU MA BYAS PA NI MED KYANG DMIGS PA LTA BU'O, ,GAL TE CHOS RNAMS RANG BZHIN GYIS 'OD GSAL BA NYID YIN NA JI LTAR SNGAR KUN NAS NYON MONGS PA PHYIS RNAM PAR BYANG ZHE NA, DE'I LAN NI KUN NAS NYON MONGS PA DANG, RNAM PAR BYANG BA NAM MKHA' LTA BUR REG PA BYA BA YIN TE, DPER NA NAM MKHA' RANG BZHIN GYIS RNAM PAR DAG PA LA KUN NAS NYON MONGS SO, ,RNAM PAR BYANG NGO ZHES BYA BA LTA BU'O, ,GAL TE SANGS RGYAS DPAG TU MED PA BYUNG STE, SEMS CAN DPAG TU MED PA DAG GI KUN NAS NYON MONGS PA BSAL NA, DE'I PHYIR CI LTAR 'KHOR BA RGYUN CHAD PAR MI 'GYUR ZHING MYA NGAN LAS 'DAS PA 'PHEL BA MI 'GYUR ZHE NA, DE'I LAN NI 'GRIB PA MED PA DANG, KHYAD PAR DU 'PHAGS PA MED PA NYID YIN TE, SEMS CAN GYI KHAMS DANG, RNAM PAR BYANG BA'I PHYOGS DPAG TU MED PA'I PHYIR RO, ,YOD MED PHYIN CI MA LOG DANG, ,GNAS DANG SGYU MA LTA BU NYID, , MI RTOG PA DANG RANG BZHIN GYIS, ,RTAG PAR 'OD GSAL NYID DANG NI, ,KUN NAS NYON MONGS RNAM BYANG DANG, ,DE BZHIN NAM MKHA' LTA BU NYID, ,'GRIB PA MED DANG LHAG MED PA, ,RDO RJE'I TSIG NI BCU ZHES BYA, ,RJES SU MTHUN PA'I CHOS SGRUB PA BSHAD ZIN TE, ,MTHA' GNYIS SPANG BA BSGRUB PA GANG ZHE NA, GANG DKON MCHOG BRTZEGS PA LAS DBU MA'I LAM BSHAD PA'O, ,MTHA' GANG DANG GANG SPANGS PAS DE RIG PAR BYA ZHE NA, THA DAD PA DANG GCIG MTHA' DANG, ,MU STEGS NYAN THOS GNYIS KA DANG, ,GANG ZAG CHOS LA SGRO 'DOGS DANG, ,SKUR 'DEBS MTHA' @24A *, ,RNAMS GNYIS GNYIS DANG, ,MI MTHUN PHYOGS DANG GNYEN PO'I MTHA', ,RTAG DANG CHAD PAR 'DU SHES DANG, ,GZUNG DANG 'DZIN DANG KUN NYON MONGS, ,RNAM PAR BYANG LA GNYIS DANG GSUM, ,RNAM PAR RTOG PA GNYIS KYI MTHA', ,DE NI RNAM PA BDUN DU 'DOD, ,DNGOS YOD DNGOS MED ZHI BYED DANG, ,ZHI BYED SKRAG BYA DE LA 'JIGS, ,GZUNG DANG 'DZIN DANG YANG DAG NYID, ,LOG PA NYID DANG BYED DANG MIN, ,SKYE BA MED DANG MNYAM PA'I DUS, ,DE NI RNAM RTOG GNYIS KYI MTHA', ,DE LA GZUGS LA SOGS PA DANG BDAG THA DAD CES BYA BA YANG MTHA'O, ,GCIG CES BYA BA YANG MTHA'O, ,DE YONGS SU SPANG BA'I PHYIR DBU MA'I LAM STE, GANG BDAG MED PAR SO SOR RTOG PA NAS SHED BU MED PAR SO SOR RTOG PA'I BAR DU'O, ,BDAG TU LTA BA NI SROG KYANG GZHAN LA LUS KYANG GZHAN PA DANG, SROG DE NYID LUS DE YIN ZHES BYA BAR LTA BA YIN NO, ,GZUGS LA SOGS PA RTAG GO ZHES BYA BA NI MU STEGS CAN GYI MTHA'O, ,MI RTAG GO ZHES BYA BA NI NYAN THOS KYI MTHA'O, ,DE YONGS SU SPANG BA'I PHYIR DBU MA'I LAM STE, GANG GZUGS LA SOGS PA LA RTAG PAR YANG MI RTOG ,MI RTAG PAR YANG MI RTOG PA'O, ,BDAG CES BYA BA NI GANG ZAG TU SGRO 'DOGS PA'I MTHA'O, ,BDAG MED CES BYA BA NI SKUR BA 'DEBS PA'I MTHA' STE, BRTAGS PA'I YOD PA LA SKUR PA 'DEBS PA'I PHYIR RO, ,DE YONGS SU SPANG BA'I PHYIR DBU MA'I LAM STE, GANG BDAG DANG BDAG MED PA GNYIS KYI DBUS NI RNAM PAR MI RTOG PA NYID DO, ,SEMS YANG DAG PA'O ZHES BYA BA NI CHOS LA SGRO 'DOGS PA'I MTHA'O, ,SEMS YANG DAG PA MA YIN NO ZHES BYA BA NI SKUR PA 'DEBS PA'I MTHA'O, ,DE YONGS SU SPANG BA'I PHYIR DBU MA'I LAM STE, GANG LA SEMS MED PA DANG, SEMS PA MED PA DANG, YID MED PA DANG, RNAM PAR SHES PA MED PA'O, ,MI DGE BA LA SOGS PA'I CHOS RNAMS NI KUN NAS NYON MONGS PA'O ZHES BYA BA NI MI MTHUN PA'I PHYOGS KYI MTHA'O, ,DGE BA LA SOGS PA NI RNAM PAR BYANG BA'O ZHES BYA BA NI GNYEN PO'I MTHA'O, ,DE YONGS SU SPANG BA'I PHYIR DBU MA'I LAM STE, GANG MTHA' DE GNYIS KHAS MI LEN ZHING MI BRJOD CING MI SMRA BA'O, , @24B GANG ZAG DANG CHOS YOD DO ZHES BYA BA NI RTAG PA'I MTHA'O, ,MED DO ZHES BYA BA NI CHAD PA'I MTHA'O, ,DE YONGS SU SPANG BA'I PHYIR DBU MA'I LAM STE, MTHA' DE GNYIS KYI DBUS GANG YIN PA'O, ,MA RIG PA LA GZUNG BA'O, ,'DZIN PA'O ZHES BYA BA NI MTHA' STE, DE BZHIN DU RIG PA DANG 'DU BYED RNAMS DANG, DE'I GNYEN PO 'DUS MA BYAS DANG, RGA SHI'I BAR LA GZUNG BA'O, ,'DZIN PA'O ZHES BYA BA YANG MTHA'O, ,DE 'GOG PA LA GZUNG BA'O, ,'DZIN PA'I ZHES BYA BA YANG MTHA' STE, LAM GANG GIS DE 'GAG PA'O, ,DE BZHIN DU NAG PO DANG DKAR PO'I PHYOGS KYI BYE BRAG GIS GZUNG BA DANG 'DZIN PA'I MTHA' RNAM PA GNYIS SO, ,DE YONGS SU SPANG BA'I PHYIR DBU MA'I LAM STE, RIG PA DANG MA RIG PA 'DI NI GNYIS SU MED CES RGYA CHER 'BYUNG STE, RIG PA DANG MA RIG PA LA SOGS PA LA GZUNG BA DANG, 'DZIN PA'I DNGOS PO MED PA'I PHYIR RO, KUN NAS NYON MONGS PA RNAM PA GSUM STE, NYON MONGS PA'I KUN NAS NYON MONGS PA DANG, LAS KYI KUN NAS NYON MONGS PA DANG, SKYE BA'I KUN NAS NYON MONGS PA'O, ,DE LA NYON MONGS PA'I KUN NAS NYON MONGS PA YANG RNAM PA GSUM STE, LTA BA DANG, 'DOD CHAGS DANG, ZHE SDANG DANG, GTI MUG GI RGYU DANG, YANG SRID PA LA SMON PA'O, ,DE'I GNYEN PO NI STONG PA NYID SHES PA DANG, MTSAN MA MED PA'I SHES PA DANG, SMON PA MED PA'I SHES PA'O, ,LAS KYI KUN NAS NYON MONGS PA NI DGE BA DANG MI DGE BA'I LAS MNGON PAR 'DU BYED PA'O,, DE'I GNYEN PO NI MNGON PAR 'DU MI BYED PA SHES PA'O, ,SKYE BA'I KUN NAS NYON MONGS PA NI YANG SRID PAR SKYE BA DANG, SKYES PA'I SEMS DANG SEMS LAS BYUNG BA RNAMS SKAD CIG RE RE LA BYUNG BA DANG, YANG SRID PA'I RGYUN TO, ,DE'I GNYEN PO NI SKYA BA MED PA SHES PA DANG, 'BYUNG BA MED PA SHES PA DANG, NGO BO NYID MED PA SHES PA'O, ,KUN NAS NYON MONGS PA RNAM PA DE GSUM DANG BRAL BA NI RNAM PAR BYANG BA'O, ,DE LA STONG POA NYID SHES PA L SOGS PAS SHES BYA STONG PA NYID LA SOGS PA'I CHOS RNAMS KUN NAS NYON MONGS PA RNAM PA GSUM PO DE DAG DANG CI @25A *, ,RIGS PAR STONG PA NYID LA SOGS PA'I BAR DU MI BYED KYI, RANG BZHIN GYIS STONG PA NYID LA SOGS TE, CHOS KYI DBYINGS RANG BZHIN GYIS KUN NAS NYON MONGS PA CAN DU MA GYUR BA'I PHYIR RO, ,GAL TE CHOS KYI DBYINGS KUN NAS NYON MONGS PAR GYUR PA 'AM, RNAM PAR DAG PAR 'GYUR BA'O SNYAM DU RNAM PAR RTOG PA 'DI NI MTHA' STE, RANG BZHIN GYIS KUN NAS NYON MONGS PA CAN MA YIN PA LA NI KUN NAS NYON MONGS PA DANG, RNAM PAR BYANG BA MED PA'I PHYIR RO, ,MTHA' DE GNYIS YONGS SU SPANG BA'I PHYIR DBU MA'I LAM STE, GANG STONG PA NYID KYIS CHOS RNAMS STONG PAR MI BYED KYI CHOS RNAMS NYID KYIS STONG PA'I ZHES 'BYUNG BA LA SOGS PA'O, ,GZHAN YANG RNAM PAR RTOG PA'I MTHA' GNYIS RNAM PAR BDUN TE, 'DI LTA STE, DNGOS PO YOD PAR RNAM PAR RTOG PA YANG MTHA'O, ,DNGOS PO MED PAR RNAM PAR RTOG PA YANG MTHA'O, ,GANG ZAG YOD DE DE GZHIG PA'I PHYIR STONG PA NYID DO, ,YANG NA BDAG MED PA YANG MED DO SNYAM DU RTOG PA'I PHYIR TE, RNAM PAR RTOG PA'I MTHA' 'DI GNYIS SPANG BA'I PHYIR DBU MA'I LAM STE, 'DI LTA STE, GANG ZAG RNAM PAR GZHIG PA'I PHYIR STONG PA NYID MA YIN GYI STONG PA NYID KYIS STONG STE, SNGON GYI MTHA' STONG PA DNAG, PHYI MA'I MTHA' STONG PA ZHES BYA BA LA SOGS PA RGYA CHER 'BYUNG BA'O, ,ZHI BAR BYA BA RNAM PA YANG MTHA'O, ,ZHI BAR BYED PA RNAM PAR RTOG PA YANG MTHA' STE, SPANG BAR BYA BA DANG, SPONG BAR BYED PA RNAM PAR RTOG PAS STONG PA NYID KYIS SKRAG PA'I PHYIR RO, ,RNAM PAR RTOG PA'I MTHA' DE GNYIS YONGS SU SPANG BA'I PHYIR DPE NAM MKHA'O, ,SKRAG PAR BYA BAR RNAM PAR RTOG PA YANG MTHA'O, ,SKRAG PAR BYA BA DE LAS 'JIGS PAR RNAM PAR RTOG PA YANG MTHA' STE, SDUG BSNGAL GYIS KHONG DANG NGAS PAS KUN BRTAGS PA'I GZUGS LA SOGS PA LA SKRAG PA'I PHYIR RO, ,RNAM PAR RTOG PA'I MTHA' DE GNYIS YONGS SU SPANG BA'I PHYIR DPE NI RI MO MKHAN NO, ,DPE SNGA MA NI NYAN THOS RNAMS LAS BRTZAMS PA'O, ,'DI NI BYANG CHUB SEMS DPA' RNAMS LAS BRTZAMS PA'O, ,GZUNG BAR RNAM PAR @25B RTOG PA YANG MTHA'O, ,'DZIN PAR RNAM PAR RTOG PA YANG MTHA'O, ,RNAM PAR RTOG PA'I MTHA' DE GNYIS YONGS SU SPANG BA'I PHYIR DPE SGYU MA MKHAN NO, ,RNAM PAR RIG PA TZAM DU SHES PAS DON DNGOS PO MED PAR BYAS NAS, ,DON DNGOS PO MED PAR SHES PA DES KYANG RNAM PAR RIG PA TZAM DU SHES PA DE NYID RNAM PAR BZLOG GO, ,DON DNGOS PO MED NA RNAM PAR RIG PA MI SRID PA'I PHYIR TE, DE LTAR NA 'DI NI 'DIR MTSUNGS SO, ,YANG DAG PA NYID DU RNAM PAR RTOG PA YANG MTHA'O, ,LOG PA NYID DU RNAM PAR RTOG PA YANG MTHA' STE, YANG DAG PAR SO SOR RTOG PA NA YANG DAG PA NYID DU 'AM, LOG PA NYID DU RTOG PA'O, ,MTHA' DE GNYIS YONGS SU SPANG BA'I PHYIR DPE SHING GNYIS LAS ME 'BYUNG BA STE, DPER NA ME'I MTSAN NYID MA YIN PA SHING GNYIS LAS MED 'BYUNG STE, BYUNG NAS KYANG SHING GNYIS TSIG PAR BYED DO, ,DE BZHIN DU YANG DAG PA NYID KYI MTSAN NYID MA YIN PA YANG DAG PA JI LTA BA BZHIN DU SO SOR RTOG PA LAS YANG DAG PA NYID KYI MTSAN NYID 'PHAGS PA'I SHES RAB KYI DBANG PO SKYE STE, SKYES NAS KYANG YANG DAG PAR SO SOR RTOG PA DE NYID RNAM PAR 'JIG PAR BYED DE, DE LTA BAS NA 'DI NI 'DIR MTSUNGS SO, ,YANG DAG PAR SO SOR RTOG PA YANG DAG PA NYID KYI MTSAN NYID MA YIN KYANG LOG PA NYID KYI MTSAN NYID KYANG MA YIN TE, YANG DAG PA NYID KYI RJES SU MTHUN PA'I PHYIR RO, ,BYED PA RNAM PAR RTOG PA YANG MTHA'O, ,MI BYED PAR RNAM PAR RTOG PA YANG MTHA' STE, YE SHES NI BLO SNGON DU 'GRO BAS BYED PA 'AM MTHU MED PAR RTOG PA'O, ,RNAM PAR RTOG PA'I MTHA' DE GNYIS YONGS SU SPANG BA'I PHYIR DPE MAR ME'O, ,SKYE BA MED PAR RNAM PAR RTOG PA YANG MTHA'O, ,DUS MNYAM PA NYID DU RNAM PAR RTOG PA YANG MTHA' STE, GAL TE GNYEN PO MA SKYES PA 'AM, KUN NAS NYON MONGS PA YUN RING BA NYID DU RTOG PA'O, ,RNAM PAR RTOG PA'I MTHA' DE GNYIS SPANG BA'I PHYIR MAR ME'I DPE GNYIS PA'O, ,MTHA' GNYIS SPANG BA'I SGRUB PA BSHAD ZIN TO, ,KHYAD PAR CAN DANG KHYAD PAR MED PA SGRUB PA GANG ZHE NA, KHYAD PAR CAN DANG KHYAD MED NI, ,SA BCU DAG TU @26A *, ,SHES PAR BYA, ,SA GANG LA PHA ROL TU PHYIN PA GANG GI SHAS CHE BA DE NI KHYAD PAR CAN NO, ,THAMS CAD DU THAMS CAD LA YANG DAG PAR BSGRUB PA NI KHYAD PAR MED PA'O, ,BSGRUB PA BLA NA MED PA NYID BSHAD ZIN TO, ,DMIGS PA BLA NA MED PA NYID GANG ZHE NA, RNAM PAR GZHAG DANG DE BZHIN DBYINGS, ,BSGRUB DANG SGRUB DANG 'DZIN PA DANG, ,NGES PAR 'DZIN DANG RAB TU 'DZIN, ,RAB TU RTOGS DANG RAB RGYAS DANG, ,RNAM PAR RTOG DANG RNAL 'DUG DANG, ,PHUL DU BYUNG BA'I DMIGS PAR 'DOD, ,DMIGS PA NI RNAM PA BCU GNYIS PO 'DI DANG STE, 'DI LTAR CHOS BRTAGS PA RNAM PAR GZHAG PA'I DMIGS PA DANG, CHOS KYI DBYINGS KYI DMIGS PA DANG, BSGRUB BYA'I DMIGS PA DANG, SGRUB PA'I DMIGS PA DANG, 'DZIN PA'I DMIGS PA DANG, NGES PAR 'DZIN PA'I DMIGS PA DANG, RAB TU 'DZIN PA'I DMIGS PA DANG, RAB TU RTOGS PA'I DMIGS PA DANG, RAB TU RGYAS PA'I DMIGS PA DANG, RNAM PAR KHONG DU CHUD PA'I DMIGS PA DANG, RNAL DU 'DUG PA'I DMIGS PA DANG, PHUL DU BYUNG BA'I DMIGS PA'O, ,DE LA DANG PO NI PHA ROL TU PHYIN PA LA SOGS PA'I CHOS GANG DAG RNAM PAR 'JOG PA'O, ,GNYIS PA NI DE BZHIN NYID DO, ,GANG GSUM PA DANG BZHI PA DE DAG NYID LA GO RIMS BZHIN TE, CHOS KYI DBYINGS RAB TU RTOGS PAS PHA ROL TU PHYIN PA LA SOGS PA'I CHOS RNAMS KHONG DU CHUD PA'I PHYIR RO, ,LNGA PA NI THOS PA LAS BYUNG BA'I SHES PA'I DMIGS PA'O, ,DRUG PA NI BSAMS PA LAS BYUNG BA'I STE RTOGS NAS 'DZIN PA'I PHYIR RO, ,BDUN PA NI BSGOMS PA LAS BYUNG BA'I STE, SO SO RANG GIS 'DZIN PA'I PHYIR RO, ,BRGYAD PA NI SA DANG PO LA MTHONG BA'I LAM GYI'O, ,DGU BA NI BSGOM PA'I LAM GYI STE, SA BDUN PA'I BAR DU'O, ,BCU PA NI DE NYID LA 'JIG RTEN PA DANG 'JIG RTEN LAS 'DAS PA'I LAM GYI STE, CHOS RNAM PAR KHONG DU CHUD PA'I PHYIR RO, ,BCU GCIG PA NI SA BRGYAD PA LA'O, ,BCU GNYIS PA NI SA DGU PA LA SOGS PA GSUM LA'O, ,DANG PO'I GNYIS PO DE DAG NI DE DANG DE'I DUS NA DE DANG DE'I DMIGS PA'I MING 'THOB PO, ,DMIGS PA BSHAD ZIN TO, ,YANG DAG PAR 'GRUB PA GANG ZHE NA, MA TSANG MED DANG MI SPONG DANG, ,MI @26B G-YENG BA DANG RAB RDZOGS PA DANG, ,YANG DAG SKYED DANG 'PHEL BA DANG, ,LAS SU RUNG DANG MI GNAS DANG, ,SGRIB PA MED PA NYID DANG DE, ,RGYUN MI GCOD PA YANG DAG 'GRUB, ,YANG DAG PAR 'GRUB PA NI RNAM PA BCU PO 'DI DAG STE, DE LA RKYEN MTSANG BA MED PA NI RIGS YANG DAG PAR 'GRUB PA'O, , THEG PA CHEN PO MI SPANG BA NI MOS PA YANG DAG PAR 'GRUB PA'O, ,THEG PA DMAN PAR MI G-YENG BA NI SEMS BSKYED PA YANG DAG PAR 'GRUB PA'O, ,PHA ROL TU PHYIN PA YONGS SU RDZOGS PA NI BSGRUB PA YANG DAG PAR 'GRUB PA'O, ,'PHAGS PA'I LAM BSKYED PA NI SKYON MED PAR 'JUG PA YANG DAG PAR 'GRUB PA'O, ,DGE BA'I RTZA BA 'PHEL BA NI YUN RING PO NAS 'DRIS PAR BYA BA'I PHYIR SEMS CAN YONGS SU SMIN PAR BYED PA YANG DAG PAR 'GRUB PA'O, ,SEMS LAS SU RUNG BA NI ZHING YONGS SU DAG PA YANG DAG PAR 'GRUB PA'O, ,'KHOR BA DANG MYA NGAN LAS 'DAS PA LA MI GNAS PA NI PHYIR MI LDOG PA'I SA LA LUNG BSTAN PA 'THOB PA YANG DAG PAR 'GRUB PA STE, 'KHOR BA DANG MYA NGAN LAS 'DAS PA GNYIS LAS MI LDOG PA'I PHYIR RO, ,SGRIB PA MED PA NI SANGS RGYAS KYI SA YANG DAG PAR 'GRUB PA'O, ,DE RGYUN MI GCOD PA NI BYANG CHUB KUN DU STON PA YANG DAG PAR 'GRUB PA'O, ,DE LTAR NA 'DI NI, DBUS RNAM 'BYED PA'I BSTAN BCOS TE, ,DBU MA'I LAM RAB TU STON PA'I PHYIR RO, ,'DI NI DBUS DANG MTHA' RNAM PAR 'BYED PA YANG YIN TE, DBUS DANG MTHAR GNYIS RAB TU STON PA'I PHYIR RO, ,YANG NA THOG MA DANG MTHA' MA SPANGS PA'I DBUS RAB TU STON PA'I PHYIR RO, ,RTOG PAR DKA' DANG SNYING PO'I DON, ,RTOG KE'I SPYOD YUL MA YIN PA DANG, PHAS KYI RGOL BA DAG GIS MI SHIGS PA'I PHYIR TE GO RIMS BZHIN NO, ,DON CHEN NI BDAG DANG GZHAN GYI DON GYI CHED KYI PHYIR RO, ,DE BZHIN KUN GYI DON NI THEG PA GSUM CHAR GYI DBANG DU BYAS PA'I PHYIR RO, ,DON MED THAMS CAD SEL BA'O ZHES BYA BA NI NYON MONGS PA DANG SHES BYA'I SGRIB PA SPONG BAR BYED PA'O, ,BLA NA MED PA NYID KYI DON BSDUS PA NI MDOR BSDU NA BLA NA MED PA NYID RNAM GSUM STE, SGRUB PA DANG, BSGRUB PA'I GZHI DANG, BSGRUB PA'I 'BRAS BU'O, ,BSGRUB PA DE YANG JI LTA BU ZHE NA, DAM PA'O, ,GANG GIS SHE NA, THEG PA CHEN POR JI LTA BUR, , @27A *, ,CHOS RNAMS RAB TU BZHAG PA DAG ,CES BYA BA LA SOGS PAS SO, ,JI LTA BUR ZHE NA, RNAM PA GANG GIS ZHI GNAS BSGOM PA LA G-YENG BA MED PAR GYUR PA DANG, LHAG MTHONG BSGOM PA LA PHYIN CI MA LOG PAR GYUR BA'O, ,GANG GI DON DU ZHE NA, DBU MA'I LAM GYIS NGES PAR 'BYUNG BAR BYA BA'I DON DU'O, ,GANG DU ZHE NA, SA BCU DAG TU STE, KHYAD PAR CAN DANG, KHYAD PAR MED PA'O ZHES BYA BA'O, PHYIN CI MA LOG PA RNAMS KYI DON BSLUS PA NI, YI GE LA PHYIN CI MA LOG PAS ZHI GNAS KYI MTSAN MA RAB TU RTOGS PA DANG, DON LA PHYIN CI MA LOG PAS LHAG MTHONG GI MTSAN MA RAB TU RTOGS PA DANG, YID LA BYED PA PHYIN CI MA LOG PAS PHYIN CI LOG GI GZHI YONGS SU SPONG BA DANG, MI 'PHRO BA LA PHYIN CI MA LOG PAS DE'I MTSAN MA LEGS PAR RTOGS PAR BYED PA DANG, RANG GI MTSAN NYID PHYIN CI MA LOG PAS DE'I GNYEN PO RNAM PAR MI RTOG PA'I LAM BSGOMS PA DANG; SPYI'I MTSAN NYID LA PHYIN CI MA LOG PAS RNAM PAR BYANG BA'I RANG BZHIN DU RAB TU RTOGS PA DANG, MA DAG PA DANG DAG PA YID LA BYED PA LA PHYIN CI MA LOG PAS DE'I SGRIB PA MA SPANGS PA DANG, SPANGS PA RAB TU SHES PA DANG, DE'I GLO BUR DU BYUNG BA LA PHYIN CI MA LOG PAS KUN NAS NYON MONGS PA DANG RNAM PAR BYANG BA YANG DAG PA JI LTA BA BZHIN DU RAB TU SHES PA DANG, MI SKRAG PA DANG, KHENGS PA MED PA LA BYIN CI MA LOG PAS SGRIB PA MED PAR NGES PAR 'BYUNG BA'O, ,BSHAD PA'I 'DI BYAS PA YI BSOD NAMS GANG YOD DES, ,'GRO BA BSOD NAMS 'BYUNG BA CHE DANG YE SHES KYANG; ,'BYUNG BAR GYUR CIG DE LAS MNGON MTHO CHEN PO DANG, ,BYANG CHUB GSUM YANG 'GRO BAS MYUR DU THOB GYUR CIG ,BSTAN BCOS DBUS DANG MTHA' RNAM PAR DBYED PA LAS THEG PA BLA NA MED PA ZHES BYA BA'I TSIG LE'UR BCAD PA LNGA BA'I 'GREL BA'O,, ,,BSTAN BCOS DBUS DANG MTHA' RNAM PAR 'BYED PA'I 'GREL PA SLOB DPON DBYIG GNYEN GYIS MDZAD PA RDZOGS SO,, ,,RGYA GAR GYI MKHAN PO DZI NA MI TRA DANG, SH'I LTENDRA BO DHI DANG, ZHU CHEN GYI LO TZ'A BA BANDE YE SHES SDES BSGYUR CING ZHUS TE GTAN LA PHAB PA'O,, ,, @27B RGYAR GAR SKAD DU, DHA RMA DHA RMA T'A BI BHAm GA BRi TTI, BOD SKAD DU, CHOS DANG CHOS NYID RNAM PAR 'BYED PA'I 'GREL PA, BCOM LDAN 'DAS MA PHAM PA LA PHYAG 'TSAL LO, ,MA PHAM GANG GIS SGRA BZHIN DON 'DZIN PA'I, ,'KHRUL PAS 'JIG RTEN LAM GOL SONG MKHYEN NAS, ,BSTAN PA BSDU BA MDZAD DE 'DI GSUNGS PA, ,BLA MA DE LA THAL SBYAR RAB BTUD NAS, ,BLA MA RNAMS LAS THOS NAS DE NYID KYIS, ,GNANG BAS TSIG BSDUS BSTAN BCOS 'DI YI DON, ,ZAB MO NYID NI CUNG ZAD TSIG RE NAS, ,RANG NUS NYID KYIS RNAM PAR DBYE PHYIR 'BAD, ,GANG PHYIR SHES NAS 'GA' ZHIG SPANG BYA ZHING, ,GZHAN 'GA' ZHIG NI MNGON SUM NYID BYA BA, ,DES NA DE DAG MTSAN NYID SGO NAS NI, ,RNAM DBYE 'DOD PAS BSTAN BCOS 'DI BYAS SO, ,GANG PHYIR SHES NAS 'GA' ZHIG SPANG BYA ZHING, ,GZHAN 'GA' ZHIG NI MNGON SUM NYID BYA BA, ,ZHES BYA BA NI RIM PA JI LTA BA BZHIN DU KUN NAS NYON MONGS PA'I MTSAN NYID KYIS CHOS DANG, RNAM PAR BYANG BA'I MTSAN NYID KYI GNAS YONGS SU GYUR PAS RAB TU PHYE BA'I CHOS NYID KYI DBANG DU BYAS TE GSUNGS PA'O, ,DE DAG MTSAN NYID KYI SGO NAS RNAM PAR DBYE ZHES BYA BA NI YUL THA DAD PA'I SGO NAS NI MA YIN NO ZHES BYA BA'I DON NO, ,LHAG MA NI DON GO BAR ZAD DO, ,SMRAS PA, DE DAG MTSAN NYID SGO NAS NI RNAM PAR DBYE, ,ZHES BYA BA CI RE ZHIG CHOS DANG CHOS NYID DE DAG NYID RNAM PAR DBYE'I GZHAN NI MA YIN NAM, 'ON TE 'DI DAG TZAM DU ZAD PA YIN ZHE NA, BRJOD PA MANG PO RNAMS LAS BKOL NAS GNYIS SU RNAM PAR DBYE BA BYED PA NI MA YIN NO, ,'O NA CI ZHE NA, BCOM LDAN 'DAS KYIS PHUNG PO DANG, KHAMS DANG, SKYE MCHED LA SOGS PA RNAM PAR GZHAG PA GANG YIN PA DE MDOR BSDUS PAS, 'DI THAMS CAD NI GNYIS TE, CI'I PHYIR ZHE NA, CHOS DANG CHOS NYID KYIS BSDUS PA'I PHYIR RO, ,PHUNG PO DANG, KHAMS DANG SKYE MCHED LA @28A *, ,SOGS PA DE NI, BSDU NA RNAM PA GNYIS SU 'GYUR TE, 'DI LTA STE, CHOS DANG CHOS NYID DO, ,DE LA 'DI ZHES SMOS PA NI GANG ZHIG BSTAN PA 'DI NYID DU BSHAD PA DE GZUNG BA'I DON DU 'O, ,THAMS CAD SMOS PA YANG DE YANG 'DI TZAM NYID DO, , ZHES BSTAN PA'I DON DU YIN TE, DE LAS GZHAN NI 'DI NYID DU 'DUS PA'I PHYIR RAM MED PA'I PHYIR RO, ,DE LTAR KHYAD PAR MED PAR BRJOD NAS, GANG ZHIG GANG GIS BSDUS ZHES 'KHOR BA DANG MYA NGAN LAS 'DAS PA DAG GIS RNAM PAR DBYE BA MI SHES SO ZHE NA, DE'I PHYIR GSUNGS PA NI, CHOS KYIS RAB TU PHYE BA NI 'KHOR BA'O, ,DE LA CHOS NI KUN NAS NYON MONGS PA'I MTSAN NYID CAN YIN PA'I PHYIR DE'I RANG BZHIN 'KHOR BA NI CHOS KYIS RAB TU PHYE BA ZHES BRJOD DO, ,CIG SHOS KYANG, CHOS NYID KYIS RAB TU PHYE BA NI THEG PA GSUM GYIS MYA NGAN LAS 'DAS PA'O, ,MYA NGAN LAS 'DAS PA NI THEG PA GSUM GYIS THOB PAR BYA BA YIN PA'I PHYIR TEHG PA SUM GYI MYA NGAN LAS 'DAS PA ZHES BRJOD DO, ,YANG THEG PA GSUM YANG YIN LA MYA NGAN LAS 'DAS PA YANG YIN PAS THEG GSUM GYIS MYA NGAN LAS 'DAS PA ZHES BYA'O, ,DE LA CHOS NYID NI GNAS YONGS SU GYUR PA'I MTSAN NYID CAN YIN PA'I PHYIR NA DES BSDUS PA'I MYA NGAN LAS 'DAS PA NI CHOS NYID KYIS RAB TU PHYE BA ZHES BRJOD DO, ,'KHOR BA DANG MYA NGAN LAS 'DAS PA DAG DE LTAR CHOS DANG CHOS NYID KYIS RAB TU PHYE BA YIN MOD, , MTSAN NYID MA BRJOD PA'I PHYIR NA, 'DI'I MTSAN NYID JI LTA BU YIN ZHES CHOS DE NYID NI MI SHES SO ZHE NA, DE SA NA DE'I MTSAN NYID BSTAN PA'I DON DU GSUNGS PA, GNYIS DANG JI LTAR MNGON PAR BRJOD PAR SNANG BA NI YANG DAG PA MA YIN PA'I KUN TU RTOG PA STE CHOS KYI MTSAN NYID DO; ,GNYIS SU SNANG BA DANG JI LTAR MNGON PAR BRJOD PAR SNANG BA NI GNYIS DANG JI LTAR MNGON PAR BRJOD PAR SNANG BA'O, ,DE LA GZUNG BA DANG, 'DZIN PA'I DNGOS PO MIG DANG GZUGS LA SOGS PA'I GNYIS SU SNANG BA DANG YIN PA DANG, DE LA BRTEN PA JI LTAR MNGON @28B PAR BRJOD PAR SNANG BA GANG YIN PA STE, NGO BO NYID DANG KHYAD PAR DU GDAGS PA'I RTEN GYI NGO BO DE NI YANG DAG PA MA YIN PA'I KUN TU RTOG PA'O, ,DE NI CHOS KYI MTSAN NYID DO ZHES BYA BAS NI CHOS KYI MTSAN NYID PHYIN CI MA LOG PA DANG MA LUS PAR BRJOD PA'O, ,DE LA YANG DAG PA MA YIN PA'I NGES PA'I TSIG NI, MED PA SNANG BA'I PHYIR YANG DAG PA MA YIN PA'O, ,GANG GI PHYIR CHOS 'DI YOD PA NI MA YIN TE, KUN TU'I SGRA DANG RTOG PA'I SGRA DAG GI NGES PA'I TSIG NI, THAMS CAD DU DON MED CING RTOG PA TZAM YIN PA'I PHYIR KUN TU RTOG PA'O, ,DON MED BA NYID KYANG SNANG BA DE'I BDAG NYID YONGS SU MA GRUB PA'I PHYIR RO, ,RTOG PA TZAM NYID NI SNANG BA 'KHRUL PA TZAM DU YOD PA'I PHYIR RO, ,CHOS KYI MTSAN NYID BSHAD ZIN TO, ,CHOS NYID KYI MTSAN NYID NI, ,GZUNG BA DANG, 'DZIN PA DANG, BRJOD PAR BYA BA DANG, RJOD PAR BYED PA KHYAD PAR MED PA'I DE BZHIN NYID DE NI CHOS NYID KYI MTSAN NYID DO, ,GZUNG BA DANG 'DZIN PA'I KHYAD PAR MED PA GANG YIN PA DANG, BRJOD PAR BAY BA DANG, RJOD PAR BYED PA KHYAD PAR MED PA GANG YIN PA DE NI DE ZHIN NYID YIN LA, DE YANG CHOS NYID KYI MTSAN NYID YIN NO, , KHYAD PAR MED PA NYID NI RIM PA JI LTA BA BZHIN GNYIS SU MED PA'I PHYIR DANG, BRJOD DU MED PA'I PHYIR TE, GANG LA KHYAD PAR YOD PA MA YIN PA DE NI KHYAD PAR MED PA ZHES BYA BAS SO, ,'DI NI GZUNG BA'O, ,'DI NI 'DZIN PA'O ZHES BYA BA'AM, 'DI NI BRJOD PAR BYA BA'O, ,'DI NI RJOD PAR BYED PA'O ZHES GNYIS SAM, BRJOD BYA DANG RJOD BYED YOD NA NI KHYAD PAR YOD PAR 'GYUR LA, DE MED PA'I PHYIR NI KHYAD PAR MED PA'I DE BZHIN NYID DO, ,DE YANG CHOS NYID KYI MTSAN NYID DO ZHES BYA BAS NI CHOS NYID KYI MTSAN NYID PHYIN CI MA LOG PA DANG MA LUS PAR BSTAN PA YIN NO, ,SNGAR BSTAN PA'I CHOS KYI MTSAN NYID GANG YIN PA DE NI, MED PA SNANG BA'I PHYIR 'KHRUL PA NI KUN NAS NYON MONGS PA'I RGYU YIN TE, GANG GI PHYIR YOD PA MA YIN PA SNANG BA DE'I PHYIR DE NI MED PAR SNANG LA, DE'I PHYIR DE 'KHRUL PA TZAM YIN NO ZHES RTOGS PAR BYA BA'O, , @29A *, ,DE NYID KYI PHYIR NA KUN NAS NYON MONGS PA'I RGYU YANG YIN TE, DE LA MNGON PAR ZHEN PAS NI PHYI MA LA KUN NAS NYON MONGS PA RNAM PA GSUM 'BYUNG BA'I PHYIR RO, ,MED PA SNANG BA YANG JI LTA BU ZHE NA, GSUNGS PA, SGYU MA'I GLANG PO CHE LA SOGS PA SNANG BA BZHIN NO, ,DPER NA SGYU MAR BYAS PA'I GLANG PO CHE LA SOGS PA DANG, NOR DANG 'BRU LA SOGS PA NI JI LTAR SNANG BA DE LTAR MED LA, SNANG BA YANG YIN PA LA DE BZHIN DU YANG DAG PA MA YIN PA'I KUN TU RTOG PA YANG MED BZHIN DU SNANG BA YIN NO, ,GZHAN YANG YOD PA YANG MI SNANG BA'I PHYIR RO, ,'KHRUL PA ZHES RJES SU 'JUG GO ZHES BYA BA NI BA DAG MED PA RNAM PA GNYIS YOD PA MI SNANG BA'I PHYIR YANG 'KHRUL PA YIN NO, ,MTHO YOR DANG MI'I RNAM PA YOD PA DANG MED PA DAG MI SNANG BA DANG SNANG BA GANG YIN PA DE NI 'KHRUL PA'I MTSAN NYID DO ZHES DE LTAR 'JIG RTEN NA MA THONG BA'I PHYIR RO, ,YANG CI'I DON GYIS MED PA DANG, SNANG BA DAG LAS GANG RUNG ZHIG MED PAR MI 'DOD CE NA, GSUNGS PA, MED PA DANG SNANG BA DAG LAS GANG RUNG ZHIG MED NA NI 'KHRUL PA DANG, MA 'KHRUL PA DANG, KUN NAS NYON MONGS PA DANG RNAM PAR BYANG BA MI 'THAD DO, ,GAL TE MED PA KHO NAR GYUR TE SNANG BAR MA GYUR NA NI DE MED PAS 'KHRUL PAR MI 'GYUR TE, MED PA NI MED PA NYID DU MA 'KHRUL PA'I PHYIR RO, ,'KHRUL PA MED NA NI MA 'KHRUL PA YANG MED PAR 'GYUR TE, MA 'KHRUL PA NI DE SNGON DU 'GRO BA CAN YIN PA'I PHYIR RO, ,DES NA KUN NAS NYON MONGS PA YANG MED PAR 'GYUR BA YIN TE, DE NI 'KHRUL PA'I RGYU CAN YIN PA'I PHYIR RO, ,DE MED NA RNAM PAR BYANG BAR YANG MI 'GYUR TE, RNAM PAR BYANG BA NI KUN NAS NYON MONGS PA SNGON DU 'GRO BA CAN YIN PA'I PHYIR RO, ,DE'I PHYIR DE MED NA 'BAD PA MED PAR GROL BAR 'GYUR BAS NA MNGON SUM DANG 'GAL LO, ,'ON TE SNANG BA KHO NAR 'GYUR GYI MED PAR MA GYUR NA, DE LTA NA YANG MED PA MED PAS 'KHRUL PAR MI 'GYUR TE, SNANG BA D'EI BDAG NYID DU YONGS SU GRUB NA MA 'KHRUL PA'I PHYIR RO, ,'KHRUL PA @29B MED NA SNGA MA BZHIN LHAG MAR YANG MI 'GYUR RO, ,DE'I PHYIR SKYES BU'I BYED PA DON MED PAR 'GYUR BAS RIGS PA DANG 'GAL LO, ,'JIG RTEN NA YANG DE LTAR SO SOR GRUB PA'I MTHO YOR DANG, SKYES BU DAG LA 'KHRUL PAR MING 'DOGS PA'I PHYIR RO, ,GNYIS DANG MNGON PAR BRJOD PA JI LTAR SNANG BA CHOS KYI MTSAN NYID DANG, DE KHYAD PAR MED PA'I CHOS KYI MTSAN NYID BSHAD ZIN TO, ,DE LTAR YIN NA CI CHOS DANG CHOS NYID DAG GCIG NYID DU KHAS BLANG BAR BYAS PA'AM, 'ON TE THA DAD PA NYID DU SNYAM NA, GSUNGS PA, GNYIS PO DAG NI GCIG NYID MA YIN ZHING SO SO NYID MA YIN TE, YOD PA DANG MED PA DAG KHYAD PAR MED PA'I PHYIR RO, ,GNYIS PO DAG CES BYA BA CHOS DANG CHOS NYID DAG NI GCIG PA NYID DANG THA DAD PA NYID DU MI 'DOD DO, ,DE CI'I PHYIR ZHE NA, YOD PA DANG MED PA DAG KYANG KHYAD PAR YOD PA DANG KHYAD PAR MED PA'I PHYIR RO, ,RE ZHIG CHOS DANG CHOS NYID DU MI 'THAD PA MA YIN TE, DE CI'I PHYIR ZHE NA, YOD PA DANG MED PA DAG KHYAD PAR YOD PA'I PHYIR RO, ,CHOS NYID NI YOD PA YIN LA CHOS NI MED PA YIN PAS YOD PA DANG MED PA KHYAD PAR CAN DAG CI LTAR GCIG NYID DU GYUR; THA DAD PA NYID KYANG MA YIN NO, ,CI'I PHYIR ZHE NA, YOD PA DANG MED PA DAG KHYAD PAR MED PA'I PHYIR RO, ,JI LTAR KHYAD PAR MED CE NA, CHOS NYID NI CHOS MED PA TZAM GYIS RAB TU PHYE BA YIN PA'I PHYIR TE, GZUNG BA LA SOGS PA'I KHYAD PAR MED PA'I PHYIR RO, ,CHOS DANG CHOS NYID DAG GCIG MA YIN PA DANG, SO SO MA YIN PA NYID BSHAD ZIN TO, ,'ON KYANG DE LTAR THA DAD PA MED PA DE DAG LAS JI LTAR CHOS DE LA ZHUGS PA'AM, JI LTAR LEGS PAR ZHUGS PAR 'GYUR ZHE NA, GSUNGS PA, RNAM PA DRUG GIS CHOS LA 'JUG PA BLA NA MED PA ZHES BYA BA YIN TE, 'CHAD PAR 'GYUR BA RNAM PA DRUG GIS SO, ,'DI LTA STE, MTSAN NYID DANG, GRUB PA DANG, GCIG NYID MA YIN ZHING SO SO BA NYID MA YIN PA DANG, GNAS THUN MONG BA DANG, THUN MONG MA YIN PA DANG, GZUNG BA DANG 'DZIN PAR SNANG BA MED PA LA 'JUG PAS SO, , @30A *, ,DE LA MTSAN NYID DANG, GRUB PA DANG, GCIG NYID MA YIN ZHING SO SO BA NYID MA YIN PA NI MDO JI LTA BA BZHIN NO ZHES BYA BA LA, GSUM PO 'DI NI MDO JI LTA BA BZHIN DU RIG PAR BYA STE, 'DI LTA STE, MTSAN NYID DANG, GRUB PA DANG, GCIG NYID MA YIN ZHING SO SO BA NYID MA YIN PA'O, ,MTSAN NYID NI GNYIS DANG, JI LTAR MNGON PAR BRJOD PAR SNANG BA YANG DAG PA MA YIN PA'I KUN TU RTOG PA STE, CHOS KYI MTSAN NYID DO, ,GRUB PA NI MED PA DANG SNANG BA DAG LAS GANG YANG RUNG BA ZHIG MED NA 'KHRUL PA DANG, MA 'KHRUL PA DANG, KUN NAS NYON MONGS PA DANG, RNAM PAR BYANG BA MI 'THAD PA'I NYES PAR 'GYUR BAS, DE GNYI GA KHAS BLANGS PAS 'BRAS BU DANG BCAS PA GRUB PA'O, ,GCIG NYID MA YIN ZHING SO SO BA NYID MA YIN PA NI YOD PA DANG MED PA DAG KHYAD PAR YOD PA DANG KHYAD PAR MED PA'I PHYIR ZHES BYA BA STE, MDO JI LTA BA BZHIN NO, ,GNAS NI GANG ZHIG GANG DU 'KHOD PA DE NI GNAS MA YIN TE, SEMS CAN GYI KHAMS DANG 'JIG RTEN GYI KHAMS SO, ,DE LA GANG ZHIG 'KHOR BA DANG GANG DU 'KHOR BA DE NI CHOS KYI GNAS YIN NO, ,DE YANG RIM PA JI LTA BA BZHIN BRTEN PA DANG, RTEN GYI NGO BO DNGOS PO SEMS CAN GYI KHAMS DANG, 'JIG RTEN GYI KHAMS SO, ,DE LA 'JIG RTEN GYI KHAMS NI THUN MONG BA LTA BU'I RNAM PAR RIG PA STE, RGYUD SO SOR SEMS CAN THAMS CAD LA DER SNANG BA'I RNAM PAR SHES PA SKYE BA'I PHYIR RO, ,DE YANG CIG SHOS NI SEMS CAN GYI KHAMS SO, ,DE YANG THUN MONG DANG THUN MONG MA YIN PA'O, ,DE YANG SKYE BA DANG, THA SNYAD DANG, PHAN PA DANG, GNOD PA DANG, YON TAN DANG SKYON NI PHAN TSUN BDAG PO NYID KYIS PHAN TSUN RGYU YIN PA'I PHYIR THUN MONG BA'O, ,SKYE BA DANG LTA BA LA SOGS PA'I THA SNYAD DANG, PHAN PA DANG, GNOD PA DANG; YON TAN DANG SKYON RGYUD SO SO LA YOD PA RNAMS NI PHAN TSUN DER SNANG BA'I RNAM PAR SHES PA SKYE BA LA BDAG PO NYID KYIS PHAN TSUN RGYU YIN PA'I PHYIR SEMS CAN GYI KHAMS THUN MONG BA ZHES BRJOD DO, ,PHAN TSUN RGYU YIN PA'I PHYIR ZHES BYA BAS GRUB BZHIN DU BDAG PO SMOS PA NI DMIGS PA'I RGYU @30B GSAL BA'I DON DU'O, ,'DI THUN MONG MA YIN PA JI LTA ZHE NA, GSUNGS PA, GNAS DANG, RNAM PAR RIG PA DANG, LAS DANG, BDE SDUG DANG, 'CHI 'PHO BA DANG, SKYE BA DANG, BCINGS PA DANG, GROL BA NI THUN MONG MA YIN PAS NA THUN MONG MA YIN PA'O, ,DE LA GNAS NI KUN GZHI RNAM PAR SHES PA STE, DER SNANG BA'I RNAM PAR RIG PA'I BAG CHAGS RNAMS NI DE LA GNAS PA'I PHYIR RO, ,RNAM PAR RIG PA NI 'JUG PA'I RNAM PAR SHES PA'O, ,LAS I DGE BA DANG, MI DGE BA DANG, LUNG DU MA BSTAN PA'O, ,LHAG MA NI MDO JI LTA BA BZHIN DU RTOGS PAR BYA'O, ,DE LA GNAS LA SOGS PA RNAMS NI LUS CAN MA YIN PA'I PHYIR DANG, SO SOR RIG PAR BYA BA YIN PA'I PHYIR NA, PHAN TSUN RGYUD SO SOR DER SNANG BA'I RNAM PAR RIG PA SKYE BA'I RGYU MA YIN PAS SEMS CAN GYI KHAMS THUN MONG MA YIN PA ZHES BRJOD DO, , LUS NGAG GI LAS KYI RNAM PAR RIG PA DAG PHAN TSUN DER SNANG BA RNAM PAR RIG PA SKYE BA'I RGYU YIN YANG THA SNYAD KYIS MA BSDUS PA CI'I PHYIR ZHE NA, BRJOD PA, LUS NGAG GI RNAM PAR RIG PA THA SNYAD KYIS NI BSDUS MOD KYI, DE LAS KYI RNAM PAR RIG PA NI MA YIN NO, ,'DIR NI DGE BA DANG MI DGE BA NYID GANG GIS DE LAS NYID DU RTOGS PAR 'GYUR BA DE'I DBANG DU BYAS PA STE BSTAN PA YIN NO, ,DER SNANG BA'I RNAM PAR RIG PA DE YANG PHAN TSUN DU DER SNANG BA'I RNAM PAR RIG PA SKYE BA'I RGYU MA YIN PAS NA LUS NGAG GI LAS KYI RNAM PAR RIG PA YANG THUN MONG MA YIN PA NYID DO, ,GZUNG BA DANG 'DZIN PAR SNANG BA MED PA LA 'JUG PA NI GZUNG BAR SNANG BA MED PA LA 'JUG PAR 'GYUR BA DES NA GZUNG BAR SNANG BA MED PA LA 'JUG PA'I DBANG DU BYAS TE GSUNGS PA, PHYI ROL GYI GZUNG BA THUN MONG PAR SNANG BA 'DZIN PA'I RNAM PAR RIG PA LA RNAM PAR SHES BA LAS PHYI ROL GYI DON MED DE, THUN MONG PA YIN PA'I PHYIR RO ZHES BYA BA NI GANG GI PHYIR SNOD KYI RNAM PAR RIG PAR SNANG BA 'DIZN PA'I RNAM PAR RIG PA NYID RGYUD SO SO LA SKYE BA DE'I PHYIR RO, ,'DIZN PA'I RNAM PAR RIG PAR GYUR PA LA DER SNANG BA'I RNAM PAR SHES PA LAS PHYIR ROL TU GYUR PA @31A *, ,'DZIN PA'I RNAM PAR RIG PAR GYUR PA GZHAN YOD PA MA YIN LA, RNAM PAR RIG PA DE NYID KYANG GZHAN GYI YUL DU 'GYUR BA MA YIN NO, ,GANG GI PHYIR SNOD KYI RNAM PAR RIG PA THUN MONG PA YIN PAS NA RGYUD SO SO LA DER SNANG BA'I RNAM PAR RIG PA SKYE BA DE'I PHYIR GCIG GI RNAM PAR RIG PA GANG YIN PA DE GZHAN GYI YUL DU 'GYUR BA MA YIN NO, ,DES NA DON MED DO, ,SEMS CAN GYI KHAMS THUN MONG PA'I GZUNG BA RNAM PAR RIG PA YANG 'DIS BSAL BA YIN NO, ,CIG SHOS THUN MONG MA YIN PA'I GZUNG BA RNAM PAR RIG PA'I DON GANG YIN PA GZHAN GYI SEMS DANG SEMS LAS BYUNG BA ZHES BYA BA DE YANG MNYAM PAR MA BZHAG PA DANG, MNYAM PAR BZHAG PA'I 'DZIN PA'I RNAM PAR RIG PA RNAM PA GNYI GA YANG PHAN TSUN YUL DU 'GYUR BA MA YIN PA STE, DE CI'I PHYIR ZHE NA, MNYAM PAR MA BZHAG PA LA NI, RANG GI RNAM PAR RTOG PA SNANG BA'I PHYIR RO, ,GANG GI PHYIR MNYAM PAR MA BZHAG PA LA RANG GI RNAM PAR RTOG PA LAS SNANG BA'I GZUNG BA RANG GI RNAM PAR RIG PA NYID YUL DU 'GYUR BA DE'I PHYIR GZHAN GYI SEMS LA SOGS PA DE'I YUL MA YIN NO, ,CIG SHOS MNYAM PAR BZHAG PA LA YANG TING NGE 'DZIN GYI SPYOD YUL LA DE'I GZUGS BRNYAN SNANG BA'I PHYIR GZHAN GYI SEMS LA SOGS PA YUL MA YIN NO ZHES RJES SU 'JUG GO, ,GANG GI PHYIR MNYAM PAR BZHAG PA'I RNAM PAR RIG PA LA YANG TING NGE 'DZIN GYI SPYOD YUL DE'I GZUGS BRNYAN DU SNANG BA'I RNAM PAR RIG PA NYID YUL DU 'GYUR BA DE'I PHYIR DE'I YUL YANG GZHAN GYI SEMS LA SOGS PA MA YIN NO, ,DE LTA NA YANG RANG GI RNAM PAR RIG PA NYID YUL YIN PA'I PHYIR RNAM PAR SHES PA LAS PHYI ROL DU GYUR PA'I DON MED LA DE MED PA'I PHYIR GZUNG BAR SNANG BA MED DO, ,GZUNG BAR SNANG BA DE MED PAR GRUB PA NA YANG 'DZIN PAR SNANG BA MED PAR GRUB STE, GZUNG BA MED NA 'DZIN PA MED PA'I PHYIR RO, ,DE LAS KYANG GZUNG BA DANG 'DZIN PAR SNANG BA MED PAR 'JUG PA'I RIM GYIS GRUB PAR RIG PAR BYA'O, ,DE CI'I PHYIR ZHE NA, THOG MA MED PA'I KUN NAS LDANG BA GRUB PA'I PHYIR RO, ,GANG ZHIG DE BZHIN NYID MI SHES PA MED PA'I GNYIS SNANG BA, @31B PHYIN CI LOG GI RGYU DE NI THOG MA MED PA'I KUN NAS LDANG BA YIN NO, ,DES NA THOG MA MED PA'I KUN NAS LDANG BA DE GRUB PA'I PHYIR TE, YONGS SU GRUB PA'I PHYIR NA GZUNG BA DANG 'DZIN PAR SNANG BA MED PA YIN TE, PHYIN CI LOG RNAM PA GNYIS YANG DAG PA MA YIN PA'I PHYIR RO, ,'DI LAS KYANG GZUNG BA DANG 'DZIN PAR SNANG BA MED DO, ,GANG LAS SHE NA, GNYIS YONGS SU MA GRUB PAR RAB TU GRUB PA'I PHYIR RO, ,GNYIS YONGS SU MA GRUB PAR YANG 'GAL BA'I RNAM PAR SHES PA SKYE BAR MTHONG BA LA SOGS PA'I RGYU LAS RTOGS PAR BYA'O, ,GANG GIS DE LTAR YONGS SU SHES PA DE NI CHOS LA 'JUG PA BLA NA MED PA YIN NO ZHES BRJOD DO, ,CHOS LA 'JUG PA BSHAD ZIN TO, ,GANG GI PHYIR DA NI CHOS NYID LA 'JUG PA BRJOD PAR BYA BA YIN PAS DE'I DBANG DU BYAS TE GSUNGS PA NI, RNAM PA DRUG GIS CHOS NYID LA 'JUG PA LA BLA NA MED PA YIN TE ZHES BYA STE, 'CHAD PAR 'GYUR BA DRUG GIS SO, ,'DI LTA STE, MTSAN NYID DANG, GNAS DANG, NGES PAR RTOG PA DANG, REG PA DANG, RJES SU DRAN PA DANG, DE'I BDAG NYID DU NYE BAR SON PA LA 'JUG PAS SO, ,DE LA MTSAN NYID NI GZUNG BA DANG, 'DZIN PA DANG, BRJOD PAR BYA BA DANG, RJOD PAR BYED PA KHYAD PAR MED PA'I DE BZHIN NYID NI CHOS NYID KYI MTSAN NYID DO ZHES BYA BA MDO JI LTA BA BZHIN NO, ,DE LA GNAS NI CHOS THAMS CAD DANG, GSUNG RAB YAN LAG BCU GNYIS SU GTOGS PA'I MDO SDE THAMS CAD DO ZHES BYA BA LA, CHOS THAMS CAD NI GZUGS LA SOGS PA'O, ,YAN LAG BCU GNYIS NI MDO DANG DBYANGS KYIS BSNYAD PA LA SOGS PA'O, ,GNYIS SMOS PA NI KUN NAS NYON MONGS PA DANG, RNAM PAR BYANG BAS BSDUS PA'I DBANG DU BYED PAS SO, ,DE LA NGES PAR RTOG PA NI, THEG PA CHEN PO'I MDO SDE LA BRTEN PA'I TSUL BZHIN DU YID LA BYED PAS BSDUS PA'I SBYOR BA'I LAM THAMS CAD DO ZHES BYA BA LA, THAMS CAD NI THOS PA DANG, BSAMS PA DANG, BSGOMS PAS RAB TU PHYE BA STE, DES DE LA NGES PAR RTOG PA'I PHYIR RO, ,DE LA REG PA NI YANG DAG PA'I LTA BA THOB PA'I PHYIR MTHONG BA'I LAM @32A *, ,GYIS MNGON SUM GYI TSUL DU DE BZHIN NYID THOB CING NYAMS SU MYONG BA'O ZHES BYA BA LA REG PA NI MTHONG BA'I LAM GYIS DE BZHIN NYID SO SOR RIG PA YIN LA, DE YANG THOB CING NYAMS SU MYONG BA ZHES BRJOD DO, ,THOB PA NYID NYAMS SU MYONG BA NI, THOB CING NYAMS SU MYONG BA ZHES BYA BAS SO, ,YANG NYAMS SU MYONG BA 'DI JI LTAR RNAM PAR GZHAG PAR BYA ZHE NA, GSUNGS PA, MNGON SUM GYI TSUL DU'O, ,MNGON SUM DU BYED PA GANG YIN PA DE NYID NYAMS SU MYONG BA YIN NO ZHES BYA BA'I DON DU 'DI STON PA YIN NO, REG PA'I DON DE DAG TU RJES SU DRAN PA YIN PAS DE STON PA NI, RJES SU DRAN PA NI DE'I DRI MA DRUNGS DBYUNG BA'I DON DU JI LTAR MTHONG BA NYID BSGOM PA'I LAM BYANG CHUB KYI PHYOGS KYIS BSDUS PA THAMS CAD DO ZHES BYA'O, ,DE LA MTHONG BA'I LAM GYIS DE MA THAG PA'I BSGOM PA'I LAM DE LA RJES SU DRAN PA ZHES BRJOD DO, ,THOB ZIN PA'I LAM DE YONGS SU GCOD PA'I RJES SU DRAN PAS MNGON DU PHYOGS PAR BYED DO, ,DE YANG CI'I DON DU ZHE NA, GSUNGS PA, DE'I DRI MA DRUNGS DBYUNG BA'I DON DU STE, DE BZHIN NYID LA BSGOMS PAS SPANG BAR BYA BA'I MTSAN NYID KYI DRI MA LHAG MA SPANG BA'I DON DU'O ZHES BYA BA'I THA TSIG GO, ,RJES SU DRAN PA'I DE MA THAG TU DE'I BDAG NYID DU NYE BAR SON PA YIN PAS DE STON PA NI, DE'I BDAG NYID DU NYE BAR SON PA NI DE BZHIN NYID DRI MA MED PAR GYUR PA NA THAMS CAD DE BZHIN NYID TZAM DU SNANG BA ZHES BYA BA LA, ,DE LA BSGOM PA'I LAM GYIS DRI MA LHAG MA SPANGS PA'I PHYIR DE BZHIN NYID DRI MA MED PAR GYUR PA NA GANG ZHIG MTHAR THUG PA'I LAM GYIS RNAM PA THAMS CAD NAS DE BZHIN NYID TZAM DU SNANG BA STE, DRI MA THAMS CAD DANG BRAL BAS DE BZHIN NYID TZAM DU GYUR PA'I PHYIR TE, DE TZAM DU YUL DU GYUR PA DE NI DE'I BDAG NYID DU NYE BAR SON PA ZHES BRJOD DO, ,DE YANG GNAS YONGS SU GYUR PA YONGS SU GRUB PA YIN TE DE'I BDAG NYID YIN PA'I PHYIR RO, ,MTHONG BA'I LAM LA SOGS PA'I GNAS SKABS NA YANG YONGS SU GYUR PA YOD PAS NA, 'DI LA YONGS SU GRUB PAR BSTAN TE, DRI MA MA LUS SPANGS PA'I PHYIR RO, ,GNAS YONGS SU GYUR PA DE LA YANG @32B JI LTAR 'JUG PAR BYA ZHING, JI LTAR DE LA ZHUGS PA BLA NA MED PAR 'GYUR ZHE NA, GSUNGS PA, RNAM PA BCUS GNAS YONGS SU GYUR PA LA 'JUG PA BLA NA MED PA YIN TE ZHES BYA STE, 'CHAD PAR 'GYUR BA RNAM PA BCUS SO, ,'DI LTA STE, RANG BZHIN DANG, DNGOS PO DANG, GANG ZAG DANG; KHYAD PAR DANG, DGOS PA DANG, RTEN DANG, YID LA BYED PA DANG, SBYOR BA DANG, NYES DMIGS DANG, PHAN YON LA 'JUG PAS SO, ,DE LA DANG POR RANG BZHIN LA 'JUG PA NI GLO BUR GYI DRI MA DANG, DE BZHIN NYID MI SNANG BA DANG, SNANG BA'I DON DU DE BZHIN NYID DRI MA MED PA'O; ,GLO BUR GYI DRI MA MI SNANG BA'I DON DANG, DE BZHIN NYID TZAM SNANG BA'I DON DU DE BZHIN NYID DRI MA MED PAR GYUR PA GANG YIN PA DE NI GNAS YONGS SU GYUR PA'I RANG BZHIN YIN NO, ,GANG ZHIG DE LTAR YONGS SU SHES PA DE LA NI RANG BZHIN LA 'JUG PA BLA NA MED PA ZHES BRJOD DO, ,DE LA DNGOS PO LA 'JUG PA NI THUN MONG PA SNOD KYI RNAM PAR RIG PA'I DE BZHIN NYID YONGS SU GYUR PA DANG, MDO SDE'I CHOS KYI DBYINGS KYI DE BZHIN NYID YONGS SU GYUR PA DANG, THUN MONG MA YIN PAS SEMS CAN GYI KHAMS KYI DE BZHIN NYID YONGS SU GYUR PA'O ZHES BYA BA LA, GNAS YONGS SU GYUR PA'I DNGOS PO NI DE BZHIN NYID RNAM PA GSUM YONGS SU GYUR PA STE, DE'I RJES SU SONG BA'I DBYE BA LAS KYANG 'BRAS BU'I DBYE BA LAS SO, ,SNANG BA DANG, 'DOMS PA DANG, KUN DU STON PA'I 'BRAS BU THA DAD PA'I PHYIR RO, ,DE LA GANG ZAG LA 'JUG PA NI DANG PO GNYIS NI SANGS RGYAS DANG BYANG CHUB SEMS DPA' RNAMS NYID KYI DE BZHIN NYID YONGS SU GYUR PA YIN GYI, GZHAN GYI NI MA YIN TE THUN MONG MA YIN PA'I PHYIR RO, ,PHYI MA NI NYAN THOS DANG RANG SANGS RGYAS RNAMS KYI YANG YIN LA, SANGS RGYAS DANG BYANG CHUB SEMS DPA' RNAMS KYI YANG YIN PAS THUN MONG PA YIN PA'I PHYIR RO, ,DE LA KHYAD PAR LA 'JUG PA NI SANGS RGYAS DANG BYANG CHUB SEMS DPA' RNAMS KYI ZHING YONGS SU DAG PA'I KHYAD PAR DANG ZHES BYA BA LA, ZHING YONGS SU DAG PA'I KHYAD PAR NI SANGS RGYAS DANG BYANG CHUB SEMS DPA' RNAMS GNYIS KYI YIN GYI NYAN THOS RNAMS KYI NI MA @33A *, ,YIN TE, DE LA NI MTHO DMAN CAN DU SNANG BA'I PHYIR RO, ,CHOS KYI SKU DANG, LONGS SPYOD RDZOGS PA DANG, SPRUL PA'I SKU THOB PAS STON PA DANG, 'DOMS PA DANG, DBANG 'BYOR BA NYID THOB PA'I KHYAD PAR LAS SO ZHES BYA BA LA, DE LA STON PA NYID THOB PA'I KHYAD PAR NI SHES BYA'I RNAM PA THAMS CAD MNGON SUM DU GYUR PA LAS RTOGS PAR BYA'O, ,'DOMS PA NYID THOB PA'I KHYAD PAR NI ZAB PA DANG, RGYA CHE BA DANG, RGYA CHE BA DANG, NGO MTSAR DU MA'I SGO BSAM GYIS MI KHYAD PA STON PA'I PHYIR RO, ,DBANG 'BYOR BA NYID THOB PA'I KHYAD PAR NI SEMS CAN GYI BYA BA SGRUB PA'I RTEN THOGS PA MED PA'I MNGON PAR SHES PA LA SOGS PA BSAM GYIS MI KHYAB PA'I YON TAN THOB PA'I PHYIR RO, ,DE DAG NI RIM PA JI LTA BA BZHIN CHOS KYI SKU DANG, RDZOGS PAR LONGS SPYOD PA DANG, SPRUL PA'I SKU THOB PA LAS YIN PAR RIG PAR BYA'O, ,DE LA DGOS PA LA 'JUG PA NI SNGON GYI SMON LAM GYI KHYAD PAR LAS DANG, THEG PA CHEN PO STON PA'I DMIGS PA'I KHYAD PAR LAS DANG, SA BCU PO RNAMS SU SBYOR BA'I KHYAD PAR LAS SO ZHES BYA BA LA, ,DE LA DGOS PA'I KHYAD PAR RNAM PA GSUM GYIS NYAN THOS DANG RANG SANGS RGYAS RNAMS LAS BYANG CHUB SEMS DPA' RNAMS KYI GNAS YONGS SU GYUR PA KHYAD PAR DU 'PHAGS PAS SO, ,KHYAD PAR RNAM PA GSUM LAS SMON LAM GYI KHYAD PAR NI SNGON GYI SMON LAM GYI KHYAD PAR LAS TE, BYANG CHUB TU SMON PA LAS SO, ,DMIGS PA'I KHYAD PAR NI THEG PA CHEN PO STON PA'I DMIGS PA'I KHYAD PAR LAS TE, 'DRES PA DANG MA 'DRES PA'I CHOS THAMS CAD LA DMIGS PA DANG, DE'I DE BZHIN NYID LA DMIGS PA LAS SO, ,SBYOR BA'I KHYAD PAR NI SA BCU PO RNAMS SU SBYOR BA'I KHYAD PAR LAS TE, SGRIB PA THAMS CAD SPANG PA'I DON DU DE'I GNYEN PO BSGOM PA LA SBYOR BA'I PHYIR RO, ,DE LA GNAS YONGS SU GYUR PA'I RTEN NI RNAM PAR MI RTOG PA'I YE SHES YIN TE, RTEN DES DE THOB PA'I PHYIR RO, ,DE LA 'JUG PA NI JI LTA BU YIN ZHE NA, GSUNGS PA, RNAM PAR MI RTOG PA'I YE SHES LA 'JUG PA RNAM PA DRUG GIS SO, ,'JUG PA RNAM PA @33B DRUG KYANG, DMIGS PA DANG, MTSAN MA SPANGS PA DANG, YANG DAG PA'I SBYOR BA DANG, MTSAN NYID DANG, RJES SU BSNGAGS PA DANG, PHAN YON DANG, YONGS SU SHES PA LAS SO, ,DE LA DMIGS PA LA 'JUG PA NI RNAM PA BZHI STE ZHES BYA BA NI DE MA THAG TU 'CHAD PAR 'GYUR BAS SO, ,'DI LTA STE, THEG PA CHEN PO STON PA DANG, DE LA MOS PA DANG, NGES PA DANG, TSOGS YONGS SU RDZOGS PAS SO, ,RNAM PAR MI RTOG PA'I YE SHES DE'I DMIGS PA NI THEG PA CHEN PO STON PA DANG, DE LA MOS PA DANG, NGES PA DANG, TSOGS YONGS SU RDZOGS PA YIN TE, GANG RUNG ZHIG MED NA DE MI SKYE BA'I PHYIR RO, ,DES NA DMIGS PA LA 'JUG PA MTHA' DAG BSTAN PA YIN NO, ,DE LA MTSAN MA SPANGS PA LA 'JUG PA NI RNAM PA BZHI STE, MI MTHUN PA'I PHYOGS DANG, GNYEN PO DANG, DE BZHIN NYID DANG, RTOGS PA'I MTSAN MA SPANGS PA LAS RJES SU RTOGS PAR BYA'O, ,DE LA MI MTHUN PA'I PHYOGS KYI MTSAN MA SPANGS PA NI 'DOD CHAGS LA SOGS PA'I MTSAN MA SPANGS PA LAS SO, ,GNYEN PO'I MTSAN MA SPANGS PA NI MI SDUG PA LA SOGS PA'I MTSAN MA SPANGS PA LAS SO, ,DE BZHIN NYID KYI MTSAN MA SPANGS PA NI 'DI NI DE BZHIN NYID DO ZHES BYA BA'I 'BAD RTZOL YANG SPANGS PA LAS SO, ,RTOGS PA'I MTSAN MA SPANGS PA NI SA RNAMS SU BSGOMS PAS RTOGS PAR BYA BA THOB PA'I MTSAN MA SPANGS PA LAS SO, ,DE LTAR YIN DANG 'DIS NI RIM PA JI LTA BA BZHAN RAGS PA DANG, 'BRING DANG, PHRA MO DANG, RING DU RJES SU 'BREL BA RNAMS BRJOD PA YIN NO, ,DE LA MI MTHUN PA'I PHYOGS KYI MTSAN MA NI GNAS NGAN LEN GYI RGYU YIN PA'I PHYIR DANG, RTOGS PAR SLA BA'I PHYIR RAGS PA YIN NO, ,DE'I GNYEN PO YIN PA'I PHYIR GNYEN PO'I MTSAN MA NI 'BRING YIN NO, ,DE BZHIN NYID KYI MTSAN MA NI PHRA BA YIN TE, DE LAS GZHAN THAMS CAD KYI GNYEN PO YIN PA'I PHYIR RO, ,RTOG PA'I MTSAN MA NI BSGOMS PA'I 'BRAS BU YIN PA'I PHYIR RING DU RJES SU 'BREL BA YIN PAR RIG PAR BYA'O, ,DE @34A *, ,LA YANG DAG PA'I SBYOR BA LA 'JUG PA NI RNAM PA GNYIS TE, 'DI LTA STE, DMIGS PA'I SBYOR BAS NI RNAM PAR RIG PA TZAM DMIGS PA'I SBYOR BA LAS SO, ,MI DMIGS PA'I SBYOR BAS NI DON MI DMIGS PA LAS SO, ,DMIGS PA ME DMIGS PA'I SBYOR BAS NI DON MED NA RNAM PAR RIG PA TZAM MI DMIGS PA LAS TE, RNAM PAR RIG PAR BYA BA'I DON MED NA RNAM PAR RIG PA MI 'THAD PA'I PHYIR RO, ,DMIGS PA MI DMIGS PA'I SBYOR BA NI GNYIS PA MA DMIGS PAS GNYIS MED PA DMIGS PA LAS SO, ,DE LA MTSAN NYID LA 'JUG PA NI RNAM PA GSUM GYIS TE, 'DI LTA STE, CHOS NYID GNAS PA LAS NI GNYIS SU MED CING BRJOD DU MED PA'I MTSAN NYID LA GNAS PA'I PHYIR TE, DE DMIGS PA'I PHYIR RO, ,MI SNANG BA LAS NI GNYIS DANG, JI LTAR MNGON PAR BRJOD PA DANG, DBANG PO DANG, YUL DANG, RNAM PAR RIG PA DANG, SNOD KYI 'JIG RTEN MI SNANG BA'I PHYIR RO, ,GANG DU GNYIS DANG, JI LTAR MNGON PAR BRJOD PA DANG, DBANG PO DANG, YUL DANG, RNAM PAR RIG PA DANG, SNOD KYI 'JIG RTEN GYI SNANG BA MED PAR GYUR PA DE NI RNAM PAR MI RTOG PA'I YE SHES YIN NO, ,DE LTAR GYUR NA CI ZHIG BSTAN PAR 'GYUR ZHE NA, GSUNGS PA, DE LTAR NA 'DIS NI BRTAG TU MED PA, BSTAN DU MED PA, MI GNAS PA, SNANG BA MED PA, RNAM PAR RIG PA MED PA, GNAS PA MED PA ZHES BYA BA RNAM PAR MI RTOG PA'I YE SHES KYI MTSAN NYID MDO JI LTA BA BZHIN DU BRJOD PA YIN NO, ,DE LA GZUNG BA DANG 'DZIN PA'I DNGOS PO LA GNYIS SU BRTAG TU MED PA'I PHYIR BRTAG TU MED PA'O, ,MNGON PAR BRJOD PAS BSTAN PAR MI NUS PA'I PHYIR BSTAN DU MED PA'O, ,MIG GI DBANG PO LA SOGS PAR MI GNAS PAS NA MI GNAS PA'O, , YUL MA YIN PA'I PHYIR SNANG BA MED PA STE, GZUGS LA SOGS PA YUL SNANG BA MED PA'I PHYIR RO, ,RNAM PAR RIG PA MA YIN PAS RNAM PAR RIG PA MED PA'O, ,GNAS KYI DNGOS PO MA YIN PAS GNAS MED PA'O, ,SNANG BA LAS NI CHOS THAMS CAD NAM MKHA'I DKYIL 'KHOR DANG MNYAM @34B PAR SNANG BA'I PHYIR TE, DE'I YUL CAN GYI MTSAN MA THAMS CAD SPANGS PA'I PHYIR RO, ,'DU BYED THAMS CAD SGYU MA LA SOGS PA LTA BUR SNANG BA'I PHYIR TE, DE YANG DAG PA MA YIN PAR SNANG BAR RTOGS PA'I PHYIR RO, ,SOGS PA SMOS PA NI SMIG RGYU DANG RMI LAM LA SOGS PA BLTA BAR BYA'O; ,DE LA PHAN YON LA 'JUG PA NI RNAM PA BZHI STE, CHOS KYI SKU RDZOGS PAR THOB PAS NI GNAS YONGS SU GYUR PAS SO, ,BDE BAR GNAS PA MCHOG THOB PAS NI, ZAG PA DANG BCAS PA'I BDE BA SPANGS PA DANG, GTAN DU DE'I BDAG NYID DU GYUR PA'I PHYIR RO; ,STON PA LA DBANG 'BYOR PAS NI SHES BYA JI LTA BA DANG, JI SNYED PA RTOGS PA'I PHYIR RO, ,'DOMS PA LA DBANG 'BYOR BA NYID THOB PAS NI JI LTAR 'OS PAR BSTAN PA'I SGO DU MA LA 'JUG PA'I PHYIR RO, ,PHAN YON RNAM PA BZHI THOB PA'I RGYU YIN PA'I PHYIR NA, YE SHES DE'I PHAN YON RNAM PA BZHIR BRJOD DO, ,DE LA YONGS SU SHES PA LAS 'JUG PA NI RNAM PA BZHI STE, GNYEN PO YONGS SU SHES PA DANG, MTSAN NYID YONGS SU SHES PA DANG, KHYAD PAR YONGS SU SHES PA DANG, LAS YONGS SU SHES PA LAS SO; ,DE LA GNYEN PO YONGS SU SHES PA NI, RNAM PAR MI RTOG PA'I YE SHES CHOS DANG, GANG ZAG DANG, YONGS SU 'GYUR BA DANG, THA DAD PA DANG, SKUR BA 'DEBS PA STE, MED PAR 'DZIN PA RNAM PA LNGA'I GNYEN PO YIN PA'I PHYIR RO ZHES BYA BA LA, MED PAR 'DZIN PA RNAM PA LNGA'I GNYEN PO NI RNAM PAR MI RTOG PA'I YE SHES YIN NO ZHES DE LTAR SHES PA GANG YIN PA DE LA NI GNYEN PO YONGS SU SHES PA ZHES BRJOD DO, ,MED PAR 'DZIN PA RNAM PA LNGA NI MED PA'I CHOS 'DZIN PA DANG, MED PA'I GANG ZAG 'DZIN PA STE, DON DAM PAR 'DZIN PA'O, MED PA'I YONGS SU GYUR PA 'DZIN PA STE, CHOS RNAMS SKYE BA DANG 'GAG PAR 'DZIN PA GANG YIN PA'O, ,MED PA THA DAD PA 'DZIN PA NI CHOS DANG CHOS NYID DAG SO SO BAR MNGON PAR ZHEN PA'I PHYIR RO, ,MED PA'I SKUR BA NYID 'DZIN PA NI CHOS DANG GANG @35A *, ,ZAG DAG BRTAGS PAR YOD PA LA YANG SKUR PA 'DEBS PA'I PHYIR RO, ,DE LA MTSAN NYID YONGS SU SHES PA NI YID LA MI BYED PA DANG, YANG DAG PAR 'DAS PA DANG, NYE BAR ZHI BA DANG, NGO BO NYID KYI DON DANG, MNGON RTAGS SU BYED PA STE, RNAM PA LNGA SPANGS PA'I RANG GI MTSAN NYID KYIS SO, ,RE ZHIG RNAM PAR MI RTOG PA'I YE SHES DE RNAM PAR RTOG PA YID LA MI BYED PAS NI RNAM PAR MI RTOG PA'I RANG BZHIN DU MI RIGS SO, ,GAL TE RNAM PAR RTOG PA YID LA MI BYED PAS RNAM PAR MI RTOG PA YIN NA NI, DE LA BU CHUNG DANG BYIS PA LA SOGS PA'I SHES PA YANG RNAM PAR MI RTOG PAR 'GYUR TE, GANG GI PHYIR DE DAG KYANG GNAS SKABS DE'I TSE RNAM PAR RTOG PAR MI BYED PAS SO, ,RNAM PAR RTOG PA LAS YANG DAG PAR 'DAS PA'I RANG BZHIN YANG YIN PAR RIGS PA MA YIN TE, GAL TE YANG DAG PAR 'DAS PA'I RANG BZHIN DE YIN NA NI, DE LAS BSAM GTAN GNYIS PA LA SOGS PA'I SNYOMS PAR 'JUG PA LA SNYOMS PAR ZHUGS PA YANG DER 'GYUR TE, RTOG DPYOD MED PA LA RNAM PAR RTOG PA MED PA'I PHYIR RO, ,RNAM PAR RTOG PA NYE BAR ZHI BA'I RANG BZHIN YANG YIN PAR MI RIGS TE; GAL TE RNAM PAR RTOG PA NYE BAR ZHI BAS RNAM PAR MI RTOG PA YIN NA NI DES NA GNYID LOG PA DANG, MYOS PA DANG, BRGYAL BA RNAMS KYANG DER 'GYUR TE, GANG GI PHYIR DE DAG KYANG GNAS SKABS DE'I TSE RNAM PAR RTOG PAR MI BYED PAS SO, ,'ON TE NGO BO NYID KYI DON KHO NAS RNAM PAR MI RTOG PA YIN NA NI GZUGS LA SOGS PA'I YUL YANG RNAM PAR RTOG PAR MI 'GYUR TE, GANG GI PHYIR DE DAG KYANG G-YO BA MED PA'I PHYIR RNAM PAR RTOG PA MI BYED PAS SO, ,RNAM PAR MI RTOG PA NYID MNGON RTAGS SU BYED PA YANG DE YIN PAR MI RIGS SO, ,'DI LTAR RNAM PAR MI RTOG PA'O, ,RNAM PAR MI RTOG PA'O ZHES YID LA BYED PA BZHIN NA NI SHES PA DE SKYE BA MA YIN TE, RNAM PAR MI RTOG PAR RNAM PAR RTOG CING BRJOD PA'I YID LA BYED PA YANG RNAM PAR RTOG PA'I RNAM PA NYID YIN PA'I PHYIR RO, ,DE'I PHYIR SHES PA DE NI RNAM PA 'DI LNGA'I RANG GI @35B MTSAN NYID LAS GREL PAR RIG PAR BYA'O, ,DE LA KHYAD PAR YONGS SU SHES PA NI RNAM PAR MI RTOG PA DANG, NYI TSE BA MA YIN PA NYID DANG, MI GNAS PA NYID DANG, GTAN DU BA NYID DANG, BLA NA MED PA NYID DANG, KHYAD PAR RNAM PA LNGAS SO, ,SHES PA DE NI KHYAD PAR RNAM PA LNGAS NYAN THOS DANG, RANG SANGS RGYAS RNAMS KYI LAS KHYAD PAR DU 'PHAGS PAS SO, ,DE LA NYAN THOS DANG RANG SANGS RGYAS RNAMS NI MYA NGAN LAS 'DAS PA DANG, 'KHOR BA'I YON TAN DANG NYES PA LA RNAM PAR RTOG PA'I PHYIR NA DE'I SHES PA YANG RNAM PAR RTOG PA DANG BCAS PA YIN NO, ,NYI TSE BA YANG YIN TE, 'PHAGS PA'I BDEN PA BZHI'I SPYI'I MTSAN NYID TZAM LA DMIGS PA'I PHYIR RO, ,GNAS PA YANG YIN TE, MYA NGAN LAS 'DAS PA LA GNAS PAS SO, ,GTAN DU BA YANG MA YIN TE, PHUNG PO LHAG MA MED PA'I MYA NGAN LAS 'DAS PAR 'CHAD PA'I PHYIR TE, GZINGS LTA BU'I MDO LAS BSTAN PA BZHIN NO, ,BLA NA YOD PA YANG YIN TE, SANGS RGYAS KYI YE SHES BLA NA YOD PA'I PHYIR RO, ,'DI DAG LAS BZLOG NAS KHYAD PAR RNAM PA LNGAS SANGS RGYAS DANG BYANG CHUB SEMS DPA' RNAMS KYI YE SHES KHYAD PAR DU 'PHAGS SO, ,RNAM PAR MI RTOG PAS NI MYA NGAN LAS 'DAS PA DANG, 'KHOR BA DAG NI YON TAN DANG NYES PA LA RNAM PAR MI RTOG PA'I PHYIR RO, ,NYI TSE BA MA YIN PA NI SHES BYA MTHA' DAG GI RANG DANG SPYI'I MTSAN NYID JI LTA BA BZHIN YUL DU BYED PA'I PHYIR RO, ,MI GNAS PA NYID NI MYA NGAN LAS 'DAS PA DANG, 'KHOR BA DAG MI LEN PA DANG MI 'DOR BA'I PHYIR RO, ,GTAN DU BA NI RTEN CHOS KYI SKU RTAG PAS NA PHUNG PO LHAG MA MED PA'I MYA NGAN LAS 'DAS PA NA YANG RGYUN MI 'CHAD PA'I PHYIR RO, ,BLA NA MED PA NI DE LAS MCHOG TU KHYAD PAR DU 'PHAGS PA MED PA'I PHYIR RO, ,DE LAS YONGS SU SHES PA NI RNAM PAR RTOG PA RING DU BYED PA DANG, BLA NA MED PA'I BDE BA SGRUB PAR BYED PA DANG, NYON MONGS PA DANG SHES BYA'I SGRIB PA DANG BRAL BAR BYED PA DANG, DE'I RJES LAS THOB @36A *, ,PA'I YE SHES SHES BYA'I RNAM PA THAMS CAD LA 'JUG PAR BYED PA DANG, SANGS RGYAS KYI ZHING YONGS SU SBYONG BA DANG, SEMS CAN YONGS SU SMIN PAR BYED PA DANG, RNAM PA THAMS CAD MKHYEN PA NYID GTOD PAR BYED PA STE, LAS KYI KHYAD PAR RNAM PA LNGAS SO ZHES BYA BA LA, YE SHES DES NI LAS RNAM PA LNGA BYED DO, ,'DI LTAR STE, RNAM PAR RTOG PA MNGON DU RGYU LAS RING DU BYED DE, KUN NAS LDANG BA BCOM PA'I PHYIR RO, ,BLA NA MED PA'I BDE BA SGRUB PAR BYED DE, SHES BYA JI LTA BA DANG, JI SNYED PA RTOGS PAS PHYIN CI MA LOG CING GTAN DU PA'I BDE BA KHYAD PAR DU 'PHAGS PA THAMS CAD SGRUB PA'I PHYIR RO, ,NYON MONGS PA DANG SHES BYA'I SGRIB PA DANG BRAL BA THOB PAR BYED DE, PHRA RGYAS BAG CHAGS DANG BCAS PA YANG DAG PAR BCOM PA'I PHYIR RO, ,RNAM PAR MI RTOG PA'I RJES LAS THOB PA RANG GI MTSAN NYID KYI YUL CAN GYI YE SHES KYIS SHES BYA'I RNAM PA THAMS CAD LA 'JUG PAR YANG BYED DO, ,SANGS RGYAS KYI ZHING YONGS SU SBYONG BA DANG, SEMS CAN YONGS SU SMIN PA DANG, RNAM PA THAMS CAD MKHYEN PA NYID GTONG BAR YANG BYED DO,, DE LA YID LA BYED PA LA 'JUG PA NI CI NAS KYANG RNAM PAR MI RTOG PA LA 'JUG PAR 'DOD PA'I BYANG CHUB SEMS DPA' DE 'DI SNYAM DU YID LA BYED DO, ,GO RIMS KYANG STON TE, YANG DAG PA MA YIN PA'I KUN TU RTOG PAS SA BON THAMS CAD PA ZHES BYA BA NI KUN GZHI RNAM PAR SHES PAS BSDUS PA'O, ,MED PA GNYIS SU SNANG BA'I RGYU ZHES BYA BA NI GNYIS SU MNGON PAR ZHEN PA'I BAG CHAGS KYIS YONGS SU ZIN PA'I PHYIR RO, ,DE LA BRTEN PA'I RGYUD GZHAN ZHES BYA BA LA 'JUG PA'I RNAM PAR SHES PAR RTOGS PA'O, ,DE BZHIN NYID MA SHES PA LAS YIN TE ZHES BYA BA NI THOG MA MED PA'I DUS CAN GYI MA RIG PA'I BAG CHAGS LAS SO, ,DE'I PHYIR ZHES BYA BA NI MI SHES PA PHYIN CI LOG GI RGYU YIN PA'I PHYIR RO, ,RGYU DANG BCAS PA'I 'BRAS BU NI SNANG DU ZIN KYANG YOD PA MA YIN NO ZHES BYA BA NI YANG DAG PA MA YIN PA'I KUN TU RTOG PA DE NI @36B RTAG TU SHES PA LA SNANG DU ZIN KYANG YOD PA MA YIN PA KHO NA'O, ,GZHAN YANG DE SNANG BAS NI CHOS NYID MI SNANG ZHING ZHES BYA BA NI DE BZHIN NYID MI SNANG BA'O, ,DE MI SNANG BAS NI CHOS NYID MI SNANG BA YIN NO ZHES BYA BA NI DE NI DE MED PAS RAB TU PHYE BA YIN PA'I PHYIR RO, ,GANG ZHIG MOS PA YID LA BYED PAS DE LTAR YID LA BYED PA'I BYANG CHUB SEMS DPA' RNAM PAR MI RTOG PA'I YE SHES LA 'JUG PA YIN NO ZHES BYA BA NI SBYOR BA'I LAM GYIS BSDUS PA'O, ,DE LTAR DMIGS PA LAS NI ZHES BYA BA NI YANG DAG PA MA YIN PA'I KUN TU RTOG PA NI SNANG DU ZIN KYANG MED PAR DMIGS PA LA SOGS PA RNAM PAR RIG PA TZAM DU DMIGS PA LA 'JUG GO ZHES BYA BA NI RNAM PAR RIG PA GNYIS SU SNANG BA YIN PA'I PHYIR RO, ,RNAM PAR RIG PA TZAM DU DMIGS PA LAS NI DON THAMS CAD MI DMIGS PA LA 'JUG GO ZHES BYA BA NI, RNAM PAR RIG PA NYID DON DU SNANG BAS NA PHYI ROL GYI DON MED PA'I PHYIR RO, ,DON THAMS CAD MI DMIGS PA LAS NI RNAM PAR RIG PA TZAM DU MI DMIGS PA LA 'JUG GO ZHES BYA BA NI, RNAM PAR RIG PA RNAM PAR RIG PA NYID DU MI 'GRUB PA'I PHYIR TE, RNAM PAR RIG PAR BYA BA'I DON MED NA RNAM PAR RIG PA MI RIGS PA'I PHYIR RO, ,DE MI DMIGS PA LAS NI ZHES BYA BA NI GZUNG BA DANG 'DZIN PA MI DMIGS PA LAS SO, ,GNYIS PO KHYAD PAR MED PA DMIGS PA LA 'JUG GO ZHES BYA BA NI GNYIS SU MED PA NYID KYIS GNYIS PO KHYAD PAR MED PA'I PHYIR RO, ,GNYIS PO GZUNG BA DANG 'DZIN PA'I NGO BOR MA DMIGS PA GANG YIN PA DE NYID GNYIS SO, ,KHYAD PAR MED PAR DMIGS PA YIN PAR RIG PAR BYA STE, KHYAD PAR NI GNYIS YOD NA RTOGS PA'I PHYIR RO, ,DE LA GNYIS MI DMIGS PA GANG YIN PA GANG ZHES BYA BA NI GZUNG BA DANG 'DZIN PA MI DMIGS PA'O, ,DE NI RNAM PAR MI RTOG PA'I YE SHES ZHES BYA BA NI BRJOD PAR BYA BA BSTAN TE, DE LTAR RNAM PAR MI RTOG PA LA 'JUG PAR 'DOD PA'I BYANG CHUB SEMS DPA' NI DE LTAR YID LA BYED PA LA, DE LTAR YID LA BYED PA YANG RNAM PAR MI RTOG PA'I YE SHES @37A *, ,LA 'JUG PA YIN NO ZHES GANG SNGAR BSTAN PA DE NYID STON PAR BYED PA'O, ,YUL MED CING ZHES BYA BA NI MIG LA SOGS PA LTAR YUL DANG BCAS PA NYID YIN PA BSAL BA'I DON DU STE, DMIGS PA MED KYANG YUL DANG BCAS PA YOD PAS SO, ,DMIGS PA MED PA ZHES BYA BA NI GZUGS LA SOGS PA'I YUL LA DMIGS PA MA YIN PA STON TE, DE NI MTSAN MA THAMS CAD MI DMIGS PAS RAB TU PHYE BA YIN PA'I PHYIR RO, ,YE SHES KYI MTSAN NYID 'JUG PA DANG BCAS PA BSHAD ZIN TO, ,DA NI BYANG CHUB SEMS DPA' JI LTAR SBYOR NA, YE SHES DE 'THOB PAR 'GYUR BA'I SBYOR BA STON TO, ,SBYOR BA LA 'JUG PA DE YANG RNAM PA BZHI STE, MOS PA'I SBYOR BAS NI MOS PAS SPYOD PA'I SA LA STE, DE NI SNGAR BSTAN PA'I NGES PAR RTOGS PA'I GNAS SKABS GANG YIN PA NYID DO, , RAB TU RTOGS PA'I SBYOR BAS NI SA DANG POR TE, DE NI MTHONG BA'I LAM GYIS CHOS KYI DBYINGS RAB TU RTOGS PA YIN PA'I PHYIR RO, ,DE YANG SNGAR BSTAN PA'I REG PA'I GNAS SKABS GANG YIN PA NYID DO, ,SGOM PA'I SBYOR BAS NI YONGS SU MA DAG PA'I SA DRUG DANG ZHES BYA BA NI, SA GNYIS PA LA SOGS PA'O, ,YONGS SU MA DAG PA NYID KYANG MTSAN MA KUN TU SPYOD PA'I PHYIR RO, ,YONGS SU DAG PA'I SA GSUM DU ZHES BYA BA NI BRGYAD PA LA SOGS PAR RO, ,YONGS SU DAG PA NYID KYANG MTSAN MA KUN TU MI SPYOD PA'I PHYIR TE, DE'I GNYEN PO LA MA RANG GI NGANG GIS 'JUG PA'I PHYIR RO, ,DE YANG SNGAR BSTAN PA'I RJES SU DRAN PA'I GNAS SKABS NYID DE, MTHAR THUG PA'I SBYOR BAS NI SANGS RGYAS KYI SA LA LHUN GYIS GRUB PAR SANGS RGYAS KYI MDZAD PA RGYUN MI 'CHAD PA'I PHYIR TE, GANG LAS DE MA THAG TU SANGS RGYAS KYI MDZAD PA RGYUN MI 'CHAD PAR THOB PA DE LA NI MTHAR THUG PA'I SBYOR BA ZHES BRJOD DO, ,DE YANG SNGAR BSTAN PA'I DE'I BDAG NYID DU NYE BAR SON PA'I GNAS SKABS NYID DO, ,DE'I BDAG NYID DU NYE BAR SON PA NYID KYANG YE SHES DE'I RANG BZHIN DU GYUR PAS NA, @37B GNAS YONGS SU GYUR BA'I YE SHES DANG RO GCIG PA'I PHYIR RO, ,DE LA NYES DMIGS LA 'JUG PA NI, GNAS YONGS SU GYUR PA MED PA'I NYES DMIGS BZHI STE, 'DI LTA STE, NYON MONGS PA MI 'JUG PA'I RTEN MED PA'I NYES DMIGS TE, GAL TE GNAS YONGS SU GYUR PA MED NA GNAS YONGS SU GYUR PA MED PAS RTEN MED PAR NYON MONGS PA RNAMS PHYIS MI SKYE BA'O, ,CHOS NYID DU GNAS PA'I 'JUG PA GANG YIN PA DE JI LTAR 'GYUR, DES NA NYON MONGS PA 'JUG PA'I RTEN BZHIN DU, DE'I RTEN YOD DGOS SO ZHES BYA BA NI, NYON MONGS PA MI 'JUG PA'I RTEN MED PA'I NYES PA'O, ,DE BZHIN DU JI LTAR ZAG PA DANG BCAS PA'I RNAM PAR SHES PA RTEN DANG BCAS PAR 'JUG PA DE BZHIN DU, DE'I GNYEN PO YANG RTEN DANG BCAS PA 'GYUR DGOS TE, DES NA LAM 'JUG PA'I RTEN MED PA'I NYES PAR 'GYUR RO, , YANG DPER NA 'KHOR BA'I GANG ZAG LA 'KHOR BA'O ZHES PHUNG PO RNAMS 'DOGS PA DE BZHIN DU YONGS SU MYA NGAN LAS 'DAS PA'I GANG ZAG LA YANG GDAGS PA'I GZHI YOD DGOS SO, ,RE ZHIG SEMS DE NYID NI YIN PAR MI 'THAD DE, MI MTHUN PA'I PHYOGS DANG GNYIS PO DAG GI SKYE BA DANG, 'GAG PA'I DUS GCIG PA YIN PA'I PHYIR DANG, 'GAL BA DAG NI RTEN GCIG PAR MI 'THAD PA'I PHYIR TE, GRANG BA DANG DRO BA'I REG PA RTEN GCIG PAR MI 'THAD PA BZHIN NO, ,PHUNG PO LHAG MA MED PAR MYA NGAN LAS 'DAS PA N YANG GDAGS PA'I GZHI MED PA'I PHYIR RO, ,DE BAS NA PHUNG PO BZHIN DU MYA NGAN LAS 'DAS PA'I GANG ZAG TU GDAGS PA'I GZHI MED DGOS SO ZHES BYA BA NI MYA NGAN LAS 'DAS PA'I GANG ZAG TU GDAGS PA'I GZHI MED PA'I NYES PA'O, ,BYANG CHUB GSUM GYI KHYAD PAR GDAGS PA'I GZHI MED PA'I NYES PA NI BZHI PA YIN NO, ,DE'I PHYIR GZHI'I DNGOS PO MED PA'I GNAS YONGS SU GYUR PA NI YOD PA YIN NO, DE LAS KYANG GNAS YONGS SU GYUR PA YOD NA DE LAS BZLOG PA PHAN YON RNAM PA BZHI NYID YIN PAR RIG PAR BYA'O, ,DE LTAR NA 'DI @38A *, ,NI GNAS YONGS SU GYUR PA LA 'JUG PA RNAM PA BCU YIN PAR RIG PAR BYA'O, ,JI LTAR YANG DAG PA MA YIN PA'I KUN TU RTOG PA SNANG YANG YOD PA MA YIN PA NI BSHAD ZIN TO, ,'ON KYANG 'DIR DE LA YID CHES PAR BYED PA'I DPE BRJOD PAR BYA BA GSUNGS PA, MED PAR SNANG BA'I DPE NI SGYU MA DANG RMI LAM LA SOGS PA YIN TE, DPER NA SGYU MA DANG RMI LAM LA SOGS PA DMIGS PAR GYUR KYANG YOD PA MA YIN PA DE BZHIN DU CHOS SNANG YANG MED PA KHO NA'O, ,SOGS PA SMOS PA NI RI DAGS SRED PA DANG, DRI ZA'I GRONG KHYER LA SOGS PA DANG, SMIG RGYU DANG, SGRA BRNYAN DANG, CHU ZLA LA SOGS PA YANG RTOGS PAR BYA'O, ,JI LTAR RNAM PA BCUS GNAS YONGS SU GYUR PA LA 'JUG PA BLA NA MED PA YIN TE BSHAD ZIN PA DE LA, GAL TE GNAS YONGS SU GYUR PA NA GZHAN DU 'GYUR BAS NA GNAS YONGS SU GYUR PA'I RNAM PAR 'GYUR BA'I CHOS CAN DU JI LTAR MI 'GYUR ZHE NA, DE'I PHYIR GNAS YONGS SU GYUR PA YIN YANG JI LTAR RNAM PAR 'GYUR BA'I CHOS CAN MA YIN PA DE LTAR DPES GRUB PAR GSUNGS PA NI, GNAS YONGS SU GYUR PA'I DPE NI NAM MKHA' DANG, GSER DANG CHU LA SOGS PA YIN NO ZHES BYA BA'O, ,DPER NA NAM MKHA' RANG BZHIN GYIS DAG PA KHO NA STE, GLO BUR GYI KHUG RNA LA SOGS PA DANG 'BREL PA LAS DE MA GTOGS PAR ZAD LA, DE DANG BRAL BA LAS NI DAG PA YIN NO, ,MA DAG PA NI DAG PAR 'GYUR BA MA YIN NO ZHES BYA BAS DAG PA NYID SKYE BA NI MA YIN GYI, 'ON KYANG MA DMIGS PA'I RGYU DANG BRAL BAS DMIGS PAR ZAD DO, ,RAB TU DAG PAR DMIGS PAS NAM MKHA' RNAM PAR 'GYUR BA'I CHOS CAN DU KHAS BLANG BAR BYA BA YANG MA YIN NO, ,DE BZHIN DU GSER YANG BZANG BA NYID DU GNAS PA KHO NA STE, GLO BUR GYI DRI MAS ZIL GYIS MNAN PAS DE MA DMIGS PAR ZAD LA, DE DANG BRAL BA LAS NI DMIGS PA YIN NO, ,DMIGS PAS SKYES BAR GYUR PA YANG MA @38B YIN NO, ,DE BZHIN DU CHU NI DANGS PAR GNAS PA KHO NA STE, CHU DE LA SA'I RDZAS DANG 'BREL PAS DE MI DMIGS PAR ZAD LA, SA'I RDZAS DANG BRAL BA LAS NI MA DMIGS PA YIN NO, ,DMIGS PA LAS RGYUN GYIS 'JUG PA'I CHU'I RDZAS DER MA BYUNG BA LAS SKYES PA YANG MA YIN LA, DANGS PA NYID DMIGS PAS CHU'I RDZAS RNAM PAR 'GYUR BA'I CHOS CAN DU KHAS BLANGS PA YANG MA YIN NO, ,DE BZHIN DU GNAS YONGS SU GYUR PA LA YANG RANG BZHIN GYIS 'OD GSAL BA GANG YIN PA DE SNGAR MED PA MA YIN TE, 'ON KYANG GLO BUR GYI SGRIB PA SNANG BAS MI SNANG BAR ZAD DO, ,MA DAG PA DANG, BZANG BA MA YIN PA DANG, MA DANGS PA NYID BZHIN NO, ,DE DANG BRAL BA LAS NI SNANG BA YIN LA, GANG LAS CHOS NYID RNAM PAR 'GYUR BA DANG BCAS PAS SNANG BAR 'GYUR BA SNANG BA LAS YANG MA BYUNG PA LAS SKYES PA YANG MA YIN NO, ,DE MED PAS NI CHOS NYID DANG, DES RAB TU PHYE BA'I GNAS YONGS SU GYUR PA RTAG PA YIN NO, ,'DIR GSER DANG CHU'I DPES NI RDZAS LA MA LTOS PAR YON TAN TZAM CHOS MTHUN PAR BSTAN PA YIN LA, NAM MKHA'I DPES NI THAMS CAD BSTAN PA YIN NO, ,SOGS PA SMOS PAS NI RNAM PA DE LTA BU GZHAN YANG RTOGS PAR BYA STE, GOS LA SOGS PA DRI MA DANG BRAL BAS DAG PAR GYUR PA NYID DU GNAS PA LA SOGS PA'O, ,CHOS DANG CHOS NYID RNAM PAR 'BYED PA'I 'GREL PA SLOB DPON DBYIG GNYEN GYIS MDZAD PA RDZOGS SO,, ,,KHA CHE'I PAndI TA MA H'A DZA NA DANG, LO TZ'A BA BLO LDAN SHES RAB KYIS BSGYUR BA'O,, ,,#, ,RGYA GAR SKAD DU, MA H'A Y'A NA S'U TRA AA LAm KA RA t'I KA ,BOD SKAD DU, THEG PA CHEN PO'I MDO SDE'I RGYAN GYI RGYA CHER BSHAD PA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,DKON MCHOG GSUM PO YON TAN GTER GYUR PA, ,SH'AKYA THUB PA'I SRAS KYI THU BO DANG, ,RGYAL BA'I SRAS GZHAN DE DANG DE DAG DANG, ,THOGS MED ZHAL @39A *, ,SNGA NAS DANG DE'I GCUNG DANG, ,BLA MA GANG LAS BDAG GIS SKYE BO LA, ,GSAL ZHING SNANG BYED BSTAN BCOS 'DI THOS TE, ,KUN LA BDAG RTAG MGO BOS RA GTUGS NAS, ,ZHE SA DANG BCAS YANG DAG GUS PHYAG 'TSAL, ,DON BSAM RNAMS LA BLO RTUL BSTAN BCOS 'DI, ,TSIG DON ZAB PAR RNAM BSAMS BSHAD SBYAR DAG ,BYA BA'I BSAMS PA'ANG BDAG LA 'GA' YANG MED, ,DE LTAS RANG LA PHAN PHYIR CUNG ZAD BYA, ,THEG PA CHEN PO'I MDO SDE'I RGYAN GYI LUS NI BYANG CHUB SEMS DPA'I RIGS LA GNAS PA DAG BLA NA MED PA YANG DAG PAR RDZOGS PA'I BYANG CHUB TU SEMS BSKYED NAS BYANG CHUB SEMS DPA'I SPYOD PA LA SLOB PO, ,BYANG CHUB SEMS DPA'I SPYOD PA GANG YIN ZHE NA, BYANG CHUB SEMS DPA'I SPYOD PA NI MDOR BSDU NA, RNAM PA GSUM PO DE GANG LA SLOB PA DANG, JI LTAR SLOB PA DANG, GANG DAG SLOB PA YIN TE, DE DAG THAMS CAD GCIG TU BSDUS NAS, BYANG CHUB SEMS DPA'I SPYOD PA ZHES BYA'O, ,YANG BYANG CHUB SEMS DPA' DAG GANG LA SLOB CE NA, GNAS BDUN LA SLOB PO, ,GNAS BDUN PO GANG DAG YIN ZHE NA, RANG GI DON DANG, GZHAN GYI DON DANG, DE KHO NA NYID KYI DON DANG, MTHU DANG, BDAG NYID KYI SANGS RGYAS KYI CHOS YONGS SU SMIN PA DANG, SEMS CAN YONGS SU SMIN PA DANG, GNAS BDUN PA NI BLA NA MED PA YANG DAG PAR RDZOGS PA'I BYANG CHUB BO, ,RANG BZHAN DON DANG DE NYID DON, ,MTHU DANG RANG GI SANGS RGYAS KYI, ,CHOS DANG SEMS CAN YONGS SMIN DANG, ,BDUN PA BYANG CHUB MCHOG YIN NO, ,BYANG CHUB SEMS DPAS GANG LA BSLAB PAR BYA BA DE NI BSTAN ZIN TO, ,JI LTAR BSLAB BAR BYA BA DE BSTAN PAR BYA STE, 'DI LA BYANG CHUB SEMS DPA'I BSLAB PA RNAMS LA SLOB PAR 'DOD PA'I BYANG CHUB SEMS DPAS DANG PO KHO NAR THEG PA CHEN PO'I CHOS LA MOS PA MANG BAR BYA BA DANG, CHOS CHOL BA DANG, CHOS STON PA DANG, CHOS DANG MTHUN PA'I @39B CHOS SGRUB PA DANG, YANG DAG PA'I GDAMS NGAG RJES SU STON PA LA GNAS PA DANG, LUS DANG, NGAG DANG, YID KYI LAS THABS KYIS ZIN PAR BYA STE, RIM PA 'DIS GANG DAG SLOB PA YIN ZHES BYA BA'I BAR DE KHO NA KHONG DU CHUD PAR BYA'O, ,DE LTAR SLOB PA'I BYANG CHUB SEMS DPA' NI BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA'O, ,SDOM NI, MOS PA MANG BA NYID DANG NI, ,CHOS TSOL BA DANG STON PA DANG, ,DE BZHIN SGRUB DANG YANG DAG PA'I, ,GDAMS NGAG RJES SU STON PA DANG, , LUS DANG NGAG DANG YID KYI LAS, ,THABS KYIS ZIN PA THA MA YIN, ,GANG DAG SLOB PA YIN ZHES BSHAD PA GANG DAG CIG SLOB CE NA, BYANG CHUB SEMS DPA' DAG SLOB PO, ,DE LTAR SLOB NA BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR BA'I BYANG CHUB SEMS DPA' MTSAN NYID JI LTA BU DAG CIG YIN ZHE NA, DE DAG NI MDOR BSDU NA BCUR RIG PAR BYA STE, RIGS LA GNAS PA DANG, ZHUGS PA DANG, BSAM PA MA DAG PA DANG, BSAM PA DAG PA DANG, BSAM PA YONGS SU MA SMIN PA DANG, BSAM PA YONGS SU SMIN PA DANG, MA NGES PAR RTOGS PA DANG, SKYE BA GDIG GIS THOGS PA DANG, SRED PA THA MA PA'O, ,YANG BYANG CHUB SEMS DPA' 'DI DAG THAMS CAD KYI MING BYE BRAG MED PAR NI DE LTA BA'I CHA DANG MTHUN PA 'DI DAG YIN PAR RIG PAR BYA STE, 'DI LTA STE, BYANG CHUB SEMS DPA' SEMS DPA' CHE, ,BLO DANG LDAN PA GSAL BA'I MCHOG ,CES BYA BA LA SOGS PA YIN NO, ,'DI'I LUS NI DE YIN TE, DE NI PHYOGS YIN NO, ,PHYOGS DES GZHAN YANG KHONG DU CHUD PAR BYA'O, ,DE LA BSDUS TE BSHAD PA NI, TSIGS SU BCAD PA DANG PO GSUM GYIS JI LTA BA BZHIN DU YOD PA DANG, JI SNYED YOD PA BSTAN TE, JI LTA BA BZHIN YOD PA'I BSHAD PA NI, CI ZHES BSTAN PAS STON TO, ,JI LTA BA ZHE NA, BYED PA PO DANG, LAS DANG, BYED PA @40A *, ,DANG, DE'I PHYIR DANG, RGYU'I DON DANG, YAN LAG GI DON DANG, CHED KYI DON TE, RNAM PAR DBYE BA BDUN PO 'DI DAG DANG, DON SHES DON STON RAB TU BYED PA ZHES BYA BA NAS BZUNG STE, DE YI 'GRO BA SEMS CAN LA ZHES BYA BA'I BAR DANG, GO RIMS BZHIN NO, , JI SNYED YOD PA'I BSHAD PA NI, GRANGS BSTAN PAS RNAM PA JI SNYED YOD PA'O, ,DE YANG RNAM PA DU ZHIG CE NA, RNAM PA LNGA STE, 'BYOR BA'I DON TSUL BLA NA MED GYUR PA, ,LNGA'I BDAG NYID CES BYA BA 'DI NAS BZUNG STE, GSER LAS BRDUNGS BYAS PA LA SOGS PA LTA BU DPE LNGAS BSTAN PA'I BAR YIN NO, ,GZUGS BRNYAN GYI DPES NI DON 'DI KHO NA RGYAN NYID DU STON PAR BYED DO, ,DE LTAR NA BSDUS TE BSHAD PA, RNAM PA THAMS CAD KYI DON DANG LDAN PA'I PHYIR PHYIN CI MA LOG PA YIN LA, RNAM PA THAMS CAD YONGS SU RDZOGS PA'I PHYIR RGYAS PA YANG YIN NO, ,DE LA GORNG KHYER LA SOGS PA'I NGAG NI YAN LAG BRGYAD DANG LDAN PA YIN PAR RIG PAR BYA STE, GRONG KHYER BA DANG, SNYAN CING 'JEBS PA DANG, RNAM PA GSAL BA DANG, RNAM PAR RIG PAR BYED PA DANG, MNYAM PAR 'OS PA DANG, BRTEN PA MED PA DANG, MI MTHUN PA MED PA DANG, GTUGS PA MED PA'O, ,DE LA GRONG KHYER PA NI MYA NGAN LAS 'DAS PA'I GRONG KHYER GYI DBANG DU BYAS PA'I PHYIR RO, ,SNYAN CING 'JEBS PA NI GDANGS SNYAN PA'I PHYIR RO, ,RNAM PAR GSAL BA NI NGES PA'I TSIG DANG, YI GE BZANG BA'I PHYIR RO, , RNAM PAR RIG PAR BYED PA NI GO BAR BYED PA YIN PA'I PHYIR RO, ,MNYAN PAR 'OS PA NI CHOS KYI DON DANG LDAN PA'I PHYIR RO, ,RTEN PA MED PA NI RAB TU DANG BA LHAG PA'I RTEN YIN PA'I PHYIR RO, ,MI MTHUN PA MED PA NI MNGON PAR 'DOD PA BRJOD PA'I PHYIR RO, ,GTUGS PA MED PA NI RGYA CHEN PO LA MKHAS PA'I PHYIR RO, ,RNAM PA BRGYAD DANG LDAN PA'I NGAG 'DI NI MDOR BSDU NA YON TAN GSUM DANG LDAN PAR RIG PAR BYA STE, DBANG DU BYA BA'I SGO NAS NI RNAM PA DANG PO GCIG GIS SO, ,NGO BO NYID KYI SGO NAS NI RNAM PA GNYIS KYIS SO, ,SBYOR BA'I SGO @40B NAS NI RNAM PA LHAG MA RNAMS KYIS SO, ,TSIG DRI MA MED PAS ZHES BYA BA NI TSIG DANG YI GE RIGS PA DANG 'BREL PA ZHES BYA BA NI TSIG DANG YI GE RIGS PA ZHES BYA BA NAS 'GRUS SKYONG GI YAN LAG GI TSOGS ZHES BYA BA'I BAR YIN TE, TSIG DANG YI GE RIGS PA DANG, 'BREL PA DANG MTHUN PA DANG, RUNG BA DANG, 'BYOR BA DANG, 'PHROD PA DANG, 'TSAM PA DANG, 'GRUS SKYONG GI YAN LAG GI TSOGS SO, ,DE LA RIGS PA NI MING DANG, TSIG DANG, YI GE'I TSOGS RNAMS GO RIMS SU LEGS PAR BKOD PA'I PHYIR RO, ,YANG RIGS PA RNAM PA BZHI LA BRTEN PA'I PHYIR RIGS PA YIN NO, ,'BREL PA NI SGRUB PA DANG 'BYOR BA'O, ,MTHUN PA NI RNAM PAR BSHAD PA DANG 'BYOR BA'O, ,RUNG BA NI TSIG DANG YI GE GSAL BA'O, ,'BYOR BA NI SNYING LA 'BAB PA'I PHYIR RO, ,'PHROD PA NI 'KHOR JI LTA BA BZHIN DU'O, ,'TSAM PA NI CHOS DANG MTHUN PA DANG, DON DANG LDAN PA DANG, DUS DANG 'TSAM PA YIN NO, ,'GRUS SKHONG GI YAN LAG GI TSOGS ZHES BYA BA LA, 'GRUS SKYONG ZHES BYA BA NI MKHAS PAR BYED PA DANG, RTAG TU BYED PA STE, DE'I YAN LAG NI YANG DAG PA'I LTA BA LA SOGS PA YIN NO, ,GSER LAS BRDUNGS BYAS ZHES BYA BA'I TSIGS SU BCAD PA 'DIS NI DPE LNGAS THEG PA CHEN PO'I CHOS DE DON RNAM PA LNGA'I DBANG DU BYAS NAS BSTAN PA YIN TE, BSGRUB PAR BYA BA DANG, BYE BRAG TU SHES PAR BYA BA DANG, BSAM PAR BYA BA DANG, BSAM GYIS MI KHYAB PA DANG, YONGS SU GRUB PA RTOGS PA'I DON SO SO RANG GIS RIG PAR BYA BA DANG, BYANG CHUB KYI PHYOGS DANG MTHUN PA'I NGO BO NYID DO, ,'DI NI THEG PA CHEN PO DNGOS PO LNGA PO DANG, NGO BO NYID GSUM DANG, GANG ZAG RNAM PAR GZHAG PA STE, RNAM PA GSUM GYIS 'GREL TO, ,DE LA DNGOS PO LNGA GANG ZHE NA, MING DANG, RGYU MTSAN DANG, RNAM PAR RTOG PA DANG, DE BZHIN NYID DANG, RNAM PAR MI RTOG PA'I YE SHES SO, ,DE LA MING NI BRDAR THA SNYAD GDAGS DPA MNGON PAR BRJOD PA'I RANG BZHIN YIN TE, DE YANG 'JIG RTEN NI @41A *, ,CHOS 'DI DAG JI LTAR MING GIS MNGON PAR BRJOD PA DE KHO NA BZHIN DU NGO BO NYID DU YOD DO ZHES MING GI SGO NAS CHOS THAMS CAD LA MNGON PAR ZHEN TO, ,MING GIS MNGON PAR BRJOD PA GANG YIN PA DE NI MED DE, BCOM LDAN 'DAS KYIS JI SKAD DU; MING NI GANG DANG GANG DAG GIS, ,CHOS NI GANG DANG GANG BRJOD PA, ,DE NI DE LA YOD MIN DE, ,'DI NI CHOS RNAMS CHOS NYID YIN, ,ZHES GSUNGS PA LTA BU'O, ,MING GI SGO NAS CHOS RNAMS LA NGO BO NYID DU MNGON PAR ZHEN PA DE DAG LA MING GIS MNGON PAR BRJOD PA GANG YIN PA DE NI NGO BO NYID KYIS MED DO ZHES BYA BA 'DI SHES PAR BYA DKA' BA'I PHYIR BSGRUB PAR BYA BA YIN NO, ,DE DANG CHOS MTHUN PAR GSER LAS BRDUNGS BYAS PA DANG 'DRA STE, DPER NA BSREG PA DANG, CHUS GDAB PA DANG, BRDUNG BA LA SOGS PA 'BAD PA CHEN POS GSER LAS SU RUNG PAR BYAS PA RGYAN LA SOGS PAR BRDUNGS NA RNAM PAR MDZES PA DE BZHIN DU THEG PA CHEN PO 'DI YANG MING GIS NGO BO NYID DU MNGON PAR ZHEN PA RNAMS LA MING GIS MNGON PAR BRJOD PA GANG YIN PA DE NI NGO BO NYID MED DO ZHES RANG GI PHYOGS SGRUB PA DANG, GZHAN GYI PHYOGS SUN DBYUNG BA LA SOGS PAS BSGRUBS NA GSAR LAS BRDUNGS SU BYAS PA BZHIN DGA' BA'I MCHOG SKYED PAS SGRUB PA ZHES BSHAD DO, ,RGYU MTSAN NI GANG LA RTEN NAS MI 'JUG PA STE, MNGON PAR BRJOD PA'I BDAG NYID KYI MING DE NYID KYI RTEN GYI DNGOS PO GZHAN GYI DBANG GI NGO BO NYID GZUNG BA'I CHA YIN NO, ,DNGOS PO DE YANG RTEN CING 'BREL BAR 'BYUNG BA SNANG BA TZAM GYI RANG RIG PA YIN TE, DE NI BYE BRAG TU SHES PAR BYA BA 'BA' ZHIG TU ZAD DO, ,RANG RIG PA DE LA NI 'JIG RTEN MTSAR CIG LOG PAR RTOGS PA MED PAS BYE BRAG TU SHES PAR BYA BA 'BA' ZHIG TU ZAD DO, ,DE DANG CHOS MTHUN PAR DPE PADMA STE, DPER NA 'BAD PA MED PAR NYI MA'I 'OD ZER GYIS KHA BYE BA'I PADMA DGA' BA'I MCHOG BSKYED PA DE BZHIN DU RTEN CING 'BREL BAR 'BYUNG BA'I DNGOS PO 'BAD PA MED PAR SHES PAR BYAS PA YANG DGA' BA'I MCHOG SKYED PAS BYE BRAG TU SHES @41B PAR BYA BA ZHES BSHAD DO, ,RNAM PAR RTOG PA NI RTEN CING 'BREL BAR 'BYUNG BA DNGOS PO TZAM DE NYID SEMS DANG SEMS PAS BYUNG BA 'DZIN PA'I CHAR RAB TU SKYE BA YIN TE, TSUL BZHIN DU RNAM PAR RTOG PA DAM PA'I CHOS NYAN PA'I RGYU LAS BYUNG BA BDAG GIS BSAM PAR BYA BA YIN NO, ,JI SKAD DU CHOS MNGON PA KUN LAS BTUS PA LAS CHOS LA RAB TU BRTZON PA CHOS RNAMS DPYOD PAR BYED PA NA, RIGS PA DU ZHIG GIS DPYOD PAR BYED CE NA, LTOS PA'I RIGS PA DANG, BYA BA BYED PA'I RIGS PA DANG, 'THAD PA SGRUB PA'I RIGS PA DANG, CHOS NYID KYI RIGS PA STE, RIGS PA BZHIS SO, ,RIGS PA 'DI BZHIS TSUL BZHIN DU RNAM PAR BRTAGS NA KUN NAS NYON MONGS PA SPONG BA DANG, RNAM PAR BYANG BA DANG, MTHUN PAR YANG 'GYUR RO ZHES BSHAD PA LTA BU'O, ,DE DANG CHOS MTHUN PAR DPE G-YOS LEGS PA'I KHA ZAS TE, DPER NA G-YOS LEGS PA'I KHA ZAS KHA DOG DANG RO LA SOGS PA PHUN SUM TSOGS PA BKRES PAS NYEN PA RNAMS KYIS ZOS NA DGA' BA'I MCHOG BSKYED PA DE BZHIN DU, THEG PA CHEN PO'I CHOS BDUD RTZI DANG 'DRA BA 'DI YANG DAM PA'I CHOS NYAN PAS BKRES PA TSUL BZHIN DU RNAM PAR RTOG PA RNAMS KYIS DPYAD NA DGA' BA'I MCHOG SKYED PAS BSAM PAR BYA BA ZHES BSHAD DO, ,DE BZHIN NYID NI BSAM GYIS MI KHYAB PA YIN TE, BSAM PA'I SPYOD YUL LAS YANG DAG PAR 'DAS PA'I PHYIR DANG SO SO RANG GIS RIG PAR BYA BA YIN PA'I PHYIR RO, ,JI SKAD DU THEG PA CHEN PO BSDUS PA LAS, CHOS KYI SKU NI BSAM GYIS MI KHYAB PA'I MTSAN NYID DO ZHES BSHAD PA LTA BU STE, DE BZHIN NYID RNAM PAR DAG PA DE 'JIG RTEN NA DPE MED PA DANG, RTOG GE'I SPYOD YUL MA YIN PAS SO SO RANG GIS RIG PAR BYA BA YIN PA'I PHYIR RO, ,DE DANG CHOS MTHUN PAR DPE PHRIN YIG STE, DPER NA PHRIN YIG LEGS PAR MKHAS PA RNAMS KYI LAG TU SON NA DON LOG PA'I RNAM PAR RTOGS PA SPANGS PA'I SGO NAS MCHOG TU DGA' BA SKYED PA DE BZHIN DU, DE BZHIN NYID SO SO @42A *, ,RANG GIS RIG PAR BYA BA RTOG GE'I SPYOD YUL LAS YANG DAG PAR 'DAS PA YANG SANGS RGYAS DANG BYANG CHUB SEMS DPA' RNAMS LA SA DANG PO THOB PA'I DUS NAS BZUNG STE, DGA' BA ZAG PA MED PA DPE MED PA SKYED PAR BYED DE, BYIS PA DE KHO NA NYID MA RTOGS PA RNAMS KYI BSAM PA'I YUL LAS YANG DAG PAR 'DAS PA'I PHYIR BSAM GYIS MI KHYAB PA ZHES PA BSHAD DO, ,RNAM PAR MI RTOG PA'I YE SHES BYANG CHUB KYI PHYOGS DANG MTHUN PA'I NGO BO NI YONGS SU GRUB PA RTOGS PA'I DON SO SO RANG GIS RIG PAR BYA BA BYANG CHUB KYI PHYOGS DANG MTHUN PA'I NGO BO NYID YIN NO, ,YANG CI'I PHYIR YONGS SU GRUB PA'I NGO BO NYID DU 'DRA BA LAS, DE BZHIN NYID NI BSAM GYIS MI KHYAB PAR BSHAD LA, RNAM PAR MI RTOG PA'I YE SHES LA SOGS PA, BYANG CHUB KYI PHYOGS DANG MTHUN PA'I CHOS RNAMS NI MA YIN ZHE NA, DE NI DE LTAR BDEN MOD KYI, DE BZHIN NYID NI NAM YANG DE KHO NA NYID MA RTOGS PA RNAMS KYIS RANG GIS RIG PAR BYA BA MA YIN NO, ,BYANG CHUB KYI PHYOGS DANG MTHUN PA'I SEMS DANG SEMS LAS BYUNG BA'I NGO BO NYID DAG STE, ZAG PA MED PA DE DAG DE KHO NA NYID RTOGS PA RNAMS KYI SO SO RANG GIS RIG PAR BYA BA YIN MOD KYI, DE YANG THOS PA DANG BSAM PA'I GNAS SKABS NA DE KHO NA NYID MA RTOGS KYANG CHOS KYI SKU'I RGYU MTHUN PA THEG PA CHEN PO'I DAM PA'I CHOS MNYAM PAS TSUL BZHIN RAB TUS BYOR BA RNAMS KYI SO SO RANG GIS RIG PAR BYA BA DANG MTHUN PAR 'GYUR RO, ,JI SKAD DU THEG PA CHEN PO BSDUS PA LAS YONGS SU GRUB PA'I NGO BO NYID DU JI LTA BU YIN PAR RIG PAR BYA ZHE NA, RNAM PAR BYANG BA'I CHOS RNAM PA BZHI PA BSTAN PAS RIG PAR BYA'O, ,RNAM PAR BYANG BA'I CHOS RNAM PA BZHI BSTAN PA LA RANG BZHIN GYIS RNAM PAR BYANG BA NI DE BZHIN NYID LA SOGS PA'O, ,DRI MA DANG BRAL BAS RNAM PAR BYANG BA NI 'DI LTA STE, DE NYID SGRIB PA THAMS CAD DANG BRAL BA'O, ,DE 'THOB PA'I LAM GYIS RNAM PAR BYANG BA NI BYANG CHUB KYI PHYOGS DANG MTHUN PA'I CHOS THAMS CAD DO, , @42B DE SKYE BA'I DMIGS PA NI RNAM PAR BYANG BA NI 'DI LTA STE, THEG PA CHEN PO'I DAM PA'I CHOS BSTAN PA'O ZHES BSHAD PA LTA BU STE, 'DI LTAR DE NI RNAM PAR BYANG BA'I RGYU MTSAN YIN PA'I PHYIR, KUN BRTAGS PA YANG MA YIN LA, CHOS KYI DBYINGS SHIN TU RNAM PAR DAG PA'I RGYU MTHUN PA YIN PA'I PHYIR, GZHAN GYI DBANG YANG MA YIN NO, ,DE'I PHYIR THOS PA DANG BSAM PA'I GNAS SKABS NA BYANG CHUB KYI PHYOGS DANG MTHUN PA ZAG PA MED PA DANG, MTHUN PAS ZAG PA MED PA BZHIN NYE BAR GDAGS TE, 'DI NI KHYAD PAR YIN PAR MNGON NO, ,DE LTAR RE ZHIG THEG PA CHEN PO DNGOS PO LNGA DANG CHOS MTHUN PAR BSGRUB PAR BYA BA LA SOGS PA'I DNGOS PO LNGA GSER LAS BRDUNGS BYAS PA LA SOGS PA'I DPE LNGA DANG BCAS TE BSHAD PA YIN NO, ,RNAM PA GCIG TU NGO BO NYID GSUM DU BSHAD DO, ,JI LTA ZHE NA, RE ZHIG BSGRUB PAR BYA BA ZHES SMOS PA GANG YIN PA DE'I BSHAD PA NI JI SKAD DU THEG PA CHEN PO BSDUS PA LAS SANGS RGYAS BCOM LDAN 'DAS RNAMS KYIS THEG PA CHEN PO SHIN TU RGYAS PA BSTAN PA GANG YIN PA'I BSTAN PA DE LA KUN BRTAGS PA'I NGO BO NYID JI LTA BU YIN PAR RIG PAR BYA ZHE NA, RAB 'BYOR SANGS RGYAS MED DO, ,CHOS MED DO, ,DGE 'DUN MED DO ZHES BYA BA DE LTA BU LA SOGS PA BSTAN PAS SO ZHES BSHAD PA LTA BU STE, CHIG DANG YI GE SKRAG PA SKYED PAR BYED PA 'DI DAG NI 'JIG RTEN GYIS THOS NA SKRAG PAR 'GYUR RO, ,KUN BRTAGS PA'I NGO BO NYID DE NI BSGRUB PAR BYA'O ZHES BSHAD DE, CHOS 'DI DAG NI RNAM LA THAMS CAD DU MED PA KHO NA MA YIN NO, ,'ON KYANG BYIS PA'I SKYE BOS KUN BRTAGS PA'I BDAG NYID DU MED DE, JI SKAD DU BCOM LDAN 'DAS KYIS, CHOS KUN MED PHYIR RNAM DAG GANG, ,KUN NAS NYON MONGS MED DE GANG; ,JI LTAR MTHONG BA DE LTAR MED, ,DE DAG MED NA KHO NA'ANG MIN, ,ZHES GSUNGS PA LTA BU'O, ,DE DANG CHOS MTHUN PAR DPE GSER TE, DPER NA GSER BSREGS PA DANG, BRDUNGS PA LA SOGS PA 'BAD PA CHEN POS LAS SU RUNG BAR BYAS PA GDU BU DANG @43A *, ,DPUNG RGYAN LA SOGS PA'I NGO BOR BRDUNGS SU BYAS PA DGA' BA BSKYED PA DE BZHIN DU KUN BRTAGS PA'I NGO BO NYID KYANG BSGRUBS NA YANG DAG PA JI LTA BA BZHIN RTOGS PA'I SNGON NAS SKYE BO YA RABS KYI DGA' BA'I MCHOG BSKYED PAS BSGRUB PAR BYA'O ZHES BSHAD DO, ,GZHAN GYI DBANG GI NGO BO NYID NI RTEN CING 'BREL BAR 'BYUNG BA BDE BA DANG, SDUG BSNGAL LA SOGS PA SO SO RANG GIS RIG PAR BYA BA YIN TE, THEG PA CHEN PO LAS KUN BRTAGS PA'I NGO BO NYID BSGRUBS NA GZHAN GYI DBANG GIS BSDUS PA'I CHOS RNAMS BYE BRAG TU SHES PAR BYA SLA BAS BYE BRAG TU SHES PAR BYA'O ZHES BSHAD DO, ,DE DANG CHOS MTHUN PAR DPE PADMA STE, SNGA MA DANG MTHUN PAR KHONG DU CHUD PAR BYA'O, ,GZHAN GYI DBANG GI NGO BO NYID KHO NA NYID BSAM PAR BYA BA YIN TE, SEMS DANG SEMS LAS BYUNG BA'I NGO BO NYID DE NI 'DOD CHAGS LA SOGS PA MI DGE BA'I CHOS BSAL BA DANG, DAD PA LA SOGS PA DGE BA'I CHOS LA GOMS PAS TSUL BZHIN DU BSAM PAR BYA BA YIN NO, ,DE DANG CHOS MTHUN PAR DPE KHA ZAS TE, SNGA MA DANG MTHUN PAR KHONG DU CHUD PAR BYA'O, ,YONGS SU GRUB PA'I NGO BO NYID NI RNAM PA GNYIS TE, DE BZHIN NYID KYI NGO BO NYID DANG, RNAM PAR MI RTOG PA'I YE SHES BYANG CHUB KYI PHYOGS DANG MTHUN PA'I NGO BO NYID DO, ,DE LA DE BZHIN NYID NI BSAM GYIS MI KHYAB PA YIN TE, JI SKAD DU SNGAR BSHAD PA YIN NO, ,'PHAGS PA DKON MCHOG SPRIN GYI MDO LAS KYANG, BYANG CHUB SEMS DPA' SGRIB PA THAMS CAD RNAM PAR SEL BAS GSOL PA, BCOM LDAN 'DAS DE KHO NA NYID CES BGYI BA 'DI CI LAGS, BCOM LDAN 'DAS KYIS BKA' STZAL PA, ,RIGS KYI BU 'DI LTA STE, DE KHO NA NYID CES BYA BA NI, YANG DAG PA'I DON GYI TSIG BLA DAGS YIN NO, ,GSOL BA, BCOM LDAN 'DAS YANG DAG PA ZHES BGYI BA 'DI CI LAGS, BCOM LDAN 'DAS KYIS BKA' STZAL PA, RIGS KYI BU NI SLU BA GANG YIN PA DE NI YANG DAG PA YIN NO, ,GSOL @43B PA; BCOM LDAN 'DAS MI SLU BA ZHES BGYI PA 'DI CI LAGS, BCOM LDAN 'DAS KYIS BKA' STZAL PA, DE BZHIN NYID DANG, PHYIN CI MA LOG PA DE BZHIN NYID DANG, GZHAN MA YIN PA DE BZHIN NYI GANG YIN PA'O, ,GSOL PA, BCOM LDAN 'DAS DE BZHIN NYID CES BGYI BA DE CI LAGS, BCOM LDAN 'DAS KYIS BKA' STZAL PA, RIGS KYI BU CHOS 'DI NI SO SO RANG GIS RIG PAR BYA BA YIN GYI, CHOS 'DI YI GE DAG GIS GDAGS PAR NI MI NUS SO, ,DE CI'I PHYIR ZHE NA, CHOS 'DI NI YI GE THAMS CAD LAS YANG DAG PAR 'DAS PA'O, ,CHOS 'DI NI MNGON PAR BRJOD PA THAMS CAD LAS YANG DAG PAR 'DAS PA STE, NGAG GI SPYOD YUL LAS YANG DAG PAR 'DAS PA, RANG GI LAM THAMS CAD LAS YANG DAG PAR 'DAS PA, SPROS PA THAMS CAD DANG BRAL BA'O, ,RTOG GE THAMS CAD DANG BRAL PA STE, BRTAG PAR BYA BA MA YIN PA, RTOG GE'I SPYOD YUL MA YIN PA, RTOG GE'I SPYOD YUL LAS YANG DAG PAR 'DAS PA'O, ,BYIS PA'I YUL LAS YANG DAG PAR 'DAS PA STE, BYIS PA'I SPYOD YUL LAS YANG DAG PAR 'DAS PA'O, ,RNAM PAR SHES PA'I SPYOD YUL LAS YANG DAG PAR 'DAS PA STE, CHOS KYI DBYINGS BSAM GYIS MI KHYAB PA ZHES BYA'O ZHES GSUNGS SO, ,DE LTAR NA DE BZHIN NYID CES BYA BA'I CHOS 'DI NI SPROS PA DANG, RTOG GE DANG, RNAM PAR SHES PA'I SPYOD YUL THAMS CAD LAS YANG DAG PAR 'DAS PA'I PHYIR BYIS PA RNAMS KYIS BSAM GYIS MI KHYAB PA ZHES BYA'O,,DE DANG CHOS MTHUN PAR DPE PHRIN YIG KYANG SNGA MA DANG MTHUN PAR KHONG DU CHUD PAR BYA'O, ,RNAM PAR MI RTOG PA'I YE SHES BYANG CHUB KYI PHYOGS DANG MTHUN PA'I NGO BO NYID SO SO RANG GIS RIG PAR BYA BA RTOGS PA'I DON DE DANG CHOS MTHUN PAR DPE RIN PO CHE'I SGROM STE, DPER NA RIN PO CHE'I SGROM KHA GAB BA PHYE NA DGA' BA'I MCHOG BSKYED PA DE BZHIN DU, 'DI YANG BYANG CHUB SEMS DPA' DE KHO NA NYID KYI DON RTOGS PA BYANG CHUB KYI PHYOGS DANG MTHUN PA RNAM PAR MI RTOG PA LA SOGS PAS RGYUD GSAL BAR BYAS PA RNAMS LA @44A *, ,DGA' BA CHEN PO BSKYED PAS YONGS SU GRUB PA RTOGS PA'I DON SO SO RAB GIS RIG PAR BYANG CHUB KYI PHYOGS DANG MTHUN PA'I NGO BO NYID DU BSHAD DO, ,NGO BO NYID GSUM DU BSHAD PA NI DE LTA BU YIN NO, ,DE NAS GANG ZAG RNAM PAR GZHAG PAS BSHAD PA JI LTA BU ZHE NA, 'DI NA GANG ZAG RNAM PA GSUM ZHIG SNANG STE, MI SHES PA DANG, THE TSOM CAN DANG, LOG PAR SHES PA RNAMS SO, ,DE LA LOG PAR 'DZIN PA LA MNGON PAR ZHEN PA RNAMS DANG THE TSOM CAN RNAMS LA NI LOG PAR 'DZIN PA DANG THE TSOM BSAL BA'I PHYIR 'DI KHO NA THEG PA CHEN PO YIN GYI, GZHAN GYI NI MA YIN NO ZHES THEG PA CHEN PO'I CHOS BSGRUB PAR BYA BA YIN NO, ,DE DANG CHOS MTHUN PAR DPE GSER TE, SNGA MA BZHIN DU RIG PAR BYA'O, ,MI SHES PA RNAMS LA NI BYE BRAG TU SHES PAR BYA BA YIN BAS DE DANG CHOS MTHUN PAR DPE PADMA STE SNGA MA BZHIN DU RIG PAR BYA'O, ,DE LTAR ZHUGS PA'I GANG ZAG DE DAG NYID KYIS BSAM GYIS MI KHYAB PA'I GNAS RNAMS SPANG BAR BYA STE, JI SKAD DU SANGS RGYAS KYI BYA BA SGRUB PA'I PHRIN LAS BSAM GYIS MI KHYAB PO, ,PHYI ROL GYI DNGOS PO THAMS CAD SNA TSOGS MNGON PAR 'GRUB PAR BYED PA'I LAS BSAM GYIS MI KHYAB PO, ,NOR BU DANG, SMAN DANG, MKHYUD DPYAD KYI SBYOR BA DANG LDAN PA'I LAS BSAM GYIS MI KHYAB PO ZHES GSUNGS PA LTA BU STE, DE LA SOGS PA BSAM GYIS MI KHYAB PA'I GNAS RNAMS LA SEMS NA SEMS BSLAD PA'I GNAS DAG TU 'GYUR BAS BSAM GYIS MI KHYAB PAR BSHAD DO, ,DE'I PHYIR BSAM GYIS MI KHYAB PA'I GNAS SPONG BA'I PHYIR RO, ,BSAM PAR BYA BA'I GNAS SEMS PA'I PHYIR DGA' BA CHEN PO SKYE BAS DPE PHRIN YIG DANG KHA ZAS TE, SNGA MA DANG MTHUN PAR KHONG DU CHUD PAR BYA'O, ,GANG ZAG DE DAG NYID TSUL BZHIN DU RAB TU SBYOR NA YONGS SU GRUB PA RTOGS PA'I DON SO SO RANG GIS RIG PAR BYANG CHUB KYI PHYOGS DANG MTHUN PA'I NGO BO NYID RTOGS PAR 'GYUR RO, ,DE DANG CHOS MTHUN PAR DPE CHEN PO CHE'I SGROM @44B STE; DPER NA RIN PO CHE'I SGROM KHA GAB PHYE STE, RIN PO CHE DAG SNANG NA DGA' BA BSKYED PA DE BZHIN DU, BYANG CHUB KYI PHYOGS DANG MTHUN PA'I CHOS RNAMS KYIS THEG PA CHEN PO'I CHOS SA DANG PHA ROL TU PHYIN PA ZHES BYA BA'I MI MTHUN PA'I PHYOGS SU GYUR BA'I CHOS NYON MONGS PA DANG, SHES BYA'I SGRIB PA'I GNAS LTA BU GANG DAG YIN PA DE DAG BSAL BAS DGA' BA CHEN PO YANG SKYE LA, RGYUD KYANG GSAL BAR 'GYUR RO, ,DE'I PHYIR DON LNGA PA YONGS SU GRUB PA BYANG CHUB KYI PHYOGS KYI NGO BO NYID SO SO RANG GIS RIG PAR BYA BA ZHES BYA STE, DE NI GANG ZAG RNAM PAR GZHAG PAS BSHAD PA YIN NO, ,THEG PA CHEN PO LAS NI GDUL BA'I SKYE BO LA LTOS TE, BSGRUB PAR BYA BA LA SOGS PA'I DON GYI KHYAD PAR DE DAG TZAM ZHIG STON TE, NGO BO NYID MED PA LA SOGS PA'I DON NI SGRUB PAR BYED DO; ,GZHAN GYI DBANG GI NGO BO NYID DU BSDUS PA SEMS DANG SEMS LAS BYUNG BA'I RANG BZHIN DANG NI BYE BRAG TU SHES PAR BYA BA YIN NO, ,DE DAG NYID MI DGE BA'I CHOS YONGS SU SPANGS PA DANG, DGE BA'I CHOS SGOM PAS BSAM PAR BYA BA YIN PAS NA BSAM PAR BYA BA DAG TU BSTAN TO, ,SANGS RGYAS KYI BYA BA BSGRUB PA DANG, PHYI ROL GYI DNGOS BO SNA TSOGS MNGON PAR 'GRUB PAR BYED PA DAG NI BSAM GYIS MI KHYAB PA'I GNAS SU GYUR BA'I PHYIR BSAM GYIS MI KHYAB PA ZHES BSHAD DO, ,YONGS SU GRUB PA RTOGS PA'I DON SO SO RANG GIS RIG PAR BYA BA BYANG CHUB KYI PHYOGS DANG MTHUN PA'I CHOS RNAMS YIN TE, MDO SDE'I RGYAN 'DIS RNAM PAR BKROL LO, ,CHOS LNGA PO 'DI DAG GIS NI CHOS THAMS CAD YANG DAG PAR BSDUS PAR BSTAN LA, 'DI DAG YANG DAG PAR RNAM PAR BKROL BAS GSER LA SOGS PA DANG CHOS MTHUN PAR MKHAS PA RNAMS DGA' BA BSKYED DE, DE NI BSDUS PA'I DON YIN NO, ,DON SHES PA DON STON PAR NI CHOS DE BRGYAN PAR BYED KYI, GZHAN GDU BU DANG DPUNG RGYAN LA SOGS PAS MA YIN PAS DE'I PHYIR PHYOGS SNGA MA GANG GI TSE CHOS DE RANG BZHIN GYIS YON TAN @45A *, ,DANG LDAN PA YIN NA, JI LTAR DE BRGYAN PAR BYED CES BYA BA GLENG BAR BYED DO, ,DE YONGS SU SPANG BA'I PHYIR TSIGS SU BCAD PA RTZOM PAR BYED DE, GZUGS RGYAN CES BYA BA LA SOGS PA NI JI LTAR GDONG GI GZUGS BZANG PO BRGYAN PA ME LONG GI NANG DU SONG NA, SHIN TU DGA' BA BSKYED PA DE BZHIN DU, THEG PA CHEN PO'I CHOS KYI GZUGS SA DANG PH RUL TU PHYIN PA LA SOGS PA THUN MONG MA YIN PA BSTAN PA RANG BZHIN GYIS YON TAN DANG LDAN PA 'DI YANG DON BSTAN PA'I ME LONG SHIN TU DRI MA MED PA'I NANG DU SNANG NA DGA' BA SKYED PAS BRGYAN PA YIN NO, ,NGA NI SMAN LA SOGS PA'I DPE GSUM GYIS CHOS KYI BSNGAGS PA STON PAR BYED DO, ,SMAN GYI RIGS LA LA 'DI 'DRA STE, GANG GI TSE BA SNAM SA NA NI SNA'I DBANG PO TSIM PAR MI BYED CING SKYO BA SKYED LA, SMAN DE NYID GANG GI TSE LCE'I DBANG POS MYANGS NA NI RO PHUN SUM TSOGS PAS LCE'I DBANG PO TSIM PAR BYED CING DGA' BA YANG SKYED, SPYAD DE 'JU BA NA RIM GYIS LUS LA YOD PA'I NAD THAMS CAD KYANG SEL BAR BYED DO, ,DE BZHIN DU THEG PA CHEN PO'I CHOS GNYIS SU GNAS PA YANG GO RIMS BZHIN DU SMAN DKU LA ZHIM PA DANG 'DRA BAR MI DGA' BA SKYED PAR BYED PA DANG DGA' BSKYED PAR BYED PA YIN TE, RAB 'BYOR SANGS RGYAS MED DO, ,CHOS MED DO, ,DGE 'DUN MED DO ZHES BYA BA DE LTA BU LA SOGS PA'I MING DANG, TSIG DANG, YI GE DAG THOS NAS BSNAMS NAR BTU DKU BA'I SMAN BZHIN DU SKYO BA SKYED DO, ,GANG GI TSE DGE BA'I BSHES GNYEN DANG 'PHRAD NAS, MING DANG, TSIG DANG, YI GE 'DI DAG GI DON NI SGRA JI BZHIN PA MA YIN NO ZHES BYA BA DE LTA BU LA SOGS PA THEG PA CHEN PO'I DON RTOGS PA DE'I TSE MYANGS NA ZHIM PA'I SMAN MYANGS PA BZHIN DU DGA' BA SKYED LA, THOS PA DANG, BSAM PA DANG, BSGOM PA'I RIM GYIS BSGOMS NA NYON MONGS PA DANG SHES BYA'I SGRIB PA'I NAD NYE BAR ZHI BAR BYED PAS SGRIB PA SPANGS BA'I RGYU NYID DU BSTAN TO, ,RGYAL PO MNYES PAR DKA' BA ZHES BYA BA NI, @45B YAB DANG SRAS MJAL BA'I MDO LAS, 'CHAR BYED KYIS JI SKAD DU, RGYAL PO RNAMS NI BSNYEN PAR DKA' BA LAGS TE, MNYES PAR BGYID DKA' BA LAGS SO, ,NAM ZHIG MNYES PAR BGYIS NA JI LTAR 'DOD PA'I DON STZOL BAR BGYID PA LAGS SO ZHES BSHAD PA LTA BU'O, ,DE BZHIN DU THEG PA CHEN PO'I CHOS KYANG MNYES PAR DKA' BA YIN TE, JI SKAD DU 'PHAGS PA BLO GROS RGYA MTSO'I MDO LAS, BLO GROS RGYA MTSO SANGS RGYAS SU 'GYUR BAR BYA'O ZHES BYA BA 'DI NI RNYED PAR SLA'O, ,TSOGS RNAMS YANG DAG PAR BSGRUB PAR BYA BA NI DKA'O ZHES GSUNGS PA LTA BU YIN NO, ,GANG GI TSE GO CHA'I BRTZON 'GRUS LA SOGS PA'I BRTZON 'GRUS LAS BRTZAMS PAS MGU BAR BYED PA DE'I TSE YON TAN KHYAD PAR CAN MNGON PAR SHES PA DANG, STOBS DANG MI 'JIGS PA LA SOGS PA'I YON TAN RNAMS KYIS DBANG PHYUG RNYED PAR 'GYUR BAS DBANG 'BYOR BA'I RGYU NYID DU BSTAN TO, ,RIN PO CHE RIGS DANG LDAN PA NI RANG BZHIN GYIS 'OD GSAL ZHING DBYIBS KYI TSAD LA SOGS PA PHUN SUM TSOGS PA YIN TE, RIN PO CHE DE LTA BU SKYE BO LTA MI SHES PA'I LAG TU SON NA SKYE BO LTA MI SHES PA DE'I SEMS YONGS SU MGU BAR MI 'GYUR GYI, DE NYID SKYE BO LTA SHES PA'I LAG TU SON NA SKYE BO DE RAB TU DGA' BA MCHOG GIS MGU BAR BYED CING GSER LA SOGS PA GZHAN MANG PO'I RGYUR YANG 'GYUR RO, ,DE BZHIN DU THEG PA CHEN PO'I CHOS 'DI YANG SKYE BO LTA MI SHES PA DON MNGON PAR MI SHES PA'I LAG TU SON NA DGA' BA MI SKYED KYI, GANG GI TSE 'DI NYID SKYE BO LTA SHES PA'I LAG TU SON PAR GYUR PA DE'I TSE DGA' BA DANG RAB TU DGA' BA'I MCHOG KYANG SKYED LA, 'PHAGS PA'I NOR DAD PA DANG, TSUL KHRIMS DANG, THOS PA DANG, GTONG BA DANG, SHES RAB DANG, NGO TSA SHES PA DANG, KHREL YOD PA LA NYE BAR SPYOD PA'I RGYU MTSAN YIN PAS 'PHAGS PA'I NOR LA SPYOD PA'I RGYU NYID DU BSTAN TO, ,DA NI CHOS KYI YON TAN BRJOD PA SGRUB PA'I SKABS YIN TE, SPYOD YUL MA YIN ZHES BYA BA NI LA LA 'DI SNYAM DU THEG PA CHEN PO 'DI NI RTOG @46A *, ,GE PA RNAMS KYIS GZHAN DAG BSLU BAR BYA BA'I PHYIR BKOD PA YIN TE, 'DI LTAR DE DAG LA YANG TSUL 'DI LTA BU DMIGS SO, ,DE BAS NA KHO BO NI DER DOGS SO ZHES BYA BAR SEMS NA, DE LTAR DOGS PAR BYAR MI RUNG BA DE NYID DE, SA DANG PHA ROL TU PHYIN PA LA SOGS PA'I TSUL ZAB CING RGYA CHE BA DANG LDAN PA DE LTA BU NI MU STEGS CAN GYI BSTAN BCOS DAG LA MI DMIGS SO, ,GZHAN YANG KHYOD PHA ROL TU PHYIN PA BSTAN PA LA DAD PA YIN NA, JI LTAR 'PHAGS PA BLO GROS MI ZAD PA DANG, BLO GROS RGYA MTSO DANG, DKON MCHOG SPRIN DANG, LAG BZANGS LA SOGS PA'I MDO LAS, PHA ROL TU PHYIN PA BSTAN PA THOS NAS 'DI NI RTOG GE PAS BKOD PA YIN NO ZHES BYA BAR SEMS DAD PAR 'GYUR RO, ,BDAG MED PA LA SOGS PA'I TSIG GI DON GANG YIN PA DAG LA MA MOS PA DE DAG NI GANG ZAG LA SOGS PA BSTAN PA BZHIN DU SGRA JI BZHIN PA'I DON MA YIN TE, DE DAG BYIS PA'I SKYE BOS KUN BRTAGS PA'I BDAG NYID DU NGO BO NYID MED PA YIN GYI, 'PHAGS PA'I YE SHES DANG DE'I RJES LA THOB PA'I YE SHES KYI YUL NYID DU NI MA YIN PAS GNAS MA YIN PAR DOGS PAR MA BYED CIG ,YOD DANG MED NA YOD MED DANG, ZHES BYA BA LA, YOD PA DANG MED PA NI YOD DANG MED DO, ,DE YOD DANG MED NA GO RIMS BZHIN DU YOD PA'I PHYIR DANG, MED PA'I PHYIR TE, GAL TE THEG PA CHEN PO CUNG ZAD GCIG YOD NA NI, DE YOD DANG 'DI SANGS RGYAS KYI BKA' YIN PAR GRUB STE, 'DI LAS GZHAN PA'I THEG PA CHEN PO MED PA'I PHYIR RO ZHES BYA BA 'DI NI YOD NA YOD PA'I RNAM PAR BSHAD PA YIN NO, ,'ON TE MED NA NI DE MED DANG NYAN THOS KYI THEG PA YANG MED DE, SANGS RGYAS KYI THEG PA MED PAR NYAN THOS KYI THEG PA MED DO, ,'DI NI MED NA MED PA'I RNAM PAR BSHAD PA YIN NO, ,BSOD NAMS DANG YE SHES KYI TSOGS KYIS BSDUS PA'I STON PA YANG CHUNG LA ZHES BYA BA NI GZAR BU GANG TZAM BYIN PAS GANG ZAG LA BDAG MED PA YONGS SU 'DZIN PA YIN NO, ,RANG GI THEG PA CHEN PO'I @46B MDO SDE LA YANG 'JUG PA KHO NA'O ZHES BYA BA 'DI'I SBYAR BA GANG YIN ZHE NA, NYAN THOS KYI THEG PA RNAMS NA RE SANGS RGYAS BCOM LDAN 'DAS KYI GSUNG GI MTSAN NYID NI NAG PO BSTAN PA DANG, CHEN PO BSTAN PA LAS GANG MDO SDE LA YANG 'JUG ,'DUL BA LA YANG SNANG, CHOS NYID DANG YANG MI 'GAL BA'O ZHES BSTAN TE, DE NI SANGS RGYAS KYI BKA' YIN NA THEG PA CHEN PO 'DI NI CHOS THAMS CAD NGO BO NYID MED PAR STON PA'I PHYIR MDO SDE LA YANG MI 'JUG LA, SANGS RGYAS MED DO, ,CHOS MED DO, ,DGE 'DUN MED DO ZHES BYA BA DE LTA BU LA SOGS PA 'DON NA LTUNG BYED DANG BCAS PAR 'GYUR BAS 'DUL BA LA YANG MI SNANG NGO ZHES ZER BA LA SOGS PA NI DE DAG GI TSIG GI SKABS YIN NO, ,DE DAG LA 'DI 'DRI BAR BYA STE, THEG PA CHEN PO'I MDO SDE NI GANG LA MI 'JUG ,'DUL BA NI GANG LA MI SNANG, RE ZHIG GAL TE 'PHAGS PA THAMS CAD YOD PAR SMRA BA'I LUNG GI MDO SDE LA YANG MI 'JUG GO, ,'DUL BA LA YANG MI SNANG NGO ZHE NA, DE NI SDE PA BTZVE BRGYAD KYI MDO SDE MANG PO RNAMS PHAN TSUN 'GAL TE, 'PHAGS PA MANG POS BKUR BA'I SDE PA RNAMS NI STONG PA NYID DANG LDAN PA'I MDO SDE RNAMS MI BRJOD DO; ,'PHAGS PA DGE 'DUN PHAL CHEN SDE PA RNAMS NI SRID PA BAR MA STON PA'I MDO SDE RNAMS SPONG NGO, ,DE BZHIN DU MDO SDE GZHAN DANG GZHAN DAG KYANG SDE PA THA DAD PA RNAMS KYI PHAN TSUN 'GAL BAS DE DAG KYANG SANGS RGYAS KYI BKA' MA YIN PA NYID DU 'GYUR LA, 'DUL BA DANG, CHOS MNGON PA CHO GA THA DAD PA DANG, GZHUNG LUGS THA DAD PAS PHAN TSUN 'GAL BA DE DAG KYANG PHAN TSUN 'GAL BA'I PHYIR SANGS RGYAS KYI BKA' MA YIN PA NYID DU 'GYUR RO, ,'ON TE BDAG NYID KYI SDE PA RNAMS LA RANG GI SDE BA'I MDO SDE LA 'JUG PA YIN NO ZHE NA, THEG PA CHEN PO YANG RANG GI THEG PA CHEN PO'I MDO SDE LA YANG 'JUG PA KHO NA'O, ,NYON MONGS PA 'DUL BA LA SOGS PA LA YANG SNANG NGO, ,ZAB CING RGYA CHE BA'I CHOS NYID DANG YANG MI 'GAL TE, BYANG CHUB CHEN PO 'THOB PAR 'GYUR BA'I CHOS NYID NI 'DI KHO NA YIN NA, JI LTAR SANGS RGYAS KYI BKA' @47A *, ,NYID MA YIN, 'ON TE SDE PA THAMS CAD KYIS BSDUS PA GANG YIN PA DE SANGS RGYAS KYI BKA' YIN NO ZHE NA NI SDE PA THAMS CAD BSDUS PA'I PHYIR THEG PA CHEN PO KHO NA SANGS RGYAS KYI BKA' YIN PAR 'GYUR GYI, NYAN THOS KYI THEG PA NI MA YIN NO, ,DE BAS NA MTSAN NYID DANG MI 'GAL BA'I PHYIR THEG PA CHEN PO SANGS RGYAS KYI BKA' YIN NO ZHES BYA BA 'DI NI 'THAD PA YIN NO, ,DE LAS GZHAN DANG GZHAN MED CES BYA BA NI DE LAS GZHAN PA'I THEG PA CHEN PO YANG MED PA'I PHYIR LA, NYAN THOS DANG RANG SANGS RGYAS KYANG MED PA'I PHYIR RO, , GZHAN DANG GZHAN ZHES SMOS PA NI THEG PA CHEN PO DANG, NYAN THOS DANG, RANG SANGS RGYAS DAG DANG SBYAR BAR BYA'O, ,SANGS RGYAS BCOM LDAN 'DAS RNAMS KYI DGONGS PA NI SHIN TU ZAB CES BYA BA LA SOGS DGONGS PA NI BSAM PA STE, SANGS RGYAS BCOM LDAN 'DAS RNAMS NI BSAM PA DANG, BAG LA NYAL YONGS SU MKHYEN PA'I PHYIR DGONGS PA MANG POS CHOS STON PAS SANGS RGYAS BCOM LDAN 'DAS RNAMS KYI DGONGS PA NI ZAB CES BYA'O, ,RING DU RJES SU ZHUGS PA'I YE SHES KYI SPYOD YUL NI RING DU RJES SU ZHUGS PA'I YE SHES KYI SPYOD YUL TE, GANG LA THAMS CAD DU THOGS PA MED PA'I YE SHES 'JUG PA YOD PA DE SPANG PAR BYA BAR RIGS NA DE MED PA NA GO JI LTAR SPANG BAR BYA'O, ,DE LAS DE'I 'BRAS BU CHOS 'THOB PO ZHES BYA BA'I YANG DAG PA'I LTA BA'I 'BRAS BU RNAM PAR GROL BA DANG, RNAM PAR GROL BA'I YE SHES TE DE DAG 'THOB BO, ,RE ZHIG GAL TE BDAG GIS 'DI MI SHES PAS SKRAG PA'I GNAS YIN NO ZHE NA, DE NI RIGS PA MA YIN NO, ,CI'I PHYIR ZHE NA, 'DI NI DGE BA'I RTZA BA MA BSAGS PA DGE BA'I BSHES GNYEN LA BSNYEN BKUR MA BYAS PA RNAMS KYIS RTOGS PAR MI NUS SO, , RTOGS PAR DKA' BA 'DI NYID SEMS LA BZHAG NAS SEMS DANG BCAS PAS THEG PA CHEN PO RTOGS PAR BYED PA'I PHYIR, MGO DANG GOS LA ME 'BAR BA BZHIN DU DGE BA'I BSHES GNYEN LA BSNYEN BKUR BYA BA LA 'BAD PAR BYA'O, ,'DIR TSIGS SU BCAD PA, GAL @47B TE THABS TSUL MKHAS PAS BLO RNAMS MA DUB NA, ,SKYE BO THABS LA MKHAS PA'I SPYOD PA'I RJES SU 'BRANGS, ,GAL TE DE YANG MI 'DOD MCHOG DGA' BRAL BA YIN, ,PHONGS PA MANG DU YONGS SU SPYOD PA LTA GON GYIS, ,'ON TE SANGS RGYAS KYANG TSIG GI DON ZAB MO THUGS SU CHUD PA MA YIN NA, DE CI'I PHYIR ZAB MO STON PAR 'GYUR ZHES SKRAG PA'I GNAS YIN NO ZHE NA, DE YANG RIGS PA MA YIN NO, ,CI'I PHYIR ZHE NA, BCOM LDAN 'DAS KYI MTSAN NYID 'DI NI DON DANG MTHUN PA YIN TE, NYON MONGS PA DANG SHES BYA'I SGRIB PA BAG CHAGS DANG BCAS TE SPANGS PA'I PHYIR DANG, SHES BYA THAMS CAD LA RNAM PAR MI RTOG PA'I YE SHES KHA BYE BA'I PHYIR SANGS RGYAS YIN NO, ,GAL TE SEMS CAN 'DI LTA BUS KYANG KHYAD PAR DAG THUGS SU MA CHUD NA BDAG CAG LA SOGS PAS LTA SMOS KYANG CI DGOS TE, DE LA YANG SKRAG PAR RIGS PA MA YIN GYI, DGE BA'I BSHES GNYEN LA BSNYEN BKUR BYA BA KHO NA LA 'BAD PAR GYIS SHIG DANG, DE NAS CI SANGS RGYAS KYIS ZAB MO THUGS SU CHUD DAM 'ON TE MA YIN ZHES BYA BA BDAG NYID KYIS SHES PAR 'GYUR RO, ,'ON TE CI'I PHYIR ZAB MO RTOG GE PA'I SPYOD YUL MA YIN ZHES SKRAG PA'I GNAS YIN NO ZHE NA, DE YANG RIGS PA MA YIN NO, ,CI'I PHYIR ZHE NA, RTOG GE GSAL BA LA 'BAD PAR BYA'I SKRAG PAR BYA BA NI MA YIN NO, ,DE LTAR NA THEG PA CHEN PO'I CHOS 'DI NI RTOG GE PA RNAMS KYI SPYOD YUL YANG MA YIN NO, , GANG GI PHYIR DE LTAR YIN PAS NA, BCOM LDAN 'DAS LA BYANG CHUB SEMS DPA' DANG, NYAN THOS LA SOGS PAS BSTOD PA, THUB PA SKYES MCHOG DGONGS PA NI, ,RTOG GE PA YI YUL MA LAGS, ,BYIS PA'I SPYOD YUL MA LAGS TE, ,SEMS DANG SEMS BYUNG RNAMS LAS 'DAS, ,SLOB DPON MA KHOL GYI ZHAL SNGA NAS KYIS KYANG BDAG NI RTOG GE PA YIN NA, NYAN THOS RTOG PA PO GANG DAG YIN PA DE DAG KYANG STOBS DANG MI 'JIGS PA LA SOGS PA NUS PA RDZUGS SO SNYAM NAS, BCOM LDAN 'DAS LA BSTOD PA, GAL TE SKAL CHEN DE @48A *, ,DAG KYANG NI KHYOD LA MTHU RDUGS NA, ,BDAG 'DRA SRID PA'I PHYI SA'I SRIN BUS BSAM SKABS GA LA MCHIS, ,YID KYI NYES PA RANG BZHIN GDUG PA STE, ,MI RIGS PA YI GZUGS LA 'ANG MI RIGS NA, ,ZHES BYA BA NI MI RIGS PA'I GZUGS PHAN PA MA YIN PA LA SOGS PA BYED PA SGRA LA SOGS PA GANG YIN PA DE LA YANG KHONG KHRO BA BSKYED PAR RIGS PA MA YIN NO, ,CI'I PHYIR ZHE NA, CHOS MNGON PA KUN LAS BTUS PA LAS, JI SKAD DU NYON MONGS PA'I SKABS NAS, MTSAN NYID KYIS JI LTA BU ZHE NA, CHOS GANG ZHIG SKYE BA NA RAB TU MA ZHI BAR SKYE LA, GANG ZHIG SKYES NAS KYANG SEMS KYI RGYUD RAB TU MA ZHI BAR 'BYUNG BA DE NI NYON MONGS PA'I MTSAN NYID DO, ,DE LTA BAS NA GANG ZHIG SKYES NA SEMS KYI GNAS SKABS 'DI 'DRA BAR 'GYUR BA KHONG KHRO BA NI DGRA LA SOGS PA PHAN PA MA YI PA LA SOGS PA LA ZHUGS PA DAG LA YANG BSKYED PAR MI BYA'O ZHES BSHAD PA LTA BU'O, ,BCOM LDAN 'DAS KYIS KYANG MDO SDE DE DANG DE DAG LAS LHANGS POR BKAG STE, BCOM LDAN 'DAS KYIS SOG LE LTA BU LA SOGS PA'I MDO LAS, SDONG DUM TSIG PA LA YANG ZHES BYA BA RGYAS PAR GSUNGS SO, ,GANG THE TSOM ZA BA DE LA SEMS DANG BCAS PAS JI LTAR KHONG KHRO BA BSKYED PAR RIGS, DE NYID KYI PHYIR MKHAS PA RNAMS, ,GROG MKHAR DU NI LAG BCUG NAS, ,YON TAN CUNG ZHIG RNYED MI 'GYUR, ,GAL TE SBRUL ZHIG YOD GYUR NA, ,BYIS PA DAG NI PHUNG BAR 'GYUR, ,ZHES GDON TO, ,GZHAN DAG KYANG, 'JIG RTEN PHA ROL THE TSOM MA YANG, ,MDZANGS PA RNAMS KYIS SDIG PA SPANG, ,BRGYA LA MED NA'ANG DER ZAD MOD, ,GAL TE YOD NA MED LTA BRLAG ,CES ZER RO, ,RE ZHIG MKHAS PAS NI GZU BO'I GZHUNG BZUNG LA SKYE BO MKHAS PA MGU BAR 'GYUR BA'I RIGS PA 'DI KHONG DU CHUD PAR BYAS PA DANG, CI 'DI KHONG KHRO BA'I GZHI YIN NAM, 'ON TE DAD PA'I GZHI YIN ZHES BYA BA 'DI BDAG NYID KYIS SHES PAR 'GYUR RO, ,RIGS PA KHAS MI LNE NA NI BLO THE TSOM CAN RANG BZHIN GYIS KHA NA @48B MA THO BA DANG BCAS PA KHONG KHRO BA SPANG BAR 'DOD PA BTANG SNYOMS SU BYA'O, ,THEG PA CHEN PO SGRUB PA'I SKABS SO,, ,,DON SHES PA DON STON PAS CHOS BRGYAN PAR BYED DO ZHES BSHAD PA DANG, GANG GI TSE CHOS DE RANG BZHIN GYIS YON TAN DANG LDAN PA YIN NA JI LTAR BRGYAN PAR BYED CES BYA BA'I KLAN KA 'DI YONGS SU SPANG BA'I PHYIR, GZUGS RGYAN RANG BZHIN YON TAN LDAN PA ME LONG NANG SONG NA, ,ZHES BYA BA SMOS TE, 'DI KHO NAS 'DI RGYAN NYID YIN PAR BSTAN TO, ,CHOS KYI BSNGAGS PA NI SMAN LA SOGS PA'I DPE GSUM GYIS BSHAD DO, ,DE'I 'OG TU KHA CIG THEG PA CHEN PO 'DI SANGS RGYAS KYI BKA' YANG MA YIN NA, DE LA YON TAN 'DI LTA GA LA YOD CES LOG PAR ZHUGS PA LA CHOS LA DBANG BA BSNGAGS PAR YON TAN BRJOD PA BSGRUB PA'I SKABS SU JI LTAR THEG PA CHEN PO 'DI KHO NA YIN GYI GZHAN NI MA YIN NO ZHES BYA BA DE LTAR THEG PA CHEN PO BSGRUB PAR BYA'O, ,THEG PA CHEN PO BSGRUBS PA DANG SANGS RGYAS NYID THOB PAR BYED PA'I LAM NI 'DI KHO NA YIN GYI GZHAN NI MA YIN NO ZHES RANGS PAR GYUR PA GANG DAG SANGS RGYAS NYID DON DU GNYER BA DE DAG LA THEG PA CHEN PO'I MCHOG BSTAN PAS JI LTAR NA SANGS RGYAS LA SOGS PA DKON MCHOG DAG LA SKYABS SU 'GRO BAR 'GYUR BA DE LTAR SKYABS SU 'GRO BA'I DBANG DU BYAS TE, RANG DANG GZHAN LA LEGS PAR BYED PA SANGS RGYAS NYID DON DU GNYER BAS CHOS LA 'DZUD DO, ,NGES PA ZHES BYA BA'I SGRA NI SMON LAM YIN PAR BSHAD DO, ,THEG PA MCHOG LA SKYABS SU 'GRO BA NI, 'JIG RTEN PA DANG, 'JIG RTEN LAS 'DAS PA'I GRAGS PA DAG GI RGYU YIN NO, ,DE DAG GI NYES PA DANG, YON TAN LA RNAM PAR MI RTOG PA'I PHYIR, ,DE LA 'KHOR BA DANG MYA NGAN LAS 'DAS PA LA BYE BRAG MED DO ZHES BYA BA NI SHES RAB KYIS 'KHOR BA'I NYES PA DANG, SNYING RJES MYA NGAN LAS 'DAS PA'I YON TAN LA MI RTOG GO, ,DE KHO NA'I DNGOS PO DON DU GNYER BA STE ZHES BYA BA NI SKYABS 'OS KYI DNGOS PO STE, BDAG KYANG SANGS RGYAS SU GYUR CIG CES BYA BA YIN NO, , @49A *, ,'KHOR LOS SGYUR BA'I BU MTSAN NYID JI LTA BU DANG LDAN PA ZHIG 'KHOR LOS SGYUR BA'I RIGS RGYUD MI GCOD PAR RUNG ZHE NA, GAL TE 'KHOR LOS SGYUR BA KHO NA BTZUN MO DAM PA LA SA BON 'JOG PAR BYED KYI, NGAN PA DANG BRAN MO LA SOGS PA LA MA YIN PA DANG, PHA DANG MA PHUN SUM TSOGS PA'I SA BON DE YANG GAL TE MNGAL GYI GNAS SU SON PA NA RLUNG DANG, MKHRIS PA DANG, BAD KAN LA SOGS PA'I GNOD PAS MA NYAMS PA YIN, GANG GI TSE 'KHOR LOS SGYUR BA'I BU DE ZLA BA TSANG NAS BDE BLAG TU LEGS PAR BTZAS PA DE'I TSE YANG MA MA BZANG MO'I LAG TU SON PA YIN TE, DE LTAR RIM GYIS BSKYED PA NI 'KHOR LOS SGYUR BA'I RIGS RGYUN MI GCOD PAR BYED PA YIN NO, ,DE BZHIN DU 'DI LA YANG THEG PA CHEN PO'I CHOS LA BRTEN NAS BYANG CHUB SEMS DPA' RNAMS KYIS SEMS BSKYED PA NI SANGS RGYAS KYI GDUNG MI 'CHAD PAR BYED PA'I SA BON YIN NO, ,DE YANG GAL TE SANGS RGYAS KYI RIGS CAN KHO NA ZHIG SEMS SKYED PAR BYED KYI RIGS MED PA DANG MA NGES PA'I RIGS CAN YANG MA YIN PA DANG, SA BON DE'I MA YANG GAL TE SHES RAB KYI PHA RO TU PHYIN PA YIN GYI GZHAN MA YIN PA DANG, GAL TE YANG BSOD NAMS DANG YE SHES KYI TSOGS DANG LDAN PA MNGAL GYI GNAS YIN PA DANG, DE LA YANG GAL TE MI MTHUN PA'I PHYOGS SU GYUR BA'I CHOS RNAMS KYIS BAR CHAD MA BYAS TE, DE LTAR MA NYAMS PA YIN PA DANG, SKYE GNAS KYANG GAL TE SNYING RJE MA MA YIN PA DE YANG MYA NGAN LAS 'DAS PA'I MTHAR THUG PAR SKYONG BA'I PHYIR SKYED PAR BYED PA YIN NA, DE LTAR NA BYANG CHUB SEMS DPA' LEGS PAR SKYES PA NYID KYIS SANGS RGYAS KYI GDUNG MI 'CHAD PAR BYED PA YIN NO, ,SNA TSOGS ZHES SMOS PA NI 'KHOR LOS SGYUR BA LA SOGS PA'I MTSAN PAS CHES GSAL BAR BSTAN PA'I PHYIR RO, ,STZOGS PA ZHES SMOS PA NI BRGYA BYIN DANG TSANGS PA LA SOGS PA BSDU'O, ,BLON PO CHEN PO ZHES SMOS PA NI BLON PO CHEN PO'I KHYAD PAR BSTAN PAS BYANG CHUB SEMS DPA'I KHYAD PAR STON @49B PAR BYED DO, ,RTAG TU RGYUN MI 'CHAD PAR SEMS CAN MANG PO'I DON ZHES BYA BA LA, RTAG TU ZHES BYA BA NI SKYE BA BRGYUD PA'O, ,RGYUN MI 'CHAD CES BYA BA NI SKAD CIG MA BRGYUD PA STE, DPER NA SMRA BA PO NYIN RE ZHING LAN RE SBYIN PA SPYIN PA LA RTAG TU SBYIN PA'O ZHES BYA'O, , GZHAN ZHIG GIS NYIN RE ZHING LAN CIG MA YIN GYI RGYUN CHAGS SU YANG DANG YANG SBYIN PA SBYIN NA RGYUN MI 'CHAD PAR SBYIN PA SBYIN PA'O ZHES BYA'O ZHES ZER BA LTA BU'O, ,SEMS CAN MANG PO'I DON BYED PA NI SEMS CAN RGYA CHEN PO'I DON BYED PA'O, ,MANG PO ZHES BYA BA'I SGRA 'DI NI MTHA' YAS PA DANG, YANGS PA DANG, RGYA CHEN PO'I RNAM GRANGS YIN PAR BLTA BAR BYA STE, SEMS CAN MANG PO RNAMS KYI DON BYED PA'I PHYIR RO, ,MNGON PAR RTOGS PA'I DUS NA SEMS CAN THAMS CAD BDAG NYID DU KHAS BLANGS PAS SDUG BSNGAL GYI PHUNG PO CHEN PO RAB TU ZHI BA ZHES BYA BA NI 'DI LTAR SA DANG PO THOB PA'I DUS NA CHOS KYI DBYINGS KUN TU 'GRO BA RTOGS SO, ,DE RTOGS PAS SEMS CAN THAMS CAD DANG BDAG MNYAM PA NYID 'THOB PO, ,DE NYID KYI PHYIR SA DANG PO'I NGES PA'I TSIG CI'I PHYIR SA DANG PO RAB TU DGA' BA ZHES BYA ZHE NA, DES DANG POR RANG DANG GZHAN GYI DON PHUN SUM TSOGS PA THOB PA'I PHYIR RO ZHES 'CHAD PAR GYUR TE, RTOGS PA DES BDAG DANG SEMS CAN THAMS CAD KYI SDUG BSNGAL RAB TU ZHI BAR BYED DO, ,RTOGS PA'I 'DIS BDAG DANG GZHAN DAG GI SDUG BSNGAL RAB TU ZHI BAR BYED PAS NA RAB TU ZHI BA ZHES BYA'O, ,DE NYID KYI PHYIR SA DANG PO LA SDUG BSNGAL GYI PHUNG PO NYE BAR ZHI BAS 'JIGS PA LNGA LAS YANG DAG PAR 'DAS PA YIN TE, SA DANG PO LA JI LTAR BDAG GI SDUG BSNGAL RAB TU ZHI BAR BYAS PA DE BZHIN DU SEMS CAN THAMS CAD KYI DON BYA'O SNYAM PA LHAG PA'I BSAM PA 'THOB PA'O, ,MI SKYE BA'I CHOS LA BZOD PA THOB PA'I DUS NA BLO MCHOG GI BDE BA'O ZHES BYA BA NI SA BRGYAD PA LA RNAM PAR MI RTOG PA'I YE SHES LHUN GYIS GRUB PA THOB PA'I PHYIR, BLO MCHOG GI BDE BA ZHES BYA STE, DE NYID KYI PHYIR MCHOG CES BYA BA SMOS SO, ,SA DE LA MNGON @50A *, ,BAR 'DU BYED PA MED PAR RANG GI NGANG GIS 'BYUNG BA NYID KYI PHYIR DPE GRUB BO CHE 'BYUNG NGO, ,SRID PA DANG ZHI BA DAG LAS RNAM PAR GROL ZHES BYA BA LA, SRID PA LAS RNAM PAR GROL BA NI, 'DI LTAR 'KHOR BA'I SKYON GYIS I GOS PA'O, ,ZHI BA LAS RNAM PAR GROL BA NI 'DI LTAR NYAN THOS BZHIN DU MYA NGAN LAS 'DAS PA LA GZHOL BA MA YIN PA'O, ,DGE BA DANG DGE BA'I RTZA BA ZHES BYA BA NI DON GZHAN MA YIN NO, ,DGE BA'I RTZA BA RGYA CHE BA NYID DANG ZHES BYA BA LA SOGS PA BSTAN PA GANG YIN PA DGE BA RNAM PA BZHI BSHAD PA GANG YIN PA DE YANG 'JIG RTEN DANG 'JIG RTEN MA YIN PA LA SOGS PA YIN TE, DGE BA'I RTZA BA RGYA CHE BA NYID NI 'JIG RTEN PA'O, ,DON CHE BA NYID NI 'JIG RTEN LAS 'DAS PA'O, ,TSAD MED PA NYID NI YONGS SU SMIN PAR BYAS PA STE, BYANG CHUB SEMS DPA' RNAMS KYIS DGE BA YONGS SU SMIN PAR BYED PA DE NI SA DANG, PHA ROL TU PHYIN PA DANG, STOBS DANG, MI 'JIGS PA LA SOGS PA YON TAN GYI KHYAD PAR GYIS TSAD MED PA'I PHYIR TSAD MED PA YIN NO, ,ZAD MI SHES PA NYID KYIS SO ZHES BSHAD PA GANG YIN PA DE NI DBANG 'BYOR PA YIN PAR RIG PAR BYA STE, PHUNG PO'I LHAG MA MED PA'I MYA NGAN LAS 'DAS PA NA YANG MI ZAD PA'I PHYIR RO, ,SANGS RGYAS NYID 'DOD PAS KHAS LEN PA NI SKYABS SU 'GRO BA'I NGO BO NYID YIN NO ZHES BYA BA NI SKYABS 'OS SU KHAS LEN PA NYID KYIS BDAG KYANG SKYABS 'OS SU GYUR CIG ,SEMS CAN THAMS CAD KYI SDUG BSNGAL THAMS CAD NYE BAR ZHI BAR BYA'O ZHES BYA BA YIN GYI, NYAN THOS LTAR DKON MCHOG GSUM LA SKYABS SU SONG BAS 'KHOR BA LAS GROL BAR GYUR KYANG CI MA RUNG ZHES BDAG NYID BSKYAB PA'I PHYIR SKYABS SU 'GRO BA NI MA YIN NO, ,SEMS CAN RNAMS LA PHAN PA DANG, BDE BAR BYED CES BYA BA LA, PHAN PA BYED PA NI TSE PHYI MA PA'I LHA LA SOGS PA'I BDE BA LA SBYOR BA'O, ,BDE BA BYED PA NI MTHONG BA'I CHOS KHA NA LA BDE BA LA SBYOR BA'O, ,NGES PAR 'BYUNG BAR BYA BA LA @50B THEG PA THAMS CAD KYIS STON PA'I YON TAN DANG LDAN PA NI LDAN PA'O ZHES BYA BA NI THEG PA GSUM STON PAR BYED PAS SEMS CAN THAMS CAD KYI STON PAR 'GYUR PA YIN NO ZHES BYA BA'I THA TSIG GO, ,BRDAR BTAGS PA'I SKYABS SU 'GRO BA NI, DGE BA'I BSHES GNYEN DANG PHRAD NAS 'BYUNG BA GANG YIN PA'O, ,CHOS NYID KYIS THOB PA NI RTOGS PA'I DUS NA STE, DE NYID KYI PHYIR RAGS PA DANG, PHRA BA'I KHYAD PAR RO, ,GZHAN GYI DON SGRUB PA YANG BSAM PA'I SGO NAS NI SNYING RJE KHYAB PAS SO ZHES BYA BA NI SNYING RJE CHEN POS 'GRO BA KHYAB PAR BYED DO ZHES BYA BA'I THA TSIG GO, ,SBYOR BA'I SGO NAS NI THEG PA CHEN PO'I CHOS RGYAS PAR BYED PA'I PHYIR ZHES BYA BA NI GDUL BA'I RGYUD BYANG CHUB SEMS DPA'I RIGS CAN DAG LA BSNYAD PA'I PHYIR RGYAS PAR BYAS PA YIN TE, RGYA BSKYED CES BYA BA'I DON TO, ,THEG PA CHEN PO NI 'PHAGS PA CHEN PO RNAMS KYI CHOS YIN NO ZHES BYA BA LA 'PHAGS PA NI SANGS RGYAS DANG BYANG CHUB SEMS DPA' RNAMS SO, ,NYAN THOS RNAMS KYANG 'PHAGS PA YIN PAS DE LAS KHYAD PAR DU BYA BA'I PHYIR CHEN PO ZHES BYA BA NI SGRAR SBYAR RO, ,'PHAGS PA CHE BA NI 'PHAGS PA CHEN PO STE, SANGS RGYAS DANG BYANG CHUB SEMS DPA' RNAMS SO ZHES BYA BA'I THA TSIG GO, ,THEG PA CHEN PO NI DE DAG GI CHOS YIN PAS, BYANG CHUB SEMS DPA' CHEN PO RNAMS KYI, THEG PA CHEN PO KHO NA YIN GYI CHUNG NGU NI MA YIN NO, ,SKYABS SU 'GRO BA'I SKABS SO,, ,,SKYABS SU 'GRO BA'I 'OG TU RIGS KYI SKABS YIN TE, 'DI'I 'BREL BA GANG YIN ZHE NA, SKYABS SU 'GRO BA 'DIR SONG DON CHEN TE, ,DE NI TSAD MED YON TAN TSOGS 'PHEL 'GYUR, ,'GRO BA 'DI LA SNYING RJE BSAM PAS KHYAB, ,MTSUNGS MED 'PHAGS CHEN CHOS KYANG RGYAS PAR BYED, ,CES BSHAD MA THEG PA'I TSIGS SU BCAD PA 'DIS NI SKYABS SU 'GRO BA DON CHE BA NYID RANG DANG GZHAN GYIS DON BSGRUB PA DAG BSTAN TO, ,RANG DANG GZHAN GYI DON PHUN SUM TSOGS PA DE LTA BU DE NI NGES @51A *, ,PA MED PAR SANGS RGYAS NYID DON DU GNYER BA THAMS CAD KYI YIN NAM, 'ON TE NGES PA CI ZHIG YOD CE NA, SMRAS PA, YOD DO, ,NGES PA GANG YIN ZHE NA, GZHAN GYI DON PHUN SUM TSOGS PA YON TAN GYI TSOGS 'BYOR PA DANG LDAN PA 'DI NI SANGS RGYAS KYI RIGS CAN YIN GYI, GZHAN GYI NI MA YIN PAS DE'I PHYIR SKYABS SU 'GRO BA'I 'OG TU RIGS KYI SKABS YIN NO, ,MA NGES PA'I RIGS CAN GYI NI GAL TE NA YIN LA, ,GAL TE NA MA YIN PAS GDON MI ZA BAR MA SMOS SO, ,SANGS RGYAS NYID DE'I SKAL BA YOD PA NA RIGS YIN TE, RIGS NI SANGS RGYAS KYI CHOS THAMS CAD KYI SA BON YIN NO, ,SA BON MED PAR YANG 'BRAS BU MA MTHONG STE, DE'I PHYIR DE 'THOB PA'I SKAL BA DANG LDAN PA'I DON DU SKYABS SU 'GRO BA'I 'OG TU RIGS YIN NO, ,SEMS CAN RNAMS NI KHAMS SNA TSOGS PA YIN PA'I PHYIR RO, ,KHAMS KYI DBYE BA DPAG TU MED DE, JI SKAD DU BA RU RA'I MDO LAS BSHAD PA LTA BU'O ZHES BYA BA NI, DE LAS, BCOM LDAN 'DAS KYIS DGE SLONG DAG ,DPER NA BA RU RA'I PHUNG PO 'PHANG DU DPAG TSAD TZAM, RGYAR YANG DPAG TSAD TZAM ZHIG YOD PAR GYUR LA; BA RU RA'I PHUNG PO DE LAS 'GA' ZHIG GIS LO BRGYA 'DAS SHING BA RU RA RE RE ZHIG BLANGS TE, BA RU RA 'DI NI KHAMS CHE GE MO ZHIG TU DOR RO, ,BA RU RA 'DI NI KHAMS CHE GE MO ZHIG TU DOR RO ZHES DE SKAD ZER NA, BA RU RA'I PHUNG PO DE NI MYUR BA KHO NAR ZAD PA DANG YONGS SU GTUGS PAR 'GYUR GYI, KHAMS NI DE LTAR YONGS SU GTUGS PA MA YIN NO ZHES BSHAD DO, ,GSUNG RAB LAS BYUNG BA'I KHAMS KYI DON GANG YIN ZHE NA, MIG LA SOGS PA'I KHAMS KYI DBYE BA BSTAN PA DANG, KHAMS MANG PO'I MDO DANG SBYAR NA NI, KHAMS KYI DBYE BA RNAM PA MANG PO ZHIG YOD DO, ,RIGS KYI SKABS 'DIR NI RIGS SA BON YIN TE, KHAMS DANG RGYU ZHES BYA BA NI RNAM GRANGS SO, ,JI LTAR SEMS CAN RNAMS LA 'DOD CHAGS LA SOGS PA SPYAD PA'I BYE BRAG GIS 'DOD CHAGS LA SOGS PA'I @51B CHOS SKYE BA'I RGYUR 'GYUR BA GANG YIN PA SO SO RANG RANG GI RGYUD KYI KHYAD PAR CHOS DU MA'I NUS PA DANG LDAN PA DAG YOD PA DE BZHIN DU THEG PA GSUM GYI RIGS KYI KHYAD PAR YANG YOD PAR 'GYUR TE, RIGS THA DAD PA MED PAR NI THEG PA THA DAD PAR 'OS PA MA YIN PAS THEG PA GSUM GYI RIGS THA DAD PA YOD DO, ,RANG BZHIN DU GNAS PA'I RIGS NI YANG DAG PAR BSGRUBS PA GANG YIN PA STE, SKYE MCHED DRUG GI KHYAD PAR THOG MA MED PA'I DUS CAN GDON MI ZA BAR BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BA'I SKAL BA CAN GANG YIN PA DE LTA BU YOD DO, ,RANG BZHIN GYI RIGS DE LTA BU LA GNAS PA'I BYANG CHUB SEMS DPA' RNAMS GANG GI TSE DGE BA'I BSHES GNYEN DAG GIS BLA NA MED PA YANG DAG PAR RDZOGS PA'I BYANG CHUB YANG DAG PAR LEN DU BCUG PA DE'I TSE RIGS DE YANG DAG PAR BSGRUBS PA ZHES BYA'O, ,RANG BZHIN DU GNAS PA GANG YIN PA DE NI YANG DAG PAR BSGRUB PA'I RTEN DU GYUR PA YIN NO, ,YANG DAG PAR BSGRUBS PA NI RTEN PA'I NGO BO NYID YIN NO, ,DE NI RGYU'I DNGOS POR YOD DO, ,'BRAS BU'I DNGOS POR MED DO ZHES BYA BA'I RANG BZHIN GYI RIGS DE'I 'BRAS BU NI YANG DAG PAR BSGRUBS PA'I RIGS YIN NO, ,DE'I PHYIR DE NI RGYU'I DNGOS POR YOD LA, 'BRAS BU'I DNGOS POR MED CES BYA STE, RGYUR GYUR PA'I RIGS DE NI NAM YANG 'BRAS BUR 'GYUR BA 'OS PA MA YIN NO, , 'DI LTAR DE DAG LA BRTEN NAS 'BRAS BUR GYUR PA STOBS DANG MI 'JIGS PA LA SOGS PA YON TAN THAMS CAD 'GRUB PAR 'GYUR RO, ,RIGS NGES PA NI NYAN THOS DANG, RANG SANGS RGYAS DANG, SANGS RGYAS KYI RIGS SU NGES PAR GNAS PA GANG YIN PA STE, NYAN THOS NYID THOB PAR NGES PA'I RIGS GANG YIN PA DE NI NAM YANG RANG SANGS RGYAS DANG SANGS RGYAS NYID 'THOB PA'I RGYUR MI 'GYUR RO, ,DE BZHIN DU RANG SANGS RGYAS DANG, SANGS RGYAS KYI RIGS DAG KYANG SBYAR BAR BYA'O, ,MA NGES PA'I RKYEN GYI @52A *, ,DBANG GIS NYAN THOS DANG RANG SANGS RGYAS DANG, SANGS RGYAS KYI RIGS RNAMS KYI RGYUR 'GYUR TE, DPER NA RI'I PHYOGS GANG DAG LAS GDON MI ZA BAR GSER 'BA' ZHIG 'BYUNG GI, ,DNGUL 'BA' ZHIG KYANG MA YIN LA, ZANGS 'BA' ZHIG KYANG MA YIN PA DE LTA BU YANG YOD LA, PHYOGS GANG ZHIG 'JIM GONG DRIL BA LA SOGS PA'I BCOS LEGS BYA BA'I DBANG GIS GDON MI ZA BAR RES 'GA' GSER 'BYUNG LA, RES 'GA' DNGUL LA SOGS PA 'BYUNG BAR YANG YOD PA DE LTA BU'O, ,DE NYID KYI PHYIR RIGS NGES PA NI, RKYEN RNAMS KYIS MI 'PHROGS LA MA NGES PA NI 'PHROGS PA YIN NO, ,YO BYAD KYIS PHONGS PA ZHES BYA BA NI DBUL NA SBYIN PA LA SOGS PA BYANG CHUB SEMS DPA'I SPYOD PA LA MI 'JUG GO, ,GZHAN GYI DBANG DU GYUR PA NI BRAN LA SOGS PAR GYUR PA'O, ,DER SKYES PA'I SEMS CAN RNAMS ZHES BYA BA NI NGAN SONG DU SKYES PA RNAMS ZHES BYA BA'I THA TSIG GO, ,'OD GSAL BA DANG DRI MA MED PA'I GNAS SU 'GYUR LA, 'OD GSAL BA NI GSAL BA LA BYA'O, ,LA LA NI DRI MA CUNG ZAD CHAGS KYANG 'OD GSAL BAS GANG LA DRI MA CUNG ZAD KYANG CHAGS PA MED PA DE NI DRI MA MED PA ZHES BYA'O, ,YANG NA GSER 'OD GSAL BA KHA CIG BSREGS NA KHA DOG NGAN PAR 'GYUR BAS GANG LA BSREGS KYANG KHA DOG NGAN PAR 'GYUR BA MED PA DE NI DRI MA MED PA ZHES BYA'O, ,NYON MONGS PA'I DRI MA MED PA 'THOB PA'I GNAS ZHES BYA BA NI RIGS DE NYON MONGS PA'I GNAS NGAN LEN DANG BRAL ZHING MI LDAN PA THOB PA'I GNAS YIN PA'AM, YANG NA RIGS DE NYON MONGS PA SPANGS NA ZAG PA MED PA'I CHOS DRI MA MED PA RNAMS KYIS 'THOB PA GANG DAG YIN PA DE DAG GI GNAS YIN PAS NA NYON MONGS PA'I DRI MA MED PA 'THOB PA'I GNAS ZHES BYA'O, ,BYANG CHUB CHEN PO'I RGYU MTSAN YIN PA'I PHYIR RO ZHES BYA BA NI MTHAR THUG PA'I GNAS SKABS BYANG CHUB CHEN PO NI RIN PO CHE DRI MA MED PA LTA BU YIN TE, DE NI RDO RJE LTA BU'I TING NGE 'DZIN GYI MJUG THOGS SU 'BYUNG BA YIN NO, ,YE SHES @52B SHES CHEN PO NI BYA BA SGRUB PA'I YE SHES LA SOGS PA'O, ,DON 'DI LA NI RIGS MED PA LA GNAS PA YONGS SU MYA NGAN LAS MI 'DA' BA'I CHOS CAN YIN PAR BSHAD DO ZHES BYA BA NA MED PA ZHES BYA BA 'DI LA LAR NI SMAD PA LA MTHONG STE, CHUNG MA NGAN PA LA CHUNG MA MED DO ZHES BYA BA DANG; BU NGAN PA LA BU MED DO ZHES BYA BA LTA BU'O, ,LA LAR NI CUNG ZAD YOD PA'I DON LA STE, BU MO LTO MED CES BYA BA LTA BU'O, ,LA LAR NI MED PA LA MTHONG STE, RNYED PA MED CES BYA BA LTA BU'O, ,MED CES BYA BA 'DI NI SMAD PA DANG MED PA LA BLTA BAR BYA STE, LA LA GCIG TU NYES PAR SPYOD NGES YOD, ,CES BYA BA NAS BZUNG STE, DGE BA'I RTZA BA DMAN PA YOD PA TSOGS YONGS SU MA RDZOGS PA'O ZHES BYA BA'I BAR 'DI NI, DE'I DUS SU YONGS SU MYA NGAN LAS MI 'DA' BA'I PHYIR RIG MED PAR BSHAD PA YIN PAS MED PA ZHES BYA BA 'DI NI SMAD PA LA BLTA BAR BYA'O, ,LA LA GCIG TU NYES PAR SPYOD NGES YOD, ,CES BYA BA NI LAS BYED PAR NGES PA'I DBANG DU BYAS NAS BSHAD PA YIN TE, GCIG TU LAS BYED PAR NGES PA GANG GIS GDON MI ZA BAR MA LA SOGS PA GSOD PAR 'GYUR BA DE NI, GNAS SKABS DE NA RIGS YOD DU ZIN KYANG MA LA SOGS PA BSAD PA'I LAS SMAD PAS RIGS MED PA ZHES BYA'O, ,DKAR PO'I CHOS KUN TU BCOM PA LA SOGS PA YANG DE BZHIN DU CI RIGS PAR SBYAR BAR BYA'O, ,RGYU DANG BRAL BA'I YONGS SU MYA NGAN LAS MI 'DA' BA'I CHOS CAN ZHES BYA BA'I MED PA ZHES BYA BA 'DI NI MED PA LA BLTA BAR BYA'O, ,ZAB CING RGYA CHE BA'I DON MI SHES PA BZHIN DU MOS PA RGYA CHEN PO 'BYUNG ZHES BYA BA NI SGRA TZAM THOS PA KHO NAS MOS KYI, DON YONGS SU SHES PA LAS NI MA YIN PA'O, ,RNAM PA GNYIS KYI MCHOG CES BYA BA NI 'JIG RTEN PA DANG, NYAN THOS KYI PHUN SUM TSOGS PA BAS SANGS RGYAS DANG BYANG CHUB SEMS DPA' RNAMS KYI PHUN SUM TSOGS PA MCHOG DANG, PHUL DANG, RAB DANG, RAB MCHOG YIN NO, ,BYANG CHUB GANG LA YON TAN SHIN TU RGYA CHEN PO YOD PA DE NI YON TAN SHIN TU RGYA CHE BA'I BYANG CHUB BO, ,YON TAN @53A *, ,SHIN TU RGYA CHE BA'I BYANG CHUB NYID SHING YIN PAS NA, YON TAN SHIN TU RGYA CHE BYANG CHUB SHING NGO, ,YANG NA BYANG CHUB NYID SHING YIN PAS BYANG CHUB SHING NGO, ,YON TAN SHIN TU RGYA CHE BA RNAMS KYI BYANG CHUB KYI SHING YIN PAS NA YON TAN SHIN TU RGYA CHE BYANG CHUB KYI SHING NGO, ,DE BSKYED PA NI YON TAN SHIN TU RGYA CHE BA BYANG CHUB KYI SHING BSKYED PA'O, ,DE'I PHYIR TE, YON TAN SHIN TU RGYA CHE BYANG CHUB SHING BSKYED PHYIR RO, ,CI ZHE NA, 'OG NAS RIGS DE RTZA BA YIN NO ZHES 'CHAD PAR 'GYUR RO, ,BDE DANG SDUG BSNGAL CHEN PO ZHI BA THOB BYA'I PHYIR, ,ZHES BYA BA NI 'DIR GO RIMS JI LTA BA BZHIN BLTA BAR BYA BA MA YIN NO, ,'ON KYANG DE NI BDE BA CHEN PO THOB PAR BYA BA'I PHYIR DANG, SDUG BSNGAL CHEN PO ZHI BAR BYA BA'I PHYIR RTZA BA YIN NO, ,DE LTA BAS NA RIGS 'DI BYANG CHUB KYI SHING DE LTA BU'I RTZA BA YIN PA DANG, RANG GI DON DANG GZHAN GYI DON SGRUB PAR BYED PAS, BDAG DANG GZHAN LA PHAN BDE BYED PA 'BRAS BU ZHES BSHAD DE, YON TAN SHIN TU RGYA CHE BYANG CHUB SHING BSKYED PHYIR, ,ZHES BYA BA NI RANG GI DON TO, ,GZHAN NI GZHAN GYI DON TO, ,RIGS KYI SKABS SO,, ,, RIGS KYI 'OG TU SEMS BSKYED PA'I SKABS YIN TE, 'DI'I 'BREL PA GANG YIN ZHE NA, YON TAN SHIN TU RGYA CHE BYANG CHUB SHING BSKYED PHYIR, ,BDE DANG SDUG BSNGAL CHEN PO ZHI BA THOB BYA'I PHYIR, ,BDAG DANG GZHAN LA PHAN BDE BYED PA 'BRAS BU'I PHYIR, ,RIGS MCHOG DE NI RTZA BA BZANG PO LTA BU YIN, ,ZHES BSHAD MA THAG PA YIN TE, JI LTAR SHING LJON PA RTZA BA BZANG PO ZUG NA RANG GI DON PHUN SUM TSOGS PA YAL GA DANG, LO MA DANG, ME TOG DANG, 'BRAS BU LA SOGS PA PHAL MO CHE 'BYUNG LA, PHUN SUM TSOGS PA DE LTA BU DE NI SKYE BO PHAL PO CHES LONGS SPYOD PAR YANG 'GYUR BAS GZHAN GYI DON PHUN SUM TSOGS PA ZHES BYA BA DE BZHIN DU BYANG CHUB SEMS DPA' LA RANG BZHIN GYI RIGS LA GNAS PA YOD NA GNYIS 'GRUB PAR 'GYUR RO, ,GNYIS 'GRUB PA DE YANG SEMS BSKYED PA LA SOGS PA'I RIM @53B GYIS 'GYUR GYI GZHAN DU NI MA YIN NO, ,BYANG CHUB KYI SEMS BSKYED PA LA SOGS PA YANG RIGS YOD NA 'GYUR TE, GANG LA BYANG CHUB SEMS DPA'I RIGS YOD PA DE BLA NA MED PA YANG DAG PAR RDZOGS PA'I BYANG CHUB TU SEMS SKYED PAR BYED PAS DE'I PHYIR RIGS KYI 'OG TU SEMS BSKYED PA'I SKABS YIN NO, ,YANG NA SEMS BSKYED PA NI DON DU GNYER BA YIN NO, ,GANG ZHIG DON DU GNYER ZHE NA, BYANG CHUB CHEN PO STE, SEMS CAN GYI DON BYED PAR 'DOD PA NI DES DE'I THABS SU 'GYUR BA BYANG CHUB CHEN PO 'DOD LA, RIGS KYI STOBS KYIS SEMS BSKYED PA YANG MI ZLOGS PA'I CHOS CAN DU 'GYUR BAS DON 'DI YANG DAG PAR BSTAN PA'I PHYIR RIGS KYI 'OG TU SEMS BSKYED PA'I SKABS YIN NO, ,SEMS 'BYUNG BA ZHES BYA BA LA, 'BYUNG BA DANG BSKYED PA ZHES BYA BA NI DON THA DAD PA MA YIN NO, ,SEMS PA'I MTSAN NYID KYI SEMS BSKYED PA STE, SEMS PA'I NGO BO NYID CES BYA BA'I THA TSIG GO, ,SEMS BSKYED PA RNAM PAR GTAN LA DBAB PA ZHES BYA BA NI, SEMS BSKYED PA DRI BA SNGON DU BTANG BA'I RNAM PAR GTAN LA DBAB PA LA SEMS BSKYED PA RNAM PAR GTAN LA DBAB PA ZHES BYA'O, ,DRI BA SNGON DU BTANG BA JI LTA BU ZHE NA, BYANG CHUB SEMS DPA' RNAMS KYI SEMS BSKYED PA RNAM PA BZHI PA 'DI'I RTZA BA NI GANG, BSAM PA NI GANG, MOS PA NI GANG ZHES BYA BA LA SOGS PA YIN NO, ,SNYING RJE CHEN PO NI SEMS BSKYED PA'I RTZA BA'O ZHES BYA BA NI, DE NI 'GRO BA 'KHYUD DE 'DUG PA YIN NO, ,GAL TE SNYING RJE CHEN PO RTZA BA YIN PAR MA GYUR NA, BYANG CHUB SEMS DPA' RNAMS NAM YANG BLA NA MED PA YANG DAG PAR RDZOGS PA'I BYANG CHUB TU SEMS BSKYED PAR MI 'GYUR GYI, SEMS CAN LA MI LTA BAS NYAN THOS DAG BZHIN DU MYA NGAN LDAS 'DAS PA LA GZHOL BAR 'GYUR RO, ,SO SO RANG GI SA LA SBYOR BAS GANG ZHIG SA GANG LA ZHUGS PA'I SA DE NI DE'I MTHAR THUG PA YIN NO ZHES BYA BA NI SA DANG SA LA SBYOR BA NAS BZUNG STE BSGOM PA MTHAR THUG PAR 'GRO BA'I PHYIR MTHAR THUG PA ZHES BYA STE, DE DANG MTSUNGS PAR LDAN PA SEMS PA'I KHYAD PAR GYI MTHAR THUG PA NI SA YIN PAR BRJOD DO, ,YANG DAG PAR @54A *, ,BLANGS PA BRDA LAS BYUNG BA'I SEMS BSKYED PA ZHES BYA BA NI DGE BA'I BSHES GNYEN LA SOGS PAS SMRAS PA BZLAS PA'I TSUL GYIS MNOS PA'O, ,SANGS RGYAS NYID LA SEMS MNYAM PA NYID NI, DE'I CHOS KYI DBYINGS DANG BDAG DBYER MED PAR RTOGS PA'I PHYIR RO ZHES PA NI CHOS KYI SKU DANG THA MI DAD PA THOB PA'I PHYIR RO ZHES BYA BA'I THA TSIG GO, ,JI SKAD DU SA DANG PO LA BDAG NI SANGS RGYAS KYI SA DANG NYE BAR GYUR TO ZHES 'BYUNG BA LTA BU YIN TE, NYE BA NYID DU RTOGS PA'I PHYIR THA MI DAD PAR MOS PAR 'GYUR RO, ,SANGS RGYAS NYID MCHOG CES SMOS PAS NI RANG SANGS RGYAS BSAL BA'I PHYIR RO, ,DE LA SKYE BA NI SA BON DANG, MA DANG, MNGAL DANG, MA MA'I BYE BRAG LAS RIG PAR BYA'O ZHES BYA BA LA, DE LA ZHES BYA BA'I BDUN PA NI DMIGS KYIS DBYE BA'I DON YIN TE, SKYE BA RGYA CHE BA LA SOGS PA DON DRUG SNGAR BSTAN PA DE DAG LAS SKYE BA BKAR TE SA BON LA SOGS PA'I KHYAD PAR GYIS KHYAD PAR DU STON TO, ,CHOS LA MOS PA SA BON DANG, ,ZHES BYA BA NI THEG PA CHEN PO'I CHOS LA MOS PA CHEN PO GANG YIN PA DE NI SA BON NO, ,PHA ROL TU PHYIN PA'I MCHOG SHES RAB KYI PHA ROL TU PHYIN PA NI MA YIN NO, ,BSAM GTAN LAS BYUNG BDE BA MNGAL, ,ZHES BYA BA NI GNAS PAS GNAS BSTAN PA YIN TE, MNGAL GYI GNAS NI BSAM GTAN DAG YIN NO, ,RGYA CHEN PO NI SMON LAM CHEN PO BCU MNGON PAR BSGRUB PA'I PHYIR RO ZHES BYA BA NI, JI SKAD DU 'PHAGS PA SA BCU PA LAS 'DI LTA STE, SANGS RGYAS MA LUS PA LAS MCHOD PA DANG, RIM GRO LHAG MA MED PA MTHA' DAG BYA BA'I PHYIR, RNAM PA THAMS CAD KYI MCHOG DANG LDAN PA, MOS PA RGYA CHEN POS RNAM PAR DAG PA, CHOS KYI DBYINGS LTAR RGYA CHE BA, NAM MKHA'I KHAMS KYI MTHAS GTUGS PA, PHYI MA'I MTHA'I MUR THUG PA, BSKAL PA GRANGS MED PAR SANGS RGYAS 'BYUNG BA, BGRANGS PA THAMS CAD LA MCHOD PA DANG, RIM GRO CHEN PO BYA BA RGYUN MI 'CHAD PA'I SMON LAM DANG PO MNGON PAR BSGRUB PO ZHES GSUNGS @54B PA LTA BU YIN TE, SA DANG PO LA DE LTA BU LA SOGS PA SMON LAM BCU 'BYUNG NGO, ,BSAM PA DAG PA NI BYANG CHUB DANG NYE BAR SHES PA'I PHYIR ZHES BYA BA NI SA DANG PO RTOGS PA'I DUS NA BSAM PA DAG PA THOB STE, DE THOB PAS DE 'DI SNYAM DU BDAG NI SANGS RGYAS KYI SA DANG NYE BAR GYUR TO SNYAMS DU SEMS SO, ,BYANG CHUB SEMS DPA' RNAMS KYI SEMS BSKYED PA DANG PO NI SA DANG MTSUNGS TE, SANGS RGYAS KYI CHOS THAMS CAD DANG, DE'I TSOGS 'PHEL BA'I RTEN DU GYUR BA'I PHYIR RO ZHES BYA BA NI, SANGS RGYAS KYI CHOS RNAMS NI SANGS RGYAS KYI SA LA MCHOG TU MTHAR PHYIN PAR GYUR PA YIN TE, DE DAG DANG DE DAG GI TSOGS RNAMS THOB PAR BYA BA'I PHYIR RO, ,'DI LTAR GANG GI TSE BYANG CHUB SEMS DPA' MOS PAS SPYOD PA'I SA LA SEMS SKYED PAR BYED PA'I SEMS BSKYED PA DE NI RTEN DU GYUR PA YIN TE, GANG GI PHYIR SA LA BRTEN NAS RTZVA DANG, GEL BA DANG, SMAN DANG, NAGS TSAL DAG BZHIN DU DE LA BRTEN NAS SANGS RGYAS KYI CHOS RNAMS DANG DE DAG GI TSOGS RNAMS YONGS SU RDZOGS PAR 'GYUR BA DE'I PHYIR SEMS BSKYED PA DANG PO NI SA DANG MTSUNGS PA ZHES BYA'O, ,PHAN PA'I BSAM PA NI GANG GIS TSE RABS GZHAN DU YANG PHAN PA DANG SPROD PAR BYED PA'O, ,BDE BA'I BSAM PA NI GANG GIS TSE 'DI KHO NA LA BDE BA DANG SPROD PAR BYED PA'O, ,GSER BZANG PO DANG 'DRA STE, 'GYUR BA MI RTEN PA'I PHYIR RO ZHES BYA BA NI GSER BZANG PO BSREGS PA DANG, BCAD PA DANG, BDAR BA LA SOGS PAS BRTAGS NA 'GYUR BA MI BRTEN PA DE BZHIN DU BYANG CHUB SEMS DPA'I SEMS BSKYED PA PHAN PA DANG BDE BA'I BSAM PA CAN YANG GNAS SKABS THAMS CAD DU 'GYUR BA MI RTEN TO, ,SBYIN PA'I PHA ROL TU PHYIN PA DANG LDAN PA'I SEMS BSKYED PA NI GTER CHEN PO BZHIN ZHES BYA BA NI JI LTAR MED DAG LAS DUNG LA SOGS PA GTER CHEN PO BZHI 'BYUNG BA DE DAG NI BYIN TE BOR YANG ZAD PAR MI 'GYUR ZHING 'JIG RTEN YANG TSIM PAR BYED PA DE BZHIN DU, BYANG CHUB SEMS DPA' RNAMS KYANG CHOS DANG ZANG ZING LA SOGS PA'I LONGS SPYOD KYIS SEMS CAN DPAG TU MED PA TSIM PAR BYED CING SBYIN PA DE @55A *, ,YANG PHUNG PO'I LHAG MA MED PA'I MYA NGAN LAS 'DAS PA'I DBYINGS SU ZAD PAR YANG MI 'GYUR BAS MI ZAD PA ZHES BYA'O, ,MI SHIGS PA NYID KYIS SRA BA'I PHYIR RO ZHES BYA BA NI LE LOS MI SHIGS PA NYID KYIS SO, ,SMAN GYI RGYAL PO LTA BU ZHES BYA BA NI, JI LTAR SMAN GYI RGYAL PO MTHONG BA NA, BSNAMS PA DANG, MYANGS PA DANG, REG PA LA SOGS PAS NAD THAMS CAD NYE BAR ZHI BAR BYED PA DE BZHIN DU, SHES RAB KYI PHA ROL TU PHYIN PA DANG LDAN PA'I SEMS BSKYED PA YANG MNYEN PA DANG, BSAM PA DANG, BSGOM PA LA SOGS PAS RNAM PAR SUN 'BYIN PA DANG, RNAM PAR GNON PA DANG SPONG PA LA SOGS PAS NYON MONGS PA DANG, SHES BYA'I SGRIB PA'I NAD THAMS CAD RAB TU ZHI BAR BYED PAS, SMAN GYI RGYAL PO LTA BU ZHES BYA'O, ,TSAD MED PA DANG LDAN PA NI MDZA' BO CHEN PO DANG 'DRA ZHES BYA BA NI, BYAMS PA DANG LDAN, SNYING RJE DANG, DGA' BA DANG, BTANG SNYOMS NGAG GNAS SKABS THAMS CAD DU SEMS CAN 'GA' YANG YAL BAR 'DOR BAR MI 'GYUR TE, BDE BA DANG, SDUG BSNGAL BA DANG, BDE BA YANG MA YIN, SDUG BSNGAL BA YANG MA YIN PA'I GNAS SKABS THAMS CAD DU DMIGS PA'I PHYIR RO, ,STON PA DANG LDAN PA NI RGYAL PO CHEN PO LTA BU STE, CHUD MI ZA BA'I RGYU YIN PA'I PHYIR RO ZHES BYA BA NI, DPER NA RGYAL PO RANG GI RIGS SU GTOGS PA LA, BSNYEN BKUR LEGS PA NYID DANG LEGS PA NYID MA YIN PAR BYED PA DAG GO, ,RIM BZHIN DU CHUD MI ZA BA DANG CHUD ZA BA'I RGYU YIN PA DE BZHIN DU, ,RTON PA DANG LDAN PA'I SEMS BSKYED PA YANG CHUD ZA BA'I RGYU DANG CHUD MI ZA BA'I RGYU YIN NO, ,JI LTAR NA CHUD ZA BA'I RGYU YIN, JI LTAR NA CHUD MI ZA BA'I RGYU YIN ZHE NA, GAL TE GANG ZAG DANG, TSIG 'BRU DANG, DRANG BA'I DON GYI MDO DANG, RNAM PAR SHES PA LA RTON PAR GYUR NA CHUD ZA BA'I RGYU YIN NO, ,BZLOG NA CHUD MI ZA BA'I RGYUR 'GYUR BAS CHUD MI ZA BA'I RGYU ZHES BYA'O, ,ZHI GNAS DANG LHAG MTHONG DANG LDAN PA NI THEG PA LTA BU ZHES BYA BA NI GANG GI TSE SEMS @55B PA'I KHYAD PAR ZUNG DU 'BREL BAR 'BYUNG BAS ZHI GNAS DANG LHAG MTHONG DANG LDAN PA YIN PA DE'I TSE BYANG CHUB SEMS DPA' 'DIS SEMS CAN GYI KHUR BDE BLAG TU KHYER BA DE BAS NA THEG PA LTA BU ZHES BYA'O, ,GZUNGS DANG SPOBS PA DANG LDAN PA NI BKOD MA LTA BU STE, CHU 'DZIN CING MI ZAD PAR 'BYIN PA DANG, CHOS MTHUN PAR THOS PA DANG, MA THOS PA'I CHOS DANG, DON 'DZIN CING MI ZAD PAR 'BYIN PA'I PHYIR ZHES BYA BA NI GZUNGS KYI STOBS KYIS THOS PA'I CHOS DANG DON 'DZIN PAR BYED LA SPOBS PA'I STOBS KYIS MA THOS PA'I CHOS DANG DON 'DZIN PAR BYED PAS NA BKOD MA LTA BU ZHES BYA STE, STOD PHYOGS NA CHU'I DONG DAG LA BKOD MA ZHES BYA'O, ,CHOS BSHAD PA DANG LDAN PA NI KUN DGA' BA'I SGRA DANG 'DRA STE, THAR PA 'DOD PA'I GDUL BA RNAMS LA SNYAN PA THOS PAR BYED PA'I PHYIR RO ZHES BYA BA NI 'DU BYED THAMS CAD NI MI RTAG PA'O, ,SDUG BSNGAL BA'O, ,BDAG MED PA'O, ,MYA NGAN LAS 'DAS PA NI ZHI BA'O ZHES BYA BA THOS NAS THAR PA 'DOD PA RNAMS BDUD RTZIS TSIM PAR 'GYUR BA DANG 'DRA BAS KUN DGA' BA'I SGRA DANG 'DRA ZHES BYA'O, ,MI SKYE BA'I CHOS LA BZOD PA THOB PA NA, RANG GI NGANG GIS 'BYUNG BA'I PHYIR RO ZHES BYA BA NI SA BRGYAD PA LA BYANG CHUB SEMS DPA' CHOS THAMS CAD MA SKYES PA'O ZHES BYA BAR RNAM PAR SMIN PA LAS BYUNG BA'I YE SHES RANG GI NGANG GIS 'BYUNG BAS CHOS THAMS CAD SHES SO, ,SA DANG PO RTOGS PA'I DUS NA YANG 'DIS DE LTAR SHES MOD KYI SA BRGYAD PA LA NI RGYA MTSOR BTANG BA'I GRU BO CHE DANG CHOS MTHUN PAR RANG GI NGANG GIS 'BYUNG BA'I LAM THOB PA'I PHYIR MI SKYE BA'I CHOS LA BZOD PA ZHES BYA'O, ,JI LTAR SNOD KYI 'JIG RTEN GYI RNAM PA 'BYOR BA THAMS CAD SPRIN LAS 'BYUNG BA LTAR ZHES BYA BA NI JI LTAR SNOD KYI 'JIG RTEN SA LA 'BRU DANG, SMAN DANG, NAGS TSAL LA SOGS PA 'BYOR BA THAMS CAD SPRIN LAS 'BYUNG BA DE BZHIN DU, SEMS CAN GYI 'JIG RTEN GYI 'BYOR BA MTHO RIS DANG BYANG GROL GYIS PHYUG PA THAMS CAD KYANG SHES RAB DANG SNYING RJE'I THABS LA MKHAS PA DANG LDAN PA'I SEMS BSKYED PA LAS BYUNG BAS SPRIN LTA BU ZHES @56A *, ,BYA'O; ,DPE NYI SHU RTZA GNYIS DANG LDAN PA'I SEMS BSKYED PA 'DI NI 'PHAGS PA BLO GROS MI ZAD PAS BSTAN PA'I MDO LAS MI ZAD PA NYID DU 'BYUNG BA DANG SBYAR BAR KHONG DU CHUD PAR BYA'O ZHES BYA BA NI 'PHAGS PA BLO GROS MI ZAD PAS BSTAN PA'I MDO LAS, SEMS BSKYED PA DANG, BSAM PA DANG, SBYOR BA DANG, LHAG PA'I BSAM PA DANG, PHA ROL TU PHYIN PA DANG, TSAD MED PA DAG DANG, MNGON PAR SHES PA DANG, BSDU BA'I DNGOS PO DANG, SO SO YANG DAG PAR RIG PA DANG, RTON PA DANG, BSOD NAMS DANG; YE SHES KYI TSOGS DANG, BYANG CHUB KYI PHYOGS DANG MTHUN PA DANG, ZHI GNAS DANG, LHAG MTHONG DANG, GZUNGS DANG, SPOBS PA DANG, CHOS BSHAD PA DANG, BGROD PA GCIG PA'I LAM DANG, THABS LA MKHAS PA DANG, DE LA SOGS PA GO RIMS BZHIN DU 'BYUNG STE, JI SKAD DU BSHAD PA'I SEMS BSKYED PA 'DI DAG KYANG GO RIMS 'DI KHO NAS SBYAR BAR BYA'O, ,NGAN 'GRO DANG YONGS SU SKYO BAS 'JIGS PA MED PA'I PHYIR SEMS BSKYED PA BSNGAGS PAR TSIGS SU BCAD PA ZHES BYA BA NI SEMS BSKYED PA DANG DUS MNYAM PA NYID NA SEMS DE 'GRO BA THAMS CAD KYIS BSNGAGS PAR BYA BA YIN TE, JI SKAD DU, GANG GI TSE NA KHYOD KYI THUGS, ,DANG PO SKYES PA DE'I TSE, ,KHYOD NI 'JIG RTEN 'DI DAG GI, ,MCHOD GNAS BLA NA BZHUGS PA LAGS, ,ZHES BYA BA LA SOGS PA 'BYUNG BA LTA BU'O, ,SEMS BSKYED PA BSNGAGS PAR BYA BA LA, DE YOD NA RAB TU BSNGAGS PA'I SEMS DANG LDAN PA SA DANG PO RTOGS PA'I DUS NAS BZUNG STE NGAN SONG DAG GIS 'JIGS PAR MI 'GYUR RO, ,BYANG CHUB SEMS DPA' BRTZE BA DANG LDAN PA'I PHYIR SEMS CAN GYI BYA BA MANG POS YONGS SU SKYO BAS 'JIGS PAR MI 'GYUR BAS NGAN SONG DANG YONGS SU SKYOBS 'JIGS PA MED PA ZHES BYA'O, ,SKYE BA SKYED MOS TSAL DU 'GO BA LTA BUR MTHONG BA'I PHYIR RGYUD PA'I DUS NA SDUG BSNGAL GYIS MI 'JIGS PA ZHES BYA BA NI DON GYI RNAM PA PHUN SUM TSOGS PA DAG LA GANG GI TSE, CHOM RKUN DANG, CHU DANG ME LA @56B SOGS PAS RGUD PAR BYAS PA DE'I TSE DE DAG RGUD NA RGYUD PAS 'JIGS PA MED DO, ,YO BYAD KYIS PHONGS NA 'CHI BAR 'GYUR NA GANG ZHIG LEGS PAR BYED PA'I LAS BYAS PAS SKYE BA SKYED MOS TSAL GYI DGA' STON LTA BUR LTA BA DE JI LTAR SDUG BSNGAL DAG GIS 'JIGS PAR 'GYUR RO, , NYAN THOS KYI BRTZON 'GRUS PAS BRTZON 'GRUS BRGYA 'GYUR DU BYA BA'I RIGS ZHES BYA LA, BRGYA ZHES SMOS PA NI GRANGS BSTAN PA'I PHYIR TE, DES BRTZON 'GRUS TSAD MED PA BYA DGOS SO, ,BDAG DANG GZHAN GYI 'CHING BA RNAM PA SNA TSOGS PA NYON MONGS PA DANG, LAS DANG SKYE BA'I NGO BO NYID DAG GIS SHIN TU BCINGS PA YIN NO ZHES BYA BA NI, MTSAMS MED PA YI LAS RNAMS DANG, ,NYON MONGS DRAG DANG NGAN 'GRO DANG, ,SGRA MI SNYAN DANG 'DU SHES MED, ,SEMS CAN SGRIB PA GSUM DU 'DOD, ,CES BYA BA YIN TE, 'DI DAG NI 'PHAGS PA'I LAM LA SGRIB PA'I PHYIR 'JIG RTEN 'KHOR BAR 'KHYAM PAR BYED PAS 'CHING BA DAG CES BYA'O, ,SEMS BSKYED PA'I SKABS SO,, ,,SEMS BSKYED PA'I 'OG TU SGRUB PA'I SKABS YIN TE, 'DI'I 'BREL PA GANG ZHE NA, BYANG CHUB SEMS DPAS MGO LA SEMS CAN GYI KHUR CHEN PO THOGS NAS PHA ROL GNON PA DAL BA NI MI MDZES KYI, DES NYAN THOS KYI BRTZON 'GRUS BRGYA 'GYUR DU BYA BA'I RIGS ZHES BSHAD MA THAG PA YIN TE, SGRUB PA MED PAR SEMS BSKYED PA TZAM KHO NAS NI BLA NA MED PA YANG DAG PAR RDZOGS PA'I BYANG CHUB 'THOB PA MA YIN NO, ,DE'I PHYIR SEMS BSKYED NAS GDON MI ZA BAR BSGRUBS PAS BSGRUB PAR BYA DGOS PAS SEMS BSKYED PA'I 'OG TU BSGRUB PA'I SKABS YIN NO, ,DE NYID KYI PHYIR SGRUB PA'I GNAS CHEN PO NI SEMS BSKYED PA LA GNAS PA'I PHYIR RO ZHES BSHAD DO, ,BYANG CHUB SEMS DPA' RNAMS BLA NA MED PA YANG DAG PAR RDZOGS PA'I BYANG CHUB TU SEMS BSKYED NAS DE LA BRTEN TE BSGRUB PA LA RAB TU SBYOR BA'O, ,SEMS BSKYED PA YOD DU ZIN KYANG BSGRUB PA DANG LDAN PAS GZHAN GYI DON 'GRUB KYI, SGRUB PA DANG MI LDAN @57A *, ,PAS NI MA YIN PAS SEMS BSKYED PA'I 'OG TU SGRUB PA'I SKABS YIN NO, ,YANG NA BYANG CHUB KYI SEMS BSKYED NAS BSLAB PAR BYA'O ZHES MJUG THOGS SU BSLAB PA BSTAN PA DE DMIGS PA GANG GIS MJUG PA DE BRJOD DGOS PAS DE'I PHYIR MJUG THOGS SU BSLAB PA'I DMIGS PA KHYAD PAR CAN NO, ,BSLAB PA'I DMIGS PA KHYAD PAR CAN YANG GANG ZHE NA, GZHI LNGA'O, ,GZHI LNGA GANG ZHE NA, RANG DANG, GZHAN GYI DON DANG, DE KHO NA NYID KYI DON DANG, MTHU DANG, YONGS SU SMIN PAR BYED PA DANG, BLA NA MED PA YANG DAG PAR RDZOGS PA'I BYANG CHUB PO, ,JI LTAR NA 'DI NI NYAN THOS KYI THEG PA LAS KHYAD PAR ZHUGS PA YIN ZHE NA, NYAN THOS LA SOGS PA'I BSLAB PA'I DMIGS PA NI, RANG GI DON DANG, DE KHO NA NYID KYI DON GANG ZAG LA BDAG MED PA DANG, MTHU CHUNG BA DANG, BDAG YONGS SU SMIN PAR BYED PA DANG, DE'I 'BRAS BU BYANG CHUB DMAN PA YIN NO, ,BYANG CHUB SEMS DPA' RNAMS KYI BSLAB PA'I DMIGS PA NI DE LAS BZLOG PA RANG DANG GZHAN GYI DON LA SOGS PA'I KHYAD PAR DU 'PHAGS PA YIN PAR SHES PAR BYA'O, ,YANG GZHI LNGA PO 'DI DAG LA JI LTAR DMIGS SHE NA, BZHI PA LA NI RGYU NYID DU'O, ,LNGA PA LA NI 'BRAS BU NYID DU'O, ,YANG NA BYANG CHUB SEMS DPA' RNAMS KYIS SEMS BSKYED NAS, BSLAB PAR BYA'O ZHES BYA BA GANG LA BSLAB PAR BYA BA DE BSTAN, RANG DANG GZHAN GYI DON LA SOGS PA LA BSLAB PAR BYA BA YIN PAS; DE'I PHYIR SEMS BSKYED PA'I 'OG TU BSGRUB PA'I SKABS YIN TE, RANG DANG GZHAN GYI DON LA SOGS PA 'DI DAG KYANG SGRUB PA DANG LDAN PA YIN GYI GZHAN GYI NI MA YIN NO, ,DE DAG NYID KYI GO RIMS BZHIN DU ZHES BYA BA NI, GNAS RTZOM 'BRAS BU 'BYUNG BA CHE BDAG NYID, , CES BYA BA TSIG GSUM PO 'DI DAG ,RTAG TU LEN PA CHE DANG BZOD PA CHE, ,DON CHEN YANG DAG BSGRUB PA'I BYA BA BYED, ,CES BYA BA'I TSIG RNAMS DANG SBYAR BAR BYA'O, ,LEN PA CHEN PO STE SEMS CAN THAMS CAD NYE BAR LEN PA'I PHYIR RO ZHES BYA BAS NI 'DI LTAR SEMS BSKYED PAS SEMS @57B CAN THAMS CAD NYE BAR LEN PAR BYED DE, SEMS CAN 'DI RNAMS BDAG GIS BSKYAB PO SNYAM DU SEMS SO ZHES ZER BA'I PHYIR RO, ,GZHAN GYI DON DU BDAG NYID LA SHIN TU GDUNG BAR BYED PA'I PHYIR RO ZHES BYA BA NI GZHAN DAG LA PHAN PA DANG BDE BA'I DON DU BDAG NYID LA SHIN TU GDUNG BAR BYED DO ZHES BYA BA'I THA TSIG GO, ,RJES SU BSTAN PA DANG, KUN BRJOD PA'I CHO 'PHRUL DAG GIS LEGS PAR STON PA ZHES BYA BA NI KUN BRJOD PA'I CHO 'PHRUL GYIS KHYOD KYI SEMS NI 'DI LTA BU YIN NO, ,KHYOD KYI SEMS NI 'DI SNYAM PA YIN NO ZHES BYA BA LA SOGS PAS SEMS KUN BRJOD NAS RJES SU BSTAN PA'I CHO 'PHRUL GYIS GDAMS NGAG THUN MONG MA YIN PA DE KHO NA NYID RTOGS PA'I SHES RAB PHYIN CI MA LOG PA DANG LDAN PAS RJES SU STON TO, ,DE LA YON TAN KHYAD PAR CAN YANG DAG PAR 'GRUB PA'I BAR NI GZHAN GYI DON BYA BA NYAN THOS LA SOGS PA DANG THUN MONG PA YIN NO, ,DE BZHIN GSHEGS PA'I RIGS SU SKYE BA LA SOGS PA NI BYANG CHUB SEMS DPA'I DON THUN MONG MA YIN PA YIN NO, ,GAL TE RIGS LA GNAS PA'I SKYE BO DANG MTHUN ZHING PHYIN CI MA LOG PAR 'CHAD PAR 'GYUR BA ZHES BYA BA LA, RIGS ZHES SMOS PAS NI NYAN THOS LA SOGS PA'I RIGS CAN GYI SKYE BO BZUNG NGO, ,PHYIN CI MA LOG PAR 'CHAD PAR 'GYUR BA ZHES SMOS PAS NI NYAN THOS LA SOGS PA DE DAG NYID LAS 'DOD CHAGS LA SOGS PA SPYAD PA SPYOD PA'I BYE BRAG GIS MI SDUG PA LA SOGS PA 'CHAD PAR 'GYUR BA STON TE, BZLOG PA NI PHYIN CI LOG TU 'CHAD PA YIN NO, ,ZHUGS PA RNAMS LA BDAG GI BAR 'DZIN PA MED PA ZHES BYA BA NI BDAG GI BAR 'DZIN NA KHONG KHRO BA DANG RJES SU CHAGS PA DAG TU 'GYUR RO, ,DON RNAM PAR NGES PAR BYA BA LA MKHAS PA'I SGRUB PA YIN ZHES BYA BA NI MI SHES PA DANG, THE TSOM CAN DANG; LOG PA'I SHES PA LA MNGON PAR ZHEN PA RNAMS KYIS MI SHES PA LA SOGS PA SEL BA'I PHYIR RO, ,RIGS SU SKYE BA LA SOGS PA SHIN TU RING DU SONG BA'I SGRUB PA YIN ZHES BYA BA NI GAL TE 'DI SA DANG PO LA RTOGS PA THOB PA'I PHYIR RO, ,DE BZHIN GSHEGS PA'I RIGS SU SKYE BA YIN, SA @58A *, ,BRGYAD PA YAN LA SOGS PAR LUNG BSTAN PA THOB PA'I PHYIR LAM MNGON PAR 'DU BYA BA MED PAR RANG GI NGANG GIS 'BYUNG BAS BYANG CHUB SEMS DPA'I SPYOD PA LA MKHAS PA YIN, SA BCU PA LA 'OD ZER DAG GIS DBANG BSKUR PA THOB PA'I PHYIR DBANG BSKUR BA YIN NA DE LTA NA GZHAN DAG RIGS SU SKYE BA LA SOGS PAR BYA BAR NUS SO, ,MI RTAG PA NYID KYI PHYIR ZHES BYA BA LA BDE BA'I TSOR BA NI SKYE BA'I DUS NA PHAN 'DOGS PA YIN LA 'JIGS PA'I DUS NA GNOD PAR BYED PA YIN TE, DE BAS NA MI RTAG PA'I PHYIR SDUG BSNGAL BA ZHES BYA BA'O, ,ZHI DGA' RANG GI LEN PA RAB ZHI LA, ,ZHES BYA BA NI NYAN THOS RNAMS NI SO SO RANG GI BDAG NYID KYIS LEN PA NYON MONGS PA NYE BAR ZHI BAR BYED DE, NYON MONGS PA NYID LEN PA YIN PAS NA LEN PA NYON MONGS PA'O, ,JI SKAD DU SHES RAB KYI PHA ROL TU PHYIN PA LAS, RAB 'BYOR GAL TE GZUGS DNGOS POR 'GYUR GYI DNGOS PO MED PA MA YIN NA, SHES RAB KYI PHA ROL TU PHYIN PA 'DIS LHA DANG, MI DANG, LHA MA YIN DU BCAS PA'I 'JIG RTEN ZIL GYIS MNAN NAS NGES PAR 'BYUNG BAR MI 'GYUR ZHES BYA BA NI 'DI SKAD DU BSHAD PA YIN TE, GAL TE GZUGS LA SOGS PA'I CHOS 'DI DAG JI LTAR BYIS PA RNAMS KYIS MNGON PAR BRJOD CING 'DZIN PA DE KHO NA LTAR 'DI DAG YONGS SU GRUB PA NYID DU GYUR CING DNGOS POR GYUR GYI ZHES BYA BA'I THA TSIG GO, ,DNGOS PO MED PA MA YIN NA SHES RAB KYI PHA ROL TU PHYIN PA 'DIS LHA DANG MI LA SOGS PA DANG BCAS PA'I 'JIG RTEN ZIL GYIS MNAN CING NGES PAR 'BYUNG BAR MI 'GYUR RO, ,CI'I PHYIR ZHE NA, BYIS PA DANG MKHAS PA DAG LA KHYAD PAR MED PA'I PHYIR THAMS CAD DE KHO NA NYID MTHONG BA KHO NAR 'GYUR TE DE JI SKAD DU BCOM LDAN 'DAS KYIS, DNGOS PO RNAMS KYI YOD PA NYID, , JI LTAR BYIS PAS RNAM BRTAGS SHING, ,DE LTAR MTHONG DE GAL TE YIN, ,THAMS CAD DE NYID MTHONG BAR 'GYUR, ,ZHES GSUNGS PA LTA BU'O, ,GANG GI PHYIR GZUGS LA SOGS PA'I CHOS 'DI DAG BYIS PAS KUN BRTAGS PA'I BDAG NYID KYIS MED PA'I NGO BO YIN PA DE'I PHYIR @58B SANGS RGYAS DANG BYANG CHUB SEMS DPA' TSUL BZHIN RAB TU SBYOR BA RNAMS LA RNAM PAR MI RTOG PA'I YE SHES SKYE LA, RNAM PAR MI RTOG PA'I YE SHES KYANG THEG PA CHEN PO YIN TE, RGYU 'DI NYID KYIS LHA DANG, MI DANG, LHA MA YIN DU BCAS PA'I 'JIG RTEN ZIL GYIS MNAN NAS NGES PAR 'BYUNG BAR 'GYUR RO, ,SGRUB PA'I 'OG TU DE KHO NA NYID KYI SKABS YIN TE, 'DI'I 'BREL PA GANG YIN ZHE NA, SGRUB PA 'DI NI SRID DANG 'GRO BA KUN, ,ZIL GYIS MNAN 'GRO ZHI BA MCHOG DANG LDAN, ,ZHES BYA BA LA SOGS PA BSHAD MA THAG PA YIN TE, CHE BA NYID DE RNAM PA BZHI CHAR YANG SGRUB PA DANG LDAN PA DE KHO NA NYID MTHONG BA YIN GYI, GZHAN GYI NI MA YIN PAS, RANG DANG GZHAN GYI DON BSGRUB PA NI BSHAD MA THAG PA YIN NO, ,RANG DANG GZHAN GYI DON LA ZHUGS PA YANG KUN NAS NYON MONGS PA MED PAR BYA DGOS PAS DE'I PHYIR MJUG THOGS SU KUN NAS NYON MONGS PA MED PA'I THABS DE KHO NA NYID KYIS STON TO, ,KUN BRTAGS PA DANG GZHAN GYI DBANG GI MTSAN NYID DAG GIS NI YOD PA MA YIN NO ZHES BYA BA NI CHOS KYI DBYINGS KYI DBANG DU BYAS NAS BSHAD PA YIN TE, DE NI BSLAB PA'I DMIGS PA NYID DU BSHAD DO, ,RNAM PAR MI RTOG PA'I YE SHES KYANG LAM GYI NGO BO NYID YIN PA'I PHYIR YONGS SU GRUB PA'I NGO BO NYID YIN MOD KYI, DE NI TSIGS SU BCAD PA 'DIR MA SMOS TE, DE'I MTSAN NYID NI LOGS SHIG TU 'CHAD PAR 'GYUR RO, ,KUN BRTAGS PA DANG GZHAN GYI DBANG DAG DANG YONGS SU GRUB PAR GCIG PA NYID MED PAS DE BZHIN MA YIN NO ZHES BYA BA NI KUN BRTAGS PA'I CHOS RNAMS NI YOD PA MA YIN PA LAS YANG DAG PA MA YIN PA NYID DU SNANG BA YIN LA, YONGS SU GRUB PA'I NGO BO NYID NI BDEN PA YANG DAG PA PHYIN CI MA LOG PA YIN TE, DES NA 'DI KUN BRTAGS PA'I NGO BO NYID MA YIN NO, ,GZHAN GYI DBANG GI NGO BO NYID KYANG KUN BRTAGS PA DE'I GZHIR GYUR PA RTEN CING 'BREL BAR 'BYUNG BA KUN NAS NYON MONGS PA'I BDAG NYID DU SNANG BA YIN LA, CHOS KYI DBYINGS NI DE LAS BZLOG PA YIN TE, DE LTA BAS NA @59A *, ,GZHAN GYI DBANG GI NGO BO NYID KYANG MA YIN NO, ,DE DAG KHO NA DANG GZHAN PA NYID MED PAS GZHAN MA YIN NO ZHES BYA BA NI GANG GI PHYIR GZHAN GYI DBANG GI NGO BO NYID KUN BRTAGS PA'I NGO BO NYID DANG BRAL BA NI YONGS SU GRUB PA'I NGO BO NYID YIN PA DE'I PHYIR GZHAN NYID DU YANG RNAM PAR MI GZHAG STE, MI RTAG PA NYID LA SOGS PA BZHIN NO, ,'GAG PA DANG SKYE BA NA DE BZHIN GNAS PA'I PHYIR ZHES BYA BA NI CHOS KYI DBYINGS NI 'DOD CHAGS LA SOGS PA KUN NAS NYON MONGS PA'I CHOS 'GAG PA NA YANG NYAMS PA MED LA, RNAM PAR BYANG BA LAM GYI NGO BO NYID KYI CHOS SKYE BA NA YANG 'PHEL BA MED DE, NAM MKHA' LA SPRIN DANG KHUG RNA GLO BUR PA 'ONGS PA DANG BRAL BA BZHIN NO, ,BDAG TU LTA BA'I PHYIN CI LOG DGAG PAR ZHES BYA BA NI GANG ZAG LA BDAG MED PA'I DBANG DU BYAS PA YIN NO, ,RE ZHIG BDAG TU LTA BA NYID NI BDAG GI MTSAN NYID MA YIN NO, ,CI'I PHYIR ZHE NA, BDAG NI RTAG PA DANG THAMS CAD NA YOD PA ZHES BYA BA DE LTA BU LA SOGS PA YIN LA, BDAG TU LTA BA NI 'JIG TSOGS LA LTA BA STE, SEMS LAS BYUNG BA'I CHOS THAMS CAD NI YOD PA MA YIN PA MI RTAG PA BDAG NYID THOB PA'I DUS NA YANG BYED PA DANG BCAS PA LTA BUR SNANG BAS BYA BA DANG BCAS PA YIN TE, DE LTA BAS NA BDAG TU LTA BA NYID NI BDAG GI MTSAN NYID MA YIN NO, ,RNAM PA 'DI NYID KYIS NGAN PAR GNAS PA YANG BDAG GI MTSAN NYID MA YIN TE, NGAN PAR GNAS PA ZHES SMOS PAS NI NYE BAR LEN PA'I PHUNG PO LNGA GZUNG NGO, ,'DI GNYIS LAS GZHAN PA'I BDAG GI MTSAN NYID KYANG MI DMIGS ZHES BYA BA NI DNGOS PO YOD PA GANG DAG YIN PA DE DAG NI MNGON SUM GYI TSAD MA 'AM RJES SU DPAG PAS DMIGS TE, GZUGS LA SOGS PA NI MNGON SUM GYIS SO, ,MIG LA SOGS PA NI RJES SU DPAG PAS SO, , BDAG NI MNGON SUM DANG RJES SU DPAG BDAG GIS MI DMIGS TE, DE LTA BAS NA BDAG NI MED KYI, SEMS KHO NA LA BDAG TU 'DOGS PAR ZAD DO, ,BDAG TU LTA BA GANG YIN PA DE NI NOR PA SKYES PA YIN NO ZHES BYA BA DE NI THAG PA LA SPRUL DU 'KHRUL PA YIN NO, ,THAG PA YANG NOR @59B PA TZAM ZAD PA YIN ZHES BYA BA DE NI THAG PA LA SPRUL DU 'KHRUL PA DANG BRAL BAS LUS DANG SEMS NYAM NGA BA MED PA DANG 'DRA'O, ,TZAM ZHES SMOS PA NI BDAG GI DNGOS PO MED PA'I PHYIR NOR PA TZAM KHO NA YOD KYI, BDAG NI MA YIN NO ZHES BYA BA YIN NO, ,SDUG BSNGAL LA RANG BZHIN RGYUN CHAGS RTOGS MI 'GYUR, ,ZHES BYA BA NI SDUG BSNGAL GYI RANG BZHIN NYE BAR LEN PA'I PHUNG PO LNGA PO 'JIG TSOGS LA LTA BA DANG BCAS PA'I MA RIG PAS BSGRIBS PA RTOGS PAR MI 'GYUR ZHES BYA BA YIN NO, ,RIG MIN ZHES BYA BA NI ZAG PA MED PA'I YE SHES KYIS SO, ,RIG NYID CES BYA BA NI ZAG PA DANG BCAS PA'I SHES PAS NYAMS SU MYONG BA'I RNAM PA CAN GYIS SO, ,DE JI LTAR MTHONG BA LA SOGS PA NI GZHAN GYI BYAS ZHES BYA BA'I LTA BA 'DI LA BRTEN ZHES BYA BA NI MTHONG BA DANG, THOS PA DANG, SNOM PA DANG, MYONG BA DANG, REG PA DANG, RNAM PAR SHES PA GANG YIN PA DE NI DBANG PHYUG LA SOGS PAS BYAS SO ZHES PA STE, MDZANGS SHING MKHAS PA SU ZHIG RTEN CING 'BREL BAR 'BYUNG BA MTHONG NAS DBANG PHYUG LA SOGS PAS BYAS PAR LTA BA 'DI LA BRTEN, BDAG MED PAR ZHI BA RUNG BAR TSIGS SU BCAD PA ZHES BYA BA NI, BDAG CES BYA BA'I SGRA NI GANG ZAG LA SOGS PA'I RNAM GRANGS LA YANG MTHONG STE, BDAG DANG, SEMS CAN DANG, SROG DANG, SKYE BA PO ZHES BYA BA LA SOGS PA'I RNAM GRANGS DAG LA'O, ,CHOS DAG LA YANG MTHONG STE, CHOS NGO BO NYID DANG BCAS PA ZHES BYA BA NI BDAG DANG BCAS PA ZHES BYA BAR SHES SO; ,'DI LAS PHYI ROL PA PHYIN CI LOG TU GYUR PA DAG NI BDAG MED PA LAS BDAG TU MNGON PAR ZHEN LA, NYAN THOS KYI THEG PA PA RNAMS NI CHOS 'DI DAG JI LTAR BYIS PA SO SO'I SKYE BO DAG GIS DMIGS PA DE KHO NA BZHIN DU 'DI DAG BDAG GI NGO BO NYID YOD DO ZHES CHOS RNAMS LA PHYIN CI LOG STE, PHYIN CI LOG TU GYUR PA BDAG TU LTA BA DANG CHOS SU LTA BA LA GNAS PAR DMIGS PA DE DAG GAL TE BDAG GAM CHOS SHIG MED NA JI LTAR NA THAR, SU ZHIG NI THAR ZHES PHYIR RGOL BAR BYED DE, DE DAG LA BYIS PA SO SO'I SKYE BOS KUN BRTAGS PA'I BDAG DANG CHOS @60A *, ,RNAMS MED NA THAR GYI YOD NA NI MA YIN NO ZHES BSHAD DO, ,'DI LA DON DAM TSUL GYIS ZHI BA DANG, ,SKYE BA DE GNYIS KHYAD PAR CI YANG MED, ,CES BYA BA NI DON DAM PA'I TSUL BDAG MED PAR MNYAM PA NYID KYIS NI JI LTAR 'KHOR BA GANG ZAG DANG BYIS PA'I SKYE BOS KUN BRTAGS PA'I CHOS RNAMS KYI STONG PA LTAR MYA NGAN LAS 'DAS PA YANG DE DANG 'DRA LA, CHOS DANG GANG ZAG LA BDAG MED PA DE YANG 'KHOR BA DANG MYA NGAN LAS 'DAS PA DAG LA MNYAM PA NYID DU LDAN TE, 'KHOR BA'I DE BZHIN NYID GANG YIN PA DE NYID MYA NGAN LAS 'DAS PA'I YANG YIN PAS RGYU 'DIS NA 'KHOR BA DANG MYA NGAN LAS 'DAS PA DAG LA KHYAD PAR CI YANG MED DO, ,SKYE BA NI 'KHOR BA YIN TE, DE NI PHYIN CI LOG TSUL BZHIN MA YIN PA YID LA BYED PA'I RGYU LAS BYUNG BA LA SOGS PAS SKYE BA YIN NO, ,SKYE BA DE ZAD PA NI THAR BA THOB PA YIN LA, DE YANG DGE BA BYED PA TSUL BZHIN YID LA BYED PA'I RGYUS LAM BSGOM PA RNAMS KYI YIN PAS SKYE BA ZAD PA NI THAR PA ZHES BYA'O, ,DON DAM PA'I YE SHES LA 'JUG PA'I TSIGS SU BCAD PA BZHI STE ZHES BYA BA NI RNAM PAR MI RTOG PA'I YE SHES LA 'JUG PA THUN MONG MA YIN PA'I DBANG DU BYAS PA STA, BYANG CHUB SEMS DPA' RNAMS KYIS JI LTAR CHOS LA BDAG MED PAR RTOGS PAR 'GYUR BA DE'I DBANG DU BYAS NAS TSIGS SU BCAD PA YIN NO, ,SNGAR NI GANG ZAG LA BDAG MED PAR BSHAD PA YIN NO, ,DA NI CHOS LA BDAG MED PA'O, ,DON GYI RNAM PAR BRJOD PA'I RGYU CAN RTOGS, , ZHES BYA BA NI SNA TSOGS 'DI NI YID LA BRJOD PA TZAM KHO NAR ZAD KYI, 'DI LA PHYI ROL GYI GZUGS LA SOGS PA'I DON NI YOD PA MA YIN NO ZHES BYA BA STE, DRO BAR GYUR BA'I GNAS SKABS SNANG BA THOB PA'I TING NGE 'DZIN YIN NO, ,MTHA' YAS PHA ROL ZHES BYA BA LA NI BSKAL PA GRANGS MED PA DANG PO'I PHA ROL TU PHYIN NAS SA DANG PO RTOGS PAR 'GYUR RO ZHES BYA BA'I DON TO, ,DE YIS BRJOD PA TZAM DU DON RIG NAS, ,ZHES BYA BA NI DRO BAR GYUR BA'I RAB KYI MTHAR PHYIN TE, RTZE MO LA 'JUG PA'I GNAS SKABS SNANG BA MCHED PA'I TING NGE 'DZIN CES BYA'O, ,DER SNANG SEMS @60B TZAM LA NI YANG DAG GNAS, ,ZHES BYA BA NI DE KHO NA'I DON GYI PHYOGS GCIG LA ZHUGS PA'I TING NGE 'DZIN TE, BZOD PA'I GNAS SKABS YIN NO, ,DE NAS CHOS DBYINGS GNYIS KYI MTSAN NYID DANG, ,BRAL BA MNGON SUM NYID DU RTOGS PAR 'GYUR, ,ZHES BYA BA NI BAR CHAD MED PA'I TING NGE 'DZIN TE, 'JIG RTEN PA'I CHOS KYI MCHOG GI GNAS SKABS SO, ,GNYIS KYI MTSAN NYID DANG BRAL BA NI GZUNG BA DANG 'DZIN PA'I MTSAN NYID DANG NGO, ,DE NAS NI MTHONG BA'I LAM GYI GNAS SKABS SU 'GYUR RO, ,GONG DU DE YIS BRJOD PA TZAM DU DON RIG NAS, ,DER SNANG SEMS TZAM LA NI YANG DAG GNAS, ,ZHES BSHAD PA DE NI GZUNG BA MED PAR BSTAN TO, ,SEMS LAS GZHAN MED PAR NI BLOS RIG NAS, ,DE NAS SEMS KYANG MED PA NYID DU RTOGS, ,ZHES BYA BAS NI 'DZIN PA MED PAR BSTAN TO, , BZOD PA CHEN PO'I GNAS SKABS NA NI GZUNG BA MA LUS PAR MED PAR RTOGS SO, ,DE'I MJUG THOGS SU 'JIG RTEN PA'I CHOS KYI MCHOG GI GNAS SKABS NA NI, GZUNG BA MED NA GANG LA 'DZIN, ,ZHES 'DZIN PA MED PAR RTOGS TE, RIM PA 'DIS GZUNG BA DANG 'DZIN PA MED PAR STON TO, ,DE LA BRTEN PA'I NYES TSOGS TSANG TSING DANG ,DUG SMAN CHEN POS DUG BZHIN SEL BAR BYED, ,CES BYA BA LA, DE LA BRTEN PA'I ZHES BYA BA NI BYANG CHUB SEMS DPA' GANG LA BRTEN NAS RNAM PAR MI RTOG PA'I YE SHES SKYES PA DE LA BRTEN NAS SKYES PA RNAM PAR MI RTOG PA'I YE SHES DUG SMAN LTA BU DE LA BRTEN NAS SKYES PA NYES PA'I TSOGS TSANG TSING RING NAS ZHUGS PA GANG YIN PA DE SEL BAR BYED PA YIN NO, ,BYANG CHUB SEMS DPA' DON DAM PA'I YE SHES LA ZHUGS PA DES SANGS RGYAS KYIS GSUNGS PA'I DAM PA'I CHOS LEGS PAR GZHAG PA RTZA BA'I SEMS BSDUS PA'I CHOS LA DMIGS PA'I CHOS KYI DBYINGS LA BLO GROS GZHAG STE ZHES BYA BA LA RTZA SEMS BSDUS PA'I CHOS LA DMIGS PA ZHES JI LTAR SHES SHE NA, MDO SDE'I RGYAN 'DI NYID LAS SHES TE, 'DI LTAR 'DI NYID LAS GDAMS NGAG RJES SU @61A *, ,BSTAN PA'I LE'U LAS, DE NAS MDO LA SOGS PA'I CHOS, ,MI GNYIS DON STON BYED PA LA, ,THOG MA KHO NAR SDOM BRTZON TE, ,MDO SOGS MI NGAL SEMS 'JOG GO, ,DE NAS TSIG RAB DBYE RNAMS LA, ,RIM GYIS RNAM PAR DPYOD PAR BYED, ,CES 'CHAD PAR 'GYUR TE, DE LA SOGS PA'I TSIGS SU BCAD PA GSUM GYIS SEMS DRUG PO RTZA BA'I SEMS DANG RJES SU DPYOD PA'I SEMS DANG, RNAM PAR DPYOD PA'I SEMS DANG, NGES PAR 'DZIN PA'I SEMS DANG, SDOM PA'I SEMS DANG, RE BA'I SEMS ZHES 'CHAD PAR 'BYUNG RO, ,DE LA RTZA BA'I SEMS NI MDO LA SOGS PA'I CHOS RNAMS KYI MING LA DMIGS PA GANG YIN PA STE, MDO'I SDE DANG DBYANGS KYIS BSNYAD PA'I SDE LA SOGS PA'I CHOS LA MDO'I SDE ZHES BYA BA NI SA BCU PA YIN NO ZHES BYA BA LA SOGS PA LTA BU'O, ,YANG NA THEG PA CHEN PO'I CHOS MTHA' DAG LA SEMS GANG GIS DMIGS PA DE NI RTZA BA'I SEMS YIN NO, ,TSIG RAB TU DBYE BA DAG LAS DRANGS TE BSDUS PA'I CHOS LA DMIGS PA'I SEMS GANG YIN PA DE NI LAS SU RUNG BA YIN NO ZHES RNAL 'BYOR SPYOD PA RNAMS 'CHAD DO, ,BSDUS PA'I CHOS LA DMIGS PA DE'I CHOS KYI DBYINGS LA BLO GROS BZHAG NAS DRAN PA GANG DANG GANG SKYE BA'I DRAN PA 'JUG PA DE DAG THAMS CAD RTOG PA TZAM DU KHONG DU CHUD DE, DE LTAR NA MYUR DU YON TAN RGYA MTSO'I PHA ROL LA SANGS RGYAS NYID DU 'GRO BAR 'GYUR TE, TSIGS SU BCAD PA 'DIS NI JI LTAR NA BSGOM PA'I LAM GYI MTHAR THUG PAR GYUR PA SANGS RGYAS KYI SA LA 'JUG PA DE BZHIN DU BSTAN TO, ,TSIGS SU BCAD PA 'DI RNAMS KYI BSDUS PA'I DON NI DANG POS NI TSOGS KYI LAM BSTAN TO, ,GNYIS PA'I PHYED KYIS NI SBYOR BA'I LAM MO, ,GNYIS PA'I PHYED 'OG MAS NI MTHONG BA'I LAM MO, , BZHI BAS NI BSGOM PA'I LAM MO, ,LNGA PAS NI MTHAR THUG PA'I LAM MO, ,DE KHO NA NYID KYI SKABS SO,, ,,DE KHO NA NYID KYI SKABS KYI 'OG TU MTHU'I SKABS YIN TE, 'DI'I 'BREL PA GANG ZHE NA, BYANG CHUB SEMS DPAS NI RANG GI DON DANG GZHAN @61B GYI DON GNYIS BYA DGOS SO, ,DE LA SANGS RGYAS KYI CHOS YONGS SU RDZOGS PA NI RANG GI DON YIN NO, ,SEMS CAN YONGS SU SMIN PAR BYED PA NI GZHAN GYI DON YIN NO, ,DE KHO NA NYID RTOGS PA LAS NI SANGS RGYAS KYI CHOS YONGS SU RDZOGS PAR 'GYUR LA, DE'I 'OG TU DE KHO NA NYID RTOGS PAS SEMS CAN YONGS SU SMIN PAR BYA BA LA, YON TAN KHYAD PAR CAN MNGON PAR BSGRUBS PAS SEMS CAN YONGS SU SMIN PAR BYED DO, ,MNGON PAR SHES PA LA SOGS PA YON TAN KHYAD PAR CAN DE DAG KYANG RJES LA MNGON PAR RTOGS PA DANG, MTHAR THUG PA'I MNGON PAR RTOGS PAS GRUB PAS DE KHO NA NYID KYI SKABS KYI 'OG TU MTHU'I SKABS YIN NO, ,YANG NA KUN NAS NYON MONGS PA MED PA'I THABS SU DE KHO NA NYID KYI DON BSHAD DO, ,KUN NAS NYON MONGS PA MED PA YANG JI SRID DU 'DUL BA DAG LA DBANG MA THOB PA DE SRID DU GDU LA BA BSGO PA MI NYAN PAS YONGS SU SKYO BAR 'GYUR TE, DE DAG DAD PAR BYED MI NUS PA'I PHYIR RO, ,DE'I PHYIR DE KHO NA NYID KYI 'OG TU YONGS SU MI SKYE BA'I THABS MTHU'I SKABS YIN NO, ,GZHAN DAG GI SKYE BA SHES PA NI 'CHI 'PHO DANG, SKYE BA MNGON PA R SHES PA YIN NO ZHES BYA BA NI GZHAN DAG GI SKYE BA SHES PA 'BA' ZHIG TU MA ZAD KYI, DE SNI9 'CHI 'PHO YANG SHES TE, DU BA LAS ME BBZHIN DU GANG NA SKYE BSHES PA YOD PA DE NA 'TSI 'PHO SHES PA YANG GDON MI ZA BAR YOD PAS SKYE BA SHES PA KHO NA BSHAD DO, ,DE DANG DE DAG TU SKYES PA RNAMS JI SKAD DU SMRA BA'I TSIG CES BYA BA NI SEMS CAN RNAMS KYI TSIG GANG SMRA BA DE DAG BYANG CHUB SEMS DPA'I LHA'I RNA BAS THOS SO, ,SNGON DGE BA DANG MI DGE BA BSKYED PA SHES PA NI SNGON GYI GNAS MNGON PAR SHES PA'O ZHES BYA BA NI GANG ZAG GI TSE RABS SNGA MA GZHAN DAG LA DGE BA 'AM MI DGE BA'I LAS GANG ZHIG BYAS PA'I LAS BAG CHAGS KYI GNAS SKABS DE SHES PA NI DGE BA DANG MI DGE BA SKYED PA SHES PA'O, ,JI LTAR RNAM PAR GNAS PA YID LA BYED PA NI MNGON PAR SHES PA GANG DANG GANG RNAM PA GANG GIS SKYE BAR 'GYUR PA 'DI LTA STE, RDZU 'PHRUL GYI MNGON PAR SHS @62A *, ,PA'I LUS YANG BAR MOS PA LA SOGS PA LA TU DE LTA DE LTAR YID LA BYED PA LAS TSUL BZHIN YID LA BYED PA SKYE LA, DE LAS RNAM PAR MI RTOG PA'I YE SHES SKYE BAS, JI LTAR RNAM GANS YID LA BYED PA LAS, ,ZHES BYA STE, RIM PA 'DIS DANG, RGYU 'DI DANG BYED RGYU 'DIS MTHU 'GRUB PAR 'GYUR RO ZHES BYA BA'I THA TSIG GO, ,GANG GIS 'PHAGS DANG LHA DANG TSANGS PA YI, ,GNAS PA ZHES BYA BA NI BSHAD MA THAG PA'I MTHU GANG GIS GNAS PA DANG, YANG DAG PAR 'CHOS PAR BYED PAR BYED PA DANG, RNAM PAR DAG PA SKYED PAR BYED PA ZHES BYA BAR SBYAR RO, ,'PHAGS PA LA SOGS PA'I BDE BAR GNAS PA ZHES BYA BA LA, 'PHAGS PA'I GNAS PA NI STONG PA NYID DANG, MTSAN MA MED PA DANG, SMON PA MED PA DANG, 'PHAGS PA'I BDEN PA BZHI DANG, SA DANG PHA ROL TU PHYIN PAS BSDUS PA'O, ,LHA'I GNAS PA NI BSAM GTAN DANG GZUGS MED PA'O, ,TSANGS PA'I GNAS NI BYAMS PA DANG, SNYING RJE DANG, DGA' BA DANG, BTANG SNYOMS SO, ,'JIG RTEN GYI KHAMS RNAMS SGYU MA LTA BU NYID DU MTHONG LA ZHES BYA BA NI JI LTAR SGYU MA LA YANG DAG PA MA YIN PA GLANG PO CHE DANG, RTA LA SOGS PA SKYE BA YANG SNANG, 'JIG PA YANG SNANG BA DE BZHIN DU BYANG CHUB SEMS DPAS KYANG 'JIG RTEN GYI KHAMS GZHAN DAG NI 'CHAGS PAR MTHONG LA, GZHAN DAG NI 'JIG PAR MTHONG NGO, ,SANGS RGYAS KYI 'KHOR GYI DKYIL 'KHOR GYI NANG DU TING NGE 'DZIN DPAG TU MED PAS RNAM PAR ROL PA KUN TU STON PA'I PHYIR ZHES BYA BA NI JI LTAR BYANG CHUB SEMS DPA' PHAGS PA 'JAM DPAL BCOM LDAN 'DAS KYI 'KHOR GYI NANG DU TING NGE 'DZIN LA SNYOMS PAR ZHUGS PA BYANG CHUB SEMS DPA' GANG GIS KYANG TING NGE 'DZIN DE LAS BSLAD PAR MA NUS PA LAS BU MO BLO GROS BZANG MOS BSLANG BA LTA BU STE, DE LTA BU LA SOGS PA TING NGE 'DZIN GYIS RNAM PAR ROL PA THEG PA CHEN PO'I MDO SDE LAS 'BYUNG BA DAG YIN NO, ,MNGON PAR SHES PA NI DRUG STE, 'PHO BA DANG, MTHUN PAR THOS PA DANG, SEMS KYI SPYOD PA DANG, 'JUG PA DANG, 'GRO BA DANG, @62B 'ONG BA DANG, DES PAR 'BYUNG BA'I SGO NAS RIG PAR BYA'O, ,RIG PA NI GSUM STE, SNGON GYI MTHA' LA SOGS PA LA MA RIG PA BZLOG PA'I PHYIR RO, ,RNAM PAR THAR PA NI BRGYAD DE, GZUGS CAN GZUGS RNAMS LA LTA BA NI RNAM PAR THAR PA DANG PO'O, ,NANG GZUGS MED PAR 'DU SHES PAS PHYI ROL GYI GZUGS RNAMS LA LTA BA NI, RNAM PAR THAR PA GNYIS PA'O, ,SDUG PA'I RNAM PAR THAR PA LUS KYIS MNGON SUM DU BYA BA NAS RDZOGS PAR BYAS TE, GNAS PA NI GSUM PA'O, ,NAM MKHA' MTHA' YAS SKYE MCHED NI BZHI PA'O, ,RNAM SHES MTHA' YAS SKYE MCHED NI LNGA PA'O, ,CI YANG MED PA'I SKYE MCHED NI DRUG PA'O, ,YOD MIN MED MIN SKYE MCHED NI BDUN PA'O, ,'GOG PA'I SNYOMS PAR 'JUG PA NI BRGYAD PA'O, ,ZIL GYIS GNON PA'I SKYE MCHED NI BRGYAD DE, NANG GZUGS SU 'DU SHES PAS PHYI ROL GYI GZUGS CHUNG NGU KHA DOG BZANG PO DANG, KHA DOG NGAN PA RNAMS LA LTA ZHING GZUGS DE DAG ZIL GYI MNAN NAS SHES, ZIL GYIS MNAN NAS MTHONG STE, DE LTAR 'DU SHES PA 'DI NI ZIL GYIS GNON PA'I SKYE MCHE DANG PO'O, ,GZUGS CHEN PO LA YANG DE DANG 'DRA STE, 'DI NI GNYIS PA'O, ,NANG GZUGS MED PAR 'DU SHES PAS PHYI ROL GYI GZUGS CHUNG NGU KHA DOG BZANG PO DANG, KHA DOG NGAN PA RNAMS LA LTA ZHING GZUGS DE DAG ZIL GYIS MNAN NAS SHES, ZIL GYIS MNAN NAS MTHONG STE, DE LTAR 'DU SHES PA DE I ZIL GYIS MNAN PA'I SKYE MCHED GSUM PA'O, ,NANG GZUGS MED PAR 'DU SHES PAS PHYI ROL GYI GZUGS CHEN PO KHA DOG BZANG PO DANG, KHA DOG NGAN PA RNAMS LA LTA ZHING ZHES BYA BA LA SOGS PA 'DI NI BZHI PA'O, ,BZHI NI SNGON PO DANG, SER PO DANG, DMAR PO DANG, DKAR PO DAG GO, , ZAD PAR GYI SKYE MCHED NI ZAD PAR SA DANG, CHU DANG, ME DANG, RLUNG DANG, SNGON PO DANG, SER PO DANG, DMAR PO DANG, DKAR PO DANG, NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED DAG GO, ,TING NGE 'DZIN NI DPA' BAR 'GRO BA LA @63A *, ,SOGS PA DPAG TU MED PA'O, ,MTHU DANG CHE BA'I BDAG NYID LA KHYAD PAR CI YOD CE NA, MTHU NI RANG GI RTEN LA YOD PA'O, ,CHE BA'I BDAG NYID NI MTHU DANG LDAN PA GZHAN DAG LA PAN PAR BYED PA'O, ,MTHU'I SKABS RDZOGS SO,, ,, MTHU'I 'OG TU YONGS SU SMIN PA'I SKABS YIN TE, DE'I 'BREL PA GANG YIN ZHE NA, SNGAR, RGYA CHE'I PHYIR DANG ZAB PA'I PHYIR, ,YONGS SU SMIN DANG RNAM MI RTOG, ,DE PHYIR 'DI LAS GNYIS BSTAN TE, ,DE NI BLA NA MED PA'I THABS, ,ZHES BSHAD PAS MTHU RGYA CHEN PO BSTAN PA MTHONG BAS NI SEMS CAN RNAMS YONGS SU SMIN PAR 'GYUR TE, BYANG CHUB SEMS DPA'I MTHU MTHONG NAS DE LA MOS PA RNAMS DE THOB PAR BYA BA'I PHYIR 'BAD DO, ,ZAB MO BSTAN PAS NI RNAM PAR MI RTOG STE, DE DAG GIS GO RIMS BZHIN DU SEMS CAN RNAMS YONGS SU SMIN PA DANG, BDAG NYID KYIS SANGS RGYAS KYI CHOS YONGS SU SMIN PAR BYED DO ZHES DE SKAD DU BSHAD DO, ,DE'I PHYIR MTHU'I 'OG TU YONGS SU SMIN PA'I SKABS YIN NO, ,RNAM PA GCIG TU NA YONGS SU MI SKYO BA'I THABS MTHU BSHAD MA THAG PA YIN TE, 'KHOR BA'I LOG PAR BSGRUB PA DANG, SDUG BSNGAL DAG GIS MI SKYO BA'I DUS RING POR SANGS RGYAS KYI CHOS DANG, SEMS CAN YONGS SU SMIN PAR BYED PA NA DAG PA'I CHOS RNAMS KYIS 'PHEL BAR 'GYUR BAS DE'I 'OG TU DGE BA 'PHEL BA'I THABS YONGS SU SMIN PA'I SKABS YIN NO; ,SPONG BA'I YAN LAG RNAMS DANG LDAN PA NYID DO ZHES BYA BA LA, SPONG BA'I YAN LAG NI LNGA STE, DAD PA DANG, G-YO MED PA DANG, SGYU MED PA NYID DANG, NAD NYUNG BA DANG, SHES RAB BSGOM PA'O, ,NYON MONGS PA SEL BA NI BYANG CHUB SEMS DPA'I ZHI BA ZHES BYA BA NI SDOM PA NOD PA'I DUS NAS BZUNG STE, DBANG PO'I SGO BSDAMS PA LA SOGS PAS TSOGS KYI LAM DANG, SBYOR BA DANG, MTHONG BA DANG, SGOM PA DANG, MTHAR THUG PA'I LAM DAG GIS 'DOD PA'I GNOD SEMS LA SOGS PA NYON MONGS RNAMS RAB TU ZHI BA STE, BYANG @63B CHUB SEMS DPA' RNAMS KYI NYON MONGS PA NI RNAM PAR RTOG PA YIN PAS DNGOS PO DANG DNGOS PO MED PA LA SOGS PA RNAM PAR RTOG PA'I NYON MONGS PA RNAMS SPANGS PA LA RAB TU ZHI BA ZHES BYA'O, ,RANG BZHIN SNYING BRTZE BA ZHES BYA BA LA, RANG BZHIN ZHES BYA BA'I SGRAS NI RIGS BZUNG STE, JI SKAD DU BYANG CHUB SEMS DPA'I SA LAS, RIGS DANG KHAMS DANG SA BON DANG, ,RANG BZHIN ZHES BYA BA NI RNAM GRANGS SO ZHES BSHAD PA LTA BU'O, ,RANG BZHIN BRTAN PA ZHES BYA BA 'DIR YANG RANG BZHIN ZHES SMOS PAS NI BZOD PA'I RIGS BZUNG STE, LAS DANG PO PA BZOD PA DANG LDAN PA'I CHOS DAG MA THOS PAR GNOD PA BYED PA LA JI MI SNYAM PA'I BZOD PA LA SOGS PA 'JUG PA GANG YIN PA DE NI RIGS KYI STOBS KYIS YIN NO, ,SO SOR BRTAGS PA NI SHES RAB STE, SHES RAB KYIS BZOD PA DANG LDAN PA'I CHOS RNAMS DPYAD CING DPYAD NAS DE'I 'OG TU SEMS CAN DAG LAS MI 'DOD PA 'BAB PA LA SOGS PA BZOD PA GANG YIN PA DE NI SHES RAB KYI STOBS KYIS YIN NO, ,DE'I 'OG TU MNYAM PAR GZHAG PA'I GNAS SKABS NA BSGOM PA'I STOBS KYIS SO, ,DRAN PA DANG SHES RAB MTSUNGS PAR LDAN PA LA YID GZHUNGS PA ZHES BYA BA'I CHOS GDAGS SO, ,YANG NA 'DI LTAR GSUNG RAB LAS YID GZHUNGS PA ZHES BYA BA NI SHES RAB KYI RNAM GRANGS SU 'BYUNG BAS YID GZHUNGS PA ZHES BYA BA 'DI NI SHES RAB KYI RNAM GRANGS KHO NA YIN TE, JI SKAD DU BCOM LDAN 'DAS KYIS MDO GZHAN LAS SHES RAB KYI DBANG DU MDZAD NAS SHES RAB DANG, SHES RAB GSAL BA DANG, YID GZHUNGS PA DANG, MKHAS PA ZHES GSUNGS PA LTA BU'O, ,'JIG RTEN LAS 'DAS PA'I SHES RAB SKYE BAR RUNG BA NYID NI YID GZHUNGS PA'I LA SO ZHES BRJOD PA GANG YIN PA DER NI DE KHO NA NYID MA RTOGS PA'I SHES RAB BSKAL PA GRANGS MED PA DANG PO LA NGES PAR SKYES PA GANG YIN PA DE LA YID GZHUNGS PA ZHES BYA'O, ,YID GZHUNGS PA'I RANG BZHIN GYI SHES RAB DE YANG 'JIG RTEN LAS 'DAS PA'I SHES RAB SKYE BAR RUNG @64A *, ,BA YIN PAS DE NI DE'I LAS SU BSTAN TE CHOS DE NYID, ,CHOS DE NYID KYI LAS SU JI LTAR 'GYUR ZHE NA, TSUL 'DIS NYES PA MED DO, ,NAM BDUD KYIS BAR CHAD BYA MI NUS ZHES BYA BA NI THOS PA DANG, BSAM PA DANG, BSGOM PA'I GNAS SKABS NA BYANG CHUB SEMS DPA' SHES RAB CAN CHOS KYI RJES SU 'BRANG BA LA, GANG GI TSE BDUD BYANG CHUB SEMS DPA' DANG SKAL PA 'DRA BA LTA BU NYE BAR 'ONG BAS BAR CHAD BYA BAR MI NUS PA DE'I TSE MI 'PHROGS PA NYID YIN TE, RANG BZHIN GYIS YONGS SU SMIN PA YIN NO, ,BYANG CHUB SEMS DPA' YONGS SU SMIN PA'I SKABS SO,, ,,BYANG CHUB SEMS DPA' YONGS SU SMIN PA'I 'OG TU SEMS CAN YONGS SU SMIN PA STE, 'DI'I 'BREL PA YANG DE NYID YIN LA, BDAG YONGS SU SMIN PAS KYANG, SEMS CAN YONGS SU SMIN PAR BYED PAR RUNG BA YIN NO, , DE BZHIN RTEN 'DIR PHYOGS GNYIS ZHI BA DANG, ,DE BZHIN SPYAD PA NYID DU SMIN PA BSTAN, ,ZHES BYA BA NI GO RIMS BZHIN DU MI MTHUN PA ZHI BA DANG, GNYEN PO SBYAR BA'O, ,PHYI ROL PA'I YONGS SU SMIN PA LAS KHYAD PAR DU 'PHAGS PA'I PHYIR MCHOG TU SMIN PAR BYED PA NI RAB TU SMIN PAR BYED PA'O ZHES BYA BA NI MU STEGS CAN GYI YONGS SU SMIN PA LA YONGS SU SMIN PA KHYAD PAR DU 'PHAGS PA YIN NO, ,'TSAM PAR SMIN PAR BYED PA ZHES BYA BA NI 'DOD CHAGS LA SOGS PA SPYOD PA RNAMS LA MI SDUG PA LA SOGS PA STON PAS SO, ,RTOGS PAS SMIN PAR BYED PA NI RTOGS PA SMIN PAR BYED PA'O ZHES BYA BA NI CHED KYI DON DU GSUNGS PA YIN TE, DPER NA ZAS KYI SNOD NGO ZHES BYA BA LTA BU'O, ,YANG NA BYANG CHUB SEMS DPA' DE KHO NA NYID RTOGS PAS SMIN PAR BYED PA NI RTOGS PA SMIN PAR BYED PA ZHES BYA'O, ,PHYIN CI MA LOG PA'I DON GYIS RTAG TU SMIN PAR BYED PA NI RTAG TU SMIN PAR BYED PA'O ZHES BYA BA NI MING GI TSOGS DANG; TSIG GI TSOGS DANG, YI GE'I TSOGS RNAMS KYI DON PHYIN CI MA LOG PAR STON PA STE, 'DAS PA DANG, DA LTAR BYUNG BAS SANGS RGYAS BCOM LDAN 'DAS RNAMS KYIS CHOS BSTAN PA GANG YIN PA DE LA MING GI TSOGS LA SOGS PA GANG DAG YOD PA DE DAG GI DON GDUL BA'I SKYE BO LA LTOS @64B NAS PHYIN CI MA LOG PAR BSTAN PA GANG YIN PA'I DON DE RTAG TU DE KHO NA BZHIN DU RAB TU BSTAN PAS SEMS CAN RNAMS YONGS SU SMIN PAR 'GYUR BA GANG YIN PA DE NI RTAG TU SMIN PAR BYED PA'O, ,RNAM PA GCIG TU NA I RTAG PA DANG, SDUG BSNGAL BA DANG, STONG PA DANG, BDAG MED PA'I NGO BO NYID KYI CHOS RNAMS LA NAM YANG RTAG PA DANG BDE BA LA SOGS PAR MNGON PAR ZHEN NAS PHYIN CI LOG TU STON PAR MI BYED KYI, ,RTAG TU MI RTAG PA LA SOGS PA PHYIN CI MA LOG PA'I DON RAB TU STON PAS SEMS CAN RNAMS YONGS SU SMIN PAR BYED PAS RTAG TU SMIN PAR BYED PA ZHES BYA'O, ,YONGS SU NYAMS PAR MI 'GYUR BA'I DON GYIS GONG NAS GONG DU RIM GYIS SMIN PAR BYED PA NI GONG DU SMIN PAR BYED PA ZHES BYA BA NI BYANG CHUB SEMS DPA' SA DANG PO LA GNAS PA DANG, NYAN THOS RGYUN DU ZHUGS PA YONGS SU SMIN PAR BYA BA DAG SANGS RGYAS NYID DANG, DGRA BCOM PA NYID 'THOB PA STE, DE DAG GIS YONGS SU SMIN PA GANG YIN PA DE NI GONG DU 'GRO BA'I PHYIR GONG DU SMIN PAR BYED PA ZHES BYA'O, ,DE BZHIN PHA DANG MA DANG GNYEN BSHES RNAMS, ,BU DANG GNYEN PA RNAMS LA LEGS MI GNAS, ,ZHES BYA BA 'DI NI JI LTAR BYANG CHUB SEMS DPA' SEMS CAN RNAMS LA LEGS PAR GNAS PA DE LTAR PHA DANG MA DAG KYANG BU RNAMS LA LEGS PAR MI GNAS LA, DE LTAR GNYEN BSHES RNAMS KYANG GNYEN PA DAG LA LEGS PAR MI GNAS SO ZHES DE SKAD DU SBYAR BAR BYA'O, ,'JIG RTEN BDAG LA BYAMS PA NI BDAG NYID LA PHAN PA MA YIN PA DANG BDE BA MA YIN PAR SBYAR RO ZHES BYA BA NI RMONGS PA NI BDAG NYID BDE BAR BYA'O SNYAM NAS MA BYIN PAR LEN PA LA SOGS PA LA RAB TU SBYAR RO, ,DE'I MA BYIN PAR LEN PA LA SOGS PA DE YANG TSE PHYI MA LA NGAN 'GROR KHRID PAR BYED PA YIN PAS PHAN PA MA YIN PAR 'GYUR TE, DE LTAR NA 'JIG RTEN NI BDAG NYID PHAN PA MA YIN PA LA SBYOR RO, , DE'I RKYEN GYIS 'DI NYID LA GSAD PA DANG, BCING BA DANG, BRDEG PA LA SOGS PA'I SDUG BSNGAL GANG YIN PA DE NI DE'I BDE BA MA YIN PA'O, ,YANG NA MU STEGS CAN GYI LTA BA BRTEN PA'I PHYIR TE, KUN TU GDUNG BA DANG, YONGS SU GDUNG BA DANG, MER 'JUG PA DANG, ,ZAS @65A *, ,MI ZA BA LA SOGS PA BSTEN PAS 'DI NYID LA SDUG BSNGAL 'THOB PO, ,DE'I PHYIR BDE BA MA YIN PA LA SBYOR RO, ,DE'I RKYEN GYIS NGAN 'GROR 'GRO BA GANG YIN PA DE NI PHAN PA YIN PA LA SBYOR BA'O, ,BYANG CHUB SEMS DPA' NI PHA DANG, MA DANG, GNYEN BSHES KYI BSAM PA BAS KHYAD PAR DU 'PHAGS PA'I BSAM PAS BKRES PA DANG, SKOM PA DANG, GRANG BA DANG, TSA BA LA SOGS PA SROG LA 'BAB PA'I SDUG BSNGAL YANG BRTZIS LA MA CHAGS PAR GO CHA DANG, SBYOR BA DANG, MI 'GONG BA DANG, MI 'KHRUG PA DANG, CHOG MI SHES PA'I BRTZON 'GRUS KYIS BDAG LA MI LTA BA SBYIN PA DANG, SNYAN PAR SMRA BA LA SOGS PAS SEMS CAN RNAMS KYIS JI LTAR BSAMS PA'I DON YONGS SU RDZOGS PAR BYED PA'I PHYIR BDE BA'I BSAM PA CAN ZHES BYA'O, ,DE'I 'OG TU BSDU BA'I DNGOS PO RNAMS KYIS BSDUS NAS BSTAN PA LA 'DZUD PA DANG, RAB TU BYUNG BA LA SOGS PA PHAN PA LA SBYOR BA'I PHYIR PHAN PA'I BSAM PA CAN ZHES BYA'O, ,RANG GI LUS DANG LONGS SPYOD THAMS CAD SBYIN PA ZHES BYA BA NI, GO DANG, RKANG PA DANG, LAG PA DANG, MIG DANG, SHA DANG, KHRG DANG, TSIL DANG, RKANG LA SOGS PA SBYIN PA'I PHYIR, RANG GI LUS THAMS CAD SBYIN PA YIN NO, , NOR DANG, 'BRU DANG, MDZOD DANG, BANG MDZOD DANG, NOR BU DANG, MU TIG DANG, RGYAN DANG, GLANG PO CHE DANG, RTA DANG, BU DANG, BRAN LA SOGS PA SBYIN PA'I PHYIR LONGS SPYOD THAMS CAD SBYIN PA YIN NO, ,MI MNYAM PA MED PA'I SBYIN PA DANG NGOMS PA MED PAR SBYIN PAS SO ZHES BYA BA TSIGS SU BCAD PA LAS TSIG GANG DANG GANG GIS BSTAN ZHE NA, MNYAM PAR SBYIN PA'I YON TAN NGOMS PAR MI 'GYUR RO ZHES BYA BA STE, MI MNYAM PA MED PAR SBYIN PA NYID DANG, NGOMS PA MED PAR SBYIN PA NYID GANG DAG YIN PA DE DAG NI SBYIN PA'I YON TAN YIN NO, ,MI MNYAM PA MED PAR SBYIN PA NI SNYING RJES SNOD KYI KHYAD PAR LA MI LTA BA'I PHYIR RO, ,TSE 'DI DANG TSE PHYI MA LA PHAN 'DOGS PAS TE ZHES BYA BA NI TSIGS SU BCAD PA'I TSIG ,PHAN 'DOGS RNAM PA GNYIS KYIS GZHAN SMIN BYED, ,CES BYA BA 'DIS BSTAN TO, ,RTAG PA ZHES BYA BAS NI BRTAN PA'I TSUL KHRIMS STON TE, YANG DAG @65B PAR BLANG BA LEN PA GANG YIN PA DE DUS THAMS CAD DU RJES SU 'JUG CING SROG LA BAB KYANG YONGS SU MI GTONG BAS DE'I PHYIR BSTAN PA'I TSUL KHRIMS ZHES BYA'O, ,RANG BZHIN GYI TSUL KHRIMS ZHES BYA BA NI TSUL KHRIMS LA SHIN TU GOMS PA'I PHYIR RANG BZHIN GYIS TSUL KHRIMS CAN DU 'GYUR BA STE, SO SOR BRTAGS SHING SO SOR BRTAGS NAS TSUL KHRIMS YANG DAG PAR LEN PA LA 'JUG PA NI MA YIN NO, ,GZHAN LA TSE PHYI MA LA PHAN 'DOGS PA NI RNAM PAR SMIN PA DANG RGYU MTHUN PA'I YON TAN DAG BRGYUD PAS BYED DE, DE'I RNAM PAR SMIN PA DANG RGYU MTHUN PA DAG PHAN TSUL MTHUN PAS RGYUN MI 'CHAD PA'I PHYIR RO ZHES BYA BA NI 'DI LTAR TSUL KHRIMS DANG LDAN PA DE BDE 'GROR SKYE BA NI RNAM PAR SMIN PA'I 'BRAS BU'O, ,DE SNGON GOMS PA'I DBANG GIS YANG DANG YANG DU TSUL KHRIMS YANG DAG PAR BLANGS PA LA 'JUG PA NI RGYU MTHUN PA'I 'BRAS BU STE, RGYU MTHUN RGYU DANG 'DRA BA'O ZHES 'BYUNG BA'I PHYIR RO, ,DE NAS SHI 'PHOS NAS YANG GOMS PA'I DBANG GIS TSE RABS GZHAN DAG TU DE KHO NA BZHIN DU 'JUG PA'I PHYIR BRGYUD PAS ZHES BYA BA STE, RNAM PAR SMIN PA DANG RGYU MTHUN PA DAG PHAN TSUN MTHUN PAS RGYUN MI 'CHAD PA'I PHYIR RO, ,BRTZON 'GRUS MCHOG LA ZHES BYA BA NI, BRTZON 'GRUS CHEN PO LA ZHES BYA BA'I DON STON TO, , GZHAN GYI SEMS DGE BA GCIG GI PHYIR YANG ZHES BYA BA NI GAL TE GZHAN BSKAL PA BYE BA STONG GIS DGE BA'I SEMS GCIG SKYED PAR BYED NA YANG DES KYANG BYANG CHUB SEMS DPA' LA SKYO BA MED PA'O, ,ZANG ZING MED PA GZHAN GYIS MCHOD 'DOD PA, ,THAMS CAD NGES PAR BCOM PA ZHES BYA BA NI 'DI SNYAM DU GZHAN DAG BDAG LA MCHOD PA DANG BKUR STI LA SOGS PA BYED PAR 'GYUR BAS DE'I PHYIR BDAG GIS BSGRIM PAR BYA'O SNYAM DU MI SEMS KYI, ZANG ZING MED PA'I SEMS MCHOD PA DANG BKUR STI 'DOD PA DANG BRAL BAS YONGS SU SMIN PAR BYED DO, ,DE NYID KYI DON GYI TSUL NI DON DAM PA'I TSUL LO, ,DGONGS DON TSUL NI DGONGS PA'I DON GYI TSUL LO, ,YONGS SU SMIN PA'I SKABS SO,, ,,YONGS SU SMIN PA'I 'OG TU THAMS CAD MKHYEN PA NYID DE, DE'I 'BREL PA GANG YIN ZHE NA, BYANG CHUB SEMS DPA' DE LTAR DGE BA'I RTZA BA'I TSOGS YONGS SU SMIN PA NI @66A *, ,BLA NA MED PA YANG DAG PAR RDZOGS PA'I BYANG CHUB LA REG PAR 'GYUR BAS DE'I PHYIR DE'I 'OG TU BYANG CHUB KYI SKABS YIN NO, ,RNAM PA GCIG TU NA BSLAB PA'I DMIGS PA RANG DANG GZHAN GYI DON LA SOGS PA DNGOS PO BDUN PA BSHAD DE, 'DI LTAR BYANG CHUB KYI SEMS KYIS BYANG CHUB DON DU GNYER RO, ,DE YANG CI'I PHYIR ZHE NA, BDAG DANG GZHAN LA PHAN PAR BYA BA'I PHYIR TE, DE'I PHYIR RANG DANG GZHAN GYI DON GYI SKABS YIN NO, ,RANG DANG GZHAN GYI DON LA ZHUGS PA NI KUN NAS NYON MONGS PA MED PAR BYA DGOS PAS DE'I 'OG TU KUN NAS NYON MONGS PA MED PA'I THABS DE KHO NA NYID KYI SKABS BSHAD DO, ,DE'I 'OG TU GDUL BA'I SEMS CAN GYI DON DU YONGS SU MI SKYO BA'I THABS MTHU'I SKABS BSHAD DO, ,DE KHO NA NYID DANG MTHU 'DI DAG KHO NAS GO RIMS BZHIN DU BYANG CHUB SEMS DPA'I SANGS RGYAS KYI CHOS YONGS SU SMIN PA DANG, SEMS CAN YONGS SU SMIN PAR 'GYUR TE, 'DI LTAR BYANG CHUB SEMS DPA' DE KHO NA NYID RTOGS PA'I BDAG YONGS SU SMIN PA DGA' BA LA SOGS PA RNAM PA DGU PO SHIN TU CHEN POR 'GYUR GYI, DE KHO NA NYID MA RTOGS PA MA YIN NO, ,MTHU DANG LDAN PA YONGS SU SKYO BA MED PAS SEMS CAN YONGS SU SMIN PAR 'GYUR GYI MTHU DANG MI LDAN PAS NI MA YIN PAS DE'I PHYIR YONGS SU SKYO BA MED PA'I THABS MTHU BSHAD DO, ,DE LTAR BDAG DANG SEMS CAN YONGS SU SMIN PAR BYAS NAS TSOGS YONGS SU RDZOGS PA DE DE'I RJES LA BDE BLAG TU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAS YONGS SU SMIN PA'I 'OG TU BYANG CHUB KYI SKABS SO, ,RANG DANG GZHAN GYI DON LA SOGS PA DNGOS PO BZHI NI RGYUR GYUR PA YIN NO, ,BYANG CHUB NI 'BRAS BUR GYUR PA YIN NO, ,DE NYID KYI PHYIR BYANG CHUB SEMS DPA' RNAMS DNGOS PO BZHI PA LA NI RGYU NYID DU DMIGS LA, LNGA PA NI 'BRAS BU NYID DU DMIGS TE, DE BAS NA GO RIMS KHA NA MA THO BA MED PA YIN NO, ,BSKAL MCHOG DUS RING 'GRO BA ZHES BYA BA LA, MCHOG CES BYA BA'I SGRA NI BSKAL PA CHEN PO BZUNG BA'I PHYIR RO, ,BSKAL PA MCHOG DE DAG DUS RING POR 'GRO BA STE, BSKAL PA GRANGS MED PA GSUM GYIS ZHES BYA BA'I THA TSIG GO, ,RING @66B ZHES BYA BA NI BSKAL PA GRANGS MED PA GSUM BZUNG BA'I PHYIR RO, ,GNYIS SU MED PA'I MTSAN NYID MTHU DANG BCAS PA LA ZHES BYA BA NI, SANGS RGYAS NYID NI KUN BRTAGS PA'I NGO BO NYID KYIS YOD PA'I MTSAN NYID KYANG MA YIN LA, YONGS SU GRUB PA'I NGO BO NYID KYIS MED PA'I MTSAN NYID KYANG MA YIN NO, ,RIN PO CHE'I 'BYUNG GNAS LTA BU NYID NI MTHU YIN NO, ,DE BZHIN NYID THA DAD PA'I RANG BZHIN MA YIN PA'I PHYIR DANG, SANGS RGYAS NYID KYANG DE RNAM PAR DAG PAS RAB TU PHYE BA'I PHYIR CHOS THAMS CAD KYANG SANGS RGYAS NYID YIN ZHES BYA BA NI DE BZHIN NYID NI CHOS THAMS CAD KYI RJES SU SONG BA YIN LA, CHOS DANG CHOS CAN DAG KYANG THA MI DAD PAS DE'I PHYIR CHOS THAMS CAD SANGS RGYAS NYID DU BRJOD DO, ,DE DAG GIS DE BSTAN PAR BYA BA YANG MA YIN ZHES BYA BA NI PHA ROL TU PHYIN PA LA SOGS PA KUN BRTAGS PA'I NGO BO YONGS SU MA GRUB PA'I PHYIR RO, ,GDUL BA'I RGYUD KYI ZHING LA DGE BA'I LO THOG RNAMS ZHES BYA BA NI DER RAB TU BSKRUN PA'I PHYIR RO ZHES BYA BAR SBYAR RO, ,SANGS RGYAS NYID DE NI GDUL BA'I ZHING DAG LA DGE BA'I CHOS KYI LO THOG MNGON PAR 'PHEL BA GANG YIN PA DE'I RGYU YIN TE, DGE BA'I LO THOG 'PHEL BA DE NI DE LAS RAB TU SKYE'O, ,SKYE DGU RNAMS LA LEGS PAR BSHAD PA MI ZAD PA'I CHOS KYI CHAR CHEN PO 'BEBS PAS NA ZHES BYA BAR 'DIR TSIG RNAM PAR SBYAR BAR RIG PAR BYA'O ZHES BYA BA NI TSIGS SU BCAD PA LAS, SKYE DGU RNAMS LA LEGS PAR BSHAD PA MI ZAD PA'I CHOS KYI CHAR CHEN 'BEBS PAS NA, ZHES GANG BSHAD PA'I TSIGS SU BCAD PA'I BZHI CHA 'DI LAS CHOS KYI CHAR ZHES BYA BA'I SGRA DANG, 'BEBS PA ZHES BYA BA'I SGRA NI DANG POR 'BYUNG LA, LEGS BSHAD DANG MI ZAD PA ZHES BYA BA'I SGRA NI MJUG NAS 'BYUNG NGO, ,DE LA LEGS BSHAD DANG, MI ZAD CES BYA BA'I TSIG DAG NI DANG POR RIG PAR BYA LA, CHES KYI CHAR DANG 'BEBS PA ZHES BYA BA'I SGRA DAG NI THA MAR RIG PAR BYA'O, ,DE LTAR NA SKYE DGU RNAMS LA LEGS PAR BSHAD PA MI ZAD PA'I CHOS KYI CHAR CHEN PO 'BEBS PAS NA ZHES BYA BA YIN TE, TSIG RNAM PAR SBYAR BA 'DIS MTHUN PAR 'GYUR RO, ,DE BZHIN DU, RIN CHEN CHOS RAB CHE YANGS 'BYUNG PHYIR ZHES BYA BA DE LA YANG @67A *, ,SBYAR BAR BYA'O,, ,,SANGS RGYAS NYID KYI NGO BO'I 'OG TU SKYABS BLA NA MED PA'I KHYAD PAR STE, 'DI'I 'BREL PA GANG YIN ZHE NA, 'DI SKAD DU BSHAD PA YIN TE, MTHU'I KHYAD PAR 'DI LTA BU DANG LDAN PA'I BCOM LDAN 'DAS NI SKYABS BLA NA MED PA YIN PAS BLA NA MED PA'I SKYABS SO, ,GONG DU, THEG PA MCHOG PHYIR DKON MCHOG SKYABS RAB SONG BA GANG, ,DE NYID SKYABS SU SONG BA RNAMS KYI MCHOG CES BYA, ,ZHES BYA BA NI GANG ZAG GI KHYAD PAR GYI SGO NAS SKYABS SU 'GRO BA BSHAD PA YIN TE, GANG ZAG 'JIGS PAS SKRAG PA GANG DAG RI LA SOGS PA LA SKYABS SU 'GRO BA DANG, NYAN THOS LA SOGS PA'I GANG ZAG 'KHOR BA'I 'JIGS PAS SKRAG PA GANG DAG BDAG NYID BSKYAB PA'I PHYIR DKON MCHOG GSUM LA SKYABS SU 'GRO BA'I GANG ZAG DE DAG PAS BYANG CHUB SEMS DPA'I GANG ZAG BDAG NYID SANGS RGYAS KYI DON DU GNYER BA GANG ZHIG BDAG KYANG SANGS RGYAS NYID THOB NAS SKYABS SU 'GRO BAR BYA'O ZHES DE SNYAM DU BSAMS NAS DKON MCHOG GSUM LA SKYABS SU 'GRO BA 'DI NYID MCHOG YIN NO, ,SKYABS KYI DON NI SKYOB PA'I DON YIN PAS, BCOM LDAN 'DAS 'TSE BA GANG DAG LAS SKYOB PAS SKYABS BLA NA MED PA YIN PA DANG, RGYU GANG DAG GIS NA SKYABS RI LA SOGS PA BAS SKYABS BLA NA MED PA YIN PA DE STON PAR BYED DO, ,SNGAR NI SKYABS SU 'GRO BA'I SKABS KYIS BSAMS SO, ,DE NI BYANG CHUB KYI SKABS KYIS BSAMS TE, SANGS RGYAS NYID NI BYANG CHUB BLA NA MED PA YIN LA, DE YANG SKYABS THAMS CAD PAS SKYABS GTZO BO YIN NO, ,RGA DANG 'CHI BA DAG LAS KYANG, ,ZHES BYA BA NI SKYE BA MED PAR RGA BA DANG 'CHI BA MED DO, ,RGA BA DANG 'CHI BA ZHES BYA BA'I SGRAS NI SKYE BA'I KUN NAS NYON MONGS PA BSHAD DO, ,SNA TSOGS 'JIG GYUR 'JIG TSOGS KUN DANG THEG PA DANG, ,NGAN SONG RNAM MANG SDUG BSNGAL THABS MIN SONG BA RNAMS, ,ZHES BYA BA NI LONG BA LA SOGS PA 'TSE BA SNA TSOGS DAG DANG, 'JIGS PA'I BDAG NYID LHA DANG MI LA SOGS PA THAMS CAD LAS NI THEG PA GNYIS KYIS YONGS SU SKYOB PO, ,MA NGES PA'I RIGS CAN RNAMS NI THEG PA DMAN PA LAS YONGS SU SKYOB PO, ,NGAN SONG DAG NI SDUG BSNGAL RNAM PA MANG PO YOD PA @67B GANG DAG YIN PA DE DAG LAS YONGS SU SKYOB PAS NA, NGAN SONG RNAM MANG SDUG BSNGAL LAS YONGS SU SKYOB PA'O, ,THABS MIN SONG ZHES BYA BA NI THABS MA YIN PA LAS YONGS SU SKYOB PA STE, THABS MA YIN PA LAS YONGS SU SKYOB PA NYID KYANG MU STEGS CAN GYI LTA BA LAS SLONG BA'I PHYIR RO, ,DAM PA'I CHOS LA SEMS CAN GDUL BA'I THABS MKHYEN PA'I PHYIR ZHES BYA BA NI LEGS PAR GSUNGS PA'I CHOS 'DUL BA LA SEMS CAN RNAMS 'DOD CHAGS SPYOD PA LA SOGS PA LA MI SDUG PA BSTAN PA LA SOGS PA RNAM PA GANG DANG GANG GIS GDUL BAR BYA BA DE THAMS CAD DANG JI LTA BA BZHIN MKHYEN TO, ,THUGS RJES PHA ROL TU PHYIN PA'I PHYIR RO ZHES BYA BA NI THUGS RJES BSKUL BAS SANGS RGYAS KYI YON TAN THAMS CAD KYI PHA ROL TU PHYIN PA YIN NO, ,YANG NA BLA NA MED PA YANG DAG PAR RDZOGS PA'I BYANG CHUB BRNYES PA'I PHYIR THUGS RJE'I PHA ROL TU PHYIN PA YIN TE, MTHAR PHYIN PA BRNYES SO ZHES BYA BA'I THA TSIG GO, ,'JIG RTEN JI SRID CES BYA BA NI, 'JIG RTEN KHAMS KYI MTHAR THUG PA'I MTHA' GANG YIN PA DE SKYABS SANGS RGYAS KYI MTHA' YANG DE YIN NO, ,'JIG RTEN GYI KHAMS KYI MTHA' LA NI MTHAR THUG PA MED PA LA SKYABS LA YANG MTHAR THUG PA MED PAS SANGS RGYAS NYID DE NI SKYABS DPE MED CING MCHOG YIN PAR 'DOD DO, ,DE NI MI RTOG YE SHES LAM GYIS 'THOB, ,CES BYA BA NI 'JIG RTEN LAS 'DAS PA'I YE SHES SHIN TU RNAM PAR DAG PA'I LAM THOB PAS SO, ,SHIN TU YUL CHEN YE SHES LAM GYIS THOB, ,CES BYA BA NI DE'I RJES LA 'THOB PA SHES BYA MTHA' YAS PA'I YUL CAN GYI YE SHES KYI LAM THOB PAS TE, 'DI GNYIS BSHAD PAR BYA BA'I TSIG YIN PAR SBYAR RO, ,SANGS RGYAS KYI SEMS CAN GYI TSOGS KUN TU SONG BA NYID NI SEMS CAN THAMS CAD BDAG NYID DU ZHAL GYIS BZHES PA YONGS SU GRUB PA LAS RIG PAR BYA'O ZHES BYA BA NI DES SA DANG PO LA CHOS KYI DBYINGS THAMS CAD DU 'GRO BA'I DON DU RTOGS PAS BDAG GANG YIN PA DE NYID SEMS CAN RNAMS YIN ZHES SEMS CAN THAMS CAD DANG MNYAM PA NYID 'THOB PO, ,SEMS CAN THAMS CAD BDAG NYID DU KHAS BLANGS PA DE SANGS RGYAS KYIS LA @68A *, ,YONGS SU GRUB STE, DE BZHIN NYID NI THAMS CAD DU SONG BA NYID DU RAB TU GRUB PAS 'DI NI KHYAD PAR GZHAN YIN NO, ,JI LTAR RNGA DAG MA BRDUNGS PAR, ,ZHES BYA BA NI JI LTAR SEMS CAN RNAMS KYI SNGON GYI DGE BA'I RTZA BA'I DBANG GIS RNGA DAG MA BRDUNGS PA LAS GZAS PA MED PAR GROGS PO DAG 'DOD PA RNAMS NI MI RTAG PA, MI BRTAN PA, YID BRTAN DU MI RUNG BA STE, NGAN 'GRO'I RGYU YIN NO ZHES BYA BA DE LTA BU LA SOGS PA'I SGRA 'BYUNG BA DE BZHIN DU, SANGS RGYAS BCOM LDAN 'DAS RANG BZHIN GYI SKU LA BZHUGS PA RNAMS KYANG SNGON GYI SMON LAM GYI STOBS KYIS LHUN GYIS GRUB PAR CHOS 'CHAD PAR 'BYUNG NGO, ,DE BZHIN DU JI LTAR NOR BU 'BAD PA MED PAR RANG GI 'OD STON PA LTA BU STE, NOR BU NI 'DI SNYAM DU BDAG GIS 'OD KYIS BYA BA BYA'O SNYAM DU MI SEMS MOD KYI, 'ON KYANG RTOG PA MED PAR 'OD STON PAR 'GYUR LA, YID BZHIN GYI NOR BU YANG MTHU STON TO, ,DE BZHIN DU SANGS RGYAS BCOM LDAN 'DAS RNAMS KYANG LHUN GYIS GRUB PA'I GNAS SKABS NA BZA' BA MI MNGA' BAR RNAM PAR MI RTOG PA BZHIN DU SANGS RGYAS KYI MDZAD PA MDZAD PAR 'GYUR RO, ,TSIGS SU BCAD PA 'DI GNYIS KYIS NI LHUN GYIS GRUB PA NYID BSTAN TO; ,DA NI TSIGS SU BCAD PA GNYIS KYIS SANGS RGYAS KYI MDZAD PA RGYUN MI 'CHAD PA NYID STON PAR BYED DE, JI LTAR NAM MKHA' LA 'JIG RTEN GYI BYA BA RGYUN MI 'CHAD PAR SNANG BA LTA BU'O, ,JI LTAR 'JIG RTEN GYI KHAMS THAMS CAD DU RGYUN MI 'CHAD CE NA, 'JIG RTEN GYI KHAMS GZHAN ZHIG STE; STONG PA DAG TU 'JIG RTEN GYI BYA BA RNAMS MI SNANG MOD KYI, 'ON KYANG GANG DAG CHAGS PA DE DAG NA 'JIG RTEN GYI BYA BA RNAMS RGYUN MI 'CHAD PAR SNANG NGO, ,DE BZHIN DU ZAG PA MED PA'I DBYINGS NAM MKHA' LTAR CHAD PA MED PA LA YANG SANGS RGYAS KYI MDZAD PA RGYUN MI 'CHAD PAR 'BYUNG NGO, ,JI LTAR NAM MKHA' LA RTAG TU BYA BA RNAMS SKYE ZHING 'JIG PAR 'BYUNG BA DE BZHIN DU ZAG PA MED PA'I DBYINGS LA SANGS RGYAS KYI PHRIN LAS SKYE ZHING 'BRI STE, SEMS CAN GANG DAG SKAL BA DANG LDAN PA DE DAG LA NI SKYE LA, SKAL BA DANG MI LDAN PA DE DAG LA NI 'BRI 'O, ,SNGA MA DANG PHYI MA KHYAD PAR MED PA'I PHYIR @68B DAG PA YANG MA YIN ZHES BYA BA NI GANG GI PHYIR SNGAR YANG KUN NAS NYON MONGS PA MA YIN LA, PHYIS KYANG MA YIN PA DE'I PHYIR DAG PA MA YIN TE, GANG LA DRI MA YOD PA DE DAG PAR 'GYUR NA CHOS KYI DBYINGS DE NI SNGAR RAM PHYIS KYANG DRI MA CAN MA YIN NO, ,GLO BUR GYI SGRIB PA THAMS CAD KYI DRI MA DANG BRAL BA'I PHYIR MA DAG PA YANG MA YIN NO, ,BDAG MED PA'I MCHOG NI DE BZHIN NYID RNAM PAR DAG PA'O, ,DE YANG NGO BO NYID KYI DON GYIS SANGS RGYAS RNAMS KYI BDAG YIN NO ZHES BYA BA LA BDAG CES BYA BA'I SGRA 'DI NI BRTAGS PA'I BDAG LA MTHONG NGO, ,CHOS KYI NGO BO NYID LA YANG MTHONG STE, DPER NA SA NI SRA BA'I BDAG NYID DO ZHES BYA BA SRA BA'I NGO BO NYID DO ZHES BYA BAR SHES PA DANG, ME NI DRO BA'I BDAG NYID DO ZHES BYA BA NI DRO BA'I NGO BO NYID DO ZHES BYA BAR SHES PA LTAR 'DIR YANG DE DANG 'DRA STE, BDAG MED PA'I MCHOG NI DE BZHIN NYID RNAM PAR DAG PA YIN LA, SANGS RGYAS BCOM LDAN 'DAS RNAMS KYANG DE RNAM PAR DAG PA'I NGO BO NYID YIN PAS DE'I PHYIR BDAG CES BYA BA'I SGRA NI BDAG MED PA'I MCHOG GI NGO BO NYID YIN PAS BLTA BAR BYA'O, ,DE'I PHYIR SANGS RGYAS YOD MIN ZHING, ,MED PAR YANG NI MI BRJOD DO, ,ZHES BYA BA NI RGYU DE NYID KYI PHYIR SANGS RGYAS NI YOD PA ZHES KYANG MI BRJOD DE, DE BZHIN NYID KUN BRTAGS PA'I GANG ZAG DANG CHOS MED PA'I MTSAN NYID YIN PA'I PHYIR RO, 'DI LTAR DE BZHIN NYID NI GANG ZAG GI NGO BO NYID KYI MTSAN NYID KYANG MA YIN LA, CHOS KYI NGO BO NYID KYI MTSAN NYID KYANG MA YIN TE, KUN BRTAGS PA'I GANG ZAG NI RI BONG GI RVA DANG 'DRA LA, KUN BRTAGS PA'I CHOS KYANG DE KHO NA DANG 'DRA BAS SO, ,DGONGS PA 'DIS NI SANGS RGYAS NYID NI YOD PA YANG MA YIN NO, ,DE BZHIN NYID KYI MTSAN NYID DU YOD PA'I PHYIR MED PA YANG MA YIN NO, ,JI LTAR LCAGS LA TSA BA ZHI BA DANG, MIG LA RAB RIB ZHI BA NI GDUNG BA DANG, RAB RIB MED PA'I MTSAN NYID YIN PA'I PHYIR YOD PA YANG MA YIN ZHES BYA BA NI 'DI LTAR TSA BA MED PA DANG, RAB RIB MED PA NI YOD PA YANG MA YIN TE, RIMS NAD MED PA BZHIN NO, ,JI LTAR RIMS NAD DANG BRAL BA YOD PA MA YIN PA DE BZHIN DU TSA BA DANG RAB RIB DANG BRAL BA YANG YOD PA MA YIN NO, ,ZHI BA'I MTSAN NYID @69A *, ,DU YOD PA'I PHYIR MED PA YANG MA YIN NO ZHES BYA BA NI TSA BA ZHI BA STE, LCAGS GRANG MOR GYUR NA LCAGS KYIS LCAGS KYI BYA BA MI BYED PA YANG MA YIN LA, MIG LA RAB RIB ZHI NA YANG MIG GIS MTHONG BA'I BYA BA MI BYED PA YANG MA YIN NO, ,GAL TE MED PA TZAM ZHIG YIN PAR GYUR NA NI GZUGS MED PA'I PHYIR LCAGS KYIS KYANG LCAGS KYI BYA BA MI BYED LA, MIG GIS KYANG MIG GI BYA BA MI BYED PAR 'GYUR RO, ,JI LTAR RIMS NAD NYE BAR ZHI BA MED PA TZAM KHO NA MA YIN GYI, RIMS NAD NYE BAR ZHI NA LUS LA NAD SOS PA GZHAN 'BYUNG BA DE BZHIN DU, SANGS RGYAS BCOM LDAN 'DAS RNAMS KYI SEMS DANG YE SHES LA GDUNG BA DANG RAB RIB LTA BU 'DOD CHAGS DANG MA RIG PA DAG ZHI BA NI YOD PAR MI BRJOD DO, ,SEMS DANG SHES RAB RNAM PAR GROL BA DAG NI DES RAB TU PHYE BA'I PHYIR RO ZHES BYA BA NI 'DOD CHAGS MED PA DANG, MA RIG PA MED PA DANG, 'GAGS PA DANG, NYE BAR ZHI BA DANG, NUB PA NI YOD PA MA YIN NO, ,MED PA YANG MA YIN TE, RNAM PAR GROL BA'I MTSAN NYID DE LTA BUR YOD PA'I PHYIR RO ZHES BYA BA LA, RNAM PAR GROL BA'I MTSAN NYID NI GANG RNAM PAR GROL BA LA BDAG NI RNAM PAR GROL LO SNYAM PA'I YE SHES BDAG NYID KYIS SO SOR RANG GIS RIG PA 'BYUNG BA 'DI YIN TE, JI LTAR RIMS NAD NUB STE NYE BAR ZHI NA SO SO RANG GIS RIMS NAD SOS PA SO SOR NYAMS SU MYONG BA DE BZHIN DU 'DOD CHAGS KYI RIMS NAD DANG, MA RIG PA'I RAB RIB DAG NUB STE NYE BAR ZHI NA SO SO RANG GIS RNAM PAR GROL BA'I MTSAN NYID KYI NAD SOS PA SO SO RANG GIS NYAMS SU MYONG BAR 'GYUR RO, ,TSIGS SU BCAD PA SNGA MA RNAMS NI DE BZHIN NYID KYI GNAS SU GYUR PA'I MTSAN NYID DO, ,TSIGS SU BCAD PA 'DI NI GDUNG BA DANG RAB RIB ZHI BA LTA BU GNAS NGAN LEN GYI LAM GYI RTEN GYUR PA'I MTSAN NYID DO, ,NAM MKHA' LTAR LUS MED PAS NA MANG PO NYID KYANG MA YIN NO ZHES BYA BA NI 'DI LTAR BDAG TU 'DZIN PA MED PA'I PHYIR RTEN THA DAD PAR BRJOD PAR MI NUS TE, BDAG TU 'DZIN PA YOD NA NI 'DI NI BDAG GO, ,LHAS BYIN NI GZHAN NO SNYAM PA DE LTA BUR 'GYUR GYI BDAG TU 'DZIN PA MED PA LA NI DE LTA BUR MI 'GYUR RO, ,DE BAS NA BDAG TU 'DZIN @69B PA MED PA'I PHYIR SANGS RGYAS BCOM LDAN 'DAS CHOS KYI SKU LA GNAS PA RNAMS NAM MKHA' BZHIN DU THA DAD PAR BYA BAR MI NUS SO, ,BYANG CHUB SEMS DPA'I SPYOD PA LA GNAS PA CHOS KYI SKU YONGS SU MA RDZOGS PA RNAMS LA NI THA DAD DU MI BYA BA MA YIN NO, ,YE SHES SNANG BA BYED PA'I PHYIR, NYI MA CHEN PO 'DRA BAR 'DOD, ,CES BYA BA LA, NYI MA CHEN PO NI KUN BRTAG PAR BYA BA YIN TE, GANG STONG GSUM GYI STONG CHEN PO'I 'JIG RTEN SNANG BAR BYED PA'I NYI MA CHEN PO DE LTA BU 'GA' ZHIG YOD PAR GYUR NA'O, ,SPRUL PA LA SOGS PA'I MDZAD PA LA 'DRES PA'I MDZAD PA GCIG PA NYID STON TO ZHES BYA BA LA SOGS PA ZHES SMOS PAS NI BYIN GYI RLABS KYI MDZAD PA LA SOGS PA BSDU BAR RIG PAR BYA STE, SANGS RGYAS BCOM LDAN 'DAS RNAMS KYI MDZAD PA NI 'DRES PA YIN PA'I PHYIR SANGS RGYAS GCIG GI SPRUL PA LA SOGS PA SANGS RGYAS KYI MDZAD PA GANG YIN PA DE DE LAS GZHAN PA DAG GIS KYANG MDZAD PA YIN NO, ,SANGS RGYAS THAMS CAD KYI YE SHES DUS GCIG TU 'JUG PAR STON TO ZHES BYA BA NI SANGS RGYAS BCOM LDAN 'DAS RNAMS NI RTAG TU MNYAM PAR GZHAG PA YIN PA'I PHYIR LHUN GYIS GRUB PAR 'JUG PA LA SANGS RGYAS THAMS CAD KYI YE SHES DUS GCIG TU 'JUG STE MDZAD PA GCIG PA'I PHYIR RO, ,NYI MA'I 'OD ZER STONG PA RNAM PAR RTOG PA MED PAR 'CHAR BA NI 'OD ZER KHA CIG SNGAR 'CHAR LA, GZHAN DAG PHYIS 'CHAR BA MA YIN GYI THAMS CAD DU DUS GCIG KHO NAR 'BYUNG NGO, ,DE BZHIN DU SANGS RGYAS BCOM LDAN 'DAS MDZAD PA THA MI DAD PA RNAMS KYANG DAR 'DZIN PA DANG NGA YIR 'DZIN PA DANG BRAL BA'I PHYIR GANG GI TSE DE KHO NA GCIG GI YE SHES 'BYUNG BA DE'I TSE KHO NA SANGS RGYAS THAMS CAD KYI 'BYUNG NGO, ,JI LTAR NYI MA'I NYI ZER DAG ,'JUG LA BDAG GIR BYA BA MED, ,CES BYA BA NI RNAM PAR RTOG PA MED PA'I PHYIR RO, , NYI MA NI 'OD ZER RNAMS 'JUG PA LA BDAG GIR BYA BA MED DE, LHUN GYIS GRUB PA 'JUG PA'I PHYIR RO, ,NYI MA NI 'DI SNYAM DU BDAG NI BSREG PA DANG SKEM PA LA SOGS PA'I LAS LA ZHUGS PA YIN PAS BDAG GIS BSREG PAR BYA'O SNYAM DU MI SEMS MOD KYI, 'ON KYANG RNAM PAR MI @70A *, ,RTOG PA BZHIN DU BDAG GIR BYA BA MED PAR 'OD ZER 'GYED PAR 'GYUR RO, ,DE BZHIN DU SANGS RGYAS BCOM LDAN 'DAS CHOS KYI SKU LA GNAS PA NYON MONGS PA DANG SHES BYA'I SGRIB PA BAG CHAGS DANG BCAS TE SPANGS PA NGAR 'DZIN PA DANG NGA YIR 'DZIN PA SPANGS PA RNAMS KYI YE SHES ME LONG LTA BU LA SOGS PA GANG DAG YIN PA DE DAG 'JUG PA LA YANG BDAG GIR 'DZIN PA MI MNGA'I, NGA YIR 'DZIN PA MI MNGA' BAR SHES BYA THAMS CAD LA 'JUG GO, ,SNYIGS MA LNGA SHAS CHE BA ZHES BYA BA LA, SNYIGS MA LNGA NI NYON MONGS PA DANG, LTA BA DANG, SEMS CAN DANG, BSKAL BA DANG, TSE'I SNYIGS MA DAG YIN TE, SNYIGS MA ZHES BYA BA NI SNYIGS MA NGAN PA DANG THA SHAL YIN NO, ,LHAG MA RNAMS KYIS NI PHRIN LAS ZAB PA'O ZHES BYA BA LA, STOBS SOGS SANGS RGYAS CHOS RNAMS LA, ,BYANG CHUB RIN CHEN 'BYUNG GNAS 'DRA, ,ZHES BYA BA 'DIS NI BYANG CHUB KYI PHYOGS LA SOGS PA RIN PO CHE'I GNAS NYID KYI PHRIN LAS BSTAN TO, ,'GRO BA'I DGE BA'I LO THOG LA, ,SPRIN CHEN DANG YANG 'DRA BAR 'DOD, ,CES BYA BA PHYED 'DIS NI SEMS CAN YONGS SU SMIN PAR MDZAD PA'I PHRIN LAS BSTAN TO, ,BSOD NAMS YE SHES RAB RDZOGS PHYIR; ,ZLA BA NYA BA LTA BUR 'DOD, ,CES BA BA 'DIS NI MTHAR THUG PAR GSHEGS PA'I PHRIN LAS BRJOD DO, ,YE SHES SNANG BA BYED PA'I PHYIR, ,NYI MA CHEN PO 'DRA BAR 'DOD, ,CES BYA BA 'DIS NI CHOS STON PA'I PHRIN LAS BRJOD DO, ,JI LTAR NYI MA'I DKYIL 'KHOR GYI, ,'OD ZER DPAG TU MED 'DRES SHING, ,ZHES BYA BA 'DI DANG, DE BZHIN ZAG MED DBYINGS NA YANG, ,SANGS RGYAS DPAG TU MED 'DRES SHING, ,ZHES BYA BA'I TSIGS SU BCAD PA GNYIS PO 'DI THAMS CAD KYIS NI SPRUL PA LA SOGS PA MDZAD PA'I PHRIN LAS BSTAN TO, ,DPER NA NYI MA'I 'OD ZER GCIG ,CES BYA BA'I TSIGS SU BCAD PA 'DIS NI YE SHES 'JUG PA'I PHRIN LAS BSTAN TO, ,JI LTAR NYI MA'I 'OD ZER DAG ,CES BYA BA 'DIS NI RNAM PAR MI RTOG PA'I PHRIN LAS BRJOD DO, ,NYI MA'I 'OD ZER GCIG BTANG BAS, ,ZHES BYA BA 'DIS NI YE SHES RNAM PA SNA TSOGS PA'I PHRIN LAS BSTAN TO, ,JI LTAR @70B NYI MA'I 'OD ZER RNAMS, ,ZHES BYA BA 'DIS NI YE SHES MI 'JUG PA'I PHRIN LAS BRJOD DO, ,NYAN THOS DANG RANG SANGS RGYAS 'GA' PHRIN LAS ZAB PA 'DI BSHAD PA, ,MKHA' LA TSON GYIS RI MO 'DRI, ,ZHES BYA BA NI DPER NA 'GA' NAMS SO SO RANG GIS RIG 'JUG GO, ,DRI MED DBYINGS LA SANGS RGYAS KYI, , MTSAN NYID DANG NI GNAS PA DANG, PHRIN LAS ZAB PA 'DI BSHAD PA, ,MKHA' LA TSON GYIS RI MO 'DRI, ,ZHES BYA BA NI DPER NA 'GA' ZHIG NAM MKHA' LA NI RI MO 'DRI BAR DKA' BA BYED PA DE BZHIN DU, SANGS RGYAS BCOM LDAN 'DAS RNAMS SO SO RANG GIS RIG PA'I CHOS BSNYAD PA'I RNAM PAR STAN PA MDZAD PA GANG YIN PA DE NI DKA' BA MDZAD PA YIN NO, ,GOS BKRA BA NYID DANG NAM MKHA' LA RI MO 'DRI BA NYID NI RGYA MTSO'I BLO GROS KYI MDO'I RJES SU 'BRANG BAR KHONG DU CHUD PAR BYA'O, ,'BYOR PA RNAM PAR DBYE BA LA ZHES BYA BA NI NYAN THOS DANG RANG SANGS RGYAS DANG SANGS RGYAS RNAMS KYI 'BYOR PA THA MA DANG, 'BRING DANG; MCHOG TU RNAM PAR DBYE BAS SO, ,DE NYID KYI PHYIR RIM GYIS GZHAN DANG GZHAN ZIL GYIS GNON TO, ,RNAM PA'I RAB TU DBYE BA'I KHYAD PAR DANG, ZAB PA'I KHYAD PAR GYIS 'BYOR PA STON TO ZHES BYA BA SBYAR TE, DPAG TU MED PA NYID KYIS NI RNAM PA'I RAB TU DBYE BA'I KHYAD PAR BSTAN LA, BSAM GYIS MI KHYAB PA NYID KYIS ZAB PA'I KHYAD PAR BSTAN TO, ,JI LTAR BSAM GYIS MI KHYAB PA YIN, JI LTAR TSAD MED PA YIN ZHE NA, SMRAS PA, DE GANG ZAG DANG GANG GI DON DANG, 'JIG RTEN GYI KHAMS GANG DU DANG, RNAM PA CI 'DRA BA DAG DANG, BSKAL PA CI TZAM DU BYANG CHUB GYI CHED DU ZHUGS NAS 'JUG PA STE, DON DE LTA BU LA SOGS PA LA SANGS RGYAS BCOM LDAN 'DAS RNAMS JI LTAR 'JUG PA DE TSAD WGZUNG BA DANG BSAM PAR MI NUS SO, ,DBANG PO LNGA GZHAN DU GYUR NA 'BYOR PA DAM PA RNAM PA GNYIS 'THOB PO ZHES BYA BA GZUGS MED NA JI LTAR DBANG PO GZHAN DU 'GYUR PAR 'DOD CE NA, RANG GI SA BON GANG LAS SU, ,RNAM RIG SNANG BA GANG BYUNG BA, ,DE DANG DE YI SKYE MCHED NI, ,RNAM PA GNYIS SU THUB PAS GSUNGS, ,RANG GI SA BON YONGS SU GYUR PA'I KHYAD PAR THOB PA GANG LAS GZUGS SU SNANG BA'I RNAM PAR RIG PA 'BYUNG BA'I SA @71A *, ,BON GANG YIN PA DE DANG SNANG BA GANG YIN PA DE STE, DE DAG NI BCOM LDAN 'DAS KYIS GO RIMS BZHIN DU DE'I MIG DANG GZUGS KYI SKYE MCHED NAS LUS DANG REG BYA'I SKYE MCHED KYI BAR DU GSUNGS SO, ,GANG GI TSE BYANG CHUB SEMS DPA' RNAMS KHAMS GSUM PA 'DI SEMS TZAM MO ZHES BYA BAR THOS PA DANG BSAM PA DANG BSGOM PA'I RIM GYIS GZUGS KYI 'DU SHES ZIL GYIS MNAN TE, GZUGS SU PHYIN CI LOG SPONG BAR BYED PA DE'I TSE SKYE MCHED NYID DU PHYIN CI LOG PAR GYUR BA'I RNAM PAR RIG PA GANG DAG YIN PA DE DAG YONGS SU GYUR NA PHYIN CI LOG SPANG BA'I PHYIR DBANG PO LNGA GZHAN DU 'GYUR BA RNAM PAR GZHAG GO, ,'BYOR BA RNAM PA GNYIS LA DBANG PO LNGA PO THAMS CAD DON LNGA PO THAMS CAD LA 'JUG PA ZHES BYA BA NI MIG GIS GZUGS MTHONG BA NAS REG BYA LA REG PA'I BAR DU STE, DBANG PO RE RE LA YANG 'BYOR BA DE LTA BU DANG GZUGS LA SOGS PA MTHONG BAS YON TAN BRGYA PHRAG BCU GNYIS 'THOB PA'O, ,GZUGS LA SOGS PAR MNGON PAR ZHEN PA YOD NA DON THAMS CAD LA 'JUG PA 'GAL GYI, DE MNGON PAR ZHEN NA SPANG BA'I PHYIR NYES PA MED DE, DON 'DI NI 'PHAGS PA GZUNGS KYI DBANG PHYUG GI RGYAL PO DANG, DAM PA'I CHOS PADMA DKAR PO LA SOGS PA'I MDO LAS KHONG DU CHUD PAR BYA'O, ,YID GZHAN DU 'GYUR NA 'BYOR BA DANG MTHUN PA SPYOD PA RNAM PAR MI RTOG PA'I YE SHES SHIN TU RNAM PAR DAG PA LA 'BYOR BA'I MCHOG RNYED PAR GYUR TE ZHES BYA BA NI NYON MONGS PA CAN GYI YID GZHAN DU GYUR NA'O, ,RNAM PAR MI RTOG PA'I YE SHES NI YID KYI RNAM PAR SHES PA DANG MTSUNGS PAR LDAN PAR 'JUG LA, DE'I RTEN NI YID YIN TE, MIG GI RNAM PAR SHES PA LA SOGS PA'I MIG LA SOGS PA LTA BU'O, ,JI SRID DU NYON MONGS CAN GYI YID DE GZHAN DU MA GYUR PA'I BAR DU 'JIG TSOGS LA LTA BA LA SOGS PA NYON MONGS PA BZHI DANG MTSUNGS PAR LDAN PAR KUN GZHI RNAM PAR SHES PA LA DMIGS NAS PHYIN CI LOG TU 'JUG PA DE SRID DU DE LA BRTEN PA YID KYI RNAM PAR SHES PA YANG GZUGS LA SOGS PA'I YUL LA CI RIGS PAR GZUGS LA SOGS PA'I YUL MED BZHIN DU YOD PA YANG DAG PAR BZUNG NAS PHYIN CI LOG TU 'JUG GO, ,NYON MONGS PA CAN GYI @71B YID DE GZHAN DU GYUR NA DE LA BRTEN PA RNAM PAR MI RTOG PA'I YE SHES LA 'BYOR BA 'THOB STE, BYANG CHUB SEMS DPA' RNAMS KYI 'BYOR BA DE LA RAG LAS PA DANG, DE'I RJES LA 'THOB PA'I YE SHES LA RAG LAS PAS NI DE DANG MTHUN PAR SPYOD PA YIN NO, ,DON GZHAN DU GYUR PA NI GZUGS LA SOGS PA YUL LNGA GZHAN DU GYUR PA'O, ,'DZIN PA GZHAN DU GYUR PA NI MIG GI RNAM PAR SHES PA LA SOGS PA LNGA GZHAN DU GYUR PA STE, JI LTAR RNAM PAR MA DAG PA'I GNAS SKABS NA YUL LNGA PO SNA TSOGS SU DMIGS PA DE BZHIN DU, GZHAN DU GYUR BA'I GNAS SKABS NA BEE d'URYA LA SOGS PA'I ZHING SNA TSOGS SU SNANG BA RNAM PAR DAG PA YIN NO, ,RNAM PAR RTOG PA GZHAN DU GYUR NA ZHES BYA BA NI YID KYI RNAM PAR SHES PA GZHAN DU GYUR PA STON TO, ,YE SHES THAMS CAD CES BYA BA NI, ME LONG LTA BU'I YE SHES LA SOGS PA LTA BU'O, ,PHRIN LAS THAMS CAD LA ZHES BYA BA NI SPRUL PA'I PHRIN LAS SOGS PA LA STE, DUS THAMS CAD DU THOGS PA MED PA LA 'BYOR BA'I MCHOG THOB PAR 'GYUR RO ZHES BYA BA YIN NO, ,RTEN NI GZHAN DU GYUR PA NA ZHES BYA BA LA RTEN DU GYUR PA NI SA STE, DE GZHAN DU GYUR NA MI GNAS PA'I MYA NGAN LAS 'DAS PA LA 'BYOR BA THOB PAR 'GYUR RO, ,'DI NI KUN GZHI RNAM PAR SHES PA'I DMIGS PA GZHAN DU GYUR PA YIN TE, 'DI LTAR, KUN GZHI RNAM PAR SHES PA NI, ,DE NI LEN PA DAG DANG GNAS, ,RNAM PAR RIG PA MI RIG PA, ,ZHES BYA BA 'BYUNG BA YIN NO, ,RTEN DE GZHAN DU GYUR PA NI GNAS NGAN LEN GYI RTEN GYI DMIGS PA GZHAN DU GYUR PA RNAM PAR GZHAG GO, , 'KHRIG PA GZHAN DU GYUR BA NI LUS KYI DBANG PO'I PHYOGS GCIG GO, ,DE LTAR SANGS RGYAS DRI MED PA'I, ,GNAS NA GZHAN GYUR DPAG MED PAS, ,ZHES BYA BA NI DBANG PO LNGA GZHAN DU GYUR PA LA SOGS PA JI SKAD BSHAD PA 'DI NI SGO TZAM DU ZAD KYI, RGYAS PAR NI CHOS MANG PO GZHAN DU GYUR PA THEG PA CHEN PO'I MDO DAG LAS KHONG DU CHUD PAR BYA'O, ,'BYOR BA'I SKABS KYI 'OG TU SANGS RGYAS NYID KYIS SEMS CAN YONGS SU SMIN PAR MDZAD PA'I SKABS YIN TE, 'DI'I 'BREL BA GANG YIN ZHE NA, DE LTAR 'BYOR BA BRNYES PA RANG GI DON GYI MTHAR PHYIN PA'I SANGS RGYAS BCOM LDAN @72A *, ,'DAS RNAMS NI 'DI LTAR RTZOL BA MI MNGA' BAR RNAM PAR MI RTOG PA BZHIN DU, SEMS CAN YONGS SU SMIN PAR MDZAD PAS 'DI'I DBANG DU BYAS NAS YONGS SU SMIN PAR MDZAD PA'I SKABS YIN NO, ,SNGAR NI BYANG CHUB SEMS DPA'I SPYOD PA LA GNAS PA'I YONGS SU SMIN PA YIN NO, , DA NI MTHAR PHYIN PA BRNYES PA SANGS RGYAS KYI SA LA BZHUGS PA YIN NO, ,MA SMIN PA NI SMIN PAR 'GRO LA, SMIN PA NI RNAM PAR DAG PAR 'GRO STE, DE LTAR DUS RTAG TU 'GRO YANG ZHES BYA BA NI 'JIG RTEN DANG SBYAR RO, ,DE LTAR THOB DKA' ZHES BYA BA NI TSEGS CHEN POS 'THOB PAS NA THOB DKA' STE, THOB PAR DKA' BA DE'O, ,LA LAR SKYE BA MI SNANG ZHES BYA BA NI SKYE BA DANG MI SNANG BA NI SKYE BA MI SNANG BA'O, ,YANG NA SKYE BA MI SNANG BA NI SKYE BA MI SNANG BA'O, ,JI LTAR GANG NA GNAS TE SEMS CAN RNAMS 'DUL BA'O ZHES BYA BA NI DE NI CIG CAR LA LAR SGO MANG BRGYA NAS CHOS KYI 'KHOR LO DANG ZHES BYA BA DE LTA BU LA SOGS PA'I RNAM PAS 'DUL BA NI JI LTAR 'DUL BA YIN NO, ,CHOS KYI SKU LAS MA G-YOS PAR 'DUL BA NI, GANG LA GNAS TE 'DUL BA ZHES BYA'O, ,YONGS SU SMIN PAR MDZAD PA'I 'OG TU CHOS KYI DBYINGS RNAM PAR DAG PA'I SKABS TE, 'DI'I 'BREL BA GANG YIN ZHE NA, 'DI NI BYANG CHUB KYI SKABS YIN NO, , SNGAR NI, NGAL RGYAS RMAD BYUNG DKA' SPYAD DGE KUN BSAGS, ,BSKAL MCHOG DUS RING 'GRO BA SGRIB KUN ZAD, ,SAR GTOGS SGRIB PA PHRA BCOM SANGS RGYAS TE, ,DE NI MTHU CHEN RIN CHEN SNOD PHYE BZHIN, ,ZHES BYA BA LA SOGS PA NI RNAM PAS BYANG CHUB SPYIR BSAMS SO, ,DE'I 'OG TU NI SANGS RGYAS NYID BRNYES PA'I GNAS SKABS NA SEMS CAN YONGS SU SMIN PAR MDZAD PA BSAMS SO, ,DA NI NGO BO NYID DANG, RGYU DANG, 'BRAS BU DANG, PHRIN LAS DANG LDAN PA DANG, 'JUG PA'I RAB TU DBYE BAS BSAM MO, ,YANG NA 'DI NI BYANG CHUB KYI SKABS YIN NO, ,SNGAR NI BYANG CHUB SEMS DPA' DAG GANG LA SLOB CE NA, GNAS BDUN PO RANG DANG GZHAN GYI DON NAS BZUNG STE BYANG CHUB KYI BAR LA SLOB PO ZHES BSHAD DO, ,BYANG CHUB KYANG MDO DAG LAS RNAM PA MANG PO ZHIG 'BYUNG BAS SNGAR BYANG CHUB BSAMS PA NI JI LTAR MDO GZHAN DANG GZHAN DAG LAS 'BYUNG BA DE LTAR @72B BSAM MO, ,DE BAS NA 'DI'I DBANG DU BYAS NAS CHOS KYI DBYINGS RNAM PAR DAG PA'I SKABS YIN TE, 'DIR NI GO RIMS 'DI NYID LEGS SO, ,SANGS RGYAS KYI SA'I MDO LAS, SANGS RGYAS KYI SA NI CHOS LNGA PO CHOS KYI DBYINGS DANG, ME LONG LTA BU'I YE SHES DANG, MNYAM PA NYID KYI YE SHES DANG; SO SOR RTOG PA'I YE SHES DANG, BYA BA SGRUB PA'I YE SHES KYIS BSDUS PAR 'BYUNG BAS, SANGS RGYAS KYI SA'I DBANG DU BYAS NAS, CHOS LNGA PO GO RIMS BZHIN DU RNAM PAR GTAN LA DBAB PO, ,DE LAS KYANG CHOS KYI DBYINGS DANG POR BSTAN PAS DE'I PHYIR DANG POR CHOS KYI DBYINGS RNAM PAR DAG PA'I SKABS SO,, ,,DE'I 'OG TU YE SHES BZHI SEMS PAR 'GYUR RO, ,CHOS LNGA PO 'DI DAG GIS RNAM PAR GTAN LA DBAB PAR RAB TU DBYE BA RGYAS PAR NI THEG PA CHEN PO SANGS RGYAS KYI SA'I MDO KHO NA LAS BLTA BAR BYA'O, ,CHOS THAMS CAD KYI DE BZHIN NYID NYON MONGS PA DANG, SHES BYA'I SGRIB PA GNYIS RNAM PAR DAG PA'I MTSAN NYID CES BYA BA NI NYON MONGS PA DANG SHES BYA'I SGRIB PA DAG LAS RNAM PAR DAG PAS NA NYON MONGS PA DANG SHES BYA'I SGRIB PA RNAM PAR DAG PA'O, ,GANG ZHIG RNAM PAR DAG CE NA, CHOS THAMS CAD KYI DE BZHIN NYID DE, 'DIS NI DE BZHIN NYID KYI GNAS YONGS SU GYUR PA BSTAN TO, ,DNGOS PO SHES PA NI RJES LA THOB PA'I YE SHES SO, ,DNGOS PO ZHES BYA BA'I SGRAS NI KUN GZHI RNAM PAR SHES PA ZHES BYA BA GZHAN GYI DBANG GI NGO BO NYID BZUNG STE, 'DIS NI GNAS NGAN LEN GYI GNAS YONGS SU GYUR PA BSTAN TO, ,GZHAN GYI DBANG GI NGO BO NYID YONGS SU GYUR NA RNAM PAR MI RTOG PA'I RJES LA THOB PA'I YE SHES KYI SPYOD YUL DU 'GYUR GYI, GZHAN GYI NI MA YIN NO, ,DE LA DMIGS, DBANG ZAD MI SHES MTSAN NYID DO, ,ZHES BYA BA 'DI NI LAM GYI GNAS YONGS SU GYUR PA BSTAN TO, ,DE ZHES BYA BA'I SGRA NI BSHAD MA THAG PA CHOS KYI DBYINGS BZUNG NGO, ,DBANG ZAD MI SHES MTSAN NYID DO, ,ZHES BYA BA NI RNAM PAR MI RTOG PA'I YE SHES NI DE BZHIN NYID LA DBANG ZAD MI SHES PA 'THOB STE, BZHED DGUR MNYAM PAR 'JOG PA'I PHYIR RO, ,DE'I RJES LA THOB PA'I YE SHES NI PHYIN CI MA LOG PA'I DON GYIS, GZHAN GYI DBANG GI NGO BO NYID @73A *, ,LA DBANG ZAD MI SHES PA THOB PO, ,DE BZHIN NYID SHES THAMS CAD NAS, ,BSGOM PA PA LAS ZHES BYA BA LA, DE BZHIN NYID SHES PA NI RNAM PAR MI RTOG PA'I YE SHES TE, SA DANG PO RTOGS PA'I DUS NA THOB PA YIN NO, ,DE BSGOM PA NI SA LHAG MA RNAMS SU STE, SHES PA DE JI LTA JI LTAR THOS PA DANG, BSAM PA DANG, BSGOM PA LA SOGS PA'I RIM GYIS SBYOR BA LA SOGS PA'I GNAS SKABS NA CHOS KYI RNAM GRANGS KYI SGO THAMS CAD NAS SGOM PA DE LTA DE LTAR CHOS KYI DBYINGS RNAM PAR DAG PA'I RGYUR 'GYUR BA DE NI BSGOM PA YIN NO, ,DE'I STOBS KYIS SEMS CAN THAMS CAD LA PHAN PA BSKYED PA DANG, BDE BA BSKYED PA DANG, GNYIS MDZAD PA GANG YIN PA DE NI DE'I 'BRAS BU YIN NO, ,SKU LA SOGS PA RNAM PA GSUM SPRUL PA NI PHRIN LAS SO ZHES BYA BA LA, GSUNG SPRUL PA NI NAM MKHA' DANG, SHING DANG, NAGS TSAL DANG, RTZIG PA LA SOGS PA LAS CHOS STON PA'I SGRA GRAG PA GANG YIN PA'O, ,THUGS SPRUL PA NI GANG GIS NA DES RTOGS PAR 'GYUR PAR GZHAN GYI SEMS SPRUL NAS CHOS STON PAR MDZAD PA GANG YIN PA'O, ,RNAM PA GCIG TU NA GZHAN GYI SEMS JI LTAR GNAS BRTAN RAB 'BYOR LA SOGS PA THEG PA CHEN PO 'CHAD PA DE LTAR SPRUL PAR MDZAD DE, DE LTA BU LA SOGS PA GZHAN YANG BLTA BAR BYA'O, ,SPRUL PA'I SBYOR BA'I THABS KYI PHRIN LAS CAN TE ZHES BYA BA NI SPRUL PA'I SBYOR BA'I THABS GANG YIN PA STE, THABS DE MKHYEN PA'I PHYIR DE'I PHRIN LAS CAN ZHES BYA'O, ,CHOS KYI DBYINGS RNAM PAR DAG PA DE NYID SKU GSUM GYI BYE BRAG GIS THA DAD DU 'JUG PA YIN NO, ,CHOS KYI DBYINGS DE NI, CHOS RNAMS KUN GYI DE BZHIN NYID, ,SGRIB GNYIS DAG PA'I MTSAN NYID DE, ,ZHES BYA BA NAS BZUNG STE, NGO BO NYID DANG, RGYU DANG, 'BRAS BU DANG, LAS DANG, LDAN PA DANG, 'JUG PA'I DON GYIS BSTAN PA YIN NO, ,'KHOR YONGS SU SDUD PA'I BYE BRAG NI 'KHOR GYI DKYIL 'KHOR GYI BYE BRAG GO, ,ZHING GI BYE BRAG NI LONGS SPYOD RDZOGS PA'I SKU LA LA'I SANGS RGYAS KYI ZHING NI SHEL GYI RANG BZHIN YIN LA, LA LA'I SANGS RGYAS KYI ZHING NI BEE d'URYA'I RANG BZHIN YIN PA DE LTA BU LA SOGS PA'O, , @73B MTSAN GYI BYE BRAG NI DPER NA 'OD DPAG MED CES BYA BA DANG, RNAM PAR SNANG MDZAD CES BYA BA DE LTA BU LA SOGS PA'O, ,SKU'I BYE BRAG NI LA LAS SHEL LA SOGS PA'I RANG BZHIN GYI BYE BRAG GIS SAM, SKU CHUNG NGU DANG SKU CHEN PO'I BYE BRAG GIS RNAM PA 'GA' ZHIG TU MTHONG BA'O, ,CHOS LA LONGS SPYOD RDZOGS PA'I BYE BRAG NI SA BCU PA DANG, BLO GROS MI ZAD PAS BSTAN PA LA SOGS PA'I CHOS KYI RNAM GRANGS KYI SGO THA DAD PAS SO, ,MDZAD PA'I BYE BRAG NI BYANG CHUB SEMS DPA' 'DUS PA'I BSAM PA LA LTOS NAS MDZAD PA YIN NO, ,LONGS SPYOD RDZOGS PA'I SKU DE DANG, 'BREL BA ZHES BYA BA LA, 'DI'I 'BREL BA NYID GANG YIN ZHE NA, DE'I RGYUR GYUR PA NYID DE, 'DI LTAR CHOS KYI SKU NI LONGS SPYOD RDZOGS PA'I SKU'I RGYU YIN NO, ,LONGS SPYOD RDZOGS PA NI DE'I RGYU MTHUN PA'I 'BRAS BUR GYUR PA'I PHYIR 'KHOR GYI DKYIL 'KHOR DAG TU BYANG CHUB SEMS DPA' SAR CHUD PA RNAMS LA THEG PA CHEN PO'I CHOS THUN MONG MA YIN PA STON PAS DE'I PHYIR LONGS SPYOD RDZOGS PA'I SKU NI CHOS KYI SKU DANG 'BREL BA ZHES BYA'O, ,YANG NA LONGS SPYOD RDZOGS PA'I SKU NI RNAM PAR MI RTOG PA'I RJES LA THOB PA'I NGO BO NYID YIN LA, RNAM PAR MI RTOG PA'I RJES LA THOB PA DE YANG RTOGS PA DANG, RJES SU DRAN PA DANG, RNAM PAR 'JOG PA DANG, 'DRES PA DANG, NGES PAR SPYOD PA'I NGO BO NYID DANG RNAM PA LNGAR BSTAN TE, DE'I PHYIR YANG LONGS SPYOD RDZOGS PA'I SKU NI CHOS KYI SKU DANG 'BREL BA ZHES BYA'O, ,LONGS SPYOD RDZOGS PA'I SKU NI RANG GI DON PHUN SUM TSOGS PA'I MTSAN NYID DO ZHES BYA BA NI BYANG CHUB SEMS DPA' SAR CHUD PA RNAMS DANG THABS CIG TU THEG PA CHEN PO'I CHOS THUN MONG MA YIN PA'I LONGS SPYOD RDZOGS PAR SKU NYAMS SU BSTAR BA'I PHYIR RO, ,PHUN SUM TSOGS PA DE NI CHOS KYI SKU LA BRTEN PA YIN NO, ,GZHAN GYI DON PHUN SUM TSOGS PA DE NI LONGS SPYOD RDZOGS PA'I SKU LA BRTEN PA YANG YIN LA, SPRUL PA'I SKU LA BRTEN PA YANG YIN TE, DE DAG NI SKU GSUM YIN NO, ,SANGS RGYAS THAMS CAD KYI SKU GSUM PO DE DAG NI GO RIMS BZHIN DU RNAM PA GSUM GYIS KHYAD PAR MED DE ZHES BYA BA LA 'JIG RTEN GYIS NI SANGS RGYAS THAMS CAD KYI CHOS KYI SKU THA MI DAD DO, ,JI LTAR THA MI @74A *, ,DAD CE NA; DE'I PHYIR SMRAS PA, CHOS KYI DBYINGS THA MI DAD PA'I PHYIR RO, ,DGONGS PAS NI LONGS SPYOD RDZOGS PA'O, ,SANGS RGYAS KYI DGONGS PA THA DAD PA MED PA'I PHYIR TE, LONGS SPYOD RDZOGS PA'I SKU NI 'GA' LA YANG DGONGS PA MTHON DMAN GYI BYE BRAG THA DAD PA MI MNGA'O, , PHRIN LAS KYIS NI SPRUL PA'I SKU'O, ,PHRIN LAS THUN MONG PA'I PHYIR TE, JI LTAR SPRUL PA'I SKU GCIG GI SPRUL PAS PHRIN LAS MDZAD PA DE BZHIN DU GZHAN DAG KYANG MDZAD PAS GCIG GIS MDZAD PA GANG YIN PA DE THUN MONG YIN PA'I PHYIR GZHAN GYIS KYANG MDZAD PA KHO NA YIN NO, ,SKU GSUM GYI SKABS KYI 'OG TU YE SHES KYI SKABS TE, 'DI'I 'BREL PA GANG YIN ZHE NA, 'DI NI BYANG CHUB KYI SKABS YIN NO, ,SANGS RGYAS KYI SA NI CHOS LNGA PO CHOS KYI DBYINGS DANG, ME LONG LTA BU'I YE SHES LA SOGS PA BZHIS BSDUS SO, ,DE LA CHOS KYI DBYINGS RTOGS PA'I SKABS KYI CHOS KYI DBYINGS NI, RANG BZHIN CHOS RDZOGS LONGS SPYOD DANG, ,SPRUL PA DAG GIS THA DAD 'JUG ,CES DBYE BA'I DBANG DU BYAS NAS CHOS KYI DBYINGS LA SKU GSUM GSAL BA BYAS SO, ,DA NI YE SHES KYI DBANG DU BYAS NAS SANGS RGYAS KYI YE SHES ME LONG LTA BU LA SOGS PA BZHI BSAM MO, ,ME LONG YE SHES NGA YI MED, ,YONGS SU MA CHAD CES BYA BA NI NGAR 'DZIN PA DANG, NGA YIR 'DZIN PA DANG, GZUNG BA DANG 'DZIN PA MED PA'I PHYIR NGA YI BA MED PA YIN NO, ,YUL GYI SGO NAS YONGS SU MA CHAD PA ZHES BYA BA NI 'DI LA SHAR LA SOGS PA'I YUL THA DAD PAR YONGS SU CHAD PA MED PA'O, ,RTAG TU SGRIB PA DANG BRAL BA'I PHYIR SHES BYA THAMS CAD LA MA RMONGS PA YANG YIN ZHES BYA BA NI 'DI LA 'DI LTAR DE NI DUS THAMS CAD DU NYON MONGS PA DANG, SHES BYA'I SGRIB PA DANG BRAL BAS SO, ,RNAM PA MED PA'I PHYIR CHOS DE DAG LA MNGON DU PHYOGS PA YANG MA YIN NO ZHES BYA BA DE NI SHES BYA DAG LA GZUGS LA SOGS PA LA DMIGS PA BZHIN DU DMIGS PA'I BYE BRAG GAM, SNGON PO LA SOGS PA'I RNAM PA'I BYE BRAG GIS 'JUG PA MA YIN PA'O, ,DE NI DMIGS PAR BYA BA DANG, DMIGS PAR BYED PA MNYAM PAS MNYAM PA RNAM PAR MI RTOG PA DE BZHIN NYID LA DMIGS PA'I NGO BO NYID DE, @74B DE NYID KYI PHYIR MI G-YO BA YIN NO, ,MNYAM PA NYID KYI YE SHES LA SOGS PA DE DAG GI RNAM PA THAMS CAD KYI RGYU YIN PA'I PHYIR YE SHES THAMS CAD KYI 'BYUNG GNAS LTA BU'O ZHES BYA BA NI 'DIR DE BZHIN GSHEGS PA SKYE BA 'BYUNG BA BSTAN PA'I MDO LAS, SANGS RGYAS BCOM LDAN 'DAS RNAMS NI RNAM PA THAMS CAD MKHYEN PA'I RTEN GYI YE SHES DANG LDAN PA'I PHYIR YE SHES KYI 'BYUNG GNAS CHEN PO'O ZHES 'BYUNG BA'I MDO'I DUM BU 'DI DANG SBYAR BAR BYA'O, ,DE NI LONGS SPYOD RDZOGS PA'I SANGS RGYAS KYANG YIN LA ZHES BYA BA NI LONGS SPYOD RDZOGS PA'I SANGS RGYAS KYI RGYU YIN PA'I PHYIR, LONGS SPYOD RDZOGS PA'I SANGS RGYAS ZHES BYA'O, ,YE SHES KYI GZUGS BRNYAN 'BYUNG BA'I PHYIR DE ZHES BYA BA LA, DE ZHES BYA BA'I SGRA NI ME LONG LTA BU'I YE SHES DANG SBYAR BAR BYA'O, ,DUS THAMS CAD DU BYAMS PA CHEN PO DANG, THUGS RJE CHEN PO DANG LDAN PA ZHES BYA BA MNYAM PA NYID KYI YE SHES 'DI LA DPE NI MDO LAS, SANGS RGYAS BCOM LDAN 'DAS RNAMS NI MTHONG NA SEMS CAN THAMS CAD DGA' BA'I PHYIR, YE SHES CHEN PO'I ZLA BA YIN NO ZHES 'BYUNG BA YIN NO, ,SO SOR RTOG PA'I YE SHES NI, ,SHES BYA KUN LA RTAG MO THOGS, ,ZHES BYA BA NI CHOS THAMS CAD LA RNAM PA THAMS CAD KYI KHYAD PAR GYI 'JUG PA'I PHYIR SHES BYA THAMS CAD LA THOGS PA MI MNGA' BA YIN NO, ,'KHOR GYI DKYIL 'KHOR RNAMS SU NI, ,'BYOR BA THAMS CAD STON MDZAD PA, ,THE TSOM THAMS CAD GCOD PA YI, ,CHOS CHEN CHAR NI RAB TU 'BEBS, ,ZHES BYA BA 'DI LA NI DPE MDO LAS, SANGS RGYAS BCOM LDAN 'DAS RNAMS NI RNAM PA THAMS CAD DU SHES BYA YANG DAG PAR RAB TU GSAL BAR MDZAD PA'I PHYIR, YE SHES CHEN PO'I NYI MA YIN NO ZHES 'BYUNG BA 'DI SBYAR BAR BYA'O, ,BYA BA SGRUB PA'I YE SHES NI, ,ZHES BYA BA 'DI LA NI DPE MDO LAS, SANGS RGYAS BCOM LDAN 'DAS RNAMS NI NYON MONGS PA'I NAD THAMS CAD RAB TU ZHI BAR MDZAD PA'I PHYIR, YE SHES CHEN PO'I SMAN YIN NO ZHES 'BYUNG BA 'DI YIN NO, ,'DZIN PA'I PHYIR NI THOS PA'I CHOS RNAMS SO ZHES BYA BA NI, RGYU 'DI DANG RIM PA 'DIS ME LONG LTA BU'I YE SHES YANG DAG PAR 'GRUB PAR 'GYUR RO, ,SEMS MNYAM PA'I PHYIR NI SEMS CAN THAMS CAD LA BDAG DANG @75A *, ,GZHAN MNYAM PA NYID KYI PHYIR MNYAM PA NYID KYI YE SHES YANG DAG PAR 'GRUB STE, 'DI LTAR DE NI SEMS CAN THAMS CAD LA BYAMS PA CHEN PO MNYAM PA NYID BSGOMS PAS YANG DAG PAR 'GRUB PO, ,SO SOR RTOG PA'I YE SHES NI CHOS YANG DAG PAR RAB TU STON PA'I RGYU LAS 'BYUNG BA YIN NO, ,BYA BA SGRUB PA'I YE SHES NI BYA BA THAMS CAD BSGRUB PA'I RGYU LAS 'BYUNG BA YIN TE, SBYOR BA LA SOGS PA'I GNAS SKABS 'DI DAG YONGS SU DAG NA ME LONG LTA BU'I YE SHES LA SOGS PA MTHAR PHYIN PAR 'GYUR RO, ,SANGS RGYAS KYI SA'I SKABS KYIS CI SANGS RGYAS GCIG KHO NAR ZAD DAM, 'ON TE MANG MO ZHIG CE NA, DE LA RE ZHIG KHA CIG NA RE JI SRID DU 'JIG RTEN GYI KHAMS GCIG NA YOD PA DE SRID DU 'JIG RTEN GYI KHAMS GZHAN DAG TU SANGS RGYAS MI 'BYUNG NGO ZHES ZER RO, ,GZHAN DAG NA RE 'JIG RTEN GYI KHAMS THAMS CAD NA SANGS RGYAS GCIG KHO NA ZHIG LCAGS SDONG BZHIN DU BZHUGS SHING SANGS RGYAS KYI MDZAD PA MDZAD KYI, MANG PO MNGON PAR RDZOGS PAR 'TSANG RGYA BA NI MED DO ZHES ZER RO, ,GZHAN DAG NA RE SANGS RGYAS NI MANG PO ZHIG YIN NA CHOS KYI SKU LA BZHUGS PAR NGAR 'DZIN PA DANG, NGA YIR 'DZIN PA DANG, NYON MONGS PA DANG, SHES BYA'I SGRIB PA BAG CHAGS DANG BCAS TE SPANGS PA DE DAG KYANG MANG PO NYID YIN NO ZHES ZER TE, DE DAG 'GAGS PA'I PHYIR SANGS RGYAS GCIG PA NYID DANG MANG PO NYID MA YIN PA'I SKABS SO, ,THA DAD RIGS DON MED PHYIR DANG, ,RDZOGS DANG THOG MA MED PA'I PHYIR, ,SANGS RGYAS GCIG PA MA YIN NO; ,DRI MED GNAS TE ZAG PA MED PA'I DBYINGS NA CHOS KYI SKU THA DAD MIN TE MANG PO NYID MA YIN GYI GCIG PA NYID DO, ,SANGS RGYAS NYID DE LA JI LTAR 'JUG PA DE'I THABS KYI DBANG DU BYAS NAS TSIGS SU BCAD PA BZHI'O, ,BSGOM PA MI DMIGS PA GANG YIN PA DE NYID BSGOM PA DAM PA YIN ZHES BYA BA NI GANG GI TSE KUN BRTAGS PA GZUNG BA DANG 'DZIN PA DANG NGAR 'DZIN PA DANG, NGA YIR 'DZIN PA THAMS CAD DANG RNAM PAR RTOG PA THAMS CAD DANG BRAL BA BSGOM PA STE, SA DANG PO THOB PA NAS BZUNG STE MTHAR THUG PA'I BAR GYI LAM BSGOM PA DE NI SGOM PA'I DAM PA ZHES BYA'O, ,DON 'DI NYID NI DON GYI NGO BO NYID @75B YONGS SU GCOD PAR BYED PA 'PHAGS PA SHES RAB KYI PHA ROL TU PHYIN PA LNGA BRGYA PA LAS BLTA BAR BYA'O, ,GANG DAG SANGS RGYAS NYID LA BLA MA YA MTSAN GYI CHOS DANG LDAN PAR LTA BA ZHES BYA BA LA, YA MTSAN GYI CHOS DANG LDAN PA NI SANGS RGYAS NYID DO, ,THOB PAR BYA'O ZHES DE LTAR RNAM PAR BRTAGS NAS KHENGS PAR 'GYUR BA STE, SANGS RGYAS NYID NI BRTZON 'GRUS CHEN PO YUN RING PO NAS GOMS PAS DKA' BA SPYAD PA MANG PO PHUL DU PHYIN PAS THOB PAR BYA BA YIN LA, BDAG KYANG BYANG CHUB TU SMON LAM BTAB PA YIN PAS RNAM PA DE LTA BUS SANGS RGYAS NYID THOB PAR BYA'O ZHES DE SNYAM DU BSAMS NAS GZHAN DAG KHYAD DU BSAD DE GYONG BAR 'GYUR BA DE DAG NI DE LTAR NGA RGYAL KUN TU SPYOD PA'I PHYIR SANGS RGYAS NYID LAS THAG RING BAR 'GYUR RO, ,YANG NA NGA RGYAL ZHES BYA BA'I SGRA NI 'DIR DMIGS PA'I RNAM PAR RTOG PA'I RNAM GRANGS YIN PAR BLTA BAR BYA'O, ,'DI DAG THAMS CAD NI RTOG PA TZAM MO ZHES BYA BA NI, BLA MA RING DANG MTSAN MA DANG, ,ZHES BYA BA DE LTA BU LA SOGS PA BSHAD MA THAG PA GANG YIN PA'O, ,MI SKYE BA'I CHOS LA BZOD PA THOB PA'I GNAS SKABS NA ZHES BYA BA NI SA BRGYAD PA LA LAM MNGON PAR 'DU BYA BA MED PAR 'BYUNG BA'I PHYIR RO, ,BSLAB PA'I DMIGS PA'I KHYAD PAR BSHAD ZIN TO, ,DA NI JI LTAR BSLAB PA YIN PA DE BRJOD PAR BYA'O, ,DE JI LTAR BSLAB PA YIN ZHE NA, SBYOR BA'I SA LA RNAM PA GANG DAG GIS DE SLOB PA STE, BSAM PA'I KHYAD PAR DANG, SBYOR BA DANG, GZHAN LA PHAN PA SGRUB PA DANG, RANG LA PHAN PA SGRUB PA DANG, RANG DANG GZHAN LA PHAN PA RNAM PAR DAG PA NGES PAR 'BYUNG BA'I KHYAD PAR GYI SGO NAS SO, ,BSAM PA'I SGO NAS JI LTAR SLOB CE NA, DAM PA'I CHOS LA MOS PA RGYU DANG 'BRAS BU 'TSAM ZHING PHYIN CI MA LOG PAR RANG DANG GZHAN GYI DON LA SOGS PA GZHI LNGAS BSDUS PA MTHONG BA DES DANG PO KHO NAR CHOS ZAB CING RGYA CHE BA LA NGES PAR BRTAG PA LHUR BLANG BA BYA DGOS PAS DE'I PHYIR BYANG CHUB KYI 'OG TU MOS PA'I SKABS SO, ,YANG NA BYANG CHUB SEMS DPA' DAG GIS GANG LA BSLAB PAR BYA BA RANG DANG GZHAN GYI DON NAS BZUNG STE, BYANG CHUB KYI BAR GZHI BDUN PO DE NI BSHAD ZIN TO, ,DA NI JI LTAR TE BYANG CHUB SEMS DPA' RNAMS RNAM PA GANG GIS SLOB PA DE STON TO, , @76A *, ,JI LTAR SLOB CE NA, MOS PA DANG CHOS YONGS SU TSOL BA LA SOGS PA'I RIM GYIS SO, ,JI LTAR PHUNG PO'I DON LAS BRTZAMS TE GZUGS GANG CI YANG RUNG 'DAS PA 'AM, MA 'ONGS PA 'AM, DA LTAR BYUNG BA 'AM, NANG GI 'AM, PHYI'I 'AM, RAGS PA 'AM, PHRA BA 'AM; NGAN PA 'AM, GYA NOM PA'AM, NYE BA NA 'DUG PA GANG YIN PA 'AM, THAG RING PO NA 'DUG PA GANG YIN PA ZHES BYA BA'I RIM PA 'DIS GZUGS KYI PHUNG PO LA SOGS PA'I RAB TU DBYE BA BSTAN PA DE BZHIN DU MOS PA YANG MDO DAG LAS 'DAS PA LA SOGS PA'I BYE BRAG GIS DBYE BA BSTAN TO; ,GZUNG BAR GYUR PA NI PHYI ROL GYI STE GANG LA DMIGS PA NYID DU MOS PA'O ZHES BYA BA NI MOS PA NI SEMS LAS BYUNG BA'I CHOS YIN TE, GANG GI TSE DE THEG PA CHEN PO'I CHOS LA DMIGS TE SKYE BA DE'I TSE NI 'DZIN PA NYID DU BSTAN TO, ,GANG GI TSE DE NYID 'DAS PA LA RO MYANG BA 'AM, RJES SU YI RANG BA 'AM, MA 'ONGS PA LA MNGON PAR DGA' BA LA SOGS PAR DMIGS PA DE'I TSE NI GZUNG BA NYID DU BSTAN TO, ,YANG NA SEMS NYID THAMS CAD DU GNYIS KYI RNAM PA CAN DU 'JUG PAS MOS PA RNAM PA GNYIS SU BRJOD DO, ,LOG PAR MOS PA'I PHYIR RO ZHES BYA BA NI DPER NA NYAN THOS KYI THEG PA PA RNAMS NYAN THOS KYI THEG PA CHER BSGOM PA KHO NAS SANGS RGYAS NYID THOB PAR 'GYUR RO ZHES BYA BAR MOS PA LTA BU STE, DGONGS PA CAN GYI DON LA SGRA JI BZHIN DU MOS NA LOG PAR MOS PA'I PHYIR NOR PA ZHES BYA'O, ,MNGON SUM PA NI NYE BA STE, RKYEN NYE BA'I PHYIR RO ZHES BYA BA NI DGE BA'I BSHES GNYEN LA SOGS PA RKYEN NYEN DE LAS DE THOS MA THAG TU MOS PA SKYE BA'O, ,'PHROGS DANG 'DRES DANG MI MTHUN PHYOGS MA 'DRES, ,ZHES BYA BA LA MOS PA'I RAB TU DBYE BA 'DI NI MDO LAS CHUNG NGU DANG, 'BRING DANG, CHEN PO DANG, DMAN PA DANG, RGYA CHEN PO DANG, BSGRIBS PA DANG, MA BSGRIBS PA DANG, BRTZON PA DANG, MA BRTZON PA DANG, BSAGS PA DANG, MA BSAGS PA DANG, BSTAN PA DANG RING DU ZHUGS PA'I BYE BRAG GIS BRJOD PA STE GZHAN YIN NO, ,'DRES PA NI 'BRING PO'O ZHES BYA BA NI RES 'GA' MOS RES 'GA' MI MOS PA STE, MA MOS PA DANG MOS PA 'DRE BA'I @76B PHYIR 'DRES PA ZHES BYA'O, ,MA MOS PA NI 'DUN PA MED PA DANG, LE LO LA SOGS PA'O, ,BSGRIBS PA NI KHYAD PAR DU 'GRO BAR BYA BA LA SGRIB PA DANG BCAS PA'O ZHES BYA BA NI MOS PA YOD DU ZIN KYANG BYA BA NGAN PAS 'BREL PAS KHYAD PAR MI 'THOB STE, DE'I PHYIR SGRIB PA ZHES BYA'O, ,YANG NA GANG GIS NA TSE PHYI MA LA MA MOS PAR 'GYUR BA DAM PA'I CHOS KYIS PHONGS PAR 'GYUR BA'I LAS BYAS PA'I PHYIR SGRIB PA DANG BCAS PA ZHES BYA'O, ,RTAG TU ZHES BYA BA NI RTAG TU RGYUN MA CHAD PAR RO, ,RTAG TU YIN YANG LA LA BSAM PA DRAG POS MI BYED PAS DE YONGS SU SPANGS PA'I PHYIR GUS PAR BYAS TE ZHES BYA BA SMOS SO, , BSAGS PA NI DE RTOGS PAR RUNG BA'O ZHES BYA BA NI BSOD NAMS DANG YE SHES KYI TSOGS BSKAL PA GRANGS MED PA DANG POS BSDUS PA TZAM GYIS SO, ,GZUNG BA DANG 'DZIN PAR GYUR PA LA NI RNAL 'BYOR 'KHRUGS PA ZHES BYA BA NI LAS DANG PO PA LA GZUNG BA DANG, 'DZIN PA'I DNGOS PO SNGAR BSHAD PA'I TSUL DU BDEN PAR RNAM PAR 'JOG GO, ,GANG GI TSE THAMS CAD DU GZUNG BA DANG 'DZIN PA LA GZHOL BAR GYUR NA DE NI RNAL 'BYOR 'KHRUGS PA ZHES BYA'O, ,SU'I 'KHRUGS SHE NA, RNAL 'BYOR BA'I STE, RNAM PAR MI RTOG PA'I YE SHES GZUNG BA DANG 'DZIN PA DANG BRAL BA LA GNYIS SU MNGON PAR ZHEN PA'I PHYIR RO, , BDAG NYID MOS PA LA NI DGE BA'I RTZA BA NYAM CHUNG BA'O ZHES BYA BA NI DAD PA DANG MA CHAGS PA LA SOGS PA DGE BA'I RTZA BA DAG YANG DANG YANG DU MA GOMS PAR GYUR BA'O, ,NOR PA'I MOS PA'I BAR DU GCOD PA NI BSAM PAR MI BYA STE, DE NYID BAR DU GCOD PA YIN PAS SO, ,DKAR PO'I PHYOGS KYI MOS PA KHO NA'I BAR DU GCOD PA BSAM PAR BYA BA YIN PAS MNGON SUM PA MA YIN PA'I BAR DU GCOD PA YANG BSAM PAR MI BYA STE, RANG NYID BAR DU GCOD PA'I NGO BO NYID YIN PA'I PHYIR RO, ,ZHI GNAS TZAM GYIS MNGON PA'I NGA RGYAL BYED PA'O ZHES BYA BA NI LHAG MTHONG LA MNGON PAR BRTZON PAR MI BYED PA STE, GANG GI TSE ZHI GNAS DANG LHAG MTHONG DAG MNYAM PAR 'JUG PA DE'I TSE ZUNG DU 'BREL BA'I LAM THOB PA'I PHYIR MOS PA GEGS MED PAR 'GYUR RO, ,MA BSGRIBS PA LA NI SGRIB PA'O ZHES BYA BA NI GANG GI TSE LE LO LA SOGS PA MI MTHUN PA'I PHYOGS DAG GIS DON DAN PA LA 'BREL BA'I BYA BAS GOR NAS GONG DU KHYAD PAR DU @77A *, ,'GRO BAR MI 'GYUR RO, ,SKYES PA DA LTAR BYUNG BA'I NI BSOD NAMS CHEN PO'O ZHES BYA BA NI SNGAR MOS PA SKYES PA NI 'DAS PA DANG, DA LTAR BYUNG BA RNAM PA GNYIS SU BSHAD DO, ,DE LA DA LTAR BYUNG BA'I PHAN YON NI BSOD NAMS CHEN PO YIN NO, ,'DAS PA NI MNGON PAR DGA' BA LA SOGS PA'I MOS PAS YANG DANG YANG DU GOMS PAR BYAS PA LA 'GYOD PA MED PA PHAN YON YIN TE, YID LA GCAGS PA MED PA'I PHYIR RO, ,'DZIN PA DANG GZUNG BAR GYUR PA'I NI YID BDE BA CHEN PO STE, TING NGE 'DZIN DANG YANG LDAN PA'I PHYIR RO ZHES BYA BA NI GANG GI TSE GZUNG BA DANG 'DZIN PAR 'GYUR PA'I MOS PA DE LA MNGON PAR ZHEN PAR MI BYED KYI GZUNG BA DANG 'DZIN PA NYID RNAM PAR 'JIG PAR BYED PA DE'I TSE MNGON PAR ZHEN PA BOR BAS TING NGE 'DZIN 'THOB PO, ,RGYA CHEN PO'I NI GZHAN GYI DON THOB PA'I MCHOG GO ZHES BYA BA NI SANGS RGYAS NYID THOB PA'O ZHES BYA BA'I THA TSIG GO, ,PHAN YON NI MNGON PAR SHES PA MYUR BA NYID DO ZHES BYA BA LA, MNGON PAR SHES PA MYUR BA NYID NI DBANG PO RNON PO NYID DE, MGO SMOS PAS GO BA'I PHYIR CHOS MYUR DU RAB TU SHES PA YIN NO, ,'JIG RTEN PA'I TING NGE 'DZIN DANG LDAN PA RNAMS KYI NI RUS SBAL BA BZHIN NO ZHES BYA BA NI CHOS THAMS CAD KYI RANG GI MTSAN NYID DANG, SPYI'I MTSAN NYID KHONG DU MA CHUD PA'I PHYIR MOS PA 'KHUMS PA ZHES BYA'O, ,YANG NA BSAM GTAN DANG, TING NGE 'DZIN DANG, SNYOMS PAR 'JUG PA THOB PA TZAM GYI PHYIR DANG, DE TZAM GYIS CHOG PAR 'DZIN PA'I PHYIR DANG, DE KHO NA NYID MA RTOGS PA'I PHYIR DANG, YON TAN KHYAD PAR CAN MA THOB PA'I PHYIR 'KHUMS PA ZHES BYA'O, ,RANG GI DON DANG LDAN PA NYAN THOS RNAMS KYIS NI GANG ZAG LA BDAG MED PA RTOGS PA'I PHYIR CHOS THAMS CAD SPYI'I RNAM PAR SHES SO, ,DE GNYIS KYI PHYIR DE DAG GI MOS PA RUS SBAL LTA BU NI MA YIN NO, ,'ON KYANG RANG GI DON LHUR LEN PA'I PHYIR 'KHOR BAS SKRAG PAS SKYO STE, BRAN BZHIN DU 'JIGS SHING SKRAG PA'I LUS KYIS RNAM PAR RGYU BAS DE'I PHYIR BRAN DANG 'DRA'O ZHES BYA'O, ,DON DE NYID GZHAN GYIS BSTAN NAS ZHES BYA BA NI, JI LTAR KHYI NI RTAG TU LTOGS SHING SDUG BSNGAL GYIS NYEN CHOG MI SHES, ,ZHES BYA BA'I TSIGS SU BCAD PA 'DI NI TSIGS SU BCAD @77B PA DANG PO LAS GZHAN YIN NO, ,'DIS BSTAN NAS DE'I 'OG TU GSUM PAS THEG PA CHEN PO LA MOS PA YANG DAG PAR LEN DU 'JUG PA YIN TE, THEG PA CHEN PO DE LA DE MCHOG TSUL BZHIN RIG NAS NI, ,'DI NA BSTAN PAS DE LA DE NYID RTAG PAR RAB TU TZOL, ,ZHES DE SKAD DU THEG PA CHEN PO LA MOS PA YANG DAG PAR LEN DU 'JUG GO, ,BDAG NYID ZA BA MA YIN PA ZHES BYA BA NI RANG GI DON GYI DBANG DU BYAS NAS ZHES BYA BAR SBYAR RO, ,RE ZHIG GANG ZHIG BRTZE BA'I DON DANG, RGYAGS PA DANG, CHA BA LA SOGS PA'I DON DU ZA BA DE'I ZAS DE NI BSOD NAMS MA YIN PA KHO NAR 'GYUR RO, ,GANG ZHIG LUNG DU MA BSTAN PAR ZA BA DE'I ZAS DE NI BSOD NAMS KYANG MA YIN, BSOD NAMS MA YIN PA YANG MA YIN NO, ,GANG ZHIG RGYAGS PA LA SOGS PA'I DON DU MI ZA'I, 'ON KYANG KHAL DAG LA BA'I DON DU SHING RTA'I SROG SHING SKUD PA LTA BU'I TSUL DU LUS 'TSO BAS DGE BA'I PHYOGS LA RUNG BAR 'GYUR ZHING DGE SBYONG GI TSUL DU 'BRAS BU 'THOB PAR 'GYUR RO SNYAM NAS LUS 'TSO BAR BYA BA'I DON DU ZA BA'I ZAS DE NI BSOD NAMS SU 'GYUR GYI BSOD NAMS 'BYUNG BA CHEN POR NI MI 'GYUR RO, ,DE BZHIN DU NYAN THOS KYI THEG PA'I CHOS LA MOS PA LAS KYANG GZHAN GYI DON GYI RTEN THEG PA CHEN PO'I CHOS BSTAN PA TSIGS SU BCAD PA GCIG MNYAN PA DANG, BTON PA LA SOGS PA LAS PHAN YON JI SKAD DU THEG PA CHEN PO'I MDO DE DANG DE DAG LAS 'BYUNG BA CI 'DRA BA DE 'DRA BAR BSOD NAMS 'BYUNG BA CHEN PO MA YIN NO, ,DE LTAR 'PHAGS PA CHEN PO'I CHOS NI YANGS GYUR LA, ,ZHES BYA BA LA, YANGS PAR GYUR PA NI THEG PA CHEN PO STE, MDO SDE 'BUM PA DU MA BSTAN PA'I PHYIR RO, ,GANG LA DANG GANG ZHIG DANG MOS PA JI LTA BUS 'BRAS BU GANG YONGS SU 'DZIN PA ZHES BYA BA LA, GANG LA ZSHES BYA BA NI THEG PA CHEN PO'I CHOS YANGS PA LA'O, ,GANG ZHIG CES BYA BA NI BYANG CHUB SEMS DPA' BLO DANG LDAN PA'O, ,MOS PA JI LTA BU ZHES BYA BA NI MOS PA YONGS SU NYAMS PAR MI 'GYUR BA RGYA CHEN POS TE, MOS PA CHE ZHES GANG BSHAD PA YIN NO, ,'BRAS BU GANG YONGS SU 'DZIN PA ZHES BYA BA NI BSOD NAMS RGYA CHEN PO 'PHEL BA LA SOGS PA 'BRAS BU RNAM PA GSUM YONGS SU 'DZIN PA'O,, ,, @78A *, ,MOS PA'I SKABS KYI 'OG TU CHOS YONGS SU TSOL BA'I SKABS TE, 'DI'I 'BREL PA GANG YIN ZHE NA, DE LTAR SMOS PA MANG PO'I BYANG CHUB SEMS DPA' NI CHOS YONGS SU TSOL LO, ,CHOS YONGS SU TSOL BA DE'I DMIGS PA CI ZHIG YIN ZHE NA, DE'I PHYIR, SDE SNOD DAG NI GSUM MAM GNYIS KYANG RUNG ZHES BYA BA SMOS SO, ,DE LA GSUNG RAB KYI YAN LAG TU GTOGS PA BCU GNYIS LAS SHIN TU RGYAS PA'I SDE DANG, SKYES PA'I RABS KYI SDE GANG YIN PA DE NI BYANG CHUB SEMS DPA'I SDE SNOD YIN NO, ,LHAG MA NI PHAL CHER NYAN THOS KYI SDE SNOD YIN NO, ,PHAL CHER ZHES SMOS PA NI YAN LAG KHA CIG NI THEG PA CHEN PO DANG NYAN THOS KYI THEG PA THUN MONG YIN PAS SO, ,DE YANG GSUM MAM GNYIS YIN NO, ,CI'I PHYIR SDE SNOD CES BYA BA ZHE NA, SMRAS PA, BSDUS PA'I PHYIR TE, DON THAMS CAD BSDUS PA'I PHYIR RO ZHES BYA BA NI DPER NA GNAS GZHAN KHA CIG NA BRE BCU SHONG BA LA BRE BCU BSDUS PA'I PHYIR SDE SNOD CES BYA BA DE BZHIN DU 'DIR YANG SHES BYA'I DON THAMS CAD BSDUS PA'I PHYIR SDE SNOD CES BYA'O, ,CI'I PHYIR GSUM YIN ZHE NA, RGYU GUS ZHES BYA BA NI MDO SDE DANG, CHOS MNGON PA DANG, 'DUL BA RNAMS LA SO SOR THE TSOM DANG MTHA' GNYIS DANG, LTA BA MCHOG TU 'DZIN PA LA SOGS PA STE, RE RE LA'ANG RGYU SO SOR THE TSOM DANG MTHA' GNYIS DANG,L MDO SDE GANG ZHIG DON GANG LA THE TSOM ZA BA DE LA DE NGES PAR BYA BA'I CHED DU BSHAD PA'I PHYIR RO, ,ZHES BYA BA NI GANG ZHIG DON GANG LA THE TSOM ZA BA DE BSTZAL BA'I PHYIR TE, PHUNG PO DANG KHAMS DANG SKYE MCHED DANG, RTEN CING 'BREL BAR 'BYUNG BA DANG, BDEN PA DANG, SA DANG, PHA ROL TU PHYIN PA LA SOGS PA'I RANG DANG SPYI'I MTSAN NYID DAG LA THE TSOM ZA BA RNAMS LA THE TSOM SPANG BA'I PHYIR DE DANG 'TSAM PAR BSHAD PA SMOS PA'I TSUL DU MDO SDE BSHAD PA DE'I PHYIR THE TSOM GYI GNYEN POR MDO SDE BSHAD DO, ,MTHA' GNYIS LA SBYOR BA'I GNYEN POR NI 'DUL BA STE KHA NA MA THO BA DANG BCAS PA'I YONGS SU SPYAD DKA' BA'I SGO NAS, ZHES BYA BA LA MTHA' GNYIS LA SBYOR BA NI 'DOD PA'I BSOD NYAMS DANG BDAG NYID DUB PA LA SBYOR BA DAG GO, ,'DOD PA'I BSOD NYAMS LA SBYOR BA DAG NI @78B DPER NA 'DOD PA CAN YONGS SU SPYOD PA LTA BUR BCOM LDAN 'DAS KYIS BSLAB PA'I GZHI BCAS PA DE LAS 'DAS TE, GSOG 'JOG BYAS PA LA SOGS PA YONGS SU SPYOD PAS BDAG NYID CHA BA LA SOGS PA'I DON DU YONGS SU SPYOD PA GANG YIN PA STE, DE'I GNYEN PO'O, ,JI LTA ZHE NA GANG ZHIG YONGS SU SPYOD PA DGAG PA MDZAD PA DE LTA BU DE TAHG BSRINGS TE YONGS SU SPONG PA NI GUS PA DRAG POS BSLAB PA'I GNAS JI LTAR BCAS PA DAG LA GUS PAR BYED PAS DE LTAR KHA NA MA THO BA DANG BCAS PA'I YONGS SU SPYOD PA BKAG PA YIN NO, ,BDAG NYID DUB PA LA SBYOR BA'I MTHA'I GNYEN POR NI KHA NA MA THO BA MED PA'I YONGS SU SPYOD PA'O, ,KHA NA MA THO BA MED PA BCOM LDAN 'DAS KYIS JI LTAR GNANG BA DE YONGS SU SPYOD KYI, BDAG NYID NUB GSUM DANG NUB DRUG TU GDUNG BA DANG YONGS SU GDUNG BA LA SOGS PAS DUB PAR MI BYED PA STE JI SKAD DU BCOM LDAN 'DAS KYIS DGE SLONG TSUL KHRIMS DANG LDAN PA YON TAN DANG LDAN PA LA NI NGAS ZAS RO BRGYA DANG LDAN PA DANG, GOS 'BUM RI BA YANG GNANG NGO ZHES GSUNGS PA LTA BU'O, ,ZAS DE YANG ZA BA NA MA CHAGS SHING RGYAGS PA LA SOGS PA'I DON DU MA YIN PAR ZA NA DE LTA NA KHA NA MA THO BA MED PA'I YONGS SU SPYAD PA BDAG NYID DUB PA LA SBYOR BA'I MTHA'I GNYEN POR 'GYUR RO, ,'DUL BAS NI CHOS DANG DON 'GRUB PA STE, NYON MONGS PA 'DUL BA LA RAB TU BRTZON PAS DE GNYIS RTOGS PA'I PHYIR RO ZHES BYA BA LA NYON MONGS PA 'DUL BA NI 'DOD CHAGS LA SOGS PA NYON MONGS PA RNAMS LA MI SDUG PA LA SOGS PA SGOM PA GANG YIN PA'O, ,CHOS DANG DON DAG JI LTAR RTOGS SHE NA, CHOS NI MING GI TSOGS LA SOGS PAS BSDUS PA'O, ,DON NI DE DAG GIS BRJOD PAR BYA'O, ,GAL TE MING DE YANG DON LA GLO BUR BA YIN LA DON YANG MING LA GLO BUR YIN PAR LTA'I DON YANG MING GI NGO BO NYID MA YIN LA MING YANG DON GYI NGO BO NYID MA YIN PAR 'DZIN NA DE LTAR TSUL BZHIN RAB TU BRTZON PAS CHOS DANG DON RTOGS PAR 'GYUR RO, ,YANG NA TSUL KHRIMS DANG LDAN PA 'GYOD PA MED PA LA SOGS PA'I RIM GYIS DE KHO NA NYID RTOGS PA'I PHYIR YANG DAG PA JI LTA BA BZHIN GYI DON DU CHOS DANG DON RTOGS PAR 'GYUR BAS CHOS DANG DON 'GRUB CES BYA'O, ,THOS PAS NI SEMS LAS @79A *, ,BAG CHAGS KYI SGO NAS SO, ,ZHES BYA BA NI CHOS KYI DBYINGS SHIN TU RNAM PAR DAG PA'I RGYU MTHUN PA THOB PA'I BAG CHAGS KYI SGO NAS SO, ,BSAMS PAS RTOGS PAR BYED PA'I SGO NAS SO, ,ZHES BYA BAS NI JI LTA JI LTAR BSAMS PA DE LTA DE LTAR RTOGS PAR 'GYUR RO, , RTOGS NAS SHES RAB DANG LDAN PA SGOM PA LA RAB TU BRTZON PA ZHI GNAS THOB PAR 'GYUR BAS BSAM GTAN GYI STOBS KYIS NYON MONGS PA RNAMS ZHI BAR BYED DO, ,MNYAM PAR BZHAG NA LHAG MTHONG GI YANG DAG PA JI LTA BA BZHIN RAB TU SHES PA DE KHO NA NYID RTOGS PAR TE, DE LTAR NA SEMS CAN RNAMS KYANG RNAM PAR GROL BAR BYED PA LA SANGS RGYAS NYID KYANG 'THOB PO, ,GNAS NI YUL GANG DU GANG GIS GANG GI PHYIR BSHAD PA'O ZHES BYA BA NI GNAS RNAM PA GSUM BSHAD PA'O, ,DE LA GANG DU ZHES BYA BA NI JI SKAD DU MDO GZHAN DE DANG DE DAG LAS, 'DI SKAD BDAG GIS THOS PA DUS GCIG NA BCOM LDAN 'DAS RGYAL PO'I KHAB NA BZHUGS ZHES GSUNGS PA LTA BU STE, RGYAL PO'I KHAB LA SOGS PA'I GNAS NYID DU BSTAN TO, ,GANG GIS ZHES BYA BA NI BCOM LDAN 'DAS GNAS NYID DU BSTAN PA'O, ,GANG GI PHYIR ZHES BYA BA NI GANG ZAG GANG GI PHYIR CHOS 'CHAD PA'I GANG ZAG GNAS NYID DU BSTAN PA YIN NO, ,KUN RDZOB KYI BDEN PA'I MTSAN NYID DANG, DON DAM PA'I BDEN PA'I MTSAN NYID DO ZHES BYA BA NI BUM PA DANG RAS YUG DANG, GANG ZAG LA SOGS PA BSHAD PA NI KUN RDZOB GYI BDEN PA STE, BRJOD PA DANG DE LAS GZHAN PA LA LTOS PA'AM DBANG PO'I SPYOD YUL GANG YIN PA DE NI KUN RDZOB KYI BDEN PA'O, ,DON DAM PA'I BDEN PA NI RNAM PAR MI RTOG PA'I YE SHES KYI SPYOD YUL LO, ,MDOR BSDU NA KUN NAS NYON MONGS PA'I DMIGS PA PHYIN CI LOG GI SPYOD YUL GANG YIN PA DE NI KUN RDZOB KYI BDEN PA YIN LA, BZLOG PA NI DON DAM PA'I BDEN PA YIN NO, ,ZAS NI BZHI STE, KHAM DANG, REG PA DANG, YID LA SEMS PA DANG, RNAM PAR SHES PA'O, ,BDEN PA DANG BYANG CHUB KYI PHYOGS DANG, MTHUN PA DANG, RNAM PAR THAR PA'I SGO LA SOGS PA STON PA'I PHYIR RO, ,MYA NGAN LAS 'DAS PA LA MNGON DU PHYOGS @79B PA'O ZHES BYA BAR SBYAR RO, ,LTUNG BA'I RIGS LNGA NI PHAS PHAM PA DANG, DGE 'DUN LHAG MA DANG, NYES PA SBOM PO DANG, LTUNG BYED DANG, SO SOR BSHAGS PA'I LTUNG BA'O, ,BAG MED NA SHES SU ZIN KYANG KHYE'U DANG BU MO DANG KHYIM LA 'DRIS PA LA SOGS PAS BYA BA NGAN PA LA 'BREL BA'I PHYIR LTUNG BA DANG BCAS PAR 'GYUR RO, ,MA GUS PA LAS NI 'TSO BA MED PA LA SOGS PA'I 'JIGS PAS RAB TU BYUNG BA NI BSLAB PA DAG LA MA GUS PA 'BYUNG NGO, ,RAB TU 'BYUNG BA'I BSAM PAS RAB TU BYUNG YANG LE LO LA SOGS PAS BSLAB PA DAG LA MA GUS PAR BYED DO, ,BSLAB PA BYIN PA LA SOGS PA CHAD PA'I LAS KHAS LEN PA NI KHAS LEN PA STE, GANG ZAG GANG ZHIG PHAS PHAM PA'I LTUNG BA BYUNG BA YANG KHA NA MA THO BA GCIG KYANG BCAB PA'I SEMS MED PA DE LA CHAD PA'I LAS 'DI LTA STE, GANG ZAG BSNYEN PAR RDZOGS PA RNAMS KYI MJUG TU BZA' BAR BYA BA DANG, THA MAR BKAD PAR BYA BA DES BSNYEN PAR RDZOGS PA RNAMS KHO NA LA DRANG BAR BYA BA DANG, DE BDAG NYID KYIS KYANG DGE SBYONG LA SOGS PAS DRANGS LA BZA' BAR BYA BA GANG YIN PA CHAD PA'I LAS DE LTA BU LA SOGS PA KHAS BLANGS PAS LTUNG BA LAS 'BYUNG BAR 'GYUR RO, ,DGE 'DUN TSOGS PAS BSLAB PA'I GZHI BAG YANGS SU BYAS PA'I PHYIR BAG YANGS SU BYAS ZHES BYA BA NI BCOM LDAN 'DAS KYIS 'PHAGS PA KUN DGA' BO LA NGA YONGS SU MYA NGAN LAS 'DA' BA'I TSE SKUL CIG DANG, BSLAB PA'I GZHI JI LTAR BCAS PA DAG LAS BSLAB PA'I GZHI PHRAN TSEGS PHRA MO KHA CIG BAG YANGS SU BYA'O ZHES BKA' STZAL PA DANG, YONGS SU MYA NGAN LAS 'DA' BA'I TSE 'PHAGS PA KUN DGA' BO MYA NGAN GYIS NON PAS BRJED DE, BCOM LDAN 'DAS YONGS SU MYA NGAN LAS 'DAS PA DANG, 'PHAGS PA 'DO SRUNGS CHEN PO LA SOGS PA YANG DAG PAR SDUD PAR BYED PA RNAMS KYIS GZHI DE LAS 'PHAGS PA KUN DGA' BO LA, BCOM LDAN 'DAS KYIS NI YONGS SU MYA NGAN LAS 'DA' BA'I TSE BSLAB PA'I GZHI PHRAN TSEGS PHRA MO KHA CIG BAG YONGS SU MDZAD DO SNYAM PA'I DGONGS PA 'DIS BKA' STZAL NA, CI'I PHYIR KHYOD KYIS BCOM LDAN 'DAS LA MA @80A *, ,BSKUL ZHES CHAD PA'I LAS BYED DU BCUG GO, ,'PHAGS PA THAMS CAD YOD PAR SMRA BA'I SDE PA LA NI BSLAB PA'I GZHI PHRAN TSEGS PHRA MO KHA CIG GAL TE DGE 'DUN TSOGS PAS BAG YANGS SU BYAS NA BAG YANGS YIN NO ZHES GRAG GO, ,'DI YANG GRAGS PA TZAM DU ZAD KYI BSLAB PA'I GZHI 'GA' YANG DGE SLONG GI DGE 'DUN GYIS BAG YANGS SU BYAS PA 'AM BYED PA NI MED KYI, BYE BRAG TU SMRA BA 'DUL BA 'DZIN PA DAG LTUNG BA LAS LDANG BA DE LTA BU 'DOD DO ZHES GRAG GO, ,LTUNG BA THUN MONG MA YIN PA ZHES BYA BA NI DGE SLONG LA MO'I MTSAN DOD NA DGE SLONG GI LTUNG BA THUN MONG MA YIN PA'I LTUNG BA GANG YIN PA'I LTUNG BA DE LAS NI DGE SLONG MTSAN DU GYUR NA BSHAGS PA LA SOGS PA'I BYA BA MED PAR LANGS PAR 'GYUR LA, DGE SLONG MA'I LTUNG BA THUN MONG MA YIN PA LAS NI MO'I MTSAN NUB NAS PHO'I MTSAN SKYES NA CI RIGS PAR LTUNG BA SLAR BCOS PA MED PAR LDANG BAR 'GYUR RO, ,CHOS KYI SDOM GYI RNAM PAR SO SOR RTOG PA'I KHYAD PAR TE, YANG DAG PAR SO SOR RTOG PA ZHES BYA BA NI GANG GI TSE CHOS RNAMS LA CHOS KYI SDOM PA STONG PA NYID DANG, MTSAN MA MED PA DANG, SMON PA MED PA DAG TU TSUL BZHIN DU SO SOR RTOG PA DE'I TSE LTUNG BA PHRA MO'I YANG PHRA MO DAG LAS LDANG BAR 'GYUR RO, ,RAB TU DBYE BA LAS ZHES BYA BA NI DPER NA RTZVA SNGON PO DANG DANG CHU LA SOGS PAR BSHAD PA DANG GCI BA MI BA'O ZHES BSLAB PA'I GZHI BCAS PA 'DI'I RAB TU DBYE BA DRUG STE RGYAL PO'I SKYED MOS TSAL DU DONG BDAG GIS ROL PA'I NE'U GSING DANG CHU LA SOGS PAR BSHAD PA DANG GCI BA LA SOGS PA BYAS PA DE'I PHYIR BSLAB PA'I GZHI BCAS PA YIN PA LTA BU STE, DE BZHIN DU BSLAB PA'I GZHI GZHAN DAG LA YANG SHES PAR BYA'O,, ,,CHOS KYI DMIGS PA YONGS SU TSOL BA'I SKABS KYI 'OG TU, DMIGS PA RNYED PA YONGS SU TSOL BA STE, DMIGS PA NYES PAR BZUNG NAS DE'I 'OG TU JI LTAR 'DI RNYED PAR 'GYUR ZHES DMIGS PA RNYED PA YONGS SU TSOL BA'I SKABS YIN NO, ,DE LA DMIGS PA NI RNAM PA BZHI STE, DMIGS PA CHOS NI BSHAD PA GANG YIN PA'O ZHES BYA BA NI THEG PA CHEN PO'I CHOS MDO'I SDE DANG, DBYANGS KYI SA BSNYAD PA'I SDE LA @80B SOGS PA STE, DE NI BYANG CHUB SEMS DPA' SHES RAB RNON PO'I DMIGS PA YIN GYI THAMS CAD KYI NI MA YIN PA NYID DO, ,LUS LA SOGS PA NI NANG STE ZHES BYA BA NI DMIGS PA GNYIS PA'O, ,STZOGS PA ZHES SMOS PA NI TSOR BA DANG SEMS DANG CHOS RNAMS BSDU'O, ,YANG NA DMIGS PA CHOS SO ZHES SMOS PA NI SKYE BA NA YANG KUN NAS NYON MONGS PA DANG, RNAM PAR BYANG BA'I CHOS RNAMS KHO NA SKYE LA 'GAG PA NA YANG 'GAG GI GZHAN NANG GI BYED PA'I SKYES BU NI 'GA' YANGMED DO ZHES BYA BA YIN NO, ,DE LA NANG GI DMGIS PA 'DZIN PAR GYUR PA NI DBANG PO'I GZUGS CAN MIG LA SOGS PA DANG YID DO, ,PHYIR ROL GYI DMIGS PA GZUNG BA NI 'DZIN PA'I SPYOD YUL GYI DON NYID DAM, GZUGS LA SOGS PA STE GSUM PA YIN NO, ,NANG DANG PHYI DE DAG NYID KYI DE BZHIN NYID GNYIS NI DMIGS PA BZHI PA YIN TE, 'DI NI TSIGS SU BCAD PA LAS, , DMIGS PA CHOS DANG NANG DANG NI, ,PHYI DANG GNYIS NI YIN PAR 'DOD, ,CES DMIGS PA RNAM PA BZHI BSHAD PA GANG YIN PA RNAM PAR PHYE BA YIN NO, ,DE LA NANG GI DMIGS PA LA SOGS PA NI 'DZIN PA LA SOGS PA'I BYE BRAG GIS RTZA BA'I GZHUNG NYID LAS SHIN TU RNAM PAR PHYE BAR YANG ZAD NA DMIGS PA DE DAG NYID KYI DE BZHIN NYID GNYIS SO ZHES BYA BA DE BZHIN NYID LA NI THA DAD PA YOD PA MA YIN NO ZHE NA, NANG GI LA SOGS PA'I DBYE BAS DE BZHIN NYID KYI DMIGS PA THA DAD PAR RNAM PAR GZHAG STE, DPER NA BUM PA'I NAM MKHA' DANG GNAS KHANG GI NAM MKHA' ZHES BYA BA DANG 'DRA BAR CHOS CAN GYI BYE BRAG GIS THA DAD PAR RNAM PAR GZHAG GI RANG GI NGO BOS NI MA YIN NO, ,DE LA CHOS KYI DMIGS PA DANG POR BSTAN PA DANG DE NI BRJOD PAR BYA BA MANG BA'I PHYIR TSIGS SU BCAD PA GNYIS PA DANG GSUM PA DAG GIS RGYAS PAR 'CHAD PAR 'GYUR RO, ,NANG GI DMIGS PA LA SOGS PA NI BRJOD PAR BYA BA NYUNG BA DE DAG GI DMIGS PA RNYED PA DANG PO BRJOD DO, ,DE LA NANG DANG BYI'I DMIGS PA GNYIS NI DON GNYIS KYIS GO RIMS BZHIN DU RNYED DE, GAL TE GZUNG BA'I DON LAS 'DZIN PA'I DON THA MI DAD PAR MTHONG BA 'AM, ZHES BYA BA JI LTAR THA MI DAD PAR MTHONG @81A *, ,ZHE NA; GNYIS SU SNANG BA 'DI YANG RNAM PAR SHES PA KHO NA SNANG BAR ZAD KYI DMIGS PA GZUGS LA SOGS PA RNAM PAR SHES PA LAS MA GTOGS PAR RANG GI NGO BOR GNYIS SU YONGS SU GRUB PAS GRUB PA NI MED DO ZHES BYA BAR SBYAR TE, BHA DRI HA RIS JI SKAD DU, , NAM MKHA' SA RLUNG NYI MA DANG, ,RGYA MTSO RLUNG DANG PHYOGS RNAMS NI, ,NANG GI SHES PA'I NGO BO YI, ,CHA LAS PHYI ROL LTA BUR 'DUG ,CES BSHAD PA LTA BU YIN NO, ,'DZIN PA'I DON LAS GZUNG BA'I DON THA MI DAD PAR MTHONG NA'O ZHES BYA BA NI GZUNG BA DANG 'DZIN PA NI RNAM PAR SHES PA KHO NAR ZAD KYI RNAM PAR SHES PA LAS MA GTOGS PA BYIS PAS KUN BRTAGS PA MIG LA SOGS PA 'DZIN PA'I DON NI YOD PA MA YIN NO ZHES BYA BA STE, DE'I PHYIR DON DU SNANG BA THAMS CAD SEMS KHO NA YIN PAR BLTA'I, DON SEMS LAS GZHAN PAR NI MI BLTA'O, ,DE'I TSE NI 'DI'I GZUNG BA LA RNAM PAR G-YENG BA SPANGS LA 'DZIN PA'I RNAM PAR RTOG PA 'BA' ZHIG BSDUS TE, DE NI BZOD PA'I GNAS SKABS YIN NO, ,DE NAS MYUR DU BAR CHAD MED PA'I TING NGE 'DZIN THOB STE, DE NI 'DI'I 'JIG RTEN PA'I CHOS KYI MCHOG GI GNAS SKABS YIN NO, ,DE LTAR NA NANG DANG PHYI'I DMIGS PA THOB PA YIN NO, ,PHYI DANG NANG GI DMIGS PA GNYIS PO THAMS CAD KYI DE BZHIN NYID RNYED PA NI GZUNG BA DANG 'DZIN PA DE GNYIS NYID MI DMIGS PA LAS RIG PAR BYA'O ZHES PA NI JI SKAD DU, DE NAS DE NI 'JIG RTEN LAS 'DAS PA'I YE SHES BLA NA MED PA'O, ,RNAM PAR MI RTOG YE SHES DRI MA MED, , 'DZIN PA GNYIS DANG BRAL BA 'THOB, ,CES 'CHAD PAR 'GYUR BA LTA BU YIN NO, ,NANG DANG PHYI DANG PHYI NANG GI DE BZHIN NYID KYI DMIGS PA RNYED PA BSHAD ZIN TO, ,DA NI CHOS KYI DMIGS PA JI LTAR RNYED PA DE BZHIN DU SKABS DANG SBYAR RO, ,DE LA MNYAM PAR GZHAG PA'I SEMS KYIS ZHES BYA BA NI SEMS RNAM PAR G-YENG BAS MA YIN PA STE, GANG GI TSE CHOS DAG NYAN PA NA SEMS RTZE GCIG PAS NYAN PA'O, ,SEMS MNYAM PAR GZHAG PA NYID NI 'DIR RNA GTOD PA YIN NO, ,YID KYI BRJOD PA DAG GIS ZHES BYA BA NI YANG DAG PAR RTOG PA @81B DAG GIS TE, RNA BA'I RNAM PAR SHES PA RNAM PAR RTOG PA MED PAS NI DON NGES PAR 'DZIN PAR BYED NUS PA MA YIN GYI, RNA BA'I RNAM PAR SHES PA'I RJES LA YID KYI BRJOD PA RNAM PAR RTOG PA DANG BCAS PA DAG GIS MDO DANG DBYANGS KYIS BSNYAD PA'I SDE LA SOGS PA CHOS KYI KYI DON JI SKAD BSHAD PA NGES PAR 'DZIN PAR BYED DO, ,DE LTAR NA RE ZHIG THOS PA LAS BYUNG BA'I SHES PAS CHAS KYI DMIGS PA RNYED PA YIN NO, ,DMIGS PA GNYIS RNYED PA LAS JI SKAD BSHAD PA LTAR YID KYI BRJOD PA LAS GZHAN PA NI MA YIN NO ZHES BYA BAR MTHONG NA'O, ,ZHES BYA BA NI GAL TE GZUNG BA'I DON LAS 'DZIN PA'I DON THA MI DAD PAR MTHONG BA'AM ZHES BYA BA YIN NO, ,'DI SKAD DU CHOS 'CHAD PA NA SEMS KHO NA MING GI TSOGS DANG TSIG GI TSOGS DANG YI GE'I TSOGS NYID DU SNANG GI ,SEMS LAS MA GTOGS PA DON GZHAN NI YOD PA MA YIN NO ZHES BYA BAR MTHONG NA'O ZHES BYA BAR BSHAD PAR 'GYUR TE, DE LTAR NA BSAM PA LAS BYUNG BA'I SHES PAS CHOS KYI DBYINGS KYI DMIGS PA RNYED PA YIN NO, ,SEMS NI MING LA GNAS PA'I PHYIR BSGOMS PA LAS BYUNG BA'I SHES PAS ZHES BYA BA LA, MING NI GZUGS CAN MA YIN PA'I PHUNG PO BZHI'O, ,DE LA JI LTAR GNAS SHE NA, MING GI DE BZHIN NYID LA GNAS PA'I PHYIR MING LA GNAS PA YIN TE, CHOS DANG CHOS CAN DAG THA MI DAD PA'I PHYIR RO, ,DE NYID KYI PHYIR MJUG THOGS SU BSGOMS PA LAS BYUNG BA'I SHES PAS DE RNYED PAR RIG PAR BYA'O ZHES BSHAD DO GNYIS MI DMIGS PAS RNYED PA LAS JI SKAD BSHAD PA LTAR GNYIS MI DMIGS PA'I PHYIR RO ZHES BYA BA NI SNGAR PHYIR NANG GI DMIGS PA GNYIS PO THAMS CAD KYI DE BZHIN NYID RNYED PA NI GZUNG BA DANG 'DZIN PA DE GNYIS NYID MI DMIGS PA LAS RIG PA BYA'O ZHES GNYI GA'I DMIGS PA RNYED PA LTA BU BSHAD PA YIN TE, DE LTAR NA BSGOMS PA LAS BYUNG BA'I SHES PAS CHOS KYI DMIGS PA RNYED PAR BYA'O, ,DE NYID KYI PHYIR DMIGS PA RNAM PA GSUM RNYED PA SNGAR BSHAD PA DE NI CHOS KYI DMIGS PA RNYED PA LAS YANG DAG PAR RTEN PA YIN PAR RIG PAR BYA'O ZHES BYA BA NI CHOS KYI DMIGS PA RNYED PA KHO NAS NANG GI DMIGS @82A *, ,PA LA SOGS PA SNGAR BSHAD PA'I DMIGS PA RNAM PA GSUM RNYED PAR 'GYUR RO, ,DE NYID KYI PHYIR CHOS KYI DMIGS PA RNYED PA NI DMIGS PA RNYED PA THAMS CAD KYI NANG NA GTZO BO YIN LA GSUM PA NI DE LA BRTEN PA YIN NO, ,DMIGS PA RNYED PA'I 'OG TU YID LA BYED PA YONGS SU TSOL BA'I SKABS YIN TE, DE JI LTAR BSHAD PA'I DMIGS PA RNYED PA LAS YID LA BYED PA RNYED PA NI RNAL 'BYOR BA ZHES BYA'O, ,YANG NA YID LA BYED PA'I KHYAD PAR JI LTA BU DAG GIS DMIGS PA RNYED PAR 'GYUR BA DE LTAR RNAM PAR GTAN LA DBAB PA BRTZAM PAR BYA'O, , DE LA RIGS NGES PA NI NYAN THOS LA SOGS PA'I RIGS SU NGES PA GANG YIN PA'O ZHES BYA BA NI YID LA BYED PA SBYOR BSAM PA YIN NO, ,TSOGS BSAGS PA'I BYA BA BYED PA ZHES BYA BA NI RTOGS PA'I GNAS SKABS NA'O, ,MI GNOD RTEN BCAS GZHAN YIN TE, ,ZHES BYA BA NI GNOD PA'I RTEN DANG GNOD PA MED PA'I RTEN DANG BCAS PA STE, KHYIM NA GNAS PA'I RTEN CAN DANG RAB TU BYUNG BA'I RTEN CAN ZHES BYA BA'I THA TSIG GO, ,MOS PA 'JOG PAR BYED PA NI SANGS RGYAS RJES SU DRAN PA DANG LDAN PA GANG YIN PA'O ZHES BYA BA NI THEG PA CHEN PO BSDUS PA LA SOGS PA LAS JI SKAD DU, BYANG CHUB SEMS DPA' RNAMS NI MDOR BSDU NA, RNAM PA BCU BDUN GYIS SANGS RGYAS RJES SU DRAN PA SGOM PAR BYED DO ZHES SANGS RGYAS RJES SU DRAN PA BSHAD PA LTA BU STE, SANGS RGYAS RJES SU DRAN PA DANG LDAN PA YID LA BYED PA 'DI NI, SANGS RGYAS DKON MCHOG LA SOGS PA LA MOS PA DRAG PO 'JOG PAR BYED PA YIN NO, ,'DUNPA SKYED PAR BYED PA NI DE LA YID CHES PA DANG LDAN PA GANG YIN PA'O ZHES BYA BA NI SANGS RGYAS DKON MCHOG LA SOGS PA LA DAD PA RAB TU DANG BA DANG LDAN PA GANG YIN PA DE NI 'DUN PA SKYED PAR BYED PA STE, DE NYID KYI PHYIR DAD PA NI 'DUN PA SKYED PA'I LAS CAN YIN NO, ,TING NGE 'DZIN LA BRTEN PA NI NYER BSNGOGS DANG DNGOS GZHI'I TING NGE 'DZIN DANG LDAN PA GANG YIN PA STE ZHES BYA BA NI DMAN PA'I RTEN CAN NI NYER BSNGOGS KYI TING NGE 'DZIN DANG LDAN PA YIN NO, ,RDZOGS PA'I RTEN CAN NI DNGOS GZHI'I BSAM GTAN DANG LDAN @82B PA YIN NO, ,BRJOD PA DANG BCAS PA NI NYER BSDOGS DANG BSAM GTAN DANG PO DANG BSAM GTAN KHYAD PAR CAN LA SOGS PA NA'O, ,BRJOD PA MED PA NI BSAM GTAN GNYIS PA LA SOGS PA NA'O, ,SHES PA DANG MTSUNGS PAR LDAN PA'I YID LA BYED PA NI RNAL 'BYOR GYI RGYU DANG BCAS PA ZHES BYA BA NI THOS PA'I GNAS SKABS DANG, BSAM PA'I GNAS SKABS NA YID LA BYED PA GANG YIN PA STE, 'DI LTAR THOS PA'I GNAS SKABS DANG BSAM PA'I GNAS SKABS NI RNAL 'BYOR GYI RGYUR PA YIN NO, ,RNAL 'BYOR GYI SHES PA DANG BCAS PA GANG YIN PA ZHES BYA BA NI BSGOM PA'I GNAS SKABS NA STE, GNAS SKABS DE NA ZHI GNAS DANG LHAG MTHONG GI LAM RNAL 'BYOR YIN NO, ,'DRES PA LA DMIGS PA NI MDO DANG SDOM GYI TSIGS SU BCAD PA LA SOGS PA LA DMGIS PA ZHES BYA BA NI MDO THAMS CAD LAS DON GYI KHYAD PAR GSUNGS PA GANG DAG YIN PA DE DAG TSIG RAB TU DBYE BA'I SGO NAS BSDOMS TE DPYOD PAR BYED CING SO SO RANG GIS TSUL BZHIN DU YONGS SU BRTAGS NGES PAR BZUNG NAS DON DE DAG CHOS LA SDOM PAR BYED DE, MDO 'DI NI SA BCU PA YIN NO ZHES DER DON THAMS CAD NYE BAR SDUD PAR BYED DO, ,DE BZHIN DU SDOM GYI TSIGS SU BCAD PA LA SOGS PA LAS DON RGYAS PAR BSTAN PA DAG KYANG GCIG TU SDOM PAR BYED DO, ,MA 'DRES PA LA DMIGS PA ZHES BYA BA NI THA DAD PA RNAM PA DU MAR DMIGS PA ZHES BYA BA'I THA TSIG STE, MING LA DMIGS PA LAS KYANG TSIG LA DMIGS PA THA DAD PA LA, TSIG LA DMIGS PA LAS KYANG YI GE LA DMIGS PA THA DAD DO, ,GANG ZAG LA BDAG MED PA LA DMIGS PA LAS KYANG CHOS LA BDAG MED PA LA DMIGS PA THA DAD LA, DE BZHIN DU GZUGS CAN DANG GZUGS CAN MA YIN PA DAG KYANG THA DAD PA YIN NO, ,MTHONG BA'I RNAM PA BSGOM PA'I YID LA BYED PA NI MTHONG BA'I LAM GYI GNAS SKABS NA'O, ,SHES PA'I RNAM PA BSGOM PA NI BSGOM PA'I GNAS SKABS TE, 'DI LTAR BSGOM PA'I GNAS SKABS NA NI SHES PA DAG KHO NA 'THOB PO, ,YANG NA MTHONG BA'I RNAM PA BSGOM PA NI BZOD PA'I GNAS SKABS NA'O, ,SHES PA'I RNAM PA BSGOM PA @83A *, ,NI SHES PA'I GNAS SKABS NA'O, ,ZHI GNAS DANG LHAG MTHONG GIS BYAS PA'I KHYAD PAR YOD DO, MTHONG BA'I RNAM PA BSOGM PA NI ZHI GNAS KYI GNAS SKABS NA'O, ,SHES PA'I RNAM PA BSGOM PA NI LHAG MTHONG GI GNAS SKABS NA'O, ,SDUG BSNGAL GYI RNAM PA BSGOM PA NI TSOR BA DANG LDAN PA STE, TSOR BA NI SDUG BSNGAL BA'I PHYIR RO, ,BSAL BA'I RNAM PA BSGOM PA NI SDIG PA MI DGE BA'I CHOS SKYES PA RNAMS SPONG BAR BYED PA YIN NO, ,JI LTAR NA SDIG PA MI DGE BA'I CHOS SKYES ZIN PA RNAMS SPONG BAR 'GYUR ZHE NA, MI DGE BA'I CHOS RGYUN GYIS SKYE BA RNAMS RNAM PAR GCOD PAR BYED PA GANG YIN PA'AM SA BON SPANGS PA'I SGO NAS SPONG BA YIN NO, ,DE LTA MA YIN NA CHOS SKYES PA RNAMS NI RANG GI NGANG GIS SKAD CIG MAR 'JIG PAS 'GAG PAR 'GYUR RO, ,GNYEN PO'I RNAM PA BSGOM PA NI SDIG PA MI DGE BA'I CHOS MA SKYES PA RNAMS MI SKYED PA'I PHYIR GNYEN PO'I THOB PA YIN NO, ,GNYEN PO THOB NAS NI SA BON KUN NAS 'JOMS PAR BYED LA, DE KUN NAS BCOM PAS KYANG SDIG PA MI DGE BA'I CHOS MA SKYES PA RNAMS MI SKYE STE, DE LTAR NA SDIG PA MI DGE BA'I CHOS MA SKYES PA RNAMS MI SKYE BAR 'GYUR RO, ,CHOG PAR 'DZIN PA'I GNYEN PO YID LA BYED PA BSGOM PA NI GANG GI TSE 'DUN PA SKEYD PAR BYED PA NA'O ZHES BYA BA NI DGE BA'I CHOS BSGOM PA CUNG ZAD TZAM GYIS CHOG PAR 'DZIN PA GANG YIN PA DE'I GNYEN POR 'DUN PA SKYED PAR BYED PA YIN NO, ,RNAM PAR G-YENG BA'I GNYEN PO NI, 'BAD PA DANG LDAN PA'I YID LA BYED PA YIN NO, ,THE TSOM GYI GNYEN PO NI BRTZON 'GRUS DANG LDAN PA'I YID LA BYED PA YIN NO, ,RGOD PA'I GNYEN PO NI ZHI GNAS DANG LDAN PA'I YID LA BYED PA YIN NO, ,ZHUM PA'I GNYEN PO NI LHAG MTHONG DANG LDAN PA'I YID LA BYED PA YIN NO, ,SEMS GNAS PA ZHES BYA BA NI 'JIG RTEN PA'I TING NGE 'DZIN LA GNAS PA'O, , 'JIG RTEN LAS 'DAS PA'I PHUN SUM TSOGS PA LA YID CHES PA'I RNAM PA BSGOM PA ZHES BYA BA NI 'JIG RTEN LAS 'DAS PA'I LAM MNGON SUM DU BYA BA LA DAD PA'I DBANG PO DANG LDAN PA STE, DAD PA NI YID CHES PA'I RNAM PA YIN NO, ,RDZOGS PA'I BYANG CHUB RAB TU SNANG BA'I RNAM PA @83B BSGOM PA ZHES BYA BA NI BYANG CHUB MI BRJED PA'I RNAM PA BSGOM PA ZHES BYA BA'I DON TO, ,DE NYID LA RNAM PAR 'BYED PA ZHES BYA BA NI MA BRJED PA'I RNAM PAR 'BYED PA GANG YIN PA'O, ,MTHONG BA'I LAM GYI GNAS SKABS NA RNAM PAR 'BYED PA GANG YIN ZHE NA, ,DE KHO NA NYID YANG DAG PAR RTOGS PA GANG YIN PA'O, ,YONGS SU SBYANG BA'I SA SHES PA'I RNAM PA BSGOM PA ZHES BYA BA NI RNAL 'BYOR PA DES THOS PA DANG, BSAM PA DANG BSGOM PA'I RIM GYIS DE KHO NA NYID RTOGS TE LANGS PA DANG BDAG GIS RIM PA 'DIS DE KHO NA NYID RTOGS SO ZHES YONGS SU SBYONG BA'I SA DE JI LTA BA BZHIN SHES PAR BYAS NAS DE'I RJES LA DE KHO NA NYID RTOGS PA RNAMS DE KHO NA BZHIN DU YANG DAG PA'I RTOGS PAS STON PAR BYED PA YIN NO, ,YANG DAG PA'I NGAG DANG YANG DAG PA'I LAS KYI MTHA' DAG NI 'PHAGS PA RNAMS DGYES PA DANG BZHED PA DANG THUGS SU BYON PA'I TSUL KHRIMS YIN NO, ,YO BYAD BSNYUNGS PA'I TSUL KUN TU SPYOD PA'I RNAM PA BSGOM PA'I YID LA BYED PA NI YANG DAG PA'I 'TSO BA YIN NO, ,SNGON BSGOMS PAS THOB PA'I LAM GOMS PA'I RNAM PA BSGOM PA ZHES BYA BA NI MTHONG BA'I LAM LA BRTZON 'GRUS KYI KHYAD PAR THOB PA GANG YIN PA STE, DE'I PHYIR SNGON BSGOMS PAS THOB PA'I LAM GOMS PA'I RNAM PA BSGOM PA ZHES BYA'O, ,CHOS GNAS PA'I RGYU MTSAN RNAL 'BYOR BAS SHES PA GANG DAG YIN PA DE DAG LA DRAN PAS MI BRJED PA YIN TE, DE DAG KYANG GANG ZHE NA, ZHI GNAS DANG RAB TU 'DZIN PA DANG, BTANG SNYOMS KYI RGYU MTSAN DAG YIN NO, ,MTSAN MA MED PA LA SEMS GNAS PAS GNAS YONGS SU GYUR PA'I RNAM PA BSGOM PA ZHES BYA BA NI RNAM PAR G-YENG BA'I RGYU MTSAN GANG DAG YIN PA DE DAG LA MTSAN MAR MI 'DZIN PA YIN TE DES NA SEMS GNAS PA 'THOB PO, ,SEMS GNAS NA GNAS YONGS SU 'GYUR RO, ,ZHI GNAS DANG LHAG MTHONG BSGOM PA LAM GYI RANG BZHIN DAG LA BSHAD PA GANG YANG MED DO ZHES BYA BA NI 'DI LTAR ZHI GNAS DANG LHAG MTHONG GI LAM DAG NI YID LA BYED PA THAMS CAD SDUD PAR BYED PA YIN PAR RIG PAR BYA'O, ,PHAN YON YID LA BYED PA NI RNAM PA GNYIS TE, GNAS NGAN LEN SEL BA DANG ZHES BYA BA NI GANG GI LUS KYI @84A *, ,GNAS NGAN LEN DANG, SEMS KYI GNAS NGAN LEN SEL BAR BYED PAS TE, LUS KYI GNAS NGAN LEN SROG GCOD PA LA SOGS PA MI DGE BA'I LAS LA 'JUG PA'O, ,SEMS GYI GNAS NGAN LEN NI DE KUN NAS SLONG BAR BYED PA'I NYON MONGS PA KUN TU SPYOD PA'O, ,LTA BA'I MTSAN MA SEL BA'O ZHES BYA BA NI LTA BA NYID MTSAN MA YIN PAS LTA BA'I MTSAN MA STE, 'JIG TSOGS LA LTA BA LA SOGS PA'O, ,LTA BA'I MTSAN MA DE YID LA BYED PA GANG GIS SEL BAR BYED PA'I YID LA BYED PA DE NI LTA BA'I MTSAN MA SEL BA YIN NO, , TING NGE 'DZIN GYI SPYOD YUL LA GRANGS NYE BAR RTOG PA SBYOR BA ZHES BYA BA NI SBYOR BA'I DUS NA TING NGE 'DZIN LA DMIGS PA'I SEMS KYIS YID LA BYED PA GANG YIN PA'O, ,GNAS PA NYE BAR RTOGS PA SBYOR BA NI GANG GIS NA GNAS PA RNAM PA GNYIS NYE BAR RTOG PAR BYED PA STE ZHES BYA BA LA, TSAD YOD PAR GNAS PA NI YI GE RNAMS SO ZHES BYA BA NI 'DI LTAR YI GE RNAMS NI, AA A'A ZHES BYA BA NAS BZUNG STE, KshA ZHES BYA BA LA THUG PA'I BAR YI GE BZHI BCU RTZA BRGYAD YOD PAS TSAD YOD PA YIN TE, DE LTAR NA YI GE RNAMS NI TSAD YOD PAR GNAS PA YIN NO, , TSAD MED PAR GNAS PA NI MING DANG TSIG DAG GO, ,ZHES BYA BA NI MDO SDE 'BUM PA DU MA DMIGS PA'I PHYIR TE, MDO SDE DE DANG DE DAG LA MING DANG TSIG DPAG TU MED PA DAG YOD DO, ,YI GE NI KUN BRTAGS PAR BYA BA MA YIN NO ZHES BYA BA NI YI GE GCIG NI MING MA YIN LA, MING MED PAR YANG DON KUN TU RTOG PAR MI 'GYUR BAS SO, ,GANG YANG KA ZHES BYA BA NI SKYE DGU'I BDAG POR BSTAN TO, ,KO ZHES BYA BA NI RLUNG YIN PAR BRJOD DO ZHES BYA BA DE LTA BU LA SOGS PA DE YANG AA DANG LDAN PA'I PHYIR DANG, TSEG GIS BCAD PAR BYA BA YIN PA'I PHYIR YI GE GCIG PA MA YIN NO, ,RIM PA NYE BAR RTOG PA SBYOR BA PA NI GANG GIS MING 'DZIN PA SNGON DU 'GRO BA CAN GYIS DON 'DZIN PA LA 'JUG PA NYE BAR RTOG PAR BYED PA'O ZHES BYA BA NI 'DI LTAR 'JIG RTEN NI DANG PO NYID DU THA SNYAD DU BYA BA'I PHYIR DON DE DANG DE DAG LA LHAS BYIN ZHES BYA BA DANG, BUM PA ZHES BYA BA DANG, @84B RAS YUG CES BYA BA LA SOGS PA DE LTA BUR MING 'DOGS SO, ,GANG GI TSE MING 'DIS NI DON 'DI STON TO ZHES MING DE LA BRDAR BTAGS LA DE'I TSE RIM PA 'DIS MING 'DZIN PA SNGON DU 'GRO BA CAN GYI DON 'DZIN PA LA 'JUG PA NYE BAR RTOG PA, DES NA DON DE DANG DE DAG GI THA SNYAD LA MKHAS PAR 'GYUR RO, ,RTOGS PA SBYOR BA PA ZHES BYA BA NI LNGA BA YIN NO, ,DE NI RNAM PA BCU GCIG STE, GLO BUR BA NYID RTOGS PA ZHES BYA BA NI MING YANG DON LA GLO BUR BA YIN LA DON YANG MING LA GLO BUR BA YIN TE, MING GI SNGON ROL NA DON GYI BLO MED PA'I PHYIR RO, ,SNANG BA'I RGYU MTSAN RTOGS PA ZHES BYA BA LA, DON DU SNANG BA'I RGYU MTSAN NI SEMS DANG SEMS LAS BYUNG BA 'KHRUL PA GZUNG BA DANG, 'DZIN PAR SNANG BA DAG STE, 'DI NI DROD DANG RTZE MO'I GNAS SKABS NA RTOGS SO, ,DON MI DMIGS PA RTOGS PA'O ZHES BYA BA NI BZOD PA'I GNAS SKABS NA'O, ,DMIGS PA MI DMIGS PAR RTOGS PA NI 'JIG RTEN PA'I CHOS KYI MCHOG GI GNAS SKABS NA STE, DE MED PAS NI DE YANG MED CES BYA BA'I PHYIR RO, ,GZUNG BA'I DON MED NA 'DZIN PA'I SEMS GANG GIS DMIGS PA DE YANG MI DMIGS PAR 'GYUR BAS DE'I 'OG TU GZUNG BA DANG 'DZIN PA MED NA CHOS KYI DBYINGS RTOGS PA YIN NO, ,BSAM PA DMAN PA RTOGS PA ZHES BYA BA NI NYAN THOS KYI THEG PA RNAMS KYI'O, ,JI LTAR RTOGS PA'I CHOS RNAM PAR GZHAG PAR RTOGS PA ZHES BYA BA NI YANG DAG PA'I LTA BU'I GNAS SKABS NA'O, ,CHOS RNAM PAR GZHG PA RTOGS PA ZHES BYA BA NI BSGOM PA'I LAM LA YANG DAG PAR RTOG PA'I GNAS SKABS NA'O, ,YON TAN MNGON PAR BSGRUB PA SHIN TU RNAM PAR DAG PA'O ZHES BYA BA YID LA BYED PA GANG GIS YON TAN KHYAD PAR CAN MNGON PAR SGRUB PA BYED PA'O, ,YID LA BYED PA RNYED PA'I 'OG TU CHOS KYI DE KHO NA NYID KYI DON YONGS SU TSOL BA'I SKABS YIN TE, 'DI LTAR SEMS RTZE GCIG PA NYID RNYED PAS CHOS RNAMS KYI DE KHO NA NYID RTOGS PAR 'GYUR RO, ,DE KHO NA NYID KYI MI BSLU BA DANG, PHYIN CI MA LOG PA GANG YIN PA'O, ,DE 'JIG RTEN LAS 'DAS PA'I YE SHES THOB PAS DMIGS PA GANG YIN PA DE KHO @85A *, ,NA NYID YIN TE, KUN NAS NYON MONGS PA DANG RNAM PAR BYANG BA'I CHOS THAMS CAD KYI DE KHO NA NYID SPYIR BRTAG PA YIN NO, ,KUN BRTAGS PA'I NGO BO NYID KYI DE KHO NA NYID NI GNYIS DANG BRAL BA YIN LA, GNYIS SU SNANG BA NYID NI 'KHRUL PA YIN TE, JI SRID DU 'DI 'KHRUL PAS DMIGS PA DE SRID DU DE'I YANG DAG PA DMIGS PA MED DO, ,DES DER KUN RTOG PA'I PHYIR RO ZHES BYA BA NI GZHAN GYI DBANG GI NGO BO NYID 'KHRUL PAS GNYIS PO DER KUN RTOG STE, THAG PA LA SBRUL BZHIN NO, ,CHOS NYID DANG CHOS THA MI DAD PA'I PHYIR RO ZHES BYA BA NI GANG GI PHYIR CHOS KYI DBYINGS NI SPYI'I RNAM PAR CHOS THAMS CAD KYI RJES SU ZHUGS PA YIN PA DE'I PHYIR, CHOS THAMS CAD CHOS KYI DBYINGS LAS THA DAD PA MA YIN NO, ,YOD PA KUN NAS SPANGS TE MED LA MNGON ZHEN GANG YIN PA, ,'JIG RTEN RMONGS PA'I RNAM PA TSABS CHEN 'DI GO JI LTA BU, ,ZHES BYA BA LA, YOD PA KUN NAS SPANGS TE ZHES BYA BA NI CHOS KYI DBYINGS YOD PA YIN NA 'JIG RTEN GNYIS SU 'DZIN PAS DE LA RMONGS NAS CHOS KYI DBYINGS DE SPANGS TE GZUGS LA SOGS PA YOD PA MA YIN PA GZHAN KHO NA LA MNGON PAR ZHEN TO, ,MED PA NI BYIS PAS KUN BRTAGS PA'I GZUGS LA SOGS PA STE, 'JIG RTEN NI THOG MA MED PA'I DUS NAS GZUGS LA SOGS PA 'DI DAG YOD PA LAS YANG DAG PA NYID DU SNANG BA YIN NO ZHES DE LA RMONGS PAS 'JUG CING DE DAG LA YANG DAG PA NYID DU MNGON PAR ZHEN TO, ,YANG, 'GRO BA DAG NA DE LAS GZHAN YANG CUNG ZAD YOD MIN LA, ,ZHES BYA BA NI NGO BO NYID GSUM LAS TE, 'GRO BA NA NGO BO NYID GSUM LAS MA GTOGS PA GZHAN NI CUNG ZAD KYANG YOD PA MA YIN LA, 'GRO BA MA LUS PA YANG DE LA KUN TU RMONGS TE PHYIN CI LOG TU 'DZIN PA LA MNGON PAR ZHEN PA'I PHYIR RO, ,DE KHO NA NYID SGYU MA LTA BU YONGS SU TSOL BA ZHES BYA BA DE KHO NA NYID NI YANG DAG PA NYID MA YIN PA 'AM YANG DAG PA NYID DU 'ANG RUNG, GANG GI NGO BO NYID GANG YIN PAR PHYIN CI MA LOG PA STE, YANG DAG PA NYID MA YI PA LA YANG DAG PA MA YIN PA NYID DU YONGS SU SHES PA GANG YIN PA DE YANG DE KHO NA NYID YIN NO, ,YANG DAG @85B PA LA YANG DAG PA NYID DU YONGS SU SHES PA GANG YIN PA DE YANG DE KHO NA NYID YIN TE, RTAG TU GNYIS BRAL 'KHRUL PA'I RTEN GANG YIN DANG GANG ZHIG RNAM KUN TU, ,BRJOD PAR NUS MA YIN ZHING SPROS PA MED PA'I BDAG NYID DE KHO NA, ,ZHES BSHAD MA THAG PA YANG YIN NO, ,KUN BRTAGS PA DANG GZHAN GYI DBANG DANG YONGS SU GRUB PA'I NGO BO NYID GSUM NI GO RIMS BZHIN DU GNYIS DANG BRAL BA DANG, 'KHRUL PA'I RTEN DANG BRJOD DU MED CING SPROS PA MED PA'I BDAG NYID DU BSTAN TE, 'DI NI GO RIMS BZHIN DU DE DAG GI DE KHO NA NYID YIN NO, ,'DI NI DE KHO NA NYID DE LA RNAM PA GANG GI SGYU MA LTA BU NYID YIN PA DE'I DBANG DU BYAS PA YIN TE, GTZUG LAG GI MDO DE DANG DE DAG LAS KYANG CHOS RNAMS NI SGYU MA LTA BU'O ZHES 'BYUNG NGO, ,DE LA 'KHRUL BA'I RGYU MTSAN SHING DANG BONG BA LA SOGS PA SGYU MA'I SNGAGS KYIS BTAB PA JI LTA BA DE BZHIN DU YANG DAG PA MA YIN PA'I KUN TU RTOG PA GZHAN GYI DBANG GI NGO BO NYID RIG PAR BYA'O ZHES BYA BA NI SEMS DANG SEMS LAS BYUNG BA RTEN CING 'BREL BAR 'BYUNG BA RNAMS LA RIG PAR BYA BA STE, DE DAG NI SHING DANG BONG BA LA SOGS PA SGYU MA'I SNGAGS KYI BTAB PA LTA BU YIN PAR RIG PAR BYA LA, GZUGS LA SOGS PA NI SGYU MA BYAS PA RTA DANG GLANG PO CHE LA SOGS PA LTA BU YIN PAR RIG PAR BYA BA'O, ,JI LTAR DE LA DE MED PA STE, SGYU MA BYAS PA DE LA GLANG PO CHE LA SOGS PA MED PA DE BZHIN DU GZHAN GYI DBANG DE LA KUN BTAGS PA GNYIS KYI MTSAN NYID MED PA DON DAM PAR 'DOD DO ZHES BYA BA NI JI LTAR THAG PA LA SBRUL MED PAR MTHONG BA DE BZHIN DU GZHAN GYI DANG GI NGO BO NYID LA GNYIS SU MED PAR MTHONG NGO, ,GNYIS DANG BRAL BA NYID MTHONG BAS GNYIS SU 'KHRUL PA DANG BRAL BA'O, ,GNYIS SU 'KHRUL BA DANG BRAL BA'I RNAM PA CAN GYIS YONGS SU GRUB PA'I NGO BO NYID MTHONG BAR 'GYUR RO, ,GANG GI TSE 'JIG RTEN LAS 'DAS PA'I RJES LA THOB PA DAG 'JIG RTEN PA PHYIN CI MA LOG PAS GZHAN GYI DBANG DE MTHONG BA DE'I TSE YANG GNYIS SU 'KHRUL PA DE MI 'BYUNG BA KHO NA'O, ,JI LTAR SGYU MA BYAS PA DE GLANG PO CHE LA SOGS PA'I NGO BOR DMIGS PA DE BZHIN DU YANG DAG PA MA YIN PA LAS KUN BRTAGS PA DE KUN RDZOB KYI BDEN PAR DMIGS SO ZHES BYA BA NI DE LTAR NA DE NI YANG @86A *, ,DAG PA MA YIN PA NYID DU SNANG BA NA KUN NAS NYON MONGS PA'I DMIGS PAR 'GYUR RO, ,GANG YANG DE DANG DE LAS BDEN PA NI GNYIS TE, KUN RDZOB KYI BDEN PA DANG, DON DAM PA'I BDEN PA'O ZHES 'BYUNG BA DE YANG YANG DAG PA MA YIN PA'I KUN TU RTOG PA'I NGO BO NYID KHO NA LA DE LTAR RNAM PAR GZHAG GO, ,DE BZHIN DU GNAS GZHAN DU GYUR NA GNYIS SU 'KHRUL PA MED PA'I PHYIR YANG DAG PA MA YIN PA'I KUN TU RTOG PA'I DON YANG DAG PA DMIGS SO ZHES BYA BA NI GNYIS SU 'KHRUL PA MED PA'I PHYIR YONGS SU GRUB PA'I NGO BO NYID DMIGS PAR 'GYUR RO, , DE MTHONG NA PHYIN CI MA LOG PA RNAM PAR MI RTOG PA'I RJES SU THOB PA'I YE SHES KYI GZHAN GYI DBANG GI NGO BO NYID GNYIS DANG BRAL BA MTHONG STE, DE LTAR NA DE'I DON YANG DAG PA DMIGS PAR 'GYUR LA, GNYIS SU 'KHRUL PA DANG BRAL BAS KYANG RNAL 'BYOR BA'I GNAS GZHAN DU 'GYUR RO, ,DE LTA BU NI DE LA YOD, ,DE YI DNGOS PO YOD MA YIN, ,DE LTAS SGYU MA LA SOGS LA, ,YOD DANG MED PA NYID DU BRJOD, ,TSIGS SU BCAD PA 'DI NI DON GO BAR ZAD DO, ,JI LTAR DON GO ZHE NA, JI LTAR SGYU MA DE LA SGYU MA BYAS PA GLANG PO CHE LA SOGS PA'I GZUGS DE'I NGO BOR TE, GLANG PO CHE LA SOGS PA GZUGS NYID DU SNANG BA'I GLANG PO CHE'I GZUGS DE NI GLANG PO CHE NYID DU YOD PA MA YIN PA KHO NA YIN LA, SEMS DANG SEMS LAS BYUNG BA'I PHYIN CI LOG RNAMS NI GLANG PO CHE LA SEMS PA LTA BU NYID DU YOD PAS DE LTA BAS NA YOD PA NYID DANG MED PA NYID DU BRJOD DE, DE LTA BU NYID DU YOD PA LA YANG DAG PA'I DON DU NI MED DO ZHES BYA BA DE BZHIN DU, YANG DAG PA MA YIN PA'I KUN DU RTOG PA DE LA GNYIS SU 'KHRUL PA'I GZUGS LA SOGS PA GZUNG BA DANG 'DZIN PA NYID DU SNANG BA DE NI YOD DO ZHES BYA'O, ,JI LTAR SGYU MA YONGS SU SHES NAS GLANG PO CHE LA SOGS PA MI SNANG BA'I PHYIR GLANG PO CHE LA SOGS PA MED DO ZHES BYA BA DE BZHIN DU RNAM PAR MI RTOG PA'I YE SHES THOB NAS GNYIS PO MI SNANG BA'I PHYIR MED DO ZHES BYA'O, ,DE LA YOD PA MED PA YIN, ,ZHES BYA BA NI SGYU MA'I GLANG PO CHE LTA BU YOD PA NI MED PAR MI 'DOD DE, ,YANG DAG PA MA YIN PA KUN RTOG PA NYID DU YOD PA'I PHYIR RO, , @86B MED PA YOD PA NYID MA YIN, ,ZHES BYA BA NI BYIS PA RNAMS KYIS YANG DAG PA NYID DU KUN BRTAGS PA'I GLANG PO CHE LA SOGS PA MED PA GANG YIN PA DE NI DON DAM PAR DPYAD NA YOD PA NYID MA YIN NO, ,'O NA CI ZHE NA MED PA YIN NO, ,SGYU MA DAG LA SOGS PA LA, ,YOD MED KHYAD PAR MED PA'ANG BRJOD, ,CES BYA BA NI DE LA DE LTA BU YOD PA STE, GLANG PO CHE LTA BU YOD PA GANG YIN PA DE NYID GLANG PO CHE LA SOGS PA MED PA YIN NO, ,DE LA 'DRA BA TZAM DANG 'KHRUL PA TZAM YOD KYI, YANG DAG PA NYID DU GLANG PO CHE YOD PA NI MA YIN PAS GANG GI TSE DE LTAR SHES PA DE'I TSE GLANG PO CHER 'DZIN PA LDOG STE, GLANG PO CHE LTA BU TZAM DU SNANG BA GANG YIN PA DE NYID GLANG PO CHE MED PA YIN NO, ,DE LTAR NA 'DI MNYAM PA NYID DU 'GYUR TE, DBUS DANG MTHA' RNAM PAR 'BYED PA LAS JI SKAD DU, DE YI PHYIR NA DMIGS PA DANG, ,MI DMIGS MNYAM PAR SHES PAR BYA, ,ZHES BSHAD PA LTA BU YIN NO, ,RIM PA 'DIS NA YOD PA DANG MED PA DAG KHYAD PAR MED PAR MTHONG STE, DPER NA GANG GI TSE KHO NA NYE BAR LEN PA'I PHUNG PO LNGAR MA MTHONG BA DE KHO NA'I TSE BDAG YOD PAR LTA BA LA, GANG GI TSE KHO NA BDAG MED PAR MTHONG BA DE'I TSE KHO NA PHUNG PO TZAM DU LTA BA DANG 'DRA'O, ,DE LTAS GZUGS LA SOGS PA LA, ,YOD DANG MED PA NYID DU BRJOD, ,CES BYA BA NI YANG DAG PA MA YIN PA'I KUN TU RTOG PA'I NGO BO NYID LA KUN RDZOB TU GZUGS LA SOGS PA YOD PA NYID DU BRJOD PAR BYA STE, DBUS DANG MTHA' RNAM PAR 'BYED PA LAS JI SKAD DU, YANG DAG MA YIN KUN RTOG YOD, ,DE LA GNYIS PO YOD PA MA YIN, ,ZHES BSHAD PA LTA BU STE, DE LA NI GNYIS PO GZUNG BA DANG 'DZIN PA KUN RDZOB TU YOD KYI, DON DAM PAR NI MA YIN NO, ,GANG GI TSE RNAM PAR MI RTOG PA'I YE SHES MI MTHUN PA'I PHYOGS BSAL ZHING SPROS PA THAMS CAD DANG BRAL BAS BYIS PAS KUN BRTAGS PA'I GZUGS LA SOGS PA CHOS SU GZUNG BA MED PA MTHONG BA DE'I TSE MED DO ZHES BYA'O, ,MED PA NI YOD PA NYID MA YIN TE, GNYIS KYI DNGOS PO MED PA NYID GANG YIN PA'O ZHES BYA BA NI GNYIS KYI DNGOS PO MED PA GANG YIN PA DE NI DON DAM PAR YOD PA NYID MA YIN @87A *, ,NO; 'O NA CI ZHE NA, MED PA MA YIN NO, ,GNYIS PO SNANG BAR 'GYUR BA GANG YIN PA DE NYID GNYIS KYI DNGOS POR MED PA YIN PAS SO ZHES BYA BA LA, GNYIS PO SNANG BA NI YANG DAG PA MA YIN PA'I KUN TU RTOG PA'I NGO BO NYID MA YIN NO, ,GANG GI TSE YANG DAG PA MA YIN PA'I KUN TU RTOG PA STE, MIG DANG GZUGS LA SOGS PA GNYIS DANG BRAL ZHING SEMS DANG SEMS LAS BYUNG BA'I NGO BO NYID DU SHES PA DE'I TSE 'DI GNYIS SU 'DZIN PA LDOG CING, 'DI LA SEMS DANG SEMS LAS BYUNG BAR SNANG BA NYID DU 'GYUR TE, DE LTAR NA GNYIS PO SNANG BA GANG YIN PA DE NYID GNYIS KYIS DNGOS PO MED PA YIN PAS YOD PA DANG MED PA DAG MNYAM PA NYID DU 'GYUR RO, ,THEG PA DMAN PAS 'GRO BA DGAG PA'I PHYIR ZHES BYA BA LA, THEG PA DMAN PAS 'GRO BA NI THEG PA DMAN PAS 'GRO BA'O, ,THEG PA DMAN PAS 'GRO BA DE DGAG PA'I PHYIR YOD PA DANG MED PA DAG KYANG KHYAD PAR MED PAR BSGOM PA YIN TE, YOD PA DANG MED PAR KHYAD PAR MED PA NYID DU RIG NAS YOD PAS YID 'BYUNG BAR MI 'GYUR RO, ,JI LTAR NA SGRO 'DOGS PA BKAG PA YIN, JI LTAR NA SKUR PA 'DEBS PA BKAG PA YIN NO, ,JI LTAR NA YOD PA DANG MED PA DAG KHYAD PAR MED PAR BSGOM PA YIN TE, DE LA YOD PA MED PA YIN ZHES BYA BA NI GNYIS SU SNANG BA GANG YIN PA STE, GNYIS SU SNANG BA YOD PA GANG YIN PA DE NI MED PA MA YIN NO, ,'O NA CI ZHE NA, DE NI YOD PA KHO NA'O, ,DE LTAR BZOD PA'I GNAS SKABS NA RNAM PAR SHES PA 'DI NYID GNYIS SU SNANG BAR RAB TU 'BYUNG GI ,PHYI ROL GYI DON NI MED DO ZHES PHYI ROL GYI DON RNAM PAR RIG PAS SEMS TZAM DU RTOGS PAR 'GYUR TE, DE'I TSE YOD PA LA YOD PAR RIG NAS SKUR PA 'DEBS PAR MI BYED DO, ,MED PA YOD PA NYID MA YIN, ,ZHES BYA BA NI KUN BRTAGS PA GNYIS KYI DNGOS PO MED PA NYID GANG YIN PA STE, MED PA NI YOD PA NYID MA YIN NO, ,'O NA CI ZHE NA, DE NI RTAG TU MED PA KHO NA YIN TE, DE LTAR NA MED PA LA MED PAR RIG NAS SGRO 'DOGS PAR MI BYED DO, ,JI LTAR NA DE DAG KHYAD PAR MED PA YIN ZHE NA, GZHAN GYI DBANG GI GNYIS SU SNANG BA GANG YIN @87B PA DE NYID RNAM PAR SHES PA LAS MA GTOGS PA'I PHYI ROL GYI GZUGS LA SOGS PA YOD PA NYID DU KUN BRTAGS PA'I BDAG NYID KYIS MED PA YIN LA, PHYI ROL GYI GZUGS LA SOGS PA KUN BRTAGS PA'I BDAG NYID KYIS MED PA GANG YIN PA DE NYID RNAM PAR RIG PA TZAM YIN TE, DE LTAR NA MTHONG BA DE NI BYIS PAS KUN BRTAGS PA YOD PA LA MNGON PAR ZHEN PA LAS YID 'BYUNG BAR MI 'GYUR RO, ,NYAN THOS NI GZUGS LA SOGS PA LA YOD PA NYID DU KUN BRTAGS NAS, 'DI DAG LA SKYE BA DANG 'JIG PAS SDUG BSNGAL GYI RANG BZHIN YIN PAR DMIGS PA NA 'KHOR BA'I NGO BO NYID LAS YID 'BYUNG BAR 'GYUR RO, ,YID 'BYUNG NA 'DOD CHAGS DANG BRAL BAS DE'I PHYIR NYAN THOS KYI THEG PAS NGES PAR 'BYUNG GI ,BYANG CHUB SEMS DPA' NI JI SKAD BSHAD PA'I TSUL 'DIS YOD PA DANG MED PA DAG KHYAD PAR MED PAR RIG NAS 'KHOR BA LAS YID 'BYUNG BAR MI 'GYUR RO, , YID MI 'BYUNG NA NYAN THOS MGO DANG GOS LA ME 'BAR BA LTAR BYED PA BZHIN DU MYA NGAN LAS 'DAS PA LA GZHOL BAR MI 'GYUR BAS DE'I PHYIR NYAN THOS KYI THEG PAS NGES PAR MI 'BYUNG NGO, ,'KHRUL PA'I RGYU DANG 'KHRUL PA NI, ,ZHES BYA BA NI BYIS PA RNAMS KYI RNAM PAR RIG PA 'DI NI RNAM PA GNYIS SU 'BYUNG STE, 'DI LTA STE 'KHRUL PA'I RGYU DANG, 'KHRUL PA'O, ,DE LA 'KHRUL PA'I RGYU NI GZUGS KYI RNAM PAR RIG PA YIN PAR 'DOD DE, GZUGS ZHES SMOS PAS NI MIG DANG GZUGS LA SOGS PA GZUGS KYI PHUNG PO BSDU'O, ,'DI LTA STE BYIS PA RNAMS NI THOG MA MED PA'I DUS NAS GOMS PAS BDAG MED BZHIN DU GZUGS LA SOGS PA NYE BAR LEN PA'I PHUNG PO RNAMS BDAG NYID DU SNANG NGO, ,DE LTAR BYIS PAS KUN BRTAGS PA MIG DANG GZUGS LA SOGS PA'I DON DAG MED BZHIN DU THOG MA MED PA'I DUS NAS GOMS PA'I DBANG GIS BYIS PA RNAMS LA YANG DAG PA MA YIN PA'I KUN TU RTOG PA MIG DANG GZUGS LA SOGS PA NYID DU SNANG BA GZUGS KYI RNAM PAR RIG PA 'DI NI 'KHRUL PA'I RGYU YIN NO, ,MIG GI RNAM PAR SHES PA LA SOGS PA DE NI 'DI YIN NO ZHES 'DZIN PA'I RNAM PAR 'JUG PA GANG YIN PA GZUGS CAN MA YIN PA'I RNAM PAR RIG PA @88A *, ,'DI NI 'KHRUL PA'I NGO BO NYID YIN NO, ,'KHRUL PA'I RGYUR GYUR CING GZHIR GYUR PA GZUGS SU SNANG BA'I RNAM PAR RIG PA DE MED PA'I PHYIR CIG SHOS MIG GI RNAM PAR SHES PA LA SOGS PA GZUGS CAN MA YIN PA RNAM PAR RIG PA YANG MED PAR 'GYUR RO, ,RGYU MED PA'I PHYIR RO ZHES BYA BA LA, RGYU NI MING DANG GZUGS LA SOGS PA STE, RGYU DE MED PA'I PHYIR 'BRAS BUR GYUR PA'I RNAM PAR RIG PAR MIG GI RNAM PAR SHES PA LA SOGS PA YANG MED PAR 'GYUR RO, ,DE LA GNYIS PO JI LTA BAR MED KYANG GNYIS SU YANG DMIGS SO ZHES BYA BA NI SGYU MA'I GLANG PO CHE'I GZUGS SU 'KHRUL PA LA YANG DAG PA NYID DU GLANG PO CHE LA SOGS PA GZUNG BA DANG 'DZIN PA MED MOD KYI, 'ON KYANG BYIS PA MA RIG PAS LDONGS PA RNAMS GLANG PO CHE'I GZUGS SU 'KHRUL PA'I SGO NAS 'DI DAG NI GLANG PO CHE LA SOGS PA'O, ,BDAG NI 'DI DAG 'DZIN PA'O ZHES BYA BAR GNYIS SU MNGON PAR ZHEN TO, ,KENG RUS KYI NI GZUGS 'DZIN PA, ,'KHRUL PHYIR GNYIS SU BRJOD PA STE, ,ZHES BYA BA NI TING NGE 'DZIN GYI GNAS SKABS LAS DANG PO PA'I RNAL 'BYOR CAN RUS PA'I KENG RUS SGOM PAR BYED PA'I TING NGE 'DZIN GYI ME LONG LA KENG RUS KYI GZUGS BRNYAN SNANG LA, KENG RUS KYI GZUGS SU 'KHRUL PA DE LAS GZUNG BA DANG 'DZIN PA GNYIS SU BRJOD DO, ,DE LA NI YANG DAG PA NYID DU NA RUS PA'I KENG RUS KYANG MED LA DE MED NA 'DZIN PA YANG MED MOD KYI, 'ON KYANG DE BZHIN DU YANG SNANG NGO, ,YOD PA DANG MED PA DE DAG KYANG KHYAD PAR MED PA'I PHYIR RO, ,YANG YOD PA YANG YIN LA MED PA YANG MA YIN NO, ,SGYU MA'I MTSAN NYID KYANG DE DANG 'DRA STE, DE LTA BAS NA SGYU MA LTA BU YIN NO ZHES BYA BA NI DE LA GLANG PO CHE'I GZUGS YOD PA GANG YIN PA DE NYID GLANG PO CHE NYID LA SOGS PAR MED PA YIN LA, GLANG PO CHE NYID LA SOGS PAR MED PA GANG YIN PA DE NYID GLANG PO CHE'I GZUGS SU YOD PA YIN NO, ,DE LTA BAS NA SGYU MA LA YOD PA DANG MED PA NYID DU KHYAD PAR MED DE, SGYU MA LA YOD PA NYID GANG YIN PA DE NI KUN RDZOB DU'O, ,MED PA NYID GANG YIN PA DE NYID DON DAM PAR RO, ,SGYU MA LA YOD PA DANG MED PA DAG KHYAD PAR MED PAR BSHAD PA JI LTA BAR @88B GZUGS LA SOGS PA'I CHOS RNAMS LA YANG DE DANG 'DRA STE, JI SKAD DU, DE BZHIN NYID SNANG DE LA YOD, ,DE YI DNGOS PO YOD MA YIN, ,DE LTAS GZUGS LA SOGS PA LA, ,YOD DANG MED PA NYID DU BRJOD, ,CES BSHAD PA LTA BU YIN NO, ,YANG DAG PA MA YIN PA'I KUN TU RTOG PA'I NGO BO NYID DE LA RNAM PAR SHES PA'I GNYIS SU SNANG BA GANG YIN PA DE NI DE LA YOD LA, RNAM PAR SHES PA SNANG BA GSAL TE YANG DAG PA NYID DU GZUGS LA SOGS PA'I DON GYIS GNYIS KYI NGO BO GANG YIN PA DE NI DE LA MED DO, ,YANG DAG PA MA YIN PA'I KUN TU RTOG PA DE LA GNYIS SU SNANG BA GANG YIN PA DE NYID GNYIS MED PA YIN LA GNYIS MED PA GANG YIN PA DE NYID GNYIS SU SNANG BA YIN TE, DE LTAR NA YOD PA DANG MED PA DAG KHYAD PAR MED PA YIN NO, ,DE LTA BAS NA CHOS 'DI DAG SGYU MA BZHIN DU YOD PA NYID DANG MED PA NYID YIN PAS DE'I PHYIR SGYU MA LTA BU BRJOD DO, ,KUN NAS NYON MONGS PA 'GRUB PA LA DBANG BYED PA'I PHYIR RO ZHES BYA BA NI KUN NAS NYON MONGS PA'I CHOS RNAMS KUN TU SPYOD PA DANG LDAN PA YIN NA KUN NAS NYON MONGS PA RNAMS YANG DANG YANG DU 'GRUB PAR 'GYUR BAS SO, ,MIG YOR LTA BU NI NANG GI SKYE MCHED RNAMS KYI GRIB MA LTA BU YIN PA'I PHYIR PHYI'I SKYE MCHED DRUG KHO NA STE, DE'I DBANG GIS 'BYUNG BAS SO ZHES BYA BA NI JI LTAR GDUGS LA SOGS PA'I DBANG GIS GRIB MA 'BYUNG BA DE BZHIN DU NANG GI SKYE MCHED GDUGS LTA BU RNAMS KYI DBANG GIS PHYI'I SKYE MCHED KYI GRIB MA LTA BU RNAMS 'BYUNG NGO, ,BRAG CA LTA BU NI BSHAD PA'I CHOS RNAMS SO ZHES BYA BA NI JI LTAR BRAG CA YOD PA MA YIN MOD KYI, 'ON KYANG GRAG PA LTAR BSHAD PA'I CHOS RNAMS KYANG DE DANG 'DRA'O, ,'DI DAG LA MA RIG PA DANG NYON MONGS PA RNAMS DANG LHAN CIG 'JUG PA YOD PAS YOD PAS NI 'DI DAG NI MA RIG PA DANG NYON MONGS PA DANG LHAN CIG 'JUG PA YIN NO ZHES BYA BA LA, MA RIG PA NI MA RIG PA NYID DO, ,NYON MONGS PA NI 'DOD CHAGS LA SOGS PA STE DRUG GAM BCU'O, ,MA RIG PA LONGS SHIG TU SMOS PA NI DBANG BYED PA'I DON TE, MA RMONGS PA LA GZHAN MI 'BYUNG BA'I PHYIR RO, ,NYON MONGS PA SMOS PAS NI KHRO BA DANG KHO NA DU 'DZIN PA @89A *, ,LA SOGS PA NYE BA'I NYON MONGS PA RNAMS KYANG BSDUS PAR RIG PAR BYA'O, ,GZUGS DANG SGRA LA SOGS PA'I RNAM PAR RTOG PA 'DI DAG LA MA RIG PA DANG NYON MONGS PA DANG NYE BA'I NYON MONGS PA RNAMS DANG LHAN CIG 'JUG PA YOD PAS NA 'DI DAG NI MA RIG PA DANG NYON MONGS PA DANG, LHAN CIG 'JUG PA YIN TE, RNAM PAR RTOG PA GANG DANG GANG KUN DU 'BYUNG BA NA KUN GZHI RNAM PAR SHES PA LA BAG CHAGS 'JOG PA'I BAG CHAGS DE NYID RNAM PAR RTOG PA DE DANG DE'I RGYUR 'GYUR RO, ,DE NI SNGAR BSHAD ZIN TO ZHES BYA BA NI THOS PA LA SOGS PA'I SHES PA GSUM GYIS, CHOS KYI DMIGS PA RNYED PAR 'GYUR ZHES BYA BA DE LTA BU LA SOGS PA'I GZHUNG GIS SO, ,RANG GI DBYINGS NI RNAM PAR MI RTOG PA RNAMS KYI DE BZHIN NYID DO ZHES BYA BA 'DI NI RNAM PAR BYANG BA'I SKABS KYIS 'ONGS PA YIN PAS RANG GI DBYINGS NI RNAM PAR BYANG BA TSUL BZHIN RNAM PAR RTOG PA RNAMS KYI CHOS KYI DBYINGS YIN TE, 'DI NI DE BZHIN NYID KYI RNAM GRANGS KYI MING YIN NO, ,DE BZHIN NYID KYI PHYIR DBUS DANG MTHA' RNAM PAR 'BYED PA DANG, CHOS MNGON PAR KUN LAS BTUS PA LA SOGS PA LAS CHOS KYI DBYINGS KYI NGES PA'I TSIG NYAN THOS DANG, RANG SANGS RGYAS DANG, SANGS RGYAS KYI CHOS THAMS CAD KYI RGYU MTSAN NYID KYI PHYIR CHOS KYI DBYINGS ZHES BYA'O ZHES 'BYUNG NGO, ,MING LA SEMS GNAS PA'I PHYIR RO ZHES BYA BA LA, MING NI GZUGS CAN MA YIN PA'I PHUNG PO BZHI STE, DE LA SPYI'I RNAM PAR GNAS PA'I PHYIR MING LA GNAS PA YIN NO, ,RNAM PAR MI RTOG PA'I YA SHES RNYED NAS MING LA GNAS PAR 'GYUR TE, DE'I PHYIR SANGS RGYAS KYI CHOS RNAMS RNAM PAR BYANG BAR 'GYUR RO, ,ZHI GNAS BSGOM PA CHU LTA BUS NI TSUL BZHIN MA YIN PA'I RNAM PAR RTOG BDAG GIS KHENGS PAR BYAS PA'I SEMS DE GNYEN POR 'GYUR RO, ,LHAG MTHONG PA SGOM PA ME LONG LTA BUS I LAS DANG PO PA'I GNAS SKABS NA LTA BA NGAN PA LA SOGS PAS YON POR GYUR PA'I SHES RAB MDA' YON PO LTA BU GANG YIN PA DE MNYAM PAR GZHAG PA'I GNAS SKABS NA LHAG MTHONG GOMS @89B BAS MDA' MES BSROS PA BZHIN DU DRANG POR 'GYUR RO, ,DE'I PHYIR SEMS DANG SHES RAB 'DOD CHAGS DANG MA RIG PA'I NYON MONGS PA DAG DANG TSUL BZHIN MA YIN PA'I RNAM PAR RTOG PA RNAMS LAS RNAM PAR GROL BAR 'GYUR ZHING, GNAS YONGS SU GYUR PA LA KHENGS PA DANG YON PO NYID DU BYED PA'I RNAM PAR RTOG PA DE DAG NYID KYANG GNYIS SU SNANG BAR MI 'JUG GO, ,RNAM PAR RIG PA TZAM YONGS SU TSOL BA ZHES BYA BA LA, TZAM ZHES SMOS PA NI DON DGAG PA'I CHED YIN NO, ,SEMS 'BA' ZHIG GZUNG BA NI MA YIN TE, SEMS DE YANG 'DIR MTSUNGS PAR LDAN PA DANG BCAS PAR BLTA BAR BYA'O ZHES BYA BA'I PHYIR 'DIR NI SEMS LAS BYUNG BA RNAMS KYANG GZUNG NGO, ,SEMS TZAM PO 'DI GZUNG BAR SNANG BA DANG 'DZIN PAR SNANG BA DANG GNYIS SU SNANG BAR 'DOD DE, ZHES BYA BA NI PHYI ROL GYI DON MED DO ZHES BYA BA'I THA TSIG GO, ,DE BZHIN DU DE BZHIN NYID 'DOD CHAGS LA SOGS PA NYON MONGS PA SNANG BA 'AM DAD PA LA SOGS PA NYON MONGS PA SNANG BA 'AM DGE BA'I CHOS SU SNANG BAR 'DOD LA ZHES BYA BA NI GANG GI TSE 'DOD CHAGS LA DMIGS PA 'AM, DAD PA LA DMIGS PA SKYE BA DE'I TSE SEMS DE NYID DE LTAR SNANG GI 'DOD CHAGS LA SOGS PA DMIGS PA NYID DU YOD PA NI MA YIN LA, SEMS LA 'DOD CHAGS LA SOGS PA DANG MTSUNGS PAR LDAN PAR MI 'DOD PA YANG MA YIN NO, ,DPER NA GNYIS SU SNANG BA LAS GZHNA PA GNYIS KYI MTSAN NYID MED PA BZHIN NO ZHES BYA BA NI SEMS SNANG BA LAS MA GTOGS PA MIG DANG, GZUGS LA SOGS PA GZUNG BA DANG 'DZIN PA'I MTSAN NYID KYI DON DMIGS PA NYID DU MED PA LTAR 'DOD CHAGS LA SOGS PA YANG DE DANG 'DRA'O, ,SEMS 'DI NYID RNAM GRANGS KYIS 'DOD CHAGS SU SNANG BA 'AM, ZHES SDANG DU SNANG BA'AM, DE LAS GZHAN PA'I CHOS SU SNANG BA SNA TSOGS SU SNANG BA CAN DU 'JUG GO ZHES BYA BA NI 'DI SKAD DU BSHAD PA YIN TE, 'DOD CHAGS LA SOGS PA'I DMIGS PAS RNAM GRANGS KYI 'DOD CHAGS LA SOGS PAR SNANG BA'I SEMS SKYE BA GANG YIN PA DE NI SEMS NYID SEMS LAS BYUNG BA RNAMS DANG LHAN CIG SKYE BA YIN GYI 'DOD @90A *, ,CHAGS LA SOGS PA NI MA YIN NO JI LTAR GZUGS LA SOGS PA DON GZHAN DU GYUR PA DMIGS PA NYID DU YOD PA MA YIN PA LTAR 'DOD CHAGS LA SOGS PA YANG DE DANG 'DRA STE, JI SKAD DU SLOB DPON GYI ZHAL SNGA NAS KYIS, RNAM PAR RIG PA TZAM LAS SEMS KYANG SEMS GZHAN GYIS DMIGS PAR YOD PA MA YIN NO ZHES BSHAD PA LTA BU'O, ,CIG CAR DAD PA DANG BRTZON 'GRUS LA SOGS PA'I RNAM PA STE, RNAM PA SNA TSOGS CAN DU 'JUG GO ZHES BYA BA NI 'DI NYID KYIS SEMS LAS BYUNG BA DAG YOD KYI DE DAG SEL BA NI MA YIN NO ZHES BYA BAR SHES TE SEMS LAS BYUNG BA DAG YOD NA DE DAG GI RNAM PAR SKYE BAS RNAM PA SNA TSOGS NYID SRID KYI MED PAR NI MA YIN NO, ,GAL TE SEMS KHO NA RNAM GRANGS KYIS SKYE BAS NA SEMS LAS BYUNG BA ZHES BYA BAR 'GYUR RO ZHE NA, SEMS LAS BYUNG BA BDAG MED PAR GANG ZHIG CIG CAR SNA TSOGS KYI RNAM PA NYID DU 'GYUR RO, ,DE LTA BAS NA SEMS LAS BYUNG BA DAG NI YOD DO, ,NYON MONGS PA DANG DGE BA'I GNAS SKABS KYI SEMS LA SNANG BA YOD PA DANG, MED PA ZHES BYA BA NI SEMS DANG SEMS LAS BYUNG BAR SNANG BA NYID YOD PAS YOD PA'O, ,DE LAS MA GTOGS PA GZHAN GZUNG BA DANG 'DZIN PAR GYUR PA'I CHOS DAG MED PAS NA MED PA'O, ,GANG DAG SEMS LAS BYUNG BA YOD PAR MI 'DOD PA DE DAG GI LTAR NA NI TSIGS SU BCAD PA DAG GIS DON GO BAR ZAD DO, ,MTSAN GZHI NI MTSON PAR BYA BA YIN PAS NA MTSAN GZHI'O, ,MTSAN NYID NI NGO BO NYID GSUM MO, ,DE BAS NA MTSAN GZHI DANG MTSAN NYID 'DI NI LAS LTA BU YIN LA, MTSON PA NI BYED PA PO LTA BU YIN TE, 'DI LTAR DES MTSAN GZHI DANG MTSAN NYID DE MTSON PAR BYED DO ZHES 'CHAD PAR 'GYUR RO, ,SEMS NI LTAR BCAS GANG YIN DANG, ,ZHES BYA BA LA, SEMS ZHES SMOS PAS NI GNYIS SU SNANG BA'I SEMS GZUNG BAR SNANG BA DANG ,'DZIN PAR SNANG BA GZUNG BA STE, DE LA SEMS NI RNAM PAR SHES PA DANG GZUGS SOGS ZHES BYA BAS SO, ,LTA BA NI SEMS LAS BYUNG BA'I CHOS RNAMS SO ZHES BYA BA NI GSAL BA'I PHYIR THAMS CAD LTA BA YIN PAR THA SNYAD GDAGS @90B SO; ;DE'I RNAM PAR RIG PA RTAG TU DE BZHIN DU 'JUG PA'I PHYIR RO ZHES BYA BA NI NAM MKHA' LA SOGS PA'I RNAM PAR RIG PA LA 'GYUR BA MED PAS RTAG PA'O, ,BAG CHAGS DE LAS KYANG ZHES BYA BA NI BAG CHAGS LA GNAS PA'O PHYIR BRJOD PA DE LAS KYANG ZHES BYA BA'I THA TSIG GO, , THA SNYAD LA MI MKHAS PA RNAMS LA DON DU SNANG BA GANG YIN PA'O, ,ZHES BYA BA NI PA CHUNG NGU RNAMS LA'O, ,BRJOD PA'I DON GYI 'DU SHES MED PAR ZHES BYA BA NI BYIS PA CHUNG NGU LA SOGS PA LA BUM PA ZHES BYA BA'I SGRAS NI BRJOD PAR BYA BA'I DON LTO YANGS PA DANG, MGRIN PA PHRA BA GANG YIN PA BRJOD DO ZHES BYA BAR BYE BRAG TU RTOGS PA DE MED DE, BRJOD PA'I DON GYI 'DU SHES MED BZHIN DU CI ZHIG TU RNAM PAR RTOG PAR BYED DO, ,BRJOD PA JI LTA BA BZIN DU DON DU 'DU SHES PA ZHES BYA BA NI BUM PA LA SOGS PA'I MNGON PAR BRJOD PA CI 'DRA BA DE 'DRA BA'I SEMS LAS BYUNG BA MTSAN MAR 'DZIN PA'I BDAG NYID NI 'DU SHES SO, ,SEMS LAS BYUNG BA ZHES SMOS PAS NI LHAS BYIN ZHES BYA BA LTA BU MING BSAL BA YIN NO, ,'DU SHES DE'I DMIGS PA SNGON PO DANG SER PO DANG SKYES PA DANG BUD MED PA LA SOGS PA GANG YIN PA DE NI RGYU MTSAN YIN TE, RGYU MTSAN DES 'DU SHES DE 'JUG GO, ,DE LTAR NA THA SNYAD LA MKHAS PA 'AM THA SNYAD LA MI MKHAS PAS BRTAG PAR BYA BA BUM PA LA SOGS PA DON GANG YIN PAR KUN RTOG PAR BYED PA STE, GANG DAG MING DANG, DON DAG GLO BUR PA NYID YIN PA BSAL NAS DON MING GI RANG BZHIN YIN PA 'AM, GAL TE MING JI LTA BAR DON DU SANNG NGAM ZHES BYA BA LA SOGS PA NI GANG ZHIG DON MING GI NGO BO NYID KHO NA YIN PA 'AM, MING DON GYI NGO BO NYID YIN PAR KUN RTOG PAR BYED PA STE, GANG DAG MING DANG, DON DAG GLO BUR PA NYID YIN PA BSAM NAS DON MING GI RANG BZHIN YIN PA 'AM, MING DON GYI RANG BZHIN YIN PAR RTOG PAR BYED NA, DE YANG KUN BRTAGS PA'I MTSAN NYID DO, ,GNAS SU SNANG BA ZHES BYA BA NI SA LA SOGS PAR SNANG BA STE, KUN GZHI RNAM PAR SHES PA GNAS KYI RNAM PAR RIG PA LA DER SNANG BA NYID DU STON TO, ,DON DU SNANG BA ZHES BYA BA NA @91A *, ,GZUGS LA SOGS PA YUL RNAMS SO, ,LUS SU SNANG BA NI MIG LA SOGS PA DBANG PO RNAMS SO, ,YOD PA DANG MED PA DE DAG THA MI DAD PA'I PHYIR YOD PA DANG MED PA MNYAM PA NYID KYANG YIN NO ZHES BYA BA NI DE BZHIN NYID NI SANGS RGYAS NYID YIN PAS JI SKAD DU SANGS RGYAS NYID LA 'JUG PA'I THABS KYI SKABS NAS, MED PA GANG YIN DE NYID NI, ,YOD PA YI NI DAM PA YIN, ,ZHES BSHAD PA LTA BU STE, KUN BRTAGS PA'I MTSAN NYID GNYIS PO MED PA GANG YIN PA DE NYID DE BZHIN NYID YOD PA YIN LA, DE BZHIN NYID YOD PA GANG YIN PA DE NYID KUN BRTAGS PA'I MTSAN NYID MED PA YIN NO, ,RNAL 'BYOR GYI SA NI ZHI GNAS DANG LHAG MTHONG ZUNG DU 'BREL BA'I LAM STE, DE YANG RNAM PA LNGA'O, ,ME LONG LTA BU NI SEMS KYI DBYINGS LA GNAS PA'I TING NGE 'DZIN TE, GONG DU MING LA GNAS PAR BSHAD PA GANG YIN PA NYID DO ZHES BYA BA GONG DU JI SKAD BSHAD CE NA, SEMS MING LA GNAS PA'I PHYIR BSGOMS PA LAS BYUNG BA'I SHES PAS DE RNYED PAR RIG PAR BYA STE, GNYIS MI DMIGS PA RNYED PA LAS JI SKAD BSHAD PA LTA BUR GNYIS MI DMIGS PA'I PHYIR RO ZHES BSHAD DO, ,GZUNG BA DANG 'DZIN PA MI DMIGS PA'I PHYIR RO ZHES BYA BA'I THA TSIG GO, ,'DI NI MTHONG BA'I LAM GYI GNAS SKABS YIN NO, ,RTEN NI GNAS GZHAN DU GYUR PA'O ZHES BYA BA NI MED NA MED PA YIN PA'I PHYIR RTEN SMOS KYI, TSIGS SU BCAD PA LAS NI RTEN SMOS PA MED DE, RNAL 'BYOR GYI SA THOB PA 'DIS NA MNYAM PA NYID DU 'GYUR BA LA SOGS PA YIN NO, ,RNAL 'BYOR GYI SA DES MTSAN GZHI LNGA DANG MTSAN NYID DE MTSON PAR BYED DO, ,MTSAN GZHI DE GANG ZHE NA, GZUGS DANG, SEMS DANG, SEMS LAS BYUNG BA DANG, SEMS DANG LDAN PA MA YIN PA'I 'DU BYED DAG DANG, 'DUS MA BYAS ZHES BYA BA RNAM PA LNGAS BSHAD PA GANG YIN PA'O, ,MTSAN NYID NI KUN BRTAGS PA DANG, GZHAN GYI DBANG DU YONGS SU GRUB PA'I MTSAN NYID RNAMS SO, ,MTSON BYA NI RNAM PA LNGA YIN PAS GZHI DANG SKYED PA DANG ME LONG LTA BU DANG SNANG BA @91B DANG RTEN GYI BYE BRAG GIS THA DAD PA LAM RNAM PA LNGA'I NGO BO NYID DU RIG PAR BYA STE, TSOGS DANG SBYOR BA DANG, MTHONG BA DANG, BSGOM PA DANG, MTHAR THUG PA'I LAM GYI NGO BO NYID DANG GO RIMS BZHIN NO, ,MTSON PA SHES RAB KYI NGO BO NYID DES MTSON GZHI DANG MTSAN NYID DE MTSON PAR BYED DE, THOS PA DANG BSAMS PA DANG BSGOMS PA LA SOGS PA'I RIM GYIS YANG DAG PAR SHES PAR BYED DO ZHES BYA BA'I DON TO, ,MNYAM PA NYID DU 'GYUR BA NI ZAG PA MED PA'I DBYINGS NA ZHES BYA BA NI ZAG PA MED PA'I DBYINGS NA DMIGS PAR BYA BA DANG, DMIGS PAR BYED PA MNYAM PA DANG MNYAM PA'I YE SHES THOB PA'I PHYIR 'GYUR RO, ,DE NYID KYI PHYIR MJUG THOGS SU, ,'PHAGS RIGS SHIN TU DRI MED PA, ,ZHES BSHAD DO, ,DE LTAR NA RNAL 'BYOR GYI SA RNAM PA LNGA PO 'DI ZHES BYA BA NI MNYAM PA NYID DU 'GYUR BA LA SOGS PA DANG BCAS PA'O, , SA BON GZHAN DU GYUR PA'I PHYIR, ,GNAS DON LUS SU SNANG BA DAG ,GZHAN DU GYUR PA ZAG MED DBYINGS, ,DE NI RTEN KUN 'GRO BA CAN, ,ZHES BYA BA NI TSIGS SU BCAD PA 'DI LAS DBYINGS ZHES BYA BA'I SGRA RKANG PA GSUM PA'I DANG PO NAS 'BYUNG BA DANG ZAG PA MED PA ZHES BYA BA'I SGRA RKANG PA GNYIS PA NAS 'BYUNG BA DANG LHAN CIG SBYAR BAR BYA STE, JI SKAD DU, GZHAN DU GYUR PA ZAG MED DBYINGS, ,ZHES BSHAD PA YIN NO, ,GNAS DANG DON DANG LUS SU SNANG BA'I RNAM PAR SHES PA RNAMS GZHAN DU GYUR PA ZHES BYA BA LA, GNAS NI RTEN YIN PAS GNAS SMOS PAS YUL DU GYUR PA LA SOGS PA BZUNG STE, DE DAG GZHAN LAS GYUR PA ZHES BYA BA'I THA TSIG GO, ,GZUGS LA SOGS PA DON GYI RNAM PAR RIG PA DANG MIG LA SOGS PA LUS KYI RNAM PAR RIG PA GZHAN DU GYUR PA NI ZAG PA MED PA'I DBYINGS YIN NO, ,YID DANG 'DZIN DANG RNAM PAR RTOG ,GYUR PHYIR ZHES BYA BA NI DBANG RNAM PA BZHI 'THOB PO ZHES BYA BAR SBYAR RO, ,NYON MONGS PA CAN GYI YID GZHAN DU GYUR NA RNAM PAR MI RTOG PA GANG LA DBANG 'THOB STE, 'DI LTAR GONG DU, YID NI GZHAN DU GYUR PA NA, ,'BYOR DANG MTHUN SPYOD MI RTOG PA'I, , @92A *, ,YE SHES SHIN TU DRI MED LA, ,'BYOR PA DAM PA THOB PAR 'GYUR, ,ZHES BSHAD PA YIN NO, ,'DZIN PA GZHAN DU GYUR NA ZHING LA DBANG 'BYOR PA THOB STE, DON BCAS 'DZIN PA GZHAN GYUR NA, ,JI LTAR 'DOD BZHIN LONGS SPYOD DAG , BSTAN PHYIR ZHING NI DAG PA LA, ,'BYOR PA DAM PA THOB PAR 'GYUR, ,ZHES BSHAD PA YIN NO, ,RNAM PAR RTOG PA NI YID KYI RNAM PAR SHES PA'O, ,DE BZHIN DU GYUR PA YE SHES DANG LAS LA DBANG BA NYID 'THOB STE, JI SKAD DU, RNAM RTOG GZHAN DU GYUR NA NI, ,DUS RNAMS RTAG TU YE SHES DANG, ,LAS RNAMS KUN LA THOGS MED LA, ,'BYOR PA DAM PA 'THOB PAR 'GYUR, ,ZHES BSHAD PA LTA BU YIN NO, ,BDAG MED PA RNAMS GNYIS PO DE YANG MNYAM PAR SHES NAS BYA BA LA, BDAG CES BYA BA'I SGRA NI KUN BRTAGS PA'I GANG ZAG LA SOGS PA LA YANG BLTA BAR BYA'O, ,CHOS RNAMS KYI NGO BO NYID LA YANG BLTA BAR BYA STE, ME NI TSA BA'I NGO BO NYID DO ZHES BYA BA, TSA BA'I BDAG NYID DO ZHES BYA BA'I THA TSIG GO, ,DE NI JI LTAR KUN BRTAGS PA'I GANG ZAG BDAG MED PA LTAR KUN BRTAGS PA'I CHOS BDAG MED PAR SHES TE, DE LTAR NA BDAG MED PA RNAM PA GNYIS SHES SO, ,'DI NI 'DZIN PA TZAM MO ZHES BYA BA LA, TZAM ZHES BYA BA'I SGRA NI DON GSAL BA'I PHYIR TE, PHYI ROL GYI DON DANG BRAL BA 'DZIN PA TZAM SEMS DANG, SEMS LAS BYUNG BA TZAM MO ZHES BYA BA'I THA TSIG GO, ,DE KHO NA NYID RNAM PAR RIG PA TZAM ZHES BYA BA NI JI LTAR RNAM PAR RIG PA TZAM DE KHO NA NYID YIN ZHE NA, 'DI LTAR RNAM PAR RIG PA TZAM NYID LA ZHUGS NA BZOD PA'I GNAS SKABS NA GZUNG BA'I DON MI DMIGS PAR 'GYUR LA, DE YANG DE KHO NA'I DON GYI PHYOGS GCIG LA ZHUGS PA DANG LDAN PA'I TING NGE 'DZIN YIN PAS DE KHO NA NYID CES BYA'O, ,SNGON GYI TSOGS KYI STOBS KYIS SO ZHES BYA BA NI TSE RABS GZHAN DAG LA BSOD NAMS DANG YE SHES KYI TSOGS YANG DAG PAR BSGRUBS PA GANG DAG YOD PA YIN PA'O, , @92B MING TZAM DU MTHONG BAR 'GYUR RO ZHES BYA BA NI MNGON PAR BRJOD PA TZAM DU STE ZHES BYA BA NI MNGON PAR BRJOD PA NI YID KYI BRJOD PA TZAM ZHES BYA BA'I DON TE, DE NYID KYI PHYIR MJUG THOGS SU DON DANG BRAL BAR RO ZHES BSHAD DO, ,DON MED NA NI DE'I RNAM PAR RIG PA MI MTHONG BA'I PHYIR RO ZHES BYA BA NI GZUNG BA'I DON MED NA 'DZIN PA YANG MI MTHONG BAS SO, ,BDAG TU LTA BA'I ZHAGS PAS ZIN PA ZHES BYA BA NI BDAG TU LTA BAS BCINGS PA ZHES BYA BA'I DON TO, ,BDAG TU LTA BA'I 'CHING PA DE NI GNAS NGAN LEN YIN TE, LEN CES BYA BA'I SKAD KYI DBYINGS 'DI NI LEN PAR BYED PA'I DON LAS 'BYUNG NGO, ,SEMS DE NI JI LTA JI LTAR PHYIN CI LOG TU GYUR NAS BDAG TU LTA BA LEN PA DE LTA DE LTAR 'GRO BA LNGA'I 'KHOR BA NA SDUG BSNGAL MANG PO LA BRTEN PAR 'GYUR RO, ,DE LTAR NA NGO BO NYID MED PA RNAM PA GSUM PO 'DI NI 'DUS BYAS KYI MTSAN NYID GSUM PO LA 'DI DANG SBYAR BAR RIG PAR BYA'O ZHES BYA BA LA, 'DUS BYAS KYI MTSAN NYID NI GSUM STE, SKYE BA DANG 'JIG PA DANG GNAS PA GZHAN DU 'GYUR BA'O, ,'DUS BYAS KYI MTSAN NYID GSUM PO 'DI NI, DUS GSUM DANG SBYAR BAR BYA STE, RANG MED PA'I PHYIR NGO BO NYID MED PA ZHES BYA BA NI MA 'ONGS PA'I DUS NAS CHOS RNAMS MA BYUNG BA LAS 'BYUNG BA GANG YIN PA DE NI SKYE BA YIN GYI GRANGS CAN PA RNAMS KYI LTAR GTZO BO LAS YOD PA KHO NA SKYE BA NI MA YIN NO, ,RANG GI BDAG NYID NI MED PA'I PHYIR NGO BO NYID MED PA ZHES BYA BA NI CHOS 'GAG PA DE DAG GRANGS CAN PA RNAMS KYI LTAR MI SNANG BAR GYUR CING RANG GI NGO BOR GNAS PA NI MA YIN NO, ,DE'I PHYIR YANG NGO BO NYID MED PA YIN TE, 'DI NI 'DUS BYAS KYI MTSAN NYID GNYIS PA 'JIG PA YIN NO, ,RANG GI NGO BO LA MI GNAS PA'I PHYIR ZHES BYA BA NI SKYES PA SKAD CIG LAS PHYIN CHAD MI GNAS PA'I PHYIR TE, DE LTAR BYUNG BA RNAMS SKAD CIG LAS PHYIN CHAD GNAS PA NI MED DO, ,DE'I PHYIR YANG NGO BO NYID MED DE, ,'DI NA 'DUS BYAS KYI MTSAN NYID GSUM PA YIN NO, ,'DZIN PA BZHIN NI DE MED PHYIR, ,ZHES BYA BA NI JI LTAR BYIS PA RNAMS CHOS RNAMS LA RTAG PA DANG, BDE BA DANG GTZANG BA DANG BDAG TU 'DZIN PA 'AM, JI LTAR @93A *, ,GZUGS LA SOGS PA'I CHOS RNAMS LA, GNYIS SU MNGON PAR ZHEN PAR 'DZIN PA DE LTAR MED PA'I PHYIR NGO BO NYID MED DE, DE SKAD DU BCOM LDAN 'DAS KYIS, CHOS KUN GAL TE BYIS PA YIS, ,JI LTAR RNAM BRTAGS MTHONG BA BZHIN, ,DE DAG YOD PAR GYUR NA NI, ,THAMS CAD DE NYID MTHONG BAR 'GYUR, ,ZHES BSHAD PA LTA BU YIN NO, ,PHYI MA PHYI MA'I RTEN YIN PAS, ,NGO BO NYID NI MED PA YIS, ,SKYE MED 'GAG MED GZOD NAS ZHI, ,RANG BZHIN MYA NGAN 'DAS PA GRUB, ,CES BYA BA NI SNGA MA SNGA MA PHYI MA PHYI MA'I RTEN YIN TE, GZHI SNGA MA NGO BO NYID MED PA NI PHYI MA MA SKYES PA'I RTEN YIN NO, ,JI LTAR NA NGO BO NYID MED PAS GRUB CE NA, JI LTAR RANG MED PA'I PHYIR DANG, RANG GI BDAG NYID DU MED PA'I PHYIR DANG, RANG GI NGO BO NYID LA MI GNAS PA'I PHYIR DANG 'DZIN PA BZHIN DU DE MED PA'I PHYIR NGO BO NYID MED PA DE BZHIN DU RANG MA SKYES PA'I PHYIR DANG, RANG GI BDAG NYID DU MA SKYES PA'I PHYIR DANG, RANG GI NGO BO LA MI GNAS PA'I PHYIR ZHES BYA BA DE LTA BU LA SOGS PA'I RIM GYIS NGO BO NYID MED PA LA BRTEN NAS CHOS RNAMS MA SKYES PA YIN NO, ,GANG DAG MA SKYES PA DE DAG NI MA 'GAGS PA YIN NO, ,BYIS PAS KUN BRTAGS PA'I NGO BO NYID MA SKYES PA DANG, MA 'GAGS PA GANG YIN PA DE NI GZOD MA NAS ZHI BA YIN NO, ,DE LTA BAS NA MA SKYES PA DANG MA 'GAGS PA'I GZHI DE DAG KHO NA LA BRTEN NAS GZOD MA NAS ZHI BA NYID 'GRUB STE, 'DU BYED SKYE BA DANG 'GAG PA G-YEN SPYO BA SOGS LE BSREGS PAS GSHAGS PA LTA BUR MI BZAD PA LCAGS KYI GAR BU RAB TU 'BAR BAS REG PA LTA BUS RAB TU MA ZHI BA RNAMS NI 'PHAGS PA RNAMS KYIS MCHOG TU YID BYUNG BAR BYA BA YIN LA, SKYE BA DANG 'GAG PA SPANGS PA BDUD RTZI'I DBYINGS NI 'PHAGS PA RNAMS SHIN TU DGYES PA YIN PAS SO, ,GZOD MA NAS ZHI BA DE NYID LA BRTEN NAS CHOS THAMS CAD RANG BZHIN GYIS YONGS SU MYA NGAN LAS 'DAS PA YONGS SU GRUB PA'I MTSAN NYID YIN PAR RIG PAR BYA STE, GANG ZHIG GZOD MA NAS ZHI BA DE NI RANG BZHIN GYIS YONGS SU MYA NGAN LAS 'DAS PA RAB TU SKYID PA'I MTSAN NYID YIN GYI, 'PHAGS PA @93B RNAMS KYIS LAM BSGOM PAS YONGS SU MYA NGAN LAS 'DAS PAR BYA BA NI MA YIN NO, ,DE LTAR NA NGO BO NYID MED PA LA SOGS PA 'DI DAG NI PHYI MA PHYI MA'I RTEN YIN PAS 'GRUB PAR REG PAR BYA'O, ,THOG MA NI 'KHOR BA LA STE DE LA THOG MA SKYE BA MED DO ZHES BYA BA NI GANG DAG 'KHOR BA THOG MA DANG LDAN PAR RTOG PAR BYED PA'I 'KHOR BA'I THOG MA KUN BRTAGS PA DE LA MI SKYE BA'I CHOS LA BZOD PA THOB PA STE, 'KHOR BA NI THOG MA MED PA CAN YIN GYI, 'DI LA DANG PO 'BYIN PA DANG DBANG PHYUG LA SOGS PA NI 'GA' YANG MED DO ZHES DE LTAR BZOD PAS, DE'I PHYIR 'KHOR BA LA SKYE BA MED PAR BZOD PA THOB PO ZHES BYA'O, ,DE NYID DANG GZHAN NYID NI SNGA MA DANG PHYI MA RNAMS LA SDE ZHES BYA BA LA DE'I NGO BO NYID NI DE NYID DO, ,'KHOR BA NA CHOS GANG DAG SNGAR SKYES PA DE DAG NYID SKYE BA NI MED DE, DE'I NGO BOR MI SKYE BA'I PHYIR RO ZHES BYA BA NI CHOS SNGAR SKYES PA RNAMS DE'I NGO BO NYID KHO NAR MI SKYE BAR BZOD PA'I PHYIR BZOD PA THOB PA ZHES BYA'O, ,PHYIS MA 'ONGS PA'I DUS NAS SKYE BA GANG DAG YIN PA DE DAG KYANG SNGON MED PA MI SKYE STE PHUNG PO DANG KHAMS DANG SKYE MCHED LA SOGS PA CHOS GRAGS PA GANG DAG YIN PA DE KHO NA SKYE BA, SNGON MED PA'I SEMS CAN 'BYUNG BA NI MED PAS GZHAN DAG KYANG SNGON MED PA SKYE BA MED PAR BZOD PA'I PHYIR BZOD PA THOB PA ZHES BYA'O, ,GZHAN GYI DBANG LA NI RANG SKYE BA MED PAR BZOD PA'I PHYIR RO, ,YONGS SU GRUB PA LA NI GZHAN DU 'GYUR BA MED PAR BZOD PA'I PHYIR TE, 'DUS MA BYAS YIN PA'I PHYIR DE LA GZHAN DU 'GYUR BAR SKYE BA MED DO, ,ZAD PAR SHES PA THOB PA'I DGRA BCOM PA LA KUN NAS NYON MONGS PA SKYE BAR MI BLTA'O ZHES DE LTAR BZOD PA'I PHYIR SKYE BA MED PA LA BZOD PA ZHES BYA'O, ,THEG PA GCIG PA NYID YONGS SU TSOL BA LA CHOS KYI DBYINGS MTSUNGS PA'I PHYIR DANG, BDAG MED PA MTSUNGS PA'I PHYIR DANG, RNAM PAR GROL BA MTSUNGS PA'I PHYIR RO, ,DE LA CHOS KYI DBYINGS MTSUNGS PA'I PHYIR ZHES BYA BA NI NYAN THOS LA SOGS PA'I CHOS KYI DBYINGS NI MTSUNGS TE, NAM MKHA' BZHIN NO, ,NAM MKHA' LA NI GANG DU YANG MI MTSUNGS PA MED PA LTAR CHOS KYI DBYINGS KYANG DE DANG @94A *, ,'DRA'O, ,BGROD PAR BYA BAS NA THEG PA YIN PAS SO ZHES BYA BA JI LTAR NA DE BGROD PAR BYA BA YIN ZHE NA, 'DI LTAR CHOS KYI DBYINGS LA BRTEN CING CHOS KYI DBYINGS THOB NAS NYAN THOS LA SOGS PA NYAN THOS LA SOGS PA'I CHOS 'BYUNG BAR 'GYUR BAS SO, , BDAG MED PA 'DRA BAS NA ZHES BYA BA NI 'GRO BA'O GANG ZAG NYAN THOS GANG DAG YIN PA DE DAG KYANG BDAG MED LA, SANGS RGYAS BCOM LDAN 'DAS KYANG BDAG MED DO, ,DE PHYIR BDAG MED PA MTSUNGS PA NYID KYIS GANG ZAG LA THEG PA NYE BAR BTAGS PA'I PHYIR THEG PA GCIG PA NYID DO, , 'GRO BAS NI THEG PA MA YIN PAS SO ZHES BYA BA NI RNAM PAR GROL BA DANG RNAM PAR GROL BA LA THA DAD DU BYA BA MED PAS RNAM PAR GROL BA LA THEG PA NYE BAR BTAGS PA'I PHYIR TE, NGO BO NYID SGRUB PAS SO, ,RIGS THA DAD PA'I PHYIR THEG PA GCIG PA NYID CES BYA BA NI RIGS NGES PA THA DAD PA'I PHYIR DANG, MA NGES PA'I RIGS THA DAD PA'I PHYIR TE, MA NGES PA'I RIGS CAN GANG DAG YIN PA DE DAG NYAN THOS KYI SPYOD PA SPYAD NAS DE NAS DUS PHYIS DGE BA'I BSHES GNYEN SANGS RGYAS DANG BYANG CHUB SEMS DPA' DANG PHRAD PA'I SGO NAS NYAN THOS KYI SPYOD PA POR TE, THEG PA CHEN POS NGES PAR 'BYUNG NGO, ,DE BAS NA NYAN THOS KYI SPYOD PA SPYAD PA RNAMS THEG PA CHEN POS NGES PAR 'BYUNG BAS THEG PA GCIG PA NYID DE, RIGS LA THEG PA NYE BAR BTAGS PA'I PHYIR RO, ,BSAM PA GNYIS THOB PA'I PHYIR THEG PA GCIG PA NYID DE, SANGS RGYAS RNAMS KYIS SEMS CAN THAMS CAD LA BDAG NYID KYI DGONGS PA BRNYES PA'I PHYIR ZHES BYA BA NI BYANG CHUB SEMS DPAS SA DANG PO THOB PA'I DUS NA SEMS CAN RNAMS LA BDAG DANG GZHAN MNYAM PA NYID KYI BSAM PA THOB PA GANG YIN PA DE SANGS RGYAS PA'I GNAS SKABS NA SHIN TU RNAM PAR DAG PAR 'GYUR TE, BDAG GANG YIN PA DE NYID SEMS CAN RNAMS YIN NO SNYAM PA'I PHYIR RO, ,NYAN THOS DE'I RIGS SU NGES PA SNGES PA SNGON BYANG CHUB KYI TSOGS BSAGS PA RNAMS ZHES BYA BA NI NYAN THOS KYI RIGS CAN SNGON BYANG CHUB SEMS DPA'I SPYOD PA SPYAD PA RNAMS TE, NYAN THOS KYI RIGS SU NGES PA'I PHYIR BYANG CHUB @94B SEMS DPA'I SPYOD PA BOR NAS NYAN THOS NYID DU NGES PAR 'BYUNG BA DE DAG LA SANGS RGYAS BCOM LDAN 'DAS RNAMS KYIS 'DI DAG NI SNGON BYANG CHUB SEMS DPA'I SPYOD PA LA SPYAD PA YIN NO ZHES BYA BAR RNAM PAR GZIGS TE, THOB PA GANG ZHIG SANGS RGYAS DANG RGYUD THA MI DAD PAR MOS PA NYID KYIS 'THOB PAR 'GYUR BAS SANGS RGYAS KYI DGONGS PA THOB PA LA SBYOR BAR MDZAD DO, ,DE BZHIN GSHEGS PAS RJES SU GZUNG BA'I KHYAD PAR PHYOGS TZAM THOB PAR BYA BA'I PHYIR ZHES BYA BA NI SANGS RGYAS KYI DGONGS PA THOB PA GANG ZHIG RGYUD THA MI DAD PAR MOS PA'I SGO NAS THOB PA'I DGONGS PA THOB PA DE PHYOGS TZAM ZHIG THOB KYI DUS GTAN DU THOB PA NI MA YIN NO ZHES BYA BA'I THA TSIG GO, ,PHYOGS TZAM THOB PAR BYA BA'I PHYIR ZHES BYA BA NI DE'I CHED KYI BZHI PA YIN TE, SANGS RGYAS BCOM LDAN 'DAS RNAMS SANGS RGYAS KYI DGONGS PA THOB PA 'DZIN DU 'DZUD PA MDZAD DO; DE BAS NA SANGS RGYAS BCOM LDAN 'DAS DE'I NYAN THOS RNAMS BSAM PA GCIG PA NYID RNYED PA'I PHYIR THEG PA GCIG PA NYID DO, ,MTHAR THUG PA'I PHYIR YANG THEG PA GCIG PA NYID DE, ,GANG PHAN CHAD BGROD PAR BYA BA MED PA DE NI THEG PA YIN PAS SANGS RGYAS NYID KHO NA THEG PA GCIG YIN NO ZHES BYA BA NI DPER NA, SGRA NGAN RGYA MTSOS KLAS PA CAN, ,GZHU BDUNG MI NI JI SNYED PA, ,GZHU MCHOG CAN GYI GAN NA NI, ,BUD MED YIN PAR SHES PAR GYIS, ,ZHES BYA BA LTA BU STE, 'DI SKAD DU, MI PHO NI DE GCIG KHO NAR ZAD KYI DE LAS RTZAL CHE BA GZHAN NA MED DO ZHES SMRAS PA YIN NO, DE BZHIN THEG PA THAMS CAD KYI MTHAR THUG PA NI THEG PA CHEN PO YIN TE, DE'I PHA ROL NA THEG PA KHYAD PAR CAN GZHAN MED PAS THEG PA GCIG PA NYID DO, ,NYAN THOS KYI RIGS CAN MA NGES PA GANG DAG YIN PA'O ZHES BYA BA JI LTAR NA NYAN THOS KYI RIGS CAN YANG YIN LA MA NGES PA YIN ZHES KYANG BYA ZHE NA, DE DAG NI NYAN THOS KHO NA MA YIN PA'O, ,'O NA CI ZHE NA, MA NGES PA'I RIGS CAN DAG CIG NYAN THOS KYI SPYOD PA LA SPYAD PAS NA DE'I PHYIR NYAN THOS KYI RIGS CAN ZHES BYA STE, BYANG CHUB SEMS DPA'I RIGS CAN MA NGES PA DAG LA YANG DE BZHIN DU SBYAR BAR BYA'O, ,YANG CI'I PHYIR @95A *, ,SANGS RGYAS DANG BYANG CHUB SEMS DPA' RNAMS KYIS MA NGES PA'I RIGS CAN DAG YAL BAR DOR, GANG GIS NA NYAN THOS KYI SPYOD PA LA RAB TU SBYOR GYI BYANG CHUB SEMS DPA'I SPYOD PA LA MA YIN ZHE NA, GNAS SKABS NGES PA'I PHYIR BTANG SNYOMS SU 'JOG GO, , GNAS SKABS DER MA PHYIN PAR MA NGES PA'I RIGS CAN RNAMS BYANG CHUB SEMS DPA'I SPYOD PA LA SPYAD PAR NI MI NUS TE, JI SKAD DU 'PHAGS PA MA KHOL GYI ZHAL SNGA NAS KYIS, 'DI NI G-YANG SA'I YUL GYI MUR MA PHYIN PAR NOR CAN NYID MI 'GYUR ZHES BYA BA LA SOGS PA BSHAD PA LTA BU YIN NO, , NYAN THOS MA NGES PA YANG RNAM PA GNYIS TE, THEG PA'I DON MTHONG BA DANG THEG PA'I DON MA MTHONG BA'O ZHES BYA BA NI BDEN PA MTHONG BA DANG BDEN PA MA MTHONG BA'O ZHES BYA BA'I DON TO, ,'PHAGS PA'I LAM DE SKYE BAR BSGYUR BA NI BSAM GYIS MI KHYAB STE ZHES BYA BA NI, 'PHAGS PA'I LAM GYI SKYE BA LA SDANG BA YIN NA JI LTAR NA SKYE BAR SGYUR BAR BYED CE NA, DE NI BDEN NA DE 'PHAGS PA'I LAM KHO NAS SKYE BA NI MA YIN NO, ,'O NA CI ZHE NA, NYON MONGS PA LHAG MA MA SPANGS PA RNAMS KYIS TE, SANGS RGYAS BCOM LDAN 'DAS RNAMS NI MA NGES PA'I RIGS CAN GYI NYAN THOS DE DAG LA SANGS RGYAS NYID THOB PAR BYA BA'I PHYIR CI NAS KYANG LHAG MTHONG LHUR LEN CING THAR PA LA SMON PA'I LAM 'DOR ZHING 'KHOR BA LA MNGON DU PHYOGS PA SNYING RJE BSGOM PA'I LAM LA SBYOR BA DE LTAR 'DOMS LA, SNYING RJE'I DBANG GIS NA 'PHAGS PA'I LAM SRID PA LA SDANG BA DE CI NAS KYANG SRID PA LA RGYAB KYIS PHYOGS TE MI GNAS PA DANG MYA NGAN LAS 'DAS PA LA GZHOL BAR MI 'GYUR BA DANG, SEMS CAN GYI DON DU YANG DANG YANG DU SKYE BA LON PA DE LTAR NGES PAR BYED DE, DE LTAR NA SKYE BAR BSGYUR BA YIN NO, ,DE NYID KYI PHYIR SKYE BA DE NI BSAM GYIS MI KHYAB PAR BSGYUR BA YIN NO, ,GCIG STE 'DOD CHAGS DANG MA BRAL BA GANG YIN PA DE NI SMON LAM GYI DBANG GIS JI LTAR 'DOD PA BZHIN DU SKYE BA 'DZIN TO, ,ZHES BYA BA NI BSAM GYIS MI KHYAB PA'I SKYE BA YONGS SU 'DZIN PA'I SGO NAS YIN GYI, LAS DANG NYON MONGS PA'I DBANG GIS SKYE BA NI MA YIN NO, ,ZHES BYA BA'I THA TSIG GO, , @95B DE NI 'DOD CHAGS DANG BRAL BA YIN TE, GANG DANG GANG DU SEMS CAN GYI DON MTHONG BA DE DANG DER SKYE BAR SMON LAM 'DEBS SO, ,'DOD PA LAS 'DOD CHAGS DANG BRAL BA GANG YIN PA NI PHYIR MI 'ONG PA DANG LDAN PA'I STOBS KYIS, ZHES BYA BA NI BSAM GTAN GYI STOBS KYIS ZHES BYA BA'I DON TE, ,BSAM GTAN GYI STOBS KYIS SPRUL PA RNAMS SPRUL NAS DE DANG DE DAG TU SKYE BA KUN DU BSTAN PAS SEMS CAN GYI DON BYED DO, ,BDEN PA MTHONG BA 'DOD CHAGS DANG MA BRAL BA'I DON MA BYAS PA SLOB PA GANG YIN PA DE ZHES BYA BA NI SLOB PA DANG 'DOD CHAGS DANG MA BRAL BA STE, 'DOD PA NA SPYOD PA'I LHA TSE RING PO RNAMS KYI NANG DU SKYE LA, 'DIR NI BSTAN PA NUB PAR 'GYUR BA DANG DE'I 'OG TU SHI 'PHOS NAS SANGS RGYAS MED PA'I YUL DU SKYES TE BSAM GTAN GYI DON DU BRTZON PAR 'GYUR RO, ,CI'I PHYIR BSSAM GTAN GYI DON DU BRTZON ZHE NA, SPRUL PA'I DON DU GNYER BAS TE; DE NI SNGON 'PHAGS PA'I LAM THOB PA'I STOBS SKYIS 'DOD PA'I KHAMS KYANG RNAM PAR SUN 'BYIN PAR BYED LA DE'I SEMS YUL DAG LA YANG MNGON PAR MI DGA'O, ,DE NAS SNGON GOMS PA'I STOBS KYIS SLOB DPON MED PAR 'PHAGS PA'I LAM MNGON SUM DU BYED CING BSAM GTAN DAG SKYED PAR BYED DO, ,DE NAS RDZU 'PHRUL GYI RKANG PA BZHI BSGOMS PAS RANG GI LUS YUN RING POR GNAS PAR BYA BA'I PHYIR SPRUL PAR BYED DE, 'DI IN DE'I RANG SANGS RGYAS KYI GNAS SKABS YIN NO, ,TSOGS YONGS SU RDZOGS PAR BYA BA'I PHYIR SPRUL PA GZHAN DANG GZHAN DAG KYANG SPRUL TE; DE NAS RIM GYIS SHES BYA'I SGRIB PA SPANGS NAS BLA NA MED PA YANG DAG PAR RDZOGS PA'I BYANG CHUB 'THOB PO, ,ME'I DPE ZHES BYA BA NI DPER NA LCI BA'I ME LAS RTZVA'I MER 'GYUR LA, RTZVA'I ME LAS SHING GI MER 'GYUR BA LTAR ZHES BYA BA YIN NO, ,GANG GI TSE SNGON BDEN PA MTHONG BA'I GNAS SKABS DANG, GANG GI TSE SANGS RGYAS MED PA'I DUS SU BDAG NYID KYIS YONGS SU BSAM GTAN BSKYED NAS SKYE BA'I LUS BOR TE ZHES BYA BA NI 'DIS DUS 'DI SRID CIG THOB PO ZHES BYA BA STE, RDZU 'PHRUL GYI RKANG PA BZHI BSGOMS PAS GNAS SKABS DE BOR NAS SPRUL PA'I LUS @96A *, ,YONGS SU 'DZIN TE, DE'I 'OG TU BLA NA MED PA'I BYANG CHUB 'THOB PO, ,RTEN LA DE RJES SU DRAN PA YID LA BYED PA ZHES BYA BA NI DE DAG RJES SU DRAN PA NI DE RJES SU DRAN PA STE, PHA ROL TU PHYIN PA RJES SU DRAN PA ZHES BYA BA'I THA TSIG GO, ,RJES SU DRAN PA ZHES BYA BA'I SGRAS NI MTHONG BA'I BYA BA STON TE, DE NYID KYI PHYIR 'GREL PA BYED PAS, RTEN DU GYUR PA BYANG CHUB KYI SEMS YANG DAG PAR RJES SU MTHONG BA DANG ZHES BSHAD DO, ,YANG NA PHA ROL TU PHYIN PA RNAMS KYI RTEN NI BYANG CHUB KYI SEMS SO, ,PHA ROL TU PHYIN PA'I RTEN DU GYUR PA BYANG CHUB KYI SEMS DE YANG DAG PAR RJES SU MTHONG BA DANG ZHES BYA BAS NI DRAN PA SHES RAB DANG BCAS PA STON TE, SHES RAB KYIS BYANG CHUB KYI SEMS YANG DAG PAR RJES SU MTHONG ZHING DRAN PAS BSHAD MA THAG PA'I RIGS YANG DAG PAR RJES SU DRAN ZHING NGO, ,JI LTAR BYANG CHUB PA NI PHA ROL TU PHYIN PA'I DE KHO NA NYID THUGS SU CHUD PA STE, DE NYID KYI PHYIR MJUG THOGS SU, ,JI LTAR MNGON PAR RDZOGS PAR SANGS RGYAS PA DANG ZHES BYA BA LA SOGS PA SMOS SO, ,MTHU RNAM PA BZHI YANG DAG PAR MTHONG NAS DGA' BA'I PHYIR ZHES BYA BA LA, MTHU NI MTHU STOBS SO, ,MTHU STOBS MED PAR SEMS CAN GYI DON BYA BA MI 'GRUB PAS KUN NAS NYON MONGS PA MED PA'I THABS DE KHO NA NYID KYI DON RTOGS PA LA MOS NAS MTHU STOBS DANG LDAN PA'I YID LA BYED PA YONGS SU TSOL TE, MI MTHUN PA'I PHYOGS SPONG BA LA SOGS PA MTHU YID LA BYED PA RNAM PA BZHI'O, ,RNAM PAR SMIN PA DANG RGYU MTHUN PA'I 'BRAS BU 'BYIN PA NYID DO ZHES BYA BA NI SBYIN PA'I PHA ROL TU PHYIN PA'I RNAM PAR SMIN PA NI DBANG PHYUG GO, ,TSUL KHRIMS KYI PHA ROL TU PHYIN PA'I NI BDE 'GRO'O, ,BZOD PA'I PHA ROL TU PHYIN PA'I NI 'KHOR TO, ,BRTZON 'GRUS KYI PHA ROL TU PHYIN PA'I NI LAS KYI MTHA' GRUB PA NYID DO, ,BSAM GTAN GYI PHA ROL TU PHYIN PA'I NI GNOD PA CHUNG NGU NYID DO, ,SHES RAB KYI PHA ROL TU PHYIN PA'I NI RIG PA'I GNAS THAMS CAD LA MKHAS PA'O, ,RGYU MTHUN PA'I 'BRAS BU NI SBYIN PA LA SOGS PA GONG NAS GONG DU BYA BA KUN TU SPYOD PA GANG YIN PA'O, ,SEMS CAN DANG RANG GI SANGS RGYAS @96B KYI CHOS YONGS SU SMIN PA LAS BRTZAMS TE ZHES BYA BA NI SEMS CAN YONGS SU SMIN PA LAS BRTZAMS PA DANG, RANG GI SANGS RGYAS KYI CHOS YONGS SU SMIN PA LAS BRTZAMS PA STE, SEMS CAN YONGS SU SMIN PAR BYA BA LA SEMS CAN THAMS CAD KYI LOG PAR BSGRUB PAS SKYO BA MED LA, RANG GI SANGS RGYAS KYI CHOS YONGS SU SMIN PAR BYA BA LA PHYI DANG NANG GI SDUG BSNGAL 'BAB PA THAMS CAD KYIS SKYO BA MED DO, ,SGRUB PA RNAM PA BZHI YID LA BYED PA LA MDO'I TSIG BZHI STE, SDIG PA THAMS CAD 'CHAGS SO, ,BSOD NAMS THAMS CAD KYI RJES SU YI RANG NGO, ,SANGS RGYAS THAMS CAD LA GSOL BA 'TSAL LO, ,BDAG GI YE SHES BLA NA MED PA'I MCHOG TU GYUR CIG CES BYA BA YIN NO, ,RAB TU DANG BA YID LA BYED PA'O ZHES BYA BA NI DAD PAS MOS PA DANG BCAS PA YONGS SU GZUNG NGO, ,CHOS DE NYID LA MI SMOD PA'I TSUL GYIS ZHES BYA BA LA, MI SMOD PA NI MI SPONG BA STE, PHA ROL TU PHYIN PA ZHES BYA BA'I CHOS LA GUS PAS YANG DAG PAR NOD CING LEN CES BYA BA'I THA TSIG GO, ,YID LA BYED PA GSUM PO 'DI DAG KHO NA GDAMS NGAG RJES SU STON PA DANG SBYAR BAR BYA'O ZHES BYA BA NI GO CHA DANG SMON LAM DANG MNGON PAR DGA' BA YID LA BYED PA RNAMS TE, 'DI LTAR, DE BZHIN BSGRUB DANG YANG DAG PA'I, ,GDAMS NGAG RJES SU STON PA DANG, ,ZHES 'BYUNG BA'I PHYIR BSGRUB PA'I 'OG TU GDAMS NGAG RJES SU STON PA YIN PAS SO, ,GDAMS NGAG GI DON DU GO CHA GYON PAR BYED, SMON LAM 'DEBS, MNGON PAR DGA' STE, AA LA LA BDAG NI 'DOMS PA POR 'GYUR RO, ,SANGS RGYAS BCOM LDAN 'DAS RNAMS KYANG BDAG LA 'DOMS PAR 'GYUR RO SNYAM NAS MNGON PAR DGA'O, ,GDAMS NGAG RJES SU STON PA'I SKABS KYI 'OG TU THABS DANG LDAN PA'I LAS KYI SKABS YIN PAS DE'I PHYIR DE YID LA BYED PA'I 'OG TU SBYIN PA PHA ROL TU PHYIN PA'I SKABS SO, SBYIN PA'I SBYIN PA ZHES BYA BA LA, SBYIN PA NI DGE BA'I PHUNG PO LNGA'O, ,SBYIN PA'I NGO BO NYID DE DAG GIS GANG GI TSE GZHAN LA NANG DANG PHYI'I SBYIN PA SBYIN PAR BYED PA NI SBYIN PA'I SBYIN PA YIN NO, ,YANG NA NANG DANG PHYI'I NOR DANG 'BRU LA SOGS PA GANG YIN PA DE NI SBYIN @97A *, ,PA ZHES BYA'O, ,DE NI SBYIN PA'I PHYIR SBYIN PA'I SBYIN PA YIN NO, ,TSUL KHRIMS LA SOGS PA'I SBYIN PA NI GANG GI TSE GZHAN GYI RGYUD LA TSUL KHRIMS LA SOGS PA 'JOG PA'AM STON PA'O, ,PHA ROL TU PHYIN PA DAG KHO NAS BSDU BA'I DNGOS PO'I SBYOR BAS SEMS CAN YONGS SU SMIN PA ZHES BYA BA NI SPRO BA YID LA BYED PA ZHES BYA BAR SBYAR TE, NAM ZHIG NA BDAG BSDU BA'I DNGOS PO DAG GIS SEMS CAN RNAMS YONGS SU SMIN PAR BYED PA GANG YIN PA DER 'GYUR SNYAM NAS, DE NAS PHA ROL TU PHYIN PA DANG LDAN PA'I SBYIN PAS SEMS CAN RNAMS RJES SU 'DZIN TO, , SNYAN PAR SMRA BA NI PHA ROL TU PHYIN PA STON PA KHO NA YIN NO, ,DON SPYOD PA NI PHA ROL TU PHYIN PA YANG DAG PAR LEN DU 'JUG PA'O, ,DON MTHUN PA NYID NI GANG LA GZHAN YANG DAG PAR LEN DU 'JUG PA DE LA BDAG RJES SU 'JUG PA'O, ,LHAG MA RNAMS KYIS BSGRUB PA'I MCHOD PA DANG ZHES BYA BA NI TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB KYI PHA ROL TU PHYIN PA DAG GIS SGRUB PAS MCHED PA'O, ,SBYIN PA LA SOGS PA SGRUB PAS BYAMS PA ZHES BYA BA LA, BYAMS PA NI BDE BA DANG PHRAD PAR 'DOD PA STE BYANG CHUB SEMS DPA' NI BDE BA DANG 'DOD PA 'BA' ZHIG TU MA ZAD KYI BDE BA DANG SBYOR BAR YANG BYED DO, ,SER SNA LA SOGS PA DANG 'GROGS PA'I SEMS CAN RNAMS LA SNYING RJE BA ZHES BYA BA LA, SNYING RJE BA NI SDUG BSNGAL DANG BRAL BAR 'DOD PA'I RNAM PA'O, ,SER SNA LA SOGS PA DANG 'GROGS PA'I RNAM PA NI SEMS CAN RNAMS KYI SDUG BSNGAL GYI RGYU YIN PA'I SDUG BSNGAL YIN TE, DE'I PHYIR SEMS CAN SER SNA CAN RNAMS LA SNYING RJE'O, ,SNYING RJE 'BA' ZHIG TU MA ZAD KYI SER SNA 'DOR DU YANG 'JUG GO, ,DE DAG LA KUN NAS NYON MONGS PA MED PAR MOS PA'I SGO NAS BTANG SNYOMS SU BYED CES BYA BA NI SEMS CAN BDE BA DANG LDAN PA RNAMS LA NI SEMS CAN 'DI DAG BDE BA LA SOGS PA LA RJES SU CHAGS PAR MA GYUR CIG ,DE 'PHROG PAR BYED PA RNAMS LA NI KUN NAS NYON MONGS PA, KHRO BAR MA GYUR PAR BTANG SNYOMS SU GYUR CIG CES DE DAG LA KUN NAS NYON MONGS PA MED PAR MOS @97B PAR BYED DO, ,SBYIN PA LA SOGS PA MA BYAS PA 'AM, YONGS SU MA RDZOGS PA 'AM, LOG PAR BYAS PA DAG LA ZHES BYA BA NI MI BYED PA NI SBYIN PA LA SOGS PA LA MI 'JUG PA GANG YIN PA'O, ,YONGS SU MA RDZOGS PAR BYED PA NI CHOS KYI SBYIN PA DANG, ZANG ZING GI SBYIN PA DANG, MI 'JIGS PA SBYIN PA DAG LAS GANG YANG RUNG BA ZHIG LA 'JUG PA DANG, GANG LA 'JUG PA DE YANG YONGS SU RDZOGS PAR MI BYED PA'O, ,LOG PAR BYED PA NI BCOS PA BYED PA GANG YIN PA'O, ,NGO TSA NAS NI 'JUG PA DANG LDOG PAR BYA BA'I PHYIR YUN MI RING BAR 'GYOD PA BYED DO ZHES BYA BA LA, YUN RING PO NI RTAG TU RJES SU 'BREL BA'O, ,GANG GI TSE SBYIN PA LA SOGS PA MA BYAS PA LA 'GYOD PA NI RGYUN CHAGS SU RJES SU 'BREL PAR 'GYOD PAR NI MI BYED DE, 'DI LTAR RGYUN CHAGS PAR 'GYOD NA DGE BA LA 'JUG PA NYID DU YANG MI 'GYUR RO, ,DE BAS NA SBYIN PA LA SOGS PA MA BYAS PA 'AM, NGAN PAR BYAS PA GANG YIN PA DE LA YUD TZAM ZHIG BYANG CHUB SEMS DPA' SBYIN PA LA SOGS PA MI BYED PA 'AM NGAN PAR BYED PA NI RIGS PA MA YIN NO SNYAM DU SEMS LA BSAMS NAS DE'I 'OG TU SBYIN PA LA SOGS PA MA BYAS PA 'AM YONGS SU RDZOGS PAR MA BYAS PA DAG LA 'GYOD PA BZLOG PA'I PHYIR MA BYAS PA GANG YIN PA DE LA NI BYA BA'I PHYIR 'JUG LA, RDZOGS PAR MA BYAS PA GANG YIN PA DE LA NI RDZOGS PAR BYA BA'I PHYIR RTAG TU BYA BA DANG GUS PAR BYAS TE 'JUG GO, ,SBYIN PA LA SOGS PA LOG PAR BYAS PA DAG LA NI PHYIN CHAD LOG PAR MI 'JUG GO ZHES LOG PAR BYED PA LDOG PAR BYED DO, ,DE LTAR NA 'DI'I 'GYOD PA DE LAS LDOG GO, ,YUL LA DGA' BA ZHES BYA BA NI SBYIN PA LA SOGS PA YUL LA STE, SBYIN PA LA SOGS PA DMIGS PA LA ZHES BYA BA'I DON TO, ,PHA ROL TU PHYIN PA DANG LDAN PA'I BSTAN BCOS 'GOD PAR MNGON PAR 'DU BYED PA'I PHYIR RO ZHES BYA BA NI JI LTAR MDO SDE RGYAN 'DI NYID LAS GRANGS DANG DE'I MTSAN NYID GO RIMS DANG ZHES BYA BA'I RIM PA PHA ROL TU PHYIN PA 'GOD PA MNGON PAR 'DU BYED PA LTAR PHA ROL TU PHYIN PA RNAMS 'GOD PAR MNGON PAR 'DU BYED PA YIN NO, ,SNOD @98A *, ,JI LTA BA BZHIN DU BRJOD PA ZHES BYA BA LA NI KHA CIG NI SBYIN PA'I PHA ROL TU PHYIN PA'I CHOS BSTAN DU RUNG BA NAS SHES RAB KYI PHA ROL TU PHYIN PA'I CHOS BSTAN DU RUNG BA'I BAR YIN NO, ,RTEN NI SBYIN PA LA SOGS PA YIN GYI, DBANG PHYUG LA SOGS PA MA YIN PA'I PHYIR RO ZHES BYA BA NI PHA ROL TU PHYIN PA MA GTOGS PAR DBANG PHYUG LA SOGS PA NI RDZOGS PA'I BYANG CHUB KYI RTEN DU MI 'GYUR BA'O, ,SER SNA LA SOGS PA LA NI SKYON NYID DU SO SO YANG DAG PA NYID DU RIG LA, SBYIN PA LA SOGS PA SER SNA LA SOGS PA'I GNYEN PO LA NI YON TAN NYID DU SO SO YANG DAG PAR RIG GO, ,SBYIN PA LA SOGS PA BYANG CHUB KYI PHYOGS DANG MTHUN PA'I NGO BO NYID KYIS BYANG CHUB CHEN PO 'THOB PA'I DON DU YANG DAG PAR MTHONG BA'I PHYIR ZHES BYA BA LA, BYANG CHUB CHEN PO NI BYANG CHUB SEMS DPA' RNAMS KYI RNAM PAR MI RTOG PA'I YE SHES TE, PHA ROL TU PHYIN PA 'DI DAG BSGOMS NA BYANG CHUB CHEN PO DE'I PHYOGS DANG MTHUN PA'I NGO BOR GNAS SO, ,TSOGS KYI 'OG TU YANG BYANG CHUB KYI PHYOGS DANG MTHUN PAR BSGOM PA 'BYUNG STE, 'DI DANG LDAN PA'I YID LA BYED PA NI DON CHEN PO YIN NO, ,RNAM PAR MI RTOG PA 'DOD PA YID LA BYED PA NI PHA ROL TU PHYIN PA YONGS SU RDZOGS PAR BYA BA'I DON DU THABS LA MKHAS PA 'DOD PA'I PHYIR RO ZHES BYA BA NI PHA ROL TU PHYIN PA YONGS SU RDZOGS PAR BYA BA'I THABS NI RNAM PAR MI RTOG PA'I YE SHES TE, DE LA 'DOD PA YID LA BYA BA BYED DO, ,YANG NA SBYOR BA'I GNAS SKABS NYID NA RTOG PA MED CING RNAM PAR RTOG PA MED PAR SBYIN PA LA SOGS PA 'JUG PAR 'GYUR BAR MNGON PAR 'DU BYED DO, ,DE NAS RNAM PAR MI RTOG PA'I YE SHES THOB NAS NI RNAM PAR MI RTOG PA KHO NAR SBYIN PA LA SOGS PA 'JUG PAR 'GYUR RO, ,'DZIN PA 'DOD PA YID LA BYED PA ZHES BYA BA NI GZUNGS KYI DBANG DU BYAS NAS, RNAM SMIN THOS LA GOMS PA DANG, ,TING NGE 'DZIN GYI GZUNGS DAG NI ZHES BYA BA LA SOGS PA 'BYUNG BA LTA BU YIN NO, ,RKYEN DANG PHRAD PA 'DOD PA YID LA BYED PA ZHES BYA BA NI SBYIN PA'I PHA ROL TU PHYIN PA LA SOGS PA YONGS SU RDZOGS PAR BYA BA'I @98B PHYIR DE SKYE BA THAMS CAD DU DGE BA'I BSHES GNYEN DANG PHRAD PA LA SOGS PA DANG LDAN PAR GYUR CIG CES RKYEN TSOGS PAR SMON LAM 'DEBS PA YIN NO, ,MED PA LA YOD PAR 'DZIN PA ZHES BYA BA NI BDAG MED PA 'AM, KUN BRTAGS PA'I CHOS RNAMS LA YOD PA NYID DU 'DZIN PA STE, DE'I GNYEN POR STONG PA NYID KYI TING NGE 'DZIN TO, ,NYES PA DANG LDAN PA LA YON TAN DANG LDAN PA NYID DU 'DZIN PA ZHES BYA BA NI 'KHOR BA'I NYES PA DANG LDAN PA YIN NA DE RTAG PA DANG BDE BA DANG GTZANG BA LA SOGS PAR YON TAN DANG LDAN PA NYID DU 'DZIN TE, DE'I GNYEN POR SMON PA MED PA'I TING NGE 'DZIN TO, ,YON TAN DANG LDAN PA LA YON TAN DANG LDAN PA MA YIN PA NYID DU 'DZIN PA ZHES BYA BA NI MYA NGAN LAS 'DAS PA NI YON TAN THAMS CAD PHUN SUM TSOGS PA YIN NO, ,DE LA BYIS PA RNAMS CHAD PA'I 'JIGS PAS YON TAN DANG LDAN PA MA YIN PAR 'DZIN TO; ,'DU BYED THAMS CAD NI MI RTAG PA'O ZHES BYA BA NI ZAG PA DANG BCAS PA DANG ZAG PA MED PA RNAMS SO, ,'DU BYED THAMS CAD NI SDUG BSNGAL BA'O ZHES BYA BA NI ZAG PA DANG BCAS PA DAG KHO NA STE, THAMS CAD CES BYA BA'I SGRA PHYOGS GCIG BRJOD PA YIN PAR BLTA'O, , CHOS THAMS CAD NI BDAG MED PA'O ZHES BYA BA NI ZAG PA DANG BCAS PA DANG ZAG PA MED PA DANG, 'DUS BYAS DANG 'DUS MA BYAS RNAMS TE, THAMS CAD CES BYA BA'I SGRA 'DIR NI RI LA BRJOD PA YIN PAR BLTA'O, ,NGO MTSAR LA 'DU SHES RNAM PA BZHI YID LA BYED PA NI PHA ROL TU PHYIN PA RNAMS LA RGYA CHE BA'I 'DU SHES DANG ZHES BYA BA NI 'DI LA NGO MTSAR CHE BA DE CI ZHIG CE NA, RE ZHIG SBYIN PA'I PHA ROL TU PHYIN PA LA NI RANG GI LUS GTONG BA NGO MTSAR CHE'O, ,TSUL KHRIMS LA NI SDOM PA'I PHYIR PHUN SUM TSOGS PA RGYA CHEN PO GTONG BA NI NGO MTSAR CHE'O, , BZOD PA LA NI MTHU MED PA DAG LA BZOD PA STE, MA RABS BKREN PA GDOL PA'I BU LA SOGS PAS LAN CIG MA YIN PAR GNOD PA BYAS KYANG BU GCIG PA LA BYAMS PA BZHIN DU BZOD PA NGO MTSAR CHE'O, ,BSAM GTAN LA NI BDE BA'I BDAG NYID KYI BSAM GTAN DAG LA YANG RO MYANG BA MED @99A *, ,PA NGO MTSAR CHE'O, ,SHES RAB LA NI MI RTOG PA NGO MTSAR CHE BA STE, DE LTAR NA 'DI DAG NI NGO MTSAR CHE BA NYID KYIS RGYA CHE BA YIN NO, ,YUN RING BA'I 'DU SHES ZHES BYA BA NI DE LTAR NGO MTSAR CHE BA NYID KYIS, RGYA CHE BA'I PHA ROL TU PHYIN PA RNAMS KYANG BSKAL PA GRANGS MED PA GSUM DU KUN TU SPYOD DE, 'DI YANG NGO MTSAR CHE BA YIN NO, ,SEMS CAN GANG DAG LA PHA ROL TU PHYIN PA RNAMS KYIS PHAN 'DOGS PAR BYED PA YANG LEN LA RE BA MED PAR BYED PA 'DI YANG NGO MTSAR CHE BA YIN NO, ,RNAM PAR SMIN PA LA MI LTA BA'I 'DU SHES SO ZHES BYA BA NI SBYIN PA LA SOGS PA TSE PHYI MA'I DBANG PHYUG LA SOGS PA LA MI LTA BA'O, ,NGO MTSAR MED PA LA YANG 'DU SHES RNAM PA BZHI YID LA BYED DE ZHES BYA BA LA, NGO MTSAR MED PA RNAM PA BZHI NI PHA ROL TU PHYIN PA RNAMS RGYA CHE BA DANG YUN RING BA NYID YIN NA NI 'BRAS BU SANGS RGYAS NYID MNGON PAR 'GRUB PA DANG ZHES BYA BA NI RGYU 'DI LTA BU'I 'BRAS BU SANGS RGYAS NYID YIN NO ZHES BYA BA LA NGO MTSAR CHE BA MED DO, ,GNYIS PO DE NYID YOD NA ZHES BYA BA NI RGYA CHE BA DANG YUN RING BA NYID DO, ,RANG DANG GZHAN LA SEMS MNYAM PAR 'JOG PA GANG YIN PA DE NGO MTSAR CHE BA MED DO ZHES BYA BA NI BYANG CHUB SEMS DPA' NI SEMS CAN PHAL BA BZHIN DU GZHAN LA GNOD PAS RANG GI DON BSGRUB PA 'AM, GZHAN LA MI LTA BAR BDAG NYID KHO NA'I DON BYED PA MA YIN GYI 'DI LTAR DE NI RANG GI LUS YONGS SU GTONG BA LA SOGS PA BYED LA, RANG GI LUS YONGS SU GTONG BA LA SOGS PA DE YANG BSKAL BA MI NYUNG BAR KUN DU SPYOD DE RGYA CHE BA DANG YUN RING BA NYID 'DIS RANG DANG GZHAN LA SEMS MNYAM PAR 'GYUR BA LA NGO MTSAR CHE BA MED DO, ,DE DAG PAS KHYAD PAR DU 'PHAGS PA ZHES BYA BA NI SEMS CAN SKYE BO SDUG BSNGAL BAR GYUR PA DAG PAS KHYAD PAR DU 'PHAGS PA STE, BRGYA BYIN LA SOGS PA NI BYANG CHUB SEMS DPA' SEMS CAN SDUG BSNGAL BAR GYUR PA GANG DAG LA SBYIN PA LA SOGS PAS PHAN 'DOGS PAR BYED PA DE DAG LA LTOS NA KHYAD PAR DU 'PHAGS PA YIN NO, ,BRGYA BYIN LA SOGS PA LAS MCHOD PA LA SOGS PA RNYED DU @99B ZIN KYANG LAN LA MI LTA NA, GANG DAG LA SBYIN PAR BYA BA NYID KYANG MED PA'I SEMS CAN SDUG BSNGAL BAR GYUR PA RNAMS LA LTA SMOS KYANG CI DGOS ZHES BYA BA LA NGO MTSAR CHE BA MED DE, GANG ZHIG BRGYA BYIN LA SOGS PA CHES KHYAD PAR DU 'PHAGS PA LA YANG LAN LA MI LTA BA DE JI LTAR SKYE BO GZHAN LA YANG LAN RE BAR 'GYUR RO, ,'JIG RTEN THAMS CAD LA MNGON PAR 'PHAGS PA'I LUS DANG LONGS SPYOD 'THOB TU ZIN KYANG RNAM PAR SMIN PA LA MI LTA BA NYID DO, ,ZHES BYA BA NI GANG ZHIG SBYIN PA LA SOGS PA'I 'BRAS BU DBANG PHYUG LA SOGS PA'I BDAG NYID MI 'DOD BZHIN DU 'JIG RTEN THAMS CAD LAS MNGON PAR 'PHAGS PA'I LUS KYANG 'THOB LA, LONGS SPYOD RNAM PA SNA TSOGS KYANG 'THOB PA DE RNAM PAR SMIN PA LAS MI LTA'O ZHES BYA BA 'DI NI NGO MTSAR CHE BA MED DO SNYAM PA YID LA BYED PA NI SBYIN PA LA SOGS PAS SEMS CAN THAMS CAD LA MNYAM PA NYID 'JUG PAR MNGON PAR 'DU BYED PA'I PHYIR RO ZHES BYA BA NI BYANG CHUB SEMS DPA'I SBYIN PA LA SOGS PA'I BYA BA LA ZHUGS PA LA NI 'DI SNYAM DU SEMS CAN 'DI DAG NI GNYEN PO LA SOGS PA STE, BDAG LA BYAMS PA YIN PAS 'DI DAG NI SBYIN PA LA SOGS PA RAB TU SBYIN PAR BYA'O, ,'DI DAG NI GNYEN PA MA YIN TE, BYAMS PA MA YIN PA 'DI DAG LA NI RAB TU SBYIN PAR MI BYA'O SNYAM DU SEMS PA'I MA SNYOMS PAR 'GYUR BA MED DO, ,'O NA CI ZHE NA, KHYAD PAR MED PAR SEMS CAN THAMS CAD LA SBYIN PA LA SOGS PA LA 'JUG GO, ,BDAG NYID CHEN PO MTHONG BA YID LA BYED PA NI PHA ROL TU PHYIN PA RNAMS LA SEMS CAN LA PHAN PA NYID DU YANG DAG PAR MTHONG BA'I PHYIR RO ZHES BYA BA NI SBYIN PAS NI SEMS CAN RNAMS DGE BA BYA BA'I SNOD NYID LA 'GOD PAR BYED DO, ,'DI NI SBYIN PA'I PHA ROL TU PHYIN PA'I PHAN PA NYID YIN NO, ,TSUL KHRIMS KYI PHA ROL TU PHYIN PA'I PHAN PA NYID NI GZHAN DAG SDOM PA LA SOGS PA TSUL KHRIMS GSUM LA 'GOD PA YIN NO, ,BZOD PAS PHAN PA NYID NI GNOD PA BYED PA LA BZOD PA YIN NO, ,BRTZON 'GRUS KYIS NI DON BYED PAR 'GYUR BA NYID YIN NO, ,BSAM GTAN GYIS NI MTHU'I KHYAD PAR DANG LDAN PA'I PHYIR DANG BAR BYED PA YIN NO, ,SHES RAB KYIS NI THE TSOM CAN @100A *, ,RNAMS KYI THE TSOM GCOD PA YIN NO, ,LAN RE YID LA BYED PA NI GZHAN DAG LA SBYIN PA LA SOGS PA'I YON TAN LA 'JUG PAS SO ZHES BYA BA NI GAL TE GZHAN DAG LA SBYIN PA LA SOGS PA RAB TU SBYOR NA DE LTAR NA DE DAG GIS BYANG CHUB SEMS DPA' LA LAN DU PHAN BTAGS PAR 'GYUR RO; ,SMON PA YID LA BYED PA NI SEMS CAN DAG LA PHA ROL TU PHYIN PA RNAMS GNAS GSUM DU SMON PA'I PHYIR TE ZHES BYA BA NI, RTAG TU 'PHEL DANG NYAMS PA DANG, ,SEMS CAN RAB TU SMIN PA DANG, ,SA LA KHYAD PAR 'GRO BA DANG, ,BLA NA MED PA'I BYANG CHUB 'DOD, ,CES 'BYUNG BA LTA BU YIN NO, ,RGYUN DU YID LA BYED PA NI SBYIN PA LA SOGS PAS DUS DON YOD PAR BYED PAR MNGON PAR 'DU BYED PA'I PHYIR RO ZHES BYA BA NI, 'JIGS SPANGS YANG DAG BSKYED PA DANG, ,THE TSOM DAG NI GCOD PA DANG, ,ZHES BYA BA LA SOGS PA LTA BUS DUS DON YOD PAR BYED PAR MNGON PAR 'DU BYED DO, , YANG DAG PA'I SBYOR BA YID LA BYED PA NI PHYIN CI MA LOG PAR BSGRUB PA YID LA BYED PA DANG, TSU ROL DU MI GNAS PA'I YID LA BYED PAS DE STON PAR BYED DE, JI SKAD DU 'PHAGS PA DKON MCHOG BRTZEGS PA'I MDO LAS, RNAM PAR SMIN PA LA RE BA MED PA'I SBYIN PAS ZHES BYA BA LA SOGS PAS JI SRID KYIS THOB PAR BYA BA'I DON MTHAR PHYIN PA DE SRID DU PHYIN CI MA LOG PA'I SBYOR BAS RAB TU SBYOR RO, ,JI SRID DU THOB PAR BYA BA'I DON DE MA THOB PA DE SRID DU RNAM PA GANG GIS KYANG TSU ROL DU MI GNAS SO ZHES 'BYUNG BA LTA BU STE, YANG DAG PA'I SBYOR BA YID LA BYED PA NI DE LTA BU YIN PAR RIG PAR BYA'O, ,MA DAD PA ZHES BYA BA NI PHA ROL TU PHYIN PA LTAR BCOM PA LA MA DAD PA ZHES BYA BAR SBYAR RO, ,YANG DAG PA LA NI DAD PA STE, RE BA MED PA'I SBYIN PA DANG, ,YANG SRID MI 'DOD TSUL KHRIMS DANG, ,ZHES BYA BA LA SOGS PA 'BYUNG BA LTA BU YIN NO, ,DANG DU MI LEN PA YID LA BYED PA ZHES BYA BA JI LTAR NA DANG DU LEN PAR MI BYED CE NA, 'DI LTAR SER SNA LA SOGS PA MI MTHUN PA'I PHYOGS 'DUL BAR MNGON PAR 'DU BYED PAS TE, MI MTHUN PA'I PHYOGS DE DAG CI NAS KYANG YANG MI 'BYUNG BA DE LTAR 'DUL BAR BYED DO, ,DGA' BA YID LA BYED PA NI @100B RNAM PA GNYIS TE, PHA ROL TU PHYIN PA YONGS SU RDZOGS PA LUNG BSTAN PA THOB PAR DGA' BA YID LA BYED PA DANG ZHES BYA BA NI, GANG ZAG DUS KYI BRI BRAG GIS, ,BLO LDAN LUNG BSTAN RNAM PA GNYIS, ,BYANG CHUB DANG NI LUNG BSTAN PAR, ,ZHES BYA BA LA SOGS PA 'BYUNG BA LTA BU YIN NO, ,DGA' BA YID LA BYED PA NI PHA ROL TU PHYIN PA YONGS SU RDZOGS PA LUNG BSTAN PA THOB PAR BYA BA'I CHED DU STE, DUS 'DI SRID CIG NA PHA ROL TU PHYIN PA RNAMS YONGS SU RDZOGS PAR 'GYUR RO ZHES DE LTAR LUNG STON PA'I PHYIR RO, ,BYANG CHUB SEMS DPA' LA NI LUNG STON PA DE LTA BU LA DGA' BA YID LA BYED PA 'BYUNG NGO, ,PHA ROL TU PHYIN PA NGES PA'I SA LA GNAS PA 'THOB PAR DGA' BA YID LA BYED PA'O, ,ZHES BYA BA NI BDAG NAM ZHIG PHA ROL TU PHYIN PA RNAMS NGES PA'I SA LA GNAS PA 'THOB PAR 'GYUR BA GANG YIN PA DER 'GYUR SNYAM DU DE LTAR DGA' BA YID LA BYED PA BSKYED PA'O, ,PHA ROL TU PHYIN PA RNAMS NGES PA'I SA LA GNAS 'THOB PA NI SA THOB PA'I DUS NAS BZUNG STE, BLO LDAN RNAM PA THAMS CAD DU, ,PHUN SUM TSOGS DANG SKYE BA NGES, ,ZHES BYA BA LA SOGS PA NGES PAR 'GYUR BA RNAM PA DRUG 'CHAD PAR 'GYUR BA LTA BU YIN NO, , PHUN SUM TSOGS PA NGES PAR GYUR PA NI RTAG TU LONGS SPYOD PHUN SUM TSOGS PA RGYA CHEN PO THOB PA'I PHYIR RO, ,DE BZHIN DU TSUL KHRIMS KYI PHA ROL TU PHYIN PA LA SOGS PA'I'O, ,SKYE BA LA SOGS PA NGES PAR 'GYUR BA NI JI LTAR 'DOD PA BZHIN DU SKYE BA YONGS SU 'DZIN PA LA SOGS PA YIN PAR RIG PAR BYA'O, ,TSE PHYI MA LA MTHONG BA'I PHYIR 'JUG PA YID LA BYED PA NI BYANG CHUB SEMS DPA' YIN PHAN CHAD 'GRO BA GANG DU SON YANG SBYIN PA LA SOGS PA GDON MI ZA BAR BYA DGOS SO SNYAM DU MNGON PAR 'DU BYED PA'I PHYIR RO ZHES BYA BA NI BYANG CHUB SEMS DPA'I RIGS LA GNAS PA PA NI 'DI LTAR BYANG CHUB SEMS DPA' NI NAM YANG RUNG STE, GDON MI ZA BAR PHA ROL TU PHYIN PA RNAMS LA GNAS PAR BYA DGOS SO, ,'DI DAG LA MI GNAS PHAN CHAD BYANG CHUB SEMS DPA' NYID KYANG MA YIN NO ZHES DE LTAR LTA STE, MCHOD BSLAB YANG DAG BLANG BA DANG, @101A *, ,SNYING RJE DGE BA BSGOM PA DANG, ,ZHES BYA BA LA SOGS 'BYUNG BA LTA BU YIN NO, ,MNYAM PA NYID DU LTA BA YID LA BYED PA NI DE LAS GZHAN PA'I BYANG CHUB SEMS DPA' RNAMS BDAG DANG LHAN CIG PHA ROL TU PHYIN PA RTAG TU BYA BAR MOS PA'I PHYIR RO ZHES BYA BA NI BDAG GANG YIN PA DE NYID BYANG CHUB SEMS DPA' GZHAN DAG KYANG YIN NO ZHES MNYAM PA NYID DU LTA BA'I PHYIR TE, DE DAG PHA ROL TU PHYIN PA RNAMS LA KUN TU SPYOD PA GANG YIN PA DE BDAG GI YANG YIN LA, BDAG LA BDAG PHA ROL TU PHYIN PA RNAMS LA SBYOR BA BYED PA GANG YIN PA DE LA GZHAN DAG KYANG SBYOR BA YIN NO ZHES DE LTAR MOS PA'I PHYIR RTAG TU BYED PA NYID DU 'GYUR TE, 'DI LTAR 'JIG RTEN GYI KHAMS MTHA' YAS MU MED PA DAG NA BYANG CHUB SEMS DPA' RNAMS SKAD CIG RE RE RTAG TU GUS PAR BYAS TE, SBYOR BAS PHA ROL TU PHYIN PA RNAMS LA RAB TU SBYOR RO, ,BDAG NYID MCHOG TU NGES PAR 'DZIN PA YID LA BYED PA NI PHA ROL TU PHYIN PA MCHOG GIS CHOS LA ZHUGS PAS BDAG NYID GTZO BO'I NGO BOR YANG DAG PAR MTHONG BA'I PHYIR RO ZHES BYA BA NI BYANG CHUB SEMS DPA' GANG GI TSE PHA ROL TU PHYIN PA RNAMS LA 'JUG PA DE'I TSE PHA ROL TU PHYIN PA RNAMS LA SBYOR BA NI 'JIG RTEN GYI CHOS DAG PAS MCHOG GTZO BO DAM PA YIN NO ZHES PHA ROL TU PHYIN PA LA SBYOR BA MCHOG NYID DU 'DZIN TO, ,YANG NA PHA ROL TU PHYIN PA RNAM PA GSUM PO DAG LA CHOS KYI SBYIN PA DANG, ZANG ZING DANG MI 'JIGS PA SBYIN PA RNAMS KYI NANG NA NI CHOS KYI SBYIN PA GTZO BO YIN LA, TSUL KHRIMS RNAM PA GSUM LA NI ZLOG PA'I TSUL KHRIMS GTZO BO YIN NO ZHES BYA BA DE LTA BU LA SOGS PAR RO, ,PHA ROL PHYIN BCU'I RGYUS BYUNG BA, ,DGE BA YID BYED 'DI DAG NI, ,ZHES BYA BA NI PHA ROL TU PHYIN PA BCU DANG LDAN PA'I PHYIR RGYU LAS BYUNG BA ZHES BYA'O, ,RTAG TU BYANG CHUB SEMS DPA' YI, , KHAMS NI BRTAS PAR BYED PA YIN, ,ZHES BYA BA NI PHA ROL TU PHYIN PA'I RIGS BRTAS PAR BYED PA YIN NO ZHES BYA BA'I DON TO, ,CHOS YONGS SU TSOL BA'I RAB TU DBYE BA LA TSIGS SU BCAD PA GNYIS TE, ZHES BYA BA NI CHOS YONGS SU TSOL BA'I RAB TU DBYE BA GANG DAG YIN PA DE DAG GI @101B DBANG DU BYAS TE, TSIGS SU BCAD PA GNYIS SO, ,THOS PA LA MOS PA RGYAS PAS SO ZHES BYA BA NI LAS DANG PO'I GNAS SKABS NA THEG PA CHEN PO LA MOS PA SKYE BA GANG YIN PA'O, ,LHAG PA'I BSAM PA NI CHOS KYI SGO'I RGYUN GYIS SO ZHES BYA BA LA, BSAM PA LHAG PA NI LHAG PA'I BSAM PAS TE SA DANG PO THOB PA'I DUS KYI NA'O, ,LHAG PA'I BSAM PA DE NI CHOS KYI RGYUN GYIS 'THOB STE, 'DI LTAR CHOS KYI RGYUN GYI TING NGE 'DZIN NI MOS PAS SPYOD PA'I SA'I RTZER PHYIN PA LAS 'BYUNG LA DE'I MJUG THOGS SU NI SA THOB PO, ,DE NYID KYI PHYIR SPANG BA MED PA NI GNYIS PA'O ZHES 'CHAD PAR 'GYUR RO, ,CHEN PO NI DBANG 'BYOR PA THOB PA RNAMS KYI'O ZHES BYA BA LA, DBANG 'BYOR PA NI BRGYAD PA LA SOGS PAS CHEN PO LA ZHUGS PA RNAMS KYI YIN NO, ,SKU DANG BCAS PA NI MOS PAS SPYOD PA NI BSGOMS PA LAS BYUNG BA'O ZHES BYA BA NI MOS PAS SPYOD PA'I GNAS SKABS NA'O, ,SA DANG PO MA THOB PAR JI LTAR SKU DANG BCAS PA YIN ZHE NA, GZUNG BA DANG 'DZIN PA'I DON 'JIG PAS CUNG ZAD CIG THOB PA'I PHYIR SKU DANG BCAS PA YIN NO, ,SA DANG PO LA SOGS PA LA NI MTHONG BA'I LAM GYIS SPANG BAR BYA BA 'JIG TSOGS LA LTA BA LA SOGS PA SPANGS PA'I PHYIR DANG GNYIS SU 'DZIN PA DANG BRAL BA'I PHYIR SKU THOB PA ZHES BYA'O, ,RGYU NYID KYI CHOS YONGS SU TSOL BA LA TSIGS SU BCAD PA ZHES BYA BA NI 'DI LTAR CHOS YONGS SU BTZAL NA MTSAN DANG DPE BYAD BZANG PO LA SOGS PA'I RGYUR 'GYUR BAS SO, ,CHOS NI GZUGS LA NI MTSAN GYI RGYU'O ZHES BYA BA NI GZUGS KYI PHUNG PO LA MTSAN RNAMS GSAL GYI TSOR BA LA SOGS PA GZUGS CAN MA YIN PA LA NI MA YIN PAS, DE'I PHYIR CHOS NI GZUGS LA NI MTSAN GYI RGYU'O ZHES BSHAD DO, ,GZUGS CAN MA YIN PA LA NI NAD MED PA'I RGYU ZHES BYA BA LA CHOS GZUGS CAN MA YIN PA LA NI SEMS DANG SEMS LAS BYUNG RNAMS TE, 'DOD CHAGS LA SOGS PA KUN NAS NYON MONGS PA GANG GIS SEMS KUN NAS NYON MONGS PAR BYED PA DE DAG NYE BAR ZHI BAR BYED PAS DE'I PHYIR CHOS NI NAD MED PA'I RGYUR BSHAD DO, ,DE DAG ZAD MI SHES PA NYID KYI RGYU YIN PA'I PHYIR MYA NGAN LAS @102A *, ,'DAS PAR 'DU SHES ZHES BYA BA LA, DE DAG CES BYA BA'I SGRAS NI MNGON PAR SHES PA LA SOGS PA'I NOR BZUNG STE, SANGS RGYAS DANG BYANG CHUB SEMS DPA' RNAMS KYI MYA NGAN LAS 'DAS PA LA NI RNAM PA GANG GIS KYANG ZAD PA MED PAS DE'I PHYIR MYA NGAN LAS 'DAS PA BZHIN DU MNGON PAR SHES PA LA SOGS PA'I NOR YANG YONGS SU ZAD PAR MI 'GYUR RO, ,'JIG RTEN NI NOR ZAD PAS 'JIGS PAR 'GYUR NA, SANGS RGYAS DANG BYANG CHUB SEMS DPA' RNAMS KYI MNGON PAR SHES PA LA SOGS PA'I NOR LA NI ZAD PA MED PAS DE'I PHYIR 'JIGS PA MED DO, ,RNAM PAR RTOG PA NI DANG PO MED PA DANG YOD PAR RNAM PAR RTOG PA DE DAG NI GANG ZAG LA BDAG MED PA'I MI MTHUN PA'I PHYOGS SU GYUR PA YIN NO, ,GNYIS PA DAG NI CHOS LA BDAG MED PA'I MI MTHUN PA'I PHYOGS SU GYUR PA YIN NO, ,GZUGS NYID STONG PA NYID CES BYA BA NI CHOS DANG CHOS CAN GZHAN MA YIN PA'I PHYIR TE, STONG PA NYID GZUGS SO ZHES BYA BA YANG DE DANG 'DRA'O, ,THABS KYI CHE BA NYID NI BRTZON 'GRUS DRAG PO NYID KYI PHYIR ZHES BYA BA NI BRTZON 'GRUS MI DMAN PA DANG MI 'KHRUG PA DANG CHOG PAR MI 'DZIN PAS TE, BRTZON 'GRUS DRAG PO DE YANG THABS KYIS YONGS SU ZIN PA YIN GYI, GZU LUMS KYI BRTZON 'GRUS KYIS NI MA YIN NO, ,DE BZHIN NYID BCAS GNYIS KYI CHOS NYID YONGS BTZAL BA, ,ZHES BYA BA NI KUN RDZOB KYI BDEN PA'I CHOS NYID DANG, DON DAM PA'I BDEN PA'I CHOS NYID DO, ,DE YONGS SU TSOL BA NI GNYIS KYIS YONGS SU TSOL BA STE, 'DI SKAD DU KUN RDZOB KYI BDEN PA'I CHOS LA MKHAS PA DANG, DON DAM PA'I BDEN PA'I CHOS LA MKHAS PA ZHES BSHAD PA YIN NO, ,CHOS YONGS SU TSOL BA'I SKABS RDZOGS SO,, ,,CHOS YONGS SU TSOL BA'I SKABS KYI 'OG TU CHOS STON PA'I SKABS TE, 'DI'I 'BREL PA GANG YIN ZHE NA, GONG DU RNAM PA GANG DAG GI DE'I SBYOR BA'I SA LA SLOB PA DE DAG NI SLOB PA'I RNAM PA'I KHYAD PAR YIN TE, DE DAG KYANG BSAM PA'I KHYAD PAR LA SOGS PA'O ZHES BSHAD PA LA BSAM PA DANG SBYOR BA'I KHYAD PAR DAG NI MOS PA YONGS SU TSOL BA'I SKABS SU BSHAD @102B ZIN TO, ,DA NI GZHAN LA PHAN PA BSGRUB PA'I KHYAD PAR GYI SKABS LA BAB PAS DE BRJOD DO, ,JI LTAR NA GZHAN LA PHAN PA SGRUB PA YIN ZHE NA, GZHAN DAG LA DAM PA'I CHOS YANG DAG PAR RAB TU STON PA'I PHYIR TE, DE BAS NA CHOS YONGS SU TSOL BA'I SKABS KYI 'OG TU CHOS STON PA'I SKABS YIN NO, ,CHOS STON PA LA SER SNA DGAG PA'I TSIGS SU BCAD PA ZHE BYA BA NI JI LTAR NA CHOS STON PA LA BYANG CHUB SEMS DPA' RNAMS KYI SER SNA SKABS NYID MED PA DE STON PAR BYED PA'O, ,BYANG CHUB SEMS DPA' RNAM PA NI SNYING RJES SROG DANG LONGS SPYOD TSEGS CHEN POS RNYED CANG ZAD PAR 'GYUR BAS SNYING PO MED PA DAG KYANG SEMS CAN SDUG BSNGAL BAR GYUR PA RNAMS LA SBYIN PAR BYED PA NA ZHES BYA BA NI YO BYAD ZAD NA'ANG SDUG BSNGAL BAR 'GYUR LA, SROG ZAD NA YANG 'CHI BAR 'GYUR BAS GANG ZHIG ZAD PAR 'GYUR BA DE NI SBYIN PAR MI NUS KYI, GANG ZHIG SBYIN YANG ZAD PA MED PA DE LA NI SEMS ZHUM PAR MI 'GYUR RO, ,CHOS NI BYIN YANG ZAD PAR MI 'GYUR GYI, MAR ME LAS MAR GYI ME SPAR BA DE BZHIN DU 'PHEL BAR 'GYUR RO, ,LONGS SPYOD KYANG TSEGS CHEN POS BSGRUB PAR BYA BA YIN LA, MI NYID KYANG YID LA SMON PA BRGYA PHRAG MANG POS 'THOB STE, GANG ZHIG DE LTAR TSEGS CHEN POS RNYED PA'I LUS DANG LONGS SPYOD DE DAG KYANG YONGS SU GTONG BA DE JI LTAR TSEGS CHEN POS RNYED PA MA YIN PA CHOS YONGS SU GTONG BAR MI BYED, CHOS NI SROG DANG LONGS SPYOD DAG PAS KYANG CHOS SHIN TU RNYED PAR DKA' BAS TSIGS SU BCAD PA PHYED TZAM GYI PHYIR YANG BYANG CHUB SEMS DPA' BDAG NYID YONGS SU BTANG STE, JI SKAD DU, LEGS GSUNGS TSIGS BCAD PHYED TZAM YANG, ,NYID KYI SKU YI DRIN GYIS BSGRUBS, ,ZHES BYA BA LA SOGS PA BSHAD PA LTA BU DANG, JI SKAD DU BDAG NI TSIGS BCAD GCIG GI PHYIR YANG BDAG NYID TSANGS PA'I 'JIG RTEN NAS ME'I 'OBS SU 'DOR BAR SPRO'I ZHES GSUNGS PA LTA BU'O, ,DE LTA BAS NA GANG ZHIG DE LTAR RNYED DKA' BA DE LA 'DI SKAD DU, RNYED PAR SLA BA ZHES JI SKAD DU BRJOD CE NA, DE NI DE LTAR MI GZUNG GI ,SANGS RGYAS BYUNG BA NAS BZUNG STE, ,JI SRID DU BSTAN PA GNAS PA DE'I BAR DU NI DAM PA'I @103A *, ,CHOS TSEGS CHEN POS RNYED PA MA YIN TE, 'DI LTAR SANGS RGYAS BCOM LDAN 'DAS RNAMS NI GDUL BA'I SKYE BO'I THAD DU GSHEGS SHING GSHEGS NAS YUL DANG DUS LA SOGS PA LA LTOS TE, SEMS CAN DAG LA NI MI 'DOD PA BZHIN DU YANG STON PAR MDZAD PAS DE'I PHYIR TSEGS CHEN POS RNYED PA MA YIN PA ZHES BYA'O, ,CHOS YANGS PA NI THEG PA CHEN PO'I CHOS SO, ,GANG PHYIR RANG RIG CHOS PAS BCOM LDAN 'DAS KYIS MA BSTAN ZHES BYA BA NI GANG GI PHYIR CHOS NI SO SO RANG GIS RIG PAR BYA BA YIN PAS, BCOM LDAN 'DAS KYIS MA BSTAN PA DE'I PHYIR CHOS BSTAN PA DON MED DE, SANGS RGYAS BCOM LDAN 'DAS RNAMS KYI THUGS SU CHUD PA'I CHOS SO SO RANG GIS RIG PAR BYA BA'I GNAS SKABS GANG YIN PA'I SO SO RANG GIS RIG PAR BYA BA DE NI GZHAN DAG LA BSTAN PAR MI NUS SO, ,ME ZHES BYA BA'I SGRAS NI ME'I RANG GI NGO BO BRJOD PAR MI NUS TE, GAL TE ME ZHES BYA BA'I SGRAS ME'I RANG GI NGO BO BRJOD NA NI ME ZHES BYA BA'I SGRAS BRJOD PA'I DUS NA KHA TSIG PAR 'GYUR RO ZHE NA, TSIG GIS CHOS RNAMS KYI NGO BO NYID BRJOD PAR MI NUS MOD KYI, 'ON KYANG SANGS RGYAS BCOM LDAN 'DAS RNAMS NI DE DANG MTHUN PA'I GTAM BSNYAD PA CHOS BSTAN PAS SO SO RANG GIS RIG PAR BYA BA LA GDUL BA RNAMS KYI RTOGS PA SKYED PAR MDZAD DO, ,DE'I PHYIR 'DI SKAD DU, RIGS PA BSHAD PA CHOS RNAMS KYIS, ,SKYE BO NYID KYI CHOS LA KUN NAS DRANGS, ,ZHES BYA BA SMOS SO, ,'DI LTAR RIGS PAR BSHAD PA'I CHOS BSTAN PAS 'JIG RTEN NYID KYI CHOS LA KUN NAS DRANGS TE, RGYU 'DIS NA CHOS BSTAN PA DON MED PA MA YIN NO, ,NYID KYI CHOS NI BCOM LDAN 'DAS KYI BKA' STE, CHOS BSTAN PA DE LA 'GOD PAR MDZAD DO, ,YANG NA NYID KYI CHOS NI BSTAN PA LA 'JUG PA STE, ZHUGS NA THOS PA DANG BSAM PA DANG BSGOM PA'I RIM GYIS RTOGS PA 'THOB PAS CHOS BSTAN PA DON MED PAR MI 'GYUR RO, ,JI LTAR NA CHOS BSTAN PA DON MED PAR MI 'GYUR BA NI TSIGS SU BCAD PA GNYIS PA'I PHYED KYIS STON TO, ,GAL TE THOS PA TZAM GYIS DON MTHONG 'GYUR NA BSGOM PA DON MED 'GYUR, ,ZHES BYA BA LA, GAL TE DON @103B MTHONG BA ZHES BYA BA NI DON RTOGS PA GANG YIN PA ZHES BYA BA'I THA TSIG GO, ,GAL TE DON GANG ZHIG RTOGS PAS MNGON SUM DU BYA BA DE THOS PA TZAM KHO NAS MNGON DU BYED CING RTOGS PAR 'GYUR NA NI DE'I PHYIR BSGOM PA DON MED PAR YANG 'GYUR BA ZHIG NA, GANG GI PHYIR DON DE BSGOMS PAS MNGON SUM DU BYED PA DE'I PHYIR BSGOM PA DON MED PAR MI 'GYUR RO, ,DE LTAR BDE BAR GSHEGS KYI BSTAN PA GANG YIN DE YANG DON MED MIN, ,ZHES BYA BA JI LTAR BSTAN PA DON MED PAR MI 'GYUR BA DE NI RKANG PA THA MA, GAL TE MA THOS PAR YANG BSGOM 'JUG 'GYUR NA BSTAN PA DON MED 'GYUR, ,ZHES BYA BAS STON TE, MNYAM PA MED PAR NI BSGOM PAR MI 'GYUR RO, ,DE LTA BAS NA CHOS BSTAN PA DON MED PA MA YIN TE, JI SKAD DU CHOS MNGON PA KUN LAS BTUS PA LAS, GNYIS LA BRTEN NAS GNYI GAR GNAS PAR 'GYUR RO ZHES BSHAD PA LTA BU YIN NO, ,STON PA RNAM PAR DBYE BA LA TSIGS SU BCAD PA ZHES BYA BA JI LTAR NA LUNG LA SOGS PAS STON PA RNAM PAR DBYE BA YIN ZHE NA, LUNG LAS RNAM PAR DBYE BA NI 'DI LTAR BYANG CHUB SEMS DPA' RNAMS SANGS RGYAS DAG LAS CHOS THOS NAS GZHAN DAG LA STON PAR BYED DE, DE LTA BAS LUNG LAS KYANG CHOS RNAM PAR DBYE BA BYAS PA YIN NO, ,RTOGS PA LAS KYANG ZHES BYA BA NI, CHOS RTOGS NAS DE NYID SEMS CAN DAG LA STON PAR BYED DE, ,DE LTAR NA RTOGS PA LAS KYANG RNAM PAR PHYE BA YIN NO, ,GZUGS LAS KYANG ZHES BYA BA NI CHOS GZUGS CAN SHING DANG SIL SNYAN LA SOGS PA LAS CHOS STON PA 'BYUNG BA GANG YIN PA'O, ,DAM PA'I CHOS YONGS SU 'DZIN PAS NI DON SNA TSOGS KYANG RTOGS PAR 'GYUR LA, MANG DU THOS PA YANG 'PHEL BAR 'GYUR TE, DE BAS NA STON PA RGYA CHEN POR 'GYUR RO, ,SKYES BU DAM PA'I LAS BYED PA ZHES BYA BA NI GAL TE KHA NA MTHO BA MED PA'I LAS BYED PAS KHA NA MA THOB MED PA'I LAS CAN SGRUB PA LA GNAS PA ZHIG CHOS STON NA DES NA STON PA PHUN SUM TSOGS PAR 'GYUR TE, DE LTAR NA TSIG BZUNG BAR 'OS PAR 'GYUR RO, ,CHOS KYI SBYIN PA CHEN PO RNAM PAR 'BYED DO ZHES BYA BA NI GZHAN DAG LA RNAM PAR 'BYED CING TSIG DANG DON RGYAS PAR @104A *, ,STON PA YIN NO, ,RGYAGS PA DANG BRAL BA NI BSTOD DAM GRUB NA RGYAGS PAR MI 'GYUR BA'I PHYIR RO ZHES BYA BA NI BSHAD PA DES RANGS PAR BYAS PA GANG YIN PAS BSTOD NA YANG RGYAGS PA'AM KHENGS PAR MI 'GYUR LA, GANG GI TSE DON RTOGS PAR DKA' BA GANG YIN PA DE BSHAD PAS GSAL BAR BYED SGRUB PAR BYED LA, DE GRUB NA DE 'DI SNYAM DU AA LA LA BDAG GIS DON RTOGS PAR DKA' BA BSGRUBS SO SNYAM DU RGYAGS PAR MI 'GYUR BA YIN NO, ,MI SKYO BA NI DUB PA MED PA'I PHYIR RO ZHES BYA BA LA DUB PA NI SKYO BA YIN TE, BYANG CHUB SEMS DPA' CHOS STON PA LA DUB PA NYID MED PA'I PHYIR STON PA MI SKYO BA ZHES BYA'O, ,ZANG ZING MED PA NI DAD PA'I LHAG PAR BYA BA DON DU MI GNYER BA'I PHYIR RO ZHES BYA BA NI BYANG CHUB SEMS DPA' NI SEMS LA 'DI SNYAM DU 'JIG RTEN GYI CHOS THOS TE YI RANGS NAS RNYED PA DANG BKUR STI LA SOGS PAS MCHOD PA BYED PAR 'GYUR RO SNYAM DU BSAMS NAS, CHOS STON PAR MI BYED KYI, 'ON KYANG ZANG ZING MED PA'I SEMS KYIS RNYED PA DANG BKUR STI LA SOGS PA DON DU MI GNYER BAR SNYING RJES CHOS STON TO, ,GRONG KHYER PA'I GSUNG DANG, SNYAN CING 'JEBS PA DANG, RNAM PAR GSAL BA DANG, RNAM PAR RIG PAR BYED PA DANG, MNYAN PAR 'OS PA DANG, BRTEN PA MED PA DANG, MI MTHUN PA MED PA DANG, GTUGS PA MED PAS CHOS STON TO ZHES BYA BA'I MDO'I TSIG 'DI DAG ,RGYAL SRAS TSIG NI MI ZHAN PA, ,SNYAN CING LEGS BSHAD GRAGS PA DANG, ,ZHES BYA BA'I TSIGS SU BCAD PA'I TSIG 'DI DAG GI 'GREL PA LAS SBYAR BAR SHES PAR BYA STE, SNYAN CING 'JEBS PA NI BZANG PO'O ZHES BYA BA'I THA TSIG GO, ,RAN PA NI MI MTHUN PA MED PA STE, JI LTAR MI MTHUN PA MED CE NA, DE STON TE, TSIG RNA PA LA MI SKYO BA'I PHYIR RO, ,'DI LTAR BSHAD PA'I TSAD NGES PA MED PA NI 'JIG RTEN DANG MI MTHUN PAR 'GYUR RO, ,MI MTHUN PA'I PHYIR SKYO BA SKYE'O, ,DE NYID KYI PHYIR SLOB DPON GYIS 'GREL PA LAS RAN PA LA MI SKYO BA'I PHYIR RO ZHES BSTAN TE, YI GE MDOR BSDUS TE BSTAN NA DGA' BAR 'GYUR ZHING SKYO BA MI SKYE'O, ,YANGS PAS NI GTUGS PA MED PA'O ZHES BYA BA NI TSIG 'DI LA @104B GTUGS SHING YONGS SU ZAD PA MED PAS GTUGS PA MED PA ZHES BYA'O, ,TSIG DANG YI GE RIGS PA DANG, 'BREL PA DANG, MTHUN PA DANG, RUNG BA DANG, 'BYOR PA DANG, 'PHROD PA DANG, 'TSAM PA DANG, 'GRUS SKYONG GI YAN LAG GI TSOGS DAG GIS ZHES BYA BA'I MDO'I TSIG 'DI DAG GIS SLOB DPON GYI ZHAL SNGA NAS KYIS, BSTAN DANG DE BZHIN BSHAD PA DANG, ,ZHES BYA BA'I TSIGS SU BCAD PA 'DI'I 'GREL PA LAS SBYAR BAR SHES PAR BYA'O, ,RTAG TU MKHAS PAR SKYONG BA'I PHYIR 'GRUS SKYONG STE SLOB PA LA BYA'O, ,DE MDOR SEMS DPA' MCHOG RNAMS KYI, ,YI GE PHUN TSOGS YIN ZHES BYA, ,BDE GSHEGS GSUNG NI MTHA' YAS TE, ,YAN LAG DRUG CU BSAM MI KHYAB, ,BYANG CHUB SEMS DPA' RNAMS KYI YI GE PHUN SUM TSOGS PA DE RNAM PAR SBYANGS NA, SANGS RGYAS KYI GNAS SKABS NA GSUNG RNAM PA DRUG CU DANG LDAN PA BSAM GYIS MI KHYAB PAR 'GYUR RO, , MNYEN PA NI SEMS CAN GYI KHAMS KYI DGE BA'I RTZA BA STON PA'I PHYIR RO ZHES BYA BA NI DPER NA CHU MNYEN PO RTZVA DANG, GEL BA DANG, SMAN DANG, NAGS TSAL RNAMS KYI RTZA BA NYE BAR STON PAR BYED CING, DE DAG NYE BAR BSTAN NA 'PHEL ZHING RGYAS PA NYID DU 'GYUR BA DE BZHIN DU SANGS RGYAS BCOM LDAN 'DAS RNAMS KYI GSUNG MNYEN PA DE THOS PA'I SGO NAS SEMS CAN DGE BA'I RTZA BA MA BSAGS PA RNAMS DGE BA'I RTZA BA BSOGS PAR 'GYUR ZHING, DE DAG NYE BAR BSAGS NA DGE BA'I CHOS 'PHEL BAR 'GYUR RO, ,'JAM PA NI MTHONG BA'I CHOS KHO NA LA REG NA BDE BA'I PHYIR RO ZHES BYA BA NI DAR DANG, RAS BAL GYI 'DA' BA DANG, KA TZA LIN DI KA'I RAS LA SOGS PA 'JAM PA'I PHYIR LUS KYI DBANG PO REG PA TZAM KHO NAS BDE BA SKYED PAR BYED PA DE BZHIN DU SANGS RGYAS BCOM LDAN 'DAS RNAMS KYI GSUNG 'JAM PO YANG MTHONG BA'I CHOS KHO NA LA MNYAN PA'I DUS NYID NA BDE BA'I REG PA BSKYED DO, ,YID DU 'ONG BA NI DON BZANG PO'I PHYIR RO ZHES BYA BA NI 'DI LTAR YID KYIS DON RNAMS BYE BRAG TU SHES KYI, RNA BA'I RNAM PAR SHES PAS NI DON NGES PAR GZUNG BAR BYA MI NUS PAS SO, ,DAG PA NI 'JIG RTEN LAS 'DAS PA GONG NA MED PA'I RJES LA THOB PA'I PHYIR RO ZHES BYA BA NI NYAN THOS RNAMS KYANG 'JIG RTEN LAS @105A *, ,'DAS PA YIN MOD KYI, NYAN THOS RNAMS KYANG 'JIG RTEN LAS 'DAS PA NYID YIN DU ZIN KYANG SANGS RGYAS DANG BYANG CHUB SEMS DPA' LA LTOS NA GONG MA DANG BCAS PA YIN NO, ,DE BAS NA SANGS RGYAS RNAMS KYI BKA' NI 'JIG RTEN LAS 'DAS PA GONG NA MED PA YIN TE, DE BAS CHES GONG MAR GYUR PA'I TSIG MED PAS NA 'JIG RTEN LAS 'DAS PA GONG NA MED PA ZHES BYA'O, ,MU STEGS CAN BLO GROS NGAN PA THAMS CAD KYI LTA BA 'JOMS PAR BYED PA'I STOBS NI MU STEGS CAN BLO GROS NGAN PA THAMS CAD KYI LTA BA 'JOMS PA'I STOBS SO, ,STOBS NYID YON TAN YIN PAS NA STOBS KYI YON TAN NO, ,DE DANG LDAN PA'I PHYIR STOBS KYI YON TAN DANG LDAN PA ZHES BYA STE, LDAN PA'I PHYIR SNYAN CING 'JEBS PA YIN NO, ,MNYAN PAR 'OS PA NI BSGRUBS PAS NGES PAR 'BYUNG BA'I PHYIR RO ZHES BYA BA NI DE MNYAN PA'I SGO NAS NYAN PA PO SGRUB PA DANG LDAN PAR 'GYUR ZHING DE'I 'OG TU NGES PAR 'BYUNG BAR 'GYUR RO, ,MI TSUGS PA NI PHAS KYI RGOL BA THAMS CAD KYIS MI BRDZI BA'I PHYIR RO ZHES BYA BA NI 'DI LTAR, BUNG BA'I SBRANG RTZI GNOD MED PA, ,BDUD RTZI LTA BU 'DOD PA LTAR, ,PHAS KYI RGOL BA THAMS CAD KYIS, ,BRDZI ZHING GNOD PAR MI NUS SO, ,MI RTZUB PA NI BSLAB PA BCA' BA'I THABS BDE BA'I PHYIR RO ZHES BYA BA NI BCOM LDAN 'DAS KYIS BSLAB PA BCA' BA GANG YIN PA DE NI DE KHO NA NYID RTOGS PAR BYED PA'I THABS BDE BA YIN GYI, DGE SBYONG GCER BU PA LA SOGS PA LTA BUR GDUNG BA DANG, YONGS SU GDUNG BA DANG, SKRA 'BAL BA DANG, RI DANG G-YANG SA NAS MCHONG BA DANG, ME DANG CHUR 'JUG PA LA SOGS PAS TSE 'DI DANG PHYI MA'I SDUG BSNGAL NYAMS SU MYONG BAR 'GYUR BA NI MA YIN NO, ,YANG NA BSLAB PA'I GZHI 'CHA' BA'I DUS NA 'DI NI KHYED LA PHAN PAR 'GYUR BA DANG, BDE BAR 'GYUR BA YIN NO ZHES DE SKAD DU SNYAN PAR BRJOD PA'I PHYIR MI RTZUB PA YIN NO, ,MI BRLANG BA NI DE LAS 'DAS NA NGES PAR 'BYUNG BA'I THABS YANG DAG PAR STON PA'I PHYIR RO ZHES BYA BA NI 'DI LTAR BSLAB PA LAS 'DAS NA NGES PAR 'BYUNG BA'I THABS YANG DAG PAR STON PAS DE'I PHYIR MI BRLANG BA ZHES BYA'O, ,LUS TSIM PAR BYED PA NI TING NGE 'DZIN BSKYED PA'I PHYIR RO @105B ZHES BYA BA NI 'DI LTAR ZHI GNAS KYI LAM BSKYED PAS SO, ,YONGS SU GDUNG BA MED PA NI SGRUB PA LA 'GYOD PA MED PA'I PHYIR RO ZHES BYA BA NI, DE'I TSE DE MNYAN PA'I SGO NAS SGRUB PA LA SBYOR ZHING BSGRUBS NAS MJUG TU MNGON SUM DU MTHONG NA 'GYOD PA MED PAR 'GYUR RO, ,KUN SHES PAR BYED PA NI BSAM GYIS MI KHYAB PA'I PHYIR CHOS YANG DAG PAR STON PA'I PHYIR RO ZHES BYA BA LA BSAM GYIS MI KHYAB PA'I CHOS NI SO SO RANG GIS RIG PAR BYA BA SA DANG PHA ROL TU PHYIN PA DANG DBANG BCU LA SOGS PA'O, ,YANG NA CHOS NYID GANG ZHIG BSAMS NA SMYO BA DANG, KHRAG TU SKYUGS PA LA SOGS PAR 'GYUR BA PHYI ROL GYI DNGOS PO RNAM PA SNA TSOGS 'GRUB PAR BYED PA'I LAS NI BSAM GYIS MI KHYAB PA YIN TE, CHOS DE LTA BU LA SOGS PA CI NAS KYANG BSAM GYIS MI KHYAB PA DE DAG LA NYAN PA PO MNGON PAR MI BRTZON ZHING YONGS SU SPANG BAR BYA BA'I GNAS RNAMS YONGS SU SDONG BAR 'GYUR BAR YANG DAG PAR STON TO, ,ZLOS PA'I SKYON MED PA NI DON MED PA MA YIN PA'I PHYIR ZHES BYA BA LA, MA RIG PA GANG ZHE NA, KUN TU RMONGS PA'O ZHES BYA BA'I TSIG DE LTA BU DAG NI ZLOS PA'I SKYON MED PA YIN TE, 'DI LTAR 'DUL BA MANG PO NYE BAR GNAS NAL LA RNAM GRANGS 'GA' ZHIG GIS GO BAR 'GYUR RO, , DE BAS NA SANGS RGYAS BCOM LDAN 'DAS RNAMS NI STON PA DON YOD PAR MDZAD PA YIN NO, ,GZHAN DAG GI SO SO YANG DAG PAR RIG PA'I SA BON SKYED PA'I PHYIR YANG RNAM GRANGS BRJOD DE, RNAM GRANGS RNAMS KYI DGONGS PA RGYAS PAR NI RNAM PAR BSHAD PA'I RIGS PA LAS BLTA BAR BYA'O, , GLANG PO CHE'I SGRA SKAD NI RGYA CHE BA'I PHYIR RO ZHES BYA BA LA, GLANG PO CHE NI GLANG PO CHE SA SRUNG GI BU LA SOGS PA GZUNG NGO, ,DE DAG GI SGRA NI RGYA CHE BA DANG, BRJID CHE BA YIN NO, ,KLU'I DBANG PO'I SGRA NI GZUNG BAR 'OS PA'I PHYIR RO ZHES BYA BA NI KLU'I RGYAL PO RNAMS NI KLU'I GNAS DAG NA TSIG MNYAN PA YIN TE, KLU GZHAN DAG DE DAG GI TSIG LAS MI 'DA'O, ,KA LA PING KA'I SGRA DBYANGS NI RNO BA DANG 'JIG PA'I PHYIR RO ZHES BYA BA NI KA LA PING KA'I SGRA NI ZHEN PAR 'JUG PA DANG, 'JIG PA'I NGANG CAN YIN LA YID DU 'ONG BA NYID KYIS ZHIG NA, YANG MNYAN PAR BYA BA'I DGA' BA CHEN PO SKYE BA DE BZHIN @106A *, ,DU SANGS RGYAS BCOM LDAN 'DAS KYI GSUNG YANG NYAN PA PO RNAMS KYI SNYING LA 'BAB CING GSUNG DBYANGS ZHIG NA YANG DE NYAN PAR BYA BA'I DGA' BA 'BYUNG NGO, ,GZHAN DAG NI YANG DANG YANG DU 'JIG PA'I PHYIR RO ZHES BYA BAR 'DON TE, DE DAG GI LTAR NA BA DAN BZHIN DU YANG DANG YANG DU 'JIG PA YIN TE, YANG DANG YANG DU GZHAN RNAM PA SNA TSOGS 'BYUNG BA'I PHYIR RO, ,SGRA THAMS CAD KYI RJES SU ZHUGS PA NI THAMS CAD LUNG BSTAN PA'I MTSAN NYID LA RNAM PA THAMS CAD DU RJES SU ZHUGS PA'I PHYIR RO ZHES BYA BA LA, THAMS CAD DU LUNG BSTAN PA ZHES BYA BA NI NYAN THOS DANG BYANG CHUB SEMS DPA' RNAMS LUNG BSTAN PA GANG DAG YIN PA STE JI LTAR NYAN THOS RNAMS SKYE BAR LUNG STON PA DANG JI LTAR BYANG CHUB SEMS DPA' RNAMS SANGS RGYAS NYID DU LUNG STON PA ZHES BYA BA DE'I SGRA LA ZHUGS PA'I PHYIR SGRA THAMS CAD KYI RJES SU ZHUGS PA ZHES BYA'O, ,THAB DANG BCAS PA'I CHED NI SEMS CAN RNAMS KYI DE DAG GI DON THAMS CAD SGRUB PAR BYED PA'I PHYIR RO ZHES BYA BA NI SEMS CAN THA BA CAN DANG BCAS PA'I DON SGRUB PAR BYED PA'I PHYIR TE, SEMS CAN DGE BA'I RTZA BA MA BSKYED PA RNAMS NI THA BAR GYUR BA YIN NO, ,DGE BA'I RTZA BA BSKYED PA RNAMS NI THA BA MA YIN PA'O, ,DE DAG GI DON THAMS CAD SGRUB PAR BYED PA'I PHYIR THA BA DANG BCAS PA'I CHED CES BYA'O, ,SGRA THAMS CAD RDZOGS PAR BYED PA NI GSUNG GCIG LAS SGRA'I RNAM PAR RIG PA RNAM PA DU MA NYE BAR GNAS PA'I PHYIR RO ZHES BYA BA NI BCOM LDAN 'DAS KYI GSUNG NGO BO NYID GCIG STON PA YIN YANG GSUNG GIS BSNYAD PAR BYA BA LHA DANG, KLU DANG, GNOD SBYIN DANG, DRI ZA DANG, LHA MA YIN DANG, YI DAGS DANG, RI KHROD PA DANG, GDOL BA DANG, KLA KLO LA SOGS PA GANG ZHIG SGRA'I KHYAD PAR JI LTA BU MNGON PAR SHES PA DES DE KHO NA BZHIN DU THOS SO, ,GCIG LAS DON DU MA'I RNAM PAR RIG PA NYE BAR GNAS PA'I PHYIR RO ZHES BYA BA NI GANG ZHIG DON GYI RNAM PAR RIG PA JI LTA BU LA YID CHES PAR 'GYUR BA DE LA DE BZHIN DU GCIG YIN PA LAS GDUL BA THAMS CAD KYI DON RTOGS PA'I PHYIR DBANG PO THAMS CAD TSIM PAR BYED PA YIN, YANG NA DAD PA'I DBANG PO LA SOGS PA'I DON TSIM PAR BYED PA YIN NO, , @106B MA SMAD PA NI DAM BCAS PA JI LTA BA BZHIN PA'I PHYIR RO ZHES BYA BA NI JI LTAR DAM BCAS PA DE KHO NA BZHIN DU MANG POS SGRUB PAR BYED PAS DE'I PHYIR MA SMAD PA ZHES BYA'O, ,MI 'GYUR BA NI DUS LA BAB PAR RAB TU SBYOR BA'I PHYIR RO ZHES BYA BA NI GANG ZHIG DUS GANG DU DGE BA'I PHYOGS LA YANG RUNG BAR 'GYUR BA DE LA DE'I DUS KHO NAR DGE BA'I RTZA BA BSKYED PA LA SOGS PAS SO SOR THAR PA BYED PA'I PHYIR TE, JI SKAD DU, LA LAR ZHUS KYANG MI GSUNG LA, ,CHED KAR YANG NI GSUNG BAR MDZAD, ,CES BSHAD PA LTA BU YIN NO, ,BRJOD DO, ,'DOGS SO, ,RAB TU 'JOG GO, ,RNAM PAR 'BYED DO, , RNAM PAR 'GREL TO, ,GSAL BAR BYED DO, ,STON TO, ,YANG DAG PAR RAB TU STON TO ZHES BYA BA'I MDO'I TSIG 'DI DAG SLOB DPON GYIS, NGAG TSIG SHIN TU RIGS PA DANG, ,BSTAN DANG RNAM 'BYED THE TSOM GCOD, ,CES BYA BA'I TSIGS SU BCAD PA 'DI'I 'GREL PA LAS SBYAR BAR SHES PAR BYA STE, 'DOGS PA NI TSIG SHIN TU RIGS PA DAG GIS SO ZHES BYA BA NI RIGS PA'I DON RJOD PAR BYED PA DAG GIS SO, ,'KHOR GSUM GYIS DAG PA ZHES BYA BA LA, ,'KHOR ZHES BYA BA'I SGRA NI RNAM PAR DAG PA BRJOD PA YIN PAR BLTA BAR BYA'O, ,GANG GIS STON PA STE, NGAG DANG TSIG DAG DANG ZHES BYA BA'I NGAG DAG PA DANG, TSIG DAG PA NI 'KHOR BA DAG PA GCIG YIN NO, ,JI LTAR STON PA NI BSTAN PA DANG RNAM PAR 'BYED PA DANG, THE TSOM GCOD PA DANG, LAN MANG DU BYED PA DAG TU STE, BSTAN PA DAG DANG, RNAM PAR 'BYED PA DAG DANG, THE TSOM GCOD PA DAG DANG, LAN MANG DU BYED PA DAG DANG, DAG PA BZHI DAG PA GCIG TU BYA'O, ,'DI LTAR RNAM PA 'DI BZHIS STON PAR BYED PAS 'DI NI STON PA DAG PA YIN TE, DE NI 'KHOR DAG PA GNYIS PA YIN NO, ,MGO SMOS PA DANG RNAM PAR SPROS PA NA GO BA RNAMS LA DON STON PA NI 'KHOR DAG PA GSUM PA YIN TE, GANG ZHIG GLENGS PA TZAM GYIS GO BA DE NI MGO SMOS PAS GO BA YIN NO, ,SANGS RGYAS BCOM LDAN 'DAS KYI CHOS THOG MAR DGE BA, BAR DU DGE BA, THA MAR DGE BA, DON BZANG PO, ,TSIG 'BRU BZANG PO, MA 'DRES PA, YONGS SU RDZOGS PA, YONGS SU DAG PA, YONGS @107A *, ,SU BYANG BA STON TO ZHES BYA BA MDO'I TSIG 'DI DAG, DAD DANG DGA' DANG BLO RNAMS KYI, ,RGYU PHYIR CHOS 'DI DGE BA YIN, ,ZHES BYA BA'I TSIGS SU BCAD PA 'DI LAS SBYAR BAR SHES PAR BYA'O, ,CHOS THOG MA DANG, BAR DANG, THA MAR DGE BA YIN NO ZHES BYA BA LA, THOS PAS NI THOG MAR DGE STE, 'DI LTAR THOS NAS 'DI LA YID CHES PA LAS SKYES PA'I MOS PA 'BYUNG STE, THOS PA DE NI 'DI'I MOS PA'I RGYU YIN NO, ,BSAMS PAS NI BAR DU DGE STE RIGS PAS NGES PA BRTAGS PA LAS SKYES PA'I SHES RAB KYIS RNAM PAR DPYAD NA THOB PAR NUS PAS DGA' BA'I RGYUR 'GYUR RO, ,BSGOMS PAS NI THA MAR DGE BA YIN TE, SEMS MNYAM PAR GZHAG NA YANG DAG PA JI LTA BA BZHIN YONGS SU SHES PA'I PHYIR RO, ,YONGS SU BYANG BA NI DRI MA RNAM PAR DAG PA'I SGO NAS ZAG PA ZAD PA RNAMS KYI RGYU RNAM PAR DAG PA'I PHYIR RO ZHES BYA BA NI SNGON ZAG PA DANG BCAS PA'I CHOS DANG LDAN PAS RGYUD DRI MA DANG BCAS PAR GYUR BA LAS ZAG PA MED PA'I CHOS DANG LDAN PAS DRI MA YONGS SU BYANG BA ZHES BYA'O, ,GZHUG PA LA LDEM POR DGONGS PA NI NYAN THOS RNAMS LA BLTA BAR BYA STE, BSTAN PA LA 'JUG PAR BYA BA'I DON DU MI SKRAG PAR BYA BA'I PHYIR GZUGS LA SOGS PA YOD PA NYID DU BSTAN PA'I PHYIR RO ZHES BYA BA NI NYAN THOS RNAMS KYI GZUGS LA SOGS PA'I CHOS RNAMS YOD DO ZHES CHOS YOD PA NYID DU ZHAL GYIS BZHES NAS GANG ZAG LA BDAG MED PAR GZUD PAR SPYOD DO, ,DE LTA MA YIN NA GANG ZAG KYANG MED LA GZUGS LA SOGS PA'I CHOS RNAMS KYANG MED DO SNYAM NAS, BCOM LDAN 'DAS KYIS BSTAN PAS DANG ZHING 'JUG PAR MI 'GYUR RO, ,DE BAS NA BSTAN PA LA 'DZUD PA LA LTOS NAS GZUGS LA SOGS PA YOD PA NYID DU STON PAR MDZAD DE, ,MTSAN NYID LA LDEM POR DGONGS PA NI KUN BRTAGS PA LA SOGS PA NGO BO NYID GSUM LAS BLTA BAR BYA STE ZHES BYA BA NI GANG DU MED PAR BSHAD PA BSTAN PA DE NI KUN BRTAGS PA'I NGO BO NYID DU SHES PAR BYA'O, ,GANG DU SGYU MA DANG SMIG RGYU DANG RMI LAM LA SOGS PA LTA BUR BSHAD PA DE NI GZHAN GYI DBANG GI NGO BO NYID BSHAD PA YIN PAR SHES PAR BYA'O, ,GANG DUS DANG, @107B PHA ROL TU PHYIN PA DANG, BYANG CHUB KYI PHYOGS DANG MTHUN PA LA SOGS PA'I CHOS BSHAD PA DE NI YONGS SU GRUB PA'I NGO BO NYID YIN PAR RIG PAR BYA'O, ,GNYEN PO LA LDEM POR DGONGS PA NI NYES PA RNAMS GDUL BA LA BLTA BAR BYA STE, GANG DU MI SDUG PA BSHAD PA DE NI 'DOD CHAGS KYI GNYEN POR BSHAD PAR SHES PAR BYA'O, ,DE BZHIN DU CI RIGS PAR ZHE SDANG LA SOGS PA BYAMS PA LA SOGS PAR BSHAD PA NI GNYEN POR BSHAD PA YIN PAR KHONG DU CHUD PAR BYA'O, ,PHYIN CI LOG PAR LEGS PAR GNAS, ,ZHES BYA BA NI RTAG PA DANG BDE BA DANG GTZANG BA DANG BDAG TU 'DZIN PA LAS BZLOG PA STE, PHYIN CI LOG MI RTAG PA LA SOGS PA LA YONGS SU MI NYAMS PA'I SGO NAS LEGS PAR GNAS PA YIN NO ZHES BYA BA NI BZLOG STE GNAS PA'I PHYIN CI LOG GO, ,MI RTAG PA LA SOGS PA NI RTAG PA LA SOGS PA LAS BZLOG PA YIN TE, ,MI RTAG PA LA SOGS PA DE DAG LA YONGS SU MI NYAMS PA'I SGO NAS GNAS PA NI PHYIN CI LOG LA LEGS PAR GNAS ZHES BYA'O, ,YANG NA PHYIN CI LOG LA LEGS PAR GNAS ZHES BYA BA NI RTAG PA LA SOGS PA LA PHYIN CI LOG KHO NA LA LEGS PAR GNAS PA YIN NO, ,JI LTAR LEGS PAR GNAS SHE NA, DE'I BLO LA 'DI SNYAM DU DNGOS PO RTAG PA LA SOGS PA NI DUS RTAG TU PHYIN CI LOG TU GYUR PA KHO NA YIN GYI DE DAG NAM YANG PHYIN CI LOG TU MA GYUR PA NI MA YIN NO SNYAM DU MI G-YO BA YIN NO, ,'DOD CHAGS SPYOD PA'I SGRIB PA'I GNYEN POR GSUNGS PA NI GANG DU BCOM LDAN 'DAS KYIS SANGS RGYAS KYI ZHING GI 'BYOR BA SHIN TU BSNGAGS PA LTA BU'O ZHES BYA BA NI, GANG DAG LA KHAMS GSUM PA'I 'DOD CHAGS MNGON PAR ZHEN NA KHAMS GSUM PAS BSDUS PA'I PHUN SUM TSOGS PA GANG YIN PA NYID MCHOG DANG GTZO BO YIN NO SNYAM PA YOD PA DE'I GNYEN POR SANGS RGYAS KYI ZHING GI 'BYOR BA BSNGAGS SO, ,NGA RGYAL SPYOD PA'I SGRIB PA'I GNYEN POR GSUNGS PA NI GANG DU BCOM LDAN 'DAS KYIS SANGS RGYAS KYI ZHING LA LA'I PHUN SUM TSOGS PA LHAG PAR BSNGAGS PA LTA BU'O ZHES BYA BA LA, NGA RGYAL GANG ZHE NA, 'JIG TSOGS LA LTE BA LA BRTEN @108A *, ,NAS NYE BAR LEN PA'I PHUNG PO LNGA LA SEMS KHENGS PA GANG YIN PA'O, ,LHA DANG, ,KLU DANG, GNOD SBYIN DANG, DRI ZA LA SOGS PA KHA CIG BDAG NI GZUGS DANG LDAN PA STE, BLTA NA SDUG PA DANG LDAN PA MTHU DANG LDAN PA YIN NO, ,BDAG PAS MTHU LA SOGS PAS CHES KHYAD PAR DU 'PHAGS PA GZHAN NI MED DO SNYAM NAS, GZUGS DANG MTHU DANG YANGS PA DANG DBANG PHYUG LA SOGS PAS SEMS KHENGS PAR 'GYUR RO, ,RGYAGS PAS GOS PA DE LTA BU DE DAG GI KHENGS PA SPANG PA'I PHYIR RO, ,SANGS RGYAS BCOM LDAN 'DAS RNAMS KYI PHUN SUM TSOGS PA NI LHA DANG MI DANG LHA MA YIN LA SOGS PA THAMS CAD LAS KHYAD PAR DU 'PHAGS TE, BSAM GYIS MI KHYAB PO ZHES SANGS RGYAS LA LA'I PHUN SUM TSOGS PA LHAG PAR BSNGAGS TE, DES NA GZUGS DANG, NA TSOD DANG, DBANG PHYUG DANG, RIGS LA SOGS PAS DREGS PA YONGS SU 'DOR BAR 'GYUR RO, ,'GYOD PA'I SGRIB PA'I GNYEN POR GSUNGS PA NI GANG DAG SANGS RGYAS DANG BYANG CHUB SEMS DPA' RNAMS LA GNOD PA BYED PA DE DAG THAMS CAD NI MTHO RIS SU 'GRO BAR 'GYUR RO ZHES BYA BA DE LTA BU'O ZHES BYA BA NI GANG DAG MI SHES PAS SANGS RGYAS DANG BYANG CHUB SEMS DPA' RNAMS LA GNOD PA BYED PA DE DAG DGE BA'I BSHES GNYEN DANG PHRAD NAS 'GYOD PA CHEN PO SKYES TE, BSOD NAMS PHUNG PO 'DI LTA BU LA BDAG GIS GNOD PA BYAS SO SNYAM NAS RTAG TU 'GYOD PA RGYUN CHAGS PA KHO NAR 'GYUR ZHING, DGE BA'I LAS LA YANG MI SPYOR, , 'GYOD PA'I GNYEN PO YANG MI BSTEN PAS, DE DAG GI CHED DU 'DI SKAD DU, GANG DAG SANGS RGYAS DANG BYANG CHUB SEMS DPA' RNAMS LA GNOD PA BYED PA DE DAG THAMS CAD NI MTHO RIS SU 'GRO BAR 'GYUR RO ZHES GSUNGS SO, ,DE SKAD DU BSHAD NA DE'I TSE SEMS CAN DE DAG 'DI LTAR SANGS RGYAS DANG BYANG CHUB SEMS DPA' RNAMS LA GNOD PA BYAS PAS KYANG MTHO RIS SU 'GRO BAR 'GYUR NA PHAN PA BYAS PAS LTA SMOS KYANG CI DGOS ZHES RJES SU 'BREL BA'I 'GYOD PA YONGS SU 'DOR RO, ,DE NAS GNYEN PO BSTEN CING SANGS RGYAS DANG BYANG CHUB SEMS DPA' RNAMS LA BKUR @108B STI RNAM PA MANG PO BYED PAR 'GYUR RO, ,DE BAS NA GNOD PAR BYED PA SNGON DU 'GRO BA'I PHAN PA BYED PAS MTHO RIS SU 'GRO BAR 'GYUR BAS GNOD PA BYED PAS MTHO RIS SU 'GRO'O ZHES BYA BA THA SNYAD 'THOB PO, ,MA NGES PA BZLOG PA SGRIB PA'I GNYEN POR GSUNGS PA NI DE LA MA NGES PA LA BZLOG PA NI BYANG CHUB SEMS DPA' MA NGES PA RNAMS THEG PA CHEN PO LAS BZLOG PA STE, BYANG CHUB SEMS DPA' MA NGES PA'I RIGS CAN GANG DAG BYANG CHUB SEMS DPA'I SPYOD PA SPYAD PA DE DAG MI DGE BA'I GROGS PO DANG PHRAD PAS BYANG CHUB SEMS DPA'I SPYOD PA DE YONGS SU POR NAS NYAN THOS KYI THEG PAS MYA NGAN LAS 'DA' BAR 'DOD DO, ,DE DAG GI THEG PA DMAN PA PAR 'GRO ZHING LHUNG BA DE NI SGRIB PA YIN TE, DE'I GNYEN POR 'PHAGS PA DAM PA'I CHOS PADMA DKAR PO LA SOGS PA LAS THEG PA NI GCIG KHO NA STE, GNYIS PA MED DO ZHES THEG PA YANG GCIG TU BSHAD LA, NYAN THOS CHEN PO RNAMS KYANG SANGS RGYAS NYID DU LUNG BSTAN TO, ,NYAN THOS LUNG BSTAN PA DAG THEG PA GCIG BSHAD PA DE THOS NAS KYANG BYANG CHUB SEMS DPA' MA NGES PA'I RIGS CAN DE DAG NYAN THOS KYI THEG PA YONGS SU BOR NAS THEG PA CHEN PO KHO NA BSTEN CING DE KHO NA LA SBYOR BAR BYED DO, ,RGYU LNGA NI GANG GIS PHYIN CI MA LOG PAR 'CHAD PA ZHES BYA BA NI DE LTAR BLO BZANG ZHES BYA BA'I TSIG 'DIS STON TE, BYANG CHUB SEMS DPA' BLO BZANG POS PHYIN CI MA LOG PAR 'CHAD PA YIN NO, ,YANG DANG YANG DU 'CHAD PA ZHES BYA BA NI SKYO BA MED LDAN ZHES BYA BA'I TSIG 'DIS SO, ,ZAD ZING MED PA'I SEMS GYIS 'CHAD PA NI BRTZE BA CAN ZHES BYA BA'I TSIG 'DIS SO, ,TSIG GZUNG BAR 'OS PAS 'CHAD PA ZHES BYA BA NI SNYAN PAR RAB GRAGS ZHES BYA BA'I TSIG 'DIS SO, ,GDUL BA DANG 'TSAM PAR 'CHAD PA ZHES BYA BA NI, CHOG BZANG SHES LDAN PA YI, ,ZHES BYA BA'I TSIG 'DIS SO, ,CHOS STON PA'I 'OG TU SGRUB PA'I SKABS TE, 'DI'I 'BREL BA GANG YIN ZHEN, GZHAN LA PHAN BSGRUB PA NI CHOS BSHAD PA YIN NO, ,BDAG LA PHAN PA BSGRUB PA NI BDAG NYID DE'I DON SPYOD PA YIN NO, ,GZHAN DAG CHOS YANG DAG PAR STON PA YANG MANG DU THOS PAS BYA DGOS LA RANG GI DON YANG @109A *, ,BSGRUBS PAS BSGRUB DGOS PAS CHOS STON PA'I 'OG TU SGRUB PA'I SKABS YIN NO, ,JI SKAD DU DON KUN SHES SHING CHOS KUN SHES NAS CHOS DANG MTHUN PA'I CHOS LA ZHUGS PA YIN, MTHUN PAR ZHUGS PA YIN, MTHUN PA'I CHOS LA SPYOD PA YIN ZHES BYA BA MDO'I TSIG 'DI DAG NI SGRUB PA RNAM PAR DBYE BA LA TSIGS SU BCAD PA DRUG STE ZHES BYA BA DE LA MDO'I TSIG BZHIN DU NI TSIGS SU BCAD PA BZHI DANG, GO RIMS BZHIN DU SBYAR RO, ,TSIG THA MA MTHUN PA'I CHOS LA SPYOD PA YIN ZHES BYA BA 'DI NI TSIGS SU BCAD PA GNYIS DANG SBYAR BAR BYA'O, ,GANG ZAG DANG CHOS LA BDAG MED PAR SHES PA JI LTAR RNAM PA GNYIS YIN ZHE NA, DE STON PAR BYED DO, ,GZUNG BA DANG 'DZIN PA MED PA'I PHYIR RO, ,GANG ZAG KYANG GZUNG BA NYID 'DZIN PA NYID DU MED LA, BYIS PAS KUN BRTAGS PA'I CHOS RNAMS KYANG DE DANG 'DRA BA 'DI NI BDAG MED PA RNAM PA GNYIS YIN NO, ,GANG LA SHES SHE NA, MED PA DANG YOD PA GNYIS LA STE, DE LA KUN BRTAGS PA'I NGO BO NYID MED PA LA NI STONG PA NYID KYI TING NGE 'DZIN TE, STONG PA NYID KYI TING NGE 'DZIN GYI KUN BRTAGS PA'I GANG ZAG MED PA DANG CHOS MED PAR SHES SO, ,YOD PA LA NI SMON PA MED PA DANG, MTSAN MA MED PA'I TING NGE 'DZIN DAG YIN TE, GZHAN GYI DBANG LA NI SMON PA MED PA'O, ,YONGS SU GRUB PA LA NI MTSAN MA MED PA STE, SMON PA MED PA'I TING NGE 'DZIN GYIS NI YANG DAG PA MA YIN PA'I KUN TU RTOG PA GZHAN GYI DBANG ZHES BYA BA NYES PA MANG POS SKYON CAN DU GYUR PA LA SMON PAR MI BYED DO, , MTSAN MA MED PA'I TING NGE 'DZIN GYIS NI MTSAN MA'I NYES PA THAMS CAD DANG BRAL BA YONGS SU GRUB PA'I NGO BO NYID SHES SO, ,TING NGE 'DZIN GSUM PO DE JI LTAR YANG DAG PA NYID DAM LOG PA NYID MA YIN ZHE NA, DE'I PHYIR SMRAS PA, 'JIG RTEN DANG 'JIG RTEN LAS 'DAS PA'I GNAS SKABS LA LTOS PA'I PHYIR RO, ,DE LTAR NA THOS PA DANG BSAMS PA LAS BYUNG BA'I SHES PAS DON SHES PA YIN NO, ,DE LTAR DON SHES PA NI CHOS THAMS CAD GZINGS LTA BUR SHES SHING ZHES BYA BA NI 'DI SKAD DU BSAMS PA LAS BYUNG BA'I SHES RAB LA GUS PA SKYE BAR 'GYUR GYI, THOS PA LAS BYUNG BA LA NI MA @109B YIN NO, ,DE NYID KYI PHYIR THOS PA TZAM GYIS CHOG PAR 'DZIN PA SPONG BAR BYED DE ZHES SMOS PA YIN TE, DE LTAR NA CHOS SHES PA YIN NO ZHES BSHAD PA YIN NO, ,DE LTAR THOS PA'I GNAS SKABS DANG, BSAMS PA'I GNAS SKABS NA SO SO'I SKYE BO'I SHES PAS DON DANG CHOS SHES NAS SO SO'I SKYE BO'I SHES PA DE RNAM PAR DAG PAR BYA BA'I PHYIR CHOS KYI RJES SU MTHUN PA'I CHOS SGRUB PO, ,'DI SKAD DU DON DANG CHOS DE JI LTA BA BZHIN DU THOS PA DANG BSAMS PAS SHES NAS DE'I 'OG TU BSGRUB PA STE, BSGOMS PAS CHOS DANG MTHUN PA'I CHOS SGRUB CING TING NGE 'DZIN 'THOB STE, DE LTAR NA CHOS DANG MTHUN PA'I CHOS LA ZHUGS PA YIN NO ZHES BSHAD PA YIN NO, ,'DI NI NGES PAR 'BYED PA'I CHA DANG MTHUN PA'I GNAS SKABS YIN TE, DE'I 'OG TU NI BSGOM PA LA RAB TU SBYOR RO, ,RNAM PAR 'JOG PAR BYED PA'I YE SHES KYIS ZHES BYA BA NI 'JIG RTEN LAS 'DAS PA'I RJES LA THOB PA GANG GIS SA NA RNAM PAR GZHAG PA SHES NAS DE'I 'OG TU RNAM PAR MI RTOG PA'I YE SHES KYIS SA DE YONGS SU SBYONG BAR BYED CING SA MA THOB PA RNAMS KYANG THOB PAR BYED DE, DE LTAR MTHUN PA'I CHOS LA SPYOD PA YIN NO, ,LHAN CIG SPYOD PA YIS ZHES BYA BA NI RJES SU 'BREL BAR SPYOD PA STE ZHES BYA BA NI RNAM PAR MI RTOG PA DANG RNAM PAR MI RTOG PA'I RJES LA THOB PA'I YE SHES BAR DU CHOD PA DANG BCAS PA DANG, BAR DU CHOD PA MED PAR KUN TU 'BYUNG BAS SO, ,'KHOR LO BZHIS BAG YOD PA'I SHING RTA 'GRO BAR 'GYUR TE, 'KHOR LO BZHI NI MTHUN PA'I YUL DU GNAS PA DANG, SKYES BU DAM PA LA BRTEN PA DANG, BDAG NYID KYI YANG DAG PA'I SMON LAM DANG, SNGON BSOD NAMS BYAS PA NYID DO, ,MDO'I TSIG 'DI DAG NI SGRUB PA LA BAG YOD PAR BYA BA'I TSIGS SU BCAD PA BZHI DANG GO RIMS BZHIN DU SBYAR BAR BYA'O, ,GROGS BZANG PO NI GROGS TSUL KHRIMS DANG, LTA BA MTHUN PA'I PHYIR RO ZHES BYA BA NI GAL TE YUL DE NA RNAL 'BYOR PA DE LA GROGS BZANG PO TSUL KHRIMS DANG MTHUN PA DANG LTA BA MTHUN PA DAG YOD NA DE LTA NA YUL GROGS BZANG PO CAN YIN PAR RIG PAR BYA'O, ,RNAL 'BYOR BDE BA NI NYIN PAR 'DU 'DZIN NYUNG ZHING LJAN LJIN NYUNG BA'I PHYIR ZHES BYA BA LA, RNAL 'BYOR NI ZHI GNAS DANG LHAG MTHONG GIS BSDUS PA'I @110A *, ,LAM ZUNG DU 'BREL PAR 'BYUNG BA YIN NO, ,GAL TE ZHI GNAS DANG LHAG MTHONG GI MI MTHUN PA'IO PHYOGS SPANGS PAR GYUR NA DE LTAR NA YUL DE RNAL 'BYOR BA DE BA CAN YIN TE, DES NA RNAL 'BYOR PA DE YUL DER SEMS MNYAM PAR 'JOG PA YIN NO, ,DE'I MI MTHUN PA'I PHYOGS NI KHYE'U DANG BU MO'I 'DU 'DZI DANG SKYE BO KHYIM PA DANG 'DRA STE, DE NYIN LJAN LJIN TE LANG LONG YIN NO, ,YANG NA PHYAG DAR LA SOGS PA YIN NO, ,MTSAN MO SGRA CHUNG BA LA SOGS PA'I PHYIR RO ZHES BYA BA LA, SOGS PA ZHES SMOS PAS NI SBRANG BU MCHU RINGS DANG, SHA SBRANG DANG, RLUNG DANG, NYI MA DANG, SDIG SBRUL LA SOGS PA SHES PAR BYA STE, SGRA NI BSAM GTAN GYI TSER MA YIN PA'I PHYIR RO, ,DE LAS BZLOG NA YUL RNAL 'BYOR BDE BA CAN YIN PAR BSHAD PA YIN NO, ,ZHI GNAS LA SOGS PA'I RGYU MTSAN DUS SU BSGOM PA ZHES BYA BA LA, 'DI DAG DUS SU BSGOM PA GANG YIN ZHE NA, GANG GI TSE SEMS RGOD PAR 'GYUR BA DE'I TSE ZHI GNAS KYI RGYU MTSAN BSGOM PA LA RAB TU SBYOR RO, ,GANG GI TSE ZHUM PA DE'I TSE LHAG MTHONG GI RGYU MTSAN BSGOM PA LA RAB TU SBYOR RO, ,GANG GI TSE MNYAM PAR 'DUG PA DE'I TSE BTANG SNYOMS SU 'JUG GO, ,DE LTAR NA DE THABS BZANG PO CAN DU BSTAN PA YIN TE, YANG DAG PA'I SMON LAM DANG SBYAR RO, ,NGES PAR 'BYUNG BA BZANG BA NYID KYIS NI GANG DU BYA BA YOD PAS CUNG ZAD TZAM GYIS CHOG PAR MI 'DZIN PA YIN NO, ,SBYOR BA ZHES BYA BA'I SGRAS NI RTAG TU GUS PAR BYAS TE, SBYOR BA NYID STON TO, ,DGA' BA'I RGYU NYID CES BYA BA NI 'DIS SNGON GYI MI MTHUN PA'I YUL NA GNAS NA YANG DGA' PA'I RGYUR 'GYUR BA GANG YIN PA DE LTA BU'I RGYU BSOD NAMS BYAS PA YIN NO, ,TSAD MED PA DANG TING NGE 'DZIN DANG SHES RAB KYI RGYU NI 'DIS SNGON GANG GI NA YANG DAG PAR 'JOG PA'I RGYUR 'GYUR BA DE LTA BU BSTZAGS PA YIN TE, YANG DAG PAR 'JOG PA NI DON THAMS CAD 'GRUB PO, ,MA RIG PA DANG BYANG CHUB KYI CHOS NYID DE DAG LA NYE BAR BRTAGS PA'I PHYIR RO ZHES BYA BA NI MA RIG PA DANG, BYANG CHUB KYI CHOS NYID GANG YIN PA'I CHOS NYID DE LA MA RIG PA GANG YIN PA DE NYID BYANG CHUB YIN NO ZHES MA RIG PA DANG BYANG CHUB NYE BAR BRTAGS TE CHOS DANG CHOS CAN DAG THA MI DAD PA'I PHYIR RO, ,'DOD CHAGS LA SOGS @110B PA DE DAG KHO NA LA TSUL BZHIN DU 'JUG NA DE DAG LAS RNAM PAR GROL BAR 'GYUR RO ZHES BYA BA LA, JI LTAR TSUL BZHIN DU 'JUG CE NA, 'DOD CHAGS LA SOGS PA KUN NAS NYON MONGS PA'I CHOS RNAMS NI MI DGE BA, SDUG BSNGAL GYI RTZA BA, RIMS NAD DANG BCAS PA, 'KHRUG PA DANG BCAS PA STE, 'DOD CHAGS LA SOGS PA KUN 'BYUNG BA'I BDEN PA'I GNAS LTA BU DAG YOD NA SKYE BA LA SOGS PA'I SDUG BSNGAL 'BYUNG BAS 'DI DAG NI SPANG BAR BYA ZHING DOR BAR BYA BA DGE BA'I CHOS RNAMS KYI MI MTHUN PA'I PHYOGS SU GYUR BA YIN NO ZHES BYA BAR SHES PAR BYAS NAS TSUL BZHIN YID LA BYED PA LA SOGS PA YANG DAG PAR BSGRUBS NA SPONG STE DES NA RNAM PAR GROL BAR 'GYUR RO, ,BYANG CHUB DRI MED YANGS PA'I BAR DU GCOD BYED MIN, ,ZHES BYA BA LA, DRI MA MED PA NI NYON MONGS PA DANG SHES BYA'I SGRIB PA BAG CHAGS DANG BCAS TE SPANGS PA'I PHYIR RO, ,YANGS PA NI SHES SBYA THAMS CAD YUL YIN PA'I PHYIR RO, GZHAN GYI DBANG GI SEMS NI RTAG TU RANG BZHIN GYIS 'OD GSAL BAR RUNG BA MA YIN TE, GANG GI PHYIR SEMS DE NI SKAD CIG GCIG LA 'DOD CHAGS DANG DAD PA LA SOGS PA ZAG PA DANG BCAS PA'I CHOS RNAMS DANG LHAN CIG SKYE BA DANG 'GAG PA NYID KYIS KUN NAS NYON MONGS PA LA THOG MA MED PA'I DUS NAS ZAG PA DANG BCAS PA'I CHOS RNAMS DANG 'BREL BA YANG YIN PA DE'I PHYIR GZHAN GYI DBANG GI SEMS NI RTAG TU 'OD GSAL BA NYID DU MI 'THAD DO, ,SEMS KYI CHOS NYID NI RTAG TU 'OD GSAL BA STE, DER NI RES 'GA' YANG 'KHOR BA PA'I CHOS ZAG PA DANG BCAS PA DAG GIS LHAN CIG SKYE BA DANG 'GAG PA'I RIMS KYIS MA RNYOGS PA YIN NO, ,DE LTA BAS NA DE KHO NA RTAG TU 'OD GSAL BA NYID DU BRJOD DO, ,SEMS CAN RNAMS LA PHAN BYED PHYIR, ,DE LA CHAGS SKYES LTUNG MI 'GYUR, ,ZHES BYA BA LA, BYANG CHUB SEMS DPA' SEMS CAN RNAMS LA BYAMS PA GANG YIN PA NI 'DIR 'DOD CHAGS SU DGONGS TE ZHES BYA BA NI 'DI LTAR BYANG CHUB SEMS DPA' SEMS CAN RNAMS LA BYAMS SHING DGA' BA GANG YIN PA DE NI SEMS CAN YONGS SU SMIN PAR BYA BA'I PHYIR PHAN PA YIN TE, DES NA DE DAG LA DES BYAS PA'I LTUNG BA DGAG GO, ,KHONG KHRO BA LAS SKYES PA'I LTUNG BA NI NYES PA MANG STE, 'DI LTAR YID KYI NYES PA NI @111A *, ,RANG BZHIN GYIS SKYON CHAGS PA YIN NO, ,DE LTAR RE ZHIG BYANG CHUB SEMS DPA' RAB TU BYUNG BA LA SEMS CAN THAMS CAD LAS 'DOD CHAGS LAS SKYES PA'I LTUNG BA RNAM PAR MI GZHAG GO, ,BYANG CHUB SEMS DPA' KHYIM PA'I BU DANG CHUNG MA LA SOGS PA LA BYAMS PAS BYAS PA'I 'DOD CHAGS GANG YIN PA DE YANG HA CANG NYES PA MANG BA MA YIN TE, 'DOD CHAGS KYIS NI SEMS CAN YONGS SU GTANG BA MED LA, KHONG KHRO BA NI YONGS SU GTANG BA'I MTSAN NYID YIN NO, ,DE LTA BAS NA BYANG CHUB SEMS DPA' LA NI KHONG KHRO BAS BYAS PA KHO NA'I LTUNG BA RNAM PAR GZHAG GI 'DOD CHAGS LAS SKYES PA NI MA YIN NO, ,GANG GI PHYIR DON BYED DE, PHYIR SGYU SEMS 'GAL ZHES BYA BA LA, SGYU NI G-YO YIN TE, 'DI LTAR DON BSGRUB PAR 'DOD LA DE G-YO DANG SGYU DANG DOR DANG THABS LA SOGS PAS GZHAN SLU BAR BYED DO ZHES BYA BA DE NI 'GAL LO, ,JI LTAR NAD PA SMAN BZANG PO KHA ZHING TSA BA LA SOGS PA LA YANG SO SOR BRTAGS SHING SO SOR BRTAGS NAS 'JUG PA DE BZHIN DU BYANG CHUB SEMS DPA' YANG 'KHOR BA LA SO SOR BRTAGS NAS YONGS SU MI 'DOR BAR 'JUG GO ZHES BYA BAR SBYAR RO, ,JI LTAR SMAN PA PHAN PAR 'DOD PAS NAD PA LA BSGRUBS PA DE BZHIN DU BYANG CHUB SEMS DPA' PHAN PAR 'DOD PA SMAN PA LTA BU YANG SEMS CAN NAD PA LTA BU RNAMS LA BSGRUB PO, ,JI LTAR NA RJE BO BRAN MA GRUB PA LA GRUB PAR BYA BA'I PHYIR BSGRUBS PA DE BZHIN DU BYANG CHUB SEMS DPA' YANG BDAG NYID LA SGRUB PAR BYED DE, SEMS LA BDAG NYID CES NYE BAR BTAGS SO, ,SEMS MA GRUB PA LA GRUB PAR BYA BA'I PHYIR SGRUB STE, JI SKAD DU 'PHAGS PA DKON MCHOG BRTZEGS PA LAS, 'OD SRUNGS 'DI LTA STE, RTA MKHAN MKHAS PAS NI GANG DANG GANG DU RTA 'BRUM PA'AM, MI SRUN PAR GYUR PA DE DANG DER DE TSAR GCOD PAR BYED DO, ,DE BZHIN DU DGE SLONG RNAL 'BYOR SPYOD PA YANG GANG DANG GANG KHO NAR SEMS 'GYUR BAR MTHONG BA DE DANG DE KHO NAR DE TSAR GCAD PA'I PHYIR SGRUB STE, DE NI CI NAS KYANG PHYIR 'KHRUG PAR MI 'GYUR BA DE LTA DE LTAR SEMS TSAR GCOD DO ZHES GSUNGS PA LTA BU'O, ,DE LTAR BYANG CHUB SEMS DPA' DE BDAG NYID LA SGRUB PA YIN TE, 'DI NI RANG GI SEMS LEGS PAR 'CHOS PA'I PHYIR ZHES BYA BA 'DIS @111B RNAM PAR BSHAD DO, ,JI LTAR TSONG PA ZONG LA BSGRUBS PA BZHIN TE, TSONG BA RNAMS NI ZONG 'DIS DAR BAR BYA'O ZHES DAR BAR BYA BA'I DON DU ZONG SGRUB PAR BYED DO, ,TSONG PA RNAMS RANG DAR BAR BYA BA'I PHYIR DANG, BU DANG CHUNG MA'I DON DU SRD PAS KYANG ZONG SGRUB PAR BYED PAS DE NI 'DIR MI SBYAR GYI, 'DIR NI DAR BA TZAM ZHIG CHOS DANG MTHUN PA YIN TE, DE DANG 'DRA BAR RO, ,YUL GZUGS DANG SGRA DANG DRI DANG RO DANG REG BYA RNAMS NI 'DOD PA ZHES BYA STE, JI SKAD DU BCOM LDAN 'DAS KYIS, 'DOD PA 'DOD RNAMS ZHES BYA BA'I 'DOD PA 'DI NI YUL LNGA'I TSIG BLA DAGS YIN NO ZHES GSUNGS PA LTA BU'O, ,BYANG CHUB SEMS DPA' NI SEMS CAN RNAMS KYI LONGS SPYOD 'PHEL BAR BYA BA'I PHYIR YUL DE DAG SGRUB PO, ,JI LTAR BTZO BLAG MKHAN GOS LA GOS DAG PAR BYA BA'I PHYIR BSGRUBS PA DE BZHIN DU BYANG CHUB SEMS DPA' YANG LUS LA SOGS PA'I YONGS SU DAG PAR BYA BA'I PHYIR BSGRUB PO, ,YID BRTAN PA NI 'DIR DKOR GYI BLA LTA BU STE DKOR SPYAN ZHES BYA BA'I THA TSIG GO, ,JI LTAR RGYAL PO'I DKOR SPYAN GTZANG MA RGYAL PO'I DKOR LA RNAM PA GANG GIS KYANG SRED PA MI SKYE, RANG GIR BYA BAR MI SNOM NA DE LTAR NA 'DI YID BRTAN PAR 'OS PA YIN NO, ,BYANG CHUB SEMS DPA' YANG BSAM GTAN GYI PHA ROL TU PHYIN PA LA RAB TU SBYOR BA NA SRED PA'I RO MYANG BA LA SOGS PA'I NYES PA DANG BRAL BAS RAB TU SBYOR RO, ,RTAG TU BRTZON 'GRUS DANG LDAN PA NYID NI RTAG TU RGYUN CHAGS PAS SO, ,BRTZON 'GRUS RGYA CHEN PO DANG LDAN PA NYID NI THEG PA CHEN PO LAS BSTAN TE, BRTZON 'GRUS RGYA CHEN PO'I TSUL GYIS SO, ,SGRUB PA'I SKABS RDZOGS SO,, ,,SGRUB PA'I SKABS KYI 'OG TU GDAMS NGAG RJES SU BSTAN PA'I SKABS TE, DE'I 'BREL PA GANG YIN ZHE NA, 'DI NI BSLAB PA'I RNAM PA BSHAD PAR BYA BA'I SKABS YIN NO, ,BSLAB PA'I RNAM PA'I KHYAD PAR YANG MOS PA'I SKABS NAS BZUNG STE, GDAMS NGAG RJES SU BSTAN PA'I SKABS KYI BAR 'DI DAG YIN TE, DE LA MOS PA 'DI LA SKABS LA SOGS PA LA NI BSAM PA DANG SBYOR BA'I KHYAD PAR LA SOGS PA RNAM PAR BSHAD ZIN TO, ,DA NI RANG GZHAN LA PHAN PA RNAM PAR DAG PA'I MTHAR THUG PAR NGES PAR 'BYUNG BA'I KHYAD PAR GYIS GDAMS NGAG RJES SU BSTAN @112A *, ,PA'I SKABS RNAM PAR BSHAD DE, BYANG CHUB SEMS DPA' SGRUB PA DANG LDAN PA SA NI MTHONG BA DANG BSGOM PA'I LAM DAG GIS RNAM PAR DAG PA'I MTHAR THUG PAR BYA BA'I PHYIR GDAMS NGAG RJES SU BSTAN PA BTZAL BA DANG, GZHAN DAG LA YANG GDAMS NGAG BYA DGOS SO, ,DE BAS NA BSGRUB PA'I 'OG TU GDAMS NGAG RJES SU BSTAN PA'I SKABS YIN NO, ,DE NYID KYI PHYIR 'OG NAS, DE TSE CHOS KYI RGYUN LA NI, ,SANGS RGYAS RNAMS LAS ZHI GNAS DANG, ,YE SHES YANGS PA THOB BYA'I PHYIR, ,GDAMS NGAG RGYA CHEN RNYED PAR 'GYUR, ,ZHES 'CHAD PAR 'GYUR RO, ,BSKAL PA GRANGS MED NGES 'BYUNG ZHING, ,ZHES BYA BA NI BSKAL PA GRANGS MED PA DANG PO BYANG CHUB SEMS DPA'I SPYOD PA SPYAD PA ZHES BYA BA'I THA TSIG GO, ,DE'I TSE CHOS KYI RGYUN LA SANGS RGYAS RNAMS LAS GDAMS NGAG 'JI LTA BU ZHEG 'THOB CE NA, ,RGYA CHEN PO STE, SAR GTOGS PAR BTUB PA YIN NO, , 'DIS NI NYAN THOS KYI GDAMS NGAG BSAL BAR BYAS PA YIN NO, ,CI'I PHYIR 'DOMS SHE NA, ZHI GNAS DANG YE SHES YANGS PA THEB PAR BYA BA'I PHYIR TE, ZHI GNAS YANGS PA THOB PAR BYA BA'I PHYIR DANG, LHAG MTHONG YANGS PA THOB PAR BYA BA'I PHYIR RO, ,DE NAS DANG POR SDOM BRTZON DE, ,MOD YI SDE LA SOGS PA'I CHOS, ,MI GNYIS DON NI RNAM 'BYED PA, ,ZHES BYA BA LA, GNYIS SU MED PA'I CHOS GZUNG BA DANG, 'DZIN PA DANG BRAL BA RNAM PAR 'BYED PA NI THEG PA CHEN PO'I CHOS MDO'I SDE DANG, DBYANGS KYIS BSNYAD PA'I SDE LA SOGS PA YIN NO, ,SEMS DRUG NI RTZA BA'I SEMS DANG, RJES SU SPYOD PA'I SEMS DANG, RNAM PAR DPYOD PA'I SEMS DANG, NGES PAR 'DZIN PA'I SEMS DANG, SDOM PA'I SEMS DANG, SMON PA'I SEMS SO, ,DE LA RTZA BA'I SEMS NI MDO'I SDE LA SOGS PA'I CHOS RNAMS KYI MING LA DMIGS PA GANG YIN PA STE, GDAMS NGAG THOB NAS SAM, BDAG NYID KYIS BRTAGS NAS 'DI LTA STE, 'DI NI SA BCU PA'I MDO SDE YIN NO SNYAM PA YIN NO, ,LA SOGS PA ZHES BYA BA SMOS PAS NI TSIGS SU BCAD PA'I SDE DANG GLENG GZHI'I SDE LA SOGS PA BZUNG NGO, ,RJES SU SPYOD PA'I SEMS NI GANG GIS MDO'I SDE LA SOGS PA MING GI SGO NAS DMIGS PA RNAMS KYI TSIG GI DON @112B GYI RJES SU 'GRO BA'O, ,RNAM PAR DPYOD PA'I SEMS NI GANG GIS NA DON DANG YI GE DPYOD PAR BYED PA'O, ,DE LA DON NI RNAM PA BZHIS SPYOD PAR BYED DE, BGRANG BA DANG, 'JAL BA DANG, RTOG PA DANG, SO SOR RTOG PAS SO, ,DE LA BGRANG BA NI GRANGS 'DZIN PA STE, DPER NA GZUGS KYI SKYE MCHED BCU DANG, GCIG GI PHYOGS SO, ,TSOR BA NI TSOR BA DRUG GI TSOGS SO, ,ZHES BYA BA DE LTA BU LA SOGS PA'O, ,'JAL PA NI GRANGS DANG LDAN PA'I CHOS KYI MTSAN NYID LA SGRO 'DOGS PA DANG SKUR BA 'DEBS PA MED PAR 'TSAM PAR 'DZIN PA'O, ,RTOG PA NI TSAD MAS RTOG PA'O, ,SO SOR RTOG PA NI BGRANG BA DANG, GZHAL BA DANG BRTAGS PA'I DON LA BLTA BA'O, ,RNAM PAR DPYOD PA'I SEMS GNYIS PA NI YI GE NI RNAM PA GNYIS KYIS DPYOD PAR BYED DE, YI GE TSOGS PA RNAMS DON DANG BCAS PA NYID DANG, SIL BU RNAMS DON MED PA NYID KYIS SO, ,NGES PAR 'DZIN PA'I SEMS NI GANG GIS JI LTAR RJES SU DPYAD PA'AM, RNAM PAR DPYAD PA DE'I RGYU MTSAN NGES PAR 'DZIN PA'O, ,SDOM PA'I SEMS NI JI LTAR RNAM PAR DPYAD PA'I DON NI RTZA BA'I SEMS LA BSDUS TE KUN NAS SDOM PA'I RNAM PAR 'BYUNG NGO, ,SMON PA'I SEMS NI TING NGE 'DZIN GYI DON TAM, DE YONGS SU RDZOGS PAR BYA BA'I DON TAM, DGE SBYONG GI TSUL GYI 'BRAS BU'I DON TAM, SA LA 'JUG PA'I DON TAM, KHYAD PAR DU 'GRO BA'I DON KYANG RUNG, GANG GI DON DU RAB TU BRTZON PA DE LA 'DUN PA DANG LHAN CIG 'BYUNG NGO, ,'DI SEMS KHO NA DMIGS PAR SNANG BAR 'BYUNG GI, ,SEMS LAS MA GTOGS PA'I DMIGS PA NI MED DO ZHES SEMS TZAM DU SHES KYANG RUNG MA SHES KYANG RUNG STE, DMIGS PA NI SEMS YIN GYI GZHAN NI MA YIN PAS SEMS RNAM PA DRUG PO DMIGS PAR SNANG BAR RNAM PAR GZHAG GO, ,BTZAL BYA ZHES BYA BA 'DIS NI RTOG PA DANG BCAS SHING DPYOD PA DANG BCAS PA'I YID LA BYED PA BSHAD DO, ,TSOL BA ZHES BYA 'DI NI KUN TU TSOL BA'I RNAM PAR RTOG PA'I MING GI RNAM GRANGS YIN TE, RTOG PA'I MTSAN NYID LAS JI SKAD DU, RTOG PA GANG ZHE NA, SEMS PA'AM SHES RAB LA BRTEN NAS KUN TU TSOL BA YIN GYI BRJOD PA STE, SEMS RAGS PA GANG YIN PA'O ZHES @113A *, ,BSHAD PA LTA BU'O, ,'DOD CHAGS DANG MA BRAL BA NI, GANG LA RTOG PA YOD PA DE LA GDON MI ZA BAR DPYOD PA YOD PAS TSOL BA ZHES BYA BA'I SGRAS GNYIG YANG BSDUS SO, ,SO SOR BRTAG PAR BYA ZHES BYA BA 'DIS NI RTOG PA MED PA LA DPYOD PA TZAM GYI YID LA BYED PA BSTAN TO, ,SO SOR RTOG PA ZHES BYA BA'I SGRAS DPYOD PA BSTAN PAR CIS MNGON ZHE NA, DPYOD PA'I MTSAN NYID LAS JI SKAD DU DPYOD PA GANG ZHE NA, SEMS PA'AM SHES RAB LA BRTEN NAS SO SOR RTOG PA YID KYI BRJOD PA STE, ZHES JI SKAD DU BSHAD PA LTA BU STE, 'DI LAS MNGON NO, ,YID LA BYED PA BRJOD MED PA, ,RO GCIG PAS KYANG DPYAD PAR BYA, ,ZHES BYA BA 'DIS NI RTOG PA YANG MED DPYOD PA YANG MED PA BSTAN TO, ,CHOS KYI MING NI BSDOMS PA'ANG 'DI, ,ZHES BYA BA NI MING GANG GIS BSDOMS PA'I CHOS 'DZIN PAR BYED PA BSDOMS PA'I CHOS LA DMIGS PA'I MING DE LA SEMS NYE BAR GTOD PA YIN TE, 'ANG ZHES BYA BA'I SGRAS NI GTOD PA 'DREN TO, ,DMIGS PA LA NI SEMS GTAD NAS, ,ZHES BYA BA NI SEMS 'JOG PA YIN NO, ,DE'I RGYUN RNAM PAR G-YENG MI BYA, ,ZHES BYA BA NI KUN TU 'JOG PA YIN NO, ,RNAM G-YENG MYUR DU RTOGS BYAS NAS, ,DE LA SLAR NI BLAN PAR BYA, ,ZHES BYA BA NI SEMS NGES PAR GNAS PA YIN TE, MYUR DU RTOGS PAR BYAS NAS ZHES BYA BA NI MYUR DU SHES PAR BYA BA NAS ZHES BYA BA'I DON TO, ,DE BAS NA G-YENG BA RTOGS PAR BYAS NAS SEMS DE NGES PAR 'JOG PAR BYED DO, ,GANG GI TSE RNAL 'BYOR BA'I SEMS DE RNAM BAR G-YENG BA DE'I TSE RNAM PAR G-YENG BA DE LA SKYON DU BLTA BAR 'GYUR RO, ,RNAM PAR G-YENGS NA YANG SEMS DE DMIGS PA DE LA MI DGA'O, ,GNYEN PO BSGOMS PAS RNAM PAR G-YENG BA DANG BRAL BA'I PHYIR MI DGA' BA DE ZHI BAR BYED DE, DE BAS NA ZHI GNAS KYI RNAM PAR SEMS GNAS PA ZHES BYA'O, ,DE NAS DE YI LUS DANG SEMS, ,SHIN TU SBYANGS PA CHE THOB NAS, ,YID LA BYED DANG BCAS SHES BYA, ,YID LA BYED PA THOB CES BYA BA'I THA TSIG STE, DE'I TSE RNAL 'BYOR PA DE YID LA BYED PA THOB PA ZHES BYA'O, ,DE YIS DE NI 'PHEL BYAS NAS, ,ZHES BYA BA NI RNAL 'BYOR @113B PA DES YID LA BYED PA BSHAD MA THAG PA BCU GCIG PO 'PHEL BAR BYAS NA'O, ,'PHEL BA'I RING DU 'GRO BA YIS, ,DNGOS GZHI'I GNAS PA DES 'THOB PO, ,DE NYER BSDOGS LAS DNGOS GZHI'I BSAM GTAN LA 'JUG STE, DE NI DNGOS GZHI'I GNAS PA YIN NO, ,MNGON SHES DON DU GNYER BAS DE, ,SBYANGS NA LAS SU RUNG BA'I MCHOG ,BSAM GTAN LAS 'THOB CES BYA BA NI DNGOS GZHI'I BSAM GTAN DE THOB NAS, DE'I 'OG TU SBYANGS NA LAS SU RUNG BA'I MCHOG 'THOB PO, GANG LAS 'THOB CE NA, BSAM GTAN LAS TE, MNGON PAR SHES PA BSGRUB PA'I BSAM GTAN LA LAS SU RUNG BA'I MCHOG 'THOB PO, ,DE NAS RNAL 'BYOR BA DE 'JIG RTEN GYI KHAMS RNAMS SU 'GRO'O, ,CI'I PHYIR 'GRO ZHE NA, SANGS RGYAS DPAG TU MED PA LA MCHOD PA'I PHYIR DANG, THEG PA CHEN PO'I CHOS MNYAN PA'I PHYIR RO, ,LHAG PA'I BSAM PA DAG PA'I SA NI SA DANG PO STE, JI SRID DU SA DE MA THOB PA DE MNGON PAR RTOGS PA'I SNGON ROL DU LUS LA GNAS NGAN LEN GYI LUS KUN ZAD PAR 'GYUR BA LA SOGS PA PHAN YON LNGA 'THOB PO, ,'DI'I LUS GNAS NGAN LEN LUS KUN, ,SKAD CIG RE RE LA ZAD 'GYUR, ,ZHES BYA BA NI ZHI GNAS NI CHU LTA BU STE, DES GNAS NGAN LEN DE BUL TOG GI CHUS GOS KYI DRI MA BZHIN DU LUS LAS 'DAG PAR BYED DO, ,LUS DANG SEMS NI KUN TU YANG, ,SHIN TU SBYANGS PAS GANG BAR 'GYUR, ,ZHES BYA BA NI LUS DANG SEMS SHIN TU SBYANS PAS RAB TU GANG BA STE, GNAS NGAN LEN 'DAG PA DANG, PHAN YON 'DI GSUM NI ZHI GNAS KYI PHYOGS DANG MTHUN PA YIN PAR RIG PAR BYA'O, ,YONGS SU CHAD PA MED PA DANG, ,YANG DAG PA YI MTSAN MA NI, ,MA BRTAGS PA DAG RAB TU MTHONG, ,ZHES BYA BA SA THONG PA'I DUS NA LUS LAS SRIN BU PHYIR 'BYUNG BAR MTHONG BA DANG, LUS MI GTZANG BAS SPAGS PA SBYONG BAR MTHONG BA DANG, DE LTA BU LA SOGS PA BRTAGS PA MA YIN PA'I MTSAN MA DAG MTHONG BA STE, RGYAS PAR NI 'PHAGS PA BLO GROS MI ZAD PA'I MDO CHUNG NGU LAS MTSAN MA KUN TU 'BYUNG BA BZHIN BLTA BAR BYA'O, ,'DI DAG NI YONGS SU CHAD PA MED PA DANG, MA BRTAGS PA'I PHAN YON @114A *, ,YIN TE, 'DI GNYIS NI LHAG MTHONG GI PHYOGS DANG MTHUN PA YIN PAR RIG PAR BYA'O, ,RANG GI MTSAN NYID DANG SPYI'I MTSAN NYID DU SNANG BAR ZHES BYA BA LA GZUGS NI GZUGS SU RUNG BA'I MTSAN NYID DO, ,TSOR BA NI MYONG BA'I MTSAN NYID DO ZHES BYA BA DE LTA BU LA SOGS PA NI CHOS RNAMS KYI RANG GI MTSAN NYID DO, ,CHOS ZAG PA DANG BCAS PA DANG, CHOS ZAG PA MED PA RNAMS DANG, 'DUS BYAS RNAMS DANG, 'DUS MA BYAS RNAMS DANG, GZUGS CAN RNAMS DANG, GZUGS CAN MA YIN PA RNAMS ZHES BYA BA NI CHOS RNAMS KYI SPYI'I MTSAN NYID YIN NO, ,MI RTOG PA DANG SDUG BSNGAL BA LA SOGS PA YANG SPYI'I MTSAN NYID YIN NO, ,SNANG BA ZHES BYA BA 'DI NI CHOS LA NGES PAR BRTAGS PA'I BZOD PA'I TSIG BLA DAGS SO ZHES BYA BA NI DE LTAR JI SKAD BSHAD PA'I TSUL GYIS GZUNG BA'I DON RNAM PAR GZHIG PA'I SGO NAS CHOS THAMS CAD SEMS TZAM MO ZHES BYA BAR BZOD PA'I PHYIR CHOS LA NGES PAR RTOG PA'I BZOD PA ZHES BYA STE, DE NYID CHOS RNAMS KYI SNANG BA YIN NO, ,'DI DAG SEMS YIN PAR RTOGS PA'I PHYIR DE'I TSE DE LA MNYAM PAR GZHAG PA'I GNAS SKABS NA 'DI'I SEMS KHO NAR ZAD DO SNYAM PA'I SHES PA YANG DAG PA 'BYUNG NGO, ,GZUNG BA'I RNAM PAR RTOG PA RNAM PAR BSHIG STE GZUNG BA MED NA GANG LA 'DZIN ZHES DE'I 'OG TU 'DZIN PA'I RNAM PAR RTOG PA RNAM PAR 'JIG PAR BYED DE, ,'DI NI 'JIG RTEN PA'I CHOS KYI MCHOG GI GNAS SKABS YIN NO, ,DE NAS DES NI 'JIG RTEN LAS, ,'DAS PA'I YE SHES BLA MED PA, ,RNAM PAR MI RTOG DRI MA MED, ,'DZIN PA GNYIS PA BRAL BA 'THOB, ,GZUNG BA DANG 'DZIN PA'I RDUL DANG BRAL BA'I PHYIR RDUL DANG BRAL BA'O, ,MTHONG BAS SPANG BAR BYA BA'I NYON MONGS PA SPANS PA'I PHYIR DRI MA DANG BRAL BA'O, ,RANG DANG GZHAN GYI RGYUD DAG LA BDAG MED PA DANG SDUG BSNGAL PA DAG KHYAD PAR MED PA'I PHYIR RO ZHES BYA BA NI JI LTAR BDAG LA BDAG MED PA LTAR SEMS CAN THAMS CAD KYANG DE DANG 'DRA LA, JI LTAR RANG GIS BDAG NYID KYI SDUG BSNGAL NYE BAR ZHI BAR BYA DGOS PA LTAR SEMS CAN THAMS CAD KYI YANG DE DANG 'DRA BAS SO, ,RNAM PA GCIG TU NA JI LTAR RANG GI 'DU BYED ZAG PA DANG BCAS PA RNAMS SDUG BSNGAL YIN PA LTAR @114B SEMS CAN THAMS CAD KYI YANG DE DANG 'DRA BAS SO, ,SDUG BSNGAL GYI RNAM PA NI RGYU MI RTAG PA'I RNAM PAS 'DREN TE, DE BAS NA SDUG BSNGAL GYI RNAM PA KHO NA SMOS SO, ,BDAG MED PA'I RNAM PA NI STONG PA NYID KYI RNAM PAS 'DREN TE, DE BAS NA BDAG MED PA'I RNAM PA KHO NA SMOS TE, DE'I PHYIR MTSUNGS PA NYID GNYIS KHO NA SMOS PA YIN NO, ,DES NI KHAMS GSUM PA'I 'DUS BYAS RNAMS YANG DAG PA MA YIN PA'I KUN TU RTOG PA TZAM DU MTHONG ZHES BYA BA NI KHAMS GSUM PA NI SEMS TZAM MO ZHES BYA BA DE LTAR PHYIN CI MA LOG PA NI BSGOM PA'I LAM LA RNAM PAR MI RTOG PA'I RJES LA THOB PA'I YE SHES KYIS SGYU MA LTA BUR GZHAN GYI DBANG GI NGO BO NYID MTHONG NGO, ,MED PA'I STONG PA NYID SHES SHING, ,ZHES BYA BA NI KUN BRTAGS PA'I NGO BO NYID KYI'O, ,DE BZHIN YOD PA'I STONG NYID DANG, ,ZHES BYA BA NI GZHAN GI DANG GI NGO BO NYID KYIS STE, GZHAN GYI DBANG GI NGO BO NYID NI BYIS PA PHYIN CI LOG GI BLO CAN GZUNG BA DANG 'DZIN PA LA MNGON PAR ZHEN PA RNAMS KYIS JI LTAR BZUNG BA DE LTAR STONG NGO, ,RANG BZHIN STONG PA NYID SHES NAS, ,ZHES BYA BA NI YONGS SU GRUB PA'I NGO BO NYID DE, STONG PA NYID KYI NGO BO NYID YIN PA'I PHYIR RO, ,STONG PA NYID DE'I NGO BO NYID DE BZHIN NYID KYI MTSAN NYID GANG YIN PA'I DE BZHIN NYID DE SHES NAS SO, ,DE'I NGO BO NYID KYANG GANG ZHE NA, KUN BRTAGS PA'I GNYIS MED PA'I NGO BO GANG YIN PA SANGS RGYAS DANG BYANG CHUB SEMS DPA' RNAMS KYI SO SO RANG GIS RIG PAR BYA BA'I GNAS SKABS BSTAN DU MED CING BSAM GYIS MI KHYAB PA RTOG GE'I SPYOD YUL LAS YANG DAG PAR 'DAS PA STE, JI SKAD DU THEG PA CHEN PO BSDUS PA LAS, CHOS KYI SKU DE BZHIN NYID KYI MTSAN NYID NI BSAM GYIS MI KHYAB PA'I MTSAN NYID DE, DE BZHIN NYID DE NI 'JIG RTEN NA DPE MED PA'I PHYIR DANG, RTOG GE'I SPYOD YUL MA YIN PA'I PHYIR SO SO RANG GIS RIG PAR BYA BA YIN NO ZHES BSHAD PA LTA BU DANG, 'PHAGS PA DKON MCHOG SPRIN LA SOGS PA'I MDO LAS DON DAM PA BSTAN PA'I SKABS NAS JI LTAR BSTAN PA LTA BU YIN NO, ,MTSAN MED GZHI NI RNAM RTOG RNAMS, ,YANG DAG ZAD PA YIN ZHES BYA, ,ZHES BYA BA LA, RNAM PAR RTOG PA YANG DAG PAR ZAD PA @115A *, ,NI RNAM PAR RTOG PA 'GAGS PA'O, ,GANG DU RNAM PAR RTOG PA YANG DAG PAR ZAD PA DE NI GZHI ZHES BYA STE, JI SKAD DU CHOS MNGON PA KUN LAS BTUS PA LAS, 'GOG PA'I BDEN PA'I MTSAN NYID LAS JI LTAR SHES PAR BYA ZHE NA, GANG DU 'GOG PAR 'GYUR BA DE BZHIN NYID DANG, GANG GIS 'GAG PAR 'GYUR BA LAM DANG, 'GAG PA GANG YIN PA NYON MONGS PA MI SKYE BA'O ZHES BSHAD PA LTA BU STE, DE BZHIN NYID GANG DU RNAM PAR RTOG PA ZAD PA DE NI MTSAN MA MED PA'I TING NGE 'DZIN GYI DMIGS PA ZHES BYA'O, ,SMON PA MED PA'I TING NGE 'DZIN GYI DE, YANG DAG MA YIN KUN RTOG GO, ,GZHI STE DMIGS PA'I ZHES BYA BA'I THA TSIG GO, ,DE ZHES BYA BA'I SGRAS NI GZHI STE, DMIGS PA GZUNG NGO, ,SDUG BSNGAL RGYAS PA TZAM SHES TE, ZHES BYA BA NI 'DI NI 'DU BYED TZAM STE KUN BRTAGS PA'I GANG ZAG DANG CHOS DANG BRAL BA SDUG BSNGAL RGYAS SHING RGYA CHE BAR SHES SO, ,SEMS CAN THAMS CAD LA BDAG DANG MTSUNGS PA'I SEMS RNYED PA'I PHYIR, BDAG TU LTA BA RNAM PAR MI RTOG PA'I YE SHES 'THOB STE, DE THOB PAS NA SEMS CAN THAMS CAD LA BDAG DANG MTSUNGS PA'I LTA BA CAN DU 'GYUR RO, ,'DI NA 'JIG RTEN TSE GCIG RANG SDUG BKUR MI NUS, ,'JIG RTEN GNAS PA SRID DU GZHAN SDUG BSNGAL, ,BSDOMS PA SMOS CI DGOS E BSAM DU MED, ,CES BYA BA NI 'JIG RTEN NI TSE GCIG RANG GI SDUG BSNGAL BKUR BAR YANG MI NUS NA, 'JIG RTEN JI SRID PA DE SRID DU RANG GI SDUG BSNGAL BKUR ZHES BYA 'DI LA LTA BSAM DU YANG MED PA NYID DO, ,BYANG CHUB SEMS DPA' NI 'JIG RTEN DE LA DE LAS BZLOG PA YIN PAS 'JIG RTEN JI SRID PA DE SRID DU SDUG BSNGAL BSDOMS PA THAMS CAD BKUR BAR NUS TE, BYANG CHUB SEMS DPA' PHAN PA DANG BDE BA BZHED PAS, BA BE'U LA BYAMS PA BZHIN DU SEMS CAN DE DAG BYASM PAS LEN TO, 'THOB PO ZHES BYA BA NI LAM GYI GNAS YONGS SU GYUR PA THOB MA YI, ,SA RNAMS BSGOM PA'I LAM 'DI LA, ,ZHES BYA BA NI SA DANG PO LA YANG MTHONG BA'I LAM GYI 'OG TU BSGOM PA'I LAM YOD MOD KYI, SA MA LUS PAR YONGS SU DAG PA LAS SA GNYIS PA LA SOGS PA'I BSGOM PA'I LAM GANG YIN PA DE'I DBANG DU MDZAD NAS, 'DI SKAD DU, DE NAS 'DI @115B NI LHAG MA YIN, ,SA RNAMS BSGOM PA'I LAM 'DI LA, ,ZHES BSHAD DO, ,GANG GI PHYIR, DE NAS DES NI 'JIG RTEN LAS, ,'DAS PA'I YE SHES BLA MED PA, ,RNAM PAR MI RTOG DRI MA MED, ,'DZIN PA GNYIS DANG BRAL BA 'THOB, ,DE 'DI'I GNAS YONGS GYUR PA STE, ,SA NI DANG PO YIN PAR 'DOD, ,'DI'I DE BSKAL PA DPAG MED KYIS, ,SHIN TU RNAM PAR DAG PAR 'GYUR, ,ZHES BSHAD PA 'DI LTA BU LAS KYANG SA DANG PO LA YANG BSGOM PA'I LAM YOD PAR MNGON TE, SA THOB PA DE BSKAL PA DPAG TU MED PAS YONGS SU SBYONG BA GANG YIN PA YANG NAS YANG DU GOMS PAR BYED PA DE NI BSGOM PA'I LAM ZHES BYA'O, ,RNAM PAR RTOG PA'I BAG LA NYAL GYIS MI SHIGS PA'I DON GYIS ZHES BYA BA NI RNAM PAR RTOG PA'I BAG CHAGS LAS RNAM PAR RTOG PA GANG DAG 'BYUNG BA'I RNAM PAR RTOG PA DE DAG GIS RDO RJE LTA BU'I TING NGE 'DZIN DE GZHIG PAR MI NUS LA, DES NI RNAM PAR RTOG PA'I BAG CHAGS THAMS CAD MA LUS PAR SHIGS PAS SO, ,DE'I 'OG TU GNAS GZHAN DU 'GYUR BA'I MTHAR PHYIN PA 'THOB PO ZHES BYA BA NI KUN GZHI RNAM PAR SHES PA LA GNAS NGAN LEN MA LUS PAR SPANGS PAS RDO RJE LTA BU'I TING NGE 'DZIN GYI 'JUG THOGS SU GNAS GZHAN DU GYUR PA MTAHR THUG PA 'THOB PO, , THAMS CAD MKHYEN PA NYID KYI GO 'THANG BLA NA MED PA NYON MONGS PA DANG, SHES BYA'I SGRUB PA THAMS CAD KYI DRI MA MED PA 'THOB PO ZHES BYA BA NI LAM GYI GNAS YONGS SU GYUR PA THOB PA'O, ,SANGS RGYAS RNAMS NI RTAG TU RANG DON YANG DAG PAR SBYOR LA LEGS PAR BSNGAGS PA DANG, ZHES BYA BA NI GDAMS NGAG RJES SU BSTAN PA MDOR BSDUS NAS TSIGS SU BCAD PA GCIG GIS STON TE, LHAG PA'I TSUL KHRIMS KYI DBANG DU MDZAD NAS, RANG DON YANG DAG PAR SBYOR LA ZHES BYA BA GSUNGS SO, ,LHAG PA'I TSUL KHRIMS KYI BSLAB PA NI BYANG CHUB SEMS DPA'I SDOM PA STE, BYANG CHUB SEMS DPA'I RANG GI DON YIN NO, ,DE LA YANG DAG PAR SBYOR BA'I BYANG CHUB SEMS DPA' LA SANGS RGYAS BCOM LDAN 'DAS RNAMS LEGS SO LEGS SO, ,ZHES YANG DAG PAR GZENGS STOD CING BSNGAGS PA MDZAD DO, ,LOG PAR SBYAR BA LE LO CAN RAB TU MI SBYAR BA RNAMS LA NI SMOD PAR MDZAD DO, ,LHAG @116A *, ,PA'I SEMS DANG LHAG PA'I SHES RAB KYI DBANG DU MDZAD NAS, GNAS DANG RNAM 'BYED LHUR LEN ZHES BYA BA GSUNGS TE, ZHI GNAS DANG, GNAS PA DANG, TING NGE 'DZIN ZHES BYA BA NI RNAM GRANGS SO, ,RNAM PAR 'BYED PA NI LHAG MTHONG GI RNAM GRANGS SO, ,GANG ZHIG SPANGS PA DANG BRTEN PAS ZHES BYA BA NI BAR CHAD DANG BCAS PA'I CHOS RNAMS NI SPONG LA MTHUN PA NI BRTEN TO, ,DE NI MTHONG BA RAB DAG CES BYA BA NI ME LONG LTA BU'I YE SHES LA SOGS PA'O, ,MI RTOG BYANG CHUB KYIS ZHES BYA BA NI RTOG PA MED PA'I YE SHES KYIS ZHES BYA BA'I THA TSIG STE, ME LONG LTA BU'I YE SHES LA SOGS PA RTOG PA DANG BRAL BA DE DAG GIS SO, ,MUN PA CHEN PO ZHES BYA BA LA, MUN PA CHEN PO NI SHES BYA'I TSOGS CHEN PO LA SGRIB PA'I PHYIR SHES BYA'I SGRIB PA YIN TE, MUN PA DE YE SHES 'DI DAG GIS BSAL NAS SO, ,NYI MA CHEN PO DAG SHAR BA BZHIN DU 'GRO BA RNAMS LA LAM ME'O, , ZHES BYA BA NI NYI MA BRTAGS PAR BYAS PA STE, NYI MA GANG ZHIG STONG GSUM GYI STONG CHEN PO'I 'GRO BA THAMS CAD SNANG BAR YANG BYED LA RTAG TU YANG SNANG BAR BYED CING, NUB PAR YANG MI 'GYUR BA DE LTA BU 'GA' ZHIG YOD PAR GYUR NA DE DANG 'DRA BAR BYANG CHUB SEMS DPA' MUN PA CHEN PO SHES BYA'I SGRIB PA BSAL NAS YE SHES KYI 'OD ZER DAG GIS 'GRO BA THAMS CAD LA SNANG BAR BYED DO, ,GDAMS NGAG RJES SU BSTAN PA'I SKABS RDZOGS SO,, ,,GDAMS NGAG RJES SU BSTAN PA'I SKABS KYI 'OG TU THABS DANG LDAN PA'I LAS KYI SKABS TE, 'DI 'BREL PA GANG YIN ZHE NA, 'DI SKAD DU, BSLAB PA GANG YIN PA DANG ZHES BSHAD PAS DE'I PHYIR DA NI DMIGS PA GANG LA RNAM PA 'DI DAG GIS 'JUG PA DE BRJOD DGOS PAS MJUG THOGS SU BSLAB PA'I KHYAD PAR BRJOD PAR BYA'O, ,DE LA BSLAB PA NI GANG YIN, DE'I KHYAD PAR NI GANG YIN ZHE NA, BSLAB PA NI RANG GI BYA BA SGRUB PA YIN NO, ,DE'I KHYAD PAR NI THUN MONG MA YIN PA NYID YIN NO, ,RANG GI BYA BA SGRUB PA NI 'DIR THUN MONG DANG KHYAD PAR TE, DE LA THUN MONG NI LAS MNGON PAR 'DU BYA BA PHYIN CI MA LOG PAR BYED PA STE, THABS DANG LDAN PA'I LAS ZHES GANG BSHAD PA YIN NO, ,DE'I THUN MONG NI LAS MNGON PAR 'DU BYED PA DGE @116B BA THAMS CAD LA KUN TU 'GRO BA'I PHYIR RO, ,KHYAD PAR NI PHA ROL TU PHYIN PA 'CHAD PAR 'GYUR BA DAG LTA BU YIN NO, ,THABS DANG LDAN PA'I LAS RNAM PAR DBYE BA ZHES BYA BA LA, THABS DANG LDAN PA'I LAS RNAM PAR DBYE BA NI 'DI LTAR 'JUG NAS, DES NA 'DI NI DE'I THABS YANG DAG GZUNG BA'I PHYIR, , LAS RNAMS DAG PA MTHA' YAS DE YI PHA ROL 'GRO, ,ZHES 'CHAD PAR 'GYUR BA LTA BU YIN NO, ,DPER NA SEMS CAN DANG SEMS CAN MA YIN PAR BGRANG BA'I RTEN SA YIN PA LTA BU STE, SEMS CAN SMOS PAS NI SEMS CAN DU BGRANG BA JI SNYED PA THAMS CAD BSDUS TE, DE DAG KYANG NYE BAR SPYOD PA PO NYID DU BSTAN TO, ,SEMS CAN MA YIN PAR BGRANG BA NI NAGS TSAL DANG, RI DANG, CHU BO ZHES BYA BA LA SOGS PA LTA BU STE, NYE BAR SPYAD PAR BYA BA NYID DU BSTAN TO, ,BRTAN PA NI RI LA SOGS PA'O, ,MI BRTAN PA NI CHU BO LA SOGS PA'O, 'DI DAG THAMS CAD KYI RTEN SA YIN PA DE BZHIN DU, SBYIN PA LA SOGS PA'I DGE BA PHA ROL TU PHYIN PA DANG, BYANG CHUB KYI PHYOGS DANG MTHUN PA LA SOGS PA'I RTEN KYANG LUS LA SOGS PA'I LAS GSUM YIN NO, ,'DI NI LAS DGE BA'I THABS YIN TE, JI LTAR SA LA BRTEN NAS NAGS TSAL LA SOGS PA SKYE BA DE BZHIN DU DGE BA'I CHOS THAMS CAD KYANG LUS LA SOGS PA'I LAS GSUM LA BRTEN PA YIN GYI, LUS LA SOGS PA'I LAS GSUM MED PAR NI DGE BA'I CHOS 'GA' YANG KUN NAS LDANG BA MED DO ZHES DE LTAR THABS YIN PAR KHONG DU CHUD NAS, BYANG CHUB SEMS DPA' LAS GSUM YONGS SU SBYONG BA'I PHYIR 'JUG PAS NA, KUN NAS SLONG BA'I THABS ZHES BYA'O, ,SHIN TU DKA' BA'I LAS NI NGO BO SNA TSOGS PA, ,BSKAL PA MANG POS MTHAR PHYIN SNGON BRTZON BDAG NYID CAN, ,ZHES BYA BA LA, BYANG CHUB SEMS DPA' RNAMS KYI LAS SHIN TU DGA' BA NGO BO SNA TSOGS PA NI SBYIN PA'I PHA ROL TU PHYIN PA LA SOGS PA DANG LAS BSDUS PA RNAMS SO, , SBYIN PA LA SOGS PA'I LAS YAN LAG GI DAM PA MGO DANG LAG PA DANG RKANG PA DANG MIG LA SOGS PA YONGS SU GTONG BAS LHAG PAR SPYOD PA GANG YIN PA SNA TSOGS PA DE DAG NYID BSKAL PA MANG POS YONGS SU RDZOGS PAR 'GYUR TE, BSKAL PA RDZOGS PA NI TSAR PHYIN PA ZHES BYA'O, ,DE LTAR RAB @117A *, ,TU SBYOR BA'I BYANG CHUB SEMS DPA' RNAMS LA LUS LA LA SOGS PA'I LAS LA SKYO BA MED DO, ,CI'I PHYIR ZHE NA, YUN RING PO NAS 'DRIS PA'I PHYIR RO, ,DES NI YUN RING PO NAS THEG PA CHEN PO'I CHOS LA GOMS PA NGANG DU GYUR PA YIN TE, JI SKAD DU, DGE BA'I CHOS 'DI DAG NYID GOMS PA LA BRTEN NAS GANG GIS NA SO SOR MA BRTAGS PAR DE DAG KHO NA LA DGA' BAR 'GYUR BA DE LTA BU'I RNAM PAR SMIN PA MNGON PAR 'GRUB PAR BYED DO ZHES GSUNGS PA LTA BU'O, ,DE LTAR BSKAL BA MANG PO TSAR PHYIN PAS BYANG CHUB SEMS DPA' THEG PA CHEN PO LA SKYO BA 'BYUNG BAR MI 'GYUR TE, NGANG DU GYUR PA NI RMI LAM NA YANG KUN TU SPYOD DO, ,'DI LTAR BDAG LA PHAN PAR 'DOD CING GSON PAR 'DOD PA NI DUG DANG MTSON DANG GNAM LCAGS CHEN PO DANG, DGRA LAS BDAG NYID SKYOB PAR BYED DO, ,DE BZHIN DU BYANG CHUB SEMS DPA' YANG LUS LA SOGS PA'I LAS NYAN THOS DANG RANG SANGS RGYAS KYI THEG PAR LTUNG BA LAS SKYOB PAR BYED CING NYAN THOS KYI THEG PAR YONGS SU MI BSNGO'O, ,BYANG CHUB SEMS DPA' BYANG CHUB SEMS DPA'I SPYOD PA LA RAB TU ZHUGS PA DE YONGS SU BOR NAS THEG PA DMAN PA LA BRTEN PA NI 'CHI BA YIN PAS BYANG CHUB SEMS DPA'I LUS LA SOGS PA'I LAS DGE BA THEG PA DMAN PAR YONGS SU BSNGOS PA NI DUG DANG MTSON DANG GNAM LCAGS CHEN PO DANG DGRA DANG 'DRA'O ZHES BYA BAR RIG STE, BYANG CHUB TU SEMS BSKYED LA, YANG DE YONGS SU DOR BA NI RIGS PA MA YIN NO SNYAM NAS THEG PA DMAN PAR YONGS SU BSNGOS PA'I SEMS DE DE LAS BSLANG STE THEG PA CHEN PO KHO NA LA 'JUG PAR BYED PAS NA LDANG BA'I THABS ZHES BYA'O, ,THEG PA CHEN PO LA DGE BA'I RTZA BA GCOD PA'I PHYIR DANG, DGE BA MA SKYES PA MI SKYED CING ZHES BYA BA NI JI LTAR MTSON LA SOGS PAS SHING LA SOGS PA'I RTZA BA BCAD NA, YAL GA DANG LO MA DANG, ME TOG LA SOGS PA MA SKYES PA RNAMS MI SKYE BA DE BZHIN DU BYANG CHUB SEMS DPA'I LUS LA SOGS PA'I LAS THEG PA DMAN PAR YONGS SU BSNGOS PAS MTSON LA SOGS PA DANG 'DRA BAS DE BZHIN GSHEGS PA'I LJON SHING SKYE BAR 'DOD PA'I RTZA BA KUN CHAD PAR 'GYUR RO, ,DES NA SA DANG @117B PHA ROL TU PHYIN PA DANG STOBS DANG MI 'JIGS PA LA SOGS PA YAL GA DANG LO MA DANG ME TOG DANG 'BRAS BU LTA BU DAG SKYE BAR MI 'GYUR RO, ,DGE BA'I LO TOG SKYES PA 'JOMS PA NI GNAM LCAGS DANG CHOS MTHUN PAS SO, ,SANGS RGYAS NYID PHUN SUM TSOGS PA 'THOB PA'I GAGS SU GYUR PA NI DGRA DANG CHOS MTHUN PAS SO, ,RTAG TU RNAM PAR MI RTOG LAS CAN LAS MIN ZHING, ,LAS KYI BYA BA DANG RNAM GSUM LA MI LTA STE, ,ZHES BYA BA NI BYANG CHUB SEMS DPA' RTAG TU RNAM PAR MI RTOG PA NI, BYED PA POR YANG MI RTOG, LAS SU YANG MA YIN, LAS KYI BYA BAR YANG MA YIN NO; ,LAS MNGON PAR 'DU BYED PA NI DGE BA'I CHOS THAMS CAD LA KUN TU 'GRO BA YIN PA'I PHYIR BSLAB PA'I PHYIR BSTAN TO, ,DA NI KHYAD PAR BRJOD DGOS TE, DE BSNYAD DO, ,LAS NI RANG GI SANGS RGYAS KYI CHOS KYI TSOGS PHA ROL TU PHYIN PA DANG RJES SU 'DZIN PA'I BYA BA DGE BA'I LAS KUN TU 'GRO BA'I PHYIR GTZO BO YIN TE, DE'I PHYIR 'DI DANG PHOR SMOS SO, ,RANG LA PHAN PA PHUN SUM TSOGS NA GZHAN LA PHAN PA SGRUB PAR BZOD PAR 'GYUR BAS DE'I PHYIR DANG POR RANG LA PHAN PA SGRUB PA'I PHYIR PHA ROL TU PHYIN PA RNAMS SO, ,DE'I 'OG TU GZHAN RJES SU GZUNG BA'I PHYIR BSDU BA'I DNGOS PO RNAMS 'BYUNG NGO, ,SBYIN PA DANG TSUL KHRIMS DANG BZOD PA DANG BRTZON 'GRUS KYI PHA ROL TU PHYIN PA DAG GIS NI MNGON PAR MTHO BA RNAM PA BZHI BSTAN ZHES BYA BA NI DE DAG BSTAN PAS TSE PHYI MA LA PHUN SUM TSOGS PA'I LONGS SPYOD DANG LUS KHYAD PAR DU 'PHAGS PA 'THOB PA LA SOGS PA LAS GANG YIN PA DE DAG BSTAN TO, ,SHES RAB KYI PHA ROL TU PHYIN PAS NI BYA BA BRTZAM PA LA PHYIN CI MA LOG PAR BSTAN TO, ,MNGON PAR MTHO BA DANG NGES PAR LEGS PA THAMS CAD NI 'DI TZAM DU ZAD LA, DE DAG KYANG PHA ROL TU PHYIN PA DRUG PO KHO NAS 'GYUR GYI, NYUNG DUS KYANG MA YIN LA MANG POS KYANG MA YIN NO, ,RNAM PAR MI 'TSE BA ZHES BYA BA NI BDAG NYID RNAM PAR 'TSE BAR MI BYED PA'O, ,RNAM PAR 'TSE BA BZOD PA ZHES BYA BA NI GZHAN DAG GIS DBYUG PA DANG, MTSON LA SOGS PAS RNAM PAR GTZES PA THAMS CAD BZOD PA'O, ,SEMS CAN DANG SEMS CAN MA @118A *, ,YIN PAS BYAS PA'I SDUG BSNGAL ZHES BYA BA LA, SEMS CAN GYIS BYAS PA'I SDUG BSNGAL NI MI LA SOGS PAS BYAS PA GANG YIN PA'O, ,SEMS CAN MA YIN PAS BYAS PA NI RLUNG DANG NYI MA DANG CHAR PA DANG SER BA LA SOGS PAS BYAS PA GANG YIN PA'O, ,TSUL KHRIMS NI DE THOB PA'I RNAM PAR G-YENG BA YANG DAG PAR SDOM PA RNAMS KYI LAM STE ZHES BYA BA LA DE ZHES BYA BA'I SGRAS NI YUL GZUNG NGO, ,DE DAG THOB PA NI DE THOB PA'O, ,DE THOB PAR BYA BA'I PHYIR RNAM PAR G-YENG BA'O, ,DE THOB PA'I RNAM PAR G-YENG BA YANG DAG PAR SDOM PA NI DE THOB PA'I RNAM PAR G-YENG BAR YANG DAG PAR SDOM PA STE, DGE SLONG GI SDOM PA LA GNAS PA LA YUL THOB PAR BYA BA'I PHYIR RNAM PAR G-YENG BA GANG DAG YIN PA DE DAG MI 'BYUNG NGO, ,DE GNYIS KYIS NYON MONGS PA DANG, SHES BYA'I SGRIB PA RNAM PAR SBYONG BA'I PHYIR RO ZHES BYA BA NI BSAM GTAN GYI PHA ROL TU PHYIN PAS NI NYON MONGS PA'I SGRIB PA LA SOGS PA RNAM PAR GNON PAR BYED DO, ,SHES RAB KYI PHA ROL TU PHYIN PAS NI MA LUS PAR RTZA NAS 'DON PAR BYED DO, ,DANG PO GSUM ZHES BYA BA LA BSLAB PA DANG PO NI LHAG PA'I TSUL KHRIMS KYI BSLAB PA STE, SBYIN PA DANG TSUL KHRIMS DANG BZOD PA DAG NI LHAG PA'I TSUL KHRIMS KYI BSLAB PA'O, ,TSOGS DANG BCAS PA DANG 'KHOR DANG BCAS PA BZUNG BA'I PHYIR RO ZHES BYA BA NI LHAG PA'I TSUL KHRIMS KYI BSLAB PA'I TSOGS NI SBYIN PA'I PHA ROL TU PHYIN PA'O, ,DE'I NGO BO NYID NI TSUL KHRIMS KYI PHA ROL TU PHYIN PA'O, , 'KHOR NI BZOD PA'I PHA ROL TU PHYIN PA'O, ,SBYIN PA NI MI MTHUN PA'I PHYOGS SER SNA NYAMS PA DANG, RNAM PAR MI RTOG PA'I YE SHES DANG LDAN PA DANG 'DOD PA THAMS CAD YONGS SU RDZOGS PAR BYED PA DANG, SEMS CAN YONGS SU SMIN PAR BYED PA STE, MTSAN NYID RNAM PA 'DI BZHI DANG LDAN PA'I SBYIN PA NI SBYIN PA'I PHA ROL TU PHYIN PA ZHES BYA BA'I MING 'THOB KYI, GZHAN DU NI MA YIN NO, ,GZHAN DAG LA LUS DANG NGAG THAMS CAD YANG DAG PAR SDOM PAS 'DOD PA YONGS SU RDZOGS PAR BYED PA'I PHYIR RO ZHES BYA BA NI GAL TE GZHAN 'DI SNYAM DU, KYE MA BDAG LA LUS DANG NGAG DANG @118B YID KYIS RNAM PAR MI 'TSE YANG CI MA RUNG SNYAM NA, BYANG CHUB SEMS DPA' THAMS CAD KYIS KYANG GZHAN LA RNAM PAR 'TSE BA MI SKYED DO, ,GNOD PA BYED PA LA BZOD PAS GZHAN DAG GI 'DOD PA YONGS SU RDZOGS PA NI GAL TE GZHAN DAG LUS LA SOGS PAS BYANG CHUB SEMS DPA' LA GNOD PA RNAM PA SNA TSOGS BYED CING GNOD PA BYED PA DE DAG KYANG 'DI SNYAM DU, KYE MA BDAG GI LUS LA SOGS PAS GNOD PA BYAS PA BZOD DO SNYAM DU SEMS LA BYANG CHUB SEMS DPA' YANG BU GCIG PA LA BYAMS PA LTA BUS THAMS CAD BZOD DE, LAN MANG PO ZHIG TU RNAM PAR GTZES KYANG GZHAN DAG LA GNOD PA BYA BA'I PHYIR MI 'JUG GO, ,DE BZHIN DU BRTZON 'GRUS LA SOGS PAS GROGS BYED PAR 'DOD PA LA SOGS PA LA YANG SBYAR BAR BYA'O, ,SBYIN PA NI NYON MONGS PA MANG BA NYID KYIS DMAN LA TSUL KHRIMS NI MCHOG YIN TE, LUS DANG NGAG DANG YID BSDAMS PA LA NYON MONGS PA NYUNG BA'I PHYIR RO, ,SBYIN PA NI 'JUG SLA BA'I PHYIR ZHES BYA BA NI SBYIN PA LA NI 'JUG PAR YANG SLA LA BYA BAR YANG SLA STE, 'DI LTAR SBYIN PA NI KLA KLO DANG GDOL PA LA SOGS PA YANG SBYIN PAR BYED LA, DE DAG TSUL KHRIMS YANG DAG PAR BLANG BAR NI RNAM PA GANG GIS KYANG MI BZOD DO; ,PHA ROL TU PHYIN PA BSGOM PA RNAM PA BZHI ZHES BYA BA NI DNGOS PO LA BRTEN PA NI RNAM PA BZHI'O, ,YID LA BYED PA LA BRTEN PA YANG RNAM PA BZHI'O, ,BSAM PA LA BRTEN PA YANG RNAM PA DRUG GO, ,THABS LA BRTEN PA NI RNAM PA GSUM MO, ,DBANG 'BYOR BA NYID LA BRTEN PA YANG RNAM PA GSUM KHO NA STE, 'DI DAG GI RNAM PAR DBYE BA NI 'GREL PA KHO NA LA LEGS PAR RNAM PAR PHYE BA YIN NO, ,DNGOS PO LA BRTEN PA ZHES BYA BA LA, DNGOS PO NI GZHI ZHES BYA BA LA DON THA DAD PA MA YIN PAS GZHI LA BRTEN PA ZHES BYA BA'I THA TSIG STE, JI SKAD DU, DNGOS PO LAS BYUNG BA'I BSOD NAMS BYA BA'I GZHI BDUN PO 'DI DAG DANG LDAN PA'I DAD PA'I RIGS KYI BU ZHES BYA BA LA SOGS PA 'BYUNG BA GZHI DANG BCAS PA'I BSOD NAMS BYA BA'I GZHI ZHES BYA BAR MNGON PA LTA BU'O, ,RGYU LA BRTEN PA NI RIGS KYI STOBS KYIS PHA ROL TU PHYIN PA RNAMS LA BSGRUB PA GOMS @119A *, ,PA GANG YIN PA'O ZHES BYA BA NI DGE BA'I BSHES GNYEN LA BRTEN PA LA SOGS PA MED PAR SKYE MCHED DRUG GI KHYAD PAR THOG MA MED PA NAS BRGYUD DE 'ONGS PA CHOS NYID KYIS THOB PA KHO NA DE 'DRA STE, DE'I STOBS KHO NAS PHA ROL TU PHYIN PA RNAMS LA 'JUG PA GANG YIN PA DE NI RGYU LA BRTEN PA ZHES BYA'O, ,RNAM PAR SMIN PA LA BRTEN PA NI LUS PHUN SUM TSOGS PA'I STOBS KYIS GANG YIN PA'O ZHES BYA BA NI SNGON SBYIN PA LA SOGS PA LA GANG GIS NA TSE RABS GZHAN DAG NA SO SOR BRTAG PA MED PAR YANG SBYIN PA LA SOGS PA LA DGA' BA 'BYUNG BAR 'GYUR BA DE LTA BU'I RNAM PAR SMIN PA MNGON PAR 'GRUB PAR 'GYUR BA DE LTAR SHIN TU GOMS PA YIN NO, ,SMON LAM GYI STOBS KYIS ZHES BYA BA NI SNGON SBYIN PA LA SOGS PA LA GOMS PA MED KYI SMON LAM BTAB PA 'BA' ZHIG TU ZAD PA STE, NGA DANG NGA YI ZHES BYA BRAL, ,DNGOS PO KUN LA MI BRTEN ZHING, , SER SNA MED PAR SEMS CAN DAG, ,KUN LA PHAN PHYIR SBYIN PA SBYIN, ,ZHES BYA BA LA SOGS PA DE LTA BU'I SMON LAM GYI STOBS KYIS SBYIN PA LA SOGS PA LA 'JUG PA GANG YIN PA DE NI SMON LAM GYI STOBS KYIS ZHES BYA'O, ,SO SOR RTOG PA'I STOBS LA BRTEN PA NI SHES RAB KYI STOBS KYIS PHA ROL TU PHYIN PA RNAMS LA SGRUB PA GOMS PA GANG YIN PA'O ZHES BYA BA NI SHES RAB KYI STOBS KYIS YUL GYI NYE BAR SPYAD PA RNAMS NI RMI LAM GYI NYE BAR SPYAD PA LTA BU STE, MI BRTAN PA, YID BRTAN DU MI RUNG BA, 'JIG PA'I CHOS CAN YIN NO ZHES DE LTAR YONGS SU DPYAD NAS SBYIN PA LA SOGS PA LA 'JUG PA GANG YIN PA DE NI SO SOR RTOG PA'I STOBS LA BRTEN PA ZHES BYA'O, ,MOS PA YID LA BYED PA NI PHA ROL TU PHYIN PA DANG LDAN PA'I MDO SDE THAMS CAD LA MOS PA YIN NO ZHES BYA BA NI JI LTA JI LTAR MOS PA DE LTA DE LTAR PHA ROL TU PHYIN PA'I KHAMS BRTAS PAR 'GYUR BA'O, ,NGOMS MI SHES PA'I BSAM PA RNAM PA BZHI LA DNGOS POS NGOMS MI SHES PA'I BSAM PA NI 'JIG RTEN GYI KHAMS GANGG'A'I KLUNG GI BYE MA SNYED RIN PO CHE SNA BDUN GYIS BKANG BA SPYIN PAR BYED CES GANG BSHAD PA YIN NO, ,BDAG NYID YONGS SU GTANG BA YIN PAS NGOMS MI SHES PA'I BSAM PA NI LUS GANGG'A'I @119B KLUNG GI BYE MA SNYED SBYIN PAR BYED CING ZHES GANG BSHAD PA YIN NO, ,DUS KYIS NGOMS MI SHES PA'I BSAM PA NI DE BZHIN DU BSKAL PA GANGG'A'I KLUNG GI BYE MA SNYED DU SKAD CIG MA RE RE LA SBYIN PAR BYED CES GANG BSHAD PA YIN NO, ,SEMS CAN RNAMS LA NGOMS MI SHES PA'I BSAM PA NI SEMS CAN GCIG LA JI LTA BA BZHIN DU BLA NA MED PA YANG DAG PAR RDZOGS PA'I BYANG CHUB TU YONGS SU SMIN PAR BYA BA'I SEMS CAN GYI KHAMS JI SNYED PA DE DAG LA RNAM GRANGS 'DIS SBYIN PAR BYED KYANG, BYANG CHUB SEMS DPA' SBYIN PA'I BSAM PA LA NGOMS PA MED PA NYID CES BSHAD PA YIN TE, DE NI MDOR BSDU NA DNGOS POS NGOMS MI SHES PA'I BSAM PA DANG, BDAG NYID YONGS SU GTANG BA NGOMS MI SHES PA'I BSAM PA DANG, DUS KYIS NGOMS MI SHES PA'I BSAM PA DANG, SEMS CAN RNAMS LA NGOMS MI SHES PA'I BSAM PA YIN NO, ,NYAMS PAR MI BYED CES BYA BA NI SKAD CIG MA 'DAB CHAGS SU ZIN KYANG GAL TE NA DUS CHUNG ZAD CIG 'JUG SRID PAS DE YONGS SU SPANG BA'I PHYIR BYANG CHUB GYI SNYING PO LA 'DUG GI BAR DU RGYUN GCOD PAR MI BYED CES BYA BA SMOS SO, ,DE DAG NI BLA NA MED PA YANG DAG PAR RDZOGS PA'I BYANG CHUB NYE BAR STON PA YIN PA'I PHYIR RO ZHES BYA BA NI SEMS CAN DE DAG LA DE LTAR PHAN BTAGS NA BYANG CHUB NYE BAR STON PAR 'GYUR BA'O, ,LUS GCIG GIS SDUG BSNGAL NYAMS SU MYONG BA NI HA CANG DKA' BA MA YIN PAS DE'I PHYIR BYANG CHUB SEMS DPA'I LUS GANGG'A'I KLUNG GI BYE MA SNYED KYIS ZHES BYA BA SMOS TE MANG BA NYID DU STON TO, ,LUS MANG DU ZIN KYANG TSE'I TSAD LO BRGYA LA SOGS PAR SDUG BSNGAL NYAMS SU MYONG BA NI HA CANG DKA' BA MA YIN PAS DE'I PHYIR, TSE'I TSAD BSKAL PA GANGG'A'I KLUNG GI BYE MA SNYED DU ZHES BYA BA SMOS SO, ,RTAG PAR YO BYAD THAMS CAD KYIS PHONGS BZHIN DU STONG GSUM GYI STONG CHEN PO'I 'JIG RTEN GYI KHAMS ME MA MUR GYIS RAB TU GANG BAR ZHES BYA BA NI MES BSREGS PA LA ME ZHI BAR BYED PA'I YO BYAD CHU DANG, TZANDAN DANG BYUG PA LA SOGS PA THAMS CAD KYIS PHONGS PA STE, SREG PA LA GNYEN POR GYUR PA CHU LA SOGS PA DE DAG MED PAR RO, ,DE LTAR SREG KYANG GAL TE @120A *, ,SPYOD LAM 'GA' ZHIG GIS TE, 'DUG PA'AM NYAL BA LA ME'I TSA BA HA CANG BYA DKA' BA MA YIN PA DE'I PHYIR, SPYOD LAM RNAM PA BZHI BYED CING ZHES BYA BA LA SOGS PA SMOS SO, ,SPYOD LAM BZHI LA ZHUGS PA'I YANG TSUL KHRIMS KYI PHUNG PO LA SOGS PA MTHA' DAG YONGS SU RDZOGS PAR GYUR NA NI HA CANG BYA DKA' BA MA YIN PAS DE'I PHYIR, TSUL KHRIMS KYI PHA ROL TU PHYIN PA LA SOGS PA'I SKAD CIG MA GCIG SGOM PAR BYED CING ZHES BYA BA SMOS TE, RNAM GRANGS 'DIS NA BYANG CHUB SEMS DPA'I NGOMS MI SHES PA'I BSAM PA NYID YIN NO, ,TSUL KHRIMS KYI PHA ROL TU PHYIN PAS SEMS CAN RNAMS RJES SU 'DZIN PA NA ZHES BYA BA JI LTAR NA TSUL KHRIMS KYI PHA ROL TU PHYIN PAS SEMS CAN RJES SU 'DZIN CE NA, SDOM PA'I TSUL KHRIMS KYIS SEMS CAN RNAMS LA SROG GCOD PA LA SOGS PA LHAG PAR MI SPYOD DE; DE LTAR NA DE DAG RJES SU BZUNG BA YIN NO, ,BYANG CHUB SEMS DPA' RNAMS KYI DGE BA'I CHOS SDUD PA'I TSUL KHRIMS KYANG SEMS CAN GYI DON KHO NA YIN NO, ,SEMS CAN GYI DON BYED PA'I TSUL KHRIMS NI DES DNGOS PO KHO NAR SEMS CAN RNAMS RJES SU 'DZIN TE, DE LTAR TSUL KHRIMS RNAM PA GSUM GYIS KYANG RJES SU BZUNG BA YIN NO, ,PHA ROL TU PHYIN PA BSGOM PA THABS LA BRTEN PA NI RNAM PA GSUM STE ZHES BYA BA NI 'KHOR GSUM YONGS SU DAG PAR SO SOR RTOG PA STE, SBYIN PA PO MI DMIGS ZHES BYA BAS NI GANG ZAG LA BDAG MED PAR STON TO,, 'DIS NI BDAG MNGON PAR ZHEN PA GANG YIN PA DE MI 'BYUNG NGO, ,SBYIN PAR BYA BA DANG LEN PA PO MI DMIGS ZHES BYA BA 'DIS NI CHOS LA BDAG MED PAR STON TE, RNAM PAR MI RTOG PA'I YE SHES YONGS SU BZUNG BAS DNGOS PO LA MNGON PAR ZHEN PA DANG, 'DI LA NI SBYIN NO ZHES 'DI LA NI MI SBYIN NO ZHES BYA BA DE LTA BU LA SOGS PA LEN PA PO LA MNGON PAR ZHEN PA GANG YIN PA DE MI 'BYUNG NGO, ,YANG NA RNAM PAR MI RTOG PA'I YE SHES THOB PA'I PHYIR DE GSUM CHAR YANG MI 'BYUNG BAS YONGS SU 'DZIN PA MED PA NYID MCHOG YIN NO, ,SKU LA DBANG 'BYOR PA NYID NI @120B DE BZHIN GSHEGS PA'I SKU GNYIS PO NGO BO NYID KYI DANG, LONGS SPYOD RDZOGS PA'I YIN PAR BLTA BAR BYA'O ZHES BYA BA NI DE BZHIN GSHEGS PA RNAMS KYI SKU 'DI GNYIS NI DBANG 'BYOR PA THUN MONG MA YIN PA BRNYES PA STE, DE BZHIN GSHEGS PA RNAMS KYI NGO BO NYID KYI SKU NI SO SO RANG GIS RIG PAR BYA BA THAMS CAD DU THOGS PA MED PA'I PHYIR NAM MKHA' LTA BU DBANG 'BYOR BA BRNYES PA YIN NO, ,LONGS SPYOD RDZOGS PA'I SKU NI SANGS RGYAS KYI 'KHOR GYI DKYIL 'KHOR DU THEG PA CHEN PO'I CHOS THUN MONG MA YIN PA LA RDZOGS PAR LONGS SPYOD PA DANG, SANGS RGYAS KYI 'BYOR PA STON PAS DBANG 'BYOR BA BRNYES PA YIN NO, ,RGYU NI MA CHAGS PA LA SOGS PA DANG LHAN CIG SKYES PA'I SEMS PA'O ZHES BYA BA NI MA CHAGS PA DANG ZHE SDANG MED PA DANG GTI MUG MED PA DANG LHAN CIG SKYES PA'I SEMS PA GANG YIN PA DE NI RGYU YIN TE, RGYU 'DIS SBYIN PA LA 'JUG GO, ,GNAS LNGA PA'I MDO LAS BYUNG BA BZHIN NO ZHES BYA BA NI GZHAN DAG LA ZAS BYIN NA GNAS LNGA 'THOB PAR 'GYUR TE, TSE DANG KHA DOG DANG STOBS DANG BDE BA DANG LNGA PA NI SPOBS PA YIN NO ZHES 'BYUNG BA LTA BU STE, DE NI 'BRAS BU YIN NO, ,GNYIS RJES SU 'DZIN PA ZHES BYA BA NI RANG DANG GZHAN RJES SU 'DZIN PA'O, ,RDZOGS PAR BYED PA ZHES BYA BA NI BYANG CHUB CHEN PO'I TSOGS YONGS SU RDZOGS PAR BYED PA STE, 'DI NI LAS YIN NO, ,DE YANG SER SNA MED PA DANG LDAN ZHES BYA BA NI SEMS CAN SER SNA MED PA DAG LAS YOD DE 'DI NI LDAN PA YIN NO, ,CHOS DANG ZANG ZING DANG MI 'JIGS PA LA MTHONG ZHES BYA BA'I BDUN PA NI GSUM PA'I DON YIN NO, ,YAN LAG DRUG NI TSUL KHRIMS DANG LDAN PAR GNAS PA DANG, SO SOR THAR PA'I SDOM PAS BSDAMS PA DANG, CHO GA PHUN SUM TSOGS PA DANG, SPYOD YUL PHUN SUM TSOGS PA DANG, KHAN MA THE BA PHRA RAB TZAM DAG LA YANG 'JIGS PAR LTA BA DANG, BSLAB PA'I GZHI RNAMS LA YANG DAG PAR BSLANGS TE SLOB PA YIN NO, ,MYA NGAN LAS 'DAS PA'I BSAMS PAS YANG DAG PAR LEN PA'I PHYIR RO ZHES BYA BA NI MYA NGAN LAS 'DAS PA'I RGYU CAN GYI TSUL KHRIMS YANG DAG PAR @121A *, ,LEN PAR BYED DE, DPER NA ZAS KYI GNAS SO, ,RIG PA GNAS SO ZHES BYA BA NI ZAS KYI RGYU CAN DANG RIG PA'I RGYU CAN DU GNAS PA YIN PAR KHONG DU CHUD PA DE BZHIN DU MYA NGAN LAS 'DAS PA'I RGYU CAN GYI TSUL KHRIMS YANG DAG PAR LEN PA YIN NO, ,NYON MONGS PA'I YONGS SU GDUNG BA ZHI BAS ZHI BA'O ZHES BYA BA NI TSUL KHRIMS YANG DAG PAR BLANGS PAS NYON MONGS PA RNAMS RNAM PAR GNON PAR BYED DO, ,DE NAS TSUL KHRIMS LA LEGS PAR BRTEN NAS BSAM GTAN THOB PAR RE ZHIG TZAM SPONG LA, 'PHAGS PA'I SHES RAB KYI SA BON KUN NAS BCOM PAS BCOM PA'I SGO NAS DE GTAN DU SPONG STE, DE LTAR NA NYON MONGS PA'I YONGS SU GDUNG BA ZHI BAS ZHI BA ZHES BYA'O, ,SROG GCOD PA LA SOGS PA'I RKYEN CAN GYIS 'JIGS PA DANG, KHA NA MA THO BA DANG KHON RNAMS MI 'BYUNG BA'I PHYIR 'JIGS PA MED PA'O ZHES BYA BA NI TSUL KHRIMS YANG DAG PAR BLANGS PAS SROG GCOD PA DANG MA BYIN PAR LEN PA LA SOGS PA'I RKYEN CAN GANG DAG YIN PA STE, DE'I RGYU CAN ZHES BYA BA'I THA TSIG GO, ,DE DAG KYANG GANG ZHE NA, 'JIGS PA DANG MYA NGAN LA SOGS PA MI 'BYUNG BA STE, DE DAG NI DE'I RTZA BA CAN YIN PAS DE DANG BRAL BA'I PHYIR DE DAG KYANG MED DE, DE BZHIN DU SROG GCOD PA LA SOGS PAS SEMS CAN DMYAL BA LA SOGS PAR 'GRO BA GANG YIN PA DE YANG MI 'BYUNG NGO, ,MI DGE BA BYED PA SROG GCOD PA PA DE NYID LA SHA KHON DU 'DZIN PA RNAMS TSUL KHRIMS YANG DAG PAR BLANGS PA'I PHYIR DE LA MI 'BYUNG STE, DE LTAR NA, RTEN DANG GZHI DANG 'JIGS PA MED, ,CES BYA'O, ,RAB TU DBYE BA RNAM PA GSUM GYIS 'JUG PA'I PHYIR RO ZHES BYA BA NI SO SOR THAR PA'I SDOM PAS BSDUS PA DANG, BSAM GTAN GYI SDOM PAS BSDUS PA DANG, ZAG PA MED PA'I SDOM PAS BSDUS PA'O, ,MI MJED JI MI SNYAM SHES DANG, ,ZHES BYA BA NI BZOD PA RNAM PA GSUM GYI NGO BO NYID YIN NO ZHES BYA BA NI GNOD PA BYED PA LA MI MJED PA'I BZOD PA NI MI MJED PA ZHES BYA BA'I SGRAR BSHAD DE, MI MJED PA NI MI MTHONG BA YIN PA'I PHYIR RO, ,SDUG BSNGAL LA JI MI SNYAM PA'I BZOD PA NI JI MI SNYAM PA ZHES BYA BA'I SGRAR BSHAD @121B DE, JI MI SNYAM PA NI DANG DU LEN PA YIN PA'I PHYIR RO, ,CHOS LA NGES PAR RTOG PA'I BZOD PA NI SHES PA ZHES BYA BA'I SGRAR BSHAD DE, MI RTAG PA DANG SDUG BSNGAL BA LA SOGS PA BYIS PAS KUN BRTAGS PA'I CHOS RNAMS LA GANG GI TSE SHES PAS CHOS NGO BO NYID MED PAR BZOD PA DE NI CHOS LA NGES PAR RTOG PA'I BZOD PA ZHES BYA STE, MI MJED PA DANG JI MI SNYAM PA DANG SHES PA ZHES BYA BA 'DI NI BZOD PA RNAM PA GSUM CHAR GYI NGO BO NYID YIN NO, ,SNYING RJE DANG CHOS LA BRTEN PA NI RGYU'O, ,ZHES BYA BA NI SNYING RJE CHEN PO BZOD PA'I RGYU YIN TE, SNYING RJE DANG LDAN PA NI BZOD PA BYED DO, , CHOS LA BRTEN PA NI TSUL KHRIMS YANG DAG PAR LEN PA DANG THOS PA CHUB PA'O ZHES BYA BA NI TSUL KHRIMS YANG DAG PAR LEN PA'I RGYU CAN GYI BZOD PA BYED KYI, BYANG CHUB SEMS DPA' LUS DANG NGAG DANG YID BSDAMS PA GZHAN DAG LA MI BZOD PA NI CHA MA YIN NO, ,THOS PA CHUB PA'I RGYU CAN GYI BZOD PAR YANG BYED DE, THOS PA'I STOBS KYIS BZOD PA'I PHA ROL TU PHYIN PA DANG LDAN PA'I THEG PA CHEN PO'I CHOS TSIG DANG DON GYI SGO NAS THOS NAS DE'I STOBS KYIS BZOD PAR BYED DE, DE BAS NA, SNYING RJE CHOS LA BRTEN PA'I PHYIR, ,ZHES BYA BA NI RGYU YIN NO, ,BZOD PA DANG, MI MJED PA DANG JI MI SNYAM PA DANG, SHES PA ZHES BYA BA'I DBANG DU BYAS PA'O ZHES BYA BA NI DE NI ZHES BYA BA'I DBANG DU BYAS PA YIN NO, ,DAD DANG 'DUN PA BRTEN PA DANG, ,ZHES BYA BA NI RGYU STE, ZHES BYA BA NI DAD PA DANG 'DUN PA NI BRTZON 'GRUS KYI RTEN YIN TE, 'DI LTAR DAD PA DANG DON DU GNYER BA BRTZON 'GRUS RTZOM PAR BYED DO, ,MA CHAGS LA SOGS YON TAN LDAN, ,ZHES BYA BA LDAN PA'O ZHES BYA BA NI 'DI LTAR MA CHAGS PA LA SOGS PA NI DGE BA'I RTZA BA YIN TE, GANG GI TSE DGE BA'I CHOS DAG LA NGES PAR BRTZON 'GRUS DANG LDAN PAR GNAS PA DE'I TSE, MA CHAGS PA LA SOGS PA DANG LDAN PA YIN NO, ,LUS KYI BRTZON 'GRUS NI RNAM PAR SHES PA LNGA DANG MTSUNGS PAR LDAN PA STE, DE NI DANG PO'I SGO BSDAMS TE GNAS PA NYID KYIS LHAG PA'I TSUL KHRIMS ZHES BYA'O, ,LHAG PA'I SEMS NI RNAM PA DRUG PA'O, ,LHAG PA'I SHES RAB NI RNAM PA BDUN PA'O, , @122A *, ,DE NYID KYI PHYIR 'GREL PA LAS, LUS DANG SEMS KYIS ZHES STON TO, ,LUS KYI RNAM PA LNGA DANG, SEMS KYI RNAM PA GNYIS SO, ,DGA' BA DANG LDAN PA NI BSAM GTAN GNYIS KYI'O, ,SIM PA DANG LDAN PA NI BSAM GTAN GSUM PA'I STE, SEMS KYI TSOR BA LA NI SIM PA ZHES BYA'O, ,BTANG SNYOMS DANG LDAN PA NI BSAM GTAN BZHI PA LA SOGS PA'I'O, ,SHES BYA ZHES BYA BA NI 'JIG RTEN PA'I BYA BA YANG DAG PAR RAB TU RNAM PAR 'BYED PA BSAL BA'I PHYIR RO ZHES BYA BA NI 'DI LAS PHYI ROL PA RNAMS KYI SHES BYA LTAR SNANG BA GANG YIN PA DE NI PHYIN CI LOG DANG LDAN PA'I PHYIR YANG DAG PA'I SHES BYA MA YIN NO, ,BDEN PA BZHIS BSDUS PA DANG, BYANG CHUB SEMS DPA'I THEG PA GSUM LA MKHAS PA DANG, KHYAD PAR DU NA THEG PA CHEN PO GANG YIN PA NI SHES BYA YIN TE, RIG PA'I GNAS LNGA NI DE DAG GI KHONGS SU 'DUS PA NYID DO, ,KUN NAS NYON MONGS SHIN TU GROL, ,ZHES BYA BA NI SHES RAB RAB TU RNAM PAR 'BYED PA ZHES BYA BA'I SKABS DANG SBYAR RO, ,BYANG CHUB SEMS DPA' RNAMS KYI SHES RAB RAB TU RNAM PAR 'BYED PA NI SHIN TU RNAM PAR GROL BA'I CHED YIN TE, DES NYON MONGS PA LAS SHIN TU RNAM PAR GROL BAR 'GYUR RO,, JI LTAR SHIN TU RNAM PAR GROL ZHE NA, 'JIG RTEN PA LA SOGS PA'I SHES RAB RAB TU RNAM PAR 'BYED PAS ZHES BYA BAS DE STON PAR BYED DO, ,BSHAD PAS NI CHOS YANG DAG PAR 'CHAD PAR BYED DO, ,SHES RAB NI CHOS THAMS CAD KYI MCHOG GO ZHES BYA BA NI SHES RAB NI CHOS RNAMS KYI MCHOG STE, SHES RAB NI GTZO BO YIN NO, ,SBYIN PA DANG YANG DAG PAR BLANGS PA'I TSUL KHRIMS DAG NI MNYAM PAR GZHAG PA MA YIN PA'I PHYIR RO ZHES BYA BA NI SBYIN PA NI RNAM PA GSUM CHAR YANG MNYAM PAR GZHAG PA MA YIN NO, ,TSUL KHRIMS NI SO SOR THAR PA'I SDOM PAS BSDUS PA RNAM PAR GZHAG PA MA YIN TE, 'DI LTAR BSAM GTAN DANG ZAG PA MED PA'I SDOM PA'I TSUL KHRIMS DANG, DGE BA'I CHOS SDUD PA'I TSUL KHRIMS NI MNYAM PAR GZHAG PA YIN PAR 'DOD DO, ,BSAM GTAN DANG YANG DAG PA JI LTA BA BZHIN GYI SHES RAB DAG NI MNYAM PAR GZHAG PA YIN PA'I PHYIR @122B RO ZHES BYA BA LA YANG DAG PA JI LTA BA BZHIN ZHES SMOS PA NI THOS PA LAS BYUNG BA DANG BSAMS PA LAS BYUNG BA'I SHES RAB GSAL BA'I PHYIR TE, DE DAG NI MNYAM PAR GZHAG PA MA YIN PAS DE DAG MNYAM PAR MA BZHAG PA'I PHYOGS KHO NAR BRLAN TO, ,BZOD PA DANG BRTZON 'GRUS NI MNYAM PAR GZHAG PA'I GNAS SKABS NA YANG YOD LA MNYAM PAR MA BZHAG PA'I GNAS SKABS NA YANG YOD DO, ,DE'I MI MTHUN PA'I PHYOGS CHAGS PA'I BAG LA NYAL YANG DAG PAR MA BCOM PA'I PHYIR ZHES BYA BA'I NI JI SRID DU CHAGS PA'I BAG LA NYAL YANG DAG PAR MA BCOM PA DE SRID DU YO BYAD RNAMS LA CHAGS PAR 'GYUR, DE YANG DAG PAR BCOM PAS CHAGS PA MED DE, JI SKAD DU, CHOS MNGON PA KUN LAS BTUS PA LAS NYON MONGS PA'I BAG LA NYAL YANG MA SPANGS PA YIN LA, NYON MONGS PA'I GNAS LTA BU'I CHOS RNAMS KYANG SNANG BAR 'GYUR NA, DE LTA NA NYON MONGS PA SKYE BAR 'GYUR RO ZHES BSHAD PA LTA BU'O, ,TSUL KHRIMS KYI PHA ROL TU PHYIN PA LA 'CHAL BA'I TSUL KHRIMS LA CHAGS PA NI, SROG GCOD PA LA SOGS PA LA YANG CHAGS PA GANG YIN PA'O, ,LA LA NI 'DOD CHAGS KYI SGO NAS CHAGS LA, LA LA NI ZHE SDANG GI SGO NAS, LA LA NI GTI MUG GI SGO NAS TE, 'DI LTAR MI DGE BA'I LAS KYI LAM GYI BCU CHAR YANG RNAM PA GSUM GSUM DU 'DOD PAS SROG GCOD PA YANG 'DOD CHAGS LAS SKYES PA DANG, ZHE SDANG LAS SKYES PA DANG, GTU MUG LAS SKYES PA YIN NO, ,TSUL KHRIMS LA BSHOL BA LA CHAGS PA NI TSUL KHRIMS YANG DAG PAR BLANG BA LA MOD LA MI 'JUG PA 'AM, GSAD PAR BYA BA LA SOGS PA BYA BA BZUNG NAS BSHLL TE GTONG BA YIN NO, ,TSUL KHRIMS LA LAN DU RE BA LA CHAGS PA NI 'DIS BDAG LA PHAN PA BYAS PA 'AM BYED PAR 'GYUR R O ZHES LAN LA LTA BAS SROG CHAGS MI GSOD PA DANG, MA BYIN PAR LEN PA LA SOGS PA MI SPYOD PA YIN NO, ,TSUL KHRIMS LA MI MTHUN PA'I PHYOGS LA CHAGS PA NI 'DOD CHAGS DANG ZHE SDANG DANG GTI MUG RNAMS YANG DAG PAR MA BCOM PA GANG YIN PA'O, ,BZOD PA'I CHAGS PA NI ZHE SDANG LA CHAGS PA GANG YIN PA STE, RTAG TU SEMS @123A *, ,CAN RNAMS LA SDANG BA YIN NO, ,BZOD PA'I BSHOL BA LA CHAGS PA NI, BSHOL ZHING BZOD PAR BYED KYI MYUR DU MA YIN PA DANG, BSDIGS NAS BZOD PA BYED PA GANG YIN PA'O, ,MI MTHUN PA'I PHYOGS LA CHAGS PA NI ZHE SDANG YANG DAG PAR MA BCOM PA'I PHYIR RO, ,BRTZON 'GRUS KYI MI MTHUN PA'I PHYOGS NI LE LO'O, ,DE LA CHAGS PA GANG YIN PA DE NI BRTZON 'GRUS KYI MI MTHUN PA'I PHYOGS LA CHAGS PA STE, DE LA CHAGS PA YANG RTAG TU LE LO CAN LAS NGAN PA'I MTHA' LA SBYOR ZHING 'DUG PA YIN NO, ,BSHOL BA LA CHAGS PA NI DGE BA'I CHOS RNAMS LA MYUR DU MI 'JUG PA YIN NO, ,MI MTHUN PA'I PHYOGS LA CHAGS PA NI LE LO RAB TU MI SPONG BA YIN NO, ,BSAM GTAN GYI MI MTHUN PA'I PHYOGS NI RNAM PAR G-YENG BA'O, ,RNAM PAR G-YENG BA LA CHAGS PA GANG YIN PA DE NI BSAM GTAN GYI MI MTHUN PA'I PHYOGS LA CHAGS PA STE, JI SRID DU RNAM PAR G-YENGS ZHING KHA PHYIR BLTAS PA DE SRID DU MNYAM PAR GZHAG PA MI 'THOB PO, ,SHES RAB KYI MI MTHUN PA'I PHYOGS NI 'CHAL BA'I SHES RAB STE, SHES RAB 'PHEL BAR BYA BA'I PHYIR, DGE BA'I BSHES GNYEN LA BSNYEN BKUR BYA BA LA BRTZON PAR MI BYED PA GANG YIN PA 'DI NI SHES RAB KYI MI MTHUN PA'I PHYOGS LA CHAGS PA YIN NO, ,DE LAS BZLOG PA NI MA CHAGS PA STE, JI SKAD DU, GANG ZHIG 'DON DANG 'BRI DANG SPYOD PA DANG, ,GZHAN LA 'DRI ZHING THOS PA 'DZIN BYED PA, ,DE YI BLO NI NYI MA'I 'OD ZER GYIS, ,PADMA BZHIN DU RNAM PAR KHA PHYE'O, ,ZHES GSUNGS PA LTA BU'O, ,RAB TU DBYE BA'I 'OG TU YON TAN GYI SKABS TE, SBYIN PA LA SOGS PA'I PHA ROL TU PHYIN PA RNAMS SO SO LA YON TAN RNAM PA BZHI'O, ,YON TAN RNAM PA BZHI NI RGYA CHE BA NYID DANG, ZANG ZING MED PA NYID DANG, DON CHEN PO NYID DANG; MI ZAD PA NYID DO, ,DE LA RTZA BA DANG POS NI SBYIN PA'I PHA ROL TU PHYIN PA'I RGYA CHE BA NYID BSHAD DO, ,JI LTA ZHE NA, SANGS RGYAS SRAS RNAMS SLONG DANG PHRAD NAS RANG GI SROG KYANG RTAG TU GTONG, ,ZHES BYA BAS DE STON TO, ,RANG GI SROG SBYIN PAR YONGS SU BSGRAGS PAS PHYI ROL GYI @123B DNGOS PO LTA SMOS KYANG CI DGOS TE, JI SKAD DU SLOB DPON MA KHOL GYI ZHAL SNGA NAS KYIS, NYID KYI SHA YANG BTANG GYUR NA, ,DNGOS PO GZHAN LTA SMOS CI 'TSAL, ,ZHES BSHAD PA LA BU'O, ,RANG GI SROG DE YANG RES 'GA' ZHIG YONGS SU GTONG BA MA YIN GYI, SLONG BA PO GANG GI TSE SROG DON DU GNYER BA DE KHO NA'I TSE, DPYAD PA MED PAR SBYIN PAR BYED DO, ,RANG GI SROG SBYIN PA SMOS PAS, YAN LAG DANG NYID LAG SBYIN PA NI DPYAD DU YANG MED PA NYID DE, 'DIS NI SBYIN PA'I RGYA CHE BA NYID BSHAD DO, ,SNYING RJES GZHAN LAS LAN KYANG MI RE 'DOD PA'I 'BRAS BU DON MI GNYER, ,ZHES BYA BA 'DIS NI SBYIN PA'I ZANG ZING MED PA NYID BSTAN TE, RGYUD SNYING RJES BRLAN PA NI SLONG BA PO RNAMS LA RANG GI SROG KYANG SBYIN PAR BYED CING DE DAG LAS LAN KYANG MI RE LA, 'BRAS BU DBANG PHYUG LA SOGS PA YANG DON DU MI GNYER RO, ,SBYIN PA GANG ZHIG LAN LA LTA BA 'AM, 'BRAS BU LA LTA BAS SBYIN PAR BYED PA DE NI SRID PAS BDAG GIR BYAS PA YIN NO, ,DES BDAG GIR BYAS PA'I SBYIN PA NI 'KHOR BAR LTUNG BA KHA NA MA THO BA DANG BCAS PA STE, DE NI BYANG CHUB SEMS DPA'I GOS PA DANG BCAS PA YIN NO, ,DE LAS BZLOG PA NI KHA NA MA THO BA MED PA STE, RTZA BA GNYIS PA 'DIS NI SNYING RJES YONGS SU ZIN PA'I PHYIR SBYIN PA'I ZANG ZING MED PA NYID BSHAD DO, ,SBYIN PA DE NYID KYIS KYANG SKYE BO THAMS CAD BYANG CHUB GSUM LA BKOD, ,CES BYA BA 'DIS NI SBYIN PA'I DON CHEN PO NYID BSTAN TE, SKYE BO THAMS CAD SKAL BA JI LTA BA BZHIN BYANG CHUB GSUM LA BKOD PA'I PHYIR RO, ,THEG PA GANG YANG RUNG BA ZHIG YONGS SU BTANG BA 'AM, SEMS CAN GANG YANG RUNG BA ZHIG YONGS SU BTANG BAS NI, DON CHEN PO NYID DU MI 'GYUR BAS DE'I PHYIR SKYE BO THAMS CAD KYANG SMOS LA, THEG PA SUM CHAR YANG SMOS SO, ,'JIG RTEN DAG NA MI ZAD BZHAG ,CES BYA BA 'DIS NI SBYIN PA MI ZAD PA NYID YONGS SU BSTAN TO, ,JI LTA ZHE NA, RE ZHIG JI LTAR 'JIG RTEN PA DAG SBYIN PA SBYIN PA LTAR GAL TE BYANG CHUB SEMS DPA' YANG DE KHO NA LTAR SBYIN PAR BYED NA NI DBANG PHYUG DANG, MTHO RIS DANG, GZUGS BZANG PO LA SOGS PAS @124A *, ,KYANG BDAG GIR BYAS PA'I PHYIR 'KHOR BAR LTUNG BAS TE, DE NI RNAM PAR SMIN PA ZAD PAS ZAD PAR 'GYUR RO, ,'ON TE NYAN THOS LTA BUR 'KHOR BAS 'JIGS SHING 'KHOR BA LA RGYAB KYIS PHYOGS LA MYA NGAN LAS 'DAS PA LA GZHOL BAS RANG GROL BAR BYA BA'I PHYIR SBYIN PAR BYED NA DE YANG PHUNG PO LHAG MA MED PA'I MYA NGAN LAS 'DAS PAR ZAD PAS ZAD PAR 'GYUR RO, ,DE BAS NA BYANG CHUB SEMS DPA' RNAMS NI DE GNYIS KA YONGS SU SPANGS NAS RNAM PAR MI RTOG PA'I YE SHES KYIS YONGS SU ZIN PAS SBYIN PA SBYIN PAR BYED DO, ,DE NYID KYI PHYIR 'KHOR BA DANG, MYA NGAN LAS 'DAS PA LA MI GNAS PA'I SGO NAS, MI ZAD PA NYID DU BSTAN TE, TSUL KHRIMS LA SOGS PA LA YANG DE BZHIN DU SBYAR BAR BYA'O, ,SANGS RGYAS SRAS RNAMS SHIN TU BYA DKA' DE BZHIN MI YI GNOD KUN BZOD, ,CES BYA BA NI SDUG BSNGAL LA JI MI SNYAM PA'I BZOD PA STE, SEMS CAN GYI DON LA RAB TU SBYOR BA LA SDUG BSNGAL GANG DAG 'BYUNG BA DE DAG LA JI MI SNYAM PAR BYED CING SDUG BSNGAL DE RTZIS LA MA CHAGS PAR BYAS NAS SEMS CAN GYI DON BYA BA DAG LA 'JUG GO, ,DE BZHIN MI YI GNOD KUN BZOD CES BYA BA NI GNOD PA BYED PA LA MI MJED PA'I BZOD PA STE, SEMS CAN GANG DAG DBYUG PA DNAG, TSON CHA DANG BONG PA LA SOGS PAS SNUN PAR BYED PA DE DAG THAMS CAD LA BU GCIG PA LA BYAMS PA LTA BUS BZOD DO, ,CHOS LA NGES PAR RTOG PA'I BZOD PA NI 'DI'I 'KHONGS SU 'DUS PA KHO NAR BLTA BAR BYA'O, ,RGYAL BA'I SRAS RNAMS GO CHA SBYOR BA'I BDAG NYID BRTZON 'GRUS DPE MED BYAS, ,ZHES BYA BA 'DIS NI GO CHA'I BRTZON 'GRUS STON TE, 'DI NYID KYIS BRTZON 'GRUS KYI RGYA CHE BA NYID STON TO, ,DPE MED PA NYID KYIS NI 'JIG RTEN PA DANG NYAN THOS DANG, RANG SANGS RGYAS KYI BRTZON 'GRUS DAG LAS BYANG CHUB SEMS DPA'I BRTZON 'GRUS KHYAD PAR DU BYED DO, ,BYANG CHUB SEMS DPA'I GO CHA'I BRTZON 'GRUS JI LTAR NA DPE MED PA YIN ZHE NA, JI SKAD DU 'PHAGS PA BLO GROS MI ZAD PA'I MDO LAS, BTZUN PA SH'A RI'I BU DE LA BYANG CHUB SEMS DPA'I GO CHA MI ZAD PA GANG ZHE NA, 'KHOR BA NA YONGS SU MI @124B SKYO BA GANG YIN PA STE, DE NI BSKAL PA 'DI SNYED CIG TU GO BGO'O ZHES BSKAL PA BGRANG BAS BYANG CHUB TSOL BAR MI BYED KYI, 'ON KYANG BSAM GYIS MI KHYAB PA KHO NAR GO GYON PAR BYED DO ZHES BYA BA DE LTA BU LA SOGS PA GSUNGS PA LTA BU STE, 'DI NI BRTZON 'GRUS KYI RGYA CHE BA NYID BSHAD DO; ,RANG DANG GZHAN GYI NYON MONGS TSOGS GZHOM BYANG CHUB DAM PA 'THOB PAR BYED, ,CES BYA BA 'DIS NI ZANG ZING MED PA NYID KYI SBYOR BA'I BRTZON 'GRUS STON TO, ,JI LTAR ZANG ZING MED PA YIN ZHE NA, RANG DANG GZHAN GYI NYON MONGS PA YANG DAG PAR GZHOM PA'I PHYIR DANG, BLA NA MED PA'I BYANG CHUB KYI PHYIR BRTZON 'GRUS RTZOM PAR BYED DO, ,DE NI SRED PAS BDAG GIR MA BYAS PA'I PHYIR NYON MONGS PA GTAN DU YANG DAG PAR 'JOMS PAS ZANG ZING MED PA YIN NO, ,BRTZON 'GRUS GANG ZHIG BDAG GIS DNGOS PO DANG, LTA BA SRD PAS BDAG GIR BYAS PA DE NI ZANG ZING DANG BCAS PA YIN NO, ,'DI JI LTAR SBYOR BA'I BRTZON 'GRUS YIN ZHE NA, JI SKAD DU 'PHAGS PA BLO GOS MI ZAD PA'I MDO KHO NA LAS SBYOR BA'I BRTZON 'GRUS KYI DBANG DU MDZAD DE, DE LA BYANG CHUB SEMS DPA'I PHA ROL GNON PA MI ZAD PA GANG ZHE NA, GANG STONG GSUM GYI STONG CHEN PO'I 'JIG RTEN GYI KHAMS MES YONGS SU GANG BA YANG BRGAL NAS DE BZHIN GSHEGS PA LA BLTA BAR SPRO BA NI BYANG CHUB SEMS DPA'I PHA ROL GNON PA YIN NO, ,DAM PA'I CHOS MNYAN PA'I RGYU CAN GYI SPRO BA NI BYANG CHUB SEMS DPA'I PHA ROL GNON PA YIN NO, ,SEMS CAN YONGS SU SMIN PAR BYED PA'I RGYU CAN GYI SPRO BA NI BYANG CHUB SEMS DPA'I PHA ROL GNON PA MI LHOD PA, MI ZHAN PA, BRTAN PA, MI BZLOG PA, DGE BA'I BSAM PA CAN, SNYING RJE CHEN PO LA BRTEN PA ZHES BYA BA DE LTA BU LA SOGS PA YIN TE, DES NA PHA ROL GNON PA ZHES BYA'O ZHES GSUNGS PA LTA BU YIN NO, ,RGYAL BA'I SRAS RNAMS TING 'DZIN MANG LDAN BSAM GTAN RNAM PA THAMS CAD BSGRUBS, ,ZHES BYA BA 'DIS NI TING NGE 'DZIN MANG BA NYID DANG, RNAM PA THAMS CAD MKHYEN PA NYID KYI BSAM GTAN GYI RGYA CHE BA NYID STON TE, JI SKAD DU CHOS MNGON PA KUN LAS BTUS PA LAS 'DI LTA STE, SANGS RGYAS DANG BYANG CHUB SEMS DPA' RNAMS @125A *, ,BSAM GTAN GYI PHA ROL TU PHYIN PA LA BRTEN NAS BSAM GTAN DANG POS BSDUS PA'I TING NGE 'DZIN JI SNYED PA LA SNYOMS PAR ZHUGS PA DE DAG NI NYAN THOS DANG, RANG SANGS RGYAS RNAMS KYI MING YANG SHES PAR MI 'GYUR TE, BSAM GTAN DANG POS BSDUS PA JI LTA BAR BSAM GTAN LHAG MA DANG, GZUGS MED PAS BSDUS PA RNAMS KYANG DE DANG 'DRA'O ZHES BSHAD PA LTA BU'O, ,RGYAL BA'I SRAS RNAMS DE NYID SHES BYA GANG YIN MTHA' DAG RNAM KUN SHES, ,ZHES BYA BA 'DIS NI SHES RAB KYI RGYA CHE BA NYID BSTAN TE, DE NYID CES BYA BA NI BZANG PO ZHES BYA BA'I DON TO, ,GZHAN DAG NA RE DE NYID CES BYA BA NI SPYI'I MTSAN NYID KYIS BSDUS PAS TE, GNYIS LA BDAG MED PA YIN NO ZHES ZER RO, ,RANG GI BRDA LA SOGS PA'I MTSAN NYID KYI DBYE BA MTHA' YAS PAS THA DAD PA'I SHES BYA GANG YIN PA DE YIN NO ZHES BYA BA NI RI KHROD PA DANG KLA KLO LA SOGS PA'I YUL GANG DANG GANG DAG NA RANG GI BRDA'I MTSAN NYID KYI DBYE BAS THA DAD PA'I SHES BYA DE SGYU MA MKHAN LA SOGS PA SGYU MA BYAS PA LA SOGS PA LA MNGON PAR ZHEN PA MED PA LTAR, ZAG PA DANG BCAS PA DANG ZAG PA MED PA DANG 'DUS BYAS DANG 'DUS MA BYAS LA SOGS PA'I CHOS RNAMS LA KUN TU MA RMONGS PAS 'JIG RTEN PA LA THA SNYAD DU BYA BA'I PHYIR RNAM PAR MI RTOG PA'I RJES LA THOB PA'I YE SHES KYIS SGYU MA DANG SMIG RGYU DANG CHU ZLA'I TSUL DU THA SNAYD 'DOGS SHING THAMS CAD JI LA BZHIN DU YANG SHES SO, ,YE SHES SEMS CAN YONGS SU BZUNG BAS 'JIG RTEN DAG NA MI ZAD GZHAG, , CES BYA BA 'DIS NI YE SHES MI ZAD PA NYID STON TE, SNYING RJES YONGS SU BZUNG BA'I RNAM PAR MI RTOG PA'I YE SHES NI MI ZAD PAR 'GYUR RO, ,SNYING RJES NI SEMS CAN YONGS SU MI GTONG STE, DES NA NYAN THOS BZHIN DU MYA NGAN LAS 'DAS PA LA GZHOL BAR MI 'GYUR RO, ,RNAM PAR MI RTOG PA'I YE SHES KYIS NI 'JIG RTEN PA DAG LTAR 'KHOR BA LA GNAS PAR MI 'GYUR BAS DE NI MI ZAD PA YIN NO, ,DE BAS NA 'KHOR BA DANG MYA NGAN LAS 'DAS PA LA MI GNAS PA'I PHYIR YE SHES DE PHUNG PO LHAG MA MED PA'I MYA NGAN LAS 'DAS PA NA YANG MI ZAD PAR 'GYUR RO, ,BYANG CHUB SEMS @125B DPA' RNAMS KYI PHUNG PO'I LHAG MA MED PA'I MYA NGAN LAS 'DAS PA'I NI SPRUL PA'I SKUS STON PA GANG YIN PA'O, ,SLONG BA PO'I SBYIN PA PO MTHONG BAS DGA' BA GANG YIN PA DANG, MTHONG NAS RE BA YONGS SU RDZOGS PAS DGA' BA GANG YIN PA DANG, SLONG BA PO'I SBYIN PA PO MA MTHONG BAS MI DGA' BA GANG YIN PA DANG, SLONG BA PO'I YID LA RE BA YONGS SU MA RDZOGS PAS YONGS SU MI DGA' BA GANG YIN PA DANG, SLONG BA PO'I SMON PA PO GANG YIN PA STE, SBYIN PA MTHONG BA DANG, YID LA RE BA YONGS SU RDZOGS PAR SMON PA GANG YIN PA DGA' BA DANG MI DGA' BA DANG SMON PA DE DAG THAMS CAD NI BYANG CHUB SEMS DPA' BRTZE BA DANG LDAN PAS SNYING RJE LHAG PAR LDAN PA'I SGO NAS ZIL GYIS MNAN TE, BYANG CHUB SEMS DPA'I RGYUD SNYING RJES BRLAN PAS SLONG BA PO MTHONG BA DANG, DE'I YID LA RE BA YONGS SU RDZOGS PAS SLONG BA PO BAS LHAG PAR DGA' BA SKYE LA, BYANG CHUB SEMS DPA' SLONG BA PO MTHONG BA DANG, DE'I YID LA RE BA YONGS SU MA RDZOGS PAS KYANG SLONG BA PO BAS LHAG PAR MI DGA' BA SKYE'O, ,BYANG CHUB SEMS DPA' SLONG BA PO MTHONG BAR SMON PA DANG, DE'I YID LA RE BA YONGS SU RDZOGS PAR SMON PA YANG SMON PA YANG SLONG BA PO BAS LHAG PAR SKYE BAS DE'I PHYIR ZIL GYIS GNON TO, ,'DI NI SBYIN PA'I PHA ROL TU PHYIN PA'I YON TAN GYI KHYAD PAR TE, TSIGS SU BCAD PA GCIG GSI BSTAN PA YIN NO, ,BYANG CHUB SEMS DPA'I TSUL KHRISM NI, ,DGE BA BCU'I LAS KYI LAM GYIS BSDUS PA YIN PAS, DE LA BSAM PAR BYA STE, BYANG CHUB SEMS DPA' SEMS CAN RNAMS LA SROG DANG LONGS SPYOD DANG CHUD MA DGA' GTONG ZHING SHIN TU DGA' BAR BYED PAS TE, RAB TU ZHES BYA BA'I THA TSIG STE, DE JI LTAR SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA SPYOD PAR 'GYUR, BYANG CHUB SEMS DPA' NI GNOD BYED PA LA YANG PHAN PA'I 'DU SHES 'THOB LA, GZHAN LA PHAN PAR BYA BA LA BRTZON PA LA LRUNG DANG NYI MA DANG SDIG SBRUL LA SOGS PA LAS SDUG BSNGAL SKYED PA GANG YIN PA LA DE LA YANG BYANG CHUB SEMS DPA' MCHOG TU DGA' BA RNYED PAR 'GYUR TE, BZOD PA'I TSOGS TSOGS YONGS SU RDZOGS PA'I RGYU MTSAN YIN PA'I PHYIR @126A *, ,GNOD PA BYED PA GANG YIN PA LA YANG PHAN PA'I 'DU SHES THOB LA GZHAN LA PHAN PAR BRTZON PA LA SDUG BSNGAL SKYE BA GANG YIN PA DE LA YANG DGA' BA 'THOB NA GANG LA DGRA LA SOGS PA LA YANG GNOD PA BYED PA'I 'DU SHES MI 'BYUNG LA, GZHAN GYI DON LA BRTZON PA LA SDUG BSNGAL LA YANG SDUG BSNGAL GYI BLO MI 'BYUNG BA DES GANG LA CI ZHIG BZOD PAR BYA, 'DI DAG GIS NI GO RIMS BZHIN DU GNOD PA BYED PA LA MI MJED PA DANG, SDUG BSNGAL LA JI MI SNYAM PA'I BZOD PA BDAG BSHAD DO, ,BDAG PAS CHES LHAG GZHAN LA RTAG BYAMS DANG, ,ZHES BYA BA NI JI SKAD DU SGRUB PA'I SKABS NAS, JI LTAR SNYING RJE'I BDAG NYID GZHAN GYI DON GYI PHYIR, ,BDAG LA SDUG BSNGAL MI BZAD GDUNG BA RAB BYED PA, ,DE LTAR 'JIG RTEN GDUNG BA'I LAS KYIS GZHAN DGRA LA, ,SHIN TU BRTZE BA MED PAR RAB TU 'JUG MA YIN, ,ZHES BSHAD PA LTA BU'O, ,JI LTAR MUN KHUNG LAG NOM DAG GIS SHES PA YUL CHUNG BA, ,ZHES BYA BA NI LAG PA LA SOGS PAS MNAMS NAS DE'I RJES LA DRAN PAS 'DI NI BUM PA'O, ,'DI NI RAS YUG GO ZHES BYA BAR SHES PA DE NI SHES PA YUL CHUNG NGU CAN YIN NO, ,MNGON SUM MA YIN PA ZHES BYA BA NI DNGOS PO DE MIG GIS MNGON SUM DU MA GYUR PA'I PHYIR TE, LAG NOM GYIS BZUNG BA'I KHA DOG LA SOGS PA YONGS SU GCAD PAR NI MI NUS SO, ,SHIN TU DRI MA MED PA MA YIN PA LTAR ZHES BYA BA NI, NYAN THOS RNAMS KYI SHES PA DE NI BAG CHAGS DANG LDAN PA'I PHYIR BAG CHAGS DANG BCAS PA YIN NO, ,YANG NA BYIS PAS KUN BRTAGS PA'I CHOS LA 'DZIN PA MA SPANGS PA'I PHYIR RO, ,MI 'JIGS PA SBYIN PA NI NGAN SONG DANG 'KHOR BAS 'JIGS PA DAG LA DE DAG GIS MI 'JIGS PA ZHES BYA BA NI SO SO'I SKYE BO RNAMS KYI RGYUD LA 'PHAGS PA'I LAM BSKYED PAS NGAN SONG LAS YONGS SU SKYOB LA, BDEN PA MTHONG BA NI 'JIGS PA LNGA LAS YANG DAG PAR BZLA BAS SKYOB PO, ,RGYUN DU ZHUGS PA LA SOGS PA NI DGRA BCOM PA NYID LA 'GOD PAS 'KHOR BA LAS YONGS SU SKYOB PO, ,RGYU MTSAN NI SNYING RJE'O ZHES BYA BA NI, SNYING RJES @126B YONGS SU ZIN PA'I SBYIN PA NI SBYIN PA MCHOG YIN TE, SNYING RJES YONGS SU ZIN PAS SBYIN PA GZHAN DAG LAS KHYAD PAR DU 'PHAGS SO, ,RGYU NI SNGON GYI SBYIN PA'I PHA ROL TU PHYIN PA LA GOMS PA'I BAG CHAGS SO ZHES BYA BA NI TSE RABS GZHAN DAG NA MA CHAGS PA LA SOGS PA'I DGE BA'I RTZA BA DANG MTSUNGS PAR LDAN PA'I SEMS PA KUN TU SPYAD PAS BAG CHAGS GZHAN PA GANG YIN PA'I BAG CHAGS DE'I STOBS KYIS SBYIN PA LA SOGS PA'I PHA ROL TU PHYIN PA LA 'JUG PA DE NI RGYU STE, DES NA MCHOG TU 'DOD DO, ,GONG DU NI SNYING RJE'I RGYU MTSAN CAN GYI SBYIN PA GANG YIN PA DE NI RGYU MTSAN GYI SGO NAS MCHOG YIN NO ZHES BSHAD DO, ,DA NI SNGON SBYIN PA'I PHA ROL TU PHYIN PA LA GOMS PA'I BAG CHAGS LAS RGYU'I SGO NAS MCHOG YIN NO ZHES BSHAD NA, RGYU DANG RGYU MTSAN LA KHYAD PAR CI ZHIG YOD CE NA, RGYU NI THUN MONG MA YIN PA'I RGYU STE, DPER NA MYU GU'I SA BON LTA BU'O, ,RGYU MTSAN NI LHAN CIG BYED PA'I RGYU MTSAN TE, DPER NA MYU GU DE NYID KYI BYED RGYU SA DANG CHU LA SOGS PA LTA BU'O, ,DE LTAR NA GRANGS BZHIN DU SBYIN PA LA SOGS PA'I DGE BA LA GOMS PA'I BAG CHAGS NI RGYU LTA BU STE, THUN MONG MA YIN PA'I RGYU YIN NO, ,SNYING RJE NI THUN MONG GI RGYU STE, SA DANG CHU LA SOGS PA LTA BU'O, , ZHING NI RNAM PA LNGA STE, SLONG BA DANG, SDUG BSNGAL BA DANG, RTEN MED PA DANG, NYES PAR SPYAD SPYOD PA DANG, YON TAN DANG LDAN PA'O ZHES BYA BA GONG DU RNAM PAR MI RTOG PA'I YE SHES KYIS YONGS SU ZIN PAS SBYIN PA PO DANG, SBYIN PAR BYA BA DANG LEN PA PO RNAM PAR MI RTOG PA'I PHYIR SBYIN PA KHYAD PAR DU 'PHAGS SO ZHES BSHAD MA THAG MA YIN NAM, DA NI DON LA SOGS PAR RNAM PAR RTOG PA'I PHYIR JI LTAR SNGA PHYI MI 'GAL ZHE NA, 'GAL BA MED DE, 'DI LTAR 'DI NI SBYIN PA'I PHA ROL TU PYIN PA YONGS SU MA RDZOGS PA'I GNAS SKABS NA SO SO'I SKYE BO'I GNAS SKABS NYAM DBAR 'GYUR BA YIN NO, , RNAM PAR MI RTOG PA'I GNAS SKABS NI SBYIN PA'I PHA ROL TU PHYIN PA YONGS SU RDZOGS PA'I GNAS SKABS TE, DE'I TSE NI 'DI GANG ZHIG GANG SLONG BA DE LA DE SBYIN PAR BYED DO, ,DON LA SOGS PAR RNAM PAR RTOG PA'I GNAS SKABS NI BYANG CHUB SEMS DPA'I DBUL BA'I GNAS SKABS @127A *, ,YIN PAS SLONG BA PO THAMS CAD LA SBYAN PA SBYIN PAR NUS PAR 'GYUR BA GANG YIN PA 'DI MI SRID DO, ,RNAM PAR MI RTOG PA'I YE SHES KYI STOBS KYIS NI, DE LA SBYIN PA PO DANG SBYIN PAR BYA BA DANG LEN PA POR MNGON PAR ZHEN PA MI 'BYUNG STE, 'DIR YANG MNGON PAR ZHEN PA 'GOG PAR ZAD PAS 'GAL BA MED DO, ,MOS PA DANG YID LA BYED PA DANG TING NGE 'DZIN GYI SGO NAS SBYIN PA MCHOG TU 'DOD DE, MOS PA'I SGO NAS JI LTA BU ZHE NA, SBYIN PA'I PHA ROL TU PHYIN PA DANG LDAN PA'I MDO SDE THAMS CAD LA BSAM PA THAG PA'I BAR DU DANG BAS MOS PA'O, ,YID LA BYED PA'I SGO NAS JI LTA BU ZHE NA, RO MYANG BA YID LA BYED PAS PHA ROL TU PHYIN PA THOB PA RNAMS LA YON TAN DU LTA BA'I TSUL GYIS RO MYONG BAR BYED PA DANG, RJES SU YI RANG BA YID LA BYED PAS 'JIG RTEN THAMS CAD NA SEMS CAN THAMS CAD KYI SBYIN PA LA SOGS PA LA RJES SU YI RANG BA DANG, MNGON PAR DGA' BA YID LA BYED PAS BDAG NYID DANG SEMS CAN RNAMS KYI PHA ROL TU PHYIN PA'I KHYAD PAR MA 'ONGS PA RNAMS LA MNGON PAR DGA' BA YIN NO, ,TING NGE 'DZIN LA BRTEN PAS SBYIN PA MCHOG YIN NO, TING NGE 'DZIN NI NAM MKHA' MDZOD LA SOGS PAS TE, SA BRGYAD PA LA SOGS PA LA BYANG CHUB SEMS DPA'I LAM MNGON PAR 'DU BYED PA MED PA'I GNAS SKABS NA NAM MKHA' NYID MDZOD DU GYUR TE, GANG DANG GANG LA CI DANG CI DGOS PA DE DANG DE LA NAM MKHA' KHO NA LAS THAMS CAD SBYIN PAR BYED CING NAM MKHA' MDZOD LA SOGS PA TING NGE 'DZIN GYI RNAM PA DU MA YANG STON TO, ,JI SKAD DU DE NYID LAS DBANG 'BYOR PA BSHAD PA LTA BU'O ZHES BYA BA GANG NAS BSHAD CE NA, BSGOM PA RNAM PAR DBYE BA LAS SO, ,JI SKAD DU BSHAD CE NA, PHA ROL TU PHYIN PA BSGOM PA DBANG 'BYOR PA NYID LA BRTEN PA NI RNAM PA GSUM STE, SKU LA DBANG 'BYOR PA NYID DANG, SPYOD PA LA DBANG 'BYOR PA NYID DANG, STON PA LA DBANG 'BYOR PA NYID DO ZHES BSHAD DO, ,DE LA SKU LA DBANG 'BYOR PA NYID NI, DE BZHIN GSHEGS PA'I SKU GNYIS PO NGO BO NYID KYI DANG, LONGS SPYOD RDZOGS PA'I YIN PAR BLTA STE, SKU 'DI GNYIS NI CHOS DKAR PO THAMS CAD KYI TSOGS YIN NO, ,CHOS DKAR PO'I TSOGS NYID YIN DU @127B ZIN KYANG, TING NGE 'DZIN SMOS PAS DBANG 'BYOR PA'I PHYOGS GCIG BZUNG STE, NAM MKHA' MDZOD KYI TING NGE 'DZIN LA SOGS PA GZUNG NGO, ,DE LTAR NA TING NGE 'DZIN LA BRTEN PAS SBYIN PA MCHOG YIN PAR 'DOD DO, ,RNAM PA JI SNYED SBYIN PA NI SBYIN PA YIN NO ZHES BYA BA DE NI MOS PA DANG, YID LA BYED PA DANG, TING NGE 'DZIN LA BRTEN PA'I RNAM PA'I DBYE BAS RNAM PA'I BYE BRAG SHES PAR BYA BA YIN NO, ,TSUL KHRIMS KYI RTEN NI BYANG CHUB SEMS DPA'O, ,GZHI MCHOG NI BYANG CHUB SEMS DPA'I SDOM PA'O ZHES BYA BA NI BYANG CHUB SEMS DPA'I SDOM PAS TSUL KHRIMS RNAM PA GSUM PO SDOM PA DANG, DGE BA'I CHOS SU SDUD PA DANG, SEMS CAN GYI DON BYED PA'I TSUL KHRIMS ZHES BYA BA LA BSDUS SO, ,BZOD PA NI NGAN PA STOBS CHUNG NGUS GSOD PA DAG GO ZHES BYA BA NI LAG DBYUG DANG, THAL LCAGS LA SOGS PA BZOD PA GANG YIN PA DE NI NGO MTSAR MI CHA'I, ,RJE DPON YIN LA GSOD PA NGAN PA BRAN DANG GDOL PA LA SOGS PA'I GZOD PA GANG YIN PA 'DI NI RAB TU NGO MTSAR CHE'O, ,NGAN DU ZIN KYANG GAL TE STOBS DANG LDAN PA YIN NA STOBS DANG LDAN PA BZOD PA GANG YIN PA DE YANG TSAR GCIG NGO MTSAR MI CHE'O, ,GAL TE NGAN PA STOBS KYANG CHUNG NA NGO MTSAR CHE STE, DE'I BZOD PA GANG YIN PA DE NI GZHI MCHOG TU GYUR PAS BZOD PA KHYAD PAR DU 'PHAGS SO, ,YANG NA NGAN PA YANG GZHAN KHO NA YIN LA, STOBS CHUNG NGU YANG GZHAN YIN TE, NGAN PA NI BRAN LA SOGS PA'O, ,DE LAS GZHAN PA RIGS MTHUN ZHING, DBANG PHYUG LA SOGS PA DANG BRAL PAR BYA BA'I MTHU MED PA DE NI STOBS CHUNG BA'O, ,SHES RAB KYI GZHI MCHOG NI, DE BZHIN NYID DO ZHES BYA BA LA, DE BZHIN NYID NI GNYIS LA BDAG MED PA'O, ,DE LA DMIGS PA'I SHES RAB GANG YIN PA DE NI MCHOG YIN TE, GZHI ZHES BYA BA'I SGRA NI DMIGS PAR BSHAD DO, ,TSUL KHRIMS LA SOGS PA'I PHA ROL TU PHYIN PA'I ZHING NI THEG PA CHEN PO ZHES BYA BA NI NYAN THOS DANG, RANG SANGS RGYAS RNAMS KYI DE DAG GI THEG PA'I ZHING GIS BSDUS PA'I TSUL KHRIMS LA SOGS PA GANG YIN PA DE NI MCHOG MA YIN GYI, THEG PA CHEN PO BSTAN PAS THEG PA CHEN PO LA ZHUGS PA RNAMS @128A *, ,KYI GANG YIN PA DE NI THEG PA DMAN PA'I ZHING MCHOG TU 'DOD DO, ,GNAS NI MOS PA LA SOGS TE, MOS PA'I TSUL KHRIMS KYI PHA ROL TU PHYIN PA LA SOGS PA DANG LDAN PA'I CHOS LA MOS PA'O, ,DE LTAR MOS NA MOS PA LA BRTEN PA'I TSUL KHRIMS LA SOGS PA MCHOG CES BYA'O, ,YID LA BYED PA NI, RO MYANG BA DANG RJES SU YI RANG BA DANG, MNGON PAR DGA' BA'I YID LA BYED PA'I SGO NAS RO MYANG BA YIN LA BYED PA LA SOGS PAS TSUL KHRIMS KYI PHA ROL TU PHYIN PA LA SOGS PA LA RO MYANG BAR BYED PA DANG RJES SU YI RANG BAR BYED PA DANG, MNGON PAR DGA' BAR BYED PA YIN NO, ,TING NGE 'DZIN LA BRTEN PAS TSUL KHRIMS KYI PHA ROL TU PHYIN PA LA SOGS PA MCHOG TU 'DOD DE, TSUL KHRIMS NI DGE BA'I CHOS SDUD PA GANG YIN PA DE'I PHYOGS GCIG BZUNG NGO, ,DE BZHIN DU BZOD PA LA SOGS PA LA YANG SBYAR BAR BYA STE, TING NGE 'DZIN 'GRUB PAR BYA BA'I PHYIR SBRANG BU MCHU RINGS DANG, SHA SBRANG LA SOGS PA'I PHYI DANG NANG GI SDUG BSNGAL BZOD PA DANG, TING NGE 'DZIN DANG LDAN PA'I CHOS BSHAD NA, CHOS LA NGES PAR RTOG PA'I BZOD PAS BZOD PA YANG YIN PA'I BZOD PA DE NI TING NGE 'DZIN PAS MCHO GYIN PAR 'DOD DE, 'DI LTAR BZOD PA LA BRTEN NAS TING NGE 'DZIN DE DAG 'GRUB PAS SO, ,'DI NI PHA ROL TU PHYIN PA RNAMS KYI YON TAN GYI GNAS SKABS YIN PAS YON TAN SKABS NYID KYI SBYIN PA DANG, BRTZON 'GRUS KYI PHA ROL TU PHYIN PA DAG GI YON TAN LHAG PAR BSNGAGS TE, BYANG CHUB SEMS DPA'I SBYIN PA NI, ,SEMS CAN GCIG BDE BSKAL MANG DU, ,GNOD PA BYED KYANG DGA' 'GYUR NA, ,ZHES BYA BA LA SOGS PA'I TSIGS SU BCAD PAS SBYIN PA DANG, BRTZON 'GRUS KYI PHA ROL TU PHYIN PA DAG GI YON TAN LHAG PA BRJOD DO, ,DE TSE RDZAS NGAN LTA LA SMOS KYANG CI ZHIG DGOS, ,ZHES BYA BA NI LUS LAS GZHAN PA'I RDZAS NI NGAN PA STE, MCHOG MA YIN NO ZHES BYA BA'I THA TSIG GO, ,BTANG DGA' LONGS SPYOD CAN ZHES BYA BA NI BTANG BA NYID LONGS SPYOD YIN LA, DGA' BA NYID LONGS SPYOD YIN TE, DE GANG LA YOD PA DE NI BTANG DGA' LONGS SPYOD CAN YIN NO, ,BYANG CHUB SEMS DPA' KHO NA LA YON TAN @128B 'DI DAG YOD KYI MI GZHAN LA NI MED DO, ,YANG NA BTANG BA LA DGA' BA NI BTANG DGA'O, ,DGA' BA NYID LONGS SPYOD YIN PAS NA BTANG DGA' LONGS SPYOD DO, ,GTZO BO LA SOGS PA'I BYE BRAG GIS BRTZON 'GRUS KYI PHA ROL TU PHYIN PA'I YON TAN LHAG PAR BSNGAGS SO, ,BRTZON 'GRUS KYIS NI SRID SBYONG 'DOD PA THOB, ,CES BYA BA NI 'DOD PA'I SRID PAR GTOGS PA'I LONGS SPYOD NI SRID SPYOD DO, ,BRTZON 'GRUS KYIS NI DAG PA RAB 'GYUR LDAN, ,ZHES BYA BA NI GZUGS DANG GZUGS MED PA'I DAG PA STE, 'JIG RTEN PA'I BSAM GTAN DANG GZUGS MED PAS BSDUS PA YIN NO, ,BRTZON 'GRUS KYIS NI 'JIG TSOGS GNAS NAS GROL, ,ZHES BYA BA NI NYAN THOS DANG, RANG SANGS RGYAS RNAMS GANG ZAG LA BDAG MED PAR MTHONG BAS SO, ,BRTZON 'GRUS KYI NI BYANG CHUB MCHOG SANGS RGYAS, ,ZHES BYA BA NI BYANG CHUB SEMS DPA' RNAMS KYI BRTZON 'GRUS GANG YIN PA'O, ,GZHAN YANG NYAMS DANG 'PHEL BA'I BRTZON 'GRUS DANG, ,ZHES BYA BA LA SOGS TSIGS SU BCAD PA GNYIS KYIS NI YANG DAG PAR SPONG BA DANG, DBANG PO DANG, STOBS DANG, BYANG CHUB KYI YAN LAG DANG, 'PHAGS PA'I LAM RNAMS BRTZON 'GRUS KYI RNAM PAS DBYE BA BSTAN TO, ,RDZU 'PHRUL GYI RKANG PA RNAMS NI BSAM GTAN GYI NGO BO NYID YIN PAS DE DAG TU BRTZON 'GRUS MA BSTAN TO, NYAN THOS RNAMS KYI NI BSAM PA DANG, BLO ZHAN PA DANG LDAN PA'I PHYIR RO, ,BYANG CHUB SEMS DPA' RNAMS KYI NI BSAM PA DANG BLO RGYA CHEN PO DANG LDAN PA'I PHYIR RO, ,LONGS SPYOD LA CHAGS PA NI DE KUN TU 'DZIN PA'I PHYIR RO ZHES BYA BA NI LONGS SPYOD GZUGS LA SOGS PA'I YUL BSGRUB PA DAG LA CHAGS PA GANG YIN PA MI SPYOD PA DANG MI BRTAN PA BAR DU GCOD PA DE'I GNYEN POR, BRTZON 'GRUS LDAN PA LONGS SPYOD KYIS PHA MA MED, ,CES BRJOD DE SPYAD PAR BYA BA NI LONGS SPYOD YIN PA'I PHYIR RO, ,NYON MONGS PA NI DE YONGS SU SPYOD PA LA LHAG PAR ZHEN PA'I PHYIR RO ZHES BYA BA NI LONGS SPYOD DAG SPYOD PA LA LHAG PAR CHAGS SHING SRED PA GANG YIN PA BAR DU GCOD PA DE'I GNYEN POR, ,BRTZON 'GRUS LDAN PA NYON MONGS KYIS PHAM MED, ,CES BYA STE, BRTZON 'GRUS DANG LDAN PA DGE @129A *, ,BA'I CHOS LA BRTZON PA NI NYON MONGS RNAMS KYIS PHAM PAR MI 'GYUR RO, ,YON TAN KYI SKABS RDZOGS SO,, ,,MI 'JIGS PA'I SBYIN PA NI TSUL KHRIMS DANG BZOD PAS BSDUS TE, DE LTAR 'DI GNYIS KYIS MI 'JIGS PA SBYIN PAR BYED DO ZHES BYA BA NI TSUL KHRIMS YANG DAG PAR LEN PA NI SEMS CAN THAMS CAD LA MI 'JIGS PA SBYIN PAR BYED CING GZHAN GSHE BA DANG BRDEG PA LA SOGS PAS RNAM PA DU MAR 'TSE BA YANG THAMS CAD BZOD CING DANG DU LEN TE, 'DI LTAR TSUL KHRIMS YANG DAG PAR BLANGS PAS NI GSHES KYANG SLAR MI GSHE BAR BYA, KHROS KYANG SLAR MI KHRO BAR BYA, BRDEG KYANG SLAR MI BRDEG PAR BYA, MTSANG 'BRU YANG SLAR MTSANG 'BRU BAR MI BYA'O SNYAM DU DE LTAR SO SOR BRTAGS NAS BZOD PA NI GZHAN DAG LA MI 'JIGS PA SBYIN PAR BYED PAS, MI 'JIGS PA SBYIN PAS NI TSUL KHRIMS DANG BZOD PA BSDUS PAR RIG PAR BYA'O, ,CHOS SBYIN PAS NI BSAM GTAN DANG SHES RAB DAG STE, 'DI LTAR DE NYID KYIS CHOS SBYIN PAR BYED DO ZHES BYA BA NI BSAM GTAN GYIS RDZU 'PHRUL DANG KUN BRJOD PA LA SOGS PAS KUN MGU BAR BYAS TE, SNOD DU RUNG BAR BYAS NAS CHOS STON TO, ,GNYI GAS NI BRTZON 'GRUS TE, 'DI LTAR DES GNYI GA SBYIN PAR BYED DO ZHES BYA BA NI MI 'JIGS PA SBYIN PA'I DUS DANG CHOS SBYIN PA'I DUS NA BRTZON 'GRUS GDON MI ZA BAR YOD PAS SO, ,DG BA'I CHOS SDUD PA'I TSUL KHRIMS KYIS NI SBYIN PA LA SOGS PA THAMS CAD BSDUS TE ZHES BYA BA NI 'DI LTAR SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB KYI PHA ROL TU PHYIN PA RNAMS NI DGE BA'I CHOS KYI PHYOGS YIN PAS DE BAS NA DGE BA'I CHOS SDUD PA'I TSUL KHRIMS KYIS THAMS CAD BSDUS SO, ,DE BZHIN DU GZHAN DAG KYANG SBYAR BAR BYA'O ZHES BYA BA NI GNOD PAR BYED PA LA MI MJED PA'I BZOD PAS NI MI 'JIGS PA SBYIN PA DANG, TSUL KHRIMS DAG BSDUS TE, 'DI LTAR DE GNYIS KYIS NI GNOD PAR BYED PA LA MI MJED PAR BYED DO, ,CHOS LA NGES PAR RTOGS PA'I BZOD PAS NI BSAM GTAN DANG SHES RAB DAG BSDUS TE, 'DI LTAR DE @129B GNYIS KYI GO RIMS BZHIN DU SEMS MNYAM PAR GZHAG PAS YANG DAG PA JI LTA BA BZHIN DU RAB TU SHES SO, ,GNYI GAS NI BRTZON 'GRUS TE, 'DI LTAR DES GNYI GA SBYIN PAR BYED DO, ,BRTZON 'GRUS KYIS NI THAMS CAD BSDUS SO, ,MNGON PAR BSGRUB PA DANG BYA BA SGRUB PA'I BSAM GTAN GYIS KYANG THAMS CAD BSDUS TE, SBYIN PA LA SOGS PA'I DUS NA NAM MKHA' MDZOD LA SOGS PA'I MNGON PAR BSGRUB PA'I PHYIR RO, ,SHES RAB KYIS KYANG THAMS CAD BSDUS TE, 'DI LTAR SHES RAB KYIS RNAM PAR DPYAD NAS SBYIN PA LA SOGS PA LA RAB TU SBYOR BAS SO, ,SBYIN PA'I SBYIN PA DANG, TSUL KHRIMS KYI SBYIN PA NAS SHES RAB KYI SBYIN PA'I BAR YIN NO ZHES BYA BA LA, SBYIN PA'I SBYIN PA GANG ZHE NA, GZHAN DAG LA NOR DANG 'BRU LA SOGS PA'I DNGOS PO SBYIN PA GANG YIN PA DE NI SBYIN PA'I SBYIN PA ZHES BYA'O, ,TSUL KHRIMS KYI SBYIN PA NI GZHAN GYI RGYUD DAG LA SDOM PA'I TSUL KHRIMS LA SOGS PA 'GOD PA STE, SHES RAB KYI SBYIN PA'I BAR DU YANG DE DANG 'DRA BAR RIG PAR BYA'O, ,YANG NA DE DAG DANG LDAN PA'I CHOS STON PA YIN NO, ,CHOS NYID KYIS RNAM PAR NGES PA NI SBYIN PA LA SOGS PA'I DON GANG DAG LA MDO LA SOGS PA SNANG BA GANG DAG YIN PA DANG; MDO LA SOGS PA'I CHOS GANG DAG LA SBYIN PA LA SOGS PA SNANG BA GANG DAG YIN PA DE DAG NI PHAN TSUN BSDUS PA YIN PAR RIG PAR BYA'O ZHES BYA BA NI RJOD PAR BYA BA BSDUS PA ZHES BYA BA'I DON TO, ,SBYIN PA NI TSUL KHRIMS LA SOGS PA'I RGYU MTSAN YIN TE, LONGS SPYOD LA MI LTA NA TSUL KHRIMS LA SOGS PA LA 'JUG PA'I PHYIR RO ZHES BYA BA NI 'DI LTAR LONGS SPYOD LA MI LTA NA, TSUL KHRIMS KYANG YANG DAG PAR LEN LA, GZHAN DAG GIS PHROGS NA YANG DE LA MI LTA BAS BZOD DO, ,LONGS SPYOD LA KUN TU CHAGS PA'I LE LO DGE BA'I CHOS RNAMS LA MI 'JUG PA GANG YIN PA DE YANG MI LTA BA LA MI 'JUG STE, RNAM PAR G-YENG BA DANG 'CHAL BA'I SHES RAB KYANG DE DANG 'DRA'O, ,TSUL KHRIMS KYANG SBYIN PA LA BRTZON PA'I RGYU MTSAN YIN TE, DGE SLONG GI SDOM PA YANG DAG PAR BLANGS NA YONGS SU 'DZIN PA THAMS CAD GTONG BA'I PHYIR DANG, TSUL KHRIMS @130A *, ,LA GNAS NA BZOD PA LA SOGS PA DANG LDAN PA'I PHYIR RO ZHES BYA BA'I TSUL KHRIMS YANG DAG PAR BLANGS PA NI GZHAN DAG LAS LUS DANG NGAG LAS BYUNG BA'I MI 'DOD PA 'ONGS PA THAMS CAD BZOD DO, ,TSUL KHRIMS YANG DAG PAR BLANGS PA NI DGE BA'I CHOS RNAMS LA SPRO BA 'PHEL BAR 'GYUR ZHING 'GYOD PA MED PA'I RIM GYIS SEMS RTZE GCIG PA NYID DU YANG 'GYUR LA, DE NAS YANG DAG PA JI LTA BA BZHIN DU YANG YONGS SU SHES SO, ,BZOD PA DANG LDAN PA NI SBYIN PA LA SOGS PA'I DUS NA NYES PAR SMRAS SHING MI SNYAN PAR GYUR PA'I TSIG GI LAM DANG BRDEGS PA LA SOGS PA THAMS CAD BZOD DO, ,DE BZHIN DU TSUL KHRIMS MNYAM PA YIN ZHING BRTZON 'GRUS DANG LDAN PA YIN PA SEMS RTZE GCIG PA NYID LAS YONGS SU 'THOB PA YANG PHA ROL TU PHYIN PA THAMS CAD KYI RGYU YIN NO, ,DE BZHIN DU BRTZON 'GRUS DANG BSAM GTAN DANG SHES RAB KYANG SBYAR BAR BYA'O, , PHA ROL TU PHYIN PA'I SKABS RDZOGS SO,, ,,PHA ROL TU PHYIN PA'I SKABS KYI 'OG TU BSDU BA'I DNGOS PO'I SKABS YIN TE, 'DI'I 'BREL PA GANG YIN ZHE NA, PHA ROL TU PHYIN PA LA SBYOR BA NI BYANG CHUB SEMS DPA'I SANGS RGYAS KYI CHOS YONGS SU RDZOGS PAR BYED PA YIN PAS RANG GI DON TO, ,BSDU BA'I DNGOS PO RNAMS NI GZHAN GYI DON TO, ,DE'I PHYIR BSDU BA'I DNGOS PO'I SKABS TE, BSDU PA'I DNGOS PO BZHIS GZHAN GYI DON BYED DO, ,SBYIN MTSUNGS ZHES BYA BA NI, GRANGS DANG DE'I MTSAN NYID GO RIMS DANG ZHES BYA BA LA SOGS PAS JI SKAD DU BSTAN PA LTA BU YIN NO, ,DON SPYOD PA NI DE YANG DAG PAR LEN DU 'JUG PA'O ZHES BYA BA NI PHA ROL TU PHYIN PA YANG DAG PAR LEN DU 'JUG PA NI DON SPYOD PA ZHES BYA'O, ,DE LA BDAG NYID RJES SU 'JUG PA'O ZHES BYA BA NI SBYIN PA LA SOGS PA GANG LA GZHAN YANG DAG PAR LEN DU 'JUG PA DE NYID LA BSTAN PAR BYA BA'I PHYIR BDAG NYID KYANG 'JUG PA YIN, DE LTAR NA DE DAG SBYIN PA LA SOGS PA LA BRTAN POR 'GYUR TE, 'DI LTAR GANG LA BDAG CAG BTZUD PA DE NYID LA BDAG NYID KYANG 'JUG PA DANG SBYAR NA 'DI NI BDAG CAG LA SLU BAR BYED PA MA YIN GYI, SBYIN PA LA SOGS PA 'DI NI GDON MI ZA BAR BZANG NGO SNYAM DU SEMS SO, ,DON MTHUN PAS NI YUN RING POR SGRUB PA'I @130B PHYIR; SGRUB PA DE RNAMS PAR SBYOR BAR BYED CING BYA BA YANG DAG PAR LEN DU 'JUG PA PO NI JI SKAD SMRA BA DE BZHIN BYED PA YIN NO ZHES BYA BAR RIG NAS YUN RING POR GUS PAS SGRUB PA DE SBYOR BAR BYED DO, ,GANG YANG BCOM LDAN 'DAS KYIS GDUL BA MDOR BSDUS PA LA DAD PA LA LTOS NAS, BSDU BA GZHAN GNYIS GSUNGS PA'I BSDU BA GNYIS PO DES KYANG BSDU BA BZHI PO 'DI DAG BSDUS SO, ,DMIGS PA'I CHOS NI PHA ROL TU PHYIN PA'I CHOS SO, ,DMIGS PA'I CHOS DES NYAN PAR SMRA BA BSDUS TE, 'DI LTAR BYANG CHUB SEMS DPA' PHA ROL TU PHYIN PA'I CHOS LA DMIGS NAS GZHAN DAG LA BYE BRAG TU SHES PAR YANG BYED; THE TSOM GCOD PAR YANG BYED DO, ,SGRUB PA'I CHOS KYIS NI DON SPYOD PA BSDUS TE, SGRUB PAS PHA ROL TU PHYIN PA RNAMS LA RAB TU SBYOR BA NA DON SPYOD PA LA RAB BRTZON PA YIN NO, ,DE RNAM PAR SBYONG BA'I CHOS KYIS NI DON MTHUN PA BSDUS TE, DON MTHUN PAS SGRUB PA DE RNAM PAR SBYONG BAR BYED DO, ,PHAL CHER DON MED PA NI MOS PAS SPYOD PA'I SA LA'O ZHES BYA BA NI GDUL BA RNAMS KYI BSAM PA DANG BAG LA NYAL BA YANG DAG PA JI LTA BA BZHIN YONGS SU MI SHES PA'I PHYIR DE KHO NA NYID MA MTHONG BA'I PHAL CHER DON MED PA YIN NO, ,PHAL CHER ZHES SMOS PAS RNAM PA THAMS CAD DU DON MED PA NI MA YIN NO, ,DE LTAR RTAG TU LONGS SPYOD MA CHAGS BLO, ,ZHES BYA BA NI SBYIN PA'I PHA ROL TU PHYIN PAS LONGS SPYOD DAG LA MA CHAGS PA STON TO, ,ZHI ZHES SMOS PAS NI TSUL KHRIMS KYI PHA ROL TU PHYIN PA STON STE, LUS DANG NGAG DANG YID KYI LAS MI DGE BA NYE BAR ZHI BAR BYED PA'I PHYIR RO, ,SDOM ZHES SMOS PAS NI BZOD PA'I PHA ROL TU PHYIN PA STON TO, ,'DI LTAR SDOM PA ZHES BYA BA'I SKAD KYI BYINGS NI NYE BAR ZHI BA'I DON DU 'DON TE, BZOD PA DANG LDAN PA NI GSHE BA DANG BRDEG PA THAMS CAD BZOD DO, ,SRID YUL MTSAN MA RNAM PAR MI RTOG PA, ,ZHES BYA BA LA, SRID PA ZHES SMOS PAS NI NANG GI CHOS RNAMS GZUNG NGO, ,YUL ZHES SMOS PAS NI PHYI ROL GYI DNGOS PO RNAMS BZUNG STE, BYANG CHUB SEMS DPA' NI RNAM PAR MI RTOG PA'I YE SHES THOB PA'I PHYIR DE DAG LA RNAM PAR RTOG PAR MI BYED DO, ,DE NI SEMS CAN TSOGS SDUD BYED PA YIN, ,ZHES BYA BA NI BSDU BA'I DNGOS PO BZHIS SEMS CAN GYIS TSOGS SDUD PAR BYED DO, ,BSDU BA'I DNGOS PO SKABS RDZOGS SO,, ,, @131A *, ,'DI MAN CHAD NI SANGS RGYAS LA MCHOD PA DANG, DGE BA'I BSHES GNYEN LA BRTEN PA DANG, TSAD MED PA RNAMS TE, 'DI DAG GI 'BREL PA GANG YIN ZHE NA, RANG LA PHAN PA BSGRUB PA'I PHYIR SNGAR PHA ROL TU PHYIN PA RNAMS BSTAN TO, ,GZHAN LA PHAN PAR BYA BA BSGRUB PA'I PHYIR, BSDU BA'I DNGOS PO RNAMS BSTAN TO, ,RANG LA PHAN PA PHUN SUM TSOGS PA LA BDE BA LA LHAG PAR ZHEN PA SRID PAS DE'I PHYIR DE'I 'OG TU BDE BA LA LHAG PAR ZHEN PA'I GNYEN POR SANGS RGYAS LA MCHOD PA DANG, BSHES GNYEN LA BRTEN PA STE, SANGS RGYAS LA MCHOD PA'I PHYIR, SGRUB PA'I DNGOS PO YONGS SU GTONG BA LA GOMS PAS LONGS SPYOD KYI BDE BA LA LHAG PAR ZHEN PAR MI 'GYUR LA, LUS DANG SROG LA MI LTA ZHING BSHES GNYEN MGU BAR BYA BA LA RAB TU ZHUGS PA YANG BDAG NYID BDE BA LA LONGS SPYOD PAR MI 'GYUR BAS SANGS RGYAS LA MCHOD PA DANG, DGE BA'I BSHES GNYEN LA BRTEN PA 'DI GNYI GA LA YANG BDE BA LA LHAG PAR ZHEN PA'I GNYEN POR BSHAD DO, ,BSDU BA'I DNGOS PO RNAMS KYIS GZHAN LA PHAN PA LA 'JUG PAR RAB TU SBYOR BA LA DE'I LOG PAR BSGRUBS PAS SDUG BSNGAL YAL BAR 'DOR TE, JI LTA JI LTAR SEMS CAN DE DAG YONGS SU SMIN PAR BYED PA NI LOG PAR SGRUB CING 'DUL BA LA MI GNAS PA DE LTA DE LTAR BYANG CHUB SEMS DPA' DE DAG YAL BAR 'DOR BAR 'GYUR BA DE'I GNYEN POR TSAD MED PA RNAMS SO, ,BYANG CHUB SEMS DPA' SEMS DPA' BYAMS PA LA SOGS PAS YONGS SU BSGOM PAS NI GNAS SKABS GANG DU YANG SEMS CAN RNAMS YAL BAR MI 'DOR BAS DE'I PHYIR TSAD MED PA DAG BSTAN TO, ,YONGS SU BSNGO BA NI BSOD NAMS DANG YE SHES KYI TSOGS YONGS SU RDZOGS PAR BYED PA'O ZHES BYA BA NI MCHOD PA 'DIS RING POR MI THOGS PAR BSOD NAMS DANG YE SHES KYI TSOGS YONGS SU RDZOGS PAR GYUR CIG CES BCOM LDAN 'DAS LA MCHOD PA DE'I BSOD NAMS DANG YE SHES KYI TSOGS YONGS SU RDZOGS PAR BYA BA'I DON DU YONGS SU SNGO BAR BYED PA'O, ,RGYU NI SNGON GYI SMON LAM MO, ,ZHES BYA BA NI TSE RABS @131B GZHAN DAG NA SMON LAM BTAB PA GANG YIN PA DE RGYU YIN TE, DE NYID KYI PHYIR MJUG THOGS SU, BDAG LA SANGS RGYAS 'BYUNG BA DON YOD PAR GYUR CIG CES BYA BA SMOS SO, ,ZHING NI SEMS CAN TSAD MED PA RNAMS TE, DE YONGS SU SMIN PAR BYA BA'I PHYIR ZHES BYA BA NI SEMS CAN YONGS SU SMIN PAR BYA BA'I DON DU ZHES BYA BA'I THA TSIG GO, ,DE DAG GIS DE LA RAB TU SBYAR BAS ZHES BYA BA'I NI SEMS CAN DE DAG GIS MCHOD PA DE LA RAB TU SBYOR BAR BYED DO, ,DE DAG GIS RAB TU SBYAR BAS SEMS CAN ZHING LTA BU DE DAG LA MCHOD PA SA BON LA SOGS PA LTA BU MA 'ONGS PA NA SANGS RGYAS LA MCHOD PA'I ME TOG SKYE BAR BYA BA'I DON DU ZHES BYA BA'I PHYIR BTAB PAR 'GYUR RO, ,MOS PA LA SOGS PA ZHES BYA BA NI MOS PA DANG, BSAM PA DANG, DBANG 'BYOR BA NYID DO, ,DE LA MOS PA NI 'DI LTA STE MCHOD PA DANG LDAN PA'I THEG PA CHEN PO'I CHOS LA MOS PA'O, ,BSAM PA NI BSAM PA DGU PO RO MYANG BA DANG, RJES SU YI RANG BA DANG, MNGON PAR DGA' BA'I BSAM PA DAG PA DANG, NGOMS MI SHES PA DANG, RGYA CHEN PO DANG, DGA' BA DANG, PHAN PA DANG, MA GOS PA DANG, DGE BA'I BSAM PA DAG GO, , DBANG 'BYOR BA NYID NI NAM MKHA' MDZOD LA SOGS PA'I TING NGE 'DZIN TE, 'DI NI SEMS LA BRTEN PA'I MCHOD PA YIN NO, ,BYANG CHUB TU SEMS BSKYED PA STE, 'DIR TSIGS SU BCAD PA SBYAR BA'I DOR SMON LAM NYID SMON PAR BSHAD PA DANG ZHES BYA BA NI 'DI LTAR TSIGS SU BCAD PA NI SMON PA ZHES SBYAR RO, ,SMON LAM GANG YIN PA DE SEMS BSKYED PA YIN NO ZHES SEMS BSKYED PA'I RNAM GRANGS SU YANG STON TE, 'DI YANG SEMS LA BRTEN PA'I MCHOD PA KHO NA YIN LA, SEMS CAN LA BRTZE BA'I MCHOD PA GANG YIN PA DE YANG SEMS LA BRTEN PA KHO NA YIN PAR BLTA'O, ,GZHI LA GTOD DANG RTOGS PA DANG, ,ZHES BYA BA NI GZHI LA GTOD PA DANG, GZHI RTOGS PA STE, TSUL BZHIN YID LA BYED PA DANG, YANG DAG PA'I LTA BA YIN PAR STON TE, DE BZHIN NYID KYI SGO NAS NI BYANG CHUB CHEN PO 'THOB PA ZHES BYA BA NI SANGS RGYAS @132A *, ,NYID 'THOB PA ZHES BYA BA'I THA TSIG STE, BYANG CHUB SEMS DPA' SANGS RGYAS LA MCHOD PA LA SOGS PA'I RIM GYIS 'JUG PA RNAMS SANGS RGYAS NYID 'THOB PA GANG YIN PA 'DI NI SANGS RGYAS BCOM LDAN 'DAS RNAMS LA MCHOD PA'I MCHOG YIN NO, , RGYU DANG 'BRAS BU NYID DANG NI, ZHES BYA BA NAS BZUNG STE DA NI, 'DAS PA DANG, MA 'ONGS PA DANG, DA LTAR BYUNG BA DANG, NANG DANG PHYI DANG, RAGS PA DANG PHRA BA DANG, DMAN PA DANG, GYA NOM PA'I DBYE BAS MCHOD PA SHES PAR BYA STE, RNYED PA DANG BKUR STI'I SGO NAS MCHOD PA LA RNYED PA NI CHOS GOS LA SOGS PA'O, ,BKUR STI NI BSTOD PA DANG PHYAG BYA BA DANG, THAL MO SBYAR BA LA SOGS PA'O, ,YANG NGA RGYAL DANG BCAS PA NI DMAN PA'O, ,NGA RGYAL MED PA NI GYA NOM PA STE ZHES BYA BA NI TSIGS SU BCAD PA LAS DE RNAM GNYIS ZHES BSHAD PA GANG YIN PA DE YANG ZHES BYA BA'I SGRAS RNAM PA GNYIS NYID STON TO, ,SGRUB PA DE'I DMAN PA NYID CHUNG NGU'I DBYE BA DANG NGA RGYAL GYI DBYE BAS RNAM PA GNYIS SU STON TE, SGRUB PA CHUNG NGU YANG DMAN PA YIN LA, NGA RGYAL DANG BCAS PA YANG DMAN PA YIN NO, ,SGRUB PA'I GYA NOM PA NYID KYANG RNAM PA GNYIS SU STON TE, SGRUB PA CHEN PO YANG GYA NOM PA YIN LA, NGA RGYAL MED PA YANG GYA NOM PA YIN NO, ,SBYOR BA ZHES BYA BA NI DUS GZHAN DANG, DE'I DUS SU SBYOR BA'I BYE BRAG GIS SO, ,'GRO BA RNAMS BAR CHAD PAS NI RING PO'I ZHES BYA BA NI TSE RABS GZHAN MANG PO ZHIG 'DAS NAS BCOM LDAN 'DAS LA MCHOD PA THOB PAR 'GYUR BA GANG YIN PA'O, ,DE MA THAG PA'I NYE BA'O, ,ZHES BYA BA NI DA LTAR GYI DUS KYI MCHOD PA GANG YIN PA STE, DE NI THOB MA THAG TU BCOM LDAN 'DAS LA MCHOD PA LA 'JUG PA GANG YIN PA'O, , DON THAMS CAD NI 'DRES PA NYE BAR 'DRES PA YIN PA'I PHYIR RO ZHES BYA BA NI 'DRES PA PHUL DU BYUNG BAR STON TO, ,DGE BA'I BSHES GNYEN LA BRTEN PA'I GNAS SKABS SU BDE BA LA LHAG PAR ZHEN PA'I GNYEN PO NI BSHAD MA THAG PA KHO NA SBYAR BAR BYA'O, ,DUL BA NI TSUL KHRIMS @132B DANG LDAN PA'I PHYIR DBANG PO DUL BAS SO ZHES BYA BA NI KUN TU CHAGS PAR GYUR PA'I DNGOS PO DAG LA MTSAN MAR 'DZIN PAR MI BYED, MNGON RTAGS SU 'DZIN PAR MI BYED PAR MI DBANG PO RNAMS KYI SGO BSDAMS TE, GNAS PA YIN NO, ,ZHI BA'I TING NGE 'DZIN DANG LDAN PA'I PHYIR, SEMS NANG DU ZHI BAR GNAS PA'O, ,ZHES BYA BA NI GANG GI TSE SEMS PHYI ROL DU 'PHROS PA ZHI GNAS KYI STOBS KYIS DMIGS PA GCIG LA 'JUG PA DE'I TSE ZHI BA ZHES BYA'O, ,NYE BAR ZHI BA NI SHES RAB DANG LDAN PA'I PHYIR NYON MONGS PAS NYE BAR GNAS PA NYE BAR ZHI BAS SO ZHES BYA BA NI GANG GI TSE 'DI'I SEMS RNAM PA 'GA' ZHIG GIS PHYI ROL DU 'PHRO ZHING NYON MONGS PA RNAMS KYIS DMIGS PA LAS RAB TU BSKYOD PA DE'I TSE YANG SHES RAB KYI GNYEN PO'I STOBS KYIS MYUR BA MYUR BA KHO NAR NYE BAR ZHI BAR BYED PAS SO, ,BKUR STI RNYED PA DAG DANG RIM GRO DANG, ,ZHES BYA BA LA, BKUR STI NI YANG DAG PA'I YON TAN BSGRAGS PA DANG PHYAG 'TSAL BA DANG, LDANG BA DANG THAL MO SBYAR BA LA SOGS PA'O, ,RNYED PA NI CHOS GOS DANG BSOD SNYOMS LA SOGS PA STE, 'DI DAG GIS DGE BA'I BSHES GNYEN MCHOD PAR BYED DO, ,RIM GRO NI BSKU BA DANG, PHYI BA DANG, BKRU BA LA SOGS PA'O, ,SGRUB PA NI DGE BA'I BSHES GNYEN GYIS JI SKAD GDAMS PA DE KHO NA BZHIN DU BSGRUBS PAS SGRUB PAR BYED PA STE, BSGRUBS PAS DGE BA'I BSHES GNYEN MCHOD PAR 'GYUR RO, ,DE BZHIN BLO LDAN CHOS LA NI, ,SHES SAM DUS SU 'DUD PAS BSHES GNYEN BGROD, ,CES BYA BA NI KUN SHES PAR 'DOD PA NYID STON TE, KUN SHES PAR 'DOD PA'I BSAM PAS DGE BA'I BSHES GNYEN BGROD KYI, RNAM PAR MTHO 'TSAM PA'I BSAM PAS KYANG MA YIN LA, CHOS BRKU BA'I PHYIR YANG MA YIN NO, ,DUS SU ZHES BYA BA NI DUS SHES PA NYID STON TE, DUS SU DGE BA'I BSHES GNYEN GYI DRUNG DU 'GRO'I, ZAN ZA BA LA SOGS PA'I DUS SU NI MA YIN NO, ,'DUD PAS ZHES BYA BA NI NGA RGYAL BCAG CING DMAN PA'I SEMS KYIS NYE BAR 'GRO BA'O, ,DE NI BSNYEN BKUR RNYED LA 'DOD PA MED, ,BSGRUB PAR BYA PHYIR DE @133A *, ,YONGS SNGO BAR BYED, ,CES BYA BA NI BSGRUB PAR BYA BA'I DON DU DGE BA'I BSHES GNYEN BRTEN GYI, RNYED PA DANG BKUR STI'I DON DU NI MA YIN PA STE, BDAG DGE BA'I CHOS RNAMS LA SGRUB PAR GYUR CIG ,RNYED PA DANG BKUR STI DANG TSIGS SU BCAD PA LA SOGS PA'I DON DU NI, MA GYUR CIG CES BYA BA YIN NO, ,ZHING DAG PA YANG SBYANG BAR BYA BA'I PHYIR ZHES BYA BA NI ZHING DAG PA SBYANG BA MA YIN NO, ,'O NA CI ZHE NA, SANGS RGYAS KYI ZHING YONGS SU DAG PA CI 'DRA BA DE LTA BUR BDAG GIS KYANG YONGS SU SBYANG BAR BYA'O, ,ZHES BYA BA YIN NO, ,BLO LDAN RGYU DANG 'BRAS BU DANG, ,ZHES BYA BA NI DGE BA'I BSHES GNYEN LA BRTEN PA DAD PAS NI LTAR BYUNG BA'I RGYU YIN NO, ,DA LTAR BYUNG BA NI 'BRAS BU YIN NO, ,DE NYID MA 'ONGS PA'I RGYU YIN TE, 'DI NI RGYU DANG 'BRAS BUR RNAM PAR GZHAG PA'O, ,CHOS KYI SGO'I RJES SU 'GRO BAS BSHES GNYEN LA BRTEN CES BYA BA LA, CHOS KYI SGO'I RJES SU 'GRO BA NI CHOS KYI SGO'I RGYUN GYI TING NGE 'DZIN TE, GANG GI TSE DGE BA'I BSHES GNYEN DANG PHRAD NAS TING NGE 'DZIN DE THOB LA, CHOS KYI RGYUN DE YANG DANG YANG DU SGOM PAR BYED NA, DE LTAR NA DGE BA'I BSHES GNYEN LA BSNYEN BKUR BYAS PAR 'GYUR RO, ,BLO LDAN SBYOR DANG 'GRO BA DANG, MOS PA'I SGO NAS RING BA DANG NYE BA'I DBYE BA STE, SNGA MA BZHIN DU SBYAR BAR BYA'O, ,ZHES BYA BA NI 'GRO BA RNAM PAR CHAD PA'I NI RING BA'O, ,DE MA THAG PA'I NI NYE BA'O, ,DUS GZHAN NA SBYAR BAR BYA BA'I NI RING BA'O, , DE'I DUS SU SBYAR BAR BYA BA NI NYE BA'O, ,DGE BA'I BSHES GNYEN LA BRNYEN PA GANG ZHIG RAB TU SBYAR BAR SMON LAM 'DEBS PA DE NI RING BA'O, ,GANG ZHIG BYA BAR SMON LAM 'DEBS PA NI NYE BA'O, ,BSHES GNYEN DAM PA LA BRTEN PA'I MCHOG NI SNGA MA BZHIN NO ZHES BYA BA NI RNAM PA LNGAS RANG GI SEMS KYIS DGE BA'I BSHES GNYEN RNAMS LA BRTEN PA MCHOG TU RIG PAR BYA'O, ,'DI LTA STE BSTAN PA DANG LDAN PA'I THEG PA CHEN PO'I CHOS LA MOS PA DANG BSAM PA STE, BSAM PA DGU PO RO MYANG BA DANG, RJES SU YI RANG BA DANG, MNGON PAR DGA' @133B BA'I BSAM PA DAG PA DANG, NGOMS MI SHES PA DANG, RGYA CHEN PO DANG, DGA' BA DANG, PHAN PA DANG, MA GOS PA DANG, DGE BA'I BSAM PA RNAMS DANG, DBANG 'BYOR BA NYID DE, NAM MKHA' MDZOD LA SOGS PA'I TING NGE 'DZIN DANG, RNAM PAR MI RTOG PA'I YE SHES KYI THABS YONGS SU BZUNG BA DANG, BYANG CHUB SEMS DPA' CHEN PO THAMS CAD DANG, DON GCIG PA NYID LA 'JUG PA'I SGO NAS TE, DON THAMS CAD NI 'DRES PA NYE BAR 'DRES PA YIN PA'I PHYIR RO, ,DE NYID SEMS KYI RNAL 'BYOR YIN NO ZHES BYA BA NI BSAM PA DANG BSGOM PA GANG YIN PA'O, ,TSAD MED PA RNAM PAR DBYE BA NI GZHAN GYI DON BYA BA DAG LA MI SKYO BA'I THABS TE, BYANG CHUB SEMS DPA' TSANGS PA'I GNAS DAG GIS GNAS PA NI GZHAN GYI DON BYA BA DAG LA SKYO BAR MI 'GYUR RO, ,BTANG SNYOMS NI TSOR BA DE DAG LA SEMS CAN RNAMS KYI KUN NAS NYON MONGS PA MED PAR SGRUB PA'I RNAM PA YIN NO ZHES BYA BA NI KUN NAS NYON MONGS PA MED PAR SGRUB PA'I RNAM PA NI KUN NAS NYON MONGS PA MED PA SGRUB PA'I RNAM PAS TE, SEMS CAN 'DI RNAMS TSOR BA 'DI DAG LA RJES SU CHAGS PA DANG, KHONG KHRO BA'I NYES PA 'BYUNG BAR MA GYUR CIG SNYAM PA'O, ,DMIGS PA MED PA NI DE BZHIN NYID LA 'JUG PA STE, DE DAG TU RNAM PAR MI RTOG PA'I PHYIR, DMIGS PA MED PA DANG 'DRA BAS NA DMIGS PA MED PA'O ZHES BYA BA NI KYE MA BDE BA'O, ,SDUG BSNGAL BA'O, ,DGA' BAR GYUR CIG CES BYA BA DANG, SEMS CAN RNAMS SO ZHES BYA BAR RNAM PAR MI RTOG PAR RO GCIG PA'I PHYIR GNAS SKABS DE NA SEMS DANG SEMS LAS BYUNG BA'I TSOGS KYI RNAM PA DE'I RNAMS SO SOR NGES PA'I MTSAN NYID MA YIN PAS DMIGS PA MED PA ZHES BYA'I, ,DE DAG LA GNAS SKABS DE NA DE BZHIN NYID LA DMIGS PA MED PA NI MA YIN PAS, RNAM PAR SHES PA LNGA RNAM PAR MI RTOG PA LTA BUR RNAM PAR MI RTOG PA DAG CES BYA'O, ,KHAMS RGYAS PAS DE DAG RNAM PAR DAG PA ZHES BYA BA NI CHOS DKAR PO 'PHEL BAR GYUR BAS SDANG BA LA SOGS PA MI MTHUN PA'I PHYOGS SPANGS PA'I PHYIR BYAMS PA LA @134A *, ,SOGS PA'I SA BON RGYAS PA NI KHAMS RGYAS PA ZHES BYA'O, ,KHAMS RGYAS PAS BYAMS PA LA SOGS PA DE DAG SA BRGYAD PA LA SOGS PA LA RNAM PAR DAG CING LHUN GYIS GRUB PAR 'JUG STE, DE'I PHYIR GNAS SKABS DE NA DMIGS PA MED PA ZHES BYA'O, ,LAS GNYIS TE LUS DANG NGAG GI LAS BYAMS PA'I RGYU MTHUN PAS BSDUS PA GANG YIN PA ZHES BYA BA NI BYAMS PAS KUN NAS BSLANG BA'I LUS DANG NGAG GI LAS ZHI BA GANG YIN PA DE NI BYAMS PA'I RGYU MTHUN PA ZHES BYA STE, LUS DANG NGAG GI LAS DE YANG GZUGS KYI PHUNG POS BSDUS PA'I PHYIR DMIGS PA MED PA YIN NO, ,DE BAS NA DE LA BYAMS PA NYE BAR BRTAGS NAS BYAMS PA DMIGS PA MED PA ZHES BYA'O, ,NYON MONGS PA ZAD PAS TSAD MED PA RNAMS DMIGS PA MED PA'O, ,JI LTAR SHES SHE NA, 'DI LTAR NYON MONGS PA NI DMIGS PAR BSHAD DE, YID KYI MDUD PA RNAMS SPANGS PA'I PHYIR DMIGS PA 'CHAD DO ZHES 'BYUNG BA'I PHYIR RO ZHES BYA BA MDO'I DUM BUS DE STON PAR BYED DO, ,NYON MONGS PA NI DMIGS PAR BSHAD PAS NYON MONGS PA SPANGS PA'I PHYIR, BYAMS PA LA SOGS PA DMIGS PA MED PA YIN NO, ,NYON MONGS PA 'GAGS PA NI MED PA'I PHYIR DMIGS PA MED PA STE, 'GAGS PA DE NUB PA YIN PA'I PHYIR RO, ,GNAS PA DANG KHYAD PAR DU 'GYUR BA'I SKAL BA CAN ZHES BYA BA NI GNAS PA'I SKAL BA CAN DANG KHYAD PAR DU 'GYUR BA'I SKAL BA CAN NO, ,DE LA CHUNG NGU NI RNAM PA DRUG STE, ZHES BYA BA RNAM PA DRUG GANG ZHE NA, MNYAM PAR MA BZHAG PA DANG, CHUNG NGU DANG, 'BRING DANG, DMAN PA'I SA PA DANG, BSAM PA DMAN PA DANG, NGA RGYAL DANG BCAS PA RNAMS SO, ,RNAM PA DRUG PO 'DI DAG NI DMAN PA STE, CHUNG NGU DAG YIN NO, ,GZHAN NYID LHAG PA'O ZHES BYA BA GZHAN JI LTA BU ZHE NA, MNYAM PAR MA BZHAG PA LAS BZLOG PA MNYAM PAR GZHAG PA RNAMS NI MNYAM PAR MA BZHAG PA DAG LAS LHAG PA'O, ,CHEN PO RNAMS NI CHUNG NGU DAG PAS LHAG PA'O, ,MCHOG GI SA PA DAG NI DMAN PA'I SA DAG PAS LHAG PA STE, MOS PAS SPYOD PA'I SA LA NI @134B CHUNG NGU DAG YIN NO, ,RAB TU DGA' BA LA NI CHEN PO DAG YIN NO, ,DE LA NI CHUNG NGU DAG YIN NO, ,DRI MA MED PA LA NI CHEN PO DAG YIN TE, DE BZHIN DU SA GONG NAS GONG DU SA 'OG MA LA LTOS NAS LHAG PA DAG YIN NO, ,NYAN THOS DANG RANG SANGS RGYAS RNAMS KYI NI DMAN PA'O, ,SANGS RGYAS DANG BYANG CHUB SEMS DPA' RNAMS KYI NI LHAG PA'O, ,NGA RGYAL DANG BCAS PA NI SA BDUN PA LA MI SKYE BA'I CHOS LA BZOD PA DANG BRAL BA DAG GO, ,DE YAN CHAD NI MI SKYE BA'I CHOS LA BZOD PA THOB PAS LHAG PA YIN NO, ,TSANGS PA'I GNAS PA DAG GIS GNAS PA NI RGYU'O ZHES BYA BA GANG GI RGYU YIN ZHE NA, RNAM PAR SMIN PA LA SOGS PA'I STE, 'DI LTAR BYANG CHUB SEMS DPA' BSAM GYIS MI KHYAB PA'I BSAM GTAN GYIS GNAS PA NI TSANGS PA'I GNAS PA BSGOMS PAS GZUGS KYI KHAMS SU SKYE BA'I RIGS PA LAS 'DUL BA'I SKYE BO LA LTOS NAS 'DOD PA'I KHAMS SU SKYE STE; 'DI NI DE'I RNAM PAR SMIN PA'I 'BRAS BU YIN NO, ,TSOGS RNAMS RDZOGS PAR BYED DO ZHES BYA BA'I BDAG PO'I 'BRAS BU'O ZHES BYA BA NI TSANGS PA'I GNAS PA'I DBANG GIS TSOGS RNAMS YONGS SU RDZOGS PAR BYED PA GANG YIN PA DE NI BDAG PO'I 'BRAS BU'O ZHES BYA'O, ,SEMS CAN DAG YONGS SU SMIN PAR BYED DO ZHES BYA BA NI SKYES BU BYED PA'I 'BRAS BU'O, ,ZHES BYA BA NI SKYES BU BYED PA YANG BRTZON 'GRUS KYI KHYAD PAR LAS 'GYUR LA, SEMS CAN YONGS SU SMIN PA YANG BRTZON 'GRUS KYI KHYAD PAR MED PAR MI 'BYUNG BAS DE'I PHYIR SKYES BU BYED PA LAS 'BYUNG BA GANG YIN PA DE NI SKYES BU BYED PA'I 'BRAS BU ZHES BYA'O, ,RKYEN MI BZAD PAS KYANG MI 'GYUR RO ZHES BYA BA NI RTAGS SO ZHES BYA BA NI GNOD SEMS LA SOGS PA'I GNAS LTA BU'I YUL MI BZAD PA MTHONG BAS KYANG 'GYUR BA MED DE, RTAGS 'DIS NA GZHAN DAG GIS 'DI NI BYAMS PA LA SOGS PA THOB PA YIN NO ZHES BYA BAR SHES SO, ,GNOD SEMS DANG 'DOD PA'I 'DOD CHAGS DAG NI BTANG SNYOMS KYI YIN NO ZHES BYA BA NI RJES SU CHAGS PA DANG, KHONG KHRO BA STE, 'DOD CHAGS KYIS NI RJES SU CHAGS LA GNOD SEMS KYIS NI KHONG KHRO BAR BYED DO, ,TSUL KHRIMS 'JOMS PAS GNYI GA LA YANG GNOD PAR @135A *, ,BYED CES BYA BA NI TSUL KHRIMS 'JOMS PA NI JI LTA BU, DE BCOM PAS NI JI LTAR NA GNYI GA LA GNOD PAR BYED CE NA, GNYEN PO STOBS CHUNG BA NI GNOD SEMS DANG RNAM PAR 'TSE BA LA SOGS PAS KUN TU SPYOD PAS TSUL KHRIMS YANG DAG PAR BLANGS PA NI DGE BA'I CHOS LHAG PAR SPYOD PAS 'JOMS SO, ,DE BCOM PAS 'DI NYID LA GSAD PA DANG BCING BA DANG BRDEG PA LA SOGS PA'I SDUG BSNGAL NYAMS SU MYONG BA DANG, PHA ROL TU YANG SEMS CAN DMYAL BAR 'GRO BA LA SOGS PA'I GANG YIN PA DE NI BDAG NYID LA GNOD PA YIN NO, ,RANG NYAMS CAN TSUL KHRIMS NYAMS PAS SROG GCOD PA LA SOGS PA LA 'JUG PA GANG YIN PA DE NI GZHAN LA GNOD PA ZHES BYA STE, DE LTAR NA GNYIS KA GNOD PAR BYED PA ZHES BYA'O, ,NYAMS BCAS ZHES BYA BA NI TSUL KHRIMS NYAMS PA STE, TSUL KHRIMS RAL BA ZHES BYA BA'I DON TO, ,'DI LA BDAG NYID SMOD CES BYA BA NI SEMS LA BDAG TU NYE BAR 'DOGS TE, 'CHAL BA'I TSUL KHRIMS LA GNAS PA NI SEMS BDAG NYID KYI NGO BO NYID KYIS SEMS NYID LA SMOD PAR BYED DE, DGE BA'I LAM 'JIGS PA MED PA BOR NAS MI DGE BA'I LAM 'JIGS PA DANG BCAS PA MKHAS PA RNAMS KYIS SMAD PA RNAMS LA BRTEN PA GANG YIN PA DE NI NGAN TO ZHES DE LTAR SMOD PA'I PHYIR RO, ,RNYED PAS DMAN ZHES BYA BA NI 'DI LA GZHAN DAG SMOD PA YIN TE, CHOS GOS DANG BSOD SNYOMS KYANG MI RNYED LA, MTHONG NA YANG 'DI SKAD DU TSE DANG LDAN PA 'DI NI 'DI LTA BU BYED PA 'DI LTA BUR SPYOD PA MI GTZANG BA STE, GRONG GI TSER MA YIN NO, ,ZHES SMRA'O, ,SRUNG BAS SMOD PA NI 'DI TSUL KHRIMS DANG LDAN PA'I TSE BSRUNG BA BYAS PA'I LHA GANG DAG YIN PA DE DAG KYANG SMOD CING SRUNG BAR MI BYED DO, ,DE BZHIN STON PAS SMAD CES BYA BA NI STON PA BCOM LDAN 'DAS KYIS BONG BU LTAR BU KUN TU SPYOD CES BYA BA LA SOGS PAS SMOD CING TSUL KHRIMS NYAMS PAS 'DOR BA MDZAD DO, ,RTZOD BCAS ZHES BYA BA NI 'DI LA TSANGS PA MTSUNGS PAR SPYOD PA MKHAS PA GZHAN DAG KYANG CHOS NYID KYIS RNAM PAR SMOD DO ZHES BYA BA'O, ,MI SNYAN ZHES BYA BA NI PHYOGS DANG PHYOGS MTSAMS SU YANG 'DI'I SGRA DANG TSIGS SU BCAD PA @135B MI SNYAN PA DAG 'BYUNG BA'O, ,DE NI GZHAN DU MI KHOM RNAMS SU SKYE, ZHES BYA BA NI TSE PHYI MA'I KHA NA MA THO BA 'PHEL BAR 'GYUR RO ZHES STON TO, ,THOB PA LAS NYAMS PA ZHES BYA BA NI BYAMS PA LA SOGS PA THOB PA LAS YONGS SU NYAMS PA GANG YIN PA STE, 'DI NI TSE KHO NA'I KHA NA MA THO BA YIN NO, ,MA THO BA NYAMS PAS ZHES PA 'DIS NI TSE PHYI MA'I KHA NA MA THO BA 'PHEL BAR STON TE, 'DI LTAR NGO TSA BA RNAM PAR DBYE BA LAS SLOB DPON GYIS THOB PA DANG MA THOB PA LAS YONGS SU NYAMS PA NI TSE 'DI DANG TSE PHYI MA'I KHA NA MA THO BA DANG SBYOR BAR 'GYUR RO, ,YID LA SDUG BSNGAL CHEN PO 'THOB, ,CES BYA BA NI DE LAS SKYES PA SEMS KYI SDUG BSNGAL DANG YID MI BDE BA LUS KYI DANG SEMS KYI TSE 'DI DANG TSE PHYI MA LA 'THOB PA STE, 'DI NI TSAD MED PA RNAMS SPYIR BSAM PA YIN NO, ,DA NI KHYAD PAR TE TSAD MED PA RNAMS KYI NANG NA SNYING RJE MCHOG YIN PAS DE DMIGS PA LA SOGS PA'I DBYE BAS PHAL CHER BSAMS TE, RAB 'BAR DGRA YI DBANG DU SONG, ,ZHES BYA BA LA SOGS PA'I RAB TU DBYE BAS DE BRTZAM PAR BYA'O, ,DGRA'I DBANG DU SONG BA NI GANG GI TSE BDUD KYIS DGE BA LA BAR DU GCOD PAR BYED PA'O, ,BGROD DKA' LAM LA KUN DU ZHUGS, ,ZHES BYA BA LA BGROD DKA' BA NI 'KHOR BA STE, DER 'GRO BA'I LAM LA KUN TU ZHUGS PA NI BGROD DKA' BA'I LAM LA KUN TU ZHUGS PA ZHES BYA'O, ,DE DAG KYANG GANG ZHE NA, DE DAG BSTAN PA'I PHYIR, YONGS SU MYA NGAN LAS MI 'DA' BA'I CHOS CAN RNAMS TE, ZHES BYA BA SMOS SO, ,LAM RAB TU STOR BA NI MNGON PA'I NGA RGYAL CAN RNAMS TE, THAR PA'I LAM NOR BA'I PHYIR RO ZHES BYA BA NI DE DAG YONGS SU MYA NGAN LAS 'DA' BA'I CHOS CAN YIN PA LAS MNGON PA'I NGA RGYAL CAN DU GYUR PA'I PHYIR YUN RING MO ZHIG TU THOGS TE, DE DAG NI DE KHO NA NYID MA RTOGS PA RTOGS PAR NGA RGYAL BYED DO, ,DE LTAR NA DE DAG JI SRID DU NGA RGYAL KUN TU SPYOD PA DE SRID DU 'PHAGS PA RNAMS KYI LAS STOR BAR 'GYUR BAS LAM STOR ABA ZHES BYA'O, ,BYANG CHUB MCHOG GI SA BON NYID KYIS NI BDAG PO'I 'BRAS BU'O ZHES BYA BA NI 'DI LTAR SNYING RJE NI BYANG CHUB MCHOG SANGS RGYAS KYI NGO BO NYID KYI @136A *, ,SA BON YIN NO, ,JI LTAR SA BON YIN ZHE NA, 'DI LTAR DE'I DBANG GIS DE 'THOB PAR 'GYUR RO, ,GO RIMS BZHIN DU GZHAN DAG BDAG NYID LA BDE BA SKYED PA DANG, GDUNG BAR BYED PA NYID KYIS NI SKYES BU BYED PA'I 'BRAS BU'O ZHES BYA BA NI SKYES BU BYED PAS NI SEMS CAN RNAMS KYI BDE BA MTHO RIS DANG BYANG GROL GYI NGO BO NYID BSKYED LA, BDE BA SKYED PA DE LA YANG NANG DANG PHYI'I DNGOS PO YONGS SU GTONG BAR 'GYUR RO, ,CHOS LA BRTEN PA'I ZHES BYA BA NI JI SKAD BSHAD PA'I 'BRAS BU LNGA DANG LDAN PA'I SNYING RJE'I CHOS LA BRTEN PA'I ZHES BYA BA'I THA TSIG GO, ,BYANG CHUB SEMS DPA' 'KHOR BAR GTOGS PA THAMS CAD YANG DAG PA JI LTA BA BZHIN YONGS SU SHES NAS SNYING RJE DANG LDAN PA'I PHYIR, YONGS SU SKYO BAR YANG MI 'GYUR LA, ZHES BYA BA 'DIS NI MYA NGAN LAS 'DAS PA LA MI GNAS PA NYID STON TE, SNYING RJE'I STOBS KYIS NYAN THOS BZHIN DU MYA NGAN LAS 'DAS PA LA GZHOL BAR MI 'GYUR RO, ,BLO MCHOG DANG LDAN PA'I PHYIR NYES PA DAG GIS GNOD PAR YANG MI 'GYUR RO ZHES BYA BA 'DIS NI 'KHOR BA LA MI GNAS PA NYID STON TE, SHES RAB KYI STOBS KYIS 'JIG RTEN PA BZHIN DU 'KHOR BA LA GZHOL BAR MI 'GYUR RO, ,DE LTAR NA SHES RAB KYI STOBS KYIS SO SO'I SKYE BO BZHIN DU 'KHOR BA LA YANG MI GNAS LA, SNYING RJE'I STOBS KYIS NYAN THOS BZHIN DU MYA NGAN LAS 'DAS PA LA YANG MI GNAS PA'I MYA NGAN LAS 'DAS PA ZHES BYA'O, ,'JIG RTEN SDUG BSNGAL BDAG NYID LTA BA YI, ,ZHES BYA BA NI SDUG BSNGAL GYI NGO BO NYID CES BYA BA'I THA TSIG GO, ,SNYING RJE'I BDAG NYID CAN GYI BRTZE BA 'DI, ,RANG BZHIN DANG ZHES BYA BA LA, RANG BZHIN GYI SGRAS NI BRTZE BA'I RIGS BSTAN TO, ,SO SOR BRTAGS PA ZHES BYA BA NI YON TAN DANG SKYON YONGS SU RTOG PAS SO, ,DE SNGON GOMS PAR BYAS DANG LDAN PA DANG, ,ZHES BYA BA NI TSE RABS GZHAN YONGS SU BSGOM PAS SO, ,MI MTHUN PHYOGS NYAMS RNAM DAG THOB PAS ZHI, ,ZHES BYA BA NI 'DOD CHAGS DANG BRAL BA THOB PA'I SGO NAS TE, DE'I MI MTHUN PA'I PHYOGS RNAM PAR 'TSE BA SPANGS NA SNYING RJE RNAM PAR DAG PA THOB PAR 'GYUR RO, , @136B MNYAM PA MA YIN PA GANG YIN PA DE NI BRTZE BA MA YIN NO ZHES BYA BA NI 'JIG RTEN PA DANG NYAN THOS DANG, RANG SANGS RGYAS RNAMS KYI BRTZE BA NI SEMS CAN SDUG BSNGAL ZHING SDUG BSNGAL GYI TSOR BAS NYEN PA DAG KHO NA LA BRTZE BAS MNYAM PA MA YIN GYI, SANGS RGYAS DANG BYANG CHUB SEMS DPA' RNAMS KYI BRTZE BA NI GANG CI TSOR BA DE NI 'DIR SDUG BSNGAL BA'O ZHES BYA BAS KHAMS GSUM DU SKYES PA'I SEMS CAN RNAMS LA MNAR MED PA DAG LA JI LTA BAR SRID PA'I RTZE MOR SKYES PA RNAMS LA YANG DE DANG 'DRA BAR BRTZE STE, DE BAS NA SEMS CAN THAMS CAD LA MNYAM PA ZHES BYA'O, , JI LTAR NYAN THOS RNAMS KYI PHUNG PO'I LHAG MA MED PA'I MYA NGAN LAS 'DAS PA ZAD PAS ZAD PAR 'GYUR BA LTA BU RTAG TU MA YIN PA DE YANG BRTZE BA MA YIN TE, SANGS RGYAS BCOM LDAN 'DAS RNAMS KYI BRTZE BA NI RTAG TU STE, PHUNG PO'I LHAG MA MED PA'I MYA NGAN LAS 'DAS PA'I YANG ZAD PAR MI 'GYUR RO, ,DE BZHIN DU LHAG PA'I BSAM PA LA SOGS PA THAMS CAD LA YANG SBYAR BAR BYA'O, ,'DOD CHAGS DANG BRAL BAS NI DE'I MI MTHUN PA'I PHYOGS RNAM PAR 'TSE BA SPANGS PA'I PHYIR RO ZHES BYA BA NI BAG CHAGS DANG BCAS TE SPANGS PA'I PHYIR RO ZHES BYA BA'I DON TE, DE LTAR NA NYAN THOS DE DAG LAS KYANG KHYAD PAR DU 'PHAGS SO, ,MI SKYE BA'I CHOS LA BZOD PA'I THOB PA'I PHYIR RO ZHES BYA BA NI SA BRGYAD PA LA SOGS PA LA LAM MNGON PAR 'DU BYA BA MED PA'I PHYIR RO, ,DE'I RTZA BA NI SNYING RJE'O ZHES BYA BA NI SNYING RJE'I SHING GI ZHES BYA BA'I THA TSIG STE, SHING LA NI RTZA BA MED NA SDONG PO MED DO, ,SDONG PO MED NA YAL GA MED DO, ,YAL GA MED NA LO MA MED DO, ,LO MA MED NA ME TOG MED DO, ,ME TOG MED NA 'BRAS BU MED DO, ,DE BZHIN DU SNYING RJE'I SHING LA RTZA BA SNYING RJE MED NA SDONG PO BZOD PA MED DO, SDONG PO BZOD PA MED NA SEMS CAN GYI DON SEMS PA YAL GA LTA BU MED DO, ,DE MED NA SKYE BA BZANG PO YONGS SU GZUNG BA'I DON DU SMON PA LO MA LTA BU MED DO, ,DE MED NA SEMS CAN YONGS SU SMIN PA 'BRAS BU LTA BU MED DO, ,SNYING RJE'I SHING 'DI JI LTAR 'PHEL BAR 'GYUR BA DE BSAM PAR BYA STE, @137A *, ,SNYING RJE NI RTZA BA BSHAD DO, ,RTZA BA DE'I CHU LTA BU NI BYAMS PA STE, DES RTZA BA 'CHU BAR BYED DO, ,SNYING RJE'I SDUG BSNGAL LAS BDE BA SKYE BA GANG YIN PA'I BDE BA DES NI SHING DE'I SDONG PO BZOD PA RGYAS PAR BYED DO, ,SNGA MA PHYI MA 'GAG PA DANG SKYE BA'I RIM GYIS SMON LAM GYI RGYUN MA BCAD PAS SMON LAM RNAMS LO MA 'DOR BA DANG LEN PA DANG CHOS MTHUN PAR RIG PAR BYA'O, ,ZHES BYA BA NI DPER NA SHING NI LO MA RNYING PA YONGS SU 'DOR ZHING SAR PA YONGS SU LEN PAR BYED PA DE BZHIN DU BYANG CHUB SEMS DPA' YANG SNGON GYI SMON LAM CHUNG NGU YONGS SU BTANG NAS SMON LAM CHEN PO MCHOG 'DZIN PAR BYED DE, DE LTAR NA GONG NAS GONG DU BYA BAS SMON LAM CHUNG NGU RNAMS NI YONGS SU BTANG LA, CHEN PO MCHOG RNAMS NI 'DZIN PAR BYED DO, ,DPER NA DUS BZANG PO LAS SKYES PA'I SHING DUS DUS SU BCUS PA LAS GDON MI ZA BAR ME TOG LA SOGS PA 'BYUNG BA DE BZHIN DU NANG GI RKYEN GRUB STE RANG GI RGYUD YONGS SU SMIN PA LAS ME TOG LA SOGS PA LTA BU'I SKYE BA LA SOGS PA KHYAD PAR DU 'PHAGS PAR 'GYUR RO, ,DE DAG LA CHAGS PAR 'GYUR BA LTA SMOS KYANG CI DGOS ZHES BYA BA NI 'JIG RTEN PA'I BDE BA DANG RANG GI SROG LA'O; ,'JIG RTEN PA'I SNYING RJES GNAS PA RNAMS KYI NI KHA NA MA THO BA MED KYANG 'JIG RTEN PA YIN NO, ,ZHES BYA BA NI GANG ZAG PA DANG BCAS PA'O ZHES BYA BA'I THA TSIG GO, ,'DREN PA'I THABS GANG YIN PA ZHES BYA BA NI SNYING RJES BYAMS PA'I RANG BZHIN GYI THABS SO, ,SEMS CAN RNAMS LA SDUG BSNGAL MED PAR BYA BA'I PHYIR RO ZHES BYA BA NI SEMS CAN RNAMS KYI SDUG BSNGAL BSAL BA'I RGYU MTSAN DU ZHES BYA BA'I THA TSIG GO, ,BDAG DANG GZHAN MNYAM PA NYID KYIS SDUG BSNGAL LA YANG DAG PA NYID JI LTA BA BZHIN MA REG PA'I PHYIR RO ZHES BYA BA NI 'DIR JI SRID DUS DANG PO MA THOB PA DE SRID DU BDAG DANG GZHAN MNYAM PA NYID 'THOB PAR MI 'GYUR GYI, SA DANG PO THOB NA CHOS KYI DBYINGS KUN TU 'GRO BA RTOGS PA'I PHYIR SDUG BSNGAL GYI CHOS NYID RTOGS PA'I SGO NAS, SEMS CAN THAMS CAD KYI RGYUD LA YOD PA'I SDUG BSNGAL LA REG PAR 'GYUR RO, , @137B BYANG CHUB SEMS DPA' RNAMS KYI SNYING RJES BSKYED PA'I SDUG BSNGAL NYID 'DI LTAR 'JIG RTEN PA'I BDE BA GANG YIN PA THAMS CAD ZIL GYIS GNON PA DE LTA BU'I BDE BAR 'GYUR ZHING ZHES BYA BA NI BYANG CHUB SEMS DPA' SEMS CAN SKYE BA LA SOGS PA'I SDUG BSNGAL GYIS G-YEN SPYO BA RNAMS KYIS DE LAS YONGS SU BSKYAB PA'I PHYIR ZHUGS PA RNAMS LA NI, SEMS CAN DMYAL BA BA'I SDUG BSNGAL SKYE BA GANG YIN PA DE YANG SEMS CAN YONGS SU BSKYAB PA LA LTOS NAS DE DAG GI BDE BA CHEN PO YIN TE, 'JIG RTEN PA'I BDE BA GANG YIN PA DE DAG THAMS CAD ZIL KYIS GNON PA ZHES BYA BA NI SNYING RJES BSKYED PA'I BDE BA DES SO, ,DGRA BCOM PA DON BYAS PA RNAMS KYANG BDE BA DE DANG MI NA ZHES BYA BA NI SNYING RJES SDUG BSNGAL LAS SKYES PA'I BDE BA GANG YIN PA DE NI NYAN THOS RANG GI DON LHUR LEN PA RNAMS MED PAS DE DAG DANG DE DANG MI LDAN YIN NO, ,GZHAN DAG LTA SMOS KYANG CI DGOS ZHES BYA BA NI 'JIG RTEN PA RNAMS SO, ,TSIGS SU BCAD PA 'DIS LAS NI SDUG BSNGAL GYI BDE BA NYAMS SU MYONG BA SKAD DU BSHAD LA, 'GREL PA LAS NI SNYING RJES DRANGS PA'I BDE BAS BDE BA NYAMS SU MYONG BAR BSHAD PA NI 'DI LTAR RUNG NGO, ,DE LTA MA YIN NA JI LTAR DON BYAS PA RNAMS KYANG DE DANG MI LDAN ZHES BRJOD DE, BDE BA DE LTA BU GANG YIN PA DE DANG NYAN THOS RNAMS MI LDAN GYI SDUG BSNGAL DANG NI MA YIN NO, ,'JIG RTEN GSUM GYI BDE BA NYE BAR SPYAD PA RNAMS KYIS BDE BA BYAS PA GANG YIN PA DES KYANG ZHES BYA BA LA; KYANG ZHES BYA BA'I SGRAS NI, BRTZE BAS SBYIN PA DANG LDAN PA'I BDE BA GANG YIN PA DES KYANG ZHES BYA BAR SBYAR RO, ,GSUM DANG DE DAG GI 'BRAS BU 'PHEL BA'I ZHES BYA BA NI GSUM 'PHEL BA DANG, GSUM PO DE LAS 'BRAS BU BDE BA RNAM PA GSUM PO DE 'PHEL BA'I TSIGS SU BCAD PA'O, ,DE'I RJES SU 'DZIN PAR BYED PA'I MTHUS BYAS PA'O, ,ZHES BYA BA NI SEMS CAN RJES SU 'DZIN PAR BYED PA'I MTHUS BYAS PA ZHES BYA BA'I THA TSIG STE, BYANG CHUB SEMS DPA'I SBYIN PA SBYIN PA NI YO BYAD KYIS PHONGS PAR MI 'GYUR RO, ,YO BYAD KYIS PHONGS PA MED PA'I @138A *, ,PHYIR SBYIN PA'I DUS NA BYANG CHUB SEMS DPA' SBYIN PA JI LTAR 'DOD PA BZHIN SBYIN PA'I MTHU THOGS PA MED PAR 'GYUR TE 'DI NI 'BRAS BU GSUM PA YIN NO, ,NGO BO NYID RGYAS PA ZHES BYA BA NI BYANG CHUB SEMS DPA'I SBYIN PA SBYIN PA'I SNYING RJE RGYAS PAR 'GYUR BA 'DI NI NGO BO NYID RGYAS PA YIN NO, ,'PHEL BA ZHES BYA BA NI BRTZE BAS SBYIN PA SBYIN PA'I BYANG CHUB SEMS DPA' LA BRTZE BA'I KHYAD PAR GYIS SBYIN PA CHUNG NGU YANG 'PHEL BAR 'GYUR TE, DE BAS NA LONGS SPYOD DAG GIS SNYING RJE 'PHEL BAR BYED DO, ,SBYIN PA YONGS SU SMIN BYA ZHES BYA BA NI GSUM PA'I DON DU BDUN PA YIN TE, DE NYID KYI PHYIR 'GREL BA LAS SBYIN PAS SEMS CAN YONGS SU SMIN PAR BYA BA DANG ZHES BSHAD DO, ,TSOGS KUN DU 'DREN PA ZHES BYA BA NI SBYIN PA DANG TSUL KHRIMS LA SOGS PA'O, ,SNYING RJE CAN NI RTAG TU RANG SBYIN LA, ,STON DANG 'DRA STE ZHES BYA BA NI SBYIN PA NI PHYI'I DNGOS PO YIN PA'I PHYIR DE NI SEMS PA MED PA YIN PAS DE LA BSTAN DU CI ZHIG YOD, DE BAS NA STON DANG 'DRA ZHES BYA BA STE, JI LTAR SEMS PA DANG BCAS PA LA RJES SU STON PA DE BZHIN DU DE LA RJES SU STON PA YIN NO, ,RANG BDE MI 'DOD PA ZHES BYA BA NI BDAG NYID BDE BAR MI 'DOD KYI RNAM PA THAMS CAD DU SEMS CAN RNAMS KHO NA LA BDE BAR 'DOD PA'O, ,YANG NA THA DAD MIN BDE BDAG LA'ANG MIN, ,ZHES BYA BA NI SEMS CAN RNAMS DANG THA DAD PA MA YIN PA'I BDE BA ZHES BYA BA'I THA TSIG GO, ,SEMS CAN RNAMS LA BDE BA GANG YIN PA DE NYID DU BYANG CHUB SEMS DPA'I BDE BA YIN TE, 'DI NI BDAG NYID KYI BDE BA SEMS CAN RNAMS KYI DANG THA DAD PAR MI 'DOD PAS THA DAD PA MA YIN PA'I BDE BA'O, ,BDAG GIS SBYIN PA DANG SBYIN PA'I 'BRAS BU GANG YIN PA THAMS CAD SEMS CAN RNAMS KHO NA LA SBYIN NA, JI LTAR NA BDAG GI BDE BA THA DAD PA YIN PAR SEMS, DE DAG BDE BA NYID BDAG GI BDE BA YIN PAS ZHES BYA BA NI DE DAG GI BDE BA NI DE DAG BDE BA STE, SEMS CAN BDE BA ZHES BYA BA'I DON TO, ,GANG LA DE DAG BDE BAS BDE BA YOD PA DE NI DE DAG BDE BAS BDE BA STE, DE BAS NA DE DAG BDE BA'I BDE BAS BDAG BDE'O ZHES BYA @138B BAR STON TO, ,BDAG NI LONGS SPYOD DAG DE LTAR NYE BAR GNAS PA'I BDE BA GANG YIN PA DE MI 'DOD CES BYA BA NI LONGS SPYOD LA RGYAB KYIS PHYOGS PA LA LONGS SPYOD SHIN TU MANG POR 'GYUR BA GANG YIN PA ZHES BYA BA'I THA TSIG GO, GZHAN YANG GAL TE BDAG CUNG ZAD CIG YONGS SU GTONG ZHING CUNG ZAD CIG BDAG GIR BYED NA NI, DE LA 'DI SNYAM DU 'DI NI BDAG NYID KYANG SBYIN PA'I 'BRAS BU DON DU GNYER ZHING LONGS SPYOD 'DOD PAS SBYIN PA SBYIN NO ZHES BYA BAR DOGS PAR YANG 'GYUR NA, GANG GI TSE BDAG BDOG PA THAMS CAD YONGS SU GTONG ZHING DE YANG BRTZE BAS TE, LAN DANG RNAM PAR SMIN PA LA MI LTA BAR ZHUGS PA DE NYID KYI PHYIR KHYOD KYIS BDAG LA SBYIN PA'I 'BRAS BU DON DU GNYER BA MED PA NYID DU SHES PAR BYA'O ZHES BYANG CHUB SEMS DPA' SBYIN PA LA RJES SU STON PAR BYED DO, ,KHYOD KYI LAN LA LTA DANG BRAL BAS NA, ,'BRAS BU SHIN TU GZHAN LA GTONG BA YIN, ,ZHES BYA BA NI KHYOD NI THAMS CAD DU LAN LA LTA BAS 'BRAS BU 'BYIN TE, BDAG NI KHYOD KYI LAN LA LTA BA DANG BRAL BAS 'BRAS BU GZHAN LA GTONG NGO ZHES DE SKAD DU BYANG CHUB SEMS DPA' SBYIN PA LA RJES SU STON TO, ,TSOL BA MED PA ZHES BYA BA NI GZHAN GYIS MA BTZAL BA STE, DON DU MA GNYER BA GZHAN GYI TSUL TZAM GYIS BYANG CHUB SEMS DPA' SEMS SHES PA SBYIN PA SBYIN PAR BYED DO, ,DGA' BA NI SO SOR BRTAGS PA MED PAR RAB TU DGA' BAS SBYIN PA'I PHYIR RO ZHES BYA BA NI SHES RAB KYIS SER SNA'I SEMS TSAR BCAD NAS SBYIN PA MA YIN PA ZHES BYA BA'I THA TSIG GO, ,SBYIN PA'I SGO NAS DGA' BA NI SBYIN PAS DGA' BA'O, ,'DI LTAR SNYING RJES PHA ROL TU PHYIN PA RNAMS MNGON PAR BSGRUB PAR 'GYUR BA DE LTA TSIGS SU BCAD PA'O, ,SNYING RJES JI LTAR PHA ROL TU PHYIN PA MNGON PAR BSGRUB PAR 'GYUR ZHE NA, DE'I MI MTHUN PA'I PHYOGS RNAM PAR SUN 'BYIN PA'I PHYIR DE SER SNA DANG 'CHAL BA'I TSUL KHRIMS LA SOGS PA RNAM PAR SUN 'BYIN PA'I PHYIR ZHES BYA BA'I THA TSIG GO, ,DE LTAR NA DE'I MI MTHUN PA'I PHYOGS RNAM PAR SUN PHYUNG BAS SNYING RJE DE NI PHA ROL TU PHYIN PA MNGON PAR SGRUB PA BYED PAR @139A *, ,'GYUR TE, DE BAS NA PHA ROL TU PHYIN PA MNGON PAR SGRUB PA'I SNYING RJE ZHES BYA'O, ,SNYING RJE'I RKYEN BSTAN PA'I TSIGS SU BCAD PA ZHES BYA BA NI MDO LAS, RKYEN NYID BZHIR GSUNGS TE, DMIGS PA DANG, BDAG PO DANG, MTSUNGS PA DE MA THAG PA DANG, RGYU'I RKYEN NYID DO, ,SNYING RJE'I DMIGS PA LA SOGS PA'I RKYEN JI LTA BU YIN ZHE NA, DE BSAM PAR BYA STE, TSOR BA RNAM PA GSUM CAR YANG DMIGS PA'I RKYEN YIN TE, BDE BA'I TSOR BA NI 'GYUR BA'I SDUG BSNGAL NYID KYIS DMIGS PA YIN NO, ,SDUG BSNGAL NI SDUG BSNGAL GYI NGO BO NYID KYIS SO, ,SDUG BSNGAL YANG MA YIN BDE BA YANG MA YIN PA'I TSOR BA NI 'DU BYED KYI SDUG BSNGAL NYID KYIS DMIGS PA YIN NO, ,'DI NI BDE BA DANG SDUG BSNGAL DAG GI RGYU YIN TE, YANG DE DAG 'DREN PA'I PHYIR RO, ,ZHES BYA BA NI 'DI LTAR SDUG BSNGAL YANG MA YIN BDE BA YANG MA YIN PA'I TSOR BA'I MTSAN NYID NI 'DI YIN TE, DE GNYI GA'I GNAS NGAN LEN YONGS SU 'DZIN PAS GNYIS LAS RNAM PAR MA GROL BA DANG MI RTAG PA NYID DANG RJES SU 'BREL BA'I PHYIR SDUG BSNGAL YANG MA YIN, BDE BA YANG MA YIN PA'I TSOR BA TSOR BAR BSHAD DO; ,DE BAS NA BDE BA SDUG BSNGAL BA NYID KYI GNAS NGAN LEN PA DANG RJES SU 'BREL BA'I PHYIR, SDUG BSNGAL YANG MA YIN, ,BDE BA YANG MA YIN PA'I TSOR BA DMIGS PA NYID DU BSTAN TO, ,RGYU'I RKYEN NI SNYING RJE'I BDAG CHAGS GANG YIN PA STE, SNYING RJE KUN TU SPYAD PAS RNAM PAR SMIN PA'I RNAM PAR SHES PA LA BAG CHAGS GZHAG PA DE NI RGYU'I RKYEN TO, ,DGE BA'I BSHES GNYEN GYI DBANG GIS SNYING RJE KUN TU SPYOD PA GANG YIN PA DE NI BDAG PO'I RKYEN TO, ,SEMS DANG SEMS LAS BYUNG BA'I TSOGS SNGAR 'BYUNG BA NI SNYING RJE SKYE BAR 'GYUR BA'I MTSUNGS PA DE MA THAG PA'I RKYEN TO, ,DE'I BSAM PA'I PHYIR ZHES BYA BA DE SEMS DPA'I PHYIR YIN PAR SHES PAR BYA'O, ,MI DMIGS PA'I PHYIR NI BDAG DANG GZHAN DANG SNYING RJER MI DMIGS PA'I PHYIR RO, ,ZHES BYA BA NI RNAM PAR MI RTOG PA'I GNAS SKABS NA'O, ,RANG GI SEMS KYIS BYAMS PA @139B LA SOGS PA BSGOM PA MCHOG ,CES BYA BA NI SEMS CAN GYI KHAMS LA KHYIM DANG GRONG DANG GRONG KHYER LA SOGS PA'I DBYE BAS NYI TSE BA'I YO BYAD KYI RDZAS KYIS BYAMS PAR BYED PA GANG YIN PA DE NI MCHOG MA YIN GYI, ,RANG GI SEMS KYIS BYAMS PA LA SOGS PA BSGOM PA GANG YIN PA DE NI 'DIR MCHOG DANG GTZO BO YIN NO, ,RANG GI SEMS KYIS JI LTA BU ZHE NA, DE STON TE CHOS LA MOS PA'I SGO NAS NI MDO LA SOGS PA LAS TSAD MED PA'I DBANG DU BYAS PA'I CHOS GANG YIN PA THOS NAS CHOS DE LA SHIN TU SNYING NAS MOS SHING SEMS CAN THAMS CAD LA DMIGS NAS BYAMS PA LA SNYOMS PAR 'JUG PA YIN NO, ,BSAM PA'I SGO NAS NI RO MYANG BA LA SOGS PA'I BSAM PA DGUS SO, ,DBANG 'BYOR BA NYID KYIS NI SEMS CAN TSAD MED PA LA BYAMS PA'I 'O, ,RNAM PAR MI RTOG PA'I YE SHES KYI THABS YONGS SU GZUNG BA DANG, BYANG CHUB SEMS DPA' THAMS CAD DANG DON BYED PA'I KHYAD PAR GYI SGO NAS NI DON THAMS CAD 'DRIS SHING NYE BAR 'DRES PA'I PHYIR RO, ,RDZAS CHEN POS ZHES BYA BA NI MU TIG DANG, BEEd'U RA+YA DANG, CHOS GOS DANG, BSOD SNYOMS PA LA SOGS PA RNYED PA'I GYA NOM PA DAG GIS SO, ,BKUR STI CHEN POS SHIN TU MCHOD PA DANG LDAN PA ZHES BYA BA NI YANG DAG PAR SGRUB PA'I DON DU MCHOD PA'I PHYIR RO, ,RGYUN CES BYA BA NI RTAG TU ZHES BYA BA'I THA TSIG STE, RTAG TU BCOM LDAN 'DAS LA MCHOD PA LA SOGS PA LA 'JUG PA YIN PAS TSIGS SU BCAD PA PHYED PO 'DIS NI MCHOD PA BSTAN TO, ,YON TAN MANG LDAN PHAN BYED BSHES LA RTAG BRTEN PA, ,ZHES BYA BA NI DGE BA'I BSHES GNYEN LA BRTEN PA BSHAD DO, ,'GRO LA RJES SU BRTZE BA GRUB PA KUN THOB 'GYUR, ,ZHES BYA BA NI RJES SU BRTZE BAR BYED PA NYID KYIS TSAD MED PA RNAMS STON TO, ,DE BAS NA TSIGS SU BCAD PA 'DIS JI SKAD BSHAD PA'I MCHOD PA DANG, BRTEN PA DANG, TSAD MED PA RNAMS KYI GO RIMS DANG YON TAN MDOR BSDUS NAS BSTAN TO ZHES BYA BA LA, GO RIMS NI BSHAD MA THAG PA'I TSUL GYIS BSTAN TO, ,YON TAN NI RDZAS DANG BKUR STI CHEN POS ZHES BYA BA LA @140A *, ,SOGS PAS BSTAN TO, ,YON TAN MANG PO DANG LDAN PA NI DE LAS GZHAN PA DAG DANG NGO ZHES BYA BA NI, BSHES GNYEN DUL BA ZHI ZHING NYER ZHI BA, ,YON TAN LHAG PA BRTZON BYAS LUNG GIS PHYUG ,DE NYID RAB TU RTOGS PA SMRA MKHAS LDAN, ,BRTZE BA'I BDAG NYID SKYO BA SPANGS LA BRTEN, ,ZHES BYA BA LA SOGS PA'I YON TAN DANG LDAN PA STE, SNYING RJE'I SKABS YIN PA'I PHYIR DE LAS GZHAN PA ZHES BYA BA SMOS SO, ,MCHOD PA DANG BRTEN PA DANG TSAD MED PA'I SKABS RDZOGS SO,, ,,TSAD MED PA'I 'OG TU NGO TSA BA'I SKABS TE,, 'DI'I 'BREL BA GANG YIN ZHE NA, 'DI LTAR RANG DANG GZHAN LA PHAN PA LA ZHUGS PA DE BSGRUB PA'I DON DU DE DANG RJES SU MTHUN PA'I LAM SGOM PAR BYED PAS, DE'I 'OG TU BYANG CHUB KYI PHYOGS DANG MTHUN PA'I SKABS SO, ,BYANG CHUB SEMS DPA' RNAMS KYI BSLAB PA'I DMIGS PA RNAM PA 'DI NI NGO BO NYID DANG, KHYAD PAR GYI SGO NAS BSLAB PA'I LAM GYI RNAM PA THAMS CAD YIN PAS NGO TSA BA'I SKABS NAS BZUNG STE, GANG ZAG LA BDAG MED PA'I SKABS KYI BAR THAMS CAD NI BYANG CHUB KYI PHYOGS DANG MTHUN PA'I SKABS YIN PAR RIG PAR BYA'O, ,NGO TSA MI MTHUN PHYOGS SPANGS DANG, ,ZHES BYA BA NI NGO TSA BA'I NGO BO NYID KYIS BSTAN PA STE, MI MTHUN PA'I PHYOGS NGO TSA MI SHES PA DANG, KHREL MED PA SPANGS PA'I PHYIR NGO TSA BA MI MTHUN PA'I PHYOGS MED PAR 'GYUR BAS NGO TSA BA'I NGO BO NYID DU BSHAD DO, ,GROGS NI RNAM PAR MI RTOG PA'I YE SHES SO, , YUL KHA NA MA THO BA MED CING DMAN PA NI NYAN THOS DANG, RANG SANGS RGYAS KYI THEG PAS TE, ZAG PA MED PA'I PHYIR KHA NA MA THO BA MED PA YIN LA, NYAN THOS KYI THEG PA YIN PA'I PHYIR DMAN PA'O, ,BSTEN RNAMS PHA ROL PHYIN PA DRUG ,BSTEN PA LAS NI LE LO LAS NGO TSA BAR 'GYUR RO ZHES BYA BA NI BYANG CHUB SEMS DPA' GANG GI TSE BSTEN PAR 'OS PA PHA ROL TU PHYIN PA NAMS LE LO BYED CING STEN PAR MI BYED, PHA ROL TU PHYIN PA RNAMS LA RAB TU MI SBYOR NA DES NA NGO TSA BAR 'GYUR RO, ,'DI NI SBYOR BA DANG MI SBYOR BAS NGO TSA BA YIN NO ZHES BYA BA NI SBYAR BA MA YIN PA LA SBYOR BA @140B GANG YIN PA'O, ,SBYAR BA MA YIN PA LA SBYOR BA GANG ZHE NA, GANG GI TSE LE LOS NYON MONGS PA DANG MTHUN PA'I CHOS RNAMS LA SBYOR BA'O, ,'DI NI NGO TSA BA CHUNG NGU DANG CHEN PO STE, SNGAR BSHAD PA'I RJES SU 'BRANGS NAS KHONG DU CHUD PAR BYA'O ZHES BYA BA NI MNYAM PAR MA BZHAG PA'I SA PA'I NGO TSA BA DANG, MNYAM PAR MA BZHAG PA'I SA PA YANG CHUNG NGU DANG 'BRING DANG DMAN PA NYAN THOS KYI THEG PA MTSUNGS PAR LDAN PA'I NGO TSA BA GANG YIN PA DANG SA BDUN PO DAG LA NGA RGYAL DANG BCAS PA STE, NGO TSA BA JI SKAD BSTAN PA DA DAG THAMS CAD NI DMAN PA'O, , SA LAS NGO TSA BA LTOS NA NI DMAN PA YANG YIN LA, LHAG PA'I YANG YIN NO, ,DE LAS BZLOG PA NI LHAG PA STE, MNYAM PAR GZHAG PA'I SA PA GANG YIN PA DANG MNYAM PAR MA GZHAG PA'I SA PA LAS KYANG CHUNG NGU DANG, 'BRING MA GTOGS PA NGO TSA BA CHEN PO DANG, SA BRGYAD PA LA SOGS PA'I NGO TSA BA NI LHAG PA YIN PAR RIG PAR BYA'O, ,BLO LDAN NGO TSA MED PA NI, ,TSUL BZHIN MIN PAS NYON MONGS DAG ,DANG DU LEN ZHES BYA BA NI TSUL BZHIN MA YIN PA YID LA BYED PA KUN TU SPYOD PAS BDAG NYID LA GNOD PAR BYED PA YIN NO, ,KHONG KHRO BAS NI GZHAN LA GNOD PAR BYED DO, ,YAL BAR 'DOR BA DANG NGA RGYAL DAG GIS NI GNYI GA LA GNOD PAR BYED DO, ,DE NYID KYI PHYIR YAL BAR 'DOR BA DANG, NGA RGYAL GYI MJUG THOGS SU, SEMS CAN RNAMS DANG TSUL KHRIMS 'JOMS, ,ZHES BSHAD DE, YAL BAR 'DOR BAS NI SEMS CAN GYI DON LA BAG MED PAR 'GYUR LA, NGA RGYAL GYI NI SEMS CAN GDOL PA YAN CHAD KYI DRUNG DU SONG NAS DGE BA'I CHOS LA SBYOR BAR MI BYED DO, ,DE LTAR NA SEMS CAN LA GNOD PA YIN NO, ,BDAG NYID LA YANG 'DI LTAR YAL BAR 'DOR BAS DGE BA'I CHOS LA 'JUG PA YAL BAR 'DOR ZHING MI DGE BA'I CHOS LA 'JUG PA DANG DU LEN TO, ,NGA RGYAL GYIS KYANG KHENGS PA NYID KYIS DGE BA'I BSHES GNYEN GYI DRUNG DU 'GRO ZHING BSNYEN BKUR BYA BA DANG CHOS MNYAN PA LA SOGS PA LA MI 'JUG GO, ,DE BAS NA MI DGE BA'I BSHES GNYEN DANG @141A *, ,PHRAD PAS NA 'DI'I TSUL KHRIMS LA GNOD PAR 'GYUR RO, ,NGA RGYAL GYIS NYAMS PA NI GANG CUNG ZAD SHES PA YANG GZHAN DAG LA MI STON ZHING SONG ZHING SONG NAS SEMS CAN GYI DON BYA BA DAG LA YANG MI 'JUG STE, DE LTAR NA BDAG NYID DANG GZHAN LA GNOD PA YIN NO; ,'GYOD PAS BDAG NYID LA GNOD PAR BYED CES BYA STE, 'DI LTAR BSHAD MA THAG PA'I KHONG KHRO BA LA SOGS PA KUN TU SPYOD PAS 'GYOD PA DANG BCAS PAR 'GYUR RO, ,DE BAS NA 'GYOD PAR BYED PAS NI BDAG NYID LA SMOD DO, ,BKUR STIS DMAN PA'I PHYIR GZHAN DAG SMOD DO, , DAD LDAN MI MIN TSOGS DANG NI, ,ZHES BYA BA NI LTA'O, ,STON PAS BTANG SNYOMS SU MDZAD PA'I PHYIR STON PAS BONG BU LTAR SPYOD PA ZHES BYA BA LA SOGS PAS SMOD DE, BCOM LDAN 'DAS KYIS 'DI NI 'PHAGS PA'I CHOS RNAMS KYI SNOD MA YIN NO ZHES BYA BAR MKHYEN NAS BTANG SNYOMS SU MDZAD DO, ,TSANGS PA MTSUNGS PAR SPYOD PA MKHAS PA DAG CHOS NYID KYIS RNAM PAR SMOD PA'I PHYIR ZHES BYA BA'I NI CHOS MTHUN PA'I RNAM PAR SMAD PA'I PHYIR RO, ,PHYOGS DANG PHYOGS MTSAMS SU YANG 'DI MI SNYAN PA 'BYUNG BA'I PHYIR, 'JIG RTEN LAS MI SNYAN PA 'THOB PO ZHES BYA BA'I THA TSIG GO, ,DE LAS SKYES PA'I SEMS LA 'BYUNG BA'I SDUG BSNGAL DANG YID MI BDE BA SO SOR MYONG BAR 'GYUR RO ZHES BYA BA LA, SDUG BSNGAL NI RNAM PAR SHES PA LNGA DANG MTSUNGS PAR LDAN PA'O, ,YID MI BDE BA NI YID KYI RNAM PAR SHES PA DANG MTSUNGS PAR LDAN PA'O; ,NGO TSA BAS TSOGS YONGS SU RDZOGS PAR BYED DO ZHES BYA BA 'DIS NI BDAG PO'I 'BRAS BU'O ZHES BYA BA NI NGO TSA BA NI YON TAN THAMS CAD KYI RTZA BA YIN TE, DE'I DBANG GIS TSOGS YONGS SU RDZOGS PAR 'GYUR RO, ,'DIS NI NGO TSA MED PA NI DE LAS GZHAN PA'I GOS GYON YANG NYES PAS DRI MA CAN YIN PA'I PHYIR RO, ,NGO TSA BA NI GOS KHYAD PAR DU 'PHAGS PA YIN NO ZHES BYA BA NI, BYIS PAS GOS KYIS G-YOGS PA NI LUS LA SA'I RDUL LA SOGS PA DRI MA MI 'BYUNG MOD KYI, 'ON KYANG NANG GI 'DOD CHAGS LA SOGS PA'I DRI MA DANG LDAN PAS GOS @141B DANG BCAS KYANG DRI MA CAN YIN PA'I PHYIR DRI MA DANG BCAS PA ZHES BYA'O, ,BYANG CHUB SEMS DPA' NGO TSA SHES PA'I GOS KYIS G-YOGS PA NI GOS MED KYANG NANG GI 'DOD CHAGS LA SOGS PA'I DRI MA MED PA'I PHYIR RO, ,DE KHO NA'I LUS DRI MA DANG BRAL BA YIN PAS, DE KHO NA GOS DANG BCAS PA YIN GYI, GZHAN NI MA YIN NO, ,DE NYID KYI PHYIR, RGYAL SRAS NGO TSA SHES PA'I GOS CAN NI, ,DGAB PA MED KYANG NYES PA'I DRI MA BRAL, ,ZHES BYA BA BSHAD DO, ,NAM MKHA' DANG RGYAN DANG 'DRA BA NYID DU STON TO ZHES BYA BA NI, NAM MKHA' DANG 'DRA BA NYID DANG RGYAN DANG 'DRA BA NYID DO, ,'DI SKAD DU BSHAD PA YIN TE, JI LTAR NAM MKHA' RANG BZHIN GYIS DRI MA MED PA L SPRIN DANG KHUG RNA LA SOGS PAS MI GOS PA DE BZHIN DU, BYANG CHUB SEMS DPA' NGO TSA DANG LDAN PA YANG 'JIG RTEN GYI CHOS RNYED PA DANG MI RNYED PA LA SOGS PAS MI GOS SO; ,JI LTAR RGYAN DANG CHOS MTHUN PA YIN ZHE NA, JI LTAR PHAL PA 'GA' ZHIG RGYAN SNA TSOGS KYIS BRGYAN TE MI DAG GI NANG DU SONG NA MDZES PA LTAR BYANG CHUB SEMS DPA' NGO TSA SHES PA'I RGYAN GYIS BRGYAN PA YANG DE BZHIN DU MDZES SO, ,BSKYAB PAR BYA BA'I SEMS CAN YAL BAR BOR NAS NGO TSA BA'I PHYIR RO ZHES BYA BA NI BYANG CHUB SEMS DPA' NI MA LTA BUR BYAMS PA DANG LDAN PAS 'KHOR BA'I SDUG BSNGAL LAS YONGS SU BSKYAB PA'I PHYIR, BDAG GIS YAL BAR BOR NAS SEMS CAN 'GA' ZHIG LOG PAR LTUNG BAR SONG NA MI RUNG NGO ZHES SEMS CAN GYI DON DU RTAG TU BAG TSA BA KHO NAR GNAS PAS SO, ,RTA DANG GLANG PO CHE'I TSOGS LA SOGS PA 'DRA BA'I PHYIR RO ZHES BYA BA NI JI LTAR RGYAL PO GLANG PO CHE DANG, RTA DANG SHING RTA LA SOGS PAS PHYIR RGOL BA DAG LAS BSRUNGS PA DE BZHIN DU NGO TSA BA YANG SEMS CAN 'KHOR BA PA RNAMS KYI NYES PA THAMS CAD LAS KUN TU SRUNG BAR BYED PA YIN NO, ,GOS LA SOGS PA'I DPE 'DI RNAMS KYIS NI NGO TSA BAS GNAS PA NA, NYON MONGS PA'I GNYEN PO NYID CES BYA BA NI, RGYAL SRAS NGO TSA SHES PA'I GOS CAN NI, ,DGAB PA MED KYANG NYES PA'I DRI MA @142A *, ,BRAL; ,ZHES GANG BSHAD PA YIN TE, GNAS PA NI SKYIL MO KRONG BCAS NAS BSAM GTAN BYED PA'I NANG DU YANG DAG PAR 'JOG PA'I GNAS SKABS YIN TE, 'CHAG PA DANG, NYAL BA DANG, 'GRENG BA DAG NA YANG DE DANG 'DRA'O, ,RGYU BA NA 'JIG RTEN GYI CHOS KYI GNYEN PO NYID CES BYA BA NI, RGYAL BA'I SRAS NI KHREL DANG LDAN GYUR PA, ,NAM MKHA' BZHIN DU CHOS KYIS MI GOS 'GYUR, ,ZHES GANG BSHAD PA YIN TE, RGYU BA NI BSOD SNYOMS BYED PA'I GNAS SKABS SO, ,CHOS MTHUN PA DANG, GNAS PA DANG MTHUN PA NYID CES BYA BA NI, ,RGYAL SRAS RNAMS KYI NANG DU 'DUS GYUR PA, ,NGO TSA SHES PAS BRGYAN PA MDZES PA YIN, ,ZHES BYA BA LA SOGS PA'O, ,SEMS CAN YONGS SU SMIN PAR BYED PA DANG MTHUN PA NYID NI, BYANG CHUB SEMS DPA' RNAMS KYI NGO TSA BAS, GDUL BA RNAMS LA MA BZHIN BYAMS PA NYID, ,CES BYA BA 'DI STON TO, ,NYON MONGS PA CAN MA YIN PAR 'KHOR BA DANG MTHUN PA NYID NI, NGO TSA BA NI NYES PA THAMS CAD LAS, 'KHOR BA KUN TU SRUNG BAR BYED PA'ANG YIN, ,ZHES BYA BA 'DIS BSTAN TO, ,NGO TSA SHES PA BSGOM PA NI SNGA MA BZHIN DU RIG PAR BYA'O; ,ZHES BYA BA JI LTAR SNGA MA BZHIN ZHE NA, JI LTAR DRI DANG PHRENG BA DANG BYUG PA LA SOGS PAS MCHOD PA GTZO BO MA YIN GYI, RANG GI SEMS KYIS MCHOD PA GTZO BO YIN PA DE BZHIN DU, GZHAN LA LTOS NAS NGO TSA BA BYED PA'I NGO TSA BA NI CHUNG LA RANG GI SEMS KYIS NGO TSA BA NI GTZO BO YIN NO, ,RANG GI SEMS KYIS NGO TSA BA DE YANG RNAM PA LNGAS MCHOG TU RIG PAR BYA STE, 'DI LTA STE, NGO TSA SHES PA DANG LDAN PA'I THEG PA CHEN PO'I CHOS LA MOS PA DANG BSAM PA STE, BSAM PA DGU PO RO MYONG BAR BYED PA DANG, RJES SU YI RANG BA DANG, MNGON PAR DGA' BA'I BSAM PA DAG DANG, NGOMS MI SHES PA DANG, RGYA CHEN PO DANG, DGA' BA DANG, PHAN PA DANG, MA GOS PA DANG, DGE BA'I BSAM PA RNAMS DANG, DBANG 'BYOR PA STE, SA CHEN PO LA ZHUGS PA RNAMS KYI NGO TSA BA GANG YIN PA DANG, RNAM PAR MI RTOG PA'I STE RNAM PAR MI @142B RTOG PA'I YE SHES KYI THABS YONGS SU GZUNG BA DANG GCIG PA NYID DE, DON THAMS CAD 'DRES PA NYE BAR 'DRES PA'I PHYIR BYANG CHUB SEMS DPA' THAMS CAD DANG DON GCIG PA NYID LA 'JUG PAS SO, ,NGO TSA BA'I SKABS RDZOGS SO,, ,,NGO TSA BA'I 'OG TU BSTAN PA RNAM PAR DBYE BA STE, 'DI'I 'BREL BA GANG YIN ZHE NA, BYANG CHUB KYI PHYOGS DANG MTHUN PA'I CHOS RNAMS KYI GTZO BOR GYUR PA NI NGO TSA BA YIN PAS SNGAR BSTAN TO, ,DE LTAR KHREL DANG LDAN PAS BYANG CHUB KYI PHYOGS DANG MTHUN PA BSGOM PA LA RAB TU SBYOR BA NI LE LO DANG, RNAM PAR G-YENG BA DANG, 'CHAL BA'I SHES RAB BSAL NAS BRTAN PA PHUN SUM TSOGS PAR 'GYUR RO, ,DE NYID KYI PHYIR CHOS GSUM PO BRTZON 'GRUS DANG, TING NGE 'DZIN DANG, SHES RAB LA SNYING STOBS DANG SRAN THUB PA DANG, BRTAN PA ZHES BYA BA'O, ,CHOS DE DAG KYANG KHREL DANG LDAN PA LA 'GRUB PAS DE'I PHYIR NGO TSA SHES PA'I 'OG TU BRTAN PA RNAM PAR DBYE BA YIN NO, ,BRTZON 'GRUS LA SOGS PA'I MTSAN NYID DO ZHES BYA BA NI BRTZON 'GRUS DANG TING NGE 'DZIN DANG, SHES RAB CES BYA BA 'DI NI BRTAN PA'I MTSAN NYID DE, BRTZON 'GRUS LA SOGS PA'I CHOS GSUM PO 'DI LA SNYING STOBS DANG SRAN THUB PA DANG BRTAN PA ZHES MING DU GDAGS SO, ,LHAG MA NI SGRUB PA'O ZHES BYA BA NI, GANG PHYIR GSUM GYIS BYANG CHUB SEMS, ,'JIGS PA MED PAR RAB TU 'JUG ,CES BYA BA YIN TE, GANG GI PHYIR CHOS GSUM PO 'DI DAG GIS 'JIG PA MED PAR 'GYUR BA DE'I PHYIR BRTAN PA ZHES BYA BA'I MING 'THOB PO ZHES BYA BA NI DE LTAR SGRUB PAR BYED DO, ,DE LA MI SPRO BA'I PHYIR ZHES BYA BA NI ZHUM PA'I SEMS KYIS BYA BA DAG LA MI SPRO BA GANG YIN PA'O, ,YANG NA NI RMONGS PAS TE, DE'I THABS MI SHES PA'I PHYIR RO ZHES BYA BA NI KUN TU RMONGS PA'I SEMS KYIS BYA BA SGRUB PA'I SHES PA GANG YIN PA'O, ,SO SOR BRTAGS PA MED PAR BYED PA'O ZHES BYA BA NI BRTZON 'GRUS LA SOGS PA RAB KYI MTHAR PHYIN CING RANG GI NGANG GIS 'JUG PA'O ZHES BYA BA'I THA TSIG GO, ,RANG BZHIN @143A *, ,ZHES BYA BA NI RIGS SO, ,SMON LAM ZHES BYA BA NI SEMS BSKYED PA'O, ,LTA BA MED PA NYID NI RANG GI DON TO, ,SEMS CAN LOG PAR SGRUB PA NYID NI GZHAN GYI DON TO, ,ZAB MO THOS PA NYID NI DE KHO NA NYID KYI DON TO, ,RGYA CHE BA THOS PA NYID NI MTHU'O, ,GDUL BAR BYA BA GDUL DKA' BA NYID NI SEMS CAN YONGS SU SMIN PAR BYED PA'O, ,SKU BSAM GYIS MI KHYAB PA NI BYANG CHUB MCHOG GI SGO NAS TE, 'DI NI BRTAN PA'I RAB TU DBYE BA YIN NO, ,YANG BYA DKA' BA LA ZHES BYA BA DE LTA BU LA SOGS PAS KYANG BRTAN PA RAB TU DBYE BA'O, , JI LTAR PHYE MA LEB DAG GIS RI RAB BSKYOD PAR MI NUS PA DE BZHIN DU BYANG CHUB SEMS DPA' YANG GROGS PO NGAN PA DAG GIS BYANG CHUB SEMS DPA'I SPYOD PA LAS G-YOS PAR MI NUS SO, ,GROGS PO NGAN PA BYANG CHUB SEMS DPA' LA PHYE MA LEB LTAR YANG BAR SNANG NGO, , JI LTAR NAM MKHA' LDING LA SOGS PA BYA GZHAN THAMS CAD KYI 'DAB LCAG GIS RI RAB BSKYOD PAR MI NUS PA DE BZHIN DU PHYI DANG NANG SDUG BSNGAL 'BAB PA DAG GIS BYANG CHUB SEMS DPA' BYANG CHUB SEMS DPA'I SPYOD PA LAS G-YOS PAR MI NUS SO, ,JI LTAR RGYA MTSO DAG GIS RI RAB BSKYOD PAR MI NUS PA DE BZHIN DU, BYANG CHUB SEMS DPA' YANG THEG PA CHEN PO SHIN TU RGYAS PA'I SDE ZAB CING RGYA CHER BAR THOS NAS DE LAS MI G-YO'O, ,DE NYID KYI PHYIR DPE GSUM PO 'DIS NI BYANG CHUB SEMS DPA'I BRTAN PA'I MI 'GYUR BA NYID BSHAD DO ZHES SMOS SO,, ,,BRTAN PA'I 'OG TU MI SKYO BA'I SKABS TE, BYANG CHUB SEMS DPA' DE LTAR BRTAN PA DANG LDAN PA'I BYANG CHUB SEMS DPA'I SPYOD PA DAG LA SKYO BAR MI 'GYUR BAS MI SKYO BA BRJOD DO, ,DE DAG GIS SKYO BA SKYES NA NGO TSA ZHING MI SKYO BAR YANG BYED DO ZHES BYA BA NI KHREL YOD PA DANG NGO TSA LA BRTEN PAS NI SKYO BA MI SKYED DO, , BYANG CHUB CHEN PO LA 'DUN PA DRAG PO NI NGO BO NYID DO ZHES BYA BA JI LTAR NGO BO NYID YIN ZHE NA, 'DUN PA LOG NA SKYO BAR 'GYUR BAS SO ZHES BYA BAS DE STON TE, 'DIR NI BRTZON 'GRUS DANG LDAN PA'I 'DUN PA GZUNG NGO, ,MI SKYO BA NI BRTZON 'GRUS KYI NGO BO NYID DO, ,DE NYID KYI PHYIR @143B BRTZON 'GRUS RTZOM PA'I RTEN BYED PA'I LAS CAN NO ZHES 'BYUNG NGO, ,'DUN PA YANG MI SKYO BA'I RGYU YIN PAS RGYU LAS 'BRAS BU BTAGS NAS RGYU NGO BO NYID DU BSTAN TO, ,MI SKYO BA'I 'OG TU BSTAN BCOS SHES PA NYID DE, ,MI SKYO BA DANG LDAN PA NI BSTAN BCOS MNYAN PA'I PHYIR RAB TU SBYOR RO, ,BSTAN BCOS SHES PA NYID KYI GZHI NI RIG PA'I GNAS LNGA STE ZHES BYA BA LA, GZHI ZHES BYA BA NI DMIGS PA ZHES BYA BA'I THA TSIG GO, ,CHED DU BYA BA NI RANG DANG GZHAN GYI DON BYA'O ZHES BYA BA NI 'DI LTAR BYANG CHUB SEMS DPA' RNAMS NI RANG GI DON DANG GZHAN GYI DON GYI CHED DU RIG PA'I GNAS DAG LA RAB TU SBYOR RO, ,GNYIS PA LA DE'I SKYON YONGS SU SHES SHING ZHES BYA BA NI BRTZAD PA'I SKYON YONGS SU SHES PA ZHES BYA BA'I THA TSIG GO, ,GZHAN YID CHES PAR BYED PA ZHES BYA BA 'DI NI BSTAN BCOS SHES PA YIN NO, ,ZHES BYA BAR GZHAN DAG YID CHES PAR BYED PA'O, ,YANG NA BSTAN BCOS SHES PAR SNGAR TSIG GI MTSAMS BCAD NAS, DE'I 'OG TU TSIG BSDU BA ZHES BYA BA DE LTA BU LA SOGS PA'I RNAM PAS GZHAN DAG LA DON GTAN LA 'BEBS PAS YID CHES PA SKYED PAR BYED DO, ,DES NA YID CHES PAR 'GYUR NA BYANG CHUB SEMS DPA'I DBANG DU 'GRO BAR 'GYUR RO, ,THOS NAS GO RIMS BZHIN DU ZHES BYA BA NI SPYIR THOS PA'O, ,'DZIN PAS NI 'DZIN PAR 'GYUR RO, ,KHA TON BYED PAS NI GZHUNG LA ZHUGS PA'I SGO NAS TSIG GIS BYANG BAR 'GYUR RO, ,YID KYIS LEGS PAR BRTAGS PA ZHES BYA BA NI RAB TU DAD PA'I YID KYIS DON PHYIR CI MA LOG PAR SEMS PA'I SGO NAS SO, ,JI LTAR DON PHYIN CI MA LOG PAR SEMS DPA'I SGO NAS YIN ZHE NA, CI RIGS PAR DE DAG GIS SKYON DANG YON TAN KHONG DU CHUD PA'I SGO NAS SO, ,JI LTAR MTHONG BAS LEGS PAR RTOG PA DAG YIN NO ZHE NA, BSHAD PA; LEGS PAR BSHAD PA DANG, NYES PAR BSHAD PA DMIGS PA'I PHYIR TE, GSUNG RAB KYI LUGS KYIS LEGS PAR BSHAD PA DAG YIN NO, ,'DI LAS PHYI ROL PA RNAMS KYI NI NYES PAR BSHAD PA DAG YIN NO, ,YANG NA ZANG ZING MED PA'I SEMS KYIS GZHAN DAG LA RIG @144A *, ,PA'I GNAS LNGA PO 'DI DAG YANG DAG PAR RAB TU STON PAS LEGS PAR BSHAD PA YIN NO, ,BZLOG PA NI NYES PAR BSHAD PA YIN NO, ,YANG NA DON BZANG PO SEMS NYID KYIS YON TAN DU MTHONG BA YIN NO, ,BZLOG PA NI SKYON DU MTHONG BA YIN NO, ,TSIG 'BRU BZANG PO RTOGS PA'I PHYIR LEGS PAR BSHAD PA YIN NO, ,TSIG 'BRU PHYIN CI LOG TU GZUNG BA'I PHYIR NYES PAR BSHAD PA YIN NO, ,TING NGE 'DZIN GYI SGO DAG NAS DE'I BYA BA BSGRUB PA'I PHYIR RO ZHES BYA BA NI SEMS CAN GYI BYA BA BSGRUB PA'I PHYIR TE, RDZU 'PHRUL DANG KUN BRJOD PA'I CHO 'PHRUL LA SOGS PAS SNOD DU BYAS NAS, SKAL PA JI LTA BA BZHIN DU RIG PA'I GNAS STON PA'I PHYIR RO, ,DAM PA'I CHOS 'DZIN PAR BYED PA YANG YIN TE, GZUNGS DAG GIS DE 'DZIN PA'I PHYIR RO ZHES BYA BA NI GZUNGS DAG GIS THEG PA CHEN PO LA SOGS PA'I RIG PA'I GNAS RNAMS BDE BLAG DU 'DZIN PA YIN NO, ,BSTAN BCOS SHES PA NYID KYI 'OG TU 'JIG RTEN SHES PA NYID DO, ,BYANG CHUB SEMS DPA' BSTAN BCOS DAG KHONG DU CHUD NAS BSTAN BCOS THAMS CAD LA 'JIGS PA MED PAR 'GYUR RO, ,BSTAN BCOS SHES PA NI 'JIG RTEN SHES PAR 'GYUR LA, 'JIG RTEN SHES PA YANG GANG LA GANG ZHIG JI LTAR BSTAN PAR BYA BA DE SHES PA'I PHYIR, DE LA DE KHO NA BZHIN DU STON TO, ,DE'I PHYIR BSTAN BCOS SHES PA NYID KYI 'OG TU, 'JIG RTEN SHES PA NYID DE, BSTAN BCOS SHES PA NYID DE NI 'JIG RTEN SHES PAS GSAL BAR BYED DO, ,GANG 'BYUNG BA NI SDUG BSNGAL GYI BDEN PA'O, ,GANG DAG GIS 'BYUNG BA NI KUN 'BYUNG BA'I BDEN PA'O, ,NUB PA GANG YIN PA ZHES BYA BA NI, 'GOG PA'I BDEN PA STE, NYON MONGS PA RNAMS NUB PA NI 'GOG PA'I BDEN PA YIN NO, ,GANG GIS NUB PAR 'GYUR BA ZHES BYA BA NI LAM GYI BDEN PAS SO,, ,,'JIG RTEN SHES PA NYID KYI 'OG TU STON PA RNAMS TE, DE LTAR 'JIG RTEN SHES PA DANG BSTAN BCOS SHES PA NI 'JIG RTEN GYI STON PAR 'GYUR RO, ,GTZUG LAG BSTAN PA'I CHOS DANG NI, ,ZHES BYA BA NI DRANG SRONG GIS BSHAD PA'I @144B CHOS NI STON PA YIN NO, ,DRANG SRONG NI SANGS RGYAS DANG BYANG CHUB SEMS DPA' RNAMS TE, GZHAN DAG NI MA YIN NO, ,DE DAG GIS BSHAD CING BSTAN PA'I CHOS NI STON PA YIN GYI, GANG ZAG PHYIN CI LOG PAS BSHAD PA MA YIN NO, ,DE'I DON DGONGS PA CAN DANG NI, ,ZHES BYA BA NI GTZUG LAG GI CHOS DAG GI DGONGS PA CAN NI STON PA YIN GYI, ,PHA DANG MA NI GSAD BYA ZHING, ,ZHES BYA BA LA SOGS PA LTA BU'I TSIG 'BRU NI MA YIN NO, ,GSUM PA LA NI LOG PAR BSAMS PA'I DON PHYIN CI LOG TU DRANGS PA'O ZHES BYA BA NI JI SKAD DU KHA CIG GANG ZAG GCIG 'BYUNG BA NA 'BYUNG NGO ZHES BYA BA'I TSIG 'DIS NA, GANG ZAG YOD DO ZHES ZER ZHING MNGON PAR ZHEN PA LTA BU'O, ,DON DE LTA BU NI BRTEN PAR MI BYA STE, 'DI LTAR BSTAN PA DE LTA BU LA SOGS PA NI BCOM LDAN 'DAS KYIS MDO GZHAN LAS RNAM PAR PHYE STE, MIG DANG GZUGS RNAMS LA BRTEN NAS MIG GI RNAMS PAR SHES PA SKYE'O ZHES BYA BA LA SOGS PA RGYAS PAR GSUNGS NAS, DE'I 'OG TU 'DI LA SEMS CAN DANG, MI DANG GANG ZAG DANG SHED LAS SKYES DANG SHED BU ZHES MING DU 'DOGS SO ZHES BYA BA LA SOGS PA GSUNGS PA DE LTA BU NGES PA'I DON LA BRTEN PAR BYA'O, ,BRJOD PA DANG BCAS PA'I SHES PA ZHES BYA BA NI BRJOD PA DANG BCAS PA'I SHES PA GZUNG BA DANG 'DZIN PA DANG LDAN PA SNGON PO DANG SER PO LA SOGS PA'I RNAM PA CAN, SHES BYA SNA TSOGS KYI RNAM PA CAN, ZAG PA DANG BCAS PA GNAG YIN PA DE NI STON PA YIN NO, ,GSUM PA NI GZHAN LAS DE'I DON GYI TSUL PHYIN CI MA LOG PAR THOS PA LAS SO ZHES BYA BA NI STON PA TSAD MAR GYUR PA'AM, DES TSAD MAR MDZAD PA NYAN THOS LA SOGS PAS NGES PAR BYAS SHING RNAM PAR PHYE BA GANG YIN PA DE LAS NYAMS PAR MI 'GYUR BA YIN NO, ,STON PA'I 'OG TU SO SO YANG DAG PAR RIG PA RNAMS TE, DE LTAR YANG DAG PAR RAB TU RNAM PAR 'BYED PA DANG LDAN PA STON PAR 'GYUR BA NI CHOS DANG, DON DANG, NGES PA'I TSIG DANG, SPOBS PA SO SO YANG DAG PAR RIG PA THOB PAS SEMS CAN RNAMS LA CHOS STON PAR BYED DE, DE BAS NA STON PA'I 'OG TU SO SO YANG @145A *, ,DAG PAR RIG PA RNAMS SO, ,RNAM GRANGS SHES PA DE DON RE RE'I MING GI RNAM GRANGS JI SNYED PA SHES PA YIN NO ZHES BYA BA NI DPER NA, MA RIG PA DANG MUN NAG DANG KUN TU RMONGS PA DANG MUN PA ZHES BYA BA DE LTA BU LA SOGS PA'O, ,MTSAN NYID SHES PA ZHES BYA BA NI RANG DANG SPYI'I MTSAN NYID SHES PA GANG YIN PA'O, ,GSUM PA NI TSIG SHES PA STE, YUL MI SO SO'I SKAD GANG DAG YIN PA DE DAG LA THOGS PA MED PAR SHES PA NI NGES PA'I TSIG SO SO YANG DAG PAR RIG PA ZHES BYA'O, ,BZHI PA NI YE SHES ZHES BYA BA NI BDAG NYID KYI SPOBS PA ZHES BYA BA GANG YIN PA'I YE SHES SHES PA GANG YIN PA ZHES BYA BA'I THA TSIG STE, BYANG CHUB SEMS DPA' NI GANG GIS NA CHOS STON 'DI'I ZAG PA DANG BCAS PA DANG, ZAG PA MED PA DANG, 'DUS BYAS DANG, 'DUS MA BYAS LA SOGS PA'I CHOS RAB TU RNAM PAR DBYE BA LA SPOGS PA ZAD MI SHES PA DE LTA BU'I SPOBS PA LA DBANG BA NYID 'THOB PO, ,DE LA CHOS DANG DON DAG STON PA NI CHOS STON PA DANG, BSHAD PA'I PHYIR RO ZHES BYA BA NI, GANG GI TSE CHOS BSTAN NAS TSIG DANG DON GYI SGO NAS 'CAHD PAR BYED PA YIN NO, , 'DIS NI SO SO YANG DAG PAR RIG PA RNAMS KYI NGES PA'I TSIG BSTAN NO ZHES BYA BA NI SO SO RANG GIS ZHES BYA BA'I SGRAS NI SO SO ZHES BYA BA BSDUS SO, ,MNYAM PA NYID DE KHO NA NYID RIG NAS ZHES BYA BA NI YANG DAG PAR ZHES BYA BA BSDUS SO, ,RNAM GRANGS LA SOGS PA RAB TU SHES PA ZHES BYA BA NI RIG PA ZHES BYA BA BSDUS STE, 'DI NI SO SO YANG DAG PAR RIG PA ZHES BYA BA'I NGES PA'I TSIG YIN NO,, ,,SO SO YANG DAG PAR RIG PA'I 'OG TU TSOGS KYI SKABS TE, DE LTAR SO SO YANG DAG PAR RIG PA THOB PA'I BSOD NAMS DANG YE SHES KYI TSOGS YONGS SU RDZOGS PAR 'GYUR BAS TSOGS KYI SKABS YIN NO, ,KUN NAS NYON MONGS PA MED PAR 'KHOR BAR 'GYUR RO ZHES BYA BA NI YE SHES KYI TSOGS KYI STOBS KYIS NI KUN NAS NYON MONGS PA MED PAR 'KHOR BAR 'GYUR TE, SEMS CAN GYI DON DU CHED DU BSAMS BZHIN DU SRID PAR @145B SKYE BA YONGS SU 'DZIN PA'I PHYIR 'KHOR BA'I NYES PA DAG GIS MI GOS SHING LAS DANG NYON MONGS PA'I DBANG DU 'GRO BAR MI 'GYUR RO, ,BZOD PA DANG, BRTZON 'GRUS DANG, BSAM GTAN GYI STOBS KYIS NI GNYI GA BYED DO ZHES BYA BA NI, GNOD PA BYED PA DANG DU LEN PA DANG, SDUG BSNGAL LA JI MI SNYAM PA'I BZOD PA DAG NI BSOD NAMS KYI TSOGS KYIS BSDUS SO, ,CHOS LA NGES PAR RTOG PA'I BZOD PA NI YE SHES KYI TSOGS KYIS BSDUS SO, ,'JIG RTEN PA'I BSAM TAN DANG, GZUGS MED PA'I SNYOMS PAR 'JUG PA DAG DANG, SEMS CAN LA PHAN PA BYED PA GANG DAG YIN PA DE DAG NI BSOD NAMS KYI TSOGS KYI BSDUS O, ,TING NGE 'DZIN GANG ZHIG LA BRTEN NAS RNAM PAR MI RTOG PA'I YE SHES BSGRUB PAR BYED PA DE NI YE SHES KYI TSOG KYIS BSDUS TE, BRTZON 'GRUS KANG DE DANG 'DRA BAR SHES PAR BYA'O, ,SBYIN PA'I PHA ROL TU PHYIN PA LA SOGS PA LNGA CAR YANG YE SHES KYI TSOGS YIN PAR 'DOD DE, SBYIN PA LA SOGS PA BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PA'I PHYIR RO, ,TSOGS KYI NGES PA'I TSIG LA RGYUN DU ZHES BYA BA NI, SAM ZHES BYA BA 'DI BSDUS SO, ,BSGOM PA THOS NAS ZHES BYA BA NI, BH'A ZHES BYA BA 'DIS BSDUS TE, DE LTA BU'I TSOGS KYI NGES PA'I TSIG YIN NO, ,SA DRUG PO DAG GI NI MTSAN MA MED PA ZHES BYA BA NI MTSAN MA MED PA'I DON DU YIN PAS, MTSAN MA MED PAR BYA ZHING SA BDUN PA LA 'JUG PA'I PHYIR YIN TE, DE MTSAN MA KUN TU MI SPYOD PA'I PHYIR RO, ,GNYEN POS JI LTA BU ZHE NA, LUS LA SOGS PA'I CHOS LA BDAG MED PAR 'JUG PA'I SGO NAS PHYIN CI LOG BZHI'I GNYEN PO MI GTZANG BA DANG, SDUG BSNGAL BA DANG, MI RTAG PA DANG, BDAG MED PA'I 'DU SHES RNAMS KYI YANG GNYEN PO YIN PA'I PHYIR RO ZHES BYA BA NI 'DI LTAR 'DI SKAD DU BSHAD PA YIN NO, ,NYAN THOS RNAMS KYI GTZANG BA LA SOGS PAR PHYIN CI LOG PA'I GNYEN POR GYUR PA MI GTZANG BA LA SOGS PA'I RNAM PA GANG DAG YI PA DE DAG KYANG BYANG CHUB SEMS DPA'I MI MTHUN PA'I PHYOGS SU GYUR PA YIN TE, @146A *, ,'DI LTAR LUS LA SOGS PA NI BYIS PAS KUN BRTAGS PA'I BDAG NYID DU MED DO, ,DE MED PA'I PHYIR, MI RTAG PA LA SOGS PA'I RNAM PA YANG GZUNG BA DANG, 'DZIN PA'I DNGOS POR MA GRUB PA STE, DE BAS NA MI RTAG PA LA SOGS PA'I RNAM PA'I YANG GNYEN PO YIN PA'I PHYIR, BYANG CHUB SEMS DPA' RNAMS KYI DRAN PA NYE BAR GZHAG PA DAG NI, NYAN THOS RNAMS DANG THUN MONG MA YIN ZHES BYA'O, ,DBUS DANG MTHA' RNAM PAR 'BYED PA LAS JI SKAD BSHAD PA LTA BU YIN NO ZHES BYA BA NI LUS KYI NI GNAS NGAN LEN RAB TU STON TE, DE LA RAB TU BRTAGS PAS SDUG BSNGAL GYI BDEN PA LA 'JUG GO, ,DE'I MTSAN NYID NI GNAS NGAN LEN DANG BCAS PA'I 'DU BYED YIN PA'I PHYIR RO, ,GNAS NGAN LEN NI 'DU BYED KYI SDUG BSNGAL NYID DE, DES ZAG PA DANG BCAS PA'I DNGOS PO THAMS CAD 'PHAGS PAS, SDUG BSNGAL DU GZIGS SO, ,SRED PA'I RGYU NI TSOR BA STE, DE YONGS SU BRTAGS PAS KUN 'BYUNG BA'I BDEN PA LA 'JUG GO, ,BDAG TU MNGON PAR ZHEN PA'I GZHI NI SEMS TE, DE LA YONGS SU BRTAGS PAS 'GOG PA'I BDEN PA LA 'JUG STE, BDAG CHAD PAR DOGS PA'I 'JIGS PA MED PA'I PHYIR RO, ,CHOS LA YONGS SU BRTAGS PAS KUN NAS NYON MONGS PA DANG RNAM PAR BYANG BA'I CHOS LA RMONGS PA'I PHYIR LAM GYI BDEN PA LA 'JUG GO ZHES BYA BA YIN NO, ,SEMS CAN THAMS CAD KYI LUS LA SOGS PA LA DMIGS PA'I PHYIR RO, ,ZHES BYA BA NI BDAG GIS SEMS CAN THAMS CAD KYI LUS LA SOGS PA DRAN PA NYE BAR GZHAG PA BSGOM PA LA SBYAR BAR BYA'O SNYAM PA YIN NO, ,YID LA BYED PAS JI LTA BU ZHE NA, LUS LA SOGS PAR MI DMIGS PA'I PHYIR RO ZHES BYA BA NI BYANG CHUB SEMS DPA' NI JI LTAR BYIS PA RNAMS KYIS LUS LA SOGS PA LA GZUNG BA DANG 'DZIN PA NYID DU DMIGS PA DE LTAR DRAN PA NYE BAR GZHAG PA BSGOM PA YID LA MI BYED KYI, 'O NA CI ZHE NA, CHOS LA BDAG MED PAR YID LA BYED DO, ,THOB PAS JI LTA BU ZHE NA, LUS LA SOGS PA DANG BRAL BAR BYA BA'I PHYIR YANG MA YIN, MI BRAL @146B BAR BYA BA'I PHYIR YANG MA YIN PA'O ZHES BYA BA NI CHOS KYI SKU DANG NI BRAL BAR BYA BA'I PHYIR YANG MA YIN LA KUN NAS NYON MONGS PA CAN GYI LUS LA SOGS PA DAG NI MI BRAL BAR BYA BA'I PHYIR YANG MA YIN PA'O, ,MTHUN PAS JI LTA BU ZHE NA, PHA ROL TU PHYIN PA DANG MTHUN PAS, DE'I MI MTHUN PA'I PHYOGS KYI GNYEN PO YIN PA'I PHYIR RO ZHES BYA BA NI BYANG CHUB SEMS DPA' LUS LA SOGS PA DRAN PA NYE BAR GZHAG PA BSGOM PAS LUS 'DI NI MI RTAG PA LA SOGS PA YIN NO SNYAM NAS NANG DANG PHYI'I DNGOS PO LA LHAG PAR MA ZHEN PAS NANG DANG PHYI'I DNGOS PO THAMS CAD YONGS SU BTANG NGO, ,DE BZHIN DU SROG GI PHYIR YANG SROG GCOD PA LA SOGS PA LA MI 'JUG GO, ,GSHE BA DANG SBYO BA DANG DBYUG PA DANG MTSON GYIS BSNUN PA LA SOGS PA THAMS CAD KYANG BZOD DO, ,LE LO SPANGS PAS SEMS CAN DE DANG DE DAG GI GROGS KYI NGO BOR YANG 'GRO'O, ,LUS LA SOGS PA DRAN PA NYE BAR GZHAG PA BSGOMS PAS RNAM PAR G-YENG BA DANG 'CHAL BA'I SHES RAB KYANG RAB TU SPONG STE, DE LTAR NA DE'I MI MTHUN PA'I PHYOGS KYI GNYEN PO YIN PA'I PHYIR PHA ROL TU PHYIN PA DANG MTHUN PAR DRAN PA NYE BAR GZHAG PA BSGOM PA YIN NO, ,DE DAG LA DE BSTAN PA'I PHYIR DE DANG LDAN PA'I DRAN PA NYE BAR GZHAG PA BSGOM PA'I PHYIR RO ZHES BYA BA NI BYANG CHUB SEMS DPA' NI, DE BSTAN PA'I PHYIR MDO SDE LA SOGS PA LAS 'JIG RTEN PA DANG, NYAN THOS RNAMS KYI DRAN PA NYE BAR GZHAG PA BSGOM PA BSHAD PA GANG YIN PA DE LA MKHAS PAR BYED DO, ,DE KHO NA BZHIN DU YANG DAG PA MA YIN PA'I NGO BOR SNANG BA'I PHYIR RO ZHES BYA BA NI JI LTAR SGYU MA LA SGYU MA BYAS PA'I GLANG PO CHE LA SOGS PA YANG DAG PA MA YIN PA LNGAR LUS KYANG DE DANG 'DRA'O, ,SEMS NI NAM MKHA' BZHIN DU RANG BZHIN GYIS 'OD GSAL BA YONGS SU SHES PAS SO ZHES BYA BA LA SEMS ZHES BYA BA'I SGRAS NI SEMS KYI CHOS NYID BZUNG STE, DE NI NAM MKHA' BZHIN DU GCIG TU 'OD GSAL BAS SO, ,CHOS RNAMS NI GLO BUR NYID DU YONGS SU SHES PAS SO ZHES BYA BA NI CHOS DRAN PA NYE BAR GZHAG PAS BSDUS PA'I CHOS KUN NAS NYON MONGS PA DANG RNAM PAR BYANG BA GANG DAG YIN @147A *, ,PA DE DAG NI KUN BRTAGS PA STE, DPER NA NAM MKHA' LA GLO BUR GYI RDUL DANG DU BA DANG SPRIN DANG KHUG RNA LTA BU YIN NO, ,'DRES PA NYE BAR 'DRES PA BSGOM PA'I PHYIR RO ZHES BYA BA NI SA BRGYAD PA LA SOGS PA LA'O, ,SA BCU PA DANG SANGS RGYAS KYIS LA NI MA LUS PAR YANG DAG PAR 'GRUB PA NYID KYIS YANG DAG PAR 'GRUB PAR 'GYUR RO, ,DRAN PA NYE BAR GZHAG PA'I 'OG TU YANG DAG PAR SPONG BA BSGOM PA STE, DRAN PA NYE BAR GZHAG PA BSGOM PA JI SNYED BSHAD PA DE DAG GI MI MTHUN PA'I PHYOGS NYES PA RNAMS KYI GNYEN POR YANG DAG PAR SPONG BA BSGOM MO ZHES BYA BA NI RTEN LA SOGS PAS DRAN PA NYE BAR GZHAG PA BSGOM PA BSHAD PA LA THEG PA CHEN PO THOS PA DANG BSAMS PA DANG BSGOMS PA LAS BYUNG BA'I SHES RAB LA BRTEN NAS BSGOM PA BSHAD PA SHES RAB DE GSUM TSAR GYI MI MTHUN PA'I PHYOGS MI MNYAN PA LA SOGS PA GANG YIN PA DE'I GNYEN POR YANG DAG PAR SPONG BA BSGOM STE, DE BZHIN DU MI MTHUN PA'I PHYOGS LHAG MA RNAMS KYI GNYEN POR YANG DAG PA SPONG BA BSGOM PA YANG SBYAR BAR BYA'O, ,'KHOR BA'I PHUN SUM TSOGS PA RNAMS KUN NAS NYON MONGS PA MED PAR YONGS SU LONGS SPYAD PA ZHES BYA BA NI BYANG CHUB SEMS DPA' YANG DAG PAR SPONG BA BSGOMS PAS 'KHOR BA'I PHUN SUM TSOGS PA THAMS CAD LA KUN NAS NYON MONGS PA MED PAR YONGS SU SPYOD DO, ,'DUN PA LA BRTEN NAS ZHI GNAS DANG LHAG MTHONG ZHES BYA BA'I RNAL 'BYOR BSGOM ZHING 'BAD DO ZHES BYA BA NI YANG DAG PAR SPONG BA BSGOM PA YANG BRTZON 'GRUS KYI NGO BO NYID YIN LA, 'BAD PA DANG BRTZON 'GRUS RTZOM PA ZHES BYA BA LA SOGS PA YANG BRTZON 'GRUS KYI NGO BO NYID YIN NA, DE JI LTAR 'BAD DO ZHES BYA ZHE NA, DE BSTAN PAR BYA STE, RE ZHIG DANG PO KHO NAR RNAL 'BYOR PA BYED 'DOD PA NYID DU 'GYUR RO, ,DE LA BRTEN NAS 'DI NYON MONGS PA DAG DANG LHAN CIG 'GYED PAR BYA BA'I PHYIR ZHI GNAS DANG LHAG MTHONG ZHES BYA BA BSGOM PA LA RAB TU BRTZON PA 'BAD PAR BYED DO, ,'BAD PAR BYED PA DE LA NYON MONGS PA'I DGRA RNAMS BAR CHAD BYED DE, ZHI @147B GNAS KYI MI MTHUN PA'I PHYOGS NI ZHUM PA'O, ,LHAG MTHONG GI NI RGOD PA'O, ,DE DAG BSAL BA'I PHYIR RNAL 'BYOR PA 'DI BRTZON 'GRUS RTZOM PAS 'BAD PAS BRTZON 'GRUS KYI GNAS SKABS CHES KHYAD PAR DU 'PHAGS SO, ,BRTZON 'GRUS BSGOM PA DES SEMS DE ZHUM PA YANG RAB TU 'DZIN LA RGOD PA YANG YANG DAG PAR RAB TU 'JOG STE, DE NYID KYI PHYIR ZHUM PA DANG RGOD PA DAG GI GNYEN POR BRTZON 'GRUS RTZOM MO ZHES BSHAD DO, ,GANG GI TSE SEMS DE LA ZHI GNAS DANG LHAG MTHONG BSGOM PA LA MNYAM PA THOB PAR GYUR BA DE'I TSE NI BTANG SNYOMS SU 'JOG STE RAB TU 'DZIN PAR YANG MI BYED, RAB TU 'JOG PAR YANG MI BYED DO, ,YANG DAG PAR SPONG BA'I RAB TU DBYE BA JI SKAD BSHAD PA THAMS CAD LA GNYEN PO ZHES BYA'O ZHES BYA BA NI, 'DUN PA LA NI BRTEN NAS SU, ,RNAL 'BYOR RGYU MTSAN BCAS BSGOM PA, ,ZHES BSHAD MA THAG PA GANG YIN PA'O, ,DAD CING DON DU GNYER NA 'BAD PA'I PHYIR RO ZHES BYA BA NI DAD NA BYED 'DOD PA NYID DU 'GYUR TE, DE NYID KYI PHYIR DAD PA NI 'DUN PA'I RTEN BYED PA'I LAS CAN NO ZHES 'BYUNG NGO, ,BYED 'DOD NA BRTZON 'GRUS RTZOM STE, DE NYID KYI PHYIR 'DUN PA YANG BRTZON 'GRUS KYI RTEN BYAD PA'I LAS CAN DU BSTAN TO, ,GCIG GIS NI SEMS DMIGS PA LAS MI 'PHRO BAR BYED PA'I PHYIR RO ZHES BYA BA NI DE DRAN PAS SO, ,GNYIS PAS 'PHRO BAR RAB TU SHES PA'I PHYIR RO ZHES BYA BA NI SHES BZHIN GYIS SO, ,SHES BZHIN SHES RAB KYI NGO BO NYID KYI CHOS TE GANG GI TSE SEMS DE DMIGS PA LAS GUD DU 'PHRO BA DE'I TSE SHES BZHIN GYIS MYUR BA KHO NAR BDAG GI SEMS RNAM PAR G-YENGS SO ZHES BYA BAR YONGS SU GCOD DO, ,SEMS DANG BTANG SNYOMS NI GNYEN PO'I THABS ZHES BYA BA NI SHES BZHIN GYIS NI SEMS DE RNAM PAR G-YENG BAS SO ZHES BYA BA DE TZAM ZHIG SHES PA 'BA' ZHIG TU ZAD DO, ,SEMS PA NI SEMS KYI BYED PA YIN TE, DES SEMS DE DGE BA LA GTOD PAR BYED DO, ,GANG GI PHYIR SEMS PAS ZHUM PA NI RAB TU 'DZIN LA RGOD PA NI RAB TU 'JOG PA DE'I PHYIR SEMS LA GNYEN PO ZHES BYA'O,, @148A *, ,BTANG SNYOMS NI SHES RAB KYI KHYAD PAR TE DES NYE BA'I NYON MONGS PA RNAMS RAB TU SPONG BAS DE'I PHYIR BTANG SNYOMS LA GNYEN PO ZHES BYA'O, ,SHA'I SPYAN ZHES BYA BA NI RDZU 'PHRUL GYI RKANG PA BSGOMS PAS BYANG CHUB SEMS DPA' GANG GIS NA STONG GSUM LA SOGS PA'I 'JIG RTEN GYI KHAMS SU GTOGS PA'I GZUGS KYI DBYE BA SHIN TU PHRA BA YANG MTHONG BA DE LTA BU'I RNAM PAR SMIN PA LA BYUNG BA'I MIG MNGON PAR 'GRUB TE, 'PHAGS PA SHES RAB KYI PHA ROL TU PHYIN PA LAS JI SKAD 'BYUNG BA LTA BU YIN NO, ,LHA'I SPYAN NI BSAM GTAN GYIS MNGON PAR 'DUS BYAS PA STE, SHA'I SPYAN PAS CHES KHYAD PAR DU 'PHAGS PA YIN NO, ,SHES RAB KYI SPYAN 'PHAGS PA NI, RNAM PAR MI RTOG PA'I YE SHES DE BZHIN NYID SPYOD YUL PA YIN NO, ,CHOS KYI SPYAN NI MDO'I SDE DANG DBYANGS KYIS BSNYAD PA'I SDE LA SOGS PA'I CHOS THAMS CAD DU THOGS PA MED PA YIN NO, ,GNAS PAS RNAM PAR BRTZE BA ZHES BYA BA'I TING NGE 'DZIN GYIS RNAM PAR BRTZE BA STE, TING NGE 'DZIN NI GNAS PA'I SGRA BRJOD DO, ,TING NGE 'DZIN GYI DBANG PO'I DMIGS PA NI ZHI GNAS YIN NO ZHES BYA BA NI GANG LA BRTEN NA BYANG CHUB SEMS DPA'I YON TAN THAMS CAD PHUN SUM TSOGS PAR 'GYUR BA ZHI GNAS KHYAD PAR CAN BZUNG STE, TING NGE 'DZIN NI 'JIG RTEN PA'I SEMS RTZE GCIG PA TZAM THOB PA'O, ,SHES RAB KYI DBANG PO'I GZHI NI LHAG MTHONG NGO, ,ZHES BYA BA NI 'DIR YANG MNYAM PAR MA BZHAG PA'I GNAS SKABS SAM, 'JIG RTEN PA'I MNYAM PAR GZHAG PA'I GNAS SKABS KYI SHES RAB KYI DBANG PO YIN PAR GZHAG GO, ,LHAG MTHONG NI RNAM PAR MI RTOG PA'I YE SHES TE, DE BAS NA SHES RAB KYI DBANG PO DE'I DMIGS PA NI RNAM PAR MI RTOG PA'I YE SHES YIN NO, ,DE DAG GI DON GYI SKABS KHO NAS DAD PA LA SOGS PA 'DI DAG DBANG BYED PA'I DON GYIS DBANG PO RNAMS ZHES BYA'O ZHES BYA BA NI DAD PA LA SOGS PA'I DMIGS PA BYANG CHUB LA SOGS PA'I DON GANG DAG YIN PA DE DAG LA DE RNAMS DBANG BYED DO, ,SA LA ZHUGS PA'I GNAS SKABS NI GO RIMS BZHIN DU CHOS LA BDAG MED PA DANG @148B BDAG DANG GZHAN MNYAM PA NYID KYIS CHOS THAMS CAD DANG, SEMS CAN THAMS CAD MNYAM PA NYID DU RTOGS PA'I PHYIR RO ZHES BYA BA NI CHOS LA BDAG MED PAS NI CHOS THAMS CAD MNYAM PA NYID DU RTOGS SO, ,GANG ZAG LA BDAG MED PAS NI SEMS CAN THAMS CAD MNYAM PA NYID DU RTOGS SO, ,YANG NA BYANG CHUB SEMS DPAS SA DANG PO THOB PA'I DUS NA CHOS KYI DBYINGS KUN TU 'GRO BA RTOGS PAS SEMS CAN THAMS CAD BDAG TU MNYAM PA NYID 'THOB STE, SA DANG PO THOB PA'I DUS NA BDAG GANG YIN PA DE NYID SEMS CAN RNAMS YIN PAS JI LTAR BDAG GIS BDAG NYID KYI SDUG BSNGAL NYE BAR ZHI BAR BYA BA DE BZHIN DU SEMS CAN THAMS CAD KYI BYA'O, ,ZHES SEMS CAN THAMS CAD DANG KHYAD PAR MED PA NYID 'THOB PAS BDAG DANG GZHAN MNYAM PA NYID KYIS SEMS CAN THAMS CAD LA MNYAM PA NYID RTOGS SO ZHES BYA'O, ,SHES BYA MA RGYAL RGYAL BYA'I PHYIR, ,ZHES BYA BA NI BYANG CHUB SEMS DPA'I MOS PAS SPYOD PA'I SA LA GNAS PA NI SA DANG PO MA RGYAL BA YIN TE, DE RGYAL BAR BYA BA'I PHYIR DRAN PA KUN TU SPYOD DE, MA RTOGS PA RTOGS PA GANG YIN PA DE NI SHES BYA MA RGYAL BA RGYAL BA YIN NO, ,'DI YI RNAM 'BYED RTOG PA YI, ,MTSAN MA THAMS CAD 'JOMS PAR BYED, ,CES BYA BA NI CHOS RNAM PAR 'BYED PA YANG DAG BYANG CHUB KYI YAN LAG NI GANG ZAG DANG CHOS SU 'DZIN PA'I RNAM PAR RTOG PA RNAMS 'JOMS PAR BYED PA YIN NO, ,DE'I RJES LA THOB PA'I GNAS PAS GZHAN DAG 'BUL ZHES BYA BA NI RNAM PAR MI RTOG PA'I RJES LA THOB PA'I YE SHES KYIS MA RTOGS PA GANG YIN PA DE 'BUL BA YIN NO, ,GZHAN 'DOR BA'I PHYIR ZHES BYA BA NI RTOGS PA GANG YIN PA DE 'DOR BA YIN NO, ,RNAM PAR MI RTOG PA'I GNAS PAS DE LA RTZOL BA MED PAR GNAS PAR BYED PA'I PHYIR TE ZHES BYA BA NI RNAM PAR MI RTOG PA'I YE SHES KYI BTANG SNYOMS SHES BYA THAMS CAD LA PHYIN CI MA LOG PA DES RGYAL BA GANG YIN PA DE LA GNAS PAR BYED DO, ,SHIN TU SPYANGS PA DANG TING NGE 'DZIN DANG BTANG SNYOMS NI KUN NAS NYON MONGS PA MED PA'I YAN LAG STE ZHES BYA BA LA, GANG @149A *, ,GIS KUN NAS NYON MONGS PA MED PA NI SHIN TU SBYANGS PAS GNAS NGAN LEN DANG BRAL BA'I PHYIR RO, ,GANG LA BRTEN NAS KUN NAS NYON MONGS MED PAR BYED PA NI TING NGE 'DZIN LA BRTEN NAS RNAM PAR G-YENG BA DANG BRAL BA'I PHYIR RO, ,KUN NAS NYON MONGS PA MED PA GANG YIN PA ZHES BYA BA NI BTANG SNYOMS SO, ,RTOG PA DE NYID KYI RNAM PAR GZHAG PA YONGS SU GCOD PA NI YANG DAG PA'I RTOG PA'O ZHES BYA BA NI YANG DAG PA'I RTOG PAS NI BDAG GI RNAM PA 'DIS KHO NA NYID 'DI LTA BU ZHIG RTOGS SO ZHES DE KHO NA NYID RTOGS PA GANG YIN PA STE, RNAM PAR 'JOG PAR BYED CING DE KHO NA BZHIN DU GZHUNG DU YANG BYED LA GZHAN DU GA LA YANG STON TO, ,DE RNAM PAR GZHAG PA MDO'I SDE LA SOGS PA BCOM LDAN 'DAS KYIS GSUNGS PA LA 'JUG PA YANG DE NYID YIN TE, DES DE'I DON RTOGS PA'I PHYIR RO ZHES BYA BA LA, DE RNAM PAR GZHAG PA ZHES BYA BA NI RTOGS PA RNAM PAR BZHAG PA ZHES BYA BA'I THA TSIG GO, ,MDO'I SDE LA SOGS PA BCOM LDAN 'DAS KYIS GSUNGS PA LA ZHES BYA BA NI, GSUNG RAB YAN LAG BCU GNYIS PO BCOM LDAN 'DAS KYIS GSUNGS PA LA ZHES BYA BA'I DON TO, ,'JUG PA YANG DE NYID YIN TE ZHES BYA BA NI BDAG JI LTAR ZHUGS PA LTAR RO, ,DES DE'I DON RTOGS PA'I PHYIR RO ZHES BYA BA NI RTOGS PA SNGON DU 'GRO BA CAN GYI YANG DAG PAR RTOG PA DES DE'I DON TE GSUNG RAB KYI DON RTOGS PA'I PHYIR RO ZHES BYA BA'I THA TSIG STE, GSUNG RAB LA MNGON SUM PA'I BLO DANG DON PHYIN CI MA LOG PAR MTHONG BA YIN NO, ,LAS GSUM RNAM PAR DAG PA NI YANG DAG PA'I NGAG DANG LAS KYI MTHA' DANG 'TSO BA STE ZHES BYA BA NI NGAG RNAM PAR DAG PA DANG, LUS RNAM PAR DAG PA'O, ,GNYI GA RNAM PAR DAG PA NI DE NYID GNYI GA RNAM PAR DAG PA YIN TE, 'TSO BA RNAM PAR DAG PA'O, ,'DI NI LAS GSUM RNAM PAR DAG PA YIN TE, NGAG GI KHA GSAG DANG GCAM BU LA SOGS PA'AM, LUS KYI SPYOD LAM BCOS MA LA SOGS PAS LOG PAR 'TSO BAR BYED NA RNAL 'BYOR PA 'DI LA NI MTHONG BA'I LAM THOB PA'I PHYIR DE GNYI GA YANG MED LA, NGAG GI LAS KHA GSAG DANG GCAM BU LA @149B SOGS PA'AM, ,LUS KYI LAS SPYOD LAM BCOS MA LA SOGS PA LA MI BYA BA'I SDOM PA 'THOB PO, ,DE THOB PAS LOG PAS CHOS GOS LA SOGS PA TSOL BAR MI BYED DE, DE NYID KYI PHYIR GNYI GA RNAM PAR DAG PAS YANG DAG PA'I 'TSO BA RNAM PAR DAG PA YIN NO, ,ZHI GNAS DANG LHAG MTHONG GI CHOS 'DI DAG KYANG BYANG CHUB KYI PHYOGS DANG MTHUN PA'I NGO BO NYID YIN PAS, DE'I PHYIR ZHI GNAS DANG LHAG MTHONG RNAM PAR DBYE BA BRTZAM STE, ZHI GNAS DANG LHAG MTHONG NI BYANG CHUB KYI PHYOGS DANG MTHUN PA BSGOM PA'I THABS YIN NO, ,YANG DAG PA'I TING NGE 'DZIN LA BRTEN NAS ZHES BYA BA NI ZHI GNAS KYI NGO BO NYID KYI YANG DAG PA'I TING NGE 'DZIN DE LA BRTEN NAS SO, ,SEMS LA SEMS 'JOG PA'I PHYIR ZHES BYA BA NI 'DI LTA STE KHAMS GSUM PA 'DI NI SEMS TZAM MO ZHES BYA BA STE, GANG GI TSE DE LTAR SEMS LA SEMS 'JOG PAR GYUR BA DE'I TSE ZHI GNAS KYI TING NGE 'DZIN GRUB PA THOB PO, ,ZHI GNAS THOB PAS MNYAM PAR BZHAG NA YANG DAG PA JI LTA BA BZHIN DU RAB TU SHES SO, ,CHOS RAB TU RNAM PAR 'BYED PA THOB PAS LHAG MTHONG THOB PA NI RNAM PAR MI RTOG PA'I YE SHES TE, 'DI NI BYANG CHUB SEMS DPA'I ZHI GNAS DANG LHAG MTHONG GI LAM THUN MONG MA YIN PA YIN NO, ,ZHI GNAS DANG LHAG MTHONG CHA GCIG PA NI GANG GI TSE ZHI GNAS SGOM PAR BYED PA ZHES BYA BA NI GANG TSE ZHI GNAS SHAS CHE BA GZUGS MED PA DAG YIN PA DE'I TSE NA ZHI GNAS SGOM PA KHO NA RAB TU SHES SO, ,BSAM GTAN GSUM GYI GNAS SKABS NA NI LHAG MTHONG GSAL BA YIN NO, ,GNYI GA'I CHA NI GANG GI TSE CIG CAR GNYI GA SGOM PAR BYED PA'O ZHES BYA BA NI BSAM GTAN BZHI PA LA'O, ,BYANG CHUB SEMS DPA' RNAMS KYI ZHI GNAS DANG LHAG MTHONG DE NI MOS PAS SPYOD PA'I SA LA RGYU YIN PAR 'DOD DO ZHES BYA BA NI JI LTAR RGYU YIN PAR 'DOD CE NA, 'DI LTAR ZHI GNAS DANG LHAG MTHONG DANG LDAN PAS SA DANG PO RTOGS PA DANG NGES PAR 'BYUNG BA'I LAM LA SOGS PA 'GYUR BAS ZHI GNAS DANG LHAG MTHONG NI DON DE DAG GI RTEN YIN NO, ,RTEN DU GYUR PA'I PHYIR RGYU YIN NO, ,ZHI GNAS DANG @150A *, ,LHAG MTHONG GI RNAL 'BYOR 'DI NI THAMS CAD SGRUB PAR BYED PA'I THABS YIN NO, ,ZHI GNAS DANG LHAG MTHONG BSGOM PA LA RAB TU ZHUGS PA THABS MKHAS PAS DE THEG PA CHEN POR YONGS SU SNGO BAR BYED PAS DE'I PHYIR THABS LA MKHAS PA RNAM PAR DBYE BA YIN NO, ,SANGS RGYAS KYI CHOS RNAMS RDZOGS PAR BYA BA'I THABS GANG YIN ZHE NA, RNAM PAR MI RTOG PA'I YE SHES SO, ,MYUR DU MNGON PAR RDZOGS PA'I BYANG CHUB PA'I THABS GANG ZHE NA, SDIG PA THAMS CAD SO SOR BSHAGS SO, ,BSOD NAMS THAMS CAD KYI RJES SU YI RANG NGO, ,SANGS RGYAS THAMS CAD LA GSOL BA 'DEBS SO, ,BDAG GI YE SHES RDZOGS PAR BYANG CHUB PAR GYUR CIG CES BYA BA STE, GTZUG LAG GI TSIG BZHI PO 'DI DAG GI DON NI GO RIMS BZHIN DU SO SOR BSHAGS PA DANG RJES SU YI RANG BA DANG GSOL BA DANG YONGS SU BSNGO BA YIN NO, ,'DI NI MYUR DU MNGON PAR RDZOGS PAR BYANG CHUB PA'I THABS YIN TE, DE LA MKHAS PA GANG YIN PA'O, ,LAM RGYUN MI GCOD PA'I THABS NI MI GNAS PA'I MYA NGAN LAS 'DAS PA YIN NO ZHES BYA BA NI DE LA MKHAS PA NI SHES RAB KYI STOBS KYIS 'KHOR BAR YANG 'KHOR LA CHU YI PADMA BZHIN DU 'KHOR BA PA'I NYES PA DAG GIS KYANG MI GOS SO, ,SNYING RJE'I STOBS KYIS NYAN THOS BZHIN DU MYA NGAN LAS 'DAS PA LA YANG MI GNAS TE, 'DI NI MI GNAS PA'I MYA NGAN LAS 'DAS PA LA MKHAS PA YIN NO, ,BYANG CHUB SEMS DPA'I GZUNGS RNAMS KYANG BYANG CHUB KYI PHYOGS DANG MTHUN PA ZHES BYA BA'I MING THOB PAS DE'I PHYIR GZUNGS BSAM STE, DE LTAR THABS LA MKHAS PA LA RAB TU ZHUGS PA'I BYANG CHUB SEMS DPA' NI GZUNGS KYI STOBS KYIS SANGS RGYAS DANG BYANG CHUB SEMS DPA' THAMS CAD KYI BSHAD PA YANG 'DZIN PAR BYED LA, 'DI LA SNGON MA THOS PA'I CHOS DAG KYANG RNAM PA THAMS CAD SNANG NGO, ,GZUNGS KYI RAB TU DBYE BA LAS BSTAN GYI NGO BO NYID MA BSHAD PA, ,GZUNGS NI SHES RAB DANG DRAN PA'I NGO BO NYID YIN TE, SHES RAB DANG DRAN PA'I KHYAD PAR DU 'PHAGS @150B PA NI GZUNGS ZHES BYA BA'I MING THOB PO, ,SNGON GYI LAS KYI RNAM PAR SMIN PA ZHES BYA BA NI 'DIS TSE RABS GZHAN DAG NA YI GE 'DRI BA DANG MCHOD PA LA SOGS PA GZUNGS MNGON PAR GRUB PAR BYED PA'I LAS BSAGS PAR GYUR BA GANG YIN PA DE'I DBANG GIS GANG GIS NA LAN CIG GIS LEN CING 'DZIN PAR BYED PA DE LTA BU'I RNAM PAR SMIN PA THOB STE, JI SKAD DU CHOS MNGON PA KUN NAS BTUS PA LAS, SKYE BAS THOB PA'I DGE BA GANG YIN ZHE NA, DGE BA'I CHOS RNAMS LA SNGON GOMS PA LA BRTEN NAS GANG GIS NA SO SOR BRTAGS PA MED PAR DGE BA'I CHOS RNAMS LA 'DOD PA GOMS PA KUN TU GNAS PA DE LTA BU'I RNAM PAR SMIN PA MNGON PAR 'GRUB PA YIN NO ZHES BSHAD PA LTA BU'O, ,SA LA MA ZHUGS PA RNAMS KYI NI CHUNG NGU'O ZHES BYA BA NI MOS PAS SPYOD PA'I SA LA GNAS PA RNAMS KYI'O, ,GZHI NI YE SHES SO ZHES BYA BA NI SEMS PA YE SHES SU YONGS SU BSNGOS PA'I PHYIR RO, ,SEMS LAS MOD LA 'BRAS BUR 'GYUR BA YANG SEMS TZAM LAS JI LTAR 'DOD PA'I DON 'GRUB PA'I SGO NAS RIG PAS BYA'O, ,ZHES BYA BA NI JI LTAR 'DOD PA'I DON 'GRUB PA NI MOD KYI 'BRAS BU STE, DE LTAR GYUR CIG SNYAM PA DE'I MJUG THOGS SU DE KHO NA LTAR 'GYUR BA YIN NO, ,LUS BRGYA LA SOGS PA NI SA DANG PO NAS BZUNG STE STON PAR BYED DO, ,GZUNGS DANG SMON LAM PHUN SUM TSOGS PA DE RNAM PAR THAR PA'I SGO GSUM GYI SGRIB PA THAMS CAD SPANG BA'I PHYIR SGRUB PAR BYED DO, ,DE LA SGRUB PA NA BDAG NYID DANG GZHAN DAG GI PHYIN CI LOG GI NGA RGYAL SPANG BA'I PHYIR ZHUGS PA YIN NO, ,TING NGE 'DZIN RNAM PA GSUM GYI SPYOD YUL RNAM PA GSUM DU SHES PAR BYA'O ZHES BYA BA NI DMIGS PA RNAM GSUM DU ZHES BYA BA'I THA TSIG GO, ,DE GNYI GA LA BDAG TU 'DZIN PA'I RTEN NYE BAR LEN PA'I PHUNG PO LNGA ZHES BYA BA NI KUN BRTAGS PA'I GANG ZAG LA BDAG TU 'DZIN PA DANG KUN BRTAGS PA'I CHOS LA BDAG TU 'DZIN PA STE, CHOS DAG LA BDAG CES BYU BA'I SGRAS SMOS PA NI NGO BO NYID KYI DON DU BLTA BAR BYA'O, ,BDAG TU 'DZIN PA GNYIS PO 'DI'I RTEN NYE BAR @151A *, ,LEN PA'I PHUNG PO LNGA NI SMON PA MED PA'I TING NGE 'DZIN GYI DMIGS PA YIN NO, ,RTEN DE NYE BAR ZHI BA ZHES BYA BA NI MYA NGAN LAS 'DAS PA THOB NA NYE BAR LEN PA'I PHUNG PO LNGA NYE BAR ZHI ZHING NYE BAR LEN PA MED PAR 'GYUR BA MED PAS MTSAN MA MED PA'I TING NGE 'DZIN GYI DMIGS PA NI NYE BAR LEN PA'I PHUNG PO LNGA NYE BAR ZHI BA STE, MYA NGAN LAS 'DAS PA'O ZHES BYA BA'I THA TSIG GO, ,GZUNG BA RNAM PA GSUM ZHES BYA BA NI, BDAG MED PA RNAM PA GNYIS DANG, NYE BAR LEN PA'I PHUNG PO LNGA DANG MYA NGAN LAS 'DAS PA STE GSUM PO DAG LA 'DZIN PA STONG PA NYID LA SOGS PA'I TING NGE 'DZIN GSUM DU SHES PAR BYA'O, ,SMON PA MED PA NI BDAG TU 'DZIN PA'I RTEN DE LA RGYAB KYIS PHYOGS PA YIN NO ZHES BYA BA LA, BDAG TU 'DZIN PA'I RTEN NI NYE BAR LEN PA'I PHUNG PO LNGA'O, ,SMON PA MED PA'I TING NGE 'DZIN NI DE DAG LA RGYAB KYIS PHYOGS PA YIN TE, SDUG BSNGAL GYIS BDAG NYID DE LA SMON PAR MI BYED DO, ,SMON PA MED PA'I TING NGE 'DZIN NI DE DAG TU 'DZIN PA'I RTEN SPANG BA'I PHYIR YIN NO ZHES BYA BA NI NYE BAR LEN PA'I PHUNG PO LNGA NI SPANG BAR BYA BA YIN TE, DE SPANG BA'I PHYIR SMON PA MED PA'I TING NGE 'DZIN TO, , 'DU BYED THAMS CAD NI MI RTAG PA'O, ,'DU BYED THAMS CAD NI SDUG BSNGAL BA'O, ,ZHES BYA BA NI SMON PA MED PA'I TING NGE 'DZIN GYI RGYU'I DNGOS POR BSTAN TO, ,ZHES BYA BA NI 'DU BYED THAMS CAD MI RTAG CING SOG LE BSREGS PA LTA BUR SDUG BSNGAL BAR RIG NAS DE DAG LA SMON PAR MI BYED DO, ,DE'I PHYIR CHOS KYI SDOM 'DI GNYIS SMON PA MED PA'I TING NGE 'DZIN GYI RGYU'I DNGOS PO GNAS ZHES BYA'O, ,BYANG CHUB SEMS DPA' RNAMS KYI MI RTAG PA'I DON NI MED PA'I DON CES BYA BA NI, MI ZHES BYA BA NI DAG GA PAR BRJOD PA YIN LA, RTAG PA ZHES BYA BA'I SGRA NI RTAG PA BRJOD PA YIN PAS MI RTAG PA ZHES BYA BA NI GANG DUS RTAG TU MED PA'O ZHES BYA BA'I THA TSIG STE, 'DI NI MI RTAG PA'I DON RNAM GRANGS MED PA YIN NO, ,RTAG TU MED PA GANG YIN PA DE NI MI RTAG PA YIN PAS DE DAG GI KUN BRTAGS PA'I MTSAN NYID GANG YIN PA'O ZHES BYA BA @151B NI 'DU BYED DE DAG GI KUN BRTAGS PA'I GANG ZAG DANG CHOS KYI MTSAN NYID GANG YIN PA DE NI RTAG TU MED PA YIN NO, ,SDUG BSNGAL BA'I DON YANG DAG PA MA YIN PA'I RNAM PAR RTOG PA'I DON TE, GZHAN GYI DBANG GI MTSAN NYID GANG DAG YIN PA'O ZHES BYA BA NI 'DI LTAR SEMS DANG SEMS LAS BYUNG BA PHYIN CI LOG DAG NI YANG DAG PA MA YIN PA DAG NI RTOG PAR BYED DO, ,YANG DAG PA MA YIN PA GANG YIN PA DE NI SLU BA'I BDAG NYID KYI PHYIR SDUG BSNGAL YIN TE, 'DI SKAD DU SEMS DANG SEMS LAS BYUNG BA'I PHYIN CI LOG PA RNAMS YANG DAG PA MA YIN PA GANG ZAG DANG CHOS RNAMS SU KUN RTOG PAR BYED KYI 'DI LA GANG ZAG DANG CHOS YOD PA NI MA YIN NO ZHES BSHAD PA YIN NO, ,YANG NA SEMS DANG SEMS LAS BYUNG BA, ZAG PA DANG BCAS PA'I PHYIN CI LOG PA RNAMS KYI SKYES MA THAG TU 'JIG PA GANG YIN PA DE LA NI SDUG BSNGAL BA YIN NO, , DE NYID KYI PHYIR MI RTAG PA RNAM PA LNGA STE, MI RTAG PA'I RNAM PA NI SDUG BSNGAL GYI RNAM PA 'DREN PAR BYED DO, ,'DIS NI 'DU BYED THAMS CAD NI SDUG BSNGAL BA'O ZHES BYA BA NI CHOS KYI MDO 'DI STON TO, ,BDAG MED PA'I DON NI KUN TU RTOG PA TZAM GYI DON TE, ZHES BYA BA 'DIS NI CHOS THAMS CAD NI BDAG MED PA'O ZHES BYA BA'I CHOS KYI MDO 'DI STON TE, 'DI SKAD DU KUN TU RTOG PA TZAM DANG THA SNYAD TZAM YOD KYI DON DAM PAR NI CHOS THAMS CAD KUN BRTAGS PA'I GANG ZAG DANG CHOS MED PA'I PHYIR BDAG MED PA'O ZHES BSHAD PA YIN NO, ,DE NYID KYI PHYIR KHO NA ZHES BYA BA'I SGRAS NGES PAR GZUNG BA'I PHYIR KUN BRTAGS PA'I BDAG NI MED KYI KUN TU RTOG PA TZAM ZHIG YOD PAS, GANG ZAG DANG CHOS MED PA'I DON NI BDAG MED PA'I DON TO ZHES BSHAD PA YIN NO ZHES BYA BA SMOS SO, ,ZHI BA'I DON NI RNAM PAR RTOG PA NYE BAR ZHI BA'I DON TO, ,YONGS SU GRUB PA'I MTSAN NYID MYA NGAN LAS 'DAS PA YIN NO ZHES BYA BA 'DIS NI MYA NGAN LAS 'DAS PA NI ZHI BA'O ZHES BYA BA NI CHOS KYI MDO 'DI STON TE, SEMS DANG SEMS LAS BYUNG BA'I PHYIN CI LOG PA SDUG BSNGAL GYI NGO BO NYID RNAMS SO SOR BRTAGS PAS @152A *, ,'GOG PA'I PHYIR ZHI BA NI MYA NGAN LAS 'DAS PA'O ZHES BYA'O, ,MI RUNG BA'I PHYIR ZHES BYA BA NI 'JUG PA MI RUNG BA'I PHYIR RO, ,DE'I MJUG THOGS SU 'JUG PAR MI 'GYUR TE ZHES BYA BA NI DUS GZHAN GYI BAR DU GNAS NAS, 'GAG PAR 'GYUR BA'I BAR DU'O,, CI'I PHYIR ZHE NA, DE BSTAN PAR RGYUN MED PA'I PHYIR RO ZHES BYA BA SMOS TE, GNAS PA'I NGO BO NYID LA NI RGYUN RUNG BA MA YIN NO, ,RGYU LAS SKYES PA'I PHYIR TE ZHES BYA BA 'DIS NI SKAD CIG MA NYID DU BSGRUB PA'I GTAN TSIGS GNYIS PA YIN NO, ,DE LTA BAS NA GDON MI ZA BAR SKAD CIG RE RE LA SA MA'I RGYUN CAN GZHAN ZHIG YOD DO ZHES BYA BA NI SKAD CIG MA DANG PO NI RGYU YIN LA PHYI MA NI 'BRAS BU YIN PA'O, ,DUS GZHAN NA 'GAG PA NYID KYANG 'GAL BA'I PHYIR RO ZHES BYA BA NI LUNG DANG YID LA BYED PA DANG 'GAL BA STON TE, DE LA LUNG DANG 'GAL BA NI CHOS THAMS CAD NI SKAD CIG PA STE, DUS RE ZHIG PA YUN THUNG DU GNAS PA'O ZHES 'BYUNG BAS TE, DUS RE ZHIG SMOS PA NI SKAD CIG TZAM GNAS PA'I PHYIR RO, ,YUN THUNG DU ZHES BYA BA NI SKAD CIG MA LAS PHYIN CHAD DU MI GNAS PA ZHES BYA BA'I THA TSIG GO, ,SKYE BA DANG 'JIG PA DAG TU YID LA BYED PA ZHES BYA BA NI YID LA BYED PA DANG 'GAL BA STON PA YIN NO, ,'CHI BA'I DUS LA SOGS PA NI 'GAG PAR MTHONG BA GZHAN DAG JI LTA BAR ZHES BYA BA NI CHOS MI MTHUN PA'I DBE STE, 'DI SKAD DU RNAL 'BYOR BA YID LA BYED PA THOB PA SKAD CIG MA RE RE LA SKYE BA DANG 'JIG PAR LTA BA RNAMS YID BYUNG BA DANG 'DOD CHAGS DANG BRAL BA DANG RNAM PAR GROL BA DAG TU 'GYUR GYI, GANG DAG SKAD CIG RE RE LA SKYE BA DANG 'JIG PAR LTA BA MED CING YUN RING MO ZHIG NA 'CHI BAR LTA BA DE DAG NI YID BYUNG BA LA SOGS PAR MI 'GYUR RO ZHES BSHAD PA YIN NO, ,DE'I MTHU NI MI 'DRA BAR SKYE BA LA RAB TU GRUB CES BYA BA NI SNGON PO NYID NI MTSAN NYID KYIS 'JIG PA'I NGANG CAN YIN PA'I PHYIR RANG NYID 'GAGS LA ME DANG 'BREL PAS NI DMAR PO NYID DU 'GYUR TE, 'DI NI MI 'DRA BA SKYE BA YIN NO, ,'DI LTAR DE DANG 'BREL PA LAS SNGON PO NYID KYI RGYUN MI 'DRA @152B BAR 'DZIN GYI RNAM PA THAMS CAD DU MI 'JUG PA NYID NI MA YIN NO ZHES BYA BA NI 'DI LTAR LCAGS KYI THU LUM BSREGS PA SLAR SNGON PO NYID DU 'GYUR BA YANG LCAGS KYI THU LUM DE LA SNGON PO NYID KYI SA BON YOD PAS YANG SNGON PO NYID DU 'GYUR TE, DE LTA BAS NA RNAM PA THAMS CAD DU MI 'JUG PA NYID DU RAB TU SHES PA NI MA YIN NO ZHES BYA'O, ,'ON TE CHU SHIN TU 'DUS PA RNAMS RNAM PA THAMS CAD DU MI 'JUG PA NYID MA YIN NAM SNYAM DU SEMS NA, DE DAG KYANG RANG GI DANG KHO NAS 'JIG STE, ME NI DE DAG GI RGYUN 'DRA BA SKYE BA'I RGYU YIN NO, GAL TE ME DANG 'BREL PA LAS 'JIG PAR GYUR NA NI DE'I MOD KHO NA LA 'GYUR RO, ,'DRA BA'I PHYIR DE'I BLO 'BYUNG GI DE YOD PA'I PHYIR NI MA YIN NO ZHES BYA BAR CI MNGON ZHES BYA BA NI GNAS PA NI DE KHO NA BZHIN DU 'DUG PA'I PHYIR RO ZHES BYA BA'I THA TSIG GO, ,SKAD CIG MA DANG PO DANG KHYAD PAR MED PA'I PHYIR ZHES BYA BA NI GAL TE SKYES MA THAG TU MI 'JIG GO, ,YUN RING MO ZHIG GNAS NAS 'JIG GO, ,ZHES BYA BAR BZUNG NA, DE LA GANG GIS NA KHYAD PAR KHAS BLANGS NA, KHYAD PAR 'DIS NA YUN RING MO ZHIG GNAS NAS PHYIS 'JIG GO ZHES BYA BA SKAD CIG MA DANG PO NAS KHYAD PAR 'GA' ZHIG YOD DAM, DES RJES SU ZIN PAR 'JUG PA'I SGO NAS ZHES BYA BA NI SEMS KYIS RJES SU ZIN PAR 'JUG PA'I SGO NAS TE, SEMS KYIS YONGS SU ZIN PA'I 'DU BYED RNAMS SEMS DE'I RJES SU 'JUG PAS DE LTA BAS NA DE NI SEMS KYI 'BRAS BU YIN NO, ,DE BZHIN DU RNAM PAR SHES PA'I RKYEN GYIS MING DANG GZUGS ZHES KYANG GSUNGS PA LTA BU ZHES BYA BA NI RNAM PAR SHES PA NI MING DANG GZUGS KYI BDAG PO'I RKYEN TE RNAM PAR SHES PA'I DBANG GIS DE 'GRUB PA'I PHYIR RO, ,DE LTA BAS NA SEMS KYI 'BRAS BU ZHES BYA'O, ,PHYI'I DNGOS PO RNAMS NGAN PAR 'GYUR ZHES BYA BA NI SA YANG TSA SGO DANG SDONG DUM DANG TSOR MA LA SOGS PAS GANG BAR 'GYUR LA, GZUGS DANG SGRA DANG DRI DANG RO DANG REG BYA LA SOGS PA NGAN PAR 'GYUR RO, ,BZLOG PA DGE BA BYED PA RNAMS LA NI GYA NOM PA BDAG YIN NO, ,DANG PO ZHES BYA BA NI DANG POR SKYE BA STE, @153A *, ,'DI LTAR 'OG NAS, GZUGS BRNYAN DU NI SKYE BA STE, ,ZHES 'CHAD PAR 'GYUR BA YIN NO, ,DANG POR SKYE BA NI DANG PO NYID DU BDAG GI DNGOS PO MNGON PAR 'GRUB PA GANG YIN PA'O ZHES BYA BA NI RNAM PAR SHES PA BRGYAL PA'I DUS NA NYID MTSAMS SBYOR BA'I SKAD CIG MA GANG YIN PA'O, ,'DOD PA GZHAN GYIS SPRUL PA NI LHA DAG CIG STE, DE DAG NI BUD MED GANG LA DGA' BAR 'DOD PA DE LA RANG 'DOD PA'I GOS DANG RGYAN DANG ME TOG DANG SGRA LA SOGS PA SPRUL PAR BYED DO, ,BUD MED DAG KYANG SKYES PA GANG LA DGA' BAR 'DOD PA DE LA DE KHO NA BZHIN DU RANG 'DOD PA'I GOS DANG RGYAN LA SOGS PA SPRUL PAR BYED DO, ,DE LTAR NA 'DOD PA GZHAN DAG GIS SPRUL PA RNAMS ZHES BYA'O, ,'OD MI GSAL BA NYID DU NI DE LAS GZHAN DU SKYE BA RNAMS KYI GANG YIN PA'O ZHES BYA BA NI DGA' LDAN DANG, 'THAB BRAL DANG SUM CU RTZA GSUM PA DANG; RGYAL CHEN BZHI PA RNAMS DANG, DE BZHIN DU 'DZAM BU'I GLING LA SOGS PAR MI KHYAD PAR DU 'PHAGS PA GANG YIN PA'O, ,RGYU DANG TSAD KYI KHYAD PAR DANG, ,ZHES BYA BA NI RGYU'I KHYAD PAR DANG TSAD KYI KHYAD PAR STE, TSAD KYI KHYAD PAR NI NUR NUR BO LA SOGS PA'I GNAS SKABS SO, ,GAL TE DE ZHES BYA BA NI DANG POR SKYE BA'O, ,RGYU NYID KYIS KHYAD PAR DU MA GYUR NA ZHES BYA BA NI RGYU'I KHYAD PAR LAS SKYE BA KHYAD PAR CAN DU MA GYUR NA ZHES BYA BA'I THA TSIG GO, ,DE NYID KYI PHYIR DES NA RGYU KHYAD PAR MED PA'I PHYIR 'DU BYED KYI 'JUG PA PHYI MA'I KHYAD PAR PHYI MA PHYI MA DMIGS PAR MI 'GYUR RO, ,KHYAD PAR YOD NA NI DE'I PHYI MA PHYI MA DAG LAS DE GZHAN YIN PA'I PHYIR ZHES BYA BA NI KHYAD PAR PHYI MA PHYI MA DAG LAS SKYE BA DE GZHAN YIN PA'I PHYIR SKAD CIG MA NYID DU 'GRUB PO, ,SKAD CIG RE RE LA GZHAN DU GYUR PA MED PAR TSAD KHYAD PAR YOD PAR MI 'GYUR RO ZHES BYA BA NI NUR NUR PO DANG MAR MER PO DANG GOR GOR PO DANG RKANG LAG MA 'GYUR PA'I GNAS SKABS SO, ,RTEN GNAS BZHIN DU DE LA BRTEN PA MI GNAS PAR NI RUNG BA MA YIN, ZHES BYA BA NI MI GNAS BZHIN DU MIG GI RNAM PAR SHES PA 'GRO BAR NI RIGS PA MA YIN TE, @153B MIG GI RNAM PAR SHES PA SKAD CIG MA NYID YIN LA, MIG SKAD CIG MA NYID MA YIN NO ZHES BYA BA'I THA TSIG GO, ,GAL TE 'GRO BA SKYES PAS CHOS YUL GZHAN DU KHYER RO ZHE NA, DES NA 'GRO BA'I DUS NA GANG DU YANG MA SONG BAS, GNAS PA KHO NA LA 'GRO BA 'THAD PA MA YIN NO ZHES BYA BA NI JI SKAD DU JI SRID DU 'GRO BA'I BDAG GI NGO BO MA THOB PA DE SRID DU 'DU BYED RNAMS LA YUL GZHAN DU 'GRO BA'I BYA BA MED DO ZHES BSHAD PA YIN NO, ,GNAS PA NI YUL GZHAN DU MA PHYIN PA'I PHYIR 'DU BYED YUL DE NA GNAS PA BZHIN DU 'GRO BAS KHYER RO ZHES BYA BA JI LTAR RUNG, SKAD CIG MA THA MA LA SA BON MED PA NYID DU RUNG BA MA YIN NO, ,ZHES BYA BA NI DE BZHIN DU GNAS PA NI DUS GZHAN NA SA BON MED PA NYID DU MI 'THAD DE, GAL TE SKAD CIG MA RE RE LA 'DU BYED RNAMS GZHAN NYID DU 'GYUR NA NI DES NA NYON MONGS PA SKYE BAR 'DOD PA RNAMS KYI NYON MONGS PA 'GAGS PAS THA MA NYID DU 'GYUR RO, ,DE MED NA THA MA NYID MI SRID PA'I PHYIR RO ZHES BYA BA GANG MED NA ZHE NA, SKAD CIG RE RE LA 'DUS BYAS RNAM PA GZHAN NYID DU 'GYUR BA MED NA STE, SKAD CIG LA 'JIG PA'I NGANG CAN YIN NA NI DER 'GYUR RO, ,DE GNYI GA LA YANG SKAD CIG RE RE LA YONGS SU 'GYUR BA MED PA MI 'GYUR TE ZHES BYA BA LA, GNYI GA NI 'PHEL BA DANG 'BRI BA STE, GAL TE CHU DE DAG 'JIG PA'I DANG CAN ZHIG YIN NA NI, DES NA CHU MIG DANG MTSO DANG MTSE'U LA SOGS PA YANG GANG BAR 'GYUR LA, DRAL NA 'BAB PA YANG 'GYUR GYI, DE BZHIN DU GNAS PA LA NI 'BAB PA MED DO, ,SKAM PA YANG DE KHO NA DANG 'DRA STE, GAL TE DE DAG DANG PO NYID NAS SKAD CIG LA 'JIG PA'I DANG CAN GYIS RNAM PAR 'JIG NA NI DES NA 'GREB PAR 'GYUR GYI GNAS PA RNAMS LA NI MA YIN NO, ,PHYIS KYANG KHYAD PAR GYI RGYU MED PA'I PHYIR RO ZHES BYA BA NI RIM PA'I RGYU SKAD CIG LA DANG GIS 'JIG PA MA GTOGS PAR CHU MIG DANG MTSO DANG MTSE'U LA SOGS PA GANG BA 'AM SKAMS PA'I KHYAD PAR GYI RGYU GZHAN NI MED DO, ,DUS KYIS BYAS PA NI DUS GZHAN GYI BAR DU YONGS SU GNAS PAS SO, ,ZHES BYA BA NI DUS GZHAN GYI @154A *, ,BAR DU YONGS SU GNAS PAS YUL DANG GNAS GRONG DANG GRONG KHYER LA SOGS PA DGON PAR 'GYUR BA'O, ,KHA DOG DANG DRI DANG RO DANG REG BYA RNAMS NI SA LA SOGS PA DANG RGYU 'DRA BA'I PHYIR DE KHO NA BZHIN DU SKAD CIG MA NYID DU RIG PAR BYA'O ZHES BYA BA NI SKAM PA DANG 'PHEL BA BA DANG RANG BZHIN GYIS G-YO BA DANG 'PHEL BA DANG 'GRIB PA SRID PA'I PHYIR DANG, YONGS SU 'GYUR BA BZHI LA SOGS PA'I RGYUS TE, 'DI LTAR RGYUD BYAS PA'I GZUGS NI 'BYUNG BA LA BRTEN PA YIN PAS, DE LTAR SKOM PA DANG 'PHEL BA LA SOGS PA'I RGYUS 'BYUNG BA RNAMS SKAD CIG MA NYID DU BSTAN PA LTAR KHA DOG LA SOGS PA YANG DE KHO NA DANG 'DRA BAR SHES PAR BYA'O, ,ME 'BYUNG NA MED DANG LHAN CIG BYUNG BA'I BUD SHING DE KHO NA BZHIN DU GNAS PA NI MED DO ZHES BYA BA NI ME BYUNG NA BUD SHING 'JIG STE, BUD SHING ZHIG PA LAS BYUNG BA'I ME GANG YIN PA DE JI LTAR BRTAN PA NYID DU 'GYUR, MJUG DU BUD SHING MED PA YANG GNAS PAR 'GYUR DU 'ONG BAS BUD SHING TSIG PA'I ME YANG GNAS PAR NUS PA MA YIN NO ZHES BYA BA LA, BUD SHING MED PA'I GNAS SKABS NI THAL BA'I GNAS SKABS TE, MDAG ME'I GNAS SKABS KYI ME LA NI BUD SHING PHRA MO YOD DO, ,DE MED PAS THAL BAR 'GYUR TE DE'I ME'O, ,GAL TE DE DE KHO NA BZHIN DU GNAS PAR GYUR NA RANG GI NGANG GIS 'JIGS PAS, RNAM PAR 'JIG PAR MI 'GYUR TE, MJUG TU THAL BAR MI 'GYUR RO ZHES BYA BA'I THA TSIG GO, ,GAL TE 'DI SNYAM DU MAR ME LA SOGS PA NI DE DAG LAS GZHAN PA'I 'DU BYED RNAMS DANG MTSAN NYID MI 'DRA BA'I PHYIR RO ZHES BYA BA NI MAR ME LA SOGS PA NI SKAD CIG MA YIN LA, RI LA SOGS PA NI BRTAN PA YIN TE, 'DI NI MI 'DRA BA YIN NO, ,DE NYID KYI PHYIR MAR ME LA SOGS PA SKAD CIG MA NYID DU RAB TU GRUB PA RNAMS TE, DPER RJOD PAR BYED DO, ,DE DAG RAB TU GRUB NA MAR ME LA SOGS PA RAB TU GRUB PA DAG GIS RI LA SOGS PA 'DU BYED GZHAN RAB TU MA GRUB PA GANG DAG YIN PA SKAD CIG MA NYID DU SGRUB PAR BYED DO, ,MI 'DRA BA RNAM PA GNYIS LA NGO BO NYID @154B MI 'DRA BA NI SA DANG CHU DANG ME DANG RLUNG LA SOGS PA'I SRA BA LA SOGS PA PHAN TSUN RANG GI MTSAN NYID KYIS MI 'DRA BA YIN NO, ,'JUG PA MI 'DRA BA ZHES BYA BA NI MAR ME LA SOGS PA'I 'JUG PA YANG GZHAN LA, RI LA SOGS PA'I YANG GZHAN NO, ,'JUG PA NI TSUL TE JI LTAR MAR ME LA SOGS PA'I RGYUN MI 'JUG PA SKAD CIG MA NYID DU MNGON PA LTAR, RI LA SOGS PA'I NI DE LTA MA YIN NO, ,DE'I RGYUN GYIS ZHES BYA BA NI MAR ME'I RGYUN GYIS SO, ,SNYING PO SKAD CIG RE RE LA 'GYUR BA SKYE BA'I PHYIR RO ZHES BYA BA NI SNYING PO YANG SKAD CIG RE RE LA MAR ME 'GYUR BAS SKYE BAR SHES SO, ,'DU BYED THAMS CAD NI MI RTAG PA'O ZHES BYA BA LA, MI RTAG PA NI RNAM PA GNYIS TE, MI RTAG PA'I DON MED PA'I DON ZHES BYA BA NI SHIN TU MED PA'I MI RTAG PA NYID YIN NO, ,SKAD CIG LA 'JIG PA'I DON YANG MI RTAG PA'I DON DU RIG PAR BYA BA YIN PAS, SKAD CIG LA 'JIG PA'I MI RTAG PA NYID BSGRUBS PA YIN NO, ,NGA NI CHOS THAMS CAD NI BDAG MED PA'O ZHES BYA BA GANG ZAG LA BDAG MED PA SGRUB PO, ,JI LTAR MGO GCIG TU MA YIN PA'I SMRA BA YONGS SU GZUNG NA ZHES BYA BA NI MGO GCIG TU GANG ZAG YOD DO ZHE 'AM, MED DO ZHES SMRA BA YONGS SU GZUNG BAR MI BYA STE, DE'I PHYIR MGO GCIG TU MA YIN PA'I SMRA BA YONGS SU 'DZIN PAR BYED DO, ,DMIGS PA ZHES BYA BA NI BLOS RTOGS PA YIN NA, GANG ZAG NI GANG ZAG TU SMRA BA RNAMS KYIS BLOS MI RTOGS PA YANG MA YIN LA ZHES BYA BA 'DI NI GANG ZAG TU MNGON PAR ZHEN PA'I TSIG YIN NO, ,DE NYID KYI PHYIR MJUG THOGS SU BCOM LDAN 'DAS KYIS KYANG MTHONG BA'I CHOS KHO NA LA BDAG TU DMIGS SHING 'DOGS PAR BYED DO ZHES GSUNGS NA, JI LTAR MI DMIGS PA YIN ZHAS LUNG GIS GANG ZAG DMIGS PAR STON TO, ,GCIG DANG GZHAN DU BRJOD BYA MIN, ,ZHES BYA BA NI GCIG PA NYID DANG GZHAN NYID DU BRJOD PAR BYA BA MA YIN NO ZHES BYA BA'I THA TSIG GO, ,GZHAN NYID YIN NA NI GANG ZAG RDZAS SU YOD PA NYID DU THAL BAR 'GYUR RO ZHES BYA BA NI BDAG GI RANG BZHIN @155A *, ,GANG YIN PA DE PHUNG PO DAG GI RANG BZHIN YIN PAR ZHES BYA BA'I THA TSIG GO, ,GAL TE RDZAS YOD BRJOD MIN PA'I, ,DGONGS PA YANG NI BRJOD DGOS SO, ,ZHES BYA BA NI CI'I PHYIR RDZAS SU YOD PA YANG YIN LA, BRJOD PAR BYA BA YANG MA YIN NO ZHES BYA BA'I DGONGS PA BRJOD DGOS SO, ,'DI LTAR ME RLUNG GIS KHYER BA NI 'BAR BA BZHIN DU RGYANG BCAD PAR YANG 'GRO'O ZHES BYA BA LA ME ZHES SMOS PAS NI ME LCE BZUNG STE BUD SHING MED BZHIN DU RLUNG GIS ME 'BAR BA BZHIN DU RGYANG BCAD PAR 'GRO'O, ,RNAM PAR SHES PA 'DI LTA BUR GYUR CIG CES BYA BA DE LA BDAG PO YIN NO, ,DE'I RKYEN CAN ZHES BYA BA NI GANG ZAG GI RKYEN CAN ZHES BYA BA'I THA TSIG GO, ,NYES PA GSUM 'BYUNG BA'I PHYIR BYED PA RANG BYUNG BA YANG MA YIN LA, BYED PA PO MA YIN PA LA SOGS PAS NYES PA 'CHAD PAR 'GYUR BA GSUM PO DE NYID KYI PHYIR GANG ZAG GI RKYEN CAN YANG MA YIN NO, ,LTA SOGS BYED PA MED PA YIN, ,ZHES BYA BA NI BYED PA MED PAR YANG RKYEN TSOGS NA MTHONG BA DANG THOS PA LA SOGS PA 'DI THAMS CAD DU 'GYUR TE, GANG GI PHYIR RKYEN TSOGS NA 'DI THAMS CAD DU 'GYUR BA DE'I PHYIR GANG ZAG LA BYED PA MED PAS LTA BA LA SOGS PA LA LTA BA PO NYID MED PA NAS RNAM PAR SHES PA PO NYID KYI BAR MED DO, ,'ON TE BYED PA GANG ZAG GI RKYEN CAN YIN NO ZHE NA ZHES BYA BA NI GANG ZAG GIS BYED PA BYED PA'AM, DE LA BRTEN NAS BYED PA SKYE NA ZHES BYA BA'I THA TSIG GO, DE BZHIN DU GNAS PA DE NI RKYEN NYID DU RUNG BA MA YIN TE, SNGA NA MED PA'I PHYIR RO ZHES BYA BA NI RTAG TU NYE BA'I PHYIR RO ZHES BYA BA'I THA TSIG GO, ,SNGA NA MED PA'I PHYIR ZHES BYA BA NI, BYED PA SKYES PA'I SNGON ROL BYED PA SKYES PAR MA GYUR PA GANG YIN PA DE NI SNGON GYI GNAS SKABS YIN NO, ,'ON TE DE'I TSE GANG ZAG MED DE DES NA BYED PA SKYES PAR MA GYUR TO ZHES ZER NA, DE LA NYES PA 'DIR 'GYUR TE, ZHIG PA YANG RKYEN NYID DU MI RUNG NGO, ,CI'I PHYIR ZHE NA, DE'I PHYIR SMRAS PA, GANG ZAG MI RTAG PA NYID DU THAL BAR 'GYUR BA'I PHYIR TE, DE YANG GANG ZAG TU SMRA BA RNAMS MI 'DOD DO, ,LNGA PA LAS NI BDAG TU @155B DMIGS PA LA NYES DMIGS LNGA BSTAN TO ZHES BYA BA NI GCIG LAS 'PHROS PA'I LUNG LAS CHOS LNGA LNGA'I DBANG DU BYAS NAS CHOS BSHAD PA NI LNGA PA ZHES BYA STE, BDAG TU LTA BA DAG SROG TU LTA BAR 'GYUR ZHES BYA BA NI GCIG TU BA LTA'O, ,STONG PA NYID LA YANG 'DI'I SEMS 'JUG PAR MI 'GYUR, DAD PAR MI 'GYUR, YANG DAG PAR GNAS PAR MI 'GYUR MOS PAR MI 'GYUR ZHES BYA BA YANG GCIG TU BYA'O, ,BCOM LDAN 'DAS KYIS KUN SHES PA DANG LDAN PA'I GANG ZAG DAG, KHUR KHYER BA'I GANG ZAG DANG, DAD PAS RJES SU 'BRANG BA DANG, CHOS KYIS RJES SU 'BRANG BA'I GANG ZAG CES BYA BA DE LTA BU LA SOGS PA'I BAR DU DBYE BAS, GANG ZAG KYANG DE DANG DES LAS BSHAD DE, ZHES ZER BA NI BDAG TU SMRA BA'O, ,KUN NAS NYON MONGS PA'I CHOS DANG LDAN PA'I PHYIR KUN NAS NYON MONGS PA'I GNAS SKABS NA NI KUN NAS NYON MONGS PA'I GANG ZAG CES BYA BA LA, RNAM PAR BYANG BA'I CHOS DANG LDAN PA'I PHYIR RNAM PAR BYANG BA'I GNAS SKABS NA NI RNAM PAR BYANG BA'I GANG ZAG GO ZHES BYA BA NI GNAS SKABS KYI BYE BRAG GIS KUN NAS NYON MONGS PA DANG RNAM PAR BYANG BAR BYED PA YIN NO, ,KUN NAS NYON MONGS PA DANG RNAM PAR BYANG BA DE DAG KHO NA LA 'DI NI KUN NAS NYON MONGS PA'O, ,'DI NI RNAM PAR BYANG BA'O ZHES BYA BA NI GCOD PA'I BYE BRAG STE, GNAS SKABS KYI BYE BRAG DANG, GCOD PA'I BYE BRAG 'DI DAG THAMS CAD KYANG THA SNYAD GDAGS PA'I DON DU GANG ZAG GI THA GSNYAD KYIS STON TO, ,DE LA GNAS SKABS KYI BYE BRAG NI KUN NAS NYON MONGS PA YANG CHUNG NGU DANG 'BRING DANG CHEN PO'I GNAS SKABS KYI BYE BRAG GIS TE, RNAM PAR BYANG BA YANG DE KHO NA DANG 'DRA'O, ,GANG ZAG KYANG 'DI NI 'DOD CHANG CHUNG NGO, ,'DI NI 'DOD CHAGS 'BRING NGO, ,'DI NI 'DOD CHAGS CHEN PO'I ZHES BYA BA DANG; RNAM PAR BYANG BA LA YANG GANG ZAG 'DI NI LAM CHUNG NGU THOB PA'O, ,'DI NI LAM 'BRING DANG CHEN PO THOB PA'O ZHES BYA BA NI GNAS SKABS KYIS BYE BRAG YIN NO, ,KUN NAS NYON MONGS PA DANG, RNAM PAR BYANG BA DAG GIS GCOD PA'I BYE BRAG NI GANG ZAG GANG ZHIG GCIG TU MI @156A *, ,DGE BA'I LAS BYED PA DE NI KUN NAS NYON MONGS PA YIN PAR GCOD PA'I BYE BRAG DANG GANG ZHIG GCIG TU RNAM PAR BYANG BA'I LAS BYED PA DE NI RNAM PAR BYANG BA YIN PAR GCOD PA'I BYE BRAG GO, ,DE DAG GI 'JUG PA'I BYE BRAG DANG, RGYUN GYI BYE BRAG CES BYA BA NI KUN NAS NYON MONGS PA DANG RNAM PAR BYANG BA DAG GE'O, ,'JUG PA NI 'JUG PA YIN TE, THA SNYAD PA'I GANG ZAG GANG ZHIG LA KUN NAS NYON MONGS PA MED PA 'AM, RNAM PAR BYANG BA RAB TU 'JUG PA DE NI 'JUG PA'I BYE BRAG YIN LA, RGYUN GYIS 'JUG PA DE NI, RGYUN GYI BYE BRAG YIN NO, ,YONGS SU SHES PAR BYA BA'I CHOS RNAMS NI KUN NAS NYON MONGS PA'O ZHES BYA BA NI SDUG BSNGAL DANG KUN 'BYUNG GI BDEN PA DAG GO, ,YONGS SU SHES PA NI RNAM PAR BYANG BA'O ZHES BYA BA NI 'GOG PA DANG LAM GYI BDEN PA DAG STE, 'GOG PA DANG BDEN PA LA YONGS SU SHES PA NYID CES BYA BA NI YONGS SU SHES PA'I 'BRAS BU YIN PAS 'BRAS BU LAS RGYU NYE BAR BRTAGS PA'I PHYIR RO, ,KHUR NI SDUG BSNGAL GYI BDEN PA'O, ,KHUR KHYER BA NI KUN 'BYUNG BA'I BDEN PA'O, ,KHUNG 'DOR BA NI RNAM PAR BYANG BA'O ZHES BYA BA NI 'GOG PA DANG LAM GYI BDEN PA DAG STE, JI LTAR DE GNYIS KHUR 'DOR BA YIN ZHE NA, 'PHAGS PA'I YE SHES KYI SDUG BSNGAL YONGS SU SHES PA'I PHYIR DANG, KUN 'BYUNG SPONG PHYIR RO, ,GZUGS LA SOGS PA'I PHUNG PO LA KUN SHES PA DANG, LDAN PA ZHES BYA BA DANG KHUR KHYER BA ZHES BYA BAR THA SNYAD GDAGS PAR MI NUS KYI KUN NAS NYON MONGS PA DANG RNAM PAR BYANG BA'I GANG ZAG BRTAGS PA NI THA SNYAD GDAGS PAR BYA BAS DE'I PHYIR THA SNYAD KYI DON DU GANG ZAG GDAGS PA MDZAD DO, ,DE LTAR YON TAN DE DAG DANG, ,RTAG LDAN ZHES BYA BA NI NGO TSA SHES PA LA SOGS PA'I YON TAN DANG LDAN PA ZHES BYA BA'I THA TSIG GO, ,BYANG CHUB KYI PHYOGS DANG MTHUN PA'I SKABS RDZOGS SO,, ,,'DI NI BYANG CHUB SEMS DPA' RNAMS KYI BSLAB PA'I DMIGS PA DANG, RNAM PA DANG, NGO BO NYID KYI KHYAD PAR GYI SGO NAS BSLAB PA'I LAM RNAM PA THAMS CAD BSTAN PA YIN TE, @156B DE LA SLOB PA RNAMS BSGRUB PA'I YON TAN DANG RAB TU BSNGAGS PA'I YON TAN DANG LDAN PAR 'GYUR BAS, DE'I PHYIR BYANG CHUB KYI PHYOGS DANG MTHUN PA'I 'OG TU YON TAN GYI SKABS SO, ,DE LA SGRUB PA'I YON TAN NI RNAM PA GSUM STE, RGYU MTHUN PA'I YON TAN DANG, BRAL BA'I YON TAN DANG, SEMS CAN LA MNGON DU PHYOGS PA'I YON TAN NO, ,DA LA RGYU MTHUN PA'I YON TAN NI, YUN RING PO NAS BSLAB PA'I LAM LA GOMS PA'I PHYIR, DGE BA'I TSOGS DANG NYE BAR GYUR PA'I LAM PHYI PHYIR ZHING GZHAN DU MI 'GYUR BAR BSTAN PA DANG, DES PA DANG YUN RING BAR 'JUG PA NYID YIN TE, BRTZON 'GRUS RTZOM PA DANG BSAM GTAN GYI, BDE LA RO MYONG MED, CES BYA BA'I TSIGS SU BCAD PA 'DI GNYIS KYIS NI RGYU MTHUN PA'I YON TAN BSHAD DO, ,BRAL BA'I 'BRAS BU NI MTHONG BA DANG, BSGOM PA'I LAM DAG GIS DE DAG GIS SPANG BAR BYA BA'I GNAS NGAN LEN SPANGS PA'I PHYIR GNAS DRI MA MED PA NYID YIN TE, DE BZHIN GSHEGS RIGS SKYE BA DANG, ,ZHES 'CHAD PAR 'GYUR BA 'DI NI MTHONG BA'I LAM MO, ,DE YAN CHAD SA BRGYAD PA LA LUNG BSTAN PA THOB PA DANG, SA BCU PA LA DBANG BSKUR BA THOB PA ZHES BYA BA'I BAR 'DI NI BSGOM PA'I LAM MO, ,BYANG CHUB THOB PA NI SANGS RGYAS KYIS LA'O, ,DE LTAR YON TAN PHUL DU 'BYUNG BA DANG LDAN PA'I PHYIR NGO MTSAR MI CHE BA'I YON TAN THOB PAR 'GYUR RO, ,SEMS CAN THAMS CAD LA BDAG DANG, SEMS MNYAM PA'I SKABS NAS, JI LTAR BLO LDAN SEMS CAN LA, ,ZHES BYA BA LA SOGS PA 'CHAD PAR 'GYUR BA LTA BU YIN NO, ,SEMS MNYAM PA NI RTAG TU PHAN PAR BYA BA LA RAB TU 'JUG STE, PHAN 'DOGS PA NYID RNAM PAR DBYE BA LAS, SNOD NYID DU NI BYED PA DANG, ,ZHES BYA BA LA SOGS PA TSIGS SU BCAD PA BCU DRUG 'BYUNG BA LTA BU YIN TE, PHAN 'DOGS PA NYID KYI YON TAN 'DI NI SEMS CAN LA MNGON DU PHYOGS PA'I YON TAN YIN PAR SHES PAR BYA'O, ,LAN DU PHAN 'DOGS PA YANG 'DOD DE, LAN DU PHAN 'DOGS PA RNAM PAR DBYE BA LAS, LONGS SPYOD RNAMS LA MA CHAGS DANG, ,ZHES @157A *, ,BYA BA LA SOGS PA 'CHAD PAR 'GYUR BA LTA BU'O, ,DE LTAR RAB TU BRTZON PA NI RTAG TU DE DAG LA PHAN PA DANG BDE BAR 'DOD DO, ,SMON PA RNAM PAR DBYE BA LAS, ,RTAG TU 'PHEL DANG NYAMS PA DANG, ,ZHES BYA BA LA SOGS PA 'CHAD PAR 'GYUR BA LTA BU YIN NO, , DE LTAR PHAN PA DANG BDE BA'I BSAM PA CAN NI DE DAG LA SBYOR BA CHUD MI ZA BAR BYED DO, ,CHUD MI ZA BA NYID RNAM PAR DBYE BA LAS, 'JIGS SPANGS YANG DAG BSKYED PA DANG, ,ZHES BYA BA LA SOGS PA 'CHAD PAR 'GYUR BA LTA BU YIN TE, 'DI NI SGRUB PA'I YON TAN GYI KHYAD PAR GONG NAS GONG DU SGRUB PA YIN NO, ,DE LA BYANG CHUB SEMS DPA' PHAN YON GYI YON TAN GYI KHYAD PAR GYI SGO NAS LUNG BSTAN PA 'THOB KYI, NYAN THOS DANG RANG SANGS RGYAS KYI NI MA YIN NO, ,LUNG BSTAN PA NI PHYIR MI LDOG PA'I SA LA GNAS PAR 'GYUR RO, ,DE LA GNAS PA NI GDON MI ZA BAR BYA DGOS PA LA MI BRJED PA'I CHOS NYID THOB PO, ,DE LTAR MI BRJED PA'I CHOS CAN NI SANGS RGYAS DANG BYANG CHUB SEMS DPA' RNAMS KYIS SEMS CAN THAMS CAD KYI MCHOG TU GDAGS PA RNAMS KYI NANG DU 'DOGS PA MDZAD CING BYA BA THAMS CAD KYANG YONGS SU NYAMS PAR MI 'GYUR, MI THOB PA LAS YONGS SU NYAMS PAS KYANG YONGS SU NYAMS PAR MI 'GYUR RO, ,YONGS SU MI NYAMS PA NI ZLA BA YAR GYI NGO LA SKYE BA BZHIN DU RTAG TU RGYUN MI 'CHAD PAR DGE BA'I CHOS RNAMS KYIS 'PHEL BAS, BYANG CHUB SEMS DPA' CHEN POR 'GYUR GYI, BCOS MA NI MA YIN NO, , YANG DAG PA'I BYANG CHUB SEMS DPA' NI SEMS CAN GDUL BA'I THABS RNAM PA THAMS CAD SHES SO, ,DE SHES PA NI DE RNAM PAR GZHAG PA LA MKHAS PAR 'GYUR TE, GANG DANG JI LTAR BRTZAL BAR BYA BA DE DAG RNAM PAR 'JOG PAR BYED DO, ,RNAM PAR GZHAG BA LA MKHAS PA NI GDAMS NGAG LA MKHAS PAR 'GYUR RO, ,GDAMS NGAG LA MKHAS PA NI TSAD MED PA LA DMIGS PA'I TING NGE 'DZIN GYI RGYAL PO 'THOB PO, ,TING NGE 'DZIN DE 'THOB PA NI CHOS BSHAD PA DON YOD PAR 'GYUR TE, RNAM PA SNA TSOGS KYIS BSHAD PA 'BRAS BU DANG BCAS PAR YAR BYED, @157B THEG PA CHEN PO LA NGES PAR 'BYUNG BA YANG 'GYUR RO, ,CHEN PO NYID DU NGES PAR 'BYUNG BA NI THEG PA CHEN PO BSDUS PA LA MKHAS PAR 'GYUR TE, DE LTAR NA RGYU MTHUN PA DANG BRAL BA DANG, SEMS CAN LA MNGON PAR PHYOGS PA'I YON TAN GSUM PO 'DI DAG NI NGO MTSAR CHE BA DANG PO MTSAR MI CHE BA RAB TU DBYE BA NAS BZUNG STE, THEG PA CHEN PO BSDU BA'I SKABS KYI BAR GYIS SHES PAR BYA'O, ,DE'I 'OG TU NI BYANG CHUB SEMS DPA'I YON TAN BSTAN PAS RAB TU BSNGAGS PA'I YON TAN 'CHAD PAR 'GYUR RO, ,TSIGS SU BCAD PA LAS, SDOM PA'I PHYIR, PHUN SUM TSOGS PA YONGS SU GTONG BA DANG, ,ZHES BSHAD PA GANG YIN PA 'DI NI, CHED KYI 'DUN PAR BSTAN PA'I PHYIR BSHAD PA YIN TE, SDOM PA'I CHED DU PHUN SUM TSOGS PA GTONG PA 'DI NI TSUL KHRIMS KYI PHA ROL TU PHYIN PA LA NGO MTSAR CHE BA YIN NO, ,LUS DANG SROG LA MI LTA BAR BRTZON 'GRUS RTZOM PA GANG YIN PA DE NI BRTZON 'GRUS KYI PHA ROL TU PHYIN PA LA NGO MTSAR CHE BA YIN NO, ,'DOD CHAGS DANG BRAL BA LA BRTEN NAS SBYIN PA LA SBYOR BA NGO MTSAR MI CHE'O ZHES BYA BA NI BYANG CHUB SEMS DPA' DNGOS PO SRUNG STONG RI BA GANG YIN PA DE LA 'DOD CHAGS DANG BRAL BA BSKYED NAS YONGS SU GTONG NGO ZHES BYA BA 'DI NI NGO MTSAR MI CHE'O, ,SNYING RJE NI SDUG BSNGAL DANG BRAL BA'I RNAM PA YIN TE, SNYING RJE LA BRTEN NAS BYANG CHUB SEMS DPA' RNAMS GZHAN LA SDUG BSNGAL SKYED PAR MI BYED DO ZHES BYA BA NI TSUL KHRIMS KYI PHA ROL TU PHYIN PA LA NGO MTSAR MI CHE'O, SNYING RJE BA YANG GZHAN DAG LAS LUS DANG NGAG GI MI 'DOD PA 'BYUNG BA THAMS CAD BZOD PAS BZOD PA'I PHA ROL TU PHYIN PA LA NGO MTSAR MI CHE'O, ,SEMS MNYAM PA NYID KYANG BSLAB PA'I PHAN YON YIN PA KHO NA STE, SEMS CAN RNAMS NI BDAG NYID LA SOGS PA LA BYAMS PA MNYAM PA NYID DANG; LDAN PA YANG MA YIN ZHES BYA BA NI BDAG NYID LA BYAMS PA YANG GZHAN DU YIN LA, BU DANG BSHES DANG CHUNG MA LA SOGS PA LA YANG GZHAN DU MA YIN PAS SO, ,GTAN DU BA YANG MA YIN ZHES BYA BA DE BSTAN PA'I PHYIR 'DI LTAR RES 'GA' BDAG NYID KYANG GSOD PAR BYED DO ZHES BYA @158A *, ,BA SMOS SO, ,TSUL KHRIMS LA NI RTAG TU PHRA BA RAB TZAM YANG MI NYAMS PA'I PHYIR RO ZHES BYA BA NI JI LTAR RANG BZHIN GYIS KHA NA MA THO BA'I BSLAB PA'I GZHI 'DRAL BAR MI BYED PA LTAR BCAS PA'I KHA NA MA THO BA RTZVA GCOD PA LA SOGS PA YANG DE DANG 'DRA STE, DE LTAR NA MNYAM PA NYID YIN NO, ,RANG DANG GZHAN GYI DON DANG DGE BA THAMS CAD KYI DON DU MNYAM PAR SBYOR BA'I PHYIR RO ZHES BYA BA NI BRTZON 'GRUS DANG SBYOR RO, ,SEMS CAN LA MNGON PAR PHYOGS PA'I YON TAN NI MA LA SOGS PA DANG 'DRA BA NYID KYIS STON PAR BYED DO, ,KHONG NA 'DZIN PAR BYED CES BYA BA NI LTO NA 'DZIN PAR BYED CES BYA BA'I THA TSIG STE, LTO YANG KHA CIG TU KHONG ZHES BYA BA'I SGRAR BRJOD DO, ,BSAM PA NI KHONG LTA BU STE, BSAM PA MNYAM ZHING MTSUNGS PAS SEMS CAN LA 'DZIN PAR BYED PAS NA, BSAM PA MNYAM PAS SEMS CAN RNAMS 'DZIN PAR BYED CES BYA'O; ,'PHAGS PA'I SA NI 'PHAGS PA'I CHOS YIN ZHES BYA BA NI ZAG PA MED PA'I CHOS TE, NYAN THOS RNAMS KYI NI 'JIG RTEN PA'I CHOS KYI MCHOG GI RJES LA SDUG BSNGAL LA CHOS SHES PA'I BZOD PA LA SOGS PA SLOB PA DANG, MI SLOB PA'I LAM DANG, DE DAG GIS THOB PAR BYA BA SO SOR BRTAGS PA'I 'GOG PA'O, ,BYANG CHUB SEMS DPA' RNAMS KYIS DANG PO THOB PA'I DUS NAS BZUNG STE, RNAM PAR MI RTOG PA'I YE SHES DANG, DE'I SPYOD YUL, DE BZHIN NYID DO, ,SNUN PAR BYED, GSO BAR BYED, KUN TU SKYED PAR BYED CES BYA BA NI LAS GCIG STE, SNUN PA NI NU MA SNUN PA'O, ,GSO BA NI ZHUN MAR DANG MAR DKAR LA SOGS PAS GSO BA GANG YIN PA'O, ,KUN TU SKYED PAR BYED PA NI BYIS PA LA BSKU MNYE LA SOGS PAS YAN LAG DANG NYING LAG RNAMS BSKYED PA GANG YIN PA'O, ,BYANG CHUB SEMS DPA' YANG SEMS CAN RNAMS BZA' BA DANG BTUNG BA LA SOGS PA BSDU BA'I DNGOS PO BZHIS BSDUS NAS GSOS TE, 'JIG RTEN DANG 'JIG RTEN LAS 'DAS PA'I DGE BA'I CHOS RNAMS KYIS KUN TU SKYED BAR BYED DO, ,BSHES GNYEN DAM PA DAG LA 'DOMS PAR BYED CES BYA BA NI, SANGS RGYAS LA GSOL BA 'DEBS PA'I SGO NAS TE, BSHES GNYEN @158B DAM PA NI SANGS RGYAS DANG BYANG CHUB SEMS DPA' RNAMS SO, ,CHAGS NYEN MED PAR BYED CES BYA BA NI SGRIB PA SPONG PA'I PHYIR RO, ,'OS PA MA YIN PA DAG LA ZAB MO BSHAD PA GSANG BA'I PHYIR RO ZHES BYA BA NI THOS BA NYUNG DU NI CHOS ZAB MO BSHAD PAR 'OS PA MA YIN NO, ,'JIG RTEN PA'I PHUN SUM TSOGS PA NI BDE BA STE ZHES BYA BA NI 'KHOR LOS SGYUR BA DANG, BRGYA BYIN DANG TSANGS PA NYID LA SOGS YONGS SU BSDUS PA DE NI 'JIG RTEN PA'I PHUN SUM TSOGS PA YIN NO, ,BYANG CHUB SEMS DPA' SNYING RJE'I BSAM PAS YONGS SU ZIN PA RNAMS NI SKYO BA MED PA'I PHYIR BYANG CHUB SEMS DPA'I BYA BA LAS MI BYED PAR 'GYUR RO, ,BYANG CHUB SEMS DPA' RNAMS NI BRAN LTA BU YIN TE, BYANG CHUB SEMS DPA' RNAMS YANG DAG PA'I NGES PAR 'BYUNG BAR 'BYUNG BA SMA BA NYID KYIS MI SLU BA YIN NO, ,PHUN SUM TSOGS PA GNYIS NI 'JIG RTEN PA DANG 'JIG RTEN LAS 'DAS PA YIN NO ZHES BYA BA NI BYANG CHUB SEMS DPA' RNAMS PHUN SUM TSOGS PA GNYIS SBYIN PAR BYED PA GNYIS KYIS BZOD PA YIN TE, SEMS CAN RNAMS KYIS THAMS CAD BYE BA'I PHYIR RO, ,BDAG NYID LEGS PAR BSLABS PA YIN ZHES BYA BA NI SA BRGYAD PA LA MI SKYE BA'I CHOS LA BZOD PA MNGON PAR 'DU BYED PA MED PA'I LAM THOB PA'I PHYIR RO, ,RNAL 'BYOR GRUB PAR SBYOR BA DANG, ,ZHES BYA BA LA, RNAL 'BYOR GRUB PA NI ZHI GNAS DANG LHAG MTHONG GI RNAL 'BYOR TE, NYAN THOS SAM BYANG CHUB SEMS DPA' LAS DANG PO PAS, ZHI GNAS DANG LHAG MTHONG LA JI LTAR SBYAR BAR BYA BA'I SBYOR BA DE STON PA'I PHYIR, BYANG CHUB SEMS DPA' RNAM NI RNAL 'BYOR GRUB PA STON PAR BYED PA ZHES BYA'O, ,NGES PA'I RANG BZHIN CAN NI TSIG SNYAN PA SBYIN PA LA SOGS PAS KHRO GNYER DANG BRAL BA YIN NO, ,BYANG CHUB SEMS DPA' SHIN TU BRTZON PA RNAMS NI TSOGS THAMS CAD YONGS SU RDZOGS PAR BYED DE, TSOGS RDZOGS PA NI RAB TU BYUNG BA DANG CHOS MTHUN PA YIN NO, ,TSOGS BSAGS MYUR DU GROL BAR BYED, ,CES BYA BA NI BSNYEN PAR RDZOGS PA DANG CHOS MTHUN PA YIN TE, GANG ZAG BSNYEN PAR RDZOGS PA NI BSLAB PA'I, @159A *, ,GZHI NYIS BRGYA LNGA BCU BSRUNG BA'I SGO NAS BYA BA MA YIN PA'I CHOS DAG LAS GROL BAR 'GYUR BAS, DE'I PHYIR TSOGS BSAGS PA DAG MYUR DU GROL BAR BYED PA ZHES BYA'O, ,SBYOR BA CHUD MI ZA BA NYID RNAM PAR DBYE BA'I TSIGS SU BCAD PA ZHES BYA BA NI SROG GCOD PA SPANG PA LA SOGS PA'I DON DU ZHUGS PA'I BYANG CHUB SEMS DPA' RNAMS KYI SBYOR BA CHUD MI ZA BA YIN NO, ,NGA RGYAL NI BZOD PA'I YONGS SU NYAMS PAR 'GYUR BA'I SKAL PA CAN GYI CHOS YIN NO ZHES BYA BA NI NGA RGYAL GYIS MI BZOD PA'I PHYIR RO, ,BCOS MA'I YON TAN RNAM PAR DBYE BA'I TSIGS SU BCAD PA ZHES BYA BA LA SGOS NI SPRUL PA LA SOGS PA SGRUB PA DANG BRAL BA NI BYANG CHUB SEMS DPA' RNAMS KYI YON TAN BCOS MA YIN LA, DE DAG NYID SGRUB PA DANG LDNA PA NI YANG DAG PA'I YON TAN YIN NO, ,BYANG CHUB TU LUNG STON PA ZHES BYA BA NI GANG GI TSE BYANG CHUB SEMS DPA' DAG SANGS RGYAS BCOM LDAN 'DAS RNAMS KYIS BLA NA MED PA YANG DAG PAR RDZOGS PA'I BYANG CHUB TU LUNG STON PAR MDZAD PA YIN NO, ,LUNG STON PAR LUNG STON PA ZHES BYA BA NI NYID DU LUNG MI STON GYI GZHAN 'DI SKAD DU LUNG STON TO ZHES BYA BA STE, DE NYID KYI PHYIR, 'DI'I DUS CHE GE MO ZHIG NA DE BZHIN GSHEGS PA MTSAN 'DI ZHES BYA BAS LUNG STON PAR 'GYUR RO ZHES BYA BA SMOS SO, ,MI SKYE BA'I CHOS LA BZOD PA THOB PAR LUNG BSTAN PAS NGA RGYAL SPANGS PA DANG MTSAN MA'I RTZOL BA THAMS CAD SPANGS PAR 'GYUR TE, DE'I PHYIR, MI SKYE BZOD PA THOB PA YI, ,NGA RGYAL DANG RTZOL PA SPANGS PA'I SGO NAS LUNG BSTAN PA ZHES BYA'O, ,PHA ROL TU PHYIN PA KUN TU SPYOD PAS PHUN SUM TSOGS PA DANG SKYE BA LA SOGS PA LA GDON MI ZA BAR 'GYUR BA NI DES NGES PAR 'GYUR BA'O, ,RTAG TU LHUN GYIS GRUB PAR RNAM PAR MI RTOG PA'I YE SHES KYIS GNAS PA'I PHYIR RO ZHES BYA BA NI SA BRGYAD PA LA SOGS PA LA SHES RAB KYI PHA ROL TU PHYIN PA YONGS SU RDZOGS PAS LHUN GYIS GRUB PAR RNAM PAR MI RTOG PA'I YE SHES KYIS GNAS PAR 'GYUR RO, ,RTAG TU BYA BA NI RGYUN DU BYA BA NYID YIN GYIS GDON MI ZA BAR BYA DGOS PA NI RTAG PAR RGYUN CHAGS SU GDON MI ZA @159B BAR BYA DGOS PA MA YIN NO, ,'DOD PA'I NYES DMIGS SHES PA DANG, ,ZHES BYA BA LA GZUGS LA SOGS PA'I YUL RNAMSNI 'DOD PAR BYED BAR 'DOD PA DAG STE, DE DAG NI RUS GONG GI DUM BU DANG, SHA'I KHAM TSAD LA SOGS PA LTA BU DANG CHOS MTHUN PA DANG LDAN PA'I PHYIR NYES DMIGS DANG BCAS PA YIN NO, ,BYANG CHUB SEMS DPA' NI NYES DMIGS DANG BCAS PA'I SHES PA SKYES PAS GNAS SKABS GANG DU YANG NAM YANG 'DOD PA RNAMS LA CHAGS PAR MI 'GYUR BAS 'DOD PA RNAMS LA NYES DMIGS SU LTA BA ZHES BYA'O, ,BDE LA RO MYANG MED NYID DANG, ,ZHES BYA BA NI BSAM GTAN DAG LA RO MYANG BAR MI BYED PA NYID YIN NO, ,SO SO THAR PA'I SDOM PAS BSDUS PA DANG, BSAM GTAN GYI SDOM PAS BSDUS PA'I TSUL KHRIMS GANG DAG YIN PA DE DAG PAS NI ZAG PA MED PA'I SDOM PAS BSDUS PA'I TSUL KHRIMS GTZO BO YIN NO, ,SDUG BSNGAL LA JI MI SNYAM PA'I BZOD PA DANG, GNOD PAR BYED PA DANG DU LEN PA'I BZOD PA DANG, CHOS LA NGES PAR RTOG PA'I BZOD PA YANG, SGRA'I RJES SU 'GRO BA'I BZOD PA GANG YIN PA DE RNAM PAS NI DE KHO NA'I DON GYI PHYOGS GCIG GI RJES SU ZHUGS PA DANG LDAN PA'I TING NGE 'DZIN DANG MTSUNGS PAR LDAN PA'I BZOD PA GANG YIN PA 'DI DAG GTZO BO YIN NO, ,CHOS GDAGS PA RNAM PAR GZHAG PA DANG, BDEN PA DANG RIG PA DANG THEG PA GDAGS PA RNAM PAR GZHAG PA ZHES BYA BA LA, MDO'I SDE DANG DBYANGS KYIS BSNYAD PA'I SDE LA SOGS PA'I RNAM PA'I BYE BRAG GIS RIG PA'I GNAS LNGA RNAM PAR GZHAG PA NI CHOS RNAM PAR GZHAG PA YIN PAR RIG PAR BYA'O, ,DE LAS GZHAN PA'I RIG PA'I GNAS RNAMS NI DE'I KHONGS SU 'DUS PA KHO NA STE, THEG PA CHEN PO LAS BYANG CHUB SEMS DPA' RNAMS LA BSHAD DO ZHES BYA BA NI NANG RIG PA NI THEG PA CHEN PO STE RIG PA'O, ,GNAS GZHAN BZHI PO GSO BA DANG, GTAN TSIGS DANG, SGRA DANG, BZO'I LAS KYI RIG PA'I GNAS RNAMS NI DE'I KHONGS SU 'DUS PA YIN NO, ,'JUG PA'I DE BZHIN NYID CES BYA BA NI, 'JUG PA'I NGO BO NYID NI 'KHOR BA STE, @160A *, ,'DI NI 'KHOR BA'I BDEN PA YIN NO, ,DE'I NGO BO NI DE BZHIN NYID DE, 'DI LTA STE 'JUG PA'I NGO BO NYID DU PHYIN CI MA LOG PA NYID YIN NO, ,MTSAN NYID KYI DE BZHIN NYID NI NGO BO NYID GSUM MO, ,RNAM PAR RIG PA'I DE BZHIN NYID NI 'DI LTA STE, KHAMS GSUM PA 'DI NI RNAM PAR RIG PA TZAM MO ZHES BYA BA LTA BU STE, 'DI LTA STE CHOS THAMS CAD NI RNAM PAR RIG PA TZAM MO ZHES BYA BA 'DI NI 'DIR BDEN ZHING PHYIN CI MA LOG PA YIN NO, ,GNAS PA'I DE BZHIN NYID NI SDUG BSNGAL GYI BDEN PA'O, ,LOG PAR SGRUB PA'I DE BZHIN NYID NI KUN 'BYUNG GI BDEN PA STE, LAS DANG NYON MONGS PA'I MTSAN NYID KYI KUN 'BYUNG BA'I BDEN PA'O, ,LOG PAR SGRUB PA NI NYON MONGS PA RNAMS DANG, DE DAG GIS RAB TU BCUG PA'I LAS TE, 'DI LTA STE, LOG PAR BSGRUB PA 'DI NI KUN 'BYUNG BA'I BDEN PA DE BZHIN NYID PHYIN CI MA LOG PA YIN NO, ,RNAM PAR DAG PA'I DE BZHIN NYID NI 'GOG PA'I BDEN PA STE, RNAM PAR DAG PA'I NGO BO NYID KYIS 'GOG PA'I BDEN PA'O, ,'DI NI 'DI'I PHYIN CI MA LOG PA YIN TE, DE BZHIN NYID KYI DMIGS PA DER SDUG BSNGAL RGYU DANG BCAS PA 'GOG PA'I PHYIR RO; ,YANG DAG PA'I SGRUB PA'I DE BZHIN NYID NI LAM GYI BDEN PA STE, LAM 'DIS 'PHAGS PA RNAMS THAR PA SGRUB PA'I PHYIR 'DI NI PHYIN CI MA LOG PA'I DE BZHIN NYID YIN NO, ,DE LA LTOS NAS RKYEN DES 'JIG RTEN LAS 'DAS PA'I GANG YANG DAG PA'I LTA BA SKYE BA'I PHYIR RO ZHES BYA BA NI TSUL BZHIN YID LA BYED PA LA LTOS NAS YANG DAG PA'I LTA BA SKYE BA YIN NO, ,BYA BA BYED PA'I RIGS PA NI YANG DAG PA'I LTA BA 'BRAS BU DANG BCAS PA'O ZHES BYA BA LA, YANG DAG PA'I LTA BA'I BYA BA BYED PA NI 'DI LTA STE, RJES SU MTHUN PA'I 'BRAS BU SGRUB PA 'DI YIN NO, ,DE'I 'BRAS BU GANG ZHIG CE NA, RNAM PAR GROL BA YIN NO, ,'THAD PA SGRUB PA'I RIGS PA NI MNGON SUM LA SOGS PA'I TSAD MAS YONGS SU RTOG PA'O ZHES BYA BA NI MIG LA SOGS PAS GZUGS LA SOGS PA DANG, BU BA SA MED DANG, BYAS PA NYID LA SOGS @160B PAS SGRA MI RTAG PAR YONGS SU RTOG PA GANG YIN PA 'DI NI 'THAD PA KHO NA YIN NO, ,BSAM PA JI LTA BA DANG 'DOD PA JI LTA BAR CHOS BSHAD PA YIN NO ZHES BYA BA NI GDUL BA RNAMS KYI BSAM PA DMAN PA DANG 'BRING DANG MCHOG DE KHO NA JI LTA BA BZHIN DU SHES NAS CHOS 'CHAD PA YIN NO, , DE GNYIS 'BREL BA LA ZHES BYA BA NI, RJOD PA DANG BRJOD PAR BYA BA 'BREL PA LA STE, RJOD PA NI MING NGO, ,BRJOD PAR BYA BA NI DNGOS PA'O, ,DE DAG 'BREL PA NI DE GNYIS 'BREL PA'O, ,NGO BO NYID 'DOGS PA NI GZUGS NI GZUGS SU RUNG BA'I MTSAN NYID DO, ,TSOR BA NI NYAMS SU MYONG BA'I MTSAN NYID DO, ,ZHES BYA BA DE LTA BU LA SOGS PA'O, ,KHYAD PAR 'DOGS PA YONGS SU TSOL BA NI GZUGS NI MI RTAG PA DANG, SDUG BSNGAL DANG, STONG PA DANG, 'DOGS PAR GTOGS PA DANG, 'DUS BYAS DANG, GZAG PA DANG BCAS PA DANG, ZAG PA MED PA'O ZHES BYA BA LTA BU STE, TSOR BA LA SOGS PA LA YANG DE BZHIN DU SBYAR BAR BYA'O, ,NGO BO NYID DANG KHYAD PAR 'DOGS PA YONGS SU TSOL BA GANG YIN PA 'DI NI BRTAG PA TZAM DU YONGS SU TSOL BA YIN NO, ,D ELA RTEN RGYU MTSAN NI, SNOD KYI 'JIG RTEN NO ZHES BYA BA NI DE NI KUN GZHI RNAM PAR SHES PA'I RGYU MTSAN DMIGS PA YIN NO ZHES BYA BA'I THA TSIG STE, 'DI LTAR KUN GZHI RNAM PAR SHES PA NI GNAS RNAM PAR RIG PA 'BYUNG BA YIN NO, ,LONGS SPYOD KYI RGYU MTSAN NI GZUGS LA SOGS PA YUL LNGA'O ZHES BYA BA LA, LONGS SPYOD NI MIG GI RNAM PAR SHES PA LA SOGS PA RNAM PAR SHES PA DRUG GO, ,DE DAG GI RGYU MTSAN TE DMIGS PA NI, GZUGS LA SOGS PA YUL RNAMS YIN NO, ,SA BON RGYU MTSAN NI DE DAG GI SA BON KUN GZHI RNAM PAR SHES PA GANG YIN PA ZHES BYA BA NI RNAM PAR SHES PA BSHAD MA THAG PA RNAMS KYI SA BON 'JOG PA DANG LDAN PA'I PHYIR RO, ,RGYU MTSAN ZHES BYA BA'I SGRA NI RTEN RGYU MTSAN DANG LONGS SPYOD RGYU MTSAN DANG SA BON RGYU MTSAN ZHES RE RE LA SBYAR BAR BYA'O, ,DE LA RTEN NYID RGYU MTSAN YIN PAS NA RTEN RGYU MTSAN TE, LAS 'DZIN PAR TSIG BSDU'O, ,LONGS SPYOD @161A *, ,KYI RGYU MTSAN YIN PAS NA LONGS SPYOD RGYU MTSAN TE, DE'I SKYES BUR TSIG BSDU'O, ,SA BON NYID RGYU MTSAN YIN PAS NA SA BON RGYU MTSAN NO, ,RTEN NI MIG LA SOGS PA YIN ZHES BYA BA NI MIG GI RNAM PAR SHES PA LA SOGS PA RNAM PAR SHES PA LNGA'I RTEN NI MIG LA SOGS PA'O, ,YID KYI RNAM PAR SHES PA NI NYON MONGS PA CAN GYI YID DO, ,BDAG NYID 'DUG PA NI SA DANG KA BA DANG BUM PA LA SOGS PA GANG YIN PA'O, ,DE LTAR MI RTOG PA'I RIM PA DE LTA BUS ZHES BRJOD PAR BYA STE ZHES BYA BA NI THAMS CAD LA MI RTOG PA'I RNAL 'BYOR GYIS BYANG CHUB MCHOG THOB PO, ,RIM GYIS SGOM PAR BYED PA'I RNAL 'BYOR GYIS BYANG CHUB KYI MCHOG THOB PO ZHES BYA BA STE, DE NI 'DI SKAD DU RTEN DANG LONGS SPYOD DANG SA BON LA SOGS PA'I 'CHING BA YONGS SU SHES PAR BYAS NAS MDUN DU GZHAN LA SOGS PA'I RIM GYIS THAR PA LA 'JUG PA DE LTAR NA YANG DAG PA JI LTA BA BZHIN DU YONGS SU SHES PA YIN NO ZHES BYA BAR SBYAR RO, ,MTSAN MA'I GNYEN PO NI RNAM PAR MI RTOG PA'I YE SHES TE, DE THOB PAS MTSAN MA THAMS CAD DANG BRAL BAR 'GYUR RO, ,SNGAR NI BZHAG PA RUS GONG LA SOGS PA'I MTSAN MA MI MTHONG LA, PHYIS NI BDAG NYID 'DUG PA KA BA DANG BUM PA LA SOGS PA STE, 'DI SKAD DU, JI LTAR RUS PA'I RUS GONG LA SOGS PA DMIGS PA NYID DU YONGS SU MA GRUB KYI RANG GI SEMS 'DI NYID RUS GONG LA SOGS PA NYID DU SNANG BA LTAR KA BA DANG BUM PA LA SOGS PA YANG DE DANG 'DRA'O ZHES BSHAD PA YIN NO, DE ZAD MI BYED PAR ZHES BYA BA NI RGYU MTSAN GYI 'DUN PA YIN TE, ZAD PAR BYED CING DE ZAD PAR BYED PA'I CHED YIN NO, ,RNAM PA THA DAD PA MED PA BSGOMS PA NI MTSAN MA DANG DE BZHIN NYID DAG THA MI DAD PA NYID DU THOB PA'I PHYIR RO ZHES BYA BA MTSAN MA'I NGO BO NYID NI 'KHOR BA STE, BYANG CHUB SEMS DPA' RNAMS NI RNAM PAR MI RTOG PA YE SHES THOB PA'I PHYIR MTSAN MA DANG DE BZHIN NYID DAG LA THA DAD PA NYID DU MI LTA'O, ,DE NYID KYI PHYIR MJUG THOGS SU, ,BYIS PA YANG DAG NYID BSGRIBS NAS, ,YANG DAG MA YIN KUN TU SNANG, ,ZHES @161B BYA BA LA SOGS PA 'CHAD PAR 'GYUR RO, ,DE DAG NI MTSAN MA DANG MTSAN MA MED PA DAG THA DAD PA NYID DU MTHONG BAS ZHES BYA BAS NI NYAN THOS RNAMS SO, ,JI LTAR THA DAD PA NYID DU MTHONG ZHE NA, MTSAN MA'I RANG BZHIN NI 'KHOR BA STE, DE LA NI MA ZHI BA NYID DU RTOG GO, ,MTSAN MA MED PA NI MYA NGAN LAS 'DAS PAS TE, DE LA NI ZHI BA NYID DU RTOG GO, ,RNAM PAR RTOG PA JI LTA BA BZHIN DU DON THAMS CAD SGRUB PA'I SGO NAS ZHES BYA BA NI GANG DANG GANG LA RNAM PAR RTOG PA'I DON DE DANG DE 'GRUB PAR 'GYUR RO, ,GZHAN DANG GZHAN 'BYUNG BA DE BZHIN NYID 'DI YIN NO ZHES BYA BAR RIGS MTHUN PAR SNANG NGO ZHES BYA BA NI SA DANG RI LA SOGS PA STE, JI SRID DU SNOD KYI 'JIG RTEN SKAD CIG GCIG 'JIGS PAS RNAM PAR RIG PA TZAM NYID DU MA MTHONG BA DE SRID DU, PHYIN CI LOG TU GYUR BA'I SANGS RGYAS KYI ZHING YONGS SU DAG PAR MI 'GYUR RO, ,GZHAN DANG GZHAN ZHES BYA BA NI, GZHAN DANG GZHAN ZHES BYA BA'I THA TSIG GO, ,YONGS SU SMIN PAR BYAR RUNG BA NI GDUL BA'I KHAMS SO ZHES BYA BA NI GDUL BAR 'OS PA GANG YIN PA DE NI GDUL BAR RUNG BA YIN NO, ,GANG DU BYE BRAG TU MA PHYE BA YONGS SU SMIN PAR BYA BA'I DNGOS PO NI SEMS CAN GYI KHAMS KHYAD PAR MED PA'O ZHES BSHAD MOD KYI, 'ON KYANG DE LA GDUL BA NYID DU 'OS PA GANG YIN PA DE KHO NA GDUL BAR RUNG BA YIN TE, NYI MA SHAR BAS PADMA SMIN PA KHA 'BYED PA BZHIN NO, ,YANG DAG PAR BSHAD PA'I DNGOS PO NI GDUL BA'I KHAMS KYI THABS SO ZHES BYA BA NI BYANG CHUB SEMS DPA' RNAMS NI THABS GANG DANG GANG GIS 'DOD CHAGS SPYOD PA LA SOGS PA GDUL BAR 'GYUR BA MI SDUG PA BSHAD PA LA SOGS PA THABS DE DANG DES SEMS CAN RNAMS 'DUL BAR BYED DO, ,DNGOS PO ZHES BYA BA'I SGRA NI LNGA PO RE RE LA SBYAR RO, ,BRGYUD DE 'DZIN PAS DAM PA'I CHOS KYANG YUN RING DU GNAS PAR 'GYUR RO ZHES BYA BA NI BYANG CHUB SEMS DPA' GANG DAG LA DAM PA'I CHOS BSHAD PA DE DAG GIS KYANG THOS NAS, MAR MES MAR ME SBAR BA'I TSUL DU GZHAN DAG LA 'CHAD PAR BYED PA YIN NO, ,GNYIS SGRUB PA'I PHYIR RO ZHES BYA BA NI GNYIS SGRUB PA'I SGO @162A *, ,NAS ZHES BYA BA'I THA TSIG GO, ,THABS LA MKHAS PA CHEN PO NYID NI, 'KHOR BA YONGS SU MI GTONG ZHING KUN NAS NYON MONGS PA MED PA'I PHYIR RO ZHES BYA BA NI SNYING RJE DANG RNAM PAR MI RTOG PA'I YE SHES DANG LDAN PA'I PHYIR TE, SNYING RJES NI 'KHOR BA YONGS SU MI GTONG LA RNAM PAR MI RTOG PA'I YE SHES KYIS NI DER KUN NAS NYON MONGS PAR MI 'GYUR RO, ,DNGOS PO RNAM PA BCU PO 'DIS THEG PA CHEN PO MTHA' DAG BSDUS TE ZHES BYA BA NI RIGS NAS BZUNG NAS BYANG CHUB MCHOG SANGS RGYAS KYI SA'I BAR GYI BCU TSAN 'DIS RGYU DANG 'BRAS BU BSDUS TE, THEG PA CHEN PO NI 'DI TZAM DU ZAD DO, ,DE LA BYANG CHUB SEMS DPA' RNAMS KYI RIGS NI SKYE MCHED DRUG GI KHYAD PAR CHOS NYID KYIS THOB PA THOG MA MED PA'I DUS NAS BRGYUD DE 'ONGS PA NYID DE 'DRA BA YIN NO, ,RIGS KYI STOBS KYIS THEG PA CHEN PO'I CHOS ZAB CING RGYA CHE BA BSHAD PA LA MOS PA GANG YIN PA DE NI MOS PA'O, ,DE'I 'OG TU BLA NA MED PA YANG DAG PAR RDZOGS PA'I BYANG CHUB TU SEMS SKYED PAR BYED DO, ,DE NAS SBYIN PA LA SOGS PA'I PHA ROL TU PHYIN PA DRUG LA 'JUG GO, ,DE NAS BSKAL PA GRANGS MED PA DANG PO LA BSOD NAMS DANG YE SHES KYI TSOGS YANG DAG PAR BSGRUBS PAS SA DANG PO THOB PAR 'GYUR RO, ,LHAG MA NI GZHUNG GI GZHI NYID LAS LEGS PAR BRIS PAR ZAD DO, ,DA NI RAB TU BSNGAGS PA'I YON TAN LA BRTEN NAS, BYANG CHUB SEMS DPA'I YON TAN BSNGAGS PA BSTAN PAS STON TE, MOS PA DANG LDAN PA'I MOS PAS SPYOD PA'I SA LA'O, ,LHAG PA'I BSAM PA DAG PA NI SA BCU PA DAG LA'O, ,DE NYID ZAB MO MTHONG BA NI BDAG MED PA GNYIS KYI RNAM PAR MI RTOG PA'I YE SHES THOB PA YIN TE, 'DIS NI SHES RAB KYI PHA ROL TU PHYIN PA SGRUB PA STON TO, ,BYANG CHUB SEMS DPA' DGA' LDAN ZHES BYA BA LA, DGA' BA NI 'DOD PA STE, 'DIS NI BYANG CHUB CHEN POR SMON PA STON TO, ,PHAN 'DOGS BYED PA NI SBYIN PA'I PHA ROL TU PHYIN PAS SO, ,GNOD PA MED PAR LTA BA NI TSUL KHRIMS KYI PHA ROL TU PHYIN PAS SO, ,GZHAN GYI GNOD PA DANG DU LEN PA NI BZOD PA'I @162B PHA ROL TU PHYIN PAS SO, ,SBYIN PA'I PHA ROL ROL TU PHYIN PA LA GOMS PAS RANG GI YONGS SU GZUNG BA LA NYES DMIGS SU BLTA BAR 'GYUR RO, ,LONGS SPYOD LA MA CHAGS PA NI LONGS SPYOD RNAMS SPONGS NAS TSUL KHRIMS YANG DAG PAR LEN TO, ,RNAL 'BYOR ZHES BYA BA NI BRTZON 'GRUS KYI PHA ROL TU PHYIN PA DANG LDAN PAS RNAL 'BYOR ZHES BYA'O, ,LTA NGAN MED PA NI SHES RAB KYI PHA ROL TU PHYIN PA DANG LDAN PA'I PHYIR RO, ,NANG DU RAB GNAS PA NI SMON LAM CHEN PO DANG LDAN PA'I PHYIR RO, ,BRTZE BA DANG LDAN PA NI SBYIN PA'I PHA ROL TU PHYIN PAS SO, ,NGO TSA BA NI YON TAN GYI CHOS DANG LDAN PA'I PHYIR KHA NA MA THO BA PHRA RAB TZAM LA YANG 'JIGS PAR LDAN PAS, TSUL KHRIMS DANG LDAN PAR 'GYUR RO, ,THEG PA MI 'KHRUGS PA NI SMON LAM CHEN PO DANG LDAN PA'I PHYIR RO, ,SDUG BSNGAL KHAS LEN PA NI SMON LAM CHEN PO DANG LDAN PA'I PHYIR RO; ,CHOS LA MI DGA' BA NI SBYIN PA'I PHA ROL TU PHYIN PAS SO, ,RANG BZHIN CHOS LA DGA' BA NI RANG BZHIN GYI TSUL KHRIMS KYIS SO, ,LONGS SPYOD BAG YOD PA NI SBYIN PA'I PHA ROL TU PHYIN PAS SO, ,CHAGS PA DANG BRAL BA'I PHYIR BDE LA BAG YOD PA STE, BSAM GTAN GYI BDE BA DAG LA MA CHAGS PA'I PHYIR RO, ,LTA BA CHUNG NGUS NGO TSA BA ZHES BYA BA NI CHOS SU 'DZIN PA'I LTA BA CHUNG NGUS KYANG NGO TSA BA'I PHYIR RO, ,TSUL KHRIMS KYIS NI SKYE BA KHYAD PAR CAN THOB NAS, GZHAN DU SEMS CAN RNAMS LA PHAN 'DOGS PAR 'JUG GO, ,DBANG 'BYOR PA NYID THOB PAS NI; BSAM GTAN GYI PHA ROL TU PHYIN PAS 'BAR BA DANG, CHU 'BEBS PA DANG, KUN BRJOD PA'I CHO 'PHRUL LA SOGS PA'I DBANG 'BYOR BA NYID KYIS NI SEMS CAN GYI DON BYED PA'I PHYIR RO, ,BDAG RJES RTOGS ZHES BYA BA NI KUN GZHI RNAM PAR SHES PA NI CHU BO'I RGYUN BZHIN DU RGYUN CHAGS SU 'JUG PA NI BYES PA RNAMS THOG MA MED PA'I DUS NAS BDAG TU 'DZIN PA LA MNGON PAR ZHEN PAS, BDAG NYID DU MNGON PAR CHAGS SHING DE LA BDAG TU NYE BAR 'DOGS PAS DE RTOGS PA'I PHYIR, BDAG RJES SU RTOGS PA ZHES BYA'O, ,LTA BA PHRA RTOGS ZHES BYA BA NI NYON @163A *, ,MONGS PA CAN GYI YID RTOGS PA'I PHYIR TE, NYON MONGS PA CAN GYI YID NI 'JIG TSOGS LA LTA BA LA SOGS PA'I NYON MONGS PA BZHI DANG LDAN PAS KUN GZHI RNAM PAR SHES PA LA BDAG NYID DU MNGON PAR ZHEN PA NI LTA BA'I NGO BO NYID CES BYA'O, ,DE RNAMS KYANG YANG DAG PA MA YIN PA'I KUN TU RTOG PA NYID DU RTOGS PA'I SGO NAS ZHES BYA BA NI BYANG CHUB SEMS DPA'I KUN GZHI RNAM PAR SHES PA DANG, NYON MONGS PA CAN GYI YID DANG 'JUG PA'I RNAM PAR SHES PA DRUG PO DAG LOG PAR KUN TU RTOGS PA LA GOMS PAS YANG DAG PA MA YIN PA'I KUN TU RTOG PA'I NGO BO NYID DU RTOGS PA'I PHYIR BYANG CHUB SEMS DPA' ZHES BYA'O, ,DNGOS MED RTOGS ZHES BYA BA NI KUN BRTAGS PA'I NGO BO NYID RTOGS PA'I PHYIR RO ZHES BYA BA'I DON TO, ,MA RTOGS PA NYID DU RTOGS PA SO SOR RTOGS PA ZHES BYA BA NI, 'JIG RTEN GZUNG BA DANG 'DZIN PA LA MNGON PAR ZHEN PA'I GZUGS LA SOGS PA'I YUL RNAMS LA YANG DAG PA NYID DU RTOGS PAR MNGON PAR ZHEN PA GANG YIN PA BYIS PAS KUN BRTAGS PA'I MA RTOGS PA'I DE LA BYIS PA RNAMS KYIS GZUNG BA DANG 'DZIN PAR MNGON PAR ZHEN PAS RTOGS PAS GANG YIN PA 'DI NI MA RTOGS PA YIN NO ZHES BYA BAR SO SOR RTOGS PA'I PHYIR TE, DE LTAR NA BYANG CHUB SEMS DPA' 'DIS GNYIS SU 'DZIN PA LAS RNAM PAR GROL BA YANG, YONGS SU DAG PAR RTOGS PA'I PHYIR, BYANG CHUB SEMS DPA' ZHES BYA'O, ,DON MED RTOGS ZHES BYA BA NI LOG PAR KUN NAS RTOGS PA LA GOMS PA'I BAG CHAGS DANG LDAN PA'I PHYIR GZHAN GYI DBANG GI NGO BO NYID NI DON MED PAR GYUR PA STE, DE RTOGS PA'I PHYIR BYANG CHUB SEMS DPA' ZHES BYA'O, ,DON RTOGS KUN ZHES BYA BA NI, SKYE MCHED BCU GNYIS PO BYIS PA RNAMS KYIS GZUNG BA DANG, 'DZIN PA NYID DU KUN BRTAGS PA DE DAG RTOGS PA'I PHYIR KUN BRTAGS PA'I MTSAN NYID NI RTOGS PA YIN NO, ,RTOGS BYA RTOGS GZHI RTOGS PA RTOGS PA'I RGYU, ,ZHES BYA BA LA, RTOGS PAR BYA BA'I DON TO, ,RTOGS PA NI DE'I YUL CAN GYI SHES PA'O, ,RTOGS PA'I GZHI NI SKYE MCHED DRUG STE, RTOGS PAR BYA BA DANG, RTOGS @163B PA PO DANG, RTOGS PA RNAMS KUN BRTAGS PA YIN PA'I PHYIR, 'KHOR GSUM YONGS SU DAG PA ZHES BYA'O, ,GNAS RTOGS PA ZHES BYA BA NI KUN TU STON PAR BYED PA RTOGS PA'O, ,RTOGS PA MA THOB PA NI MA 'ONGS PA'I DUS SO, ,RTOGS PA MA THOB PA JI LTAR RTOGS PA RNAM PAR GZHAG CE NA, 'DI DGE BA'I CHOS LA RTAG TU GUS PAR BYAS TE SBYOR BAS MA 'ONGS PA NA RTOGS PAR NUS TE RTOGS PAR BYA BA'I MTHU THOB PAR BYA BA'I PHYIR BYANG CHUB SEMS DPA' ZHES BYA'O, ,SO SOR 'CHAD PAR BYED PA'I RTOGS PA NI RAGS PA'O ZHES BYA BA NI THOS PA'I GNAS SKABS NA BSHAD PA'I CHOS KYIS RJES SU 'BRANGS TE, RTOGS PA GANG YIN PA'O, ,YON TAN GYI SKABS RDZOGS SO,, ,,YANG BYANG CHUB SEMS DPA' YON TAN DE LTA BU DANG LDAN PA DE DAG GI MING YANG DAG PA'I DON DANG MTHUN PA'I PHYIR RAB TU RNAM PAR DBYE BAS DE DAG LA BSTOD PA BSGRAGS PAS DE LTAR RNAM PAR 'PHEL BA'I YON TAN RGYA CHEN PO SNA TSOGS DANG, BSAM PA BZANG PO DANG, SPYOD PA'I BSAM PA'I RNAM PA DAG GIS BYANG CHUB SEMS DPA' RNAMS YIN NO, ,ZHES BYA BAR YONGS SU GCOD PA DE RAB TU DBYE BA'I PHYIR YON TAN GYI SKABS KYI 'OG TU BRTAGS TE, GANG GIS NA BYANG CHUB SEMS DPA' RNAMS SU MNGON PAR BYED CING MTSON PAR BYED PA ZHES BYA BA'I THA TSIG GO, ,BRTZE BA NI BYANG CHUB TU SEMS KYIS SEMS CAN YONGS SU GZUNG BA'I PHYIR RO, ,ZHES BYA BA NI SEMS CAN YONGS SU GZUNG BA'I CHED DU STE, SEMS CAN YONGS SU GZUNG BA'I PHYIR, SEMS CAN RNAMS 'KHOR BA'I RGYA MTSO LAS BSGRAL BAR BYA'O ZHES BYANG CHUB TU SEMS SKYED PAR BYED DO, ,BRTAN PA NYID KYI RTAGS DON GANG LA YIN PA BSTAN PA'I PHYIR, DKA' BA SPYOD PA LA SOGS PAS MI SKYO BA'I PHYIR RO, ,YONGS SU GZUNG BA LA SOGS PA NI BRTZE BA LA SOGS PA'I LAS DANG MDOR BSDU BA YIN NO, ,BRTZE BA NI BSAM PA'I SGO NAS RIG PAR BYA'O, ,LHAG MA NI SBYOR BA'I SGO NAS SO ZHES BYA BA NI, BCOM LDAN 'DAS KYI BSTAN PA LA MOS PA THOB PA LA SOGS PAR BYA BA'I PHYIR SNYAN PAR SMRA BA LA SOGS PAS RAB TU SBYOR @164A *, ,TE; BRTZE BA NI BSAM PA'I SGO KHO NA NAS YIN GYI, SBYOR BA'I SGO NAS NI MA YIN NO, ,RTAGS DE YANG KHYIM PA DANG, DGE SBYONG LA BRTEN NAS 'JUG STE, DE'I PHYIR DE'I 'OG TU DE'I RTEN RAB TU RNAM PAR DBYE BA'O, ,YANG DAG PAR LEN PAS THOB PA'I RAB TU BYUNG BA NI SLOB MA DANG, SLOB DPON DU 'BREL BA'I GSOL BA DANG BZHI'I LAS KYIS KYANG GANG YIN PA'O, ,CHOS NYID KYIS THOB PA NI RTOG PA'I DUS NA MI BYED PA'I SDOM PA THOB PA'I PHYIR TE, DE KHO NA NYID RTOGS PA GANG ZHIG 'DI SNYAM DU BDAG GI DMYAL BA YANG ZAD, DUD 'GRO YANG ZAD, YI DVAGS KYANG ZAD DE, DE BDAG NI YANG SDIG PA'I LAS BYAS NAS, NGAN SONG RNAMS SU RNAM PAR SMIN PA MNGON PAR 'GRUB PA'I SKAL PA CAN MA YIN NO SNYAM DU SEMS PA YIN NO, ,DE LTAR PHYOGS GNYIS LA BSLAB PA YONGS SU RDZOGS PAR BYED PA NA DKA' BA SPYOD PA LA BSAM PA BRTAN PO 'THOB PAR 'GYUR BAS, DE'I PHYIR DE'I 'OG TU BSAM PA'I KHYAD PAR TE, BSAM PA'I STOBS CAN NI GZHAN GYI DON LA ZHUM PAR MI 'GYUR RO, ,MYA NGAN LAS 'DAS PAR 'DOD PA NI DE GNYI GA'I LHAG PA'I BSAM PA KHO NA YIN PAS ZHES BYA BA NI PHAN PA DANG BDE BA'I LHAG PA'I BSAM PA STE, SEMS CAN PHUNG PO'I LHAG MA DANG BCAS PA'I MYA NGAN LAS 'DAS PA THOB PA RNAMS NI NYON MONGS PA THAMS CAD SPANGS PAS 'DI NYID LA PHAN PA DANG LDAN PAR 'GYUR RO, ,PHUNG PO LHAG MA MED PA'I MYA NGAN LAS 'DAS PA 'THOB PA RNAMS NI PHYI MA LA SKYE BA LA SOGS PA'I SDUG BSNGAL DANG BRAL BAS BDE BAR 'GYUR BA'I PHYIR, MYA NGAN LAS 'DAS PAR 'DOD PA NI DE GNYI GA'I LHAG PA'I BSAM PA YIN ZHES BYA'O, ,GZHAN DAG NA RE BDAG GI LHAG PA'I BSAM PA NI MTHONG BA'I CHOS LA BDE BA LA SBYOR BA'I PHYIR RO, ,PHAN PA'I LHAG PA'I BSAM PA NI TSE PHYI MA LA BDE BA LA SBYOR BA'I PHYIR RO ZHES ZER RO, ,PHYIR MI LDOG PA'I SA NI MI G-YO BA LA SOGS PA GSUM STE, MNGON PAR 'DU BYED PA MED PA'I LAM LAS MI LDOG PA'I PHYIR RO, ,DE LTAR LHAG PA'I BSAM PA'I STOBS DANG LDAN PA NI GZHAN GYI DON LA ZHUM PAR MI 'GYUR BAS DE'I 'OG TU SEMS CAN NYE BAR LEN @164B PA STE; SEMS CAN YONGS SU 'DZIN PA ZHES BYA BA'I THA TSIG GO, ,BDAG POS YONGS SU 'DZIN PA NI RJE BOR GYUR PA NI 'DI GANG DAG GI RJE BO YIN PA'O ZHES BYA BA NI 'KHOR LOS SGYUR BA LA SOGS PA RJE BOR GYUR PA GLING BZHI PA'I DBANG PHYUG NYID YIN PAS GLING BZHI PA LA SOGS PA'I SEMS CAN YONGS SU 'DZIN PA YIN NO, ,DE LTAR SMON LAM LA SOGS KYIS YONGS SU BZUNG BAS MI GTANG BA'I BSAM PA YONGS SU 'DZIN PA RNAMS KYANG TSE GCIG PA'I LUS RE ZHIG PAS 'DI DAG GI DON BSGRUB PAR MI NUS PAS, DE'I PHYIR DE'I 'OG TU SRID PAR SKYE BA'I KHYAD PAR TE; LAS KYI DBANG GIS 'DOD PA'I GNAS SU SKYE BA ZHES BYA BA NI MOS PAS SPYOD PA'I SA LA LAS DKAR PO YONGS SU GZUNG BA'I DBANG GIS SO, ,SEMS CAN YONGS SU SMIN PAR BYA BA'I PHYIR DUD 'GRO LA SOGS PA'I GNAS DMAN PAR YANG SKYE ZHES BYA BA NI RTOGS PA'I DUS NA, BYANG CHUB SEMS DPA'I NGAN 'GRO RNAMS LDOG STE, LOG KYANG SMON LAM GYI STOBS KYIS NGAN 'GROR SKYE'O, ,TING NGE 'DZIN GYI DBANG GIS NI BSAM GTAN RNAMS BZLOG NAS 'DOD PA'I KHAMS SU SKYE BA GANG YIN PA'O ZHES BYA BA NI, MDO SDE DAG LAS BYANG CHUB SEMS DPA' RNAMS KYI BSAM GTAN BZLOG PA LA MKHAS PA 'BYUNG NA, BSAM GTAN LDOG PA CI BSAM GTAN YONGS SU GTONG BA YIN NAM ZHE NA, SMRAS PA, MA YIN NO, ,BSAM GTAN GYI 'BRAS BU LDOG PA NI BSAM GTAN BZLOG PA STE, BSAM GTAN GYI 'BRAS BU GZUGS KYI KHAMS SU SKYE BA DE BZLOG NAS, 'DOD PA'I KHAMS SU SKYE BA YIN NO, ,'PHAGS PA RNAMS KYI SKYE BA BSHAD MA THAG PA DE YANG SKYES PA'I RABS KYI DBYE BAS MTHA' YAS TE, SEMS CAN RNAM PAR DAG PAS CHE CHUNG GI RNAM PA GANG DAG LA RNAM PAR GZHAG PA BRJOD DGOS PAS DE'I PHYIR DE'I 'OG TU RNAM PAR DAG PA'I GNAS SKABS KYI SA BCU'O, ,BZHI PA NI BYANG CHUB KYI PHYOGS DANG MTHUN PAS MANG DU GNAS KYANG, BYANG CHUB KYI PHYOGS DANG MTHUN PA RNAMS 'KHOR BAR YONGS SU BSNGO BA YIN NO ZHES BYA BA NI BYANG CHUB KYI PHYOGS DANG MTHUN PA'I CHOS RNAMS NI GCIG TU 'KHOR BA LA SDUD PA YIN NA, @165A *, ,BYANG CHUB SEMS DPA' THABS LA MKHAS PAS BYANG CHUB KYI PHYOGS DANG MTHUN PA SGOM PA SNYING RJE CHEN POS YONGS SU ZIN PA'I PHYIR RO, ,DE NI 'GRO BA LA 'KHYUD NAS 'DUG PA LTA BU YIN PAS SNYING RJE CHEN POS YONGS SU ZIN PA'I PHYIR 'KHOR BAR YONGS SU BSNGOS PA RNA BAS SEMS CAN LA PHAN PAR BYED KYI GTAN DU 'KHOR BA LA RGYAB KYIS PHYOGS TE 'DUG PA NI MA YIN NO, ,LNGA PA NI 'PHAGS PA'I BDEN PA BZHIS MANG DU GNAS PAS KUN NAS NYON MONGS PAR MI 'GYUR RO, ,DES NA SEMS LA KUN NAS NYON MONGS PA MED PAS SEMS CAN RNAMS YONGS SU SMIN PAR BYED DE, 'DI NI SA LNGA BA'I MTSAN NYID YIN NO, ,DER KUN NAS NYON MONGS PA RJES SU SGRUB PA YIN NO ZHES BYA BA NI 'DI'I CHED DU BSAMS NAS SRID PAR SKYE BA GANG YIN PA DER RTEN CING 'BREL PAR 'BYUNG BAS LAN MANG DU GNAS PA NYID KYIS KUN NAS NYON MONGS PAR MI 'GYUR BA YIN NO; ,BDUN PA NI 'DRES PA NYE BAR 'DRES PA NYID KYIS BGROD PA GCIG PA'I LAM GNAS BRGYAD DANG 'BREL PA, MTSAN MA MED PAR GCIG TU NGES PA'I LAM YIN NO ZHES BYA BA DE LA, 'DRES PA NI BYANG CHUB SEMS DPA' MTSAN MA MED PAR GNAS PA SA BDUN PA LA GNAS PA RNAMS DANG NGO; ,NYE BAR 'DRES PA NI BYANG CHUB SEMS DPA' MNGON PAR 'DU BYED PA MED PA'I LAM THOB PA SA BRGYAD PA LA GNAS PA RNAMS DANG NGO, ,BRGYAD PA MA THOB NA JI LTAR NYE BAR 'DRES PA YIN ZHE NA, NYE BA ZHES BYA BA'I NYE BAR GYUR PA 'DI NI KHAD NYE BA LA BYA STE DE LTA BAS NA BYANG CHUB SEMS DPA'I 'DI NI MTSAN MA MED PAR GNAS PA'I MTHAR THUG PAR GYUR PA'I SPYI BO LA GNAS PA MNGON PAR 'DU BYED PA MED PAR GNAS PAR GYUR PA DANG, KHAD NYE BAR GNAS SHING BAR CHAD MED PAR THOB PA YIN PAS NYE BAR 'DRES PA ZHES BYA'O, ,YANG NA MNGON PAR 'DU BYED PA DANG BCAS PA'I LAM BSGOM PA'I PHYIR 'DRES PA NYE BAR 'DRES PA ZHES BYA'O, ,GANG ZAG DANG CHOS SU LTA BA'I GNYEN PO'I YE SHES THOB PA'I PHYIR ZHES BYA BA NI RNAM PAR MI RTOG PA'I YE SHES THOB PA'I PHYIR RO, ,GSUM PA LA NI MI NYAMS PA'I BSAM GTAN DANG TING NGE 'DZIN THOB PA'I PHYIR @165B MNYAM PAR GZHAG PA YIN NO ZHES BYA BA NI TSE RABS GZHAN GYI GNAS SKABS NA YANG BSAM GTAN DAG LAS NYAMS PAR MI 'GYUR RO, ,BZHI PA LA NI MDO SDE LA SOGS PA'I CHOS LA THA DAD PA NYID KYI NGA RGYAL SPANGS PA'I PHYIR, CHOS LA NGA RGYAL SPANGS PA YIN NO ZHES BYA BA NI SA GSUM PA LA BYANG CHUB SEMS DPA'I CHOS LA GUS PA DANG, CHOS RIN CHE BAR BYED PA BDAG GIS CHOS KYI TSIG GCIG GI DON DU YANG STONG GSUM GYI STONG CHEN PO MES RAB TU GANG BAR TSANGS PA'I 'JIG RTEN NAS BDAG NYID DOR BAR SPRO NA, ME'I 'OBS THA MAL BA LTA SMOS KYANG CI DGOS SNYAM PA GANG YIN PA DES, SA BZHI PA LA LDOG GO, ,JI LTAR LDOG CE NA, DE 'DI SNYAM DU GCIG TU CHOS TSOL BA GANG YIN PA 'DI NI SEMS G-YENG BAR 'GYUR TE, DE BAS NA CHOS TSOL BA BTANG LA BYANG CHUB KYI PHYOGS DANG MTHUN PA BSGOM PA LA 'JUG GO SNYAM DU SEMS SO, ,LNGA PA LA NI SEMS DANG BSAM PA RNAM PAR DAG PA BCUS RGYUD THA DAD PAR NGA RGYAL MED PA YIN NO, ,BCU GANG ZHE NA, 'DI LTA STE, 'DAS PA'I SANGS RGYAS KYI CHOS RNAM PAR DAG PA LA BSAM PA MNYAM PA NYID DANG, DE BZHIN DU MA 'ONGS PA DANG, DA LTAR BYUNG BA'I SANGS RGYAS KYI CHOS RNAM PAR DAG PA LA BSAM PA MNYAM PA NYID DANG, TSUL KHRIMS RNAM PAR DAG PA LA BSAM PA MNYAM PA NYID DANG, SEMS RNAM PAR DAG PA LA BSAM PA MNYAM PA NYID DANG, LTA BA DANG, THE TSOM DANG, YID GNYIS DANG, 'GYOD PA SEL BAS RNAM PAR DAG PA LA BSAM PA MNYAM PA NYID DANG, LAM DANG LAM MA YIN PA SHES PA RNAM PAR DAG PA LA BSAM PA MNYAM PA NYID DANG, LAM SHES PA RNAM PAR DAG PA LA BSAM PA MNYAM PA NYID DANG, BYANG CHUB KYI PHYOGS DANG MTHUN PA'I CHOS THAMS CAD GONG MA GONG MAS RNAM PAR 'JIG PA RNAM PAR DAG PA LA BSAM PA MNYAM PA NYID DANG, SEMS CAN THAMS CAD YONGS SU SMIN PAR BYED PA RNAM PAR DAG PA LA BSAM PA MNYAM PA NYID KYIS SO, ,SEMS DANG BSAM PA RNAM PAR DAG PA MNYAM PA NYID BCU PO 'DI DAG GIS SA LNGA PA LA 'JUG STE, BYANG CHUB SEMS DPA' SA LNGA PA THOB PAS JI LTAR 'DAS PA LA SOGS PA'I @166A *, ,SANGS RGYAS BCOM LDAN 'DAS RNAMS KYIS SANGS RGYAS KYI CHOS RNAM PAR DAG PA DE KHO NA BZHIN DU BDAG GI SANGS RGYAS KYI CHOS RNAMS KYANG RING PO MI THOGS PAR RNAM PAR DAG PAR 'GYUR RO SNYAM PA DE LTA BU'I BSAM PA THOB PAR 'GYUR RO, ,RTEN CING 'BREL PAR 'BYUNG BA'I DE BZHIN NYID DE NI RANG BZHIN KHO NAS RNAM PAR DAG PA STE, DE LA MA RIG PA'I RKYEN CAN LA SOGS PA KUN NAS NYON MONGS PA'I RTEN CING 'BREL BAR 'BYUNG BA GLO BUR BAS DRI MA CAN DU GYUR PA GANG YIN PA'AM, MA RIG PA 'GAGS PA LA SOGS PA DKAR PO'I PHYOGS KYI RTEN CING 'BREL PAR 'BYUNG BAS RNAM PAR DAG PA GANG YIN PA 'DI NI DE'I NGO BO NYID MA YIN NO, ,DE BAS NA NAG PO DANG DKAR PO'I PHYOGS DAG GIS, DE BZHIN NYID LA KUN NAS NYON MONGS PA DANG, RNAM PAR BYANG BAR MI LTA BA'I PHYIR RTEN CING 'BREL BAR 'BYUNG BA'I DE BZHIN NYID KYIS MANG DU GNAS PAS KUN NAS NYON MONGS PA DANG, RNAM PAR BYANG BA THA DAD PA'I NGA RGYAL DANG 'BREL BAR 'GYUR TE, DE BZHIN NYID RANG BZHIN GYIS RNAM PAR DAG PA'I PHYIR RO, ,BDUN PA LA NI SKAD CIG GCIG DANG LDAN PA'I BLO THOB PA YIN NO ZHES BYA BA NI SA DE KHO NA LAS JI SKAD BSHAD PA LTA BU STE, SA BDUN PA 'DI NYID LA SANGS RGYAS KYI CHOS THAMS CAD KUN NAS SLONG BAS, SKAD CIG SKAD CIG LA LHAG PAR BYANG CHUB KYI YAN LAG THAMS CAD YONGS SU RDZOGS PAR 'GYUR RO, ,DGU PA LA NI SEMS CAN YONGS SU SMIN PAR BYED PA LA MKHAS PA STE, SNGA MA BZHIN NO ZHES BYA BA NI SO SO YANG DAG PAR RIG PA SHIN TU RNAM PAR DAG PA THOB PAS SEMS CAN YONGS SU SMIN PAR 'GRUB PA STE, RNAM PA THAMS CAD DU SEMS CAN YONGS SU SMIN PAR BYED PA MTHU RNYED PA'I PHYIR RO, ,SA BCU PO DAG LA BSLAB PA GSUM RNAM PAR GZHAG STE, SA DANG PO LA CHOS NYID DE BZHIN NYID RTOGS NAS; GNYIS PA LA LHAG PA'I TSUL KHRIMS LA SLOB PO ZHES BYA BA NI DANG PO LA YANG LHAG PA'I TSUL KHRIMS KYI BSLAB PA YOD MOD KYI, DE RNAM PAR DAG PAR NI SA GNYIS PA LA 'GYUR RO, ,GANG GI PHYIR RMI LAM NA YANG KHA NA MA THO BA DANG BCAS PA'I LAM LA MI 'JUG PAS DE LA @166B BSLAB PA DE RNAM PAR DAG PAR 'GYUR BA DE'I PHYIR GNYIS PA LA LHAG PA'I TSUL KHRIMS LA SLOB PO ZHES BYA'O, ,GSUM PA LA NI LHAG PA'I SEMS KYI BSLAB PA MNYAM PAR GZHAG GO, ,BZHI PA LA NI BYANG CHUB KYI PHYOGS DANG MTHUN PA BSGOMS PAS LHAG PA'I SHES RAB KYI BSLAB PA'O,, SHES RAB DE YANG SPYOD YUL GNYIS PA CAN DE ZHES BYA BA NI DMIGS PA GNYIS PA CAN ZHES BYA BA'I THA TSIG GO, ,DE MI SHES PA DANG SHES PA LA SOGS PA'I 'JUG PA RTEN CING 'BREL BAR 'BYUNG BA LUGS DANG MTHUN PA DANG, LUGS DANG MI MTHUN PA'O ZHES BYA BA LA, DE ZHES BYA BA'I SGRAS NI; BDEN PA BZHI BZUNG STE, MA RIG PA'I RKYEN CAN LA SOGS PA'I RTEN CING 'BREL BAR 'BYUNG BA NI DE MI SHES PA LA SOGS PA'I NGO BO NYID YIN NO, ,RIG PA LA SOGS PA NI SHES PA LA SOGS PA'I NGO BO NYID YIN TE, DE LTA BAS NA SA GNYIS KA LA YANG CHOS KYI DE KHO NA NYID DANG, DE MI SHES PA LA DMIGS PA NYID KYIS LHAG PA'I SHES RAB KYI BSLAB PA RNAM PAR GZHAG GO, ,BSLAB PA RNAMS DANG BSLAB PA BSGOMS PA'I 'BRAS BU BZHI NI SA RING DU SONG BA LA SOGS PA BZHI LA RNAM PAR GZHAG STE, DE LTAR NA BSLAB PA GSUM PO 'DI DAG RGYU DANG 'BRAS BUR BCAS TE SA BCU LA RNAM PAR GZHAG GO, ,'DI MAN CHAD NI ZAG PA MED PA'I PHUNG PO SA BCU LA JI LTAR RNAM PAR GZHAG PA DE BSAM PAR BYA STE, SA DANG PO LA CHOS NYID RAB TU RTOGS NAS GNYIS PA LA TSUL KHRIMS KYI PHUNG PO SBYONG NGO, ,SA DANG PO LA YANG CHOS KYI DBYINGS RTOGS PA NA TSUL KHRIMS KYI PHUNG PO THOB PA YOD MOD KYI, YONGS SU DAG PA NI MA YIN TE, GNYIS PA LA DE YONGS SU DAG PAR 'GYUR RO, ,TING NGE 'DZIN GYI PHUNG PO NI SA GSUM PA LA RNAM PA DAG GO, ,SHES RAB KYI PHUNG PO NI SA BZHI PA LA BYANG CHUB KYI PHYOGS DANG MTHUN PA BSGOMS PAS RNAM PAR DAG GO, ,LNGA PA LA BDEN PA BSGOMS PAS SO, ,DRUG PA LA RTEN CING 'BREL BAR 'BYUNG BA LUGS DANG MTHUN PA DANG LUGS DANG MI MTHUN PA BSGOMS PAS SO, ,RNAM PAR GROL BA DANG RNAM PAR GROL BA'I YE SHES KYI PHUNG PO GNYIS NI SA BDUN PA NAS BZUNG STE, @167A *, ,DE BZHIN GSHEGS PA'I SA'I BAR LA RNAM PAR DAG GO, ,RNAM PAR GROL BA DE YANG 'BRAS BU RNAM PA BZHI'I SGRIB PA LA RIG PAR BYA'O, ,SANGS RGYAS KYI SA LA NI THOGS PA'I SGRIB PA LAS TE ZHES BYA BA LA, 'BRAS BU RNAM PA BZHI NI BSHAD MA THAG PA STE, MTSAN MA MED PA 'DU BYED DANG BCAS PA NI SA BDUN PA'I 'BRAS BU'O, ,'BRAS BU GNYIS PA DE NYID MNGON PAR 'DU BYED PA MED PA DANG, SANGS RGYAS KYI ZHING YONGS SU DAG PA NI SA BRGYAD PA'O, ,'BRAS BU GSUM PA SEMS CAN RNAMS YONGS SU SMIN PA 'GRUB PA NI SA DGU PA'I 'O, ,'BRAS BU BZHI PA TING NGE 'DZIN DANG GZUNGS 'GRUB PA NI SA BCU PA'I STE, 'BRAS BU RNAM PA BZHI PO 'DI'I SGRIB PA MTSAN MA DANG, MNGON PAR 'DU BYED PA LA SOGS PA DANG BRAL BA'I PHYIR, RNAM PAR GROL BA'I PHUNG PO RNAM PAR DAG PA YIN NO, ,RNAM PAR GROL BA'I YE SHES KYI PHUNG PO NI; SANGS RGYAS KYI SA LA'O, ,DE JI LTAR DE BZHIN GSHEGS PA'I SA LA RNAM PAR DAG CE NA, DE BSTAN PA'I PHYIR, SANGS RGYAS RNAMS NI GANG GIS NA, GZHAN DAG SHES PA THOGS PAR 'GYUR BA DE LAS RNAM PAR GROL BAS THAMS CAD LA YE SHES THOGS PA MI MNGA'O ZHES BYA BA SMOS SO, ,RNAM PAR GROL BA NI, 'GOG PA'I NGO BO NYID YIN TE, 'GOG PA YANG 'DUS MA BYAS YIN LA, PHUNG PO'I DON YANG SPUNGS PA'I DON YIN NA, JI LTAR 'DUS MA BYAS PHUNG POR RNAM PAR GZHAG STE, BSTAN BCOS GZHAN DAG LAS KYANG, PHUNG PO DAG TU 'DUS MA BYAS, ,DON DU MI RUNG PHYIR MA BSHAD, ,CES BSHAD DO ZHE NA, 'DUS MA BYAS KYI RNAM PAR GROL BA NI PHUNG PO NI NYID DU RNAM PAR MI 'JOG GO, ,RNAM PAR GROL BA NI RNAM PA GNYIS TE, NYON MONGS PA SPANGS PA'I MTSAN NYID DANG, MOS PA'I MTSAN NYID DO, ,DE LA MOS PA'I MTSAN NYID NI 'DUS BYAS YIN PA'I PHYIR RNAM PAR GROL BA'I PHUNG POR RNAM PAR 'DOG PAS NYES PA MED DO, ,DE LTA MA YIN NA RNAM PAR GROL BA'I PHUNG PO 'DU BYED KYI PHUNG POS BSDUS PAR MI 'GYUR RO, ,MOS PAS SPYOD PA'I SA LA NI SA RNAMS MA GRUB PA STE, GNAS SKABS DE NA GCIG KYANG MA THOB NA @167B THAMS CAD MA GRUB PA KHO NAR BRJOD DO, ,LHAG MA RNAMS NI GRUB PA STE ZHES BYA BA NI DE DAG GIS THOB PA'I PHYIR RO, ,GRUB PA DAG LA YANG BDUN NI MA GRUB PA YIN NO ZHES BYA BA NI LAM MNGON PAR 'DU BYED PA DANG BCAS PAR 'JUG PA'I PHYIR, SA BRGYAD PA LA SOGS PA LA LTOS NAS MA GRUB PA ZHES BYA'O, ,GANG DAG GONG DU SA RAB TU DGA' BA GRUB PA BSHAD PA ZHES BYA BA NI MTHONG BAS SPANG BAR BYA BA'I NYON MONGS PA DANG BRAL BA'I PHYIR DANG, CHOS KYI DBYINGS RTOGS PA'I GAGS GZUNG BA DANG, 'DZIN PA DANG BRAL BA'I PHYIR GRUB PA ZHES BYA BA YIN NO, ,GANG GI TSES RNAM PAR GZHAG PA DE RTOG PA TZAM DU SHES SHING ZHES BYA BA NI MING GI TSOGS DANG, TSIG GI TSOGS DANG, YI GE'I TSOGS RNAM PAR GZHAG PAS, SA RNAM PAR BZHAG PA GANG YIN PA DE LA, SEMS 'DI NYID SA RNAM PAR GZHAG PAR SNANG GI, ,SEMS LAS GZHAN PA PHYI'I DON NI MED DO ZHES SEMS TZAM DU SHES SHING DE'I 'OG TU GZUNG BA MED NA GANG LA 'DZIN PAR BYED CES GZUR BA MED PA NI 'DZIN PAR BYED PA RTOG PA TZAM DE LA YANG RTOG PAR MI BYED PA YIN TE, DE BAS NA, DE NAS DE NI 'JIG RTEN LAS, 'DAS PA'I YE SHES BLA MED PA, ,RNAM PAR MI RTOG DRI MA MED, ,'DZIN PA GNYIS DANG BRAL BA 'THOB, ,DE 'DI'I GNAS YONGS GYUR BA STE, ,SA NI DANG PO YIN PAR 'DOD, ,CES BYA BA DE LTA BUR SA YONGS SU GRUB PA ZHES BSHAD DO, ,SA LA BZHUGS PA'I RTAGS RNAM PAR 'BYED PA LAS THAMS CAD RAB TU RTOGS PA NI DE DAG LA MNGON PAR BSGRUB PA LA MKHAS PA'I PHYIR RO ZHES BYA BA NI SA MNGON PAR BSGRUB PA LA MKHAS PA'I PHYIR TE, SA DANG PO THOB PA NI DON GYIS THAMS CAD RAB TU RTOGS PA YIN TE, SA DANG PO LAS JI SKAD BSHAD PA LTA BU YIN NO, ,CHOS KYI DBYINGS RAB TU RTOGS PA NA CHOS THAMS CAD RTOGS PA'I PHYIR TE, 'DI LTAR DE'I RJES LA THOB PA'I YE SHES KYIS MNGON PAR BSGRUB PA LA MKHAS PA THOB PA'I PHYIR THAMS CAD LA PHYIN CI MA LOG PAR 'GYUR RO, ,BKRIR MI BTUB PA NYID NI SNYAN PA DANG MI SNYAN PA'I SGRA DAG GIS SO ZHES BYA BA LA, SNYAN PA NI YON TAN SGROGS PA STE, YON TAN BSGRAGS PAS SA DAG LAS BKRIR MI BTUB CING, RNAM @168A *, ,PAR MI G-YOS PAS SO ZHES BYA BA'I THA TSIG GO, ,BSTOD PA NI YON TAN BSNGAGS PA STE, 'DI LAS PHYI ROL PA DAG GIS BSTOD KYANG SA DAG LAS RNAM PAR G-YOS PAR MI 'GYUR RO, ,THABS LA MKHAS PA NI RNAM PAR MI RTOG PA'I YE SHES TE MI DMIGS PA'O, , 'DI DAG NI RTAGS GZHAN YIN NO ZHES BYA BA NI 'DI LTAR GONG DU YANG SPYIR, BRTZE DANG SNYAN PAR SMRA BA DANG, ,ZHES BYA BA LA SOGS PA RTAGS BSHAD PAS, DE LA LTOS NAS GZHAN ZHES BYA BA SMOS SO, ,RTAG TU PHA ROL TU PHYIN PA RNAMS LA SGRUB PA'I 'DUN PA DANG BRAL BA NYID CES BYA BA NI BSGRUB PAS SBYIN PA LA SOGS PAS RAB TU SBYOR BA YIN NO, ,CHAGS DANG KHU BA'I SNYING MED KHRO MIN LE LO MED, ,BYAMS DANG SNYING RJE MIN PA'I BSAM PA MED, ,BLO GROS NGAN RTOG RNAM RTOG 'PHROGS PA MED, ,CES BYA BA 'DI DAG NI PHA ROL TU PHYIN PA DRUG GI MI MTHUN PA'I PHYOGS SU GYUR PA'I CHOS TE, DE DAG DANG RTAG TU BRAL BA YIN NO, ,BYAMS DANG SNYING RJE MIN PA'I BSAM PA MED, ,CES BYA BA NI BYAMS PA MA YIN PA'I BSAM PA MED PA DANG, SNYING RJE MA YIN PA'I BSAM PA MED PA'O, ,BYAMS PA DANG SNYING RJE DANG LDAN PA NI BSAM GTAN BZHI PA YIN PAR SHES TE, BYAMS PA DANG SNYING RJE DANG LDAN PA'I PHYIR, BSAM GTAN GYI PHA ROL TU PHYIN PA NI MI MTHUN PA'I PHYOGS GNOD SEMS DANG RNAM PAR 'TSE BA SPANGS PA BSHAD PA YIN NO, ,BLO GROS NGAN RTOG RNAM RTOG 'PHROGS PA MED, ,CES BYA BA 'DI NI SHES RAB KYI PHA ROL TU PHYIN PA THOB PA'I RTAGS YIN NO, ,THEG PA GZHAN YID LA BYED PAS SEMS RNAM PAR MA G-YENGS PA NYID CES BYA BA NI 'DI'I SEMS THEG PA GZHAN GYIS RNAM PAR MI G-YENGS PA YIN NO, ,SNA TSOGS KYI 'DU SHES DANG BRAL BA'I CHOS DGA' BA LA DGA' BA YANG THOB PAR 'GYUR ZHES BYA BA NI GZUGS CAN DANG GZUGS CAN MA YIN PA'I CHOS KYI MTSAN MA 'AM, 'DUS BYAS DANG 'DUS MA BYAS KYI CHOS KYI MTSAN MA YANG RUNG, DE LTA BU LA SOGS PA'I MTSAN MA THAMS CAD YID LA MI BYED PAS SPANGS NAS, MTSAN MA MED PA'I RNAM PAS CHOS KYI DGA' BA 'THOB STE, ZHI GNAS 'THOB PAS RNAM PAR MI G-YENG NGO ZHES BYA BA'I @168B THA TSIG GO, ,THAMS CAD DU RNAM PAR YONGS SU MA CHAD PA'I CHOS KYI SNANG BA TSAD MED PA YANG YANG DAG PAR SHES PAR 'GYUR ZHES BYA BA NI GZUGS CAN DANG GZUGS CAN MA YIN PA'I CHOS RNAMS KYI RNAM PA YONGS SU MA CHAD PA'I CHOS KYI SNANG BA YANG DAG PAR SHES SO ZHES BYA BA YIN NO, ,YANG NA THAMS CAD DU RNAM PA YONGS SU MA CHAD PA ZHES BYA BA NI PHYOGS BCUR RNAM PA YONGS SU MA CHAD PA'I CHOS KYI SNANG BA YANG DAG PAR SHES SO ZHES BYA BA YIN TE, GZHUNG LA LEGS PAR ZHUGS PA GSAL BA BZHIN NO, ,SA'I NGES PA'I TSIG RNAM PAR DBYE BA LA, BYANG CHUB LA NI NYE BA DANG, ,ZHES BYA BA NI BYANG CHUB SEMS DPA' SA DANG PO THOB PA NA 'DI SNYAM DU SEMS TE, BDAG NI SANGS RGYAS KYI SA DANG NYE BAR GYUR TO ZHES 'BYUNG BA'I PHYIR RO, ,SEMS CAN DON SGRUB MTHONG BA LA, ,ZHES BYA BA JI LTAR SEMS CAN GYI DON SGRUB PA MTHONG ZHE NA, RNAM PAR MI RTOG PA'I YE SHES THOB PA'I PHYIR DANG, SBYIN PA'I PHA ROL TU PHYIN PA YONGS SU RDZOGS PA'I PHYIR TE, DE NYID KYI PHYIR DGA' BAR 'GYUR LA, DE NYID KYI PHYIR SA RAB TU DGA' BA ZHES KYANG BYA'O, ,THEG PA GZHAN YID LA BYED PA'I DRI MA LAS 'DAS PA'I KHUNGS SU MDO SDE'I DUM BU DE LTA BAS NA BDAG GIS SGRUB TU MTSUNGS PA LA RNAM PA THAMS CAD YONGS SU SBYANG BA MNGON PAR BSGRUB PA KHO NA LA BRTZON PAR BYA'O ZHES BYA BA NI SBYIN PAR BYED DE, NYAN THOS KYIS MNGON PAR BSGRUB PA LA MA YIN NO ZHES BYA BA'I THA TSIG GO, ,BGROD PA GCIG PA'I LAM NI SNGAR BSTAN PA YIN NO ZHES BYA BA NI 'DUN PA'I NI 'DRES PA NYE BAR 'DRES PA NYID KYIS BGROD PA GCIG PA'I LAM GNAS PA BRGYAD DANG 'BREL PA MTSAN MA MED PAR GCIG TU NGES PA'I LAM ZHES BYA BA STE, SBYOR BA'I MTHAR THUG PAR 'GRO BA'I PHYIR RO, ,JI LTAR SPRIN GYIS NAM MKHA' KHYAB PA DE BZHIN DU, TING NGE 'DZIN DANG GZUNGS KYI SPRIN GYIS THOB PA'I CHOS RTEN LA YOD PA NAM MKHA' LTA BU LA KHYAB PA'I PHYIR TE, SNGAR SA DGU PA LA GNAS PAS SANGS RGYAS BCOM LDAN 'DAS RNAMS LAS THOS PA'I CHOS RTEN LA GNAS PA GANG YIN PA DE NI SA BCU LA LTOS NA CHUNG NGU YIN NO, ,TING NGE 'DZIN DANG GZUNGS KYI SGO'I SPRIN GYIS KHYAB PA NI DE DAG GI STOBS KYIS SANGS @169A *, ,RGYAS BYE BA KHRAG KHRIG MANG PO DAG LAS CHOS NYAN PA'I PHYIR RO, ,SA DE DAG NYID DGE BA SNA TSOGS MNGON PAR BSGRUB PA NYID KYIS GNAS PA ZHES BYA'O, ,DGE BA BSGRUB PA RNAM PA SNA TSOGS KYI PHYIR ZHES BYA BA NI DGE BA BSGRUB PA RNAM PA SNA TSOGS KYI CHE DDU STE 'DI NI CHED KYI BDUN PA YIN TE, 'DI NI SA RNAMS KYI GNAS PA RNAM PAR DBYE BA'I DON GYIS NGES PA'I TSIG YIN NO, ,SA RNAM PAR DBYE BA'I DON GYIS NGES PA'I TSIG NI, 'BYUNG PO DPAG MED 'JIGS MED PHYIR, ,DPAG TU MED PA DE DAG LA, ,PHYI PHYIR GONG DU 'GRO LDAN PHYIR, ,ZHES BYA BA LA SOGS PAS BSTAN TO, ,RE RE LA YANG TSAD MED PA'I PHYIR ZHES BYA BA NI NGES PA'I TSIG GI TSUL GYIS SA RNAMS KYI NGES PA'I TSIG YIN NO, ,SDOM PA'I TSIGS SU BCAD PA LAS, NGES PA'I TSIG DANG THOB PA YIS, ,GNAS PA DANG NI SA NYID DO, ,ZHES BSHAD PA GANG YIN PA DER NI GNAS PA'I NGES TSIG DANG SA'I NGES PA'I TSIG CES GO RIMS BZHIN DU SBYAR BAR YANG BLTA BAR BYA STE, SA RAB TU DGA' BA LA SOGS PA'I NGES PA'I TSIG SO SO BA YANG YIN LA, SPYIR YANG, DPAG TU MED PA DE DAG LA, ,PHYI PHYIR GONG DU 'GRO LDAN PHYIR, ,ZHES 'BYUNG BA'I PHYIR RO, ,DE'I 'OG TU, THOB PA RNAM PAR DBYE BA LA MOS PAS THOB PA NI MOS PAS SPYOD PA'I SA LA JI SKAD BSHAD PA LA MOS PAS SO, ,ZHES BYA BA NI, JI SKAD DU, BSKAL PA GRANGS MED NGES 'BYUNG ZHING, ,MOS PA RNAM PAR 'PHEL BYED PA, ,ZHES BYA BA LA SOGS PA'I GZHUNG GIS BSTAN PA LTA BU YIN NO, ,'DI MAN CHAD NI MTHAR THUG PA'I SKABS TE, DE LTAR RANG GI RGYUD KYI GNAS SKABS RNAM PA THAMS CAD DU YONGS SU BYANG ZHING NOR BU RIN PO CHE LTAR SEMS CAN THAMS CAD KYI DON GYI STON PAR 'GYUR BA'I BYANG CHUB SEMS DPA' 'DI NI RNAM PA THAMS CAD DU 'JIG RTEN PA DANG, 'JIG RTEN LAS 'DAS PA'I RNAM PAR DAG PAS NGES PAR 'BYUNG BA LA 'DOMS PAR BZOD PA YIN PAS, DE'I 'OG TU THEG PA THAMS CAD KYIS NGES PAR 'BYUNG BA'I SPYOD PA STE, SPYOD PA RNAM PAR DAG PA BZHI NI 'PHAGS PA GTZUG NA RIN CHEN GYI MDO LAS JI SKAD 'BYUNG BA LTA BU YIN NO, ,BYANG CHUB KYI PHYOGS DANG MTHUN @169B PA'I SPYOD PA NI, NYAN THOS DANG, RANG SANGS RGYAS KYI THEG PA LA MOS PA RNAMS KYI PHYIR RO ZHES BYA BA NI GTZO BO SMOS NAS BRJOD PA STE, BYANG CHUB SEMS DPA' RNAMS LA BYANG CHUB KYI PHYOGS DANG MTHUN PA'I SPYOD PA MED PA MA YIN MOD KYI, BYANG CHUB KYI PHYOGS DANG MTHUN PA'I BSGOMS PAS NI GTZOR NYAN THOS RNAMS RNAM PAR GROL LO, ,BYANG CHUB SEMS DPA' RNAMS LA YANG PHA ROL TU PHYIN PA KUN TU SPYOD PA GTZO BOR GYUR PA YIN TE, DE NYID KYI PHYIR PHA ROL TU PHYIN PA SPYOD PA NI THEG PA CHEN PO LA MOS PA RNAMS KYI PHYIR BSHAD DO ZHES BYA BA SMOS SO, ,SEMS CAN YONGS SU SMIN PAR BYED PA'I SPYOD PA NI GNYIS PO NYID KYIS YONGS SU SMIN PAR BYA BA'I PHYIR ZHES BYA BA NI GTZO BOR NI BYANG CHUB SEMS DPA' RNAMS KYIS SEMS CAN YONGS SU SMIN PAR BYED PA YIN NO, ,NYAN THOS RNAMS LA YANG SBYIN PA DANG SNYAN PAR SMRA BA LA SOGS PA BSDU BA'I DNGOS PO DAG YOD PAS GNYI GA'I YANG BSHAD DO, ,BSAM PA BZANG PO DE LTA BU DANG LDAN PA NI YANG DAG PA'I SBYOR BA DANG LDAN PA'I LAS KYIS RNAM PA THAMS CAD DU BYANG CHUB SEMS DPA' KUN TU BZANG PO'I SPYOD PA MTHAR THUG PA THOB NAS, DE BZHIN GSHEGS PA RNAMS KYI RNAM PAR DAG PA MTHAR THUG RJES SU THOB PAR 'SO PAS, DE'I 'OG TU BLA NA MED PA YANG DAG PA RDZOGS PA'I BYANG CHUB KYI YON TAN THUN MONG MA YIN PA GANG DAG YIN PA DE DAG GIS STON TO, ,'DIR SEMS CAN RNAMS LA SNYING BRTZE BA NYID NI PHAN PA DANG BDE BA'I DGONGS PA NYID KYIS BSTAN TO ZHES BYA BA NI TSAD MED PA GSUM GYIS BDE BA'I BSAM PA NYID BSTAN TO, ,BZHI PAS NI PHAN PA'I BSAM PA NYID DO, ,DE YANG KUN NAS NYON MONGS PA MED PA NYID KYI DGONGS PA'I MTSAN NYID DU RIG PAR BYA'O ZHES BYA BA NI SEMS CAN RNAMS KYI KUN NAS NYON MONGS PA NI RNAM PA GNYIS TE, RJES SU CHAGS PA DANG, KHONG KHRO BA'O, ,BTANG SNYOMS KYIS NI 'DI LTAR SEMS CAN RNAMS BDE BA'I TSOR BA LA RJES SU CHAGS PA DANG, SDUG BSNGAL LA KHONG KHRO BAR MI 'GYUR BAR CHAGS PA MED CING ZHEN PA MED PA DANG SDANG BA MED PAR GYUR CIG CES MOS PAR BYAD DO, ,RNAM PAR THAR PA NI BRGYAD DE, GZUGS CAN GZUGS RNAMS LA LTA BA 'DI NI RNAM PAR @170A *, ,THAR PA DANG PO'O, ,NANG GZUGS MED PAR 'DU SHES PAS PHYI ROL GYI GZUGS RNAMS LA LTA BA 'DI NI RNAM PAR THAR PA GNYIS PA'O, ,SDUG PA NI RNAM PAR THAR PA LUS KYIS MNGON SUM DU BYAS TE, RDZOGS PAR BYAS NAS GNAS PA 'DI NI RNAM PAR THAR PA GSUM PA'O, ,DE LA RNAM PA THAMS CAD DU, GZUGS KYI 'DU SHES RNAMS LAS YANG DAG PAR 'DAS TE, THOGS PA'I 'DU SHES RNAMS NUB PAR GYUR CING, SNA TSOGS KYI 'DU SHES RNAMS YID LA MI BYED PAS NAM MKHA' MTHA' YAS SO SNYAM NAS, NAM MKHA' MTHA' YAS SKYE MCHED RDZOGS PAR BYAS TE GNAS PA 'DI NI RNAM PAR THAR BA BZHI PA'O, ,DE RNAM PA THAMS CAD DU NAM MKHA' MTHA' YAS SKYE MCHED LAS YANG DAG PAR 'DAS TE RNAM PAR SHES PA MTHA' YAS SO SNYAM NAS, RNAM SHES MTHA' YAS SKYE MCHED RDZOGS PAR BYAS TE GNAS PA 'DI NI RNAM PAR THAR PA LNGA BA'O, ,DE RNAM PA THAMS CAD DU RNAM SHES MTHA' YAS SKYE MCHED LAS YANG DAG PAR 'DAS TE CI YANG MED DO SNYAM NAS CI YANG MED PA'I SKYE MCHED RDZOGS PAR BYAS TE GNAS PA 'DI NI RNAM PAR THAR PA DRUG PA'O, ,DE RNAM PA THAMS CAD DU CI YANG MED PA'I SKYE MCHED LAS YANG DAG PAR 'DAS NAS 'DU SHES MED, 'DU SHES MED MIN SKYE MCHED RDZOGS PAR BYAS TE, GNAS PA 'DI NI RNAM PAR THAR PA BDUN PA'O, ,DE RNAM PA THAMS CAD DU 'DU SHES MED 'DU SHES MED MIN SKYE MCHED LAS YANG DAG PAR 'DAS TE, 'DU SHES DANG TSOR BA 'GOG PA LUS KYIS MNGON SUM DU BYAS NAS RDZOGS PAR BYAS TE GNAS PA 'DI NI RNAM PAR THAR PA BRGYAD PA'O, ,ZIL GYIS GNON PA'I SKYE MCHED BRGYAD DE, NANG GZUGS SU 'DU SHES PAS PHYI ROL GYI GZUGS CHUNG NGU KHA DOG BZANG PO DANG KHA DOG NGAN PA RNAMS LA LTA ZHING, GZUGS DE DAG ZIL GYIS MNAN NAS SHES ZIL GYIS MNAN NAS MTHONG STE, DE LTA BUR 'DU SHES PAR GYUR PA 'DI NI ZIL GYIS GNON PA'I SKYE MCHED DANG PO'O; ,NANG GZUGS SU 'DU SHES PAS PHYI ROL GYI GZUGS CHEN POR GYUR PA KHA DOG BZANG PO DANG KHA DOG NGAN PA RNAMS LA LTA ZHING GZUGS DE DAG ZIL GYIS MNAN NAS MTHONG STE, DE LTA BUR 'DU SHES PAR 'GYUR PA 'DI NI ZIL GYIS GNON PA'I SKYE MCHE DNYIS PA'O, ,NANG GZUGS MED PAR 'DU @170B SHES PAS PHYIR ROL GYI GZUGS RNAMS LA DE KHO NA BZHIN DU CHUNG NGU DANG CHEN POR RIM GYIS LTA BA 'DI NI ZIL GYIS GNON PA'I SKYE MCHED GSUM PA DANG BZHI PA'O, ,NANG GZUGS MED PAR 'DU SHES PAS PHIR ROL GYIS GZUGS SNGON POR DANG KHA DOG SNGON PO LTA BUR STON PA 'OD SNGON PO 'BYUNG BA RNAMS LA LTA STE; DPER NA ZAR MA'I ME TOG GAM, YUL P'A R'A nA S'I'I RAS PHUN SUM TSOGS PA SNGON PO SNGON DU LTA BUR STON PA 'OD SNGON PO 'BYUNG BA DE BZHIN DU NANG GZUGS MED PAR 'DU SHES PAS PHYI ROL GYI GZUGS SNGON PO KHA DOG SNGON PO SNGON PO LTA BUR STON PA, 'OD SNGON PO 'BYUNG BA RNAMS LA LTA BA 'DI NI ZIL GYIS GNON PA'I SKYE MCHED LNGA PA'O, ,NANG GZUGS MED PAR 'DU SHES PAS PHYI ROL GYI GZUGS SER PO KHA DOG SER PO, ,SER PO LTA BUR STON PA 'OD SER PO 'BYUNG BA RNAMS LA LTA STE, DPER NA DONG KA'I ME TOG GAM, YUL B'A R'A nA S'I'I RAS PHUN SUM TSOGS PA SER PO KHA DOG SER PO SER PO LTA BUR STON PA, 'OD SER PO 'BYUNG BA DE BZHIN DU NANG GZUGS MED PAR 'DU SHES PAS PHYI ROL GYI GZUGS SER PO KHA DOG SER PO SER PO LTA BUR STON PA, 'OD SER PO 'BYUNG BA RNAMS LA LTA BA 'DI NI ZIL GYIS GNON PA'I SKYE MCHE DRUG PA'O, ,NANG GZUGS MED PAR 'DU SHES PAS PHYI ROL GYI GZUGS DMAR PO KHA DOG DMAR PO, ,DMAR PO LTA BUR STON PA, 'DO DMAR PO 'BYUNG BA RNAMS LA LTA STE, DPER NA BAN DU DZI BA KA'I ME TOG GAM, YUL B'A N'A nA S'I'I RAS PHUN SUM TSOGS PA MDAR PO, KHA DOG DMAR PO DMAR PO LTA BUR STON PA, 'DO DMAR PO 'BYUNG BA DE BZHIN DU, NANG GZUGS MED PAR 'DU SHES PAS PHYI ROL GYI GZUGS DMAR PO, ,KHA DOG DMAR PO DMAR PO LTA BUR STON PA, 'OD DMAR PO 'BYUNG BA RNAMS LA LTA BA 'DI NI ZIL GYIS GNON PA'I SKYE MCHED BDUN PA'O, ,NANG GZUGS MED PAR 'DU SHES PAS PHYI ROL GYI GZUGS DKAR PO KHA DOG DKAR PO DKAR PO LTA BUR STON PA, 'OD DKAR PO 'BYUNG BA RNAMS LA LTA STE, DPER NA SKAR MA BA SANGS RGYI MDOG GAM, YUL B'A R'A nA S'I'I RAS PHUN SUM TSOGS PA DKAR PO KHA DOG DKAR PO, ,DKAR PO LTA BUR STON PA, 'OD DKAR PO 'BYUNG BA DE BZHIN DU NANG GZUGS MED PAR 'DU SHES PAS PHYI ROL GYI @171A *, ,GZUGS DKAR PO KHA DOG DKAR PO DKAR PO LTA BUR STON PA, 'OD DKAR PO 'BYUNG BA RNAMS LA LTA BA 'DI NI ZIL GYIS GNON PA'I SKYE MCHED BRGYAD PA'O, ,ZAD PAR GYI SKYE MCHED NI BCU STE, LA LA ZAD PAR SA'O, ,ZAD PAR CHU'O, ,ZAD PAR ME'O, ,ZAD PAR RLUNG NGO, ,ZAD PAR SNGON PO'O; ,ZAD PAR SER PO'O, ,ZAD PAR DMAR PO'O, ,ZAD PAR DKAR PO'O, ,ZAD PAR NAM MKHA' MTHA' YAS SKYE MCHED DO ZHES STENG DANG 'OG DANG THAD KAR GNYIS SU MED CING TSAD MED PAR 'DU SHES PAR BYED DO, ,LA LA ZAD PAR RNAM SHES MTHA' YAS SKYE MCHED DO ZHES STENG DANG 'OG DANG THAD KAR GNYIS SU MED CING TSAD MED PAR 'DU SHES SU BYED DO, ,NYAN THOS RNAMS NI RNAM PAR THAR PA GSUM GYIS MYA NGAN LAS 'DAS PA'I SGRIB PA LAS RNAM PAR GROL BAR BYED DO, ,NAM MKHA' MTHA' YAS SKYE MCHED LA SOGS PA NI RNAM PAR THAR PA BZHIS ZHI BA'I RNAM PAR THAR PA LA MA CHAGS PA'I SGRIB PA 'JOMS SO, ,'DU SHES DANG TSOR BA 'GOG PA'I RNAM PAR THAR PA DE'I SGRIB PA THAG SRING BAR BYED DO, ,SANGS RGYAS BCOM LDAN 'DAS RNAMS KYI NI NYON MONGS PA DANG SHES BYA'I SGRIB PA THAMS CAD LAS NGES PAR GROL BA NYID KYIS KHYAD PAR DU 'PHAGS TE, RNAM PAR THAR PA RNAMS KYIS NI DMIGS PA LA MOS PA MDZAD DO, ,NYAN THOS NI ZIL GYIS GNON PA'I SKYE MCHED RNAMS KYIS DMIGS PA ZIL GYIS MNAN TO, ,SANGS RGYAS BCOM LDAN 'DAS RNAMS NI 'JIG RTEN THAMS CAD ZIL GYIS GNON PA DANG, NYID KYI THUGS LAS MNGA' BSGYUR BAS JI LTAR BZHED PA LAS DMIGS PA DANG SPRUL PA LA SOGS PA SPRUL PAR MDZAD PAS 'DI NI KHYAD PAR YIN NO; ,NYAN THOS RNAMS NI ZAD PAR GYI SKYE MCHED DAG GIS RTEN DANG BCAS PA'I GZUGS ZAD PAR SA LA SOGS PAR RGYAS PAR BYED DO, ,SANGS RGYAS BCOM LDAN 'DAS RNAMS NI YE SHES KYIS SHES BYA THAMS CAD KHYAB PA NYID KYIS KHYAD PAR DU 'PHAGS SO, ,NYON MONGS PA MED PA GANG ZHE NA, BSAM GTAN LA BRTEN NAS GZHAN GYI NYON MONGS PA SKYE BA'I RKYEN RJES SU SRUNG BA'I RGYU MTSAN GYI TING NGE 'DZIN DANG, SHES RAB GANG YIN PA DE DAG MTSUNGS PAR LDAN PA'I CHOS RNAMS SO, ,SMON NAS SHES PA'I CHOS GANG ZHE NA, BSAM GTAN LA BRTEN NAS 'DI SHES PAR BYA'O SNYAM PA'I SMON LAM 'GRUB PA'I TING NGE @171B 'DZIN DANG SHES RAB GANG YIN PA DANG, DE DAG LA MTSUNGS PAR LDAN PA SEMS DANG SEMS LAS BYUNG BA'I CHOS RNAMS SO, ,SO SO YANG DAG PAR RIG PA BZHI NI CHOS SO SO YANG DAG PAR RIG PA DANG, NGES PA'I TSIG DANG, SPOBS PA SO SO YANG DAG PAR RIG PA, CHOS RNAMS KYI RNAM GRANGS DANG, RANG GI MTSAN NYID DANG, NGES PA'I TSIG DANG RNAM PAR DBYE BA LAS 'PHAGS PA RNAMS KYI YE SHES THOGS PA MI MNGA' ZHING, MA CHAGS PA DANG YIN PA STE, 'DI DAG NI RNAM GRANGS BZHIN DU CHOS DANG, DON DANG, NGES PA'I TSIG DANG, SPOBS PA SO SO YANG DAG PAR RIG PA YIN NO, ,MNGON PAR SHES PA DRUG NI RDZU 'PHRUL GYI YUL DANG LHA'I MIG DANG, LHA'I RNA BA DANG, GZHAN GYI SEMS SHES PA DANG, SNGON GYI GNAS RJES SU DRAN PA DANG, ZAG PA ZAD PAR SHES PA STE, 'DI DAG NI MNGON PAR SHES PA DRUG GO, ,SKYES BU CHEN PO'I MTSAN SUM CU RTZA GNYIS LA, SKYES BU CHEN PO ZHABS SHIN TU GNAS PAS SA LA MNYAM PAR GSHEGS PA 'DI NI; SKYES BU CHEN PO'I MTSAN YIN NO, ,ZHABS GNYIS KYI MTHIL LA 'KHOR LO RTZIBS STONG PA MU KHYUD DANG BCAS SHING RNAM PA THAMS CAD YONGS SU RDZOGS PA MNGA' BA ZHES BYA BA DE LTA BU LA SOGS PA NI MTSAN YIN NO, ,DPE BYAD BZANG PO BRGYAD CU LA, PHYAG DANG ZHABS DAG GI SOR MO NYI SHU'I TSIGS LEGS PA DANG SEN MO BZANG BA NI DPE BYAD BZANG PO NYI SHU STE, DE LTA BU LA SOGS PAS, MTSAN DANG DPE BYAD BZANG PO RGYAS PAR NI, THEG PA CHEN PO'I MDO SDE DAG DANG, BYANG CHUB SEMS DPA'I SA LAS SHES PAR BYA'O, ,YONGS SU DAG PA BZHI NI RTEN YONGS SU DAG PA DANG, DMIGS PA YONGS SU DAG PA DANG, THUGS YONGS SU DAG PA DANG, YE SHES YONGS SU DAG PA'O, ,DE BZHIN GSHEGS PA'I STOBS BCU NI, GNAS DANG GNAS MA YIN PA MKHYEN PA'I STOBS DANG, LAS BDAG GIR BYA BA MKHYEN PA'I STOBS DANG, BSAM GTAN DANG, RNAM PAR THAR PA DANG, TING NGE 'DZIN DANG, SNYOMS PAR 'JUG PA MKHYEN PA'I STOBS DANG, DBANG PO MCHOG DANG MCHOG PA YIN PA MKHYEN PA'I STOBS DANG, MOS PA SNA TSOGS MKHYEN PA'I STOBS DANG, KHAMS SNA TSOGS MKHYEN PA'I STOBS DANG, THAMS CAD DU 'GRO BA'I LAM MKHYEN PA'I STOBS DANG, SNGON GYI GNAS RJES SU DRAN PA MKHYEN PA'I STOBS DANG, 'CHI 'PHO DANG SKYE BA MKHYEN PA'I STOBS DANG, ZAG PA ZAD PA MKHYEN PA'I @172A *, ,STOBS TE; 'DI DAG NI DE BZHIN GSHEGS PA'I STOBS BCU YIN NO, ,RGYAS PAR NI STOBS BCU'I MDO LAS RIG PAR BYA'O, ,BDE 'GRO DANG NGAN 'GRO'I THABS LA RAB TU SLU BZHES BYA BA NI, BDUD NI PHYUGS GSOD PA DANG, MER 'JUG PA LA SOGS PAS BDE 'GROR 'GRO BA'I THABS SU STON PAR BYED PA'I PHYIR BDE 'GRO'I THABS LA RAB TU SLU BAR BYED PA YIN NO, ,BZLOG PAS NI NGAN 'GROR 'GRO BAR 'GYUR RO ZHES DE LTAR LUNG 'BOGS PA'I PHYIR, DE LTAR BDUD NI NGAN 'GRO'I THABS LA YANG RAB TU SLU BAR BYED PA YIN NO, ,BCOM LDAN 'DAS KYIS STOBS GANG GIS BDE 'GRO DANG NGAN 'GRO'I THABS LA RAB TU SLU BAR BYED PA'I BDUD BCOM PA DE BSTAN PA'I PHYIR, GNAS DANG GNAS MA YIN PA MKHYEN PA'I STOBS KYIS NI BCOM LDAN 'DAS DON DANG PO LA BDUD 'JOMS PAR MDZAD PA YIN PAR RIG PAR BYA'O ZHES BYA BA SMOS TE, BCOM LDAN 'DAS NI GNAS DANG GNAS MA YIN PA MKHYEN PA'I STOBS KYIS SROG GCOD PA LA SOGS PAS DMYAL BA LA SOGS PAR SKYE BA GANG YIN PA DE NI GNAS YOD DO, ,BDE 'GROR SKYE BA GANG YIN PA DE NI GNAS MA YIN ZHING GO SKABS MED DO ZHES RGYU LA YANG RGYUR, 'BRAS BU LA YANG 'BRAS BUR, YANG DAG PA JI LTA BA BZHIN DU MKHYEN CING, RGYU MED PA DANG MI MTHUN PA'I RGYUR SMRA BA'I DGE SBYONG DANG BRAM ZE DAG KYANG TSAR GCOD PAR MDZAD DO, ,LHA LA SOGS PA SKYABS MA YIN PA LA SKYABS SU RAB TU SLU BA ZHES BYA BA NI, LHA RNAMS NI NGES PAR 'BYUNG BA'I LAM MNGON PAR MI SHES PA'I PHYIR SKYABS MA YIN NO, ,SKYABS KYI DON NI SKYOB PA'I DON YIN NA, DE RNAMS NI THABS MI SHES PA'I PHYIR, 'KHOR BA DANG NGAN 'GRO'I 'JIGS PA THAMS CAD LAS SEMS CAN RNAMS SKYOB PAR MI NUS SO, ,BDUD NI DE DAG KYANG 'JIG RTEN GYI SKYABS NYID DU STON PA NA SKYABS SU RAB TU SLU BAR BYED PA ZHES BYA STE, LHA RNAMS NI THABS MA YIN PA RDZU 'PHRUL DANG, DAM PA SBYIN PA LA SOGS PAS 'JIG RTEN LA RAB TU SLU BAR BYED DO, ,BCOM LDAN 'DAS NI LAS BDAG GIR BYA BA MKHYEN PA'I STOBS KYIS BDUD LAS RGYAL BA'I PHYIR BDUD 'JOMS PAR MDZAD PA ZHES BYA'O, ,THEG PA CHEN POS NGES PAR 'BYUNG BA LA RAB TU SLU BAR BYED PA'O ZHES BYA BA NI BDUD NI LAS DANG PO PA'I BYANG CHUB SEMS DPA' RNAMS LA, DE'I BSNGAGS PA MA YIN PA BSGRAGS PAS BYANG CHUB SEMS DPA'I SPYOD PA LAS BDUN @172B PA BZLOG NAS NYAN THOS KYI THEG PA LA SBYOR BAR BYED DO, ,SANGS RGYAS BCOM LDAN 'DAS RNAMS NI STOBS LHAG MA DBANG PO MCHOG DANG MCHOG MA YIN PA MKHYEN PA LA SOGS PAS THEG PA CHEN POS NGES PAR 'BYUNG BA LA RAB TU SLU BAR BYED PA'I BDUD BCOM NAS, BYANG CHUB SEMS DPA' RNAMS BYANG CHUB SEMS DPA'I SPYOD PA LA SBYOR ZHING 'DOMS PAR MDZAD DO, ,'DI'I PHYIR YANG BCOM LDAN 'DAS KYANG BDUD 'JOMS PAR MDZAD PA ZHES BYA'O, ,MI 'JIGS PA BZHI NI KYE MA NGA MNGON PAR RDZOGS PAR SANGS RGYAS PAR ZHAL GYIS 'CHE BA LA, LHA DANG BCAS, BDUD DANG BCAS, TSANGS PA DANG BCAS, DGE SBYONG DANG BRAM ZE'I SKYE DGUR BCAS, LHA DANG, MI DANG LHA MA YIN DU BCAS PA'I 'JIG RTEN 'DI NI CHOS 'DI DAG MNGON PAR RDZOGS PAR SANGS RGYAS SO ZHES NGA LA 'GA' YANG CHOS DANG MTHUN PAS GLENG BAR BYED PA'I RGYU MTSAN YANG DAG PAR RJES SU MA MTHONG NGO, ,RGYU MTSAN YANG DAG PAR RJES SU MA MTHONG BAS 'DI NA NGA BDE BA THOB PA DANG, 'JIGS PA MED PAR GYUR CING GNAS TE, KHYU MCHOG GI GNAS RLABS PO CHE ZHAL GYIS 'CHE ZHING TSOGS PA'I 'KHOR LO SNGON 'JIG RTEN NA DGE SBYONG DANG BRAM ZE SUS KYANG CHOS DANG MTHUN PAR MA BSKOR BA BSKOR BA MDZAD DO, ,KYE MA NGA ZAG PA ZAD PAR ZHAL GYIS 'CHE BA LA 'DI NA ZAG PA 'DI DAG YONGS SU MA ZAD DO ZHES 'GA' YANG ZHES BYA BA SNGA MA BZHIN NO, ,NGAS PAR DU GCOD PA'I CHOS GSUNGS PA GANG DAG YIN PA DE DAG BSTEN BAR DU GCOD PAR MI 'GYUR RO ZHES BYA BA THAMS CAD DO, ,NGAS NGES PAR 'BYIN PA'I CHOS SU BSHAD PA GANG DAG YIN PA DE DAG BSTEN NA DE BYED PA'I SDUG BSNGAL YANG DAG PAR ZAD PAR BYED PAR NGES PAR 'BYUNG BA YIN NO ZHES 'DI NA NGA LA 'GA' YANG ZHES BYA BA SNGA MA BZHIN DU RIG PAR BYA STE, 'DI DAG NI MI 'JIGS PA BZHI YIN NO, ,BSRUNG BA MED PA GSUM NI, DE BZHIN GSHEGS PA'I SKU'I PHRIN LAS DANG GSUNG DANG THUGS KYI PHRIN LAS BSRUNG BA MED PA STE, BSRUNG BA MED PA GSUM GYIS NI DE BZHIN GSHEGS PA'I NYES PA MDZAD PA 'CHAB PA RNAM PA THAMS CAD SPANGS PA 'DI YONGS SU BSTAN TO, ,GANG YANG DGRA BCOM PA LA BRGYA LAM NA RES 'GA' ZHIG BRJED NAS NGAN PAR BYAS PA, LUNG DU MA BSTAN PA CUNG ZAD TZAM YOD PA DE YANG, DE BZHIN GSHEGS PA LA THAMS CAD KYI THAMS CAD DU MI MNGA' BAS DE'I PHYIR DE BZHIN GSHEGS PA NI JI @173A *, ,LTAR ZHAL GYIS 'CHE BA DE LTA BU'I NGO BO NYID YIN NO, ,NYAN THOS RNAMS TSAR BCAD CING TSAR BCAD NAS NGOR LHANGS POR 'DOMS SHING DE DAG KHA CIG NI BRGYAD, KHA CIG NI SKROD PAS BRLANG POR MDZAD KYANG 'DI LA NI 'DI DAG LA BDAG NYAN THOS RNAMS DANG GNAS PA'I RGYUS, SKU DANG GSUNG DANG THUGS YONGS SU MA DAG PA KUN TU SPYOD PA RIG NAS GZHI DES YI MA RANGS SHING MA MGU BA RNAMS GLENG BAR 'GYUR ZHING GZHAN DAG LA YANG SGROGS PAR GYUR NA MI RUNG NGO SNYAM PA'I BSRUNG BA MI 'BYUNG NGO, ,MA 'DRES PA'I DRAN PA NYE BAR GZHAG PA GSUM GANG ZHE NA, 'DI NI STON PA THUGS BRTZE BA THUGS RJE CAN DON BZHED PA PHAN PAR BZHED PA, NYAN THOS RNAMS LA KYE DGE SLONG DAG 'DI NI KHYED LA PHAN PAR BYED PA, 'DI NI KHYOD LA BDE BAR BYED PA, 'DI NI KHYED LA PHAN PA DANG BDE BAR BYED PA'O ZHES 'KHOR GYI NANG DU CHOS STON PAR MDZAD CING DE NA NYAN THOS RNAMS DE LA GUS PAR BYAS TE NYAN PAR BYED, RNA GTOD PAR BYED, KUN SHES PA'I SEMS NYE BAR 'JOG PAR BYED NA; DES DE BZHIN GSHEGS PA DGYES PA YANG MI MNGA', THUGS YA YO POR YANG MI 'GYUR BA 'DI NI DRAN PA NYE BAR GZHAG PA DANG PO YIN NO, ,GZHAN YANG STON PA ZHES BYA BA NAS PHAN PA DANG BDE BAR MDZAD PA'O ZHES 'KHOR GYI NANG DU CHOS STON PAR MDZAD CING ZHES BYA BA NI SNGA MA BZHIN TE, DE LA NYAN THOS RNAMS DE LA GUS PAR BYAS TE NYAN PAR MI BYED, RNA GTOD PAR MI BYED, KUN SHES PA'I SEMS NYE BAR 'JOG PAR MI BYED NA, DES DE BZHIN GSHEGS PA MI BZOD PAR MI 'GYUR, THUGS MA RANGS PAR MI 'GYUR BA 'DI NI DRAN PA NYE BAR GZHAG PA GNYIS PA'O, ,GZHAN YANG STON PA ZHES BYA BA NAS PHAN PA DANG BDE BAR BYED PA'O ZHES 'KHOR GYI NANG DU CHOS STON PAR MDZAD CING ZHES BYA BA'I BAR SNGA MA BZHIN NO, ,DE LA NYAN THOS KHA CIG NI DE LA GUS PAR BYAS TE NYAN PAR BYED, RNA GTOD PAR BYED, KUN SHES PA'I SEMS NYE BAR 'JOG PAR BYED, KHA CIG NI GUS PAR BYAS NAS NYAN PAR MI BYED, RNA GTOD PAR MI BYED, KUN SHES PA'I SEMS NYE BAR 'JOG PAR MI BYED NA, DE LA GANG DAG DE LA GUS PAR BYAS TE, NYAN PAR BYED, RNA GTOD PAR BYED, KUN SHES PA'I SEMS NYE BAR 'JOG PAR BYED PA DES KYANG DE BZHIN GSHEGS PA DGYES PAR YANG MI 'GYUR, THUGS YA YO POR YANG MI 'GYUR RO, ,GANG DAG DE LA GUS PAR BYAS @173B TE NYAN PAR YANG MI BYED, RNA GTOD PAR YANG MI BYED, KUN SHES PA'I SEMS NYE BAR 'JOG PAR YANG MI BYED NA DES KYANG DE BZHIN GSHEGS PA MI BZOD PAR YANG MI 'GYUR, THUGS MA RANGS PAR YANG MI 'GYUR BA 'DI NI DRAN PA NYE BAR GZHAG PA GSUM PA YIN NO, ,DRAN PA NYE BAR GZHAG PA GSUM GYIS NI MDOR NA DE BZHIN GSHEGS PA YUN RING PO NAS 'DI SNYAM DU, GDUL BA RNAMS BDAG GIS LEGS PAR BSHAD PA'I CHOS LA SGRUB PA JI LTA BA BZHIN DU NAN TAN DU BYED KYANG JI MA RUNG SNYAM DU DGONGS PA YUN RING PO NAS DE LTAR DGONGS PA CHOS KYI RJE 'KHOR YONGS SU SDUD PA DE'I BZHED PA DE PHUN SUM TSOGS PA DANG RGUD PA DAG GIS KUN NAS NYON MONGS PA MED PAR RAB TU 'BYED DO, ,DE DAG KYANG 'KHOR GSUM GYI BYE BRAG GIS GSUM DU RNAM PAR GZHAG STE, 'KHOR GSUM PO GANG ZHE NA, THAMS CAD GCIG TU YANG DAG BSGRUB PA 'DI NI 'KHOR GCIG PA YIN NO, ,THAMS CAD GCIG TU LOG PAR BSGRUB PA 'DI NI 'KHOR GNYIS PA YIN NO, ,GSUM PA NI DE DAG KHA CIG NI YANG DAG PAR BSGRUB LA, DE DAG KHA CIG NI LOG PAR BSGRUB PA YIN NO, ,BAG CHAGS YANG DAG PAR BCOM PA GANG ZHE NA, DE LA DE BZHIN GSHEGS PA LA REG PA 'AM GZIGS PA 'AM BZHUGS PA LA NYON MONGS PA YOD PA LTA BU'I G-YO BA KUN TU SPYOD PA RAB TU RGYU BA GANG YIN PA DE DE BZHIN GSHEGS PAS BAG CHAGS DANG BCAS TE YANG DAG PAR BCOM MO, ,DGRA BCOM PA RNAMS NI NYON MONGS PA SPANGS KYANG G-YO BA DANG BLTAS PA DANG SMRAS PA DANG, GNAS PA DAG LA NYON MONGS PA YOD PA DANG 'DRA BA'I G-YO BA YOD PA KHO NA'O, ,BSNYEL BA MI MNGA' BA NYID GANG ZHE NA, DE LA DE BZHIN GSHEGS PA NI GANG ZHIG BSGRUB PAR BYA BA YIN PA DANG, GANG DU YIN PA DANG, JI LTAR YIN PA DANG, GANG GI TSE YIN PA DE DER DE'I TSE DE BZHIN DU LEGS PAR BSGRUB PA'I PHYIR TE, 'DI NI DE BZHIN GSHEGS PA'I BSNYEL BA MI MNGA' BA'I CHOS NYID YIN NO, ,'DI LA DE BZHIN GSHEGS PA'I MDZAD PA THAMS CAD DANG, YUL THAMS CAD DANG, MDZAD PA THAMS CAD KYI THABS RNAMS LA BSNYEL BA MI MNGA' ZHING RTAG TU DGONGS BNYE BAR GNAS PA GANG YIN PA 'DI NI DER BSNYEL BA MI MNGA' BA'I CHOS NYID DU BLTA BAR BYA'O, ,THUGS RJE CHEN PO GANG ZHE NA, KHAMS GSUM NA SPYOD PA'I SEMS CAN THAMS CAD LA RTAG TU SDUG BSNGAL GYI RNAM PA THAMS CAD LA DMIGS @174A *, ,PA'I THUGS RJES GNAS PA 'GRUB PA'I TING NGE 'DZIN DANG, SHES RAB GANG YIN PA DANG, DE DAG DANG MTSUNGS PAR LDAN PA'I CHOS RNAMS SO, ,RNAM PA THAMS CAD MKHYEN PA NYID GANG ZHE NA, THAMS CAD DU YE SHES THOGS PA MI MNGA' BA'I PHYIR GANG GIS SEMS CAN THAMS CAD KYI THE TSOM THAMS CAD GCOD PAR MDZAD CING DE DANG DER GDUL BA'I THE TSOM GCOD PA'I PHYIR, CHOS KYI TSUL YANG YUN RING DU GNAS PAR MDZAD, BSTAN BCOS PA'I CHOS DE LA BRTEN NAS SEMS CAN YONGS SU MA SMIN PA YANG YONGS SU SMIN PAR MDZAD, SMIN PA RNAMS KYANG RNAM PAR GROL BAR MDZAD PA YIN NO, ,PHA ROL TU PHYI PA YONGS SU RDZOGS PA GANG ZHE NA, SBYIN PA LA SOGS PA PHA ROL TU PHYIN PA DRUG SHES RAB DANG SNYING RJE'I THABS LA MKHAS PAS YONGS SU ZIN PAS SA GONG NAS GONG DU 'DZEG PA'I RIM GYIS BSKAL PA CHEN PO GRANGS MED PA GSUM GYIS SER SNA LA SOGS PA SGRIB PA THAMS CAD BAG CHAGS DANG BCAS TE SPANGS PA'I PHYIR BLA NA MED PA YANG DAG PAR RDOGS PA'I BYANG CHUB MNGON PAR RDZOGS PA'I SANGS RGYAS PA'I SBYIN PA LA SOGS PA'I PHA ROL TU PHYIN PA PHUN SUM TSOGS PA RNAM PA THAMS CAD YONGS SU RDZOGS LA, YID BZHIN GYI NOR BU LTA BUR LHUN GYIS GRUB PAR SANGS RGYAS KYI MDZAD PA RGYUN MI GCOD PA GANG YIN PA STE, DE BZHIN GSHEGS PA BLA NA MED PA BRNYES PA RNAMS KYI PHA ROL TU PHYIN PA YONGS SU RDZOGS PA ZHIB TU NI 'PHAGS PA GTZUG NA RIN PO CHE'I MDO LA SOGS PA LAS BLTA BAR BYA'O, ,BYANG CHUB SEMS DPA'I SA THAMS CAD LAS NGES PAR 'BYUNG BA NYID NI RGYU'O ZHES BYA BA NI BYANG CHUB SEMS DPA'I SA RAB TU DGA' BA LA SOGS PA BCU NI SEMS CAN THAMS CAD KYI MCHOG THOB PAR BYED PA'I RGYUR GYUR PA YIN TE, DE NYID KYI PHYIR, SEMS CAN THAMS CAD KYI MCHOG TU GYUR PA NYID NI 'BRAS BU'O ZHES BYA BA SMOS SO, ,RNAM PA THAMS CAD DU MI SNANG BA NYID NI CHOS KYI SKU STE ZHES BYA BA NI JI SKAD DU CHOS KYI SKU NI SO SO RANG GIS RIG PAR BYA BA YIN PA'I PHYIR BSAM GYIS MI KHYAB PA'I MTSAN NYID DO, ,RTOG GE'I SPYOD YUL MA YIN PA'I PHYIR, 'JIG RTEN NA DPE MED PA NYID DO ZHES BSHAD PA LTA BU'O, ,THEG PA CHEN PO'I MDO SDE'I RGYAN GYI RGYA CHER BSHAD PA, SLOB DPON NGO BO NYID MED PAS MDZAD PA RDZOGS SO,, ,,RGYA GAR GYI MKHAN PO SH'AKYA SIm HA DANG, ZHU CHEN GYI LO TZ'A BA BANDE DPAL BRTZEGS KYIS BSGYUR CING ZHUS TE GTAN LA PHAB PA'O,, ,, @174B RGYA GAR SKAD DU, S'U TR'A LAm KA RA A'A DI SHLO KA S+YA DVA YA S+YA BY'A KHY'A NA, BOD SKAD DU, MDO SDE RGYAN GYI TSIGS SU BCAD PA DANG PO GNYIS KYI BSHAD PA, 'PHAGS PA 'JAM DPAL GZHON NUR GYUR PA LA PHYAG 'TSAL LO, ,YANG DAG PAR RDZOGS PA'I BYANG CHUB TU MNGON PAR RDZOGS PAR BYANG CHUB PA BCOM LDAN 'DAS SH'AKYA THUB PA THUGS RJE CHEN POS GNON PA'I THUGS KYIS 'GRO BA SNA TSOGS THUGS KYIS GZUNG BA'I DBANG DU MDZAD NAS CHOS KYI 'KHOR LO BSKOR BAR MDZAD PA GANG LA GANG GI DON DU JI LTAR GANG GIS BSLAB PAR BYA BA'I DON BZHI LA DGONGS NAS, 'KHOR RNAMS LA MCHOG TU ZAB PA'I DON CAN GYI MDO SDE MTHA' YAS PA STON PA LA 'JUG PAR MDZAD DO, ,DUS SHIN TU YUN RING POR GOMS PAR BYAS PA'I BSOD NAMS DANG YE SHES YONGS SU SMIN PA'I BSAM PA DANG LDAN PA, DE'I DUS NA NYE BA RNAMS LA YONGS SU DAG PA'I RGYU NYID KYIS BSAM PA JI LTA BA BZHIN DU DON MDZAD ZIN NA YANG, STON PA 'GRO BA RNAMS KYI MIG GCIG TU GYUR PA YONGS SU MYA NGAN LAS 'DAS PA NA BDAG CAG LTA BU'I GDUL BYA'I SKYE BO YONGS SU GZUNG BAR BZHED NAS YUN RING POR GNAS PA'I DON DU GANG SDUD PA POS YANG DAG PAR BSDUS PA YIN NO, , SNYIGS MA LNGA'I DUS KYI SHA ZAS SEMS CAN GYI TSOGS KYI SNYING PO MED PAR GYUR PA'I DUS KYI THA MA DE'I TSE NA DE'I DON RTOGS PA DANG DKA' BA NYID KYI PHYIR 'BRAS BU MED PAR GYUR PA LTA BUR YANG DAG PAR GZIGS NAS DE BDE BLAG TU RTOGS PAR BYA BA'I DON DU, 'PHAGS PA THOGS MED KYI SGO NAS SLOB DPON DBYIG GNYEN LA CHED DU GTAD DE, THAMS CAD RJES SU GZUNG BAR BYA BA'I PHYIR DE NYE BAR STON PA'I BSTAN BCOS MDO SDE RGYAN ZHES BYA BA 'DI, BCOM LDAN 'DAS BYAMS PAS NYE BAR BSTAN PA YIN NO, ,GANG LA DON DANG LDAN PA'I MING RNAM PAR SHAS PAR BYA BA'I DON DU TSIGS SU BCAD PA NYE BAR BKOD DE, DON DANG LDAN PA'I MING RNAM PAR SHES PAS NI BSTAN BCOS NYAN PA PO RNAMS KYIS GUS PA DANG BCAS PAS ZHES LAS 'JUG PA'I YUL DU NYE BAR 'GRO BAR BYED DO, ,'DI LTAR YANG 'DIR DON GYI RJES SU 'GRO BAR KHONG DU CHUD PAR BYA STE, JI LTAR RIN PO CHE SNA @175A *, ,TSOGS KYI 'OD 'PHRO BA GSER GYI RANG BZHIN GYI GDU BU DANG, DPUNG RGYAN DANG, RNA RGYAN LA SOGS PA'I RGYAN GYI MCHOG TU GYUR PA'I BUD MED KYI YAN LAG RANG BZHIN GYIS NYAMS DGA' BAR BYED PA, DPUNG PA'I YAN LAG LA SOGS PA MDZES PAR BYED PA NA 'JIG RTEN LA MCHOG TU DGA' BA NYE BAR SKYED BA DE BZHIN DU, NYE BAR BSTAN PA'I BSTAN BCOS 'DIS MDO SDE'I MCHOG TU ZAB PA GSAL BAR BYED PA NYID KYIS DAM PA RNAMS LA MCHOG TU DGA' BA SKYED PAR BYED PA'I PHYIR 'DI RGYAN NYID DANG 'DRA BA YIN NO, ,'O NA DE GANG DAG MDO SDE'I DON JI LTA BA BZHIN DU GSAL BA'I 'BRAS BU NYE BAR BSTAN PA LA RANG NYID 'JUG PA LA THOS GCIG NAS GCIG TU BRGYUD PA LAS BYUNG BA'I SHES RAB DRI MA MED PA CAN PHUL DU BYUNG BA'I MKHAS PA DE DAG BSTAN BCOS 'DI LA MI 'JUG PA 'AM, 'JUG PA NI CI YOD PAR 'GYUR PA 'AM, YOD PA 'AM, YOD PAR GYUR PA MA YIN NAM, DE'I PHYIR RGYU MTSAN GANG GIS NA 'DI NYID KHYAD PAR CAN GYI DGA' BA BSKYED PA'I RGYU NYID KYIS RGYAN NYID YIN ZHES BYA BA'I DOGS PA BSAL BA'I DON DU PHYIN CI MA LOG PA NYID DANG, MI SLU BA NYID DANG, DON MA LUS PA DAG BSDUS NAS THUN MONG MA YIN PA'I RGYU NYID DU 'DIR BSTAN PA YIN ZHES BSTAN PA'I DON DU, DON SHES DON STON ZHES BYA BA LA SOGS PA BSTAN TO, ,GANG 'DIS NI MDO SDE'I DON NI BRGYAN PAR BYA BA NYID DANG, BSHAD PA NI RGYAN NYID DANG, DE'I RGYU MTSAN GONG DU BRJOD PA GSUM PA BSTAN PA YIN NO, ,DE LA DON STON ZHES BYA BA NI STON PA NYID KYIS NYE BAR BSTAN PA'I DON NI RTAG TU LTOS PA DANG BCAS PA YIN PAS GANG YIN ZHES BYA BA'I DOGS PA BSAL BA'I PHYIR DE DANG 'BREL BAS KHYAD PAR DANG BCAS PA'I CHOS NYE BAR BSTAN PA'I PHYIR MDO'I DON KHO NA BRGYAN PAR BYA BA NYID DO, ,MDO'I SDE LAS GZHAN PA'I CHOS NI MDO'I SDE BZHIN DU THEG MCHOG BSTAN PA'I RNAM PA MA YIN TE, MDO'I SDE KHO NAS SHES PAR BYAS PA'I DON LA DBYANGS KYIS BSNYAD PA'I SDE LA SOGS PA RNAM PA 'GA' ZHIG GIS RJES SU BRJOD PA YIN PA'I PHYIR RO, ,DE NYID KYI PHYIR, THEG PA MCHOG BSTAN PA ZHES BRJOD PAR BYE BA YIN NA, BSTAN BCOS MDZAD PAS @175B DBYANGS KYIS BSNYAD PA LA SOGS PA RNAM PAR BCAD PA'I PHYIR 'DIR BSGRUB PA'I SGRA LHAG PAR BRJOD PA MDZAD PA YIN NO, ,DE YANG SGRUB PAAS NA SGRUB PA ZHES DNGOS PO SGRUB PA BSTAN PAS NA MI SHES PA SHES PA'I DON KHONG DU CHUD PAR BYA'O, ,BSGRUB PAR BYA BA YIN PAS BSGRUB PA ZHES LAS SU SGRUB PA NI SHES PAR BYA BA'I NGO BO YIN NO, ,D'IR NI LAS SU BSGRUB PA BSTAN PAR MNGON PAR 'DOD DO, ,DE'I PHYIR DON NI 'DI YIN TE, ,NYAN THOS DANG RANG SANGS RGYAS KYI BYANG CHUB KYI THEG PA LA LTOS NAS KHYAD PAR CAN YI PA'I PHYIR THEG MCHOG STE, RDZOGS PA'I BYANG CHUB KYI LAM YIN NO, ,DE BSTAN PA STE BSTAN PAR SHES PAR BYA'O, ,SGRUB PA NI SGRUB PA BZHIN PA STE, RJES SU GZUNG BAR RANG GIS MI RTOGS PA'I PHYIR DES RTOGS PAR BYA BA'I RANG BZHIN TE, GANG LA YOD PA DE LA DE SKAD CES BYA STE DE'I 'O, ,DNGOS PO SGRUB PA BSTAN NA NI BSTAN PA'I SGRA DON DU RTOGS PA NYID YIN PA'I PHYIR DE 'BRAS BU MED PAR THAL BA BZLOG PAR DKA'O, ,DE BAS NA DE LTAR SGRUB PA'I SGRA NYE BAR BSTAN PA'I PHYIR 'DIR KHYAD PAR DU BCAS PA'I CHOS KYI SGRAS MDO'I SDE KHO NA MNGON PAR BRJOD PA YIN NO, ,DE SKAD DU YANG 'GREL PA MDZAD PAS CHOS TSOL BA'I LE'U LAS, THE TSOM GYI GNYEN POR NI MDO SDE YIN TE, GANG ZHIG GANG LA THE TSOM ZA BA DE LA DE DON NGES BYA BA'I PHYIR BSTAN PA'I PHYIR RO, ,YANG NA MDO SDE NI CHOS KYI DON BSTAN PA YIN NO ZHES 'CHAD PAR 'GYUR BA YIN NO, ,DE BAS NA DE LTA BU DE NYID YIN TE, GANG GI PHYIR MKHAS PA RNAMS NI MDO'I SDE DANG, DBYANGS KYIS BSNYAD PA DANG, LUNG DU BSTAN PA LA SOGS PA DANG, GSUNG RAB KYI RNAM PA'I GRANGS RJOD PAR BYED PA NA MDO'I SDE KHO NA GTZO BO YIN PA'I PHYIR DANG POR GDON PA YIN NO, ,DE BAS NA MDO'I SDE'I DON NI BRGYAN PAR BYA BA NYID DU 'DIR BRJOD PA YIN NO, ,STON PA'I SGRA NI BSHAD PA'I DON YID PA'I PHYIR DE DANG DE'I RJES SU 'BREL BA'I DON NI BSHAD PAR BYA BA NYID MA YIN NAM, JI LTAR NA BRGYAN PAR BYA BA NYID YIN ZHE NA, GAL TE DON BSHAD CES BSTAN PA YIN NA BDEN TE, DON STON RAB TU BYED PA ZHES BSTAN PA NA, SGRUB BZHIN PA'I BSHAD PA KHYAD PAR CAN DANG @176A *, ,'BREL BAR KHONG DU CHUD PAR BYA STE, DES MKHAS PA RNAMS LA DGA' BA SKYED PAR BYED PA'I PHYIR, BRGYAN PAR BYED PA DE'I YUL NYID DU GYUR PA'I DON JI LTAR NA BRGYAN PAR BYA BA'I BDAG NYID DU 'GYUR BA MA YIN, DON 'DI NYID BSTAN BCOS MDZAD PAS GSER LAS BRDUNGS BYAS 'DRA ZHING ZHES BYA BA LA SOGS PAS DPE NYE BAR BKOD PA SNGON DU 'GRO BAS, CHOS DE 'DIR BSHAD PA YANG DGA' BA'I MCHOG BSKYED DO ZHES BYA BA'I NGAG GIS STON PAR 'GYUR RO, ,DE LTA BAS NA DON STEN RAB TU BYED PA ZHES BYA BA NI 'DIR DON BRGYAN PAR BYED PA'I DON DU SHES PAR BYA'O, ,DE LTAR NA SU ZHIG BRGYAN PAR BYED, CI ZHIG BRGYAN PAR BYED CES BYA BA LA SOGS PA 'GREL PA MDZAD PAS MNGON PAR BRJOD PA'I DRI BA DANG, LAN GYI TSIG RNAMS KYI DON 'BREL BA NYID DU 'GYUR PA YIN NO, ,SGRA JI BZHIN SHES PA GANG DAG GIS DGONGS PA'I DON KHONG DU MA CHUD NA 'GREL PA SU ZHIG BRGYAN PAR BYED, CI ZHIG BRGYAN PAR BYED CES BYA BA'I DOGS PA GNYIS BSAL NAS, SU ZHIG BYED, CI ZHIG BYED CES GDON PAR RNAM PAR BRTAGS PA DES NI, SNYOM LAS KYI BDE BA LA CHAGS PA'I YID CAN GYIS, RTOG PA MED PA NYID DU KHONG DU CHUD PAR BYED DO, ,SGRA JI BZHIN PAR SHES PA NYID KYANG, DE LA GA LA YOD DE, CI ZHIG DON GYIS RGYAN DU BYED, ,GANG GI CHED DU RGYAN DU BYED CES BYA BA'I GANG GI DON MA NGES PA NYID KYI PHYIR RO, ,'DIR DON STON RAB TU BYED PA ZHES BYA BA'I RJES SU 'BREL PA MED PAR TSIG PHYI MA DAG GI DON DU RTOGS PA MA YIN TE, DOGS PA NYE BAR MI BYED PA'I PHYIR RO, ,GZHAN YANG CI ZHIG GI DON GYIS RGYAN DU BYED CES BYA BA LA, 'DIR SGRA DRAN PA LA MKHAS PA'I MNGON PA'I NGA RGYAL CAN 'DIS KYANG DON BRGYAN PAR BYA BA'I BYA BA LAS KYI DNGOS PO THOB PAS DON LA ZHES GNYIS PA'I MTHA' CAN NYID KYIS MTSAN NYID DU THOB PA YIN NA, DRUG PA MI 'THAD PA NYID DU JI LTAR MI DPYOD, GANG GI TSE BRGYAN PAR BYED PA ZHES BYA BA 'DI LA, DON STON RAB TU BYED PA ZHES BYA BA'I DON, JI SKAD BSHAD PA'I RIGS PAS YIN PA DE'I TSEN BSTAN PAR BYA BA NYID 'DIR LAS NYID DU RTOGS PA NA DON LA DE DANG 'BREL PA @176B NYID DU RTOGS PA'I PHYIR, DE DANG 'BREL PA DRUG PA BSTAN PA LA MI 'THAD PA MED DO, ,DE LTA NGUS SU ZHIG BRGYAN PAR BYED CES BYA BA LA SOGS PA DAG RNAMS NI JI LTAR RNAM PAR GZHAG PAR NYE BAR BSTAN PA NYID BZANG BA DANG, DE MDZAD PA PO'I MNGON PAR 'DOD PA YANG YIN NO, ,DE BAS NA DE LTAR DON STON RAB TU BYED PA, THEG MCHOG BSTAN PA'I RNAM PA'I CHOS KYI ZHES BYA BA NGAG GI DUM BU 'DI TZAM GYIS BRGYAN PAR BYA BA NYID NI MDO'I SDE'I DON YIN LA, BRGYAN NYID NI DE NYE BAR STON PAR GYUR BA'I BSTAN BCOS 'DI YIN PAR BRJOD PA YIN NO, ,DE LA PHYIN CI MA LOG PA NYID LA SOGS PA'I RGYU MTSAN GANG GIS BRJOD PA STE, DA NI DE'I DON BSHAD PA'I SGO NAS GSAL BAR BYA STE, MKHAS PA THAMS CAD RIG PA MA YIN PA, MANG DU THOS PA CAN YIN YANG KHA CIG MI SHES PA'I PHYIR DANG, KHA CIG LA THE TSOM ZA BA'I PHYIR DANG, KHA CIG LA PHYIN CI LOG PA'I PHYIR, RNAM PA GZHAN DU BSHAD PA LA 'JUG PAR BYED PA NI PHUL DU BYUNG BA'I MKHAS PA RNAMS LA DGA' BA BSKYED PA MA YIN PA'I PHYIR, DE DANG MI MTHUN PA'I MTSAN NYID LA BSTAN PAS 'DIR RGYU MCHAN DANG PO PHYIN CI MA LOG PA NYID NYE BAR BSTAN PA'I DON DU KHYAD PAR CAN GYIS BYED PA NGES PAR SGRUB PA 'DI LA, DON SHES ZHES BYA BA LA SOGS PA SMOS SO, ,'DI SKAD BSTAN PA YIN TE, CHOS DANG, DON DANG, NGES PA'I TSIG DANG, SPOBS PA SO SO YANG DAG PAR RIG PA DAG MA TSANG NA RNAM PA GZHAN DU NYE BAR STON PA SRID PA'I PHYIR, PHYIN CI LOG PA NYID DU YANG 'GYUR BA YIN NA, 'DIR NI MDZAD PA PO SA BCU'I DBANG PHYUG NYID YIN PA'I PHYIR, DE TSANG BAR YOD PA YIN PAS JI LTAR NA PHYIN CI LOG TU NYE BAR STON PAR 'GYUR, 'DI LTAR CHOS KYI DON SHES ZHES BYA BA BRJOD PAS NI, STON PA SO SO YANG DAG PAR RIG PA TSANG BA NYID BSTAN TO, ,NGAG DANG TSIG RNAMS DRI MA MED PA ZHES BYA BAS NI, NGES PA'I TSIG SO SO YANG DAG PAR RIG PA TSANG BA NYID DO, ,'BYOR BA'I DON TSUL BLA MED GYUR PA LNGA'I BDAG NYID STON PAR BYED CES BYA BAS NI, SPOBS PA SO SO YANG DAG PAR RIG PA TSANG BA NYID DU @177A *, ,BSTAN TO, ,NGAG LAS TSIG RNAMS JI LTAR THA DAD PA YIN, TSIG GAM NGAG GI NGO BO MA GTOGS PAR BYAS PA'I NGAG GAM TSIG RNAMS YOD PAR SRID PA NYID NA MA YIN TE, DE'I PHYIR GANG YANG RUNG BA BSTAN PAR BYA BA NYID YIN NA, CIG CAR GNYI GAR STON PAR BYED CE NA, SKYON DE DAG NI YOD PA MA YIN TE, TSIG GI TSOGS LAS GSAL BYAD KYI TSOGS KYI MTSAN NYID NI SHIN TU THA DAD PA'I PHYIR RO, ,'DI LTAR TSIG GI TSOGS NI NGAG GI TSOGS YIN LA, GSAL BYED KYI TSOGS NI YI GE'I TSOGS YIN NO, ,DE SKAD DU YANG, MING GI TSOGS LA SOGS PA NI, ,MING DANG NGAG DANG YI GE'I TSOGS ZHES BSHAD DO, ,'DIR TSOGS NI BRJOD PA'I TSOGS YIN PAR RIG PAR BYA'O, ,DE'I PHYIR 'DIR NGAG DANG ZHES BYA BA'I SGRAS NI TSIG GI TSOGS NGAG CHEN PO'I NGO BO BSTAN PA YIN PAR BLTA BAR BYA STE, DE NYID KYANG KHONGS SU GTOGS PA'I NGAG YANG DAG PAR BSDUS PA'I BDAG NYID YIN PA'I PHYIR DANG, DON RTOGS PA'I SGRUB PAR BYED PA NYID KYI NGAG NYID NI 'DIR TSIG YIN PA'I PHYIR RO, ,TSOGS KYI DON NI BSAGS PA'I DON NYID YIN PA'I PHYIR RO, ,TSIG RNAMS ZHES BYA BA'I SGRAS NI; GSAL BYED KYI TSIG GI KHONGS SU GTOGS PA'I NGAG GI NGO BO YIN NO, ,DGONGS PA 'DI NYID KYIS KYANG DAG DANG TSIG DAG NI, GCIG GI TSIG DANG, MANG PO'I TSIG GI MTHA' CAN NYID DU BSTAN TO, ,NGAG CHEN PO NI GCIG YIN PA'I PHYIR DANG, KHONGS SU GTOGS PA'I NGAG RNAMS NI MANG PO NYID YIN PA'I PHYIR RO, ,DE LTAR THA DAD PA YIN DU CHUG MOD, NGAG KHO NA TSIG 'PHEN PA NYID YIN PA'I PHYIR, 'DIR DE DAG LOGS SHIG TU BSTAN PA JI LTAR MI 'THAD PA MA YIN ZHE NA MA YIN TE SGRA GZHAN GYI DON GYI NYE BAR BSTAN PA YIN YANG, RANG GI SGRAS MNGON PAR BRJOD PA MTHONG BA'I PHYIR TE, DPER NA BRAM ZE RNAMS 'ONGS SO, ,GNAS 'JOG KYANG 'ONGS SO ZHES BYA BA LTA BU'O, ,DE NI DER GTZO BO NYID DU STON PA LHUR LEN PA'I PHYIR SKYON DE MED PA YIN NO ZHE'O, ,'DIR YANG DE RNAMS GTZO BO NYID DU GYUR @177B PA YANG CI, 'DI'I RGYU MTSAN NYID DU CI'I PHYIR KHAS BLANG BAR BYA BA MA YIN TE, DE'I DBANG GIS NGAG NI CHES GZUNG BAR BYA BA NYID DU 'GYUR BA'I PHYIR RO, ,GANG GI PHYIR SKYON DANG LDAN PA'I KHONGS SU GTOGS PA'I NGAG CAN GYI NGAG CHEN PO DE NI MKHAS PA RNAMS KYIS GZUNG BA MA YIN PA NYID YIN LA GANG LA YON TAN DANG LDAN PAR 'JUG PA DE NI GZUNG BAR BYA BA KHO NA YIN NO, ,DE LA YAN LAG BRGYAD KYI NGAG NI DE'I MI MTHUN PA'I PHYOGS KYI DRI MA DANG BRAL BA'I PHYIR DRI MA MED PA'O, ,'DI LTA STE, GRONG KHYER PA NI MI ZHAN PA GANG YIN PA STE, 'KHOR LA KHYAB PA'I PHYIR RO, ,SNYAN CING 'JEBS PA NI SNYAN PA GANG YIN PA STE, YI GE MI RTZUB PA NYID KYI PHYIR RO, ,RNAM PAR GSAL BA NI LEGS PAR BSHAD PA GANG YIN PA STE, YI GE LEGS PAR NGES BSHAD PA NYID KYI PHYIR RO, ,RNAM PAR RIG PAR BYED PA NI , YI GE GRAGS PA GANG YIN PA STE, GRAGS PA NYID MNGON PAR BRJOD PA NYID KYI PHYIR RO, ,MNYAN PAR 'OS PA NI JI LTAR RIGS PA GANG YIN PA STE, GDUL BYA DANG RJES SU MTHUN PA'I PHYIR RO, ,RTEN MED PA NI ZANG ZING MED PA GANG YIN PA STE, RNYED PA DANG BKUR STI DANG, TSIGS SU BCAD PA DAG LA RTEN PA MED PA NYID KYI PHYIR RO, ,MI MTHUN PA MED PA NI RAN PA GANG YIN PA STE MI RAN PA MA YIN PA NYID KYI PHYIR TE, DE LAS CIG SHOS NI SKYO BA SKYED PAR BYED PA NYID KYIS MI MTHUN PA'I PHYIR RO, ,GTUGS PA MED PA NI YANGS PA GANG YIN PA STE, TSAD MAS YONGS SU DAG PA'I DON MNGON PAR BRJOD PA NYID KYI PHYIR RO, ,BSTAN BCOS MDZAD PA POS, RGYAL SRAS TSIG NI MI ZHAN PA, ,SNYAN CING LEGS BSHAD GRAGS PA DANG, ,CI RIGS PA DANG ZANG ZING MED, ,RAN CING DE BZHIN SPANGS PA YIN, ,ZHES BYA BA 'DIS, NGAG PHUN SUM TSOGS PA 'DI NYID STON PAR GYUR PA YIN NO, ,TSIG RNAMS KYI YAN LAG BRGYAD NI SNGA MA JI LTA BA BZHIN DU DRI BA MED PA'I ZHABS YIN NO, ,'DI LTA STE, RIGS PA NI GANG DAG TSAD MA RNAMS DANG MI 'GAL BA'I DON NYE BAR BRJOD PA NYID DO, ,'BREL BA NI JI LTAR MDOR BSTAN PA BZHIN DU DON RGYAS PAR BSTAN PA @178A *, ,GANG DAG YIN PA'O, ,MTHUN PA'I GANG ZAG THEG PA GSUM DANG MI 'GAL BAR 'JUG PA NYID DO, ,RUNG BA NI BDE BA LA BRTEN PA GANG YIN PA STE, SGRA NYAM NGA BA MED PA'I PHYIR RO, ,'BYOR BA NI GANG DAG GRAGS PA'I DON GYIS DON DANG LDAN PA NYID DO, ,'PHROD PA NI RIGS PA GANG YIN PA STE, GDUL BYA DANG RJES SU MTHUN PA NYID KYI PHYIR RO, ,'TSAM PA NI GANG DAG MYA NGAN LAS 'DAS PA'I DBANG DU BYAS NAS 'JUG PA'O, ,'GRUS SKYONG GI YAN LAG GI CHOGS SU GYUR PA NI GANG DAG SLOB PA'I 'PHAGS PA'I LAM YAN LAG BRGYAD DANG RJES SU MTHUN PA'I PHYIR RO, ,RAB TU DBYE BA 'DI NYID, BSTAN DANG DE BZHIN BSHAD PA DANG, ,THEG DANG MTHUN DANG BDE BA DANG, ,GRAGS PA DANG NI CI RIGS DANG, ,NGES PAR 'BYUNG DANG MTHUN PA'I PHYIR, ,DE 'DIR SEMS DPA' MCHOG RNAMS KYI, ,YI GE PHUN SUM TSOGS PA YIN, , ZHES BYA BA'I TSIGS SU BCAD PA PHYED DANG GNYIS KYIS BSTAN BCOS MDZAD PA PO STON PAR 'GYUR RO, ,DE'I PHYIR 'DIR DON NI 'DI YIN TE, GANG ZHIG DON SHES PA YIN ZHING DE LTA BU'I NGAG DANG, TSIG RNAMS KYI MDO SDE'I DON STON PA LA 'JUG PA DE NI JI LTAR NA RNAM PA GZHAN DU BSHAD PA'I DOGS PA BYED, DON SHES PA NYID KYIS NA DE MI SHES PA DANG, THE TSOM ZA BA DANG, PHYIN CI LOG RNAMS BSAL BA YIN PAR MTSON PAR BYED DO, ,NGAG DANG TSIG RNAMS DRI MED CES BSHAD PAS NI, SKYON DE RNAMS DANG LDAN PA NYID KYANG RNAM PA GZHAN DU 'CHAD PAR 'GYUR RO, ,DE LTAR PHYIN CI MA LOG PA NYID BSGRUBS PA YIN NO, ,DON SHES PA'I SPOBS PA DANG LDAN ZHING, GZHAN KHONG DU CHUD PAR BYED PA LA MKHAS PA YIN YANG, SLU BAR BSAMS NAS 'JUG PA MA YIN NAM, GANG GIS NA 'DIR PHYIN CI MA LOG PA NYID DU NGES PAR BSHAD PAR 'GYUR BA JI LTAR NA RNAM PA GZHAN DU YANG 'CHAD PA MI SRID PA NYID CES BYA BA'I DOGS PA DE BSAL BA'I PHYIR, DGOS PA DANG DE'I RGYU BSHAD PA'I SGO NAS RGYU MTSAN GNYIS PA MI SLU BA NYID, SDUG BSNGAL BSGRAL PHYIR ZHES PA LA SOGS PA SMOS SO, ,'DI SKAD BSTAN PA YIN TE, GANG GI PHYIR BSKAL PA DU MAR @178B SDUG BSNGAL BA'I SKYE BO LA DMIGS PA'I SNYING RJE 'BAD PAR GOMS PA LAS GANG ZHIG DE'I BDAG NYID DU GYUR PA NA NYE BAR BSTAN PA LA 'JUG PA DE GANG GIS NA SLU BAR BYED PAR 'GYUR BA, JI LTAR NA SDUG BSNGAL BSGRAL BA LAS GZHAN PA'I DGOS PA RTZED MO LA SOGS PA 'DOD PAR BYED, DE'I PHYIR DE'I BSHAD PA NI MI SLU BAR BYED PA KHO NA'O, ,SGRUB PA LA LTOS NAS SDUG BSNGAL MTSAN NYID DU RTOGS PA'I PHYIR 'BYUNG KHUNG GI LNGA PA SDUG BSNGAL LAS ZHES BSTAN PAR RIGS PA MA YIN NAM, JI LTAR NA SDUG BSNGAL GYI ZHES BSTAN, SDUG BSNGAL BA'I SKYE BO NI SDUG BSNGAL LAS BSGRAL BAR BYA BA NYID YIN NO ZHE NA, SKYON DE DAG MED DE, SDUG BSNGAL GYI MTSAMS DANG, DE DANG LDAN PA LA 'BREL PA SRID PA'I PHYIR RO, ,GANG GI PHYIR 'DOD PAS BYED PA RNAMS 'JUG PA DE'I PHYIR, 'DIS 'BREL PA 'DOD PA TZAM LA RAG LAS PA'I DRUG PA 'THAD PA KHO NA'O, ,YANG NA BSGRAL BA'I BYED PA PO NI SDUG BSNGAL LAS GZHAN PA'I SDUG BSNGAL BA'I BDAG LA SOGS PA YANG DAG PAR MED PAR BSTAN PA'I PHYIR DE LTAR BSTAN PA YIN NO, ,GANG YANG, BDAG TU LTA BA BDAG NYID BDAG MTSAN MIN, ,NGAN PAR GNAS MEN MTSAN NYID MI 'DRA'I PHYIR, ,GNYIS LAS GZHAN MED DE NI NOR PA SKYES, ,DE PHYIR THAR PA NOR PA ZAD TZAM YIN, ,ZHES BSTAN PAR 'GYUR RO, ,DE LTAR NA SDUG BSNGAL BSGRAL PHYIR ZHES BYA BA 'DIR, 'KHRUL PA ZAD PHYIR ZHES BYA BA'I DON DU GNAS PA YIN NO, ,SDUG BSNGAL ZHES BYA BA'I TSIG GIS NI KUN RDZOB TU DE NYID MNGON PAR BRJOD PA YIN NO, ,DE LTAR NA THAMS CAD LEGS PAR GNAS PA YIN NO, ,'DI DAG NI RTOGS ZIN TO, ,GAL TE RIG BYA RIG PA DANG, SNYING RJE'I RANG BZHIN CAN SDUG BSNGAL ZAD PA NYID KYI 'BRAS BU RNAMS GZHAN DAG LA SBYIN PA'I DON DU NYE BAR BSTAN PA LA 'JUG PA NI PHYIN CI MA LOG PA NYID DANG MI SLU BAR BYED PA LA BRTEN PA YIN TE, DE'I PHYIR DER DA LTAR THOS PA DANG LDAN PA YIN YANG, DE'I 'BRAS BU GRUB PA JI LTAR NA MTHONG BA YIN, DE'I PHYIR BSTOD PA 'DI 'BA' ZHIG NYE BAR MTSON PA YIN NO ZHES, PHYI MA'I DUS SU SGRO 'DOGS PA RNAM PAR GCAD PA'I DON DU DE 'JUG PA'I RGYU MTSAN @179A *, ,GDUL BYA SKAL BA DANG LDAN PA NYID BSTAN PA'I DON DU, DE YIS 'GRO BA'I SEMS CAN LA, ,ZHES BYA BA SMOS SO, ,'DIR SKAL BA DANG LDAN PA NYID KYANG DE'I DANG TSUL CAN DU SGRUB PA'I RKYEN GYIS BSGRUB PA NYID DO, ,DE LA BRTEN NAS NYE BAR BSTAN PA 'BRAS BU DANG BCAS PA KHO NA STE, DE LTAR NA CUNG ZAD KYANG CHAD PA MED DO, ,GANG PHYIR SPRIN LAS CHAR 'BAB KYANG, ,SA BON MIN LAS MI 'BYUNG LTAR, ,SANGS RGYAS RNAMS NI 'BYUNG NA YANG, ,SKAL PA MED PAS 'BRAS MI MYONG, ,ZHES BSHAD PA YIN NO, ,DE LTAR NA RGYA NI NYID LA PHYIN CI MA LOG PA NYID DANG MI SLU BAR BYED PA NYID KYI RGYU MTSAN BSTAN NAS, ,GSUM PA DON MA LUS PA NYID DE STON PAR BZHED NAS, 'BYOR BA'I ZHES PA LA SOGS PA SMOS TE, GSUNG RAB LA NI GANG GI DE MA BSTAN NA, 'DI'I DON MA RDZOGS PAR 'GYUR BA, DON RNAM PA LNGAS LHAG PA'I SHES BYA SRID PA 'AM, NYE BAR BSTAN PA SRID PA YOD PA NI MA YIN TE, THAMS CAD KUN NAS NYON MONGS PA DANG, RNAM PAR BYANG BA DAG GIS BSDUS PA'I PHYIR RO, ,DE LA KUN NAS NYON MONGS PA NI BSGRUB PAR BYA BA DANG, BYE BRAG TU SHES PAR BYA BA DANG BSAM PAR BYA BA DON GSUM GYIS BSTAN TO, ,RNAM PAR BYANG BA NI BSAM GYIS MI KHYAB PA DANG, YONGS SU GRUB PA GNYIS KYIS BSTAN TO, ,DE STON PA'I NUS PA DANG LDAN PA NI 'DI NYID YIN TE, TING NGE 'DZIN DANG GZUNGS RAB TU THOB PA'I PHYIR RO, ,DE'I PHYIR JI LTAR NA, GZHAN GYIS BSHAD PA RNAMS DON MA LUS PAR GSAL BAR BYED PA'I 'BRAS BU CAN DU 'GYUR, DE LTA BAS NA JI SKAD BSHAD PA'I RGYU RNAMS KYI NYE BAR BSTAN PA'I BSNYAN BCOS 'DI MKHAS PA RNAMS LA KHYAD PAR GYI DGA' BA BSKYED PA'I RGYU YIN PA'I PHYIR RGYAN NYID DANG 'DRA BA NI RIGS PA KHO NA YIN NO, ,KHYAD PAR CAN GYI DGA' BA'I RGYU DE NYID KHO NA DON RNAM PA LNGA'I DBANG DU BYAS NAS, BCOM LDAN 'DAS KYIS BSTAN PA'I CHOS BSHAD PA'I BSTAN BCOS 'DI LA GO RIMS BZHIN DU, GSER LAS BRDUNGS BYAS 'DRA ZHES BYA BA LA SOGS PA'I DPE LNGAS BSGRUB PA'I DON DU, GSER LAS BRDUNGS BYAS 'DRA @179B ZHES BYA BA LA SOGS PA SMOS SO, ,DE LA DON RNAM PA LNGA JI 'DRA BA YIN ZHE NA, RGYU MTSAN DANG, MING DANG, RNAM PAR RTOG PA DANG, DE BZHIN NYID DANG, YANG DAG PA'I YE SHES ZHES BA'O, ,DE LA RGYU MTSAN NI KUN GZHI RNAM PAR SHES PA DANG, NYON MONGS PA CAN GYI YID DANG, 'JUG PA'I RNAM PAR SHES PA'I RGYU MTSAN NYID NI 'DI PHAN TSUN RGYU NYID YIN PA'I PHYIR RO, ,MING NI RGYU MTSAN DE NYID BRJOD PAR BYA BA MA YIN YANG MIG BTZUMS BYED PA BZHIN DU YANG DAG PAR MTSON PAR BYED PA'I BRJOD PA GANG YIN PA'O, ,RNAM PAR RTOG PA NI JI SKAD BSHAD PA'I RGYU MTSAN GYI RANG BZHIN DANG; KHYAD PAR DU RNAM PAR RTOG PA STE, KHAMS GSUM PA DANG MTSUNGS PAR LDAN PA'I SEMS DANG SEMS LAS BYUNG BA'O, ,DE BZHIN NYID NI STONG PA NYID DO, ,YANG DAG PA'I YE SHES NI DE BZHIN NYID LA DMIGS PA'I 'JIG RTEN LAS 'DAS PA'I YE SHES SO, ,DE RNAMS KYI GO RIMS NI 'DI NYID KHO NA YIN TE, 'DI LTAR KUN NAS NYON MONGS PA'I GDAGS PA'I GZHI YIN PA'I PHYIR DANG POR RGYU MTSAN NO, ,KUN NAS NYON MONGS PA GDAGS PA NYID KYI PHYIR, DE MA THAG TU MING NGO, ,MING JI LTA BA BZHIN DU KUN NAS NYON MONGS PA'I GZHIR RNAM PAR RTOG PA'I PHYIR; DE'I 'OG TU RNAM PAR RTOG PA'O, ,KUN NAS NYON MONGS PA DE YANG DE BZHIN NYID LA YANG DAG PA'I YE SHES KYIS 'GOG PA NYID YIN PA DE'I PHYIR, DE'I RJES LA DE BZHIN NYID DANG, YANG DAG PA'I YE SHES YIN NO, ,'GREL PA MDZAD PAS NI RGYU MTSAN LA BSGRUB PAR BYA BA ZHES BYA BAR BSTAN TE, GZHAN GYI DBANG GI NGO BO NYID KYI RGYU DANG RKYEN LAS NGES PAR 'BYUNG BA'I PHYIR, GSER LAS BRDUNGS BYAS 'DRA BA'O, ,GANG GI PHYIR GSER NI GDU BU DANG, RNA RGYAN DANG, DPUNG RGYAN LA SOGS PA NYID DU RANG BZHIN GYIS GRUB PA'I NGO BO MA YIN TE, BSREG PA DANG BCAD PA DANG CHUS BRAN PA DANG, BRDUNG BA LA SOGS PA'I RKYEN RNAMS DON MED PAR THAL BA'I PHYIR RO, ,MING NI BYE BRAG TU SHES PAR BYA BA ZHES BYA BA STE, GANG GI PHYIR MING NI MAR ME BZHIN DU RUNG BA NYID KYIS DON SHES PAR BYED PA NI MA YIN TE, BRDA RIG PA BZHIN DU BRDA MA RIG PAS KYANG @180A *, ,DON RTOGS PA SKYE BAR THAL BA'I PHYIR RO, ,'O NA CI ZHE NA, 'DI NI 'DI'I BRJOD BYA, 'DI NI 'DI'I RJOD PAR BYED PA ZHES SKYES BU'I 'DOD PAS BRTAGS PA'I BRJOD BYA RJOD BYED KYI 'BREL BA SHES PAS SO, ,DE NYID KYI PHYIR MING JI LTA BA'I DON NI MI SRID PA'I PHYIR DON GYI DBANG DU BYAS NAS, 'DI KUN BRTAGS PA'I RANG BZHIN GYI KHONGS SU 'DUS PAR GZHAN GYIS BRJOD PA YIN GYI, RANG GI NGO BOS NI MA YIN TE, RNAM PAR RIG PA'I NGO BO NYID YIN PAS DE NI BRTAGS PA NYID MA YIN PA'I PHYIR RO, ,SHES PA DE NYID KYANG BYE BRAG TU SHES PA STE, DE YANG BRDA SHES PA BYE BRAG TU SHES PA PO LA LTOS NAS, GZHAN LA 'GYUR BA DE'I PHYIR BYE BRAG TU SHES PAR BYA ZHES BSTAN TE PADMA RGYAS PA BZHIN NO, ,GANG GI PHYIR PADMA NI 'BYED PAR BYED PA SKYES BU'I LAG PA DANG, NYI MA 'OD ZER DANG, YONGS SU 'BREL PA LA LTOS PA MED PAR RNAM PAR DBYE BA'I MTSAN NYID CAN GYIS BYE BRAG TU SHES PAR BYA BA'I YUL DU THOB PA MA YIN NO, ,RNAM PAR RTOG PA NI BSAM PAR BYA BA ZHES BYA STE, 'DUS MA BYAS KYI KHAMS LA 'JUG PAR BYA BA'I PHYIR, DAM PA'I CHOS THOS SPA LAS BYUNG BA'I TSUL BZHIN YID LA BYED PAS, DE NI GDON MI ZA BAR BSAM PAR BYA BA NYID YIN PA'I PHYIR RO, ,RNAM PAR RTOG PA SPANGS PA MED PAR NI 'DUS MA BYAS KYI DBYINGS LA 'JUG PAR 'GYUR BA MA YIN NO, ,RNAM PAR RTOG PA YANG THOG MA MED PA MA RIG PA'I BAG CHAGS KYI DBANG GIS BRDZUN PA YIN YANG RGYU MTSAN LA RANG BZHIN DANG KHYAD PAR DAG GI MING JI LTA BA BZHIN DU BDEN PA NYID DU MNGON PAR ZHEN PAS 'JUG PA NI BDAG NYID NYE BAR ZHI BA'I THABS RIG PA DANG, RJES SU MTHUN PA'I RNAM PAR DPYOD PA MED PAR SPONG BA MA YIN NO, ,JI SKAD DU RGYU GNYIS DANG RKYEN GNYIS DAG GIS YANG DAG PAR MTHONG BA SKYE STE, PHA ROL GYIS BSTAN PA DANG BDAG NYID LA TSUL BZHIN YID LA BYED PA'O ZHES GSUNGS SO, ,DE MA SPANGS NA YANG KUN NAS NYON MONGS PA KHO NA MNGON DU BYED PAR 'GYUR GYI, RNAM PAR BYANG BA'I BDE BA NI MA YIN PA'I PHYIR KUN NAS NYON MONGS PA SPANGS PA DANG, RNAM PAR BYANG BA THOB PAR BYA BA'I PHYIR RNAM PAR RTOG PA NI, MING JI LTA BA NI YUL @180B MED PA NYID DU BSAM PAR BYA BA STE, KHA ZAS G-YOS LEGS BZHIN NO, ,GANG GI PHYIR KHA ZAS LEGS PAR RANG BZHIN DANG, KHYAD PAR DAG TU MA BSAMS PAR G-YOS LEGS PA'AM, DE NYE BAR LONGS SPYAD PA'I BDE BA LA CHAGS PA'I YID CAN GYI BDE BA SGRUB PAR GYUR PA NI MA YIN NO; ,DES NA DE YANG BSAM PAR BYA BA YIN ZHES GRAGS PA'I PHYIR 'DIR DPER GYUR PA YIN NO, ,DE'I PHYIR DE LTAR GSUNG RAB LAS BSTAN PA'I RGYU MTSAN DANG, MING DANG, RNAM PAR RTOG PA'I DON GSUM NI, DPE GSUM GYIS BSGRUB BYA DANG, BYE BRAG TU SHES PAR BYA BA DANG, BSAM PAR BYA BA NYID DU BSTAN PA'I DBANG DU BYAS NAS CHOS BSTAN PAR 'JUG PAS JI STON PAR 'GYUR ZHE NA, KUN NAS NYON MONGS PA DANG, DE'I THA SNYAD DO, ,DE LA RGYU MTSAN NI KUN NAS NYON MONGS PA'O, ,MING DANG RNAM PAR RTOG PA DAG NI DE'I THA SNYAD YIN TE, DE DAG GIS DE NYID RANG BZHIN DANG, KHYAD PAR DU THA SNYAD DU BTAGS PA'I PHYIR RO, ,DE TZAM KHO NA 'KHOR BA YIN TE, 'DI THA SNYAD DU BYA BA DANG, THA SNYAD DAG LAS LHAG PAR 'GYUR BA RIGS PA MA YIN NO, ,DE LA SGRUB PAR BYED PA ZHES BYA BAR BRJOD PA DANG 'BREL BAS YANG DAG PA MA YIN PA'I KUN DU RTOG PA MTSAN NYID KYIS KUN NAS NYON MONGS PA RGYU MED PA CAN DU RTOG PA BSAL BAR MDZAD PA YIN TE RANG GI NGO BO SGRUB PA'I PHYIR, GZHAN LA LTOS PA KHO NA DE LTAR BSNYAD PA'I YUL YIN PA'I PHYIR RO, ,RGYU MTSAN ZHES BYA BA NI MI MTHUN PA'I RGYU CAN DU RTOG PA BSAL BA YIN TE, GANG GI PHYIR DE LAS GZHAN PA'I RGYU MTSAN NYID DU SRID PA YIN NA, RGYUN LA BRTEN NAS PHAN TSUN RGYU NYID DU BSAMS NAS DE NYID RGYU MTSAN NYID MNGON PAR BRJOD PAR RIGS PA MA YIN NO, ,DE NYID KYI PHYIR RANG BZHIN MED PA NYID DU YONGS SU BSTAN PAS 'DI SNYING RJE CAN LA BRDZUN PA NYID KYIS MI SKRAG PA'I YUL DU YANG BSTAN PA YIN NO, ,GANG YANG, RANG DANG RANG GI BDAG NYID DU, ,MED PHYIR RANG GI NGO BO LA, ,MI GNAS PHYIR DANG 'DZIN BZHIN DU, ,MED PHYIR NGO BO NYID MED 'DOD, ,PHYI MA PHYI MA'I RTEN YIN PAS, ,NGO BO NYID MED MED PA YI, ,SKYE MED 'GAG MED GZOD NAS OZHI, ,RANG BZHIN MYA NGAN 'DAS @181A *, ,PA 'GRUB, ,CES STON PAR 'GYUR RO, DE NYID KYI PHYIR YANG DAG PA MA YIN PA'I KUN TU RTOG PA YANG DAG PAR RANG BZHIN MED PA YIN YANG, BYIS PA'I SKYE BO RANG BZHIN NYID KYIS ZHEN PA DE'I ZHEN PA NYID BSAL BA'I DON DU, 'DI THAMS CAD NI MING TZAM STE, 'DI LTA STE, MIG DANG GZUGS NAS YID DANG CHOS KYI BAR DU'O, ,MING NI GANG DANG GANG DAG GIS, ,CHOS NI GANG DANG GANG BRJOD PA, ,DE LA DE NI YOD MA YIN, ,DE NI CHOS RNAMS CHOS NYID DO, ,MING NYID MING GIS STONG PA STE, ,MING MIN LA NI MING YOD MIN, ,CHOS KUN MING DANG BRAL BA STE, ,MING NI KUN DU BRTAGS PA YIN, ,ZHES BYA BA'I PHYOGS LA MING GI BDAG NYID KYIS THA SNYAD BYE BRAG TU SHES PAR BYA BA NYID DU BSTAN PA'I PHYIR BRDZUN PA'I YUL CAN DU BSTAN PA YIN NO, ,GANG GI PHYIR RANG BZHIN GYIS DON DANG LDAN NAM, DE DANG 'BREL PA LA YANG DAG PAR SRID NA, RJOD BYED YUL MED PA CAN DU BSTAN PAR RIGS PA DANG LDAN PA MA YIN NO, ,RNAM PAR RTOG PA'I BDAG NYID KYIS THA SNYAD KYI MING JI LTA BA BZHIN DU 'JUG PA'I YUL THA MI DAD PA'I PHYIR, YUL MED PA NYID DU RTOGS PA NA KUN NAS NYON MONGS PA NYE BAR ZHI BAR BYA BA'I PHYIR, JI LTAR ZHEN PA'I YUL GYI DE NYID BSAM PA'I SGO NAS BSAL BAR BYA BA NYID BSTAN PA'I PHYIR, BSAM PAR BYA BA NYID BSTAN PA YIN NO, ,'DIR RANG GI NGO BO RNAM PAR DPYAD PAS SEL BA NI MA YIN TE, DE YANG RNAM PAR RTOG PA'I BDAG NYID LAS, MA LOG PAS RNAM PAR DPYOD PA GZHAN LA LTOS PA YIN LA, DE YANG DE'I NGO BO NYID YIN PAS GZHAN LA LTOS PA YIN NA, THUG PA MED PAR 'GYUR BA'I PHYIR, NAM YANG DE YOD PA MI SRID PAS GROL BA MED PAR THAL BAR 'GYUR TE, DE SPANGS PA KHO NA NYON MONGS PA NYE BAR ZHI BA'I BDAG NYID CAN GYIS GROL BA'I PHYIR RO, , SEMS DPA' MCHOG RNAMS NI RNAM PAR RTOG PA NYID KUN NAS NYON MONGS PAR KHAS LEN PA YIN NO, ,DE YANG, GANG TSE RNAM PAR DPYOD PA YI, ,RNAM PAR DPYOD PAS DPYAD BYAS PA, ,DE TSE THUG PA MED 'GYUR TE, ,RNAM DPYOD DE LA'ANG DPYAD PHYIR RO, ,DPYAD BYA DPYOD PAR @181B BYED PA NI, ,RNAM PAR DPYOD PA RTEN YOD MIN, ,RTEN MED PHYIR NI SKYE BA MED, ,DE NI MYA NGAN 'DAS PAR BRJOD, ,CES BSTAN TO, ,DE BAS NA DE LTAR GSUNG RAB LAS BSTAN PA'I RGYU MTSAN DANG, MING DANG, RNAM PAR RTOG PA RNAMS NI DPE GSUM GYIS BSGRUB PAR BYA BA DANG, BYE BRAG TU SHES PAR BYA BA DANG BSAM PAR BYA BA NYID DU BSTAN PA NA DGONGS PA GSAL BA YIN NO, ,DA NI DKYUS MA NYID KYI RJES SU 'BRANG BAR BYA STE, GAL TE 'GREL PA MDZAD PAS RNAM PAR RTOG PA NI BSAM PAR BYA BA ZHES BSHAD NA, BSAM GYIS MI KHYAB PA'I SGRA DON CI ZHIG BRJOD CE NA, DE BZHIN NYID DO, ,DE NI CHOS THAMS CAD KYI RANG BZHIN NYID YIN NO, ,RANG BZHIN GANG YIN PA DE YANG JI LTAR 'DI DAG GI 'DI YIN ZHES BSAM PAR BYA BA MA YIN TE, SPRING YIG LEGS PA BZHIN NO, ,GANG GI SPRING YIG LEGS PA RANG BZHIN GYIS NYAMS DGA' BA NI JI LTAR SPRING YIG LEGS PA YIN ZHES SUS KYANG BSAM PAR BYA BA MA YIN TE, BCOM LDAN 'DAS KYIS KYANG, DE BZHIN GSHEGS PA RNAMS BYUNG YANG RUNG DE BZHIN GSHEGS PA RNAMS MA BYUNG YANG RUNG, CHOS RNAMS KYI CHOS NYID 'DI NI GNAS PA YIN TE, 'DI LTA STE, YANG DAG PA'I MTHA'O ZHES BYA BA'I GSUNG LA GNAS PA NYID CES BYA BA'I TSIG GIS GZHAN MA YIN PA'I DON GYI DE BZHIN NYID 'DI BSAM GYIS MI KHYAB PAR STON PAR BYED DO, ,DE LTAR BSAM GYIS MI KHYAB PA'I SGRAS DE BZHIN NYID BRJOD PA YIN DU BCUG NA, LHAG MAR GYUR PAS 'JIG RTEN LAS 'DAS PA'I MTHAR THUG PA'I LAM GYIS YANG DAG PAR BSDUS PA YANG DAG PA'I YE SHES YONGS SU GRUB PA'I SGRAS BRJOD PA NI, DON GANG GIS YONGS SU GRUB PA ZHES BRJOD CE NA, DON GANG GIS NA RIN PO CHE'I SNOD YONGS SU GANG BAR GRUB PA STE, JI LTAR DE NI RIN PO CHES YONGS SU GANG BAR GYUR PA NA, YONGS SU GRUB PA ZHES BRJOD PA DE BZHIN DU RNAM PAR MI RTOG PA'I YE SHES KYANG, RANG GI MI MTHUN PA'I PHYOGS NGES PAR SPANGS PA'I BYANG CHUB KYI PHYOGS KYI CHOS LA SOGS PA RIN PO CHE DAG GI BDAG NYID DU GYUR PA'I TSUL DU YONGS SU RDZOGS PA NI @182A *, ,YONGS SU GRUB PA ZHES BYA BAR BSTAN PA YIN NO, ,DE'I PHYIR DE LTAR DE BZHIN NYID DANG, YANG DAG PA'I YE SHES KYI NGO BO GNYIS KYI DON DPE GNYIS KYIS BSAM GYIS MI KHYAB PA DANG, YONGS SU GRUB PA NYID DU BSTAN PAS CHOS STON PA 'JUG PA CI ZHIG STON PA YIN ZHE NA, GANG RNAM PAR BYANG BA DANG, GANG GIS RNAM PAR BYANG BA DE GNYI GA'I RNAM PAR BYANG BA STE, 'DI LTA STE, RANG BZHIN GYIS RNAM PAR BYANG BA DANG, DRI MA DANG BRAL BA'I RNAM PAR BYANG BA ZHES BYA BA'O, ,DE LA DANG PO NI DE BZHIN NYID DE, RTAG TU DE BZHIN KHO NAR YOD PA'I PHYIR RO, ,DE NYID KYI PHYIR DE NI MI 'GYUR BA YONGS SU GRUB PAS MI 'GYUR BA GRUB PA ZHES BRJOD PA YIN NO, ,GNYIS PA NI YANG DAG PA'I YE SHES TE, DE NI PHYIN CI LOG RNAMS GTAN DU SPANGS PA'I PHYIR DANG, PHYIS YANG SKYE BAR 'GYUR BA NYID DANG BRAL BA'I PHYIR PHYIN CI MA LOG PAR YONGS SU GRUB PAS YONGS SU GRUB PA ZHES BRJOD PA YIN NO, ,DE TZAM NYID NI RNAM PAR BYANG BA YIN NO, ,DE LTAR BLA NA MED PA'I THEG PA RTOGS PA DON LNGA'I BDAG NYID KYI TSUL DE BSTAN PAS KYANG, MDO'I DON STON PA DON MA LUS PA NYID YIN NO ZHES BYA BAR BSTAN PAR RIGS PA YIN NO, ,DE LTAR BSHAD PA 'DI DAG TZAM GYIS NI, RGYU MTSAN LA SOGS PA DON RNAM PA LNGA'I DBANG DU MDZAD NAS, BCOM LDAN 'DAS KYIS CHOS BSTAN PA GANG YIN PA DE LA GO RIMS BZHIN DU, GSER LAS BRDUNGS BYAS 'DRA BA DANG, PADMA RGYAS PA DANG, KHA ZAS G-YOS LEGS PA DANG, SPRING YIG LEGS PA DANG, RIN PO CHE'I SNOD KYI DPE DAG GIS BSGRUB PAR BYA BA DANG, BYE BRAG TU SHES PAR BYA BA DANG, BSAM PAR BYA BA DANG, BSAM GYIS MI KHYAB PA DANG, YONGS SU GRUB PA NYID DU BSTAN PA YIN NO, ,YANG DON RNAM PA LNGA'I DBANG DU BYAS NAS BSTAN PA'I CHOS LA, MDO SDE RGYAN 'DIS BSHAD PA NI GO RIMS BZHIN DU, DPE 'DI DAG GIS KHYAD PAR CAN GYI DGA' BA'I RGYU NYID DU SBYAR BAR BYA'O, ,DE'I TSE NI BRDUNGS BYAS DANG, RGYAS PA'I SGRA DAG NI BZLAS NAS THOB PA YIN LA, KHA ZAS G-YOS LEGS LA SOGS PA'I DPE GSUM LA NI, DANG PO BSHAD PA DANG MA @182B SBYAR BA'I TSIG GZHAN RNAMS MA SBYAR BAR BSTAN PAR BYA BA YIN TE, DE DAG GANG ZHE NA, BKRES PAS NYEN PA ZA BA 'DRA BA DANG, THOS 'DRA BA DANG PHYE BA LTAR, ,ZHES BYA BA DE DAG YIN NO, ,DES NA DON 'DI BSGRUB PAR BYA STE, JI LTAR GSER LAS GDU BU DANG, RNA RGYAN LA SOGS PA NYID DU BRDUNGS SHING GZUGS KYI RNAM PA CAN DU BYAS PA RANG BZHIN GYIS NYAMS DGA' BAR BYED PA YIN YANG, BRGYAN PAR BYA BA YANG LANG TSO MA'I GTZO MO'I DPUNG PA'I YAL GA LA SOGS PA LA BRDUNGS SHING RGYAN NYID DU SBYAR NA, DGA' BA'I MCHOG SKYED PAR BYED PA DE BZHIN DU, BSGRUB PAR BYA BA'I DON GYI DBANG DU BYAS NAS, BSTAN PA'I CHOS 'DI LA 'THAD PA'I SGRUB BYED KYI RIGS PA CI LTA BA DE BZHIN DU RNAM PAR GZHAG PAR BSHAD PA NA KHYAD PAR CAN GYI DGA' BA SKYED PAR BYED PA YIN NO, ,DE BZHIN DU PADMA RGYAS PA NI RNAM PAR PHYE BA STE, JI LTAR RGYAS PA RTOGS PA POS DE LTA BU NYID DU MTHONG NAS, DGA' BA SKYED PAR BYED PA DE BZHIN DU, BYE BRAG TU SHES PAR BYA BA'I DON GYI DBANG DU MDZAD NAS BSTAN PA'I CHOS 'DI RNAM PAR BKROL BA YIN NO, ,JI LTAR KHA ZAS G-YOS LEGS PA NI LEGS PAR BSGRUBS PA STE, BKRES PAS NYEN PAS ZA BA NA, DE DAG LA MCHOG TU DGA' BA SKYED PAR BYED PA DE BZHIN DU, BSAM PAR BYA BA'I DON GYI DBANG DU BYAS NAS BSTAN PA'I CHOS 'DIS RNAM PAR PHYE BA YIN NO, ,JI LTAR SPRING YIG LEGS PA THOS PA NI DON SHES PA STE, MKHAS PA LA KHYAD PAR CAN GYI DGA' BA BSKYED PA DE BZHIN DU BSAM GYIS MI KHYAB PA'I DON GYI DBANG DU BYAS NAS BSTAN PA'I CHOS 'DI RNAM PAR BSHAD PA YIN NO, ,JI LTAR RIN CHEN SGROM PHYE BA NI KHA KHAMS PHYE BA STE, RTOGS PA PO RNAMS KYI MTHONG BA'I YUL DU GYUR PA NYID MCHOG TU DGA' BA BSKYED PA DE BZHIN DU, YONGS SU GRUB PA DON GYI DBANG DU BYAS NAS BSTAN PA'I CHOS 'DIS DON RNAM PAR PHYE BA YIN NO, ,'DI SKAD BSTAN PA YIN TE, GSER LAS BRDUNGS BYAS LA SOGS PA NI RANG BZHIN GYIS NYAMS DGA' BA YIN YANG, JI LTAR RTOGS PA PO RNAMS KYIS RTOGS PA'I SPYOD YUL DU GYUR PA KHO NA KHYAD PAR CAN GYI DGA' BA SKYED PAR BYED KYI, RANG GI NGO BO GNAS @183A *, ,PA NYID KYIS MA YIN PA DE BZHIN DU, DON LNGA'I DBANG DU BYAS NAS BSTAN PA'I THEG PA CHEN PO'I MDO SDE ZHES BYA BA'I CHOS 'DI NYE BAR BSTAN PA'I BSTAN BCOS 'DI'I DBANG GIS RTOGS PA KHO NA RTOGS PA PO RNAMS LA MCHOG TU DGA' BSKYED PAR BYED PA YIN NO, , DE'I PHYIR SNGAR BSTAN PA'I CHOS NYID RAB TU DGA' BA SKYED PAR BYED PA NYID KYIS RGYAN DANG 'DRA BAR RGYAN NYID DU BSTAN PA YIN NO, ,DE BAS NA DE LTAR RNAM PA GNYIS SU DPE SBYAR BA'I SGO NAS TSIGS SU BCAD PA 'DI BSHAD PA YIN PAR GDON MI ZA BAR KHAS BLANG BAR BYA BA YIN TE 'GREL PA MDZAD PA'I DGONGS PA YIN PA'I PHYIR RO, ,GZHAN DU GAL TE DON RNAM PA LNGA'I DBANG DU BYAS NAS BSTAN PA'I CHOS 'DIS RNAM PAR BKROL BA NA, DGA' BA SKYED PAR BYED PA NI SGRUB PA'I YAN LAG NYID DU GSER LAS BRDUNGS BYAS PA LA SOGS PA NYE BAR BKOD PA DE LTA BU KHO NA BSTAN BCOS MDZAD PA'I BSHAD PAR BZHED PA YIN NA, DE'I TSE 'DIS DA NI DON GYI TSUL LNGA'I BDAG NYID DE TSIGS SU BCAD PA GNYIS PAS STON PAR BYED DE ZHES BYA BA TSIGS SU BCAD PA 'DI'I 'JUG PAR BYED PA DANG, NGAG THA DAD PAR BSHAD PAR BYED PA MA YIN PAR 'GYUR RO, ,NGAG THA DAD PAR BSHAD PAR MI BZHED PA YIN NA NI, DE'I ZHES BYA BA 'DIR DE'I SGRAS RAB TU GZUNG BA'I CHOS DE MDO SDE RGYAN 'DIS ZHES BYA BA 'DIR YANG DE'I SGRAS BSTAN PA 'BREL PA MED PA KHO NAR 'GYUR RO, ,DPE LNGAS ZHES BYA BA'I 'GREL PA'I GZHUNG YANG BRJOD PAR 'OS PA NYID MA YIN TE, GO RIMS BZHIN DU, GSER LAS BRDUNGS BYAS PA LA SOGS PA LTAR ZHES BYA BA 'DIS DON RTOGS PA YIN PA'I PHYIR RO, ,SNGAR BSHAD PA BSTAN PA'I RIM PAS NI MTHA' DAG KHA NA MA THO BA MED PA YIN TE, 'DI LTAR DPE LNGAS ZHES BYA BA 'DI NAS BRTZAMS TE, BYANG CHUB KYI PHYOGS DANG MTHUN PA'I NGO BO NYID CES BYA BA'I BAR GYI NGAG GCIG GIS NI, THEG PA CHEN PO'I CHOS KYI BRJOD BYA RGYU MTSAN LA SOGS PA'I, DNGOS PO BSGRUB PAR BYA BA LA SOGS PA NYID DU BSGRUB PA'I YAN LAG NYID DU DPE SBYAR BAR MDZAD NAS, MDO SDE RGYAN 'DIS ZHES BYA BA LA SOGS PA'I NGAG GNYIS PAS NI, RNAM PA LNGA BSTAN PA'I CHOS @183B BSTAN BCOS 'DIS RNAM PAR PHYE BA LA DGA' SKYED PAR BYED PA NYID BSGRUB PA'I DON DU, GSER LAS BRDUNGS BYAS ZHES BYA BA LA SOGS PA'I DPE NYE BAR BKOD PA 'GREL PA MDZAD PAS, LEGS PAR BRJOD PA NYID YIN PA'I PHYIR THAMS CAD DU LEGS PAR GNAS PA YIN NO, , DE NYID DON RTOGS LA MKHAS MA BRTEN PA DANG BLO CHUNG BAS, ,TSIGS SU BCAD PA 'DI GNYIS JI BZHIN DU NI RTOGS PA MED, ,DE PHYIR 'DI YI RNAM BSHAD BYAS LAS BYUNG BA'I BSOD NAMS GANG, ,DE NI DON KUN GRUB PA'I GTER BZHIN DU NI GRUB GYUR CIG ,MDO SDE RGYAN LAS DANG PO'I SKABS KYI TSIGS SU BCAD PA GNYIS PA'I BSHAD PA KHA CHE'I YUL GYI MKHAS PA CHEN PO DPAL BTZUN BSO MA SHR'I'I ZHAL SNGA NAS KYI ZHABS KYI PADMA'I ZE'U 'BRU'I RDUL GYIS REG PA, SLOB DPON GZHAN LA PHAN PA BZANG PO'I ZHAL SNGA NAS MDZAD PA RDZOGS SO,, ,,THUGS DAM SA KHVA CHAR GYI DPAL YID BZHIN LHUN GYIS GRUB PA'I GTZUG LAG KHANG DU KHA CHE'I MKHAN PO PAndI TA PA RA HI TA BHA DRA'I ZHAL SNGA NAS DANG, LO TZ'A BA SH'AKYA'I DGE SLONG GZHON NU MCHOG GIS BSGYUR CING ZHUS TE GTAN LA PHAB PA,, #, ,RGYA GAR SKAD DU, S'U TR'A LAm KA RA PAnd'A RthA, BOD SKAD DU, MDO SDE RGYAN GYI DON BSDUS PA, 'PHAGS PA BYAMS PA LA PHYAG 'TSAL LO, ,MA BSHAD PA'I SKYON DANG, BSHAD PA'I SKYON DANG, PHYIN CI LOG TU BSHAD PA'I SKYON GSUM DANG BRAL BAR BSHAD PAR BYA'O, ,DE NI STON PA DANG, STON PA'I TSIG DANG, BSTAN PAR BYA BA'I CHOS DANG, BSTAN PAR BYA BA'I THABS BLA NA MED PA'O, ,DANG PO LA STON PA'I DBYE BA DANG, SER SNA DGAG PA DANG, CHOS BSTAN PA DON YOD PA DANG GSUM MO, ,RGYAL SRAS TSIG NI MI ZHEN DANG, ,ZHES BYA BA LA SOGS PA TSIG BRGYAD KYIS STON PA'I TSIG GO, , RGYAL BA BYAMS PAS BSHAD PA'I MDO SDE'I RGYAN LA BSTAN PAR BYA BA'I CHOS NI GCIG STE, NYES PA BRGYAD KYI GNYEN POR THEG PA MCHOG GO, ,DE BSTAN PAR BYA BA'I THABS BLA NA MED PA LA GNYIS TE, ZAB PA DANG, RGYA CHE BA'O, ,DE YANG RNAM PA GSUM DANG LDAN PA'I DBANG DU BYAS NAS BSHAD DE, @184A *, ,SGRA NI NGES PAR RTOGS PA'I DBANG DU BYAS NAS BSHAD PA DANG, SGRUB PA NYAMS SU LEN PA'I DBANG DU BYAS NAS BSHAD PA DANG, BYANG CHUB SEMS DPA'I RIGS DANG LDAN PA'I MKHAS PA'I DBANG DU BYAS TE BSHAD PA'O, ,DE YANG SDE SNOD GSUM DU BSDUS NAS RNAM PA BZHI BZHI'I SGO NAS BSHAD PA YIN NO, ,DE LTAR GZHUNG GI DON BSDU NA LNGA YIN TE, BSGRUB PAR BYA BA DANG, BYE BRAG TU SHES PAR BYA BA DANG, BSAM PAR BYA BA DANG, BSAM GYIS MI KHYAB PA DANG, YONGS SU GRUB PA MTHAR THUG PA'I DON NO, ,MING RGYU MTSAN LA SOGS PA LNGA NI MI BZHAG STE, GZHUNG NAS BRJOD BYAR MA BZHAG PA DANG, 'BYOR BA'I DON TSUL BLA NA MED PA MA YIN PA'I PHYIR RO, ,'O NA GANG YIN ZHE NA, 'BYOR BA'I DON TSUL BLA MED GYUR BA LNGA YI BDAG NYID STON PAR BYED, ,CES BYA BA DE GONG MA DANG SBYAR BA DANG, 'OG MA DANG SBYAR BA GNYIS BYAMS PA'I DGONGS PA YIN LA, GONG MA DANG SBYAR BA NI BLA MA BRGYUD PA LAS SHES TE, DE DBYIG GNYEN GYIS MA BSHAD DO, ,DBYIG GNYEN GYIS 'OG MA DANG SBYAR BA'I BSHAD PA 'DI YIN TE, GANG LA BSLAB PAR BYA BA'I YUL THEG PA CHEN PO BKAR BSGRUB PA DANG, SEMS BSKYED KYI YUL SKYABS SU 'GRO BA MCHOG TU BSGRUB PA DANG, NYA BAR LEN PA'I RGYU THEG PA CHEN PO'I RIGS BSGRUB PA BSTAN TE BSGRUB PAR BYA BA GSUM BSDUS PA YIN NO, ,BYE BRAG TU SHES PAR BYA BA NI GNYIS TE, SEMS BSKYED DANG, RANG DANG GZHAN GYI DON PHUN SUM TSOGS PA BYE BRAG TU SHES PAR BYA'O, ,BSAM PAR BYA BA NI GNYIS TE, ZAB PA'I DE KHO NA DANG, RGYA CHE BA THABS LA MKHAS PA'I DE KHO NA'O, BSAM GYIS MI KHYAB PA LA GNYIS TE, MNGON PAR SHES PA LA SOGS PA'I MTHU BSAM GYIS MI KHYAB PA DANG, DGA' BA DANG DAD PA LA SOGS PA BDAG DANG GZHAN YONGS SU SMIN PA BSAM GYIS MI KHYAB PA'O, ,YONGS SU GRUB PA'I DON NI GCIG STE, MNGON PAR BYANG CHUB PAR MTHAR THUG PA NYID DO, ,'DI JI LTAR SHES PAR BYED PA GANG YIN ZHE NA, SGRUB PA'I SKABS ZHES SMOS PA'I PHYIR DANG, MTHAR YANG, NYES PA KUN GYI DRI MED PA, ,RNAM PA THAMS CAD MKHYEN NYID 'THOB, ,RIN CHEN SNOD NI PHYE BA LTAR, , @184B SANGS RGYAS NYID NI YANG DAG BSTAN, ,ZHES 'BYUNG BA'I PHYIR RO, ,DE NYID KYI PHYIR NA, SDOM NI DANG PO SGRUB SKYABS RIGS, ,DE BZHIN DU NI SEMS BSKYED DANG, ,RANG GZHAN DON DANG DE NYID DON, ,MTHU DANG YONGS SMIN BYANG CHUB PO, ,ZHES TSIGS SU BCAD NAS, GANG LA BSLAB PAR BYA BA'I YUL YONGS SU RDZOGS PA'I DON BSTAN PA'O, ,DE LA JI LTAR BSLAB PAR BYA ZHE NA, MOS PA MANG BA NYID DANG NI, ,CHOS TSOL BA DANG STON PA DANG, ,DE BZHIN SGRUB PA DANG YANG DAG PA'I, ,GDAMS NGAG RJES SU BSTAN PA YIN, ,ZHES BYA BA GSUNGS TE, MGON POS CHU BO'I 'GROS LTA BU'I BSHAD PA NI 'DI YIN TE, THOG MAR THEG PA CHEN PO MCHOG TU GRUB PA LAS BRTZAMS NAS MOS PA 'BYUNG NGO, ,MOS PA LAS, CHOS TSOL BA 'BYUNG NGO, ,DE STON PAR BYED PA DGE BA'I BSHES GNYEN LA RAG LAS PAS CHOS STON PA'O, ,DE NAS SGRUB PA NAN TAN DU BYA BA YIN, BSGRUB PA'I SKABS ZHES RANG MING NAS SMOS PA'I PHYIR BSGRUB PAR BYA BA'I DON YIN NO, ,BYE BRAG TU SHES PAR BYA BA NI YANG DAG PAR GDAMS NGAG DANG RJES SU BSTEN PA YIN NO, ,BSAM PAR BYA BA NI DE KHO NA NYID ZAB PA DANG RGYA CHE BA THABS LA MKHAS PA'I SKABS SO, ,THABS YANG RNAM PA GSUM STE, BSDU BA'I DNGOS PO BZHI DANG LDAN PA'I PHA ROL TU PHYIN PA DRUG DANG, TSAD MED PA BZHIS BSDUS PA DKON MCHOG MCHOD PA LA SOGS PA BSTAN PA DANG, LAM GYIS BSDUS PA BYANG CHUB KYI PHYOGS DANG MTHUN PA'I CHOS BSTAN PA'O, ,BSAM GYIS MI KHYAB PA NI YON TAN GYI SKABS SO, ,YONGS SU GRUB PA RTOGS PA'I DON SO SOR RANG GIS RIG PAR BYA BA NI MTHAR THUG PA'I SKABS YIN TE, DE LTAR NA BSTAN BCOS KYI LUS YONGS SU RDZOGS PA MDOR GZHAG PA DANG, DPE LNGAS MTSON NAS BKOD PA 'OG MA DANG SBYAR BA YIN NO, ,GONG MA DANG SBYAR BA RTOGS PA BRGYUD DE 'ONGS PA NI 'DI YIN TE, THEG PA CHEN PO LA 'BYOR PA'I DON TSUL BLA NA MED PA LNGA STE GANG ZHE NA, RIGS MCHOG DANG LDAN PA'I GANG ZAG DON SHES PAR NUS PA LA PHYIN CI MA LOG PAR DON STON PA DANG, STON PA'I TSIG DRI MA MED PA BSTAN PA DANG, 'GRO BA LNGA PO SDUG BSNGAL LAS BSGRAL BA'I CHED YIN PA DANG, DE'I RGYUD SNYING RJE CHEN PO DANG LDAN PA'I BDAG @185A *, ,NYID DANG, BSTAN PAR BYA BA'I CHOS THEG PA MCHOG TU GYUR PA'O, ,DE LNGA NI TSIGS BCAD DANG PO'I DON TE, DPE LNGAS MTSON PA'I DON LNGA STE, MDOR BSTAN PA'O, ,DE LNGA'I RGYAS PAR BSHAD PA NI 'DI YIN TE, DON SHES KYI RGYAS BSHAD NI DMIGS PAR BYA BA'I YUL THEG PA CHEN PO'I RGYU 'BRAS BU DANG BCAS PA'I BYANG CHUB KYI SKABS KYI BAR RO, ,DON STON GYI RGYAS BSHAD NI THEG PA CHEN PO LA MOS PA CHOS TSOL BA JI LTA BA BZHIN DU STON PA'I SKABS SO, ,RAB TU BYED PA NGAG DNG TSIG RNAMS DRI ME KYI RGYAS BSHAD NI, RGYAL SRAS TSIG NI MI ZHAN PA NAS, YAN LAG DRUG CU BSAM MI KHYAB KYI MAR RO, ,SDUG BSNGAL BSGRAL PHYIR GYI RGYAS BSHAD NI, SGRUB PA'I SKABS NAS TSAD MED PA RNAM PAR DBYE BA'I BAR RO, ,'GRO LA SNYING RJE'I PHYIR TE DE'I BDAG NYID KYI RGYAS BSHAD NI RNAM PAR DBYE BA LAS BRTZAMS PA MAN CHAD DO, ,THEG MCHOG BSTAN PA'I RNAM PA'I CHOS KYI RGYAS BSHAD NI NGO TSA RNAM PAR DBYE BA NAS BZUNG STE, MTHAR THUG PA'I SANGS RGYAS KYI MTSAN NYID RDZOGS KYI BAR GYIS SO, ,DE LTAR LUS RNAM PAR GZHAG PA DANG, YAN LAG RGYAS PAR BSHAD PA'I TSUL GNYIS SU BSHAD PAS MDO SDE'I DON BSHAD PA YIN LA, TSIGS BCAD GNYIS PAS RGYAN BSHAD DE, THEG PA CHEN PO'I CHOS NI DGA' BA BSKYED PA'I PHYIR MDO SDE'I RGYAN CES BYA BA YIN NO, ,GAL TE LUS CAN DGA' BA BSKYED PAS RGYAN YIN NA, 'DI LA DRI BA LNGA 'BYUNG STE, DRI BA DANG PO NI THEG PA CHEN PO 'DI BKAR GRUB NA BCOM LDAN 'DAS LAS KHYAD PAR DU 'PHAGS PA'I SGRA DANG DON CI ZHIG BYAMS PAS BOGS DBYUNG DU YOD NAS DGA' BA SKYED PAR BYED CE NA, LAN DU, GZUGS RGYAN RANG BZHIN YON TAN LDAN PA ME LONG NANG SONG NA LA SOGS PA'O, ,DRI BA GNYIS PA NI THEG PA CHEN PO LAS 'GA' ZHIG GI TSE RNAM PAR 'TSE BA BSHAD PA DANG, GANG YANG MED PA NYID DU STON PA'I PHYIR DGA' BA BSKYED PA MA YIN NO ZHE NA, LAN DU, JI LTAR BSNAMS NA RAB DKU LA MAN CHAD SMOS SO, ,DRI BA GSUM PA NI THEG PA CHEN PO LAS BSKAL PA DPAG TU MED PAR DKA' BA SPYAD PA SNA TSOGS 'BYUNG BAS DE'I PHYIR DGA' BA BSKYED PA MA YIN NO ZHE NA, LAN DU, CHOS DKA' RGYA CHEN ZHES BYA BA SMOS SO, , @185B DRI BA BZHI PA NI RTOG PA DANG LDAN PA NI RANG LA PHAN PA TSOL BA YIN NA, 'DI LAS NI GZHAN LA PHAN PA'I PHYIR RANG LA SDUG BSNGAL BSKYED PAS DGA' BA MA YIN NO ZHE NA, LAN DU, RIN CHEN RIGS LDAN RIN THANG MED LA SOGS PA'O, ,DRI BA LNGA PA NI THUN MONG DU GRAGS PA'I SDUD PA PO MED PA'I PHYIR DANG, BDAG CAG LA GRAGS PA KHO NA THEG PA CHEN PO YIN TE, THEG PA CHEN PO BKA' MA YIN NO ZHE NA, LAN DU, SNGAR LUNG MA BSTAN LHAN CIG BYUNG MAN CHAD SMOS SO, ,MDOR GZHAG PA LAS 'PHROS SO, ,BSTAN BCOS KYI RNAM GZHAG GZHAN YANG TSIGS BCAD DANG PO GNYIS KYIS BSTAN BCOS KYI MTSAN BSHAD PA DANG, DE LAS 'PHROS PAS LE'U DANG POS LUS MDOR GZHAG BSTAN, SKYABS 'GRO BSNAN PAS RGYAS BSHAD BSTAN, NYE BAR LEN PA'I RGYU RIGS DANG, RKYEN SEMS BSKYED NAS 'BRAS BU MTHAR THUG GI BAR GYIS SHIN TU RGYAS PAR BSHAD PA BSTAN TO, ,RGYAL BA BYAMS PAS MDZAD PA'I BSTAN BCOS MDO SDE'I RGYAN GYI THOG MAR MTSAN BSHAD PA'I SGO NAS LUS RNAM PAR GZHAG PA LA GSUM STE, BYED PA DANG, BYA BA DANG, DGOS PA'O, ,BYED PA LA RNAM PAR DBYE BA BDUN TE, DBYE BA PO DANG, BYED PA'I LAS DANG, BYED PA DANG, BYED PA PO'I CHED DANG, RGYU'I DON DANG, 'BREL PA'I DON DANG, GNAS KYI DON NO, ,BYA BA NI LNGA STE, BSGRUB PAR BYA BA DANG, BYE BRAG TU SHES PAR BYA BA DANG, BSAM PAR BYA BA DANG, BSAM GYIS MI KHYAB PA DANG, YONGS SU GRUB PA RTOGS PA'I DON SO SO RANG RIG PAR BYA BA BYANG CHUB KYI PHYOGS DANG MTHUN PA NYID, ,DE THEG PA CHEN PO MDO SDE'I RGYAN 'DIS RIM PA BZHIN RNAM PAR BKROL BAS MKHAS PA DGA' BA BSKYED PA'I PHYIR RGYAN DU GZHAG GO, ,CHOS DE RANG BZHIN GYIS RGYAN DANG LDAN NA BSTAN BCOS 'DIS RGYAN DU BYAS PA CI YOD CE NA, GZUGS RGYAN RANG BZHIN LA SOGS PA SMOS SO, ,DGOS PA NI PHAN YON RNAM PA GSUM STE, SGRIB PA SPONG BA DANG, DBANG 'BYOR PA'I RGYU DANG, 'PHAGS PA'I NOR LA LONGS SPYOD PA'I RGYU'O, ,KHA CIG 'DI SKAD DU, 'DI BKA' MA YIN NA PHAN YON LTA SMOS KYANG CI DGOS SNYAM PA LA, THEG PA CHEN PO SANGS RGYAS KYI BKA' NYID DU BSGRUB PAR BYA BA YIN TE, GTAN TSIGS DANG, BSGRUB BYA BLA NA MED @186A *, ,PA'I THABS SU GRUB PA DANG, DE LA SKRAG PA'I NYES DMIGS RGYU DANG BCAS PA DANG, SKRAG PAR MI BYA BA'I GTAN TSIGS DANG, DGAG PA MI 'GRUB PA'I RGYU MTSAN DANG, GNAS MA YIN PA LA SKRAG MI DGOS PA DANG, MA MOS PA NYID KYIS GRUB PA DANG, RANG GIS MA THOS PA SPANG BAR MI RIGS PA DANG, SPONG BA'I RGYU TSUL BZHIN MA YIN PA YID LA BYED PA DGAG PA DANG, KHONG DU MA CHUD PAS SPANG BAR MI RIGS PA STE BCU PA'O, ,DE LA SNGAR LUNG MA BSTAN PA LA SOGS PA GTAN TSIGS BDUN NO, ,SNGAR LUNG MA BSTAN PAS SGRUB PA MA NGES PA SPANG BA DANG, YOD MED KYIS MA GRUB PA SPANG BA DANG, SPYOD YUL MA YIN PA SGRUB PAR BYED PA STE GSUM MO, ,THEG PA CHEN POR GRUB PA'I DKON MCHOG LA SKYABS SU 'GRO BAR MOS PA BSGRUB PAR BYA BA LA DGU STE, SKYABS SU 'GRO BA MCHOG GI KHYAD PAR DANG, DE LA SPRO BAR BYA BA DANG, DE'I NGO BO DANG, RGYU DANG, 'BRAS BU DANG, LAS DANG, LDAN PA DANG, DBYE BA DANG, PHAN YON NO, ,DE LA SKYABS SU 'GRO BA'I KHYAD PAR NI, KUN TU 'GRO BA LA SOGS PA BZHI'O, ,DE'I NYE BAR LEN PA'I RGYU BSGRUB PAR BYA BA'I PHYIR RIGS YOD PA DANG, MED PA DANG, RIGS KYI DBYE BA DANG, 'BRAS BU KHYAD PAR DU 'PHAGS PA STE BZHI'O, ,YOD PA YANG, ,YOD DANG MCHOG DANG MTSAN NYID DANG, ,RTAGS DANG RIGS RAB DBYE BA DANG, ,NYES DMIGS DANG NI PHAN YON DANG, ,DPE RNAMS GNYIS TE RNAM PA BZHI STE RNAM PA DGU'O, ,DE'I RKYEN NANG GI TSUL BZHIN YID LA BYED PA'I BDAG NYID SEMS BSKYED PA RNAM PA BCU GSUM STE, MTSAN NYID DANG, RAB TU DBYE BA DANG, RNAM PAR GZHAG PA DANG, YANG DAG PAR BLANGS PA DHA LAS BYUNG BA DANG, DON DAM PA DANG, DPE'I CHE BA DANG, SEMS MA BSKYED PA SMAD PA DANG, BSKYED PA BSNGAGS PA DANG, MI BYED PA'I SDOM PA 'THOB PA DANG, SEMS MI LDOG PA DANG, SDUG BSNGAL GYIS MI 'JIGS PA DANG, SEMS CAN YAL BAR MI 'DOR BA DANG, LE LO MI RIGS PA'O, ,BSDU NA GNYIS TE, MTSAN NYID DANG, DBYE BA'O, ,DE LA DRUG STE, MNGON PAR RTOGS PA'I DBYE BA DANG, RNAM PAR GZHAG PA'I DBYE BA DANG, BRDAR BTAGS DON DAM GYI @186B DBYE BA DANG, DPE'I SGO NAS DBYE BA DANG, SKYON DANG YON TAN GYI SGO NAS DBYE BA DANG, LAS KYI SGO NAS DBYE BA'O, ,SGRUB PA NI DGU STE, MTSAN NYID DANG MNYAM PA NYID DANG, GZHAN GYI DON KHYAD PAR DU BYA BA DANG, GZHAN GYI DON SGRUB PA'I DBYE BA DANG, DE'I PHUN SUM TSOGS PA DANG, SGRUB PA'I KHYAD PAR DANG, SPYOD YUL BSNGO BA DANG, GZHAN GYIS NYES PA BZOD PA DANG, SGRUB PA'I CHE BA NYID DO, ,BSAM PAR BYA BA DE KHO NA NYID ZAB MO RNAM PA DRUG GIS BSTAN TE, DON DAM PA'I MTSAN NYID DANG, BDAG TU LTA BA PHYIN CI LOG DGAG PA DANG, PHYIN CI LOG DMAD PA DANG, BDAG MED KYANG ZHI BAR RUNG BA DANG, GNYEN PO YE SHES LA 'JUG PA DANG, YE SHES KYI CHE BA NYID DO, ,BSAM GYIS MI KHYAB PA'I MTHU NI RNAM PA BDUN GYIS BSTAN TE, MTSAN NYID RNAM PAR DBYE BA DANG, RGYU DANG, 'BRAS BU DANG, LAS DANG LDAN PA DANG, 'JUG PA DANG, CHE BA'I YON TAN NO, ,LAS LA DRUG STE, MTHONG, STON, 'OD ZER, RNAM PAR ROL PA, SPRUL PA DANG, ZHING DAG GO, ,YONGS SU SMIN PA NI RNAM PA GNYIS TE, BDUN DANG GZHAN NO, ,DE LA BDAG YONGS SU SMIN PA RGYA CHE BA'I BDAG NYID DANG BCAS PA STE, DGA' DANG DAD DANG RAB ZHI SNYING BRTZE DANG, BZOD DANG YID GZUNGS MTHU CAN NYID DANG NI, ,MI 'PHROGS PA DANG YAN LAG LDAN PA RAB, ,DE NI RGYAL SRAS YONGS SU SMIN PA'I MTSAN NO, ,SEMS CAN YONGS SU SMIN PA NI LNGA STE, RANG BZHIN DANG, RAB TU DBYE BA DANG, PHAN BDE'I BSAM PA DANG, SBYOR BA PHUN SUM TSOGS PA DRUG GIS BSGRUB PA DANG, MJUG BSDU BA'O, ,YONGS SU GRUB PA'I DON BLA NA MED PA'I BYANG CHUB LA GNYIS TE, MDOR BSTAN PA DANG, RGYAS PAR BSHAD PA'O, ,DANG PO LA BZHI STE, YANG DAG PAR 'GRUB PA DANG, NGO BO NYID DANG, DPE DANG, SANGS RGYAS NYID GNYIS SU MED PA'I MTSAN NYID MTHU DANG BCAS PA'O, ,RGYAS PAR BSHAD PA LA BCU GNYIS TE, DE SKYABS GNAS BLA NA MED PA DANG, GNAS YONGS SU GYUR PA DANG, MDZAD PA LHUN GYIS GRUB PA DANG, RGYUN MI 'CHAD PA DANG, ZAG PA MED PA'I DBYINGS ZAB PA DANG, 'BYOR BA RNAM PAR DBYE BA DANG, SEMS CAN YONGS SU SMIN PAR MDZAD PA'I RGYU DANG, CHOS KYI DBYINGS RNAM PAR DAG PA DANG, SKU GSUM @187A *, ,DANG YE SHES RNAM PAR DBYE BA DANG, SANGS RGYAS THAMS CAD GCIG PA DANG, THA DAD PA LAS GROL BA DANG, SANGS RGYAS NYID LA 'JUG PA'I THABS DANG, PHAN TSUN MDZAD PA GCIG PA DANG, SANGS RGYAS NYID LA SPRO BAR BYA'O, ,SKYABS GNAS BLA NA MED PA LA GSUM STE, NYON MONGS PA LAS SKYOB PA DANG 'TSE BA LAS SKYOB PA DANG, 'CHI BA LA SOGS PA LAS SKYOB PA DANG, SKYABS CHEN PO BLA NA MED PA'I RGYU MTSAN DANG, YONGS SU RDZOGS PA DANG, YUL DUS RNAM PAR RDZOGS PA'I PHYIR RO, ,GNAS YONGS SU GYUR PA LA BZHI STE, GNYEN PO PHUN SUM TSOGS PA DANG LDAN PA DANG, GZHAN LAS KHYAD PAR DU 'PHAGS PA DANG, YON TAN GYI DBYE BA DANG, DPE RNAM PA GSUM MO, ,ZAG MED KYI DBYINGS ZAB PA LA RNAM PA GSUM STE, MTSAN NYID DANG GNAS DANG, PHRIN LAS ZAB PA'O, ,DANG PO LA BZHI STE, RNAM PAR DAG PA'I MTSAN NYID ZAB PA DANG, BDAG MCHOG GI MTSAN NYID ZAB PA DANG, LUNG MI STON PA'I MTSAN NYID ZAB PA DANG, RNAM PAR GROL BA'I MTSAN NYID ZAB PA'O, ,PHRIN LAS ZAB PA LA BCU GCIG STE, YON TAN GNAS NYID DANG, SEMS CAN SMIN MDZAD DANG, MTHAR THUG GSHEGS DANG, CHOS STON PHRIN LAS DANG, MDZAD PA GCIG DANG, YE SHES DUS GCIG 'JUG DANG, RNAM PAR MI RTOG DANG, YE SHES SNA TSOGS DANG, YE SHES MI 'JUG DANG, YE SHES KHYAD PAR 'PHAGS DANG, BDE GSHEGS SNYING PO CAN NO, ,'BYOR PA RNAM PAR DBYE BA LA GSUM STE, MTHU PHUL DU BYUNG BA DANG, RNAM PA'I RAB TU DBYE BA DANG, GZHAN DU GYUR PA'I 'BYOR BA'I RAB TU DBYE BA'O, ,SEMS CAN YONGS SU SMIN PAR MDZAD PA'I RGYU LA BDUN TE, JI LTAR SMIN PAR MDZAD PA DANG, YA MTSAN CHE BA NYID DANG, SMIN PA'I THABS MANG BA DANG, LHUN GYIS GRUB CING 'DU BYED PA DANG BRAL BA DANG, DE'I DPE DANG, GCIG NAS GCIG TU SMIN PA DANG, NGOMS PA DANG 'PHEL BA MED PAR BSTAN PA'O, ,CHOS KYI DBYINGS RNAM PAR DAG PA LA DRUG STE, NGO BO NYID DANG, RGYU DANG, 'BRAS BU DANG, LAS DANG LDAN PA DANG, 'JUG PA'O, ,MOS PA'I LE'U BDUN GYIS BSTAN TE, RNAM PAR DBYE BA DANG, BAR DU GCOD PA @187B DANG, PHAN YON DANG, THEG PA CHEN PO LA MOS PA LEN DU GZHUG PA DANG, ZHUM PA DGAG PA DANG, BSOD NAMS KYI KHYAD PAR DANG, MOS PA'I 'BRAS BU'O, ,CHOS TSOL BA LA BCU DGU STE, DMIGS PA YONGS SU TSOL BA DANG, DE RNYED PA DANG, YID LA BYED PA DANG, CHOS KYI DE KHO NA NYID DANG, DE KHO NA NYID SGYU MA LTA BUR YONGS SU TSOL BA DANG, SHES BYA YONGS SU TSOL BA DANG, KUN NAS NYON MONGS PA DANG RNAM BYANG YONGS SU TSOL BA DANG, RNAM PAR RIG PA TZAM DANG, MTSAN NYID DANG RNAM PAR GOL BA DANG, NGO BO NYID MED PA DANG, MI SKYE BA'I CHOS LA BZOD PA DANG, THEG PA GCIG PA NYID DANG, RIG PA'I GNAS DANG, KHAMS BRTAS PA DANG, CHOS TSOL BA'I RAB TU DBYE BA DANG, RGYU NYID DU DANG, SPANG BYA RNAM PAR RTOG PA TSOL BA DANG, MJUG BSDU BA PHAN YON DANG BCAS PA'O, ,DE KHO NA SGYU MA LTA BUR TSOL BA LA BCU GCIG STE, SGYU MA'I MTSAN NYID DANG, DUS GCIG TU RTOGS PAR SPYOD PA DANG, DPE DANG SBYAR BA DANG, DON DANG SBYAR BA DANG, DGOS PA DANG SBYAR BA DANG, RGYU MTSAN DANG SBYAR BA DANG, DPE'I DBYE BA DANG, MI MTHUN PA DANG GNYEN PO'I DBYE BA DANG, SPANG BA'I TSUL DANG, THAR PA'I DPE DANG, SGYU MA LA SOGS PA DPE BRGYAD KYI DON BSTAN PA'O, ,CHOS STON PA LA BCU GCIG STE, SER SNA DGAG PA DANG, CHOS DON MED PA MA YIN PA DANG, STON PA'I RNAM PAR DBYE BA DANG, STON PA PHUN SUM TSOGS PA DANG, TSIG PHUN SUM TSOGS PA DANG, YI GE PHUN SUM TSOGS PA DANG, STON PA'I CHE BA'I BDAG NYID DANG, DON PHUN SUM TSOGS PA DANG, LDEM POR DGONGS PA DANG, DGONGS PA RNAM PAR DBYE BA DANG, SHIN TU RGYAS PA BSDUS PA PHAN YON DANG BCAS PA BSTAN PA DANG, CHOS BSTAN PA'I PHAN YON NO, ,BSGRUB PA'I LE'U LA BRGYAD DE, RNAM PAR DBYE BA DANG, SGRUB PA LA BAG YOD PAR BYA BA DANG, NYON MONGS PA KHO NAS NYON MONGS PA LAS NGES PAR 'BYUNG BA DANG, THEG PA DMAN PA YID LA BYED PA SPANG BA DANG, RANG BZHIN GYIS DAG PA LA SKRAG PA SPANG BA DANG, CHAGS PA LAS SKYES PA'I LTUNG BA DGAG PA DANG, JI LTAR GANG DU SGRUB PA DANG, SGRUB PA'I 'KHOR GSUM YONGS SU DAG PA'O, ,BYE BRAG TU SHES PAR BYA BA'I GDAMS NGAG @188A *, ,DANG RJES SU BSTAN PA LA BCU GSUM STE, MOS PA RNAM PAR 'PHEL BA DANG, DE BZHIN DU NI TSOGS BSAGS PA LA SOGS PA DANG, CHOS KYI RGYUN GYI TING NGE 'DZIN THOB PA LAS GDAMS NGAG RNYED PA DANG, DE LA DMIGS PA'I SEMS DRUG BSTAN PA DANG, YID LA BYED PA BCU GCIG BSTAN PA DANG, ZHI GNAS KYI SEMS DGU BSTAN PA DANG, DE LAS RIM GYIS BSAM GTAN LAS SU RUNG BA CAN YON TAN DANG BCAS PA THOB PA DANG, NGES PAR 'BYED PA'I CHA DANG MTHUN PA DANG, MTHONG BA'I LAM DANG, DE'I MTSAN NYID RNAM PAR GZHAG PA DANG, CHE BA'I BDAG NYID DANG, BSGOM PA'I LAM DANG, GDAMS NGAG GI CHE BA'I BDAG NYID BSTAN PA'O, ,THABS DANG LDAN PA'I LAS RNAM PAR DBYE BA LA GSUM STE, KUN NAS SLONG BA'I THABS DANG, LTA BA'I THABS DANG, 'KHOR GSUM YONGS SU DAG PA'I THABS SO, ,PHA ROL TU PHYIN PA DRUG LA, GRANGS DANG DPE'I MTSAN NYID GO RIMS DANG, ,NGES PA'I TSIG DANG GOMS BYA YON TAN DANG, ,DE DAG RAB DBYE BSDU DANG MI MTHUN PHYOGS, ,YON TAN PHAN TSUN RNAM NGES YIN SHES BYA'O, ,BSDU BA'I DNGOS PO BZHI LA DRUG STE, NGO BO DANG BYED PA DANG, LAS DANG, GRANGS NGES PA DANG, RAB TU DBYE BA DANG, PHAN YON NO, ,MCHOD LA SOGS PA BZHI NI, SANGS RGYAS LA MCHOD PA DANG, DGE BSHES BSTEN PA DANG, TSAD MED PA BSGOM PA DANG, DE DAG MJUG BSDU BA'O, ,MCHOD PA LA RGYU MTSAN DANG NI YONGS BSNGO DANG, ,RTEN DANG DNGOS DANG RGYU DANG NI, ,YE SHES DANG NI ZHING DAG DANG, ,GNAS KYI SGO NAS RAB TU BSTAN, ,DGE BSHES BSTEN PA BZHI DANG NI, ,RGYU MTSAN DANG NI YONGS BSNGO DANG, ,RGYU DANG YE SHES ZHING DAG DANG, ,GNAS KYI SGO NAS RAB TU BSTAN, ,TSAD MED PA LA GSUM STE, KHYAD PAR DANG, RAB TU DBYE BA DANG, SNYING RJE'I RNAM PAR DBYE BA'O, ,SNYING RJE'I RNAM PAR DBYE BA LA NYI SHU RTZA GNYIS TE, DMIGS PA'I RAB TU DBYE BA DANG, 'BRAS BU LNGA DANG, SRID PA DANG ZHI BAR MI GNAS PA DANG, 'KHOR BA YONGS SU SHES PA DANG, SNYING RJE'I RGYU RNAM PAR DBYE BA DANG, LJON SHING @188B GI DPE DANG, PHAN YON DANG, SNYING RJE CHAGS PA DANG BRAL BA DANG, SNYING RJE BYAMS PAS KHYAD PAR DU 'PHAGS PA DANG SKRAG PA DANG DGA' BA'I RGYU MTSAN DANG, SNYING RJE'I SDUG BSNGAL GYIS BDE BA ZIL GYIS GNON PA DANG, SNYING RJES BYIN PA'I PAN YON DANG, SDUG BSNGAL KHAS LEN PA DANG, RNAM PA GSUM PO DANG, DE'I 'BRAS BU 'PHEL BA DANG, SBYIN PA LA SPRO BA BSKYED PA DANG, GZHAN BDE BAS BDE BA NYAMS SU MYONG BA DANG, SBYIN PA LA RJES SU STON PA DANG, BRTZE BAS SBYIN PA KHYAD PAR DU 'PHAGS PA DANG, NYE BAR SPYAD PA'I KHYAD PAR GYIS DGA' BA DANG, PHA ROL TU PHYIN PA NYE BAR BSGRUB PA DANG, SNYING RJE'I RKYEN RNAM PA BZHI DANG, SNYING RJE CHEN PO MCHOG GI RNAM PA'O, ,BYANG CHUB KYI PHYOGS DANG MTHUN PA LA NYI SHU RTZA BZHI STE, NGO TSA'I RNAM PAR DBYE BA DANG, BRTAN PA DANG, MI SKYO BA DANG, BSTAN BCOS SHES PA DANG, 'JIG RTEN SHES PA DANG, RTON PA DANG, SO SO YANG DAG PAR RIG PA DANG, TSOGS GNYIS DANG, DRAN PA NYE BAR GZHAG PA DANG, YANG DAG PAR SPONG BA DANG, RDZU 'PHRUL GYI RKANG PA DANG, DBANG PO DANG, STOBS DANG, BYANG CHUB KYI YAN LAG DANG, 'PHAGS PA'I LAM DANG, ZHI GNAS DANG, LHAG MTHONG DANG, THABS LA MKHAS PA DANG, GZUNGS DANG, SMON LAM DANG, TING NGE 'DZIN DANG, CHOS KYI SDOM DANG, DE'I SKAD CIG MA DANG, BDAG MED PA DANG, NGO TSA LA SOGS PA'I LAS MDOR BSDUS PA BSTAN PA'O, ,BSAM GYIS MI KHYAB PA'I YON TAN NYI SHU RTZA BZHI STE, NGO MTSAR CHE BA DANG MI CHE BA RNAM PAR DBYE BA DANG, SEMS MNYAM PA NYID DANG, PHAN 'DOGS PA DANG, LAN DU PHAN 'DOGS PA DANG, SMON PA DANG, SBYOR BA CHUD MI ZA BA DANG, YANG DAG PA'I SBYOR BA DANG, YONGS SU NYAMS PA DANG, KHYAD PAR CAN GYI CHOS RNAM PAR DBYE BA DANG, BCOS MA DANG BCOS MA MIN PA'I YON TAN DANG, 'DUL BA RNAM PAR DBYE BA DANG, LUNG BSTAN PA DANG, NGES PAR 'GYUR BA DANG, GDON MI ZA BAR BYA DGOS PA DANG, RTAG PAR BYA BA DANG, GTZO BO'I DNGOS PO DANG, GDAGS PA RNAM PAR GZHAG PA DANG, YONGS SU TSOL BA DANG, YANG DAG PA JI LTA BA BZHIN DU @189A *, ,SHES PA DANG, DPAG TU MED PA DANG, BSHAD PA'I 'BRAS BU DANG, THEG PA CHEN PO DANG, DE'I 'BRAS BU DANG, BYANG CHUB SEMS DPA' RNAM PAR DBYE BA DANG, DE'I MTSAN GYI RNAM PAR DBYE BA'O, ,YONGS SU GRUB PA MTHAR THUG PA'I SKABS LA BCO BRGYAD DE, RTAGS DANG, PHYOGS DANG, LHAG PA'I BSAM PA DANG, YONGS SU 'DZIN PA DANG, SKYE BA DANG GNAS PA DANG, SA RNAM PAR DBYE BA MDOR BSTAN PA DANG, SA'I MTSAN NYID DANG, DE'I GANG ZAG DANG, DE LA BSLAB PA RNAM PAR GZHAG PA DANG, PHUNG PO RNAM PAR GZHAG PA DANG, GRUB PA DANG, SA LA ZHUGS PA'I RTAGS DANG, PHA ROL TU PHYIN PA THOB PA'I RTAGS DANG, DE'I PHAN YON DANG, SA'I NGES PA'I TSIG DANG, THOB PA DANG, SPYOD PA DANG, SANGS RGYAS KYI YON TAN RNAM PAR DBYE BA'O, ,DE YANG BSDU NA GNYIS TE, RGYU'I KHYAD PAR DANG, NGO BO'I SGO NAS SO, ,RGYU LA DRUG STE, RTAGS DANG, PHYOGS DANG, BSAM PA DANG, YONGS SU 'DZIN PA DANG, SKYE BA DANG, SA'I SGO NAS SO, ,NGO BO'I SGO NAS SANGS RGYAS KYI YON TAN BCO BRGYAD DE, TSAD MED PA DANG, RNAM THAR LA SOGS PA DANG, NYON MONGS PA MED PA DANG, SMON NAS MKHYEN PA DANG, SO SO YANG DAG PAR RIG PA DANG, MNGON PAR SHES PA DANG, MTSAN DANG, DPE BYAD DANG, YONGS SU DAG PA DANG, STOBS DANG, MI 'JIGS PA DANG, BSRUNG MED DRAN PA NYER GNAS DANG, BAG CHAGS BCOM PA DANG, BSNYEL BA MI MNGA' BA DANG, THUGS RJE CHEN PO DANG, MA 'DRES PA'I YON TAN DANG, THAMS CAD MKHYEN PA'I YON TAN DANG, PHA ROL TU PHYIN PA RDZOGS PA DANG, SANGS RGYAS KYI MTSAN NYID RNAM PAR DBYE BA'O,, ,,RGYAL SRAS MI PHAM MGON LAS MNGON SUM DU, ,RNA BA'I SNYIM PAS BDUD RTZI'I RGYUN 'THUNGS PAS, ,SKAL LDAN GANGG'A DHA RA'I SLOB MA NI, ,BRAM ZE RIN CHEN RDO RJES LEGS BZUNG NAS, ,THEG CHEN MDO SDE MA LUS PA YI DON, ,MKHAS PA DAG PAR BYED PA'I RGYAN BSHAD PA, ,MKHAS PA DZNY'A SHR'I YIS RNA RGYAN LTAR, ,LEGS BZUNG DES NI BSHAD PA MNGON SUM DU, ,DGE SLONG CHOS KYI BRTZON 'GRUS KYIS MNYAN NAS, ,MA NOR DON TSIG @189B PHRENG BA LTAR SBRENG 'DI, ,BYAMS PA NYID LAS MKHAS PA BZHIS BRGYUD NAS, ,PHYI MA DAG LA SNANG BAR BYA PHYIR BRIS, ,TEHG PA CHEN PO MDO SDE'I RGYAN GYI DON BSDUS PA, ,SLOB DPON MKHAS PA CHEN PO DZNY'A NA SHR'IS MDZAD PA RDZOGS SO, ,BOD KYI LO TZ'A BA DGE SLONG CHOS KYI BRTZON 'GRUS KYIS BSGYUR BA'O, #, ,RGYA GAR SKAD DU, MA DHYANNA TA BI BHAm GA t'I K'A, BOD SKAD DU, DBUS DANG MTHA' RNAM PAR 'BYED PA'I 'GREL BSHAD, 'JAM DPAL GZHON NUR GYUR PA LA PHYAG 'TSAL LO, ,YA RABS DAG NI PHAL CHER BLA MA DANG, DAD PA'I LHA LA MCHOD NAS LAS RNAMS LA 'JUG STE, DBUS DANG MTHA' RNAM PAR 'BYED PA'I MDO RNAM PAR BSHAD PAR 'DOD PAS, BDAG LA YANG 'DI NI YA RABS KYI TSUL CAN NO ZHES SHES PAR BYA BA'I PHYIR, DE MDZAD PA DANG 'CHAD PA LA MCHOD NAS, DE'I DON RNAM PAR DBYE BAR ZHUGS SO ZHES RAB TU BSTAN PA'I PHYIR, BSTAN BCOS 'DI NI RAB MDZAD PA, ,ZHES BYA BA LA SOGS PA SMOS SO, ,DE LTAR BYAS NA YON TAN CI ZHIG THOB CE NA, YON TAN DANG LDAN PA DANG, PHAN 'DOGS 'DOGS PA LA MCHOD NA BSOD NAMS 'PHEL BAR 'GYUR RO, ,BSOD NAMS 'PHEL NA YANG DAG PAR RTZOM PA LA BAR CHAD DANG BGEGS KYIS MI TSUGS PAR TSOGS CHUNG NGU RDZOGS PAR 'GYUR RO, ,YANG NA MDZAD PAS GSUNGS PA DANG, 'CHAD PAS BSHAD PA YANG DAG PAR BYIN PAR BSNYAD PAS, MDZAD PA DANG, 'CHAD PA DANG, MDO DANG 'BREL BA LA GUS PA BSKYED PAR BYA BA'I PHYIR, BSTAN BCOS 'DI NI RAB MDZAD PA, ,ZHES BYA BA THAMS CAD SMOS SO, ,DE LA MDZAD PAS BSHAD PAR BSTAN PAS MDO LA GUS PA SKYE STE, 'DI LTAR BSTAN BCOS TSIG LE'UR BYAS PA'I MDZAD PA PO NI 'PHAGS PA BYAMS PA STE, DE YANG SKYE BA GCIG GIS THOGS PA'I PHYIR, BYANG CHUB SEMS DPA'I MNGON PAR SHES PA DANG GZUNGS DANG SO SO YANG DAG PAR RIG PA DANG, TING NGE 'DZIN DANG, DBANG DANG BZOD PA DANG, RNAM PAR THAR PA THAMS CAD KYI DAM PA'I PHA ROL TU SON PA, BYANG CHUB SEMS DPA'I SA THAMS CAD LA SGRIB PA YANG MA LUS PAR SPANGS PA'O, , @190A *, ,'CHAD PAS YANG DAG PAR BYIN PA'I SGO NAS 'GREL PA LA GUS PA SKYE BAR 'GYUR TE, 'DI LA 'CHAD PA NI SLOB DPON THOGS MED DO, ,DE LAS SLOB DPON BTZUN PA DBYIG GNYEN GYIS GSAN NAS 'DI'I 'GREL PA MDZAD DE, DE GNYIS KYANG SHES RAB MCHOG DANG LDAN PAS MA NOR BAR RTOGS PA DANG, BZUNG BA DANG STON NUS PAS 'DIR MDO'I DON MA NOR BA BSTAN TO ZHES 'GREL PA LA GUS PA SKYE STE, DE LTAR GANG DAG GANG ZAG TSAD MAR BYED PA DE DAG NI, MDO DANG 'GREL PA LA GUS PA SKYE'O, ,GANG YANG CHOS LA STON PA DE DAG NI MDO DANG 'GREL PA'I DON BZANG PO KHONG DU CHUD DE, NGES PA SKYES NA 'DI MDZAD PA DANG 'CHAD PA YANG RTOGS PAS RAB TU PHYE BA YIN GYIS, RTOG GE DANG LUNG TZAM GYIS RAB TU PHYE BAR NI ZAD DO ZHES MDZAD PA DANG, 'CHAD PA LA GUS PA SKYE'O, ,DA NI BSTAN BCOS KYI RANG BZHIN CI 'DRA BA DANG, CI'I PHYIR BSTAN BCOS ZHES BYA BA 'DI BSHAD PAR BYA'O, ,MING DANG TSIG DANG YI GE'I TSOGS SU SNANG BA'I RNAM PAR RIG PA RNAMS NI BSTAN BCOS SO, ,YANG NA 'JIG RTEN LAS 'DAS PA'I YE SHES THOB PAR BYED PA'I SGRA'I KHYAD PAR DU SNANG BA'I RNAM PAR RIG PA RNAMS BSTAN BCOS SO, ,RNAM PAR RIG PA RNAMS JI LTAR MDZAD CING BRJOD CE NA, MDZAD PA DANG 'CHAD PA'I RNAM PAR RIG PA LAS NYAN PA'I RNAM PAR RIG PA RNAMS SKYE BAS 'DI LA NYES PA MED DO, ,SLOB MA 'CHOS PA'I PHYIR BSTAN BCOS TE, SLOB MA'I 'CHOS PA NI TSUL KHRIMS DANG, TING NGE 'DZIN DANG, SHES RAB KYI KHYAD PAR BSKYED PA'I PHYIR, LUS DANG NGAG DANG YID TSOGS PAR MI 'BYUNG BA'I LAS LAS BZLOG PA DANG, TSOGS PAR 'BYUNG BA'I LAS LA 'JUG PA'O, ,YANG NA BSTAN BCOS KYI MTSAN NYID DU 'THAD PA'I PHYIR BSTAN BCOS TE, LUNG MNOS PA GOMS PAR BYAS PAS BAG CHAGS DANG BCAS PA'I NYON MONGS PA SPONG BAR 'GYUR BA DANG, BAR CHAD MED PA YUN RING BA'I SDUG BSNGAL DRAG PO SNA TSOGS KYIS 'JIGS PA'I NGAN SONG RNAMS DANG, SRID PA LAS SKYOB PA GANG YIN PA DE NI BSTAN BCOS KYI MTSAN NYID DO, ,DE'I PHYIR NYON MONGS PA'I DGRA 'CHOS PA DANG, NGAN 'GRO DANG SRID @190B PA LAS SKYOB PAS BSTAN BCOS KYI MTSAN NYID DE, DE GNYIS KYANG THEG PA CHEN PO THAMS CAD DANG, DE BSHAD PA THAMS CAD LA YOD KYI GZHAN LA MED DE DE'I PHYIR 'DI NI BSTAN BCOS SO, ,DE LA SMRAS PA, NYON MONGS DGRA RNAMS MA LUS 'CHOS PA DANG, ,NGAN 'GRO SRID LAS SKYOB PA GANG YIN PA, ,CHOS SKYOB YON TAN PHYIR NA BSTAN BCOS TE, ,GNYIS PO 'DI DAG GZHAN GYI LUGS LA MED, ,'DI NI ZHES BYA BA NI, THEG PA GSUM GYI SGO NAS DNGOS PO BDUN DU BSDUS PA, NYON MONGS PA DANG SHES BYA'I SGRIB PA SPONG BA THOB PA DANG, BSTAN BCOS DBUS DANG MTHA' RNAM PAR 'BYED PA'I TSIG LE'UR BYAS PA 'DI NI SEMS LA GNAS PA'I PHYIR DANG 'DI ZHES MNGON SUM DU BSTAN TO, ,RAB MDZAD PA ZHES BYA BA NI BYED PA PO'O, ,SKAD KYI DBYINGS 'DI THOB PAR BYED PA YIN MOD KYI, 'ON KYANG RAB KYI SGRA DANG SGROGS NA BYED PAR LTA STE, SKAD DBYINGS DON GYI STOBS LDAN YANG, ,NYE BAR BSGYUR BAS ZIL NON 'GYUR, ,GANGG'A'I CHU NI MNGAR MOD KYI, ,RGYA MTSO'I CHU NI JI BZHIN NO, ,ZHES BSHAD DO, ,BDE GSHEGS NYID SKYES ZHES BYA BA NI, BAG CHAGS DANG BCAS PA'I NYON MONGS PA'I SGRIB PA DANG, SHES BYA'I SGRIB PA LAS MI GNAS PA'I MYA NGAN LAS 'DAS PAR SHIN TU GSHEGS PAS BDE BAR GSHEGS PA'O, ,DE YANG BAG CHAGS KYI SGRIB PA THAMS CAD SPANGS PA, CHOS THAMS CAD RNAM PA THAMS CAD DU THUGS SU CHUD PA'I RANG GI NGO BO 'BYOR BA THAMS CAD KYI GNAS SU GYUR PA, YID BZHIN GYI NOR BU RIN PO CHE LTAR BSAM GYIS MI KHYAB PA'I MTHU MNGA' STE, SEMS CAN THAMS CAD AKYI DON THAMS CAD LHUN GYIS GRUB PAR MDZAD PAR SPYOD PA, RNAM PAR MI RTOG PA'I YE SHES KYI KHYAD PAR GYI BDAG NYID NI BDE BAR GSHEGS PA'O, ,DE'I BDAG NYID NI RNAM PAR DAG PA'I DEB ZHIN NYID DE, DE LAS RNAM BAR MI RTOG PA'I YE SHES RAB TU BYUNG BA'I PHYIR DE LAS SAM, DER SKYE BAS NA BDE GSHEGS NYID SKYES SO, ,YANG NA BDE BAR GSHEGS PA NYID DU SKYES PAS, BDE GSHEGS NYID SKYES TE, MDO GZHAN LAS DE'I BDAG NYID KYI CHOS RAB TU RNYED PAS, DE BZHIN GSHEGS PA'I GDUNG DU SKYES @191A *, ,PA YIN NO ZHES JI SKAD GSUNGS PA LTA BU'O, ,DE LTA BAS NA BYANG CHUB SEMS DPA' SA BCU PA LA RAB TU GNAS PA NI, SHES BYA'I DNGOS PO'I RNAM PA THAMS CAD SGYU RU RA LAG MTHIL DU GZHAG PA, DAR LVA SRAB MOS G-YOGS PA'I MIG LA SNANG BA BZHIN NO, ,BCOM LDAN 'DAS KYI NI MIG GI SGRIB PA BSAL BA BZHIN TE, 'DI NI KHYAD PAR RO, ,'DIR NI BDE BAR GSHEGS PA'I BDAG NYID LAS SKYES PAS, BSTAN BCOS MDZAD PA DE KHO NA THUGS SU CHUD PA PHUN SUM TSOGS PAR BSTAN PA DANG, RNYED PA DANG BKUR STI LA MI LTA BAR BSTAN BCOS MDZAD PAS, THUGS RJE PHUN SUM TSOGS PA DANG, SHES RAB PHUN SUM TSOGS PAR BSTAN PA'O, ,'CHAD PA NI BSHAD PAR BYED PA STE, MNGON PAR MCHOD CES BYA BA DANG SBYAR RO, ,KHA CIG NA RE BDE GSHEGS NYID LAS SKYES PA ZHES KYANG BYA'O ZHE'O, ,DE NI 'PHAGS PA THOGS MED DO,, DE LA NI 'PHAGS PA BYAMS PA'I BYIN RLABS KYIS NA, CHOS KYI RGYUN GYIS BSTAN BCOS 'DI MNGON DU GYUR CING BSHAD DO, ,SU LA 'CHAD PA ZHE NA, BDAG SOGS LA ZHES BYA BA STE, BDAG THOG MAR BYAS PA GANG YIN PA DE DAG NI BDAG LA SOGS PA STE, 'DI NI BDAG NYID KYI MI SLU BA LAS LUNG MNOS PAR STON TO, ,YANG ZHES BYA BA NI BSDU BA'AM, ,RTZA BA BSKANGS PA'AM, LHAG PA'I TSIG STE, MDZAD PA DANG, 'CHAD PA NYI TSE LA MA YIN GYI, SANGS RGYAS DANG BYANG CHUB SEMS DPA' GANG YANG RUNG BA DAG LA MCHOD PAR BYA'O, ,MNGON MCHOD CES BYA BA NI RJED PA'O, ,MNGON PAR ZHES BYA BA NI MDUN NAM MNGON SUM DANG 'DRA BAR GNAS PA'O, ,MCHOD PA NI LUS DANG NGAG DANG YID KYIS RJED PA'O, ,BSTAN BCOS MDZAD PA DANG 'CHAD PA LA MNGON PAR MCHOD NAS CI ZHIG BYA ZHE NA, DON RNAMS DBYE PHYIR 'BAD PAR BYA, ,ZHES BYA BA SMOS SO, ,DON DBYE BA'I PHYIR RAM; DON DGROL BA'I PHYIR RAM, SO SOR DBYE BA'I PHYIR BSGRIM PAR BYA BA'I PHYIR ZHES BYA BA 'DI NI RGYU'I DON TE, DON RNAM PAR DBYE BA'I RGYUR ZHES BYA BA'I THA TSIG GO, ,DON NI 'DIR BSTAN BCOS KYI LUS YIN TE ZHES BYA BA DON BDUN PO 'DI DAG BSTAN BCOS 'DI LAS 'CHAD DO ZHES 'BYUNG BA'I @191B PHYIR RO, ,CI'I PHYIR BSTAN BCOS 'DI BSHAD CE NA SANGS RGYAS BCOM LDAN 'DAS RNAMS KYI RNAM PAR MI RTOG PA'I YE SHES BSKYED PA'I PHYIR TE, CHOS LA BDAG MED PA BSTAN PAS RNAM PAR MI RTOG PA'I YE SHES BSKYED PA DANG, DE GOMS PAS BAG CHAGS DANG BCAS PA'I NYON MONGS PA DANG, SHES BYA'I SGRIB PA MA LUS PAR SPANGS PA THOB PAR 'GYUR RO, ,CHOS LA BDAG MED PA YANG CHOS THAMS CAD MED PA NYID CHOS LA BDAG MED PA DANG, NANG NA BYED PA'I SKYES BU MED PA NYID CHOS RNAMS LA BDAG MED PA'O ZHES MI MTHUN PAR SMRA BA DE DAG BKAG PAS, CHOS LA BDAG MED PA YANG DAG PA JI LTA BA BZHIN DU BSTAN PAR BYA BA'I PHYIR BSTAN BCOS BRTZAM MO, ,GZHAN DAG NA RE MTSAN NYID DANG SGRIB PA LA SOGS PA MA RTOGS PA DANG, LOG PAR RTOGS PA RNAMS YANG DAG PAR RTOGS PA SKYED PAS MA RTOGS PA RNAMS DANG, LOG PAR RTOGS PA BSAL BA'I PHYIR RO ZHE'O, ,YANG NA 'JIG RTEN GYI KHAMS DANG SEMS CAN DANG CHOS DANG 'DUL BA DANG, THABS KYI BDAG NYID DE, SHES BYA RNAM LNGA RE RE LA YANG RAB TU DBYE BA MTHA' YAS PA'I PHYIR SHES PAR BYA DKA'O SNYAM DU, BYANG CHUB SEMS DPA' RNAMS KYI SEMS ZHUM PA GANG YIN PA DE BSTZAL BA'I PHYIR, MTSAN NYID DANG SGRIB PA DANG, DE KHO NA ZHES BYA BA DAG SMOS SO, ,DE LA THOG MA KHO NAR BSTAN BCOS KYI LUS RNAM PAR GZHAG STE ZHES BYA BA LA, DE LA ZHES BYA BA NI BSTAN BCOS KYI DON RNAM PAR 'BYED PA DE LA'AM, BSTAN BCOS LA'O, ,THOG MA KHO NAR ZHES BYA BA NI, DANG PO KHO NAR RO, ,BSTAN BCOS NI BSHAD PAR ZAD DO, ,DE'I LUS NI MDOR BSDUS PA'AM, DON BSDUS PA'O, ,GNAS KYI DON NI LUS SO, ,DPER NA PHYI DANG NANG GI SKYE MCHED KYI GNAS NI KHOG PA STE, LUS ZHES BYA BA DE BZHIN DU, DON GANG DAG LA GNAS TE, BSTAN BCOS LA 'JUG PA'I DON DE RNAMS NI DE'I LUS SO, ,DE DAG KYANG DON BDUN PO DAG STE, MTSAN NYID LA SOGS PA DAG GO, ,RNAM PAR GZHAG CES BYA BA NI BCAS PA STE, BSHAD CES BYA BA'I THA TSIG GO, ,BSTAN BCOS KHONG DU CHUD @192A *, ,PA NYID KYIS DE'I LUS SHES PAR MI 'GYUR RAM, DE BAS NA THOG MA DE RNAM PAR GZHAG PA NI DON MED DO, ,SLOB MA RNAMS LA PHAN GDAGS PA'I PHYIR DON MED PA MA YIN NO, ,SLOB MAS DON KHONG DU CHUD NA RGYAS PAR BRJOD KYANG BDE BLAG TU KHONG DU CHUD PAR 'GYUR TE DKYUS KYIS BSTAN PA'I RTA THAGS THOGS MED PAR RGYUG PA BZHIN TE, GZHAN DU MA YIN NO ZHES BYA BA DON BDUN PO 'DI DAG BSTAN BCOS 'DI LAS 'CHAD DO ZHES BYA BA LA ZHES BYA BA NI, BSTAN BCOS KYI LUS RDZOGS SO ZHES BYA BA NI THA TSIG GO, ,SHES PAR BYA BA YIN PAS DON DE KHONG DU CHUD PAR BYA BA ZHES BYA BA'I THA TSIG GO, ,BDUN PO ZHES BYA BA NI GRANGS SO, ,'DI DAG CES BYA BA NI MTSAN NYID LA SOGS PA SMOS PA GANG YIN PA RNAMS SO, ,BSTAN BCOS 'DI LAS ZHES BYA BA NI DBUS DANG MTHA' RNAM PAR 'BYED PA ZHES BYA'O, ,'CHAD CES BYA BA NI BSTAN PA'AM GTAN LA 'BEBS PA'O, ,'DI LTA STE ZHES BYA BA NI DE'I DON KHONG DU CHUD PAR BYED PA'I TSIG GI PHRAD DO, ,MTSAN NYID CES BYA BA NI, 'DIS MTSON PAR BYED PAS MTSAN NYID DO, ,DE YANG RNAM PA GNYIS TE, KUN NAS NYON MONGS PA'I MTSAN NYID DANG, RNAM PAR BYANG BA'I MTSAN NYID DO, ,DE LA KUN NAS NYON MONGS PA'I MTSAN NYID NI RNAM PA DGU STE, YANG DAG MA YIN KUN RTOG YOD, ,CES BYA BA NAS BZUNG STE, RNAM BDUN YANG DAG MIN RTOG LAS, ,ZHES BYA BA'I BAR DU'O, ,LHAG MA NI RNAM PAR BYANG BA'I MTSAN NYID DU BSTAN TO, ,GAL TE 'DIS MTSON PAR BYED PAS MTSAN NYID CES BYA NA, DE LTA NA NI MTSAN NYID KUN NAS NYON MONGS PA DANG, RNAM PAR BYANG BA DANG THA DAD PAR 'GYUR RO ZHE NA, DE NI DE LTA MA YIN TE DNGOS PO RNAMS KYI RANG BZHIN NYID MTSAN NYID DE, DPER NA SA'I KHAMS KYI MTSAN NYID NI SRA BA STE, SRA BA NYID LAS SA'I KHAMS GUD NA MED PA LTA BU'O; ,YANG NA DES MTSON PAR BYA BAS MTSAN NYID DE, ,DE LTAR KUN NAS NYON MONGS PA DANG, RNAM PAR BYANG BA YANG KUN NAS NYON MONGS PA DANG, RNAM PAR BYANG BA'I BDAG NYID KYIS MTSON PAR BYA BAS MTSAN NYID DU 'GYUR RO, ,YANG NA KUN NAS NYON MONGS PA DANG RNAM PAR BYANG BA GNYIS @192B LAS MTSAN NYID RNAM PA GNYIS TE, RANG GI MTSAN NYID DANG SPYI'I MTSAN NYID DO, ,SGRIB PA ZHES BYA BA NI DGE BA'I CHOS RNAMS LA SGRIB PAR BYED PA 'AM, 'DIS DGE BA'I CHOS RNAMS BSGRIB PAS SGRIB PA STE, SKYE BA LA BGEGS BYED PA'I PHYIR SGRIB PA'O, ,DE YANG LNGA BCU RTZA GSUM MO, ,DE KHO NA ZHES BYA BA NI 'DI NYID DE YIN PAS DE'O, ,DE'I DNGOS PO NI DE KHO NA STE, PHYIN CI MA LOG CES BYA BA'I THA TSIG GO, ,DE YANG RNAM PA BCU'O, ,MI MTHUN PA'I PHYOGS SPANGS PA'I PHYIR, PHYOGS NI GNYEN PO STE DE NI LAM MO, ,DE GOMS PAR BYA BA NI BSGOM PA'O, ,GNAS SKABS NI DE NYID RGYUN GYIS SKYE BA'I KHYAD PAR RO, ,DE YANG RNAM PAR BCU DGU STE, RIGS KYI GNAS LA SOGS PA'O, ,'BRAS BU THOB PA NI 'BRAS BU RNYED PA'O, DE YANG RNAM PA BCO LNGA STE, RNAM PAR SMIN PA'I 'BRAS BU LA SOGS PA'O, ,THEG PA BLA NA MED PA ZHES BYA BA NI 'DIS 'GRO BAS THEG PA STE, DE NI THEG PA YANG YIN LA BLA NA MED PA YANG YIN PAS THEG PA BLA NA MED PA'O, ,DE YANG RNAM PA GSUM STE, BSGRUB PA BLA NA MED PA LA SOGS PA'O, ,DON BDUN PA ZHES BYA BA NI, NGES PA'I DON DANG GO RIMS KYI DON DU SMOS PA STE, DON 'DI RNAMS 'DIR BSHAD KYI DE LAS GZHAN MA YIN NO, ,YANG GO RIMS 'DI NI 'JIG RTEN LAS 'DAS PA'I YE SHES DANG MTHUN PA'I PHYIR TE, 'DI LTAR BYANG CHUB SEMS DPA' MOS PAS SPYOD PA LA GNAS PA, TSUL KHRIMS LA RAB TU GNAS PAS, THOG MAR KUN NAS NYON MONGS PA DANG RNAM PAR BYANG BA LA MKHAS PAR BYA'O, ,DE'I 'OG TU DGE BA'I CHOS RNAMS KYI GANG GIS SGRIB PA GANG YIN PA DE SHES PAR BYA STE, DE MA SPANGS NA RNAM PAR GROL MI SRID LA, RNAM PAR MI SHES NA YANG NYES PA MA MTHONG BAS SPONG MI NUS SO, ,DE'I 'OG TU SGRIB PA DE LAS DMIGS PA GANG GIS SEMS RNAM PAR GROL BAR 'GYUR BA DE NI DE KHO NA YIN PAR KHONG DU CHUD PAR BYA'O, ,DE'I 'OG TU DMIGS PA DES SGRIB PA DE SBYOR BA GANG GIS ZAD PAR 'GYUR BA DE GNYEN PO BSGOM PAR SHES PAR BYA'O, ,DE'I 'OG TU GNYEN PO BSGOM PA NI DE'I MI MTHUN PA'I PHYOGS 'BRI BA DANG GNYEN PO @193A *, ,'PHEL BA LA GNAS SKABS SU SHES PAR BYA STE, RIGS KYI GNAS SKABS LA SOGS PA'O, ,DE'I 'OG TU 'JIG RTEN LAS 'DAS PA'I CHOS MNGON DU GYUR PA NI 'BRAS BU RNAMS TE, RGYUN DU ZHUGS PA'I 'BRAS BU LA SOGS PAR SHES PAR BYA'O, , DE DAG THAMS CAD KYANG BLA MA DANG BCAS PAS BYANG CHUB SEMS DPA' RNAMS DANG NYAN THOS LA SOGS PA DANG THUN MONG STE, MDO LAS JI SKAD DU, RAB TU BYUNG BA DE NYAN THOS KYI BSLAB PA DANG, CHO GA DANG SPYOD YUL DANG, YANG DAG PAR SPYOD PA LA YANG SLOB PO, ,RANG SANGS RGYAS KYI BSLAB PA DANG, CHO GA DANG, SPYOD YUL DANG, YANG DAG PAR SPYOD PA LA SLOB PO, ,BYANG CHUB SEMS DPA'I BSLAB PA DANG, CHO GA DANG, SPYOD YUL DANG, YANG DAG PAR SPYOD PA LA YANG SLOB PO ZHES GSUNGS PA LTA BU'O, ,BYANG CHUB SEMS DPA' RNAMS KYI NI BLA NA MED PA THUN MONG MA YIN PA STE DON BDUN PA BLA NA MED PA'O, ,GZHAN NA RE KUN NAS NYON MONGS PA DANG, RNAM PAR BYANG BA'I MTSAN NYID LA MKHAS PAR BYA BA BSKYED PA'I PHYIR THOG MAR MTSAN NYID DO, ,DE LA KUN NAS NYON MONGS PA GANG YIN PA DE NI, SGRIB PA'O, ,RNAM PAR BYANG BA GANG YIN PA DE NI DE KHO NA'O, ,DE KHO NA NYID KHONG DU CHUD PAS SGRIB PA SPONG BAR 'GYUR TE, DE'I PHYIR SGRIB PA DANG DE KHO NA'O, ,DE SPANG BA'I THABS BSTAN PA'I PHYIR, ,DE'I 'OG TU GNYEN PO 'KHOR DANG BCAS PA NI LAM MO, ,LAM DE'I THOG MA DANG BAR MA DANG THA MAL CHUNG NGU DANG 'BRING DANG CHEN PO RAB TU DBYE BAR BSTAN PA'I PHYIR DE'I GNAS SKABS SO, ,GNAS SKABS DANG MTHUN PA'I 'BRAS BU THOB PAR BYED PAS, DE'I 'OG TU 'BRAS BU'O, ,DE DAG THAMS CAD KYANG BYANG CHUB SEMS DPA' DANG, NYAN THOS LA SOGS PA DANG THUN MONG STE, DE BAS NA THUN MONG MA YIN PA DANG THEG PA CHEN PO'I TSUL RAB TU BSTAN PA'I PHYIR BLA NA MED PA ZHES BYA'O ZER RO, ,GZHAN DAG NA RE YOD PA DANG MED PA'I MTSAN NYID SHES PAR BYA BA'I PHYIR THOG MAR MTSAN NYID BSHAD DO, ,MTSAN NYID SHES NAS SGRIB PA SPANG BAR BYA BA DANG, DE KHO NA MNGON SUM DU BYA BAS DE'I 'OG TU SGRIB PA DANG DE KHO NA'O, ,DE GNYIS SPANG BA DANG MNGON DU BYA BA'I THABS @193B NI 'DI YIN TE, GNYEN PO BSGOM PA'O, ,DE'I 'BRING DANG MCHOG NI GNAS SKABS KYI KHYAD PAR RO, ,DES SPANG BAR BYA BA NI 'BRAS BU'O, ,DE'I 'OG TU THEG PA BLA NA MED PA'O ZHES BYA BAR RAB TU BSTAN PA'I PHYIR 'DI NI GO RIMS SO ZHES ZER RO, ,GZHAN YANG SEMS PA YOD PA DANG MED PA'I CHOS LA RMONGS NAS, SKUR PA 'DEBS PA DANG, SGRO 'DOGS PA SPANG BA'I PHYIR MTSAN NYID BSHAD DO, ,RMONGS PA SPANGS NAS SGRIB PA LA MKHAS PAR BYA BA'I PHYIR SGRIB PA'O, ,DES DE KHO NA BSGRIBS PAS DE KHO NA LA MKHAS PAR BYA BA'I PHYIR DE'I 'OG TU DE KHO NA'O, ,DE KHO NA RAB TU RTOGS PA BSGOMS PAS SGRIB PA SPONG BAR 'GYUR BAS DE KHO NA'I 'OG TU GNYEN PO BSGOM PA'O, ,DE'I DBYE BA LA MKHAS PAR BYA BA'I PHYIR GNAS SKABS SO, ,GNAS SKABS KYIS 'BRAS BU RAB TU PHYE BAS DE LA MKHAS PAR BYA BA BSKYED PA'I PHYIR GNAS SKABS KYI 'OG TU 'BRAS BU'O, ,DE DAG THAMS CAD KYANG THEG PA CHEN PO LA BRTEN PAS THEG PA BLA NA MED PA THA MAR BSHAD DO SNYAM MO, ,DE LA MTSAN NYID LAS BRTZAMS NAS, YANG DAG MA YIN KUN RTOG YOD, ,DE LA GNYIS PO YOD MA YIN, ,STONG PA NYID NI 'DI LA YOD, ,DE LA YANG NI DE YOD DO, ,ZHES BYA BAR GSUNGS SO ZHES BYA BA LA, DE LA ZHES BYA BA NI MTSAN NYID DANG, SGRIB PA LA SOGS PA DNGOS PO BDUN SMOS PA DAG GI NANG NAS MTSAN NYID LAS BRTZAMS NAS DE'I DBANG DU MDZAD DE, DE'I PHYIR, YANG DAG MA YIN KUN RTOG YOD, ,CES BYA BA LA SOGS PA GSUNGS SO, ,JI LTAR BSTAN PA DE BZHIN DU BSHAD DE, THOG MAR MTSAN NYID BSTAN PAS DE'I PHYIR LHAG MA RNAMS PAS DE NYID BSHAD PA SNGAR BRTZAM MO, ,LA LA DAG CHOS THAMS CAD RI BONG GI RVA LTAR RANG BZHIN YE MED DO, ,SNYAM DU SEMS PA DE'I PHYIR THAMS CAD LA SKUR BA DGAG PA'I DON DU, YANG DAG MA YIN KUN RTOG YOD, ,CES BYA BAR GSUNGS TE, RANG BZHIN GYI ZHES BYA BA TSIG GI LHAG MA'O, ,DE LTAR NA MDO LAS CHOS THAMS CAD STONG PA'O ZHES BSHAD PAS, MDO DANG MI 'GAL LAM ZHE NA, MI 'GAL TE 'DI LTAR, DE LA GNYIS PO YOD MA YIN, ,YANG DAG PA MA YIN PA KUN RTOG PA @194A *, ,GZUNG BA DANG 'DZIN PA'I NGO BO DANG BRAL BAS STONG PA ZHES BYA BA'I RANG BZHIN YE MED PA NI MA YIN TE, DE'I PHYIR MDO DANG MI 'GAL LO, ,GAL TE DE LTAR GNYIS PO NI RI BONG GI RVA LTAR YE MED LA, YANG DAG PA MA YIN PA KUN TU RTOG PA NI, DON DAM PAR RANG BZHIN GYIS YOD NA, DE LTA NA NI STONG PA NYID MED PAR 'GYUR RO ZHE NA, DE NI DE LTA MA YIN TE 'DI LTAR, STONG PA NYID NI 'DI LA YOD, ,YANG DAG MA YIN PA KUN RTOG PA LA GZUNG BA DANG 'DZIN PA MED PA NYID GANG YIN PA DE STONG PA NYID YIN PAS STONG PA NYID MED PAR MI 'GYUR RO, , GAL TE GNYIS PO MED PA STONG PA NYID YIN LA, DE YANG YANG DAG PA MA YIN PA KUN TU RTOG PA LA YOD NA, CI'I PHYIR BDAG CAG MA GROL, YOD NA YANG CI'I PHYIR MA RTOGS SNYAM PA'I DOGS PA BSAL BA'I PHYIR, DE LA YANG NI DE YOD DO, ,ZHES BYA BA GSUNGS TE, 'DI LTAR STONG PA NYID LA YANG DAG PA MA YIN PA KUN RTOG PA YOD PAS DE'I PHYIR KHYED MA GROL LO, ,DE BAS NA DRI MA DANG BCAS PAS CHU'I KHAMS DANGS PA BZHIN RTOGS PAR MI RUNG NGO, ,YANG NA SEMS CAN DANG SEMS LAS BYUNG BA RNAMS DANG, GZUGS DANG RDZAS NYID DU YOD PAR GANG DAG LTA BA DE DGAG PA'I PHYIR, YANG DAG MA YIN KUN RTOG YOD, ,CES GSUNGS TE DE NYID RDZAS SU YOD DO, ,GZUGS NI DE LAS LOGS SHIG NA YANG MED LA, ,RDZAS SU YANG MED DO, ,CI'I PHYIR ZHE NA, 'DI LTAR DE LA GNYIS PO YOD MA YIN, YANG DAG PA MA YIN PA KUN RTOG PA NI CI LA YANG 'DZIN PA MA YIN, SUS KYANG GZUNG BAR BYA BA MA YIN GYI, GZUNG BA DANG 'DZIN PA DANG BRAL BA'I DNGOS PO TZAM NYID DE, 'DI LTAR RNAM PAR SHES PA LAS PHYI ROL NA GZUGS LA SOGS PA GZUNG BA MED PAR RMI LAM LA SOGS PA BZHIN DU, GZUGS LA SOGS PAR SNANG BA'I RNAM PAR SHES PA 'BYUNG NGO, ,GAL TE RGYU YIN NA DE MED PAR DE 'BYUNG BAR MI RUNG NGO, ,DE'I PHYIR DMIGS PA MED PA NYID DE, DA RMI LAM LA SOGS PA BZHIN NO, ,GZHAN LA YANG RANG GI SA BON YONGS SU SMIN PA LAS DON DU SNANG BA'I RNAM PAR SHES PA 'BYUNG BAR SHES PAR BYA'O, , @194B GZUNG BA MED NA 'DZIN PA MED PAR 'GYUR BAS GZUNG BA MED NA 'DZIN PA YOD PAR MI RUNG STE, DE BAS NA GZUGS NI YANG DAG PA MA YIN PA KUN TU RTOG PA LAS GUD NA YOD PA MA YIN NO, ,GAL TE GZUNG BA MED NA DE'I PHYIR RNAM PAR DAG PA'I DMIGS PA MED PAS THAR PA YANG MED PAR 'GYUR RO ZHE NA, DE NI DE LTA MA YIN TE, 'DI LTAR, STONG PA NYID NI 'DI LA YOD, ,NI ZHES BYA BA'I SGRA NI GANG GI PHYIR ZHES BYA BA'I THA TSIG GO, ,STONG PA NYID NI RNAM PAR DAG PA'I DMIGS PA STE, GZUNG BA DANG 'DZIN PA DANG BRAL BA NYID DE, DE YANG YANG DAG PA MA YIN PA KUN RTOG PA LA YOD PAS THAR PA MED PAR MI 'GYUR RO, ,GAL TE YANG DAG PA MA YIN PA KUN DU RTOG PA LA YOD NA, DE YOD PAS CI'I PHYIR MI RTOGS SHE NA, YANG DAG PA MA YIN PA KUN RTOG PAS BSGRIBS PAS NAM MKHA' DRI MA MED PA BZHIN DU RTOGS PAR MI RUNG GI MED PA NI MA YIN NO ZHES BSTAN PA'I PHYIR; DE LA YANG NI DE YOD DO ZHES BYA BA GSUNGS SO, ,YANG NA THAMS CAD LA SKUR BA 'DEBS PA DGAG PA'I PHYIR, ,YANG DAG MA YIN KUN RTOG YOD, ,CES BYA BA GSUNGS TE, RNAM PAR SHES PA GYUR BA'I BDAG NYID YOD PAS, THAMS CAD MED PA YANG MA YIN BDAG NYID YOD PA YANG MA YIN NO, ,GANG DAG SEMS PA GZUGS LA SOGS PA JI LTAR SNANG BA DE LTAR YANG DAG PA MA YIN PA KUN RTOG PA LAS LOGS SHIG NA RANG BZHIN DU YOD DO ZHES, YOD PA MA YIN PA LA SGRO 'DOGS PA DGAG PA'I DON DU DE'I PHYIR, ,DE LA GNYIS PO YOD MA YIN, ,ZHES BYA BA GSUNGS SO, ,YANG DAG PA MA YIN PA KUN RTOG PA TZAM YOD PAR DGONGS PA'O, ,KHA CIG GNYIS PO MED PA NI MO GSHAM GYI BU BZHIN DU DNGOS PO MED DE ZHES CHAD PA'I DNGOS PO'I NGO BOR 'DZIN PA DANG, GZHAN DAG NANG NA BYED PA'I SKYES BU MED PA NYID NI, CHOS RNAMS KYI STONG PA NYID DO ZHES SMRA BA DE'I PHYIR, STONG PA NYID DU SKUR PA 'DEBS PA DGAG PA'I DON DANG, BDAG MED PA YANG DAG PAR BSTAN PA'I PHYIR, STONG PA NYID NI 'DI LA YOD CES BYA BA GSUNGS SO, ,GAL TE YANG DAG PA MA YIN PA KUN RTOG PA LA STONG PA NYID YOD NA DE LTA NA NI, BSGRIM MI DGOS @195A *, ,PAR SROG CHAGS THAMS CAD THAR BAR 'GYUR RO ZHE NA, DE LTA MA YIN TE 'DI LTAR, DE LA YANG NI DE YOD DO, ,STONG PA NYID KYANG RNAM PAR MA SBYANGS KYI BAR DU THAR PA MED PA'I PHYIR TE, KUN NAS NYON MONGS PAR GYUR PA NI, 'BAD PA CHEN POS RNAM PAR SBYANG DGOS PAS 'BAD PA MA BYAS PAR THAR PA MED DO, ,YANG NA KUN NAS NYON MONGS PA DANG RNAM PAR BYANG BA DAG GI MTSAN NYID BRJOD PA LAS GZHAN MED PAS DE'I PHYIR KUN NAS NYON MONGS PA DANG, RNAM PAR BYANG BA'I MTSAN NYID BSTAN PA'I DON DU, YANG DAG MA YIN KUN RTOG YOD, ,CES RGYA CHER GSUNGS SO, ,'KHRUL PA'I MTSAN NYID KYI PHYIR, YANG DAG PA MA YIN PA KUN RTOG PA'I RANG BZHIN NI KUN NAS NYON MONGS PA'O, ,'DI 'KHRUL PA'I MTSAN NYID DU JI LTAR SHES PAR BYA ZHE NA, 'DI LTAR DE LA GNYIS PO YOD MA YIN, ,BDAG NYID DU MED PAR GZUNG BA DANG 'DZIN PA'I RNAM PAR SNANG BAS 'KHRUL BA'I NGO BO NYID DU MNGON NGO, ,DA NI RNAM PAR BYANG BA'I NGO BO BRTAG PA'I PHYIR, STONG PA NYID NI 'DI LA YOD, ,CES BYA BA GSUNGS SO, ,GNYIS PO MED PA'I RANG BZHIN YIN PA'I PHYIR, ,STONG PA NYI KYI RANG BZHIN NI RNAM PA BYANG BA'O, ,STONG PA NYID KYIS RAB TU PHYE BAS LAM DANG 'GOG PA DAG KYANG 'DIR BSDU BAR RIG PAR BYA'O, ,KUN NAS NYON MONGS PA'I PHYOGS NYID LAS RNAM PAR BYANG BA'I PHYOGS NYID BTZAL BAR BYA BA'I RANG GI RGYUD GUD NA MED PAR RAB TU BSTAN PA'I PHYIR 'DI LA ZHES BYA BA GSUNGS SO, ,GAL TE GNYIS PO MED NA CI'I PHYIR DE YOD PAR 'JIG RTEN 'KHRUL BAR GYUR ZHES DRIS PA DANG, DE'I PHYIR DE LA YANG NI DE YOD DO ZHES BYA BA GSUNGS TE, GZUNG BA DANG 'DZIN PA'I RNAM PAR RTOG PA'O, ,SGYU MA NI GANG PO CHE LA SOGS PAS STONG YANG, GLANG PO CHE LA SOGS PAR SNANG BA LTA BU'O, ,YANG DAG PA MA YIN PA GNYIS PO DE LA'AM, DES YONGS SU RTOG PAS YANG DAG PA MA YIN PA GNYIS POR YONGS SU RTOG PAS YANG DAG MA YIN KUN RTOG PA'O, ,YANG DAG PA MA YIN PA'I TSIG GIS NI, ,JI LTAR 'DI LA GZUNG BA DANG 'DZIN PAR KUN RTOG PA DE BZHIN DU MED PAR STON TO, ,KUN RTOG PA'I TSIG GIS NI DON @195B JI LTA BUR KUN RTOG PA DON DE LTA BUR YOD PA MA YIN ZHES STON TE, ,DE LTAR GZUNG BA DANG 'DZIN PA LAS RNAM PAR GROL BA DE'I MTSAN NYID BSHAD PA YIN NO, ,DE YANG GANG YIN ZHE NA SEMS DANG SEMS LAS BYUNG BA 'DAS PA DANG MA 'ONGS PA DANG, DA LTAR GYI DANG RGYU DANG 'BRAS BUR GYUR PA DANG, KHAMS GSUM PA DANG, THOG MA MED PA'I DUS CAN DANG MYA NGAN LAS 'DAS PA'I MTHAR THUG PA DAN, 'KHOR BA'I RJES SU MTHUN PA DAG NI, ,KHYAD PAR MED PAR YANG DAG PA MA YIN PA KUN RTOG PA'O, ,KHYAD PAR NI GZUNG BA DANG 'DZIN PA RNAM PAR RTOG PAO, ,DE LA GZUNG BAR RNAM PAR RTOG PA NI; DON DANG SEMS CAN DU SNANG BA'I RNAM PAR SHES PA'O, ,'DZIN PAR RNAM PAR RTOG PA NI BDAG DANG RNAM PAR RIG PAR SNANG BA'O, ,GNYIS PO NI GZUNG BA DANG 'DZIN PA'O ZHES BYA BA DE LA GZUNG BA NI GZUGS LA SOGS PA'O, ,'DZIN PA NI MIG GI RNAM PAR SHES PA LA SOGS PA'O, , GZUNG BA DANG 'DZIN PA'I DNGOS PO DANG BRAL BA NYID DE, DBEN PA NYID NI YANG DAG PA MA YIN PA KUN RTOG PA'I STONG PA NYID YIN GYI, ,YANG DAG PA MA YIN PA KUN RTOG PA YANG MED PA NI MA YIN TE, DPER NA THAG PA NI SPRUL PA'I DNGOS PO STONG STE, DE'I RANG BZHIN MA YIN PAS DUS THAMS CAD DU STONG PA NYID YIN GYI, THAG PA'I DNGOS PO NI MA YIN TE, 'DIR YANG DE BZHIN NO, ,DE LA YANG NI DE YOD DO ZHES BYA BA NI YANG DAG PA MA YIN PA KUN RTOG PA STE, DE LTAR GLO BUR GYI SGRIB PAS NYON MONGS PA'I PHYIR, DE CHU KHAMS LA SOGS PA BZHIN DU RTOGS PAR MI RUNG NGO ZHES BSTAN PA YIN NO, ,DE LTAR GANG NA GANG MED PA DE NI, ,DES STONG PAR YANG DAG PAR RJES SU MTHONG NGO ZHES BYA BA LA, CI ZHIG GANG NA MED BCE NA, YANG DAG PA MA YIN PA KUN RTOG PA LA GNYIS PO STE, DE'I PHYIR YANG DAG PA MA YIN PA KUN RTOG PA LA GNYIS KYIS STONG PAR MTHONG NGO, ,'DI LA LHAG MA GANG YIN PA DE NI YOD PA DE 'DI LA LHAG MA GANG YIN ZHE NA, ,YANG DAG MA YIN PA KUN RTOG PA STONG PA NYID DANG, DE GNYI GA YANG 'DIR YOD PAR MA SKUR BA DANG, SGRO BTAGS PA MED PAR MTHONG NA YANG DAG PA JI LTA BA BZHIN DU RAB TU SHES SO, ,DE LA YANG DAG PA MA YIN PA KUN RTOG PA LA GNYIS PO @196A *, ,MED PAR MTHONG BA'I PHYIR SGRO MI 'DOGS SO, ,YANG DAG PA MA YIN PA KUN RTOG PA DANG STONG PA NYID YOD PAR MTHONG BA'I PHYIR TE, SKUR PA MI 'DEBS TE, STONG PA NYID GANG YIN PA DE YOD PA DANG GANG GIS STONG PA DE DE LA MED PA'I PHYIR, STONG PA NYID KYI MTSAN NYID PHYIN CI MA LOG PAR BSTAN PA YIN NO, ,THAMS CAD MED PA 'AM THAMS CAD YOD PA NI STONG PA NYID KYANG MTSAN NYID PHYIN CI LOG YIN TE, STONG PA NYID MED PAR 'GYUR RO, ,STONG PA ZHES BYA BA MED NA STONG PA NYID DU MI RUNG STE, CHOS NYID NI DNGOS PO LA RAG LUS PA'I PHYIR MI RTAG PA NYID LA SOGS PA BZHIN NO, ,GNYIS PO YOD DO ZHE NA, STONG PA NYID MED PAR 'GYUR RO, ,GAL TE GNYIS PO NI RI BONG GI RA DANG 'DRAN YANG JI LTAR DES YANG DAG PA MA YIN PA KUN RTOG PA STONG STE, DPER NA DGE SLONG RNAMS KYIS GTZUG LAG KHANG BZHIN DU GZHAN GYIS GZHAN STONG PAR MTHONG ZHE NA, DPER NA THAG PA LA 'AM SGYU MA LA BDAG NYID KYIS MED PAR SBRUL GYI RNAM PA DANG SKYES BU LA SOGS PA LTA BUR SNANG BA DE LA KHA CIG 'DZIN PA BZLOG PA'I PHYIR, SBRUL DANG SKYES BU LA SOGS PAS STONG NGO ZHES BRJOD PA DE BZHIN DU, YANG DAG PA MA YIN PA KUN DU RTOG PA LA YANG BDAG NYID KYIS MED PAR GZUNG BA DANG 'DZIN PA'I RNAM PAR SNANG BA DE LA BYIS PA RNAMS 'DZIN CING MNGON PAR ZHEN PA DOR BAR BYA BA'I PHYIR GNYIS KYIS STON ZHES BSHAD DO, ,STONG PA MA YIN MI STONG MIN, ,ZHES BYA BA'I TSIGS SU BCAD PA 'DI CI'I PHYIR BRTZAMS SHE NA, 'DUS BYAS DANG 'DUS MA BYAS THAMS CAD GNYIS DANG BRAL BA NYID DU SHES PAR BYA BA'I PHYIR RO, ,DE LTAR MTHA' GCIG BKAG PAS 'DI THAMS CAD STONG PA YANG MA YIN MI STONG PA YANG MA YIN PA ZHES SHES RAB KYI PHA ROL TU PHYIN PA'I NANG NAS BSHAD PA'I DGONGS PA BSTAN PA YIN NO, ,GZHAN DU NA LTAG 'OG 'GAL BAR 'GYUR RO, ,GZHAN YANG DBU MA'I LAM RAB TU BSTAN PA'I PHYIR TE, GZHAN DU NA NI GCIG TU STONG PA KHO NA'AM, MI STONG PA'I MTHAR 'GYUR RO, ,YANG NA SKUR PA 'DEBS PA DANG SGRO 'DOGS PA DGAG PA BSHAD MA THAG PA MJUG BSDU BA'I DON DU DE BRTZAMS SO, ,RGYU DANG RKYEN DANG 'BREL PA LAS SKYES PA'I PHYIR, @196B YANG DAG PA MA YIN PA KUN RTOG PA NI 'DUS BYAS TE, DE LA MI LTOS PA'I PHYIR STONG PA NYID NI 'DUS MA BYAS SO, ,BSHAD PA NI SHES RAB KYI PHA ROL TU PHYIN PA LA SOGS PA'I NANG NAS 'BYUNG BA'O, ,YOD PAS ZHES BYA BA NI YANG DAG PA MA YIN PA KUN RTOG PA STE, YANG DAG PA MA YIN PA KUN RTOG PA'I BDAG NYID KYIS 'DUS BYAS STONG PA MA YIN NO, ,MED PAS ZHES BYA BA NI GNYIS PO STE, GZUNG BA DANG 'DZIN PA'I BDAG NYID KYIS STONG PA'O, ,STONG PA NYID NI YANG DAG PA MA YIN PA KUN RTOG PA LA DE'I CHOS NYID DU YOD DE, STONG PA NYID LA YANG YANG DAG PA MA YIN PA KUN RTOG PA CHOS CAN GYI NGO BOR YOD DO, ,DE LTAR 'DUS MA BYAS KYANG CHOS NYID KYI NGO BOS STONG PA MA YIN TE, DNGOS PO MED CES BYA BA GNYIS KYI NGO BOS STONG PA'O, ,DE NI DBU MA'I LAM YIN NO ZHES BYA BA NI DKON MCHOG BRTZEGS PA LA SOGS PA'I NANG NAS, 'OD SRUNGS YOD CES BYA BA 'DI NI MTHA' GCIG GO, ,MED CES BYA BA 'DI NI MTHA' GNYIS TE, 'OD SRUNGS MTHA' GNYIS PO 'DI DAG GI DBUS GANG YIN PA 'DI NI CHOS RNAMS LA YANG DAG PAR SO SOR RTOG PA'O ZHES 'BYUNG BA GANG YIN PA STE, DE LTAR DBU MA'I LAM DE DANG MTHUN PAR BYAS PA YIN NO, ,THAMS CAD CES BYA BA NI 'DUS BYAS DANG 'DUS MA BYAS SO, ,GCIG TU STONG PA YANG MA YIN ZHES BYA BA NI, YANG DAG PA MA YIN PA KUN RTOG DANG, DE LA STONG PA NYID KYANG YOD PA'I PHYIR RO, ,GCIG TU MI STONG PA YANG MA YIN PA NI GNYIS PO MED PA'I PHYIR RO, ,THAMS CAD YOD PA'AM THAMS CAD MED PA NI MTHA' NYID DU 'GYUR GYI, DBU MA'I LAM MA YIN NO, ,DE LTAR YANG DAG PA MA YIN PA KUN RTOG PA'I YOD PA'I MTSAN NYID DANG, MED PA'I MTSAN NYID BRJOD NAS ZHES BYA BA 'DI, YOD PAR NYE BAR MTSON PAS YOD PA NYID, YOD PA'I MTSAN NYID DE, YANG DAG PA MA YIN PA KUN RTOG PA YOD CES BYA BA DES YANG DAG PA MA YIN PA KUN RTOG PA YOD PAR STON ZHES BYA BA'I THA TSIG GO, ,DE BZHIN DU MED PAR NYE BAR MTSON PAS MED PA NYID MED PA'I MTSAN NYID DE, DE YANG GZUNG BA DANG 'DZIN PA'I DNGOS PO MED PA STE, 'DI LTAR YANG DAG PA MA YIN PA KUN RTOG PA LA GNYIS PO MED @197A *, ,PAS DE'I PHYIR YANG DAG PA MA YIN PA KUN RTOG PA YANG GNYIS KYI BDAG NYID KYIS YOD PA MA YIN NO ZHES BSTAN PA YIN NO, ,RANG GI MTSAN NYID BRJOD DE ZHES BYA BA LA YOD PA'I MTSAN NYID DANG, RANG GI MTSAN NYID GNYIS KHYAD PAR CI YOD CE NA, YOD PA'I MTSAN NYID NI SPYI'I'O, ,RANG GI MTSAN NYID NI BYE BRAG YIN NO, ,GAL TE RANG GI MTSAN NYID MA BSHAD NA CI ZHIG TU 'GYUR ZHE NA, YANG DAG PA MA YIN PA KUN RTOG PA'I LUS MA BSHAD PAR 'GYUR TE, DE BAS NA DE'I LUS KHONG DU CHUD PAR BYA BA'I PHYIR, DON DANG SEMS CAN BDAG RNAM RIG ,SNANG BA'I RNAM PAR SHES PA NI, ,RAB TU SKYE'O DE'I DON MED, ,DE MED PAS NA DE YANG MED, ,CES BYA BA GSUNGS SO, ,YANG NA GZUNG BA DANG 'DZIN PA MED PA'I YANG DAG PA MA YIN PA KUN RTOG PA TZAM NYID YOD DO ZHES BSTAN PA YANG DAG PA MA YIN PA KUN RTOG PA TZAM DE LA, DBANG PO DANG YUL DANG, RNAM PAR SHES PA JI LTAR RNAM PAR GZHAG PA MI SHES PAS YANG DAG PA MA YIN PA KUN RTOG PA'I SNANG BA THA DAD PA DE LA RNAM PAR GZHAG GO ZHES SHES PAR BYA BA'I PHYIR, YANG DAG PA MA YIN PA KUN RTOG PA'I RANG GI MTSAN NYID BSHAD DE, DON DANG SEMS CAN BDAG RNAM RIG ,SNANG BA'I ZHES RGYA CHER 'BYUNG BA'O, ,YANG NA YANG DAG PA MA YIN PA KUN RTOG PA YOD CES BYA BA DES DE YOD PA TZAM DU SHES PAR BYED KYI, DE'I RANG BZHIN NI MA YIN PA DANG GNYIS PO MED PAR YANG GZUNG BA DANG 'DZIN PA LA MNGON PAR ZHEN PA'I RGYU GANG YIN PA RNAM PAR MI SHES PA DANG, GANG GI PHYIR GNYIS PO MED PAR YID CHES PAR BYA BA DE YANG MA BSHAD PAS DE BSTAN PA'I PHYIR, DON DANG SEMS CAN BDAG RNAM RIG ,SNANG BA'I ZHES RGYA CHER GSUNGS SO, ,DE LA YANG DAG PA MA YIN PA KUN RTOG PA NI RNAM PAR SHES PA'I RANG BZHIN NO, ,RNAM PAR SHES PA DE YANG 'DIR MTSUNGS PAR LDAN PA DANG BCAS PAR DGONGS TE, GTZO BOR NI RNAM PAR SHES PA GZUNG NGO, ,GZUNG BA DANG 'DZIN PA LA MNGON PAR ZHEN PA DE NYID KYI RGYU NI DON DANG SEMS CAN LA SOGS PAR SNANG BA'O, ,DE'I DON MED DE MED PAS NA DE YANG MED CES BYA BA NI GNYIS PO MED PA'I RGYU'O, ,DE LA DON DANG SEMS CAN DU @197B SNANG BA'I KUN GZHI RNAM PAR SHES PA MTSUNGS PAR LDAN PA DANG BCAS PA STE, DE YANG RNAM PAR SMIN PA'I PHYIR LUNG DU MA BSTAN PA NYID DO, ,BDAG TU SNANG BA NI NYON MONGS PA CAN GYI YID MTSUNGS PAR LDAN PA DANG BCAS PA'O, ,DE YANG BSGRIBS LA LUNG DU MA BSTAN PA STE, NYON MONGS PA DANG MTSUNGS PAR LDAN PA'I PHYIR BSTAN PA'O, ,RNAM PAR RIG PAR SNANG BA NI, MIG GI RNAM PAR SHES PA LA SOGS PA LA SOGS PA DRUG PO MTSUNGS PAR LDAN PA DANG BCAS DGE BA DANG MI DGE BA DANG LUNG DU MA BSTAN PA'O, ,DON DANG SEMS CAN DANG BDAG DANG RNAM PAR RIG PAR SNANG BA RNAM PAR SHES PA BRGYAD PO MTSUNGS PAR LDAN PA DANG BCAS PA DE DAG NI KUN 'BYUNG BA'I BDEN PAR BSDUS PA, LHAN CIG BYED PA'I RKYEN LA LTOS PA'I KUN GZHI RNAM PAR SHES PA LAS JI LTAR MTHUN MTHUN DU 'GRO BA LNGA RNAMS SU RAB TU 'BYUNG NGO, ,KUN GZHI RNAM PAR SHES PA LA DGE BA DANG, MI DGE BA DANG, LUNG DU MA BSTAN PA'I CHOS KYIS BAG CHAGS 'GYUR BA'I KHYAD PAR 'GA' ZHIG YOD DE, DE DBANG GIS PHAN TSUN THA DAD PAR SNANG BA'I RNAM PAR SHES PA RAB TU SKYE'O, ,DON LA SOGS PA MED PA DER SNANG BA'I RNAM PAR SHES PA JI LTAR SKYE STE, MI MED NA SDONG PO MI SNANG BAR MI 'GYUR BA LTA BA'O ZHE NA, DE NI NYES PA MA YIN TE, DON LA SOGS PAR SNANG BA'I RNAM PAR SHES PA LA BYAS PA RNAM PAR SHES PA LAS DON GUD NA YOD PAR MNGON PAR ZHEN TE, RAB RIB CAN LA SKRA SHAD 'DZINGS PA LA SOGS PA BZHIN NO, ,DE'I PHYIR DE LA MNGON PAR ZHEN PA SPANGS PA'I PHYIR, RNAM PAR SHES PA 'DI NYID DON LA SOGS PAR SNANG BAR 'BYUNG STE, RAB RIB CAN LA SKRA SHAD 'DZINGS PA LA SOGS PA SNANG BA DE BZHIN DU MED PAR YANG DON DANG, SEMS CAN LA SOGS PAR SNANG NGO ZHES BRJOD DO, ,DE LTAR NA RNAM PAR SHES PA BRGYAD KYI DNGOS PO CAN, GZHAN GYI DBANG NI YANG DAG PA MA YIN PA KUN DU RTOG PAR BSHAD PA YIN NO, ,GZUGS LA SOGS PA'I DNGOS POR ZHES BYA BA NI GZUGS DANG, SGRA DANG, DRI DANG, RO DANG, REG PA DANG, CHOS KYI NGO BOR SNANG BA NI DE'I RNAM PAR 'BYUNG BA'I PHYIR RO, ,SEMS CAN DU SNANG BA'I DBANG PO LNGAR BDAG DANG GZHAN GYI RGYUD LA GANG @198A *, ,YIN PA'O ZHES BYA BA NI, SNANG BA ZHES BYA BA DANG SBYAR RO, ,DBANG PO LNGA LA SEMS CAN ZHES BYA BAR LHAG PAR CHAGS PA'I GNAS SU GYUR PA STE, DE DAG GIS SAM, DE DAG LA CHAGS PAS SEMS CAN TE, DE'I RNAM PAR 'BYUNG BA'I PHYIR, DE SNANG BA'I RNAM PAR SHES PA ZHES BYA'O, ,BDAG TU SNANG BA ZHES BYA BA DANG, BDAG TU SNANG BA NI BDAG TU RMONGS PA LA SOGS PA DANG MTSUNGS PAR LDAN PA'I PHYIR, NYON MONGS PA CAN GYI YID DO ZHES BYA BA LA NYON MONGS PA CAN GYI YID NI BDAG TU RMONGS PA DANG BDAG TU LTA BA DANG BDAG LA CHAGS PA DANG, NGA'O SNYAM PA'I NGA RGYAL DANG RTAG TU MTSUNGS PAR LDAN PA DANG, DE DAG KYANG BDAG TU DMIGS PA'I PHYIR NYON MONGS PA CAN GYI YID NI BDAG TU SNANG BAR RIGS SO, ,RNAM PAR RIG PAR SNANG BA NI RNAM PAR SHES PA DRUG RNAMS SO ZHES BYA BA NI YUL 'DZIN PA'I NGO BOR SNANG BAS DE'I RNAM PAR 'BYUNG BA'I PHYIR RNAM PAR RIG PA SNANG NGO, ,DE'I DON MED CES BYA BA NI RNAM PA BZHI CHAR GYI'O, ,DON DANG SEMS CAN DU SNANG BA RNAM PA MED PA DANG, BDAG DANG RNAM PAR RIG PAR SNANG BA NI LOG PAR SNANG BA'I PHYIR RO ZHES BYA BA NI DON DANG SEMS CAN DU SNANG BA GNYIS GZUNG BA'I NGO BOR SNANG BAS, LOG PAR SNANG BA MI SRID PA'I PHYIR, RNAM PA MED PA NYID NI DON MED PA'I RGYU'O, ,GZHAN DAG NI 'DZIN PA'I NGO BOR SNANG BAS RNAM PA MED PA MA YIN TE, LOG PAR SNANG BA NYID NI DON MED PA'I RGYU'O ZHES BSHAD DO, ,RNAM PA NI DMIGS PA LA MI RTAG PA LA SOGS PA'I NGO BOR 'DZIN PA'I RNAM PA YIN NA, DE YANG DE DAG LA MED DE, GZUNG BA'I NGO BOR SNANG BAS DE'I PHYIR RNAM PA MED PA NI 'DZIN PA MA YIN NO ZHES BYA BA'I THA TSIG GO, ,YANG NA DMIGS PA YANG DAG PAR TSOR BA LA RNAM PA ZHES BYA STE, DE YANG DE DAG LA MED PAS DMIGS PA MED PA'I PHYIR RNAM PA MED DO, ,GAL TE GNYIS KA YANG RNAM PA MED PA DANG, PHAN TSUN THA DAD PA'I NGO BO YIN TE, GZUGS LA SOGS PA DANG MIG LA SOGS PA BZHIN NO, ,DE LTA YIN NA NI 'JIG RTEN DANG BSTAN BCOS LAS GRAGS PA'I GZUGS LA SOGS PA DANG, MIG LA SOGS PA LAS RNAM PAR SHES PA RANG BZHIN BYE BRAG TU GYUR PA CI YOD NA, 'DI LTAR DE DAG NI @198B GSAL LA, DE DAG DANG THA DAD PA MED PA'I NGO BO RNAM PAR SHES PA NI YONGS SU BZUNG ZHE NA, DE LAS LHAG PA'I DON MI SRID PA'I PHYIR RO, ,DE NI 'DI LTAR RNAM PAR GZHAG STE, 'DI LTAR THA DAD PA'I DON GYI NGO BO MED KYANG SEMS KYI RGYUD SO SOR NGES PAS, RNAM PAR SHES PA NYID SO SOS ZIN PA THA DAD PA'I DON LA SOGS PAR SNANG BAR RANG GI SA BON LAS RAB TU 'BYUNG STE, 'DI LTAR YI DAGS RNAMS KYIS CHU RNAG DANG PHYI SA DANG, GCIN LA SOGS PAS GANG BA DANG, SKYES BU LA GAN DBYIG PA THOGS PA RNAMS KYIS DOGS GNYIS BSRUNG BAR MTHONG LA, MI LA SOGS PAS NI CHU DANG BA DANG BSIL BA DANG BKRUR RUNG BA DANG BTUNG DU RUNG BA DANG, 'JUG TU RUNG BAS GANG ZHIG BGEGS BYED PA MED PAR SHES SO, ,RNAL 'BYOR PA MI SDUG PA YID LA BYED PA LA SOGS PA GOMS PAS NI, RGYUN MI 'CHAD PAR SA LA KENG RUS KYIS GANG BAR MTHONG NGO, ,DE BZHIN DU SA LA SOGS PA ZAD PAR LA THAMS CAD SA LA SOGS PAS KHYAB PAR MTHONG NGO, ,DON LA RAG LAS TE BDAG NYID THOB PA NI DON MED PAR RAM, DON GYI RANG GI NGO BO THA DAD PA'I RNAM PA'I RNAM PAR SHES PA 'BYUNG BAR MI RIGS SO, ,DE BAS NA DON MED PAR YANG DON DANG SEMS CAN LA SOGS PA THAMS CAD DU SNANG BA'I RNAM PAR SHES PA NYID RAB TU 'BYUNG NGO ZHES BYA BAR NGES SO, ,GZUNG BA MED PAR BDAG DANG RNAM PAR RIG PAR SNANG BA GNYIS 'DZIN PA'I RNAM PAR SNANG BAS LOG PAR SNANG BA NYID DO, ,YANG NA JI LTAR RNAM PAR SHES PAS DON YONGS SU BRTAGS PA DE BZHIN DU BDAG DANG RNAM PAR RIG PAR DON MED DE STAG LA SOGS PA THOB PA LTAR, LOG PAR DMIGS PA'I PHYIR, LOG PAR SNANG BA NYID DO, ,'DI LTAR RNAM PAR RIG PA YANG RNAM PAR RIG PA GZHAN GYIS KUN BRTAGS PA'I BDAG NYID KYIS STONG NGO ZHES GRUB PA'I MTHA' LAS 'BYUNG NGO, ,DE'I PHYIR DON DANG SEMS CAN DU SNANG BA BZHIN DU, BDAG DANG RNAM PAR RIG PAR SNANG BA'I DON YANG MED DO, ,DON MED PAS RNAM PAR SHES PA DE YANG MED DO, ,RNAM PAR RIG PAS NA RNAM PAR SHES PA STE, DE YANG GZUNG BA MED NA RNAM PAR SHES PA POR MI RIGS TE, DE LTA BAS NA DON MED PA'I PHYIR RNAM PAR SHES PA KHO NAR RNAM PAR SHES PA MED KYI @199A *, ,DON DANG SEMS CAN DANG BDAG DANG RNAM PAR RIG PAR SNANG BAS NA MED PA MA YIN NO, ,DE MED DU ZIN NA DE MA GTOGS PAR RNAM PAR SHES PA'I RANG BZHIN MA BSTAN PA'I PHYIR YE MED PAR THAL BAR 'GYUR RO, ,DE DANG THA DAD PA'I RANG BZHIN YIN NA NI DE JI LTAR RNAM PAR SHES PAR RUNG JI LTAR PHAN TSUN THA DAD PAR 'GYUR, DE LTAR GZUNG BA DANG 'DZIN PA NI MED LA DE SNANG BA'I RNAM PAR SHES PA NI YOD PAS, YANG DAG PA MA YIN PA KUN RTOG PA NI YOD, GNYIS PO NI DE NA YOD PA MA YIN PAR SNGAR DAM BCAS PA DE GRUB PO ZHES RAB TU BSTAN PA'I PHYIR, YANG DAG MA YIN KUN RTOG PA, ,DE NI DE PHYIR GRUB PA YIN, ,ZHES BYA BA GSUNGS SO, ,RNAM PAR SHES PA BZHI PO DE YANG YANG DAG PA MA YIN PA KUN DU RTOG PA GRUB PA YIN NO, ,DE PHYIR ZHES BYA BA NI BSHAD MA THAG PA'I RGYU DE'I PHYIR TE, DON MED PAS NA DE YANG MED CES BYA'O, ,YANG YANG DAG PA MA YIN PA KUN RTOG PA YOD PAR BSGRUB PA DANG, GNYIS PO MED PAR RAB TU BSGRUB PA'I PHYIR, DE BZHIN MA YIN YE MED MIN, ,ZHES BYA BA LA SOGS PA GSUNGS SO, ,YANG NA DE'I PHYIR ZHES BYA BA NI 'OG NAS 'BYUNG BA'I PHYIR RO, ,DE NYID RAB TU BSTAN PA'I PHYIR, ,DE BZHIN MA YIN YE MED MIN, ,ZHES BYA BA GSUNGS TE, DE BZHIN DU YOD PA MA YIN PA DANG YE MED PA MA YIN PA'I PHYIR RO, ,GANG GI PHYIR GZUNG BA DANG 'DZIN PAR SNANG BA DE SKYE BA STE, DE LA RNAM PA BZHI PO DE YANG RNAM PA MED PA DANG, LOG PAR SNANG BA'I PHYIR JI LTAR MTHUN PAR 'DZIN PA NYID DU MED DO, ,RNAM PAR RIG PA GZHAN GYIS KUN BRTAGS PA'I BDAG NYID KYIS THAMS CAD STONG BAS GZUNG BA NYID DU MED DO, ,'KHRUL PA TZAM 'BYUNG BA'I PHYIR YE MED PA YANG MA YIN NO ZHES BYA BA NI BDAG NYID KYIS MED KYANG, RNAM PAR SNANG BA GANG YIN PA DE NI 'KHRUL PA ZHES BYA STE, SGYU MA BZHIN NO, ,TZAM ZHES BYA BA'I SGRA NI DE LAS LHAG MA RNAM BAR GCAD PA'I THA TSIG STE, DE NI 'DI SKAD DU 'KHRUL PA'I RNAM PAR SHES PA YOD DO, ,YE MED PA MA YIN NO ZHES BSTAN PAR 'GYUR RO, ,'KHRUL PA'I RNAM PAR SHES PA DE GZUNG BA DANG 'DZIN PA MED PA BZHIN DU MED PA NYID DU CI'I PHYIR MI 'DOD, RNAM PAR SHES PA THAMS CAD KYI YUL LAS @199B 'DAS PA'I PHYIR, SUS KYANG DE YOD PA NYID DU BRTAG PAR MI NUS SO ZHES BSAMS PA'O ZHE NA 'DI LTAR, DE ZAD NAS NI GROL BAR 'DOD, ,DE'I PHYIR DE MED PA NYID DU MI 'DOD DO, ,DE JI LTA ZHE NA KUN NAS NYON MONGS PA DANG RNAM PAR BYANG BA'I PHYOGS KYI MTHUS DE YOD PAR RJES SU DPAG GO, ,GZHAN DU NA ZHES BYA BA NI GAL TE YE MED PA NYID DU 'DOD NA NI BCINGS PA YANG MED CES BYA STE, 'KHRUL PA TZAM YANGMED DU ZIN NA, KUN NAS NYON MONGS PA MED PAS BCINGS PA YANG MED DO, ,SNGAR BCINGS PA LAS GROL LO ZHES BYA NA GROL BA YANG MED PAR 'GYUR, YANG NA DE JI LTAR SNANG BA DE BZHIN DU YOD PA'AM, YANG NA YE MED PAR CI'I PHYIR MI 'DOD CES GZHAN DE SNYAM DU SEMS PA BSAL BA'I PHYIR, DE ZAD NAS NI GROL BAR 'DOD, ,CES GSUNGS TE, DE MA ZAD NA BCINGS PA ZHES BYA BA'I THA TSIG GO, ,DE GZHAN DU NA BCINGS PA DANG GROL BA MED DO ZHES DE SKAD BSHAD PAR 'GYUR TE, KUN NAS NYON MONGS PA DANG MYA NGAN LAS 'DAS PA LA SKUR BA 'DEBS PA'I NYES PAR 'GYUR RO, ,GAL TE JI LTAR GZUNG BA DANG 'DZIN PA NYID DU PHYUGS YAN CHAD LA SNANG BA YANG GAL TE DE BZHIN DU DON DAM PAR 'GYUR NA NI, DE LTAR YIN DU ZIN NA RTAG PAR KUN NAS NYON MONGS PAR 'GYUR TE, DE LTAR NA MYA NGAN LAS 'DAS PA YANG MED PAR 'GYUR RO, ,DE LTAR 'KHRUL PA TZAM MED NA YANG KUN NAS NYON MONGS PA MED PAR 'GYUR TE, RTAG TU RNAM PAR BYANG BAR 'GYUR RO, ,DE LTAR NA GNYI GAR YANG THAR PA TSOL BA RNAMS KYI 'BAD PA DON MED PAR 'GYUR BAS DE'I PHYIR YANG DAG PA MA YIN PA KUN RTOG PA YOD PA DANG GNYIS PO MED PAR GDON MI ZA BAR KHAS BLANG BAR BYA'O, ,BSDU BA'I MTSAN NYID STON TE ZHES BYA BA NI, BSDU BA NYID MTSAN NYID DO, ,YANG NA GANG GIS BSDU BAR MTSON PA DE BSDU BA'I MTSAN NYID DO, ,DE YANG CI'I PHYIR BSHAD CE NA, 'DIR NI GZUNG BA DANG 'DZIN PA DANG BRLA BA YANG DAG PA MA YIN PA KUN RTOG PA TZAM NYID YOD DO ZHES SMRAS LA, MDO GZHAN DAG LAS NI, NGO BO NYID GSUM GSUNGS PAS MDO DAG DANG MI 'GAL BAR RAB TU BSTAN PA'I PHYIR DE DAG 'DIR BSDU BAR BRJOD DE, DE LTA BAS NA 'GREL PA MDZAD PAS, YANG DAG PA MA YIN PA KUN @200A *, ,RTOG PA TZAM DU ZAD NA ZHES BYA BA RGYA CHER SMOS SO, ,BRTAG PA DANG NI GZHAN DBANG DANG, ,YONGS SU GRUB PA NYID KYANG NGO, ,DON PHYIR YANG DAG MIN RTOG PHYIR, ,GNYIS PO MED PA'I PHYIR BSHAD DO, ,ZHES BYA BA NI, GZUNG BA DANG 'DZIN PA RANG BZHIN GYIS STONG PA LAS YANG DAG PA MA YIN PAR YANG YOD PAR YONGS SU RTOG PAS KUN BRTAGS PA ZHES BYA'O, ,DE NI RDZAS SU MED KYANG THA SNYAD DU YOD PAS NGO BO NYID CES BYA'O, ,GZHAN GYI DBANG NI RGYU DANG RKYEN LA RAG LAS TE SKYE BAS GZHAN GYI KHA NA LAS PA'O, ,SMRAS PA, BRTAGS MIN RKYEN LAS SKYES PA DANG, RNAM PA KUN TU BRJOD MED PA, ,GZHAN GYI DBANG GI NGO BO NYID, ,'JIG RTEN PA YI SPYOD YUL LO, ,YANG DAG PA MA YIN PA KUN RTOG PA NYID GNYIS DANG BRAL BA NYID GANG YIN PA DE NI YONGS SU GRUB PA'I NGO BO NYID DE, DE NI 'DUS MA BYAS PAS MI 'GYUR BAR YONGS SU GRUB PA'O, ,BRTAGS PA'I NGO BO NYID KYIS TE, ,SHIN TU STONG NYID GANG YIN PA, ,YONGS SU GRUB PA'I NGO BO STE, ,MI RTOG YE SHES SPYOD YUL LO, ,DON PHYIR ZHES BYA BA NI DON GYI DBANG DU MDZAD NAS BSHAD PA STE, DE LTAR YANG DAG PA MA YIN PA KUN RTOG PA'I PHYIR DANG GNYIS PO MED PA'I PHYIR RO ZHES BRJOD PAR BYA'O, ,DON NI KUN BRTAGS PA'I NGO BO NYID DO ZHES BYA LA, DON NI 'DIR GZUGS LA SOGS PA DANG, MIG LA SOGS PA DANG, BDAG DANG RNAM PAR RIG PA RNAMS TE, DE YANG RNAM PAR BRTAGS PA'I RANG BZHIN DU YANG DAG PA MA YIN PA KUN RTOG PA LA MED PAS, MED PA LA KUN BRTAGS PA'I NGO BO NYID CES BYA'O, ,YANG SMRAS PA, RNAM RTOG RNAM PAR MI RTOG NI, ,RNAM RTOG GZHAN GYIS BRTAGS PA STE, ,RNAM RTOG GZHAN GYIS BRTAGS DE YI, ,RANG BZHIN DE NI YOD MA YIN, ,YANG DAG PA MA YIN PA KUN RTOG PA NI GZHAN GYI DBANG GI NGO BO NYID DO ZHES BYA BA LA RGYU DANG RKYEN GZHAN DAG GI DBANG BYED PA DANG, SKYED PA STE, RANG MI 'BYUNG BAS GZHAN GYI DBANG NGO, ,GZUNG BA DANG 'DZIN PA MED PA NI YONGS SU GRUB PA'I NGO BO NYID CES BYA BA NI MI 'GYUR BAR YONGS SU GRUB PA DANG, PHYIN CI MA LOG PAR YONGS SU GRUB PAS YONGS SU GRUB PA'I PHYIR, YONGS SU GRUB PA PA'O ZHES BYA'O, , @200B 'DIR NI YANG DAG PA MA YIN PA KUN RTOG PA GNYIS DANG BRAL BA NYID GZUNG BA DANG 'DZIN PA MED PAR BSTAN PA YIN GYI, GNYIS PO MED PA TZAM GYIS NI MA YIN NO, ,DE LTAR NA YANG DAG PA MA YIN PA KUN RTOG PA NYID RGYU DANG RKYEN GZHAN GYI KHA NA LAS PAS GZHAN GYI DBANG NGO, ,DE NYID GZUNG BA DANG 'DZIN PA'I NGO BOR BDAG NYID KYIS MED KYANG SNANG BA'I PHYIR KUN BRTAGS PA'O, ,DE NYID GZUNG BA DANG 'DZIN PA DANG BRAL BA'I PHYIR YONGS SU GRUB PA'O, ,DE LTAR NA YANG DAG PA MA YIN PA KUN RTOG PA LA NGO BO NYID GSUM 'DUS SO, ,DE LTAR BYAS NA YANG DAG PA MA YIN PA KUN RTOG PA YONGS SU SHES PAR BYA BA DANG, SPANG BAR BYA BA DANG, YONGS SU SHES PAR BYA BA MNGON DU BYA BA'I DNGOS PO YANG BSTAN PA YIN NO, ,YANG DAG PA MA YIN PA KUN RTOG PA MED PA'I MTSAN NYID YONGS SU MA SHES PA'I PHYIR, NYON MONGS PA DANG LAS DANG TSE'I KUN NAS NYON MONGS PAR GYUR TO, ,DE LTA BAS NA MED PA'I MTSAN NYID YONGS SU SHES PAR BYA BA DANG, DE'I THABS BSTAN PA'I PHYIR, DMIGS PA LA NI BRTEN NAS SU, ,ZHES RGYA CHER GSUNGS SO, ,YANG DAG MA YIN KUN RTOG PA LA DE MTSON PA'AM, IYANG DG PA MA YIN PA KUN RTOG PA'O, ,GZUNG BA DANG 'DZIN PA GNYIS MED PA NYID NI MED PA'I MTSAN NYID DO, ,DE LA 'JUG PA NI DE KHONG DU CHUD PA'O, ,DE'I THABS NI THABS GANG GIS DE'I MED PA'I MTSAN NYID KYIS RJES SU 'JUG PA'O, ,DE YANG CHOS KYI DBYINGS KUN TU 'GRO BA'I DON RAB TU RTOG PAR BYA BAR SBYOR BA NI, GNAS KYI KHYAD PAR MKHAS PAR RNAM PA GNYIS SO, , DE NYE BAR MTSON PA'I DON DU TSIGS SU BCAD PA 'DI GSUNGS SO, ,RNAM PAR RIG PA TZAM DU DMIGS PA LA BRTEN NAS DON MI DMIGS PA SKYE'O ZHES BYA BA NI, DMIGS PA'I DON DANG BRAL BA 'DI NI RNAM PAR RIG PA TZAM NYID DE, RANG GI SA BON YONGS SU SMIN PA LAS GZUGS LA SOGS PAR SNANG BA'I RNAM PAR SHES PA SKYE BA YIN GYI, GZUGS LA SOGS PA'I DON NI YOD PA MA YIN NO ZHES DE LTAR 'DZIN PA DMIGS PA LA GNAS TE, GZUNG BA MI DMIGS PAR RAB TU 'JUG GO, ,DES 'DI LTAR BRTAGS PAR BYA STE, RNAM PAR SHES PA SKYE BA'I TSE'AM, SKYE SA ZIN PAS YUL LA DMIGS @201A *, ,PAR 'GYUR GRANG NA, DE LA SKYE BA'I TSE NI MED PAS SKYE BA'I TSE YUL LA DMIGS PAR MI RUNG NGO, ,YUL DU SNANG BA'I BDAG NYID DU SKYES PA'I PHYIR, SKYES PAS KYANG MA YIN TE, YUL DU SNANG BA'I BDAG NYID DU SKYE BA MA GTOGS PAR, GANG BYED NA RNAM PAR SHES PA YUL LA DMIGS PA'O ZHES BYA'O ZHES BYA BA'I RNAM PAR SHES PA'I BYA BA GZHAN MED DO, ,GAL TE YANG DA LTAR GYI RNAM PAR SHES PA NYID KYI DMIGS PA BYED PA YIN GYI, SKYE BA'I TSE NI MA YIN NO ZHE NA, DE LTA NA NI DMIGS PA'I RKYEN RNAM PAR SHES PA'I SKYE BA MA YIN TE, DER YONGS SU RTOG PA DON MED DO, ,DA LTAR GYI DMIGS PA 'DZIN NA NI SKAD CIG PA 'JIG PA'I GNOD PAR 'GYUR RO, ,RANG BZHIN BYE BRAG TU GYUR PA YANG MED PAS SNGA MA BZHIN TE, RNAM PAR SHES PAS DMIGS PA 'DZIN PAR MI RUNG NGO, ,'ON TE DMIGS PA 'DZIN PA'I DUS NA, DE LA RANG BZHIN BYE BRAG TU GYUR PAR 'DOD NA, DE LTA NA YANG RANG BZHIN BYE BRAG TU GYUR PA GZHAN NYID DU SNANG BAS, BYUNG BA GZHAN NYID KYIS DMIGS PA 'DZIN PAR THAL BAR 'GYUR RO, ,GZHAN NI 'GAG PA'I TSE'I DON NYID SKYE BA'I TSE'I RNAM PAR SHES PA'I DMIGS PA'I RKYEN NYID YIN TE, DE YANG RANG GI RNAM PAR SNANG BA'I RNAM PAR SHES PA'I RGYU YIN PAS RKYEN LHAG MA RNAMS LAS KHYAD PAR CAN NO SNYAM DU SEMS TE, DES KYANG GZUGS LA SOGS PA'I RDUL PHRA RAB BAM, DE 'DUS PA LA DMIGS PA KHO NAR KUN TU BRTAG GRANG NA, DE GNYI GA YANG DMIGS PAR MI 'GYUR TE, RNAM PAR SHES PA THAMS CAD NI BUM PA DANG, SNAM BU LA SOGS PAR SNANG BA 'BYUNG GI, ,RDUL PHRA RAB TU SNANG BA NI MA YIN NO, ,DON GYI RNAM PA GZHAN DU SNANG BA'I RNAM PAR SHES PA'I DMIGS PA NI GZHAN MA YIN TE, MIG LA SOGS PA YANG DMIGS PA NYID DU THAL BAR 'GYUR TA RE, GANG GZHAN YANG RDUL PHRA RAB SIL BU SO SO LA DMIGS PA YIN PA SNYAM DU SEMS PA DE'I 'DI YANG LAN DU MI RUNG STE, SIL BU DE NI DE DAG SO SO NYID LA DMIGS PAR 'DOD KYI, DE DAG GI 'DUS PA LA NI MA YIN NO, ,DER RDUL PHRA RAB SO SOR SNANG BA'I RNAM PAR SHES PA NI MI 'BYUNG GI, ,'DI LTAR DE DAG GI 'DUS PAR SNANG BA STE, DE BAS NA RDUL PHRA RAB RNAMS LA DMIGS PA MI SRID DO, , @201B BRTAGS PAR YOD PA NI RGYUR MI SRID PA'I PHYIR, RDUL PHRA RAB 'DUS PA YANG DMIGS PA MA YIN NA, DE MA THAG PA LA SOGS PA'I RKYEN LTAR DMIGS PA'I RKYEN YANG DAG PAR SHES PA'I RGYUR 'DOD DE, DE'I PHYIR 'GAG PA'I TSE YANG DMIGS PA'I RKYEN DU MI SRID DO, ,JI STE YANG 'GAG PA NYID DMIGS PA YIN NA, DE LTA NA NI 'DAS PA DANG MA 'ONGS PA YUL DU 'GYUR PA DANG, RMI LAM LA SOGS PA LA YANG RNAM PAR SHES PA DMIGS PA MED PAR GRUB PO, ,LA LAN RE RMI LAM LA SOGS PA'I RNAM PAR SHES PA YANG MTSAN MA LA DMIGS PA'I PHYIR DMIGS PA MED PA MA YIN NO, , MTSAN MA NI DON GYI GZUGS BRNYAN TE LDAN PA MA YIN PA'I 'DU BYED KYI RANG BZHIN NO ZHE'O, ,RMI LAM LA SOGS PA DON MED PA LA DE'I MTSAN MA MI RUNG STE, BZHIN LA SOGS PA MED PAR DE'I GZUGS BRNYAN MI 'GRUB PA BZHIN NO, ,'BYUNG BA'I TSE 'AM BYUNG ZIN PA'I RNAM PAR SHES PAS KYANG MTSAN MA LA DMIGS PA MA YIN TE, MED PA DANG DGAG PA SNGAR BSTAN PA'I PHYIR RO, ,DE'I PHYIR LDAN PA MA YIN PA'I 'DU BYED KYI RANG BZHIN MTSAN MAR MI RUNG BAS, RNAM PAR SHES BA NYID DON DU SNANG BA DON GYI GZUGS BRNYAN TE, RNAM PAR SHES PA NYID DON GYI RNAM PAR GDON MI ZA BAR KHAS BLANG DGOS SO, ,RNAM PA MED NA NI DE LA GZUNG BA DANG 'DZIN PA NGES PA NYID DU MI 'GYUR RO, ,GZHAN NI THOGS PA MED PA'I GZUGS NYID RMI LAM DANG, RNAL 'BYOR PA RNAMS KYI MI SDUG PA LA SOGS PAR DMIGS PA'O SNYAM DU SEMS TE, DE'I YANG KHA DOG DANG DBYIBS LA SOGS PA'I BDAG NYID YIN PAS, THOGS PA MED PA NYID DANG YID 'BA' ZHIG GI YUL DU 'GAL LO, ,RNAM PAR RIG BYED MA YIN PA TZAM MA GTOGS PAR YANG THOGS PA MED PA'I GZUGS GZHAN BSTAN BCOS LAS MI BSHAD PAS, DE'I PHYIR DE NYID KYANG RTOG PA TZAM NYID DO, ,GZHAN DAG NI DMUS LONG GI RMI LAM NA SNGON PO LA SOGS PA'I GZUGS MI 'DZIN PA'I PHYIR, DON MYONG BA NI RMI LAM GYI RNAM PAR SHES PA'I YUL NYID DU 'DOD DO, ,DMUS LONG GI RMI LAM NA GZUGS MI 'DZIN PA YIN TE, BRDA MI SHES PAS MING RNAM PAR MI SHES PA'I PHYIR GZHAN LA BSNYAD MI NUS SO, , @202A *, ,GAL TE YANG MYONG BA NYID RMI LAM DU MTHONG NA DE LTA NA DMUS LONG GIS KYANG GZUGS MTHONG BAR CI'I PHYIR MI 'DOD, ,DES KYANG TSE RABS SNGA MA DAG LA GZUGS DMIGS PA NYID DO, ,DE LTAR GYI TSE LA DMIGS PA NYID RMI LAM DU SNANG BA YANG MA YIN TE, 'DAS PA DANG MA 'ONGS PA DANG DA LTAR GYI 'DZIN PAR YANG RMI LAM DANG GNYID KYIS MA LOG PAR KHYAD PAR MED DO, ,DE LTA BAS NA DON MYONG BA DE NI RMI LAM GYI RNAM PAR SHES PA'I YUL LO ZHES BYA BA NI KUN RTOG PA TZAM NYID DO, ,'DAS PA YANG MED PAR YUL MED PAR RNAM PAR SHES PA NYID RMI LAM DU DON DU SNANG BA 'BYUNG BAR NGES SO, , DE LTAR RNAM PAR RIG PA TZAM DU DMIGS PAS YUL MI DMIGS PAR BSGOM MO, ,DON MI DMIGS PA LA BRTEN NAS, RNAM PAR RIG PA TZAM YANG MI DMIGS PA SKYE STE ZHES BYA BA NI, JI LTAR RNAM PAR SHES PA LAS PHYI ROL NA KUN BRTAGS PA'I GZUNG BA MED PAS RNAM PAR RIG PA TZAM NYID KYI STOBS KYIS GZUNG BA MED PAR 'JUG PA DE LTAR GZUNG BA MED PA'I STOBS KYIS RNAM PAR RIG PA TZAM YANG MED PAR KHONG DU CHUD DO, ,GZUNG BA NYID LA LTOS TE DE 'DZIN PAR RNAM PAR GZHAG PA'I PHYIR, ,GZUNG BA MED NA 'DZIN PAR MI RUNG NGO, ,DE LTAR GZUNG BA DANG 'DZIN PA KUN BRTAGS PA'I RANG GI NGO BO DAG GI MED PA'I MTSAN NYID LA 'JUG GI, ,YANG DAG PA MA YIN PA KUN RTOG PA NI MA YIN NO ZHES BSTAN PA YIN NO, ,CI'I PHYIR THOG MA NYID DU RNAM PAR RIG PA TZAM NYID MED PAR RNAM PAR MI GZHAG CE NA, 'DZIN PA NI GZUNG BA LA RAG LAS PA'I PHYIR DMIGS PAR BYA BA'I DON MED NA, DMIGS PA'I NGO BO'I DNGOS PO 'JIG PAS BDE BLAG TU 'JUG PAR 'GYUR GYI, GZHAN DU NA GZUNG BA DANG 'DZIN PA GNYIS PHAN TSUN LTOS PA MED PA'I PHYIR, DNGOS PO LA SKUR PA 'DEBS PA NYID DU 'GYUR RO, ,RGYUN MI 'CHAD PAR TSOGS RNAMS LA ZHUGS TE, BSKAL PA GRANGS MED PA DANG PO YONGS SU RDZOGS NA; GZUNG BA DANG 'DZIN PA'I RNAM PAR RTOG PA LAS 'DAS PA'I YE SHES KYIS 'DIR CHUD DE, 'DI LTAR RNAM PAR RIG PA TZAM 'DI LA BRTEN NAS, GZUGS LA SOGS PA MED PAR BSGOM PA NI 'JIG RTEN LAS 'DAS PA'I LAM GYI THOG MA'I RANG BZHIN DRO BAR GYUR PA ZHES BYA BA'I TING NGE 'DZIN @202B 'KHOR DANG BCAS PA MNGON DU 'GYUR RO, ,DE'I 'OG TU RTZE MO ZHES BYA BA'O, ,DE'I 'OG TU GZUNG BA MA LUS PAR MI DMIGS PAS 'DZIN PA MI DMIGS PA DANG MTHUN PA BZOD PA ZHES BYA BA'I TING NGE 'DZIN TO, ,DE'I 'OG TU DON MI DMIGS PA LA BRTEN TE, RNAM PAR SHES PA TZAM YANG MI DMIGS PAR BSGOM ZHING 'JIG RTEN GYI CHOS KYI MCHOG CES BYA BA SHES RAB LA SOGS PA DANG BCAS PA'I TING NGE 'DZIN 'KHOR DANG BCAS PA MNGON DU 'GYUR RO, ,DE'I 'OG TU MTHONG BA'I LAM STE, DE NYID LA YANG CHOS KYI DBYINGS KUN TU 'GRO BAR RTOG PAS SA DANG PO LA 'JUG CES BYA'O, ,'DI NI DE KHO NA YID LA BYED PA YIN GYI, TSAD MED PA LA SOGS PA BZHIN DU MOS PA YID LA BYED PA NI MA YIN TE, DMIGS PA MI DMIGS PA'I RANG BZHIN GYI PHYIR RO ZHES RAB TU BSTAN PA'I PHYIR, DE YI PHYIR NA DMIGS PA NI, ,MI DMIGS NGO BO NYID DU GRUB, ,CES BYA BA GSUNGS SO, ,YANG NA RNAM PA 'DIS SO SO RANG GIS RIG PA'I PHYIR, YANG DAG PA MA YIN PA KUN RTOG PA LA GNYIS MED DO ZHES GANG SNGAR DAM BCAS PA DE GRUB PO ZHES RAB TU BSTAN PA'I PHYIR, DE YI PHYIR NA DMIGS PA NI, ,MI DMIGS NGO BO NYID DU GRUB, ,CES BYA BA GSUNGS SO, ,DE'I PHYIR ZHES BYA BA NI, DMIGS PAR BYA BA'I DON GYI DNGOS PO MED PA'I PHYIR RO, ,DMIGS PA ZHES BYA BA NI DNGOS PO DANG BYED PA PO DANG BYED PA GANG YANG RUNG BA ZHIG TU BRTAG GRANG NA, LAS MED PAS DE GSUM CHAR YANG MI RUNG STE, DE'I PHYIR DMIGS PA MI DMIGS PA'I NGO BO NYID DU GRUB PO, ,DE NYID KYI PHYIR 'GREL PA MDZAD PAS DMIGS PAR BYA BA'I DON MED NA DMIGS PAR MI RUNG BA'I PHYIR RO ZHES BYA BA SMOS SO, ,DE LTA BAS NA DMIGS PA DANG MI DMIGS PA MNYAM PAR SHES PAR BYA, 'DI LTAR DMIGS PA NI MI DMIGS PA'I NGO BO NYID DU GYUR TE, DE'I PHYIR MNYAM MO, ,DON MI DMIGS PA DANG RNAM PAR RIG PA TZAM DU DMIGS PA YANG MED PAR BYE BRAG MED PA'I PHYIR MTSUNGS PA NYID DU SHES PAR BYA'O, ,DMIGS PA DANG MI DMIGS PA'I SGRA DAG PHAN TSUN 'GAL BA BSAL BA'I PHYIR, YANG DAG PA MA YIN PA'I DON DU SNANG BAS DMIGS PA ZHES BYA'O ZHES BYA BA SMOS TE, DON MED PAS 'DIS NI CI YANG MI @203A *, ,DMIGS SO, ,DE'I PHYIR DON DAM PAR MI DMIGS PA'I NGO BO NYID KYANG YIN PAS 'GAL BA MED DO, ,GZHAN DAG NA RE BYIS PA RNAMS DON MED PA LA DON DU DMIGS PA GANG YIN PA DANG, 'PHAGS PA RNAMS DON MI DMIGS PA GANG YIN PA DE GNYIS MTSAN NYID MTSUNGS PAS MNYAM PAR SHES PAR BYA STE, SBRUL DU 'KHRUL PA MI DMIGS PA BZHIN NO, ,DE NYID KYI PHYIR SBRUL DU 'KHRUL PA MI DMIGS PAR BSHAD PA BZHIN DU, MI DMIGS PA'I NGO BO NYID YIN YANG, YANG DAG PA MA YIN PA'I DON DU SNANG BA'I PHYIR DMIGS PA ZHES BSHAD DO ZHES ZER RO, ,GZHAN DAG NA RE BYIS PA RNAMS KYIS 'DZIN PAR DMIGS PA GANG YIN PA DANG, DON MED PA'I PHYIR 'PHAGS PA RNAMS KYIS 'DZIN PA MI DMIGS PA GANG YIN PA DANG, DMIGS PA DANG MI DMIGS PA DE GNYIS NI GNYI GA YANG GZUNG BA MED NA, 'DZIN PA MED PAR BYE BRAG MED PA'I PHYIR MNYAM PAR SHES PAR BYA STE, DE'I PHYIR YANG DAG PA MA YIN PA'I DON DU SNANG BAS ZHES RGYA CHER SMOS SO ZHE'O, ,YANG KHA CIG SEMS PA SGRO 'DOGS PA DANG, SKUR PA 'DEBS PA'I GNYEN POR DE LTA BAS NA DMIGS PA DANG, MI DMIGS MNYAM PAR SHES PAR BYA, ,ZHES GSUNGS SO SNYAM STE, DON MED PA'I PHYIR DMIGS PA NI DMIGS PA'I RANG BZHIN DU MED PAS, NGO BO NYID KYIS DE MED PA ZHES BYA STE, DMIGS PA LA DMIGS PA'I RANG BZHIN BSAL BAR BYA BA'AM, MI DMIGS PA'I RANG BZHIN YANG GZHAG PAR BYA BA MED DE, DE GNYIS KA YANG RNAM PAR BRTAG TU MED PAS MNYAM PA NYID DO; ,DE LTA BAS NA SGRO 'DOGS PA DANG SKUR PA 'DEBS PA LA MI LTOS PAR DMIGS PA DANG, MI DMIGS PA GNYIS SO SO RANG GIS MNYAM PA NYID DU SHES PAR BYA'O, ,SMRAS PA, 'DI LAS BSAL BYA GANG YANG MED, ,GZHAG PAR BYA BA'ANG CI YANG MED, ,YANG DAG NYID LA YANG NGAG LTA, YANG DAG MTHONG BA RNAM PAR GROL, ,GAL TE DE LTA NA CI'I PHYIR RNAM PAR RIG PA TZAM LA DMIGS PA ZHES BYA ZHE NA, MI DMIGS PA'I RANG BZHIN YIN YANG, YANG DAG PA MA YIN PA'I DON DU SNANG BAS, 'JIG RTEN DANG BSTAN BCOS LAS KYANG DE BZHIN DU GRAGS PA'I PHYIR RO, ,RAB TU DBYE BA'I @203B MTSAN NYID STON TE ZHES BYA BA LA, 'DOD PA DANG GZUGS DANG GZUGS MED PA'I KHAMS KYI BDAG NYID NI YANG DAG PA MA YIN PA KUN RTOG PA'I RAB TU DBYE BA STE, RNAM PA THA DAD PA NYID DO, ,RAB TU DBYE BA NYID MTSAN NYID YIN PAS, RAB TU DBYE BA'I MTSAN NYID DE, RAB TU DBYE BA 'DIS YANG DAG PA MA YIN PA KUN RTOG PA MTSON PA'I PHYIR RO, ,RAB TU DBYE BA'I MTSAN NYID KYANG CI'I PHYIR BSHAD CE NA, YANG DAG PA MA YIN PA KUN RTOG PA TZAM LA 'DOD PA DANG, GZUGS KYI KHAMS MI RIGS TE, KHAMS THA DAD PAS MI MTHUN PA'I PHYOGS DANG GNYEN PO THA DAD PA'I PHYIR 'PHAGS PA'I GANG ZAG LA SOGS PAR THA DAD PA GANG YIN PA DE THOB PAR MI 'GYUR TE, DE BAS NA BSTAN PA LA NYES PA CHEN POR 'GYUR RO SNYAM PA'I DOGS BA BSAL BA'I PHYIR RAB TU DBYE BA'I MTSAN NYID BSHAD DO, ,YANG NA, GANG RTOG PA DANG DPYOD PA YOD PA DE NYID NA, YANG DAG PA MA YIN PA KUN RTOG PA YOD KYI GZHAN NI MA YIN NO SNYAM STE, DE BAS NA DE BSAL BA'I PHYIR, YANG DAG MA YIN KUN RTOG NI, ,SEMS DANG SEMS BYUNG KHAMS GSUM PA, ,ZHES RAB TU DBYE BA'I MTSAN NYID BRJOD DE GANG NA RTOG PA DANG DPYOD PA YOD PA NYI TSE LA NI MA YIN NO, ,DPER NA GZUGS NI 'BYUNG BA RNAMS DANG 'BYUNG BA LAS GYUR PA YIN PA BZHIN DU, YANG DAG PA MA YIN PA KUN RTOG PA YANG SEMS DANG SEMS LAS BYUNG BA YIN GYI, SEMS 'BA' ZHIG NI MA YIN NO, ,DE DAG KYANG KHAMS GSUM PA'I NGO BO NYID DE, 'DOD PA DANG GZUGS DANG GZUGS MED PA NA SPYOD PA THA DAD PAS KHAMS GSUM PA RNAMS SO, , DE LA YANG DAG PA MA YIN PA KUN TU RTOG PA DE LAS SEMS CAN DMYAL BA LA SOGS PA'I RNAM PA NYI SHU GANG DAG 'BYUNG BA DE NI 'DOD PA'I KHAMS SO, ,TSANGS RIGS LA SOGS PA'I RNAM PA BCU BDUN GANG YIN PA DE DAG NI GZUGS KYI KHAMS SO, ,NAM MKHA' MTHA' YAS LA SOGS PA'I RNAM PA BZHI PO GANG YIN PA DE DAG NI GZUGS MED PA'I KHAMS SO, ,GZHAN NA RE 'DOD PA LA 'DOD CHAGS MA SPANGS PA DANG GZUGS KYI 'DU SHES DANG MA BRAL BA RNAMS NI 'DOD PA NA SPYOD PA'O, ,'DOD PA LA 'DOD CHAGS SPANGS LA GZUGS KYI 'DU SHES DANG MA BRAL BA RNAMS NI @204A *, ,GZUGS KYI KHAMS SO, ,'DOD PA DANG GZUGS LA 'DOD CHAGS SPANGS SHING GZUGS KYI 'DU SHES DANG YANG BRAL BA RNAMS NI GZUGS MED PA NA SPYOD PA'O ZHES ZER RO, ,GZHAN DAG NI 'DOD PA LA 'DOD CHAGS RGYAS PAR GYUR PA RNAMS NI 'DOD PA'I KHAMS SO,, ,, GZUGS LA 'DOD CHAGS RGYAS PAR GYUR PA RNAMS NI GZUGS KYI KHAMS SO, ,GZUGS MED PA LA 'DOD CHAGS RGYAS PAR GYUR PA RNAMS NI, GZUGS MED PA'I KHAMS SO ZHES SMRA'O, ,KHA CIG NI RTAG TU G-YENG BA DANG SEMS LAS BYUNG BA'I SDUG BSNGAL GYI RNAM PA'I GNAS SU GYUR PA RNAMS NI 'DOD PA'I KHAMS SO, ,MNYAM PAR GZHAG PA LA SEMS LAS BYUNG BA'I SDUG BSNGAL GYI RNAM PA DANG BRAL BA RNAMS NI GZUGS KYI KHAMS SO, ,MNYAM PAR GZHAG LA BDE BA DANG SDUG BSNGAL GYI RNAM PA SPANGS PA RNAMS NI, GZUGS MED PA'I KHAMS SO ZHES SMRA'O,, KHA CIG NI DRI DANG RO DANG DE DAG TU SNANG BA'I RNAM PAR SHES PA MA SPANGS PA RNAMS NI 'DOD PA'I KHAMS SO, ,DRI DANG RO DANG DE DAG TU SNANG BA'I RNAM PAR SHES PA SPANGS PA RNAMS NI GZUGS KYI KHAMS SO, ,KHAMS BCO LNGAR SNANG BA SPANGS PA RNAMS NI GZUGS MED PA'I KHAMS SO ZHES SMRA'O, , BSHAD PA DE DAG THAMS CAD LA DE DAG GANG YIN ZHE NA, THOG MAR BSHAD PA LAS BRJOD PA NYID BSHAD PAR BYA BA STE, DE LTAR NA BSHAD PA 'DI DAG NI LTOS PA DANG BCAS PA NYID DO, ,YANG DAG PA MA YIN PA KUN RTOG PA'I SKABS YIN BZHIN DU YANG, YANG DAG PA MA YIN PA KUN RTOG PA SMOS PA NI MI DMIGS PAS BAR DU BCAD PA'I PHYIR RO, ,RNAM GRANGS KYI MTSAN NYID KYANG STON TE ZHES BYA BA NI, SEMS DANG SEMS LAS BYUNG BA RNAMS KYI BYE BRAG RAB TU BSTAN PAS, YANG DAG PA MA YIN PA KUN RTOG PA'I RNAM GRANGS KYI MTSAN NYID KYANG STON TO, ,JI LTA ZHE NA, SEMS DANG SEMS LAS BYUNG BA RNAMS YANG DAG PA MA YI PA KUN RTOG PA'I DNGOS PO'I RANG BZHIN DANG, KHYAD PAR LA RTOG PAR ZHUGS PA'I PHYIR RO, ,DON GYI RANG GI NGO BO DANG BYE BRAG MTHONG BA SEMS DANG SEMS LAS BYUNG BA RNAMS DANG, YANG DAG PA MA YIN PA KUN RTOG PA ZHES BYA BA NI RNAM GRANGS SU GTOGS PA @204B STE; DON LA NI KHYAD PAR MED DO, ,DE LA DON TZAM MTHONG BA NI RNAM PAR SHES PA'O ZHES BYA BA LA TZAM ZHES BYA BA'I SGRA NI, KHYAD PAR SEL BA'I PHYIR TE KHYAD PAR MI 'DZIN GYI DNGOS PO'I RANG GI NGO BO TZAM DMIGS SO ZHES BYA BA'I THA TSIG GO, ,DON GYI KHYAD PAR MTHONG BA NI SEMS LAS BYUNG BA RNAMS TE TSOR BA LA SOGS PA'O ZHES BYA BA NI KHYAD PAR GYI NGO BO DE DANG DES DER MNGON PAR 'JUG PA'I PHYIR RO, ,DE LA GANG DNGOS PO DE'I KHYAD PAR SIM PA DANG, GDUNG BA NYID YID BDE BA LA SOGS PA'I GNAS PA GANG YIN PA DE 'DZIN PA NI TSOR BA'O, ,BUD MED DANG SKYES PA LA SOGS PAR THA SNYAD GDAGS PA'I MTSAN MA DON GYI KHYAD PAR GANG YIN PA DE 'DZIN PA NI 'DU SHES SO, ,DE BZHIN DU GZHAN YANG CI RIGS SU SBYAR BAR BYA'O, ,DE LTAR DE DAG KYANG GNAS PA DANG DMIGS PA DANG, DUS DANG RDZAS MTSUNGS PA NYID KYIS MTSUNGS PAR LDAN PA YIN GYI, RNAM PAR SHES PA DANG KHYAD PAR MED PAR THAL BAR 'GYUR BAS RNAM PAR MTSUNGS PAS NI MA YIN NO, ,KHA CIG NI 'DIR SEMS KYI BYE BRAG NYID SEMS LAS BYUNG BAR DGONGS PAR SHES TE, RMA BYA'I MDONGS LTAR RNAM PAR SHES PA DE NYID, DE LTA BU'I NGO BO LA SOGS PAR SNANG BA SNA TSOGS SU 'BYUNG NGO ZHE'O, ,JI LTAR NA GCIG PU YANG YIN LA SNA TSOGS KYANG YIN, GCIG PU DU MA'I NGO BO NYID DU 'GYUR DU 'ONG ZHES, 'JIG RTEN NI GCIG LA MI MTHUN PA'I MTSAN NYID SNA TSOGS SU MI 'DOD DO ZHE NA, GAL TE CHOS KYI NGO BO NYID YONGS SU GRUB PAR GYUR NA NI, 'DI YANG NYES PAR 'GYUR RO, ,NOR PA TZAM LA NI NYES PA 'DI MED DE, DE BZHIN MA YIN YE MED MIN, ,ZHES BSHAD PA'I PHYIR RO, ,DE NI DE LTA MA YIN TE, MDO LAS TSOR BA GANG YIN PA DANG, 'DU SHES GANG YIN PA DANG, SEMS GANG YIN PA DANG, RNAM PAR SHES PA GANG YIN PA STE CHOS 'DI RNAMS NI 'DRES PA STE, MA YIN NO ZHES 'BYUNG BA DANG 'GAL BA'I PHYIR RO, ,'DRES PA ZHES BYA BA NI YOD PA RNAMS CIG CAR PHRAD PAR 'GYUR BA LA BYA'O, ,GANG CHOS KYI NGO BO NYID YONGS SU MA GRUB PAR 'DOD PA DE LA, MDO DE NI DON 'DIR KHUNGS SU MI RUNG NGO, ,YANG DAG PA MA YIN PA KUN RTOG PA TZAM DU ZAD LA GZHAN YANG MED PAS RGYU DANG 'BRAS BU RAB TU DBYE BA RNAM PAR MI SHES PAS @205A *, ,DE RAB TU BSTAN PA'I PHYIR 'JUG PA'I MTSAN NYID KYANG STON TE, 'DIS YANG DAG PA MA YIN PA KUN RTOG PA RGYU DANG 'BRAS BU'I DNGOS POR MTSON PA'O, ,'JUG PA NYID MTSAN NYID YIN PAS 'JUG PA'I MTSAN NYID DE, 'JUG PA YANG RNAM PA GNYIS SO, ,SKAD CIG BRGYUD MAR 'JUG PA STE, DE'I DBANG GIS DA LTAR BYUNG BA'I NYE BAR SPYOD PA'I KUN NAS NYON MONGS PA DANG, TSE RABS GZHAN DU 'JUG STE, DE'I DBANG GIS TSE PHYI MA'I NYON MONGS PA DANG LAS DANG TSE'I KUN NAS NYON MONGS PA'O, ,'DIR NI SKAD CIG BRGYUD MAR 'JUG PA 'JUG PA'I MTSAN NYID DU BSHAD PA'O, ,TSE RABS GZHAN DU 'JUG PA NI KUN NAS NYON MONGS PA'I MTSAN NYID DU 'OG NAS 'CHAD DO, ,GCIG NI RKYEN GYI RNAM PAR SHES, ,ZHES RGYA CHER 'BYUNG BA DE LA, GCIG CES BYA BA DE NI KUN GZHI RNAM PAR SHES PA STE, RNAM PAR SHES PA LHAG MA BDUN RNAMS KYI RGYU'I RKYEN GYI DNGOS PO'I RGYU YIN PAS RKYEN GYI RNAM PAR SHES PA'O, ,GNYIS PA NYE BAR SPYOD PA CAN ZHES BYA BA NI, RNAM PAR SHES PA ZHES BYA BAR SNYEGS TE, DE'I 'BRAS BU ZHES BYA BA TSIG GI LHAG MA'O, ,DE YANG RNAM PA BDUN NO, ,NYE BAR SPYOD PA NI 'JUG PA'I RNAM PAR SHES PA'I DGOS PA YIN PAS NYE BAR SPYOD PA CAN NO, ,RNAM PAR SHES PA DE LA SEMS LAS BYUNG BA NYE BAR SPYOD PA DANG, YONGS SU GCOD PA DANG 'JUG PAR BYED PA GANG YIN PA DAG KYANG DE'I 'BRAS BU ZHES BYA BAR SBYAR TE, RNAM PAR SHES PA DANG, GRUB PA DANG BDE BA GCIG PA'I PHYIR RO, ,KUN GZHI RNAM PAR SHES PA NI RNAM PAR SHES PA GZHAN DAG NI RGYU'I RKYEN YIN PAS RKYEN GYI RNAM PAR SHES PA'O ZHES BYA BA LA, ZAG PA DANG BCAS PA'I CHOS THAMS CAD DER 'BRAS BU'I DNGOS POR SBYOR BA DANG, DE YANG DE DAG LA RGYU'I DNGOS POR SBYOR BAS KUN GZHI'O, ,SEMS CAN DANG SNOD KYI 'JIG RTEN DE LTAR SNANG BAS RNAM PAR RIG PAR BYED PA'I PHYIR RNAM PAR SHES PA'O, ,DE YANG CIG TU RNAM PAR SMIN PAS LUNG DU MA BSTAN PA NYID DO, ,ZAG PA DANG BCAS PA'I CHOS THAMS CAD KYI SA BON RJES SU 'BREL BA DANG, 'JUG PA NI RNAM PAR SHES PA GZHAN DAG GI RGYU'I RKYEN YIN PAS RKYEN GYI RNAM PAR SHES PA'O, ,DE LAS BYUNG BA 'JUG PA'I RNAM PAR SHES PA NI NYE BAR SPYOD PA CAN NO ZHES BYA BA NI, @205B KUN GZHI RNAM PAR SHES PA DE LAS BYUNG BA STE, DE'I RKYEN GYIS SKYE ZHES BYA BA'I THA TSIG GO, ,JI LTAR 'BYUNG ZHE NA, 'JUG PA'I RNAM PAR SHES PA 'BYUNG BA NA DE DANG RIGS GCIG PA 'JUG PA'I RNAM PAR SHES PA MA BYUNG BA 'BYUNG BAR BYED PA'I SA BON KUN GZHI RNAM PAR SHES PA LA BRTAS PAR BYED DE, SA BON BRTAS NAS 'GYUR BA'I BYE BRAG RNYED PA DE LAS YANG DE DANG RIGS GCIG LA 'JUG PA'I RNAM PAR SHES PA 'BYUNG STE, DE LTAR NA DE'I RKYEN GYIS 'JUG PA'I RNAM PAR SHES PAR 'GYUR RO, ,BDE BA YANG MA YIN SDUG BSNGAL BA YANG MA YIN PA'I TSOR BA'I NYE BAR SPYOD PA'I GNAS SU GYUR PA DANG, KUN KUN GZHI RNAM PAR SHES PA LA BAG CHAGS BSGO BA'I PHYIR, KUN GZHI'I RNAM PAR SHES PA YANG NYE BAR SPYOD PA CAN DU 'GYUR LA, 'JUG PA'I RNAM PAR SHES PA YANG RKYEN GYI RNAM PAR SHES PAR 'GYUR BAR THAL BAR MI 'GYUR RAM, RKYEN GYI DNGOS PO MA GTOGS PAR BAG CHAGS BSGO BA GZHAN MED DE, CHOS MNGON PA'I MDO LAS TSIGS SU BCAD PA LAS JI SKAD DU, PHAN TSUN 'BRAS BU'I DNGOS PO DANG, ,RGYU YI DNGOS POR RTOG TU YANG, ,RNAM PAR SHES LA CHOS KUN SBYOR, ,DE YANG DE BZHIN DE DAG LA'O, ,ZHES GSUNGS PA LTA BU'O ZHE NA, THAL BR MI 'GYUR TE CI'I PHYIR ZHE NA, DE'I TSOR BA SHES PAR DKA' BAS 'JUG PA'I RNAM PAR SHES PA BZHIN DU NYE BAR SPYOD PA CAN DU MI SHES SOS, ,YANG NA NYI MA LTAR KHYAD ZHUGS PAR SHES PAR BYA STE, 'DI LTAR NYES PAR SPYOD PA TSOR BA RNA PA GSUM PO'I GNAS NI 'JUG PA'I RNAM PAR SHES PA NYID YIN GYI, KUN GZHI RNAM PAR SHES PA NI MA YIN NO; ,'DIR NI RGYU'I RKYEN DU 'DOD KYI RKYEN TZAM DU NI MA YIN TE, 'DI LTAR KUN GZHI RNAM PAR SHES PA NI DGE BA DANG MI DGE BA'I CHOS KYI DBANG GIS RNAM PAR SMIN PA DANG, RGYU MTHUN PA'I 'BRAS BU'I BAG CHAGS DANG, LUNG DU MA BSTAN PA'I CHOS KYI DBANG GIS RGYU MTHUN PA'I 'BRAS BU'I BAG CHAGS YONGS SU 'DZIN TO, ,DE'I PHYIR KUN GZHI RNAM PAR SHES PA NI ZAG PA DANG BCAS PA'I CHOS MA LUS PA RNAMS KYI RGYU'I RKYEN TO, ,'JUG PA'I RNAM PAR SHES PA NI KUN GZHI RNAM PAR SHES PA'I BDAG PO'I RKYEN TE, RGYU'I RKYEN MA YIN PAS 'JUG PA'I RNAM PAR SHES PA'I RKYEN DU @206A *, ,THAL BAR 'GYUR BA MED DO, ,NYE BAR SPYOD PA NI TSOR BA'O ZHES BYA BA LA, RNAM PA GSUM CHAR YANG NYE BAR SPYOD PAS NYE BAR SPYOD PA STE, MYONG BAR BYED CES BYA BA'I THA TSIG GO, ,SRID PA'I RO BRO BA'I SNYING PO 'DRA BA NI TSOR BA STE, DE'I PHYIR BYIS PA RNAMS DE KUN TU MYONG BAR BYA BA'I PHYIR YUL RNAMS LA CHAGS SO, ,KHA CIG NA RE TSOR BA 'BA' ZHIG TU MA ZAD KYI DON LA DMIGS PA YANG NYE BAR SPYOD PA ZHES BYA'O ZHES ZER TE, BSHAD PA LAS NYE BAR SPYOD PA NI TSOR BA ZHES 'BYUNG BA DANG 'GAL BAS DE NI MA YIN NO, ,DON LA DMIGS PA NI RNAM PAR SHES PA LAS GZHAN MA YIN PAS DE SEMS LAS BYUNG BAR MI RUNG NGO, ,BDE BA LA SOGS PA'I BYE BRAG 'DZIN PA'I BDAG NYID KYI PHYIR TSOR BA YONGS SU SPYOD PA NI 'DU SHES NYE BAR SPYOD PA DANG, 'DU SHES LA RNAM PAR SHES PA 'JUG PAR BYED PA DAG NI 'DU BYED RNAMS TE, SEMS PA DANG YID LA BYED PA LA SOGS PA'O, ,YANG NA NYE BAR SPYOD PA NI TSOR BA'O ZHES BYA BA NI, RANG GI DMIGS PA JI LTA BA BZHIN DU MYONG BA 'AM, BDE BA LA SOGS PA MYONG BAR 'GYUR BA'I LAS MYONG BA'I PHYIR RO, ,DE LTAR YUL DANG LAS LA SPYOD PA NI TSOR BA STE, DE'I PHYIR NYE BAR SPYOD PA ZHES BYA'O, ,YUL GYI DON RTAGS THA SNYAD KYI MTSAN MA YONGS SU GCOD PAR BYED PAS YONGS GCOD NI 'DU SHES SO, ,RNAM PAR SHES PA DMIGS PA GZHAN LA 'JUG PAR BYED PA DAG NI 'DU BYED RNAMS TE, DE LTAR NA SEMS PA LA SOGS PA'I DBANG GIS RNAM PAR SHES PA DMIGS PA GZHAN LA BRTEN TO, ,SOGS PA'I SGRAS NI 'DUN PA LA SOGS PA BSDU'O, ,GANG NAS CI 'DRA GANG GI PHYIR 'JUG PA NI BSHAD ZIN TO, ,KUN NAS NYON MONGS PA'I MTSAN NYID KYANG STON TO ZHES BYA BA NI NYON MONGS PA DANG LAS DANG TSE'I KUN NAS NYON MONGS PA RNAMS JI LTAR 'BYUNG BA NA, 'GRO BA YONGS SU NYON MONGS PAR 'GYUR BA DE NI KUN NAS NYON MONGS PA'I MTSAN NYID DO, ,DE NI BDAG MED PAR YANG YANG DAG PA MA YIN PA KUN RTOG PA TZAM LAS 'KHOR BA RGYAS PAR 'GYUR BA, RAB TU BSTAN PA'I PHYIR BSHAD DE, SGRIB PA'I PHYIR DANG 'DEBS PA'I PHYIR, ,KHRID PA'I PHYIR DANG KUN 'DZIN PHYIR, ,ZHES RGYA CHER GSUNGS SO, ,RTEN CING 'BREL BAR @206B 'BYUNG BA YAN LAG BCU GNYIS PA 'DI YANG 'JUG PA'I PHYOGS KYI DBANG DU MDZAD DO, ,DE LA SGRIB PA'I PHYIR TE, 'GRO BA NYON MONGS PAR BYED DO ZHES THA MAR SMOS PA NI THAMS CAD DANG SBYAR RO, ,GANG GIS SGRIB PA JI LTAR SGRIB PA'I PHYIR NYON MONGS PAR BYED CE NA, DE'I PHYIR MA RIG PAS YANG DAG PA JI LTA BA BZHIN DU MTHONG BA LA BGEGS BYED PA'I PHYIR RO ZHES BYA BA SMOS SO, ,MA RIG PA NI MI MTHONG BA'I BDAG NYID YIN PAS YANG DAG PA MTHONG BA'I YUL LA RAB TU SGRIB PA'I PHYIR, YANG DAG PA MTHONG BA MI SKYE STE, DE'I PHYIR YANG DAG PA MTHONG BA SKYE BA LA BGEGS BYED PAS MA RIG PA NI YANG DAG PA MTHONG BA LA BGEGS BYED PA'O, ,YANG DAG PA MTHONG BA YANG DNGOS SU NI 'JIG RTEN LAS 'DAS PA'I SHES RAB PO, ,DE'I RJES LAS BYUNG BA'I PHYIR DE'I RJES LAS THOB PA DANG, DE'I RTOGS PA'I PHYIR DE SBYONG BAR BYED PA THOS PA DANG, SEMS PA DANG BSGOM PA LAS BYUNG BA YANG YANG DAG PA MTHONG BA ZHES BYA'O, ,YANG DAG PA MTHONG BA'I BGEGS SU GYUR PAS, MA RIG PA NI 'DU BYED RNAMS KYI RKYEN ZHES BYA STE, DE LTAR SGRIB PA'I PHYIR MA RIG PAS 'GRO BA NYON MONGS PAR BYED DO, ,'DEBS PA'I PHYIR ZHES BYA BA YANG 'GRO BA NYON MONGS PAR BYED CES BYA BA DANG SBYAR RO, ,GANG GIS GANG DU CI 'DEBS SHE NA; DE'I PHYIR 'DU BYED RNAMS KYIS RNAM PAR SHES PA LA LAS KYI BAG CHAGS ZHES BYA BA SMOS SO, ,DE LA 'DU BYED RNAMS NI LUS DANG NGAG DANG YID KYI LAS BSOD NAMS DANG, BSOD NAMS MA YIN PA DANG, MI G-YO BA'I NGO BO NYID GANG YIN PA'O, ,DE NI YANG SRID PA MNGON PAR 'DU BYED PAS 'DU BYED DE, MA BTAB PA 'DEBS ZHES BYA BA'I THA TSIG GO, ,DE NYDI DU 'DU BYED KYI SGRAR BSHAD KYI THAMS CAD NI MA YIN NO, ,DE YANG MA RIG PA'I DBANG GIS YANG SRID PA 'DEBS NUS PAR 'GYUR GYI, YOD PA TZAM GYIS NI MA YIN PAS, MA RIG PA'I RKYEN GYIS 'DU BYED RNAMS ZHES BYA STE, 'DI LTAR MA RIG PA MA SKYES NA DE DAG YANG SRID PA 'DU BYED KYI, RIG PA SKYES NA NI MA YIN NO, ,BDAG PO TZAM GYIS NI MA RIG PA 'DU BYED KYI RKYEN ZHES MI BYA'I, ,SPYI'I RKYEN YIN PAS KUN NAS 'BYUNG BA NA YANG YIN TE, 'DI LTAR MA RIG PA NI NYON MONGS PA THAMS CAD DANG MTSUNGS PAR LDAN PA'I PHYIR, JI LTAR NYON @207A *, ,MONGS PA KUN NAS 'BYUNG BA RNAMS KYI SPYI'I RKYEN YIN PA DE BZHIN DU DE LAS BYUNG BA'I SEMS PA RNAMS KYI YANG YIN NO, ,BSOD NAMS KYI 'DU BYED SRID PA DANG LONGS SPYOD BYE BRAG CAN LA SMON PA'I RJES SU 'GRO BA RNAMS KYI YANG YIN TE, KUN NAS 'BYUNG BA NI DE DANG LHAN CIG 'BYUNG BA'I MA RIG PA NI SPYI'I RKYEN YIN NO, ,MI G-YO BA DE LA NGES PAR 'BYUNG BAR LTA BA KUN 'BYUNG BA RNAMS KYI YANG YIN TE, DE DANG LHAN CIG 'BYUNG BA'I MA RIG PA NI SPYI'I RKYEN YIN PAS, 'DU BYED KYI RKYEN ZHES BSHAD DO, ,RNAM PAR SHES PA LA ZHES BYA BA NI, 'DIR KUN GZHI RNAM PAR SHES PA LA DGONGS PA YIN GYI, 'JUG PA'I RNAM PAR SHES PA NI MA YIN TE, RGYUN CHAD PA DANG 'JUG PA'I RNAM PAR SHES PAS SKYE BA'I GNAS SU KHRID MI SRID PA DANG, DGE BA DANG NYON MONGS PA CAN GNYIS 'GROGS MI SRID PAS, 'DU BYED RNAMS KYIS DE LA LAS KYI BAG CHAGS GZHOM MI SRID PA'I PHYIR RO, ,LAS KYI BAG CHAGS ZHES BYA BA LA LAS KYI BAG CHAGS ZHES BYA BA 'DI GANG YIN ZHE NA, MA 'ONGS PA'I SA BON TE RGYU'I DNGOS PO'O, ,DPER NA 'BRU'I 'BRAS BU SA DANG THAL BA DANG, LUNG LA SOGS PA RKYEN GYI BYE BRAG LA LTOS TE, 'GYUR BA LAS MYU GU 'BYUNG BA'I RGYU'I DNGOS PO NI SA BON ZHES BYA BA LTA BU'O, ,'JOG PA'I PHYIR ZHES BYA BA NI 'DEBS PA NYID KYI RNAM GRANGS GZHAN BSHAD PA'O, ,'JOG PA YANG RNAM PAR SHES PA'I RGYUD 'DI LA DES THOG MA KHO NA'I SA BON DE RGYAS PAR BYED PA YIN TE, ZAG PA MED PA'I LTAR ZAG PA DANG BCAS PA'I CHOS NI 'GA' TZAM GYIS KYANG SA BON SNGON MA BSKYED PA MED DE, 'DI LTAR 'DU BYED RNAMS KYIS RNAM PAR SHES PA LA YANG SRID PA'I SA BON SKYED PA'I PHYIR 'GRO BA NYON MONGS PAR BYED DO, ,KHRID PA'I PHYIR 'GRO BA NYON MONGS PAR BYED DO ZHES BYA BA GANG GIS GANG DU GANG KHRID PA MI SHES NAS, DE'I PHYIR RNAM PAR SHES PAS SKYE BA'I GNAS SU PHYIN PAR BYED PA'I PHYIR RO ZHES BYA BA SMOS SO, ,LAS KYIS YONGS SU BSGOS PA'I RNAM PAR SHES PA RGYUN CHAGS SU 'JUG PAS 'CHI'O, ,GNAS NAS SKYE BA'I GNAS SU YANG SRID PA'I SA BON DU GYUR BA'I BAG CHAGS PHYIN PAR BYED, KHRID PAR BYED DO, ,DE LTAR BYAS NA NYID MTSAMS SBYOR BA'I RNAM @207B PAR SHES PA'I RKYEN NI 'DU BYED MA YIN GYI, SNGON GYI DUS KYI SRID PA'I RNAM PAR SHES PA NYID KYI RKYEN 'DU BYED YIN PAR RAB TU BSTAN PA YIN TE, RGYU ZHIG PA LAS 'BRAS BU 'BYUNG BAR MI RUNG NGO, ,GZUGS MED PA'I SNYOMS PAR 'JUG PA RNYED PA RNAMS NI GANG SHI BA DE NYID DU SKYE BAS GZUGS MED PA RNAMS SU JI LTAR SKYE BA'I GNAS SU PHYIN PAR BYED CE NA, DE NI CI RIGS PAR SHES PAR BYA STE, MING DANG GZUGS BZHIN NO, ,KUN 'DZIN PHYIR 'GRO BA NYON MONGS PAR BYED DO ZHES BYA BA GANG GIS GANG DU GANG YONGS SU 'DZIN ZHE NA, DE'I PHYIR MING DANG GZUGS KYI LUS SO ZHES BYA BA SMOS TE, MING DANG GZUGS NI PHUNG PO LNGA'O, ,DE DAG KYANG NYING MTSAMS SBYOR BA NAS BZUNG STE, NUR NUR PO DANG MER MER PO DANG, NAR NAR PO DANG GOR GOR PO DANG, RKANG LAG 'GYUS PA'I DUS DANG, SKYE MCHED DRUG MA DOD KYI BAR DU RNAM PAR SHES PA'I RKYEN GYIS MING DANG GZUGS ZHES BYA STE, 'DI LTAR DE LA BSGOS PA'I BYE BRAG GIS RIGS MTHUN PA GZHAN DAG TU DE BYE BRAG CAN DU GRUB PO, ,DE SKYES NAS KYANG MI DANG DUD 'GRO LA SOGS PA'I RIGS MTHUN PA THA DAD PA'I PHYIR LUS KYANG THA DAD PAS MING DANG GZUGS KYIS LUS YONGS SU 'DZIN ZHES BYA'O, ,YANG NA 'CHI BA LA THUG GI BAR DU LUS THAMS CAD YONGS SU 'DZIN PA STE, DE THOG MA KHO NAR THAMS CAD KYI RGYU'I DNGOS POR RNAM PAR GNAS PA'I PHYIR, ,YANG NA DBYER MED KYANG MING GZUGS KYIS LUS YONGS SU 'DZIN TO ZHES 'DI THA DAD PAR STON TO, ,DEPR NA 'DUS BYAS THAMS CAD PHUNG PO LNGA RNAMS KYIS KUN BSDUS SO ZHES BYA BA LTA BU'O, ,RDZUS TE SKYE BA RNAMS NI RNAM PAR SHES PA'I RKYEN GYIS SKYE MCHED DRUG NYID DO, ,DE'I PHYIR RNAM PAR SHES PA'I RKYEN GYIS MING DANG GZUGS CI RIGS PAR SHES PAR BYA'O, ,RDZOGS BYED PHYIR 'GRO BA NYON MONGS PAR BYED DO ZHES BYA BA GANG GIS GANG DU GANG RDZOGS PAR BYED PA'I PHYIR ZHE NA, SKYE MCHED DRUG GIS MING DANG GZUGS SU BSDUS PA'I LUS TE 'DI LTAR MING DANG GZUGS KYI TSE NI, MIG LA SOGS PA'I SKYE MCHED MED PA'I PHYIR LUS MA RDZOGS PA ZHES BYA'O, ,DE'I TSE NA LUS KYI SKYE MCHED DANG YID KYI SKYE MCHED YOD MOD KYI 'ON KYANG BRTEN PA DANG, GNAS YONGS SU RDZOGS PAR MED @208A *, ,BA'I PHYIR YONGS SU MA RDZOGS PA NYID DO, ,SKYE MCHED DRUG GI DUS NA NI MIG LA SOGS PA MNGON PAR GRUB PAS GNAS YONGS SU RDZOGS PA YIN NO, ,MIG LA SOGS PA DE LA BRTEN PA RNAMS YONGS SU RDZOGS PAS LUS KYI SKYE MCHED KYANG YONGS SU RDZOGS PA YIN NO, ,JI LTAR MIG LA SOGS PA LA BRTEN ZHE NA DE LA RAG LAS TE 'BYUNG BA'I PHYIR RO, ,YID KYI SKYE MCHED NI RNAM PAR SHES PA DRUG GIS BSDUS PA STE, DE'I TSE GNAS MA LUS PAR YONGS SU RDZOGS PA'I PHYIR YONGS SU RDZOGS PA YIN NO, ,YAN LAG DANG NYID LAG YONGS SU RDZOGS PA'I PHYIR SKYE MCHED DRUG GI DUS NYID NA, GNAS YONGS SU RDZOGS PAS SKYE MCHED DRUG GIS 'GRO BA NYON MONGS PAR BYED CES BYA'O, ,GSUM GCOD PHYIR 'GRO BA NYON MONGS PAR BYED DO ZHES BYA BA DANG SBYAR RO, ,GSUM NI DBANG PO DANG YUL DANG RNAM PAR SHES PA 'DUS SO, ,BDE BA LA SOGS PA'I TSOR BA 'BYUNG BA DANG MTHUN PA DBANG PO'I 'GYUR BA RNAM PA GSUM GANG YIN PA DE YONGS SU GCOD PA NI REG PA'O, ,DE BAS NA DBANG PO'I 'GYUR BA GANG YIN PA DE'I RNAM PA DANG 'DRA BAR REG PAR BYED PAS REG PA ZHES BYA'O, ,YANG NA SKYE MCHED DRUG GI RKYEN GYIS REG PA NI BDE BA LA SOGS PAR TSOR BA DANG MTHUN PA DBANG PO'I 'GYUR BA RNAM PA GSUM SKYED DO; ,NYE BAR SPYOD PA NI TSOR BAS SO ZHES BYA BA LA, TSOR BA NI SRID PAS NYE BAR SPYAD PA STE, RO MYONG BAR BYED CES BYA BA'I THA TSIG GO, ,YANG NA BSOD NAMS LA SOGS PA'I LAS LA NYE BAR SPYOD PAS TSOR BA NI NYE BAR SPYOD PA ZHES BYA'O, ,YANG NA 'DIR NYE BAR SPYOD PA ZHES BYA BA NI TSOR BA MYONG BA STE, BDE BA LA SOGS PA MYONG BA NA DER BDE BA LA SOGS PA RGYAS PAR GYUR PA'I PHYIR, RJES SU CHAGS PA DANG KHONG KHRO BA DANG GTI MUG RNAMS KYIS 'GRO BA NYON MONGS PAR BYED DO, ,SDUD PA'I PHYIR ZHES BYA BA GANG GIS GANG SDUD PA MI SHES SO, ,DE'I PHYIR LAS KYIS BTAB PA'I YANG SRID PA SRED PAS SO ZHES BYA BA SMOS SO, ,'DU BYED RNAMS KYIS YANG SRID PA'I SA BON RNAM PAR SHES PA LA GSO BA'I PHYIR BTAB PA, YANG SRID PAR 'GYUR BA'I SA BON CHU DANG 'DRA BA'I SRED PA, 'GRO BA THAMS CAD DU BYE BRAG MED PAR LUS 'DOD PA ZHES BYA BAS BRLAN NAS YANG SRID PA 'BYUNG BAR NYE BAR SBYOR ZHING 'BYUNG BA NGES PAR 'JOG @208B PA GANG YIN PA DE NI SDUD PA'O, ,SBYOR BA'I PHYIR ZHES BYA BA LA GANG GIS GANG DU GANG ZHIG SBYOR BA DRI BAR BYA BA'I SKABS SU BDAG NYID KYIS LEN PA RNAMS KYIS RNAM PAR SHAS PA SKYE BA DANG, MTHUN PA 'DOD PA LA SOGS PA RNAMS SU 'O ZHES BYA BA SMOS SO, ,MNGON PAR ZHAN PA DANG 'DUN PA'I 'DOD CHAGS KYI MTSAN NYID NYE BAR LEN PA BZHI PO DAG GIS LAS KYIS BTAB PA'I RNAM PAR SHES PA SKYE BA DANG MTHUN PA 'DOD PA DANG LTA BA DANG, TSUL KHRIMS DANG BRTUL ZHUGS DANG, BDAG TU LTA BA DAG TU SBYOR BAR BYED 'JOG PAR BYED DE, 'DI LTAR 'DUN PA'I 'DOD CHAGS KYI DBANG GIS RNAM PAR SHES PA DER GNAS SO, ,MNGON DU'I PHYIR ZHES BYA BA 'DIR YANG GZHAN GYIS YONGS SU DRI BAR BYA BA'I SKABS SU BDAG NYID KYIS LAS BYAS PA'I RNAM PAR SMIN PAS YANG SRID PAR 'BYIN PAR MNGON PAR BYED PA'I PHYIR RO ZHES BYA BA SMOS TE, JI LTAR SNGON BYAS PA'I LAS RNAM PAR SHES PA'I RGYU YANG 'BYUNG BAS BAG CHAGS KYI DUS SU GYUR PA RNAM PAR SMIN PA'I 'BRAS BU'I PHYIR, 'JUG PA RNYED PAS SRID PA YOD PAR GYUR CING SRID PA BTAB PA 'GRUB PAR MNGON DU GYUR PA STE, DE LTAR NA SRID PAS MNGON DU'I PHYIR 'GRO BA NYON MONGS PAR BYED DO, ,SDUG BSNGAL PHYIR NI SKYE BA DANG RGA SHIS 'GRO BA NYON MONGS PAR BYED PA'O ZHES BYA BA NI, DE LTAR SRID PA LAS YANG SRID PA MNGON PAR 'GRUB PA YOD PA THOG MA NYID DU MNGAL DU ZHUGS PA NA KHU BA DANG KHRAG GI NANG NA RNAM PAR SHES PA MYOS PAS NYON MONGS PAR BYED DO, ,DE BZHIN DU MA'I MNGAL DU ZHU BA DANG MA ZHU BA'I GNAS KYI BAR NA 'GRE LDOG PAS NYON MONGS PAR BYED DO, ,YANG DE LTAR MA'I KHA ZAS DANG SPYOD PA NYAM NGA BA DANG, YA NGA BA MA SPANGS PAS KYANG NYON MONGS PAR BYED DO, ,DE BZHIN DU DOG PA MI GTZANG BA'I LAM NAS 'BYUNG BAS NYON MONGS PAR BYED DO, ,SKYES NAS KYANG SPYI CER DANG SKRA SKYA BA LA SOGS PA RGA BA'I MTSAN NYID DANG MING DANG GZUGS 'JIG PA'I 'CHI BA'I MTSAN NYID DANG, LANG TSO DANG SROG PHANGS PA LAS NYAMS PAS 'GRO BA NYON MONGS PAR BYED DO, ,'GRO BAR BYED PAS NA 'GRO BA STE, RIGS MTHUN PA'I GNAS SKABS NAS SKAD CIG GI GNAS SKABS SU RAB TU 'GRO ZHES BYA BA'I THA TSIG GO, ,NYON MONGS PAR BYED CES BYA BA NI, @209A *, ,SKYE BA DANG RGA BA DANG NA BA DANG 'CHI BA LA SOGS PAS KHAMS GSUM DU SKAD CIG GCIG NAS GCIG TU BRGYUD PA 'ONG ZHING 'GRO BAR GYUR PAS NYEN ZHES BYA BA'I THA TSIG GO, ,KHA CIG NA RE RNAM PAR BYANG BA'I MA YIN PAS NYON MONGS PA ZHES BYA ZHE'O, ,DE LTAR KUN NAS NYON MONGS PA'I MTSAN NYID RTEN CING 'BREL BAR 'BYUNG BA YAN LAG BCU GNYIS PA 'DI NI SGRIB PA'I PHYIR ZHES BYA BA LA SOGS PA DON RNAM PA BCU GCIG GIS RNAM PAR BYANG BA'I MI MTHUN PA'I PHYOGS SU 'GYUR RO, ,MA RIG PA LA SOGS PA'I GO RIMS NI SNGA MA SNGA MAS PHYI MA PHYI MA SKYED PA'I PHYIR RO, , RTEN CING 'BREL BAR 'BYUNG BA YAN LAG BCU GNYIS PA 'DIS YANG MDOR BSDU NA NYON MONGS PA RNAM PA DU BSTAN ZHE NA, DE'I PHYIR 'DI SKAD CES RTEN CING 'BREL BAR 'BYUNG BA YAN LAG BCU GNYIS PA, DE YANG RNAM GSUM RNAM GNYIS KYANG, ,NYON MONGS RNAM BDUN ZHES BYA BA SMOS SO, , KYANG ZHES BYA BA'I SGRA NI BSDU BA DANG GO BSNOR BA'I THA TSIG GO, ,NYON MONGS PA NYID KUN NAS NYON MONGS PA YIN PAS NYON MONGS PA'I KUN NAS NYON MONGS PA STE, LAS KYI KUN NAS NYON MONGS PA DANG TSE'I KUN NAS NYON MONGS PA YANG DE BZHIN NO, ,NYON MONGS PA 'BYUNG BA NA BDAG DANG GZHAN LA GNOD PA BYED PA'I PHYIR KUN NAS NYON MONGS PA STE, MDO LAS KYANG JI SKAD DU CHAGS PA'I 'DOD CHAGS KYIS KUN NAS DKRIS PA BDAG LA YANG GNOD PAR SEMS, GZHAN LA YANG GNOD PAR SEMS, GNYI GA LA YANG GNOD PAR SEMS SO, ,DE BZHIN DU ZHE SDANG DANG RMONGS PA YANG SHES PAR BYA'O ZHES GSUNGS PA LTA BU'O, ,LAS DANG TSE'I KUN NAS NYON MONGS PA 'BYUNG BA'I PHYIR YANG KUN NAS NYON MONGS PA STE, 'DI LTAR NYON MONGS PA'I DBANG GIS NA LAS KYIS TSE 'PHEN TE, BDEN PA MTHONG BA LAS YOD KYANG SRID PA 'PHEN PA MED PA DANG, NYON MONGS PA KUN TU 'BYUNG BAS YANG SRID PA'I SA BON SRID PAR BYED PA'I PHYIR NYON MONGS PA CAN GYI SEMS KYANG YANG SRID PA'I NYING MTSAMS SBYOR BA'I PHYIR, TSE'I KUN NAS NYON MONGS PA'I RGYU YANG YIN NO, ,DE BAS NA DGRA BCOM PA LA NYON MONGS PA CAN GYI SEMS MED PA'I @209B PHYIR, NYID MTSAMS SBYOR BA MED DO, ,LAS KYANG DGE BA DANG MI DGE BA STE, DE NYID KYI TSE NA LUS DANG SEMS SDUG BSNGAL BA'I RGYUR GYUR PA DANG, MA 'ONGS PA NA RNAM PAR SMIN PA YANG 'BYIN PAS KUN NAS NYON MONGS PA'O, ,TSE YANG GNOD PA THAMS CAD KYI GNAS SU GYUR PAS NYON MONGS PA'O; ,RGYU RNAM PA GNYIS SU BYE BA'I PHYIR KUN NAS NYON MONGS PA GSUM MO, ,NYON MONGS PA'I KUN NAS NYON MONGS PA NI MA RIG PA DANG SRED PA DANG, LEN PA RNAMS TE, GSUM CHAR YANG NYON MONGS PA'I BDAG NYID YIN PA'I PHYIR RO, ,LAS KYIS KUN NAS NYON MONGS PA NI 'DU BYED RNAMS DANG SRID PA LA BYA STE, GNYI GA YANG LAS KYI BDAG NYID YIN PA'I PHYIR RO, ,'DI NI BYE BRAG YIN TE, RANG GI NGO BOR GNAS PA'I LAS NI 'DU BYED RNAMS SO, ,SA BON DU GNAS PA NI SRID PA'O, ,TSE'I KUN NAS NYON MONGS PA NI, RNAM PAR SHES PA DANG MING DANG GZUGS DANG, SKYE MCHED DRUG DANG REG PA DANG TSOR BA DANG, SKYE BA DANG RGA SHI ZHES BYA BA YAN LAG LHAG MA RNAMS TE, DE DAG NI TSE'I NANG DU 'DUS PA'I PHYIR RO, ,KUN NAS NYON MONGS PA RNAM GNYIS NI RGYU MI DBYE BAR BYAS PA STE, RGYU'I KUN NAS NYON MONGS PA NI NYON MONGS PA DANG, LAS KYI NGO BO NYID KYI YAN LAG RNAMS KYIS SO, ,'BRAS BU'I KUN NAS NYON MONGS PA NI YAN LAG LHAG MA RNAMS KYIS SO, ,DE LA LAS DANG NYON MONGS PA RNAMS NI RNAM PAR SHES PA LA SOGS PA TSOR BA LA THUG PA SKYE PA'I BDAG NYID CAN DANG, RGA SHI'I NYES DMIGS CAN GYI TSE SKYED PAR RAB TU ZHUGS PA'I PHYIR RO, ,'BRAS BU'I KUN NAS NYON MONGS PA NI LHAG MA RNAM PAR SHES PA LA SOGS PA RNAMS KYIS TE, LAS DANG NYON MONGS PA'I 'BRAS BU YIN PA'I PHYIR RO, ,RTEN CING 'BREL BAR 'BYUNG BA DE NYID KUN NAS NYON MONGS PA RNAM PA BDUN ZHES BYA STE, PHYIN CI LOG DANG 'DEBS PA DANG, NYE BAR KHRID PA DANG KUN 'DZIN PA DANG, NYE BAR SPYOD PA DANG, SDUD PA DANG, SKYO BA'I RGYU'I PHYIR RO, ,RGYU BDUN PO DE LTA MA RIG PA NI PHYIN CI LOG GI RGYU'O ZHES BYA BA LA, MA RIG PAR GYUR PA NI DE KHO NA NYID LA RMONGS PA'I PHYIR, MI RTAG PA LA SOGS PA LA RTAG PA'I NGO BOR MTHONG BAS PHYIN CI LOG @210A *, ,CES BYA'O, ,'DU BYED RNAMS NI 'DEBS PA'I RGYU'O ZHES BYA BA LA, RNAM PAR SHES PA LA YAN LAG BZHI'I BDAG NYID KYI TSE'I SA BON 'JOG PA'I PHYIR RO, ,RNAM PAR SHES PA NI NYE BAR KHRID PA'I RGYU'O ZHES BYA BA LA 'DIR SHI 'PHOS NAS SKYE BA'I YUL DU NYE BAR KHRID PA'I PHYIR RO, ,MING DANG GZUGS DANG SKYE MCHED DRUG NI KUN 'DZIN PA'I RGYU'O ZHES BYA BA NI KHRID PAR GYUR PA MING DANG GZUGS DANG, SKYE MCHED DRUG GI RIS MTHUN PA KUN 'DZIN PA'I PHYIR RO, ,SNGAR MNGAL NAS SKYE BA LA SOGS PA'I SKYE GNAS LA DGONGS NAS MING DANG GZUGS KYIS KUN 'DZIN PAR BSHAD DO, ,DA NI BRDZUS TE SKYE BA'I DBANG DU MDZAD DE SKYE MCHED DRUG GIS KYANG 'DZIN TO ZHES BSHAD DO, ,YANG NA MING DANG GZUGS KYIS THOG MA NYID DU LUS TZAM 'DZIN PAR BRJOD PAR BZHED PA'O, ,'DIR NI YONGS SU MA RDZOGS PA DANG, YONGS SU RDZOGS PA 'DZIN PAS 'GAL BA MED DO, ,REG PA DANG TSOR BA NI NYE BAR SPYOD PA'I RGYU'O ZHES BYA BA LA, RGYU DANG BCAS PA'I MYONG BAS DGE BA DANG MI DGE BA'I LAS KYI RNAM PAR SMIN PA LA NYE BAR SPYOD PA'I PHYIR RO, ,SRED PA DANG LEN PA DANG SRID PA NI SDUD PA'I RGYU'O ZHES BYA BA LA, BYIS PA LAS KYI RNAM PAR SMIN PA LA SPYOD PA DE TSOR BA DE DANG DE LA SRED PAR BYED DE SRID PA 'PHEL NAS, YANG DE DANG LDAN ZHING MI 'BRAL BAR SRED PAS 'DOD PA LA SOGS PA LEN TO, ,DE BLANGS PAS KYANG DE'I LAS SNGON BYUNG BA YANG SRID PA, BAG CHAGS SU GNAS PA YONGS SU GYUR NA JI LTAR BTAB PA BZHIN DU RNAM PAR SMIN PA'I 'BYIN PA'I PHYIR; 'JUG PA RNYED NAS SRID PAR 'GYUR RO, ,DE YANG 'DU BYED KYIS BTAB PA'I YANG SRID PA MNGON PAR GRUB PAR BYA BA'I PHYIR, SRID PA DANG LEN PA DANG SRID PA RNAMS KYIS SDUD CING MNGON PAR 'DU BYED CES BYA BAS, SRED PA DANG LEN PA DANG SRID PA RNAMS NI SDUD PA'I RGYU'O, ,YANG NA SRED PA'I DBANG GIS 'DUN PA'I 'DOD CHAGS DANG MTHUN PA GANG YANG RUNG BA'I LAS KYI BAG CHAGS MNGON DU BYED PA'I PHYIR, SRED PA DANG LEN PA DANG SRID PA NI BSDUS PA'I RGYU'O, ,SKYE BA DANG RGA SHI NI SKYE BA'I RGYU'O ZHES BYA BA NI, DE LTAR 'DI NI TSE DRANGS BAS SEMS CAN GYI RIGS DE DANG DER SKYE BA DANG @210B RGA SHI'I SDUG BSNGAL DANG MYA NGAN DANG SMRE SNGAGS 'DON PA DANG, SDUG BSNGAL BA DANG YID MI BDE BA DANG, 'KHRUGS PA'I SDUG BSNGAL RAB TU DBYE BA MTHA' YAS PA GZHAN YANG MYONG BAR 'GYUR RO, ,DE LA KUN NAS NYON MONGS PA RNAM PA GSUM DU BRJOD PAS NYON MONGS PA DANG LAS NI, TSE'I RGYU THUN MONG DANG THUN MONGS MA YIN PA RAB TU BSTAN TO, ,NYON MONGS PA NI SA LA SOGS PA LTAR TSE'I MYU GU'I THUN MONG GI RGYU'O, ,LAS NI THUN MONG MA YIN TE, MYU GU'I SA BON LTAR DE THA DAD PAS TSE THA DAD PA'I PHYIR RO, ,YANG NA 'DIR SNGON GYI MTHA' DANG, PHYI MA'I MTHA' DANG, BAR GYI MTHA' ZHES BYA BA RABS GSUM DU NI MA YIN GYI, LAS DANG NYON MONGS PA DANG 'BRAS BU YID ZHES RAB TU STON TO, ,RNAM PA GNYIS SU BRJOD PAS 'DI NYID RGYU DANG 'BRAS BU TZAM DU ZAD DE, 'DI LA BYED PA PO'AM, TSOR BA PO KUN NAS NYON MONGS PA GZHAN MED DO ZHES RAB TU STON TO, ,YANG NA 'DIR LAS DANG NYON MONGS PA TZAM NYID RGYU STE, DE DAG YOD PA DANG MED PAS TSE YOD PA DANG MED PAR SNANG BA'I PHYIR RO, ,DE'I PHYIR TSE NI DE'I 'BRAS BU NYID DO, ,DE LTA BAS NA 'DI LA RGYU 'AM 'BRAS BU NI MED KYI DUS SKABS THAMS CAD DU YANG PHUNG PO LNGA NYID DO ZHES RAB TU STON TO, ,RGYU RNAM PA BDUN BSHAD PAS NI 'PHEN PA'I MTSAN NYID DANG, MNGON PAR 'GRUB PA'I MTSAN NYID DU YANG RTEN CING 'BREL BAR 'BYUNG BA RNAM PA GNYIS SU RAB TU BSTAN TO, ,DE LA 'PHEN PA'I MTSAN NYID NI GANG GIS 'PHEN PA DANG, JI LTAR 'PHEN PA DANG, GANG 'PHEN PA DE RAB TU BSTAN PA'I PHYIR, RTEN CING 'BREL BAR 'BYUNG BA'I YAN LAG BDUN GYIS BSTAN TO, ,MNGON PAR 'GRUB PA'I MTSAN NYID NI 'PHAGS PA DE GANG GIS MNGON PAR 'GRUB PA DANG, JI LTAR MNGON PAR 'GRUB PA DANG, GANG MNGON PAR 'GRUB PA DANG, DE'I NYES PA BSTAN PA'I PHYIR YAN LAG LNGAS SO, ,GANG GIS 'PHEN ZHE NA MA RIG PA LAS BYUNG BA'I 'DU BYED RNAMS KYIS TE, JI LTAR DE KHO NA LA RMONGS NAS PHYIN CI LOG TU SHES TE, DGE BA DANG MI DGE BA DANG, MI G-YO BA'I 'DU BYED RNAMS MNGON PAR BYED DO, ,'DU BYED DE DAG GIS JI LTAR 'PHEN ZHE NA, RNAM PAR SHES PA LAS SA BON GSOS PAS SKYE BAR NUS PAR GNAS PA'I PHYIR RO, ,CI GZHIG 'PHEN ZHE @211A *, ,NA, YANG SRID PA BA'I MING DANG, GZUGS DANG, SKYE MCHED DRUG DANG, REG PA DANG, TSOR BA STE JI LTAR MTHUN MTHUN DU SBYAR RO, ,DE LTAR 'PHANGS PA DE GANG GIS MNGON PAR 'GRUB PAR BYED CE NA, JI SKAD BSHAD PA'I RIM GYIS SNGA MA 'PHANGS PAS 'DIR SKYES PA'I TSOR BA LA BRTEN NAS SRED PA SKYED PA GANG YIN PA DE DAG BYUNG BA'I LEN PAS SO, ,JI LTAR DES MNGON PAR 'GRUB CE NA, RNAM PAR SHES PA LA BAG CHAGS SU GNAS PA'I LAS DE, DES SRID PAR BYED PA'I PHYIR RO, ,'DU BYED SNA TSOGS KYIS YONGS SU BSGOS PA'I PHYIR, RNAM PAR SHES PA LA LAS KYI BAG CHAGS RNAM PA MANG PO GNAS TE, LEN PA'I BYE BRAG GIS YONGS SU GZUNG BA'I PHYIR, GANG GIS 'DI LAS YANG SRID PA GNYIS PAR 'GYUR BA DE NI 'DIR SRID PA ZHES BYA'O, ,MNGON PAR 'GRUB PA DE GANG YIN ZHE NA, MING DANG GZUGS LA SOGS PA 'PHANGS PA DES PHYIS SKYE BA GANG YIN PA'O, ,DE YOD PAS NYES PAR 'GYUR BA GANG YIN ZHE NA, RGA SHI DE LANG TSO DANG SROG PHANGS PA 'JIG PA'I PHYIR RO, ,'DIR NYE BAR KHRID PA'I RGYU NI DON MED DO ZHE NA DON MED PA MA YIN TE, 'CHI BA'I SRID PA CHAD NAS SKYE BA'I SRID PA 'BYUNG BAR RTOG PA BSAL BA'I PHYIR RO, ,KUN NAS NYON MONGS PA 'DI DAG THAMS CAD NI YANG DAG PA MA YIN PA KUN RTOG PA LAS 'BYUNG NGO ZHES BYA BA NI, SEMS DANG SEMS LAS BYUNG BA RNAMS NI KUN NAS NYON MONGS PA'I GNAS YIN PA'I PHYIR TE, DE YANG, YANG DAG MA YIN KUN RTOG NI, ,SEMS DANG SEMS BYUNG KHAMS GSUM PA, ,ZHES BSHAD PA YIN NO, ,YANG DAG PA MA YIN PA KUN RTOG PA'I DON BSDUS PA NI ZHES BYA BA NI, DON RGYAS PAR BSHAD PA BDE BLAG TU KHONG DU CHUD PAR BYA BA DANG, MI BRJED PAR BYA BA'I PHYIR DON BSDUS PA BSTAN TO, ,DE'I PHYIR 'DIR NI DON GNYI GA YANG BSHAD DO, ,YOD PA'I MTSAN NYID NI, YANG DAG MA YIN KUN RTOG YOD, ,CES BYA'O, ,MED PA'I MTSAN NYID NI, DE LA GNYIS PO YOD MA YIN, ,ZHES BYA BA'O, ,RANG GI MTSAN NYID NI, DON DANG SEMS CAN BDAG RNAM RIG ,SNANG BA'I RNAM PAR SHES PA NI, RAB TU SKYE'O ZHES BYA BA'O, ,BSDU BA'I MTSAN NYID NI, RTAG BA DANG NI GZHAN DBANG DANG, ,YONGS SU GRUB PA NYID KYANG NGO, ,ZHES BYA'O, ,MED PA'I MTSAN NYID @211B LA 'JUG PA'I THABS KYI MTSAN NYID NI, DMIGS PA LA NI BRTEN NAS SU, ,MI DMIGS PA NI RAB TU SKYE, ,ZHES BYA BA LA SOGS PA'O, ,RAB TU DBYE BA'I MTSAN NYID NI, YANG DAG MA YIN KUN RTOG NI, ,SEMS DANG SEMS BYUNG KHAMS GSUM PA, ,ZHES BYA BA'O, ,RNAM GRANGS KYI MTSAN NYID NI, DE LA DON MTHONG RNAM PAR SHES, ,DE YI BYE BRAG SEMS LAS BYUNG, ,ZHES BYA'O, ,'JUG PA'I MTSAN NYID NI, GCIG NI RKYEN GYI RNAM PAR SHES, ,GNYIS PA NYE BAR SPYOD PA CAN, ,ZHES BYA'O, ,KUN NAS NYON MONGS PA'I MTSAN NYID NI, SGRIB PA'I PHYIR DANG 'DEBS PA'I PHYIR, , KHRID PA'I PHYIR DANG KUN 'DZIN PHYIR, ,ZHES BYA BA LA SOGS PA'O, ,DE LTAR YANG DAG PA MA YIN PA KUN RTOG PA'I MTSAN NYID RNAM PA DGUR BRJOD NAS STONG PA NYID JI LTAR SHES PAR BYA BA DE STON TE ZHES BYA BA 'DIR JI LTAR SBYAR ZHE NA, 'DIS YANG DAG PA MA YIN PA KUN RTOG PA DANG, STONG PA NYID DANG, SNGAR KUN NAS NYON MONGS PA LA RNAM PAR BYANG BA DANG, CHOS KHONG DU CHUD PA LA BRTEN NAS CHOS NYID NGES PAR 'DZIN PAR 'GYUR BA GNYIS DAM BCAS PA YIN TE, DE'I PHYIR YANG DAG PA MA YIN PA KUN RTOG PA BSHAD PA'I 'OG TU, STONG PA NYID JI LTAR SHES PAR BYA BA DE LTAR 'CHAD DE, MTSAN NYID DANG NI RNAM GRANGS DANG, ,ZHES RGYA CHER RO, ,DE LA MTSAN NYID NI DNGOS PO DANG DNGOS PO MED PA DGAG PA'I BDAG NYID DE, STONG PA NYID KYIS RAB TU DBYE BA THAMS CAD LA KHYAB PA'I PHYIR RO, ,MING GZHAN NI RNAM GRANGS SO, ,RNAM GRANGS DANG MTHUN PA RNAM GRANGS 'JUG PA'I RGYU NI RNAM GRANGS KYI DON TO, ,NAM MKHA' LTAR THA MI DAD PA'I MTSAN NYID KYI PHYIR, RNAM PAR MI RTOG KYANG GLO BUR GYI NYE BA'I NYON MONGS PA DANG PHRAD PA DANG, BRAL BA'I DUS THA DAD PAS DBYE BA'O, ,GZHAN YANG GANG ZAG DANG CHOS SU SGRO 'DOGS PA THA DAD PAS DBYE BA RNAM PA BCU DRUG GO, ,SGRUB PA NI STONG PA NYID KYI RAB TU DBYE BA STON PAR BYED PA'I RIGS PA'O, ,CI'I PHYIR RNAM PA DE DAG GIS STONG PA NYID SHES PAR BYA ZHE NA, RNAM PAR DAG PA'I DMIGS PA YIN PAS NA, RNAM PAR DAG PA 'DOD PA RNAMS KYI MTSAN NYID SHES PAR BYA'O, ,MDO GZHAN DAG LAS RNAM GRANGS BSHAD PA RNAMS LA MI RMONGS PAR BYA BA'I PHYIR RNAM GRANGS SO, ,RNAM @212A *, ,GRANGS KYI DON KHONG DU CHUD PAR GYUR NA STONG PA NYID LA RNAM PAR DAG PA'I DMIGS PA NYID DU NGES PA'I PHYIR RNAM GRANGS KYI DON TO, ,KUN NAS NYON MONGS PA BSAL NA, DE RNAM PAR DAG GO ZHES KUN NAS NYON MONGS PA DE SPANGS PA'I PHYIR 'BAD PA SKYED PA'I DON DU DBYE BA'O, ,DBYE BA'I SGRUB PA KHONG DU CHUD NA, 'GYUR BA MED KYANG DBYE BA BDE BLAG TU RIG PA'I PHYIR DBYE BA'I SGRUB PA YANG SHES PAR BYA'O, ,MTSAN NYID JI LTAR SHES PAR BYA ZHE NA ZHES BYA BA NI, MTSAN NYID SNGAR SMOS PAS DE'I PHYIR DE NYID DANG POR 'DRI STE, GNYIS DNGOS MED PA'I DNGOS PO YI, ,DNGOS PO STONG PA'I MTSAN NYID DO, ZHES BYA BAR SHES PAR BYA'O, ,GNYIS NI GZUNG BA DANG 'DZIN PA'O ZHES BYA BA LA, YANG DAG PA MA YIN PA KUN RTOG PA LA 'AM, YANG DAG PA MA YIN PA KUN RTOG PAS KUN BRTAGS PA'I BDAG NYID YIN PAS DNGOS PO'I NGO BOR MED DO, ,GNYIS PA DNGOS PO MED PA DE'I DNGOS PO GANG YIN PA DE NI STONG PA NYID KYI MTSAN NYID DO, ,TSIG LE'UR BYAS PA DANG MTHUN PAR BYAS PA'I PHYIR 'DIR YANG DNGOS PO'I RKYEN MA SMOS PAR BSTAN PAR LTA BA'O, ,DNGOS PO MED PA'I DNGOS PO ZHES BYA BA DE DAG GANG YIN, DNGOS PO MED PA'I BDAG NYID NI YOD PA NYID DO, ,GZHAN DU NA DE'I DNGOS PO MED PA'I DNGOS PO STONG PA MED PA'I PHYIR RO, ,GNYIS KYI DNGOS PO YOD PA NYID DU 'GYUR RO, ,DE'I PHYIR DE LTAR DNGOS PO MED PA'I NGO BO NYID STONG PA NYID KYI MTSAN NYID DU YONGS SU BSTAN PA YIN NO ZHES BYA BA SMOS TE, DNGOS PO'I NGO BO'I MTSAN NYID DU NI MA YIN NO, ,DNGOS PO MED PA'I SGRA NI DNGOS PO DGAG PA'I TSIG YIN NA, DNGOS PO'I SGRA MED KYANG DON 'DI KHONG DU CHUD PAR 'GYUR BAS, DNGOS PO'I SGRA NI 'DIR LHAG GO, ,LHAG MA MA YIN TE GNYIS KYI DNGOS PO MED PA STONG PA'I MTSAN NYID DO ZHES DE TZAM ZHIG BSHAD NA, GTZOR GNYIS KYI DNGOS PO MED PA NYID DU RI BONG GI RVA DNGOS PO MED PA DANG 'DRA BAR KHONG DU CHUD DE, SDUG BSNGAL NYID LA SOGS PA LTAR CHOS NYID KYI NGO BOR MI RUNG NGO, ,DE LTA BAS NA 'DI SKAD CES BYA STE, GNYIS KYI DNGOS PO MED PA NI STONG PA NYID DO, ,DNGOS PO MED PA DE NI YANG DAG PA MA YIN PA KUN RTOG PA LA YOD DE, STONG PA NYID CES BYA BA STE DNGOS PO MED PA'I DNGOS PO'I MTSAN NYID @212B YONGS SU GZUNG BA'I PHYIR CHOS NYID KYI NGO BOR BSTAN PA YIN NO, ,YANG NA GNYIS KYI DNGOS PO MED PA STONG PA NYID CES BYA BA LA, MED PA'I SGRA NI THUN MONG YIN PAS 'DIR MED PA ZHES BYA BA GANG LAS DGONGS PA MI SHES PAS, GTAN MED PAR RAB TU BSTAN PA'I PHYIR YANG DAG PA MA YIN PA KUN RTOG PA LA, GNYIS PO'I DNGOS PO MED PA'I DNGOS PO ZHES BYA BA BRJOD DO, ,SNGA NA MED PA DANG ZHIG NAS MED PA GNYIS NI RANG GI NYE BAR LEN PA LAS GZHAN DU BSHAD PAR MI RIGS SO, ,GCIG LA GCIG MED PA YANG GNYI GA GNAS YIN PA'I PHYIR, GCIG TU GNAS PAR MI RIGS SO, ,DE'I PHYIR DNGOS PO'I DNGOS PO MED PA'I MTSAN NYID NYE BAR BZUNG BAS, GZUNG BA DANG 'DZIN PA DAG GTAN DNGOS PO MED PA NYID STONG PA NYID CES BYA BAR DE SHES PAR BYAS PA YIN NO, ,GAL TE MED PA'I BDAG NYID STONG PA NYID YIN NA, DON DAM PA ZHES JI SKAD DU BYA ZHE NA, YE SHES DAM PA'I YUL YIN PAS MI RTAG PA NYID BZHIN DU STE, DNGOS PO'I PHYIR NI MA YIN NO, ,DE LTA MOD KYI DE NI DNGOS PO MED PA'I NGO BO NYID KYANG MA YIN TE, 'DI LTAR DE'I DNGOS PO MED PA'I NGO BO NYID GANG YIN PA DE NI, YOD PA MA YIN MED PA'ANG MIN, ,JI LTAR YOD PA MA YIN ZHE NA, 'DI LTAR GNYIS PO'I DNGOS PO MED PA STE, YOD PA NI GNYIS KYI DNGOS PO GTAN MED PAR YANG MI 'GYUR LA, YANG DAG PA MA YIN PA KUN RTOG PA'I CHOS NYID DU YANG MI 'GYUR RO, ,JI LTAR MED PA'ANG MA YIN ZHE NA, 'DI LTAR GNYIS PO'I DNGOS PO MED PA'I DNGOS PO STE, GNYIS KYI DNGOS PO MED PA NI GNYIS KYI DNGOS PO MED PA'I NGO BOR MED PA MA YIN TE, DE MED DU ZIN NA GNYIS YOD PA NYID DU 'GYUR ZHING, YANG DAG PA MA YIN PA KUN RTOG PA'I CHOS NYID DU YANG MI 'GYUR TE, DPER NA MI RTAG PA NYID DANG SDUG BSNGAL BA NYID BZHIN NO, ,SEMS CAN PHYIN CI LOG TU GYUR PAS SGRO BTAGS PA'I RTAG PA DANG, BDE BA'I DNGOS PO'I DNGOS PO MED PA'I NGO BO NYID YIN PAS, YOD PA YANG MA YIN MED PA YANG MA YIN ZHES BYA'O, ,GAL TE YANG DAG PA MA YIN PA KUN RTOG PA'I STONG PA NYID CHOS NYID YIN NA, CI STE DE LAS GZHAN ZHES BYA BA 'AM, 'ON TE GZHAN MA YIN ZHE NA, DE'I PHYIR DE NI STONG PA NYID KYI MTSAN NYID DO ZHES BYA BA SMOS TE, DNGOS PO MED PA'I NGO BO NYID KHO NA'O, , @213A *, ,YANG NA DNGOS PO KHO NA DNGOS PO MED PA DGAG PA'I BDAG NYID KHO NA'O, ,DE LTA BAS NA YANG DAG PA MA YIN PA KUN RTOG PA DANG THA DAD GCIG PA'I MTSAN NYID MIN, THA DAD PA YIN NA NI CHOS NYID LAS CHOS NYID GZHAN YIN PA MI RUNG STE, JI LTAR MI RUNG ZHE NA CHOS LAS MTSAN NYID THA DAD PAS CHOS NYID CHOS GZHAN NYID DU 'GYUR TE, DE LAS GZHAN PA'I CHOS BZHIN NO, ,CHOS GZHAN NI CHOS GZHAN GYI CHOS NYID DU MI RUNG STE, DE LA YANG CHOS GZHAN BTZAL DGOS PAS THUG PA MED PAR 'GYUR RO, ,MI RTAG PA NYID DANG SDUG BSNGAL BA NYID BZHIN NO ZHES BYA BA NI, JI LTAR MI RTAG PA NYID MI RTAG PA RNAMS LAS GZHAN MA YIN PA DANG, SDUG BSNGAL BA NYID KYANG SDUG BSNGAL BA LAS GZHAN MA YIN PA DE LTAR STONG PA NYID KYANG STONG PA LAS GZHAN MA YIN PA ZHES BYA'O, ,GCIG PA YIN DU ZIN NA NI RNAM PAR DAG PA'I DMIGS PA DANG, SPYI'I MTSAN NYID DU MI 'GYUR RO, ,'DIS RNAM PAR DAG PAR BYED PAS RNAM PAR DAG PA NI LAM MO, ,CHOS KYI RANG GI MTSAN NYID LAS GZHAN MA YIN PA'I PHYIR RO, ,CHOS KYI RANG GI MTSAN NYID BZHIN DU LAM GYI DMIGS PAR MI 'GYUR RO, ,DE'I PHYIR RANG GI MTSAN NYID LAS GZHAN MA YIN PA'I PHYIR, ,SPYI'I MTSAN NYID DU YANG MI RUNG NGO, ,DE YANG CHOS KYI RANG GI NGO BO DANG 'DRA BAR PHAN TSUN THA DAD PAS MNYAM PA NYID NYAMS PAR 'GYUR RO, ,YANG NA RANG GI MTSAN NYID DE LAS GZHAN MA YIN PAS DNGOS PO'I RANG GI NGO BO THA DAD PA MED DO, ,DE'I PHYIR SPYI YANG MED PAR 'GYUR TE, SPYI'I MTSAN NYID NI THA DAD PA LA LTOS PA'I PHYIR RO, ,YANG NA RNAM PAR DAG PAR BYA BA'I PHYIR DMIGS PA NI RNAM PAR DAG PA'I DMIGS PA'O, ,DNGOS PO NI RANG GI MTSAN NYID LA DMIGS PAS RNAM PAR DAG PA THOB PA MED DE, SEMS CAN THAMS CAD RNAM PAR DAG PAR THAL BAR 'GYUR RO, ,GAL TE GZHAN DANG GZHAN MA YIN PAR MI BRJOD NA, GCER BU BA SMRA BA LA 'CHEL BAR DE LTAR MI 'GYUR, DNGOS PO YOD PA LA DE NYID DAM GZHAN DU LUNG MI STON PA GANG YIN PA DE GCER BU PA'I SMRA BA LA 'CHEL BAR 'GYUR RO, ,STONG PA NYID NI DNGOS PO MED PAS SKYON DU 'GYUR BA 'DI MED DO, ,DE LTAR STONG PA NYID 'DI NI MED PA'I MTSAN NYID DANG DNGOS PO MED PA'I NGO BO NYID KYI MTSAN NYID DANG, MI GNYIS @213B PA'I MTSAN NYID DE, DE NYID DANG GZHAN LAS RNAM PAR GROL BA'I MTSAN NYID YONGS SU BSTAN PA YIN NO, ,STONG PA NYID KYI MTSAN NYID BSHAD ZIN TO, ,DE NI RNAM GRANGS BRJOD PAR BYA'O, ,STONG PA NYID NI MDOR BSDU NA, ,DE BZHIN NYID DANG YANG DAG MTHA', ,MTSAN MA MED DANG DON DAM DANG, ,CHOS KYI DBYINGS NI RNAM GRANGS SO, ,ZHES BYA BA LA, RNAM GRANGS ZHES BYA BA NI DON GCIG LA SPA[?] THA DAD PAR GRAG PA STE RNAM GRANGS KYI DON BRJOD PAS RNAM GRANGS ZHES BYA'O, ,BRJOD PA DE RNAMS NI MDO GZHAN DAG LAS STONG PA NYID DU STON TO, ,RNAM GRANGS LNGA PO DE DAG GTZO BO YIN PAR TSIGS SU BCAD PA LAS JI SKAD SMOS PA DE BZHIN DU RNAM GRANGS GZHAN 'DIR MA SMOS TE, GSUNG RAB LAS KHONG DU CHUD PAR BYA BA NI 'DI LTA STE, MI GNYIS PA NYID DANG, RNAM PAR MI RTOG PA'I DBYINGS DANG, CHOS NYID DANG, BRJOD DU MED PA NYID DANG, MI 'GAG PA NYID DANG, 'DUS MA BYAS PA DANG, MYA NGAN LAS 'DAS PA LA SOGS PA'O, , RNAM GRANGS KYI DON JI LTAR SHES PAR BYA ZHE NA, DE STON TE SGRA DE DAG NI BRTAGS PA MA YIN GYI, DON DANG LDAN PA RNAMS ZHES BYA STE, GZHAN MIN PHYIN CI LOG MA YIN, ,DE 'GAG 'PHAGS PA'I SPYOD YUL DANG, ,'PHAGS PA'I CHOS KYI RGYU YI PHYIR, ,RNAM GRANGS DON DE GO RIMS BZHIN, ,ZHES BYA'O, ,DE LA GZHAN MA YIN PA'I PHYIR DE BZHIN NYID DE ZHES BYA BA NI MI 'GYUR BA'I DON TO ZHES BYA BA'I THA TSIG GO, ,DE NYID BSTAN PA'I PHYIR RTAG TU DE BZHIN PA'I PHYIR RO ZHES BYA BA SMOS TE, RTAG PAR DUS THAMS CAD 'DUS MA BYAS PA YIN PAS MI 'GYUR ZHES BYA BA'I THA TSIG GO, ,PHYIN CI LOG MA YIN PA'I PHYIR YANG DAG PA'I MTHA' STE ZHES BYA BA LA YANG DAG PA NI BDEN PA DANG MA NOR BA ZHES BYA BA'I THA TSIG GO, ,MTHA' ZHES BYA BA NI MU MED PA STE, GANG PHAN CHAD NAS SHES PAR BYA BA GZHAN MED PA'I PHYIR YANG DAG PA'I MTHA' STE, YANG DAG PA'I MU ZHES BYA'O, ,JI LTAR DE BZHIN NYID SHES PAR BYA BA MU ZHES BYA ZHE NA, SHES BYA'I SGRIB PA RNAM PAR DAG PA'I YE SHES KYI SPYOD YUL YIN PA'I PHYIR RO, ,PHYIN CI LOG MA YIN PA'I PHYIR ZHES BYA BA NI, SGRO 'DOGS PA DANG SKUR BA 'DEBS PA MED PA'I PHYIR RO, ,'DIR RGYU SMOS PA PHYIN CI LOG GI GZHI MA YIN PA'I PHYIR RO ZHES BYA BA STE, PHYIN CI LOG NI RNAM PAR @214A *, ,RTOG PA'O, ,RNAM PAR RTOG PA'I DMIGS PA MA YIN PAS PHYIN CI MA LOG PA'O, ,MTSAN MA 'GOG PA'I PHYIR MTSAN MA MED PA STE ZHES BYA BA NI, 'DIR MTSAN MA MED PA LA MTSAN MA 'GOG PA ZHES BYA BA'O, ,'DIR RAB TU BSTAN PA'I PHYIR MTSAN MA THAMS CAD MED PA'I PHYIR RO ZHES BYA BA SMOS TE, 'DUS BYAS DANG 'DUS MA BYAS KYI MTSAN MA THAMS CAD KYI STONG PA NYID STONG PAS MTSAN MA MED PA ZHES BYA'O, ,MTSAN MA THAMS CAD MED PA'I PHYIR MTSAN MA MED PA STE, MTSAN MA MED PA NYID MTSAN MA MED PA'O, ,'PHAGS PA'I YE SHES KYI SPYOD YUL YIN PAS DON DAM PA STE ZHES BYA BA LA, DAM PA NI 'JIG RTEN LAS 'DAS PA'I YE SHES TE, DE'I DON NI DON DAM PA'O, ,'PHAGS PA'I CHOS KYI RGYU YIN PAS CHOS KYI DBYINGS TE ZHES BYA BA LA, CHOS KYI SGRA NI 'DIR 'PHAGS PA'I CHOS RNAMS TE, YANG DAG PAR LTA BA LA SOGS PA DANG, YANG DAG PAR RNAM PAR GROL BA DANG, YE SHES LA THUG PA RNAMS LA BYA STE, DE DAG GI RGYU YIN PAS DBYINGS SO, ,DE NYID BSTAN PA'I PHYIR 'PHAGS PA'I CHOS RNAMS NI DE LA DMIGS PAS BYUNG BA'I PHYIR RO ZHES BYA BA SMOS SO, ,RANG GI MTSAN NYID DANG RGYUR BYAS PA'I GZUGS 'DZIN PA LA YANG KHAMS KYI SGRA 'DI 'JUG PA DE'I PHYIR, 'DIR DBYINGS KYI DON NI RGYU'I DON TO ZHES BYA BA SMOS TE, DPER NA GSER KHUNG DANG ZANGS KHUNG BZHIN NO, ,MDO GZHAN LAS RNAM GRANGS GSUNGS PA GZHAN DAG KYANG 'DI'I TSUL DU DON BDAG GIS BRTAG PAR BYA'O, ,STONG PA NYID NI GZUNG BA DANG 'DZIN PA MED PA'I NGO BO YIN PAS THA DAD PA MI SRID DE, 'DRI BA 'AM YANG NA RNAM GRANGS KYI DON GYI 'OG TU DBYE BA SHES PAR BYA BAR BSTAN PAS, DE'I PHYIR DE BSHAD PA'I 'OG TU STONG PA NYID KYI RAB TU DBYE BA JI LTAR SHES PAR BYA ZHE NA ZHES DRIS SO, ,YANG DAG PA MA YIN PA KUN RTOG PA NI KUN NAS NYON MONGS PA'O, ,DE SPANGS NA RNAM PAR DAG PA ZHES BYA STE, KUN NAS NYON MONGS PA DANG RNAM PAR DAG PA'I DUS NA YANG STONG PA NYID MA RTOGS PAR GANG KUN NAS NYON MONGS PAR 'GYUR BA'AM, RNAM PAR BYANG BAR 'GYUR BA GZHAN MED DO, ,DE LTA BAS NA KUN NAS NYON MONGS PA DANG RNAM PAR DAG PA GNYIS KYI DUS NA YANG, STONG PA NYID KUN NAS NYON MONGS PA DANG RNAM PAR DAG PA'O ZHES RAB TU BSTAN PA'I PHYIR RO, ,KUN NAS NYON @214B MONGS RNAM PAR DAG ,CES BYA BA STE, DE'I RAB TU DBYE'O ZHES BYA BA SMOS SO, ,GANG GI TSE NYON MONGS LA, GANG GI TSE DRI MA MED PA KHONG DU MA CHUD NAS, GANG GI TSE KUN NAS NYON MONGS LA, GANG GI TSE RNAM PAR DAG CE NA ZHES DRIS PA DANG, DE NI DRIS BCAS DRI MA MED, ,CES RGYA CHER RO, ,GNAS GYUR PA DANG MA GYUR PA LA LTOS PAS, DRI MA DANG BCAS PA DANG DRI MA SPANGS PAR RNAM PAR GZHAG GO, ,MA RTOGS PA DANG LOG PAR RTOGS PA'I NYES PAS MI MKHAS PA GANG DAG GZUNG BA DANG 'DZIN PA LA MNGON PAR ZHEN CING, 'DOD CHAGS LA SOGS PA'I NYON MONGS PAS SEMS KYI RGYUD DRI MA CAN DU GYUR PA LA, STONG PA NYID MI SNANG BA DE DAG DRI MA DANG BCAS PA'O ZHES RNAM PAR GZHAG GO, ,'PHAGS PA GANG DAG DE KHO NA MKHYEN PAS PHYIN CI LOG GI SEMS MED PA LA STONG PA NYID NAM MKHA' LTAR RDUL MED PA STE RGYUN MI 'CHAD PAR SNANG BA DE DAG NI DRI MA SPANGS PA ZHES BYA'O, ,DE LTAR STONG PA NYID NI NYON MONGS PA DANG RNAM PAR DAG PA LA LTOS PA CAN YIN PAR BLTA STE, RANG BZHIN GYIS 'OD GSAL BA'I PHYIR NGO BO NYID DRI MA CAN DU NI MA YIN NO, ,GAL TE DRI MA DANG BCAS PAR GYUR LA ZHES BYA BA RGYA CHER 'BYUNG BA NI, 'GYUR BA MED PAR GNAS SKABS THA DAD PA MA MTHONG LA, 'GYUR BA NI SKYE BA DANG 'JIG PA DANG RJES SU 'BREL BA STE, DE'I PHYIR 'GYUR BA'I CHOS CAN YIN PAS JI LTAR MI RTAG PAR MI 'GYUR ZHE NA ZHES BYA BA LA SOGS PA SMOS SO, ,KUN NAS NYON MONGS PA'I GNAS SKABS LAS STONG PA NYID RNAM PAR DAG PA'I GNAS SKABS SU 'GYUR BA GZHAN MED KYI, DE KHO NA NYID DU GNAS PAR RANG BZHIN GZHAN DU 'GYUR BA MED PA STE, GLO BUR GYI DRI MA DANG BRAL PA'I PHYIR 'DI LTAR, CHU KHAMS GSER DANG NAM MKHA' RNAMS, ,DAG PA BZHIN DU DAG PAR 'DOD, DE'I PHYIR MI RTAG PAR MI 'GYUR RO, ,DPER NA CHU'I KHAMS DANG GSER DANG, NAM MKHA' RNAMS DE'I RANG BZHIN MA YIN PA'I PHYIR, DRI MA'I NGO BO NYID YIN PAR MA GYUR KYANG, GLO BUR GYI DRI MAS DRI MA CAN KHO NA DANG GLO BUR GYI DRI MA DANG BRAL NA YANG RANG BZHIN GZHAN DU 'GYUR BA MED BZHIN DU RNAM PAR DAG PA NYID DO, ,DE BZHIN DU STONG PA'I GLO BUR GYI DRI MA RNAMS KYIS KUN NAS NYON MONGS PAR GYUR YANG, 'GYUR PA MED PA'I NGO BO YIN LA, DE DANG @215A *, ,BRAL NA RNAM PAR DAG PA ZHES BYA'O, ,DNGOS PO DE NYID SNGAR KUN NAS NYON MONGS PA'I MTSAN NYID DANG, PHYIS RNAM PAR DAG PA'I RANG BZHIN DU GANG RNAM PAR 'JOG PA DE NI, RANG BZHIN GZHAN DU GYUR BAS 'GYUR BA'I CHOS BZLOG PAR MA GYUR GYI, GANG LA DE GNYI GA YANG GLO BUR YIN PA LA NI MA YIN TE, DE LTA BAS NA DE 'GYUR BA'I CHOS NYID LA REG PA MED DO, ,RAB TU DBYE BA'I SKABS YIN PAS STONG PA NYID KYI RAB TU DBYE BA THAMS CAD BRJOD DGOS TE, DE'I PHYIR GZHAN YANG RAB TU DBYE BA NI STONG PA NYID RNAM PA BCU DRUG PO 'DI LTA STE ZHES BYA BA SMOS SO, ,DNGOS PO THA DAD PAS RNAM PA BCU DRUG TU 'GYUR TE, GNYIS KYI DNGOS PO MED PA'I RANG GI NGO BO LA NI THA DAD PA MED DO, ,NANG STONG PA NYID CES BYA BA NAS DNGOS PO MED PA'I NGO BO NYID CES BYA BA'I BAR DU STONG PA NYID RNAM PA BCU DRUG PO DE NI SHES RAB KYI PHA ROL TU PHYIN PA LAS BYUNG NGO, ,DE YANG MDOR BSDU BA ZHES BYA BAR RIG PAR BYA'O, ,ZA BA BZA' DANG DE YI LUS, ,GNAS KYI GZHI YI STONG PA NYID, ,CES BYA BA LA SOGS PA LA, CHOS THAMS CAD GNYIS MED PA'I NGO BO NYID KYI PHYIR STONG PA NYID NI SPYI'I MTSAN NYID DO, ,GZHAN DU NA DE NI THA DAD PAR BSTAN PAR MI NUS TE, DE'I PHYIR GZHI THA DAD PAS DE THA DAD PAR STON TO,, GZHAN DU NA DE NI THA DAD PAR BSTAN PAR MI NUS SO, ,DE LA CHAGS PA DANG MNGON PAR ZHEN PA DE SPANGS PA'I PHYIR, THOG MAR ZAB GZHIG PAR BYA'O, ,DE LA CHAGS PA DANG MNGON PAR ZHEN PA DE NI SANGS RGYAS SU 'GRUB PA DANG, RNAM PAR THAR PA THOB PA'I BGEGS SU GYUR PA'O, ,DE'I 'OG TU DE'I BZA' BA'O, ,DE'I 'OG TU DE GNYIS KYI GNAS TE LUS SO, ,DE'I 'OG TU ZA BA LA PHAN 'DOGS PA'I PHYIR, BDAG GIR CHAGS PA DANG 'DZIN PA BZLOG PA'I PHYIR, DE'I GNAS TE LUS KYI RTEN SNOD KYI 'JIG RTEN GZHIG PAR BYA'O, ,GZHI RNAM PA BZHI PO 'DI'I STONG PA NYID DE NI GZHI STONG PA NYID CES BYA'O, ,DE LA ZA BA STONG PA NYID NI NANG GI SKYE MCHED RNAMS LAS BRTZAMS SO ZHES BYA BA NI, DE DAG KYANG MIG LA SOGS PA NAS YID LA THUG PA'I BAR DU'O, ,ZA BA DE LAS GZHAN MED PAS MIG LA SOGS PA YUL LA NYE BAR SPYOD PAR 'JUG PAR MTHONG NAS MIG LA SOGS PA NYID KYIS ZA BAR @215B 'JIG RTEN MNGON PA'I NGA RGYAL BYED PAS DE'I PHYIR, MIG LA SOGS PA'I SKYE MCHED STONG PA NYID LA ZA BA STONG PA NYID CES BSHAD DO, ,BZA' BA STONG PA NYID NI PHYI ROL GYI RNAMS SO ZHES BYA BA LA, GZUGS LA SOGS PA NAS CHOS LA THUG PA'I BAR DU'O, ,DE DAG LA YUL GYI DNGOS POR BZA' BAR BYA BAS NA BZA' BA STE, DE'I PHYIR PHYI ROL GYI SKYE MCHED STONG PA NYID NI BZA' BA STONG PA NYID CES BSHAD DO, ,ZA BA DANG BZA' BA DE GNYIS NI LUS DANG PHAN TSUN THA DAD DU MI 'JUG PAR GNAS, DE'I LUS NI KHOG PA'O ZHES BYA STE, DE BAS NA DE'I STONG PA NYID CES BYA'O, ,GNAS KYI GZHI NI SNOD KYI 'JIG RTEN TE, THAMS CAD DU SEMS CAN RNAMS KYI GNAS KYI GZHI RAB TU 'DOGS PAS, DE NYID KYI PHYIR DE RGYA CHE BA'I PHYIR DE STONG PA NYID NI CHEN PO STONG PA NYID CES BYA'O ZHES BYA BA SMOS SO, ,GZHI'I SGRA NI RE RE DANG YANG SBYAR BAR BYA'O, ,DE LTAR SHES BYA'I DNGOS PO RNAMS GZHI'I STONG PA NYID LA RTOG PA DANG BCAS PA'I TSUL BZHIN YID LA BYED PAS YID LA BYED PA NA, BYANG CHUB SEMS DPA' RNAL 'BYOR BA DE LA MTSAN MAR 'DZIN PA GZHAN 'DI NYE BAR GNAS PAR 'GYUR RO, ,STONG PA NYID SHES BYA GANG GIS NANG DANG PHYI'I SKYE MCHED LA SOGS PA 'DI STONG PAR MTHONG BA DE LA, GANG GZUNG BA DANG 'DZIN PAR MNGON PAR ZHEN PA DANG, JI LTAR DE'I STONG PA NYID SHES PAS MTHONG BA 'DI NYID KYANG 'DIR DON DAM PA'I RNAM PA'O SNYAM DU RNAM PAR RTOG PA LA RNAL 'BYOR GYI SA'I 'KHRUL PA'I MTSAN MA'I RNAM PAR RTOG PA RNAM PA DE GNYIS GZHIG PA'I PHYIR, STONG PA NYID STONG PA NYID DANG DON DAM PA STONG PA NYID DE GO RIMS BZHIN NO, ,SHES PA DANG RNAM PA NI MA SMOS PAR BYAS TE BSHAD DO, ,YANG NA STONG PA NYID YUL YIN PAS SHES PA DANG STONG PA ZHES BSHAD PA YIN NO, ,GZUNG BA DANG 'DZIN PA'I DNGOS POS DE STONG PA NYID NI STONG PA NYID DO, ,NANG GI SKYE MCHED LA SOGS PA YANG STONG PA NYID SHES PA DES JI LTAR MTHONG BA DE, 'DIR DON DAM PA'O SNYAM PA'I RNAM PA DES STONG PA NYID NI DON DAM PA STONG PA NYID DO, ,CI'I PHYIR ZHE NA, STONG PA NYID NI DON DAM PA STE KUN BRTAGS PA'I RANG BZHIN GYIS STONG PA ZHES BYA'O, ,MTSAN MAR 'DZIN PA GZHAN 'DI NI STONG PA NYID BSGOM PA'I NYES PAR GYUR PA STE, GANG GI PHYIR BYANG @216A *, ,CHUB SEMS DPA' STONG PA NYID SGRUB PA DE YANG DNGOS PO'I NGO BOR SGRO BTAGS PA STE, DE GZHIG PA'I PHYIR 'DUS BYAS STONG PA NYID CES BYA BA NAS CHOS THAMS CAD STONG PA NYID CES BYA BA LA THUG PA'I BAR GYI STONG PA NYID BSHAD DO, ,CI'I PHYIR SGRUB PAR BYED CE NA, DGE BA GNYIS THOB PAR BYA BA'I PHYIR ZHES BYA BA NAS, SANGS RGYAS CHOS RNAMS DAG BYA'I PHYIR, ,ZHES BYA BA'I BAR DAG GIS STONG PA NYID LA SGRUB PAR BYED DE, STONG PA NYID BSGOM MO ZHES BYA BA'I THA TSIG GO, ,DGE BA NI 'DUS BYAS DANG 'DUS MA BYAS TE LAM DANG MYA NGAN LAS 'DAS PA'O, ,DE GNYIS NI 'DUS BYAS STONG PA NYID DANG, 'DUS MA BYAS STONG PA NYID DANG GO RIMS BZHIN DU SBYAR RO, ,RTAG TU SEMS CAN PHAN BYA'I PHYIR, ,ZHES BYA BA LA, RNAM PA THAMS CAD DU RTAG PAR BDAG GIS SEMS CAN LA PHAN PAR BYA'O SNYAM PA DE'I STONG PA NYID NI MTHA' LAS 'DAS PA STONG PA NYID DO, ,'KHOR BA MI GTANG BYA BA'I PHYIR, ,ZHES BYA BA NI SEMS CAN GYI DON DU BDAG GIS 'KHOR BA YONGS SU GTANG BAR MI BYA STE, 'KHOR BA YONGS SU BTANG NA BYANG CHUB MA RNYED PAR, NYAN THOS KYI SAR GNAS PAR 'GYUR BAS, DE'I STONG PA NYID NI THOG MA DANG THA MA MED PA STONG PA NYID DO, ,CI'I PHYIR DE'I STONG PA NYID BSHAD CE NA, DE'I PHYIR 'KHOR BA THOG MA DANG THA MA MED PA STONG PA NYID DU MA MTHONG NA SKYO STE, 'KHOR BA YONGS SU GTONG NGO ZHES BYA BA SMOS SO, ,DGE BA MI ZAD BYA BA'I PHYIR, ,ZHES BYA BA NI, PHUNG PO LHAG MA MED PA'I MYA NGAN LAS 'DAS PA NA YANG BDAG GIS DGE BA'I RTZA BA RNAMS MI ZAD PAR BYA'O SNYAM PA STE, MI GTONG ZHES BYA BA NI DE MI 'DOR BAR BSHAD PA'O, ,GAL TE DE LTA NA JI LTAR PHUNG PO'I LHAG MA MED PA'I MYA NGAN LAS 'DAS PA'I DBYINGS GRUB PAR 'GYUR ZHE NA, ZAG PA DANG BCAS PA'I CHOS KYI RNAM PAR SMIN PA'I LUS NI MED KYI SANGS RGYAS BCOM LDAN 'DAS RNAMS KYI ZAG PA MED PA'I DNGOS PO'I CHOS KYI SKU NI PHUNG PO'I LHAG MA MED PA'I MYA NGAN LAS 'DAS PA'I DBYINGS NA YANG RGYUN CHAD PAR MI 'GYUR RO ZHES GRUB PA'I MTHA' LAS 'BYUNG NGO, ,DE'I PHYIR DE'I STONG PA NYID NI DOR BA MED PA STONG PA NYID CES BYA'O, ,RIGS KYANG RNAM PAR DAG BYA'I PHYIR, ,ZHES BYA BA LA, DE'I STONG PA NYID NI RANG BZHIN STONG PA NYID DE, DE NYID KYI PHYIR RIGS NI @216B RANG BZHIN ZHES BSHAD DO, ,'DI JI LTA BU ZHE NA DE'I PHYIR NGO BO NYID KYI PHYIR RO ZHES BYA BA SMOS SO, ,NGO BO NYID NI THOG MA MED PA'I DUS CAN TE, GLO BUR DU BYUNG BA MA YIN NO ZHES BYA BA'I THA TSIG GO, ,JI LTAR THOG MA MED PA CAN GYI 'KHOR BA NA LA LA NI SEMS DANG BCAS, LA LA NI SEMS MED PA DE BZHIN DU 'DIR YANG SKYE MCHED DRUG PO KHA CIG NI SANGS RGYAS KYI RIGS, KHA CIG NI NYAN THOS LA SOGS PA'I RIGS ZHES BYA'O, ,RIGS NI GROG MA MED PA NAS GCIG NAS GCIG TU 'ONGS PAS SEMS DANG SEMS MED PA'I BYE BRAG BZHIN TE, GLO BUR DU BYUNG BA MA YIN NO, ,GZHAN DAG NA RE SEMS CAN THAMS CAD DE BZHIN GSHEGS PA'I RIGS YIN PAS, 'DIR RIGS ZHES BYA BA NI DE BZHIN DU SHES PAR BYA'O ZHE'O, ,MTSAN DANG DPE BYAD THOB BYA'I PHYIR, ,ZHES BYA BA NI, DE'I PHYIR SKYES BU CHEN PO'I MTSAN RNAMS DPE BYAD BZANG PO RNAMS DANG BCAS PA'I STONG PA NYID NI MTSAN NYID STONG PA NYID STONG PA NYID CES BYA'O, ,GZHAN YANG, SANGS RGYAS CHOS RNAMS DAG BYA'I PHYIR, ,BYANG CHUB SEMS DPA' SGRUB PAR BYED, ,SGRUB PAR BYED PA THA MAR BRJOD, ,DGE GNYIS THOB PAR BYA BA'I PHYIR, ,BYANG CHUB SEMS DPA' SGRUB PAR BYED, ,RTAG TU SEMS CAN PHAN BYA'I PHYIR, ,BYANG CHUB SEMS DPA' SGRUB PAR BYED, ,CES THAMS CAD DANG SBYAR RO, ,SANGS RGYAS KYI CHOS DE GANG DAG YIN ZHE NA, DE'I PHYIR STOBS DANG MI 'JIGS PA DANG MA 'DRES PA LA SOGS PA'O ZHES BYA BA SMOS SO, ,MDOR NA SANGS RGYAS KYI CHOS THAMS CAD THOB PAR BYA BA'I PHYIR BDAG GIS 'BAD PAR BYA'O ZHES SGRUB PAR BYED PAS DE'I PHYIR RNAM PAR BSGOM PA ZHES BYA STE, DE'I STONG PA NYID NI CHOS THAMS CAD STONG PA NYID CES BYA'O, ,'DIR RNAM PAR BSGOM PA ZHES BYA BA JI LTA BU ZHEN, SHES PAR BYA BA LA SHES PA BAR CHAD MED PAR 'JUG PA STE, DE LTAR RE ZHIG NANG STONG PA NYID LA SOGS PA NAS, CHOS THAMS CAD STONG PA NYID LA THUG GI BAR DU STONG PA NYID BCU BZHI RNAM PAR GZHAG PAR SHES PAR BYA'O, ,ZA BA PO LA SOGS PA 'DI LA STONG PA NYID GANG YIN, NGO BO NYID NI JI LTA BU ZHE NA, DE'I PHYIR, GANG ZAG DANG NI CHOS RNAMS KYI, ,DNGOS PO MED 'DIR STONG PA NYID, ,DE DNGOS PO MED PA'I DNGOS YOD PA, ,DE LA DE NYID STONG NYID GZHAN, ,ZHES BYA BA GSUNGS SO, , @217A *, ,DE LA JI SKAD DE BSHAD PA'I ZAB PO LA SOGS PA LA GANG ZAG DANG CHOS KYI DNGOS PO MED PA NI STONG PA NYID DO, ,DNGOS PO MED PA DE'I DNGOS PO YOD PA YANG STONG PA NYID DO, ,DA LA GANG ZAG DANG CHOS DNGOS PO MED PA NI DNGOS PO MED PA STONG PA NYID DO, ,DNGOS PO MED PA DE'I DNGOS PO YOD PA NI DNGOS PO MED PA'I NGO BO NYID STONG PA NYID DO, ,'DI DAG GI NANG NAS STONG PA NYID RNAM PA GNYIS CI'I PHYIR THA MAR RNAM PAR GZHAG CE NA, DE'I PHYIR STONG PA NYID KYI MTSAN NYID BSTAN PA'I PHYIR ZHES BYA BA SMOS SO, ,STONG PA NYID BSTAN PA YANG CI'I PHYIR ZHE NA, DE'I PHYIR GANG ZAG DANG CHOS SU SGRO 'DOGS PA DANG, DE'I STONG PA NYID LA SKUR PA 'DEBS PA BSAL BA'I PHYIR GO RIMS BZHIN ZHES BYA BA SMOS TE, GANG ZAG DANG CHOS SU SGRO 'DOGS PA BSAL BA'I DON DU DNGOS PO MED PA STONG PA NYID RNAM PAR GZHAG GO, ,DE'I STONG PA NYID LA SKUR PA 'DEBS PA BSAL BA'I PHYIR, DNGOS PO MED PA'I NGO BO NYID STONG PA NYID DO, , GAL TE DNGOS PO MED PA STONG PA NYID MA BRJOD NA, KUN BRTAGS PA'I NGO BO CHOS DANG GANG ZAG GNYIS YOD PAR 'GYUR RO, ,GAL TE DNGOS PO MED PA'I NGO BO NYID STONG PA NYID MA BSHAD NA, STONG PA NYID KYI DNGOS PO MED PAR 'GYUR RO, ,DE MED NA YANG GANG ZAG CHOS GNYIS SNGA MA BZHIN DU DNGOS POR 'GYUR RO, ,DE LA RNAM PAR SMIN PA'I RNAM PAR SHES PA'I RANG BZHIN NANG GI SKYE MCHED BYIS PA RNAMS KYIS ZA BAR BSAMS PA RNAMS LA, ZA BA'I GANG ZAG DANG, BRTAGS PA'I MTSAN NYID MIG LA SOGS PA RNAMS MED PA DANG DE'I DNGOS PO MED PA'I DNGOS PO YOD PA NI NANG STONG PA NYID DO, ,PHYI'I SKYE MCHED GZUGS LA SOGS PA RNAM PAR RIG PA SNANG BA'I NGO BO NYID BYIS PA RNAMS KYIS SPYAD PAR BYA BAR BSAMS PA RNAMS LA BDAG GIS ZA BA DANG, YONGS SU BRTAGS PA'I MTSAN NYID GZUGS LA SOGS PA'I DNGOS PO MED PA DANG, DE'I DNGOS PO MED PA'I DNGOS PO YOD PA NI PHYIR STONG PA NYID DO, ,DE'I LUS TE KHOG PA LA ZA BA'I GANG ZAG DANG, BYIS PA'I SKYE BOS KUN BRTAGS PA'I GZUGS LA SOGS PA DANG, LUS KYI DNGOS PO MED PA DANG, DE'I DNGOS PO MED PA'I DNGOS PO YOD PA NI PHYI NANG STONG PA NYID DO, ,SNAD KYI 'JIG RTEN LA SEMS CAN GYI 'JIG RTEN GYI DNGOS PO MED PA DANG, KUN BRTAGS PA @217B DE RANG GI NGO BOS DNGOS PO MED PA DANG, DE'I DNGOS PO MED PA'I DNGOS PO YOD PA NI CHEN PO STONG PA NYID DO, ,STONG PA NYID SHES PA DANG DON DAM PA'I RNAM PA LA YANG, SHES PA PO DANG RNAM PA 'DZIN PA PO'I GANG ZAG DANG, KUN BRTAGS PA'I MTSAN NYID STONG PA NYID SHES PA DANG, DON DAM PA'I RNAM PA'I DNGOS PO MED PA DANG, DE'I DNGOS PO MED PA'I DNGOS PO YOD PA NI STONG PA NYID STONG PA NYID DANG, DON DAM PA STONG PA NYID DE GO RIMS BZHIN NO, ,DE NI GANG GI PHYIR BYANG CHUB SEMS DPA' SGRUB PAR BYED PA 'DUS BYAS LA SOGS PA NAS, SANGS RGYAS KYI CHOS THAMS CAD LA THUG GI BAR DU BYANG CHUB SEMS DPA' BSGRUB DGOS PA RNAMS LA, GANG ZAG DANG KUN BRTAGS PA'I MTSAN NYID CHOS RNAMS KYI DNGOS PO MED PA DANG, DE'I DNGOS PO MED PA'I DNGOS PO YOD PA NI 'DUS PAS STONG PA NYID NAS, CHOS THAMS CAD STONG PA NYID CES BYA BA'I BAR DU GO RIMS BZHIN TE, 'DI LTAR 'DUS BYAS LA BDAG PO'AM SBYOR BA PO'I GANG ZAG KYANG MED DE, 'DUS BYAS KYANG BYIS PA'I SKYE BOS KUN BRTAGS PA'I BDAG NYID DU MED DO, ,MDOR BSDUS NA RNAM PAR RTOG PA'I 'DZIN PA THAMS CAD KYI GNYEN PO DANG, MDO SDE'I DGONGS PA THAMS CAD LUNG BSTAN PA'I PHYIR, NYAN THOS DANG THUN MONG MA YIN PA, BYANG CHUB SEMS DPA' RNAMS KYI STONG PA NYID BCU DRUG PO 'DI DAG BSHAD DO, ,'DIR NI BCOM LDAN 'DAS KYIS STONG PA NYID KYI YUL DANG, STONG PA NYID KYI RANG BZHIN DANG STONG PA NYID BSGOM PA'I DGOS PA YANG RAB TU BSTAN TO, ,DE LA STONG PA NYID KYI YUL NI ZA BA LA SOGS PA'I DON NAS SANGS RGYAS KYI CHOS LA THUG GI BAR DU'O, ,DE RAB TU BSTAN PA YANG STONG PA NYID KYIS CHOS THAMS CAD LA KHYAB PAR SHES PAR BYED PA'I PHYIR RO, ,STONG PA NYID KYI RANG BZHIN NI DNGOS PO MED PA'I NGO BO NYID DANG, DNGOS PO MED PA'I DNGOS PO'I NGO BO NYID DO, ,STONG PA NYID KYI RANG BZHIN RAB TU BSTAN PA YANG SGRO 'DOGS PA DANG SKUR PA 'DEBS PA'I GNYEN POR LTA BA THAMS CAD LAS NGES PAR 'BYUNG BA'I BDAG NYID DU SHES PAR BYED PA'I PHYIR RO, ,STONG PA NYID BSGOM PA'I DGOS PA NI DGE BA GNYIS THOB PAR BYA BA NAS BRTZAMS TE, SANGS RGYAS KYI CHOS THOB PAR BYA BA'I BAR DU'O, ,DE BSTAN PA YANG BDAG DANG GZHAN GYI GZUGS DANG, CHOS KYI SKU PHUN SUM TSOGS PA'I MCHOG NI STONG PA NYID @218A *, ,BSGOM PA LAS 'THOB PO ZHES RAB TU BSTAN PA'I THA TSIG GO, ,DE LTAR STONG PA NYID KYI RAB TU DBYE BA SHES PAR BYA'O ZHES BYA BA NI DRI MA DANG BCAS PA'I DUS NA KUN NAS NYON MONGS PA DANG, DRI MA MED PA'I DUS NA RNAM PAR DAG GO ZHES BYA BA DANG, NANG STONG PA NYID LA SOGS PA BCU DRUG TU GYUR PA'I DBYE BA BSHAD MA THAG PA'I RNAM PA YIN PAR SHES PAR BYA'O, ,DBYE BA SMOS PA'I 'OG TU DE SGRUB PA SMOS PAS DBYE BA BSHAD PA'I 'OG TU, SGRUB PA JI LTAR SHES PAR BYA ZHE NA ZHES DRIS SO, ,'DIR CI ZHIG PA SGRUB PAR BYA ZHE NA, GLO BUR GYI NYE BA'I NYON MONGS PAS KUN NAS NYON MONGS PA NYID DANG, RANG BZHIN GYIS RNAM PAR DAG PA NYID DO, ,DE LA KUN NAS NYON MONGS PA NYID BSGRUB PA'I DBANG DU MDZAD DE, GAL TE NYON MONGS DE MA GYUR, ,LUS CAN THAMS CAD GROL BAR 'GYUR, ,ZHES BYA BA GSUNGS SO, ,RNAM PAR GROL BA NI KUN NAS NYON MONGS PA SPANGS PA'O, ,KUN NAS NYON MONGS PA SPANGS PA DE YANG LAM BSGOMS PAS SO, ,DE LA GAL TE GNYEN PO MA SKYES PAR YANG CHOS RNAMS KYI STONG PA NYID GLO BUR GYI NYE BA'I NYON MONGS PA RNAMS KYIS ZHES BYA BA LA, YANG GI SGRA NI SKYES PA DANG 'DRA BAR KUN NAS NYON MONGS PAR MI 'GYUR NA, DE LTAR GYUR NA NI KUN NAS NYON MONGS PA MED PAS 'BAD PA MED PAR SEMS CAN THAMS CAD GROL BAR 'GYUR RO, ,'BAD PA MED PAR ZHES BYA BA NI GNYEN PO MED PA NYID DU STE, GNYEN PO MED PAR NI SROG CHAGS RNAMS THAR PA MED DO, ,DE'I PHYIR SO SO'I SKYE BO'I DUS NA, DE BZHIN NYID LA GLO BUR GYI DRI MA RNAMS KYIS KUN NAS NYON MONGS PA NYID DU GDON MI ZA BAR KHAS BLANG DGOS TE, DE LTAR STONG PA NYID KYI RAB TU DBYE BA KUN NAS NYON MONGS PA BSGRUBS PA YIN NO, ,DA NI RAB TU DBYE BA RNAM PAR DAG PA SGRUB PA'I PHYIR, GAL TE RNAM DAG DE MA GYUR, ,'BAD PA 'BRAS BU MED PAR 'GYUR, ,ZHES BYA BA GSUNGS SO, ,LUS CAN RNAMS DANG SBYAR BAR BYA'O, , CI STE GNYEN PO SKYES KYANG ZHES BYA BA LA, KYANG GI SGRA NI MA SKYES PA DANG 'DRA BAR RNAM PAR DAG PAR MI 'GYUR NA, DE LTAR GYUR NA NI THAR PAR BYA BA'I PHYIR RTZOM PA 'BRAS BU MED PAR 'GYUR TE, GNYEN PO BSGOMS KYANG DRI MA DE DANG BRAL BAR MI 'GYUR BA DANG, DRI MA DANG BCAS PA NI GROL BAR MI 'THAD PA'I @218B PHYIR RO, ,THAR PAR BYA BA'I PHYIR 'BRAS BU MED PAR MI 'DOD PAS, DE'I PHYIR GNYEN PO GOMS PAR BYAS NA, GLO BUR GYI NYE BA'I NYON MONGS PA DANG BRAL BAS, STONG PA NYID KYI RNAM PAR DAG PA GDON MI ZA BAR KHAS BLANG DGOS TE, DE LTAR STONG PA NYID KYI RAB TU DBYE BA RNAM PAR DAG PA BSGRUBS PA YIN NO, ,'DIR KUN NAS NYON MONGS PA'I CHOS NYE BAR BZUNG BAS KUN NAS NYON MONGS PA LA, RNAM PAR DAG PA'I CHOS NYE BAR BZUNG BA RNAM PAR DAG GI ,STONG PA NYID LA MNGON DU KUN NAS NYON MONGS PA 'AM, RNAM PAR DAG PAR MI MI 'DOD DE, ,CHOS NYID NI CHOS KYI KHA NA LAS PAS, DE'I PHYIR, LUS CAN THAMS CAD GROL BAR 'GYUR, ,ZHES GSUNGS TE, 'DIR LUS CAN ZHES BYA BA NI DE'I RGYU NYID DU BSHAD PA YIN NO, ,GZHAN DU NA GAL TE STONG PA NYID LA MNGON DU KUN NAS NYON MONGS PA 'AM, RNAM PAR DAG PAR GYUR DU ZIN NA NI, DE'I PHYIR LUS CAN RNAMS DANG 'BREL PA CI YOD NA, 'DI LTAR STONG PA NYID RNAM PAR DAG PAS LUS CAN RNAMS RNAM PAR DAG PA DANG, STONG PA NYID KUN NAS NYON MONGS PAS KYANG, KUN NAS NYON MONGS PA ZHES BYA, GAL TE SO SO'I SKYE BO'I DUS NA, STONG PA NYID NYON MONGS LA, 'PHAGS PA'I DUS NA DAG PA YIN NA NI, DE'I PHYIR, NYON MONGS MA YIN MI MONGS MIN, ,DE NI DAG DANG MA DAG MIN, ,ZHES BYA BA 'DI GRUB PA YIN NO, ,JI LTAR NYON MONGS PAR GYUR PA MA YIN LA MA DAG PA YANG MA YIN ZHE NA, DGAG PA GNYIS KYIS SKABS SU KHONG DU CHUD PAR BYED PAS DAG PA NYID DE, 'DIR LUS DANG SEMS RANG BZHIN GYIS 'DO GSAL BA'I PHYIR RO ZHES 'BYUNG NGO, , 'DIR NI SEMS KYI CHOS NYID LA SEMS KYI SGAR BSHAD DE, SEMS NYID NI DRI MA'I MTSAN NYID KYI PHYIR RO, ,JI LTAR NYON MONGS PAR MA GYUR PA MA YIN PA YANG MA YIN LA RNAM PAR DAG PA YANG MA YIN ZHE NA, NYON MONGS PA NYID YIN PAR DGAG PA GNYIS KYIS KHONG DU CHUD PAR BYED DO, ,DE YANG GLO BUR GYI NYON MONGS PAS NYON MONGS PA YIN GYI RANG BZHIN GYIS NI MA YIN ZHES STON TO, ,DE YANG LUNG LAS GLO BUR GYI NYE BA'I NYON MONGS PA RNAMS KYIS NYE BAR NYON MONGS SO ZHES 'BYUNG NGO, ,KUN NAS NYON MONGS PA DANG RNAM PAR DAG PA GNYIS SU BYE STE BSHAD NA, CI'I PHYIR DBYE BA RNAM PA BZHIR BSHAD CE NA, @219A *, ,KHA CIG NA RE 'JIG RTEN PA DANG 'JIG RTEN LAS 'DAS PA'I LAM LAS KHYAD PAR DU BSTAN PA'I PHYIR TE, 'JIG RTEN GYI LAM NI RANG GI SA'I DRI MA RNAMS KYI NYON MONGS KYI, DE'I GNYEN PO'I PHYIR 'OG MAS NI MA YIN NO, ,'JIG RTEN LAS 'DAS PA'I LAM NI CHUNG NGU DANG, 'BRING PO LA SOGS PA'I BYE BRAG GIS NI MA DAG GI ,ZAG PA MED PAS NI DAG PA STE, STONG PA NYID NI DE LTA MA YIN NO ZHE'O, ,KUN NAS NYON MONGS PA MA YIN NO ZHES BSHAD PA LA, GZHAN DAG NA RE MIG LA SOGS PA DANG BYE BRAG YOD PAS MA DAG PA YIN NO, ,MIG LA SOGS PA NI MA BSGRUBS PA'I LUNG DU MA BSTAN PA YIN PAS NYON MONGS PA MA YIN LA, DE DAG GI ZAG PA DANG BCAS PAS RANG BZHIN GYIS RNAM PAR DAG PA MA YIN PAS, MA DAG PA YANG MA YIN ZHES BSHAD DO, ,DE BZHIN DU NYON MONGS PA MED PA YANG MA YIN ZHES BSHAD PA LA, DAG PA MA YIN NO ZHES BYA BA NI ZAG PA DNG BCAS PA'I DGE BA DANG BYE BRAG YOD PA'I PHYIR TE, ZAG PA DANG BCAS PA'I DGE BA NI 'KHOR BAR GTOGS PAS NYON MONGS PA MED PA MA YIN LA, RNAM PAR SMIN PA YID DU 'ONG BAS DAG PA STE, CHOS NYID NI DE LTA MA YIN NO, ,DE NI NYON MONGS PA'I DUS NA NYON MONGS PA CAN YIN LA MA DAG PA NYID CES BSHAD DO, ,DE LTAR STONG PA NYID KYI RAB TU DBYE BA KUN NAS NYON MONGS PA DANG, RNAM PAR DAG PA BSTAN PA 'DI BSGRUBS PA YIN NO, ,STONG PA NYID KYI DON BSDUS PA NI, MTSAN NYID DANG RNAM PAR GZHAG PAR RIG PAR BYA'O, ,DE LA MTSAN NYID NI DNGOS PO MED PA'I MTSAN NYID DANG DNGOS PO'I MTSAN NYID DO ZHES BYA BA LA GNYIS KYI DNGOS PO MED DO ZHES BSHAD PAS DNGOS PO MED PA'I MTSAN NYID DO, ,DNGOS PO MED PA'I DNGOS PO ZHES BSHAD PAS DNGOS PO'I MTSAN NYID DO, ,DNGOS PO'I MTSAN NYID KYANG YOD PA MA YIN MED PA'ANG MA YIN ZHES BSHAD PAS, DNGOS PO YOD PA DANG DNGOS PO MED PA LAS RNAM PAR GROL BA'I MTSAN NYID DANG, DE NYID DANG GZHAN LA RNAM PAR GROL BA'I MTSAN NYID DE 'DI NI STONG PA NYID KYI MTSAN NYID DO, ,DE BAS NA YANG DAG PA MA YIN PA KUN RTOG PA DANG THA DAD GCIG PA'I MTSAN NYID MIN ZHES BSHAD DO, ,DE LTAR NA MTSAN @219B NYID KYI DON BSDUS PA'O, ,RNAM PAR GZHAG PA'I DON BSDUS PA JI LTAR GZHAG PAR BYA ZHE NA, DE'I PHYIR RNAM PAR GZHAG PA NI RNAM GRANGS LA SOGS PA RNAM PAR GZHAG PAR RIG PAR BYA'O ZHES BYA BA SMOS TE, RNAM GRANGS DANG DE'I DON DANG DE'I DBYE BA DANG DE SGRUB PA ZHES BYA BA'I THA TSIG GO, ,MTSAN NYID LA SOGS PA RNAM PA BZHI PO 'DI DAG BSTAN PAS NYE BA'I NYON MONGS PA RNAM PA BZHI'I GNYEN POR, RANG GI MTSAN NYID DANG, LAS KYI MTSAN NYID DANG, KUN NAS NYON MONGS PA DANG, RNAM PAR BYANG BA'I MTSAN NYID DANG, RIGS PA'I MTSAN NYID BRJOD PA YIN NO, ,DE LA RNAM PAR RTOG BA'I GNYEN POR RANG GI MTSAN NYID DE, DE NI DNGOS PO DANG, DNGOS PO MED PA DANG GNYI GA DANG, THA DAD GCIG PA NYID DU 'DZIN PA'I BDAG NYID DO, ,STONG PA NYID KYI MTSAN NYID THOS NAS MA MOS PA RNAMS KYIS SKRAG PAR 'GYUR BA DE'I GNYEN POR LAS KYI MTSAN NYID DE, MA NOR BDE BZHIN NYID KYI LAS DANG, PHYIN CI MA LOG PA'I LAS DANG, MTSAN MA THAMS CAD SPANGS PA'I LAS DANG, 'JIG RTEN LAS 'DAS PA'I YE SHES THAMS CAD KYI YUL NYID DU GNAS PA'I LAS DANG, DMIGS PA NA 'PHAGS PA'I CHOS KYI RGYU'I DNGOS PO'I LAS SO, ,DE LTAR STONG PA NYID KYI RANG GI NGO BO DANG LAS THOS PA TZAM GYIS CHOG PAR 'DZIN PA LE LO CAN RNAMS KYI LE LO BSAL BA'I PHYIR, ,RAB TU DBYE BA'I MTSAN NYID DO, ,DE JI LTAR KUN NAS NYON MONGS PAR 'GYUR RNAM PAR DAG PAR 'GYUR SNYAM PA'I SOM NYI ZA BA RNAMS KYI THE TSOM BSAL BA'I PHYIR RIGS PA'I MTSAN NYID DO, , BSTAN BCOS DBUS DANG MTHA' RNAM PAR 'BYED PAS MTSAN NYID KYI LE'UR BCAD PA ST DANG POR 'GREL BSHAD DO,, ,,MTSAN NYID BSHAD PA'I 'OG TU SGRUB PA BSHAD PA'I SKABS YIN TE, DE'I 'OG TU SNOS PAS DE'I PHYIR SGRIB PA'I DBANG DU MDZAD DE ZHES BYA BA SMOS SO,, KHYAB DANG NYI TSE LHAG PA DANG, ,MNYAM PA DANG LEN PA DANG SPONG BA NI, ,GNYIS KYI SGRIB PAR BSTAN PA YIN, ,GNYIS PO DAG GI SGRUB PA NI BYANG CHUB SEMS DPA'I RIGS CAN RNAMS DANG, NYAN THOS LA SOGS PA'I RIGS CAN RNAMS KYI SGRIB PA'O, ,BSGRIB PAR BYA BA'I DON THA DAD PAS SGRIB PA THA @220A *, ,DAD PAR RAB TU BSTAN PA'I PHYIR LE'U 'DI BRTZAMS SO, ,DE LA KHYAB PA NI BYANG CHUB SEMS DPA'I RIGS CAN RNAMS KYI NYON MONGS PA DANG SHES BYA'I SGRIB PA STE ZHES BYA BA NI KHYAB PAR BYED PAS KHYAB PA STE, DON MTHA' DAG LA SGRIB PA'I PHYIR RO, ,DON MTHA' DAG GI DON DANG GZHAN GYI DON TO, ,YANG NA NYON MONGS PA DANG SHES BYA'I SGRIB PA RNAM GNYIS BTAGS PAS BYANG CHUB SEMS DPA' RNAMS KYI SGRIB PA LA KHYAB PAR BYED PAS KHYAB PA ZHES BYA'O, ,NYON MONGS PA NYID SGRIB PAS NI SGRIB PA'O, ,NYON MONGS PA NYID KYI CHOS KHO NAR 'DRA BAS, 'DIR NI NYE BA'I NYON MONGS PA YANG NYON MONGS PA'I SGRAR GZUNG NGO, ,GZHAN DU NA NI NYON MONGS PA'I MTSAN NYID RNAM PA DGU ZHES BYA BAR PHRAG DOG DANG SER SNA GNYIS GZUNG BAR MI 'GYUR TE, DE GNYIS NYE BA'I NYON MONGS PA YIN PA'I PHYIR RO, ,SHES BYA BA LA SGRIB PAS SHES BYA'I SGRIB PA STE, DES SHES BYA RAB TU BSGRIBS PAS SHES PA'I YUL DU MI 'GYUR RO, ,YANG NA SHES BYA LA YE SHES KYI SGRIB PA YIN TE, SHES SPAR BYA BA LA YE SHES SKYE BA'I BGEGS BYED PA'I PHYIR RO, ,SHES BYA DANG SGRIB PA'I BAR GYI TSIG MA SMOS PAR MAR GYI BUM PA BZHIN NO, ,DE YANG NYON MONGS PA CAN MA YIN PA'I MI SHES PA'O, ,BYANG CHUB SEMS DPA'I RIGS CAN RNAMS KYIS, BDAG DANG GZHAN GYI DON PHUN DU BYUNG BA THOB PAS SANGS RGYAS NYID THOB PAR BYA BA'I PHYIR BSOD NAMS DANG YE SHES KYI TSOGS RNAMS PA THAMS CAD KUN LA NAN TAN DU BYA BA DE LA GNYI GA YANG BGEGS SU GYUR BAS DE'I PHYIR DE BYANG CHUB SEMS DPA'I RIGS CAN RNAMS KYI SGRIB PAR RNAM PAR GZHAG GO, ,DE LA KHYAB PA NI THAMS CAD YUL YIN LA MTHA' DAG CES BYA BA NI RNAM PAR THAMS CAD LA BYA NA, JI LTAR MTHA' DAG GIS KHYAB PAR SHES PAR BYED PAR 'GYUR ZHE NA, MTHA' DAG GI PHYIR DE KHYAB PA'I SGRIB PAR BRJOD DE RGYUR BSTAN PAS 'GYUR RO, ,YANG NA KHYAB PA'I SGRA NI MA LUS PA'I DON DU BSTAN PA'I PHYIR MTHA' DAG GI PHYIR RO ZHES SMOS SO, ,NYI TSE BA NI NYAN THOS LA SOGS PA'I RIGS CAN RNAMS KYI NYON MONGS PA'I SGRIB PA'O ZHES BYA BA NI, BDAG GI DON TZAM LA SGRIB PAS SGRIB PAR BTAGS PA DANG KHYAB PA @220B MA YIN PA'I PHYIR NYI TSE BA ZHES BYA'O, ,NYAN THOS DANG RANG SANGS RGYAS RNAMS LA NYON MONGS PA CAN MA YIN PA'I MI SHES PA MED DAM ZHE NA, 'DI LTAR DE DAG LA NYON MONGS PA'I SSGRIB PA NYID RNAM PAR GZHAG CE NA, YOD MOD KYI DE NI DE DAG GI SGRIB PA MA YIN TE, DE YOD BZHIN DU NYAN THOS DANG RANG SANGS RGYAS KYI BYANG CHUB 'THOB PA'I PHYIR RO, ,MI SHES PA NI SDUG BSNGAL LA SOGS PA'I BDEN PA'I YUL LA, NYAN THOS LA SOGS SPA'I SHES PA SKYE BA'I BGEGS SU GYUR PA YANG MA YIN NAM, DE BAS NA DE DAG LA YANG SGRIB PA GNYI GA YOD PAR 'GYUR RO, ,DE'I PHYIR NYAN THOS LA SOGS PA LA NI NYON MONGS PA'I SGRIB PA KHO NA'O ZHES BRJOD PAR MI BYA'O ZHE NA, DE NI DE LTA MA YIN TE MA RIG PA NI NYON MONGS SPAR GYUR PA DANG, RIG PA'I MTHUN PA'I PHYOGS SU GYUR PA DANG, 'KHOR BA'I RTZA BAR 'GYUR BA'I PHYIR, NYON MONGS PA'I SGRIB PA NYID DU RNAM PAR GZHAG GI, ,SHES BYA'I SGRIB PA NI MA YIN TE, SO MA NYI BZHIN NO, ,DPER NA SDUG BSNGAL GYI TSOGS KYI RAB TU PHYE BA'I PHYIR, DE DAG GI SGRIB PA NI SHES NYON MONGS PA ZHES BYA'I YUL GZHAN LA NI MA YIN NO, ,YUL GZHAN LA NI SOM NYI NYID DE, NYON MONGS PA YANG MA YIN THE TSOM YANG MA YIN NO, ,DE BZHIN DU SDUG BSNGAL GYI BDEN PA LA SOGS PA'I YUL NYID LA MI SHES PA NI MA RIG PA DANG NYON MONGS PA ZHES BYA BA'I YUL GZHAN LA MA YIN NO, ,YUL GZHAN LA NI MI SHES PA NYID YIN TE, MA RIG PA'AM MA YIN NYON MONGS PA'AM MA YIN NO, ,DE LTA BAS NA DE NI SHES PAR BYA BA LA YE SHES TZAM 'JUG PA LA SGRIB PA'I PHYIR, SHES BYA'I SGRIB PA ZHES BYA STE, MA RIG PA LTAR NYON MONGS PA DANG LAS DANG TSE RNAMS KYANG 'BYUNG RBA NI YIN NO, ,GAL TE DE LTA NA BYANG CHUB SEMS DPA' RNAMS KYI SGRIB PAR RNAM PAR MI GZHAG GO ZHE NA, DE NI DE LTA MA YIN TE, BYANG CHUB SEMS DPA' RNAMS NI THOS PA'I TSOGS KYI RAB TU PHYE BA'I PHYIR, DE DAG GI SGRIB PA NI SHES BYA'I SGRIB PA STE, DE SKAD DU, RIG PA'I GNAS LNGA DAG LA BRTZON PAR MA BYAS PAR, ,'PHAGS MCHOG CIS KYANG THAMS CAD MKHYEN NYID MI 'GYUR TE, ,DE BAS GZHAN DAG TSAR GCOD RJES SU GZUNG PHYIR RAM, ,RANG GIS SHES PAR BYA @221A *, ,PHYIR DE LA DE BRTZON BYED, ,CES BSHAD DO, ,LHAG PA NI 'DOD CHAGS LA SOGS PA'I DNGOS PO CHUNG YANG BYANG CHUB SEMS DPA'I RIGS CAN DANG, NYAN THOS LA SOGS PA'I RIGS CAN DE DAG LA SHAS CHE BA DANG RGYUN DU 'BYUNG BA'O, ,'DOD CHAGS LA SOGS PA SPYOD PA RNAMS KYI SGRIB PA'O ZHES BYA BA NI, SU DAG YUL NGAN PA LA YANG 'DOD CHAGS LA SOGS PA GANG YANG RUNG BA SHAS CHE BA DANG, RGYUN DU 'BYUNG BA DE DAG NI 'DOD CHAGS LA SOGS PA SPYOD PA'O, ,MNYAM PA NI BYANG CHUB SEMS DPA'I RIGS CAN DANG, NYAN THOS LA SOGS PA'I RIGS CAN DE DAG NYID KYI SGRIB PA STE, MNYAM PA NI DE GNYI GA'I RNAM PA YANG MED PA'I PHYIR RO, ,CHA MTSUNGS PAR SPYOD PA RNAMS KYI SGRIB PA'O ZHES BYA BA NI, SU DAG YUL DANG 'DRA BAR NYON MONGS PA SKYE'I, RGYUN DU NI MA YIN PA DE DAG NI CHA MTSUNGS PAR SPYOD PA'O, ,'KHOR BA LEN PA DANG GTONG BA'I SGRIB PA NI ZHES BYA BA LA SOGS PA NI, BYANG CHUB SEMS DPA'I SNYING RJE'I DBANG GIS 'KHOR BA NYE BAR LEN PA DANG, SHES RAB KYI DBANG GIS 'KHOR BA'I NYES PA YANG DAG PA JI LTA BA BZHIN DU MTHONG STE, STONG PAS DE'I PHYIR NYON MONGS PA MED PAR SEMS CAN LA LTA BAS SKYE BA YONGS SU 'DZIN PA NI, MI GNAS PA'I MYA NGAN LAS 'DAS PA STE, 'KHOR BA DANG MYA NGAN LAS 'DAS PA GNYIS LA MI GNAS PA'I PHYIR RO, ,DE'I SGRIB PA NI NYON MONGS PAS NON BZHIN DU 'KHOR BA NYE BAR LEN PA DANG, NYES PA YANG DAG PA JI LTA BA BZHIN DU MTHONG NAS SNYING RJE MED PAR 'KHOR BA YONGS SU GTONG BA'O, , GZHAN DAG NA RE SNYING RJE DANG SHES RAB GNYIS KYI BGEGS SU GYUR PA'I PHYIR MI SHES PA NI 'DIR SGRIB PA ZHES BYA'O ZHE'O, ,YANG NA JI LTAR DKON MCHOG BRTZEGS PA CHEN PO LAS, DE'I BSAM PA MYA NGAN LAS 'DAS PA LA YANG GNAS LA, 'KHOR BA NA YANG SBYOR BAR GNAS PA ZHES BSTAN PA LTA BU STE, 'DI NI BYANG CHUB SEMS DPA' RNAMS KYI MI GNAS PA'I MYA NGAN LAS 'DAS PA'O, ,DE LA MYA NGAN LAS 'DAS PA LA RGYAB KYIS BLTAS PA'I PHYIR, BSAM PA DANG SBYOR BAS 'KHOR BA LA LEN TE, RIGS MED PA'I SEMS CAN BZHIN NO, ,DE BZHIN DU 'KHOR BA LA RGYAB @221B KYIS BLTAS PA'I PHYIR, MYA NGAN LAS 'DAS PAR SONG BA'I BSAM PA DANG, SBYOR BA GNYIS KYIS 'KHOR BA YANG YONGS SU GTONG STE, NYAN THOS LA SOGS PA'I RIGS CAN RNAMS JI LTA BA BZHIN NO, ,DE LTAR 'KHOR BA LEN PA DANG DE GTONG BA YANG BYANG CHUB SEMS DPA' RNAMS KYI MI GNAS PA'I MYA NGAN LAS 'DAS PA LA SGRIB PA STE, 'KHOR BA DANG MYA NGAN LAS 'DAS PA GNYIS LAS MTHA' GCIG TU LTUNG BA'I PHYIR RO, ,BYANG CHUB SEMS DPA' RNAMS DE BZHIN GSHEGS PAR GYUR PA'I DUS NA NYON MONGS PA DANG SHES BYA'I SGRIB PA SPANGS PA'I 'KHOR BA LA MI GNAS PA DANG, PHUNG PO'I LHAG MA MED PA'I MYA NGAN LAS 'DAS PA NA YANG CHOS KYI SKU RGYUN MI 'CHAD PA'I PHYIR, NYAN THOS LA SOGS PA BZHIN DU MYA NGAN LAS 'DAS PA LA MI GNAS TE, DE LTAR NA 'KHOR BA DANG MYA NGAN LAS 'DAS PA GNYIG LA YANG MI GNAS SO, ,'DIR BYANG CHUB SEMS DPA' DANG NYAN THOS LA SOGS PA'I LAM DANG, DE GNYIS GYI SBYOR BA DANG, 'BRAS BU DANG MI GNAS PA'I MYA NGAN LAS 'DAS PA LA BGEGS BYED PA'I PHYIR SGRIB PA RNAM PA LNGA PO 'DI DAG GRANGS BZHIN NO, ,DE LTAR 'DI DAG NI CI RIGS PAR ZHES BYA BA NI JI LTAR MTHUN MTHUN DU'O, ,DE LA DANG PO DANG THA MA NI BYANG CHUB SEMS DPA'I RIGS CAN RNAMS KYI SGRIB PA'O, ,DANG 'OG NI NYAN THOS LA SOGS PA'I RIGS CAN RNAMS KYI SGRIB PA'O, ,GZHAN GNYIS NI GNYI GA'I SGRIB PA'O, ,DE LA SHES BYA'I SGRIB PA NI BYANG CHUB SEMS DPA' RNAMS KYI SGRIB PAR BSHAD DE, DE YANG NYON MONGS PA CAN MA YIN PA'I MI SHES PA'O ZHES BYA BAR SHES SO, ,GNYI GA'I SGRIB PA'I NYON MONGS PA'I SGRIB PA LA RNAM PA DU YOD PA DANG, RANG BZHIN JI LTA BU DANG GANG GI BGEGS SU GYUR PA MI SHES TE, DE'I PHYIR, NYON MONGS MTSAN NYID RNAM DGU'O, ,ZHES BYA BA GSUNGS TE, SGRIB CES BYA BA DANG SBYAR RO, ,NYON MONGS PA'I MTSAN NYID NI NYON MONGS PA'I RANG BZHIN NO, ,RNAM PA DGU PO DE JI LTA BU ZHE NA, DE'I PHYIR KUN DU SBYOR RNAMS ZHES BYA BA GSUNGS SO, ,SDUG BSNGAL SNA TSOGS LA KUN DU SBYOR BAS KUN DU SBYOR BA RNAMS SO, ,SDUG BSNGAL SNA TSOGS KYANG 'DOD PA DANG, GZUGS @222A *, ,DANG GZUGS MED PAR GTOGS PA'I LUS TE, SDUG BSNGAL GYI SDUG BSNGAL NYID DANG 'GYUR BA'I SDUG BSNGAL NYID DANG, 'DU BYED KYI SDUG BSNGAL NYID DE KHAMS GSUM DANG CI RIGS SU SBYAR RO, ,DE YANG RJES SU CHAGS PA'I KUN DU SBYOR BA NAS, SER SNA'I KUN DU SBYOR BA'I BAR DU'O, ,DE LA KHONG KHRO BA NI ZHE SDANG NGO, ,PHRAG DOG NI GZHAN GYI PHUN SUM TSOGS PA LA MI BZOD PA'O, ,SER SNA NI YO BYAD KUN 'DZIN PA STE, DE GSUM NI 'DOD PAR GTOGS PA'O, ,RJES SU CHAGS PA'I KUN DU SBYOR BA NI KHAMS GSUM GYI SRED PA'O, ,DE BZHIN DU NGA RGYAL DANG MA RIG PA DANG LTA BA DANG, MCHOG TU 'DZIN PA DANG, THE TSOM GYI KUN DU SBYOR BA RNAMS NI KHAMS GSUM PA DAG NYID DO, ,'JIG TSOGS DANG MTHAR 'DZIN PA'I LTA BA DANG, LOG PAR LTA BA RNAMS NI LTA BA'I KUN DU SBYOR BA'O, ,LTA BA DANG TSUL KHRIMS DANG BRTUL ZHUGS MCHOG TU 'DZIN PA NI; MCHOG TU 'DZIN PA'I KUN DU SBYOR BA'O, ,THE TSOM NI BDEN PA DANG DKON MCHOG RNAMS LA YID GNYIS ZA BA'O, ,GZHAN KHONG KHRO BA LA SOGS PA NYE BA'I NYON MONGS PA GANG YIN PA DE DAG KYANG NYON MONGS PA'I RGYU MTHUN PA DANG, NYON MONGS PAR GYUR PA'I PHYIR, NYON MONGS PA'I SGRIB PA NYID DO, ,PHRAG DOG DANG SER SNA NI GTZO BO YIN PAS KUN DU SBYOR BAR BZUNG NGO, ,MDO SDE LAS KYANG 'DI SKAD CES, KOO SHI KA LHA DANG MI RNAMS NI PHRAG DOG DANG SER SNA'I KUN DU SBYOR BA'O ZHES GSUNGS SO, ,DE DAG KYANG GANG LA SGRIB PA YIN ZHE NA DE'I PHYIR, SKYO BA DANG NI BTANG SNYOMS DANG, DE KHO NA NI MTHONG BA DANG, ,ZHES BYA BA GSUNGS SO, ,SKYO BA NI YID 'BYUNG BA'I RNAM GRANGS SU GTOGS PA STE, DE BAS NA RJES SU CHAGS PA'I KUN DU SBYOR BA NI KUN DU SKYO BA LA SGRIB PO ZHES BYA BA SMOS TE, DES LUS DANG 'TSO BA DANG, LONGS SPYOD DANG BU SMAD LA SOGS PA DANG, BSAM GTAN DANG GZUGS MED PA RNAMS LA YANG RJES SU CHAGS PAS, 'KHOR BA'I SDUG BSNGAL RNAMS KYIS NYEN YANG KHAMS GSUM LA MI SKYO'O, ,KHONG KHRO BA'I KUN DU SBYOR BA NI BTANG SNYOMS LA SGRIB STE, JI LTA ZHE NA DE'I PHYIR, DES NI MI MTHUN PA ZHES RGYA CHER SMOS SO, ,YID @222B MI BDE BA'I RGYU YIN PAS MI MTHUN PA'O, ,KHONG KHRO BA'I GZHI STE KHONG KHRO BA'I RGYU LA BTANG SNYOMS SU BYED CING MNGON DU MI BYED PAR MI NUS SO, ,RJES SU CHAGS PA'I GZHI NI MI MTHUN PA MED PAS BTANG SNYOMS SU MI NUS PA NI, RIGS KYI KHONG KHRO BA'I GZHI NI MI MTHUN PA LA YANG KHONG KHRO BA STE; BTANG SNYOMS SU BYED MI NUS PAS DE'I PHYIR, RJES SU CHAGS PA BAS SDIG CHE BAR BSTAN PA'I PHYIR YANG ZHES BYA BA SMOS SO, ,MNYAM PAR 'JOG PA NA GAL TE 'DU BYED KYI BTANG SNYOMS THOB NA, DE LTAR DE'I SEMS MNYAM PAR 'GYUR RO, ,GAL TE DE'I KHONG KHRO BA'I KUN DU SBYOR BSHAS CHE BAR 'GYUR NA NI, DE'I DBANG GIS KHONG KHRO BA'I RGYU DE LA BTANG SNYOMS MI THOB STE, DE BYUNG NA BDAG GI DMIGS PA LA GDON MI ZA BAR DMIGS PAR 'GYUR RO, ,DE LTAR RJES SU CHAGS PA'I KUN DU SBYOR BAS NI DBEN PA NYID MI 'THOB PO, ,KHONG KHRO BA'I KUN DU SBYOR BAS NI DBEN PAR GYUR KYANG TING NGE 'DZIN MI 'THOB PO, ,LHAG MA BDUN PO NI DE KHO NA MTHONG BA LA SGRIB CES BYA BA NI, MA NOR BAR MTHONG BA LA SGRIB PO, ,JI LTA ZHE NA ZHES BYA BA NI MI SHES TE DRI BA'O, ,DE'I PHYIR DE DAG NI GO RIMS BZHIN DU, 'JIG TSOGS LTA DANG DE'I GZHI DANG, ,ZHES BYA BA RGYA CHER GSUNGS SO, ,NGA RGYAL GYI KUN DU SBYOR BA NI 'JIG TSOGS LA LTA BA YONGS SU SHES PA LA BSGRIB PA YIN NO, ,DE LA 'JIG TSOGS LA LTA BA LA BRTEN NAS SEMS KHENGS PA NI NGA RGYAL TE, DE YANG NGA RGYAL LAS KYANG NGA RGYAL LA SOGS PA RNAM PA BDUN NO, ,'JIG TSOGS LA LTA BA LA BDAG DANG BDAG GI DANG GZUNG BA DANG 'DZIN PA LAS DBEN PA DANG, BYIS PA'I SKYE BOS KUN BRTAGS PA'I CHOS KYI RANG BZHIN GYIS DBEN PAR MTHONG BA GANG YIN PA DE NI, 'JIG TSOGS LA LTA BA YONGS SU SHES PA'O, ,DE'I SGRIB PA NI NGA RGYAL GYI KUN DU SBYOR BA YIN TE, DE SKYE BA LA BA GEGS BYED PA'I PHYIR RO, ,DE YANG GANG GI TSE JI LTA ZHE NA DE'I PHYIR, MNGON PAR RTOGS PA'I DUS NA NGA'O SNYAM PA'I NGA RGYAL BAR CHAD DANG BCAS PA DANG, BAR CHAD MED PAR KUN DU 'BYUNG BA'I DBANG GIS DE MA SPANGS PA'I PHYIR RO ZHES BYA BA SMOS SO, ,BDEN PA MNGON PAR RTOGS @223A *, ,PA'I DUS NI, NGES PAR 'BYED PA'I CHA DANG MTHUN PA'I DUS SO, ,DE LA BAR CHAD DANG BCAS PA NI GNYEN POS BAR DU CHOD PA'O, ,BAR CHAD MED PA NI GNYEN POS BAR DU MA CHOD PA STE, DE YANG GNYEN PO CHE BA DANG CHUNG BAR RIG PAR BYA'O, ,JI SRID DU NGA'O SNYAM PA'I NGA RGYAL BAR CHAD DANG BCAS PA DANG, BAR CHAD MED PA KUN DU 'BYUNG BA DE SRID DU 'JIG TSOGS LA LTA BA SPONG BA MED DE, 'JIG TSOGS LA LTA BA'I STOBS KYIS NGA'O SNYAM PA'I NGA RGYAL 'BYUNG BA'I PHYIR RO, ,MA RIG PA'I KUN DU SBYOR BA NI, 'JIG TSOGS LA LTA BA'I GZHI YONGS SU SHES PA LA SGRIB PO, ,'JIG TSOGS LA LTA PA'I GZHI NI NYE BAR LEN PA'I PHUNG PO LNGA RNAMS TE, DE LA DMIGS PA LAS BYUNG BA'I PHYIR RO, ,MDO'I SDE LAS KYANG JI SKAD DU, DGE SBYONG BRAM ZE GANG LA LA BDAG DANG BDAG GI RJES SU LTA BA NA, NYE BAR LEN PA'I PHUNG PO LNGA PO 'DI DAG NYID LA BRTEN NAS RJES SU BLTA'O, ,MNGON PAR ZHEN PA NA MNGON PAR ZHEN TO ZHES GSUNGS SO, ,YONGS SU SHES PA DE YANG JI LTA BU ZHE NA, PHUNG PO RNAMS LA BDAG DANG BDAG GIS STONG PA NYID DANG, BYIS PA'I SKYE BOS KUN BRTAGS PA'I CHOS KYI RANG BZHIN GYIS STONG PA NYID DU MTHONG BA GANG YIN PA DANG, MI RTAG PA NYID DANG, SDUG BSNGAL BA NYID DANG, BDAG MED PA NYID DANG, KUN 'BYUNG BA LA SOGS PAR MTHONG BA GANG YIN PA DE NI DE DAG YONGS SU SHES PA'O, ,'DIR RGYU SMOS PA DES NYE BAR LEN PA'I PHUNG PO RNAMS YONGS SU MI SHES PA'I PHYIR RO ZHES BYA BA'O, ,MA RIG PAS BRTAG PA LA SOGS PA'I RNAM PA RNAMS KYIS BSGRIBS PA'I PHUNG PO RNAMS LA DE YONGS SU SHES PA MED PA'I PHYIR, MA RIG PA NI PHUNG PO YONGS SU SHES PA LA SGRIB PO, ,LTA BA'I KUN DU SBYOR BA NI, 'GOG PA'I BDEN PA YONGS SU SHES PA LA SGRIB PO, ,LTA BA'I KUN DU SBYOR BA NI LTA BA LA GSUM STE; 'JIG TSOGS DANG, MTHAR 'DZIN PA DANG, LOG PAR LTA BA RNAMS SO, ,DE LA 'JIG TSOGS LA LTA BA NI, NYE BAR LEN PA'I PHUNG PO LNGA RNAMS LA BDAG GAM BDAG GIR LTA BA'O, ,MTHAR 'DZIN PAR LTA BA NI BDAG TU MNGON PAR BRTAG PA'I DNGOS PO DE NYID LA RTAG PAR LTA BA 'AM, @223B CHAD PAR LTA BA'O, ,LTA BA GANG GI RGYU'AM 'BRAS BU 'AM BYED PA'AM, YOD PA'I DNGOS PO LA SKUR PA 'DEBS PA DANG, LOG PAR KUN DU RTOG PA DE NI LOG PAR LTA BA'O, ,'GOG PA'I BDEN PA YONGS SU SHES PA NI ZHI BA LA SOGS PA'I RNAM PA RNAMS SO, ,JI LTAR DE NI DE LA SGRIB CAN, DE'I PHYIR 'JIG TSOGS DANG, MTHAR 'DZIN PAR LTA BA GNYIS KYIS DE LA SKRAG PA DANG, LOG PAR LTA BAS DE LA SKUR PA 'DEBS PA'I PHYIR RO ZHES BYA BA SMOS SO, ,DE LA 'JIG TSOGS DANG MTHAR 'DZIN PAR LTA BA DAG GIS BDAG DER MED PAR 'GYUR RO ZHES 'GOG PA LA SKRAG PAR 'GYUR RO; ,LOG PAR LTA BAS KYANG 'GOG PA MED DO ZHES SKUR PA 'DEBS SO, ,DE LA 'JIG TSOGS DANG MTHAR 'DZIN PAR LTA BDAG GIS ZHI BA DANG, GYA NOM PA DANG, NGES PAR 'BYUNG BAR YONGS SU MI SHES LA, LOG PAR LTA BAS 'GOG PAR YONGS SU MI SHES TE DE LTAR LTA BA'I KUN DU SBYOR BA NI 'GOG PA YONGS SU SHES PA LA SGRIB PA'O, ,MCHOG TU 'DZIN PA'I KUN DU SBYOR BA NI, LAM GYI BDEN PA LA YONGS SU SHES PA LA SGRIB STE ZHES BYA BA DE LA MCHOG TU 'DZIN PA'I KUN DU SBYOR BA NI, LTA BA MCHOG TU 'DZIN PA DANG TSUL KHRIMS DANG BRTUL ZHUGS MCHOG TU 'DZIN BA'O; ,DE LA LTA BA MCHOG TU 'DZIN PA NI, LTA BA DANG LTA BA'I GNAS NYE BAR LEN PA'I PHUNG PO LNGA RNAMS LA MCHOG LA SOGS PAR LTA BA GANG YIN PA'O, ,TSUL KHRIMS DANG BRTUL ZHUGS MCHOG TU 'DZIN PA NI, TSUL KHRIMS SAM, BRTUL ZHUGS SAM, DE GNYI GA 'AM, DE DAG GI GNAS NYE BAR LEN PA'I PHUNG PO LNGA RNAMS LA, DAG PA DANG GROL BA DANG, NGES PAR 'BYIN PAR YANG DAG PAR RJES SU LTA BA'I LTA BA GANG YIN PA DE NI TSUL KHRIMS DANG, BRTUL ZHUGS MCHOG TU 'DZIN PA'O, ,LAM YONGS SU SHES PA YANG NGES PAR 'BYIN PA LA SOGS PA'I RNAM PA RNAMS SU SHES PA'O, ,JI LTAR NA MCHOG TU 'DZIN PA'I KUN DU SBYOR BA LAM YONGS SU SHES PA LA SGRIB CE NA, DE'I PHYIR RNAM PA GZHAN GYIS DAG PAR MCHOG TU 'DZIN PA'I PHYIR RO ZHES BYA BA SMOS TE, TSUL KHRIMS DANG BRTUL ZHUGS TZAM GYIS SAM, 'DOD PA'I BDE BA'I @224A *, ,GNAS KYIS SAM, DKA' BA SPYOD PAS SAM, GRANGS CAN LA SOGS PA'I SHES PAS DAG PAR MCHOG TU 'DZIN PA'I PHYIR RO, ,LTA BA LA MCHOG TU 'DZIN PAS KYANG GANG GIS DAG PAR YID CHES PA DE NYID DAM PAR MCHOG TU 'DZIN TO, ,DE LTAR NA MCHOG TU 'DZIN PA'I KUN DU SBYOR BAS LAM BOR TE RNAM PA GZHAN GYIS DAG PAR MCHOG TU 'DZIN TO, ,THE TSOM GYI KUN DU SBYOR BA NI DKON MCHOG GSUM YONGS SU SHES PA LA SGRIB STE, JI LTA ZHE NA DE'I PHYIR, DE'I YON TAN LA MNGON PAR YID MI CHES PA'I PHYIR RO ZHES BYA BA SMOS SO, ,THE TSOM GYI KUN DU SBYOR BA NI BDEN PA DE DANG DKON MCHOG RNAMS LA YID GNYIS ZA BA STE, SANGS RGYAS DKON MCHOG LA YON TAN DANG NYES PA THAMS CAD PHUL DU PHYIN PA DANG, BSAL BA'I MTHAR THUG PA'I GNAS SU YONGS SU SHES PA'O, ,CHOS DKON MCHOG LA 'KHOR BA'I RGYA MTSO LAS SGROL BA DANG, RGYU DANG BCAS PA'I SDUG BSNGAL DANG GTAN DU BRAL BA'I BDAG NYID DE, DE KHONG DU CHUD PAR BYED PAR YONGS SU SHES PA'O, ,DGE 'DUN DKON MCHOG LA DGE SBYONG GI 'BRAS BU LA GNAS PA DANG, DER ZHUGS PA DANG, BLA NA MED PA'I SBYIN GNAS KYI ZHING YIN PAR YONGS SU SHES PA'O, ,BDEN PA DANG MTHONG BA DANG THE TSOM SPANG BA'I PHYIR SHES NAS DAD PA RNYED PAS DKON MCHOG GSUM GYI YON TAN LA MNGON PAR YID CHES KYI THE TSOM MA SPANGS PA NI MA YIN NO, ,DE'I PHYIR THE TSOM GYI KUN DU SBYOR BA NI DKON MCHOG GSUM YONGS SU SHES PA LA SGRIB CES BYA'O, ,PHRAG DOG GI KUN DU SBYOR BA NI RNYED PA DANG BKUR STI YONGS SU SHES PA LA SGRIB CES BYA'O, ,'DIR RGYU SMOS PA, DE'I NYES PA MI MTHONG BA'I PHYIR RO ZHES BYA'O, ,PHRAG DOG GI KUN DU SBYOR BA NI RNYED PA DANG, BKUR STI LA CHAGS PA STE, GZHAN GYI PHUN SUM TSOGS PA LA ZHE SDANG GI CHAR GTOGS PAS SEMS KHONG NAS 'KHRUG PA'O, ,RNYED PA DANG BKUR STI LA GNOD PA THAMS CAD KYI GNAS YIN PAR KHONG DU CHUD PA NI YONGS SU SHES PAR BYA'O, ,PHRAG DOG GIS NI RNYED PA DANG BKUR STI YON TAN THAMS CAD KYI MI MTHUN PA'I PHYOGS SU GYUR PA DANG, GNOD PA SNA @224B TSOGS KYI RTZA BAR GYUR PAR MI SHES PAS, DE'I PHYIR PHRAG DOG GI KUN DU SBYOR BA NI RNYED PA DANG BKUR STI YONGS SU SHES PA LA SGRIB PO, ,SER SNA'I KUN DU SBYOR BA NI YO BYAD BSNYUNGS PA YONGS SU SHES PA LA SGRIB PO, ,JI LTA ZHE NA DE'I PHYIR YO BYAD LA LHAG PAR ZHEN PA'I PHYIR RO ZHES BYA BA SMOS SO, ,SER SNA NI YO BYAD RNAMS LA LHAG PAR CHAGS PA STE, 'DOD CHAGS KYI CHAR GTOGS PAS 'TSOG CHAS RNAMS LA SEMS KUN DU 'DZIN PA'O, ,YO BYAD BSNYUNGS PA NI YO BYAD RNAMS LAS LHAG PAR DBEN PA'O, ,DE LA YON TAN THAMS CAD KYI GNAS KYI DNGOS POR YONGS SU RTOGS PA NI YONGS SU SHES PA'O, ,SER SNA NI YO BYAD RNAMS LA LHAG PAR CHAGS PAS, YON TAN THAMS CAD KYI GNAS SU YONGS SU MI SHES TE, DE'I PHYIR YO BYAD BSNYUNGS PA LA SGRIB PO ZHES BSHAD DO, ,DE LA RJES SU CHAGS PA DANG KHONG KHRO BA'I KUN DU SBYOR BA NI DE KHO NA RTOGS PAR BYED PAR SBYOR BA NI SGRIB KYI, LHAG MA RNAMS NI MA YIN NO, ,LHAG MA RNAMS NI DE KHO NA RTOGS PAR BYED PAR ZHUGS PAR BYED PA LA SGRIB PO, ,DE NYID KYI PHYIR DE DAG GI GO RIMS NI 'DI LTA STE, TAHR PA 'DOD PAS THOG MA NYID DU GDON MI ZA BAR 'KHOR BA LA SEMS SKYO BAR BYA'O; ,DE NAS THAMS CAD LA BTANG SNYOMS SU BYA'O, ,DE NAS GNOD PA THAMS CAD KYI RTZA BA YIN PAS 'JIG TSOGS LA LTA BA YONGS SU SHES PAR BYA'O, ,DE'I 'OG TU DE'I GZHI LA SDUG BSNGAL DANG KUN 'BYUNG BA'I BDAG NYID DU YONGS SU SHES PAR BYA'O, ,DE NAS DE 'GOG PA SHES PAR BYA'O, ,DE'I 'OG TU THOB PA'I LAM SHES PAR BYA'O, ,DE NAS BDEN PA MTHONG BA DANG YON TAN DE DAG RTOG PA'I PHYIR DKON MCHOG LA SHES NAS DAD PA 'THOB PO, ,BDEN PA MTHONG BA'I STOBS NYID KYIS KYANG RNYED PA DANG BKUR STI DANG, YO BYAD BSNYUNGS PA GNYIS KYI NYES PA DANG YON TAN MTHONG BA YIN NO, ,DE LTAR BSGRIB PAR BYA BA'I CHOS KYI GO RIMS KYI RGYUS DE'I SGRIB PA'I GO RIMS KYANG RIG PAR BYA'O, ,THAMS CAD LA YANG THAMS CAD SGRIB PA NYID DU SRID PA'I PHYIR, GZHI SO SOR NGES PAS SGRIB PAR BSHAD PA NI MI RIGS PA MA YIN NAM ZHE NA, @225A *, ,'DIR GZHI SO SOR NGES PAR BYA BA NI MA YIN GYI, SO SOR NYE BAR GNAS PA'I PHYIR GTZO BOR BYAS TE 'DI BSTAN TO, ,CI SGRIB PA DE ZAD DAM ZHE NA, DE NI BYANG CHUB SEMS DPA' DANG NYAN THOS LA SOGS PA'I SPYI THUN NO, ,BYANG CHUB SEMS DPA' RNAMS KYI SGRIB PA NI, DGE BA LA SOGS PA BCU LA GZHAN SGRIB PA GANG YIN PA DANG, DGE BA LA SOGS PA YANG GANG YIN MI SHES TE, DE'I PHYIR, SBYOR BA MED DANG SKYE MCHED MIN, ,RNAL 'BYOR MIN PAS GANG BSKYED DANG, ,ZHES GSUNGS PA LA SOGS PA NI SGRIB PA'O, , DGE BA LA SOGS PA NI, DGE DANG BYANG CHUB YANG DAG 'DZIN, ,ZHES BYA BA LA SGOS PA DON BCU'O, ,DE LA DGE BA NI BYANG CHUB KYI RGYUR GYUR PA STE DGE BA'I RTZA BA THAMS CAD DO, ,BYANG CHUB NI DE'I 'BRAS BU'O, ,DE LA DGE BA NI SPYIR BSTAN PA BAS RAB TU DBYE BA DANG, RANG BZHIN MI SHES NAS DE'I PHYIR DE KHONG DU CHUD PAR BYA BA'I PHYIR RTZOM STE, YANG DAG 'DZIN, BLO LDAN 'KHRUL MED SGRIB PA MED, ,BSNGO DANG MI SKRAG SER SNA MED, ,CES BYA BA DE DAG NI DGE BZHES BYA'O, ,BYANG CHUB KYANG SMOS PA TZAM GYIS RANG BZHIN MI SHES TE, DE'I PHYIR DE NI DBANG NGO ZHES STON TO, ,KHA CIG NA RE DGE BA DANG BYANG CHUB DANG, YANG DAG PAR 'DZIN PA LA SOGS PA BZHIN DU SGRIB PA RANG GI RGYUD YOD PAR BSHAD PAS, 'DIR RANG GI RGYUD YOD PA NYID DU SHES KYI, BSTAN PA DANG BSHAD PA'I DNGOS POR NI MA YIN NO ZHE'O, ,SKYE BA LA SGRIB PA NI DGE BA LA RNAM PAR GZHAG GO, ,DE YANG BYANG CHUB KYI SEMS LA SOGS PA RNAMS KYI SPYI THUN YIN GYI, DGE BA NI BSKYED PAR BYA BA'I PHYIR RO, ,YANG DAG PAR 'DZIN PA LA SOGS PA LA SGRIB PA DANG RTEN LA SOGS PA LA SGRIB PA NI YANG DAG PAR 'DZIN PA LA SOGS PA RNAMS KYI SGRIB PA STE THA DAD DO, ,BYANG CHUB NI MI 'KHRUG PA DANG, THOB PAR BYA BA YIN PAS DE'I PHYIR, DE'I GNAS PA LA SGRIB PA DANG, THOB PAR BYA BA LA SGRIB PA RNAM PAR GZHAG STE, DE BAS NA DE RANG GI RGYUD DU YOD PAR MI 'GYUR RO, ,DE DAG GI GO RIMS KYANG MDOR NA DGE BA'I RTZA BA MA LUS @225B PAR BSGRUBS NAS BYANG CHUB THOB PAR BYA'O, ,RGYAS PAR NI THOG MA NYID DU BYANG CHUB KYI SEMS BSKYED PAR BYA STE, BDAG DANG GZHAN GYI DON PHUN SUM TSOGS PA'I GZHIR GYUR BA'I PHYIR RO, ,DE NAS SEMS BSKYED PA DANG MTHUN PAR SBYIN PA LA SOGS PA BSGRUB PAR BYA STE, DES BYANG CHUB SEMS DPAR MNGON NO, ,DE NAS BSKAL PA GRANGS MED PAR GOMS PAR BYAS TE, BSOD NAMS DANG YE SHES KYI TSOGS BSAGS PAS BSAM PAR RNAM PAR SBYANG BA'I PHYIR, GANG ZAG DANG CHOS LA NOR BA'I GNYEN POR MNOR BA'I BDAG NYID MTHONG BA'I LAM BSKYED PAR BYA'O, ,DE NAS RNAM PAR DAG PA'I KHYAD PAR DANG LDAN PAR BYA BA'I PHYIR SGRIB PA DANG BRAL BAS RAB TU PHYE BA BSGOM PA'I LAM MTHAR PHYIN PAR BYA'O, ,DE NAS NYAN THOS LA SOGS PA LAS 'DA' BAR SBYOR BAS 'JIG RTEN DANG 'JIG RTEN LAS 'DAS PA'I DGE BA'I RTZA BA JI LTAR BSAGS PA DE DAG THAMS CAD BYANG CHUB TU YONGS SU BSNGO BAR BYA'O, ,DE NAS GNAS DE THOB PA DANG, BYANG CHUB CHEN POR BSAM PAR MI BYED PAS, SANGS RGYAS DANG BYANG CHUB SEMS DPA' RNAMS KYI BSTAN PA ZAB CING RGYA CHE BA RNAMS LA SKRAG PAR MI 'GYUR RO, ,DE NAS MANG DU THOS PA DANG, RTOGS PA DANG LDAN NAS SEMS CAN YONGS SU SMIN PAR BYA BA'I PHYIR CHOS RGYA CHER STON TO, ,DE NAS 'DUL BA YONGS SU SMIN NAS DE DAG RNAM PAR DGROL BA'I PHYIR DBANG STE, SANGS RGYAS NYID THOB PO, ,'DIR SGRIB PA SUM CU DANG, BSGRIB PAR BYA BA DGE BA LA SOGS PA'I DON BCU BSHAD BAS DE'I PHYIR DGE BA LA SOGS PA DE RNAMS LA GANG LA SGRIB PA DU YOD PA MI SHES NAS DRIS PA DANG DE'I PHYIR, DE DAG GI NI SGRIB PA RNAMS, ,GSUM GSUM DAG TU SHES PAR BYA, ,ZHES BYA BA GSUNGS SO, ,DE LA SGRIB PA GSUM ZHES BYA BA LA SBYOR BA MED PA NI RTZOM PA MED PA'O, , 'DI LA SGRIB PA GANG ZHE NA, BAG MED PA'ANG LE LO'I NYON MONGS PA GANG GIS MI SBYOR BA STE, NYON MONGS PA'I SA BON DANG LDAN PA LUNG DU MA BSTAN PA'AM, NYON MONGS PAR GYUR PA'I GNAS SKABS KYI BYE BRAG GANG DU MI SBYOR BA'O, ,RGYUN DU MA CHUD PA 'AM GUS PAR MI @226A *, ,SBYOR BA STE, CHUNG BAS NA SBYOR BA MED PA ZHES BYA'I, ,SBYOR BA MED PA NI MA YIN TE, DE LA SGRIB PAR MI 'THAD PA'I PHYIR RO, ,SKYE MCHED MA YIN PA LA SBYOR BA NI, BYANG CHUB DANG BYANG CHUB THOB PAR BYED PA'I DGE BA'I RTZA BA RNAMS SKYE BA'I SGO GSUNG RAB GANG YIN PA DE SKYE MCHED DE, DE LAS GZHAN PA NI SKYE MCHED MA YIN NO, ,DER SBYOR BA NI 'DI LAS PHYI ROL PA RNAMS SKYE MCHED MA YIN PA LA SBYOR BA'O, ,DE LA SGRIB PA GANG ZHE NA, MI SHES PA'AM LTA BA'I NYON MONGS PA GANG GIS SKYE MCHED MA YIN PA LA SBYOR BA STE, SBYOR BA DE NYID LA NI SGRIB PA'O, ,TSUL BZHIN MA YIN PA LA SBYOR BA'O ZHES BYA BA LA TSUL BZHIN NI THABS TE, GANG GI THABS GANG YIN PA DE LAS GZHAN DU SBYOR BA NI, TSUL BZHIN MA YIN PA LA SBYOR BA'O, ,BSTAN PA 'DI NYID LAS 'DI LTA STE, 'DOD CHAGS SPYOD PA LA BYAMS PA BSGOM PA NI 'DOD CHAGS SPONG BA'I THABS MA YIN PA DANG, ZHE SDANG SPYOD PA LA MI SDUG PA BSGOM PA ZHES 'BYUNG BA'O, ,'DIR YANG TSUL BZHIN MA YIN PA YID LA BYED PA'AM, DE'I RGYU NI SBYOR BA'I SGRIB PA'O, ,BYANG CHUB KYI SGRIB PA GSUM NI ZHES BYA BA, BYANG CHUB NI DON JI LTA BA BZHIN DU THUGS SU CHUD PA'O, ,DGE BA MI SKYE BA ZHES BYA BA NI GONG DU BSHAD PA NYID DO, ,MI SKYE BA JI LTAR SGRIB CE NA, DGE BA MED NA BYANG CHUB TU MI 'GYUR TE, DE'I PHYIR DGE BA MI SKYE BA NI BYANG CHUB KYI SGRIB PA'O, ,YANG NA GNAS SKABS KYI BYE BRAG GI TSE DGE BA LA SKYE BA LA SGRIB PA'I NYON MONGS PA GANG YIN PA DE NYID BYANG CHUB KYI SGRIB PA YANG YIN TE, GANG TSOGS GANG GIS SGRIB PAR NGES PA DE NI DE'I 'BRAS BU'I SGRIB PA YANG YIN NO, ,SKYES ZIN PA YANG YID LA MI BYED PA NI MI BSGOM PA STE, SPEL BAR MI BYED CES BYA BA'I THA TSIG GO, ,LE LO LA SOGS PA'I NYON MONGS PA GANG GIS GNAS SKABS KYI BYE BRAG GANG LA DGE BA SKYES KYANG YANG DANG YANG YID LA MI BYED PA DE NI 'DIR SGRIB PA'O, ,TSOGS YONGS SU MA RDZOGS PA'O ZHES BYA BA NI, TSOGS JI SNYED KYIS BYANG CHUB THOB PAR 'GYUR BA'I BSOD NAMS DANG, YE SHES KYI @226B TSOGS DE SNYED MA RDZOGS PA DANG, GONG MA LTA BU'I GNAS SKABS KYI NYON MONGS PA'AM TSOGS CHUNG BA'O, ,GZHAN DAG NA RE BYE BRAG TU MA BSHAD KYANG NGES PAR 'BYED PA'I CHA DANG MTHUN PA RNAMS KYI SGRIB PA NI 'DIR MI SKYE BA LA BYA BAR 'DOD DE, GZHAN DAG GI NI MA YIN NO, , DE DAG SKYES PA YID LA MI BYED PA DANG, YID LA BYED KYANG TSOGS MA BSAGS PA NI SGRIB PA ZHES BYA'O ZHE'O, ,YANG DAG PAR 'DZIN PA NI BYANG CHUB KYI SEMS BSKYED PA STE ZHES BYA BA NI, BSOD NAMS DANG YE SHES KYI TSOGS MA LUS PA DANG, DE'I 'BRAS BU SANGS RGYAS NYID DANG, SEMS CAN THAMS CAD KYANG PHUNG PO'I LHAG MA MED PA'I MYA NGAN LAS 'DAS PA'I DBYINGS BLA NA MED PAR GZHAG PAR BYA BA NYID DU 'DIS YANG DAG PAR 'DZIN CING YONGS SU LEN PAS NA, YANG DAG PAR 'DZIN PA NI BYANG CHUB KYI SEMS BSKYED PA'O, , DE YANG BDAG DANG GZHAN LA PHAN PAR BYED PA'I BSAM PA STE, SEMS PA 'DUN PA DANG BCAS PA'O, ,DE'I SGRIB PA GSUM LA RIGS DANG MI LDAN PA NI RIGS MED PA'AM, NYAN THOS LA SOGS PA'I RIGS SO, ,DGE BA'I BSHES GNYEN DANG MI LDAN PA ZHES BYA BA NI RIGS YOD KYANG DE GANG DAG BYANG CHUB KYI SEMS BSKYED PA YANG DAG PAR 'DZIN DU 'JUG PA DE DAG DANG MI PHRAD PA STE, GANG LA BRTEN NAS BYANG CHUB LAS RNAM PAR LDOG PA'AM, DGE BA'I CHOS RNAMS KYIS MI 'PHEL BA'O, ,DGE BA'I BSHES GNYEN DANG PHRAD DU ZIN KYANG 'KHOR BA'I SDUG BSNGAL RNAMS KYIS SEMS YONGS SU SKYO STE, SEMS CAN LOG PAR ZHUGS PA RNAMS LA SEMS SKYO NAS MYUR DU MYA NGAN LAS 'DA' BAR SEMS SO, ,'DI LA SGRIB PA GANG ZHE NA, RGYU DANG MI LDAN PA DANG RKYEN DANG MI LDAN PA DANG, SEMS CAN RNAMS LA SNYING MI RJE BA DANG LE LO STE, SNYING RJE MED PA NI SEMS CAN GYI DON GYIS SKYO BAR 'GYUR BA'AM SGYID LUG PAR 'GYUR RO, ,BLO DANG LDAN PA NI BYANG CHUB SEMS DPA' NYID DE ZHES BYA BA NI, RANG BZHIN GYIS NYAN THOS LA SOGS PA'I RIGS CAN RNAM PAS DBANG PO RNO BA DANG, SHES PAR BYA @227A *, ,BA THAMS CAD KYI RNAM PA THAMS CAD LA NYE BAR RTOG PA'I SKABS YIN PA DANG CHOS ZAB CING RGYA CHE BA LA MOS PAS, BYANG CHUB SEMS DPA' NYID BLO LDAN YIN GYI GZHAN NI MA YIN NO, ,BYANG CHUB SEMS DPA' NYID NI GZHAN GYI DON PHYIN CI MA LOG PAR SGRUB PA'O; ,SGRUB PA DANG MI LDAN ZHES PA NI PHA ROL TU PHYIN PA LA SOGS PA LA MI 'JUG PA'O, ,SGRUB PA LA GNAS PA NI BYANG CHUB SEMS DPA' SHES SO, ,SKYE BO NGAN PA NI SKYE BO BLUN PO'O ZHES BYA BA NI YONGS SU MI RTOG PA'I SKYE BO ZHES BYA BA'I THA TSIG STE, SKYE BO NGAN PA NI SGRUB PA DANG LDAN PA'I BYANG CHUB SEMS DPA' LA 'DE'O ZHES MI SHES PA'O, ,SKYE BO SDANG BA NI ZHE 'GRAS PA RNAMS SO ZHES BYA BA NI, BYANG CHUB SEMS DPA' LA ZHE SDANG BA RNAMS TE, DE DAG GLAGS TSOL BAS BYANG CHUB SEMS DPA'I YON TAN YANG DAG PA RNAMS NI MI MTHONG LA, NYES PA MED PA NI MTHONG BA 'AM ZHE SDANG GIS GNOD PAR SEMS PAS YON TAN YANG DAG PA RNAMS BCAS TE, SGRO BTAGS NAS MED PA'I NYES PA SGROGS PA'O, ,'DI LA SGRIB PA GANG ZHE NA, SBYIN PA'I PHA ROL TU PHYIN PA LA SOGS PA'I MI MTHUN PA'I PHYOGS DANG MI SHES PA DANG ZHE SDANG BA'O, ,'KHRUL PA MED PA'I SGRIB PA GSUM NI ZHES BYA BA NI, SGRO 'DOGS PA DANG SKUR PA 'DEBS PA'I PHYIR 'KHRUL PA'O, ,GNYEN PO NI 'KHRUL PA MED PA STE, MTHONG BA'I LAM MO, ,KHA CIG NA RE PHYIN CI LOG GI GNAS NGAN LEN NI GZUNG BA DANG 'DZIN PA LA MNGON PAR ZHEN PA'I BAG CHAGS BRTAS PA'O ZHE'O, ,GZHAN DAG NA RE MTHONG BAS SPANG BAR BYA BA'I BAG LA NYAL THAMS CAD DAM, CHOS KYI DBYINGS THAMS CAD DU 'GRO BAR KHONG DU CHUD PAR BYA BA'I GEGS SU GYUR PA NYON MONGS PA CAN MA YIN PA'I MI SHES PA'I SA BON KUN GZHI RNAM PAR SHES PA LA GNAS PA YONGS SU GSOS PA'O ZHE'O, ,GZHAN DAG NA RE BDAG LA SOGS PA MED PAR BDAG LA SOGS PAR RNAM PAR RTOG PA NI PHYIN CI LOG GO ZHE'O, ,NYON MONGS PA LA SOGS PA'I SGRIB PA GSUM LAS LHAG MA GANG YANG RUNG BA ZHES BYA BA DE LA, @227B NYON MONGS PA'I SGRIB PA NI SHAS CHE BA DANG YUN RING PO NAS 'DOD CHAGS LA SOGS PA KUN DU 'BYUNG BA STE, DE'I GNYEN PO LA SBYOR BA'I SKABS MI 'BYED PAS 'KHRUL PA MED PA LA SGRIB PO, ,LAS KYI SGRIB PA NI MTSAMS MED PA LA SOGS PA'I LAS NGAN SONG DU NGES PA GANG YIN PA'O, , RNAM PAR SMIN PA'I SGRIB PA NI NGAN SONG LA SOGS PA STE, DER SKYES PA LA 'PHAGS PA'I CHOS SKYE BA'I SKAL BA MED DO, ,NYON MONGS PA DANG LAS DANG TSE DE DAG LAS LHAG MA GANG YANG RUNG BA ZHIG SGRIB PA YIN GYI ZAD PAR NI MA YIN NO, ,RNAM PAR GROL BA'I YONGS SU SMIN PAR BYED PA'I SHES RAB YONGS SU MA SMIN PA'O ZHES BYA BA NI, RNAM PAR GROL BA THOB PAR BYED PA'I SHES RAB LAS SU MI RUNG BA'O, ,KHA CIG NA RE DE NI NGES PAR 'BYED PA'I CHA DANG MTHUN PA'I GNAS MA THOB PA'I PHYIR ZHE'O, ,GZHAN DAG NA RE RNAM PAR MI RTOG PA DANG DE LA SBYOR BA CAN GNYIS NI, 'DIR RNAM PAR GROL BA YONGS SU SMIN PAR BYED PA'I SHES RAB PO, ,DE GNYIS YONGS SU MA SMIN PA NI TSOGS YONGS SU MA RDZOGS PA'I PHYIR DE KHO NA RTOGS PA'I 'OS MA YIN PA DANG, DE'I RGYU'I DNGOS PO'I 'OS MA YIN PA STE GO RIMS BZHIN NO ZHE'O, ,'DI LA SGRIB PA GANG ZHE NA, MTHONG BAS SPANG BAR BYA BA'I NYON MONGS PA'I BAG CHAGS BRTAS PA DANG, NYON MONGS PA'I SGRIB PA LA SOGS PA'I LHAG MA GZHAN GANG YANG RUNG BA DANG, SHES RAB YONGS SU SMIN PA'I GEGS SU GYUR PA MI SHES PA DANG TSOGS YONGS SU MA RDZOGS PA'O, ,SGRIB PA SPANGS PA NI SGRIB PA MED PA ZHES BYA BA NI 'DIS SGRIB PA SPONG BAR BYED PAS SGRIB PA SPONG BA STE, SGRIB PA'I GNYEN PO YIN PAS SGRIB PA MED PA NI BSGOM PA'I LAM MO, ,DE'I SGRIB PA GSUM NI LHAN CIG SKYES PA'I GNAS NGAN LEN ZHES BYA BA NI, BSGOM PAS SPANG BAR BYA BA'I NYON MONGS PA'I BAG LA NYAL LO, ,YANG NA BDAG TU LTA BA LA SOGS PA LHAN CIG SKYES PA RNAMS DANG, CHOS KYI DBYINGS MCHOG GI DON LA SOGS PA RTOGS PA'I GEGS BYED PA NYON MONGS PA CAN MA YIN PA'I MI SHES PA'I SA BON KUN GZHI RNAM PAR SHES PA LA GNAS PA YONGS SU GSOS @228A *, ,PA'O, ,LE LO NI SNYOM LAS TE GTI MUG GI CHAR GTOGS PAS SEMS MNGON PAR MI SPRO BA'O, ,BAG MED PAS NI YUL LA RNAM PAR CHAGS PA DANG, DGE BA LA MI 'JUG PA'O, ,KHA CIG NA RE TING NGE 'DZIN GYI RO MYANG BA NI BAG MED PA'O ZHE'O, , DE LA GNAS NGAN LEN DANG LE LOS NI LAM MI BSGOM MO, ,BAG MED PAS NI MI DGE BA LAS SEMS MI SRUNG BA'O, ,'DI LA SGRIB PA GANG ZHE NA, GSUM PO DE NYID DO, ,YONGS SU BSNGO BA'I SGRIB PA GSUM NI GANG DAG GIS SEMS GZHAN DU SNGO BAR BYED KYI BLA NA MED PA YANG DAG PAR RDZOGS PA'I BYANG CHUB TU MI BSNGO ZHES BYA BA DE LA BSNGO BA DE NI DGE BA'I RTZA BA SKYES SHING BYUNG BA RNAMS SANGS RGYAS NYID DU SEMS KYIS NGES PAR BYED PA'O, ,DE LA SGRIB PA GSUM STE, GSUM GANG ZHE NA, GANG DAG GIS SANGS RGYAS NYID LAS GZHAN DU 'KHOR BA'AM, NYAN THOS LA SOGS PA'I BYANG CHUB TU SEMS YONGS SU SNGO BAR BYED KYI, BLA NA MED PA YANG DAG PAR RDZOGS PA'I BYANG CHUB TU MI BSNGO'O, ,DE DAG KYANG SRID PA LA CHAGS PA DANG, LONGS SPYOD LA CHAGS PA DANG, SEMS ZHUM PA DANG, ,SRID PA NI NYE BAR LEN PA'I PHUNG PO LNGA RNAMS SO, ,SPYAD PAR BYA BA NA, LONGS SPYOD DE GZUGS LA SOGS PA YUL RNAMS SO, ,DE DAG LA RNAM PAR CHAGS PA NI CHAGS PA'O, ,SEMS ZHUM PA NI SEMS RGYA CHUNG BA STE, SANGS RGYAS NYID DU GA LA 'GRUB, BDAG LTA BUS GA LA ZHIG CES BDAG LA MI SRID PAR SEMS SO, ,DE LA SRID PA LA CHAGS PA DANG, LONGS SPYOD LA CHAGS PAS NI BDE 'GROR SEMS SNGO BAR BYED DO, ,SEMS ZHUM PAS NI NYAN THOS KYI THEG PAR SNGO BAR BYED DO, ,'DI LA SGRIB PA GANG ZHE NA, SRID PA DANG, LONGS SPYOD LA SRED PA DANG, LE LO DANG SNYING RJE MED PA'O, ,MI SKRAG PA'I SGRIB PA GSUM NI ZHES BYA BA LA, MI SKRAG PA GANG ZHE NA, STONG PA NYID DANG SANGS RGYAS DANG BYANG CHUB SEMS DPA'I CHOS ZAB CING RGYA CHE BA LA MOS SHING MI 'JIGS PA'O, ,GANG ZAG LA MI SRID SNYAM PA NI THEG PA CHEN PO'I TSUL MNGON PAR BRJOD PA'I GANG ZAG LA MA NOR PAR KHONG DU CHUD CING @228B 'CHAD PA DANG, TSUL KHRIMS DANG TING NGE 'DZIN DANG, SHES RAB LA SOGS PA YON TAN LA YID MI CHES PA'O, ,CHOS LA MI MOS PA NI SANGS RGYAS KYI GSUNG RAB LA TSUL ZAB CING RGYA CHE BA KHONG DU CHUD PAR BYED PA DANG, DON MA LOG PA'O ZHES YID MI CHES PA'O, ,DON LA SGRA BZHIN DU SPYOD PA NI MA SKYES PA DANG, MA 'GAGS PA DANG, GZOD MA NAS ZHI BA LA SOGS PA'I DON LA SGRA JI BZHIN KHO NAR RTOG PAR BYED CING DGONGS PA'I DON GYI DE KHO NA KHONG DU MI CHUD PA STE, DE'I PHYIR MA SKYES PA LA SOGS PA'I DON LA MI MOS SO, ,'DI LA SGRIB PA GANG ZHE NA, THE TSOM DANG, SHES RAB DANG, TING NGE 'DZIN GYI MI MTHUN PA'I PHYOGS SU GYUR PA MI SHES PA DANG, DGONGS PA'I DON LA SPYOD PA MI MTHUN PA'I PHYOGS SU GYUR PA'O, ,SER SNA MED PA'I SGRIB PA GSUM NI ZHES BYA BA LA, SER SNA MED PA NI GANG GIS DAM PA'I CHOS GNAS PAR BYA BA'I PHYIR RAM, GZHAN RJES SU GZUNG BA'I PHYIR CHOS STON PAR BYED PA'O, ,DAM PA'I CHOS LA CHED CHER MI 'DZIN PA NI GCES SU MI 'DZIN PA STE, DES GZHAN GYI SEMS KYI RGYUD LA GO BAR MI BYED PA DANG, DAM PA'I CHOS YUN RING DU GNAS PAR MI BYED PA'O, ,RNYED PA DANG BKUR STI DANG MCHOD PA LA CHED CHER MI 'DZIN PA NI GCES SU MI 'DZIN PA'O, ,DAM PA'I CHOS LA CHED CHER 'DZIN KYANG, BDAG DANG GZHAN MTSUNGS SAM LHAG GI DOGS TE, DE'I PHYIR RNYED PA LA SOGS PA'I BAR CHAD DU 'GYUR BAS 'JIGS NAS CHOS MI 'CHAD PA'O, ,RNYED PA DANG BKUR STI LA LHAG PAR ZHEN PA MED KYANG SEMS CAN RNAMS LA SNYING RJE MED PA ZHES BYA BA NI, SEMS CAN RNAMS LA SNYING RJE MED PAS CHOS MI 'CHAD DE, SNYING RJE MED PA NI SEMS CAN GYI SDUG BSNGAL GYI GNOD PAR MI 'GYUR RO, ,'DI LA SGRING PA GANG ZHE NA, CHED CHER MI 'DZIN PA DANG, RNYED PA DANG BKUR STI LA CHAGS PA DANG SNYING RJE MED PA'O, ,DBANG GI SGRIB PA GSUM NI ZHES BYA BA LA, DBANG NI SEMS KYI DBANG RNAM PA THAMS CAD THOB PAS SANGS RGYAS NYID DBANG NGO, ,DE'I SGRIB PA GSUM PO DAG MI SHES PAS DE'I @229A *, ,PHYIR, GANG DAG GIS DBANG BYED PA MI 'THOB PA STE ZHES BYA BA SMOS SO, ,DBANG BYED PA NI SEMS KYI DBANG LA RAG LUS PA'I PHYIR, ,GANG DAG GIS DBANG BYED PA MI 'THOB PA DE NYID DBANG GIS SGRIB PA'O ZHES BRJOD DO, ,DBANG BYED PA NI YE SHES DANG SPONG BA DANG MTHU PHUN SUM TSOGS PA'O, ,YANG NA GANG DAG GIS DBANG BYED PA MI 'THOB PA ZHES BYA BA NI DBANG GI RNAM GRANGS SU BSTAN PA STE, SANGS RGYAS NYID MI 'THOB CES BYA BA'I THA TSIG GO, ,THOS PAS PHONGS PA NI DAM PA'I CHOS NYAN PA DANG GTAN DU BRAL BA STE, RTZA LAG RNAMS DANG GTAN DU BRAL BA LA RTZA LAG GIS PHONGS PA'O ZHES BYA BA LTA BU'O, ,THOS PAS PHONGS PA DE YANG CHOS KYIS PHONGS PAR 'GYUR PA'I LAS SKYES PAS 'GYUR TE, RANG GI LTA BA MCHOG TU 'DZIN PA LA GNAS PA'I PHYIR RAM, MI DGE BA'I BSHES GNYEN LA BRTEN PA'I PHYIR, 'GYOD PA MED PA GANG DAG GIS THEG PA CHEN PO'I MDOS DE LA, 'DI NI BDUD KYIS SMRAS PA DANG, NGAN SONG GI RGYU STE, 'DI NI SANGS RGYAS KYIS GSUNGS PA MA YIN NO ZHES SPONG BA DANG, GZHAN DAG KYANG DE LA MOS PA BZLOG PA DANG, YI GER BRIS PA 'PHYI BA DANG, SREG PA DANG CHUR SKYUR BA LA SOGS PA'I RNAM PA RNAMS KYIS DAM PA'I CHOS NYAN PA DANG MI LDAN PA'I LAS KYI SA BON YONGS SU GSOS PAS, DAM PA'I CHOS KYIS PHONGS PAR 'GYUR BA'I LAS RAB TU SKYE'O, ,THOS PAS PHONGS PAR MA GYUR NA YANG THOS PA NYUNG STE, YE SHES KYI TSOGS YONGS SU MA RDZOGS PAS SGRIB PO ZHES SBYAR RO, ,THOS PA NYUNG BA NI CHOS RAB TU RNAM PAR 'BYED PA MI NUS SO, ,MANG DU THOS PAR GYUR KYANG TING NGE 'DZIN YONGS SU SBYONG BA MA BYAS PA NYID KYANG SGRIB PO ZHES SBYAR RO, ,'DUN PA LA SOGS PA LAS GANG YANG RUNG BA ZHIG MED PA'I PHYIR RAM, SPONG BA'I 'DU BYED BRGYAD PO DAG LAS GANG YANG RUNG BA ZHIG MED PAS, BSGOM PA YONGS SU MA RDZOGS PA'I PHYIR TING NGE 'DZIN YONGS SU SBYANG BA MA BYAS PA'O, ,YANG NA SANGS RGYAS KYI TING NGE 'DZIN RDO RJE LTA BU LA SOGS PA YONGS SU MI SGRUB PA NI YONGS SU SBYANG BA MA BYAS PA'O, ,'DI @229B LA SGRIB PA GANG ZHE NA, CHOS KYIS PHONGS PAR GYUR PA'I LAS DANG THOS PA NYUNG STE, 'CHAL PA'I SHES RAB DANG TING NGE 'DZIN DANG MI MTHUN PA'I BYING BA DANG RGOD PA LA SOGS PA NYE BA'I NYON MONGS PA'O, ,SGRIB PA 'DI NI ZHES BYA BA NI SBYOR BA MED PA LA SOGS PA'O, ,DGE BA LA SOGS PA ZHES BYA BA NI, DBANG LA THUG GI BAR DU DNGOS PO RNAM PA BCU'O, ,DON GANG LA BYED RGYU RNAM PA BCUR 'GYUR BA ZHES BYA BA NI SKYE BA LA SOGS PA NAS, 'THOB PA LA THUG GI BAR GYI DON GANG LA SGRIB PA DE BZLOG NA, SBYOR BA LA SOGS PA NAS TING NGE 'DZIN YONGS SU SBYANG BA BYAS PA LA THUG PA RNAMS NI BYED RGYU BCUR 'GYUR RO, ,'DIR NI SO SO THA DAD KYANG SKYE BA LA SOGS PA'I RGYU NYID DU KHYAD PAR MED PA'I PHYIR BYE BRAG MED PAR BSTAN TO, ,DON DE'I SKABS KYIS ZHES BYA BA NI SKYE BA LA SOGS PA'I DON GYI DBANG DU BYAS ZHES BYA BA'I THA TSIG STE, 'DI LTAR DGE BA LA SOGS PA DE DAG SKYE BA LA SOGS PA'I RGYU LA GEGS SU GYUR PA'I TSE NA, SKYE BA LA SOGS PA LA SGRIB PO ZHES BYA STE, DPER NA RTZIG PA LA SOGS PAS SNANG BA BSGRIBS NA, DE'I 'BRAS BU MIG GI RNAM PAR SHES PA LA YANG SGRIB PO ZHES BYA BA LTA BU'O, ,DE LTAR BYAS NA CHOS BCU PO DE DAG GI SGRIB PA SUM CU PO BZLOG NA BYED RGYU SUM CU BSTAN PA YIN NO, ,DE LA DGE BA SKYE BA'I BYED RGYU GSUM NI SBYOR BA DANG, SKYE MCHED LA SBYOR BA DANG, TSUL BZHIN LA SBYOR BA'O, ,'DI LTA STE, MIG LA SOGS PA ZHES BYA BA NI 'DIR DPE STE, MIG LA SOGS PA NI RNAM PAR SHES PA 'BYUNG BA'I BYED RGYU NYID YIN GYI, ,GNAS PA LA SOGS PA'I BYED RGYU NI MA YIN NO, ,DE LA SBYOR BA MED PA LA SOGS PA SBYOR BA LA SOGS PA LA MNGON DU GEGS SU GYUR PA NA GCIG NAS GCIG TU BRGYUD DE DGE BA SKYE BA LA YANG GEGS BYED PAS DE BZHIN DU SKYE BA LA SGRIB PA NI DGE BA LA SGRIB PA STE, DE'I PHYIR DE BSKYED PAR BYA BA'I PHYIR RO ZHES BYA BA SMOS SO, ,DGE BA LA GNAS PA LA SOGS PA MI SRID PAS SKYE BA'I SGRIB PA NYID YIN NO ZHES STON TO, ,BYANG CHUB LA NI GNAS PA'I BYED RGYU YOD DE, BYANG CHUB NI GNAS GYUR PA'O, ,DE BZHIN NYID @230A *, ,DRI MA MED PA NI GNAS PA'O, ,'DIR RGYU SMOS PA, MI 'KHRUGS PA'I PHYIR RO ZHES BYA BA'O, ,'JIG RTEN JI SRID PA DE SRID DU GNAS PAS MI 'KHRUGS PA STE, GZHAN DU MI 'GYUR BA DANG RNAM PAR MI LDOG PA'O, ,NYAN THOS LA SOGS PA'I BYANG CHUB NI BDAG GI RGYU NYID KYI DON BYAS NAS RNAM PAR LDOG GO, ,BYANG CHUB SEMS DPA' NI SEMS CAN THAMS CAD LA PHAN PA DANG, BDE BAR BYA BA'I LHAG PA'I BSAM PAS TSOGS RNAMS LA 'JUG PA NA, GNAS PAR GYUR PA'I MTSAN NYID BYANG CHUB SEMS JI SRID PA DE SRID DU GNAS PAR SMON TE, NYAN THOS LA SOGS PA LTAR MI SKYE BA TZAM GYI PHYIR NI MA YIN NO, ,GNAS PA NI SKYE BA MED PAR MI 'GYUR BAS 'DIR YANG SKYE BA YOD PAR 'GYUR RO, ,DE BAS NA BYANG CHUB KYI GNAS PA'I BYED RGYU NYID BRJOD KYI SKYE BA'I BYED RGYU NI MA YIN NO, ,DE MA GTOGS PAR GZHAN GNAS PA'I BYED RGYU MED PAS DE'I PHYIR DE NYID BSHAD DO, ,YANG NA DE BZHIN NYID RNAM PAR DAG PA NI BYANG CHUB STE, DE BZHIN NYID NGO BO NYID KYIS RNAM PAR DAG PAS SKYE BA MED DE, GLO BUR GYI DRI MA MED PAR GYUR NA BYED RGYU DE DAG GIS GTAN DU GNAS PA NYID CES BRJOD KYI SKYE BA NI MA YIN NO, ,BYANG CHUB KYI GNAS PA'I BYED RGYU NI DGE BA'I RTZA BA SKYE BA DANG, YID LA BYED PA DANG TSOGS YONGS SU RDZOGS PA'O, ,'DIR YANG DGE BA LA MI SKYE BA LA SOGS PA NI, DGE BA SKYE BA LA SOGS PA'I GEGS SU GYUR PAS BYANG CHUB KYI GNAS PA LA GNOD PA BYED PA'I PHYIR GNAS PA'I SGRIB PA ZHES BSHAD DO, ,GNAS PA'I BYED RGYU NI DPER NA SEMS CAN RNAMS KYI ZAS GZHI LTA BU'O ZHES BYA BA NI, 'DIR DPE'O, ,KHAM GYIS ZA BA'I ZAS LA SOGS PA LDAN MED PA'I SEMS CAN SKYED PAR BYED PA NI MA YIN GYI, SNGAR SKYES PA RNAMS GNAS PAR BYED PA NYID DO, ,RTEN PA'I BYED RGYU ZHES BYA BA LA RTEN NI BYANG CHUB KYI SEMS TE, DGE BA'I CHOS THAMS CAD KYI GZHIR GYUR PA'I PHYIR RO, ,GANG GI GNAS SU GANG GYUR PA DE NI DE'I RTEN TE, 'DIS 'DZIN PAS DPER NA SEMS CAN GYI 'JIG RTEN GYI SNOD KYI 'JIG RTEN LTA BU'O ZHES BYA BA NI 'DIR DPE'O, ,DE'I BYED RGYU NI @230B RIGS DANG BSHES GNYEN PHUN SUM TSOGS PA DANG, SEMS YONGS SU MI SKYO BA'O, ,DE LA RIGS DANG MI LDAN PA LA SOGS PA NI RTEN PA'I BYED RGYU DANG 'GAL BAS RTEN LA YANG SGRIB PAR BSHAD DO, ,DE'I PHYIR RTEN GYI SGRIB PA NI YANG DAG PAR 'DZIN PA LA SGRIB STE, BYANG CHUB KYI SEMS RGYUR GYUR PA'I PHYIR RO ZHES BYA BA SMOS SO, ,GSAL BA'I BYED RGYU NI BLO LDAN BYANG CHUB SEMS DPA'I SGRIB PA STE, RAB TU BSTAN PAR BYA BA'I PHYIR RO, ,DE YANG SGRUB PA PHUN SUM TSOGS PA DANG, SKYE BO RUNG BA DANG 'GROGS PA DANG, SKYE BO GNOD PAR MI SEMS PA DANG 'GROGS PA'O, ,'DIR SGRUB PA DANG MI LDAN PA LA SOGS PA NI BLO LDAN GSAL BA'I BYED RGYU DANG 'GAL BAS GSAL BA'I SGRIB PA ZHES BYA STE, DE'I PHYIR GSAL BA LA SGRIB PA NI BLO DANG LDAN PA LA SGRIB PA STE, DE BSTAN PAR BYA BA'I PHYIR RO ZHES BYA BA SMOS SO, ,DPER NA GZUGS KYI SNANG BA LTA BU'O ZHES BYA BA NI 'DIR DPE'O, ,SNANG BA NI GZUGS 'BA' ZHIG GSAL BA'I BYED RGYU NYID YIN TE, SKYE BA LA SOGS PA'I BYED RGYU NI MA YIN NO, ,'GYUR BA'I BYED RGYU NI 'KHRUL BA MED PA'I RGYU STE, SGRO 'DOGS PA DANG SKUR PA 'DEBS PA 'KHUL PA LDOG PA'I BDAG NYID YIN PAS 'KHRUL PA MED PA NI 'THONG BA'I LAM MO, ,'KHRUL PA MED PA'I 'GYUR BA ZHES BYA BA STE, DPER NA SHING SHA BA LA SOGS PA'I THAL BA LA SOGS PA LTA BU'O, ,DE'I BYED RGYU GSUM NI PHYIN CI LOG GI GNAS NGAN LEN BCOM BA DAG, NYON MONGS PA LA SOGS PA'I SGRIB PA GSUM MED PA DANG, RNAM PAR GROL BA YONGS SU SMIN PAR BYED PA'I SHES RAB YONGS SU SMIN PA'O, ,DPER NA BTZO BA LA SOGS PA'I ME LA SOGS PA LTA BU'O ZHES BYA BA NI 'BRAS CHAN LA SOGS PA DANG MI 'DRA BA STE, DE'I RGYUD DU GTOGS PA'O, , 'BRAS LA SOGS PAR 'GYUR RO ZHES BYA BA DE'I BYED RGYU NI ME LA SOGS PA'O, ,'BRAL BA'I BYED RGYU NI SGRIB PA MED PA'I RGYU STE, MTHONG BA'I LAM GYIS SPANGS BAR BYA BA'I SGRIB PA LAS LHAG MA DAG 'DIS SPONG BAS SGRIB PA MED PA NI BSGOM PA'I LAM MO, ,DE'I BYED RGYU GSUM NI LHAN @231A *, ,CIG SKYES PA'I GNAS NGAN LEN BCOM PA DANG, BRTZON 'GRUS DANG BAG YOD PA'O, ,DE DAG KYANG 'BRAL BA'I BYED RGYU STE, MI 'BRAL BA'I BYED RGYU'I GNYEN PO YIN PA'I PHYIR RO, ,DE'I PHYIR 'BRAL BA LA SGRIB PA NI SGRIB PA MED PA LA SGRIB STE ZHES BYA BA SNOS SO, ,DE YANG 'BRAL BA'I BYED RGYU'I GNYEN PO'I DNGOS POR SGRIB STE, 'DIR RGYU SMOS PA, DE SGRIB PA DANG BRAL BA'I PHYIR RO ZHES BYA BA'O, ,'DIS 'BRAL BAR BYED PAS 'BRAL BA'O, ,BSGYUR BA'I BYED RGYU NI BSNGO BA'I RGYU STE, DES DGE BA'I RTZA BA BYANG CHUB CHEN POR SBYOR BA'I MTSAN NYID KYI PHYIR RO, ,DE YANG SRID PA DANG LONGS SPYOD LAS PHYIR PHYOGS PA DANG SEMS ZHUM PA MED PA'O, ,DE'I PHYIR BSGYUR BA NI BYED RGYU'I GEGS NI BSNGO BA'I SGRIB PAR BLTA BAR BYA'O, ,CI'I PHYIR ZHE NA BSNGO BA NI BYANG CHUB CHEN POR SEMS YONGS SU BSNGO BA'I MTSAN NYID KYI PHYIR RO ZHES BYA BA NI, YID CHES PA'I BYED RGYU NI MI SKRAG PA'I RGYU STE, DE YANG GANG ZAG LA SRID DO SNYAM PA DANG, CHOS LA MOS PA DANG, DGONGS PA'I DON KHONG DU CHUD PA'O, ,CHOS DE RNAMS KYI YID CHES PAR 'GYUR BAS DE'I PHYIR YID CHES PA'I BYED RGYU'I GEGS YIN PAS YID CHES PA LA SGRIB PA NI MI SKRAG PA LA SGRIB STE, 'DIR RGYU SMOS PA, YID MI CHES PAS SKRAG PA'I PHYIR RO ZHES BYA'O, ,YID MI CHES PAS NI CHOS LA SKRAG PAR 'GYUR RO, ,YID CHES PAR BYED PA'I BYED RGYU NI, SER SNA MED PA'I RGYU STE, DE NI DAM PA'I CHOS CHER 'DZIN PA DANG RNYED PA DANG BKUR STI DANG, MCHOD PA LA MI LTA BA DANG, SEMS CAN RNAMS LA SNYING RJE BA'O, ,YID CHES PAR BYED PA'I RGYU DANG 'GAL BAS YID CHES PAR BYED PA LA SGRIB PA NI, SER SNA MED PA LA SGRIB PAR RNAM PAR GZHAG STE, 'DIR RGYU SMOS PA CHOS LA SER SNA MED PAS GZHAN YID CHES PAR BYED PA'I PHYIR RO ZHES BYA BA'O, ,DAM PA'I CHOS CHED CHER MI 'DZIN PA LA SOGS PAS CHOS LA SER SNA BYED PAR 'GYUR RO, ,CHOS LA SER SNA BYED PAS KYANG GZHAN RNAMS LA CHOS 'CHAD PAR MI BYED PAS DE'I PHYIR, YID CHES PAR BYED PA LA SGRIB PAS NI SER SNA MED PA @231B LA SGRIB PA'O, ,'THOB PA'I BYED RGYU GSUM NI CHOS KYIS PHONGS PAR 'GYUR BA'I LAS MED PA DANG, MANG DU THOS PA DANG TING NGE 'DZIN YONGS SU SBYONG BAR BYAS PA'O, ,DE DANG 'GAL BAS THOS PAS PHONGS PA LA SOGS PA NI DBANG GI SGRIB PAR RNAM PAR GZHAG STE, 'DIR RGYU SMOS PA, DBANG DE LA DBANG BYED PA 'THOB PA'I MTSAN NYID KYI PHYIR RO ZHES BYA BA'O, ,KHA CIG NA RE DGE BA LA SOGS PA'I GO RIMS KYI RGYU NI 'DI LTA BU STE, DGE BA'I CHOS KYI SEMS KYI RGYUD NYE BAR BSTAN PAS BYANG CHUB 'THOB PA'I SKAL BA YOD DE, DE'I PHYIR THOG MAR DGE BA BSHAD DO, ,DE'I 'OG TU BYANG CHUB BSHAD DO, ,BYANG CHUB KYI SEMS NI CHOS DGE BA'I CHOS THAMS CAD KYI GZHIR GYUR PAS BYANG CHUB KYI SEMS LA BRTEN NAS, BYANG CHUB LA THUG GI BAR DU DE GNYI GA SGRUB NUS PAR 'GYUR TE, DE'I PHYIR DE'I 'OG TU BYANG CHUB KYI SEMS BSHAD DO, ,BYANG CHUB KYI SEMS BSKYED NAS PHA ROL TU PHYIN PA DRUG LA RAB TU SBYOR BA DANG, SKYE BO NGAN PA DANG SKYE BO SDANG BA YONGS SU SPONG STE, DE LTAR 'DI'I BYANG CHUB SEMS DPA'I DNGOS PO BSTAN PA YIN NO, ,DE'I PHYIR YANG DAG PAR 'DZIN PA'I 'OG TU BLO DANG LDAN PA BSHAD DO, ,DE LTAR RAB TU SBYOR BA NA PHYIN CI LOG SPONG ZHING PHYIN CI LOG MED PA'I YE SHES KYANG SKYED PAR BYED DE, DE'I PHYIR BLO LDAN GYI 'OG TU 'KHRUL PA MED PA BSHAD DO, ,DE NI MTHONG BA'I LAM STE, DE LA GOMS PAS SGRIB PA RNAMS SPONG BAS DE'I PHYIR, DE'I 'OG TU SGRIB PA SPONG BA'I SGRIB PA MED PA BSHAD DO, ,SGRIB PA MED NA SRID PA DANG LONGS SPYOD LA CHAGS PA MED PA'I PHYIR, SANGS RGYAS NYID DU YID KYIS YONGS SU SNGO BAR BYED KYI GZHAN DU MA YIN NO, ,DE'I PHYIR DE'I 'OG TU BSNGO BA BSHAD DO, ,DE LTA BUR NI SANGS RGYAS KYI CHOS SHIN TU ZAB MO RNAMS LA MCHOG TU DGA' BA SKYE STE, MI SKRAG PAS DE'I PHYIR DE'I 'OG TU MI SKRAG PA BSHAD DO, ,DE LTAR CHOS MNGON SUM DU GYUR PA THABS GANG DANG GANG GIS SEMS CAN 'DUL BAR MTHONG BA'I THABS DE DANG DE LA BRTEN PAS, DE LA SER SNA 'BYUNG BAR GA LA 'GYUR BAS, MI SKRAG PA'I @232A *, ,'OG TU SER SNA MED PA BSHAD DO, ,DE LTAR SGRIB PA SPANGS PA DANG DKAR PO'I CHOS RNAMS YONGS SU RDZOGS PA'I BYANG CHUB SEMS DPA' NI SEMS LA DBANG BAR 'GYUR BAS DE'I PHYIR DE'I 'OG TU DBANG BSHAD DE, GO RIMS NI 'DI'O ZHE'O, ,LE'UR BCAD PA 'DIR SGRIB PA'I SKABS YIN PAS DE'I PHYIR DGE BA LA SOGS PA'I SKYE BA'I BYED RGYU RNAMS NI, SGRIB PA BZHIN DU MDOR MDZAD PAS SKABS NAS 'BYUNG BA RNAMS PAR GYI TSIGS SU BCAD PAS SDUD PAR MDZAD DO, ,BYED RGYU BCU NI SKYE BA DANG, ,GNAS PA BRTEN DANG BSTAN BYA DANG, ,'GYUR DANG 'BRAL DANG GZHAN DU DANG, ,YID CHES GO BYED 'THOB RNAMS LA, ,DE NI DPER BRJOD BSDU BA'I PHYIR, ,BAR GYI TSIGS BCAD GNYIS PA STE, ,MIG DANG ZAS SAM MAR ME DANG, ,ME LA SOGS PA DE YI DPE, ,ZOR BA BZO SHES DU BA DANG, ,RGYU DANG LAM LA SOGS PA GZHAN, ,ZHES BYA BA'O, ,PHYOGS DANG PHA ROL PHYIN SA LA, ,SGRIB PA DAG NI GZHAN YIN NO, ,SNGAR NI DGE BA DANG DE'I SGRIB PA BYE BRAG TU MA PHYE BAR BSHAD DO, ,DA NI PHYOGS DANG ZHES BYA BA LA SOGS PA'I BYE BRAG DANG THUN MONG DANG THUN MONG MA YIN PA'I BYE BRAG GOS MO DGE BA BSHAD DO, ,GZHI LA MI MKHAS LE LO DANG, ,ZHES BYA BA LA SOGS PA'I BYE BRAG GIS NI PHYOGS LA SOGS PA'I DGE BA LA SGRIB PA BSHAD DO, ,DER GTOGS PAS NYAN THOS DANG BYANG CHUB SEMS DPA' GNYI GA'I BYA BA BYE BRAG MED PA'I PHYIR, DE LA BYANG CHUB KYI PHYOGS NI THUN MONG BA'O, ,PHA ROL TU PHYIN PA DANG SA RNAMS NI BYANG CHUB SEMS DPA' RNAMS KYI BYA BA THUN MONG MA YIN PA STE, BYANG CHUB SEMS DPA' RNAMS NYID DE LA LHAG PAR BYED PA'I PHYIR RO, ,SNGAR NI DGE BA LA SOGS PA'I RGYU LA SGRIB PA'I SGO NAS 'BRAS BU LA SGRIB PAR BSHAD DO, ,'DIR NI 'BRAS BU LA DNGOS SU SGRIB PA NYID DE, DE BAS NA SNGA MA LAS GZHAN ZHES BYA BA'O, ,YANG NA SBYOR BA MED PA LA SOGS PA LAS GZHI LA MI MKHAS PA LA SOGS PA GZHAN NYID DE, DE GZHAN ZHES BYA BA'O, ,YANG NA DGE BA DANG BYANG CHUB CES @232B BYA BA NI, 'DIR BYANG CHUB SEMS DPA' NYID KYI THABS DANG BCAS PA'I SPYOD PA DANG, 'BRAS BU LA SBYOR BA MED PA LA SOGS PA SGRIB PO ZHES BSHAD DO, ,'DIR NI BYANG CHUB KYI PHYOGS LA SOGS PA RNAM PAR 'BYED PAS, GZHI LA MI MKHAS PA LA SOGS PA NI, SBYOR BA MED PA LA SOGS PA LAS, DGE BA THUN MONG DANG THUN MONG MA YIN PA'I SGRIB PA GZHAN DU RIG PAR BYA'O, ,DE LA NYAN THOS LA SOGS PA THA DAD PAS BYANG CHUB GSUM STE, DE DAG DANG MTHUN PAS DRAN PA NYE BAR GZHAG PA LA SOGS PA NAS LAM LA THUG GI BAR DAG NI BYANG CHUB KYI PHYOGS RNAMS ZHES BYA'O, ,PHA ROL TU PHYIN PA BCU DANG, SA BCU RNAMS NI MDO LAS JI SKAD 'BYUNG BA BZHIN NO, ,GZHI LA MI MKHAS PA NI DRAN PA NYE BAR GZHAG PA RNAMS LA SGRIB PO ZHES BYA BA LA, DE DAG NI LUS DANG, TSOR BA DANG, SEMS DANG, CHOS DRAN PA NYE BAR GZHAG PA DANG BZHI'O, ,DE DAG GI GZHI NI LUS DANG TSOR BA DANG SEMS DANG CHOS RNAMS TE, DE'I YUL YIN PA'I PHYIR RO, ,DE LA GNAS SU MNGON PAR ZHEN PA'I GZHI NI LUS SO, ,BDAG GI LONGS SPYOD DU MNGON PAR ZHEN PA'I GZHI NI TSOR BA'O, ,BDAG TU MNGON PAR ZHEN PA'I GZHI NI SEMS SO, ,BDAG KUN NAS NYON MONGS PA DANG RNAM PAR BYANG BAR MNGON PAR ZHEN PA'I GZHI NI CHOS RNAMS SO, ,LUS LA SOGS PA'I RANG DANG SPYI'I MTSAN NYID KHONG DU MA CHUD PA GANG YIN PA DE NI DE LA MI MKHAS PA'O, ,DE LA LUS KYI RANG GI MTSAN NYID NI MI GTZANG BA DU MA'I RDZAS 'DUS PA'I BDAG NYID DO, ,TSOR BA'I NI BDE BA LA SOGS PA'I RANG BZHIN NO, ,RNAM PAR SHES PA NI YUL LAS SO SOR RNAM PAR RIG PA'O, ,CHOS RNAMS KYI JI LTAR MTHUN MTHUN DU SBYAR RO, ,SPYI'I MTSAN NYID NI MI RTAG PA DANG SDUG BSNGAL BA DANG, STONG PA DANG BDAG MED PA'I RNAM PA'O, ,YANG NA LUS LA SOGS PA LA MI GTZANG BA DANG, SDUG BSNGAL BA DANG MI RTAG PA DANG, BDAG MED PA'I RNAM PAR MA RTOG PA'AM, GTZANG BA DAG BDE BA DANG RTAG PA DAG, BDAG GI RNAM PAR RTOG PA NI GZHI LA MI MKHAS PA STE, 'DI LTAR @233A *, ,MI SHES PA'AM, LTA BA NI DRAN PA NYE BAR GZHAG PA RNAMS LA SGRIB PA'O, ,DRAN PA NYE BAR GZHAG PA RNAMS NI SHES RAB DANG DRAN PA'I RANG BZHIN YIN NA, CI'I PHYIR GZHI LA MI MKHAS PA NI SGRIB PA ZHES BRJOD KYI, GZHI MI DRAN PA NI MA YIN ZHE NA, SHES RAB KYI KHA NA LAS TE 'BYUNG BA'I PHYIR RO, ,'DI LTAR SHES RAB NI MTHONG BA'I BDAG NYID KYI PHYIR TE, SHES RAB KYI RJES LAS THOB PA'I DMIGS PA LA DRAN PA LA SOGS PA RAB TU 'JUG GI ,SHES RAB BZHIN DU RANG GI RGYUD YOD PA NI MA YIN TE, DE'I PHYIR MI DRAN PA NI SGRIB PA ZHES MI BSHAD DO, , LE LO NI YANG DAG PAR SPONG BA RNAMS LA SGRIB BO, ,BRTZON 'GRUS KYI MI MTHUN PA'I PHYOGS SKYES PA DANG MA SKYES PA SPONG BA DANG, MI SKYED PA DANG, GNYEN PO SKYES PA DANG, MA SKYES PA PHYIR ZHING 'BYUNG BA DANG, SKYED PA'I PHYIR 'JUG PA NI YANG DAG PAR SPONG BA ZHES BYA BA'I MING 'THOB BO, ,DE NI DBYER MED KYANG 'BRAS BU THA DAD PA'I PHYIR RNAM PA BZHIR GZHAG GO, ,DE BAS NA YANG DAG PAR SPONG BA RNAMS BRTZON 'GRUS KYI BDAG NYID YIN PAS LE LO NI SGRIB PAR BSHAD DO, ,GNYIS KYIS TING NGE 'DZIN NYAMS PA DANG ZHES BYA BA NI, RDZU 'PHRUL GYI RKANG PA RNAMS LA SGRIB PO,, 'DIS RDZU 'PHRUL BYED PAS RDZU 'PHRUL TE, DE YANG 'DUN PA DANG, BRTZON 'GRUS DANG, SEMS DANG, DPYOD PA'I TING NGE 'DZIN TO, ,DE NYID RDZU 'PHRUL GYI RKANG BA STE, NAM MKHA' LA 'GRO BA DANG, SPRUL PA LA SOGS PA RDZU 'PHRUL GYI GNAS SU GYUR BA'I PHYIR RO, ,YANG NA 'GRO BAS RDZU 'PHRUL TE, NAM MKHA' LA 'GRO BA LA SOGS PA 'BYOR PA ZHES BYA BA'I THA TSIG GO, ,DE'I RKANG PA NI RDZU 'PHRUL GYI RKANG PA STE, DE'I GZHI YIN PA'I PHYIR RO, ,'DUN PA'I TING NGE 'DZIN LA SOGS PA RNAM PA BZHI PO DE NYID NI TING NGE 'DZIN TO, ,DE LA 'DUN PA'I TING NGE 'DZIN LA 'DUN PA GTZO BO STE, DE'I SGO NAS TING NGE 'DZIN 'THOB PA'I PHYIR RO, ,BRTZON 'GRUS LA SOGS PA YANG DE NA MED PA NI MA YIN TE, 'DUN PA'I GROGS BYED PA'I PHYIR, DE DAG NI DER GTZO BO MA YIN PAS DE DAG MI BSHAD DO, ,DE BZHIN DU BRTZON 'GRUS DANG, SEMS DANG DPYOD @233B PA'I TING NGE 'DZIN RNAMS KYANG BRJOD PAR BYA'O, ,GNYIS KYIS TING NGE 'DZIN NYAMS PA SGRIB PAR BSHAD PA DE MI SHES TE, DE'I PHYIR 'DUN PA DANG, BRTZON 'GRUS DANG SEMS DANG, DPYOD PA RNAMS LAS GANG YANG RUNG BA ZHIG MA TSANG BA YONGS SU MA RDZOGS PA DANG, SPONG BA'I 'DU BYED BSGOM PA MA TSANG BAS ZHES BYA BA SMOS SO, ,DE LA 'DUN PA DANG BRTZON 'GRUS DANG, SEMS DANG, DPYOD PA DE DAG LAS GANG YANG RUNG BA ZHIG MA TSANG BAS YONGS SU BSKAL PA NYAMS TE, DE'I DBANG GIS TING NGE 'DZIN MED PA'I PHYIR RO, ,SGOM PA NYAMS PA NI SPONG BA'I 'DU BYED BRGYAD PO DAG LAS MA TSANG BA'I PHYIR RO, ,DE DAG NI DAD PA DANG, 'DUN PA DANG, BRTZON 'GRUS DANG, SHIN TU SBYANGS PA DANG, DRAN PA DANG, SHES BZHIN DANG, SEMS PA DANG, BTANG SNYOMS KYI BDAG NYID DO, ,SPONG BA'I 'DU BYED 'DI DAG BSGOMS NA TING NGE 'DZIN LA DBANG THOB STE, GZHAN DU MA YIN NO, ,DE BAS NA DE DAG MA TSANG NA SGOM PA NYAMS PA ZHES BYA STE, TING NGE 'DZIN LA DBANG MI THOB BO, ,'DI LA SGRIB PA GANG ZHE NA, 'DUN PA LA SOGS PA'I MI MTHUN PA'I PHYOGS DANG SPONG BA'I 'DU BYED KYI MI MTHUN PA'I PHYOGS NYE BA'I NYON MONGS PA'O, , 'DI LTA STE, LE LO DANG, DMIGS PA BRJED PA DANG, BYING BA DANG, RGOD PA DANG, 'DU MI BYED PA DANG, 'DU BYED PA'O, ,THAR PA'I CHA DANG MTHUN PA RNAMS MI SKYED PA NI DBANG PO RNAMS LA SGRIB PO ZHES BYA BA NI 'KHOR BAS SKRAG STE, THAR PA'I DBANG DU BYAS NAS DGE BA'I RTZA BA GANG MNGON PAR 'DU BYED PA DES THAR PA RNYED PAR NGES PAS, THAR PA'I CHA DANG MTHUN PA ZHES BYA'O, ,DE BSKYED NA DAD PA LA SOGS PA DBANG PO'I MING 'THOB PAR 'GYUR TE, GZHAN DU MA YIN PAS THAR PA'I CHA DANG MTHUN PA MI SKYED PA NI DBANG PO RNAMS LA SGRIB PAR BSHAD DO, ,DE LA SGRIB PA GANG ZHE NA, NYE BA'I NYON MONGS PA GANG GIS THAR PA'I CHA DANG MTHUN PA MI SKYED PA STE, DE NI YANG SRID PA LA CHAGS PA DANG, MYA NGAN LAS 'DAS PAS 'JIGS PA'O, ,DBANG PO DE DAG GI NYAM CHUNG BA NI STOBS RNAMS LA SGRIB PO, ,DBANG PO RNAMS KYI NYAM CHUNG BA JI LTA BU @234A *, ,ZHE NA, DE'I PHYIR MI MTHUN PA'I PHYOGS DANG 'DRE BA'I PHYIR RO ZHES BYA BA SMOS TE, MI MTHUN PA'I PHYOGS MA DAD PA DANG, LE LO DANG, BRJED NGAS PA DANG, G-YENG BA DANG 'CHAL BA'I SHES RAB KYI BDAG NYID KYIS ZIL GYIS MI GNON ZHES BYA BA'I THA TSIG GO, ,DO PAR GYUR PA DANG, RTZE MOS RAB TU PHYE BA DAG NI DBANG PO RNAMS SO, ,NGES PAR 'BYED PA'I CHA DANG MTHUN PA RNAM PA GNYIS PO 'DI NI MI MTHUN PA'I PHYOGS MA DAD PA LA SOGS PAS ZIL GYIS NON PA'I PHYIR NYAM CHUNG BA STE, DE'I PHYIR 'DI LAS YONGS SU NYAMS PA SRID DO, ,MI MTHUN PA'I PHYOGS THUL BAS BZOD PA DANG 'JIG RTEN PA'I CHOS KYI MCHOG GI DUS NA DAD PA LA SOGS PA STOBS KYIS MING 'THOB PO, ,DE'I PHYIR DAD PA LA SOGS PA DE DAG NYID DRO BAR GYUR PA DANG, RTZE MO'I DUS NA MI MTHUN PA'I PHYOGS KYIS ZIL GYIS NON NAS NYAM CHUNG BA GANG YIN PA DE NI STOBS RNAMS LA SGRIB STE, DE YOD NA STOBS KYI BYE BRAG MI SRID DO, ,'DI LA SGRIB PA GANG ZHE NA, MA DAD PA LA SOGS PA MI MTHUN PA'I PHYOGS DE NYID DO, ,LTA BA'I NYES PA NI BYANG CHUB KYI YAN LAG RNAMS LA SGRIB PO, ,BYANG CHUB NI 'DIR MTHONG BA'I LAM LA DGONGS PA STE, DE'I DRAN PA DANG, CHOS RNAM PAR 'BYED PA DANG, BRTZON 'GRUS DANG, DGA' BA DANG, SHIN DU SBYANGS PA DANG, TING NGE 'DZIN DANG, BTANG SNYOMS KYI BDAG NYID BYANG CHUB KYI YAN LAG BDUN PO DE DAG NI MTHONG BAS SPANG BAR BYA BA'I NYON MONGS PA SPONG BA'I DUS NA 'BYUNG BAS YAN LAG RNAMS ZHES BYA'O, ,GAL TE BYANG CHUB DANG MTHUN PAS YAN LAG TU 'GYUR RO ZHE NA, DE LTA NA NI DRAN PA NYE BAR GZHAG PA RNAMS KYANG BYANG CHUB KYI YAN LAG NYID DU THAL BAR 'GYUR RO, ,LTA BA'I NYES PA NI BYANG CHUB KYI YAN LAG RNAMS LA SGRIB PO ZHES BYA BA DE JI LTA ZHE NA, DE'I PHYIR DE DAG MTHONG BA'I LAM GYIS RAB TU PHYE BA'I PHYIR RO ZHES BYA BA SMOS TE, MTHONG BA'I LAM DU RNAM PAR GZHAG PA'I PHYIR RO ZHES BYA BA'I THA TSIG GO, ,LTA BA'I NYES PA 'DI GANG ZHE NA, KUN BRTAGS PA'I LTA BA RNAM PA LNGA DANG, THE TSOM DANG MA RIG PA DANG, DE LA DMIGS PA'I 'DOD CHAGS LA SOGS @234B PA NYON MONGS PA DANG NYE BA'I NYON MONGS PA MTSUNGS PAR LDAN PA DANG BCAS PA RNAMS SO, ,THE TSOM LA SOGS PA YANG 'DIR SGRIB PA MA YIN NAM ZHE NA, SGRIB PA YIN DU ZIN KYANG 'DIR GTZO BOR BRJOD PAR BZHED PAS LTA BA'I SKYON SMOS PA'I PHYIR DE DAG MA SMOS KYANG 'GAL BA MED DO, ,LTA BA LA SOGS PA DE RNAMS KYI SA BON KUN GZHI RNAM PAR SHES PA LA GNAS PA NYID MTHONG BA'I LAM GYIS SPONG BA'I PHYIR DE'I SGRIB PA ZHES BYA'O, ,GNAS NGAN LEN GYI NYES PA NI LAM GYI YAN LAG YANG DAG PAR LTA BA DANG, RTOG PA DANG, NGAG DANG, LAS KYI MTHA' DANG, 'TSO BA DANG, RTZOL BA DANG, DRAN PA DANG, TING NGE 'DZIN RNAMS LA SGRIB STE, 'DIR RGYU SMOS PA, LAM GYI YAN LAG DE DAG BSGOM PA'I LAM GYIS RAB TU PHYE BA'I PHYIR RO ZHES BYA BA STE, BSGOM PA'I LAM LA RNAM PAR GZHAG PA'I PHYIR RO, ,GNAS NGAN LEN GYI NYES PA DE GANG ZHE NA, RGYAS PAR BYA BA NA NI 'JIG TSOGS DANG MTHAR 'DZIN PA'I LTA BA LHAN CIG SKYES PA MTSUNGS PAR LDAN PA DANG BCAS PA DANG DE LA YANG DMIGS PA YUL LA YANG DMIGS PA 'DOD CHAGS LA SOGS PA NYON MONGS PA DANG NYE BA'I NYON MONGS PA MTSUNGS PAR LDAN PA DANG BCAS PA RNAMS TE, DE DAG GI SA BON KUN GZHI RNAM PAR SHES PA LA GNAS PA GANG YIN PA DE NI GNAS NGAN LEN TO, ,MDOR BSDU NA MTHONG BAS SPANG BAR BYA BA LAS GZHAN PA ZAG PA DANG BCAS PA STE, DE'I NUS PA KUN GZHI RNAM PAR SHES PA LA GNAS PA NI GNAS NGAN LEN TO, ,DE NI BSGOM PA'I LAM GYIS SPANG BAR BYA BA YIN PAS LAM GYI YAN LAG GI SGRIB PAR RNAM PAR GZHAG GO, ,BYANG CHUB KYI PHYOGS RNAMS LA SGRIB PA NI BSHAD ZIN TO, ,DE'I 'OG TU PHA ROL TU PHYIN PA RNAMS KYI BSHAD DGOS PAS DE'I PHYIR, PHA ROL TU PHYIN PA RNAMS LA SGRIB PA NI, PHYUG PO DANG NI BDE 'GRO DANG, ,SEMS CAN MI GTOR SGRIB PA DANG, ,ZHES RGYA CHER SMOS SO, ,'DI LA PHA ROL TU PHYIN PA BCU PO DAG GI PHA ROL TU PHYIN PA GANG GI 'BRAS BU GANG YIN PA DE LA SGRIB PAS DE'I SGRIB PA ZHES BRJOD PA YIN NO, ,'DI LA SER SNA LA SOGS PA SBYIN PA LA SOGS PA LA DNGOS SU GEGS BYED PA BZHIN DU @235A *, ,CI'I PHYIR DE'I 'BRAS BU LA SGRUB PAR BRJOD LA, PHA ROL TU PHYIN PA RNAMS LA SGRIB PAR NI MA BSHAD CE NA, DE'I 'BRAS BU'I DON DU SBYIN PA LA SOGS PA LA THAMS CAD 'JUG STE, DE BAS NA SER SNA LA SOGS PA SPANG BAR NAN TAN BSKYED PA'I PHYIR 'BRAS BU LA SGRIB PAR BSHAD DE, PHA ROL TU PHYIN PA RNAM LA SGRIB PAR NI MA YIN NO, ,YANG NA SER SNA LA SOGS PA SGRIB PA PHYUG PO LA SOGS PA'I MI MTHUN PA'I PHYOGS SU GYUR PA DBUL PO LA SOGS PA'I 'BRAS BU BSKYED PA NA PHYUG PO LA SOGS PA'I 'BRAS BU LA GEGS BYED PAS DE'I SGRIB PA ZHES BYA'O, ,DE DAG GI 'BRAS BU GANG ZHE NA, DE LA SBYIN PA'I PHA ROL TU PHYIN PA'I 'BRAS BU NI GTZO BOR NI PHYUG PO DANG BDAG PO'O, ,TSUL KHRIMS KYI PHA ROL TU PHYIN PA'I 'BRAS BU NI BDE 'GRO'O, ,BZOD PA'I PHA ROL TU PHYIN PA'I 'BRAS BU NI SEMS CAN YONGS SU MI GTONG BA'O, , BRTZON 'GRUS KYI PHA ROL TU PHYIN PA'I 'BRAS BU NI NYES PA DANG YON TAN 'BRI BA DANG 'PHEL BA'O, ,BSAM GTAN GYI PHA ROL TU PHYIN PA'I 'BRAS BU NI BSTAN PA LA SEMS CAN 'DZUD PA'O, ,SHES RAB KYI PHA ROL TU PHYIN PA'I 'BRAS BU NI BTZUD PA DE RNAMS RNAM PAR GROL BAR BYED PA'O, THABS LA MKHAS PA'I PHA ROL TU PHYIN PA'I 'BRAS BU NI BYANG CHUB TU YONGS SU BSNGO BAS DGE BA MI ZAD PA'O, ,SMON LAM GYI PHA ROL TU PHYIN PA'I 'BRAS BU NI DGE BA RGYUN MI 'CHAD PA'O, ,STOBS KYI PHA ROL TU PHYIN PA'I 'BRAS BU NI DGE BA'I CHOS NGES PAR 'BYED PA'O, ,YE SHES KYI PHA ROL TU PHYIN PA'I 'BRAS BU NI CHOS LA LONGS SPYOD PA DANG SEMS CAN YONGS SU SMIN PAR BYED PA'O, ,PHYUG PO DANG BDAG PO LA SGRIB CES BYA BA LA, DE LA PHYUG PO NI NOR DA NG YO BYAD MANG BA'O, ,BDAG PO NI LONGS SPYOD DE LA DBANG BA'O, ,DE GNYI GA LA SGRIB PA NI SBYIN PA'I PHA ROL TU PHYIN PA'I SGRIB PA STE, DE'I 'BRAS BU YIN PA'I PHYIR RO, ,DE GANG ZHE NA SER SNA'O, ,BDE 'GRO LA SGRIB CES BYA BA LA, MDZES PAR 'GRO BA NI BDE 'GRO STE MI DANG LHA'O, ,DE LA SGRIB PA NI TSUL KHRIMS KYI PHA ROL TU PHYIN PA'I SGRIB PA STE, DE'I 'BRAS BU YIN PA'I PHYIR RO, ,DE NI 'CHAL BA'I TSUL KHRIMS TE, LUS DANG NGAG GI LAS @235B NGAN PA'O, ,SEMS CAN YONGS SU MI GTONG BA ZHES BYA BA NI SEMS CAN GNOD PAR BYED PA LA YANG PHAN 'DOGS PA BZHIN DU 'DZIN PA STE, DE YANG BZOD PA'I PHA ROL TU PHYIN PA'I 'BRAS BU'O, ,DE'I SGRIB PA NI KHRO BA'O, ,NYES PA DANG YON TAN 'BRI ZHING 'PHEL BA ZHES BYA BA LA, BDAG DANG GZHAN LA GNOD PA RAB TU ZHUGS PA SKYES PA RNAMS SPONG BA DANG, MA SKYES PA RNAMS MI SKYED PA NI NYES PA RNAMS 'BRI BA'O, ,BDAG DANG GZHAN LA PHAN PAR ZHUGS PA SKYES PA RNAMS PHYIR ZHING 'BYUNG BA DANG, MA SKYES PA RNAMS SKYED PA NI YON TAN RNAMS 'PHEL BA'O, ,'DI LA SGRIB PA GANG ZHE NA LE LO'O, ,'DUL BA 'DZUD PA LA SGRIB CES BYA BA LA, 'DUL BA RNAMS BSTAN PA LA 'DZUD PA NI MTHO RIS DANG, BYANG GROL RNYED PA'I RGYUR KHAS LEN PA'I PHYIR RO, ,NYE BAR ZHI BAS GUS PA SKYE STE SEMS CAN KUN BRJOD PA DANG, RDZU 'PHRUL GYIS BSGRIB MI DGOS PAR BSTAN PA RTOGS PAR BYED DO, ,'DI LA SGRIB PA NI G-YENG BA'O, ,RNAM PAR GROL BAR BYED PA LA SGRIB CES BYA BA LA RNAM PAR GROL BAR BYED PA NI NYON MONGS PA SPONG BA STE, DE YANG RJES SU BSTAN PAS 'GYUR RO, ,RJES SU BSTAN PA NI SHES RAB KYIS TE, GZHAN GYIS MA YIN NO, ,DE'I PHYIR SHES RAB KYI PHA ROL TU PHYIN PA'I 'BRAS BU NI RNAM PAR GROL BAR BYED PA'O, ,DE'I SGRIB PA NI NYON MONGS PA CAN GYI SHES RAB BAM, GTI MUG GAM, 'CHAL PA'I SHES RAB PO, ,SBYIN PA LA SOGS PA MI ZAD PA LA SGRIB STE ZHES BYA BA NI SBYIN PA DANG, TSUL KHRIMS LA SOGS PA MI ZAD PA LA SGRIB PA GANG YIN PA DE NI, THABS KYI PHA ROL TU PHYIN PA'I SGRIB PA'O, ,SBYIN PA LA SOGS PA DE YANG JI LTAR MI ZAD PAR 'GYUR ZHE NA, DE'I PHYIR, BYANG CHUB TU YONGS SU BSNGO BAS DE MI ZAD PA'I PHYIR RO ZHES BYA BA SMOS SO, ,BYANG CHUB CHEN POR YONGS SU BSNGOS PA'I SBYIN PA LA SOGS PA'I DGE BA'I RTZA BA NI SANGS RGYAS NYID BZHIN DU ZAD PAR MI 'GYUR RO, ,KHA CIG NA RE DE'I SGRIB PA NI BYANG CHUB CHEN POR YONGS SU BSNGO BA'I MTSAN NYID KYI THABS MI SHES PA'O ZHE'O, ,GZHAN DAG NA RE THABS MI MKHAS PA 'KHOR GSUM DU 'DZIN PA NI DE'I SGRIB PA'O ZHE'O, ,TSE RABS THAMS CAD DU DGE BA @236A *, ,RGYAN MI 'CHAD PAR 'BYUNG BA LA SGRIB CES BYA BA LA, DGE BA RGYUN MI 'CHAD PA NI NYIN RE 'AM SKAD CIG RE RE LA STE, DE YANG SMON LAM GYI PHA ROL TU PHYIN PA'I 'BRAS BU'O, ,JI LTA ZHE NA, DE'I PHYIR SMON LAM GYI DBANG GIS DE DANG MTHUN PA'I SKYE BA YONGS SU 'DZIN PA'I PHYIR RO ZHES BYA BA SMOS SO, ,SMON LAM GYI DBANG GIS SBYIN PA LA SOGS PA RGYUN MI 'CHAD PAR 'BYUNG BA DANG MTHUN PA'I SKYE BA YONGS SU 'DZIN TO, ,DE LA SGRIB PA NI SBYIN PA LA SOGS PA DANG MTHUN PAR SMON LAM MI 'DEBS PA'O, ,DGE BA DE NYID NGES PAR BYED PA LA SGRIB CES BYA BA NI NYIN RE'AM SKAD CIG RE RE LA GCIG TU BYED PA NI NGES PAR BYED PA'O, ,'DIR RGYU SMOS PA, SO SOR BRTAGS PA DANG BSGOMS PA'I STOBS KYIS MI MTHUN PA'I PHYOGS KYIS ZIL GYIS MI GNON PA'I PHYIR RO ZHES BYA BA'O, ,DE LA SO SOR BRTAGS PA'I STOBS NI BSTAN PA DANG LDAN PA'I SHES RAB BO, ,BRTAN PA NI BTAGS PA'I CHOS TE, BRTZON 'GRUS DANG, TING NGE 'DZIN DANG, SHES RAB GSUM LHAN CIG SKYES PA LA BTAGS PA'I PHYIR RO, ,BSGOM PA'I STOBS NI GOMS PA DANG LDAN PAS BSGRIM MI DGOS PAR SBYIN PA LA SOGS PA LA 'JUG PA'I PHYIR, DE'I GNYEN PO SER SNA LA SOGS PAS ZIL GYIS MI NON PA'I PHYIR RO, ,'DI LA SGRIB PA GANG ZHE NA, SO SOR MA BRTAGS PA DANG BSGOM PA NYAM CHUNG BA'O, ,BDAG DANG GZHAN CHOS LA LONGS SPYOD PA DANG YONGS SU SMIN PAR BYED PA LA SGRIB CES BYA BA NI LONGS SPYOD PA'I 'KHOR GYI DKYIL 'KHOR DU RNAM PAR GNAS TE, THEG PA CHEN PO'I CHOS ZAB CING RGYA CHE BA LA LONGS SPYOD PA DANG, SPRUL PA RNAM PA SNA TSOGS KYI LAS KYIS TSES STON PAS SEMS CAN YONGS SU SMIN PAR BYED PA NI 'BRAS BU'O, ,DE'I SGRIB PA NI THOS PA'I DON LA SGRA JI BZHIN DU SPYOD PA DANG, SHES RAB CHUNG BA NI SGRIB PO ZHES BYA'O, ,'DI LA RDZAS SU NI PHA ROL TU PHYIN PA DRUG GO, ,MID DU NI BCU STE, PHA ROL TU PHYIN PA BZHI NI SHES RAB KYI PHA ROL TU PHYIN PA LAS RAB TU PHYE BA'I PHYIR RO, ,DE LA SHES RAB KYI PHA ROL TU PHYIN PA NI 'JIG RTEN LAS 'DAS PA RNAM PAR MI RTOG PA'I YE SHES TE, YE SHES DES SGRIB PA THAMS CAD RIM GYIS SPANG NGO, ,THABS DANG, @236B SMON LAM DANG, STOBS DANG, YE SHES KYI PHA ROL TU PHYIN PA NI 'JIG RTEN LAS 'DAS PA'I LAM GYI RJES LAS THOB PA'I YE SHES KYIS BSDUS SO, ,YE SHES KYI PHA ROL TU PHYIN PA MCHOG YIN NA JI LTAR RNAM PAR MI RTOG PA MA YIN ZHE NA, YE SHES KYI PHA ROL TU PHYIN PA NI RNAM PAR MI RTOG PA'I YE SHES KYI RJES LAS THOB PA'I YE SHES TE, YE SHES DES KHONG DU CHUD PA YONGS SU BCAD NAS BDAG NYID KYANG CHOS LA LONGS SPYOD PA RAB TU MYONG LA, GZHAN DAG KYANG YONGS SU SMIN PAR BYAD PA YIN TE, 'DI GNYI GA YANG RNAM PAR MI RTOG PA LA MED PAS DE'I PHYIR YE SHES KYI PHA ROL TU PHYIN PA NI RNAM PAR MI RTOG PA MA YIN NO, ,PHA ROL TU PHYIN PA RNAMS KYI SGRIB PA NI BSHAD ZIN TO, ,DE'I 'OG TU SA RNAMS KYI BRJOD DGOS PAS DE'I PHYIR, SA RNAMS LA YANG GO RIMS BZHIN TE, KUN DU 'GRO DON MCHOG GI DON, ,ZHES RGYA CHER SMOS SO, ,DE LA SA NI BCU STE, RAB TU DGA' BA DANG, DRI MA MED PA DANG, 'OD BYED PA DANG, 'OD 'PHRO CAN DANG, SHIN TU SBYANG DKA' DANG, MNGON DU GYUR BA DANG, RING DU SONG BA DANG, MI G-YO BA DANG, LEGS PA'I BLO GROS DANG, CHOS KYI SPRIN NO, ,DE LA CHOS KYI DBYINGS LA KUN TU 'GRO BA LA SOGS PA'I DON DU KHONG DU CHUD PA'I GNAS SKABS KYI KHYAD PAR RNAMS NI GONG NAS GONG DU KHONG DU CHUD PA'I GNAS PA'I TSUL DANG, DE LAS SKYES PA'I YON TAN GYI GZHI'I TSUL GYI SA RNAMS ZHES BYA'O, ,GZHAN DAG NA RE CHOS KYI DBYINGS KUN DU 'GRO BA LA SOGS PA'I DON LA GNAS PA GANG DANG GANG GIS BYANG CHUB SEMS DPA' MANG DU GNAS PA'I GNAS PA DE DANG DE LA GNAS PA'I PHYIR SA ZHES BYA'O ZHE'O, ,SA RNAMS KYI RNAM PAR GZHAG PA NI RAB TU DGA' BA LA MTHONG BA'I LAM SKYE BA'I PHYIR BYANG CHUB SEMS DPA' CHOS MNGON PAR RTOGS SO, ,CHOS MNGON PAR RTOGS NAS DRI MA MED PA LA RANG GI NGANG GIS 'BYUNG BA LHAG PA'I TSUL KHRIMS BSLAB PA'I KHYAD PAR SGRUB STE, LTUNG BA PHRA MO'I 'CHAL BA'I TSUL KHRIMS THAMS CAD DANG BRAL BA'I PHYIR RO, ,'OD BYED PA LA NI TSE RABS GZHAN DU YANG CHOS LAS MI NYAMS PA LHAG PA'I SEMS BSLAB PA'I KHYAD PAR @237A *, ,SGRUB PO, ,'OD 'PHRO CAN DANG, SHIN TU SBYANG DKA' DANG, MNGON DU GYUR LA NI BYANG CHUB KYI PHYOGS DANG BDEN PA DANG, RTEN CING 'BREL BAR 'BYUNG BA LA DMIGS PA LHAG PA'I SHES RAB BSLAB PA'I KHYAD PAR SGRUB PA'O, ,SA LHAG MA RNAMS LA NI BSLAB PA DE DAG NYID KYI 'BRAS BU RNAM PA BZHIR RIG PAR BYA'O, ,DE LA RING DU SONG BA RNAMS LA NI 'BAD PA DANG BCAS PAR MTSAN MA MED PA'I YE SHES LA GNAS PA SGRUB PO, ,MI G-YO BA LA NI LHUN GYIS GRUB PAR MTSAN MA MED PA'I YE SHES LA GNAS PA ZHING RNAM PAR DAG PA DANG LHAN CIG SGRUB PO, ,LEGS PA'I BLO GROS LA NI SO SO YANG DAG PAR RIG PA YON TAN GYI KHYAD PAR GANG GIS CHOS SMRA BAR 'GYUR BA SGRUB PO, ,CHOS KYI SPRIN LA NI TING NGE 'DZIN DANG, GZUNGS KYI YON TAN GYI KHYAD PAR SGRUB PO, ,KUN DU 'GRO BA LA SOGS PA CHOS KYI DBYINGS RNAM PA BCU LA ZHES BYA BA NI CHOS KYI DBYINGS LA BYANG CHUB SEMS DPA'I SA BCU RNAMS KYIS KUN DU 'GRO BA LA SOGS PA'I DON GANG YIN PA KHONG DU CHUD PAR BYED PA'O, ,DE LA NYON MONGS PA CAN MA YIN PA'I MI SHES PA GANG YIN PA DE NI BYANG CHUB SEMS DPA'I SA BCU LA RNAM PA BCUR GO RIMS BZHIN DU SGRIB STE, DE'I MI MTHUN PA'I PHYOGS SU GYUR PA'I PHYIR RO ZHES BYA BA NI SA'I MI MTHUN PA'I PHYOGS YIN PA'I PHYIR RO, ,SA RNAMS NI 'JIG RTEN LAS 'DAS PA'I TING NGE 'DZIN DANG, SHES RAB LA SOGS PA'I GNAS SKABS KYI KHYAD PAR GYI BDAG NYID DE, DE DAG SKYE BA'I GEGS BYED PA'I PHYIR NYON MONGS PA CAN MA YIN PA'I MI SHES PA NI MI MTHUN PA'I PHYOGS SO, ,DE LA NYON MONGS PA CAN MA YIN PA'I MI SHES PA KHO NA SGRIB PAR MA ZAD KYI, NYON MONGS PA DANG NYE BA'I NYON MONGS PA DAG KYANG YIN NO, ,'DI LTAR RAB TU DGA' BA LA NI MTHONG BA'I LAM GYIS SPANG BAR BYA BA THAMS CAD SGRIB STE, 'DI LTAR KUN DU 'GRO BA'I DON KHONG DU CHUD PAR BYED PA MTHONG BA'I LAM GYI BDEN PA RNAMS LA LOG PAR RTOG PA'I BAG LA NYAL BA THAMS CAD SPONG BA'I PHYIR RO, ,BSGOM PAS SPANG BAR BYA BA RNAMS NI SA LHAG MA RNAMS KYIS SPONG NGO, ,DE DAG NI MA SPANGS KYANG SPANGS PA BZHIN TE, @237B BYANG CHUB SEMS DPA' RNAMS LA KUN NAS NYON MONGS PAR BYED PA MA YIN NO, ,DON DE NYID KYI DBANG DU MDZAD DE TSIGS SU BCAD DE GSUNGS PA, THABS CHEN RNAMS DANG LDAN PA LA, ,NYON MONGS BYANG CHUB LAN LAG 'GYUR, ,'KHOR BA'ANG ZHI BA'I BDAG NYID DE, ,DE PHYIR DE BZHIN GSHEGS BSAM YAS, ,SHE'O, ,SA BCU RNAMS LA PHA ROL TU PHYIN PA BCU GO RIMS BZHIN DU LHAG PAR CHE BA YIN NO ZHES 'BYUNG BA'I PHYIR DE'I MI MTHUN PA'I PHYOGS SER SNA LA SOGS PA GO RIMS BZHIN DU SPONG BAR MNGON NO, ,GAL TE NYON MONGS PA GZHAN YANG SGRIB NA CI'I PHYIR SA RNAMS LA NYON MONGS PA CAN MA YIN PA'I MI SHES PA KHO NA SGRIB PAR BSHAD CE NA, THUN MONG MA YIN PA'I PHYIR TE, DE NI BYANG CHUB SEMS DPA' RNAMS KHO NA LA MYA NGAN LAS 'DAS PA THOB PAR BYA BA'I GEGS SU 'GYUR GYI, NYAN THOS LA SOGS PA LA NI MA YIN TE, 'DI LTAR NYAN THOS DANG RANG SANGS RGYAS RNAMS LA DE YOD KYANG GROL BAR 'GYUR LA, BYANG CHUB SEMS DPA' RNAMS NI MA YIN PAS DE'I PHYIR THUN MONG MA YIN NO, ,DE SA RNAMS LA SGRIB PAR BSHAD KYANG, SA RNAMS LA SGRIB PA DE KHO NAR MA ZAD DE, NYON MONGS PA'I NYAN THOS LA SOGS PA DANG, BYANG CHUB SEMS DPA' RNAMS LA 'DRA BAS BYANG CHUB SEMS DPA'I SA RNAMS LA DE'I SGRIB PAR GZHAG PA YANG MED BKAG PA YANG MED DE, DE MA BSHAD KYANG SGRIB PA LAS LDOG PAR MI 'GYUR RO, ,GZHAN NA RE NYAN THOS LA SOGS PA DANG, BYANG CHUB SEMS DPA' RNAMS LA 'DRA BAS NYON MONGS PA CAN MA YIN PA'I MI SHES PA NI SA RNAMS LA SGRIB PA KHYAD PAR DU BSHAD KYI, NYON MONGS PA NI ZHAR LA YOD PAS MA SMOS SO ZHES ZER TE, NYON MONGS PA YANG NYAN THOS LA SOGS PA DANG, BYANG CHUB SEMS DPA' RNAMS LA 'DRA BA NYID YIN PAS DE ZHAR LA YOD CES BYA BAR MI RUNG NGO, ,GZHAN NA RES RNAMS KYI MI SHES PA'I SGRIB PA GANG YIN PA DE NYAN THOS RNAMS KYI NYON MONGS PA CAN MA YIN PA'I MI SHES PA YIN YANG THAR PA LA GEGS MI BYED DE, 'DI LTAR NYAN THOS DAG LA SA RNAMS LA MI SHES PA YOD BZHIN DU RNAM PAR 'GROL LO, ,BYANG CHUB SEMS DPA' RNAMS LA NI MYA NGAN LAS @238A *, ,'DAS PA THOB PAR BYA BA LA GEGS KYI RGYUR GYUR PA'I PHYIR NYON MONGS PA CAN NO ZHE'O, ,DE NI DE LTA MA YIN TE, NYON MONGS CAN MIN SGRIB PA BCU, ,ZHES BSHAD PA'I PHYIR RO ZHE'O, ,SA DANG PO LA NI CHOS KYI DBYINGS KUN DU 'GRO BA'I DON DU RTOGS TE ZHES BYA BA DE LA; SA DANG PO NI 'JIG RTEN LAS 'DAS PA'I SHES RAB 'KHOR BA DANG BCAS PA DANG PO BA STE, MTHONG BA'I LAM GYIS BSDUS PA'O, ,CHOS KYI DBYINGS NI STONG PA NYID DE, SPYI'I MTSAN NYID PAS GCIG LA JI LTA BAR THAMS CAD LA YANG DE BZHIN NO, ,THAMS CAD DU SONG BAS KUN DU 'GRO BA STE, CHOS KYI DBYINGS NI MA RTOGS PAR, ,'DI LTAR CHOS NI YOD MA YIN, ,ZHES 'BYUNG BA NI CHOS KYI DBYINGS KUN DU 'GRO BA'I KHUNGS YIN NO, ,RTOGS ZHES BYA BA NI MNGON DU BYED CES BYA BA'I THA TSIG STE, ,RTOGS PA DES BDAG GANG YIN PA DE GZHAN LA, GZHAN GANG YIN PA DE BDAG GO ZHES BDAG DANG GZHAN MNYAM PA NYID RAB TU THOB NAS GZHAN DANG BDAG GIS STONG PA NYID THA DAD PAR MA MTHONG BAS BDAG DANG GZHAN DU BYE BRAG GIS RLOM SEMS SU MED DO, ,DE'I PHYIR DE LA SBYIN PA'I PHA ROL TU PHYIN PA LHAG PAR CHE BA YIN TE, DE'I PHYIR 'DI LA BYANG CHUB SEMS DPA' BDAG GI DON BZHIN DU GZHAN GYI DON LA RAB TU 'JUG GO, ,'DI NI RTOGS PA DANG GNYEN PO DANG GNYEN PO'I 'BRAS BU BSTAN PA YIN TE, DE GSUM NI SA GZHAN DAG TU YANG SHES PAR BYA'O, ,GNYIS PA LA NI MCHOG GI DON DU STE, RANG BZHIN GYIS 'OD GSAL BAR MTHONG BA'I PHYIR CHOS KYI DBYINGS RAB TU RTOGS SO ZHES BYA BAR SBYAR RO, ,DES DE 'DI SNYAM DU SEMS TE, DE LTA BAS NA SGRUB DU MTSUNGS PA LA BDAG GIS RNAM PA THAMS CAD DU YONGS SU SBYONG BA MNGON PAR BSGRUB PA NYID LA BRTZON PAR BYA'O SNYAM MO ZHES LUNG LAS BSHAD DO, ,MDO LAS KYANG 'DI SKAD CES DE BAS NA DGE BA BCU'I LAS KYI LAM DE DAG SHES RAB KYI RNAM PAR YONGS SU BSGOMS NA NYAN THOS KYI THEG PA'I BAR DU 'GYUR RO, ,DE BAS GONG DU YONGS SU SBYANGS PAS RANG SANGS RGYAS KYI THEG PA'I BAR DU 'GYUR RO, ,DE BAS GONG DU YONGS SU SBYANGS @238B PAS BYANG CHUB SEMS DPA'I SA YONGS SU DAG PA DANG, PHA ROL TU PHYIN PA YONGS SU DAG PA DANG, SPYOD PA RGYAS PA'I BAR DU 'GYUR RO, ,DE BAS GONG DU YONGS SU DAG PAS STOBS BCU'I BAR DU 'GYUR RO, ,DE LTA BAS NA BSGRUB TU MTSUNGS PA LA BDAG GIS ZHES RGYA CHER BSHAD DO, ,GANG GIS 'DI LTAR DE 'DI SNYAM DU SEMS TE, SA GNYIS PA LA DE LTA BAS NA ZHES BYA BA LA SOGS PA STE, DE BAS NA GNYIS PA LA MCHOG GI DON DU RAB TU RTOGS PAR MNGON NO, ,MNGON PAR BSGRUB PA NI 'BAD PA'AM BYA BA'O, ,RNAM PA THAMS CAD DU YONGS SU SBYANG BA NI CHOS KYI DBYINGS LA NYON MONGS PA CAN DANG, NYON MONGS PA CAN MA YIN PA'I RMONGS PA SEL BA'O, ,DE BAS NA SA DE LA TSUL KHRIMS KYI PHA ROL TU PHYIN PA LHAG PAR CHE BA YIN TE, KHYAD PAR DU 'PHAGS PA'I DON LA SMON PAS BDAG SHIN TU RNAM PAR DAG PA'I SNOD DU BYED PA'I PHYIR RO, ,GSUM PA LA NI DE'I RGYU MTHUN PA DON GYI MCHOG TU RTOGS TE, SANGS RGYAS KYI GSUNG NI CHOS KYI DBYINGS RAB TU RTOGS PAS RAB TU PHYE BA'I PHYIR RO, ,'DI LTAR RNAM PA THAMS CAD DU YONGS SU DAG PA CHOS KYI SKU ZHES BYA BA'I CHOS KYI DBYINGS KYI DBANG GIS CHOS KYI DBYINGS KYI RGYU MTSUNGS PA MED LA SOGS PA BSTAN PA'I CHOS RAB TU BYUNG BA'I PHYIR RO, ,CHOS KYI DBYINGS MCHOG YIN PAS DE'I RGYU MTHUN PAS BSTAN PA'I CHOS KYANG MCHOG YIN PA DANG, CHOS KYI DBYINGS YONGS SU DAG PAR BYA BA'I RGYU YIN PA'I PHYIR RO, ,DES CHOS KYI DBYINGS KYI RGYU MTHUN PA THOS PA MCHOG TU RIG NAS SHES PA RGYA CHER 'BYUNG BA LA, DES ZHES BYA BA NI CHOS KYI DBYINGS RAB TU RTOGS PAS SO, ,THOS PA ZHES BYA BA NI MDO LA SOGS PA'I CHOS THOS PA'O, ,DE LA MCHOG TU RIG NAS ZHES BYA BA NI RNAM PAR MI RTOG PA'I YE SHES KYIS DE BZHIN DU SO SOR RANG GIS SHES ZHES BYA BA'I THA TSIG GO, ,DE'I PHYIR ZHES BYA BA NI SANGS RGYAS KYI GSUNG MNYAN PA'I PHYIR RO, ,ME'I 'OBS STONG GSUM GYI STONG CHEN PO'I TSAD TZAM DU YANG BDAG NYID MCHONG ZHES BYA BA NI MDO LAS GSUNGS PA, GAL TE LA LA ZHIG DE LA 'DI SKAD CES ZER TE, GAL TE KHYOD ME'I 'OBS CHEN PO 'BAR BA, KUN DU 'BAR BA, KUN @239A *, ,DU RAB TU MCHED CING 'BAR BA, ME LCE GCIG TU GYUR PA'I NANG DU BDAG RAB TU MCHONG ZHING SDUG BSNGAL GYI TSOR BA CHEN PO MYONG BAR 'GYUR BA RANG GI LUS KYIS NYAMS SU LEN NA NGAS KHYOD LA CHOS KYI TSIG YANG DAG PAR RDZOGS PA'I SANGS RGYAS KYIS BSTAN PA BYANG CHUB SEMS DPA'I SPYOD PA YONGS SU SBYONG BA 'DI BSHAD PAR BYA'O ZHE NA YANG DE 'DI SNYAM DU SEMS TE, YANG DAG PAR RDZOGS PA'I SANGS RGYAS KYIS BSTAN PA, BYANG CHUB SEMS DPA'I SPYOD PA YONGS SU SBYONG BA'I CHOS KYI TSIG GCIG GI DON DU YANG STONG GSUM GYI STONG CHEN PO'I 'JIG RTEN GYI KHAMS MES RAB TU GANG BAR TSANGS PA'I 'JIG RTEN NAS BDAG GIS BDAG DOR BAR MOS NA ME'I 'OBS THA MAL BAR BDAG DOR BA LTA CI SMOS, SEMS CAN DMYAL BA'I SDUG BSNGAL THAMS CAD NYAMS SU BAB KYANG BDAG GIS SANGS RGYAS KYI CHOS THAMS CAD BTZAL BAR BYA NA, MI'I SDUG BSNGAL DANG 'GROGS PA LTA CI SMOS KYI SNYAM NAS ZHES BYA BA'O, ,DE BAS NA SA DE LA BZOD PA'I PHA ROL TU PHYIN PA LHAG PAR CHE BA YIN TE, THOS PA'I CHED DU NYON MONGS PA THAMS CAD LA MI 'BYED PA'I PHYIR RO, ,BZHI PA LA NI YONGS SU GZUNG BA MED PA'I DON DU STE, CHOS KYI DBYINGS RAB TU RTOGS SO ZHES BYA BAR SBYAR RO, ,SA BZHI BA LA LA NI MNYAM PA'I PHYIR CHOS KYI DBYINGS BDAG GI BA MED PAR RAB TU RTOGS TE, 'DI LTAR CHOS KYI DBYINGS LA BDAG GANG YANG MED PA'I PHYIR RO, ,YANG NA PHYIN CI LOG THAMS CAD KYI YUL MA YIN PA'I PHYIR SU'I YONGS SU BZUNG BA YANG MA YIN NO, ,BDAG NYID KYIS PHYIN CI LOG MA YIN PAS 'DI LA YONGS SU BZUNG BA GANG YANG MED DE, 'DI LTAR CHOS LA SRED PA YANG LDOG GO ZHES LUNG LAS 'BYUNG NGO, ,DE LTAR 'OD 'PHRO BA CAN NI SPROS PA MED PA'I YE SHES KYI DBYINGS KHONG DU CHUD PA'I PHYIR BYANG CHUB KYI PHYOGS KYI CHOS THOB STE, BYANG CHUB SEMS DPA' MDO SDE LA SOGS PA'I CHOS LA SRED PA SNGA NAS YOD PA GANG YIN PA DE YANG LDOG GO, ,GZHAN DAG NA RE BSAM GTAN DANG TING NGE 'DZIN DANG SNYOMS PAR 'JUG PA NI CHOS LA SRED PA'O ZHE'O, ,DE BAS NA SA DE LA BRTZON 'GRUS KYI PHA @239B ROL TU PHYIN PA LHAG PAR CHE BA YIN TE, LUS DANG NGAG DANG YID KYI SPYOD PA LAS 'DAS PAR RGYUN DU BYANG CHUB KYI PHYOGS RNAMS KYIS GNAS PA'I PHYIR RO, ,LNGA PA LA NI RGYUD THA DAD PA MED PA'I DON DU STE, CHOS KYI DBYINGS RAB TU RTOGS ZHES BYA BA DANG SBYAR RO, ,'DAS PA DANG MA BYON PA DANG DA LTAR GYI SANGS RGYAS BCOM LDAN 'DAS THAMS CAD NANG DANG, BYANG CHUB SEMS DPA'I RGYUD RNAMS DANG BDAG THA MI DAD CING MTSUNGS PAR MTHONG NGO, ,SEMS DANG BSAM PA RNAM PAR DAG PA MNYAM PA NYID BCUS ZHES BYA BA NI LUNG GIS STON TE, ,'DAS PA'I SANGS RGYAS KYI CHOS RNAM PAR DAG PA LA BSAM PA MNYAM PA NYID DANG, MA BYON PA'I SANGS RGYAS KYI CHOS RNAM PAR DAG PA LA BSAM PA MNYAM PA NYID DANG, DA LTAR BYUNG BA'I SANGS RGYAS KYI CHOS RNAM PAR DAG PA LA BSAM PA MNYAM PA NYID DANG, TSUL KHRIMS RNAM PAR DAG PA LA BSAM PA MNYAM PA NYID DANG, SEMS CAN RNAM PAR DAG PA LA BSAM PA MNYAM PA NYID DANG, LTA BA DANG THE TSOM DANG YID GNYIS DANG 'GYOD PA SEL BAS RNAM PAR DAG PA LA BSAM PA MNYAM PA NYID DANG, LAM DANG LAM MA YIN PA SHES PA RNAM PAR DAG PA LA BSAM PA MNYAM PA NYID DANG, LAM SHES PA RNAM PAR DAG PA LA BSAM PA MNYAM PA NYID DANG, BYANG CHUB KYI PHYOGS KYI CHOS THAMS CAD GONG NAS GONG DU RNAM PAR 'JIG PA RNAM PAR DAG PA LA BSAM PA MNYAM PA NYID DANG, SEMS CAN THAMS CAD YONGS SU SMIN PAR BYED PA RNAM PAR DAG PA LA BSAM PA MNYAM PA NYID CES BYA BA STE, MNYAM PA NYID 'DI DAG GIS SANGS RGYAS THAMS CAD KYI RGYAS THAMS CAD KYI RGYUD THA MI DAD PAR RAB TU RTOGS TE, KUN GZHI RNAM PAR SHES PA GNAS GYUR PA'I MTSAN NYID CHOS KYI SKU THA MI DAD PA'I PHYIR RO, ,DE BAS NAS DE LA BSAM GTAN GYI PHA ROL TU PHYIN PA LHAG PAR CHE BA YIN TE, DON DAM PAR BDEN PA'I RNAM PAR BSGOMS PA MANG BA'I PHYIR RO, ,DRUG PA LA NI KUN NAS NYON MONGS PA DANG, RNAM PAR BYANG BA MA YIN PA'I DON DU STE, CHOS KYI DBYINGS RAB TU RTOGS ZHES BYA BAR SBYAR RO, ,RTEN CING 'BREL BAR 'BYUNG BA'I MTSAN NYID KUN NAS NYON MONGS PA NI DE LA GLO BUR DU 'BYUNG BA'I PHYIR RANG BZHIN GYIS KUN NAS NYON MONGS PA MA YIN NO, ,RANG BZHIN GYIS RNAM PAR DAG PAS RNAM PAR DAG PAR @240A *, ,'GYUR BA MA YIN NO, ,DE LTAR RANG GIS RIG PA'I TSUL GYIS RNAM PAR MI RTOG PA'I YE SHES KYIS CHOS KYI DBYINGS RAB TU RTOGS SO ZHES LUNG DE NYID LAS STON TE, RTEN CING 'BREL BAR 'BYUNG BA LA GANG KUN NAS NYON MONGS PAR 'GYUR BA 'AM, RNAM PAR DAG PAR 'GYUR BA'I CHOS DE GANG YANG MED PAR RAB TU RTOGS PA'I PHYIR RO, ,SA DRUG PA LA NI BYANG CHUB SEMS DPA' RTEN CING 'BREL BAR 'BYUNG BA LA RNAM PAR RTOGS STE, CHOS KYI DBYINGS RANG BZHIN GYIS 'OD GSAL BA'I PHYIR DE LA YANG CHOS GANG LA KUN NAS NYON MONGS PA'AM, RNAM PAR BYANG BA MED PAR RTOGS SO, , RTEN CING 'BREL BAR 'BYUNG BA'I YAN LAG RNAMS NI KUN NAS NYON MONGS PA TZAM DU ZAD PA'I PHYIR GANG LA KUN NAS NYON MONGS PA'AM, RNAM PAR DAG PAR KUN DU RTOGS PA DE LA GTOGS PAR BDAG GAM BDAG GI MED DO, ,DE'I PHYIR SA DE LA SHES RAB KYI PHA ROL TU PHYIN PA LHAG PAR CHE BA YIN TE; KUN NAS NYON MONGS PA DANG, RNAM PAR DAG PA MED PA'I DON DU RTEN CING 'BREL BAR 'BYUNG BA ZA BA MO KHONG DU CHUD PA'I PHYIR RO, ,BDUN PA LA NI THA DAD PA MED PA'I DON DU STE, CHOS KYI DBYINGS RAB TU RTOGS ZHES BYA BAR SBYAR RO, ,SA DE LA BYANG CHUB SEMS DPA' MTSAN MA THAMS CAD MI 'BYUNG BAS ZIL GYIS NON TE, MTSAN MA 'BYUNG BA'I SGO NAS THA DAD PA 'BYUNG BA'I PHYIR RO, ,DE BAS NA MTSAN MA MED PA'I PHYIR BDUN PA LA THA DAD PA MED PA'I DON DU RAB TU RTOGS SO ZHES BYA'O, ,DON DE NYID RAB TU BSTAN PA'I PHYIR MTSAN MA MED PAS MDO LA SOGS PA'I CHOS KYI MTSAN NYID THA DAD PA MI 'BYUNG BA'I PHYIR RO ZHES BYA BA SMOS SO, ,SA DRUG PA'I BAR DU NI MDO LA SOGS PA'I CHOS KYI MTSAN MA GANG GIS CHOS KYI DBYINGS LA 'JUG PA DE DAG SHUGS KYIS DE LA 'JUG PA DANG, DE'I RJES LAS THOB PA'I SHES PA GNYIS KYIS THA DAD PA NYID DU MNGON DU 'GYUR RO, ,SA BDUN PA LA NI MTSAN THAMS CAD RO GCIG PA'I RNAM PA'I YE SHES KYIS CHOS KYI DBYINGS MTSAN MA MED PAR RAB TU RTOGS PA MTSAN MA DE DAG MI 'BYUNG NGO, ,DE'I PHYIR SA DE LA THABS KYI PHA ROL TU PHYIN PA LHAG PAR CHE BA YIN TE, 'DI LTAR MTSAN MA THAMS CAD MA MED PA NYID DU YANG RAB TU RTOGS LA, MTSAN MAR BYAS PA'I THA @240B SNYAD KYANG MI 'GOG STE, DE RAB RTOGS PAS KYANG DE NYID LA DBANG BYED PA RAB TU THOB PA'I PHYIR RO, ,BRGYAD PA LA NI BRI BA MED CING 'PHEL BA MED PA'I DON DU STE, CHOS KYI DBYINGS RAB TU RTOGS SO ZHES BYA BAR SBYAR RO, ,CHOS KYI DBYINGS RANG BZHIN GYIS RNAM PAR DAG PA'I PHYIR DRI MA DANG BCAS PA DANG; DRI MA MED PA'I DUS NA YANG KHYAD PAR MED PA'I PHYIR RO, ,DE BAS NA RTAG TU DE BZHIN KHO NA BAS DE BZHIN NYID CES BYA'O, ,MTSAN MA DANG BRAL BA NA GANG LA YANG BRI BA YANG MED LA, MTSAN MA YOD PA NA YANG GANG LA YANG 'PHEL BA YANG MED DO, ,LA LAN RE 'DI LTAR MTSAN MA NYID MTSAN MA MED PA'O ZHE'O, , 'DIR RGYU SMOS PA, MI SKYE BA'I CHOS LA BZOD PA THOB PAS ZHES BYA BA'O, ,SA BRGYAD PA LA BYANG CHUB SEMS DPA' MI SKYE BA'I CHOS LA BZOD PA THOB PAS CHOS KYI DBYINGS LA BRI BA MED PA DANG, LHAG MA MED PA NYID DU DE LTAR RAB TU RTOGS SO, ,KUN NAS NYON MONGS PA NI BRI BA MED PA'AM, RNAM PAR BYANG BAS NA 'PHEL BA'I CHOS GANG YANG MED DE, SNGON MED PA'I CHOS MI SKYE BA'I PHYIR RO, ,DBANG RNAM PA BZHI STE, RNAM PAR MI RTOG PA LA DBANG BA DANG, ZHING YONGS SU DAG PA LA DBYANG BA DANG, YE SHES LA DBANG BA DANG, LAS LA DBANG BA'O, ,DE LA LHUN GYIS GRUB PAR MTSAN MA THAMS CAD MI 'BYUNG BAS CHOS KYI DBYINGS NI RNAM PAR MI RTOG PA'I YE SHES LA DBANG BA'I GNAS SU RIG PAR BYA'O, ,BDUN PA YANG MTSA MA MI 'BYUNG BA YOD MOD KYI, ,MNGON PAR 'DU BYED PAS YIN GYI, ,'DIR NI LHUN GYI GRUB PA YIN PAS BYE BRAG YOD DO, ,JI LTAR BZHED PA BZHIN DU SANGS RGYAS KYI ZHING DANG 'KHOR GYI DKYIL 'KHOR KUN DU BSTAN PA'I MTHU BRNYES PAS CHOS KYI DBYINGS NI ZHING YONGS SU DAG LA DBANG B'I GNAS SU RIG PAR BYA'O, ,DE BAS NA SA DE LA SMON LAM GYI PHA ROL TU PHYIN PA LHAG PAR CHE BA YIN TE, RNAM PAR MI RTOG PA DANG BZHIN LA DBANG BA THOB PAS DGE BA LA BAR CHAD MED PAR SBYOR BA'I PHYIR RO, ,DGU PA LA NI YE SHES LA DBANG BA'I GNAS NYID DU STE, CI ZHE NA, CHOS KYI DBYINGS RAB TU RTOGS ZHES BYA BAR SBYAR RO, ,DGU PA LA NI YE SHES LA DBANG BA'I GNAS TE, RAB TU RTOGS SO ZHES BYA BAR CI MNGON ZHE NA, DE'I PHYIR SO SO YANG DAG PAR RIG @241A *, ,PA THOB PA'I PHYIR RO ZHES BYA BA SMOS SO, ,SA 'DI LA CHOS DANG, DON DANG, NGES PA'I TSIG DANG, SPOBS PA SO SO YANG DAG PAR RIG PA GZHAN DAG GIS MI 'JIGS PA RAB TU THOB PO, ,DE BAS NA 'DIR NI CHOS KYI DBYINGS YE SHES LA DBANG BA'I GNAS TE, RAB TU RTOGS SO ZHES BYA BAR MNGON NO, ,DE'I PHYIR SA DE LA STOBS KYI PHA ROL TU PHYIN PA LHAG PAR CHE BA YIN TE, SHES RAB KYI STOBS KYI KHYAD PAR DANG LDAN PA'I PHYIR RO, ,SA BCU PA LA NI LAS LA DBANG BA'I GNAS NYID DU RTOGS SO, ,DE CI MNGON ZHE NA, DE'I PHYIR JI LTAR BZHED PA BZHIN DU SPRUL PA RNAMS KYIS SEMS CAN GYI DON MDZAD PA'I PHYIR RO ZHES BYA BA SMOS SO, ,'DI NI SA BCU PA LA CHOS KYI DBYINGS LAS LA DBANG BA'I GNAS SU RAB TU RTOGS SO, ,DES DE BZHIN GSHEGS PA'I PHRIN LAS RNAMS LA DBANG BYED PA RAB TU BRNYES TE, 'DI LTAR BDE BAR GSHEGS PA BZHIN DU PHYOGS BCU'I 'JIG RTEN GYI KHAMS MTHA' YAS PA NA GNAS PA'I SEMS CAN DAG LA SPRUL PA'I SKU RNAMS KYIS JI LTAR 'DOD PA BZHIN DU GANG LA JI LTAR GANG GI TSE GANG BYA BA LA, DE LTAR DE'I TSE DE MDZAD DO, ,DE BAS NA SA 'DI LA YE SHES KYI PHA ROL TU PHYIN PA LHAG PAR CHE BA YIN TE, CHOS LA LONGS SPYOD PA DANG, SEMS CAN YONGS SU SMIN PAR MDZAD PA'I KHYAD PAR DANG LDAN PA'I PHYIR RO, ,DE LTAR BYANG CHUB SEMS DPA'I SA BCU JI SKAD DU BSHAD PA DE DAG LA CHOS KYI DBYINGS RNAM PA BCU RAB TU RTOGS PA RNAM PA THAMS CAD DU YONGS SU SBYANG BA LA GEGS SU GYUR PA, NYON MONGS PA CAN MA YIN PA'I MI SHES PAS RE RE LA YANG SGRIB PA GANG YIN PA DE'I GNYEN POR BYANG CHUB SEMS DPA'I SA BCU RNAM PAR GZHAG GO, ,SA DGU PA DANG SA BCU PA DAG GI KHYAD PAR NI 'BRAS BUS BSTAN PA YIN GYI, DMIGS PA THA DAD PA RAB TU RTOG PA'I KHYAD PAR GYIS NI MA YIN TE, GNAS PA CIR YANG DPYAD DU MED PA'I GNAS SU PHYIN PA'I PHYIR RO, ,KUN DU 'GRO BA LA SOGS PA'I DON DU RTOGS PA'I DGONGS PA NI SA CU RNAMS SU PHA ROL TU PHYIN PA BCU GO RIMS BZHIN DU KHYAD PAR DU 'GRO BA'O, ,DE'I PHYIR 'DI SKAD @241B CES SA LA SGRIB PA NI PHA ROL TU PHYIN PA RNAMS KHYAD PAR DU 'GRO BA LA SGRIB PA'O ZHES BSHAD DO, ,YANG NA MDO LAS TING NGE 'DZIN BRGYA LA SNYOMS PAR 'JUG PA LA SOGS PAS GONG NAS GONG DU KHYAD PAR DU 'PHAGS PA MCHOG RNAMS KYI YE SHES KYI MTHAR THUG PA'I 'BRAS BU GSUNG PA NYID KUN DU 'GRO BA LA SOGS PA'I DON DU RAB TU RTOGS PA'I DGONGS PA ZHES BYA'O, ,SGRIB PA RNAM PA DU MA GONG DU MA BSHAD PA THAMS CAD NI SGRIB PA GNYIS KYI NANG DU 'DUS PAR RAB TU BSTAN PA'I PHYIR MDOR BSDU NA, NYON MONGS PA'I SGRIB PA DANG, SHES BYA'I SGRIB PA NYID DU BSTAN ZHES BYA BA SMOS SO, ,MDOR BSDU NA GNYIS KHO NA STE, GSUM DU MED DO ZHES BYA BA DE CI MNGON ZHE NA, DE'I PHYIR, DER NI SGRIB PA THAMS CAD DE, ,ZHES BYA BA GSUNGS TE, NANG DU 'DUS SO ZHES BYA BA NI TSIG GI LHAG MA'O, ,SGRIB PA THAMS CAD SGRIB PA GNYIS KYI NANG DU 'DUS PAS GSUM PA GZHAN MED PAR MNGON NO, ,GANG GI PHYIR SGRIB PA THAMS CAD 'DI NYID KYI NANG DU 'DUS PA DE'I PHYIR SGRIB PA THAMS CAD SDUD PA NYON MONGS PA DANG SHES BYA'I SGRIB PA RNAM PA GNYIS PO 'DI ZAD NA, SGRIB PA THAMS CAD LAS GROL BAR 'DOD DE, SGRIB PA THAMS CAD SPONG ZHES BYA BA'I THA TSIG GO, ,SANGS RGYAS KYI SA'I SGRIB PA MA BSHAD PAR DE NYID KYI NANG DU 'DUS PAR JI LTAR 'GYUR, BRJOD PAS DE'I NANG DU GTOGS PAR 'GYUR BA YANG MA YIN TE, RANG BZHIN GYIS 'DUS SO, ,DE LTA MOD KYI KHYAB PA'I SGRIB PA BSHAD PA'I PHYIR DE NYID BSHAD ZIN TO, , GZHAN DU NA NI NYI TSE BA'I SGRIB PA NYID DU 'GYUR RO, ,YANG NA SANGS RGYAS KYI SA'I SGRIB PA BSDU BA'I DON DU, DER NI SGRIB PA THAMS CAD DE, ,CE ZAD NAS NI GROL BAR 'DOD, ,CES BYA BA GSUNGS SO, ,SANGS RGYAS KYI SA'I SGRIB PA MA ZAD PAR GROL BA MED DE, DE'I PHYIR SGRIB PA LHAG MA LTAR DE'I SGRIB PA YANG BSTAN PA YIN NO, ,NYON MONGS PA CAN MA YIN PA'I MI SHES PA RAB TU PHRA BA'I GNAS SKABS DANG, NYON MONGS PA'I BAG CHAGS NI SANGS RGYAS KYI SA'I SGRIB PA ZHES BYA STE, DE BAS NA SHIN TU PHRA BA'I PHYIR GZHAN DU BRTAG MI NUS PAS DE SKAD CES BSHAD @242A *, ,PAR 'GYUR RO, ,SGRIB PA CHEN PO NI KHYAB PA GANG YIN PA'O ZHES BYA BA NI BYA BA NI BYANG CHUB SEMS DPA'I RIGS CAN RNAMS KYI NYON MONGS PA DANG SHES BYA'I SGRIB PA'O, ,SGRIB PA CHUNG NGU NI NYI TSE BA GANG YIN PA'O ZHES BYA BA NI NYAN THOS LA SOGS PA'I RIGS CAN RNAMS KYI NYON MONGS PA'I SGRIB PA NYID DO, ,SBYOR BA'I SGRIB PA NI LHAG MA GANG YIN PA'O ZHES BYA BA NI 'DOD CHAGS LA SOGS PA SPYOD PA DE DAG NYID KYI STE, DES SBYOR BA NYID MI 'THOB PO, ,'THOB PA LA SGRIB PA NI MNYAM PA GANG YIN PA'O ZHES BYA BA NI CHA MTSUNGS PAR SPYOD PA RNAMS KYI STE; DE 'THOB PA'I BGEGS SU 'GYUR BA'I PHYIR RO, ,THOB PA KHYAD PAR CAN LA SGRIB PA NI LEN PA DANG SPONG BA GANG YIN PA'O ZHES BYA BA NI, BYANG CHUB SEMS DPA'I RIGS CAN RNAMS KYI STE, THOB PAR BYA BA KHYAD PAR CAN LA SGRIB PA'I PHYIR RO, ,MI GNAS PA'I MYA NGAN LAS 'DAS PA NI THOB PAR BYA BA KHYAD PAR CAN TE, DE NYID 'BRAS BU'I KHYAD PAR DU YANG RIG PAR BYA'O, ,YANG DAG PAR SBYOR BA LA SGRIB PA NI NYON MONGS PA'I MTSAN NYID RNAM PA DGU GANG YIN PA'O ZHES BYA BA NI KUN DU SBYOR BA DGU NI SGRIB PO ZHES BSHAD PA'I PHYIR RO, ,DE DAG YANG DAG PAR SBYOR BA LA JI LTAR SGRIB PA DE BZHIN DU BSHAD ZIN TO, ,RGYU LA SGRIB PA NI DGE BA LA SOGS PA RNAMS PA BCU LA SGRIB PA GANG YIN PA STE, RGYU'I DON GYI SKABS KYI PHYIR RO ZHES BYA BA NI DGE BA LA SOGS PA'I RGYU LA GEGS BYED PA'I SGO NAS SGRIB PAR 'GYUR BAS RGYU LA SGRIB PA ZHES BYA'O, ,DE KHO NA LA 'JUG PA LA SGRIB PA NI BYANG CHUB KYI PHYOGS RNAMS LA SGRIB PA GANG YIN PA'O ZHES BYA BA NI DE DAG GIS DE KHO NA LA 'JUG PAR BYED DO, ,DGE BA BLA NA MED PA LA SGRIB PA NI, PHA ROL TU PHYIN PA RNAMS LA SGRIB PA GANG YIN PA'O ZHES BYA BA NI DE'I BLA NA DGE BA MED PA'I PHYIR RO, ,DE KHYAD PAR DU 'GRO BA LA SGRIB PA NI SA RNAMS LA SGRIB PA GANG YIN PA'O ZHES BYA BA LA, PHA ROL TU PHYIN PA NYID 'JIG RTEN LAS 'DAS PA'I KHYAD PAR GYI GNAS SU GYUR PA NI SA RNAMS ZHES BYA'O, ,BSDUS PA'I SGRIB PA NI MDOR BSDUS PA RNAM PA GNYIS PO GANG YIN PA'O ZHES BYA BA NI NYON MONGS PA'I SGRIB PA DANG, SHES @242B BYA'I SGRIB PA STE, DE DAG GIS SGRIB PA THAMS CAD BSDUS PA'I PHYIR RO, ,DES BDE BLAG TU LEN PA DANG, 'DZIN PAR BYA BA'I PHYIR DON BSDUS PA BSHAD DO, ,BSDU BA BYAS PAS BDE BLAG TU LEN TO, ,'DZIN TO, ,BSTAN BCOS DBUS DANG MTHA' RNAM PAR 'BYED PA LAS SGRIB PA'I LE'UR BCAD PA STE GNYIS PA'I 'GREL BSHAD DO,, ,,SGRIB PA BSHAD PA'I 'OG TU DE KHO NA BSHAD PA'I SKABS YIN TE, DE'I 'OG TU SMOS PA'I PHYIR RO, ,DE BAS NA DE KHO NA'I DBANG DU MDZAD DE GSUNGS PA ZHES BYA BA SMOS SO, ,DE KHO NA YANG RNAM PA DU MA YOD DE, DE'I PHYIR DE'I DBYE BA KHONG DU MA CHUD PAR DE KHO NA'I RANG GI NGO BO KHONG DU CHUD PAR DKA' BAS DE'I PHYIR DE KHO NA'I DBYE BA NYID DANG POR BSTAN PA'I PHYIR, RTZA BA MTSAN NYID DE KHO NA, ,ZHES DE KHO NA BCU RGYA CHER GSUNGS SO, ,KHA CIG NA RE RTZA BA'I DE KHO NA DE LA DE KHO NA GZHAN 'DUS PAR BSTAN PA'I PHYIR RTZA BA'I DE KHO NA BSHAD DO, ,RTZA BA'I DE KHO NA LA YONGS SU SHES PAR BYED PA DANG SPONG BA DANG MNGON SUM DU BYED PA LA ZHUGS PA'I NYES PA GZHOM PA'I PHYIR MTSAN NYID KYI DE KHO NA BSHAD DO, ,'KHOR BA LA SKYO BAR BYA BA'I THABS RAB TU BSTAN PA'I PHYIR PHYIN CI MA LOG PA'I DE KHO NA BSHAD DO, ,SKYO NAS NYAN THOS KYI THEG PAS NGES PAR 'BYUNG BA BSTAN PA'I PHYIR 'BRAS BU DANG RGYU'I DE KHO NA BSHAD DO, ,NYAN THOS NI 'PHAGS PA'I BDEN PA BZHI RAB TU RTOGS PA DANG, BSGOM PA GNYIS KYIS NGES PAR 'BYUNG NGO, ,RNAM PA THAMS CAD SHES PA BSGRUB PA'I THABS BSTAN PA'I PHYIR RAGS PA'I DE KHO NA BSHAD DO, ,SGRIB PA THAMS CAD SPANG PA'I THABS BSTAN PA'I PHYIR PHRA BA'I DE KHO NA BSHAD DO, ,LEGS PAR GNAS PA'I CHOS BSTAN PA'I THABS BSTAN PA DANG, PHAS KYI RGOL BA THAMS CAD TSAR GCOD PA'I THABS BSTAN PA'I PHYIR GRAGS PA'I DE KHO NA BSHAD DO, ,CHOS KYI DBYINGS SU MTSUNGS KYANG RIGS DANG DBANG PO DANG BSAM PA'I BYE BRAG GIS RNAM PAR DAG PA THA DAD PA BSTAN PA'I PHYIR RNAM PAR DAG PA'I SPYOD YUL GYI DE KHO NA BSHAD DO, ,RNAM PA THAMS CAD DU KUN NAS NYON MONGS PA DANG RNAM PAR BYANG BA @243A *, ,LA 'JUG PA'I THABS BSTAN PA'I PHYIR BSDU BA'I DE KHO NA BSHAD DO, ,DE BZHIN NYID LAS BRTZAMS TE SOM NYI THAMS CAD RNAM PAR LDOG PA'I MTHU BSTAN PA'I PHYIR RAB TU DBYE BA'I DE KHO NA BSHAD DO, ,BDAG TU 'DZIN PA RNAM PA THAMS CAD BZLOG STE, BDAG MED PA RAB TU GZHAG PA'I THABS BSTAN PA'I PHYIR MKHAS PA'I DE KHO NA BSHAD DO ZHE'O, ,GZHAN DAG NA RE RTZA BA'I DE KHO NA NI BYANG CHUB SEMS DPA'I STE, THUN MONG MA YIN PA'O, ,DE KHO NA GNYIS PA NI DE NYID LA LOG PAR SBYOR BA'I GNYEN PA'O, ,DE KHO NA GSUM PA NI YANG DAG PA'I RNAL 'BYOR DANG MTHUN PA'O, ,DE KHO NA BZHI BA NI NYAN THOS DANG RANG SANGS RGYAS DANG MTHUN PA'O, ,DE KHO NA LNGA PA NI SGRIB PA'I THABS SO, ,DE KHO NA DRUG PA NI 'JIG RTEN DANG THUN MONG NGO, ,DE KHO NA BDUN PA NI DE DANG THUN MONG PA YIN PA'O, ,DE KHO NA BRGYAD PA NI SHES BYA MDOR BSDU BA'O, ,DE KHO NA DGU PA NI RANG BZHIN NO, ,DE KHO NA BCU PA NI NYON MONGS PA'I RTZA BA 'JOMS PA'O ZHE'O, ,MDOR BSDUS PA DE KHO NA BCU PO DE DAG NI DE BZHIN GSHEGS PA RNAMS KYIS LDEM POR DGONGS TE GSUNGS PA'I GNAS SU GYUR BA'O, ,RGYAS PAR BYA NA DE KHO NA DPAG TU MED DO, ,KHA CIG NA RE 'DI LA DE KHO NA DANG MTHUN PAS KUN RDZOB KYANG DE KHO NA ZHES BSTAN ZHE'O, ,GZHAN DAG NA RE DE DAG THAMS CAD NI JI SKAD BSHAD PA'I RNAM PA RNAMS KYIS MI BSLU BA'I PHYIR DE KHO NA RNAMS ZHES BYA BA STE, GANG RNAM PA GANG GIS SLU BAR MI BYED PA DE NI DE BZHIN BAS DE KHO NA ZHES BYA'O ZHE'O, ,DE LA RTZA BA'I DE KHO NA NI NGO BO NYID RNAM PA GSUM STE ZHES BYA BA DE MA GRAGS PAS DE'I PHYIR, KUN BRTAGS PA DANG GZHAN GYI DBANG DANG, YONGS SU GRUB PA STE ZHES BYA BA SMOS SO, ,CI'I PHYIR NGO BO NYID GSUM LA RTZA BA'I DE KHO NA ZHES BRJOD CAN, DE RAB TU BSTAN PA'I PHYIR DE LA DE KHO NA GZHAN RNAM PAR GZHAG PA'I PHYIR RO ZHES BYA BA SMOS TE, DER MTSAN NYID LA SOGS PA'I DE KHO NA GZHAN 'DUS O ZHES BYA BA'I THA TSIG GO, ,CI'I PHYIR NGO BO NYID RNAM PA GSUM NYE BAR GZUNG ZHE NA, KHA CIG NA RE THA SNYAD DANG DON DAM PA DANG DE'I GNAS RAB TU BSTAN PA'I PHYIR RO ZHE'O, ,GZHAN DAG NA RE PHYIN CI LOG DANG DE'I RGYUD DANG DE'I GNYEN PO'I GMIGS @243B PA RAB TU BSTAN PA'I PHYIR RO ZHE'O, ,GZHAN DAG NA RE BYANG CHUB SEMS DPA' RNAMS KYI SGRIB PA DANG BRAL BAR BYA BA'I PHYIR SPANG BA DANG, YONGS SU SHES PAR BYA BA DANG MNGON SUM DU BYA BA'I DNGOS PO RAB TU BSTAN PA'I PHYIR RO ZHE'O, ,GZHAN DAG NA RE SHES RAB KYI PHA ROL TU PHYIN PA'I TSUL RANG BZHIN GYIS ZAB PA NGO BO NYID GSUM GYI SGO NAS MA NOR BAR RTOGS PAR BYA BA'I PHYIR RO ZHE'O, ,DE SKAD DU CHOS MNGON PA'I MDO'I NANG NAS TSIGS SU BCAD PA GNYIS LAS, BYUNG RTEN SGYU MA LA SOGS BSTAN, ,RTAGS LA BRTEN NAS MED PA BSTAN, ,RNAM DAG RNAM PA BZHIR BRTEN NAS, , YONGS SU GRUB PA BSTAN PA YIN, DAG PA DE NI RANG BZHIN DANG, ,DRI MA MED DANG LAM DANG DMIGS, ,RNAM PAR DAG PA'I CHOS KYI RNAMS, ,RNAM PA BZHI POS BSDUS PA YIN, ,ZHES GSUNGS SO, ,BYUNG BA GZHAN GYI DBANG GI NGO BO NYID LA LTOS NAS MDO LAS SGYU MA LA SOGS PA BSTAN TE, DE NI SGYU MA LA SOGS PA BZHIN DU LOG PAR SNANG BA'I PHYIR RO, ,MED PA KUN BRTAGS PA'I NGO BO NYD LA LTOS NAS MED PA BSTAN TO, ,RNAM PAR DAG PA RNAM PA BZHI LA LTOS NAS YONGS U GRUB PAR BSTAN TO, ,RNAM PAR DAG PA RNAM PA BZHI LA RANG BZHIN GYIS RNAM PAR DAG PA NI DRI MA DANG BCAS PA'I DUS KYI DE BZHIN NYID LA SOGS PA'O, ,DRI MA MED PAS RNAM PAR DAG PA NI DE DAG NYID DRI MA MED PA'I DUS NA'O, ,STONG PA NYID LA SOGS PA 'THOB PA'I LAM RNAM PAR DAG PA NI BYANG CHUB KYI PHYOGS LA SOGS PA'O, ,LAM SKYED PA'I PHYIR DMIGS PA RNAM PAR DAG PA NI CHOS KYI DBYINGS KYI RGYU MTHUN PA BSTAN PA'I CHOS MDO'I SDE LA SOGS PA STE, DE LA BRTEN NAS LAM SKYE BA'I PHYIR RO, ,'DI LTAR RNAM PAR DAG PA 'DI BZHIS RNAM PAR BYANG BA'I CHOS THAMS CAD BSDUS TE TSIGS SU BCAD PA GNYIS KYI DON MDOR BSDUS PA'O, ,GZHAN DAG NA RE 'JIG RTEN PA DANG 'JIG RTEN LAS 'DAS PA DANG, DE'I RJES LAS THOB PA'I YE SHES KYI YUL YIN PAR RAB TU BSTAN PA'I PHYIR CI RIGS PAR NGO BO NYID GSUM GZUNG NGO ZHE'O, ,CI'I PHYIR 'DIR NGO BO NYID GSUM LA DE KHO NA ZHAS BYA BAR 'DOD CE NA ZHES BYA BA NI DE KHO NA'I DON NI MA NOR BA'I DON @244A *, ,YIN NA, CI'I PHYIR 'DIR NGO BO NYID GSUM LA MA NOR BA ZHES BYA, 'DI LTAR NGO BO NYID GSUM LA DE KHO NA ZHES BYA SNYAM DU DRI BAR BSAMS PA'O, ,NGO BO NYID GSUM RTAG MED CES BYA BA LA SOGS PA RGYA CHER SMOS PA LA, KUN DU BRTAGS PA'I MTSAN NYID NI RTAG TU MED PA'O ZHES BYA BA LA, GANG LA BYIS PA RNAMS KYIS GZUNG BA DANG 'DZIN PA DANG, SMRA BA DANG SMRA BAR BYA BAR MNGON PAR ZHEN PA'I RMI LAM LTAR RAB TU 'BYUNG BA DE NI RANG GI NGO BOR MED PA'I PHYIR BRTAGS PA'I NGO BO NYID DO, ,DE'I PHYIR MED PA'I BDAG NYID YIN PA DANG, 'KHRUL PA MED PA'I PHYIR MED PA NYID KUN BRTAGS PA'I MTSAN NYID DO, ,DE'I PHYIR KUN BRTAGS PA'I NGO BO NYID LA MED PA NYID KYI DE KHO NA ZHES BRJOD DO, ,PHYIN CI MA LOG PA'I PHYIR RO ZHES BYA BA LA PHYIN CI MA LOG PA'I DON NI 'DOR DE KHO NA'I DON DU STON TO, ,GZHAN GYI DBANG GI MTSAN NYID NI YOD KYANG YANG DAG PAR NA MA YIN TE ZHES BYA BA LA, GZUNG BA DANG 'DZIN PA LA SOGS PA BRTAGS PA'I MTSAN NYID DE THA SNYAD KYI GNAS YIN PAS YOD DO, ,GZUNG BA DANG 'DZIN PA LA SOGS PA'I BDAG NYID DU MED PAS YANG DAG PAR NA DE BZHIN DU MA YIN NO, ,DE NYID BSTAN PA'I PHYIR 'KHRUL PA'I PHYIR RO ZHES BYA BA SMOS SO, ,DE NI 'DI SKAD DU SGYU MA'I RGYU LTAR SNANG BA GANG YIN PA DE NI YOD DO, ,JI LTAR GZUNG BA DANG 'DZIN PA'I RNAM PAR SNANG BA DE NI DE LTA MA YIN TE, SGYU MA'I SKYES BU LA SOGS PA BZHIN NO, ,DE'I PHYIR 'KHRUL PA ZHES BSTAN PAR 'GYUR RO, ,DE NI GZHAN GYI DBANG GI NGO BO NYID LA DE KHO NA STE, GZHAN DU YOD PA BDAG NYID LA MED PA'I RNAM PAR SNANG NGO, ,SKABS YIN PAS 'DIR YANG PHYIN CI MA LOG GO ZHES BYA BAR SBYAR RO, ,YONGS SU GRUB PA'I MTSAN NYID NI, ,YOD DANG MED PA KHO NA STE, ZHES BYA BA NI YOD PA DANG MED PA DANG DE KHO NA NI YONGS SU GRUB PA'I MTSAN NYID DE, GNYIS PA MED PA YOD PA'I BDAG NYID YIN PAS YOD PAS SO, ,GNYIS PO MED PA'I BDAG NYID YIN PAS MED PA'O, ,RNAM PAR DAG PA'I DMIGS PA YIN PAS DE KHO NA'O, ,'DIR NI YONGS SU GRUB PA'I NGO BO NYID LA DE KHO NA STE, PHYIN CI MA LOG PA'I PHYIR RO ZHES BYA @244B BA DANG SBYOR RO, ,NGO BO NYID GSUM GYI DE KHO NA NI BSHAD NA, MTSAN NYID MA BSHAD DE, DE'I PHYIR DRIS PA'AM YANG NA RTZA BA'I DE KHO NA'I 'OG TU MTSAN NYID KYI DE KHO NA BSHAD LA, DE YANG MA GRAGS PAS NA MTSAN NYID KYI DE KHO NA GANG ZHE NA ZHES DRIS TE, DE'I PHYIR, 'DI LA CHOS DANG GANG ZAG DANG, ,ZHES RGYA CHER GSUNGS SO, ,GANG SHES NAS GANG ZAG DANG CHOS GNYIS LA SGRO 'DOGS PA DANG SKUR PA 'DEBS PAR LTA BA MI 'BYUNG BA DE NI KUN BRTAGS PA'I NGO BO NYID KYI DE KHO NA'I MTSAN NYID DO ZHES BYA BA LA, BDAG DANG GZUGS LA SOGS PA'I CHOS RNAMS DE DAG TU SNANG BA'I RNAM PAR SHES PA MA GTOGS PAR DE'I DMIGS PAR GYUR PA DON DAM PAR YOD DO ZHES MNGON PAR ZHEN PA NI SGRO 'DOGS PAR LTA BA'O, ,THA SNYAD DU YANG MED DO ZHES BYA BA NI SKUR PA 'DEBS PAR LTA BA'O, ,GZHAN DAG NA RE GANG ZAG DANG CHOS SU SNANG BA'I RNAM PAR SHES PA SPONG BA NI SKUR PA 'DEBS PAR LTA BA'O ZHES ZER TE, 'DZIN PA SPONG BA 'DI NI BSAM DGOS PA'O, ,MTSAN NYID GANG YONGS SU GCAD PAS GANG ZAG DANG CHOS GNYIS LA SGRO 'DOGS PA DANG, SKUR PA 'DEBS PAR LTA BA DE NI KUN BRTAGS PA'I NGO BO NYID KYI DE KHO NA'I MTSAN NYID DE, SGRO 'DOGS PA DANG SKUR BA 'DEBS PA SPANGS PAR RIG PAR BYA'O, ,DE 'ANG THA SNYAD DU DE KHO NA YIN GYI NGO BO NYID KYIS NI MA YIN NO, ,GANG GI PHYIR KUN BRTAGS PA KHONG DU CHUNG NA GANG ZAG DANG CHOS GNYIS LA SGRO 'DOGS PA DANG SKUR PA 'DEBS PAR LTA BA MI 'BYUNG BA ZHES BYA BA NI MI SKYE'I ZHES BYA BA'I THA TSIG GO, ,GZUNG BA DANG 'DZIN PA GNYIS LA SGRO 'DOGS PA DANG SKUR PA 'DEBS PAR LTA BA ZHES RGYA CHER 'BYUNG BA LA, GZUNG BA DANG 'DZIN PAR SNANG BA'I 'KHRUL PA GANG LA CHOS DANG GANG ZAG TU 'DZIN PA DE GAL TE KHO NA NYID DU YOD DO ZHES MNGON PAR ZHEN NA DE LA BU NI GZUNG BA DANG 'DZIN PAR SGRO 'DOGS PA'O, ,JI STE GZUNG BA BZHIN DU 'DZIN PA YANG MED DO ZHES MNGON PAR ZHEN NA, DE LTA BU NI GZUNG BA DANG 'DZIN PA LA SKUR PA 'DEBS PA'O, ,MTSAN NYID GANG SHES NAS GZUNG BA DANG 'DZIN PA GNYIS LA SGRO 'DOGS PA DANG SKUR PA 'DEBS PAR LTA BAR MI 'BYUNG BA DE NI GZHAN GYI DBANG GI NGO BO NYID KYI MTSAN NYID DE, @245A *, ,SGRO 'DOGS PA DANG SKUR PA 'DEBS PA SPANGS PAR SHES PAR BYA'O, ,DE YANG BRTAGS PA STE GZUNG BA DANG 'DZIN PA'I BDAG NYID DU MED PA'O, ,DE'I THA SNYAD KYI GNAS YIN PA'I PHYIR YOD PA'O, ,DE LTAR YONGS SU SHES NA GZHAN GYI DBANG LA SGRO 'DOGS PA DANG SKUR PA 'DEBS PAR LTA BA MI 'BYUNG NGO, ,DNGOS PO DANG DNGOS PO MED PAR SGRO 'DOGS PA DANG SKUR PA 'DEBS PAR LTA BA ZHES RGYA CHER 'BYUNG BA LA KHA CIG NA RE, GAL TE STONG PA NYID DNGOS PO YOD PA NYID DO ZHES YANG DAG PAR RJES SU LTA NA, DE LTA NI DNGOS POR SGRO 'DOGS PAR LTA BAR 'GYUR RO, ,JI STE MED PA NYID DO ZHE NA, DE LTA BU NI DNGOS PO MED PAR LTA BA'O, ,MTSAN NYID GANG SHES NAS DNGOS PO DANG DNGOS PO MED PAR LTA BA DE GNYIS MI 'BYUNG BA NI YONGS SU GRUB PA'I NGO BO NYID KYI DE KHO NA'I MTSAN NYID DO, ,KHA CIG NA RE DE YANG DNGOS PO DANG DNGOS PO MED PA LAS RNAM PAR GROL BA'I NGO BO NYID YIN LA, DE SHES NAS YONGS SU GRUB PA'I NGO BO NYID LA DNGOS PO DANG DNGOS PO MED PAR LTA BA MI 'BYUNG NGO ZHE'O, ,GZHAN NA RE DNGOS PO DANG DNGOS PO MED PA LAS RNAM PAR GROL BA'I BDAG NYID CAN LA, DNGOS PO'I NGO BOR SGRO 'DOGS PA'I PHYIR GNYIS PO MED PA NI RANG GI NGO BOS STONG PA NYID DO ZHE NA, DNGOS POR SGRO 'DOGS PA'I MTHAR 'GYUR RO, ,DE DNGOS PO DANG DNGOS PO MED PA LAS RNAM PAR GROL BA GNYIS SU MED PA'I RANG BZHIN RNAM PAR MI RTOG PA'I YE SHES KYI SPYOD YUL DU YANG MED DO ZHE NA, DNGOS PO MED PAR SKUR BA 'DEBS PA'I MTHAR 'GYUR RO ZHES ZER RO, ,GZHAN NA RE DNGOS PO DANG DNGOS PO MED PA GNYIS LA SO SOR SGRO 'DOGS PA DANG SKUR PA 'DEBS PAR LTA BA DANG SBYAR BAS BSHAD PA 'DI GNYIS KYANG BSAM DOGS PA'O ZHE'O, ,'DIR DNGOS PO NI GNYIS PO MED PA'I DNGOS PO STE, GAL TE DE LA DNGOS PO NYID DU 'DZIN NA DE LTA NA NI DNGOS POR SGRO 'DOGS PAR 'GYUR RO, ,JI STE DNGOS PO MED PA NYID DU 'DZIN NA DE LTA NA NI SKUR PA 'DEBS PAR 'GYUR RO, ,'DIR NI DNGOS PO MED PA NA NI GNYIS PO'I DNGOS PO MED PA STE, GAL GTE DE LA CHAD PA NYID DU NA DE LTA NA NI DNGOS PO MED PA 'ANG SHIN TU MED @245B PA NYID PAS SGRO 'DOGS PAR 'GYUR RO, ,JI STE GNYIS PO NYID DU 'DZIN NA DE LTA NA NI SKUR PAR 'GYUR TE, 'DI LTAR DE NI GNYIS KYI DNGOS PO MED PAS RAB TU PHYE BA YIN NO, ,YANG NA GAL TE DNGOS PO'I NGO BOR 'DZIN NA DE LTA NA NI SGRO BTABS PAR 'GYUR RO, ,JI STE DNGOS PO MED PA NYID DU 'DZIN NA DE LTA NA NI KUN NAS NYON MONGS PA DANG, RNAM PAR BYANG BA LA YANG SKUR PA 'GYUR TE, MTHA' GNYIS SPANGS PA 'DI NI YONGS SU GRUB PA NYID KYI DE KHO NA'I MTSAN NYID DO, ,DON PHYIR YANG DAG MIN RTOGS PHYIR, ,GNYIS PO MED PA'I PHYIR BSHAD DO, ,ZHES NGO BO NYID GSUM GYI MTSAN NYID SNGAR YANG BSHAD MA ZIN NA MA ZHE NA, DER NI NGO BO NYID KYI MTSAN NYID DO, ,'DIR NI GANG SHES NAS MI 'BYUNG BA DE NI DE KHO NA'I MTSAN NYID DO, ,ZHES BYA BA'I MTSAN MA YIN PAS ZLOG PA MED DO, ,GANG SHES NAS GANG ZAG LA SOGS PAR SGRO 'DOGS PA DANG SKUR PA 'DEBS PAR LTA BA MI 'BYUNG BA DE NI RTZA BA'I DE KHO NA'I MTSAN NYID DO, ,DE'I 'OG TU BSHAD PA'I PHYIR MTSAN NYID KYI DE KHO NA'I 'OG TU PHYIN CI MA LOG PA'I DE KHO NA BRJOD PAR BYA STE, DE'I PHYIR PHYIN CI MA LOG PA'I DE KHO NA NI ZHES BYA CHER SMOS SO, ,MI RTAG PA DANG SDUG BSNGAL BA DANG STONG PA DANG BDAG MED PA NI RTAG PA DANG BDE BA DANG GTZANG BA DANG BDAG TU PHYIN CI LOG PA'I GNYEN PO YIN PAS PHYIN CI MA LOG PA'I DE KHO NA ZHES BYA'O, ,RTZA BA'I DE KHO NA'I NANG DU DE KHO NA GZHAN 'DUS SO ZHES SNGAR DAM BCAS PAS DE'I PHYIR, RTZA BA'I DE KHO NA DER JI LTAR ZHEN ZHES RGYA CHER DRIS SO, ,MI RTAG PA LA SOGS PA NYID CES BYA BA NI MI RTAG PA LA SOGS PA GANG DAG YIN PA MI RTAG PA DANG SDUG BSNGAL BA DANG STONG PA DANG BDAG MED PA'I RNAM PA DE DAG MI RTAG PA LA SGOS PA'O, ,DE'I DNGOS PO NI MI RTAG PA LA SOGS PA NYID DO, ,RTZA BA'I DE KHO NA'I NANG DU PHYIN CI MA LOG PA'I DE KHO NA 'DUS PAR BSTAN PA'I PHYIR, MI RTAG DON NI MED DON DANG, ,ZHES RGYA CHER GSUNGS SO, ,MI RTAG PA'I DON NI RNAM PA GSUM STE, MED PA'I DON DANG, SKYE ZHING 'JIG PA'I DON DANG, DRI MA DANG BCAS SHING DRI MA MED PA'I DON DO, ,GANG DUS THAMS CAD DU DE BZHIN DU YOD PA @246A *, ,DE NI RTAG PA STE, DE LAS BZLOG PA NI MI RTAG PA STE, DE DAG TU GO RIMS BZHIN NO ZHES BYA BA NI DE LA DUS THAMS CAD DU MED PA'I DON MI RTAG PA'I DON GYIS KUN BRTAGS PA'I NGO BO NYID NI MI RTAG PA'O, ,GZHAN DAG NA RE NGES PA'I TSIG GI TSUL DU NA RTAG PA MED PA NI MI RTAG PAR RIG PAR BYA'O ZHE'O, ,GZHAN GYI DBANG GI NGO BO NYID NI SKAD CIG RE RE LA SKYE ZHING 'JIG PA'I MTSAN NYID YIN TE, MI RTAG PA'I PHYIR MI RTAG PA'O, ,DE NI RKYEN LAS BYUNG BA DANG 'JIG PA LA RGYU MED PA'I PHYIR RO, ,YONGS SU GRUB PA'I NGO BO NYID MI 'GYUR PA'I CHOS YIN DU ZIN KYANG DRI MA DANG BCAS PA DANG DRI MA MED PA NYID KYI DON GYI MTSAN NYID GLO BUR GYI DON MI RTAG PA'O, ,SDUG BSNGAL LEN DANG MTSAN NYID DANG, ,ZHES RGYA CHER 'BYUNG BA LA SDUG BSNGAL BA LA YANG RNAM PA GSUM STE, NYE BAR LEN PAS SDUG BSNGAL BA DANG, MTSAN NYID KYIS SDUG BSNGAL BA DANG, 'BREL BAS SDUG BSNGAL BA'O, ,DE LA BRTAGS PA'I NGO BO NYID NI NYE BAR LEN PAS SDUG BSNGAL TE, YONGS SU MA SHES PAS 'DI 'AM GZHAN NA SDUG BSNGAL NYE BAR LEN PAS SDUG BSNGAL LO, ,JI LTAR NA DE YONGS SU MA SHES PAS SDUG BSNGAL NYE BAR LEN PA DE BSTAN PA'I PHYIR, GANG ZAG DANG CHOS LA MNGON PAR ZHEN PA NYE BAR LEN PA'I PHYIR ZHES BYA BA SMOS TE, DES DNGOS POR 'DZIN PA'I SGO NAS GANG ZAG DANG CHOS SU MNGON PAR ZHEN PAS NA GANG ZAG DANG CHOS LA MNGON PAR ZHEN PA'O, ,DE YANG GNYIS SU LHUNG BA'I PHYIR KUN BRTAGS PA'I NGO BO NYID DE, KUN BRTAGS PA'I NGO BO NYID LA MNGON PAR ZHEN PA NI SDUG BSNGAL GYI RGYUN GYI RGYU YIN PAS DE SKAD BSHAD KYI, KUN BRTAGS PA NYID NI SDUG BSNGAL MA YIN TE, DE MED PA'I PHYIR RO, ,YANG NA KUN BRTAGS PA'I NGO BO NYID GANG ZAG DANG CHOS LA MNGON PAR ZHEN NAS DNGOS PO'I NGO BOR NYE BAR LEN PA STE, DE LTAR NYE BAR LEN PAS BRTAGS PA'I NGO BO NYID LA MNGON PAR ZHEN PA NI SDUG BSNGAL LO, ,GZHAN GYI DBANG GI NGO BO NYID NI MTSAN NYID KYI SDUG BSNGAL ZHES BYA BA DANG SBYAR RO, ,MTSAN NYID KYI SDUG BSNGAL BA NI SDUG BSNGAL NYID RNAM PA GSUM @246B STE; SDUG BSNGAL GYI SDUG BSNGAL NYID DANG, 'GYUR BA'I SDUG BSNGAL NYID DANG, 'DU BYED KYI SDUG BSNGAL NYID DO, ,SDUG BSNGAL RNAM PA GSUM PO DE DAG NI GZHAN GYI DBANG GI SDUG BSNGAL TE, MTSAN NYID KYI SDUG BSNGAL BA'O, ,YONGS SU GRUB PA'I NGO BO NYID NI 'BREL PAS SDUG BSNGAL BA'O, ,YANG ZHES BYA BA'I SGRA NI BSDU BA'I DON TO, ,JI LTA ZHE NA, 'BREL PA'I PHYIR TE, DE'I PHYIR SDUG BSNGAL DANG 'BREL PA'I PHYIR BYA BA SMOS SO, ,GZHAN GYI DBANG GI NGO BO NYID NI SDUG BSNGAL TE, DE'I CHOS NYID YONGS SU GRUB PA YANG SDUG BSNGAL DANG 'BREL PA'I PHYIR SDUG BSNGAL ZHES BYA'O, ,RTZA BA'I DE KHO NA NYID KYI NANG DU GO RIMS BZHIN NO ZHES BYA BA DE LA, NYE BAR LEN PAS SDUG BSNGAL NI KUN BRTAGS PA'O, ,MTSAN NYID KYIS NI GZHAN GYI DBANG NGO, ,'BREL PAS NI YONGS SU GRUB PA'O, ,DNGOS MED DE YI DNGOS MA YIN, ,RANG BZHIN GYIS NI STONG PAR 'DOD, ,CES BYA BA LA STONG PA NYID NI RNAM PA GSUM STE, DNGOS PO MED PAS STONG PA NYID DANG, DE MA YIN PAS STONG PA NYID DANG, RANG BZHIN GYIS STONG PA NYID DO, ,DA LA DNGOS PO MED PAS STONG PA NYID NI KUN BRTAGS PA'I NGO BO NYID DE, ,DE NYID BSTAN PA'I PHYIR, KUN BRTAGS PA'I MTSAN NYID NI RI BONG GI RVA LA SOGS PA'I RANG BZHIN LTAR MNGON SUM DANG RJES SU DPAG PA RNAM PA GANG GIS KYANG YOD PAR GZUNG DU MED DE, DNGOS PO MED PA NYID PAS DE'I STONG PA NYID DO ZHES BYA BA SMOS SO, ,DE MA YIN PAS STONG PA NYID NI GZHAN GYI DBANG GI NGO BO NYID DE, DE NYID BSTAN PA'I PHYIR, GZHAN GYI DBANG GI MTSAN NYID NI JI LTAR BYIS PA RNAMS KYIS GNYIS KYI BDAG NYID DU KUN BRTAGS PA DE LTAR MED KYI, JI LTAR DAG PA 'JIG RTEN PA'I YE SHES KYIS RTOG PAR 'GYUR PA LTA BU YANG YE MED PA NI MA YIN TE, DE BAS NA DE MA YIN PAS DE'I STONG PA NYID DO ZHES BYA BA SMOS SO, ,RANG BZHIN GYIS STONG PA NYID NI YONGS SU GRUB PA'I NGO BO NYID DE, DE'I PHYIR YONGS SU GRUB PA'I MTSAN NYID NI GNYIS PO MED PA'I DNGOS PO'I RI BO 'DI YIN PA'I PHYIR STONG PA NYID KYI NGO BO NYID DO, ,DE BAS NA RANG BZHIN KHO NA STE NGO BO NYID KHO NAS @247A *, ,DE'I STONG PA NYID DO ZHES BYA BA SMOS SO, ,MTSAN NYID MED PAS BDAG MED DANG, ,ZHES RGYA CHER 'BYUNG BA LA BDAG MED PA YANG RNAM PA GSUM STE, MTSAN NYID MED PAS BDAG MED PA DANG MI MTHUN PA'I MTSAN NYID KYIS BDAG MED PA DANG, RANG GI MTSAN NYID KYIS BDAG MED PA'O, ,DE LA KUN BRTAGS PA'I NGO BO NYID NI MTSAN NYID KYIS DNGOS PO MED PAS MTSAN NYID MED PA NYID BDAG MED PA STE, DE'I PHYIR KUN BRTAGS PA'I NGO BO NYID NI MTSAN NYID KYIS MED PA'I PHYIR MTSAN NYID MED PA NYID DE'I BDAG MED PA ZHES BYA BA SMOS TE, RNAM PA GZHAN GYIS NI MA YIN PAR STON TO, ,GZHAN GYI DBANG NI MI MTHUN PA'I MTSAN NYID KYIS BDAG MED PA STE, 'DI LTAR GZHAN GYI DBANG GI MTSAN NYID NI DNGOS PO'I NGO BOR YOD KYANG DES BYIS PA RNAMS KYIS GNYIS SU JI LTAR KUN BRTAGS PA DE LTAR NI YOD PA MA YIN NO, ,DE DANG MI MTHUN PA'I MTSAN NYID CES BYA BA NI KUN BRTAGS PA'I MTSAN NYID DANG MI 'DRA BA STE, GZHAN GYI DBANG GI MTSAN NYID DE'I BDAG MED PA'O, ,DE LTAR NA KUN BRTAGS PA'I BDAG NYID KYIS DE'I BDG MED PAR BSTAN PA YIN NO, ,RANG GI MTSAN NYID KYIS BDAG MED PA NI YONGS SU GRUB PA STE, 'DI LTAR YONGS SU GRUB PA NI NGO BO NYID GZUNG BA DANG 'DZIN PA'I DNGOS PO MED PA'I RANG BZHIN YIN PA'I PHYIR BDAG NYID MED PAS DE BAS NA RANG GI MTSAN NYID DE'I BDAG MED PA'O ZHES BYA BA NI YONGS SU GRUB PA'I CHOS LA BDAG MED PA'I NGO BO NYID DU STON TO, ,STONG PA NYID DANG BDAG MED PA 'DI GNYIS LA KHYAD PAR CI YOD CE NA, KHA CIG NA RE GANG NA GANG MED PA DE NI DES STONG LA, GANG ZHIG GANG GIS BDAG STE NGO BO NYID MA YIN PA DE NI BDAG MED PA STE, 'DI GNYIS KYI KHYAD PAR NI 'DI YIN NO ZHE'O, ,KHA CIG NA RE DON DU KHYAD PAR GANG YANG MED MOD KYI RNAM PAR GZHAG PA'I BYE BRAG GIS THA DAD DE; 'DI LTAR GANG NA GANG MED PA DES DE'I NGO BO NYID MED PA'I PHYIR BDAG MED PA DANG, CIG SHOS NI DE LA YONGS SU MA GRUB PA'I NGO BO NYID KYI PHYIR STONG PA NYID DO ZHE'O, ,SGRO 'DOGS PA DANG SKUR PA 'DEBS PA'I MTHA' GNYIS KYI GNYEN PO DANG GLO BUR GYI DRI MA BSTAN PA'I PHYIR RO, , @247B RTZA BA'I DE KHO NA RNAM PA GSUM LA GO RIMS BZHIN DU MI RTAG PA NYID RNAM PA GSUM YONGS SU BSTAN TE, MED PA'I DON MI RTAG PA NYID DANG, SKYE ZHING 'JIG PA MI RTAG PA NYID DANG DRI MA DANG BCAS SHING DRI MA MED PA'I MI RTAG PA NYID DO, ,DE BZHIN DU BDAG MED PA RNAM PA GSUM GYI BAR DU BSTAN PA NI PHYIN CI MA LOG PA'I DE KHO NA'O, ,DE'I 'OG TU 'BRAS BU DANG RGYU'I DE KHO NA BRJOD DGOS TE, DE'I PHYIR 'BRAS BU DANG RGYU'I DE KHO NA NYID LA ZHES RGYA CHER SMOS SO, ,DE LA KUN NAS NYON MONGS PA'I PHYOGS KYI DBANG DU MDZAD DE, SDUG BSNGAL GYI BDEN PA NI 'BRAS BU'I DE KHO NA'O, , KUN 'BYUNG GI BDEN PA NI RGYU'I DE KHO NA'O, ,RNAM PAR BYANG BA'I PHYOGS LA YANG 'GOG PA'I BDEN PA NI 'BRAS BU'I DE KHO NA'O, ,LAM GYI BDEN PA NI RGYU'I DE KHO NA'O, ,DE LTAR SDUG BSNGAL LA SOGS PA BDEN PA RNAM PA BZHI NI 'BRAS BU DANG RGYU'I DE KHO NA'O, ,RTZA BA'I DE KHO NA NYID LA SDUG BSNGAL DANG KUN 'BYUNG BA DANG 'GOG PA DANG LAM GYI BDEN PA RNAMS SO ZHES BSHAD NA, DE YANG JI LTAR NA RTZA BA'I DE KHO NA SDUG BSNGAL LA SOGS PA BDEN PA'I NGO BO NYID YIN PA MI SHES NA, DE'I PHYIR, JI LTAR RTZA BA'I DE KHO NA RNAM PA GSUM LA SDUG BSNGAL LA SOGS PA'I BDEN PA ZHES BYA ZHE NA ZHES BYA BA DRIS PA DANG; DE'I PHYIR 'DI LTAR DE MI RTAG PA LA SOGS PA'I MTSAN NYID KYIS TE, DE'I PHYIR SDUG BSNGAL BDEN PAR 'DOD CES BYA BA SMOS TE, MI RTAG PA DANG SDUG BSNGAL BA DANG, STONG PA DANG BDAG MED PA NYID NI SDUG BSNGAL GYI BDEN PA'I MTSAN NYID PAS DE DAG THAMS CAD KUN BRTAGS PA LA SOGS PA RE RE LA YOD PAR RGYAS PAR BSTAN TE, DE'I PHYIR KUN BRTAGS PA LA SOGS PA RE RE LA SDUG BSNGAL GYI BDEN PA NYID DU 'DOD DO, ,KUN 'BYUNG BA'I DON RNAM PA GSUM GYIS RTZA BA'I DE KHO NAR KUN 'BYUNG BA'I BDEN PA'I GO RIMS BZHIN NO, ,KUN 'BYUNG BA'I DE NYID MI SHES PAS DE'I PHYIR, KUN 'BYUNG BA'I DON RNAM PA GSUM NI, BAG CHAGS DANG NI KUN NAS 'BYUNG, ,MA BRAL BA YANG DE BZHIN NO, ,ZHES BYA BA SMOS TE, RNAM PA GSUM NI BAG CHAGS KYI KUN 'BYUNG BA DANG, KUN NAS BYUNG BA'I KUN 'BYUNG BA DANG, MA BRAL BA'I KUN 'BYUNG BA'O, ,DE LA @248A *, ,BAG CHAGS KYI KUN 'BYUNG BA NI KUN BRTAGS PA'I NGO BO NYID DU SHES PAR BYA STE, DE'I PHYIR KUN BRTAGS PA'I NGO BO NYID LA MNGON PAR ZHEN PA'I BAG CHAGS SO ZHES BYA BA SMOS TE, KUN BRTAGS PA'I NGO BO NYID MED PAR YOD DO ZHES MNGON PAR ZHEN PA NYE BAR BZUNG NAS 'JIG RTEN GYI CHOS RNAM PAR RTOG PA'I BAG CHAGS 'JOG PAR BYED KYI, MNGON PAR ZHEN PA MED PA 'JIG RTEN LAS 'DAS PA DAG NI MA YIN TE, DE BAS NA KUN BRTAGS PA'I NGO BO NYID LA BAG CHAGS KYIS KUN 'BYUNG BA ZHES BYA'O, ,KUN NAS BYUNG BA'I KUN 'BYUNG NI GZHAN GYI DBANG GI NGO BO NYID DO, ,KUN NAS BYUNG BA ZHES BYA BA NI BDAG THOB PA STE, DE GANG LAS BYUNG BA DE NI DE LAS 'BYUNG NGO ZHES BYA BA'I PHYIR KUN NAS 'BYUNG BA'O, ,DE YANG RANG BZHIN JI LTA BU ZHE NA DE'I PHYIR LAS DANG NYON MONGS PA RNAMS SO ZHES BYA BA SMOS TE, DE DAG KYANG DNGOS PO'I RANG BZHIN YIN PAS GZHAN GYI DBANG GI NGO BO NYID DO, ,MA BRAL BA'I KUN 'BYUNG BA NI DE BZHIN NYID LA BYA STE, JI LTA ZHE NA DE'I PHYIR, SGRIB PA DANG MA BRAL ZHES BYA BA SMOS STE, DE NI 'DI SKAD DU, DE BZHIN NYID JI SRID DU SGRIB PA RNAMS DANG MA BRAL BA DE SRID DU SDUG BSNGAL KUN 'BYUNG ZHES BYA BA 'AM, SGRIB PA RNAMS DANG MA BRAL BA'I DE BZHIN NYID NI KUN 'BYUNG BA'I CHOS NYID YIN PAS KUN 'BYUNG BA'I MING 'THOB PO ZHES BYA BAR BSTAN PAR 'GYUR RO, ,'GOG PA RNAM PA GSUM GYIS RTZA BA'I DE KHO NAR 'GOG PA'I BDEN PA YIN NA DE YANG MI SHES NAS DE'I PHYIR, ,'GOG PA RNAM PA GSUM NI; NGO BO NYID DANG GNYIS MI SKYE, ,DRI MA ZHI BA GNYIS SU 'DOD, ,CES BYA BA SMOS SO, ,DE LA NGO BO NYID KYIS MI SKYE BA NI KUN BRTAGS PA STE, DE NI MO GSHAM GYI BU BZHIN DU NGO BO NYID MED PAS GTAN DU MI SKYE STE, GZUNG BA DANG 'DZIN PA GNYIS MI SKYE BA NI GZHAN GYI DBANG STE, DE YANG GZUNG BA DANG 'DZIN PA GNYIS KYI RANG BZHIN DANG GTAN BRAL BA'I PHYIR 'KHRUL PA GNYIS KYI BDAG NYID DU MI SKYE BA'O, ,DRI MA ZHIM PA GNYIS NI YONGS SU GRUB PA'O, ,KYANG ZHES BYA NI BSDU BA'I DON TO, ,DE YANG MI SHES NAS DE'I PHYIR SO SOR BRTAGS PA'I 'GOG PA DANG, DE BZHIN @248B NYID CES BYA BA'O ZHES BYA BA SMOS SO, ,DRI MA NI RNAM PA GNYIS TE, 'DO CHAGS LA SOGS PA'I SGRIB PA DANG KUN BRTAGS PA'O, ,DE LA ZAG PA MED PA'I YE SHES KYI SA BON GNAS NAS BTON TE, 'DOD CHAGS LA SOG PA'I DRI MA RNAMS GTAN MI SKYE BA'I BDAG NYID KYIS ZHI BA NI SO SOR BRTAGS PA'I 'GOG PA'O, ,DE BZHIN NYID DU SPYOD YUL PA GNYIS SU MED PA'I YE SHES KYIS KUN BRTAGS PA'I DRI MA MI SKYE BA'I BDAG NYID KYIS ZHI BA NI DE BZHIN NYID DO, ,'DI GNYIS NI YONGS SU GRUB PA'I NGO BO NYID DO, ,'GOG PA RNAM PA 'DI GSUM NI BRTAGS PA LA SOGS PA RTZA BA'I DE KHO NAR GO RIMS BZHIN DU SHES PAR BYA'O, ,GZHAN DAG NA RE DE BZHIN NYID RAB TU RTOGS PAS NYON MONGS PA DANG KUN BRTAGS PA'I DRI MA GNYIS ZHI BA NI DE BZHIN NYID CES BRJOD DO, GNYIS 'GOG PA DANG RANG BZHIN 'GOG PA ZHES 'BYUNG BA'I PHYIR RO, ,RANG BZHIN ZHES BYA BA NI SEMS RANG BZHIN GYIS 'OD GSAL BA'I PHYIR DE BZHIN NYID LA BYA'O, ,DE'I PHYIR DE BZHIN NYID LA DMIGS PAS 'GOG PA GANG YIN PA DE NI RANG BZHIN GYIS 'GOG PA ZHES BYA STE, 'GAG PA TZAM LA SO SOR BRTAGS PA'I 'GOG PA ZHES BYA'O ZHE'O, ,KHA CIG NA RE 'DIR 'GAGS PAS 'GOG PA NI DE BZHIN NYID DO, ,'GOG PA NI MI SKYE BA'I BDAG NYID PAS NGO BO NYID KYIS MI SKYE BA LA SOGS PA THAMS CAD BSDUS TE 'GOG PA'I BDEN PA ZHES BYA'O, ,'GOG PA'I BDEN PA RTZA BA'I DE KHO NAR BSDUS PA BSHAD ZIN TO, ,DE'I 'OG TU LAM GYI BDEN PA BSDU BAR BYA STE; DE'I PHYIR LAM GYI BDEN PA RTZA BA'I DE KHO NAR RNAM PA GSUM DU JI LTAR RAB TU GZHAG CE NA ZHES DRIS PA DANG DE'I PHYIR, YONGS SU SHES PAR BYA BA LA SOGS PA GSUNGS SO, ,KUN BRTAGS PA NI YONGS SU SHES PAR BYA BA'O ZHES BYA BA LA, KUN BRTAGS PA NI GTAN MED PA NYID PAS DE NI YONGS SU SHES PAR BYA BAR ZAD KYI SPANG DU MED DE MED PA NI SPANG BAR MI RUNG NGO, ,GZHAN GYI DBANG NI YONGS SU SHES PAR BYA BA DANG SPANG BA'O ZHES BYA BA LA, GZHAN GYI DBANG NI JI LTAR SNANG BA DE LTAR MED PAR SHES PAR BYA'I, BRTAGS PA BZHIN DU THAMS CAD KYI BDAG NYID KYIS @249A *, ,MED PAR NI MA YIN NO, ,LAS DANG NYON MONGS PA NI DNGOS PO'I BDAG NYID YIN PAS SPANG BAR BYA BA YANG YIN NO, ,YONGS SU GRUB PA NI YONGS SU SHES PAR BYA BA DANG THOB PAR MNGON SUM DU BYA BA'O ZHES BYA BA LA, YONGS SU GRUB PA NI DNGOS PO DANG DNGOS PO MED PA LAS RNAM PAR GROL BA'I MTSAN NYID DANG GNAS GYUR PA NYID DU YONGS SU SHES PAR BYA ZHING, GNAS PAR GYUR PA NYID RNAM PAR GROL BA CHOS KYI SKUR MNGON SUM DU BYA BA YIN PAS STONG PA NYID NI YONGS SU SHES PAR BYA BA'O, ,'GOG PA NI THOB PAR MNGON SUM DU BYAS PAS MNGON SUM DU BYA BA'O, ,KHA CIG NA RE GNYIS LA RNAM PA GNYIS GNYIS TE YONGS SU SHES PA RNAM GNYIS NI SHES PA'I YONGS SU SHES PA'I DANG, SPONG BA'I YONGS SU SHES PA'O, ,DE LA DNGOS PO DANG GSUM PA NI SHES PA'I YONGS SU SHES PAS YONGS SU SHES PAR BYA BA'O, ,GNYIS PA NI GNYIS KAS YONGS SU SHES PAR BYA'O, ,MNGON SUM DU BYA BA RNAM PA GNYIS NI, SHES PAR MNGON SUM DU BYA BA DANG, THOB PAR MNGON SUM DU BYA'O, ,DE LA SHES PAR MNGON SUM DU BYA BAS NI GSUM CHAR YANG MNGON SUM DU BYA'O, ,THOB PAR MNGON SUM DU BYA BAS NI GSUM PA NYID DO ZHE'O, , DE LTAR RTZA BA'I DE KHO NA 'DIR YONGS SU SHES PAR BYA BA DANG, SPANG BAR BYA BA DANG, MNGON SUM DU BYA BA RNAMS KYIS LAM GYI BDEN PA RNAM PAR GZHAG PAR RIG PAR BYA'I, DE'I KHONGS SU GTOGS PAR BSDU BA NI MA YIN NO, ,DE LA BDEN PA BZHIS NI KUN NAS NYON MONGS PA GANG YIN PA DANG; GANG LAS BYUNG BA DANG, DE GNYIS RNAM PAR DAG PA GANG YIN PA DANG GANG LAS 'GYUR PA DE RNAMS YONGS SU BRJOD DO, ,DE DAG GI GO RIMS NI JI LTAR MNGON PAR RTOGS PA BZHIN DU'O, ,RAGS PA DANG PHRA BA'I DE KHO NA NI ZHES BYA BA LA, RAGS PA'I DE KHO NA NI KUN RDZOB KYI BDEN PA'O; ,PHRA BA'I DE KHO NA NI DON DAM PA'I BDEN PA STE, 'DI LTAR DANG POR RAGS PAS SEMS CAN RNAMS YONGS SU SMIN PAR BYED DO, ,YONGS SU SMIN PAR GYUR NAS PHRA BAS RNAM PAR GROL BAR BYED DE, DE'I PHYIR DANG POR NI RAGS PA'O, ,PHYIS NI PHRA BA'O, ,TSIG LE'UR @249B BYAS PA DANG MTHUN PAR BYA BA'I PHYIR BZLOG SE GSUNGS SO, ,DE LA MNYAM PAR MA BZHAG PA'I SHES PA'I YUL YIN PAS KUN RDZOB KYI BDEN PA NI RAGS PA'I DA KHO NA'O, ,MNYAM PAR BZHAG PA'I SHES PA'I YUL YIN PAS DON DAM PA'I BDEN PA NI PHRA BA'I DE KHO NA'O, ,YANG NA RNAM PAR SHES PA'I YUL YIN PAS NA RAGS PA'O, ,YE SHES KYI YUL YIN PAS NA PHRA BA'O, ,DE KHO NA THAMS CAD RTZA BA'I DE KHO NAR BSDU BAR DAM BCAS BAS NA, DE'I PHYIR DE RTZA BA'I DE KHO NAR JI LTAR RIG PAR BYA ZHE NA ZHES DRIS TE DE'I PHYIR, BRTAGS PA DANG NI SHES PA DANG, ,DE BZHIN BRJOD PA RAGS PA YIN, ,ZHES BYA BA GSUNGS SO, ,BRTAGS PA DANG SHES PA DANG BRJOD PA RNAMS NI RAGS PA'I DE KHO NAR RIG PAR BYA'O, ,DE NYID BSTAN PAR BYA BA'I PHYIR KUN RDZOB NI RNAM PA GSUM STE ZHES RGYA CHER SMOS SO, ,DON MED PA LA GZUGS DANG BUM PA DANG SNAM BU ZHES BYA BAR RNAM PAR GZHAG PA NI BRTAGS PA'I KUN RDZOB PO, ,KHA CIG NA RE GZUGS DANG TSOR BA DANG, 'DU SHES LA SOGS PA'I RANG BZHIN DANG BYE BRAG GI MING GIS BRJOD PA NI BRTAGS PA'I KUN RDZOB BO ZHE'O, ,KHA CIG NA RE BRJOD PA LA LTOS NAS GZUGS DANG TSOR BA ZHES BYA BAR THA SNYAD 'DOGS PA GANG YIN PA DE NI BRTAGS PA'I KUN RDZOB BO ZHE'O, ,SEMS DANG SEMS LAS BYUNG BA BZHIN DU MED PAS NA KUN BRTAGS PA'I NGO BO NYID DO, ,SHES PA'I KUN RDZOB NI RNAM PAR RTOG PA GANG GIS GZUGS LA SOGS PA DANG BUM PA LA SOGS PA RNAM PAR SHES PA SNANG BA LAS; PHA ROL NA MED KYANG PHYI ROL NA YOD PA BZHIN DU JI LTAR RNAM PAR GNAS PA LTAR DNGOS PO'I NGO BOR MNGON PAR ZHEN PA'I RNAM PAR RTOG PA NI SHES PA'I KUN RDZOB PO, ,BRJOD PA YANG KUN RDZOB PO ZHES BYA BA LA, YANG ZHES BYA BA'I SGRA NI BSDU BAR BYA BA'I DON TE, YONGS SU GRUB PA NI RNAM PAR RTOG PA DANG BRJOD PA LAS 'DAS KYANG STONG PA NYID DANG, DE BZHIN NYID DANG, DRI MA DANG BCAS PA DANG, DRI MA MED PA LA SOGS PA'I RNAM GRANGS KYIS BSTAN PA NI BRJOD PA'I KUN RDZOB BO, ,KUN RDZOB RNAM PA GSUM PO DES KUN RDZOB KYI BDEN PA NYID DE, RTZA BA'I DE KHO NAR @250A *, ,GO RIMS BZHIN DU RIG PAR BYA'O, ,KUN RDZOB NI THA SNYAD DO, ,BTAGS PA ZHES BYA BA NI BRJOD PA STE, DON MED PAR BRJOD PA TZAM GYIS THA SNYAD DU BYA BA NI BTAGS PA'I KUN RDZOB BO, ,DE BAS NA DON MED PA'I PHYIR BTAGS PA'I KUN RDZOB KYIS KUN BRTAGS PA KUN RDZOB KYI BDEN PA'O, ,DON MED BZHIN DU DON DU MNGON PAR ZHEN NAS SHES PA DES THA SNYAD 'DOGS PA DE NI SHES PA'I KUN RDZOB STE, DE NI MNGON PAR ZHEN PA'I RNAM PAR RTOG PA'O, ,DE BAS NA SHES PA'I KUN RDZOB KYI GZHAN GYI DBANG KUN RDZOB KYI BDEN PA'O, ,CHOS KYI DBYINGS BRJOD DU MED PA LA DE BZHIN NYID LA SOGS PA'I SGRAS BRJOD PA GANG YIN PA DE NI BRJOD PA STE, DES CHOS KYI DBYINGS LA THA SNYAD 'DOGS PA NI BRJOD PA'I KUN RDZOB BO, ,DE BAS NA BRJOD PA'I KUN RDZOB KYIS YONGS SU GRUB PA KUN RDZOB KYI BDEN PA'O, ,DE LA BRTAGS PA DANG BRJOD PA'I KUN RDZOB GNYIS NI SKABS SU BSDUS NAS RNAM PAR GZHAG PAR RIG PAR BYA'I, RANG BZHIN GYIS NI MA YIN NO, ,KUN RDZOB KYI BDEN PA BSHAD ZIN TO, ,DE NI DON DAM PA'I BDEN PA BRJOD PAR BYA STE, DE'I PHYIR, DAM PA'I DON NI GCIG PU'O, ,ZHES BYA BA GSUNGS SO, ,BRTAGS PA DANG NI GZHAN DBANG GNYIS NI DON DAM PAR MI SRID PA'I PHYIR DON DAM PA'I BDEN PA NI YONGS SU GRUB PA'I NGO BO NYID GCIG PUR RIG PAR BYA'O, ,YONGS SU GRUB PA DE YANG CI'I PHYIR DON DAM PA ZHES BYA ZHE NA, DE'I PHYIR, DON DANG THOB DANG SGRUB PA NI, ,DON DAM PA GSUM DU 'DOD, ,CES BYA BA GSUNGS SO, ,DON DAM PA NI RNAM PA GSUM STE, DON DAM PA DANG, THOB PAR BYA BA DON DAM PA DANG, SGRUB PA DON DAM PA'O, ,DE LA DON DAM PA DE BZHIN NYID DE, DAM PA NI 'JIG RTEN LAS 'DAS PA'I YE SHES SO, ,DE'I YUL YIN PAS DON TE, DBANG PO RNAMS KYI DON BZHIN DU, ,DE BZHIN NYID NI DAM PA'I DON, ,ZHES BYA'O, ,DE NYID BSTAN PA'I PHYIR YE SHES DAM PA'I DON YIN PA'I PHYIR RO ZHES BYA BA SMOS TE, DMIGS PA'I DNGOS POR RNAM PAR GZHAG PA'I PHYIR RO ZHES BYA BA'I THA TSIG GO, ,YE SHES DANG THA MI DAD PA'I PHYIR DE'I @250B TSE DMIGS PAR 'GYUR BA NI MA YIN GYI, RNAM PAR RIG PA TZAM SNANG BA BZHIN TE, DPER NA GANG DAG RNAM PAR RIG PA TZAM DU BZOD PA DE DAG GZUGS LA SOGS PA RNAM PAR RIG PA TZAM MA GTOGS PAR GZUGS LA SOGS PAR SNANG BA NI MED PA LTA BU'O, ,THOB PAR BYA BA DON DAM PA NI MYA NGAN LAS 'DAS PA STE, SHIN TU DRI MA MED PA'I DE BZHIN NYID GNAS GYUR PA'I MTSAN NYID DO, ,JI LTAR NA DON DAM PA ZHES BYA ZHE NA, DE'I PHYIR DON GYI DAM PA YIN PA'I PHYIR RO ZHES BYA BA SMOS SO, ,DE NI DAM PA YANG YIN LA DON YANG YIN PAS NA DON DAM PA STE, DE 'DUS BYAS DANG 'DUS MA BYAS KYI CHOS RNAMS KYI MCHOG YIN PAS DAM PA'O, ,LAM GYI DGOS PA YIN PAS NA DON TO, ,'DI LTAR MYA NGAN LAS 'DAS PA THOB PAR BYA BA NI LAM GYI DGOS PA STE, GNOD PA'I NYES PA THAMS CAD DANG BRAL BA'I PHYIR MYA NGAN LAS 'DAS PA NI DON TO, , 'DI LTAR NYES PA DANG BCAS PA LA NI DON MED PA ZHES BYA'O, ,SGRUB PA DON DAM PA NI LAM STE, CI'I PHYIR ZHE NA, DE'I DON NI DAM PA YIN PA'I PHYIR RO, ,DON NI YUL LAM DGOS PA STE, YUL NI DE BZHIN NYID DO, ,DGOS PA NI MYA NGAN LAS 'DAS PA'O, ,YUL GYI SGO NAS DAM PA ZHES BYA NA, JI LTAR NA GCIG LA GCIG BRTEN PAR MI 'GYUR, GCIG LA GCIG BRTEN PAR GYUR NA CI NYES SHE NA, GTAN LA BAB PA MED PAR 'GYUR RO, ,GCIG LA GCIG BRTEN DU ZIN KYANG DE LTAR MI 'GYUR TE, SENG GE DANG NAGS BZHIN NO, ,DON DAM PA'I BDEN PA NI YONGS SU GRUB PA'I NGO BO NYID DU BSTAN LA, LAM LA NI SNGA MA DANG PHYI MA'I CHA MED PA MA YIN PAS YONGS SU GRUB PAR MI RUNG STE, DE BAS NA LAM NI DON DAM PA'I BDEN PA MA YIN LA, YONGS SU MA GRUB PAS KYANG DON DAM PA'I BDEN PAR BSDUR MI RUNG NA 'DUS MA BYAS DANG 'DUS BYAS YONGS SU GRUB PA'I NGO BO NYID DU JI SKAD BRJOD CE NA, DE'I PHYIR, 'GYUR MED PHYIN CI MA LOG PA, ,YONGS SU GRUB PA RNAM PA GNYIS, ,ZHES BYA BA GSUNGS SO, ,YANG NA YONGS SU GRUB PA NI DE BZHIN NYID DE, DE YANG GZHAN GYI DBANG GI MTSAN NYID GNYIS DANG BRAL BA NYID PAS MYA NGAN LAS 'DAS PA DANG LAM GNYIS @251A *, ,YONGS SU GRUB PA NYID DU MI RUNG NA MYA NGAN LAS 'DAS PA ZHES BYA BA 'DUS MA BYAS DANG, LAM ZHES BYA BA 'DUS BYAS GNYIS YONGS SU GRUB PA'I NGO BO NYID DO ZHES JI SKAD DU BYA ZHE NA, 'DI NI KLAN KAR MI RUNG STE, 'DI LTAR DE LA GNYIS PO MED PA NI YONGS SU GRUB PA NYID DE, GNYIS PO MED PA NYID YONGS SU GRUB PA ZHES DE LAS GZHAN DGAG PAR MI BYED DE, DE BAS NA DE LAS GZHAN YANG STE, 'GYUR BA MED PA DANG, PHYIN CI MA LOG PAR YONGS SU GRUB PA GNYIS KYANG YONGS SU GRUB PA ZHES SBYAR RO, ,'DUS MA BYAS NI MYA NGAN LAS 'DAS PA DANG DE BZHIN NYID DE, 'DUS MA BYAS NI GZHAN DU 'GYUR BA MED PA'I PHYIR 'GYUR BA MED PAR YONGS SU 'GRUB PAS YONGS SU GRUB PA'O, ,'DUS BYAS NI LAM GYIS BSDUS PA LA BYA'I GZHAN LA MA YIN TE, PHYIN CI MA LOG PAR YONGS SU GRUB PAS YONGS SU GRUB PA ZHES BYA BAR SBYAR RO, ,JI LTA ZHE NA, DE'I PHYIR, SHES BYA'I DNGOS PO LA PHYIN CI LOG MED PA'I PHYIR RO ZHES BYA BA SMOS TE, GANG GI PHYIR SHES PAR BYA BA LA PHYIN CI LOG TU MI 'GYUR BA DE'I PHYIR LAM YONGS SU GRUB PA YIN TE, DE BAS NA BSAM PA THA DAD PA'I PHYIR 'DUS BYAS DANG 'DUS MA BYAS GNYI GA YANG YONGS SU GRUB PA YIN PAS 'GAL BA MED DO, ,DE LA, GCIG GIS 'JIG RTEN GRAGS PA STE, ,ZHES BYA BA NI JI LTAR BRJOD PA BZHIN DU MED PA KUN BRTAGS PA'I NGO BO NYID KYIS TE, DE GZHAN GYIS NI MA YIN NO, ,DE'I RANG GI NGO BO MI SHES PAS DE'I PHYIR, DNGOS PO GANG LA ZHES BYA BA RGYA CHER SMOS SO; ,BRDA NI MING DANG MING CAN 'BREL PAR SHES PA'O, ,'DRIS PA NI DE LA YANG DANG YANG DU SBYOR ZHING LTA BA'O, ,DE LA RJES SU ZHUGS PA'I BLO ZHES BYA BA LA, BRDA LA 'DRIS PA'I RJES LA ZHUGS PA'I BLO GANG ZHE NA, DE DAG DRAN PA STE, DE NI 'DI SKAD DU BRDA LA 'DRIS PA'I DRAN PA'I RJES SU SONG BA'I BLOS 'JIG RTEN PA BSTAN BCOS SHES PA DANG, DE MI SHES PA THAMS CAD KYIS THA SNYAD DU BTAGS PA'I DNGOS PO GANG LA LA 'DI NI SA YIN NO ZHES BYA BA LA SEGS PAR LTA BA MTHUN PA YIN NO ZHES BSTAN PAR 'GYUR RO, ,DE NI DE KHO NA BZHIN DU 'JIG RTEN DU GRAGS PA'I PHYIR @251B DE NI 'JIG RTEN GYI GRAGS PA'I DE KHO NA ZHES BYA'O, ,GSUM GYIS RIGS PA'I GRAGS PA'O, ,ZHES BYA BA NI NGO BO NYID RNAM PA GSUM GYI DBANG DU MDZAD DE RIGS PA ZHES BYA BAS NA DE'I PHYIR NGO BO NYID GSUM GYIS RIGS PA'I GRAGS PA'I DE KHO NAR RNAM PAR GZHAG GO, ,DE YANG MI SHES TE, DE BAS NA DE BSTAN PA'I PHYIR, GANG ZAG DAM PA RIGS PA'I DON LA MKHAS PA ZHES BYA BA LA SOGS PA SMOS SO, ,DE LA DAM PA DAG NI GANG DAG RIGS PA'I DON LA MKHAS PA DAG GO, ,RTOG GE PA DAG NI GANG DAG DPYOD PA CAN DAG STE, SNGA MA BSHAD PAR BSAMS NAS TSIG PHYI MA BRJOD DO, ,YANG NA DAM PA DAG NI DGE BA CI ZHES TSOL BA CAN DAG GO, ,RIGS PA'I DON LA MKHAS PA DAG NI LTOS PA DANG, BYA BA BYED PA DANG, 'THAD PA DANG, CHOS NYID KYI RIGS PA BZHI DANG MI 'GAL BA'I DON LA MKHAS PA DAG GO, ,RTOG GE BA DAG NI RTOG PA DANG SEL NUS PA DAG DANG DE BZHIN GSHEGS PA'I GSUNG RAB LA BRTEN NAS BSTAN BCOS PHYIN CI MA LOG PAR BYED PA'O, ,DPYOD PA CAN DAG NI BDAG DANG GZHAN GYI BSTAN BCOS LA MKHAS PAR GYUR PA DANG, LEGS PA DANG NYES PA DPYOD PA DAG GO, ,KHA CIG LAS NI DPYOD PA CAN, ,ZHES MI 'BYUNG STE, DE DAG 'DI SKAD DU, DAM PA ZHES BRJOD PA'I DAM PA DE GANG ZHE NA, DE'I PHYIR, RIGS PA'I DON LA MKHAS PA DAG ,CES BYA BA SMOS SO, ,DE DAG KYANG RTOG GE PA'I SA DANG, BSGOM PA'I SA LA GNAS PA'I PHYIR RNAM PA GNYIS TE, DE'I PHYIR RTOG GE PA DAG CES BYA BA SMOS SO ZHES ZER RO, ,DE DAG LAS KYANG KHA CIG NI 'JIG RTEN GYI GRAGS PA'I RJES SU 'BRANG BAS NA, DE'I PHYIR TSAD MA GSUM LA BRTEN NAS ZHES BYA BA SMOS TE, TSAD MA GSUM DANG MI 'GAL BAR ZHES BYA BA'I THA TSIG GO, ,TSAD MA GSUM NI MNGON SUM DANG, RJES SU DPAG PA DANG, LUNG NGO[?], ,DE LA MNGON SUM NI DBANG PO LNGA LAS SKYES PA DANG, BDE BA DANG SDUG BSNGAL LA SOGS PA MYONG BA'I YID DO, ,TSUL GSUM PA'I RTAGS KYI RJES SU DPAG PAR BYA BA'I DON LA SHES PA NI RJES SU DPAG PA'O, ,YID CHES BAS BSTAN PA NI LUNG STE, YID CHES PAS NI BRDZUN @252A *, ,DU SMRA BA'I RGYU DANG MI LDAN PA DAG GO, ,YANG NA MNGON SUM DANG RJES SU DPAG PA DANG LUNG GIS RAB TU GRUB PA'I GTAN TSIGS DANG, DPES BSGRUB PAR BYA BA SGRUB PA DE NYID GZHAN LA SGRUB PAR BYED PAS TSAD MA GSUM LA BRTEN NAS ZHES BYA BA SMOS TE, 'THAD PA SGRUB PA'I RIGS PAS GRAGS PA'I DNGOS PO'O ZHES BYA BA LA, 'THAD PA NI BSGRUB PAR BYA BA RTOGS PAR BYED PA'I THABS YIN PAS TSUL GSUM PA'I RTAGS SO, ,'THAD PA'I SGRUB PA NI 'THAD PA SGRUB PA STE, DES RTOGS PAR BYA BA'I PHYIR TSUL GSUM PA'I RTAGS BRJOD PA'O, ,RIGS PA NI THABS TE, SBYOR BA NGES PA GANG GI RTAGS KYI TSUL GSUM BRJOD PA'O, ,YANG NA 'THAD PA NI GZHAN DU MI SRID PA'O, ,SGRUB PA'I RIGS PA NI CHA'I SBYOR BA STE, 'THAD PA SGRUB PA'I RIGS PA'O ZHES TSIG RNAM PAR SBYAR BA'O, ,YANG NA 'THAD PA NYID SGRUB PA'I RIGS PA YIN PAR TSIG RNAM PAR SBYAR BAR BYA'O, ,SGRUB PA'I RIGS PA GZHAN DAG LAS DBYE BA'I PHYIR 'THAD PA SMOS TE, DE LTAR NA TSAD MA GSUM LA BRTEN NAS 'THAD PA SGRUB PA'I RIGS PAS GANG GRAGS PA'I DNGOS PO NGO BO NYID GSUM GYI NANG NAS GANG YANG RUNG BA STE RIGS PAS GRAGS PA ZHES BYA'O, ,GRAGS PA'I DE KHO NA BSHAD ZIN TO, ,DE'I 'OG TU RNAM PAR DAG PA'I SPYOD YUL BRJOD DGOS TE, DE'I PHYIR, RNAM PAR DAG PA'I SPYOD YUL GYI DE KHO NA RNAM PA GNYIS TE ZHES BYA BA SMOS SO, ,DE YANG JI LTAR RNAM PA GNYIS SU 'GYUR BA DE BSTAN PA'I PHYIR, NYON MONGS PA'I SGRIB PA RNAM PAR DAG PA'I YE SHES KYI SPYOD YUL DANG SHES BYA'I SGRIB PA RNAM PAR DAG PA'I YE SHES KYI SPYOD YUL LO ZHES BYA BA SMOS SO, ,NYON MONGS PA'I SGRIB PA RNAM PAR DAG PA NI NYON MONGS PA'I SGRIB PA SPANGS PA STE, NYON MONGS PA'I SGRIB PA RNAM PAR DAG PAR BYA BA'I PHYIR RAM, NYON MONGS PA'I SGRIB PA RNAM PAR DAG PAR BYED PA'I YE SHES NI NYON MONGS PA'I SGRIB PA RNAM PAR DAG PA'I YE SHES TE, NYON MONGS PA'I SGRIB PA RNAM PAR DAG PAR BYA BAR DGOS PA 'AM, DE'I RGYU ZHES BYA BA'I THA TSIG GO, ,NYON MONGS PA'I SGRIB PA RNAM PAR DAG PA'I YE SHES DE'I SPYOD YUL ZHES BYA BA NI YUL ZHES PA'I THA @252B TSIG GO, ,DE BZHIN DU SHES BYA'I SGRIB PA RNAM PAR DAG PA'I YE SHES KYI SPYOD YUL LA YANG BRJOD PAR BYA'O, ,DE LA NYON MONGS PA'I SGRIB PA NI MTHONG BA DANG BSGOM PA'I LAM GYIS SPANG BAR BYA BA'I NYON MONGS PA DANG NYE BA'I NYON MONGS PA THAMS CAD DO, ,DE BAS NA MTHONG BA DANG BSGOM PA DANG DE DANG NYE BAR SPYOD PA'I YE SHES KYI YUL NI NYAN THOS DANG RANG SANGS RGYAS RNAMS KYI DE KHO NA GANG YIN PA SDUG BSNGAL DANG, KUN 'BYUNG BA DANG, 'GOG PA DANG LAM RNAMS KYI BDEN PA ZHES BYA BA STE, DE NI NYON MONGS PA'I SGRIB PA RNAM PAR DAG PA'I YE SHES KYI SPYOD YUL LO, ,SHES PAR BYA BA NI SHES BYA STE, DE NI MDOR NA RIG PA'I GNAS LNGA DAG GO, ,DE DAG NI NANG DANG, BRDA SPROD PA DANG, GTAN TSIGS DANG, GSO BA DANG, BZO DANG LAS KYI GNAS ZHES BYA BA THAMS CAD DO, ,DE LA YE SHES KYI GEGS SU GYUR PA NYON MONGS PA CAN MA YIN PA'I MI SHES PA NI SHES BYA'I SGRIB PA'O, ,DE RNAM PAR SBYONG BA NI 'JIG RTEN LAS 'DAS PA'I YE SHES KYI RJES SU MTHUN PA'I MOS PAS SPYOD PA'I SAR BSDUS PA DANG, RAB TU DGA' BA LA SOGS PA SA BCU GCIG TU BSDUS PA DANG, DE'I RJES LAS THOB PA'I YE SHES SO, ,DE YANG BYANG CHUB SEMS DPA' DANG, DE BZHIN GSHEGS PA'I THUGS KYI RGYUD LA MNGA' BA STE, DE NI KUN DU 'GRO BA'I DON LA SOGS PA'I SGO NAS DE BZHIN NYID LA DMIGS PAS DE'I PHYIR, SHES BYA'I SGRIB PA RNAM PAR DAG PA'I YE SHES KYI SPYOD YUL GYI DE KHO NA NI DE BZHIN NYID DO, ,'BRAS BU DANG RGYU'I DE KHO NA BSHAD PA DANG, PHRA BA'I DE KHO NA BSHAD PAS RNAM BAR DAG PA'I SPYOD YUL RNAM PA GNYIS KYANG BSHAD ZIN NA, 'DI BRJOD PA DON MED PAR MI 'GYUR RAM ZHE NA, DON MED PAR MI 'GYUR TE, 'DI LTAR 'BRAS BU DANG RGYU'I DE KHO NA DANG PHRA BA'I DE KHO NA NI DNGOS PO RNAM PAR GZHAG PA'I PHYIR BSHAD DO, ,'DIR NI SGRIB PA JI LTAR RNAM PAR DAG PAR 'GYUR BA STE, DE'I PHYIR DE SKAD BSTAN TO, ,RNAM PAR DAG PA'I SPYOD YUL 'DI RNAM PA GNYIS NI YONGS SU GRUB PA'I NGO BO NYID GCIG PUS BRJOD DE, 'DIR RGYU SMOS PA, NGO BO NYID GZHAN NI RNAM PAR DAG PA'I YE SHES RNAM PA GNYIS KYI SPYOD YUL MA YIN NO @253A *, ,ZHES BYA BA'O, ,CI'I PHYIR ZHE NA YANG DAG PA MA YIN PA KUN RTOG PA NI GNAS NGAN LEN GYI DRI MA GNYIS KYIS DRI MA CAN DU GYUR PA'I PHYIR RO, ,KUN BRTAGS PA NI MED PA'I PHYIR RO, ,YE SHES RNAM PA GNYIS KYI YUL NI CHOS NYID YIN PAS RNAM PAR DAG PA'I SPYOD YUL GYI DE KHO NA NI YONGS SU GRUB PA NYID KYIS RNAM PAR GZHAG GO, ,RNAM PAR DAG PA'I SPYOD YUL GYI DE KHO NA BSHAD ZIN TO, ,DE'I 'OG TU BSDU BA'I DE KHO NA BRJOD DGOS TE, DE'I PHYIR RTZA BA'I DE KHO NA RNAM PA GSUM DU BSDU BA'I DE KHO NA JI LTAR RIG PAR BYA ZHE NA ZHES DRIS PA DANG, RTZA BA'I DE KHO NA RNAM PA GSUM DU BSDU BA'I DE KHO NA 'DUS PAR BSTAN PA'I PHYIR, RGYU DANG RNAM PAR RTOG PA DANG, ,MING NI RNAM PA GNYIS SU BSDU, ,ZHES RGYA CHER GSUNGS TE, GZHAN GYI DBANG DANG KUN BRTAGS PA GNYIS SU BSDU'O, ,DE LA BSDU BA'I DE KHO NA CI RIGS SU SBYAR RO ZHES BYA BA NI GAR 'OS PAR RTZA BA'I DE KHO NAR DNGOS PO LNGA DAG 'DUS PAR RIG PAR BYA BA'I GO RIMS BZHIN DU NI MA YIN NO, ,DNGOS PO LNGA NI RGYU MTSAN DANG, MING DANG, RNAM PAR RTOG PA DANG, DE BZHIN NYID DANG, YANG DAG PA'I YE SHES TE, SHES PAR BYA BA THAMS CAD DNGOS PO RNAM PA LNGA PO 'DIR BSDU BA'I PHYIR DNGOS PO RNAM PA 'DI LNGA LA BSDU BA'I DE KHO NA ZHES BYA'O, ,KHA CIG NA RE DE LA RGYU MTSAN NI KUN GZHI RNAM PAR SHES PA DANG, NYON MONGS PA CAN GYI YID DANG, 'JUG PA'I RNAM PAR SHES PA RNAMS TE, PHAN TSUN RGYU'I DNGOS PO YIN PAS RGYU MTSAN NO, ,MING NI RGYU MTSAN GANG YIN PA DE NYID BRJOD DU MED DU ZIN KYANG MIG BRDA BZHIN DU GO BAR BRJOD PA'O, ,JI SKAD DU SMRAS PA'I RGYU MTSAN GYI RANG BZHIN DANG BYE BRAG TU RNAM PAR RTOG PA KHAMS GSUM PA DANG LDAN PA'I SEMS DANG SEMS LAS BYUNG BA NI RNAM PAR RTOG PA'O, ,STONG PA NYID NI DE BZHIN NYID DO, ,YANG DAG PA'I YE SHES NI 'JIG RTEN LAS 'DAS PA STE, DE BZHIN NYID LA DMIGS PA'O, ,DE DAG GI GO RIMS NI DE LA KUN NAS NYON MONGS PAR GDAGS PA'I DNGOS PO YIN PAS NA DANG POR RGYU MTSAN NO, ,KUN NAS NYON MONGS PA ZHES BTAGS PA'I PHYIR DE'I 'OG TU MING NGO, ,MING JI LTA BA @253B DE BZHIN DU KUN NAS NYON MONGS PAR GDAGS PA'I DNGOS PO LA RNAM PAR RTOG PA'I PHYIR DE'I 'OG TU RNAM PAR RTOG PA'O, ,KUN NAS NYON MONGS PA DE YANG DE BZHIN NYID DANG YANG DAG PA'I YE SHES KYIS 'GAG PAR 'GYUR BAS NA DE'I 'OG TU DE BZHIN NYID DANG YANG DAG PA'I YE SHES SO ZHE'O, ,GZHAN DAG NA RE, 'KHRUL PA'I RGYU NI 'KHRUL PA STE, ,DE YI RGYU NI GNAS NGAN LEN, ,DE BAS 'KHRUL PA DE YI RGYU, ,RANG BZHIN ZHI BDE SHES PA, ,ZHES BYA BA'I TSIGS SU BCAD PA 'DIS DNGOS PO LNGA'I DON TO ZHE'O, ,DE LA NANG GI MIG LA SOGS PA'I RNAM PAR SHES PAR BSDUS PA RNAMS KYI 'KHRUL PA'I RGYU NI PHYI NANG GI GZUGS LA SOGS PA DANG, MIG LA SOGS PAR BSDUS PA'I 'KHRUL PA'O, ,PHYI NANG GI 'KHRUL PA DE DAG GI RGYU NI GNAS NGAN LEN TE, DE YANG KUN GZHI RNAM PAR SHES PA'I BAG CHAGS SO, ,BAG CHAGS DE'I RGYU NI PHYI NANG GI 'KHRUL PA DE NYID DO, ,DE LTA BAS NA DE LA BRJOD PA 'JUG GO, ,BRJOD PA'I DBANG GIS KUN GZHI RNAM PAR SHES PA LA BAG CHAGS GNAS SO, ,RANG BZHIN GYIS ZHI BA ZHES BYA BA NI DE BZHIN NYID DE, RANG BZHIN GYIS KUN NAS NYON MONGS PA MED PA'I PHYIR CHOS KYI DBYINGS SO, ,DE SHES PA ZHES BYA BA NI DE BZHIN NYID LA DMIGS PA LAM DU GTOGS PA'I YE SHES GANG YIN PA'O, ,DE LA RGYU DANG RNAM PAR RTOG PA GNYIS NI RGYU DANG RKYEN GYIS BSKYED PA'I PHYIR GZHAN GYI DBANG DU BSDU'O, ,MING NI KUN BRTAGS PAR ZHES BYA BA LA MING JI LTA BA BZHIN DU DON MED PAS MING NI KUN BRTAGS PAR BSDU'O, ,DE LTAR NA SKABS YIN PA'I PHYIR KUN BRTAGS PAR MING BSDUS KYI, NGO BO NYID KYIS BSDUS PA NI MA YIN NO, ,NGO BO NYID MED PAR GRUB PA LAS KUN BRTAGS PA'I NGO BO NYID NI RGYU LA SOGS PA DNGOS PO LNGAS MA BSDUS SO ZHES GANG BSHAD PA DANG 'GAL BA MED DO, ,DER NI NGO BO NYID BSDU BAR 'DOD PA'I PHYIR RO, ,YANG DAG YE SHES RAB KHO NA, ,ZHES BYA BA NI, RTAG TU 'AM MDZES PA'I DE KHO NA STE DE BZHIN NYID DO, ,STONG PA NYID LA DMIGS PA GNYIS SU MED PA'I YE SHES DANG, DE'I RJES LAS THOB PA DAG PA 'JIG RTEN PA NI YANG DAG PA'I YE SHES SO, ,DE BZHIN NYID DANG YANG DAG @254A *, ,PA'I YE SHES DE GNYIS NI 'GYUR BA MED PA DANG, PHYIN CI LOG MED PA'I YONGS SU GRUB PAS GO RIMS BZHIN DU YONGS SU GRUB PA'I PHYIR YONGS SU GRUB PA'I NGO BO NYID GCIG PUS BSDUS SO, ,BSDU BA'I DE KHO NA BSHAD ZIN TO, ,RAB TU DBYE BA'I DE KHO NA LA RNAM PA DU MA YOD PA DANG, DE RTZA BA'I DE KHO NAR JI LTAR BSDU BA MI SHES NAS DE'I PHYIR, RAB TU DBYE BA'I DE KHO NA RTZA BA'I DE KHO NAR JI LTAR RIG PAR BYA ZHE NA ZHES DRIS PA DANG DE'I PHYIR, RAB TU DBYE BA'I DE KHO NA RNAM PA BDUN TE ZHES BYA BA SMOS SO, ,GANG ZHE NA DE'I PHYIR, 'JUG PA'I DE KHO NA DANG MTSAN NYID KYI DE KHO NA ZHES BYA BA RGYA CHER SMOS TE, DGONGS PA NGES PAR 'GREL PA LAS 'JUG PA'I DE BZHIN NYID NAS YANG DAG PAR SGRUB PA'I DE BZHIN NYID KYI BAR DU DE BZHIN NYID RNAM PA BDUN BKA' STZAL PA GANG YIN PA DE NYID 'DIR 'JUG PA'I DE KHO NA NAS, YANG DAG PAR SGRUB PA'I DE KHO NA'I BAR DU RAB TU DBYE BA'I DE KHO NA RNAM PA BDUN DU BSHAD DO, ,DE LA 'JUG PA'I DE KHO NA NI GANG 'KHOR BA LA THOG MA DANG THA MA MED PA'O, ,DE NYID 'JUG PA'I DE BZHIN NYID DE, 'DI LTAR DE NI NAM YANG THOG MA DANG LDAN PAR MI 'GYUR RO, ,MTSAN NYID KYI DE KHO NA NI GANG ZAG DANG CHOS LA BDAG MED PA STE, GZHAN DU MI 'GYUR BA'I PHYIR DE NYID MTSAN NYID KYI DE BZHIN NYID DO, ,RNAM PAR RIG PA'I DE KHO NA NI CHOS RNAMS KYI RNAM PAR RIG PA TZAM NYID DO, ,KHA CIG NA RE RNAM PAR MI RTOG PA'I YE SHES SAM, RNAM PAR RIG PA'I GNAS 'DI NI RNAM PAR RIG PA'I DE KHO NA'O ZHE'O, ,RNAM PAR RIG PA'I DE KHO NA NI GZHAN DU 'GYUR BA MED PA'I PHYIR RNAM PAR RIG PA'I DE BZHIN NYID CES BYA'O, ,GNAS PA'I DE KHO NA NI SDUG BSNGAL GYI BDEN PA STE, 'DU BYED RNAM SDUG BSNGAL BAR GNAS PA'I PHYIR RO, ,DE NYID RTAG PAR DE BZHIN PAS NA DE BZHIN NYID DO, ,LOG PAR SGRUB PA'I DE KHO NA NI KUN 'BYUNG BA'I BDEN PA STE, DE YANG GANG 'DU BYED DE DAG LA YON TAN DU LTA BAS 'JUG PA'I PHYIR RO, ,RNAM PAR DAG PA'I KHO NA NI NYON MONGS PA'I SGRIB PA RNAM PAR DAG PA STE, DE NI DE BZHIN NYID DANG 'GOG PA'I BDEN PA'O, ,KHA CIG NA RE GNAS GYUR PA'I BDAG NYID 'GOG PA'I BDEN PA NYID DO ZHE'O, ,YANG DAG PAR SGRUB PA'I DE KHO NA @254B NI LAM GYI BDEN PA'O, ,GZHAN DAG NA RE RNAM PAR RIG PA'I DE KHO NA NI TSUL BZHIN DU SBYOR BA STE, YANG DAG PAR SGRUB PA'I DE KHO NA DANG, RNAM PAR RIG PA'I DE KHO NA YANG LAM GYI BDEN PA NYID DO ZHE'O, ,DE KHO NA GSUM PO 'DI DAG KYANG RTAG TU DE BZHIN BAS DE BZHIN NYID CES BYA BAR 'GYUR RO, , DE LA 'JUG PA DE KHO NA RNAM PA GNYIS, RTZA BA'I DE KHO NA KUN BRTAGS PA DANG, GZHAN GYI DBANG GI MTSAN NYID DU RIG PAR BYA'O ZHES BYA BA DE LA 'JUG PA NI TSE'I RGYUN THOG MA MED PA CAN TE, DE NI MED PAS KUN BRTAGS PA'I NGO BO NYID DO, ,RGYUN DE SU DAG GI YIN PA DE DAG NI RGYUS RAB TU PHYE BA'I PHYIR GZHAN GYI DBANG GI NGO BO NYID DE, DE LTAR GANG DAG GIS YIN PA DANG, 'JUG PA GANG YIN PA DE NI 'JUG PA'I DE KHO NA ZHES BSTAN PA YIN NO, ,YANG NA NYON MONGS PA DANG LAS DANG TSE RNAMS KYI 'BYUNG BA THOG MA MED PA CAN NI 'KHOR BAR 'JUG PA ZHES BYA'O, ,DE YANG KUN BRTAGS PA'I NGO BO NYID LA MNGON PAR ZHEN PAS RAB TU PHYE BA STE, DE'I PHYIR, 'JUG STE KHO NA RNAM PA GNYIS, ,RTZA BA'I DE KHO NA ZHES BYA BA SMOS SO, ,DE BZHIN DU, GNAS PA DANG NI NGAN PAR ZHUGS, ,ZHES BYA BA LA LOG PAR SGRUB PA NI NGAN PAR ZHUGS PA'O, ,DE BZHIN DU RTZA BA'I DE KHO NA RNAM PA GNYIS SU'O ZHES BYA BA NI SDUG BSNGAL DANG KUN 'BYUNG BA GNYIS RGYU DANG RKYEN GYIS RAB TU PHYE BA DANG, KUN RTOG PA'I YUL YIN PA'I PHYIR GNAS PA DANG, LOG PAR SGRUB PA'I DE KHO NA RNAM PA GNYIS SU BSDU BA'O, ,MTSAN NYID RNAM PAR RIG DANG DAG ,YANG DAG SGRUB PA GCIG PU'O, ,ZHES BYA BA NI MTSAN NYID KYI DE KHO NA DANG, RNAM PAR RIG PA'I DE KHO NA DANG, RNAM PAR DAG PA'I DE KHO NA DANG, YANG DAG PAR SGRUB PA'I DE KHO NA STE, DE KHO NA 'DI BZHI NI RTZA BA'I DE KHO NA GCIG KHO NA STE, 'DI LTAR YONGS SU GRUB PA'I NGO BO NYID DO, ,DE LA MTSAN NYID KYI DE KHO NA DANG RNAM PAR DAG PA'I DE KHO NA GNYIS NI GZHAN DU 'GYUR BA MED PAR YONGS SU GRUB PAS YONGS SU GRUB PA'O, ,RNAM PAR RIG PA'I DE KHO NA DANG, YANG DAG PAR SGRUB PA'I DE KHO NA GNYIS NI PHYIN CI MA LOG PAR YONGS SU GRUB PAS YONGS SU GRUB PA'O, ,'DI LA 'JUG PA DANG GNAS PA DANG, LOG PAR SGRUB PA'I DE KHO NA @255A *, ,GSUM GYIS NI SEMS CAN RNAMS MNYAM PAR BSTAN TO, ,MTSAN NYID DANG RNAM PAR RIG PA'I DE KHO NA GNYIS KYIS NI CHOS MNYAM PA'O, ,RNAM PAR DAG PA'I DE KHO NAS NI BYANG CHUB MNYAM PA'O, ,YANG DAG PAR SGRUB PA'I DE KHO NAS NI SHES RAB MNYAM PAR BSTAN TO, ,SMRAS PA, SEMS CAN MNYAM PAR GSUM GYIS BRJOD, ,CHOS RNAMS MNYAM PA GNYIS KYIS TE, ,DE LTAR BYANG CHUB BLO MNYAM PAR, ,RE RE RAB TU BSTAN PA YIN, ,RAB TU DBYE BA'I DE KHO NA'I 'OG TU MKHAS PA'I DE KHO NA BSHAD DE, DE BAS NA DE BSTAN PA'I PHYIR, MKHAS DE KHO NA RNAM BCU NI, ,BDAG TU LTA BA'I GNYEN PO'O, ,ZHES GSUNGS ZHES BYA BA SMOS SO, ,PHUNG PO LA SOGS PA LA BDAG TU LTA BA RNAM BA BCU PO DE YANG JI LTA BU YIN PA DE MI SHES NAS, DE'I PHYIR PHUNG PO LA SOGS PA LA BDAG TU LTA BA RNAM PA BCU PO DE DAG JI LTA ZHE NA ZHES DRIS PA DANG, DE'I PHYIR, GCIG DANG RGYU DANG ZA BA DANG, ,BYED PA DANG NI DBANG SGYUR DANG, ,BDAG PO'I DON DANG RTAG PA DANG, ,NYON MONGS PA DANG DAG PA'I GNAS, ,RNAL 'BYOR CAN DANG MA GROL GROL, ,DE DAG LA NI BDAG TU LTA, ,ZHES BYA BA GSUNGS TE, PHUNG PO LA SOGS PA LA ZHES BYA BAR SBYAR RO, ,BDAG MED PA LA 'DZIN PA RNAM PA 'DI BCU NI ZHES BYA BA NI BDAG MED PA'I PHYIR MED PA LA 'DZIN PA ZHES BYA BA SMOS SO, ,GAL TE BDAG MED NA GZUNG BA'I GZHAN GYI DBANG DU GYUR PA'I 'DZIN PA JI LTAR YUL MED PA LA 'JUG CE NA, 'DI NI YUL MED PA MA YIN TE, PHUNG PO LA SOGS PA LA 'JUG GO; ,DE'I PHYIR DE DAG GI GNYEN POR PHUNG PO LA SOGS PA LA MKHAS PA RNAM PA BCU BSHAD DO, ,JI LTAR NA 'DI PHUNG PO LA SOGS PA LA BDAG TU 'DZIN GYI BDAG NI YOD PA MA YIN PAR NGES SHE NA, 'DI LTAR PHUNG PO LA SOGS PA MA GTOGS BAR BDAG CES BYA BA RIGS PAS YONGS SU BRTAGS NA DMIGS SU MED DO, ,BDAG TU SMRA BA DAG BDAG GI BYA BA DANG RANG BZHIN GANG YIN PA DE DAG THAMS CAD KYANG PHUNG PO LA SOGS PA LA 'JUG STE, DE'I PHYIR PHUNG PO LA SOGS PA NYID BDAG TU 'DZIN PA'I GZHI YIN PAR MNGON NO, ,BDAG TU MNGON PAR ZHEN PA RNAMS NI RNAM PA 'DI BCUS BDAG TU @255B 'DZIN PA 'BYUNG GI GZHAN DAG GIS NI MA YIN TE, DE'I PHYIR PHUNG PO LA SOGS PA LA MKHAS PA NI BDAG TU 'DZIN PA THAMS CAD KYI GNYEN POR RIG PAR BYA'O, ,'DI LTA STE, GCIG PUR 'DZIN PA ZHES BYA BA NI NYE BAR LEN PA'I PHUNG PO LNGA PO DAG LA RIL PO'I BDAG TU 'DZIN PA STE, DE'I GNYEN POR PHUNG PO LA MKHAS PA'O, ,RGYUR 'DZIN PA ZHES BYA BA NI MIG LA SOGS PAS BSGO BA'I PHYIR BDAG LA RGYUR 'DZIN PA STE, DE'I GNYEN POR KHAMS LA MKHAS PA'O, ,DE BZHIN DU GZHAN DAG LA YANG MI MTHUN PA'I PHYOGS DANG GNYEN PO BRJOD PAR BYA'O, ,YANG NA BDAG NYID LAS THAMS CAD 'BYUNG NGO SNYAM PA 'DI NI RGYUD 'DZIN PA STE, LAS DGE BA DANG MI DGE BA GANG YIN PA DE'I 'BRAS BU TSE 'DI LA 'DOD PA DANG, MI 'DOD PA'I RGYU BDAG YIN PAR SEMS PA NI RGYUR 'DZIN PA'O, ,ZA BAR 'DZIN PA ZHES BYA BA NI SEMS YIN PA'I PHYIR BDAG NI ZA BA'O, ,GSAL BA DANG MI GSAL BA NI SEMS MED PA'I PHYIR BZA' BA'O, ,YANG NA DGE BA DANG MI DGE BA'I LAS RNAMS KYI BAR DU SKYE BA GANG YIN PA DE NYID DE'I 'BRAS BU LA ZA BAR BYED DO SNYAM PA NI ZA BAR 'DZIN PA'O, ,BYED PAR 'DZIN PA ZHES BYA BA NI LEGS PAR BYAS PA DANG, NYES PAR BYAS PA'I LAS RNAMS BDAG NYID KYIS BYED PAR 'DZIN PA GANG YIN PA'O, ,YANG NA BYED PA DANG LDAN PA GANG ZHIG BYA BA DE DANG DE DAG BYED PA NI BDAG GO ZHES BYED PAR 'DZIN PA'O, ,RANG DBANG DU 'DZIN PA ZHES BYA BA NI RANG DGAR DBANG BYED PA GANG YIN PA DE NI BDAG GO, ,DBANG DE BYA BA GANG YIN PA DE NI BDAG GO ZHES BYA BAR 'DZIN PA GANG YIN PA'O, ,YANG NA RGYU DANG 'BRAS BU 'BYUNG BA LA DBANG BYED DO SNYAM PA NI RANG DBANG DU 'DZIN PA'O, ,BDAG POR 'DZIN PA ZHES BYA BA NI BDAG PO DANG RJE BO DANG DBANG PHYUG GANG YIN PA DE NI BDAG GO SNYAM DU SEMS PA'O, ,YANG NA 'BRAS BU DANG MTHUN PAR DE LA SPYOD PA'I BDAG PO NI BDAG GO SNYAM DU SEMS PA NI BDAG POR 'DZIN PA'O, ,RTAG PAR 'DZIN PA ZHES BYA BA NI RGYU LA SOGS PA DNGOS PO RNAM PA LNGAS RNAM PAR MA DAG KYANG BDAG RTAG PA KHO NA'O, ,GZHAN DU NAM BYAS PA DANG PHRAD PA DANG, BYAS PA CHUD ZOS PA DANG, DE BZHIN DU DRAN PA DANG, SO SOR NGO SHES PA YANG MED @256A *, ,PAR 'GYUR RO, ,KUN NAS NYON MONGS PA DANG RNAM PAR BYANG BAR 'DZIN PA ZHES BYA BA NI KUN NAS NYON MONGS PA DANG RNAM PAR BYANG BA'I RTEN YIN PA'I PHYIR RO, ,RNAL 'BYOR CAN DU 'DZIN PA ZHES BYA BA LA, BDAG LA YID 'DZIN PA NI RNAL 'BYOR RO, ,YANG NA DBUGS DANG YID 'GOG PA'O, ,BDAG DANG YID SBYOR BA'I KHYAD PAR NI RNAL 'BYOR TE, DE LA 'DI YOD PA NI RNAL 'BYOR CAN NO, ,MA GROL BA DANG GROL BA 'DZIN PA ZHES BYA BA NI BDAG SNGAR BCINGS PA LAS GROL LO SNYAM DU RNAM PAR RTOG PA GANG YIN PA'O, ,MKHAS PA RNAM PA BCU PO 'DI DAG RTZA BA'I DE KHO NAR JI LTAR 'DU SHES NA ZHES BYA BA LA, MKHAS PA ZHES BYA BA NI PHUNG PO LA SOGS PA LA MKHAS PA YIN NA, DE NGO BO NYID GSUM PO DAG TU JI LTAR 'DUS TE, MI SRID DO SNYAM NAS DRIS PA'O, ,'DI LTAR NGO BO NYID GSUM DU PHUNG PO LNGA LA SOGS PA DE DAG 'DUS SO ZHES BYA BA NI MKHAS PA'I YUL LA 'DIR MKHAS PA ZHES BYA BA'I SGRAR BRJOD KYI MKHAS PA DE NYID MA YIN TE, DE LTA BAS NA MKHAS PA'I DE KHO NA SKABS KYIS DER BSDU BA'I DNGOS PO NI MA YIN PAR RIG PAR BYA STE, 'DI LTA STE DPER NA 'BRAS BU DANG RGYU'I DE KHO NA LAM GYI BDEN PA GSUM DU 'DUS PAR BSHAD PA LTA BU'O, ,DE NYID JI LTA 'DUS PA'ANG MA SHES NAS, JI LTAR 'DUS SHES NA ZHES DRIS PA DANG, DE'I PHYIR, KUN DU RTOG DANG RNAM RTOG DON, ,CHOS NYID DON GYI DE DAG DER, ,ZHES BYA BA GSUNGS TE, NGO BO NYID GSUM DU PHUNG PO LA SOGS PA DE DAG 'DUS SO ZHES BYA BA'I SKABS YIN NO, ,DE LA KHAMS LA SOGS PA PAS SNGAR BSTAN PA'I PHYIR PHUNG PO RNAMS THOG MAR BSDUS LA BSHAD PAR BYA'O, ,DE DAG LAS KYANG GZUGS SU BSDU BAR BYA STE, DE'I PHYIR GZUGS LA RNAM PA GSUM STE, GANG ZHE NA KUN BRTAGS PA'I GZUGS DANG; RNAM PAR BRTAGS PA'I GZUGS DANG, CHOS NYID KYI GZUGS SO, ,DE LA KUN BRTAGS PA'I GZUGS GANG ZHE NA, GANG GZUGS KYI KUN BRTAGS PA'I NGO BO NYID DO ZHES BYA BA NI DA'ANG GANG MING DU DMIGS PA MA GTOGS PAR DE LA YUL GYI NGO BO DNGOS POR YONGS SU RTOG PA @256B STE; DE GTAN MED PA'I PHYIR KUN BRTAGS ZHES BYA'O, ,RNAM PAR BRTAGS PA'I GZUGS NI GANG GZUGS NI GANG GZUGS GZHAN GYI DBANG GI NGO BO NYID DO ZHES BYA BA NI RGYU DANG RKYEN LA RAG LAS ZHES BYA BA'I THA TSIG GO, ,CI'I PHYIR 'DI RNAM PAR BRTAGS PA'I GZUGS ZHES BYA ZHE NA, DE'I PHYIR DE LA GZUGS SU RNAM PAR RTOG PAR BYED DO ZHES BYA BA SMOS TE, 'DI LTAR DE KHO NA MA MTHONG BA RNAMS KYIS YONGS SU MA SHES TE, GZUGS SU SNANG BA'I RNAM PAR SHES PA LA GZUGS SU 'DU SHES NAS GZUGS LA MNGON PAR ZHEN PAR BYED DE, DPER NA PHUNG PO LA BDAG TU 'DZIN PA BZHIN NO, ,DE BAS NA GZHAN GYI DBANG LA RNAM PAR BRTAGS PA'I GZUGS ZHES BYA'O, ,CHOS NYID KYI GZUGS NI GANG GZUGS KYIS YONGS SU GRUB PA'I NGO BO NYID DO ZHES BYA BA DE NI RNAM PAR BRTAGS PA'I GZUGS DANG KUN BRTAGS PA'I GZUGS DE DAG DANG BRAL BA'I BDAG NYID STONG PA NYID DO, ,GZUGS JI LTA BA ZHES BYA BA NI GZUGS LA GSUM DU PHYE STE NGO BO NYID GSUM DU BSDUS PA DE BZHIN DU TSOR BA LA SOGS PA'I PHUNG PO RNAMS DANG, KHAMS DANG SKYE MCHED LA SOGS PA LA YANG SBYAR BAR BYA'O ZHES BYA BA NI TSOR BA DANG 'DU SHES DANG 'DU BYED DANG RNAM PAR SHES PA'I PHUNG PO DANG, KHAMS DANG; SKYE MCHED RNAMS DANG, RTEN CING 'BREL BAR 'BYUNG BA'I YAN LAG RNAMS DANG, GNAS DANG GNAS MA YIN PA DANG, DBANG PO RNAMS DANG, DUS GSUM DANG, BDEN PA BZHI DANG, THEG PA GSUM DANG, 'DUS BYAS DANG, 'DUS MA BYAS TE TSOR BA LA SOGS PA DANG, KHAMS LA SOGS PA DE DAG KYANG KUN BRTAGS PA DANG, RNAM PAR BRTAGS PA DANG, CHOS NYID KYI NGO BO NYID KYI BYE BRAG GIS RNAM PA GSUM GSUM DU PHYE STE, NGO BO NYID GSUM DU BSDU BAR BYA'O, ,DE LA GZUGS SU SNANG BA RNAMS LA GZUNG BA'I DNGOS POR RTOG PA BZHIN DU TSOR BA LA SOGS PAR SNANG BA DE LA, GZUNG BA DANG 'DZIN PA'I DNGOS PO GTAN MED PA BZHIN DU YANG KUN RTOG PA GANG YIN PA DE KUN BRTAGS PA'I TSOR BA NAS KUN BRTAGS PA'I RNAM PAR SHES PA'I BAR DU'O, ,GANG LA GZUNG BA DANG 'DZIN PAR RTOG PAR BYED PA DE NI RNAM PAR BRTAGS PA'I TSOR BA @257A *, ,NAS RNAM PAR BRTAGS PA'I RNAM PAR SHES PA'I BAR DU'O, ,CHOS NYID KYI TSOR BA NI GANG TSOR BA'I YONGS SU GRUB PA'I NGO BO NYID DE, CHOS NYID KYI RNAM PAR SHES PA'I BAR DU DE BZHIN DU BRJOD PAR BYA'O, ,DE BZHIN DU KHAMS DANG SKYE MCHED RNAMS LA YANG CI RIGS PAR RGYAS PAR BRJOD PAR BYA'O, ,GZUGS DANG TSOR BA NAS 'DUS BYAS DANG 'DUS MA BYAS ZHES BYA BA'I BAR DU MING GIS BRJOD PAR BYA BA'I DNGOS PO GANG YIN PA DE YANG KUN BRTAGS PA DANG, GZHAN GYI DBANG DANG, YONGS SU GRUB PA'I NGO BO NYID DU RIG PAR BYA'O, ,JI LTA ZHE NA, DE LA GZUGS LA SOGS PA'I NGO BO NYID DU BRTAGS PA'I PHYIR KUN BRTAGS PA'O, ,GDAGS PA'I GNAS KYI DNGOS PO YIN PAS GZHAN GYI DBANG STE, DE NYID RKYEN GZHAN LA RAG LAS PA'I PHYIR RO, ,GZUGS LA SOGS PA'I DNGOS PO DANG GTAN DANG BRAL BA NYID YONGS SU GRUB PA'O; ,GZHAN GYI DBANG NYID GZUGS LA SOGS PA'I DNGOS POR MING DU BRJOD KYI KUN BRTAGS PA'I NI MA YIN NO, ,KUN BRTAGS PAR RNAM PAR RTOG PA DON MED PA NYID DU MI 'GYUR RAM ZHE NA, DON MED PA MA YIN TE, DE LA GZUGS LA SOGS PA'I NGO BO NYID DU SGRO BTAGS PA'I PHYIR RO,, JI LTA JI LTA BUR DON LA MING 'JUG PA DE LTA DE LTA BUR MED MOD KYI BYIS PA RNAMS DE'I NGO BO NYID DU MNGON PAR ZHEN TO, ,DE 'ANG LOG PAR MNGON PAR ZHEN PA YIN GYI YANG DAG PA'I DON DU MA YIN PAR CI MNGON ZHE NA, MTHUN NAM MI MTHUN YANG RUNG STE, MING DANG DON GNYIS KYIS BRJOD PAR BYA BA DANG, RJOD PA'I DNGOS PO LDOG PA'I PHYIR RO, ,GAL TE SHING LA SOGS PA'I SGRA DANG DE DAG GI DON RNAMS THA DAD PA'I NGO BO MA YIN DU ZIN NA, DE LTA NA NI MING DANG DE DAG GI DON GYI NGO BO THA MI DAD PA'I PHYIR DON BZHIN DU BRJOD PA LDOG PAR 'GYUR RO, ,DON KYANG MING GI NGO BO DANG THA MI DAD NA BRJOD PAR BYA BA LAS NYAMS PAR 'GYUR TE NGES PA'I RGYU MED PA'I PHYIR RO, ,YANG NA MING GIS BRJOD PA YANG GZHAN LA DON GYI BRJOD PAR BYA BA YANG GZHAN DU 'GYUR BAS THUG PA MED PAR 'GYUR RO, ,DON GCIG LA MING MANG PO 'AM, MING GCIG LA YANG DON MANG POR GYUR NA @257B DU MA'I NGO BOR 'GYUR TE, GCIG NI DU MA'I NGO BOR MI RUNG NGO, ,DNGOS PO MED PA'I BRJOD PA DAG KYANG DON BZHIN DU MED PAR 'GYUR TE, DE'I DON DNGOS PO MED PA'I PHYIR RO, ,YANG NA MING YOD PA'I PHYIR DE'I DON KYANG YOD PAR 'GYUR RO, ,MI MTHUN PA YANG SGRA DANG MTHUN PAR DON SHES PA MED DE, DE LA SHING NI SGRA NYID DE DON NI MA YIN NO, ,DON NI SHING YANG MA YIN SHING MA YIN PA'ANG MA YIN NO, ,DE'I PHYIR SHING GI SGRA'I DON NI SHING ZHES PA'I YUL DU MI 'GYUR TE, DE'I DON NI SHING GI BDAG NYID MA YIN PA'I PHYIR RO, ,DE LTAR SGRA DANG DON GNYIS RJOD PA DANG BRJOD PAR BYA BA'I DNGOS PO LAS LDOG GO, ,MI MTHUN NA YANG NGES PA'I RGYU MED PA'I PHYIR RJOD PA DANG BRJOD PAR BYA BA NGES PA MED PAR 'GYUR RO, ,MING GIS DON BSKYED DAM GSAL BAR BYED GRANG NA, DE LA SKYED PAR BYED PA NI MA YIN TE, SKYES ZIN PA'I DON LA MING 'DOGS PA'I PHYIR RO, ,YANG DANG YANG MING 'DOGS PAS SKYES ZIN PA YANG YANG DANG YANG BSKYED DGOS PAR THAL BAR YANG 'GYUR RO, ,GSAL BAR BYED PA YANG MA YIN TE, 'DI LTAR DON RTOGS NAS MING 'DOGS NA RTOGS ZIN PA LA NI GSAL BAR BYA BA MI RIGS SO, ,MING DE NYID KYIS DON DE NYID YIN PAR SU DE MI SHES PA GZHAN DAG GIS NI MI RTOGS SO, ,DE NYID DON DE NYID GSAL BAR BYED PA YANG YIN, GSAL BAR MI BYED PA YANG YIN ZHES BYA BAR NI MI RUNG STE, GSAL BAR BYED PA SGRON MA LA SOGS PA DAG NI GSAL BAR BYA BA'I DON SHES PA LA LTOS NAS GSAL BAR BYED PA MA YIN NO, ,GSAL BAR BYA BA BUM PA DANG SNAM BU LA SOGS PA LA GSAL BAR BYED PA NGES PA YANG MA MTHONG BAS DON THAMS CAD LA MING THAMS CAD KYIS GSAL BAR BYED PAR 'GYUR DU 'ONG NGO, ,DRI LA SOGS PAS NGES PA YANG MA YIN TE, 'DI LTAR STE'U DANG CHU LA SOGS PA NI DRI LA SOGS PA'I SKYED PA POR 'DOD KYI GSAL BAR BYED PA NI MA YIN NO, ,DE BAS NA RJOD PA DANG BRJOD PAR BYA BA LA MNGON PAR ZHEN PA NI GZUNG BA DANG 'DZIN PA LA MNGON PAR ZHEN PA BZHIN DU DON MED PA NYID DU MNGON NO, ,DE LTAR NA NGO BO NYID GSUM DU PHUNG PO LA SOGS PA 'DUS PA'I PHYIR MKHAS @258A *, ,PA'I DE KHO NA RNAM PA BCU NI RTZA BA'I DE KHO NA NYID DU BLTA'O, ,BDAG TU LTA BA'I GNYEN POR PHUNG PO LA SOGS PA'I DON NI BSHAD DE, DON GANG LA PHUNG PO LA SOGS PA LA MKHAS PA'I MI MTHUN PA'I PHYOGS BDAG TU LTA BA PHUNG PO LA SOGS PA'I DON NI MA BSHAD PAS DE BRJOD PAR BYA STE, THOG MAR DU MA NYID DANG NI, ,BSDUS DANG YONGS SU PHYE BA'I DON, ,ZHES BYA BA SMOS SO, ,THOG MAR ZHES BYA BA NI DANG POR BRJOD DO ZHES BYA BAR SBYAR RO, ,DE LA THOG MA KHO NAR PHUNG PO BSHAD DE, DE DAG KYANG DON RNAM PA GSUM DU RIG PAR BYA STE, DU MA'I DON NI GZUGS GANG CI'ANG RUNG STE, 'DAS PA DANG MA 'ONGS PA DANG DA LTAR BYUNG BA 'AM NANG GI 'AM PHYI'I 'AM RAGS PA 'AM PHRA BA 'AM NGAN PA 'AM GYA NOM PA 'AM RGYANG RING PO 'AM THAG NYE BA DE LTA BU DAG NI DU MA'I DON TE, 'DAS PA LA SOGS PA'I RDZAS MANG PO DAG LA PHUNG PO ZHES BRJOD PA'I PHYIR RO, ,BSDUS PA'I DON NI PHUNG PO STE, BSDUS NAS GCIG TU BYAS PA'O, ,YONGS SU PHYE BA'I DON YANG PHUNG PO ZHES BYA BA DANG SBYAR TE, KYANG ZHES BYA BA'I SGRA NI DU MA'I DON DANG BSDUS PA'I DON GNYIS KYANG BSDU BA'I DON TO, ,'DIR RGYU SMOS PA, GZUGS KYI MTSAN NYID KYI PHUNG PO NI TSOR BA LA SOGS PA'I MTSAN NYID LAS THA DAD DU RNAM PAR GZHAG PA'I PHYIR RO ZHES BYA BA'O, ,THA DAD PA YANG YONGS SU PHYE BA NI RNAM GRANGS SU GTOGS PA'O, ,'DIR CI'I PHYIR NA YAN LAG 'DI GSUM GYI PHUNG PO'I DON RNAM PAR GZHAG CE NA, PHUNG PO'I DON NI SPUNGS PA'I DON TE ZHES BYA BAS NA DE'I PHYIR DE LTAR RNAM PAR GZHAG STE, 'JIG RTEN NA YANG MTHONG BA'I PHYIR RO, ,DE LTAR 'JIG RTEN NA YANG DU MA DANG BSDUS PA DANG YONGS SU PHYE BA GANG YIN PA DE DAG NI SPUNGS PA ZHES BRJOD PAR MTHONG NGO, ,GZUGS KYI PHUNG PO JI LTA BA DE BZHIN DU TSOR BA'I PHUNG PO LA SOGS PA YANG RIG PAR BYA'O, ,DE LA JI LTAR BYUNG BA GANG YIN PA DANG 'BYUNG BAR 'GYUR BA GANG YIN PA LA SOGS PA 'DI DAG THAMS CAD NI SKYES BU YIN NO ZHES BDAG GCIG PUR 'DZIN PA GANG YIN PA DE'I GNYEN POR JI NAS PHUNG PO'I DON LA MKHAS PAR BYA @258B BA BSHAD DE, JI LTA ZHE NA, 'DAS PA LA SOGS PA THA DAD PA'I GZUGS LA SOGS PAR GCIG TU BSDUS PA RNAMS LA GZUGS LA SOGS PA'I PHUNG POR GDAGS PA'I PHYIR RO, ,DE YANG RMONGS PA RNAM PA GSUM GYI GNYEN PO PHUNG PO RNAM GSUM GZHAG STE, RMONGS PA RNAM PA GSUM NI GCIG TU RMONGS PA DANG, BZLUM PA LA RMONGS PA DANG, MTSAN NYID 'DRES PA LA RMONGS PA'O, ,PHUNG PO'I 'OG TU KHAMS RNAMS BSTAN TE, DE BAS NA PHUNG PO'I DON GYI 'OG TU KHAMS GYI DON GSUNGS PA, 'DZIN DANG GZUNG DANG DE 'DZIN PA, ,SA BON DON DE GZHAN DU 'DOD, ,CES BYA BA'O, ,GZHAN ZHES BYA BA'I SGRA NI KHAMS NYID DANG SBYAR TE PHUNG PO'I 'OG TU BSTAN PA'I PHYIR RO, ,DE'I PHYIR BSHAD PA BYED PAS KYANG, GZHAN GANG ZHE NA, KHAMS SO ZHES BYA BA SMOS SO, ,SA BON GYI DON NI KHAMS KYI DON TE, DPER NA GSER YOD PA'I RDO RJE LA GSER GYI KHAMS ZHES BYA BA STE, GSER GYI SA BON ZHES BYA BAR MNGON PA LTA BU'O, ,DE YANG 'BRAS BU THA DAD PAS RNAM PA GSUM DU DBYE STE, 'DZIN PA'I KHAMS DANG, GZUNG BA'I KHAMS DANG, DE 'DZIN PA'I KHAMS SO, ,DE LA 'DZIN PA'I SA BON GYI DON NI MIG GI KHAMS LA SOGS PA STE; GANG DAG MIG GI KHAMS NAS YID KYI KHAMS LA THUG GI BAR GYI KHAMS DE DAG MIG GI KHAMS LA SOGS PA'O, ,DE DAG KYANG GZUGS LA SOGS PA YUL 'DZIN PA'I GNAS SU GYUR PA'I PHYIR 'DZIN PA DAG GO, ,RIGS MTHUN PA'I MIG LA SOGS PA DAG GI RGYU YIN PA'I PHYIR KHAMS RNAMS ZHES BYA'O, ,GZUNG BA'I SA BON GYI DON GZUGS KYI KHAMS LA SOGS PA NAS CHOS KYI KHAMS LA THUG GI BAR DAG GO, ,MIG LA SOGS PA'I RNAM PAR SHES PA'I YUL YIN PA'I PHYIR GZUNG BA DAG GO, ,DE DAG KYANG DE BZHIN DU GZUGS LA SOGS PA MTSUNGS PA RNAMS KYI RGYU'I DNGOS PO YIN PAS KHAMS RNAMS ZHES BYA'O, ,DE 'DZIN PA'I SA BON GYI DON NI MIG GI RNAM PAR SHES PA'I KHAMS LA SOGS PA STE, GZUGS LA SOGS PA LA SHES PA'I NGO BO NYID YIN PAS GZUGS LA SOGS PA LA 'DZIN PA MIG GI RNAM PAR SHES PA NAS @259A *, ,YID KYI RNAM PAR SHES PA LA THUG GI BAR DAG GO, ,DE DAG KYANG MIG GI RNAM PAR SHES PA LA SOGS PA MTSUNGS PA RNAMS KYI RGYUR GYUR PA'I PHYIR KHAMS RNAMS ZHES BYA STE, MIG GI RNAM PAR SHES PA'I KHAMS NAS YID KYI RNAM PAR SHES PA'I KHAMS KYI BAR DAG GO, ,KHA CIG NA RE MIG LA SOGS PA LA MNGON PAR ZHEN PA'I LAS KYI BAG CHAGS BSGOS PA'I KUN GZHI RNAM PAR SHES PA NI MIG LA SOGS PA'I SA BON TE GO RIMS BZHIN NO, ,DE BZHIN DU GZUGS LA SOGS PA LA MNGON PAR ZHEN PA'I LAS KYI BAG CHAGS BSGOS PA'I KUN GZHI RNAM PAR SHES PA NI GZUGS LA SOGS PA'I SA BON TE GO RIMS BZHIN NO, ,DE BZHIN DU MIG LA SOGS PA'I RNAM PAR SHES PA LA MNGON PAR ZHEN PA'I LAS KYI BAG CHAGS BSGOS PA'I KUN GZHI RNAM PAR SHES PA NI MIG GI RNAM PAR SHES PA'I SA BON TE GO RIMS BZHIN NO, ,DE LTAR NA KUN GZHI RNAM PAR SHES PA NYID LA KHAMS ZHES BYA BA'I SGRAR BRJOD KYI, MIG LA SOGS PA LA NI MI BYA'O ZHES TE, 'DI NI BSAM DGOS PA'O, ,BYED PA DANG BYA BA DANG, LAS RNAMS LA RMONGS PA LDOG PAR BYA BA'I PHYIR SA BON GYI DON RNAM PA GSUM LA KHAMS RNAM PAR GZHAG GO, ,'DI LA MIG LA SOGS PA SNGA MA NI MIG LA SOGS PA PHYI MA DAG GI RGYUR GYUR PA YIN GYI, 'DI LA RGYU BDAG CES BYA BA GZHAN GANG YANG MED DO, ,DE LTAR NA KHAMS LA MKHAS NA BDAG LA RGYUR 'DZIN PA LDOG PAR 'GYUR RO, ,KHAMS KYI DON GYI 'OG TU SKYE MCHED RNAMS KYI DON BRJOD PAR BYA STE, DE'I PHYIR, TSOR DANG DON RNAMS YONGS GCOD KYI, ,NYER SPYOD 'BYUNG SGO GZHAN YIN NO, ,ZHES BYA BA GSUNGS SO, ,KHAMS RNAMS LAS GZHAN PA NI SKYE MCHED DANG RTEN CING 'BREL BAR 'BYUNG BA LA SOGS PA MANG ZHIG KYANG YOD LA, GZHAN ZHES BYA BA'I SGRA NI SPYIR BRJOD PA'I PHYIR, GZHAN GANG YIN ZHES DRIS PA DANG, KHAMS RNAMS KYI 'OG TU BSHAD PA'I PHYIR DON GYIS NA SKYE MCHED RNAMS LAS GZHAN ZHES BYA BA'I SGRA 'DI GNAS PAR BSTAN PA'I PHYIR, SKYE MCHED DO ZHES BYA BA SMOS SO, ,DE LA NANG GI SKYE MCHED DRUG @259B PO DAG NI TSOR BA'I NYE BAR SPYOD PA SKYE BA'I SGO'I PHYIR RO, ,PHYI'I DRUG PO DAG NI DON YONGS SU GCOD PA'I NYE BAR SPYOD PA SKYE BA'I SGO'I PHYIR RO ZHES BYA BA LA SOGS PA LA, SKYE BA'I SGO'I DON NI SKYE MCHED KYI DON TO, ,SKYE BA NI 'BYUNG BA STE TSOR BA DANG DON YONGS SU GCOD PA'I NYE BAR SPYOD PA GNYIS KYI SKYE BA DE MCHED PAR BYED PAS SKYE MCHED DO, ,TSOR BA DANG 'DU SHES KYI NYE BAR SPYOD PA SKYE BA'I SGO'I BYE BRAG GIS PHYI DANG NANG DU DBYE STE, TSOR BA NI BDE BA DANG SDUG BSNGAL DANG, BDE BA YANG MA YIN SDUG BSNGAL YANG MA YIN PA'O, ,DE NYID NYE BAR SPYOD PAS NA NYE BAR SPYOD PA STE, MYONG BA ZHES BYA BA'I THA TSIG GO, ,NANG GI SKYE MCHED RNAMS NI TSOR BA'I NYE BAR SPYOD PA DE SKYE BA'I SGOR BSHAD DO, ,YUL RNAMS KYANG DE SKYE BA'I SGO YIN MOD KYI GNAS MIG LA SOGS PA NI PHAN 'DOGS PA DANG, GNOD PA BYED PA DANG, DE LA YANG RAB TU SHES PA DANG, THUN MONG MA YIN PAS GNAS SU GYUR PA'I PHYIR MIG LA SOGS PA YOD NA DE'I SGO NAS TSOR BA LAS SPYOD PAR 'GYUR GYI, MED NA NI MA YIN PA'I PHYIR RO, ,DON YONGS SU GCOD PA NI 'DU SHES TE, DON LA MTSAN MAR 'DZIN PA'I BDAG NYID KYI PHYIR RO, ,DE NYID DON RTOGS PA'I BDAG NYID YIN PAS YUL RNAMS LA NYER BAR SPYOD DO, ,DE SKYE BA'I SNGOS PO'I SGO YIN PAS NI PHYI ROL GYI SKYE MCHED RNAMS BSHAD KYI, NANG GI RNAMS NI MA YIN TE, SGYE BA'I SGO YIN DU ZIN KYANG 'DI LTAR YUL GYI DNGOS PO MED NA NANG GI MIG LA SOGS PA'I SKYE MCHED YOD KYANG DON YONGS SU GCOD PA LA NYE BAR SPYOD PA MED PAR 'GYUR RO, ,TSOR BA DANG DON YONGS SU GCOD PA MTSUNGS PAR LDAN PA DANG BCAS PA DAG SKYE BA'I SGO'I DNGOS PO YIN PA'I PHYIR SKYE MCHED 'DI DAG RIG PAR BYA STE, GTZO BOR NI GNYIS GZUNG NGO, ,GTZO BOR GZUNG BA NI LAS KYI 'BRAS BU LA SPYOD PA DANG, DON YONGS SU GCOD PA'I BDAG NYID YIN PA'I PHYIR RO, ,TSOR BA DANG DON YONGS SU GCOD PA LA NYE BAR SPYOD PA'I SGO NAS ZA BA POR RNAM PAR RTOG PA 'BYUNG STE, DE'I PHYIR DON GNYIS KYIS SKYE MCHED RNAM PAR GZHAG PA BYAS SO, ,DE LTAR SKYE MCHED LA MKHAS PA ZA BA PO NI NANG GI SKYE @260A *, ,MCHED RNAMS YIN LA, BZA' BAR BYA BA NI PHYI'I RNAMS YIN TE, ZA BA PO'I BDAG MED DO SNYAM NAS BDAG ZA PA POR 'DZIN PA LDOG PAR 'GYUR RO, ,MIG LA SOGS PA'I SKYE MCHED LA PHAN PA DANG, GNOD PA'I PHYIR DE'I GNAS NYID ZA BA POR THA SNYAD BTAGS SO ZHES GANG BSHAD PA DE MI RIGS TE, GZUGS BKAG PA'I PHYIR BDAG BZHIN DU MIG LA SOGS PA'I SKYE MCHED RNAMS KYANG MED PA'I PHYIR RO ZHE NA, 'DI NI KLAN KAR MI RUNG STE, 'DI LTAR KUN BRTAGS PA'I GZUGS KHO NA 'DIR DGAG PAR BYA'I, ,RNAM PAR BRTAGS PA'I GZUGS NI MA YIN NO, ,DE LA MIG LA SOGS PAR SPROS PAS BSGOS PA'I LAS KYIS 'PHAGS PAS KUN GZHI RNAM PAR SHES PA 'GYUR BA'I KHYAD PAR RNYED PA NI NANG GI SKYE MCHED DO, ,RGYU DE LAS BYUNG BA 'JUG PA'I RNAM PAR SHES PA LA GZUGS LA SOG PAR SNANG BA NI PHYI'I SKYE MCHED DO, , KUN GZHI RNAM PAR SHES PA THUN MONG GI DON DU SNANG BA GANG YIN PA DANG, SEMS CAN DU SNANG BA GANG YIN PA DE YANG GZUNG BA DANG 'DZIN PAR SNANG BA 'JUG PA'I RNAM PAR SHES PA SKYE BA'I BDAG PO'I RKYEN YIN PA'I PHYIR PHYI'I SKYE MCHED CES BYA'I, DE YUL DU GYUR PA'I PHYIR NI MA YIN NO, ,DE LTAR NA GO MDO SDE LAS GNYIS LA BRTEN NAS MIG GI RNAM PAR SHES PA LA SOGS PA SKYE'O ZHES 'BYUNG BA DANG MI 'GAL LAM, GZUGS LA SOGS PAR SNANG BA NI RNAM PAR SHES PA LAS THA DAD NA DE NYID SKYE BA'I RKYEN DU DE NYID 'GYUR BAR NI MI RIGS TE, SKYES PA DANG MA SKYES PA'I DUS NA YOD PA DANG MED PA'I PHYIR RO, ,BDAG NYID LA 'JUG PA 'GAL BA'I YANG PHYIR RO, ,DE LTA BAS NA GDON MI ZA BAR RNAM PAR SHES PA SNANG BA LAS THA DAD PAR GYUR PA GZUGS LA SOGS PAR KHAS BLANG BAR BYA'O ZHE NA, 'DI YANG KLAN KAR MI RUNG STE, 'DI LTAR GZUGS LA SOGS PA'I SNANG BA'I RNAM PAR SHES PA NI 'DRA BA'I RNAM PAR SHES PA SKYE BAR BYA BA'I PHYIR RKYEN GYIS RNAM PAR SHES PA LA BAG CHAGS 'JOG GO, ,BAG CHAGS YONGS SU GYUR NAS YANG GZUGS LA SOGS PAR SNANG BA'I RNAM PAR SHES PA SKYE STE, DE LTAR RNAM PAR SHES PA GZUGS LA SOGS PAR SNANG BA'I BDAG @260B NYID KYI BAG CHAGS BSKYED PA RNAM PAR SHES PA'I RKYEN YIN PAR BSHAD PAS NA MDO SDE DANG 'GAL BAR 'GYUR BA MED DO, ,DE LTAR NA RANG SNANG BA'I RNAM PAR SHES PA'I RKYEN YIN PA'I PHYIR GZUGS LA SGOS PAR SNANG BA NI DMIGS PA'I DON DU 'THAD DO, ,YANG NA JI LTAR PHYI'I DON DU SMRA BA DAG GIS BSKYED PAR BYA BA DANG, SKYED PA PO LTA BUR MED KYANG DE YOD PA DANG MED PA LAS RNAM PAR SHES PA YOD PA DANG MED PAR 'GYUR BA'I DBANG DU BYAS NAS, RNAM PAR SHES PA DANG LHAN CIG SKYES PA NI DMIGS PA'I RKYEN DU 'JOG PA DE BZHIN DU 'DIR YANG GZUGS LA SOGS PA SNANG BA'I RNAM PAR SHES PA BSKYED PAR BYA BA DANG SKYED PA PO'I DNGOS POR MED KYANG DE YOD PA DANG MED PA LAS RNAM PAR SHES PA YOD PA DANG MED PAR 'GYUR BA 'KHRUL PA MED PA'I PHYIR RKYEN DANG RKYEN CAN DU RNAM PAR GZHAG GO, ,GZUGS SU SNANG BA DANG RNAM PAR SHES PA GNYIS THA MI DAD PA'I PHYIR, DPE DANG DNGOS SU MI 'DRE'O ZHE NA, MA YIN TE, THA DAD PAR GDAGS PA'I PHYIR RO, ,DPER NA RMI LAM DANG SGYU MA DANG DRI ZA'I GRONG KHYER LA SOGS PA'I RNAM PAR SHES PA DON DAM PAR THA MI DAD MOD KYI, GZUNG BA DANG 'DZIN PA'I RNAM PAR RTOG PA'I GNAS YIN PA'I PHYIR GZUNG BA DANG 'DZIN PA'I RNAM PAR THA SNYAD KYI THA DAD PA LTA BUR DMIGS PAR BYA BA DANG DMIGS PAR BYED PA'I DNGOS POR RNAM PAR GZHAG PA DE BZHIN DU GZHAN LA 'GAL BA MED DO, ,GZHAN YANG DMIGS PAR BYA BA DANG DMIGS PAR BYED PA'I DNGOS PO NI THAMS CAD DU YANG GDAGS PA NYID DU ZAD KYI DNGOS SU MED DE, RNAM PAR SHES PA NI SKYES PA 'AM MA SKYES PAS KYANG YUL LA DMIGS PAR MI 'GYUR TE, SKYES MA THAG TU ZHIG PA'I PHYIR DMIGS PAR BYED PA'I TSE MI SDOD PA DANG MED PA'I PHYIR RO, ,YUL YANG SKYES PA DANG MA SKYES PA GNYIS KA LA YANG DMIGS SU MI RUNG STE, SKYES PA NI GNAS PA MED PA DANG, MA SKYES PA NI MED PA'I PHYIR TE, GZHI MED PA LA NI DMIGS PAR BYAR MI RUNG NGO, ,GANG GI LTAR YOD PA TZAM GYIS RGYU DANG 'BRAS BU'I DNGOS PO DE NYID DMIGS PAR BYA BA DANG DMIGS PAR BYED PAR 'JOG PA DE'I LTAR NA YANG DA LTAR GYI RNAM PAR SHES PA'I DMIGS PA NI DON MED PAR 'GYUR TE, DE'I @261A *, ,BDAG NYID DU GRUB ZIN PA'I PHYIR RO, ,SKYE BA'I TSE'ANG DON MED PAR 'GYUR TE, MED PA'I PHYIR RO, ,SKYE BA'I TSE DON MED PAR MI 'GYUR TE, 'DI LTAR YUL GYI DNGOS PO YOD NA RNAM PAR SHES PA DER SNANG BA'I BDAG NYID 'THOB PA'I PHYIR RO ZHE NA, GAL TE YUL DU SNANG BA'I RNAM PAR SHES PA'I RGYU PHYI ROL GYI DON YIN TE, DE LTA NA 'DAS PA DANG MA 'ONGS PA DANG RMI LAM LA SOGS PA'I RNAM PAR SHES PA RNAM PA MED PAR 'GYUR RO, ,YANG NA DE'I DON MED PAS MED PA NYID DU 'GYUR RO, ,RKYEN MA TSANG BA NI 'BRAS BU 'BYUNG BAR MI RUNG STE, HA CANG THAL BAR 'GYUR BA'I PHYIR RO, ,MED PA NI RKYEN DU MI RUNG NGO, ,PHYI'I DON YANG RNAM PAR SHES PA'I DMIGS PA'I RKYEN DU MI 'GYUR TE, DE MED KYANG 'BYUNG BA'I PHYIR RO, ,DE BAS NA RAB RIB CAN LA SOGS PA'I RNAM PAR SHES PA THAMS CAD PHYI'I DON DMIGS PA LA MI LTOS PA NYID KHAS BLANG BAR BYA'O,, SKYE MCHED KYI DON GYI 'OG TU RTEN CING 'BREL PAR 'BYUNG BA'I DON BRJOD DGOS TE, DE'I PHYIR RTEN CING 'BREL PAR 'BYUNG BA'I DON TE, RGYU DANG 'BRAS BU RTZOL BA LA, ,SGRO 'DOGS MED CING SKUR 'DEBS MED, ,CES BYA BA SMOS SO, ,G-YO BA MED PA DANG MI RTAG PA DANG NUS PA'I RKYEN LAS BYUNG BA'I DON TO, ,MDO SDE LAS KYANG 'DI SKAD DU, 'DI YOD PAS 'DI 'BYUNG, 'DI SKYES PA'I PHYIR 'DI SKYE BA STE, 'DI LTAR MA RIG PA'I RKYEN GYIS 'DU BYED RNAMS ZHES BYA BA RGYA CHER GSUNGS PA LTA BU'O, ,'DI YANG RTEN CING 'BREL PAR 'BYUNG BA'I RGYU DANG 'BRAS BU DANG BYED PA RNAMS LA SGRO 'DOGS PA DANG SKUR PA 'DEBS PA DGAG PAR 'DOD PA BSTAN PA'I PHYIR, RGYU DANG 'BRAS BU DANG BYED PA RNAMS LA SGRO 'DOGS PA MED PA DANG, SKUR BA 'DEBS PA MED PA'I DON NI RTEN CING 'BREL PAR 'BYUNG BA'I DON TO ZHES BYA BA SMOS SO, ,RTZOL BA ZHES BYA BA'I SGRA NI BYED PAR BSHAD DO, ,DE LA RGYU LA SGRO 'DOGS PA NI MA RIG PA LA SOGS PA BOR NAS SKYES BU DANG DBANG PHYUG DANG BDAG DANG GTZO BO LA SOGS PA LA RGYU NYID DU RTOG PA'I PHYIR RO, ,DE BSTAN PAR BYA BA'I PHYIR, 'DU BYED LA SOGS PA THA MA RGA SHI LA THUG PA DAG GI MI MTHUN PA'I RGYU LA RTOG PA'I PHYIR RO ZHES BYA BA SMOS SO, , @261B 'DU BYED LA SOGS PA MI RTAG PA RNAMS KYI RGYU SKYES BU LA SOGS PA RTAG PA NI MI MTHUN PA STE, MI 'DRA BA ZHES BYA BA'I THA TSIG GO, ,YANG NA RGYU'I RANG BZHIN 'GYUR BA LA LTOS NAS SA BON LA SOGS PA LA MYU GU LA SOGS PA MTHONG STE, RANG BZHIN RTAG PA LA NI 'GYUR BA MED DO, ,MI MTHUN PA'I RGYU NYID LA RGYUR RTOG PA'I PHYIR RGYU LA SGRO 'DOGS PA'O, ,RGYU LA SKUR PA 'DEBS PA NI RGYU MED PA CAN DU RTOG PA'I PHYIR RO ZHES BYA BA NI 'DU BYED LA SOGS PA RGYU MED PAR SKYE BAR KHAS BLANGS PAS 'DU BYED LA SOGS PA'I RGYU MA RIG PA LA SOGS PA GSAL BA YIN NO, ,'BRAS BU LA SGRO 'DOGS PA NI BDAG DANG BCAS PA'I 'DU BYED LA SOGS PA MA RIG PA LA SOGS PA'I RKYEN LAS 'BYUNG BAR RTOG PA'I PHYIR RO ZHES BYA BA LA, KHA CIG NA RE BDAG YOD NA NI 'DU BYED LA SOGS PA MA RIG PA LA SOGS PA'I RKYEN RNAMS LAS 'BYUNG GI ,MED NA NI MA YIN NO ZHES 'BRAS BU 'DU BYED LA SOGS PAR BDAG SGRO 'DOGS NA 'BRAS BU LA SGRO 'DOGS PA ZHES BYA'O ZHE'O, ,GZHAN DAG NA RE BDAG GI RDZAS DANG LDAN PAS SAM, DE PHAN PA DANG GNOD PA BYED PAS BDAG DANG BCAS PA'I 'DU BYED LA SOGS PA NI MA RIG PA LA SOGS PA'I RKYEN LAS 'BYUNG BAR RTOG PA'I PHYIR 'BRAS BU LA SGRO 'DOGS PA ZHES BYA'O, ,'BRAS BU LA SKUR PA 'DEBS PA NI 'DU BYED LA SOGS PA MA RIG PA LA SOGS PA'I RKYEN GYIS 'BYUNG BA MED PAR RTOG PA'I PHYIR RO ZHES BYA BA NI 'DI LTA STE, LEGS PAR SPYAD PA YANG MED, NYES PAR SPYAD PA YANG MED, 'JIG RTEN PHA ROL YANG MED DO ZHES MED PA RNAMS LEGS PAR SPYAD PA DANG, NYES PAR SPYAD PA DANG 'JIG RTEN PHA ROL LA SKUR PA 'DEBS PAR SMRA BA'O, ,BYED PA LA SGRO 'DOGS PA NI 'DU BYED LA SOGS SKYE BA LA MA RIG PA LA SOGS PA BYED PAR RTOG PA'I PHYIR RO ZHES BYA BA NI GAL TE 'DU BYED LA SOGS PA SKYE BA LA MA RIG PA LA SOGS PA DNGOS PO'I RANG BZHIN DON GZHAN DU GYUR PA ZHIG BYED PAR RTOG PA DE LTA BU NI BYED PA LA SGRO 'DOGS PA'O, ,BYED PA LA SKUR PA 'DEBS PA NI NUS PA MED PAR RTOG PA'I PHYIR RO ZHES BYA BA LA, MA RIG PA LA SOGS PA YOD PA TZAM GYIS 'DU BYED LA SOGS PA @262A *, ,SKYE BAR NUS PA YIN YANG NUS PA MED PAR RTOG PA'I PHYIR BYED PA LA SKUR PA 'DEBS PA'O, ,DE MED PA'I PHYIR SGRO 'DOGS PA DANG SKUR PA 'DEBS PA MED PAR RIG PAR BYA'O ZHES BYA BA NI RGYU DANG 'BRAS BU DANG BYED PA RNAMS LA SGRO 'DOGS PA DANG SKUR PA 'DEBS PA NGE MED PA'I PHYIR SGRO 'DOGS PA MED PA DANG SKUR PA 'DEBS PA MED PAR RIG PAR BYA'O, ,DE LTAR RTEN CING 'BREL PAR 'BYUNG BA LA MKHAS PA 'DI NI MA RIG PA LAS GZHAN PA BDAG GAM GZHAN YANG RUNG STE, BYED PAR 'DZIN PA GANG YIN PA DE'I GNYEN PO YIN PAR RIG PAR BYA'O, ,'DI LA MA RIG PA MA GTOGS PAR DGE BA DANG MI DGE BA'I LAS RNAMS BYED PA NI BDAG GAM GZHAN YANG RUNG STE MED DO, ,'DU BYED RNAMS MA GTOGS PAR RNAM PAR SHES PA'I BYED PA GZHAN MED DO, ,THAMS CAD DU YANG CI RIGS PAR BRJOD PAR BYA STE, MA RIG PA LA SOGS PA G-YO BA MED PA MI RTAG PA LA SOGS PA NUS PA YOD PA DAG LAS 'DU BYED LA SOGS PA 'BYUNG BA'I PHYIR RO, ,RTEN CING 'BREL PAR 'BYUNG BA'I DON GYI 'OG TU GNAS DANG GNAS MA YIN PA'I DON BRJOD DGOS TE, DE'I PHYIR, MI 'DOD 'DOD DANG RNAM DAG DANG, ,MNYAM DU 'BYUNG DANG DBANG BYED DANG, , 'THOB DANG KUN DU SPYOD PA DAG ,GZHAN DBANG NYID KYI DON DE GZHAN, ,ZHES BYA BA GSUNGS SO, ,GNAS DANG GNAS MA YIN PA NI GZHAN GYI DBANG NYID RNAM PA BDUN GYI DON GYIS RIG PAR BYA STE ZHES BYA BA DE LA GNAS NI RGYU YIN NO, ,GNAS MA YIN PA NI RGYU MA YIN TE, JI SKAD DU, BDEN PAR SMRA ZHING KHRO BA MED, ,SLONG LA CHUNG YANG SBYIN PAR BYA, ,RNAM PA 'DI GSUM GNAS KYIS NI, ,LHA YI NANG DU SKYE BAR 'GYUR, ,ZHES TSIGS SU BCAD PA LAS 'BYUNG BA LTA BU STE RGYU YIN PAR MNGON NO, ,YANG NA GNAS NI SRID PA'O, ,GNAS MA YIN PA NI MI SRID DO, ,DE LA MKHAS PA NI GNAS DANG GNAS MA YIN PA LA MKHAS PA'O, ,GZHAN GYI DBANG GI DNGOS PO NI GZHAN GYI DBANG NYID DE, GZHAN LA RAG LAS ZHES BYA BA'I THA TSIG GO, ,RNAM PA DE BDUN YANG LAS DANG NYON MONGS PA DANG TSE'I GZHAN GYI DBANG NYID GSUM DU 'DUS SO, ,DE LA MI 'DOD PA'I GZHAN GYI DBANG NYID NI @262B ZHES BYA BA LA, MI 'DOD PA NI NGAN 'GRO RNAMS TE, DER 'GRO BA GZHAN GYI DBANG NYID DU BSTAN PA'I PHYIR, NYES PAR SPYOD PA SROG GCOD PA LA SOGS PA LUS DANG NGAG DANG YID KYI LAS SU BSDUS PA SBYOR BA DANG BCAS PA DANG MJUG GIS MI 'DOD BZHIN DU YANG NGAN 'GROR 'GRO BA'I PHYIR RO ZHES BYA BA SMOS SO, ,NGAN 'GRO DAG NI SEMS CAN DMYAL BA DANG YI DAGS DANG DUD 'GRO'O, ,DE DAG NI SHIN TU SDUG BSNGAL BA'I PHYIR DER 'GRO 'DOD PA NI SU YANG MED MOD KYI, LAS RNAMS STOBS DANG LDAN LA NGAN 'GRO'I RGYU YANG YIN PAS NYE BAR SPYOD PA NI MI 'DOD BZHIN DU LAS KYI DBANG GIS DER 'GRO BAR 'GYUR RO, ,'DOD PA'I GZHAN GYI DBANG NYID NI LEGS PAR SPYAD PAS BDE 'GROR 'GRO BA'I PHYIR RO ZHES BYA BA LA, 'DOD PA NI BDE 'GROR 'GRO BA'O, ,BDE 'GRO NI LHA DANG MI'O, ,LEGS PAR SPYOD PA NI SROG GCOD PA LA SOGS PA SBYOR BA DANG BCAS PA DANG, 'JUG PA RNAMS LAS LOG PA DANG; STON PA DANG, BLA MA DANG YON TAN DANG LDAN PA LA SOGS PA LA SBYIN PA DANG RIM GRO DANG BKUR STI LA SOGS PA BYED PA DANG BYAMS PA DANG SNYING RJE LA SOGS PA YON TAN GYI KHYAD PAR RNAMS SO, ,GZHAN GYI DBANG NYID NI LEGS PAR SPYAD PA MED PAR GZHAN GYIS NI 'DOD DU ZIN KYANG BDE 'GROR 'GRO BA MED PA'I PHYIR TE, BDE 'GROR SKYE BA NI LEGS PAR SPYAD PA LA RAG LUS PA NYID DO, ,RNAM PAR DAG PA'I GZHAN GYI DBANG NYID NI CHES RGYA CHER 'BYUNG BA LA RNAM PAR DAG PA NI NYON MONGS PA SPANGS PA'O, ,SGRIB PA LNGA NI 'DOD PA LA 'DUN PA DANG, GNOD SEMS DANG, RMUGS PA DANG; GNYID PA DANG, RGOD PA DANG, 'GYOD PA DANG, THE TSOM MO, ,RMUGS PA DANG GNYID GCIG TU BSDUS, RGOD PA DANG 'GYOD PA GCIG TU BSDUS TE LNGAR 'GYUR RO, ,DGE BA'I PHYOGS LA SGRIB PAR BYE BRAG MED PAS SGRIB PA RNAMS SO, ,BYE BRAG TU NI SGRIB PA RNAMS ZHES MNGON PAR DGA' BA DANG, LUS DANG NGAG GI LAS MI CHA BA LA TSANGS PA MTSUNGS PAR SPYOD PA RNAMS KYIS LEGS PAR BLANGS PA LA LEGS PAR SGRUB PA DANG, ZHI GNAS KYI DUS NA MA BYING BA DANG, RAB TU 'DZIN PA'I DUS NA MI G-YENG BA DANG, ZHI GNAS DANG LHAG MTHONG GI DUS NA RANG GI NGANG GIS 'JUG PA LA RIM PA BZHIN DU @263A *, ,BSGRIBS PAS NA SGRIB PA RNAMS ZHES BYA'O, ,DE DAG MA SPANGS LAGS ZHES BYA BA NI MA BTANG BA'O, ,BYANG CHUB KYI YAN LAG BDUN GYI BAR DU MA BSGOMS NA ZHES BYA BA LA, BAR DU ZHES BYA BA NI MTHA' BRJOD PA STE, DRAN PA NYE BAR GZHAG PA RNAMS DANG, YANG DAG PAR SPONG BA RNAMS DANG, RDZU 'PHRUL GYI RKANG PA RNAMS DANG, DBANG PO RNAMS DANG, STOBS RNAMS KYANG BSDU'O, ,SDUG BSNGAL GYI MTHA' MI BYED PA'I PHYIR RO ZHES BYA BA LA, SDUG BSNGAL GYI MTHA' NI GANG NA SDUG BSNGAL MED PA STE, DE NI MYA NGAN LAS 'DAS PA'O, ,DE MI BYED PA NI MI 'THOB PA STE, MYA NGAN LAS 'DAS PA MI 'THOB PO ZHES BYA BA'I THA TSIG GO, ,YANG NA SDUG BSNGAL GYI MTHA' ZHES BYA BA NI SDUG BSNGAL GZHAN DANG MTSAMS MI SBYOR BA'O, ,DE NI SDUG BSNGAL DE LTA BU DANG MTSAMS SBYOR BAR MI BYED PA STE, SDUG BSNGAL DU MI BYED PA'I PHYIR RO, , SGRIB PA LNGA SPANGS PA LA RAG LUS PA'I PHYIR RNAM PAR DAG PA GZHAN GYI DBANG NYID DO, ,MNYAM DU 'BYUNG BA'I GZHAN GYI DBANG NYID NI DE BZHIN GSHEGS PA DANG 'KHOR LOS SGYUR BA GNYIS GNYIS SNGA PHYI MED PAR ZHES BYA BA NI LHAN CIG CES PA'I THA TSIG GO, ,DE BZHIN GSHEGS PA GNYIS DANG 'KHOR LOS SGYUR BA GNYIS 'JIG RTEN GYI KHAMS GCIG TU MI 'BYUNG ZHES BYA BA NI, KHA CIG NA RE DE BZHIN GSHEGS PA GNYIS STONG GSUM GYI STONG CHEN PO'I 'JIG RTEN GYI KHAMS SU MI 'BYUNG BAR 'DOD KYI, 'KHOR LOS SGYUR BA NI GLING BZHI PAR 'BYUNG BAR MI 'DOD DO ZHE'O, , GZHAN DAG NA RE DE BZHIN GSHEGS PA GNYIS KYANG GLING BZHI PA NYID DU MI 'BYUNG NGO ZHES ZER TE, SANGS RGYAS BCOM LDAN 'DAS RNAMS NI CHOS KYI SKU'I DBANG GIS STONG GSUM GYI STONG CHEN PO'I 'JIG RTEN GYI KHAMS SU GLING BZHI PA RE RER YANG SPRUL PA'I SKUS MNGON PAR BYANG CHUB PA DANG YONGS SU MYA NGAN LAS 'DAS PA YANG STON TO, ,'DI LTAR GLING BZHI PA GCIG TU DGA' LDAN DANG, MI RNAMS KYI NANG DU YANG TSE YONGS SU 'DZIN PA NI BYANG CHUB SEMS DPA' RNAMS KYIS DGONGS PA STE, DE NI GLING BZHI PA GZHAN DU 'ANG 'DRA'O, ,DE LTA BAS NA 'OG MIN GYI GNAS @263B NYID DU BCOM LDAN 'DAS MNGON PAR SANGS RGYAS NAS SPRUL PA'I SKUS STONG GSUM GYI STONG CHEN PO'I 'JIG RTEN GYI KHAMS KYI KHONGS SU GTOGS PA'I GLING BZHI PA RE RER YANG DGA' LDAN DU SKYE BA DANG, 'CHI 'PHO DANG, MI'I NANG DU TSE YONGS SU 'DZIN PA LA SOGS PA THAMS CAD STON TO SNYAM DU SEMS SO, ,'DI LA SANGS RGYAS DANG 'KHOR LOS SGYUR BA 'BYUNG BA NI MNYAM PAR 'GYUR BA MA YIN PA'I LAS LA RAG LUS PAS LHAN CIG TU SKYE BAR 'GYUR BA GZHAN GYI DBANG NYID DO, ,DBANG BYED PA'I GZHAN GYI DBANG NYID NI BUD MED 'KHOR LOS SGYUR BA LA SOGS PA MI BYED PA'I PHYIR ZHES BYA BA NI 'KHOR LOS SGYUR BAR 'GYUR BA'I LAS KYI RNAM PAR SMIN PA NI SKYES PA'I LUS KYIS SMIN PAR NUS TE, BUD MED LA NI BUD MED RIN PO CHE LA SPYOD PA'I MTHU MED PA'I PHYIR RO, ,SOGS PA ZHES BYA BA'I SGRAS NI BRGYA BYIN LA SOGS PA BSDU'O, ,'THOB PA'I GZHAN GYI DBANG NI BUD MED KYIS RANG BYANG CHUB DANG BLA NA MED PA YANG DAG PAR RDZOGS PAR BYANG CHUB PAR MI 'GYUR BA'I PHYIR RO ZHES BYA BA LA, 'THOB PA NI SANGS RGYAS DANG RANG BYANG CHUB NYID 'THOB PA'O, ,DE LA GZHAN GYI DBANG NYID NI SKYES PAS 'THOB PAR 'GYUR GYI BUD MED KYIS 'THOB PAR MI 'GYUR TE, DE NI GO RIMS BZHIN DU BSE RU LTA BUR 'DRE BA MED PA DANG, SA GSUM GYI STON PAR MI SRID PA'I PHYIR TE, DE'ANG SKYE BO G-YON CAN THAMS CAD KYI SPYOD YUL YIN PA DANG, SHES RAB CHUNG BAS SLOB DPON MED PAR MNGON PAR RDZOGS PAR BYANG CHUB PA'I 'OS MA YIN PA'I PHYIR RO, ,KUN DU SPYOD PA'I GZHAN GYI DBANG NYID NI LTA BA PHUN SUM TSOGS PA GSOD PA LA SOGS PA KUN DU MI SPYOD LA, SO SO'I SKYE BO NI KUN DU SPYOD PA'I PHYIR TE ZHES BYA BA LTA BA PHUN SUM TSOGS PA NI BDEN PA MTHONG BA'O, ,GSOD PA NI SROG GCOD PA YIN; SOGS PA ZHES BYA BA'I SGRAS NI MA BYIN PAR LEN PA LA SOGS PA BSDUS TE, GSOD PA LA SOGS PA DE DAG NI LUS DANG NGAG GI BYA BA'I RANG BZHIN NO, ,MTHONG BA'I LAM NYID KYI GSOD PA LA SOGS PA NYES PAR SPYOD PA KUN NAS SLONG BA'I NYON MONGS PA SPONGS PA'I PHYIR LTA @264A *, ,BA PHUN SUM TSOGS PA DANG LDAN PA NI KUN DU MI SPYOD DO, ,SO SO'I SKYE BO NI DE MA SPANGS PA'I PHYIR KUN DU SPYOD DO, ,DE MA SPANGS PA YANG DE'I GNYEN POR LAM MA SKYES PA'I PHYIR RO, ,DE LTAR MI 'DOD PA LA SOGS PA GZHAN GYI DBANG NYID KYI RJES SU SONG BA, GNAS DANG GNAS MA YIN PA LA MKHAS PA NI SKYES BU DANG, DBANG PHYUG LA SOGS PA RANG DBANG CAN DU 'DZIN PA'I GNYEN PO'O, ,GAL TE RANG DBANG CAN 'GA' ZHIG YOD NA NI NYES PAR SPYAD PA LAS NGAN 'GROR 'GRO BAR MI 'GYUR RO, ,DE BZHIN DU GZHAN DAG LA YANG BRJOD PAR BYA'O, , GNAS DANG GNAS MA YIN PA'I DON BSTAN PA'I 'OG TU DBANG PO RNAMS KYI DON BRJOD DGOS PAS DE'I PHYIR DBANG PO NI RNAM PA NYI SHU RTZA GNYIS TE ZHES BYA BA SMOS TE, MIG GI DBANG PO NAS KUN SHES PA DANG LDAN PA'I DBANG PO LA THUG GI BAR DU'O, ,DE LA DBANG PO'I DON NI DBANG BYED PA'I DON TO, ,GANG ZHIG GANG LA DBANG BYED PA DE MI SHES NAS, DE'I PHYIR, 'DZIN DANG GNAS DANG RGYUN MI 'CHAD, ,SPYOD DANG DAG PA GNYIS KYI PHYIR, ,ZHES BYA BA GSUNGS TE, 'DI LA GNYIS PA DBANG BYED PA'I PHYIR ZHES BYA BA RIGS PA LAS TSIG LE'UR BYAS PA DANG MTHUN PAR BYA BA'I PHYIR DBANG BYED PA ZHES BYA BA'I SGRA NI MI SMOS PAR BLTA'O, ,DE BAS NA BSHAD PA BYED PAS, DE DAG LA DE DBANG BYED PA'I PHYIR RO ZHES BYA BA SMOS SO, ,'DZIN PA'I PHYIR ZHES BYA BA LA, PHYIR ZHES BYA BA'I SGRA NI 'DIR DGOS PA YIN PAR BRJOD DE, 'DZIN PA'I DGOS PA STE CHED YIN LA, DE BZHIN DU GZHAN DAG LA YANG CI RIGS PAR BRJOD PAR BYA'O, ,DE DAG LA ZHES BYA BA NI DON 'DZIN PA LA SOGS PA LA'O, ,DBANG BYED CES BYA BA NI LHAG PAR DBANG BAS NA DBANG BYED PA STE RGYU ZHES BYA BA'I THA TSIG GO, ,GZUGS LA SOGS PA CHOS LA THUG PA DAG NI GZUGS LA SOGS PA YUL RNAMS TE, DE DAG LA 'DZIN PA NI MIG LA SOGS PA'I RNAM PAR SHES PA'O, ,DE LA MIG LA SOGS PA DBANG PO DRUG DBANG BYED PA NI MIG NI GZUGS KYI BYE BRAG MA LUS PA'I RNAM PAR SHES PA'I RTEN YIN PAS GZUGS LA SOGS PA LA LHAG PAR DBANG BYED @264B PAS NA DBANG PO ZHES BYA STE, GZUGS SNGON PO NI GZUGS SER PO LA SOGS PA'I RNAM PAR SHES PA'I DMIGS PAR MI 'GYUR RO, ,DE BZHIN DU RNA BA LA SOGS PA LA YANG CI RIGS SU RGYAS PAR BRJOD PAR BYA'O, ,GNAS PAR BYA BA LA NI SROG GI DBANG PO DBANG BYED DE ZHES BYA BA LA; SROG GI DBANG PO NI SNGON GYI LAS KYI BAG CHAGS KYIS 'PHANGS PA'I RNAM PAR SMIN PA'I RGYUD LA BAR DU GCOD PA'I RKYEN MED NA SKAD CIG SNGA MAS 'DRA BA'I SKAD CIG PHYI MA PHYI MA RNAMS SU MTSAMS SBYOR BA'I MTHU YOD PA'O, ,GNAS PAR BYA BA LA NI SROG GI DBANG PO DBANG BYED CES BYA BA LA RGYU SMOS PA, 'DI'I DBANG GIS MI 'CHI BA'I PHYIR RO ZHES BYA STE, MI 'CHI BA NI SNGON GYI LAS KYIS 'PHANGS RIGS MTHUN PA'I RJES SU 'JUG GO, ,KHA ZAS LA SOGS PA NI SEMS CAN GNAS PA'I RGYU YIN DU ZIN KYANG DBANG PO MA YIN TE, DE DAG YOD BZHIN DU TSE ZAD PA GNAS PA MED PA'I PHYIR RO, ,GZUGS DANG GZUGS MED PA'I KHAMS NA KHAM GYIS ZA BA'I ZAS RNAMS MED KYANG SROG GI DBANG PO NYID KYIS GNAS PA YOD PA'I PHYIR RO, ,DE NA REG PA LA SOGS PA NI GNAS PAR DBANG BYED PAR MI RUNG STE, 'GOG PA DANG 'DU SHES MED PA'I SNYOMS PAR 'JUG PA'I GNAS DANG 'DU SHES MED PA DAG LA REG PA LA SOGS PA MED KYANG SEMS CAN RNAMS GNAS PAR SRID PA'I PHYIR RO, ,RIGS 'TSOB PA LA PHO DANG MO'I DBANG PO GNYIS DBANG BYED DE ZHES BYA BA LA, BU BYUNG NA RIGS RGYUN MI 'CHAD PAR 'GYUR BAS BU 'BYUNG BA NI RIGS 'TSOB PA'O, ,DE NYID BSTAN PA'I PHYIR 'BYUNG BAR DBANG BYED PA'I PHYIR RO ZHES BYA BA SMOS TE, LUS KYI DBANG PO'I PHYOGS 'GA' NYID DE, DBANG BYED PA'I BYE BRAG GIS PHO DANG MO'I DBANG PO ZHES BYA BA 'THOB PO, ,GANG NA PHO'I DBANG PO DANG MO'I DBANG PO YOD PA DE NA RIGS RNAM PAR GZHAG PA YOD DE, DE'I DBANG GIS RIGS RGYUN MI 'CHAD DO, ,'DOD PA NA SPYOD PA'I LHA RNAMS LA NI PHO'I DBANG PO DANG MO'I DBANG PO YOD PA LA RIGS RNAM PAR GZHAG GI MED PA LA NI MA YIN NO, ,DRI ZA LA SOGS PA LA DBANG BYED PA MED DE DRI ZA LA @265A *, ,SOGS PA YOD DU ZIN KYANG, PHO DANG MO'I DBANG PO MED PA MA NING LA SOGS PA LA BU 'BYUNG BA'I MTHU MED PA'I PHYIR RO, ,ZAS LA SOGS PA NI DBANG BYED PA YIN YANG SEMS CAN GYI GRANGS SU MA GTOGS PAS DBANG PO ZHES MI BYA'O, ,NYE BAR SPYOD PA LA NI TSOR BA'I DBANG PO RNAMS TE ZHES BYA BA NI DBANG BYED CES BYA BA DANG SBYAR TE, JI LTA ZHE NA DE'I PHYIR, DGE BA DANG MI DGE BA'I LAS KYI 'BRAS BU LA NYE BAR SPYOD PA'I PHYIR RO ZHES BYA BA SMOS SO, ,TSOR BA'I DBANG PO NI LNGA STE, BDE BA DANG, SDUG BSNGAL DANG, YID BDE BA DANG, YID MI BDE BA DANG, BTANG SNYOMS SO, ,DE DAG NI MYONG BA'I BDAG NYID YIN PAS DGE BA DANG MI DGE BA'I LAS KYI 'BRAS BU SPYOD KYI, MING DANG GZUGS NI DE LA DBANG BYED PA MA YIN TE, TSOR BA'I RGYU YIN PA'I PHYIR RO, ,DE'I RGYU'I DNGOS PO NI TSOR BA RNAM PAR SMIN PA'I GTZO BO YIN PA'I PHYIR RO, ,'JIG RTEN PA'I RNAM PAR DAG PA NI 'JIG RTEN PA'I NYON MONGS PA RNAMS SPANG PA'O, ,DE LA DAD PA LA SOGS PA'O ZHES BYA BA NI DAD PA DANG, BRTZON 'GRUS DANG, DRAN PA DANG TING NGE 'DZIN DANG SHES RAB KYI DBANG PO DANG LNGA STE, DBANG BYED CES BYA BAR SNYEGS SO, ,DE DAG NI MA DAD PA LA SOGS PA'I GNYEN PO YIN PA DANG 'JIG RTEN PA'I LAM GYIS RAB TU PHYE BA'I PHYIR RO, ,GZHAN NA RE THAR PA'I CHA DANG MTHUN PAS RAB TU PHYE BA'I PHYIR RO ZHE'O, ,'JIG RTEN LAS 'DAS PA'I RNAM PAR DAG PA NI KUN SHES PAR BYED PA'I DBANG PO LA SOGS PA'O ZHES BYA BA NI DBANG BYED DO ZHES BYA BAR SNYEGS TE, 'JIG RTEN LAS 'DAS PA'I LAM GYIS NYON MONGS PA RNAMS SPANGS PA NI 'JIG RTEN LAS 'DAS PA'I RNAM PAR DAG PA'O, ,DE LA KUN SHES PAR BYED PA'I DBANG PO DANG, KUN SHES PA'I DBANG PO DANG, KUN SHES PA DANG LDAN PA'I DBANG PO GSUM NI DBANG BYED PA STE, DE DAG MTHONG BA DANG, BSGOM PA DANG, MI SLOB PA'I LAM DU RIM PA BZHIN DU BSDUS PA'I PHYIR RO, ,DE LA DAD PA LA SOGS PA LNGA DANG, YID DANG, BDE BA DANG, YID MI BDE BA DANG, BTANG SNYOMS RNAMS NI MI LCOGS PA MED PA LA SOGS PA LA BRTEN PA'I @265B BYE BRAG GIS CI RIGS PA'I DBANG DU BYAS TE, DBANG PO DGU NI MTHONG BA'I LAM LA NI KUN SHES PAR BYED PA'I DBANG PO'O, ,BSGOM PA'I LAM LA NI KUN SHES PA'I DBANG PO'O, ,MI SLOB PA'I LAM LA NI KUN SHES PA DANG LDAN PA'I DBANG PO ZHES BYA'O, ,RNAL 'BYOR PA RNAMS NI GZHAN DU RNAM PAR 'JOG STE, KUN SHES PAR BYED PA'I DBANG PO DANG, KUN SHES PA'I DBANG PO GNYIS LA NI DBANG PO BCU STE, SNGAR SMOS PA DGU'I NANG DU YID MI BDE BA BSNAN NA BCUR 'GYUR RO, ,KUN SHES PA DANG LDAN PA'I DBANG PO LA NI DGU NYID DO, ,DE LA NGES PAR 'BYED PA'I CHA DANG MTHUN PA'I BDAG NYID SBYOR BA'I LAM DANG, MTHONG BA'I LAM SKAD CIG BCO LNGA DAG LA NI YID KYI DBANG PO DANG, DAD PA LA SOGS PA LNGA DANG, MI LCOGS PA MED PA LA SOGS PA LA BRTEN PA'I BYE BRAG GIS CI RIGS PAR BDE BA DANG, YID BDE BA DANG, YID MI BDE BA DANG, BTANG SNYOMS KYI DBANG PO RNAMS LAS GANG YANG RUNG BA'O, ,YID MI BDE BA'I DBANG PO NI SBYOR BA'I DUS NA NGES PAR 'BYED PA'I CHA DANG MTHUN PA'I 'OG TU THAR PA MCHOG 'DOD PAS BSDUS PAR RIG PAR BYA'O, ,DBANG PO 'DI BCU NI CI RIGS PAR SBYAR BAR BYA STE, SNGON KUN MI SHES PA'I DE KHO NA KUN SHES PAR BYA BA'I PHYIR ZHUGS PAS MI SHES PA KUN SHES PAR BYED PA'I DBANG PO ZHES BYA'O, ,MTHONG BA'I LAM SKAD CIG MA BCU DRUG NAS RDO RJE LTA BU'I TING NGE 'DZIN GYI BAR DU SLOB PA'I LAM DE LA DBANG PO RNAM PA BCU PO DE NYID KUN SHES PA'I DBANG PO ZHES BYA BA STE, SNGON MI SHES PA SHES PAR BYAR MED PA'I PHYIR RO, ,MI SLOB PA'I LAM LA YID MI BDE BA'I DBANG PO MA GTOGS PAR LHAG MA RNAMS KUN SHES PA DANG LDAN PA'I DBANG PO'I MING 'THOB PO, ,KUN SHES PA DANG LDAN PA'I DBANG PO YIN PAS KUN SHES PA DANG LDAN PA'I DBANG PO ZHES BYA'O, ,DE LTAR NA DBANG PO LA MKHAS PA NI SKYES BU DANG, MTHU BO CHE DANG SRED MED KYI BU LA SOGS PA LA DBANG POR 'DZIN PA GANG YIN PA DE LDOG PAR 'GYUR RO, ,DBANG PO'I DON GYI 'OG TU DUS GSUM GYI DON BRJOD DGOS PAS, DE'I PHYIR, 'BRAS BU RGYU RNAMS SPYAD ZIN DANG, ,DE BZHIN MA SPYAD @266A *, ,GZHAN YIN NO, ,ZHES BYA BA SMOS TE, DE LA RGYU NI SKYE BAR BYED PA'I RGYU'O, ,'BRAS BU NI TSES PA SDUS PA'O, ,RGYU SPYAD ZIN PA NI 'BRAS BU PHYUNG ZIN PA'O, ,'BRAS BU SPYAD ZIN PA NI MYONG NAS YONGS SU ZAD PA STE, RNAM PA DE LTA BU'I RGYU DANG DE'I 'BRAS BU NI 'DAS PA'O, ,DE'I PHYIR, 'BRAS BU DANG DE'I RGYU SPYAD ZIN PA'I PHYIR 'DAS PA'I DUS SO, ,RNAM PA 'DI NYID KYI 'BRAS BU DANG, RGYU MA SPYAD PA'I PHYIR MA 'ONGS PA'I DUS SO, ,DA LTAR BYUNG BA'I DUS NI DA LTAR GYI TSE'I RGYUS 'BRAS BU BYIN PA'I PHYIR RGYU SPYAD PA'I DON DANG DE'I 'BRAS BU NI DA LTAR GYI TSE RJES SU 'BRANG BA NYID DE, 'BRAS BU MA SPYAD PA'I PHYIR DA LTAR BYUNG BA'I DUS SU RIG PAR BYA'O, ,DNGOS PO RNAMS KYI SKAD CIG SO SO NI RGYU DANG 'BRAS BU'I DNGOS PO YIN PAS SKAD CIG NYID KYI DBANG DU BYAS TE DUS RNAM PAR GZHAG PAR RIG PAR BYA'O, ,DE LA RGYU SPYAD ZIN PA NI RANG GI 'BRAS BU BSKYED PA'I PHYIR RO, ,'BRAS BU SPYAD ZIN PA NI 'BRAS BU SKYES MA THAG TU 'JIG PA'I PHYIR RO, ,DE LTAR 'BRAS BU DANG RGYU MA SPYAD PA'I PHYIR MA 'ONGS PA'I DUS TE, DGOS PA MA BSKYED PA DANG MA SKYES PA LA ZHIG PA MED PA'I PHYIR 'BRAS BU DANG RGYU MA SPYAD PAR RIG PAR BYA'O, ,RGYU SPYAD LA 'BRAS BU MA SPYAD PA'I PHYIR ZHES BYA BA NI DGOS PA BSKYED PA'I PHYIR RGYU SPYAD PA ZHES BYA'O, ,DGOS PA MA ZHIG PA'I PHYIR 'BRAS BU MA SPYAD PA ZHES BYA'O, ,DE LTAR DUS LA MKHAS PA NI DUS MA GTOGS PAR GZHAN MI DMIGS PA'I PHYIR BDAG RTAG PAR 'DZIN PA LDOG PAR 'GYUR RO, ,DUS GSUM GYI DON GYI 'OG TU BDEN PA BZHI'I DON BRJOD DGOS PAS, DE'I PHYIR, TSOR BA RGYU DANG BCAS PA'I DON, ,DE YI RGYU NI SGRUB PA YIN, ,ZHES RGYA CHER GSUNGS SO, ,TSOR BA NI SDUG BSNGAL GYI DON TO ZHES 'JIG RTEN NA GRAGS SO, ,BSTAN BCOS LAS KYANG GANG CI TSOR YANG RUNG STE, DE NI 'DIR SDUG BSNGAL LO ZHE'O, ,BDEN PA RNAM PAR GZHAG PA NI ZAG PA DANG BCAS PA'I BDE BA DANG, SDUG BSNGAL DANG BDE BA YANG MA YIN SDUG BSNGAL YANG MA YIN PA'I TSOR BA RGYU DANG BCAS PA THAMS CAD SDUG BSNGAL GYI BDEN PA'I DON YIN NO ZHES BSTAN PA'I PHYIR BSHAD PA BYED @266B PAS KYANG, DE LA SDUG BSNGAL GYI BDEN PA NI TSOR BA RGYU DANG BCAS PA'I DON ZHES BYA BA SMOS SO, ,TSOR BA THAMS CAD SDUG BSNGAL YIN PAR CI MNGON ZHE NA, DE'I PHYIR GANG CI TSOR YANG RUNG STE, DE NI 'DIR SDUG BSNGAL LO ZHES BYA BA'I PHYIR RO ZHES BYA BA SMOS SO, ,TSOR BA DE DAG KYANG SDUG BSNGAL GYI SDUG BSNGAL NYID DANG, 'GYUR BA'I SDUG BSNGAL NYID DANG, 'DU BYED KYI SDUG BSNGAL NYID RNAMS SU JI LTAR MTHUN DU SBYAR TE, SDUG BSNGAL BA'O, ,YANG NA 'DU BYED KYI SDUG BSNGAL NYID KYI SDUG BSNGAL BA'O, ,TSOR BA'I RGYU NI TSOR BA'I GNAS KYI CHOS RNAMS SU RIG PAR BYA'O ZHES BYA BA LA, BDE BA DANG, SDUG BSNGAL BA DANG, SDUG BSNGAL BA YANG MA YIN BDE BA YANG MA YIN MYONG BAR 'GYUR BA'I CHOS RNAMS NI TSOR BA'I GNAS RNAMS SO, ,DE LTAR PHUNG PO LNGA PO DAG NI SDUG BSNGAL GYI BDEN PAR BSTAN PA YIN NO, ,DE'I RGYU NI SGRUB PA YIN, KUN 'BYUNG BA'I BDEN PA STE ZHES BYA BA LA, DE'I ZHES BYA BA'I SGRA NI SDUG BSNGAL GYI BDEN PA DANG SBYAR RO, ,SGRUB PA GANG GIS SDUG BSNGAL SKYED PA NI BSGRUB PA STE KUN 'BYUNG BA'O, ,DE YANG TSOR BA DANG TSOR BA'I GNAS KYI CHOS RNAMS LA SRED PA'I RGYU SNGON DU SONG BA'I LUS DANG NGAG DANG YID RAB TU G-YO BA'I NGO BO NYID DO, ,MDOR NA YANG SRID PA KUN NAS SLONG BA'I LAS NI KUN 'BYUNG BAR BSTAN PA YIN NO, ,DE GNYIS ZHI BA'I PHYIR 'GOG PA'I BDEN PA'O ZHES BYA BA LA, DE GNYIS ZHES BYA BA NI SDUG BSNGAL DANG KUN 'BYUNG BA'I BDEN PA GNYIS SO, , ZHI BA'I PHYIR ZHES BYA BA NI MI SKYE BA'I PHYIR RO, ,DE LTAR RGYU DANG BCAS PA'I SDUG BSNGAL MI SKYE BA'I MTSAN NYID YIN PA'I PHYIR 'GOG PA LA RNAM PA GNYIS SU BSTAN PA YIN TE, KUN 'BYUNG BA ZHI BA'I PHYIR PHUNG PO'I LHAG MA DANG BCAS PA'O, ,SDUG BSNGAL ZHI BA'I PHYIR PHUNG PO'I LHAG MA MED PA'O, ,DE NYID KYI DBANG DU BYAS NAS SDUG BSNGAL DANG KUN 'BYUNG BA GNYIS KYI GNYEN PO'I PHYIR SDUG BSNGAL DANG KUN 'BYUNG BA 'GOG PAR 'GYUR BA'I LAM NI LAM GYI BDEN PA'O, ,DE LTAR BDEN PA LA MKHAS PA NI KUN NAS NYON MONGS PA DANG RNAM PAR BYANG BA TZAM RTOGS NAS DE @267A *, ,DAG LAS GZHAN PA LA KUN NAS NYON MONGS PA DANG, RNAM PAR BYANG BAR 'DZIN PA LDOG PAR 'GYUR TE, DE MED PA'I PHYIR RO, ,BDEN PA RNAMS KYI DON GYI 'OG TU THEG PA GSUM GYI DON BSTAN PAR BYA STE, DE'I PHYIR, YON TAN SKYON DANG RNAM MI RTOG ,SHES PAS GZHAN LAS BDAG GIS NI, ,NGES PAR 'BYUNG PHYIR GZHAN ZHES BYA, ,ZHES BYA BA GSUNGS SO, ,SHES PA ZHES BYA BA'I SGRA NI YON TAN DANG SKYON SHES PA DANG, RNAM PAR MI RTOG PA'I YE SHES ZHES BYA BA GNYIS KA DANG SBYAR BAR BYA'O, ,YANG NA BAR DU RNAM PAR RTOG ,CES BYA BA'I SGRA ZHIG MA SMOS PAR BLTA BAR BYA'O, ,DE LA YON TAN DANG SKYON SHES PA NI GZHAN LAS DANG BDAG GIS ZHES PHYE STE BRJOD PAR BYA'O, ,RNAM PAR MI RTOG PA'I YE SHES KYI NI BDAG NYID KYIS TE, DE BAS NA 'GREL PA LAS CI RIGS SU SBYAR BAR BYA'O ZHES BYA BA SMOS SO, ,DE LA MYA NGAN LAS 'DAS PA DANG, 'KHOR BA LA YON TAN DANG SKYON DU SHES ZHES BYA BA LA, MYA NGAN LAS 'DAS PA ZHES BYA BA'I SGRA NI 'DIR LAM DANG 'GOG PAR GZUNG STE, DPER NA RAB TU ZHI BA ZHES BYA BA'I SGRA BZHIN NO, ,DE LA 'GOG PA LA NI ZHI BA'I RNAM PA LA SOGS PA DANG, LAM LA NGES PAR 'BYIN PA'I RNAM PA LA SOGS PAR SHES PA NI MYA NGAN LAS 'DAS PA LA YON TAN DU SHES PA'O, ,'KHOR BA NI SDUG BSNGAL DANG KUN 'BYUNG BA'I BDAG NYID DE, ,DE YANG MI RTAG PA DAG SDUG BSNGAL BA'I RNAM PA LA SOGS PA DANG, KUN 'BYUNG BA DANG RKYEN GYI RNAM PA LA SOGS PAR SHES PA NI 'KHOR BA LA SKYON DU SHES PA'O, ,GZHAN LAS THOS ZHES BYA BA NI SANGS RGYAS DANG BYANG CHUB SEMS DPA' LA SOGS PA LAS MYA NGAN LAS 'DAS PA DANG 'KHOR BA GNYIS KYI YON TAN DANG SKYON JI SKAD DU SMOS PA THOS PA'O, ,NGES PAR 'BYUNG BA'I PHYIR ZHES BYA BA NI 'KHOR BA LAS BYUNG BA'I PHYIR RO, ,NYAN THOS KYI THEG PA ZHES BYA BA NI GZHAN GYI SGRA LA BRTEN NAS NGES PAR 'BYUNG BA'I PHYIR RO, ,NYAN THOS KYI THEG PA ZHES BYA BAS NI RANG SANGS RGYAS KYI THEG PA LAS BYE BRAG TU STON TO, ,DE NYID KYIS ZHES BYA BA NI MYA NGAN LAS 'DAS PA DANG, 'KHOR BA GNYIS LA YON TAN DANG SKYON DU SHES NAS SANGS @267B RGYAS DANG BYANG CHUB SEMS DPA' GZHAN LAS MA THOS PAR BDAG GIS NGES PAR 'BYUNG BA'I PHYIR RANG SANGS RGYAS KYI THEG PA'O, ,GZHAN LAS MA THOS PAR BDAG GIS SHES PAR BYA BA NI NYAN THOS KYI THEG PA LAS BYE BRAG TU BSTAN TO, ,RNAM PAR MI RTOG PA'I YE SHES KYIS ZHES BYA BA NI 'KHOR BA DANG MYA NGAN LAS 'DAS PA'I CHOS GNYIS BRJOD DU MED PAR RTOGS PA'I PHYIR RNAM PAR MI RTOG PA'I YE SHES TE, GZHAN LAS MA THOS PAR BDAG NYID KYIS NGES PAR 'BYUNG BA'I PHYIR THEG PA CHEN PO'I, ,'DIR NI RANG SANGS RGYAS KYI THEG PA LAS YE SHES KYIS BYE BRAG TU BYAS SO, , GZHAN DAG NA RE GZHAN LAS THOS NAS GANG ZAG LA BDAG MED PA'I YUL CAN YON TAN DANG SKYON DU RNAM PAR MI RTOG PA'I YE SHES KYIS NGES PAR 'BYUNG BA NI NYAN THOS KYI THEG PA'O, ,MNYAM PA LA MI LTOS PAR BDAG NYID KYIS NGES PAR 'BYUNG BA NI RANG SANGS RGYAS KYI THEG PA'O, ,MI GNAS PA'I MYA NGAN LAS 'DAS PA THOB PAR BYED PA CHOS LA BDAG MED PA'I YUL CAN RNAM PAR MI RTOG PA'I YE SHES KYI BDAG NYID KYIS NGES PAR 'BYUNG BA NI THEG PA CHEN PO ZHES BYA'O, ,RNAM PAR BSHAD PA 'DI NI 'GREL PA DANG 'GAL LO, ,DE LTAR THEG PA GSUM LA MKHAS PA NI RNAL 'BYOR TZAM DU ZAD PAR MTHONG BAS BDAG RNAL 'BYOR CAN DU 'DZIN PA LDOG PAR 'GYUR RO, ,NGA NI 'DUS BYAS DANG 'DUS MA BYAS KYI DON BSTAN PA'I PHYIR, BTAGS BCAS RGYUR BCAS RGYU MTSAN DANG, ,RAB TU ZHI BA DON BCAS NI, ,THA MA NYID DU BSHAD PA YIN, ,ZHES BYA BA GSUNGS SO, ,THA MAR BSHAD PA DE GANG ZHE NA, DE'I PHYIR, 'DUS BYAS DANG 'DUS MA BYAS SO ZHES BYA BA SMOS TE, THAMS CAD KYI THA MAR BSHAD PA'I PHYIR RO, ,DE LA 'DUS BYAS NI BTAGS PA DANG BCAS SHING RGYU DANG BCAS PA'I RGYU MTSAN GYIS RNAM PAR GZHAG GO, ,'DUS MA BYAS NI DON DANG BCAS PA'I RAB TU ZHI BAS RNAM PAR GZHAG GO, ,BTAGS PA DANG RGYU DANG RGYU MTSAN YANG MI SHES NAS DE BSTAN PAR BYA BA'I PHYIR, DE LA BTAGS PA NI MING GI TSOGS LA SOGS PA'O ZHES BYA BA SMOS SO, ,MING DANG TSIG GI TSOGS KYI DNGOS PO DAG GI NGO BO NYID DANG, KHYAD PAR GNYIS BTAGS PAS NA @268A *, ,MING DANG TSIG GI TSOGS GNYIS NI BTAGS PA'O, ,YI GE'I TSOGS NI DE GNYI GA GSAL BAR BYED PA'I PHYIR BTAGS PA'O, ,RGYU NI SA BON DU BSDUS PA'I KUN GZHI RNAM PAR SHES PA'O ZHES BYA BA DE YANG ZAG PA DANG BCAS PA'I CHOS THAMS CAD KYI BAG CHAGS KYI RJES SU SONG BA 'BRAS BU MA BYIN PA KUN 'BYUNG BA'I BDEN PAR BSDUS PA NYID DE, 'BRAS BU BYIN PA LAS RNAM PAR DBYE BA'I PHYIR, SA BON DU BSDUS PA ZHES BYA BA SMOS SO, ,RGYU MTSAN NI GNAS DANG LUS DANG LONGS SPYOD DU BSDUS PA ZHES BYA BA NI KUN GZHI RNAM PAR SHES PA ZHES BYA BAR SBYAR RO, , 'JUG PA NI RNAM PAR SHES PAR BSDUS PA YID DANG 'DZIN PA DANG RNAM PAR RTOG PAR BSDUS PA'O ZHES BYA BA DE LA GNAS NI SNOD KYI 'JIG RTEN TE, DER SNANG BA'I KUN GZHI RNAM PAR SHES PA'O, ,GNAS KYI BDAG NYID DU BSDUS PAS NA GNAS SU BSDUS PA'O, ,LUS SU SNANG BA'I RANG BZHIN LA LUS SU BSDUS PA ZHES BYA'O, ,LUS NI DBANG PO DANG BCAS PA'I KHOG PA LUS DER SNANG BA'I KUN GZHI RNAM PAR SHES PA'O, ,LUS SU BSDUS PA NI LUS KYI BDAG NYID DANG LDAN PA ZHES BYA BA'I THA TSIG GO, ,LONGS SPYOD DU BSDUS PA NI GONG DU BSHAD PA DE NYID DE, DE GNYIS LA YANG RNAM PAR SHES PA GZHAN DAG DBANG BYED PA'I DNGOS POR LONGS SPYOD PAS NA LONGS SPYOD DO, ,YANG NA BZA' BA DANG BTUNG BA LA SOGS PA'I DON LA LONGS SPYOD PAS NA LONGS SPYOD DE, DER SNANG BA'I RNAM PAR SHES PA NI LONGS SPYOD DU BSDUS PA'O, ,BTAGS PA DANG BCAS SHING RGYU DANG BCAS PA'I RGYU MTSAN DE NI MTSUNGS PAR LDAN PA DANG BCAS PA GZHAN GYI DBANG GI NGO BO BSDUS PA'I PHYIR 'DUS BYAS SU RIG PAR BYA'O, ,MTSUNGS PAR LDAN PA DANG BCAS PA NI SEMS LAS BYUNG BA STE, 'DUS BYAS DE NI DE NYID 'BA' ZHIG MA YIN PAR BSTAN TO, ,DE YANG GANG GI RGYU MTSAN ZHE NA, MING GI TSOGS LA SOGS PA'I RGYU MTSAN TE, DE NI DE DAG GI NGO BO NYID DANG KHYAD PAR RJOD PAR BYED PA'I PHYIR RO, ,DE DAG GI RJES SU 'BRANG BAS RANG BZHEN DANG BYE BRAG LA MNGON PAR ZHEN PA'I SEMS DANG SEMS LAS BYUNG BA YID DANG 'DZIN PA DANG RNAM PAR RTOG PA ZHES BYA BA RNAMS KYI RGYU MTSAN @268B YANG YIN NO, ,KHA CIG NA RE YID DANG 'DZIN PA DANG RNAM PAR RTOG PA YANG KUN GZHI RNAM PAR SHES PA'I RGYU MTSAN TE, DE LA BAG CHAGS BRTAS PAR BYED PA'I PHYIR RO ZHE'O, ,GZHAN DAG NI RANG BZHIN BYE BRAG TU 'DOGS PAS NA 'DOGS PA'I MTSAN MA NI 'DU SHES TE, MTSAN MAR 'DZIN PA'I BDAG NYID KYI PHYIR RO, ,GNAS DANG LUS DANG LONGS SPYOD DU BSDUS PA KUN GZHI RNAM PAR SHES PA NI BAG CHAGS BRTAS PAR BYED PA'I PHYIR GZHI'I RGYU MTSAN NO, ,YID DANG 'DZIN PA DANG RNAM PAR RTOG PA RNAMS NI DMIGS PA MTSAN MAR BYED PA'I PHYIR DMIGS PA'I RGYU MTSAN YANG YIN LA, GNYI GA MTSAN MAR BYED PA'I PHYIR DMIGS PA DANG, DMIGS PAR BYED PA'I RGYU MTSAN YANG YIN NO SNYAM DU SEMS SO, ,DE LA YID LA GANG RTAG RU RLOM SEMS PA'I RNAM PA'O ZHES BYA BA LA, BDAG GAM BDAG GI ZHES BYA BA GANG RTAG PAR RLOM SEMS PA DE NI YID CES BYA STE, DE NI BDAG TU RMONGS PA DANG, BDAG TU LTA BA DANG, BDAG LA CHAGS PA DANG, NGA'O SNYAM PA'I NGA RGYAL DANG, KUN DU 'GRO BA LNGA PO TSOR BA DANG, 'DU SHES DANG, SEMS PA DANG, REG PA DANG, YID LA BYED PA DAG DANG MTSUNGS PAR LDAN NO, ,'DZIN PA NI RNAM PAR SHES PA'I TSOGS LNGA PO ZHES BYA BA NI YUL GYI RANG BZHIN GYI NGO BO 'DZIN PA'I MTSAN NYID KYI PHYIR RO, ,RANG RIG PA YIN PAS BRJOD MI NUS PA'I PHYIR 'DZIN PA ZHES BYA'O, ,RNAM PAR RTOG PA NI YID KYI RNAM PAR SHES PA STE, DE NI CHOS RNAMS KYI RANG DANG SPYI'I MTSAN NYID LA RNAM PAR RTOG PA CAN GYI PHYIR RO, ,BTAGS PA DANG BCAS SHING RGYU DANG BCAS PA'I RGYU MTSAN 'DI LAS NYON MONGS PA GNYIS KYIS MNGON PAR 'DUS BYAS PA'I PHYIR 'DUS BYAS SO, ,'DUS MA BYAS NI RAB TU ZHI BA'I 'GOG PA DANG RAB TU ZHI BA'I DON DE BZHIN NYID DE BZHIN NYID DE ZHES BYA BA LA, RGYU DANG BCAS PA'I SDUG BSNGAL RAB TU ZHI BA'I MTSAN NYID YIN PA'I PHYIR 'GOG PA NI RAB TU ZHI BA'I BAR RUNG NA, DE BZHIN NYID JI LTAR RAB TU ZHI BA'I DON CES BYA ZHE NA, RAB TU ZHI BA'I DON YIN PA'I PHYIR RO, ,'GOG PA DANG DE BZHIN NYID GNYIS 'BREL PA CI YANG MED PA SNYAM NA, JI LTAR RAB TU ZHI BA'I DON ZHES BYA ZHE NA, @269A *, ,DE BZHIN NYID NI LAM GYI DMIGS PA YIN PA'I PHYIR RO, ,JI LTAR NA LAM YANG RAB TU ZHI BA NYID CES BYA ZHE NA, DES RAB TU ZHI BAR BYED PA'I PHYIR RO, ,RAB TU ZHI BA'I PHYIR MYA NGAN LAS 'DAS PA NI RAB TU ZHI BA'O, ,'DIS RAB TU ZHI BAR BYED PA'I PHYIR LAM YANG RAB TU ZHI BA'O, ,DE LTAR NA TSIG RNAM PAR SBYAR BA THA DAD PA'I PHYIR BRJOD PA GCIG GIS MYA NGAN LAS 'DAS PA DANG LAM GNYI GA RAB TU ZHI BA ZHES BYA BAR BZUNG NGO, ,CI LAM GYI BDEN PA 'DUS BYAS SAM 'ON TE 'DUS MA BYAS SHE NA, BSKYED PAR BYA BA YIN PAS 'DUS BYAS SO, ,GAL TE LAS DANG NYON MONGS PAS MNGON PAR 'DUS MA BYAS PA DANG, 'DUS MA BYAS KYIS RAB TU PHYE BA'I PHYIR 'DUS MA BYAS ZHES BRJOD NA NYES PA MED DO, ,DE LTAR DON 'DIS PHUNG PO LA SOGS PA SHES PA NI PHUNG PO LA SOGS PA LA MKHAS PAR RIG PAR BYA'O ZHES BYA BA NI, THOG MA DU MA NYID DANG NI, ,BSDUS DANG YONGS SU PHYE BA'I DON, ,ZHES BYA BA STE, RGYAS PAR THAMS CAD LA BRJOD PAR BYA'O, ,DE KHO NA'I DON BSDUS PA NI MDOR BSDU NA DE KHO NA RNAM PA GNYIS SO, ,RGYAS PAR NI RNAM PA BCUR BSHAD DO, ,DE BAS NA MDOR BSDU NA RNAM PA GNYIS TE ZHES BYA BA SMOS SO, , RNAM PA GNYIS PO JI LTA BU ZHE NA, ME LONG LTA BU'I DE KHO NA DANG, SNANG BA'I DE KHO NA'O ZHES BYA BA SMOS SO, ,DE LA RTZA BA'I DE KHO NA DE NI ME LONG LTA BU'I DE KHO NA STE, DE YANG NGO BO NYID GSUM MO, ,CI'I PHYIR DE LA ME LONG LTA BU'I DE KHO NA ZHES BYA ZHE NA, MTSAN NYID KYI DE KHO NA LA SOGS PA LHAG MA RNAMS DER SNANG BA'I PHYIR RO, ,SNANG BA'I DE KHO NA NI MTSAN NYID KYI DE KHO NA LA SOGS PA SNGAR BSTAN PA RNAM PA DGU GANG YIN PA'O, ,CI'I PHYIR DE DAG SNANG BA'I DE KHO NA ZHES BYA ZHE NA, RTZA BA'I DE KHO NA LA SNANG BA'I PHYIR RO, ,NGA RGYAL MED PA SNANG BA'I DE KHO NA NI MTSAN NYID KYI DE KHO NA STE, GANG ZAG DANG, CHOS DANG, GZUNG BA DANG, 'DZIN PA DANG, DNGOS PO DANG, DNGOS PO MED PA LA SGRO MI 'DOGS PA DANG, SKUR PA MI 'DEBS PA'I PHYIR DES NGA RGYAL MED PAR 'GYUR RO, ,PHYIN CI LOG GI GNYEN PO SNANG BA'I DE KHO NA NI PHYIN CI MA LOG PA'I MTSAN NYID DE, DE NI @269B RTAG PA LA SOGS PAR PHYIN CI LOG GI GNYEN POR GYUR PA'O, ,NYAN THOS KYI THEG PAS NGES PAR 'BYUNG BA SNANG BA'I DE KHO NA NI 'BRAS BU DANG RGYU'I DE KHO NA STE, 'PHAGS PA'I BDEN PA BZHI RAB TU RTOGS SHING BSGOMS PAS NYAN THOS NGES PAR 'BYUNG NGO, ,THEG PA CHEN POS NGES PAR 'BYUNG BA SNANG BA'I DE KHO NA NI PHRA BA DANG RAGS PA'I DE KHO NA STE, RAGS PA KUN RDZOB KYI BDEN PAS SEMS CAN RNAMS YONGS SU SMIN PAR BYED PA DANG, PHRA BA DON DAM PA'I BDEN PAS RNAM PAR GROL BAR BYED PA'I PHYIR THEG PA CHEN POS NGES PAR 'BYUNG BA'O, ,PHAS KYI RGOL BA TSAR GCOD PA SNANG BA'I DE KHO NA NI GRAGS PA'I DE KHO NA'O, ,JI LTA ZHE NA, DE'I PHYIR, DPE LA BRTEN TE RIGS PAS TSAR GCOD PA'I PHYIR ZHES BYA BA SMOS TE, TSAR GCOD PA LA DPE NI 'JIG RTEN DU GRAGS PA'O, ,RIGS PA NI RIGS PAS RAB TU GRUB PA LA BRTEN PA'O, ,THEG PA CHEN PO MNGON PAR BRJOD PA SNANG BA'I DE KHO NA NI RNAM PAR DAG PA'I YE SHES KYI SPYOD YUL GYI DE KHO NA STE, DES NI NYON MONGS PA DANG SHES BYA'I SGRIB PA RNAM PAR DAG PA'I YE SHES KYI SPYOD YUL GYI LUNG GZHAN MNGON PAR BRJOD PA STE, DE NI THEG PA CHEN PO'O, ,SHES BYA'I RNAM PA THAMS CAD LA 'JUG PA SNANG BA'I DE KHO NA LA BSDU BA'I DE KHO NA DNGOS PO LNGA STE, DE NI SHES PAR BYA BA THAMS CAD LA 'JUG PA'I PHYIR RO, ,MA NOR BA DE BZHIN NYID MNGON PAR BRJOD PA SNANG BA'I DE KHO NA NI RAB TU DBYE BA'I DE KHO NA STE, DES DNGOS PO RNAMS KYI MA NOR BA DE BZHIN NYID DANG GZHAN MA YIN PA DE BZHIN NYID MNGON PAR BRJOD PA'I PHYIR RO, ,BDAG TU 'DZIN PA'I GZHI LA DGONGS PA THAMS CAD RTOGS PAR SNANG BA'I DE KHO NA ZHES BYA BA NI MKHAS PA'I DE KHO NA STE, DES BDAG TU 'DZIN PA'I GZHI LA DGONGS PA THAMS CAD KYI SGO NAS RTOGS TE, BSAM PA BCU PO DAG GIS PHUNG PO LA SOGS PA LA BDAG TU 'DZIN PA 'JUG PAR SNGAR JI SKAD DU BSTAN PA'O, ,DE KHO NA'I DON BSDUS PA SMOS PA NI BDE BLAG TU 'DZIN PA'I PHYIR TE, DON GYIS TSIG 'DREN PA'I PHYIR RO, ,RMONGS PA MED PA DANG YONGS SU SKYO BA YANG MED PAR BYA BA'I PHYIR TE, SKABS KYI MGO MJUG YONGS @270A *, ,SU MTHONG NA YONGS SU SKYO BA MI SKYE'O, ,JI LTAR BSTAN PA BZHIN DU BSHAD PA RTOGS PAS RMONGS PA YANG MI 'BYUNG NGO, ,DE KHO NA BSHAD ZIN TO, ,BSTAN BCOS DBUS DANG MTHA' RNAM PAR 'BYED PA LAS DE KHO NA'I LE'UR BCAD PA STE GSUM PA'I 'GREL BSHAD DO,, ,, DE KHO NA BSHAD PA'I 'OG TU GNYEN PO BSGOM PA DANG, DE'I GNAS DANG 'BRAS BU THOB PA BSHAD DGOS TE, DE BAS NA DE BSTAN PA'I PHYIR LE'UR BCAD PA BZHI PA BRTZAMS SO, ,DE KHO NA'I 'OG TU BSTAN PA DANG GNYEN PO BSGOM PA LA RAG LUS PA'I PHYIR DE'I GNAS DANG 'BRAS BU THOB PA GNYIS KYANG SMOS SO, ,BSTAN PA'I MDOR BYAS PA LAS GNYEN PO NI BYANG CHUB KYI PHYOGS SU BZHED PAR BSTAN PA'I PHYIR, GNYEN PO BSGOM PA NI BYANG CHUB KYI PHYOGS BSGOM PA STE ZHES BYA BA SMOS SO, ,DE DAG BSGOMS NA MI MTHUN PA'I PHYOGS SGRIB PA JI SKAD BSTAN PA RNAMS SPANG BAR BYA BA LA MTHU YOD PAR 'GYUR BAS GNYEN PO RNAMS ZHES BYA'O, ,DE RNAMS KYANG SUM CU RTZA BDUN TE, DRAN PA NYE BAR GZHAG PA BZHI NAS 'PHAGS PA'I LAM YAN LAG BRGYAD PA'I BAR DU'O, ,DE RNAMS BSGOM PA NI SPEL BA DANG, BSKYED PA DANG, GOMS PAR BYA BA DANG, LAN MANG DU BYA BA ZHES BYA BA'I RNAM GRANGS SO, ,DE YANG DE KHO NA'O 'OG TU BSTAN PA'I PHYIR DE YANG BRJOD PAR BYA'O, ,BYANG CHUB KYI PHYOGS BSGOMS PA LA CI'I PHYIR DRAN PA NYE BAR GZHAG PA BSGOM PA NYID THOG MAR BSHAD KYI GZHAN NI MA YIN ZHE NA, DE LA RE ZHIG DANG POR, GNAS NGAN LEN PHYIR SRED RGYU'I PHYIR, ,ZHES RGYA CHER SMOS SO, ,DE LA ZHES BYA BA NI BYANG CHUB KYI PHYOGS BSGOMS PA LA'O, ,RE ZHIG CES BYA BA NI RIM GYI DON TE, THOG MAR DRAN PA NYE BAR GZHAG PA BSGOM PA JI BSHAD LA, GZHAN YANG PHYIS BSHAD DO ZHES BYA BAR 'GYUR RO, ,MYA NGAN LAS 'DAS PA DANG 'KHOR BA GNYIS KYI YON TAN DANG NYES PA MO RTOGS PA'I PHYIR 'DU BYED RNAMS LA BDE BA DANG GTZANG BA DANG RTAG PA DANG BDAG TU MNGON PAR ZHEN PAS BYIS PA RNAMS SRID PA DANG LONGS SPYOD LA MNGON PAR DGA' ZHING MYA NGAN LAS 'DAS PAS SKRAG GO, ,YON TAN DANG NYES PA MA RTOGS PA DANG, BDE BA LA SOGS PA LA MNGON PAR ZHEN PA DE @270B YANG BDEN PA MTHONG NAS LDOG PAR 'GYUR TE, DE'I PHYIR 'KHOR BA LA SKYO BAR BYA BA'I DON DANG, MYA NGAN LAS 'DAS PA MNGON SUM DU BYA BA'I DON DU BDEN PA BZHI LA 'JUG PAR BYA BA'I PHYIR DRAN PA NYE BAR GZHAG PA BSGOM PA NYID THOG MAR BSHAD DO, ,LUS KYIS NI GNAS NGAN LEN RAB TU STON ZHES BYA BA LA, GNAS NGAN LEN NI NGAN PAR GNAS PA STE, 'DI LTAR NYIN GCIG BZHIN MNGON PAR 'DUS BYAS KYANG LUS 'GYUR BA NYID PAS LUS KYIS NI GNAS NGAN LEN RAB TU STON TO, ,DE'I PHYIR LUS LA YONGS SU BRTAGS PAS SDUG BSNGAL GYI BDEN PA LA 'JUG GO, , DE CI'I PHYIR ZHE NA, DE'I MTSAN NYID NI GNAS NGAN LEN DANG BCAS PA'I 'DU BYED YIN PA'I PHYIR RO ZHES BYA BA STE, 'DI LTAR SDUG BSNGAL GYI BDEN PA'I MTSAN NYID NGO BO NYID NI GNAS NGAN LEN DANG BCAS PA'I 'DU BYED RNAMS YIN LA, LUS KYIS KYANG GNAS NGAN LEN DU RAB TU STON PAS, DE'I PHYIR LUS LA YONGS SU BRTAGS PAS SDUG BSNGAL GYI BDEN PA LA 'JUG GO, ,GNAS NGAN LEN MI SHES PAS DE'I PHYIR, GNAS NGAN LEN NI 'DU BYED KYI SDUG BSNGAL NYID DE ZHES BYA BA SMOS SO, ,'DU BYED NI DNGOS PO RNAMS KYI SKYE BA'O, ,DE YANG GNOD PA THAMS CAD KYI GZHI YIN PAS GNAS NGAN LEN YIN LA, 'PHAGS PA RNAMS DANG MI MTHUN PA'I PHYIR SDUG BSNGAL NYID DE, JI SKAD DU, SKYE 'DI GNOD YIN PA SKYE BA YOD NA RGA DANG 'CHI BA DANG, ,NAD DANG PHONGS PA GSOD DANG 'CHING BA LA SOGS PA DGRA RNAMS YOD, ,GAL TE 'JIGS MAD SKYE BA MED GYUR GNOD PA DE DAG MED, ,SHING SKYES MED NA ME DANG RLUNG DANG NAGS MES 'GYEL MI 'GYUR, ,ZHES BYA BA LTA BU'O, ,DES ZHES BYA BA 'DI 'DU BYED KYI SDUG BSNGAL NYID KYIS SO, ,'GYUR BA'I SDUG BSNGAL DANG, SDUG BSNGAL GYI SDUG BSNGAL NYID GNYIS KYIS NI MA YIN TE, DE GNYIS KHYAB PA MA YIN PA DANG 'DU BYED KYI SDUG BSNGAL NYID RGYU YIN PA'I PHYIR RO, ,ZAG PA DANG BCAS PA'I DNGOS PO THAMS CAD 'PHAGS PAS SDUG BSNGAL DU GZIGS KYI ZAG PA MED PA NI MA YIN TE, LAM GYI BDEN PA NA CHE'I GNYEN PO YIN PA'I PHYIR RO, ,PHYIN CI LOG GI @271A *, ,BSAM PA NYAMS PA'I PHYIR SO SO'I SKYE BO RNAMS KYIS NI MA YIN NO, ,MDO'I SDE LAS KYANG MDOR NA NYE BAR LEN PA'I PHUNG PO LNGA NI SDUG BSNGAL LO ZHES GSUNGS SO, ,GZHAN DAG NA RE 'DU BYED KYI SDUG BSNGAL NYID NI LAS SU MI RUNG BA'O ZHES ZER RO, ,GZHAN NA RE LAS SU MI RUNG BA NI GNAS NGAN LEN MA YIN NO, ,CI'I PHYIR ZHE NA, LAS SU MI RUNG BA'I ZAG PA DANG BCAS PA'I PHYIR NGES PAR ZAG PA DANG BCAS PA NI SA BON GYI RGYU LAS BYUNG BAR KHAS BLANG DGOS NA, DE NI DGRA BCOM PA'I RGYUD LA SA BON MED KYANG RES 'GA' KHA ZAS DANG GNAS PA LA SOGS PA DRAGS PA LAS 'BYUNG NGO, ,DE NI ZAG PA MED PA YIN PA'I PHYIR GNAS NGAN LEN ZHES BYAR MI RUNG NGO ZHES ZER RO, ,DE BAS NA KUN GZHI RNAM PAR SHES PA LA ZAG PA DANG BCAS PA'I CHOS KYIS SA BON GNAS PA NI 'DIR GNAS NGAN LEN DU 'DOD DO, ,BDE BA DANG, SDUG BSNGAL DANG, SDUG BSNGAL BA YANG MA YIN BDE BA YANG MA YIN PA DANG LHAN CIG PA'I LUS 'DI NI DE'I 'BRAS BU'O, ,DE BAS NA BDE BA LA SOGS PA'I GNAS SKABS DANG LHAN CIG PA SKAD CIG RE RE LA 'BYUNG BA'I LUS KYI GNAS NGAN LEN DE RAB TU STON TE, SHES PAR BYED CES BYA BA'I THA TSIG GO, DPER NA MYU GUS G-YUL GYI SER GA'I NANG DU SONG BA'I SA BON MNGON PA LTA BU'O, ,DE'I PHYIR LUS LA YONGS SU BRTAGS PAS SDUG BSNGAL GYI BDEN PA LA 'JUG GO, ,'DIR RGYU SMOS PA, DE'I MTSAN NYID NI GNAS NGAN LEN DANG BCAS PA'I 'DU BYED YIN PA'I PHYIR RO ZHES BYA BA STE, SA BON DANG BCAS PA'I 'DU BYED KYI BDAG NYID YIN PA'I PHYIR RO ZHES BYA BA'I THA TSIG GO, ,'DU BYED KYI SDUG BSNGAL NYID NI 'GYUR BA DANG, SDUG BSNGAL GYI SDUG BSNGAL NYID NGAG GNAS NGAN LEN GNYIS KYI RJES SU SONG BA DANG, DE'I RGYU YIN PA'I PHYIR 'DU BYED KYI SDUG BSNGAL DU BSHAD DO, , DE BAS NA 'DU BYED KYI SDUG BSNGAL NYID KYIS ZAG PA DANG BCAS PA'I DNGOS PO THAMS CAD 'PHAGS PA RNAMS KYIS SDUG BSNGAL NYID DU GZIGS SO, ,DE LTAR NA LUS DRAN PA NYE BAR GZHAG PAS SDUG BSNGAL GYI BDEN PA LA 'JUG GO, ,SRED PA'I RGYU NI TSOR BA STE, ZHES BYA BA NI MA @271B RIG PA'I 'DUS TE REG PA LAS BYUNG BAR DGOS PA STE, ZAG PA MED PA NI DE'I RGYU MA YIN PA'I PHYIR RO, ,DE LA BDE BA'I TSOR BA NI DE DANG LDAN ZHING MI 'BRAL BAR SRED PA'I RGYU'O, ,SDUG BSNGAL NI DE DANG MI PHRAD PA DANG BRAL BAR SRED PA'I RGYU'O, SDUG BSNGAL YANG MA YIN BDE BA YANG MA YIN PA NI SNYOMS PAR 'JUG PA 'GA' ZHIG LA DE'I GNAS SKABS LA MNGON PAR DGA' BA'I SRED PA'I RGYU DANG, DE DANG PHRAD CING MI 'BRAL PAR SRED PA'I RGYU YIN NO, ,DE SDUG BSNGAL GYI TSOR BAS REG NA 'DOD PA'I BDE BA LA MNGON PAR DGA'O ZHES 'BYUNG BA'I PHYIR, SDUG BSNGAL BA'I TSOR BA YANG BDE BA LA SRED PA'I RGYUR 'GYUR TE, DE LA YONGS SU BRTAGS PAS KUN 'BYUNG BA'I BDEN PA LA 'JUG GO, ,DE LA TSOR BA RNAMS LA RANG BZHIN DANG 'BRAS BU DANG MI RTAG PA DANG SDUG BSNGAL BA NYID DU NYE BAR YONGS SU RTOG NA KUN 'BYUNG BA'I BDEN PA LA 'JUG STE, SRED PA NI DE'I 'BRAS BUR KHONG DU CHUD DO ZHES BYA BA'I THA TSIG GO, ,MDO SDE LAS SRED PA NI KUN 'BYUNG BA'I BDEN PAR GSUNGS TE, SDUG BSNGAL KUN 'BYUNG BA GANG ZHE NA, YANG 'BYUNG BA'I SRED PA DGA' BA'I 'DOD CHAGS DANG LDAN PA'O ZHES RGYA CHER 'BYUNG NGO, ,DE LTAR TSOR BA DRAN PA NYE BAR GZHAG PAS KUN 'BYUNG BA'I BDEN PA LA 'JUG GO, ,BDAG TU MNGON PAR ZHEN PA'I GZHI NI SEMS TE ZHES BYA BA LA, RTAG PA LA SOGS PA'I YON TAN KHYAD PAR CAN GYI BDAG GZHAN MED PAS NA BDAG TU MNGON PAR ZHEN PA'I DMIGS PA NI SEMS NYID DO, ,DE BAS NA DE YONGS SU BRTAGS PAS 'GOG PA'I BDEN PA LA ZHI BA NYID DU 'JUG STE, 'DIR RGYU SMOS PA, BDAG CHAD BAR DOGS PA'I 'JIGS PA MED PA'I PHYIR RO ZHES BYA BA STE, SEMS LA MI RTAG PA LA SOGS PAR YONGS SU BRTAGS PAS BDAG TU MNGON PAR ZHEN PA LDOG CING SDUG BSNGAL DU 'DU SHES 'BYUNG NGO, ,DE'I PHYIR BDAG CHAD PA'I 'JIGS PA MED PAS SDUG BSNGAL BA TZAM ZHIG GCOD PA'I PHYIR 'GOG PA'I BDEN PA LA ZHI BA NYID DU 'JUG STE, DE LTAR SEMS DRAN PA NYE BAR GZHAG PAS 'GOG PA'I BDEN PA LA 'JUG CES BYA'O, ,CHOS LA YONGS SU BRTAGS @272A *, ,PAS KUN NAS NYON MONGS PA DANG RNAM PAR BYANG BA'I CHOS LA RMONGS PA MED PA'I PHYIR LAM GYI BDEN PA LA 'JUG GO ZHES BYA BA DE LA KUN NAS NYON MONGS PA'I CHOS RNAMS NI NYON MONGS PA DANG NYE BA'I NYON MONGS PA RNAMS SO, ,RNAM PAR BYANG BA RNAMS NI NYE BA'I GNYEN POR GYUR PA RNAMS TE, MI SDUG PA DANG BYAMS PA LA SOGS PA'O, ,KUN NAS NYON MONGS PA DANG RNAM PAR BYANG BA DE RNAMS LA GNYEN PO DANG MI MTHUN PA'I PHYOGS KYI NGO BOR SHES NAS GNOD PA THAMS CAD GTAN DU SPANG BA'I THABS LAM GYI BDEN PA LA MNGON DU PHYOGS PAR 'GYUR TE, DE LTAR CHOS DRAN PA NYE BAR GZHAG PAS LAM GYI BDEN PA LA 'JUG GO, ,'JUG PA NI 'DIR BDEN PA SO SO LA BDEN PA'I MTSAN NYID DU RTOGS PA'O, ,DE LA LUS DRAN PA NYE BAR GZHAG PA BSGOM PA NI MI RTAG PA DANG, SDUG BSNGAL BA DANG, STONG PA DANG, BDAG MED PA DANG, MI GTZANG BA DU MA'I RDZAS KYI RANG BZHIN DANG, MI GTZANG BA'I SA BON DANG, MI GTZANG BA'I RGYU MTHUN PA DANG, MI GTZANG BA GNAS PA'I RGYU DANG, MI GTZANG BAR 'GYUR BA DANG, DBU BA RDOS PA BZHIN DU SNYING PO MED PA DANG, 'GRO BA DANG SKYE GNAS YIN PAR BSGOM MO, ,TSOR BA DANG SEMS DANG, CHOS DRAN PA NYE BAR GZHAG PA RNAMS BSGOM PA YANG MI RTAG PA DANG, SDUG BSNGAL BA DANG, STONG PA DANG, BDAG MED PA DANG, SPYI'I MTSAN NYID DANG, RANG GI MTSAN NYID DANG, RGYU DANG, 'BRAS BU DANG, KHAMS DANG, SA DANG, 'GRO BA DANG, DGE BA DANG, MI DGE BA DANG, LUNG DU MA BSTAN PA DANG, MI MTHUN PA'I PHYOGS DANG, GNYEN PO YIN PAR BSGOM MO, ,BYANG CHUB SEMS DPA' RNAMS KYI DRAN PA NYE BAR GZHAG PA BSGOM PA NI 'DI LTA BU YANG YIN LA RNAM PAR RTOG PA SPANGS PA'I PHYIR MI DMIGS PA'I RNAM PAR YANG BSGOM MO, ,DRAN PA NYE BAR GZHAG PA RNAMS SHES RAB KYI RANG BZHIN YIN DU ZIN KYANG DRAN PA NYE BAR GZHAG PA'I TSIG NI DRAN PA'I STOBS KYIS NYE BAR GNAS PA'I PHYIR RAM, 'DI DAG GIS DRAN PA NYE BAR GNAS PAS DRAN PA NYE BAR GZHAG PA ZHES BYA'O, ,DRAN PA NYE BAR GZHAG PA BSGOM PA'I 'OG TU YANG DAG PAR SPONG BA BSGOM PA BSHAD DE, DE CI'I @272B PHYIR ZHE NA, DE'I PHYIR 'DI LTAR, MI MTHUN PHYOGS DANG GNYEN PO RNAMS, ,RNAM PA THAMS CAD YONGS SHES NAS, ,ZHES RGYA CHER GSUNGS SO, ,DRAN PA NYE BAR GZHAG PA BSGOMS NAS ZHES KHYAD PAR MED PAR BRJOD KYANG CHOS DRAN PA NYE BAR GZHAG PA BSGOM PA NYID YIN PAR RIG PAR BYA'O,, KHAMS DANG SA'I SPANGS PA DANG, SPYI'I MTSAN NYID LA SOGS PA'I RNAM PA DANG, DE BZHIN DU ZAG PA DANG BCAS PA DANG, ZAG PA MED PA DANG, KHAMS DANG, SA DANG, SLOB PA DANG, MI SLOB PA LA SOGS PA'I BYE BRAG GIS MI MTHUN PA'I PHYOGS DANG GNYEN PO RNAM PA THAMS CAD DU YONGS SU SHES NA MI MTHUN PA'I PHYOGS GSAL BA NI 'DIR SKYES PA RNAMS KYI RGYUN CHAD PA DANG, MA SKYES PA RNAMS MI SKYED PA'O, ,GNYEN PO BSKYED PA'I PHYIR ZHES BYA BA LA, GNYEN PO BSKYED PA NI SKYES PA RNAMS KYI RGYUN GYIS RJES SU 'JUG PA DANG MA SKYES PA RNAMS SKYED PA'O, ,BRTZON 'GRUS RNAM PA BZHI RAB TU 'BYUNG ZHES BYANG NI MI MTHUN PA'I PHYOGS DANG GNYEN PO GNYIS SKYES PA DANG MA SKYES PA THA DAD PAS BRTZON 'GRUS RNAM PA BZHI 'BYUNG STE, SDIG PA MI DGE BA'I CHOS SKYES PA RNAMS SPANG BA'I PHYIR ZHE RGYA CHER 'BYUNG NGO ZHES BYA BA 'DIS NI LUNG GIS BRTZON 'GRUS NYID RNAM PA BZHI 'BYUNG BAR STON TO, ,RGYA CHER ZHES BYA BA NI TSIG LHAG MA DANG SBYAR BA'O, ,DE LA 'DI NI TSIG LHAG MA STE SDIG PA MI DGE BA'I CHOS SKYES PA RNAMS SPANGS PA'I PHYIR 'DUN PA SKYED DO, ,'BAD DO, ,BRTZON 'GRUS RTZOM MO, ,SEMS RAB TU 'DZIN TO, ,YANG DAG PAR RAB TU 'JOG GO ZHES BYA BA DANG, DE BZHIN DU SDIG PA MI DGE BA'I CHOS MA SKYES PA RNAMS MI BSKYED PA'I PHYIR 'DUN PA BSKYED DO ZHES RGYA CHER 'BYUNG BA'O, ,DE BZHIN DU DGE BA'I CHOS MA SKYES PA RNAMS BSKYED PA'I PHYIR 'DUN PA BSKYED DO ZHES RGYA CHER BYA'O, ,DGE BA'I CHOS SKYES PA RNAMS GNAS PA DANG PHYIR ZHING 'BYUNG BA DANG, YONGS SU RDZOGS PAR BYA BA'I PHYIR 'DUN PA BSKYED DO, ,'BAD DO, ,BRTZON 'GRUS BRTZAM MO, ,SEMS RAB TU 'DZIN TO, ,YANG DAG PAR RAB TU 'JOG GO ZHES BYA BA'O, ,SKYES PA RNAMS GNAS PA NI YONGS SU MI NYAMS PA'O, ,PHYIR ZHING 'BYUNG BA NI RGYUN DU SKYE BA'O, ,YONGS SU RDZOGS PAR BYA BA NI PHUL DU PHYIN PAR @273A *, ,'GYUR BA'O, ,'DUN PA SKYED CES BYA BA NI GUS PAR BRTZON 'GRUS BSGOM PA'I SBYOR BA STON TO, ,'BAD CES BYA BA NI LE LO SPANGS TE, LUS DANG SEMS MNGON DU BYED CES BYA BA'I THA TSIG GO, ,BRTZON 'GRUS RTZOM ZHES BYA BA NI BYING BA DANG RGOD PA BSAL BA'I PHYIR RO, ,JI LTAR RTZOM ZHE NA, YANG DAG PA SHES PAR BYA BA DANG, DGA' BAR BYA BA'I CHOS YID LA BYED PAS BYING BA'I SEMS RAB TU 'DZIN TO, ,SEMS RGOD PAR GYUR NA DMIGS PA DE NYID LA YANG DAG PAR RAB TU 'JOG STE, 'DZIN ZHES BYA BA'I THA TSIG GO, ,DE LTAR YANG DAG PAR SPONG BA RNAMS NI BRTZON 'GRUS KYI RANG BZHIN DU BSTAN PA YIN TE, 'DI RNAMS KYIS LUS DANG NGAG DANG YID YANG DAG PAR 'DZIN PAS NA YANG DAG PAR 'DZIN PA RNAMS SO, ,DER GNAS LAS SU RUNG BA NYID, ,CES RGYA CHER 'BYUNG BA LA DER ZHES BYA BA NI MI MTHUN PA'I PHYOGS BSAL BA'I PHYIR BRTZON 'GRUS RTZOM PA DE LA'O, ,SEMS GNAS PA'I LAS SU RUNG BA NYID NI DON THAMS CAD 'BYOR PAR NUS PA NYID DE LAS SU RUNG BA NYID DO, ,LAS SU RUNG BA DE YANG 'DUN PA DANG, BRTZON 'GRUS DANG, SEMS PA DANG, DPYOD PA'I DBANG GIS BYUNG BAS NA DE'I PHYIR, LAS SU RUNG BA NYID NI RDZU 'PHRUL GYI RKANG PA BZHI PO DAG STE ZHES BYA BA SMOS SO; ,MNGON PAR SHES PA LA SOGS PA DON THAMS CAD 'GRUB PAR BYED PA NI RDZU 'PHRUL LO, ,DE'I GNAS YIN PA'I PHYIR RDZU 'PHRUL GYI RKANG PA ZHES BYA STE, RGYU ZHES BYA BA'I THA TSIG GO, ,DE BAS NA DON THAMS CAD 'BYOR PA'I RGYU YIN PA'I PHYIR RO ZHES SMOS TE, DE DAG KYANG 'DUN PA'I TING NGE 'DZIN SPONG BA'I 'DU BYED DANG LDAN PA'I RDZU 'PHRUL GYI RKANG PA DANG, BRTZON 'GRUS KYI TING NGE 'DZIN SPONG BA'I 'DU BYED DANG LDAN PA'I RDZU 'PHRUL GYI RKANG PA DANG, SEMS KYI TING NGE 'DZIN SPONG BA'I 'DU BYED DANG LDAN PA'I RDZU 'PHRUL GYI RKANG PA DANG, DPYOD PA'I TING NGE 'DZIN SPONG BA'I 'DU BYED DANG LDAN PA'I RDZU 'PHRUL GYI RKANG PA ZHES BYA BA'O, ,DE LA 'DUN PA'I TING NGE 'DZIN NI GANG GI TSE 'DUN PA'I DBANG GIS BRTZON 'GRUS RTZOM PA LA GUS PAR 'JUG PA NA SEMS RTZE GCIG PA NYID LA REG PA'O, ,BRTZON 'GRUS KYI TING NGE 'DZIN NI GANG GI TSE BRTZON 'GRUS RTZOM PA NA RTAG PAR SBYOR BAS SEMS @273B RTZE GCIG PA NYID LA REG PA'O, ,SEMS KYI TING NGE 'DZIN NI GANG GI TSE SNGON GYI TING NGE 'DZIN GYI SA BON LA BRTEN NAS SEMS 'DZIN CING GANG SEMS RTZE GCIG PA NYID LA REG PA'O, ,DPYOD PA'I TING NGE 'DZIN NI GANG GI TSE DMIGS PA RAB TU RNAM PAR 'BYED PA NA SEMS RTZE GCIG PA NYID LA REG PA'O, , GNAS PA NI 'DIR SEMS GNAS PA STE, TING NGE 'DZIN DU RIG PAR BYA'O ZHES BYA BA LA, TING NGE 'DZIN SMOS PA NI 'DUS BYAS KYI MTSAN NYID LAS DBYE BA'I PHYIR RO, ,'DI LTAR BRTZON 'GRUS BRTZAMS PA NI SEMS LAS SU RUNG BA NYID RDZU 'PHRUL GYI RKANG PA BZHIR GYUR PA DE'I PHYIR YANG DAG PAR SPONG BA'I 'OG TU RDZU 'PHRUL GYI RKANG PA RNAMS BSTAN TO, ,LAS SU RANG BA DE YANG DGOS PA NI GANG, RGYU NI GANG ZHE NA DE'I PHYIR, NYES PA LNGA SPANG BA'I PHYIR 'DU BYED BSGOM PA'I RGYU LAS BYUNG BAR RIG PAR BYA'O ZHES BYA BA SMOS SO, ,NYES PA LNGA PO DE DAG MI SHES NAS, DE'I PHYIR, NYES PA LNGA PO DE DAG GANG ZHE NA ZHES DRIS PA DANG, DE DAG BSTAN PA'I PHYIR, LE LO DAG NI GDAMS NGAG RNAMS, ,BRJED DANG BYING DANG RGOD PA DANG, ,ZHES RGYA CHER GSUNGS SO, DE DAG NI NYES PA DRUG TU 'GYUR RO SNYAM PA LA, DE'I PHYIR, DE LA BYING BA DANG RGOD PA NI NYES PA GCIG TU BSDU'O ZHES BYA BA SMOS TE, DE'I PHYIR LNGAR 'GYUR RO, ,DE LA LE LO NI SBYOR BA'I TSE NA NYES PA STE, DES MI SBYOR BA'I PHYIR RO, ,BRTZON PA'I TSE GDAMS NGAG BRJED PA NI NYES PA STE, DES SEMS MNYAM PAR GZHAG PA MED PA'I PHYIR RO, ,MNYAM PAR GZHAG PA LA BYING BA DANG RGOD PA NI NYES PA STE, DES SEMS LAS SU RUNG BA MED PA'I PHYIR RO, ,BYING BA DANG RGOD PAR GYUR PA'I TSE MNGON PAR 'DU MI BYED PA NYES PA'O, ,MNGON PAR 'DU MI BYED PA NI BTANG SNYOMS TE, DES DE GNYIS RAB TU ZHI BAR MI BYED PA'I PHYIR RO, ,RAB TU ZHI BA'I TSE NI MNGON PAR 'DU BYED PA'O ZHES BYA BA NI NYES PA ZHES BYA BAR SNYEGS SO, ,MNGON PAR 'DU BYED PA NI SEMS PA'O, ,BYING BA DANG RGOD PA DANG BRAL BAS MNYAM PA NYID DU GYUR PA'I PHYIR RAB TU ZHI BA ZHES BYA'O, ,SPANG BAR BYA BA'I PHYIR 'DU BYED RNAMS NI SPONG BA'I 'DU BYED RNAMS SO, ,GANG SPANG BA'I PHYIR ZHE NA, BSHAD MA THAG PA'I NYES PA LNGA RNAMS SPANG BA'I PHYIR RO, ,GAL TE DE LTA NA DES DE DAG SPONG BA'I 'DU BYED BRGYAD JI LTAR RNAM @274A *, ,PAR GZHAG PA BRJOD DGOS SO, ,DE LA LE LO SPANG BA'I PHYIR BZHI STE, 'DUN PA DANG, RTZOL BA DANG, DAD PA DANG, SHIN TU SBYANGS PA'O, ,DE LA 'DUN PA NI 'DOD PA'O, ,RTZOL BA NI BRTZON 'GRUS SO, ,DAD PA NI MGON PAR YID CHES PA'O, ,SHIN TU SBYANGS PA NI LAS SU RUNG BA NYID DO, ,JI LTAR NA LE LO SPANG BA'I PHYIR DE DAG RNAM PAR GZHAG CE NA, DE'I PHYIR, DE DAG KYANG GO RIMS BZHIN DU RIG PAR BYA STE, GNAS DANG DE LA GNAS PA DANG, ,RGYU DANG 'BRAS BU NYID DU'O, ZHES BYA BA SMOS SO, ,DE DAG GCIG LAS GCIG 'BYUNG BAS NA LE LO SPONG BAR 'GYUR BA STON TO,, RTZOL BA'I GNAS NI 'DUN PA'O, ,GNAS PA NI RTZOL BA STE, 'DOD PA NI RTZOL BA'I SNGON DU 'GRO BA'I PHYIR RO, ,GNAS 'DUN PA'I RGYU NI DAD PA STE, JI LTA ZHE NA, DE'I PHYIR, YID CHES PAR GYUR NA 'DOD PA'I PHYIR RO ZHES BYA BA SMOS TE, RGYU DANG 'BRAS BU LA DAD PA DANG LDAN PA NI BYA BA LA 'DOD PAR 'GYUR RO, ,GNAS PA RTZOL BA DE'I 'BRAS BU NI SHIN TU SBYANGS PA STE, JI LTA ZHE NA DE'I PHYIR, BRTZON 'GRUS BRTZAMS NA TING NGE 'DZIN GYI KHYAD PAR THOB PA'I PHYIR RO ZHES BYA BA SMOS TE, TING NGE 'DZIN KHYAD PAR DU 'GRO BA NI SHIN TU SBYANGS PA'I RGYU'O, ,DE'I PHYIR, BRTZON 'GRUS BRTZAMS PA'I TING NGE 'DZIN KHYAD PAR DU 'GRO BAS SHIN TU SBYANGS PA NI RTZOL BA'I 'BRAS BUR BSHAD DO, ,DE LTAR BRTZON 'GRUS BRTZAMS PA GNAS NGAN LEN GYI RNAM PAR RTOG PA'I NYES PA DANG BRAL BAS DGA' BA SKYE'O, ,YID DGA' BAS LUS DANG SEMS GNYIS SHIN TU SBYANGS TE LAS SU RUNG BA NYID KYI MTSAN NYID DO, ,DE BAS NA TING NGE 'DZIN GYI KHYAD PAR THOB PA'I PHYIR ZHES BYA BA'O, ,'DIR NI BRTZON 'GRUS RGYU DANG BCAS SHING 'BRAS BU DANG BCAS PA LE LO'I GNYEN POR BSHAD DO, ,NYES PA BZHI'I GNYEN POR GRANGS BZHIN NO ZHES BYA BA DE LA, DRAN PA NI GDAMS NGAG BRJED PA'I GNYEN PO'O, ,SHES BZHIN NI BYING BA DANG RGOD PA'I GNYEN PO'O, ,SEMS PA NI MNGON PAR 'DU MI BYED PA'I GNYEN PO'O, ,BTANG SNYOMS NI MNGON PAR 'DU BYED PA'I GNYEN PO STE, 'DIR 'DU BYED KYI BTANG SNYOMS SU SHES PAR BYA'O, ,DRAN PA LA SOGS PA'I MTSAN NYID BRJOD PAR 'DOD PA'I PHYIR, DE DAG KYANG NGAN PA @274B LA SOGS PA RIG PAR BYA STE GO RIMS BZHIN ZHES BYA BA 'DI SMOS SO, ,DRAN PA NI DMIGS PA MA BRJED PA'O ZHES RGYA CHER 'BYUNG BA LA, DRAN PA NI DMIGS PA MA BRJED PA'O ZHES BYA BA NI SEMS GNAS PAR BYA BA'I GDAMS NGAG YID KYIS BRJOD CES BYA BA'I THA TSIG GO, ,SHES BZHIN NI DRAN PA MA BRJED PAR GYUR NA BYING BA DANG RGOD PA RTOGS PA'O ZHES BYA BA NI DRAN PA NYE BAR GNAS PA SHES BZHIN DANG LDAN PAR 'GYUR RO, ,DE'I PHYIR DRAN PA MA BRJED PAR GYUR NA ZHES BYA BA SMOS TE, BYING BA DANG RGOD PA RTOGS NAS ZHI GNAS DANG LHAG MTHONG GNYIS ZUNG DU 'BREL PAR 'JUG PA'I PHYAR BSGRIM MI DGOS PAR 'JUG GO ZHES BYA BA'I THA TSIG GO, ,BTANG SNYOMS ZHES BYA BA NI YUL GZHAN LA MNGON PAR 'DU MI BYED CES BYA BA'I THA TSIG STE, DE NI 'DI SKAD DU GDAMS NGAG LA DRAN PA SHIN TU NYE BAR GNAS PA NI BYING BA DANG RGOD PA'I SEMS YANG DAG PA JI LTAR BA BZHIN DU SHES SHING, BYING BA DANG RGOD PA DANG 'BRAL BA'I PHYIR DE MNGON PAR 'DU BYED LA, BYING BA DANG RGOD PA DANG 'BRAL NA YANG BTANG SNYOMS SU BYED DO ZHES BSTAN PAR 'GYUR RO, ,DE LTAR NA DE'I SEMS RNAL DU 'JUG PA LAS SU RUNG BA NYID YIN NO, ,RDZU 'PHRUL GYI RKANG PA'I 'OG TU DBANG PO LNGA RNAMS TE, DAD PA LA SOGS PA'O ZHES BYA BA NI BSTAN ZHES BYA BAR SBYAR RO, ,DE DAG JI LTAR RNAM PAR GZHAG CE NA ZHES BYA BA NI GANG GI PHYIR ZHES DGONGS PA'O, ,DE'I PHYIR, THAR PA'I CHA DANG MTHUN BSKYED NA, ,'DUN DANG SBYOR BA DBANG BYED DO, ,ZHES RGYA CHER GSUNGS SO, ,DBANG BYED PA ZHES BYA BAR SNYEGS SO ZHES BYA BA 'DIS NI 'DUN PA DANG SBYOR BA DBANG BYED CES BYA BA'I SGRA 'DIR SMOS PA 'OG MA RNAMS LA YANG SNYEGS SO ZHES STON TO, ,RDZU 'PHRUL GYI RKANG PA RNAMS KYIS SEMS LAS SU RUNG BA THAR PA'I CHA DANG MTHUN PA'I DGE BA'I RTZA BA BSKYED NAS ZHES BYA BA NI SEMS LAS SU RUNG BA SEMS KYI RGYUD LA THAR PA'I CHA DANG MTHUN PA'I DGE BA'I RTZA BA RAB TU 'JOG PA 'THOB STE, 'DUN PA NI DBANG BYED PA NAS RAB TU RNAM PAR 'BYED PA NI DBANG BYED PA'I BAR DU 'GYUR GYI, SEMS LAS SU MI RUNG BA LA NI MA YIN NO, ,SEMS LAS SU RUNG BA NYID DE YANG RDZU 'PHRUL GYI RKANG PA RNAMS KYIS 'GYUR RO, , @275A *, ,DE BAS NA RDZU 'PHRUL GYI RKANG PA'I 'OG TU THAR PA'I CHA DANG MTHUN PA'I DGE BA'I RTZA BA BSKYED PA LA DBANG BYED PAS DAD PA LA SOGS PA DBANG PO LNGA RNAMS RNAM PAR GZHAG GO, ,'DUN PA NI DBANG BYED ZHES BYA BA NI RGYU LA 'BRAS BU BTAGS NAS DAD PA NYID LA 'DIR 'DUN PA'I SGRAR BSHAD DE, DPER NA ZHO DANG GA GON LA 'PHRAL DU RIMS ZHES BYA BA LTA BU'O, ,YANG NA YOD PA NYID DANG YON TAN CAN DANG NUS PA RNAMS LA GO RIMS BZHIN DU MNGON PAR YID CHES PA DANG, DANG BA DANG 'DOD PA RNAMS NI DAD PA'I MTSAN NYID DO, ,DE BAS NA 'DUN PA SMOS PAS 'DIR 'DOD PA'I MTSAN NYID DAD PA SMOS PAR 'GYUR GYI 'DUN PA NI MA YIN NO, ,SBYOR BA NI DBANG BYED PA ZHES BYA BA NI 'DIS SBYOR BAR BYED PAS NA SBYOR BA STE, SBYOR BA'I SGRA NI BRTZON 'GRUS LA BYA BAR DGONGS PA'O, ,DMIGS PA MI BRJED PA NI DBANG BYED PA ZHES BYA BA NI DRAN PA'I DBANG PO DBANG BYED PA STE, DMIGS PA GSAL BA'I MTSAN NYID NI DRAN PA'I DBANG PO'O, ,MI 'PHRO BA NI DBANG BYED PA ZHES BYA BA NI TING NGE 'DZIN GYI DBANG PO DBANG BYED PA STE, SEMS RTZE GCIG PA'I MTSAN NYID YIN PAS MI 'PHRO BA NI TING NGE 'DZIN GYI DBANG PO'O, ,RAB TU RNAM PAR 'BYED PA NI DBANG BYED PA ZHES BYA BA NI SHES RAB KYI DBANG PO DBANG BYED PA STE, SHES RAB KYI DBANG PO CHOS RNAM PAR 'BYED PA'I BDAG NYID YIN PA'I PHYIR RO, ,KYANG ZHES BYA BA'I SGRA NI THAR PA'I CHA DANG MTHUN PA'I DGE BA'I RTZA BA BSKYED PA LA DBANG BYED PAS DAD PA LA SOGS PA DBANG PO DAG DANG GO RIMS BZHIN DU RIG PAR BYA'O ZHES BYA BAR STON TO, ,DAD PAR GYUR PA NI 'KHOR BA'I BTZON RA NAS 'BYUNG BAR 'GYUR BAS DE'I PHYIR BRTZON 'GRUS RTZOM MO, ,BRTZON 'GRUS BRTZAMS PA BSLAB PA GSUM SGRUB STE, DRAN PA DANG TING NGE 'DZIN DANG SHES RAB KYI DBANG PO RNAMS GO RIMS BZHIN NO, ,DE LTAR MTHONG BA'I LAM LA SBYOR BA'I SA LA DBANG PO DI RNAMS GTZO BOR 'DOD DO, ,GZHAN DAG NA RE THAR PA'I CHA DANG MTHUN PA'I DGE BA'I RTZA BA BSKYED PA LA DBANG BYED PA LA DAD PA LA SOGS PA'I DBANG PO ZHES MI BYA'O, ,THAR PA'I CHA DANG MTHUN PA'I DGE BA'I RTZA BA BSKYED NAS 'DUN PA LA SOGS PA LA DBANG BYED PAS NA @275B 'DI DAG DBANG PO ZHES BYA'O, ,DE NYID BSTAN PA'I PHYIR 'DUN PA NI DBANG BYED PA ZHES BYA BA SMOS TE, DAD PA'I DBANG PO ZHES BYA BA DANG SBYAR RO, ,SBYOR BA NI BYED PA'O, ,MI BRJED PA NI DMIGS PA CHUD MI ZA BA'O, ,'PHRO BA MED PAS NA MI 'PHRO BA'O, RAB TU RNAM PAR 'BYED PAS NA RAB TU RNAM PAR 'BYED PA'O, ,SBYOR BA DANG MI BRJED PA DANG MI 'PHRO BA DANG RAB TU RNAM PAR 'BYED PA DE DAG LA BRTZON 'GRUS DANG DRAN PA DANG TING NGE 'DZIN DANG SHES RAB CES BYA BA'I SEMS LAS BYUNG BA RNAMS DBANG BAS NA, DBANG PO RNAMS ZHES BYA BAR GYUR ZHES ZER RO, ,'DIR NI JI SKAD DU BSHAD PAR BYA STE, THAR PA'I CHA DANG MTHUN PA'I DGE BA'I RTZA BA BSKYED PA DANG MA BSKYED PA GNYIS KYI DUS NA 'DUN PA LA SOGS PA DBANG BYED PA DANG, DAD PA LA SOGS PA RANG BZHIN DU BYE BRAG TU GYUR PA GANG YANG MED DE, 'DI LTAR DE'I DUS NA DBANG BYED PAS DE DAG DBANG POR RNAM PAR GZHAG GO, ,DAD PA LA SOGS PA DE DAG NYID STOBS DANG LDAN PAR GYUR PA LA STOBS RNAMS ZHES BYA STE, DBANG PO'I 'OG TU BSHAD PA'I PHYIR RO, ,DE DAG STOBS LDAN JI LTA BU ZHE NA, DE'I PHYIR, MI MTHUN PHYOGS NI BSRABS PA'I PHYIR, ,ZHES BYA BA GSUNGS TE, MI MTHUN PA'I PHYOGS SRAB MOR GYUR PA'I PHYIR RO, ,DE NYID BSTAN PA'I PHYIR, GANG GI TSE DE DAG NYID CES BYA BA SMOS TE, DAD PA LA SOGS PA'I DBANG PO RNAMS SO, ,MA DAD PA LA SOGS PA MI MTHUN PA'I PHYOGS RNAMS ZHES BYA BA NI MA DAD PA DANG LE LO DANG BRJED PA DANG G-YENG BA DANG SHES BZHIN MED PA RNAMS SO,, MI MTHUN PA'I PHYOGS RNAMS DANG, DAD PA LA SOGS PA MI 'DRE BA NI RAB TU SRAB PA'I PHYIR TE, SKABS SKABS SU KUN DU 'BYUNG BA MED PAS NA SKABS MI THOD CES BYA BA'I THA TSIG GO, ,DE'I TSE NA STOBS RNAMS ZHES BYA'O, ,DE'I TSE NA NI DE DAG GIS MI MTHUN PA'I PHYOGS MA BSRABS PAS DBANG PO DE DAG MI MTHUN PA'I PHYIR RNAMS DANG 'DRE'O, ,GAL TE MI MTHUN PA'I PHYOGS RNAMS MA THUL BAR DBANG PO RNAMS ZHES BYA NA, ,JI LTAR MKHAS PA'I DE KHO NA NYID LAS 'JIG RTEN PA'I RNAM PAR DAG PA'I DBANG GIS DAD PA LA SOGS PA'I DBANG POR BSHAD CE NA, DER NI DBANG PO @276A *, ,RNAMS LA BYE BRAG MED PAR DGONGS PA'O, ,'DIR NI NGES PAR 'BYED PA'I CHA DANG MTHUN PA'I DGE BA'I RTZA BA'I BYE BRAG BSTAN PA'I PHYIR BYE BRAG YOD DE, DE BAS NA 'GAL BA MED DO, ,DE'I PHYIR, 'DIR DBANG PO DE DAG NYID STOBS RNAMS ZHES BYA BA SMOS SO, ,DAD PAR GYUR PA DE RGYU DANG 'BRAS BU LA BRTZON 'GRUS RTZOM STE, 'BRAS BU 'DI NYID KYI RGYU NI 'DI'O, ,RGYU 'DI NYID KYI 'BRAS BU NI 'DI'O ZHES DE LTAR DAD PAR GYUR PA NI 'BRAS BU LA DAD PAS DE'I RGYU LA BRTZAN 'GRUS RTZOM MO, ,BRTZON 'GRUS BRTZOMS PA NI DRAN PA NYE BAR GNAS SO, ,DRAN PA NYE BAR GNAS PA NI G-YENG BA MED PA'I PHYIR SEMS MNYAM PAR 'JOG STE, RTZE GCIG PAR 'GYUR RO, ,SEMS MNYAM PAR GZHAG PA NI YANG DAG PA JI LTA BA BZHIN DU RAB TU SHES TE, TING NGE 'DZIN GYIS RJES SU BZUNG BA'I SHES RAB NI GSAL BAR 'GYUR RO, ,THAR PA'I CHA DANG MTHUN PA BSKYED ZIN PA LA DBANG PO RNAMS BSTAN NA THAR PA'I CHA DANG MTHUN PA'I 'OG TU NI NGES PAR 'BYED PA'I CHA DANG MTHUN PA RNAMS DANG DBANG PO RNAMS KYI 'OG TU NI STOBS RNAMS BSTAN NA DE'I PHYIR, NGES PAR 'BYED PA'I CHA DANG MTHUN PA RNAMS KYI DBANG PO'I DUS NA RIG PAR BYA BA 'AM, 'ON TE STOBS KYI DUS LA RIG PAR BYA, DE BZHIN DU NGES PAR 'BYED PA'I CHA DANG MTHUN PA RNAMS KYI DBANG PO DANG STOBS KYI RANG BZHIN NAM, 'ON TE DE LAS GZHAN PA'I RANG BZHIN YIN PA BRJOD DGOS TE, DE'I PHYIR, DBANG PO RNAMS DANG STOBS RNAMS LA, ,NGES 'BYED CHA MTHUN GNYIS GNYIS SO, ,ZHES BYA BA GSUNGS SO, , YANG NA JI LTAR THAR PA'I CHA DANG MTHUN PA RNAMS GNYEN PO RNAMS BSGOMS NAS RAB TU PHYE BA 'AM, DAD PA LA SOGS PAS RAB TU PHYE BAR GYUR PA DE LTAR NGES PAR 'BYED PA'I CHA DANG MTHUN PA RNAMS KYANG NGO, ,DE'I PHYIR THAR PA'I CHA DANG MTHUN PA BSKYED ZIN NAS DBANG PO RNAMS BSTAN NA ZHES BYA BYA RGYA CHER SMOS SO, ,DE'I PHYIR, NGES 'BYED CHA MTHUN GNYIS GNYIS SO, ,ZHES BYA BA THAMS CAD GSUNGS SO, ,DRO BAR GYUR PA RNAMS DANG RTZE MO DAG GI TSE NI DBANG PO RNAMS SO, ,DGE BA'I RTZA BA DE DAG CHUNG BA'I PHYIR TE, DE DAG RNAMS SU MI RIGS PAS DE DAG DBANG PO NYID DO, ,BZOD @276B NGA DAG DANG 'JIG RTEN PA'I CHOS KYI MCHOG RNAMS KYI TSE NI STOBS RNAMS SO ZHES BYA BA NI DE DAG CHE BA'I PHYIR TE, BZOD PA DANG 'JIG RTEN PA'I CHOS KYI MCHOG DE DAG NI DBANG PO RNAMS SU MI RIGS KYI STOBS RNAMS NYID DO, ,CHUNG NGU DANG 'BRING PO DANG CHEN PO'I BYE BRAG GIS DANG BA LA SOGS PA NI RNAM PA GSUM MO, ,DE LA CHUNG NGU DANG 'BRING PO DAG NI DBANG PO RNAMS SO, ,CHEN PO DAG NI STOBS RNAMS SO, ,CHUNG NGU GANG YIN PA DAG NI DRO BAR GYUR PA RNAMS SO, ,'BRING PO DAG NI RTZE MO RNAMS SO, ,CHEN PO LA YANG BZHIR DBYE STE, DE LA CHUNG NGU DANG 'BRING PO DANG CHEN PO RNAMS NI BZOD PA CHUNG NGU DANG 'BRING PO DANG CHEN PO DAG GO RIMS BZHIN NO, ,CHEN PO'I YANG CHEN PO DAG NI 'JIG RTEN PA'I CHOS KYI MCHOG RNAMS SO, ,NGES PAR 'BYED PA'I CHA DANG MTHUN PA 'DI DAG THAMS CAD NI TING NGE 'DZIN DANG SHES RAB KYI RANG BZHIN TE, MTSUNGS PAR LDAN PA DANG BCAS PA RNAMS SO, , DE LA DRO BA'I RNAM PA NI DRO BAR GYUR PA STE, DPER NA GTZUB SHING GTZUBS PA LAS SHING TSIG PAR NUS PA'I ME'I MTSAN MA THOG MAR BYUNG BA NI DRO BAR 'BYUNG BA'O, ,DE BZHIN DU 'PHAGS PA'I LAM GYI MES NYON MONGS PA THAMS CAD KYI SHING SREG PAR NUS PA'I THOG MA'I RANG BZHIN YIN PAS DRO BAR GYUR PA ZHES BYA'O, ,DGE BA'I RTZA BA G-YO BA RNAMS LAS RTZE MOR PHYIN PAS NA RTZE MO'O, ,BDEN PA'I DON LA RAB TU BZOD PAS NA BZOD PA'O, ,ZAG PA DANG BCAS PA YANG YIN LA, ZAG PA DANG BCAS PA'I CHOS GZHAN PAS DAM PA YIN PAS NA 'JIG RTEN PA'I CHOS KYI MCHOG RNAMS ZHES BYA'O, ,DE MA THAG TU MTHONG BA'I LAM SKYE BAS NA DE DAG MCHOG CES BYA STE, DE DAG NI SKAD CIG PA'O, ,NGES PAR 'BYED PA'I CHA DANG MTHUN PA LHAG MA RNAMS NI RGYUN CAN NO, ,DE LA THAR PA'I CHA DANG MTHUN PA'I DGE BA'I RTZA BA NI 'KHOR BAR RAB TU SKYE BA'I MTHU 'JOMS PA'I TSUL DU RIG PAR BYA'O, ,NGES PAR 'BYED PA'I CHA DANG MTHUN PA'I ZAG PA MED PA'I CHOS 'BYUNG BA'I MTHU SKYED PA'I TSUL DU RIG PAR BYA STE, CHOS KYI MCHOG GI 'OG TU MTHONG BA'I LAM 'BYUNG BA'I PHYIR RO, ,DE YANG BYANG CHUB KYI YAN LAG GIS RAB TU PHYE BA'I PHYIR STOBS KYI 'OG TU BYANG CHUB KYI YAN LAG @277A *, ,RNAMS BSHAD DO, ,DE DAG JI LTAR RNAM PAR GZHAG CE NA ZHES BYA BA NI CI'I PHYIR RNAM PAR GZHAG CES BYA BAR DGONGS PA'O, ,DE'I PHYIR, RANG BZHIN YAN LAG GNAS YAN LAG ,CES RGYA CHER GSUNGS SO, ,MA BLONG BA'I LAM LA BYANG CHUB KYI YAN LAG TU GYUR PA DAG NI BYANG CHUB KYI YAN LAG RNAMS SO ZHES BYA BA NI DE KHO NA NYID MA MTHONG BA LAS DE THOG MA NYID DU MTHONG BA'I PHYIR MTHONG BA'O, ,'PHAGS PA'I SAR PHYIN PAR BYED PA'I PHYIR LAM ZHES BYA BA STE, DE'I PHYIR MTHONG BA'I LAM ZHES BYA BA'O, ,NGES PAR 'BYED PA'I CHA DANG MTHUN PA'I TSE NA NI DAR LAS CHOD PA LTA BUR BDEN PA RNAMS RTOGS SO, ,MTHONG BA'I LAM GYI TSE NA NI DE BSAL BA LTA BUR RTOGS SO, ,DE LA DE KHO NA MNGON PAR RDZOGS PAR BYANG CHUB BA NI RNAM PAR MI RTOG PA'I YE SHES SO, ,DE LA DRAN PA LA SOGS PA DRUG NI BYANG CHUB DANG MTHUN PA'I PHYIR DE'I YAN LAG RNAMS SO, ,CHOS RNAM PAR 'BYED PA NI RTOGS PA'I BDAG NYID PAS NA BYANG CHUB STE, DE DAG GIS GROGS SU GYUR PAS CHA YAN LAG GO, ,GZHAN NA RE BAR CHAD MED PA'I LAM DU GTOGS PA'I CHOS RAB TU RNAM PAR 'BYED PA NI BYANG CHUB KYI YAN LAG GO, ,RNAM PAR GROL BA'I LAM DU GTOGS PA NI BYANG CHUB CES BYA'O ZHES ZER RO, ,DE LA DRAN PA NI BYANG CHUB KYI GNAS KYI YAN LAG STE, DRAN PA'I STOBS KYIS DMIGS PA DE LAS MI G-YENG BA'I PHYIR RO, ,CHOS RNAM PAR 'BYED PA NI RANG BZHIN GYI YAN LAG STE, BYANG CHUB KYI NGO BO NYID YIN PA'I PHYIR RO, ,BRTZON 'GRUS NI NGES PAR 'BYUNG BA'I YAN LAG STE, BRTZON 'GRUS KYIS SO SO'I SKYE BO'I SA LAS SHIN TU 'DA' BA'I PHYIR RO, ,DGA' BA NI PHAN YON GYI YAN LAG STE, DES LUS DANG SEMS LA PHAN 'DOGS PA'I PHYIR RO, ,RNAM PA GSUM NI KUN NAS NYON MONGS PA MED PA'I YAN LAG STE, SHIN TU SBYANGS PA DANG TING NGE 'DZIN DANG BTANG SNYOMS SO, ,DE DAG NI KUN NAS NYON MONGS PA'I GNYEN POR GYUR PA'I PHYIR RO, ,YANG NA NYON MONGS PA MED PA'I GZHI DANG, GNAS DANG, NGO BO NYID THA DAD PA'I PHYIR RO, ,CI'I PHYIR KUN NAS NYON MONGS PA MED PA'I YAN LAG RNAM PA GSUM BSTAN ZHE NA ZHES BYA BA NI CI'I PHYIR RNAM PA GSUM @277B DU BSHAD SNYAM DU BSAMS PA STE, DE'I PHYIR, 'DI LA GZHI DANG GNAS DANG NI, ,NGO BO NYID DU BSTAN PA YIN, ,ZHES GSUNGS SO, ,SHIN TU SBYANGS PA NI KUN NAS NYON MONGS PA MED PA'I GZHI STE, KUN NAS NYON MONGS PA MED PA NI RNAM PAR DAG PA'O, ,GZHI NI RGYU YIN NO, ,JI LTAR GZHI ZHES BYA ZHE NA, DE'I PHYIR, KUN NAS NYON MONGS PA NI GNAS NGAN LEN GYI RGYU LAS BYUNG BA'I PHYIR DE NI DE'I GNYEN PO YIN PA'I PHYIR RO ZHES BYA BA SMOS SO, ,DE NI 'DI SKAD DU KUN NAS NYON MONGS PA'I GZHI'I GNYEN POR GYUR PA'I PHYIR KUN NAS NYON MONGS PA MED PA'I GZHI YIN NO ZHES BSTAN PAR 'GYUR RO, ,LUS DANG SEMS LAS SU MI RUNG BA NYID NI GNAS NGAN LEN ZHES BYA STE, DE YOD NA SEMS RTZE GCIG PA MED PA'I PHYIR SEMS G-YENGS PAR 'GYUR RO, ,SEMS G-YENGS PA LA 'DOD CHAGS LA SOGS PA KUN NAS NYON MONGS PA RNAMS 'BYUNG STE, DE LTAR GNAS PA NA LEN NI KUN NAS NYON MONGS PA'I RGYU YIN NO, ,GNAS NGAN LEN DE'I GNYEN PO NI SHIN TU SBYANGS PA'O, ,JI LTAR ZHE NA, SHIN TU SBYANGS PAS NA LUS DANG SEMS GNYIS LAS SU RUNG BAR 'GYUR TE, DE LTAR NA SHIN TU SBYANGS PA NI KUN NAS NYON MONGS PA MED PA'I GZHIR RNAM PAR GZHAG GO, ,TING NGE 'DZIN NI GNAS SO ZHES BYA BA NI LUS DANG SEMS GNYIS SHIN TU SBYANGS PAS RJES SU BZUNG BAS NA SEMS MNYAM PAR 'JOG GO, ,SEMS MNYAM PAR GZHAG NA YANG DAG PA JI LTA BA BZHIN DU RAB TU SHES SO, ,YANG DAG PA JI LTA BA BZHIN DU MTHONG BAS NYON MONGS PA RNAMS SPONG STE, DE LTAR KUN NAS NYON MONGS PA MED PA'I GNAS NI TING NGE 'DZIN TO, ,BTANG SNYOMS NI NGO BO NYID DO ZHES BYA BA NI GNAS PA KUN NAS NYON MONGS PAR GYUR PA DANG MTHUN PA'I SEMS MI MNYAM PA DANG, SEMS RNAL DU MI 'JUG PA DANG, SEMS RTZOL BA DANG BCAS PA'I GNYEN PO YIN PA'I PHYIR RO, ,DE LTAR NA BTANG SNYOMS NI KUN NAS NYON MONGS PA MED PA'I NGO BO NYID DO, ,GZHAN NA DE SPONG BA'I LAM RNAMS KYIS MTHONG BAS SPANG BAR BYA BA'I NYON MONGS PA RNAMS SPANGS PAS NYON MONGS PA'I RJES SU 'CHING BA DANG BRAL BA'I NGO BO NYID KYIS RNAM PAR DAG PA'I RNAM PAR GROL BA'I @278A *, ,LAM DU GTOGS PA'I SHES RAB SHES BYA LA NGES PA SKYE BA DE 'DIR BTANG SNYOMS ZHES BYA STE, DGOS PA BYAS PA'I PHYIR ZAD PA LA ZAD DO SNYAM DU BTANG SNYOMS SU BYED PA'I PHYIR RO ZHE'O, ,BYANG CHUB KYI YAN LAG GI 'OG TU LAM GYI YAN LAG RNAMS TE, DE DAG JI LTAR RNAM PAR GZHAG CE NA ZHES BYA BA NI MTHONG BA'I LAM GYI 'OG TU BSGOM PA'I LAM STE, DE LA LAM GYI YAN LAG RNAMS ZHES BYA'O, ,DE'I PHYIR BYANG CHUB KYI YAN LAG GI 'OG TU LAM GYI YAN LAG RNAMS BRJOD DO, ,DE DAG GANG GI DON DU RNAM PAR GZHAG CE NA, DE'I PHYIR, YONGS SU GCOD DANG GO BYED DANG, ,ZHES RGYA CHER GSUNGS SO, ,MI MTHUN PA'I PHYOGS LOG PAR LTA BA NAS MI MTHUN PA'I PHYOGS LOG PA'I TING NGE 'DZIN GYI BAR GYIS YANG DAG PAR LTA BA LA SOGS PA LAM GYI YAN LAG BRGYAD PO DAG GO RIMS BZHIN DU RNAM PAR GZHAG GO, ,YANG DE DAG GI GO RIMS NI BYED PA'I RIM GYIS TE, BSGOM PA'I LAM ZHES RGYA CHER 'BYUNG BA'O, ,BRTEN PAR BSGOM PAS BSGOM PAR BYA BA YIN PAS NA BSGOM PA'I LAM MO, ,BSGOM PA'I LAM DE LA MTHONG BA'I LAM THOB PAR BSGOM PAS BSGOM PA YONGS SU GCOD PA'I YAN LAG NI YANG DAG PA'I LTA BA'O, ,'JIG RTEN PA ZHES BYA BA NI RNAM PAR RTOG PA DANG BCAS PA'I PHYIR 'JIG RTEN PA'I I'O, ,DE 'BYUNG BA'I MTHU RNYED PAS LAM LA MNYAM PAR GZHAG NA YANG DE RNAM PAR GZHAG GO, ,'JIG RTEN LAS 'DAS PA NI RNAM PAR MI RTOG PA'O, ,RNAM PAR MI RTOG PAR GYUR KYANG YANG DAG PAR LTA BA'I GNAS SU GYUR PAS NA, YANG DAG PAR LTA BA ZHES BYA'O, ,DE'I PHYIR 'JIG RTEN LAS 'DAS PA'I RJES LAS THOB PA ZHES SMOS TE, 'JIG RTEN LAS 'DAS PA MTHONG BA'I LAM GYI RJES LAS THOB PA NI SKYES ZHES BYA BA'I THA TSIG GO, ,DE'I YUL GANG ZHE NA, DE'I PHYIR DES RANG GIS RTOGS PA ZHES BYA BA SMOS SO, ,MTHONG BA'I LAM GYIS RTOGS PA LA BDAG GIS 'DI LTA BU RTOGS SO ZHES YONGS SU GCOD PA STE, MTHONG BA'I LAM GYI YUL YIN PAS NA YANG DAG PAR LTA BA ZHES BYA'O, ,GZHAN GO BAR BYED PA'I YAN LAG CES BYA BA RGYA CHER 'BYUNG BA NI YANG @278B DAG PA'I LTA BA DES YONGS SU BCAD PA'I DE KHO NA YANG DAG PA'I DAG DANG, YANG DAG PA'I RTOG PAS GZHAN LA GO BAR BYED PA'I PHYIR, YANG DAG PA'I RTOG PA DANG YANG DAG PA'I NGAG NI GZHAN YID CHES PAR BYED PA'I YAN LAG STE, DE'I PHYIR, KUN NAS SLONG BA DANG BCAS PA'I NGAG GIS DE GO BAR BYED PA'I PHYIR RO ZHES BYA BA SMOS SO, ,YANG DAG PA'I RTOG PA NI NGAG KUN NAS SLONG BA STE, MA BRTAGS MA DPYAD PAR TSIG MI SMRA'O ZHES MDO LAS GSUNGS PA'I PHYIR RO, ,DE 'BYUNG BA'I MTHU RNYED PA'I PHYIR MNYAM PAR GZHAG PA NA YANG DE GNYIS DANG LDAN PAR RIG PAR BYA'I, MNYAM PAR GZHAG PA NA YANG DAG PAR RTOG PAR BYED PA 'AM SMRA BA NI MA YIN NO, ,GZHAN YID CHES PAR BYED PA'I YAN LAG NI RNAM PA GSUM STE, YANG DAG PA'I NGAG DANG LAS KYI MTHA' DANG LAS KYI 'TSO BA'O, ,JI LTA ZHE NA DE'I PHYIR, DE DAG GO RIMS BZHIN DU, LTA DANG TSUL KHRIMS YOD BYAD BSNYUNGS, ,GZHAN LA RNAM PAR RIG BYED 'DOD, ,CES BYA BA SMOS TE, YANG DAG PA'I NGAG DANG LAS KYI MTHA' DANG 'TSO BA DANG GO RIMS BZHIN NO, ,YANG DAG PA'I NGAG GIS ZHES RGYA CHER 'BYUNG BA LA, ,BSNYAD PA ZHES BYA BA NI CHOS BSTAN PA'O, ,'BREL BA'I GTAM RNAM PAR NGES PAS ZHES BYA BA NI, MNGON PAR RTOGS PA LAS BRTZAMS NAS GZHAN DAG LA RGOL ZHING LAN 'DEBS PA STE, BSNYAD PA DANG 'BREL BA'I GTAM RNAM PAR NGES PA 'DIS NI 'DI LTAR 'DI THOGS PA MED PA DANG, DON SHIN TU GTAN LA PHAB PA DANG 'GAL BA MED PA DANG DON GSAL BA BRJOD PA LAS NA 'DIS DE KHO NA NGES PAR RTOGS SO ZHES SHES RAB LA GZHAN DAG YID CHES PAR 'GYUR RO, ,YANG DAG PA'I LAS KYI MTHA' NI TSUL KHRIMS LA STE ZHES BYA BA NI YID CHES PAR 'GYUR RO ZHES BYA BAR SBYAR RO, ,JI LTA ZHE NA DE'I PHYIR, BYA BA MA YIN PA MI BYED PA'I PHYIR RO ZHES BYA BA SMOS SO, , YANG DAG PA'I LAS KYI MTHA' NI NYES PAR SPYOD PA DANG MI MTHUN PA STE, DE'I PHYIR DE DANG LDAN NA SROG GI PHYIR YANG BYA BA MA YIN PA MI BYED DO, ,DE'I PHYIR 'DIR NI 'PHAGS PA DGYES PA'I TSUL KHRIMS DANG LDAN NO ZHES YID CHES PA 'BYUNG NGO, ,YANG DAG PA'I 'TSO BAS NI YO BYAD @279A *, ,BSNYUNGS PA LA STE ZHES BYA BA NI YID CHES PAR 'GYUR RO ZHES BYA BAR SBYAR RO, ,JI LTA ZHE NA DE'I PHYIR, CHOS KYIS GOS LA SOGS PA TSOD ZIN PAR TSOL BA'I PHYIR RO ZHES BYA BA SMOS SO, ,'TSO BA'I YO BYAD KYI PHYIR TSUL 'CHOS PA LA SOGS PA'I NYES PA MED PA'I LUS DANG NGAG GIS KUN DU SPYOD PA NI YANG DAG PA'I 'TSO BA STE, DES 'DI LTAR 'DI NI LUS GNAS PA TZAM DU BYA BA'I PHYIR RIGS PA DANG TSOD ZIN PAR CHOS GOS LA SOGS PA TSOL BAS NA GDON MI ZA BAR 'DI NI YO BYAD RNAMS LA SRED PA SPANGS SO ZHES YO BYAD BSNYUNGS PAR YID CHES PAR 'GYUR RO, ,DE LA YANG DAG PA'I LTA BAS NI MNGON PA'I NGA RGYAL MED PAR 'GYUR TE, RANG GI RTOG PA YANG DAG PA JI LTA BA BZHIN DU YONGS SU SHES PA'I PHYIR RO, ,YANG DAG PA'I RTOG PAS KUN NAS BSLANG BA'I TSIG GIS NI SENG GE'I SGRA SGROG GO, ,YANG DAG PA'I NGAG DANG, LAS KYI MTHA' DANG; 'TSO BA RNAMS KYIS NI RANG GIS DAM BCAS PA YANG DAG PAR BRJOD DO, ,DE LA MI MTHUN PA'I PHYOGS KYI GNYEN PO'I YAN LAG RNAM GSUM MI SHES NAS DE'I PHYIR, YANG DAG PA'I RTZOL BA DANG DRAN BA DANG TING NGE 'DZIN TO ZHES BYA BA SMOS SO, ,DE DAG KYANG MI MTHUN PA'I PHYOGS GANG GI GNYEN PO YIN ZHE NA, DE'I PHYIR DE DAG NI GO RIMS BZHIN DU, NYON MONGS NYE BA'I NYON MONGS DBANG, ,MI MTHUN PHYOGS KYI GNYEN PO'O, ,ZHES BYA BA GSUNGS SO, ,DE LA DANG PO'I GNYEN PO NI YANG DAG PA'I RTZOL BA STE ZHES BYA BA LA, BSGOM PAS SPANG BAR BYA BA'I NYON MONGS PA NI MI MTHUN PA'I PHYOGS DANG PO STE, DE'I GNYEN PO NI YANG DAG PA'I RTZOL BA'O, ,JI LTA ZHE NA DE'I PHYIR, DES ZHES BYA BA SMOS TE, YANG DAG PA'I RTZOL BAS LAM BSGOM PA'I PHYIR RO, ,BYING BA DANG RGOD PA DANG BRAL BA'I TING NGE 'DZIN GYI DUS KYI BRTZON 'GRUS YANG DAG PA'I LTA BAS BSDUS PA NI YANG DAG PA'I RTZOL BA STE, DES BSGOM PAS SPANG BAR BYA BA'I NYON MONGS PA RNAMS SPANG BAR BYA BA'I PHYIR DE'I GNYEN PO LAM BSGOM MO, ,DE'I PHYIR YANG DAG PA'I TING NGE 'DZIN SGRUB PAS YANG DAG PA'I RTZOL BA NI DANG PO'I GNYEN PO ZHES BYA'O, ,LAM BSGOM PA DE NYID LA GNYIS PA @279B NYE BA'I NYON MONGS PA BYING BA DANG RGOD PA'I MTSAN NYID NI YANG DAG PA'I DRAN PA STE ZHES BYA BA NI GNYEN PO ZHES BYA BAR SBYAR RO, ,JI LTA ZHE NA DE'I PHYIR, ZHI GNAS LA SOGS PA'I RGYU RNAMS LA DRAN PA SHIN TU NYE BAR GNAS PAS BYING BA DANG RGOD PA MED PA'I PHYIR RO ZHES BYA BA SMOS TE, SOGS PA ZHES BYA BA'I SGRAS NI RAB TU 'DZIN PA'I RGYU DANG, BTANG SNYOMS KYI RGYU YIN PAR SHES PAR BYA'O, ,DE LA G-YENG BA'I RGYU NYE BAR ZHI BAR BYED PAS ZHI GNAS SO, ,ZHI GNAS LA SOGS PA'I RGYU NI ZHI GNAS LA SOGS PA'I BYED RGYU'O, ,DE LA SEMS RGOD PA'AM RGOD DU DOGS PA ZHIG TU GYUR NA, SKYO BAR 'GYUR BA'I DNGOS PO YID LA BYED PA NI ZHI GNAS KYI RGYU'O, ,SEMS BYING BA'AM, BYING DU DOGS PA ZHIG TU GYUR NA, MNGON PAR DGA' BAR GYUR PA'I DNGOS PO YID LA BYED PA NI RAB TU 'DZIN PA'I RGYU'O, ,ZHI GNAS LA GCIG TU NGES PA'I LAM MAM, LHAG MTHONG LA GCIG TU NGES PA'AM, ZUNG DU 'BREL BAS 'JUG PA 'ANG RUNG STE, NYE BA'I NYON MONGS PA DE GNYIS KYIS NYE BAR NYON MONGS PAR GYUR PA LA LHUN GYIS GRUB PA YID LA BYED PA NI BTANG SNYOMS KYI RGYU'O, ,MNGON PAR SHES PA LA SOGS PA YON TAN GYI RANG BZHIN GYI DBANG 'BYOR BA'I MI MTHUN PA'I PHYOGS GANG YIN PA NI, SNYOMS PAR 'JUG PA'I SGRIB PA'I RANG BZHIN NYON MONGS PA CAN MA YIN PA'I MI SHES PA'O, ,GSUM PA NI DE'I YANG DAG PA'I TING NGE 'DZIN TE GNYEN PO ZHES BYA BAR SBYAR RO, ,JI LTA ZHE NA DE'I PHYIR, BSAM GTAN LA GNAS NAS MNGON PAR SHES PA LA SOGS PA YON TAN MNGON PAR BSGRUB PA'I PHYIR RO ZHES SMOS SO, ,BSAM GTAN NI YON TAN KHYAD PAR CAN THAMS CAD MNGON PAR BSGRUB PA'I GNAS YIN TE, DE BAS NA MNGON PAR SHES PA LA SOGS PA YON TAN MNGON PAR SGRUB PA'I MTHUN PA'I PHYOGS SU GYUR PA NI, SNYOMS PAR 'JUG PA'I SGRIB PA'I GNYEN PO'O, ,DE BAS NA DE LTAR YANG DAG PA'I RTZOL BA NI NYON MONGS PA'I SGRIB PA DANG BRAL BA STON TO, ,YANG DAG PA'I DRAN PAS NI TING NGE 'DZIN YONGS SU DAG PA'O, ,YANG DAG PA'I TING NGE 'DZIN GYIS NI SNYOMS PAR 'JUG PA'I SGRIB PA DANG BRAL BA'O, ,GNYEN PO BSGOM PA MDOR BSDUS NA RNAM PA GSUM DU RIG @280A *, ,PAR BYA STE ZHES BYA BA NI, RTZOM PA DANG THOB PA DANG GRUB PA'I BYE BRAG GIS SO, ,RGYAS PAR BYAS NA RNAM PA DU MA YOD DO, ,DE JI LTA ZHE NA, RJES SU MTHUN LA PHYIN CI LOG ,CES RGYA CHER 'BYUNG BA DE LA, PHYIN CI MA LOG PA'I RJES SU MTHUN PA LA PHYIN CI LOG PA ZHES BYA BA LA, PHYIN CI MA LOG PA NI MTHONG BA'I LAM STE, DE KHO NA YUL YIN PA'I PHYIR RO, ,DE'I RJES SU MTHUN PA'I PHYIR PHYIN CI MA LOG PA'I RJES SU MTHUN PA'O, ,'DI NI SO SO'I SKYE BO'I SGOM PA YIN PAS DE KHO NA YUL DU MA GYUR PA'I PHYIR PHYIN CI LOG STE, SO SO'I SKYE BOS NYON MONGS PA RNAMS MA LUS PA MA SPANGS PA'I PHYIR RO, ,JI LTAR NA PHYIN CI LOG TU GYUR PA'I PHYIN CI LOG MED PA'I RJES SU MTHUN PAR 'GYUR ZHE NA, CHOS KYI DBYINGS SHIN TU RNAM PAR DAG PA'I RGYU MTHUN PA THOS PA'I BAG CHAGS LAS BYUNG BA'I PHYIR RO, ,DE YANG DRAN PA NYE BAR GZHAG PA BSGOM PA NAS BRTZAMS TE, STOBS BSGOM PA'I BAR DU'O, ,PHYIN CI LOG MED LA PHYIN CI LOG RJES SU 'BREL BA ZHES BYA BA 'DI NI SLOB MA RNAMS KYI BYANG CHUB KYI YAN LAG BSGOM PA DANG, LAM BSGOM PA STE, DE KHO NA YUL DU GYUR PAS NA PHYIN CI LOG MED PA'O, ,BSGOM PAS SPANG BAR BYA BA'I NYON MONGS PA YOD PA'I PHYIR PHYIN CI LOG RJES SU 'BREL BA'O, ,PHYIN CI LOG KYANG MED LA PHYIN CI LOG KYANG RJES SU 'BREL BA YANG MED PA ZHES BYA BA 'DI NI DGRA BCOM PA MI SLOB PA'I BSGOM PA STE, DE KHO NA YUL DU GYUR PAS NA PHYIN CI LOG MED PA'O, ,DGRA BCOM PAS NI DRI MA RNAMS MA LUS PAR SPANGS PA'I PHYIR PHYIN CI LOG RJES SU 'BREL BA MED DO, ,DA NI NYAN THOS RNAMS LAS BYANG CHUB SEMS DPA' RNAMS KYI GNYEN PO BSGOM PA KHYAD PAR BSTAN PA'I PHYIR, BYANG CHUB SEMS DPA' RNAMS KYI NI, ,DMIGS DANG YID LA BYED PA DANG, ,'THOB PAS DE NI KHYAD PAR 'PHAGS, ,ZHES BYA BA SMOS TE, DE LA DMIGS PA KHYAD PAR DU 'PHAGS PA NI, NYAN THOS DANG RANG SANGS RGYAS RNAMS NI RANG GI RGYUD DU GTOGS PA'I LUS LA SOGS PA ZHES BYA BA STE, LUS DANG TSOR BA DANG SEMS DANG CHOS RNAMS LA DMIGS SO, ,BYANG CHUB SEMS DPA' RNAMS NI BDAG DANG GZHAN GYI RGYUD DU GTOGS PA RNAMS @280B SO ZHES BYA BA NI LUS DANG TSOR BA DANG SEMS DANG CHOS RNAMS LA DMIGS SO, ,CE'I PHYIR DMIGS PA THA DAD CE NA, 'DI LTAR NYAN THOS LA SOGS PA NI RANG GI DON GYI DBANG DU BYAS NAS GNYEN PO BSGOM PA LA 'JUG GO, ,BYANG CHUB SEMS DPA' NI BDAG DANG GZHAN GYI DON GYI DBANG DU MDZAD PA'I PHYIR RO, ,MI RTAG PA LA SOGS PA'I RNAM PAR ZHES BYA BA NI MI RTAG PA DANG, SDUG BSNGAL BA DANG, STONG PA DANG BDAG MED PA'I RNAM PAR RO, ,CI'I PHIR NYAN THOS DANG RANG SANGS RGYAS RNAMS LA SOGS PA DE LTAR YID LA BYED CE NA, DE DAG LA SKYO BAR BYED PA'I PHYIR TE, SKYO BAR MA GYUR PA DE DAG 'BRAL BAR MI 'GYUR RO, ,BYANG CHUB SEMS DPA' RNAMSNI DMIGS PA'I TSUL DU'O ZHES BYA BA NI BRTAGS PA'I NGO BO NYID DMIGS PA'I RNAM PAR ZHES BYA BA'I THA TSIG GO, ,CI'I PHYIR DE LTAR YID LA MDZAD CE NA, RNAM PAR RTOG PA THAMS CAD SPANG BA'I PHYIR TE, 'DI NI DE DAG GI KHYAD PAR ZHES BYA'O, ,MI DMIGS PA'I TSUL 'BA' ZHIG TU YID LA MDZAD PA YANG MA YIN GYI, MI RTAG PA LA SOGS PA'I RNAM PAR YANG YID LA MDZAD DE, DE LTAR NA YID LA BYED PA'I KHYAD PAR GYIS KHYAD PAR GDU 'PHAGS SO, ,CI NAS KYANG LUS LA SOGS PA DANG 'BRAL BAR BYA BA'I PHYIR ZHES BYA BA NI LUS LA SOGS PA DANG BRAL BA NI, PHUNG PO LHAG MA MED PA'I MYA NGAN LAS 'DAS PA DANG, DE LA DMIGS PA'I NYON MONGS PA SPANGS PA'O, ,BYANG CHUB SEMS DPA' RNAMS NI 'BRAL BAR BYA BA'I PHYIR YANG MA YIN, MI 'BRAL BAR BYA BA'I PHYIR YANG MA YIN TE, DE CI'I PHYIR ZHE NA, LUS LA SOGS PA DANG SHIN TU BRAL BA DANG MA BRAL NA YANG SEMS CAN GYI DON BYA BAR MI NUS PAR 'GYUR TE, NYON MONGS PA ZAD PA DANG, SEMS CAN PHAL BA BZHIN NO, ,GAL TE 'BRAL BA'I PHYIR YANG MA YIN MI 'BRAL BA'I PHYIR YANG MA YIN NA CI'I PHYIR GNYEN PO RNAMS BSGOM ZHEN DE'I PHYIR, CI NAS KYANG MI GNAS PA'I MYA NGAN LAS 'DAS PA'I PHYIR BSGOM MO ZHES LBYA BA SMOS TE, MI GNAS PA'I MYA NGAN LAS 'DAS PA DE GANG ZHE NA, BYANG CHUB SEMS DPA'I TSE NA NI LAS DANG SKYE BA LA DBANG BA LA GNAS NAS SNYONG RJE DANG LDAN PA'I PHYIR 'KHOR BAR SKYE BA YANG SHES RAB KYI STOBS KYIS DER KUN NAS @281A *, ,NYON MONGS PAR MI 'GYUR TE, 'DI NI BYANG CHUB SEMS DPA'I MI GNAS PA'I MYA NGAN LAS 'DAS PA ZHES BRJOD DO, ,'KHOR BA NA GNAS KYANG SO SO'I SKYE BO BZHIN DU NYON MONGS PAR YANG MI 'GYUR LA, NYAN THOS LA SOGS PA BZHIN DU NYE BAR LEN PA MED PA'I MYA NGAN LAS 'DAS PAR YANG MI 'GYUR RO, ,DE BZHIN GSHEGS PA'I DUS NA YANG NYON MONGS PA DANG SHES BYA'I SGRIB PA SPANGS PAS 'KHOR BA LA MI GNAS LA, CHOS KYI SKU RGYUN MI 'CHAD CING LONGS SPYOD RDZOGS PA DANG, SPRUL PA'I SKU GNYIS KYIS 'JIG RTEN JI SRID PA DE SRID DU GZHAN GYI DON MDZAD PA'I PHYIR, PHUNG PO LHAG MA MED PA'I MYA NGAN LAS 'DAS PA LA YANG MI GNAS SO, ,DE LTAR NA BYANG CHUB SEMS DPA' RNAMS KYI GNYEN PO BSGOM PA 'DI NI DMIGS PA DANG YID LA BYED PA DANG 'BRAS BU'I KHYAD PAR RNAMS KYIS NYAN THOS LA SOGS PA LAS KHYAD PAR DU 'PHAGS SO, ,GNYEN PO BSGOM PA BSHAD ZIN TO, ,GNYEN PO BSGOM PA'I 'OG TU DE'I GNAS BSHAD DE, DE'I PHYIR DE'I GNAS GANG ZHE NA ZHES DRIS SO, ,DE'I ZHES BYA BA NI GNYEN PO BSGOM PA DE'I STE, DE'I PHYIR, RGYU YI GNAS SKABS ZHUGS PA DANG, ,ZHES RGYA CHER GSUNGS SO, ,DE LA RGYU'I GNAS NI GANG RIGS LA GNAS PA'I GANG ZAG GO ZHES BYA BA LA, RIGS NI RGYU DANG SA BON ZHES BYA BA'I THA TSIG GO, ,DE LA GANG RIGS NYID DU GYUR GYI SEMS BSKYED PA LA SOGS PA LA MA YIN TE, DE NI 'DIR RIGS LA GNAS PAR 'DOD DO, ,DE NI GONG MA'I GNAS RNAMS SU RJES SU 'JUG STE MI LDOG GO, ,KHA CIG NA DE RIGS DE YANG DGE BA'I RTZA BA'I RANG BZHIN NO ZHES ZER TE, DGE BA'I RTZA BA NYID LA KHA CIG NI NYAN THOS KYI RIGS ZHES BYA BA NAS DE BZHIN DU BYANG CHUB SEMS DPA'I RIGS GYI BAR DU'O ZHE'O, ,KHA CIG NA RE SO SO'I SKYE BO'I GNAS LAS BRTZAMS TE, DBANG PO'I BYE BRAG LA RIGS ZHES BYA STE, SEMS KYI SA BON GYI MTHU LA RIGS ZHES DE SKAD KYANG ZER TE DE YOD NA SO SO'I SKYE BO'I DUS DANG SLOB PA'I DUS NA NYAN THOS KYI RIGS ZHES BYA BA NAS BYANG CHUB SEMS DPA'I RIGS KYI BAR DU'O ZHE'O, ,MI SLOB PA'I DUS NA NI NYAN THOS SHE 'AM, RANG SANGS RGYAS SHE 'AM, SANGS RGYAS ZHES BYA STE, DE NI @281B GNAS SKABS KYI MTHAR THUG PA'I PHYIR DE NI RIGS MA YIN NO, ,DE YANG NYAN THOS LA SOGS PA'I BYE BRAG GIS GSUM DU DBYE'O, ,NGES PA DANG MA NGES PA'I BYE BRAG GIS DRUG TU 'GYUR RO, ,ZHUGS PA'I GNAS NI SEMS BSKYED PA'O ZHES BYA BA NI NYAN THOS DANG RANG SANGS RGYAS DANG DE BZHIN GSHEGS PA'I RIGS RNAMS DANG GO RIMS BZHIN DU, NYAN THOS DANG RANG SANGS RGYAS YANG DAG PAR RDZOGS PA'I SANGS RGYAS KYI BYANG CHUB TU SEMS BSKYED PAS RNAM PA GSUM DU 'GYUR RO, ,DE NI SBYOR BA'I RTZA BAR GYUR PA'I PHYIR DE BYUNG NA SBYOR BAR ZHUGS PA YIN PAS NA, DE BSKYED PA LA SBYOR BAR ZHUGS PA'I GNAS ZHES BYA'O, ,DE'I PHYIR SBYOR BA'I GNAS NI SEMS BSKYED NAS 'BRAS BU MA THOB TSUN CHAD DO ZHES BYA BA STE, SEMS BSKYED PA'I SBYIN PA DANG, TSUL KHRIMS LA SOGS PA NAS STOBS BSGOM PA LA THUG GI BAR DU, DGE BA'I RTZA BA YANG DAG PAR BRTZAMS SHING THOG MA'I 'BRAS BU THOB PAR BYED PA'I THABS YIN PAS DE LA SBYOR BA ZHES BYA'O, ,JI LTAR RGYUN DU ZHUGS PA'I GNAS LA BYANG CHUB KYI PHYOGS BSGOM PA'I GNAS ZHES BSHAD CE NA, DE'I RGYU YIN PA'I PHYIR DE BAS NA 'DI SKAD DU RIGS NAS SEMS BSKYED PA ZHES BYA BA PHYI MA PHYI MA 'BRAS BU'O ZHES BYA BA LA SOGS PA BSHAD DO; ,'BRAS BU'I GNAS NI THOB PA'O ZHES BYA BA NI DANG PO'I 'BRAS BU STE, 'BRAS BU'I PHYIR SBYOR RO, ,DE BAS NA SBYOR BA'I 'OG TU 'BRAS BU'I GNAS SO, ,BYA BA MED PA'I GNAS NI MI SLOB PA'O ZHES BYA BA'O, ,KHAMS GSUM GYI 'DOD CHAGS DANG BRAL PA'I PHYIR MI SLOB PA STE, DE'I 'BRAS BU RNAMS YONGS SU RDZOGS PAS NA, 'BRAS BU GZHAN THOB PAR BYA BA MED PA'I PHYIR BYA BA MED PA'I GNAS SO, ,KHYAD PAR GYI GNAS NI MNGON PAR SHES PA LA SOGS PA YON TAN GYI KHYAD PAR GYI KHYAD PAR DANG LDAN PA'O ZHES BYA BA NI DGRA BCOM PAR MTSUNGS PA LAS MNGON PAR SHES PA LA SOGS PA YON TAN GYI KHYAD PAR RNAMS DANG LDAN PAS, GZHAN LAS KHYAD ZHUGS PAR MNGO NA PAR SHES PA LA SOGS PA YON TAN GYI KHYAD PAR BSGRUB PA'I GNAS LA KHYAD PAR GYI GNAS ZHES BYA'O, ,BLA MA'I GNAS NI NYAN THOS LA SOGS PA BAS, SAR ZHUGS PA'I BYANG CHUB SEMS @282A *, ,DPA'O ZHES BYA BA NI, BDAG DANG GZHAN GYI DON BYED PA 'JIG RTEN LAS 'DAS PA'I LAM BDAG MED PA GNYIS RTOGS PAR BYED PA THOB PAS, DE LAS GZHAN PA'I THEG PA'I BLA MAR GYUR PAS NA, GNAS DE LA BLA MA'I GNAS ZHES BYA'O, ,BLA NA MED PA'I GNAS NI SANGS RGYAS TE, CI'I PHYIR ZHE NA DE'I PHYIR, DE'I GONG NA GNAS MED PA'I PHYIR RO ZHES BYA BA SMOS SO, ,YON TAN DANG NYES PA THAMS CAD PHUL DU PHYIN PA DANG BRTZAL BA'I MTHAR PHYIN PAS NA SANGS RGYAS SU GRUB PA STE, DE'I GONG DU KHYAD PAR CAN GYI GNAS GZHAN MED PAS DE NYID LA BLA NA MED PA ZHES BYA'O, DE SNYED DU BSHAD PAS GNAS MA LUS PAR YONGS SU RDZOGS KYANG BYANG CHUB SEMS DPA' RNAMS KYI SA BCU GCIG TU RAB TU DBYE BA BSTAN PA'I PHYIR, MOS PAS SPYOD PA LA SOGS PA'I GNAS NAS, DBANG BSKUR BA'I GNAS LA THUG GI BAR DU YANG BSHAD DO, ,SANGS RGYAS RNAMS KYI SKU GSUM RAB TU DBYE BA BSTAN PA'I PHYIR, PHYI MA'I GNAS LA SOGS PA YANG GSUM DU BSTAN TE, ,DE LA RGYU DANG ZHUGS PA'I GNAS NI BYANG CHUB SEMS DPA' DANG GZHAN DAG THUN MONG PAR RIG PAR BYA'O, ,DE LA MOS PA'I GNAS NI BYANG CHUB SEMS DPA' RNAMS KYI MOS PAS SPYOD PA'I SA THAMS CAD DO ZHES BYA BA NI SEMS BSKYED NAS SA LA MA ZHUGS TSUN CHAD DE, BAR DER DE KHO NA MA MTHONG YANG DE KHO NA MTHONG BA DANG 'DRA BAR SANGS RGYAS DANG BYANG CHUB SEMS DPA' RNAMS LA MOS PAS NGO BO NYID GSUM GYI SGO NAS CHOS RNAMS SGRUB CING, DE LAS GZHAN PA SEMS CAN RNAMS KYI BYA DKA' BA SBYIN PA DANG, TSUL KHRIMS LA SOGS PA SANGS RGYAS SU 'GRUB PA'I TSOGS RNAMS LA 'JUG PA STE, DE BAS NA GNAS MOS PAS RAB TU PHYE BA YIN PAS MOS PAS SPYOD PA ZHES BYA'O, ,DE YANG BSKAL PA GRANGS MED PA 'AM DE BAS LHAG PA'O, ,'JUG PA'I GNAS NI SA DANG PO'O ZHES BYA BA NI NGO BO NYID GSUM LA RNAM PAR MI RTOG PA'I YE SHES KYIS, DANG PO KHO NAR DE KHO NA RANG GIS RIG CING RTOGS PAS NA 'JUG PA'I GNAS ZHES BYA STE, 'DI NYID NI BYANG CHUB SEMS DPA'I MTHONG BA'I LAM MO, ,DES PAR 'BYUNG BA'I GNAS NI DE'I GONG MA SA DRUG PO DAG GO ZHES BYA BA NI @282B BSGOM PAS SPANG BAR BYA BA'I MTSAN MA RNAM PA SNA TSOGS LA MNGON PAR ZHEN PA SPANGS PA'I MTHAR THUG PAR 'GRO BA DANG RTZOL BA DANG BCAS PA'I SBYOR BA'I MTHAR THUG PAR 'GRO BA'I PHYIR, SA 'DI DAG LA NGES PAR 'BYUNG BA'I GNAS ZHES BYA'O, ,LUNG BSTAN PA'I GNAS NI SA BRGYAD PA'O ZHES BYA BA NI MTSAN MA THAMS CAD LA 'BAD PA DANG 'DU SHES RNAM PA THAMS CAD DU BRAL PAS SA BRGYAD PA NI SANGS RGYAS SU 'GRUB PAR NGES PA YIN TE, SANGS RGYAS BCOM LDAN 'DAS RNAMS KYIS MNGON SUM DU LUNG BSTAN PAS LUNG STON TO, ,BRJOD PA'I GNAS NI DGU PA'O ZHES BYA BA NIS DGU PAR NYAN THOS DANG RANG SANGS RGYAS RNAM PAS SO SO YANG DAG PAR RIG PA BZHI KHYAD PAR DU 'PHAGS PA RNYED PAS NA BLA NA MED PA'I CHOS CHEN PO BRJOD PA YIN NO, ,DBANG BSKUR BA'I GNAS NI BCU PA'O ZHES BYA BA NI SA BCU PA LA BYANG CHUB SEMS DPA'I LAM GYI MTHAR PHYIN PAS NA, PHYOGS BCU'I 'JIG RTEN GYI KHAMS NA RNAM PAR BZHUGS PA'I SANGS RGYAS BCOM LDAN 'DAS RNAMS KYIS 'OD ZER DAG GIS MNGON PAR DBANG BSKUR BAS DBANG BSKUR BA'O, ,PHYIN PA'I GNAS NI SANGS RGYAS RNAMS KYI CHOS KYI SKU'O ZHES BYA BA NI SGRIB PA THAMS CAD SPANGS PA DANG, DE'I GNYEN PO ZAG PA MED PA'I CHOS KYI SA BON RAB TU RGYAS PAS GNAS GYUR PA'I RANG BZHIN CHOS THAMS CAD LA DBANG BYED PA, KUN GZHI MED PA ZHES BYA BA SANGS RGYAS RNAMS KYI CHOS KYI SKU'O, ,DES NA CHOS RTOGS PAR BYA BA'I MTHAR PHYIN PAS NA PHYIN PA'I GNAS ZHES BYA'O, ,GZHAN DAG NA RE GLO BUR GYI DRI MA MA LUS PAR BSTZAL BAS CHOS KYI DBYINGS RAB TU RNAM PAR DAG PA NYID NI CHOS KYI SKU YIN PAS CHOS KYI SKU'O ZHES ZER RO, ,GZHAN DAG NA RE SHES BYA THAMS CAD LA YANG CHAGS PA MED PA DANG THOGS PA MED PAR 'JUG PA'I YE SHES KHYAD PAR CAN NI CHOS KYI SKU'O, ,PHAN YON GYI GNAS NI LONGS SPYOD RDZOGS PA'I SKU'O ZHES BYA BA NI NGO BO NYID KYI SKU STE, SKU GANG LA BZHUGS NAS MNGON PAR RDZOGS PAR BYANG CHUB STE, SKU DE MTHAR PHYIN PA'I BYANG CHUB SEMS DPA' RNAMS DANG LHAN CIG TU 'KHOR GYI DKYIL 'KHOR RNAMS NI CHOS KYI 'GRO BA MYONG BAR 'GYUR BA DE NI LONGS SPYOD RDZOGS PA'I SKU'O, , @283A *, ,BYA BA SGRUB PA'I GNAS NI SPRUL PA'I SKU'O ZHES BYA BA NI NGO BO NYID KYI SKU LA BRTEN NAS SEMS CAN GYI BSAM PA LA GZIGS TE, 'DUL BA'I PHYIR BYA BA LA ZHUGS PA DANG RAB TU DBYE BA MTHA' YAS PA NI SPRUL PA'I SKU'O, ,GNAS RNAM PA MANG PO 'DI THAMS CAD KYANG MDOR BSDU NA CHOS KYI DBYINGS LA RNAM PA GSUM STE ZHES BYA BAR RIG PAR BYA'O, ,JI LTA ZHE NA DE'I PHYIR, MA DAG MA DAG DAG PA DANG, ,RNAM PAR DAG PA CI RIGS SBYAR, ,ZHES BYA BA GSUNGS SO, ,DE LA MA DAG PA'I GNAS NI RGYU'I GNAS NAS NYE BAR BZUNG STE SBYOR BA'I BAR DU'O ZHES BYA BA NI RGYU DANG ZHUGS PA DANG SBYOR BA DANG MOS PA'I GNAS RNAMS BZUNG NGO, ,GNAS DE DAG NI CHOS KYI DBYINGS DRI MA MA LUS PAR MA SPANGS PAS NA MA DAG PA'I GNAS ZHES BYA'O, ,MA DAG PA DANG DAG PA'I GNAS NI SLOB PA RNAMS SO ZHES BYA BA NI 'DIR YANG 'BRAS BU'I KHYAD PAR DANG BCAS PA DANG, KHYAD PAR CAN DANG, BLA MA DANG BCAS PA DANG, 'JUG PA DANG, NGES PAR 'BYUNG BA DANG, LUNG BSTAN PA DANG, BRJOD PA DANG, DBANG BSKUR BA'I GNAS RNAMS BZUNG STE, GNAS 'DI DAG NA YANG CHOS KYI DBYINGS LA NYON MONGS PA SPANGS PA DANG, MA SPANGS PA'I PHYIR MA DAG PA DANG DAG PA ZHES BYA'O, ,RNAM PAR DAG PA'I GNAS NI MI SLOB PA RNAMS SO ZHES BYA BA NI BYA BA MED PA DANG, KHYAD PAR CAN DANG, BLA NA MED PA DANG, PHYIN PA DANG, PHAN YON DANG, BYA BA SGRUB PA'I GNAS RNAMS LA RNAM PAR DAG PA'I GNAS ZHES BYA STE, MI SLOB PA RNAMS NI NYON MONGS PA MA LUS PAR SPANGS PA'I PHYIR RO, ,GNAS 'DI DAG NI SO SO'I SKYE BO DANG, SLOB PA DANG MI SLOB PA RNAMS LA RNAM PAR GZHAG GO, ,DE DAG GI RNAM PAR GZHAG PA RNAM PA MANG PO DE JI LTAR RNAM PAR RIG PAR BYA ZHE NA DE'I PHYIR, 'DI LAS JI LTAR 'OS 'OS SU, ,GANG ZAG PA RNAM PAR GZHAG PAR 'DOD, ,CES BYA BA GSUNGS SO, ,'DI LAS ZHES BYA BA NI GNAS RAB TU DBYE BA LAS ZHES BYA BA'I THA TSIG GO, ,JI LTAR 'OS 'OS SU ZHES BYA BA NI JI LTAR MTHUN PA STE, 'DI NI RIGS LA GNAS PA'O, ,'DI NI ZHUGS PA'O ZHES BYA BA LA SOGS PA'O, ,SOGS PA SMOS PAS NI @283B 'DI NI SBYOR BA'O, ,RGYUN DU ZHUGS PA'O, ,LAN CIG PHYIR 'ONG BA'O, ,PHYIR MI 'ONG BA'O, ,DGRA BCOM PA'O, ,RGYAN DANG BCAS PA'O, ,BYANG CHUB SEMS DPA'O, ,DE BZHIN GSHEGS PA'O, ,MOS PAS SPYOD PA'O, ,LHAG PA'I BSAM PA DAG PA LA SPYOD PA'O, ,NGES PAR 'BYUNG BA'O, ,LUNG STON PA'O, ,CHOS BRJOD PA'O, ,DBANG BSKUR BA'O, ,BYANG CHUB THOB PA'O, ,LONGS SPYOD PA'O, ,GZHAN GYI DON MDZAD PA'O ZHES BYA BA DAG GO, ,GNAS BSHAD ZIN TO, ,GNAS NI 'BRAS BU'I SNGON DU 'GRO BAS GNAS KYI 'OG TU 'BRAS BU BSHAD PA'I PHYIR, 'BRAS BU THOB PA GANG ZHE NA ZHES DRIS PA DANG, DE'I PHYIR, SNOD GYUR RNAM PAR SMIN BRJOD DANG, ,ZHES RGYA CHER GSUNGS SO, ,'DIR MDOR BSDU NA 'BRAS BU RNAM PA LNGA STE, SNOD DU GYUR PA DANG, STOBS DANG, 'DOD PA DANG, 'PHEL BA DANG, RNAM PAR DAG PA'O, ,DE LA SNOD DU GYUR PA NI GANG DGE BA DANG RJES SU MTHUN PA'I RNAM PAR SMIN PA'O ZHES BYA BA NI DE YANG MI KHOM PA BRGYAD SPANGS PA'I SKYE MCHED DRUG KHYAD PAR CAN ZAG PA DANG BCAS PA'I BYANG CHUB KYI PHYOGS KYI CHOS KYI RNAM PAR SMIN PA STE, DGE BA'I CHOS THAMS CAD SKYE BA'I GZHI YIN PAS SNOD CES BYA'O, , STOBS NI GANG SNOD DU GYUR PA'I DBANG GIS ZHES BYA BA NI LUS LAS NYON MONGS PA SKYE BA CHUNG BA'I PHYIR, DGE BA SHAS CHER GYUR PA DE RGYAS PA'O ZHES BYA BA'I THA TSIG GO, ,'DI NI STOBS ZHES BYA'O, ,'DOD PA NI GANG SNGON GOMS PAR BYAS PAS DGE BA 'DOD PA'O ZHES BYA BA NI 'DAS PA'I TSE RABS RNAMS SU DGE BA'I CHOS GOMS PA'I PHYIR, DA LTAR GYI TSE DGE BA'I CHOS LA SEMS PA GANG YIN PA DE NI 'DOD PA'O, ,'PHEL BA NI GANG DA LTAR BYUNG BA DGE BA'I CHOS LA GOMS PAR BYAS PAS SNGON MED PA'I DGE BA'I CHOS KHYAD PAR CAN SKYE BA STE, DGE BA'I RTZA BA RGYAS PA'O ZHES BYA BAR DGONGS PA'O, ,STOBS DANG 'PHEL BA'I KHYAD PAR NI 'DI YIN TE, STOBS NI DGE BA CHUNG NGU'I RNAM PAR SMIN PA LA YANG LTO SA NAS MI 'GYUR BA'O, ,'PHEL BA NI DGE BA RNAMS GONG NAS GONG DU KHYAD PAR DU 'GYUR BA'O, ,GZHAN DAG NI DGE BA'I RTZA BA RGYAS ZHES BYA @284A *, ,BA NI DGE BA'I CHOS KHYAD PAR CAN GYI BAG CHAGS LA 'DIR RGYAS PA ZHES BYA'O SNYAM DU SEMS SO, ,RNAM PAR DAG PA NI GANG SGRIB PA SPANGS PA'O ZHES BYA BA NI DE LA NYAN THOS DANG RANG SANGS RGYAS KYI RIGS RNAMS NI NYON MONGS PA'I SGRIB PA SPANGS PAS RNAM PAR DAG GO, , BYANG CHUB SEMS DPA'I RIGS RNAMS KYI RNAM PAR DAG PA NI NYON MONGS PA DANG SHES BYA'I SGRIB PA SPANGS PA'O, ,'DI DAG NI 'BRAS BU RNAM PA LNGA DANG GO RIMS BZHIN TE ZHES BYA BA LA RNAM PAR SMIN PA'I 'BRAS BU NI GANG DGE BA'I CHOS DANG MTHUN PAR RNAM PAR SMIN PA'O, ,BDAG PO'I 'BRAS BU NI GANG SNOD DU GYUR PA'I DBANG GIS DGE BA SHAS CHER GYUR PA'O, ,RGYU MTHUN PA'I 'BRAS BU NI GANG SNGON GOMS PAR BYAS PAS DGE BA 'DOD PA'O, ,SKYES BU BYED PA'I 'BRAS BU NI GANG DA LTAR BYUNG BA NA DGE BA'I CHOS GOMS PAR BYAS PAS DGE BA'I RTZA BA RGYAS PA'O, ,BRAL PA'I 'BRAS BU NI GANG SGRIB PA SPANGS PA'O, ,PHYI MA PHYI MA THOG MA DANG, ,ZHES RGYA CHER 'BYUNG BAS NI 'BRAS BU MDOR BSHAD PA LNGA PO NYID KYI RAB TU DBYE BA MDOR STON TO, ,PHYI MA PHYI MA 'BRAS BU NI RIGS LAS SEMS BSKYED PA DANG SEMS BSKYED PA LAS SBYOR BA DANG, DE LTA BU LA SOGS PA STE, GNAS GCIG NAS GCIG TU BRGYUD PA ZHES JI SKAD DU BSHAD PAS, RIG PAR BYA'O, ,THOG MA'I 'BRAS BU NI DANG POR 'JIG RTEN LAS 'DAS PA'I CHOS THOB PA'O ZHES BYA BA NI, MTHONG BA'I LAM THOB PA'O, ,GOMS PAR BYA BA'I 'BRAS BU NI DE'I PHA ROL SLOB PA'I GNAS SO ZHES BYA BA NI, MTHONG BA'I LAM PHAN CHAD SLOB PA'I GNAS LA GANG ZAG LNGAS RAB TU PHYE BA LAN CIG PHYIR 'ONG BA'I 'BRAS BU DANG, PHYIR MI 'ONG BA'I 'BRAS BU STE, SBYOR BA DANG BCAS PA'I RJES LA BSGOM PA'I LAM GYI RANG BZHIN YIN PAS NA, GOMS PAR BYAS PA'I 'BRAS BU'O, ,RDZOGS PA'I 'BRAS BU NI MI SLOB PA'I CHOS RNAMS SO ZHES BYA BA NI, DE DAG KYANG YANG DAG PA'I LTA BA DANG RTOG PA DANG, NGAG DANG, LAS KYI MTHA' DANG, 'TSO BA DANG, RTZOL BA DANG, DRAN PA DANG, TING NGE 'DZIN DANG, RNAM PAR GROL BA DANG, RNAM PAR GROL BA'I YE SHES MTHONG BA'I ZHES BYA BA RNAMS TE, 'BRAS BU @284B THAMS CAD KYI MTHA' LA GNAS PA'I PHYIR RDZOGS PA'I 'BRAS BU ZHES BYA'O, ,RJES SU MTHUN PA'I 'BRAS BU NI RGYU DNGOS POS PHYI MA PHYI MAS 'BRAS BU NYID DU RIG PAR BYA'O ZHES BYA BA DE LA SEMS BSKYED PA NI RIGS DANG RJES SU MTHUN PA'I PHYIR SEMS BSKYED PA NI 'BRAS BU'O, ,PHYI MA PHYI MA 'BRAS BU LA SOGS PA DANG RJES SU MTHUN PA'I 'BRAS BU LAS, SOGS PA SO SOR SMOS PA NI BSTAN PA DANG BSHAD PAR RIM BZHIN DU RIG PAR BYA'O, ,MI MTHUN PA'I PHYOGS KYI 'BRAS BU NI SPONG BA'I LAM STE, THOG MA'I 'BRAS BU GANG YIN PA DE NYID DE, MI MTHUN PA'I PHYOGS NYID 'BRAS BU YIN PAS NA, MI MTHUN PA'I PHYOGS KYI 'BRAS BU STE, SPONG BA'I LAM DES NYON MONGS PA RNAMS DANG 'BRAL LO, ,THOG MA'I 'BRAS BU NI GONG DU BSHAD PA'I THOG MAR 'JIG RTEN LAS 'DAS PA'I CHOS THOB PA'O ZHES BYA BA GANG YIN PA'O, ,MI MTHUN PA'I PHYOGS KYI SGRA NI GNYEN PO'I GEGS YIN PA'I PHYIR, SGRIB PA LA BYAR ZIN KYANG, 'DRI NI MI MTHUN PA'I PHYOGS GNYEN PO LA BYA BAR 'DOD DO, ,SGRIB PA GZHOM PA'I PHYOGS YIN PAS NA, GNYEN PO ZHES BYA BAR SBYOR RO, ,BRAL BA'I 'BRAS BU NI GOMS PAR BYAS PA'I 'BRAS BU DANG RDZOGS PA'I 'BRAS BU STE, NYON MONGS PA DANG BRAL BA NI SLOB PA DANG, MI SLOB PA DANG, RIM BZHIN NO ZHES BYA BA LA GOMS PAS BYAS PA'I 'BRAS BU BRAL BA NI LAN CIG PHYIR 'ONG BA'I 'BRAS BU LA ZHUGS PA LA SOGS PA SLOB PA LNGA RNAMS TE, NYON MONGS PA'I LHAG MA DANG BCAS PA'I PHYIR RO, ,RDZOGS PA'I 'BRAS BU NI YONGS SU NYAMS PA'I CHOS CAN LA SOGS PA'I MI SLOB PA RNAMS YIN TE, DE DRUG KYANG KHAMS GSUM GYI NYON MONGS PA RNAMS MA LUS PAR SPANGS PA'I PHYIR RO, ,GONG MA NI PHYE STE BSHAD PA'O, ,'DIR NI MA PHYE BA STE KHYAD PAR RO, ,KHYAD PAR GYI 'BRAS BU NI MNGON PAR SHES PA LA SOGS PA YON TAN GYI KHYAD PAR RO ZHES BYA BA 'DI LA YANG GOMS PAR BYAS PA DANG, RDZOGS PA'I 'BRAS BU'I KHYAD PAR NYID DU RIG PAR BYA'O, ,CI'I PHYIR ZHE NA, PHYIR MI 'ONG BA RNAMS DANG, DGRA BCOM PA RNAMS YIN TE, RANG SANGS RGYAS RNAMS DANG, BYANG CHUB SEMS DPA' @285A *, ,RNAMS DANG, DE BZHIN GSHEGS PA RNAMS KYI YON TAN GYI KHYAD PAR CAN THOB PA BRJOD PAR 'DOD PA'I PHYIR RO, ,BLA MA'I 'BRAS BU NI BYANG CHUB SEMS DPA'I SA RNAMS TE, 'DIR RGYU SMOS PA, DE MA YIN PA'I THEG PA LAS BLA MAR GYUR PA'I PHYIR RO ZHES BYA BA'O, ,BYANG CHUB SEMS DPA'I SA RNAMS NI, MTHONG BA DANG BSGOM PA'I LAM GYI RANG BZHIN YIN PAS, THOG MA'I 'BRAS BU DANG, GOMS PAR BYA BA'I 'BRAS BU YIN DU ZIN KYANG, NYAN THOS DANG RANG SANGS RGYAS KYI THEG PA LA LTOS NAS, RNAM PAR MI RTOG PA DANG, SANGS RGYAS KYI RIGS YIN PA DANG, BYANG CHUB CHEN PO'I 'BRAS BU YIN PAS BYANG CHUB SEMS DPA' RNAMS NI BLA MA'I 'BRAS BU YIN PAR RIG PAR BYA'O, ,BLA NA MED PA'I 'BRAS BU NI SANGS RGYAS KYI SA'O ZHES BYA BA 'DI YANG RDZOGS PA'I 'BRAS BU NYID YIN DU ZIN KYANG, BAG CHAGS DANG BCAS PA'I NYON MONGS PA DANG NYE BA'I NYON MONGS PA THAMS CAD SPANGS PA DANG, NYON MONGS PA CAN MA YIN PA'I MI SHES PA SPANGS PA'I PHYIR, DE'I GONG NA GZHAN MED PAS BLA NA MED PA'I 'BRAS BU ZHES BYA'O, ,'BRAS BU GZHAN 'DI DAG NI MDOR BSTAN TE, RGYAS PAR BYA NA DPAG TU MED DO ZHES BYA BA NI RGYAS PAR BYA NA, NYAN THOS DANG RANG SANGS RGYAS DANG BYANG CHUB SEMS DPA' DANG, YANG DAG PAR RDZOGS PA'I SANGS RGYAS RNAMS KYI 'BRAS BU RNAMS RAB TU PHYE STE, BSHAD NA TSAD MED PAR 'GYUR RO, ,GNYEN PO BSGOM PA'I DON BSDUS PA LAS BYANG BAR BYA BA'I PHYIR BSGOM PA NI, DRAN PA NYE BAR GZHAG PA BSGOM PA STE; 'PHAGS PA'I BDEN PA BZHI PA BYANG BAR BYA BA'I PHYIR RO, ,BSRAB PA'I BSGOM PA NI YANG DAG PAR SPONG BA BSGOM PA STE, MI DGE BA'I CHOS RNAMS BSRAB PA'I PHYIR RO, ,YONGS SU SBYANG BAR BYA BA'I BSGOM PA NI RDZU 'PHRUL GYI RKANG PA BSGOM PA STE, DE LA TING NGE 'DZIN YONGS SU SBYANG BAR BYA BA'I PHYIR NYES PA LNGA SPANGS PA'I 'DU BYED BRGYAD BRTEN PA'I PHYIR RO, ,GONG MA YANG DAG PAR BRTZAM PA'I BSGOM PA NI DBANG PO BSGOM PA STE, DE NI THAR PA'I CHA DANG MTHUN PA'I DGE BA'I RTZA BA BSKYED PA'I PHYIR RO, ,'DRE BA'I BSGOM PA NI STOBS BSGOM PA STE, MTHONG BA'I LAM @285B DANG 'DRE BA'I PHYIR RO, ,ZHUGS PA'I BSGOM PA NI BYANG CHUB KYI YAN LAG BSGOM PA STE, DER DE KHO NA LA ZHUGS PA'I PHYIR RAM, 'JIG RTEN LAS 'DAS PA'I CHOS LA ZHUGS PA'I PHYIR RAM, 'PHAGS PA'I LAM LA ZHUGS PA'I PHYIR RO, ,MCHOG GI BSGOM PA NI LAM BSGOM PA STE, MTHONG BA'I LAM PAS BSGOM PA'I LAM MCHOG TU GYUR PA'I PHYIR RO, ,THOG MA'I BSGOM PA NI, SO SO'I SKYE BO'I GNAS SKABS TE, RJES SU MTHUN LA PHYIN CI LOG PA'O, ,BAR MA'I BSGOM PA NI SLOB PA'I GNAS SKABS TE, PHYIN CI LOG MED LA PHYIN CI LOG RJES SU 'BREL BA'O, , MTHA'I BSGOM PA NI MI SLOB PA'I GNAS SKABS TE, PHYIN CI LOG KYANG MED LA PHYIN CI LOG RJES SU 'BREL BA YANG MED PA'O, ,BLA MA DANG BCAS PA'I BSGOM PA NI NYAN THOS LA SOGS PA'O, ,BLA NA MED PA'I BSGOM PA NI BYANG CHUB SEMS DPA' RNAMS KYI STE, GANG DMIGS PA DANG YID LA BYED PA DANG THOB PA KHYAD PAR DU 'PHAGS PA ZHES BSTAN PA'O, ,GNAS SKABS RNAMS KYI DON BSDUS PA NI SKAL BA YOD PA'I GNAS SKABS NI RGYU'I GNAS SKABS SO, ,RTZOM PA'I GNAS SKABS NI SEMS BSKYED PA DANG BCAS PA'I SBYOR BA'O, ,MA DAG PA DANG DAG PA'I GNAS SKABS NI GNAS GNYIS TE, 'BRAS BU'I GNAS DANG, BYA BA DANG BCAS PA'I GNAS SO, ,SHIN TU DAG PA'I GNAS SKABS NI BYA BA MED PA'O GNAS SKABS SO, ,RGYAN DANG BCAS PA'I GNAS SKABS NI KHYAD PAR GYI GNAS SKABS SO, ,KHYAD PAR BYA BA'I GNAS SKABS NI BLA MA'I GNAS SKABS TE, BYANG CHUB SEMS DPA'I SA BCUS KHYAB PAS NA KHYAB PAR BYA BA'I GNAS SKABS SO ZHES BYA'O, ,BLA NA MED PA'I GNAS SKABS NI SANGS RGYAS BCOM LDAN 'DAS RNAMS TE, DE'I GONG NA GNAS GZHAN MED PA'I PHYIR RO, ,DE YANG PHYIN PA'I GNAS SKABS DANG, PHAN YON GYI GNAS SKABS DANG, BYA BA SGRUB PA'I GNAS SKABS TE, GANG SNGAR BSHAD PA'O, ,'BRAS BU RNAMS KYI DON BSDUS PA NI BSDUS PA DANG DE'I BYE BRAG DANG, SNGON GOMS PAR BYAS PA DANG, GONG NAS GONG DU SGRUB PA DANG, BSTAN PA DANG, BSHAD PA'O ZHES BYA BA 'DI DAG NI BSHAD PA BYED PA NYID KYIS BSHAD PA STE, DE LA BSDUS PA NI RNAM PAR SMIN PA'I PHYI MA @286A *, ,'BRAS BU NI RIGS LAS SEMS BSKYED PA DANG SEMS BSKYED PA LAS SBYOR BA DANG DE LTA BU LA SOGS PA STE, GNAS GCIG NAS GCIG TU BRGYUD PA ZHES JI SKAD DU BSHAD PAS RIG PAR BYA'O, ,THOG MA'I 'BRAS BU NI DANG POR 'JIG RTEN LAS 'DAS PA'I CHOS THOB PA'O ZHES BYA BA NI MTHONG BA'I LAM THOB PA'O, ,GOMS PAR BYAS PA'I 'BRAS BUS NI DE'I PHA ROL SLOB PA'I GNAS SO ZHES BYA BA NI MTHONG BA'I LAM PHAN CHAD SLOB PA'I GNAS LA, GANG ZAG LNGAS RAB TU PHYE BA LAN CIG PHYIR 'ONG BA'I 'BRAS BU DANG, PHYIR MI 'ONG BA'I 'BRAS BU STE, SBYOR BA DANG BCAS PA'I RJES LA BSGOM PA'I LAM GYI RANG BZHIN YIN PAS GOMS PAR BYAS PA'I 'BRAS BU'O, ,RDZOGS PA'I 'BRAS BU NI MI SLOB PA'I CHOS RNAMS SO ZHES BYA BA NI DE DAG KYANG YANG DAG PA'I LTA BA DANG, RTOG PA DANG, NGAG DANG, LAS KYI MTHA' DANG, 'TSO BA DANG, RTZOL BA DANG, DRAN PA DANG; TING NGE 'DZIN DANG, RNAM PAR GROL BA DANG, RNAM PAR GROL BA'I YE SHES MA THONG BA ZHES BYA BA RNAMS TE, 'BRAS BU THAMS CAD KYI MTHA' LA GNAS PA'I PHYIR RDZOGS PA'I 'BRAS BU ZHES BYA'O, ,RJES SU MTHUN PA'I 'BRAS BU NI RGYU'I DNGOS POS PHYI MA PHYI MA 'BRAS BUR RIG PAR BYA'O, ZHES BYA BA DE LA SEMS BSKYED PA NI RIGS DANG RJES SU MTHUN PA'I SEMS BSKYED PA NI 'BRAS BU'O, ,PHYI MA PHYI MA 'BRAS BU LA SOGS PA DANG, RJES SU MTHUN PA'I 'BRAS BU LA SOGS PA SO SOR SMOS PA NI BSTAN PA DANG BSHAD PAR RIM BZHIN DU RIG PAR BYA'O, ,MI MTHUN PA'I PHYOGS KYI 'BRAS BU NI SPONG BA'I LAM STE, THOG MA'I 'BRAS BU GANG YIN PA NYID MI MTHUN PA'I PHYOGS NYID 'BRAS BU YIN PAS NA MI MTHUN PA'I PHYOGS KYI 'BRAS BU STE, SPONG BA'I LAM DES NYON MONGS PA RNAMS DANG 'BRAL LO, ,THOG MA'I 'BRAS BU NI GONG DU BSHAD PA THOG MAR 'JIG RTEN LAS 'DAS PA'I CHOS THOB PA'O ZHES BYA BA GANG YIN PA'O, ,MI MTHUN PA'I PHYOGS KYI SGRA NI GNYEN PO'I GEGS YIN PA'I PHYIR SGRIB PA LA BYAR ZIN KYANG, 'DIR NI MI MTHUN PA'I PHYOGS GNYEN PO LA BYA BAR 'DOD DO, ,SGRIB PA GZHOM PA'I PHYOGS YIN PAS NA GNYEN PO ZHES BYA BAR SBYAR RO, , @286B BRAL BA'I 'BRAS BU NI GOMS PAR BYAS PA'I 'BRAS BU DANG RDZOGS PA'I 'BRAS BU STE, NYON MONGS PA DANG BRAL BA NI SLOB PA DANG MI SLOB PA DANG, RIM BZHIN NO ZHES BYA BA LA, GOMS PAR BYAS PA'I 'BRAS BU BRAL BA NI, LAN CIG PHYIR 'ONG BA'I 'BRAS BU LA ZHUGS PA SLOB PA LNGA RNAMS TE, NYON MONGS PA'I LHAG MA DANG BCAS PA'I PHYIR RO, ,RDZOGS PA'I 'BRAS BU NI YONGS SU NYAMS PA'I CHOS CAN LA SOGS PA MI SLOB PA RNAMS YIN TE, DRUG CAR YANG KHAMS GSUM GYI NYON MONGS PA RNAMS MA LUS PAR SPANGS PA'I PHYIR RO, ,GONG MA NI PHYE STE BSHAD PA'O, ,'DIR NI MA PHYE BA STE KHYAD PAR RO, , KHYAD PAR GYI 'BRAS BU NI MNGON PAR SHES PA LA SOGS PA YON TAN GYI KHYAD PAR RO ZHES BYA BA 'DI YANG GOMS PAR BYAS PA DANG RDZOGS PA'I 'BRAS BU'I KHYAD PAR NYID DU RIG PAR BYA'O, ,CI'I PHYIR ZHE NA, PHYIR MI 'ONG BA RNAMS DANG, DGRA BCOM PA RNAMS DANG, RANG SANGS RGYAS RNAMS DANG, BYANG CHUB SEMS DPA' RNAMS DANG, DE BZHIN GSHEGS PA RNAMS KYI YON TAN KHYAD PAR CAN THOB PAR BRJOD PAR 'DOD PA'I PHYIR RO, ,BLA MA'I 'BRAS BU NI BYANG CHUB SEMS DPA'I SA RNAMS TE, 'DIR RGYU SMOS PA, DE MA YIN PA'I THEG PA LAS BLA MAR GYUR PA'I PHYIR RO ZHES BYA'O, ,BYANG CHUB SEMS DPA'I SA RNAMS NI MTHONG BA DANG BSGOM PA'I LAM GYI RANG BZHIN YIN PAS THOG MA'I 'BRAS BU DANG GOMS PAR BYAS PA'I 'BRAS BU ZIN KYANG NYAN THOS DANG RANG SANGS RGYAS KYI THEG PA LA LTOS NAS RNAM PAR MI RTOG PA DANG, SANGS RGYAS KYI RIGS YIN PA DANG, BYANG CHUB CHEN PO 'BRAS BU LA SOGS PA 'BRAS BU LNGA STE, DE DAG TU 'BRAS BU THAMS CAD BSDUS PA'I PHYIR RO, ,DE'I BYE BRAG NI LHAG MA RNAMS SO ZHES BYA BA LA, 'BRAS BU LNGA PO DE DAG NYID KYI RAB TU DBYE BA'O, ,LHAG MA RNAMS NI PHYI MA PHYI MA 'BRAS BU LA SOGS PAR RIG PAR BYA'O, ,SNGON GOMS PAR BYAS PA NI RNAM PAR SMIN PA'I 'BRAS BU'I ZHES BYA BA NI SNGON GYI TSE RABS SU DGE BA BSAGS PA DA LTAR GYI TSE LA RNAM PAR SMIN PA STE, DGE BA DANG MTHUN PAR SKYE BAS NA, DE'I PHYIR SNGON GOMS PAR BYAS PA ZHES BSHAD DO, ,GONG NAS GONG DU SGRUB PA NI DE MA YIN PA GZHAN BZHI'O ZHES BYA BA NI, BDAG PO'I 'BRAS BU DANG, @287A *, ,RGYU MTHUN PA'I 'BRAS BU DANG, SKYES BU BYED PA'I 'BRAS BU DANG, BRAL BA'I 'BRAS BU'O, ,DE LA RNAM PAR SMIN PAS SGRUB PA NI STOBS SO, ,STOBS KYIS SGRUB PA NI 'DOD PA'O, ,'DOD PAS SGRUB PA NI 'PHEL BA'O, ,'PHEL BAS SGRUB PA NI RNAM PAR DAG PA PA'O; ,KHA CIG NA RE GONG NAS GONG DU BSHAD PAS RAB TU PHYE BAS NA GONG NAS GONG DU SGRUB PA ZHES BYA'O ZHE'O, ,BSTAN PA NI PHYI MA PHYI MA 'BRAS BU LA SOGS PA BZHI'O ZHES BYA BA NI PHYI MA PHYI MA 'BRAS BU DANG, THOG MA'I 'BRAS BU DANG, GOMS PAR BYAS PA'I 'BRAS BU DANG, RDZOGS PA'I 'BRAS BU'O, ,BSHAD PA NI RJES SU MTHUN PA'I 'BRAS BU LA SOGS PA DRUG STE, BZHI PO DE DAG NYID BSHAD PA'I PHYIR RO ZHES BYA BA DE LA, RJES SU MTHUN PA'I 'BRAS BU NI PHYI MA PHYI MA 'BRAS BU'I BSHAD PA'O, ,MI MTHUN PA'I PHYOGS KYI 'BRAS BU NI, THOG MA'I 'BRAS BU'I BSHAD PA'O, , BRAL BA'I 'BRAS BU NI GOMS PAR BYAS PA DANG, RDZOGS PA'I 'BRAS BU'I BSHAD PA'O, ,KHYAD PAR GYI 'BRAS BU DANG, BLA MA'I 'BRAS BU DANG, BLA NA MED PA'I 'BRAS BU NI RDZOGS PA'I 'BRAS BU NYID KYI BSHAD PA STE, DE NYID LA RGYAN DANG BCAS PAR BRJOD 'DOD PA'I PHYIR RO, ,KHA CIG NA RE KHYAD PAR GYI 'BRAS BU NI GOMS PAR BYAS PA'I 'BRAS BU DANG, RDZOGS PA'I 'BRAS BU GNYIS KYI BSHAD PA STE, PHYIR MI 'ONG BA LA YANG MNGON PAR SHES PA LA SOGS PA YON TAN 'BYUNG BA'I PHYIR RO, ,BLA NA MED PA'I 'BRAS BU NI RDZOGS PA'I 'BRAS BU'I BSHAD PA'O ZHE'O, ,BSTAN BCOS DBUS DANG MTHA' RNAM PAR 'BYED PA LAS GNYEN PO BSGOM PA'I LE'UR BCAD PA STE BZHI PA'I 'GREL BSHAD DO,, ,,MTSAN NYID LA SOGS PA DNGOS PO DRUG BSHAD PA'I 'OG TU THEG PA BLA NA MED PA BSTAN PAS DE'I PHYIR DE DAG BSHAD PA'I 'OG TU THEG PA BLA NA MED PA BSHAD PA'I SKABS SU BAB STE, DE'I PHYIR, DE NI THEG PA BLA NA MED PA BSHAD DGOS PAS DE BRJOD DO ZHES BYA BA SMOS SO, ,DA NI ZHES BYA BA NI MTSAN NYID LA SOGS PA DRUG BSHAD PA'I 'OG TU ZHES BYA BA'I THA TSIG GO, ,DE DAG GI 'OG TU BSHAD PA'I PHYIR RO SNYAM DU DGONGS PA'O, ,YANG NA GNYEN PO @287B BSGOM PA DANG, GNAS DANG 'BRAS BU THOB PA DAG NI NYAN THOS LA SOGS PA DANG, BYANG CHUB SEMS DPA' RNAMS KYI THUN MONG YIN PAR BSHAD DO, ,THUN MONG MA YIN PA'I GNAS SKABS SU BAB PAS NA THEG PA BLA NA MED PA NI BYANG CHUB SEMS DPA' RNAMS DANG, NYAN THOS LA SOGS PAR THUN MONG MA YIN TE, 'DIR GTZO BOR BSHAD DO ZHES BSTAN PA'I PHYIR, DA NI THEG PA BLA NA MED PA BSHAD DGOS PAS DE LA BRJOD DO ZHES BYA BA SMOS SO, ,'DI LAS GONG NA MED PAS NA BLA NA MED PA ZHES BYA BA'I SGRA NI KHYAD PAR DU 'PHAGS PA'I RNAM GRANGS SU GTOGS PA'O, ,DE YANG GANG ZHE NA THEG PA CHEN PO STE, JI LTAR NYAN THOS DANG, RANG SANGS RGYAS KYI THEG PA DAG LAS THEG PA CHEN PO KHYAD PAR DU 'PHAGS PA DE LTAR THEG PA CHEN PO LAS NI KHYAD PAR DU 'PHAGS PA DAM PA GZHAN MED DE, DE LA RGYU DANG 'BRAS BU GNYIS SHIN TU MCHOG TU GYUR PA'I PHYIR RO, ,BLA NA MED PA'I DNGOS PO NI BLA NA MED PA NYID DO, ,DE YANG GANG ZHE NA, DE'I PHYIR, BLA MED NYID NI SGRUB PA DANG, ,ZHES RGYA CHER GSUNGS SO, ,THEG PA CHEN PO NI BLA NA MED PA NYID RNAM PA GSUM STE ZHES BYA BA LA, THEG PA CHEN PO ZHES BYA BA DE GANG ZHE NA, RNAM PA GSUM PO DE DAG NYID DE, SGRUB PA DANG, DMIGS PA DANG, YANG DAG PAR 'GRUB PA'O, ,DE LA SGRUB PA BLA NA MED PA NYID NI PHA ROL TU PHYIN PA BCU SGRUB PAR BYED PA NYID DE, PHA ROL TU PHYIN PA RNAMS SGRUB PA LA BYANG CHUB SEMS DPA' RNAMS KYI SGRUB PA BLA NA MED PA ZHES BYA'O, ,DMIGS PA NI PHA ROL TU PHYIN PA LA SOGS PA'I CHOS RNAMS DANG, CHOS KYI DBYINGS TE, DMIGS PA 'DIS BYANG CHUB SEMS DPA' RNAMS GZHAN GYI DON MA LUS PAR MDZAD NUS PAR 'GYUR RO, ,DE'I PHYIR GZHAN GYI DON BYED NUS PA'I RGYU'I DMIGS PA NI DMIGS PA BLA NA MED PA NYID DO, ,CI'I PHYIR ZHE NA, DE DANG LDAN PA'I PHYIR BYANG CHUB SEMS DPA' RNAMS KYI DMIGS PA DE BLA NA MED PA ZHES BYA'O, ,YANG DAG PAR GRUB PA NI RIGS DANG MOS PA DANG SEMS BSKYED PA LA SOGS PA RNAMS KYI 'BRAS BU STE, DE NI RIGS LA SOGS PA LAS YANG DAG PAR 'GRUB PAR 'GYUR, 'THOB PAR 'GYUR BAS NA YANG DAG PAR 'GRUB PA ZHES BYA'O, ,DE YANG @288A *, ,DE LAS YANG DAG PAR 'GRUB PA KHYAD PAR DU 'PHAGS PA GZHAN MED PAS NA BLA NA MED PA ZHES BYA'O, ,DE BAS NA 'DIR YANG DAG PAR 'GRUB PA DE LAS KHYAD PAR DU 'PHAGS PA GZHAN MED PA'I DNGOS PO NYID BLA NA MED PA NYID DO, ,'DIR NI BYANG CHUB SEMS DPA' RNAMS KYI SGRUB PA BZHI DANG BCAS PA 'BRAS BU DANG BCAS PA LA THEG PA CHEN PO ZHES BSHAD PA YIN TE, DE YANG BLA NA MED PA NYID RNAM PA GSUM BSHAD MA THAG PAS BLA NA MED PA ZHES BYA'O, ,YANG NA THEG PA CHEN PO NI RNAM PAR RTOG PA'I SPROS PA THAMS CAD DANG BRAL BA'I YE SHES MTSUNGS PAR LDAN PA DANG BCAS PA TSOGS DANG BCAS PA, SBYOR BA DANG BCAS PA, RJES LAS THOB PA'I YE SHES DANG BCAS PA, KHYAD PAR CAN GYI YON TAN DANG BCAS PA, DMIGS PA DANG BCAS PA, 'BRAS BU DANG BCAS PA'O, ,DE LA DMIGS PA NI DE BZHIN NYID DO, ,'BRAS BU NI MI GNAS PA'I MYA NGAN LAS 'DAS PA'O, ,THEG PA CHEN PO 'DI STON PA'I MDO SDE LA SOGS PA BSHAD PA GANG YIN PA DE DAG KYANG THEG PA CHEN PO YIN NO, ,TSIG KYANG GZHI DANG 'DRA BAR GDAGS TE, DPER NA KHAR BA BSAD PA DANG RIN PO CHE PHROGS PA LTA BU'O, ,'DIS THEG CHEN MI GNAS PA'I MYA NGAN LAS 'DAS PA THOB PAR BYED PAS THEG PA'O, ,DE YANG CHEN PO RNAM PA BDUN DANG LDAN PAS NA CHEN PO'O, ,DE NI THEG PA YANG YIN LA CHEN PO YANG YIN PAS THEG PA CHEN PO'O, ,CHEN PO RNAM PA BDUN NI DMIGS PA DANG, SGRUB PA DANG, YE SHES DANG, BRTZON 'GRUS DANG, THABS MKHAS PA DANG, 'THOB PA DANG, LAS CHEN PO'O, ,DE LA DMIGS PA CHEN PO NI STONG PHRAG BRGYA PA LA SOGS PA MDO SDE MTHA' YAS PA'I CHOS RNAMS BYANG CHUB SEMS DPA'I LAM GYI DMIGS PA YIN PA'I PHYIR RO, ,SGRUB PA CHEN PO NI BDAG DANG GZHAN GYI DON MTHA' DAG SGRUB PA'I PHYIR RO, , YE SHES CHEN PO NI GANG ZAG DANG, CHOS LA BDAG MED PAR SHES PA'I PHYIR RO, ,BRTZON 'GRUS CHEN PO NI BSKAL BA GRANGS MED PA GSUM DU BYA DKA' BA BRGYA STONG PHRAG DU MA LA SBYOR BA'I PHYIR RO, ,THABS MKHAS PA CHEN PO NI 'KHOR BA DANG, MYA NGAN LAS 'DAS PA LA MI GNAS PA'I PHYIR RO, , @288B 'THOB PA CHEN PO NI STOBS DANG MI 'JIGS PA DANG, SANGS RGYAS KYI CHOS MA 'DRES PA LA SOGS PA YON TAN DPAG TU MED PA GRANGS MED PA 'THOB PA'I PHYIR RO, ,LAM CHEN PO NI 'KHOR BA JI SRID PA DE SRID DU BYANG CHUB MNGON PAR STON PAS SANGS RGYAS KYI MDZAD PA SGRUB PA'I PHYIR RO, ,'DI DAG NYID NI THEG PA CHEN PO BLA NA MED PA STE, DE LAS THEG PA KHYAD PAR CAN GZHAN MED PA'I PHYIR RO, ,DE YANG SGRUB PA DANG DMIGS PA DANG YANG DAG PAR 'GRUB PA STE, 'DI LTAR DE DAG DANG LDAN PAS NA THEG PA CHEN PO BLA NA MED PA ZHES BYA'O, ,SGRUB PA NYID BLA NA MED PA YIN PAS SGRUB PA BLA NA MED PA NYID DE, DE BZHIN DU DMIGS PA DANG YANG DAG PAR 'GRUB PA BLA NA MED PA NYID KYANG RIG PAR BYA'O, ,BLA NA MED PA NYID DE DAG NI BYANG CHUB SEMS DPA'I LAM DANG, DE'I GNAS DANG DE'I 'BRAS BU'I DBANG DU BYAS TE, GO RIMS BZHIN DU RNAM PAR GZHAG GO, ,'DI LTA STE, SANGS RGYAS KYI GSUNG RAB KYIS KYANG SGRUB PA DANG DMIGS PA DANG DE'I 'BRAS BU DANG 'DI RNAMS TZAM ZHIG BSHAD PAR ZAD DO, ,DMIGS PA NI SGRUB PA'I SNGON DU 'GRO BAS DMIGS PA SNGAR BSHAD PA'I RIGS PA LAS, BYANG CHUB SEMS DPA' RNAMS LA SGRUB PA SNYING POR BYA BA BSTAN PA'I PHYIR SGRUB PA SNGAR BSHAD DO, ,DE LA JI LTAR NA SGRUB PA BLA NA MED PA NYID CES BYA ZHE NA, DE'I PHYIR, SGRUB PA BLA NA MED PA NI PHA ROL TU PHYIN PA BCU LA SGRUB PAR RIG PAR BYA'O ZHES BYA BA SMOS SO, ,PHA ROL TU PHYIN PA RNAMS SGRUB PA NI PHA ROL TU PHYIN PA RNAMS LA NAN TAN BYED PA'O, ,PHA ROL TU PHYIN PA SGRUB PA DE YANG THEG PA CHEN PO NYID DU BSHAD KYI; GZHAN NI MA YIN PAS NA THEG PA CHEN PO NYID BLA NA MED PAR STON TO, ,SGRUB PA DE YANG RNAM PA GANG GIS PHA ROL TU PHYIN PA RNAMS LA SBYOR BA NI BLA NA MED PAR 'GYUR BA'I RNAM PA DE DAG BSTAN PA'I PHYIR, SGRUB PA DAG NI RNAM DRUG STE, ,ZHES BYA BA GSUNGS SO, ,PHA ROL TU PHYIN PA RNAMS LA SGRUB PA JI LTAR NA DAM PAR 'GYUR BA NAS, JI LTAR NA KHYAD PAR CAN MED PA'I BAR DU 'GYUR BA MI SHES NAS, DE'I PHYIR DE LA, DAM PA BCU GNYIS BDAG NYID DE, ,ZHES BYA BA SMOS SO, ,DAM PA NI RNAM PA BCU GNYIS TE, CHE BA DANG BLA NA MED CES BYA BA'I @289A *, ,THA TSIG GO, ,DE'I RNAM PA BSTAN PA'I PHYIR, ,RGYA CHE BA DANG YUN RING DANG, ,ZHES RGYA CHER GSUNGS SO, ,RGYA CHE BA DAM PA NAS 'GRUB PA DAM PA ZHES BYA BA'I BAR DU RNAM PA BCU GNYIS PA DE DAG NI DAM PA'O, ,DE LA RGYA CHER DAM PA NI 'JIG RTEN GYI PHUN SUM TSOGS PA THAMS CAD MI 'DOD PA DANG MCHOG TU RIG PAR BYA'O ZHES BYA BA LA, PHUN SUM TSOGS PA ZHES BYA BA NI MNGON PAR MTHO BA'O, ,DE YANG RNAM PA GNYIS TE, RNYED PA DANG MA RNYED PA'O, ,DE LA BDAG GI BDE BA LA MI CHAGS PA DANG, GZHAN GYI SDUG BSNGAL BA BSAL BAR ZHUGS PA'I PHYIR RNYED PA LA MI CHAGS SHING MA RNYED PA MI 'TSOL BA'O, ,JI SKAD DU, DGE BA KHYOD KYI BSOD NAMS 'BRAS BU GANG, ,THAMS CAD GZHAN GYI DON TE BDAG GI DON RGYUR MIN, ,ZHES 'BYUNG BA LTA BU'O, ,SPONG BA DANG YE SHES DANG MTHU PHUN SUM TSOGS PA'I SANGS RGYAS NYID 'BRAS BU YIN PA'I PHYIR MCHOG GO, ,YANG NA 'JIG RTEN NA RGYA CHE BA NI RNAM PA GNYIS SU BRJOD DE, CHE BAR MNGON PA DANG LAN DU PHAN 'DOGS PA MI 'DOD PA'O, ,DE LTAR NA BYANG CHUB SEMS DPA' NI 'JIG RTEN GYI PHUN SUM TSOGS PA THAMS CAD MI 'DOD KYANG SBYIN PA LA SOGS PA PHA ROL TU PHYIN PA RNAMS LA JE BAS JE CHER SBYOR TE, DE BAS NA DE SGRUB PA RGYA CHE BA NYID CES BYA'O, ,YUN RING BA DAM PA NI YUN RING BA'I PHYIR MCHOG STE, YUN RING BA NYID KYANG SBYIN PA'I PHA ROL TU PHYIN PA LA SOGS PA LA YUN RING POR GOMS PAR BYED PA'O, ,DE YANG DUS JI SRID PA MI SHES NAS DE'I PHYIR, BSKAL BA GRANGS MED PA GSUM DU YONGS SU BSGOM PA'I PHYIR RO ZHES BYA BA SMOS TE, BYANG CHUB SEMS DPA' RNAMS NI SBYIN PA'I PHA ROL TU PHYIN PA LA SOGS PA BSGOM PA BSKAL BA GRANGS MED PA GSUM GYI MTHAR THUG PAR BYED PAS SHIN TU YUN RING BA YIN NO, ,CHED DU BYA BA DAM PA NI SEMS CAN THAMS CAD KYI DON BYA BA'I CHED KYI PHYIR RO ZHES BYA BA LA, BYANG CHUB SEMS DPA' BDAG GI BDE BA LA MI CHAGS PA RNAMS NI, SEMS CAN LA PHAN PA DANG BDE BAR BYA BA'I CHED DU SBYIN PA LA ZHUGS PAS DE'I PHYIR CHED DU BYA BA DAM PA ZHES BYA'O, ,ZAD MI SHES PA @289B DAM PA NI MI ZAD PA'I PHYIR DAM PA STE, ZAD MI SHES PA GANG ZHE NA, DE'I PHYIR, BYANG CHUB CHEN POR YONGS SU BSNGOS PAS, GTAN DU YONGS SU GTUGS PAR MI 'GYUR BA'I PHYIR RO ZHES BYA BA SMOS SO, ,BYANG CHUB CHEN POR YONGS SU BSNGO BA'I SBYIN PA LA SOGS PA NI, SKYE PA'I GNAS THAMS CAD DU RNAM PAR SMIN PA'I 'BRAS BU BYIN YANG GTAN DU RGYUN CHAD PAR MI 'GYUR TE, GNAS GYUR PA'I MTSAN NYID CHOS KYI SKU SGRUB PA DANG, DE YANG MI ZAD PAS PHUNG PO'I LHAG MA MED PA'I MYA NGAN LAS 'DAS PAR GTAN DU YONGS SU GTUGS PAR MI 'GYUR GYI, NYAN THOS LA SOGS PA'I BYANG CHUB TU YONGS SU BSNGOS PA NI PHUNG PO LHAG MA MED PA'I MYA NGAN LAS 'DAS PA'I DBYINGS SU LUS RNAM PA THAMS CAD DU RGYUN CHAD PAS RGYUN CHAD PAR 'GYUR RO, ,YANG NA BYANG CHUB CHEN POR YONGS SU BSNGO BAS SBYIN PA LA SOGS PA MI ZAD PAR 'GYUR TE; RNAM PAR SMIN PA MANG BA'I PHYIR RO, ,MANG BA LA YANG MI ZAD PA ZHES BYA STE, RNAM PAR SMIN PA SBYIN PAS GTAN DU YONGS SU GTUGS PAR MI 'GYUR BA'I PHYIR RO, ,NYAN THOS LA SOGS PA'I BYANG CHUB TU YONGS SU BSNGOS PA LA NI DE LTAR MI ZAD PAR MI 'GYUR RO, ,YANG NA SEMS CAN RNAMS KYI DON DU BYANG CHUB SEMS DPA' RNAMS KYI DGE BA'I RTZA BA BYANG CHUB CHEN POR YONGS SU BSNGOS PA DANG, SEMS CAN GYI KHAMS BZHIN DU MI ZAD PA YIN TE, DE BAS NA SEMS CAN GYI KHAMS BZHIN DU GTAN DU YONGS SU GTUGS PAR MI 'GYUR RO, ,RGYUN MI 'CHAD PA DAM PA NI BDAG DANG GZHAN MNYAM PA NYID DU MOS PA'I PHYIR TE, SEMS CAN THAMS CAD LA SBYIN PA LA SOGS PA PHA ROL TU PHYIN PA RNAMS YONGS SU RDZOGS PAR BYED PA'I PHYIR RO ZHES BYA BA NI, SA RAB TU DGA' BA LA BYANG CHUB SEMS DPAS CHOS KYI DBYINGS KUN DU 'GRO BA'I DON RTOGS PAS BDAG DANG GZHAN MNYAM PA NYID DU MOS SO, ,DE BDAG DANG GZHAN MNYAM PA NYID DU MOS PA'I PHYIR BDAG DANG GZHAN DU RNAM PAR RTOG PA SPANGS PAS, RANG GI SBYIN PA LA SOGS PA BZHIN DU GZHAN GYI SBYIN PA LA SOGS PAS KYANG SEMS SHIN TU DGA' BA THOB PO, ,DE BAS NA SKAD CIG RE @290A *, ,RE'AM YUD TZAM RE RE'AM NYI MA RE RER YANG RGYUN MI 'CHAD PAR DE'I SBYIN PA LA SOGS PA PHA ROL TU PHYIN PA RNAMS YONGS SU RDZOGS PAR 'GYUR RO, ,TSOGS MED PA DAM PA NI GZHAN GYI SBYIN PA LA SOGS PA LA RJES SU YI RANG BA TZAM GYIS PHA ROL TU PHYIN PA YONGS SU RDZOGS PAR BYED PA'I PHYIR RO ZHES BYA BA NI CI NAS KYANG DE DAG LA RJES SU YI RANG BA TZAM GYIS SBYIN PA LA SOGS PA PHA ROL TU PHYIN PA RNAMS YONGS SU RDZOGS PAR 'GYUR BA DE LTAR BYANG CHUB SEMS DPA' RNAMS SEMS CAN RNAMS KYI SBYIN PA LA SOGS PA DGE BA'I RTZA BA RNAMS LA RAB TU DGA' BA'I YID KYIS RJES SU YI RANG BAR BYED DO, ,DBANG 'BYOR BA DAM PA NI NAM MKHA' MDZOD KYI TING NGE 'DZIN LA SOGS PAS SBYIN PA LA SOGS PA YONGS SU RDZOGS PAR BYED PA'I PHYIR RO ZHES BYA BA NI, BYANG CHUB SEMS DPA' RNAMS CHOS KYI DBYINGS RTOGS PA BSGOM PAS; TING NGE 'DZIN NAM MKHA' MDZOD CES BYA BA 'THOB STE, DE THOB PAS SEMS CAN RNAMS KYI BSAM PA THAMS CAD YONGS SU BSKANG BA'I PHYIR SBYIN PA'I PHA ROL TU PHYIN PA YONGS SU RDZOGS PAR 'GYUR TE, DE'I DBANG GIS NAM MKHA' NYID MDZOD DAM YANG NA NAM MKHA' LA MDZOD 'CHA' BA'I TING NGE 'DZIN LA NAM MKHA' MDZOD CES BYA BAR BRJOD DE, 'DI LTAR TING NGE 'DZIN DE'I MTHUS YO BYAD THAMS CAD NAM MKHA' LAS 'BYUNG BAR 'GYUR RO, ,SOGS PA'I SGRAS NI SHES RAB KYI ROL TU PHYIN PA LA SOGS PA MDO LAS 'BYUNG BA'I TING NGE 'DZIN RNAMS BSDU'O, ,YONGS SU BZUNG BA DAM PA NI, RNAM PAR MI RTOG PA'I YE SHES KYIS YONGS SU BZUNG BA'I PHYIR RO ZHES BYA BA NI, BYANG CHUB SEMS DPA' RNAMS KYI RNAM PAR MI RTOG PA'I YE SHES NI SBYIN BDAG DANG SBYIN PAR BYA BA DANG, LEN PA GSUM NI DMIGS PAS RNAM PAR MI RTOG PA'I YE SHES SO, ,DE BZHIN DU SHES PAR BYED PA DANG, SHES PAR BYA BA DANG, SHES PA GSUM GYIS BAR DU MI DMIGS PA'I PHYIR RNAM PAR MI RTOG PA'I YE SHES TE, RNAM PAR MI RTOG PA'I YE SHES DAM PA DES YONGS SU GZUNG BA'I SBYIN PA LA SOGS PA SGRUB PO, ,JI LTA ZHE NA DE'I RJES SU 'BRANG BA DANG DE LA DMIGS @290B PA'I PHYIR TE, DE'I PHYIR DAM PA ZHES BYA'O, ,RTZOL BA DAM PA NI MOS PAS SPYOD PA'I SA LA BZOD PA CHER GYUR PA'O ZHES BYA BA LA, BSKAL BA GRANGS MED PA DANG PO NI MOS PAS SPYOD PA'I SA ZHES BYA STE, RIGS DANG BSHES GNYEN GYI STOBS KYIS BYANG CHUB TU SEMS BSKYED NAS, NGO BO NYID GSUM GYI SGO NAS CHOS THAMS CAD LA BDAG MED PAR SHIN TU MOS PA'I BZOD PA CHE BA STE, MA DAD PA LA SOGS PA MI MTHU PA'I PHYOGS LAS RGYAL BA LA BYA'O, ,DE NI BYANG CHUB SEMS DPA'I RTZOM PA'I DUS TE, DE'I PHYIR BA ZOD PA CHEN PO NI RTZOM PA DAM PA ZHES BYA STE, 'THOB PA DAM PA NI SA DANG PO'O ZHES BYA BA NI SA DANG PO LA CHOS KYI DBYINGS KUN DU 'GRO BA RTOGS PAS 'JIG RTEN LAS 'DAS PA'I PHA ROL TU PHYIN PA RNAMS 'THOB PO, ,SNGAR SA DANG PO LA SBYOR BAS BSDUS PA NI 'JIG RTEN PA NYID DE, DE'I PHYIR SA DANG PO LA 'THOB PA DAM PA ZHES BYA'O,, RGYU MTHUN PA DAM PA NI DE MA YIN PA GZHAN BRGYAD PO DAG LA'O ZHES BYA BA NI, DE MA YIN PA GZHAN SA BRGYAD PO DAG LA GONG NAS GONG DU KHYAD PAR THOB PA NI SA DANG PO LA THOB PA'I PHA ROL TU PHYIN PA RNAMS KYI RGYU MTHUN PA YIN PAS RGYU MTHUN PA DAM PA'O, ,YANG NA MOS PAS SPYOD PA'I SA LA PHA ROL TU PHYIN PA RNAMS BSGOMS PA'I STOBS KYIS SA DANG PO 'THOB PA NI 'THOB PA DAM PA STE, SA DANG PO BYANG CHUB SEMS DPA' RNAMS KYI MTHONG BA'I LAM DU BSDUS PA DER ZHUGS NA, DE'I BDAG NYID KYI CHOS RAB TU THOB PA'I PHYIR, DE BZHIN GSHEGS PA'I RIGS SU SKYES PA YIN NO ZHES MDO LAS 'BYUNG NGO, ,SA LHAG MA RNAMS PHA ROL TU PHYIN PA RNAMS BSGOM PA'I STOBS KYIS THOB PA'I SA DANG PO'I RGYU MTHUN PA DAM PA'O, ,YANG NA SA BRGYAD PO 'DI DAG NI SA DANG PO LA RAB TU THOB PA'I PHA ROL TU PHYIN PA RNAMS KYI RGYUN MTHUN PAR GYUR PAS RGYU MTHUN PA DAM PA'O, ,'GRUB PA DAM PA NI SA BCU PA DANG DE BZHIN GSHEGS PA'I SA LA, BYANG CHUB SEMS DPA' 'GRUB PA DANG SANGS RGYAS 'GRUB PA'I PHYIR RO ZHES BYA BA LA, SA BCU PA LA BYANG CHUB SEMS DPA' BYANG CHUB SEMS DPA'I SPYOD PA THAMS CAD TSAR PHYIN NAS DE BZHIN @291A *, ,GSHEGS PA RNAMS KYI RGYAL CHAB TU DBANG BSKUR TE, BSOD NAMS DANG YE SHES KYI TSOGS BSAM GYIS MI KHYAB PA YONGS SU RDZOGS PA DANG, CHOS THAMS CAD LA RNAM PAR RTOG PA DANG BRAL BA DANG, RNAM PA THAMS CAD DU BDAG DANG GZHAN GYI DON SGRUB PA'I PHYIR, SA BCU PA LA BYANG CHUB SEMS DPA' RNAMS KYI 'GRUB PA DAM PA'O, ,SPONG BA DANG YE SHES DANG MTHU KHYAD PAR CAN RNAMS THOB PA'I PHYIR BCOM LDAN 'DAS NI 'GRO BA THAMS CAD KYI STON PA YIN PAS DE'I PHYIR SANGS RGYAS SU 'GRUB PAS 'GRUB PA'O, ,'GRUB PA DE YANG GANG ZHE NA, BYANG CHUB SEMS DPA'I CHOS RNAMS DANG, SANGS RGYAS KYI CHOS RNAMS RNAM PA THAMS CAD DU MNGON PAR SGRUB PA'O, ,YANG NA SLOB PA'I SAR BSDUS PA'I PHA ROL TU PHYIN PA RNAMS KYI PHUL DU BYUNG BA NI SA BCU PA STE, DE BAS NA DE LA BYANG CHUB SEMS DPA' YONGS SU 'GRUB PO, ,MI SLOB PA'I SAR BSDUS PA RNAMS KYI PHUL DU BYUNG BA NI SANGS RGYAS KYI SA STE, SA DE NA PHA ROL TU PHYIN PA RNAMS LA SLOB PA MED PA'I PHYIR, SANGS RGYAS SU YONGS SU 'GRUB PAS 'GRUB PA STE, DE LTAR SA BCUR BYANG CHUB SEMS DPA'I YONGS SU 'GRUB PA DANG, DE BZHIN GSHEGS PA'I SANGS RGYAS YONGS SU GRUB PAS 'GRUB PA DAM PAR RIG PAR BYA'O, ,DE'I PHYIR DAM PA'I DON GYIS NA, PHA ROL TU PHYIN PA BCUR 'DOD DO ZHES BYA BA NI 'DI LTAR DAM PA RNAM PA BCU GNYIS PO 'DI DAG ,BYANG CHUB SEMS DPA' RNAMS KYI SBYIN PA LA SOGS PA LA YOD KYI, NYAN THOS LA SOGS PA'I SBYIN PA LA SOGS PA LA NI MED PA DE'I PHYIR, DAM PA ZHES BYA STE, DON 'DIS BYANG CHUB SEMS DPA' RNAMS NYID KYI SBYIN PA LA SOGS PA YE SHES LA THUG PA RNAMS NGES PA'I TSIG GI TSUL GYIS PHA ROL TU PHYIN PA BCU PO DAG TU STON TO, ,DE BAS NA PHA ROL TU PHYIN PA RNAMS LA SGRUB PA GANG YIN PA DE YANG DAM PA ZHES BYA'O, ,KHA CIG CES BYA BA NI GANG DAG PHA ROL TU PHYIN PA RNAMS KYI MING TZAM YANG MI SHES PA DE RNAMS LA DE DAG GI MING BSTAN PAR BYA BA'I PHYIR, SBYIN DANG TSUL KHRIMS BZOD BRTZON 'GRUS, ,BSAM GTAN DANG NI SHES RAB THABS, ,SMON LAM STOBS DANG YE SHES DANG, , @291B 'DI DAG PHA ROL PHYIN BCU'O, ,ZHES BYA BA BRJOD DE, CHED DU BYA BA DAM PA NI SEMS CAN THAMS CAD KYI DON BYA BA'I CHED KYI PHYIR RO ZHES BSHAD PA DE'I PHYIR, 'DI DAG GI SO SO'I LAS CI ZHE NA ZHES DRIS PA DE'I PHYIR, LAS NI RJES SU 'DZIN BYED DANG, ,GNOD MI BYED DANG DE LA BZOD, ,ZHES RGYA CHER GSUNGS SO, ,BYANG CHUB SEMS DPA'I SBYIN PAS NI SEMS CAN RNAMS RJES SU 'DZIN PA'O ZHES BYA BA NI DE LA MCHOD PA DANG, PHAN GDAGS PAR 'DOD PAS, PHYI DANG NANG GI DNGOS PO KHA NA MA THO BA MED PAS LAN DU PHAN 'DOGS PA DANG, RNAM PAR SMIN PA LA SOGS PA LA MI LTA BAR SEMS PA GANG GIS YONGS SU GTONG ZHING LUS DANG NGAG GI LAS KYIS KYANG SGRUB PA 'DI NI, BYANG CHUB SEMS DPA'I ZANG ZING GI SBYIN PA STE, 'DIS BKRES PA DANG SKOM PA LA SOGS PA'I SDUG BSNGAL SEL BAS SEMS CAN RNAMS RJES SU 'DZIN TO, ,SNYING RJE SNGON DU BTANG STE SEMS CAN RNAMS LA MI GNOD PA'I 'TSO BA DANG, BSTAN BCOS DANG, SGYU RTZAL DANG, BZO RNAMS STON PA DANG, BDE 'GRO DANG THAR PA'I LAM STON PA NI CHOS KYI SBYIN PA STE, 'DIS KYANG 'TSO BA MED PA DANG, NGAN 'GRO 'KHOR BA'I SDUG BSNGAL SEL BAS SEMS CAN RJES SU 'DZIN TO, ,RGYAL PO DANG CHOM RKUN DANG BGO SKAL LA SPYOD PA DANG, GCAN GZAN LA SOGS PAS ZIN PA DE DAG LAS THAR PAR BYED PA NI MI 'JIGS PA SBYIN PA STE, 'DIS KYANG SROG DANG LONGS SPYOD DANG, BU DANG CHUNG MA LA SOGS PAS PHONGS PA'I 'JIGS PA SEL BAS SEMS CAN RNAMS RJES SU 'DZIN TO; ,TSUL KHRIMS KYIS NI DE DAG LA GNOD PAR MI BYED DO ZHES BYA BA NI LUS DANG NGAG GIS NYES PAR SPYOD PA THAMS CAD SPYOD PA DANG, 'JIG RTEN DANG MTHUN PA'I BKAG PA DANG, BSGO BAS LUS DANG NGAG GI LAS LDOG CING SGRUB PA NI TSUL KHRIMS TE, TSUL KHRIMS DE LA RNAM PAR GNAS PAS SEMS CAN LA GNOD PA DANG MI BDE BAR SGRUB PA SROG GI PHYIR YANG BDAG NYID KYANG MI BYED CING GZHAN LA YANG BYED DU MI 'JUG PA'O, ,BZOD PA NI GZHAN DAG GIS GNOD PAR BYAS PA LA JI MI SNYAM PAR BYED DO ZHES BYA BA NI SNYING RJE'I SEMS SNGON DU BTANG BAS SDUG BSNGAL GYI RNAM PA @292A *, ,THAMS CAD LA JI MI SNYAM PAR BYED CING DANG DU LEN PA'I BDAG NYID KYI BZOD PA STE, DES GZHAN DAG GIS GSOD PA DANG 'CHING BA DANG RDEG PA LA SOGS PA BYAS PA LA SLAR GNOD PA MI BYED PAS JI MI SNYAM PAR BYED PA'O, ,BRTZON 'GRUS KYIS NI YON TAN RNAMS 'PHEL BAR BYED DO ZHES BYA BA NI SBYIN PA LA SOGS PA'I PHYIR SPRO BA NI BRTZON 'GRUS TE, DES SBYIN PA LA SOGS PA'I YON TAN GOMS PAR BYAS PAS YON TAN KHYAD PAR DU 'PHAGS PAR 'GRUB PA NI 'PHEL BA'O, ,BSAM GTAN GYIS NI RDZU 'PHRUL LA SOGS PAS MGU BAR BYAS TE 'DZUD DO ZHES BYA BA LA SOGS PA ZHES BYA BA'I SGRAS NI, SEMS KYI RNAM GRANGS SHES PA BSDU'O, ,BSAM GTAN NI TING NGE 'DZIN LA SEMS RTZE GCIG PA'O, ,RDZU 'PHRUL NI NAM MKHA' LA 'GRO BA LA SOGS PA'O, ,'DZUD PA NI BSTAN PA'I CHOS NYID STON PA STE, BSAM GTAN GYI 'BRAS BU RDZU 'PHRUL DANG, KUN BRJOD PA'I CHO 'PHRUL GNYIS KYIS MGU BAR BYAS NA BSTAN PA LA 'DZUD NUS PAR 'GYUR RO, ,SHES RAB KYIS NI YANG DAG PA'I GDAMS NGAG BYIN PAS RNAM PAR GROL BAR BYED DO ZHES BYA BA LA, SHES RAB NI RNAM PA THAMS CAD DU CHOS RAB TU RNAM PAR 'BYED PA'I MTSAN NYID DO, ,DE'I LAS NI YANG DAG PA'I GDAMS NGAG SBYIN PA STE, NYON MONGS PA SPONG BA YANG PHYIN CI MA LOG PAR RJES SU BSTAN PA LA RAG LUS PA'O, ,DE BAS NA SHES RAB KYIS YANG DAG PA'I GDAMS NGAG BYIN PAS RNAM PAR GROL BAR BYED DO, ,THABS LA MKHAS PA'I PHA ROL TU PHYIN PAS NI, BYANG CHUB CHEN POR YONGS SU BSNGOS PAS, SBYIN PA LA SOGS PA MI ZAD PAR BYED DO ZHES BYA BA NI CHOS GANG 'GRUB PAR BYA BA DANG, RNAM PAR 'PHEL BAR BYA BA DANG, 'THOB PAR BYA BA DANG, SPANG BAR BYA BA'I PHYIR RIGS PA GANG YIN PA DE NI THABS YIN NO; ,DE LA MKHAS PA NI THOG TU PHEBS PA STE, THABS LA MKHAS PA'O, ,DE'I LAS NI SBYIN PA LA SOGS PA BYAS SHING BSAGS PA RNAMS BYANG CHUB CHEN POR YONGS SU BSNGOS PAS MI ZAD PAR BYED PA'O, ,BYANG CHUB CHEN POR YONGS SU BSNGOS PA'I DGE BA'I RTZA BA RNAMS NI BYANG CHUB @292B CHEN PO BZHIN DU MI ZAD PAR 'GYUR RO, ,SMON LAM GYI PHA ROL TU PHYIN PAS NI MTHUN PA'I SKYE BA YONGS SU 'DZIN PAS TSE RABS THAMS CAD DU SANGS RGYAS 'BYUNG BA MNYES PAR BYED CING SBYIN PA LA SOGS PA LA RTAG TU 'JUG GO ZHES BYA BA LA, SMON LAM NI RNAM PA DU MAR SMON PA'I BDAG NYID YIN MOD KYI, 'DIR NI DGE BA DANG MTHUN PA'I SKYE BA LA SMON PAS SMON LAM DU 'DOD DO, ,DE'I LAS NI TSE RABS TSE RABS SU SANGS RGYAS 'BYUNG BA MNYAM PAR BYED PA DANG, SBYIN PA LA SOGS PA LA RTAG TU 'JUG PA'O, ,STOBS KYI PHA ROL TU PHYIN PAS NI SO SOR RTOG PA DANG, BSGOM PA'I STOBS GNYIS KYIS MI MTHUN PA'I PHYOGS KYIS ZIL GYIS MI NON PA'I PHYIR SBYIN PA LA SOGS PA LA NGES PAR 'JUG GO ZHES BYA BA LA SO SOR RTOG PA NI SHES RAB PO, ,BSGOM PA NI DGE BA'I CHOS GOMS PAR BYED PA STE, DE GNYIS LA MI MTHUN PA'I PHYOGS KYIS ZIL GYIS MI NON PA NI, STOBS KYI PHA ROL TU PHYIN PA ZHES BYA'O, ,DE'I LAS NI SKAD CIG RE RE LA YANG GDON MI ZA BAR SBYIN PA LA SOGS PA LA 'JUG PA'O, ,NGES PA ZHES BYA BA'I SGRAS NI RGYUN MI 'CHAD PA'I RNAM GRANGS SO, ,SO SOR RTOG PA DANG BSGOM PA'I STOBS DANG LDAN PA'I SBYIN PA LA SOGS PA'I DGE BA LA MI MTHUN PA'I PHYOGS RNAMS KYIS ZIL GYIS MI NON TO, ,YE SHES KYI PHA ROL TU PHYIN PAS NI, CHOS LA SGRA JI BZHIN DU RMONGS PA DANG BRAL BAS, SBYIN PA LA SOGS PA'I DBANG DU MDZAD PA'I CHOS LA LONGS SPYOD PA MYONG BA DANG, SEMS CAN RNAMS KYANG YONGS SU SMIN PAR BYED DO ZHES BYA BA NI THEG PA CHEN PO'I CHOS BSTAN PA THAMS CAD LA SGRA JI BZHIN DU RMONGS PA DANG BRAL PA'I YE SHES NI, YE SHES KYI PHA ROL TU PHYIN PA'O, ,SGRA JI BZHIN DU RMONGS PA DE YANG GANG ZHE NA, GANG GIS DGONGS PA'I DON SPANGS TE SGRA JI BZHIN NYID DU RTOG PA 'DI NI SGRA JI BZHIN DU RMONGS PA'O, ,SBYIN PA'I DBANG DU MDZAD PA NI SBYIN PA LA DMIGS NAS, MDO LA SOGS PA'I CHOS BSTAN PA GANG YIN PA DE SBYIN PA'I DBANG DU MDZAD PA'O, ,TSUL KHRIMS DANG, BZOD PA DANG, BRTZON 'GRUS LA SOGS PA'I DBANG DU MDZAD PA DE YANG DE BZHIN DU BLTA BAR BYA'O, ,SANGS RGYAS DANG BYANG CHUB SEMS DPA' RNAMS KYI @293A *, ,THEG PA CHEN PO LAS BRTZAMS TE, PHYIN CI MA LOG PA 'BREL PA'I GTAM NGES PAR MDZAD PA DANG, SEMS CAN RNAMS LA PHYIN CI MA LOG PA'I CHOS BSTAN PAS, YONGS SU SMIN PAR MDZAD PAS CHOS LA LONGS SPYOD PA MYONG BA DANG, SEMS CAN YONGS SU SMIN PAR MDZAD PA NI, YE SHES KYI PHA ROL TU PHYIN PA'I LAS TE, MDO LA SOGS PA'I CHOS BSTAN PA NI, YE SHES KYI PHA ROL TU PHYIN PAS RAB TU PHYE BA'I PHYIR RO, ,DAM BSGRUB PA BSHAD PA'I 'OG TU YID LA BYED PA'I SGRUB PA BRJOD DGOS TE, DE'I PHYIR, YID LA BYED PA SGRUB PA GANG ZHE NA ZHES DRIS PA DANG, DE'I PHYIR, THEG PA CHEN PO JI LTA BUR, ,CHOS RNAMS BTAGS PA MDZAD PA DAG ,ZHES RGYA CHER GSUNGS SO, ,SBYIN PA LA SOGS PA'I DBANG DU MDZAD NAS ZHES BYA BA NI SBYIN PA DANG, TSUL KHRIMS DANG, BZOD PA DANG, BRTZON 'GRUS LA SOGS PA'I CHED KYI PHYIR RO, ,MDO LA SOGS PA JI LTAR BTAGS PA'I CHOS RNAMS ZHES BYA BA NI, BCOM LDAN 'DAS KYIS RNAM PA GANG GIS SBYIN PA LA SOGS PA'I DBANG DU MDZAD DE, MDO DANG DBYANGS KYIS BSNYAD PA DANG, LUNG DU BSTAN PA LA SOGS PA'I CHOS RNAMS GSUNGS PA DE BZHIN DU DE DAG GI DON DANG, TSIG 'BRU LA SGRO 'DOGS PA DANG, SKUR BA 'DEBS PA MED PAR YID LA BYED PA NI YID LA BYED PA SGRUB PA STE, GZHAN DU MA YIN NO, ,THEG PA CHEN PO ZHES BYA BA NI NYAN THOS KYI THEG PA MA YIN TE, NYAN THOS KYI THEG PA BDAG GI DON NYID DU SBYIN PA LA SOGS PA BSHAD KYI, JI LTAR THEG PA CHEN POR BDAG DANG GZHAN GYI DON BYED PA LTA BU NI MA YIN TE, DE BAS NA THEG PA CHEN PO NYID SBYIN PA LA SOGS PA'I DBANG DU MDZAD DE, MDO LA SOGS PA'I CHOS JI LTAR BTAGS PA RNAMS, BYANG CHUB SEMS DPA' RNAMS SGRUB PA YID LA BYED PA NI YID LA BYED PA SGRUB PA'O, ,NYAN THOS KYI THEG PAR SBYIN PA LA SOGS PA'I DBANG DU MDZAD DE, GSUNGS PA'I MDO LA SOGS PA YID LA BYED PA NI LOG PAR SGRUB PA STE, RANG GI DON TZAM LA BRTEN PA'I PHYIR RO ZHES BSTAN PA YIN NO, ,DE DAG KYANG PHAL CHER SEMS SNYOMS @293B PA NYID DANG, MI CHAGS PA DANG, MA KHENGS PA DANG, MI DMIGS PA RNAMS KYI DBANG DU MDZAD DE GZHAG PA'O, ,DE LA GANG YON TAN CAN DANG, YON TAN MED PA RNAMS LA MTSUNGS PAR PHAN 'DOGS PAR 'DOD PA 'DI NI SEMS SNYOMS PA NYID DO, ,DE LA GANG SRID PA DANG LONGS SPYOD LA 'DOD PA MED PAR GZHAN GYI DON NYID DU SBYIN PA LA SOGS PA LA SBYOR BA 'DI NI MI CHAGS PA'O, ,DE LA GANG SBYIN PA LA SOGS PAS BDAG RLOM SEMS SU MI BYED CING, GZHAN LA MI BRNYAS PA 'DI NI MA KHENGS PA'O, ,DE LA GANG SBYIN PA DANG SBYIN BDAG DANG, LEN PA RNAMS MI DMIGS PA'I TSUL GYIS 'KHOR GSUM YONGS SU DAG PA GANG YIN PA 'DI NI MI DMIGS PA'O, ,THOS PA DANG, BSAMS PA DANG, BSGOMS PA LAS BYUNG BA'I SHES RAB KYIS ZHES BYA BA DE LA YID CHES PA'I GSUNG RAB LAS SKYES PA'I NGES PA NI THOS PA LAS BYUNG BA'O, ,RIGS PA DANG NGES PAR SEMS PA LAS SKYES PA NI BSAMS PA LAS BYUNG BA'I'O, ,BSGOMS PA LAS SKYES PA NI BSGOMS PA LAS BYUNG BA'I'O, ,RGYUN DU ZHES BYA BA 'DI YANG DANG YANG DU'O, ,'JUG PA THAMS CAD NI 'BRAS BU'I PHYIR TE, DE BAS NA SHES RAB RNAM PA GSUM GYIS YID LA BYED PA DE YON TAN CI ZHIG BYED CE NA ZHES DRIS PA DANG, DE'I PHYIR; KHAMS BRTAS BYED DANG 'JUG BYED DANG, ,DE YI DON RNAMS 'GRUB PAR 'GYUR, ,ZHES GSUNGS SO, ,KHAMS NI RIGS DANG SA BON NO, ,DE'I BRTAS PA NI 'PHEL BA'O, ,KHAMS BRTAS PAS NI TSE PHYI MA SHES RAB CHE ZHING GSAL BAR 'GYUR RO, ,THOS PA DE'I DON LA SNYING NAS 'JUG PAR BYED DO ZHES BYA BA NI MDO LA SOGS PA'I CHOS THOS PA DE'I DON LA RIGS PA'I STOBS SKYED PAS, BSAMS PA LAS BYUNG BA'I SHES RAB KYIS DON YOD PA PHYIN CI MA LOG PA LA BSAM PA THAG PA NAS 'JUG PA'O, ,BSGOMS PA LAS BYUNG BA NI DON 'GRUB PAR 'GYUR TE ZHES BYA BA LA, DON GRUB PA NI DE KHO NA KHONG DU CHUD PA'O, ,JI LTA ZHE NA, DE'I PHYIR, SA LA 'JUG PA YONGS SU SBYONG BA'I PHYIR RO ZHES BYA BA SMOS TE, DRAN PA NYE BAR GZHAG PA LA SOGS PA YONGS SU DAG PAS SA LA 'JUG PA'I PHYIR RO, ,DE'I PHYIR DRAN PA NYE BAR GZHAG PA LA SOGS PA NYID KYIS SA LA 'JUG PAR BSTAN TO,, @294A *, ,DE BAS NA DRAN PA NYE BAR GZHAG PA LA SOGS PAS SA LA 'JUG PAR GYUR PA RNAMS BSGOMS PA LAS BYUNG BA'I SHES RAB KYIS YONGS SU SBYONG BAS DON 'GRUB PAR 'GYUR TE, SA LA 'JUG GO ZHES BYA BA'I THA TSIG GO, ,YID LA BYED PA SGRUB PA 'DI YANG 'KHOR DANG BCAS PAR SHES PAR BYA STE, 'BA' ZHIG NI MA YIN NO, ,DE'I 'KHOR GANG ZHE NA, DE NI CHOS SPYOD RNAM BCU DANG, ,YANG DAG LDAN PAR SHES PAR BYA, ,ZHES GSUNGS SO, ,YONGS SU ZIN PAR RIG PAR BYA BA STE ZHES BYA NI KUN NAS BSKOR BA ZHES BYA BA'I THA TSIG GO, ,CHOS KYI BDAG NYID DU'AM CHOS KYI CHED DU SPYOD PA DAG NI CHOS SPYOD PA DAG GO, ,DE DAG KYANG MI SHES NAS, DE'I PHYIR, CHOS SPYOD RNAM PA BCU GANG ZHE NA ZHES DRIS PA DANG, DE'I PHYIR, YI GE 'DRI MCHOD SBYIN PA DANG, ,ZHES BYA BA RGYA CHER GSUNGS SO, ,DE LA YI GER 'DRI BA NI THEG PA CHEN PO YUN RING DU GNAS PAR BYA BA'AM, MNYAN PA 'AM KLAG PA'I PHYIR BDAG GAM GZHAN GYIS SO, ,MCHOD PA NI ME TOG DANG, BDUG PA DANG, MAR ME DANG, SPOS LA SOGS PAS THEG PA CHEN PO LA MCHOD PA'O, ,SBYIN PA NI THEG PA CHEN PO LA ZHUGS PA GZHAN DAG LA YI GER BRIS PA'I GLEGS BAM LA SOGS PA BSTI STANG DU BYAS TE SBYIN PA'O, ,GZHAN KLOG PA LA NYAN PA NI BSTI STANG DU BYAS TE NYAN PA'O, ,BDAG NYID KLOG PA NI GUS PA CHER BYAS TE KLOG PA'O, ,LEN PA NI DAD PA CHEN POS BDAG LA BDOG PAR BYED PA'O, ,TSIG DANG DON 'CHAD PA NI 'BAD PA CHEN POS 'OS PA RNAMS LA STON PAR BYED PA'O, ,KHA TON DU BYED PA NI BLANGS PA'I PHYIR ZHING GOMS PAR BYED PA'O, ,SEMS PA NI RIGS PA'I DON LA DE'I SGO NAS SPYOD PA'O, ,BSGOM PA NI MNYAM PAR GZHAG PA'I SHES RAB KYIS GOMS PAR BYED PA'O, ,DANG ZHES BYA BA NI BSDU BA'I DON TO, ,DE LA YI GER 'DRI BA DANG, MCHOD PA DANG, SBYIN PA DANG, NYAN PA ZHES BYA BA'I TSIG BZHI PO 'DI DAG GIS NI, LUS KYI LAS RAB TU BSTAN TO, ,KLOG PA DANG, LEN PA DANG, 'CHAD PA DANG, KHA TON DU BYED PA ZHES BYA BA'I TSIG BZHI PO 'DI DAG GIS NI NGAG GI LAS RAB TU STON TO, ,SEMS PA DANG SGOM PA ZHES @294B BYA BA DE DAG GIS NI YID KYI LAS RAB TU STON TO, ,SPYOD PA DE BCU'I BDAG NYID NI, ,BSOD NAMS PHUNG PO DPAG TU MED, ,GANG CHOS LA SPYOD PA RNAM PA BCU GSUNGS PA DE LA CHOS SPYOD PA GCIG LAS BSOD NAMS KYI PHUNG PO SKYE BA GANG YIN PA DE YANG SHIN TU MANG BA'I PHYIR, BDAG GAM GZHAN GYIS TSAD BZUNG BAR MI NUS SO, ,SBYIN PA DANG, TSUL KHRIMS DANG, BSAM GTAN LA SOGS PA'I CHOS 'DRA BAR BSTAN PA LAS, CI'I PHYIR MDO DAG LAS THEG PA CHEN PO NYID KYI CHOS SPYOD PA SHIN TU 'BRAS BU CHE BAR BSTAN GYI, NYAN THOS KYI THEG PA LA NI MA YIN ZHE NA ZHES BYA BA NI CHOS SPYOD PA 'BRAS BU CHE BAR BSTAN ZHES BYA BAR SBYAR RO, ,RNAM PA GNYIS KYI PHYIR TE ZHES BYA BA NI THEG PA CHEN PO'I CHOS SPYOD PA 'BRAS BU SHIN TU CHE BAR BSTAN TO ZHES BYA BAR SBYAR RO, ,RNAM PA GNYIS PA GANG ZHE NA, DE'I PHYIR, KHYAD PAR PHYIR DANG MI ZAD PHYIR, , ZHES BYA BA GSUNGS SO, ,DE NYID KYANG MI SHES NAS DE'I PHYIR KHYAD PAR GYI PHYIR NI JI LTA BU, MI ZAD PA'I PHYIR NI JI LTA BU ZHE NA ZHES DRIS PA DANG, DE'I PHYIR, GZHAN LA PHAN 'DOGS MA ZHI PHYIR, ,ZHES BYA BA GSUNGS SO, ,THEG PA CHEN POR NI BYANG CHUB SEMS DPA' RNAMS KYIS SBYIN PA LA SOGS PA SGRUB PAS SEMS CAN THAMS CAD KYI DON BYA BAR RO GCIG PAR BSTAN GYI, NYAN THOS KYI THEG PA LAS NI BDAG GI DON GTZO BOR BSHAD DO, ,DE BAS NA NYAN THOS KYI THEG PA LAS THEG PA CHEN PO GZHAN LA PHAN 'DOGS PA'I PHYIR KHYAD PAR DU 'PHAGS TE, DE LTAR RGYU BRJOD PAS NYAN THOS KYI THEG PA LAS THEG PA CHEN PO KHYAD PAR DU 'PHAGS SO, ,BSOD NAMS DANG YE SHES KYI TSOGS BSAM GYIS MI KHYAB PA'I 'BRAS BU SKU GSUM DU BSDUS PA, 'JIG RTEN JI SRID DU YOD PA DE SRID DU SEMS CAN LA PHAN PAR MDZAD PAR ZHUGS PA, PHUNG PO'I LHAG MA MED PA'I MYA NGAN LAS 'DAS PA NA YANG RGYUN MI 'CHAD PA GNAS GYUR PA'I MTSAN NYID BSTAN PAS MI ZAD PA YIN NO, ,NYAN THOS KYI THEG PA NI DE LTA MA YIN TE, NYAN THOS KYI TSOGS KYI 'BRAS BU NI PHUNG PO'I LHAG MA MED PA'I MYA NGAN LAS 'DAS PA RNAM PA THAMS CAD DU RGYUN MI 'CHAD PA'I PHYIR ZAD PAR @295A *, ,BSHAD DO, ,DE LTAR MYA NGAN LAS 'DAS PA NA YANG 'BRAS BU RGYUN MI 'CHAD PAR BSTAN PAS, NYAN THOS KYI THEG PA LAS THEG PA CHEN PO KHYAD PAR DU 'PHAGS SO, ,YANG NA THEG PA CHEN PO'I DON NI SBYIN PA LA SOGS PA STE, SEMS CAN THAMS CAD LA PHAN GDAGS PAR ZHUGS PA'O, ,NYAN THOS KYI THEG PA'I DON NI DE LTA MA YIN TE, NYAN THOS RNAMS RANG GI DON LA BRTZON PA'I PHYIR RO, ,SBYIN PA LA SOGS PA BYANG CHUB SEMS DPA' DAG GI CHOS RNAMS ZAG PA MED PA'I LUS SU GYUR PAS, MYA NGAN LAS 'DAS KYANG RGYUN 'CHAD PAR MI 'GYUR GYI, NYAN THOS RNAMS KYI LAM NI GZINGS LTA BU YIN PAS YONGS SU MYA NGAN LAS 'DAS PAR RGYUN 'CHAD PAR 'GYUR TE, DE DAG GIS NI MI ZAD PA MA YIN NO, ,DE BAS NA THEG PA CHEN PO NYID KYI CHOS SBYOR PA 'BRAS BU CHEN POR RIGS KYI NYAN THOS KYI THEG PA NI MA YIN NO, ,DE LA YID LA BYED PA SGRUB PA'I 'OG TU REJES SU MTHUN PA'I CHOS SGRUB PA BRJOD PAR BYA STE, DE'I PHYIR RJES SU MTHUN PA'I CHOS SGRUB PA GANG ZHE NA ZHES DRIS PA DANG, DE'I PHYIR, MI G-YENG PHYIN CI MA LOG PAR, ,'GYUR BAR RJES SU MTHUN PA'I CHOS, ,ZHES BYA BA GSUNGS SO, ,BSAM GTAN DU BYA BA DANG, SHES PAR BYA BA'I CHOS KYI RJES SU SONG BA RJES SU ZHUGS PA'I ZHI GNAS DANG LHAG MTHONG BSGOMS PA'I BDAG NYID KYI SGRUB PA NI, RJES SU MTHUN PA'I CHOS SGRUB PA'O, ,DE LA ZHI GNAS BSGOM PA'I BDAG NYID NI MI G-YENG BA'O, ,LHAG MTHONG BSGOM PA'I BDAG NYID NI PHYIN CI MA LOG PAR GYUR PA ZHES BYA BA STE, 'DI RNAM GNYIS NI RJES SU MTHUN PA'I CHO SGRUB PA'O, ,MI ZHES BYA BA NI DON MANG ZHIG TU YANG BSNYEGS PAS MI G-YENG BA ZHES BYA BA JI LTA BU YIN PAR MI SHES NAS, DE'I PHYIR, DE LA G-YENG BA RNAM PA DRUG MED PA'I PHYIR MI G-YENG BA'O ZHES BYA BA SMOS SO, ,G-YENG BA RNAM PA DRUG MI SHES TE, JI LTA BU ZHIG SNYAM PA LA, DE'I PHYIR, G-YENG BA RNAM PA DRUG NI ZHES RGYA CHER SMOS SO, ,DE LTAR YANG RAB TU DBYE BA TZAM ZHIG @295B BSTAN GYI G-YENG BA'I RANG GI NGO BO NI MA BSHAD PAS NA, G-YENG BA RNAM PA DRUG PO 'DI DAG GI MTSAN NYID JI LTA BUR RIG PAR BYA ZHE NA ZHES DRIS PA DANG, DE'I PHYIR, LDANG DANG YUL LA 'JUG PA DANG, ,ZHES RGYA CHER GSUNGS SO, ,BLO LDAN ZHES BYA BA NI BLO CAN TE BYANG CHUB SEMS DPA'O, ,DE LA LDANG BA NI RNAM PAR SHES PA LNGA RNAMS KYI TING NGE 'DZIN LAS LDANG BA STE, ZHES BYA BA NI, GANG GI TSE MNYAM PAR GZHAG PA LA MIG LA SOGS PA'I RNAM PAR SHES PA LNGA RNAMS LAS GANG YANG RUNG BA GCIG CIG 'BYUNG BA DE'I TSE TING NGE 'DZIN LAS LANGS PAR GYUR PA 'DI NI NGO BO NYID KYI G-YENG BA STE, PHYI ROL DU BLTAS PA'I PHYIR RO, ,RNAM PAR SHES PA'I TSOGS LNGA RNAMS G-YENG BA'I BDAG NYID YIN PA'I PHYIR, RNAM PAR SHES PA'I TSOGS LNGA RNAMS KYIS TING NGE 'DZIN LAS LDANG BAR GYUR PAS NA NGO BO NYID KYIS G-YENG BA ZHES BYA'O, ,YUL LA 'JUG PA NI PHYI ROL DU G-YENG BA ZHES BYA BA NI, KHA CIG NA RE GANG GI TSE MNYAM PAR GZHAG PA TING NGE 'DZIN LA DMIGS PA LAS, MI 'DOD BZHIN DU DMIGS PA GZHAN LA YID KYI RNAM PAR SHES PA 'JUG PA DE'I TSE, DMIGS PA GZHAN LA 'PHOS PAS PHYI ROL DU G-YENG BA'O ZHE'O, , GZHAN NA RE MNYAM PAR GZHAG PA'I TING NGE 'DZIN GYI DMIGS PA SPANGS TE, YID KYI RNAM PAR SHES PA YUL GZHAN DU 'PHOS PA NI PHYI ROL DU G-YENG BA'O ZHE'O, ,TING NGE 'DZIN GYI RO MYANG BA DANG BYING BA DANG RGOD PA NI NANG GI G-YENG BA'O ZHES BYA BA LA, GAL TE MNYAM PAR GZHAG PAS TING NGE 'DZIN DE NYID LA SRED PA LA SOGS PA NYON MONGS PAS RO MYANGS NA, NYON MONGS CAN GYI TING NGE 'DZIN NYE BAR GNAS PA'I PHYIR YANG DAG PA'I TING NGE 'DZIN DE LAS G-YENG BAR 'GYUR RO, ,BYING BA DANG RGOD PA DAG GIS KYANG ZHI GNAS DANG LHAG MTHONG MNYAM PAR 'JUG PA'I TING NGE 'DZIN LAS G-YENG BAR 'GYUR RO, ,RO MYANG BA DANG BYING BA DANG RGOD PAS TING NGE 'DZIN NYAMS PAR 'GYUR BAS NA, RO MYANG BA LA SOGS PA NI NANG GI G-YENG BA'O, ,YID CHES PA'I BSAM PA NI MTSAN MA'I G-YENG BA STE ZHES BYA BA NI, BDAG LA 'DI NI IBSAM GTAN PA @296A *, ,STE, CHE BA'I BDAG NYID CAN NO ZHES DE LTAR YID CHES PAR 'GYUR RO SNYAM PA'I MTSAN MA DES, TING NGE 'DZIN LA BRTZON PA NI BSAM PA LOG PAR ZHUGS PA'I PHYIR DGE BA'I PHYOGS THOB PA'AM, MA THOB PA LAS G-YENG BAS MTSAN MA'I G-YENG BA ZHES BYA STE; 'DIR RGYU SMOS PA, DE LA MTSAN MAR BYAS NAS SBYOR BA'I PHYIR RO ZHES BYA BA'O, ,SHES KYI KHE 'DOD PAS YID CHES PA'I BSAM PA DE MTSAN MAR BYAS NAS BDAG LA YID CHES PAR 'GYUR RO SNYAM STE, TING NGE 'DZIN DU ZHUGS PA'I PHYIR RO, ,NGAR 'DZIN PA DANG BCAS PA'I YID LA BYED PA NI GNAS NGAN LEN GYI G-YENG BA STE ZHES BYA BA NI SNYING NAS TING NGE 'DZIN GYI YON TAN 'DOD KYANG, BDAG NI BSAM GTAN PA'O ZHES NGA'O SNYAM PA'I NGA RGYAL DANG LDAN TE, DE'I PHYIR, BDAG LA NI BSTOD GZHAN LA NI KHYAD DU GSOD PAS NA, NGAR 'DZIN PA DANG BCAS PA'I YID LA BYED PA'O,, CI'I PHYIR 'DI LA GNAS NGAN LEN GYI YID LA BYED PA ZHES BYA ZHE NA, DE'I PHYIR, GNAS NGAN LEN GYI DBANG GIS NGA'O SNYAM PA'I NGA RGYAL KUN 'BYUNG BA'I PHYIR RO ZHES BYA BA SMOS SO, ,DE NI 'DI SKAD DU, G-YENG BA NI GNAS NGAN LEN GYIS RAB TU PHYE'O ZHES STON PAR 'GYUR RO, ,GNAS NGAN LEN CI ZHE NA, NGA'O SNYAM PA'I NGA RGYAL GYI BAG CHAGS YONGS SU BRTAS PA STE, DES NGA'O SNYAM PA'I NGA RGYAL KUN DU 'BYUNG BAS, DE'I DBANG GIS NGA'O SNYAM PA'I NGA RGYAL KUN DU 'BYUNG BA'I PHYIR RO, ,GZHAN DAG NA RE 'JIG TSOGS LA LTA BA NI GNAS NGAN LEN TO ZHE'O, ,DMAN PA'I SEMS NI YID LA BYED PA'I G-YENG BA STE ZHES BYA BA NI NYAN THOS LA SOGS PA'I RIGS SU MA NGES PA THEG PA CHEN PO YID LA BYED PA DANG LDAN PA 'KHOR BA'I SDUG BSNGAL GYIS SKRAG PA DANG, SEMS CAN LOG PAR ZHUGS PA DANG, MI DGE BA'I BSHES GNYEN GYIS BSTEN PAS NA NYAN THOS DANG RANG SANGS RGYAS KYI SEMS BSKYED PAR 'GYUR TE, RANG GI DON TZAM 'DZIN PA'I PHYIR DE NI SEMS DMAN PA'O, ,NYAN THOS DANG RANG SANGS RGYAS KYI SEMS DE NI, THEG PA CHEN PO YID LA BYED PA LAS G-YENG BAR BYED PAS YID LA BYED PA'I G-YENG BA ZHES BYA STE, 'DIR RGYU SMOS PA, @296B THEG PA DMAN PA YID LA BYED PA KUN DU 'BYUNG BA'I PHYIR RO ZHES BYA BA'O, ,THEG PA DMAN PA NI NYAN THOS DANG RANG SANGS RGYAS KYI THEG PA STE, BDAG YONGS SU MYA NGAN LAS 'DA' BAR BYA BA'I CHED DU ZHUGS PA DANG, YID LA BYED PA'I G-YENG BA KUN DU 'BYUNG BA'I PHYIR THEG PA CHEN PO YID LA BYED PA LAS G-YENG BAR BYED PAS NA, DMAN PA'I SEMS NI YID LA BYED PA'I G-YENG BA ZHES BYA'O, ,DE LTAR NA 'DI NI BYANG CHUB SEMS DPA' G-YENG BA RNAM PA DRUG GI SKYON DANG BRAL BA'I ZHI GNAS BSGOM PAR RIG PAR BYA'O, ,DE LTAR G-YENG BA MED PAS JI LTAR PHYIN CI MA LOG PAR GYUR PA'I RJES SU MTHUN PA'I CHOS SGRUB PA BSGOM PAR BYA BA DE LTAR 'CHAD DE, PHYIN CI MA LOG PA'I BDAG NYID DU ZHUGS PA NI PHYIN CI MA LOG PAR GYUR PA'O, ,DE LA GANG JI LTAR GNAS PA'I GZHI DE LA DE BZHIN DU SHES PA NI PHYIN CI MA LOG PA STE, GZHI DE YANG RNAM PA DU YOD MI SHES NAS, DE'I PHYIR, DE LA PHYIN CI MA LOG PA NI DNGOS PO RNAM PA BCUR RIG PAR BYA STE ZHES BYA BA SMOS SO, ,PHYIN CI MA LOG PA'I GZHI BSTAN PA'I PHYIR, 'DI LTA STE, YI GE DON DANG YID BYED DANG, ,MI 'PHRO BA DANG MTSAN NYID GNYIS, ,ZHES BYA BA SMOS SO, ,DA NI GZHI DE DAG LA JI LTAR PHYIN CI MA LOG PAR GYUR PA DE BSTAN PA'I PHYIR DE LA, 'BREL PA'I PHYIR DANG 'DRIS PHYIR DANG, ,MA 'BREL PHYIR DANG MA 'DRES PHYIR, ,DON YOD PA DANG MED PA STE, ,DE NI YI GER MA LOG PA'O, ,ZHES BYA BA SMOS SO, ,YI GE RNAMS 'BREL TE ZHES BYA BA LA, 'BREL PA NI PHAN TSUN 'BYAR BA YIN NA, CIG CAR 'BYUNG BA MED PA'I PHYIR DE YANG YI GE RNAMS LA MED DO, ,YI GE RNAMS LA CIG CAR BRJOD DU MI RUNG STE, SNGAR BRJOD PA RNAMS NI BRJOD MA THAG TU ZHIG PAS YI GE PHYI MA BRJOD PA'I DUS SU MI SDOD DO SNYAM PA'I DOGS PA BSAL BA'I PHYIR, RGYUN MI 'CHAD PAR BRJOD PA ZHES BYA BA SMOS TE, DE NI 'DI SKAD DU, MA NOR BA DANG MA THOGS PAR BRJOD PA LA 'DIR YI GE RNAMS 'BREL PAR 'DOD KYI, YI GE RNAMS PHAN TSUN 'BYAR BA NI MA YIN NO ZHES BSTAN PAR 'GYUR RO, ,'DI'I MING NI 'DI ZHES BYA'O ZHES 'DRIS PAS ZHES BYA BA NI @297A *, ,DNGOS PO 'DI'I MING 'DI'O ZHES BRDAL GOMS PAR GYUR PA STE, DE LTAR RNAM PA 'DI GNYIS KYIS YI GE RNAMS DON YOD PA NYID DU KHONG DU CHUD PAR BYED DO ZHES BYA BA'I THA TSIG GO, ,BZLOG PA NI DON MED PA NYID DO ZHES BYA BA NI GNYI GA MED PA'AM, GANG YANG RUNG BA MA TSANG BA MED PA NI BZLOG PA'O, ,DE LTAR BZLOG PA GANG YIN PA ZHES BYA BA NI SHES PA'O, ,DE NI YI GE LA PHYIN CI MA LOG PAR RIG PAR BYA'O ZHES BYA BA NI KUN RDZOB YIN GYI, DON DAM PAR NI MA YIN TE, DON DAM PAR NI PHYIN CI MA LOG PAR RNAM PAR MI RTOG PA'I PHYIR RO, ,PHYIN CI MA LOG PA 'DIS KYANG BYANG CHUB SEMS DPA' SGRA'I DON DANG BRAL BA'I CHOS THAMS CAD RTOGS PAR 'GYUR RO, ,DA NI YI GER 'DOGS PA'I RGYU'I DON LA PHYIN CI MA LOG PAR BSTAN PA'I PHYIR, GNYIS SU SNANG BAR GYUR PA NI, ,DE LTAR YOD PA MA YIN TE, ,ZHES RGYA CHER GSUNGS SO, ,GNYIS NI GZUNG BA DANG 'DZIN PAR SNANG BA STE ZHES BYA BA NI GANG ZHIG CE NA, GZHAN GYI DBANG GI NGO BO NYID DO, ,CI'I PHYIR ZHE NA, GZUNG BA DANG 'DZIN PA'I SA BON DANG LDAN PA'I PHYIR RO, ,'DI LA SNANG BA'I DON GANG ZHE NA, DE'I PHYIR DE'I RNAM PAR 'BYUNG BA'I PHYIR RO ZHES BYA BA SMOS TE, GZUNG BA DANG 'DZIN PA'I RNAM PAR 'BYUNG BAS GZUNG BA DANG 'DZIN PAR SNANG GI ,SHEL SGONG LTAR NYE BAR GZHAG PAR 'GYUR BA LTA BU NI MA YIN NO, ,DE LTAR YOD PA MA YIN TE, ,ZHES BYA BA NI GNYIS PO MED PA'I RANG BZHIN YIN PAS JI LTAR SNANG BA'I RNAM PA DE LTAR MED PA'O, ,DE LTAR 'KHRUL PA'I RNAM PAR SHES PA 'BYUNG BA'I RGYUR GYUR PA'I PHYIR, DON LA MTHONG BA GANG YIN PA DE NI DE LA PHYIN CI MA LOG PA'O ZHES BYA BA NI YOD PA DANG MED PA SPANGS PA'I PHYIR RO SNYAM DU DGONGS PA'O, ,DON GYI YOD PA SPANGS PA ZHES BYA BA LA, 'DIR RGYU SMOS PA, GZUNG BA DANG 'DZIN PA'I DNGOS PO MED PA'I PHYIR RO ZHES BYA BA'O, ,DON GYI YOD PA NI GZUNG BA DANG 'DZIN PA YOD PA'O, ,DE SPANGS PA NI GZUNG BA DANG 'DZIN PA'I RNAM PAS STONG PA'I PHYIR RO, ,MED PA SPANGS PA CI'I PHYIR ZHE NA, DER SNANG BA'I 'KHRUL PA YOD PA'I PHYIR RO ZHES BYA BA STE, GZUNG BA DANG 'DZIN PAR SNANG BA'I 'KHRUL PA YOD DO ZHES @297B BYA BA'I THA TSIG GO, ,'DI YANG KUN RDZOB TU PHYIN CI MA LOG PA ZHES BYA'I DON DAM PAR NI MA YIN TE, RNAM PAR RTOG PA DANG BCAS PA'I PHYIR RO, ,PHYIN CI MA LOG PAR SHES PA 'DIS BYANG CHUB SEMS DPA' CHOS THAMS CAD GZUNG BA DANG 'DZIN PA'I NGO BO NYID DANG BRAL BAR RAB TU RTOGS SO, ,DA NI GZUNG BA DANG 'DZIN PA'I RGYU KUN GZHI RNAM PAR SHES PA LA PHYIN CI MA LOG PAR BSTAN PA'I PHYIR, RTOG PA DE YIS BSGOS PA YI, ,RTOG PA YID BYED DE'I GNAS NI, ,ZHES RGYA CHER GSUNGS SO, ,GZUNG BA DANG 'DZIN PAR RTOG PAS YONGS SU BSGOS PA NI RTOG PA'I YID LA BYED PA STE ZHES BYA BA NI GZUNG BA DANG 'DZIN PA'I RNAM PAR SNANG BA'I MTSAN NYID KYI DON DE LA 'DI NI GZUNG BA'O, ,'DI NI 'DZIN PA'O ZHES NGAG DANG YID KYIS BRJOD PA GANG YIN PA DE NI RTOG PA ZHES BYA'O, ,RTOG PA DES YONGS SU BSGOS PA NI MA 'ONGS PA NA, RIGS 'DRA BA'I RTOG PA BSKYED PA'I PHYIR, SA BON YONGS SU BRTAS PAR BYED PAS NA BSGOS PA ZHES BYA'O, ,DE NI RTOG PA'I YONGS SU BSGOS PA'I PHYIR, 'BRAS BU LA RGYU BTAGS TE RTOG PA YID LA BYED PA ZHES BYA'O, ,RTOG PA'I BAG CHAGS NI 'DIR RTOG PA STE, DE LA RTOG PA YOD PAS NA RTEN DANG BRTEN PA DBYE BA MA BYAS PA'I PHYIR RAM, YANG NA RTEN GYI SGRA MA SMOS PA'I PHYIR RTOG PA YID LA BYED PA ZHES BYA BA STE, GZUNG BA DANG 'DZIN PAR RNAM PAR RTOG PA DE'I SA BON GYI RTEN DU GYUR PA'I PHYIR RO, ,DE LA BRTEN NAS YANG RTOG PA 'BYUNG BA'I PHYIR RO, ,RTEN YIN PAS 'DI NI YID LA BYED PA LA PHYIN CI MA LOG PA'O ZHES BYA BA NI, PHYIN CI MA LOG PAR SHES PA'O ZHES BYA BA'I THA TSIG GO, ,YID LA BYED PA GANG LA PHYIN CI MA LOG PA'I YID LA BYED PA DE YANG MI SHES NAS, YID LA BYED PA GANG LA PHYIN CI MA LOG CE NA ZHES DRIS PA DANG, DE'I PHYIR YID LA BYED PA'I KHYAD PAR BSTAN PA'I PHYIR, GZUNG BA DANG 'DZIN PAR SNANG BA'I RGYU LA STE ZHES BYA BA SMOS TE, KUN GZHI RNAM PAR SHES PA'I KHYAD PAR GYI BDAG NYID CES BYA BA'I THA TSIG GO, ,JI LTAR 'DI GZUNG BA DANG 'DZIN PAR SNANG BA'I RGYUR 'GYUR BA DE BSTAN PA'I PHYIR, RTOG PA YID LA BYED PA NI BRJOD PA'I 'DU SHES KYIS YONGS SU BSGOS PA'I PHYIR RO ZHES BYA BA SMOS TE, GZUNG BA DANG @298A *, ,'DZIN PAR SNANG BA'I RGYU YIN NO ZHES BYA BAR SBYAR RO, ,YANG NA RTOG PA'I YID LA BYED PA ZHES BRJOD PA 'JUG PA'I RGYU YIN PAR BSTAN PA'I PHYIR, BRJOD PA'I 'DU SHES KYIS YONGS SU BSGOS PA'I PHYIR RTOG PA YID LA BYED PA ZHES BYA'O ZHES BYA BA SMOS SO, ,BRJOD PA LAS BYUNG BA'AM, BRJOD PA KUN NAS SLONG BA'I 'DU SHES PA NI BRJOD PA'I 'DU SHES TE, MTSUNGS PAR LDAN PA DANG LDAN PA DANG BCAS PA DES, RTOG PA'I YID LA BYED PA LA RANG GI SA BON YONGS SU GSOS PAS RTOG PA YID LA BYED PA YONGS SU BSGOS PA ZHES BYA'O, ,'DI YANG KUN RDZOB TU PHYIN CI MA LOG PA STE; DON DAM PAR NI MA YIN NO, ,PHYIN CI MA LOG PA 'DIS BYANG CHUB SEMS DPA' PHYIN CI LOG GI GZHI GZUNG BA DANG, 'DZIN PA LA MNGON PAR ZHEN PA'I MTSAN NYID YONGS SU SPONG STE, DE LTAR NA GNAS NGAN LEN DE BDE BLAG TU SPONG BAR 'GYUR RO, ,NGA NI MI 'PHRO BA LA PHYIN CI MA LOG PAR BSTAN PA'I PHYIR, DON GYI MED DANG YOD PA STE, ,SGYU MA LA SOGS BZHIN DU 'DOD, ,CES RGYA CHER GSUNGS SO, ,DON GYI YOD PA DANG MED PA GONG DU BSHAD MA THAG PA GANG YIN PA ZHES BYA BA LA, GONG DU BSHAD PA GANG ZHE NA, GNYIS SU SNANG BAR GYUR BA NI, ,DE LTAR YOD PA MA YIN TE, ,DE NI DON LA MA LOG PA, ,YOD DANG MED PA RNAM PAR SPANGS, ,ZHES BYA BA'O, ,DE NI SGYU MA LA SOGS PA BZHIN DU 'DOD DE, SGYU MA LA SOGS PA DANG 'DRA BAS NA, SGYU MA LA SOGS PA BZHIN NO, ,DE NYID BSTAN PA'I PHYIR, DPER NA SGYU MA NI RANG GI BDAG NYID KYIS MED BZHIN DU, GLANG PO CHE LA SOGS PA'I BDAG NYID DU SNANG BAS NA, GLANG PO CHE LA SOGS PA'I DNGOS POR YOD PA YIN LA ZHES BYA BA NI GLANG PO CHE LA SOGS PA'I DNGOS POR MED PAS, RNAM PA THAMS CAD DU MED PA YANG MA YIN TE, DE NI 'KHRUL PA TZAM DU YOD PA'I PHYIR MED PA'ANG MA YIN TE, GLANG PO CHE LA SOGS PA'I RNAM PAR SNANG BA DE NI, 'KHRUL PA TZAM DU YOD PA'I PHYIR YE MED PA'ANG MA YIN NO, ,DE BZHIN DU YOD KYANG JI LTAR GZUNG BA DANG 'DZIN PAR SNANG BA LTAR YOD PA'ANG MA YIN LA, KHAMS GSUM PA'I SEMS DANG SEMS LAS BYUNG BA'I RANG GI NGO BO DE, DE LTA BUR SNANG BA DE 'KHRUL PA TZAM DU @298B YOD PA'I PHYIR MED PA'ANG MA YIN NO, ,SOGS PA ZHES BYA BA'I SGRAS NI SMIG RGYU DANG RMI LAM DANG, CHU ZLA LA SOGS PA CHU DANG SKYES PA DANG BUD MED KYI BDAG NYID DU JI LTAR SNANG BA DE BZHIN DU YOD PA MA YIN LA, DE LA 'KHRUL PA TZAM DU YOD PA'I PHYIR MED PA'ANG MA YIN NO, ,DE BZHIN DU DON LA RGYA CHER SO SOR SBYAR BAR BYA'O, ,'DIR YANG SOGS PA'I SGRAS NI DRI ZA'I GRONG KHYER DANG, BRAG CA LA SOGS PAR RIG PAR BYA'O, ,DE LTAR DON LA SGYU MA LA SOGS PA LTA BUR MTHONG NAS, YOD PA DANG MED PA'I PHYOGS LA SEMS MI 'PHRO STE, G-YENG BA MED PAR MTHONG BA GANG YIN PA DE NI MI 'PHRO BA LA PHYIN CI MA LOG PA'O, ,MI 'PHO BA GANG ZHE NA, GZHAN DAG NA RE DBU MA'I LAM GYI TING NGE 'DZIN TO ZHE'O, ,GAL TE DE LTA NA JI LTAR MI 'PHRO BA LA PHYIN CI MA LOG PAR 'GYUR ZHE NA, DE'I PHYIR, DES YOD PA DANG MED PA LA SEMS 'PHRO BA MED PA'I PHYIR RO ZHES BYA BA SMOS SO, ,PHYIN CI MA LOG PA 'DIS BYANG CHUB SEMS DPA' YOD PA DANG MED PAR RTOG PA MED PA'I PHYIR RO, ,STONG PA NYID LA DMIGS PA LAS MI G-YENG STE, DE BAS NA MI 'PHRO BA LA PHYIN CI MA LOG PA ZHES BYA'O, ,'DI YANG KUN RDZOB TU PHYIN CI MA LOG PA YIN GYI, DON DAM PAR NI MA YIN TE, DE NI RNAM PAR MI RTOG PA'I PHYIR RO, , DA NI RANG GI MTSAN NYID LA PHYIN CI MA LOG PA BSTAN PA'I PHYIR, RTOG PA THAMS CAD MI 'JUG PHYIR, ,THAMS CAD MING TZAM KHO NA STE, ,ZHES BYA BA RGYA CHER GSUNGS SO, ,GANG 'DI MIG DANG GZUGS RNAMS NAS, YID DANG CHOS RNAMS ZHES BYA BA'I BAR 'DI DAG THAMS CAD NI MING TZAM MO, ZHES BYA BA NI SKYE MCHED BCU GNYIS KYI BDAG NYID SHES BYA THAMS CAD NI MING TZAM MO, ,DE LA MING GI NGO BO NYID DANG KHYAD PAR DU 'DOGS PA'O, ,GDAGS PAR BYA BA'I DON DANG BTAGS PA NI NGO BO NYID MED DE, DE'I BDAG NYID DU KUN BRTAGS PA'I PHYIR RO, ,KUN BRTAGS PA YANG MED PA'I PHYIR RO, , GZHAN DU NA NI MING LA MI LTOS PAR MIG LA SOGS PAR 'DZIN PAR 'GYUR TE, BRDA LA MA BYANG BAR MI 'DZIN PA MED DO, ,DE BAS NA MIG DANG GZUGS ZHES BYA BA DE NI, DON GYI NGO BO NYID MA YIN PAS MIG DANG GZUGS NAS YID DANG, CHOS RNAMS ZHES BYA BA'I BAR DAG NI MING TZAM MO @299A *, ,ZHES, DE LTAR GANG SHES PA NI RNAM PAR RTOG PA THAMS CAD KYI GNYEN PO YIN PAS 'DI NI RANG GI MTSAN NYID LA PHYIN CI MA LOG PA'O ZHES BYA BA NI KUN BRTAGS PA'I CHOS KYI SGO NAS, CHOS THAMS CAD LA RNAM PAR RTOG PA THAMS CAD 'JUG STE, DE BAS NA MING TZAM DU RTOGS PA'I SHES PA RNAM PAR RTOG PA THAMS CAD KYI GNYEN PO NI, RANG GI MTSAN NYID LA PHYIN CI MA LOG PA ZHES BSTAN TO, ,DE'ANG CI DON DAM PA'I RANG GI MTSAN NYID LA 'AM 'ON TE KUN RDZOB KYI LA BYA BA MI SHES NAS, DE'I PHYIR, RANG GI MTSAN NYID GANG LA ZHE NA ZHES DRIS PA DANG, DE'I PHYIR DON DAM PA'I RANG GI MTSAN NYID LA'O ZHES BYA BA GSUNGS TE, 'DI NI PHYIN CI MA LOG PA'O, ,DON DAM PA'I RANG GI MTSAN NYID NI BRJOD DU MED PA'I PHYIR KUN RDZOB TU NI MA YIN NO, ,CI'I PHYIR ZHE NA, 'DI LTAR KUN RDZOB TU NI MING 'DI TZAM MO ZHES 'DZIN PA MED DE, BRJOD PA'I SGO NAS CHOS KYI NGO BO NYID LA KUN TU RTOG PA 'JUG PA'I PHYIR, 'DI NI KUN RDZOB NYID YIN GYI DON DAM PAR NI MA YIN TE, MING TZAM DU RNAM PAR RTOG PA'I PHYIR RO, ,PHYIN CI MA LOG PA 'DIS BYANG CHUB SEMS DPA' KUN RDZOB DANG DON DAM PA LA MKHAS PAR 'GYUR RO, ,DA NI SPYI'I MTSAN NYID LA PHYIN CI MA LOG PAR BSTAN PA'I PHYIR; CHOS KYI DBYINGS NI MA RTOGS PAR, ,'DI LTAR CHOS YOD MA YIN TE, ,ZHES RGYA CHER GSUNGS SO, ,CHOS LA DBANG MED PA MA RTOGS PA'I CHOS, GZUGS CAN NAM GZUGS MED PA GANG YANG MED DE, CHOS THAMS CAD NI BRJOD DU MED PA'I RANG BZHIN LA, GZUNG BA DANG 'DZIN PA'I DNGOS PO DANG BRAL BA'I PHYIR RO, ,DE BAS NA CHOS KYI DBYINGS NI, CHOS THAMS CAD NI SPYI'I MTSAN NYID DO ZHES BYA BA STE, CHOS THAMS CAD LA BYE BRAG MED PAR DE YOD PA'I SPYI'I MTSAN NYID CES BYA'O, ,DE LTAR SHES PA GANG YIN PA DE NI SPYI'I MTSAN NYID LA PHYIN CI MA LOG PA STE, KUN RDZOB TU YIN GYI DON DAM PAR NI MA YIN TE DE RNAM PAR MI RTOG PA'I PHYIR RO, ,PHYIN CI MA LOG PA 'DIS BYANG CHUB SEMS DPA' RNAMS PAR DAG PA'I DMIGS PA LA MKHAS PAR 'GYUR TE, RNAM PAR MI RTOG PA'I YE SHES KYI YUL YIN PA'I PHYIR RO, ,RANG DANG SPYI'I MTSAN NYID GNYIS LA KHYAD PAR CI YOD CE NA, BRJOD PA'I @299B NGO BO NYID DU SGRO BTAGS PA'I GNYEN POR BRJOD DU MED PA'I NGO BO NYID NI DON DAM PA'I MTSAN NYID DO, ,KUN BRTAGS PA'I NGO BO NYID KYI BDAG MED PA NI CHOS THAMS CAD KYI RANG BZHIN TE, SPYI'I MTSAN NYID DO, ,DE LTAR MTHONG BA THA DAD PA'I DBANG GIS KHYAD PAR DU GYUR GYI, DON LAS NI MA YIN NO, ,DA NI CHOS KYI DBYINGS RNAM PAR MA DAG PA DANG, RNAM PAR DAG PA LA PHYIN CI MA LOG PAR BSTAN PA'I PHYIR, PHYIN CI LOG GI YID LA BYED, ,MA SPANGS PA DANG SPANGS PA LAS, ,ZHES RGYA CHER GSUNGS SO, ,PHYIN CI LOG GI YID LA BYED PA MA SPANGS PA NI, CHOS KYI DBYINGS DE RNAM PAR MA DAG PA'O, ,SPANGS PA NI RNAM PAR DAG PA'O ZHES BYA BA DE LA, PHYIN CI LOG GI YID LA BYED PA NI KUN GZHI RNAM PAR SHES PA'I RGYU PHYIN CI LOG TU RNAM PAR RTOG PA STE, DE MA SPANGS PA NI CHOS KYI DBYINGS RNAM PAR MA DAG PA'O, ,SPANGS PA NI RNAM PAR DAG PA STE, DE LTAR SHES PA GANG YIN PA DE NI RNAM PAR MA DAG PA DANG, RNAM PAR DAG PA LA PHYIN CI MA LOG PA STE, GO RIMS BZHIN NO ZHES BYA BA LA, PHYIN CI LOG GI YID LA BYED PA MA SPANGS PA NI CHOS KYI DBYINGS RNAM PAR MA DAG PA'O ZHES BYA BA NI CHOS KYI DBYINGS RNAM PAR MA DAG PA LA PHYIN CI MA LOG PA'O, ,DE SPANGS PA NI RNAM PAR DAG PA'O ZHES BYA BA NI RNAM PAR DAG PA LA PHYIN CI MA LOG PA'O, ,CI'I PHYIR ZHE NA, CHOS KYI DBYINGS LA GLO BUR GYI NYE BA'I NYON MONGS PAS NYON MONGS PAR GYUR PA'I PHYIR RO, ,'DI YANG KUN RDZOB TU PHYIN CI MA LOG PA STE, DON DAM PAR NI MA YIN NO, ,PHYIN CI MA LOG PA 'DIS BYANG CHUB SEMS DPA'I CHOS KYI DBYINGS LA SGRIB PA SPANGS PA DANG, MA SPANGS PA RAB TU SHES SO, ,DA NI CHOS KYI DBYINGS RNAM PAR DAG PA DANG, RNAM PAR MA DAG PA GLO BUR DU 'BYUNG BA LA PHYIN CI MA LOG PA BSTAN PA'I PHYIR, ,CHOS KYI DBYINGS NI RANG BZHIN GYIS, ,RNAM PAR DAG PHYIR NAM MKHA' BZHIN, ,ZHES RGYA CHER GSUNGS SO, ,CHOS KYI DBYINGS NAM MKHA' BZHIN DU RANG BZHIN GYIS RNAM PAR DAG PA'I PHYIR, RNAM PAR MA DAD PA DANG PHYIS RNAM PAR DAG CES BYA BA 'DI GNYIS KYANG GLO BUR YIN ZHES BYA BA DE LA, CHOS KYI DBYINGS SA LA YANG DAG PA MA YIN PA'I RNAM PAR RTOG PA'I NYE BA'I NYON MONGS PAS RNAM PAR MA DAG PA ZHES BSHAD DO, ,PHYIS GNYEN PO BYUNG NAS DE @300A *, ,SPANGS PAS RNAM PAR DAG PA STE, DE GNYI GA YANG CHOS KYI DBYINGS LA GLO BUR YIN NO, ,CI'I PHYIR ZHE NA, NAM MKHA' BZHIN DU CHOS KYI DBYINGS RANG BZHIN GYIS RNAM PAR DAG PA'I PHYIR RO, ,RANG BZHIN GYIS RNAM PAR DAG PA LA RNAM PAR MA DAG PA NI GLO BUR YIN GRANG NA RNAM PAR DAG PA NI RTAG TU RNAM PAR DAG PA YIN PAS JI LTAR GLO BUR DU 'GYUR ZHE NA, DRI MA DANG BRAL BAS RNAM PAR DAG PA GANG YIN PA DE 'DIR BRJOD PAS 'DOD PAS NA NYES PA 'DI MED DE, DE BAS NA 'DI SKAD DU RNAM PAR DAG PA NI PHYIS RNAM PAR DAG CES BSHAD DO, ,DE LTAR SHES PA GANG YIN PA DE NI CHOS KYI DBYINGS LA RNAM PAR MA DAG PA DANG RNAM PAR DAG PA GLO BUR DU BYUNG BA NYID LA PHYIN CI MA LOG PA'O, ,'DI YANG KUN RDZOB TU YIN GYI DON DAM PAR NI MA YIN NO, ,PHYIN CI MA LOG PA 'DIS BYANG CHUB SEMS DPA' CHOS KYI DBYINGS LA KUN NAS NYON MONGS PA DANG, RNAM PAR BYANG BA'I DUS NA BCOS MA MA YIN PAR RAB TU SHES SO, ,DA NI MI SKRAG PA DANG MKHENGS PA LA PHYIN CI MA LOG PAR BSTAN PA'I PHYIR, CHOS RNAMS DANG NI GANG ZAG GI ,KUN NAS NYON MONGS RNAM DAG MED, ,CES RGYA CHER GSUNGS SO, ,GANG ZAG GIS KUN NAS NYON MONGS PA MED, RNAM PAR DAG PA MED, CHOS KYANG MED DE, KUN NAS NYON MONGS PA DANG, RNAM PAR DAG PA ZHES BYA BAR BSNYEGS SO, ,'DIR RGYU SMOS PA, 'DI LTAR GANG ZAG MED CING CHOS MED PA'I PHYIR RO ZHES BYA BA STE, KUN NAS NYON MONGS PA DANG, RNAM PAR BYANG BA GNYIS KYI DUS NA, KUN NAS NYON MONGS PA DANG RNAM PAR BYANG BA MA GTOGS PAR GANG ZHIG YOD NA NI, DE'I KUN NAS NYON MONGS PA 'AM RNAM PAR BYANG BAR YONGS SU BRTAG TU RUNG STE, DE THA DAD PAS 'GRIB PA DANG 'PHEL BAR YANG 'GYUR NA, DE LTA BU'I GANG ZAG NI MED DE, MNGON SUM DANG RJES SU DPAG PA'I YUL MA YIN PA'I PHYIR RO, ,DNGOS PO GCIG LA DU MAR YONGS SU RTOG PA 'JUG PA'I PHYIR KUN BRTAGS PA'I BDAG NYID KYI CHOS KYANG YOD PA MA YIN TE, GCIG NI DU MA'I BDAG NYID DU MI RUNG NGO, ,DE BAS NA GANG ZAG DANG CHOS GNYIS MO GSHAM GYI BU LA SOGS PA BZHIN DU MED PAS NA, KUN NAS NYON MONGS PA DANG RNAM PAR BYANG BA MED DO, ,DAG PA 'JIG RTEN PA'I YE SHES KYI SPYOD YUL GZHAN GYI @300B DBANG LA NI, KUN NAS NYON MONGS PA DANG RNAM PAR BYANG BAR MI 'DOD DO, ,CI'I PHYIR ZHE NA, BRJOD DU MED PA DANG GNYIS SU MED PA'I RANG BZHIN YIN PA'I PHYIR RO, ,GAL TE GZHAN GYI DBANG GI YANG MA YIN PAR 'DOD NA GO DE DAG GI YIN TE, DE MED NI 'DI YIN NO ZHES NGA RGYAL DU 'GYUR DU YANG CI YOD CES ZER THOB PAR BYA BA'I PHYIR 'BAD PA DON MED PAR 'GYUR RO ZHE NA, CHOS KYI DBYINGS KUN NAS NYON MONGS PA DANG RNAM PAR DAG PAR 'GYUR BAS NYES PA 'DI MED DO, CHOS KYI DBYINGS DE'I BDAG NYID MA YIN PA NYID LA DE DAG RNAM PAR GZHAG STE, CHOS KYI DBYINGS LA DE GNYI GA LA YANG GLO BUR YIN LA CHOS KYI DBYINGS KYANG NAM MKHA' BZHIN DU 'GYUR BA MED PA'I PHYIR RO, ,DE'I PHYIR, KUN NAS NYON MONGS PA'I PHYOGS LA SU'I 'GRIB PA YANG MED LA, RNAM PAR BYANG BA'I PHYOGS LA SU'I KHYAD PAR DU 'GYUR BA YANG MED NA, GANG GI PHYIR SKRAG PA 'AM NGA RGYAL DU 'GYUR TE, 'DI NI SKRAG PA MED PA DANG KHENGS PA MED PA LA PHYIN CI MA LOG PA'O, ,GZHAN DAG NA RE KUN NAS NYON MONGS PA'I PHYOGS LA YANG SU'I 'GRIB PA YANG MED LA, RNAM PAR BYANG BA'I PHYOGS LA YANG SU'I KHYAD PAR DU 'GYUR BA YANG MED DE, DE GNYI GA DANG LDAN PA SU YANG MED PA'I PHYIR RO, ,GANG GI PHYIR DE DAG NI DE LTA MA YIN PAS DE LA NGA'I 'DI MED DO ZHES SKRAG PAR 'GYUR DU'ANG CI YOD, NGA'I KHYAD PAR NI 'DI YIN NO ZHES NGA RGYAL DU 'GYUR DU YANG CI YOD CES ZER RO, ,GZHAN DAG NI 'DI SNYAM DU SEMS TE, GANG ZAG NI MED PA NYID DO, ,GANG GNAS 'DI GNYIS MYONG BA DANG 'DI GNYIS GANG LA BRTAG PA'I CHOS DE YANG MED PA NYID DO, ,KUN NAS NYON MONGS PA DANG RNAM PAR BYANG BA 'DI DAG NI RTEN CING 'BREL PAR 'BYUNG BA NYID DU ZAD DO SNYAM MO, ,'DI YANG KUN RDZOB NTU'O DON DAM PAR NI MA YIN TE, DE NI RNAM PAR MI RTOG PA'I PHYIR RO, ,PHYIN CI MA LOG PA 'DIS CHOS KYI DBYINGS ZAD PA DANG 'PHEL BA MED PA'I PHYIR 'GYUR BA MED PAR RAB TU RTOGS PAR 'GYUR RO, ,GZHAN NA RE PHYIN CI MA LOG PA 'DIS SGRIB PA THAMS CAD ,SPANGS TE, SGRIB PA DANG BRAL BA'I NGES PAR 'BYUNG NGO ZHE'O, ,YANG NA KUN RDZOB KYI BDAG NYID PHYIN CI MA LOG PA 'DI BCUS, DON DAM PA'I PHYIR CI MA LOG PA 'DI BSTAN TE, GZHAN DU NI BSTAN PA MI 'THAD PA'I PHYIR RO, ,GZHAN NA RE @301A *, ,GANG DAG YI GE DANG, DON DANG, YID LA BYED PA DANG, MI 'PHRO BA DANG, RANG GI MTSAN NYID DANG, SPYI'I MTSAN NYID DANG, MA DAG PA DANG, DAG PA DANG, GLO BUR DANG, MI SKRAG PA DANG, KHENGS PA MED PA LA PHYIN CI MA LOG PA DE DAG NGO BO NYID GSUM GYI DBANG DU BYAS PA'O ZHE'O, ,DE LA YI GE DANG DON LA PHYIN CI MA LOG PA NI KUN BRTAGS PA'I NGO BO NYID KYI DBANG DU BYAS PA STE, 'BREL PA DANG GNYIS SU LTUNG BA'I DON NI BRTAGS PA'I PHYIR RO, ,DE KHO NA'I YUL MA YIN DU ZIN KYANG, DE BZHIN DU PHYIN CI MA LOG PA DE BZHIN NYID KYI PHYIR TE, DE GNYIS PHYIN CI MA LOG PA NYID DO, ,YID LA BYED PA LA PHYIN CI MA LOG PA NI GZHAN GYI DBANG GI NGO BO NYID KYI DBANG DU BYAS PA STE, RTOG PA DANG YID LA BYED PA GNYIS RANG BZHIN GYIS KUN GZHI RNAM PAR SHES PA YIN PA'I PHYIR RO, ,MI 'PHRO BA LA PHYIN CI MA LOG PA NI YONGS SU GRUB PA'I NGO BO NYID KYI DBANG DU BYAS PA STE, CI'I PHYIR ZHE NA, RNAM PAR MI RTOG PA'I YE SHES NI, YOD PA DANG MED PA LA G-YENG BA DANG BRAL BA'I PHYIR DANG, PHYIN CI MA LOG PAR YONGS SU GRUB PAS YONGS SU GRUB PA'I NGO BO NYID DU BSDUS PA'I PHYIR RO, ,RANG DANG SPYI'I MTSAN NYID LA PHYIN CI MA LOG PA NI CHOS KYI DBYINGS NYID LA STE, RNAM PAR RTOG PA'I YUL LAS 'DAS PA'I NGO BO NYID KYI PHYIR RO, ,MA DAG PA DANG DAG PA LA PHYIN CI MA LOG PA NI CHOS KYI DBYINGS NYID KYI GNAS SKABS KYI BYE BRAG LA'O, ,GLO BUR LA PHYIN CI MA LOG PA NI CHOS KYI DBYINGS NYID LA STE, NAM MKHA' BZHIN DU RANG BZHIN GYIS RNAM PAR DAG PA DE LA, SEMS KUN NAS NYON MONGS PA DANG RNAM PAR BYANG BA 'DI GNYIS NI GLO BUR YIN PAR RNAM PAR GZHAG GO, ,MI SKRAG PA DANG KHENGS PA MED PA LA PHYIN CI MA LOG PA NI CHOS KYI DBYINGS NYID LA STE, DE NAM MKHA' BZHIN DU BCOS MA MA YIN PA'I PHYIR 'BRI BA DANG KHYAD PAR DU GYUR PA MED PA'I PHYIR RO, ,DE LTAR PHYIN CI MA LOG PA BCU PO 'DI DAG NGO BO NYID GSUM DU RIG PAR BYA'O, ,BSHAD MA THAG PA'I PHYIN CI MA LOG PA BCU PO 'DI DAG NI MDO SDE LAS GSUNGS PA'I RDO RJE'I TSIG BCU DAG DANG GO RIMS BZHIN DU SBYAR BAR BYA STE, RDO RJE'I TSIG BCU PO GANG ZHE NA, YOD PA DANG MED PA DANG, PHYIN CI MA LOG PA DANG, GNAS DANG, SGYU MA LTA BU NYID DANG, @301B RNAM PAR MI RTOG PA NYID DANG, RANG BZHIN GYIS 'OD GSAL BA NYID DANG, KUN NAS NYON MONGS PA DANG, RNAM PAR BYANG BA DANG, NAM MKHA' LTA BU DANG, 'GRIB PA MED PA DANG, KHYAD PAR DU 'PHAGS PA MED PA'O, ,DE LA PHYIN CI LOG THAMS CAD 'JOMS PA DANG, DE DAG GIS MI CHOMS PA'I PHYIR RDO RJE DANG 'DRA BAS NA RDO RJE ZHES BYA BA STE, BSHAD MA THAG PA'I PHYIN CI MA LOG PA'I SHES PA'O, ,RDO RJE DE NI 'DI DAG GIS RTOGS PAR BYED, KHONG DU CHUD PAR BYED PAS RDO RJE'I TSIG RNAMS TE, RDO RJE'I RNAM PAR BSHAD PA ZHES BYA BA'I THA TSIG GO, ,JI STE NA YANG YI GE DANG DON DANG YID LA SOGS PA NYID LA TSIG CES BYA BA'I SGRAR BRJOD DE, DE'I PHYIR RDO RJE'I TSIG RNAMS TE, DMIGS PA ZHES BYA BA'I THA TSIG GO, ,YANG RDO RJE BZHIN DU MI CHOMS PA'I TSIG DE DAG NI RDO RJE'I TSIG RNAMS ZHES BYA'O, ,'DIR PHYIN CI MA LOG PA RNAMS MDO SDE DANG SBYAR BAR BYA BA'I PHYIR RDO RJE'I TSIG RNAMS BKOD DO, ,YANG NA RDO RJE'I TSIG RNAMS NI PHYIN CI MA LOG PA RNAM PA BCU'I SGO NAS BSHAD PAR BSTAN PA'O, ,DE LA YI GE RNAMS KYI DON YOD PA DANG MED PA NI YOD PA DANG MED PA STE, DE BAS NA YI GE RNAMS LA PHYIN CI MA LOG PA NI, RDO RJE'I TSIG RNAMS KYI NANG NAS YOD PA DANG MED PAR RIG PAR BYA'O, ,GNYIS SU SNANG BA KUN BRTAGS PA DE NI 'DIR DON YIN TE, DE YANG DE LTAR YOD PA MA YIN ZHES BYA BA 'DI NI 'DIR PHYIN CI MA LOG PA STE, DE LTAR DON LA PHYIN CI MA LOG PA NI RDO RJE'I TSIG RNAMS KYI NANG NAS PHYIN CI MA LOG PA DANG SBYAR BAR BYA'O, ,RTOG PA'I YID LA BYED PA NYID 'DIR GNAS TE, DE BAS NA YID LA BYED PA LA PHYIN CI MA LOG PA NI RDO RJE'I TSIG RNAMS KYI NANG NAS GNAS ZHES BYA BA DANG SBYAR RO, ,SGYU MA LA SOGS PA LTA BUR GANG SEMS MI 'PHRO BA LA PHYIN CI MA LOG PA 'DI NI, RDO RJE'I TSIG GI NANG NAS SGYU MA LTA BU NYID DANG SBYAR RO, ,CHOS KYI DBYINGS KYI RANG GI MTSAN NYID NI RTOG PA DANG BRAL BAS RNAM PAR MI RTOG PA STE, DE BAS NA RANG GI MTSAN NYID LA PHYIN CI MA LOG PA NI RNAM PAR MI RTOG PA NYID DU BLTA'O, ,CHOS KYI DBYINGS KYI SPYI NI RANG BZHIN GYIS 'OD GSAL BA STE, DE BAS NA SPYI'I MTSAN NYID LA PHYIN CI MA LOG PA NI RANG BZHIN GYIS 'OD GSAL BAR BSDUS SO, ,CHOS KYI DBYINGS RNAM PAR MA DAG PA'I BYE BRAG DANG, RNAM PAR @302A *, ,DAG PA'I BYE BRAG NI KUN NAS NYON MONGS PA DANG, RNAM PAR BYANG BA STE, DE'I PHYIR MA DAG PA DANG DAG PA LA PHYIN CI MA LOG PA NI KUN NAS NYON MONGS PA DANG RNAM PAR BYANG BA'I NANG DU 'DUS SO, ,CHOS KYI DBYINGS LA KUN NAS NYON MONGS PA DANG RNAM PAR DAG PA GNYIS GLO BUR DU BYUNG BA LA PHYIN CI MA LOG PA 'DI YANG NAM MKHA' LTA BU NYID DANG SBYAR BAR BYA'O, ,KUN NAS NYON MONGS PA DANG RNAM PAR BYANG BA'I DUS GNYIS NA, CHOS KYI DBYINGS ZAD PA DANG 'PHEL BA MED PAS, MI SKRAG PA DANG KHENGS PA MED PA LA PHYIN CI MA LOG PA NI RDO RJE'I TSIG RNAMS KYI NANG NAS, 'GRIB PA MED PA DANG, KHYAD PAR DU 'PHAGS PA MED PA DANG SBYAR RO, ,DE LTAR PHYIN CI MA LOG PA BCU PO 'DI DAG NI, RDO RJE'I TSIG BCU PO DANG GO RIMS BZHIN DU SBYAR RO, ,RDO RJE'I TSIG RNAMS KYI LUS RNAM PAR GZHAG PA ZHES BYA BA NI DON GANG DAG GI DBANG DU BYAS TE, RDO RJE'I TSIG RNAMS 'JUG PA'I DON DE RNAMS DE DAG GI LUS SO, ,DE DAG KYANG RNAM PA BZHIR GZHAG STE NGO BO NYID DANG DMIGS PA DANG, RNAM PAR MI RTOG PA NYID DANG, BRGAL BA DANG, LAN NO, ,DE LA NGO BO NYID NI GSUM STE YONGS SU GRUB PA DANG, KUN BRTAGS PA DANG, GZHAN GYI DBANG ZHES BYA BA DAG STE, TSIG DANG PO GSUM DANG GO RIMS BZHIN NO ZHES BYA BA DE LA, DANG PO NI YOD PA DANG, MED PA DANG, PHYIN CI MA LOG PA DANG, GNAS ZHES BYA BA'O, ,DE LA YONGS SU GRUB PA NI YOD PA DANG MED PAR BSHAD DO, ,KUN BRTAGS PA NI PHYIN CI MA LOG PAR BSHAD DO, ,GZHAN GYI DBANG NI GNAS SU BSHAD DO, ,JI LTAR ZHE NA, KHA CIG NA RE YONGS SU GRUB PA NI YOD PA DANG MED PA'I PHYIR YOD PA DANG MED PAR BSTAN PA YIN NO ZHE'O, ,JI LTAR YOD PA DANG MED PA'I MTSAN NYID KYI PHYIR YONGS SU GRUB PA ZHE NA, KHA CIG NA RE YOD PA DANG MED PAR BRJOD PA'I PHYIR RO ZHE'O, ,GZHAN DAG NA RE YI GE RNAMS 'BREL PA DANG 'DRIS PA'I PHYIR RNAM PAR BRTAGS PA'I DON GYIS DON YOD PA DANG, BZLOG NA DON MED PAR MTHONG BAS YONGS SU GRUB PA'I NGO BO NYID BRJOD DU MED PAR RTOGS PAR 'GYUR TE, DE BAS NA DE YOD PA DANG MED PA NI YONGS SU GRUB PA'I NGO BO NYID DU BSHAD DO ZHE'O, ,GZHAN NA RE THEG PA CHEN PO BSTAN PA'I CHOS NI SHIN TU RNAM PAR @302B DAG PA'I CHOS KYI DBYINGS KYI RGYU MTHUN PA DANG, PHYIN CI LOG GI GNYEN PO'I DMIGS PA YIN PA'I PHYIR, YONGS SU GRUB PA'I NGO BO NYID CES BYA STE, RNAM PAR BRTAGS PA'I NGO BO NYID KYI DON YIN DU ZIN KYANG KUN BRTAGS PA MA YIN TE, DE'I PHYIR YOD PA DANG MED PA NI YONGS SU GRUB PA'I NGO BO NYID DU BSHAD DO ZHE'O, , GZHAN DAG NA RE YOD PA DANG MED PAR PHYIN CI MA LOG PA'I PHYIR YONGS SU GRUB PA'I NGO BO NYID DU BSHAD DO ZHE'O, ,PHYIN CI MA LOG PA NI KUN BRTAGS PA STE, YOD PA MA YIN YANG GNYIS PO MED PA'I NGO BOR SNANG BA'I MTSAN NYID DU GYUR PA'I PHYIR RO, ,GNAS NI GZHAN GYI DBANG STE, DE NI RGYU YIN PAS NA GNAS ZHES BYA'O, ,'BRAS BU YIN PAS NA GZHAN GYI DBANG ZHES BYA'O, ,NGO BO NYID GSUM PO 'DI DAG NYID SHES PAR BYA BA YIN PAS DMIGS PA'O, ,RNAM PAR MI RTOG PA NYID CES BYA BA NI 'DIR TSIG RNAM PAR SBYAR BA'I BYE BRAG GIS NA, GANG GIS RNAM PAR MI RTOG CE NA, RNAM PAR MI RTOG PA'I YE SHES KYIS SO, ,GANG LA RNAM PAR MI RTOG CE NA, RANG BZHIN GYIS 'OD GSAL BA LA'O ZHES BYA BA SMOS SO, ,DE LA TSIG RNAM PAR SBYAR BA'I BYE BRAG NI 'DI YIN TE, 'DIS RNAM PAR MI RTOG PAS NA RNAM PAR MI RTOG PA DANG, DE RNAM PAR RTOG PAR BYA BA MA YIN PAS NA, RNAM PAR MI RTOG PA STE, DE'I DNGOS PO NI RNAM PAR MI RTOG PA NYID DO; ,DE LTAR RNAM PAR MI RTOG PA NYID NI, RDO RJE'I TSIG GNYIS KYIS BRJOD PAR BSTAN TO, ,DE BAS NA 'DI SHES BYA DANG, SHES PA RNAM PAR GZHAG PA 'DI LTA STE, NGO BO NYID GSUM DANG, RNAM PAR MI RTOG PA NYID DANG, GO RIMS BZHIN DU RIG PAR BYA'O, ,DE LA NGO BO NYID GSUM NI GZUNG BA YIN PA'I PHYIR SHES BYAR RNAM PAR GZHAG GO, ,RNAM PAR MI RTOG PA NYID NI 'DZIN PA YIN PA'I PHYIR SHES PAR RNAM PAR GZHAG GO, ,BRGAL BA DANG LAN NI RDO RJE'I TSIG BSHAD ZIN PA'I LHAG MA RNAMS SO, 'DI LA RDO RJE'I TSIG KHA CIG NI BRGAL BA'I LAN NYID DE, 'DI LTA STE, SGYU MA LTA BU NYID DANG, NAM MKHA' LTA BU NYID DANG, 'GRIB PA MED PA NYID DANG, KHYAD PAR DU 'PHAGS PA MED PA ZHES BYA'O, ,KHA CIG NI BRGAL BA NYID DE, 'DI LTA STE, KUN NAS NYON MONGS PA DANG RNAM PAR BYANG BA ZHES BYA'O, ,DE BAS NA BRGAL BA'I LAN DANG BRGAL BA NI, BRGAL BA DANG LAN TE MI MTHUN PA GCIG MA BCUG PA'O, ,DE LA @303A *, ,BRGAL BA NI GAL TE KUN BRTAGS PA DANG GZHAN GYI DBANG GI MTSAN NYID KYI CHOS DE DAG MED NA, GZUNG BA DANG 'DZIN PA NYID DU ZHES BYA BA'I TSIG GI LHAG MA'O, ,JI LTAR DMIGS PAR 'GYUR, GZUNG BA DANG 'DZIN PA NYID DU ZHES BYA BAR DGONGS SO, ,JI STE YOD NA DE LTA NA GO CHOS RNAMS RANG BZHIN GYIS 'OD GSAL BA NYID DU MI RUNG STE, GZUNG BA DANG 'DZIN PA'I BDAG NYID DU YOD PA'I PHYIR RO, ,'DI NI BRGAL BA'O, ,DE'I LAN NI SGYU MA LTA BU NYID YIN TE, DPER NA SGYU MA BYAS PA LTA BU NI MED KYANG DMIGS PA LTA BU'O ZHES BYA BA STE, SGYU MA NI DMIGS SU YOD KYANG DE'I PHYIR DE BZHIN DU YOD DO ZHES BYA BAR SHES PAR MI NUS SO, ,GAL TE CHOS RNAMS RANG BZHIN GYIS 'OD GSAL BA NYID YIN NA, JI LTAR SNGAR KUN NAS NYON MONGS PA PHYIS RNAM PAR BYANG ZHES BRGAL TE, RANG BZHIN GYIS RNAM PAR DAG PA YIN NA, NAM DU YANG KUN NAS NYON MONGS PA MI 'THAD DO ZHES BYA BA DE'I LAN NI KUN NAS NYON MONGS PA DANG RNAM PAR BYANG BA NAM MKHA' LTA BUR RIG PAR BYA BA YIN TE, DPER NA NAM MKHA' RANG BZHIN GYIS RNAM PAR DAG PA LA, GLO BUR GYI NYE BA'I NYON MONGS PAS KUN NAS NYON MONGS SO, ,DE DANG BRAL BA RNAM PAR BYANG NGO ZHES PA DE BZHIN DU CHOS KYI DBYINGS RANG BZHIN GYIS RNAM PAR DAG PA YANG GLO BUR GYI NYE BA'I NYON MONGS PA RNAMS KYIS KUN NAS NYON MONGS SO, ,DE DANG BRAL NA RNAM PAR BYANG NGO, ,GAL TE SANGS RGYAS DPAG TU MED PA BYUNG STE, SEMS CAN DPAG TU MED PA DAG GI KUN NAS NYON MONGS PA BSAL TE, THOG MA MED PA'I 'KHOR BAR SANGS RGYAS 'BYUNG BA RE RES KYANG SEMS CAN DPAG TU MED PA DAG 'KHOR BA DANG PHRAL TE, MYA NGAN LAS 'DAS PAR BTZUD NA, DE'I PHYIR, JI LTAR 'KHOR BA RGYUN CHAD PAR MI 'GYUR ZHING MYA NGAN LAS 'DAS PA 'PHEL BAR MI 'GYUR ZHES BRGAL BA DE'I LAN NI 'GRIB PA MED PA DANG, KHYAD PAR DU 'PHAGS PA MED PA NYID YIN TE, SEMS CAN GYI KHAMS DANG RNAM PAR BYANG BA'I PHYOGS DPAG TU MED PA'I PHYIR RO ZHES BYA BA STE, TSAD DANG LDAN PA'I DONGS PO NI 'GRIB PA 'AM RGYUN CHAD PAR SNGON GYI SEMS CAN GYI KHAMS DPAG TU MED PA DE LA NI, 'GRIB PAR YANG MI MNGON NA RGYUN CHAD PAR LTAG LA MNGON TE NAM MKHA' BZHIN NO, ,RNAM PAR BYANG BA YANG DPAG TU @303B MED PA'I PHYIR KHYAD PAR NYID KYANG MED NA, DE 'PHEL BAR JI LTAR 'GYUR TE, NAM MKHA' SGRIB PA DANG BRAL BA DANG SGRIB PA 'BYUNG BA BZHIN NO, ,LUS RNAM PAR GZHAG PA GNYIS NI ZHES BYA BA NI RDO RJE'I TSIG RNAMS KYI ZHES BYA BAR SBYAR RO, ,GANG LA GANG ZHIG GANG LAS 'KHRUL, ,MA 'KHRUL GANG ZHIG [?] LA DANG, ,'KHRUL DANG MA 'KHRUL 'BRAS BU NYID, ,DE NYID KYI NI THA MA'O, ,ZHES BYA BA NI RDO RJE'I TSIG RNAMS KYIS 'KHRUL PA'I YUL DANG, 'KHRUL PA'I RANG GI NGO BO NYID DANG, 'KHRUL PA'I RGYU DANG, 'KHRUL PA'I 'BRAS BU DANG, 'KHRUL PA'I 'BRAS BU MTHAR PHYIN PA BSTAN TO, ,DE BZHIN DU MA 'KHRUL PA'I RANG GI NGO BO DANG, MA 'KHRUL BA'I YUL DANG, MA 'KHRUL PA'I 'BRAS BU DANG, DE'I MTHAR PHYIN PA YANG BSTAN TO, ,DE LA GANG LA 'KHRUL ZHES BYA BA NA, YOD PA DANG MED PA LA STE, YI GE RNAMS KYI DON YOD PA DANG MED PA'I MTSAN NYID LA RJOD PA DANG BRJOD PAR BYA BA DANG, DE'I 'BREL PA NI DNGOS PO'I NGO BOR KUN BRTAGS PA'I PHYIR RO, ,GANG ZHIG 'KHRUL CES BYA BA LA, ,PHYIN CI LOG NI 'KHRUL PA STE, ,BDAG NYID LA YOD PA MA YIN PAR, GNYIS GYI RNAM PAR SNANG BA'I PHYIR RO, ,GANG LAS 'KHRUL ZHES BYA BA NI, GNAS LAS 'KHRUL PA STE, GNAS NI RTOG PAS YONGS SU BSGOS PA'I YID LA BYED PA KUN GZHI RNAM PAR SHES PA'I BDAG NYID DO, ,MA 'KHRUL GANG ZHIG CES BYA BA NI, SGYU MA LA SOGS PA LTA BUR DON GYI YOD PA DANG MED PAR MI 'PHRO BA NI MA 'KHRUL PA'O, ,DNGOS PO DANG DNGOS PO MED PA LA MNGON PAR ZHEN PA 'KHRUL PA'I GNYEN PO YANG MA 'KHRUL PA STE, DE NAS[?] MA LTA BU NYID DANG, RNAM PAR MI RTOG PA NYID DU GO RIMS BZHIN DU BSTAN TO, ,GANG LA ZHES BYA BA NI GANG LA DE SEMS MA 'KHRUL BA'O, ,DE YANG RANG BZHIN GYIS 'OD GSAL BA NYID LA STE, YONGS SU GRUB PA'I NGO BO NYID MTSAN NYID LA'O, ,'KHRUL DANG MA 'KHRUL 'BRAS BU NYID, ,CES BYA BA DE LA, 'KHRUL BA'I 'BRAS BU NI KUN NAS NYON MONGS PA STE, 'KHRUL PA'I RGYU MTHUN PA'I ZHES BYA BA'I TSIG GI LHAG MA'O, ,MA 'KHRUL BA'I RGYU MTHUN PA'I MA 'KHRUL BA NI, MA 'KHRUL PA'I 'BRAS BU'I PHYIR MA 'KHRUL BA'I 'BRAS BU NI RNAM PAR BYANG BA STE, MTSUNGS PAR LDAN PA DANG BCAS PA'I ZHES BYA BA'I TSIG GI @304A *, ,LHAG MA'O, ,NYID CES BYA BA BRJOD PAS DE'I 'BRAS BU KUN NAS NYON MONGS PA DANG RNAM PAR BYANG BA ZHES BYA BA 'DIS BSHAD DE, NAM MKHA' LTA BU NYID CES BYA BAS NI CHOS KYI DBYINGS GANG GIS 'KHRUL BA DANG, MA 'KHRUL PA'I 'BRAS BU DE DAG KUN NAS NYON MONGS PA DANG, RNAM PAR BYANG BA'I BDAG NYID YIN GYI, DE DE'I RANG BZHIN NI MA YIN NO ZHES BSTAN PA'I PHYIR RO, ,DE GNYIS NI MTHA' MA'O ZHES BYA BA NI, KHA CIG NA RE KUN NAS NYON MONGS PA DANG, RNAM PAR BYANG BA GNYIS KYI MTHA' NI MYA NGAN LAS 'DAS PA STE, DE YANG 'GRIB PA MED PA DANG LHAG PA MED PAS MTHAR THUG PA MED PA'I PHYIR BSHAD DO ZHE'O, ,GZHAN DAG NA RE 'KHOR BA DPAG TU MED PA'I PHYIR, 'BRI BA MED PAS 'GRIB PA MED PA DANG LDAN PAS NI KUN NAS NYON MONGS PA'I MTHA' MA'O, ,MYA NGAN LAS 'DAS PA DPAG TU MED PAS 'PHEL BA MED PA'I PHYIR, KHYAD PAR DU 'PHAGS PA MED PA DANG LDAN PA NI RNAM PAR BYANG BA'I THA TSIG GO ZHES ZER RO, ,RDO RJE'I TSIG BCU PO 'DI DAG NI PHYIN CI MA LOG PA'I ZHAR LA BSHAD KYI MDOR BYAS PA LAS NI MI 'BYUNG NGO, ,DE BAS NA, YOD MED PHYIN CI MA LOG DANG, ,GNAS DANG SGYU MA LTA BU NYID, ,MI RTOG PA DANG RANG BZHIN GYIS, ,RTAG BAR 'OD GSAL NYID DANG NI, ,KUN NAS NYON MONGS RNAM BYANG DANG, ,DE BZHIN NAM MKHA' LTA BU NYID, ,'GRIB DANG MED PA LHAG MED PA, RDO RJE'I TSIG NI BCU ZHES BYA'O, ,ZHES BYA BA BAR GYI TSIGS SU BCAD PA GNYIS KYIS SDUD DO, ,'DI LA YONGS SU GRUB PA'I SGRA DANG DON 'BREL PAR LTA BA'I PHYIN CI LOG DANG, DON RNAMS JI LTA BUR SNANG BA DE LTA BUR NGO BO NYID DU YOD PAR MTHONG BA'I PHYIN CI LOG DANG, DON DE 'BYUNG BA'I RGYU LA PHYIN CI LOG DANG, DON LA SGRO 'DOGS PA DANG SKUR PA 'DEBS PAR LTA BA'I PHYIN CI LOG DANG, MING JI LTA BA BZHIN DU DON GYI NGO BO NYID DU LTA BA'I PHYIN CI LOG DANG, DNGOS PO RNAMS KYI RANG DANG SPYI'I MTSAN NYID LA DNGOS PO NYID DU PHYIN CI LOG DANG, BKRA SHIS PA DANG BKRA SHIS PA MA YIN PA KUN DU SPYOD PAS LAS RNAM PAR DAG PA DANG RNAM PAR MA DAG PAR LTA BA'I PHYIN CI LOG DANG, GCIG KHO NA LA RNAM PAR MA DAG PA DANG, RNAM PAR DAG PAR LTA BA'I PHYIN CI LOG DANG, KUN NAS NYON @304B MONGS PA RNAM PAR BYANG BA SPANG BA DANG, 'THOB PA DANG 'GRIB PA DANG KHYAD PAR DU LTA BAS SKRAG PA DANG BRGYAL BA 'BYUNG BA'I PHYIN CI LOG STE, 'DI DAG NI PHYIN CI LOG BCU'O, ,BYANG CHUB SEMS DPA' LA DE DAG MED PAS, JI SKAD BSHAD PA'I DON RNAMS LA PHYIN CI MA LOG PAR GNAS PA NI LHAG MTHONG BSGOM PA YIN PAR RIG PAR BYA'O, ,RJES SU MTHUN PA'I CHOS SGRUB PA BSHAD ZIN TO, ,RJES SU MTHUN PA'I CHOS SGRUB PA'I 'OG TU MTHA' GNYIS SPANG BA SGRUB PA BRJOD PAR BYA STE, DE'I PHYIR, MTHA' GNYIS SPANG BA SGRUB PA GANG ZHE NA ZHES DRIS PA DANG, DE'I PHYIR GANG DKON MCHOG BRTZEGS PA ZHES BYA BA'I CHOS KYI RNAM GRANGS LAS YANG DAG PAR SGRUB PA'I NGO BO NYID BSTAN PA'I PHYIR, DBU MA'I LAM BSHAD DO ZHES BYA BA SMOS SO, ,'OD SRUNGS 'DI LTA STE, DKON MCHOG BRTZEGS PA CHEN PO CHOS KYI RNAM GRANGS LA SLOB PAR 'DOD PA'I BYANG CHUB SEMS DPAS TSUL BZHIN DU RAB TU CHOS LA SBYAR BAR BYA'O, ,TSUL BZHIN DU CHOS LA SBYOR BA GANG ZHE NA 'DI LTA STE, CHOS RNAMS LA YANG DAG PAR SO SOR RTOG PA STE, GANG BDAG MED PAR RTOG PA DANG, SEMS CAN MED PA DANG, SROG MED PA DANG, GSO BA MED PA DANG, SKYES BU MED PA DANG, GANG ZAG MED PA DANG, SHED LAS SKYES MED PA DANG, SHED BU MED PAR SO SOR RTOG PA 'DI NI, 'OD SRUNGS DBU MA'I LAM MO ZHES BYA BA NAS, MAR ME'I DPE GNYIS PA LA THUG GI BAR DU RGYA CHER 'BYUNG NGO, ,MTHA' GANG SPANGS PAS DE RIG PAR BYA ZHE NA ZHES BYA BA NI MTHA' GANG SPANGS PAS DBU MA'I LAM SHES PAR BYA ZHES BYA BA'I THA TSIG GO, ,DE'I PHYIR, THA DAD PA DANG GCIG MTHA' DANG, ,MU STEGS NYAN THOS GNYIS KA DANG, ,ZHES RGYA CHER GSUNGS SO, ,BCO LNGA PO 'DI DAG NI MTHA' GNYIS DBYE BA STE, 'DI DAG SPANGS PAS DE RIG PAR BYA'O, ,'DIR THA DAD PA LA SOGS PAR LTA BA'I MTHA' NI PHYOGS RE RE LA MNGON PAR ZHEN PA'I PHYIR 'BRAS BU LA RGYU GDAGS PAR BYAS PA'O, ,DE LA GZUGS LA SOGS PA DANG BDAG THA DAD CES BYA BA YANG MTHA'O, ,GCIG CES BYA BA YANG MTHA'O ZHES BYA BA DE LA, GZUGS LA SOGS PA PHUNG PO RNAMS DANG, SKYE MCHED RNAMS DANG KHAMS RNAMS NI BDAG RTAG PA'I SPYAD PAR BYA BA'I 'OS SU RTOG PA GANG YIN PA DE @305A *, ,DAG NI GZUGS LA SOGS PA DANG BDAG THA DAD DO SNYAM PA'I MTHA'O, ,NANG GI 'DU BYED GZUGS LA SOGS PA LA BDAG TU 'DU SHES NAS GANG MTHONG BA DANG, THOS PA DANG, SHES PA DE NI BDAG YIN LA, PHYI'I RNAMS NI BDAG GI BA YIN PAR RTOG PA GANG YIN PA DE NI GZUGS LA SOGS PA DANG BDAG GCIG GO ZHES BYA BA'I MTHA' STE, GANG MDO SDE LAS SROG KYANG GZHAN LA LUS KYANG GZHAN PA DANG SROG DE LUS DE YIN ZHES BYA BAR LTA BA NYID 'DIR MTHA' ZHES BYA BA'I SGRAR BSTAN TO, ,DE YONGS SU SPANG BA'I PHYIR ZHES BYA BA NI GZUGS LA SOGS PA DANG BDAG DE NYID DANG GZHAN GYI MTHA' YONGS SU SPANG PA'I PHYIR RO, ,DBU MA'I LAM GANG CHOS TZAM ZHIG YUL DU GYUR PA'I YE SHES SO, ,DE NYID BSTAN PA'I PHYIR GANG BDAG MED PAR SO SOR RTOG PA NAS SHED BU MED PAR SO SOR RTOG PA'I BAR DU'O ZHES BYA BA SMOS SO, ,CHOS TZAM DU MTHONG BAS NI BDAG MO GSHAM GYI BU BZHIN DU MED PAR KHONG DU CHUD NAS BDAG MED PAR SO SOR RTOG STE, RJES SU RTOGS ZHES BYA BA'I THA TSIG GO, ,DE DANG GZUGS LA SOGS PA DE NYID DAM GZHAN DU 'DZIN PAR LTA GA LA 'GYUR, BDAG CES BYA BA'I SGRA NYID KYIS DE'I DON KHONG DU CHUD PAR 'GYUR NA, CI'I PHYIR SEMS CAN LA SOGS PA RNAM GRANGS KYI BYE BRAG SMOS SHE NA, THAMS CAD KYIS RNAM GRANGS THAMS CAD KHONG DU CHUD PAR MI 'GYUR TE, DE'I PHYIR THAMS CAD KYIS DE'I DON KHONG DU CHUD PAR BYA BA'I PHYIR RNAM GRANGS GZHAN BSHAD DO, ,YANG NA DE'I DUS SU G-YENGS PA RNAMS LA RNAM GRANGS GZHAN GYIS DE'I DON RTOGS PAR BYA BA'I PHYIR TE, BRJOD PAR BYA BA DE NYID BRJOD NA NI GZHAN DAG GIS BRNYAS PAR 'GYUR BA'I PHYIR RO, ,GZUGS LA SOGS PA RTAG GO ZHES BYA BA NI MU STEGS CAN GYI MTHA' STE, DE DAG NI RTAG PAR PHYIN CI LOG GIS NON PA'I PHYIR KUN BRTAGS PA'I GZUGS LA SOGS PA LA DNGOS PO KHO NAR MNGON PAR ZHEN NAS RTAG PA NYID DU RTOG GO, ,MI RTAG GO ZHES BYA BA NI NYAN THOS KYI MTHA' STE, DE DAG KYANG KUN BRTAGS PA'I NGO BO NYID KYI GZUGS LA SOGS PA LA DNGOS PO'I NGO BOR MI RTAG PA NYID DU SGRO 'DOGS PA'I PHYIR MTHA' NYID DE, SHIN TU 'KHOR BA LAS SKYO BAR BYED PA DANG MYA NGAN LAS 'DAS PA'I MTHAR LTUNG BAR BYED PAS MI RTAG PAR LTA BA'I MTHA'O,, @305B DE GNYIG YONGS SU SPANG BA'I PHYIR ZHES BYA BA NI RTAG PA DANG MI RTAG PAR LTA BA YONGS SU SPANG BA'I PHYIR DBU MA'I LAM STE, GANG GZUGS LA SOGS PA LA RTAG PAR YANG MI RTOG, ,MI RTAG PAR YANG MI RTOG PA'O, ,DE YANG GANG ZHE NA, RNAM PAR MI RTOG PA'I YE SHES TE, GANG GZUGS LA SOGS PA LA GZUGS LA SOGS PA NYID DU RTAG PA 'AM, MI RTAG PA MI RTOG PA'O, ,GZUGS LA SOGS PA ZHES BYA BA LA SOGS PA'I SGRAS NI TSOR BA DANG, 'DU SHES DANG, 'DU BYED DANG, RNAM PAR SHES PA'I PHUNG PO RNAMS DANG, SA DANG, CHU DANG, ME DANG, RLUNG DANG, NAM MKHA'I KHAMS RNAMS DANG, MIG DANG, RNA BA DANG, SNA DANG, LCE DANG, LUS DANG, YID KYI SKYE MCHED RNAMS BSDU'O, ,BDAG YOD CES BYA BA'I SGRAS NI GANG ZAG TU SGRO 'DOGS PA'I MTHA'O ZHES BYA BA NI PHUNG PO DANG, KHAMS DANG, SKYE MCHED RNAMS DANG, THA DAD PA 'AM, THA DAD PA MA YIN PA'ANG RUNG STE, BDAG MO GSHAM GYI BU BZHIN DU RDZAS MED PAR MTHONG YANG, GANG ZAG LA BDAG TU DNGOS PO'I NGO BOR SGRO 'DOGS PA'I PHYIR MTHA'O, ,BDAG MED CES BYA BA NI SKUR PA 'DEBS PA'I MTHA' STE ZHES BYA BA NI YOD PA LA MED PAR YONGS SU RTOG PA NI SKUR PA 'DEBS PA ZHES BYA NA, BDAG NI MED PAS JI LTAR BDAG MED CES BYA BA LA SKUR PA 'DEBS PA'I MTHAR 'GYUR ZHE NA, DE'I PHYIR, BTAGS PA'I YOD PA LA SKUR PA 'DEBS PA'I PHYIR RO ZHES BYA BA SMOS TE, BDAG MED PAR SKUR PA 'DEBS PA'I MTHA' ZHES BYA BA DANG SBYAR RO, ,DE YANG CHOS RNAMS KYI RGYUN TE, GANG LA RGYU DANG 'BRAS BU 'BREL PAR MNGON PA'O, ,YANG NA SPYIR GANG DU LHA DANG MIR GDAGS PA'O, ,DE YONGS SU SPANG BA'I PHYIR DBU MA'I LAM STE ZHES BYA BA NI BDAG YOD PA DANG MED PAR LTA BA YONGS SU SPANG PA'I PHYIR RO, ,DA NI DBU MA'I LAM GANG YIN PA BRTAG PAR BYA BA'I PHYIR RO, GANG BDAG DANG BDAG MED PA DE GNYIS KYI DBUS ZHES BYA BA SMOS SO, ,DE'I DBUS CI ZHIG CE NA, RNAM PAR MI RTOG PA'I YE SHES SO, ,GZUNG BA'I DON LA RNAM PAR RTOG PA MTHA'O NYID DU BSTAN NAS, 'DZIN PA'I DON LA RNAM PAR RTOG PA MTHA' NYID DU BSTAN PA'I PHYIR, SEMS YANG DAG PA'O ZHES BYA BA LA SOGS PA SMOS SO, ,YANG NA GANG ZAG LA SGRO 'DOGS PA DANG SKUR PA 'DEBS PA'I MTHA' BSTAN NAS, CHOS @306A *, ,LA SGRO 'DOGS PA DANG SKUR PA 'DEBS PA'I MTHA' BSTAN PA'I PHYIR, SEMS YANG DAG PA'O ZHES BYA BA NI ZHES BYA BA LA SOGS PA SMOS SO, ,SEMS JI LTAR SNANG BA DANG JI LTAR BRJOD PA DE BZHIN DU YANG DAG PAR YOD DO ZHES BYA BA 'DI NI, CHOS LA SGRO 'DOGS PA'I MTHA' STE SEMS KYI NGO BO NYID YANG DAG PA MA YIN PA LA YANG DAG PA NYID DU SGRO 'DOGS PA'I PHYIR RO, ,SEMS YANG DAG PA MA YIN NO ZHES BYA BA NI SKUR PA 'DEBS PA'I MTHA'O, ,DE NI GZUNG BA DANG, 'DZIN PA DANG BRAL BA'I BDAG NYID BRJOD DU MED PAR YOD KYANG MED PAR MTHONG STE, CHOS KYI NGO BO NYID LA RNAM PA THAMS CAD DU SKUR PA 'DEBS PAS NA SKUR PA 'DEBS PA'I MTHA'O, ,DE YONGS SU SPANG BA'I PHYIR ZHES BYA BA NI SGRO 'DOGS PA DANG SKUR PA 'DEBS PA DANG BRAL BA LA CHOS BDAG MED PAR RTOGS PAR BYA BA'I PHYIR, DBU MA'I LAM STE, DE NI GANG LA SEMS MED PA DANG, YID MED PA DANG, RNAM PAR SHES PA MED PA ZHES BYA BA NI MNGON PAR ZHEN PA 'BYUNG BA MED DO ZHES BYA BA'I TSIG GI LHAG MA'O, ,YANG NA YUL GANG LA ZAG PA DANG BCAS PA'I BAG CHAGS BSAGS PA'I BDAG NYID KYI SEMS MI 'JUG PA DANG, MNGON PAR 'DU BYED PA MED PA'I MTSAN NYID KYI SEMS PA MED PA DANG, RLOM SEMS KYI RNAM PA'I YID MED PA DANG RNAM PAR RTOG PA'I RNAM PAR SHES PA MED PA 'DI NI DBU MA'I LAM ZHES BYA'O, ,DE LA SEMS NI KUN GZHI RNAM PAR SHES PA STE, ZAG PA DANG BCAS PA'I CHOS THAMS CAD KYI BAG CHAGS BSAGS PA'I PHYIR RO, ,SEMS PA NI YID KYI LAS TE, DGE BA DANG MI DGE BA DANG, LUNG DU MA BSTAN PA RNAMS LA SEMS 'JUG PAR BYED PA'I LAS CAN NO, ,YID NI NYON MONGS PA CAN GYI YID DO, ,RNAM PAR SHES PA NI RNAM PAR SHES PA'I TSOGS DRUG GO, ,MI DGE BA LA SOGS PA'I CHOS RNAMS NI, KUN NAS NYON MONGS PA'O ZHES BYA BA NI MI MTHUN PA'I PHYOGS KYI MTHA'O, ,DGE BA LA SOGS PA NI RNAM PAR BYUNG BA'O ZHES BYA BA NI GNYEN PO'I MTHA'O ZHES BYA BA LA SOGS PA'I SGRAS NI, KHA NA MA THO BA DANG BCAS PA DANG, 'JIG RTEN PA DANG, 'JIG RTEN LAS 'DAS PA DANG, ZAG PA DANG BCAS PA DANG, ZAG PA MED PA DANG, 'DUS BYAS DANG, 'DUS MA BYAS LA SOGS PA BSTAN PAR 'GYUR RO, ,DE LA DGE BA DANG MI DGE BA'I CHOS JI @306B LTAR SNANG BA DANG BRJOD PA DE BZHIN DU KUN NAS NYON MONGS PA DANG RNAM PAR BYANG BAR LTA BA NI, MI MTHUN PA'I PHYOGS KYI MTHA' DANG, GNYEN PO'I MTHA'O, ,DE LA MI DGE BA NI MI BDE BA'I DON TO, ,KHA NA MA THO BA DANG BCAS PA NI NYES PAR SPYOD PA KUN NAS SLONG BA'I PHYIR RO, ,'JIG RTEN PA NI PHYIN CI LOG GI PHYIR RO, , ZAG PA DANG BCAS PA NI ZAG PA RGYAS PAR 'GYUR BA'I PHYIR RO, ,'DUS BYAS NI RKYEN RNAMS KYIS BSKYED PA'I PHYIR RO, ,DE LAS BZLOG PA NI DGE BA LA SOGS PAR RIG PAR BYA'O, ,DE YONGS SU SPANG BA'I PHYIR DBU MA'I LAM STE ZHES BYA BA LA, MI MTHUN PA'I PHYOGS DANG GNYEN PO NI DE ZHES BYA BA'I SGRA DANG SBYAR RO, , DBU MA'I LAM MI SHES NAS, DE'I PHYIR, GANG MTHA' DE GNYIS KHAS MI LEN CING MI BRJOD MI SMRA'O ZHES BYA BA SMOS SO, ,DE KHAS MI LEN PA NI MI MTHUN PA'I PHYOGS DANG GNYEN PO LA MNGON PAR ZHEN PA MED PA'O, ,MI BRJOD PA NI MI MTHUN PA'I PHYOGS DANG GNYEN PO'I MTHA' DE LA GZHAN DAG YANG DAG PAR 'DZIN DU MI 'JUG PA'I PHYIR RO, ,MI SMRA BA NI MI MTHUN PA'I PHYOGS DANG GNYEN PO GNYIS MI BRJOD PA'I PHYIR RO, ,MU STEGS CAN DANG NYAN THOS KYI MTHA'I GNYEN POR DBU MA'I LAM BSTAN NAS, BYANG CHUB SEMS DPA'I MTHA'I GNYEN POR DBU MA'I LAM BSTAN PA'I PHYIR, GANG ZAG DANG CHOS DE GNYIS YOD DO ZHES BYA BA NI RTAG PA'I MTHA'O, ,MED DO ZHES BYA BA NI CHAD PA'I MTHA'O ZHES BYA BA SMOS TE, RANG GI MTSAN NYID LA RTAG PAR SGRO 'DOGS PA'I PHYIR, YOD DO ZHES BYA BA NI RTAG PA'I MTHA'O, ,RANG GI NGO BO LA RNAM PA THAMS CAD DU SKUR PA 'DEBS PA'I PHYIR MED DO ZHES BYA BA NI CHAD PA'I MTHA'O, ,DE YONGS SU SPANG BA'I PHYIR DBU MA'I LAM STE, MTHA' DE GNYIS KYI DBUS GANG YIN PA'O ZHES BYA BA LA, KHA CIG NA RE MTHA' GNYI GA DANG BRAL BA NI 'DIR DBU MAR 'DOD DO ZHE'O, ,GZHAN DAG NA RE 'DI GNYI GA'I MTSAN NYID NI 'DIR MTHA' GNYIS KYI DBUS SO ZHE'O, ,JI LTA ZHE NA, YANG DAG PA MA YIN PA KUN RTOG PA LTA BU 'AM, CHOS KYI DBYINGS LTA BUR SHES BYA DANG BRJOD PAR BYA BA'I DNGOS PO RDZAS NYID DANG DON DAM PAR YOD DO ZHES MNGON PAR ZHEN PA DE NI RTAG PA'I MTHA' STE, DE NI DE BZHIN DU MED PA'I PHYIR RO, ,DE LTAR RI BONG GI RVA BZHIN DU MED PA NYID DU LTA BA NI CHAD PA'I MTHA' STE, CI'I PHYIR ZHE NA, DE RTAG PAR YOD PA'I PHYIR @307A *, ,RO, ,DE BAS NA DE BSTZAL BAR BYA BA'I PHYIR CHAD PA'I MTHA' ZHES BYA'O, ,DE'I PHYIR YOD PA NYID DANG MED PA NYID KYI DBUS RDZAS NYID DANG DON DAM PAR MED PA LA BTAGS PAR YOD DO ZHES BYA BA NI GNYI GA'I MTSAN NYID YIN NO, ,DE MI MTHUN PA'I PHYOGS DANG GNYEN PO LA SGRO 'DOGS PA'I MTHA'I DBANG DU MDZAD DE MA RIG PA LA GZUNG BA'O, ,'DZIN PA'O ZHES BYA BA NI MTHA' STE, DE BZHIN DU MA RIG PA DANG, 'DU BYED RNAMS DANG, DE'I GNYEN PO 'DUS MA BYAS LA GZUNG BA'O, ,'DZIN PA'O ZHES PA YANG MTHA' STE, 'DIR RGA SHI'I BAR LA ZHES BYA BA'I MTHA' SMOS PA NI RNAM PAR SHES PA DANG, MING DANG GZUGS LA SOGS PA YANG BSDU'O, ,RNAM PAR SHES PA LA GZUNG BA'O 'DZIN PA'O ZHES BYA BA YANG MTHA'O, ,DE BZHIN DU MING DANG, GZUGS DANG, SKYE MCHED DRUG DANG, REG PA DANG, TSOR BA DANG, SRED PA DANG, LEN PA DANG, SRID PA DANG, SKYE BA DANG, RGA SHI LA GZUNG BA'O 'DZIN PA'O ZHES BYA BA YANG MTHA'O, ,DE LA MA RIG PA NI BDEN PA DANG DKON MCHOG MI SHES PA'I BDAG NYID DO, ,'DU BYED RNAMS NI BSOD NAMS DANG, BSOD NAMS MA YIN PA DANG, MI G-YO BA'I NGO BO NYID DE, ZAG PA DANG BCAS PA'I SEMS PAS YANG SRID PA MNGON PAR 'DU BYED PA'I PHYIR RO, , DE BZHIN DU KUN NAS NYON MONGS PA'I MTSAN NYID BSHAD PA'I TSUL DU RNAM PAR SHES PA LA SOGS PA YANG RGYA CHER BRJOD PAR BYA'O, ,RIG PA NI ZAG PA MED PA'I YE SHES SO, ,'DU BYED RNAMS KYI GNYEN PO NI 'DUS MA BYAS KYI YE SHES SO, ,DE NYID KYI PHYIR 'DUS MA BYAS GZHAN LAS DBYE BA'I PHYIR GNYEN PO ZHES BYA BA SMOS SO, ,GZHAN DAG NI MI SKYE BA CAN YIN PAS NA, 'DUS MA BYAS RNAM PA BRGYAD CAR YANG 'DIR 'DOD DO, ,GNYEN PO NI ZAG PA MED PA'I SEMS PA STE, YANG SRID PA MNGON PAR 'DU MI BYED PA'I PHYIR RO SNYAM DU SEMS SO, ,DE 'GOG PA LA GZUNG BA'O 'DZIN PA'O ZHES BYA BA YANG MTHA' STE ZHES BYA BA LA, DE ZHES BYA BA'I SGRAS NI RNAM PAR SHES PA LA SOGS PA NAS RGA SHI LA THUG GI BAR DU SBYAR RO, ,'GOG PA LA YANG NGO BO NYID DAM RGYU YIN PA MI SHES NAS, DE'I PHYIR, LAM GANG GIS MING DANG GZUGS 'GAG PA'O ZHES BYA BA SMOS SO, ,GANG GIS MING DANG @307B GZUGS DE 'GAG PAR 'GYUR ZHE NA, MING DANG GZUGS KYI GNYEN PO ZAG PA MED PA'I LAM GYIS SO, ,RIG PA DANG MA RIG PA DE NI GNYIS SU MED DE GNYIS SU BYAR MED DO ZHES BYA BA DE NI, 'DIR YE SHES 'KHOR DANG BCAS PA STE LAM MO, ,DE'I PHYIR 'DIS 'GAG PAR BYED PAS 'GOG PA'O, ,DE LA MTHA' GANG ZHE NA, GZUNG BA DANG 'DZIN PA LA MNGON PAR ZHEN PA 'DI NYID DO, ,CI'I PHYIR ZHE NA, MA RIG PA LA SOGS PA GNYIS MED PA'I RANG BZHIN DAG LA MED BZHIN DU GNYIS SU SGRO 'DOGS PA 'JUG PA'I PHYIR RO, ,DE BZHIN DU NAG PO DANG DKAR PO'I PHYOGS KYI BYE BRAG GIS, GZUNG BA DANG 'DZIN PA'I MTHA' RNAM PA GNYIS SO ZHES BYA BA DE LA, NAG PA'I PHYOGS NI MA RIG PA NAS RGA SHI'I BAR SRID PA'I YAN LAG BCU GNYIS SO, ,DE BZHIN DU DKAR PO'I PHYOGS KYANG MA RIG PA LA SOGS PA 'GAG PA'I BYE BRAG GIS MA RIG PA 'GAG PA NAS, RGA SHI 'GAG PA'I BAR RNAM PA BCU GNYIS SO, , DE LA 'DIS MA RIG PA LA SOGS PA 'GAG PAR 'GYUR BAS NA, DE'I GNYEN POR GYUR PA LAM NYID LA 'GOG PA'I SGRAR BRJOD DO, ,DE YONGS SU SPANG BA'I PHYIR ZHES BYA BA NI GZUNG BA DANG 'DZIN PA'I MTHA' YONGS SU SPANG BA'I PHYIR DBU MA'I LAM BSTAN TO ZHES BYA BA DANG SBYAR RO, ,DE YANG MI SHES TE, DE'I PHYIR RIG PA DANG MA RIG PA 'DI NI GNYIS SU MED CES BYA BA SMOS SO, ,JI LTAR NA RIG PA DANG MA RIG PA NAS, RGA SHI DANG RGA SHI 'GAG PA'I BAR DU GNYIS SU MED CE NA, DE'I PHYIR RIG PA DANG MA RIG PA LA SOGS PA GZUNG BA DANG 'DZIN PA'I DNGOS PO MED PA'I PHYIR RO ZHES BYA BA SMOS SO, , DE'I DNGOS PO MED PA NI MA RIG PA LA SOGS PA GNYIS SU MED PA'I RANG BZHIN YIN PA'I PHYIR RO, ,YANG NA RIG PA DANG MA RIG PA NI KUN BRTAGS PA'I NGO BO NYID DE, DE'I PHYIR KUN BRTAGS PA'I NGO BO NYID RIG PA DANG, MA RIG PA DNGOS PO MED PAR MTSUNGS PAS, RIG PA DANG MA RIG PA GNYIS SU MED DO, ,DE BZHIN DU 'DU BYED RNAMS DANG, 'DUS MA BYAS DANG, RNAM PAR SHES PA DANG, DE 'GOG PA NAS 'GOG PA DANG RGA SHI ZHES BYA BA'I BAR DU BRJOD PAR BYA'O, ,'DIR DBU MA'I LAM GANG ZHE NA, RIG PA DANG MA RIG PA 'DI NI GNYIS SU MED DE GNYIS SU BYAR MED PAR SHES PA DE NYID DE'I RIG PA BSKYED @308A *, ,PAR BYA BA YANG MED CING MA RIG PA DGAG PAR BYAR YANG MED PA DANG, 'DU BYED RNAMS SPANG BAR BYA BA YANG MED LA, DE 'GOG PA THOB PAR BYA BA YANG MED PA DE LTAR SHES PA GANG YIN PA DE NI GNYIS SU DBYER MED PA'O, ,KUN NAS NYON MONGS PA NI RNAM PA GSUM STE ZHES BYA BA DE LA; NYON MONGS PA RNAMS NI LAS DANG TSE'I KUN NAS NYON MONGS PA'I RGYU YIN PA DANG, BDAG NYID KYANG NYON MONGS PAR GYUR PAS KUN NAS NYON MONGS PA ZHES BYA'O, ,YANG NA BDAG DANG GZHAN LA GNOD PAR BYED PA'I RGYU YIN PAS KUN NAS NYON MONGS PA ZHES BYA'O, ,LAS KYANG NYON MONGS PA'I DBANG GIS BYUNG BA DANG, TSE'I RGYUR GYUR PA DANG, BDAG NYID KYANG KHA CIG NYON MONGS PAR GYUR PAS KUN NAS NYON MONGS PA ZHES BYA'O, ,TSE YANG LAS DANG NYON MONGS PA'I DBANG GIS BYUNG BA DANG GNOD PA THAMS CAD KYI GNAS SU GYUR PA'I PHYIR KUN NAS NYON MONGS PA ZHES BYA'O, ,YANG NYON MONGS PA'I KUN NAS NYON MONGS PA RNAM PA GSUM DU DBYE BA BSTAN PA'I PHYIR, KUN NAS NYON MONGS PA YANG RNAM PA GSUM STE ZHES RGYA CHER SMOS SO, ,DE LA LTA BA NI LNGA STE, 'JIG TSOGS LA LTA BA LA SOGS PA'O, ,'DOD CHAGS DANG, ZHE SDANG DANG, GTI MUG NYID RGYU STE, MYA NGAN LA SOGS PA'I RGYU DANG YANG SRID PA'I RGYU YIN PA'I PHYIR RO, ,GZHAN DAG NA RE 'DOD CHAGS LA SOGS PA'I RGYU NI DE'I RJES SU MTHUN PA DBANG PO DANG, DON DANG TSUL BZHIN MA YIN PA YID LA BYED PA DANG, 'DOD CHAGS LA SOGS PA'I BAG CHAGS KUN GZHI RNAM PAR SHES PA LA GNAS PA'O ZHES ZER RO; ,DER SNANG BA NI 'DOD CHAGS LA SOGS PA'I RGYU'O ZHES DE SKAD KYANG 'DZER TO, ,YANG SRID PA LA SMON PA NI SRID PA PHYI MA 'DOD PA'O, ,DE'I GNYEN PO NI STONG PA NYID SHES PA ZHES RGYA CHER 'BYUNG BA DE LA LTA BA RNAMS KYI GNYEN PO NI STONG PA NYID SHES PA STE, STONG PA NYID KYI YUL LA SHES PA NI 'DIR STENG PA NYID SHES PA'O, ,'DOD CHAGS LA SOGS PA'I RGYU'I GNYEN PO NI MTSAN MA MED PA SHES PA STE, MTSAN MA THAMS CAD DANG BRAL PA'I PHYIR RAM, MTSAN MA MED PA YUL DU GYUR PA'I SHES PA NI MTSAN MA MED PA SHES PA STE, KUN BRTAGS PA 'DOD CHAGS LA SOGS PA'I STONG PA NYID YUL @308B DU GYUR PA'I PHYIR RO, ,YANG SRID PAR SMON PA'I GNYEN PO NI SMON PA MED PA SHES PA STE, YANG SRID PAR SMON PA DANG BRAL BA 'AM, YANG SRID PA'I STONG PA NYID YUL DU GYUR PA SHES PA NI SMON PA MED PA SHES PA'O, ,LAS KYI KUN NAS NYON MONGS PA NI DGE BA DANG MI DGE BA'I LAS MNGON PAR 'DU BYED PA'O ZHES BYA BA NI SRID PA LA 'PHEN PA'I LAS DGE BA DANG MI DGE BA GNYIS SOGS PA DANG MNGON PAR 'GRUB PA MNGON PAR 'DU BYED PA'O, ,DE'I GNYEN PO NI MNGON PAR 'DU MI BYED PA SHES PA'O ZHES BYA BA NI, SHES PA GANG GIS LAS KYIS DE'I YANG SRID PA MNGON PAR 'DU MI BYED PA SHES PA STE, DE'ANG DE BZHIN NYID YUL DU GYUR PA'O, ,TSE'I KUN NAS NYON MONGS PA NI YANG SRID PAR SKYE BA ZHES BA BA NI NYID MTSAMS SBYOR BA'I SEMS SO, ,SKYES PA'I SEMS DANG SEMS LAS BYUNG BA RNAMS SKAD CIG RE RE LA 'BYUNG BA ZHES BYA BA NI NYID MTSAMS SBYOR BA PHAN CHAD MA SHI TSUN CHAD DO, ,YANG SRID PA'I RGYUN TO ZHES BYA BA NI NYON MONGS PA DANG BCAS PA'I 'CHI BA'I SRID PA DANG, DE'I 'OG TU BAR MA DO'I SRID PA DANG, DE NAS YANG SKYE BA'I SRID PA'O, ,GZUGS MED PA'I SNYOMS PAR 'JUG PA THOB PA RNAMS KYI NI 'CHI BA'I SRID PA DE NYID KYI 'OG TU SKYE BA'I SRID PA'O, ,DE'I GNYEN PO NI SKYE BA MED PA SHES PA DANG; 'BYUNG BA MED PA SHES PA DANG, NGO BO NYID MED PA SHES PA'O ZHES BYA BA DE LA CHOS THAMS CAD KUN BRTAGS PA'I BDAG NYID KYIS MA SKYES PAR SHES PA DANG, STONG PA NYID YUL DU GYUR PA'I SHES PA GANG YIN PA DE NI SKYE BA MED PA SHES PA'O, ,KUN BRTAGS PA'I CHOS RNAMS KYI STONG PA NYID YUL DU GYUR PA'I SHES PA NI 'BYUNG BA MED PA SHES PA STE, DES DE DAG GIS 'BYUNG BA MED PA RTOG PA'I PHYIR RO, ,MO BSHAM GYI BU BZHIN DU MED PA'I PHYIR DNGOS PO'I RGYUN NGO BO NYID MED PAR SHES PA GANG YIN PA DE NI NGO BO NYID MED PA SHES PA'O, STONG PA NYID SHES PA LA SOGS PA SHES PA RNAM PA BDUN PO DE DAG NI JI SKAD DU BSHAD PA MI MTHUN PA'I PHYOGS LTA BA LA SOGS PA RNAM PA BDUN GYI GNYEN PO'O, ,NYON MONGS PA DANG LAS DANG, TSE'I KUN NAS NYON MONGS PA RNAM PA DE GSUM, RNAM PA BDUN DU TA DAD PAR GYUR PA DE DAG DANG BRAL BA NI RNAM PAR BYANG BA STE, BRAL BA NI SPANGS PA'O, , @309A *, ,GZHAN DAG NI GZHAN NYID DANG, LAM DANG MYA NGAN LAS 'DAS PA NI RNAM PAR BYANG BA STE, 'DI LA LAM 'DIS BRAL BA NI BRA BA STE, DE LTAR TSIG RNAM PAR SBYAR BA THA DAD PA'I PHYIR, DE BZHIN NYID LA SOGS PA NI RNAM PAR BYANG BA'I SNYAM DU SEMS SO, ,DE LTAR STONG PA NYID SHES PA LA SOGS PAS ZHES BYA BA LA, SOGS PA'I SGRAS NI STONG PA NYID SHES PA DANG, MTSAN MA MED PA SHES PA DANG, SMON PA MED PA SHES PA DANG, MNGON PAR 'DU MI BYED PA SHES PA DANG, SKYE BA MED PA SHES PA DANG, 'BYUNG BA MED PA SHES PA DANG, NGO BO NYID MED PA SHES PA YONGS SU BSDU'O, ,SHES BYA STONG PA NYID LA SOGS PA'I CHOS RNAMS ZHES BYA BA NI, 'DI LA YANG SOGS PA'I SGRAS NI ZHES BYA BA STONG PA NYID DANG, SHES BYA MTSAN MA MED PA NYID DANG, SHES BYA SMON PA MED PA NYID DANG, SHES BYA MNGON PAR 'DU MI BYED PA NYID DANG, SHES BYA SKYE BA MED PA DANG, SHES BYA 'BYUNG BA MED PA DANG, SHES BYA NGO BO NYID MED PA YONGS SU GRUB PA'I MTSAN NYID RNAMS YONGS SU BSDU'O, ,KUN NAS NYON MONGS PA RNAM PA GSUM PO DE DAG DANG CI RIGS PAR STONG PA NYID LA SOGS PA'I BAR DU MI BYED DE ZHES BYA BA NI, SHES BYA STONG PA NYID LA SOGS PA'I CHOS RNAMS NI BSHAD MA THAG PA'I NYON MONGS PA DANG, LAS DANG TSE'I KUN NAS NYON MONGS PA DAG THA DAD PAR GYUR PA'O, ,RANG BZHIN GYIS STONG PA NYID LA SOGS PA'O ZHES BYA BA NI, STONG PA NYID SHES PA LA SOGS PAS STONG PA NYID DU MI BYED PA'O, ,CI RIGS PAR ZHES BYA BA LA, 'DIR RIGS PAS NI 'DI YIN TE, STONG PA NYID SHES PA SHES BYA STONG PA NYID LTA BA'I KUN NAS NYON MONGS PA DANG MI LDAN ZHING BRAL BAR MI BYED DE, LTA BA'I STONG PA NYID NI BDAG NYID KYI LTA BA'I NGO BO NYID MA YIN PA'I PHYIR RO, ,DE BZHIN DU MTSAN MA MED PA SHES PAS SHES BYA MTSAN MA MED PA 'DOD CHAGS LA SOGS PA'I MTSAN MA RNAMS DANG BRAL BAR MI BYED DE, 'DOD CHAGS LA SOGS PA'I MTSAN MA'I STONG PA NYID NI, BDAG NYID KYI MTSAN MA MED PA'I PHYIR RO, ,SMON PA MED PA SHES PAS SHES BYA SMON PAR MI BYED DE, SMON PA'I STONG PA NYID NI RANG BZHIN GYIS SMON PA MED PA'I MTSAN NYID YIN PA'I PHYIR RO, ,MNGON PAR 'DU MI BYED PA @309B SHES PAS SHES BYA MNGON PAR 'DU MI BYED PAR MI BYED DE, MNGON PAR 'DU BYED PA'I STONG PA NYID NI RANG BZHIN GYIS MNGON PAR 'DU MI BYED PA'I MTSAN NYID YIN PA'I PHYIR RO, ,SKYE BA MED PA SHES PAS SHES BYA SKYE BA MED PAR MI BYED DE, SKYE BA STONG PA NYID NI RANG BZHIN GYIS SKYE BA MED PA'I MTSAN NYID YIN PA'I PHYIR RO, ,'BYUNG BA MED PA SHES PAS SHES BYA 'BYUNG BA MED PAR MI BYED DE, SEMS DANG SEMS LAS 'BYUNG BA SKAD CIG RE RE LA 'BYUNG BA'I STONG PA NYID NI, RANG BZHIN GYIS 'BYUNG BA MED PA'I MTSAN NYID YIN PA'I PHYIR RO, ,NGO BO NYID MED PAR SHES PAS SHES BYA'I NGO BO NYID MED PAR MI BYED DE, YANG SRID PA'I NGO BO NYID NI RANG BZHIN GYIS NGO BO NYID MED PA'I PHYIR RO, ,YANG NA KUN NAS NYON MONGS PA RNAM PA GSUM PO DE DAG DANG CI RIGS PAR ZHES RGYA CHER SMOS PA NI, NYON MONGS PA DANG LAS DANG TSE'I KUN NAS NYON MONGS PA RNAM PA BDUN DU PHYE BA DANG, SHES BYA STONG PA NYID LA SOGS PA'I CHOS RNAMS KYI NANG NAS, CHOS GANG KUN NAS NYON MONGS PA THA DAD PA GANG DANG SBYAR BAR RIGS PA'I CHOS DE NI, STONG PA NYID SHES PA LA SOGS PAS STONG PA NYID DU MI BYED KYI SHES PAR BYA BA NYID DO, ,DE LA LTA BA'I KUN NAS NYON MONGS PA NI STONG PA NYID SHES PA DANG SBYAR RO, ,DE BZHIN DU YANG SRID PA'I RGYUN NI NGO BO NYID MED PA SHES PA DANG SBYAR BA'I BAR DU'O, ,CI'I PHYIR MI BYED CE NA 'DI LTAR, CHOS KYI DBYINGS RANG BZHIN GYIS KUN NAS NYON MONGS PA CAN DU MA GYUR PA'I PHYIR, DE DAG RANG BZHIN GYIS STONG PA NYID LA SOGS PA'O, ,DE LA TA BA RNAMS NI STONG PA NYID SHES PAS STONG PAR MI BYED DE, DE DAG NI RANG BZHIN GYIS STONG PA NYID KYI MTSAN NYID YIN PA'I PHYIR RO, ,'DOD CHAGS LA SOGS PA'I MTSAN MA MED PA SHES PAS MTSAN MA MED PAR MI BYED DE, CHOS KYI DBYINGS RANG BZHIN GYIS MTSAN MA MED PA'I PHYIR RO, ,DE BZHIN DU YANG SRID PA'I RGYUN NI NGO BO NYID MED PAR SHES PAS NGO BO NYID MED PAR MI BYED PA'I BAR DU STE, 'DI LTAR GNYEN PO MA SKYES KYANG KUN BRTAGS PA'I NGO BO NYID YOD PA MA YIN PA NYID DO, ,DE DAG GI PHYIR DA LTA BUR GYUR PA DE'I PHYIR, GAL TE CHOS KYI DBYINGS KUN NAS NYON MONGS PAR 'GYUR BA 'AM, RNAM PAR DAG PAR 'GYUR BA'I SNYAM DU RTOG PA 'DI NI MTHA' STE, CI'I PHYIR ZHE NA, DE'I PHYIR, RANG BZHIN GYIS KUN @310A *, ,NAS NYON MONGS PA CAN MA YIN PA LA NI NYON MONGS PA DANG, RNAM PAR DAG PA MED PA'I PHYIR RO ZHES BYA BA SMOS TE, NAM MKHA' BZHIN NO, ,MTHA' DE GNYIS YONGS SU SPANG BAR BYA BA'I PHYIR DBU MA'I LAM STE GANG STONG PA NYID RIG PA'I BDAG NYID KYIS SHES BYA STONG PA NYID LA SOGS PA'I CHOS YONGS SU GRUB PA'I NGO BO NYID KYI BDAG NYID RNAMS, DE'I MI MTHUN PA'I PHYOGS GZHAN GYI DBANG GI NGO BO NYID LTA BA PA LA SOGS PA DANG BRAL BAR STONG PAR MI BYED KYI, RIG PA MA SKYES SU ZIN KYANG LTA BA'I NGO BO NYID KYI CHOS RNAMS NYID KYIS KUN BRTAGS PA'I NGO BO NYID KYIS STONG NGO, ,DE BZHIN DU GANG MTSAN MA MED PAS CHOS RNAMS MTSAN MA MED PAR MI BYED DE, CHOS RNAMS NYID KYIS MTSAN MA MED PA NAS, NGO BO NYID MED PAS CHOS RNAMS NGO BO NYID MED PAR MI BYED DE, CHOS RNAMS NYID KYIS NGO BO NYID MED PA'I BAR DU'O, ,GANG DAG DE LTAR SO SOR RTOG PA 'DI NI 'OD SRUNGS CHOS RNAMS LA YANG DAG PAR SO SOR RTOG PA ZHES BYA'O ,DE BZHIN DU RIG PA YOD PA DANG, DE'I MI MTHUN PA'I PHYOGS YOD PA YANG KUN BRTAGS PA'I NGO BO NYID DANG BRAL BAR BSTAN PAS, SGRO BTAGS PA DANG BSKUR PA 'DEBS PA'I MTHA' SPANGS PA YIN NO, ,GANG RTAG TU 'DAS PA'I RNAM PAR RTOG PA'I RAB TU DBYE BA DE LAS 'DI NI GZHAN YIN TE RNAM PAR RTOG PA'I MTHA' GNYIS RNAM PA BDUN NO, ,RNAM PAR RTOG PA'I RAB TU DBYE BA BSTAN PA'I PHYIR RO, 'DI LTA STE, DNGOS PO YOD PAR RNAM PAR RTOG PA YANG MTHA'O, ,DNGOS PO MED PAR RNAM PAR RTOG PA YANG MTHA'O ZHES PA SMOS TE, JI LTA ZHE NA DE'I PHYIR, GANG ZAG YOD DE DE GZHIG PA'I PHYIR STONG PA NYID DO, ,YANG NA BDAG MED PA YANG MED DO SNYAM DU RTOG PA'I PHYIR TE ZHES BYA BA SMOS SO, ,GAL TE CHOS RNAMS RANG BZHIN GYIS STONG PA'I PHYIR STONG PA NYID KYIS STONG PAR MI BYED NA, DES NA GANG ZAG YOD DE DE GZHIG PA'I PHYIR STONG PA NYID DO, , YANG NA GANG ZAG MED PA'I PHYIR BDAG MED PA YANG MED PAR 'GYUR TE, GNYEN PO NI MI MTHUN PA'I PHYOGS MED PA MA YIN NO, ,DE BAS NA GDON MI ZA BAR GANG ZAG YOD PA'AM, BDAG MED PA YANG MED PAR SHES PAR BYA'O ZHE NA, DE MED PA YANG RNAM PAR RTOG PA'I MTHA'O, ,YOD PA DANG MED PAR RNAM @310B PAR RTOG PA'I MTHA'I 'DI GNYIS SPANG BA'I PHYIR DBU MA'I LAM 'DI LTA STE, 'OD SRUNG GANG ZAG RNAM PAR GZHIG PA'I PHYIR, STONG PA NYID MA YIN GYI STONG PA NYID KYIS STONG NGO ZHES MDO LAS RGYA CHER 'BYUNG BA'O, ,DE LA KUN NAS NYON MONGS PA CAN GYI GANG ZAG RNAM PAR GZHIG PA DANG, RNAM PAR BYANG BA'I GANG ZAG BSKYED PAR BYA BA'I PHYIR STONG PA NYID MA YIN GYI GANG ZAG BSKYED PAR BYA BA DANG, GZHIG PAR BYA BA'I DNGOS PO MED PA'I PHYIR, DMAG LA SOGS PA BZHIN BTAGS PAR YOD PAS STONG PA NYID KYIS STONG GI, ,'JIG TSOGS LA LTA BAS GANG ZAG TU SGRO BTAGS PAS NI MA YIN TE, DE NI GTAN MED PA'I PHYIR RO, ,DE LTAR BYAS NA GANG ZAG DANG CHOS KYI BDAG NYID KYIS STONG PA NYID DNGOS PO MA YIN GYI DE DANG BRAL BA'I PHYIR RO, ,YONGS SU GRUB PA'I BDAG NYID KYIS NI DNGOS PO MED PA MA YIN NO, ,STONG PA DE YONGS SU GRUB PA'I BDAG NYID DU BSTAN PA'I PHYIR, SNGON GYI MTHA' STONG PA, PHYI MA'I MTHA' STONG PA, DA LTAR BYUNG BA STONG PA ZHES BYA BA SMOS TE, DUS GSUM CHAR DU YANG DE BZHIN DU YOD PA BSTAN PA'O, ,YANG NA SO SO'I SKYE BO DANG, SLOB PA DANG, MI SLOB PA'I DUS DAG NA'ANG DE BZHIN DU YOD PAR BSTAN PA STE, DE LA SO SO'I SKYE BO'I DUS NI SNGON GYI MTHA'O, ,MI SLOB PA'I DUS NI PHYI MA'I MTHA'O, ,SLOB PA'I DUS NI DA LTAR BYUNG BA'I MTHA'O, ,GANG GI PHYIR DE LTAR YOD PA DANG MED PA'I NGO BO NYID STONG PA NYID YIN PA DE'I PHYIR 'OD SRUNGS STONG PA NYID LA BRTEN PAR BYA'I ZHES GSUNGS TE, RNAM PAR MI RTOG PA'I YE SHES KYI YUL YIN PAR BSTAN TO, ,GANG ZAG LA NI MA YIN NO ZHES BYA BA NI BRJOD PA TZAM DU ZAD PA'I PHYIR RO, ,ZHI BAR BYA BAR RNAM PAR RTOG PA YANG MTHA'O, ,JI LTA ZHE NA DE'I PHYIR, SPANG BAR BYA BA DANG SPONG BAR BYED PAR RTOG PAS STONG PA NYID KYIS SKRAG PA'I PHYIR RO ZHES BYA BA SMOS SO, ,DE LA ZHI BAR BYA BA NI SPANG BAR BYA BA'O, ,ZHI BAR BYED PA NI SPONG BAR BYED PA STE, CHOS RNAMS NI SPANG BAR BYA BA NYID, STONG PA NYID NI SPONG BAR BYED PA BRTAGS NAS STONG PA NYID LA SKRAG PA SKYE'O, ,JI LTA ZHE NA, KUN NAS NYON MONGS PA RNAM PA GSUM NI SPANG BAR BYA BA YIN NA, GAL TE DE RANG BZHIN GYIS STONG PA LTA NA GO, ,DE'I PHYIR GANG ZAG SPANG BAR BYA BA MA YIN PAR 'GYUR RO, ,SPANG @311A *, ,BAR BYA BA MED NA SPONG BAR BYED PA YANG MED DO ZHES STONG PA NYID KYI SKRAG PA SKYE STE 'DI YANG MTHA' NYID DU, CI'I PHYIR ZHE NA, GZUGS DANG TSOR BA LA SOGS PA'I CHOS JI LTAR RNAM PAR SHES PA'I BDAG NYID LA SNANG BA DE BZHIN DU DE DAG RDZAS SU YOD DO ZHES MNGON PAR CHAGS TE, KUN BRTAGS PA'I NGO BO'I GZUGS LA SOGS PA DE DAG BDAG BZHIN DU RANG BZHIN GYIS MED PAR MA SHES NAS STONG PA NYID KYIS SKRAG GO, ,DE BAS NA RNAM PAR RTOG PA'I MTHA' DE GNYIS YONGS SU SPANG BAR BYA BA'I PHYIR, DPE NAM MKHA' STE, 'OD SRUNGS 'DI LTA STE, DPER NA, MI LA LA NAM MKHA' LA SKRAG CING 'JIGS NAS BRANG RDUNG ZHING DU STE, NAM MKHA' NI SOL ZHES DE SKAD ZER NA, 'OD SRUNGS DE JI SNYAM DU SEMS, NAM MKHA' DE BSAL BAR NUS SAM, GSOL PA, BCOM LDAN 'DAS DE NI RNGO MI THOGS LAGS SO, ,BCOM LDAN 'DAS KYIS BKA' STZAL PA, 'OD SRUNGS DE BZHIN DU DGE SBYONG DAM ZAM ZE GANG DAG STONG PA NYID KYIS SKRAG RAB TU SKRAG NA, DE DAG NI SEMS 'KHRUGS PA CHEN POR GYUR TO ZHES NGA SMRA'O, ,DE CI'I PHYIR ZHE NA 'OD SRUNGS DE DAG STONG PA NYID LA SPYOD NA, DE NYID KYIS 'JIGS PA'I PHYIR RO ZHES 'BYUNG BA'O, ,DE NI 'DI SKAD DU BSTAN PAR 'GYUR TE, JI LTAR NAM MKHA' GZUGS THAMS CAD KYI RJES SU SONG BAS BSAL BAR MI NUS PA DE BZHIN DU, CHOS THAMS CAD LA STONG PA NYID DUS THAMS CAD DU GNAS PAR BSAL BAR MI NUS TE, CHOS MA SPANGS PAS STONG PA NYID GNAS PA LAS BSAL BAR YANG MI NUS LA, CHOS BSAL BAS STONG PA NYID GZHAG PA YANG MA YIN NO, ,DE'I PHYIR 'DI NI SKRAG PA'I GNAS MA YIN NO ZHES STON TO, ,SKRAG PAR BYA BAR RNAM PAR RTOG PA YANG MTHA'O, ,SKRAG PAR BYA BA DE LAS 'JIGS PAR RNAM PAR RTOG PA YANG MTHA' STE, GANG LA 'JIGS PAR 'GYUR BA DE NI SKRAG PAR 'GYUR BA'O ZHES BYA'O, ,DE LAS 'JIGS PA BYANG BAS NA 'JIGS PA STE, DE LAS MI 'DOD PA'I 'BRAS BU'O, ,SKRAG PAR BYA BA DE DANG 'JIGS PA DE LA GANG RNAM PAR RTOG PA DE NI MTHA' STE, JI LTA ZHE NA DE'I PHYIR, SDUG BSNGAL GYIS KHONG SNGANGS PAS KUN BRTAGS PA'I GZUGS LA SOGS PA LA SKRAG PA'I PHYIR RO ZHES BYA BA SMOS SO, ,BYIS PA NI KUN BRTAGS PA'I NGO BO GZUGS LA @311B SOGS PA LA DNGOS POR KUN BRTAGS NAS, DE DAG LA MI 'DOD PA'I 'BRAS BU 'JIGS PAR RNAM PAR RTOG GO, ,DE'I PHYIR SDUG BSNGAL GYIS KHONG SDANGS PAS, GZUGS LA SOGS PA DE DAG DANG, DE'I MTSAN MA RNAMS KYIS 'JIGS SHING SKRAG PAR 'GYUR RO, ,RNAM PAR RTOG PA'I MTHA' DE GNYIS YONGS SU SPANG BA'I PHYIR DPE RI MO MKHAN TE, 'OD SRUNGS 'DI LTA STE, DPER NA RI MO MKHAN ZHIG BDAG NYID KYIS GNOD SBYIN GYI GZUGS 'JIGS 'JIGS LTA ZHIG BRIS NAS, DES 'JIGS SKRAG STE, KHA BUB TU 'GYEL NAS BRGYAL BAR GYUR PA DE BZHIN 'OD SRUNGS BYIS SO SO'I SKYE BO RNAMS, GZUGS DANG, SGRA DANG, DRI DANG, RO DANG, REG PA BDAG NYID KYIS BYAS PA DE DAG GIS 'KHOR BA NA 'KHOR YANG, CHOS DE DAG YANG DAG PA NYID JI LTA BA BZHIN DU RAB TU MI SHES SO ZHES 'BYUNG BA'O, ,JI LTAR RI MO MKHAN ZHIG BDAG NYID KYIS GNOD SBYIN GYI GZUGS 'JIGS 'JIGS LTA ZHIG BRIS PA LA LOG PAR RNAM PAR RTOG PAS, GNOD SBYIN GYI DNGOS PO YANG DAG PA'O SNYAM DU SGRO BTAGS TE, DES SKRAG NAS BRGYAL BAR 'GYUR BA DE BZHIN DU, BYIS PA LOG PAR RNAM PAR RTOG PA LA ZHUGS PA SKAD CIG GI GNAS SKABS THAMS CAD NI, BDAG NYID KYIS BYAS PA ZHES BYA BA BDAG NYID KYI RNAM PAR RTOG PA DAG GIS 'KHOR BA NA 'KHOR TE, RIGS MTHUN PAR SKAD CIG KYANG MI GNAS PA'I PHYIR RO, ,DPE SNGA MA NI NYAN THOS LA SOGS PA LAS BRTZAMS PA'O, ,'DI NI BYANG CHUB SEMS DPA' RNAMS LAS BRTZAMS PA'O ZHES BYA BA LA, KHA CIG NA RE NYAN THOS NI STONG PA NYID YONGS SU 'DRIS PAR MA BYAS PAS STONG PA NYID KYIS SKRAG GO, ,BYANG CHUB SEMS DPA' NI KUN BRTAGS PA'I CHOS LA RNAM PA KUN NAS NYON MONGS PA STE, RNAM PAR RTOG PA NI NYON MONGS PA'I PHYIR RO ZHE'O, ,GZHAN DAG NA RE 'DI GNYIS LA DON DU BYE BRAG MED MOD KYI, RIS GNYIS KYI DBANG GIS GNYIS SU BRJOD DO ZHE'O, ,GZHAN DAG NA RE NYAN THOS NI STONG PA NYID KYIS SKRAG PA'I PHYIR RTOGS PAR BYA BA MA RTOGS SO, ,BYANG CHUB SEMS DPA' RNAMS NI RNAM PAR BRTAGS PA'I CHOS KYIS SKRAG PA'I PHYIR RO ZHE'O, ,KHA CIG NA RE SNGA MA NI BDAG TU 'DZIN PA'I GNYEN @312A *, ,PO'O, ,'DI NI CHOS SU 'DZIN PA'I GNYEN PO'O ZHE'O, ,GZUNG BAR RNAM PAR RTOG PA YANG MTHA'O, ,'DZIN PAR RNAM PAR RTOG PA YANG MTHA'O, ,GZUNG BA GZUGS LA SOGS PA DANG, DE LA 'DZIN PA RNAM PAR SHES PA'I TSOGS DE DAG RANG GI MTSAN NYID DANG, 'BRAS BUS SHES PAR BYAR YOD BZHIN DU, BDAG LA SOGS PA DANG 'DRA BAR SGRO BTAGS PA'I BDAG NYID DU JI LTAR 'GYUR ZHES, DE LTAR GZUNG BA DANG 'DZIN PA GNYIS LA DNGOS POR YONGS SU RTOG PA NI 'DIR MTHAR 'DOD DO, ,RNAM PAR RTOG PA'I MTHA' DE GNYIS YONGS SU SPANG BA'I PHYIR, DPE SGYU MA BYED PA STE; 'OD SRUNGS 'DI LTA STE, DPER NA SGYU MA BYED PA'I MI ZHIG GIS SGYU MA SPRUL PA SPRUL NAS, SGYU MA SPRUL BA DES SGYU MA BYED PA DE NYID ZOS PA DE BZHIN DU, 'OD SRUNGS DGE SLONG RNAL 'BYOR SPYOD PA DMIGS PA GANG DANG GANG YID LA BYED PA DA DAG THAMS CAD DE LA GSOG TU SNANG NGO ZHES RGYA CHER 'BYUNG BA'O, ,JI LTAR 'DIS RNAM PAR RTOG PA'I MTHA' 'DI GNYIS YONGS SU SPONG ZHE NA, DE'I PHYIR, RNAM PAR RIG PA TZAM DU SHES PAS DON DNGOS PO MED PAR SHES PAR BYAS NAS, DON DNGOS PO MED PAR SHES PA DES KYANG RNAM PAR RIG PA TZAM DU SHES PA DE NYID RNAM PAR BZLOG GO, ,DON DNGOS PO MED NA RNAM PAR SHES PA MI SRID PA'I PHYIR TE, DE LTAR NA 'DI NI 'DIR MTSUNGS SO ZHES BYA BA SMOS TE, SGYU MA BYED PA LTA BU NI RNAM PAR RIG PA TZAM DU SHES PA'O, ,SPRUL PA'I GNOD SBYIN LTA BU NI DON DNGOS PO MED PAR SHES PA STE, DON DNGOS PO MED PAR SHES PA NI RNAM PAR RIG PA TZAM DU SHES PAS RAB TU PHYE BA'I PHYIR RO, ,JI LTAR SPRUL PA BYED PA SPRUL PA ZOS PA DE BZHIN DU, DON DNGOS PO MED PAR SHES PAS KYANG RNAM PAR RIG PA TZAM DU SHES PA DE NYID ZOS TE, DON LA DMIGS PA NI RNAM PAR RIG PA ZHES BYA BAS, DON MED NA RNAM PAR RIG PA TZAM YANG MED PA'I PHYIR RO, ,YANG DAG PA NYID DU RNAM PAR RTOG PA YANG MTHA'O,, LOG PA NYID DU RNAM PAR RTOG PA YANG MTHA' STE, NGES PAR 'BYED PA'I CHA DANG MTHUN PA'I DUS NA YANG DAG PAR SO SOR RTOG PA NA YANG DAG PA NYID DU 'AM, LOG PA NYID DU RTOGS PA'I MTHA' GNYIS SO, ,JI LTA ZHE NA, YANG DAG PA NYID NI ZAG PA MED PA'I CHOS RNAMS SO, ,LOG PA NYID NI ZAG @312B PA DANG BCAS PA'I CHOS RNAMS SO, ,DE LA GAL TE YANG DAG PAR SO SOR RTOG PA NA DAG PA NYID DU CHAGS NA, DE LTA NA NI ZAG PA DANG BCAS PA'I DGE BA DANG, YANG DAG PAR SO SOR RTOG PAR MI 'GYUR RO, ,JI STE YANG DAG PA MA YIN PA'I MTSAN NYID KHO NA'I SNYAM NA, DE LTA YANG KHAMS GSUM DANG LDAN PA'I DGE BA BZHIN DU LOG PA NYID DU 'GYUR TE, MTHA' DE GNYIS YONGS SU SPANGS PA'I PHYIR, DPE SHING GNYIS LA ME 'BYUNG BA DE, 'OD SRUNGS 'DI LTA STE, DPER NA SHING GNYIS RLUNG GIS DRUD PA LAS ME BYUNG STE, BYUNG MA THAG TU SHING DE GNYIS TSIG PAR BYED PA DE BZHIN DU, 'OD SRUNGS YANG DAG PAR SO SOR RTOG PA YOD NA 'PHAGS PA'I SHES RAB KYI DBANG PO SKYE STE, SKYES MA THAG TU YANG DAG PAR SO SOR RTOG PA NYID TSIG PAR BYED DO ZHES 'BYUNG NGO, ,DE'I DON NI 'DI YIN TE, DPER NA ME'I MTSAN NYID MA YIN PA SHING GNYIS LAS ME 'BYUNG STE, BYUNG NAS KYANG SHING GNYIS TSIG PAR BYED DO, ,DE BZHIN DU YANG DAG PA NYID KYI MTSAN NYID MA YIN PA YANG DAG PAR SO SOR RTOG PA LAS, YANG DAG PA NYID KYI MTSAN NYID 'PHAGS PA'I SHES RAB KYI DBANG PO SKYE STE, SKYES NAS KYANG YANG DAG PAR SO SOR RTOG PA NYID TSIG PAR BYED DE, RNAM PAR 'JIG PAR BYED CES BYA BA'I THA TSIG GO, ,RNAM PAR 'JIG PA DE YANG TSIG PA DANG 'DRA BAR BYED PAS NA TSIG PAR BYED CES BYA STE, GYUR PAR MTHONG BA'I PHYIR RO, ,YANG DAG PAR SO SOR RTOG PA 'DI ZAG PA DANG BCAS PA YIN YANG, YANG DAG PA NYID KYI RJES SU MTHUN PA'I PHYIR YANG DAG PAR SO SOR RTOG PA ZHES BYA BAR STON TO, ,BYED PAR RNAM PAR RTOG PA YANG MTHA'O, ,MI BYED PAR RNAM PAR RTOG PA YANG MTHA' STE, JI LTA ZHE NA DE'I PHYIR, YE SHES NI BLO SNGON DU 'GRO BAS BYED PA 'AM, MTHU MED PAR RTOG PA'O ZHES BYA BA SMOS SO, ,GAL TE YE SHES 'DIS MI SHES PA SPONG NGO SNYAM DU RTOGS NAS DE SPANG BA'I PHYIR 'JUG GO ZHES BYA BA 'DI NI BYED PA'I RNAM PAR RTOG PA'I MTHA'O, ,YE SHES NI SKAD CIG PA YIN PAS SPYOD PA BYED PA'I DUS NA MI SRID DE, DE BAS NA MI SHES PA SPANG BA'I MTHU MED DO ZHES BYA BA 'DI NI MI BYED PAR RNAM PAR RTOG PA'I MTHA'O, ,RNAM PAR RTOG PA'I MTHA' DE GNYIS YONGS SU SPANG BA'I PHYIR DPE MAR ME STE, 'OD SRUNGS 'DI @313A *, ,LTA STE, DPER NA MAR ME BYUNG NA MUN PA MUN NAG THAMS CAD MED PAR 'GYUR YANG, 'OD SRUNGS MAR ME 'DI LTAR BDAG GIS MUN PA MUN NAG THAMS CAD BSAL LO SNYAM DU MI SEMS MOD KYI, 'ON KYANG MAR ME LA BRTEN NAS MUN PA MUN NAG MED PAR 'GYUR BA DE BZHIN DU, 'OD SRUNGS YE SHES SKYES NA NI MI SHES PA MED PAR 'GYUR TE, YE SHES NI 'DI SNYAM DU BDAG GIS MI SHES PA BSAL LO SNYAM DU MI SEMS MOD KYI, 'ON KYANG YE SHES LA BRTEN NAS, MUN PA MED PAR 'GYUR RO ZHES 'BYUNG BA'O, ,'DI SKAD DU BSTAN PAR 'GYUR TE, DPER NA MAR ME NI BYED PAS STONG ZHING MUN PA MUN NAG BSAL BAR BSAM PA MED KYANG, PHYOGS DANG DU BYUNG BA'I PHYOGS DER MAR ME YOD PA TZAM GYIS MUN PA MUN NAG THAMS CAD MED PAR 'GYUR RO, ,DE BZHIN DU RGYUD GANG LA RNAM PAR MI RTOG PA'I YE SHES SKYES PAR GYUR NA DE YOD PA TZAM GYIS RGYUD DE LAS MI SHES PA MED PAR 'GYUR TE, YE SHES NI RNAM PAR MI RTOG PA DANG, DPYOD PA MED PA'I PHYIR RO, ,DE LTAR YE SHES NI BYED PA'I MTHU MED LA, MAR ME BZHIN DU YOD PA TZAM GYIS MI MTHUN PA'I PHYOGS SEL TO, ,SKYE BA MED PAR RNAM PAR RTOG PA YANG MTHA'O, ,DUS MNYAM PA NYID DU RNAM PAR RTOG PA YANG MTHA'O, ,JI LTA ZHE NA DE'I PHYIR, GAL TE GNYEN PO MA SKYES PA'AM ZHES BYA BA SMOS TE, DE LTAR DUS JI SRID DU SNGON GNYEN PO MA SKYES PA DE BZHIN DU DA YANG MI SKYE'O SNYAM PA 'DI NI SKYE BA MED PAR RTOG PA'I MTHA'O, ,YANG NA KUN NAS NYON MONGS PA YUN RING BA NYID DU RTOG PA ZHES BYA BA NI MI SHES PA DANG, YE SHES MI MTHUN PAR GNAS PAS YE SHES 'BYUNG BA'I MTHU MED DO, ,JI STE BRGYA LA SKYES SU ZIN NA YANG MI SHES PA DE YUN RING PO NAS GNAS GNAS PA'I PHYIR, YE SHES SKAD CIG PA DES BSAL BAR BYA MI NUS SO, ,DE BAS NA NYON MONGS PA DANG RNAM PAR BYANG BA GNYIS DUS MNYAM PA NYID DO SNYAM PA'I RNAM PAR RTOG PA'I MTHA' DE GNYIS YONGS SU SPANG BA'I PHYIR MAR ME'I DPE GNYIS PA STE, 'OD SRUNGS 'DI LTA STE, DPER NA KHYIM MAM KHANG PA 'AM KHANG PHRAN LO BRGYA STONG 'DAS PAR SUS KYANG LAN 'GA' YANG MAR ME MA BUS PA DER MI LA LA ZHIG GIS MAR @313B ME BUS NA, 'OD SRUNGS DE JI SNYAM DU SEMS, MUN PA MUN NAG DE 'DI LTAR BDAG NI LO BRGYA STONG DU BSAGS PA YIN TE, BDAG 'DI NAS MI 'GRO'O SNYAM DU SEMS SAM, GSOL BA BCOM LDAN 'DAS MI SEMS TE, MAR ME BYUNG NA MUN PA MUN NAG LA MI MCHI BA'I NUS PA MA MCHIS KYI, GDON MI 'TSAL BAR MA MCHIS PAR 'GYUR RO, ,BCOM LDAN 'DAS KYIS BKA' STZAL PA, 'OD SRUNGS DE BZHIN DU LAS DANG NYON MONGS PA BSKAL PA BRGYA STONG DU BSAGS PA YANG TSUL BZHIN YID LA BYED PA'I SO SOR RTOG PA GCIG GIS MED PAR 'GYUR RO, ,'OD SRUNGS MAR ME ZHES BYA BA DE NI 'PHAGS PA'I SHES RAB KYI DBANG PO'I TSIG BLA DAGS SO, ,'OD SRUNGS MUN PA MUN NAG CES BYA BA NI LAS DANG NYON MONGS PA'I TSIG BLA DAGS SO ZHES 'BYUNG BA'O, ,DE LTA BAS NA 'DIS NI SKYE BA RKYEN LAS RAG LAS PA'I PHYIR GNYEN PO MI SKYE BA DANG, KUN NAS NYON MONGS PA'I PHYOGS DANG, DUS MNYAM PA NYID KYI LAN BTAB PA STE, NAG PO'I PHYOGS STOBS CHUNG ZHING GNYEN PO DE STOBS DANG LDAN PA'I PHYIR MUN PA MUN NAG DANG MAR ME BZHIN NO, ,MTHA' GNYIS SPANGS PA SGRUB PA BSHAD ZIN TO, ,MTHA' GNYIS SPANGS PA SGRUB PA'I 'OG TU KHYAD PAR CAN DANG KHYAD PAR MED PA SGRUB PA SMOS PAS, DE'I PHYIR MTHA' GNYIS SPANGS PA SGRUB PA BSHAD PA'I 'OG TU KHYAD PAR CAN DANG, KHYAD PAR MED PA SGRUB PA GANG ZHE NA ZHES DRIS PA DANG, DE'I PHYIR, KHYAD PAR CAN DANG KHYAD MED NI, ,SA BCU DAG TU SHES PAR BYA, ,ZHES BYA BA GSUNGS SO, ,SA BCU PO DE DAG RE RE LA YANG SGRUB PA RNAM PA GNYI GA'O, ,JI LTA ZHE NA DE'I PHYIR, SA GANG LA PHA ROL TU PHYIN PA GANG GI SHAS CHE BA ZHES BYA BA RGYA CHER SMOS SO, ,BYANG CHUB SEMS DPA'I SA GANG LA GNAS PA'I BYANG CHUB SEMS DPA' PHA ROL TU PHYIN PA GANG LA LHAG PAR SPYOD PA DE NI, BYANG CHUB SEMS DPA' SA DE LA PHA ROL TU PHYIN PA, GZHAN DAG PAS SHAS CHER GYUR PAS NA KHYAD PAR CAN ZHES BYA STE, 'DI LTAR SA DANG PO LA SBYIN PA'I PHA ROL TU PHYIN PA SHAS CHE BA YIN TE, DE LA SGRUB PA KHYAD PAR CAN ZHES BYA'O, ,DE BZHIN DU SA BCU PA LA YE SHES KYI PHA ROL TU PHYIN PA'I BAR DU'O, ,SA DE DANG DER PHA ROL TU PHYIN PA LHAG MA THAMS @314A *, ,CAN LA YANG, KHYAD PAR MED PAR YANG DAG PAR SGRUB PA NI DE DAG LA SGRUB PA KHYAD PAR MED PA ZHES BYA STE, JI SKAD DU SA RAB TU DGA' BA LA SBYIN PA'I PHA ROL TU PHYIN PA'I SHAS CHE BA YIN TE, LHAG MA RNAMS KYANG CI NUS KYI 'OS SU YANG DAG PAR MI SGRUB PA MA YIN NO ZHES GSUNGS PA LTA BU'O, ,DE BZHIN DU SA LHAG MA RNAMS LA YANG MDO LAS JI SKAD BSHAD PA BZHIN DU RIG PAR BYA'O, ,SGRUB PA BLA NA MED PA NYID BSHAD ZIN TO, ,DA NI DMIGS PA BLA NA MED PA NYID BSHAD PA'I SKABS SU BAB STE, DE'I PHYIR DMIGS PA BLA NA MED PA NYID GANG ZHE NA ZHES BYA BA SMOS SO, ,DE'I 'OG TU DE DMIGS KYIS DBYE BA'I PHYIR, RNAM PAR GZHAG DANG DE BZHIN DBYINGS, ,ZHES RGYA CHER GSUNGS SO, ,DMIGS PA NI RNAM PA BCU GNYIS PO 'DI DAG STE, RNAM PAR GZHAG PA'I DMIGS PA NAS, PHUL DU BYUNG BA'I DMIGS PA'I BAR DU'O, ,DE MA YIN PA'I DMIGS PA GZHAN THAMS CAD PAS MCHOG YIN PAS NA, DMIGS PA BLA NA MED PA NYID CES BYA'O, ,DE LA DANG PO NI PHA ROL TU PHYIN PA'I CHOS GANG DAG STE, DE DAG KYANG SANGS RGYAS DANG, BYANG CHUB SEMS DPA' RNAMS KYIS SEMS CAN LA PHAN GDAGS PA'I PHYIR, RNAM PAR GZHAG PAS NA RNAM PAR GZHAG PA'O, ,DE NYID BSTAN PA'I PHYIR 'GREL PA BYED PAS KYANG CHOS BRTAGS PA RNAM PAR GZHAG PA'I DMIGS PA ZHES BYA BA SMOS SO, ,CHOS RNAMS NI PHA ROL TU PHYIN PA DANG, BYANG CHUB KYI PHYOGS DANG, PHUNG PO LA SOGS PA BRTAGS PA STE, 'DIS RNAM PAR GZHAG PA 'AM YANG NA DE 'DIR GZHAG PAS NA, CHOS BRTAGS PA RNAM PAR GZHAG PA'O, ,MNGON PAR RTOGS PA DANG MTHUN PA'I PHYIR, 'DIR RNAM PAR GZHAG PA'I DMIGS PA LA SOGS PA'I GO RIMS SU BLTA'O, ,GNYIS PA DE NI DE BZHIN NYID DE CHOS KYI DBYINGS KYI RNAM GRANGS SU GTOGS PA'I PHYIR RO, ,GSUM PA DANG BZHI PA ZHES BYA BA DE LA, GSUM PA NI SGRUB PA'I DMIGS PA'O, ,BZHI PA NI SGRUB PA'I DMIGS PA'O, ,DE DAG NYID LA ZHES BYA BA NI DANG PO DANG GNYIS PA'O, ,GO RIMS BZHIN TE ZHES BYA BA LA DANG PO NI SGRUB PA'I DMIGS PA'O, ,GNYIS PA NI SGRUB PA'I @314B DMIGS PA STE, 'DIR RGYU SMOS PA, CHOS KYI DBYINGS RAB TU RTOGS PAS, PHA ROL TU PHYIN PA LA SOGS PA'I CHOS RNAMS KHONG DU CHUD PA'I PHYIR RO ZHES BYA BA'O, ,CHOS KYI DBYINGS RAB TU RTOGS PAS ZAG PA MED PA'I PHA ROL TU PHYIN PA RNAMS MNGON PAR KHONG DU CHUD CES BYA BA'I THA TSIG STE, DANG PO NI SGRUB PA'I DMIGS PA'O, ,GNYIS PA NI SGRUB PA'I DMIGS PA'O, ,LNGA PA NI 'DZIN PA'I DMIGS PA STE, THOS PA LAS BYUNG BA'I SHES PA'I DMIGS PA'O, ,THOS PA TZAM GYIS PHA ROL TU PHYIN PA LA SOGS PA'I CHOS RNAMS DANG, CHOS KYI DBYINGS 'DZIN PAS NA, THOS PA LAS BYUNG BA'I SHES PA NI 'DZIN PA ZHES BYA'O, ,'DZIN PA'I DMIGS PA NI 'DZIN PA'I DMIGS PA STE, DE YANG DANG PO DANG GNYIS PA DE NYID DE, RNAM PAR GZHAG PA DANG CHOS KYI DBYINGS KYI DMIGS PA'O, ,DRUG PA NI BSAM PA LAS BYUNG BA STE, RTOGS NAS 'DZIN PA'I PHYIR RO ZHES BYA BA NI, LTOS PA DANG BYA BA BYED PA DANG, 'THAD PA SGRUB PA DANG, CHOS NYID KYI RIGS PA RNAMS KYIS THOS PA'I DON KHONG DU CHUD NAS 'DZIN PA'I PHYIR RO, ,NGES PAR 'DZIN PA NI BSAMS PA LAS BYUNG BA'I SHES PA STE, DE'I NGES PA NI NGES PAR 'DZIN PA'I DMIGS PA'O, ,BDUN PA NI BSGOMS PA LAS BYUNG BA STE ZHES BYA BA NI DMIGS PA ZHES BYA BA DANG SBYAR RO, ,SO SO RANG GIS RIG PA'I PHYIR RO ZHES BYA BA NI, SO SO RANG GIS DON 'DZIN PAS NA RAB TU 'DZIN PA STE, SA DANG PO LA 'JUG PAR SBYOR BA CAN BSGOMS PA LAS BYUNG BA'I SHES PA'O, ,DE YANG DRAN PA NYE BAR GZHAG PA NAS BRTZAMS NAS STOBS KYI BAR DU STE, DE'I DMIGS PA NI RAB TU 'DZIN PA'I DMIGS PA'O, ,BRGYAD PA NI SA DANG PO LA MTHONG BA'I LAM GYI'O ZHES BYA BA NI, SO SO RANG GI CHOS KYI DBYINGS GNYIS SU MED PA THAMS CAD DU SONG BA RTOGS PA'O, ,YANG NA MTHONG BAS SPANG BAR BYA BA'I NYON MONGS PA RNAMS DANG, THAMS CAD DU 'GRO BA'I DON GYI YUL LA NYON MONGS PA CAN MA YIN PA'I MI SHES PA'I DGRA BO RTOGS PA NI RAB TU RTOGS PA STE, DE YANG MTHONG BA'I LAM MO, ,DE'I DMIGS PA NI RAB TU RTOGS PA'I DMIGS PA'O, ,DGU PA NI BSGOM PA'I LAM GYI STE, SA BDUN PA'I BAR DU'O @315A *, ,ZHES BYA BA NI, CHOS KYI DBYINGS RAB TU RTOGS PA DE NYID GOMS PAR BYAS PAS, GONG NAS GONG DU KHYAD ZHUGS PAR 'GRO BAS RAB TU RGYAS PA STE, BSGOM PA'I LAM SA BDUN PA'I BAR DU'O, ,BSGOM PA'I LAM DE'I DMIGS PA NI RAB TU RGYAS PA'I DMIGS PA'O, ,BCU PA NI DE NYID NA 'JIG RTEN PA DANG 'JIG RTEN LAS 'DAS PA'I LAM GYI STE ZHES BYA BA NI, DMIGS PA'O ZHES BYA BA DANG SBYAR RO, ,CHOS RNAM PAR KHONG DU CHUD PA'I PHYIR RO ZHES BYA BA NI SA DE NYID NA MDO LA SOGS PA'I CHOS KYI MTSAN MA'I RNAM PA LA SOGS PA LA MNGON PAR ZHEN PA DANG BRAL PA'I SGO NAS CHOS RNAM PAR KHONG DU CHUD PAS NA RNAM PAR KHONG DU CHUD PA'O, ,DE NYID NI BSGOM PA'I LAM ZHES BYA STE, SA BDUN PA NYID DU'O, ,RNAM PAR KHONG DU CHUD PA'I DMIGS PA NI, RNAM PAR KHONG DU CHUD PA'I DMIGS PA'O, ,BCU GCIG PA NI SA BRGYAD PA LA'O ZHES BYA BA NI, MTSAN MA DANG 'BAD PA'I YID LA BYED PA THAMS CAD DANG BRAL NAS RANG GI TSUL GYIS RNAL DU 'DUG PAS 'JUG PA'I PHYIR TE, BSGOM PA'I LAM DE NYID LA RNAL DU 'DUG PA ZHES BYA'O, ,RNAL DU 'DUG PA'I DMIGS PA NI, RNAL DU 'DUG PA'I DMIGS PA'O, ,BCU GNYIS PA NI SA DGU PA LA SOGS PA GSUM LA'O ZHES BYA BA NI; SA DGU PA LA SO SO YANG DAG PAR RIG PA'I YE SHES PHUL DU BYUNG BA THOB PA'I PHYIR RO, ,SA BCU PA LA NI LAS LA DBANG BA PHUL DU BYUNG BA THOB PA'I PHYIR RO, ,SANGS RGYAS KYI SAR NI NYON MONGS PA DANG, SHES BYA'I SGRIB PA LHAG MA RNAM PAR DAG PA PHUL DU BYUNG BA THOB PA'I PHYIR TE, DE LTAR SA DGU PA LA SOGS PA GSUM LA YE SHES DANG, LAS DANG, RNAM PAR DAG PA PHUL DU BYUNG BAS SA DE DAG LA GNAS PA'I DMIGS PA GANG YIN PA DE DAG NI, PHUL DU BYUNG BA'I DMIGS PA ZHES BYA'O, GZHAN DAG NA RE LAM PHUL DU BYUNG BA NYID CHUNG NGU DANG, 'BRING DANG, CHEN POR PHYE NAS, SA GSUM PO DAG LA PHUL DU BYUNG BA'I DMIGS PAR BSHAD DO ZHE'O, ,DANG PO DANG GNYIS PA DE DAG NI DE DANG DE'I DMIGS PA'I MING 'THOB PO ZHES BYA BA NI, DMIGS PA DE DAG KYANG 'DI LTA STE, CHOS RNAM PAR GZHAG PA'I DMIGS PA DANG, CHOS KYI DBYINGS KYI DMIGS PA'O, ,DE LA DMIGS PA DE NYID KYANG YE SHES DE DANG DE DAG TU NA DE @315B DANG DE'I MING 'THOB STE, THOS PA LAS BYUNG BA'I SHES PA'I DUS NI 'DZIN PA'I DMIGS PA STE, 'DZIN PA'I YE SHES KYI YUL NI THOS PA YIN PA'I PHYIR RO, ,DE BAS NA 'DZIN PA'I SHES PA LA 'DZIN PA ZHES BYA'O, ,DE BZHIN DU PHUL DU BYUNG BA'I DMIGS PA'I RAB TU BRJOD PAR BYA'O, ,SA DGU PA DANG BCU PA DANG SANGS RGYAS KYI SAR NI 'JIG RTEN LAS 'DAS PA'I YE SHES DANG DE'I RJES LAS THOB PA DAG PA 'JIG RTEN PA PHUL DU BYUNG BA BRNYES TE, 'DI'I DMIGS PA NI PHUL DU BYUNG BA'I DMIGS PA'O, ,DMIGS PA BLA NA MED PA NYID BSHAD ZIN TO, ,DA NI YANG DAG PAR 'GRUB PA BRA NA MED PA NYID KYI SKABS SU BAB PAS DE BSTAN PA'I PHYIR, YANG DAG PAR 'GRUB PA GANG ZHE NA ZHES BYA BA SMOS TE, SGRUB PA DE DANG DES YANG DAG PAR 'GRUB PAS NA YANG DAG PAR 'GRUB PA'O, ,DE LAS GZHAN PA'I YANG DAG PAR 'GRUB PA RNAMS LAS KHYAD PAR DU 'PHAGS PA DANG, YANG DAG PAR 'GRUB PA KHYAD PAR CAN DE LAS GZHAN MED PA'I PHYIR BLA NA MED PA ZHES BYA'O, ,DE BSTAN PA'I PHYIR, MA TSANG MED DANG MI SPONG DANG, ,MI G-YENG BA DANG RAB RDZOGS DANG, ,ZHES RGYA CHER GSUNGS SO, ,DE LA RKYEN MA TSANG BA MED PA NAS BRTZAMS TE, BYANG CHUB KUN DU STON PA ZHES BYA BA'I BAR DU RNAM PA BCU PO DE LTA BU NI YANG DAG PAR 'GRUB PA'O, ,DE LA RKYEN MA TSANG BA MED PA NI RIGS YANG DAG PAR 'GRUB PA'O ZHES BYA BA LA, RKYEN RNAMS MA TSANG BA MED PA NI THAMS CAD TSOGS PA'O, ,DE DAG TSOGS NA RIGS YANG DAG PAR 'GRUB STE, RGYAS PA DANG, KHYAD PAR CAN DU 'GYUR ZHES BYA BA'I THA TSIG GO, ,DE YANG SKYES BU DAM PA LA BRTEN PA DANG, DAM PA'I CHOS NYAN PA DANG, TSUL BZHIN YID LA BYED PA LA SOGS PA'O, ,RIGS DANG, BSHES GNYEN LA SOGS PA DE DAG MA TSANG BA'O, ,THEG PA CHEN PO MI SPONG BA DE NI MOS PA YANG DAG PAR 'GRUB PA'O ZHES BYA BA NI, GAL TE ZAB CING RGYA CHE BA'I MTSAN NYID THEG PA CHEN PO'I CHOS MI SPONG NA, DE LTA NA DE'I NGES PAR 'DZIN PA'I BDAG NYID KYI MOS PA RGYAS PAR 'GYUR RO, ,THEG PA DMAN PAR MI G-YENG BA NI SEMS BSKYED PA YANG DAG PAR 'GYUR BA'O ZHES BYA BA NI, GAL TE BYANG CHUB TU SEMS BSKYED LA, BYANG CHUB KYI SEMS LAS LDOG PA'I RKYEN YOD DU ZIN KYANG, @316A *, ,NYAN THOS KYI THEG PA'AM, RANG SANGS RGYAS KYI THEG PAR DES SEMS MI 'JUG NA, DE LTA NA BYANG CHUB KYI SEMS DE BRTAS PAR 'GYUR RO, ,PHA ROL TU PHYIN PA YONGS SU RDZOGS PA NI 'GRUB PA YANG DAG PAR 'GRUB PA'O ZHES BYA BA LA, BYANG CHUB KYI SEMS BSKYED PA DAG DE'I DBANG GIS SBYIN PA LA SOGS PA PHA ROL TU PHYIN PA RNAMS YONGS SU RDZOGS PAS THAMS CAD MKHYEN PA NYID SGRUB PA RGYAS PAR 'GYUR RO, ,'PHAGS PA'I LAM BSKYED PA NI, SKYON MED PAR 'JUG PA YANG DAG PAR 'GRUB PA'O ZHES BYA BA NI, THOG MA NYID DU SNGON MA SKYES PA'I 'PHAGS PA'I LAM BSKYED PAS SKYON MED PA LA 'JUG PAR 'GYUR RO, ,SKYON ZHES BYA BA NI NYES PA'AM ZAG PA STE, GANG NA DE MED PA DE NI SKYON MED PA STE, RLUNG MED PA BZHIN TE ZAG PA MED PA'I SA'O, ,NGES PAR 'JUG PA ZHES 'BYUNG BA YANG NGES PA NYID NGES PA STE, 'DI LTAR MTHONG BA'I LAM SKYES NA, BDE 'GRO DANG MYA NGAN LAS 'DAS PA NYID DU NGES PAR 'GYUR RO, ,DGE BA'I RTZA BA 'PHEL BA NI YUN RING PO NAS 'DRIS PAR BYA BA'I PHYIR, SEMS CAN YONGS SU SMIN PAR BYED PA YANG DAG PAR 'GRUB PA'O ZHES BYA BA NI MTHONG BA'I LAM THOS NAS, DE'I RJES LAS THOB PA BSGOM PA'I LAM LA YUN RING POR 'DRIS PAR BYAS GOMS PAR BYAS PAS, DGE BA'I RTZA BA 'GRUB PA NI DGE BA'I RTZA BA 'PHEL BA'O, ,DES SEMS CAN YONGS SU SMIN PAR BYED NUS PAR 'GYUR TE, DE'I PHYIR DGE BA'I RTZA BA 'PHEL BA NI, SEMS CAN YONGS SU SMIN PAR BYED PAR YANG DAG PAR 'GRUB PA'O, ,GZHAN DAG NA RE DE'I SEMS CAN YONGS SU SMIN PAR BYED PA YANG DAG PAR 'GRUB PA NI 'DI LTA BU YIN TE, 'DI LTAR 'DIS YUN RING PO NAS GOMS PAR BYED PA LA BRTEN NAS, SEMS CAN RNAMS KYI RGYUD LA DGE BA'I RTZA BA BRTAN POR BYAS PAR 'GYUR PA'O ZHES ZER RO, ,SEMS LAS SU RUNG BA NI ZHING YONGS SU DAG PA YANG DAG PAR 'GRUB PA'O ZHES BYA BA LA, DE LTAR BSGOMS PAS, DGE BA'I RTZA BA RNAMS 'PHEL NAS GCIG TU BGROD PA'I LAM GYIS MI MTHUN PA'I PHYOGS MTSAN MA DANG 'BAD PA DANG BRAL BA'I PHYIR SEMS LAS SU RUNG STE, LAS SU RUNG BA DE'I DBANG GIS JI LTAR 'DOD PA BZHIN DU, SANGS RGYAS KYI ZHING SHEL LA @316B SOGS PA LTA BUR STON TE, DE BAS NA SEMS LAS SU RUNG BA NI ZHING YONGS SU DAG PA YANG DAG PAR 'GRUB PA'O, ,MDO GZHAN LAS KYANG SANGS RGYAS KYI ZHING YONGS SU DAG PAR 'DOD PAS, RANG GI SEMS YONGS SU DAG PAR BYA'O ZHES GSUNGS SO, ,'KHOR BA DANG MYA NGAN LAS 'DAS PA LA MI GNAS PA NI, PHYIR MI LDOG PA'I SA LA LUNG BSTAN PA THOS PA YANG DAG PAR 'GRUB PA STE ZHES BYA BA JI LTA BU ZHE NA, DE'I PHYIR 'KHOR BA DANG MYA NGAN LAS 'DAS PA GNYIS LAS PHYIR MI LDOG PA'I PHYIR RO ZHES BYA BA SMOS SO, ,DE LTAR SEMS LAS SU RUNG BAS 'KHOR BA DANG MYA NGAN LAS 'DAS PA GNYIS LA MI GNAS PAR 'GYUR TE, SEMS CAN LA LTA BA'I PHYIR, ,SBYIN PA LA SOGS PA PHA ROL TU PHYIN PA GSUM GYI 'BRAS BU MNGON PAR MA THO BA YONGS SU 'DZIN PAS MYA NGAN LAS 'DAS PA LA MI GNAS SO, ,BRTZON 'GRUS LA SOGS PA PHA ROL TU PHYIN PA GSUM YONGS SU BZUNG BAS, 'KHOR BA'I NYON MONGS PA RNAMS KYIS NYE BAR NYON MONGS PAR MI 'GYUR TE, DE BAS NA 'KHOR BA LA YANG MI GNAS SO, ,YANG NA 'KHOR BA DANG MYA NGAN LAS 'DAS PA LA MI GNAS PA NI, DE LAS MI LDOG PA'O, ,DE LA SEMS CAN LA LTA BA'I PHYIR 'KHOR BA LAS MI LDOG PA STE, SNYING RJES 'KHOR BA LEN PA'I PHYIR RO, ,SHES RAB KYIS MYA NGAN LAS 'DAS PA LAS MI LDOG GO, ,DE LTAR 'KHOR BA DANG MYA NGAN LAS 'DAS PA LA ME GNAS PA'I BYANG CHUB SEMS DPA' NI, PHYIR MI LDOG PA'I SA MI G-YO BA LA GNAS PAS, SANGS RGYAS SU LUNG BSTAN PA 'THOB PA YANG DAG PAR 'GRUB PA YIN NO, ,YANG NA PHYIR MI LDOG PA'I SA THOB PA DANG, LUNG BSTAN PA THOB PA YANG DAG PAR 'GRUB PA YIN NO, ,SGRIB PA MED PA'I SANGS RGYAS KYI, ,SA YANG DAG PAR 'GRUB PA'O, ,ZHES BYA BA NI, 'DI LTAR BAG CHAGS DANG BCAS PA'I NYON MONGS PA DANG, SHES BYA'I SGRIB PA THAMS CAD SPANGS PAS SKU GSUM DU BSDUS PA'I SANGS RGYAS KYI SA YANG DAG PAR 'GRUB PA STE, DE BAS NA SGRIB PA MED PA NI SANGS RGYAS KYIS YANG DAG PAR 'GRUB PA'O, ,DE RGYUN MI GCOD PA NI BYANG CHUB KUN DU STON PA YANG DAG PAR 'GRUB PA'O ZHES BYA BA NI, SANGS RGYAS KYI BYANG CHUB DE RGYUN MI GCOD PA NI THUGS RJE CHEN PO'I DBANG GIS 'JIG RTEN JI SRID PA DE SRID DU, @317A *, ,BYANG CHUB RAB TU STON PA NI, BYANG CHUB KUN DU STON PA YANG DAG PAR 'GRUB PA STE, 'DIR YANG DGA' LDAN GYI GNAS RAB NA BZHUGS PA DANG, LHUMS SU ZHUGS PA DANG, BLTAMS PA DANG, 'KHRUNGS PA DANG, 'DOD PA LA LONGS SPYOD PA DANG, MNGON PAR 'BYUNG BA DANG, DKA' BA SPYOD PA DANG, CHOS KYI 'KHOR LO CHEN PO BSKOR BA DANG, YONGS SU MYA NGAN LAS 'DAS PA CHEN PO LA SOGS PA YANG 'DIR BSTAN PA YIN TE, BYANG CHUB KUN DU STON PA NI DE DAG DANG THA DAD PA MA YIN PA'I PHYIR RO, ,BYANG CHUB KUN DU STON PA ZHES BYA BA NI, DPE TZAM DU SMOS SU ZAD PAS, LHAG MA RNAMS KYANG GZUNG NGO, ,DE LTAR ZHES BYA BA NI, 'DIR TSIG GI DON DKYUS MA RNAMS RDZOGS PA LA BYA STE, DON DANG MTHUN PA'I MING DU BRJOD PA 'AM, RAB TU RTOGS PA'I DON DU, 'DI NI DBUS RNAM PAR 'BYED PA'I BSTAN BCOS TE ZHES BYA BA'O, ,'DIR 'DZUD PA 'JUG PA'I RGYU SMOS PA, DBU MA'I LAM RAB TU STON PA'I PHYIR RO ZHES BYA BA SMOS TE, GANG GI PHYIR BSTAN BCOS 'DIR 'DI LTAR RTAG PA DANG CHAD PA'I MI MTHA' DANG BRAL BAL, ,DBU MA'I LAM RAB TU BSTAN PAS, ,DE'I PHYIR BSTAN BCOS 'DI DBUS RNAM PAR 'BYED PA ZHES BYA BA STE, DBUS RNAM PAR 'GROL BA DANG, RAB TU BSHAD CES BYA BA'I THA TSIG GO, ,'DI NI DBUS MA DANG MTHA' RNA PAR 'BYED PA YANG YIN TE, 'DIR RGYU SMOS PA, DBUS DANG MTHA' GNYIS RAB TU STON PA'I PHYIR RO ZHES BYA BA STE, DE'I DBUS DANG MTHA' RNAM PAR 'BYED PA ZHES BYA'O, ,DE LA DBUS NI CHOS KYI DBYINGS GNYIS U MED PA'O, MTHA' NI SGRO 'DOGS PA DANG SKUR PA 'DEBS PA'O, ,YANG NA THOG MA DANG THA MA SPANGS PA'I DBUS RAB TU STON PA'I PHYIR RO ZHES BYA BA NI, KHA CIG NA RE DE BZHIN NYID DO ZHE'O, ,GZHAN DAG NA RE YANG DAG PA MA YIN PA KUN RTOG PA THOG MA DANG THA MA MED PA NI, 'DIR DBUS DANG MTHA' ZHES BYA BA DANG SBYAR TE, RAB TU STON TO ZHE'O, ,RTOGS PAR DKA' DANG SNYING PO'I DON, ,ZHES BYA BA DANG GO RIMS BZHIN, ,ZHES BYA BA NI RTOG GE'I SPYOD YUL MA YIN PA'I PHYIR RTOGS PAR DKA' BA'I DON TO, ,PHAS KYI RGOL BA DAG GIS MI SHIGS PA'I PHYIR SNYING PO'I DON TE, RTOG GE'I SPYOD YUL MA YIN PA NI 'DI RNAM PAR @317B MI RTOG PA'I YE SHES KYI YUL DU RTOG PA'I PHYIR RO, ,SNYING PO'I DON NI YANG DAG PA JI LTA BA BZHIN DU RAB TU BSTAN PA'I PHYIR RO, ,DON CHEN NI BDAG DANG GZHAN GYI DON GYI CHED KYI PHYIR RO ZHES BYA BA NI, BYANG CHUB SEMS DPA'I SPYOD PA'I CHED KYI PHYIR TE, BYANG CHUB SEMS DPA'I SPYOD PA DE YANG BDAG DANG GZHAN GYI DON SGRUB PAR BYED PA'I PHYIR RO, ,DE BZHIN DU KUN GYI DON NI THEG PA GSUM CHAR GYI DBANG DU BYAS PA'I PHYIR RO ZHES BYA BA NI, NYAN THOS DANG RANG SANGS RGYAS DANG BYANG CHUB SEMS DPA' RNAMS KYI LAM BSHAD PA'I PHYIR RO, ,DON MED PA THAMS CAD SEL BA'O, ,ZHES BYA BA NI, NYON MONGS PA DANG SHES BYA'I SGRIB PA SPONG BAR BYED PA'O, ,BLA NA MED PA NYID KYI DON BSDUS PA ZHES BYA BA LA, DON BSDUS PA BRJOD PA'I DGOS PA NI SNGAR BSHAD ZIN TO, ,MDOR BSDU NA BLA NA MED PA NYID RNAM PA GSUM STE ZHES BYA BA NI, RGYAS PAR NI MTHA' YAS PA'O, ,SGRUB PA NI BLA MED KYI SGRUB PA DANG ZHES GANG GSUNGS PA'O, ,SGRUB PA'I GZHI NI DMIGS PA ZHES GANG GSUNGS PA'O, ,SGRUB PA'I 'BRAS BU YANG DAG 'GRUB, ,BSTAN PA NYID DU 'DOD PA YIN, ,ZHES GSUNGS PA'O, ,SGRUB PA DE YANG JI LTA BU ZHE NA DAM PA'O ZHES BYA BA NI, DAM PA BCU GNYIS BDAG NYID DE, ZHES GSUNGS PA'O, ,GANG GIS SHE NA, THEG PA CHEN POR JI LTA BUR, ,CHOS RNAMS GDAGS PAR MDZAD PA DAG, ,CES BYA BA LA SOGS PAS SO ZHES BYA BAS NI, BYANG CHUB SEMS DPAS RTAG PAR YANG, ,SHES RAB GSUM GYIS YID BYED PA'O, ,ZHES 'BYUNG BA'I PHYIR RO, ,DE BZHIN DU, DE NI CHOS SPYOD RNAM BCU DANG, ,YANG DAG LDAN PAR SHES PAR BYA, ,ZHES BYA BA'O, ,JI LTA BUR ZHE NA, RNAM PA GANG GIS ZHI GNAS BSGOM PA LA G-YENG BA MED PAR GYUR PA ZHES BYA BA NI G-YENG BA NI RNAM PAR DRUG MED PA'I PHYIR RO, ,LHAG MTHONG BSGOM PA LA PHYIN CI MA LOG PAR 'GYUR BA'O ZHES BYA BA NI, YI GE LA SOGS PA BCU LA PHYIN CI LOG MED PA'I PHYIR RO, , GANG GI DON DU ZHE NA, DBU MA'I LAM GYIS NGES PAR 'BYUNG BAR BYA BA'I DON DU'O ZHES BYA BA NI, ,MTHA' GNYIS SPANGS PA SGRUB PA GANG ZHE NA ZHES 'BYUNG BA'O, ,GANG DU ZHE NA, SA BCU DAG TU STE, JI LTA ZHE NA, DE'I PHYIR, KHYAD PAR CAN DANG KHYAD PAR MED PA ZHES GSUNGS SO, ,CI ZHIG CE NA, SA BCU @318A *, ,DAG TU SHES PAR BYA, ,ZHES 'BYUNG BA STON TO, ,PHYIN CI MA LOG PA RNAMS KYI DON BSDUS PA NI YI GE LA PHYIN CI MA LOG PAS ZHI GNAS KYI MTSAN MA DANG LHAG MTHONG GI MTSAN MA DMIGS PA ZHES BYA BA 'BREL BA'I RANG BZHIN DANG BRAL BA MNGON SUM DU BYED PA DANG, DON LA PHYIN CI MA LOG PAS PHYIN CI LOG GI MTSAN MA GNYIS KA YANG SNANG BA TZAM DU RAB TU RTOGS PA DANG, YID LA BYED PA LA PHYIN CI MA LOG PAS PHYIN CI LOG GI GZHI KUN GZHI RNAM PAR SHES PA LA GNYIS SU MNGON PAR ZHEN PA'I SA BON BSAGS PA YONGS SU SPONG BA DANG, MI 'PHRO BA LA PHYIN CI MA LOG PAS PHYIN CI LOG GI MTSAN MA LA SGYU MA LA SOGS PA LTA BUR YOD PA DANG MED PAR MNGON PAR ZHEN PA MED PAS LEGS PAR RTOGS PAR BYED PA DANG, RANG GI MTSAN NYID LA PHYIN CI MA LOG PAS DE'I GNYEN PO RNAM PAR MI RTOG PA BRJOD PA DANG BRAL BA CHOS KYI RANG GI MTSAN NYID KYI YUL LA LAM BSGOM PA DANG, SPYI'I MTSAN NYID LA PHYIN CI MA LOG PAS CHOS THAMS CAD SPYIR RNAM PAR BYANG BA'I RANG BZHIN DU RTOGS PA DANG, MA DAG PA DANG DAG PA'I YID LA BYED PA LA PHYIN CI MA LOG PAS DE'I SGRIB PA MA SPANGS PA DANG, SPANGS PAR RAB TU SHES TE, CHOS KYI DBYINGS RANG BZHIN GYIS 'OD GSAL BA LA GLO BUR GYI NYON MONGS PAS NYE BAR NYON MONGS PAR GYUR PA'I PHYIR RO, ,DE'I GLO BUR DU BYUNG BA LA PHYIN CI MA LOG PAS KUN NAS NYON MONGS PA DANG RNAM PAR BYANG BA YANG DAG PA JI LTA BA BZHIN RAB TU SHES PA ZHES BYA BA NI, RANG BZHIN GYIS 'OD GSAL BA LA GZHAN DU NA KUN NAS NYON MONGS PA DANG RNAM PAR BYANG BAR 'GYUR MI SRID PA'I PHYIR RO, ,MI SKRAG PA DANG, KHENGS PA MED PA LA PHYIN CI MA LOG PAS, CHOS DANG GANG ZAG LA MNGON PAR ZHEN PA MED DE, SGRIB PA MED PAR NGES PAR 'BYUNG BA'O, ,BSTAN BCOS DBUS DANG MTHA' RNAM PAR 'BYED PA LAS, THEG PA BLA NA MED PA'I LE'UR BCAD PA LNGA'I 'GREL BSHAD DE, SLOB DPON BLO BRTAN GYIS MDZAD PA RDZOGS SO,, ,,RGYA GAR GYI MKHAN PO DZI NA MI TRA DANG, SH'I LENDRA BO DHI DANG, ZHU CHEN GYI LO TZ'A BA BANDE YE SHES SDE LA SOGS PAS BSGYUR CING ZHUS TE GTAN LA BAB PA'O,, ,, @318B DGONGS PA NGES PAR 'GREL PA'I MDO LAS 'PHAGS PA BYAMS PA'I LE'U'I BSHAD PA BZHUGS SO, ,#, ,'PHAGS PA DGONGS PA NGES PAR 'GREL PA'I MDO LAS, 'PHAGS PA BYAMS PA'I LE'UR NYE TSE BSHAD PA, BAM PO DANG PO, 'PHAGS PA BYAMS PA LA PHYAG 'TSAL LO, ,CHOS GDAGS PA RNAM PAR GZHAG PA LAS BRTZAMS NAS, RNAL 'BYOR GYIS YONGS SU BSDUS PA'I ZHI GNAS DANG LHAG MTHONG GI LAM GYI RAB TU DBYE BA RIG PAR BYA'O ZHES BYA BAS NI, NGO BO NYID DANG, SBYOR BA'I RGYU DANG, 'THOB PA DANG, 'THOB PA'I THABS DANG, CHUD MI ZA BAR BYA BA'I PHYIR GDAGS PA GTAN LA DBAB PAS RNAL 'BYOR GYI LAM STON TE, DE LA RNAL 'BYOR GYIS YONGS SU BSDUS PA NYID NI ZHI GNAS DANG LHAG MTHONG GI LAM GYI NGO BO NYID DO, ,'DI RNAL 'BYOR ZHES BYA BA NI TSUL KHRIMS KYI PHUNG PO YIN PAR DGONGS SO, ,TSUL KHRIMS KYI PHUNG POS YONGS SU BSDUS PA TING NGE 'DZIN DANG, SHES RAB KYI PHUNG PO'I NGO BO NYID KYIS ZHI GNAS DANG LHAG MTHONG GI LAM GYI RAB TU DBYE BA NI NGO BO NYID LA SOGS PA YIN PAR RIG PAR BYA'O, ,YANG NA RNAL 'BYOR NI RIGS PA YIN TE, RIGS PA BZHIS BSDUS PA'I ZHI GNAS DANG LHAG MTHONG GI LAM GYI YIN PAR SBYAR RO, ,DGONGS PA NGES PAR 'GREL PA ZHES BYA BA NI DGONGS PA ZAB MO NGES PAR BKROL BAS, NYON MONGS PA DANG SHES BYA'I SGRIB PA'I MDUD PA GCOD PA ZHES BYA BA'I DON TO, ,MDO ZHES BYA BA NI NGES PAR MA LUS PAR SMOS PA NYID KYIS SO, ,BCOM LDAN 'DAS LA BYANG CHUB SEMS DPA' BYAMS PAS ZHU BA ZHUS PA NI, ZHI GNAS DANG LHAG MTHONG GI LAM 'DI NI BYANG CHUB CHEN PO DANG NYE BA'I RGYU YIN LA, 'PHAGS PA BYAMS PA YANG BYANG CHUB CHEN PO DANG NYE BA YIN PAS, BCOM LDAN 'DAS LA ZHU BA ZHUS SO, , DE LTAR ZHI GNAS DANG LHAG MTHONG GI LAM GYI NGO BO NYID NGES PAR BYAS NAS, BCOM LDAN 'DAS BYANG CHUB SEMS DPA' CI LA GNAS ZHES BYA BA LA SOG PAS SBYOR BA'I RGYU ZHUS TE, SBYOR BA'I RGYU NI GNAS DANG, RTEN DANG, DMIGS PAS STON TO, ,BYAMS PAS CHOS GDAGS PA RNAM PAR @319A *, ,GZHAG PA DANG, BLA NA MED PA YANG DAG PAR RDZOGS PA'I BYANG CHUB TU SMON LAM MI GTONG BA LA GNAS SHING BRTEN NAS SO ZHES BYA BA NI ZHI GNAS DANG LHAG MTHONG GI GNAS KYIS SBYOR BA'I RGYU DANG, RKYEN GYIS SBYOR BA'I RGYU STON TE, CHOS GDAGS PA RNAM PAR GZHAG PA NI BSHAD PA'I CHOS KYI TSOGS YIN PA'I PHYIR, GNAS KYI RGYU YIN NO, ,BLA NA MED PA YANG DAG PAR RDZOGS PA'I BYANG CHUB NI RTOGS PA'I CHOS KYI SKU YIN PA'I PHYIR, DER SMON PA NI RTEN GYI RGYU YIN TE, SMON LAM NI BYANG CHUB CHEN PO 'DREN PAR BYED PA'I CHOS THAMS CAD KYI SNGON DU 'GRO BA YIN PA'I PHYIR RO, ,BCOM LDAN 'DAS KYI ZHI GNAS DANG LHAG MTHONG GI DMIGS PA'I DNGOS PO BZHI PO 'DI LTA STE ZHES BYA BA LA SOGS PA YONGS SU ZHUS PAS NI, DMIGS PAS SBYOR BA'I RGYU STON TO, ,RNAM PAR RTOG PA DANG BCAS PA'I GZUGS BRNYAN DANG, RNAM PAR MI RTOG PA'I GZUGS BRNYAN DANG DNGOS PO'I MTHA' DANG, DGOS PA YONGS SU GRUB PA ZHES BYA BA LA, GZUGS BRNYAN ZHES BYA BA NI 'DRA BA ZHES BYA BA'I THA TSIG GO, ,GANG GI GZUGS BRNYAN ZHE NA, SEMS KYI STE, SNANG BA THAMS CAD NI DE NYID YIN PA'I PHYIR RO, ,DMIGS PA LA SNGON DU PHYOGS PA NI, RNAM PAR RTOG PA DANG BCAS PA'I GZUGS BRNYAN NO, ,NANG DU BSDUS PA NI RNAM PAR MI RTOG PA'I GZUGS BRNYAN NO, ,DNGOS PO NI KUN GZHI RNAM PAR SHES PA STE, DE LA GNAS DANG DMIGS PA DANG BCAS PA'I SEMS DANG LAS BYUNG BA DAG RGYU DANG 'BRAS BU'I DNGOS POS GNAS PA'I PHYIR RO, , DE'I MTHA' YONGS SU ZAD PAS NI DNGOS PO'I MTHA' NYID DE, ,GNAS GYUR PA CHOS KYI SKU ZHES BYA BA'I THA TSIG GO, ,DGOS PA YONGS SU GRUB PA YANG BDAG DANG GZHAN GYI BYA BA GRUB PAS, SHES BYA THAMS CAD LA THOGS PA MED PA DANG, CHAGS PA MED PA'I YE SHES MTHONG BA 'JUG PA NI DGOS PA YONGS SU GRUB PA YIN PAR BSTAN TO, ,DE LA ZHES BYA BA LA SOGS PAS NI DMIGS PA BZHI PO DE DAG LAM GANG GIS DMIGS PA DU DAG LAGS ZHES ZHUS SO, ,BKA' STZAL PA GCIG STE, 'DI LTA STE, RNAM PAR MI RTOG PA'I GZUGS BRNYAN NO ZHES BYA BA NI ZHI GNAS KYI DMIGS PA STE, ZHI @319B GNAS NI NANG DU LTA STE, 'JUG PA'I PHYIR NANG DU BSDUS PA YIN NO, ,DU ZHIG LHAG MTHONG GI DMIGS PA LAGS ZHES BYA BA LA SOGS PAS GCIG KHO NA STE 'DI LTA STE, RNAM PAR RTOG PA DANG BCAS PA'I GZUGS BRNYAN NO ZHES GSUNGS PA NI, LHAG MTHONG GI STE, DMIGS PA LA RNAM PAR 'PHRO BA NYID MTSAN MAR 'DZIN PA'I PHYIR RO, ,DU ZHIG DE GNYI KA'I DMIGS PA LAGS, BKA' STZAL PA GNYIS TE, GNYIS GANG ZHE NA, 'DI LTA STE, DNGOS PO'I MTHA' DANG, DGOS PA YONGS SU GRUB PA'O ZHES GSUNGS PA NI, DE GNYIS SPANGS PA DANG, YE SHES KYI NGO BO NYID YIN PA'I PHYIR, ZHI GNAS DANG LHAG MTHONG ZUNG DU 'BREL BA'I LAM GYI DMIGS PA NYID YIN PAR GSUNGS TE, MTHAR THUG PA'I 'BRAS BU YIN PA'I PHYIR RO, ,ZHI GNAS DANG LHAG MTHONG GI LAM GYI NGO BO NYID DANG, SBYOR BA'I RGYU NGES PAR BYAS NAS, DA NI BYANG CHUB SEMS DPA' ZHI GNAS YONGS SU BTZAL BAR BYA BA DANG, JI LTAR LHAG MTHONG LA MKHAS PAR BYA BA BSTAN PA'I PHYIR, BCOM LDAN 'DAS BYANG CHUB SEMS DPA' ZHI GNAS DANG LHAG MTHONG GI DMIGS PA'I DNGOS PO BZHI PO DE DAG LA BRTEN CING GNAS NAS, JI LTAR ZHI GNAS YONGS U TSOL BAR BGYID PA DANG, LHAG MTHONG LA MKHAS PA LAGS ZHES GSUNGS PAS DE GNYIS KYI THOB PA ZHUS SO, ,ZHI GNAS NI SEMS KYI YONGS SU GDUNG BZHI BA'I NGO BO NYID YIN PA'I PHYIR, ,BYANG CHUB SEMS DPA' YONGS SU BTZAL BAR BYA BA YIN LA, LHAG MTHONG NI CHOS RAB TU RNAM PAR 'BYED PA'I NGO BO NYID YIN PA'I PHYIR, DES DE LA MKHAS PAR BYA DGOS PAR BSTAN PA'I PHYIR BYAMS PA NGAS ZHES BYA BA LA SOGS PA GSUNGS SO, ,CHOS GDAGS PA RNAM PAR GZHAG PA ZHES BYA BA NI SPYIR BSTAN TE, MING GI TSOGS DANG, TSIG GI TSOGS DANG, YI GE'I TSOGS KYI GDAGS PAS CHOS RNAMS SPYIR RNAM PAR GZHAG PA'O, ,MDO'I SDE LA SOGS PA NI BYE BRAG TU BSTAN PA'O, ,MDO'I SDE LA SOGS PA SPYI DANG BYE BRAG TU BSTAN PA DE DAG LEGS PAR THOS PA DANG LEGS PAR GZUNG BA DANG KHA TON BYANG BAR BYAS PA DANG, YID KYIS LEGS PAR BRTAGS PA DANG, MTHONG BAS SHIN TU RTOGS PAR BYAS PA JI LTAR ZHI GNAS KYI SBYOR BA'I RGYU GYUR CE NA, DE GCIG @320A *, ,PU DBEN PAR 'DUG STE ZHES BYA BA LA SOGS PA GSUNGS SO, ,GCIG PU ZHES BYA BA NI LUS DBEN PA'I PHYIR RO, ,DBEN PA ZHES BYA A NI SEMS DBEN PA'I PHYIR RO, ,SEMS GANG GIS CHOS DE DAG YID LA BYED PA'I SEMS DE YANG CHOS KYI NGO BO NYID YIN LA, CHOS RNAMS KYANG SEMS KYI NGO BO NYID YIN PAR BSTAN PA'I PHYIR, DE LTAR ZHUGS SHINGS DE LA NA MANG DU GNAS PA DE LA ZHES BYA BA LA SOGS PA GSUNGS SO, ,LUS SHIN TU SBYANGS PA NI LUS DBEN PA LAS SKYES PA'O, ,SEMS SHIN TU SBYANGS PA NI SEMS DBEN PA LAS SKYES PA'O, ,YANG NA GNYEN PO CHOS YID LA BYED PA JI SKAD BSTAN PA THOB PAS BSGOMS PAS SPANG BAR BYA BA'I NYON MONGS PA BSRABS PA'I PHYIR, ,LUS SHIN TU SBYANGS PA YIN NO, ,MTHONG BAS SBYANG BAR BYA BA'I NYON NONGS PA BSRABS PA'I PHYIR, SEMS SHIN TU SBYANGS PA YIN TE, LUS NGAL BA MED PA'I PHYIR DANG, SEMS YONGS SU GDUNG BA MED PA'I PHYIR LUS DANG SEMS SHIN TU SBYANGS PA NI ZHI GNAS ZHES BYA'O, ,DE LTAR NA ZHES BYA BA LA SOGS PAS NI BYANG CHUB SEMS DPA' CHOS YID LA BYED PA KHO NAS ZHI GNAS YONGS SU TSOL BAR BYED PA YIN GYI GZHAN GYI NI MA YIN NO ZHES NGES PAR BYED DO, ,YANG BYANG CHUB SEMS DPA' LHAG MTHONG LA MKHAS PA YIN PAR BSTAN PA'I PHYIR, ,DE LUS SHIN TU SBYANGS PA DANG ZHES BYA BA LA SOGS PA GSUNGS SO, ,DE ZHES BYA BA NI BYANG CHUB SEMS DPA' YIN PAR SBYAR TE, BYANG CHUB SEMS DPA' DE LUS SHIN TU SBYANGS PA DANG, SEMS SHIN TU SBYANGS PA LA THOB PA DE LA GNAS SHING BRTEN NAS SO, ,JI LTAR BSAMS PA'I CHOS ZHES BYA BA NI PHYIN CI MA LOG PAR YID LA BYAS PA DAG GO, ,DE DAG NYID CES BYA BA NI SNGAR BSTAN PA RNAMS SO, ,NANG DU ZHES BYA BA NI PHYIR ROL TU MA GYUR PA'O, ,TING NGE 'DZIN GYIS SPYOD YUL GZUGS BRNYAN DU MNYAM PAR GZHAG PA'I SEMS KYI GZUGS BRNYAN DU GYUR PA'I CHOS RNAMS LA, ,SO SOR RTOGS PAR BYED PA NI RAB TU RNAM PAR 'BYED PAR BYED PA'O, ,MOS PAR BYED PA NI NGES PAR BYED PA'O, ,RTOGS PA'I GNAS SKABS NA RNAM PA MED PA'I CHOS RNAMS RNAM PA DANG BCAS PA'I SEMS DANG GCIG TU BYAS TE, JI LTAR SO SOR BRTAGS PA @320B DANG MOS PAR BYAR RUNG ZHE NA, DE'I PHYIR SEMS KYI RNAM PAR SPANGS NAS ZHES BYA BA GSUNGS TE, SEMS KYI RNAM PA NI LOG PAR SNANG BA YIN PA'I PHYIR RO, ,'ON TING NGE 'DZIN DANG, SHES RAB NI SA MANG PO PA MA YIN PA'I PHYIR, RTAG TU SEMS DANG 'JUG PA YIN PAS, SEMS KYI RNAM PA MED NA CI LTAR DE GNYIS 'JUG PAR 'GYUR TE, 'DI LTAR ZHI GNAS NI TING NGE 'DZIN YIN LA LHAG MTHONG NI SHES RAB YIN PAS, DE GNYIS MED NA CI LTAR, CHOS RNAMS SEMS KYI GZUGS BRNYAN DU SO SOR BRTAG PAR RUNG ZHE NA, 'DIR RNAL 'BYOR SPYOD PAS SMRAS PA, SEMS GANG YIN PA DANG TING NGE 'DZIN GANG YIN PA DANG, SHES RAB GANG YIN PA DANG, CHOS DE DAG GANG DAG YIN PA DE DAG THAMS CAD NI, RTOGS PA'I GNAS SKABS NI, SEMS LAS PHYI ROL TU GYUR PA MA YIN PA'I PHYIR, SEMS BZHIN DU NGO BO NYID MED PA DAG YIN NO, ,SEMS KYI NGO BO NYID MED PA NI, ,SEMS KYI SEMS MED PA NYID YIN TE, DE SKAD DU SHES PA RAB KYI PHA ROL TU PHYIN PA LAS KYANG SEMS DE NI SEMS MED PA YIN TE, SEMS KYI RANG BZHIN 'OD GSAL BA YIN NO ZHES GSUNGS SO, ,DE'I PHYIR SEMS KYIS RNAM PAR SPANGS NAS ZHES BYA BA GSUNGS SO, , TING NGE 'DZIN GYI SPYOD YUL GZUGS BRNYAN ZHES BYA BA NI SEMS LAS PHYI ROL TU MA GYUR PA RNAMS SO, ,DE DAG LA ZHES BYA BA NI DE DAG NYID LA'O, ,SHES BYA'I DON ZHES BYA BA NI GNYIS MED PA'I DON TO, ,RNAM PAR 'BYED PA ZHES BYA BA NI RTOGS PA'O, ,RAB TU RNAM PAR 'BYED CES BYA BA LA SOGS PA NI DE MCHOG TU BYA BA'I RNAM GRANGS KYI SGRA YIN NO, , BZOD PA ZHES BYA BA NI BRJOD DU MED PA GNYIS MED PA'I DON GYI CHOS LA NGES PAR SEMS PA'I MI MJED PA NYID DO, ,DE NI LHAG MTHONG ZHES BYA STE ZHES BYA BA LA LA LHAG MTHONG ZHES BYA BA NI RANG DANG SPYI'I MTSAN NYID DANG LDAN PA'I CHOS RNAMS RNAM PAR GZHIG PA'I PHYIR, ,LTA BA NI LHAG MTHONG ZHES BYA'O, , DE LTAR NA ZHES BYA BA LA SOG PAS NI, BYANG CHUB SEMS DPA' DE LTA BU NYID YIN NO, ,LHAG MTHONG LA MKHAS PA YIN GYI GZHAN NA MA YIN NO ZHES NGES PAR BYED DO, ,ZHI GNAS DANG LHAG MTHONG GI 'THOB PA NGES PAR BYAS NAS, 'THOB PA'I THABS ZHU BA'I PHYIR, BCOM LDAN 'DAS BYANG CHUB SEMS @321A *, ,DPA' DE JI SRID DU ZHES BYA BA LA SOGS PA GSOL TO, ,SEMS LA DMIGS PA'I ZHES BYA BA DES NI, MTSAN MA LA DMIGS PA ZHES BYA BAR BSTAN TO, ,NANG DU ZHES BYA BA NI PHYI ROL TU GYUR PA MA YIN PAR YID LA BYED PA'O, ,LUS DANG SEMS SHIN TU SBYANGS PA MA THOB PA NI SBYOR BA'I GNAS SKABS NA'O, ,YID LA BYED PA DE LA CI ZHES BYA ZHE NA, ZHI GNAS NI MA YIN TE ZHES BYA BA GSUNGS SO, ,DE NI ZHI GNAS DANG RJES SU MTHUN PA'I MOS PA DANG MTSUNGS PAR LDAN PA YIN PAR BRJOD PAR BYA STE, ZHI GNAS 'THOB PA'I THABS YIN PA'I PHYIR RO, ,BCOM LDAN 'DAS BYANG CHUB SEMS DPA' JI SRID DU ZHES BYA BA LA SOGS PA LA, ,LUS DANG SEMS SHIN TU SBYANGS PA MA THOB CES BYA BA NI, ,LUS DANG SEMS LAS SU MI RUNG ZHES BYA BA'I PHYIR RO, ,JI LTAR LEGS PAR BSAMS PA'I CHOS DE DAG LA TING NGE 'DZIN GYI SPYOD YUL GZUGS BRNYAN NANG DU YID LA BGYID PA ZHES BYA BA NI, SBYOR BA'I MTHAR MA PHYIN PA'I PHYIR RO, ,YID LA BYED PA DE LA CI ZHES BYA ZHE NA, LHAG MTHONG NI MA YIN TE ZHES BYA BA GSUNGS TE, LHAG MTHONG 'THOB PA'I THABS YIN PA'I PHYIR RO, ,'DI MAN CHAD NI CHUNG MI ZA BAR BYA BA'I PHYIR GDAGS PA GTAN LA DBAB PA RNAM PA MANG PO SHES PAR BYA STE, RNAM PAR MI RTOG PA'I YE SHES LA GNAS PA'I TING NGE 'DZIN CHUD MI ZA BAR BYA BA'I PHYIR GDAGS PA GTAN LA DBAB PA NI, BCOM LDAN 'DAS ZHI GNAS KYI LAM DANG LHAG MTHONG GI LAM THA DAD CES BGYI 'AM, THA DAD PA MA LAGS ZHES BGYI ZHES BYA BA LA SOGS PA'O, ,DE GNYIS CI'I PHYIR THA DAD PA MA YIN ZHE NA, DE'I PHYIR LHAG MTHONG GIS DMIGS PA'I SEMS LA DMIGS PA'I PHYIR RO ZHES BYA BA GSUNGS SO, ,ZHI GNAS KYI LAM LHAG MTHONG GI LAM DANG THA DAD PA MA YIN TE, LHAG MTHONG GI DMIGS PA'I SEMS LA DMIGS PA'I PHYIR TE, ZHI GNAS KYI LAM NI LHAG MTHONG GIS DMIGS PA'I SEMS KHO NA LA DMIGS PAS DMIGS PAR BYA BA DANG, DMIGS PAR BYED PA GNYIS KA SEMS KYI NGO BO NYID YIN PA'I PHYIR THA DAD PA MA YIN PA NYID DO, ,CI'I PHYIR THA DAD PA MA YIN PA MA YIN ZHE NA ZHES BYA BA LA SOGS PAS, THA DAD PA MA YIN PA MA YIN PA NYID BSTAN PA'I PHYIR, RNAM PAR RTOG PA DANG BCAS PA'I GZUGS BRNYAN LA DMIGS PA'I PHYIR @321B RO ZHES BYA BA GSUNGS SO, ,ZHI GNAS KYI LAM DANG LHAG MTHONG GI LAM THA DAD PA YIN TE, 'DI LTAR DE NI RNAM PAR RTOG PA DANG BCAS PA MTSAN MA DANG BCAS PA'I GZUGS BRNYAN LA DMIGS PA'I PHYIR RO, ,'DI SKAD BSTAN PA YIN TE, DE GNYIS NI SEMS KYI NGO BO NYID YIN PAS NI, GCIG PA NYID YIN LA, ,RNAM PAR RTOG PA DANG BCAS PA DANG, RNAM PAR MI RTOG PA NYID KYIS NI THA DAD PA NYID YIN NO ZHES BSTAN TO, ,RNAM PAR MI RTOG PA'I YE SHES RTOGS PA CHUD MI ZA BAR BYA BA NI, BCOM LDAN 'DAS RNAM PAR LTA BAR BGYID PA'I TING NGE 'DZIN GYI SPYOD YUL GZUGS BRNYAN GANG LAGS PA DE CI SEMS DANG, THA DAD PA ZHES BGYI 'AM, THA DAD PA MA LAGS PA ZHES BGYI ZHES GSUNGS PA'O, ,DMIGS PAR BYED PA SEMS DANG, DMIGS PAR BYA BA TING NGE 'DZIN GYI SPYOD YUL GZUGS BRNYAN DE GNYIS CI THA DAD PA NYID CES BYA 'AM ZHES ZHUS PA DANG, THA DAD PA MA YIN ZHES BYA'O ZHES BYA BA GSUNGS SO, ,CI'I PHYIR ZHES BRI BA LA GTAN TSIGS BSTAN PA'I PHYIR, GZUGS BRNYAN DE RNAM PAR RIG PA TZAM DU ZAD PA'I PHYIR TE ZHES BYA BA GSUNGS SO, ,DES 'DI SKAD STON TE, SEMS NYID GZUGS BRNYAN LTA BUR DMIGS PAR SNANG STE, SEMS DANG THA DAD PA MA YIN NO ZHES STON TO, ,RIGS PA BSTAN PA'I PHYIR, RNAM PAR SHES PA NI DMIGS PA RNAM PAR RIG PA TZAM GYIS RAB TU PHYE BA YIN NO ZHES NGAS BSHAD DO ZHES GSUNGS SO, ,DMIGS PA NI YUL GYI RNAM PAR SEMS SNANG BA YIN LA, DE YANG RNAM PAR RIG PA DANG THA DAD PA MA YIN TE, CIG CAR DMIGS PA'I PHYIR RO, ,TING NGE 'DZIN GYI SPYOD YUL GZUGS BRNYAN DE GAL TE ZHES BYA BA LA SOGS PAS NI, GZHAN RGOL BA'I SKABS KYI GNAS ZHUS TE, RTOGS PAR BYED PA'I MTSAN MA NI BYED PA POR GYUR PA YIN LA, BRTAG PAR BYA BA GZUGS BRNYAN NI LAS SU GYUR PA YIN NA, JI LTAR DE GNYIS THA DAD PA MA YIN PAR RUNG STE 'JIG RTEN NA BYED PA PO DANG; LAS NI THA DAD PAR SNANG BA'I PHYIR RO ZHE NA, YANG DAG PAR NA THA DAD PA MA YIN PA NYID DU SGRUB PA'I PHYIR, BYAMS PA DE LA ZHES BYA BA LA SOGS PA GSUNGS TE, GANG YANG ZHES BYA BA NI BYED PA PO BSTAN PA YIN LA, GANG LA YANG ZHES BYA BA NI LAS BSTAN PA YIN TE, GANG GI PHYIR CHOS GCIG PU NI 'GA' YANG @322A *, ,MED PAS DE'I PHYIR GANG RTOGS PAR BYED PA DANG, BRTAG PAR BYA BA BYED PA PO DANG, LAS SU GYUR BA GANG YIN, YANG DAG PAR NA, SEMS DANG SEMS LAS BYUNG BA DAG LA, RDUL PHRAR BA RE RE NI MI SNANG BA'I PHYIR BYED PA PO DANG, LAS KYI THA SNYAD KYANG MED LA, 'DUS PA DAG LA YANG KUN RDZOB YIN PA'I PHYIR DANG, LTOS PA DANG BCAS PA'I PHYIR DANG, MTHU MED PA'I PHYIR RO, ,YANG DNGOS PO RANG DBANG CAN NI 'GA' YANG MED PA YIN NA, BYED PA PO LA MNGON PAR ZHEN PAS BYA BA DAG 'JUG PAR BYED PAR ZAD DE, BYED PA PO MI RIGS PA'I PHYIR, BYED PA PO DANG LAS DANG BYA BA YANG MI RIGS SO; ,'ON JI LTAR GZUNG BA DANG 'DZIN PA'I RNAM PAR SHES PA'I SEMS SNANG BAR 'GYUR ZHE NA, 'ON KYANG DE LTAR SKYES PA'I SEMS GANG YIN PA DE NI DE LTAR SNANG NGO ZHES BYA BA GSUNGS SO, ,DES 'DI SKAD BSTAN PA YIN TE, THOG MA MED PA'I DUS CAN GZUNG BA DANG, 'DZIN PAR MNGON PAR BRJOD PA'I BAG CHAGS KYIS YONGS SU BSGOS PA'I RNAM PAR SHES PA'I SA BON LAS SKYES PA'I RNAM PAR SHES PA DE LTAR GZUNG BA DANG 'DZIN PA'I RNAM PAR SNANG NGO ZHES BSTAN TO, ,DON DE GSAL BAR BYA BA'I PHYIR, 'DI LTA STE DPER NA ZHES BYA BA LA SOGS PAS DPE STON TO, ,DES 'DI SKAD BSTAN PA YIN TE, ME LONG GI DKYIL 'KHOR LA GZUGS BRNYAN 'BYUNG BA MED MOD KYI, 'ON KYANG GZUGS NYID 'KHRUL BA'I GZUGS BRNYAN SKYED PAR BYED DE DES NA GZUGS BRNYAN MTHONG NGO SNYAM DU SEMS SO ZHES BSTAN TO, ,'DI LA SMRA BA PO DAG GZHI ME LONG GI DKYIL 'KHOR NYID DANG, MTSAN MA GZUGS LA BRTEN NAS GZUGS BRNYAN RDZAS GZHAN KHO NA ZHIG 'BYUNG STE, RTEN DE BYUNG BA GANG YIN PA DE DAG THAMS CAD NI YOD PA MA YIN NA, DPE 'DI JI LTAR RUNG BAR 'GYUR ZHES ZER BA DAG KYANG YOD DE, 'DIR DE DAG LA 'DI SKAD BRJOD PAR BYA STE, GZUGS DANG GZUGS BRNYAN GYI RNAM PA'I RNAM PAR SHES PA LAS GZHAN PA'I DON MED PA'I PHYIR RO, ,JI LTAR DON MED CE NA, DON MED KYANG RNAM PAR SHES PA SKYE BA SNANG BA'I PHYIR TE, 'DAS PA DANG MA 'ONGS PA DANG, RMI LAM LA SOGS PA LA DON MED PAR YANG DE'I RNAM PAR SHES PA SKYE BA MTHONG BA LTA BU'O, ,YANG DON MTSUNGS PA LA MOS PA'I DBANG GIS RNAM PAR RIG PA THA DAD @322B PAR DMIGS PAS KYANG SEMS NYID GZUGS BRNYAN DU SNANG BAR NGES PA YIN TE, DPER NA CHU KLUNG LA SOGS PA'I DNGOS PO GCIG LA, DUD 'GRO RNAMS KYIS NI GNAS KYI RNAM PAR MTHONG, YI DAGS RNAMS KYIS NI RNAG LA SOGS PA'I RNAM PAR MTHONG, MI RNAMS KYIS NI CHU'I RNAM PAR MTHONG BA LTA BU DANG, LHA RNAMS KYIS SA GZHI BEE d'UR RA+YA'I RANG BZHIN DU MTHONG BA LTA BU'O, ,DE BZHIN DU ZHES BYA BA LA SOGS PAS NI JI LTAR GZUGS DANG GZUGS BRNYAN GNYIS THA DAD PA MED KYANG THA DAD PAR SNANG BA BZHIN DU, NGES PAR CIG CAR SNANG BA'I PHYIR, DMIGS PAR BYA BA DANG, DMIGS PAR BYED PA GNYIS THA MI DAD PA NYID DU GRUB PO ZHES NGES PAR BYED DO, ,BCOM LDAN 'DAS SEMS CAN RNAMS KYI ZHES BYA BA LA SOGS PA LA, GZUGS LA SOGS PA ZHES BYA BA NI SNGON PO LA SOGS PA'I RDZAS SO, ,SEMS KYI GZUGS BRNYAN ZHES BYA BA NI SEMS LA SNANG BAR GYUR PA'O, , RANG BZHIN DU GNAS PAR ZHES BYA BA NI NGO BO NYID DU GNAS PA'O, ,DE YANG ZHES BYA BA NI PHYI ROL GYI DNGOS PO'O, ,SEMS DANG THA DAD PA MA LAGS PA NI LAS DANG NYON MONGS PA ZHES BYA BA LA SOGS PA, GANG LAS SHES PA NI LAS DANG NYON MONGS PA DANG BDUD KYI YANG NGO, ,LAM DE YANG BYE BRAG TU MA BYAS PA'I PHYIR DGE BA DANG, MI DGE BA DANG, MI G-YO BA'I BYE BRAG GIS GSUM CHAR YANG BZUNG NGO, ,DE LA MI DGE BA'I LAS DANG NYON MONGS PA ZHES BGYI 'AM ZHES ZHUS PA DANG, BYAMS PA THA DAD PA MA YIN ZHES BYA STE ZHES GSUNGS SO, ,'O NA CI'I PHYIR THA DAD PAR SNANG ZHE NA, BYIS PA PHYIN CI LOG GI BLO CAN RNAMS NI GZUGS BRNYAN DE DAG LA RNAM PAR RIG PA TZAM DE NYID YANG DAG PA JI LTA BA BZHIN DU MI SHES PAS PHYIN CI LOG TU SEMS SO ZHES BYA BA GSUNGS SO, ,DES 'DI SKAD BSTAN PA YIN TE, BYIS PA DE KHO NA MA MTHONG BA LTA BU RAB RIB GYIS NYAMS PAR BYAS PA RNAMS NI, PHYI ROL GYI DON MED PA BZHIN DU YOD PAR MTHONG BA YIN NO ZHES BSTAN TO, ,BYANG CHUB SEMS DPA' JI TZAM GYIS NA GCIG TU LHAG MTHONG BSGOM PA LAGS ZHES ZHUS PA'I LAN DU GANG GI TSE RGYUN CHAGS SU YID LA BYED PAS ZHES BYA BA LA SOGS PA GSUNGS SO, ,BAR CHAD MED PA'I SEMS BYA BA LA BAR CHAD NI BAR DU CHOD PA YIN LA, BAR DU CHOD PA MED PA NI BAR @323A *, ,CHAD MED PA YIN TE, DMIGS PA LA MNGON DU PHYOGS PA ZHES BYA BA'I THA TSIG GO, ,JI TZAM GYIS NA ZHI GNAS DANG LHAG MTHONG GNYIS ZHES BYA BA LA, LHAG MTHONG NI DMIGS PA LA SEMS RTZE GCIG PA NYID DO, ,ZHI GNAS NI NANG DU SEMS RTZE GCIG PA NYID YIN NO, ,SEMS KYI MTSAN MA ZHU BA'I PHYIR, SEMS KYI MTSAN MA GANG LAGS ZHES BYA BA GSOL TO, ,BYAMS PA LHAG MTHONG GI DMIGS PA ZHES BYA BA LA SOGS PAS STON TE, TING NGE 'DZIN GYI SPYOD YUL RNAM PAR RTOG PA DANG BCAS PA'I SEMS KYI GZUGS BRNYAN LHAG MTHONG GI DMIGS PAR BYA BA GANG YIN PA DE NI SEMS KYI MTSAN MA YIN TE, DMIGS PA'I RNAM PA BYE BRAG 'DZIN PA'I PHYIR RO, ,BAR CHAD MA MCHIS PA'I SEMS GANG LAGS ZHES ZHUS PA DE'I LAN DU BYAMS PA ZHI GNAS KYI DMIGS PA ZHES BYA BA LA SOGS PA GSUNGS TE, GZUGS BRNYAN LA DMIGS PA'I ZHI GNAS KYI DMIGS PA NANG DU 'JUG PA GANG YIN PA DE NI BAR CHAD MED PA'I SEMS ZHES BYA STE, DMIGS PA THAMS CAD NANG DU BSDUS PA'I PHYIR RO, ,SEMS RTZE GCIG PA NYID GANG LAGS ZHES GSOL BA'I LAN DU, TING NGE 'DZIN GYI SPYOD YUL GZUGS BRNYAN DE LA ZHES BYA BA LA SOGS PA GSUNGS SO, ,DES 'DI SKAD BSTAN TE, CHOS GANG DAG TING NGE 'DZIN LA SEMS KYI GZUGS BRNYAN GYIS RNAM PAR SNANG BA DE DAG NI SEMS DANG THA DAD PA MA YIN TE, DE DAG GI NGO BO NYID MA GRUB PA'I PHYIR RO, ,DE'I PHYIR 'DI NI RNAM PAR RIG PA TZAM YIN NO ZHES BYA BAR YANG DAG PA'I MTHA' RTOGS PA YIN NO ZHES BSTAN TO, ,RTOGS PA ZHES BYA BA NI SO SOR RANG RIG PA'O, ,DE RTOGS NAS KYANG DE BZHIN NYID DU YID LA BYED PA ZHES BYA BA LA, DE RTOGS ZHES BYA BA NI RNAM PAR RIG PA TZAM NYID DU RTOGS PA'O, ,DE RTOGS NAS DE BZHIN NYID RTOGS PA NI RNAM PAR RIG PA TZAM YANG RNAM PAR BSHIGS PAS SEMS RTZE GCIG PA NYID YONGS SU 'GRUB PAR 'GYUR TE, SEMS KYI DE BZHIN NYID NI RANG GI KHAMS NYID LA GNAS PA'I PHYIR RO, ,LHAG MTHONG GI RAB TU DBYE BA ZHU BA NI, BCOM LDAN 'DAS LHAG MTHONG RNAM PA DU MCHIS ZHES GSOL BA STE, ZHUS PA'I LAN DU RNAM PA GSUM STE ZHES BYA BA GSUNGS SO, ,GSUM GANG YIN SNYAM PA LA @323B MTSAN MA LAS BYUNG BA DANG YONGS SU TSOL BA LAS BYUNG BA DANG, SO SOR RTOG PA LAS BYUNG BA'O ZHES BYA BA GSUNGS TE, MTSAN MA LAS BYUNG BA NI THOS PA LAS BYUNG BA'O, ,YONGS SU TSOL BA LAS BYUNG BA NI BSAMS PA LAS BYUNG BA'O, ,SO SOR RTOG PA LAS BYUNG BA NI BSGOMS PA LAS BYUNG BA'O, , YANG NA RNAM PAR DAG PA BZHI PO DMIGS PA RNAM PAR DAG PA DANG, LAM RNAM PAR DAG PA DANG, DRI RNAM PAR DAG PA DANG, RANG BZHIN RNAM PAR DAG PA ZHES RNAM PAR BSHAD PA DE LAS, ,DMIGS PA RNAM PAR DAG PAS RAB TU PHYE BA NI MTSAMS MA LAS BYUNG BA YIN NO, ,LAS RNAM PAR DAG PAS RAB TU PHYE BA NI YONGS SU TSOL BA LAS BYUNG BA YIN NO, ,DRI MA MED PA RNAM PAR DAG PAS RAB TU PHYE BA DANG, RANG BZHIN RNAM PAR DAG PAS RAB TU PHYE BA NI SO SOR RTOG PA LAS BYUNG BA YIN NO, ,YANG NA RIGS PA BZHI PO LTOS PA'I RIGS PA DANG, BYA BA BYED PA'I RIGS PA DANG, 'THAD PAS BSGRUBS PA'I RIGS PA DANG, CHOS NYID KYI RIGS PA ZHES BYA BA DE DAG LA LTOS PA'I RIGS PA'I MTSAN NYID CAN DANG, BYA BA BYED PA'I RIGS PA'I RGYU MTSAN LA BRTEN TE 'JUG PA GANG YIN PA DE NI MTSAN MA LAS BYUNG BA YIN NO, ,'THAD PAS BSGRUBS PA'I RIGS PAS YONGS SU TSOL BA LA 'JUG PA GANG YIN PA DE NI; YONGS SU TSOL BA LAS BYUNG BA YIN NO, ,CHOS NYID KYI RIGS PAS CHOS NYID SO SOR RTOG PA LAS BYUNG BA GANG YIN PA DE NI SO SOR RTOG PA LAS BYUNG BA YIN NO, ,MTSAN MA LAS BYUNG BA GANG YIN ZHE NA ZHES 'DRI BA LA TING NGE 'DZIN GYI SPYOD YUL RNAM PAR RTOG PA DANG BCAS PA'I GZUGS BRNYAN 'BA' ZHIG YID LA BYED PA'I LHAG MTHONG GANG YIN PA'O ZHES BYA BA GSUNGS SO, ,DES 'DI SKAD BSTAN TE, RTOG PA DANG BCAS DPYOD PA DANG BCAS PA'I TING NGE 'DZIN GYI YUL THOS PA LA SOGS PA'I CHOS LA DMIGS PA RNAM PAR DAG PA'I MTSAN MA'I GZUGS BRNYAN GANG YIN PA DE YID LA BYED PA'I LHAG MTHONG GANG YIN PA DE NI MTSAN MA LAS BYUNG BA YIN NO ZHES BSTAN TO, ,YONGS SU TSOL BA LAS BYUNG BA GANG YIN ZHE NA ZHES 'DRI BA DANG DE DANG DER ZHES BYA BA LA SOGS PA GSUNGS TE, DE DANG DER ZHES BYA BA NI SEMS KYI GZUGS BRNYAN GYI NGO BO NYID DAG LA'O, ,SHES RAB KYIS SHIN TU LEGS PAR MA RTOGS PA ZHES BYA BA @324A *, ,LA, SHES RAB NI LAM RNAM PAR DAG PA'O, ,DES SHIN TU MA DMIGS PA DAG LA'O, ,GANG DAG LA ZHE NA CHOS ZHES BYA BA GSUNGS SO, ,DE DAG NYID CES BYA BA NI SEMS KYI GZUGS BRNYAN NYID DO, ,SHIN TU LEGS PAR RTOGS PAS BYA BA'I PHYIR YID LA BYED PA'I BYANG CHUB SEMS DPA'I LHAG MTHONG GANG YIN PA DE NI YONGS SU TSOL BA LAS BYUNG BA YIN NO, ,SO SOR RTOG PA LAS BYUNG BA GANG ZHE NA ZHES 'DRI BA LA DE DANG DER ZHES BYA BA LA SOGS PA GSUNGS TE, DE DANG DER ZHES BYA BA NI RNAM PAR RIG PA TZAM NYID KYIS RAB TU PHYE BA DAG LA'O, ,SHES RAB KYIS ZHES BYA BA NI 'JIG RTEN LAS 'DAS PA'I SHES RAB KYIS SO, ,SHIN TU NGES PAR LEGS PAR KUN DU RTOG PA RNAM PAR BSGOM PA'I CHOS RNAMS LA, RNAM PAR GROL BA'I SHES BYA DRI MA MED PA RNAM PAR DAG PA DANG, RANG BZHIN RNAM MTSAN MA'I RJES SU 'BRANG NAS DON LA ZHI GNA SEMS RNAM PAR GROL BA'I PHYIR, DRI MA MED PA RNAM PAR DAG PA DANG, SHES BYA'I SGRIB PA SPANGS PAS SHES RAB RNAM PAR GROL BA'I PHYIR, RANG BZHIN RNAM PAR DAG PA DES SHIN TU YONGS SU RDZOGS PAR LEGS PAR YANG DAG PAR BDE BA LA REG PAR BYA BA'I PHYIR, YID LA BYED PA'I LHAG MTHONG GANG YIN PA DE NI SO SOR RTOG PA LAS BYUNG BA ZHES BYA'O, ,ZHI GNAS LA RNAM PA DU MCHIS ZHES ZHUS PA LA, BAR CHAD MED PA'I SEMS DE'I RJES SU 'BRANG BAS ZHES PA LA SOGS PA GSUNGS TE, MNYAM PAR GZHAG PA'I SEMS GANG LAS BAR CHAD MED PAR LHAG MTHONG 'BYUNG BA DE NI BAR CHAD MED PA'I SEMS ZHES BYA'O, ,DE YANG RNAM PA GSUM DU BRJOD PAR BYA'O ZHES BYA BA YANG MTSAN MA LAS BYUNG BA DANG YONGS SU TSOL BA LAS BYUNG BA DANG, SO SOR RTOG PA LAS BYUNG BA STE, LHAG MTHONG RNAM PA GSUM YOD PA'I PHYIR, ZHI GNAS KYANG RNAM PA GSUM DU RIG PAR BYA'O, ,NANG DU 'JUG PA'I PHYIR DANG, CHA PHRA BA'I PHYIR MTSAN NYID NI BKA' MA STZAL TO, ,YANG ZHI GNAS NI RNAM PA BRGYAD DE ZHES BYA BA LA SOGS PAS NI RAB TU DBYE BA BSTAN TO, ,BSAM GTAN DANG GZUGS MED PA'I RAB TU DBYE BAS NANG DU BSDUS PA RNAM PA BRGYAD KYI DBYE BA YOD PA'I PHYIR, ZHI GNAS KYANG RNAM PA BRGYAD DU RNAM PAR BSHAD DO, ,YANG RNAM PA BZHI STE ZHES BYA BA NI BYAMS PA TSAD MED PA DANG, SNYING RJE DANG, @324B DGA' BA DANG, BTANG SNYOMS TSAD MED PA RNAMS NI SEMS NANG DU 'JUG PA YIN PA'I PHYIR TE, GNOD SEMS LA SOGS PA SEMS YONGS SU GDUNG BA ZHI BA'I NGO BO NYID YIN PA'I PHYIR ZHI GNAS SU RNAM PAR BSHAD DO, ,YANG ZHI GNAS DANG LHAG MTHONG GNYIS KYI CHOS LA GNAS PA DANG MI GNAS PA'I DBYE BA ZHU BA'I PHYIR, BCOM LDAN 'DAS ZHI GNAS DANG LHAG MTHONG GI CHOS LA GNAS PA ZHES KYANG BGYI ZHES BYA BA GSOL TO, ,MDO'I SDE LA SOGS PA JI LTAR BZUNG BA DANG BSAMS PA'I CHOS KYI MTSAN MA'I RJES SU 'BRANG BAS ZHES BYA BA LA, CHOS KYI MTSAN MA NI TSIG DANG YI GE LA SOGS PA'O, ,DON LA ZHES BYA BA NI DON GYI RGYU MTSAN LA'O, ,DES 'DI SKAD BSTAN TE, MDO'I SDE LA SOGS PA'I CHOS LA BZUNG BA DANG BSAM PA'I MTSAN MA'I RJES SU 'BRANG NAS DON LA ZHI GNAS DANG LHAG MTHONG GANG YIN PA DE NI CHOS LA GNAS PA YIN TE, CHOS LA MOS PA DON GYI RJES SU 'BRANG BA'I PHYIR RO ZHES BSTAN TO, ,BZUNG BA DANG BSAMS PA'I CHOS LA MI LTOS PAR ZHES BYA BA LA SOGS PA NI MDO'I SDE LA SOGS PA'I CHOS GZUNG BA MED PA'O, ,GZHAN GYIS ZHES BYA BA NI GZHAN GYI RKYEN LAS YIN GYI, RANG GI RKYEN GYI STOBS KYIS MA YINPA'O, ,GAD MA SA NGAG DANG RJES SU BSTAN PA ZHES BYA BA LA RTOGS PAR BYA BA'I NGAG NI GDAMS NGAG GO, ,'O NA GZHAN LAS THOS PA YANG CHOS LA GNAS PA KHO NA YIN TE, GZHAN GYIS SMRAS PA'I CHOS KYI RJES SU 'BRANG BA'I PHYIR RO ZHE NA, MDO'I SDE LA SOGS PA'I CHOS BZUNG BA'I STOBS KYIS 'JUG PA MA YIN GYI, DAD PAS GZHAN GYI RKYEN GYIS 'JUG PA YIN TE, CHOS RNAMS LA NGES PA MED PAS DE'I PHYIR, CHOS LA GNAS PA NYID MA YIN NO, ,'DI LTA STE, RNAM PAR BSNGOS PA'AM ZHES BYA BA LA SOGS PA YANG DAD PAS GZHAN LAS LUNG MA MNOS TE, MI SDUG PA LA SOGS PA BSGOM PA'I ZHI GNAS DANG, LHAG MTHONG NI SBYOR BAS RJES SU 'BRANG BA YIN PA'I PHYIR CHOS LA GNAS PA MA YIN NO, ,BYAMS PA DE LA NGA NI ZHES BYA BA LA SOGS PAS NI 'DI SKAD BSTAN TE, BYANG CHUB SEMS DPA' DBANG PO RNON PO JI LTAR THOS PA DANG, GZUNG BA'I CHOS RNAMS KYI RJES SU 'BRANG BA NI RANG GI BLO'I STOBS KYIS CHOS LA @325A *, ,GNAS PA'I ZHI GNAS DANG LHAG MTHONG BSTAN PAR SKYES PA LA SGOM PAR BYED PA YIN PAS, DE'I PHYIR DE NI PHYIR MI LDOG PA YIN NO ZHES BSTAN TO, ,CHOS LA MI GNAS PA LA BRTEN NAS ZHES BYA BA LA SOGS PAS NI 'DI SKAD BSTAN TE, BYANG CHUB SEMS DPA' DANG PO NYID NAS MDO'I SDE LA SOGS PA'I CHOS NYAN PA DANG 'DZIN PAR MI NUS SHING, DAD PAS GZHAN GYI RKYEN GYIS 'JUG PA NI DBANG PO RTUL PO YIN PAS DE'I PHYIR DE NI GZHAN DAG GIS BSKYOD DU RUNG BA'I PHYIR, BSTAN PA MA YIN NO ZHES BSTAN TO, ,MA 'DRES PA DANG 'DRES PA'I CHOS LA DMIGS PA'I DBYE BA ZHU BA'I PHYIR, BCOM LDAN 'DAS ZHI GNAS DANG LHAG MTHONG NI MA 'DRES PA'I CHOS LA DMIGS PA ZHES KYANG BGYI ZHES BYA BA LA SOGS PA GSOL TO, ,JI LTAR BZUNG BA DANG BSAMS PA'I CHOS RNAMS LAS ZHES BYA BA NI, STONG PA NYID LA SOGS PA'I RNAM PA GANG GIS MDO'I SDE LA SOGS PA'I CHOS BZUNG BA DANG BSAMS PA DE DAG LA ZHI GNAS DANG LHAG MTHONG SGOM PAR BYED PA DE NI MA 'DRES PA'I CHOS LA DMIGS PA'I ZHI GNAS DANG LHAG MTHONG ZHES BYA'O ZHES BSTAN TO, ,MDO'I SDE LA SOGS PA'I CHOS SO SO LA DMIGS PA ZHES BYA BA NI MDO'I SDE LA SOGS PA'I CHOS THA DAD PAR RNAM PAR GNAS PA LA DMIGS PA ZHES BYA BA'I TSIG GO, ,GAL TE MDO'I SDE LA SOGS PA'I CHOS DE NYID CES BYA BA LA SOGS PA LA, CHOS 'DI DAG THAMS CAD NIZ ZHES BYA BA NI MDO'I SDE LA SOGS PA SNGAR BSTAN PA DAG GO, ,DE BZHIN NYID LA GZHOL BA ZHES BYA BA NI DE BZHIN NYID LA 'DUD PA'O, ,DE BZHIN NYID LA 'BAB PA ZHES BYA BA NI DE BZHIN NYID GTZO BOR BYED PA'O, ,DE BZHIN NYID LA BAB PA ZHES BYA BA NI DE BZHIN NYID LA ZHUGS PA ZHES BYA BA'I THA TSIG GO, ,DE DAG GIS NI 'DI SKAD CES, ,CHOS 'DI DAG THAMS CAD NI DE BZHIN NYID DU RO GCIG PA YIN NO ZHES BSTAN TO, ,DE BZHIN NYID CES BYA BA NI CHOS KYI DBYINGS RANG BZHIN GYIS RNAM PAR DAG PA ZHES BYA BA'I THA TSIG GO, ,BYANG CHUB LA GZHOL BA ZHES BYA LA SOGS PA LA BYANG CHUB NI 'JIG RTEN LAS 'DAS PA RNAM PAR RTOG PA'I YE SHES SO, ,GNAS GYUR PA LA GZHOL BA ZHES BYA BA LA SOGS PA LA GNAS NI, SANGS RGYAS KYI CHOS RNAMS KYI STE, SA DANG PHA ROL TU PHYIN PA'I @325B STOBS SO, ,GNAS GYUR PA NI CHOS KYI SKU ZHES BYA'O, ,MDO'I SDE LA SOGS PA'I CHOS 'DI DAG THAMS CAD GCIG TU GYUR PA NI DGE BA'I CHOS ZHES BYA BA LA SOGS PA LA DGE BA'I CHOS ZHES BYA BA NI, RTOGS PA'I GNAS SKABS NA MYA NGAN LAS 'DAS PA'I NGO BO NYID KYIS DON DAM PAR DGE BA DANG, LUNG GI GNAS SKABS NA LAM GYI NGO BO NYID KYIS NGO BO NYID DGE BA DAG GO, ,DPAG TU MED PA ZHES BYA BA NI TSAD MED PA STE, ZAG MPA MED PA'I CHOS KYI DBYINGS NI YONGS SU GCAD DU MED PA'I PHYIR RO, ,GRANGS MED PA ZHES BYA BA NI DPAG TU MED PA DE NYID KYI PHYIR TE, GRANGS LAS YANG DAG PAR 'DAS PA'I PHYIR RO, ,MNGON PAR BRJOD PAS MNGON PAR BRJOD PA ZHES BYA BA NI DE LTAR ZAG PA MED PA'I CHOS MNGON SUM DU BRJOD PAS RJOD PAR BYED PA'O, ,DE NI 'DRES PA'I CHOS LA DMIGS PA'I ZHI GNAS DANG LHAG MTHONG YIN NO ZHES BYA BA NI BSDUS PA'I CHOS LA DMIGS PA'I ZHI GNAS DANG LHAG MTHONG YIN PA'O, ,'DRES PA'I CHOS LA DMIGS PA RNAMS KYIS CHUNG NGU DANG CHEN POR GYU PA DANG TSAD MED PA'I DBYE BA ZHU BA'I PHYIR, BCOM LDAN 'DAS ZHI GNAS DANG LHAG MTHONG NI 'DES PA CHUNG NGU'I CHOS LA DMIGS PA ZHES KYANG BGYI ZHES BYA BA LA SGS PA GSOL TE, BYAMS PA MDO'I SDE NAS ZHES BYA BA LA SOGS PAS NI 'DI SKAD BSTAN TO, ,MDO'I SDE LA SOGS PA'I CHOS GANG YANG RUNG BA DAG GZUNG BA RNAMS KYI DANG PO DANG BAR DANG THA MA GCIG TU BZLUMS TE, YID LA BYED PA'I ZHI GNAS DANG LHAG MTHONG NI 'DRES PA CHUNG NGU'I CHOS LA DMIGS PA YIN PAR RIG PAR BYA STE, CHOS MTHA' DAG LA DMIGS PA LA MA YIN PA'I PHYIR RO ZHES BSTAN TO, ,MDO'I SDE LA SOGS PA DE DAG JI SNYED GZUNG BA DANG ZHES BYA BA LA SOGS PAS NI, MDO'I SDE LA SOGS PA DE DAG THAMS CAD SO SOR GCIG TU BZLUMS TE, YID LA BYED PA NI 'DRES PA CHEN POR GYUR PA'I CHOS LA DMIGS PA'I ZHI GNAS DANG LHAG MTHONG YIN PAR RIG PAR BYA STE, MDO'I SDE LA SOGS PA'I CHOS MTHA' DAG LA DMIGS PA'I PHYIR RO ZHES BSTAN TO, ,DE BZHIN GSHEGS PA RNAMS KYI CHOS BSTAN PA TSAD MED PA RNAMS DANG ZHES BYA BA LA SOGS PAS NI 'DI SKAD BSTAN TE, DE BZHIN GSHEGS PA'I 0BSTAN PA DMIGS PA THAMS CAD @326A *, ,KYI PHYIR, THAMS CAD DANG DUS THAMS CAD DU GDUL BA'I SKYE BO THAMS CAD KYI BSAM PA YANG DAG PAR MGU BAR BYED PAS, 'JUG PA GANG YIN PA LA NI TSAD MED DO ZHES BSTAN TO, ,CHOS KYI TSIG DANG YI GE TSAD MED PA RNAMS DANG, GONG NAS GONG DU SHES RAB DANG SPOBS PA TSAD MED PA RNAMS KYANG DE BZHIN NO, ,GCIG TU BZLUMS TE ZHES BYA BA NI CHOS RNAMS KYI CHOS NYID DMIGS SU MED PA NYID KYIS, RO GCIG PAR BYED PA'I ZHI GNAS DANG LHAG MTHONG NI, 'DRES PA TSAD MED PA'I CHOS LA DMIGS PA YIN PAR RIG PAR BYA'O ZHES BYA BA'I THA TSIG GO, ,BCOM LDAN 'DAS BYANG CHUB SEMS DPA' JI TZAM GYIS NA ZHES BYA BA LA SOGS PAS NI DE'I 'THOB PA'I RGYU ZHUS PA YIN NO, ,BYAMS PA DE NI RGYU LNGAS 'THOB PAR RIG PAR 'GYUR BAR BYA STE ZHES BYA BA LA SOGS PAS NI 'THOB PA'I RGYU STON TO, ,YID LA BYED PA'I TSE SKAD CIG SKAD CIG LA GNAS NGAN LEN GYI RTEN THAMS CAD 'JIG PAR BYED PA ZHES BYA BA LA GNAS NGAN LEN NI RNAM PA GNYIS TE, 'DOD CHAGS LA SOGS PA'I NYON MONGS PA'I GNAS NGAN LEN DANG, LTA BA'I RNAM PA'I NYON MONGS PA'I GNAS NGAN LEN TO, ,DE'I RTEN NI KUN GZHI RNAM PAR SHES PA STE, 'DRIS PA'I CHOS LA DMIGS PA'I ZHI GNAS DANG LHAG MTHONG NI GNAS NGAN LEN DE GNYIS KYI GNYEN PO YIN PA'I PHYIR DE'I GNAS 'JIG PAR BYED PA YIN NO, ,'DU SHES SNA TSOGS RNAM PAR SPANGS TE, CHOS KYI KUN DGA' LA DGA' BA THOB PA ZHES BYA BA NI GNAS NGAN LEN GYI SGRIB PA DANG BRAL BA DE'I PHYIR, LUS DANG SEMS SHIN TU SBYANGS PAS, 'DU SHES SNA TSOGS DANG BRAL BA'I CHOS KYI KUN DGA' LA DGA' BA 'THOB PA'O, ,CHOS SNANG BA PHYOGS BCUR TSAD MED CING RNAM PA YONGS SUM CHAD PA YANG DAG PAR SHES PA ZHES BYA BA NI CHOS DPAG TU MED PA LA SHIN TU LEGS PAR REG PA'I PHYIR RO, ,DGOS PA YONGS SU GRUB PA DANG LDAN PA RNAM PAR DAG PA'I CHA DANG MTHUN PA'I MCHAN MA RNAM PAR MA BRTAGS PA RNAMS DE LA KUN DU 'BYUNG BA ZHES BYA BA NI, GANG ZAG DANG CHOS KYI RNAM PA'I LTA BA YONGS SU DAG PA'I PHYIR TE, RNAM PA THAMS CAD MKHYEN PA NYID NI BDAG DANG GZHAN GYI DON PHUN SUM TSOGS PAR BYED PA'I RGYU YIN PA'I PHYIR, DGOS PA YONGS SU GRUB PA DAG YIN NO, ,DE'I CHA @326B NI RTOGS PA STE, DE DANG MTHUN PA'I MTSAN MA RNAM PA MA BRTAGS PA DAG RANG GI DANG GIS KUN DU 'BYUNG BA'O, ,CHOS KYI SKU THOB PA DANG YONGS SU RDZOGS PA DANG YONGS SU GRUB PAR BYA BA'I PHYIR, RGYU GONG MA BAS CHES GONG MA BZANG PO BAS CHES BZANG PO YANG DAG PAR YONGS SU 'DZIN PAR BYED PA ZHES BYA BA LA SA DANG PO LA NI CHOS KYI SKU RTOGS PA YIN NO, ,SA GSUM PA LA NI 'THOB PO, ,SA BCU PA LA NI YONGS SU RDZOGS SO, ,DE BZHIN GSHEGS PA'I SA LA NI YONGS SU 'GRUB STE, MTHAR THUG PAR GYUR PA'I PHYIR RO, ,RGYU ZHES BYA BA NI SA DANG PHA ROL TU PHYIN PA BSGOMS PAS NGES PAR 'BYUNG BA'O, ,GONG MA BAS CHES GONG MA BZANG PO BAS CHES BZANG PO ZHES BYA BA NI, RTOG PA BAS 'THOB PA DANG 'THOB PA BAS YONGS SU RDZOGS PA DANG, YONGS SU RDZOGS PAS YONGS SU GRUB PA CHES GONG MA BAS GONG MA DANG, CHES BZANG PO BAS CHES BZANG PO YIN PA'O, ,YANG DE GNYIS KYI DBYE BA ZHU BA'I PHYIR, BCOM LDAN 'DAS JI LTAR NA ZHES BYA BA LA SOGS PA GSOL TO, ,RTOG PA DANG BCAS SHING DPYOD PA DANG BCAS PA'I TING NGE 'DZIN ZHES BYA BA LA SEMS RAGS PA NYID NI RTOG PA'O, ,ZHIB BA NYID NI DPYOD PA'O, ,JI LTAR GZUNG ZHING ZHES BYA BA LA SOGS PA LA DE DAG GI MTSAN MA ZHES BYA BA NI, MDO SDE LA SOGS PA'I CHOS JI LTAR GZUNG ZHING BRTAG PA DANG DPYAD PA DAG GI MTSAN MA DMIGS PAR GYUR PA, GSAL ZHING RAGS PAR MYONG BA'I RJES SU DPYOD PA'I ZHI GNAS DANG LHAG MTHONG GANG YIN PA DE NI RTOG PA DANG BCAS SHING DPYOD PA DANG BCAS PA'I TING NGE 'DZIN YIN NO ZHES BSTAN PA'O, ,DE DAG NYID KYI MTSAN MA ZHES BYA BA LA SOGS PA LA, DE DAG NYID CES BYA BA DES NI MDO'I SDE LA SOGS PA'I CHOS JI LTAR BZUNG ZHING BRTAG PA DANG, DPYAD PA DAG GI MTSAN MA BZUNG NGO, ,DE LA NI RTOG PA MED PA'I PHYIR GSAL ZHING RAGS PA'I MTSAN MA MED DE, DE SNANG BA 'OL PHYIR DRAN PA TZAM PHRA MO MYONG BA'I RJES SU DPYOD PA'I ZHI GNAS DANG LHAG MTHONG GANG YIN PA DE NI RTOG PA MED CING DPYOD PA TZAM GYI TING NGE 'DZIN YIN NO ZHES STON TO, ,DE DAG GI MTSAN MA LA THAMS CAD KYI THAMS CAD DU ZHES BYA BA LA SOGS PA LA DE DAG GI MTSAN MA LA THAMS CAD KYI THAMS CAD DU LHUN GYIS GRUB PAR ZHES BYA BA NI, SEMS @327A *, ,KYI RGYUD GCIG TU GYUR PA'I PHYIR DANG, RTOG PA DANG DPYOD PA NYE BAR ZHI BA'I PHYIR, MDO'I SDE LA SOGS PA'I CHOS KYI MTSAN MA GZUNG BA MED PAR LHUN GYIS GRUB PAR CHOS MYONG BA'I YID LA BYED PAS RNAM PAR DPYOD PAS ZHI GNAS DANG LHAG MTHONG GANG YIN PA DE NI, RTOG PA MED PA DANG DPYOD PA MED PA'I TING NGE 'DZIN YIN NO ZHES BSTAN TO, ,YANG YONGS SU TSOL BA LAS BYUNG BA'I ZHES BYA BA LA SOGS PAS NI, RTOG PA DANG BCAS SHING DPYOD PA DANG BCAS PA'I SA LA, CHOS RNAMS KYI KUN RDZOB DANG DON DAM PA'I BDEN PA YONGS SU TSOL BA LAS BYUNG BA'I ZHI GNAS DANG LHAG MTHONG GANG YIN PA DE NI RTOG PA DANG BCAS SHING DPYOD PA DANG BCAS PA'I TING NGE 'DZIN YIN NO ZHES BSTAN TO, ,SO SOR RTOG PA LAS BYUNG BA GANG YIN PA DE NI RTOG PA MED CING DPYOD PA TZAM GYI TING NGE 'DZIN YIN NO ZHES BYA BA NI MDO'I SDE LA SOGS PA'I CHOS LA ZHIB TU SO SOR RTOG PA'I PHYIR RO,, 'DRES PA'I CHOS LA DMIGS PA'I ZHI GNAS DANG LHAG MTHONG GANG YIN PA DE NI RTOG PA MED PA DANG, DPYOD PA MED PA'I TING NGE 'DZIN YIN NO ZHES BYA BA NI CHOS THAMS CAD DE BZHIN NYID DU RO GCIG PAS, LHUN GYIS GRUB PAR 'JUG PA'I PHYIR RO, ,BCOM LDAN 'DAS ZHI GNAS KYI RGYU MTSAN NI GANG LAGS ZHES BYA BA LA SOGS PAS NI ZHI GNAS DANG LHAG MTHONG RAB TU 'DZIN PA DANG, BTANG SNYOMS KYI RGYU MTSAN ZHUS SO, ,BYAMS PA SEMS RGOD PA'AM ZHES BYA BA LA SOGS PA LA RGOD PA ZHES BYA BA NI NYE BAR MA ZHI BA'O, ,RGOD DU DOGS PA ZHES BYA BA NI 'PHRO BA'I BSAM PA'O, ,KUN DU SKYO BAR 'GYUR BA DANG MTHUN PA'I CHOS RNAMS ZHES BYA BA NI SDUG BSNGAL DANG KUN 'BYUNG BA'I RNAM PA DAG GO, ,BAR CHAD MED PA'I SEMS DE ZHES BYA BA NI SEMS YUL RNAMS LA MI DMIGS PA'O, ,BYAMS PA SEMS BYING NGAM ZHES BYA BA LA SOGS PA LA, SEMS BYING ZHES BYA BA NI RMUGS PA DANG GNYID KYIS NYAMS PAR BYAS PA'O, ,BYING DU DOGS PA ZHES BYA BA NI BYING BA'I RJES SU MTHUN PA'O, ,MNGON PAR DGA' BA DANG MTHUN PA'I CHOS RNAMS ZHES BYA BA NI 'GOG PA DANG LAM GYI RNAM PA DAG GO, ,SEMS KYI MTSAN MA DE ZHES BYA BA NI, MNGON PAR DGA' BAR 'GYUR BA DANG MTHUN PA'I CHOS RNAMS @327B LA DMIGS PA'I SEMS KYI MTSAN MA ZHES BYA BA'I THA TSIG GO, ,ZHI GNAS KYI RGYU MTSAN DANG RAB TU 'DZIN PA'I RGYU MTSAN RNAM PAR BSHAD NAS, BYAMS PA'I ZHI GNAS LA GCIG TU NGES PA 'AM, LHAG MTHONG LA GCIG TU NGES PA 'AM, ZUNG DU 'BREL PA'I LAM YANG RUNG STE ZHES BYA BAS BTANG SNYOMS KYI RGYU MTSAN STON TO, ,DE GNYI GA'I NYE BA'I NYON MONGS PAS NYE BAR NYON MONGS PA MED PA ZHES BYA BAS NI LAM RNAM PA GSUM PO DE DAG GI BYE BRAG BSTAN TE, RGOD PA DANG 'GYOD PA DANG RMUGS PA DANG GNYID KYIS NYAMS PAR MA BYAS PA'I LAM LA, SEMS RANG GI NGANG GIS 'JUG PA NA YID LA BYED PA LHUN GYIS GRUB PA GANG YIN PA DE NI BTANG SNYOMS KYI RGYU MTSAN ZHES BYA'O ZHES BSTAN TO, ,BCOM LDAN 'DAS BYANG CHUB SEMS DPA' ZHI GNAS DANG LHAG MTHONG BSGOM PA CHOS SO SO YANG DAG PAR RIG PA DANG, DON SO SO YANG DAG PAR RIG PA LAGS NA, JI LTAR CHOS SO SO YANG DAG PAR RIG PA LAGS, JI LTAR DON SO SO YANG DAG PAR RIG PA LAGS ZHES ZHUS PAS DE NI, CHOS DANG DON GYI NGO BO NYID KYI RAB TU DBYE BA ZHUS SO, ,CHOS NI GNAS YIN LA, DON NI GNAS YIN PA DE'I PHYIR, BYAMS PA RNAM PA LNGAS CHOS SO SO YANG DAG PAR RIG PA YIN TE ZHES BYA BA LA SOGS PAS GNAS SU GYUR PA'I CHOS KYI RAB TU DBYE BA DANG POR BKA' STZAL TO, ,CHOS KYI NGO BO NYID KYANG RNAM PA GNYIS TE, BSHAD PA'I CHOS DANG RTOGS PA'I CHOS SO, ,BSHAD PA'I CHOS NI RTOGS PA'I CHOS KYI RTZA BA YIN PA'I PHYIR DANG, BSHAD PA'I CHOS KYANG MING DANG TSIG 'BRU DANG, SO SO BA DANG, BSDUS PA'I NGO BO NYID YIN PA'I PHYIR, MING DANG ZHES BYA BA LA SOGS PA BSTAN TO, ,MING GANG ZHE NA, KUN NAS NYON MONGS PA DANG RNAM PAR BYANG BA'I CHOS RNAMS LA NGO BO NYID DANG BYE BRAG GI MING DU BYA BAR BTAGS PA GANG YIN PA'O ZHES BYA BA LA KUN NAS NYON MONGS PA NI 'DOD CHAGS LA SOGS PA'O, , RNAM PAR BYANG BA PA NI DAD PA LA SOGS PA'O, ,DE DAG LA 'DOD CHAGS ZHES BYA BA DANG, DAD PA ZHES BYA BA NI NGO BO NYID KYI MING DU BYA BAR BTAGS PA YIN NO, ,'DOD CHAGS DE YANG YONGS SU SHES PAR BYA BA ZHE 'AM, SPANG BAR BYA BA ZHES BYA BA NI BYE BRAG GI MING DU BYA BAR BTAGS PA YIN NO, ,DE BZHIN @328A *, ,DU DAD PA YANG BSGOM PAR BYA BA ZHE 'AM, LAN MANG DU BYA BA ZHES BYA BA NI BYE BRAG GI MING DU BYA BAR BTAGS PA YIN TE, DE NI MING YIN NO, ,TSIG GANG ZHE NA, KUN NAS NYON MONGS PA DANG RNAM PAR BYANG BA PA'I DON RJES SU THA SNYAD BTAGS PA'I PHYIR, GNAS DANG RTEN MING DE DAG NYID KYI TSOGS LA BRTEN PA GANG YIN PA'O ZHES BYA BA LA 'DI LTA STE, 'DOD PA DANG GZUGS DANG GZUGS MED PA'I 'DOD CHAGS SPANG BAR BYA BA ZHES BYA BA NI MING RNAMS KYI TSOGS SO, ,RNAM PAR BYANG BA PA'I MING GI TSOGS KYANG DE BZHIN DU BSTAN PAR BYA STE, 'DI LTA STE SEMS CAN MED PA'I LAS DANG 'BRAS BUR 'BREL BA LA, DAD PA NI DGE BA YIN NO ZHES BYA BA LTA BU'O, ,YI GE GANG ZHE NA DE GNYI GA'I GNAS KYI YI GE'I 'BRU GANG YIN PA'O ZHES BYA BA NI MING DANG TSIG GI GNAS SU GYUR PA NI YI GE'I 'BRU YIN NO ZHES BYA BA'I THA TSIG GO, ,DE DAG SO SO LAS SO SO YANG DAG PAR RIG PA GANG ZHE NA, MA 'DRES PA LA DMIGS PA'I YID LA BYED PAS SO SO YANG DAG PAR RIG PA GANG YIN PA'O ZHES BYA BAS NI 'DI SKAD BSTAN TE, MING DANG TSIG DANG YI GE BKOD PA KHYAD PAR DU 'PHAGS PA'I MDO SDE LA SOGS PA'I CHOS KYI TSIG SO SOR NGES PAR 'DZIN PAR BYED PA YIN NO ZHES BSTAN TO; ,BSDUS PA LAS SO SO YANG DAG PAR RIG PA GANG ZHE NA, 'DRES PA LA DMIGS PA'I YID LA BYED PAS SO SO YANG DAG PAR RIG PA GANG YIN PA'O ZHES BYA BAS NI MDO'I SDE LA SOGS PA'I CHOS BSDUS PA DE DAG NYID GCIG TU BYAS TE NGES PAR 'DZIN PAR BYED PA YIN NO ZHES BSTAN TO, , BYANG CHUB SEMS DPA' ZHI GNAS DANG LHAG MTHONG BSGOM PA JI LTAR CHOS SO SO YANG DAG PAR RIG PA YIN PA DE LTAR RNAM PAR BSHAD NAS RNAM PA DU DAG GIS DON SO SO YANG DAG PAR RIG PA BSTAN PA'I PHYIR, BYANG CHUB SEMS DPA' RNAM PA BCUS DON SO SO YANG DAG PAR RIG PA YIN TE, JI SNYED YOD PA NYID DANG ZHES BYA BA LA SOGS PA RGYA CHER GSUNGS SO, ,BYAMS PA DE LA KUN NAS NYON MONGS PA DANG RNAM PAR BYANG BA PA'I CHOS RNAMS LA RNAM PA RAB TU DBYE BA THAMS CAD KYI MTHAR THUG PA GANG YIN PA DE NI JI SNYED YOD PA NYID YIN TE ZHES BYA BA LA KUN NAS NYON MONGS PA LA NI 'DOD @328B CHAGS LA SOGS PA'O, ,RNAM PAR BYANG BA PAS NI DAD PA LA SOGS PA STE, KUN NAS NYON MONGS PA DANG, RNAM PAR BYANG BA PA DE DAG GI GRANGS KYI RNAM PA JI SNYED YOD PA DE DAG GI RNAM PAR RAB TU DBYE BA'I MTHAR THUG PAR GYUR PA DE NI JI SNYED YOD PA NYID YIN NO, ,'DI LTA STE ZHES BYA BA LA SOGS PAS NI, PHUNG PO RNAMS KYI NI PHUNG PO LNGA PO DAG GIS KUN NAS NYON MONGS PA DANG, RNAM PAR BYANG BA'I PHUNG PO RNAMS LHAG CHAD MED PAR BSDUS PA'I PHYIR RO, ,NANG GI SKYE MCHED DRUG PO DAG GIS NI ZAB PO BSTAN TO, ,PHYI ROL GYI SKYE MCHED DRUG PO DAG GIS NI LONGS SPYOD PA BSTAN TO ZHES BYA BA LA SOGS PA'O ZHES BYA BA NI DBANG PO LA SOGS PA GRANGS LNGAS BSDUS PA DAG KYANG GZUNG BAR BYA'O, ,JI SNYED YOD PA NYID CES BYA BA NI CHOS JI SNYED YOD PA GANG DAG GIS KUN NAS NYON MONGS PA 'AM, RNAM PAR BYANG BA PA YOD PAR SRID PA NYID NI JI SNYED PA NYID CES BYA'O, ,BYAMS PA DE LA KUN NAS NYON MONGS PA DANG RNAM PAR BYANG BA PA'I CHOS DE DAG NYID KYI DE BZHIN NYID GANG YIN PA DE NI JI LTA BA BZHIN DU YOD PA NYID YIN TE ZHES BYA BAS NI 'DI SKAD BSTAN TE, KUN NAS NYON MONGS PA DANG RNAM PAR BYANG BA PA'I CHOS GANG DAG LA RNAM PAR DPYAD PA'I GNAS SKABS NA JI LTA BA BZHIN DU PHYIN CI MA LOG PA YOD PAR SRID PA NYID NI JI LTA BA BZHIN DU YOD PA NYID YIN NO ZHES BSTAN TO, ,DE YANG RNAM PA BDUN TE ZHES BYA BAS NI YANG RAB TU DBYE BA BSTAN TO, ,'BYUNG BA'I DE BZHIN NYID NI ZHES BYA BA LA NYON MONGS PA DANG LAS DANG SKYE BA'I RGYUN GYIS 'JUG PA NI 'BYUNG BA YIN NO, ,DE BZHIN NYID CES BYA BA NI RNAM PA DES GZHAN DU MA YIN TE, PHYIN CI MA LOG PA'I NGO BO NYID BSTAN PA'O, ,'DU BYED RNAMS KYI THOG MA DANG THA MA MED PA NYID GANG YIN PA'O ZHES BYA BAS NI, SNGON GYI MTHA' DANG PHYI MA'I MTHA' MED PA STON TO, ,MTSAN NYID KYI DE BZHIN NYID NI CHOS THAMS CAD KYI GANG ZAG LA BDAG MED PA DANG, CHOS LA BDAG MED PA GANG YIN PA'O ZHES BYA BA LA, CHOS THAMS CAD CES BYA BA NI 'DUS BYAS DANG 'DUS MA BYAS SO, ,DE LA RE ZHIG 'DUS BYAS RNAMS LA NI RDUL PHRA RAB RE RE DANG SEMS DANG SEMS LAS BYUNG BA MTHA' DAG LA GANG ZAG MED DO, ,'DUS MA BYAS NAM @329A *, ,MKHA' DANG SO SOR BRTAGS TE 'GOG PA DANG, SO SOR BRTAGS PA MA YIN PA'I 'GOG PA DAG LA YANG GANG ZAG MED PAS, DE'I PHYIR CHOS RNAMS KYI MTSAN NYID NI GANG ZAG LA BDAG MED PA YIN NO, ,RNAM PAR RIG PA'I DE BZHIN NYID NI 'DU BYED RNAMS KYI RNAM PAR RIG PA TZAM NYID GANG YIN PA'O ZHES BYA BA NI NANG DANG PHYI ROL GYI DNGOS PO RNAMS RNAM PAR RIG PA TZAM GYIS RAB TU PHYE BA YIN PA'I PHYIR RO, ,GNAS PA'I DE BZHIN NYID NI NGAS SDUG BSNGAL GYI BDEN PA BSTAN PA GANG YIN PA'O ZHES BYA BA LA GNAS PA ZHES BYA BA NI BDAG PO MED PA'I CHOS RNAMS DUS LA SOGS PAR GNAS PA'O, ,DE DAG THAMS CAD NI 'PHAGS PA RNAMS LA SDUG BSNGAL BAR BDEN TE MI MTHUN PA'I PHYIR RO, ,LOG PAR BSGRUB PA'I DE BZHIN NYID NI NGAS KUN 'BYUNG BA'I BDEN PA BSTAN PA GANG YIN PA'O ZHES BYA BA LA LOG PAR BSGRUB PA NI BDAG MED PA LA BDAG TU RMONGS PA LA SOGS PA'I NGO BO NYID YIN PA'I PHYIR MNGON PAR 'GRUB PA DANG SKYE BA'I SDUG BSNGAL GYI RGYU YIN PA'O, ,RNAM PAR DAG PA'I DE BZHIN NYID NI NGAS 'GOG PA'I BDEN PA BSTAN PA GANG YIN PA'O ZHES BYA BA NI DE YANG DAG PA MA YIN PA'I KUN RTOG PA GLO BUR 'GAGS PA YIN PAS RNAM PAR DAG PA YIN NO, ,YANG DAG PAR GRUB PA'I DE BZHIN NYID NI LAS LAM GYI BDEN PA BSTAN PA GANG YIN PA'O ZHES BYA BA LA YANG DAG PAR BSGRUBS PA NI LOG PAR BSGRUB PA'I GNYEN PO YIN PA'I PHYIR, BDAG TU RMONGS PA LA SOGS PA NYE BAR ZHI BA'I LAM RNAM PAR DAG PA YIN NO, ,BYAMS PA DE LA ZHES BYA BA LA SOGS PAS NI DE BZHIN NYID DE DAG GI KHYAD PAR GYI TSUL BSTAN TE, 'BYUNG BA'I DE BZHIN NYID GANG YIN PA DANG ZHES BYA BA LA SOGS PAS RGYA CHER GSUNGS PA NI, SEMS CAN THAMS CAD NI 'JIG TSOGS LA LTA BA'I BAG CHAGS BRTAS PA'I PHYIR, 'BYUNG BA'I DE BZHIN NYID LA SOGS PAS, MTSUNGS SHING MNYAM MO ZHES BSTAN TO, ,MTSAN NYID KYI DE BZHIN NYID GANG YIN PA DANG RNAM PAR RIG PA'I DE BZHIN NYID GANG YIN BDE NI CHOS THAMS CAD MTSUNGS SHING MNYAM MO ZHES BYA BA NI CHOS THAMS CAD NI GANG ZAG LA BDAG MED PA'I @329B MTSAN NYID YIN PA'I PHYIR DANG, RNAM PAR RIG PA TZAM GYIS RAB TU PHYE BA YIN PA'I PHYIR RO, ,BYAMS PA DE LA ZHES BYA BA LA SOGS PAS NI BYANG CHUB GSUM PO DAG GO, ,RNAM PAR DAG PA'I DE BZHIN NYID KYIS MTSUNGS SHING MNYAM PAR STON TE, DE DAG GI 'GOG PA'I NGO BO NYID KYIS MTSUNGS PA'I PHYIR RO, ,DE DAG MTSANGS NA CI'I PHYIR, SANGS RGYAS KYI RNAM PAR GROL BAS NI CHOS KYI SKU'I MTSAN NYID KYIS SEMS CAN GYI DON LA 'JUG PAR 'GYUR LA NYAN THOS DANG RANG SANGS RGYAS KYI RNAM PAR GROL BAS MA YIN ZHE NA, SANGS RGYAS KYIS RNAM PAR GROL BA NI SNGON GYI SMON LAM GYI SHUGS KYI DBANG GIS SNA TSOGS YIN LA, NYAN THOS LA SOGS PA'I RNAM PAR GROL BA NI MA YIN TE, DPER NA GOS MDUD PA DANG MA MDUD PA DAG MTSUNGS PAR TSON KYI SNOD DU BCUG KYANG, SHUGS KYI DBANG GIS NA MDUD PA RNAMS LA NI TSON BKRA BAR SNANG LA MA MDUD PA RNAMS LA NI MA YIN NO, ,DE BZHIN DU MYA NGAN LAS 'DAS PA'I TSON RTZI'I SNOD LTA BUR MTSUNGS PAR BCUG KYANG SANGS RGYAS KYI MYA NGAN LAS 'DAS PA NI SHUGS KYI DBANG GIS NA SNA TSOGS KHO NA YIN LA, NYAN THOS LA SOGS PA'I MYA NGAN LAS 'DAS PA NI MA YIN TE, DE BAS NA DE DAG GI RNAM PAR DAG PA MNYAM PA NYID NI RNAM PAR GROL BA LA THUN MONG BA'I DBANG DU BYAS PA KHO NA YIN GYI CHOS KYI SKUS NI MA YIN NO, ,BYAMS PA DE LA YANG DAG PAR SGRUB PA'I DE BZHIN NYID DES NI ZHES BYA BA LA SOGS PAS NI THOS PA 'DRES PA LA DMIGS PA'I ZHI GNAS DANG LHAG MTHONG GIS BSDUS PA'I SHES RAB MTSUNGS SHING MNYAM STE, SHES RAB NI GTI MUG THAMS CAD KYI GNYEN PO YIN PA'I PHYIR, YANG DAG PAR SGRUB PA'I DE BZHIN NYID KYIS JI LTA BA BZHIN DU YOD PA NYID MTSUNGS SHING MNYAM MO ZHES BSTAN TO, ,'DZIN PA'I DON GYI DBANG DU MDZAD NAS BYAMS PA DE LA, 'DZIN PA'I DON NI SKYE MCHED GZUGS CAN LNGA DANG ZHES BYA BA LA SOGS PA GSUNGS TE, GZUGS CAN LNGA NI MIG LA SOGS PA LNGA STE GZUGS KYI PHUNG POS BSDUS PA YIN PA'I PHYIR RO, ,SEMS DANG YID DANG RNAM PAR SHES PA DANG SEMS LAS @330A *, ,BYUNG BA'I CHOS RNAMS KYANG 'DZIN PA'I DON GYI DBANG DU BYAS PA KHO NA YIN TE, SEMS NI KUN GZHI RNAM PAR SHES PAS SO, ,YID NI NYON MONGS PA CAN NO, ,RNAM PAR SHES PA NI 'JUG PA'I RNAM PAR SHES PA DRUG GO, ,SEMS LAS BYUNG BA NI TSOR BA LA SOGS PA'O, ,DE DAG NI 'DZIN PA YIN TE, DMIGS PA DANG BCAS PA'I RNAM PA YIN PA'I PHYIR RO, ,'DZIN PA'I DON BSHAD NAS GZUNG BA'I DON GYI DBANG DU MDZAD NAS, BYAMS PA DE LA GZUNG BA'I DON NI ZHES BYA BA LA SOGS PA GSUNGS SO, ,PHYI ROL GYI SKYE MCHED DRUG PO DAG CES BYA BA NI, GZUGS DANG, SGRA DANG, DRI DANG, RO DANG, REG BYA DANG CHOS RNAMS TE GZUNG BA YIN NO, ,CHOS THAMS CAD YID KYIS RNAM PAR SHES PA'I GZUNG BA YIN PAR BSTAN PA'I PHYIR, BYAMS PA YANG 'DZIN PA'I DON GANG YIN PA DE NI GZUNG BA'I DON KYANG YIN NO ZHES GSUNGS SO, ,GZUNG BA'I DON BSTAN NAS, GNAS KYI DON BSTAN PA'I PHYIR BYAMS PA DE LA GNAS KYI DON NI ZHES BYA BA LA SOGS PA RGYA CHER GSUNGS SO, ,GRONG TSIGS DANG GRONG TSIGS RGYA ZHES BYA BA LA SOGS PA BSTAN PA NI 'JIG RTEN GYI KHAMS DPAG TU MED PA MNGON PAR BSGRUB PA'I RGYU YIN NO, ,GNAS KYI DON RNAM PAR BSHAD NAS LONGS SPYOD KYI DON BSTAN PA'I PHYIR, BYAMS PA DE LA LONGS SPYOD KYI DON NI ZHES BYA BA LA SOGS PA GSUNGS SO, ,YONGS SU SPYOD PAR BYA BA'I PHYIR ZHES BYA BA NI SKYES PA DANG BUD MED KYI BSNYEN BKUR LA SOGS PA'I LONGS SPYOD PA'I PHYIR RO, ,YOD BYAD CES BYA BA NI GOS LA SOGS PA STE, BYANG CHUB SEMS DPA' DON SO SO YANG DAG PAR RIG PAS NI THAMS CAD RAB TU DBYE BAR BYA DGOS PA'I PHYIR RO, ,LONGS SPYOD KYI DON RNAM PAR BSHAD PA'I 'OG TU PHYIN CI LOG GI DON BSTAN PA'I PHYIR, BYAMS PA DE LA PHYIN CI LOG GI DON NI ZHES BYA BA LA SOGS PA GSUNGS SO, ,'DZIN PA LA SOGS PA'I DON DE DAG NYID LA ZHES BYA BA NI SNGAR BSTAN PA DAG LA'O, ,PHYIN CI LOG CES BYA BA DAG NI BDEN PA DAG LA LOG PA'I RNAM PAR LTA BA'O, ,RTEN CING 'BREL PAR 'BYUNG BA GZUNG BA DANG, @330B 'DZIN PA'I MI RTAG PA LA SOGS PA'I NGO BO NYID DAG LA, RTAG PA LA SOGS PAR SGRO 'DOGS PA NI 'DU SHES PHYIN CI LOG YIN NO, ,'DU SHES DANG SEMS PHYIN CI LOG GNYIS KYIS LTA BA'I PHYIN CI LOG KUN NAS SLONG BA'I PHYIR, YANG DAG PA'I LTA BAS DE DAG SPONG NGO, ,PHYIN CI LOG GI DON RNAM PAR BSHAD NAS PHYIN CI MA LOG PA'I DON BSTAN PA'I PHYIR, BYAMS PA DE LA PHYIN CI MA LOG PA'I DON NI ZHES BYA BA LA SOGS PA GSUNGS SO, ,DE LAS BZLOG PA STE, DE'I GNYEN PO YIN PAR RIG PAR BYA'O ZHES BYA BA NI 'DZIN PA LA SOGS PA'I DON MI RTAG PA DAG LA MI RTAG PAR LTA BA DANG, 'PHAGS PA DANG MI MTHUN PA SDUG BSNGAL BA'I NGO BO NYID DAG LA SDUG BSNGAL BAR LTA BA DANG, MI GTZANG BA'I NGO BO NYID DAG LA MI GTANG BAR LTA BA DANG, BDAG MED PA RKYEN LA RAG LAS PA DAG LA BDAG MED PAR LTA BA STE, GNYEN PO THOB PAS LTA BA PHYIN CI LOG DANG BRAL NA 'DU SHES DANG SEMS PHYIN CI LOG DAG DANG YANG BRAL BAR 'GYUR RO, PHYIN CI MA LOG PA'I DON GYI 'OG TU KUN NAS NYON MONGS PA'I DON BSTAN PA'I PHYIR, BYAMS PA DE LA KUN NAS NYON MONGS PA'I DON NI RNAM PA GSUM STE ZHES BYA BA LA SOGS PA GSUNGS SO; ,GANG ZHE NA KHAMS GSUM PA'I ZHES BYA BA GSUNGS SO, ,GSUM GANG ZHE NA NYON MONGS PA'I KUN NAS NYON MONGS PA DANG LAS KYI KUN NAS NYON MONGS PA DANG SKYE BA'I KUN NAS NYON MONGS PA'O ZHES BYA BA GSUNGS SO, ,SRID PA'I YAN LAG RNAMS LAS MA RIG PA DANG SRED PA DANG LEN PA NI NYON MONGS PA'I KUN NAS NYON MONGS PA'O, ,'DU BYED DANG SRID PA NI LAS KYI KUN NAS NYON MONGS PA'O, ,RNAM PAR SHES PA DANG, MING DANG, GZUGS DANG, SKYE MCHED DRUG DANG, REG PA DANG, TSOR BA DANG, SKYE BA DANG, RGA SHI NI SKYE BA'I KUN NAS NYON MONGS PA YIN NO, , DE LTAR KUN NAS NYON MONGS PA'I DON RNAM PAR BSHAD NAS, RNAM PAR BYANG BA'I DON BSTAN PA'I PHYIR, BYAMS PA DE LA RNAM PAR BYANG BA'I DON NI KUN NAS NYON MONGS PA RNAM PA GSUM PO DE DANG BRAL BAR BYA BA'I PHYIR, BYANG CHUB KYI PHYOGS DANG MTHUN PA'I CHOS GANG YIN PA RNAMS TE, ZHES @331A *, ,BYA BA GSUNGS TE, DRAN PA NYE BAR GZHAG PA LA SOGS PA YIN PAR SHES PAR BYA'O, ,BYAMS PA RNAM PA BCU PO DAG GIS DON THAMS CAD BSDUS PAR RIG PAR BYA'O ZHES BYA BA NI BYANG CHUB SEMS DPA' JI SNYED YOD PA NYID LA SOGS PA BCU PO DE DAG GIS DON SO SOR YANG DAG PAR RIG PA'I PHYIR, DON SO SOR YANG DAG PAR RIG PA ZHES BSTAN TO,, ,,BAM PO GNYIS PA STE THA MA'O, ,YANG RNAM PA LNGA'I DBYE BA BSTAN PA'I PHYIR, BYAMS PA YANG BYANG CHUB SEMS DPAS RNAM PA LNGAS DON SO SO YANG DAG PAR RIG PA YIN TE ZHES BYA BA LA SOGS PA GSUNGS SO, ,DON RNAM PA LNGA GANG ZHE NA ZHES 'DRI BA LA LAN DU, YONGS SU SHES PAR BYA BA'I DNGOS PO DANG, YONGS SU SHES PAR BYA BA'I DON DANG, YONGS SU SHES PA DANG, YONGS SU SHES PA'I 'BRAS BU 'THOB PA DANG DE RAB TU RIG PAR BYED PA'O ZHES GSUNGS TE RNAM PA DE LNGAS KUN BSDUS PA'I PHYIR RO, ,BYAMS PA DE LA YONGS SU SHES PAR BYA BA'I DNGOS PO DE NI SHES BYA THAMS CAD YIN PAR BLTA BAR BYA STE, 'DI LTA STE PHUNG PO RNAMS ZHES BYA BA 'AM ZHES BYA BA LA SOGS PA LA, PHUNG PO LA SOGS PAS NI YONGS SU SHES PAR BYA BA'I DNGOS PO THAMS CAD BSDUS PA'I PHYIR RO, ,BYAMS PA DE LA YONGS SU SHES PAR BYA BA'I DON NI RNAM PA JI SNYED KYI SHES BYA DE JI LTA BA BZHIN SHES PAR BYA BA STE ZHES BYA BAS NI DE RNAM PA JI SNYED CIG GIS YONGS SU SHES PAR BYA ZHING JI LTAR YONGS SU SHES PAR BYA ZHES YONGS SU SHES PAR BYA BA'I DON TO, ,'DI LTA STE, KUN RDZOB DANG ZHES BYA BA LA SOGS PA RGYA CHER GSUNGS PA LA, KUN RDZOB DANG DON DAM PA ZHES BYA BA NI SANGS RGYAS RNAMS NI BDEN PA GNYIS LA BRTEN TE STON PAR MDZAD PA'I PHYIR RO, ,SKYON ZHES BYA BA NI KUN NAS NYON MONGS PA'I SKYON BRJOD PA'I PHYIR RO, ,YON TAN ZHES BYA BA NI RNAM PAR BYANG BA'I YON TAN BRJOD PA'I PHYIR RO, ,RKYEN ZHES BYA BA NI KUN NAS NYON MONGS PA DANG, RNAM PAR BYANG BA DE DAG RANG GI RGYU KHO NA LAS BYUNG GI ,DBANG PHYUG LA SOGS PA LAS MA YIN PA'O, ,DUS ZHES BYA BA NI DE DAG @331B KYANG 'DAS PA DANG MA 'ONGS PA DANG DA LTAR BYUNG BA'I DUS SU GTOGS PA'O, ,SKYE BA DANG GNAS PA DANG 'JIGS PA'I MTSAN NYID CES BYA BA NI YONGS SU SHES PAR BYA BA'I DON LA SOGS PA 'DUS BYAS KYI MTSAN NYID KYI RKYEN RNAMS KYIS RAB TU PHYE BA'O, ,NAD LA SOGS PA ZHES BYA BA NI SDUG BSNGAL BAR RO, ,SDUG BSNGAL DANG KUN 'BYUNG LA SOGS PA ZHES BA BA NI NYAN THOS KYI THEG PA LA'O, ,DE BZHIN NYID CES BYA BA LA SOGS PA NI THEG PA CHEN PO LA'O, ,BSDU BA DANG DBYE BA ZHES BYA BA NI DE DAG KYANG MDOR BSDU BA DANG, RGYA CHER BYA BA GNYIS KYIS STON PAR MDZAD PA PA'O; ,DE DAG GI LAN 'DEBS NA YANG, MGO GCIG TU LAN GDAB PA LA SOGS PAS LAN 'DEBS PAR MDZAD DE, CI NAS SEMS CAN THAMS CAD 'CHI BAR 'GYUR RAM ZHES DRIS NA, 'CHI BAR 'GYUR RO ZHES MGO GCIG TU LAN GDAB PAR BYA'O, ,RNAM PAR DBYE ZHING LAN GDAB PA NI SHI BA THAMS CAD SKYE BAR 'GYUR ZHES DRIS NA, SEMS CAN GANG DAG NYON MONGS PA DANG BCAS PA DE DAG NI SKYE BAR 'GYUR LA, NYON MONGS PA MED PA RNAMS NI SKYE BAR MI 'GYUR RO ZHES RNAM PAR DBYE ZHING LAN GDAB PAR BYA'O, ,DRIS TE LAN GDAB PA NI CI MI RNAMS KHYAD PAR DU 'PHAGS PA YIN NAM 'ON TE DMAN PA YIN ZHES DRIS NA, DE DAG GANG LA LTOS TE 'DRI, GAL TE NGAN SONG BA DAG LA LTOS TE 'DRI NA NI DE DAG PAS KHYAD PAR DU 'PHAGS PA YIN NO ZHES BRJOD PAR BYA DGOS LA, 'ON TE LHA RNAMS LA LTOS TE 'DRI NA NI DMAN PA YIN NO ZHES BRJOD PAR BYA DGOS PAS DRIS TE LAN GDAB PAR BYA'O, ,GZHAG PA ZHES BYA BA NI CI PHUNG PO RNAMS DANG BDAG GCIG GAM THA DAD CES 'DRI NA, DE NI GZHAG PAR BYA STE, BDAG RDZAS SU MED PA'I PHYIR RO, ,GSANG BA ZHES BYA BA NI SEMS CAN YONGS SU MA SMIN PA DAG LA CHOS ZAB MO GSANG BAR BYA BA'I PHYIR RO, ,BSGRAGS PA ZHES BYA BA NI, DE LAS BZLOG PA'I PHYIR RO, ,DE LTA BU DANG MTHUN PA ZHES BYA BA NI, GANG ZAG GDAGS PA LA SOGS PA GZHAN DAG KYANG YONGS SU SHES PAR BYA BA'I DON YIN PAR RIG PAR BYA'O, ,JI SNYED KYIS ZHES BYA BA NI KUN RDZOB @332A *, ,LA SOGS PA'I RNAM PA DAG GIS SO, ,JI LTA BA BZHIN ZHES BYA BA NI NYAN THOS KYI THEG PA LA NI SDUG BSNGAL LA SOGS PA'I BDEN PA DAG GIS SO, ,THEG PA CHEN PO LA NI DE BZHIN NYID LA SOGS PA DAG GIS SHES PAR BYA'O, ,BYAMS PA DE LA YONGS SU SHES PA NI DE GNYI GA 'DZIN PAR BYED PA ZHES BYA BA NI YONGS SU SHES PAR BYA BA'I DNGOS PO PHUNG PO LA SOGS PA DANG, YONGS SU SHES PAR BYA BA'I DON JI SNYED YOD PA NYID DANG JI LTA BA BZHIN DU YOD PA NYID LA DMIGS PA NYID KYIS 'DZIN PAR BYED PA BYANG CHUB KYI PHYOGS DANG MTHUN PA'I CHOS DRAN PA NYE BAR GZHAG PA LA SOGS PA NI YONGS SU SHES PA YIN TE, SHES PA'I NGO BO NYID YIN PA'I PHYIR RO, ,YONGS SU SHES PA RNAM PAR BSHAD NAS YONGS SU SHES PA'I 'BRAS BU 'THOB PA BSTAN PA'I PHYIR, BYAMS PA DE LA YONGS SU SHES PA'I 'BRAS BU 'THOB PA NI ZHES BYA BA LA SOGS PA GSUNGS SO, ,'DI LTA STE 'DOD CHAGS DANG ZHE SDANG DANG GTI MUG 'DUL BA ZHES BYA BA NI BDAG DANG GNYI GA'I LUS DANG, TSOR BA DANG SEMS DANG CHOS DRAN PA NYE BAR GZHAG PA LA SOGS PAS, 'DOD CHAGS LA SOGS PA 'DUL BA'O, ,MA LUS PAR SPONG BA ZHES BYA BA NI YONGS SU GTUGS TE SPONG BA'O, ,DGE SBYONG NYID KYI 'BRAS BU RNAMS ZHES BYA BA NI RGYUN DU ZHUGS PA LA SOGS PA BZHI'O, ,NYAN THOS DANG DE BZHIN GSHEGS PA'I YON TAN 'JIG RTEN PA ZHES BYA BA NI BSAM GTAN DANG, TSAD MED PA LA SOGS PA'O, ,'JIG RTEN LAS 'DAS PA ZHES BYA BA NI ZAD PA DANG MI SKYE BA SHES PA LA SOGS PA'O, ,THUN MONG ZHES BYA BA NI NYON MONGS PA MED PA DANG, SMON NAS SHES PA LA SOGS PA'O, ,DE DAG MNGON DU BYA BA GANG YIN PA NI, YONGS SU SHES PA'I 'BRAS BU THOB PA YIN NO, ,YONGS SU SHES PA'I 'BRAS BU THOB PA BSTAN NAS, YONGS SU SHES PA'I 'BRAS BU THOB PA DE RAB TU REG PAR BYED PA BSTAN PA'I PHYIR, BYAMS PA DE RAB TU RIG PAR BYED PA NI ZHES BYA BA LA SOGS PA GSUNGS SO, ,MNGON SUM DU BYAS PA'I CHOS DE DAG NYID LA ZHES BYA BA NI BSTAN MA THAG PA DAG LA'O, ,RNAM PAR GROL BAR SHES PA ZHES BYA BA NI RANG GI @332B RIG PA'O, ,GZHAN DAG LA YANG RGYA CHER STON PA DANG, YANG DAG PAR STON PA ZHES BYA BA NI DE BZHIN GSHEGS PA DANG, THUN MONG LA SOGS PA'I YON TAN RANG GIS MNGON SUM DU BYAS PA DAG GZHAN GYI RGYUD LA GO BAR BYED PA ZHES BYA BA'I THA TSIG GO, ,BYAMS PA DON LNGA PO DE DAG GIS KYANG DON THAMS CAD BSDUS PAR RIG PAR BYA'O ZHES BYA BA BSTAN NAS BYAMS PA YANG BYANG CHUB SEMS DPA' ZHES BYA BA LA SOGS PAS JI LTAR RNAM PA LNGAS DON THAMS CAD SO SO YANG DAG PAR RIG PA DE BZHIN DU, RNAM PA BZHIS DON SO SO YANG DAG PAR RIG PA YIN TE ZHES BYA BAR STON TO, ,DON RNAM PA BZHI GANG ZHE NA ZHES 'DRI BA LA SEMS KYIS LEN PA'I DON DANG, MYONG BA'I DON DANG RNAM PAR RIG PA'I DON DANG KUN NAS NYON MONGS PA DANG, RNAM PAR BYANG BA'I DON GYIS TE ZHES BYA BA LA SOGS PAS, JI LTAR RNAM PA LNGAS DON THAMS CAD SO SO YANG DAG PAR RIG PA DE BZHIN DU RNAM PA BZHIS DON SO SO YANG DAG PAR RIG PA YIN TE ZHES BYA BA BSTAN TE, BZHI GANG ZHE NA ZHES 'DRI BA LA SEMS KYIS LEN PA'I DON DANG, MYONG BA'I DON DANG, RNAM PAR RIG PA'I DON DANG, KUN NAS NYON MONGS PA DANG, RNAM PAR BYANG BA'I DON GYIS TE ZHES BYA BA GSUNGS SO, ,SEMS KYIS LEN PA'I DON NI, KUN GZHI RNAM PAR SHES PA'I BAG CHAGS TE, RGYU NYID YIN PA'I PHYIR RO, ,MYONG BA'I DON DANG NI SEMS DE NYID KYIS BDAG TU RMONGS PA DANG, BDAG TU LTA BA DANG, BDAG TU NGA RGYAL DANG, BDAG LA CHAGS PA DANG, MYONG BA'I DON YIN PA'I PHYIR RO, ,RNAM PAR RIG PA'I DON NI PHYI ROL DU DMIGS PA'I 'JUG PA'I RNAM PAR SHES PA RNAMS KYIS RNAM PAR RIG PA TZAM NYID KYIS GNAS DANG GNAS PA DANG, DMIGS PA'I RNAM PAR GYUR PA THA DAD PA'I DNGOS PO YIN PAR STON TO, ,KUN NAS NYON MONGS PA DANG, RNAM PAR BYANG BA'I DON NI SEMS DE NYID KYI SEMS DANG SEMS LAS BYUNG BA DE DAG GI GNAS DANG GNAS PA DANG, DMIGS PA'I RNAM PA DAG MA RTOGS PA DANG RTOGS PA'O, ,BYAMS PA DON RNAM PA BZHI PO DE DAG GIS KYANG DON THAMS CAD BSDUS PAR RIG PAR BYA'O ZHES BYA @333A *, ,BAS DON THAMS CAD BSDUS PA BSTAN NAS, BYAMS PA YANG ZHES BYA BA LA SOGS PAS, BYANG CHUB SEMS DPA' RNAM PA GSUM GYIS DON SO SO YANG DAG PAR RIG PA YIN TE ZHES BYA BAR STON TO, ,TSIG 'BRU'I DON DANG, DON GYI DON DANG, KHAMS KYI DON GYIS SO ZHES BYA BA LA TSIG 'BRU'I DON NI GNAS SO, ,DON GYI DON NI GNAS PA YIN NO, ,KHAMS KYI DON NI GNYI GA'I DON TO, ,BYAMS PA DE LA DON GYI DON NI RNAM PA BCUR RIG PAR BYA STE ZHES BYA BA LA SOGS PA LA, DE KHO NA'I MTSAN NYID CES BYA BA NI GZUNG BA NYID KYIS SO, ,YONGS SU SHES PA'I MTSAN NYID CES BYA NI 'DZIN PA NYID KYIS SO, ,SPANG BA'I MTSAN NYID CES BYA BA NI BRAL BA NYID KYIS SO, ,MNGON DU BYA BA'I MTSAN NYID CES BYA BA NI 'THYOB PA NYID KYIS SO, ,BSGOM PA'I MTSAN NYID CES BYA BA NI CHUD MI ZA BA'I TSUL GYIS SO, ,DE KHO NA'I MTSAN NYID LA SOGS PA DE DAG NYID KYI RNAM PA RAB TU DBYE BA 'AM MTSAN NYID CES BYA BA NI ME LONG GI DE KHO NA DANG, SNANG BA'I DE KHO NA ZHES BYA BA LA SOGS PA'I RNAM PA RAB TU DBYE BAS SO, ,GNAS DANG GNAS PAR 'BREL PA'I MTSAN NYID CES BYA BA LA GNAS NI DE KHO NA LA SOGS PA'I CHOS SO, ,GNAS PA NI DON TO, ,YONGS SU SHES PA LA SOGS PA'I BAR DU GCOD PA'I MTSAN NYID CES BYA BA NI SGRIB PA LA SOGS PA'O, ,RJES SU MTHUN PA'I MTSAN NYID CES BYA BA NI LEGS PAR THOB PA LA SOGS PA'O, ,YONGS SU MI SHES PA LA SOGS PA'I NYES DMIGS NI BDAG DANG GZHAN GYI DON YONGS SU NYAMS PA'O, ,YONGS SU SHES PA LA SOGS PA'I PHAN YON NI BDAG DANG GZHAN GYI DON PHUN SUM TSOGS PA'O, ,BYAMS PA DE LA KHAMS KYI DON NI KHAMS LNGA STE ZHES BYA BA LA, 'JIG RTEN GYI KHAMS NI SNOD KYI 'JIG RTEN GYIS BSDUS PA STE, DE NI BYANG CHUB SEMS DPA' RNAM PAR SBYANG BAR BYA BA YIN PA'I PHYIR RO, ,SEMS CAN GYI KHAMS NI YONGS SU SMIN PAR BYA BA YIN PA'I PHYIR RO, ,CHOS KYI KHAMS NI RTOGS PAR BYA BA YIN PA'I PHYIR RO, ,GDUL BA'I KHAMS NI YONGS SU SMIN PAR BYAR RUNG BA'I PHYIR RO, ,GDUL BA'I THABS KYI KHAMS NI @333B LEGS PAR BSTAN PA'I DNGOS PO YIN PA'I PHYIR RO, ,BYAMS PA DON RNAM PA GSUM PO DE DAG GIS KYANG DON THAMS CAD BSDUS PAR RIG PAR BYA'O ZHES BYA BA NI DRANG BA'I DON DANG, NGES PA'I DON MA LUS PAR BSDUS PAR BLTA BAR BYA'O, ,BCOM LDAN 'DAS KYIS THOS PA LAS BYUNG BA'I SHES RAB KYIS DON SO SO YANG DAG PAR RIG PA GANG LAGS PA DANG ZHES BA BA LA SOGS PAS NI THOS PA DANG, BSAMS PA DANG BSGOMS PA LAS BYUNG BA RNAMS LA THA DAD DU BGYI BA CI MCHIS LAGS ZHES ZHUS PA YIN NO, ,BYAMS PA BYANG CHUB SEMS DPA' THOS PA LAS BYUNG BA'I SHES RAB KYIS NI ZHES BYA BA LA THOS PA LAS BYUNG BA'I SHES RAB NI TSIG 'BRU LA GNAS TE, 'BYUNG BA KHO NA YIN GYI DON LAS NI MA YIN NO, ,SGRA JI BZHIN PA DANG DGONGS PA MED PA KHO NA 'DZIN PAR BYED PA NI, CHOS ZAB MO DAG LA NGES PAR MA BSAMS PA'I PHYIR RO, ,MNGON DU MA GYUR PA NI MNGON SUM DU MA BYAS PA'I PHYIR RO, ,RNAM PAR THAR PA'I RJES SU MTHUN PA ZHES BYA BA NI RNAM PAR THAR PA'I RGYUR GYUR PA STE, BRGYUD PAS DON SO SO YANG DAG PAR RIG PA'I PHYIR RO, ,RNAM PAR THAR PAR BYED PA NI MA YIN NO, ,BYAMS PA BSAMS PA LAS BYUNG BA'I SHES RAB KYIS NI ZHES BYA BA LA, BSAMS PA LAS BYUNG BA ZHES BYA BA NI RIGS PAS BSAMS PA LAS BYUNG BA STE, DES TSIG 'BRU LA GNAS PA KHO NA DANG, SGRA JI BZHIN MA YIN PA DANG, DGONGS PA CAN GYI DON 'DZIN PA NI, THOS PA YONGS SU 'DRIS PA'I PHYIR RO, ,MNGON DU MA GYUR PA DANG RNAM PAR THAR PA DANG CHES RJES SU MTHUN PA; RNAM PAR THAR PA'I RKYEN NYID YIN PA'I PHYIR RO, ,RNAM PAR THAR PAR BYED PA MA YIN PA'I DON SO SO YANG DAG PAR RIG PAR BYED PA NI, ,RNAM PAR THAR PA MNGON SUM DU MA BYAS PA'I PHYIR RO, ,BYAMS PA BYANG CHUB SEMS DPAS BSGOMS PA LAS BYUNG BA'I SHES RAB KYIS NI ZHES BYA BA LA BSGOMS PA LAS BYUNG BA'I SHES RAB NI CHOS NGES PA LAS BYUNG BA YIN TE, DES TSIG 'BRU LA GNAS PA DANG TSIG 'BRU LA GNAS PA MA YIN PA, ,'DZIN PAR BYED PA NI SHIN TU 'DRIS PA'I PHYIR, SGRA JI BZHIN PA DANG DGONGS PA CAN 'DZIN PA NI THOS PA'I BAG CHAGS YONGS SU SMIN PA'I PHYIR RO, , @334A *, ,SHES BYA'I DNGOS PO DANG CHA MTHUN PA ZHES BYA BA NI, RNAM PA JI SNYED KYIS JI LTA BA BZHIN SHES PAR BYA BA'I DNGOS PO GANG YIN PA'I DNGOS PO DE DANG CHA MTHUN PA'O, ,CI 'DRA BA ZHIG CE NA, TING NGE 'DZIN GYI SPYOD YUL GZUGS BRNYAN GYIS ZHES GSUNGS PA STE, THOS PA DANG BSAMS PA'I BRJOD PA'I SPYOD YUL GYIS SO SO YANG DAG PAR RIG PAR BYED PA MA YIN NO, ,MNGON DU GYUR PA NI SO SO RANG RIG PA'I PHYIR RO, ,RNAM PAR THAR PA DANG CHES SHIN TU RJES SU MTHUN PA ZHES BYA BA NI, DE DANG NYE BAR GYUR PA YIN PA'I PHYIR RO, ,RNAM PAR THAR PAR BYED PA'I DON KYANG SO SO YANG DAG PAR RIG PAR BYED PA NI MNGON SUM DU GYUR PA'I PHYIR RO, ,DE DAG GI THA DAD DU BYA BA NI DE YIN TE ZHES BYA BA NI THOS PA DANG BSAMS PA DANG BSGOMS PA LAS BYUNG BA'I SHES RAB RNAMS KYI'O, ,BCOM LDAN 'DAS BYANG CHUB SEMS DPA' ZHI GNAS DANG LHAG MTHONG SGOM PA ZHES BYA BA LA SOGS PA RGYA CHER GSUNGS PA LA, 'DRES PA'I CHOS LA DMIGS PA'I ZHI GNAS DANG LHAG MTHONG LA SHES RAB GANG YIN PA DE NI SHES PA YIN NO ZHES BYA BA NI RNAM PA SNA TSOGS MA YIN PA'I PHYIR RO, ,MA 'DRES PA'I CHOS LA DMIGS PA'I ZHI GNAS DANG LHAG MTHONG LA SHES RAB GANG YIN PA DE NI MTHONG BA YIN NO ZHES BYA BA NI RNAM PA SNA TSOGS YIN PA'I PHYIR RO, ,BCOM LDAN 'DAS BYANG CHUB SEMS DPA' ZHI GNAS DANG LHAG MTHONG BSGOM PAS ZHES BYA BA LA SOGS PA LA YID LA BGYID PA GANG GIS MTSAN MA GANG JI LTAR RNAM PAR SEL BAR BGYID PA LAGS ZHES BYA BAS NI BYANG CHUB SEMS DPA' CHOS DANG DON SO SO YANG DAG PAR RIG PAS YID LA BYED PA GANG GIS MTSAN MA GANG JI LTAR RNAM PAR SEL BAR BYED CES ZHU BA RNAM PA GSUM BSTAN TO, ,DE BZHIN NYID LA BYED PAS ZHES BYA BA NI, GNYIS MED PA YID LA BYED PA ZHES BYA BA'I THA TSIG GO, ,CHOS KYI MTSAN MA DANG DON GYI MTSAN MA YANG RNAM PAR SEL BAR BYED LA ZHES BYA BA NI MTSAN MA RNAM PA GNYIS SO, ,CHOS KYI MTSAN MA DANG, DON GYI MTSAN MA RNAM PAR SEL BAR BYED DE, MTSAN MA ZHES BYA BA NI DMIGS PA ZHES BYA BA'I THA TSIG GO, ,JI LTAR RNAM PAR SEL BAR BYED CES, MING LA MING GI @334B NGO BO NYID KYANG MI DMIGS SHING ZHES BYA BA LA SOGS PA GSUNGS TE, CHOS KYI MTSAN MA NI MING DANG TSIG DANG YI GE'I NGO BO NYID YIN PA'I PHYIR RO, ,DE'I GNAS KYIS CHOS KYANG MI MTHONG NGO, ,MING GI CHOS KYI GNAS JI LTA BA BZHIN DU TSIG DANG YI GE'I CHOS KYI MTSAN MA YANG RNAM PAR SEL BA NA; YANG DAG PAR RJES SU MI MTHONG NGO, ,DON THAMS CAD LA YANG DE BZHIN DU RIG PAR BYA'O ZHES BYA BA NI RNAM PAR BCU DANG, RNAM PA LNGA DANG, RNAM PA BZHI DANG, RNAM PA GSUM PO GANG DAG BSTAN PA DE DAG KYANG YANG DAG PAR RJES SU MI MTHONG BA'O, ,KHAMS KYI BAR LA KHAMS KYI NGO BO NYID KYANG MI DMIGS SHING ZHES BYA BA NI, KHAMS LNGA PO GANG DAG BSTAN PA DE DAG GI NGO BO NYID KYANG RNAM PAR SEL BAR BYED PA NA YANG DAG PAR RJES SU MI MTHONG BA'O, ,DE'I GNAS KYI MTSAN MA YANG ZHES BYA BA NI DON GYI GNAS KYI MTSAN MA STE, DON GYI GNAS NI CHOS YIN PAS MTSAN MA DE YANG RNAM PAR SEL BAR BYED PA NA, YANG DAG PAR RJES SU MI MTHONG BAS RNAM PAR SEL TO, ,DE BZHIN NYID YID LA BYED PA NI GNYIS MED PA NYID YIN PA'I PHYIR, CHOS KYI MTSAN MA MING DANG TSIG DANG YI GE GANG YIN PA DANG, 'DZIN PA LA SOGS PA DON GANG DAG YIN PA DE DAG GI DE BZHIN NYID BSGOM PA LA GNYIS MED PA'I RNAM PA YIN PAS MTSAN MA DE DAG YANG DAG PAR RJES SU MI MTHONG NGO ZHES BYA BA'I THA TSIG GO, ,BCOM LDAN 'DAS CI LAGS ZHES BYA BA LA SOGS PAS, DE BZHIN NYID KYI DON SO SO YANG DAG PAR RIG PA'I MTSAN MA ZHES BYA BA LA, DE BZHIN NYID SO SO YANG DAG PAR RIG PA NI RNAM PA THAMS CAD MKHYEN PA NYID DE, DE'I DMIGS PA NI DNGOS PO MED PA'O, ,DE SKAD DU SHES RAB KYI PHA ROL TU PHYIN PA LAS KYANG, RAB 'BYOR RNAM PA THAMS CAD MKHYEN PA NYID KYI DMIGS PA NI, DNGOS PO MED PA YIN, RNAM PA NI ZHI BA YIN, BDAG PO NI DRAN PA YIN, MTSAN NYID NI MED PA YIN NO ZHES GSUNGS SO, ,BYAMS PA DE BZHIN NYID KYI DON SO SO YANG DAG PAR RIG PAS NI CHOS DANG CHOS KYI MTSAN MA THAMS CAD ZIL GYIS GNON GYI ZHES BYA BA NI, CHOS DANG DON GYI MTSAN MA THAMS CAD NI YANG DAG PA MA YIN PA'I KUN DU RTOG PA YIN @335A *, ,LA, DE'I GNYEN PO NI DE BZHIN NYID KYI DON SO SOR YANG DAG PAR RIG PA YIN PAS, DES DE ZIL GYIS GNON TO, ,DE NI GANG GIS KYANG ZIL GYIS MNAN PAR BYA BA YIN PAR NGA MI SMRA'O ZHES BYA BA NI DER LTA BA'I MTSAN MA THAMS CAD KYI GNYEN PO YIN PA'I PHYIR DANG, DMIGS PA DANG RNAM PA YONGS SU MA CHAD PA YIN PA'I PHYIR GANG GIS KYANG ZIL GYIS MI NON TO, ,BCOM LDAN 'DAS, BCOM 'DAS KYIS CHAB RNYOG PA CAN MCHIS PA'I SNOD KYI DPE DANG ZHES BYA BA LA SOGS PA LA RGYA CHER GSUNGS PA LA, SEMS LA SO SOR BRTAG PA NI GANG LAGS DE BZHIN NYID NI GANG LAS DGONGS TE, BKA' STZAL LAGS ZHES BYA BA NI SO SOR BRTAGS PA RNAM PA GSUM DANG, DE BZHIN NYID RNAM PA BDUN YOD PAS DE'I PHYIR ZHUS SO, ,BYAMS PA SEMS LA SO SOR BRTAGS PA GSUM GYI PHYIR TE ZHES BYA BA LA SOGS PAS NI 'DI SKAD BSTAN TE, THOS PA LAS BYUNG BA DANG, BSAMS PA LAS BYUNG BA DANG, BSGOMS PA LAS BYUNG BA'I SEMS LA SO SOR BRTAGS PA DANG RNAM PAR RIG PA'I DE BZHIN NYID NI GNYIS SU MED PA YIN PAS, DE'I PHYIR DE LAS DGONGS TE, YONGS SU BSTAN PA YIN NO ZHES BYA BA'I THA TSIG GO, ,BYAMS PA'I LE'U'I K'A RI KA, ,,BCOM LDAN 'DAS BYANG CHUB SEMS DPA' DE LTAR CHOS DANG DON SO SO YANG DAG PAR RIG PA DANG MTSAN MA RNAM PAR SEL BA, CHOS DANG DON GYI MTSAN MA ZIL GYIS GNON PA LA ZHUGS PA'I MTSAN MA DU MA ZHIG NI, RNAM PAR BSAL DKA' BA DAG LAGS, GANG GIS NI DE DAG RNAM PAR SEL LAGS ZHES ZHUS PA DANG, BCU STE ZHES BYA BA LA SOGS PA GSUNGS SO, ,CHOS DANG DON SO SO YANG DAG PAR RIG PAR BYED PA'I TSIG DANG, YI GE'I MTSAN MA SNA TSOGS GANG YIN PA DE NI CHOS THAMS CAD STONG PA NYID KYIS RNAM PAR SEL TO ZHES BYA BA NI, CHOS THAMS CAD STONG PA NYID LAS MA GTOGS PA'I TSIG DANG YI GE'I MTSAN MA SNA TSOGS ZHES BYA BA'I CHOS GZHAN MED PA'I PHYIR RO, ,GNAS PA'I DE BZHIN NYID KYI DON SO SO YANG DAG PAR RIG PAR BYED PA'I SKYE BA DANG, 'JIG PA DANG, GNAS PA DANG, GZHAN DU GYUR PA NYID KYI RGYUN GYI RJES SU @335B 'JUG PA'I MTSAN MA GANG YIN PA DE NI MTSAN NYID STONG PA NYID THOG MA DANG THA MA MED PA STONG PA NYID KYIS RNAM PAR SEL TO ZHES BYA BA LA GNAS PA ZHES BYA BA NI, 'DU BYED DUS GSUM DU GTOGS PA RNAMS KYI SKYE BA DANG, GNAS PA DANG, RGA BA DANG, MI RTAG PA'I MTSAN NYID DO, ,DE YANG MTSAN GZHI MED PA'I PHYIR, MTSAN NYID STONG PA DANG, MTSAN GZHI MED PA'I PHYIR, MTSAN GZHI'I MTSAN NYID KYANG STONG PA YIN TE, MTSAN GZHI DANG MTSAN NYID GCIG DANG, THA DAD PA BRAL BA'I PHYIR RO, ,DE SKAD DU, GAL TE MTSAN NYID MTSAN GZHI LAS, ,GZHAN NA MTSAN GZHI MTSAN MED 'GYUR, ,GCIG NA GNYI GA'I DNGOS MED CES, ,YANG DAG GSUNG BA KHYOD KYIS GSUNGS, ,ZHES SMRAS PA LTA BU'O, ,THOG MA DANG THA MA MED PA NI SNGON DANG PHYI MA'I MTHA' MED PA STE, SNGON DANG PHYI MA'I MTHA' MED PA LA NI YANG DAG PAR GNAS PA MED PA'I PHYIR RO, ,'DZIN PA'I DON SO SO YANG DAG PAR RIG PAR BYED PA'I 'JIG TSOGS LA LTA BA'I MTSAN MA DANG, NGA'O SNYAM PA'I MTSAN MA GANG YIN PA DE NI NANG STONG PA NYID DANG MI DMIGS PA STONG PA NYID KYIS RNAM PAR SEL TO ZHES BYA BA LA 'DZIN PA NI MIG LA SOGS PA DANG, SEMS DANG SEMS LAS BYUNG BA RNAMS TE, DE LA BDAG DANG BDAG GI 'DZIN PA'I MTSAN MA DANG ZAG TU SNANG BA GANG YIN PA DE NI NANG STONG PA NYID KYIS STONG PA DANG, MI DMIGS PA STONG PA NYID KYIS STONG STE, NGO BO NYID MI DMIGS PA'I PHYIR RO, ,GZUNG BA'I DON SO SO YANG DAG PAR RIG PAR BYED PA'I LONGS SPYOD LA LTA BA'I MTSAN MA GANG YIN PA DE NI SPYI STONG PA NYID KYIS RNAM PAR SEL TO ZHES BYA BA LA GZUNG BA NI GZUGS LA SOGS PA'I PHYI ROL NA SNANG BA DAG STE, DE DAG NI RDUL PHRA RA BA RE RE DANG, BSDUS PA DAG LA STONG PA YIN TE, KHA DOG DANG DBYIBS YUL DU SNANG BA'I NGO BO NYID KYI RANG GI NGO BOR BYED PA MI RIGS PA'I PHYIR RO, ,YONGS SU LONGS SPYOD PA'I DON DU SKYES PA DANG BUD MED KYI BSNYEN BKUR DANG YO BYAD LDAN PA SO SO YANG DAG PAR RIG PAR BYED PA'I NANG GI BDE BA'I MTSAN MA DANG, PHYI ROL GYI SDUG PA'I MTSAN MA GANG YIN PA DE NI PHYI NANG STONG PA NYID DANG, RANG BZHIN GYIS STONG @336A *, ,PA NYID KYIS RNAM PAR SEL TO ZHES BYA BA LA NANG GI BDE BA'I MTSAN MA ZHES BYA BA NI LOG PA'I TSOR BA LA MOS PA'O, ,PHYI ROL GYI SDUG PA'I MTSAN MA ZHES BYA BA NI, SKYES PA DANG BUD MED KYI LUS LA LOG PAR MOS PA STE, DE NI RMI LAM LA SOGS PA LOG PAR MOS PA BZHIN DU STONG PA YIN TE, NANG DANG PHYI ROL LA MOS PA DE'I RANG BZHIN DE NI STONG PA YIN TE, GZOD MA NAS MA SKYES PA'I PHYIR RO, ,GNAS KYI DON SO SO YANG DAG PAR RIG PAR BYED PA'I TSAD MED PA'I MTSAN MA GANG YIN PA DE NI CHEN PO STONG PA NYID KYIS RNAM PAR SEL TO ZHES BYA BA LA 'JIG RTEN GYI KHAMS TSAD MED PA MNGON PAR BSGRUB PA NI NAM MKHA'I KHAMS DANG 'DRA BAR CHEN PO STONG PA NYID KYIS STONG PA'I PHYIR RO, ,DE LTAR GZUGS MED PA LA BRTEN TE, NANG GI ZHI BA RNAM PAR THAR PA'I MTSAN MA GANG YIN PA DE NI, 'DUS BYAS STONG PA NYID KYIS RNAM PAR SEL TO ZHES BYA BA NI 'DUS BYAS GANG YIN PA CI YANG RUNG BA DE NI STONG PA NYID YIN TE, RGYU DANG RKYEN LA RAG LAS PA'I PHYIR RO, ,MTSAN NYID KYI DE BZHIN NYID KYI DON SO SO YANG DAG PAR RIG PAR BYED PA'I GANG ZAG LA BDAG MED PA'I MTSAN MA DANG, CHOS LA BDAG MED PA'I MTSAN MA DANG, RNAM PAR RIG PA'I MTSAN MA DANG, DON DAM PA'I MTSAN MA GANG YIN PA DE NI MTHA' LAS 'DAS PA STONG PA NYID DANG, DNGOS PO MED PA'I NGO BO NYID DANG, DNGOS PO MED PA'I NGO BO NYID STONG PA NYID DANG, DON DAM PA'I STONG PA NYID KYIS RNAM PAR SEL TO ZHES BYA BA LA, GANG ZAG LA BDAG MED PA'I MTSAN MA GANG YIN PA DE NI MTHA' LAS 'DAS PA STONG PA NYID KYIS STONG STE, GANG ZAG YOD NA NI GANG ZAG DGAG PA YANG RIGS PAR 'GYUR RO, ,CHOS LA BDAG MED PA'I MTSAN MA NI DNGOS PO MED PA STONG PA NYID KYIS STONG STE, CHOS RNAMS YOD NA NI CHOS DGAG PA YANG YOD DO, ,RNAM PAR RIG PA TZAM GYI MTSAN MA NI DNGOS PO MED PA'I NGO BO NYID STONG PA NYID KYIS STONG STE, 'KHRUL PA'I RANG BZHIN GYI RNAM PAR RIG PA NI, DNGOS PO MED PA'I NGO BO NYID KHO NA YIN TE, GNYIS MA GRUB PA'I PHYIR RO, ,DON DAM PA'I MTSAN MA NI DON DAM PA STONG PA NYID KYIS STONG STE, DGAG @336B PAR BYA BA DANG 'GOG PAR BYED PA GNYIS DON DAM PA MA YIN PA'I PHYIR DANG, DGAG PAR BYA BA MED PA'I PHYIR DANG, 'GOG PAR BYED PA NAM YANG GSAL BAR BYED PA YOD PA MA YIN PAS, DE'I PHYIR STONG PA NYID RTOGS PA LAS GZHAN PA DON DAM PA 'GA' YANG MED PA'I PHYIR RO, , RNAM PAR DAG PA'I DE BZHIN NYID KYI DON SO SO YANG DAG PAR RIG PAR BYED PA'I 'DUS MA BYAS KYI MTSAN MA DANG, 'GYUR BA MED PA'I MTSAN MA GANG YIN PA DE NI, 'DUS MA BYAS STONG PA NYID DANG, DOR BA MED PA STONG PA NYID KYIS RNAM PAR SEL TO ZHES BYA BA LA RNAM PA DAG PA'I DE BZHIN NYID CES BYA BA NI, 'GOG PA'I BDEN PA STE, DE NI 'DUS MA BYAS PA DANG 'GYUR BA MED PA YIN LA, 'DUS MA BYAS PA DANG, 'GYUR BA MED PA DE GNYIS KYI MTSAN MA GZUNG BA DE NI 'DUS MA BYAS STONG PA NYID DANG, DOR BA MED PA STONG PA NYID KYIS RNAM PAR SEL BAR BYED DO, , MTSAN MA DE'I GNYEN PO STONG PA NYID DE NYID LA BYED PA'I STONG PA NYID KYI MTSAN MA GANG YIN PA DE NI STONG PA NYID STONG PA NYID KYIS RNAM PAR SEL TO ZHES BYA BA NI STONG PA NYID SHES PA GANG GIS MTSAN MA THAMS CAD RNAM PAR SEL BAR BYED PA DE YANG STONG PA'I PHYIR RO, ,BCOM LDAN 'DAS MTSAN MA RNAM PA BCU RNAM PAR SEL BAR BGYID PA NA ZHES BYA BA LA SOGS PA RGYA CHER GSUNGS PA LA, TING NGE 'DZIN GYI SPYOD YUL GZUGS BRNYAN GYI MTSAN MA RNAM PAR SEL BAR BYED PA NI GNYEN PO YIN LA, KUN NAS NYON MONGS PA'I CHOS KYI MTSAN MA NI MI MTHUN PA'I PHYOGS YIN PA'I PHYIR RO, , BYAMS PA STONG PA NYID DE DAG NI ZHES BYA BA LA SOGS PA NI DON RE RE YANG MTSAN MA THAMS CAD KYI GNYEN POR MI 'GYUR BA NI MA YIN NO ZHES BYA BA NI DE DAG THAMS CAD KYANG RNAM PAR DAG PA LA DMIGS PA YIN NO ZHES BYA BA'I THA TSIG GO, ,BCOM LDAN 'DAS THEG PA CHEN PO LA ZHES BYA BA LA SOGS PAS NI CHUD MI ZA BAR BYA BA'I PHYIR, GDAGS PA ZHUS TE, STONG PA NYID NI BYANG CHUB SEMS DPA' RNAMS KYI CHUD MI ZA BA'I RGYU MNGON PA'I NGA RGYAL GYI GNYEN PO YIN PA'I PHYIR, BYANG CHUB SEMS DPA' DE'I MTSAN NYID YONGS SU SHES NA THEG PA CHEN PO LA CHUD ZA BAR MI 'GYUR RO, , @337A *, ,LEGS SO LEGS SO BYA BA LA SOGS PA LA, STONG PA NYID LAS RAB TU NYAMS PA ZHES BYA BA NI, STONG PA NYID KYI MTSAN NYID YONGS SU MI SHES PA ZHES BYA BA'I THA TSIG GO, ,THEG PA CHEN PO MTHA' DAG LAS KYANG RAB TU NYAMS PAR 'GYUR BA'I PHYIR RO ZHES BYA BA NI STONG PA NYID KYIS SKRAG PA'I PHYIR RO, ,BYAMS PA DE'I PHYIR NYON CIG DANG ZHES BYA BA LA SOGS PA LA, GZHAN GYI DBANG GI MTSAN NYID CES BYA BA NI RGYU DANG RKYEN LA RAG LAS PA'O, ,YONGS SU GRUB PA'I MTSAN NYID CES BYA BA NI GNYIS MED PA'I MTSAN NYID DO, ,RNAM PA THAMS CAD KUN NAS NYON MONGS PA DANG RNAM PAR BYANG BA PA'I KUN BRTAGS PA'I MTSAN NYID DANG, SHIN TU BRAL BA NYID DANG ZHES BYA BA DE LA CHOS GANG DAG RGYU DANG RKYEN LA RAG LAS PA DE DAG NI GZHAN GYI DBANG GI MTSAN NYID DE, SKYE BA NGO BO NYID MED PA NYID KYIS STONG PA'I NGO BO NYID YIN NO, ,DE NYID KYIS RNAM PAR BYANG BA RNAM PAR DAG PA NI YONGS SU GRUB PA'I MTSAN NYID DE, DON DAM PAR STONG PA NYID KYIS STONG PA YIN NO, ,GZHAN GYI DBANG GI MTSAN NYID LA KUN NAS NYON MONGS PA'O SNYAM PA DANG YONGS SU GRUB PA'I MTSAN NYID LA RNAM PAR BYANG BA'I SNYAM DU RNAM RNAM PAR RTOG PA GANG YIN PA DE NI KUN BRTAGS PA'I MTSAN NYID DE NI MTSAN NYID STONG PA NYID KYIS STONG PA YIN NO, ,DE LA MI DMIGS PA ZHES BYA BA NI GZHAN GYI DBANG GI NGO BO NYID LA KUN BRTAGS PA'I NGO BO NYID DE, MI DMIGS PA STE, KUN NAS NYON MONGS PA DANG, RNAM PAR BYANG BA'I NGO BO NYID DU YONGS SU MA GRUB PA'I PHYIR RO, ,STONG PA NYID DU YONGS SU GRUB PA NYID KYIS NI YONGS SU GRUB PA'I NGO BO NYID YIN TE, RANG GI NGANG GIS GCIG PA YANG MA YIN THA DAD PA YANG MA YIN TE, MTSAN GZHI DANG MTSAN NYID BZHIN NO, ,DE NI THEG PA CHEN PO LA STONG PA NYID KYI MTSAN NYID BSDUS PA ZHES BYA'O ZHES BYA BA NI KUN RDZOB PA DANG DON DAM PA'I BDEN PAS BSDUS PA'I NGO BO NYID GSUM STONG PA'I PHYIR STONG PA NYID KYI MTSAN NYID BSDUS PA YIN NO, ,BCOM LDAN 'DAS ZHI GNAS DANG LHAG MTHONG DAG GIS TING NGE 'DZIN DU ZHIG BSDUS LAGS ZHES BYA BA LA SOGS PA LA BCOM LDAN 'DAS ZHI @337B GNAS DANG LHAG MTHONG GI RGYU GANG LAS BYUNG BA LAGS ZHES ZHUS PA LAS, TSUL KHRIMS RNAM PAR DAG PA'I RGYU LAS BYUNG BA ZHES BYA BAR GSUNGS PA NI, TSUL KHRIMS RNAM PAR DAG PA NA MNYAM PAR GZHAG PAR 'GYUR BA'O, ,THOS PA DANG BSAMS PA LAS BYUNG BA'I LTA BA RNAM PAR DAG PA'I RGYU LAS BYUNG BA YIN NO ZHES BYA BA NI MNYAM PAR GZHAG PA'I THOS PA DANG, BSAMS PA LAS BYUNG BA'I LTA BA DE RNAM PAR DAG PAR 'GYUR BA'O, ,ZHI GNAS DANG LHAG MTHONG GI RGYU RTOGS PAR BYAS NAS 'BRAS BU ZHU BA'I PHYIR, BCOM LDAN 'DAS DE DAG GI 'BRAS BU GANG LAGS PAR BRJOD PAR BGYI ZHES BYA BA GSOL TO, ,SEMS RNAM PAR DAG PA NI 'BRAS BU YIN, SHES RAB RNAM PAR DAG PA NI 'BRAS BU YIN NO ZHES BYA BA DES NI 'DI SKAD BSTAN TE 'BRAS BU NI SEMS RNAM PAR GROL BA DANG, SHES RAB RNAM PAR GROL BA YIN NO ZHES BSTAN TO, , BYAMS PA YANG ZHES BYA BA LA SOGS PA RGYA CHER GSUNGS PAS ZHI GNAS DANG LHAG MTHONG GI 'BRAS BU NGES PAR BYAS NAS, LAS ZHU BA'I PHYIR, LAS CI LAGS ZHES BYA BA GSOL TO, BYAMS PA 'CHING BA RNAM PAR GNYIS PO LAS RNAM PAR THAR BAR BYED PA YIN NO ZHES GSUNGS PA LA 'CHING BA RNAM PA GNYIS PO DE GANG DAG LAS MNYAM PA LA, MTSAN MA'I 'CHING BA DANG, GNAS NGAN LEN GYI 'CHING BA LAS ZHES BYA BA GSUNGS TE, CHAGS PAR 'GYUR BA LA SOGS PA'I YUL GYI MTSAN MA GZUNG BA LAS 'DOD CHAGS LA SOGS PA NYON MONGS PA SKYA BA'I MTSAN MA'I 'CHING BA'O, , PHUNG PO RNAMS LA BDAG DANG BDAG GI DNGOS PO MNGON PAR ZHEN PA NI GNAS NGAN LEN GYI 'CHING BA STE, 'CHING BA RNAM PA GNYIS PO DE DAG LAS, RNAM PAR THAR PAR BYED PA NI ZHI GNAS DANG LHAG MTHONG GI LAS YIN NO, ,BCOM LDAN 'DAS BCOM LDAN 'DAS KYIS GAGS RNAM PA LNGA GSUNGS PA GANG DAG LAGS PA DE DAG LAS ZHES BYA BA LA SOGS PA LA LUS DANG LONGS SPYOD LA LTA BA ZHES BYA BA NI, NANG DANG PHYI ROL GYI SKYE MCHED RNAMS LA CHAGS PA'O, ,'PHAGS PA'I GTAM ZHES BYA BA NI DAM PA'I CHOS MNYAN PA'I GTAM MO, ,'BREL PAR GNAS PA ZHES @338A *, ,BYA BA NI LUS MI DBEN PA'O, ,CUNG ZAD TZAM GYIS CHOG PAR 'DZIN PA ZHES BYA BA NI, 'JIG RTEN PA'I BSAM GTAN TZAM GYIS SO, ,GCIG GIS NI SBYOR BAR MI BYED DO ZHES BYA BA NI LUS MI DBEN PAS TE, ZHI GNAS DANG LHAG MTHONG LA SBYOR BAR MI BYED PA'O, ,CIG SHOS KYIS NI SBYOR BA MTHAR THUG PAR MI 'GYUR RO ZHES BYA BA NI CUNG ZAD TZAM GYIS CHOG PAR 'DZIN PAS TE, SBYOR BA MTHAR THUG PAR MI 'GYUR RO, ,BCOM LDAN 'DAS SGRIB PA LNGA PO GANG DAG LAGS PA DE DAG LAS ZHES BYA BA LA SOGS PA LA, RGOD PA DANG 'GYOD PA ZHES BYA BA LA RGOD PA NI DBANG PO MA ZHI BA'O, ,'GYOD PA NI NGAN PA BYAS PA'I DNGOS PO STE, DGE BA'I LAS MA BYAS LA MI DGE BA'I LAS BYAS PA NI YID LA CHAGS PA'O, ,RMUGS PA ZHES BYA BA NI LUS DANG SEMS LAS SU MI RUNG BA'O, ,GNYID CES BYA BA NI GNYID BRO BA'O, ,THE TSOM ZHES BYA BA NI DKON MCHOG DANG, BDEN PA DANG, LAS DANG 'BRAS BU DAG LAS 'KHRUL PA'O, ,'DOD PA LA 'DUN PA ZHES BYA BA NI 'DOD PA'I YON TAN LNGA PO DAG LA CHAGS PA'O, ,GNOD SEMS ZHES BYA BA NI, SEMS CAN LA RNAM PAR SDANG BA'O, ,BCOM LDAN 'DAS JI TZAM GYIS NA ZHI GNAS KYI LAM YONGS SU DAG PA LAGS ZHES BYA BA LA SOGS PA LA, RMUGS PA DANG GNYID NI NANG DU ZHUM PAR BYED PA YIN PA'I PHYIR RO, ,RGOD PA DANG 'GYOD PA NI PHYI ROL DU RNAM PAR G-YENG BA YIN PA'I PHYIR RO, ,ZHI GNAS DANG LHAG MTHONG GIS TING NGE 'DZIN THAMS CAD BSDUS PA YIN LA, TING NGE 'DZIN DE DAG GI BAR DU GCOD PAR BYED PA'I CHOS NI SEMS RNAM PAR G-YENG BA YIN PAS DE NI YONGS SU SHES PAR BYA STE, SPANG BAR BYA DGOS PAS DE'I PHYIR, BCOM LDAN 'DAS KYI ZHI GNAS DANG LHAG MTHONG LA ZHUGS PAS RNAM PA DU DAG GIS SEMS RNAM PAR G-YENG BA YONGS SU 'TSAL BAR LAGS ZHES BYA BA GSOL TO, ,YID LA BYED PA'I RNAM PAR G-YENG BA DANG PHYI ROL DU SEMS RNAM PAR G-YENG BA ZHES BYA BA LA SOGS PAS NI, THEG PA CHEN PO LA YANG DAG PAR ZHUGS PA'I BYANG CHUB SEMS DPAS THEG PA DMAN PA YID LA BYED PA'I RNAM PAR G-YENG BA LA SOGS PA NI, 'JIG @338B RTEN LAS 'DAS PA RNAM PAR MI RTOG PA'I YE SHES KYI RTEN DU GYUR PA'I TING NGE 'DZIN GYI BAR DU GCOD PAR BYED PA YIN PA'I PHYIR, YONGS SU SPANG BAR BYA'O ZHES STON TO, ,SNYOMS PAR 'JUG PA'I RO MYANG BA ZHES BYA BA NI BSAM GTAN DANG GZUGS MED PA DANG, SNYOMS PAR 'JUG PA'I RO MYONG BAR BYED PA NI, LHA TSE RING PO RNAMS SU SKYE BA SKYED PAR BYED PA YIN PAS, DE'I PHYIR SEMS CAN GYI DON BYA BA NYAMS PAR 'GYUR PA YIN PA'I PHYIR RO, ,GAL TE PHYI ROL GYI MTSAN MA LA BRTEN NA ZHES BYA BA LA SOGS PAS NI 'DI SKAD BSTAN TE, RGYU'I GNAS SKABS NA PHYI ROL GYI MTSAN MA SDUG PA DANG MI SDUG PA GZUNG BA GANG YIN PA DE LA BRTEN NAS GNAS KHANG NA GNAS TE NANG DU MTSAN MAR YID LA BYED PA NI MTSAN MA MED PA'I TING NGE 'DZIN GYI MI MTHUN PA'I PHYOGS YIN PA'I PHYIR YONGS SU SHES PAR BYA STE, SPANG BAR BYA'O ZHES BSTAN TO, ,GAL TE NANG GI YID LA BYED PA LA BRTEN NAS ZHES BYA BA LA SOGS PAS NI, GNAS NGAN LEN DANG LDAN PA'I LUS NI NYON MONGS PA THAMS CAD KYI GNAS YIN PA'I PHYIR, RNAM PAR G-YENG BAR BYED PA YIN PAR STON TO, ,NANG GI YID LA BYED PA LA BRTEN NAS 'BYUNG BA'I TSOR BA LA ZHES BYA BA NI ZHES BYA BA NI 'JIG TSOGS LA LTA BA LA BRTEN PA'I YID LA BYED BA LA BRTEN NAS, BYUNG BA'I TSOR BA ZAG PA DANG BCAS PA STE, SRID PA DANG RJES SU MTHUN PA'I PHYIR DANG, 'PHAGS PA'I LAM THAMS CAD MI MTHUN PA'I PHYIR GNAS NGAN LEN GYI RNAM PAR G-YENG BA'O ZHES BYA'O, ,ZHI GNAS DANG LHAG MTHONG NI TING NGE 'DZIN DANG, SHES RAB KYI NGO BO NYID YIN PA'I PHYIR SA THAMS CAD NA YANG YOD PAR BSTAN PA'I PHYIR, BCOM LDAN 'DAS ZHI GNAS DANG LHAG MTHONG DAG BYANG CHUB SEMS DPA'I SA DANG PO NAS BZUNG NAS, DE BZHIN GSHEGS PA'I SA'I BAR LA GANG GI GNYEN PO LAGS ZHES BYA BA ZHUGS SO, ,BYAMS PA ZHI GNAS DANG LHAG MTHONG SA DANG PO LA NI NGAN SONG BA'I NYON MONGS PA DANG, LAS DANG SKYE BA'I KUN NAS NYON MONGS PA'I GNYEN PO YIN NO ZHES BYA BA NI GANG ZAG DANG CHOS SU LTA BA'I GNYEN PO YE SHES THOB PA'I PHYIR RO, ,GNYIS PA LA NI LTUNG BA PHRA MO'I 'KHRUL PA KUN DU 'BYUNG BA RNAMS KYI GNYEN PO YIN TE, @339A *, ,TSUL KHRIMS RNAM PAR DAG PA'I PHYIR RO, ,GSUM PA LA NI 'DOD PA'I 'DOD CHAGS KYI GNYEN PO YIN TE, MI NYAMS PA'I BSAM GTAN DANG, SNYOMS PAR 'JUG PA THOB PA'I PHYIR RO, ,BZHI PA LA NI SNYOMS PAR 'JUG PA LA SRED PA DANG CHOS LA SRED PA'I GNYEN PO YIN TE BYANG CHUB KYI PHYOGS DANG MTHUN LA LAN MANG DU GNAS PA'I PHYIR DANG, MDO SDE LA SOGS PA'I CHOS SNA TSOGS KYI NGA RGYAL RNAM PAR BSHIG PA'I PHYIR RO, ,LNGA PO LA NI 'KHOR BA DANG MYA NGAN LAS 'DAS PA DAG LA GCIG TU MI PHYOGS PA NYID DANG, MNGON DU PHYOGS PA NYID KYI GNYEN PO YIN TE, 'PHAGS PA'I BDEN PA BZHI BSGOM PA NA KUN NAS NYON MONGS PA DANG RNAM PAR BYANG BA'I GNAS MI DMIGS PA'I PHYIR RO, ,DRUG PA LA NI MTSAN MA MANG PO KUN DU 'BYUNG BA'I GNYEN PO YIN TE, ZHI GNAS DANG LHAG MTHONG GI RNAL 'BYOR GYIS RTEN CING 'BREL PAR 'BYUNG BA'I DE BZHIN NYID LA LAN MANG DU GNAS PA NYID KYIS KUN NAS NYON MONGS PA DANG, RNAM PAR BYANG BA'I MTSAN MA NAG PO DANG DKAR PO'I PHYOGS KYI DE BZHIN NYID MI MTHONG BA'I PHYIR RO, ,BDUN PA LA NI MTSAN MA PHRA MO KUN DU 'BYUNG BA'I GNYEN PO YIN TE, BGROD PA GCIG PA DANG 'BREL PAS MTSAN MA MED PA'I GNAS PA THOB PA'I PHYIR RO, ,BRGYAD PA LA NI MTSAN MA MED PA LA SOGS PA DANG MTSAN MA LA DBANG DU MA GYUR PA'I GNYEN PO YIN TE, MNGON PAR 'DU BYED PA MED CING MTSAN MA MED PA LA GNAS PA'I PHYIR DANG, SANGS RGYAS KYI ZHING RNAM PAR SBYONG BA'I PHYIR RO, ,DGU PA LA NI RNAM PA THAMS CAD DU CHOS STON PA LA DBANG DU MA GYUR PA'I GNYEN PO YIN TE, SO SO YANG DAG PAR RIG PA DANG SEMS CAN YONGS SU SMIN PAR BYA BA YONGS SU GRUB PA'I PHYIR, RNAM PA THAMS CAD DU YONGS SU SMIN PAR BYA BA'I MTHU YOD PA'I PHYIR RO, ,BCU PA LA NI CHOS KYI SKU YONGS SU RDZOGS PA SO SO YANG DAG PAR RIG PA MI THOB PA'I GNYEN PO YIN TE, TING NGE 'DZIN GYI SGO DANG GZUNGS KYI SGO RNAM PAR DAG PA'I PHYIR RO, ,DE BZHIN GSHEGS PA'I SA LA NI NYON MONGS PA DANG, SHES BYA'I SGRIB PA SHIN TU PHRA BA MCHOG TU CHES SHIN TU PHRA BA'I GNYEN PO YIN TE ZHES BYA BA NI, TING NGE 'DZIN DANG GZUNGS KYI @339B SGO DPAG TU MED PAS KHYAB PA'I PHYIR SANGS RGYAS THAMS CAD KYIS, SANGS RGYAS NYID DU DBANG BSKUR BA'I BYANG CHUB SEMS DPA'I NYON MONGS PA DANG, SHES BYA'I SGRIB PA'I BAG CHAGS PHRA MO DANG, MCHOG TU PHRA BA GANG YIN PA DE NI SANGS RGYAS KYI SA LA SPANGS PA'I PHYIR RO, ,DE LEGS PAR BCOM PAS THAMS CAD LA CHAGS PA MED PA DANG, THOGS PA MED PA'I SHES PA DANG, MTHONG BA THOB CING ZHES BYA BA NI, SHES BYA THAMS CAD LA MNGON DU MI PHYOGS PA'I PHYIR CHAGS PA MED PA DANG, GANG LA NYAN THOS LA SOGS PA'I SHES PA THOGS PAR 'GYUR BA DE LA THOGS PA MED PA'I PHYIR, THOGS PA MED PA'I SHES RAB DANG, MTHONG BA BRNYES PA'O, ,DGONGS PA YONGS SU SGRUB PA'I DMIGS PA LA ZHES BYA BA NI BDAG DANG GZHAN GYI DON MTHAR PHYIN PA THOB PA'I PHYIR RO, ,CHOS KYI SKU SHIN TU RNAM PAR DAG PA ZHES BYA BA NI NYON MONGS PA DANG SHES BYA'I SGRIB PA GTAN SPANGS PA'I PHYIR RO, ,CHOS KYI SKU SHIN TU RNAM PAR DAG PA LA GNAS PA YIN NO ZHES BYA BA NI GNAS THAMS CAD GYUR PA'I PHYIR RO, ,'THOB PA'I THABS ZHU BA'I PHYIR, BCOM LDAN 'DAS BYANG CHUB SEMS DPA' ZHI GNAS DANG LHAG MTHONG LA JI LTAR SGRUB NA ZHES BYA BA LA SOGS PA GSOL TO, ,ZHI GNAS DANG LHAG MTHONG NI NYAN THOS LA SOGS PA'I BYANG CHUB RNAMS KYI BYED RGYU THUN MONG YIN PA'I PHYIR, JI LTAR BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PAR 'GYUR LAGS ZHES BYA BA ZHUS SO, ,BCOM LDAN 'DAS KYIS BKA' STZAL PA ZHES BYA BA LA SOGS PA LA, DE BZHIN NYID RNAM PA BDUN LAS BRTZAMS TE ZHES BYA BA NI 'BYUNG BA'I DE BZHIN NYID DANG, MTSAN NYID KYI DE BZHIN NYID DANG, RNAM PAR RIG PA'I DE BZHIN NYID DANG, GNAS PA'I DE BZHIN NYID DANG, LOG PAR SGRUB PA'I DE BZHIN NYID DANG, RNAM PAR DAG PA'I DE BZHIN NYID DANG, YANG DAG PAR SGRUB PA'I DE BZHIN NYID DE, DE BZHIN NYID RNAM PA BDUN PO DE DAG LAS BRTZAMS TE'O, ,JI LTAR THOS PA DANG BSAMS PA'I CHOS RNAMS LA ZHES BYA BA NI ZHI GNAS DANG LHAG MTHONG DANG DE BZHIN NYID RNAM PA BDUN GYI DMIGS PAR GYUR PA'I CHOS RNAMS LA'O, ,CHOS @340A *, ,DE DAG LAS SEMS JI LTA BUR SEMS PAR BYED CE NA, MNYAM PAR GZHAG PA'I SEMS KYIS ZHES BYA BA GSUNGS TE, CHOS DE DAG LA MNYAM PAR GZHAG PA'I SEMS KYIS DMIGS PAR BYED PA NA SEMS KYI GZUGS BRNYAN DU GYUR PA YIN PAS DE'I PHYIR, ,DE DAG SEMS KYI DE BZHIN NYID LAS BZLOG PAR 'GYUR RO, ,LEGS PAR GZUNG BA DANG LEGS PAR BSAMS PA DANG LEGS PAR RNAM PAR GZHAG PA NYID KYIS NI DE BZHIN NYID DE NANG DU YID LA BYAR RUNG BAR STON TO, ,DE NYID CES BYA BA NI DE BZHIN NYID DO, ,DE DE LTAR DE BZHIN NYID YID LA BYED PA NA ZHES BYA BA LA, DE ZHES BYA BA NI BYANG CHUB SEMS DPA'O, ,MTSAN MA PHRA MO KUN DU 'BYUNG BA THAMS CAD LA YANG RE ZHIG SEMS LHAG PAR BTANG SNYOMS 'JOG NA ZHES BYA BA NI, DE BZHIN NYID YID LA BYED PA NI MTSAN MA THAMS CAD KYI GNYEN PO YIN PA'I PHYIR, DE YID LA BYED PA'I BYANG CHUB SEMS DPA' LA NI MTSAN MA PHRA MO DAG KYANG KUN DU MI 'BYUNG NA, MTSAN MAR RAGS PA KUN DU 'BYUNG BA LTA SMOS KYANG CI DGOS ZHES BSTAN TO, ,MTSAN MA PHRA MO DAG NI, SEMS KYIS LEN PA'I MTSAN MA ZHES BYA BA NAS, CHOS LA BDAG MED PA'I MTSAN MA ZHES BYA BA'I BAR DAG GO, ,DE LTAR ZHUGS SHING ZHES BYA BA NI MTSAN MA THAMS CAD RNAM PAR BRTZAL BA'I PHYIR DE BZHIN NYID LA ZHUGS PA'O, ,DE LA MANG DU GNAS PA ZHES BYA BA NI DE BZHIN NYID YID LA BYA BA SGOM PA LA LAN MANG DU GNAS PA'O, ,DUS DUS SU ZHES BYA BA NI, 'DI NI ZHI GNAS KYI DON YIN TE LHAG MTHONG GI MA YIN NO, ,'DI NI LHAG MTHONG GI DUS YIN GYI, ZHI GNAS KYI DUS MA YIN NO, ,'DI NI ZUNG DU 'BREL BA'I LAM GYI DUS YIN NO ZHES BYA BA'O, ,DE LTAR DUS JI LTAR BYA BA BZHIN GNAS PA'I BYANG CHUB SEMS DPA' GAGS DANG SGRIB PA DANG RNAM PAR G-YENG BA DAG LAS SEMS RNAM PAR SBYONG BAR BYED PA DE LA, CI ZHIG 'BYUNG BAR 'GYUR ZHE NA, NANG GI SO SO BDAG NYID LA SO SO RANG GIS RIG PA DE BZHIN NYID RNAM PA BDUN SO SOR RTOG PA SHES PA BDUN SKYE BAR 'GYUR TE ZHES BYA BA GSUNGS TE, DE BZHIN NYID RNAM PA BDUN GYIS CHOS THAMS CAD BSDUS PA'I PHYIR RO, ,SO @340B SO RANG RIG PA'I SHES PA RNAM PA BDUN NI BYANG CHUB SEMS DPA'I MTHONG BA'I LAM YIN PAS DE'I PHYIR, DE NI DE'I MTHONG BA'I LAM YIN NO ZHES BYA BA GSUNGS SO, ,DE THOB PAS ZHES BYA BA LA SOGS PA LA YANG DAG PA NYID KYI SKYON MED PA ZHES BYA BA NI DANG PO KHO NAR DE KHO NA MTHONG BA'O, , SA DE'I PHAN YON YANG NYAMS SU MYONG BA YIN NO ZHES BYA BA NI BYANG CHUB SEMS DPA' SA DANG PO LA PHAN YON GANG DAG BSTAN PA DE DAG NYAMS SU MYONG BA ZHES BYA BA'I THA TSIG GO, ,DES SNGAR ZHES BYA BA NI, BYANG CHUB SEMS DPA' SA MTHONG BA'I LAM 'THOB PA'I SNGA ROL TE, MOS PAS SPYOD PA'I SA LA'O, ,RNAM PAR RTOG PA DANG BCAS PA'I GZUGS BRNYAN DANG, RNAM PAR MI RTOG PA'I GZUGS BRNYAN GYI DMIGS PA THOB PA NI RNAM PA GNYIS 'THOB PA ZHES BYA BA'O, ,DE LTAR NI MTHONG BA'I LAM THOB PAS DNGOS PO'I MTHA'I DMIGS PA THOB PA YIN TE ZHES BYA BA NI THAMS CAD DU 'GRO BA'I DON GYIS CHOS KYI DBYINGS RAB TU RTOGS PA'I PHYIR DANG, KUN NAS NYON MONGS PA DANG, RNAM PAR BYANG BA'I GNAS KYI DNGOS PO MI DMIGS PA'I PHYIR DANG RTOGS PAR BYA BA'I MTHAR THUG PAR GYUR PA'I PHYIR DNGOS PO'I MTHA' NI RTOGS PA'I CHOS KYI SKU YIN, BYANG CHUB SEMS DPA' MTHONG BA'I LAM LA GNAS PA'I ZUNG DU 'BREL BA'I LAM GYI DMIGS PA CHOS KYI SKU'I NGO BO NYID DNGOS PO'I MTHA'I DMIGS PA DE THOB PA YIN NO, ,DES GONG MA RNAMS SU BSGOM PA'I LAM LA ZHUGS SHING ZHES BYA BA NI SA GNYIS PA LA SOGS PA'O, ,DMIGS PA RNAM PA GSUM PO DE DAG NYID YID LA BYED PA NA ZHES BYA BAS NI, RNAM PAR RTOG PA DANG BCAS PA'I GZUGS BRNYAN DANG, RNAM PAR MI RTOG PA'I GZUGS BRNYAN DANG, DNGOS PO'I MTHA' NYID DO, ,MTSAN MA PHRA MO DE GSUM NANG DU YID LA BYED PA DANG, 'DI LTA STE, DPER NA LA LA ZHIG KHYE'U CHES PHRA MOS KHYE'U CHES SBOM PO 'BYIN PAR BYED PA DE BZHIN DU YANG, KHYE'US KHYE'U DBYUNG BA'I TSUL DU NANG GI MTSAN MA RNAMS RNAM PAR SEL BA NI RIM GYIS KUN NAS NYON MONGS PA'I CHA DANG MTHUN PA'I MTSAN MA THAMS CAD RNAM PAR SEL BAR BYED DE, ,MTSAN MA RNAMS RNAM PAR SEL BA NA, GNAS NGAN LEN RNAMS KYANG RNAM PAR SEL BAR @341A *, ,BYED DO ZHES BYA BA LA 'DOD CHAGS LA SOGS PA'I SKYON DAG NI MTSAN MA RNAMS SO, ,LTA BA DAG NI GNAS NGAN LEN RNAMS SO, ,MTSAN MA DANG GNAS NGAN LEN THAMS CAD LEGS PAR BCOM PAS, RIM GYIS GONG MA GONG MA RNAMS SU GSER LTA BUR SEMS RNAM PAR SBYONG LA ZHES BYA BA NI, DPER NA GSER GSER MGAR GYIS GONG NAS GONG DU SBYONG BA'I LAS KYIS YONGS SU SBYONG BAR BYED PA NA, CHES 'OD GSAL BAR 'GYUR ZHING DE LAS GZHAN PA'I SA LE SBRAM DAG GIS MI 'PHROGS PA DE BZHIN DU SA GONG MA GONG MA RNAMS SU BSGOM PA'I LAM LA, GLO BUR GYI DRI MA THAMS CAD DANG BRAL BAS SEMS LAS SU RUNG BAS CHES 'OD GSAL BAR 'GYUR RO, ,DE LTAR TSUL DES BLA NA MED PA YANG DAG PAR RDZOGS PA'I BYANG CHUB KYI BAR DU MNGON PAR RDZOGS PAR 'TSANG RGYA ZHING DGOS PA YONGS SU GRUB PA'I DMIGS PA YANG THOB STE ZHES BYA BA LA DGONGS PA YONGS SU GRUB PA NI BDAG DANG GZHAN GYI DON BYA BA'I RJES SU SONG BAS CHAGS PA MED PA DANG, THOGS PA MED PA'I SHES PA DANG, MTHONG BA BRNYES PA'O, ,BYANG CHUB SEMS DPA' JI LTAR SGRUB PAR BGYID NA ZHES BYA BA LA SOGS PA ZHUS PA LA, BYAMS PA BYANG CHUB SEMS DPA' GNAS DRUG LA MKHAS PA NI, BYANG CHUB SEMS DPA'I MTHU CHEN PO MNGON PAR BSGRUB PA YIN TE ZHES BYA BA LA SOGS PA GSUNGS TE, BYANG CHUB SEMS DPA' SEMS KYI SKYE BA DANG, GNAS PA DANG, BSLANG BA DANG, 'PHEL BA DANG, 'GRIB PA DANG, THABS LA MKHAS PAS NI, BYANG CHUB SEMS DPA'I MTHU CHEN PO MNGON PAR BSGRUB PAR 'GYUR TE, BYANG CHUB SEMS DPA'I MTHU CHEN PO MNGON PAR BSGRUB PA NI, SEMS KYI SKYE BA LA SOGS PA LA RAG LAS PA'I PHYIR RO ZHES STON TO, ,JI LTAR NA SEMS KYI SKYE BA LA MKHAS PA YIN ZHE NA, SEMS KYI SKYE BA RNAM PA BCU DRUG SHES NA, SEMS KYI SKYE BA LA YANG DAG PA JI LTA BA BZHIN DU MKHAS PA YIN TE ZHES BYA BA LA GSUNGS SO, ,BRTAN PA DANG SNOD RNAM PAR RIG PA NI ZHES BYA BA LA BRTAN PA RNAM PAR RIG PA ZHES BYA BA NI SA BON THAMS CAD PA, KUN GZHI RNAM PAR SHES PA STE, DE NI KUN NAS NYON MONGS PA DANG RNAM PAR BYANG BA'I CHOS @341B RNAMS KYI BAG CHAGS BSGO BAR BYA BA YIN PAS BRTAN PA YIN NO, ,'JUG PA'I RNAM PAR SHES PA RNAMS NI G-YO BA'I PHYIR BAG CHAGS BSGO BAR BYA BA MA YIN GYI BAG CHAGS BSGO BAR BYED PA KHO NA YIN TE, DE DAG NI DGE BA LA SOGS PA'I NGO BO NYID YIN PA'I PHYIR RO, ,SNOD RNAM PAR RIG PA NI GNAS TE, BRTAN PA RNAM PAR RIG PA DANG, SNOD RNAM PAR RIG PA DE GNYIS NI, RNAM PA DANG DMIGS PA YONGS SU MA CHAD PA NYID YIN PA'I PHYIR MA RIG PA YIN NO, ,SEMS DE'I SKYE BA GANG YIN PA DE NI BRTAN PA DANG SNOD RNAM PAR RIG PA MI RIG PA'I SEMS SKYE BA YIN NO, ,BYANG CHUB SEMS DPA' DE LA MKHAS PA NI CHOS THAMS CAD 'DRES PA LA DMIGS PA'I KUN GZHI RNAM PAR SHES PA'I SGRIB PA DANG GNAS NGAN LEN THAMS CAD BSAL BA'I PHYIR, BYANG CHUB SEMS DPA'I MTHU CHEN PO MNGON PAR SGRUB PAR BYED DO, ,DMIGS PA RNAM PA SNA TSOGS RNAM PAR RIG PA NI ZHES BYA BA LA SOGS PA LA, GZUGS LA SOGS PA YUL CIG CAR 'DZIN PA'I PHYIR, DMIGS PA RNAM PA SNA TSOGS RNAM PAR RIG PA YIN NO, ,NGES PAR RTOGS PA DANG RJES SU DRAN PAR NUS PA'I PHYIR RNAM PAR RTOG PA YIN NO, ,'JUG PA'I RNAM PAR SHES PA RNAMS SHES PAR BYED PA'I BDAG NYID YIN PA'I PHYIR YID KYI RNAM PAR SHES PA YIN NO, ,BYANG CHUB SEMS DPA' DE LA MKHAS PA NI ZHES BYA BA NI THAMS CAD LA YANG SBYAR BAR SHES PAR BYA'O, ,PHYI ROL DANG NANG GI YUL CIG CAR 'DZIN PA ZHES BYA BA LA, PHYI ROL GYI YUL NI GZUGS LA SOGS PA'O, ,NANG GI YUL NI DMIGS PA LA SOGS PA'O, ,DE DAG THAMS CAD DUS GCIG TU 'DZIN PA GANG YIN PA DE NI YID KYI RNAM PAR SHES PA RNAM PAR RTOG PA CAN TE, DE'I SKYE BA LA MKHAS PA YANG SNGA MA BZHIN NO, ,SKAD CIG THANG CIG YUD TZAM CIG LA ZHES BYA BA LA SOGS PA RGYA CHER GSUNGS PA LA, BYANG CHUB SEMS DPA' ZHI GNAS DANG LHAG MTHONG BSGOM PA'I YID KYI RNAM PAR SHES PAS SKAD CIG GCIG LA CIG CAR TING NGE 'DZIN MANG PO LA SNYOMS PAR 'JUG PA NI RE ZHIG RUNG STE, TING NGE 'DZIN NI NANG DU 'JUG PA YIN PA'I PHYIR RO, ,SKAD CIG GCIG LA PHYOGS THA DAD PA NA RNAM PAR GNAS @342A *, ,PA'I SANGS RGYAS KYI ZHING MANG PO MTHONG BA DANG DE BZHIN GSHEGS PA MANG PO MTHONG BA JI LTAR YID KYI RNAM PAR SHES PA DE NYID KYIS MTHONG BAR RUNG STE, PHYI ROL GYI GZUGS SNANG BA RNAMS NI MIG GI RNAM PAR SHES PA'I YUL YIN PA'I PHYIR RO ZHE NA RUNG STE, 'JUG PA'I RNAM PAR SHES PA THAMS CAD NI YID KYI RNAM PAR SHES PA'I YUL YIN PA'I PHYIR YID KYI RNAM PAR SHES PA RNAM PA SNA TSOGS PA RNAM PAR RTOG PA DANG BCAS PA, DE NYID GNAS DE DANG DE NAS 'JUG PA NA DE DANG DE'I MING 'THOB STE, DPER NA SEMS PA LUS DANG NGAG GI LAS BZHIN TE, SEMS PA NYID BSOD NAMS DANG BSOD NAMS MA YIN PA DANG, MI G-YO BA'I 'DU BYED KYI MTSAN NYID LUS DANG NGAG GI LAS SHES PAR BYA BA DE BZHIN DU, YID KYI RNAM PAR SHES PA ZHI GNAS DANG LHAG MTHONG GI YONGS SU DAG PA DE NYID KYIS, SKAD CIG GCIG LA MIG GI RNAM PAR SHES PA'I GZUNG BA SANGS RGYAS KYI ZHING MANG PO DANG, SANGS RGYAS BCOM LDAN 'DAS MANG PO MTHONG BA'I BYANG CHUB SEMS DPA' NI SEMS KYI SKYE BA RNAM PA SNA TSOGS LA MKHAS PA YIN PAR RIG PAR BYA'O, ,DMIGS PA'I MTSAN MA CHUNG NGU RNAM PAR RIG PA'I YANG SEMS SKYE BA'I DBANG DU MDZAD PA KHO NA'O, ,'DI LTA STE, 'DOD PA DANG LDAN PA'I 'O ZHES BYA BA NI 'DOD PA'I KHAMS DANG LDAN PA'I SEMS SKYE BA NI MNYAM PAR MA BZHAG PA'I SA PA YIN PA'I PHYIR, DMIGS PA'I MTSAN MA CHUNG NGU YIN NO, ,DMIGS PA'I MTSAN MA CHEN POR GYUR PA RNAM PAR RIG PA'I NI 'DI LTA STE, GZUGS DANG LDAN PA'I 'O ZHES BYA BA NI GZUGS KYI KHAMS DANG LDAN PA'I SEMS SKYE BA NI SHIN TU MNYAM PAR GZHAG PA'I SA PA YIN PA'I PHYIR, DMIGS PA'I MTSAN MA CHEN POR GYUR PA YIN NO, ,DMIGS PA'I MTSAN MA CHAD MED PA RNAM PAR RIG PA'I NI, 'DI LTA STE, NAM MKHA' DANG RNAM SHES MTHA' YAS SKYE MCHED DANG LDAN PA'O ZHES BYA BA NI NAM MKHA' MTHA' YAS SO, ,RNAM SHES MTHA' YAS SO SNYAM DU SNYOMS PAR 'JUG PA DANG, SKYE BA LAS SEMS SKYE BA GANG YIN PA DE NI NAM MKHA' DANG RNAM PAR SHES PA MTHA' YAS PA DANG LDAN PA YIN PA'I PHYIR @342B DMIGS PA'I MTSAN MA TSAD MED PA YIN NO, ,DMIGS PA'I MTSAN MA PHRA MO RNAM PAR RIG PA'I NI 'DI LTA STE, CI YANG MED PA'I SKYE MCHED DANG LDAN PA'I 'O ZHES BYA BA NI 'JIG TSOGS LA LTA BA DANG LDAN PA'I SEMS KYIS CI YANG MED DO SNYAM DU MTSAN MA PHRA MO LA DMIGS PA LAS SEMS SKYE BA GANG YIN PA DE NI DMIGS PA'I MTSAN MA PHRA MO RNAM PAR RIG PA YIN NO, ,DMIGS PA'I MTSAN MA MTHAR THUG PA RNAM PAR RIG PA'I NI 'DI LTA STE, 'DU SHES MED 'DU SHES MED MIN SKYE MCHED DANG LDAN PA'I 'O ZHES BYA BA NI, KHAMS DANG GNAS DANG 'JIG RTEN PA'I SNYOMS PAR 'JUG PA'I MTHAR THUG PA LAS, DMIGS PA'I MTSAN MA MTHAR THUG PA RNAM PAR RIG PA'I SEMS SKYE BAR 'GYUR BA'O, ,MTSAN MA MED PA RNAM PAR RIG PA'I NI 'DI LTA STE, 'JIG RTEN LAS 'DAS PA DANG 'GOG PA LA DMIGS PA'I 'O ZHES BYA BA NI 'JIG RTEN LAS 'DAS PA'I SEMS SKYE BA NI MTSAN MA THAMS CAD KYI GNYEN PO YIN PA'I PHYIR MTSAN MA MED PA RNAM PAR RIG PA YIN NO, ,'GOG PA LA DMIGS PA'I SEMS SKYE BA YANG DE BZHIN NO, ,SDUG BSNGAL DANG LDAN PA'I NI 'DI LTA STE, SEMS CAN DMYAL BA'I 'O ZHES BYA BA NI SEMS CAN DMYAL BA PA'I SEMS SKYE BA NI BDE BA DANG MA 'DRES PA'I PHYIR SDUG BSNGAL DANG LDAN PA YIN NO, ,TSOR BA 'DREN MA DANG LDAN PA'I NI, 'DI LTA STE, 'DOD PA NA SPYOD PA'I 'O ZHES BYA BA NI BDE BA DANG SDUG BSNGAL DANG BTANG SNYOMS KYI TSOR BA 'DREN MA'I SEMS SKYE BA ZHES BYA BA'I THA TSIG STE, 'DOD PA'I KHAMS NI LAS KYI RNAM PAR SMIN PA SNA TSOGS DANG LDAN PA YIN PA'I PHYIR RO, ,DGA' BA DANG LDAN PA NI 'DI LTA STE, BSAM GTAN DANG PO DANG BSAM GTAN GNYIS PA'I 'O ZHES BYA BA NI BSAM GTAN DANG PO DANG GNYIS PA GNYIS LA NI, DBEN PA LAS SKYES PA'I DGA' BA DANG LDAN PA'I SEMS SKYE BA'I PHYIR RO, ,BDE BA DANG LDAN PA'I NI 'DI LTA STE, BSAM GTAN GSUM PA'I 'O ZHES BYA BA NI BSAM GTAN GSUM PA LA NI NANG YONGS SU DANG BA LAS, SEMS LAS BYUNG BA BDE BA SKYE BA'I PHYIR RO, ,SDUG BSNGAL BA YANG MA YIN BDE BA YANG MA YIN PA DANG LDAN PA NI 'DI LTA STE, BSAM GTAN BZHI PA DANG, 'DU SHES MED 'DU SHES @343A *, ,MED MIN SKYE MCHED KYI BAR GYI'O ZHES BYA BA NI BSAM GTAN BZHI PA YAN CHAD NI SKYON RNAM PA BRGYAD DANG BRAL BA'I PHYIR, BTANG SNYOMS DANG LDAN PA'I SEMS SKYE'O, ,SKYON RNAM PA BRGYAD NI RTOG PA DANG DPYOD PA DANG, DBUGS RDUB PA DANG, DBUGS 'BYUNG BA DANG, BDE BA DANG, SDUG BSNGAL DANG, YID BDE BA DANG, YID MI BDE BA'O, ,NYON MONGS PA CAN DANG LDAN PA'I NI 'DI LTA STE, NYON MONGS PA DANG NYE BA'I NYON MONGS PA DANG LDAN PA'I 'O ZHES BYA BA NI, NYON MONGS PA NI 'DOD CHAGS LA SOGS PA'O, ,NYE BA'I NYON MONGS PA NI KHRO BA LA SOGS PA'O, ,DGE BA DANG LDAN PA'I NI 'DI LTA STE DAD PA LA SOGS PA DANG LDAN PA'I 'O ZHES BYA BA NI DKON MCHOG DANG, BDEN PA DANG, LAS DANG 'BRAS BU LA MNGON PAR YID CHES PA LA SOGS PA DANG LDAN PA'I SEMS SKYE BA ZHES BYA BA'I THA TSIG GO, ,LUNG DU MA BSTAN PA DANG LDAN PA'I NI, 'DI LTA STE, DE GNYI GA DANG MI LDAN PA'I 'O ZHES BYA BA NI RNAM PAR SMIN PA LAS SKYES PA DANG, SPYOD LAM LAS BYUNG BA DANG, BZO'I GNAS LAS BYUNG BA DANG, SPRUL PA BYED PA'I SEMS SKYE BA ZHES BYA BA'I THA TSIG GO, ,DE LTAR SEMS KYI SKYE BA LA MKHAS PA RNAM PAR BSHAD NAS JI LTAR GNAS PA LA MKHAS PA YIN ZHE NA ZHES BYA BA LA SOGS PAS, SEMS KYI GNAS PA LA MKHAS PA LA 'JUG PAR BYED DE, GAL TE RNAM PAR RIG PA'I DE BZHIN NYID YANG DAG PA JI LTA BA BZHIN RAB TU SHES PA'O ZHES BYA BA NI BYANG CHUB SEMS DPA' 'DU BYED RNAM PAR RIG PA TZAM DU RAB TU SHES PA NI SEMS KYI GNAS PA LA MKHAS PA YIN TE, SEMS KYI GNAS PA LA MKHAS PA NA, BYANG CHUB SEMS DPA'I MTHU CHEN PO MNGON PAR SGRUB PAR BYED DO ZHES STON TO, ,RNAM PAR RIG PA'I DE BZHIN NYID JI LTA BU ZHE NA, RNAM PAR RIG PA THAMS CAD KYI DE TZAM NYID DE, DON DANG BRAL BA'I PHYIR RO, ,RMI LAM LA SOGS PA'I SEMS KYI GNAS PA NI RNAM PAR RIG PA TZAM NYID YIN PAR RUNG NA, MIG GI RNAM PAR SHES PA LA SOGS PA'I RNAM PAR RIG PA RNAMS DANG, MIG LA SOGS PA'I RNAM PAR RIG PA GZUGS CAN RNAMS JI LTAR RNAM PAR RIG PA TZAM DU RUNG ZHE @343B NA, RNAM PAR RIG PA MTSAN MA DANG BCAS PA'I LTA BA THAMS CAD NI, DON MED PAR YANG GNYIS NYID DU SNANG STE, MIG GI RNAM PAR RIG PA LA SOGS PA NI, GZUGS LA SOGS PA'I MTSAN MA DANG, DE'I RNAM PAR SHES PA'I LTA BA DANG LUS KYI RNAM PAR SHES PA'I BAR GYI LTA BAS SO, , YID KYI RNAM PAR RIG PA NI MIG LA SOGS PA CHOS KYI MTHAR THUG PA'I RNAM PAR RIG PA THAMS CAD KYI MTSAN MA DANG BCAS PA DANG, YID KYI RNAM PAR SHES PA'I RNAM PAR RIG PAS LTA BA DANG BCAS PA DAG YIN TE, MTSAN MA DANG LTA BA NI PHYIN CI LOG LA SOGS PA KUN NAS NYON MONGS PA'I GZHI'I GNAS YIN NO, ,DE LTA MA YIN NA NI DON MED PA LA DON DU PHYIN CI LOG MED PAR 'GYUR BA DANG, DE MED NA NYON MONGS PA DANG SHES BYA'I SGRIB PA KUN NAS NYON MONGS PA YANG MED PAR 'GYUR BA DANG, DE MED NA RNAM PAR BYANG BA YANG MED PA'I SKYON DU 'GYUR TE, RNAM PAR RIG PA'I DE BZHIN NYID, DE TZAM NYID YIN PAR RIGS PA DANG LUNG GIS RIG PAR BYA'O, ,SEMS KYI GNAS PA RNAM PAR BSHAD NAS, JI LTAR NA BSLANG BA LA MKHAS PA YIN ZHE NA ZHES BYA BA LA SOGS PAS SEMS KYI BSLANG BA STON TO, ,BYANG CHUB SEMS DPA' SEMS KYI BSLANG BA LA MKHAS PA NI 'DOD CHAGS LA SOGS PA NYON MONGS PA'I MTSAN MA'I 'CHING BA DANG, 'JIG TSOGS LA SOGS PA NYON MONGS PA'I GNAS NGAN LEN GYI 'CHING BA LAS SEMS 'DI NI 'DI LAS BSLANG BAR BYA'O ZHES YANG DAG PA JI LTA BA BZHIN RAB TU SHES PAS, BYANG CHUB SEMS DPA'I MTHU CHEN PO MNGON PAR SGRUB PAR BYED DO, ,SEMS KYI BSLANG BA RNAM PAR BSHAD NAS, JI LTAR 'PHEL BA LA MKHAS PA YIN ZHE NA ZHES BYA BA LA SOGS PAS SEMS KYI 'PHEL BA STON TO, ,GAL TE MTSAN MA DANG, GNAS NGAN LEN GYI GNYEN PO'I SEMS GANG YIN PA DE SKYE BA DANG, 'PHEL BA'I TSE SKYE'O 'PHEL LO ZHES BYA BA LA MKHAS PA YIN NO ZHES BYA BA NI GNAS NGAN LEN GYI 'CHING BA'I GNYEN POR GYUR BA ZHI GNAS DANG LHAG MTHONG ZUNG DU 'BREL BAS, 'JUG PA'I MTSAN MA 'PHEL BA NA, 'PHEL LO ZHES 'PHEL BA LA MKHAS PA YIN @344A *, ,NO, ,SEMS KYI 'PHEL BA RNAM PAR BSHAD NAS, JI LTAR NA 'GRIB PA LA MKHAS PA YIN ZHE NA ZHES BYA BA LA SOGS PAS SEMS KYI 'GRIB PA STON TO, ,GAL TE DE DANG MI MTHUN PA'I PHYOGS SU GYUR PA MTSAN MA DANG, GNAS NGAN LEN GYIS KUN NAS NYON MONGS PA CAN DU GYUR PA'I SEMS DE 'GRIB CING, 'BRI BAR GYUR PA NA 'GRIB CING 'BRI'O ZHES 'GRIB PA LA MKHAS PA YIN NO ZHES BYA BA LA MI MTHUN PA'I PHYOGS SU GYUR PA ZHES BYA BA NI, GAGS DANG SGRIB PA DANG RNAM PAR G-YENG BA DANG LDAN PA'I SEMS ZHES BYA BA'I THA TSIG GO, , SEMS KYI 'GRIB PA RNAM PAR BSHAD NAS JI LTAR NA THABS LA MKHAS PA YIN ZHE NA ZHES BYA BA LA SOGS PAS SEMS KYI THABS STON TO, ,GAL TE RNAM PAR THAR BA DANG ZIL GYIS GNON PA'I SKYE MCHED DANG, ZAD PAR GYI SKYE MCHED DAG SGOM PAR BYED PA STE ZHES BYA BA NI BYANG CHUB SEMS DPA' RNAM PAR THAR PA DANG, ZIL GYIS GNON PA DANG ZAD PAR GYI SKYE MCHED DAG SGOM PAR BYED PA NI, SEMS RNAM PAR DAG PA'I THABS YIN NO, ,BYAMS PA DE LTAR NA ZHES BYA BA LA SOGS PAS NI, BYANG CHUB SEMS DPA' DE LTAR GNAS DRUG LA MKHAS PA RNAMS NI BYANG CHUB SEMS DPA'I MTHU CHEN PO MNGON PAR BSGRUBS PA DANG, MNGON PAR BSGRUB PAR 'GYUR BA DANG, MNGON PAR SGRUB PAR BYED PA YIN NO ZHES MJUG SDUD PAR BYED DO, ,BCOM LDAN 'DAS KYIS PHUNG PO'I LHAG MA MED PA'I MYA NGAN LAS 'DAS PA'I DBYINGS SU TSOR BA THAMS CAD MA LUS PAR 'GOG GO ZHES GANG GSUNGS PA LA ZHES BYA BA LA SOGS PA RGYA CHER GSUNGS PA LA, BYAMS PA MDOR BSDU NA TSOR BA RNAM PA GNYIS TE, GNAS KYI GNAS NGAN LEN RIG PA DANG DE'I 'BRAS BU YUL RIG PA'O, ,DE LA GNAS KYI GNAS NGAN LEN RIG PA NI RNAM PA BZHIR RIG PAR BYA STE, GZUGS KYI GNAS RIG PA DANG ZHES BYA BA NI, GZUGS KYI PHUNG PO GNAS GYUR PA'I PHYIR ZHING DANG, SKU DANG, MTSAN MA DANG, DPE BYAD BZANG PO DANG, GSUNG DBYANGS MTHA' YAS PA DANG, SPYI GTZUG PA LTAR MI MTHONG BA NYID RIG PA'O, ,GZUGS MED PA'I GNAS RIG @344B PA ZHES BYA BA NI, PHUNG PO GZUGS CAN MA YIN PA RNAM PA BZHI GNAS GYUR PA'I MTSAN NYID DE, DE LA TSOR BA'I PHUNG PO GNAS GYUR PA'I PHYIR BDE BA KHA NA MA THO BA MED PA TSAD MED PA RGYA CHEN PO LA GNAS PA RIG PA DANG, 'DU SHES KYI PHUNG PO GNAS GYUR PA'I TSE, MING GI TSOGS DANG, TSIG GI TSOGS DANG, YI GE'I TSOGS THAMS CAD KYIS STON PA LA DBANG 'BYOR BA RIG PA DANG, 'DU BYED KYI PHUNG PO GNAS GYUR PA'I PHYIR SPRUL PA DANG, BSGYUR BA DANG, 'KHOR BSDU BA DANG, DKAR PO'I CHOS CAN DGUG PA RIG PA DANG, RNAM PAR SHES PA'I PHUNG PO GNAS GYUR PA'I PHYIR, ME LONG LTA BU DANG MNYAM PA NYID DANG SO SOR RTOG PA DANG, BYA BA GRUB PA'I YE SHES RIG PA'O, ,DE LA 'BRAS BU GRUB PA NI DA LTAR GYI GANG YIN PA'O ZHES BYA BA NI GZUGS DANG, GZUGS MED PA'I GNAS RIG PA DE DAG NYID SKAD CIG DE LA 'BYUNG BA'O, ,'BRAS BU MA GRUB PA NI MA 'ONGS PA'I RGYUR GYUR BA GANG YIN PA'O ZHES BYA BA NI DE DAG NYID KYI 'BRAS BU MA 'ONGS PA'O, ,YUL RIG PA YANG RNAM PA BZHIR RIG PAR BYA STE, BZHI GANG ZHE NA, GNAS RIG PA NI DE BZHIN GSHEGS PA'I GNAS GZHAL MED KHANG CHEN PO KHA DOG DANG, DBYIBS DANG, TSAD LA SOGS PA THUN MONG MA YIN PA YONGS SU GRUB PA'O, ,YO BYAD RIG PA NI LHA DANG MI'I LAS YANG DAG PAR 'DAS PA YO BYAD TSAD MED PA SNA TSOGS SNANG BA'O, ,LONGS SPYOD RIG PA NI LONGS SPYOD RDZOGS PA DANG, SPRUL PA'I SKU GNYIS KYIS BDAG DANG, GZHAN THEG PA CHEN PO'I CHOS KYI LONGS SPYOD MYONG BAR MDZAD PA'O, ,LTOS PA RIG PA NI, YUL RIG PA'I RGYU GANG DAG DANG RKYEN GANG DAG YIN PA DE DAG YONGS SU MA GTUGS PA'O, ,DE YANG PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS NA'O ZHES BYA BA LA DE YANG ZHES BYA BA NI GNAS RIG PA DANG, DE'I 'BRAS BU YUL RIG PA STE, DE BZHIN GSHEGS PA'I PHUNG PO LHAG MA DANG BCAS PA'I MYA NGAN LAS 'DAS PA'I DBYINGS LA YOD PA'O, ,'BRAS BU MA GRUB PA ZHES BYA BA NI MA 'ONGS PA'I RGYUR GYUR PA'O, ,RIG PA'I 'DUS TE REG PA LAS BYUNG BA'I TSOR BA MYONG BA NI ZHES BYA BA NI NYON MONGS PA CAN DANG, @345A *, ,NYON MONGS PA CAN MA YIN PA'I RIG PA MA SPANGS PA'I PHYIR RO, ,DE'I MI MTHUN PA'I PHYOGS THAMS CAD KYI THAMS CAD DU 'GAGS PA MA YIN TE ZHES BYA BA NI, RIG PA'I 'DUS TE REG PA LAS BYUNG BA GNAS RIG PA RNYED PA'I PHYIR, DE'I MI MTHUN PA'I PHYOGS SU GYUR PA NYON MONGS PA CAN DANG, NYON MONGS PA CAN MA YIN PA'I MA RIG PA'I 'DUS TE REG PA LAS BYUNG BA'I TSOR BA RANG GI RNAM PAR RTOG PAS KUN DU GZUNG BA THUN MONG MA YIN PA'I TSOR BA SKYE BA'I SA BON 'GAGS PA DANG, RIG PA'I 'DUS TE REG PA LAS BYUNG BA DE'I 'BRAS BU YUL RIG PA BRNYES PA'I PHYIR YANG GZHAN GYI RNAM PAR RTOG PAS KUN DU GZUNG BA THUN MONG PA'I TSOR BA SKYE BA'I SA BON DMIGS PA THAMS CAD LA, SGRIB PA MA 'GAGS PA'I PHYIR RO, ,PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DA' BA NA, DE YANG 'GAGS PAR 'GYUR TE ZHES BYA BA NI, DE BZHIN GSHEGS PA'I RIG PA 'DUS TE REG PA LAS BYUNG BA GNAS DANG, YUL RIG PA DA LTAR BYUNG NA, 'THOB PA DE YANG 'GOG PAR MDZAD PA STE, TSOR BA DANG, TSOR BA MED PA'I SKYE BA'I SA BON KUN GZHI'I LUS YONGS SU ZAD PA'I PHYIR RO, ,DE'I PHYIR ZHES BYA BA LA SOGS PAS NI, DE NYID KYIS MJUG SDUD PAR BYED DO, ,GAL TE DE BZHIN GSHEGS PA PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DA' NA, JI LTAR 'KHOR BA'I BAR DU GZHAN GYI DON MDZAD PA GRUB PAR 'GYUR ZHE NA, SNGON GYI SMON LAM GYI SHUGS GYIS NA, DE BZHIN GSHEGS PA NI YONGS SU MYA NGAN LAS 'DAS KYANG, SEMS CAN GYI DON MDZAD PA 'GRUB STE, DE BZHIN GSHEGS PA'I RNAM PAR ROL PA NI SNA TSOGS YIN PA'I PHYIR RO, ,'PHAGS PA DGONGS PA NGES PAR 'GREL BA'I MDO LAS, 'PHAGS PA BYAMS PA'I LE'U'I BSHAD PA, SLOB DPON YE SHES SNYING POS MDZAD PA RDZOGS SO,, ,,