@1A [DD] #, ,THABS DANG LDAN PA'I LAS RNAM PAR DBYE BA'I TSIGS SU BCAD PA BZHI STE ZHES BYA BA LA, GDAMS PA DANG RJES SU BSTAN PA'I SKABS KYI RJES LA THABS KYIS BSDUS PA'I LAS [DD] BSHAD PAR 'BREL CI YOD CE NA, GONG DU GANG LA BSLAB PA DANG, JI LTAR BSLAB PA DANG, GANG GIS BSLAB PA GSUM LAS 'DI YANG JI LTAR BSLAB PA'I SKABS YIN TE, DE LA YANG GANG BSLAB PA'I KHYAD PAR ZHES SMOS PA DE YANG BRJOD DGOS LA, BSLAB PA DE YANG GANG LA DMIGS NAS SLOB PAR BYED PA DE YANG SMRA DGOS TE, DE LA BSLAB PA'I KHYAD PAR DE ZHES BRJOD PAR BYA'O, ,DE LA BSLAB PA NI GANG BSLAB PA'I KHYAD PAR NI GANG ZHE NA, RANG GI BYA BA BSGRUB PA NI BSLAB PA'O, ,NYAN THOS LA SOGS PA DANG THUN MONG DU MA GYUR PA NI KHYAD PAR RO, ,RANG GI BYA BA BSGRUB PA LA YANG RNAM PA GNYIS TE, SPYI DANG KHYAD PAR RO, ,DE LA SPYI NI LUS LA SOGS PA'I LAS LA PHYIN CI MA LOG PAR 'JUG PA STE, DE NI THABS KYIS BSDUS PA'I LAS NYID DE LAS DE DGE BA'I LAS MNGON PAR 'DU BYED PA THAMS CAD LA KHYAB PAS NA @2A *, ,SPYI ZHES BYA'O, ,KHYAD PAR NI PHA ROL TU PHYIN PA DRUG BSGRUB PA STE, DE NI PHYIS 'CHAD DO, ,TSAL DANG RI DANG LUS CAN CHU BO DAG ,THAMS CAD JI LTAR SA LA GNAS PA BZHIN, ,DE BZHIN SBYIN PA LA SOGS DGE BA DAG ,MDOR NA BLO CAN LAS RNAMS GSUM LAS BRJOD, ,CES BYA BA'I TSIGS SU BCAD PA 'DIS DGE BA RNAMS LDANG BA'I THABS BSTAN TE, DPER NA TSAL DANG, RI DANG LUS CAN TE SEMS CAN DANG, CHU BO DAGS CHEN PO'I STENG NA GNAS SHING, SA LA BRTEN PA DANG SA LAS SKYE BA DE BZHIN DU, MDOR NA BLO CAN BYANG CHUB SEMS DPA' RNAMS KYI LUS DANG, NGAG DANG, YID GSUM GYI LAS RNAM PAR DAG PA LA SBYIN PA LA SOGS PA PHA ROL TU PHYIN PA'I CHOS RNAMS DANG; BYANG CHUB KYI PHYOGS SUM CU RTZA BDUN LA SOGS PA'I CHOS RNAMS DE LA GNAS SHING, LAS RNAM PA GSUM DAG LAS SKYE'O ZHES BYA BA'I DON TO, ,DPE'I SKABS DON RNAM PA BZHI BSTAN TE, LONGS SPYOD DANG, ZA BA PO DANG, BRTAN PA DANG, MI BRTAN PA'O, ,DE LA TSAL SMOS PAS NI LONGS SPYOD KYI DNGOS PO BSTAN TE, MDO LAS KYANG, BCOM LDAN 'DAS DZE TA'I TSAL NA BZHUGS ZHES 'BYUNG BA'I PHYIR RO, ,LUS CAN ZHES BYA BAS ZA BA PO BSTAN TO, ,SEMS CAN DANG @2B RI ZHES BYA BAS BRTAN PA BSTAN TO, ,CHU BO ZHES BYA BAS MI BRTAN PA BSTAN TO, ,DE YANG MDOR NA RNAM PA GNYIS SU GZHAG STE, RI DANG TSAL GYIS NI BRTAN PA'I DNGOS PO BSTAN, LUS CAN DANG CHU BOS NI MI BRTAN PA'I DNGOS PO BSTAN TO, ,SEMS CAN DANG, SEMS CAN MA YIN PA'I GRANGS SU DBYE NA; LUS CAN NI SEMS CAN GYI GRANGS SU GTOGS PA'O, ,TSAL DANG RI DANG CHU BO NI SEMS CAN GYI GRANGS SU MA GTOGS PA'O, ,DA TSIGS SU BCAD PA GNYIS KYIS LDANG BA'I THABS BSTAN TE, DE YANG RNAM PA GNYIS LAS BSLANG BA'I THABS BSTAN TO, ,RNAM PA GNYIS NI THEG PA CHEN PO LA SKYO PA LAS BSLANG BA DANG, THEG PA GZHAN DU LTUNG BA LAS BSLANG BA'O, ,SNA TSOGS RANG BZHIN BSKAL PA MANG POS MTHAR PHYIN PA'I, ,RAB TU DKA' BA'I LAS LA BRTZON PA'I BDAG NYID DE, ,LUS DANG NGAG DANG SEMS KYI MTSAN NYID LAS RNAMS LA, ,RGYAL BA'I SRAS DAG ZHUM PAR YONGS SU MI 'GYUR RO, ,ZHES BYA BA LA, SEMS CAN RNAMS KYI DON DANG CHED DU BYANG CHUB SEMS DPA' BSOD NAMS DANG YE SHES KYI TSOGS YONGS SU RDZOGS PAR BYA BA'I PHYIR, LUS DANG NGAG DANG YID GSUM GYI SGO NAS PHYI'I DNGOS PO BU SMAD DANG, NOR RDZAS LA SOGS PA GTONG BA DANG, NANG GI DNGOS PO MGO DANG RKANG LAG DANG MIG LA SOGS PA YAN LAG DAM PA GTONG BA NI SNA TSOGS KYI RANG BZHIN ZHES BYA'O, ,DE LTA BU YANG LO DANG ZLA BA RNAMS KYIS SPYAD PAS, BSOD NAMS DANG YE SHES KYI TSOGS RDZOGS PAR MI 'GYUR GYI, BSKAL PA GRANGS MED PA GSUM DU SPYAD CING BTANG NA, GDOD PA SOD NAMS DANG YE SHES KYI TSOGS RDZOGS SHING MTHAR PHYIN PAR 'GYUR BAS NA, BSKAL PA MANG POS MTHAR PHYIN PA ZHES BYA STE, DE 'DRA BA'I BAR DU DKA' BA'I LAS LA BRTZON PA'I BDAG NYID NYAN THOS DANG RANG SANGS RGYAS DANG 'JIG RTEN PA MA YIN GYI BYANG CHUB SEMS DPA' LA YIN NO ZHES BYA BA'I DON TO, ,DE LTAR LUS DANG NGAG DANG YID GSUM GYI MTSAN NYID KYIS RAB TU DKA' BA'I LAS LA SPYAD CING ZHUGS KYANG RGYAL BA'I SRAS BYANG CHUB SEMS DPA' RNAMS LA ZHUM PAR MI 'GYUR TE, BRTZON 'GRUS ZHAN PAR MI 'GYUR ZHING SKYO BAR MI 'GYUR RO ZHES BYA BA'I DON TO, ,CI'I PHYIR ZHE NA, DUS RING POR SPYAD PA'I PHYIR TE, THEG PA @3A *, ,CHEN PO LA DUS RING POR GOMS PAR BYAS NA BDAG NYID THEG PA CHEN PO'I RANG BZHIN DANG NGO BO NYID DU 'GYUR RO, ,MDO GZHAN DAG LAS KYANG DGE BA'I CHOS RNAMS LA SNGON GOMS PAR BYAS PA'I RGYUS, DE DANG 'DRA BA'I RNAM PAR SMIN PA MNGON PAR 'GRUB STE, DE LTA BU'I RNAM PAR SMIN PA GRUB PAS, GANG GI PHYIR MA BRTAGS PAR YANG DE SPYAD PA LA DAG PAR 'GYUR RO ZHES GSUNGS SO, ,DE LTAR BSKAL PA MANG POR THEG PA CHEN PO LA SPYAD NA THEG PA CHEN PO'I RANG BZHIN DU 'GYUR BA RNAMS NI, RMI LAM NA YANG DE LA SPYOD PAR RMIS TE, DE BAS NA THEG PA CHEN PO LA SKYO BAR MI 'GYUR BA'I PHYIR 'DIS NI THEG PA CHEN PO LA SKYO BA LAS BSLANG BAR BSTAN TO, ,JI LTAR DUG DANG MTSON DANG DGRA DANG GNAM LCAGS DAG ,BDAG LA PHAN PHYIR RANG GI GNAM LAS BZLOG PA BZHIN, ,DE BZHIN LAS RNAM GSUM YANG RGYAL BA'I SRAS DAG GIS, ,THEG PA NGAN PA RNAM PA GNYIS LAS BZLOG PAR BYA, ,ZHES BYA BA LA, DPER NA SKYES BU LA LA ZHIG BDAG LA PHAN PAR 'DOD PA DAG GI LUS DANG, SEMS LA MI GNOD PAR BYA BA DANG, SROG GI BAR CHAD DU MI 'GYUR BAR BYA BA'I PHYIR, LUS DANG SEMS LA GNOD PAR 'GYUR BA'I DNGOS PO, DUG DANG MTSON DANG DGRA DANG GNAM LCAGS DAG LA BDAG GI GNAM LAS BZLOG CING SKYO PAR BYED DE, DUG MI ZA MTSON GYIS MI 'DEBS DGRA DANG GNAM LCAGS LA SOGS PA BYUNG NA ZLOG PAR BYED DO, ,DE DANG 'DRA BAR BYANG CHUB SEMS DPA' YANG THEG PA NGAN PA STE, NYAN THOS KYI THEG PA DANG, RANG SANGS RGYAS KYI THEG PA GNYIS KYI SPYOD PA LA LUS DANG NGAG DANG YID GSUM MI 'JUG CING LAS GSUM GYI SGO NAS DGE BA SPYAD PA THEG PA GNYIS SU SNGO BAR MI BYED DO, ,CI'I PHYIR ZHE NA, 'DI NI BYANG CHUB SEMS DPA'I ZHI BA STE, GANG BYANG CHUB SEMS DPA'I SPYOD PA BTANG NAS, NYAN THOS KYI THEG PA LA BRTEN PA DANG, LUS LA SOGS PA'I SGO NAS DGE BA SPYAD PA RNAMS THEG PA NGAN PAR BSNGO BA STE, DE LTAR BSNGOS NA THEG PA CHEN PO'I DGE BA'I RTZA BA RTZA BA NAS CHAD CING MED PAR 'GYUR BA'I PHYIR RO, ,THEG PA CHUNG NGUR BSNGO BA NI DUG DANG MTSON LA SOGS PA DANG 'DRA BAR RIG NAS DER SNGO BAR MI BYED DO, 'DIS NI THEG PA GZHAN DU LTUNG BA LAS BSLANG BA'I THABS BSTAN TO, @3B TSIGS SU BCAD PA DE GNYIS KYIS LDANG PA'I THABS BSTAN TO ZHES BYA BA LA, TSIGS SU BCAD PA GNYIS PA DANG, GSUM PAS NI LDANG BA'I THABS BSTAN TE, DE LA YANG TSIGS SU BCAD PA GNYIS PAS NI THEG PA CHEN PO LAS SKYO BA LAS BSLANG BA'I THABS BSTAN, GSUM PAS NI THEG PA GZHAN DU LTUNG BA LAS BSLANG BA'I THABS BSTAN TE RIM PA BZHIN DU SBYAR RO, ,DUG LA SOGS PA DANG 'DRA BA NI ZHES BYA BA LA SOGS PA LA, DPER NA DUG DANG MTSON LA SOGS PAS SEMS CAN DANG SEMS CAN MA YIN PA DAG MA RUNG ZHING 'CHI BAR BYED PA DE BZHIN DU, LUS DANG NGAG DANG YID GSUM GYI LAS THEG PA NGAN PAR BSNGOS PA YANG DE DANG 'DRA STE, THEG PA NGAN PAR BSNGOS PAS THEG PA NGAN PA'I DGE BA'I RTZA BA SKYER ZAD KYI, BYANG CHUB CHEN PO 'THOB PA'I DGE BA'I RTZA BA 'CHAD PAR 'GYUR RO, ,THEG PA CHEN PO LA DGE BA'I RTZA BA GCOD PA DANG, MA SKYES PA'I DGE BA'I RTZA BA RNAMS MI SKYED PA DANG, SKYES PA'I DGE BA'I RTZA BA RNAMS 'JIG PA DANG, SANGS RGYAS PA PHUN SUM TSOGS PA THOB PA'I BGEGS BYED PA'I PHYIR RO ZHES BYA BA LA, THEG PA NGAN PAR BSNGOS PA'I LAS RNAMS NI DUG DANG MTSON CHA DANG 'DRA STE, DGE BA'I RTZA BA GCOD DO ZHES BSHAD PA DE JI LTAR GCOD PA BSHAD DE, DPER NA MTSON CHAS SHING GI RTZA BA BCAD NA LO MA DANG, SDONG BU DANG, ME TOG DANG, 'BRAS BU RNAMS MI SKYE BA DE BZHIN DU, LUS LA SOGS PA'I SGO NAS DGE BA SPYAD PA THEG PA NGAN PA GNYIS SU BSNGOS NA, BYANG CHUB CHEN PO'I RTZA BA BYANG CHUB KYI SEMS GCOD PA DANG, BYANG CHUB KYI SEMS KYI RTZA BA DANG MYU GU BCAD NA PHA ROL TU PHYIN PA 'DAB MA DANG 'DRA BA DANG, SA BCU'I SDONG BU DANG 'DRA BA DANG, BYANG CHUB KYI PHYOGS SUM CU RTZA BDUN ME TOG DANG 'DRA BA DANG, STOBS DANG MI 'JIGS PA LA SOGS PA'I YON TAN DANG LDAN PA BYANG CHUB CHEN PO 'BRAS BU DANG 'DRA BA MI SKYE BAS NA MTSON DANG 'DRA BAR RIG PAR BYA'O, ,DPER NA DUG SA PHYOGS GANG DU PHOG PA DER LO TOG MA SKYES PA RNAMS MI SKYE BA DE BZHIN DU, DGE BA'I LAS THEG PA NGAN PA GNYIS SU BSNGOS NA THEG PA CHEN PO'I DGE BA'I RTZA BA MA SKYES PA RNAMS MI SKYE BAS NA DUG DANG 'DRA'O, ,DPER NA GNAM LCAGS KYIS 'BRU DANG LO TOG RNAMS SKYES PA 'JIG CING MED PAR BYED PA BZHIN DU LAS RNAM PA GSUM GYIS DGE BA @4A *, ,SPYAD PA THEG PA NGAN PAR BSNGOS NA THEG PA CHEN PO'I DGE BA'I RTZA BA SKYES PA'I 'BRU RNAMS 'JIG CING MED PAR 'GYUR BAS GNAM LCAGS DANG 'DRA'O, ,DPER NA DGRAS LONGS SPYOD DANG DGE BA SNA TSOGS KYI BGEGS DANG BAR CHAD BYED PA DE BZHIN DU LAS GSUM GYI SGO NAS DGE BA SPYAD LA THEG PA NGAN PAR BSNGOS NA SANGS RGYAS BCOM LDAN 'DAS KYIS PHUN SUM TSOGS PA'I BDE BA STOBS DANG MI 'JIGS PA LA SOGS PA'I YON TAN THOB PA LA SOGS PA LA BGEGS SU 'GYUR BAS NA DGRA DANG 'DRA'O ZHES BYA BA'I DON TO, ,TSIGS SU BCAD PA BZHI PAS NI LAS GSUM RNAM PAR DAG PA'I THABS BSTAN TE, DE'I PHYIR BYED PA DANG LAS DANG LAS KYI BYA BA GSUM DU RTOG BRTAG TU DMIGS PA MED CES BYA BA SMOS TE, BYED PA NI BYANG CHUB SEMS DPA' NYID DE, DE YANG YOD PA'I RTOG PA'I DMIGS PA MED DE, CI'I PHYIR ZHE NA, GANG ZAG LA BDAG MED PAR RTOG PAS YOD PAR MI RTOG GO ZHES BYA BA'I DON TO, ,LAS NI BSGRUB PAR BYA BA'I CHOS PHA ROL TU PHYIN PA DRUG STE, DE LA YANG YOD PAR RTOG PA'I DMIGS PA MED DO, ,LAS KYI BYA BA NI BRTZON 'GRUS GANG GIS PHA ROL TU PHYIN PA SGRUB PAR BYED DE DE LA YANG YOD PAR RTOG PA'I DMIGS PA MED DE, CI'I PHYIR ZHE NA, CHOS LA BDAG MED PAR RTOG PAS NA DE DAG LA YOD PAR MI RTOG GO ZHES BYA BA'I DON TO, ,DE BAS DE YI LAS 'DI RNAM DAG PHA ROL DU, ,'GRO BAR 'GYUR BA MTHA' YAS THABS NI GZUNG BA'I PHYIR, ,ZHES BYA BA LA, DE BAS NA BYANG CHUB SEMS DPA' BYED PA DANG, LAS DANG, LAS KYI BYA BA GSUM LA MI RTOG CING MI DMIGS PA DE NI, BYANG CHUB SEMS DPA' DE'I LAS RNAM GSUM RNAM PAR DAG PA YIN TE, CI'I PHYIR ZHE NA, RNAM PAR MI RTOG PA'I YE SHES KYI THABS KYIS ZIN PA'I PHYIR LAS RNAM PAR DAG PA ZHES BYA STE, LAS DES NI YON TAN MTHA' YAS PA'I PHA ROL DU 'GRO BA STE, 'KHOR BA'I MTHAR YANG MI ZAD PA'I MTSAN NYID SANGS RGYAS PAR 'GYUR RO ZHES BYA BA'I DON TO, ,THABS DANG LDAN PA'I LAS KYI SKABS BSHAD PA RDZOGS SO,, ,,PHA ROL TU PHYIN PA DBYE BA BSDU BA'I TSIGS SU BCAD PA STE ZHES BYA BA LA, THABS DANG LDAN PA'I LAS KYI SKABS BSHAD PA'I RJES LA, PHA ROL TU PHYIN PA'I SKABS BSHAD PA'I 'BREL BA @4B CI YOD CE NA, GONG DU BSLAB PA GNYIS TE, SPYI DANG KHYAD PAR RO ZHES SMOS PA LAS BSLAB PA'I SPYI NI THABS DANG LDAN PA'I LAS KYI SKABS SU BSHAD DE, DRI NI DGE BA'I LAS MNGON PAR 'DU BYED PA THAMS CAD LA KHYAB PA YIN PAR BSTAN TO, ,DA NI KHYAD PAR BRJOD PAR BYA STE, DE BAS NA DE BSHAD PAR BYA'O, , BSLAB PA'I KHYAD PAR NI BDAG NYID SANGS RGYAS KYI CHOS KYI TSOGS BSAGS PA LA PHAN PAR BYED DE DE NI PHA ROL TU PHYIN PA RNAMS KYIS BYED DO, ,PHA ROL TU PHYIN PA RNAMS NI BDAG GI RGYUD KYI DGE BA KUN LA KHYAB PA STE, DE NI PHYIS 'CHAD DO, ,DE LAS GRANGS DANG, DE BSGRUBS NA BDAG NYID YONGS SU GROL BAR 'GYUR RO, ,BDAG GROL NA GZHAN YANG GROL YANG NUS TE, DE BAS NA BDAG LA PHAN PAR BYA BA'I PHYIR NI SNGAR PHA ROL TU PHYIN PA BSHAD DO, ,DE NAS GZHAN LA PHAN PAR GZHAG PA'I PHYIR NI, BSDU BA'I DNGOS PO BSGRUB STE, DE NI PHYIS 'CHAD DO, ,DE LA GRANGS DANG DE'I MTSAN NYID CES BYA BA LA SOGS PA TSIGS SU BCAD PA GCIG GIS PHA ROL TU PHYIN PA'I DON BSHAD DO, ,LONGS SPYOD DANG NI BDAG LUS ZHES BYA BA LA SOGS PAS PHA ROL TU PHYIN PA'I DBYE BA BSTAN TO, ,GRANGS DANG DE YI MTSAN NYID GO RIMS DANG, ,ZHES BYA BA LA, SPYI DON RNAM PA BCUS PHA ROL TU PHYIN PA 'CHAD DE DE NI GRANGS LA SOGS PA'O, ,DE LA PHA ROL TU PHYIN PA DRUG NYID DU GRANGS NGES KYI, ,DE LAS MANG DU YANG MI RUNG NYUNG DU YANG MI RUNG BAR BSTAN PA NI GRANGS KYI DON GYIS BSHAD PA'O, ,SBYIN PA'I MTSAN NYID GANG YIN PA NAS, SHES RAB KYI MTSAN NYID GANG YIN PA BSTAN PA NI MTSAN NYID KYI DON TO ZHES BSHAD PA'O, ,DANG POR CI'I PHYIR SBYIN PA DE'I 'OG TU CI'I PHYIR TSUL KHRIMS BSHAD CES PA'I DON BSTAN PA NI GO RIMS KYI DON GYIS BSHAD PA'O, ,NGES PA'I TSIG DANG GOMS DANG YON TAN DANG, ZHES BYA BA LA, CI'I PHYIR SBYIN PA ZHES BYA BA NAS, CI'I PHYIR SHES RAB CES BYA BA ZHES BSTAN PA NI NGES PA'I TSIG GI DON GYIS BSHAD PA'O, ,SBYIN PA LA CI'I PHYIR BSGOM PA NAS SHES RAB LA JI LTAR BSGOM PA BSTAN PA NI GOMS PA'I DON GYIS BSHAD PA'O, ,SBYIN PA LA YON TAN CI YOD PA NAS SHES RAB LA YON TAN CI YOD BA BSTAN PA NI NGES PA'I TSIG GI DON GYIS BSHAD PA'O, ,DE YI DBYE BA BSDU DANG MI MTHUN PHYOGS, ,ZHES BYA BA LA, SBYIN PA LA PHYE NA DU YOD PA @5A *, ,NAS SHES RAB LA PHYIN DU YOD PA BSTANA PA NI DE'I DBYE BAS BSHAD PA'O, ,PHA ROL TU PHYIN PA DRUG BSDUS NA DRUG LAS KYANG BSDUS NA 'DI TZAM ZHIG STON TO ZHES BSTAN PA NI BSDU BAS BSHAD PA'O, ,SBYIN PA'I MI MTHUN PA'I PHYOGS GANG YIN PA BSTAN PA NAS, SHES RAB KYI MI MTHUN PA'I PHYOGS GANG YIN PA BSTAN PA NI MI MTHUN PA'I PHYOGS KYIS BSTAN PA'O, ,YON TAN PHAN TSUN NGES PAR SHES PAR BYA, ,ZHES BYA BA LA, SBYIN PA'I NANG DU YANG PHA ROL TU PHYIN P A DRUG 'DUS PA NAS, SHES RAB KYI NANG DU YANG SBYIN PA LAA SOGS PA DRUG 'DUS PAR BSTAN PA'I NI YON TAN PHAN TSUN NGES PAR BSHAD PA ZHES BYA BA'O, ,GRANGS RNAM PAR DBYE BA'I TSIG SU BCAD PA RNAM PA DRUGH STE ZHES BYA BA LA, 'DI LTAR PHA ROL TU PHYIN PA'I GRAGS NI DRUG NYID DU BSHAD DE, BDUN LA SOGS PAR MANG DU YANG MI BSHAD, LNGA LA SOGS PAR NYUNG DU YANG MI BSHAD PAR CI'I PHYIR GRANGS DRUG TU BSHAD CE NA, GRANGS NGES PAR BSHAD PA NI TSIGS SU BNCAD PA DRUG GIS BDSTAN TO ZHES BYA PA'I DON TO, ,DANG PO NI ZHES BYA BA LA, PHA ROL TU PHYIN PA'I GRANGS NGES PA'I TSIGS SU BCAD PA DRUG GIS BSTAN TO ZHES GRENGS PA LAS TSIGS SU BCAD PA DANG PO JI BSTAN TO, ,MNGON PAR 'BYUNG PA'I RGYU DANG, NYON MONGS PA'I DBANG DU MI 'GRO BA DANG, BYA BA DAG LA PHYIN CI LOG MED PA'I DBANG DU BYAS NAS, PHA ROL TU PHYIN PA DRUG NYID DU GZHAG GO, ,DE LAS GRANGS MANG YANG MI MNANG NYUNG YANG MI NYUNG NGO ZHES BYA PA'I DON TO, ,LONGS SPYOD DANG NI BDAG LUS PHUN SUM TSOGS, ,G-YOG 'KHOR PHUN SUM TSOGS PA MNGON PAR 'BYUNG, ,ZHES BYA BA LA MNGON PAR 'BYUNG BA NI 'KHOR BA'I LONGS SPYOD DANG PA DE BA LA BYA STE, DE'I RGYU NI SBYIN PA DANG TSUL KHRIMS DANG BZOD PA DANG BRTZON 'GRUS TE BZHI'O, ,JI LTAR RGYUR 'GYUR ZHE NA, BRAM ZE DANG KHYIM BDAG DANG GDOL BA LA SOGS PA YO BYAD KYIS PHONGS PA RNAMS LA, BZA' BA DANG BGO BA LA SOGS PA'I YO BYAD BYIN PAS LONGS SPYOD CHEN POR 'GYUR TE, GTER DANG 'BRU LA SOGS P A PHUN SUM TSOGS PAR 'GYUR RO, ,SROG GCOD PA SPANGS P LA SOGS PA TSUL KHRIMS BSRUNG BAS NI BDAG GI LUS PHUN SUM TSOGS PAR 'GYUR TE, @5B NGAN SONG GSUM DU MI SKYE'I LHADANG MI'I NANG DU SKYES NAS LHA DANG MI'I LUS 'THOB PAR 'GYUR BA'I PHYIR RO, ,GZHAN GYIS GNOD PA BYAS KYANG ZHE SDANG MI LDANG ZHING SLAR GNOD PAR MA BYAS PA'I BZOD PA'I PHA ROL TU PHYIN PAS NI G-YOG PHUN SUM TSOGS PAR 'GYUR TE, TSE 'DIR SEMS CAN LA GNOD PA MA BYAS TE, DGA' BAR BYAS PAS, TSE RABS GZHAN DU SKYE BO MANG PO'I SNYING DU SDUG PAR 'GYUR ZHING, SKYE BO MANG PO DE'I THAD DU 'DU BAR 'GYUR BAS 'KHOR PHUN SUM TSOGS PAR 'GYUR RO, ,DGE BA LA SEMS SPRO BA'I MTSAN NYID KYI BRTZON 'GRUS KYI PHA ROL TU PHYIN PA SPYAD PAS NI RTZOM PA PHUN SUM TSOGS PAR 'GYUR TE, BRTZON 'GRUS DANG LDAN PA RNAMS DGE BA'I LAS BYA BA DANG, ZHING DANG TSONG LA SOGS PA 'JIG RTEN GYI BYA BA GANG DANG GANG BRTZAMS PAADE DANG DE DAG THAMS CAD MTHAR PHYIN PAR 'GYUR BA'I PHYIR RO, ,NYON MONGS DBANG DU MI 'GRO DANG, ,ZHES BYA BA LA, LNGA PA BSAM GTAN GYI PHA ROL TU PHYIN PAS NI NYON MONGS PA'I DBANG DU MI 'GRO BAR BYED DE, CI'I PHYIR ZHE NA, SEMS RTZE GCIG PA'I MTSAN NYID KYI BSAM GTAN GYI SEMS KYI RGYUD LA NYON MONGS PA BYUNG BA RNAMS 'JIL ZHING GNOD PA'I PHYIR RO, ,BYA BA DAG LA RTAG TU LOG PA MED, ,CES BYA BA LA DRUG PA STE, SHES RAB KYI PHA ROL TU PHYIN PAS NI BYA BA DAG LA RTAG TU PHYIN C9 LOG MED DE ZHES BYA BA NI SPANG BAR BYA BA DANAG BLANG BAR BYA BA STE RNAM PA GNYIS SO, ,DE LA SPANG BAR BY BA LA YANG SHES RAB KYIS SPANG BAR BYA BAR SHES NAS DE LA MI 'JUG GO, ,BLANG BAR BYA BA LA YANG SHES RAB KYIS BLANG BAR BYA BAR SHES NAS LEN PAR BYED DE, DE BAS NA BYA BA LA PHYIN CI LOG MED DO, ,YANG NA BYA BA NI RNAM PAR BZHI STE, SHES PAR BYA BA DANG, SPANG BAR BYA BA DANG, BSGOM PAR BYA BA DANG, MNGON DU BYA BA'O, ,DE LA SDUG BSNGAL GYI BDEN PA NI SHES PAR BYA BA YIN PAR YONGS SU SHES TE, KUN 'BYUNG NI SPANG BAR BYA BA YIN PAR SHES, LAM NI BSGOM PAR BYA BA YIN PAR SHES, 'GOG PA NI MNGON DU BYA BA YIN PAR SHES PAS NA BYA BA LA PHYIN CI LOG MED PA ZHES BYA'O, DE LA PHA ROL TU PHYIN PA BZHI NGAG GIS NI MNGON BAR 'BYUNG BA RNAMS PA BZHI STA ZHES BYA BA LA, SBYIN PA DANG, TSUL KHRIMS DANG, BZOD PA DANG, BRTZON 'GRUS BZHI NI LONGS SPYOD CHEN PO LA SOGS PA @6A *, ,'KHOR BA'I 'BYOR BA RNAM PA BZHI'I RGYUR 'GYUR RO ZHES BYA BA'I DON TO, ,RTZOM PA'I DBANG DU BYAS NAS ZHES BYA BA LA, 'DI LTAR MNGON PAR 'BYUNG BA LA RTZOM PA DANG, KUN NAS NYON MONGS PA MED PA LA RTZOM PA DANG, BYA BA MA NOR BA LA RTZOM PA'I DBANG DU BYAS NAS PHA ROL TU PHYIN PA DRUG NYID DU GZHAG STE, MI MANG MI NYUNG NGO ZHES BYA BA'I DON TO, ,DE LA SBYIN PA DANG, TSUL KHRIMS DANG, BZOD PA DANG, BRTZON 'GRUS BZHIS NI MNGON PAR 'BYUNG BA LA RTZOM MO, ,LNGA PA BSAM GTAN GYI PHA ROL TU PHYIN PAS NI KUN NAS NYON MONGS PA MED PA RTZOM MO, ,DRUG PA SHES RAB KYI PHA ROL TU PHYIN PAS NI BYA BA LA NOR PA MED PAR RTZOM MO, ,SEMS CAN DON LA RAB BRTZON PA, ,GTONG DANG MI GTONG BZOD PAS BYED, ,CES BYA BA LA TSIGS SU BCAD PA GNYIS PAS NI BDAG GI DON BYED PA DANG GZHAN GYI DON BYED PA'I DBANG DU BYAS NAS, PHA ROL TU PHYIN PA DRUG NYID DU BSHAD DE MI MANG MI NYUNG NGO ZHES BYA BA'I DON TO, ,DE LA SEMS CAN GYI DON LA BRTZON PA'I BYANG CHUB SEMS DPA' NI, SBYIN PA DANG, TSUL KHRIMS DANG, BZOD PA DANG GSUM GYIS NI, GZHAN GYI DON BYED DE, JI LTAR ZHE NA, SBYIN PAS NI BZA' BA DANG BGO BA LA SOGS PA GTONG BAS DON BYED DO, ,TSUL KHRIMS KYIS NI GZHAN GYI SROG MI GCOD, NOR MA BYIN PAR MI LEN, CHUNG MA LA MI TSANGS PAR MI SPYOD, GNOD PA MI BYED PAS DON BYED DO, ,BZOD PAS NI BDAG GI SROG DANG, NOR DANG CHUNG MA LA GZHAN GYIS GNOD PA BYAS KYANG LAN MI LNGON TE BZOD PA BYAS PAS DON BYED DO, ,BZHI DANG BCAS NAS GROL BA YIS, , RNAM PA KUN TU BDAG DON SPYOD, ,CES BYA BA LA, BRTZON 'GRUS DANG, BSAM GTAN DANG, SHES RAB GSUM GYIS NI, RNAM PA THAMS CAD DU BDAG GI DON BYED DE, JI LTA ZHE NA, GZHI DANG BCAS PA'I SEMS GNAS PAS SEMS GROL BAR BYAS PA'I PHYIR BDAG GI DON BYED DO, ,DE LA GZHI NI BRTZON 'GRUS KYI PHA ROL TU PHYIN PA'O, ,GNAS NI BSAM GTAN GYI PHA ROL TU PHYIN PA'O, ,GROL BA NI SHES RAB KYI PHA ROL TU PHYIN PA STE, DE'I RIM PA YANG BRTZON 'GRUS BRTZAMS NA BSAM GTAN THOB PAR 'GYUR RO, ,BSAM GTAN GYIS SEMS MNYAM PAR MA BZHAG PA MNYAM PAR 'JOG PAR BYED DO, ,SEMS MNYAM PAR BZHAG NA SHES RAB @6B SKYE BAR 'GYUR RO, ,SHES RAB KYIS NI NYON MONGS PA LAS SEMS GROL BAR BYED DE, ,DE LTAR NA GZHAN GYI DON DANG, BDAG GI DON GYI DBANG DU BYAS NAS PHA ROL TU PHYIN PA DRUG NYID DU BSHAD DE MI MANG MI NYUNG NGO ZHES BYA BA'I DON TO, ,PHONGS PA MED DANG MI 'TSE 'TSE BAR SHIN TU BZOD PA DANG, BYA BAS MI SKYO MGU BYAD LEGS PAR BSHAD, ,GZHAN DON BDAG GI DON 'GYUR GSUM PA'O, ,ZHES BYA BA LA, TSIGS SU BCAD PA GSUM PAS NI BYANG CHUB SEMS DPA' RNAMS SBYIN PA LA SOGS PA PHA ROL TU PHYIN PA DRUG GIS GZHAN GYI DON RDZOGS PAR BYED PA DE STON TE, JI LTA ZHE NA, SBYIN PAS NI SEMS CAN LA YO BYAD GANG DANG GANG PHONGS PA'I YO BYAD DE DANG DE DAG BYIN TE, PHONGS PA MED PAR BYAS NAS GZHAN GYI DON BYED DO, ,TSUL KHRIMS KYIS NI GZHAN GYI SROG DANG NOR DANG CHUNG MA LA GNOD PA MI BYED CING, MI 'TSE BAS DON BYED DO, ,BZOD PAS NI BDAG GI SROG DANG NOR DANG CHUNG MA LA GNOD PA BYAS TE, GTZES KYANG BZOD PAS DON BYED DO, ,BRTZON 'GRUS KYIS NI SEMS CAN GYI LAS SU BYA BA RNAMS KYI GROGS BYA BA LA SKYO BA MED PAS DON BYED DO, ,BSAM GTAN GYIS NI 'BAR BA DANG 'PHUR BA LA SOGS PA'I RDZU 'PHRUL BSGRUBS NAS SEMS CAN MGU BAR BYAS SHING DAD PA BSKYED PAS DON BYED DO, ,SHES RAB KYIS NI CHOS RNAMS KYI RANG DANG SPYI'I MTSAN NYID PHYIN CI MA LOG PAR BSHAD NAS SEMS CAN GYI THE TSOM SEL BAR BYED DE, DE LTAR PHA ROL TU PHYIN PA DRUG GIS GZHAN GYI DON BYAS PA DE NYID BYANG CHUB SEMS DPA'I BDAG GI DON TE, CI'I PHYIR ZHE NA, DE LTAR GZHAN GYI DON BYAS PA LAS BDAG NYID BLA NA MED PA'I BYANG CHUB THOB PA'I PHYIR RO, ,DE LTAR RANG DANG GZHAN GYI DON RDZOGS PA'I DBANG DU BYAS NAS PHA ROL TU PHYIN PA DRUG NYID DU BSHAD DE, MI MANG MI NYUNG BAR SBYAR RO ZHES BYA BA'I DON TO, ,LONGS SPYOD DAG LA MI DGA' ZHING, ,ZHES BYA BA LA SOGS PA TSIGS SU BCAS PA BZHI PAS NI THEG PA CHEN PO BYANG CHUB SEMS DPA'I SPYOD PA MA LUS PA BSDU BA'I DBANG DU BYAS NAS PHA ROL TU PHYIN PA DRUG NYID DU BSHAD DE, MI MANG MI NYUNG NGO ZHES BYA BA'I DON TO, ,DE LA LONGS SPYOD KYI SGRAS NI GZUGS LA SOGS PA 'DOD PA LNGA'I YON TAN LA BYA'O, ,DE LA LONGS SPYOD LA MI DGA' BA NI SBYIN PA'I PHA ROL TU PHYIN PA STE, CI'I PHYIR ZHE NA, @7A *, ,SBYIN PA LA GNAS DANG LONGS SPYOD LA MI LTA STE, PHYI DANG NANG GI DNGOS PO GANG LA YANG MI GTANG DU MI RUNG BA'I CHAGS PA MED PA'O, ,SHIN TU GTZOR BYED CES BYA BA LA, BYANG CHUB SEMS DPA'I GTZOR BYED PA NI TSUL KHRIMS KYI PHA ROL TU PHYIN PA STE, CI'I PHYIR ZHE NA, TSUL KHRIMS YANG DAG PAR BLANGS BA DANG, BYANG CHUB SEMS DPA'I BSLAB TSIG LA NYES BYAS PHRA MO RDUL TZAM LA YANG BAG BYED CING BSRUNG BA'I PHYIR RO, ,GNYIS MI SKYO ZHING ZHES BYA BA LA, GNYIS KYI SGRAS NI SEMS CAN DANG SEMS CAN MA YIN PA LA BYA STE, DE GNYIS KYIS MI SKYO BA NI BZOD PA'I PHA ROL TU PHYIN PA DANG; BRTZON 'GRUS KYI PHA ROL TU PHYIN PA'O, ,DE LA BZOD PA'I PHA ROL TU PHYIN PAS NI SEMS CAN GYIS MI SKYO STE, SBRANG BU DANG SHA SBRANG DANG MI LA SOGS PA GNOD PAR BYAS KYANG BZOD PA LA GNAS PA RNAMS SLAR GNOD PA MI BYED CING, SEMS CAN MI GTONG BA'I PHYIR RO, ,SEMS CAN MA YIN PAS MI SKYO BA NI BRTZON 'GRUS KYI PHA ROL TU PHYIN PA STE, BRTZON 'GRUS KYIS NYAN PA DANG, SEMS PA LA SOGS PA'I DGE BA LA ZHUGS PA NA, RLUNG DANG TSA BA DANG CHAR PA DANG GRANG BA DANG BKRES PA LA SOGS PA'I PHYI'I SDUG BSNGAL 'BYUNG YANG DGE BA LA BRTZON 'GRUS MI GTONG BA'I PHYIR RO, ,YANG NA GNYIS KYI SGRAS NI, YE SHES KYI TSOGS DANG BSOD NAMS KYI TSOGS LA BYA STE, DE LA MI SKYO BA NI BZOD PA DANG BRTZON 'GRUS KYI PHA ROL TU PHYIN PA STE, DE LA BZOD PAS NI, YE SHES KYI TSOGS LA MI SKYO'O, ,JI LTAR ZHE NA, GNOD PA NYAMS SU LEN PA'I BZOD PA DANG, SDUG BSNGAL LA JI MI SNYAM PA'I BZOD PA DANG, CHOS LA NGES PAR RTOG PA'I BZOD PA GSUM LAS, CHOS LA NGES PAR RTOG PA'I BZOD PAS, CHOS THAMS CAD MI RTAG PA DANG, SDUG BSNGAL BA DANG, STONG PA DANG, BDAG MED PAR BZOD DE, DE BAS NA BZOD PAS NI YE SHES KYI TSOGS LA MI SKYO'O, ,BRTZON 'GRUS KYIS NI BSOD NAMS KYI TSOGS LA MI SKYO BA STE, SBYIN PA DANG, TSUL KHRIMS LA SOGS PA BSOD NAMS KYI TSOGS BSAGS PA NA BRTZON 'GRUS MI GTONG BA'I PHYIR RO, ,RNAM PAR MI RTOG RNAL 'BYOR TE, ,ZHES BYA BA LA, THA MA'I BSAM GTAN DANG, SHES RAB KYI PHA ROL TU PHYIN PA GNYIS KYIS NI RNAM PAR MI RTOG PA'I TING NGE 'DZIN SGRUB STE, @7B CI'I PHYIR ZHE NA, DE GNYIS KYIS ZHI GNAS DANG LHAG MTHONG DU ZUNG DU 'BREL BA'I BSAM GTAN BSGOMS PA'I PHYIR RO, ,DE LA BSAM GTAN NI ZHI GNAS SO, ,SHES RAB NI LHAG MTHONG NGO, ,'DIS NI MA LUS THEG PA MCHOG CES BYA, ,ZHES BYA BA LA, THEG PA MCHOG NI THEG PA CHEN PO LA BYA STE, LONGS SPYOD LA MI DGA' BA DANG, BSLAB PA LA GTZOR BYED PA GNYIS KYIS MI SKYO BA DANG, RNAM PAR MI RTOG PA LA RNAL 'BYOR PA STE, THEG PA CHEN PO'I DON NI 'DI TZAM DU ZAD DE, DE LAS LHAG PA MED DO ZHES BYA BA'I DON TO, ,BZOD PA DANG BRTZON 'GRUS GNYIS KYIS NI SEMS CAN DANG SEMS CAN MA YIN PAS ZHES BYA BA LA SOGS PA LA, BZOD PAS MI DANG SBRANG BU LA SOGS PA, SEMS CAN GYIS GNOD PAR BYAS PA DANG TSA BA DANG RLUNG LA SOGS PA SEMS CAN MA YIN PAS GNOD PAR BYAS PA'I SDUG BSNGAL BZOD DO, ,BRTZON 'GRUS KYIS NI NYAN PA DANG SEMS PA LA SOGS PA'I DGE BA LA MI SKYO BA STE, BRTZON 'GRUS KYIS DGE BA LA SBYOR BA'I LAS MI GTONG BAR BYED PA'I PHYIR RO, ,YUL RNAMS LA NI MA CHAGS LAM, ,ZHES BYA BA LA SOGS PA TSIGS SU BCAD PA LNGA PAS NI, LAM THAMS CAD BSDUS PA'I DBANG DU BYAS NAS, PHA ROL TU PHYIN PA DRUG NYID DU BSHAD DE, MI MANG MI NYUNG NGO, ,DE LA YUL GYI SGRAS NI 'DOD PA LNGA'I YON TAN LA BYA STE, DE LA MA CHAGS PA'I LAM NI SBYIN PA'I PHA ROL TU PHYIN PA'O, ,JI LTAR ZHE NA, SBYIN PA LA GNAS PAS NI RTAG TU PHYI DANG NANG GI DNGOS PO GTONG BA LA GOMS PAS YUL THAMS CAD GTONG BAR BYED KYI, YUL LA CHAGS PAR MI BYED PAS NA YUL LA MA CHAGS PA'I LAM DU 'GYUR RO, ,DE THOB G-YENG BA BSDOMS PA GZHAN, ,ZHES BYA BA LA, GZHAN GYI SGRAS NI TSUL KHRIMS KYI PHA ROL TU PHYIN PA LA BYA STE, DE THOB PA G-YENG BA BSDOM PA'I LAM NI TSUL KHRIMS KYI PHA ROL TU PHYIN PA'O, ,DE LA DE'I SGRAS NI 'DOD PA LNGA'I YON TAN LA BYA BA STE, G-YENG BA NI 'DOD PA LNGA'I YON TAN THOB PAR BYA BA'I PHYIR BYA BA MANG PO LA 'JUG PA'I PHYIR RO, ,TSUL KHRIMS KYIS NI DE SNGOM STE, 'DOD PA LNGA'I YON TAN THOB PAR BYA BA'I PHYIR 'JIG RTEN GYI LAS KYIS G-YENG BA'I BYA BA MANG PO LA MI 'JUG PAS SO, ,SEMS CAN MI GTONG ZHES BYA BA LA, SEMS CAN MI GTONG @8A *, ,BA'I LAM NI BZOD PA'I PHA ROL TU PHYIN PA STE, BZOD PA LA GNAS NAS SEMS CAN GYIS BRDEG PAR BYA BA DANG, BCING BA LA SOGS PA'I GNOD PA BYAS SHING SDUG BSNGAL BSKYED KYANG, SEMS CAN MI GTONG ZHING SDUG BSNGAL GYIS MI SKYO BA'I PHYIR RO, ,'PHEL BA DANG, ZHES BYA BA LA, DGE BA 'PHEL BA'I LAM NI BRTZON 'GRUS KYI PHA ROL TU PHYIN PA STE, BRTZON 'GRUS LA GNAS NA DGE BA'I CHOS CHU BO'I RGYUN BZHIN DU RGYUN MI 'CHAD PAR 'PHEL BA'I PHYIR RO, ,SGRIB PA RNAM SBYONG BA GZHAN YIN NO, ,ZHES BYA BA LA, GZHAN GYI SGRAS NI BSAM GTAN DANG SHES RAB KYI PHA ROL TU PHYIN PA GNYIS LA BYA STE, SGRIB PA SBYONG BA'I LAM NI BSAM GTAN DANG SHES RAB GNYIS TE, JI LTAR ZHE NA, BSAM GTAN GYIS NI NYON MONGS PA'I SGRIB PA SBYONG BAR BYED, ,SHES RAB KYIS NI SHES BYA'I SGRIB PA SBYONG BAR BYED DO, ,YANG NA BSAM GTAN DANG SHES RAB KYIS NYON MONGS PA DANG, SHES BYA'I SGRIB PA 'JIL BAR BYED, ,SHES RAB KYIS NI NYON MONGS PA DANG SHES BYA'I SGRIB PA RTZA BA NAS 'BYIN PAR BYED DO, ,LAM GYI SGRAS NI THABS LA BYA STE, YUL LA MA CHAGS PA'I THABS ZHES BYA BA NAS, SGRIB PA SBYONG BA'I THABS ZHES BYA BAR SBYAR RO, ,BSLAB PA GSUM GYI DBANG BYAS TE, PHA ROL PHYIN DRUG RGYAL BAS GSUNGS, ,ZHES BYA BA LA, TSIGS SU BCAD PA DRUG PAS LHAG PA'I TSUL KHRIMS KYI BSLAB PA DANG, LHAG PA'I SEMS KYI BSLAB PA DANG, LHAG PA'I SHES RAB KYI BSLAB PA'I DBANG DU BYAS NAS RGYAL BA SANGS RGYAS BCOM LDAN 'DAS KYIS PHA ROL TU PHYIN PA DRUG NYID DU BSHAD DE MI MANG MI NYUNG NGO ZHES BYA BA'I DON TO, ,THOG MA GSUM ZHES BYA BA LA, THOG MA'I PHA ROL TU PHYIN PA GSUM NI LHAG PA'I TSUL KHRIMS KYI BSLAB PA ZHES BYA STE, THOG MA'I PHA ROL TU PHYIN PA GSUM GANG ZHE NA, SBYIN PA DANG TSUL KHRIMS DANG BZOD PA'O, ,RNAM GNYIS THA MA GNYIS ZHES BYA BA LA, RNAM GNYIS NI LHAG PA'I SEMS KYI BSLAB PA DANG, LHAG PA'I SHES RAB KYI BSLAB PA STE, DE GNYIS NI PHA ROL TU PHYIN PA THA MA GNYIS KYIS BSTAN TO, ,PHA ROL TU PHYIN PA THA MA GNYIS NI BSAM GTAN GYI PHA ROL TU PHYIN PA DANG, SHES RAB KYI PHA ROL TU PHYIN PA'O, ,DE LA BSAM GTAN GYI PHA ROL TU PHYIN PA LA NI @8B LHAG PA'I SEMS KYI BSLAB PA ZHES BYA BA STE, BSAM GTAN GYIS SEMS PA DANG NYE BAR GNAS PA LA SOGS PA BYED PA'I PHYIR RO, ,SHES RAB KYI PHA ROL TU PHYIN PA LA NI LHAG PA'I SHES RAB KYI BSLAB PA ZHES BYA'O, ,DE LA LHAG PA'I TSUL KHRIMS KYI BSLAB PA NI DANG PO'I PHA ROL TU PHYIN PA GSUM ZHES BYA BA LAS, SBYIN PA DANG TSUL KHRIMS DANG, BZOD PA DANG GSUM NI LHAG PA'I TSUL KHRIMS KYI BSLAB PAR GTOGS SO ZHES BYA BA'I DON TO, ,SMRAS PA TSUL KHRIMS LA NI LHAG PA'I TSUL KHRIMS KYI BSLAB PA ZHES BYAR RUNG NA, SBYIN PA DANG BZOD PA GNYIS JI LTAR LHAG PA'I TSUL KHRIMS KYI BSLAB PAR BSDU ZHE NA, DE'I PHYIR TSOGS DANG BCAS PA DANG 'KHOR DU BCAS PA GZUNG BA'I PHYIR RO ZHES BYA BA LA, TSUL KHRIMS KYI TSOGS DANG BCAS PA DANG, TSUL KHRIMS KYI 'KHOR DANG BCAS PA GZUNG BA'I PHYIR RO, ,SBYIN PA DANG BZOD PA GNYIS KYANG LHAG PAR TSUL KHRIMS SU GTOGS SO, ,DE LA TSOGS ZHES BYA BA NI RGYU DANG GZHI LA BYA STE, TSUL KHRIMS KYI GZHI DANG RGYU NI SBYIN PA'I PHA ROL TU PHYIN PA'O, ,TSUL KHRIMS KYI 'KHOR DANG GROGS NI, BZOD PA'I PHA ROL TU PHYIN PA'O, ,SBYIN PA JI LTAR TSUL KHRIMS KYI RGYUR 'GYUR ZHE NA, DE'I PHYIR SBYIN PA NI LONGS SPYOD LA MI LTA BAS TSUL KHRIMS YANG DAG PAR LEN TE ZHES SMOS TE SBYIN PA LA GNAS NA BU SMAD DANG NOR RDZAS LA SOGS PA'I LONGS SPYOD LA MI LTA ZHING MI CHAGS TE, LONGS SPYOD LA MA CHAGS NA TSUL KHRIMS LEN PAR BYED DE, DE BAS NA TSUL KHRIMS KYI RGYU DANG TSOGS SU 'GYUR RO, ,BZOD PA JI LTAR 'KHOR DU 'GYUR ZHE NA, DE'I PHYIR, YANG DAG PAR BLANGS PAR BZOD PAS GSHE BA LAS SLAR MI GSHE BA LA SOGS PA'O ZHES SMOS TE, TSUL KHRIMS YANG DAG PAR BLANGS PA RNAMS LA BZOD PA YOD PA DANG, GSHE BA LA SLAR MI GSHE BA DANG, BRDEG PA LA SLAR MI BRDEG PA LA SOGS PA'I TSUL GYIS BZOD PAS TSUL KHRIMS SRUNG BAR BYED PAS NA TSUL KHRIMS KYI 'KHOR DU 'GYUR RO, ,MTSAN NYID RNAM PAR DBYE BA'I TSIGS SU BCAD PA DRUG STE ZHES BYA BA LA, GANGS DBYE BA TSIGS SU BCAD PA DRUG GIS BSTAN NAS, DA NI PHA ROL TU PHYIN PA DRUG GI MTSAN NYID DBYE BA TSIGS SU BCAD PA DRUG GIS STON TE, PHA ROL TU PHYIN PA DRUG RE RE'I MTSAN NYID TSIGS SU BCAD PA RE RES BSTAN TE, DE LTAR NA PHA ROL TU PHYIN PA DRUG YOD PAS TSIGS BCAD KYANG DRUG TU 'GYUR @9A *, ,RO; ,DE LA SBYIN PA'I PHA ROL TU PHYIN PA'I MTSAN NYID NI RNAM PA BZHI STA, MI MTHUN PA'I PHYOGS SPANGS PA'I MTSAN NYID DANG, RNAM PAR MI RTOG PA'I YE SHES KYIS ZIN PA'I MTSAN NYID DANG, 'DOD PA THAMS CAD YONGS SU RDZOGS PAR BYED PA'I MTSAN NYID DANG, SEMS CAN RNAMS PAR SMIN PA'I MTSAN NYID DO, ,SBYIN PA'I MI MTHUN PHYOGS SPANGS DANG, ,ZHES BYA BA LA, BYANG CHUB SEMS DPA'I SBYIN PA'I MI MTHUN PA'I PHYOGS NI SER SNA STE, DE THAMS CAD NAS THAMS CAD DU SPANGS PAS NA MI MTHUN PA'I PHYOGS SPANGS PA'I MTSAN NYID CES BYA'O, ,RNAM PAR MI RTOG YE SHES LDAN,, ZHES BYA BA LA, BYANG CHUB SEMS DPAS GANG ZAG DANG CHOS LA BDAG MED PAR KHONG DU CHUD PAS, GTONG BA PO DANG, RDZAS DANG, LEN PA PO MI DMIGS TE, DE BAS NA RNAM PAR MI RTOG PA'I YE SHES KYIS ZIN PA ZHES BYA'O, ,DE LA GANG ZAG LA BDAG MED PAR KHONG DU CHUD PAS NI GTONG BA PO MI DMIGS SO, ,CHOS LA BDAG MED PAR KHONG DU CHUD PAS NI RDZAS DANG LEN PA PO MI DMIGS SO, ,'DOD PA THAMS CAD YONGS RDZOGS BYED, ,CES BYA BA LA, BRAM ZE DANG TSONG PA DANG GDOL BA LA SOGS PA, BZA' BA DANG BGO BA LA SOGS PA GANG 'DOD PA BSAM PA BZHIN DU DE DANG DE DAG GTONG BAR BYED DE, DE BAS NA 'DOD PA THAMS CAD YONGS SU RDZOGS PA'I MTSAN NYID DO, ,SEMS CAN RNAM PAR SMIN BYED GSUM, ,ZHES BYA BA LA, DE LTAR SBYIN PAS BSDUS NAS NYAN THOS DANG, RANG SANGS RGYAS DANG THEG PA CHEN PO LA 'JOG PAR BYED DE, ,DA BAS NA SEMS CAN YONGS SU SMIN PAR BYED PA'I MTSAN NYID DO, ,MI MTHUN PHYOGS SPANGS TSUL KHRIMS DANG, ,ZHES BYA BA LA, TSUL KHRIMS KYI MI MTHUN PA'I PHYOGS NI SROG GCOD PA LA SOGS PA TSUL KHRIMS NGAN PA STE, DE THAMS CAD NAS THAMS CAD DU SPANGS PAS NA MI MTHUN PA'I PHYOGS SPANGS PA'I MTSAN NYID CES BYA'O, ,RNAM PAR MI RTOG YE SHES LDAN, ,ZHES BYA BA LA, GANG ZAG DANG CHOS LA BDAG MED PAR KHONG DU CHUD PAS, SKYES BU DANG, TSUL KHRIMS DANG, TSUL KHRIMS SGRUB PAR BYED PA GSUM MI DMIGS PAS NI, RNAM PAR MI RTOG PA'I YE SHES DANG LDAN PA'I MTSAN NYID DO, ,'DOD PA THAMS CAD YONGS SU RDZOGS BYED, ,CES BYA BA LA, SEMS CAN 'DI DAG 'DI SNYAM DU SEMS TE, @9B AE MA'O, ,'DI LTAR BYANG CHUB SEMS DPA'I LUS DANG, NGAG DANG, YID GSUM GYIS BDAG CAG GI LUS DANG, LONGS SPYOD DANG, CHUNG MA LA SOGS PA LA GNOD PA MA BYAS NA LEGS SO SNYAM SEMS PA LAS BYANG CHUB SEMS DPAS DE SNYAM DU GNOD PA MI BYED DE, DE BAS NA 'DOD PA THAMS CAD YONGS SU RDZOGS PAR BYED PA'I MTSAN NYID DO, ,SEMS CAN YONGS SU SMIN BYED GSUM, ,ZHES BYA BA LA, TSUL KHRIMS KYIS BSDUS NAS SEMS CAN THEG PA GSUM LA 'JOG PAR BYED DE, DE BAS NA SEMS CAN YONGS SU SMIN PAR BYED PA'I MTSAN NYID DO, ,MI MTHUN PHYOGS SPANGS BZOD PA DANG, ZHES BYA BA LA,, BZOD PA'I MI MTHUN PA'I PHYOGS NI ZHE SDANG STE DE MED PAS NA MI MTHUN PA'I PHYOGS SPANGS PA'I MTSAN NYID DO, ,RNAM PAR MI RTOG YE SHES LDAN, ,ZHES BYA BA LA, GANG ZAG DANG CHOS LA BDAG MED PAR KHONG DU CHUD PAS NA, SKYES BU DANG, BZOD PA DANG, SGRUB PA GSUM MI DMIGS PAS NA RNAM PAR MI RTOG PA'I YE SHES DANG LDAN PA'I MTSAN NYID DO, ,'DOD PA THAMS CAD YONGS RDZOGS BYED, ,CES BYA BA LA, GAL TE GZHAN DAG GI LUS LA SOGS PAS BYANG CHUB SEMS DPA' LA GNOD PAR BYED DE, GNOD PAR BYAS NAS SEMS CAN 'DI SNYAM DU, AE MA'O, ,BYANG CHUB SEMS DPA' 'DIS BDAG CAG LA GNOD PAR MI BYED CING BZOD KYANG CI MA RUNG SNYAM DU SEMS PA LAS SEMS CAN GYI BSAM PA BZHIN DU SEMS CAN LA GNOD PA MI BYED CING NYES PA BZOD PAR BYED PAS NA 'DOD PA THAMS CAD YONGS SU RDZOGS PAR BYED PA'I MTSAN NYID DO, ,SEMS CAN RNAM PAR SMIN PA BYED GSUM, ,ZHES BYA BA LA, BZOD PAS BSDUS NAS THEG PA GSUM DU BKOD PAS NA, SEMS CAN YONGS SU SMIN PAR BYED PA'I MTSAN NYID DO, ,MI MTHUN PHYOGS SPANGS BRTZON 'GRUS DANG, ,ZHES BYA BA LA, BRTZON 'GRUS KYI MI MTHUN PA'I PHYOGS I LE LO STE, DE MED PAS NI MI MTHUN PA'I PHYOGS SPANGS PA'I MTSAN NYID DO, ,RNAM PAR MI RTOG YE SHES LDAN, ,ZHES BYA BA LA, CHOS DANG GANG ZAG LA BDAG MED PAR KHONG DU CHUD PAS NA, SKYES BU DANG, BRTZON 'GRUS DANG, SGRUB PA GSUM MI DMIGS PA'I PHYIR RNAM PAR MI RTOG PA'I YE SHES DANG LDAN PA'I MTSAN NYID DO, ,'DOD PA THAMS CAD YONGS SU RDZOGS DANG, ,ZHES BYA BA LA, BRTZON 'GRUS KYIS @10A *, ,SEMS CAN GYI LAS SU BYA BA GANG DANG GANG YOD PA'I GROGS BYED PAS NA 'DOD PA YONGS SU RDZOGS PA'I MTSAN NYID DO, ,SEMS CAN YONGS SU SMIN BYED GSUM, ,ZHES BYA BA LA, BRTZON 'GRUS KYIS BSDUS NAS SEMS CAN RNAMS THEG PA GSUM DU RDZOGS PAR BYED PAS NA, SEMS CAN YONGS SU SMIN PAR BYED PA'I MTSAN NYID DO, ,MI MTHUN PHYOGS SPANGS MTSAN NYID DANG, ZHES BYA BA LA, BSAM GTAN GYI MI MTHUN PA'I PHYOGS NI SEMS G-YENGS PA STE, DE MED PAS NA, MI MTHUN PA'I PHYOGS SPANGS PA'I MTSAN NYID DO, ,RNAM PAR MI RTOG YE SHES LDAN, , ZHES BYA BA LA, GANG ZAG DANG CHOS LA BDAG MED PAR KHONG DU CHUD PAS, SKYE BU DANG, BSAM GTAN DANG, SGRUB PAR BYED PA GSUM MI DMIGS PAR BYED PA'I PHYIR, RNAM PAR MI RTOG PA'I YE SHES DANG LDAN PA'I MTSAN NYID CES BYA BA'I DON TO, ,'DOD PA THAMS CAD YONGS RDZOGS BYED, , CES BYA BA LA, BSAM GTAN GYIS RDZU 'PHRUL SPRUL NAS, SEMS CAN GYI YID BZHIN DU RDZU 'PHRUL RNAM PA SNA TSOGS STON PAS, 'DOD PA THAMS CAD YONGS SU RDZOGS PA'I MTSAN NYID DO, ,SEMS CAN RNAM PAR SMIN BYED GSUM, ,ZHES BYA BA LA, BSAM GTAN GYIS BSDUS NAS THEG PA GSUM DU BKOD PAS NA, SEMS CAN YONGS SU SMIN PAR BYED PA'I MTSAN NYID DO, ,MI MTHUN PHYOGS SPANGS SHES RAB DANG, ,ZHES BYA BA LA, SHES RAB KYI MI MTHUN PA'I PHYOGS NI, RTAG PA DANG CHAD PA LA SOGS PAR LTA BA'I 'CHAL BA'I SHES RAB STE, DE MED PAS NA MI MTHUN PA'I PHYOGS SPANGS PA'I MTSAN NYID DO, ,RNAM PAR MI RTOG YE SHES LDAN, ,ZHES BYA BA LA, SKYES BU DANG, SHES RAB DANG, SGRUB PA GSUM MI DMIGS PA'I PHYIR, ,RNAM PAR MI RTOG PA'I YE SHES DANG LDAN PA'I MTSAN NYID DO, ,'DOD PA THAMS CAD YONGS RDZOGS BYED, ,CES BYA BA LA, SHES RAB KYIS NI CHOS RNAMS KYI RANG DANG SPYI'I MTSAN NYID PHYIN CI MA LOG PAR SHES PAR BYAS NAS, SEMS CAN GYI THE TSOM BCAD PAS NA 'DOD PA THAMS CAD YONGS SU RDZOGS PA'I MTSAN NYID DO, ,SEMS CAN RNAM PAR SMIN BYED GSUM, ,ZHES BYA BA LA, SHES RAB KYIS BSDUS NAS SEMS CAN RNAMS THEG @10B PA GSUM LA BKOD PAS NA, SEMS CAN YONGS SU SMIN PAR BYED PA'I MTSAN NYID DO, ,GO RIMS RNAM PAR DBYE BA'I TSIGS SU BCAD PA ZHES BYA BA LA, PHA ROL TU PHYIN PA DRUG GI MTSAN NYID BSHAD NAS, DA NI GO RIMS 'CHAD DE, DE LA DANG POR SBYIN PA BSHAD, DE NAS TSUL KHRIMS DE NAS BZOD PA, ,DE NAS BRTZON 'GRUS, ,DE NAS BSAM GTAN, ,DE NAS SHES RAB STE, ,GO RIM JI LTAR BKOD CE NA, RGYU RNAM PAR GSUM GYI PHYIR GO RIMS DE LTAR BKOD DO ZHES BSTAN PA'I PHYIR TSIGS SU BCAD PA GCIG RTZOM MO, ,RGYU DANG POR BSTAN PA'I PHYIR RO, ,SNGON LA PHYI MA BRTEN LAS SKYE, ,ZHES BYA BA SMOS TE, PHA ROL TU PHYIN PA SNGA MA SNGA MA LA BRTEN NAS PHA ROL TU PHYIN PA PHYI MA PHYI MA 'BYUNG STE, SNGA MA SNGA MA NI RGYU PHYI MA PHYI MA NI 'BRAS BU YIN PAS RGYUR GYUR PA NI SNGAR BSHAD, 'BRAS BUR GYUR PA NI PHYIS 'CHAD DO, ,JI LTAR ZHE NA, LONGS SPYOD RNAM PA SNA TSOGS LA CHAGS NA NI KHYIM GYI GNAS BTANG NAS TSUL KHRIMS LEN PAR MI NUS KYI, LONGS SPYOD LA CHAGS PA MED PA DANG, KHYIM NAS KHYIM MED PAR RAB TU 'BYUNG STE, DE BAS NA SBYIN PA RGYUR 'GYUR BA'I PHYIR SNGAR BSHAD, ,TSUL KHRIMS 'BRAS BU YIN PAS NA PHYIS BSHAD DO, ,NGAN PA'I NGAN TSUL DAG GIS NI GSHE BA DANG BRDEG PA LA MI BRDEG PAR BZOD PAR MI NUS KYI TSUL KHRIMS DANG LDAN PA GSHE BA LA SLAR MI GSHE BA DANG, BRDEG PA LA SLAR MI BRDEG PAR BZOD PAS, TSUL KHRIMS RGYU YIN PAS, BZOD PA 'BRAS BU YIN PAS NA TSUL KHRIMS KYI 'OG TU BZOD PA BSHAD DO, ,DE LTAR GRANG BA DANG TSA BA DANG BKRES PA DANG SKOM PA LA SOGS PA MI BZOD NA NI BRTZON 'GRUS RTZOM PAR MI NUS KYI GRANG BA DANG TSA BA DANG BKRES PA DANG SKOM PA LA SOGS PA BZOD NA GDOD NAS BRTZON 'GRUS RTZOM NUS PAS NA BZOD PA RGYU YIN LA, BRTZON 'GRUS 'BRAS BU YIN PAS, BZOD PA'I 'OG TU BRTZON 'GRUS BSHAD DO; ,DGE BA LA RGYUN DU BRTZON 'GRUS BRTZAMS NA, SEMS RTZE GCIG PA'I MTSAN NYID TING NGE 'DZIN SKYE STE, BRTZON 'GRUS RGYU YIN LA, BSAM GTAN 'BRAS BU YIN PAS BRTZON 'GRUS KYI 'OG TU BSAM GTAN BSHAD DO, ,TING NGE 'DZIN GYIS SEMS MNYAM PAR GZHAG NA 'PHAGS PA'I BDEN PA BZHI @11A *, ,YANG DAG PA JI LTA BA BZHIN DU SHES PA'I SHES RAB 'BYUNG STE, BSAM GTAN NI RGYU YIN LA SHES RAB NI 'BRAS BU YIN PAS, BSAM GTAN GYI 'OG TU SHES RAB BSHAD DO, ,DE'I PHYIR GO RIMS DE LTAR BKOD DO, ,RGYU GNYIS PA BSTAN PA'I PHYIR, THA MA DANG NI DAM PA'I GNAS, ,ZHES BYA BA SMOS TE, GANG THA MA'I GNAS SU GYUR PA NI SNGAR BSHAD LA, GANG DAM PA'I GNAS SU GYUR PA NI PHYIS BSHAD DE, SBYIN PA THA MAR BYUNG BAS NA SNGAR BSHAD LA, TSUL KHRIMS DAM PAR GYUR PAS NA PHYES BSHAD PA NAS, BSAM GTAN THA MAR GYUR PAS NA SNGAR BSHAD LA, SHES RAB DAM PAR GYUR PAS NA PHYIS BSHAD DE, DE'I PHYIR YANG PHA ROL TU PHYIN PA DRUG GI GO RIMS DE LTAR GZHAG GO, ,JI LTAR SNGA MA THA MA LA PHYI MA DAM PA ZHE NA, 'DI LTAR SBYIN PA GTONG ZHING BYED KYANG 'DOD CHAGS DANG ZHE SDANG LA SOGS PA'I RGYUS SROG GCOD PA LA SOGS PA'I LAS BYED PAS NA NYON MONGS PA DANG 'DRES PA'I PHYIR THA MA'O, ,TSUL KHRIMS NI LUS DANG NGAG DANG YID GSUM BSDAMS TE, SROG GCOD PA LA SOGS PA'I LAS MI 'BYUNG BAS DAM PA'I GNAS SO, ,TSUL KHRIMS KYIS GZHAN GYI SROG DANG NOR LA GNOD PA MI BYED PA TZAM DU ZAD KYI, BDAG LA GZHAN GYIS SROG DANG NOR LA GNOD PAR BYAS KYANG BZOD PAR MI NUS KYI, BZOD PAS NI BDAG GI SROG DANG NOR LA GZHAN GYIS GNOD PA BYAS KYANG BZOD DE, GNOD PAR MI BYED PAS TSUL KHRIMS LAS NYON MONGS PA CHUNG STE, DAM PAR GYUR PAS NA DE'I 'OG TU BZOD PA BSHAD DO, ,BZOD PA'I DUS NA YANG GZHAN LA GNOD PA MI BYED PA TZAM DU ZAD DE, DGE BA'I CHOS LA RGYUN DU 'JUG PA MED PAR ZAD KYI, BRTZON 'GRUS KYIS NI DGE BA LA RGYUN DU BSGOM PA BZOD PA PAS DAM PAR GYUR PA'I PHYIR, DE'I 'OG TU BRTZON 'GRUS BSHAD DO, ,BRTZON 'GRUS KYI DUS NA DGE BA LA RGYUN DU BSGRUB PA TZAM DU ZAD DE, NYON MONGS PA 'JIL BAR MI BYED KYI, BSAM GTAN GYIS NI NYON MONGS PA 'JIL BAR BYED PAS NA BRTZON 'GRUS PAS DAM PAR GYUR PA'I PHYIR, DE'I 'OG TU BSAM GTAN BSHAD DO, ,BSAM GTAN GYIS NYON MONGS PA 'DI LAS[?] @11B BAR BYED PA TZAM DU ZAD DE, NYON MONGS PA RTZA BA NAS MI 'BYIN GYI, SHES RAB KYIS NYON MONGS PA RTZA BA NAS 'BYIN TE, BSAM GTAN PAS DAM PAR GYUR PA'I PHYIR DE'I 'OG TU SHES RAB BSHAD DO, ,RGYU GSUM PA BSTAN PA'I PHYIR, CHEN PO DANG NI PHRA BA'I PHYIR, ,ZHES SMOS TE, GANG CHE ZHING RAGS PA RNAMS NI SNGAR BSHAD LA, GANG PHRA ZHING DKA' BA RNAMS NI PHYIS BSHAD DE, SBYIN PA NI RAGS SHING SBOM PAS NA SNGAR BSHAD LA, DE BAS NA TSUL KHRIMS PHRA BAS PHYIS BSHAD PA NAS, BSAM GTAN SBOM PAS SNGAR BSHAD DE, DE BAS SHES RAB PHRA BAS NA PHYIS BSHAD DO, , SBOM PA ZHES BYA BA NI, 'JUG SLA ZHING SPYAD SLA BA'I DON DANG, PHRA BA NI 'JUG DKA' ZHING SPYAD DKA' BA'I DON TO, ,DE LA SBYIN PA NI BYA SLA STE, RGYAL PO DANG BLON PO LA SOGS PAS SBYIN PA GTONG BA BZHIN DU, GDOL BA DANG GDOL BU LA SOGS PAS KYANG SBYIN PA GTONG BAR NI NUS KYI, TSUL KHRIMS BSRUNG BAR MI NUS PAS NA SBYIN PA NI BYA SLA'I, TSUL KHRIMS NI BYA DKA'O, ,TSUL KHRIMS KYIS GZHAN GYI SROG DANG NOR LA GNOD PAR MI BYED PA TZAM DU ZAD PAS BYA SLA'I, BZOD PAS NI BDAG GI SROG DANG NOR LA GNOD PA BYAS KYANG SLAR GNOD PA MI BYED DE BZOD PA NI BYA DKA'O, , BZOD PAS NI BDAG LA GNOD PA BYAS PA LA LAN MI GLAN ZHING BZOD PAR BYA BA TZAM DU ZAD PAS BYA SLA'I, BRTZON 'GRUS KYIS NI DE BAS KYANG LHAG PAR DE DGE BA LA RGYUN DU BSGRUBS PAS NA BYA DKA'O, ,BRTZON 'GRUS KYIS NI DGE BA LA RGYUN DU 'JUG PA TZAM DU ZAD DE, NYON MONGS PA MI 'JIL BAS BYA SLA'I, BSAM GTAN GYIS NI NYON MONGS PA 'JIL BAR BYED PAS NA BYA DKA'O, ,BSAM GTAN GYIS NI NYON MONGS PA 'JIL BA TZAM DU ZAD PAS BYA SLA'I, SHES RAB KYIS NI 'PHAGS PA'I BDEN PA LA SOGS PA'I CHOS RNAMS SHES PAR BYED PAS NA BYA DKA'O, ,NGES PA'I TSIG RAB TU DBYE BA ZHES BYA BA'I TSIGS SU BCAD PA ZHES BYA BA LA GO RIMS KYI DON BSHAD NAS, DA NI PHA ROL TU PHYIN PA DRUG GI NGES PA'I TSIG BSHAD DE, CI'I PHYIR SBYIN PA ZHES BYA BA NAS, CI'I PHYIR SHES RAB CES BYA BA'I DON BSHAD DO ZHES BYA BA'I DON TO, ,DBUL BA 'DOR BAR BYED PA DANG ZHAS @12A *, ,BYA BA LA, RGYA GAR SKAD DU SBYIN PA LA D'A NA ZHES 'BYUNG STE, DE'I TSIG GI DON NI D'A NI DBUL BA'I DON TO, ,NA NI 'DOR BA'AM MED PAR BYED PA'I DON TO, ,BRAM ZA DANG TSONG BA LA SOGS PA BZA' BA DANG BGO BA GANG DANG GANG GIS PHONGS PA DE DANG DE BYIN NAS LEN PA PO TSE 'DIR PHONGS PA DANG DBUL BA MED PAR BYAS PAS DBUL BA 'DOR BAR BYED DO, ,GTONG PA POS TSE 'DIR PHYI DANG NANG GI DNGOS PO BTANG NAS TSE RABS GZHAN DU CIS KYANG PHONGS PA MED CING LONGS SPYOD PHUN SUM TSOGS PAR 'GYUR TE, DBUL BA 'DOR BAR BYED PAS NA SBYIN PA ZHES BYA'O, ,BSIL BA THOB PA DANG ZHES BYA BA LA, TSUL KHRIMS LA RGYA GAR SKAD DU SH'I LA ZHES 'BYUNG STE, SH'I NI BSIL BA'I DON LA, LA NI THOB PA'AM LEN PA'I DON TO, ,TSUL KHRIMS DANG LDAN PA RNAMS TSE 'DIR YUL LA CHAGS PA'I DON DU 'DOD CHAGS DANG ZHE SDANG LA SOGS PA'I RGYU LUS DANG NGAG GI SGO NAS BYA BA SNA TSOGS KYI SDUG BSNGAL BA'I GDUNG BAR BYED PA MI 'THOB PAR 'GYUR BA DANG, DE'I RGYUS TSE RABS GZHAN DU YANG NGAN SONG GI GNAS SU MI MYONG ZHING, LHA DANG MI'I BSIL BA'I BDE BA 'THOB PAR 'GYUR BA DANG, MJUG TU MYA NGAN LAS 'DAS PA'I BDE BA'I BSIL BA 'THOB PAR BYED PAS NA TSUL KHRIMS ZHES BYA'O, ,KHRO BA ZAD CES BYA BA LA, BZOD PA'I SGRA RGYA GAR SKAD DU KAsh'ANTI ZHES 'BYUNG STE, KAsh'AN NI ZAD PA LA BYA, TI NI BYED PA LA BYA STE, BZOD PA LA GNAS NA BZOD PA DES BDAG GIS SEMS KYI RGYUD LA YOD PA'I ZHES SDANG ZAD PAR BYED PAS NA BZOD PA ZHES BYA'O, ,DAM PAR SBYOR BA DANG ZHES BYA BA LA, BRTZON 'GRUS KYI RGYA GAR SKAD DU B'IRYA ZHES 'BYUNG STE, DE LA B'I NI DAM PA'I DON LA, RYA NI SBYOR BA'I DON TO, ,'JIG RTEN LAS 'DAS PA'I DGE BA'I RTZA BA DAM PA LA SBYOR BAS NA, BRTZON 'GRUS ZHES BYA'O, , YID 'DZIN DANG ZHES BYA BA LA, BSAM GTAN GYI SGRA RGYA GAR SKAD DU DHY'A NA ZHES 'BYUNG STE, DHA LA YA BTAGS YOD PA RA'I DON DU DRANGS NA, 'DZIN PA'I DON DU 'GRO STE, SEMS PHYI ROL DU MI G-YENG BAR NANG DU 'DZIN PAR BYED PAS NA BSAM GTAN ZHES BYA'O, ,DON DAM SHES PA RNAM GSUM @12B BSHAD, ,CES BYA BA LA, SHES RAB KYI SGRA RGYA GAR SKAD DU PRADZNY'A ZHES 'BYUNG STE, DE LA DON DAM PAR NI PA RA M'A RA THA ZHES BYA BAS, PA LA RA BTAGS PA, BA'I 'OG TU RA BZHAG NA PA RA M'A RA THA ZHES DON DAM PA'I TSIG TU BRJOD LA, DZNY'A NI SHES PA LA BYA STE, SKYE 'GAG MED PA'I DON DAM PA SHES PAS NA SHES RAB CES BYA'O, ,BSGOM PA RNAM PAR DBYE BA ZHES BYA BA'I TSIGS SU BCAD PA LA, PHA ROL TU PHYIN PA DRUG GI NGES PA'I TSIG BSHAD NAS DA NI BSGOM PA BSHAD DE, SBYIN PA'I PHA ROL TU PHYIN PA LA JI LTAR BSGOM PA NAS, SHES RAB KYI PHA ROL TU PHYIN PA LA JI LTAR BSGOM PA TSIGS SU BCAD PA GCIG GIS BSTAN TO ZHES BYA BA'I DON TO, ,BSGOM PA DNGOS LA GNAS PA DANG, ,YID LA BYED PA DE BZHIN BSAM, ,THABS DANG DBANG YOD DAG LA YANG, ,ZHES BYA BA LA, SBYIN PA'I PHA ROL TU PHYIN PA LA BSGOM PA RNAM PA LNGA LTAR BSGOM STE, LNGA NI DNGOS PO LA GNAS TE BSGOM PA DANG, YID LA BYED PA LA GNAS TE BSGOM PA DANG, DE BZHIN DU BSAM PA LA GNAS TE BSGOM PA DANG, THABS LA GNAS TE BSGOM PA DANG, DBANG YOD PA LA GNAS TE BSGOM PA'O, ,DE LA DNGOS PO LA GNAS TE BSGOM PA RNAM PA BZHI'O,, YID LA BYED PA LA GNAS TE BSGOM PA RNAM PA BZHI'O, ,BSAM PA LA GNAS TE BSGOM PA RNAM PA DRUG GO, ,THABS LA GNAS TE BSGOM PA RNAM PA GSUM MO, ,DBANG YOD PA LA GNAS TE BSGOM PA RNAM PA GSUM MO, ,DE DAG DE BZHIN THAMS CAD BSHAD, ,CES BYA BA LA, JI LTAR SBYIN PA LA RNAM PA LNGA LTAR BSGOM PA DE BZHIN DU, TSUL KHRIMS NAS SHES RAB KYI BAR DU LHAG MA RNAMS LA YANG DNGOS PO LA GNAS TE BSGOM PA NAS DBANG YOD PA LA GNAS TE BSGOM PA'I BAR DU RNAM PA LNGAR BSGOM PAR BSHAD DO ZHES BYA BA'I DON TO, ,DE LA DNGOS PO LA GNAS PA RNAM PA BZHI STE ZHES BYA BA LA, DNGOS PO LA ZHES BYA BA DANG, DON ZHES BYA BA DANG, RDZAS ZHES BYA BA DAG DON GCIG STE, DNGOS PO LA RDZAS ZHES BYA BAR CI MNGON ZHEN, MDO LAS RDZAS KYI DNGOS PO BDUN DANG LDAN PAS BSOD NAMS BYED PA'I RIGS KYI BU DANG RIGS KYI BU MO NI BSOD NAMS RTAG TU 'PHEL LO ZHES @13A *, ,GSUNGS PA'I PHYIR RO, ,DNGOS PO LA GNAS TE BSGOM PA YANG RNAM PA BZHI STE, RGYU LA GNAS PA DANG, RNAM PAR SMIN PA LA GNAS PA DANG, SMON LAM LA GNAS PA DANG, SO SOR RTOG PA'I STOBS LA GNAS PA'O, ,RIGS KYI STOBS KYIS ZHES BYA BA LA SOGS PA LA, RGYU LA GNAS PA NI 'DI LTAR DGE BA'I BSHES GNYEN LA SOGS PAS SBYIN PAR BYA BA'I RIGS SO ZHES BSTEN CING BSNYEN PA MED PAR YANG BYANG CHUB SEMS DPA'I RIGS YOD PA'I STOBS KYIS TSE RABS GANG DANG GANG DU SKYES PA DE DAG DE DAG TU GTONG BA LA DGA' STE, 'DI LTAR 'KHOR BA THOG MA MED PA'I DUS NAS, GNAS GCIG NAS GCIG TU BRGYUD DE 'ONGS PA CHOS NYID KYIS THOG PA MIG LA SOGS PA SKYE MCHED DRUG GI KHYAD PAR 'DI LTA BU DANG LDAN TE, GANG GI PHYIR DGE BA'I BSHES GNYEN GYIS MA BSTAN KYANG PHA ROL TU PHYIN PA DRUG SGRUB CING BSGOM PA LA DGA' STE, PHA ROL TU PHYIN PA SGRUB PAR BYED PA NI RGYU LA GNAS PA ZHES BYA'O, ,GANG GI BDAG GI LUS PHUN SUM TSOGS PA'I STOBS KYIS ZHES BYA BA LA SOGS PA LA, RNAM PAR SMIN PA LA GNAS PA NI BYANG CHUB SEMS DPA' TSE RABS GZHAN DAG TU SBYIN PA LA SOGS PA'I PHA ROL TU PHYIN PA LA GOMS PAR BYA STE, DE LTAR GOMS PAR BYAS PAS DE'I DBANG GIS TSE RABS PHYI MAR SBYIN PA LA SOGS PA'I PHA ROL TU PHYIN PA BYED CING SGRUB PAR DGA' BA'I LUS MNGON PAR 'GRUB CING SMIN PAR 'GYUR TE, DE LTAR RNAM PAR SMIN PA'I DBANG GIS MA BRTAGS MA BSAMS PAR YANG PHA ROL TU PHYIN PA LA 'JUG STE, DE NI RNAM PAR SMIN PA LA GNAS PA ZHES BYA'O, ,GANG SNGON GYI SMON LAM GYI STOBS KYIS ZHES BYA BA LA SOGS PA LA, SMON LAM LA GNAS PA NI DES SNGON GYI SBYIN PA LA SOGS PA'I PHA ROL TU PHYIN PA NI MA BSGRUBS TE SMON LAM TZAM ZHIG BTAB PA TZAM DU ZAD DE, JI LTAR SMON LAM BTAB CE NA, 'DI LTAR BDAG TSE RABS GANG DANG GANG DU SKYES PA DE DANG DE DAG TU NGA DANG BDAG GI RTOG PA DANG BRAL BA, NANG DANG PHYI'I DNGOS PO THAMS CAD LA MI RTEN PA, SEMS CAN THAMS CAD KYI DON DU SBYIN PA LA SOGS PA'I PHA ROL TU PHYIN PA SGRUB PAR @13B GYUR CIG CES SMON LAM BTAB PA LAS, SMON LAM DE'I DBANG GIS GANG DANG GANG DU SKYES PAR SBYIN PA LA SOGS PA'I PHA ROL TU PHYIN PA SGRUB PAR 'GYUR TE, DE NI SMON LAM LA GNAS PA ZHES BYA'O, ,SHES RAB KYI STOBS KYIS ZHES BYA BA LA SOGS PA LA, SO SOR RTOG PA'I STOBS LA GNAS PA NI, 'DI LTAR SHES RAB KYI STOBS KYIS SBYIN PA LA SOGS PA PHA ROL TU PHYIN PA BSGOM ZHING SGRUB PAR BYED DE CI LTAR ZHE NA, LONGS SPYOD 'DI DAG NI RMI LAM LTA BU MI BRTAN PA, DBUGS DBYUNG DU MED PA, 'JIG CING 'BRAL BAR 'GYUR BA'I CHOS CAN NO ZHES SHES RAB KYI STOBS KYIS YONGS SU DPYAD NAS, DE LTAR DPYAD PA'I STOBS KYIS PHA ROL TU PHYIN PA RNAMS LA 'JUG CING SGRUB PAR BYED DE, ,DE NI SO SOR RTOG PA'I STOBS LA GNAS PA ZHES BYA'O, ,TSUL KHRIMS LA SOGS PA LA YANG, TSUL KHRIMS LA SOGS PA BSRUNGS SHING BSGRUBS NAS; BSOD NAMS DANG YE SHES KYI TSOGS SOGS SHING, LHA DANG MI'I NANG DU SKYE BA DANG, MTHAR BLA NA MED PA'I BYANG CHUB TU 'TSANG RGYA BAR 'GYUR RO ZHES SHES RAB KYIS BRTAGS NAS TSUL KHRIMS LA SOGS PA LA 'JUG PAR BYED PA NI SO SOR RTOG PA'I STOBS ZHES BYA'O, ,PHA ROL TU PHYIN PA YID LA BYED PA LA GNAS PA NI RNAM PA BZHI STE ZHES BYA BA LA, YID LA BYED PA LA GNAS PA STE, PHA ROL TU PHYIN PA BSGOM PA RNAM PA BZHI STE MOS PA YID LA BYED PA DANG, RO MYANG BA YID LA BYED PA DANG, RJES SU YI RANG BA YID LA BYED PA DANG, MNGON PAR DGA' BA YID LA BYED PA'O, ,PHA ROL TU PHYIN PA DANG LDAN PA'I MDO SDE ZHES BYA BA LA SOGS PA LA, MOS PA YID LA BYED PA DANG, MDO SDE GANG LAS PHA ROL TU PHYIN PA DRUG 'BYUNG ZHING 'CHAD PA'I MDO SDE 'PHAGS PA DKON MCHOG SPRIN LA SOGS PA LA 'DI NI DE KHO NA BZHIN DU MA NOR TE BDEN PA YIN NO ZHES MOS PAR BYED DE, JI LTA JI LTAR MOS PA DE LTA DE LTAR PHA ROL TU PHYIN PA'I KHAMS BRTAS PAR 'GYUR TE, DE NI SMOS PA YID LA BYED PA ZHES BYA'O, ,PHA ROL TU PHYIN PA BRTEN PA RNAMS LA ZHES BYA BA LA SOGS PA'O, ,RO MYANG BA YID LA BYED PA NI SNGON BDAG GIS SBYIN PA LA SOGS PA'I PHA ROL TU PHYIN PA SPYAD CING BSGRUBS TE, @14A *, ,SNGON BSGRUBS PA LA 'DI LTAR BDAG GIS SNGON SBYIN PA LA SOGS PA'I PHA ROL TU PHYIN PA BSGRUBS PA NI LEGS SO ZHES YON TAN DU LTA ZHING SNGON BYAS PA DRAN NAS MNGON PAR DGA' BA NI RO MYANG BA YID LA BYED PA ZHES BYA'O, ,'JIG RTEN GYI KHAMS THAMS CAD NA ZHES BYA BA LA SOGS PA LA; RJES SU YI RANG BA YID LA BYED PA NI PHYOGS BCU'I 'JIG RTEN GYI KHAMS NA GNAS PA'I SEMS CAN THAMS CAD KYIS SBYIN PA LA SOGS PA PHA ROL TU PHYIN PA BSGRUBS PA RNAMS LA BDAG GIS BYAS PA DANG 'DRA BAR DGA' ZHING YI RANG BA NI RJES SU YI RANG BA YID LA BYED PA ZHES BYA'O, ,BDAG DANG SEMS CAN RNAMS KYIS ZHES BYA BA LA SOGS PA LA, MNGON PAR DGA' BA YID LA BYED PA NI MA 'ONGS PA NYID LA YANG PHA ROL TU PHYIN PA DRUG LA BSGRUB PAR DGA' ZHING, SEMS CAN RNAMS KYANG GAR SKYES GAR SKYES KYANG PHA ROL TU PHYIN PA DRUG BSGRUB PAR GYUR CIG CES SMON PA DANG MA 'ONGS PA NA SEMS CAN GZHAN LA YANG PHA ROL TU PHYIN PA DRUG BSGRUB PAR DGA' ZHING SEMS CAN RNAMS GAR SKYES GAR SKYES KYANG PHA ROL TU PHYIN PA DRUG BSGRUB PAR GYUR CIG CES SMON PA NI MNGON PAR DGA' BA YID LA BYED PA ZHES BYA'O, ,BSAM PA LA GNAS TE PHA ROL TU PHYIN PA DRUG PA BSGOM PA NI, CHOG MI SHES PA'I BSAM PA LA SOGS PA'I RNAM PA DRUG 'GREL PA NYID LAS 'BYUNG BA BZHIN DU BLTA'O, ,DE LA BYANG CHUB SEMS DPA'I SBYIN PA LA CHOG MI SHES PA'I BSAM PA NI ZHES BYA BA LA SOGS PA LA, BSAM PA YID LA BYED PA LA RNAM PA DRUG TU BYAS PA LAS, SBYIN PA'I PHA ROL TU PHYIN PA DANG SBYAR TE JE 'CHAD DE DE LA CHOG MI SHES PA'I BSAM PA LA YANG CHOG MI SHES PA RNAM PA BZHI STE, DNGOS PO GTONG BA LA CHOG MI SHES PA DANG, LUS GTONG BA LA CHOG MI SHES PA DANG, DUS CHOG MI SHES DANG, SEMS CAN CHOG MI SHES PA'O, ,BYANG CHUB SEMS DPA' SEMS CAN GCIG LA ZHES BYA BA LA SOGS PA LA, BYANG CHUB SEMS DPA' SEMS CAN GCIG LA PHAN BTAGS SHING YONGS SU SMIN PAR BYA BA'I PHYIR, GANG G'A'I KLUNG GI BYE MA SNYED KYI 'JIG RTEN GYI KHAMS RIN PO CHE SNA BDUN GYIS BKANG NAS SEMS @14B CAN GCIG PU DE LA GTONG BAR BYED DE, DE LTAR BTANG NAS BDAG GIS 'DI SNYED CIG BYIN GYIS BTANG NAS, DA NI CHOG GO SNYAM PA'I BSAM PA MED DE 'DIS NI DNGOS PO GTONG BA LA CHOG MI SHES PA BSTAN TO, ,GANG G'A'I KLUNG GI BYE MA SNYED DANG MNYAM PA'I LUS ZHES BYA BA LA SOGS PA LA, DE BZHIN DU SEMS CAN GCIG LA DUS SKAD CIG MA RE RE LA YANG GANG G'A'I KLUNG GI BYE MA SNYED KYI LUS GTONG ZHING SBYIN PAR BYED DE, LUS DE SNYED CIG BDAG GIS SEMS CAN GCIG LA BYIN PAS DA NI CHOG GO SNYAM DU SEMS PA MED DE, 'DIS NI LUS GTONG BA CHOG MI SHES PA BSTAN TO, ,DE BZHIN DU GANG G'A'I KLUNG GI BYE MA DANG MNYAM PA'I BSKAL PAR ZHES BYA BA LA SOGS PA LA, DE LTAR BTANG BA DE YANG LO'AM ZLA BA'I BSKAL PA 'GAR GTONG BA MA YIN GYI GANG G'A'I KLUNG GI BYE MA DANG MNYAM PA'I BSKAL PAR SKAD CIG YUD TZAM YANG RGYUN MI 'CHAD PAR GTONG STE, DE LTAR GTANG YANG BDAG GIS BSKAL PA 'DI SNYED CIG TU PHYI DANG NANG GI DNGOS PO BTANG BAS DA NI CHOG GO SNYAM PA'I BSAM PA MED DE, 'DIS NI DUS CHOG MI SHES PA BSTAN TO, ,SEMS CAN GCIG LA JI LTA BA BZHIN DU ZHES BYA BA LA SOGS PA LA, DE LTAR SEMS CAN GCIG LA GANG G'A'I KLUNG GI BYE MA SNYED KYI 'JIG RTEN GYI KHAMS RIN PO CHE SNA BDUN GYIS BKANG STE SBYIN PA DANG, GANG G'A'I KLUNG GI BYE MA SNYED KYI LUS YONGS SU BTANG BA DANG, DE LA GANG G'A'I KLUNG GI BYE MA SNYED KYI BSKAL PAR SPYAD DE SEMS CAN DE BLA NA MED PA'I BYANG CHUB TU BKOD DE; YONGS SU SMIN PAR BYAS PA DE BZHIN DU TSUL DE DANG 'DRA BAR SEMS CAN GNYIS PA GSUM PA LA YANG DE LTAR BYAS PA NAS MTHONG SEMS CAN THAMS CAD LA TSUL DE LTA BUR SMIN PAR BYAS TE, SEMS CAN ZAD PAR BYAS KYANG BYANG CHUB SEMS DPA' 'DI SNYAM DU BDAG GIS GANG G'A'I KLUNG GI BYE MA SNYED KYI 'JIG RTEN GYI KHAMS RIN PO CHE SNA BDUN GYIS BKANG STE BYIN PA DANG, GANG G'A'I KLUNG GI BYE MA SNYED KYI LUS YONGS SU BTANG BA DANG, DE YANG GANG G'A'I KLUNG GI BYE MA SNYED KYI BSKAL PAR BTANG STE, TSUL DE LTA BUS SEMS CAN THAMS CAD BLA NA MED PA'I BYANG CHUB TU SANGS RGYAS PAR BYAS PAS @15A *, ,DA NI CHOG GO SNYAM DU BSAM PA MED DE, BSAM PA DE LTA BU NI BYANG CHUB SEMS DPA'I CHOG MI SHES PA'I BSAM PA ZHES BYA'O, ,BYANG CHUB SEMS DPAS DE LTA BU SBYIN PA GCIG NAS GCIG TU ZHES BYA BA LA SOGS PA LA RGYAS PA'I BSAM PA 'CHAD DE, BYANG CHUB SEMS DPA' GONG MA LTA BU'I PHYI DANG NANG GI SBYIN PA YANG NYIN 'GA' TZAM NI SBYIN PAR BYED NYIN 'GA' TZAM NI SBYIN PAR MI BYED SKAD CIG MA GCIG LA NI SBYIN PAR MI BYED PAR SEMS PA NI MA YIN GYI, PHYI DANG NANG GI DNGOS PO YANG NYI MA RE RE SKAD CIG MA RE RE LA CUNG ZAD KYANG MI 'DUG PAR BYANG CHUB KYI SNYING PO LA 'DUG GI BAR DU RGYUN MI 'CHAD PAR GTONG BAR BYED DE, DE LTAR SEMS PA NI BYANG CHUB SEMS DPA'I RGYAS PA'I BSAM PA ZHES BYA'O, ,SEMS CAN RNAMS DE LTA BU SBYIN PAS BSDUS NAS ZHES BYA BA LA SOGS PA LA DGA' BA'I BSAM PA 'CHAD DE, MTHA' YAS PA'I SEMS CAN RNAMS LA GONG DU BSHAD PA LTA BU'I PHYI NANG GI DNGOS PO TSAD MED PA SBYIN ZHING, DUS 'GYANGS PAR BTANG NAS SEMS CAN BSDUS TE YONGS SU SMIN PAR BYAS PAR MTHONG STE, DE LTAR MTHONG NAS BYANG CHUB SEMS DPA' NYID BDAG GIS SEMS CAN 'DI SNYED CIG SMIN PAR BYAS SO ZHES BYANG CHUB SEMS DPA'I DGA' BA'I BYE BRAG SKYE BA LTAR, BYANG CHUB SEMS DPA' SBYIN PA LA SOGS PA'I PHA ROL TU PHYIN PAS PHAN BTAGS PA'I SEMS CAN DAG DE TZAM DU DGA' BA'I SEMS MI SKYE STE, DE NI DGA' BA'I BSAM PA ZHES BYA'O, ,DE RNAMS BLA NA MED PA YANG DAG PAR RDZOGS PA'I BYANG CHUB TU STON PA'I PHYIR ZHES BYA BA LA SOGS PA LA, PHAN 'DOGS PA'I BSAM PA 'CHAD DE, 'DI LTAR BYANG CHUB SEMS DPA' DES GONG DU BSHAD PA LTA BU'I PHYI NANG GI SBYIN PAS SEMS CAN LA PHAN BTAGS TE, LEGS PAR BYAS KYANG BYANG CHUB SEMS DPA' 'DI SNYAM DU BDAG GIS NI SBYIN PA 'DI LTA BUS SEMS CAN LA PHAN BTAGS SO ZHES BDAG NYID LA DE LTAR MI SEMS KYI GANG GIS SBYIN PA BLANGS PA'I SEMS CAN DES BDAG LA PHAN BTAGS SO SNYAM DU SEMS TE, CI'I PHYIR ZHE NA, GAL TE SBYIN PA LEN PA'I SEMS CAN @15B MED NA NI BDAG GIS BLA NA MED PA'I BYANG CHUB KYI CHOS RDZOGS PAR MI 'GYUR GYI GANG GI PHYIR SEMS CAN 'DI DAG GIS BDAG GI PHYI NANG GI SBYIN PA BLANGS PAS DE'I PHYIR BDAG BLA NA MED PA'I BYANG CHUB TU 'GRUB PA'I RGYU DANG TSOGS BSAGS PA YIN TE, DE BAS NA 'DI DAG GIS BDAG LA PHAN BTAGS SO SNYAM DU DGONGS PA NI PHAN BTAGS PA'I BSAM PA ZHES BYA'O, ,BYANG CHUB SEMS DPA' BSOD NAMS ZHES BYA BA LA SOGS PA LA MI CHAGS PA'I BSAM PA 'CHANG DE, BYANG CHUB SEMS DPA' GONG DU BSHAD PA LTA BU'I PHYI NANG GI SBYIN PA RGYA CHEN PO BSOD NAMS KYI TSOGS KYI RGYUR 'GYUR BA DE DAG SEMS CAN LA SBYIN ZHING BTANG NAS KYANG TSE 'DIR PHAN BTAGS PA'I LAN LA YANG RE BA MED LA, TSE RABS GZHAN DU YANG SBYIN PA'I RNAM PAR SMIN PA'I 'BRAS BU LONGS SPYOD CHEN PO LA MA CHAGS BZHIN DU GTONG STE, DE NI MA CHAGS PA'I BSAM PA ZHES BYA'O, ,GANG BYANG CHUB SEMS DPA' SBYIN PA'I PHUNG PO DE LTA BU SPANGS PA ZHES BYA BA LA SOGS PA LA DGE BA'I BSAM PA 'CHAD DE, BYANG CHUB SEMS DPAS GONG DU BSHAD PA LTA BU'I PHYI DANG NANG GI DNGOS PO'I SBYIN PA RGYA CHEN PO SBYIN PA'I TSOGS DE 'DRA BA BTANG BA'I 'BRAS BU BDAG GCIG PUS MYONG BAR SHOG SHIG CES MI SMON GYI, BDAG GIS PHYI NANG GI SBYIN PA RGYA CHEN PO BYAS PA DE'I 'BRAS BU SEMS CAN GYI PHYIR BTANG NAS BDAG GI SBYIN PA BYAS PA'I 'BRAS BU 'DI LA BDAG DANG SEMS CAN GNYI GAS BLA NA MED PA'I BYANG CHUB KYI 'BRAS BU THOB PAR GYUR CIG CES SNGO BAR BYED DE DE NI DGE BA'I BSAM PA ZHES BYA'O, ,DE LA BYANG CHUB SEMS DPA' TSUL KHRIMS KYI PHA ROL TU PHYIN PA BSGOM PA NAS ZHES BYA BA LA SOGS PA LA, BSAM PA LA GNAS TE BSGOM PA LA RNAM PA DRUG TU PHYE NAS SBYIN PA'I PHA ROL TU PHYIN PA LA SBYAR TE BSHAD NAS, DA NI TSUL KHRIMS DANG SHES RAB KYI PHA ROL TU PHYIN PA DANG SBYAR ZHING 'CHAD DE, DE LA NI TSUL KHRIMS KYI PHA ROL TU PHYIN PA BSGOM PA NAS SHES RAB KYI PHA ROL TU PHYIN PA BSGOM PA LA CHOG MI SHES PA'I BSAM PA JI LTA BU ZHE NA, SEMS CAN GYI DON DU 'JIG RTEN GYI KHAMS ME'I PHUNG POS GANG BA'I NANG DU, TSE'I TSAD GANG @16A *, ,G'A'I KLUNG GI BYE MAR GNAS PAS BSGRUBS NAS TSUL KHRIMS GCIG RNYED PA YANG DE BZHIN DU BSGRUBS NA SKAD CIG MA GCIG GIS TSUL KHRIMS GRUB PA NAS, THA MA TSUL KHRIMS KYI PHUNG PO YONGS SU RDZOGS KYANG, DA NI TSUL KHRIMS KYI PHUNG PO RDZOGS PAS CHO GA CES CHOG PAR 'DZIN PA MED PA DANG, SHES RAB LA YANG TSUL DE LTAR BSGRUBS NAS SHES RAB KYI PHUNG PO RDZOGS KYANG, SHES RAB KYI PHUNG PO YONGS SU RDZOGS PAS DA NI CHOG GO ZHES 'DZIN PA NI CHOG MI SHES PA'I BSAM PA ZHES BYA'O, ,GAL TE DE LTAR ME'I PHUNG PO'I NANG DU TSUL KHRIMS SGRUB KYANG ME ZHI BAR BYED PA'I GNYEN PO TZAN DAN DANG, GA PUR DANG, CHU LA SOGS PA YOD NA SHIN TU DGA' BA MA YIN NO SNYAM PA LA, YO BYAD THAMS CAD RTAG TU PHONGS PA ZHES BYA BA SMOS TE, ME'I GNYEN PO TZANDAN DANG, GA PUR DANG, CHU LA SOGS PA'I YO BYAD KUN KYANG MED PAS RTAG TU LUS TSIG PA'I PHYIR LHAG PAR YANG SPYAD DKA' BAR STON TO, ,DE LTAR NA YANG BDAG GI LUS GCIG GIS SDUG BSNGAL MYONG NA SHIN TU BYA DKA' BA MA YIN NO SNYAM PA LA, BDAG GI LUS GANG G'A'I KLUNG GI BYE MA SNYED DANG MNYAM PA ZHES BYA BA SMOS TE, BDAG GI LUS GCIG GIS SDUG BSNGAL MYONG BA NI MA YIN GYI, BDAG GI LUS GANG G'A'I KLUNG GI BYE MA SNYED CIG GIS SDUG BSNGAL MYONG BAS LHAG PAR BYA DKA' BA STON TO, ,GAL TE DE LTAR NA YANG TSE'I TSAD LO BRGYA'AM STONG TZAM GYIS BSGRUBS NA TSE'I YUN THUNG BAS LHAG PAR BYA DKA' BA MA YIN NO SNYAM PA LA, GANG G'A'I KLUNG GI BYE MA DANG MNYAM PA'I TSE'I TSAD CES BYA BA LA SOGS PA SMOS TE, TSE'I TSAD KYANG GANG G'A'I KLUNG GI BYE MA DANG MNYAM PA'I BSKAL PAR BSGRUBS PAS, DUS KYI TSAD RING PA'I PHYIR LHAG PAR BSGRUB DKA' BAR STON TO, ,DE LTAR NA YANG 'JIG RTEN GYI KHAMS 'GA' TZAM MES GANG BAR SPYOD NA; LHAG PAR BYA DKA' BA MA YIN NO SNYAM PA LA, STONG GSUM GYI STONG CHEN PO'I 'JIG RTEN GYI KHAMS MES RAB TU GANG BA ZHES BYA BA SMOS TE, MES GANG BA YANG 'JIG RTEN GYI KHAMS 'GA' TZAM MES GANG BA MA YIN GYI STONG GSUM GYI STONG CHEN PO'I 'JIG RTEN GYI KHAMS KUN MES GANG BAR SPYOD @16B DE; DES NA LHAG PAR SPYAD DKA' BA STON TO, ,DE LTA NA YANG SPYOD LAM GCIG GIS BSGRUBS NA BYA DKA' BA MA YIN NO SNYAM PA LA DE'I PHYIR SPYOD LAM BZHIR SPYOD CING ZHES BYA BA SMOS TE, DE LA SPYOD LAM GCIG GIS SPYOD PA MA YIN GYI, 'GRO BA DANG, 'DUG PA DANG, NYAL BA DANG, 'CHAG PA STE, SPYOD LAM BZHIR SPYOD CING BSGRUBS PAS NA LHAG PAR BYA DKA' BA STON TE, DE LTAR BSGRUBS NA SKAD CIG MA GCIG GIS TSUL KHRIMS BSGRUBS PA NAS MTHAR TSUL KHRIMS KYI PHUNG PO JI TZAM GYIS BLA NA MED PA'I BYANG CHUB TU 'TSANG RGYA BAR 'GYUR BA'I TSUL KHRIMS KYI PHUNG PO YONGS SU RDZOGS KYANG, DA TSUL KHRIMS KYI PHUNG PO YONGS SU RDZOGS PAS DA NI CHOG GO SNYAM PA'I BSAM PA MED DE DE NI CHOG MI SHES PA'I BSAM PA ZHES BYA'O, ,SHES RAB KYI PHA ROL TU PHYIN PA LA YANG TSUL DE DANG 'DRA BAR SBYAR RO, ,GANG BYANG CHUB SEMS DPA'I TSUL KHRIMS KYI PHA ROL TU PHYIN PAS ZHES BYA BA LA SOGS PA SMOS TE, GONG DU BSHAD PA'I TSUL KHRIMS DANG, SHES RAB KYI PHA ROL TU PHYIN PA BSGRUB DKA' BA DE'ANG, NYIN GCIG NI BSGRUB, NYIN GCIG NI MI BSGRUB, SKAD CIG MA GCIG LA NI MI BSGRUB PA MA YIN GYI, MTHAR BLA NA MED PA'I BYANG CHUB KYI SNYING PO LA MA 'DUG GI BAR DU SKAD CIG MA GCIG NAS GCIG GI BAR DU RGYUN MI GCOD CING BAR CHAD MED PAR SGRUB PAR BYED DE, ,DE LTA BU NI TSUL KHRIMS KYI PHA ROL TU PHYIN PA NAS SHES RAB KYI PHA ROL TU PHYIN PA BSGOM PA LA RGYAS PA'I BSAM PA ZHES BYA'O, ,BYANG CHUB SEMS DPA'I TSUL KHRIMS KYI PHA ROL TU PHYIN PA BSGOM PA NAS SHES RAB KYI PHA ROL TU PHYIN PA'I BAR GYIS SEMS CAN BSDUS NAS ZHES BYA BA LA SOGS PA LA, TSUL KHRIMS KYI PHA ROL TU PHYIN PA NAS SHES RAB KYI PHA ROL TU PHYIN PA BSGOM PA LA DGA' BA'I BSAM PA JI LTA BU YIN PA STON TE, 'DI LTAR BYANG CHUB SEMS DPA' TSUL KHRIMS KYI PHA ROL TU PHYIN PA BSGOM PA NAS SHES RAB KYI PHA ROL TU PHYIN PA BSGOM PA DE DAG GIS NI SEMS CAN BSDUS TE, PHA ROL TU PHYIN PA DE DAG LA SEMS CAN BKOD NAS SEMS CAN LA PHAN 'DOGS PAR BYED DO, ,DE LTAR SEMS CAN LA PHAN THOGS PAR MTHONG NAS BYANG CHUB SEMS DPA' DGA' BA'I KHYAD PAR SKYE BA LTAR, SEMS CAN @17A *, ,TSUL KHRIMS KYI PHA ROL TU PHYIN PA LA SOGS PA LA BKOD DE PHAN BTAGS PA RNAMS DE DE TZAM DU DGA' BA'I KHYAD PAR MI SKYE STE, DE LTA BU'I BSAM PA NI DGA' BA'I BSAM PA ZHES BYA'O, ,BYANG CHUB SEMS DPA' DE BLA NA MED PA YANG DAG PAR RDZOGS PA'I BYANG CHUB TU BSTAN PA'I PHYIR ZHES BYA BA LA SOGS PA'O, ,TSUL KHRIMS KYI PHA ROL TU PHYIN PA NAS SHES RAB KYI PHA ROL TU PHYIN PA BSGOM PA LA PHAN PA'I BSAM PA STON TO, ,GONG DU BSHAD PA LTA BU TSUL KHRIMS BSHAD PA NAS, SHES RAB BSHAD PA'I BAR DU DE DAG GIS SEMS CAN RNAMS LA PHAN BTAGS NA 'DI LTAR BYANG CHUB SEMS DPA' BDAG GIS NI SEMS CAN LA PHAN BTAGS SO SNYAM DU BDAG NYID LA DE LTAR MI SEMS KYI, TSUL KHRIMS LA SOGS PAS SEMS CAN GANG LA PHAN PA'I SEMS CAN DE DAG GIS BDAG LA PHAN BTAGS SO SNYAM DU BYANG CHUB SEMS DPA' SDE LTAR DGOS TE, CI'I PHYIR ZHE NA, GANG GI PHYIR SEMS CAN 'DI DAG GIS BDAG GIS BSTAN PA BZHIN DU TSUL KHRIMS LA SOGS PA BSGRUBS PAS BDAG BLA NA MED PA'I BYANG CHUB TU 'TSANG RGYA BA'I CHOGS BSAGS PAR 'GYUR TE, DE BAS NA SEMS CAN DE DAG GIS BDAG LA PHAN BTAGS SO SNYAM DU SEMS PA NI PHAN PA'I BSAM PA ZHES BYA'O, BYANG CHUB SEMS DPA' BSOD NAMS KYI TSUL KHRIMS ZHES BYA BA LA SOGS PA LA, TSUL KHRIMS KYI PHA ROL TU PHYIN PA NAS SHES RAB KYI PHA ROL TU PHYIN PA BSGOM PA LA MI CHAGS PA'I BSAM PA STON TE, 'DI LTAR BSOD NAMS KYI TSOGS KYI RGYUR 'GYUR BA'I TSUL KHRIMS KYI PHA ROL TU PHYIN PA BSGOM PA NAS; SHES RAB KYI TSOGS KYI RGYUR 'GYUR BA SHES RAB KYI PHA ROL TU PHYIN PA BSGOM PA GONG DU BSHAD PA LTA BUR RGYA CHEN POR BSGRUBS SHING SEMS CAN LA PHAN BTAGS KYANG, TSE 'DI PHAN BTAGS PA'I LAN LA RE BA MED LA TSE RABS GZHAN DU DE DAG GI 'BRAS BU MTHO RIS LA SOGS PAR RNAM PAR SMIN PAR 'GYUR BA LA RE BA MED DE DE LTA BU'I BSAM PA NI MI CHAGS PA'I BSAM PA ZHES BYA'O, ,DE LA GANG BYANG CHUB SEMS DPA' DE BZHIN DU BSOD NAMS KYI PHUNG PO ZHES BYA BA LA SOGS PA LA, BYANG CHUB SEMS DPA' TSUL KHRIMS BSGOM PA NAS SHES RAB BSGOM PA LA DGE BA'I BSAM PA STE, 'DI @17B LTAR BDAG GIS BSOD NAMS DANG YE SHES KYI TSOGS KYANG GZHIR 'GYUR BA TSUL KHRIMS BSGOM PA NAS, SHES RAB BSGOM PA'I BAR DU RGYA CHE BA DE 'DRA BA BSGOM SHING BSGRUBS PA DE'I 'BRAS BU BDAG 'BA' ZHIG GIS THOB PAR SHOG SHIG CES MI SMON GYI SEMS CAN THAMS CAD DANG THUN MONG DU BYAS NAS BSNGOS TE, BDAG GIS GONG DU BSHAD PA LTA BU'I TSUL KHRIMS KYI PHUNG PO BSGRUBS PA NAS, SHES RAB KYI PHA ROL TU PHYIN PA'I BAR DAG BSGRUBS PA'I RGYUS, ,BDAG DANG SEMS CAN THAMS CAD BLA NA MED PA YANG DAG PAR RDZOGS PA'I BYANG CHUB TU 'TSANG RGYA BA'I RGYU DANG RTEN DU GYUR CIG CES SMON TE, DE LTA BU NI DGE BA'I BSAM PA ZHES BYA'O, ,THABS LA GNAS PA'I PHA ROL TU PHYIN PA BSGOM PA RNAM PA GSUM STE ZHES BYA BA LA, THABS LA GNAS NAS PHA ROL TU PHYIN PA DRUG BSGOM PA YANG RNAM PA GSUM YOD DE, GTONG BA PO DANG, RDZAS DANG LEN PA PO MI DMIGS PA'O, , DON DE NYID BSTAN PA'I PHYIR, ,RNAM PAR MI RTOG PA'I YE SHES KYIS 'KHOR GSUM YONGS SU DAG PAR SO SOR RTOG PA'I PHYIR TE ZHES BYA BA SMOS TE, GTONG PA PO DANG, RDZAS DANG, LEN PA PO GSUM LA YOD PAR MI RTOG PA'I RNAM PAR MI RTOG PA'I YE SHES KYIS GTONG PA PO DANG, RDZAS DANG, LEN PA PO GSUM YOD PAR SO SOR RTOG PA LA THABS LA GNAS PA'I PHA ROL TU PHYIN PA ZHES BYA'O, ,DE LA CI'I PHYIR THABS ZHES BYA ZHE NA, DE'I PHYIR, DE LTAR THABS DE NI YID LA BYED PA THAMS CAD BSGRUB PA'I PHYIR RO ZHES BYA BA SMOS SO, 'KHOR GSUM YONGS SU DAG PA'I MTSAN NYID MI DMIGS PA DES NI GONG DU BSHAD PA'I YID LA BYED PA THAMS CAD DANG, SANGS RGYAS KYI CHOS THAMS CAD 'GRUB CING DAG PAR BYED DE, DE BAS NA DE LA THABS ZHES BYA'O, ,DBANG YOD PA LA GNAS PA'I PHA ROL TU PHYIN PA BSGOM PA NI ZHES BYA BA LA, SANGS RGYAS KYI SAR SKU DANG GSUNG DANG THUGS PHUN SUM TSOGS PA BRNYES NAS SEMS CAN GYI DON DU PHA ROL TU PHYIN PA DRUG LA 'JUG PA NI DBANG YOD PA LA GNAS PA'I PHA ROL TU PHYIN PA BSGOM PA ZHES BYA STE, DE LA RNAM PA GSUM YOD PA NI 'GREL PA NAS 'BYUNG BA BZHIN DU BLTA'O, ,DE BZHIN GSHEGS PA'I SKU GNYIS SU @18A *, ,BLTA BAR BYA STE, NGO BO NYID DANG, RDZOGS PAR LONGS SPYOD PA DANG ZHES BYA BA LA, DE BZHIN GSHEGS PA'I SKU GNYIS LA LUS LA DBANG YOD PA ZHES BYA STE, SKU GNYIS NI NGO BO NYID KYI SKU CHOS KYI SKU DANG, RDZOGS PAR LONGS SPYOD PA'I SKU'O, ,DE LA CHOS KYI SKU NI 'PHAGS PA RNAMS SO SO RANG GIS RIG PA NAM MKHA' BZHIN DU KUN TU KHYAB PA SANGS RGYAS KYI CHOS THAMS CAD KYI RGYUR GYUR PA NYID DO, ,RDZOGS PAR LONGS SPYOD PA'I SKU NI BYANG CHUB SEMS DPA' SA BRGYAD PA YAN CHAD THEG PA CHEN P'I CHOS KYI LONGS SPYOD PHUN SUM TSOGS PAR MDZAD PA'O, ,GANG GIS SEMS CAN THAMS CAD LA CHOS DANG MTHUN PA'I ZHES BYA BA LA SOGS PA LA, SNGON SPYAD PA LA DBANG YOD PA NI SPRUL PA'I SKU LA BYA STE, SPRUL PA'I SKU GANG GIS LHA DANG MI LA SOGS PA'I SEMS CAN THAMS CAD DANG MTHUN PA'I LUS DANG SPYOD PA STON PA STE, SKU GNYIS KYIS NI SKU DANG THUGS PHUN SUM TSOGS PA BSTON TO, ,STON PA DBANG YOD PA NI ZHES BYA BA LA SOGS PA LA, STON PA LA DBANG YOD PA NI GSUNGS PHUN SUM TSOGS PA GANG GIS PHA ROL TU PHYIN PA DRUG LA LHAG CHAD MED PAR THOGS PA MED PAR STON TE, 'DIS NI GSUNG PHUN SUM TSOGS PA BSTAN TO, ,MDO SDE RGYAN BAM PO BZHI PA'I BSHAD PA RDZOGS SO,, ,,RAB TU DBYE BA'I TSIGS SU BCAD PA ZHES BYA BA LA SOGS PA LA, PHA ROL TU PHYIN PA DRUG BSGOM PA BSTAN NAS, DA NI RAB TU DBYE BA BSTAN TE, PHA ROL TU PHYIN PA DRUG LA PHYE NA DPAG TU MED PA ZHIG TU 'GYUR MOD KYI DE LA YANG BSDUS TE DBYE NA PHA ROL TU PHYIN PA RA RE ZHING YANG RANG BZHIN LA SOGS PA RNAM PA DRUG DRUG TU SHES TE, DE YANG PHA ROL TU PHYIN PA RE RE ZHING TSIGS SU BCAD PA GNYIS GNYIS KYIS STON TE, DE LTAR NA TSIGS SU BCAD PA BCU GNYIS SU 'GYUR RO, ,DON RNAMS GTONG PAR BYED PA DANG, ZHES BYA BA LA, SDUG BSNGAL BA'I ZHING DANG YON TAN GYI ZHING GSUM LA PHYI DANG NANG GI DNGOS PO GTONG BA NI SBYIN PA'I RANG BZHIN NO, ,GNAS PA'I RTZA BA SEMS PA DANG, ,ZHES BYA BA LA, RTZA BA'I NI DGE BA'I RTZA BA GSUM PA BYA STE, 'DOD MA CHAGS PA DANG, ZHE MI SDANG PA DANG, GTI MI MUG PA'I DGE BA'I RTZA BA GSUM DANG LDAN PA'I SEMS @18B PA NI SBYIN PA'I GNAS DANG RGYU YIN TE DE GSUM LA SBYIN PA 'BYUNG BA'I PHYIR RO, ,LUS DANG LONGS SPYOD PHUN SUM TSOGS, ,ZHES BYA BA LA, LUS PHUN SUM TSOGS PA THOB PA DANG LONGS SPYOD PHUN SUM TSOGS PA THOB PA NI SBYIN PA'I 'BRAS BU STE, NANG GI DNGOS PO GTONG BAS NI KHA DOG DANG DBYIBS DANG TSE RING PO DANG LDAN PA'I LUS THOB PAR 'GYUR RO, ,PHYI'I DNGOS PO GTONG BAS NI GTER DANG 'BRU LA SOGS PA YO BYAD PHUN SUM TSOGS PA DANG LDAN PA'I LONGS SPYOD PHUN SUM TSOGS PA DANG LDAN PAR 'GYUR RO, ,BSDU BA GNYIS DANG BSKANG BA DANG, ,ZHES BYA BA LA, BDAG DANG GZHAN GNYIS SDUD PAR BYED PA DANG BSOD NAMS DANG YE SHES KYI TSOGS SKONG BAR BYED PA NI SBYIN PA'I LAS TE, PHONGS PA RNAMS LA ZANG ZING BYED PAS SEMS CAN GZHAN BSDU ZHING SEMS CAN GZHAN LA PHAN BTAGS PA DANG, DE'I RGYUS MA 'ONGS PA NA BDAG NYID LONGS SPYOD CHEN POR 'GYUR BAS NA GZHAN BSDU ZHING BDAG LA PHAN BTAGS SO, ,DE LA CHOS SBYIN PAS NI YE SHES KYI TSOGS SKONG BAR BYED, ,MI 'JIGS PA DANG, ZANG ZING BYIN PAS NI BSOD NAMS KYI TSOGS SKONG BAR BYED DO, ,GNAS LNGA BA'I MDO SDE BZHIN NO ZHES BYA BA LA, GNAS LNGA PA YI MDO SDE LAS, ,GZHAN LA KHA ZAS BYIN PAS NI, ,GNAS LNGA DAG NI KUN THOB STE, ,TSE DANG KHA DOG STOBS DANG BDE, ,SPOBS PA PHUN SUM TSOGS DANG LNGA, ,ZHES GSUNGS PA LTA BU'O, ,SER SNA MED PAR LDAN PA DANG, ,ZHES BYA BA LA, GANG LA SER SNA YOD PA DE LA NI SBYIN PA MED KYI, ,GANG LA SBYIN PA YOD PA DE LA SER SNA MED PA'I CHOS YOD PAS LDAN PA NI SER SNA MED PA'I CHOS DANG LDAN NO, ,CHOS DANG ZANG ZING MI 'JIGS MTHONG, ,ZHES BYA BA LA, SBYIN PA LA PHYE NA RNAM PA GSUM DU 'JUG STE, CHOS SBYIN PA LA 'JUG PA DANG, ZANG ZING SBYIN PA LA 'JUG PA DANG, MI 'JIGS PA SBYIN PA LA 'JUG PA'O, , DE LA GSUNG RAB KYI DON DANG TSIG MA NOR BAR 'CHAD PA NI CHOS SBYIN PA LA 'JUG PA'O, ,PHYI DANG NANG GI DNGOS PO GTONG BA NI ZANG ZING SBYIN PA LA 'JUG PA'O, ,RGYAL PO DANG RKUN PO DANG, ME DANG, CHU'I 'JIGS PA'I SKYABS SU BYED PA NI MI 'JIGS PA SBYIN PA LA 'JUG PA STE, 'DIS NI @19A *, ,'JUG PA'I DON BSTAN TO, ,SBYIN PA DE LTAR SHES NAS SU, ,MKHAS PA YANG DAG SGRUB PAR BYED, ,CES BYA BA LA, DE LTAR ZHES BYA BA NI GONG DU BSHAD PA LTAR TE, SBYIN PA'I RANG BZHIN DANG, RGYU DANG, 'BRAS BU DANG, LAS LA SOGS PA GONG DU BSHAD PA LTA BU YIN PAR SHES NAS MKHAS PA BYANG CHUB SEMS DPA' RNAMS SBYIN PA'I PHA ROL TU PHYIN PA SGRUB PAR BYED DO ZHES BYA BA'I DON TO, ,SER SNA MED PAS 'JUG PA'I PHYIR RO ZHES BYA BA LA, SER SNA CAN RNAMS LA NI SBYIN PA LA 'JUG PA MED KYI, SER SNA MED PA RNAMS SBYIN PA LA 'JUG PAR BYED PAS NA SER SNA MED PA'I CHOS DANG LDAN NO, ,YAN LAG DRUG DANG ZHES BYA BA LA, YAN LAG DRUG DANG LDAN PA'I TSUL KHRIMS NI TSUL KHRIMS KYI RANG BZHIN O, ,DE YANG YAN LAG DRUG DANG LDAN PA'I TSUL KHRIMS NI TSUL KHRIMS DANG LDAN PA SO SOR THAR BA'I SDOM PAS BSNGAMS PA, CHO GA PHUN SUM TSOGS PA, SPYOD PA DANG SPYOD YUL PHUN SUM TSOGS PA, KHA NA MA THOB PHRA RAB TZAM LA YANG 'JIGS PAR LTA BA, YANG DAG PAR BLANGS PA'I GNAS LA SLOB PO ZHES 'BYUNG BA'O, ,ZHI SEMS BLANGS ZHES BYA BA LA, ZHI BA'I SEMS KYI BLANGS PA NI RGYU STE, 'PHAGS PA RNAMS DANG PO TSUL KHRIMS LEN PA NI MYA NGAN LAS 'DAS PA THOB PAR BYA'O SNYAM DU BSAMS NAS LEN TE, DE BAS NA SEMS KYI RGYU'O, ,BDE BAR 'GRO DANG GNAS LEN DANG, ZHES BYA BA LA, BDE 'GRO LEN PA DANG, GNAS LEN PAR BYED PA NI 'BRAS BU STE, TSUL KHRIMS DANG LDAN NA GANG DANG GANG DU SKYES PA THAMS CAD DU LHA DANG MIR SKYE BA LEN PA'I PHYIR BDE 'GRO LEN PA'O, ,GNAS KYI SGRAS NI TING NGE 'DZIN LA BYA STE, TSUL KHRIMS DANG LDAN NA 'GYOD PA MED PAR 'GYUR RO, ,'GYOD PA MED NA SEMS BDE'O, ,SEMS BDE NA LUS BDE'O, ,LUS BDE NA YANG SEMS BDE STE, SEMS BDE NA SEMS RTZE GCIG PA 'THOB STE, DE BAS NA GNAS LEN TO, ,GNAS ZHI 'JIGS PA MED PA DANG, ZHES BYA BA LA, GNAS BYED PA DANG, ZHI BAR BYED PA DANG, 'JIG PA MED PAR BYED PA NI GNAS SO, ,DE LA GNAS BYED PA NI, SA GZHI CHEN PO LA LO TOG THAMS CAD KYI GNAS BYED PA BZHIN DU, ,TSUL KHRIMS KYANG @19B BYANG CHUB KYI PHYOGS LA SOGS PA'I DON KUN GYI GNAS BYED DO, ,TSUL KHRIMS DANG LDAN NA 'DOD CHAGS LA SOGS PA'I GDUNG BA SEL BAR BYED PAS NA ZHI BAR BYED DO, ,TSUL KHRIMS DANG LDAN NA TSE RABS GZHAN GYI 'JIGS PA DANG, TSE 'DI'I 'JIGS PA MED PAS NA 'JIGS PA MED PAR BYED PA'O; ,DE LA TSE RABS GZHAN GYI 'JIGS PAS NI NGAN SONG GSUM DU 'JIGS PA STE, TSE RABS GZHAN DU LHA DANG MI'I NANG DU SKYE BAS NA NGAN SONG DU SKYE BA'I 'JIGS PA MED DO, ,TSE 'DI'I 'JIGS PA YANG RNAMS PA GNYIS TE, KHA NA MA THO BA'I 'JIGS PA DANG, SHA KHO NA GNYER BA'I 'JIGS PA STE, TSUL KHRIMS DANG LDAN NA DE LA SU YANG MI SNYAN PAR MI SMRA BAS KHA NA MA THO BA'I 'JIGS PA MED DO, ,TSUL KHRIMS DANG LDAN NA SROG GCOD PA LA SOGS PA'I RKYEN LAS BYUNG BA'I BRDEG BTZOG MI 'BYUNG BAS NA SHA KHO NA GYI 'JIGS PA MED DO, ,BSOD NAMS KYI TSOGS DANG LDAN PAR DANG ZHES BYA BA LA, TSUL KHRIMS BLANGS PA DANG, LUS DANG DAG DANG YID GSUM GYI SGO NAS SDIG PA MI DGE BA'I CHOS MI 'BYUNG BAR BSDAMS PA DANG, DE LTAR BSDAMS PA DANG, DGE BA'I CHOS 'BA' ZHIG 'PHEL BAS NA LDAN PA NI BSOD NAMS KYI TSOGS DANG LDAN NO, ,BRDA DANG CHOS NYID THOB PA NI, ,SDOM LA GNAS PA DAG LA YOD, ,CES BYA BAS 'JUG PA BSTAN TE, 'JUG PA LA YANG RNAM PA GNYIS SO, ,GANG ZHE NA, DBYE BA'I 'JIG PA DANG, GZHI'I 'JUG PA'O, ,DE LA TSUL KHRIMS LA PHYE NA RNAM PA GSUM DU 'JUG STE, SO SOR THAR BA'I SDOM PA DANG, BSAM GTAN GYI SDOM PA DANG; ZAG PA MED PA'I SDOM PA'O, ,DE LA MKHAN PO DANG SLOB DPON LA GSOL BA DANG ZHU BA'I LAS KYIS SO SOR THAR BA'I SDOM PA BLANGS PA NI BRDA'I TSUL KHRIMS ZHES BYA'O, ,BSAM GTAN GYI SDOM PA DANG, ZAG PA MED PA'I SOM PA GNYIS NI CHOS NYID KYI TSUL KHRIMS ZHES BYA STE, 'DIS NI DBYE BA'I 'DUG PA BSTAN TO, ,SDOM PA GNAS PA DAG LA YOD, ,CES BYA BAS GZHI'I 'JUG PA BSTAN TE, GONG DU BSHAD PA'I TSUL KHRIMS LTA BU YANG SDOM PA LA GNAS SHING BSTEN PA RNAMS LA YOD KYI GZHAN LA MED DO ZHES BYA BA'I DON TO, ,TSUL KHRIMS DE BZHIN SHES NAS SU, , @20A *, ,MKHAS PA YANG DAG SGRUB PAR BYED, ,ZHES BYA BA LA, TSUL KHRIMS KYI RANG BZHIN DANG RGYU LA SOGS PA GONG DU BSHAD PA LTA BU YIN PAR SHES NAS MKHAS PA BYANG CHUB SEMS DPA' RNAMS DE BZHIN DU SGRUB PAR BYED DO ZHES BYA BA'I DON TO, ,MI MJED JI MI SNYAM SEMS DANG; ,ZHES BYA BAS, ,BZOD PA'I RANG BZHIN BSTAN TE, MI MJED CES BYA BAS NI GNOD PA LA MI MJED PA'I BZOD PA BSTAN, JI MI SNYAM ZHES BYA BAS BDAG SDUG BSNGAL LA JI MI SNYAM PA'I BZOD PA BSTAN, SHES PA ZHES BYA BAS CHOS LA NGES PAR RTOG PA'I BZOD PA BSTAN TO,, SNYING RJE CHOS LA GNAS PA'I PHYIR, ,ZHES BYA BA LA, SNYING RJE DANG CHOS GNYIS NI BZOD PA'I RGYU STE, SU LA SNYING RJE MED PA DE NI SEMS CAN GYIS GNOD PAR BYAS PA RNAMS BZOD PAR MI NUS KYI SNYING RJE CAN GYIS BZOD PA NUS PAS NA SNYING RJE NI RGYU'O, ,CHOS LA GNAS PA LA YANG RNAM PA GNYIS TE, TSUL KHRIMS YANG DAG PAR BLANGS TE, DE RNAMS BDUN ZHES BYA BAS 'JUG PA BSTAN TE, DE RNAMS LA ZHES BYA BAS NI GZHI'I 'JUG PA BSTAN TE, ,GONG DU BSHAD PA'I BRTZON 'GRUS KYANG GANG ZAG BRTZON 'GRUS BRTZAMS PA RNAMS LA YOD KYI BRTZON 'GRUS MA BRTZAMS PA LA MED PAS NA BRTZON 'GRUS RTZOM PA'I GANG ZAG NI BRTZON 'GRUS KYI GZHI DANG RTEN YIN NO, ,DE RNAMS BDUN ZHES BYA BAS RAB TU DBYE BA'I 'JUG PA BSTAN TE, BRTZON 'GRUS LA PHYE LA BSLAB PA GSUM LA BRTAGS PA DANG RIM GRO BYED PA'I SGO NAS RNAM PA BDUN DU 'GYUR RO, ,DE LA MIG GI RNAM PAR SHES PA NAS LUS KYI RNAM PAR SHES PA'I BAR DU RNAM PAR SHES PA LNGA'I TSOGS KYIS SROG GCOD PA LA SOGS PA MI DGE BA SPONG ZHING DGE BA LA 'JUG PAR BYED DE, RNAM PAR SHES PA LNGA'I TSOGS LA BRTZON 'GRUS LNGAR GZHAG STE, DE RNAM LHAG PA'I TSUL KHRIMS KYI BSLAB PAR BSDU'O, ,DE'I STENG DU LHAG PA'I SEMS KYI BSLAB PA DANG, LHAG PA'I SHES RAB KYI BSLAB PA GNYIS BSNAN TE BDUN NO, ,DE YANG LUS KYI BRTZON 'GRUS DANG SEMS KYI BRTZON 'GRUS GNYIS SU BSDU STE, LHAG PA'I TSUL KHRIMS KYI BSLAB PA NI LUS KYI BRTZON 'GRUS SO, ,LHAG PA'I SHES RAB KYI BSLAB PA NI SEMS @20B KYI BRTZON 'GRUS SO, ,BRTZON 'GRUS DE LTAR SHES NAS NI, ,MKHAS PAS YANG DAG SGRUB PAR BYED, ,CES BYA BA LA, BRTZON 'GRUS KYI RANG BZHIN DANG, RGYU DANG, 'BRAS BU LA SOGS PA GONG DU BSHAD PA LTA BU'I YIN PAR SHES NAS BYANG CHUB SEMS DPA' RNAMS DE BZHIN DU SGRUB PAR BYED DO ZHES BYA BA'I DON TO, ,JI LTAR BRTZON 'GRUS BRTZAMS PAS SDIG PA MI DGE BA'I CHOS DANG MA 'DRES SHING BDE BA LA REG PAR SPYOD CES BYA BA LA GSUNGS SO, ,ZHES BYA BA LA, BRTZON 'GRUS NYON MONGS PA'I GNYEN POR GYUR PA'I MDO'I GTAN TSIGS STON TE, MDO LAS KYANG BRTZON 'GRUS BRTZAMS NA SDIG PA MI DGE BA'I CHOS SPONG DO, ,SDIG PA'I MI DGE BA'I CHOS SPANGS NAS DE DANG MA 'DRES PAR GNAS PA'O, ,SDIG PA MI DGE BA'I CHOS DANG MA 'DRES NA, GZUGS KYI KHAMS KYI BSAM GTAN GYI BDE BA LA REG PAR SPYOD DO ZHES GSUNGS SO, ,SEMS NI NANG DU GNAS PA DANG, ZHES BYA BA LA, GZUGS LA SOGS PA PHYI'I YUL LA SEMS G-YENG BA LAS BLANGS NAS SEMS NANG DU RTZE GCIG PAR 'JOG PA NI BSAM GTAN GYI RANG BZHIN NO, ,DRAN DANG BRTZON LA GNAS PA DANG, ZHES BYA BA LA, RGYU BSTAN TE, GANG DAG DRAN PA NYAMS PA DANG, LE LO CAN LA NI BSAM GTAN MI 'BYUNG GI GANG LA BSGOM PAR BYA BA'I YUL SEMS LA MA BRJED PA'I DRAN PA YOD PA DANG, DE NYID LA RGYUN DU SGOM PAR BYED PA'I BRTZON 'GRUS YOD PA DE LA NI TING NGE 'DZIN 'BYUNG BAR 'GYUR BAS NA DRAN PA DANG BRTZON 'GRUS NI RGYU'O, ,BDE BA DAG NI SKYE BA'I RGYU, ,ZHES BYA BAS 'BRAS BU BSTAN TE, BDE BA SKYE BA NI GZUGS KYI KHAMS KYI LHA RNAMS KYI NANG DU SKYE BA'O, ,BSAM GTAN BSGRUBS NA GZUGS KYI BSAM GTAN DANG PO LA SOGS PA'I LHA'I NANG DU SKYE BAR 'GYUR TE, DE BAS NA DE NI 'BRAS BU'O, ,MNGON SHES SPYOD PA'I DBANG BYED PA'O, ,ZHES BYA BA LA, MNGON PAR SHES PA LA DBANG BYED THA DANG, SPYOD PA LA DBANG BYED PA NI LAS TE, BSAM GTAN BSGRUBS NA RDZU 'PHRUL GYI MIG DANG, RNA BA LA SOGS PA'I MNGON PAR SHES PA LNGA LA DBANG BYED PAR 'GYUR BA DANG, 'PHAGS PA'I SPYOD PA DANG, LHA'I SPYOD PA DANG, TSANGS PA'I SPYOD PA LA DBANG BYED PAR 'GYUR TE, DE LA BDEN @21A *, ,PA BZHI DANG, RNAM PAR THAR PA'I SGO GSUM LA SOGS PA NI 'PHAGS PA'I SPYOD PA'O, ,GZUGS KYI KHAMS KYI BSAM GTAN BZHI DANG, GZUGS MED PA'I SNYOMS PAR 'JUG PA BZHI STE, LHA'I SPYOD PA'O, ,TSAD MED PA BZHI NI TSANGS PA'I SPYOD PA'O, ,CHOS RNAMS KYI NI GTZO BO DANG, ,ZHES BYA BA LA, LDAN PA NI CHOS RNAMS KYI GTZO BOR GYUR PA DANG LDAN TE CHOS RNAMS KYI GTZO BOR GYUR PA NI BSAM GTAN NO, ,DE LA GTZO BO ZHES BYA BA DANG SNGON DU 'GRO BA ZHES BYA BA DON GCIG STE, BSAM GTAN NI CHOS RNAMS KYI SNGON DU 'GRO BA'O, ,JI LTAR SNGON DU 'GRO ZHE NA, SEMS MNYAM PAR BZHAG NA YANG DAG PA JI LTA BA BZHIN DU SHES PA'I SHES RAB SKYE'O, ,SHES RAB SKYES NA RNAM PAR GROL BAR 'GYUR RO, ,RNAM PAR GROL NA RNAM PAR GROL BA'I YE SHES SKYE BA'I PHYIR RO, ,DE LA YOD DANG DE GSUM MO, ,ZHES BYA BAS 'JUG PA BSTAN NO, ,DE LA YOD CES BYA BAS GZHI'I 'JUG PA BSTAN TE, GONG DU BSHAD PA'I BSAM GTAN DE LAS BSAM GTAN BSGOM PA'I GANG ZAG RNAMS LA YOD KYI GZHAN LA MED PA'I PHYIR RO, ,GANG ZAG NI BSAM GTAN GYI GZHI'O, ,GSUM ZHES BYA BAS RAB TU 'JUG PA BSTAN TE, BSAM GTAN LA PHYEN RNAM PA DU YOD PA NI 'GREL PA LAS 'BYUNG BA BZHIN DU BLTA'O, ,BSAM GTAN DE BZHIN SHES NAS NI, ,MKHAS PA YANG DAG SGRUB PAR BYED, ,CES BYA BA LA, BSAM GTAN GYI RANG BZHIN DANG RGYU LA SOGS PA GONG DU BSHAD PA BZHIN BSHAD NAS BYANG CHUB SEMS DPA' RNAMS DE BZHIN DU SGRUB PAR BYED DO ZHES BYA BA'I DON TO, ,RNAM PAR RTOG PA DANG BCAS PA DANG RNAM PAR DPYOD PA DANG BCAS PA ZHES BYA BA LA SOGS PAS BSAM GTAN LA PHYE NA RNAM PA GSUM YOD PA STON TE, MI LCOGS SU MI RUNG BA DANG, BSAM GTAN DANG PO DANG GNYIS PA NI RTOG PA DANG BCAS DPYOD PA DANG BCAS PA'I BSAM GTAN ZHES BYA'O, ,BAR GYI BSAM GTAN DANG, BSAM GTAN GNYIS PA NI, RNAM PAR MI RTOG LA DPYOD PA TZAM GYI BSAM GTAN ZHES BYA'O, ,BSAM GTAN GSUM PA DANG, BZHI PA NI RNAM PAR MI RTOG MI DPYOD PA'I BSAM GTAN ZHES BYA'O, ,YANG DGA' BA DANG LHAN CIG LDAN PA DANG, ,ZHES BYA BA @21B LA; BSAM GTAN LA RNAM PA GSUM YOD PA RNAM PA GZHAN DU 'CHAD DE, BSAM GTAN DANG PO DANG GNYIS PA NI DGA' BA DANG LHAN CIG LDAN PA ZHES BYA STE, LUS KYI BSAM PA YOD PA'I PHYIR RO, ,BSAM GTAN GSUM PA NI BDE BA DANG LHAN CIG LDAN PA ZHES BYA STE, SEMS KYI BSAM PA YOD PA'I PHYIR RO, ,BSAM GTAN BZHI PA NAS SRID PA'I RTZE MO MAN CHAD NI BTANG SNYOMS DANG LDAN PA ZHES BYA'O, ,SHES BYA YANG DAG RAB 'BYUNG NI, ,ZHES BYA BA LA, SHES BYA'I SGRAS NI BDEN PA BZHI DANG, THEG PA GSUM DANG, RIG PA'I GNAS LA SOGS PA LA BYA STE, DE RNAMS KYI RANG DANG SPYI'I MTSAN NYID PHYIN CI MA LOG PAR SHES SHING 'BYUNG BA NI SHES SHES RAB KYI RANG BZHIN NO, ,YANG DAG PA SMOS PAS NI MU STEGS PA 'DI LAS PHYI ROL DU GYUR PA RNAMS BDAG DANG RTAG PA LA SOGS PA'I MTSAN NYID DU SHES BYA LA 'CHAL BAS LOG PA'I SHES PA'I PHYIR, SHES RAB MA YIN PA SEL TO, ,MNYAM PAR GZHAG LA RAB GNAS PAS, ,ZHES BYA BAS RGYU BSTAN TO, ,SHES RAB KYI RGYU NI TING NGE 'DZIN YIN TE, MDO LAS KYANG SEMS MNYAM PAR BZHAG NA YANG DAG PA JI LTA BA BZHIN DU SHES PA'I SHES RAB BYUNG NGO ZHES GSUNGS PA'I PHYIR RO, ,NYON MONGS PA LAS RNAM GROL ZHING; ;ZHES BYA BA LA, NYON MONGS PA LAS RNAM PAR GROL BAR BYED PA NI SHES RAB KYI 'BRAS BU STE, 'JIG RTEN PA'I SHES RAB KYIS NI NYON MONGS PA 'JIG PAR BYED, 'JIG RTEN LAS 'DAS PA NYAN THOS DANG RANG SANGS RGYAS KYI SHES RAB KYIS NI NYON MONGS PA'I SGRIB PA BAG LA NYAL BA SPONG BAR BYED, 'JIG RTEN LAS 'DAS PA GANG ZAG DANG CHOS LA BDAG MED PAR SHES PA THEG PA CHEN PA'I SHES RAB KYIS NI NYON MONGS PA DANG SHES BYA'I SGRIB PA BAG LA NYAL TSUN CHOD SPONG BAR BYED DE, DE NI 'BRAS BU'O, ,SHES RAB 'TSO BA STON PA STE, ,ZHES BYA BA LA, SHES RAB KYIS 'TSO BAR BYED PA DANG SEMS CAN LA CHOS STON PAR BYED PA GNYIS NI LAS YIN TE, 'JIG RTEN NA TSONG DANG ZHING RMOD PA LA SOGS PAS LUS RNAG CAN GYI SROG MI 'CHAD PAR 'TSO BAR BYED MOD KYI, DE DAG LAS SHES RAB KYIS 'TSO BA NI 'TSO BA BLA NA MED PA STE, BLA NA MED PA'I BYANG CHUB TU 'TSANG RGYA BA'I DGE @22A *, ,BA'I RTZA BA'I SROG MI 'CHAD PAR BYED PA'I PHYIR RO, ,SHES RAB DANG LDAN PA SEMS CAN LA CHOS STON PAR BYED DO CHOS RNAMS KYI RANG DANG SPYI'I MTSAN NYID MA NOR BAR 'CHAD PA'I PHYIR RO, ,CHOS RNAMS KYI NI DAM PA DANG, ,ZHES BYA BA LA, LDAN PA NI CHOS RNAMS KYI DAM PA DANG LDAN TE, PHA ROL TU PHYIN PA THAMS CAD KYI DAM PA NI SHES RAB KYI PHA ROL TU PHYIN PA STE, SHES RAB KYI PHA ROL TU PHYIN PA 'BUM LA SOGS PA'I MDO LAS KYANG, SHES RAB KYI PHA ROL TU PHYIN PA NI PHA ROL TU PHYIN PA RNAMS KYI DAM PA'O, ,GTZO BO'O, ,KHYAD PAR CAN NO ZHES GSUNGS SO, ,DE LA YOD DANG DE GSUM DANG, ,ZHES BYA BAS 'JUG PA BSTAN TO, ,DE LA YOD CES BYA BAS GZHI'I 'JUG PA BSTAN TO, ,GONG DU BSHAD PA'I SHES RAB DE YANG GANG ZAG SHES RAB CAN RNAMS LA YOD KYI GZHAN LA MED DE, DE BAS NA GANG ZAG SHES RAB CAN NI SHES RAB KYI GZHI'O, ,DE GSUM ZHES BYA BAS RAB TU DBYE BA'I 'JUG PA BSTAN TE, SHES RAB LA PHYE NA YANG RNAM PA GSUM DU 'JUG GO, ,GSUM PO NI 'JIG RTEN PA'I SHES RAB DANG, 'JIG RTEN LAS 'DAS PA CHUNG DU STE NYAN THOS DANG RANG SANGS RGYAS KYI SHES RAB DANG, 'JIG RTEN LAS 'DAS PA CHEN PO STE BYANG CHUB SEMS DPA'I SHES RAB DANG, SHES RAB DE BZHIN SHES NAS NI, MKHAS PA YANG DAG SGRUB PAR BYED, ,CES BYA BA LA, SHES RAB KYI RANG BZHIN DANG RGYU LA SOGS PA GONG DU BSHAD PA LTA BU YIN PAR SHES NAS BYANG CHUB SEMS DPA' RNAMS DE BZHIN DU SGRUB PAR BYED DO ZHES BYA BA'I DON TO, ,BSDU BA RNAM PAR DBYE BA'I TSIGS SU BCAD PA ZHES BYA BA LA, PHA ROL TU PHYIN PA DRUG GI DBYE BA BSHAD NAS, SA DANG, PHA ROL TU PHYIN PA DANG, BYANG CHUB KYI PHYOGS DANG, DGE BA BCU LA SOGS PA'I CHOS THAMS CAD PHA ROL TU PHYIN PA DRUG GI NANG DU BSDUS PAR DBYE ZHING BSTAN PA'I PHYIR TSIGS SU BCAD PA GCIG RTZOM MO ZHES BYA BA'I DON TO, ,DKAR PO'I CHOS KUN MNYAM PAR MA BZHAG DANG, ,MNYAM PAR BZHAG DANG GNYI GSHES PAR BYA, ,ZHES BYA BA LA, SA DANG, PHA ROL TU PHYIN PA DANG, BYANG CHUB KYI PHYOGS LA SOGS PA'I DKAR PO'I CHOS KUN PHA ROL TU PHYIN PA DRUG GI NANG DU 'DUS TE @22B DKAR PO'I CHOS KYANG CHA GSUM DU GZHAG GO, ,GANG ZHE NA, MNYAM PAR MA BZHAG PA'I RANG BZHIN DANG, MNYAM PAR BZHAG PA'I RANG BZHIN DANG, GNYI GA STE, MNYAM PAR BZHAG PA'I RANG BZHIN YANG YIN, MNYAM PAR MA BZHAG PA'I RANG BZHIN YANG YIN PA'O, ,GNYIS SU PHA ROL TU PHYIN PA RNAMS ZHES BYA BA LA, SBYIN PA DANG, TSUL KHRIMS KYI PHA ROL TU PHYIN PA GNYIS KYI NANG DU NI MNYAM PAR MA BZHAG PA'I DGE BA RNAMS BSDUS TE, CI'I PHYIR ZHE NA, SBYIN PA YANG LUS KYI SGO NAS YONGS SU GTONG BA YIN PAS MNYAM PAR MA BZHAG PA'I NGO BO YIN PA LA TSUL KHRIMS RNAM PA GSUM STE, YANG DAG PAR BLANGS PA'I TSUL KHRIMS SO SOR THAR PA'I SDOM PA DANG, BSAM GTAN GYI SDOM PA DANG, ZAG PA MED PA'I SDOM PA LAS, SO SOR THAR PA'I SDOM PA YANG SROG MI GCOD PA LA SOGS PA LUS DANG NGAG GIS BSRUNG BA YIN GYI, SEMS KYIS BSRUNG BA MA YIN BAS NA MNYAM PAR MA BZHAG PA'I RANG BZHIN NO, ,GNYIS GNYIS RAB TU BSDU BAR 'GYUR, ,ZHES BYA BA LA, BSAM GTAN DANG, SHES RAB GNYIS KYIS NI MNYAM PAR BZHAG PA'I CHOS RNAMS BSDU STE, BSAM GTAN NI DNGOS SU MNYAM PAR BZHAG PA'I RANG BZHIN YIN PAS DE'I NANG DU BSAM GTAN GYI SDOM PA DANG, ZAG PA MED PA'I SDOM PA YANG BSDU LA, SHES RAB JI LTAR MNYAM PAR BZHAG PAR BSDU ZHE NA, SHES RAB RNAM PA GSUM STE, MNYAN PA'I SHES RAB DANG, BSAM PA'I SHES RAB DANG, BSGOM PA'I SHES RAB GSUM LAS, MNYAN PA DANG BSAM PA'I SHES RAB GNYIS NI MNYAM PAR MA BZHAG PA'I NANG DU BSDU LA, BSGOM PA'I SHES RAB NI SEMS MNYAM PAR BZHAG PA LAS YANG DAG PA JI LTA BA BZHIN DU BSGOM PA'I SHES RAB 'BYUNG BAS NA, MNYAM PAR BZHAG PA'I NANG DU BSDUS TE, BSAM GTAN NI ZHI GNAS KYI RANG BZHIN YIN LA SHES RAB NI LHAG MTHONG GI RANG BZHIN YIN PAS MNYAM PAR BZHAG PAR GTOGS PAR RIG PAR BYA'O, ,BZOD PA DANG, BRTZON 'GRUS GNYIS NI MNYAM PAR MA BZHAG PA'I RANG BZHIN YANG YIN LA, MNYAM PAR BZHAG PA'I RANG BZHIN YANG YIN TE, JI LTA ZHE NA, BYANG CHUB @23A *, ,SEMS DPA' SBYIN PA GTONG ZHING TSUL KHRIMS BSRUNG BA'I DUS NA YANG BZOD PA DANG, BRTZON 'GRUS YOD PAS, MNYAM PAR MA BZHAG PAR YANG GTOGS LA, ZHI GNAS DANG LHAG MTHONG BSGOM PA'I DUS NA YANG BZOD PA DANG, BRTZON 'GRUS YOD PAS NA MNYAM PAR BZHAG PAR YANG GTOGS SO, ,MI MTHUN PA'I PHYOGS RNAM PAR DBYE BA'I TSIGS SU BCAD PA ZHES BYA BA LA, BSDU BA BSHAD NAS, DA NI PHA ROL TU PHYIN PA DRUG GI MI MTHUN PA'I PHYOGS PHYE NA DU YOD PA BSTAN PA'I PHYIR, TSIGS SU BCAD PA RTZOM PA STE, DE LA PHA ROL TU PHYIN PA RE RE ZHING PHYE NA MI MTHUN PA'I PHYOGS BDUN BDUN YOD DE, DE LA LONGS SPYOD LA CHAGS PA LA SOGS PA 'GREL PA LAS 'BYUNG BA'O, ,PHYI DANG NANG GI DNGOS PO GTONG MI PHOD PA NI LONGS SPYOD LA CHAGS PA ZHES BYA STE DE MED PAS NA, BYANG CHUB SEMS DPA'I SBYIN PA NI, ,MA CHAGS MI CHAGS CHAGS PA MED, ,CES BYA'O; ;SBYIN PA GTONG BA YANG SLONG BA PO LA 'ONGS MA THAG TU MI GTONG GI, DI RING NGAM SANG GTONG ZHE 'AM, PHYIS GTONG NGO SNYAM DU SEMS PA NI BSHOL BA LA CHAGS PA ZHES BYA STE, DE LTA BU BYANG CHUB SEMS DPA' LA MI MNGA' BAS NA MI CHAS PA ZHES BYA'O, ,SBYIN PA'I 'DI TZAM ZHIG BTANG BAS CHOG STE, PHAN CHAD BTANG MI DGOS SHES'AM, NYA DU GNYEN BSHES DANG BRAN G-YOG LA SBYIN GYI KUN LA MI SBYIN ZHE'AM, PHYOGS 'DIR SBYIN GYI PHYOGS KUN TU MI SBYIN ZHE'AM, DUS 'DI'I TSE NA SBYIN GYI DUS THAMS CAD DU MI SBYIN NO SNYAM DU SEMS PA NI DE TZAM GYIS CHOG PA LA CHAGS PA ZHES BYA STE; BYANG CHUB SEMS DPA' NI SEMS CAN KUN LA, PHYOGS BCU KUN TU DUS THAMS CAD DU GTONG STE, DE TZAM GYIS DE CHOG PA LA CHAGS PAS NA CHAGS PA MED PA ZHES BYA'O, ,BDAG GIS 'DI LA PHYI NANG GI DNGOS PO BTANG STE, BYIN NA BDAG LA SLAR PHAN 'DOGS SO SNYAM DU SEMS SHING BYIN PA NI LAN RE BA LA CHAGS PA ZHES BYA BA STE, DE LTA BU BYANG CHUB SEMS DPA' LA MI MNGA' BAS NA, CHAGS PA NYID DU 'GYUR BA 'ANG MED PA ZHES BYA'O, ,SBYIN PA 'DI BTANG BAS MA 'ONGS PA NA 'BRAS BU LONGS SPYOD CHEN PO THOB PAR SHOG SHIG CES SMON PA NI RNAM PAR SMIN PA LA CHAGS PA @23B ZHES BYA STE, 'DI LTA BU'I CHAGS PA MED PAS NA, MA CHAGS PA ZHES BYA'O, ,MI MTHUN PA'I PHYOGS LA CHAGS PA ZHES BYA BA NI, SER SNA DANG CHAGS PA'I BAG LA NYAL MA BCOM PA STE, JI SRID DU BAG LA NYAL MA BCOM PA DE SRID DU YO BYAD LA CHAGS PA 'BYUNG NGO, ,BYANG CHUB SEMS DPA' SER SNA'I BAG LA NYAL BCOM PAS NA, MI CHAGS PA ZHES BYA'O, ,DE BAS NA MNGON PA'I CHOS BSDUS PA'I BSTAN BCOS LAS KYANG, NYON MONGS PA'I BAG LA NYAL MA SPANGS PA DANG, TSUL BZHIN MA YIN PA'I YID LA BYAS PA DANG, NYON MONGS PA'I GNAS KYI CHOS SNANG BAR GYUR PA LAS NYON MONGS PA SKYE BAR 'GYUR RO ZHES KYANG GSUNGS SO, ,RNAM PAR G-YENG BA'I CHAGS PA LA GNYIS TE, YID LA BYED PA'I G-YENG BA DANG, RNAM PAR RTOG PA'I G-YENG BA'O, ,DE LA YID LA BYED PA'I G-YENG BA NI SBYIN PA LA SOGS PA NYAN THOS KYI MYA NGAN LAS 'DAS PA THOB PAR BYA BA'I PHYIR SPYOD CING BSNGO BA STE, DE LTAR BSNGOS PA SA NI MYA NGAN LAS 'DAS PA'I MTHAR LTUNG BAR 'GYUR RO, ,RNAM PAR RTOG PA'I G-YENG BA NI, GTONG BA PO DANG, LEN PA DANG, RDZAS GSUM YOD PAR RTOG PA STE, DES NI SBYIN PA LA SOGS PA 'KHOR BAR LTUNG BAR 'GYUR RO, ,BYANG CHUB SEMS DPA' NI SBYIN PA BYAS BA BLA NA MED PA'I BYANG CHUB TU BSNGO BAS YID LA BYED PA'I G-YENG BA MED PA DANG, GTONG BA PO DANG, LEN PA DANG, RDZAS GSUM YOD PAR MI RTOG STE, 'KHOR GSUM YONGS SU DAG PA'I TSUL GYIS GTONG BAS RNAM PAR RTOG PA'I G-YENG BA MED DE, DE LTAR RNAM PAR G-YENG BA MED PA LA CHAGS PA MED PAS NA, CHAGS PA MA YIN PA ZHES BYA'O, ,DE LTAR SBYIN PA'I MI MTHUN PA'I PHYOGS RNAM PA BDUN GYI DBANG DU BYAS NAS 'PHAGS PA BLO GROS MI ZAD PA'I MDO LAS KYANG, GZHAN YANG BTZUN PA SHA RA DVA TI'I BU, BYANG CHUB SEMS DPA' RNAMS LA MI MTHUN PA'I LONGS SPYOD YONGS SU TSOL BA'I SBYIN PA MED DO, ,BYANG CHUB SEMS DPA' RNAMS LA SEMS CAN LA GNOD PA'I SBYIN PA MED DO, ,NGA RGYAL SKYED CING SBYIN PA MED DO ZHES BYA BA LA SOGS PA RGYA CHER GSUNGS SO, ,BYANG CHUB SEMS DPA'I TSUL KHRIMS NI, ,MA CHAGS MI CHAGS CHAGS PA MED, ,CES BYA BA LA SOGS @24A *, ,PA LA, BYANG CHUB SEMS DPA'I TSUL KHRIMS KYI MI MTHUN PA'I PHYOGS NI SROG GCOD PA DANG, MA BYIN PAR LEN PA LA SOGS PA DANG DNGOS SU SPYOD PA LA CHAGS PA STE, KHA CIG NI 'DOD CHAGS KYI SGO NAS SROG GCOD PA LA SOGS PA BYED PA LA CHAGS, KHA CIG NI ZHE SDANG GI SGO NAS CHAGS, KHA CIG NI GTI MUG GI SGO NAS CHAGS SO, ,DE BAS NA LAS KYI LAM RNAM PA BCU RNAMS NI RNAM PA GSUM DU 'DOD DE, 'DOD CHAGS LAS SKYES PA'I SROG GCOD PA DANG, ,ZHE SDANG DANG GTI MUG LAS SKYES PA'I SROG GCOD PA'O, ,DE LTA BUR DNGOS SU SPYOD PA'I PHYOGS BYANG CHUB SEMS DPA' LA MI MNGA' BAS NA MA CHAGS PA ZHES BYA'O, ,TSUL KHRIMS YANG DAG PAR LEN PA YANG BRTUN TE DE MA THAG TU MI LEN GYI SEMS SHING BYIS LEN PAR BYED PA NI BSHOL BA LA CHAGS PA ZHES BYA STE, DE LTA BU MI MNGA' BAS NA MI CHAGS PA ZHES BYA'O, ,NYI MA GCIG GNYIS ZHE 'AM, LO GCIG GNYIS SHIG BSRUNG ZHE'AM, SEMS CAN 'DI DAG GI SROG MI GCAD, LONGS SPYOD LA MA BYIN PAR MI BLANG GI ,DE LAS MA GTOGS PA GZHAN DAG GI SROG LA GNOD PA BYA ZHING, LONGS SPYOD LA MA BYIN PAR LEN TO ZHES SEMS PA NI DE TZAM GYIS CHOG PA LA CHAGS PA ZHES BYA STE, DE LTA BU BYANG CHUB SEMS DPA' LA MI MNGA' BAS NA CHAGS PA MED PA ZHES BYA'O, ,SEMS CAN 'DI DAG GI SROG MA BCAD CING, NOR LA MA BYIN PAR MA BLANGS NA BDAG LA PHAN 'DOGS PAR 'GYUR RO SNYAM DU SEMS SHING TSUL KHRIMS BSRUNG PA NI LAN RE BA LA CHAGS PA ZHES BYA STE, DE LTA BU BYANG CHUB SEMS DPA' LA MI MNGA' BAS NA CHAGS PA NYID DU 'GYUR BA MED PA ZHES BYA'O, ,TSUL KHRIMS BSRUNGS NA LHA DANG MI'I NANG DU SKYE BAR 'GYUR RO SNYAM DU SEMS NAS TSUL KHRIMS SRUNG BAR BYED PA NI RNAM PAR SMIN PA LA CHAGS PA ZHES BYA STE, DE LTA BU BYANG CHUB SEMS DPA' LA MI MNGA' BAS NA MA CHAGS PA ZHES BYA'O, ,'DOD CHAGS DANG, ZHE SDANG DANG, GTI MUG LA SOGS PA'I NYON MONGS PA'I BAG LA NYAL MA SPANGS PA NI MI MTHUN PA'I PHYOGS LA CHAGS PA ZHES BYA STE, BYANG CHUB SEMS DPA' NGANG TSUL NGAN PA SKYED PAR BYED PA'I RGYU BAG LA NYAL KUN BCOM STE MED PAR BYED PAS NA MI CHAGS @24B PA ZHES BYA'O, ,TSUL KHRIMS YANG DAG PAR BSRUNGS PA NYAN THOS LA SOGS PA'I THEG PAR MI BSNGO BAS YID LA BYED PA'I G-YENG BA MED PA DANG, GANG ZAG DANG, TSUL KHRIMS DANG, BSRUNG BAS GSUM DU MI RTOG PAS RNAM PAR RTOG PA'I G-YENG BA MED DE, DE LTAR RNAM PAR RTOG PA'I G-YENG BA LA CHAGS PA MED PAS NA CHAGS PA MED PA ZHES BYA'O, ,BYANG CHUB SEMS DPA'I BZOD PA NI ZHES BYA BA LA SOGS PA LA, BZOD PA'I MI MTHUN PA'I PHYOGS NI ZHE SDANG GIS DNGOS SU SEMS CAN LA GNOD PA BYED PA STE, DE LTA BU BYANG CHUB SEMS DPA' LA MI MNGA' BAS NA MA CHAGS PA ZHES BYA'O, , SEMS CAN 'GA' ZHIG LA ZHEG SDANG LANGS NA DE MA THAG TU ZHE SDANG GI SEMS SPONG BAR MI BYED KYI BSAMS SHING BRTAGS NAS PHYIS GNOD PA BZOD PAR BYED PA NI BSHOL BA LA CHAGS PA ZHES BYA STE, DE LTA BU BYANG CHUB SEMS DPA' LA MI MNGA' BAS NA MI CHAGS PA ZHES BYA'O, ,BZOD PA CUNG ZAD TZAM BYAS PAS CHOG GO SNYAM DU SEMS PA'AM, ,BDAG GIS BSHES PA'AM, MDZA' BA RNAMS LA NI BZOD PAR BYA'I GZHAN LA MI BYA'O SNYAM DU SEMS PA 'AM, ,PHYOGS 'DI DANG DUS 'DIR BZOD PAR BYA'O, ,PHYOGS KUN DANG, DUS KUN TU BZOD PAR MI BYA'O SNYAM DU SEMS PA NI DE TZAM GYIS CHOG PA LA CHAGS PA ZHES BYA STE, DE LTA BU BYANG CHUB SEMS DPA' LA MI MNGA' BAS NA CHAGS PA MED PA ZHES BYA'O, ,SEMS CAN 'DI DAG GIS BDAG LA GNOD PA BYAS PA RNAMS BDAG GIS BZOD PAR BYAS NA 'DI DAG BDAG LA PHAN 'DOGS PAR BYED DO SNYAM DU BSAMS NAS BZOD PAR BYED PA NI LAN RE BA LA CHAGS PA ZHES BYA STE, DE LTA BU BYANG CHUB SEMS DPA' LA MI MNGA' BAS NA CHAGS PA NYID DU 'GYUR BA MED PA ZHES BYA'O, ,BZOD PA BSGOMS NA MA 'ONGS PA NA G-YOG 'KHOR MANG PO DANG, BYAD GZUGS BZANG BAR 'GYUR RO SNYAM DU SEMS NAS BZOD PA BSGOM PA STE, RNAM PAR SMIN PA LA CHAGS PA ZHES BYA STE, DE LTA BU BYANG CHUB SEMS DPA' LA MI MNGA' BAS NA MA CHAGS PA ZHES BYA'O, ,BZOD PA'I MI MTHUN PA'I PHYOGS ZHE SDANG GI BAG LA NYAL MA SPANGS PAS NI MI MTHUN PA'I PHYOGS LA CHAGS PA ZHES BYA STE, BYANG CHUB SEMS DPA' ZHE SDANG GI BAG LA NYAL SPANGS PAS NA MI @25A *, ,CHAGS PA ZHES BYA'O, ,BZOD PA BSGOMS PA YANG THEG PA CHUNG NGUR MI BSNGO BAS, YID LA BYED PA'I G-YENG BA MED PA DANG, GANG ZAG DANG, BZOD PA DANG, BSGOM PA GSUM MI DMIGS PAS RNAM PAR RTOG PA'I G-YENG BA MED PA'I PHYIR NI CHAGS PA MED CES BYA'O, ,BYANG CHUB SEMS DPA'I BRTZON 'GRUS NI ZHES BYA BA LA SOGS PA LA, BRTZON 'GRUS KYI MI MTHUN PA'I PHYOGS NI, NYAL BA DANG 'PHRES PA LA SOGS PA'I BDE BA LA CHAGS SHING LE LO BYED PA DANG, 'JIG RTEN GYI LAS BYA BA MANG PO LA ZHUGS SHIN GDE BA LA MI 'JUG PA'I LE LO LA CHAGS PA STE, DE LTA BU BYANG CHUB SEMS DPA' LA MI MNGA' BAS NA MA CHAGS PA ZHES BYA'O, ,BSDAD BSDAD NAS DGE BA LA 'JUG GI ,DGE BA'I PHYOGS LA MYUR DU MI 'JUG PA NI BSHOL BA LA CHAGS PA ZHES BYA STE, DE LTA BU BYANG CHUB SEMS DPA' LA MI MNGA' BAS NA MI CHAGS PA ZHES BYA'O, ,BRTZON 'GRUS CUNG ZAD TZAM ZHIG BRTZAMS PAS CHOG CE'AM, BSHES DANG GROGS RNAMS KYI LAS NI BYA'I GZAN GYI NI MI BYA ZHE'AM, DUS DANG PHYOGS 'DIR NI BRTZON 'GRUS RTZOM GYI, DUS DANG PHYOGS NI GZHAN DU MI RTZOM MO SNYAM DU SEMS PA NI DE TZAM GYIS CHOG PA LA CHAGS PA ZHES BYA STE, DE LTA BU BYANG CHUB SEMS DPA' LA MI MNGA' BAS NA CHAGS PA MI MNGA' BA ZHES BYA'O, ,SEMS CAN 'DI DAG GI LAS SU BYA BA'I GROGS BYAS NA BDAG LA PHAN 'DOGS PAR 'GYUR RO SNYAM DU BSAMS NAS GROGS BYED PA NI LAN RE BA LA CHAGS PA ZHES BYA STE, DE LTA BU BYANG CHUB SEMS DPA' LA MI MNGA' BAS NA CHAGS PA NYID DU GYUR PA'ANG MED CES BYA'O, ,BRTZON 'GRUS BRTZAMS NA MA 'ONGS PAR LAS KYI MTHA' THAMS CAD 'GRUB PAR 'GYUR RO SNYAM DU BSAMS NAS DE'I TSE BRTZON 'GRUS BRTZAMS PA NI RNAM PAR SMIN PA LA CHAGS PA ZHES BYA STE, DE LTA BU BYANG CHUB SEMS DPA' LA MI MNGA' BAS NA MA CHAGS PA ZHES BYA'O, ,BRTZON 'GRUS KGYI MI MTHUN PA'I PHYOGS N LE LO STE, LO LO'I BAG LA NYAL MA SPANGS KYI BAR DU MI MTHUN PA'I PHYOGS MA SPANGS PA'O, ,BYANG CHUB SEMS DPA' LE LO'I BAG LA NYAL BCOM PAS NA MI CHAGS PA ZHES BYA'O, ,BRTZON 'GRUS BRTZAMS PA YANG NYAN @25B THOS LA SOGS PA'I THEG PAR MI BSNGO BAS YID LA BYED PA'I G-YENG BA SPANGS PA DANG, GANG ZAG DANG, BRTZON 'GRUS DANG, BSGRUB PA GSUM DI MI RTOG PAS RNAM PAR RTOG PA'I G-YENG BA SPANGS TE CHAD PAS NA CHAGS PA MIN PA ZHES BYA'O, ,BYANG CHUB SEMS DPA'I BSAM GTAN NI ZHES BYA BA LA SOGS PA LA, BSAM GTAN GYI MI MTHUN PA'I PHYOGS NI SEMS G-YENG BA LA CHAGS PA STE, JI SRID DU SEMS PHYI ROL DU G-YENG BAR 'GYUR BA DE SRID DU SEMS RTZE GCIG PA MI 'BYUNG STE, DE BYANG CHUB SEMS DPA' LA MI MNGA' BAS NA MA CHAGS PA ZHES BYA'O, ,BSAM GTAN BSGOM PA LA MYUR DU BRTUN TE MI 'JUG GI ,PHYIS 'JUG PAR BYED PA NI BSHOL BA DANG CHAGS PA ZHES BYA STE, DE BYANG CHUB SEMS DPA' LA MI MNGA' BAS NA MI CHAGS PA ZHES BYA'O, ,BSAM GTAN CHUNG ZHES BYAS PA CHOG PAR 'DZIN PA'AM, SEMS CAN KHA CIG GI DON DU BSAM GTAN BYED PA'AM, KHA CIG GI DON DU MI BYED PA'AM, DUS DANG PHYOGS KHA CIG TU BSGOM GYI, DUS DANG PHYOGS THAMS CAD DU MI BSGOM PA NI DE TZAM GYIS CHOG PA LA CHAGS PA ZHES BYA STE, DE LTA BU BYANG CHUB SEMS DPA' RNAMS LA MI MNGA' BAS NA CHAGS PA MED PA ZHES BYA BA'O, ,SEMS CAN 'DI DAG GI DON BYED PA'I BSAM GTAN BSGOMS NAS BDAG LA PHAN 'DOGS PAR 'GYUR RO SNYAM NAS BSAM GTAN BSGOM NA NI LNA LA RE BA LA CHAGS PA ZHES BYA STE, DE LTA BU BYANG CHUB SEMS DPA' LA MI MNGA' BAS NA CHAGS PA NYID DU GYUR PA'ANG MED PA ZHES BYA'O, ,BSAM GTAN BSGOMS NA LUS LA NAD MED PA LA SOGS PA DANG, GZUGS KYI KHAMS KYI LHA RNAMS SU SKYE BAR 'GYUR TE, DE'I BSGOM PA NI RNAM PAR SMIN PA LA CHAGS PA ZHES BYA STE, DE LTA BU BYANG CHUB SEMS DPA' LA MI MNGA' BAS NA MA CHAGS PA ZHES BYA'O, ,BSAM GTAN GYI MI MTHUN PA'I PHYOGS SEMS G-YENG BA'I BAG LA NYAL MA SPANG PA NI MI MTHUN PA'I PHYOGS LA CHAGS PA ZHES BYA STE, DE LTA BU BYANG CHUB SEMS DPA' LA MI MNGA' BAS NA MI CHAGS PA ZHES BYA'O, ,BSAM GTAN BSGOM PA YANG NYAN THOS LA SOGS PA'I MYA NGAN LAS 'DAS PAR MI @26A *, ,BSNGO BAS YID LA BYED PA'I G-YENG BA MED PA DANG, GANG ZAG DANG, BSAM GTAN DANG, BSGOM PA GSUM MI DMIGS PAS, RNAM PAR RTOG PA'I G-YENG BA MED DE DE'I PHYIR CHAGS PA MIN PA ZHES BYA'O, ,BYANG CHUB SEMS DPA'I SHES RAB NI ZHES BYA BA LA SOGS PA LA, , SHES RAB KYI MI MTHUN PA'I PHYOGS NI RTAG PA DANG CHAD PA LA SOGS PAR RTOG PA'I LTA BA LA CHAGS SHING DGE BA'I BSHES GNYEN LA BSNYEN BKUR BYA BA'I PHYIR BRTZON PAR MI BYED PA STE, DE LTA BU BYANG CHUB SEMS DPA' LA MI MNGA' BAS NA MA CHAGS PA ZHES BYA'O, ,DE BAS NA MDO DAG LA, KLOG GO, , 'DRI'O, ,RTOG GO, ,GZHAN LA 'DRI'O, ,THOS PA'I RNAM PAR 'DZIN NO ZHES BYA BA LA SOGS PA GSUNGS SO, ,MNYAN PA DANG BSAMS PA LA SOGS PA LA MYUR DU MI 'JUG GI, ,BSHOL TE 'JUG PA NI BA SHOL BA LA CHAGS PA ZHES BYA STE, DE LTA BU BYANG CHUB SEMS DPA' LA MI MNGA' BAS NA MI CHAGS PA ZHES BYA'O, ,SHES RAB CUNG ZAD TZAM BSGRUBS PAS CHOG GO SNYAM PA'AM, CHOS KHA CIG SHES KHA CIG MI SHES KYANG RUNG STE CHOG GO SNYAM PA LA, YUL DANG PHYOGS KHA CIG TU SHES RAB BSGRUB KYI YUL DANG PHYOGS KUN TU BSGRUB MI DGOS SO SNYAM DU SEMS PA NI DE TZAM GYIS CHOG PA LA CHAGS PA ZHES BYA STE, DE LTA BU BYANG CHUB SEMS DPA' LA MI MNGA' BAS NA CHAGS PA MED PA ZHES BYA'O, ,BDAG GIS CHOS RNAMS KYI RANG DANG SPYI'I MTSAN NYID GZHAN LA BSHAD NA GZHAN GYIS BDAG LA PHAN 'DOGS PAR 'GYUR RO SNYAM DU SEMS PA NI LAN RE BA LA CHAGS PA ZHES BYA STE, DE LTA BU BYANG CHUB SEMS DPA' LA MI MNGA' BAS NA CHAGS PA NYID DU 'GYUR BA'ANG MED PA ZHES BYA'O, ,BDAG GIS SHES RAB BSGRUBS PAS MA 'ONGS PA NA BDAG RIG PA'I GNAS LNGA LA MKHAS PAR 'GYUR SNYAM DU BSAMS NAS SHES RAB BSGRUB PA NI, RNAM PAR SMIN PA LA CHAGS PA ZHES BYA STE, DE LTA BU BYANG CHUB SEMS DPA' LA MI MNGA' BAS NA MA CHAGS PA ZHES BYA'O, ,SHES RAB KYI MI MTHUN PA'I PHYOGS RTAG CHAD DU RTOGS PA'I 'CHAL PA'I SHES RAB KYI BAG LA NYAL MA SPANGS PA NI MI MTHUN PA'I PHYOGS LA CHAGS PA ZHES BYA STE, DE LTA BU BYANG CHUB SEMS DPA' LA MI MNGA' BAS NA MI CHAGS PA ZHES @26B BYA'O, ,SHES RAB BSGRUBS KYANG NYAN THOS LA SOGS PA'I THEG PA DMAN PAR MI BSNGO BAS NA YID LA BYED PA'I G-YENG BA MED PA DANG, GANG ZAG DANG, SHES RAB DANG, SGRUB PA GSUM DU MI RTOG PAS RNAM PAR RTOG PA'I G-YENG BA MED PA'I PHYIR CHAGS PA MIN PA ZHES BYA'O, ,YON TAN RNAM PAR DBYE BA'I TSIGS SU BCAD PA NYI SHU RTZA GSUM STE ZHES BYA BA LA, PHA ROL TU PHYIN PA DRUG GI MI MTHUN PA'I PHYOGS BSTAN NAS, DA NI PHA ROL TU PHYIN PA DRUG GI YON TAN GANG YIN PA DANG, YON TAN LA PHYE NA RNAM PA DU YOD PA'I TSIGS SU BCAD PA NYI SHU RTZA GSUM KYIS BSTAN TO ZHES BYA BA'I DON TO, ,DE LA PHA ROL TU PHYIN PA RE RE ZHING YANG PHYE NA YON TAN RNAM PA BZHI BZHI YOD DE, BZHI PO NI RGYA CHE BA DANG ZANG ZING MED PA DANG, DON CHE BA DANG, MI ZAD PA'O, ,SANGS RGYAS SRAS RNAMS SROG LA MI LTA SNYING RJES SLOD LA RNAM PAR GTONG, ,ZHES BYA BA LA, SNYING RJE ZHES BYA BA'I TSIGS SU BCAD PA RKANG PA DANG PO LAS BYUNG MOD KYI TSIGS SU BCAD PA'I RKANG PA GNYIS PA GZHAN LA LAN MI RE ZHES 'BYUNG BA'I SKABS SU SBYAR RO, ,SANGS RGYAS KYI SRAS NI BYANG CHUB SEMS DPA' RNAMS TE, BYANG CHUB SEMS DPA' RNAMS GAL TE DON DU GNYER BA'I SEMS CAN SLONG BA YOD NA LUS DANG SROG LA YANG MI LTA BAR GTONG BAR BYED NA, BZA' BA DANG BGO BA LA SOGS PA PHYI'I DNGOS PO LTA CI ZHIG SMOS TE GTONG ZHES BYA'O, ,DE LTAR GTONG BA DE'ANG NYIN 'GA' GTONG, NYIN 'GA' MI GTONG, LO 'GA' GTONG, LO 'GA' MI GTONG, SKAD CIG MA GCIG LA GTONG, SKAD CIG MA GCIG LA MI GTONG BA MA YIN GYI, 'KHOR BA'I MTHA' DANG, NAM MKHA'I MTHA' JI TZAM DU JI SRID KYI BAR DU RGYUN DU GTONG BAR BYED PAS RTAG PAR GTONG BA ZHES BYA STE, DE LTA BUR PHYI DANG NANG GI DNGOS PO GNYI GA GTONG LA THAMS CAD BAS NA TSIG RKANG DANG PO 'DIS NI RGYA CHE BA BSTAN TE, ,GZHAN LA LAN MI RE ZHING 'BRAS BU DON DU GNYER PA MED, ,CES BYA BA LA, BDAG GIS PHYI DANG NANG GI DNGOS PO BTANG BAS BDAG LA SEMS CAN RNAMS PHYIS PHAN 'DOGS PAR 'GYUR RO ZHES LEN RE BA'I PHYIR SBYIN PA MED KYANG, SEMS CAN BREL PHONGS PA RNAMS LA SNYING RJE BA'I DBANG GIS GTONG BA DANG, SBYIN PA BYAS PA'I 'BRAS BUS LONGS SPYOD CHEN @27A *, ,POR 'GYUR RO ZHES SBYIN PA BYED PA MED, 'BRAS BU DON DU GNYER BA MED PAS NA TSE 'DIR LAN LA RE BA MED PA DANG, CHA RABS GZHAN DU RNAM PAR SMIN PA LA CHAGS PA MED PA'I PHYIR TSIGS BCAD GNYIS PAS NI ZANG ZING MED PAR BSTAN PA'O, ,SBYIN PA DES KYANG SKYE BO THAMS CAD BYANG CHUB GSUM LA BKOD, ,CES BYA BA LA, DE LTAR PHYI DANG NANG GI SBYIN PAS SEMS CAN RNAMS BSDUS NAS 'JIG RTEN GYI LONGS SPYOD KYI 'BRAS BU LA BKOD PA NI MA YIN GYI, SKAL PA JI LTA BA BZHIN DU NYAN THOS KYI BYANG CHUB DANG RANG SANGS RGYAS KYI BYANG CHUB DANG, BYANG CHUB CHEN PO LA BKOD DE, TSIG RKANG PA GSUM PA 'DIS NI DON CHE BAR BSTAN TO, ,SHES PAS BZUNG BA'I SBYIN PAS 'JIG RTEN MI ZAD GZHAG ,CES BYA BA LA, SO SO'I SKYE BO RNAMS KYI SBYIN PA NI RNAM PAR MI RTOG PA'I YE SHES KYIS MA ZIN PAS, GTONG BA PO DANG, LEN PA DANG, RDZAS GSUM YOD PAR RTOG CING LONGS SPYOD THOB PAR BYA BA'I PHYIR GTONG STE, SBYIN PA DE 'KHOR BAR LTUNG BAS RNAM PAR SMIN PA'I LONGS SPYOD ZAD NA SBYIN PA YANG ZAD PAR 'GYUR TE, BYANG CHUB SEMS DPA'I SBYIN PA NI 'KHOR BAR MI LTUNG BAS NA MI ZAD PA YIN TE, DE BAS NA 'PHAGS PA BLO GROS MI ZAD PA'I MDO LAS KYANG, SBYIN PA DE NI YANG DAG PAR ZIN TE, DE'I PHYIR MI ZAD PA'O, ,SBYIN PA DE NI KHAMS GSUM PA DANG YANG DAG PAR MA 'DRES PA STE, DE'I PHYIR MI ZAD PA'O ZHES BYA BA LA SOGS PA GSUNGS SO, ,'PHAGS PA NYAN THOS RNAMS NI GANG ZAG LA BDAG MED PA TZAM DU KHONG DU CHUD LA SNYING RJE CHEN PO SPANGS PAS, PHUNG PO'I LHAG MA MA LUS PA'I MYA NGAN LAS 'DAS PA'I DBYINGS SU ZHUGS PA NA ZAD PAR 'GYUR TE, MYA NGAN LAS 'DAS PA 'BA' ZHIG GI PHYOGS GCIG TU LHUNG BA YIN GYI, BYANG CHUB SEMS DPA' NI GANG ZAG DANG CHOS LA BDAG MED PAR KHONG DU CHUD CING, SNYING RJE CHEN POS YONGS SU ZIN PAS 'KHOR BA'I MTHA' DANG SEMS CAN GYI MTHA' JI SRID DU RGYUN MI 'CHAD PAR 'BYUNG STE, DE BAS NA TSIG RKANG PA BZHI PAS MI ZAD PA BSTAN TO, ,DE'I PHYIR 'PHAGS PA BLO GROS MI ZAD PA'I MDO LAS KYANG, SBYIN PA DE NI GTONG PA NYID KYI RNAM PAS BSGRUBS TE, DE'I PHYIR MI ZAD PA'O ZHES BYA BA LA SOGS PA GSUNGS @27B SO; ,SANGS RGYAS SRAS RNAMS SDOM DANG BRTZON PA'I TSUL KHRIMS GSUM RTAG 'DZIN, ,ZHES BYA BA LA, BYANG CHUB SEMS DPA'I BSLAB TSIG RNAM PA GSUM STE, SDOM PA'I TSUL KHRIMS DANG, DGE BA CHOS SDUD PA'I TSUL KHRIMS DANG, SEMS CAN GYI DON BYED PA'I TSUL KHRIMS SO, ,DE LA SDOM PA ZHES BYA BAS SDOM PA'I TSUL KHRIMS BSTAN, BRTZON ZHES BYA BA'I SGRAS DGE BA CHOS SDUD PA DANG SEMS CAN GYI DON BYED PA'I TSUL KHRIMS BSTAN TO, ,DE LA NYAN THOS RNAMS NI SDOM PA'I TSUL KHRIMS LEN PAR ZAD KYI DON BYED PA'I SEMS CAN GYI DON BYED PA DANG, DGE BA SDUD PA'I TSUL KHRIMS MI LEN MI SRUNG ZHING, DE YANG TSE GSUM DU BSRUNG BAR ZAD KYI, BYANG CHUB SEMS DPA' NI TSUL KHRIMS RNAM PA GSUM 'DZIN CING BSRUNG LA DE'ANG BYANG CHUB KYI SNYING PO LA 'DUG GI BAR DU SRUNG BAR BYED DE TSIG 'DIS NI RGYA CHE BA BSTAN TO, ,MTHO RIS MI 'DOD YANG DAG BLANGS KYANG DE LA CHAGS MI BYED, CAS BYA BA LA, TSUL KHRIMS BSRUNG BA 'DIS LHA DANG MI'I GNAS MTHO RIS THOB PAR SHOG SHIG CES MTHO RIS 'DOD PA'I TSUL KHRIMS SRUNG BAR BYED PA MA YIN PA DANG, TSUL KHRIMS BSRUNGS PA'I 'BRAS BU MTHO RIS SU SKYES SHING, MTHO RIS KYI GNAS BLANGS KYANG MTHO RIS KYI GNAS KYI BDE BA LA CHAGS SHING ZHEN PA MED DE RKANG PA GNYIS PA 'DIS NI ZANG ZING MED PA BSTAN TO, ,TSUL KHRIMS DES KYANG SKYE BO THAMS CAD BYANG CHUB GSUM LA BKOD, ,CES BYA BA LA, GONG DU BSHAD PA'I TSUL KHRIMS RNAM PA GSUM GYIS SKYE BA RNAM PA BZHIR SKYES PA'I SEMS CAN RNAMS BSDUS NAS THEG PA GSUM GYI BYANG CHUB GSUM LA BKOD DE RKANG PA GSUM PA 'DIS NI DON CHE BA BSTAN TO, ,SHES PAS BSRUNG BA'I TSUL KHRIMS KYIS NI 'JIG RTEN MI ZAD GZHAG ,CES BYA BA LA, 'JIG RTEN PA RNAMS KYI TSUL KHRIMS NI GANG ZAG DANG, TSUL KHRIMS DANG, BSRUNG BA GSUM DU DMIGS TE; 'KHOR BAR LHUNG BA YIN PAS RNAM PAR SMIN PA ZAD NAS TSUL KHRIMS ZAD PAR 'GYUR RO, ,BYANG CHUB SEMS DPA'I TSUL KHRIMS NI 'KHOR GSUM MI DMIGS PAR SHES TE, RNAM PAR MI RTOG PA'I YE SHES KYIS ZIN PAS NA MI ZAD PAR 'GYUR TE, DE'I PHYIR 'PHAGS PA BLO GROS MI ZAD @28A *, ,PA'I MDO LAS KYANG, GANG 'DOD PA'I KHAMS LA MI BRTEN PA DANG, GZUGS KYI KHAMS LA MI GNAS PA DANG, GZUGS MED PA'I KHAMS NA MI 'DUG PA DE NI TSUL KHRIMS SO ZHES BYA BA LA SOGS PA GSUNGS SO, ,'PHAGS PA NYAN THOS RNAMS KYI TSUL KHRIMS NI SNYING RJE CHEN PO DANG BRAL BAS MYA NGAN LAS 'DAS PA 'BA' ZHIG NI MTHAR LHUNG BA'I PHYIR PHUNG PO'I LHAG MA MA LUS PAR SPANGS PA'I MYA NGAN LAS 'DAS PA'I DBYINGS SU ZHUGS PA DANG ZAD PAR 'GYUR GYI, BYANG CHUB SEMS DPA'I TSUL KHRIMS NI THUGS RJE CHEN POS YONGS SU ZIN PAS PHUNG PO LHAG MA MA LUS PA'I MYA NGAN LAS 'DAS PAR ZHUGS KYANG DAG PA 'JIG RTEN PA'I YE SHES KYI 'KHOR BA DANG NAM MKHA'I MTHA' JI SRID KYI BAR DU TSUL KHRIMS KYI BYA BA ZAD MI SHES PAR 'BYUNG STE, RKANG PA BZHI PA 'DIS NI MI ZAD PA BSTAN TO, ,DE BAS NA 'PHAGS PA BLO GROS MI ZAD PA'I MDO LAS KYANG, BTZUN PA SHA RA DVA TI'I BU TSUL KHRIMS MI ZAD PA NI RGYUN MI ZAD PA'I PHYIR BLTA'O, ,DE CI'I PHYIR ZHE NA, SO SO'I SKYE BO RNAMS KYI TSUL KHRIMS NI SKYE BA'I GNAS KYIS ZAD PAR 'GYUR RO, ,PHYI ROL GYI LNGA MNGON PAR SHES PA RNAMS KYI TSUL KHRIMS NI MNGON PAR SHES PA NYAMS PAS ZAD PAR 'GYUR RO, ,MI RNAMS KYI TSUL KHRIMS NI DGE BA BCU'I LAS KYI LAM ZAD PAS ZAD PAR 'GYUR RO, ,'DOD PA'I KHAMS KYI LHA'I BU RNAMS KYI TSUL KHRIMS NI BSOD NAMS ZAD PAS ZAD PAR 'GYUR RO, ,GZUGS KYI KHAMS KYI LHA'I BU RNAMS KYI TSUL KHRIMS NI TSAD MED PA DANG BSAM GTAN ZAD PAS ZAD PAR 'GYUR RO,, GZUGS MED PA'I LHA'I BU RNAMS KYI TSUL KHRIMS NI JI LTA BUR SNYOMS PAR ZHUGS PAS SKYES PA ZAD NA ZAD PAR 'GYUR RO, ,NYAN THOS DANG SLOB PA DANG MI SLOB PA'I TSUL KHRIMS NI MYA NGAN LAS 'DAS PA'I MTHAR ZAD PAR 'GYUR RO, ,RANG SANGS RGYAS KYI TSUL KHRIMS NI SNYING RJE CHEN PO DANG BRAL BAS ZAD PAR 'GYUR RO, ,BTZUN PA SHA RA DVA TI'I BU BYANG CHUB SEMS DPA' RNAMS KYI TSUL KHRIMS NI MI ZAD PA STE, ,DE CI'I PHYIR ZHE NA, 'DI LTAR TSUL KHRIMS DE LAS TSUL KHRIMS THAMS CAD 'BYUNG STE ZHES BYA BA LA SOGS PA GSUNGS SO, ,SANGS RGYAS SRAS RNAMS MI YI GNOD PA BYA DKA' @28B THAMS CAD BZOD, ,CES BYA BA LA, BYANG CHUB SEMS DPA'I BZOD PA RNAM PA GSUM STE, GNOD PA LA MI MJED PA'I BZOD PA DANG SDUG BSNGAL LA JI MI SNYAM PA'I BZOD PA DANG, CHOS LA NGES PAR RTOG PA'I BZOD PA'O, ,DE LA BYANG CHUB SEMS DPA' RNAMS SEMS CAN RNAMS LA BU GCIG PA LTA BUR BYAMS PAS NA SEMS CAN GYIS DBYIG PA DANG RDO BA LA SOGS PA'I GNOD PA THAMS CAD BZOD PA STE, DE NI GNOD PA LA JI MI SNYAM PA'I BZOD PA YIN NO, ,SPYAD DKA' BA NI SEMS CAN SMIN PAR BYA BA DANG, BDAG NYID SANGS RGYAS KYI CHOS SBYIN PAR BYAS PA LA ZHUS PA NA GRANG BA DANG CHA BA DANG BKRES PA DANG SKOM PA LA SOGS PA'I SDUG BSNGAL THAMS CAD BZOD PA NI SPYAD DKA' BA THAMS CAD BZOD PA STE, DE NI SDUG BSNGAL LA JI MI SNYAM PA'I BZOD PA ZHES BYA STE, DE LTAR PHYI NANG GI SDUG BSNGAL KUN BZOD PAS NA RKANG PA DANG PO 'DIS NI RGYA CHE BA BSTAN TO, ,DE BAS NA 'PHAGS PA BLO GROS MI ZAD PA'I MDO LAS KYANG, BTZUN PA SHA RA DVA TI'I BU RNAM PA SUM CU RTZA GNYIS KYIS BYANG CHUB SEMS DPA' RNAMS KYI BZOD PAR BLTA'O, ,SUM CU RTZA GNYIS GANG ZHE NA, BAG LA NYAL SPANGS PA'I PHYIR BZOD PAR BLTA'O, ,MI GNOD PA'I PHYIR BZOD PAR BLTA'O ZHES BYA BA LA SOGS PA RGYA CHER GSUNGS SO, ,MTHO RIS MI NUS PA DANG 'JIGS PA PHAN BTAGS LTA BAS MIN, ,ZHES BYA BA LA, BYANG CHUB SEMS DPA' RNAMS BZOD PA LA GNAS PA YANG MTHO RIS KYI BDE BA THOB PAR BYA BA'I PHYIR BZOD PA LA GNAS PAR BYED PA MA YIN GYI, ,MNGON PAR SHES PAR DRUG THOB PAS NA MTHU DANG LDAN PA MA YIN TE, DE BAS NA MTHU CHEN PO RNAMS LA SOGS PAR MI NUS PA'I PHYIR BZOD PAR BYA BA MA YIN, 'JIGS PA LNGA DANG BRAL BAS RGYAL PO DANG RKUN POS 'JIGS PA'I PHYIR BZOD PA MA YIN, BDAG GIS SEMS CAN 'DI DAG LA BZOD PAR BYAS NAS BDAG LA PHAN 'DOGS PAR 'GYUR RO ZHES BZOD PAR BYA BA MA YIN TE, DE BAS NA RKANG PA GNYIS PA 'DIS NI ZANG ZING MED PA BSTAN TO, ,ZLA MED BZOD PAS SKYE BO THAMS CAD BYANG CHUB GSUM LA BKOD, ,CES BYA BA'I RKANG PA GSUM PA 'DIS DON CHEN PO BSTAN TO, ,BZOD PA RNAM PA GSUM LA BLA NA MED PA'I BZOD ZHES BYA'O, ,SHES PA @29A *, ,BZUNG BA'I BZOD PA YIS NI 'JIG RTEN MI ZAD GZHAG ,CES BYA BA'I RKANG PA BZHI PA 'DIS MI ZAD PA BSTAN TE, CHOS LA NGES PAR RTOG PA'I BZOD PA YANG BSHAD DO, ,TSIG GI DON ZHIB TU BSHAD PA NI SNGAR BSHAD PA BZHIN DU SBYAR BAR BYA'O, ,DE'I DON KYANG 'PHAGS PA BLO GROS MI ZAD PA'I MDO LAS DES BZOD PA YONGS SU DAG PA GANG ZHE NA, GANG BRAG CA'I SGRA DANG MTSUNGS PAR SHIN TU RTOGS PA'I PHYIR SPYOS PA LAS MI SPYO BA DANG, LUS GZUGS BRNYAN DANG MTSUNGS PAR RTOGS PA'I PHYIR, BRDEG PA LAS SLAR MI RDEG PA DANG ZHES BYA BA LA SOGS PA GSUNGS PA DANG, GZHAN YANG DE LA SHIN TU BZOD PA GANG ZHE NA, GANG STONG PA NYID RTOGS PA DE LA LTA BAR GYUR PA LA YANG BSAL BA MED, STONG PA NYID DU SGRO 'DOGS PA YANG MED DE, LTA BAR GYUR PA NYID STONG PA'O ZHES GANG 'DI LA BZOD PA 'DI NI SHIN TU BZOD PA'O ZHES BYA BA LA SOGS PA GSUNGS SO, , SANGS RGYAS SRAS RNAMS GO CHA SBYOR BA'I BRTZON 'GRUS DPE MED PA, ,ZHES BYA BA LA, GO CHA'I SGRAS NI GO CHA'I BRTZON 'GRUS BSTAN, SBYOR BA'I SGRAS KYANG SBYOR BA'I BRTZON 'GRUS BSTAN TO ZHES BYA BA NI BRTZOM PA BYA STE, BYANG CHUB SEMS DPA' RNAMS KYIS GO CHA'I BRTZON 'GRUS DPE MED PA BRTZAMS PA DANG, SBYOR BA'I BRTZON 'GRUS DPE MED PA BRTZAMS TE, DPE MED PA'I SGRAS NI 'JIG RTEN PA DANG, NYAN THOS DANG, RANG SANGS RGYAS KYI BRTZON 'GRUS LAS BYANG CHUB SEMS DPA'I BRTZON 'GRUS KHYAD ZHUGS PAR STON TE, 'JIG RTEN PA RNAMS KYI BRTZON 'GRUS NI NYON MONGS PA'I PHYOGS DANG 'DRES PA DANG, NYAN THOS DANG, RANG SANGS RGYAS KYI BRTZON 'GRUS DPE MED PA BRTZAMS DAG KYANG KYANG GANG ZAG LA BDAG MED PA TZAM RTOGS PAR BYA BA DANG, BDAG GI DON LA ZHUGS PA YIN LA, BYANG CHUB SEMS DPA' RNAMS KYI BRTZON 'GRUS NI NYON MONGS PA'I PHYOGS DANG MA 'DRES PA DANG, GANG ZAG DANG CHOS LA BDAG MED PA RTOGS PAR BYA BA'I PHYIR ZHUGS PA DANG, BDAG DANG GZHAN GYI DON GYI PHYIR ZHUGS PA MED PA'I PHYIR ZHES BYA STE, RKANG PA DANG PO 'DIS NI RGYA CHE BA BSTAN TO, ,GO CHA'I BRTZON 'GRUS DPE MED PA YANG 'PHAGS PA BLO GROS MI ZAD PA'I MDO LAS, BTZUN PA SHA RA DVA TI'I BU DE LA BYANG CHUB @29B SEMS DPA' RNAMS KYI GO CHA MI ZAD PA GANG ZHE NA GANG 'DI 'KHOR BA NA MI SKYO BA STE, DE BSKAL PA 'DI SNYED CIG TU GO CHA BGO'O, ,BSKAL PA 'DI SNYAD CIG TU MI BGO'O ZHES BSKAL PA BGRANG BAS BYANG CHUB MI TSOL GYI BSAM GYIS MI KHYAB PA'I GO CHA GYON PAR BYED DE, GAL TE NYIN ZHAG GCIG PA YANG 'KHOR BA'I SNGON GYI MTHA' TZAM LA DE LTA BU'I NYIN ZHAG GIS ZHAG BCO LNGA ZHING ZLA BA PHYED CES BYA BA LA SOGS PA RGYAS PAR GSUNGS PA'O, ,SBYOR BA'I BRTZON 'GRUS DPE MED PA YANG 'PHAGS PA BLO GROS MI ZAD PA'I MDO LAS, DE LA BYANG CHUB SEMS DPA' RNAMS KYI PHA ROL GNON PA MI ZAD PA GANG ZHE NA, STONG GSUM GYI STONG CHEN PO'I 'JIG RTEN GYI KHAMS MES YONGS SU GANG BA LAS KYANG 'BOG STE DE BZHIN GSHEGS PA LTA BAR MOS PA'O ZHES BYA BA LA SOGS PA GSUNGS SO, ,BDAG DANG GZHAN GYI NYON MONGS TSOGS 'JOMS BYANG CHUB MCHOG THOB PA, ,ZHES BYA BA LA, 'PHAGS PA NYAN THOS SOGS PA NI BDAG GI RGYUD LA YOD PA'I NYON MONGS PA 'JOMS PAR BYED CING, BDAG MYA NGAN LAS 'DAS PA THOB PAR BYA BA'I PHYIR ZHUGS PA YIN LA, BYANG CHUB SEMS DPA' RNAMS NI BDAG GI RGYUD LA YOD PA'I NYON MONGS PA YANG 'JOMS PAR BYED LA, GZHAN GYI RGYUD LA YOD PA'I NYON MONGS PA YANG 'JOMS PAR BYED CING, BDAG NYID KYANG BYANG CHUB MCHOG STE THAMS CAD MKHYEN PA'I YE SHES THOB PAR BYED LA, SEMS CAN GZHAN YANG THAMS CAD MKHYEN PA'I YE SHES LA 'JOG PAR BYED DE, DE LTAR BDAG GI DON 'BA' ZHIG TU MA ZHUGS KYI GZHAN GYI DON LA YANG ZHUGS PAS RKANG PA GNYIS PA 'DIS NI ZANG ZING MED PAR BSTAN TE, BDAG LTA BUS SRED PAS YONGS SU ZIN PA DE DAG NI ZANG ZING DANG BCAS PA ZHES BYA'O, ,DE LA NYON MONGS TSOGS 'JOMS ZHES BYA BAS NI SPANGS PA PHUN SUM TSOGS PA BSTAN, BYANG CHUB MCHOG THOB CES BYA BAS NI YE SHES PHUN SUM TSOGS PA DE BSTAN TE, BRTZON 'GRUS DES KYANG SKYE BO THAMS CAD BYANG CHUB GSUM LA BKOD, ,CES BYA BA'I RKANG PA GSUM PAS DON CHE BA BSTAN TO, ,SHES PAS GZUNG BA'I BRTZON 'GRUS KYIS NI 'JIG RTEN MI ZAD GZHAG ,CES BYA BA'I RKANG PA'I BZHI PAS MI ZAD PA BSTAN TE, SHES PAS GZUNG BA'I TSIG GIS NI RNAM PAR MI @30A *, ,RTOG PA'I YE SHES DANG LDAN PA BSTAN TE, 'JIG RTEN MI ZAD GZHAG CES BYA BAS SNYING RJE DANG LDAN PA BSTAN TE, DE'I DON KYANG 'PHAGS PA BLO GROS MI ZAD PA'I MDO LAS, SEMS KYI BRTZON 'GRUS DE GANG ZHE NA, SEMS KYI 'GRO BA DANG SEMS GNAS PA STE, DE LA SEMS 'GRO BA GANG ZHE NA, GANG BYANG CHUB KYI SEMS KYI RTZOM PA'O, ,DE LA SEMS 'GRO BA GANG ZHE NA, GANG SEMS CAN LA SNYING RJE BA'O, ,SEMS GNAS PA GANG ZHE NA, GANG BDAG MED PA LA BZOD PA'O ZHES BYA BA LA SOGS PA RGYA CHER GSUNGS SO, ,SANGS RGYAS SRAS RNAMS TING 'DZIN MANG PO'I BSAM GTAN KUN DU BSGRUBS, ,ZHES BYA BA LA, BYANG CHUB SEMS DPA' RNAMS KYIS GZUGS KYI KHAMS KYI BSAM GTAN DANG PO DANG, GNYIS PA DANG, GSUM PA LA SOGS PA BSGRUBS TE, DE DAG MNGON SUM DU BYAS SO ZHES BYA BA'I DON TO, ,BSAM GTAN DE DAG KYANG CI 'DRA BA ZHIG CE NA, DE'ANG THEG PA CHEN PO'I TING NGE 'DZIN DPA' BAR 'GRO BA DANG, NAM MKHA' MDZOD LA SOGS PA DPAG TU MED PA DANG LDAN PA'I BSAM GTAN BSGRUBS TE, RKANG PA DANG PO 'DIS NI RGYA CHE BA BSTAN TO, ,DE BAS NA MNGON PA'I CHOS BSDUS PA'I BSTAN BCOS LAS KYANG, SANGS RGYAS DANG BYANG CHUB SEMS DPA' RNAMS BSAM GTAN DANG POS BSDUS PA'I BSDUS PA'I TING NGE 'DZIN LA SNYOMS PAR 'JUG PA DE DAG NYAN THOS DANG RANG SANGS RGYAS KYIS MING YANG MI SHES TE, JI LTAR BSAM GTAN DANG PO PA DE BZHIN DU BSAM GTAN GNYIS PA LA SOGS PA DANG GZUGS MED PA RNAMS KYIS BSDUS PA YANG DE DANG 'DRA BAR BLTA'O ZHES BSHAD DO, ,'PHAGS PA BLO GROS MI ZAD PA'I MDO LAS KYANG, DE LA BYANG CHUB SEMS DPA' RNAMS KYI BSAM GTAN MI ZAD PA GANG ZHE NA, BYANG CHUB SEMS DPA' RNAMS KYI BSAM GTAN MI ZAD PA NI RNAM PA BCU DRUG STE, DE NI NYAN THOS DANG RANG SANGS RGYAS THAMS CAD LA MED DO ZHES GSUNGS SO, ,YANG GSUNGS TE, DE LTAR TING 'DZIN 'DI DAG MTHA' YAS DPAG MED DE, ,BSAM GTAN BYE BA PHRAG DAG BRGYA NI PHA ROL SONG, ,ZHES BYA BA GSUNGS SO, ,BSAM GTAN BDE BA'I MCHOG SPYOD SNYING RJES SKYE BOR THA MAR GNAS, ,ZHES BYA BA LA, @30B GZUGS KYI KHAMS KYI BSAM GTAN THOB NA LUS SIM PA DANG, SEMS BDE BA'I MCHOG GI 'BRAS BU THOB PAR 'GYUR RO, ,DE LTA BU'I BDE BA MCHOG THOB KYANG BYANG CHUB SEMS DPA'I BSAM GTAN GYI BDE BA'I MCHOG LA MA CHAGS SHING, GZUGS KYI KHAMS SU MI GNAS PAR SNYING RJE'I DBANG GIS KHAMS GSUM DU SKYE BO MANG PO DANG NGAN SONGS GI GNAS SU SEMS CAN GYI DON DU SKYE BAR MDZAD DE, RKANG PA GNYIS PA 'DIS NI BSAM GTAN GYI RO LA MA CHAGS PAS ZANG ZING MED PAR BSTAN TO, ,DE BAS NA 'PHAGS PA BLO GROS MI ZAD PA'I MDO LAS KYANG, BDAG BDE BA LA MA CHAGS PA'I PHYIR BYANG CHUB SEMS DPA' RNAMS KYI BSAM GTAN NI RO MYANG BA'O, ,SEMS CAN THAMS CAD KYI NYON MONGS PA SPANGS PA'I PHYIR BYANG CHUB SEMS DPA' RNAMS KYI BSAM GTAN NI SNYING RJE CHEN PO LA DMIGS PA'O, ,'DOD PA'I KHAMS SU DMIGS PA'I PHYIR BYANG CHUB SEMS DPA' RNAMS KYI BSAM GTAN NI TING NGE 'DZIN ZLOG PA'O ZHES BYA GSUNGS SO, ,BSAM GTAN DES KYANG SKYE BO THAMS CAD BYANG CHUB GSUM LA BKOD, ,CES BYA BA LA, BSAM GTAN GYIS MNGON PAR SHES PA BSGRUBS NAS MNGON PAR SHES PA SEMS CAN BSDUS TE, THEG PA GSUM GYI BYANG CHUB LA BKOD PAS NA, RKANG PA GSUM PA 'DIS DON CHE BA BSTAN TO, ,'PHAGS PA BLO GROS MI ZAD PA'I MDO LAS KYANG, SEMS CAN THAMS CAD BSGRAL BA'I PHYIR BYANG CHUB SEMS DPA' RNAMS KYI BSAM GTAN NI SEMS CAN GYI BSAM PA SNGON DU 'GRO BA'O ZHES BYA BA LA SOGS PA GSUNGS SO, ,SHES PAS BZUNG BA'I BSAM GTAN GYIS NI 'JIG RTEN MI ZAD GZHAG ,CES BYA BA'I RKANG PA BZHI PAS MI ZAD PA BSTAN TE, SHES PAS BZUNG ZHES BYA BAS NI RNAM PAR MI RTOG PA'I YE SHES DANG LDAN PAR STON TE, 'JIG RTEN MI ZAD GZHAG ECES BYA BA'I TSIG GIS SNYING RJE CHEN PO DANG LDAN PAS DAG PA 'JIG RTEN PA'I YE SHES KYIS SPRUL PA'I SKU SEMS CAN GYI DON BYED PAR BSTAN TO, ,'DI YANG 'PHAGS PA BLO GROS MI ZAD PA'I MDO LAS BSHAD DE, JI LTA ZHE NA, DA LA BSAM GTAN YONGS SU SBYANG BA GANG ZHE NA, GANG MNGON PAR SHES PA DANG YE SHES YONGS SU RDZOGS PA'O, ,DE LA MNGON PAR SHES PA NI GANG YE SHES NI GANG @31A *, ,ZHE NA; GANG GIS GZUGS SU SNANG BA THAMS CAD MTHONG BA 'DI NI MNGON PAR SHES PA ZHES BYA'O, ,GANG GIS GZUGS THAMS CAD KYI CHOS NYID MI ZAD PAR SHES KYANG ZAD PA'I CHOS MNGON SUM DU MI BYED PA 'DIS NI YE SHES ZHES BYA'O ZHES BYA BA LA SOGS PA GSUNGS SO, , SANGS RGYAS SRAS RNAMS DE NYID SHES BYA MA LUS THAMS CAD SHES, ,ZHES BYA BA LA, BDEN PA RNAM PA GNYIS TE, DON DAM PA'I BDEN PA DANG, KUN RDZOB KYI BDEN PA'O, ,DAL DE NYID CES BYA BAS DON DAM PA'I BDEN PA STON TE, DE'ANG CHOS RNAMS KYI SPYI'I MTSAN NYID GANG ZAG LA BDAG MED PA DANG; CHOS LA BDAG MED PA STE, RNAM PAR MI RTOG PA'I YE SHES KYIS GANG ZAG DANG CHOS LA BDAG MED PAR KHONG DU CHUD DE, DE'ANG RNAM PAR MI RTOG PA'I YE SHES KYIS CHOS THAMS CAD NAM MKHA'I NGOS LTA BU BZHIN DU RTOGS SO, ,SHES BYA'I GNAS DE DANG DE DAG GI LHA DANG MI DANG RIGS NGAN DANG GDOL PA LA SOGS PA'I MING SKAD RNAM PA SNA TSOGS PA'I THA SNYAD RNAMS RNAM PAR MI RTOG PA'I RJES LA RGYAB NAS THOB PAS DAG PA 'JIG RTEN PA'I YE SHES KYIS THA SNYAD DE DAG THAMS CAD SHES TE, DE'ANG SGYU MA DANG SMIG RGYU DANG CHU'I ZLA BA LTA BUR SHES NAS CHOS KYI MTSAN NYID LA RMONGS PA RNAMS BSAL BA'I PHYIR; CHOS 'DI DAG NI ZAG PA CAN 'DI DAG NI ZAG PA MED PA 'DI DAG NI 'DUS BYAS 'DI DAG NI 'DUS MA BYAS ZHES 'JIG RTEN LA THA SNYAD DU GSUNGS TE, DE LTAR DON DAM PA'I BDEN PA DANG, KUN RDZOB KYI BDEN PA GNYIS THUGS SU CHUD PAS NA RKANG PA DANG PO 'DIS NI RGYA CHE BA BSTAN TO, ,'DI'I DON YANG 'PHAGS PA BLO GROS MI ZAD PA'I MDO LAS, DE LA KUN RDZOB KYI BDEN PA GANG ZHE NA, JI SNYED DU 'JIG RTEN GYI THA SNYAD YI GE DANG SGRA DANG BRDAR BSTAN PA'O, ,DON DAM PA'I BDEN PA NI GANG LA SEMS KYI RGYU BA YANG MED NA YI GE RNAMS LTA CI SMOS ZHES GSUNGS PA'O, ,MYA NGAN 'DAS LA BLO CHAGS MI SKYED 'KHOR BAR GA LA ZHIG ,CES BYA BA LA, BYANG CHUB SEMS DPA'I SHES RAB KYIS MYA NGAN LAS 'DAS PA DANG 'KHOR BA GNYIS KA YANG SGYU MA'I MTSAN NYID DU KHONG DU CHUD PAS MYA NGAN LAS 'DAS PA'I BDE BA YANG SGYU MA LTA BUR SHES PA'I PHYIR, MYA NGAN LAS 'DAS PA LA YANG CHAGS PA MI SKYED NA, @31B SGYU MA'I MTSAN NYID SDUG BSNGAL GYI GNAS SU GYUR PA'I 'KHOR BA'I CHOS LTA GA LA ZHIG CHAGS PA SKYED DE, NYAN THOS LTAR MYA NGAN LAS 'DAS PA LA CHAGS PA'I SEMS KYANG MI SKYED DE, SO SO'I SKYE BO LTAR 'KHOR BA LA CHAGS PA'I SEMS KYANG MI SKYED DE, GANG DU YANG MA CHAGS PAS NA, RKANG PA GNYIS PA 'DIS NI ZANG ZING MED PA BSTAN TO, ,DE BAS NA 'PHAGS PA BLO GROS MI ZAD PA'I MDO LAS KYANG, CHOS KYI DBYINGS DANG, 'KHOR BA'I KHAMS DANG, MYA NGAN LAS 'DAS PA'I DBYINGS DE NI MTSUNGS SO, ,CHOS KYI DBYINGS DANG, SEMS CAN GYI KHAMS DANG, NAM MKHA'I KHAMS DANG, CHOS THAMS CAD KYI KHAMS NI MTSUNGS SO, ,CI'I PHYIR MTSUNGS SHE NA, STONG PA NYID DU MTSUNGS PAS NA DE NI MTSUNGS SO ZHES BYA BA LA SOGS PA GSUNGS SO, ,YE SHES DES KYANG SKYE BO THAMS CAD BYANG CHUB GSUM LA BKOD, ,CES BYA BA'I RKANG PA GSUM PAS DON CHE BA BSTAN TO, ,SHES PAS BZUNG BA'I SHES RAB KYIS NI 'JIG RTEN MI ZAD GZHAG ,CES BYA BAS MI ZAD PA BSTAN TE, SHES PAS BZUNG ZHES BYA BA'I TSIG GIS NI RNAM PAR MI RTOG PA'I YE SHES ZIN PAR STON, 'JIG RTEN MI ZAD GZHAG CES BYAS SNYING RJE CHEN POS YONGS SU ZIN PAR STON TE, SHES PAS ZIN PA NI 'KHOR BAR MA LTUNG BA'I PHYIR SO SO'I SKYE BO BZHIN DU MI ZAD DO, ,SNYING RJE CHEN POS ZIN PAS NA NYAN THOS BZHIN DU MYA NGAN LAS 'DAS PA'I DBYINGS SU MI ZAD DE, 'DI'I DON KYANG 'PHAGS PA BLO GROS MI ZAD PA'I MDO LAS, GZHAN YANG 'DUS BYAS LA MKHAS PA RNAMS NI GANG SEMS CAN THAMS CAD LA THOGS PA MED PA'I 'OD ZER MNYAM PAR GTONG BA'I PHYIR, BSDU BA'I DNGOS PO BZHIR SEMS CAN SDUD PA 'DI NI 'DUS BYAS LA MKHAS PA'O, ,GANG LA SEMS CAN MED PA DANG BDAG MED PAS MI 'DZIN MI LEN REG PAR MI BYED CING BSDU BA'I DNGOS PO LA MKHAS PA DE YANG 'DUS MA BYAS LA MOS PAS THAMS CAD MKHYEN PA'I PHYIR BSNGO BA 'DI NI 'DUS BYAS LA MKHAS PA'O ZHES BYA BA LA SOGS PA GSUNGS PA'O, ,YE SHES KYIS SEMS CAN YONGS SU 'DZIN PA NI SNYING RJES SEMS CAN MI GTONG BA'I PHYIR ZHES BYA BA LA, BYANG CHUB SEMS @32A *, ,DPA'I SHES RAB YE SHES KYIS ZIN PAS MI ZAD PA YANG YE SHES DE SNYING RJE CHEN POS YONGS SU ZIN PAS MYA NGAN LAS 'DAS PA PHYOGS GCIG TU MI LTUNG GI ,SPRUL PA'I SKU 'KHOR BA'I MTHA'I BAR DU CHOS KYI 'KHOR LO BSKOR BAS SHES RAB MI ZAD PAR RIG PAR BYA'O, ,PHA ROL TU PHYIN PA DRUG LA TSIGS SU BCAD PA DRUG GI YON TAN BSTAN PA'I DON NI, RGYA CHE ZANG ZING MED PA DANG, ,ZHES BYA BA LA SOGS PA TSIGS SU BCAD PA DRUG GIS BSTAN TO, ,SLONG BA MTHONG RDZOGS DGA' BA DANG, ,MI DGA' BA DANG SEMS RE DANG, ,GTONG BA SNYING RJE CAN RTAG PAR, ,LHAG PA'I TSUL GYIS ZIL GYIS GNON, ,ZHES BYA BA LA, YANG 'DI MAN CHAD PHA ROL TU PHYIN PA DRUG GI YON TAN RNAM PA GZHAN DU 'CHAD DE, DE LA DANG PO SBYIN PA'I PHA ROL TU PHYIN PA'I YON TAN STON TO, ,DE LA SLONG BA PO'I GANG ZAG RNAMS GTONG BA PO'I GANG ZAG MTHONG NA DGA' BA DANG, SLONG BA PO'I GANG ZAG KYANG GTONG BA PO LAS BDAG GIS YO BYAD 'DI LTA BU ZHIG THOB PAR BYA'O ZHES BSAMS PA LAS GTONG BA PO'I GANG ZAG LAS CI 'DOD PA THOB STE, BSAMS PA YID BZHIN DU RDZOGS NA DGA' BA DANG, SLONG BA PO'I GANG ZAG DE GTONG BA PO'I GANG ZAG MA MTHONG NA MI DGA' BA DANG, GANG BSAMS PA'I BSAM PA MI RDZOGS NA YANG MI DGA' BAR 'GYUR RO, ,GZHAN YANG SLONG BA PO DE GTONG BA PO'I GANG ZAG MTHONG YANG CI MA RUNG SNYAM DU SEMS PA DANG, MTHONG NAS KYANG BDAG GIS GANG DANG GANG DU THOB PAR BYA BAR SEMS PA DE DANG DE THOB KYANG CI MA RUNG SNYAM DU SEMS PA LAS, BSAM PA BZHIN DU RE BA RDZOGS NA DGA', RE BA MA RDZOGS NA NI MI DGA' BA SKYE'O, ,DE LAS BZLOG STE BYANG CHUB SEMS DPAS GTONG BA POS SLONG BA PO MTHONG NA DGA' BA SKYE LA, SLONG BA POS DNGOS PO GANG DANG GANG 'DOD PAR BSAMS PA'I DNGOS PO DANG DE DAG BTANG STE, SLONG BA PO'I BSAM PA RDZOGS NA DGA' BA SKYE'O, ,DE BZHIN DU GTONG BA POS SLONG BA PO MA MTHONG NA MI DGA' LA, DE'I BSAM PA MA RDZOGS NA MI DGA' BA'O, ,GZHAN YANG GTONG BA PO'I BYANG CHUB SEMS DPA' SLONG BA PO MTHONG YANG CI MA RUNG SNYAM DU SEMS RE BA DANG, MTHONG NAS KYANG DE'I BSAM PA @32B RDZOGS PAR BYAS KYANG CI MA RUNG SNYAM DU RE BA LAS RE BA RDZOGS NA NI DGA' BAR 'GYUR LA RE BA MA RDZOGS NA NI MI DGA' BAR 'GYUR TE, DE LA SLONG BA POS GTONG BA PO MTHONG NA DGA' BA DANG, BSAM PA RDZOGS NA DGA' BA DANG, SEMS KYI RE BA RDZOGS NA DGA' BA DANG, GTONG BA PO BYANG CHUB SEMS DPA'I SLONG BA PO MTHONG NA DGA' BA DANG, DE'I BSAM PA RDZOGS NA DGA' BA DANG, SEMS KYI RE BA BZHIN DU GRUB NA DGA' BA DANG, SLONG BA PO BAS GTONG BA PO DGA' BA LHAG PAR CHE STE, DE BAS NA GTONG BA PO SNYING RJE CAN BYANG CHUB SEMS DPA' SLONG BA PO RNAMS KYIS DGA' BA ZIL GYIS GNON TO, ,DE BZHIN DU SLONG BA POS GTONG BA PO MA MTHONG NA MI DGA' BA DANG, BDAG GI BSAM PA MA RDZOGS NA MI DGA' BA DANG, SEMS KYI RE BA MA RDZOGS NA MI DGA' BAS BYANG CHUB SEMS DPA' GTONG BA PO MA MTHONG NA MI DGA' BA DANG, DE'I BSAM PA MA RDZOGS NA MI DGA' BA DANG, RE BA MA RDZOGS NA MI DGA' BA SLONG BA PO BAS GTONG BA PO CHE STE, DES KYANG GTONG BA PO SNYING RJE CAN RNAMS MI DGA' BA'I KHYAD PAR GYIS SLONG BA PO'I MI DGA' BA ZIL GYIS GNON TE, TSIGS SU BCAD PA GCIG PO 'DIS NI SBYIN PA'I PHA ROL TU PHYIN PA'I YON TAN GYI KHYAD PAR BSTAN TO, , SNYING RJES LUS DANG LONGS SPYOD CHUNG MA DAG ,NAM ZHIG SEMS CAN DAG LA GTONG BYED CING, ,CI DGAR RJES SU YI RANG DE LAS 'BRAL BAR CIR MI SRUNG, ,ZHES BYA BA LA SOGS PA'I TSIGS SU BCAD PAS TSUL KHRIMS RNAM PAR DAG PA'I YON TAN BSTAN TE, TSUL KHRIMS RNAM PAR DAG PA YANG DGE BA BCU'I LAS KYI LAM RNAM PAR DAG PAR RIG PAR BYA'O, DE LA BYANG CHUB SEMS DPA' THUGS RJE CAN RNAMS GZHAN GYI DON DU BDAG GI LUS DANG SROG KYANG YONGS SU BTANG NAS CI DGAR RJES SU YI RANG STE, SEMS MCHOG TU DGA' BA SKYE NA SEMS CAN GZHAN GYI RDZOGS GCOD PA LAS BRAL BA CIR MI SRUNG STE, BDAG GI DON DU SEMS CAN GZHAN GYI SROG GCOD PA LTA GA LA ZHIG BYED CES BYA BA'I DON TO, ,SNYING RJE CHEN PO DANG LDAN PA'I BYANG CHUB SEMS DPA' RNAMS SEMS CAN GYI DON DU BDAG GI LONGS SPYOD THAMS CAD KYANG YONGS SU BTANG NAS CI @33A *, ,DGAR RJES SU YI RANG BA SKYE STE, MCHOG TU DGA' BA'I SEMS SKYE NA SEMS CAN GYI LONGS SPYOD LAS BRAL BAR CIR MI SRUNG STE, GZHAN GYI LONGS SPYOD LA MA BYIN PAR LEN PA GA LA 'DOD CES BYA BA'I DON TO, ,BYANG CHUB SEMS DPA' THUGS RJE CAN RNAMS MA 'ONGS PA NA TSANGS PAR SPYOD PA'I PHYIR BDAG GI CHUNG MA YANG GZHAN LA CI DGAR BTANG NAS RJES SU YI RANG STE, MCHOG TU DGA' BA'I SEMS SKYE NA GZHAN GYI CHUNG MA LA MI TSANGS PAR SPYOD PA LAS BRAL BAR CIR MI SRUNG STE, GZHAN GYI CHUNG MA LA MI TSANGS PAR SPYOD PAR GA LA BYED CES BYA BA'I DON TO, ,TSIGS SU BCAD PA DES NI LUS KYI NYES PA GSUM SPANGS PA'I YON TAN BSTAN TO, ,MI LTA SEMS MNYAM 'JIGS PA MED, ,SNYING RJE'I RGYUD KYIS KUN GTONG NA, ,'PHAGS PA GZHAN LA GNOD PA'I PHYIR, ,LOG PA'I TSIG NI GA LA SMRA, ,ZHES BYA BAS, TSIG GI NYES PA BZHI YOD PA LAS TSIGS SU BCAD PA 'DIS BRDZUN DU SMRA BA'I NYES PA BSTAN TO, ,BRDZUN DU SMRA BA NI LUS DANG SROG LA LTA STE, LUS PHANGS PA DANG SROG PHANGS NA LUS DANG SROG MI GTANG BA'I PHYIR BRDZUN DU SMRA BA BGRANG NA BYANG CHUB SEMS DPA' NI LUS DANG SROG LA MI LTA STE, DE GNYIS KA LA PHANGS PAR MI 'DZIN NA 'PHAGS PA BYANG CHUB SEMS DPA' RNAMS SEMS CAN GZHAN LA GNOD PAR BYA BA'I PHYIR, LOG PA'I TSIG GA LA SMRA STE, BRDZUN MI SMRA'O ZHES BYA BA'I DON TO, ,GZHAN YANG BRDZUN DU SMRA BA NI NYE DU GNYEN BSHES LA SOGS PA KHA CIG LA BYAMS PAS DE DAG LA PHAN GDAGS PA'I PHYIR BRDZUN SMRA BA'AM, DGRA LA SOGS PA KHA CIG LA ZHE SDANG STE DE DAG LA GNOD PA'I PHYIR BRDZUN DU SMRA BA YIN TE, BYANG CHUB SEMS DPA' SA DANG PO THOB PA'I TSE NA CHOS KYI DBYINGS THAMS CAD DU 'GRO BA'I MTSAN NYID RTOGS TE, BDAG DANG GZHAN MNYAM PA NYID KYI SEMS THOB PAS, DE LA BYAMS PAR BYA BA DANG, ZHE SDANG BAR BYA BA SU ZHIG YOD NA, 'PHAGS PA BYANG CHUB SEMS DPA' RNAMS GANG LA PHAN PA'I PHYIR BRDZUN SMRA LA SU LA GNOD PAR BYA BA'I PHYIR BRDZUN SMRA STE, DE BAS NA LONG PA'I TSIG BRDZUN MI SMRA'O ZHES BYA BA'I DON TO, ,BRDZUN SMRA BA NI RGYAL PO'AM RKUN PO'I 'JIGS PA'AM, BU SMAD DAM NOR 'PHROG PA LA SOGS PA'I 'JIGS @33B PAS BRDZUN SMRA BAR BYED PA YIN NA, BYANG CHUB SEMS DPA' SA DANG PO LA ZHUGS PHAN CHAD 'JIGS PA LNGA DANG BRAL TE, 'JIGS PA LNGA MED NA 'PHAGS PA BYANG CHUB SEMS DPA' GZHAN LA GNOD PAR BYA BA'I PHYIR LOG PA'I TSIG BRDZUN GA LA SMRA STE MI SMRA BA'O ZHES BYA BA'I DON TO, ,BRDZUN SMRA BA NI RNYED PA'I PHYIR TE, BZA' BA DANG BGO BA LA SOGS PA'I ZANG ZING CUNG ZAD TZAM GYI PHYIR BRDZUN SMRA BAR BYED PA YIN NA, BYANG CHUB SEMS DPA' THUGS RJE CAN NI BDAG LA YOD PA'I PHYIR NANG GI DNGOS PO KUN YANG GTONG BAR BYED PA YIN NA CUNG ZAD KYI PHYIR RAM, GZHAN LA GNOD PAR BYA BA'I PHYIR BRDZUN GYI TSIG GA LA SMRA STE MI SMRA'O ZHES BYA BA'I DON TO, ,SNYING RJE CAN NI BDAG LA PHAN 'DOD PA, ,GZHAN DAG SDUG BSNGAL SKYE BAR SHIN TU 'JIGS, ,SEMS CAN GDUL LA RAB TU BRTZON 'GYUR LA, ,NGAG GI NYES GSUM LAS NI SHIN DU RING, ,ZHES BYA BA'I TSIGS SU BCAD PA'I 'DIS PHRA MA DANG, TSIG RTZUB PO DANG, TSIG 'KHYAL BA GSUM SPANGS PA'I YON TAN STON TE, PHRA MA SMRA BA NI 'GA' ZHIG LA PHAN GDAGS 'GA' ZHIG LA GNOD PA BYA BA'I PHYIR DBYEN GYI TSIG PHRA MA SMRA NA, BYANG CHUB SEMS DPA' SNYING RJE CAN RNAMS NI BDAG DANG SEMS CAN MNYAM PAR THUGS SU CHUD PA DANG, MDZA' BA DANG DGRA MA NYAM PAR THUGS SU CHUD PAS MTSUNGS PA KHO NAR SEMS CAN THAMS CAD LA PHAN PA DANG BDE BAR BZHED PA YIN NA, SEMS CAN GZHAN LA GNOD PAR BYA BA'I PHYIR, SEMS CAN DBYE BAR 'GYUR BA'I PHRA MA'I TSIG GA LA SMRA STE MI SMRA'O, ,BYANG CHUB SEMS DPA' THUGS RJE CAN RNAMS NI SEMS CAN SDUG BSNGAL BAR GYUR NA MA LEGS SO SNYAM DU THUGS MI DGYES SHING 'JIGS PAR DGONGS PA YIN NA BDAG NYID KYIS SEMS CAN GYI SEMS DANG, LUS LA GNOD PAR 'GYUR BA'I TSIG GA LA ZHIG SMRA STE MI SMRA'O, ,BYANG CHUB SEMS DPA' THUGS RJE CAN RNAMS NI SEMS CAN GYI 'DOD CHAGS DANG ZHE SDANG LA SOGS PA'I NYON MONGS PA GDUL BAR BYA BA LA BRTZON PA YIN NA, DE LTA BU'I BYANG CHUB SEMS DPA' DE BDAG NYID BDAG DANG GZHAN NYON MONGS PA SKYE BAR 'GYUR BA'I RGYU, RGYAL PO DANG RKUN PO LA SOGS PA'I TSIG 'KHYAL BA GA LA ZHIG SMRA STE, DE BAS NA NGAG GI NYES PA GSUM NI BYANG CHUB SEMS DPA' RNAMS @34A *, ,LA SHIN TU THAG RING STE SPANGS PA YIN NO ZHES BYA BA'I DON TO, ,THAMS CAD GTONG SNYING RJE CAN, ,RTEN 'BYUNG CHOS LA SHIN TU MKHAS, ,YID KYI NYON MONGS RNAM PA KUN, ,DES NI DANG DU GA LA LEN, ,CES BYA BA'I TSIGS SU BCAD PA 'DIS YID KYI NYES PA GSUM SPANGS PA'I YON TAN BSTAN TE BYANG CHUB SEMS DPA' RNAMS NI 'DOD CHAGS DANG BRAL BA YIN PAS PHYI'I DNGOS PO BDAG LA YOD PA RNAMS KYANG YONGS SU GTONG BA DANG, NANG GI DNGOS PO MGO DANG RKANG LAG LA SOGS PA YANG YONGS SU GTONG NA YID KYI NYON MONGS PA CHAGS SEMS KYI SEMS CAN LA GNOD PA'I NOR DANG CHUNG MA LA SOGS PA LA CHAGS PA'I SEMS DANG DU: KHA LA LEN TE, CHAGS SEMS CUNG ZAD KYANG SKYED PAR MI BYED DO ZHES BYA BA'I DON TO, ,BYANG CHUB SEMS DPA' RNAMS NI ZHE SDANG DANG BRAL BA YIN TE, SEMS CAN THAMS CAD LA BU GCIG PA BZHIN DU SNYING RJE DANG LDAN PA YIN NO, ,YID KYI NYON MONGS PA GNOD SEMS KYI SEMS CAN GZHAN DAG LA BRDEG PA DANG GSAD PAR BYA'O SNYAM DU SEMS PA'I ZHE SDANG GI SEMS DANG DU: KHAS LEN TE, DE LTA BU'I SEMS SKYED PAR MI BYED DO ZHES BYA BA'I DON TO, ,BYANG CHUB SEMS DPA' NI GTI MUG DANG BRAL BAS PHYI NANG GI CHOS THAMS CAD RTEN CING 'BREL BA NYE 'BYUNG BA'I MTSAN NYID YIN BAR RAB TU MKHAS PA YIN NA, CHOS RNAMS DBANG PHYUG DANG BYED PA PO LA SOGS PAS BYAS SO ZHES YID KYI NYON MONGS PA LOG PA'I LTA BA DANG DU: KHA LA LEN TE, LOG PA'I LTA BA CUNG ZAD KYANG MI MANG 'O ZHES BYA BA'I DON TO, ,TSUL KHRIMS NGAN PA'I GNYEN PO CHOS KYI KHYAD PAR DANG LDAN PAS ZHES BYA BA LA SOGS PA LA, TSUL KHRIMS NGAN PA NI SROG GCOD PA LA SOGS PA LUS KYI MI DGE BA GSUM DANG, BRDZUN LA SOGS PA DAG GI NYES PA BZHI DANG, CHAGS SEMS LA SOGS PA YID KYI NYES PA RNAM PA GSUM RNAMS TE, DE DAG GI GNYEN PO CHOS KYI KHYAD PAR NI PHYI NANG GI DNGOS PO KUN GTONG BA NAS RTEN 'BREL GYI CHOS LA MKHAS PA'I BAR DU STE, GNYEN PO DE DAG LDAN PAS NA BYANG CHUB SEMS DPA'I TSUL KHRIMS RNAM PAR DAG PA'I YON TAN DANG LDAN PA BSTAN TO, ,NAM ZHIG SNYING RJE CAN GNOD DANG, ,GZHAN LA PHAN PA'I SDUG BSNGAL LA, ,RTAG PHAN 'DU SHES DGA' THOB NA, ,DE NI GA LAS @34B CI ZHIG BZOD, ,CES BYA BA'I TSIGS SU BCAD PA 'DIS BZOD PA'I YON TAN BSTAN TE, GDOD BZOD PA ZHES BYA BA NI SEMS CAN GZHAN GYI BRDEG PA DANG 'TSOG PA LA SOGS PA'I GNOD PA BYAS PA LA MI 'KHRUG CING NYAMS SU BLANGS NA GDOD BZOD PA ZHES BYA BA YIN NA, BYANG CHUB SEMS DPA' SNYING RJE CAN RNAMS NI SEMS CAN GZHAN GYIS BRDEG PA DANG GSAD PA LA SOGS PA'I GNOD PA BYAS NA SEMS CAN 'DIS BDAG LA GNOD PA BYAS PAS 'DI NI DGRA YIN NO SNYAM PA'I 'DU SHES MI 'BYUNG GI ,GNOD PA BYED PA RNAMS LA 'DIS BLA NA MED PA'I BYANG CHUB KYI TSOGS RDZOGS PAR 'GYUR BA'I GROGS BYAS PAS NA 'DIS NI BDAG LA PHAN BTAGS SO ZHES DGRA LA PHAN BTAGS PA'I 'DU SHES 'BYUNG STE, GANG LA YANG DGRA'I 'DU SHES MI 'BYUNG NA, BYANG CHUB SEMS DPA' DE DGRA GANG ZHIG LA BZOD PAR BYAS PA YOD DE, GANG LAS KYANG BZOD PAR BYAS PA MED DO ZHES BYA BA'I DON TO, ,'DIS NI GNOD PA LA JI MI SNYAM PA'I BZOD PA BSTAN TO, ,GZHAN YANG BZOD PA ZHES BYA BA NI GRANG BA DANG TSA BA DANG BKRES PA DANG SKOM PA LA SOGS PA'I SDUG BSNGAL NYAMS SU BLANGS NAS GDOD BZOD PA ZHES BYA BA YIN NA, BYANG CHUB SEMS DPA' GZHAN LA PHAN PA DANG BDE BA'I DON DU GRANG BA DANG TSA BA LA SOGS PA'I SDUG BSNGAL BYUNG BA RNAMS LA SDUG BSNGAL GYI 'DU SHES MI 'BYUNG GI SDUG BSNGAL 'DI GNYIS KYIS DGA' BA DANG BDE BAR SHES TE, DES SDUG BSNGAL JI ZHIG NYAMS SU BLANGS NAS BYANG CHUB SEMS DPA' DE LA BZOD PA LA GNAS PA ZHES BYA STE, DE LA SDUG BSNGAL GANG YANG MED PAS NA BZOD PAR BYAS PA CUNG ZAD KYANG MED DO ZHES BYA BA'I DON TO, ,GNOD PAR BYED PA LA YANG BZOD PAR BYA BA YIN TE ZHES BYA BA LA SOGS PA LA, BZOD PA ZHES BYA BA LA GNOD PAR BYED PA NYAMS SU BLANGS NA BZOD PA ZHES BYA BA YIN NA, BYANG CHUB SEMS DPA' SEMS CAN GZHAN GYIS GNOD PAR BYAS PA RNAMS LA, SEMS CAN 'DI DAG GIS NI BZOD PA'I TSOGS RDZOGS PAR 'GYUR BA'I GROGS BYAS PAS BDAG LA PHAN 'DOGS SO SNYAM PA'I 'DU SHES 'BYUNG NA, DES DGRA GANG ZHIG LA BZOD PAR BYAS PA YOD, GRANG BA DANG TSA BA LA SOGS PA'I SDUG BSNGAL NYAMS SU BLANGS NA BZOD PA ZHES BYA BA YIN NA, BYANG CHUB SEMS DPA' SEMS CAN @35A *, ,GYI DON DU SDUG BSNGAL BYUNG BA RNAMS DE LA SDUG BSNGAL BAR MI 'GYUR GYI, DGA' ZHING BDE BAR 'GYUR NA DES SDUG BSNGAL GANG ZHIG LAS BZOD PAR BYA ZHES BYA BA'I DON TO, ,GZHAN LA GZHAN PA'I 'DU SHES BRAL, ,BDAG PAS LHAG PAR GZHAN RTAG BYAMS, ,DGA' SPYOD SNYING RJE LDAN PA YI, ,BRTZON 'GRUS MI DKA' SHIN TU DKA', ,ZHES BYA BA'I TSIGS SU BCAD PA 'DIS BYANG CHUB SEMS DPA'I BRTZON 'GRUS GZHAN GYI DON GYI PHYIR DKA' BA SPYOD PA RNAMS MI DKA' BA YIN, ,DKA' BA YANG YIN PA'I BRTZON 'GRUS KYI YON TAN STON TO, ,'DI LTAR BYANG CHUB SEMS DPA' GZHAN GYI DON DU MGO DANG RKANG LAG LA SOGS PA BTANG BA'I DKA' BAR SPYOD PA RNAMS MI DKA' BA YIN TE, CI'I PHYIR ZHE NA, GZHAN LA GZHAN PA'I 'DU SHES MED DE SA DANG POR CHOS KYI DBYINGS KUN DU 'GRO BA RTOGS PAS BDAG DANG GZHAN DU THA DAD PAR 'DU SHES PA MED DE, DE BAS NA GZHAN GYI DON DU DKA' BA SPYOD PA'I BRTZON 'GRUS DE MI DKA' BA YIN NO, ,GZHAN LA YANG BYANG CHUB SEMS DPA' RNAMS NI BDAG PAS LHAG PAR SEMS CAN GZHAN LA BYAMS SHING SDUG PA DANG PHANGS PAR BYED DE, DE BAS NA GZHAN GYI DON DU DKA' BAR SPYOD PA'I BRTZON 'GRUS RNAMS KYIS DKA' BA YANG YIN NO, ,DE'I DON KYANG SGRUB PA BSHAD PA'I SKABS SU, GZHAN DANG BDAG TU MNYAM PA'I SEMS RNYED PA, ,YANG NA BDAG PAS GZHAN MCHOG SDUG BYED PA, ,DE LTAR BDAG PAS GZHAN DON MCHOG TU SHES, ,BDAG GI DON GANG GZHAN GYI DON KYANG GANG, ,JI LTAR SNYING RJE'I BDAG NYID GZHAN DON PHYIR, ,DE BZHIN BDAG LA SDUG BSNGAL GDUNG BYED LTAR, ,DE LTAR 'JIG RTEN PA DAG DGRA DAG LA, ,GDUNG BAR BYA PHYIR SNYING BRTZE YOD MA YIN, ,ZHES BSHAD DO, ,DE LTA MOD KYI SHIN TU DKA' BAR SPYOD PA YANG YIN TE, JI LTA ZHE NA, GZHAN LA GZHAN PA'I 'DU SHES MI SKYED PAR GZHAN GANG YIN PA DE NYID BDAG YIN NO ZHES SEMS PA YANG DKA' BA DANG, BDAG PAS KYANG GZHAN LA BYAMS PA DANG SDUG PAR 'DU SHES 'BYUNG BA RNYED DKA' BA STE, DE BAS NA DKA' BAR SPYOD PA YANG YIN NO, ,BDE BA CHUNG DANG BDAG NYID BDE, ,ZHAN NYAMS ZHAN DANG MYOS LDAN PA, ,BSAM GTAN RNAM PA GSUM DU SHES, , @35B BYANG CHUB SEMS DPA'I BZLOG PA'O, ,ZHES BYA BA'I TSIGS SU BCAD PA 'DIS NI BSAM GTAN GYI YON TAN BSTAN TE, BSAM GTAN GSUM NI 'JIG RTEN PA'I BSAM GTAN DANG, NYAN THOS KYI BSAM GTAN DANG, RANG SANGS RGYAS KYI BSAM GTAN NO, ,DE LA 'JIG RTEN PA RNAMS KYI BSAM GTAN NI BDE BA CHUNG BA STE, ZAG PA CAN GYI BDE BA TZAM YOD PAR ZAD KYI ZAG PA MED PA'I BDE BA MED PA'I PHYIR RO, ,NYAN THOS DANG RANG SANGS RGYAS KYI BSAM GTAN NI BDAG NYID BDE BA STE, ZAG PA MED PA'I BSAM GTAN GYIS BDAG GI RGYUD TZAM SIM PAR BYED PAR ZAD KYI, SEMS CAN THAMS CAD KYI RGYUD LA SIM PAR MI BYED PA'I PHYIR RO, ,'JIG RTEN PA DANG, NYAN THOS DANG, RANG SANGS RGYAS KYI BSAM GTAN RNAMS ZHEN PA CAN ZHES BYA STE, 'JIG TSOGS SU LTA BA YOD PAS 'KHOR BAR ZHEN PA DANG, NYAN THOS DANG RANG SANGS RGYAS KYI SNYING RJE CHEN PO DANG MI LDAN PAS MYA NGAN LAS 'DAS PA 'BA' ZHIG GI PHYOGS SU ZHEN PA'I PHYIR RO, ,'JIG RTEN PA'I BSAM GTAN NI NYAMS PA ZHES BYA STE, 'CHI 'PHOS NAS MED PAR 'GYUR BA'I PHYIR RO, ,NYAN THOS DANG RANG SANGS RGYAS KYI BSAM GTAN NI ZAD PA ZHES BYA STE, PHUNG PO'I LHAG MA MA LUS PAR SPANGS PA'I MYA NGAN LAS 'DAS PAR MTHAR THUG STE MED PAR 'GYUR BA'I PHYIR RO, ,'JIG RTEN PA DANG, NYAN THOS DANG, RANG SANGS RGYAS KYI BSAM GTAN NI NYON MONGS PA CAN MA YIN PA'I MA RIG PA DANG LDAN PAS NA MYONG BA DANG LDAN PA ZHES BYA STE, GANG ZAG LA BDAG MED PAR MA RTOGS PA NI NYON MONGS PA CAN GYI MA RIG PA'O, ,CHOS LA BDAG MED PAR MA RTOGS PA NI NYON MONGS PA CAN MA YIN PA'I MA RIG PA STE, 'JIG RTEN PA'I BSAM GTAN LA NI NYON MONGS PA CAN DANG, NYON MONGS PA CAN MA YIN PA'I MA RIG PA GNYIS KA DANG LDAN PAS NA MYOS BA CAN NO, ,NYAN THOS DANG RANG SANGS RGYAS KYI BSAM GTAN LA, NYON MONGS PA CAN GYI MA RIG PA MED KYANG NYON MONGS PA CAN MA YIN PA'I MA RIG PA YOD PAS MYOS PA DANG BCAS PA'O, ,BYANG CHUB SEMS DPA' RNAMS KYI BSAM GTAN NI DE LAS BZLOG STE, THEG PA CHEN PO'I BSAM GTAN DPAG TU MED PA DANG LDAN PAS BDE BA MANG BA DANG, NYAN THOS LTAR BDAG GI DON DU ZHUGS PA MA YIN @36A *, ,GYI; BDAG DANG GZHAN GYI DON DU ZHUGS PAS BDAG DANG GZHAN LA BDE BA DANG, RNAM PAR MI RTOG PA'I YE SHES KYIS 'KHOR BA LA MI GNAS PA DANG, SNYING RJE CHEN POS MYA NGAN LAS 'DAS PA LA MI GNAS PA'I PHYIR ZHEN PA MED PA DANG SHI 'PHOS NAS MED PAR 'GYUR BA MA YIN GYI, TSE RABS THAMS CAD DU 'BYUNG BAS NYAMS PAR MI BYED PA DANG, PHUNG PO'I LHAG MA MA LUS PAR SPANGS PA'I MYA NGAN LAS 'DAS PAR ZHUGS KYANG RGYUN MI ZAD PAR 'BYUNG BAS MI ZAD PA DANG NYON MONGS PA DANG SHES BYA'I SGRIB PA SPANGS PAS, NYON MONGS PA CAN DANG NYON MONGS PA CAN MA YIN PA'I MA RIG PA MED PAS RMONGS PA DANG MI LDAN PA'O, ,JI LTAR MTSAN MO LAG TSOD PA, ,KHEBS SGRON DE BZHIN SHES PA GSUM, ,SNYING RJE CAN GYI SHES PA NI, ,NYI MA'I ZER BZHIN MTSUNGS PA MED, ,CES BYA BAS SHES RAB KYI YON TAN BSTAN TE, DE LA 'JIG RTEN PA'I SHES RAB DANG, NYAN THOS KYI SHES RAB DANG, RANG SANGS RGYAS KYI SHES RAB GSUM NI MTSAN MO LAG TSOD KYIS NOM PA DANG, KHANG BU'AM, PHUG TU MAR ME BUS PA DANG 'DRA BAR STON TE, 'DI LTAR 'GA' ZHIG MTSAN MO MUN PA STUG PO'I NANG NA LAG PAS BSNAMS PA DANG, BUM PA'AM SNAM BU LA SOGS PA DNGOS PO 'GA' ZHIG LA REG NAS LUS KYI RNAM PAR SHES PA SKYE'O; ;DE'I RJES LA SNGON BUD PA MTHONG BA MA BRJED PA'I DRAN PA SKYE STE, DE NAS DRAN PA DES 'DI LTA BU'I BUM PA ZHIG CE'AM, SNAM BU ZHIG YIN NO ZHES RJES SU DPOG STE, DE'I TSE DNGOS PO GANG LA REG PA DE TZAM ZHIG SHES PAS NA SPYOD YUL CHUNG BA'O, ,BUM PA LA SOGS PA MIG GIS MA MTHONG BAS NA MNGON SUM MA YIN PA'O, ,BUM PA'I KHA DOG SNGON PO DANG DMAR PO LA SOGS PA MA BCAD PAS NA MI GSAL BA ZHES BYA STE, KHA DOG MA BCAD PA YANG MUN PAS BSGRIBS PAS NA MA BCAD DO, ,DE DANG 'DRA BAR 'JIG RTEN PA'I NYAN PA DANG SEMS PA DANG SGOM PA'I SHES RAB KYANG DE LTA BUR BLTA STE, NYAN PA'I DUS NA GANG THOS PA'I CHOS TZAM LAS MI SHES PAS SPYOD YUL CHUNG BA'O, ,SEMS PA'I DUS NA YANG MI RTAG PA DANG SDUG BSNGAL BA LA SOGS PA'I DON LA RJES SU DPOG PA TZAM DU ZAD KYI, MI RTAG PA LA SOGS PA'I DON MNGON SUM DU MA MTHONG BAS NA MNGON SUM MA YIN PA'O, ,SGOM @36B PA'I DUS NA SHES BYA DANG NYON MONGS PA'I SGRIB PA'I MUN PA CHEN POS BSGRIBS BZHIN DU BSGOM PAS NA MI GSAL BA ZHES BYA'O, ,JI LTAR PHUG GAM KHANG BUR SGRON MA BUS NA GANG DU BUS PA'I GNAS NYI TSE TZAM GYI MUN PA BSAL NAS DE NYI TSE TZAM DU SNANG BAR BYED PA DANG 'DRA BAR NYAN THOS DANG RANG SANGS RGYAS RNAMS KYI SHES RAB KYIS KYANG, BDAG GI RGYUD LA YOD PA'I NYON MONGS PA'I SGRIB PA TZAM NYI TSE TZAM BSAL NAS BDAG GI NYE BAR LEN PA'I PHUNG PO LNGA TZAM BDAG MED PAR YE SHES KYIS SHES SHING SNANG BAR BYED PAS NA KHEBS SGRON DANG 'DRA'O, ,DPER NA NYI MA SHAR NA 'OD ZER DPAG TU MED PA DANG 'JIG RTEN GYI KHAMS KYI MUN PA KUN SEL BA DANG, SNANG BAR BYA BA'I GNAS THAMS CAD DU 'OD ZER GYIS SNANG BAR BYED PA DANG 'DRA BAR BYANG CHUB SEMS DPA'I SHES RAB DANG SHES PA DPAG TU MED PA DANG LDAN PA DANG, SHES BYA DANG NYON MONGS PA'I SGRIB PA KUN SEL BA DANG, KUN RDZOB DANG DON DAM PA'I CHOS LA SOGS PA JI SNYED SHES PAR BYA BA MA LUS PAR SHES PA'I YE SHES KYI SNANG BA CHEN PO 'BYUNG BAS NA NYI MA SHAR BA DANG 'DRA'O, ,GZHAN YANG 'DI MAN CHAD TSIGS SU BCAD PA DRUG GIS PHA ROL TU PHYIN PA DRUG RNAMS PHA ROL TU SBYIN PA DANG, MCHOG DANG, DAM PA DANG, YON TAN CAN YIN PAR STON TE, DE'I PHYIR, GZHI DANG DNGOS PO MTSAN MA DANG,, BSNGO DANG RGYU DANG YE SHES DANG, ,GZHI DANG GNAS PA BDAG GIS KYANG, ,SBYIN PA MCHOG TU SHES PAR BYA, ,ZHES BYA BA LA SOGS PA SMOS SO, ,DE LA MCHOG RNAM PA BRGYAD DANG LDAN PAS PHYIN PA MCHOG CES BYA'O, ,MCHOG RNAM PA BRGYAD NI GZHI MCHOG DANG, DNGOS PO MCHOG DANG, MTSAN MA MCHOG DANG, BSNGO BA MCHOG DANG, RGYU MCHOG DANG, YE SHES MCHOG DANG, ZHING MCHOG DANG, GNAS PA MCHOG GO, ,DE LA GZHI ZHES BYA BA NI BYANG CHUB SEMS DPA'O ZHES BYA BA LA GZHI NI GTONG BA PO LA BYA STE, GTONG BA PO DANG, SO SO'I SKYE BO DANG, NYAN THOS DANG, RANG SANGS RGYAS LTA BU MA YIN GYI, BYANG CHUB SEMS DPA' LA BTANG BAS GZHI MCHOG GO, ,DNGOS PO NI ZANG ZING GI SBYIN PA'I NANG NAS NANG GI DNGOS PO MCHOG GO ZHES BYA BA LA, SBYIN PA'I DNGOS PO YANG RNAM PA GSUM STE, ZANG ZING SBYIN PA DANG, MI 'JIGS PA SBYIN PA DANG, CHOS SBYIN PA'O, ,ZANG ZING SBYIN PA LA YANG RNAM PA @37A *, ,GNYIS TE, NOR DANG 'BRU LA SOGS PA PHYI'I DNGOS PO GTONG BA DANG, MGO DANG RKANG LAG LA SOGS PA NANG GI DNGOS PO GTONG BA'O, ,DE LA YANG NANG GI DNGOS PO MGO DANG RKANG LAG LA SOGS PA GTONG BA NI ZANG ZING GI SBYIN PA'I NANG NAS MCHOG GO, ,NGAN SONG DANG 'KHOR BAR 'JIGS PA MED PA'I SBYIN PA DE 'JIGS PA MED PA'O ZHES BYA BA LA, MI 'JIGS PA SBYIN PA LA YANG RNAM PA GNYIS TE, 'PHRAL DU MI 'JIGS PA SBYIN PA DANG, YUN DU MI 'JIGS PA SBYIN PA'O, ,'PHRAL DU MI 'JIGS PA SBYIN PA NI RGYAL PO DANG RKUN PO DANG ME DANG CHU LA SOGS PAS 'JIGS PA'I SKYABS BYED PA'O, ,YUN DU MI 'JIGS PA SBYIN PA NI NGAN SONG DU SKYE BA'I 'JIGS PA 'KHOR BAR SKYE BA'I 'JIGS PA STE, DE GNYIS SU MI SKYE BAR SKYABS BYAS PAS NI YUN DU MI 'JIGS PA SBYIN PA STE, NGAN SONG DANG 'KHOR BAR SKYE BA'I 'JIGS PA MED PA BYIN NA MI 'JIGS PA SBYIN PA'I MCHOG GO, , DE LA SO SO'I SKYE BO RNAMS KYI RGYUD LA 'PHAGS PA'I BDEN PA MTHONG BA SKYED DE, RGYUN DU ZHUGS PA'I 'BRAS BU LA BKOD PA'AM, SA DANG PO LA BKOD NA NGAN SONG GI 'JIGS PA LAS SKYABS PA YIN TE, CI'I PHYIR ZHE NA BDEN PA MTHONG BA RNAMS 'JIGS PA LNGA LAS YANG DAG PAR 'DAS PA'I PHYIR RO, ,RGYUN DU ZHUGS PA DANG, SA DANG PO LA ZHUGS PA RNAMS DGRA BCOM PA'I 'BRAS BU LA GZHAG PA'AM, SANGS RGYAS LA BKOD PA NI 'KHOR BA'I 'JIGS PA LAS SKYABS PA YIN TE, DE CI'I PHYIR ZHE NA, DE PHAN CHAD NYON MONGS PA'I DBANG GIS MI SKYE BA'I PHYIR RO, ,CHOS KYI SBYIN PA NI THEG PA CHEN PO'O ZHES BYA BA LA, CHOS KYI SBYIN PA LA YANG 'JIG RTEN GYI GTZUG LAG DANG SMAN DPYAD DANG, BYAD DANG GTAR KA SBYIN PA DANG, NYAN THOS DANG RANG SANGS RGYAS KYI CHOS SBYIN PA YANG YOD MOD KYI, THEG PA CHEN PO'I CHOS BSHAD DE BYIN NA CHOS SBYIN PA'I MCHOG YIN NO ZHES BYA BA'I DON TO, ,MTSAN MA SNYING RJE'O ZHES BYA BA LA, MTSAN MA DANG RGYU DAG CES BYA BA DON GCIG STE, TSE 'DIR SBYIN PA YONGS SU GTONG BAR BYED PA'I MTSAN MA NI SNYING RJE STE, SEMS CAN YO BYAD KYIS PHONGS TE SDUG BSNGAL BA RNAMS MTHONG NAS SNYING RJE'I DBANG GIS GTONG BAR BYED DE, SNYING RJE'I RGYUS GTONG BAS NA @37B MTSAN MA MCHOG CES BYA'O, ,BSNGO BA DES BYANG CHUB CHEN PO'I 'BRAS BUR 'DOD PA'O ZHES BYA BA LA, BYANG CHUB SEMS DPA' SBYIN PA YONGS SU BTANG BA YANG LHA DANG MI LA SOGS PA'I LONGS SPYOD 'DOD PA'I PHYIR BSNGO BA MA YIN ZHING, NYAN THOS KYI MYA NGAN LAS 'DAS PA THOB PAR BYA BA'I PHYIR SNGO BAR BYED PA MA YIN GYI, BYANG CHUB CHEN PO'I 'BRAS BU THOB PAR BYA BA'I PHYIR BSNGO STE DE BAS NA BSNGO BA MCHOG CES BYA'O, ,RGYU NI SNGON SBYIN PA'I PHA ROL TU PHYIN PA BSGOMS PA'I BAG CHAGS SO ZHES BYA BA LA, 'DI LTAR TSE RABS GZHAN DU 'DOD LA MA CHAGS PA LA SOGS PA'I DGE BA'I RTZA BA GSUM GYIS YANG DAG PAR ZIN PA'I SEMS PA SBYIN PA LA SOGS PA YANG DAG PAR SPYAD PA LAS GOMS PAR BYAS NAS KUN GZHI LA BAG CHAGS BRLAN TE, BAG CHAGS KYI DBANG GIS SBYIN PA'I PHA ROL TU PHYIN PA LA 'JUG PAR BYED PA DE NI RGYU MCHOG CES BYA'O, ,MTSAN MA DANG RGYU GNYIS LA KHYAD PAR CI ZHIG YOD NAS RNAM PA GNYIS SU GZHAG CE NA, RGYU NI THUN MONG MA YIN PA'I RGYU STE, DPER NA MYU GU LA SA BON LTA BU'O, ,MTSAN MA NI GROGS SU BYED PA'I RGYU STE, DPER NA MYU GU DE NYID BSKYED PAR BYA BA LAS CHU ME RLUNG BZHI LTA BU'O, ,DE BZHIN SBYIN PA'I SKABS SU YANG TSE RABS GZHAN DU SBYIN PA LA SOGS PA DGE BA LA GOMS PA'I BAG CHAGS NI SA BON LTA BU STE, THUN MONG MA YIN PA'I RGYUR GZHAG GO, ,TSE 'DIR SEMS CAN RNAMS LA SNYING RJE BA NI GROGS SU BYED PA'I RGYU STE, SA CHU ME RLUNG LTA BUR GZHAG GO, ,YE SHES NI RNAM PAR MI RTOG PA STE ZHES BYA BA LA, YE SHES MCHOG NI RNAM PAR MI RTOG PA'I YE SHES KYIS ZIN PAS NA YE SHES MCHOG STE, YE SHES GANG GIS GTONG BA PO'I BYANG CHUB SEMS DPA' DANG, SBYIN PA'I NOR DANG LEN PA'I GANG ZAG GSUM YOD PAR MI RTOG PAS 'KHOR GSUM MI DMIGS PA'I TSUL DU SBYIN PA BYED PAS NA YE SHES MCHOG GO, ,SLONG BA DANG ZHES BYA BA LA, SBYIN PA'I ZHING LNGA STE, BRAM ZE DANG TSONG PA LA SOGS PA BCUNG ZAD YOD KYANG SLONG BAR BYED PA NI SLONG BA'I ZHING ZHES BYA'O, ,NAD PA LA SOGS PA NI SDUG BSNGAL BA'I ZHING ZHES BYA'O, ,BZA' BA DANG BGO BA LA SOGS PAS PHONGS PA RNAMS NI MGON MED PA'I ZHING ZHES BYA'O, ,ZANG ZING GI @38A *, ,PHYIR SROG GCOD PA LA SOGS PA SDIG PA BYED PA RNAMS NI LOG PAR SPYOD PA'I RANG BZHIN GYI ZHING ZHES BYA'O, ,TSUL KHRIMS DANG LDAN PA DANG SHES RAB LA SOGS PA'I YON TAN DANG LDAN PA'I GANG ZAG NI YON TAN DANG LDAN PA'I ZHING ZHES BYA'O, ,ZHING NI GCIG PAS GCIG DAM PA STE ZHES BYA BA LA, NYAN THOS DANG, 'JIG RTEN PA'I TSUL GYIS NI SLONG BA'I ZHING PAS SDUG BSNGAL GYI ZHING DAM PA NAS LOG PAR SPYOD PA'I ZHING PAS YON TAN DANG LDAN PA'I ZHING DAM PAR GZHAG GO, ,DE LTA MOD KYI BYANG CHUB SEMS DPA' NI SLAR BZLOG PA STE, YON TAN DANG LDAN PA'I ZHING BAS LOG PAR SPYOD PA'I ZHING DAM PA YIN PAS NA SDUG BSNGAL BA'I ZHING PAS KYANG SLONG BA'I ZHING DAM PA YIN TE, DE BAS NA BYANG CHUB SEMS DPA' RNAMS NI ZHING GONG MA BZHI PO RNAMS LA GTONG BAR BYED DO, ,GAL TE GONG MA BZHI PO MED NA LNGA PA STE YON TAN GYI ZHING LA GTONG BAR BYED DO, ,DE CI'I PHYIR ZHE NA, GANG DAG BSOD NAMS 'PHEL ZHING LONGS SPYOD 'DOD PA DE DAG NI YON TAN CAN GYI ZHING LA GTONG BAR BYED PA YIN NA, BYANG CHUB SEMS DPA' NI BSOD NAMS 'PHEL BA DANG LONGS SPYOD KYI DON DU SBYIN PA GTONG BA MA YIN GYI, ,SEMS CAN SDUG BSNGAL BA DANG BREL BA DANG, PHONGS PA RNAMS KYI SDUG BSNGAL BSAL BAR BYA BA'I PHYIR SBYIN PA GTONG BAR BYED PAS SLONG BA'I ZHING DANG SDUG BSNGAL GYI ZHING LA GTONG BAR BYED KYI YON TAN GYI ZHING LA MI GTONG NGO, ,GNAS PA NI GANG LA GNAS NAS GTONG BA RNAMS TE ZHES BYA BA LAS, GNAS PA NI YID LA BYED PA GANG LA GNAS NAS PHYI NANG GI DNGOS PO GTONG BAR BYED PA STE, DE YANG MOS PA LA GNAS PA DANG, YID LA BYED PA LA GNAS PA DANG, TING NGE 'DZIN LA GNAS PA STE GSUM MO, ,MOS PA NI JI LTAR BSGOM PA RNAM PAR DBYE BA LAS MOS PA YID LA BYED PA GSUM PA'O ZHES BYA BA LA, MOS PA LA GNAS PA NI GONG DU BSGOM PA RNAM PAR DBYE BA BSHAD PA'I RJES SU MOS PA YID LA BYED PA GSUNGS PA DE LA BYA STE, DE'I SKABS SU YANG JI LTAR BSHAD CE NA, SBYIN PA'I PHA ROL TU PHYIN PA NAS SHES RAB KYI PHA ROL TU PHYIN PA'I BAR DU PHA ROL TU PHYIN PA DRUG DANG LDAN PA'I THEG PA CHEN PO'I MDO SDE LA, 'DI NI MA NOR PAR BSHAD PA @38B LEGS PAR GSUNGS PA YIN NO ZHES DANG PA DANG, DAD PA STUG POS MOS SHING DAD PAR BYED PA'O, ,YID LA BYED PA NI JI LTAR DE NYID LAS ZHES BYA BA LA SOGS PA LA, YID LA BYED PA LA GNAS PA NI JI LTAR SGOM PA RNAMS PAR DBYE BA BSHAD PA'I SKABS DE NYID LAS YID LA BYED PA RNAM PA GSUM BSHAD PA STE, DE YANG RO MYANG BA YID LA BYED PA DANG, RJES SU YI RANG BA YID LA BYED PA DANG, MNGON PAR DGA' BA YID LA BYED PA'O, ,DE LA SNGON SBYIN PA LA SOGS PA'I PHA ROL TU PHYIN PA BTANG BA DRAN NAS BDAG GIS SNGON SBYIN BA BTANG BA NI LEGS SO SNYAM DU YON TAN GYI TSUL DU LTA BA NI RO MYANG BA YID LA BYED PA ZHES BYA'O, ,PHYOGS BCU'I 'JIG RTEN GYI KHAMS NAS SEMS CAN RNAMS KYIS SBYIN PA BYAS PA LA SEMS DGA' BA NI RJES SU YI RANG BA YID LA BYED PA'O, ,MA 'ONGS PA NA GAR SKYES GAR SKYES KYANG SBYIN PA BYED PAR 'GYUR BAR DGA' BA DANG, SEMS CAN RNAMS KYANG MA 'ONGS PA NAS GAR SKYES GAR SKYES KYANG SBYIN PA BYED PAR 'GYUR BAR DGA' BA NI MNGON PAR DGA' BA YID LA BYED PA ZHES BYA'O, ,TING NGE 'DZIN NI NAM MKHA' MDZOD LA SOGS PA STE, DE LTAR DE NYID LA 'BYOR PA YOD PAR GSUNGS PA'O ZHES BYA BA LA, TING NGE 'DZIN LA GNAS PA NI SA BRGYAD PA LA SOGS PA LA ZHUGS PA'I BYANG CHUB SEMS DPA' RNAMS MNGON PAR 'DU BYED PA MED PA'I LAM GYIS NAM MKHA' MDZOD LA SOGS PA'I TING NGE 'DZIN BSGRUBS NAS DNGOS PO CI DANG CI 'DOD PA DAG NAM MKHA' LAS BLANGS SHING GTONG BAR BYED PA STE, DE YANG SGOM PA RNAM PAR DBYE BA'I SKABS SU 'BYOR PA RNAM PA GSUM BSHAD PA STE, NAM MKHA' MDZOD LA SOGS PA'I TING NGE 'DZIN KYANG 'BYOR PA RNAMS PA GSUM GYI PHYOGS GCIG TU GTOGS SO, ,'BYOR PA RNAM PA GSUM NI SKU LA DBANG BA DANG, SPYOD PA LA DBANG BA DANG, STON PA LA DBANG BA'O, ,DE LA SKU LA DBANG BA NI DE BZHIN GSHEGS PA'I CHOS KYI SKU DANG, RDZOGS PAR LONGS SPYOD PA'I SKU STE, SKU DE GNYIS KYIS SBYIN PA THOGS PA MED PAR MDZAD DO, ,SPYOD PA LA DBANG BA NI SPRUL PA'I SKU STE, SPRUL PA'I SKU GANG GIS SEMS CAN RNAMS LA SNA TSOGS KYI LUS SU SPRUL NAS SBYIN PA LA SOGS PA 'JUG PAR BYED PA'O, ,STON PA LA DBANG YOD PA NI @39A *, ,PHA ROL TU PHYIN PA DRUG THOGS PA MED PA DANG CHAGS PA MED PA DANG MA CHAD PA'O, ,DE YANG GANG GIS ZHES BYA BAS BSTAN PAR RIG PAR BYA STE ZHES BYA BA LA, MCHOG RNAM PA BRGYAD KYANG GANG GIS GTONG ZHES BYA BA LA SOGS PA LAS BRTZAMS NAS BSTAN PAR RIG PAR BYA STE GANG GIS GTONG ZHE NA, GZHIS GTONG NGO, ,GANG GTONG ZHE NA, DNGOS PO GTONG NGO, ,GANG GIS GTONG ZHE NA, MTSAN MAS GTONG NGO, ,GANG GI PHYIR GTONG ZHE NA, BSNGO BA STE BYANG CHUB MCHOG GI PHYIR GTONG NGO, ,GANG LAS GTONG ZHE NA, TSE RABS SNGA MA LA SBYIN PA LA GOMS PA'I BAG CHAGS KYI RGYUS GTONG NGO,, GANG GIS GZUNG ZHE NA RNAM PAR MI RTOG PA'I YE SHES KYIS GZUNG NGO, ,GANG DU GTONG ZHE NA, ZHING RNAM PA LNGA LA GTONG NGO, ,RNAM PA JI SNYED KYIS GTONG ZHE NA, MOS PA LA SOGS PA RNAM PA GSUM LA GNAS NAS GTONG NGO, ,DE LA TSUL KHRIMS LA SOGS PA PHA ROL TU PHYIN PA LHAG MA RNAM PA BZHI DANG MTSAN MA LA SOGS PA NI SBYIN PA'I PHA ROL TU PHYIN PA'I BSHAD PA DANG MTHUN PAS TSUL DE BZHIN DU BSHAD DO, ,DNGOS PO DANG ZHING GNYIS NI MI MTHUN TE DE'I BYE BRAG CI YOD PA BSHAD DO, ,DE LA TSUL KHRIMS KYI DNGOS PO NI SDOM PA'I TSUL KHRIMS DANG, SEMS CAN GYI DON BYED PA'I TSUL KHRIMS DANG, DGE BAR SPYOD PA'I TSUL KHRIMS SO, ,BZOD PA'I DNGOS PO NI GNOD PA NYAMS SU LEN PA'I BZOD PA DANG, SDUG BSNGAL LA JI MI SNYAM PA'I BZOD PA DANG, CHOS LA NGES PAR RTOG PA'I BZOD PA'O, ,BRTZON 'GRUS KYI DNGOS PO NI GO CHA'I BRTZON 'GRUS DANG, SBYOR BA'I BRTZON 'GRUS LA SOGS PA'O,, BSAM GTAN GYI DNGOS PO NI MTHONG BA'I CHOS LA BDE BAR GNAS PA'I BSAM GTAN DANG, MNGON PAR SHES PA YANG DAG PAR SGRUB PAR BYED PA'I BSAM GTAN DANG, SEMS CAN GYI DON BYED PA'I BSAM GTAN NO, ,SHES RAB KYI DNGOS PO NI KUN RDZOB KYI BDEN PA SHES PA'I SHES RAB DANG, DON DAM PA'I BDEN PA SHES PA'I SHES RAB DANG, SEMS CAN GYI DON SGRUB PAR SHES PA'I SHES RAB BO, ,PHA ROL TU PHYIN PA DE DAG THAMS CAD KYI ZHING NI THEG PA CHEN PO'I CHOS TE, NYAN THOS DANG RANG SANGS RGYAS LA DMIGS SHING SEMS CAN RNAMS DER BKOD NA NI ZHING MCHOG LA BKOD PA ZHES MI BYA'I, ,THEG PA @39B CHEN PO'I CHOS LA DMIGS SHING THEG PA CHEN PO'I CHOS LA SEMS CAN BKOD NA ZHING MCHOG CES BYA'O, ,TSUL KHRIMS KYI NANG NA MCHOG NI BYANG CHUB SEMS DPA'I SDOM PA'O ZHES BYA BA LA, SBYIN PA'I DNGOS PO LA MCHOG DANG MCHOG MA YIN PAR PHYE BA BZHIN DU, ,PHA ROL TU PHYIN PA LTAG MA RNAMS KYI DNGOS PO LA MCHOG DANG MCHOG MA YIN PAR DBYE BA STON TE, 'JIG TEN PA'I DGE BA BCU'I TSUL KHRIMS DANG, NYAN THOS DANG RANG SANGS RGYAS KYI TSU L KHRIMS PAS, ,BYANG CHUB SEMS DPA'I SDOM PA'I TSUL KHRIMS DANG, SEMS CAN GYI DON BYED PA'I TSUL KHRIMS DANG, DGE BA SDUD PA'I TSUL KHRIMS NI TSUL KHRIMS KYI NANG NA MCHOG CES BYA'O ZHES BYA BA'I DON TO, ,BZOD PA YI NI NGAN PA DANG, ,NYAM CHUNG BA DANG SROG GCOD PA'O, ,ZHES BYA BA LA, BZOD PA'I DNGOS PO'I MCHOG NI RGYAL PO DANG BLON PO LA SOGS PA'I MTHU CHE BA'I MCHOG DANG DBANG CHE BA RNAMS KYIS GNOD PA BYAS PA BZOD PA NI NGO MTSAR DU BYA BA MA YIN GYI, SPRANG PO DANG GDOL BU LA SOGS PA MTHU CHUNG ZHING DBANG CHUNG BA RNAMS KYIS GNOD PA BYAS PA BZOD PA MCHOG YIN PA DANG, THAL MO DANG KHUR TSUR GYIS RDEG PA TZAM BZOD PA NI NGO MTSAR DU BYA BA MA YIN GYI, GANG GIS SROG LA GNOD PAR 'GYUR BA'I GNOD PA BYAS KYANG BZOD PA NI BZOD PA'I NANG NA MCHOG GO, ,BRTZON 'GRUS KYI PHA ROL TU PHYIN PA SGOM PA DANG DE'I MI MTHUN PA'I PHYOGS SPANGS PA'O ZHES BYA BA LA, BRTZON 'GRUS LA YANG DGE BA BSDU BA TZAM SGRUB PA'AM, NYAN THOS DANG RANG SANGS RGYAS KYI DGE BA TZAM SGRUB PA NI MCHOG MA YIN GYI, BYANG CHUB SEMS DPA'I SPYOD PA SBYIN PA LA SOGS PA'I PHA ROL TU PHYIN PA DRUG SGRUB CING, PHA ROL TU PHYIN PA'I MI MTHUN PA'I PHYOGS SER SNA LA SOGS PA SPONG BAR BYED PA NI BRTZON 'GRUS KYI MCHOG YIN NO, ,BSAM GTAN GYI NI BYANG CHUB SEMS DPA' TE, 'DZIN TO ZHES BYA BA LA, NYAN THOS DANG 'JIG RTEN PA'I BSAM GTAN NI MCHOG MA YIN TE, DPA' BAR 'GRO BA LA SOGS PA BYANG CHUB SEMS DPA'I TING NGE 'DZIN RNAMS MCHOG GO, ,SHES RAB KYI NI YANG DAG PA NYID CES BYA BA LA, SHES RAB KYANG 'JIG RTEN GYI THA SNYAD DANG KUN RDZOB KYI CHOS SHES PA MCHOG MA YIN GYI, GANG ZAG DANG CHOS LA @40A *, ,BDAG MED PA'I SHES PA NI SHES RAB KYI MCHOG GO, ,SBYIN PAS SEMS CAN GCIG PA BDE PHYIR, ,BSKAL PA MANG POR GNOD BYED KYANG, ,BYANG CHUB SEMS DPA' DGAR 'GYUR NA, ,DE LAS BZLOG PA CI ZHIG SMOS, ,ZHES BYA BA LA SOGS PA TSIGS SU BCAD PA BDUN ZHIG GIS SBYIN PA'I YON TAN BSTAN TE, BYANG CHUB SEMS DPA' BDAG LA BDOG PA'I LONGS SPYOD THAMS CAD BTANG NAS SEMS CAN GCIG CIG BDE BAR 'GYUR LA, DE BTANG BA'I 'OG TU BDAG NYID NI BSKAL BA BRGYA STONG GRANGS MED PAR BREL BA DANG PHONGS PA'I SDUG BSNGAL GYIS GNOD PAR GYUR KYANG SEMS CAN GCIG BDE BAR MTHONG NAS THUGS DGYES PA SKYE NA DE LAS BZLOG PA LTA CI ZHIG SMOS TE, CHOS GTANG BA'I SBYIN PAS SEMS CAN MTHA' YAS PA YANG BDE BA DANG PHAN PAR 'GYUR LA, BDAG NYID KYANG MTHAR YUN DU PHAN PA DANG BDE BAR 'GYUR BA BTANG NAS DGYES PAR 'GYUR BA DANG, BYANG CHUB SEMS DPA'I LONGS SPYOD THAMS CAD BTANG NAS SEMS CAN DPAG TU MED PA YANG BDE BAR 'GYUR LA, BDAG KYANG BSKAL PA MANG POR BDE BAR 'GYUR BA SEMS CAN GZHAN LA BTANG NAS BYANG CHUB SEMS DPA' DGYES PA SKYE BA LTA CI ZHIG SMOS TE, DGYES PA CHER SKYE SO ZHES BYA BA'I DON TO, ,SNYING RJE'I KHYAD PAR GYI PHYI PHYIR RO ZHES BYA BA NI DGONGS PA DE LTA BU SKYE BA DANG, SBYIN PA DE LTA BU GTONG BA YANG SNYING RJE'I RGYUS GTONG NGO ZHES BYA BA'I DON TO, ,GANG GI DON DU LUS CAN NOR 'DOD PA, ,SEMS CAN RNAMS LA DE NYID BLO CAN GTONG, ,ZHES BYA BA LA SOGS PA'I TSIGS SU BCAD PA GCIG GIS TSIGS SU BCAD PA SNGA MA RKANG PA PHYED KYI DON PHYI MA TSIGS SU BCAD PA PHYED KYIS BSTAN TO, ,LUS CAN NI SEMS CAN LA BYA STE, SEMS CAN RNAMS GANG GI DON DANG, GANG GI CHED DANG, GANG LA PHANGS PA DANG, GANG GCES PAR BYA BA'I DON DU NOR DANG LONGS SPYOD BTZAL BA'I GCES PA'I DNGOS PO DE NYID BLO CAN BYANG CHUB SEMS DPA' RNAMS LUS CAN TE, SEMS CAN RNAMS LA GTONG ZHING SBYIN PAR BYED DO, ,DON DE NYID BSTAN PA'I PHYIR, SKYE BO LUS KYI PHYIR NI NOR 'DOD PA, ,BLO CAN GYIS NI DE NYID RNAM BRGYAR GTONG, ,ZHES BYA BA SMOS TE, SEMS CAN RNAMS NI LUS DANG SROG GI DON DANG CHED DU NOR TSOL ZHING NOR SOGS @40B PAR BYED NA, BYANG CHUB SEMS DPA' BLO CAN GYIS NI LUS DANG SROG GI DON DU NOR BTZAL BA'I LUS DANG SROG DE NYID SLONG BA PO RNAMS LA LAN BRGYA STONG DU MAR GTONG ZHING SBYIN PAR BYED DO, ,GANG TSE LUS NYID GTONG BYED KYANG, ,YID KYI SDUG BSNGAL MI 'BYUNG NA, NOR NGAN CI SMOS DE YI 'JIG RTEN 'DAS, , DE DES DGA' RNYED DE NI DE YI MCHOG, ,CES BYA BA'I TSIGS SU BCAD PA 'DIS BYANG CHUB SEMS DPA'I SBYIN PA 'JIG RTEN LAS 'DAS PA YIN PA DANG, 'JIG RTEN LAS 'DAS PA'I MCHOG YIN PAR STON TO, ,'JIG LTAR 'JIG RTEN PA RNAMS NI PHYI'I DNGOS PO BTANG NAS KYANG SDUG BSNGAL BA DANG YID MI BDE BA SKYE LA, BYANG CHUB SEMS DPA' NI SLONG BA PO RNAMS LA PHONGS PA MED PAR LUS DE NYID LAN BRGYA STONG DU MAR BTANG YANG SEMS LA SDUG BSNGAL BA DANG YID MI BDE BA MI 'BYUNG NA, NANG GI DNGOS PO LA LTOS NA THA SHAL DU GYUR PA'I NOR DANG, LONGS SPYOD BTANG NAS YID MI BDE BA MI 'BYUNG BA LTA CI ZHIG SMOS TE, DE LTAR NANG GI DNGOS PO BTANG NAS KYANG YID MI BDE BA MI 'BYUNG BAS NA BYANG CHUB SEMS DPA'I SBYIN PA DE 'JIG RTEN LAS 'DAS PA ZHES BYA'O, ,YID MI BDE BA MI 'BYUNG BAR YANG MA ZAD KYI NANG GI DNGOS PO BTANG NA SEMS CAN RNAMS LA PHAN 'DOGS PAR MTHONG STE DGA' BA SKYE BAR 'GYUR RO, , GANG DGA' BA'I SEMS SKYES PA DE NI 'JIG RTEN LAS 'DAS PA'I MCHOG CES BYA'O, ,BLO CAN 'DI LA SBYIN PA KUN YOD PAS, ,SLONG BA DGA' BAS JI LTAR DGA' 'GYUR PA, ,BYIN BLANGS 'DOD PA CHOG PAR 'DOD PA NI, ,DE LTAR SLONG BAR BYED PA'ANG DGAR MI 'GYUR, ,ZHES BYA BA LA, BYANG CHUB SEMS DPA' BLO CAN GYIS SLONG BA PO RNAMS LA LUS DANG SROG MAN CHAD LA LONGS SPYOD YAN CHAD CI 'DOD PA KUN BTANG STE, 'GRO BA SLOD PA RNAMS LONGS SPYOD THOB PAS SLOD BA PO DGA' BAR GYUR PA MTHONG NAS, ,JI LTAR BYANG CHUB SEMS DPA' THUGS LA DGYES PA'I BYE BRAG SKYE BA LTAR, GTONG BA PO BYANG CHUB SEMS DPA' SLONG BA PO LA NOR BYIN NAS BYIN PA DE SLONG BA POS BLANGS TE, SLONG BA PO GANG 'DOD PA'I NOR YANG RNYED, JI SNYED 'DOD PAR BYA BA THAMS CAD CHOG PAR YANG THOB STE, BSAM PA RDZOGS NAS DGA' BA'I BYE BRAG SKYES NAS KYANG JI LTAR BYANG CHUB SEMS DPA'I DGYES PA'I BYE BRAG TZAM GYIS @41A *, ,DGA' BA SLONG BA PO RNAMS LA MI 'BYUNG NGO ZHES BYA BA'I DON TO, ,BLO CAN KUN YOD BYIN PAS NOR MED KYANG, ,JI LTAR BDAG NYID YOD PAR LDAN LTA BA, ,SLONG BAR BYED PA LONGS SPYOD KUN RDZOGS PA'ANG, ,DE LTAR BDAG NYID YOD PAR LDAN LTA MIN, ,ZHES BYA BA LA, BLO CAN BYANG CHUB SEMS DPA' RNAMS SLONG BA PO RNAMS LA PHYI DANG NANG GI DNGOS PO KUN BTANG STE BYIN NAS PHYI DANG NANG DU BYANG CHUB SEMS DPA' LA NOR DANG LONGS SPYOD CUNG ZAD KYANG MED PAR GYUR KYANG THUGS RJE CHEN POS YONGS SU ZIN PAR GYUR PA DANG, BSAM PA RLABS PO CHE DANG LDAN PAS DA DUNG LONGS SPYOD DANG LDAN NO SNYAM DU DGONGS PA LTAR, SLONG BA PO RNAMS BYANG CHUB SEMS DPA'I SBYIN PAS LONGS SPYOD PHUN SUM TSOGS PA RDZOGS PAR BYAS KYANG BYANG CHUB SEMS DPA'I DGONGS PA LTAR, SLONG BA PO NOR DANG LDAN PA RNAMS BDAG CAG LA NOR YOD CING LONGS SPYOD DANG LDAN NO SNYAM DU DGONGS PA LTAR, BSAM PA DE TZAM GYI RLABS PO CHE MI 'BYUNG NGO ZHES BYA BA'I DON TO, ,JI LTAR BLO CAN TSUL BZHIN 'DI LA SBYIN DAM PAS, ,SLONG BA TSIM BYAS 'DI LA PHAN CHEN 'DU SHES BRTZI, ,JI LTAR SHIN TU RGYA CHEN DAG NI RNYED NAS SU, ,SLONG BA BTANG BAS RNYED RGYUS PHAN PA YIN, ,ZHES BYA BA LA, RNAM PA GZHAN DU YANG BYANG CHUB SEMS DPA' BLO CAN GYIS SBYIN PA BTANG BA YANG TSUL BZHIN DU GUS PA DANG, BRNYAS PA MED PA'I TSUL GYIS SLONG BA PO RNAMS LA SBYIN PA DAM PA MGO DANG RKANG LAG LA SOGS PA BTANG NAS SLONG BA PO RNAMS KYI BSAM PA RDZOGS SHING TSIM PAR BYA STE, BYANG CHUB SEMS DPA' SLONG BA PO 'DI RNAMS KYIS BYANG CHUB KYI TSOGS RDZOGS PA'I GROGS BYAS PA'I PHYIR 'DI DAG GIS BDAG LA PHAN BTAGS SO SNYAM DU BRTZI ZHING DRIN DU GZO BA LTAR SLONG BA PO RNAMS BYANG CHUB SEMS DPA'I SBYIN PA SHIN TU RGYA CHEN PO DAG NOR DANG LONGS SPYOD DAG RNYED NAS BSAM PA RDZOGS PAR GYUR KYANG, DE'I RGYU LAS BYANG CHUB SEMS DPA'I DGONGS PA LTA BUR PHAN BTAGS PA DANG, DRIN DU GZO BA'I BSAM PA DE TZAM MI SKYE'O, ,SNYING RJE'I KHYAD PAR GYI PHYIR RO ZHES BYA BA NI, DGONGS PA DE LTA BU SKYE BA DANG, SBYIN PA DE LTA BU GTANG BA YANG SNYING RJE'I RGYUS GTONG NGO ZHES BYA BA'I DON TO, ,JI LTAR LAM LA LONGS SPYOD @41B SHING 'BRAS MCHOG LDAN PAS, ,BDAG NYID THE TSOM MED PA LUS CAN THA MAL PA, ,GANG NOR SHIN TU RGYA CHEN PO YANG BLANGS SPYOD DE, ,ZHES BYA BA LA, DPER NA KHRI LAM CHEN PO NA BDAG POS YONGS SU MA BZUNG BA'I KUN GYIS LONGS SPYOD DU SPYAD PAR BYA BA'I 'BRAS BU'I SHING, ,'BRAS BU DANG KHA DOG DANG DRI DANG RO PHUN SUM TSOGS PA'I MCHOG DANG LDAN PA LA YANG 'GRON PO PHAN TSUN 'GRO BA RNAMS THE TSOM MED PA DANG THA MAL PA STE, 'JIGS PA DANG BAG TSA BA MED PAR BLANGS SHING SPYOD DE, DE BZHIN DU BYANG CHUB SEMS DPA' LONGS SPYOD PHUN SUM TSOGS SHING RIN PO CHE LA SOGS PA NOR RGYA CHEN PO DANG LDAN PA'I BYANG CHUB SEMS DPA'I LONGS SPYOD DANG NOR LA YANG SEMS CAN RNAMS BDAG GI NOR LA SPYOD PA BZHIN DU, THE TSOM DANG 'JIGS SHING BAG TSA BA MED PAR SPYOD DO ZHES BYA BA'I DON TO, ,BYANG CHUB SEMS DPA' LAG BRKYANG DAG LA LONGS SPYOD LAS GZHAN MA YIN ZHES BYA BA LA, DUS KHA CIG TU GTONG, ,DUS KHA CIG TU MI GTONG, ,SEMS CAN KHA CIG LA GTONG KHA CIG LA MI GTONG, ,RDZAS KHA CIG GTONG KHA CIG MI GTONG BA MA YIN GYI, ,DUS THAMS CAD DU GTONG, ,KUN LA GTONG, DNGOS PO KUN GTONG BA NI LAG BRKYANG BA ZHES BYA'O, ,DE LTAR LAG BRKYANG ZHING GTONG BA NYID BYANG CHUB SEMS DPA' DGA' BA'I LONGS SPYOD YIN TE, GONG MA LTA BU'I SBYIN PA DE YANG BYANG CHUB SEMS DPA'I LAG BRKYANG PA'I DGA' BA'I LONGS SPYOD LA GNAS PA RNAMS LAS 'BYUNG GI, ,SO SO'I SKYE BO DANG, NYAN THOS DANG, RANG SANGS RGYAS LA SOGS PA GZHAN RNAMS LA NI DE LTA BU MI 'BYUNG NGO ZHES BYA BA'I DON TO, ,GTZO DANG DE'I RGYU LAS KYI BYE BRAG DANG, RNAM PA'I BYE BRAG GNAS KYI BYE BRAG DANG, BAR CHAD RNAM BZHI'I GNYEN PO'I BYE BRAG GIS, ,BRTZON 'GRUS SU NI SHES PAR BYA ZHES BSTAN, ,ZHES BYA BA LA, DE LA BYE BRAG RNAM PA DRUG GIS BYANG CHUB SEMS DPA'I BRTZON 'GRUS KYI MTSAN NYID DANG YON TAN BSTAN TE, TSIGS SU BCAD PA 'DIS NI MDO TZAM DU BSTAN, ,TSIGS SU BCAD PA LHAG MA RNAMS KYIS NI DE NYID KYI DON ZHIB TU 'CHAD DO, ,RNAM PA DRUG GI BYE BRAG NI GTZO BO'I BYE BRAG DANG, DE'I RGYU'I BYE BRAG DANG, LAS KYI @42A *, ,BYE BRAG DANG, RNAM PA'I BYE BRAG DANG, GNAS KYI BYE BRAG DANG, BAR CHAD RNAM PA BZHI'I GNYEN PO'I BYE BRAG STE, BYANG CHUB SEMS DPA'I BRTZON 'GRUS KYI BYE BRAG NI DE LTA BU YIN PAR DE BZHIN GSHEGS PA RNAMS KYIS GSUNGS SO, ,DE LA GTZO BO'I BYE BRAG NI CHOS THAMS CAD KYI GTZO BO DANG, MCHOG NI BRTZON 'GRUS YIN PAR BSHAD DO, ,JI LTAR BRTZON 'GRUS CHOS THAMS CAD KYI GTZO BO YIN ZHE NA, DE'I TSIGS SU BCAD PA DE'I RGYU'I BYE BRAG BSTAN TE, GANG GI PHYIR DGE BA'I CHOS THAMS CAD THOB CING SKYE BA'I RGYU NI BRTZON 'GRUS YIN TE, DE BAS NA BRTZON 'GRUS DGE BA'I CHOS THAMS CAD KYI MCHOG YIN PAR BSHAD DO, ,LAS KYI BYE BRAG NI BRTZON 'GRUS KYIS 'JIG RTEN DANG 'JIG RTEN LAS 'DAS PA'I PHUN SUM TSOGS PA THAMS CAD 'GRUB PAR BYED DO, ,RNAM PA'I BYE BRAG NI BRTZON 'GRUS KYI NI RNAM PA 'PHEL BA DANG 'BRI BA'I BRTZON 'GRUS LA SOGS PA BRTZON 'GRUS KYI RNAM GRANGS RNAM PA MANG DU PHYE STE BSHAD PA'O, ,GNAS KYI BYE BRAG NI NYAN THOS KYI BRTZON 'GRUS NI NYAN THOS PA RNAMS KYI LUS LA GNAS, RANG SANGS RGYAS KYI BRTZON 'GRUS NI RANG SANGS RGYAS KYI LUS LA GNAS, BYANG CHUB SEMS DPA'I BRTZON 'GRUS NI BYANG CHUB SEMS DPA'I LUS LA GNAS SO, ,BAR CHAD RNAM PA BZHI'I GNYEN PO'I BYE BRAG NI PHA ROL TU PHYIN PA DRUG LA BAR DU GCOD PA'I CHOS BZHI STE, LONGS SPYOD LA CHAGS PA DANG, NYON MONGS PA LA CHAGS PA DANG, BRTZON 'GRUS LAS SKYO BA DANG CUNG ZAD TZAM GYIS DGA' BAR 'DZIN PA STE, DE'I GNYEN PO YANG BRTZON 'GRUS YIN PAR BSHAD DO, ,DGE BA'I TSOGS KYI NANG NA BRTZON 'GRUS MCHOG ,CES BYA BA LA, SBYIN PA LA SOGS PA DKAR PO'I CHOS THAMS CAD KYI NANG NA BRTZON 'GRUS MCHOG TU BSHAD DO ZHES BYA BA'I DON TO, ,'DI LTAR BSAM GTAN GYIS NYON MONGS PA 'JIL BAR BYED, SHES RAB KYIS NYON MONGS PA RTZA BA NAS 'JOMS PAR BYED PAS, DE DAG DGE BA'I CHOS THAMS CAD KYI NANG NA MCHOG YIN NA JI LTAR BRTZON 'GRUS DGE BA'I MCHOG TU BSHAD CE NA, DE'I PHYIR, GANG PHYIR DE LA BRTEN NAS DE 'THOB 'GYUR, ,ZHES BYA BA SMOS TE, 'DI BRTZON 'GRUS @42B MCHOG YIN PA'I GTAN TSIGS SU BSHAD PA'O, ,GANG GI PHYIR SBYIN PA LA SOGS PA'I DGE BA'I CHOS RNAMS NI BRTZON 'GRUS LA BRTEN NAS SKYE STE DE BAS NA BRTZON 'GRUS MCHOG YIN NO, ,BRTZON 'GRUS KYIS NI MYUR DU DE MCHOG SPYOD, ,'JIG RTEN 'DAS DANG 'JIG RTEN RTOGS PA 'GRUB, CES BYA BAS LAS KYI BYE BRAG BSHAD DE, BRTZON 'GRUS KYIS TSE 'DI LA BDE BA THOB PAR BYED PA DANG TSE RABS GZHAN DU BDE BA THOB PAR BYED DO, ,TSE 'DI LA BDE BA THOB PAR BYED PA NI GANG GI PHYIR BRTZON 'GRUS DANG LDAN NA SDIG PA MI DGE BA'I CHOS DANG MA 'DRES PA'I BDE BA RNYED CING DE BZHIN DU GNYID LAS SAD PA DANG, DE BZHIN DU GNYID KYIS LOG PA'I BDE BA MCHOG MYONG BAR 'GYUR, ,TSE RABS GZHAN GYI BDE BA NI 'JIG RTEN GYI BDE BA DANG, 'JIG RTEN LAS 'DAS PA'I BDE BA'O, ,DE LA 'JIG RTEN GYI BDE BA NI RNAM PA GSUM STE, 'DOD PA'I KHAMS KYI BDE BA DANG, GZUGS KYI KHAMS KYI BDE BA DANG, GZUGS MED PA'I KHAMS KYI BDE BA'O, ,'JIG RTEN LAS 'DAS PA'I BDE BA YANG RNAM PA GSUM STE, NYAN THOS KYI MYA NGAN LAS 'DAS PA DANG, RANG SANGS RGYAS KYI MYA NGAN LAS 'DAS PA DANG, MI GNAS PA'I MYA NGAN LAS 'DAS PA'O, ,DE DAG KYANG BRTZON 'GRUS LA GNAS PAS 'THOB BO, ,BRTZON 'GRUS KYIS NI SRID SPYOD 'DOD PA 'THOB, ,CES BYA BA LA, SRID PA'I SGRAS NI KHAMS GSUM LA BYA STE, 'DOD PA'I KHAMS KYI LHA DANG MI'I LONGS SPYOD KYI BDE BA YANG BRTZON 'GRUS LA GNAS PAS 'THOB BO ZHES BYA BA'I DON TO, ,BRTZON 'GRUS KYIS NI DAG PAR RAB 'GYUR LDAN, ,ZHES BYA BA LA, RAB 'GYUR ZHES BYA BA NI MI BRTAN ZHING 'GYUR BA LA BYA STE, 'DOD PA'I KHAMS KYI SDIG PA MI DGE BA'I CHOS THAMS CAD SPANGS PA'I GZUGS KYI KHAMS KYI BSAM GTAN BZHI DAG PA DANG, GZUGS MED PA'I SNYOMS PAR 'JUG PA BZHI DAG PA YANG BRTZON 'GRUS LA BRTEN NAS 'THOB PO ZHES BYA BA'I DON TO, ,BRTZON 'GRUS KYIS NI 'JIG TSOGS 'DAS NAS GROL, ,ZHES BYA BA LA, 'JIG TSOGS SU LTA BA LA SOGS PA'I NYON MONGS PA THAMS CAD SPANGS PA'I MTSAN NYID NYAN THOS DANG RANG SANGS RGYAS KYI MYA NGAN LAS 'DAS PA @43A *, ,YANG BRTZON 'GRUS LA BRTEN NAS 'THOB PO ZHES BYA BA'I DON TO, ,BRTZON 'GRUS KYIS NI BYANG CHUB MCHOG RTOGS SO, ,ZHES BYA BA LA, SPANGS PA PHUN SUM TSOGS PA DANG, YE SHES PHUN SUM TSOGS PA'I MTSAN NYID BLA NA MED PA'I BYANG CHUB KYANG BRTZON 'GRUS LA BRTEN NAS RTOGS PAR 'GYUR RO ZHES BYA BA'I DON TO, ,DE LA RAB TU NGES PA MA YIN PA'I PHYIR ZHES BYA BA LA, GZUGS DANG GZUGS MED PA'I KHAMS KYI BSAM GTAN DANG, SNYOMS PAR 'JUG PA RNAMS NI SHI 'PHOS NAS MED PAR 'GYUR BAS BRTAN PA DANG NGES PA MA YIN PA'I PHYIR 'GYUR BA ZHES BYA'O, BRTZON 'GRUS 'BRI DANG 'PHEL ZHES BYA BA LA SOGS PAS BRTZON 'GRUS KYI RNAM PA'I BYE BRAG STON TE, BRTZON 'GRUS KYI RNAM PA NI YANG DAG PAR SPONG BA BZHI DANG LDAN PA'I BRTZON 'GRUS DANG, DBANG PO LNGA DANG LDAN PA'I BRTZON 'GRUS DANG, STOBS LNGA DANG LDAN PA'I BRTZON 'GRUS DANG, BYANG CHUB KYI YAN LAG BDUN DANG LDAN PA'I BRTZON 'GRUS DANG, LAM GYI YAN LAG BRGYAD DANG LDAN PA'I BRTZON 'GRUS LA SOGS PA'O, ,DE LA YANG DAG PAR SPONG BA BZHI DANG LDAN PA'I BRTZON 'GRUS NI 'BRI BA DANG 'PHEL BA'I BRTZON 'GRUS ZHES BYA STE, CI'I PHYIR ZHE NA, BRTZON 'GRUS DES SDIG PA MI DGE BA'I CHOS MA SKYES PA RNAMS MI SKYED PAR BYED, ,SKYES PA RNAMS NI SPONG BAR BYED PAS 'BRI BA ZHES BYA'O, ,DGE BA'I CHOS MA SKYES PA NI SKYED PAR BYED LA, SKYES PA NI RGYA CHER BYED PAS NA 'PHEL BA ZHES BYA'O, ,THAR PA'I DBANG DANG ZHES BYA BA LA, DBANG PO LNGA DANG LDAN PA'I BRTZON 'GRUS NI THAR PA LA DBANG BYED PA'I BRTZON 'GRUS ZHES BYA STE, DES MYA NGAN LAS 'DAS PA THOB PAR 'GYUR BA'I DGE BA'I RTZA BA LA DBANG BYED PA'I PHYIR RO, ,MI MTHUN PHYOGS SPANGS GZHAN ZHES BYA BA LA, STOBS LNGA DANG LDAN PA'I BRTZON 'GRUS NI MI MTHUN PA'I PHYOGS SPONG PA'I BRTZON 'GRUS ZHES BYA STE, CI'I PHYIR ZHE NA, BRTZON 'GRUS DES MA DAD PA DANG LE LO DANG DRAN PA NYAMS PA DANG SEMS G-YENG BA DANG 'CHAL BA'I SHES RAB RNAMS ZIL GYIS GNON CING SPONG BAR BYED PA'I PHYIR RO, ,DE NYID 'JUG PA DANG ZHES BYA BA LA, BYANG CHUB KYI YAN LAG DANG LDAN PA'I @43B BRTZON 'GRUS LA NI DE NYID LA 'JUG PA'I BRTZON 'GRUS ZHES BYA STE, BYANG CHUB SEMS KYI YAN LAG BDUN NI SA DANG PO THOB STE MTHONG BA'I LAM SKYES PA DANG, MTHONG BA'I LAM GYI TSE BYANG CHUB KYI YAN LAG BDUN LA BSGOM PAR GZHAG GO, ,BRJES PA DANG ZHES BYA BA LA, 'PHAGS PA'I LAM GYI YAN LAG BRGYAD DANG LDAN PA'I BRTZON 'GRUS LA NI BRJES PA'I BRTZON 'GRUS ZHES BYA STE, CI'I PHYIR ZHE NA, DE NI YANG DAG STOBS, ,BDAG NYID RJES SU 'JUG PAR BSHAD, ,CES BYA BA 'DIS BSDUB PA'I DNGOS PO BZHI'I MTSAN NYID 'CHAD DE, BSDU BA'I DNGOS PO BZHI LAS, SBYIN PAS BSDU BA'I DNGOS PO NI PHA ROL TU PHYIN PA DRUG GI SKABS SU SBYIN PA'I PHA ROL TU PHYIN PA'I MTSAN NYID JI LTAR BSHAD PA DANG DON MTSUNGS SHING 'DRA STE, DE BAS NA 'DIR MI BSHAD DO, ,PHYI NAS SNYAN PAR SMRA BA DANG, DON SPYOD PA DANG, DON MTSUNGS PA GSUM GYI MTSAN NYID BSHAD PAR BYA STE, SBYIN PA NAS SHES RAB KYI BAR DU PHA ROL TU PHYIN PA DRUG GI RANG DANG SPYI'I MTSAN NYID GZHAN LA GTAN TSIGS SU 'CHAD DE SNYAN PAR SMRA BA'I MTSAN NYID DO, ,PHA ROL TU PHYIN PA DRUG LA SEMS CAN BSTABS TE, PHA ROL TU PHYIN PA DRUG LA BKOD PHA ROL TU PHYIN PA DRUG SGRUB TU BCUG PA NI DON SPYOD PA'I MTSAN NYID DO,, PHA ROL TU PHYIN PA GANG LA SEMS CAN BKOD CING SGRUB TU BCUG PA'I PHA ROL TU PHYIN PA DE NYID LA BDAG NYID RJES SU 'JUG CING BDAG NYID KYANG DE SGRUB PAR BYED PA NI DON MTSUNGS PA'I MTSAN NYID DE, BSDU BA'I DNGOS PO BZHI'I MTSAN NYID NI DE LTAR BSHAD DO ZHES BYA BA'I DON TO, ,PHA ROL TU PHYIN PAS BSDUS PA'I PHYIR ZHES BYA BA LA, PHA ROL TU PHYIN PA BSHAD PA'I SKABS YIN PAS PHA ROL TU PHYIN PAR GTOGS PA'I CHOS GZHAN LA BSTAN PA NI SNYAN PAR SMRA BA YIN NO ZHES BYA BA'I DON TO, ,BSDU BA'I DNGOS PO BZHI RNAMS CI'I PHYIR BZHIR BSHAD CE NA ZHES BYA BA LA, BSDU BA'I DNGOS PO'I MTSAN NYID BSHAD NAS BSDU BA'I DNGOS PO BZHIR GRANGS NGES PAR CI'I PHYIR BSHAD PA'I GRANGS LA SPYOD DE, BSDU BA'I DNGOS PO LNGA LA SOGS PA MANG DU YANG MA BSHAD, GSUM LA SOGS PA NYUNG DU YANG MA BSHAD MA BSTAN PAR CI'I PHYIR GRANGS RNAM PA BZHI KHO NAR GZHAG @44A *, ,CES BYA BA'I DON TO, ,DE DAG PHA ROL RNAMS KYI THABS, ,PHAN PAR BYED DANG 'DZIN PA DANG, ,RAB TU 'JUG DANG DE LTAR RJES SU 'JUG ,BSDU BA'I DNGOS POR SHES PAR BYA, ,ZHES BYA BA LA, 'DI LTAR BSDU BA'I DNGOS PO RNAMS NI SEMS CAN BSTAN PA LA MA ZHUGS PA RNAMS BSTAN PA LA GZUNG BA DANG, BSTAN PA LA ZHUGS PA RNAMS YONGS SU SMIN PAR BYA BA DANG, SMIN PAR BYAS PA RNAMS GROL BAR BYA BA'I THABS YIN TE, DE LA THABS KYANG RNAM PA BZHI'O, ,GANG ZHE NA, PHAN PAR BYED PA'I THABS DANG, 'DZIN PAR BYED PA'I THABS DANG, RAB TU 'JUG PAR BYED PA'I THABS DANG, RJES SU 'JUG PA'I THABS TE, DE LTAR THABS BZHI YOD PAS NA BSDU BA'I DNGOS PO YANG BZHI KHO NAR ZAD DE MI MANG MI NYUNG NGO ZHES BYA BA'I DON TO, ,DE LA PHAN PAR BYED PA'I THABS NI SBYIN PA STE, BZA' BA DANG BGO BA LA SOGS PA SBYIN PAS SEMS CAN GYI BKRES PA DANG GRANG BA LA SOGS PA MED PAR BYA BA'I PHYIR SEMS CAN GYI LUS LA PHAN BTAGS SO, ,'DZIN PAR BYED PA'I THABS NI SNYAN PAR SMRA BA STE, 'DZIN PAR BYED CES BYA BA DANG, KHONG DU CHUD PAR BYED CES BYA BA DON GCIG GO, 'DI LTAR SNYAN PAR SMRA BAS PHA ROL TU PHYIN PA RNAMS KYI RANG DANG SPYI'I MTSAN NYID BSHAD PAS PHA ROL TU PHYIN PA'I MTSAN NYID MI SHES PA DANG, LOG PAR SHES PA DANG, THE TSOM DU GYUR PA RNAMS BSDUS NAS PHA ROL TU PHYIN PA'I MTSAN NYID MA NOR BAR BYED PAS NA 'DZIN PAR BYED PA'I THABS SO, ,RAB TU 'JUG PA'I THABS NI DON SPYOD PA STE, PHA ROL TU PHYIN PA MI SHES PA DANG, THE TSOM DU GYUR PA RNAMS KYI MI SHES PA DANG THE TSOM BSAL NAS PHA ROL TU PHYIN PA'I DON KHONG DU CHUD PA RNAMS KYANG PHA ROL TU PHYIN PA RNAMS SPYOD PA LA 'JOG CING, PHA ROL TU PHYIN PA SPYOD DU BCUG PAS NA RAB TU 'JUG PAR BYED PA'I THABS SO, ,RJES SU 'JUG PAR BYED PA'I THABS NI DON MTSUNGS PA STE, DGE BA'I RTZA BA GANG LA SEMS BKOD PA'I DGE BA DE LAS MA NYAMS SHING RGYUN DU SPYOD DU GZHUG PA'I PHYIR, ,BDAG NYID KYANG PHA ROL TU PHYIN PA DE NYID SGRUB PAR BYED DA 'DI LTAR BDAG NYID KYIS BSGRUBS NAS SEMS CAN PHA ROL TU PHYIN PA SPYOD DU BCUG PA RNAMS @44B 'DI SNYAM DU SEMS TE, PHA ROL TU PHYIN PA DGE BA GANG LA BDAG CAG BKOD PA'I PHA ROL TU PHYIN PA DE LA BYANG CHUB SEMS DPA' NYID KYANG DE LA SGRUB PAS NA BYA BA 'DIS NI DAM PA YIN NO ZHES SEMS CAN DAG NAN TAN GYIS PHA ROL TU PHYIN PA LA SGRUB PAR BYED DO, ,YANG DAG PAR BSTAN PA LA JI LTAR SMRA BA DE BZHIN BYED PAR SHES NAS ZHES BYA BA LA SOGS PA LA, BYANG CHUB SEMS DPA' PHA ROL TU PHYIN PA'I CHOS RNAMS NI DAM PA DANG GTZO BO YIN PAS SGRUB PA'I RIGS SO ZHES SMRAS NAS, PHA ROL TU PHYIN PA RNAMS LA SEMS CAN BKOD PA'I SEMS CAN DE DAG BYANG CHUB SEMS DPA'I TSIG TU JI SKAD SMRA BA DE BZHIN DU BYANG CHUB SEMS DPA' NYID KYANG DE LA SGRUB PAR SHES NAS SEMS CAN RNAMS KYANG NAN TAN GYIS PHA ROL TU PHYIN BSGRUB PAR BYED DE, DE BAS NA SEMS CAN SGRUB TU GZHUG PA'I PHYIR BDAG NYID KYANG PHA ROL TU PHYIN BA SGRUB PAR BYED PA'I NI RJES SU 'JUG PA'I THABS ZHES BYA'O, , THOG MA KHO NAR SNOD DU GYUR, ,ZHES BYA BA LA SOGS PA TSIGS SU BCAD PA GCIG GIS BSDU BA'I DNGOS PO BZHI'I LAS 'CHAD DE, DE LA DANG PO KHO NAR PHA ROL TU PHYIN PA RNAMS SGRUB PA'I SNOD DU BYED PA NI SBYIN PA STE, BYANG CHUB SEMS DPA' SBYIN PAS SEMS CAN LA PHAN BTAGS NA BYANG CHUB SEMS DPA' JI LTAR DGE BA BYED DU BCUG PA DE BZHIN DU SEMS CAN DGE BA BYED PAS NI SBYIN PA'I LAS NI SEMS CAN SNOD DU GYUR PAR BYED PA'O, ,GNYIS PAS SU NI MOS PAR BYED, ,CES BYA BA LA, GNYIS PA NI SNYAN PAR SMRA BA STE, SNYAN PAR SMRA BAS NI PHA ROL TU PHYIN PA DANG YANG DAG PAR LDAN PA'I CHOS RNAMS LA MOS PAR BYED DO, ,JI LTAR ZHE NA, PHA ROL TU PHYIN PA'I MTSAN NYID MI SHES PA DANG, LOG PAR SHES PA DANG, THE TSOM DU GYUR PA RNAMS LA PHA ROL TU PHYIN PA'I AMTSAN NYID MA NOR BAR BSHAD PAS, MI SHES PA DANG, LOG PAR SHES PA DANG, THE TSOM BSAL NA PHA ROL TU PHYIN PA DANG LDAN PA'I CHOS LA MOS SHING DANG PA SKYE BAR 'GYUR BA'I PHYIR RO, ,GSUM PAS YANG DAG PA SGRUB PAR BYED, ,CES BYA BA LA, GSUM PA NI DON SPYOD PA STE, DON SPYOD PAS NI YANG DAG PAR SGRUB PAR BYED DE, PHA ROL TU PHYIN PA YANG DAG PAR SGRUB PA LA SEMS @45A *, ,CAN 'JOG PAR BYED PA'I PHYIR RO, ,BZHI PAS RNAM PAR SPYOD PAR BYED, ,CES BYA BA LA, BZHI PAS NI DON MTSUNGS PA STE, DES NI RNAM PAR SPYOD PAR BYED DE, JI LTA ZHE NA, SEMS CAN PHA ROL TU PHYIN PA SGRUB PA LA BRTAN POR BYA BA'I PHYIR YUN RING POR BDAG NYID PHA ROL TU PHYIN PA BSGRUB PAR BYED DE, SEMS CAN GYI DON DU YUN RING POR BDAG GIS PHA ROL TU PHYIN PA BSGRUBS NAS PHA ROL TU PHYIN PA'I MTSAN NYID DRI MA MED CING DAG PAR 'GYUR RO ZHES BYA BA'I DON TO, ,BSDU BA RNAM PA BZHI DAG NI, BSDU BA RNAM PA GNYIS SU 'DUS, ,ZANG ZING DANG NI CHOS KYIS KYANG,, DMIGS PA'I CHOS LA SOGS PAS SO, ,ZHES BYA BA'I TSIGS SU BCAD PA 'DIS BSDU BA'I DNGOS PO BZHI RNAMS DON GNYIS SU SDUD PAR STON TO, ,BCOM LDAN 'DAS KYIS MDO KHA CIG LAS BSDU BA'I DNGOS PO BZHI ZHES BSHAD, ,KHA CIG LAS BSDU BA'I DNGOS PO GNYIS ZHES BSHAD DE, BSDU BA'I DNGOS PO BZHIR GSUNGS PA DE YANG BSDU BA'I DNGOS PO RNAM PA GNYIS SU 'DUS TE, BSDU BA'I DNGOS PO GNYIS NI ZANG ZING GIS BSDU BA DANG, CHOS KYIS BSDU BA'O, ,DE LA SBYIN PAS BSDU BA'I DNGOS PO NI ZANG ZING GIS BSDU BA'I NANG DU 'DUS SO, ,SNYAN PAR SMAR BA DANG, DON SPYOD PA DANG, DON MTSUNGS PA GSUM NI CHOS KYIS BSDU BA'I NANG DU 'DUS SO, ,GSUM JI LTAR CHOS KYIS BSDU BA'I NANG DU BSDUS SHE NA, JI LTAR CHOS RNAM PA GSUM STE, DMIGS PA'I CHOS DANG, BSGRUB PA'I CHOS DANG, DE RNAM PAR DAG PA'I CHOS SO, ,DE LA DMIGS PA'I CHOS NI PHA ROL TU PHYIN PA DRUG DANG LDAN PA'I MDO SDE LA SOGS PA LA BYA STE, DMIGS PA'I CHOS KYI NANG DU SNYAN PAR SMRA BA 'DUS TE, JI LTA ZHE NA, SNYAN PAR SMRA BAS PHA ROL TU PHYIN PA'I CHOS 'CHAD PAR BYED PA'I PHYIR RO, ,SGRUB PA'I CHOS NI PHA ROL TU PHYIN PA DRUG NYAMS SU LEN CING SBYONG BAR BYED PA STE, DE'I NANG DU NI DON SPYOD PA 'DUS SO,, JI LTA ZHE NA, DON SPYOD PAS SEMS CAN PHA ROL TU PHYIN PA SGRUB TU BCUG PA'I PHYIR RO, ,RNAM PAR DAG PA'I CHOS NI PHA ROL TU PHYIN PA RNAMS SER SNA LA SOGS PA'I MI MTHUN PA'I PHYOGS DANG BRAL BA STE, DE'I NANG DU NI DON MTSUNGS PA 'DUS SO, ,RNAM DBYE THA MA DANG NI BAR MA MCHOG , @45B CES BYA BA LA SOGS PA TSIGS SU BCAD PA GCIG GIS BSDU BA'I DNGOS PO BZHI'I RAB TU DBYE BA 'CHAD DE, DE LA NYAN THOS RNAMS KYI BSDU BA'I DNGOS PO BZHI NI THA MA ZHES BYA STE, GZHAN GYI DON MI BYED PA'I PHYIR RO, ,RANG SANGS RGYAS KYI BSDU BA'I DNGOS PO BZHI NI BAR MA ZHES BYA STE, DAD PA LA SOGS PA'I DBANG PO BAR MA DANG LDAN PA'I PHYIR RO, ,BYANG CHUB SEMS DPA' RNAMS KYI BSDU BA'I DNGOS PO BZHI NI, MCHOG CES BYA STE, BDAG DANG GZHAN GYI DON DU ZHUGS PA'I PHYIR RO, ,YANG NA BYANG CHUB SEMS DPA' BSDU BA'I DNGOS PO BZHIS BSDUS NAS NYAN THOS KYI THEG PA LA BKOD PA'I BSDU BA'I DNGOS PO BZHI NI THA MA ZHES BYA'O, ,BSDU BA'I DNGOS PO BZHIS SEMS CAN BSDUS TE, RANG SANGS RGYAS KYI THEG PA LA BKOD NA BSDU BA'I DNGOS PO BZHI PO DE DAG BAR MA ZHES BYA'O, ,BSDU BA'I DNGOS PO BZHIS SEMS CAN BSDUS TE, THEG PA CHEN PO LA BKOD NA BSDU BA'I DNGOS PO DE DAG MCHOG CES BYA'O, ,BSDU BA PHAL CHER STONGS MI STONGS, ,RNAM KUN MI STONGS SHES PAR BYA, ,ZHES BYA BA LA, MOS PAS SPYOD PA'I SA LA GNAS PA'I BYANG CHUB SEMS DPA' RNAMS KYIS BSDU BA'I DNGOS PO BZHIS SEMS CAN BSDUS SHING SMIN PAR BYED PA NI PHAL CHER SMIN PAR MI 'GYUR LA, CHUNG SHAS SHIG SMIN PAR 'GYUR BAS PHAL CHER STONGS PA ZHES BYA BA STE, CHOS KYI DE KHO NA MA MTHONG BA DANG SEMS CAN GYI BSAM PA MI SHES PAS NA PHAL CHER DON MED PAR 'GYUR RO, ,SA DANG PO NAS SA BDUN MAN CHAD KYI BYANG CHUB SEMS DPAS BSDUS PA'I DNGOS PO BZHIS SEMS CAN YONGS SU SMIN PAR BYED PA NI PHAL CHER SMIN PAR 'GYUR GYI, CUNG ZAD TZAM SMIN PAR MI 'GYUR BAS NA PHAL CHER MI STONGS PA ZHES BYA STE, PHAL CHER DON YOD PAR 'GYUR RO ZHES BYA BA'I DON TO, ,SA BRGYAD DANG, DGU DANG, BCU PA'I BYANG CHUB SEMS DPA' DAG GIS BSDU PA'I DNGOS PO BZHIS SEMS CAN BSDU ZHING SMIN PAR BYAS PA RNAMS JI LTAR SMIN PAR BYAS PA DE BZHIN DU THAMS CAD SMIN PAR 'GYUR GTE, GCIG KYANG CHUD MI ZA BAS RNAM PA KUN DU MI STONGS PA YIN PAR SHES PAR BYA'O, ,'KHOR SDUD PA LA ZHUGS PA RNAMS, ,TSUL 'DI NYID LA GNAS PAS NA,, @46A *, ,THAMS CAD DON NI 'GRUB PA'I PHYIR, ,KUN DU THABS SU 'DI BSNGAGS SO, ,ZHES BYA BA'I TSIGS SU BCAD PA 'DIS BSDU BA'I DNGOS PO BZHI SEMS CAN SMIN PAR BYED PA'I THABS SU GYUR PAR STON TO, ,BYANG CHUB SEMS DPA' 'KHOR RNAM PA BZHI BSDU ZHING SMIN PAR BYED PA RNAMS KYANG BSDU BA'I DNGOS PO'I CHUL 'DI NYID LA GNAS SHING THABS 'DI NYID KYIS SEMS CAN YONGS SU SMIN PAR BYED DE, SEMS CAN SMIN PAR BYA BA'I THABS 'DI LAS MA GTOGS PAR GZHAN MED DO, ,CI'I PHYIR ZHE NA, BSDU BA'I DNGOS PO BZHIS NI SEMS CAN THAMS CAD KYI DON 'GRUB PAR BYED PA'I PHYIR TE, DE BAS NA SEMS CAN GYI DON GRUB PAR BYED PA'I THABS SLA BA NI BSDU BA'I DNGOS PO BZHI YIN PAR DE BZHIN GSHEGS PA RNAMS KYIS BSNGAGS SHING BSHAD DO ZHES BYA BA'I DON TO, ,TSIGS SU BCAD PA 'DI NYID KYIS DON GSAL BAR BSHAD PA'I PHYIR, BSDUS PA DAG DANG SDUD 'GYUR DANG, ,DA LTAR SDUD PAR BYED PA DANG, ,THAMS CAD DE BZHIN DE BAS NA, ,SEMS CAN SMIN PHYIR DE LA MA MO, ,ZHES SMOS TE, 'DAS PA'I SANGS RGYAS DANG BYANG CHUB SEMS DPA' RNAMS KYIS SEMS CAN THAMS CAD BSDUS PA YANG BSDU BA'I DNGOS PO BZHI PO 'DI NYID LA GNAS NAS BSDUS SHING SMIN PAR BYAS PA DANG, MA 'ONGS PA'I SANGS RGYAS DANG BYANG CHUB SEMS DPA' RNAMS KYIS SEMS CAN THAMS CAD BSDU ZHING SMIN PAR BYA BA YANG, BSDU BA'I DNGOS PO 'DI NYID LA GNAS NAS BSDUS SHING SMIN PAR BYED PAR 'GYUR BA DANG, DA LTAR GYI SANGS RGYAS DANG BYANG CHUB SEMS DPA' RNAMS KYIS SEMS CAN SDUD CING SMIN PAR BYED PA YANG, BSDU BA'I DNGOS PO BZHI PO 'DI NYID LA GNAS NAS SEMS CAN BSDUS SHING SMIN PAR BYED DE, DE BAS NA BSDU BA'I DNGOS PO BZHI PO 'DI DAG NI SEMS CAN YONGS SU SMIN PAR BYA BA'I LAM GCIG PU THEG PA GCIG PU STE, 'DI LAS SEMS CAN BSGRAL BAR BYA BA'I LAS GZHAN MED DO ZHES BYA BA'I DON TO, ,PHA ROL TU PHYIN PA DRUG DANG, BSDU BA'I DNGOS PO BZHI BSHAD PA'I DON MJUG BSDUS TE BSTAN PA'I PHYIR DE LTAR LONGS SPYOD LA RTAG TU MI CHAGS SO ZHES BYA BA LA SOGS PA TSIGS SU BCAD PA SMOS SO, , @46B DE LTAR ZHES BYA BA NI GONG DU BSHAD PA DE LTAR NA ZHES BYA BA'I DON TO, ,BYANG CHUB SEMS DPA' SBYIN PA'I PHA ROL TU PHYIN PA DANG LDAN PAS NA LONGS SPYOD LA RTAG TU MI CHAGS PA'I BLO DANG LDAN PA ZHES BYA STE, LONGS SPYOD GANG LA YANG CHAGS PA'I SEMS MI SKYE BA'I PHYIR RO, ,TSUL KHRIMS KYI PHA ROL TU PHYIN PA DANG LDAN PAS NA ZHI BA ZHES BYA STE, 'DOD CHAGS LA SOGS PA'I RGYU LAS BYUNG BA'I SROG GCOD PA LA SOGS PA'I LAM ZHI BAR MI BYED PA'I PHYIR RO, ,BZOD PA'I PHA ROL TU PHYIN PA DANG LDAN PAS SDOM PA ZHES BYA STE, ZHE SDANG GIS SEMS MI 'KHRUGS PAR BSDAMS PA'I PHYIR RO, BRTZON 'GRUS KYI PHA ROL TU PHYIN PA DANG LDAN PAS, BRTZON PA'I PHA ROL TU PHYIN PA ZHES BYA STE, BRTZON 'GRUS KYI PHA ROL TU PHYIN PAS BSGRUB PA MTHAR PHYIN PA BYED PA'I PHYIR RO, ,BSAM GTAN GYI PHA ROL TU PHYIN PA DANG LDAN PAS GNAS NYID CES BYA STE, SEMS PHYI ROL DU MI G-YENG ZHING SEMS RTZE GCIG TU GNAS PA THOB PA'I PHYIR RO, ,SHES RAB KYI PHA ROL TU PHYIN PA DANG LDAN PAS SRID PA'I YUL LA MCHAN MAR RNAM PAR MI RTOG CES BYA STE, ,SRID PA NI NANG GI DNGOS PO PHUNG PO LNGA'O, ,YUL NI PHYI'I DNGOS PO GZUGS LA SOGS PA'O, ,MTSAN MA NI PHYI NANG GNYI GA'I DNGOS PO'O, ,BDAG GI RGYUD LAS MA GTOGS PA'I SEMS CAN GZHAN TE DE DAG LA YOD PAR MI RTOG GO ZHES BYA BA'I DON TO, ,DE LTAR PHA ROL TU PHYIN PA DRUG BSGRUB PA LAS BDAG YONGS SU SMIN PAR 'GYUR PA'I BYANG CHUB SEMS DPA' DES BSDU BA'I DNGOS PO BZHIS SEMS CAN GZHAN YANG YONGS SU SMIN PAR BYED, DE BAS NA DES NI SEMS CAN TSOGS RNAMS BSDUS PA YIN; ,ZHES SMOS TE, ,PHA ROL TU PHYIN PA DANG, DE LDAN PA'I BYANG CHUB SEMS DPA' DES BSDU BA'I DNGOS PO BZHIS SEMS CAN YONGS SU SMIN PAR BYED DO ZHES BYA BA'I DON TO, ,PHA ROL TU PHYIN PA'I SKABS RDZOGS SO,, ,,SANGS RGYAS LA MCHOD PA'I RNAM PAR DBYE BA'I TSIGS SU BCAD PA BDUN TE ZHES BYA BA LA, PHA ROL TU PHYIN PA DANG BSDU BA'I DNGOS PO'I RJES LA SANGS RGYAS LA MCHOD PA DANG, DGE BA'I BSHES GNYEN LA BRTEN PA DANG, TSAD MED PA BZHI LA 'JUG PA 'CHAD DE, DE LA PHA ROL TU PHYIN PA DANG BSDU BA'I DNGOS PO'I RJES LA SANGS RGYAS LA MCHOD PA DANG, DGE BA'I BSHES @47A *, ,GNYEN LA BRTEN PA DANG, TSAD MED PA LA 'JUG PA'I SKABS 'CHAD PAR 'BREL PA CI YOD CE NA, SNGAR BDAG LA PHAN PA BSGRUB PA'I PHYIR PHA ROL TU PHYIN PA RNAMS BSTAN TE, PHA ROL TU PHYIN PA BSGRUB SA PAS NI BDAG PHUN SUM TSOGS PA THAMS CAD DANG LDAN PAR 'GYUR RO, ,SEMS CAN GZHAN LA PHAN PAR BYA BA'I PHYIR NI, BSDU BA'I DNGOS PO BSHAD DE BSDU BA'I DNGOS POS NI SEMS CAN LA PHAN 'DOGS PAR 'GYUR RO, ,DE LA BDAG LA PHAN PA PHUN SUM TSOGS SHING BDAG GI 'BYOR PA LA CHAGS PAR GYUR NA TSOGS KYI BAR DU GCOD DE, DE BAS NA BDAG LA CHAGS PA BSAL BAR BYA BA'I GNYEN POR SANGS RGYAS LA MCHOD PA DANG, DGE BA'I BSHES GNYEN LA BRTEN PAR BYA'O, ,SANGS RGYAS LA CHOS GOS DANG LHUNG BZED LA SOGS PA PHYI'I DNGOS PO GTONG BA LA GOMS NA LONGS SPYOD LA CHAGS PA'I BSAM PA MI SKYE BAR 'GYUR RO, ,LUS DANG SROG LA YANG MI PHANGS PAR DGE BA'I BSHES GNYEN LA BRTEN TE, DGE BA'I BSHES GNYEN MGU BAR BYAS NA BDAG GI LUS DANG SROG LA YOD PA'I BDE BA'I LONGS SPYOD LA CHAGS PAR MI 'GYUR TE, DE BAS NA CHAGS PA RNAM PA GNYIS SPANG BAR BYA BA'I PHYIR SANGS RGYAS LA MCHOD PA DANG, DGE BA'I BSHES GNYEN LA BRTEN PAR BYA'O, ,BSDU BA'I DNGOS PO BZHIS GZHAN GYI DON DU ZHUGS PA NA YANG SEMS CAN GYI LOG PAR SPYOD PA DANG, 'KHOR BA'I SDUG BSNGAL DAG BYUNG NA BYANG CHUB SEMS DPA' TSAD MED PA BZHI DANG MI LDAN PA DANG SEMS CAN RNAMS LA BTANG SNYOMS SU 'DOR ZHING SEMS CAN 'DUL BAR MI BYED DE, DE BAS NA DE'I GNYEN POR TSAD MED PA RNAMS BSHAD DE, TSAD MED PA BZHIS YONGS SU ZIN CING TSAD MED PA BZHI LA GOMS PAR BYAS NA GNAS SKABS THAMS CAD DU YANG BYANG CHUB SEMS DPA' SEMS CAN YONGS SU MI GTONG STE, DE BAS NA PHA ROL TU PHYIN PA DANG, BSDU BA'I DNGOS PO BSHAD PA'I RJES LA, SANGS RGYAS LA MCHOD PA DANG, DGE BA'I BSHES GNYEN LA BRTEN PA DANG, TSAD MED PA BSHAD PA'I SKABS BSHAD PA'I PHYIR 'BREL TO, ,DE LA SANGS RGYAS LA MCHOD PA PHYE NA DU YOD PA'I MCHOD PA'I RAB TU DBYE BA TSIGS SU BCAD PA BDUN ZHIG GIS JE STON TO, ,MNGON SUM LKOG NAS MCHOD @47B PA NI; ,ZHES BYA BA LA SOGS PA TSIGS SU BCAD PA BZHI'I BSDUS PA'I DON NI, MCHOD PA BZHI DANG DNGOS PO DANG, ,MTSAN MA DANG NI BSNGO PA DANG, ,RGYU DANG YE SHES ZHING DANG NI, ,GNAS PAS KYANG NI BSTAN PA'O, ,ZHES BYA BA'I TSIGS SU BCAD PA LNGA PAS BSTAN TO, ,DE LA SANGS RGYAS LA MCHOD PA RNAM PA GNYIS TE, MNGON SUM NAS MCHOD PA DANG, LKOG NAS MCHOD PA'O, ,MNGON SUM DANG LKOG NI SANGS RGYAS RNAMS NI MCHOD PA'I GZHI'O, ,DE LA DUS BZANG PO'I TSE NA NI SEMS CAN BSOD NAMS CAN DAG GIS MNGON PAR SANGS RGYAS PA'I SANGS RGYAS NYID LA MCHOD PAR BYED DE, DE NI MNGON SUM GYI MCHOD PA ZHES BYA'O, ,DUS NGAN PA'I TSE NA NI DE BZHIN GSHEGS PA MNGON SUM DU MI BZHUGS PAS DE BZHIN GSHEGS PA'I SKU GZUGS DANG RI MO DANG MCHOD RTEN LA SOGS PA LA MCHOD PA BYED DE, DE LA NI LKOG NAS MCHOD PA ZHES BYA'O, ,SANGS RGYAS RNAMS LA GOS LA SOGS,, ZHES BYA BAS DNGOS PO BSTAN TE, SANGS RGYAS LA MCHOD PA YANG CHOS GOS DANG LHUNG BZED DANG GDUGS DANG RGYAL MTSAN LA SOGS PA LA MCHOD DE SOGS PA'I NANG DU NI NYAN PA DANG SEMS PA LA SOGS PA BYED PA YANG BSDU'O, ,SHIN TU DAD PA'I SEMS KYIS TE, ,ZHES BYA BAS MTSAN MA BSTAN TE, DE LTAR DE MCHOD PA DE DE YANG RGYU GANG GIS MCHOD CE NA, DE BZHIN GSHEGS PA NI NYES PA THAMS CAD SPANGS PA YON TAN PHUN SUM TSOGS PA YIN PAS BSOD NAMS KYI ZHING YIN NO SNYAM DU DAD CING MOS PA'I SHUGS KYIS MCHOD PAR BYED DO ZHES BYA BA'I DON TO, ,TSOGS GNYIS RDZOGS PAR BYA BA'I PHYIR ZHES BYA BAS BSNGO BA'I MTSAN MA BSTAN TE, SANGS RGYAS LA MCHOD PA BYED PA DE YANG BSOD NAMS DANG YE SHES KYI TSOGS RDZOGS PAR BYA BA'I PHYIR BSNGOS NAS MCHOD DE, DE YANG JI LTAR BSNGO ZHE NA, BDAG GIS MCHOD PA BYAS PA DES MYUR DU BSOD NAMS DANG YE SHES KYI TSOGS RDZOGS PAR GYUR CIG CES BSNGO'O, ,SANGS RGYAS SKYE BAS MI STONGS PA, ,SMON LAM DANG NI LDAN PA STE, ,ZHES BYA BAS RGYU BSTAN TE, DE BZHIN GSHEGS PA RNAMS LA MCHOD PA BYED PA DANG, MCHOD PA BYED PA RNAMS BSOD NAMS DANG YE SHES KYI TSOGS RDZOGS PAR BYA BA'I PHYIR BSNGO BA @48A *, ,YANG TSE RABS SNGA MA DAG NI GAR SKYES KYANG SANGS RGYAS SKYE BAS MI STONGS PAR SKYE BAR SMON LAM BTAB PA'I RGYU LAS MCHOD PA BYED PA DANG BSNGO BA 'BYUNG STE, SMON LAM YANG SANGS RGYAS SKYE BA DANG BSKAL PAR MA GYUR CIG PA DANG, DER YANG SANGS RGYAS RNAMS LA MCHOD PA BYED PAR GYUR CIG PA DANG, MCHOD PA BYAS PA RNAMS KYANG 'BRAS BU MED PA DANG DON MED PAR MA GYUR CIG CES SMON LAM BTAB PA'O, ,DMIGS PA MED PA GSUM DAG NI, ,SANGS RGYAS MCHOD PAR RDZOGS PA'O ZHES BYA BAS YE SHES GANG GIS ZIN PA STON TE, BYANG CHUB SEMS DPA' RNAMS KYIS SANGS RGYAS MCHOD PA YANG RNAM PAR MI RTOG PA'I YE SHES KYIS ZIN PAS MCHOD PAR BYA BA'I SANGS RGYAS DANG, MCHOD PAR BYED PA'I BYANG CHUB SEMS DPA' DANG, MCHOD PA'I YO BYAD CHOS GOS LA SOGS PA YOD PAR MI DMIGS PAS MCHOD DE, DMIGS SU MED PA'I TSUL GYIS MCHOD PA NI SANGS RGYAS LA MCHOD PA RDZOGS PA ZHES BYA'O, ,TSAD MED PA'I SEMS CAN RNAMS YONGS SU SMIN PAR BYA BA'I PHYIR GZHAN ZHES BYA BAS ZHING BSTAN TE, GZHAN YANG SEMS CAN TSAD MED PA RNAMS YONGS SU SMIN PAR BYA BA'I PHYIR MCHOD PA LA 'JUG STE, JI LTAR YONGS SU SMIN PAR BYA ZHE NA, SEMS CAN ZHING DANG 'DRA BA'I SEMS KYI RGYUD LA DE BZHIN GSHEGS PA LA JI LTAR MCHOD PAR BYA BA'I CHOS BSHAD NAS, MA 'ONGS PA NA MCHOD PA BYED PAR 'GYUR PA'I SA BON BSKRUNGS PA DANG, MCHOD PA'I LAS DAG BYED DU BTZUD PAS SEMS CAN YONGS SU SMIN PAR BYED DO, ,DNGOS PO DAG DANG SEMS PA GZHAN, ,ZHES BYA BAS GNAS BSTAN TE, DE LA MCHOD PAR BYA BA'I GNAS NI RNAM PA GNYIS TE, DNGOS PO LA GNAS PA DANG, SEMS LA GNAS PA'O, ,DE LA DNGOS PO LA GNAS PA NI NOR RDZAS LA BRTEN NAS CHOS GOS LA SOGS PAS MCHOD PAR BYED PA'O, ,SEMS PA LA GNAS PA NI SEMS KYI KHYAD PAR GYIS MCHOD PA STE, DE YANG GANG DAG YIN PA BSTAN PA'I PHYIR, ,MOS PA DAG DANG RTEN GYIS SO, ,ZHES BYA BA LA SOGS PA SMOS TE, SEMS PA LA GNAS PA YANG MOS PA DANG RTEN DANG, SNYING BRTZE BA DANG, BZOD PA DANG, GZHAN YANG DAG PAR SPYOD PA DANG, @48B DNGOS PO LA SPYOD PA DANG, RTOGS PA DANG, RNAM PAR THAR PA DANG, YANG DAG PA'O, ,DE DAG GI MTSAN NYID NI 'GREL PA'I SKABS SU BSHAD PAR BYA'O, ,BDAG SANGS RGYAS SKYE BA 'BRAS BU YOD PAR GYUR CIG CES SNGON SMON PA'O ZHES BYA BA LA, RGYU NI TSE RABS SNGA MAR SMON LAM BTAB STE, JI LTAR SMON LAM BTAB CE NA, 'JIG RTEN DU SANGS RGYAS BCOM LDAN 'DAS BYUNG BAR GYUR PA NA BDAG DANG BSKAL PAR MA GYUR CIG PA DANG, SANGS RGYAS RNAMS DANG PHRAD NAS KYANG SANGS RGYAS LA MCHOD PA BYED PAR GYUR CIG PA DANG, MCHOD PA BYAS PA RNAMS KYANG 'BRAS BU YOD PA DANG, DON YOD PAR GYUR CIG CES SMON LAM BTAB PA'O, ,ZHING TSAD MED PA'I SEMS CAN RNAMS TE ZHES BYA BA LA SOGS PA LA, MCHOD PA'I SA BON 'DEBS PA'I ZHING NI SEMS CAN TSAD MED PA RNAMS TE, SEMS CAN DE DAG YONGS SU SMIN PAR BYA BA'I PHYIR CHOS BSHAD PA NAS SEMS CAN GYI SEMS KYI ZHING LA MCHOD PA JI LTAR BYA BA'I CHOS BSHAD NAS MCHOD PA'I SA BON BSKRUNGS PA DANG, SEMS CAN RNAMS KYANG MCHOD PA'I LAS BYED DU 'DZUD PA'O, ,SEMS LA GNAS NAS RO MYANG BA DANG ZHES BYA BA LA SOGS PA LA, DE LA SEMS LA GNAS PA NI RO MYANG BA LA SOGS PA NAS YANG DAG PA NYID KYI BAR DAG LA GNAS PA'O, ,DE LA SNGON DE BZHIN GSHEGS PA RNAMS LA MCHOD PA BYAS PA DE NYID LA YON TAN DU MTHONG ZHING DES DGA' BA SKYES PA NI RO MYANG BA ZHES BYA'O, ,PHYOGS BCU NA SEMS CAN RNAMS KYIS DE BZHIN GSHEGS PA LA MCHOD PAR BYAS PA LA SEMS DGA' BA NI RJES SU YI RANG BA ZHES BYA'O, , BDAG DANG SEMS CAN RNAMS MA 'ONGS PA NA YANG SANGS RGYAS LA MCHOD PA BYED PAR 'GYUR BAR DGA' ZHING DE LTAR SMON PA NI MNGON PAR DGA' BA YID LA BYED PA ZHES BYA'O, ,JI LTAR GSUNGS PA'I MOS PA LA SOGS PA STE ZHES BYA BA LA, GZHAN YANG MOS PA DANG, BSAM PA DANG, 'BYOR PA RNYED PA DAG KYANG SEMS PA LA GNAS NAS MCHOD PA ZHES BYA'O, ,DE LA MOS PA NI, DE BZHIN GSHEGS PA LA MCHOD PA JI LTAR BYA BA'I CHOS DANG DON 'CHAD PA'I THEG PA CHEN PO'I MDO SDE LA MOS SHING DAD PA STE DES KYANG DE BZHIN GSHEGS PA LA MCHOD PA YIN NO, ,BSAM PA YANG RNAM PA DGU STE, RO MYANG BA @49A *, ,DANG; RJES SU YI RANG BA DANG, MNGON PAR DGA' BA DANG, CHOG MI SHES PA DANG RGYA CHE BA DANG, DGA' BA DANG, PHAN 'DOGS PA DANG, NYON MONGS PA MED PA DANG, DGE BA'I BSAM PA STE, DE DAG GI MTSAN NYID NI PHA ROL TU PHYIN PA'I SKABS SU BSHAD PA BZHIN DU SBYAR RO; ,'BYOR PA NI NAM MKHA' MDZOD KYI TING NGE 'DZIN LA SOGS PA LA BRTEN NAS DE BZHIN GSHEGS PA LA MCHOD PA BYED PA'O, ,BYANG CHUB KYI SEMS BSKYED NAS SO ZHES BYA BA LA, BLA NA MED PA'I BYANG CHUB TU SEMS BSKYED NAS TSE RABS GAR SKYES KYANG BDAG DANG GZHAN LA PHAN PA BSGRUB PA DANG, DE BZHIN GSHEGS PA LA MCHOD PA BYED PAR GYUR CIG CES SMON LAM BTAB PA LA BRTEN PA ZHES BYA STE, DES KYANG DE BZHIN GSHEGS PA LA MCHOD PA BYAS PAR 'GYUR RO, ,SMON LAM CI'I PHYIR MING DU BRTEN BA ZHES BTAGS SHE NA, DE'I PHYIR, SMON PA NI TSIGS SU BCAD PA SBYAR BA'I PHYIR, 'DIR RTEN DU GSUNGS SO ZHES SMOS SO, ,SMON PA LA SMON PA NYID MA BCUG PAR BRTEN PA'I TSIG BCUG PA NI, TSIGS BCAD RKANG PA SBYAR BA LA MI BDE BAS NI SMON LAM GYI TSIG BRTEN PAR BTAGS NAS TSIGS SU BCAD PA'I NANG DU BRTEN PA'I TSIG BCUG GO, ,SEMS CAN RNAMS LA SNYING BRTZE BA DANG ZHES BYA BA LA, SEMS CAN SDUG BSNGAL BA MTHONG NA SNYING RJE SKYE ZHING DE DAG GI SDUG BSNGAL BSAL BAR 'DOD PA NI SNYING BRTZE BA ZHES BYA STE, SNYING BRTZE BA'I SEMS DES KYANG SANGS RGYAS RNAMS LA MCHOD PAR 'GYUR RO ZHES BYA BA'I DON TO, ,BDAG DANG SEMS CAN YONGS SU SMIN PAR BYED PA'I PHYIR GRANG BA DANG TSA BA DANG BKRES PA DANG SKOM PA LA SOGS PA'I SDUG BSNGAL NYAMS SU LEN PA LA NI DKA' BAR SPYOD PA'I SDUG BSNGAL SNYAMS SU LEN PA ZHES BYA STE, DES KYANG SANGS RGYAS LA MCHOD PAR 'GYUR RO, ,SBYIN PA'I PHA ROL TU PHYIN PA NAS SHES RAB KYI PHA ROL TU PHYIN PA'I BAR DU PHA ROL TU PHYIN PA DRUG BSGRUB PA NI PHA ROL TU PHYIN PA YANG DAG PAR SPYOD PA ZHES BYA STE, DES KYANG SANGS RGYAS LA MCHOD PAR 'GYUR RO, ,TSUL BZHIN DU CHOS YID LA BYED PA STE ZHES BYA BA LA SOGS PA LA, CHOS RNAMS LA MI RTAG PA DANG, SDUG BSNGAL BA DANG, STONG PA DANG BDAG MED PA @49B TSUL BZHIN DU YID LA BYED PA LA DNGOS POR SPYOD PA ZHES BYA STE, DNGOS PO SPYOD PA LA CI'I PHYING TSUL BZHIN ZHES BYA ZHE NA, DES CHOS THAMS CAD MI RTAG PA DANG, SDUG BSNGAL BA LA SOGS PA'I MTSAN NYID DU PHYIN CI MA LOG PAR SHES PAR BYAS PAS NA, DNGOS PO SPYOD PA LA TSUL BZHIN YID LA BYED PA ZHES BYA'O, ,MTHONG BA'I LAM LA YANG DAG PA'I LTA BA ZHES BYA BA LA SOGS PA LA, SA DANG PO THOB NAS MTHONG BA'I LAM SKYES BA NA BDAG MED PA GNYIS KHONG DU CHUD PA'I YANG DAG PA'I LTA BA SKYES PA LA DNGOS PO CHUD PA ZHES BYA STE, CI'I PHYIR YANG DAG PA'I LTA BA DE LA DNGOS PO CHUD PA ZHES BYA ZHE NA, YANG DAG PA'I LTA BA DES GANG ZAG LA BDAG MED PA DANG, CHOS LA BDAG MED PA'I DON PHYIN CI MA LOG PAR CHUD PA'I PHYIR TE, DE LTAR YANG DAG PA'I LTA BA SKYES PA DES KYANG DE BZHIN GSHEGS PA LA MCHOD PAR 'GYUR RO, ,NYAN THOS RNAMS KYI NYON MONGS PA'I LAS RNAM PAR GROL BAS ZHES BYA BA LA SOGS PA LA, NYAN THOS RNAMS KYIS SHES BYA'I SGRIB PA MA SPANGS NYON MONGS PA'I SGRIB PA SPANGS NAS MYA NGAN LAS 'DAS PA THOB PA LA RNAM PAR THAR PA ZHES BYA STE, DES KYANG NYAN THOS RNAMS KYIS DE BZHIN GSHEGS PA LA MCHOD PA BYAS PA YIN NO ZHES BYA BA'I DON TO, , BYANG CHUB CHEN PO THOB PA'I PHYIR YANG DAG PA NYID KYIS TE ZHES BYA BA LA, BYANG CHUB SEMS DPA' RNAMS DANG PHA ROL TU PHYIN PA RIM GYIS BSGRUBS PA DANG, DE BZHIN GSHEGS PA LA MCHOD PA BYAS PA'I RIM PAS BLA NA MED PA'I BYANG CHUB THOB PA NI YANG DAG PA NYID CES BYA STE, BYANG CHUB CHEN PO THOB PA DES KYANG PHYOGS BCU'I DE BZHIN GSHEGS PA LA MCHOD PA BYAS PA YIN NO, ,DE LTAR DE BZHIN GSHEGS PA LA MCHOD PA'I RAB TU DBYE BA RNAM PA GCIG BSHAD ZIN TO, ,YANG 'DAS PA DANG, MA 'ONGS PA DANG, DA LTAR DANG, NANG DANG PHYI DANG, RAGS PA DANG, PHRA BA DANG, BZANG PO DANG, NGAN PA DANG, NYE BA DANG, RING BA'I DBYE BA 'AM, DE BZHIN GSHEGS PA LA MCHOD PA'I RAB TU DBYE BA BSTAN PA'I PHYIR, RGYU DANG 'BRAS BU DE BZHIN TE, ,ZHES BYA BA LA SOGS PA SMOS SO, ,DE LA 'DAS PA'I DUS NA MCHOD PA BYAS PA NI RGYU, DE LTAR GYI DUS NA MCHOD @50A *, ,PA BYAS PA NI 'BRAS BU STE, SNGON MCHOD PA BYAS PA'I SA BON YOD PAS DA LTAR GYI DUS NA MCHOD PA BYED PA NI RGYU, MA 'ONGS PA'I DUS NA MCHOD PA BYED PA NI 'BRAS BU STE, DA LTAR GYI DUS NA MCHOD PA BYAS PA'I RGYUS MA 'ONGS PA NA MCHOD PA BYED PAR 'GYUR TE, DE LTAR NA RGYU DANG 'BRAS BU'I TSUL GYIS 'DAS PA DANG MA 'ONGS PA DANG DA LTAR BYUNG BA'I MCHOD PA RNAM PAR GZHAG GO, ,BDAG NYID BYED DANG GZHAN GYIS KYANG, ,ZHES BYA BA LA, BDAG NYID KYI LUS DANG YAN LAG 'BUL BA DANG, NYAN PA DANG SEMS PA LA SOGS PA BYED PA NI BDAG NYID KYI ZHES BYA STE, DE NI NANG GI MCHOD PA'O, ,MDZA' BO DANG NYE DU GNYEN BSHES LA SOGS PA GZHAN DAG MCHOD PA BYED DU BCUG PA DANG, CHOS GOS LA SOGS PA 'BUL BA NI GZHAN GYI ZHES BYA STE, DE NI PHYI'I MCHOD PA'O, ,RNYED PA DANG NI BKUR STIS KYANG, ,BSGRUB PA DE YANG RNAM PA GNYIS, ,MCHOD PA CHUNG DU CHEN PO STE; ,ZHES BYA BA LA, GZHAN YANG MCHOD PA RNAM PA GNYIS TE, MCHOD PA CHUNG DU DANG CHEN PO'O, ,DE LA RNYED PA NI CHOS GOS DANG MAL CHA LA SOGS PA 'BUL BA'O, ,BKUR STI NI PHYAG BYA BA DANG, THAL MO SBYOR BA DANG, BSDU BA DANG, BSTOD PA BYED PA LA SOGS PA STE DE NI MCHOD PA CHUNG DU ZHES BYA'O, ,SGRUB PA NI DAM PA'I CHOS NYAN PA DANG, SEMS PA DANG, BSGOM PA LA SOGS PA BYED PA STE, DE NI MCHOD PA CHEN PO ZHES BYA'O, ,YANG NA RNYED PA DANG BKUR STIS MCHOD PA NI CHEN PO ZHES BYA'O, ,SGRUB PAS MCHOD PA NI PHRA MO ZHES BYA'O, ,NGAR BCAS NGA MED PA ZHES BYA BA LA, 'DIS NI THA MA DANG MCHOG GI MCHOD PA STON TE, MCHOD PA BYED PA BDAG NYID DANG, ,MCHOD PAR BYA BA'I SANGS RGYAS DANG, ,MCHOD PA CHOS GOS LA SOGS PA GSUM CHAR YOD PAR DMIGS PA NI NGAR BCAS PA ZHES BYA STE DE NI THA MA'O, ,CI'I PHYIR THA MA ZHE NA, DNGOS POR DMIGS SHING RTOG PA DANG BCAS PA'I PHYIR THA MA'O, ,MCHOD PAR BYED PA BDAG NYID DANG, ,MCHOD PAR BYA BA'I SANGS RGYAS DANG, ,MCHOD PA'I RDZAS GSUM YOD PAR MI RTOG PAS MCHOD PA NI NGA MED PA ZHES BYA STE DE NI MCHOG GO, ,CI'I PHYIR ZHE NA, DNGOS PO LA RNAM PAR RTOG PA SPANGS PA'I PHYIR RO, ,SBYOR BA DANG NI ZHES BYA @50B BA LA; SBYOR BAS MCHOD PA YANG RNAM PA GNYIS TE, DUS GZHAN DU MCHOD PAR SBYOR BA DANG, DE'I TSE MCHOD PAR SBYOR BA'O, ,DE LA DUS GZHAN DU MCHOD PAR SBYOR BA NI LO DANG ZLA BA DAG GIS BCAD NAS PHYIS MCHOD PAR SBYOR TE DE NI THAG RING ZHES BYA'O, ,DE'I TSE MCHOD PAR SBYOR BA NI GANG GI TSE NA MCHOD PAR BSAMS PA DE NYID KYI TSE NA MCHOD PAR BYED PA STE DE NI NYE BA'O, ,'GRO DE BZHIN ZHES BYA BA LA, ,'GRO BAS MCHOD PA YANG DE GNYIS TE, ,'GRO BA CHAD NAS MCHOD PA DANG, DE MA THAG TU MCHOD PA'O, ,DE LA 'GRO BA CHAD NAS MCHOD PA NI, ,TSE RABS GNYIS SAM GSUM MAM BRGYA 'AM STONG DAG GIS BAR DU MA MCHOD NAS DES PHYIS MCHOD PA BYED PA ZHES BYA BA'I DON TO, ,DE DE LA BYANG CHUB SEMS DPA' GCIG GIS SEMS CAN YONGS SU SMIN PAR BYAS NAS DER ZHUGS PA'I BYANG CHUB SEMS DPA' GZHAN GYIS SMIN PAR BYAS PA YIN PAS BYA BA THAMS CAD 'DRES PA ZHES BYA BA'I DON TO, ,BYANG CHUB SEMS DPA' GCIG GIS DE BZHIN GSHEGS PA LA MCHOD PA BYAS NAS DER ZHUGS PA'I BYANG CHUB SEMS DPA' THAMS CAD KYIS KYANG MCHOD PA BYAS PA YIN TE, DE BAS NA NYE BAR 'DRES PA ZHES BYA'O, ,BSTEN PA RNAM PAR DBYE BA'I TSIGS SU BCAD PA RNAM PA BDUN TE ZHES BYA BA LA, PHYI'I DNGOS PO LA CHAGS PA SPANG BA'I PHYIR DE BZHIN GSHEGS PA LA MCHOD PA BYA BA BSTAN NAS, DA NI BDAG GI LUS LA CHAGS PA SPANG BA'I PHYIR DGE BA'I BSHES GNYEN LA BRTEN PA BSTAN TE, DGE BA'I BSHES GNYEN LA BRTEN PA YANG RNAM PA DUS BSTAN PA PHYE STE TSIGS SU BCAD PA BDUN GYIS BSTAN TO ZHES BYA BA'I DON TO, ,DE LA TSIGS SU BCAD PA PHYED DANG LNGAS NI ZHES BYA BA LA, DGE BA'I BSHES GNYEN LA BRTEN PA RNAM PAR DBYE BA'I TSIGS SU BCAD PA RNAM PA BDUN GYIS BSTAN TO ZHES GLENGS PA LAS TSIGS SU BCAD PA PHYED DANG LNGAS NI BRTEN PA'I GZHI LA SOGS PA DON RNAM PA BRGYAD BSTAN TO ZHES BYA BA'I DON TO, ,BSHES GNYEN DUL BA ZHI BA NYER ZHI BA, YON TAN LHAG PA BRTZON 'GRUS LUNG DANG LDAN, ,DE NYID RAB TU RTOGS PA'I TSIG DANG LDAN, ,SNYING RJE YOD DANG SKYO BA RNAM PAR SPANGS, ,ZHES BYA BA'I @51A *, ,TSIGS SU BCAD PA 'DIS YON TAN JI LTA BU DANG LDAN PA'I DGE BA'I BSHES GNYEN LA BRTEN PA'I GZHI DGE BA'I BSHES GNYEN GYI MTSAN NYID STON TO, ,DE LA LHAG PA'I TSUL KHRIMS KYI BSLAB PA DANG LDAN PAS CHAGS PAR 'GYUR BA'I DNGOS PO RNAMS MTSAN MAR MI 'DZIN CING DPE BYAD DU MI 'DZIN PAS, MIG LA SOGS PA'I DBANG PO DRUG YUL LA MI 'JUG PAR SBAS PA DANG LDAN PAS DUL BA ZHES BYA'O, ,TING NGE 'DZIN DANG LDAN PAS NA GANG GI TSE SEMS PHYI ROL DU G-YENGS BAR GYUR PA NA YANG ZHI GNAS BSGOMS PAS SEMS MI 'PHRO BAS NANG DU SDUD PAR BYED DE, ,DE BAS NA ZHI ZHES BYA BA STE, 'DIS NI LHAG PA'I SEMS KYI BSLAB PA DANG LDAN PA STON TO, ,GANG GI TSE NYAN PA DANG SEMS PA LA SOGS PA'I TSE DGE BA LA ZHUGS PA NA, RNAM PA 'GA' ZHIG GIS SEMS PHYI ROL TU G-YENGS NAS 'DOD CHAGS DANG ZHE SDANG LA SOGS PA'I NYON MONGS PA ZHIG SKYES PAR GYUR NA SHES RAB KYIS MYUR BAR SHES PAR BYAS NAS DE'I GNYEN PO MI GTZANG BA DANG BYAMS PA LA SOGS PA BSGOMS NAS ZHI BAR BYED PAS NA NYE BAR ZHI BA ZHES BYA STE, 'DIS NI LHAG PA'I SHES RAB DANG LDAN PAR STON TO, ,DGE BA'I BSHES GNYEN DE YANG TSUL KHRIMS LA SOGS PA'I YON TAN DANG MANG DU THOS PA LA SOGS PA BDAG DANG MNYAM PA'AM, BDAG PAS CHUNG BA MA YIN GYI, TSUL KHRIMS LA SOGS PA'I YON TAN DANG, THOS PA LA SOGS PA BDAG PAS 'PHAGS PA LA BRTEN TE, DE BAS NA YON TAN LHAG PA ZHES BYA'O, ,DGE BA'I BSHES GNYEN DE YANG SLOB MA'I DON DANG; GZHAN GYI DON BYA BA LA BTANG SNYOMS SU 'DOR ZHING G-YENG BAR BYED PA MA YIN GYI, GCIG TU GZHAN GYI DON BYA BA LA SEMS SPRO ZHING 'BAD PA LA BRTEN TE, DE BAS NA BRTZON 'GRUS DANG LDAN PA ZHES BYA'O, ,DGE BA'I BSHES GNYEN DE YANG THOS PA CHUNG BA MA YIN GYI BSHAD PAR BYA BA'I GSUNG RAB KYI CHOS MANG DU THOS PA DANG LDAN PA LA BRTEN PAR BYA STE, DE BAS NA LUNG DANG LDAN PA ZHES BYA'O, ,DGE BA'I BSHES GNYEN DE 'PHAGS PA'I BDEN PA BZHI'I RNAM PAR THAR PA'I SGO GSUM MAM, MI RTAG PA DANG SDUG BSNGAL BA LA SOGS PA'I CHOS 'GA' RTOGS PA YOD @51B PAS NA DE NYID RAB TU RTOGS PA ZHES BYA STE, DE LTA BU LA BRTEN PAR BYA'O ZHES BYA BA'I DON TO, ,GANG LA BRTEN PAR BYA BA'I DGE BA'I BSHES GNYEN DE TSIG 'BREL CING SMRA MKHAS LA TSIG 'JEBS BA SMRA BA LA BRTEN PAR BYA STE, DE BAS NA TSIG DANG LDAN PA ZHES BYA'O, ,DGE BA'I BSHES GNYEN DE SLOB MA LA CHOS STON PA YANG RNYED PA DANG BKUR STI'I PHYIR STON PA MA YIN GYI, ,GANG LA CHOS BSTAN PAR BYA BA'I SLOB MA RNAMS KYI NYON MONGS PA SPANG BAR BYA BA'I PHYIR CHOS STON TE, DE BAS NA SNYING RJE YOD PA ZHES BYA'O, ,CHOS STON PA NA MA GUS PA DANG BRNYAS PA'I TSUL DU STON PA DANG, RES 'GA' STON RES 'GA' MI STON PA MA YIN GYI, GUS PAR BYAS NAS RTAG TU RGYUN MI 'CHAD PAR STON PAR BYED DE, DE BAS NA SKYO BA RNAM PAR SPANGS PA ZHES BYA'O, ,BKUR STI RNYED DANG RIM GRO BYED PA DANG, SGRUB PAR BYED PAS BSHES GNYEN BSTEN PAR BYA, ,ZHES BYA BAS, BSTEN PA'I DNGOS PO BSTAN TO, ,DGE BA'I BSHES GNYEN LA BRTEN NA DNGOS PO GANG GIS BSTEN ZHE NA, BKUR STI'I DNGOS PO DANG, RIM GRO BYED PA'I DNGOS PO DANG, SGRUB PAR BYED PA'I DNGOS POS BSTEN TO, ,DE LA DGE BA'I BSHES GNYEN GYI YON TAN BSGRAGS PA DANG, BSDU BA DANG, BSKYAL BA DANG, PHYAG 'TSAL BA DANG, THAL MO SBYOR BA LA SOGS PA BYED PA NI BKUR STI'I DNGOS PO ZHES BYA'O, ,CHOS GOS DANG BSOD SNYOMS LA SOGS PA 'BUL BA NI RNYED PA'I DNGOS PO ZHES BYA'O, ,MNYE BA DANG BKRU BA LA SOGS PA LAS SU BYA BA THAMS CAD BYED PA NI RIM GRO BYED PA'I DNGOS PO ZHES BYA'O, ,'DI DAG GIS NI PHYI'I DNGOS POS BSTEN PA BSTAN TO DGE BA'I BSHES GNYEN GYIS JI LTAR BSTAN CING BSGO BA DANG, JI LTAR BSHAD PA BZHIN DU NYAMS SU LEN CING NYAN PA DANG SEMS PA DANG BSGOM PA LA SOGS PA BYED PA NI SGRUB PAR BYED PA'I DNGOS PO ZHES BYA STE, 'DIS NI NANG GI DNGOS POS BSTEN PA BSTAN TO, ,BLO CAN CHOS LA DE BZHIN SHES BSAM DANG, BSHES GNYEN DRUNG DU DUS SU 'DUD PAR 'GRO, ,ZHES BYA BA 'DIS, ,DGE BA'I BSHES GNYEN LA BRTEN PA'I MTSAN MA BSTAN TE, MTSAN MA YANG RNAM PA GSUM MO, ,DE LA BLO CAN NI DGE BA'I BSHES GNYEN LA RTEN PAR BYED PA'I GANG ZAG GO, ,CHOS @52A *, ,LA DE BZHIN SHES BSAM DANG, ,ZHES BYA BA NI MTSAN MA GCIG STE, CHOS DANG CHOS SMRA BA'I GANG ZAG LA BRNYAS PA'I BSAM PA'AM CHOS RKU BA'I BSAM PA'AM, KLAN KA BTZAL BA'I BSAM PAS DGE BA'I BSHES GNYEN BTZAL BAR MI BYA'I, ,BDAG NYID KYIS CHOS KYI DON RTOGS SHING SHES PAR BYA BA'I BSAM PAS SHES PAR BYA'O ZHES BYA BA'I DON TO, ,DUS DUS SU 'GRO BA NI MTSAN MA GNYIS PA STE, DGE BA'I BSHES GNYEN GYI DRUNG DU 'GRO NA YANG BSAM GTAN BYED PA DANG, ZAS ZA BA LA SOGS PA SKABS SU MA BAB PA'I TSE 'GRO BAR MI BYA'I, ,SKABS SU BAB PAR BYAS NAS 'GRO BAR BYED DE, SKABS SU BAB PA'I TSE BSTEN CING 'GRO BAR BYED DO ZHES BYA BA'I DON TO, ,'DUD PAS 'GRO BA'I MTSAN MA GSUM STE, DGE BA'I BSHES GNYEN GYI GAN DU 'GRO BA YANG LUS DANG SEMS DUL BAR BYAS SHING GUS PA DANG BCAS PA'I SEMS KYIS 'GRO BAR BYA'I, ,LUS DANG SEMS MA DUL BA DANG, MA GUS PA DANG, NGA RGYAL GYI SPYOD LAM GYIS NI 'GRO BAR MI BYA'O ZHES BYA BA'I DON TO, ,DE NI BKUR STI RNYED LA 'DOD PA MED, ,BSGRUB PAR BYA PHYIR DE NI SNGO BAR BYED, ,CES BYA BA 'DIS BSNGO BA BSTAN TE, DGE BA'I BSHES GNYEN LA BRTEN PA DE YANG KHE DANG BKUR STI DANG RNYED PA 'DOD PA'I PHYIR DGE BA'I BSHES GNYEN LA BRTEN ZHING SNGO BAR BYED PA MA YIN GYI, ,SGRUB PAR BYED PA'I PHYIR SNGO BAR BYED DO, ,JI LTAR BSNGO ZHE NA, BDAG GIS DGE BA'I BSHES GNYEN LA BRTEN PA 'DIS RNYED PA DANG BKUR STI THOB PAR GYUR CIG CES NI MI BSNGO'O, ,BDAG GIS DGE BA'I BSHES GNYEN LA BRTEN PAS NAM ZHIG NA BDAG THOS PA DANG, SEMS PA DANG, BSGOM PA'I SHES RAB GSUM GYI SGO NAS 'PHAGS PA'I LAM SGRUB CING CHOS NYID KYI DON RTOGS PAR GYUR CIG CES SNGO BAR BYED PA'I PHYIR RO, ,JI LTAR BSTAN NAS SGRUB PAR BYED PAS NA, ,BLO CAN DE BAS DE'I SEMS MGU BAR BYED, ,CES BYA BAS RGYU BSTAN TE, DGE BA'I BSHES GNYEN LA BRTEN PAR BYA BA'I RGYU GANG ZHE NA, GANG GIS DGE BA'I BSHES GNYEN DE'I SEMS MGU BA DANG DGA' BAR BYED PA DE NI RGYU'O, ,JI LTAR DGE BA'I BSHES GNYEN GYI SEMS MGU BAR BYA ZHE NA, DGE BA'I BSHES @52B GNYEN GYIS JI LTA JI LTAR BSTAN CING BSGO BA DANG, BSHAD CING GDAMS PA DE LTA DE LTAR NYAMS SU LEN CING SGRUB PAR BYED PAS DGE BA'I BSHES GNYEN GYI SEMS MGU BAR 'GYUR TE, DE LTAR DGE BA'I BSHES GNYEN GYI SEMS MGU NA, BDAG LA 'DOMS PA DANG STON PAR BYED PAS NA DGE BA'I BSHES GNYEN GYI SEMS MGU BA NI BSTEN PA'I RGYU'O, ,THEG PA GSUM LA MKHAS PAR BLO CHUNG NAS, ,NANG GI THEG PA BSGRUB PHYIR 'BAD PAR BYED, ,CES BYA BA LA, BLO LDAN SHES RAB KYIS NYAN THOS DANG RANG SANGS RGYAS DANG THEG PA CHEN PO'I MTSAN NYID KHONG DU CHUD NAS THEG PA GSUM LA MKHAS PA NI DGE BA'I BSHES GNYEN LA BRTEN PA'I YE SHES SO, ,DE LTAR THEG PA GSUM LA MKHAS PAR BYAS NAS KYANG, ,BYANG CHUB SEMS DPA' RNAMS NI NYAN THOS DANG RANG SANGS RGYAS KYI THEG PA MI SGRUB KYI, BDAG DANG SEMS CAN GYI DON DU THEG PA CHEN PO'I DON RTOGS PAR BYA BA'I PHYIR THEG PA CHEN PO NYID SGRUB PAR BYED DO ZHES BYA BA'I DON TO, ,SEMS CAN DPAG MED SMIN PAR BYA PHYIR DANG, ,ZHING DAG PAR YANG SBYANG BAR BYA BA'I PHYIR, ,ZHES BYA BAS, DGE BA'I BSHES GNYEN LA BRTEN PA'I ZHING BSTAN TE, DGE BA'I BSHES GNYEN LA BRTEN PA'I ZHING RNAM PA GNYIS SO, ,GANG ZHE NA, SEMS CAN GYI ZHING DANG, SNOD KYI 'JIG RTEN GYI KHAMS SO, ,DE LA SEMS CAN GYI ZHING NI YONGS SU SMIN PAR BYAS TE, SEMS CAN DPAG TU MED PA RNAMS DGE BA TSAD MED PA SPYOD DU BCUG NAS SEMS CAN YONGS SU SMIN PAR BYA BA'I PHYIR DGE BA'I BSHES GNYEN LA BRTEN TO, ,SNOD KYI 'JIG RTEN GYI ZHING NI YONGS SU DAG CING SBYANG BAR BYA BA'I PHYIR DGE BA'I BSHES GNYEN LA BRTEN TO, ,SANGS RGYAS KYI ZHING GSER DANG BEE d'URYA LA SOGS PA'I SA GZHI DANG, DPAG BSAM GYI SHING LA SOGS PA'I RGYAN PHUN SUM TSOGS PA RDZOGS PAR BYA BA'I PHYIR DGE BA'I BSHES GNYEN LA BRTEN TO ZHES BYA BA'I DON TO, ,CHOS KYI BGO SKAL YON TAN LDAN PA DE, BSHES GNYEN DE LA ZANG ZING MED PAS BSTEN, ,ZHES BYA BAS BSTEN PA'I GNAS BSTAN TE, DGE BA'I BSHES GNYEN LA BRTEN NA GANG LA GNAS TE BSTEN ZHE NA, 'DI LTAR PHA MA'I NOR LTA BU DANG, PHU NU DANG SPYI NOR LTA BU @53A *, ,JI DGAR SPYOD DU DBANG BA LA BGO SKAL ZHES BYA STE, 'DI'I SKABS SU BGO SKAL GYI DON NI LHUR LEN PA LA BYA STE, CHOS LHUR LEN CING CHOS BDAG GIR BYED PA'I YON TAN DANG LDAN PA LA GNAS NAS DGE BA'I BSHES GNYEN LA BRTEN PAR BYA'I, ,ZANG ZING LHUR LEN CING ZANG ZING BDAG GIR BYED PA LA GNAS NAS DGE BA'I BSHES GNYEN LA BRTEN PAR BYA BA NI MA YIN NO ZHES BYA BA'I DON TO, ,'DI MAN CHAD TSIGS BCAD PHYED DANG GSUM GYIS BSTEN PA'I RNAM PAR DBYE BAR RIG PAR BYA STE ZHES BYA BA LA, TSIGS SU BCAD PA BDUN GYIS DGE BA'I BSHES GNYEN LA BRTEN PA'I RAB TU DBYE BA BSHAD DO ZHES GLENGS PA LA, TSIGS BCAD PHYED DANG LNGAS GNAS DANG DNGOS PO LA SOGS PA'I DON BRGYAD DANG SBYAR NAS DGE BA'I BSHES GNYEN LA BRTEN PA'I RAB TU DBYE BA BSTAN TE, DA TSIGS BCAD GSUM GYIS 'DAS PA DANG MA 'ONGS PA LA SOGS PA'I RAB TU DBYE BA'I SGO NAS DGE BA'I BSHES GNYEN LA BRTEN PA'I 'BRAS BU'O, ,DA LTAR GYI DUS LA RAB TU DBYE BA TSUL DE 'DRA BA STON TO ZHES BYA BA'I DON TO, ,RGYU DANG 'BRAS BU ZHES BYA BA NI 'DAS PA LA SOGS PA PHYE STE SNGA MA BZHIN NO ZHES BYA BA LA, 'DI LTAR TSE RABS SNGA MAR DGE BA'I BSHES GNYEN LA BRTEN PA NI RGYU YIN LA, DA LTAR GYI DUS NA DGE BA'I BSHES GNYEN LA BRTEN PA NI 'BRAS BU'O, ,DA LTAR GYI DUS NA DGE BA'I BSHES GNYEN LA BRTEN PA NI RGYU YIN LA, MA 'ONGS PA'I DUS NA DGE BA'I BSHES GNYEN LA BRTEN PAR 'GYUR BA NI 'BRAS BU STE, DE LTAR RGYU DANG 'BRAS BU'I TSUL GYIS NA DGE BA'I BSHES GNYEN LA BRTEN PA YANG 'DAS PA DANG DA LTAR DANG, MA 'ONGS PA DANG RNAM PA GSUM GZHAG STE, SNGA MA BZHIN NO ZHES BYA BA'I DON NI DE LTA BU'O, ,CHOS KYI SGO NI RJES RTOGS PAS, ,BLO CAN PHYI ROL GYIS KYANG BSHES GNYEN BSTEN, ,ZHES BYA BA LA, PHYI'I BSTEN PA DANG, NANG GI BSTEN PA BSTAN TE, DGE BA'I BSHES GNYEN LA BRTEN PA'I SGO NAS CHOS KYI SGO'I TING NGE 'DZIN RTOGS TE JI LTAR RTOGS PA'I TING NGE 'DZIN DE NYID LA YANG NAS YANG DU GOMS PAR BYAS PAS KYANG DGE BA'I BSHES GNYEN LA BRTEN PAR 'GYUR TE 'DI NI NANG GI BSTEN PA'O, ,CHOS GOS DANG BSOD SNYOMS LA SOGS PA 'BUL BA NI @53B PHYI ROL GYI BSTEN PA STE, DES PHYI'I BSTEN PA BSTAN TO, ,CHOS LA NYAN PA SEMS KYI RNAL 'BYOR NI, ,ZHES BYA BAS, DGE BA'I BSHES GNYEN LA RTZING BAS BRTEN PA DANG PHRA BAS BRTEN PA BSTAN TE, DE LA DGE BA'I BSHES GNYEN LA NYAN PA'I SGO NAS BSTEN PA NI RTZING BA ZHES BYA STE, CI'I PHYIR ZHE NA, GZHAN GYI SGRA TZAM LA BRTEN NAS SEMS PHYI ROL DU RGYUG PA'I PHYIR RO, ,SEMS PA DANG SGOM PA'I SGO NAS BSTEN PA NI PHRA BA ZHES BYA STE, SEMS NANG DU LTA BA'I PHYIR RO, ,DE NYID SEMS KYI RNAL 'BYOR RO, ,ZHES BYA BA LA, SEMS PA DANG SGOM PA'I SGO NAS BSTEN PA NYID SEMS KYI RNAL 'BYOR GYIS BSTEN PA ZHES BYA'O, ,NGAR BCAS PA DANG NGA MED YID LDAN NI, ,THA MA DANG NI MCHOG GI RNAM PA'O, ,ZHES BYA BA 'DIS DGE BA'I BSHES GNYEN LA THA MAS BSTEN PA DANG, MCHOG GIS BSTEN PA STE, DGE BA'I BSHES GNYEN DANG, BDAG DANG CHOS GOS LA SOGS PA BSTEN PAR BYA BA'I DNGOS PO YOD PAR MTHONG NAS DGE BA'I BSHES GNYEN 'DI LA DNGOS PO 'DI DAG GIS BSTEN TO ZHES LTA BA NI DAR BCAS PA'I YID DANG LDAN PA STE THA MA'O, ,DGE BA'I BSHES GNYEN DANG BDAG DANG BSTEN PAR BYA BA'I DNGOS PO GSUM CHAR MA MTHONG BAS DGE BA'I BSHES GNYEN 'DI LA DNGOS PO 'DIS BDAG GIS BRTEN TO ZHES MI LTA BA NI NGA MED PA'I YID DANG LDAN PA STE MCHOG GO, ,'GRO BAR SBYOR DANG SMON LAM DAG GIS KYANG, ,BLO LDAN DGE BA'I BSHES GNYEN BSTEN PA'O, ,ZHES BYA BA LA, THAG NYE BAR BSTEN PA DANG, THAG RING BAR BSTEN PA STON TO, ,TSE RABS DU MAS MCHOD NAS 'GRO BA MANG PO ZHIG GI LUS BLANGS TE BSTEN PA NI THAG RING BA'O, ,TSE DE NYID KYI 'GRO BAS BSTEN PA NI THAG NYE BA'O, ,TSE DE NYID DAM TSE RABS PHYI MA NYID DU DGE BA'I BSHES GNYEN LA BRTEN PAR SBYOR BA NI THAG NYE BA'O, ,TSE DE NYID LA YANG LO DANG ZLA BA DU MAS CHOD NAS BSTEN PAR SBYOR BA'AM, ,TSE PHYI MAR YANG TSE RABS DU MAS CHOD NAS BSTEN PAR SBYOR BA NI THAG RING BA'O, ,TSE RABS PHYI MAR DGE BA'I BSHES GNYEN LA BRTEN PAR GYUR CIG CES SMON LAM 'DEBS SHING STEN PAR BYED PA NI THAG RING BA'O, ,TSE 'DI NYID LA DGE BA'I BSHES GNYEN LA BRTEN PAR GYUR CIG CES SMON LAM 'DEBS SHING TSE 'DI NYID LA STEN PAR BYED PA NI THAG NYE BA'O, , @54A *, ,BSTEN PA'I MCHOG GANG ZHE NA, TSIGS SU BCAD PA BDUN PA STE ZHES BYA BA LA, BSTEN PA'I RAB TU DBYE BA BSTAN NAS BSTEN PA GANG GIS BSTEN NA DGE BA'I BSHES GNYEN LA BRTEN PA MCHOG ,BSTEN PA DAM PA, BSTEN PA BLA NA MED PA GANG YIN PA DE TSIGS SU BCAD PA BDUN PAS BSTAN TO ZHES BYA BA'I DON TO, ,DAM PA'I BSHES GNYEN BSTEN PA NI, ,RANG GI SEMS KYIS MCHOG YIN TE, CHOS LA MOS PAR GYUR PA DANG, ,BSAM PA DANG NI 'BYOR BA'O, ,ZHES BYA BA LA DGE BA'I BSHES GNYEN DAM PA LA BRTEN PA'I MCHOG NI DAD PA DANG DGE BA'I SEMS KYIS BSTEN NA BSTEN PA'I MCHOG ,BSTEN PA BLA NA MED PA YIN TE, DE YANG GANG ZHE NA, ,CHOS LA MOS PA DANG, BSAM PA DANG NI 'BYOR BA'O, ,DE LA DGE BA'I BSHES GNYEN LA BRTEN PA 'CHAD PA'I THEG PA CHEN PO'O, ,CHOS LA DAD PA NI CHOS LA MOS PA ZHES BYA STE, DE YANG BSTEN PA BLA NA MED PA'O, ,BSAM PA NI BSAM PA RNAM PA DANG, RO MYANG BA'I BSAM PA NAS DGE BA'I BSAM PA'I BAR DU STE, BSAM PA DE LTA BU DANG LDAN PA NI BSTEN PA'I MCHOG BSTEN PA BLA NA MED PA YIN NO, ,'BYOR BA NI NAM MKHA' MDZOD KYI TING NGE 'DZIN LA SOGS PA BSGRUBS NAS NAM MKHA'I KHAMS THAMS CAD YO BYAD KYIS BKANG STE DGE BA'I BSHES GNYEN LA 'BUL BAR BYED DE, ,DE YANG BSTEN PA'I MCHOG GO, ,'KHOR GSUM YONGS SU DAG PA'I TSUL DU DMIGS NAS RNAM PAR MI RTOG PA'I YE SHES KYIS ZIN PA YANG BSTEN PA'I MCHOG GO, ,SA BRGYAD PA YAN CHAD MI SKYE BA'I CHOS LA BZOD PA THOB PAS BYA BA GCIG TU GYUR PA YANG BSTEN PA'I MCHOG STE, SNGA MA BZHIN ZHES BYA BA'I DON NI DE LTA BU'O, ,TSAD MED PA LA RNAM PAR DBYE BA'I TSIGS SU BCAD PA BCU GNYIS SO ZHES BYA BA LA BSDU BA'I DNGOS POS SEMS CAN SMIN PAR BYED PA LA ZHUGS KYANG TSAD MED PA'I SEMS DANG MI LDAN NA SEMS CAN LOG PAR SPYOD PA RNAMS KYIS SKYO BAR GYUR NAS SEMS CAN GTONG BAR BYED DE, DE BAS NA DE'I GNYEN POR TSAD MED PA LA GNAS PA BSHAD DO, ,TSAD MED PA'I BSAM PA DANG LDAN NA SEMS CAN THAMS CAD LA BU GCIG PA BZHIN DU SEMS PAS SEMS CAN YONGS SU MI GTONG BAR BYED DE, ,DE BAS NA @54B TSAD MED PA RNAM PAR DBYE BA TSIGS SU BCAD PA BCU GNYIS KYIS BSTAN TO ZHES BYA BA'I DON TO, ,BSTEN PA'I TSANGS PA MI MTHUN SPANGS, ,RNAM PAR MI RTOG YE SHES LDAN, ,DMIGS PA RNAM PA GSUM LA 'JUG ,SEMS CAN THAMS CAD SMIN PAR BYED, ,CES BYA BA'I TSIGS BCAD 'DIS TSAD MED PA BZHI'I MTSAN NYID BSTAN TE, DE YANG MTSAN NYID RNAM PA BZHIR RIG PAR BYA'O, ,GANG ZHE NA, MI MTHUN PA'I PHYOGS SPANGS PA DANG, GNYEN PO'I KHYAD PAR DANG LDAN PA DANG, 'JUG PA'I KHYAD PAR DANG LDAN PA DANG, LAS KYI KHYAD PAR DANG LDAN PA'O, ,DE LA BSTEN PA'I TSANGS PA MI MTHUN PA SPANGS ZHES BYA BAS MI MTHUN PA'I PHYOGS SPANGS PA BSTEN TE, BSTEN PA NI BYANG CHUB SEMS DPA' LA BYA STE, TSAD MED PA BZHI DANG LDAN PAS SEMS CAN GYIS GNOD PA BYAS KYANG SEMS CAN MI GTONG BA'I PHYIR RO, ,TSANGS PA NI TSANGS PA'I GNAS TSAD MED PA BZHI STE, BYAMS PA DANG, SNYING RJE DANG, DGA' BA DANG, BTANG SNYOMS SO, ,TSAD MED PA BZHI'I MI MTHUN PA'I PHYOGS NI GNOD SEMS DANG, 'TSE BA DANG, MI DGA' BA MANG BA DANG, CHAGS PA DANG, KHONG KHRO BAS SEMS NYON MONGS PAR GYUR PA STE, MI MTHUN PA'I PHYOGS DE DAG TSAD MED PA BZHI BSGOMS PA'AM, RNAM PAR MI RTOG PA'I YE SHES KYIS ZIN PAS MED PAR BYAS PA'I PHYIR SPANGS PA ZHES BYA'O, ,RNAM PAR MI RTOG PA'I YE SHES DANG LDAN PAS ZHES BYA BAS, GNYEN PO'I KHYAD PAR DANG LDAN PA BSTAN TE, BYANG CHUB SEMS DPA' DANG, SEMS CAN DANG TSAD MED PA BZHI LA YOD PAR MI RTOG PA'I YE SHES KYIS ZIN PA'I PHYIR RO, ,DMIGS PA RNAM PA GSUM LA 'JUG ,CES BYA BAS 'JUG PA'I KHYAD PAR DANG LDAN PA BSTAN TE, BYANG CHUB SEMS DPA'I TSAD MED PA BZHI NI RNAM PA GSUM DU 'JUG STE, SEMS CAN LA DMIGS PAR 'JUG PA DANG, CHOS LA DMIGS PAR 'JUG PA DANG, DMIGS PA MED PAR 'JUG PA'O, ,DE LA RNAL 'BYOR SPYOD PA'I SA LAS NI, SO SO'I SKYE BO DANG, MU STEGS PA RNAMS KYI BYAMS PA NI SEMS CAN LA DMIGS PA STE, BDAG DANG SEMS CAN YOD PAR DMIGS NAS BYAMS PA 'BYUNG BA'I PHYIR RO, ,NYAN @55A *, ,THOS DANG RANG SANGS RGYAS KYI BYAMS PA NI, CHOS LA DMIGS PA'I BYAMS PA ZHES BYA STE, DNGOS PO 'DI DAG GZUGS LA SOGS PA PHUNG PO LNGA'I CHOS TZAM DU ZAD KYI, BDAG GAM SEMS CAN ZHES BYA BA MED LA, PHUNG PO LNGA YANG MI RTAG PA DANG, SDUG BSNGAL BA LA SOGS PA'I RANG BZHIN NO ZHES DMIGS NAS BYAMS PA 'BYUNG BA'I PHYIR RO, ,BYANG CHUB SEMS DPA' SA LA ZHUGS PA DANG, DE BZHIN GSHEGS PA RNAMS KYI BYAMS PA NI, DMIGS PA MED PA'I BYAMS PA ZHES BYA STE, GANG ZAG LA BDAG MED PAR KHONG DU CHUD PAS SEMS THOG MA SEMS BSKYED PA'I BYANG CHUB SEMS DPA' RNAMS KYI BYAMS DMIGS PA DANG, CHOS LA BDAG MED PAR KHONG DU CHUD PAS PHUNG PO LNGA'I CHOS TZAM DU YANG DMIGS PA MED PAR SEMS CAN LA PHAN 'DOGS PA DPAG TU MED PAR MDZAD PA'I PHYIR RO, ,DE LA SEMS CAN LA DMIGS PA TSAD MED PA BZHI NI SO SO'I SKYE BO DANG, MU STEGS DANG, NYAN THOS DANG, RANG SANGS RGYAS DANG, BYANG CHUB SEMS DPA' DANG, DE BZHIN GSHEGS PA RNAMS THUN MONG NGO, ,CHOS LA DMIGS PA'I BYAMS PA NI NYAN THOS DANG, RANG SANGS RGYAS DANG, BYANG CHUB SEMS DPA' DANG, DE BZHIN GSHEGS PA RNAMS THUN MONG NGO, ,MI DMIGS PA'I BYAMS PA NI, GANG DANG YANG THUN MONG MA YIN PA'O ZHES BSHAD DO, ,'PHAGS PA BLO GROS MI ZAD PA'I MDO LAS KYANG, BYAMS PA NI GSUM PO 'DI DAG STE, GSUM GANG ZHE NA, 'DI LTA STE, SEMS CAN LA DMIGS PA'I BYAMS PA DANG, CHOS LA DMIGS PA'I BYAMS PA DANG, DMIGS PA MED PA'I BYAMS PA'O, ,DE LA THOG MA SEMS BSKYED PA'I BYANG CHUB SEMS DPA' RNAMS KYI BYAMS PA NI SEMS CAN LA DMIGS PA'O ZHES GSUNGS TE, DE'I DON KYANG SEMS CAN GYI DNGOS PO YOD PAR LTA ZHING GANG ZAG DANG CHOS LA BDAG MED PAR MA RTOGS PA'I PHYIR RO, ,SPYOD PA LA ZHUGS PA'I BYANG CHUB SEMS DPA' RNAMS KYI BYAMS PA NI CHOS LA DMIGS PA'O ZHES GSUNGS TE, SA DANG PO YAN CHAD NAS SA BDUN PA MAN CHAD NI SPYOD PA LA ZHUGS PA ZHES BYA STE, DE DAG GI TSE CHOS KYI DBYINGS RNAM PAR DAG PA LA DMIGS PAS NA CHOS LA DMIGS PA ZHES BYA'O, ,MI SKYE BA'I CHOS LA BZOD PA RAB TU @55B THOB PA'I BYANG CHUB SEMS DPA' RNAMS KYI BYAMS PA NI DMIGS PA MED PA ZHES GSUNGS TE, RNAM PAR MI RTOG PA LHUN GYIS GRUB PAS RTZOL BA DANG 'BAD PA MED PAR BYAMS PAR 'BYUNG BA'I PHYIR RO, ,SEMS CAN DANG CHOS LA DMIGS PA YANG, SEMS CAN GYI RIS DANG CHOS GANG LA RAB TU 'JUG PA DANG ZHES BYA BA LA, GONG DU BYANG CHUB SEMS DPA'I TSAD MED PA BZHI NI SEMS CAN LA DMIGS PA DANG, CHOS LA DMIGS PA ZHES BSHAD NA, TSAD MED PA BZHIS SEMS CAN LA DMIGS NA SEMS CAD KYI RIS DANG DAG LA DMIGS PA DANG, CHOS LA DMIGS PA YANG CHOS GANG LA DMIGS SHE NA ZHES BYA BA'I DON TO, ,MI DMIGS PA YANG MI DMIGS PA GANG ZHE NA ZHES BYA BA LA, MI DMIGS PA'I BYAMS PA LA SOGS PA BSHAD NA, CI ZHIG LA DMIGS SHE NA ZHES BYA BA'I DON TO, ,BDE 'DOD CES BYA BA LA, BYAMS PAS NI BDE BA 'DOD PA'I SEMS CAN LA DMIGS TE, CI'I PHYIR ZHE NA, BYAMS PA NI SEMS CAN LA BDE BAR SBYOR BA'I RNAM PA YIN PAS SEMS CAN RNAMS BDE BA DANG LDAN PAR GYUR CIG CES DMIGS SO, ,SDUG BSNGAL GYIS GZIR DANG ZHES BYA BA LA, SNYING RJE NI SDUG BSNGAL GYIS GZIR BA'I SEMS CAN RNAMS LA DMIGS TE, CI'I PHYIR ZHE NA, SNYING RJE NI SDUG BSNGAL DANG BRAL BAR 'DOD PA'I RNAM PA YIN PAS SEMS CAN RNAMS SDUG BSNGAL DANG BRAL BAR GYUR CIG CES DMIGS PA'I PHYIR RO, ,BDE LDAN ZHES BYA BA LA, DGA' BAS NI BDE BA DANG LDAN PA'I SEMS CAN LA DMIGS TE, CI'I PHYIR ZHE NA, DGA' BA NI BDE BA DANG MI 'BRAL BAR 'DOD PA'I RNAM PA YIN PAS, BDE BA DANG LDAN PA'I SEMS CAN RNAMS KYANG BDE BA DANG BRAL BAR MA GYUR CIG CES DMIGS SO, ,NYON MONGS PA ZHES BYA BA LA, BTANG SNYOMS KYIS NI TSOR BA BDE BA DANG PHRAD BA DANG, MDZA' BA LA SOGS PA DANG PHRAD NAS 'DOD CHAGS SKYE BA DANG, TSOR BA SDUG BSNGAL BA DANG DGRA LA SOGS PA DANG PHRAD NAS ZHES SDANG BAR 'GYUR BAS NYON MONGS PAR 'GYUR BA'I SEMS CAN RNAMS LA DMIGS TE, CI'I PHYIR ZHE NA, BTANG SNYOMS NI TSOR BA DE RNAMS LA SEMS NYON MONGS PA MED PA'I SBYOR BA'I RNAM PA YIN TE, DE BAS NA TSOR BA BDE BA DANG, MDZA' BA LA @56A *, ,SOGS PA DANG PHRAD NA YANG 'DOD CHAGS SKYE BAR MA GYUR CIG ,TSOR BA SDUG BSNGAL BA DANG DGRA LA SOGS PA DANG PHRAD NA YANG ZHE SDANG BAR MA GYUR CIG CES DMIGS PA'I PHYIR TE, DE DAG GIS TSAD MED PA GANG GIS SEMS CAN GYI TSOGS GANG LA DMIGS PA BSTAN TO, , DE BSTAN CHOS ZHES BYA BA LA, ,DE'I SGRAS NI TSAD MED PA BZHI LA BYA STE, CHOS LA DMIGS PA'I BYAMS PAS NI TSAD MED PA BZHI STON PA'I THEG PA CHEN PO'I MDO SDE LA DMIGS SO ZHES BYA BA'I DON TO, ,DE'I DE NYID LA NI BRTEN PA RNAMS 'JUG GO ZHES BYA BA LA, DE'I ZHES BYA BA'I SGRAS NI BDE BA 'DOD PA DANG, SDUG BSNGAL GYIS GZIR BA DANG, BDE BA DANG LDAN PA DANG, NYON MONGS PA'I SEMS CAN RNAMS DANG, TSAD MED PA BZHI STON PA'I MDO SDE LA SNYEGS TE, DE NYID CES BYA BA NI SEMS CAN RNAM PA BZHI'I STONG PA NYID DANG, THEG PA CHEN PO'I CHOS KYI STONG PA NYID LA BYA STE, MI DMIGS PA'I BYAMS PAS NI, DE DAG GI STONG PA NYID LA DMIGS KYI SEMS CAN SO SO DANG CHOS LA NI DMIGS PAR MI BYED DO ZHES BYA BA'I DON TO, ,MI DMIGS PA NI DE'I DE BZHIN NYID LA STE ZHES BYA BA LA SOGS PA LA, MI DMIGS PA'I BYAMS PAS NI SEMS CAN DANG CHOS KYI STONG PA NYID LA DMIGS TE, DE'I TSE SEMS CAN DANG SEMS LAS BYUNG BA'I TSOGS RNAMS CI LA YANG MI RTOG PA'I MTSAN NYID DU RO GCIG PAR GNAS PAS SEMS CAN THA DAD PA DANG, CHOS THA DAD PA BYED PA MED PAS NA MI DMIGS PA'I BYAMS PA ZHES BYA'O, ,GZHAN YANG ZHES BYA BAS, DMIGS SU MED PA'I BYAMS PA'I RAB TU DBYE BA STON TO, ,DMIGS SU MED PA'I BYAMS PA LA PHYE NA RNAM PA BZHI YOD PAR 'DOD DO, ,DE YANG DE BZHIN NYID KYI PHYIR, ,ZHES BYA BA 'DIS RNAM PA GCIG BSTAN TE, SEMS CAN RNAMS DANG CHOS RNAMS KYI STONG PA NYID LA DMIGS PA'I BYAMS PA LA MI DMIGS PA'I BYAMS PA ZHES BYA STE, BDAG DANG CHOS SU DMIGS PA 'AM, PHYI DANG NANG DU DMIGS PA MED PA'I PHYIR RO, ,BZOD PA THOB PAS RNAM PAR DAG ,CES BYA BAS, RNAM PA GNYIS PA BSTAN TE, SA BRGYAD PA'I BYANG CHUB SEMS DPA' RNAMS MI SKYE BA'I CHOS LA BZOD PA THOB PAS, BYAMS PA LA @56B SOGS PA TSAD MED PA'I SA BON BRTAS PA'I PHYIR TSAD MED PA RNAM PAR DAG STE, RNAM PAR DAG CES BYA BA NI BRTZAL 'BAD DANG RTOG DPYOD MED PAR TSAD MED PA BZHI LHUN GYIS GRUB STE, DE BAS NA SA BRGYAD KYI DUS KYI TSAD MED PA BZHI NI MI DMIGS PAR GZHAG GO, ,LAS GNYIS ZHES BYA BAS RNAM PA GSUM PA BSTAN TE, BYAMS PA'I RGYU MTHUN PA LAS BYUNG BA'I LUS KYI LAS BRDEG 'TSOG LA SOGS PA MI BYED PA DANG, DAG GI LAS TSIG RTZUB MO LA SOGS PA MI 'BYIN PA LA YANG MI DMIGS PA'I BYAMS PA ZHES BYA STE, CI'I PHYIR ZHE NA, SEMS DANG SEMS LAS BYUNG BA RNAMS LA NI MI DMIGS PA DANG RTOG PA YOD NA LUS DANG NGAG GNYIS NI 'BYUNG BA CHEN PO BZHI LAS GYUR PA GZUGS KYI PHUNG POR GTOGS PAS RTOG PA MED PA'I PHYIR MI DMIGS PA'I BYAMS PAR GZHAG GO, ,BYAMS PA NI SEMS KYI CHOS YIN YANG LUS DANG NGAG GNYIS BYAMS PA'I SEMS LAS BYUNG BA DANG, BRDEG 'TSOG LA SOGS PA'I GNOD PAS SEMS CAN LA GNOD PAR MI BYED PAS NA MI DMIGS PA'I BYAMS PAR BTAGS SO, ,NYON MONGS ZAD PAS KYANG ZHES BYA BAS RNAM PA BZHI PA BSTAN TO, ,'DOD CHAGS DANG ZHE SDANG LA SOGS PA NYON MONGS PA NI SEMS DANG SEMS LAS BYUNG BA'I DMIGS PA YIN LA, NYON MONGS PA SPANGS TE ZAD NA SEMS KYIS DMIGS PAR BYA BA'I YUL MED PAS NYON MONGS PA ZAD PA RNAMS KYI 'PHAGS PA BYAMS PA YANG MI DMIGS PA'I BYAMS PA ZHES BYA'O, ,SA BRGYAD PA LA MI SKYE BA'I BZOD PA THOB PA'I PHYIR KHAMS RGYAS PAS DE RNAM PAR DAG PA DAR ZHES BYA BA LA, SA BRGYAD PA'I DUS NA BYANG CHUB SEMS DPA' RNAMS MI SKYE BA'I CHOS LA BZOD PA THOB PAS DKAR PO'I CHOS 'PHEL ZHING MI MTHUN PA'I PHYOGS SPANGS PAS KHAMS RGYAS PA ZHES BYA'O, ,BYAMS PA LA SOGS PA'I SA BON BRTAS PA ZHES BYA BA'I DON TO, ,DE LTAR SA BON BRTAS PAS NA SA BRGYAD PA LA SOGS PA'I DUS NA BYAMS PA LA SOGS PAS RNAM PAR DAG STE, RNAM PAR DAG CES BYA BA'I DON NI, BRTZAL 'BAD MED PAR LHUN GYIS GRUB PAR 'BYUNG, ,ZHES BYA BA'I DON TO, ,DE BAS NA DMIGS SU MED PA'I BYAMS PAR GZHAG GO, ,RGYU MTHUN PA ZHES @57A *, ,BYA BA LA, BYAMS PA'I SEMS KYIS RGYU BYAS NAS LUS DANG NGAG GI LAS SKYED CES BYA BA'I DON TO, ,DE LA NYON MONGS PA NI DMIGS PAR GSUNGS TE ZHES BYA BA LA, 'DOD CHAGS DANG ZHE SDANG LA SOGS PA'I NYON MONGS PA RNAMS NI SEMS KYIS DMIGS PAR BYA BA'I YUL DU BSHAD LA, NYON MONGS PA ZAD NA YUL DMIGS SU MED PAS NA MI DMIGS PA'I BYAMS PAR BSHAD DO, ,NYON MONGS PA LA DMIGS PA ZHES BYA BAR YANG CI MNGON ZHE NA, DE'I PHYIR, SEMS KYI MDUD PA SPANGS PA'I PHYIR DMIGS PA CHAD DO ZHES GSUNGS PA'I PHYIR RO ZHES BYA BA SMOS TE, MDO LAS KYANG, SEMS LA YOD PA'I 'DOD CHAGS DANG ZHE SDANG LA SOGS PA'I NYON MONGS PA SPANGS PAS SEMS KYI DMIGS PA MED DO ZHES GSUNGS PAS NA NYON MONGS PA LA DMIGS PA ZHES BYA BAR MNGON NO, ,DE NI G-YO DANG, MI G-YO DANG, ,CHAGS PAS MYONG DANG MI MYONG SHES, ,ZHES BYA BA 'DIS TSANGS PA'I GNAS KYI RAB TU DBYE BA RNAM PA BZHI STON TE, RNAM PA BZHI NI 'BRI BA'I CHA CAN DANG, GNAS PA DANG KHYAD PAR GYI CHA CAN DANG, NYON MONGS PA DANG BCAS PA DANG, NYON MONGS PA MED PA'O, ,DE LA 'BRI BA'I CHA CAN GYI TSAD MED PA BZHI LA NI G-YO BA ZHES BYA STE, CI'I PHYIR ZHE NA, PHYIS NYAMS SHING MED PAR GYUR PA'I PHYIR RO, ,GNAS PA DANG KHYAD PAR DU 'GYUR BA'I CHA CAN GYI TSAD MED PA BZHI LA NI MI G-YO BA ZHES BYA STE, NYAMS PA MED CING KHYAD PAR DU 'PHAGS KYI NYAMS PA DANG MED PAR MI 'GYUR BA'I PHYIR RO, ,TSAD MED PA BZHI'I TING NGE 'DZIN THOB NAS TING NGE 'DZIN GYI ROL CHAGS PA'I 'DOD CHAGS KYIS TING NGE 'DZIN GYI RO MYANG BA'I BDE BAR BYED PA RNAMS LA NI NYON MONGS PA DANG BCAS PA ZHES BYA'O, ,TSAD MED PA BZHI'I BSAM GTAN THOB KYANG DE'I BDE BA'I RO LA MYONG BAR MI BYED PA NI, NYON MONGS PA MED PA ZHES BYA'O, ,CHAGS PA ZHES BYA BA NI BDE BA LA ZHEN PA DANG, SEMS RGYA CHUNG BA'O ZHES BYA BA LA, CHAGS PA'I DON 'CHAD DE BYAMS PA'I TING NGE 'DZIN GYI BDE BA LA CHAGS SHING ZHEN PAR GYUR NA GONG NAS GONG DU YON TAN RGYA CHEN PO LA SEMS MI 'JUG PAS NA CHAGS PAS RO MYANG BA NI NYON MONGS PA @57B CAN ZHES BYA'O, ,BSAM GTAN GYI BDE BA CUNG ZAD TZAM GYIS TSOG PAR 'DZIN CING GONG NAS GONG DU YON TAN RGYA CHEN PO MI TSOL BA YANG NYON MONGS PA CAN ZHES BYA'O, ,DE RNAMS KYANG ZHES BYA BA LA, TSAD MED PA BZHI LA PHYE NA 'BRI BA'I CHA CAN DANG, GNAS SHING KHYAD PAR DU 'GRO BA'I CHA CAN DANG, NYON MONGS PA CAN DANG, NYON MONGS PA MED PA STE RNAM PA BZHI YOD PA LAS, BYANG CHUB SEMS DPA' RNAMS GANG LA GNAS SHING SGOM PAR BYED CES BYA BA'I DON TO, ,DE'I PHYIR, BYANG CHUB SEMS DPA' MI G-YO BA, ,CHAGS PA MED PA GNAS PA NI, ,G-YO LA MA YIN RO MYANG BA LA MIN, , ZHES BYA BA SMOS TE, DE LTAR TSANGS PA'I GNAS LA RNAM PA BZHI BSTAN PA LAS, BYANG CHUB SEMS DPA' RNAMS NI GNAS PA DANG KHYAD PAR GYI CHA CAN LA GNAS PAS NA MI G-YO BA LA GNAS PA DANG, NYON MONGS PA MED PA LA GNAS PAS NA CHAG PA MED PA LA GNAS KYI, G-YO BAS DE 'BRI BA'I CHA CAN LA MI GNAS, RO MYANG BA STE NYON MONGS PA CAN RO MYANG BA LA GNAS PA NI MA YIN NO ZHES BYA BA'I DON TO, ,TSAD MED PA BZHI CHUNG DU DANG CHEN PO'I RAB TU DBYE BA BSTAN PA'I PHYIR, MNYAM PAR MA BZHAG RANG BZHIN DANG, ,ZHES BYA BA LA SOGS PA TSIGS SU BCAD PA GNYIS SMOS SO, ,DE LA MNYAM PAR BZHAG PA NI MNYAM PAR MA BZHAG PA'I SA PA STE 'DOD PA'I KHAMS LA BYA'O, ,DE LA MNYAM PAR MA BZHAG PA'I TSAD MED PA BZHI NI THAMS CAD KYANG CHUNG NGUR RNAM PAR GZHAG STE, 'DI NI CHUNG NGU RNAM PA GCIG GO, ,CHUNG NGU BAR MA ZHES BYA BA LA, GZUGS DANG GZUGS MED PA'I KHAMS NI MNYAM PAR GZHAG PA'I SA PA ZHES BYA STE, MNYAM PAR GZHAG PA'I SA PA'I TSAD MED PA LA YANG, CHUNG NGU DANG, BAR MA DANG, CHEN PO STE RNAM PA GSUM YOD DO, ,DE LA GZUGS KYI KHAMS KYI BSAM GTAN BZHI LA, TSANGS RIS DANG, TSANGS LHA NYE PHAN DANG, TSANGS CHEN TE SA GSUM MO, ,DE BZHIN DU BSAM GTAN GNYIS PA LA YANGS GSUM, GSUM PA LA YANG SA GSUM, BZHI PA LA SA BRGYAD DO, ,DE LA TSANGS RIS KYI TSAD MED PA BZHI NI CHUNG NGU'O, ,TSANGS LHA NYE PHAN GYI TSAD MED PA BZHI NI 'BRING PO'O, ,TSANGS CHEN GYI TSAD MED PA BZHI NI CHEN @58A *, ,PO'O; ,DE LTAR MNYAM PAR GZHAG PA'I SA LA TSAD MED PA CHE CHUNG RNAM PA GSUM DU ZHUGS PA LAS MNYAM PAR GZHAG PA TSAD MED PA CHUNG NGU DANG, BAR MA GNYIS KYANG CHUNG NGU'I NANG DU BSDU'O ZHES BYA BA'I DON TO, ,'OG MA'I SA ZHES BYA BA LA, SA DANG PO LA LTOS NAS MOS PAS SPYOD PA'I SA 'OG MA YIN LA, SA GNYIS PA LA LTOS NAS DANG PO YANG SA 'OG MA YIN TE, DE BAS NA SA DANG PO LAS NI MOS PAS SPYOD PA'I SA 'OG MA YIN PAS MOS PAS SPYOD PA'I TSAD MED PA NI CHUNG NGU'I NANG DU BSDUS TE, DE BZHIN DU SA GNYIS PA DANG, GSUM PA LA SOGS PA YANG GONG MA LA LTOS NAS SA 'OG MA RNAMS CHUNG NGUR GZHAG GO, ,BSAM PA THA MA ZHES BYA BA LA, NYAN THOS DANG RANG SANGS RGYAS KYI SEMS NI BSAM BA CHUNG NGU YIN TE, DE DAG GI TSAD MED PA YANG CHUNG NGUR GZHAG GO ZHES BYA BA'I DON TO, ,DAR BCAS ZHES BYA BA LA, SA DANG PO YAN CHAD, SA BDUN PA MAN CHAD KYI TSAD MED PA NI BRTZAL 'BAD DANG BCAS PAS NA DAR BCAS PA ZHES BYA STE, DE DAG KYANG CHUNG NGUR GZHAG GO ZHES BYA BA'I DON TO, ,DE DAG THA MA GZHAN MCHOG GO, ,ZHES BYA BA LA, MNYAM PAR MA BZHAG PA THAMS CAD DANG, MNYAM PAR BZHAG PA'I CHUNG NGU DANG, BAR MA DANG, SA 'OG MA DANG, BSAM PA THA MA DANG, NGAR BCAS PA STE, DE DRUG THA MAR BZHAG NA DE LAS BZLOG PA THAMS CAD MCHOG TU 'GYUR RO, ,JI LTA ZHE NA, MNYAM PAR MA BZHAG PA'I SA THA MAR GZHAG PA DANG, BSAM PAR GZHAG PA THAMS CAD MCHOG DANG CHEN POR GZHAG GO, ,MNYAM PAR GZHAG PAR YANG CHUNG NGU DANG DANG 'BRING DANG THA MAR GZHAG DANG CHEN PO RNAMS MCHOG TU GZHAG GO, ,SA 'OG MA THA MAR GZHAG DANG, SA 'OG MA RNAMS MCHOG TU GZHAG GO, ,BSAM PA THA MA THA MAR GZHAG DANG, BYANG CHUB SEMS DPA' DANG, DE BZHIN GSHEGS PA RNAMS KYI DGONGS PA CHEN PO'I TSAD MED PA RNAMS MCHOG TU GZHAG GO, ,SA BDUN PA NGAR BCAS PAS CHUNG DUR GZHAG DANG, SA BRGYAD PA YAN CHAD MI SKYE BA'I CHOS LA BZOD PA THOB PA RNAMS KYI TSAD MED PA MCHOG TU GZHAG GO, ,DA NI TSIGS SU BCAD PA GNYIS SHIG GIS @58B TSAD MED PA'I RGYU DANG 'BRAS BU DANG MTSAN MA'I RNAM PA GSUM STON TO, ,TSANGS PA'I GNAS PAS GNAS NAS SU, ,ZHES BYA BAS RGYU BSTAN TE, BYAMS PA DANG, SNYING RJE DANG, DGA' BA DANG, BTANG SNYOMS TE TSAD MED PA BZHI LA GNAS SHING BSGOMS NA 'BRAS BU RNAM PA LNGA 'THOB PAR 'GYUR RO ZHES BYA BA'I DON TO, ,'BRAS BU RNAM PA LNGA NI RNAM PAR SMIN PA'I 'BRAS BU DANG, DBANG BYED PA'I 'BRAS BU DANG, SKYES BU'I RTZAL GYI 'BRAS BU DANG, RGYU MTHUN PA'I 'BRAS BU DANG, BRAL BA'I 'BRAS BU'O, ,MKHAS PA 'DOD PA'I GNAS SU SKYE, ,ZHES BYA BA LA TSAD MED PA BZHI LA BSGOMS NA GZUGS KYI KHAMS SU SKYE BA YIN PA LAS, BYANG CHUB SEMS DPA' RNAMS NI BSAM GYIS MI KHYAB PA'I TING NGE 'DZIN DANG LDAN PAS SEMS CAN RNAMS KYI DON DANG CHED DU 'DOD PA'I KHAMS SU SKYE BAR BYED DE, DE NI RNAM PAR SMIN PA'I 'BRAS BU'O, ,DES NI TSOGS RNAMS RDZOGS PA DANG, ,ZHES BYA BA LA, BYANG CHUB SEMS DPA' RNAMS KYI TSAD MED PA BZHI BSGOMS NA DE'I DBANG GIS BSOD NAMS KYI TSOGS DANG YE SHES KYI TSOGS YONGS SU RDZOGS PAR 'GYUR TE, DE NI DBANG BYED PA'I 'BRAS BU'O, ,SEMS CAN RNAM PAR SMIN BYED CES BYA BA LA, TSAD MED PA BZHI DANG LDAN PA'I BYANG CHUB SEMS DPA' RNAMS SEMS CAN BSTAN PA 'DI LA MA ZHUGS PA DAG BSTAN PA LA GZHUG PA DANG, BSTAN PA LA ZHUGS PA RNAMS RIM PAR BKOD NAS YONGS SU SMIN PAR BYED DE, 'DI NI SKYES BU'I RTZAL GYI 'BRAS BU'O, ,SKYES BU'I RTZAL NI BRTZON 'GRUS KYI KHYAD PAR MED PAR MI 'BYUNG LA, BRTZON 'GRUS KYI KHYAD PAR GYIS SEMS CAN YONGS SU SMIN PAR 'GYUR BAS NA, SKYES BU'I RTZAL GYI 'BRAS BUR GZHAG GO, ,TSANGS DANG MA BRAL THAMS CAD DU, ,ZHES BYA BA LA, TSE 'DIR BYANG CHUB SEMS DPA' TSAD MED PA BZHI BSGOMS NA, TSE RABS GAR SKYES GAR SKYES KYANG TSAD MED PA BZHI DANG LDAN ZHING DUS THAMS CAD DU TSAD MED PA BZHI DANG MI 'BRAS BAR 'GYUR TE, DE NI RGYU MTHUN PA'I 'BRAS BU'O, ,DE LA RGYU MTHUN PA ZHES BYA BA'I DON YANG RGYU CI 'DRA BA BTAB PA 'BRAS BU 'ANG DE 'DRA BAR SKYE STE, DPER NA TSE 'DIR SBYIN PA BYAS NA TSE RABS GZHAN DU YANG SBYIN PA LA DGA' BAR 'GYUR BA'O,, @59A *, ,DE YI MI MTHUN PHYOGS SPANGS PA, ,ZHES BYA BA LA, TSAD MED PA BZHI'I MI MTHUN PA'I PHYOGS NI GNOD SEMS DANG, 'TSE BA DANG, MI DGA' BA MED PA DANG, 'DOD CHAGS DANG KHONG KHRO BA STE, TSAD MED PA BZHI DANG LDAN NA DE BZHI MED PAR 'GYUR BAS NA MI MTHUN PA'I PHYOGS SPANGS PA ZHES BYA STE, DE NI BRAL BA'I 'BRAS BU'O, ,BAG MED DE YI RKYEN DRAG GIS, ,RNAM PAR 'GYUR PAR MI 'GYUR RO, ,ZHES BYA BAS MTSAN MA BSTAN TE, BAG MED PA ZHES BYA BA NI TSAD MED PA RNAMS KYI MI MTHUN PA'I PHYOGS GNOD SEMS LA SOGS PA'I GNYEN PO BYAMS PA LA SOGS PA MNGON SUM DU MA BYAS PA NI BAG MED PA ZHES BYA STE, GNYEN PO MNGON SUM DU MA BYAS KYANG, GNOD SEMS DANG 'TSE BA LA SOGS PA SKYE BA'I RKYEN DRAG PO MNGON SUM DU 'ONGS KYANG YUL GYI DBANG DU MI 'GYUR ZHING, GNOD SEMS DANG 'TSE BA LA SOGS PA MI 'BYUNG NA CHAD MED PA THOB PA YIN PAR RIG PAR BYA STE, RNAM PAR 'GYUR PAR MI 'GYUR BA NI TSAD MED PA THOB PA'I MTSAN MA DANG RTAGS YIN NO, ,TSIGS SU BCAD PA BZHI PO GZHAN DAG GIS NI NYES PA DANG YON TAN GYI RNAM PA STE ZHES BYA BA LA, 'DI MAN CHAD TSIGS SU BCAD PA BDUN ZHIG GIS TSAD MED PA BZHI'I NYES PA DANG SKYON GANG YIN PA DANG, TSAD MED PA BZHI'I YON TAN GANG YIN PA DE STON TO ZHES BYA BA'I DON TO, ,BYANG CHUB SEMS DPA' GNOD SEMS 'TSE BA GNYIS, ,ZHES BYA BA LA SOGS PA'I TSIGS SU BCAD PA GCIG GIS TSAD MED PA BZHI'I NYES PA DANG SKYON DAG STON TE, SEMS CAN LA BSAD PA DANG BRDEG PA LA SOGS PA'I GNOD PA BYA BAR SEMS PA'I GNOD SEMS NI BYAMS PA'I MI MTHUN PA'I PHYOGS SO, ,LUS KYI SGO NAS BSAD PA DANG BRDEG PA LA SOGS PA'I 'TSE BA BYED PA NI SNYING RJE'I MI MTHUN PA'I PHYOGS SO, ,MI DGA' ZHES BYA BA LA, SEMS CAN RNAMS BDE BA DANG LDAN PAR MTHONG NAS SEMS CAN PHRAG DOG CING, MA MOS MI DGA' BA NI DGA' BA'I MI MTHUN PA'I PHYOGS SO, ,GNOD SEMS 'DOD PA'I 'DOD CHAGS ZHES BYA BA LA, TSOR BA SDUG BSNGAL BA DANG DGRA LA SOGS PA MTHONG NAS GNOD SEMS SKYE BA DANG TSOR BA BDE BA DANG MDZA' BA LA SOGS PA MTHONG NAS 'DOD @59B CHAGS SKYE BA NI BTANG SNYOMS KYI MI MTHUN PA'I PHYOGS SO, ,LDAN PAS NYES PA RNAM MANG MYONG, ,ZHES BYA BA LA, TSAD MED PA BZHI'I MI MTHUN PA'I PHYOGS DANG LDAN NA LUS DANG SEMS LA GNOD PA'I SDUG BSNGAL RNAM PA SNA TSOGS 'BYUNG BAR 'GYUR RO ZHES BYA BA'I DON TO, ,NYES PA RNAM PA MANG PO JI LTAR MYONG ZHE NA ZHES BYA BA LA, TSAD MED PA BZHI'I MI MTHUN PA'I PHYOGS BZHI DANG LDAN NA NYES PA RNAM PA MANG PO MYONG NGO ZHES BYA BA LA NYES PA GANG DANG GANG MYONG ZHE NA ZHES BYA BA'I DON TO, ,NYON MONGS PAS NI BDAG NYID BCOM, ,ZHES BYA BA LA, GNOD SEMS DANG 'TSE BA LA SOGS PA TSAD MED PA'I MI MTHUN PA'I PHYOGS KYI NYON MONGS PA RNAMS KYIS SROG GCOD PA DANG MA BYIN PAR LEN PA LA SOGS PA BYAS NA, BDAG NYID BCOM PA ZHES BYA STE, JI LTAR ZHE NA, DE'I RKYEN GYIS TSE 'DI LA YANG BSAD PA DANG BCING BA LA SOGS PA'I GNOD PA 'BYUNG LA, TSE RABS GZHAN DU YANG SEMS CAN DMYAL BA LA SOGS PAR SKYE BA'I GNOD PA 'BYUNG BA'I PHYIR RO, ,SEMS CAN BCOM ZHES BYA BA LA, DE LTAR TSUL KHRIMS 'KHRUGS PA LA SOGS PA'I GNOD PA BYED PAS NA SEMS CAN BCOM PA ZHES PA LA SOGS PA'I GNOD PA BYED PAS NA SEMS CAN BCOM PA ZHES BYA'O, , TSUL KHRIMS BCOM ZHES BYA BA LA, DE LTAR SROG GCOD PA DANG, MA BYIN PAR BLANGS PAS, TSUL KHRIMS YANG DAG PAR BLANGS PA RNAMS NYAMS PAR 'GYUR BAS TSUL KHRIMS BCOM PA ZHES BYA'O, ,'GYOD BCAS ZHES BYA BA LA, DE LTAR TSUL KHRIMS NYAMS PA'I GANG ZAG DE 'DI SNYAM DU SEMS PAR 'GYUR TE, 'DI LTAR BDAG GIS NI 'PHAGS PA RNAMS KYIS BSTOD PA'I LAM MTHO RIS SU SKYE BA NI BOR LA, SO SO'I SKYE BO SDIG CAN GYIS BSTEN PA'I LAM NGAN SONG GI LAM DU ZHUGS PAS BDAG NI BRLAG PA YIN NO SNYAM NAS SEMS LA GDUNG BA SKYES STE, DE BAS NA 'GYOD PA DANG BCAS PA ZHES BYA'O, ,RNYED DANG BRAL ZHES BYA BA LA, TSUL KHRIMS NYAMS PA DE SNGON SBYIN BDAG GIS CHOS GOS DANG LHUNG BZED LA SOGS PA 'BUL BA DE YANG DE PHAN CHAD GANG ZAG 'DI NI SDIG PA BYED PA YIN PAS SBYIN GNAS MA YIN NO ZHES CI YANG 'BUL BAR MI BYED DE, DE BAS NA @60A *, ,RNYED PA DANG BRAL BA ZHES BYA'O, ,SRUNG BA BRAL DANG ZHES BYA BA LA, SNGON TSUL KHRIMS DANG LDAN PA'I DUS NA LHA LA SOGS PAS SRUNG BAR BYED PA YANG DE PHAN CHAD SRUNG BAR MI BYED DE, DE BAS NA SRUNG BA DANG BRAL BA ZHES BYA'O, ,DE BZHIN STON ZHES BYA BA LA, STON PA SANGS RGYAS BCOM LDAN 'DAS KYIS KYANG GANG ZAG DE DE PHAN CHAD GTONG BAR BYED DE, GANG ZAG 'DI NI TSUL KHRIMS NYAMS PAS SHI BA'I RO DANG 'DRA'O ZHES RNAM PA DU MAR SMOD PAR MDZAD DO, ,RTZOD PA'I GZHI BCAS ZHES BYA BA LA, TSUL KHRIMS NYAMS PA DE TSANGS PA DANG MTSUNGS PA RNAMS KYIS CHOS NYID KYIS RTZOD PAR BYED DE CHAD PAS GCOD PA DANG, SKROD PA LA SOGS PA'I LAS BYED PA'I PHYIR RO, ,GRAGS LDAN MED CES BYA BA LA, TSUL KHRIMS NYAMS PA'I GANG ZAG DE GANG ZAG CHE GE MO ZHIG GIS BSLAB PA NYAMS SHING SDIG PA'I CHOS BYED PA'O ZHES PHYOGS KUN DU MI SNYAN PAR GRAGS PAR 'GYUR BAS NA GRAGS LDAN MED CES BYA'O, ,DE YANG GZHAN DU MI KHOM SKYES, ,ZHES BYA BA LA, TSE 'DIR SDUG BSNGAL RNAM PA SNA TSOGS MYONG BAR 'GYUR BAR MA ZAD KYI, TSE RABS GZHAN DU'ANG SEMS CAN DMYAL BA LA SOGS PA'I GNAS SU SKYE BAR 'GYUR RO ZHES BYA BA'I DON TO, ,THOB DANG MA THOB RNAM PAR SPANGS, ,ZHES BYA BA LA, TSUL KHRIMS NYAMS NA TSE 'DIR TSAD MED PA RNAM PA BZHI YANG MED PAR 'GYUR BAS THOB PA LAS NYAMS PA DANG, TSE RABS GZHAN DU TSAD MED PA BZHI THOB PAR 'GYUR BA YANG MI THOB PAR 'ONGS BAS NA MA THOB PA LAS NYAMS PA'O, ,SEMS LAS SDUG BSNGAL CHEN PO THOB, ,CES BYA BA LA, GZHAN YANG BSLAB PA NYAMS NA SEMS LA SDUG BSNGAL CHEN POS KYANG GZIR BAR 'GYUR TE, JI LTA ZHE NA, 'DI SNYAM DU SEMS TE BDAG GIS NI BSLAB PA DRAL ZHING KHRIMS NYAMS PAR BYAS PAS BDAG NI MI RIGS PAR BYED PA'O SNYAM NAS SEMS LA GDUNG BA CHEN PO SKYE BAR 'GYUR RO, ,DE LA TSIG THOG MA GSUM GYIS NI BDAG LA GNOD PA DANG, PHA ROL LA GNOD PA DANG, GNYI GA LA GNOD PA'I PHYIR ZHES BYA BA LA SOGS PA LA, BDAG NYID BCOM PA DANG, SEMS CAN BCOM PA DANG, TSUL KHRIMS BCOM PA DANG @60B GSUM GYIS BDAG LA GNOD PA DANG, PHA ROL LA GNOD PA DANG, GNYI GA LA GNOD PAR 'GYUR BAS NYES DMIGS SU 'GYUR BA STON TO, ,DE LA GNOD SEMS DANG 'TSE BA LA SOGS PA LA GNAS PA RNAMS NI MI MTHUN PA'I PHYOGS MTHU CHE ZHING, GNYEN PO'I STOBS CHUNG BAS GNOD SEMS DANG 'TSE BA LA SOGS PA SPYAD PAS TSUL KHRIMS YANG DAG PAR BLANGS PA DE MI DGE BA'I CHOS LA ZHUGS PAS TSUL KHRIMS NYAMS TE, DE BAS NA TSUL KHRIMS BCOM MO, ,BDAG BCOM BAS NI BDAG LA GNOD PAR STON TO, ,JI LTA ZHE NA, SROG GCOD PA DANG, MA BYIN PAR LEN PA LA SOGS PA BYAS PA DE'I RKYEN GYIS TSE 'DIR YANG BSAD PA DANG, BCING BA LA SOGS PA GNOD PA RNAM PA SNA TSOGS 'BYUNG BAR 'GYUR LA, TSE RAB GZHAN DU YANG NGAN SONGS GSUM LA SOGS PA'I SDUG BSNGAL MYONG BAS BDAG LA GNOD DO, ,SEMS CAN BCOM PAS GZHAN LA GNOD PAR STON TE, TSUL KHRIMS 'KHRUGS PAR GYUR NA NI SDIG PA'I LAS LA 'DZEM PA MED PAR 'JUG STE, GZHAN GYI SROG GCOD PA DANG, NOR LAS MA BYIN PAR LEN PAS NA GZHAN LA GNOD DO, ,DE LTAR BDAG LA YANG SDUG BSNGAL BSKYED, GZHAN LA YANG SDUG BSNGAL BSKYED PAS NA, GNYI GA LA GNOD DO; ,'GYOD PA DANG BCAS PA LA SOGS PA TSIG RNAM PA DRUG GIS SO ZHES BYA BA LA SOGS PA LA, 'GYOD PA DANG BCAS PA DANG, RNYED PA DANG BRAL BA DANG, BSRUNG BA DANG BRAL BA DANG, STON PAS SMAD PA DANG, RTZOD PA'I GZHIR BCAS PA DANG, GRAGS LDAN MED PA DANG DRUG GIS TSE 'DI LA KHA NA MA THO BA 'PHEL BAR 'GYUR BA STON TE, JI LTAR 'PHEL BAR 'GYUR ZHE NA, DE'I PHYIR JI LTAR 'BYUNG ZHE NA, DE BDAG DANG PHA ROL RNAMS LHA DANG STON PA YANG SLU 'PHYA BAR BYED CES BYA BA LA SOGS PA SMOS TE, 'GYOD PA DANG BCAS PAS NI BDAG GIS BDAG BSLUS PA DANG, BDAG LA BDAG SMOD PAR BYED PA STON TE, JI LTA ZHE NA, SDIG PA MI DGE BA BYAS PA'I GANG ZAG DE NI 'DI SNYAM DU SEMS TE, BSOD NAMS BYED PA'I GANG ZAG DAG NI THAR PA'I LAM DU ZHUGS PA YIN LA, 'PHAGS BDAG NI 'JIGS PA MED PA YIN NO, ,SDIG PA BYED PA DAG NI NGAN SONG GI @61A *, ,LAM DU ZHUGS PA YIN LA, SDIG PA BYED PA'I GANG ZAG DAG NI 'JIGS PA DANG BCAS PA YIN TE, BDAG GIS KYANG SDIG PA BYAS PA YIN PAS, NGAN SONG GI LAM DU ZHUGS PA 'JIGS PA DANG BCAS PA YIN PAS BDAG NI BRLAG PA'O CHUD ZOS PA'O ZHES BDAG NYID KYIS BDAG NYID KYI LUS DANG SEMS LA SMOD PAR BYED DO, ,RNYED PA DANG BRAL BA ZHES BYA BAS, PHA ROL SLU ZHING PHA ROL GYIS SMOD PAR BYED PA BSTAN TE, 'DI LTAR SDIG PA BYED PA'I GANG ZAG DE LA SBYIN PA'I BDAG PO RNAMS KYANG 'DI SKAD DU ZER TE, TSE DANG LDAN PA 'DI NI 'DI LTAR SDIG PA BYED PA MI GTZANG BA GRONG GI TSER MA DANG 'DRA BAR 'GYUR BA 'DI LA CHOS GOS DANG BSOD SNYOMS LA SOGS PA SBYIN PA'I GNAS KYANG MA YIN NO ZHES ZER ZHING, BSOD SNYOMS LA SOGS PA YANG MI STER LA, MTHONG NA YANG KHA ZER ZHING SMOD PAR BYED PAS NA, GZHAN SLU ZHING 'PHYA BAR BYED PA'O,, SRUNG BA DANG BRAL ZHES BYA BAS, LHA SLU ZHING LHAS SMOD PAR BYED PA STON TE, 'DI LTAR SNGON TSUL KHRIMS DANG LDAN PAR GYUR PA DANG, TSUL KHRIMS KYI LHA RNAMS KYIS SRUNG BAR BYED PA DE PHAN CHAD LHA DE DAG SRUNG BAR MI BYED LA, GANG ZAG 'DI NI TSUL KHRIMS NYAMS PA SDIG PA'I CHOS SPYOD PA'O ZHES SMOD PAR BYED DO, ,DE BZHIN STON PA ZHES BYA BAS STON PA SANGS RGYAS KYANG SLU ZHING SMOD PAR MDZAD PA STON TO, ,STON PA SANGS RGYAS KYIS KYANG GANG ZAG 'DI NI TSUL KHRIMS NYAMS PA BONG BU'I SGRA SKAD CAN YANG DAG PA'I RJES SU MI 'BRANG BA STE, SHI BA'I RO DANG 'DRA'O ZHES RNAM PA DU MAR SMOD PAR MDZAD DO, ,GZHAN YANG TSANGS PA MTSUNGS PAR SPYOD PA SHES PA DANG, CHOS NYID KYIS SMOD PAR BYED DO ZHES BYA BA LA, RTZOD PA'I GZHIR GYUR PAS GZHAN YANG TSANGS PA MTSUNGS PAR SPYOD PA MKHAS PA SHES PA RNAMS KYIS CHOS NYID KYIS SMOD PAR BYED PA STON TE, 'DI LTAR TSUNGS PA MTSUNGS PAR SPYOD BA DAG KYANG GANG ZAG DE LA, GANG ZAG DE NI 'DI LTAR SDIG PAR BYED PA BSLAB PA NYAMS PA STE, SHI BA'I RO DANG 'DRA'O ZHES SMOD PAR BYED CING, GTZUG LAG KHANG NAS BSKRAD PA LA SOGS PA'I LAS KYANG BYED PA'I PHYIR RO, ,PHYOGS DANG MTSAMS SU ZHES BYA BA LA SOGS PA LA, GRAGS PA DANG LDAN @61B PA MED PAS PHYOGS MTSAMS SU DE'I SDIG PA BYED PA'I SGRA MI SNYAN PA'I SGRA 'BYUNG BA STON TE, BSLAB PA NYAMS PA'I GANG ZAG DE PHYOGS KUN DU YANG GANG ZAG CHE GE MO ZHIG GIS TSUL KHRIMS NYAMS PA, NGAN PA'I NGANG TSUL CAN, SDIG PA'I LAS BYED PA'O ZHES MI SNYAN PA KUN DU GRAGS PAR 'GYUR RO, ,TSE RABS GZHAN DU MI KHOM PAR SKYE BAS TSE RABS GZHAN DU KHA NA MA THO BAR 'BYUNG BA STON TE, TSE PHYI MAR YANG NGAN SONG GSUM DU SKYE BA'I PHYIR RO, ,THOB PA DANG MA THOB PA RNAM PAR SPANGS PA DANG, SEMS LA SDUG BSNGAL CHEN PO THOB PA NYID KYIS TSE 'DI DANG TSE RABS PHYI MAR KHA NA MA THO BA 'BYUNG BA STON TE, TSE 'DIR TSAD MED PA BZHI THOB PA LAS NYAMS PA DANG, TSE 'DIR LUS DANG SEMS LA GDUNG BA CHEN PO MYONG BAR GYUR PA NI TSE 'DI'I KHA NA MA THO BA 'BYUNG BA'O, ,TSE RABS GZHAN DU TSAD MED PA BZHI THOB PA LAS MI 'THOB PAR 'GYUR BA LAS TSE RABS GZHAN DU LUS DANG SEMS LA GNOD PAR 'BYUNG BA 'DI TSE RABS GZHAN DU KHA NA MA THO BA 'BYUNG BA'O, ,DE LTAR MI MTHUN PA'I PHYOGS KYI NYES PA RNAM PA MANG PO 'BYUNG BA BSTAN NAS, DA NI YON TAN STON TE, YON TAN DANG NI NYES PA MED PA DANG, SEMS CAN GYI DON DU 'KHOR PA LAS YONGS SU MI GTONG BA'O, ,DE BSTAN PA'I PHYIR, NYES PA DE DAG THAMS CAD NI, ,BYAMS PA LA SOGS GNAS MI 'BYUNG, ,ZHES BYA BA LA SOGS PA SMOS TE, GONG DU BSHAD PA'I NYES PA BDAG BCOM PA DANG, GZHAN BCOM PA LA SOGS PA'I NYES PA DE DAG ,BYAMS PA DANG, SNYING RJE DANG, DGA' BA DANG, BTANG SNYOMS GNAS PA RNAMS LA MI 'BYUNG STE, 'DIS NI NYES PA MED PA BSTAN TO, ,NYON MONGS MED PAS SEMS CAN DON, ,'KHOR BA 'DOR BAR MI BYED DO, ,ZHES BYA BA LA, SHES RAB DANG LDAN PA 'KHOR BA LA GNAS KYANG 'KHOR BA'I SKYON 'DOD CHAGS DANG ZHE SDANG LA SOGS PAS MI GOS TE, DE BAS NA NYON MONGS PA MED PA ZHES BYA STE, 'DIS NI 'KHOR BA NA MI GNAS PA BSTAN TO, ,SNYING RJE DANG LDAN PAS SEMS CAN GYI DON DU 'KHOR BA YONGS SU MI GTONG STE, DES NI MYA NGAN LAS 'DAS PA LA MI GNAS PA BSTAN TE, DPER NA TSIGS BCAD RKANG PA GNYIS KYIS SEMS CAN GYI DON 'KHOR BA @62A *, ,YONGS SU MI GTONG BA BSTAN TE, JI LTAR RGYAL BA'I SRAS RNAMS KYIS, ,BYAMS LA SOGS PAS SEMS CAN LA, ,YON TAN LDAN PA'I BU GCIG LA, ,SEMS CAN KUN GYIS DE LTAR MIN, ,ZHES BYA BA'I TSIGS BCAD GCIG GIS BYANG CHUB SEMS DPA'I BYAMS PA LA SOGS PA RGYA CHER STON TO, ,JI LTAR BYANG CHUB SEMS DPA' RNAMS BYAMS PA DANG, SNYING RJE DANG, DGA' BA DANG, BTANG SNYOMS KYIS SEMS CAN THAMS CAD LA BYAMS PA DANG, PHAN PA DANG BDE BA MDZAD PA LTAR PHA MA GNYIS BDAG GIS BU GCIG PA'I YON TAN DANG LDAN ZHING MDZANGS PA DANG; MKHAS PA YOD PA LA YANG BYAMS PA DANG PHANGS PA'I BSAM PA MI 'BYUNG NGO, ,GZHAN YANG BYANG CHUB SEMS DPA' SEMS CAN THAMS CAD LA BYAMS PA LA SOGS PA MDZAD PA LTAR, SEMS CAN THAMS CAD KYI BYAMS PA DANG SNYING RJE LA SOGS PA GCIG TU BSDUS KYANG, BYANG CHUB SEMS DPA' GCIG GI BYAMS PA DANG, SNYING RJE TZAM MI 'BYUNG NGO, ,SNYING RJE'I DBYE BA DANG, DE'I DMIGS PAS BRTZAMS TE ZHES BYA BA LA, BYANG CHUB SEMS DPA'I SNYING RJE LA PHYE NA DU YOD PA DANG, BYANG CHUB SEMS DPA'I SNYING RJE'I DMIGS PA BYA BA'I YUL GANG YIN PA BSTAN PA'I PHYIR TSIGS SU BCAD PA GNYIS RTZOM MO ZHES BYA BA'I DON TO, ,BYANG CHUB SEMS DPA'I SNYING RJES DMIGS PAR BYA BA'I YUL NI SHES CAN RNAM PA BCU STE, DE LTAR NA SNYING RJE YANG PHYE NA RNAM PA BCUR 'GYUR RO, ,RAB U 'BAR DANG ZHES BYA BA LA, 'DOD PA'I KHAMS KYI SEMS CAN 'DOD PA LNGA'I YON TAN LA CHAGS PA RNAMS NI, RAB TU 'BAR BA ZHES BYA STE, DE DAG LA YANG BYANG CHUB SEMS DPA' AE MA'O SEMS CAN 'DI DAG NI 'DOD PA'I 'DOD CHAGS KYI ME RAB TU 'BAR BAS RANG DBANG MED PAR BYAS SO ZHES BYANG CHUB SEMS DPA'I THUGS RJE RAB TU SKYE'O, ,DGRA DBANG SONG ZHES BYA BA LA, DGE BA LA ZHUGS PA RNAMS BDUD KYI DBANG DU SONG NAS DGE BA BYED PA BTANG STE, BAR CHAD BYAS PA RNAMS NI DGRA'I DBANG DU SONG BA ZHES BYA STE, DE DAG LA BYANG CHUB SEMS DPA' AE MA'O SEMS CAN 'DI DAG NI BDUD KYI DBANG DU SONG BAS RANG DBANG MED PAR BYAS SO ZHES BYANG CHUB SEMS DPA' THUGS RJE CHEN @62B PO SKYE'O, ,SDUG BSNGAL GZIR DANG ZHES BYA BA LA, SEMS CAN DMYAL BA LA SOGS PA NGAN SONG GSUM DU SKYES PA RNAMS NI SDUG BSNGAL GYIS GZIR BA ZHES BYA STE, DE DAG LA YANG BYANG CHUB SEMS DPA' AE MA'O SEMS CAN 'DI DAG NI MNAR MED PA'I SDUG BSNGAL SNA TSOGS KYIS GZIR ZHING NYAM THAG GO ZHES THUGS RJE CHEN PO SKYE'O, ,MUN PAS BSGRIBS ZHES BYA BA LA, SHAN PA DANG RNGON PA LA SOGS PA SROG GCOD PA LA SOGS PA'I LAM LA ZHEN PA RNAMS NI DE LAS DE'I RKYEN GYIS MA 'ONGS PA NA SEMS CAN DMYAL BA LA SOGS PAR SKYE BAR MA MTHONG BAS NA MUN PAS BSGRIBS PA ZHES BYA STE, DE DAG LA BYANG CHUB SEMS DPA' RNAMS SEMS CAN 'DI DAG NI SROG GCOD PA LA SOGS PA'I LA LA ZHEN PAS MA 'ONGS PA NA NGAN SONG GSUM DU SKYE BAR 'GYUR RO ZHES BYANG CHUB SEMS DPA' THUGS RJE CHEN PO SKYE'O, ,LAM NGAN PAR NI ZHUGS PA DAG CES BYA BA LA, GANG ZAG RIGS CHAD PA YONGS SU MYA NGAN LAS MI 'DA' BA'I CHOS CAN NI LAM NGAN PAR ZHUGS PA ZHES BYA STE, RTAG TU 'KHOR BA 'BA' ZHIG TU SKYE BA'I PHYIR RO, ,DE DAG LA BYANG CHUB SEMS DPA' AE MA'O SEMS CAN 'DI DAG NI 'KHOR BA 'BA' ZHIG TU RGYUN MA CHAD PAR SKYE'I, NAMS KYANG MYA NGAN LAS 'DAS PA'I SKAL PA MED DO ZHES THUGS RJE CHEN PO SKYE'O, ,BCING BA CHE DANG LDAN PA RNAMS, ,ZHES BYA BA LA, MU STEGS PA BDAG DANG BDAG GIR RTOG PA LTA BA SNA TSOGS KYIS THAR BA TSOL BA RNAMS NI BCING BA DAM POS BCINGS PA ZHES BYA STE, DE DAG LA YANG BYANG CHUB SEMS DPA' AE MA'O SEMS CAN 'DI DAG BDAG DANG BDAG GIR LTA BA'I BCING BA DAM POS BCINGS SO ZHES BYANG CHUB SEMS DPA' THUGS RJE CHEN PO SKYE'O, ,ZAS MCHOG DUG DANG 'DRES LA ZHE NA, ,ZHES BYA BA LA, GZUGS DANG GZUGS MED PA'I KHAMS KYI TING NGE 'DZIN GYI RO LA CHAGS PA RNAMS NI, KHA ZAS NGAN PA DUG DANG 'DRES PA ZA BA DANG 'DRA STE, DPER NA KHA ZAS ZHIM PO DUG DANG 'DRES PA ZA BA'I TSE NA BDE YANG, ZOS PA'I 'OG TU SHI BAR 'GYUR BA DE BZHIN DU, BSAM GTAN DANG TING NGE 'DZIN GYI RO LA CHAGS PA RNAMS KYANG THANG CIG BDE ZHING TSIM MOD KYI, PHYIS PA DE @63A *, ,BA LA CHAGS SHING ZHEN PA'I SHUGS KYIS BSAM GTAN LAS NYAMS SHING 'PHO BAR 'GYUR BAS NA NYON MONGS PA ZHES BYA STE, DE DAG LA YANG BYANG CHUB SEMS DPA' AAE MA'O SEMS CAN 'DI DAG NI CHAGS PA MA YIN PA LA MNGON PAR CHAGS SO ZHES BYANG CHUB SEMS DPA' THUGS RJE CHEN PO SKYE'O, ,LAM NI RAB TU STOR BA DAG ,CES BYA BA LA, MU STEGS PA BRAG KHA NAS MCHONG BA DANG, MI LNGA'I DKA' THUB BYED PA LA SOGS PA THAR PA'I LAM MA YIN PA LA THAR PA'I LAM DU MNGON PA'I NGA RGYAL BYED PA RNAMS NI LAM STOR BA ZHES BYA STE, DE DAG LA YANG BYANG CHUB SEMS DPA' AE MA'O SEMS CAN 'DI DAG NI LAM MA YIN PA LA LAM DU NGA RGYAL BYED DO ZHES BYANG CHUB SEMS DPA' THUGS RJE CHEN PO SKYE'O, ,LAM LOG ZHUGS PA ZHES BYA BA LA, NYAN THOS KYI RIGS MA NGES PA DANG, BYANG CHUB SEMS DPA'I RIGS MA NGES PA NYAN THOS KYI THEG PAR ZHUGS PA ZHES BYA STE, DE DAG LA BYANG CHUB SEMS DPA' AE MA'O SEMS CAN 'DI DAG NI BDAG DANG GZHAN GYI DON DU ZHUGS PA'I THEG PA CHEN PO'I LAM BTANG NAS, BDAG 'BA' ZHIG THAR PAR 'GYUR BA'I LAM DU ZHUGS SO ZHES BYANG CHUB SEMS DPA' THUGS RJE CHEN PO SKYE'O, ,NYAM CHUNG BA YI ZHES BYA BA LA, MOS PA SPYOD PA'I SA LA GNAS PA'I BYANG CHUB SEMS DPA' NYON MONGS PA'I ZIL GYIS GNON PAS BSOD NAMS DANG YE SHES KYI TSOGS MYUR DU RDZOGS PAR MI NUS PA RNAMS NI NYAM CHUNG BA ZHES BYA STE, DE DAG LA YANG BYANG CHUB SEMS DPA' AE MA'O SEMS CAN 'DI DAG NI BSOD NAMS DANG YE SHES KYI TSOGS NYID KYI STOBS CHUNG NGO ZHES BYANG CHUB SEMS DPA' THUGS RJE CHEN PO SKYE'O, ,SNYING RJE BAR BYA BA'I DMIGS PA'I 'BRAS BU LNGA BSTAN PA'I TSIGS SU BCAD PA ZHES BYA BA LA, SNYING RJE'I DMIGS PA'I YUL BSTAN NAS, SNYING RJE SEMS CAN LA DMIGS NA 'BRAS BU CI 'THOB PAR 'GYUR BA BSTAN PA'I PHYIR TSIGS SU BCAD PA RTZOM STE, 'BRAS BU'ANG RNAM PA LNGA 'THOB PO, ,ZHES BYA BA'I DON TO, ,'TSE SPANGS ZHES BYA BA LA, SNYING RJE DANG LDAN PA RNAMS NI SEMS CAN LA BRDEG PA DANG 'TSOG PA LA SOGS PA'I 'TSE BA MI BYED PAS 'TSE BA SPANG ZHES BYA STE, 'DIS NI BRAL BA'I 'BRAS BU @63B BSTAN TO, ,BYANG CHUB MCHOG GI SA BON DANG, ,ZHES BYA BA LA, SNYING RJE'I DBANG GIS BLA NA MED PA'I BYANG CHUB TU 'TSANG RGYA BA'I RGYU BSOD NAMS DANG YE SHES KYI TSOGS SOGS PAR 'GYUR RO, ,'DI NI DBANG GI 'BRAS BU'O, ,BDE THOB DKA' THUB PA DANG ZHES BYA BA LA, SNYING RJE DANG LDAN BA RNAMS SEMS CAN GZHAN SDUG BSNGAL LAS BSGRAL NAS BDE BA LA 'GOD PAR BYED PA DANG, SEMS CAN GYI DON DU BDAG NYID GRANG BA DANG TSA BA DANG BKRES PA DANG SKOM PA LA SOGS PA'I SDUG BSNGAL DKA' THUB SNA TSOGS NYAMS SU LEN PAR BYED DE, 'DIS NI SKYES BU BYED PA'I 'BRAS BU'O, ,'DOD PA'I RGYU ZHES BYA BA LA, SNYING RJE DANG LDAN PA RNAMS GANG DANG GANG DU SKYE BAR 'DOD PA DE DANG DER SKYE BAR 'GYUR TE, DE NI RNAM PAR SMIN PA'I 'BRAS BU'O, ,RANG BZHIN GTONG BA ZHES BYA BA LA, SNYING RJE CAN RNAMS SNYING RJE LA GOMS PAR BYAS PAS, TSE 'DIR YANG SNYING RJE'I KHYAD PAR ZHUGS PA 'BYUNG BA DANG, TSE RABS GZHAN DU YANG SNYING RJE'I RANG BZHIN SEMS LA RGYUN DU 'BYUNG BAS RANG BZHIN GTONG BA ZHES BYA STE, 'DI NI RGYU MTHUN PA'I 'BRAS BU'O, ,CHOS LA GNAS PA'I RGYAL BA'I SRAS KYI BYANG CHUB THAG MI RING, ,ZHES BYA BA LA, SNYING RJE'I GNAS NI CHOS LA GNAS PA ZHES BYA BA STE, DE LTA BU'I CHOS LA GNAS PA'I BYANG CHUB SEMS DPA' RNAMS NI BLA NA MED PA'I BYANG CHUB THOB PA THAG MI RING STE, MYUR DU 'THOB PO ZHES BYA BA'I DON TO, ,'KHOR BA DANG MYA NGAN LAS 'DAS PA LA MI GNAS PA'I TSIGS SU BCAD PA STE ZHES BYA BA LA, SNYING RJE'I DMIGS PA DANG 'BRAS BU BSTAN NAS SNYING RJE DANG LDAN PA'I BYANG CHUB SEMS DPA' RNAMS SO S'I SKYE BO BZHIN DU 'KHOR BAR GNAS PA YANG MA YIN, NYAN THOS DANG RANG SANGS RGYAS BZHIN DU MYA NGAN LAS 'DAS PA LA GNAS PA YANG MA YIN PAR BSTAN PA'I PHYIR TSIGS SU BCAD PA RTZOM MO ZHES BYA BA'I DON TO, ,'KHOR BAR GTOGS PA THAMS CAD SDUG BSNGAL NYID, ,CES BYA BA LA, NYID KYI SGRA NI RANG BZHIN LA BYA STE, KHAMS GSUM DU GTOGS PA'I PHYI DANG NANG GI CHOS THAMS CAD MI RTAG PA DANG SDUG BSNGAL BAR MKHYEN NAS ZHES BYA BA'I DON TO, ,BDAG MED PA NI SHES PAR BYAS NAS KYANG, ,ZHES BYA BA LA MI RTAG PA DANG @64A *, ,SDUG BSNGAL BA 'BA' ZHIG TU MKHYEN PAR MA ZAD KYI, STONG PA DANG BDAG MED PA YANG THUGS SU CHUD DO ZHES BYA BA'I DON TO, ,SNYING RJE YOD PA'I BLO MCHOG SKYO MI 'GYUR, ,NYES PA DAG GIS GZIR BAR 'GYUR BA MED, ,CES BYA BA LA, BYANG CHUB SEMS DPA' 'KHOR BA'I CHOS THAMS CAD MI RTAG PA LA SOGS PA THUGS SU CHUNG NAS SNYING RJE DANG LDAN PA'I PHYIR SEMS CAN GYI DON DANG 'KHOR BA'I SDUG BSNGAL GYIS SKYO BAR MI 'GYUR STE, 'DIS NI NYAN THOS BZHIN DU MYA NGAN LAS 'DAS PA LA MI GNAS PAR BSTAN TO, ,GANG ZAG DANG CHOS LA BDAG MED PAR KHONG DU CHUD PA'I BLO MCHOG DANG LDAN PAS 'KHOR BA'I SKYON SKYE RGA NA 'CHI LA SOGS PAS KYANG GZIR BAR MI 'GYUR LA, 'DOD CHAGS DANG ZHE SDANG LA SOGS PAS KYANG GOS PAR MI 'GYUR TE, 'DIS NI SO SO'I SKYE BO BZHIN DU 'KHOR BA NA MI GNAS PA BSTAN TO, ,DE LTAR NA MYA NGAN LAS 'DAS PA DANG, 'KHOR BA LA GNAS PA MA YIN TE ZHES BYA BA LA, SNYING RJE YOD PAS MYA NGAN LAS 'DAS PA LA GNAS PA MA YIN, SHES RAB YOD PAS 'KHOR BA LA GNAS PA MA YIN NO ZHES GO RIMS BZHIN DU SBYAR RO, ,'KHOR BA YONGS SU SHES PAR BYA BA'I TSIGS SU BCAD PA STE ZHES BYA BA LA, SNYING RJE CAN GYI BYANG CHUB SEMS DPA' 'KHOR BA'I RANG BZHIN PHYIN CI MA LOG PAR SHES PAR BYA BA LA, TSIGS SU BCAD PA GCIG GIS BSTAN TO ZHES BYA BA'I DON TO, ,'JIG RTEN SDUG BSNGAL NYID DU BLTA BA NA, ,SDUG BSNGAL 'GYUR ZHES BYA BA LA, KHAMS GSUM GYI SEMS CAN SDUG BSNGAL GYI SDUG BSNGAL DANG, 'GYUR BA'I SDUG BSNGAL DANG, 'DU BYED KYI SDUG BSNGAL GYI RANG BZHIN DU LTA ZHING GZIGS PAS NA BYANG CHUB SEMS DPA' SDUG BSNGAL BAR 'GYUR TE, BRTZE BAR 'GYUR RO ZHES BYA BA'I DON TO, ,'DIS NI SDUG BSNGAL GYI BDEN PA MTHONG NAS THUGS RJE SKYE BAR BSTAN TO, ,YANG DAG PA JI LTA BA BZHIN SHES PAR ZHES BYA BA LA, SDUG BSNGAL 'BA' ZHIG TU MKHYEN PAR MA ZAD KYI SDUG BSNGAL GYI RGYU KUN 'BYUNG GI BDEN PA LAS DANG NYON MONGS PA YANG YIN PAR MKHYEN NAS ZHES BYA BA'I DON TO, ,YONGS SU SPANGS PHYIR DE YI THABS SHES NAS, , @64B ZHES BYA BA LA, GZHAN YANG SDUG BSNGAL DANG KUN 'BYUNG SPANGS TE, 'GOG PA'I BDEN PA MNGON SUM DU BYA BA'I PHYIR, THABS LAM GANG GIS 'GOG PA'I BDEN PA MNGON SUM DU 'GYUR BA'I LAM DANG THABS SHES NAS ZHES BYA BA'I DON TO, ,'GOG PA'I BDEN PA THOB PAR BYA BA'I THABS LAM GYI BDEN PA YIN PAR THUGS SU CHUD PAR STON TE, SNYING RJE CAN NI SKYO BAR MI 'GYUR RO, ,ZHES BYA BA LA, DE LTAR THABS THUGS SU CHUD PAS BYANG CHUB SEMS DPA' THUGS RJE CAN RNAMS SEMS CAN GYI SDUG BSNGAL SPANG BAR BYA BA LA SKYO BAR MI MDZAD DO ZHES BYA BA'I DON TO, , THABS SHES PA DANG SKYO BAR MI 'GYUR RO ZHES BYA BA LA, SKYO BA MI MNGA' BA YANG SDUG BSNGAL LAS BSGRAL BAR BYA BA'I THABS THUGS SU CHUD PAS NI MI SKYO'O ZHES BYA BA'I DON TO, ,GANG GIS DE'I SDUG BSNGAL 'GOG PAR BYED PA'O ZHES BYA BA LA, THABS GANG GIS SEMS CAN RNAMS KYI SDUG BSNGAL BKAG NAS 'GOG PA MNGON SUM DU BYED PA'I THABS DANG LAM MKHYEN CES BYA BA'I DON TO, ,SNYING RJE'I RAB TU DBYE BA'I TSIGS SU BCAD PA GNYIS TE ZHES BYA BA LA, BYANG CHUB SEMS DPA'I SNYING RJE LA PHYE NA RNAM PA DU YOD PA BSTAN PA'I PHYIR TSIGS SU BCAD PA GNYIS RTZOM STE, BYANG CHUB SEMS DPA' SNYING RJE NI RNAM PA BZHI STE, RIGS KYI KHYAD PAR BYA STE, DE LA NYES PA BRTAGS PA NI 'DI LTAR BYANG CHUB SEMS YONGS SU BSGOM PA DANG, 'DOD CHAGS DANG BRAL BA THOB PA'O, ,RANG BZHIN DANG NI ZHES BYA BA LA, RANG BZHIN NI RIGS LA BYA STE, SNYING RJE'I RIGS YOD PA LAS SNYING RJE 'BYUNG BA NI RANG BZHIN ZHES BYA STE, 'DIS NI RIGS KYI KHYAD PAR BSTAN TO, ,SO SOR RTOG PA DANG ZHES BYA BA LA, KHA CIG THEG PA CHEN PO'I MDO SDE'I SNYING PO CHEN PO 'CHAD PA DAG THOB NAS YON TAN DANG NYES PA KUN BRTAGS PA LAS SNYING RJE 'BYUNG BA NI; YON TAN DANG NYES PA KUN DU BRTAGS PA'I SNYING RJE ZHES BYA STE, DE LA NYES PA BRTAGS PA NI 'DI LTAR BYANG CHUB SEMS DPA' RNAMS SEMS CAN LA 'TSE BA DANG, ZHE SDANG SKYE BAR BYED PA NI SNYING RJE CAN GYI CHA MA YIN TE, NYES PA DANG SKYON YIN NO ZHES RTOG PA'O, ,YANG NA @65A *, ,SNYING RJE MED DANG, BDAG BCOM PA DANG SEMS CAN BCOM PA LA SOGS PA'I SKYON 'BYUNG BAR RTOG PA NI NYES PA KUN DU RTOG PA'O, ,YON TAN KUN DU RTOG PA NI SEMS CAN LA BYAMS PA DANG SNYING RJE BYED PA NI SNYING RJE DANG RJES SU MTHUN PA'I BYANG CHUB SEMS DPA'I CHA YIN NO ZHES YON TAN DU RTOG PA'O, ,YANG NA GONG DU BSHAD PA LTAR NYES PA DE DAG THAMS CAD NI, BYAMS PA LA SOGS GNAS MI 'BYUNG, ,NYON MONGS MED PAR SEMS CAN DON, ,'KHOR BA 'DOR BAR MI BYED DO, ,ZHES BYA BA LA SOGS PA'I TSUL DU RTOG PA NI YON TAN RTOG PA'O, ,SNGON DE BSGOM PA'I RNAM PAR LDAN PA DANG, ,ZHES BYA BA LA, TSE RABS SNGA MAR SNYING RJE CHEN POR GOMS PAR BYAS PAS GAR SKYES KYANG SNGON GOMS PA'I MTHUS SNYING RJE DANG LDAN PAR 'GYUR BA NI TSE RABS GZHAN LA YONGS SU BSGOMS PA LAS 'BYUNG BA'I SNYING RJE ZHES BYA'O, ,MI MTHUN PHYOGS SPANGS RNAM PAR DAG THOB PHYIR, ,ZHES BYA BA LA, SNYING RJE'I MI MTHUN PA'I PHYOGS NI GNOD SEMS DANG 'TSE BA LA SOGS PA STE, DE DAG SPANGS NA RNAM PAR DAG PA'I SNYING RJE 'THOB STE, RNAM PAR DAG CES BYA BA NI, GANG LA YANG CHAGS PA DANG ZHE SDANG MI SKYE BA'I 'DOD CHAGS DANG BRAL BA'I SNYING RJE THOB CES BYA BA'I DON TO, ,MNYAM MED RTAG MED SNYING RJE CAN MA YIN, ,ZHES BYA BA LA, MNYAM PA'I SNYING RJE MED NA YANG SNYING RJE CHEN PO CAN MA YIN TE, DPER NA SO SO'I SKYE BO DANG, NYAN THOS DANG, RANG SANGS RGYAS KYI SNYING RJE LTA BU'O, ,DE DAG NI SDUG BSNGAL BA'I SEMS CAN SDUG BSNGAL GYI TSOR BAS ZIL GYIS NON PA RNAMS LA SNYING RJE SKYE'I BDE BA'I TSOR BA DANG, BDE BA YANG MA YIN SDUG BSNGAL BA YANG MA YIN PA'I TSOR BA DANG LDAN PA'I SEMS CAN RNAMS LA SNYING RJE MI SKYE BA'I PHYIR MNYAM PA NYID KYI SNYING RJE MED DO, ,BYANG CHUB SEMS DPA' RNAMS NI GANG CUNG ZAD TSOR BA BDE BA MYONG BA DANG, CUNG ZAD SDUG BSNGAL MYONG BA DANG, CUNG ZAD TSOR BA BDE BA YANG MA YIN SDUG BSNGAL YANG MA YIN PA MYONG BA DE DAG THAMS CAD SDUG BSNGAL YIN PAR THUGS SU CHUNG NAS JI LTAR MNAR MED PA'I SEMS CAN RNAMS LA THUGS RJE SKYE BA DE BZHIN DU, ,SRID PA'I RTZE MOR SKYES PA'I SEMS CAN RNAM LA YANG @65B THUGS RJE SKYE STE, KHAMS GSUM GYI SEMS CAN THAMS CAD LA THUGS RJE SKYE BAS NA, BYANG CHUB SEMS DPA' THUGS RJE NI MNYAM PA NYID DE, DE BAS NA THUGS RJE CHEN POR GZHAG GO, BAR 'GA' 'BYUNG LA, BAR 'GA' NI MI 'BYUNG STE, RTAG PA MA YIN PA'I SNYING RJE NI SNYING RJE CHEN PO CAN MA YIN TE, DPER NA RANG SANGS RGYAS KYI SNYING RJE LTA BU'O, ,DE DAG GI LHAG MA NI LUNG PO'I LHAG MA MA LUS PAR SPANGS PA'I MYA NGAN LAS 'DAS PA'I DBYINGS SU ZHUGS NA ZAD PAR 'GYUR BA'I PHYIR RTAG PA MA YIN NO, ,SANGS RGYAS DANG BYANG CHUB SEMS DPA' RNAMS KYI THUGS RJE NI PHUNG PO'I LHAG MA MA LUS PA SPANGS PA'I MYA NGAN LAS 'DAS PA'I DBYINGS SU ZHUGS KYANG, ZAD PAR MI 'GYUR BAS NA RTAG PA STE, DE BAS NA SNYING RJE CHEN POR GZHAG GO, ,LHAG PA'I BSAM PA MED DE ZHES BYA BA LA, GANG LA BDAG DANG GZHAN DU MNYAM PA NYID DE LHAG PA'I BSAM PA MA THOB PA; DE DAG NI SNYING RJE CHEN PO DANG LDAN PA MA YIN TE, DPER NA NYAN THOS DANG RANG SANGS RGYAS LTA BU'O, ,DE DAG NI CHOS LA BDAG MED PA KHONG DU MA CHUD PAS BDAG DANG GZHAN DU MNYAM PA NYID KYI SEMS MA THOB BO, ,BYANG CHUB SEMS DPA' SA DANG PO LA ZHUGS PA YAN CHAD NI BDAG DANG GZHAN DU MNYAM PA NYID KYI SEMS THOB PA'I PHYIR, BDAG BZHIN DU SEMS CAN GYI SDUG BSNGAL YANG SGROL BAR BYED PAS LHAG PA'I BSAM PA LA GNAS PA DANG, DE BAS NA DE NI SNYING RJE CHEN POR GZHAG GO, ,SGRUB PA YANG ZHES BYA BA LA, MED CES BYA BAR SBYAR TE, GANG LA SEMS CAN SDUG BSNGAL BA MTHONG NAS SEMS LA BRTZE BA YOD PA TZAM DU ZAD KYI, SDUG BSNGAL LAS BSKYAB PA'I PHYIR SGRUB PAR MI BYED NA SNYING RJE CHEN PO CAN MA YIN TE, DPER NA 'PHAGS PA NYAN THOS DANG RANG SANGS RGYAS SO, ,DE DAG NI SEMS CAN SDUG BSNGAL BAR SHES KYANG SDUG BSNGAL LAS BSKYAB PA'I PHYIR SGRUB BAR MI BYED KYI, BYANG CHUB SEMS DPA' RNAMS NI SEMS CAN SDUG BSNGAL BAR MKHYEN NAS SDUG BSNGAL BSKYAB PA'I PHYIR SGRUB PAR YANG MDZAD DE, DE BAS NA SNYING RJE CHEN PAR GZHAG GO, ,'DOD CHAGS BRAL DANG ZHES BYA BA LA, GANG LA SNYING RJE YOD KYANG SNYING RJE'I MI MTHUN @66A *, ,PA'I PHYOGS ZHE SDANG DANG 'TSE BA DANG BCAS PA ZHE SDANG DANG 'TSE BA'I BAG LA NYAL DANG MA BRAL BA DE DAG SNYING RJE CHEN PO ZHES MI BYA STE, DPER NA SO SO'I SKYE BO DANG, NYAN THOS DANG RANG SANGS RGYAS LTA BU'O, ,DE LA SO SO'I SKYE BO DAG NI KHA CIG LA SNYING RJE YOD KYANG DE NYID LA BAR 'GA' ZHE SDANG 'BYUNG BA DANG, MDZA' BA LA SNYING RJE YOD KYANG DGRA LA ZHE SDANG YOD DO, ,'PHAGS PA NYAN THOS DANG RANG SANGS RGYAS RNAMS LA ZHE SDANG DNGOS SU MI 'BYUNG YANG ZHE SDANG GI BAG LA NYAL PHRA MO MA SPANGS SO, ,SANGS RGYAS DANG BYANG CHUB SEMS DPA' RNAMS KYIS NI 'TSE BA DANG ZHE SDANG GI BAG LA NYAL MI MTHUN PA'I PHYOGS THAMS CAD SPANGS PAS 'DOD CHAGS DANG BRAL BA STE, DE'I PHYIR SNYING RJE CHEN POR GZHAG GO, ,MI DMIGS MA YIN DANG ZHES BYA BA LA, GANG LA DMIGS PA DANG BCAS PA DANG, BRTZAL 'BAD DANG BCAS PA DE DAG SNYING RJE CAN MA YIN NO, ,SA BRGYAD PA'I BYANG CHUB SEMS DPA' RNAMS NI MI SKYE BA'I CHOS LA BZOD PA THOB PAS RNAM PAR MI RTOG PA LHUN GYIS GRUB PA'I PHYIR RO, ,BDAG DANG GZHAN DU DMIGS PA DANG, ,BRTZAL DANG 'BAD PA MED PAR LHUN GYIS GRUB PA'I BDAG NYID DU SNYING RJE 'BYUNG BAS NA SNYING RJE CHEN POR GZHAG GO, ,DE BZHIN GANG LA SNYING RJE MED PA BYANG CHUB MIN, ,ZHES BYA BA LA, GONG DU BSHAD PA LTA BU'I MNYAM PA MED PAS NA, MI DMIGS PA MA YIN PA'I BAR DAG GI SNYING RJE MED PA DE DAG NI BYANG CHUB SEMS DPA' MA YIN NO ZHES BYA BA'I DON TO, ,SHING LJON BA LTA BUR SNYING RJE BSTAN PA'I PHYIR TSIGS SU BCAD PA LNGA STE ZHES BYA BA LA, 'DI MAN CHAD TSIGS SU BCAD PA LNGAS SHING LJON PA LA DPE BLANGS NAS, SNYING RJE'I SHING DANG 'DRA BAR STON TE, SHING LJON PA LA RTZA BA DANG, SDONG PO DANG, YAL GA DANG, 'DAB MA DANG, ME TOG DANG, 'BRAS BU YOD PA BZHIN DU, SNYING RJE'I SHING GI RTZA BA DANG, SDONG PO DANG, YAL GA DANG, LO MA DANG 'DAB MA DANG, ME TOG DANG, 'BRAS BU GANG YIN PA STON TO, ,SNYING RJE BZOD PA SEMS PA DANG, SMON LAM SKYE BA SEMS CAN SMIN, ,'DI NI SNYING RJE'I SHING YIN TE, ,ZHES BYA BA LA, SNYING RJE'I SHING GI RTZA BA NI BYANG CHUB SEMS DPA'I SNYING RJE CHEN PO'O, ,SDONG PO NI BZOD @66B PA'O; ,YAL GA NI SEMS CAN GYI DON LA SEMS PA'O, ,LO MA NI SMON LAM MO, ,SKYE BA NI ME TOG GO, ,SEMS CAN SMIN PAR BYED PA NI 'BRAS BU'O ZHES BYA BA'I DON TO, ,RTZA BA CHE SOGS 'BRAS BU CHEN PO'I MCHOG ,CES BYA BA LA, SNYING RJE'I SHING LA SNYING RJE NYID RTZA BA YIN PAS NA RTZA BA CHE'O, , SOGS PA'I NANG DU NI BZOD PA SDONG POR GYUR PAS NA SDONG PO CHEN PO ZHES BYA BA LA SOGS PAR SBYAR TE, THA MAR YANG SEMS CAN YONGS SU SMIN PAR BYED PAS NA 'BRAS BU MCHOG YIN NO ZHES BYA BA'I DON TO, ,DE NI RTZA BA DANG SDONG PO DANG YAL GA LO MA DANG ME TOG DANG 'BRAS BU'I GNAS TE ZHES BYA BA LA; DPER NA SHING LJON PA'I RTZA BA BZANG PO LAS SDONG PO 'BYUNG NGO, ,SDONG PO LAS YAL GA 'BYUNG NGO, ,YAL GA LAS LO MA 'BYUNG NGO, ,LO MA LAS ME TOG 'BYUNG NGO, ,ME TOG LAS 'BRAS BU 'BYUNG NGO, ,DE BZHIN DU BYANG CHUB SEMS DPA'I SNYING RJE CHEN PO'I SHING LA YANG, SNYING RJE CHEN PO NYID NI RTZA BA'I GNAS SU GZHAG STE, BYANG CHUB SEMS DPA'I YON TAN THAMS CAD KYI RTZA BA SNYING RJE CHEN PO YIN PA'I PHYIR RO, ,DE BAS NA 'PHAGS PA BLO GROS MI ZAD PA'I MDO LAS KYANG, ,GZHAN YANG BTZUN PA SHA RA DVA TI'I BU BYANG CHUB SEMS DPA'I SNYING RJE CHEN PO YANG MI ZAD PA STE, CI'I PHYIR ZHE NA, SNGON DU 'GRO BA'I PHYIR RO, ,BTZUN PA SHA RA DVA TI'I BU 'DI LTA STE, DPER NA DBUGS PHYIR 'BUD BA DANG RDUB PA NI SKYES BU'I SROG GI DBANG PO'I SNGON DU 'GRO BA'O, ,DE BZHIN DU THEG PA CHEN PO YANG DAG PAR BSGRUB PA'I PHYIR, BYANG CHUB SEMS DPA'I SNYING RJE CHEN PO SNGON DU 'GRO BA'O ZHES GSUNGS SO, ,'PHAGS PA GA YA'I RTZE MO'I MDO LAS KYANG BYANG CHUB SEMS DPA', BYANG CHUB KYI SEMS KYI RTZA BA NI SNYING RJE CHEN PO'O, ,SEMS CAN NI DMIGS PA'O ZHES BSHAD DO, ,GANG LA SNYING RJE YOD PA DE DAG SEMS CAN GYI DON DU SDUG BSNGAL RNAM PA SNA TSOGS BZOD KYI, SU LA SNYING RJE MED PA DE DAG NI SEMS CAN GYI DON DU SDUG BSNGAL RNAM PA SNA TSOGS BZOD PAR MI 'GYUR TE, DE BAS NA SNYING RJE LAS SEMS CAN GYI DON DU GRANG BA DANG, TSA BA LA SOGS PA BZOD PAR 'BYUNG STE, BZOD PA NI SDONG PO'I GNAS LTA BU'O, ,DE LTAR BZOD PA SDONG PO LTA BU'I SHUGS @67A *, ,KYIS SEMS CAN RNAMS BSGRAL BAR BYA BA'I BSAM PAS RNAM PA SNA TSOGS LA SEMS PA'I BSAM PA 'BYUNG STE BSAM PA DE NI YAL GA'I GNAS LTA BU'O, ,DE LTAR SEMS CAN GYI DON LA SEMS PA'I BSAM PA DE LAS TSE RABS GAR SKYES GAR SKYES KYANG SEMS CAN RNAMS LA PHAN THOGS PAR 'GYUR BA'I LUS DANG LONGS SPYOD DANG 'KHOR DANG GNAS PHUN SUM TSOGS PAR SKYE BAR GYUR CIG CES SMON LAM 'DEBS PA 'BYUNG STE, SMON LAM NI LO MA'I GNAS LTA BU'O, ,DE LTAR SMON LAM LO MA LTA BU'I SHUGS KYIS TSE RABS GAR SKYES GAR SKYES KYANG BDAG DANG GZHAN LA PHAN 'DOGS PAR 'GYUR BA'I GNAS BZANG POR SKYE STE, SKYE BA BZANG PO LEN PA NI ME TOG GI GNAS LTA BU'O, ,DE LTAR SKYE BA BZANG PO BLANGS PA LAS SEMS CAN RNAMS YONGS SU SMIN PAR BYED PA 'BYUNG STE, DE NI 'BRAS BU'I GNAS LTA BU'O, ,DE LTAR TSIGS SU BCAD PA GCIG GIS SNYING RJE YOD NA SNYING RJE LAS BZOD PA LA SOGS PA'I CHOS 'BYUNG STE, RJES SU 'JUG PA BSTAN NAS, DA NI SNYING RJE MED NA BZOD PA LA SOGS PA PHYI MA MI 'BYUNG STE LDOG PAR BSTAN PA'I PHYIR, RTZA BA SNYING RJE MED GYUR NA, ,DKA' BAR SPYOD PA BZOD PA MED, ,CES BYA BA LA SOGS PA SMOS SO, ,DPER NA SHING GI RTZA BA MED NA SDONG PO MED PAR 'GYUR RO, ,SDONG PO MED NA YAL GA MED PAR 'GYUR RO, ,YAL GA MED NA 'DAB MA MED PAR 'GYUR RO, ,'DAB MA MED NA ME TOG MED PAR 'GYUR RO, ,ME TOG MED NA 'BRAS BU MED PAR 'GYUR RO, ,DE BZHIN DU BYANG CHUB SEMS DPA'I SNYING RJE'I SHING LA YANG, SNYING RJE RTZA BAR GYUR BA MED NA SEMS CAN GYI DON PHYI NANG GI SDUG BSNGAL DKA' BAR SPYOD PA THAMS CAD BZOD PA'I BZOD PA SDONG PO LTA BUR GYUR PA MED PAR 'GYUR RO ZHES BYA BA'I DON TO, ,BLO LDAN SDUG BSNGAL MI BZOD NA, ,SEMS CAN DON ZHIG GA LA SEMS, ,ZHES BYA BA LA, DE LTAR BZOD PA SDONG POR GYUR PA LTA BUR MED DE SDUG BSNGAL BA LA MI BZOD NA SEMS CAN GYI DON LA SEMS PA'I BSAM PA YAL GA LTA BUR GYUR PA GA LA ZHIG YOD DE, BSAM PA DE YANG MED PAR 'GYUR RO ZHES BYA BA'I DON TO, ,BSAM PA RNAM PAR SPANGS PA'I BLO, ,TSE RABS BZANG POR SMIN MI BYED, ,CES BYA BA LA, @67B DE LTAR SEMS CAN GYI DON DU BSAMS PA'I BSAM PA SPANGS TE MED NA SEMS CAN GYI DON DU TSE RABS BZANG PO DE DANG DE DAG TU SKYE BAR GYUR CIG CES SMON LAM MI 'DEBS TE, DE BAS NA SMON LAM 'DAB MA LTA BUR GYUR PA MI 'BYUNG NGO, ,DE LTAR SMON LAM BTAB NA YANG TSE RABS BZANG POR SKYE BAR MI 'GYUR TE, DE BAS NA TSE RABS BZANG POR SKYE BA ME TOG LTA BU MI 'BYUNG NGO, ,TSE RABS BZANG PO MA THOB NA, ,SEMS CAN YONGS SU SMIN BYED MED, ,CES BYA BA LA, DE LTAR TSE RABS BZANG PO ME TOG LTA BU MA THOB NA SEMS CAN YONGS SU SMIN PAR BYED MI NUS TE, DE BAS NA SEMS CAN YONGS SU SMIN PAR BYED PA 'BRAS BU LTA BUR GYUR PA MED PAR 'GYUR RO ZHES BYA BA'I DON TO, ,'DI LTAR SHING LJON PA'I RTZA BA CHUS BRLAN NA, RTZA BA BRTAN PA DANG RGYAS PAR GYUR BAS DE'I ZHOR GYIS SDONG PO LA SOGS PA YANG 'PHEL BAR 'GYUR BA BZHIN DU 'DIR YANG TSIGS SU BCAD PA GNYIS SHIG GIS SNYING RJE CHEN PO RTZA BAR GYUR PA LA, DE BRLAN ZHING BRTAS PAR BYED PA'I CHU GANG YIN PA BSTAN PA'I PHYIR, SNYING RJE'I CHU NI BYAMS PA STE, ,SDUG BSNGAL BDE BA RGYA CHER RGYAS, ,ZHES BYA BA LA SOGS PA SMOS SO, ,DPER NA SHING GI RTZA BA LA CHUS BRLAN NA 'PHEL ZHING RGYAS PA BZHIN DU, SNYING RJE'I RTZA BAR GYUR PA LA BYAMS PA'I CHUS BRLAN NA, SNYING RJE'I RTZA BAR GYUR PA BRTAS SHING 'PHEL BAR 'GYUR TE, DE LAS BZOD PA SDONG PO LTA BUR GYUR PA LA SOGS PA YANG BRTAS SHING 'PHEL BAR 'GYUR RO ZHES BYA BA'I DON TO, ,JI LTA ZHE NA, BYAMS PA DANG LDAN PA'I BYANG CHUB SEMS DPA' RNAMS NI BYAMS PA'I SEMS CHU DANG 'DRA BA SNYING RJES BRLAN NA, SNYING RJE 'PHEL BAR 'GYUR TE, SNYING RJE 'PHEL DANG BYANG CHUB SEMS DPA' PHA ROL GYI SDUG BSNGAL MTHONG NAS BDAG NYID SDUG BSNGAL BAR 'GYUR RO, ,DE LTAR NA SEMS CAN GYI DON DU ZHUGS PA LAS SDUG BSNGAL 'BYUNG BA DE NYID SDUG BSNGAL MA YIN GYI BDE BA RGYA CHEN PO YIN TE, DE BAS NA CI LA YANG MI BZOD PA MED PAS NA, BZOD PA SDONG PO LTA BU DANG LDAN PAR 'GYUR TE, RGYAS BZHES BYA BA NI 'DI'I SKABS SU BZOD PA LA BYA'O, ,YAL GA 'PHEL ZHING GYES PA NI, ,TSUL BZHIN YID BYED SHES PAR BYA, ,ZHES BYA BA LA, THEG PA CHEN PO'I DON GANG @68A *, ,ZAG DANG CHOS LA BDAG MED PA DANG, BDAG DANG GZHAN GYI DON BYA BA LA SEMS PA NI TSUL BZHIN YID LA BYED PA ZHES BYA BA DE BAS NA SEMS PA NI YAL GA LTA BUR 'PHEL ZHING GYES PAR BLTA'O, ,SMON LAM RGYUN NI MA CHAD PAS, ,'DAB MA DAG NI LHAGS SHING SKYE, ,ZHES BYA BA LA, DPER NA SHING LJON PA YANG 'DAB MA RNYINGS PA DAG NI 'DOR ZHING 'DAB MA GSAR PA DAG SKYE ZHING 'DZIN PA DANG 'DRA BAR, BYANG CHUB SEMS DPA' SNGAR BTAB PA'I SMON LAM RGYA CHUNG NGU DANG SKYE BA RGYA CHUNG NGU RNAMS NI BOR NAS, PHYIS SMON LAM RGYA CHEN PO DANG SKYE BA RGYA CHEN PO DAG RGYUN DU LEN CING 'DZIN PAR BYED DE, DE LTAR SMON LAM SNGA MA 'DOR ZHING PHYI MA LEN PA'I RGYUN MI GCOD PA NI 'DAB MA SNGA MA LHAGS SHING PHYI MA SKYE BA BZHIN NO, ,RNAM PA GNYIS KYIS RKYEN GRUB PHYIR, ,ME TOG MI STONGS DE LAS 'BRAS, ,ZHES BYA BA LA, 'DI LTAR SHING LJON PA YANG RKYEN RNAM PA GNYIS KYIS GRUB STE, NANG GI RKYEN GYIS GRUB PA DANG, PHYI'I RKYEN GYIS GRUB PA'O, ,DE LA NANG GI RKYEN GYIS GRUB PA NI RTZA BA LAS SDONG PO GRUB, SDONG PO LAS YAL GA GRUB PA LA SOGS PA'O, DE BZHIN DU BYANG CHUB SEMS DPA'I SNYING RJE'I SHING LA NANG GI RKYEN SMON LAM YONGS SU GRUB PAS RANG GI SKYE BA BZANG POR YONGS SU SMIN PA'I PHYIR ME TOG LTA BU'I SKYE BA YANG MA STONG TE, SKYE BA DON MED PAR MA GYUR RO ZHES BYA BA'I DON TO, ,DPER NA SHING LJON PA LAS CHU ME RLUNG LA SOGS PA PHYI ROL GYI RKYEN GYIS GROGS BYAS NA ME TOG LAS 'BRAS BU SKYE BA BZHIN DU, BYANG CHUB SEMS DPA'I SNYING RJE'I SHING LA YANG PHYI ROL GYI RKYEN DU GRUB STE, TSE RABS GANG NAS GANG DU SKYES PAR YONGS SU SMIN PAR BYED PA'I 'BRAS BU GRUB PAS NA 'BRAS BU YONGS SU MA STONGS SO ZHES BYA BA'I DON TO, ,SNYING RJE'I BSNGAGS PA'I TSIGS SU BCAD PA STE ZHES BYA BA LA, DA NI TSIGS SU BCAD PA GCIG GIS SNYING RJE'I LEGS PA DANG, YON TAN STON TO ZHES BYA BA'I DON TO, ,SNYING RJE CHEN PO'I YON TAN BYED PA YI, ,SEMS CAN RNAMS NI SNYING RJES SU MI BYED, ,CES BYA BA LA SNYING RJE CHEN PO NI DE BZHIN GSHEGS PA'I THUGS KYI RGYUD LA MNGA' BA'I THUGS RJE LA BYA'O, ,'DI LTAR STOBS DANG MI 'JIGS PA LA @68B SOGS PA DE BZHIN GSHEGS PA'I YON TAN YIN PA BZHIN DU, THUGS RJE CHEN PO YANG DE BZHIN GSHEGS PA'I YON TAN NO, ,THUGS RJE CHEN PO'I YON TAN DE YANG SEMS CAN THAMS CAD LA DMIGS NA 'DOD PA THOB PAR 'GYUR BAS NA, SEMS CAN RNAMS NI SNYING RJE CHEN PO'I YON TAN BYED PA ZHES BYA STE; DE LTA BUR SNYING RJE CHEN PO YON TAN THOB PAR BYED PA'I SEMS CAN RNAMS LA SNYING RJE BAR SU ZHIG MI BYED DE KUN GYIS KYANG SNYING RJE BAR BYA BA'I RIGS SO ZHES BYA BA'I DON TO, ,DA NI TSIGS SU BCAD PA PHYED KYIS SNYING RJE'I YON TAN NYID BSTAN PA'I PHYIR, SNYING RJE SKYED PA GANG YIN DE DAG NI, , SDUG BSNGAL NA YANG MTSUNGS MED BDE BAR 'GYUR, ,ZHES BYA BA SMOS TE, ,BYANG CHUB SEMS DPA'I SNYING RJE CHEN PO LAS SKYES PA'I SDUG BSNGAL RNAM PA MANG PO GANG YIN PA DE DAG SDUG BSNGAL BAR MI 'GYUR GYI, LHA DANG MI LA SOGS PA'I 'JIG RTEN PA'I BDE BA DANG, NYAN THOS DANG RANG SANGS RGYAS LA SOGS PA'I 'JIG RTEN LAS 'DAS PA'I BDE BA LAS KYANG 'DAS SHING 'PHAGS PA'I BDE BAR 'GYUR RO ZHES BYA BA'I DON TO, ,MDO SDE RGYAN BAM PO LNGA'I BSHAD PA RDZOGS SO,, ,,SNYING RJE CHAGS PA MED PA'I TSIGS SU BCAD PA STE, ,ZHES BYA BA LA, SNYING RJES ZIN PA'I BYANG CHUB SEMS DPA' RNAMS, ,SO SO'I SKYE BO BZHIN 'KHOR BA LA YANG MA CHAGS MI GNAS, NYAN THOS DANG RANG SANGS RGYAS BZHIN DU MYA NGAN LAS 'DAS PA YANG MA CHAGS MI GNAS PAR BSTAN PA'I PHYIR, TSIGS SU BCAD PA GCIG RTZOM MO ZHES BYA BA'I DON TO, ,SNYING RJES BRLAN PA'I SNYING RJE CAN, ZHI BA LA YANG MI GNAS NA, ,'JIG RTEN BDE DANG RANG SROG LA, ,CHAGS PAR 'GYUR BA SMOS CI DGOS, ,ZHES BYA BA LA, 'JIG RTEN PA DAG NI 'JIG RTEN PA'I 'DOD PA LNGA'I YON TAN GYI BDE BA LA CHAGS PA DANG, RANG GI SROG DANG LUS LA CHAGS TE, DE BAS NA 'KHOR BA LA GNAS PA'O, , 'PHAGS PA NYAN THOS DANG RANG SANGS RGYAS RNAMS 'JIG RTEN GYI BDE BA DANG SROG LA CHAGS PA MED KYANG SDUG BSNGAL THAMS CAD SPANGS PA'I MYA NGAN LAS 'DAS PA LA CHAGS PAS MYA NGAN LAS 'DAS PA LA GNAS PA'O, ,BYANG CHUB SEMS DPA' THUGS RJE CAN RNAMS THUGS RJES BYIN GYIS BRLABS @69A *, ,SHING THUGS RJE'I DBANG DU GYUR LA THUGS RJES ZIN PA RNAMS NI NYAN THOS DANG RANG SANGS RGYAS RNAMS KYI ZHI BA PHYOGS GCIG PA'I MYA NGAN LAS 'DAS PA 'JIG RTEN GYI BYA BA THAMS CAD KYI PHUL DU PHYIN PA DE LA YANG MA CHAGS MI GNAS TE, 'DIS NI MYA NGAN LAS 'DAS PA LA MI GNAS PA BSTAN TO, ,DE LTA BU LA YANG MA CHAGS NA 'JIG RTEN PA'I 'DOD PA LNGA'I BDE BA DANG LUS DANG SROG LA CHAGS PAR 'GYUR BA LTA CI SMOS TE, MA CHAGS CHES SO ZHES BYA BA'I DON TO, ,'DIS NI 'KHOR BA NA MI GNAS PAR BSTAN TO, ,SNYING RJES SDUG PA'I KHYAD PAR LA TSIGS SU BCAD PA GSUM MO ZHES BYA BA LA, JI LTAR 'JIG RTEN PA DAG PHA MA BU TSA GNYEN BSHES LA SDUG PA YOD PA DANG, 'PHAGS PA NYAN THOS DANG, RANG SANGS RGYAS RNAMS SEMS CAN SDUG BSNGAL BA RNAMS LA SDUG PA YOD MOD KYI, DE BAS KYANG BYANG CHUB SEMS DPA' THUGS RJE'I RGYUS SEMS CAN THAMS CAD LA SDUG PAR BYED PA SDUG PA GZHAN DANG KHYAD ZHUGS PAR BSTAN PA'I PHYIR, ,TSIGS SU BCAD PA GSUM RTZOM MO ZHES BYA BA'I DON TO, ,KHA NA MA THO MED PA YI, ,SDUG PA MED DE 'JIG RTEN MIN, ,ZHES BYA BA LA, 'JIG RTEN PHA MA LA SOGS PA BU TSA LA SDUG PA YOD KYANG 'JIG RTEN PA'I SDUG PA THAMS CAD NI KHA NA MA THO BA MED PA'I SDUG PA GANG YANG MED DE 'JIG RTEN PA'I SDUG PA THAMS CAD KHA NA MA THO BA DANG BCAS SHING SDIG PA DANG SKYON DANG BCAS PA SHA STAG GO, ,DE CI'I PHYIR ZHE NA, MA BYIN PAR LEN PA DANG, SROG GCOD PA LA SOGS PA'I LAS LA 'DZUD PAS SDUG BSNGAL GYI CHU BO CHEN PO LA 'JOG PA DANG, MI SHES PA'I CHU BO CHEN POS NON PA'I PHYIR, THAMS CAD KYANG KHA NA MA THO BA DANG BCAS PA SHA STAG GO, 'JIG RTEN GYI SDUG PA LA 'JIG RTEN LAS 'DAS PA YANG MED DE, 'JIG RTEN PA SHA STAG GO ZHES BYA BA'I DON TO, ,DE CI'I PHYIR ZHE NA, GANG ZAG DANG CHOS LA BDAG MED PAR MA RTOGS PAS BDAG DANG GZHAN MNYAM PA NYID KYI SEMS MA THOB PA'I PHYIR RO, ,BLO LDAN SNYING RJE'I SDUG PA NI, ,KHA NA MA THO MED CES 'JIG RTEN 'DAS, ,ZHES BYA BA LA, BYANG CHUB SEMS DPA' RNAMS KYI SNYING RJE'I RGYU LAS BYUNG BA'I SEMS CAN LA SDUG PAR BYED PA NI KHA NA MA THO BA YANG MED LA @69B 'JIG RTEN LAS 'DAS PA YANG YIN NO ZHES BYA BA'I DON TO, ,'JIG RTEN PA'I SNYING RJE LA GNAS PA RNAMS KYIS KHA NA MA THO BA MED KYANG 'JIG RTEN PA'O ZHES BYA BA LA, MOS PA SPYOD PA'I SA LA GNAS PA'I BYANG CHUB SEMS DPA' RNAMS KYI SNYING RJES SEMS CAN SDUG PAR BYED PA DANG, 'JIG RTEN PA DRANG SRONG LA SOGS PA'I SNYING RJES SEMS CAN LA SDUG PAR BYED PA NI SDUG PA LA MI 'JOG STE, KHA NA MA THO BA MED KYANG BDAG DANG GZHAN DU MNYAM BA NYID KYI SEMS MA THOB PAS 'JIG RTEN PAR 'JOG GO, ,JI LTAR KHA NA MA THO BA MED CE NA ZHES BYA BA LA, BYANG CHUB SEMS DPA' RNAMS KYI SNYING RJE'I RGYU LAS BYUNG BA'I SEMS CAN LA SDUG PAR BYED PA KHA NA MA THO BA MED DO ZHES BSHAD PA JI LTAR KHA NA MA THOB MED CE NA ZHES BYA BA'I DON TO, ,DE'I PHYIR SMRAS PA, SDUG BSNGAL CHU BO CHEN PO DANG, ,MI SHES MUN NAG GNAS PA'I 'JIG RTEN DAG ,DRANG BA'I THABS RNAMS SHOMS PA DES, ,JI LTAR KHA NA MA THO MED MA YIN, ,ZHES BYA BA SMOS TE, SDUG BSNGAL RNAM PA GSUM DANG BRGYAD LA SOGS PA'I CHU BO CHEN PO LA GNAS PA DANG, 'PHAGS PA'I BDEN BA BZHI YANG DAG PA JI LTA BA BZHIN MI SHES PA'I MUN PA LA GNAS PA NI KHA NA MA THO BA DANG BCAS PA STE, DE LTA BU'I 'JIG RTEN GYI SDUG BSNGAL GYI CHU BO LA GNAS PA DANG MI SHES PA'I MUN PA LA GNAS PA RNAMS DRANG ZHING GDON PAR BYA BA'I THABS CHEN PO BSHAMS PA MKHAS PA BYANG CHUB SEMS DPA' RNAMS KYI SNYING RJE LAS 'BYUNG BA SDUG BA STE, JI LTAR NA KHA NA MA THO BA MED PA YIN TE, KHA NA MA THO BA MED PA YID CHES SO ZHES BYA BA'I DON TO; ,JI LTAR NA 'JIG RTEN LAS 'DAS SHE NA ZHES BYA BA LA, BYANG CHUB SEMS DPA'I SDUG PA 'JIG RTEN LAS 'DAS ZHES BSHAD NA, BYANG CHUB SEMS DPA'I THUGS RJE LAS BYUNG BA'I SDUG PA STE, JI LTAR NA 'JIG RTEN LAS 'DAS PA YIN ZHE NA ZHES BYA BA'I DON TO, ,DE'I PHYIR RANG BYANG CHUB TU SANGS RGYAS DANG, 'JIG RTEN DGRA BCOM DE SDUG MED, ,DE LAS GZHAN LA SMOS CI DGOS, ,JI LTAR 'JIG RTEN 'DAS MA YIN, ,ZHES BYA BA SMOS TE, 'DI LTAR BYANG CHUB SEMS DPA' THUGS RJE'I RGYU LAS BYUNG BA'I SDUG PA DE LTA BU NI 'JIG RTEN NA GANG ZAG MCHOG @70A *, ,DANG GTZO BOR BYA BA RANG SANGS RGYAS DANG 'PHAGS PA DGRA BCOM PA RNAMS LA YANG, BYANG CHUB SEMS DPA' SNYING RJE LAS BYUNG BA'I SEMS CAN THAMS CAD LA SDUG PA DE LTA BU DE MED NA 'JIG RTEN PHAL BA RNAMS LA DA LTA BUI'I SDUG PA LTA GA LA ZHIG YOD DE MED CES SO ZHES BYA BA'I DON TO, ,DE LTAR BYANG CHUB SEMS DPA'I SEMS CAN LA SDUG PAR LTA BA 'PHAGS PA RNAMS LA YANG MED NA, 'JIG RTEN PA LA LTA GA LA YOD MED NA, BYANG CHUB SEMS DPA'I SDUG PAR LTA BA DE 'JIG RTEN LAS 'DAS JI LTAR MA YIN TE, 'JIG RTEN LAS 'DAS PA YID CHES SO ZHES BYA BA'I DON TO, ,RANG BYANG CHUB TU SANGS RGYAS PAS NA ZHES BYA BA LA, MKHAN PO DANG SLOB DPON MED PAR RANG GI BLOS MYA NGAN LAS 'DAS PA MNGON DU BYAS PAS NA RANG BYANG CHUB TU SANGS RGYAS PA ZHES BYA'O, ,SKRAG PA DANG MNGON PAR DGA' BA'I RGYU LA TSIGS SU BCAD PA ZHES BYA BA LA, BYANG CHUB SEMS DPA' THUGS RJE'I RGYUS, SEMS CAN GYI DON DU MGO DANG RKANG LAG LA SOGS PA BTANG BA'I SDUG BSNGAL LA KHA CIG SKRAG PA YOD LA, BYANG CHUB SEMS DPA' KHA CIG SDUG BSNGAL DE NYID LA BDE BAR 'DZIN CING DGA' BA YOD DE, DE BSTAN PA'I PHYIR TSIGS SU BCAD PA GCIG RTZOM MO ZHES BYA BA'I DON TO, ,BYANG CHUB SEMS DPA' SDUG BSNGAL MED, ,SNYING BRTZE BA YI SDUG BSNGAL 'GYUR, ,DE NI THOG MAR SHIN TU SKRAG ,CES BYA BA LA, BYANG CHUB SEMS DPA' THUGS RJE'I RGYUS SEMS CAN GYI SDUG BSNGAL MED PAR BYA BA'I PHYIR ZHUGS PA DE SEMS CAN SDUG BSNGAL BA MANG DU MTHONG BAS SNYING RJE'I RGYUS BDAG NYID KYANG SDUG BSNGAL BAR 'GYUR LA, DANG PO MOS BA SPYOD PA'I SA NA NI SDUG BSNGAL DE LTA BU LAS BSGRAL BAR MI NUS SO SNYAM NAS SKRAG PA SKYE STE, DE CI'I PHYIR ZHE NA, BDAG DANG GZHAN DU MNYAM PA NYID KYI SEMS MA THOB PA DANG, SDUG BSNGAL THAMS CAD STONG PA NYID DU KHONG DU DU MA CHUD PA'I PHYIR RO, ,REG NAS RAB TU MNGON PAR DGA', ,ZHES BYA BA LA, DE LA REG PA NI SA DANG PO RAB TU DGA' BA LA REG PA STE, SA DANG PO RAB TU DGA' BA THOB NAS CHOS KYI DBYINGS KUN DU 'GRO BA'I MTSAN NYID DU RTOGS PA NA BDAG DANG GZHAN DU MNYAM PA NYID KYI SEMS THOB PA DANG, @70B SDUG BSNGAL THAMS CAD STONG PA NYID DU KHONG DU CHUD PAS NA SEMS CAN GYI DON DU SDUG BSNGAL MYONG BAR 'GYUR BA YIN YANG SHIN TU DGA' BA DANG BDE BA'I SEMS SKYE'O ZHES BYA BA'I DON BYANG CHUB SEMS DPA'I SNYING RJE'I SHUGS BYA BA'I PHYIR ZHES BYA BA LA, SDUG BSNGAL MED CES BYA BA'I DON 'CHAD DE, MED CES BYA BA NI MTSAN MA'I DON TO, ,MTSAN MA'I DON YANG PHYIR GYI DON DU 'DREN TE, SEMS CAN GYI SDUG BSNGAL RNAM PA BDUN DANG BRGYAD LA SOGS PA MED PAR BYA BA'I PHYIR ZHUGS PA DE SEMS CAN GYI SDUG BSNGAL MTHONG NAS BYANG CHUB SEMS DPA'I SNYING RJE'I SHUGS KYIS BDAG NYID SDUG BSNGAL SKYE BAR 'GYUR TE MOS PA SPYOD PA'I SA NI SDUG BSNGAL DES SKRAG PAR 'GYUR RO, ,BDAG DANG GZHAN MNYAM PA NYID DU ZHES BYA BA LA SOGS PA LA MOS PA SPYOD PA'I SA NA SDUG BSNGAL GYIS SKRAG PA NI BDAG DANG GZHAN DU MNYAM PA NYID MA RTOGS PA DANG, SDUG BSNGAL THAMS CAD STONG PAR MA RTOGS PAS NA SKRAG GO ZHES BYA BA'I DON TO, ,REG PA NI LHAG PA'I BSAM PA RNAM PAR DAG PA'I SA LA ZHES BYA BA LA, REG PA ZHES BYA BA NI LHAG PA'I BSAM PA RNAM PAR DAG PA'I SA LA REG PA STE SA DANG PO YAN CHAD THOB PA'O, ,DE DAG GI TSE NA NI CHOS KYI DBYINGS SKUN DU 'GRO BA'I MTSAN NYID RTOGS PAS BDAG DANG GZHAN MNYAM PA NYID KYI SEMS THOB PA DANG, SDUG BSNGAL THAMS CAD STONG PA NYID DU RTOGS PAS SDUG BSNGAL LA SKRAG PA MI SKYE STE BDE BAR 'DZIN PA'I BSAM PA SKYE'O ZHES BYA BA'I DON TO, ,SNYING RJE'I SDUG BSNGAL GYIS BDE BA ZIL GYIS GNON PA'I TSIGS SU BCAD PA ZHES BYA BA LA, BYANG CHUB SEMS DPA' RNAMS SEMS CAN GYI DON DU SDUG BSNGAL RNAM PA SNA TSOGS 'BYUNG BA NI SNYING RJE'I RGYU LAS BYUNG STE, SDUG BSNGAL DE NYID LA BYANG CHUB SEMS DPA' BDE BAR 'DZIN TO, ,SDUG BSNGAL LAS BYUNG BA'I BDE BA DE NI BDE BA THAMS CAD KYI DAM PA DANG MCHOG YIN TE, DES 'JIG RTEN GYI BDE BA THAMS CAD ZIL GYIS GNON CING 'JIG RTEN GYI BDE BA THAMS CAD LAS 'PHAGS PAR BSTAN PA'I PHYIR TSIGS SU BCAD PA RTZOM MO ZHES BYA BA'I DON TO, ,SNYING RJES BSKYED PA'I SDUG BSNGAL NI, ,'JIG RTEN BDE BA THAMS CAD ZIL GNON @71A *, ,CING; ,ZHES BYA BA LA, GANG SKYE BA DANG RGA BA LA SOGS PA SDUG BSNGAL SNA TSOGS KYIS MGO MYOS PA'I SEMS CAN RNAMS BSKYAB PAR BYA BA'I DON DU BYANG CHUB SEMS DPA' SNYING RJE'I RGYU LAS SKYES PA'I SDUG BSNGAL SEMS CAN DMYAL BA LA SOGS PA'I SDUG BSNGAL MYONG BA YANG SEMS CAN GYI SDUG BSNGAL SKYOB PA LA LTOS NAS, DE NYID BYANG CHUB SEMS DPA' RNAMS BDE BA CHEN POR 'GYUR TE, BDE BA DE NI BDE BA THAMS CAD KYI MCHOG DANG PHUL YIN PAS BDE BA DE 'JIG RTEN GYI LHA DANG MI LA SOGS PA'I BDE BA THAMS CAD ZIL GYIS GNON TE BDE BA THAMS CAD PAS LHAG GO ZHES BYA BA'I DON TO, ,BYANG CHUB SEMS DPA'I SDUG BSNGAL NYID BDE BA'I MCHOG TU GYUR PA 'DI NGO MTSAR DU BYA BA YIN PAR BSTAN PA'I PHYIR, DON BYAS PA YANG DE DANG BRAL BA YIN PAS NA, ,DE LAS NGO MTSAR CHE BA GZHAN CI SMOS, ,ZHES BYA BA SMOS TE, 'DI LTAR 'PHAGS PA DGRA BCOM PA SDUG BSNGAL THAMS CAD NI SPANGS, BDE BA THAMS CAD NI PHUN SUM TSOGS TE, RNAM PA THAMS CAD DU BDAG GI DON BSGRUBS TE DE DAG LA YANG BYANG CHUB SEMS DPA'I THUGS RJE LAS BYUNG BA'I SDUG BSNGAL NYID BDE BAR GYUR PA'I BDE BA DE LTA BU MED NA 'JIG RTEN PHAL PA LTA ZHIG GA LA YOD DE, DE BAS NA GANG SDUG BSNGAL BA DE NYID BDE BA MCHOG TU GYUR PA DE LAS NGO MTSAR CHE BA CI ZHIG YOD DE, NGO MTSAR GYI MCHOG TU BYA BA YIN NO ZHES BYA BA'I DON TO, ,SNYING RJE BYAS PA'I SBYIN PA LA RJES SU BSNGAGS PA'I TSIGS SU BCAD PA ZHES BYA BA LA, 'JIG RTEN NA SBYIN PA GTONG BAR BYED PA YOD KYANG PHAN BTAGS PA'I LAN LA RE BAS GTONG BA DANG, SNGON PHAN BTAGS PAS LAN DU PHAN GDAGS PA'I PHYIR GTONG BA YOD DE, BYANG CHUB SEMS DPA' SBYIN PA GTONG BAR BYED PA NI DE LTA BU MA YIN GYI, SNYING RJE'I SHUGS KYIS GTONG BAS DE LTAR BTANG BA'I SBYIN PA LA YON TAN DANG LEGS PA YOD PA BSTAN PA'I PHYIR, TSIGS SU BCAD PA RTZOM MO ZHES BYA BA'I DON TO, ,SNYING RJE DAG DANG LDAN PA'I SBYIN PAS NI, ,BSTAN PA RNAMS LA SBYIN PA BDE BYED PA, ,KHAMS GSUM PA YI LONGS SPYOD DE DAG GIS, ,BDE BA DE LA DE YI CHAR MI 'GRO, ,ZHES BYA BA LA, BYANG CHUB SEMS DPA' SBYIN PA GTONG BA NI SEMS CAN BREL @71B BA DANG PHONGS PA RNAMS LA THUGS BRTZE BA'I DBANG GIS SBYIN PA BTANG NAS DE'I 'OG TU BYANG CHUB SEMS DPA' DGA' BA DANG BDE BA SKYE BAR 'GYUR TE, DGA' BA DANG BDE BA DE LA NI KHAMS GSUM PA'I LHA DANG MI'I BDE BA GANG GIS KYANG BRGYA'I CHA'AM STONG GI CHA 'AM BYE BA'I CHA 'AM BYE BA BRGYA STONG GI CHAR YANG MI PHOD DO ZHES BYA BA'I DON TO, ,SNYING RJE DAG DANG LDAN PA'I SBYIN PAS NI, ,BSTAN PA RNAMS LA BDE BA BYED PA ZHES BYA BA'I TSIGS SU BCAD PA PHYED KYI DON SLA BAS MA BSHAD KYI, KHAMS GSUM PA YI LONGS SPYOD DAG GIS NI, ,ZHES BYA BA YAN CHAD KYI TSIGS SU BCAD PA PHYED KYI DON 'GREL PAS BKROL TE BSHAD DO ZHES BYA BA'I DON TO, ,SNYING RJES SDUG BSNGAL KHAS LEN PA LA TSIGS SU BCAD PA ZHES BYA BA LA, KHA CIG 'DI SNYAM DU BYANG CHUB SEMS DPA' SEMS CAN GYI DON DU 'KHOR BA KHAS BLANGS KYANG 'KHOR BA'I SDUG BSNGAL KHAMS BLANGS SO SNYAM PA LA, BYANG CHUB SEMS DPA' RNAMS KYIS 'KHOR BA KHAS BLANGS PAS NA, 'KHOR BA'I SDUG BSNGAL RNAMS KYANG KHAS BLANGS PA BSTAN PA'I PHYIR, TSIGS SU BCAD PA RTZOM MO ZHES BYA BA'I DON TO, ,'KHOR BA DAG NI SDUG BSNGAL RANG BZHIN TE, ,SEMS CAN DON DU SNYING RJE GANG MI GTONG, ,GZHAN DAG LA NI PHAN PHYIR SDUG BSNGAL NI, ,SNYING RJE CAN GYIS KHAS KYANG MA BLANGS SAM, ,ZHES BYA BA LA, BCOM LDAN 'DAS KYIS MDO DAG LAS, ,SKYE BA SDUG BSNGAL BA DANG, RGA BA DANG, NA BA DANG, 'CHI BA SDUG BSNGAL BA DANG, 'DOD PA JI SNYED PA SDUG BSNGAL BA DANG, MI MDZA' BA DANG PHRAD PA SDUG BSNGAL BA DANG, MDZA' BA DANG BRAL BA SDUG BSNGAL BA DANG, MDOR NA NYE BAR LEN PA'I PHUNG PO LNGA SDUG BSNGAL BA'O ZHES 'KHOR BA YANG SDUG BSNGAL GYI RANG BZHIN DU BSHAD LA, SDUG BSNGAL THAMS CAD KYANG 'KHOR BAR MA 'DUS PA GANG YANG MED DE DE BAS NA BYANG CHUB SEMS DPA' SEMS CAN GYI DON DU SNYING RJE'I SHUGS KYIS 'KHOR BA YONGS SU MA BTANG STE, 'KHOR BA KHAS BLANGS NA SEMS CAN GZHAN LA PHAN PA BYA BA'I PHYIR, ,SNYING RJE CAN GYIS 'KHOR BA'I SDUG BSNGAL THAMS CAD KHAS MA BLANGS PA CI ZHIG YOD DE, SDUG BSNGAL THAMS CAD KYANG KHAS BLANGS CHES SO ZHES BYA BA'I DON TO, ,DE'I @72A *, ,'BRAS BU DANG GSUM 'PHEL BA'I TSIGS SU BCAD PA ZHES BYA BA LA, BYANG CHUB SEMS DPA' SNYING RJE CAN RNAMS CHOS GSUM 'PHEL BA DANG, CHOS GSUM GYI 'BRAS BU 'PHEL BA BSTAN PA'I PHYIR, TSIGS SU BCAD PA RTZOM MO ZHES BYA BA'I DON TO, ,SNYING RJE DANG NI SBYIN DANG LONGS SPYOD RNAMS, ,SNYING RJE CAN GYIS RTAG TU RNAM 'PHEL 'GYUR, ,ZHES BYA BA LA, ,SNYING RJE CAN GYI BYANG CHUB SEMS DPA' RNAMS RTAG TU CHOS RNAM PA GSUM 'PHEL BAR 'GYUR TE, CHOS GSUM NI SNYING RJE 'PHEL BA DANG, SBYIN PA 'PHEL BA DANG, LONGS SPYOD 'PHEL BA'O, ,BYAMS PA NI PHAN PA BSKYED PA DANG; DE MTHUS BYAS BDE DE YANG DE LAS SO, ,ZHES BYA BA LA, 'BRAS BU GSUM 'PHEL BA NI SNYING RJE'I DBANG GIS SEMS CAN KUN LA PHAN PAR SEMS PA'I BYAMS PA 'PHEL BAR 'GYUR BA DANG, SBYIN PA'I DBANG GIS PHONGS PA RNAMS LA YO BYAD KYIS PHAN BTAGS PAS PHAN PA BSKYED PA 'PHEL BA DANG; LONGS SPYOD KYI DBANG GIS LONGS SPYOD LAS NI SEMS CAN LA BDE BA'I MTHU BSKYED PAS 'PHEL BAR 'GYUR TE, LONGS SPYOD YOD NA GDOD SEMS CAN LA YO BYAD KYIS PHAN GDAGS PA'I MTHU YOD PA'I PHYIR RO, ,BYANG CHUB SEMS DPA' RNAMS SKYE BA THAMS CAD DU GSUM 'PHEL BAR 'GYUR BA NI ZHES BYA BA LA SOGS PA LA, BYANG CHUB SEMS DPA' TSE RABS KUN DU SNYING RJE 'PHEL BA DANG, SBYIN PA 'PHEL BA DANG, LONGS SPYOD 'PHEL BA NI SNYING RJE'I STOBS KYIS 'PHEL TE, DE LA SNYING RJE NYID LA GOMS PAR BYAS PA NI TSE RABS GZHAN DU SNYING RJE NYID SHAS CHER 'PHEL BAR 'GYUR BA'I PHYIR RO, ,SBYIN PA'ANG SNYING RJE'I STOBS LAS SO, ,ZHES BYA BA LA, SBYIN PA 'PHEL BA YANG SNYING RJE'I STOBS KYIS 'PHEL TE, ,SEMS CAN BREL BA DANG PHONGS PA RNAMS LA SNYING RJE YOD NA GDOD PHYI DANG NANG GI DNGOS PO GTONG BA'I PHYIR RO, ,LONGS SPYOD KYANG SBYIN PA'I STOBS LAS TE ZHES BYA BA LA, TSE RABS GZHAN DU LONGS SPYOD 'PHEL BAR 'GYUR BA YANG TSE 'DIR SBYIN PA BYAS PA'I STOBS KYIS 'PHEL BAR 'GYUR TE, TSE 'DIR SBYIN PA BTANG BA DANG, GDOD TSE PHYI MAR LONGS SPYOD CHEN POR 'GYUR BA'I PHYIR RO, ,DE GSUM LAS 'BRAS BU BDE BA GSUM DU 'GYUR TE ZHES BYA BA LA, CHOS @72B RNAM PA GSUM 'PHEL BAS 'BRAS BU BDE BA RNAM PA GSUM MYONG BAR 'GYUR RO ZHES BYA BA'I DON TO, ,SNYING RJE LAS NI BYAMS PA BSKYED PA'O ZHES BYA BA LA, SEMS CAN GYI SDUG BSNGAL BSAL LO SNYAM DU SEMS PA'I SNYING RJE'I CHOS LAS NI SEMS CAN RNAMS BDE BA LA GZHAG PAR BYA'O SNYAM DU SEMS PA'I BYAMS PA'I SEMS BSKYED PA'I 'BRAS BU MYONG BAR 'GYUR RO ZHES BYA BA'I DON TO, ,SBYIN PAS NI SEMS CAN LA PHAN 'DOGS PA SKYED PA'O ZHES BYA BA LA, SBYIN PA'I CHOS 'PHEL BAS NI SEMS CAN LA ZANG ZING GIS PHAN 'DOGS PA'I 'BRAS BU MYONG BAR 'GYUR RO ZHES BYA BA'I DON TO, ,LONGS SPYOD LAS NI DE LA PHAN GDAGS PAR BYA BA'I MTHU BYAS BA'O ZHES BYA BA LA, LONGS SPYOD KYI CHOS 'PHEL BAS NI SEMS CAN LA YO BYAD KYIS PHAN GDAGS PAR BYA BA'I MTHU YOD PA'I 'BRAS BU MYONG BAR 'GYUR TE, LONGS SPYOD YOD NA GDOD SEMS CAN LA ZANG ZING GIS PHAN 'DOGS PA'I MTHU YOD PA'I PHYIR RO, ,SBYIN PA LA SPRO BAR BYA BA'I TSIGS SU BCAD PA ZHES BYA BA LA, DPER NA MI LE LO CAN 'GA' ZHIG LA DE LA PHAN PAR 'DOD PA'I MI 'GA' ZHIG GIS LE LO SPANG BAR BYA BA'I PHYIR SEMS GZENGS BSTOD CING SPRO BA SKYED PAR BYED PA DE BZHIN DU, SBYIN PA LE LOR GYUR NAS SEMS CAN LA MI 'JUG PA LA, SNYING RJES SBYIN PA BYAS NA YON TAN PHUN SUM TSOGS PAR 'GYUR BAS SBYIN PA LA KHYOD CI'I PHYIR LE LO BYED CES SBYIN PA LA GZENGS BSTOD CING SPRO BAR BYED PA'I PHYIR TSIGS SU BCAD PA RTZOM MO ZHES BYA BA'I DON TO, ,'PHEL BA DANG NI RAB TU SPEL BAR BYA, ,SBYIN PAS RAB TU BDE BYA SMIN PAR BYA, ,DRANG BAR BYA ZHING KUN DU BKRI BAR BYA, ,SNYING RJE LE LO CAN LA SMRA BA BZHIN, ,ZHES BYA BA LA, SNYING RJE LE LO CAN LA SMRA BA BZHIN ZHES BYA BA'I TSIG DANG POR BSHAD DE, DPER NA LE LO CAN 'GA' ZHIG LA DE LA PHAN PAR 'DOD PA'I MI LA LA ZHIG GIS LE LO BYA BAR MI RIGS PAR SMRA BAR BYED PA DANG 'DRA BAR SBYIN PA LE LO CAN LA SNYING RJE SMRA BAR BYED DE JI LTAR SMRA BAR BYED CE NA, SBYIN PA BYAS DANG YON TAN DRUG 'PHEL BAR 'GYUR BAS NA SBYIN PA KHYOD LE LO BYED PAR MI RIGS SO ZHES SBYIN PA LA SMRA BAR BYED DO, ,DE LA 'PHEL BA DANG ZHES PA NI, SBYIN PA KHYOD @73A *, ,KYIS SBYIN PA BYAS PA DANG, BYANG CHUB SEMS DPA' RNAMS KYI SNYING RJE 'PHEL BAR 'GYUR PAS SBYIN PA BYA BA'I RIGS TE, 'DIS NI SNYING RJE'I RANG BZHIN 'PHEL BAR 'GYUR BA BSTAN TO, ,DE LA SPEL BAR BYA ZHES BYA BA NI SNYING RJE'I SHUGS KYIS SBYIN PA BYAS NA RNAM PA GNYIS 'PHEL BAR 'GYUR TE, LONGS SPYOD 'PHEL BAR 'GYUR BA DANG, SBYIN PA NYID 'PHEL BAR 'GYUR BA'O, ,DE LA LONGS SPYOD 'PHEL BAR 'GYUR BA NI SBYIN PA'I MTHUS MA 'ONGS PA NA LONGS SPYOD CHEN PO RNAM PAR SMIN PAR 'GYUR TE, DES NI LONGS SPYOD SPEL BAR BYA BA YIN NO, ,SBYIN PA SPEL BAR BYAS PA NI, SBYIN PA'I MTHUS MA 'ONGS PA NA RGYU MTHUN PA'I 'BRAS BU YANG SBYIN PA GTONG BA LA DGA' BAR 'GYUR TE, DE LTAR SBYIN PA SPEL BAR BYAS PA YIN NO, ,SBYIN PAS RAB TU SMIN BYA ZHES BYA BA NI, SBYIN PA BTANG NAS SEMS CAN BSDUS TE, DGE BA LA GZHAG PA'I SGO NAS SEMS CAN SMIN PAR BYA'O ZHES BYA BA'I DON TO, ,BDE BAR BYAS ZHES BYA BA NI, LEN PA PO'I GANG ZAG RNAMS KYANG BDE BA DANG DGA' BA BSKYED PAR BYA BA DANG, GTONG BA PO'I GANG ZAG RNAMS KYANG BDE BA DANG DGA' BA BSKYED BAR BYA'O ZHES BYA BA'I DON TO, ,DRANG BAR BYA ZHES BYA BA NI, SBYIN PA BTANG BA'I SGO NAS BSOD NAMS DANG YE SHES KYI TSOGS BSAGS PAR BYA'O ZHES BYA BA'I DON TO, ,DE LA ZANG ZING DANG MI 'JIGS PA'I SBYIN PAS NI BSOD NAMS KYI TSOGS SOGS SO, ,CHOS SBYIN PAS NI YE SHES KYI TSOGS SOGS SO, ,BKRI BAR BYA ZHES BYA BA NI, BLA NA MED PA'I BYANG CHUB KYI GNAS SU BKRI BA'AM DER GZHAG PAR BYA ZHES BYA BA'I DON TO, ,SBYIN PA BYA BA LE LO CAN ZHES BYA BAR SBYAR RO ZHES BYA BA LA, MI LE LO CAN DANG, DE LA PHAN PAR 'DOD PA GNYIS PHAN TSUN SMRA BA DANG 'DRA BAR SBYIN PA LE LOR GYUR NAS SEMS CAN LA MI 'JUG PA LA SNYING RJE SMRA BAR BYED DE, JI LTAR SMRA BAR BYED CE NA, SNYING RJE 'PHEL BAR BYA, SBYIN PAS LONGS SPYOD DANG SBYIN PA NYID SPEL BAR BYA'O ZHES BYA BA LA SOGS PA'I TSUL GYIS SMRA BAR BYED DO ZHES BYA BA'I DON TO, ,GZHAN BDE BAS BDE BA RJES SU MYONG BA'I TSIGS SU BCAD PA ZHES BYA BA LA, 'JIG RTEN PA RNAMS NI PHRAG DOG GI BSAM PA YOD PAS @73B GZHAN BDE BA MTHONG NA BDAG SDUG BSNGAL BAR 'GYUR LA, SEMS CAN RNAMS SDUG PAR MTHONG NA BDAG DGA' BAR 'GYUR GYI, BYANG CHUB SEMS DPA' NI DE LTA BU MA YIN TE, SEMS CAN GZHAN SDUG BSNGAL NA BYANG CHUB SEMS DPA' SDUG BSNGAL BAR 'GYUR LA, SEMS CAN GZHAN BDE NA BYANG CHUB SEMS DPA' CI'ANG MI BDOG KYANG BDE BAR 'GYUR BA BSTAN PA'I PHYIR TSIGS SU BCAD PA RTZOM MO ZHES BYA BA'I DON TO, ,SNYING RJES SDUG BSNGAL BAS NI SDUG BSNGAL NA, ,GZHAN BDE MA BSKYED CI PHYIR BDE BAR 'GYUR, ,ZHES BYA BA LA, BYANG CHUB SEMS DPA' SNYING RJE CAN RNAMS NI SNYING RJE'I SHUGS KYIS SEMS CAN GZHAN SDUG BSNGAL BA MTHONG BAS BDAG NYID SDUG BSNGAL BAR MTHONG STE, DE LTAR NA BYANG CHUB SEMS DPA' BDAG NYID BDE BA 'DOD PAS SEMS CAN BDE BA LA MA BKOD PAR BDAG NYID BDE BAR GA LA 'GYUR TE NAMS KYANG BDE BAR MI 'GYUR RO, ZHES BYA BA'I DON TO, ,DE BAS NA 'PHAGS PA DRI MA MED PAR GRAGS PA'I BYANG CHUB SEMS DPAS KYANG SEMS CAN THAMS CAD KYI NANG JI SRID KYI BAR DU BDAG GI NAD KYANG DE SRID DU MI 'TSO'O ZHES BSHAD PA LTA BU'O, ,DE BAS GDAG NI BDE BAR 'GYUR 'DOD NA, ,SNYING RJE GZHAN GYI BDE BA BSKYED PAR BYA'O, ,ZHES BYA BA LA, DE LTAR SEMS CAN SDUG BSNGAL NA BYANG CHUB SEMS DPA' SDUG BSNGAL LA SEMS CAN BDEN BYANG CHUB SEMS DPA' BDE BAS BYANG CHUB SEMS DPA' SNYING RJE DANG LDAN PA BDAG NYID BDE BA MYONG ZHING THOB PAR 'DOD NA SEMS CAN SDUG BSNGAL BA RNAMS BDE BA LA DGOD PAR BYA STE, GZHAN BDE BA SKYED DANG GDOD BYANG CHUB SEMS DPA' BDE BA MYONG BAR 'GYUR RO ZHES BYA BA'I DON TO, ,BYANG CHUB SEMS DPA' SNYING RJE BAS, ,ZHES BYA BA NI, SNYING RJE DANG LDAN PA'I BYANG CHUB SEMS DPA'I SNYING RJE'I SHUGS KYIS ZHES BYA BA'I DON TO, ,GZHAN GYI SDUG BSNGAL GYIS SDUG BSNGAL BAR 'GYUR, ZHES BYA BA NI, GZHAN SDUG BSNGAL BA MTHONG NA BYANG CHUB SEMS DPA' NYID SDUG BSNGAL BAR 'GYUR RO ZHES BYA BA'I DON TO, ,SEMS CAN RNAMS LA BDE BA SKYED PAR JI LTAR BDE BAR 'GYUR ZHES BYA BA NI, DE LTAR NA BYANG CHUB SEMS DPA' NYID LA SDUG BSNGAL @74A *, ,MI 'BYUNG ZHING BDE BA THOB PAR 'DOD NAS SEMS CAN RNAMS KYI SDUG BSNGAL BSAL ZHING SEMS CAN BDE BA LA DGOD PAR BYA STE, DE LTAR MA BYAS KYI BAR DU BYANG CHUB SEMS DPA' BDAG NYID KYIS BDE BA MYONG BAR MI 'GYUR RO ZHES BYA BA'I DON TO, ,SNYING RJES SBYIN PA RJES SU STON PA LA TSIGS SU BCAD PA DRUG STE ZHES BYA BA LA, DPER NA MKHAN PO DANG SLOB DPON GYIS SLOB MA LA 'DI LTAR GYIS SHIG CES STON CING SLOB PAR BYED PA BZHIN DU SNYING RJE SLOB DPON DU GYUR PAS SBYIN PA SLOB MA LTA BUR GYUR PA LA 'DI LTA 'DI LTAR GYIS SHIG CES STON CING SLOB PAR BYED DE, DE BSTAN PAR BYA BA'I PHYIR TSIGS SU BCAD PA DRUG RTZOM MO ZHES BYA BA'I DON TO, ,SBYIN PA NI PHYI'I DNGOS PO YIN PAS DE LA SEMS MED NA JI LTAR BSTAN CING BSLAB CE NA YANG LAN DU SEMS MED PAR BDEN MOD KYI SLOB MA BZHIN ZHES BYA BAR SBYAR TE, JI LTAR SLOB DPON GYIS SLOB MA LA BSLABS NAS SLOB MA LAS DAM PA DAG LA 'JUG PAR BYED PA BZHIN DU SNYING RJES SBYIN PA SKYONG NAS SBYIN PA LAS DAM PA 'JUG PAR BYED PA SNYING RJES NI SBYIN PA LA SLOB PA BZHIN NO, ,SNYING RJE CAN NI BDAG GI SBYIN PA LA, ,BDAG BDE MI 'DOD RTAG TU SLOB PAR BYED, ,CES BYA BA LA, SNYING RJE DANG LDAN PA'I BYANG CHUB KYI SEMS KYI SNYING RJE NI BDAG BDE BA MI 'DOD PA STE, RNAM PA THAMS CAD DU BDAG GI BDE BA SEMS CAN LA STOBS PAR BYED PA'I PHYIR RO, ,DE LTAR SNYING RJE BDAG PA DE BA MI 'DOD PA DE RTAG TU BDAG NYID KYIS SBYIN PA LA SLOB CING STON PAR BYED DO ZHES BYA BA'I DON TO, ,JI LTAR SLOB PAR BYED CE NA, DE'I PHYIR, LONGS SPYOD KYIS NI BDE BA PHA ROL LAM, ,ZHES BYA BA SMOS TE, SNYING RJE DE SBYIN PA LA 'DI LTAR SLOB STE, 'DI LTAR SBYIN PA BTANG BA'I 'BRAS BU LONGS SPYOD CHEN PO'I BDE BA DE'ANG SBYIN PA KHYOD KYIS LONGS SPYOD KYI 'BRAS BU DE SEMS CAN GZHAN GYIS MYONG BAR BGYIS PA DE LTAR GYIS SHIG ,GAL TE SBYIN PA'I 'BRAS BU RNAM PAR SMIN PA DE SEMS CAN GZHAN LA MA SMIN, DE BDAG LA SMIN PAR GYUR NA, DE LTAR NA NI RNAM PAR SMIN PA DE BA DAG LA MA SMIN YANG RUNG NGO ZHES SBYIN PA LA DE LTAR SLOB PAR BYED DO, ,SNYING RJE DE SBYIN PA'I 'BRAS BU LONGS SPYOD @74B CHEN PO CI'I PHYIR SEMS CAN LA STOBS PAR BYED CE NA, DE'I PHYIR, BDAG DANG BDE BA THA DAD MA YIN PAS, ,ZHES BYA BA SMOS TE, SEMS CAN SDUG BSNGAL NI BYANG CHUB SEMS DPA' SDUG BSNGAL BAR 'GYUR TE, SEMS CAN DANG BYANG CHUB SEMS DPA' SDUG BSNGAL GCIG STE THA MI DAD PA'I PHYIR DANG, GZHAN BDE NA BYANG CHUB SEMS DPA' BDE STE, SEMS CAN DANG BYANG CHUB SEMS DPA' BDE BA GCIG CING THA MI DAD PAS NA SBYIN PA'I 'BRAS BU LONGS SPYOD CHEN PO SEMS CAN RNAMS LA SNGO BAR BYED DO, ,DE MED PAR BDAG GI SBYIN PA'I 'BRAS BU MI 'DOD DO ZHES BYA BA LA, BYANG CHUB SEMS DPA' DANG SEMS CAN DU BDE BA THA MI DAD DE GCIG PAS NA SNYING RJES SBYIN PA LA 'DI LTAR SLOB PAR BYED DE, GAL TE SBYIN PA KHYOD KYI 'BRAS BU LONGS SPYOD CHEN PO ZHIG SMIN PAR BYAS NA 'BRAS BU SEMS CAN RNAMS KYIS MYONG BAR 'GYUR BAR BYA BA DE LTAR SMIN PAR GYIS SHIG ,GAL TE RNAM PAR SMIN PA DE SEMS CAN LA SBYIN PA MED DE SEMS CAN GYIS MYONG BAR MA GYUR NA NI, DE LTAR NA SBYIN PA'I 'BRAS BU RNAM PAR SMIN PA LA 'DOD PA MED PAS SEMS CAN SMIN YANG RUNG NGO ZHES SBYIN PA LA ZER RO, ,'BRAS BU BCAS PA'I SBYIN PA SBYIN BYED NA, ,SEMS CAN SBYIN PA'I BDE BAS BDAG BDER 'GYUR, , ZHES BYA BA LA, BYANG CHUB SEMS DPA' SBYIN PA YONGS SU GTONG BA NA SBYIN PA'I RDZAS KYI DNGOS PO 'BA' ZHIG GTONG BAR MA ZAD KYI, SBYIN PA DE'I 'BRAS BU LONGS SPYOD CHEN PO RNAM PAR SMIN PA YANG SEMS CAN GYIS MYONG BAR GYUR CIG CES SEMS CAN LA BSNGO ZHING SBYIN PAR BYED DE, ,DE LTAR SEMS CAN RNAMS LA RDZAS KYI DNGOS PO SBYIN PA DANG, SBYIN PA DE'I 'BRAS BU LONGS SPYOD CHEN PO YANG BYIN NAS SEMS CAN BDE BAR GYUR NA DE NYID KYIS BYANG CHUB SEMS DPA' BDE BAR 'GYUR GYI, RDZAS KYI DNGOS PO BTANG STE SEMS CAN BDE LA SBYIN BA'I 'BRAS BU LONGS SPYOD BYANG CHUB SEMS DPA' NYID KYIS MYONG BA LA NI BYANG CHUB SEMS DPA' BDE BAR MI 'DZIN TO ZHES BYA BA'I DON TO, ,GAL TE KHYOD KYIS BYA BA NGA LA YOD, ,DE RNAMS LA NI SHIN TU 'BRAS BU 'GYUR, ,ZHES BYA BA LA, SNYING RJE DE SBYIN PA LA 'DI LTAR SLOB PAR BYED DE, GAL TE SBYIN PA KHYOD KYIS NGA LA PHAN BTAGS SHING, @75A *, ,SBYIN PA'I 'BRAS BU LONGS SPYOD CHEN PO ZHIG SBYIN PAR BYA BA YOD, 'BRAS BU DE RNAMS KHYOD KYIS SEMS CAN RNAMS LA SBYIN TE, SEMS CAN RNAMS KYIS JI NAS KYANG MYONG BAR 'GYUR BA DE LTAR KHYOD KYIS GYIS SHIG DANG, DE LTAR BYAS NA GDOD KHYOD KYIS NGA LA PHAN BTAGS PA YIN NO ZHES SNYING RJE SBYIN PA LA DE LTAR STON CING SLOB PAR BYED DO, ,SBYIN PA BYIN NA SBYIN PA DANG SBYIN PA'I 'BRAS BU DE DAG BDAG GIS SEMS CAN LA BYIN PAS ZHES BYA BA LA SOGS PA LA, BYANG CHUB SEMS DPA' SBYIN PA GTONG BA'I DUS NA YANG TSUL 'DI LTAR GTONG STE, SBYIN PA'I DNGOS PO DANG, SBYIN PA DE BTANG BA'I 'BRAS BU GNYIS KA SEMS CAN GYIS MYONG BAR GYUR CIG CES BSNGO ZHING SBYIN PAR BYED DE DE LTAR ZANG ZING DANG 'BRAS BU GNYIS KA SEMS CAN GYIS MYONG STE, SEMS CAN BDE BAR GYUR NA GDOD BYANG CHUB SEMS DPA' BDE BAR 'GYUR RO ZHES BYA BA'I DON TO, ,GANG GI PHYIR DE NYID KYIS JI TZAM DU 'BRAS BUR BYA BDE TZAM DU 'BRAS BUR 'GYUR TE ZHES BYA BA LA SOGS PAS, GANG GI PHYIR SBYIN PA'I DNGOS PO DANG, 'BRAS BU GNYI GA SEMS CAN LA BTANG NAS SEMS CAN BDE BAR GYUR NA BYANG CHUB SEMS DPA' YANG BDE BAR 'GYUR BAS, SBYIN PA KHYOD KYIS SBYIN PA JI SNYED CIG BTANG BA'I 'BRAS BU BDAG LA JI TZAM ZHIG SBYIN PAR BYA BA'I 'BRAS BU'I 'BRAS BU DE DAG THAMS CAD SEMS CAN LA SMIN PAR GYIS SHIG DANG, DE NYID KYIS NGA LA PHAN BTAGS PA YIN NO ZHES SNYING RJES SBYIN PA LA STON CING SLOB PAR BYED DO, ,SBYIN PA YI NO LONGS SPYOD MI 'DOD PAS, ,ZHES BYA BA LA, BYANG CHUB SEMS DPA' SBYIN PA GTONG BA YANG, SBYIN PA'I 'BRAS BU LONGS SPYOD CHEN POR 'GYUR BA DE DAG BDAG GIS MYONG BAR NI MI 'DOD DE 'BRAS BU LA THAMS CAD NAS THAMS CAD DU RGYAB KYIS LTA ZHING LONGS SPYOD MYONG BAR BYA BA LA GCIG TU MA MYONG ZHES BYA BA'I DON TO, ,LONGS SPYOD MANG PO MCHOG DANG PHRAD GYUR NA, ,ZHES BYA BA LA, DE LTAR 'BRAS BU LA MOS PA MED NA, 'BRAS BU MI 'DOD DU ZIN KYANG BYANG CHUB SEMS DPA'I RGYA CHEN PO DANG LDAN PA DANG, CHOS NYID KYIS NI SBYIN PA BTANG BA DANG, LONGS SPYOD CHEN PO MI MYONG DU MI RUNG BA YIN PAS GANG DANG GANG DU SKYES PAR LONGS SPYOD MANG PO RGYA CHEN PO RNAMS DANG BYANG CHUB SEMS DPA' @75B RTAG TU PHRAD PAR 'GYUR RO ZHES BYA BA'I DON TO, ,DE YI BDE BA DAG NI BDAG MI 'DOD, ,SBYIN PA RGYUN DE YANG NI SBYIN PAR 'DOD, ,CES BYA BA LA, DE LTAR LONGS SPYOD RGYA CHEN PO DANG PHRAD DU ZIN KYANG LONGS SPYOD KYI BDE BA DE DAG NI BYANG CHUB SEMS DPA' NI MI 'DOD KYI CI ZHIG 'DOD CE NA, JI LTAR BTANG BA'I SBYIN PA'I 'BRAS BU'I TSE RABS GZHAN DU YANG SBYIN PA RGYUN DU GTONG ZHING SBYIN PA BYED PAR 'GYUR BA TZAM 'DOD PAR ZAD DO ZHES BYA BA'I DON TO, ,GANG GI PHYIR SBYIN PA RGYUN DU BYED PA DE RGYUN DU MI 'DOD KYI ZHES BYA BA LA SOGS PA LA, DE LTAR LONGS SPYOD CHEN PO LONGS SPYOD DAM PA DANG RTAG TU PHRAD KYANG LONGS SPYOD KYI BDE BA LA CUNG ZAD KYANG 'DOD PA MED KYI, GZHAN DU NA BDAG GI SBYIN PA YONGS SU BTANG BA'I 'BRAS BU'I 'BRAS BU TSE RABS GZAN DU SEMS CAN RNAMS LA SBYIN PAR RGYUN DU GTONG BA DANG, SBYIN PA GTONG BA DE RGYUN MI 'CHAD PAR GTONG BA TZAM DU ZAD DO, ,BDOG PA THAMS CAD YONGS SU GTONG BA LA, ,SNYING RJES BDAG LA RTAG TU RAB LTA NA, ,ZHES BYA BA LA, GZHAN SNYING RJE NI SBYIN PA LA 'DI LTAR SLOB STE, SNYING RJE LAG NA BDOG PA'I DNGOS PO PHYI DANG NANG GI DNGOS PO THAMS CAD GTONG BA YANG SBYIN PA'I 'BRAS BU 'DOD PA'I PHYIR GTONG BA NI MA YIN GYI, SEMS CAN LA SNYING RJE BAS NA BDAG GI LAG NA YOD PA RNAMS LA CHAGS PA MED PAR GTONG STE, DE'ANG PHYI DANG NANG GI DNGOS PO 'BA' ZHIG GTONG BAR MA ZAD KYI, SBYIN PA'I 'BRAS BU LONGS SPYOD CHEN PO YANG SEMS CAN LA YONGS SU GTONG NGO, ,DE LTAR 'BRAS BU YANG BTANG NA SBYIN PA KHYOD 'BRAS BU SEMS CAN LA SMIN PAR MI BYED PAR CI'I PHYIR 'BRAS BU BDAG LA RTAG TU LTA ZHING BDAG LA 'KHOR LA 'BRAS BU BDAG LA SMIN PAR BYED CES SBYIN PA'I 'BRAS BU YANG SEMS CAN LA SBYIN PA'I RIGS SO ZHES 'BRAS BU DON MI GNYER, ,ZHES BYA BA LA, DE BAS NA SBYIN PA KHYOD KYIS SNYING RJE 'DI NI SBYIN PA'I 'BRAS BU LA CHAGS PA MED DE, SBYIN PA'I 'BRAS BU LA DON DU MI GNYER BAS NA SNYING RJE 'BRAS BU SBYIN PA NI MI RIGS KYI, SBYIN PA'I 'BRAS BU YANG SEMS CAN LA SBYIN PA'I RIGS SO ZHES SBYIN PA KHYOD KYIS DE LTAR SHES PAR GYIS SHIG CES SBYIN PA LA SLOB PAR BYED DO, ,GANG BDAG GIS SNYING RJES SBYIN PA'I 'BRAS BU THAMS CAD YONGS SU GTONG BAR SHES PAR @76A *, ,BYA'O ZHES BYA BA LA SOGS PA LA, SNYING RJES BDAG GI PHYI NANG GI DNGOS PO THAMS CAD DANG DE'I 'BRAS BU SEMS CAN LA RTAG PAR BTANG BA YANG SEMS CAN RNAMS LA SNYING RJE'I SGO NAS RTAG PAR GTONG BAR ZAD KYI, SBYIN PA'I 'BRAS BU LA NI CUNG ZAD KYANG CHAGS PA MED DO ZHES KHYOD KYIS DE LTAR SHES PAR GYIS SHIG CES BYA BA'I DON TO, ,DE LTAR BYANG CHUB SEMS DPA' SBYIN PA LA RJES SU BSTAN TO ZHES BYA BA LA, GONG DU BSHAD PA LTAR NA SBYIN PA KHYOD KYIS 'DI LTAR SHES PAR BYA BA'I RIGS TE, SNYING RJES 'DI NI SBYIN PA'I 'BRAS BU LA CHAGS PA MED PAS, 'DI LA 'BRAS BU SBYIN PAR BYA BA'I MI RIGS KYI DE'I 'BRAS BU SEMS CAN RNAMS KYIS MYONG BAR BYA BA'I RIGS SO ZHES SBYIN PA KHYOD KYIS DE LTAR SHES PAR GYIS SHIG CES SBYIN PA LA DE LTAR STON CING 'DOMS SO, ,KHYOD KYIS 'BRAS BU THOB PA MA SPANGS NA, ,SBYIN PA LA NI MNGON PAR MOS MA YIN, ,ZHES BYA BA LA, GZHAN YANG SNYING RJES SBYIN PA LA 'DI SKAD SMRA BAR BYED DE, GAL TE NGAS SBYIN PA'I DNGOS PO NI BTANG GI SBYIN PA KHYOD KYIS 'BRAS BU LONGS SPYOD CHEN PO THOB PA DE BDAG GIS MA SPANGS TE MA BTANG NA, DE LTAR NA NI SNYING RJE 'DI SBYIN PA GTONG BA LA MA MOS PA YIN NO ZHES SBYIN PA KHYOD KYIS DE LTAR RIG PAR BYA BA'I RIGS SO, ,JI LTAR SKAD CIG TZAM YANG SBYIN MED PAR, ,SBYIN PA LA NI MNGON PAR DGA' MA YIN, ,ZHES BYA BA LA, DE LTAR MA YIN TE SNYING RJE BDAG NI SBYIN PA'I DNGOS PO NI GTONG LA, ,DE'I 'BRAS BU MI GTONG BA DE LTA BU'I SBYIN PA LA YANG BDAG DGA' BA MA YIN LA, BDAG NI SBYIN PA MI GTONG ZHING SBYIN PA BYED PA MED PAR SKAD CIG TZAM YANG GNAS PAR MI DGA' ZHING MA MOS PA YIN TE, DE BAS NA 'BRAS BU THOB PA RNAMS KYANG GTONG BA DANG SBYAR NA SNYING RJE SBYIN PA GTONG BA LA MNGON PAR DGA' BA YIN NO ZHES KHYOD KYIS DE LTAR SHES PAR GYIS SHIG CES STON TO,, MA BYAS 'BRAS BUR MI 'GYUR BAS, ,DE LTAR LAN RE YONG BAS NGA MI MTSUNGS, ,ZHES BYA BA LA, RNAM PA GZHAN DU YANG SNYING RJES NI SBYIN PA LA 'DI LTAR SLOB PAR BYED DE, SBYIN PA KHYOD NI SBYIN PA LA BYAS PA RNAMS NI 'BRAS BUR MI 'GYUR ZHING 'BRAS BU SMIN PAR MI BYED PAS DE LTAR NA KHYOD NI @76B LAN LA RE BA MA YIN NO, ,SNYING RJES NI GANG BYIN YANG RUNG MA BYIN YANG RUNG, 'BRAS BU SMIN YANG RUNG MA SMIN YANG RUNG STE, SEMS CAN KUN LA PHAN PA DANG BDE BA BYED PA DANG SEMS CAN KUN GYI DON SGRUB PAR BYED PAS NA NGA NI LAN LA RE BA MED PA'I PHYIR KHYOD DANG MI MTSUNGS SO ZHES BYA BA'I DON TO, , GANG GIS BYAS PA DE LAS 'BRAS BUR SMIN, ,DE'I PHYIR KHYOD LAN RE BAS NGA MI MTSUNGS, ,ZHES BYA BA LA, GZHAN YANG SBYIN PA KHYOD NI GANG GI SBYIN PA BYAS PA DE LA 'BRAS BU SMIN CING SGRUB PAR BYED PAS NA KHYOD LA NI LAN RE BA YOD KYI, NGA NI SBYIN PA MA BYAS PA LA YANG 'BRAS BU SGRUB PAR BYED DE, BYAS PA DANG MA BYAS PA KUN LA PHAN 'DOGS PA LA LAN RE BA MED PA'I PHYIR KHYOD DANG MI MTSUNGS SO ZHES BYA BA'I DON TO, ,SNYING BRTZE BA SBYIN PA LA TSIGS SU BCAD PA GNYIS TE ZHES BYA BA LA, SBYIN PA GANG BTANG NA TSE 'DI DANG TSE RABS GZHAN DU PHAN PAR 'GYUR GYI GNOD PAR MI 'GYUR BA'I SBYIN PA NI SNYING BRTZE BA'I SBYIN PA ZHES BYA STE, DE LTA BU'I SBYIN PA BTANG BA'I PHYIR TSIGS SU BCAD PA GNYIS RTZOM MO ZHES BYA BA'I DON TO, ,RGYAL SRAS RNAMS KYI BRTZE BAS SBYIN PA NI, ,KHA NA MA THO MED CING DAG PA'I GNAS, ,ZHES BYA BA LA SOGS PA LA, BYANG CHUB SEMS DPA' RNAMS KYI TSE 'DI DANG TSE RABS GZHAN DU PHAN PAR 'GYUR BA'I SNYING BRTZE BA'I SBYIN PA NI RNAM PA DRUG STE, KHA NA MA THO BA MED PA SBYIN PA DANG, DAG PA'I GNAS SBYIN PA DANG, PHAN PAR BYED PA SBYIN PA DANG, RJES SU SRUNG BAR BYED PA SBYIN PA DANG, TSOL BA MED PAR SBYIN PA DANG, CHAGS PA MED PAR SBYIN PA'O, ,DE LA KHA NA MA THO BA MED PA NI, GZHAN LA MI GNOD PAR SBYIN PA'O ZHES BYA BA LA, SKYE BO GZHAN DAG LA PHROGS SHING GNOD PAR BYAS NAS GZHAN DAG LA GTONG BA DANG, SEMS CAN DAG BSAD CING SHA GZHAN LA SBYIN PAR BYED PA DANG, SLONG BA'I GANG ZAG RNAMS BKREN PA DAN LTOGS BZHES BYA BA'I TSIG NGAN PA LA SOGS PA SMRAS NAS, SDUG BSNGAL BSKYED DE SBYIN PAR BYED PA NI KHA NA MA THO BA ZHES BYA STE, DE LTA BU'I GNOD PA MED PA BYAS NAS SBYIN PAR BYED PAS NA KHA NA MA THO BA MED PA ZHES BYA'O, ,DAG PA'I GNAS NI BRTAGS PA'I DNGOS PO SBYIN PA'I PHYIR, ,ZHES BYA BA LA SOGS PA LA, DUG DANG MTSON CHA LA @77A *, ,SOGS PA MA BRTAGS PA'I DNGOS PO MI GTONG GI DNGOS PO GTZANG MA SBYIN PAR BYED KYI, DUG DANG MTSON CHA DANG CHANG LTA BU SBYIN PAR MI BYED PAS NA DAG PA'I GNAS SBYIN PA ZHES BYA'O, ,PHAN PAR BYED PA NI SBYIN PAS KUN DU BSRUNGS SHING DGE BA LA SBYOR BA'O ZHES BYA BA LA, ,SBYIN PAS SEMS CAN RNAMS BSRUNGS NAS, ,TSE PHYI MAR LHA DANG MI'I 'BRAS BU THOB PAR BYA BA'I PHYIR DGE BA BYED DU BCUG PA NI PHAN PAR BYED PA'I SBYIN PA ZHES BYA'O, ,BSRUNG BAR BCAS PA NI 'KHOR GYI 'GRO BA LA GNOD PA MED PAR GZHAN LA SBYIN PA'I PHYIR RO ZHES BYA BA LA, BSRUNG BAR BCAS PA'I SBYIN PA NI SBYIN PA GTONG BA DE YANG THAMS CAD BTONG NAS CUNG ZAD KYANG MED PAR BYAS TE, BDAG GI BU SMAD DANG BRAN G-YOG LA SOGS PA 'KHOR LA GNOD PA LTA BUR SBYIN PA MI BYED KYI PHYI NA YANG 'KHOR LA GNOD PA MED PAR CUNG ZAD 'JOG PA'O, ,YANG NA BSRUNG BA DANG BCAS PA'I SBYIN PA NI GANG ZAG BYANG CHUB SEMS DPA' DE BU SMAD DANG BRAN G-YOG LA SOGS PA GZHAN GTONG BAR BYED PA YANG GNOD SBYIN DANG SRIN PO LA SOGS PA SEMS CAN LA GNOD PA BYED PA RNAMS LA GTONG BAR MI BYED PA'O, ,TSOL BA MED PA NI PHONGS PA'I DON SHES NAS MA BLANGS PAR BDAG NYID KYIS SBYIN ZHING SBYIN GNAS YONGS SU MI TSOL BA'O ZHES BYA BA LA, TSOL BA MED PA'I SBYIN PA NI SEMS CAN PHONGS PA DANG BREL BA'I SKABS SHES NAS GZHAN GYIS MA BLANGS PAR YANG BDAG NYID KYI LA GNAS GTONG BAR BYED PA DANG, 'DI LA SBYIN 'DI LA MI SBYIN ZHES BSOD NAMS KYI ZHING MI TSOL GYI SNYOMS PAR SEMS CAN KUN LA GTOD BAR BYED PA'O, ,CHAGS PA MED PA NI LAN DANG RNAM PAR SMIN PA LA MI RE BA'I PHYIR RO ZHES BYA BA LA, CHAGS PA MED PA'I SBYIN PA NI BDAG GIS SBYIN PA 'DI BTANG BAS SLAR BDAG LA PHAN 'DOGS BAR SHOG SHIG CES LAN LA CHAGS PA MED PA DANG, SBYIN PA BTANG BA 'DIS TSE RABS GZHAN RNAM PAR SMIN PA'I LONGS SPYOD DANG LDAN PAR GYUR CIG CES RNAM PAR SMIN PA LA CHAGS PA MED PAR GTONG BAS NA MI CHAGS PA'I SBYIN PA ZHES BYA'O, ,RNAM PA GZHAN DU NA ZHES BYA BA LA, BYANG CHUB SEMS DPA'I THUGS RJES SBYIN PA RNAM PA GCIG BSHAD NAS @77B GZHAN YANG TSE RABS 'DI DANG TSE RABS GZHAN DU PHAN PAR 'GYUR BA'I THUGS RJES SBYIN PA'I RNAM GRANGS GZHAN YANG BSTAN PA'I PHYIR ZHES BYA BA'I DON TO, ,THAMS CAD RGYAS DANG GTZO BO DANG, ,ZHES BYA BA LA, THAMS CAD GTONG BA DANG, RGYAS PAR GTONG BA DANG, GTZO BOR GTONG BA ZHES BYA BAR SBYAR RO, ,DE LA PHYI NANG GNYI GA GTONG BAS NA, THAMS CAD GTONG BA'O, ,CHUNG NGU DANG NYUNG NGU MI GTONG GI CHEN PO DANG MANG PO GTONG BAS NA RGYAS PAR GTONG BA ZHES BYA'O, ,DNGOS PO ZHIGS PA DANG, RUL BA DANG, SPYAD DU MI RUNG BA MI GTONG GI KHA DOG DANG DBYIBS DANG, DRI PHUN SUM TSOGS SHING BZANG PO GYA NOM PA GTONG BAS NA GTZO BO GTONG BA ZHES BYA'O, ,RTAG DANG DGA' DANG ZANG ZING MED, ,ZHES BYA BA LA, RTAG TU GTONG BA DANG, DGA' BAR GTONG BA DANG, ZANG ZING MED PAR GTONG BA ZHES BYA BAR SBYAR RO, ,DE LA SKAD CIG MA GCIG LA GTONG, SKAD CIG MA GCIG LA MI GTONG, NYIN GCIG GTONG, NYIN GCIG MI GTONG, LO 'GA' GTONG LO 'GA' MI GTONG BA MA YIN GYI, RGYUN MI 'CHAD PAR GTONG BAS NA RGYUN DU GTONG BA ZHES BYA'O, ,SER SNA'I SEMS MED PAR DGA' BA DANG MGU BA'I SEMS KYIS 'DI LA GTONG 'DI LA MI GTONG ZHES BRTAGS PA MED KYI, THAMS CAD LA SNYOMS PAR GTONG BAS NA DGA' BAS GTONG BA ZHES BYA'O, ,TSE 'DIR LAN LA RE BA MED PA DANG, TSE RABS GZHAN DU RNAM PAR SMIN PA LA RE BA MED PAS NA ZANG ZING MED PAR GTONG BA ZHES BYA'O, ,DAG DANG BYANG CHUB BSNGO DANG DGE BA BSNGO, ,ZHES BYA BA LA, DAG PA GTONG BA DANG, BYANG CHUB TU BSNGO BA GTONG BA DANG, DGE BA BSNGO BA'I GTONG BA ZHES BYA BAR SBYAR RO, ,DE LA DAG PA GTONG BA NI GONG DU DAG PA'I GNAS SBYIN PA DANG DON GCIG STE, DUG DANG MTSON CHA DANG CHANG LA SOGS PA BRTAGS PA'I DNGOS PO MI GTONG BAS NA DAG PA GTONG BA ZHES BYA'O, ,SBYIN PA BYAS PA RNAMS 'JIG RTEN GYI LHA'AM MI'AM NYAN THOS KYI MYA NGAN LAS 'DAS PAR BYA BA'I PHYIR MI BSNGO'I BLA NA MED PA'I BYANG CHUB THOB PAR BYA BA'I PHYIR BSNGO BAS NA BYANG CHUB TU BSNGO BA GTONG BA ZHES BYA'O, ,DGE BA LA BSNGO BA'I DON NI GONG DU PHAN PAR BYED PA'I SBYIN PA BSHAD PA DANG DON GCIG STE, SBYIN PAS BSDUS @78A *, ,NAS DGE BA LA BKOD BA NI DGE BA LA BSNGO BA'I GTONG BA ZHES BYA'O, ,SPYAD PAR BYA BA'I KHYAD PAR KYI TSIGS SU BCAD PA ZHES BYA BA LA, 'JIG RTEN PA DAG SBYIN PA BYAS NAS LONGS SPYOD DAG MYONG BAR 'GYUR BA DANG, 'PHAGS PA NYAN THOS DANG RANG SANGS RGYAS DAG SBYIN PA BTANG NAS ZAG PA MED PA'I BDE BA MYONG BA YOD MOD KYI, BYANG CHUB SEMS DPA' RNAMS SU THUGS RJE DANG LDAN PA'I THUGS KYIS SBYIN PA BTANG BA'I 'BRAS BU DE DAG PAS LONGS SPYOD KHYAD PAR CAN 'BYUNG BAR 'GYUR RO ZHES BSTAN PA'I PHYIR TSIGS SU BCAD PA RTZOM MO ZHES BYA BA'I DON TO, ,JI LTAR BDE BA GSUM GYIS TSIM PA'I YID, ,SNYING RJE CAN GYI GTONG BA DAG RNYED LTAR, ,LONGS SPYOD CAN DAG LONGS SPYOD DAG GIS NI, ,DE LTAR DGA' BAR 'GYUR BA MA YIN NO, ,ZHES BYA BA LA, BYANG CHUB SEMS DPA' SBYIN PA GTONG BA NA BDE BA GSUM GYIS YID TSIM PAR 'GYUR TE, BDE BA GSUM NI SBYIN NA DGA' BA'I BDE BA DANG, PHA ROL LA PHAN BTAGS PA'I DGA' BA'I BDE BA DANG, BYANG CHUB KYI TSOGS RDZOGS PAS DGA' BA'I BDE BA'O, ,DE LTAR BDE BA GSUM GYIS TSIM PA'I YID DANG LDAN PA'I BYANG CHUB SEMS DPA' SNYING RJE DANG LDA PAS SEMS CAN LA SBYIN PA YONGS SU BTANG NAS BTANG BA'I 'OG TU SEMS CAN LA PHAN THOGS PAR MA THONG STE, SEMS DGA' BA DANG BDE BA RNYED PA LTAR, BYANG CHUB SEMS DPA' SEMS CAN RNAMS LA PHYI NANG GI DNGOS PO KUN BTANG STE, SEMS CAN RNAMS LONGS SPYOD DANG LDAN PAR BYAS PA'I SEMS CAN LONGS SPYOD CAN DE DAG DE TZAM GYIS DGA' BA DANG BDE BA MI SKYE'O ZHES BYA BA'I DON TO, ,YANG NA BYANG CHUB SEMS DPA' SNYING RJE CAN RNAMS GZHAN LA SBYIN PA YONGS SU BTANG NAS SEMS CAN LA PHAN THOGS PAR MTHONG STE DGA' BA'I KHYAD PAR SKYES PA STE, BYANG CHUB SEMS DPA' SBYIN PA YONGS SU BTANG BA'I SGO NAS LONGS SPYOD CAN DU BYAS PA'I SEMS CAN LONGS SPYOD CAN DAG DE TZAM GYI DGA' BA MI SKYE STE, CI'I PHYIR ZHE NA, BYANG CHUB SEMS DPAS SBYIN PA YONGS SU BTANG NAS BDE BA RNAM PA GSUM GYIS TSIM PAR 'GYUR BA'I PHYIR TE, BDE BA RNAM PA GSUM NI SBYIN PAS DGA' BA DANG, PHA ROL LA PHAN BTAGS PAS DGA' BA DANG, BYANG CHUB @78B KYI TSOGS RDZOGS PAS DGA' BA'O, ,SBYIN PAS DGA' BA DANG ZHES BYA BA LA, SBYIN PA GTONG BA NA SLONG BA RNAMS TSOGS SHING 'DUS PA MTHONG NAS DANG POR DGA' BA NI SBYIN PAS DGA' BA ZHES BYA'O, ,PHA ROL LA PHAN BTAGS PAS DGA' BA DANG ZHES BYA BA LA, SLONG BA 'DUS PA'I 'OG TU ZANG ZING RNAMS GZHAN LA BYIN NAS, DES SEMS CAN LA PHAN THOGS PAR MTHONG STE DGA' BA NI, PHAN BTAGS PAS DGA' BA ZHES BYA BA STE, BAR DU DGA' BA'O, ,BYANG CHUB KYI TSOGS RDZOGS PAS DGA' BA'O ZHES BYA BA LA, DNGOS PO BTANG STE DGA' BA LA GZHAN LA PHAN THOGS PA'I RGYUS BSOD NAMS DANG YE SHES KYI TSOGS RDZOGS PAR MTHONG NAS DGA' BA NI BYANG CHUB KYI TSOGS RDZOGS PAS DGA' BA ZHES BYA BA STE, 'DI NI THA MAR DGA' BA'O, ,PHA ROL TU PHYIN PA RNAMS MNGON PAR SGRUB PA LA SNYING BRTZE BA'I TSIGS SU BCAD PA ZHES BYA BA LA, PHA ROL TU PHYIN PA DRUG GI MI MTHUN PA'I PHYOGS SER SNA LA SOGS PA LA GNAS PA RNAMS LA THUGS BRTZE NAS, ,SBYIN PA LA SOGS PA BYED DU BCUG PA NI PHA ROL TU PHYIN PA RNAMS MNGON PAR SGRUB PA LA SNYING BRTZE BA ZHES BYA STE, ,DE BSTAN PAR BYA BA'I PHYIR, ,TSIGS SU BCAD PA RTZOM MO ZHES BYA BA'I DON TO, ,SER SNAS SNYING RJE MA RUNGS SNYING RJE DANG, ,ZHES BYA BA LA, SER SNA NI PHYI DANG NANG GI DNGOS PO GTONG BAR MI NUS SHING ZANG ZING MI DGOS PA DAG SDUD PAR BYED PA STE, DE DAG LA BYANG CHUB SEMS DPA' THUGS BRTZE NAS, SER SNA'I SKYON DAG BRJOD CING SBYIN PA'I CHOS LA 'JOG PAR MDZAD DO, ,MA RUNGS PA NI NGAN PA'I NGANG TSUL CAN TE SROG GCOD PA DANG MA BYIN PAR LEN PA BYED PA'I SGO NAS SEMS CAN LA GNOD PAR BYED PA'O, ,DE DAG LA BYANG CHUB SEMS DPA' THUGS BRTZE NAS TSUL KHRIMS NGAN PA'I SKYON DAG BRJOD NAS TSUL KHRIMS LA 'JOG PAR MDZAD DO, ,'KHRUG PA BAG MED SNYING RJE DANG, ,ZHES BYA BA LA, ZHE SDANG GI SEMS 'TSIG PAR BYAS PA NI 'KHRUG PA ZHES BYA STE, DE DAG LA BYANG CHUB SEMS DPA' THUGS BRTZE NAS ZHE SDANG GI SKYON DAG SMOS SHING BZOD PA LA 'JOG PAR MDZAD DO, ,BAG MED PA NI NYAL BA DANG 'PHRES PA LA SOGS PA'I LAS LA DGA' BAS LE LO'I DBANG GIS @79A *, ,DGE BA'I LAS MI BYED PA STE, DE DAG LA BYANG CHUB SEMS DPA' THUGS BRTZE NAS LE LO'I SKYON DAG BRJOD CING BRTZON 'GRUS LA 'GOD PAR MDZAD DO, ,YUL GYI DBANG DU SONG LA SNYING RJE DANG, ,ZHES BYA BA LA, GZUGS DANG SGRA LA SOGS PA 'DOD PA LNGA'I YON TAN LA SEMS G-YENGS PA NI YUL GYI DBANG DU SONG BA ZHES BYA STE, DE DAG LA BYANG CHUB SEMS DPA' THUGS BRTZE NAS SEMS G-YENGS PA'I SKYON DAG BRJOD CING BSAM GTAN LA 'JOG PAR MDZAD DO, ,LOG PAR MNGON PAR ZHEN LA SNYING RJE'O, ,ZHES BYA BA LA, LOG PAR MNGON PAR ZHEN PA NI BDAG RTAG PA LA SOGS PAR 'DZIN PA STE, MU STEGS PA LA SOGS PA'I LOG PA'I SHES RAB DANG LDAN PA RNAMS SO, ,DE DAG LA BYANG CHUB SEMS DPA' THUGS BRTZE NAS LOG PA'I SHES RAB KYI SKYON DAG BRJOD CING YANG DAG PA'I SHES RAB LA 'JOG PAR MDZAD DO, ,'DI DAG NI PHA ROL TU PHYIN PA'I MI MTHUN PA'I PHYOGS KYI ZHES BYA BA LA SOGS PA LA, SER SNA NAS LOG PAR LAM MNGON PAR ZHEN PA RNAMS NI SBYIN PA NAS SHES RAB KYI PHA ROL TU PHYIN PA'I BAR GYI MI MTHUN PA'I PHYOGS TE, MI MTHUN PA'I PHYOGS LA GNAS PA'I SEMS CAN DE DAG LA BYANG CHUB SEMS DPA' SNYING BRTZE BA NI SNYING RJE ZHES BYA'O, ,DE'ANG DE DAG GI MI MTHUN PAR PHYOGS RNAM PAR SUN 'BYIN PA NI ZHES BYA BA LA SOGS PA LA, SER SNA LA SOGS PA DE DAG KYANG SBYIN PA LA SOGS PA'I MI MTHUN PA'I PHYOGS YIN TE, SNYING RJES SER SNA LA SOGS PA'I SKYON BRJOD CING SBYIN PA LA SOGS PA PHA ROL TU PHYIN PA BYED DU BCUG PA NI PHA ROL TU PHYIN PA RNAMS MNGON PAR SGRUB PA LA SNYING BRTZE BA ZHES BYA'O, ,SNYING RJE'I RKYEN BSTAN PA'I TSIGS SU BCAD PA ZHES BYA BA LA, 'DI LTAR MIG LA SOGS PA RNAM PAR SHES PA RNAMS DMIGS PA DANG, RGYU DANG BDAG PO DANG, DE MA THAG PA'I RKYEN LAS SKYE BA BZHIN DU BYANG CHUB SEMS DPA'I SNYING RJE YANG DMIGS PA DANG RGYU DANG BDAG PO DAD DE MA THAG PA STE RKYEN BZHI LAS SKYE BA BSTAN PA'I PHYIR TSIGS SU BCAD PA RTZOM MO ZHES BYA BA'I DON TO, ,BDE DANG MI BDE'I RGYU LAS BYUNG, ,BYANG CHUB SEMS DPA'I SNYING RJE STE, ,ZHES BYA BA LA, TSIGS SU @79B BCAD PA PHYED KYIS SNYING RJE'I DMIGS PA'I RKYEN BSTAN TO, ,DE LA SNYING RJE'I DMIGS PAR BYA BA'I YUL NI TSOR BA BDE BA DANG TSOR BA SDUG BSNGAL BA DANG, BDE BA YANG MA YIN SDUG BSNGAL YANG MA YIN PA LA BYA'O, ,RGYU DANG BSHES GNYEN RANG BZHIN LAS, ,BYANG CHUB SEMS DPA'I SNYING RJE'O, , ZHES BYA BA LA, TSE RABS GZHAN DU SNYING RJE LA GOMS PAR BYAS PAS KUN GZHI LA SNYING BRTZE BA'I BAG CHAGS BSAGS PA NI SNYING RJE'I RGYU'I RKYEN TO, ,DGE BA'I BSHES GNYEN LA BRTEN NAS, DAM PA'I CHOS NYAN PA'I DBANG GIS SNYING RJE SKYE STE, DE NI BDAG PO'I RKYEN TE, SNYING RJE DANG LDAN PA'I SEMS DANG SEMS LAS BYUNG BA SNGA MA 'GAGS, DE DANG RANG BZHIN GCIG LA SNYING RJE DANG LDAN PA'I SEMS DANG SEMS LAS BYUNG BA PHYI MA 'BYUNG STE, SNGA MA 'GAGS PA NI DE MA THAG PA'I RKYEN TO, ,TSOR BA RNAM PA GSUM LA DMIGS NAS SDUG BSNGAL GSUM GYIS SNYING RJE BAR BYED DO, , ZHES BYA BA LA, BYANG CHUB SEMS DPA' TSOR BA BDE BA DANG, TSOR BA SDUG BSNGAL BA DANG, TSOR BA BDE BA YANG MA YIN SDUG BSNGAL BA YANG MA YIN PA LA DMIGS NAS SNYING RJE SKYE STE, CI'I PHYIR ZHE NA, TSOR BA GSUM LA SDUG BSNGAL RNAMS KYIS KHYAB PAR GZIGS PA'I PHYIR RO, ,DE LA TSOR BA BDE BA LA NI 'GYUR BA'I SDUG BSNGAL GYIS KHYAB PAR DMIGS SO, ,SDUG BSNGAL GYI TSOR BA LA NI SDUG BSNGAL GYI SDUG BSNGAL GYIS KHYAB PAR DMIGS SO, ,BDE BA YANG MA YIN SDUG BSNGAL BA YANG MA YIN BA'I TSOR BA LA NI 'DU BYED KYI SDUG BSNGAL GYIS KHYAB PAR DMIGS SO, ,SDUG BSNGAL DANG BDE BA'I TSOR BA'I RGYU NI BDE BA DANG MI BDE BA STE, PHYIR ZHING DE BSKYED PA'I PHYIR RO ZHES BYA BA LA, SDUG BSNGAL GYI TSOR BA BSKYED PA'I RGYU DANG, BDE BA'I TSOR BA BSKYED PA'I RGYU NI BDE BA'I TSOR BA'I BAG LA NYAL DANG, SDUG BSNGAL GYI TSOR BA'I BAG LA NYAL BA LA BYA STE, DON DU BDE BA YANG MA YIN SDUG BSNGAL BA YANG MA YIN PA'I TSOR BA BAG CHAGS KYI RANG BZHIN LA DE'I RGYU ZHES BYA STE, CI'I PHYIR BAG LA NYAL LA RGYU ZHES BYA ZHE NA, 'DI LTAR BAG CHAGS DE LAS TSOR BA BDE BA DANG SDUG BSNGAL GNYIS YANG NAS YANG DU 'BYUNG ZHING SKYE BA'I PHYIR RO, ,SNYING RJE CHEN PO'I RANG @80A *, ,BZHIN GYI TSIGS SU BCAD PA ZHES BYA BA LA, 'JIG RTEN PA LA SNYING RJE YOD KYANG PHA MA LA SOGS PA BU DANG GNYEN BSHES RNAMS LA SNYING RJE SKYE'I DGRA LA SOGS PA LA SNYING RJE MI SKYE BAS SNYING RJE CHEN PO MA YIN PA DANG, NYAN THOS DANG RANG SANGS RGYAS LA SOGS PA SNYING RJE YOD KYANG SEMS CAN SDUG BSNGAL BA LA SNYING RJE SKYE'I SEMS CAN BDE BA LA RNAMS LA SNYING RJE MI SKYE BAS SNYING RJE CHEN PO MA YIN GYI, BYANG CHUB SEMS DPA' RNAMS NI CUNG ZAD TSOR BA GANG YIN PA THAMS CAD SDUG BSNGAL BAR GZIGS NAS JI LTAR MNAR MED PA'I SEMS CAN DMYAL BA PA RNAMS LA SNYING RJE BA BZHIN DU, SRID PA'I RTZE MO'I LHA RNAMS LA YANG SNYING RJE BAS NA SNYING RJE CHEN PO'I RANG BZHIN CAN ZHES BYA STE, DE BSTAN PAR BYA BA'I TSIGS SU BCAD PA RTZOM MO ZHES BYA BA'I DON TO, ,BYANG CHUB SEMS DPA'I SNYING RJE NI, ,MNYAM PA YIN PAR RIG PAR BYA, ,ZHES BYA BA LA, BYANG CHUB SEMS DPA' RNAMS KYI SNYING RJE NI SEMS CAN THAMS CAD LA MNYAM PAR DMIGS PA'I SNYING RJE CAN YIN PAR RIG PAR BYA STE, JI LTA ZHE NA, BDE BA'I TSOR BA DANG, SDUG BSNGAL GYI TSOR BA DANG BDE BA YANG MA YIN SDUG BSNGAL BA YANG MA YIN PA'I TSOR BA MYONG BA LA SOGS PA GANG CI TSOR YANG RUNG STE TSOR BA THAMS CAD SDUG BSNGAL BA'O ZHES MKHYEN NAS SEMS CAN DMYAL BA PA LA THUGS BRTZE BA BZHIN DU, SRID PA'I RTZE MO PA RNAMS LA YANG THUGS BRTZE BAS NA THUGS RJE CHEN POR RIG PAR BYA STE, CI DANG CI MNYAM ZHE NA, DE'I PHYIR DE'I BSAM PA MNYAM LAS, SGRUB PA DANG NI CHAGS BRAL BAS, MI DMIGS DANG NI RNAM PA DAG LAS, ZHES BYA BA SMOS TE, MNYAM PA NI BSAM PA MNYAM PAS SNYING RJE MNYAM PA DANG, BSGRUB PA MNYAM PAS SNYING RJE MNYAM PA DANG, 'DOD CHAGS DANG BRAL BA'I PHYIR SNYING RJE MNYAM PA DANG, MI DMIGS PAS SNYING RJE MNYAM PA DANG, RNAM PAR DAG PA THOB PAS SNYING RJE MNYAM PA'O, ,DE LA BSAM PA MNYAM PAS SNYING RJE MNYAM PA NI JI LTAR SEMS CAN DMYAL BA RNAMS LA THUGS BRTZE BAR DGONGS PA BZHIN DU, SRID PA'I RTZE MO PA RNAMS LA YANG THUGS BRTZE BAR DGONGS PA'I PHYIR RO, ,BSGRUB PA MNYAM PAS SNYING RJE MNYAM PA NI JI LTAR SEMS CAN DMYAL BA PA RNAMS KYI SKYABS MDZAD PA @80B BZHIN DU SRED PA'I RTZE MO'I SEMS CAN RNAMS LA YANG DE BZHIN DU SKYABS MDZAD PA'I PHYIR RO, ,'DOD CHAGS DANG BRAL BAS SNYING RJE MNYAM PA NI SNYING RJE'I MI MTHUN PA'I PHYOGS ZHE SDANG DANG SEMS CAN LA BRDEG BRTZOG LA SOGS PA 'TSE BA BYED PA SPANGS PA'I PHYIR SU LA YANG ZHE SDANG BA MED, GANG LA YANG BYAMS PAR BYED PA YANG MED DE KUN LA SNYOMS PAR LTA BA'I PHYIR RO, ,MI DMIGS PAS SNYING RJE MNYAM PA NI SEMS CAN DANG BDAG DANG SNYING RJE GSUM CHAR YANG STONG PA NYID DU RO GCIG PAR KHONG DU CHUD PA'I PHYIR RO, ,RNAM PAR DAG PA THOB PAS SNYING RJE MNYAM PA NI SA BRGYAD PA LA BYANG CHUB SEMS DPA' RNAMS MI SKYE BA'I CHOS LA BZOD PA THOB PAS RTZOL BA DANG 'BAD PA MED PAR SNYING RJE LHUN GYIS GRUB PA'I PHYIR RO, ,DE LA GZUGS KYI KHAMS KYI LHA RNAMS KYANG BYAMS PA LA SOGS PA NI TSAD MED PA BZHI BSGOMS TE NYAN THOS DANG RANG SANGS RGYAS TSAD MED PA BSGOM MOD KYI, DE BAS NA BYANG CHUB SEMS DPA' RNAMS TSAD MED PA BZHI BSGOM PA MCHOG TU 'GYUR BA BSTAN PA'I PHYIR RANG GI SEMS DANG CHOS LA MOS DANG ZHES BYA BA LA SOGS PA TSIGS SU BCAD PA GCIG SMOS TE, TSE RABS SNGA MA LA BYAMS PA BSGOMS PA'I BAG CHAGS SEMS LA BRLAN PA'I SEMS DE NYID LA BRTEN NAS TSE 'DI LA BYAMS PA LA SOGS PA BSGOMS NA BSGOM PA DE MCHOG TU GZHAG GO, ,TSAD MED PA BZHI DANG YANG DAG PAR LDAN PA'I MDO SDE RNAMS LA MOS SHING DAD NA BYAMS PA LA SOGS PA BSGOM PA MCHOG TU GZHAG GO, ,BSAM PA DANG NI RNAM PAR 'BYOR BA LAS, ,ZHES BYA BA LA RO MYANG BA DANG RJES SU YI RANG BA DANG MNGON PAR DGA' BA LA SOGS PA'I BSAM PA RNAM PA DGU DANG LDAN PA YANG BYAMS PA LA SOGS PA BSGOM PA MCHOG TU GZHAG GO, ,SA BRGYAD PA LA SOGS PA'I DUS NA RTZOL BA DANG 'BAD PA MED PAR BYAMS PA LA SOGS PA LHUN GYIS GRUB PAR 'BYUNG BA NI RNAM PAR 'BYOR BA ZHES BYA BA STE, DE LTA BUR GNAS PA YANG BSGOM PA MCHOG TU GZHAG GO, ,RNAM PAR MI RTOG DANG GCIG GNYIS LAS ZHES BYA BA LA, BDAG DANG SEMS CAN DANG TSAD MED PA RNAMS RNAM PAR MI RTOG PAR BSGOM PA YANG BYAMS PA LA SOGS PA BSGOM PA MCHOG TU GZHAG GO, ,SA BRGYAD PA'I @81A *, ,DUS NA BYANG CHUB SEMS DPA' RNAMS BYA BA 'DRES PA DANG, NYE BAR 'DRES PAR GYUR BAS BYANG CHUB SEMS DPA' GCIG GIS TSAD MED PA BSGOM NA BYANG CHUB SEMS DPA' RNAMS GZHAN GYIS KYANG BSGOMS PA YIN TE, BYA BA GCIG TU GYUR BA YANG BYAMS PA LA SOGS PA BSGOM PA MCHOG TU GZHAG GO, ,DE NI SANGS RGYAS LA MCHOD PA DANG, DGE BA'I BSHES GNYEN LA BRTEN PA DANG, TSAD MED PA BSGOM PA RNAMS KYI DON GONG DU BSHAD PA GZUNG SLA BAR BYA BA'I PHYIR TSIGS SU BCAD PA GCIG GIS MDOR BSDUS TE BSTAN PA, BCOM LDAN 'DAS LA DAD PA RAB BSKYED DANG, ,DNGOS PO CHEN POR RTAG TU GUS MCHOD PAR, ,ZHES BYA BA LA SOGS PA SMOS SO, ,DE LA SANGS RGYAS BCOM LDAN 'DAS RNAMS LA, SANGS RGYAS BCOM LDAN 'DAS RNAMS NI DE BZHIN GSHEGS PA DGRA BCOM PA YANG DAG PAR ZHES BYA BA LA SOGS PA'I YON TAN DANG LDAN PAR SHES NAS SEMS DAD PA DANG, DAD PA BSKYED DE DNGOS PO CHEN POS RTAG TU MCHOD PA DANG GUS PAS RTAG TU MCHOD NA GRUB PA KUN THOB PAR 'GYUR RO ZHES BYA BAR SBYAR RO, ,DE LA CHOS GOS DANG LHUNG BZED DANG PHYAG 'TSAL BA DANG BSKOR BA LA SOGS PAS MCHOD PA NI DNGOS PO CHEN POS RTAG TU MCHOD PA ZHES BYA STE, DE NI RNYED PA DANG BKUR STIS MCHOD PA'O, ,NYAN PA DANG SEMS PA DANG SGOM PAS MCHOD PA NI GUS PAS MCHOD PA ZHES BYA STE, DE NI BSGRUB PA'I MCHOD PA'O, ,DE LTAR TSIGS SU BCAD PA KHYED KYIS SANGS RGYAS LA MCHOD PA'I DON MDOR BSTAN TO, ,YON TAN MANG PO'I PHAN BSHES RTAG BSNYEN NA, ,ZHES BYA BA LA, DGE BA'I BSHES GNYEN NA ZHES BYA BA LA YON TAN GONG DU BSHAD PA DANG LDAN PA DANG, DE LAS GZHAN YANG MDO SDE DANG GTZUG LAG DAG GI NANG NAS 'BYUNG BA'I YON TAN MANG PO DANG LDAN PAR BDAG LA TSE 'DIR YANG PHAN PAR BYED, TSE RABS GZHAN DU PHAN PAR BYED PA'I DGE BA'I BSHES GNYEN LA RTAG TU BSNYEN NA GRUB PA KUN THOB CES BYA BAR SBYAR TE, DES NI DGE BA'I BSHES GNYEN LA BRTEN PA MDOR BSTAN TO, ,GRUB PA KUN THOB 'GRO BA SNYING RJE CAN, ,ZHES BYA BA LA, GZHAN YANG TSAD MED PA BZHI BYAMS PA DANG, SNYING RJE DANG, @81B DGA' BA DANG, BTANG SNYOMS KYI SGO NAS SEMS CAN LA PHAN BTAGS NA GRUB PA KUN THOB PAR 'GYUR TE, GRUB PA KUN NI BDAG GI DON GRUB PA DANG, GZHAN GYI DON GRUB PA DANG, DE LA SANGS RGYAS LA MCHOD PA DANG, DGE BA'I BSHES GNYEN LA BRTEN PAS NI BDAG GI DON GRUB PA 'THOB PO, ,TSAD MED PA BSGOMS PAS NI GZHAN GYI DON GRUB PA THOB BO, ,GO RIMS DANG YON TAN BSTAN TO ZHES BYA BA LA, DNGOS PO CHEN POS SANGS RGYAS LA MCHOD PA DANG DGE BA'I BSHES GNYEN LA BRTEN PA DANG, TSAD MED PA BSGOMS PAS NI GO RIMS BSTAN TO, ,BDAG DANG GZHAN GYI DON GRUB PAS NI YON TAN BSTAN TO, ,DNGOS PO CHEN POS RTAG TU GRUB PAR RAB TU MCHOD PA ZHES BYA BA LA, DNGOS PO CHEN POS RTAG TU MCHOD PA DANG, GUS PAS RTAG TU MCHOD PA ZHES BYA BAR SBYAR TE, DNGOS PO CHEN POS MCHOD PA NI RNYED PA DANG BKUR STIS MCHOD PA BSTAN TO, ,GUS PAS MCHOD PA NI GRUB PAS MCHOD PA BSTAN TO, ,MCHOD PA DANG, BSTEN PA DANG, TSAD MED PA'I SKABS BSHAD PA RDZOGS SO,, ,,NGO TSA BA RNAM PAR DBYE BA'I TSIGS SU BCAD PA BCU DRUG STE ZHES BYA BA LA, MCHOD PA DANG BSNYEN PA DANG TSAD MED PA'I SKABS BSHAD PA'I 'OG TU NGO TSA BA DANG BRTAN PA LA SOGS PA'I SKABS BSHAD PAR 'BREL BA CI YOD CE NA, 'DI LTAR MCHOD PA DANG BSNYEN PAS BDAG LA PHAN PAR BYA BA'I PHYIR ZHUGS, TSAD MED PAS GZHAN LA PHAN PAR BYA BA'I PHYIR ZHUGS PA DES BDAG DANG GZHAN GYI DON RDZOGS SHING MTHAR PHYIN PAR BYA BA'I PHYIR DE DANG RJES SU MTHUN PA'I LAM BSGOM DGOS PAS NA TSAD MED PA LA SOGS PA'I 'OG TU NGO TSA SHES PA LA SOGS PA BYANG CHUB KYI PHYOGS KYI CHOS RNAMS BSHAD PAR 'BREL TO, ,DE YANG BSLAB PA'I DMIGS PA DANG, RNAM PA DANG, RANG BZHIN DANG, KHYAD PAR RNAMS KYIS BYANG CHUB SEMS DPA' RNAMS KYI RJES SU MTHUN PA'I BSLAB PA'I LAM BSTAN TE, DE LA DANG PO NGO TSA SHES PA NAS BRTZAMS NAS GANG ZAG LA BDAG MED PA'I SKABS KYI BAR DU THAMS CAD KYANG BYANG CHUB KYI PHYOGS KYI CHOS YIN PAR RIG PAR BYA'O, ,NGO TSA LOG PA'I PHYOGS SPANGS DANG, ,ZHES BYA BA LA SOGS PA'I TSIGS SU @82A *, ,BCAD PA GCIG GIS NGO TSA SHES PA'I RANG BZHIN DANG, GROGS DANG, DMIGS PA DANG, LAS PHUN SUM TSOGS PA'I SGO NAS NGO TSA SHES PA'I MTSAN NYID BSTAN TO, ,DE LA NGO TSA SHES PA DANG KHREL YOD PA'I MI MTHUN PA'I PHYOGS NI NGO TSA MI SHES PA DANG KHREL MED PA STE; DE GNYIS SPANGS NA NGO TSA SHES PA DANG, KHREL YOD PA'I RANG BZHIN DU 'GYUR BAS NA 'DIS NI RANG BZHIN BSTAN TO, ,DE LA NGO TSA SHES PA'I MTSAN NYID NI BYANG CHUB SEMS DPA' BDAG LA BDAG LTOS NAS BYANG CHUB SEMS DPA'I SPYOD PA MA YIN PA NYAN THOS LA SOGS PA'I CHOS SPYOD PA NI BYANG CHUB SEMS DPA'I CHA MA YIN NO SNYAM NAS THEG PA DE DAG LA MI 'JUG PA NI NGO TSA SHES PA'O, ,KHREL YOD PA'I MTSAN NYID NI BYANG CHUB SEMS DPA' BSLAB PA MA YIN PA NYAN THOS KYI BSLAB PA LA ZHUGS NA SKYES BU DAM PA BYANG CHUB SEMS DPA' GZHAN DAG GIS KYANG SMOD PAR 'GYUR RO SNYAM NAS NYAN THOS LA SOGS PA'I THEG PA LA MI 'JUG PA NI KHREL YOD PA ZHES BYA'O, ,RNAM PAR MI RTOG YE SHES LDAN, ,ZHES BYA BA LA, GROGS BSTAN TE, DE LA SEMS CAN DANG, BDAG DANG, NGO TSA SHES PA DANG, KHREL YOD PA'I CHOS RNAMS YOD PAR MA MTHONG ZHING DE DE DAG LA YOD PAR MI DMIGS PA NI RNAM PAR MI RTOG PA'I YE SHES ZHES BYA STE, LDAN ZHES BYA BA NI BYANG CHUB SEMS DPA'I NGO TSA SHES PA DANG KHREL YOD PA DE YE SHES DANG GROGS ZHES BYA BA'I DON TO, ,NGAN CING SDIG PA MED PA'I YUL, ,ZHES BYA BAS DMIGS PA BSTAN TE, NGAN CING SDIG PA MED PA'I YUL NI NYAN THOS DANG RANG SANGS RGYAS KYI THEG PA LA BYA STE, THEG PA CHEN PO LA LTOS NAS BDAG GI DON TZAM BYED KYI SEMS CAN THAMS CAD KYI DON TZAM MI BYED PAS NA NGAN PA ZHES BYA LA, KHAMS GSUM DU SKYE BA'I LAS MI RTZOM GYI, KHAMS GSUM LAS BYUNG BA'I LAS RTZOM STE; KHA NA MA THO BA MED PAS SDIG PA MED PA'I YUL ZHES BYA STE, NYAN THOS DANG RANG SANGS RGYAS KYI THEG PA BDAG GI DON DU ZHUGS PA DE BYANG CHUB SEMS DPA' SGRUB CING SPYAD NA DES NGO TSA SHING KHREL BA ZHES BYA BA YIN NO, ,SEMS CAN SMIN BYED BSTAN PA RNAMS, ,ZHES BYA BA LA, NGO TSA BA @82B DANG KHREL BA DES SEMS CAN THEG PA GSUM DU BKOD NAS SMIN PAR BYED PA DE NI LAS SO, ,DE LTAR NA BRTAN PA BYANG CHUB SEMS DPA' RNAMS KYI NGO TSA BA DANG KHREL YOD PA'I MTSAN NYID NI DE LTA BU YIN NO ZHES BYA BA'I DON TO, ,DES BYANG CHUB SEMS DPA' NGO TSA BYED DO ZHES BYA BA LA, BYANG CHUB SEMS DPA' NYAN THOS DANG RANG SANGS RGYAS KYI THEG PA SGRUB NA DE NYID KYIS NGO TSA BA DANG KHREL BAR 'GYUR BA YIN NO ZHES BYA BA'I DON TO, ,NGO TSA DE NYID LA GZHAN RNAMS RAB TU 'GOD PA YIN NO ZHES BYA BA LA, SEMS CAN YONGS SU SMIN PAR BYED PA'I DON 'CHAD DE, BYANG CHUB SEMS DPA' NGO TSA BAR BYA BA'I YUL NYAN THOS DANG RANG SANGS RGYAS KYI THEG PA DE NYID LA SEMS CAN 'GOD PAR BYED PA NI SEMS CAN YONGS SU SMIN PAR BYED PA ZHES BYA'O, ,YANG NA NGO TSA BAR BYED PA'I GNAS NYAN THOS DANG RANG SANGS RGYAS KYI THEG PA LA SEMS CAN MI 'GOD KYI, THEG PA CHEN PO LA SEMS CAN RAB TU 'GOD NA SEMS CAN YONGS SU SMIN PAR BYED PA YIN NO, ,PHA ROL PHYIN DRUG MI MTHUN 'PHEL, ,DE YI GNYEN PO 'GRIB PA LA, ,BYANG CHUB SEMS DPA' RNAMS DAG NI, ,MI BZAD NGO TSA BA SKYED PAR BYED, ,CES BYA BA 'DIS 'PHEL BA DANG 'GRIB PA LA NGO TSA BA BSTAN TO, ,PHA ROL TU PHYIN PA RNAMS KYI MI MTHUN PA'I PHYOGS NI SER SNA NAS 'CHAL BA'I SHES RAB KYI BAR DU STE, DE DAG 'PHEL ZHING RGYAS PAR 'GYUR BA BYANG CHUB SEMS DPA' SHIN TU NGO TSA BA SKYES TE, DES NI 'PHEL BA LA NGO TSA BA'O, ,SER SNA LA SOGS PA'I GNYEN PO NI SBYIN PA'I PHA ROL TU PHYIN PA NAS SHES RAB KYI PHA ROL TU PHYIN PA'I BAR DRUG STE, DE DAG 'GRIBS SHING NYES PAR 'GYUR NA BYANG CHUB SEMS DPA' RNAMS SHIN TU NGO TSA BAR 'GYUR TE, 'DIS NI 'GRIB PA LA NGO TSA BA'O, ,PHA ROL PHYIN PA DRUG RNAMS LA, ,GOMS PAR BYA PHYIR LE LO DANG, ,NYON MONGS CHOS MTHUN SBYOR BA LA; ,BRTAN PA RNAMS NI NGO TSAR BYED, ,CES BYA BA 'DIS SBYOR BA DANG, MI SBYOR BA LA NGO TSA BAR BSTAN TE, PHA ROL TU PHYIN PA DRUG RNAMS LA GOMS PAR BYA BA NI PHA ROL TU PHYIN PA DRUG RNAMS LA BSGOM PAR BYA BA STE, PHA ROL TU PHYIN PA DRUG LA JI LTAR BSGOM PAR BYA BA NI PHA ROL TU PHYIN PA @83A *, ,DRUG BSGOM PA RNAM PAR DBYE BA'I SKABS SU BSHAD PA BZHIN NO, ,'DI LTAR PHA ROL TU PHYIN PA RNAMS BSGOM ZHING GOMS PAR BYA BA LA, LE LO'I DBANG DU BYAS NAS BSGOM PA LA MI SBYOR NA, BRTAN PA BYANG CHUB SEMS DPA' RNAMS NGO TSA BAR BYED DE, 'DI NI MI SBYOR BA LA NGO TSA BA'O, ,'DOD CHAGS DANG ZHE SDANG LA SOGS PA'I NYON MONGS PA RNAMS SKYE BA DANG RJES SU MTHUN PA'I CHOS MIG GI DBANG PO NAS YID KYI DBANG PO'I BAR DU DBANG PO'I SGO MI SDOM ZHING 'DOD PA LNGA'I YUL LA 'JUG PA SBYOR NA BYANG CHUB SEMS DPA' RNAMS NGO TSA BA STE, 'DI NI SBYOR BA'I NGO TSA BA'O, , MNYAM PAR MA BZHAG RANG BZHIN DANG, ,MGO MA'I SA DANG 'BRING GNYIS DANG, ,BSAM PA NGAN DANG NGA CAN DANG, ,CHUNG DANG GZHAN NI DE LAS LHAG, ,CES BYA BA 'DIS, NGO TSA BA CHUNG NGU'I RANG BZHIN DANG, CHEN PO'I RANG BZHIN BSTAN TE, MNYAM PAR MA BZHAG PA'I SA PA 'DOD PA'I KHAMS KYI NGO TSA BA DANG KHREL YOD PA THAMS CAD NI CHUNG NGUR GZHAG GO, ,SA GONG MA GONG MA RNAMS LA LTOS NAS SA 'OG MA 'OG MA RNAMS KYI NGO TSA BA DANG KHREL YOD PA YANG CHUNG NGUR GZHAG GO, ,SA DANG PO LA LTOS NAS MOS PAS SPYOD PA'I SA PA'I NGO TSA BA DANG KHREL YOD PA CHUNG NGUR GZHAG GO, ,DE BZHIN DUS GNYIS PA LA LTOS NAS SA DANG PO'I NGO TSA BA DANG KHREL YOD PA RNAMS CHUNG NGUR GZHAG STE, DE BZHIN DU SA GONG MA RNAMS LA YANG SBYAR RO, ,GZUGS DANG GZUGS MED PA'I KHAMS MNYAM PAR BZHAG PA'I SA LA YANG NGO TSA BA DANG KHREL BA CHUNG NGU DANG 'BRING PO DANG, CHEN PO RNAM PA GSUM YOD PA LAS, CHUNG NGU DANG 'BRING PO YANG CHUNG NGUR GZHAG GO, ,NYAN THOS DANG RANG SANGS RGYAS LTA BU BSAM PA NGAN PA'I RGYUD LA YOD PA'I NGO TSA BA DANG KHREL PA YANG CHUNG DUR GZHAG STE, DE DAG GI NGO TSA BA DANG KHREL YOD PAS BDAG GI DON TZAM LAS MI 'GRUB PA'I PHYIR RO, ,SA DANG PO NAS SA BDUN MAN CHAD KYI NGA RGYAL DANG BCAS PA'I NGO TSA BA DANG KHREL YOD PA YANG CHUNG DUR GZHAG STE, NGA RGYAL DANG BCAS PA ZHES BYA BA NI BRTZAL 'BAD DANG BCAS ZHES BYA BA'I DON TO, ,GZHAN NI ZHES BYA BA'I DON NI GONG MA LAS BZLOG PA ZHES BYA BA'I DON TO, ,DE LAS LHAG CES BYA BA NI GONG MA LAS BZLOG NA CHEN POR 'GYUR TE ZHES BYA BA'I @83B DON TO, ,JI LTAR CHEN POR 'GYUR ZHE NA, MNYAM PAR MA BZHAG PA'I SA PA THAMS CAD CHUNG NGU'I NANG DU BSDUS NAS MNYAM PAR BZHAG PA'I SA PA THAMS CAD CHEN POR 'GYUR RO, ,SA 'OG MA THAMS CAD CHUNG NGUR GZHAG DANG SA GONG MA THAMS CAD CHEN POR 'GYUR RO, ,MNYAM PAR GZHAG PA'I SA PA YANG CHUNG NGU DANG 'BRING PO CHUNG NGU'I NANG DU GZHAG DANG MNYAM PAR GZHAG PA'I SA PA'I NGO TSA BA DANG KHREL YOD PA CHEN POR 'GYUR RO, ,BSAM PA NGAN PA'I NGO TSA BA DANG KHREL YOD PA CHUNG NGU'I NANG DU GZHAG DANG BSAM PA CHEN PO BYANG CHUB SEMS DPA' DANG SANGS RGYAS KYI NGO TSA BA DANG BREL YOD PA CHEN POR 'GYUR RO, ,SA BDUN PA MAN CHAD NGA RGYAL DANG BCAS PAS CHUNG NGUR GZHAG DANG SA BRGYAD PA YAN CHAD MI SKYE BA'I CHOS LA BZOD PA THOB STE, NGO TSA BA DANG KHREL YOD PA BRTZAL 'BAD MED PAR LHUN GYIS GRUB PAR 'BYUNG BAS NA CHEN POR 'GYUR RO, ,'DI MAN CHAD TSIGS SU BCAD PA BZHI DANG GSUM GYIS RIM BZHIN DU ZHES BYA BA LA SOGS PA LA, TSIGS SU BCAD PA BZHIS NI NGO TSA BA'I MI MTHUN PA'I PHYOGS DANG NGO TSA BA'I NYES PA BSTAN TO, ,TSIGS SU BCAD PA GSUM GYIS NI NGO TSA BA'I YON TAN GYI BYE BRAG BSTAN TO ZHES BYA BA'I DON TO, ,BLO LDAN NGO TSA MED PA NI, ,TSUL BZHIN MIN PAS NYON MONGS BZOD, ,CES BYA BA LA SOGS PA'I TSIGS SU BCAD PA GCIG GIS BDAG LA GNOD PA DANG, SEMS CAN LA GNOD PA DANG, GNYI GA LA GNOD PA BSTAN TO, ,DE LA BLO DANG LDAN PA'I BYANG CHUB SEMS PA'I NGO TSA BA MED PAR GYUR BA DANG KHREL MED PAR GYUR NA SROG GCOD PA DANG, MA BYIN PAR LEN PA LA SOGS PA'I TSUL BZHIN MA YIN PA'I CHOS DAG YOD DE, NYON MONGS PA RNAMS BYUNG BA LA BZOD PAR BYAS NAS SDIG PA'I CHOS MI SPONG ZHING SROG GCOD PA DANG, MA BYIN PAR LEN PA LA SOGS PA'I LAS BYAS NA BDAG LA GNOD PAR 'GYUR TE, JI LTA ZHE NA, DE'I RKYEN GYIS TSE 'DIR YANG GSAD PA DANG BCING BA LA SOGS PA'I GNOD PA 'BYUNG LA, TSE RABS GZHAN DU YANG SEMS CAN DMYAL BA LA SOGS PAR SKYE BAR 'GYUR TE 'DIS NI BDAG LA GNOD PA BSTAN TO, ,KHONG KHRO ZHES BYA BAS GZHAN LA GNOD PA BSTAN TO, NGO TSA BA DANG KHREL MED PAR GYUR @84A *, ,PA DANG; KHONG KHRO BA DANG 'DOD CHAGS KYI SGO NAS SEMS CAN GZHAN GYI SROG GCOD CING GZHAN GYI NOR LA MA BYIN PAR LEN PAS SEMS CAN LA GNOD DO, ,BTANG SNYOMS NGA RGYAL GYIS ZHES BYA BA LA, BTANG SNYOMS DANG NGA RGYAL GNYIS KYIS NI GNYI GA LA GNOD DE DE BAS NA, SEMS CAN DANG NI TSUL KHRIMS GNOD, ,CES BYA BA SMOS SO, ,DE LA BTANG SNYOMS KYIS NI SEMS CAN GYI DON LA BAG MED DE SEMS CAN DAG YAL BAR 'DOR BAS NA SEMS CAN LA GNOD DO, ,NGA RGYAL GYIS KYANG GDOL BA LA SOGS PA SEMS CAN DMAN PA RNAMS DGE BA LA DGOD PAR MI BYED CING SHES PA CUNG ZAD TZAM YOD KYANG NGA RGYAL GYI DBANG DU SONG BAS GZHAN LA MI 'CHAD LA, GRONG DANG LJONGS LA SOGS PA DE DANG DE DAG TU SONG STE, SEMS CAN GYI DON MI BYED PAS NA SEMS CAN LA GNOD DO, ,BTANG SNYOMS DANG NGA RGYAL GYIS BDAG LA YANG GNOD DO, , JI LTA ZHE NA, BTANG SNYOMS KYIS BDAG NYID DGE BA'I CHOS LA 'JUG PAR BYA BA LA YAL BAR 'DOR ZHING MI DGE BA'I CHOS SPANG PAR BYA BA LA YANG YAL BAR 'DOR BAS, TSUL KHRIMS NYAMS PAS BDAG LA GNOD PA DANG, NGA RGYAL GYIS DGE BA'I BSHES GNYEN GYI DRUNG DU NYE BAR MI 'GRO ZHING DAM PA'I CHOS LA SOGS PA MI BYED PAS, BYA BA DANG MI BYA BA'I DMIGS PA MI SHES PA'I PHYIR, MI BYA BA DAG BYAS PA DANG, BYA BA DAG MA BYAS PA'I SGO NAS TSUL KHRIMS NYAMS PAR 'GYUR TE, DE LTAR BDAG LA GNOD PAR 'GYUR RO, ,'GYOD LAS GDUNG DANG BCAS PAR 'GYUR, ,ZHES BYA BAS BDAG LA SMOD PAR BSTAN TE, GONG DU BSHAD PA BZHIN DU, NGO TSA BA DANG KHREL MED PAR GYUR NAS 'DOD CHAGS DANG ZHE SDANG LA SOGS PAS SROG GCOD PA LA SOGS PA'I LAS BYAS NAS, LAS BYAS PA'I 'OG TU BDAG GIS NI NGAN SONG DU SKYE BAR 'GYUR BA'I LAS MI CHA BA DAG BYAS SO ZHES SEMS LA GNOD PA DANG, GDUNG BA SKYE BAR 'GYUR ZHING BDAG NI THA SHAL LO ZHES BDAG LA BDAG SMOD PAR BYED DO, ,MCHOD PA THOB PAR MI 'GYUR DANG, ,ZHES BYA BAS, GZHAN GYIS SMOD PAR BYED PA BSTAN TO, ,DE LTAR SDIG PA'I CHOS DAG SPYAD PA DANG, GRONG DANG MI DANG, SBYIN BDAG @84B LA SOGS PA YANG GANG ZAG 'DI LA NI RNYED PA DANG, BKUR STI LA SOGS PA SBYIN PAR MI RIGS TE, 'DI NI SDIG PA'I CHOS CAN YIN GYI BSOD NAMS KYI ZHING MA YIN NO ZHES RNYED PA LA SOGS PA MI STER CING MI SNYAN PAR GRAGS PA'I PHYIR RO, ,DAD CAN MI MIN TSOGS CHEN GYIS, ,ZHES BYA BAS LHAS SMOD PA BSTAN TE, TSUL KHRIMS NYAMS PAR BYED NA SNGON TSUL KHRIMS SRUNG BAR BYED PAS NA LHA DAD PA CAN RNAMS BDAG LA SRUNG BAR BYED PA DE DAG KYANG DE PHAN CHAD 'DI NI TSUL KHRIMS 'CHAL PAS SHI BA'I RO DANG 'DRA'O ZHES SRUNG BAR MI BYED CING RGYAB KYIS LTA BAR BYED PA'I PHYIR RO, ,DE'I PHYIR STON PAS BTANG SNYOMS 'JOG, ,CES BYA BAS STON PAS SMOD PA BSTAN TE, DE LTAR TSUL KHRIMS NYAMS PAR GYUR PAS NA SANGS RGYAS BCOM LDAN 'DAS RNAMS KYIS KYANG GANG ZAG 'DI NI NYES PAR BYED PA STE, DUNG GI SGRA SKAD KYI SPYOD PA 'DZIN PA DE BZHIN GSHEGS PA'I BSTAN PA LA GNOD PA DU MAR 'GYUR BA YIN NO ZHES SNGON BSLAB PA MA NYAMS PA'I TSE DGONGS PA LAS DE PHAN CHAD MI DGONGS SHING BTANG SNYOMS SU 'DOR BAR 'GYUR RO, ,CHOS MTHUN RGYAL BA'I SRAS RNAMS KYI, ,SMAN DANG ZHES BYA BAS, MKHAS PA TSANGS PA MTSUNGS PAR SPYOD PA RNAMS KYIS SMOD PAR BSTAN TE, BSLAB PA NYAMS PA DE LA SDE SNOD GSUM LA MKHAS PA DE BZHIN GSHEGS PA'I SRAS SU GYUR BA'I BYANG CHUB SEMS DPA'I MTSUNGS PAR SPYOD PA RNAMS KYIS KYANG BDAG CAG GI GROGS PO 'DI NI SDIG PA'I LAM DU ZHUGS PA'I DE BZHIN GSHEGS PA'I GSUNG RAB KYI BSLAB PA LAS NYAMS PA YIN NO ZHES SMOD CING 'DUL BA DANG GZHUNG LAS 'BYUNG BA BZHIN DU BSKRAD PA LA SOGS PA'I LAS KYANG BYED DO, ,'JIG RTEN MI SNYAN SGROGS ZHES BYA BAS PHYOGS DANG PHYOGS MTSAMS SU YANG SDIG PA MI SNYAN PAR GRAGS PAR 'GYUR BA BSTAN TE, BSLAB PA NYAMS PA'I GANG ZAG DE LA KUN GYIS KYANG MI SNYAN PAR SGROGS PAR 'GYUR TE, PHYOGS BCU KUN TU YANG GANG ZAG CHE GE MO ZHIG NI SDIG PA MI DGE BA'I CHOS 'DI LTA BU DAG BYED PA YIN NO ZHES 'JIG RTEN PA KUN 'PHYA ZHING SMOD PAR BYED PA'I PHYIR RO, ,'DI YAN CHAD KYIS TSE 'DI LA KHA NA MA THO BA SKYE BAR 'GYUR BA BSTAN TO, ,GZHAN YANG @85A *, ,PHYIR ZHING MI KHOM SKYE BAR 'GYUR, ,ZHES BYA BAS TSE PHYI MAR KHA NA MA THO BA SKYE PAR BSTAN TE, TSE 'DIR KHA NA MA THO BA SKYE BAR YANG MA ZAD TSE RABS GZHAN DU YANG GAR SKYES GAR SKYES KYANG SEMS CAN DMYAL BA LA SOGS PA MI KHOM PA BRGYAD KYI GNAS SU SKYE BAR 'GYUR TE, DE NI TSE YUR TE, DE NI BRA THO BA 'PHEL BA YIN NO, ,DGE BA YI NI CHOS RNAMS KYANG, ,THOB DANG MA THOB NYAMS PAR 'GYUR ,ZHES BYA BAS TSE 'DI DANG PHYI MAR KHA NA MA THO BA SKYE BAR BSTAN TO, ,NGO TSA BA MED PA'I GANG ZAG GIS SROG GCOD PA LA SOGS PA'I LAS BYAS NA SNGON DAD PA DANG TSUL KHRIMS LA SOGS PA'I DGE BA'I CHOS YOD PA YANG MED PAR 'GYUR TE, DE NI DGE BA'I CHOS THOB PA LAS NYAMS PA'O, ,TSE PHYI MAR YANG DAD PA DANG TSUL KHRIMS LA SOGS PA'I DGE BA'I CHOS THOB PAR 'GYUR BA YANG MI THOB PAR 'GYUR TE, DE NI DGE BA'I CHOS MA THOB PA LAS NYAMS PA'O, ,DE'I PHYIR SDUG BSNGAL GNAS PA DANG, ,YID LA MI BDE GNAS PA 'THOB, ,CES BYA BA LA, DE LTAR BDAG LA GNOD PA DANG, SEMS CAN LA GNOD PA DANG, GNYI GA LA GNOD PA DANG, GNYI GA LA GNOD PA DANG, TSE 'DIR KHA NA MA THO BA SKYE BA DANG, TSE 'DI DANG PHYI MA GNYI GAR KHA NA MA THO BA SKYES PAS RTAG TU YANG LUS SDUG BSNGAL BAR GNAS PA DANG, SEMS SDUG BSNGAL BAR GNAS PA THOB PAR 'GYUR RO, ,DE LA MIG GI RNAM PAR SHES PA NAS LUS KYI RNAM PAR SHES PA'I BAR DU RNAM PAR SHES PA LNGA'I TSOGS KYIS MI BDE BA MYONG BAR NI SDUG BSNGAL BA ZHES BYA'O, ,YID KYI RNAM PA LA MI BDE BA MYONG BA NI YID MI BDE BA ZHES BYA BA STE, 'DI YAN CHAD KYIS NGO TSA BA DANG KHREL BA'I MI MTHUN PA'I PHYOGS NYES PA BSTAN TO, ,NYES PA 'DI DAG THAMS CAD NI, ,KHREL LDAN RGYAL SRAS RNAM MI 'BYUNG, ,ZHES BYA BA LA, GONG DU BSTAN PA'I NYES PA DAG LA GNOD PA BYAS PA NAS YID LA MI BDE BAR GNAS PA THOB PA DE DAG THAMS CAD KHREL BA DANG NGO TSA BA DANG LDAN PA'I BYANG CHUB SEMS DPA' LA MI 'BYUNG STE, DE NI NGO TSA BA'I YON TAN NO, ,MKHAS PA MI DANG LHA RNAMS SU, ,RTAG TU LEGS PAR SKYE BAR 'GYUR, ,ZHES BYA BA LA, NGO TSA BA DANG LDAN ZHING KHREL YOD PA'I BYANG CHUB SEMS DPA' DE TSE RABS GZHAN DU YANG LHA DANG MI'I NANG DU SKYE BAR 'GYUR TE, @85B DE NI RNAM PAR SMIN PA'I 'BRAS BU'O, ,BLO LDAN BYANG CHUB TSOGS DE NA, ,KHREL LAS MYUR DU RDZOGS PAR 'GYUR, ,ZHES BYA BA LA, ,BLO DANG LDAN PA'I BYANG CHUB SEMS DPA' KHREL BA DANG LDAN ZHING NGO TSA BA YOD PA STE, KHREL BA DANG NGO TSA BA'I DBANG GIS BSOD NAMS DANG YE SHES KYI TSOGS MYUR DU RDZOGS PAR 'GYUR TE, DE NI BDAG PO'I 'BRAS BU'O, ,SEMS CAN RNAMS NI SMIN BYA LA, ,RGYAL SRAS MNYAM PA MED PAR 'GYUR, ,ZHES BYA BA LA, NGO TSA BA DANG KHREL YOD PA'I BYANG CHUB SEMS DPA'I TSE RABS GAR SKYES NA YANG THEG PA GSUM DU SEMS CAN 'GOD CING SMIN PAR BYA BA LA SKYO BA MED DE, ,DE NI SKYES BU'I RTZAL GYI 'BRAS BU'O, ,DE NI MI MTHUN GNYEN PO DANG, ,BRAL BA MA BRAL RTAG TU SKYE, ,ZHES BYA BA LA, KHREL YOD PA DANG NGO TSA BA'I MI MTHUN PA'I PHYOGS NI NGO TSA MED CING KHREL MED PA STE, TSE RABS GZHAN THAMS CAD DU NGO TSA BA DANG LDAN PA'I BYANG CHUB SEMS DPA' NI KHREL MED CING NGO TSA BA NI SHES PA DANG PHRAL BAR 'GYUR TE, DE NI BRAL BA'I 'BRAS BU'O, ,KHREL MED CING NGO TSA BA MED PA'I GNYEN PO NI KHREL YOD PA DANG NGO TSA BA YOD PA STE, TSE RABS THAMS CAD DU 0KHREL YOD PA DANG NGO TSA BA YOD PA DANG MI 'BREL BAR 'GYUR TE, DE NI RGYU MTHUN PA'I 'BRAS BU'O, ,YON TAN NGO TSA THOB GYUR PA, ,DE NI RGYAL BA'I SRAS RNAMS SO, ,ZHES BYA BAS NGO TSA BA'I YON TAN MDOR BSDUS NAS BSTAN TE, ,NGO TSA BA DANG LDAN PA'I RGYAL BA'I SRAS RNAMS NI GONG DU BSHAD PA'I NYES PA THAMS CAD KYANG MI 'BYUNG LA, RNAM PAR SMIN PA'I 'BRAS BU LA SOGS PA 'BRAS BU LNGA'I YON TAN YANG 'THOB PAR 'GYUR RO ZHES BYA BA'I DON TO, ,BYIS PA RNAMS NI GOS G-YOGS KYANG, ,NGO TSA BA DANG BRAL BAS NA, ,NYES PAS DRI MA CAN DU BYAS, ,ZHES BYA BA LA SOGS PA TSIGS SU BCAD PA RKANG PA LNGAS, ,SO SO'I SKYE BO RNAMS RAS DANG SNAM BU LA G-YOGS PA'I GOS PAS BYANG CHUB SEMS DPA'I NGO TSA BA DANG KHREL YOD PA'I GOS KHYAD ZHUGS PA BSTEN TE, BYIS PA SO SO'I SKYE BO RNAMS LUS MI MDZES PA SBA BA DANG, LUS LA RDUL LA SOGS PAS MI GOS PAR BYA BA'I PHYIR GOS KYIS G-YOGS SHING DKRIS PAS PHYI'I DRI MAS MIGS SU ZIN KYANG, NGO TSA BA MED CING KHREL MED PAS NA NANG GI SEMS @86A *, ,LA 'DOD CHAGS LA SOGS PA'I DRI MAS DRI MA CAN DU BYAS PAS NA LUS DRI MA MED PA MA YIN NO ZHES BYA BA'I DON TO, ,RGYAL SRAS GOS NI NGO TSA BAS, ,G-YOGS PA MED KYANG NYES DRI BRAL, ,ZHES BYA BA LA, RGYAL BA'I SRAS BYANG CHUB SEMS DPA' RNAMS KYI GOS NI NGO TSA BA DANG KHREL YOD PA STE, DE DAG TING NGE 'DZIN BSGOMS PA'I DUS NA BGO BA BZANG PO MED DE PHYAG DAR KHROD KYI TSEM BU LA SOGS PA BGOS KYANG NGO TSA BA DANG KHREL YOD PAS G-YOGS PA'I PHYIR, 'DOD CHAGS DANG ZHE SDANG LA SOGS PA DANG, SROG GCOD PA DANG MA BYIN PAR LEN PA LA SOGS PA'I DRI MAS MA GOS PAS NA DRI MA MED PA ZHES BYA'O, ,'DI LAS GZHAN PA'I GOS KYIS G-YOGS KYANG ZHES BYA BA LA SOGS PA'I TSIGS SU BCAD PA 'DI'I DON NI SO SO'I SKYE BO DAG NGO TSA BA DANG KHREL YOD PA'I GOS LAS GZHAN PA'I SNAM BU LA SOGS PA'I GOS KYIS G-YOGS TE, RDUL LA SOGS PA'I PHYI'I DRI MAS MI GOS KYANG; NGO TSA BA DANG KHREL YOD PA DANG BRAL BA'I PHYIR RTAG TU 'DOD CHAGS DANG ZHE SDANG LA SOGS PA'I NANG GI DRI MA CAN DU 'GYUR RO ZHES BYA BA'I DON TO, ,KHREL YOD RGYAL SRAS NAM MKHA' BZHIN, ,CHOS KYIS GOS PA MED PAR 'GYUR, ,ZHES BYA BA 'DIS NI NGO TSA BA DANG KHREL YOD PA NAM MKHA' DANG 'DRA BAR BSTAN TE, DPER NA NAM MKHA' RANG BZHIN GYIS DAG PAS SPRIN DANG KHUG RNA LA SOGS PA'I DRI MAS MI GOS PA BZHIN DU, ,NGO TSA BA DANG KHREL YOD PA'I CHOS KYANG RANG BZHIN GYIS NAM MKHA' BZHIN DU DAG PA'I RANG BZHIN YIN PAS, KHREL YOD PA DANG NGO TSA BA SHES PA DANG LDAN PA'I BYANG CHUB SEMS DPA' YANG BSOD SNYOMS LA SOGS PA SPYOD PA'I DUS NA RNYED PA DANG MA RNYED PA DANG, GRAGS PA DANG MA GRAGS PA LA SOGS PA 'JIG RTEN GYI CHOS BRGYAD KYIS MGOS TE, RNYED NA YANG DGA' BA MI SKYE, MA RNYED NA YANG MI DGA' BA MI SKYE BA'I PHYIR RO, ,STEN CING 'GROGS PA'I RGYAL SRAS RNAMS, ,NGO TSAS BRGYAN PA MDZES PA BZHIN, ,ZHES BYA BA 'DIS NGO TSA BA DANG KHREL YOD PA RGYAN DANG 'DRA BAR BSTAN TE, DPER NA SKYE BO LA LA ZHIG RGYAN RNAM PA SNA TSOGS KYIS BRGYAN TE GROGS MA 'GRO BA MANG PO'I NANG DU MDZES PA BZHIN DU, BYANG CHUB SEMS DPA'I KHREL YOD PA DANG NGO @86B TSA BA'I RGYAN GYIS BRGYAN PA DE YANG RGYAL BA'I SRAS RANG GI GROGS SU GYUR PA BYANG CHUB SEMS DPA'I TSOGS KYI DBUS SU SONG NA MDZES PA DANG BZANG BAR SNANG NGO ZHES BYA BA'I DON TO, ,MA BZHIN BYAMS PA 'DUL BA LA, ,KHREL YOD BYANG CHUB SEMS DPA' RNAMS, ,ZHES BYA BA 'DIS, KHREL YOD PA DANG NGO TSA BA 'JIG RTEN GYI MA DANG 'DRA BAR BSTAN TE, DPER NA 'JIG RTEN GYI MA BU LA BYAMS PA DANG GCES PA DANG SDUG PAR BYED DE BU BTANG SNYOMS SU MI 'DOR BA BZHIN DU, NGO TSA BA DANG KHREL YOD PA'I BYANG CHUB SEMS DPA' YANG SEMS CAN THAMS CAD LA BU DANG 'DRA BAR BYAMS PA DANG GCES PA DANG PHANGS PA BYED DE SEMS CAN YAL BAR MI 'DOR ZHES BYA BA'I DON TO, ,BSKYAB PAR RIGS PA'I SEMS CAN RNAMS BTANG SNYOMS SU BYED NA NGO TSA BAR 'GYUR RO ZHES BYA BA LA, NGO TSA BA DANG KHREL YOD PA MA LTA BUR GZHAG PA NI GAL TE SEMS CAN RNAMS 'KHOR BA'I SDUG BSNGAL LAS BSKYAB CING BSGRAL BA'I RIGS PA DANG BTANG SNYOMS SU BOR TE BSGRAL NA BYANG CHUB SEMS DPA' NGO TSA BA SKYE BAR 'GYUR TE, DE BAS NA BTANG SNYOMS SU MI 'DOR BA'I PHYIR MA DANG 'DRA'O ZHES BYA BA'I DON TO, ,'KHOR BA'I NYES PA THAMS CAD LAS, ,KHREL YOD PA NA SRUNG BAR BYED, ,CES BYA BA 'DIS, NGO TSA BA DANG KHREL YOD PA RTA DANG GLANG PO LA SOGS PA LTA BUR 'GYUR BA BSTAN TE, DPER NA RTA DANG GLANG PO CHE DANG DPUNG BU CHUNG LA SOGS PA DMAG GI TSOGS KYIS RGYAL SRID DANG YUL PHYOGS DGRAS MI 'PHROGS PAR SRUNG BAR BYED PA DE BZHIN DU, BYANG CHUB SEMS DPA'I NGO TSA BA DANG KHREL YOD PA'I DMAG GIS KYANG 'KHOR BA NA SEMS CAN GYI DON BYED PA'I TSE 'DOD CHAGS LA SOGS PA'I NYON MONGS PA'I DGRA'I DBANG DU MI 'GYUR BAR SRUNG BAR BYED DO, ,GOS PA LA SOGS PA'I DPE 'DI RNAMS KYIS NI ZHES BYA BA LA, GOS KYI DPE DANG, NAM MKHA'I DPE DANG, RGYAN GYI DPE DANG, MI'I DPE DANG, RTA DANG GLANG PO'I DPE LNGAS NI NGO TSA BA DANG KHREL BA'I DON RNAM PA LNGA BYED PAR BSTAN TO ZHES BYA BA'I DON TO, ,GNAS PA LA NYON MONGS PA'I GNYEN PO DANG ZHES BYA BA LA, GNAS PA NI SKYIL MO KRUNG BCAS NAS RNAL 'BYOR YID LA BYED PA BSGOM PA LA BYA STE, GOS KYI DPES NI BYANG CHUB SEMS @87A *, ,DPA' RNAL 'BYOR YID LA BYED PA'I BSGOM PA'I TSE NA NGO TSA BA DANG KHREL YOD PA'I CHOS NYON MONGS PA RNAMS SKYE BA'I GNYEN PO BYED PAR BSTAN TO, ,SPYOD PA LA 'JIG RTEN PA'I CHOS KYI GNYEN PO DANG ZHES BYA BA LA, SPYOD PA NI GRONG DU BSOD SNYOMS LEN PA LA SOGS PA LA BYA STE, NAM MKHA'I DPES NI NGO TSA BA DANG KHREL YOD PA DE BSOD SNYOMS LA SOGS PA SPYOD PA'I DUS NA RNYED PA DANG MA RNYED PA LA SOGS PA'I 'JIG RTEN GYI CHOS BRGYAD KYIS MI GOS PA'I GNYEN POR 'GYUR BAR BSTAN TO, ,CHOS CAN GNAS MTHUN PA DANG ZHES BYA BA LA, CHOS CAN GYI CHOS MTHUN PA'I BYANG CHUB SEMS DPA'I GROGS LA BYA STE, RGYAN GYI DPES NI NGO TSA BA DANG KHREL YOD NA BYANG CHUB SEMS DPA'I TSOGS KYI NANG NA GNAS KYANG DE DAG DANG SPYOD PA MTHUN ZHING MDZES PAR GNAS PA BSTAN TO, ,SEMS CAN YONGS SU SMIN PAR MTHUN PA DANG, ,ZHES BYA BA LA, NGO TSA BA DANG KHREL YOD PA DE SEMS CAN YONGS SU SMIN PA DANG MTHUN PAR BSTAN TE, DPER NA MAS BU YAL BAR MI 'DOR BA BZHIN DU NGO TSA BA DANG KHREL YOD PA DANG LDAN PAR GYUR NA YANG SEMS CAN YAL BAR MI 'DOR BA'I PHYIR RO, ,NYON MONGS PA MED PAR 'KHOR BA DANG MTHUN PAR ZHES BYA BA LA, RTA DANG GLANG PO'I DPE NI SEMS CAN GYI DON 'KHOR BAR 'JUG KYANG 'KHOR BA NA NYON MONGS PA MED PAR GNAS PA BSTAN TE, DPER NA GLANG PO LA SOGS PAS YUL SRUNG BAR BYED PA BZHIN DU KHREL BA DANG NGO TSA BAS ZIN NA 'KHOR BA NA GNAS KYANG BYANG CHUB SEMS DPAS 'DOD CHAGS LA SOGS PA'I NYON MONGS PAS MI GOS PAR SRUNG BAR BYED PA'I PHYIR RO, ,KUN LA BZOD PAR MI 'GYUR DANG, ,KUN LA BZOD CING 'JUG PA DANG, ,THAMS CAD LA YANG 'JUG PA STE, ,KHREL YOD NGO TSAS BSKYED PA'I MTSAN, ,ZHES BYA BA 'DIS KHREL YOD PA DANG, NGO TSA BA LAS MTSAN MA RNAM PA BZHI SKYE STE, MTSAN MA RNAM PA BZHI SNANG NA BYANG CHUB SEMS DPA' KHREL BA DANG NGO TSA BA'I CHOS YOD PAR RIG PAR BYA BAR BSTAN TO, ,DE LA MI MTHUN PA'I PHYOGS KHREL MED PA DANG NGO TSA BA MED PA DANG, 'DOD CHAGS DANG ZHE SDANG LA SOGS PA'I NYES @87B PA SEMS LA BYUNG NA BZOD PAR MI BYED DE MYUR DU SPONG BAR BYED DE, DE NI MTSAN MA GCIG GO, ,SBYIN PA DANG TSUL KHRIMS LA SOGS PA'I YON TAN SEMS LA BYUNG NA BZOD CING SEMS LA 'JOG PAR BYED DE, ,'DI NI MTSAN MA GNYIS PA'O, ,PHYIS KYANG SDIG PA MI DGE BA'I CHOS THAMS CAD LA MI 'JUG MI BYED DE, ,DE NI MTSAN MA GSUM PA'O, ,DGE BA DANG YON TAN GYI CHOS MA BSGRUBS PA RNAMS LA SGRUB CING 'JUG PAR BYED DE, ,'DI NI MTSAN MA BZHI BA STE, NGO TSA BA DANG KHREL YOD PA LAS SKYES PA'I MTSAN MA BZHI SNANG BA NGO TSA BA DANG KHREL YOD PA THOB PAR RIG PAR BYA BA YIN NO, ,KHREL YOD BSGOM PA GTZO BO DANG, BDAG SEMS CHOS LA MOS PA DANG, ,BSAM PA DANG NI SBYOR BA DANG, ,RTOG PA MED DANG GCIG PA LAS, ,ZHES BYA BA'I TSIGS SU BCAD PA 'DIS KHREL YOD PA DANG NGO TSA SHES PA LA JI LTAR BSGOMS NA BSGOM PA DAM PA DANG GTZO BOR BSGOM PA YIN PA DE BSTAN TE, DPER NA SANGS RGYAS BCOM LDAN 'DAS LA YANG DRI DANG, PHRENG BA DANG BYUG PA LA SOGS PA PHYI'I DNGOS POS MCHOD PA PAS, NYAN PA DANG SEMS PA LA SOGS PA SEMS KYIS MCHOD PA DAM PA YIN PA BZHIN DU, SEMS CAN GZHAN GYIS SKYON BTAGS SU DOGS NAS GZHAN LA LTOS TE NGO TSA BA SKYE BA NI MCHOG MA YIN GYI, BDAG GIS SEMS NYID LA LTOS NAS BDAG GIS BDAG KHREL BA BSAMS TE NGO TSA SHES PA SKYES PA NA NGO TSA BSGOMS PA YANG BSGOM PA MCHOG TU GZHAG PA'O, , SEMS KYIS NGO TSA BSGOMS PA YANG RNAM PA LNGA STE, CHOS LA MOS PA DANG, BSAM PA DANG, 'BYOR BA DANG, RTOG PA MED PA DANG BYA BA GCIG PAR GNAS PA'O, ,DE LA CHOS LA MOS PA NI NGO TSA BA DANG KHREL YOD PAS YANG DAG PAR BSDUS PA'I THEG PA CHEN PO'I CHOS LA MOS SHING DAD PA STE, DE LTAR BSGOMS PA YANG BSGOM PA'I MCHOG TU GZHAG GO, ,BSAM PA RNAM PA DGU STE, RO MYANG BA DANG, RJES SU YI RANG BA DANG, MNGON PAR DGA' BA DANG, CHOG MI SHES PA DANG, SPANGS PA DANG, DGA' BA DANG, PHAN 'DOGS PA DANG, @88A *, ,NYON MONGS PA MED PA DANG, DGE BA'I BSAM PA STE, DE LTAR BSGOMS PA YANG BSGOM PA'I MCHOG TU GZHAG GO, ,'BYOR BA NI, SA BRGYAD PA LA ZHUGS PA'I BYANG CHUB SEMS DPA' RNAMS BRTZAL BA DANG 'BAD PA MED PAR NGO TSA BA DANG KHREL YOD PA LHUN GYIS GRUB PAR 'BYUNG STE, DE LTAR BSGOMS PA YANG BSGOM PA'I MCHOG TU GZHAG GO, ,RTOG PA MED PA NI NGO TSA BAR BYA BA'I GNAS SEMS CAN DANG, NGO TSA BAR BYED PA BYANG CHUB SEMS DPA' DANG, NGO TSA BA'I CHOS GSUM CHAR YOD PAR MI RTOG PA STE, DE LTAR BSGOMS PA YANG BSGOM PA'I MCHOG TU GZHAG GO, ,BYA BA GCIG PA NI SA BRGYAD PA LA ZHUGS PA'I BYANG CHUB SEMS DPA' RNAMS GCIG GIS NGO TSA BA DANG KHREL YOD PA'I CHOS BSGOMS NA GZHAN GYIS KYANG BSGOMS PA YIN TE, DE LTAR BSGOMS PA YANG BSGOM PA'I MCHOG TU GZHAG GO, ,BRTAN PA RNAM PAR DBYE BA'I TSIGS SU BCAD PA BDUN TE ZHES BYA BA LA, NGO TSA BA'I SKABS KYI 'OG TU BRTAN PA RNAM PAR DBYE BA'I SKABS BSHAD PAR 'BREL BA CI YOD CE NA, BYANG CHUB KYI PHYOGS KYI CHOS SUM CU RTZA BDUN BSGOM PA DANG, RJES SU MTHUN PA'I CHOS RNAMS KYI GTZO BO NI NGO TSA SHES PA'O, ,DE LTAR NGO TSA SHES PA DAG LDAN PA'I BYANG CHUB SEMS DPA' BSGOM PA LA ZHUGS PA NA, LE LO DANG, G-YENG BA DANG, 'CHAL BA'I SHES RAB GSUM GYIS NYON MI MONGS PA'I BRTZON 'GRUS DANG, TING NGE 'DZIN DANG, SHES RAB KYI CHOS GSUM BRTAN PA DANG DPA' ZHES BYA BA LA 'BYUNG STE, BRTAN PA DE YANG NGO TSA SHES PA LAS 'BYUNG ZHING 'GRUB PAR 'GYUR BAS NA NGO TSA BA'I RJES LA BRTAN PA'I SKABS BSHAD PAR 'BREL TO, ,YANG NA NGO TSA BA DANG, KHREL BA DANG LDAN PA'I BYANG CHUB SEMS DPA' LA 'DOD CHAGS DANG ZHE SDANG LA SOGS PA'I NYON MONGS PA'I RLUNG GIS BSKYOD PAR MI NUS PAR 'GYUR TE, DE BAS NA NGO TSA BA'I RJES LA BRTAN PA'I SKABS BSHAD PA 'BREL TO, ,BYANG CHUB SEMS DPA'I BRTAN PA NI, ,MTSAN NYID DANG NI DBYE BA DANG, ,MI 'GYUR BA DANG DE LAS GZHAN, ,THAMS CAD LAS NI KHYAD PAR ZHUGS, ,ZHES BYA BA'I TSIGS SU BCAD PA 'DIS BYANG CHUB SEMS DPA'I BRTAN PA RAB TU DBYE BA'I @88B DON MDOR BSDUS NAS STON TE, BRTAN PA'I SKABS 'DIR YANG BYANG CHUB SEMS DPA'I BRTAN PA'I DON NI RNAM PA GSUM ZHIG STON TE, BRTAN PA'I MTSAN NYID DANG, BRTAN PA'I DBYE BA DANG, BRTAN PA'I MI 'GYUR BA STE, DE LA 'JIG RTEN PA LA YANG BRTAN PA YOD, NYAN THOS DANG RANG SANGS RGYAS LA YANG BRTAN PA YOD MOD KYI, DE DAG GI BRTAN BA BAS KYANG BYANG CHUB SEMS DPA'I BRTAN PA'I MTSAN NYID DANG, DBYE BA DANG, MI 'GYUR BA GSUM GZHAN LAS 'PHAGS SHING KHYAD ZHUGS PA YIN NO ZHES BYA BA'I DON TO, ,BRTZON 'GRUS TING 'DZIN SHES RAB DANG, ,SEMS PA MI G-YO BRTAN PAR 'DOD, ,BYANG CHUB SEMS DPA' RNAM DAG NI, ,'JIGS PA MED PA GSUM LAS BYUNG, ,ZHES BYA 'DIS MTSAN NYID DANG MTSAN NYID KYI MING GI RNAM GRANGS DANG MTSAN NYID KYI SGRUB PA GSUM 'CHAD DO, ,DE LA BRTAN PA ZHES BYA BA YANG, ,BRTZON 'GRUS DANG, TING NGE 'DZIN DANG, SHES RAB STE CHOS DE GSUM LA MING DU BTAGS PA ZHES BYA'O, ,DE LA DGE BA'I CHOS LA SEMS SPRO ZHING MI LDOG PA NI BRTZON 'GRUS SO, ,'PHAGS PA'I BDEN PA BZHI BSGOM PA'I SEMS RTZE GCIG PA DANG, RNAM PAR RTOG PA'I RLUNG GIS MI BSKYOD PA NI TING NGE 'DZIN TO, , CHOS RNAMS KYI RANG DANG SPYI'I MTSAN NYID SHES PA NI SHES RAB STE 'DI NI MTSAN NYID KYI MTSAN NYID BSTAN TO, ,BRTAN PA DE LA MING DU LTA BA ZHES KYANG BYA, MI G-YO BA ZHES KYANG BYA, BRTAN PA ZHES KYANG BYA STE, 'DIS NI MTSAN NYID KYI MING GI RNAM GRANGS BSTAN TO, ,BYANG CHUB SEMS DPA' RNAMS LA BRTZON 'GRUS DANG, TING NGE 'DZIN DANG, SHES RAB KYI TSOGS GSUM LA ZHUM PA DANG, G-YO BA DAG KYANG GTI MUG GIS 'JIGS PA GSUM LA 'JIGS PA MED PA 'BYUNG STE, 'DIS NI MTSAN NYID KYI SGRUB PA BSTAN TO, ,'JIGS PA MED PA GSUM LAS 'JUG PA GANG ZHE NA ZHES BYA BA LAS, GONG DU BRTZON 'GRUS LA SOGS PA'I CHOS GSUM GYIS CHOS GSUM LA 'JIGS PA MED PAR 'JUG GO ZHES BSHAD PA'I CHOS GSUM PO GANG ZHE NA ZHES BYA BA'I DON TO, ,ZHUM DANG G-YO DANG GTI MUG LAS, ,BYA BA RNAM LA 'JIGS PA STE, ,ZHES BYA BA RNAM @89A *, ,PA GSUM GYIS NI 'JIGS PA SKYE STE, ZHUM PAS 'JIGS PA SKYE BA DANG, G-YO BAS 'JIGS PA SKYE BA DANG, GTI MUG PAS 'JIGS PA SKYE BA'O, ,DE LA BRTZON 'GRUS MED PA NA BYANG CHUB SEMS DPA'I BYA BA SPYOD PA RLABS PO CHE DAG LA BDAG GIS SPYAD PAR MI NUS SO SNYAM NAS ZHUM PA LA 'JIGS PA SKYE'O, ,SEMS G-YO BAR GYUR NA SEMS RTZE GCIG PAR GZHAG PAR MI NUS SO SNYAM NAS 'JIGS PA SKYE'O, ,GTI MUG LAS KYANG 'JIGS PA SKYE STE, BLA NA MED PA'I BYANG CHUB THOB PAR BYA BA'I THABS MI SHES NA YANG BYANG CHUB KYI SPYOD PA RNAMS LA JI LTAR BYA GTOL MED PAS 'JIGS PA SKYE PAR 'GYUR RO, ,DE BAS BRTAG PA RNAM GSUM LA, ,BRTAN PA YIN PAR SHES PAR BYA, ,ZHES BYA BA LA, ,DE LTAR ZHUM PA LA SOGS PA GSUM LAS 'JIGS PA MI SKYE BA NA RTAG PA NI LHUN GYIS GRUB PA LA BYA STE, BRTZON 'GRUS LHUN GYIS GRUB PA DANG, TING NGE 'DZIN LHUN GYIS GRUB PA DANG, SHES RAB LHUN GYIS GRUB PA NA ZHUM PA'I 'JIGS PA DANG, G-YO BA'I 'JIGS PA DANG, GTI MUG GI 'JIGS PA MI 'BYUNG STE, DE BAS NA LHUN GYIS GRUB PA RNAM PA GSUM LA BYANG CHUB SEMS DPA'I BRTAN PA YIN PAR SHES PAR BYA'O ZHES BYA BA'I DON TO, ,DE LA BRTZON 'GRUS LHUN GYIS GRUB PAS NA ZHUM PA'I 'JIGS PA MED DO, ,TING NGE 'DZIN LHUN GYIS GRUB PAS NA G-YO BA'I 'JIGS PA MED DO, ,SHES RAB LHUN GYIS GRUB PAS NA GTI MUG GI 'JIGS PA MED DO, ,RTAG PA MA BRTAN PA ZHES BYA BA LA, BRTZON 'GRUS LA SOGS PA'I CHOS GSUM LHUN GYIS GRUB PA LA MING DU BRTAN PA ZHES BYA'O ZHES BYA BA'I DON TO, ,RTAG PA NI SO SOR MA BRTAG PA'O ZHES BYA BA LA, SO SOR RTAG CING 'BAD MI DGOS PAR CHOS GSUM LHUN GYIS GRUB PA LA RTAG PA ZHES BYA'O ZHES BYA BA'I DON TO, ,'DI YANG CHAD DU BRTAN PA'I MTSAN NYID BSHAD DO, ,BRTAN PA'I DBYE BA BSTAN PA'I PHYIR, ,RANG BZHIN DANG NI SMON LAM DANG, ZHES BYA BA LA SOGS PA SMOS SO, ,DE LA BRTAN PA LA DBYE NA RIGS KYIS BRTAN PA NAS BYANG CHUB DAM PA LA BRTAN PA'I BAR DU BRGYAD YOD DO, ,DE LA RANG BZHIN DANG NI ZHES BYA BAS RIGS KYI BRTAN PA BSTAN TE, LA LA NI BRTZON 'GRUS DANG, @89B TING NGE 'DZIN DANG SHES RAB KYI RIGS YOD PAS ZHUM PA LA SOGS PA'I 'JIGS PA MED CING MI 'GYUR RO, ,SMON LAM DANG ZHES BYA BAS SEMS BSKYED PAS BRTAN PA BSTAN TE, DANG PO BYANG CHUB TU SEMS BSKYED PA NAS BDAG BLA NA MED PA'I BYANG CHUB THOB PAR BYA BA DANG, SEMS CAN YONGS SU BSGRAL BAR BYA BA LA MI LDOG CING MI 'GYUR BAR SHOG SHIG CES SMON LAM BTAB PA LAS GAR SKYES KYANG MI 'GYUR ZHING BRTAN PAR 'GYUR BA'O, ,CHAGS PA MED PA'ANG DE BZHIN TE, ,ZHES BYA BAS BDAG GI DON LA BRTAN PA BSTAN TE, BDAG GI DON SGRUB PA LA LUS DANG SROG BTANG BA LA YANG 'JIGS PA DANG CHAGS PA MED PAR GTONG BAS BRTAN PA'O, ,SEMS CAN LOG PAR SGRUB PA YANG, ,ZHES BYA BAS SEMS CAN GYI DON LA BRTAN PA BSTAN TE, BYANG CHUB SEMS DPA' SEMS CAN GYI DON LA ZHUGS PA NA SEMS CAN LOG PAR ZHUGS PA RNAMS KYIS GNOD PA RNAMS PA SNA TSOGS BYAS KYANG SEMS CAN MI 'DOR BA'I PHYIR RO, ,ZAB CING ZHES BYA BAS DE BZHIN NYID KYI DON LA BRTAN PAR BSTAN TE, MA SKYES MA BYUNG BA DANG STONG PA NYID LA SOGS PA'I CHOS ZAB MO THOS PA YANG SKRAG CING DNGANG BA'AM SEMS LDOG PA MED PA'I PHYIR RO, ,RGYA CHE NYAN PA DANG ZHES BYA BSAM MTHU LA BRTAN PA BSTAN TE, STO BAS DANG MI 'JIGS PA LA SOGS PA YON TAN RGYA CHEN PO NGAG THOB KYANG DE SGRUB PAR MI NUS SO SNYAM PA'I 'JIGS PA MI 'BYUNG BA'I PHYIR RO, ,'DU LA BA SHIN DU GDU LA DKA' DANG, ,ZHES BYA BAS SEMS CAN YONGS SU SMIN PAR BYA BA LA BRTAN PA BSTAN TE; ,'DOD CHAGS DANG ZHE SDANG DANG GTI MUG CHEN PO'I SEMS CAN SUS KYANG 'DUL BAR MI NUS TE, GDUL DKA' BA RNAMS KYANG GDUL BAR MDZAD CING SEMS CAN DE DAG KYANG YAL BAR MI 'DOR BA'I PHYIR RO, ,BSAM GYIS MI KHYAB RGYAL BA'I SKU, ,ZHES BYA BAS BYANG CHUB DAM PA LA BRTAN PA BSTAN TE, SANGS RGYAS BCOM LDAN 'DAS RNAMS KYI CHOS KYI SKU DANG, LONGS SPYOD RDZOGS PA'I SKU DANG, SPRUL PA'I SKU BSAM GYIS MI KHYAB PA'I MTSAN NYID BSGRUB PAR BYA BA LA GYUR PA DANG LDOG PA MED PA'I PHYIR RO, ,BRTAN PA'I RNAM GRANGS GZHAN @90A *, ,LANG BSTAN PA'I PHYIR, DKA' BA RNAM PA SNA TSOGS DANG, ,ZHES BYA BA LA SOGS PA SMOS TE, DKA' BA RNAM PA SNA TSOGS ZHES BYA BAS DKA' BA SPYOD PA LA BRTAN PA BSTAN TO, ,BLA NA MED PA'I BYANG CHUB BSGRUB PA'I PHYIR GRANG BA DANG, TSA BA DANG, BKRES PA DANG, SKOM PA LA SOGS PA'I SDUG BSNGAL RNAM PA SNA TSOGS BYUNG YANG BYANG CHUB SEMS DPA'I SPYOD PA MI 'DOR BA'I PHYIR RO, ,'KHOR BA MI 'DOR TE GZHAN TE, ,ZHES BYA BAS BSAMS BZHIN DU SRID PA SKYE BA LA BRTAN PA BSTAN TE, SEMS CAN GYI DON DU SEMS CAN DMYAL BA'I DON DANG BYOL SONG GI GNAS SU SKYE BA LA SOGS PA YANG MI GTONG BA'I PHYIR RO, ,DE NYID LA NI NYON MONGS MED, ,CES BYA BAS NYON MONGS MED PA LA BRTAN PA BSTAN TE, SEMS CAN GYI DON DU 'KHOR BAR SKYES NA YANG 'KHOR BA'I NYES PA 'DOD CHAGS LA SOGS PAS MI GOS SHING NYON MONGS PA'I DBANG DU MI 'GYUR BA'I PHYIR RO, ,BRTAN PA'I DBYE BA BSTAN ZIN TO, ,BRTAN PA'I MI 'GYUR BA BSTAN PA'I PHYIR, GROGS NGAN SDUG BSNGAL ZAB THOS PAS, ,BRTAN PA 'KHRUGS PAR MI NUS PA, ,PHYE MA LEB DANG 'DAB RLUNG DANG, ,RGYA MTSOS RI RAB MI SGUL BZHIN, ,ZHES BYA BA SMOS TE, BYANG CHUB SEMS DPA'I BRTAN PA NI RI RAB DANG 'DRA'O, ,DPER NA PHYE MA LEB KYIS RI RAB MI SGUL BA BZHIN DU BRTAN PA DANG LDAN PA'I BYANG CHUB SEMS DPA' DE LA MI DGE BA'I GROGS PO NGAN PA RNAMS KYIS LOG PA'I RNAM PA DU MAS BSGYUR CING BSTAN KYANG, BYANG CHUB SEMS DPA'I BRTAN PA DE 'KHRUGS PA'AM BSGYUR BAR MI NUS SO, ,DPER NA NAM MKHA' LDING DANG BYA RNAMS KYI GSHOG PA DANG RLUNG GIS RI RAB SBUL BAR MI NUS PA BZHIN DU BYANG CHUB SEMS DPA'I SPYAD PA SPYOD PA NA GRANG BA DANG TSA BA LA SOGS PA'I SDUG BSNGAL SNA TSOGS 'BYUNG YANG DES 'KHRUGS PAR MI 'GYUR TE, BYANG CHUB SEMS DPA'I SPYOD PA 'DOR BAR MI BYED DO, ,DPER NA RGYA MTSOS RI RAB MI SGUL BA BZHIN DU BRTAN PA DANG LDAN PA'I BYANG CHUB SEMS DPA' DE STONG PA DANG BDAG MED PA'I CHOS ZAB MO THOS KYANG 'KHRUGS PAR MI 'GYUR TE, CHOS ZANG @90B MOS SKRAG PAR MI 'GYUR RO, ,MI SKYO BA RNAM PAR DBYE BA'I TSIGS SU BCAD PA GNYIS SO ZHES BYA BA LA, BRTAN PA'I SKABS BSHAD PA'I RJES LA MI SKYO BA RNAM PAR DBYE BA'I SKABS BSHAD PA 'BREL BA CI YOD CE NA, BYANG CHUB SEMS DPA' BRTZON 'GRUS DANG TING NGE 'DZIN DANG, SHES RAB LHUN GYIS GRUB STE BRTAN POR GYUR NA BYANG CHUB SEMS DPA'I SPYOD PA MANG PO DANG, DKA' BAR SPYOD PA RNAM PA SNA TSOGS KYIS SKYO BAR MI 'GYUR TE, DE BAS NA BRTAN PA'I RJES LA MI SKYO BA'I SKABS BSHAD PAR 'BREL TO, ,DE LA TSIGS SU BCAD PA GNYIS KYI DON NI MI SKYO BA'I DNGOS PO DANG, MI SKYO BA'I GNAS DANG, MI SKYO BA'I RANG BZHIN DAD, MI SKYO BA'I RAB TU DBYE BA'I STE, DON BZHIN BSTAN TO, ,BYANG CHUB SEMS DPA'I MNYAM MED PA, ,DNGOS PO GSUM LA SKYO BA MED, ,CES BYA BA LA, DNGOS PO'I SGRA NI YUL LA BYA STE, BYANG CHUB SEMS DPA' YUL LA SKYO BA MED, ,CES BYA BA'I DON TO, ,DE LA 'JIG RTEN PA DAG KYANG RANG GI BYA BA LA SKYO BA MED PA YOD DANG, ,NYAN THOS DANG RANG SANGS RGYAS DAG KYANG RANG GI MYA NGAN LAS 'DAS PA THOB PAR BYA BA LA SKYO BA MED PA YOD MOD KYI, BYANG CHUB SEMS DPA' RNAMS DNGOS PO GSUM LA SKYO BA MED PA NI GZHAN PAS 'PHAGS PAS NA MNYAM PA MED PA ZHES BYA'O, ,DNGOS PO GSUM PO GANG ZHE NA, DE'I PHYIR, SDUG BSNGAL RAB 'GRUS NYAN MI NGOMS, ,ZHES BYA BA SMOS TE, DNGOS PO GSUM GYI SDUG BSNGAL GYI DNGOS PO DANG, RAB TU 'GRUS PA'I DNGOS PO DANG, NYAN PAS MI NGOMS PA'I DNGOS PO'O, ,DE LA BYANG CHUB SEMS DPA' SEMS CAN GYI DON DU GRANG BA DANG TSA BA LA SOGS PA'I SDUG BSNGAL RNAM PA SNA TSOGS 'BYUNG YANG MI LDOG PA NI SDUG BSNGAL GYI DNGOS POS SKYO BA MED PA'O, ,BSKAL BA GRANGS MED PA GSUM DU GTZUB SHING GIS ME BYUNG BA BZHIN DU, BRTZON 'GRUS RTZOM YANG BRTZON 'GRUS MI GTONG BA NI RAB TU 'GRUS PA'I DNGOS PO LA MI SKYO BA'O, ,DGE BA'I BSHES GNYEN DE DANG DE DAG THAMS CAD LAS, TSONG DPON GYI BU NOR BZANGS BZHIN DU DAM PA'I CHOS DE DANG DE DAG THAMS CAD NYAN KYANG CHOG MI SHES PA NI NYAN PA'I @91A *, ,DNGOS PO LA MI NGOMS SHING MI SKYE BA STE, 'DI NI SKYE BA MED PA'I DNGOS PO BSTAN TO, ,KHREL YOD BRTAN PA GNAS PA DANG, ,ZHES BYA BA LA, GNAS ZHES BYA BA DANG RGYU ZHES BYA BA DON GCIG STE, BYANG CHUB SEMS DPA'I SKYO BA MED PA NI GONG DU BSHAD PA'I KHREL YOD PA DANG, BRTAN PA GNYIS LAS GNAS NAS DE GNYIS LAS 'BYUNG STE, DES NI MI SKYO BA'I GNAS BSTAN TO, ,BYANG CHUB CHE LA RAB MOS PAS, ,ZHES BYA BA LA, MOS PA DANG 'DOD PA DON GCIG STE, BYANG CHUB SEMS DPA'I MI SKYO BA DE NYAN THOS DANG RANG SANGS RGYAS KYI BYANG CHUB THOB PAR BYA BAR 'DOD PA MED KYI BLA NA MED PA'I BYANG CHUB THOB PAR BYA BAR MOS SHING DAD DE, DES NI MI SKYO BA'I RANG BZHIN BSTAN TO, ,BLO LDAN RNAMS KYIS MI SKYOR 'DOD, ,CES BYA BA LA, BLO LDAN NI BYANG CHUB SEMS DPA' STE, BYANG CHUB SEMS DPA'I MI SKYO BA'I DNGOS PO DANG GNAS DANG RANG BZHIN NI DE LTA BU YIN PAR 'DOD DO ZHES BYA BA'I DON TO, ,MA RDZOGS PA DANG RDZOGS PA DANG, ,SHIN TU RDZOGS PA SA RNAMS LA, ,ZHES BYA BA LA, MOS PAS SPYOD PA'I SA YAN CHAD SA BCU MAN CHAD NA BYANG CHUB SEMS DPA'I SKYE BA MED PA SA KHA CIG NA NI MA RDZOGS, SA KHA CIG NA NI RDZOGS, KHA CIG NA NI SHIN TU RDZOGS PAR GZHAG GO, ,DE LA MOS PAS SPYOD PA'I SA BZHIN NI BYANG CHUB SEMS DPA'I MI SKYO BA MA RDZOGS PA ZHES BYA STE, BDAG DANG GZHAN DU MNYAM PA NYID MA THOB PAS SKYO BA'I SEMS SKABS SU 'BYUNG BA'I PHYIR RO, ,SA DANG PO YAN CHAD SA BDUN MAN CHAD NI SKYO BA MED PA RDZOGS PA ZHES BYA STE, BRTZAL 'BAD YOD KYANG BDAG GANG GZHAN DU MNYAM PA NYID THOB PAS SKYO BA'I SEMS MI 'BYUNG BA'I PHYIR RO, ,SA BRGYAD PA DANG SA DGU PA DANG, SA BCU PA LA NI SHIN TU RDZOGS PA ZHES BYA STE, BRTZAL 'BAD MED PAR SKYO BA MED PA LHUN GYIS GRUB PA'I PHYIR RO, ,'DIS NI MI SKYO BA'I DBYE BA BSTAN TO, ,NGO TSA BA SKYES NA NGO TSA BA DANG BRTAN PAS MI SKYO BA'O ZHES BYA BA LA, SKYO BA MED PA'I GNAS NI KHREL YOD PA DANG BRTAN PA GNYIS YIN TE, JI LTAR DE GNYIS SKYO BA MED PA'I GNAS YIN ZHE NA, KHREL YOD PAS NI BYANG CHUB SEMS DPA'I SPYOD PA LA SKYO BA MED NA NGO TSA BAR BYED LA, BRTAN PAS NI SKYO BA MI SKYE BAR BYED PAS NA DE GNYIS GNAS @91B SU 'GYUR RO, BYANG CHUB CHEL RAB MOS ZHES BYA BA NI RAB TU MOS PA MED PA NA SKYO BAS SKYO BA'I PHYIR RO ZHES BYA BA LA, BYANG CHUB CHEN PO LA MOS PAS SKYO BA MED PA'I RANG BZHIN DU BSHAD PA DE GAL TE 'DOD PA DANG MOS PA NI SKYO BA MED PA'I RGYU YIN NO, RGYU NYID JI LTAR RANG BZHIN DU GZHAG CE NA, 'DI LTAR MOS PA DANG 'DOD PA MED PA NA NI SKYO BA SKYE BAR 'GYUR LA, BLA NA MED PA'I BYANG CHUB TU 'DOD PA YOD NA DON SKYO BA MED CING BRTZON 'GRUS RTZOM STE, DE BAS NA BRTZON 'GRUS RTZOM PA DANG SKYO BA MED PA'I RGYU MOS PA YIN PAS RGYU LA 'BRAS BUR MING BTAGS NAS MOS PA LA SKYO BA MED PA'I RANG BZHIN DU BSHAD DO, ,'DOD PA BRTZON 'GRUS KYI RGYU YIN PAS NA GTZUG LAG LAS KYANG, MOS PA NI BRTZON 'GRUS KYI GNAS KYI SBYIN PA'I LAS CAN NO ZHES BSHAD DO, GTZUG LAG SHES PA LA TSIGS SU BCAD PA GNYIS TE ZHES BYA BA LA, RIG PA'I GNAS LNGA LA MKHAS PA NI GTZUG LAG SHES PA ZHES BYA STE, SKYO BA MED PA'I SKABS KYI 'OG TU GTZUG LAG SHES PA'I SKABS BSHAD PAR 'BREL PA CI YOD CE NA, DE LTAR SKYO BA MED PAR GYUR PA DANG, BYANG CHUB SEMS DPA' DE DGE BA'I BSHES GNYEN LA BRTEN PA DANG, DAM PA'I CHOS NYAN PA LA SOGS PA GDON MI ZA BAR BYED DO, ,'DI LTAR DAM PA'I CHOS NYAN NA RIG PA'I GNAS LNGA LA MKHAS PAR 'GYUR BAS SKYO BA MED PA'I 'OG TU GTZUG LAG SHES PA'I SKABS BSHAD PAR 'BREL TO, ,DNGOS PO DANG NI CHED DU DANG, ,LAS RNAMS KYIS NI 'PHAGS PA'O, ,MTSAN NYID DANG NI MI ZAD DANG, 'BRAS BU THOB PA RNAMS KYIS KYANG, ,BRTAN PA RNAMS KYI GTZUG LAG SHES, ,ZHES BYA BA LA, RIGS PA'I GNAS LNGA LA NYAN THOS DANG, RANG SANGS RGYAS DANG, 'JIG RTEN PA DAG LA YANG MKHAS PA YOD MOD KYI BRTAN PA BYANG CHUB SEMS DPA' RNAMS KYI GTZUG LAG SHES PA NI DNGOS POS KYANG GZHAN LAS 'PHAGS, CHED DU BYA BAS KYANG GZHAN LAS 'PHAGS, LAS KYIS KYANG GZHAN LAS 'PHAGS, MTSAN NYID KYIS KYANG GZHAN LAS 'PHAGS, MI ZAD PAS KYANG GZHAN LAS 'PHAGS, 'BRAS BU THOB PAS KYANG GZHAN LAS 'PHAGS SO ZHES BYA BA'I DON TO, , @92A *, ,TING 'DZIN GZUNGS KYI RANG BZHIN NI, ,SEMS CAN RNAM PAR SMIN PA DANG, ,DAM PA'I CHOS KYANG 'DZIN PA'I PHYIR, ,ZHES BYA BA LA, BYANG CHUB SEMS DPA'I RIG PA'I GNAS LNGA LA MKHAS PA YANG, KHA CIG NI TING NGE 'DZIN GYI RANG BZHIN YIN LA, ,TING NGE 'DZIN GYIS ZIN CING TING NGE 'DZIN DANG 'BREL PA DANG, KHA CIG NI GZUNGS KYI RANG BZHIN YIN LA, GZUNGS KYIS ZIN CING GZUNGS DANG 'BREL PA'O, ,DE LA TING NGE 'DZIN NI DPA' BAR 'GRO BA'I TING NGE 'DZIN LA SOGS PA STE, TING NGE 'DZIN GYI RANG BZHIN GYI RIG PA'I GNAS LNGA LA MKHAS PAS NI SEMS CAN YONGS SU SMIN PAR BYED DO, ,GZUNGS KYI RANG BZHIN GYI RIG PA'I GNAS LNGA LA MKHAS PAS NI DAM PA'I CHOS KYI DON DANG TSIG THAMS CAD 'DZIN PAR BYED DO, ,DE LA, GTZUG LAG SHES PA'I DNGOS PO NI, ,ZHES BYA BA LA, DNGOS PO DANG YUL ZHES BYA BA DON GCIG STE, GTZUG LAG SHES PAS SHES PAR BYA BA'I YUL NI RNAM PA LNGA YOD DO ZHES BYA BA'I DON TO, ,DE BZHIN GSHEGS PA'I GSUNG RAB LA MKHAS PAS NI NANG SHES PA ZHES BYA'O, ,TAR KA'I PHYOGS LA MKHAS PA NI, GTAN TSIGS SHES PA ZHES BYA'O, ,BY'A KA RA nA'I GTZUG LAG LA MKHAS PA NI SGRA SHES PA ZHES BYA'O, ,TZA RA KA LA SOGS PA SMAN DPYAD KYI GTZUG LAG LA MKHAS PA NI SMAN DPYAD SHES PA ZHES BYA'O, ,BHA RA TA'I GTZUG LAG LA SOGS PA GLU DANG GAR DANG MTSON CHA 'DZIN PA LA MKHAS PA'I GTZUG LAG LA MKHAS PA NI BZO'I LAS KYI GNAS SHES PA ZHES BYA'O, BDAG GI DON DANG GZHAN GYI CHED DU BYED PA'O ZHES BYA BA LA, BYANG CHUB SEMS DPA' RNAMS RIG PA'I GNAS LNGA LA MKHAS PAR BYED PA YANG BDAG 'BA' ZHIG GI CHED DU SLOB PA NI MA YIN GYI, BDAG DANG GZHAN GNYIS KA'I DON DU SLOB STE, DE BAS NA CHED DU BYED PA LA 'PHAGS SO, ,DNGOS PO DANG PO LA BDAG KYANG SHES SHING GZHAN LA YANG DE BZHIN DU STON PA DANG ZHES BYA BA LA, RIG PA'I GNAS LNGA'I LAS 'CHAD DE, DE LA DANG PO NI RIG PA'I LAS NI BDAG NYID KYANG SHES PA DANG, SPANG BA DANG, MNGON DU BYA BA DANG, BSGOM PA'I DNGOS PO SHES PA'I SGO NAS NYON MONGS PA SPANGS BAR BYA BA DANG, GZHAN LA YANG SHES PA @92B DANG, ,SPANG BA DANG, MNGON DU BYA BA DANG, BSGOM PA'I CHOS STON PAR BYED DE, LAS RNAM PA GNYIS BYED DO, ,DE LA SDUG BSNGAL NI SHES PAR BYA BA'O, ,KUN 'BYUNG NI SPANG BAR BYA BA'O, 'GOG PA NI MNGON DU BYA'O, ,LAM NI BSGOM PAR BYA BA'O, ,GNYIS PAS NI NYES PA RNAMS YONGS SU RTOGS SHING RGOL BA TSAR GCOD PA DANG ZHES BYA BA LA, GNYIS PA NI GTAN TSIGS RIG PA LA BYA STE, DES NI MU STEGS PA LA SOGS PA BDAG DANG RTAG PAR YOD PA LA SOGS PAR GRUB PA'I GTAN TSIGS SU MNGON SUM DANG, RJES SU DPAG PA'I TSAD MA DAG SMRA BA LA, TSAD MAR MI RUNG BA'I NYES PA YOD PAR RTOG PA DANG, MU STEGS PA LA SOGS PA'I PHAS KYI RGOL BA RNAMS SANGS RGYAS KYI CHOS LA SUN 'BYIN PA DAG MNGON SUM DANG RJES SU DPAG PA LA SOGS PA'I TSAD MAS TSAR GCOD CING MU STEGS PA'I BDAG TU SMRA BA'I GZHUNG SUN 'BYIN PAR BYED DE, LAS RNAM PA GNYIS BYED DO, ,GSUM PA NI BDAG NYID KYANG TSIG NGES PAR SMRA BA DANG, GZHAN YANG GO BAR BYED PA DANG, ,ZHES BYA BA LA, GSUM PA NI SGRA RIG PA LA BYA STE, SGRA RIG PAS NI BDAG NYID CHOS 'CHAD PA'I DUS NA YANG THOGS PA DANG BCAS PAS KYANG GZUGS ZHES BYA BA LA, MYONG BA'I BDAG NYID KYI PHYIR TSOR BA'O ZHES BYA BA TSIG BZANG POS CHOS 'CHAD PAR BYED PA DANG, TSIG ZUR CHAG PA MED PAS GZHAN LA CHOS STON NA GZHAN DAG DON MYUR DU GO BAR 'GYUR ZHING, DE'I SGO NAS 'DI NI MKHAS PA YIN NO ZHES YID CHES PAR 'BYUNG STE, LAS RNAM PA GNYIS BYED DO, ,BZHI PA NI GZHAN GYI NAD RNAMS ZHI BAR BYED PA DANG ZHES BYA BA LA, BZHI PA NI SMAN DPYAD LA MKHAS PA STE, DES NI BYANG CHUB SEMS DPA' RNAMS SEMS CAN RNAMS KYI NAD DANG NAD KYI GZHI DANG, NAD MED PA DANG, NAD MED PA'I THABS SHES NAS SEMS CAN RNAMS KYI NANG ZHI BAR BYAD DE, LAS RNAM PA GCIG BYED DO, ,LNGA PA NI PHA ROL LA STON PA'O ZHES BYA BA LA, LNGA PA NI BZO'I LAS KYI GNAS KYI LAS SHES PA STE, DES NI BZO RNAM PA SNA TSOGS KYIS SEMS CAN RNAMS LA PHAN 'DOGS SHING BZO'I GNAS SHES PAR 'DOD PA RNAMS LA BZO'I GNAS STON PAR BYAD DE, LAS RNAM @93A *, ,PA GCIG BYED DO, ,GTZUG LAG SHES PA'I MTSAN NYID NI DNGOS PO RNAM PA LNGA PO 'DI THOS PA DANG ZHES BYA BA LA SOGS PA LA, RIG PA'I GNAS LNGA THOS PA DANG, 'DZIN PA DANG, TSIG GIS GOMS PAR BYED PA DANG, YID KYIS RTOGS PA DANG, SHES RAB KYIS KHONG DU CHUD PAR BYA STE, RNAM PA LNGA LTAR BYAS NA GTZUG LAG LA MKHAS PA'I MTSAN NYID GZHAG GO, ,TSIG LNGA PO 'DI'I DON BSTAN PA'I PHYIR, THOS PAS DE BZHIN DU 'DZIN PA DANG, ,ZHES BYA BA LA SOGS PA SMOS SO, ,GONG MA'I TSIG LNGA DANG, 'OG NAS DE'I DON 'CHAD PA'I TSIG LNGA RIM PA BZHIN DU SBYAR TE; ,THOS PA DANG ZHES BYA BA'I DON THOS ZHES BYA BAS BSHAD DE, DANG POR DGE BA'I BSHES GNYEN LAS RIG PA'I GNAS LNGA RNAMS DANG PO NYAN PA NI THOS PA ZHES BYA'O, ,THOS NAS JI LTAR THOS PA'I CHOS KYI DON DANG TSIG MI BRJED PAR SEMS LA 'DZIN PA NI 'DZIN ZHES BYA'O, ,TSIG GIS GOMS PAR BYED CES BYA BA'I DON TO, ,KHA TON BYED PA ZHES BYA BAS BSTAN TE, RIG PA'I GNAS LNGA KHA TON BYED PA LA TSIG GIS GOMS PAR BYED PA ZHES BYA'O, ,YID KYIS RTOGS PA ZHES BYA BA'I DON NI DAD PAS YID LA 'DZIN PA ZHES BYA BAR BSHAD DE, DAD PA ZHES BYA BA NI GSAL BA'AM SEMS RNON PO ZHES BYA BA'I DON TE, SEMS GSAL BAS RIG PA'I GNAS LNGA'I DON CI DANG CI YIN PA SHES PA NI YID KYIS RTOGS PA ZHES BYA'O, ,SHES RAB KYIS KHONG DU CHUD CES PA'I DON NI DGE BAR SMRA BA DANG NGAN PAR SMRA BA'I YON TAN DANG NYES PA JI LTAR SBYAR BA NGES PAR SHES PA'O ZHES BYA BAR BSHAD DE, DGE BAR SMRA BA NI MA NOR BAR SHES PA'O, ,NGAN PAR SMRA BA NI NOR BAR SMRA BA STE, SANGS RGYAS KYI CHOS THAMS CAD NI MA NOR BAR BSHAD PAS YON TAN CAN DU SHES PA DANG, MU STEGS PA'I CHOS THAMS CAD NI NOR BAR BSHAD PAS NYES PA CAN DU SHES PA'I SHES RAB KYIS KHONG DU CHUD PA ZHES BYA'O, ,JI LTAR SBYAR BA NGES PAR SHES PA ZHES BYA BA NI DGE BAR SMRA BA LA YON TAN DU SHES PAR SBYAR BA DANG, NGAN PAR SMRA BA LA NYES PA CAN DU SHES PAR SBYAR RO, ,YANG NA ZANG ZING 'DOD PA'I PHYIR RIG PA'I GNAS LNGA SMRA BA NI NGAN PAR SMRA BA STE, DE LA NI NYES PAR SHES SO ZANG ZING MED PAR RIG PA'I GNAS LNGA 'CHAD PA NI DGE BAR SMRA BA STE, @93B DE LA YON TAN CAN DU SHES SO ZHES BYA BAR SBYAR RO, ,YANG NA DON DANG YI GE BZANG PO STON PA NI DGE BAR SMRA BA STE DE NI YON TAN CAN NO, ,DON DANG YI GE NGAN PAR SMRA BA NI NGAN PAR SMRA BA STE, NYES PA CAN DU SBYAR RO, ,MA ZAD MI ZAD PA NI LHAG MA MA LUS PA'I MYA NGAN LAS 'DAS PAR YANG ZAD MI SHES PA'I PHYIR RO ZHES BYA BA LA, NYAN THOS DANG RANG SANGS RGYAS KYI RIG PA'I GNAS LNGA LA MKHAS PA NI LHAG MA MA LUS PA'I MYA NGAN LAS 'DAS PA'I MTHAR ZAD PAR 'GYUR LA, BYANG CHUB SEMS DPA'I RIG PA'I GNAS LNGA LA MKHAS PA NI PHUNG PO'I LHAG MA MA LUS PA'I MYA NGAN LAS 'DAS PAR YANG ZAD PAR MI 'GYUR TE, DE BAS NA MI ZAD PAS 'PHAGS SO, ,'BRAS BU THOB PAS NI CHOS THAMS CAD KYI RNAM PA THAMS CAD SHES PA'O ZHES BYA BA LA, PHUNG PO DANG KHAMS DANG SKYE MCHED DANG ZAG PA DANG ZAG PA MED PA LA SOGS PA'I CHOS THAMS CAD MA LUS PAR SHES PA NI THAMS CAD MKHYEN PA'I YE SHES LA BYA STE, RIG PA'I GNAS LNGA LA MKHAS PAR BYAS NA MJUG TU 'BRAS BU THAMS CAD MKHYEN PA'I YE SHES THOB PAR 'GYUR TE, DE BAS NA 'BRAS BU THOB PAS 'PHAGS SO, ,SEMS CAN RNAM PAR SMIN PAR BYED PA YIN TE ZHES BYA BA LA SOGS PA LA, TING NGE 'DZIN GYI RANG BZHIN DANG, TING NGE 'DZIN GYIS YONGS SU ZIN PA'I RIG PA'I GNAS LNGA NI SEMS CAN YONGS SU SMIN PAR BYED DE, JI LTAR ZHE NA, TING NGE 'DZIN GYI RDZU 'PHRUL GYI CHO 'PHRUL DANG, BSTAN PA'I CHO 'PHRUL DANG, RJES SU GDAMS PA'I CHO 'PHRUL GYIS SEMS CAN GYI DON BSGRUB PA'I PHYIR RO, ,DAM PA'I CHOS GZUNG PAR BYA BA LA ZHES BYA BA LA SOGS PA LA, DON DANG TSIG MI BRJED PA'I GZUNGS KYIS YONGS SU ZIN CING, GZUNGS KYI SGO'I RANG BZHIN GYI RIG PA'I GNAS LNGA NI DAM PA'I CHOS YONGS SU ZIN PAR BYED, JI LTA ZHE NA, GZUNGS KYIS THEG PA GSUM GYI DON DANG, TSIG MI BRJED PA'I PHYIR RO, , 'JIG RTEN SHES PA LA TSIGS SU BCAD PA BZHI STE ZHES BYA BA LA, GTZUG LAG SHES PA'I SKABS KYI 'OG TU 'JIG RTEN SHES PA'I SKABS BSHAD PAR 'BREL PA CI YOD SNYAM NA, DE LTAR RIG PA'I GNAS LNGA LA MKHAS PAR 'GYUR KYANG GTZUG LAG THAMS CAD LA MI SHES SO SNYAM PA'I 'JIG PA MI @94A *, ,'BYUNG NGO, ,DE LTAR GTZUG LAG THAMS CAD LA 'JIGS PA MED PA DE NI 'JIG RTEN GYI BYA BA THAMS CAD LA YAN MKHAS SHING, 'JIG RTEN GYI RANG BZHIN GANG YIN PA YANG SHES LA, 'JIG RTEN PA GANG LA CHOS GANG BSTAN PA BYAS PA YANG SHES NAS DE BZHIN DU STON PA RE BYED DE DE, DE BAS NA GTZUG LAG SHES PA'I 'OG TU 'JIG RTEN SHES PA BSHAD PAR 'BREL TO, ,DE LA RNAM PA GSUM LTAR SHES NA 'JIG RTEN SHES PA ZHES BYA STE, RNAM PA GSUM NI 'JIG RTEN GYI THA SNYAD SHES PA DANG, 'JIG RTEN 'BYUNG BA SHES PA DANG, 'JIG RTEN 'GAG PA SHES PA'O, ,LUS DANG NGAG GI RNAM PA DANG ,BDEN PA SHES PA MNYAM MED PA DANG, ,BSTAN PA RNAMS KYIS 'JIG RTEN SHES, ,GZHAN DAG LAS NI KHYAD ZHUGS SO, ,ZHES BYA BA LA, 'JIG RTEN PA DANG, NYAN THOS DANG, RANG SANGS RGYAS DAG LA YANG 'JIG RTEN SHES PA YOD MOD KYI, BYANG CHUB SEMS DPA' RNAMS KYI LUS DANG NGAG GI RNAM PAS 'JIG RTEN SHES PA DANG, BDEN PA BZHI SHES PAS 'JIG RTEN SHES PA GZHAN DANG MI MTSUNGS PAS NA NYAN THOS LA SOGS PA GZHAN LAS BYAD ZHUGS PA ZHES BYA'O, ,DE LA LUS KYI RNAM PA NI LUS KYI TSUL BYA STE, LUS KYI TSUL GYIS 'JIG RTEN RNAMS DGA' BA DANG MGU BAR BYED PA'O, ,NGAG GI RNAM PA NI NGAG GI TSUL LA BYA STE, NGAG GI TSUL GYIS 'JIG RTEN RNAMS DGA' BA DANG MGU BAR BYED PA STE, DE NI 'JIG RTEN GYI THA SNYAD KYI SGO NAS 'JIG RTEN SHES PA YIN NO, ,GZHAN YANG SDUG BSNGAL DANG, KUN 'BYUNG BA DANG, 'GOG PA DANG, LAM SHES BA 'JIG RTEN SHES PA ZHES BYA'O, ,JI LTAR LUS KYIS SHES SHE NA ZHES BYA BA NI LUS KYI SGO NAS 'JIG RTEN DGA' BAR BYA BA DANG MGU BAR BYA BA JI LTA BU YIN ZHE NA ZHES BYA BA'I DON TO, ,BRTAN PA RNAMS RTAG TU 'DZUM PAR MDZAD CES BYA BA LA, BYANG CHUB SEMS DPA' RNAMS GANG ZAG BLA MA DANG, BDAG DANG 'DRA BA DANG; BDAG PAS DMAN PA RNAMS DANG PHRAD NA LUS KYI SGO NAS GZHAN 'DZUM PA STON PA DANG, LDANG BA DANG, PHYAG 'TSAL BA LA SOGS PA'I LAS BYED PA NI LUS KYI SGO NAS 'JIG RTEN DGA' BAR BYA BA SHES PA'O, ,JI LTAR NGAG GIS SHE NA ZHES BYA BA NI NGAG GI SGO NAS JI LTAR 'JIG RTEN MGU BAR @94B BYA ZHE NA ZHES BYA BA'I DON TO, ,BRTAN PA RNAMS KYIS SNGAR SMRA BA'O, ,ZHES BYA BA LA, GANG ZAG BLA MA DANG, MNYAM PA DANG, DMAN PA RNAMS DANG PHRAD NA DANG PO NYID DU BDE BAR 'ONGS SA MA ZHES BYA BA LA SOGS PA'I TSIG GSENG BOR SMRA BA NI NGAG GI SGO NAS GZHAN DGA' BAR BYED PA'O, ,CI'I PHYIR ZHE NA, ZHES BYA BA NI BZHIN 'DZUM PA DANG, TSIG GSONG BOR SMRA BA LA SOGS PA'I SGO NAS 'JIG RTEN DGA' BA DANG MGU BAR BYED PA DE'ANG CI'I PHYIR DE LTAR BYA ZHE NA ZHES BYA BA'I DON TO, ,SEMS CAN RNAMS NI SNOD 'GYUR PHYIR, ,ZHES BYA BA LA, 'DUL BA'I SEMS CAN RNAMS DAM PA'I CHOS KYI SNOD DU BYA BA'I PHYIR, LUS DANG NGAG GI SGO NAS SEMS CAN DGA' BA BSKYED PAR BYA'O ZHES BYA BA'I DON TO, DON GANG GIS SNOD DU 'GYUR BA'I PHYIR ZHE NA ZHES BYA BA NI SEMS CAN RNAMS SNOD DU BYA BA'I PHYIR ZHES BSHAD NA, CHOS GANG GI SNOD DU BYA BA'I PHYIR DGA' BA DANG MGU B SKYED CE NA ZHES BYA BA'I DON TO, , DAM CHOS BSGRUB PAR BYA BA'I PHYIR, ,ZHES BYA BA LA, THEG PA CHEN PO'I DON RTOGS SHING, DE BSGRUB TU GZHUG PA'I SNOD DU 'GYUR BAR BYA BA'I PHYIR LUS DANG NGAG GI SGO NAS GZHAN LA DGA' BAR BYED DO, ,'DI YAN CHAD KYI THA SNYAD SHES PA'I SGO NAS 'JIG RTEN SHES PAR BSTAN TO, ,JI LTAR NA BDEN PA RNAMS SHES SHE NA ZHES BYA BA NI BDEN PA BZHI SHES NA YANG 'JIG RTEN SHES PA BRTAN PA LA, JI LTAR SHES NA BDEN PA BZHI SHES PA YIN ZHE NA ZHES PA'I DON TE, DE YANG 'BYUNG BA SHES PA DANG, 'GOG PA SHES NA BDEN PA BZHI SHES PAR GZHAG GO, ,BDEN PA RNAM PA GNYIS LAS NI, ,'JIG RTEN RNAMS KYANG RTAG 'BYUNG DANG, ,ZHES BYA BA LA, 'JIG RTEN 'BYUNG BA SHES PA NI SDUG BSNGAL GYI BDEN PA DANG, KUN 'BYUNG GI BDEN PA GNYIS LAS 'JIG RTEN 'BYUNG BAR SHES NAS 'BYUNG BA SHES PA YIN NO, ,GNYIS PO DE YIS 'GOG SHES PA, ,ZHES BYA BA LA, 'GOG PA'I BDEN PA DANG; LAM GYI BDEN PA GNYIS LAS 'JIG RTEN 'GOG PAR SHES PA NI 'JIG RTEN 'GOG PAR SHES PA'O, ,DE'I PHYIR 'JIG RTEN SHES ZHES BYA BA LA, BDEN PA GNYIS LAS NI 'JIG RTEN 'BYUNG BAR SHES, BDEN PA GNYIS KYIS NI 'JIG RTEN 'GOG PAR SHES PAS NA 'JIG RTEN SHES PA ZHES @95A *, ,BYA'O, ,BDEN PA GNYIS KYIS 'JIG RTEN SHES PA NI ZHES BYA BA LA SOGS PA LA, SDUG BSNGAL DANG KUN 'BYUNG GI BDEN PA GNYIS KYIS NI 'JIG RTEN 'BYUNG BA SHES TE, 'DI LTAR 'KHOR BA YANG NAS YANG DU 'BYUNG BAS NI GANG SKYE BA DANG GANG GIS BSKYED PA NI 'JIG RTEN 'BYUNG BA'O,, DE LA GANG SKYE BA NI SDUG BSNGAL GYI BDEN PA SKYE'O, ,GANG GIS SKYED PA NI KUN 'BYUNG GI BDEN PAS SKYED DO, ,GNYIS KYIS 'GOG PA NI ZHES BYA BA LA SOGS PA, ,BDEN PA GNYIS KYIS NI 'JIG RTEN 'GOG PAR SHES TE, DE'ANG 'GOG PA DANG LAM GYI BDEN PA'O, ,DE'ANG GANG 'GOG PA DANG GANG GIS 'GOG PA STE, GANG 'GOG PA NI 'GOG PA'I BDEN PAS SDUG BSNGAL RNAMS 'GOG GO, ,GANG GIS 'GOG PA NI LAM GYI BDEN PAS 'GOG PA STE, BDEN PA GNYIS KYIS 'JIG RTEN 'BYUNG BAR SHES PA DANG, BDEN PA GNYIS KYIS 'JIG RTEN 'GOG PAR SHES PA NI 'JIG RTEN SHES PA ZHES BYA'O, ,BSKAL PA SDUG BSNGAL DANG KUN 'BYUNG NI 'JIG RTEN GYI RANG BZHIN YIN PAS, DE SHES ZHES BYA BA NI 'JIG RTEN SHES PA ZHES BYA BAR RIGS NA, 'GOG PA DANG LAM LTA BUR 'JIG RTEN LAS 'DAS PA'I CHOS YIN NA, DE SHES PA LA 'JIG RTEN SHES BYA BAR RIGS PA'I SHE NA DE'I LAN DU SMRAS PA, 'JIG RTEN SKYE BA DANG, 'GOG PAR 'GYUR BA SHES PA DANG LDAN PAS NA ZHES BYA BA LA SOGS PA SMOS TE, SDUG BSNGAL DANG KUN 'BYUNG ZHES BYA BA LA YANG NYE BAR LEN PA'I PHUNG PO LNGA NYID LA BYA BAR ZAD PA, 'GOG PA DANG LAM ZHES BYA BA YANG NYE BAR LEN PA'I PHONG PO LNGA NYID LA GNAS KYI, DE LAS LOGS SHIG NA MI GNAS PAS NA BDEN PA BZHI SHES PA DANG, 'JIG RTEN GYI RANG BZHIN THAMS CAD SHES PAR 'GYUR RO, Z,HI BAR BYA DANG THOB BYA'I PHYIR, ,BLO LDAN DE DAG BDEN LA BRTZON, ,GANG PHYIR BDEN PA SHES PA YI, ,BLO LDAN 'JIG RTEN SHES ZHES BYA, ,ZHES BYA BA LA, DE LA BDEN PA BZHI SHES PAR BYA BA YANG, SDUG BSNGAL DANG KUN 'BYUNG BAR BYA BA DANG, 'GOG PA DANG LAM GNYIS THOB PAR BYA BA'I PHYIR BDEN PA BZHIS BRTZON PAR BYED DE, SDUG BSNGAL DANG KUN 'BYUNG ZHI BAR BYED DE, 'GOG PA DANG LAM THOB PAR BYED PA NI 'JIG RTEN @95B SHES PA'I LAS SO, ,DE LTAR BDEN PA BZHI SHES NA 'JIG RTEN PA'I RANG BZHIN THAMS CAD MA LUS PAR SHES PAS BDEN BZHI SHES NA 'JIG RTEN SHES PA ZHES BYA'O, ,SO SOR RTOG PA RNAM PAR DBYE BA LA TSIGS SU BCAD PA GSUM STE ZHES BYA BA LA, GONG DU BSHAD PA LTAR GTZUG LAG KYANG SHES LA 'JIG RTEN GYI THA SNYAD DANG, 'JIG RTEN 'BYUNG BA DANG, 'JIG RTEN 'GOG PA SHES TE, 'JIG RTEN SKYABS DANG MGON GYI RTEN DU 'GYUR TE, DE BAS NA 'JIG RTEN SHES PA'I SKABS KYI 'OG TU SO SOR RTOG PA'I SKABS BSHAD PAR 'BREL LO, ,DE LA SO SOR RTON PA NI BZHI STE, CHOS LA RTON GYI GANG ZAG LA MA YIN PA DANG, DON LA RTON GYI TSIG LA MA YIN PA DANG, NGES PA'I DON GYI MDO SDE LA RTON GYI BKRI BA'I DON GYI MDO SDE LA MA YIN PA DANG, YE SHES LA RTON GYI RNAM PAR SHA PA LA MA YIN PA'O, ,ZHAL NAS GSUNGS PA'I CHOS STON DANG, ,ZHES BYA BA LA, DRANG SRONG CHEN PO SANGS RGYAS BCOM LDAN 'DAS KYIS BSHAD PA'I GSUNG RAB LAS JI SKAD 'BYUNG BA BZHIN DU DE'I RJES SU 'BRANG GI GANG ZAG SO SO THA DAD PA MI MTHUN PA STON PA'I TSIG LA MI SNYEGS PA NI ZHAL NAS GSUNGS PA'I CHOS STON PAR ZHES BYA STE, 'DI NI CHOS LA RTON GYI GANG ZAG LA MI RTON PA ZHES BSTAN TO; ,DGONGS PA YI NI DON RNAMS DANG, ,ZHES BYA BA LA, BCOM LDAN 'DAS KYIS GSUNGS PA'I CHOS LA YANG RNAM PA GNYIS TE, DON DANG TSIG GO, ,DE LA PHA BSAD MA BSAD DGRA BCOM PA BSAD NA 'TSANG RGYA'O ZHES BSHAD PA LA SOGS PA DE'I DON YIN PA LA RTOG PAR BYED KYI, , PHA BSAD MA BSAD 'TSANG RGYA BAR 'GYUR BAR TSIG THAD KAR RJES SU SNYEGS PAR MI BYED PA NI DGONGS PA'I DON LA RTON PA ZHES BYA STE, DES NI DON LA RTON GYI TSIG LA MI RTON PAR BSTAN TO, ,DE LA DGONGS PA'I DON NI PHA ZHES BYA BA MA RIG PA LA BYA BAR DGONGS, MA ZHES BYA BA 'DOD CHAGS LA BYA BAR DGONGS ZHES RTOG PA NI DGONGS PA'I DON LA RTON PA YIN NO, ,TSAD MAR GYUR PAS BSHAD PA'I DON, ,ZHES BYA BA LA, MDO SDE LA YANG RNAM PA GNYIS TE, NGES PA'I DON GYI MDO SDE DANG, BKRI BA'I DON GYI MDO SDE'O, ,DE LA TSAD MAR GYUR PA NI SANGS RGYAS BCOM LDAN 'DAS LTA @96A *, ,BU'AM, SANGS RGYAS BCOM LDAN 'DAS KYI TSAD MAR GYUR PA'I GANG ZAG BYANG CHUB SEMS DPA' 'AM, NYAN THOS CHEN PO'AM, DE BZHIN GSHEGS PAS LUNG BSTAN PA SLOB DPON KLU SGRUB LA SOGS PA LTA BUS GNYIS SU MED PAR BSHAD PA'I DON LA RTON PA NI TSAD MAR GYUR PAS BSHAD PA'I DON LA RTON PA ZHES BYA STE, 'DIS NI NGES PA'I DON GYI MDO SDE LA RTON GYI BKRI BA'I DON GYI MDO SDE LA MI RTON PA BSTAN TE, PHUNG PO DANG KHAMS LA SOGS PA YOD PAR BSHAD PA LA MI RTON PA'I PHYIR RO, ,BRJOD DU MED PA THOB PA'O, ,ZHES BYA BA LA, BRJOD DU MED PA YIN NI 'JIG RTEN LAS 'DAS PA RNAM PAR MI RTOG PA'I YE SHES TE, YE SHES DE RTOG PA THAMS CAD DANG BRAL BA DANG TSIG GI SPYOD YUL MA YIN PAS NA BRJOD DU MED PA ZHES BYA'O, ,RNAM PAR MI RTOG PA'I YE SHES THOB PAR BYA BA'I PHYIR 'BAD CING RTZOL BAR BYED KYI ZAG PA DANG BCAS PA'I RNAM PAR SHES PA BRGYAD KYI RJES SU MI 'BRANG ZHING DE LA CHAGS PA MED PA NI BRJOD DU MED PA THOB PA LA RTON PA ZHES BYA STE, 'DIS NI YE SHES LA RTON GYI RNAM PAR SHES PA LA MI RTON PAR BSTAN TO, ,GANG TSAD MAR GYUR PAS BSHAD CING RNAM PAR SHES PAS STON PA'AM ZHES BYA BA LA, TSAD MAR GYUR PA NI SANGS RGYAS BCOM LDAN 'DAS TE, DES BSHAD CING STONG PA NYID KYI MTSAN NYID MA NOR BAR PHYE BA NI NGES PA'I DON GYI MDO SDE ZHES BYA'O, ,DES TSAD MAR BYAS PA ZHES PA LA, DES ZHES BYA BA NI SANGS RGYAS BCOM LDAN 'DAS LA BYA STE, SANGS RGYAS BCOM LDAN 'DAS KYIS TSAD MAR GZHAG PA'I GANG ZAG BYANG CHUB SEMS DANG DPA'AM, NYAN THOS LA SOGS PA STON PA NYID BSHAD PA'I DON LA YANG NGES PA'I DON GYI MDO SDE ZHES BYA BA'I DON TO, ,BRJOD DU MED PA'I PHYIR RO ZHES BYA BA LA, RNAM PAR MI RTOG PA'I YE SHES NI SEMS KYI RTOG PA'I SPYOD YUL LAS KYANG 'DAS SHING, ,TSIG GIS KYANG BRJOD DU MI NUS PAS NA BRJOD DU MED PA ZHES BYA'O, ,TSIGS SU BCAD PA DES SO SOR RTON PA'I MTSAN NYID BSTAN TO, ,YANG NA GANG ZAG GI RJES SU 'BRANG BA NI JI LTA BU CHOS KYI RJES SU 'BRANG BA YANG JI LTA BU ZHE NA, GANG ZAG KYANG YOD PAR BLTAS, CHOS KYANG YOD PAR BLTAS NAS @96B GANG ZAG 'DIS DGE BA BYAS NA NI BDEN PA MTHONG BAR 'GYUR, MI DGE BA BYAS NA NI SDUG BSNGAL MTHONG BAR 'GYUR RO ZHES LTA BA NI GANG ZAG GI RJES SU 'BRANG BA ZHES BYA'O, ,GANG ZAG DANG CHOS GNYI GA RANG BZHIN MED PAR KHONG DU CHUD PAS GNYI GA LA MI LTA BA NI CHOS KYI RJES SU 'BRANG BA ZHES BYA STE, DE BAS NA 'PHAGS PA BLO GROS MI ZAD PA'I MDO LAS KYANG, DE LA CHOS NI GANG, GANG ZAG NI GANG ZHE NA, GANG ZAG TU LTA BA LA GNAS TE, CHOS KHA CIG LA RTZOM PA 'DI NI GANG ZAG CES BYA'O, ,GANG ZAG TU LTA BA DE'I RTZOM PA YONGS SU SHES PA DE NI CHOS NYID CES BYA BA LA SOGS PA RGYA CHER GSUNGS SO, ,DE LA DON NI GAN, TSIG NI GANG ZHE NA, 'JIG RTEN LAS 'DAS PA'I CHOS NI DON TE, DE LA RTON PA NI DON LA RTON PA ZHES BYA'O, ,'JIG RTEN GYI CHOS THAMS CAD NI TSIG CES BYA STE, DE LA RTON PA NI TSIG LA RTON PA ZHES BYA'O, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA DON NI GANG, YI GE NI GANG ZHE NA, YI GE ZHES BYA BA NI GANG 'JIG RTEN GYI CHOS DANG, BYA BA LA 'JUG PA BSTAN PA'O, ,DON CES BYA BA NI GANG 'JIG RTEN LAS 'DAS PA'I CHOS RTOGS PA'O ZHES GSUNGS SO, ,YANG NA KUN RDZOB KYI CHOS THAMS CAD LA NI CHOS ZHES BYA'O, ,DON DAM PA'I CHOS THAMS CAD LA NI DON ZHES BYA'O, ,DE BAS NA 'PHAGS PA BLO GROS MI ZAD PA'I MDO LAS KYANG, YI GE ZHES BYA BA NI GANG SBYIN PA DANG, DUL BA DANG, SDOM PA DANG, NGES PA BSTAN TO, ,DON CES BYA BA NI SBYIN PA DANG, DUL BA DANG, SDOM PA DANG, NGES PA'I MNYAM PA NYID SHES PA'O ZHES BYA BA LA SOGS PA RGYA CHER GSUNGS SO, ,DE LA NGES PA'I DON GYI MDO SDE NI JI LTA BU, DRANG PO'I DON GYI MDO SDE NI JI LTA BU ZHE NA, MYA NGAN LAS 'DAS PA'I 'BRAS BU'AM, CHOS KYI DON RTOGS PAR BYA BA'I LAM DANG THABS SU BSTAN PA RNAMS NI DRANG BA'I DON GYI MDO SDE ZHES BYA'O, ,GANG 'BRAS BU'I CHOS GANG YIN PA NYID DANG, CHOS KYI DON NYID STON PA NI NGES PA'I DON GYI MDO SDE ZHES BYA'O, ,YANG NA KUN RDZOB KYI CHOS STON PA NI BKRI BA'I DON GYI MDO SDE ZHES BYA'O, ,DON DAM @97A *, ,PA'I MTSAN NYID BSTAN PA NI NGES PA'I DON GYI MDO SDE ZHES BYA'O, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA NGES PA'I DON GYI MDO SDE NI GANG, DRANG BA'I DON GYI MDO SDE NI GANG ZHE NA, MDO GANG LAM LA 'JUG PAR BSTAN PA DE DAG NI DRANG BA'I DON CES BYA'O, ,MDO GANG 'BRAS BU LA 'JUG PA'I PHYIR BSTAN PA DE DAG NI NGES PA'I DON CES BYA'O, ,MDO GANG KUN RDZOB BSTAN PA DE DAG NI DRANG BA'I DON CES BYA'O, ,MDO GANG DON DAM BSTAN PA DE DAG NI NGES PA'I DON CES BYA'O ZHES BYA BA LA SOGS PA RGYA CHER GSUNGS SO, ,DE LA RNAM PAR SHES PA NI GANG YE SHES NI GANG ZHE NA, 'DOD PA'I KHAMS KYI SEMS CAN GYI RNAM PAR SHES PA NI GZUGS KYI PHUNG PO LA RTEN TO, ,GZUGS KYI KHAMS KYI SEMS CAN GYI RNAM PAR SHES PA NI TSOR BA'I PHUNG PO LA RTEN TO, ,GZUGS MED PA NAM MKHA' MTHA' YAS SKYE MCHED DANG RNAM SHES MTHA' YAS SKYE MCHED DANG, CUNG ZAD MED PA'I SKYE MCHED DANG GSUM GYI SEMS CAN GYI RNAM PAR SHES PA NI 'DU SHES KYI PHUNG PO LA RTEN TO, ,CUNG ZAD MED MIN SKYE MCHED KYI SEMS CAN GYI RNAM PAR SHES PA NI 'DU BYED KYI PHUNG PO LA RTEN TO, ,'DI NI RNAM PAR SHES PA ZHES BYA'O, ,RNAM PAR SHES PA DE DAG RANG BZHIN GYIS STONG PAR KHONG DU CHUD CING ZUGS LA SOGS PA'I YUL LA MI RTOG PA NI YE SHES ZHES BYA STE, DE BAS NA 'PHAGS BLO GROS MI ZAD PA'I MDO LAS KYANG, RNAM PAR SHES PA NI GANG, YE SHES NI GANG ZHE NA, RNAM PAR SHES PA ZHES BYA BA NI RNAM PAR SHES PA LA GNAS PA BZHI STE, BZHI GANG ZHE NA, 'DI LTA STE, RNAM PAR SHES PA GNAS PA NA GZUGS LA NYE BAR 'GRO ZHING GNAS SO, ,RNAM PAR SHES PA GNAS PA NA TSOR BA LA NYE BAR 'GRO BA DANG, 'DU SHES LA NYE BAR 'GRO BA DANG, 'DU BYED LA NYE BAR 'GRO ZHING GNAS PA STE, 'DI NI RNAM PAR SHES PA ZHES BYA'O, ,DE LA YE SHES GANG ZHE NA, GANG PHUNG PO BZHI LA GNAS PA'I RNAM PAR SHES PA'I PHUNG PO KUN SHES PA STE, 'DI NI YE SHES ZHES BYA BA LA SOGS PA RGYA CHER GSUNGS SO, ,CI'I PHYIR BCOM LDAN 'DAS KYIS SO SOR RTON PA BZHI BSHAD PA LA DGOS PA CI YOD @97B CE NA DE'I PHYIR, SMOD PA DANG NI JI SKAD GSUNGS, ,PHYIN CI LOG TU SHES PA DANG, ,BRJOD PAR BCAS PA THOB PA DANG, 'DIR BDAG DGAG PAR BSHAD PA'O, ,ZHES BYA BA GSUNGS TE, SO SOR RTON PA BZHI BSHAD PA YANG GSUNG RAB LA SMOD PA'I GANG ZAG DGAG PA DANG, JI SKAD DU GSUNGS PA 'DZIN PA'I GANG ZAG DGAG PA DANG, PHYIN CI LOG TU SHES PA'I GANG ZAG DGAG PA DANG, BRJOD PA DANG BCAS PA'I YE SHES LA CHAGS PA'I GANG ZAG DGAG PA'I PHYIR SO SOR RTON PA BZHI BSHAD DO, ,DE LA SO SOR RTON PA DANG PO NI BCOM LDAN 'DAS KYI ZHAL NAS GSUNGS PA'I MOD SDE LA MA YIN NO , ,NOR RO, ,BDUD KYIS SMRAS PA'O ZHES SMOD PAR BYED PA'I GANG ZAG DGAG PAR BYA BA GSUNGS TE, GANG ZAG SKUR BA 'DEBS PA RNAMS KYI TSIG NI TSAD MA MA YIN GYI BCOM LDAN 'DAS KYI BKA' TSAD MA YIN TE, DE BAS NA CHOS KYI RJES SU 'BRANG BAR BYAS PA'I GANG ZAG LA MA YIN NO ZHES GSUNGS SO, ,SO SOR RTON PA GNYIS PA NI MA SKYES PA DANG MA BYUNG BA DANG, PHA BSAD PA DANG MA BSAD PA LA SOGS PA'I DON LA 'BRAS BU DANG SGRA JI BZHIN DU 'DZIN GYI, DE LA DGONGS PA'I DON LA MI RTOG PA'I GANG ZAG DGAG PA'I PHYIR GSUNGS TE, DE BAS NA DON LA RTON PAR BYA'I TSIG LA NI MA YIN TE ZHES GSUNGS TE, PHA BSAD MA BSAD CES BYA BA LA SOGS PA GSUNGS PA YANG, 'DOD CHAGS DANG ZHE SDANG LA SOGS PA'I NYON MONGS PA'I TSOGS SPANG BAR BYA BA LA DGONGS PA YIN GYI, ,PHA DANG MA DNGOS BSAD PAR BYA BA LA, JI LTAR TSIG THAD KAR DRANG BA NI MA YIN NO, ,SO SOR RTON PA GSUM PA NI BCOM LDAN 'DAS KYIS SO SO'I SKYE BO'I GANG ZAG DANG, DGRA BCOM PA'I GANG ZAG DANG, RANG SANGS RGYAS KYI GANG ZAG DANG, GANG ZAG GCIG 'JIG RTEN DU 'BYUNG BA NA 'JIG RTEN KUN LA PHAN PA DANG BDE BAR 'GYUR TE, GANG ZHE NA DE BZHIN GSHEGS PA'O ZHES GSUNGS PA LA GANG ZAG YOD DO ZHES LOG PAR SHES NAS YOD PA'I DON DU LOG PAR DRANGS PA DGAG PA'I PHYIR GSUNGS TE, DE BAS NA NGES PA'I DON GYI MDO SDE LA RTON GYI BKRI BA'I DON GYI MDO SDE LA NI MA YIN NO ZHES BSHAD @98A *, ,DO; ,DE LA GANG ZAG YOD PAR BSHAD PA NI BKRI BA'I DON TO, ,GANG ZAG MED PAR BSHAD PA NI NGES PA'I DON TO, ,GANG ZAG MED PAR BSHAD PA YANG BCOM LDAN 'DAS KYIS MDO GZHAN DAG LAS MIG DANG GZUGS LA BRTEN NAS MIG GI RNAM PAR SHES PA SKYE STE ZHES BYA BA LA SOGS PA RGYA CHER GSUNGS PAS 'DI TZAM LA SEMS CAN DANG, BDAG DANG, GANG ZAG CES BYA BAR ZAD KYI, YANG DAG PAR NA GANG ZAG YOD PA MA YIN NO ZHES GSUNGS SO, ,SO SOR RTON PA BZHI PAS NI GZUNG BA DANG 'DZIN PA'I BAG CHAGS DANG BCAS PA SNGON PO DANG SER PO LA SOGS PA'I YUL LA RNAM PAR RTOG PA'I ZAG PA DANG BCAS SHING 'KHOR BA'I RGYUR GYUR PA'I RNAM PAR SHES PA RNAM PAR MI RTOG PA'I YE SHES KYI RANG BZHIN MA YIN PA LA CHAGS PA DGAG PA'I PHYIR GSUNGS TE, DE BAS NA YE SHES LA RTON GYI RNAM PAR SHES PA LA MA YIN NO ZHES GSUNGS SO, ,DAD DANG RNAM PAR SPYOD PA DANG, ,JI BZHIN GZHAN LAS NYAN PA'I PHYIR, ,BRJOD DU MED PA'I YE SHES LAS, ,BLO LDAN RNAMS NI NYAMS MI 'GYUR, ,ZHES BYA BA'I TSIGS SU BCAD PA 'DIS SO SOR RTON PA BZHI'I YON TAN BSTAN TE, SO SOR RTON PA DANG POS NI ZHAL NAS GSUNGS PA'I CHOS LA DAD PAR GYUR PAS NYAMS PAR MI 'GYUR BA'I YON TAN BSTAN TE, GSUNG RAB RNAMS LA SANGS RGYAS KYI BKA' MA YIN NO ZHE'AM, ,NOR TO ZHES SKUR PA MI 'DEBS SHING ZHAL NAS GSUNGS PAR YID CHES PAS BSOD NAMS MA YIN PA MI 'PHEL BA'I PHYIR NYAMS PAR MI 'GYUR RO, ,SO SOR RTON PA GNYIS PAS NI PHA BSAD MA BSAD CES BYA BA LA SOGS PA DGONGS PA BZHI DANG, LDEM PO DAG BZHI LAS PHA DANG MA BSAD PA LA SOGS PA NI 'JIG RTEN NAS YANG KHA NA MA THO BAR BYA BA YIN NA DE BZHIN GSHEGS PA'I GSUNG RAB GCIG TU DKAR BA LA PHA BSAD PA DANG MA BSAD NA 'TSANG RGYA BAR BSHAD PA SGRA JI BZHIN GYI DON MA YIN GYI, DGONGS PA GZHAN YOD DO, ,BDAG NYID KYI SHES RAB KYIS GANG LA DGONGS PAS SPYOD PA NA NYAMS PAR MI 'GYUR TE, CI'I PHYIR ZHE NA, SGRA JI BZHIN DU BZUNG NAS DGONGS PA LOG PAR DRANGS PA NI NYAMS PAR 'GYUR GYI, DGONGS PA'I DON PHYIN CI MA LOG PAR @98B BZUNG NA NYAMS PAR MI 'GYUR BA'I PHYIR RO, ,SO SOR RTON PA GSUM PAS NI STONG PA DANG BDAG MED PAR BSHAD PA'I CHOS DAG BDAG GIS KHONG DU MA CHUD NA NGA RGYAL MED PAR BYAS NAS DE'I DON SHES PA DAG LAS BDAG MED PA DANG STONG PA'I DON GYI TSUL NYAN PAR BYED DE, MNYAN NA NGES PA'I DON GYI MDO SDE RTOGS PAR 'GYUR BAS NA NYAMS PAR MI 'GYUR RO, ,SO SOR RTON PA BZHI PAS NI RNAM PAR MI RTOG PA'I YE SHES THOB PAR BYA BA'I PHYIR 'BAD CING RTZOL BAR BYED KYI RNAM PAR SHES PA RNAMS LA RTEN CING CHAGS PAR MI BYED DE, DES NI 'JIG RTEN LAS 'DAS PA'I YE SHES MNGON SUM DU GYUR PA'I PHYIR NYAMS PAR MI 'GYUR RO, ,SO SO YANG DAG PAR RIG PA'I TSIGS SU BCAD PA BZHI STE ZHES BYA BA LA SO SOR RTON PA'I SKABS BSHAD PA'I 'OG TU SO SO YANG DAG PA'I SKABS BSHAD PAR 'BREL PA CI YOD CE NA, SO SOR RTON PA BZHI DANG LDAN NA 'JIG RTEN PA RNAMS KYI RTEN DU GYUR PA STE, SO SO YANG DAG PAR RIG PA BZHIS SEMS CAN GYI DON DU CHOS STON PAR BYED PAS NA SOS SOR RTON PA'I 'OG TU SO SO YANG DAG PAR RIG PA BZHI BSHAD PA 'BREL TO, ,BYANG CHUB SEMS DPA'I MNYAM MED PA, ,SO SO YANG DAG RIG PA BZHI, ,ZHES BYA BA LA, BYANG CHUB SEMS DPA' RNAMS KYI SO SO YANG DAG PAR RIG PA NI BZHI STE, CHOS SO SO YANG DAG PAR RIG PA DANG, DO SO SO YANG DAG PAR RIG PA DANG, NGES PA'I TSIG SO SO YANG DAG PAR RIG PA DANG, SPOBS PA SO SO YANG DAG PAR RIG PA STE, BYANG CHUB SEMS DPA' RNAMS KYI SO SO YANG DAG PAR RIG PA BZHI NI NYAN THOS DANG RANG SANGS RGYAS KYI SO SO YANG DAG PAR RIG PA BZHI PAS 'PHAGS SHING KHYAD ZHUGS PAS NA MNYAM PA MED PA ZHES BYA'O, RNAM GRANGS MTSAN NYID TSIG RNAMS DANG, ,YE SHES SHES PA DE DAG 'DOD, ,CES BYA BA LA, CHOS GCIG LA MING GI RNAM GRANGS DU YOD PA DANG, CHOS RNAMS LA DGE BA DANG MI DGE BA LA SOGS PA'I CHOS KYI RNAM GRANGS DU YOD PA SHES PAS NI CHOS SO SO YANG DAG PAR RIG PA ZHES BYA BA STE, CHOS KYI MING GI RNAM GRANGS SHES PA NI DPER NA MA RIG PA LA MING DU MA RIG PA DANG, GTI MUG @99A *, ,DANG; ,MI SHES PA DANG, MUN PA DANG, MUN NAG CES BYA BA LA SOGS PA'I MING GI RNAM GRANGS DU YOD PA THAMS CAD SHES PA STE, 'DI NI CHOS SO SO YANG DAG PAR RIG PA'I MTSAN NYID DO, ,DE BAS NA 'PHAGS PA BLO GROS MI ZAD PA'I MDO LAS KYANG, CHOS SO SO YANG DAG PAR RIG PA GANG ZHE NA, GANG CHOS THAMS CAD LA RJES SU 'JUG PA SHES PA STE, DGE BA DANG MI DGE BA DANG, KHA NA THOB DANG BCAS PA DANG, KHA NA THOB MED PA DANG, ZAG PA DANG BCAS PA DANG, ZAG PA MED PA DANG, 'DUS BYAS DANG, 'DUS MA BYAS ZHES BYA BA LA SOGS PA RGYA CHER GSUNGS SO, ,CHOS RNAMS KYI RANG DANG SPYI'I MTSAN NYID LA THOGS PA MED PAR SHES PA NI DON SO SO YANG DAG PAR RIG PA ZHES BYA STE, RANG GI MTSAN NYID NI SA'I RANG GI MTSAN NYID SRA BA DANG, CHU'I RANG GI MTSAN NYID GSHER BA LA SOGS PA'O, ,SPYI'I MTSAN NYID NI MI RTAG PA DANG, SDUG BSNGAL BA DANG, STONG PA DANG, BDAG MED PA STE, 'DI NI DON SO SO YANG DAG PAR RIG PA'I MTSAN NYID DO, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA DON SO SO YANG DAG PAR RIG PA GANG ZHE NA, GANG CHOS THAMS CAD LA DON DAM PAR SHES PA STE, CHOS SHES PA DANG, SO SOR RTOG PA SHES PA DANG, RJES SU 'GRO BA SHES PA DANG, RGYU SHES PA DANG, RKYEN SHES PA DANG, GNYIS SU MED PA ZHES PA DANG ZHES BYA BA LA SOGS PA RGYA CHER GSUNGS SO, ,SEMS CAN SO SO'I SKAD DANG TSIG GI RNAM PA SNA TSOGS LA THOGS PA MED PAR SHES PA NI NGES PA'I TSIG SO SO YANG DAG PAR RIG PA ZHES BYA STE, LHA DANG KLU LA SOGS PA SEMS CAN KUN GYI SKAD SHES PA'O, ,DE BAS NA 'PHAGS PA BLO GROS MI ZAD PA'I MDO LAS KYANG, ,DE LA NGES PA'I TSIG SO SO YANG DAG PAR RIG PA GANG ZHE NA, GANG SEMS CAN THAMS CAD KYI SKAD LA 'JUG PA SHES PA STE, LHA'I SKAD DANG, KLU'I SKAD DANG, DRI ZA DANG, LHA MA YIN DANG ZHES BYA BA LA SOGS PA RGYA CHER GSUNGS SO, ,YANG NA SGRA'I GTZUG LAG THAMS CAD KYI TSIG LA THOGS PA MED PAR SHES PA NI NGES PA'I TSIG SO SO YANG DAG PAR RIG PA ZHES BYA STE, DE BAS NA 'PHAGS @99B PA BLO GROS MI ZAD PA'I MDO LAS KYANG, GZHAN YANG NGES PA'I TSIG SO SO YANG DAG PAR RIG PA NI CHOS 'DI DAG 'DI LTA BUR BRTAG PAR BYA, CHOS 'DI DAG 'DI LTA BUR BRTUL BAR BYA, CHOS 'DI DAG 'DI LTA BUR MTSAMS SBYAR BAR BYA ZHES BYA BA LA SOGS PA RGYA CHER GSUNGS SO, , BSKAL PA'AM BSKAL PA'I MTHAR CHOS GCIG BSHAD PA LA SOGS TE, BSHAD KYANG TSIG ZAD PAR MI 'GYUR BA DANG, SEMS CAN THAMS CAD KYIS BRGAL KYANG RGOL BA KUN GYI LAN THABS PAR NUS PA'I YE SHES PA DANG LDAN PA LA SOGS PA NI SPOBS PA SO SO YANG DAG PAR RIG PA ZHES BYA STE, DE BAS NA 'PHAGS PA BLO GROS MI ZAD PA'I MDO LAS KYANG, DE LA SPOBS PA SO SO YANG DAG PAR RIG PA GANG ZHE NA, 'DI LTA STE, CHAGS PA MED PAR LUNG BSGO BA SHES PA DANG, MA TSANG BA MED PAR LUNG BSGO BA BSTAN PA DANG, THOGS PA MED PAR LUNG BSGO BA BSTAN PA SHES PA DANG, SPOBS PA MYUR BA DANG, SPOBS PA DRANG BA DANG, SPOBS PA MGYOGS PA DANG ZHES BYA BA LA SOGS PA RGYA CHER GSUNGS SO, ,DANG PO NI RNAM GRANGS SHES PA STE ZHES BYA BA LA, CHOS SO SO YANG DAG PAR RIG PAS NI CHOS GCIG LA MING GI RNAM GRANGS DU YOD PA SHES STE, CHOS RNAMS LA DGE BA DANG MI DGE BA LA SOGS PA'I RNAM GRANGS DU YOD PA SHES PA'O, ,DON GANG GI MING DE'I'O ZHES BYA BA LA, PHUNG PO DANG KHAMS LA SOGS PA'I CHOS GANG LA, MING GANG DANG GANG BTAGS PA'I MING DE'I DON NI GANG DANG SPYI'I MTSAN NYID SHES PA NI DON SHES PA ZHES BYA'O, ,LJONGS KYIS SKAD DU THA DAD PA'O ZHES BYA BA LA, LHA DANG MI LA SOGS PA'I SKAD SNA TSOGS SHES PA NI NGES PA'I TSIG SO SO YANG DAG PAR RIG PA ZHES BYA'O, ,BDAG NYID KYI SPOBS PA'O ZHES BYA BA LA MING DANG TSIG DANG, YI GE SNA TSOGS KYIS 'KHOR BA'I MTHA'I BAR DU CHOS BSHAD KYANG ZAD PAR MI 'GYUR BA NI SPOBS PA SO SO YANG DAG PAR RIG PA ZHES BYA STE, TSIG DE DAG GIS SO SO YANG DAG PAR RIG PA BZHI'I MTSAN NYID BSTAN TO, ,DE LA SO SO YANG DAG PAR RIG PA LNGA LA SOGS PAR MANG DU @100A *, ,MI BSHAD, GSUM PA LA SOGS PA NYUNG NGU YANG MI BSHAD PAR CI'I PHYIR BZHI KHO NAR GRANGS NGES PAR BSHAD CE NA, DE'I PHYIR, BSTAN PA LA NI RAB BRTZON PA'I, ,GANG DANG GANG GIS BSTAN PA NI, ,CHOS DANG DON DE RNAM PA GNYIS, ,TSIG DANG YE SHES GNYIS STON PA'O, ,ZHES BYA BA LA SOGS PA TSIGS SU BCAD PA GNYIS SMOS SO, ,BYANG CHUB SEMS DPA' 'DUS BYAS DANG 'DUS MA BYAS DANG ZAG PA DANG BCAS PA DANG ZAG PA MED PA'I CHOS SEMS CAN LA BSTAN PA LA ZHUGS PA NA GANG STON PA DANG, GANG GIS STON PA STE, RNAM PA GNYIS KYIS STON PAS NA SO SO YANG DAG PAR RIG PA BZHI KHO NAR BSHAD DE MI MANG DU MI NYUNG NGO, ,DE LA GANG 'CHAD CING STON CE NA CHOS DANG DON GNYIS 'CHAD DO, ,GANG GIS 'CHAD CING STON CE NA, TSIG DANG PO GNYIS KYIS STON TE, DON DUN NGES PA'I TSIG SO SO YANG DAG PAR RIG PA DANG, SPOBS PA SO SO YANG DAG PAR RIG PA GNYIS KYIS STON TE ZHES BYA BA'I DON TO, ,CHOS NI BSTAN PA DANG BSHAD PA LAS ZHES BYA BA LA CHOS STON PA YANG BYANG CHUB SEMS DPA' DANG POR CHOS RNAMS MDO TZAM DU BSDUS NAS STON TE, DES NA DE'I 'OG TU ZHIB TU PHYE NAS 'CHAD DO, ,DE LA MDO TZAM DU BSTAN PA LA NI DON SO SO YANG DAG PAR RIG PA ZHES BYA'O, ,DE NYID ZHIB TU PHYE STE BSHAD PA LA NI CHOS SO SO YANG DAG PAR RIG PA ZHES BYA'O, ,GNYIS KYANG RNAM KUN SHES BYED PHYIR, ,ZHES BYA BA LA NGES PA'I TSIG SO SO YANG DAG PAR RIG PAS NI CHOS DANG DON GNYIS SEMS CAN KUN LA SHES PAR BYED DE, JI LTA ZHE NA, SO SO'I SKAD GANG DANG GANG GIS BSTAN NA, BRDA PHRAD PAR 'GYUR BA'I SKAD DE DANG DES BSHAD PAS KUN GYI KHONG DU CHUD PAR BYED DO, ,BRGAL BA LA NI LAN GLON PA'I, ,SO SOR RIG PAR RNAM PA BZHI, ,ZHES BYA BA LA, SPOBS PA SO SO YANG DAG PAR RIG PAS NI PHAS KYI RGOL BA MU STEGS PA LA SOGS PA DANG, 'KHOR RNAMS KYI BRGAL BA THAMS CAD KYI RGOL BA'I LAN GLON PAR BYED DE, DE'I PHYIR NA SO SO YANG DAG PAR RIG PA BZHI NYID DU GZHAG GO ZHES BYA BA'I DON TO, ,CHOS NI BSTAN DANG BSHAD PA'I PHYIR, ,ZHES BYA BA LA, MDO TZAM DU STON PA NI DON SO SO YANG DAG @100B PAR RIG PA'O, ,DE NYID ZHIB TU BKROL TE BSHAD PA NI CHOS SO SO YANG DAG PAR RIG PA ZHES BYA'O, ,TSIG GIS BSHAD PAS NI ZHES BYA BA LA SOGS PA LA NGES PA'I TSIG SO SO YANG DAG PAR RIG PAS NI CHOS DANG DON GNYIS GZHAN GYIS SHES PAR BYED DO ZHES BYA BA'I DON TO, ,YE SHES KYIS BSHAD PA NI ZHES BYA BA LA, SPOBS PA SO SO YANG DAG PAR RIG PAS NI RGOL BA RNAMS KYI LAN 'DEBS PAR BYED DO ZHES BYA BA'I DON TO, ,DE BAS NA GANG DANG GANG GIS BSHAD PA DE SHES PA'I PHYIR ZHES BYA BA LA GONG DU BSHAD PA LTAR NA GANG BSHAD PA NI CHOS DANG DON BSHAD PA'O, , GANG GIS BSHAD CE NA NGES PA'I TSIG DANG SPOBS PAS BSHAD DO, ,DE YANG JI LTAR BSHAD CE NA MDOR BSDUS TE BSHAD PA NI DON SO SO YANG DAG PAR RIG PA YIN NA, DE NYID RGYAS PAR 'CHAD PA NI CHOS SO SO YANG DAG PAR RIG PA NI DE NYID GZHAN LA BSTAN NAS GZHAN GYIS SHES PAR BYED PA NI NGES PA'I TSIG SO SO YANG DAG PAR RIG PA'O, ,GZHAN GYIS BRGAL BA'I LAN 'DEBS PAR BYED PA NI SPOBS PA SO SO YANG DAG PAR RIG PA STE, DE'I PHYIR SO SO YANG DAG PAR RIG PA BZHID NYID DU BSHAD DO, ,SO SO RANG RIG MNYAM PA NYID, ,PHYIS KYANG RAB TU SHES PA'O, ,THE TSOM THAMS CAD BSAL BA'I PHYIR, ,SO SO YANG DAG RIG CES BYA'O, ,ZHES BYA BA 'DIS SO SO YANG DAG PAR RIG PA BZHI'I NGES PA'I TSIG DANG LAS BSTAN TO, ,DE LA SO SO YANG DAG PAR RIG PA ZHES BYA BA'I SGRAS, RGYA GAR SKAD DU PRA TI SAm BI TA ZHES 'BYUNG STE, DE LA PRA TI ZHES BYA BA SO SOR ZHES BYA BA'I DON DU 'GRO STE, DE NI RNAM PAR MI RTOG PA'I YE SHES LA BYA'O, ,SAm ZHES BYA BA NI MNYAM PA NYID LA BYA STE, CHOS THAMS CAD KYI DE BZHIN NYID STONG PA NYID LA BYA'O, ,BI TA ZHES BYA BA NI SHES PAR BYA STE DON DU NA RNAM PAR MI RTOG PA'I YE SHES KYI MNYAM PA NYID MNGON SUM DU BYAS NAS PHYIS DAG PA 'JIG RTEN PA'I YE SHES KYIS CHOS KYI RNAM GRANGS DANG, MTSAN NYID LA SOGS PA GZHAN DU BSTAN NAS GZHAN GYIS DE DAG SHES PAR BYED GO BAR BYED PAS NA SO SO YANG DAG PAR RIG PA ZHES BYA STE, DE NI NGES PA'I TSIG GO, ,SO SO YANG DAG PAR RIG PAS PHUNG @101A *, ,PO DANG KHAMS LA SOGS PA'I CHOS KYI MTSAN NYID LA THE TSOM THAMS CAD GCOD PAR BYED DE 'DI NI LAS SO, ,TSOGS RNAM PAR DBYE BA'I TSIGS SU BCAD PA BZHI STE ZHES BYA BA LA, TSOGS RNAM PAR DBYE BA'I SKABS KYI BSHAD PAR 'BREL BA CI YOD CE NA, DE LTAR SO SO YANG DAG PAR RIG PA DANG LDAN PA BYANG CHUB SEMS DPA' DE BYANG CHUB KYI PHYOGS SUM CU RTZA BDUN BSGOM PAR BYA BA'I PHYIR, DE'I RTEN DU GYUR PA BSOD NAMS DANG YE SHES KYI TSOGS SOGS PAR BYED DE, DE BAS NA SO SO YANG DAG PAR RIG PA BSHAD PA'I RJES LA TSOGS KYI SKABS BSHAD PAR 'BREL TO, ,BYANG CHUB SEMS DPA'I TSOGS DAG NI, ,MI MNYAM BSOD NAMS YE SHES SO, ,ZHES BYA BA'I TSIGS SU BCAD PA GCIG GIS TSOGS GANG YIN PA DANG, GANG GI PHYIR TSIGS SU GYUR PA DE STON TE, DE LA BYANG CHUB SEMS DPA'I TSOGS NI RNAM PA GNYIS TE, BSOD NAMS KYI TSOGS DANG YE SHES KYI TSOGS SO, ,BYANG CHUB SEMS DPA'I BSOD NAMS DANG YE SHES KYI TSOGS NI BDAG DANG SEMS CAN THAMS CAD KYI DON DU BSAGS PAS NI NYAN THOS LA SOGS PA'I TSOGS LAS 'PHAGS PA'I PHYIR MI MNYAM PA ZHES BYA'O, ,DE BAS NA DKON MCHOG BRTZEGS PA'I MDO LAS KYANG, BYANG CHUB SEMS DPA' RNAMS KYI YE SHES KYI TSOGS NI PHYOGS BCU'I NAM MKHA' LTA BUR BLTA'O, ,NYAN THOS RNAMS KYI YE SHES KYI TSOGS NI YUNGS 'BRU SRIN BUS ZOS PA'I NANG GI NAM MKHA'I KHYON TZAM DU BLTA'O, ,BYANG CHUB SEMS DPA'I BSOD NAMS KYI TSOGS NI PHYOGS BZHI'I RGYA MTSO'I CHU LTA BUR BLTA'O, ,NYAN THOS KYI BSOD NAMS KYI TSOGS NI BA'I RMIG RJES KYI CHU LTA BUR BLTA'O ZHES GSUNGS SO, ,'DIS NI TSOGS GANG YIN PA BSTAN TO, ,GCIG NI 'KHOR BA RNAMS LAS 'BYUNG, ,ZHES BYA BA LA, GCIG NI BSOD NAMS KYI TSOGS LA BYA STE, BSOD NAMS TSOGS KYIS NI 'KHOR BA SKYE BAR 'KHOR BA NA YANG SEMS CAN KUN LAS 'PHAGS PA BRGYA BYIN DANG TSANGS PA DANG 'KHOR LOS SGYUR BA'I RGYAL PO LA SOGS PA'I 'BYOR PA PHUN SUM TSOGS PA 'THOB PAR BYED DO ZHES BYA BA'I DON TO, ,GZHAN NI 'KHOR BAR NYON MONGS PA, ,ZHES BYA BA LA, BSOD @101B NAMS KYI TSOGS LAS GZHAN PA NI YE SHES KYI TSOGS LA BYA STE, YE SHES KYI TSOGS KYIS NI SEMS CAN GYI DON DU BSAMS PA BZHIN DU 'KHOR BAR SKYE BA NA 'KHOR BA'I NYES PAS MI GOS PAR BYED DE, LAS DANG NYON MONGS PA'I DBANG DU MI 'GYUR RO ZHES BYA BA'I DON TO, ,'DIS NI GANG GI PHYIR TSOGS BSAGS PA BSTAN TO, ,DA PHA ROL TU PHYIN PA DRUG GIS TSOGS GNYIS BSDUS PA'AM, TSOGS GNYIS KYIS PHA ROL TU PHYIN PA DRUG BSDUS PAR BSTAN PA'I PHYIR, SBYIN PA TSUL KHRIMS BSOD NAMS TE, ,ZHES BYA BA LA SOGS PA TSIGS SU BCAD PA GCIG SMOS SO, ,DE LA PHA ROL TU PHYIN PA DRUG LAS DANG PO SBYIN PA'I PHA ROL TU PHYIN PA DANG, GNYIS PA TSUL KHRIMS KYI PHA ROL TU PHYIN PA GNYIS NI BSOD NAMS KYI TSOGS ZHES BYA STE, CI'I PHYIR ZHE NA, SBYIN PAS NI LONGS SPYOD CHEN POR 'GYUR BAR BYED, TSUL KHRIMS KYIS NI LHA DANG MI'I LUS THOB PAR BYED PA'I PHYIR RO, , YE SHES TSOGS NI SHES RAB PO, ,ZHES BYA BA LA, THA MA SHES RAB KYI PHA ROL TU PHYIN PA NI YE SHES KYI TSOGS ZHES BYA STE, CHOS THAMS CAD STONG PAR RTOGS PA DANG, NYON MONGS PAS MI GOS PA'I PHYIR RO, ,GSUM PA GZHAN NI GNYIS SU STE, ,ZHES BYA BA LA BRJOD PA DANG, BRTZON 'GRUS DANG, BSAM GTAN GSUM NI TSOGS GNYIS SU GZHAG STE, BSOD NAMS KYI TSOGS SU YANG GZHAG YE SHES KYI TSOGS SU YANG GZHAG GO, ,JI LTA ZHE NA, GNOD PA LA JI MI SNYAM PA DANG, SDUG BSNGAL NYAMS SU LEN PA'I BZOD PA GNYIS NI BSOD NAMS KYI TSOGS SU BSDU'O, ,CHOS LA NGES PAR RTOG PA'I BZOD PA NI YE SHES KYI TSOGS SU BSDU'O, ,BRTZON 'GRUS LA YANG SEMS CAN GYI ZHING RMO BA DANG TSENG BYA BA LA SOGS PA'I LAS LA GROGS BYED PA'I BRTZON 'GRUS NI BSOD NAMS KYI TSOGS SU BSDU'O, ,DGE BA'I BSHES GNYEN LA BRTEN PA DANG, DAM PA'I CHOS NYAN PA DANG, SEMS PA DANG, BSGOM PA LA SOGS PA BYED PA'I BRTZON 'GRUS NI YE SHES KYI TSOGS SU BSDU'O, ,BSAM GTAN PA YANG 'JIG RTEN PA'I BSAM GTAN DANG, GZUGS MED PA'I SNYOMS PAR 'JUG PA DANG, ZAG PA @102A *, ,MED PA'I BSAM GTAN RNAMS KYIS SEMS CAN GYI DON BYA BA LA ZHUGS PA DANG, BSOD NAMS KYI TSOGS SU BSDU'O, ,BSAM GTAN LA BRTEN NAS RNAM PAR MI RTOG PA'I TING NGE 'DZIN BSGOM NA YE SHES KYI TSOGS SU BSDU'O, ,LNGA CHAR YE SHES TSOGS SU'O, ,ZHES BYA BA LA PHA ROL TU PHYIN PA DRUG LAS SHES RAB KYI PHA ROL TU PHYIN PA NI YE SHES KYI TSOGS NYID DO, ,SBYIN PA'I PHA ROL TU PHYIN PA NAS BSAM GTAN GYI PHA ROL TU PHYIN PA'I BAR DU PHA ROL TU PHYIN PA LNGA PO RNAMS THAMS CAD MKHYEN PA'I YE SHES THOB PAR BYA BA'I PHYIR BSNGOS SAM, 'KHOR GSUM YONGS SU DAG PA'I TSUL DU SPYAD NA LNGA CHAR YANG YE SHES KYI TSOGS SU 'GYUR RO, ,GZHAN YANG SDIG PA BSHAGS PA DANG, BSOD NAMS KYI RJES SU YI RANG BA DANG, CHOS KYI 'KHOR LO BSKOR BAR GSOL BA GDAB PA LA SOGS PA YANG BSOD NAMS KYI TSOGS SU BSDU STE, DE BAS NA 'PHAGS PA BLO GROS MI ZAD PA'I MDO LAS KYANG, BYANG CHUB SEMS DPA' RNAMS KYI BSOD NAMS KYI TSOGS MI ZAD PA GANG ZHE NA, SBYIN PA BSOD NAMS BYA BA'I DNGOS PO DANG, TSUL KHRIMS DANG, BSGOM PA BSOD NAMS BYA BA'I DNGOS PO DANG ZHES BYA BA LA SOGS PA RGYA CHER GSUNGS SO, ,GZHAN YANG DGE BA'I BSHES GNYEN LA BRTEN PA DANG, DAM PA'I CHOS NYAN PA LA SOGS PA BYED PA YANG YE SHES KYI TSOGS SU BSDU STE, DE BAS NA 'PHAGS PA BLO GROS MI ZAD PA'I MDO LAS KYANG, DE LA BYANG CHUB SEMS DPA' RNAMS KYI YE SHES KYI TSOGS MI ZAD PA GANG ZHE NA, RGYU GANG DANG RKYEN GANG GIS YE SHES RTOGS PAR 'GYUR BA'I RGYU DE DAG DANG RKYEN DE DAG BYANG CHUB SEMS DPA' YANG DAG PAR BSGRUB STE, DE LA RGYU NI GANG RKYEN NI GANG ZHE NA, GANG 'DI YE SHES YONGS SU TSOL BA LA RAB TU MOS PA DANG, YE SHES RTOGS PA'I DGE BA'I BSHES GNYEN LA RTAG TU BRTEN PA DANG, 'GROGS PA DANG, BSNYEN BKUR BYED PA DANG ZHES BYA BA LA SOGS PA RGYA CHER GSUNGS SO, ,RGYUN DU BSGOM PA THOB NAS NI DGE BA LA YANG DANG YANG DU'O, ,GANG KUN SGRUB PA DE TSOGS YIN, ,ZHES BYA BAS TSOGS ZHES BYA BA'I NGES PA'I TSIG @102B STON TO, ,TSOGS ZHES BYA BA LA RGYA GAR SKAD DU SAm BH'A RA ZHES 'BYUNG STE, DE LA SAm ZHES BYA BA NI SAm TAD DHA'I DON NI RGYUN DU ZHES BYA BAR 'GRO'O, ,BH'A ZHES BYA BA NI DON DU 'DREN PAS BSGOM PA'I DON DU 'GRO'O, ,RA ZHES BYA BA AA HA RA ZHES PA'I DON DU 'GRO BAS KUN TU BSGRUB PA'I DON DU 'GRO'O, ,MDOR NA SBYIN PA LA SOGS PA LA RGYUN DU BSGOM PA LA BRTEN NAS PHA ROL TU PHYIN PA DRUG GI DGE BA LA YANG NAS YANG DU BSGOMS PAS SANGS RGYAS KYI SKU GSUM SGRUB PAR BYED PA LA TSOGS ZHES BYA STE, 'DI NI NGES PA'I TSIG BSTAN TO, ,BSTAN PA THAMS CAD DON SGRUB PA, ,ZHES BYA BA LA, DE LTAR SANGS RGYAS KYI SKU GSUM THOB PAR BYAS NAS BDAG GI DON YANG SGRUB PAR BYED GZHAN GYI DON YANG SGRUB PAR BYED DE, DE NI TSOGS GNYIS KYI LAS SO, ,TSOGS KYI RAB TU DBYE BA BSTAN PA'I PHYIR, 'JUG PA'I PHYIR DANG MTSAN MED PHYIR, ,ZHES BYA BA LA SOGS PA SMOS TE, SO SO'I SKYE BO'I DUS NAS MOS PAS SPYOD PA'I SA 'JIG RTEN GYI CHOS MCHOG MAN CHAD KYI TSE BSOD NAMS DANG YE SHES KYI TSOGS BSAGS PA NI SA DANG PO LA 'JUG CING SA DANG PO THOB PAR BYA BA'I PHYIR SOGS PAR BYED DO, ,SA GNYIS PA NAS DRUG PA MAN CHAD KYI TSE TSOGS SOGS PA NI MTSAN MA MED PA'I SA BDUN PA LA 'JUG CING SA BDUN PA THOB PAR BYA BA'I PHYIR SOGS PAR BYED DE, SA BDUN PA'I DUS NA NI MDO SDE LA SOGS PA'I CHOS RNAM PA SNA TSOGS LA DON THA DAD PAR YID LA MI BYED CING, MI RTOG PAS NA MTSAN MA MED PA ZHES BYA'O, ,LHUN GYIS GRUB PHYIR TSOGS RNAMS TE, ,ZHES BYA BA LA SA BDUN PA'I BSOD NAMS DANG YE SHES KYI TSOGS NI SA BRGYAD PA DANG DGU PA'I BSOD NAMS DANG YE SHES KYI TSOGS LHUN GYIS GRUB PAR SGRUB PA NI SA DE THOB PAR BYA BA'I PHYIR SOGS PA ZHES BYA BA'I DON TO, ,DBANG BSKUR PHYIR DANG ZHES BYA BA LA, SA BRGYAD PA DANG DGU PA'I BSOD NAMS DANG YE SHES KYI TSOGS NI DBANG BSKUR BA'I SA BCU PA THOB PAR BYA BA'I PHYIR SOGS TE, SA BCU PAR PHYOGS BCU'I DE BZHIN GSHEGS PA THAMS CAD KYIS CHOS KYI RGYAL TSAB TU DBANG BSKUR BA'I PHYIR DBANG BSKUR BA'I SA ZHES @103A *, ,BYA'O, ,MTHAR THUG PHYIR ZHES BYA BA LA, SA BCU PA'I TSE BSOD NAMS DANG YE SHES KYI TSOGS BSAGS PA NI YE SHES BZHI DANG, CHOS KYI DBYINGS RNAM PAR DAG PA DANG LNGAS BSDUS PA MTHAR THUG PA'I SANGS RGYAS KYIS THOB PAR BYA BA'I PHYIR SOGS PAR BYED DO ZHES BYA BA'I DON TO, ,DRAN PA NYE BAR GZHAG PA RNAM PAR DBYE BA'I TSIGS SU BCAD PA GSUM STE ZHES BYA BA LA, TSOGS KYI SKABS BSHAD PA'I RJES LA BYANG CHUB KYI PHYOGS KYI CHOS SUM CU RTZA BDUN BSHAD PAR 'BREL PA CI YOD SNYAM NA DE LTAR TSOGS BSAGS PA DES NYON MONGS PA DANG SHES BYA'I SGRIB PA SPANG BA'I PHYIR BYANG CHUB KYI PHYOGS LA SGOM PAR BYED DE DE BAS NA TSOGS KYI RJES LA BYANG CHUB KYI PHYOGS KYI SKABS BSHAD PAR 'BREL TO, DE LA YANG DRAN PA NYE BAR GZHAG PA BZHI BSGOM PA NI TSIGS SU BCAD PA GSUM GYIS BSTAN TO, ,RNAM PA BCU BZHIR BLO LDAN GYIS, ,DRAN PA NYE BAR GZHAG SGOM PA, ,DE NI MNYAM PA MED PA'I PHYIR, ,DE DAG GZHAN LA KHYAD ZHUGS SO, ,ZHES BYA BA LA, BYANG CHUB SEMS DPA' RNAMS KYI DRAN PA NYE BAR GZHAG PA SGOM PA DE RNAM PA BCU BZHI LTAR SGOM PAS, RNAM PA BCU BZHI LTAR NI NYAN THOS LA SOGS PA MI SGOM PA'I PHYIR, NYAN THOS LA SOGS PA'I SGOM PA DANG MI 'DRA STE, DE BAS NA BYANG CHUB SEMS DPA'I DRAN PA NYE BAR GZHAG PA SGOM PA NI NYAN THOS LA SOGS PA GZHAN LAS KHYAD ZHUGS PA'O, RNAM PA BCU BZHI GANG ZHE NA, RTEN DANG GNYEN PO RNAM DAG DANG, ,ZHES BYA BA LA SOGS PA SMOS TE, RNAM PA BCU BZHI NI RTEN GYI RNAM PA KHYAD ZHUGS PA DANG, GNYEN PO'I RNAM PA KHYAD ZHUGS PA DANG, DE BZHIN DU 'JUG PA'I RNAM PA KHYAD ZHUGS PA DANG, DMIGS PA'I RNAM PA KHYAD ZHUGS PA DANG, YID LA BYED PA'I RNAM PA KHYAD ZHUGS PA DANG, THOB PA'I RNAM PA KHYAD ZHUGS PA DANG, RJES SU MTHUN PA'I RNAM PA KHYAD ZHUGS PA DANG; ,RJES SU 'JUG PA'I RNAM PA KHYAD ZHUGS PA DANG, SHES PA'I RNAM PA KHYAD ZHUGS PA DANG, GZHAN YANG SKYE BA'I RNAM PA KHYAD ZHUGS PA DANG, TSAD KYI RNAM PA KHYAD ZHUGS PA DANG, MCHOG GI RNAM PA KHYAD ZHUGS PA DANG, SGOM PA'I RNAM PA KHYAD ZHUGS PA DANG, THOB PA'I RNAM @103B PA KHYAD ZHUGS PA'O, ,JI LTAR NA BRTEN PA ZHE NA, THEG PA CHEN PO NYAN PA DANG ZHES BYA BA LA SOGS PA LA, NYAN THOS RNAM DRAN PA NYE BAR GZHAG PA BZHI BSGOM PA NI NYAN THOS KYI SDE SNOD GSUM NYAN PA DANG, SEMS PA DANG, SGOM PA'I SHES RAB LA BRTEN NAS SGOM PAR BYED KYI, BYANG CHUB SEMS DPA' RNAMS KYI DRAN PA NYE BAR GZHAG PA BZHI BSGOM PA NI THEG PA CHEN PO'I CHOS NYAN PA DANG, SEMS PA DANG, SGOM PA'I SHES RAB LA BRTEN NAS SGOM PAS NA RTEN GYI KHYAD ZHUGS SO, ,CI'I PHYIR GNYEN PO ZHE NA, PHYIN CI LOG BZHI'I GNYEN POR MI GTZANG BA DANG, SDUG BSNGAL BA DANG ZHES BYA BA LA SOGS PA LA, GNYEN PO'I RNAM PAR BSGOM PA YANG NYAN THOS LA SOGS PAS JI LTAR KHYAD ZHUGS SHE NA, NYAN THOS LA SOGS PA NI PHYIN CI LOG BZHI'I GNYEN POR PHYIN CI MA LOG PA BZHI BSGOM PA STE, GTZANG BAR 'DZIN PA'I GNYEN POR NI LUS LA MI GTZANG BA BSGOM PA STE, GLAD PA'I RGYAS NAS RKANG PA'I RTING PA'I BAR DU RNAG DANG KHRAG LA SOGS PA SGOM PA'I PHYIR RO, ,BDE BAR 'DZIN PA'I GNYEN POR TSOR BA THAMS CAD SDUG BSNGAL BAR BSGOM STE, GANG CUNG ZAD TSOR BA DE DAG SDUG BSNGAL LO ZHES BSGOM PA'I PHYIR RO, ,RTAG PAR 'DZIN PA'I GNYEN POR SEMS MI RTAG PA BSGOM STE, SEMS NI SKAD CIG SKAD CIG PAR 'DOD CHAGS PAR 'GYUR BA DANG, ZHE SDANG BAR 'GYUR BA'I PHYIR RO, ,BDAG TU 'DZIN PA'I GNYEN POR CHOS THAMS CAD LA BDAG MED PAR BSGOM STE, 'DOD CHAGS LA SOGS PAS NI KUN NAS NYON MONGS PAR 'GYUR, 'DI LA KUN NAS NYON MONGS PA DANG RNAM PAR BYANG BAR 'GYUR BA'I BDAG GANG YANG MED CES BSGOM PA'I PHYIR RO, ,BYANG CHUB SEMS DPA' RNAMS NI DE LAS KHYAD ZHUGS TE, DE BAS NA LUS LA SOGS PA LA YANG, CHOS LA BDAG MED PAR RTOG PA'I PHYIR RO ZHES BYA BA SMOS TE, BYANG CHUB SEMS DPA' RNAMS LA NI MI GTZANG BA DANG, SDUG BSNGAL PA'I RNAM PA LTA BUR BSGOM PA NYID MI MTHUN PA'I PHYOGS YIN TE, DE BAS NA DE'I GNYEN POR LUS DANG TSOR BA LA SOGS PA JI LTAR BYIS PA SO SO'I SKYE BOS GZUNG BA DANG, 'DZIN PA'I RNAM PA YID LA BYED PA @104A *, ,BZHIN DU MA YIN GYI, THAMS CAD KYANG NAM MKHA'I NGOS BZHIN DU CHOS LA BDAG MED PA'I RANG BZHIN DU RTOGS PAS NA GNYEN PO'I RNAM PAS KHYAD ZHUGS SO, ,JI LTAR NA 'JUG PA ZHE NA, DRAN PA NYE BAR GZHAG PA BZHI RNAMS KYIS RIM BZHIN DU SDUG BSNGAL BA DANG ZHES BYA BA LA SOGS PA LA, JI LTAR NA 'JUG PA'I RNAM PAS NYAN THOS LA SOGS PA LAS KHYAD ZHUGS SHE NA, 'DI LTAR LUS DRAN PA NYE BAR GZHAG PA BSGOMS PAS NI SDUG BSNGAL GYI BDEN PA LA 'JUG STE, LUS KYI RANG BZHIN JI LTA BU YIN PA KHONG DU CHUD NAS LUS 'DI SKYE BA DANG RGA BA DANG NA BA DANG 'CHI BA LA SOGS PA'I SDUG BSNGAL MANG PO DANG LDAN PAR RTOGS PAR 'GYUR BAS SDUG BSNGAL GYI BDEN PA LA 'JUG GO, ,TSOR BA DRAN PA NYE BAR GZHAG PA BSGOMS PAS KUN 'BYUNG GI BDEN PA LA 'JUG PAR 'GYUR TE, JI LTAR NA TSOR BA BDE BA MYONG BA NI 'DOD CHAGS BAG LA NYAL BAR 'GYUR, TSOR BA SDUG BSNGAL BAR MYONG NA NI ZHE SDANG BAG LA NYAL BAR 'GYUR, TSOR BA BDE BA YANG MA YIN PA SDUG BSNGAL BA YANG MA YIN PA MYONG NA NI GTI MUG BAG LA NYAL BAR 'GYUR TE, DE LTAR BAG LA NYAL BAR 'GYUR BA DE RNAMS KYIS TSE PHYI MA LA LEN PA'I RGYU BYED PAS NA KUN 'BYUNG GI BDEN PA LA 'JUG PAR 'GYUR RO, ,SEMS DRAN PA NYE BAR GZHAG PA BSGOMS PAS 'GOG PA'I BDEN PA LA 'JUG PAR 'GYUR TE, JI LTA ZHE NA, 'DI DAG NI SEMS TZAM DU ZAD KYI BDAG CES BYA BA GANG YANG MED KYI, SEMS DE SKAD CIG MA STE, RANG SKYE ZHING RANG 'GAG PAR MTHONG NA, 'GOG PA'I BDEN PA'I DUS NA BDAG CES BYA BA MED DE, 'CHAD PAR 'GYUR BA'I 'JIGS PA MI SKYE BAS NA 'GOG PA'I BDEN PA LA 'JUG GO, ,CHOS DRAN PA NYE BAR GZHAG PA BSGOMS PAS LAM GYI BDEN PA LA 'JUG STE, JI LTA ZHE NA, 'DOD CHAGS LA SOGS PA NI KUN NAS NYON MONGS PA'I CHOS YIN TE 'KHOR BA'I RGYU YIN PAR MTHONG, DAD PA LA SOGS PA NI RNAM PAR BYANG BA'I CHOS YIN TE MYA NGAN LAS 'DAS PA'I RGYU YIN PAR MTHONG NAS DAD PA LA SOGS PA'I CHOS LA SGOM PAR BYED PAS NA LAM GYI BDEN PA LA 'JUG GO, ,BDAG DANG GZHAN RNAMS 'JUG PAR BYED PA'I PHYIR TE ZHES BYA BA LA, NYAN THOS RNAMS NI BDAG NYID BDEN PA BZHI LA @104B 'JUG PAR BYA BA'I PHYIR DRAN PA NYE BAR GZHAG PA SGOM GYI BYANG CHUB SEMS DPA' RNAMS NI BDAG DANG GZHAN GNYI GA BDEN PA BZHI LA 'JUG PAR BYA BA'I PHYIR DRAN PA NYE BAR GZHAG PA BZHI SNYOM PAR BYED PAS NA 'JUG PA KHYAD ZHUGS SO, ,DBUS DANG MTHA' RNAM PAR 'BYED PA LAS JI SKAD BSHAD PA BZHIN NO ZHES BYA BA LA, DRAN PA NYE BAR GZHAG PA BZHI BSGOMS NA BDEN PA BZHI LA 'JUG PA YANG DBUS DANG MTHA' RNAM PAR 'BYED PA LAS 'BYUNG BA BZHIN DU BLTA STE, DBUS MTHA' LAS JI SKAD 'BYUNG ZHE NA, LUS NI GNAS NGAN LEN GYIS YONGS SU BSGOMS TE, DE BRTAGS NA SDUG BSNGAL GYI BDEN PA LA 'JUG GO, ,DE LA GNAS NGAN LEN NI 'DU BYED KYI MTSAN NYID YIN PAS, GANG GI PHYIR GNAS NGAN LEN RNAMS NI 'DU BYED KYI SDUG BSNGAL GYIS ZAG PA DANG BCAS PA THAMS CAD SDUG BSNGAL BA'O, ,TSOR BA NI SRED PA'I RGYU STE, DE BRTAGS PAS KUN 'BYUNG GI BDEN PA LA 'JUG GO, ,SEMS NI BDAG TU MNGON PAR CHAGS PA'I DNGOS PO STE, DE BRTAGS NA 'GOG PA'I BDEN PA LA 'JUG PA STE, BDAG CHAD PAR 'JIGS PA DANG BRAL BA'I PHYIR RO, ,CHOS LA BRTAGS PAS KUN NAS NYON MONGS PA DANG, RNAM PAR BYANG BA'I CHOS LA KUN DU GTI MUG MED PAS LAM GYI BDEN PA LA 'JUG GO, ,JI LTAR DMIGS SHE NA, SEMS CAN RNAMS KYI LUS LA SOGS PA LA DMIGS PA'I PHYIR RO ZHES BYA BA LA, JI LTAR DMIGS PA'I RNAM PAS KHYAD ZHUGS SHE NA, NYAN THOS LA SOGS PA NI BDAG GI LUS DANG TSOR BA LA SOGS PA TZAM ZHIG LA DMIGS SHING SGOM PAR BYED KYI, BYANG CHUB SEMS DPA' RNAMS NI BDAG DANG SEMS CAN THAMS CAD KYI LUS DANG, TSOR BA LA SOGS PA LA DMIGS PAR BYED DO, ,DE BAS NA DMIGS PA KHYAD ZHUGS SO, ,DE BAS NA 'PHAGS PA BLO GROS MI ZAD PA'I MDO LAS KYANG, JI LTAR NA BYANG CHUB SEMS DPA' LUS LA LUS KYI RJES SU LTA ZHING GNAS SHE NA, DE BDAG GI LUS DANG GZHAN GYI LUS LA LUS KYI RJES SU LTA ZHING GNAS TE ZHES BYA BA LA SOGS PA GSUNGS SO, ,JI LTAR YID LA BYED PAS SHE NA, LUS LA SOGS PA LA MI DMIGS PA'O ZHES BYA BA LA, JI LTAR YID LA BYED PA'I RNAM PAS KHYAD ZHUGS SHE NA, @105A *, ,'DI LTAR NYAN THOS DAG NI LUS LA MI GTZANG BA'I TSUL DU BYED, TSOR BA LA SDUG BSNGAL BAR YID LA BYED, SEMS MI RTAG PAR YID LA BYED, CHOS LA BDAG MED PAR YID LA BYED DO, ,BYANG CHUB SEMS DPA' LUS LA SOGS PA THAMS CAD MI GTZANG BA LA SOGS PA'I RNAM PA YID LA MI BYED KYI, THAMS CAD KYANG NAM MKHA'I NGOS BZHIN DU DMIGS SU MED PA NYID DU YID LA BYED PA'I PHYIR, YID LA BYED PA'I KHYAD ZHUGS SO, ,JI LTAR THOB PA ZHE NA, LUS LA SOGS PA DANG BRAL BA YANG MA YIN MA BRAL BA YANG MA YIN PA'I PHYIR RO ZHES BYA BA LA, JI LTAR THOB PAR KHYAD ZHUGS SHE NA, NYAN THOS LA SOGS PA NI LUS DANG TSOR BA LA SOGS PA DANG BRAL BAR BYA BA'I PHYIR SGOM GYI, BYANG CHUB SEMS DPA' RNAMS NI BRAL BAR BYA BA'I PHYIR SGOM PA YANG MA YIN TE, MI 'BRAL BAR BYA BA'I PHYIR SGOM PA YANG MA YIN PAS THOB PA'I RNAM PAS KHYAD ZHUGS SO, ,JI LTAR 'BRAL BA YANG MA YIN ZHE NA, DE BZHIN GSHEGS PA'I SKU GSUM DANG MI 'BRAL ZHING DE THOB PAR BYA BA'I PHYIR BSGOMS PAS 'BRAL BA YANG MA YIN NO, ,JI LTAR MI 'BRAL BA YANG MA YIN ZHE NA, LAS DANG NYON MONGS PAS BSKYED PA'I LUS DANG BRAL BAR BYA BA'I PHYIR BSGOMS PAS MI 'BRAL BA YANG MA YIN NO, ,YANG NA SKU GSUM THOB PAR BYA BA'I PHYIR LUS 'DI DANG YANG BRAL BAR MI BYED DE, LUS LA BRTEN NAS SKU GSUM DGOS PAS NA'O ZHES BYA BA LA MI 'BRAL BA YANG MA YIN TE, LUS DANG NYON MONGS PAS BSKYED PA'I LUS SDUG BSNGAL BA'I RANG BZHIN DBU BA'I GONG BU LTA BU 'DI LA CHAGS PAR BYAS NA SO SO'I SKYE BO BZHIN DU RTAG TU 'KHOR BAR GNAS PAR 'GYUR BA'I PHYIR, LUS 'DI NI 'DI DANG 'BRAL BAR YANG BYED DO, ,DE BAS NA 'PHAGS PA BLO GROS MI ZAD PA'I MDO LAS KYANG, LUS KYI SNGON GYI MTHA' LA YANG RTOG ,LUS KYI PHYI MA'I MTHA' LA YANG RTOG CES BYA BA NAS, LUS 'DI LA BDAG GIR MI BYA'I BDAG LUS SNYING PO MED PA 'DI LA SNYING PO MNGON PAR 'TSANG RGYA BAR BYA'O, ,'DI LTA STE, SNYING PO GANG ZHE NA, GANG 'DI DE BZHIN GSHEGS PA'I SKU, CHOS KYI SKU, RDO RJE'I SKU, MI SHIGS PA'I SKU, BRTAN PA'I @105B SKU, KHAMS GSUM THAMS CAD LAS BYE BRAG TU 'PHAGS PA'I SKU DE BDAG GIS BSGRUB PAR BYA'O, ,BDAG GI LUS NYES PA DU MA'I SKYON CHAGS MOD KYI, DE BZHIN GSHEGS PA'I SKU NYES PA THAMS CAD DANG BRAL BAR RAB TU THOB PAR BYA'O, ,DES LEGS PA MTHONG BAS NA SO SOR RTOG PA'I STOBS KYIS 'BYUNG BA CHEN PO'I GNAS KYI LUS LA SPYOD DO ZHES BYA BA LA SOGS PA GSUNGS SO, ,JI LTAR NA RJES SU MTHUN ZHE NA, PHA ROL TU PHYIN PA DANG RJES SU MTHUN PAS ZHES BYA BA LA SOGS PA LA, JI LTAR NA RJES SU MTHUN PA'I RNAM PAS KHYAD ZHUGS SHE NA, BYANG CHUB SEMS DPA' LUS LA SOGS PA DRAN PA NYE BAR GZHAG PA BSGOMS PA DANG, PHA ROL TU PHYIN PA DRUG GI MI MTHUN PA'I PHYOGS SER SNA LA SOGS PA SPONG BA'I GNYEN POR 'GYUR BAS PHA ROL TU PHYIN PA DRUG DANG RJES SU MTHUN PAR 'GYUR TE, JI LTA ZHE NA, LUS DANG TSOR BA LA SOGS PA SGYU MA DANG SMIG RGYU LTA BUR YANG DAG PA MA YIN ZHING STONG PAR MTHONG NA PHYI NANG GI DNGOS PO LA CHAGS PA MI SKYE'O, ,CHAGS PA MA SKYES NA PHYI NANG GI DNGOS PO GTONG BAR BYED PAS SBYIN PA DANG MTHUN NO, ,PHYI NANG GI DNGOS PO GTONG BAR NUS NA TSUL KHRIMS YANG DAG PAR LEN PAS TSUL KHRIMS DANG MTHUN NO, ,TSUL KHRIMS LA GNAS PA RNAMS NI RDEG PA LA SLAR MI RDEG PA DANG, GSHE BA LA SLAR MI GSHE BAS BZOD PA GRUB PA'I PHYIR BZOD PA DANG RJES SU MTHUN NO, ,BZOD PA LA GNAS PA RNAMS NI GRANG BA DANG TSA BA BYUNG YANG DGE BA BYED PA MI GTONG BAS BRTZON 'GRUS GRUB PA'I PHYIR BRTZON 'GRUS DANG RJES SU MTHUN NO, ,BRTZON 'GRUS LA GNAS PA RNAMS NI LUS LA SOGS PA LA MI RTAG PA DANG, STONG PA YIN PAR KHONG DU CHUD CING DE LA YANG RTZE GCIG TU SGOM PAR BYED PAS TING NGE 'DZIN DANG SHES RAB DANG RJES SU MTHUN PA YIN NO, ,JI LTAR RJES SU 'JUG PA ZHE NA, 'JIG RTEN PA DANG NYAN THOS DANG, ,ZHES BYA BA LA SOGS PA LA, RJES SU 'JUG PA'I RNAM PAS JI LTAR NYAN THOS LA SOGS PA LAS KHYAD ZHUGS SHE NA, DRAN PA NYE BAR GZHAG PA BZHI LA 'JIG RTEN PA DAG KYANG BSGOMS, NYAN THOS DANG RANG SANGS RGYAS TKYANG BSGOMS @106A *, ,TE; MDO LAS, 'JIG RTEN PA DANG, NYAN THOS DANG, RANG SANGS RGYAS KYI DRAN PA NYE BAR GZHAG PA JI LTAR BSGOM PA BSTAN PA LTAR, BYANG CHUB SEMS DPAS KYANG DE LTAR BSGOMS TE, CI'I PHYIR DE DAG GI DRAN PA NYE BAR GZHAG BA BSGOM ZHE NA, 'JIG RTEN PA'I DRAN PA NYE BAR GZHAG PA'I BSGOM PA'I LUNG 'DOD PA DANG, NYAN THOS DANG, RANG SANGS RGYAS KYI DRAN PA NYE BAR GZHAG PA BSGOM PA'I LUNG 'DOD PA RNAMS LA DE DAG GI LUNG BSTAN CING SGOM PA'I PHYIR, DE DAG DRAN PA NYE BAR GZHAG PA LA SGOM PAR BYED DE, DE BAS NA RJES SU 'JUG PA'I RNAM PAS KHYAD ZHUGS SO, ,JI LTAR SHES SHE NA, LUS SGYU MA LTAR BUR SHES PAS ZHES BYA BA LA SOGS PA LA, JI LTAR SHES PA'I RNAM PAS KHYAD ZHUGS SHE NA, LUS NI SGYU MA LTA BUR SHES TE, JI LTA ZHE NA, JI LTAR SGYU MA'I RTA DANG GLANG PO'I GZUGS SU MED KYANG RTA DANG GLANG PO'I GZUGS 'DRA BA YANG DAG PA MA YIN PAR SNANG BA DE BZHIN DU GZUGS KYI PHUNG PO DE YANG JI LTAR SNANG BA DE BZHIN DU YOD PA MA YIN YANG YOD PA 'DRA BA YANG DAG PA MA YIN PAR SNANG BAS NA SGYU MA LTA BU'O, ,TSOR BA RMI LAM LTA BUR SHES PAS DE BZHIN DU LOG PAS RJES SU MYONG BA DANG ZHES BYA BA LA, TSOR BA NI RMI LAM LTA BUR SHES TE, DPER NA RMI LAM GYI DUS NA DGRA LA SOGS PA MTHONG NAS 'JIGS PA DANG SDUG BSNGAL SKYES PA DANG, MDZA' BA LA SOGS PA MTHONG NAS DGA' BA DANG BDE BA SKYES SHING MYONG BA DAG YOD PA MA YIN YANG RJES SU MYONG BA DE BZHIN DU, TSOR BA BDE BA DANG SDUG BSNGAL DANG BDE BA YANG MA YIN SDUG BSNGAL BA YANG MA YIN PA DAG ,YOD PA MA YIN YANG MYONG BAS NA RMI LAM LTA BUR SHES SO, ,SEMS KYI RANG BZHIN GSAL BAR SHES PAS NAM MKHA' BZHIN DANG ZHES BYA BA LA, SEMS KYI RANG BZHIN 'DI'I SKABS SU GZHAN DBANG GI SEMS LA MI BYA'I, SEMS KYI CHOS NYID YONGS SU GRUB PA'I MTSAN NYID LA BYA STE, DPER NA NAM MKHA' RANG BZHIN GYIS GSAL ZHING DAG PA BZHIN DU, YONGS SU GRUB PA'I MTSAN NYID KYANG RANG BZHIN GYIS 'OD GSAL ZHING DAG PAR SHES SO, ,CHOS RNAMS GLO BUR DU BYUNG BAR SHES PAS NAM MKHA' LA RDUL DANG @106B ZHES BYA BA LA SOGS PA LA, 'DOD CHAGS LA SOGS PA KUN NAS NYON MONGS PA'I CHOS DANG, DAD PA LA SOGS PA RNAM PAR BYANG BA'I CHOS RNAMS NI GLO BUR DU BYUNG BAR SHES TE, DPER NA NAM MKHA' LA SPRIN DANG DU BA DANG KHUG RNA LA SOGS PA SNANG BA NAM MKHA'I RANG BZHIN MA YIN GYI, BRNYAN MA GLO BUR DU BYUNG BA YIN PA DE BZHIN DU, SEMS LA KUN NAS NYON MONGS PA'I CHOS DANG, RNAM PAR BYANG BA'I CHOS BYUNG BA DE DAG KYANG SEMS KYI RANG BZHIN MA YIN GYI, BRNYAN MA GLO BUR DU BYUNG BA YIN PAR SHES SO, ,JI LTAR SKYE BAS SHE NA, BSAMS BZHIN DU SRID PAR SKYE BA NA ZHES BYA BA LA SOGS PA LA, JI LTAR SKYE BA'I RNAM PAS KHYAD ZHUGS SHE NA, SO SO'I SKYE BO BZHIN DU LAS DANG NYON MONGS PA'I DBANG GIS NI MI SKYE'O, ,DGOS PA'I DBANG GIS SEMS CAN GYI DON DU BSAMS BZHIN DU SRID PAR SKYE BA 'KHOR LOS SGYUR BA DANG, BRGYA BYIN DANG, TSANGS PA LA SOGS PAR SKYES PA'I LUS PHUN SUM TSOGS PA DANG, TSOR BA BDE BA MYONG BAR 'GYUR BA'I RGYU LONGS SPYOD PHUN SUM TSOGS PA DANG LDAN YANG, 'DOD CHAGS DANG ZHE SDANG LA SOGS PA'I NYON MONGS PA'I CHOS MI SKYE STE, NYON MONGS PAS MI GOS PAS NA SKYE BA'I RNAM PAS KHYAD ZHUGS SO, ,JI LTAR TSAD CE NA, RANG BZHIN GYIS DBANG PO RNO BA'I PHYIR ZHES BYA BA LA SOGS PA LA, JI LTAR TSAD KYI RNAM PAS KHYAD ZHUGS SHE NA, 'DI LTAR BYANG CHUB SEMS DPA' NI RANG BZHIN GYIS DBANG PO RNO BA YIN PAS YUN THUNG DU SGOM ZHING SO SO SKYE BO'I DUS NA BSGOMS PAS, 'PHAGS PA'I DUS NA THOB PA'I SGOM PA MA YIN PAS, SGOM PA CHUNG YANG NYAN THOS DANG RANG SANGS RGYAS KYIS DRAN PA NYE BAR GZHAG PA BSGOM PA PAS KHYAD ZHUGS PAR 'PHAGS TE, CI'I PHYIR ZHE NA, BDAG DANG GZHAN GYI DON DU BSGOM PA DANG GANG ZAG DANG CHOS LA BDAG MED PA'I RNAM PAR BSGOM PA'I PHYIR TSAD KYI RNAM PAS KHYAD ZHUGS SO, ,JI LTAR MCHOG CE NA, YONGS SU RDZOGS PA RNAMS ZHES BYA BA LA SOGS PA LA, JI LTAR MCHOG GI RNAM PAS KHYAD ZHUGS SHE NA, SA BRGYAD PA LA DRAN PA NYE BAR GZHAG PA BZHI BSGOM PA YONGS SU RDZOGS TE, BRTZAL 'BAD MED PAR @107A *, ,LHUN GYIS GRUB PAR BSGOMS PAS NA 'DRES PA DANG NYE BAR 'DRES PA'I RNAM PAS BSGOMS PAS MCHOG GI RNAM PAS KHYAD ZHUGS SO, ,DE LA SA BRGYAD PA LA ZHUGS PA'I BYANG CHUB SEMS DPA' RNAMS GCIG GI DRAN PA NYE BAR GZHAG PA BZHI BSGOMS NA GZHAN GYIS KYANG BSGOMS PA YIN LA, GZHAN GYIS BSGOMS PA YANG BDAG GIS BSGOMS PA YIN PAS, 'DRES PA DANG NYE BAR 'DRES PA ZHES BYA'O, ,YANG NA SA BDUN PA LAS DANG POR SA BRGYAD PA THOB PA'I SKAD CIG MA LA NI 'DRES PA ZHES BYA'O, ,DE NAS SA BRGYAD PA'I SKAD CIG MA GNYIS PA NAS BRTZAMS TE, SA DGU PA LA MA ZHUGS KYI BAR LA NI NYE BAR 'DRES PA ZHES BYA'O, ,JI LTAR BSGOM PA DANG SHIN TU BSGOM PA'I PHYIR ZHES BYA BA LA SOGS PA LA, JI LTAR SGOM PA'I RNAM PAS KHYAD ZHUGS SHE NA, BYANG CHUB SEMS DPA' RNAMS NI DRAN PA NYE BAR GZHAG PA BZHI SHES RAB KYI KHYAD PAR DANG SNYING RJE'I KHYAD PAR GYIS ZIN PAR BSGOMS PAS NA PHUNG PO'I LHAG MA MA LUS PA'I MYANG NGAN LAS 'DAS KYANG DRAN PA NYE BAR GZHAG PA BSGOM PA MI ZAD PAS NA SGOM PA'I RNAM PAS KHYAD ZHUGS PA'O, ,DE LA SHES RAB KYI KHYAD PAR NI GANG ZAG DANG CHOS BDAG MED PAR KHONG DU CHUD PA'I PHYIR RO, ,SNYING RJE'I KHYAD PAR NI SEMS CAN YONGS SU MI GTONG BA'I SNYING RJE DANG LDAN PA'I PHYIR RO, ,JI LTAR THOB PA ZHE NA, SA BCU DANG, SANGS RGYAS KYIS GRUB PA'I PHYIR RO ZHES BYA BA LA, NYAN THOS RNAMS KYIS DRAN PA NYE BAR GZHAG PA BZHI BSGOMS PAS NI RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA'I 'BRAS BU THOB KYI, BYANG CHUB SEMS DPA' RNAMS KYIS DRAN PA NYE BAR GZHAG PA BSGOMS PAS NI SA BCU THOB PA DANG, SANGS RGYAS KYIS THOB STE, DE BAS NA THOB PA'I RNAM PAS KHYAD ZHUGS SO, ,YANG DAG PAR SPONG BA RNAM PAR DBYE BA LA TSIGS SU BCAD PA LNGA STE ZHES BYA BA LA DRAN PA NYE BAR GZHAG PA'I SKABS BSHAD PA'I 'OG TU YANG DAG PAR SPONG BA'I SKABS BSHAD PAR 'BREL BA CI YOD CE NA, DRAN PA NYE BAR GZHAG PA'I BSGOM PA LA GNAS PA STE, DRAN PA NYE BAR GZHAG PA BSGOMS PAS THOB PAR BYA BA'I BAR DU GCOD PA'I SGRIB PA YOD PAS SGRIB PA DE BSAL BAR @107B BYA BA'I GNYEN POR YANG DAG PAR SPONG BA BSGOM STE, DE BAS NA DRAN PA NYE BAR GZHAG PA'I 'OG TU YANG DAG PAR SPONG BA'I SKABS BSHAD PAR 'BREL TO, ,BRTAN PA'I YANG DAG SPONG BA NI, ,LUS CAN KUN DANG MNYAM PA MIN, ,ZHES BYA BA LA, YANG DAG PA'I SPONG BA NI RNAM PA BZHI STE, SDIG PA MI DGE BA'I CHOS MA SKYES PA MI SKYED PA DANG, SDIG PA MI DGE BA'I CHOS SKYES PA SPANG BA DANG, DGE BA'I CHOS MA SKYES PA BSKYED PA DANG, DGE BA'I CHOS SKYES PA 'PHEL BAR BYA BA'O, ,DE LA BSTAN PA BYANG CHUB SEMS DPA' RNAMS KYIS YANG DAG PAR SPONG BA BZHI'I BSGOM PA NI BDAG DANG SEMS CAN THAMS CAD KYI DON DU BSGOMS PAS NYAN THOS DANG RANG SANGS RGYAS KYI YANG DAG PAR SPONG BA BZHI BZHI BSGOM PA LAS KYANG KHYAD ZHUGS PAS NA, LUS CAN KUN DANG MNYAM PA MA YIN PA ZHES BYA'O, ,DRAN PA NYE BAR GZHAG NYES PA'I, ,GNYEN PO SHIN DU SGOM PAR BYED, , CES BYA BA LA, BYANG CHUB SEMS DPA' RNAMS YANG DAG PA'I SPONG BA BZHI SGOM PA NI DRAN PA NYE BAR GZHAG PA BZHI BSGOM PA LA NYES PA DANG SKYON YOD PA RNAMS SPANG BAR BYA BA'I PHYIR GNYEN PO BSGOM STE, DRAN PA NYE BAR GZHAG PA'I NYES PA NI GONG DU THEG PA CHEN PO'I CHOS NYAN PA DANG SEMS PA DANG BSGOM PA'I SHES RAB RTEN DU BSHAD PA LA, THEG PA CHEN PO'I CHOS MI NYAN MI SEMS MI SGOM PA NI NYES PA'O, ,DE BZHIN DU THOB PA'I RNAM PA LAS BCU DANG SANGS RGYAS KYI SA MA THOB NA SGRIB PA'O ZHES BYA BAR SBYAR TE, TSIGS BCAD 'DIS NI YANG DAG PAR SPONG BA'I DON GYI PHYIR BSHAD PA'AM, MDOR BSDUS TE BSHAD PA'O, ,DRAN PA NYE BAR GZHAG PA JI SNYED DU BSHAD PA DE DAG GI ZHES BYA BA LA SOGS PA LA, DRAN PA NYE BAR GZHAG PA LA BRTEN PA LA SOGS PA RNAM PA BCU BZHIR BSHAD PA DE DAG GI MI MTHUN PA'I PHYOGS JI SNYED PA YOD PA DE DAG SPANG BA'I PHYIR DE'I GNYEN POR YANG DAG PAR SPONG BA BSGOM MO, ,RAB TU DBYE BA NI ZHES BYA BA LA, YANG DAG PAR SPONG BA BZHI MDOR BSTAN NAS DE YANG DAG PA'I SPONG BA PHYE STE BSTAN NA ZHES BYA BA'I DON TO, ,'KHOR BA LA NI LONGS SPYOD DANG, ,ZHES BYA BA LA, BYANG CHUB SEMS DPA' @108A *, ,SEMS CAN GYI DON DU 'KHOR BA NA BRGYA BYIN DANG TSANGS PA LA SOGS PA'I LUS BLANGS NAS LONGS SPYOD PHUN SUM TSOGS PA MYONG BA'I DUS NA 'DOD CHAGS LA SOGS PA'I NYON MONGS PAS MI GOS SHING NYON MONGS PA'I DBANG DU MI 'GYUR BAR BYA BA'I PHYIR YANG DAG PAR SPONG BA BZHI BSGOM MO ZHES BYA BA'I DON TO, ,SGRIB PA DAG NI GTONG BA DANG, ,ZHES BYA BA LA, GTONG BA NI SPONG BA LA BYA STE, SGRIB PA LNGA SPANG BAR BYA BA'I PHYIR YANG DAG PAR SPONG BA BZHI BSGOM MO ZHES BYA BA'I DON TO, ,SGRIB PA LNGA NI 'DOD PA'I 'DOD CHAGS DANG, GNOD SEMS DANG, GNYID DANG RMUGS PA DANG, RGOD PA DANG, 'GYOD PA DANG, THE TSOM MO, ,YID LA BYED PA GTONG BA DANG, ,ZHES BYA BA LA, 'DIR YANG GTONG BA'I SGRAS SPONG BA LA BYA STE, THEG PA CHEN PO'I DON YID LA MI BYED KYI, NYAN THOS DANG RANG SANGS RGYAS KYI YID LA BYED PA SPANG BA'I PHYIR, YANG DAG PAR SPONG BA BZHI BSGOM MO ZHES BYA BA'I DON TO, ,SA NYID LA NI 'JUG PA DANG, ,ZHES BYA BA LA, MOS PAS SBYONG BA'I SA NAS SA DANG PO LA 'JUG PAR BYA BA LA SGRIB PAR 'GYUR BA'I CHOS SPONG BAR BYA BA'I PHYIR, YANG DAG PAR SPONG BA BZHI BSGOM MO ZHES BYA BA'I DON TO, ,MTSAN MA MED PAR GNAS PA DANG, ,ZHES BYA BA LA, MTSAN MA MED PA NI SA BDUN PA STE, SA GNYIS PA NAS SA DRUG PA MAN CHAD LA GNAS TE, SA BDUN PA THOB PAR BYA ZHING SA BDUN PA LA GNAS PAR BYA BA LA BAR DU GCOD PA'I NYES PA SPONG BAR BYA BA'I PHYIR YANG DAG PAR SPONG BA BSGOM MO ZHES BYA BA'I DON TO, , LUNG BSTAN PA YANG THOB PA DANG, ,ZHES BYA BA LA, LUNG BSTAN PA NI SA BRGYAD PA STE, SA BRGYAD PA THOB PAR BYA BA'I PHYIR, SA BRGYAD PA THOB PAR BYA BA LA BAR DU GCOD PA'I NYES PA SPANG BAR BYA BA'I PHYIR YANG DAG PA'I SPONG BA BSGOM MO ZHES BYA BA'I DON TO, ,SEMS CAN YONGS SU SMIN BYED DANG, ,ZHES BYA BA LA, SEMS CAN YONGS SU SMIN BYED PA NI SA DGU PA STE, SA DGU PA'I TSE SO SO YANG DAG PAR RIG PA BZHI THOB PAS SEMS CAN LA CHOS BSTAN PA'I SGO NAS SEMS CAN YONGS SU SMIN PAR BYED PA'I PHYIR, SA DGU PA THOB PAR BYA BA LA BAR DU GCOD @108B PA'I SGRIB PA SPANG BAR BYA BA'I PHYIR YANG DAG PA'I SPONG BA BZHI BSGOM MO, ,BLO LDAN RNAMS KYI DBANG BSKUR DANG, ,ZHES BYA BA LA, BYANG CHUB SEMS DPA' RNAMS RGYAL TSAB TU DBANG BSKUR BA THOB PA LA NI SA BCU PA RNAMS TE, SA BCU THOB PAR BYA BA LA SGRIB PA SPANG BAR BYA BA'I PHYIR YANG DAG PAR SPONG BA BZHI BSGOM MO ZHES BYA BA'I DON TO, ,ZHING RNAMS RNAM PAR SBYONG BA'I PHYIR, ,ZHES BYA BA LA, SA BRGYAD PA DANG DGU PA DANG BCU PA NYID LA SANGS RGYAS KYI ZHING SA GZHI SHEL LA SOGS PA'I KHA DOG LTA BUR YONGS SU SBYONG BAR BYED DE, SA GSUM LA SANGS RGYAS KYI ZHING YONGS SU SBYONG BAR BYA BA LA BAR DU GCOD PA'I SGRIB PA SPANG BAR BYA BA'I PHYIR YANG DAG PA'I SPONG BA BZHI BSGOM MO ZHES BYA BA'I DON TO, ,MTHAR NI THUG PAR 'GRO BA DANG, ,ZHES BYA BA LA, MTHAR THUG PAR 'GRO BA'I SA NI SA BCU GCIG PA SANGS RGYAS KYI SA STE, SANGS RGYAS KYI SA THOB PAR BYA BA LA BAR DU GCOD PA'I SGRIB PA SPANG BAR BYA BA'I PHYIR YANG DAG PA'I SPONG BA BZHI BSGOM MO ZHES BYA BA'I DON TO, ,BYANG CHUB SEMS DPA' BSGOM PA NI, ,MI MTHUN PHYOGS KYI GNYEN PO'O, ,ZHES BYA BA LA, BYANG CHUB SEMS DPA' RNAMS YANG DAG PA'I SPONG BA BZHI BSGOM PA NI 'KHOR BA NA LONGS SPYOD PA NAS BRTZAMS TE, MTHAR THUG PA'I 'GRO BA DAG LA SGRIB PA MI MTHUN PA'I PHYOGS SPONG BA'I PHYIR BSGOM MO ZHES BYA BA'I DON TO, ,'DI DAG NI YANG DAG PA'I SPONG BA BZHI BSGOM PA'I RAB TU DBYE BA'O, ,DAD LA BRTEN NAS RNAL 'BYOR BSGOM, ,MTSAN MA DANG NI BCAS PA'O, ,YANG DAG SPONG BA THAMS CAD LA, ,GNYEN PO GANG DU BSHAD PA YIN, ,ZHES BYA BA'I TSIGS SU BCAD PA 'DIS YANG DAG PA'I SPONG BA BZHI BSGOM PA BSTAN TE, DE LA DAD PA LA BRTEN CING GNAS NAS ZHI GNAS DANG LHAG MTHONG BSGOM PA NI RNAL 'BYOR BSGOM PA ZHES BYA'O, ,ZHI GNAS DANG LHAG MTHONG BSGOM PA YANG ZHI GNAS KYI MTSAN MA DANG, GZENGS BSTOD PA'I MTSAN MA DANG, BTANG SNYOMS KYI MTSAN MA DANG BCAS PAR BSGOMS TE, DE LTAR BSGOM PA NI GONG DU YANG DAG PA'I SPONG BA RAB TU DBYE BA LA BAR DU GCOD PA THAMS @109A *, ,CAD KYI GNYEN PO YIN PAR BSHAD DO, ,'DIS NI DAD PA BSKYED PA DANG, ,RTZOL BA DANG ZHES BYA BA LA SOGS PA LA, DAD LA BRTEN NAS RNAL 'BYOR BSGOM, ,ZHES BYA BA LA SOGS TSIGS SU BCAD PA GCIG GIS MDO SDE LAS DAD PA BSKYED PA DANG, RTZOL BA DANG BRTZON 'GRUS RTZOM PA DANG, SEMS RAB TU 'DZIN CING, YANG DAG PAR 'JOG CES BYA BA'I TSIG LNGA'I DON 'CHAD DE DE LA DAD PA BSKYED PA NI BRTZON 'GRUS KYI GZHI'O, ,RTZOL BA DANG BRTZON 'GRUS RTZOM PA DANG, RAB TU 'DZIN PA DANG, YANG DAG PAR 'JOG PA BZHI NI BRTZON 'GRUS KYI RANG BZHIN NO, ,DAD PA LA BRTEN NAS ZHI GNAS DANG LHAG MTHONG ZHES BYA BA LA SOGS PA LA, 'DI LTAR SDIG PA MI DGE BA'I CHOS MA SKYES PA MI BSKYED PA DANG, SKYES PA SPANG BA DANG, DGE BA MA SKYES PA BSKYED PA DANG, SKYES PA SPANG BA DANG, DGE BA MA SKYES PA BSKYED PA DANG, SKYES PA SPEL BAR 'DOD PA'I MOS PA LA BRTEN NAS, RNAL 'BYOR PAS NYON MONGS PA SPANG BAR BYA BA'I PHYIR, DANG POR ZHI GNAS DANG LHAG MTHONG ZHES BYA BA'I RNAL 'BYOR BSGOM PA NI RTZOL BA ZHES BYA BA'O, ,BSGOM PA DE DANG ZHI GNAS DANG GZENGS BSTOD PA DANG ZHES BYA BA LA SOGS PA LA, ZHI GNAS DANG LHAG MTHONG BSGOM PA LA YANG ZHI GNAS DANG LHAG MTHONG BSGOM PA 'BA' ZHIG BSGOM PAR MA ZAD KYI, ZHI GNAS DANG LHAG MTHONG GI RGYU ZHI GNAS KYI MTSAN MA DANG, GZENGS BSTOD PA'I MTSAN MA DANG, GTANG SNYOMS KYI MTSAN MA DANG BCAS PAR BSGOMS TE, DE LTAR BSGOM PA NI MTSAN MA DANG BCAS PA ZHES BYA BA'O, ,JI LTAR BSGOM PAR BYA ZHE NA, GANG NYE BA'I NYON MONGS PA ZHUM PA DANG RGOD PA'I GNYEN POR ZHES BYA BA LA SOGS PA LA, JI LTAR NA ZHI GNAS DANG, GZENGS BSTOD PA DANG, BTANG SNYOMS KYI MTSAN MA DANG BCAS PAR BSGOM PA NI NYE BA'I NYON MONGS PA ZHUM PA DANG RGOD PA DAG 'BYUNG ZHING BAR DU GCOD DE, ,NAM GNYID DU RMUGS PA LA SOGS PAS SEMS NON NA ZHUM PAR 'GYUR BA DE NA DE BZHIN GSHEGS PA'I YON TAN NAM, BSAM GTAN GYI 'BRAS BU DAG YID LA BYED PA'I GZENGS BSTOD PA'I MTSAN MA YID LA BYAS NAS SEMS SPRO BA BSKYED PAR BYA'O, ,NAM 'DOD @109B PA'I YON TAN DAG LA SEMS 'PHROS NAS G-YENG BAR 'GYUR NA, 'KHOR BA'I SKYON SKYE RGA NA 'CHI BA LA SOGS PA YID LA BYED PA ZHI GNAS KYI MTSAN MA YID LA BYAS NAS, SEMS GZHIL BAR BYA STE, DE LTAR BYED PA NI BRTZON 'GRUS RTZOM ZHES BYA'O, ,JI LTAR TZOM ZHE NA, SEMS RAB TU 'DZIN PA DANG, YANG DAG PAR 'JOG PA STE ZHES BYA BA LA ZHUM PA DANG RGOD PA'I GNYEN PO ZHI GNAS KYI MTSAN MA DANG LHAG MTHONG GI MTSAN MA LA BRTZON 'GRUS RTZOM PA YANG JI LTAR BRTZON ZHE NA, ,SEMS RAB TU 'DZIN PA DAG, YANG DAG PAR 'JOG PA'I TSUL DU BRTZON 'GRUS RTZOM STE; ,DE LA ZHUM PA DANG RGOD PA GNYIS SPANGS NAS, SEMS MNYAM PA NYID THOB PAS NI SEMS RAB TU 'DZIN PA ZHES BYA'O, ,DE'I 'OG TU SEMS MI BSKYOD PA BTANG SNYOMS NYID DU 'JOG PA NI YANG DAG PAR 'JOG PA ZHES BYA'O, ,JI SKAD DU BSHAD PA'I RNAL 'BYOR DU BSGOM PA 'DI DAG NI ZHES BYA BA LA, DAD PA BSKYED PA DANG, RTZOL BA LA SOGS PA RNAM PA LNGA'I TSUL DU BSGOM PA DE DAG NI GONG DU YANG DAG PA'I SPONG BA RAB TU DBYE BA BSHAD PA LA, BAR DU GCOD PA'I GNYEN PO YIN PAR BSHAD DO, ,RDZU 'PHRUL GYI RKANG PA RNAM PAR DBYE BA LA TSIGS SU BCAD PA LNGA STE ZHES BYA BA LA, YANG DAG PA'I SPONG BA'I SKABS KYI RJES LA RDZU 'PHRUL GYI RKANG PA'I SKABS BSHAD PA 'BREL BA CI YOD CE NA, DE LTAR SDIG PA MI DGE BA'I CHOS MA SKYES PA MI BSKYED PA DANG, SKYES PA SPANG BA DANG, DGE BA'I CHOS MA SKYES PA BSKYED PA DANG, SKYES PA 'PHEL BAR BYA BA'I PHYIR, BRTZON 'GRUS BRTZAMS PA'I SDIG PA'I CHOS LA SEMS MI 'JUG PA'I TING NGE 'DZIN THOB STE, DE BAS NA YANG DAG PA'I SPONG BA'I 'OG TU RDZU 'PHRUL GYI RKANG PA SKABS BSHAD PAR 'BREL TO, ,DE LA RDZU 'PHRUL NI NAM MKHA' LA 'PHUR BA LA SOGS PA STE, DE THOB PAR BYED PA'I RGYU MOS PA LA SOGS PA BZHI PA RDZU 'PHRUL GYI RKANG PA BZHES BYA STE, RKANG PA NI RGYU LA BYA'O, ,YANG NA GANG ZAG GANG LA RKANG PA YOD PA DES GANG DU BGROD DU BYA BA'I GNAS SU PHYIN PAR BYED PA DE BZHIN DU GANG LA MOS PA LA SOGS PA'I CHOS BZHI YOD PA DE 'JIG RTEN LAS @110A *, ,'DAS PA'I CHOS THOB PAR 'GYUR BAS NA RDZU 'PHRUL GYI RKANG PA ZHES BYA'O, ,RDZU 'PHRUL GYI RKANG PA RNAM PAR DBYE BA YANG TSIGS SU BCAD PA LNGAS STON TO, ,RDZU 'PHRUL GYI RKANG PA BZHI RNAMS NI, ,BRTAN PA RNAMS KYI MTSAN NYID MCHOG ,CES BYA BA LA, NYAN THOS DANG RANG SANGS RGYAS LA SOGS PA'I RDZU 'PHRUL GYI RKANG PA BZHI PAS BRTEN PA BYANG CHUB SEMS DPA' RNAMS KYI MOS PA DANG, BRTZON 'GRUS DANG, SEMS PA DANG, SPYOD PA'I RDZU 'PHRUL GYI RKANG PA'I MTSAN NYID MCHOG YIN TE, ,DE DAG PAS KHYAD ZHUGS SO ZHES BYA BA'I DON TO, ,JI LTAR MCHOG YIN ZHE NA, ,DE'I PHYIR, BDAG DANG GZHAN DAG RNAMS KYI YANG, ,DON RNAMS THAMS CAD 'GRUB 'GYUR BA, ,ZHES BYA BA SMOS TE, NYAN THOS DANG RANG SANGS RGYAS KYI SA RNAMS KYIS RDZU 'PHRUL GYI RKANG PA BSGOM PA NI BDAG GI DON BSGRUB PAR BYA BA'I PHYIR BSGOM GYI, ,BYANG CHUB SEMS DPA' RNAMS KYIS RDZU 'PHRUL GYI RKANG PA BSGOM PA NI BDAG DANG GZHAN GNYI GA'I DON THAMS CAD 'GRUB PAR BYA B'I PHYIR BSGOM STE, DE BAS NA NYAN THOS LA SOGS PA LAS 'PHAGS SO, ,DON THAMS CAD NI 'JIG RTEN GYI DON DANG, 'JIG RTEN LAS 'DAS PA'I DON TE, ,'JIG RTEN GYI DON NI BRGYA BYIN DANG TSANGS PA LA SOGS PA'I 'BYOR BA 'THOB PA'O, ,'JIG RTEN LAS 'DAS PA'I DON NI BYANG CHUB RNAM PA GSUM 'THOB PA'O, ,RTEN DANG RAB TU DBYE BA DANG, ,THABS DANG MNGON PAR BSGRUB PA YIS, ,BLO LDAN RDZU 'PHRUL RKANG PA RNAMS, ,THAMS CAD RNAM PAR GZHAG PAR 'DOD, ,CES BYA BA LA, BLO LDAN BYANG CHUB SEMS DPA' RNAMS KYI MOS PA DANG, BRTZON 'GRUS DANG, SEMS PA DANG, DPYOD PA'I RDZU 'PHRUL GYI RKANG PA THAMS CAD NI RNAM PA BZHI LTAR RNAM PAR GZHAG CING, RNAM PA BZHI LTA BUR 'DOD DE, RNAM PA BZHI NI RTEN DANG, RAB TU DBYE BA DANG, THABS DANG, MNGON PAR BSGRUB PA'O, ,TSIGS SU CAD PA'I 'DIS NI RDZU 'PHRUL GYI RKANG PA RNAM PAR GZHAG PA'I DON MDOR BSTAN TE, TSIGS SU BAD PA LHAG MA RNAMS KYIS NI DE'I DON ZHIB TU BSHAD DO, ,BSAM GTAN PHA ROL PHYIN PA LA GNAS, ,ZHES BYA BA LA, @110B 'DIS NI RTEN BSTAN TE, RDZU 'PHRUL GYI RKANG PA BZHI'I GNAS DANG, RTEN NI GZUGS KYI KHAMS KYI BSAM GTAN DANG PO DANG, GNYIS PA DANG, GSUM PA DANG, BZHI PA YIN TE, DE BAS NA, BSAM GTAN PHA ROL PHYIN LA GNAS, ,ZHES BYA'O, ,DE'I PHYIR 'PHAGS PA BLO GROS MI ZAD PA'I MDO LAS KYANG, GZHAN YANG BTZUN PA SHA RA DVA TI'I BU, ,BYANG CHUB SEMS PA'I RDZU 'PHRUL GYI RKANG PA BZHI MI ZAD PA STE, BZHI GANG ZHE NA, 'DI LTA STE, MOS PA DANG, BRTZON 'GRUS DANG, SEMS PA DANG, DPYOD PA DANG, ,DE DAG GI RTZA BA'I RTEN DANG GNAS NI BYAMS PA DANG, SNYING RJE DANG DGA' BA DANG BTANG SNYOMS DANG TSAD MED PA BZHI RNAMS TE, DE TSAD MED PA BZHI PO DE DAG LA BSNYEN CING BSGOMS TE MANG DU BYAS PAS SEMS LAS SU RUNG BA THOB PAR 'GYUR RO, ,DE SEMS LAS SU RUNG BA THOB PAS BSAM GTAN DANG PO LA SEMS MNYAM PAR GZHAG GO, ,DE BZHIN DU GNYIS PA DANG, GSUM PA DANG, DE BZHIN BZHI PA LA SOGS PA LA YANG MNYAM PAR GZHAG STE, DE BSAM GTAN THOB PAS LUS DANG SEMS YANG 'THOB PAR 'GYUR, ,DE LUS DANG SEMS YANG BA LDAN PAS MNGON PAR SHES PA LA 'JUG PA LA RAB TU BSGRUB PO ZHES BYA BA BYA LA SOGS PA GSUNGS SO, ,RAB TU DBYE BA RNAM PA BZHI ZHES BYA BA LA, RDZU 'PHRUL GYI RKANG PA PHYE NA RNAM PA BZHI STE, MOS PA'I TING NGE 'DZIN DANG, BRTZON 'GRUS KYI TING NGE 'DZIN DANG, SEMS KYI TING NGE 'DZIN DANG, DPYOD PA'I TING NGE 'DZIN TO, ,DE LA CHOS THAMS CAD STONG PA NYID DANG, BDAG MED PAR MOS SHING YID CHES PA LA BRTEN NAS SPRO ZHING GUS PA BSKYED DE, BRTZON 'GRUS BRTZAMS PA LAS SEMS RTZE GCIG TU GYUR PA NI MOS PA'I TING NGE 'DZIN CES BYA'O, ,YANG NA SDIG PA MI DGE BA'I CHOS MA SKYES PA MI BSKYED PA DANG, SKYES PA SPANG BA DANG, DGE BA'I CHOS MA SKYES PA SKYED PA DANG, SKYES PA SPEL BAR BYA BAR 'DOD PA DANG MOS PA BSKYED NAS, GUS PAR BRTZON 'GRUS BRTZAMS PA LAS, SEMS RTZE GCIG PAR GYUR BA NI MOS PA'I TING NGE 'DZIN CES BYA'O, ,YANG NA SDIG PA MI DGE BA'I CHOS MA @111A *, ,SKYES PA MI BSKYED PA DANG, SKYES PA SPANG BA DANG, DGE BA'I CHOS MA SKYES PA BSKYED PA DANG, SKYES PA SPEL BAR BYA BA'I PHYIR, BRTZON 'GRUS SU RGYUN MI 'CHAD PA DANG, RTAG TU BRTZAMS PA LAS SEMS RTZE GCIG TU GYUR PA NI BRTZON 'GRUS KYI TING NGE 'DZIN ZHES BYA'O, ,SEMS NI ZHI GNAS LA BYA STE, TSE SNGA MA LA ZHI GNAS BSGOMS PA'I BAG CHAGS SEMS LA BRLAN PA LAS BAG CHAGS DE LA BRTEN NAS, TSE 'DIR 'BAD PA CHEN PO MED PAR SEMS RTZE GCIG TU GYUR PA NI SEMS KYI TING NGE 'DZIN ZHES BYA'O, ,DPYOD PA NI LHAG MTHONG LA BYA STE, GANG GZHAN DAG GIS CHOS BSTAN PA RNAMS LA SHES RAB KYI MTSAN NYID RNAM PAR DBYE BA LAS, THE TSOM DANG BRAL NAS SEMS RTZE GCIG TU GYUR PA NI DPYOD PA'I TING NGE 'DZIN ZHES BYA'O, ,THABS DANG MNGON PAR BSGRUB PA LA RNAM PA YANG NI DRUG CES BYA'O ZHES BYA BA LA RDZU 'PHRUL GYI RKANG PA BZHI BSGRUB PA'I THABS NI RNAM PA BZHI'O, ,MNGON PAR BSGRUB PA STE 'BRAS BU NI RNAM PA DRUG GO, ,DANG PO SPRO BA BYED PA STE, ZHES BYA BA LA, THABS DANG PO NI SPRO BA BYED PA'I THABS TE SPRO BA BYED PA'I THABS NI BRTZON 'GRUS LA BYA'O, ,GNYIS PA PHAN 'DOGS BDAG NYID DO, ,ZHES BYA BA LA, ,THABS GNYIS PA NI PHAN 'DOGS PAR BYED PA'I BDAG NYID DE, ,LUS DANG SEMS PA DAG PAR BYED PA'O, ,GSUM PA 'JOG PAR BYED PA STE, ZHES BYA BA LA, THABS GSUM PA NI 'JOG PAR BYED PA STE, TING NGE 'DZIN LA RTZE GCIG TU GNAS PA'O, ,BZHI PA NYID NI GNYEN PO'O,, ZHES BYA BA LA, THABS BZHI PA NI GNYEN PO'I MTSAN NYID DE, NYON MONGS PA DANG NYE BA'I NYON MONGS PA SPONG BAR BYED PA'O, ,SPONG BA'I 'DU BYED RNAM PA BRGYAD LA ZHES BYA BA LA SOGS PA LA, RDZU 'PHRUL GYI RKANG PA RNAMS KYI BAR DU GCOD PA'I MI MTHUN PA'I PHYOGS SPONG BAR BYED PA'I GNYEN POR 'GYUR BA SPONG BA'I 'DU BYED RNAM PA BRGYAD YOD DO, ,MOS PA DANG, DAD PA DANG, RTZOL BA DANG, SHIN TU SPYANGS PA DANG, DRAN PA DANG, SHES BZHIN DANG, SEMS PA DANG, SEMS PA DANG, BTANG SNYOMS SO, ,DE LA MOS PA DANG, RTZOL BA DANG DAD PA GSUM LA NI SPRO BA'I THABS ZHES @111B BYA'O, ,DE CI'I PHYIR DE GSUM LA SPRO BA'I THABS ZHES BYA BA ZHE NA, DE'I PHYIR DAD PAR GYUR NA MOS DANG RTZOL BA'I PHYIR RO, ,ZHES SMOS TE, DE LA MYA NGAN LAS 'DAS PA NI THOB PAR BYAR RUNG BAR YID CHES, ,'PHAGS PA'I LAM NI BSGRUB PAR BYAR RUNG BAR YID CHES PA NI DAD PA'I, ,DE LTAR YID CHES PA'I DAD PA YOD NA, MYA NGAN LAS 'DAS PA THOB PAR BYA BA DANG, LAM BSGRUB PAR BYA BA LA 'DOD PA SKYE STE, DE BAS NA MOS PA'I RGYU NI DAD PA YIN NO, ,DE'I PHYIR GTZUG LAG GZHAN DAG LAS KYANG, DAD PA NI MOS PA'I RTEN SBYIN PA'I LAS CAN NO ZHES BSHAD DO, ,DE LTAR SMOS PA NI 'GYUR NA MYA NGAN LAS 'DAS PA THOB PAR BYA BA DANG, LAM BSGOM PAR BYA BA'I PHYIR BRTZON 'GRUS RTZOM STE, DE LTAR BRTZON 'GRUS KYI RGYUN NI MOS PA'O, ,DE'I PHYIR GTZUG LAG GZHAN DAG LAS KYANG, MOS PA NI BRTZON 'GRUS KYI GNAS SBYIN PA'I LAS CAN NO ZHES BSHAD DO, ,DE BAS NA DE GSUM NI SPRO BA'I THABS SU GZHAG GO, ,SHIN TU SBYANGS PA NI PHAN 'DOGS PA'O ZHES BYA BA LA, SHIN TU SBYANGS PA ZHES BYA BA NI LUS DANG SEMS LAS SU RUNG BA LA BYA STE, DE NI PHAN 'DOGS PA'I THABS SO, ,CI'I PHYIR ZHE NA, LUS LAS SU RUNG BAS NI LUS LA PHAN 'DOGS TE, LUS ZO MDOG BDE BA DANG, YANG NA SKYED PAR BYED PA'I PHYIR RO, ,SEMS LAS SU RUNG BA NI SEMS LA PHAN 'DOGS TE, SEMS TING NGE 'DZIN GYI YUL LA MYUR DU 'JUG PA DANG, GNYID DANG RMUGS PA LA SOGS PAS MI NON PAR BYED PA'I PHYIR RO, ,DRAN PA DANG SHES PA BZHIN NI 'JOG PAR BYED PA STE ZHES BYA BA LA, DRAN PA NI TING NGE 'DZIN LA BYA, ,SHES BZHIN NI SHES RAB LA BYA STE, DE GNYIS NI 'JOG PAR BYED PA'I THABS ZHES BYA'O, ,CI'I PHYIR DE GNYIS LA 'JOG PAR BYED PA'I THABS ZHES BYA ZHE NA, ,DE'I PHYIR, ,DANG POS NI SEMS DMIGS PA LA MI G-YENG BA DANG, GNYIS PA NI G-YENG BA RAB TU SHES PA'I PHYIR RO ZHES SMOS TE, DANG PO NI ZHI GNAS KYI RANG BZHIN DRAN PA LA BYA STE, DES NI SEMS TING NGE 'DZIN GYI YUL LAS SEMS GZUGS LA SOGS PA'I YUL LA 'PHROS SHING G-YENG BA LAS SLAR BSDUS NAS RTZE GCIG TU 'JOG PAS NA 'JOG PA'I THABS @112A *, ,ZHES BYA'O, ,GNYIS PA NI SHES BZHIN SHES RAB KYI RANG BZHIN TE, DES SEMS YUL LA G-YENG BAR GYUR NA G-YENG BAR SHES NAS MYUR BA MYUR BAR LDON PAR BYED PAS NA 'JOG PAR BYED PA'I THABS SO, ,SEMS PA DANG BTANG SNYOMS NI GNYEN PO'I THABS STE ZHES BYA BA LA, ,SEMS PA DANG BTANG SNYOMS GNYIS LA NI GNYEN PO'I THABS ZHES BYA BA STE, CI'I PHYIR ZHE NA, SEMS PAS NI ZHUM PA DANG RGOD PA'I NYE BA'I NYON MONGS PA GNYIS KYI GNYEN PO BYED, BTANG SNYOMS KYIS NI 'DOD CHAGS DANG ZHE SDANG LA SOGS PA NYON MONGS PA'I GNYEN PO BYED DO, ,SEMS ZHUM PAR GYUR BA'I DUS NA NI SEMS PAS DE BZHIN GSHEGS PA'I YON TAN LA SOGS PA YID LA BYAS NAS SEMS GZENGS BSTOD DE, ZHUM PA SEL BAR BYED DO, ,NAM SEMS RGOD PAR GYUR BA NA 'KHOR BA'I SKYON LA SOGS PA YID LA BYAS NAS SEMS ZHI BAR BYA STE, DGE BA'I PHYOGS LA 'JUG PAR BYED PAS NA, SEMS PA NI NYE BA'I NYON MONGS PA GNYIS KYI GNYEN PO'O, ,BTANG SNYOMS KYANG 'DOD CHAGS LA SOGS PA NYON MONGS PA'I GNYEN PO STE JI LTA ZHE NA, BTANG SNYOMS NI NYON MONGS PA'I CHOS SKYE BA DANG MI MTHUN PA YIN PAS, JI SRID DU BTANG SNYOMS SU GNAS PA DE SRID DU NYON MONGS PA RNAMS SEMS LA CUNG ZAD KYANG MI 'BYUNG BA'I PHYIR RO, , LTA BA DANG NI LUNG NOD 'DOD DANG ZHES BYA BA LA SOGS PA RDZU 'PHRUL GYI RKANG PA BZHI 'BRAS BU DRUG MNGON PAR SGRUB PAR DRUG GANG YIN PA STE TON, MNGON PAR SGRUB PA DRUG GI LTA BA MNGON PAR SGRUB PA DANG, LUNG NOD PA MNGON PAR SGRUB PA DAG, GNAS PAS RNAM PAR RTZOM PA MNGON PAR SGRUB PA DAN, SMON PA MNGON PAR SGRUB PA DANG, DBANG BYED PA MNGON PAR SGRUB PA DANG, CHOS THOB PA MNGON PAR SGRUB PA'O, ,DE LA BLTA BA NI SPYAN RNAM PA LNGA STE ZHES BYA BA LA, SPYAN LNGA BA LTA BA ZHES BYA STE, SPYAN LNGA NI SHA'I SKYON LA SOGS PA'O, ,DE LA SHA'I SPYAN NI BYANG CHUB SEMS DPA' RNAMS RDZU 'PHRUL GYI RKANG PA BSGOMS PA'I MTHUS MIG 'DI LTA BU RNAM PAR SMIN PAR 'GYUR TE, GANG GIS STONG GSUM GYI STONG CHEN PO'I 'JIG RTEN GYI KHAMS NA YOD PA'I GZUGS CHE PHRA CI YOD THAMS CAD MTHONG BA'O, ,RDZU 'PHRUL GYI SPYAN NI BSAM GTAN DANG PO GNYIS PA LA SOGS PA BSGOMS PA LAS GRUB PA STE, SHA'I SPYAN BAS KHYAD ZHUGS @112B PAR GYUR BAS NA GANG GI PHYOGS BCU DUS GSUM GYI GZUGS CHE PHRA THAMS CAD MTHONG BA'O, ,'PHAGS PA'I SHES RAB KYI SPYAN NI RNAM PAR MI RTOG PA'I YE SHES SO, ,CHOS KYI SPYAN NI MDO'I SDE DANG, LUNG DU BSTAN PA'I SDE LA SOGS PA GSUNG RAB YAN LAG BCU GNYIS KYI CHOS THAMS CAD LA THOGS PA MED PAR SHES PA'O, ,SANGS RGYAS KYI SPYAN NI ZAG PA DANG BCAS PA DANG, ZAG PA MED PA DANG, 'DUS BYAS DANG, 'DUS MA BYAS LA SOGS PA'I CHOS THAMS CAD MTHUGS SU CHUD PA'O, ,YANG NA SHA'I SPYAN NI PHYOGS BCU'I 'JIG RTEN MTHAR THUG PA MED PA NA DA LTAR GYI DUS KYI SEMS CAN GYI GZUGS CHE PHRA CI YOD PA THAMS CAD LA THOGS PA MED PAR GZIGS TE, DE'I PHYIR MDO LAS KYANG, DE'I SHA'I MIG GIS DPAG TSAD GCIG TU MTHONG, ,DPAG TSAD BRGYA TSUN CHAD DU MTHONG, ,'DZAM BU'I GLING THAMS CAD DU MTHONG, ,SHIN TU STONG GSUM GYI STONG CHEN PO'I 'JIG RTEN GYI KHAMS THAMS CAD DU MTHONG NGO ZHES GSUNGS PA'O, ,DE LA RDZU 'PHRUL GYI SPYAN LA YANG RNAM PA GNYIS TE, LAS LAS SKYES PA'I MIG DANG BSGOMS PA'I 'BRAS BU DANG GNYIS SO, ,DE LA LAS LAS SKYES PA NI LHA RNAMS KYI MIG STE, RANG GI LAS KYI SHIN TU DBANG PO DANG MI'I MIG THOB NA, GZUGS DANG LA THOGS PA MED PAR MNGON PA'O, ,BSGOMS PA'I 'BRAS BU NI RNAL 'BYOR BYED PAS TING NGE 'DZIN BSGOMS PA'I 'BRAS BU DANG GNYIS SO, ,DE LA LAS LAS SKYES PA NI LHA RNAMS KYI MIG STE, RANG GI LAS KYI SHIN TU DBANG PO DANG MI'I 'PHOS NAS 'DIR SKYES SO, ,DE NAS KYANG SHI 'PHOS NAS 'DIR SKYES SO, ,ZHES BYA BA'I TSUL DU DA LTAR GYI DUS LA THUG GI BAR DU GZIGS PA DANG, RDZU 'PHRUL GYI SPYAN GYIS NI 'DAS PA DANG, MA 'ONGS PA'I GZUGS GZIGS SO, ,DE LA 'PHAGS PA'I SHES RAB KYI SPYAN GYIS NI CHOS RNAMS KYI RANG DANG SPYI'I MTSAN NYID RNAMS PHYIN CI MA LOG PAR THUGS SU CHUD DO, ,DE LA CHOS KYI SPYAN ZHES BYA BA LA CHOS KYI SGRAS NI GANG ZAG LA BYA STE, SO SO'I SKYE BO'I GANG ZAG DANG, RGYUN DU ZHUGS PA LA SOGS PA'I GANG ZAG BRGYAD DANG, SA DANG PO NAS SA BCU MAN CHAD KYI BYANG CHUB @113A *, ,SEMS DPA'I GANG ZAG RNAMS KYI SEMS RGYUD CI 'DRA BA DANG, GANG ZAG LA PHYE NA RNAM PA DU YOD PA MKHYEN PA NI CHOS KYI SPYAN ZHES BYA'O, ,SHES PAR BYA BA'I YUL SHES PA'I DKYIL 'KHOR THAMS CAD MNGON SUM DU MTHONG BA NI SANGS RGYAS KYI SPYAN YIN NO, ,YANG NA SPYAN RNAM PA LNGA RNAM PA BZHIR GZHAG STE, GZUGS MTHONG BA DANG, DON DAM PA'I CHOS MTHONG BA DANG, KUN RDZOB KYI CHOS MTHONG BA DANG, SHES BYA THAMS CAD KHONG DU CHUD PA'O, ,DE LA GZUGS MTHONG BA RNAM PA GNYIS TE, LAS KYI RNAM PAR SMIN PA LAS BYUNG BA DANG, BSAM GTAN GYI 'BRAS BU'O, ,LAS KYI RNAM PAR SMIN PA LAS GRUB PA'I MIG LA NI RDZU 'PHRUL GYI SPYAN ZHES BYA STE, GANG STONG GSUM GYI STONG 'JIG RTEN GYI KHAMS GCIG GI NANG NA YOD PA'I GZUGS KUN MTHONG NGO, ,BSAM GTAN GYI 'BRAS BU NI GZUGS KYI KHAMS KYI BSAM GTAN BZHI BSGRUB PA LAS THOB PA STE, GANG GI PHYOGS BCU'I 'JIG RTEN GYI KHAMS THAMS CAD NA YOD PA'I GZUGS KUN MTHONG BA STE, DE LA NI RDZU 'PHRUL GYI SPYAN ZHES BYA'O, ,GANG GIS DON DAM PA GANG 'GAG PA MED PA'I CHOS MTHONG BA LA NI SHES RAB KYI SPYAN ZHES BYA'O, ,GANG GIS KUN RDZOB KYI CHOS MTHONG BA LA NI CHOS KYI SPYAN ZHES BYA'O, ,GANG GIS 'DUS BYAS DANG 'DUS MA BYAS LA SOGS PA'I CHOS THAMS CAD GZIGS PA LA NI SANGS RGYAS KYI SPYAN ZHES BYA'O, ,YANG NA SHA'I SPYAN DANG RDZU 'PHRUL LA MNGA' STE, SHA'I SPYAN GYIS NI DA LTAR GYI GZUGS THAMS CAD MTHONG NGO, ,RDZU 'PHRUL GYI SPYAN GYIS NI 'DAS PA DANG, MA 'ONGS PA'I GZUGS THAMS CAD MTHONG NGO, ,BSAM GTAN BZHI DANG, SNYOM PAR 'JUG PA BZHI DANG, TING NGE 'DZIN RNAMS THUGS SU CHUD PA NI CHOS KYI SPYAN NO, ,KUN TU 'GRO BA'I LAM DANG, LAS BDAG GI DANG, MOS PA SNA TSOGS DANG, KHAMS SNA TSOGS MKHYEN PA NI SHES RAB KYI SPYAN NO, ,RDO RJE LTA BU'I TING NGE 'DZIN GYI 'OG TU 'PHAGS PA DGRA BCOM PA DANG DE BZHIN GSHEGS PA RNAMS ZAG PA ZAD PAR BYA BA MKHYEN PA NI SANGS RGYAS KYI SPYAN NO, ,LUNG NOD PA NI MNGON PAR @113B SHES PA STE, RIM BZHIN DU DE DAG KYANG SKAD DANG ZHES BYA BA LA SOGS PA LA, BDAG NYID DE BZHIN GSHEGS PA LAS LUNG NOD PA DANG, BDAG GIS MNOS PA'I LUNG SEMS CAN LA BSTAN PA YANG, RDZU 'PHRUL GYI MNGON PAR SHES PA DANG, RDZU 'PHRUL GYI MIG DANG, RDZU 'PHRUL GYI RNA BA DANG, GZHAN GYI SEMS SHES PA DANG, SNGON GYI GNAS RJES SU DRAN PA SHES PA DANG, 'CHI 'PHO SHES PA DANG, ZAG PA ZAD PA SHES PA RNAMS KYIS LUNG MNOD CING GZHAN LA STON PAR BYED PA'O, ,DE YANG RIM BZHIN DU RDZU 'PHRUL GYI MNGON PAR SHES PAS NI SANGS RGYAS KYI ZHING SEMS CAN GYI GNAS DE DANG DE DAG TU 'GRO BAR BYED PA'O, ,RDZU 'PHRUL GYI MIG GIS NI DE BZHIN GSHEGS PA'I SKU DANG SEMS CAN GYI LUS NGAG MTHONG NGO, ,RDZU 'PHRUL GYI RNA BAS NI DE BZHIN GSHEGS PA'I GSUNGS DANG, SEMS CAN GYI SKAD SNA TSOGS THOS SO, ,GZHAN GYI SEMS SHES PA NI SEMS CAN CI DANG CI SEMS PA RNAMS KHONG DU CHUD DO, ,SNGON GYI GNAS RJES SU DRAN PAS NI SEMS CAN DAG 'DAS PA'I DUS NAS GANG NAS 'PHOS TE GANG NAS GANG DU SHI 'PHROS TE GANG DU SKYES PA MTHONG NGO, ,'CHI 'PHO SHES PAS NI SEMS CAN DAG 'DI NAS SHI 'PHOS NAS TSE RABS PHYI MAR GANG NAS GANG DU SKYES PA MTHONG BA'O, ,ZAG PA ZAD PA'I MNGON PAR SHES PAS NI BDAG DANG GZHAN GYI SEMS KYI RGYUD LA NYON MONGS PA YOD PA ZAD PAR BYA BA'I PHYIR DE BZHIN GSHEGS PA LAS KYANG LUNG NOD CING SEMS CAN LA YANG LUNG STON PAR BYED DO, ,GNAS PAS RNAM PAR RTZEN PA NI, ,ZHES BYA BA LA SOGS PA LA, GNAS PAS RNAM PAR RTZEN PA MNGON PAR BSGRUB PA NI 'DI LTAR BYANG CHUB SEMS DPA' RNAMS RDZU 'PHRUL DANG SPRUL PA RNAM PA SNA TSOGS KYI MTHUS DE BZHIN GSHEGS PA'I 'KHOR GYI DKYIL 'KHOR DU TING NGE 'DZIN RNAM PA DU MA LA 'JUG PA DANG LDAN PAS ROL PAR BYED PA'O, , SMON PA NI GANG, ,SMON PAS SHES PA'I SMON PA'I MTHUS, ,ZHES BYA BA LA SOGS PA LA, SMON PA MNGON PAR SGRUB PA NI GANG SMON LAM GYI MTHU LAS SKYES PA'I YE SHES TE, SMON LAM GYI MTHU LAS SKYES PA'I YE SHES DE'I DBANG GIS SMON LAM JI LTAR BTAB PA BZHIN DU, ,LHA @114A *, ,DANG MI LA SOGS PA'I SKYES GNAS DE DANG DE DAG TU CI DGAR 'BYUNG ZHING SEMS CAN GYI DON SNA TSOGS MDZAD PAS ROL PA'O, ,DE DAG GI LUS DANG MTHU DANG SGRA RNAMS ZHES BYA BA LA SOGS PA LA, SMON LAM GYI SKYEN GNAS DE DANG DE DAG TU SKYES NAS SEMS CAN GYI DON MDZAD PAS RNAM PAR ROL PA NI SA BCU PA'I MDO LAS KYANG, DE DAG GI LUS DANG MTHU DANG SGRA RNAMS BGRANG BAR SLA BA MA YIN NO ZHES BYA BA RGYA CHER GSUNGS TE, DE DAG GI ZHES BYA BA LA SMON LAM GYI DBANG GIS SKYE GNAS DE DANG DE DAG TU SKYES PA'I BYANG CHUB PA'I SEMS DPA' DE DANG DE DAG GIS ZHES BYA BA'I DON TE, ,DE DAG GI LUS KYI YON TAN DANG, SEMS KYI MTHU'I YON TAN DANG, SGRA DBYANGS KYI YON TAN LA SOGS PA'I BDE BAR BRJOD DU SLA BA MA YIN NO ZHES BYA BA'I DON TO, ,DBANG BYED PA NI DE NYID JI LTAR DBANG BCU BSTAN PA NYID DO ZHES BYA BA LA DBANG MNGON PAR SGRUB PA NI SA BCU PA'I MDO NYID LAS JI LTAR DBANG BCUR BSHAD PA RNAMS BSGRUBS TE, TSE LA DBANG BA DANG, SEMS LA DBANG BA DANG, YO BYAD LA DBANG BA DANG, LAS LA DBANG BA DANG, SKYE BA LA DBANG BA DANG, MOS PA LA DBANG BA DANG, SMON LAM LA DBANG BA DANG, RDZU 'PHRUL LA DBANG BA DANG, YE SHES LA DBANG BA DANG, CHOS LA DBANG BA'O, ,DE LA TSE LA DBANG BA NI BYANG CHUB SEMS DPA' RDZU 'PHRUL GYI RKANG PA BZHI BSGOMS PA'I MTHUS TSE'I 'DU BYED BYIN GYI RLABS JI SRID 'DOD PA DE SRID DU GNAS PA'O, ,SEMS LA DBANG BA NI JI SRID 'DOD PA BZHIN DU THEG PA CHEN PO'I TING NGE 'DZIN DPAG TU MED PA LA SNYOMS PAR 'JUG PA'O, ,YO BYAD LA DBANG BA NI BYIN GYIS BRLABS NAS NAM MKHA' LA YO BYAD SNA TSOGS KYI CHAR PHAB STE, SEMS CAN RNAMS LA PHAN 'DOGS PA'O, ,LAS DBANG BA NI LUS DANG NGAG GI LAS KYIS SPRUL PA SNA TSOGS BYED PA'AM, KHAMS DANG, 'GRO BA DANG, SKYE GNAS GZHAN DU SKYES PA'I LAS DAG BYIN GYIS BRLABS NAS KHAMS DANG 'GRO BA GZHAN DU SKYE BAR BYED PA'O, ,SKYE BA LA DBANG BA NI GZUGS KYI KHAMS KYI BSAM GTAN LA GNAS SHING DE YANG YONGS SU MNYAM PAR SEMS CAN GYI DON DU @114B 'DOD PA'I KHAMS SU SKYE BA'O, ,MOS PA LA DBANG BA NI SA LA SOGS PA CHU LA SOGS PAR MOS PAS NI 'GYUR RO, ,SMON LAM LA DBANG BA NI JI LTAR 'DOD PA BZHIN DU BDAG DANG GZHAN GYI DON PHUN SUM TSOGS PAR BYED PA'I SMON LAM CHEN PO GRANGS MED PA MNGON PAR BSGRUB PA STE, DE YANG JI LTAR SA BCU'I MDO LAS, SA DANG PO LA SMON LAM CHEN PO BCU GSUNGS PA LA SOGS PA'O, ,RDZU 'PHRUL LA DBANG BA NI SEMS CAN RNAMS DAD PA BSKYED PA'I PHYIR, ,'BAR BA DANG 'PHUL BA LA SOGS PA'I RDZU 'PHRUL DANG CHO 'PHRUL DPAG TU MED PA BSTON PA'O, ,YE SHES LA DBANG BA'I CHOS DANG, DON DANG, NGES PA'I TSIG DANG, SPOBS PA RNAMS RAB KYI MTHAR PHYIN PA RNAMS THOB PA'O, ,CHOS LA DBANG BA NI MDO SDE LA SOGS PA'I CHOS RNAMS SEMS CAN THAMS CAD LA MING DANG TSIG DANG YI GE'I TSOGS SNA TSOGS KYIS BSHAD NAS SEMS TSIM PAR BYED PA'O, ,DE LA TSE LA DBANG BA DANG, SEMS LA DBANG BA DANG, YO BYAD LA DBANG BA DANG GSUM NI SBYIN PA'I PHA ROL TU PHYIN PA YONGS SU RDZOGS PA LAS THOB STE, MI 'JIGS PA'I SBYIN PAS TSE LA DBANG BA THOB PA'O, ,CHOS KYI SBYIN PA NI SEMS LA DBANG BA THOB PA'O, ,ZANG ZING GI SBYIN PAS NI YO BYAD LA DBANG BA THOB PA'O, ,LAS LA DBANG BA DANG, SKYE BA LA DBANG BA GNYIS NI TSUL KHRIMS KYI PHA RO TU PHYIN PA YONGS SU RDZOGS PA'I MTHU LAS 'THOB STE, LUS KYI LAS YONGS SU DAG PAS NI LUS KYI SPRUL PA SNA TSOGS BYED DO, ,NGAG GI LAS YONGS SU DAG PAS NI DAG GI SPRUL PA RNAM PA SNA TSOGS BYED DO, ,TSUL KHRIMS YONGS SU DAG PAS NI GANG DU SKYE BAR 'DOD PA DER SKYE BA'I PHYIR RO,, MOS PA LA DBANG BA NI BZOD PA'I PHA ROL TU PHYIN PA YONGS SU RDZOGS PA'I MTHU LAS 'THOB STE, BZOD PAS SEMS CAN GZHAN GYI SEMS MA DKRUGS SHING YID DANG MTHUN PAR BYAS PAS GANG DANG GANG JI LTAR MOS PA BRGYAD PA DE BZHIN DU, DE DANG DE DAG DE BZHIN DU 'GRUB PAR 'GYUR BA'I PHYIR RO, ,SMON LAM LA DBANG BA NI BRTZON 'GRUS KYI PHA ROL TU PHYIN PA YONGS SU RDZOGS PA'I MTHU LAS 'GRUB STE, ,BRTZON 'GRUS KYIS SNGON BDAG DANG GZHAN @115A *, ,GYI DON 'GRUB PAS PHYIS BDAG DANG GZHAN GYI DON 'GRUB PAR 'GYUR BAR JI LTAR SMON LAM BTAB PA DE BZHIN DU 'GRUB PA'I PHYIR RO, ,RDZU 'PHRUL LA DBANG BA NI BSAM GTAN GYI PHA ROL TU PHYIN PA YONGS SU RDZOGS PA'I MTHU LAS 'GRUB PO, ,YE SHES LA DBANG BA DANG, CHOS LA DBANG BA NI SHES RAB KYI PHA ROL TU PHYIN PA YONGS SU RDZOGS PA'I MTHU LAS 'GRUB BO, ,CHOS THOB PA NI ZHES BYA BA LA SOGS PA LA STOBS BCU DANG MI 'JIGS PA BZHI DANG 'DRES PA BCO BRGYAD KYI CHOS SGRUB PA NI CHOS THOB PA MNGON PAR GRUB PA ZHES BYA'O, ,DBANG PO RNAM PAR DBYE BA LA TSIGS SU BCAD PA ZHES BYA BA LA, RDZU 'PHRUL GYI RKANG PA'I SKABS BSHAD PA'I 'OG TU DBANG PO'I SKABS BSHAD PAR 'BREL BA CI YOD CE NA DE LTAR RDZU 'PHRUL GYI RKANG PA BSGOMS PAS SEMS RTZE GCIG TU GYUR PA DE DE'I 'OG TU 'JIG RTEN LAS 'DAS PA'I CHOS RTOGS PAR 'GYUR BA'I DBANG PO LNGA SKYE BAR 'GYUR TE, DE BAS NA RDZU 'PHRUL GYI RKANG PA'I 'OG TU DBANG PO'I SKABS BSHAD PAR 'BREL TO, ,DE LA DBANG PO NI LNGA STE, DAD PA'I DBANG PO DANG, BRTZON 'GRUS KYI DBANG PO DANG, DRAN PA'I DBANG PO DANG, TING NGE 'DZIN GYI DBANG PO DANG, SHES RAB KYI DBANG PO'O, ,DE LA YOD PA DANG, DE LA YOD PA DANG, YON TAN CAN DANG, NUS PA'I DNGOS PO LA RIM BZHIN DU YID CHES PA DANG, SEMS DAD PA DANG, MNGON PAR 'DOD PA NI DAD PA'I DBANG PO ZHES BYA'O, ,LAS DANG 'BRAS BU LA SOGS PA YOD PA LA NI YID CHES PA'O, ,DKON MCHOG GSUM DU LA SOGS PA YON TAN CAN LA NI SEMS DANG NGO, ,MYA NGAN LAS 'DAS PA NI BSGRUB PAR NUS, , 'PHAGS PA'I LAM NI BSGRUB PAR NUS PA LA, BSGRUB PA DANG BSGOM PA LA 'DOD PA SKYE'O, ,YANG NA CHOS BZHI LA DAD PA NI DAD PA'I DBANG PO ZHES BYA STE, CHOS BZHI NI DGE BA DANG, MI DGE BA DANG, DE'I 'BRAS BU DANG, BYANG CHUB SEMS DPA'I SPYOD PA DANG, GANG ZAG DANG CHOS LA BDAG MED PA'I CHOS ZAB MO DANG, STOBS DANG MI 'JIGS PA LA SOGS PA RGYA CHE BA'I CHOS SO, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA DAD PA'I DBANG PO GANG ZHE NA, ,DAD PA GANG GIS CHOS BZHI PA DAD PA STE, BZHI GANG ZHE NA 'DI LTA STE, 'KHOR BA LA SPYOD PA 'JIG RTEN @115B PA'I YANG DAG PA'I LTA BA LA DAD DE, DE LAS KYI RNAM PAR SMIN PA'I PHYIR 'BRANG BA YIN PAS DGE BA'AM SDIG PA'AM L;AS GANG BYAS PA DE DANG DE'I RNAM PAR SMIN PA MYONG BAR 'GYUR RO SNYAM STE, SROG GI PHYIR YANG SDIG PA'I LAS MI BYED PA DANG, BYANG CHUB SEMS DPA'I SPYOD PA LA DAD PA LA STE, SPYOD PA DE LA ZHUGS NAS KYANG THEG PA GZHAN LA 'DOD PA SKYED PA DANG, CHOS THAMS CAD LA DON DAM PAR NGES PA'I DON ZAB MO RTEN CING 'BREL BA STE, 'BYUNG BA BDAG MED PAS SEMS CAN MED PA, SROG MED PA, GSO BA MED PA, GANG ZAG MED PA, ,RNAM PAR SPYOD CING STONG PA NYID DANG, MTSAN MA MED PA DANG, SMON PA MED PA'I MTSAN NYID DU DAD PA STE, LTA BAR 'GYUR BA THAMS CAD BAG LA NYAL BAR MI BYED PA DANG, STOBS DANG MI 'JIGS PA LA SOGS PA SANGS RGYAS KYI CHOS THAMS CAD LA DAD PA STE, DAD PA'I PHYIR THE TSOM DANG BRAL, ,NEM NUR DANG BRAL BAS SANGS RGYAS KYI CHOS DE DAG YANG DAG PAR BSGRUB PA STE, 'DI NI DAD PA'I DBANG PO ZHES BYA'O ZHES GSUNGS SO, ,YANG DAG PAR SPONG BA BZHI LA GNAS PA NI BRTZON 'GRUS KYI DBANG PO ZHES BYA'O, ,YANG NA DAD PA'I DBANG POS YID CHES PAR BYA BA'I CHOS DE LA BRTZON 'GRUS KYI DBANG POS SGRUB PAR BYED DE, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA BRTZON 'GRUS KYI DBANG PO GANG ZHE NA, ,CHOS GANG LA DAD PA'I DBANG POS DAD PAR GYUR PA'I CHO DE DAG BRTZON 'GRUS KYI DBANG POS YANG DAG PAR BSGRUBS TE, 'DI NI BTZON 'GRUS KYI DBANG PO ZHES GSUNGS SO, ,DRAN PA NYE BAR GZHAG PA BZHI THOB PA NI DRAN PA'I DBANG PO ZHES BYA'O, ,YANG NA BRTZON 'GRUS KYI DBANG POS BSGRUBS PA'I CHOS LA DRAN PA'I DBANG POS MI BRJED PAR BYED PA NI DRAN PA'I DBANG PO ZHES BYA'O, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA DRAN PA'I DBANG PO GANG ZHE NA, CHOS GANG BRTZON 'GRUS KYI DBANG POS YANG DAG PAR BSGRUB PA'I CHOS DE DAG GI DRAN PA'I DBANG POS CHUD MI GSON TE, 'DI NI DRAN PA'I DBANG PO ZHES BYA'O, ,GZUGS KYI KHAMS KYI BSAM GTAN BZHI DANG, GZUGS MED PA'I SNYOMS PAR 'JUG PA BZHI THOB PA NI TING NGE 'DZIN GYI DBANG PO ZHES @116A *, ,BYA'O, ,YANG NA TING NGE 'DZIN GYI DBANG PO NI DRAN PA'I DBANG POS MA BRJED PAR BYAS PA'I CHOS LA RGYUN DU RTZE GCIG TU 'JOG PA STE, DE BAS NA 'PHAGS PA BLO GROS MI ZAD PA'I MDO LAS KYANG, DE LA TING NGE 'DZIN GYI DBANG PO GANG ZHE NA, DRAN PA'I DBANG POS CHUD MI GSON PA'I CHOS DE DAG TING NGE 'DZIN GYI DBANG POS SEMS RTZE GCIG TU BYED DE, 'DI NI TING NGE 'DZIN GYI DBANG PO ZHES BYA'O, ,'PHAGS PA'I BDEN PA BZHI SHES PA NI SHES RAB KYI DBANG PO ZHES BYA'O, ,YANG NA TING NGE 'DZIN GYI DBANG POS RTZE GCIG TU GZHAG PA'I CHOS KYI RANG DANG SPYI'I MTSAN NYID SHES PA NI SHES RAB KYI DBANG PO'O, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA SHES RAB KYI DBANG PO GANG ZHE NA, CHOS GANG TING NGE 'DZIN GYI DBANG POS RTZE GCIG TU BYAS PA'I CHOS DE DAG SHES RAB KYI DBANG POS RAB TU RTOGS SHING ZHIB TU RTOGS PAR BYED DE, GANG CHOS DE DANG DE DAG LA GZHAN GYI DRING LA MI 'JOG PAR SHES SHING SO SO RANG GIS SHES PA 'DI NI SHES RAB KYI DBANG PO ZHES GSUNGS SO, ,BYANG CHUB SPYOD DANG THOS PA MCHOG ,ZHI GNAS DANG NI LHAG MTHONG NGO, ,DAD PA RNAMS LA SOGS PA'I GNAS, ,ZHES BYA BA LA, GNAS ZHES BYA BA NI DMIGS PAR BYA BA'I YUL LA BYA STE, DAD PA'I DBANG PO'I DMIGS PAR BYA BA'I YUL NI BYANG CHUB STE, BYANG CHUB KYI SGRAS NI SA DANG PO'I GNYIS SU MED PA'I YE SHES SAM, ZAD LA MI SKYE BA'I YE SHES LA BYA STE, DAD PAS NI DE JI LTAR THOB PAR BYA ZHES DMIGS SO, ,BRTZON 'GRUS KYI DBANG PO'I DMIGS PAR BYA BA'I YUL NI SA DANG PHA ROL TU PHYIN PA'I MTSAN NYID LHAG PA'I TSUL KHRIMS DANG, LHAG PA'I SHES RAB KYIS BSDUS PA'I BYANG CHUB SEMS DPA'I SPYOD PA LA DMIGS TE, BRTZON 'GRUS KYIS SPYOD PA DE DAG SGRUB PA'I PHYIR RO, ,DRAN PA'I DBANG PO'I DMIGS PAR BYA BA'I YUL NI JI LTAR THOS PA DANG, JI LTAR BZUNG BA DANG, JI LTAR TSIG GIS RGYAS PAR BYAS PA'I CHOS RNAMS TE, DRAN PAS JI LTAR THOS PA'I CHOS MI BRJED PAR BYED PA'I PHYIR RO, ,TING NGE 'DZIN GYI DMIGS PAR BYA BA'I YUL NI ZHI GNAS TE, MOS PAS SPYOD PA'I TING NGE 'DZIN GYI DBANG POS NI SA DANG PO'I ZHI BA NAS KHYAD PAR CAN DE JI LTAR THOB PAR BYA ZHES DMIGS PA'I PHYIR RO, ,SHES RAB KYI DBANG PO'I @116B DMIGS PAR BYA BA'I YUL NI LHAG MTHONG STE, SHES RAB KYIS NI SA DANG POR RTOGS PA'I RNAM PAR MI RTOG PA'I YE SHES JI LTAR THOB PAR BYA ZHES DMIGS PAR BYED PA'I PHYIR, CI'I PHYIR DE DAG LA DBANG PO ZHES BYA ZHE NA, DE'I PHYIR, DON GRUB PHYIR NI SHES PAR BYA, ,ZHES BYA BA SMOS TE, GANG GI PHYIR DAD PA'I DBANG POS NI BYANG CHUB LA DBANG STE, BRTZON 'GRUS KYI DBANG POS NI SPYOD PA LA DBANG STE, DRAN PA'I DBANG POS NI MI BRJED PA LA DBANG STE, TING NGE 'DZIN GYI DBANG POS NI ZHI GNAS LA DBANG STE, SHES RAB KYI DBANG POS NI SHES RAB KYI DBANG PO LA DBANG BYED CING BDAG DANG GZHAN GYI DON SGRUB PAR BYED PAS NA DBANG PO ZHES BYA'O, ,STOBS RNAM PAR DBYE BA LA TSIGS SU BCAD PA ZHES BYA BA LA, DBANG PO LNGA'I 'OG TU STOBS LNGA BSHAD PA LA 'BREL BA CI YOD CE NA, JI SRID DU MA DAD PA DANG, LE LO LA SOGS PA DBANG PO LNGA'I MI MTHUN PA'I PHYOGS KYIS SKABS SKABS SU BAR CHAD BYED PA DE SRID DU NI DBANG PO ZHES BYA'O, ,DE NAS DBANG PO LNGA NYID LA YUL YUN RING DU BSGROMS PAS MA DAD PA LA SOGS PAS BAR CHAD BYED MI NUS PAR GYUR PA DE LA DBANG PO LNGA NYID LA STOBS LNGA ZHES BYA BAS DBANG PO'I 'OG TU STOBS BSHAD PAR 'BREL TO, ,SAR 'JUG NYON MONGS MED PAR 'DOD, ,CES BYA BA LA, JI LTAR SA DANG PO THOB PAR BYA ZHING SA DANG POR 'JUG PAR BYA BA LA MA DAD PA DANG, LE LO DANG DRAN PA NYAMS PA DANG, SEMS NYAMS PA DANG, 'CHAL BA'I SHES RAB LA SOGS PA'I NYON MONGS PA RNAMS KYIS MI GOS SHING NYON MONGS PAS ZIL GYIS MI NON PAR 'GYUR BA NA STOBS ZHES BYA BAR 'DOD DO, ,DE NYID KYI DON BSTAN PA'I PHYIR, DAD PA RNAMS LA SOGS PA YANG, KUN NAS NYON MONGS CAN DU 'DOD, ,MI MTHUN PHYOGS NI NYAM CHUNG BAS, ,DE NYID STOBS SU SHES PAR BYA, ,ZHES BYA BA SMOS TE, DAD PA'I MI MTHUN PA'I PHYOGS NI MA DAD PA STE, NAM MA DAD PA MTHU CHUNG BAR GYUR PAS DAD PA LA ZIL GYIS MI NON CING 'JIG RTEN 'DIR LHA'AM BDUD DAM TSANGS PA'AM, GNAS KYANG 'JIG RTEN NA CHOS MTHUN PAR GYUR PA YANG NYON MONGS PA'I KUN NAS DKRIS PA RNAMS KYIS BZLOG PAR MI NUS PAS NA DAD PA'I STOBS ZHES BYA STE, DE BAS NA 'PHAGS PA BLO GROS MI ZAD PA'I MDO LAS KYANG, DE LA DAD PA'I STOBS GANG ZHE NA, 'DI MOS PA DANG DAD PA MI BRDZI BA STE, GAL TE BDUD SDIG CAN SANGS RGYAS KYI GZUGS SU BSGYUR @117A *, ,TE; ,BDAG GI DRUNG DU 'ONGS TE, CHOS LA RTOG PA'I MOS PA GANG YANG RUNG BA LAS 'BRAL BAR BYED CING MOS PA ZLOG PAR BYED NA YANG DAD PA'I STOBS LA MOS PA'I BYANG CHUB SEMS DPA' NI STOBS LAS BSKYED PA'AM, BSGUL BA'AM BSLANG BAR MI NUS TE, 'DI NI DAD PA'I STOBS ZHES GSUNGS SO,, DE LA BRTZON 'GRUS KYI MI MTHUN PA'I PHYOGS NI LE LO STE, NAM LE LO'I DBANG DU MI 'GYUR ZHING, DGE BA'I PHYOGS LA RGYUN MI GCOD PAR SGOM PA NI BRTZON 'GRUS KYI STOBS ZHES BYA'O, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA BRTZON 'GRUS KYI STOBS GANG ZHE NA, BYANG CHUB SEMS DPA' BRTZON 'GRUS RTZOM PA LA GANG DANG GANG LA RTZOM PA DANG, DGE BA'I CHOS GANG DANG GANG LA SBYOR BA DE DANG DE LA STOBS SKYES PAR GYUR TE, STOBS SKYES PA DE DANG LDAN PA'I BYANG CHUB SEMS DPA' DE GNAS DE LAS MA RGAL GYI BAR DU YI DAM DE LTAR BCAS PA LA 'JIG RTEN GYIS KYANG BSKYOD PA'AM, BSGUL BA'AM, BSLANG BAR MI NUS PA 'DI NI BRTZON 'GRUS KYI STOBS ZHES BYA'O ZHES GSUNGS SO, ,DRAN PA'I STOBS KYI MI MTHUN PA'I PHYOGS NI DRAN PA NYAMS PA STE, MI MTHUN PA'I PHYOGS MTHU CHUNG BAS NYON MONGS PA GANG GIS KYANG BYANG CHUB SEMS DPA'I DRAN PA NYAMS PAR BYED MI NUS SHING MNYAN CING BSAMS PA'I CHOS RNAMS NAM DU MI BRJED PA NI DRAN PA'I STOBS SO, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA DRAN PA'I STOBS GANG ZHE NA, DE CHOS DRAN PA'I GNAS GANG DANG GANG LA SEMS 'JOG PA DE LAS NYON MONGS PA GZHAN GANG YANG RUNG BAS GTONG BAR MI NUS TE, DE'I DRAN PA'I STOBS SKYES PA DES NYON MONGS PA THAMS CAD 'JOMS SHING BYANG CHUB SEMS DPA'I DRAN PA DE NI NYON MONGS PA THAMS CAD KYIS MI BRDZI BA YIN TE, 'DI NI DRAN PA'I STOBS ZHES BYA'O ZHES GSUNGS SO, ,DE LA TING NGE 'DZIN GYI MI MTHUN PA'I PHYOGS NI YUL SEMS G-YENGS PA STE, MI MTHUN PA'I PHYOGS MTHU CHUNG BAS YUL GANG GIS KYANG SEMS G-YENGS BAR BYED MI NUS SHING ZHUM PA DANG RGOD PA'I DBANG DU MI 'GYUR BA NI TING NGE 'DZIN GYI STOBS ZHES BYA'O, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA TING NGE 'DZIN GYI STOBS GANG ZHE NA, GANG 'DU 'DZI THAMS CAD LAS DBEN PAR GNAS @117B SHING SPYOD PA STE, DE SGRA DANG TSIG GI LAM THAMS CAD KYIS SHIN DU STON KYANG, DE BSAM GTAN DANG PO LA SGRIB PAR MI BYED DO ZHES BYA BA LA SOGS PA GSUNGS SO, ,SHES RAB KYI MI MTHUN PA'I PHYOGS NI 'CHAL PA'I SHES RAB STE, MI MTHUN PA'I PHYOGS NYAM CHUNG BAS GANG LA YANG THE TSOM MED PAR GYUR CING 'JIG RTEN LAS 'DAS PA'I CHOS THAMS CAD SHES PA NI SHES RAB KYI STOBS ZHES BYA'O, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA SHES RAB KYI STOBS GANG ZHE NA, GANG 'JIG RTEN LAS 'DAS PA'I CHOS LA MI THUL BAR SHES PA STE, SKYES SHING BYUNG NA YANG SLOB DPON MED PAR BZO'I GNAS DANG RIG PA DANG SNGAGS DANG STOBS KYIS BSAM GTAN MNGON SUM DU 'GYUR RO ZHES GSUNGS SO, ,BYANG CHUB KYI YAN LAG RNAM PAR DBYE BA'I TSIGS SU BCAD PA BDUN TE ZHES BYA BA LA, STOBS LNGA'I 'OG TU BYANG CHUB KYI YAN LAG GI SKABS BSHAD PAR 'BREL PA CI YOD CE NA, DE LTAR STOBS KYI SKABS SU MA DAD PA DANG, LE LO DANG, DRAN PA NYAMS PA DANG, G-YENGS PA DANG, 'CHAL BA'I SHES RAB RNAMS KYIS BAR DU GCOD PAR BYA BAR MI NUS PAR 'GYUR NA, DE MA THAG TU SA DANG PO THOB NAS BYANG CHUB KYI YAN LAG BDUN BSGOM PAR 'GYUR BAS NA, STOBS KYI 'OG TU BYANG CHUB KYI YAN LAG BDUN GYI SKABS BSHAD PAR 'BREL TE, BYANG CHUB KYI YAN LAG BDUN YANG TSIGS SU BCAD PA BDUN GYIS BSTAN TO, ,BYANG CHUB KYI YAN LAG BDUN NI DRAN PA BYANG CHUB KYI YAN LAG DANG, CHOS RNAM PAR 'BYED PA BYANG CHUB KYI YAN LAG DANG, BRTZON 'GRUS BYANG CHUB KYI YAN LAG DANG, DGA' BA BYANG CHUB KYI YAN LAG DANG, SHIN DU SBYANGS PA BYANG CHUB KYI YAN LAG DANG, TING NGE 'DZIN BYANG CHUB KYI YAN LAG DANG, BTANG SNYOMS BYANG CHUB KYI YAN LAG GO, ,DE LA DRAN PA NI ZHI GNAS KYI PHYOGS YIN PAS BYANG CHUB KYI PHYOGS SUM CU RTZA BDUN BSGOMS SHING MNGON SUM DU BYAS PA RNAMS SEMS LA GSAL BAR YOD CING MA BRJED PA NI DRAN PA BYANG CHUB KYI YAN LAG CES BYA'O, ,DE BAS NA 'PHAGS PA BLO GROS MI ZAD MDO LAS KYANG, DE LA DRAN PA YANG DAG BYANG CHUB KYI YAN LAG GANG ZHE NA, DRAN PA GANG GIS CHOS RTOGS PAR 'GYUR BA DANG, CHOS RNAMS LA SO SOR RTOGS PAR 'GYUR RO ZHES BYA BA LA @118A *, ,SOGS PA GSUNGS TE, RTOGS PAR 'GYUR BA LA SOGS PA'I DON KYANG MA BRJED PA NYID LA BYA'O, ,CHOS RNAM PAR 'BYED PA NI LHAG MTHONG GI PHYOGS YIN TE, MTHONG BA'I LAM GYI DUS NA SPANG BAR BYA BA'I CHOS KUN NAS NYON MONGS PA'I PHYOGS DANG, BLANG BAR BYA BA'I CHOS RNAM PAR BYANG BA'I PHYOGS RNAMS KYI MTSAN NYID MA 'DRES PAR SHES PA NI CHOS RAB TU 'BYED PA BYANG CHUB KYI YAN LAG CES BYA'O, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA CHOS RNAM PAR 'BYED PA BYANG CHUB KYI YAN LAG GANG ZHE NA, GANG CHOS KYI PHUNG PO STONG PHRAG BRGYAD CU RTZA BZHI RNAM PAR 'BYED PAR SHES PA STE, CHOS GANG DANG GANG JI LTA BUR RNAM PAR 'BYED PA NGES PA'I DON YANG NGES PA'I DON DRANG BA'I DON YANG DRANG BA'I DON DU, KUN RDZOB KYI DON YANG KUN RDZOB KYI DON DU, DON DAM PA'I DON YANG DON PAR BRDA'ANG BRDAR, GDON MI ZA BA YANG GDON MI ZA BAR CHOS DE DANG DE DAG DE LTA BUR RNAM PAR 'BYED PA 'DI NI CHOS RNAM PAR 'BYED PA YANG DAG BYANG CHUB KYI YAN LAG CES BYA'O ZHES GSUNGS SO, ,DE LA YON TAN GONG MA KHYAD PAR CAN RNAMS LEN PAR BYED CING YON TAN DE THOB PAR BYA BA LA BAR DU GCOD PA'I NYES PA RNAMS SPONG BAR BYED PA NI BRTZON 'GRUS YANG DAG BYANG CHUB KYI YAN LAG CES BYA'O, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA BRTZON 'GRUS YANG DAG BYANG CHUB KYI YAN LAG GANG ZHE NA, GANG DRAN PA 'DI DANG, CHOS RNAM PAR 'BYED PA DANG ZHES BYA BA NAS, LAM MNGON PAR RTOGS PAR BYA BA'I PHYIR, BRTZON 'GRUS YANG DAG BYANG CHUB KYI YAN LAG CES BYA'O ZHES GSUNGS SO, ,SA DANG POS GANG ZAG DANG CHOS LA BDAG MED PAR KHONG DU CHUNG NAS CHOS KYI DBYINGS THAMS CAD DU 'GRO BA'I MTSAN NYID RTOGS TE, MTHONG BAS SPANG BAR BYA BA'I SGRIB PA DANG BRAL NAS LUS DANG SEMS LA DGA' BA'I MCHOG SKYES PA NI DGA' PA YANG DAG BYANG CHUB KYI YAN LAG CES BYA'O, ,DE BAS NA SA DANG PO LA YANG SA RAB TU DGA' BA ZHES BTAGS SO, ,DE'I PHYIR 'PHAGS PA BLO GROS MI ZAD PA'I MDO LAS KYANG, DE LA DGA' BA YANG DAG BYANG CHUB KYI YAN LAG GANG ZHE NA, CHOS LA DGA' BA DANG, CHOS LA MOS PA DANG ZHES BYA @118B BA LA SOGS PA GSUNGS SO, ,LUS LAS SU RUNG SEMS LAS SU RUNG BAR GYUR NA LUS DANG SEMS LAS SU MI RUNG BA'I GNAS NGAN LEN DANG BRAL TE, LUS LAS SU RUNG BAR BYAS PA LA ZO MDOG BDE BA DANG, SEMS LAS SU RUNG BAS DMIGS PA'I YUL LA THOGS PA MED PAR 'JUG PA NI SHIN TU SBYANGS PA YANG DAG BYANG CHUB KYI YAN LAG CES BYA'O, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA SHIN TU SBYANGS PA BYANG CHUB KYI YAN LAG GANG ZHE NA, GANG LUS SHIN TU BYANG BAR GYUR PA DANG, SEMS SHIN TU BYANG BAR GYUR PAS NYON MONGS PA BSAL BA ZHES BYA BA LA SOGS PA GSUNGS SO, ,DE BZHIN NYID CHOS KYI DBYINGS LA DMIGS PA'I SEMS RTZE GCIG PA NI TING NGE 'DZIN YANG DAG BYANG CHUB KYI YAN LAG CES BYA'O, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA TING NGE 'DZIN YANG DAG BYANG CHUB KYI YAN LAG GANG ZHE NA, GANG SEMS MNYAM PAR BZHAG PAS CHOS KYI YE SHES MNGON PAR 'TSANG RGYA'I SEMS MNYAM PAR MA BZHAG PAS NI MA YIN NO ZHES BYA BA LA SOGS PA GSUNGS SO, ,ZHUM PA DANG RGOD PA'I NYES PA THAMS CAD SPANGS NAS ZHUM PA DANG RGOD PA MED PAR GNAS PA NI BTANG SNYOMS YANG DAG BYANG CHUB KYI YAN LAG CES BYA'O, ,DE'I PHYIR 'PHAGS PA BLO GROS MI ZAD PA'I MDO LAS KYANG, DE LA BTANG SNYOMS YANG DAG BYANG CHUB KYI YAN LAG GANG ZHE NA, GANG 'DI YID BDE BA DANG, YID MI BDE BA'I PHYOGS KYIS SEMS KUN NAS MI GZUNG BA DANG, 'JIG RTEN GYI CHOS RNAMS KYIS MI 'PHROGS PA DANG, MTHON DMAN DU MI GNAS PA'I PHYIR MI BSGUL BA YIN TE ZHES PA LA SOGS PA GSUNGS SO, ,DE LA BYANG CHUB KYI YAN LAG BDUN RNAMS ZHI GNAS KYI PHYOGS DANG, LHAG MTHONG GI PHYOGS DANG, GNYI GA'I PHYOGS SU GZHAG GO, ,CHOS RNAM PAR 'BYED PA DANG, BRTZON 'GRUS DANG, DGA' BA GSUM NI LHAG MTHONG GI PHYOGS SO, ,SHIN TU SBYANGS PA DANG, TING NGE 'DZIN DANG, BTANG SNYOMS GSUM NI ZHI GNAS KYI PHYOGS SO, ,DRAN PA NI GNYI GA'I PHYOGS TE KUN DU 'GRO BAS SO, ,SAR ZHUGS PA YI BYANG CHUB KYI, ,YAN LAG RNAM GZHAG SHES PAR BYA, ,ZHES BYA BA LA SOGS PA'I TSIGS BCAD GCIG @119A *, ,GIS GANG GI DUS NA BYANG CHUB KYI YAN LAG BDUN RNAM PAR GZHAG PA DANG, GANG SHES PAS BYANG CHUB KYI YAN LAG BDUN RNAM PAR GZHAG PA STE, BYANG CHUB KYI YAN LAG BDUN NI SA DANG PO LA ZHUGS SHING SA RAB TU DGA' BA THOB PA'I TSE YAN LAG BDUN LA BSGOM PA RNAM PAR GZHAG PA SHES PA STE, 'DIS NI GANG GI DUS NA RNAM PAR GZHAG PA STE DE BSTAN TO, ,CHOS DANG SEMS THAMS CAD KYI, ,MNYAM PA NYID NI SHES PA'O, ,ZHES BYA BA LA, CI'I PHYIR SA DANG PO'I DUS NA BYANG CHUB KYI YAN LAG BDUN LA BSGOM PAR GZHAG CE NA, DE'I TSE CHOS DANG GANG ZAG LA BDAG MED PAR KHONG DU CHUD PA DANG, BDAG DANG GZHAN DU MNYAM PA NYID KHONG DU CHUD DE, DE'I PHYIR CHOS RNAMS LA MNYAM PA NYID SHES PA DANG, SEMS CAN THAMS CAD KYI MNYAM PA NYID SHES PAS NA SA DANG PO'I TSE NA BYANG CHUB KYI YAN LAG BDUN LA BSGOM PA RNAM PAR GZHAG GO, ,DE CHOS LA BDAG MED PAR KHONG DU CHUD PAS CHOS LA MNYAM PA NYID SHES SO, ,GANG ZAG LA BDAG MED PAR KHONG DU CHUD PAS SEMS CAN THAMS CAD MNYAM PA NYID DU SHES SO, ,YANG NA CHOS DANG GANG ZAG LA BDAG MED PAR KHONG DU CHUD PAS NA CHOS RNAMS KYI MNYAM PA NYID SHES SO, ,BDAG DANG GZHAN DU MNYAM PA NYID KHONG DU CHUD PAS NA SEMS CAN GYI MNYAM PA NYID SHES SO,, YANG NA SA DANG PO'I TSE CHOS KYI DBYINGS KUN DU 'GRO BA'I MTSAN NYID DU RTOGS PAS NA CHOS RNAMS KYI MNYAM PA NYID KHONG DU CHUD DO, ,DE LTAR KHONG DU CHUD PAS BDAG GANG YIN PA SEMS CAN THAMS CAD KYANG DE NYID YIN, SEMS CAN THAMS CAD GANG YIN PA BDAG KYANG DE NYID YIN TE, JI LTAR BDAG GI SDUG BSNGAL ZHI BAR BYA BA BZHIN DU, SEMS CAN THAMS CAD KYI SDUG BSNGAL YANG ZHI BAR BYA'O ZHES KHONG DU CHUD PAS NA SEMS CAN THAMS CAD KYI MNYAM PA NYID SHES SO ZHES BYA STE, 'DIS NI GANG SHES PAS BYANG CHUB KYI YAN LAG RNAM PAR GZHAG PA DE BSTAN TO, ,DE'I 'OG TU BYANG CHUB KYI YAN LAG RNAMS 'KHOR LO LA SOGS PA RIN PO CHE BDUN DANG 'DRA BAS BSTAN TO ZHES BYA BA LA 'DI MAN CHAD KYI TSIGS SU BCAD PAS DPER NA 'KHOR LOS SGYUR BA'I RGYAL PO LA, 'KHOR LO RIN PO CHE DANG, GLANG PO RIN PO CHE DANG, RTA RIN PO CHE DANG, NOR BU RIN PO CHE DANG, BTZUN MO RIN PO CHE DANG, KHYIM BDAG RIN PO CHE DANG, KUN @119B MGON RIN PO CHE DANG LDAN PA DE BZHIN DU, SA DANG PO THOB PA'I BYANG CHUB SEMS DPA' NI 'KHOR LOS SGYUR BA'I RGYAL PO DANG 'DRA BAR DRAN PA LA SOGS PA'I BYANG CHUB KYI YAN LAG BDUN NI 'KHOR LO RIN PO CHE LA SOGS PA DANG 'DRA BAR STON TO, ,SHES BYA KUN LA DRAN SPYOD PA, ,MA RGYAL BA LAS RGYAL BA'I PHYIR, ,ZHES BYA BA LA, DRAN PA BYANG CHUB KYI YAN LAG NI 'KHOR LO RIN PO CHE DANG 'DRA STE, DPER NA 'KHOR LOS SGYUR BA'I RGYAL PA'I 'KHOR LO RIN PO CHES RDZONGS DANG MKHAR LA GNAS PA'I RGYAL PHRAN MA RGYAL BA RNAMS LAS RGYAL BAR BYA BA'I PHYIR GNAS TE, DE DAG TU 'JUG PA DE BZHIN DU, DRAN PA YANG DAG BYANG CHUB KYI YAN LAG GIS KYANG SHES BYA MA RGYAL BA LAS RGYAL TE, MNGON SUM DU MI SHES PA RNAMS SHES SHING RGYAL BAR BYA BA'I PHYIR 'JUG STE, SHES BYA RGYAL BA'I SA DANG PO'O, ,MA RGYAL BA NI MOS PAS SPYOD PA'I SA STE DRAN PAS MOS PAS SPYOD PA'I SA SPANGS NAS SA DANG PO MNGON SUM DU BYED PAS NA SHES BYA MA RGYAL BA LAS RGYAL BAR BYED PAS SO, ,RTOG PA'I MTSAN MA KUN 'JOMS PA; ,DE NI RAB TU 'BYED PA YIN, ,ZHES BYA BA LA, CHOS RAB TU 'BYED PA BYANG CHUB KYI YAN LAG NI 'KHOR LOS SGYUR BA'I GLANG PO RIN PO CHE DANG 'DRA STE, JI LTA ZHE NA, DPER NA GLANG PO RIN PO CHES PHAS KYI RGOL PA'I DPUNG DMAG GI SDE RNAMS 'JOMS PAR BYED PA DE BZHIN DU, CHOS RAB TU 'BYED PA'I BYANG CHUB KYI YAN LAG GIS KYANG GANG ZAG TU RNAM PAR RTOG PA'I MTSAN MA DANG, CHOS SU RNAM PAR RTOG PA'I MTSAN MA THAMS CAD 'JOMS PAR BYED PAS NA GLANG PO RIN PO CHE DANG 'DRA'O, ,YANG NA RTOG PA'I SGRAS NI MIG GI DBANG PO LA SOGS PA'I 'DZIN PA'I CHOS LA BYA LA, MTSAN MA'I SGRAS NI GZUGS LA SOGS PA GZUNG CHA LA BYA STE, CHOS RAB TU 'BYED PA BYANG CHUB KYI YAN LAG GIS GANG ZAG DANG CHOS LA BDAG MED PAR RTOGS PAS GZUNG BA DANG 'DZIN PA'I MTSAN MA THAMS CAD SPONG BAR BYED PAS NA GLANG PO RIN PO CHE DANG 'DRA'O, ,MYUR DU MA LUS SHES BYA'I PHYIR, ,DE YI BRTZON 'GRUS RAB TU 'JUG ,CES BYA BA LA, BRTZON 'GRUS YANG DAG BYANG CHUB KYI YAN LAG NI 'KHOR LOS SGYUR BA'I RGYAL PO'I RTA RIN PO CHE DANG 'DRA STE, JI LTA ZHE NA, DPER NA 'KHOR LOS SGYUR BA'I RGYAL PO'I RTA RIN PO CHES JI SRID DU 'KHOR PAR BYA BA'I GNAS RGYA MTSO'I MTHA'I BAR DU MYUR DU 'GRO BAR BYED PA DE BZHIN DU, BRTZON 'GRUS YANG DAG BYANG CHUB KYI YAN LAG @120A *, ,GIS KYANG RDZU 'PHRUL GYI MIG LA SOGS PA'I MNGON PAR SHES PA RNAMS THOB PAR BYA BA MYUR DU 'THOB PAR BYED PAS NA RTA RIN PO CHE DANG 'DRA'O, ,CHOS KYI SNANG BA RNAMS 'PHEL BAS, ,RTAG TU DGA' BAS GANG BAR BYED, ,CES BYA BA LA, DGA' BA BYANG CHUB KYI YAN LAG NI 'KHOR LOS SGYUR BA'I RGYAL PO'I NOR BU RIN PO CHE'I SNANG BA'I KHYAD PAR GYIS MUN PA LA SOGS PA BSAL BA'I SGO NAS 'KHOR LOS SGYUR BA'I RGYAL PO DE LA DGA' BA'I KHYAD PAR RTAG TU SKYED PA DE BZHIN DU, SA DANG PO'I TSE CHOS KYI DBYINGS THAMS CAD DU 'GRO BA'I MTSAN NYID DU RTOGS NAS DGA' BA'I KHYAD PAR SKYE STE, DGA' BA DES KYANG BYANG CHUB SEMS DPA'I LUS DANG SEMS LA MCHOG TU DGA' BA'I SHES PA SKYES PAS NA NOR BU RIN PO CHE SNANG BA'I KHYAD PAR DANG 'DRA'O, ,SGRIB PA KUN LAS THAR PA'I PHYIR, ,SHIN TU SBYANGS LAS BDE BA THOB, ,CES BYA BA LA, SHIN TU SBYANGS PA YANG DAG BYANG CHUB KYI YAN LAG NI 'KHOR LOS SGYUR BA'I RGYAL PO'I BTZUN MO RIN PO CHE DANG 'DRA'O, ,DPER NA 'KHOR LOS SGYUR BA'I BTZUN MO RIN PO CHE DGUN LA SOGS PA'I GRANG BA'I DUS NA NI LUS KYI MTHANG DRO BAR GYUR NAS GRANG BA BSAL TE 'KHOR LOS SGYUR BA'I RGYAL PO DGA' BA RJES SU MYONG BAR BYED DO, ,DBYAR LA SOGS PA DRO BA'I DUS NA NI LUS KYI MTHANG BSIL BAR GYUR NAS DRO BA BSAL BAS 'KHOR LOS SGYUR BA'I RGYAL PO DGA' BA RJES SU MYONG BAR BYED DO, ,DE BZHIN DU SHIN TU SBYANGS PA NI LUS LAS SU RUNG BA DANG SEMS LAS SU RUNG BA LA BYA STE, DE GNYIS KYIS LUS LAS SU MI RUNG BA DANG, SEMS LAS SU MI RUNG BA BSAL NAS LUS LAS SU RUNG BA DANG SEMS LAS SU RUNG BA'I BDE BA RJES SU MYONG BAR BYED PAS NA BTZUN MO RIN PO CHE DANG 'DRA'O, ,BSAMS PA'I DON RNAMS 'GRUB PA NI, ,TING NGE 'DZIN LAS SKYE BAR 'GYUR, ,ZHES BYA BA LA, TING NGE 'DZIN GYI BYANG CHUB KYI YAN LAG NI 'KHOR LOS SGYUR BA'I RGYAL PO'I KHYIM BDAG RIN PO CHE DANG 'DRA STE, DPER NA 'KHOR LOS SGYUR BA'I RGYAL PO'I KHYIM BDAG RIN PO CHES 'KHOR LOS SGYUR BA'I RGYAL POS JI DANG JI BSAMS PA DANG JI DANG JI 'DOD PA THAMS CAD BSAMS PA BZHIN DU 'GRUB PAR BYED PA DE BZHIN DU, TING NGE 'DZIN BYANG CHUB KYI YAN LAG GIS KYANG RDZU 'PHRUL GYI MIG DANG RNA BA LA SOGS PA MNGON PAR SHES PA GANG DANG GANG BSGRUB PAR BSAMS PA DE DANG DE @120B DAG THAMS CAD 'GRUB PAR BYED PAS KHYIM BDAG RIN PO CHE DANG 'DRA'O, ,JI LTAR 'DOD BZHIN BTANG SNYOMS KYIS, ,DE DAG KUN DU RAB TU GNAS, ,RGYAB NAS THOB DANG MI RTOGS LA, ,GNAS PAS RTAG TU MCHOG YIN NO, ,ZHES BYA BA LA, BTANG SNYOMS YANG DAG BYANG CHUB KYI YAN LAG NI 'KHOR LOS SGYUR BA'I RGYAL PO KUN MGON RIN PO CHE DANG 'DRA'O, ,DE LA BTANG SNYOMS KYI SGRAS NI RNAM PAR MI RTOG PA'I YE SHES LA BYA STE, JI LTAR 'KHOR LOS SGYUR BA'I RGYAL PO KUN MGON RIN PO CHES PHA ROL GYI SDE GZHOM PAR BYA BA'I PHYIR 'JOMS PA DANG, NOR DANG RDZAS LA SOGS PA RNAMS BLANG BAR BYA BA RNAMS SDUD PA DANG, BSKRAD PAR 'OS PA RNAMS SKROD PAR BYED PA DANG, BSKYANG ZHING BSDU BAR 'OS PA RNAMS SDUD PAR BYED PA DANG, DMAG GI DPUNG RES 'KHOR NAS 'GYED PAR BYED PA RNAMS 'GYED PAR BYED PA DANG, RES MI 'KHOR BA RNAMS SDUD CING GTONG BAR BYAS NA GNAS GANG DU DMAG GI DPUNG RNAMS 'TSO BA MED PA DANG, GNOD PA MED PAR 'GYUR BA'I GNAS DER GNAS PAR BYED PA DE BZHIN DU, RNAM PAR MI RTOG PA'I YE SHES DANG, DE'I RGYAB NAS THOB PA DAG PA 'JIG RTEN PA'I YE SHES GNYIS KYIS BYANG CHUB SEMS DPA' RNAMS KYIS JI LTAR 'DOD PA BZHIN DU GNAS PAR BYED DE, DE LA YANG DAG PA'I 'JIG RTEN PA'I YE SHES LA GNAS PAS NI SA GONG MA DANG YON TAN KHYAD PAR CAN MA THOB PA RNAMS THOB PAR BYED LA, NYES PA MA SPANGS PA RNAMS NI SPANG BAR BYED CING SA 'OG MA YANG 'DOR BAR BYED DO, ,RNAM PAR MI RTOG PA'I YE SHES KYIS NI CI YANG MI BYED PAR GNAS PAR BYED DE, DE BAS NA SA BCU KUN DU YANG YE SHES DE GNYIS LA GNAS PA NI GNAS PA'I MCHOG YIN PAR BSHAD DO, ,DE LA GNAS PAS GZHAN THOB PAR BYA BA DANG ZHES BYA BA LA SOGS PA LA, DAG PA 'JIG RTEN PA'I YE SHES LA GNAS PAS YON TAN KHYAD PAR CAN DANG, SA MA THOB PA RNAMS THOB PAR BYED LA, NYES PA DANG SKYON SPANG BAR BYA BA RNAMS NI SPONG BAR BYED DO,, RNAM PAR MI RTOG PA'I YE SHES KYIS NI ZHES BYA BA LA SOGS PA LA, RNAM PAR MI RTOG PA'I YE SHES KYIS NI CI YANG BYED PA MED PAR GNAS TE, DAG PA 'JIG RTEN PA'I YE SHES KYIS NI BLANG BAR BYA BA GBLANGS ZIN LA SPANG BAR BYA BA SPANG ZIN PAS RNAM PAR MI RTOG PA'I YE SHES KYIS NI BLANG DOR CUNG ZAD KYANG MI @121A *, ,BYED PAR 'BAD PA DANG BRTZAL BA MED PA'I MTSAN NYID DU GNAS SO, ,GANG DU YAN LAG BZHI PA'I STOBS KYI TSOGS SKYO BAR MI 'GYUR BA DER SONG NAS GNAS PAR RTOG PAR BYED DO ZHES BYA BA LA, 'KHOR LOS SGYUR BA'I RGYAL PO KUN MGON RIN PO CHES RTA'I TSOGS DANG, GLANG PO'I TSOGS DANG, SHING RTA'I TSOGS DANG, DPUNG BU CHUNG GI TSOGS KYIS GZHOM ZHING BSKRAD PAR BYA BA RNAMS SKROD PAR BYED PA DANG, BSDU ZHING BSKYANG BAR BYA BA RNAMS SDUD CING BSKYANG BAR BYAS NAS, GNAS GANG DU DMAG SDE BZHI RNAMS 'TSE BA MED PA DANG, GNOD PAR MI 'GYUR BA'I GNAS DER GNAS PAR BYA BAR SEMS SO, ,DE LA DMAG GI SDE BZHIS BSDU BA SDUD PA DANG, BSKRAD PA SKROD PAR BYED PA LTA BU NI DAG PA 'JIG RTEN PA'I YE SHES SO, ,DMAG SDE BZHI 'TSE BA MED PA'I GNAS SU GNAS PA LTA BU NI RNAM PAR MI RTOG PA'I YE SHES SO, ,DE LTAR BYANG CHUB SEMS DPA' YON TAN LDAN, ,'KHOR LOS SGYUR BA BZHIN DU 'JUG PA YIN, ,RTAG TU BYANG CHUB YAN LAG BDUN POS NI, ,RIN PO CHE DANG 'DRA BAS YONGS SU BSKOR, ,ZHES GONG DU BSHAD PA LTAR NA SA DANG PO LA ZHUGS PA'I BYANG CHUB SEMS DPA' BYANG CHUB KYI YAN LAG BDUN GYI YON TAN DANG LDAN PA'I 'KHOR LOS SGYUR BA'I RGYAL PO DANG 'DRA BAR GNAS TE, CI'I PHYIR ZHE NA, DPER NA 'KHOR LOS SGYUR BA'I RGYAL PO RIN PO CHE BDUN DANG LDAN ZHING RIN PO CHE BDUN GYIS BSKOR BDE BZHIN DU, SA DANG PO LA ZHUGS PA'I BYANG CHUB SEMS DPA' YANG BYANG CHUB KYI YAN LAG BDUN DANG LDAN ZHING YAN LAG BDUN GYIS BSKOR BAS NA 'KHOR LOS SGYUR BA'I RGYAL PO DANG 'DRA'O, ,GNAS KYI YAN LAG RANG BZHIN YAN LAG DANG, ,'BYUNG BA'I YAN LAG DE NI GSUM PA'O, ,BZHI PA RJES SU BSNGAGS PA'I YAN LAG STE, ,NYON MONGS MED PA'I YAN LAG GSUM GYI DNGOS, ,ZHES BYA BA'I TSIGS SU BCAD PA 'DIS, BYANG CHUB KYI YAN LAG BDUN LNGAR SDUD CING, BYANG CHUB KYI YAN LAG GANG YIN PA DANG, JI LTAR BYANG CHUB KYI YAN LAG GANG YIN PA BSTAN TE, DE LA DRAN PA NI GNAS KYI YAN LAG CES BYA'O, ,CHOS RAB TU 'BYED PA NI RANG BZHIN GYI YAN LAG CES BYA'O, ,GSUM PA BRTZON 'GRUS NI 'BYUNG BA'I YAN LAG CES BYA'O, ,BZHI PA DGA' BA NI RJES SU BSNGAGS PA'I YAN LAG CES BYA'O, ,SHIN TU SBYANGS PA DANG, TING NGE 'DZIN DANG, BTANG SNYOMS GSUM NI NYON MONGS PA MED PA'I @121B YAN LAG CES BYA'O, ,DE LA BYANG CHUB KYI YAN LAG GANG ZHE NA, BYANG CHUB KYI YAN LAG BDUN NAM CHOS RAB TU 'BYED PA NI BYANG CHUB KYI YAN LAG GO, ,JI LTAR YAN LAG TU 'GYUR ZHE NA, DRAN PA NI GNAS PA'I YAN LAG TU GYUR PA NAS BTANG SNYOMS LA SOGS PA NI NYON MONGS PA MED PA'I YAN LAG TU GYUR PAS SO, ,THAMS CAD DE LA BRTEN ZHING 'JUG PA'I PHYIR RO ZHES BYA BA LA, DRAN PA NI GNAS PA'I YAN LAG STE, JI LTAR GNAS PA'I YAN LAG TU 'GYUR ZHE NA, CHOS RAB TU 'BYED PA LA SOGS PA'I YON TAN THAMS CAD NI DRAN PA LA BRTEN ZHING DRAN PA LAS BYUNG BA'I PHYIR RO, ,BYANG CHUB DE NYID DE'I BDAG NYID YIN PA'I PHYIR RO ZHES BYA BA LA CHOS RAB TU 'BYED PA NI RANG BZHIN GYI YAN LAG CES BYA STE, BYANG CHUB CES BYA BA YANG CHOS RNAMS KYI RANG DANG SPYI'I MTSAN NYID MA NOR BAR BYED CING SHES PA LA BYA STE, BYANG CHUB KYI RANG BZHIN YANG CHOS RAB TU 'BYED PA'I BDAG NYID YIN PAS CHOS RAB TU 'BYED PA NI RANG BZHIN GYI YAN LAG TU GZHUG GO, ,DE MTHAR THUG PA THOB PAR BYED PA'I PHYIR RO ZHES BYA BA LA, BRTZON 'GRUS NI 'BYUNG BA'I YAN LAG STE, BRTZON 'GRUS KYIS JI SRID DU BGROD PAR BYA BA'I GNAS SU PHYIN GYI BAR DU 'GRO ZHING MA PHYIN GYI BAR DU BAR MA DOR MI 'JUG PA'I PHYIR RO, ,SEMS BDE BA'I PHYIR RO ZHES BYA BA LA, DGA' BA DE RJES SU BSNGAGS PA'I YAN LAG STE, CHOS KYI DBYINGS MTHONG BA'I SGO NAS DGA' BA DE SEMS LA DGA' BA'I KHYAD PAR SKYED PA'I PHYIR RO, ,SHIN TU SBYANGS PA DANG, TING NGE 'DZIN DANG, BTANG SNYOMS NI ZHES BYA BA LA SOGS PA LA, CHOS DE GSUM NI NYON MONGS PA MED PA'I YAN LAG CES BYA STE, JI LTAR NYON MONGS PA MED PA'I YAN LAG CE NA, GANG GIS NYON MONGS PA MED PAR BYED PA DANG, GANG LA GNAS NA NYON MONGS PA MED PAR BYED PA DANG, NYON MONGS PA MED PA GANG YIN PA'O, ,DE LA GANG GIS NYON MONGS PA MED PAR BYED CE NA, SHIN TU SBYANGS PAS NYON MONGS PA MED PAR BYED DE, LUS DANG SEMS LAS SU RUNG BAR GYUR NA DES LUS DANG SEMS LAS SU MI RUNG BA'I GNAS NGAN LEN DANG NYON MONGS PA DANG SHES BYA'I SGRIB PA'I GNAS NGAN LEN SPYOD PA MED PA'I PHYIR RO, ,GANG LA GNAS NAS NYON MONGS PA MED PAR BYED CE NA, TING NGE 'DZIN LA GNAS NAS NYON MONGS PA MED PAR BYED DE, TING NGE 'DZIN LA GNAS @122A *, ,PA'I DUS NA ZHUM RGOD KYI NYE BA'I NYON MONGS PA SEL BAR BYED PA'I PHYIR RO, ,GANG NYON MONGS PA MED PA NI BTANG SNYOMS TE, NYON MONGS PA DANG BTANG SNYOMS GNYIS SU 'GAL BAS BTANG SNYOMS LA GNAS PA'I DUS NA NYON MONGS PA SKYE BA'I SKABS CUNG ZAD KYANG MED PA'I PHYIR RO, ,LAM GYI YAN LAG DBYE BA TSIGS SU BCAD PA GNYIS TE ZHES BYA BA LA, BYANG CHUB KYI YAN LAG BDUN GYI 'OG TU 'PHAGS PA'I LAM YAN LAG BRGYAD PA BSHAD PAR 'BREL PA CI YOD CE NA, SA DANG PO MTHONG BA'I LAM DU BYANG CHUB KYI YAN LAG BDUN BSGOMS PAS MTHONG BAS SPONG BAR BYA BA'I NYON MONGS PA SPANGS NAS, DE BSGOM PAS SPANG BAR BYA BA'I NYON MONGS PA DANG SHES BYA'I SGRIB PA SPANG BAR BYA BA'I PHYIR, SA GNYIS PA YAN CHAD SA BCU PA MAN CHAD BSGOM PA'I LAM NA 'PHAGS PA'I LAM YAN LAG BRGYAD PA BSGOM PA DE BAS NI BYANG CHUB KYI YAN LAG BDUN GYI 'OG TU 'PHAGS PA'I LAM GYI YAN LAG BRGYAD BSHAD PAR 'BREL TO, ,DE LA LAM GYI YAN LAG BRGYAD NI YANG DAG PA'I LTA BA DANG, YANG DAG PA'I RTOG PA DANG, YANG DAG PA'I DAG DANG, YANG DAG PA'I LAS KYI MTHA' DANG, YANG DAG PA'I 'TSO BA DANG, YANG DAG PA'I RTZOL BA DANG, YANG DAG PA'I DRAN PA DANG, YANG DAG PA'I TING NGE 'DZIN TO, ,DE LA MTHONG BA'I LAM NA CHOS RAB TU 'BYED PA BYANG CHUB KYI YAN LAG GIS GANG ZAG DANG CHOS LA BDAG MED PAR KHONG DU CHUD PA DE NYID LA DMIGS SHING BSGOM PA NI YANG DAG PA'I LTA BA'O, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA YANG DAG PA'I LTA BA GANG ZHE NA, GANG 'DI 'PHAGS PA'I 'JIG RTEN LAS 'DAS TE, BDAG TU LTA BA LAS BLANGS PA MA YIN SROG TU MA YIN ZHES BYA BA LA SOGS PA GSUNGS SO, ,YANG DAG PA'I LTA BA DES RGYU BYAS NAS KHAMS GSUM LAS BYUNG BA'I RGYU LHAG PA'I TSUL KHRIMS DANG, SEMS DANG, LHAG PA'I SHES RAB RTOG CING 'DOD PA DANG, GNOD SEMS LA RTOG PA SPANGS NA 'DOD PA DANG, GNOD SEMS MED PA'I RTOG PA NI YANG DAG PA'I RTOG PA ZHES BYA'O, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA YANG DAG PA'I RTOG PA GANG ZHE NA, RTOG PA GANG GIS 'DOD CHAGS DANG ZHE SDANG DANG GTI MUG GI NYON MONGS PA 'BYUNG BAR 'GYUR BA'I KUN DU RTOG PA DE LA MI RTOG GO, ,RTOG PA GANG GIS TSUL @122B KHRIMS DANG, TING NGE 'DZIN DANG, SHES RAB DANG RNAM PAR GROL BA DANG, RNAM PAR GROL BA'I YE SHES MTHONG BA'I PHUNG PO RNAMS 'BYUNG BAR 'GYUR BA'I RTOG PA DE DAG LA RTOG PA NI YANG DAG PA'I RTOG PA ZHES BYA'O ZHES GSUNGS SO, ,YANG DAG PA'I LTA BA DANG, RTOG PA KHONG DU CHUD PA NI CHOS DE DAG SEMS CAN LA PHAN PAR BYA BA'I PHYIR GZHAN LA 'CHAD CING SEMS CAN LA GNOD PAR 'GYUR BA BRDZUN DANG, TSIG RTZUB PO DANG, TSIG 'KHYAL BA DANG PHRA MA LA SOGS PA SPANGS PA NI YANG DAG PA'I DAG CES BYA'O, ,DE BAS NA 'PHAGS PA BLO GROS MI ZAD PA'I MDO LAS KYANG, ,DE LA YANG DAG PA'I NGAG GANG ZHE NA, NGAG GANG GIS BDAG LA YONGS SU MI GDUNG ZHING GZHAN LA YANG MA YIN PA DANG, BDAG KYANG NYON MI MONGS LA GZHAN LA YANG MA YIN PA DANG, BDAG LA YANG MI GNOD CING GZHAN LA YANG MA YIN TE, NGAG GANG GIS 'PHAGS PA'I LAM LA 'JUG PA DE LTA BU'I MNYAM PAR GZHAG PA LA SBYOR BA'I NGAG DANG LDAN PA YIN TE; ,'DI NI YANG DAG PA'I NGAG CES GSUNGS SO, ,LUS KYI SGO NAS SROG GCOD PA DANG, MA BYIN PAR LEN PA DANG, MI TSANGS PAR SROG GCOD PA DANG, MA BYIN PAR LEN PA DANG, MI TSANGS PAR GROL BA'I LAM LA 'JUG PA NI YANG DAG PA'I LAS KYI MTHA' ZHES BYA'O, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA YANG DAG PA'I LAS KYI MTHA' GANG ZHE NA, GANG LAS KYANG GNAG LA RNAM PAR SMIN PA YANG GNAG PA DE LTA BU'I LAS MI BYED CES BYA BA LA SOGS PA GSUNGS SO, ,CHOS GOS DANG, LHUNG BA ZED LA SOGS PA KHA GSAG DANG, TSUL 'CHOS PAS TSOL BA SPANGS NAS TSUL BZHIN DU 'TSO BA NI YANG DAG PA'I 'TSO BA ZHES BYA'O, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA YANG DAG PA'I 'TSO BA GANG ZHE NA, GANG 'PHAGS PA'I RIGS DANG, SBYANGS PA'I YON TAN DANG, YO BYAD BSNYUNGS PA GTONG BA DANG, TSUL 'CHOS PA MED PA DANG, KHA GSAG MED PA DANG, GZHOGS SLONG MED PA DANG ZHES BYA BA LA SOGS PA GSUNGS SO, ,YANG DAG PA'I LTA BA DANG ,RTOG PA DANG, LAS KYI MTHA' DANG, YANG DAG PA'I 'TSO BA LA BRTEN NAS BSGOM PAS SPANG BAR BYA BA'I NYON MONGS PA DANG SHES BYA'I SGRIB PA SPANG BAR BYA BA'I PHYIR 'PHAGS PA'I LAM LA @123A *, ,RGYUN DU SGOM PAR BYED PA NI YANG DAG PA'I RTZOL BA ZHES BYA'O, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA YANG DAG PA'I 'BAD PA GANG ZHE NA, 'BAD PA GANG LOG PA STE 'PHAGS PAS MA GNANG BAR 'DOD CHAGS DANG ZHE SDANG DANG GTI MUG DANG NYON MONGS PA'I BAG LA NYAL GYI 'BAD PA DE MI 'DOD CING 'BAD PA GANG YANG DAG PA 'PHAGS PA'I LAM DANG, BDEN PA LA 'JUG PA MYA NGAN LAS 'DAS PAR 'GRO BA'I LAM DU GTONG BA'I 'BAD PA DE'I RJES SU 'GRO BA 'DI NI YANG DAG PA'I 'BAD PA ZHES BYA'I ZHES GSUNGS SO, ,JI LTAR KHONG DU CHUD PA'I CHOS RNAMS KYI DON MA BRJED CING SEMS LA GSAL BAR SNANG BA DE NI YANG DAG PA'I DRAN PA ZHES BYA'O, ,DE BAS NA 'PHAGS PA BLO GROS MI ZAD PA'I MDO LAS KYANG, ,DE LA YANG DAG PA'I DRAN PA GANG ZHE NA, DRAN PA GANG SHIN TU NYE BAR GZHAG PA DANG, MI BSLUL BA DANG ZHES BYAS NAS GZHUNGS PA DANG, 'PHAGS PA'I LAM MI BRJED PA 'DI NI YANG DAG PA'I DRAN PA ZHES BYA'O ZHES GSUNGS SO, ,DE BZHIN NYID CHOS KYI DBYINGS LA SEMS RTZE GCIG TU MNYAM PAR 'JOG PA NI YANG DAG PA'I TING NGE 'DZIN ZHES BYA'O, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA YANG DAG PA'I TING NGE 'DZIN GANG ZHE NA; ,YANG DAG PAR MNYAM PA DANG CHOS THAMS CAD MNYAM PA STE ZHES BYA BA LA SOGS PA GSUNGS SO, ,'PHAGS PA'I LAM GYI YAN LAG BRGYAD PO DE DAG MDOR BSDU NA RNAM PA GNYIS SU GZHAG STE, SPYOD PA'I TSE GANG BYA BA DANG GNAS PA'I TSE GANG BYA BA'O, ,DE LA SPYOD PA NI BSOD NAMS LA 'JUG PA DANG, 'CHAG PA LA SOGS PA BYED PA STE, DE'I TSE NA NI YANG DAG PA'I NGAG DANG, YANG DAG PA'I LAS KYI MTHA' DANG, YANG DAG PA'I 'TSO BA GSUM LA GNAS PAR BYA'O, ,GNAS PA'I TING NGE 'DZIN DU SNYOMS PAR 'JUG PA STE, DE'I TSE NA NI ZHI GNAS BSGOM PA DANG, LHAG MTHONG BSGOM PA GNYIS BYA'O, ,DE LA YANG DAG PA'I LTA BA DANG, YANG DAG PA'I RTOG PA DANG, YANG DAG PA'I RTZOL BA GSUM NI LHAG MTHONG GI PHYOGS 'KHOR DANG BCAS PA STE, YANG DAG PA'I LTA BA NI LHAG MTHONG NYID DO, ,YANG DAG PA'I RTOG PA DANG RTZOL BA NI LHAG MTHONG GI 'KHOR ZHES BYA'O, ,YANG DAG PA'I @123B DRAN PA DANG, YANG DAG PA'I TING NGE 'DZIN NI ZHI GNAS KYI TSOGS 'KHOR DANG BCAS PA STE, TING NGE 'DZIN NI ZHI GNAS NYID DO, ,DRAN PA NI ZHI GNAS KYI 'KHOR TO, ,JI LTAR SHES BZHIN RJES SU 'JUG, ,DE NAS KYANG NI SKYE BAR 'GYUR, ,ZHES BYA BA LA, DE NAS ZHES BYA BA NI 'OG TU ZHES BYA BA'I DON TO, ,SA DANG PO MTHONG BA'I LAM DU BYANG CHUB KYI YAN LAG BDUN BSGOMS PA'I RJES LA, SHES BYA'I SGRIB PA DANG, BSGOM PAS SPANG BAR BYA BA'I NYON MONGS PA'I SGRIB PA SPANG BAR BYA BA'I PHYIR, SA GNYIS MAN CHAD NA 'PHAGS PA'I LAM GYI YAN LAG BRGYAD LA SGOM PAR BYED DE, DE YANG SA DANG POR CHOS RAB TU RNAM PAR 'BYED PA BYANG CHUB KYI YAN LAG GIS GANG ZAG DANG CHOS LA BDAG MED PA'I DE KHO NA KHONG DU CHUD PA LA, SA GNYIS PA MAN CHAD CHOS DE NYID LA 'JUG CING CHOS DE NYID LA SGOM PAR BYED PA NI YANG DAG PA'I LTA BA ZHES BYA'O, ,JI LTAR SHES PA RNAM PAR GZHAG ,CES BYA BA LA, YANG DAG PA'I LTA BAS DE KHO NA KHONG DU CHUD PA DE LA YANG DAG PA'I RTOG PAS DE NYID RNAM PAR 'JOG PAR BYED DE, JI LTAR RNAM PAR 'JOG PAR BYED CE NA, BDAG GIS DE KHO NA NYID NI MNYAM PA DANG BCAS PA DANG, BSGOM PA'I RIM PAS KHONG DU CHUD, ,CES RTOG CING JI LTAR KHONG DU CHUD PA'I CHOS RNAMS GTZUG LAG TU YANG BYED PA GZHAN LA YANG 'CHAD PAR BYED NA YANG DAG PA'I RTOG PA ZHES BYA'O, ,DON DE NYID BSTAN PAR BYA BA'I PHYIR, RNAM PAR GZHAG PA LA 'JUG PA DANG ZHES BYA BA SMOS TE, BCOM LDAN 'DAS KYIS MDO SDE LA SOGS PA GSUNG RAB YAN LAG BCU GNYIS BSHAD PA NI RNAM PAR GZHAG PA ZHES BYA STE, YANG DAG PA'I RTOG PAS MDO SDE DAG GI DON KHONG DU CHUD PAS RNAM PAR GZHAG PA LA 'JUG PA ZHES BYA'O, LAS GSUM RNAM PAR DAG PA DANG, ,ZHES BYA BA LA YANG DAG PA'I NGAG DANG, YANG DAG PA'I LAS KYI MTHA' DANG, YANG DAG PA'I 'TSO BA GSUM GYIS NI LAS GSUM RNAM PAR DAG PAR BYED DE, NGAG GI LAS DANG, LUS KYI LAS DANG, LUS DANG NGAG GI LAS DAG PAR BYED DO, ,DE LA BRDZUN DANG, TSIG RTZUB PO DANG, TSIG 'KHYAL PA DANG, PHRA MA SPANGS PA'I YANG DAG PA'I NGAG GIS NI NGAG GI LAS RNAM PAR DAG PAR BYED DO, ,SROG GCOD PA DANG, MA BYIN PAR LEN PA @124A *, ,DANG; ,MI TSANGS PAR SPYOD PA SPANGS PA YANG DAG PA'I LAS KYI MTHA' NI LUS KYI LAS RNAM PAR DAG PAR BYED DO, ,NGAG GI SGO NAS KHA GSAG DANG GCAM BU LA SOGS PA SPANGS PA DANG, LUS KYI SGO NAS TSUL 'CHOS PA LA SOGS PAR 'TSO BA SPANGS PA YANG DAG PA'I 'TSO BAS NI LUS DANG NGAG GNYIS KA'I LAS DAG PAR BYED DO, ,GNYEN PO YANG SGOM PA STE, SHES PAR BYA BA LAM RNAMS NI, ,KHYAD PAR CAN GYI YON TAN SGRIB, ,CES BYA BA LA YANG DAG PA'I RTZOL BA DANG, YANG DAG PA'I DRAN PA DANG, YANG DAG PA'I TING NGE 'DZIN GSUM GYIS NI RIM BZHIN DU SHES BYA'I SGRIB PA DANG, LAS KYI SGRIB PA DANG, KHYAD PAR CAN GYI YON TAN GYI SGRIB PA'I GNYEN POR BSGOM STE, YANG DAG PA'I RTZOL BA NI SHES BYA'I SGRIB PA'I GNYEN POR BSGOM MO, ,YANG DAG PA'I DRAN PA NI LAS KYI SGRIB PA'I GNYEN POR BSGOM MO, ,YANG DAG PA'I TING NGE 'DZIN NI KHYAD PAR CAN GYI YON TAN GYI SGRIB PA'I GNYEN POR BSGOM MO, ,BYANG CHUB KYI YAN LAG BDUN RNAMS KYI 'OG TU ZHES BYA BA LA SOGS PA LA, SA DANG POR BYANG CHUB KYI YAN LAG BDUN LA BSGOM STE, DE'I 'OG TU SA GNYIS PA YAN CHAD NA 'PHAGS PA'I LAM GYI YAN LAG BRGYAD LA BSGOM MO, ,DE LA YANG CHOS RAB TU 'BYED PA BYANG CHUB KYI YAN LAG GIS GANG ZAG DANG CHOS LA BDAG MED PAR KHONG DU CHUD PA'I CHOS DE NYID LA LTA ZHING DE NYID KYI DON KHONG DU CHUD PA NI YANG DAG PA'I LTA BA ZHES BYA'O, ,SHES PA DE RNAM PAR BZHAG NAS ZHES BYA BA LA SOGS PA LA, SHES PA NI BCOM LDAN 'DAS KYIS DE BZHIN NYID THUGS SU CHUD PA'O, ,RNAM PAR GZHAG PA NI GSUNG RAB YAN LAG BCU GNYIS GSUNGS TE 'JIG RTEN DU GZHAG PA'O, ,YANG NA CHOS RAB TU 'BYED PA BYANG CHUB KYI YAN LAG GIS CHOS KYI DON JI LTAR KHONG DU CHUD PA NI SHES PA DE RNAM PAR GZHAG PA ZHES BYA STE, DE LA GANG BDAG GIS DE KHO NA NYID KHONG DU CHUD PAS YANG NYAN PA DANG, BSAM PA DANG, BSGOM PA LA SOGS PA'I LAS BYAS PAS KHONG DU CHUD DO ZHES RTOG PA NI YANG DAG PA'I RTOG PA ZHES BYA'O, ,BCOM LDAN 'DAS KYIS GSUNGS PA ZHES PA NI MDO SDE LA SOGS PA GSUNG RAB YAN LAG BCU GNYIS BCOM LDAN 'DAS KYIS GSUNGS PA STE, MDO SDE LA SOGS PA'I NANG NAS KYANG DE @124B KHO NA KHONG DU CHUD PAR BYA BA DE 'BYUNG NGO, ,DES NI DE'I DON KHONG DU CHUD PA'I PHYIR ZHES BYA BA LA, DES ZHES BYA BA NI YANG DAG PA'I RTOG PA DES SO, ,DE'I DON KHONG DU CHUD PA ZHES BYA BA NI YANG DAG PA'I LTA BAS DE KHON NA NYID SNGAR KHONG DU CHUD NAS YANG DAG PA'I RTOG PAS KYANG GSUNG RAB KYI DON RNAMS KHONG DU CHUD DE MNGON SUM DU MTHONG NGO ZHES BYA BA'I DON TO, ,YANG DAG PA'I RTZOL BAS YUN RING POR MI SKYO BAR ZHES BYA BA LA, SHES BYA'I SGRIB PA SPANG BAR BYA BA'I PHYIR YANG DAG PA'I RTZOL BAS YUN RING POR MI SKYO BAR BSGOMS PAS SHES BYA'I SGRIB PA SPONG BAR 'GYUR TE, DE BAS NA YANG DAG PA'I RTZOL BA NI SHES BYA'I SGRIB PA'I GNYEN POR BSGOM MO, ,YANG DAG PA'I DRAN PAS NI ZHI GNAS DANG RAB TU 'DZIN PA ZHES BYA BA LA SOGS PA LA, LAM BSGOM PA NI ZHUM PA DANG RGOD PA SPANG BA'I PHYIR YANG DAG PA'I DRAN PAS ZHI GNAS KYI MTSAN MA DANG, RAB TU 'DZIN PA'I MTSAN MA DANG, BTANG SNYOMS KYI MTSAN MA DAG YID LA BYAS NAS ZHUM PA DANG RGOD PA SPANGS TE, ZHUM PA DANG RGOD PA MED PAR 'PHAGS PA'I LAM LA BSGOM PAS NA, YANG DAG PA'I DRAN PA NI LAM GYI SGRIB PA'I GNYEN POR BSGOM PAR GZHAG GO, ,DE LA NAM ZHUM PA BYUNG BA'I TSE NA NI DE BZHIN GSHEGS PA'I YON TAN LA SOGS PA SEMS GZENGS BSTOD PAR 'GYUR BA RAB TU 'DZIN PA'I MTSAN MA YID LA BYAS NAS ZHUM PA SEL BAR BYED DO, ,NAM SEMS RGOD PAR 'GYUR BA'I DUS NA SEMS ZHI BAR BYED PA'I RGYU'O, ,'KHOR BA'I SKYON YID LA BYED PA ZHI GNAS KYI MTSAN MA YID LA BYAS NAS RGOD PA MED PAR BYED DO, ,NAM ZHUM PA DANG RGOD PA DANG BRAL BA'I DUS NA BTANG SNYOMS KYI MTSAN MA YID LA BYAS NAS SEMS MI SKYO BAR 'JOG PAR BYED DO, ,YANG DAG PA'I TING NGE 'DZIN GYIS NI ZHES BYA BA LA SOGS PA LA, 'PHRUL GYI MIG LA SOGS PA YON TAN KHYAD PAR CAN THOB PAR BYA BA LA BAR DU GCOD PA'I SGRIB PA DANG BGEG RNAMS BSAL PAR BYA BA'I PHYIR YANG DAG PA'I TING NGE 'DZIN GYIS RTAG TU SEMS RTZE GCIG PAR 'JOG STE, RTZE GCIG TU GZHAG NA YON TAN KHYAD PAR CAN THOB PA LA SGRIB PA'I BAR DU GCOD PA DANG BRAL NAS MNGON PAR SHES PA LA SOGS PA'I YON TAN KHYAD PAR CAN THOB PAR 'GYUR BAS NA, YANG DAG PA'I TING NGE 'DZIN NI @125A *, ,KHYAD PAR CAN GYI YON TAN MNGON DU SGRUB PA LA SGRIB PA'I GNYEN PO BSGOM PAR GZHAG GO, ,ZHI GNAS DANG LHAG MTHONG RNAM PAR DBYE BA'I TSIGS SU BCAD PA RNAM PA GSUM STE ZHES BYA BA LA, BYANG CHUB KYI PHYOGS KYI 'OG TU ZHI GNAS DANG LHAG MTHONG GI SKABS BSHAD PAR 'BREL PA CI YOD CE NA, ZHI GNAS DANG LHAG MTHONG NI BYANG CHUB KYI PHYOGS THAMS CAD GRUB PAR BYED PA'I THABS YIN TE BYANG CHUB KYI PHYOGS BSGOM PA THAMS CAD LA, ZHI GNAS DANG LHAG MTHONG NI MED DU MI RUNG LA, BYANG CHUB KYI PHYOGS KYI SKABS SU ZHI GNAS DANG LHAG MTHONG BSHAD ZIN MOD KYI MTSAN NYID MA 'DRES PAR BSTAN TE, DA ZHI GNAS KYI MTSAN NYID NI 'DI, LHAG MTHONG GI MTSAN NYID NI 'DI'O ZHES MA 'DRES PAR BSTAN DGOS TE, DE BAS NA BYANG CHUB KYI PHYOGS KYI 'OG TU ZHI GNAS DANG LHAG MTHONG GI SKABS BSHAD PAR 'BREL TO, ,SEMS LA SEMS NI GZHAG PA DANG, ,CHOS RNAMS RAB TU 'BYED PA DANG, ,YANG DAG GNAS LA NYER GNAS PA, ,ZHI GNAS DANG NI LHAG MTHONG NGO, ,ZHES BYA BA LA, YANG DAG PAR GNAS PA NI YANG DAG PA'I TING NGE 'DZIN LA BYA STE, GZUGS KYI KHAMS KYI ZAG PA MED PA'I TING NGE 'DZIN BZHI LA BRTEN NAS, SEMS LA SEMS GZHAG PA STE, KHAMS GSUM THAMS CAD NI SEMS TZAM DU ZAD PA STE, SEMS LAS GZHAN MED DO ZHES SEMS RTZE GCIG TU 'JOG PA NI ZHI GNAS ZHES BYA STE, DE TZAM GYIS NA ZHI GNAS YONGS SU GRUB PA STE, SEMS MNYAM PAR GZHAG PA RNYED NA YANG DAG PA JI LTA BA BZHIN DU SHES PA'I SHES RAB 'BYUNG STE, CHOS GANG RNAMS KYI DON PHYIN CI MA LOG PAR SHES PA'I RNAM PAR MI RTOG PA'I YE SHES LA LHAG MTHONG ZHES BYA STE, 'DI DAG NI THEG PA CHEN PO'I ZHI GNAS DANG LHAG MTHONG GI MTSAN NYID MDOR BSTAN TO, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA ZHI GNAS MI ZAD PA GANG ZHE NA, GANG SEMS ZHI BA DANG, RAB TU ZHI BA DANG, NYE BAR ZHI BA DANG ZHES BYA BA LA SOGS PA GSUNGS PA DANG, BYANG CHUB SEMS DPA' RNAMS KYI LHAG MTHONG MI ZAD PA GANG ZHE NA, GANG SHES RAB KYI CHA'I BSGOM PA'I LAM STE, CHOS RNAMS LA G-YO BA MED PAR SHES PA DANG, BDAG PO MED PA DANG, SEMS CAN MED PA DANG ZHES BYA BA LA SOGS PA GSUNGS TE, DE NI ZHI GNAS DANG LHAG MTHONG GI MTSAN NYID DO, ,ZHI GNAS DANG LHAG MTHONG GI RAB TU DBYE BA BSTAN PA'I PHYIR, DE DAG KUN DU RAB TU 'GRO, , @125B ZHES BYA BA LA SOGS PA SMOS TE, DE DAG CES BYA BA'I SGRA NI ZHI GNAS DANG LHAG MTHONG BA LA BYA STE, ZHI GNAS DANG LHAG MTHONG NI BYANG CHUB KYI PHYOGS BSGOM PA DANG, BSAM GTAN DANG TING NGE 'DZIN THOB PAR 'DOD PA DANG, MNGON PAR SHES PA LA SOGS PA THOB PAR 'DOD PA DE DAG KUN GYIS ZHI GNAS DANG LHAG MTHONG BSGOM DGOS TE, YON TAN SGRUB PA LA ZHI GNAS DANG LHAG MTHONG MED DU MI RUNG BAS NA, ZHI GNAS DANG LHAG MTHONG NI KUN DU 'GRO BA ZHES BYA'O, ,CHA GCIG CHA MED RGYUR 'DOD DE, ,ZHES BYA BA LA, GANG GI TSE ZHI GNAS 'BA' ZHIG BSGOM GYI, LHAG MTHONG SHAS CHUNG BA DE NA YANG CHA GCIG LA BSGOM PA ZHES BYA STE, 'DI LTAR GZUGS MED PA'I SNYOMS PAR 'JUG PA LA BSGOM PA'O, ,GZUGS MED PA'I SNYOMS PAR 'JUG PA LA NI ZHI GNAS SHAS CHE LA LHAG MTHONG SHAS CHUNG NGO, ,GANG GI TSE LHAG MTHONG 'BA' ZHIG BSGOM LA, ZHI GNAS SHAS CHUNG BA DE YANG CHA GCIG LA BSGOM PA ZHES BYA STE, 'DI LTAR GZUGS KYI KHAMS KYIS NI BSAM GTAN DANG PO DANG, GNYIS PA DANG, GSUM PA LA BSGOM PA'O, ,DE GSUM GYI DUS NA LHAG MTHONG SHAS CHE LA, ZHI GNAS SHAS CHUNG NGO, ,ZHI GNAS DANG LHAG MTHONG ZUNG DU 'BREL PAR BSGOM PA NI CHA MED PA ZHES BYA STE, GZUGS KYI KHAMS KYI BSAM GTAN BZHI PA LA BSGOM PA'I DUS NA'O, ,MOS PAS SPYOD PA'I CHA'I ZHI GNAS DANG LHAG MTHONG BSGOM PA LA NI RGYUR 'DOD PA ZHES BYA STE, DE CI'I PHYIR ZHE NA, MOS PAS SPYOD PA'I SAR ZHI GNAS DANG LHAG MTHONG BSGOM PAS, SA DANG PO RTOGS PAR 'GYUR TE, MOS PAS SPYOD PA'I ZHI GNAS DANG LHAG MTHONG NI SA DANG POR 'JUG PA'I GNAS YIN PAS NA RGYU ZHES BYA'O, ,ZHI GNAS DANG LHAG MTHONG GNYIS KUN DU 'GRO BAR CI MNGON ZHE NA, DE'I PHYIR, JI SKAD DU MDO SDE LAS KYANG, AAE MA'I DGE SLONG DAG ZHES BYA BA LA SOGS PA SMOS TE, MDO LAS KYANG 'DOD PA LAS DBEN, SDIG PA MI DGE BA'I CHOS LAS DBEN, RTOG PA DANG BCAS PA'I BSAM GTAN DANG PO THOB PAR 'DOD PAS ZHI GNAS DANG LHAG MTHONG BSGOM PAR BYA BA NAS BSAM GTAN GNYIS PA DANG, GSUM PA DANG, BZHI PA DANG, MNGON PAR SHES PA LA SOGS PA THOB PAR 'DOD PAS ZHI GNAS DANG LHAG MTHONG BSGOM PAR BYA'O ZHES GSUNGS PAS NA KUN DU 'GRO BA YIN NO, RAB TU RTOGS DANG ZHES BYA BA LA, SA DANG PO'I ZHI GNAS DANG LHAG MTHONG @126A *, ,LA NI RAB TU RTOGS PA'I ZHI GNAS DANG LHAG MTHONG ZHES BYA STE, DE'I TSE CHOS KYI DBYINGS KUN DU 'GRO BA'I MTSAN NYID DU RTOGS PA'I PHYIR RO, ,'BYUNG BA ZHES BYA BA LA, SA GNYIS PA DANG, GSUM PA DANG, BZHI PA DANG, LNGA PA DANG, DRUG PA'I DUS NA ZHI GNAS DANG LHAG MTHONG BSGOM PA LA NI 'BYUNG BA'I ZHI GNAS DANG LHAG MTHONG ZHES BYA STE, DE'I DUS KYI ZHI GNAS DANG LHAG MTHONG GI MTSAN MA CAN DU SPYOD PA MTHAR 'BYIN PAR BYED CING, MTSAN MA CAN THAMS CAD SPONG BAR BYED PA'I PHYIR RO, ,MTSAN MA MED PA DANG ZHES BYA BA LA, SA BDUN PA'I DUS NA ZHI GNAS DANG LHAG MTHONG BSGOM PA NI MTSAN MA MED PA'I ZHI GNAS DANG LHAG MTHONG ZHES BYA STE, DE'I DUS NA MDO SDE LA SOGS PA'I CHOS RNAM PA SNA TSOGS LA MTSAN MA THA DAD PAR MI BYED KYI, THAMS CAD KYANG RO GCIG PAR BSGOM PA'I PHYIR RO, ,'DUS MA BYAS ZHES BYA BA LA, SA BRGYAD PA DANG, DGU PA DANG, BCU PA'I DUS KYI ZHI GNAS DANG LHAG MTHONG LA NI 'DUS MA BYAS KYI ZHI GNAS DANG LHAG MTHONG BSGOM ZHES BYA STE, DE NI BRTZAL BA DANG 'BAD PA MED PAR LHUN GYIS GRUB PA NYID DU ZHI GNAS DANG LHAG MTHONG LA GNAS PA'I PHYIR RO, ,YONGS SU DAG DANG RNAM PAR DAG ,CES BYA BA LA, SA BRGYAD PA DANG, DGU PA DANG, BCU PA'I DUS KYI ZHI GNAS DANG LHAG MTHONG DES SANGS RGYAS KYIS GZHI SHEL GYI KHA DOG LA SOGS PA SBYONG BAR BYED PAS NA YONGS SU DAG PA ZHES BYA'O, ,NYON MONGS PA DANG SHES BYA'I SGRIB BA'I BAG LA NYAL TSUN CHAD SPANGS PA'I SANGS RGYAS THOB PAR BYED PAS NA, RNAM PAR DAG PA ZHES BYA STE, 'DI NI ZHI GNAS DANG LHAG MTHONG GI RAB TU DBYE BA'O, ,ZHI GNAS DANG NI LHAG MTHONG RNAMS, ,BRTAN PAS SA RNAMS THAMS CAD LA, ,DE NI RNAL 'BYOR KUN SGRUB PA'O, ,ZHES BYA BA LA, RNAL 'BYOR GYI SGRA NI THABS LA BYA STE, BRTAN PA BYANG CHUB SEMS DPA' RNAMS SA BCU THAMS CAD LA ZHI GNAS DANG LHAG MTHONG BSGOM PA NI BDAG DANG GZHAN GYI DON THAMS CAD SGRUB PAR BYED PA'I THABS YIN TE, DE NI ZHI GNAS DANG LHAG MTHONG GI LAS SO, ,'DUS BYAS YOD PA NI 'DUS BYAS YIN LA ZHES BYA BA LA, GANG LA BRTZAL BA DANG 'BAD PA YOD PA DE LA NI 'DUS BYAS ZHES BYA NA, SA BRGYAD PA DANG, DGU PA DANG, BCU PA'I DUS NA BRTZAL BA DANG 'BAD PA MED PAR ZHI @126B GNAS DANG LHAG MTHONG LHUN GYIS GRUB PAR BSGOM PA'I PHYIR 'DUS MA BYAS ZHES BYA'O, ,THABS MKHAS PA RNAMS PAR BYED PA LA TSIGS SU BCAD PA RNAM PA GNYIS SO ZHES BYA BA LA, ZHI GNAS DANG LHAG MTHONG GI 'OG TU THABS MKHAS PA'I SKABS BSHAD PAR 'BREL PA CI YOD CE NA, ZHI GNAS DANG LHAG MTHONG NI DON THAMS CAD GRUB PAR BYED PA'I THABS YIN LA, ZHI GNAS DANG LHAG MTHONG BSGOMS PA DE YANG, THABS LA MKHAS PAS THEG PA GZHAN DU MI 'JUG PAR BYA BA'I PHYIR THEG PA CHEN PO'I DON RTOGS PAR BYA BAR YONGS SU BSNGO BAR BYA STE, DE BAS NA ZHI GNAS DANG LHAG MTHONG GI 'OG TU THABS LA MKHAS PA'I SKABS BSHAD PAR 'BREL TO, ,DE LA BYANG CHUB SEMS DPA'I THABS KYANG RNAM PA LNGA'O, ,SANGS RGYAS CHOS RNAMS RDZOGS BYED DANG, ,ZHES BYA BA LA, ,SANGS RGYAS KYI CHOS NIS DANG PHA ROL TU PHYIN PA DANG, BYANG CHUB KYI PHYOGS DANG, STOBS DANG, MI 'JIGS PA DANG, RNAM PA THAMS CAD MKHYEN PA'I YE SHES KYI PAR LA BYA STE, DE YONGS SU RDZOGS PAR BYED PA'I THABS NI RNAM PAR MI RTOG PA'I YE SHES TE, 'DI NI THABS RNAM PA GCIG GO, ,DE BAS NA SHES RAB KYI PHA ROL TU PHYIN PA 'BUM LAS KYANG GAL TE SBYIN PA'I PHA ROL TU PHYIN PA YONGS SU RDZOGS PAR 'DOD NA SHES RAB KYI PHA ROL TU PHYIN PA LA BSLAB PAR BYA'O ZHES BYA BA NAS RNAM PA THAMS CAD MKHYEN PA'I YE SHES THOB PAR 'DOD PAS SHES RAB KYI PHA ROL TU PHYIN PA LA BSLAB PAR BYA'O ZHES GSUNGS SO, ,SEMS CAN YONGS SU SMIN PA'I PHYIR RO ZHES BYA BA LA, SEMS CAN YONGS SU SMIN PAR BYED PA'I THABS NI BSDU BA'I DNGOS PO BZHI STE, DES SEMS CAN MI DGE BA'I GNAS NAS BSLANGS NAS, DGE BA'I GNAS SU 'JOG PAR BYED PA'I PHYIR TE, 'DI NI THABS RNAM PA GNYIS PA'O, ,MYUR DU THOB PA DANG ZHES BYA BA LA, MNGON PAR SHES PA MYUR DU THOB CING, MYUR DU MNGON PAR 'TSANG RGYA BAR BYED PA'I THABS NI MDO LAS, SDIG PA THAMS CAD BSHAGS PAR BYA'O, ,BSOD NAMS KUN GYI RJES SU YI RANG BAR BYA'O, ,SANGS RGYAS THAMS CAD LA GSOL BA GDAB PAR BYA'O, ,BDAG GI SHES PA BLA NA MED PA'I BYANG CHUB TU 'TSANG RGYA BAR GYUR CIG CES BYA BA STE, MDO SDE'I TSIG DE BZHIS RIM @127A *, ,BZHIN DU BSHAGS PA DANG, RJES SU YI RANG BA DANG GSOL BA DANG, BSNGO BA RNAMS BSTAN TO, ,'DI NI THABS RNAM PA GSUM PA'O, ,BYA BA GRUB PA DANG ZHES BYA BA LA, BYA BA GRUB PA'I THABS NI TING NGE 'DZIN DANG GZUNGS KYI SGO RNAMS TE, DE GNYIS KYIS BDAG DANG GZHAN GYI DON RNAMS 'GRUB PAR BYED PA'I PHYIR RO, ,TING NGE 'DZIN GYIS RDZU 'PHRUL RNAM PA SNA TSOGS BSTAN PA'I SGO NAS GZHAN GYI DON 'GRUB PAR BYED DO, ,GZUNGS KYIS NI BSHAD PA'I DON DANG TSIG 'DZIN PAS BDAG GI DON 'GRUB PAR BYED DE, 'DI NI THABS BZHI PA'O, ,LAM MI GCOD PAR MKHAS PA NI, ,ZHES BYA BA LA, LAM MI GCOD PA NI DE BZHIN GSHEGS PA'I GDUNG MI GCOD PA STE, DE'I THABS NI MI GNAS PA'I MYA NGAN LAS 'DAS PA'I LAM MO, ,DE LA MI GNAS PA'I MYA NGAN LAS 'DAS PA'I LAM NI RNAM PA GNYIS TE, SHES RAB DANG SNYING RJE'O, ,DE LA SHES RAB DANG LDAN PA NI 'KHOR BA NA GNAS KYANG 'KHOR BA'I NYES PAS MI GOS TE, DPER NA PADMO CHU LAS SKYES KYANG CHU'I NYES PA 'DAM GYIS MI GOS PA BZHIN NO, ,SNYING RJE DANG LDAN PAS NI 'PHAGS PA NYAN THOS BZHIN DU MYA NGAN LAS 'DAS PA 'BA' ZHIG TU MI 'JUG GI, 'KHOR BAR SEMS CAN GYI DON BYED DE, 'DI NI THABS RNAM PA LNGA PA'O, ,DE YANG CHAD KYIS THABS KYI RAB TU DBYE BA BSTAN TO, ,BYANG CHUB SEMS DPA' RNAMS KYI THABS, ,SA RNAMS KUN LA MNYAM PA MED, ,CES BYA BA LA, 'JIG RTEN PA DAG RANG GI DON GRUB PAR BYA BA'I PHYIR THABS LA GNAS PA YOD, 'PHAGS PA NYAN THOS DANG RANG SANGS RGYAS DAG KYANG RANG GI 'BRAS BU THOB PAR BYA BA'I THABS LA GNAS PA YOD MOD KYI, BYANG CHUB SEMS DPA' RNAMS SA BCU DAG NA THABS LA MKHAS PA RNAM PA LNGA LA GNAS PA NI GNAS PAS KHYAD ZHUGS PAS NA MNYAM PA MED PA ZHES BYA'O, ,THABS GANG LA NI GNAS NAS SU, ,DON RNAMS THAMS CAD 'GRUB PAR BYED, ,CES BYA BA LA, BYANG CHUB SEMS DPA' RNAMS THABS MKHAS PA RNAM PA LNGA LA GNAS NA, BDAG GI DON DANG GZHAN GYI DON GNYI GA 'GRUB PAR BYED DE, DE NI THABS MKHAS PA'I LAS SO, ,GZUNGS RNAM PAR DBYE BA LA TSIGS SU BCAD PA GSUM STE ZHES BYA BA LA, THABS KYI 'OG TU GZUNGS KYI SKABS BSHAD PAR 'BREL PA CI YOD CE NA, GZUNGS KYI BYANG CHUB SEMS DPA' BYANG CHUB @127B KYI PHYOGS THAMS CAD KYANG THOB LA, GZUNGS KYI STOBS KYIS SANGS RGYAS DANG BYANG CHUB SEMS DPA' RNAMS KYIS GSUNGS PA'I DON DANG TSIG RNAMS KYANG MA LUS PAR 'DZIN PAR BYED CING, SNGON MA THOS PA'I CHOS DANG DON RNAMS KYANG SEMS LA SNANG BAR 'GYUR TE, DE BAS NA THABS DANG LDAN NA CHOS DANG GZUNGS DANG DON 'DZIN PA'I GZUNGS THOB PA'I PHYIR, ,THABS KYI 'OG TU GZUNGS BSHAD PAR 'BREL TO, ,YANG NA THABS MKHAS PA DANG GZUNGS LA SOGS PA BYANG CHUB KYI PHYOGS KYI CHOS KYI NANG DU GTOGS PAS, DE'I DON MI BSHAD DU MI RUNG BA'I PHYIR BSHAD DO, ,YANG NA GTZUG LAG 'DI NI MDO SDE'I DON 'CHAD PA YIN TE, THEG PA CHEN PO'I MDO SDE LAS, THABS DANG, GZUNGS DANG, SMON LAM DAG 'BYUNG STE DE'I DON BSHAD DGOS PAS GZUNGS KYI DON BSHAD DO, ,RNAM SMIN THOS PA GOMS PA DANG, TING NGE 'DZIN GZUNGS TE ZHES BYA BA LA SOGS PA LA, GZUNGS KYI RAB TU DBYE BA DANG LAS BSTAN TE; 'DIR GZUNGS KYI RANG BZHIN MA BSHAD MOD KYI, GZUNGS KYI RANG BZHIN NI DRAN PA DANG SHES RAB KYI RANG BZHIN TE, DRAN PA DANG SHES RAB KHYAD PAR CAN LA GZUNGS ZHES BYA'O, ,DE LA GZUNGS RNAM PA GSUM STE, RNAM PAR SMIN PA LAS BYUNG BA'I GZUNGS DANG, THOS PA GOMS PA LAS BYUNG BA'I GZUNGS DANG, TING NGE 'DZIN GYI GZUNGS SO, ,DE LA TSE RABS GZHAN DU DAM PA'I CHOS DRIS PA DANG, MCHOD PA DANG, BCANGS PA DANG, KLAGS PA LA SOGS PA GZUNGS THOB PAR 'GYUR PA'I KLAS DGE BA BSAGS PAS GANG DU SKYES PAR 'DI LTA BU'I PHUNG PO MNGON PAR 'GRUB PAR 'GYUR TE, PHUNG PO GANG GRUB PAS SANGS RGYAS DANG BYANG CHUB SEMS DPA' RNAMS KYIS GANG BSHAD PA'I DON DANG TSIG RNAM LAN CIG BSHAD PAS KUN 'DZIN PAR NUS TE, 'DI NI RNAM PAR SMIN PA LAS BYUNG BA'I GZUNGS ZHES BYA'O, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA GZUNGS MI ZAD PA GANG ZHE NA, GZUNGS ZHES BYA BA NI GANG DGE BA'I RTZA BA'I TSOGS BSAGS PA DRAN PAS CHOS KYI PHUNG PO STONG PHRAG BRGYAD CU RTZA BZHI 'DZIN PA DANG, KUN 'DZIN PA DANG, MI BRJED PA DANG, DRAN PAS KUN 'DZIN PA 'DI NI GZUNGS ZHES BYA'O ZHES GSUNGS SO, ,TSE 'DIR DGE BA'I @128A *, ,BSHES GNYEN MANG PO LA CHOS MANG PO LAN MANG DU MNYAN PA LAS SANGS RGYAS DANG BYANG CHUB SEMS DPA' LA SOGS PAS BSHAD PA DANG, MKHAN PO DANG SLOB DPON LA SOGS PAS BSHAD PA'I CHOS KYI DON TSIG MA LUS PAR 'DZIN NUS PAR 'GYUR TE, 'DI NI THOS PA LA GOMS PA LAS BYUNG BA'I GZUNGS ZHES BYA'O, ,GZUNGS DE'I DBANG DU BYAS NAS, 'PHAGS PA BLO GROS MI ZAD PA'I MDO LAS KYANG, ,YANG GZUNGS ZHES BYA BA NI SANGS RGYAS BCOM LDAN 'DAS KYIS GSUNGS PA THAMS CAD 'DZIN PA DANG, BYANG CHUB SEMS DPA' THAMS CAD DANG, RANG SANGS RGYAS THAMS CAD DANG, NYAN THOS THAMS CAD DANG, SEMS CAN THAMS CAD KYIS SMRAS PA DANG, LEGS PAR SMRAS PA THAMS CAD MA LUS PAR 'DZIN PA STE, 'DI NI GZUNGS ZHES BYA'O ZHES GSUNGS SO, ,GANG GIS STONG PA NYID DANG, MTSAN MA MED PA DANG, SMON PA MED PA'I TING NGE 'DZIN LA SOGS PA'I TING NGE 'DZIN DANG GANG YANG RUNG BA CIG BSGOMS TE MNGON DU BYAS PA DANG, SANGS RGYAS DANG BYANG CHUB SEMS DPA' RNAMS KYIS BSHAD PA'I DON DANG TSIG RNAMS LA LAN CIG GIS 'DZIN PAR NUS PA NI TING NGE 'DZIN GYI GZUNGS ZHES BYA'O, ,CHUNG BA DANG NI CHEN PO DANG, ,ZHES BYA BA LA, GONG DU BSHAD PA'I GZUNGS GSUM LAS, RNAM PAR SMIN PA LAS BYUNG BA DANG, THOS PA GOMS PA LAS BYUNG BA'I GZUNGS NI CHUNG NGU ZHES BYA'O, ,TING NGE 'DZIN GYI GZUNGS NI CHEN PO ZHES BYA'O, ,CHEN PO LA YANG RNAM PA GSUM STE ZHES BYA BA LA, TING NGE 'DZIN GYI GZUNGS CHEN POR BSHAD PA LA CHEN PO DE LA YANG RNAM PA GSUM DU GZHAG STE, CHUNG NGU DANG, 'BRING DANG, CHEN PO'O, ,MA ZHUGS ZHUGS PA BRTAN RNAMS KYI, ,CHUNG NGU DANG NI 'BRING PO DANG, SA DAG PA YI SA YIN TE, ,ZHES BYA BA LA, SA DANG PO LA MA ZHUGS PA MOS PAS SPYOD PA RNAMS TING NGE 'DZIN 'GA' ZHIG BSGOMS PA LAS GZUNGS THOB PA NI CHUNG NGU ZHES BYA STE, CHUNG NGU NI CHOS DBYINGS MNGON DU MA BYAS PA'I PHYIR RO, ,SA LA ZHUGS PA'I BYANG CHUB SEMS DPA' BSTAN PA RNAMS KYI GZUNGS LA YANG SA DANG PO YAN CHANG SA BDUN PA MAN CHAD MA DAG PA'I TING NGE 'DZIN LAS GRUB PA'I GZUNGS NI 'BRING PO ZHES BYA STE, SA DE DAG NA BRTZAL BA DANG 'BAD PA YOD @128B PA'I PHYIR RO, ,DAG PA'I SA NI CHEN PO'O ZHES BYA BA LAS BRGYAD PA DANG, SA DGU PA DANG, SA BCU PA DAG PA'I SA LA GNAS PA'I TING NGE 'DZIN LAS SKYES PA'I GZUNGS NI BRTZAL BA 'BAD MED PAR LHUN GYIS GRUB PAR 'JUG PA'I PHYIR TE, DES NI GZUNGS KYI RAB TU DBYE BA BSTAN TO, ,GZUNGS RNAMS LA NI RAB GNAS TE, ,YANG DANG YANG NI BYANG CHUB DAG ,DAM PA'I CHOS KYANG STON BYED CING, ,RTAG PAR RAB TU 'DZIN PAR BYED, ,CES BYA BA LA, BYANG CHUB SEMS DPA' DAG GONG DU BSHAD PA'I RNAM PAR SMIN PA LAS BYUNG BA'I GZUNGS DANG, THOS PA GOMS PA LAS BYUNG BA'I GZUNGS DANG, TING NGE 'DZIN GYI GZUNGS GSUM LA GNAS SHING BRTEN NAS RGYUN DU SEMS CAN LA PHAN PAR BYA BA'I PHYIR DAM PA'I CHOS KYI TSIG DANG DON KYANG STON CING BDAG LA PHAN PAR BYA BA'I PHYIR SANGS RGYAS DANG BYANG CHUB SEMS DPAS GSUNGS PA'I DON DANG TSIG KYANG 'DZIN PAR BYED DE, DE NI GZUNGS KYI LAS SO, ,YANG DANG YANG ZHES BYA BA NI RTAG PA DANG RGYUN MA CHAD PAR ZHES BYA BA'I DON TO, ,THOS PA GOMS PAS NI TSE 'DI LA MANG DU THOS PA 'DZIN PA DANG ZHES BYA BA LA SOGS PA LA, TSE 'DIR DGE BA'I BSHES GNYEN MANG PO LA LAN MANG DU MNYAN PA LAS SANGS RGYAS LA SOGS PAS BSHAD PA'I DON DANG TSIG 'DZIN CING MI BRJED PAR BZUNG BA'I MTHU YOD DE, DE NI THOS PA GOMS PA LAS BYUNG BA'I GZUNGS ZHES BYA'O, ,SMON LAM RNAM PAR DBYE BA'I TSIGS SU BCAD PA GSUM STE ZHES BYA BA LA, GZUNGS KYI 'OG TU SMON LAM GYI SKABS BSHAD PAR 'BREL PA CI YOD CE NA, DE LTAR GZUNGS THOB PA'I BYANG CHUB SEMS DPA' RNAMS BDAG DANG GZHAN GYI DON DU SMON LAM 'DEBS TE, SMON LAM BTAB PA YANG SMON LAM GANG DANG GANG BTAB PA DE DANG DE DAG THAMS CAD DE BZHIN DU 'GRUB PAR 'GYUR TE, DE BAS NA GZUNGS KYI 'OG TU SMON LAM GYI SKABS BSHAD PAR 'BREL TO, ,'DOD PA DANG LDAN PA'I SEMS PA NI, ,ZHES BYA BA LA SOGS PAS SMON LAM GYI RANG BZHIN DANG, RGYU DANG, SA DANG, DBYE BA DANG, LAS BSTAN TO, ,DE LA 'DOD PA NI 'DOD PAR BYA BA'I DNGOS PO LA 'DOD PA SKYE BA STE, 'DIR YANG BLA NA MED PA'I BYANG CHUB KYI 'BRAS BU JI LTAR THOB PAR BYA SNYAM DU SEMS SHING 'DOD PA NI 'DOD PA ZHES BYA'O, ,SEMS PA NI SEMS G-YO ZHING 'GUL BAR BYED PA'I MTSAN NYID DE SEMS BSKYED @129A *, ,NAS BLA NA MED PA'I BYANG CHUB KYI 'BRAS BU JI LTA BAR THOB PAR BYA SNYAM DU SEMS SHING TSIG TU 'BYIN PA NI SMON LAM GYI RANG BZHIN NO, ,YE SHES KYIS NI DE BSKUL TE, ,ZHES BYA BA LA, YE SHES NI 'DI'I RNAM PAR MI RTOG PA'I YE SHES LA BYA STE, BYANG CHUB SEMS DPA' RNAMS KYI SMON LAM NI RNAM PAR MI RTOG PA'I YE SHES KYI RGYU LAS BYUNG BAS NA YE SHES KYIS BSKUL BA ZHES BYA'O, ,YANG NA YE SHES DE THOB PAR BYA BAR BSNGOS PA NI YE SHES KYIS BSKUL BA ZHES BYA STE, 'DIS NI RGYU BSTAN TO, ,BRTAN PA RNAMS KYI SMON LAM NI, ,SA RNAMS KUN LA MNYAM PA MED, ,CES BYA BA LA, BRTAN PA BYANG CHUB SEMS DPA' RNAMS SA BCU THAMS CAD DU SMON LAM 'DEBS PA DE NI 'JIG RTEN PA DAG LHA DANG MI'I 'BRAS BU THOB PAR BYA BA'I PHYIR SMON LAM 'DEBS PA DANG, NYAN THOS DANG RANG SANGS RGYAS DAG GI 'BRAS BU THOB PAR BYA BA'I PHYIR SMON LAM 'DEBS PA YOD MOD KYI, SMON LAM DE DAG KUN PAS KYANG KHYAD ZHUGS PAS NA MNYAM PA MED PA ZHES BYA STE, 'DIS NI SA BSTAN TO, ,RGYUR GYUR PA YANG SHES PAR BYA, ,ZHES BYA BA LA, BYANG CHUB SEMS DPA' RNAMS KYI SMON LAM NI DON THAMS CAD 'GRUB PA'I RGYUR 'GYUR BAR SHES PAR BYA'O ZHES BYA BA'I DON TO, ,DE LA DON THAMS CAD 'GRUB PAR BYA BA NI RNAM PA GNYIS TE, TSE 'DIR BDAG DANG GZHAN GYI DON 'GRUB PAR BYA BA DANG, TSE RABS GZHAN DU BDAG DANG GZHAN GYI DON 'GRUB PAR BYA BA'O, ,SEMS LAS 'PHRAL DU 'BRAS BU'ANG DE, ,ZHES BYA BA LA; DE ZHES BYA BA'I SGRA NI SMON LAM DANG SBYAR TE, BYANG CHUB SEMS DPA'I SMON LAM DE ZHES BYA BA'I DON TO, ,SEMS LAS ZHES BYA BA NI SEMS TZAM LAS SHE'AM, ,SMON LAM BTAB PA TZAM GYIS ZHES BYA BA'I DON TO, ,'PHRAL DU ZHES BYA BA NI TSE 'DI LA BYA BA'I DON TO, ,DON DU NA LUS DANG NGAG GI SGO NAS LAS SU BYAS PA MED PAR TSE 'DIR YANG SMON LAM BTAB PA TZAM GYIS BDAG DANG GZHAN GYI DON 'GRUB PAR 'GYUR RO ZHES BYA BA'I DON TO, ,MA 'ONGS DON RNAMS 'GRUB PA'I PHYIR, ,SEMS TZAM LAS NI 'GRUB PAR 'GYUR, ,ZHES BYA BA LA, MA 'ONGS PA NI TSE PHYI MA LA @129B BYA STE; LUS DANG NGAG GI SGO NAS G-YOS PA MED LA, SEMS TZAM GYIS BSAMS PA'AM, SMON LAM BTAB PA TZAM GYIS TSE PHYI MAR YANG BDAG DANG GZHAN GYI DON KUN SGRUB PAR BYED DO ZHES BYA BA'I DON TO, ,SNA TSOGS ZHES BYA BA LA MOS PAS SPYOD PA'I DUS KYI BYANG CHUB SEMS DPA' RNAMS KYI SMON LAM NI SNA TSOGS ZHES BYA STE, DE'I DUS NA CHOS KYI DBYINGS KUN DU 'GRO BA'I MTSAN NYID MI RTOGS PAS, 'DI DANG 'DI LTA BUR GYUR CIG CES SMON LAM 'DEBS PA YANG THA DAD PA NI MI MTHUN PAR 'DEBS PAS SNA TSOGS ZHES BYA'O, ,CHEN PO ZHES BYA BA LA, SA DANG POR ZHUGS PA'I BYANG CHUB SEMS DPA' RNAMS KYI SMON LAM NI CHEN PO ZHES BYA STE, SMON LAM CHEN PO BCU MNGON PAR SGRUB PA'I PHYIR RO, ,RNAM DAG GONG MA GONG MA'I SA RNAMS LA, ,BYANG CHUB BAR DU SEMS PA RNAMS, ,ZHES BYA BA LA, SA GNYIS NAS BRTZAMS TE, SANGS RGYAS KYI SA LA MA THUG GI BAR GYI BYANG CHUB SEMS DPA' RNAMS KYI SMON LAM NI RNAM PAR DAG PA ZHES BYA STE, JI LTA ZHE NA SA 'OG MA 'OG MA LA LTOS NAS, SA GONG MA GONG MA RNAMS KYI SMON LAM 'PHAGS SHING KHYAD ZHUGS PA'I PHYIR TE, 'DIS NI SMOD LAM GYI RAB TU DBYE BA BSTAN TO, , BDAG DANG GZHAN DON RAB TU SGRUB, ,CES BYA BA LA, BYANG CHUB SEMS DPA'I SMON LAM GYIS NI BDAG GI DON YANG SGRUB PAR BYED, ,GZHAN GYI DON YANG SGRUB PAR BYED DE, DE NI LAS SO, ,SMON LAM GYI MTHUS BSOD NAMS KYI STOBS DANG LDAN PA ZHES BYA BA LA SOGS PA LA, BSOD NAMS KYI TSOGS BSAGS PA'I BYANG CHUB SEMS DPA' BSOD NAMS KYI STOBS DANG LDAN PAS SMON LAM BTAB PA'I MTHUS BYANG CHUB SEMS DPA' RNAMS LUS DPAG TU MED PA DANG, 'OD ZER DPAG TU MED PA DANG, RDZU 'PHRUL DPAG TU MED PAS BDAG DANG GZHAN GYI DON SGRUB PA NI TSIG GIS BRJOD PAR SLA BA MA YIN NO ZHES BYA BA LA SOGS PA MDO LAS GSUNG PAS NA, SMON LAM GYIS BDAG DANG GZHAN GYI DON SGRUB PAR MNGON NO, ,TING NGE 'DZIN GSUM RNAM PAR DBYE BA LA TSIGS SU BCAD PA GSUM STE ZHES BYA BA LA, SMON LAM GYI 'GO TU TING NGE 'DZIN GSUM @130A *, ,BSHAD PAR 'BREL PA CI YOD CE NA, DE LTAR GZUNGS DANG SMON LAM DU LDAN PA'I BYANG CHUB SEMS DPA' SGRIB PA THAMS CAD SPANG BAR BYA BA'I PHYIR TING NGE 'DZIN GSUM LA SGOM PAR BYED DE, DE GSUM LA BSGOMS NA BDAG DANG GZHAN GYI DON PHYIN CI MA LOG PA RNAMS SPONG BAR 'GYUR BAS NA, SMON LAM GYI 'OG TU TING NGE 'DZIN GSUM RNAM PAR DBYE BA'I SKABS BSHAD PAR 'BREL TO, ,YANG NA SMON LAM DANG LDAN PA'I BYANG CHUB SEMS DPA' RNAMS LUS KYI LAS SAM, NGAG GI LAS SAM, YID KYI LAS GANG SGRUB PAR BSAMS PA DE DANG DE DAG THAMS CAD DE BZHIN DU SGRUB STE, LAS GSUM LA YANG SEMS KYI LAS TING NGE 'DZIN BSGRUB PA GTZO BO YIN PAS NA, SMON LAM GYI 'OG TU TING NGE 'DZIN GYI SKABS BSHAD PAR 'BREL TO, ,BDAG MED GNYIS PO DAG DANG NI, ,BDAG 'DZIN GNAS SU SHES PAR BYA, ,DE DAG RTAG TU NYE BAR ZHI, ,TING NGE 'DZIN GSUM GYI SPYOD YUL LO , ,ZHES BYA BA LA, SPYOD YUL NI DMIGS PA'I YUL LA BYA STE, DE LA KUN DU BRTAGS PA'I GANG ZAG LA BDAG MED PA DANG, KUN DU BRTAGS PA'I CHOS LA BDAG MED PA GNYIS NI STONG PA NYID KYI TING NGE 'DZIN GYI SPYOD YUL TE, STONG PA NYID KYI TING NGE 'DZIN GYIS NI KUN BRTAGS KYI GANG ZAG DANG CHOS LA BDAG MED PA'I STONG PA NYID LA DMIGS PA'I PHYIR RO, ,GANG ZAG LA BDAG MED PA DANG CHOS LA BDAG MED PA'I GNAS DANG RTEN NI NYE BAR LEN PA'I PHUNG PO LNGA STE, NYE BAR LEN PA'I PHUNG PO LNGA LA DMIGS NAS GANG ZAG DANG CHOS YOD PAR RTOGS PA'I PHYIR RO, ,NYE BAR LEN PA'I PHUNG PO LNGA LA NI SMON PA MED PA'I TING NGE 'DZIN GYIS DMIGS TE, DE JI LTAR DMIGS SHE NA, NYE BAR LEN PA'I PHUNG PO LNGA PO 'DI DAG NI BDAG DANG CHOS SU 'KHRUL PA MED PAR 'BYUNG BA'I GNAS DANG RTEN YIN ZHING SKYE BA DANG RGA BA LA SOGS PA'I SDUG BSNGAL RNAM PA SNA TSOGS DANG LDAN PA YIN PAS SMON PAR BYA BA MA YIN NO ZHES BYA BAR DMIGS SO, ,KUN BRTAGS KYI GANG ZAG DANG, KUN BRTAGS KYI CHOS SNYE BAR ZHI ZHING SPANGS PA DANG, DE GNYIS KYI GZHI NYE BAR LEN PA'I PHUNG PO LNGA NYE BAR ZHI ZHING @130B SPANGS PA'I 'GOG PA'I BDEN PA YONGS SU GRUB PA'I MTSAN NYID LA NI MTSAN MA MED PA'I TING NGE 'DZIN GYIS DMIGS TE, JI LTAR DMIGS SHE NA, YONGS SU GRUB PA'I MTSAN NYID NI MIG DANG GZUGS LA SOGS PA'I MTSAN MA THAMS CAD DANG BRAL BA YIN NO ZHES DMIGS SO; ,TING NGE 'DZIN RNAM PA GSUM PO NI, GZUNG 'DZIN DNGOS POR SHES PAR BYA, ,ZHES BYA BA LA, GONG DU BSHAD PA LTAR NA STONG PA NYID DANG, SMON LAM MED PA DANG, MTSAN MA MED PA'I TING NGE 'DZIN GSUM NI GZUNG BA DANG 'DZIN PA'I NGO BO LTA BUR GYUR PAR SHES PAR BYA STE, BDAG MED PA RNAM PA GNYIS PA DANG, DE'I GNAS NYE BAR LEN PA'I PHUNG PO LNGA DANG, DE DAG NYE BAR ZHI BA YONGS SU GRUB PA'I MTSAN NYID NI GZUNG BA'I DNGOS PO LTA BU'O, ,STONG PA NYID DANG SMON PA MED PA DANG, MTSAN MA MED PA'I TING NGE 'DZIN GSUM NI 'DZIN PA'I DNGOS PO LTA BUR SHES PAR BYA'O, ,GZUNG BA'I SPYOD YUL GSUM LA 'DZIN PA NI, ,ZHES BYA BA LA SOGS PA LA, YUL DU GYUR PA BDAG MED PA GNYIS DANG, DE'I GNAS SU GYUR PA NYE BAR LEN PA'I PHUNG PO LNGA DANG, DE DAG NYE BAR ZHI BA'I MTSAN NYID YONGS SU GRUB PA'I MTSAN NYID DMIGS PA NI STONG PA NYID LA SOGS PA'I TING NGE 'DZIN GSUM STE, DE BAS NA BDAG MED PA RNAM PA GNYIS LA SOGS PA NI GZUNG BAR GZHAG ,STONG PA NYID KYI TING NGE 'DZIN GSUM NI 'DZIN PAR GZHAG STE, BDAG MED PA GNYIS NI STONG PA NYID KYI TING NGE 'DZIN GYI SPYOD YUL LO, ,'DZIN PA GNYIS KYI GNAS NI SMON PA MED PA'I TING NGE 'DZIN GYI SPYOD YUL LO, ,DE DAG NYE BAR ZHI BA NI MTSAN MA MED PA'I TING NGE 'DZIN GYI SPYOD YUL TE, TSIG DE DAG GIS TING NGE 'DZIN GSUM GYI SPYOD YUL GANG YIN PA BSTAN TO, ,RNAM MI RTOG DANG RGYAB KYIS PHYOGS, ,DGA' BA DANG NI RTAG TU LDAN, ,ZHES BYA BA LA, STONG PA NYID KYI TING NGE 'DZIN GSUM NI RNAM PAR MI RTOG PA'I MTSAN NYID DE, STONG PA NYID KYI TING NGE 'DZIN DES KUN BRTAGS KYI CHOS DANG, KUN BRTAGS KYI GANG ZAG LA YOD PAR MI RTOG PA'I PHYIR RO, ,SMON PA'I MED PA'I TING NGE 'DZIN NI RGYAB KYIS PHYOGS @131A *, ,PA'I MTSAN NYID DE, KUN BRTAGS KYI GANG ZAG DANG CHOS RNAMS BYUNG BA'I RGYUR GYUR BA'I NYE BAR LEN PA'I PHUNG PO LNGA SDUG BSNGAL SNA TSOGS KYI RTEN DU GYUR PAR KHONG DU CHUD PAS CHAGS PA MI SKYE BA'I PHYIR RO, ,MTSAN MA MED PA'I TING NGE 'DZIN NI RTAG TU DGA' BA DANG LDAN PA'I MTSAN NYID DE, KUN BRTAGS KYI GANG ZAG DANG, CHOS SU LA 'KHRUL PA SPANGS PA DANG, DE DAG GI GNAS NYE BAR LEN PA'I PHUNG PO LNGA SPANGS PA'I MYA NGAN LAS 'DAS PA YONGS SU GRUB PA'I MTSAN NYID LA RTAG TU SEMS DGA' BA SKYE BA'I PHYIR TE, TSIG DE DAG GIS TING NGE 'DZIN GYI MTSAN NYID BSTAN TO, ,TING NGE 'DZIN GSUM DU CI'I PHYIR BSHAD CE NA, DE'I PHYIR, YONGS SU SHES DANG SPANG BA DANG, MNGON SUM DU NI BYA BA'I PHYIR, ,RNAM PA GSUM DU RAB TU BSHAD, ,CES SMOS TE, STONG PA NYID DANG, SMON PA MED PA DANG, MTSAN MA MED PA'I TING NGE 'DZIN GSUM NI YONGS SU SHES PAR BYA BA DANG, SPANG BAR BYA BA DANG, MNGON SUM DU BYA BA'I PHYIR TING NGE 'DZIN GSUM BSHAD DO, ,DE LA KUN BRTAGS KYI CHOS DANG GANG ZAG LA BDAG MED PA'I STONG PA SHES PAR BYA BA'I PHYIR STONG PA NYID KYI TING NGE 'DZIN PA BSHAD DE, STONG PA NYID KYI TING NGE 'DZIN GYIS NI KUN BRTAGS KYI CHOS DANG GANG ZAG GI STONG PA KHONG DU CHUD PA'I PHYIR RO, ,DE'I GNAS SU GYUR PA NYE BAR LEN PA'I PHUNG PO LNGA SPANG BAR BYA BA'I PHYIR NI SMON PA MED PA'I TING NGE 'DZIN BSHAD DO, ,SMON PA MED PA'I TING NGE 'DZIN GYIS NI NYE BAR LEN PA'I PHUNG PO LNGA SDUG BSNGAL GYI RANG BZHIN CAN YIN PAR SHES NAS SPONG BAR BYED PA'I PHYIR RO, ,KUN BRTAGS KYI GANG ZAG DANG, CHOS SU BRTAGS PA DANG YANG BRAL, ,DE'I GNAS NYE BAR LEN PA'I PHUNG PO LNGA SPANGS PA'I YONGS SU GRUB PA'I MTSAN NYID MNGON SUM DU BYA BA'I PHYIR MTSAN MA MED PA'I TING NGE 'DZIN BSHAD DO; ,MYA NGAN LAS 'DAS PA NI MTSAN MA MED PA'I TING NGE 'DZIN GYIS MNGON SUM DU BYED PA'I PHYIR RO, ,MDO SDE RGYAN BAM PO DRUG PA'I BSHAD PA RDZOGS SO,, ,,CHOS KYI MDO RNAM PAR DBYE BA LA TSIGS SU BCAD PA GNYIS TE ZHES BYA BA LA, TING NGE 'DZIN GSUM GYI 'OG TU CHOS @131B KYI MDO BZHIS BSHAD PAR 'BREL PA CI YOD CE NA, GONG DU TING NGE 'DZIN GYI YUL DANG, MTSAN NYID LA SOGS PA BSHAD NA, CHOS GANG LA BSGOMS PA'I TING NGE 'DZIN GSUM 'GRUB PAR 'GYUR BA'I RGYU MA BSTAN TE, DE BAS NA CHOS KYI MDO BZHI LA BSGOMS NA TING NGE 'DZIN GSUM GYI RGYU CHOS KYI MDO BZHI YIN PAR BSTAN PA'I PHYIR, TING NGE 'DZIN GYI 'OG TU CHOS KYI MDO BZHI BSHAD PAR 'BREL TO, ,TING NGE 'DZIN GYI RGYU YI PHYIR, ,CHOS KYI MDO NI RNAM PA BZHI, ,BYANG CHUB SEMS DPA' BSHAD PA NI, ,SEMS CAN RNAMS LA PHAN 'DOGS PHYIR, ,ZHES BYA BA LA, STONG PA NYID DANG, SMON PA MED PA DANG, MTSAN MA MED PA'I TING NGE 'DZIN GSUM DU MNGON DU BYA BA'I RGYUR BYANG CHUB SEMS DPA' RNAMS KYIS 'DUS BYAS THAMS CAD MI RTAG PA DANG, 'DUS BYAS THAMS CAD SDUG BSNGAL BA DANG, CHOS THAMS CAD BDAG MED PA DANG, ZHI BA DANG MYA NGAN LAS 'DAS PA ZHES BYA BAR CHOS KYI MDO BZHI BSHAD DE, SU LA BSHAD CE NA, SEMS CAN RNAMS LA BSHAD DO, ,CI'I PHYIR BSHAD CE NA, SEMS CAN RNAMS PHAN PA DANG BDE BAR BYA BA'I PHYIR BSHAD DO ZHES BYA BA'I DON TO, ,DE LA 'DUS BYAS THAMS CAD MI RTAG PA'O, ,'DUS BYAS THAMS CAD NI SDUG BSNGAL LO ZHES BYA BA LA SOGS PA LA, 'DUS BYAS THAMS CAD MI RTAG PA'O ZHES BYA BA'I CHOS KYI MDO DANG, 'DUS BYAS THAMS CAD SDUG BSNGAL BA'O ZHES BYA BA'I CHOS KYI MDO GNYIS NI SMON PA MED PA'I TING NGE 'DZIN MNGON SUM DU BYA BA'I RGYU'I DNGOS POR BSHAD DE, 'DUS BYAS THAMS CAD MI RTAG PA DANG, 'DUS BYAS THAMS CAD SDUG BSNGAL BA YIN NO ZHES RNAM PA GNYIS LTAR BSGOMS NA SOG LE'I SO DANG 'DRA BA'I 'DUS BYAS RNAMS LA CHAGS SHING SMON LAM MI 'DEBS PAS SMON PA MED PA'I TING NGE 'DZIN 'GRUB STE, DE BAS NA CHOS KYI MDO GNYIS NI SMON PA MED PA'I TING NGE 'DZIN GYI RGYU'I DNGOS POR BSHAD DO, ,CHOS THAMS CAD BDAG MED CES BYA BA LA NI STONG PA NYID KYI'O ZHES BYA BA LA, CHOS THAMS CAD BDAG MED CES BYA BA'I CHOS KYI MDO NI STONG PA NYID KYI TING NGE 'DZIN GYI RGYU'I DNGOS POR BSHAD DE, KUN BRTAGS @132A *, ,KYI GANG ZAG LA BDAG MED PA DANG, KUN BRTAGS KYI CHOS LA BDAG MED PAR BSGOMS NA STONG PA NYID KYI TING NGE 'DZIN 'GRUB STE, DE BAS NA CHOS KYI MDO GSUM PA NI STONG PA NYID KYI TING NGE 'DZIN GYI RGYU'I DNGOS POR BSHAD DO, ,ZHI BA NI MYA NGAN LAS 'DAS PA'O ZHES BYA BA LA SOGS PA LA, ZHI BA NI MYA NGAN LAS 'DAS PA'O ZHES BYA BA'I CHOS KYI MDO NI MTSAN MA MED PA'I TING NGE 'DZIN GYI RGYU'I DNGOS POR BSHAD DE, MYA NGAN LAS 'DAS PA NI DBANG PO DANG YUL LA SOGS PA'I MTSAN MA THAMS CAD DANG BRAL BA RNAM PAR RTOG PA DANG, DPYOD PA THAMS CAD LAS 'DAS PA'I RNAM PAR BSGOMS NA MTSAN MA MED PA'I TING NGE 'DZIN 'GRUB STE, DE BAS NA CHOS KYI MDO BZHI PA NI MTSAN MA MED PA'I TING NGE 'DZIN GYI RGYU'I DNGOS POR BSHAD DO, ,JI LTAR NA MI RTAG PA'I DON ZHES BYA BA LA SOGS PA LA, MI RTAG PA LA SOGS PA'I CHOS KYI MDO BZHI BSHAD PA LA, MI RTAG PA'I DON NI JI LTA BU SDUG BSNGAL BA'I DON NI JI LTA BU, BDAG MED PA'I DON NI JI LTA BU, ZHI BA'I DON NI JI LTA BU ZHE NA ZHES BYA BA'I DON TO, ,MED PA'I DON DANG ZHES BYA BA LA, MI RTAG CES BYA BA'I SGRA, RGYA GAR SKAD DU, AA NI TA TA ZHES BYA BA 'BYUNG STE; AA NI MED PA'I DON TO, ,NI TA TA NI RTAG PA'I DON TE, BYANG CHUB SEMS DPA' RNAMS KYI SKYE BA DANG, 'JIG PA'I DON NI MI RTAG PA'I DON MA YIN GYI, GANG DU RTAG TU MED PA'I DON NI MI RTAG PA'I DON TO, ,RTAG TU MED PA YANG GANG ZHE NA, 'DUS BYAS RNAMS LA KUN DU BRTAGS PA'I GANG ZAG DANG, KUN BRTAGS KYI CHOS RNAMS NI RI BONG GI RVA BZHIN DU MED DE KUN BRTAGS KYI MTSAN NYID RTAG TU MED PA'I DON NI MI RTAG PA'I DON TO, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA MI RTAG PA'I DON GANG ZHE NA, MED PA'I DON DANG MI RTAG PA'I DON TE, DNGOS PO 'JIG PA'I DON NI MA YIN NO, ,MI RTAG PA'I DON NI CHOS LA BDAG MED PA STE, NGO BO NYID KYIS DBEN PA'I PHYIR DE LA 'JIG PA GANG YANG MED, 'DI NI MI RTAG PA'I DON TO ZHES BYA BA GSUNGS SO, ,DE NI 'DUS BYAS THAMS CAD MI RTAG PA'O ZHES BYA BA'I CHOS KYI MDO'I DON BSTAN @132B TO; ,RNAM RTOG DON ZHES BYA BA LA, GZUNG BA DANG 'DZIN PAR KUN DU RTOG PA'I SEMS DANG SEMS LAS BYUNG BA GZHAN GYI DBANG GI MTSAN NYID GANG YIN PA'I DON NI SDUG BSNGAL BA'I DON TE, JI TZAM DU GZHAN GYI DBANG GIS GZUNG BA DANG, 'DZIN PAR KUN TU RTOG PAR BYED PA'I DE TZAM DU 'KHOR BA NA SDUG BSNGAL BAR 'GYUR TE, DE BAS NA GZHAN DBANG PHYIN CI LOG TU RTOG PA'I DON NI SDUG BSNGAL BA'I DON TO, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA SDUG BSNGAL GYI DON GANG ZHE NA, DGA' BA MED PA'I DON NI SDUG BSNGAL GYI DON TO, ,DGA' BA ZAD PA NI SDUG BSNGAL BA'I DON TO, ,SMON PA MED PA'I DON NI SDUG BSNGAL GYI DON TO, ,SDUG BSNGAL GYI SGRA RAB TU BSTAN PA NI SDUG BSNGAL GYI DON TO ZHES BYA BA LA SOGS PA GSUNGS SO, ,'DIS NI 'DUS BYAS THAMS CAD SDUG BSNGAL BA'O ZHES BYA BA'I CHOS KYI MDO'I DON BSTAN TO, , YONGS SU RTOGS DON DE BZHIN TE, ,ZHES BYA BA LA, DE BZHIN TE ZHES BYA BA NI NGES PAR YOD DE ZHES BYA BA'I DON TO, ,KUN BRTAGS PA'I GANG ZAG DANG KUN BRTAGS PA'I CHOS LA NI BDAG DANG RANG BZHIN MED KYI, DE LTAR KUN DU RTOG PAR BYED PA'I GZHAN DBANG MED PA MA YIN PA'I DON NI BDAG MED PA'I DON TE, DON DU NA KUN BRTAGS KYI GANG ZAG DANG, CHOS LA RANG BZHIN MED PA'I DON NI BDAG MED PA'I DON TO, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA BDAG MED PA'I DON GANG ZHE NA, BDAG NI SHIN TU BDAG MED PA STE, GANG BDAG MED PA'I DON DE NI GSOB PO, ,GSOG GO ,RANG LUS PA'O, ,STONG PA'O, ,STONG PA'I DON NI BDAG MED PA'I DON TE, 'DI NI BDAG MED PA'I DON ZHES BYA'O ZHES GSUNGS SO, ,'DIS NI CHOS THAMS CAD BDAG MED PA ZHES BYA BA'I CHOS KYI MDO'I DON BSTAN TO, ,RNAM PAR RTOG PA ZHI BA'I DON ZHES BYA BA LA, ,RNAM PAR RTOG PA SEMS DANG SEMS LAS BYANG BA GZHAN DBANG GI MTSAN NYID KUN BRTAGS KYI GANG ZAG DANG, KUN BRTAGS KYI CHOS SU RTOG PA DANG BRAL TE, GZUNG 'DZIN GYI DRI MA SPANGS NAS YONGS SU GRUB PA'I MTSAN NYID KYI DON GANG YIN PA ZHI BA MYA NGAN LAS @133A *, ,'DAS PA ZHES BYA BA'I DON KYANG DE YIN NO, ,DE BAS NA 'PHAGS PA BLO GROS MI ZAD PA'I MDO LAS KYANG, DE LA BZHI BA'I DON GANG ZHE NA, ZHI BAS ZHI BAR MI 'GYUR TE, ZHI BA NYID ZHI BA'O, ,MA ZHI BA YANG ZHI BAS ZHI BAR MI 'GYUR TE, GANG ZHI BA'I DON DE NI MTSAN MA THAMS CAD NYE BAR ZHI BA STE, 'DI NI ZHI BA ZHES BYA'O ZHES GSUNGS SO, ,'DIS NI ZHI BA MYA NGAN LAS 'DAS PA'O ZHES 'BYUNG BA'I CHOS KYI MDO'I DON BSTAN TO, ,DE DAG BZHI NI BSTAN PA YI, ,ZHES BYA BA LA, BYANG CHUB SEMS DPA' RNAMS KYI CHOS KYI MDO BZHI'I DON NI GONG DU BSHAD PA DE LTA BU YIN NO ZHES BYA BA'I DON TO, ,BYANG CHUB SEMS DPA' RNAMS KYI MED PA'I DON NI MI RTAG PA'I DON TO ZHES BYA BA LA, MI RTAG PA'I DON LA RNAM PA GNYIS TE, SKYE BA DANG 'JIG PA'I DON DANG MED PA'I DON TO, ,DE LA BYANG CHUB SEMS DPA' RNAMS KYI MI RTAG PA'I DON NI NYAN THOS LA SOGS PA LTA BU SKYE BA DANG 'JIG PA'I DON NI MI RTAG PA'I DON MA YIN GYI, GANG MED PA'I DON NI MI RTAG PA'I DON DU 'DOD DO, ,GANG RTAG TU MED PA DE NI MI RTAG PA STE ZHES BYA BA LA, DE BAS NA GANG RTAG TU MED PA DE LA MI RTAG PA ZHES BYA STE, RTAG TU MED PA DE'ANG GANG ZHE NA, KUN DU BRTAGS PA'I GANG ZAG DANG, KUN DU BRTAGS PA'I CHOS RNAMS TE, KUN BRTAGS KYI MTSAN NYID THAMS CAD NI RI BONG GI RVA BZHIN DU RTAG TU MED DE, KUN BRTAGS RTAG TU MED PA NYID LA MI RTAG PA'O ZHES BYA'O, ,YANG DAG PA MA YIN PA LA RTOG PA'I DON NI SDUG BSNGAL BA'I DON TO ZHES BYA BA LA, KUN BRTAGS KYI GANG ZAG DANG, KUN BRTAGS KYI CHOS LA YOD PAR RTOG PA'I SEMS DANG SEMS LAS BYUNG BA'I DON LA SDUG BSNGAL BA'I DON ZHES BYA STE, DON DU GZHAN GYI DBANG GI MTSAN NYID LA SDUG BSNGAL BA ZHES BYA'O, ,DE NI MDOR NA 'DI SKAD DU BSTAN PA YIN TE, PHYIN CI LOG DANG LDAN PA'I SEMS DANG SEMS LAS BYUNG BA RNAMS MED PA'I GANG ZAG DANG CHOS LA YOD PAR PHYIN CI LOG TU RTOG STE, JI TZAM DU PHYIN CI LOG PAR YOD PA DE SRID DU SKYE BA DANG, RGA BA LA SOGS PA'I SDUG BSNGAL 'BYUNG ZHING BSLAD PA'I BDAG NYID YIN PAS SDUG BSNGAL @133B BA'O ZHES BYA'O, ,YANG NA ZAG PA DANG BCAS PA'I PHYIN CI LOG DANG LDAN PA'I SEMS DANG SEMS LAS BYUNG BAS RNAMS SKYE ZHING 'JIG PA'I CHOS CAN TE, GANG SKYE ZHING 'JIG PAR 'GYUR PA'I DON DE NI MI RTAG PA'I DON TO, ,GANG MI RTAG PA DE NI SDUG BSNGAL STE, SDUG BSNGAL BAR 'GYUR BA DE NYID SDUG BSNGAL BA'I DON TE, DES 'DUS BYAS THAMS CAD MI RTAG CES BYA BA DANG, 'DUS BYAS THAMS CAD SDUG BSNGAL BA ZHES BYA BA'I CHOS KYI MDO GNYIS KYI DON BSTAN TO, ,YONGS SU RTOG PA TZAM GYI DON NI BDAG MED PA'I DON TO ZHES BYA BA LA, YONGS SU RTOG PA GZHAN DBANG TZAM NI YOD KYI, KUN BRTAGS KYI GANG ZAG DANG CHOS MED PA'I DON NI BDAG MED PA'I DON TO ZHES BYA BA'I THA TSIG GO, ,DON DE NYID BSTAN PA'I PHYIR DE BZHIN TE ZHES BYA BA'I SGRA NI NGES PA STE ZHES BYA BA LA, KA RI K'A LAS, DE BZHIN TE ZHES BYA BA'I SGRA 'BYUNG BA NGES PAR YOD PA'I DON DU DRANGS TE, YONGS SU BRTAGS PA'I GANG ZAG DANG, YONGS SU BRTAGS PA'I CHOS NI MED KYI, DE LA KUN DU RTOG PAR BYED PA'I GZHAN DBANG GI SEMS TZAM NI YOD PA'I DON LA, BDAG MED PA'I DON ZHES BYA STE, KUN BRTAGS KYI CHOS DANG, GANG ZAG LA RANG BZHIN MED PA NYID BDAG MED PA'I DON TO, ,RNAM PAR RTOG PA NYE BAR ZHI BA'I DON NI ZHES BYA BA LA SOGS PA LA, RNAM GZHAN GYI DBANG GI MTSAN NYID LA, KUN DU BRTAGS PA'I BDAG NYID KUN DU BRTAGS PA'I CHOS DANG BRAL NAS YONGS SU GRUB PA'I MTSAN NYID DU 'GYUR BA'I DON LA ZHI BA MYA NGAN LAS 'DAS PA ZHES BYA'O,, GZHAN GYI DBANG NI MTSAN NYID SKAD CIG TU 'JIG PA'I DON KYANG ZHES BYA BA LA SOGS PA LA, SKYE ZHING 'JIG PA'I DON LA YANG MI RTAG PA ZHES BYA STE, DE BAS NA GZHAN GYI DBANG GI MTSAN NYID SKAD CIG MA SNGA MA NI 'GAG ,PHYI MA MI SKYE STE, SKAD CIG MA'I DON LA YANG MI RTAG PA'I DON DU BLTA'O ZHES BYA BA'I DON TO, ,DE BAS NA DE SGRUB PA'I PHYIR ZHES BYA BA LA, DE LTAR GZHAN DBANG RNAMS SKAD CIG MA YIN PAS NA, JI LTAR SKAD CIG MA YIN PA BSGRUB PA'I PHYIR TSIGS SU BCAD PA BCUS SKAD CIG MA YIN PA'I RGYU DANG GTAN TSIGS STON TO, ,MI RIGS RGYU LAS BYUNG BA'I PHYIR, , @134A *, ,ZHES BYA BA LA SOGS PA LA, DNGOS PO RNAMS TSAD MAS BSGRUB PA LA NI RNAM PA GSUM GYIS BSGRUB PAR BYA STE, DAM BCA' BA DANG, RGYU DANG DPE'O, ,DPER NA, DNGOS PO THAMS CAD RANG BZHIN MED, ,CES BYA BA NI DAM BCA' BA'O, ,GCIG DANG DU MA'I RANG BZHIN DANG BRAL BA'I PHYIR ZHES BYA BA NI RGYU'O, ,GZUGS BRNYAN BZHIN ZHES BYA BA NI DPE'O, ,DE DANG 'DRA BAR 'DIR YANG TSIGS BCAD BCU'I MJUG NAS 'DUS BYAS THAMS CAD MI RTAG PA'O ZHES BYA BA'I TSIG NI DAM BCA' BA STE, JI LTAR DAM BCA' ZHE NA, PHYI NANG GI 'DUS BYAS RNAMS SKAD CIG MA RE RE LA 'JUG PAS NA, MI RTAG PA YIN PAR DAM BCAS SO, ,DE LA YANG, MI RIGS RGYU LAS BYUNG BA'I PHYIR, ,ZHES BYA BA LA SOGS PA'I TSIGS SU BCAD PA GNYIS KYIS NI PHYI NANG GI DNGOS PO GNYI GA BSDUS NAS MI RTAG PA YIN PAR GTAN TSIGS KYIS STON TE, DE LA GTAN TSIGS NI MI RIGS PA'I PHYIR DANG, RGYU LAS BYUNG BA'I PHYIR DANG, 'GAL BA'I PHYIR DANG, BDAG NYID MI GNAS PA'I PHYIR DANG, DNGOS PO MED PA'I PHYIR DANG, MTSAN NYID NGES PA'I PHYIR DANG, RJES SU 'BRANG BA'I PHYIR DANG, 'GOG PA'I PHYIR DANG, 'GYUR BA NYE BAR DMIGS PA'I PHYIR DANG, RGYU DANG 'BRAS BU'I PHYIR DANG, ZIN PA'I PHYIR DANG, DBANG GI PHYIR DANG, DAG PA'I PHYIR DANG, SEMS CAN GYI RJES SU 'BRANG BA'I PHYIR DANG, PHYI NANG GI 'DUS BYAS RNAMS MI RTAG GO ZHES DAM BCA' STE, MI RIGS PA LA SOGS PA MI RTAG PAR SGRUB PA'I RGYU DANG GTAN TSIGS YIN NO,, DE YANG JI LTAR 'GRUB CE NA ZHES BYA BA NI PHYI NANG GI 'DUS BYAS RNAMS MI RTAG PA DANG, SKAD CIG MA YIN PAR RGYU GANG DANG, GTAN TSIGS GANG DANG, TSAD MA GANG GIS 'GRUB CE NA ZHES BYA BA'I DON TO, ,SKAD CIG MA MED PAR 'DUS BYAS RNAMS 'JUG PAR MI RIGS PA'I PHYIR TE ZHES BYA BA LA; PHYI NANG GI 'DUS BYAS RNAMS SKAD CIG MA SNGA MA 'GAGS SHING PHYI MA SKYE BA'I TSUL DU RGYUN MA CHAD PAR 'BYUNG ZHING 'JUG PAR RI RIGS TE, 'DUS BYAS RNAMS TE RGYUN DU 'BYUNG BAS NA SKAD CIG MA YIN NO, ,'JUG PA MI RIGS ZHES SMRAS BA'I DON BSTAN PA'I PHYIR, 'JUG PA @134B NI RGYUN DU 'BYUNG BAS NA 'JUG PA ZHES BYA'O ZHES BYA BA SMOS TE, 'JUG PA ZHES BYA BA'I DON NI BRENG MA CHAD PA'AM, 'DAB CHAGS SAM, SNGA PHYI'I RGYUN 'BREL PAR SKAD CIG MA SNGA MA NI 'GAGS, PHYI MA NI SKYE BA'I TSUL DU CHU'I RGYUN BZHIN DU BRENG MA CHAD PAR 'BYUNG BA LA 'JUG PA ZHES BYA'O,, BRENG MA CHAD PA LA 'JUG PA ZHES BYA BAR GYUR KYANG DE SKAD DU SMRAS PA DANG, DES CI ZHIG BSGRUB PA YIN SNYAM PA LA DE'I PHYIR, DE YANG SKAD CIG MA RE RE LA SKYE BA DANG, 'GAG PA MED PAR MI RUNG NGO ZHES BYA BA SMOS TE, DE LTAR RGYUN DU 'JUG PA DE YANG SKAD CIG MA SNGA MA NI 'GAGS, PHYI MA SKYE BA'I TSUL DU SKYE BA DANG 'GAG PA MED PA RGYUN DU 'JUG PAR MI RUNG STE, DPER NA CHU'I SKAD CIG MA'I RGYUN 'BAB PA BZHIN NO, ,DE STE YANG DUS GZHAN DU 'JUG CING SNGA MA DANG PHYI MA 'GOG PA DANG, SKYE BA'I RGYUN GYIS 'JUG PAR 'DOD NA ZHES BYA BA NI GAL TE GZHAN DAG 'DI SNYAM DU SEMS TE, SKAD CIG MA DANG PO DE RGYUS SKYES NAS DE MA THAG TU MI 'GAG GI ,LO'AM ZHAG GAM ZLA BA'I BAR DU MA 'GAGS PAR 'DUG NAS, DE NAS YANG DE 'GAGS TE, SKAD CIG MA GZHAN RGYUS BSKYED NAS RGYUS BSKYED PA'I SKAD CIG MA DE YANG LO'AM ZLA BA'AM ZHAG 'GAGS TE; YANG GZHAN SKYE BA'I TSUL DU RGYUN DU 'JUG PAR RUNG NGO SNYAM DU SEMS PA LA, DE YANG MI RUNG BAR STON TO, ,JI LTAR MI RUNG BAR RIGS PA BSTAN PA'I PHYIR, RGYU MED PA'I PHYIR DE MA THAG TU 'BYUNG BA MED PAR 'GYUR RO ZHES BYA BA SMOS TE, GAL TE SKAD CIG MA DANG PO RGYUS BSKYED NAS, DE'I BAR DU LO'AM ZLA BAR SKYE 'GAG MED PAR GNAS NA DE LTA NA NI BAR DER SKYE 'GAG GI RGYUN CHAD DE RGYUN DU 'JUG PA MED PAS NA DNGOS PO RNAMS DE'I BAR NA DE MA THAG TU RGYUN DU 'BYUNG BA YANG MED PAR 'GYUR RO, ,DE CI'I PHYIR ZHE NA, DANG PO'I SKAD CIG MA RGYUS BSKYED NAS THAG GI ZAD CIG TU RGYUN MED PAR GNAS PAR 'DOD DE, DE LTAR NA BAR NA GNAS PA'I TSE NA YANG, RGYU GANG GIS GNAS PA'I TSE YANG BRJOD DGOS LA, DE 'GAGS NAS PHYIS SKAD CIG MA GZHAN SKYE BA YANG RGYU GANG GIS BSKYED PA'I RGYU YANG SMRA DGOS TE, 'DI YANG CHAD KYIS MI RIGS PA ZHES BYA BA'I @135A *, ,DON BSHAD DO, ,SKYES NAS DUS RGYUN MED PAR DNGOS PO DUS GZHAN DU GNAS PAR MI RUNG STE ZHES BYA BA LA, GZHAN YANG SKAD CIG MA DANG PO RGYUS BSKYED NAS, SKAD CIG MA GNYIS PA PHAN CHAD MA 'GAGS KYI BAR DE NA YANG, SKAD CIG MA SKYE BA DANG 'GAG PA'I TSUL DU RGYUN MI 'CHAD PAR 'BYUNG BA MED PAR NI DNGOS PO RNAMS DUS GZHAN DU SNANG ZHING RGYUN DU 'BYUNG BAR MI RUNG STE, DPER NA CHU SKAD CIG MA'I RGYUN GYIS RGYU CHA 'BAB PA YOD NA NI CHU'I BRED RGYUN DU SNANG LA SKAD CIG MA RGYUN DU 'BAB PA CHAD NAS CHU 'BAB PAR MI SNANG BA BZHIN NO, ,CI'I PHYIR ZHE NA, RGYU LAS BYUNG BA'I PHYIR ZHES BYA BA LA, SKAD CIG MA'I RGYUN MED PAR DNGOS PO RNAMS DUS GZHAN DU SNANG BAR CI'I PHYIR MI RUNG ZHE NA, JI LTAR DNGOS PO RNAMS NI RGYU LAS SKYES TE, SKAD CIG MA DANG PO JI LTAR RGYUS BSKYED PA BZHI DU, SKAD CIG MA GNYIS PA PHAN CHAD PA MA 'GAGS KYI BAR DU GNAS PAR 'DOD NA, DE'I BAR NA GNAS PAR BYED PA'I RGYU YANG MI RUNG STE, GNAS PAR BYED PA'I RGYU GANG YIN PA SMRA BAR BYA DGOS SO, ,YANG DNGOS PO GANG DUS GZHAN DU YANG SKAD CIG MA'I RGYUN GYIS RGYUN MI 'CHAD PAR GNAS SHING RTAG TU YANG SNANG BA'I DNGOS PO DE DAG NI RGYU LAS SKYES TE, DPER NA MAR ME BZHIN NO, ,JI LTAR MAR ME RGYU LAS SKYES PAS SKAD CIG MA'I RGYUN DU RGYUN MI 'CHAD PAR SNANG LA, RAS DAD MAR ME LA SOGS PA'I RGYU ZAD DE MED PAR GYUR NA NI MI SNANG BAR 'GYUR BA BZHIN DU DNGOS PO 'DI DAG KYANG RGYUN DU SNANG BAR 'DOD NA NI RGYU LAS SKYES PA YIN TE, NAM RGYU ZAD DAM MED PAR GYUR NA RGYUN DU SNANG BA YANG CHAD PAR 'GYUR TE, DE BAS NA BAR DU RGYUN DU SDANG BAR BYED PA'I PHYIR RGYU 'GAG MED DU MI RUNG NGO, ,'DUS BYAS THAMS CAD NI RGYU LAS SKYES TE 'GYUR BA'I DON TO ZHES BYA BA LA, PHYI DANG NANG GI 'DUS BYAS THAMS CAD NI RGYU RKYEN LAS SKYES TE, RGYU RKYEN LAS SKYES PA ZHES BYA BA'I DON CI ZHE NA, RGYU RKYEN LAS BYUNG BA ZHES BYA BA'I DON TE, GANG RGYU DANG RKYEN LAS SKYES PA DE DAG NI RTAG PA'I RANG BZHIN MA YIN GYI, SKAD CIG MA'I RANG BZHIN YIN NO ZHES BYA BA'I DON TO, ,DE GAL TE BYUNG @135B NAS PHYIS KYANG 'BYUNG NA NI DE LA NGES PAR RGYU YOD PAR 'GYUR RO ZHES BYA BA LA, SKAD CIG MA DANG PO RGYU RKYEN GYIS BSKYED DE, BYUNG NAS SKAD CIG MA GNYIS PA LA SOGS PA YANG 'BYUNG ZHING SKYE BAR 'DOD NA NI JI SKAD CIG MA DANG POS RGYUS BSKYED PA BZHIN DU, SKAD CIG MA GNYIS PA LA SOGS PA LA YANG SKYED PAR BYED PA'I RGYU DGOS SO ZHES BYA BA'I DON TO, ,GAL TE GZHAN DAG 'DI SNYAM DU SEMS TE, SKAD CIG MA DANG PO LA NI SKYED PAR BYED PA'I RGYU YOD MOD KYI, SKAD CIG MA GNYIS PA LA SKYED PAR BYED PA'I RGYU MED PAR RANG 'JIG GO SNYAM NA, DE MI RIGS PAR BSTAN PA'I PHYIR, RGYU MED NA NI THOG MA NAS MED PA'I PHYIR RO ZHES BYA BA SMOS TE, JI LTAR SKAD CIG MA PHYI MA LA SKYED PAR YED PAR IRGYU MED NA NI SKAD CIG MA DE THOG MA NAS MED CING THOG MA NAS MI SKYE LA MI SNANG BAR 'GYUR RO, ,DE LA GANG DANG GANG RGYU YOD PA DE DAG NI SKYES TE, DPER NA MYU GU BZHIN NO, ,GANG DANG GANG RGYU MED PA NI DE MI SKYE STE, DPER NA NAM MKHA'I ME TOG BZHIN NO, ,YANG SKAD CIG MA PHYI MA SKYES PA LA RGYU MED NA NI SKAD CIG MA SNGA MA SKYES PA LA YANG RGYU MED PAR 'GYUR TE, SKAD CIG MA'I RANG BZHIN DU 'DRA BAS SKAD CIG MA LA LA LA NI RGYU YOD, LA LA LA NI RGYU MED PAR MI RIGS SO, ,LA LA DAG SKAD CIG MA DANG PO SKYED PA RGYU DE NYID KYIS, SKAD CIG MA PHYI MA YANG RGYU DE NYID KYIS BSKYED DO SNYAM NA, MI RIGS PAR BSTAN PA'I PHYIR, RGYU DE NYID KYIS 'BYUNG BAR MI 'OS TE, DE'I RGYUS DGOS PAR SPYAD ZIN PA'I PHYIR RO ZHES BYA BA SMOS TE, SKAD CIG MA SNGA MA SKYED PA'I RGYU NYID KYIS, PHYI MA DE NYID KYANG BSKYED PAR NI MI RIGS TE, CI'I PHYIR ZHE NA, SKAD CIG MA SNGA MA SKYED PA'I RGYU DES, RANG GI 'BRAS BU BSKYED NAS 'GAGS ZIN PAS 'GAGS PA DES PHYI MA BSKYED MI NUS SO, ,RGYU GANG GIS 'BRAS BU GANG BSKYED DE 'GAGS PA DES GZHAN MI SKYED PA NI SA BON BZHIN TE, DPER NA SA BON GYIS MYU GU BSKYED NAS 'GAGS PA'I SA BON DES SDONG BU PHYI MA SKYED PA'I RGYU MI BYED PA BZHIN NO, ,DOGS PA SPYAD ZIN ZHES BYA BA NI 'BRAS BU BSGRUBS NAS 'GAGS ZIN ZHES BYA BA'I THA TSIG GO, ,GAL TE GZHAN @136A *, ,DAG 'DI SNYAM DU SKAD CIG MA SNGA MA SKYED PA'I RGYU DES NI RANG GI 'BRAS BU BSKYED NAS 'GAGS ZIN PAS NA DES SKAD CIG MA PHYI MA MI SKYED KYI, SKAD CIG MA PHYI MA DE RGYU GZHAN GYIS BSKYED DO ZHE NA YANG MI RIGS PAR BSTAN PA'I PHYIR, RGYU GZHAN YANG MI DMIGS TE; DE BAS NA NGES PAR SNGON KYI RGYU LAS GZHAN 'BYUNG BAR RIG PAR BYA'O ZHES SMOS TE, SKAD CIG MA PHYI MA DE LA, RGYU GZHAN GYIS SKYED PAR BYED PA'I RGYU GZHAN YOD PAR YANG MA MTHONG STE, DE BAS NA SKAD CIG MA SNGA MA NI RGYU, PHYI MA NI 'BRAS BU LTA BUR RGYUN MI 'CHAD PAR 'BYUNG BAR RIG PAR BYA'O, ,GONG DU BSHAD PA'I DON RNAMS KYI MJUG BSDU BA'I PHYIR, DE LTAR RGYUN DU MED PAR DUS GZHAN NA YOD PAR MI RUNG NGO ZHES SMOS TE, GONG DU BSHAD PA LTAR NA, SKAD CIG MA SNGA MA SNGA MA NI RGYU, PHYI MA PHYI MA NI 'BRAS BU'I TSUL DU CHU'I BRENG BZHIN DU RGYUN MA CHAD PAR 'BYUNG BA MED PAR DNGOS PO RNAMS DUS THAG GI ZAD CIG TU SNANG ZHING YOD PAR MI RIGS SO ZHES BYA BA'I DON TE, ,TSIG DE DAG GIS NI RGYU LAS BYUNG BA'I PHYIR ZHES BYA BA'I DON TO, ,JI STE 'DI LTAR GANG GIS RGYU DGOS PA SKYES ZIN PA NI MI SKYE'I, SKYES NAS KYANG DUS GZHAN LA PHYIS 'GAG PAR 'GYUR TE, SKYES MA THAG TU MA YIN PAR 'DOD NA ZHES BYA BA NI GAL TE GZHAN DAG 'DI SNYAM DU SEMS TE, DNGOS PO DANG PO SKYES LA RGYUD DGOS PA BZHIN DU, SKAD CIG MA PHYI MA SKYES PA LA YANG RGYU DGOS SO ZHES SMRAS PA, GAL TE DNGOS PO DANG DNGOS PO SKYES PA BZHIN DU; DE'I 'OG TU YANG DNGOS PO DE DAG SKYE NA NI RGYU DGOS PA BDEN NA RGYU DANG RKYEN GYI DANG POR DNGOS PO GCIG BSKYED NAS SKYES ZIN PA'I 'OG TU DANG PO DES PHYIS YANG MI SKYE TE, SKYES NAS LO'AM ZLA BA'AM ZHAG LA SOGS PAR DUS THAG GI ZAD CIG GNAS NAS, DE NAS GDOD PHYIS BDAG GI SKYES MA THAG TU MI 'GAG STE, DE BAS NA BAR DU SKYE BA MED PA'I PHYIR RGYU MI DGOS SO SNYAM DU SEMS SO, ,DE LTAR YANG MI RIGS PAR BSTAN PA'I PHYIR, YANG DE RGYU GANG GIS 'GAG PAR 'GYUR ZHES BYA BA LA SOGS PA SMOS TE, DNGOS PO DANG PO RGYUS BSKYED NAS, THA @136B GI ZAD CIG GNAS TE, PHYIS 'GAG PAR 'GYUR BA DE'I DNGOS PO GNAS PA'I RANG BZHIN ZHIG PA LAS PHYIS 'GAG PAR 'GYUR RAM, 'JIG PA'I RANG BZHIN ZHIG PA LAS 'GAG PAR 'GYUR BAR BRTAG DGOS SO, ,GAL TE DNGOS PO'I GNAS PA'I RANG BZHIN ZHIG YIN NA GNAS PA'I RANG BZHIN LA 'JIG PA'I RANG BZHIN MED PAS NA, DNGOS PO DE RNAMS KYANG MI 'JIG STE, PHYIS KYANG 'GAG PAR MI 'GYUR TE, RTAG TU GNAS PAR 'GYUR RO, ,GAL TE DNGOS PO DE 'JIG PA'I RANG BZHIN ZHIG YIN NA NI 'JIG PA'I RANG BZHIN LA RTAG PA DANG GNAS PA'I RANG BZHIN MED PAS DANG PO NAS 'JIG PAR 'GYUR GYI BAR DU GNAS PAR MI SRID DE, DPER NA NAM MKHA' MED PA'I RANG BZHIN YIN PAS DANG PO MED PA BZHIN DU PHYIS KYANG MED PA KHO NAR GNAS KYI, DANG PO NI MED PA LA, PHYIS YOD PA LTA BUR MI 'GYUR BA DANG 'DRA'O, , GZHAN YANG DNGOS PO DE SKYES NAS THA GI ZAD CIG GNAS TE, PHYIS 'GAG PAR 'GYUR BA RGYU GANG GIS 'GAG PAR 'GYUR BA'I 'GAG PA'I RGYU BSTAN DGOS SO ZHES BYA BA'I DON TO, ,SKYES PA'I RGYU GANG YIN PA DE NYID DO ZHE NA, DE YANG MI RUNG NGO ZHES BYA BA LA, GAL TE GZHAN DAG NA RE DNGOS PO DE PHYIS 'GAG PAR 'GYUR BA NI DANG PO SKYED SKYED PA'I RGYUD DE NYID KYIS PHYIS 'GAG GO ZHE NA YANG DE LTAR MI RIGS SO, ,JI LTAR MI RIGS PAR BSTAN PA'I PHYIR, CI'I PHYIR ZHE NA, SKYE BA DANG 'GAG PAR 'GAL BA'I PHYIR TE ZHES BYA BA SMOS TE, DANG PO SKYE BA'I RGYU DES, MJUG TU 'GAG PA'I RGYU YANG BYAS PAR JI LTAR MI RIGS SHE NA, JI LTAR SKYE BA NI DNGOS PO YOD PA YIN LA, 'GAG PA NI DNGOS PO MED PA YIN PAS GANG NA SKYE BA YOD PA DE NA 'GAG PA MED PA LA, GANG NA 'GAG PA YOD PA DE NA SKYE BA MED DE, DE BAS NA SKYED PA'I RGYU NYID KYIS 'GAG PA'I RGYU BYED PAR MI RUNG NGO, ,SMRAS PA, SKYE BA 'GAG PA GNYIS 'GAL DU ZIN KYANG, SKYE BA'I RGYUS 'GOG PA BYAS KYANG 'GAL BA MED DO SNYAM PA LA, MI RIGS PAR BSTAN PA'I PHYIR, 'GAL BA GNYIS RGYU 'DRA BA LAS MI DMIGS SO ZHES BYA BA SMOS TE, SKYE BA DANG 'GAG PA GNYIS @137A *, ,NI 'GAG BA YIN LA, 'GAL BA'I CHOS GNYIS RGYU GCIG LAS SKYE BAR NI MI MTHONG STE, SKYED PAR BYED PA'I RGYUS NI DNGOS PO YOD CING SKYED PAR BYED KYI, DNGOS PO MED CING 'GAG PAR MI BYED DO, ,GAL TE SKYED PA'I RGYU DES 'GAG PAR BYED NA NI DE SKYED PA'I RGYUR MI RUNG NGO, ,'GAG PA'I RGYUS KYANG DNGOS PO MED CING 'GAG PAR BYED KYI DNGOS PO YOD CING SKYE BAR MI BYED DE, GAL TE 'GAG PA'I RGYUS DNGOS PO SKYED PAR BYED NA NI DE 'GAG PA MA YIN TE, DE BAS NA SKYED PA'I RGYU DES 'GOG PAR BYED PAR MI RIGS SO, ,'GAL BA'I CHOS GNYIS RGYU GCIG LA MI SKYE BA'I DPE BSTAN PA'I PHYIR, 'DI LTA STE, NYI MA DANG, GRANG BA DANG, DRO BA BZHIN NO ZHES BYA BA SMOS TE, DE LA GRIB MA NI GANG LA NYI MA'I 'OD MED CING MI GSAL BA'I PHYOGS TE, DE'I RGYU NI THOG G-YOGS PA LA SOGS PA'I SKYABS YOD PA'O, , NYI MA NI GANG DU NYI MA'I 'OD ZER GYIS BAB CING, GSAL BA'I PHYOGS TE, DE'I RGYU NI NYI MA'I DKYIL 'KHOR RO, ,'DI LTAR GRIB MA'I RGYU SKYABS CAN GYIS KYANG NYI MA'I 'OD ZER YANG 'BYIN PAR BYED, GRIB MA LTA BU MI GSAL BA YANG 'BYIN PAR BYED PA'I RGYU GNYIS BYED PAR NI MA MTHONG NGO; ,DE BZHIN DU NYI MA'I DKYIL 'KHOR GYIS KYANG NYI MA'I 'OD ZER SNANG BA'I RANG BZHIN YANG 'BYIN PAR BYED GRIB MA DANG MI GSAL BA'I RANG BZHIN YANG 'BYIN PAR BYED PA'I RGYU GNYIS BYED PA NI MA MTHONG NGO, ,'DI LTAR YANG GRANG BA DANG DRO BA GNYIS KYANG PHAN TSUN 'GAL BA STE, GANG NA GRANG BA YOD PA DE NA DRO BA MED LA, GANG NA DRO BA YOD PA DE NA GRANG BA MED DE, DE LA GRANG BA NI SO THAMS CAD PA DANG SPU LDANG BA LA SOGS PA DRO BA NI RDUL ZAG PA LA SOGS PA'O, ,DE LA GRANG BA'I RGYU NI BA MO DANG KHA BA LA SOGS PA STE, BA MO DANG KHA BA LA SOGS PA GRANG BA YANG SKYED PAR BYED, DRO BA YANG SKYED PAR BYED PA MA MTHONG NGO, ,DRO BA'I RGYU NI ME DANG NYI MA'I 'OD LA SOGS PA STE, DES NI GRANG BA YANG SKYED PAR BYED, DRO BA YANG SKYED PAR BYED PA MA MTHONG NGO, ,TSIG DE DAG GIS RGYU LAS BYUNG NGO ZHES BYA BA'I TSIG GI DON BSTAN TO, ,YANG NA DUS GZHAN 'GAGS SO ZHES BYA BAR @137B YANG 'GAL BA'I PHYIR TE ZHES BYA BA LA, RNAM PA GZHAN DU YANG PHYI DANG NGANG GI 'DU BYED RNAMS SKYES MA THAG TU MI 'GAG GI ,DUS THA GI ZAD CIG GNAS NAS, PHYIS 'GOG GO ZHES BYA BA NGA YANG 'GAL LO ZHES BYA BA'I DON TO, ,CI DANG 'GAL BA BSTAN PA'I PHYIR, CI DANG 'GAL ZHE NA; LUNG DANG NGO ZHES BYA BA SMOS TE, 'GAL ZHES SMRAS PA DE 'GAL BA LA RNAM PA GNYIS TE, LUNG DANG 'GAL BA DANG, RIGS PA DANG 'GAL BA'O, ,DE LA GAL TE DNGOS PO RNAMS SKYES NAS THA GI ZAD CIG GNAS TE 'GAG GO ZHES SMRAS NA NI BCOM LDAN 'DAS KYIS BKA' LUNG DANG 'GAL BAR 'GYUR RO, ,BKA' LUNG DANG JI LTAR 'GAL BA BSTAN PA'I PHYIR, GANG BCOM LDAN 'DAS KYIS ZHES BYA BA LA SOGS PA SMOS SO, ,'DU BYED DAG NI SGYU MA LTA BU'O ZHES BYA BA LA, JI LTAR SGYU MA RGYU RKYEN GYI MTHU LAS SKYE BA BZHIN DU, PHYI NANG GI 'DU BYED KYANG RGYU RKYEN GYI MTHU LAS SKYES PAS NA SGYU MA LTA BU'O, ,SKYE ZHING 'GAG PA'I CHOS CAN YIN PAS NA 'JIG PA ZHES BYA'O, ,SKYES NAS SKAD CIG MA GCIG LAS RING DU MI GNAS PAS NA, RE ZHIG PA ZHES BYA'O, ,SKAD CIG MA RE RE SKYES MA THAG TU 'JIG PAS NA, YUN THUNG DU GNAS PA ZHES BYA BA STE, DNGOS PO RNAMS DUS THA GI ZAD CIG TU GNAS NA NI DE SKAD DU 'BYUNG BA'I LUNG DANG 'GAL LO, ,YANG LUNG DANG 'GAL ZHING RIGS PA DANG 'GAL BA BSTAN PA'I PHYIR, RNAL 'BYOR PA YID LA BYED PAS KYANG, 'DU BYED DE DAG SKYE BA DANG, 'JIG PAR YID LA BYED PA NA SKAD CIG MA RE RE LA 'GAG PAR MTHONG STE ZHES BYA BA SMOS TE, RNAL 'BYOR PA 'PHAGS PA'I BDEN PA BZHI SGOM ZHING BYED LA BYED PAS KYANG, PHYI NANG GI 'DU BYED RNAMS SKYE BA DANG 'JIG PA'I MTSAN NYID DU YID LA BYED PAS NA, 'DU BYED RNAMS SKAD CIG MA RE RE LA 'JIG CING 'GAG PAR MTHONG STE, DE LTAR MTHONG BAS NA 'DU BYED RNAMS LAS SKYO BA SKYE'O, ,SKYO BA SKYES NAS 'DOD CHAGS DANG 'BRAL BAR 'GYUR RO, ,'DOD CHAGS DANG BRAL NAS, GROL ZHING MYA NGAN LAS 'DAS PA THOB PAR 'GYUR RO, ,DE LTA MA YIN NA NI DE DAG LA YANG SKYO BA DANG 'DOD CHAGS DANG BRAL BA DANG, GROL BA RNAMS @138A *, ,MED PAR 'GYUR TE ZHES BYA BA LA, GAL TE 'DU BYED RNAMS SKAD CIG MA MA YIN TE, RTAG PAR GNAS PAR GYUR NA NI RNAL 'BYOR PA YID LA BYED PA RNAMS KYIS KYANG, 'DU BYED RNAMS SKAD CIG MA RE RE 'GAG PA YIN PAR MTHONG BAR MI 'GYUR RO, , DE LTAR MA MTHONG NA SKYO BAR MI 'GYUR RO, ,SKYO BAR MA GYUR NA NI 'DOD CHAGS DANG BRAL BAR MI 'GYUR RO, ,'DOD CHAGS PA DANG MA BRAL NA GROL BAR MI 'GYUR TE, DE LTAR NA NI MA YIN GYI RNAL 'BYOR PA RNAMS KYIS SKAD CIG MAR 'GAG PAR MTHONG BAS NA PHYIR GROL BA'I BAR DU 'GYUR TE; DE'I PHYIR 'DU BYED RNAMS SKAD CIG MA'O, ,'GAL BA'I DPE BSTAN PA'I PHYIR, DPER NA GZHAN DAG 'CHI BA'I DUS LA SOGS PA NA 'GAG PAR MTHONG BA BZHIN NO ZHES BYA BA SMOS TE, DPER NA SEMS CAN GZHAN DAG 'DU BYED RNAMS SKAD CIG MA RE RE LA 'JIG PAR MI MTHONG GI, ,NAM SROG GI DBANG PO CHAD DE SHI BAR GYUR PA NA, 'GAG CING MI RTAG PAR MTHONG BA DE DAG NAM MA SHI'I BAR DU NI SKYO BA MI SKYE'O, ,NA MA DE 'GAG PAR GYUR BAR MTHONG BA LA, GDOD SKYO BA SKYE BA BZHIN DU RNAL 'BYOR PA RNAMS KYIS KYANG 'DU BYED RNAMS RNAL 'BYOR BSGOM PA'I TSE NA 'DU BYED RNAMS SKAD CIG MA RE RE LA 'JIG PAR MTHONG BAS NA SKYO BA SKYE BAR 'GYUR RO, ,YANG NA RNAL 'BYOR PA RNAMS SEMS CAN PHAL PA BZHIN DU 'CHI KHAR 'GAG PA MTHONG NAS GDOD SKYO BAR GYUR NA NI JI LTAR SEMS CAN PHAL BA 'CHI KHAR SKYO BAR GYUR NGA SA DE DAG LA RNAM PAR GROL BA MED PA BZHIN DU, RNAL 'BYOR LA YANG RNAM PAR GROL BA MED PA'I SKYON DU 'GYUR TE, 'DIS NI 'GAL BA'I PHYIR ZHES BYA BA'I TSIG GI DON BSTAN TO, ,GAL TE 'DU BYED SKYES NAS BDAG NYID GNAS PAR NUS PAS DUS GZHAN DU'ANG BDAG NYID GNAS PA'AM, RGYU 'GA' ZHIG GNAS SO ZHES BYA BA LA, GZHAN YANG 'DI BRTAG DGOS TE, 'DU BYED RNAMS SKAD CIG TU 'JIG PA NI MA YIN GYI, SKYES NAS LO'AM, BLA BA LA SOGS PAR DUS THA GI ZAD CIG GNAS NAS 'GAG CE NA, DUS THA GI ZAD CIG TU GNAS PA DE LA PHYOGS @138B RNAMS LA GNYIS SU BRTAG GO, ,JI LTAR ZHE NA, 'DU BYED RNAMS DUS THA GI ZAD CIG MI 'JIG PAR GNAS PA DE, 'DU BYED DE BDAG NYID GNAS PA'I RANG BZHIN CAN ZHIG STE, GNAS PA'I MTHU YOD PAS DUS THA GI ZAD CIG TU GNAS PA'AM, YANG NA BDAG NYID GNAS PA'I MTHU NI MED KYI GNAS PAR BYED PA'I RGYU DANG RKYEN 'GA' ZHIG GIS GROGS BYAS NAS DUS THA GI ZAD CIG TU GNAS TE, DE GNYIS GANG LTAR YANG GNAS PAR YANG MI RIGS SO, ,DE LA DANG PO'I PHYOGS LA MI RIGS PAR BSTAN PA'I PHYIR, YANG, BDAG NYID GNAS PA MI RUNG STE,, ZHES SMOS TE, BDAG NYID LA GNAS PA'I MTHU YOD PAS DUS THA GI ZAD CIG TU GNAS SO ZHES BYAR MI RUNG NGO, ,DE LTAR YANG MI RIGS SO ZHES BYA BA'I DON TO, ,JI LTAR MI RUNG SNYAMS LA, DE'I PHYIR, BDAG NYID MI GNAS PA'I PHYIR TE, ,ZHES BYA BA SMOS TE, JI LTAR PHYI NANG GI 'DUS BYAS RNAMS BDAG NYID MI GNAS SHING 'JIG PA'I RANG BZHIN YIN PA'I PHYIR BDAG NYID LA GNAS PA'I MTHU YOD PAS GNAS SO ZHES BYA BAR YANG MI RUNG NGO, ,CI'I PHYIR 'JIG PA'I RANG BZHIN YIN SNYAMS PA LA, DE'I PHYIR, MTHAR PHYIN GNAS PAR MI NUS PA'I PHYIR RO ZHES SMOS TE, JI LTAR 'DUS BYAS RNAMS MTHAR PHYIN CING MED PAR GYUR PAS NA, BDAG NYID LA GNAS PA'I MTHU MED DO, ,GAL TE BDAG NYID LA GNAS PA'I MTHU YOD PA ZHIG NA RTAG TU YANG GNAS PA'I MTHU CAN DU 'DUG LA, MJUG TU YANG GNAS PAR GAL 'GYUR TE, DPER NA NAM MKHA' RTAG PA'I RANG BZHIN LA SKYE 'JIG MED PA BZHIN NO, ,'DUS BYAS RNAMS LA NI MTHAR GNAS PAR MI RUNG STE, 'JIG PAR 'GYUR BAS NA, BDAG NYID GNAS PA'I MTHU YANG MED PAR RIG PAR BYA'O, ,PHYOGS GNYIS PA NI MI RIGS PAR BSTAN PA'I PHYIR, GNAS PA'I RGYUR YANG MI RUNG STE ZHES BYA BA SMOS TE, 'DI LTAR GNAS PAR BYED PA'I RGYU RKYEN GYIS GROGS BYAS NAS DUS THA GI ZAD CIG TU GNAS SO ZHES BYAR YANG MI RUNG STE, DE LTAR YANG MI RIGS SO ZHES BYA BA'I DON TO, ,JI LTAR MI RIGS PA BSTAN PA'I PHYIR, DE MED PA'I PHYIR TE, DE LTA BU NI GANG YANG @139A *, ,MI DMIGS SO ZHES BYA BA SMOS TE, DNGOS PO RNAMS LA BAR DU GNAS PAR BYED PA'I RGYU YANG MED DE, DNGOS PO RNAMS LA GNAS PAR BYED PA'I RGYU YOD PAR MA MTHONG BAS GNAS PAR BYED PA'I RGYUS GNAS PAR BYAS SO ZHES BYA BAR YANG MI RIGS SO, ,TSIG DE DAG GIS NI BDAG NYID MI GNAS PHYIR ZHES BYA BA'I DON BSTAN TO, ,DE STE GANG GNAS PA'I RGYU MED KYANG, 'JIG PA'I RGYU MED PAS GNAS TE, 'JIG PA'I RGYU DANG PHRAD NAS PHYIS 'JIG PAR 'GYUR TE ZHES BYA BA LA, GAL TE 'DI SKAD DU DNGOS PO NYID KYANG GNAS PA'I MTHU MED PAR GNAS PAR MA NUS NA, GNAS PA'I RGYU GZHAN GYIS KYANG BSTANGS SHING DNGOS PO RNAMS GNAS PAR BYAS PA MED DU ZIN KYANG DNGOS PO GNAS PA'I BAR NA DE 'JIG PAR BYED PA'I RGYU MED DE, NAM 'JIG PAR BYED PA'I RGYU RKYEN DANG MA PHRAD KYI BAR DU 'JIG PAR MI 'GYUR GYI, 'JIG PAR BYED PA'I RGYU RKYEN DANG PHRAD NAS GDOD 'JIG PAR 'GYUR TE, SNGAR NI MI 'JIG PAR GNAS SO ZHES ZER RO, ,DE'I DPE BSTAN PA'I PHYIR SMRAS PA, MES SNGON PO BZHIN NO ZHES BYA BA SMOS TE, DPER NA LCAGS KYI KHA DOG SNGON PO 'JIG PAR BYAD PA'I RGYU MED PA DANG MA PHRAD PA'I SNGON ROL NA NI KHA DOG SNGON POR SNANG LA, PHYIS DE 'JIG PAR BYED PA'I RGYU MED DANG PHRAD NAS MES SNGON PO BSHIG STE, KHA DOG DMAR POR 'GYUR BA DANG, DPER NA BUM PA 'JIG PAR BYED PA'I RGYU THO BA LA SOGS PA DANG MA PHRAD PA'I DUS NA NI BUM PA MI 'JIG LA, 'JIG PAR BYED PA'I RGYU THO BA LA SOGS PA DANG PHRAD NAS, GDOD 'JIG PAR 'GYUR BA DANG 'DRA'O ZHES ZER RO, ,DE LTAR YANG MI RIGS PAR BSTAN PA'I PHYIR, YANG DE MED PA'I PHYIR DE LTAR MI RUNGS STE ZHES BYA BA SMOS TE, JI LTAR DNGOS PO RNAMS LA SKYED PA'I RGYU NI YOD KYI, 'JIG PAR BYED PA'I RGYU NI MED DE, DPER NA RDO GNAM DU BOR BA LA GNAM DU 'DOR BA'I RGYU LAG PA LA SOGS PA NI YOD KYI, SA LA LHUNG BAR BYED PA'I RGYU MED DE RANG LTUNG BA BZHIN NO, ,DE DANG 'DRA BAR DNGOS PO RNAMS LA RGYU MED PA'I PHYIR, 'JIG PA'I RGYU DANG MA PHRAD KYI BAR DU GNAS SO ZHES BYA BAR YANG MI RIGS SO, , @139B JI LTAR MI RIGS PAR BSTAN PA'I PHYIR, SMRAS PA, 'JIG PA'I RGYU NI PHYIS KYANG GANG YANG MED DE ZHES BYA BA SMOS TE, JI LTAR MES LCAGS KYI SNGON PO BSHIG GO ZHES SMRAS PA YANG JI LTAR ME DANG MA PHRAD PA'I SNGA ROL NA LCAGS KYI SNGON PO 'JIG PAR BYED PA'I RGYU GANG YANG MED DE, SNGON POR RANG GIS 'JIG PA DE BZHIN DU, ME DANG PHRAD PA'I DUS NA YANG MES SNGON PO BSHIG STE, SNGON PO 'JIG PAR BYED PA'I RGYU MES MA BYAS KYI SNGON PO NI RANG GI NGANG GIS ZHIG GO, ,GAL TE GZHAN DAG 'DI SKAD DU, GAL TE RANG GI NGANG GIS ZHIG STE, MES BSHIG PA MA YIN NA, ME DANG MA PHRAD PA'I SNGON ROL NAS SNGON PO MI SNANG BAR CI'I PHYIR MI 'GYUR ZHE NA, DE'I LAN DU, MES KYANG SNGON PO 'JIG PAR 'GYUR BA NI MA GRUB KYI, MI 'DRA BAR SKYES BAR NUS PAR 'GRUB PO ZHES SMOS TE, MES LCAD SA KYI SNGON PO 'JIG PAR BYAS PA NI MA GRUB KYI SNGON PO NI RANG GI NGANG GIS 'JIG LA, MES NI GZHAN BA SKYED DE, GANG BSKYED CE NA, LCAGS KYI KHA DOG DMAR POR BSKYED DO, ,DON DE NYID BSTAN PA'I PHYIR, 'DI LTAR DE DANG PHRAD PA'I PHYIR SNGON PO'I RGYU MI 'DRA BAR SNANG STE ZHES BYA BA SMOS TE, 'DI LTAR MES NI SNGON PO BSHIG PA MA YIN GYI, SNGON PO NI RANG ZHIG LA, ME DANG PHRAD PAS NI KHA DOG DMAR POR BSKYED DO, ,RNAM PAR THAMS CAD DU MI 'JIG PA NI MA YIN NO ZHES BYA BA LA, GAL TE MES SNGON PO THAMS CAD NAS THAMS CAD DU BSHIG STE MED PAR BYAS NA NI PHYIS GRANGS PA'I DUS NA YANG SNGON POR 'GYUR BAR MI RIGS NA, PHYIS GRANGS PA'I TSE SNGON POR SNANG BAS NA, MES SNGON PO BSHIG BA NI MA YIN GYI, ME'I SNGA ROL GYI SNGON PO NI RANG ZHIG LA, MES NI DMAR PO BSKYED PAR GRUB PO, ,GAL TE GZHAN DAG 'DI SKAD DU CHU YANG ME DANG PHRAD NAS BSKOL BA DANG, GDOD PHYIS MED PAR SNANG GI ,ME DANG MA PHRAD PA'I SNGA ROL NAS MED PAR MI SNANG STE, DE LTAR ME DANG PHRAD NAS MI SNANG BAR GYUR PAS NA, CHU 'JIG PAR BYED PA'I RGYU ME YIN PA BZHIN DU DNGOS PO RNAMS LA YANG 'JIG PAR BYED PA'I RGYU YOD DE, DPER NA BUM PA LTA BU DBYIG @140A *, ,PA LA SOGS PA DANG MA PHRAD PA'I SNGA ROL NA NI CHAG PAR MI SNANG LA DBYIG PA LA SOGS PA DANG PHRAD NAS GDOD CHAG PAR SNANG BAS NA, DNGOS PO RNAMS LA 'JIG PAR BYED PA'I RGYU YOD DO ZHES ZER BA LA, ME DANG DBYIG PA LA SOGS PA LA CHU DANG BUM PA LA SOGS PA 'JIG PAR BYED PA'I RGYU MA YIN PAR BSTAN PA'I PHYIR, CHU YANG BSKOL NAS ME DANG PHRAD PA DANG, JE NYUNG JE NYUNG DU 'GYUR TE, SHIN TU NYUNG BA LAS MTHAR MI SKYE BAR SNANG GI LAN CIG ME DANG PHRAD PAS DE MED PA NI MA YIN NO ZHES BYA BA SMOS TE, 'DI LTAR CHU YANG ME DANG PHRAD NAS BSKOL BA DANG JE SNYUNG JE NYUNG DU 'GYUR TE, KHAD KYIS SHIN TU NYUNG BA LAS THA MAR MED PAR SNANG GI ME DANG PHRAD MA THAG TU NI CHU NI MI SNANG BAR 'GYUR BA MA YIN PAS NA, MES CHU MED PA'I RGYU MA BYAS KYI, CHU NI RANG GI NGANG GIS SKAD CIG MA GCIG GI RGYUN GYIS RANG ZHIG GO, ,MES NI DE NA JE NYUNG JE NYUNG DU GYUR PA BSKYED PAR ZAD KYI ME NI CHU 'JIG PAR BYED PA'I RGYU MI BYED DO, ,GZHAN DAG GIS SMRAS PA, GAL TE MES CHU SKYED PA'I RGYU BYAS KYI CHU 'JIG PA'I RGYU MA BYAS NA, MES CHU BSKYED PAS NA MJUG TU CHU SNANG BA'I RIGS NA, CI'I PHYIR MI SNANG BAR 'GYUR ZHES RGOL NA YANG, LAN DU CHU BYIS MI SNANG BAR GYUR PA NI CHU ZAD PA'I SKAD CIG MA SNGA MA NI MJUG THUG STE PHRAD, CHU'I SKAD CIG MA PHYI MA SKYED PAR BYED PA'I GROGS RGYU RKYEN GZHAN MED DE, RGYU RKYEN DANG MI LDAN PAS NA CHU MA BSKYED DE, DE BAS NA CHU PHYIS MI SNANG BAR 'GYUR RO; ,GAL TE MES CHU MED PAR BYED PA YIN NA NI ME DANG PHRAD MA THAG TU CHU MED PA'I RIGS NA, MED PA PHRAD MA THAG TU CHU MED PAR MA GYUR PAS NA MES CHU 'JIG PA'I RGYU MA BYAS SO, ,GZHAN YANG 'DI DPYAD BYA STE, MES CHU 'JIG PA'I RGYU BYAS NA CHU DE MI 'JIG PA'I RANG BZHIN CAN LAS MES 'JIG PAR BYAS SAM, CHU DE 'JIG PA'I RANG BZHIN CAN LAS MES 'JIG PAR BYAS, GAL TE CHU DE MES MI 'JIG PA'I RANG BZHIN CAN YIN NA NI MI 'JIG PA'I RANG BZHIN CAN LA, 'JIG PAR BYAR MI RUNG BAS RGYU GANG GIS KYANG 'JIG PAR BYA BAR MI NUS TE, DPER @140B NA NAM MKHA' 'JIG PA MED PA LA RGYU RKYEN GYIS 'JIG PAR MI NUS PA BZHIN NO, ,GAL TE CHU DE 'JIG PA'I RANG BZHIN CAN ZHIG YIN NA NI CHU RANG 'JIG PAS DE LA 'JIG PAR BYED PA'I RGYU GZHAN GYIS MI 'JIG GO, ,GZHAN YANG BUM PA LA SOGS PA 'JIG PAR BYED PA'I RGYU THO BA LA SOGS PAS BYAS SO ZHES SMRAS PA DE YAG MI RIGS TE, JI LTAR ZHE NA, THO BAS BUM PA 'JIG PA'I RGYU BYED NA, THO BA DES BUM PA 'JIG PAR BYED PA'I DUS NA NI BUM PA NYID BYAS SAM, BUM PA LAS MA GTOGS PA GZHAN ZHIG BYAS, GAL TE THO BAS BUM PA NYID BYAS NA NI THO BAS BUM PA BYAS KYI, BUM PA'I 'JIG PA MA BYAS PA NA, THO BAS BUM PA GZHIG PA'I RGYU BYAS SO ZHES SMRAS PA YANG 'GAL LO, ,GAL TE THO BAS BUM PA MA YIN PA ZHIG BYAS NA NI THO BAS GZHAN BYAS PAS BUM PA LA CI YANG MA BYAS PA'I PHYIR THOB BAS BUM PA BSHIG PAR MI RUNG STE, DPER NA MCHOD SBYIN LA BDE BA DANG, MI BDE BA BYAS PA DE LHA SBYIN LA CI YANG BYAS PA MA YIN PA BZHIN NO, ,GZHAN YANG THE BAS BUM PA BSHIG NA BUM PA 'JIG PA'I RANG BZHIN CAN ZHIG YIN PA LAS THO BAS BUM PA BSHIG GAM, BUM PA 'JIG PA'I RANG BZHIN CAN MA YIN PA LAS THO BAS BSHIG ,GAL TE BUM PA 'JIG PA'I RANG BZHIN CAN ZHIG YIN NA NI KHO RANG GZHIG PAS NA, DE LA THO BA LA SOGS PA'I RGYU GZHAN GYIS DGZHIG MI DGOS SO, ,GAL TE BUM PA 'JIG PA'I RANG BZHIN CAN MA YIN NA NI DE 'JIG TU MI BTUB PAS NA, RGYU GANG GIS KYANG GZHIG TU MI BTUB PAR 'GYUR RO, ,DE LTA BU'I TSUL DU BRTAG NA THO BAS NI GYO MO BSKYED KYI, BUM PA NI RANG GI NGANG GIS 'JIG PA YIN NO DE MI 'JIG PA'I RANG BZHIN CAN BSTAN TO, ,MTSAN NYID GCIG TU NGAS PA'I PHYIR SKYES PAS GANG YANG GNAS PAR MI RUNG NGO ZHES BYA BA LA, 'DUS BYAS KYI CHOS THAMS CAD KYI MTSAN NYID NI RTAG PA ZHES BYA BA'I MTSAN NYID DANG, MI RTAG PA ZHES BYA BA'I MTSAN NYID GNYIS SU MED KYI, 'DUS BYAS THAMS CAN NI MTSAN NYID GCIG KHO NAR NGES SO, ,GANG ZHE NA, MI RTAG PA DANG, SKAD CIG MA'I MTSAN NYID @141A *, ,DU NGES SO, ,DE LTAR 'DUS BYAS RNAMS SKAD CIG MA'I MTSAN NYID DU NGES PAS NA 'DUS BYAS RNAMS DUS THA GI ZAD CIG GNAS NAS PHYIS 'JIG PAR MI RIGS SO, ,'DUS BYAS KYI MTSAN NYID NI GCIG TU NGES PAR CIS MNGON ZHE NA, LUNG GI GTAN TSIGS BSTAN PA'I PHYIR, ,'DUS BYAS KYI MTSAN NYID GCIG TU NGES PA 'DI NI BCOM LDAN 'DAS KYIS KYANG 'DI LTA STE, 'DUS BYAS NI MI RTAG PA'O ZHES GSUNGS SO ZHES BYA BA SMOS SO, ,'DUS BYAS KYI MTSAN NYID MI RTAG PA KHO NAR NGES PA NI BCOM LDAN 'DAS KYIS GSUNGS TE, JI SKAD GSUNGS SHE NA, 'DUS BYAS THAMS CAD NI MI RTAG PA'O ZHES GSUNGS SO, ,DE GAL TE SKYES MA THAG TU MI 'JIG NA NI YUN CUNG ZAD CIG GI BAR DU MI RTAG LA MED PAR MI 'GYUR BAS MI RTAG PAR MTSAN NYID GCIG TU MA NGES PAR 'GYUR RO ZHES BYA BA LA, GAL TE DNGOS PO SKYES MA THAG TU MI 'JIG GI, ,DUS THA GI ZAD CIG TU GNAS NAS GDOD PHYIS 'JIG PAR 'GYUR NA NI MI RTAG PA'I MTSAN NYID GCIG TU NGES PAR MI 'GYUR TE, DE CI'I PHYIR ZHE NA, MA ZHIG GI BAR DU DUS THA GI ZAD CIG TU RTAG PAR GNAS PAS NA RTAG PAR 'GYUR LA, DE NAS 'JIG PAR 'GYUR BAS NA, MI RTAG PAR YANG 'GYUR TE, 'DUS BYAS LA RTAG PA DANG MI RTAG PA GNYIS SU GZHAG NA NI MTSAN NYID GCIG TU NGES PA MED CING LUNG DANG 'GAL BAR 'GYUR RO, ,TSIG DE DAG GIS NI MTSAN NYID NGES ZHES BYA BA'I TSIG GI DON BSTAN TO, ,DE SKAD CIG MA RE RE LA SNGA MA MED PA SKYES ZIN NA, DE NI 'DI YIN NO ZHES BYA BA MED PAR 'GYUR RO ZHES BYA BA LA, GAL TE GZHAN DAG 'DI SKAD DU ZER TE, SKAD CIG MA RE RE LA DNGOS PO RNAMS 'GAGS NAS SNGA MA DANG PHYI MA 'DRA BAR SKAD CIG MA GZHAN SKYE'O ZHES ZER NA, DE LTA NA NI SNGA MA MTHONG BA'I DNGOS PO DAG PHYIS MTHONG BA'I DUS NA DE DAG BDAG GIS MTHONG NGO SNYAM PA'I BLO DANG SEMS SKYE BAR MI RIGS NA, DE LTA NI MA YIN TE, SNGAR MTHONG BA'I DNGOS PO DAG PHYIR MTHONG BA'I TSE DE NYID BDAG GIS MTHONG NGO SNYAM PA'I BLO SKYES PAS NI, DNGOS PO RNAMS SKAD CIG MA RE RE LA MI 'JIG GI, @141B DUS THA GI ZAD CIG GNAS NAS PHYIS 'JIG GO ZHES ZER RO, ,DE LTAR YANG MI RIGS PAR BSTAN PA'I PHYIR 'DRA BA RJES SU 'BRANG BA'I PHYIR, DE LTA BUR GYUR PA'I PHYIR ZHES BYA BA SMOS TE, DNGOS PO RNAMS MTHONG BA LAS PHYIS MTHONG BA'I DUS NA BDAG GIS DE NYID MTHONG NGO SNYAM PA'I BLO SKYE BA YANG SKAD CIG MA SNGA MA'I TSE DNGOS PO RNAMS KYI KHA DOG DANG BONG TSOD CI 'DRA BAR BYUNG BA SKAD CIG MA PHYI MA'I TSE NA YANG SKAD CIG MA DE DANG 'DRA BA'I KHA DOG DANG BONG TSONG SKYE BAR 'GYUR TE, PHYI MA'I TSE YANG 'DRA BA BYUNG NA DE NYID MTHONG BA'I BLO SKYES TE NYES PA MED DO, ,DPE BSTAN PA'I PHYIR SMRAS PA, MIG 'PHRUL CAN GYIS RDE'U BZHIN NO ZHES BYA BA SMOS TE, DPER NA MIG 'PHRUL CAN GYIS PHO LONG BRGYA TZAM GNAM DU BOR NA, 'DOR BA LA GOR MYUR BAS DU MA BYUNG NGO SNYAM PA MI SKYE'I, GCIG CIG MTHONG NGO SNYAM PA'I BLO SKYE'O, ,DE DANG 'DRA BAR DNGOS PO RNAMS SKYE BA NA YANG DE SKAD CIG MA 'DAB CHAGS SU MYUR BAR SKYE LA, SNGA PHYI 'DRA BA SHA STAG SKYE BAS NA DE NYID MTHONG NGO SNYAM PA'I BLO SKYE BA'O, ,DPER NA CHU BO LA SOGS PA 'BAB PA NA YANG SKAD CIG MA RE RE LA YANG 'GAGS SHING SKYE MOD KYI, PHYI MA RNAMS KYANG SNGA MA DANG 'DRA BA SHA STAG SKYES PAS NA; CHU DE DAG MTHONG NGO SNYAM PA'I BLO SKYE BA BZHIN NO, ,TSIG DE DAG GIS NI RJES SU 'BRANG ZHES BYA BA'I DON BSTAN TO, ,'DRA BA'I PHYIR DE'I BLOR 'GYUR TE, DE'I DNGOS PO'I PHYIR NI MA YIN PAR JI LTAR SHES SHE NA ZHES BYA BA NI GAL TE GZHAN DAG YANG 'DI SKAD DU RGOL TE, GANG SNGAR MTHONG PA'I DNGOS PO PHYIS MTHONG BAS NA, SNGA MA DE NYID KYI DNGOS PO MA ZHIG PAR MTHONG BA NI MA YIN GYI, SKAD CIG MA SNGA MA 'GAGS PA DANG 'DRA BA'I SKAD CIG MA GZHAN SHA STAG SKYES PAS 'DRA BA SKYES PA'I PHYIR SNGA MA NYID MTHONG NGO SNYAM PA'I BLOR 'GYUR BAR CI MNGON ZHE NA, MA 'GAGS PAR DNGOS PO SNGAR MTHONG BA NYID PHYIS MTHONG NGAM, SUS SHES SNYAM RGOL LO, ,DE LTAR MI RIGS PAR BSTAN PA'I PHYIR, 'GOG PA'I PHYIR RO ZHES SMOS TE, DNGOS PO RNAMS MJUG TU 'GAG PAR 'GYUR BA'I PHYIR, DNGOS PO SNGA MA NYID PHYIS MTHONG BA NI MA YIN GYI, SKAD CIG SNGA MA 'GAGS @142A *, ,NAS PHYI MA DE 'DRA BA SKYES PA MTHONG BA LAS DE NYID MTHONG NGO SNYAM PA'I BLO SKYE BAR 'GYUR RO, ,DON DE NYID BSTAN PA'I PHYIR, DE BZHIN GNAS PA LA NI MTHAR 'GAS PAR MI 'GYUR TE, THOG MA'I SKAD CIG MA DANG BYE BRAG MED PA'I PHYIR RO ZHES BYA BA SMOS TE, GAL TE DNGOS PO RNAMS SKAD CIG MA RE RE LA 'GAG PA NI MA YIN GYI, BRTAN POR GNAS PA'I RANG BZHIN YIN NA NI DNGOS PO DE MJUG TU 'GAG PAR YANG MI 'GYUR TE, CI'I PHYIR ZHE NA, JI LTAR THOG MA'I SKAD CIG MA 'GAG PA MED DE GNAS PA'I RANG BZHIN YIN PA DE BZHIN DU, PHYI MA'I SKAD CIG MA NA YANG GNAS PA'I RANG BZHIN GYI DNGOS PO DE NYID YIN TE, DE LAS DNGOS PO MA BRJES PAS NA, PHYIS KYANG 'GAG PAR MI 'GYUR RO, ,DON DE DAG GIS MJUG BSDU BA'I PHYIR, DE BAS NA DE NYID YIN PAR MI RIGS SO, ZHES BYA BA SMOS TE, GONG DU BSHAD PA'I RIGS PA LTAR NA, MJUG TU DNGOS PO RNAMS 'GAG PAR 'GYUR BA'I PHYIR DNGOS PO SNGAR MTHONG BA GANG YIN PA PHYIS KYANG DE NYID MTHONG BAR MI RIGS SO, ,TSIG DE DAG GIS NI 'GOG PA'I PHYIR ZHES BYA BA'I TSIG GI DON BSTAN TO, ,THA MAR 'GYUR BA NYE BAR DMIGS PA'I YANG PHYIR TE ZHES BYA BA LA, RNAM PA GZHAN DU YANG NANG GI DNGOS PO RNAMS LA MJUG TU GNYER MA CAN DANG, SKRA DKAR LA SOGS PA GZHAN DU 'GYUR BA'I DNGOS PO MTHONG LA PHYI'I DNGOS PO RNAMS LA YANG KA BA LA SOGS PA KHONG RUL BA LA SOGS PA GZHAN DU 'GYUR BA MTHONG BAS NA, SKAD CIG DNGOS PO RNAMS SKAD CIG MA YIN PAR RIG PAR BYA'O, ,'GYUR BA ZHES BYA BA CI YIN PA BSTAN PA'I PHYIR, YONGS SU 'GYUR BA ZHES BYA BA NI GZHAN DU 'GYUR BA YIN LA ZHES BYA BA SMOS TE, YONGS SU 'GYUR BA ZHES BYA BA'I DON NI NANG GI DNGOS PO LA YANG SNGA MA SNGA MA DANG MI 'DRA BAR PHYI MA'I DUS NA SKRA DKAR LA SOGS PA GZHAN DU 'GYUR BA LA BYA'O, ,PHYI'I DNGOS PO LA YANG KA BA LA SOGS PA SNGA MA DANG MI 'DRA BAR RUL BA'I MTSAN NYID DU 'GYUR BA LA 'GYUR BA ZHES BYA'O, ,DE GAL TE THOG MA NAS MA BRTZAMS SU ZIN NA NI PHYI NANG GI DNGOS PO RNAMS THA MAR YONGS SU 'GYUR BA YANG MI DMIGS @142B LA ZHIG NAS ZHES BYA BA LA, GAL TE DNGOS PO RNAMS THOG MA NAS SKAD CIG MA RE RE LA RGA BA DANG, 'DRUL BA LA SOGS PA'I MTSAN NYID DU BRTZAMS SU ZIN NA NI NANG GI DNGOS PO LA YANG THA MAR SKRA DKAR LA SOGS PA'I MTSAN NYID DU GZHAN DU 'GYUR BA MTHONG BA MI 'GYUR LA, PHYI'I DNGOS PO LA YANG RUL PA LA SOGS PA'I MTSAN NYID DU THA MAR GZHAN DU 'GYUR BAR MTHONG BAR MI 'GYUR RO, ,DE LTA BAS NA THOG MA NYID NAS GZHAN DU 'GYUR BA BRTZAMS TE ZHES BYA BA LA, GONG DU BSHAD PA LTAR PHYI NANG GI DNGOS PO RNAMS THA MAR SNGON DANG MI 'DRA BA'I MTSAN NYID GZHAN DU 'GYUR BAR 'GYUR BAS NA, DNGOS PO RNAMS DANG PO NYID NAS GANG GZHAN NAS GZHAN DU 'GYUR BA SKAD CIG MA RE RE BRTZAMS PAR RIG PAR BYA'O, ,GZHAN GYIS BRGAL BA, GAL TE SKAD CIG MA RE RE LA RGA BA DANG RUL PA LA SOGS PA'I MTSAN NYID DU GZHAN NAS GZHAN DU 'GYUR BAR BRTZAMS NA, CI'I PHYIR NA PYIS MTHONG BA'I TSE BDAG GIS SNGON MTHONG BA'I DNGOS PO DE NYID MTHONG NGO SNYAM PA'I BLO SKYES ZER BA LA, GANG MTHAR GYIS SKYE BA NI THA MAR SNANG BAR 'GYUR TE ZHES BYA BA SMOS TE, SKAD CIG MA DANG PO NAS SNGA MA DANG PHYI MA 'DRA BA'I RANG BZHIN GZHAN DU 'GYUR LA SKYES SHING BRTZAMS PAS NA, MJUG TU SKRA DKAR LA SOGS PA'I MTSAN NYID DANG, RUL PA LA SOGS PA'I MTSAN NYID DU SNANG STE, DE BAS NA DANG PO NAS GZHAN NAS GZHAN DU 'GYUR BA BRTZAMS PA YIN NO, ,DE'I DPE BSTAN PA'I PHYIR 'O MA LAS ZHO'I GNAS BZHIN NO ZHES BYA BA SMOS TE, DPER NA'O MA LAS ZHOR 'GYUR BA YANG DANG PO NAS SKAD CIG MA RE RE LA JE SKA JE SKAR 'GYUR BAR BRTZAMS PAS NA, MJUG TU SKA BA'I RANG BZHIN ZHOR 'GYUR BAS NA SNANG ZHING MNGON PA BZHIN NO, ,YANG GZHAN GYIS BRGAL BA GAL TE SKAD CIG MA RE RE LA YANG GZHAN NAS GZHAN DU 'GYUR BAR BRTZAMS, CI'I PHYIR GZHAN NAS GZHAN DU 'GYUR BAR BRTZAMS PA MA TSOR ZHES BRGAL BA LA, LAN DU JI SRID DU DE GZHAN DU 'GYUR BA PHRA BAS YONGS SU MI RIGS PA DE BZHIN DU DE DANG 'DRA BA RJES SU 'BRANG BA'I PHYIR TE, DE NYID NI 'DI YIN NO ZHES @143A *, ,SHES PAR BYA BA GRUB PO ZHES BYA BA SMOS TE, DPER NA 'O MA DANG PO NAS GZHAN NAS GZHAN DU SKAD PA'I RANG BZHIN DU 'GYUR BAR BRTZAMS NAS, GZHAN DU 'GYUR BA RTZOM PA PHRA BAS NI GZHAN DU 'GYUR BA MI RIGS PA DE BZHIN DU, PHYI NANG GI DNGOS PO GZHAN DANG YANG RGA BA DANG 'DRUL BA LA SOGS PA'I MTSAN NYID DU GZHAN NAS GZHAN DU 'GYUR BAR BRTZAMS PA PHRA BAS NA, DE'I TSE RIG PAR MA GYUR GYI, MJUG TU RGA BA DANG RUL PA GSAL BAR SNANG BAR GYUR BA DANG, GDOD RGAS PA DANG RUL BAR RIG GO, ,DE BAS NA 'DU BYED RNAMS 'DAB CHAGS SU BRED MA CHAD PAR SKAD CIG MA SNGA MA DANG 'DRA BAR PHYI MA SKYES PAS NA, BDAG GIS SKAD CIG MA SNGA MA NYID MTHONG NGO SNYAM PA'I BLO SKYE'O, ,DON DE DAG GI MJUG BSDU BA'I PHYIR, DE'I PHYIR SKAD CIG MA RE RE LA GZHAN DU 'GYUR BA'I PHYIR SKAD CIG MA GRUB BO ZHES BYA BA SMOS TE, GONG DU BSHAD PA LTAR NA, PHYI NANG GI 'DU BYED RNAMS MJUG TU GZHAN DU 'GYUR BAR SNANG BAS NA, 'DU BYED THAMS CAD SKAD CIG MA RE RE LA GZHAN DU 'GYUR BAR SNANG BAS NA, 'DU BYED THAMS CAD SKAD CIG MA YIN PAR GRUB STE, TSIG DE DAG GIS 'GYUR BA NYE BAR DMIGS ZHES BYA BA'I DON BSTAN TO, ,JI LTAR GRUB CE NA ZHES BYA BA LA, 'DU BYED RNAMS SKAD CIG MAR GRUB BO ZHES BSHAD NA GTAN TSIGS GANG GIS SKAD CIG MA GRUB CE NA ZHES BYA BA'I DON TE, DE'I GTAN TSIGS SMRAS PA, DE'I RGYU DANG 'BRAS BU LAS ZHES BYA BA'O, ,TSIG GI DON DE'I DON BSTAN PA'I PHYIR, SKAD CIG MA'I RGYU DANG SKAD CIG MA'I 'BRAS BU ZHES BYA BA'I DON TO, ZHES SMOS TE, RGYU SKAD CIG MA YIN PAS NA, DE LAS SKYES PA'I 'BRAS BU YANG SKAD CIG MA YIN PAR BRTAG LA, 'BRAS BU SKAD CIG MA YIN PAS NA, DE SKYED PAR BYED PA'I RGYU YANG SKAD CIG MA YIN PAR RIG PAR BYA'O, ,RGYU SKAD CIG MA YIN PAS 'BRAS BU SKAD CIG MA YIN PAR 'GRUB PA'I PHYIR, ,SEMS NI SKAD CIG MAR GRAGS PAS MIG DANG GZUGS LA SOGS PA 'DU BYED GZHAN LAS GYUR PAS DE DAG KYANG SKAD CIG MAR @143B 'GRUB STE ZHES BYA BA SMOS TE, 'DI LTAR MIG GI RNAM PAR SHES PA LA SOGS PAS RNAM PAR SHES PA THAMS CAD NI SKAD CIG MA YIN PAR SANGS RGYAS PA DANG MU STEGS PA THAMS CAD LA YANG GRANGS SO, ,DE LTAR SEMS SKAD CIG MAR GRAGS PAS NA, SEMS DE'I RGYU NI MIG DANG GZUGS LA SOGS PA YIN TE, MDO LAS KYANG MIG DANG GZUGS LA BRTEN NAS MIG GI RNAM PAR SHES PA SKYE'O ZHES GSUNGS SO, ,DE BAS NA 'DU BYED RNAMS KYI 'BRAS BU SEMS SKAD CIG MAR GRUB PAS NA DE SKYED PAR BYED PA'I RGYU 'DU BYED RNAMS KYANG SKAD CIG MAR GRUB PO; ,GAL TE GZHAN DAG 'DI SKAD DU 'DU BYED RTAG PAS SEMS SKAD CIG MAR SKYED DE, DE BAS NA 'DU BYED NI RTAG PA YIN LA, DE LAS SKYES PA'I SEMS NI SKAD CIG MA YIN NO ZHES ZER BA LA, DE MI RIGS PAR BSTAN PA'I PHYIR, SKAD CIG MA MA YIN PA LAS NI SKAD CIG MAR 'BYUNG BAR MI 'OS SO ZHES BYA BA SMOS SO, ,MIG DANG GZUGS LA SOGS PA SKAD CIG MA MA YIN ZHING RTAG PA LAS 'BRAS BU SKAD CIG MA'I RANG BZHIN GYI SEMS 'BYUNG BAR NI MI RIGS SO ZHES BYA BA'I DON TO, ,DE'I DPE BSTAN PA'I PHYIR, ,'DI LTA STE, RTAG PA LAS MI RTAG PA BZHIN NO ZHES BYA BA SMOS TE, RTAG PA LAS NI MI RTAG PA 'BYUNG BAR MI SRID DE, DPER NA NAM MKHA' RTAG PA LAS BUM PA DANG SNAM BU LA SOGS PA MI RTAG PA'I DNGOS PO MI 'BYUNG BA BZHIN NO, ,RGYU SKAD CIG MA YIN PAS 'BRAS BU SKAD CIG MAR SGRUB PA'I PHYIR RO, ,YANG 'DU BYED THAMS CAD NI SEMS KYI 'BRAS BU STE ZHES SMOS TE, GZHAN YANG MIG DANG GZUGS LA SOGS PA'I 'DU BYED THAMS CAD NI SEMS KYI 'BRAS BU YIN TE, 'DU BYED RNAMS NI SEMS KYI 'BRAS BU YIN LA, SEMS NI DE DAG GI RGYU YIN NO, ,DE LTAR NA SEMS SKAD CIG MA YIN PAS NA DE'I 'BRAS BU 'DU BYED RNAMS KYANG SKAD CIG MAR RIG PAR BYA'O, ,JI LTAR RIG CE NA ZHES BYA BA NI 'DU BYED RNAMS SEMS KYI 'BRAS BU YIN PAR YANG CI MNGON LA SEMS SKAD CIG MA YIN PAR 'DU BYED RNAMS KYANG SKAD CIG MA YIN PAR CI MNGON ZHE NA ZHES BYA BA'I DON TO, , @144A *, ,DE'I LAN DU ZIN PA DANG, DBANG BA DANG, DAG PA DANG, SEMS CAN GYI RJES SU 'BRANG BA'I PHYIR RO ZHES BYA BA SMOS TE, 'DU BYED RNAMS SEMS KYI 'BRAS BU YIN PAR NI SEMS KYI 'DU BYED RNAMS ZIN PA DANG, SEMS KYI 'DU BYED RNAMS LA DBANG BYED PA DANG; SEMS DAG PA'I RJES SU 'DU BYED RNAMS 'BRANG BA DANG, SEMS CAN GYI SEMS KYI RJES SU 'DU BYED RNAMS 'BRANG BAS NA 'DU BYED RNAMS SEMS KYI 'BRAS BU YIN PAR MNGON NO, ,SEMS KYI 'DU BYED ZIN PA'I DON BSTAN PA'I PHYIR, SEMS KYI MIG LA SOGS PA LA GNAS DANG BCAS PA ZIN PA STE ZHES SMOS TE, GNAS NI LUS LA BYA'O, ,SEMS NI 'DIS MIG GI DBANG PO DANG BCAS PA'I LUS KUN DU BZUNG STE, DE BAS NA 'DU BYED RNAMS SEMS KYI 'BRAS BU YIN PAR RIG PAR BYA'O, ,SEMS KYIS JI LTAR LUS ZIN PA BSTAN PA'I PHYIR, LHAN CIG TU BRGYAL BA DANG, BDE BAR ZIN PA'I RJES SU 'BRANG BA'I PHYIR ZHES BYA BA SMOS TE, 'DI LTAR MA'I MNGAL DU RNAM PAR SHES PA ZHUGS NAS BRGYAL BAR GYUR PA DANG, GDOD PHA MA'I MIG TZANG BA LAS NUR NUR PO DANG MER MER PO LA SOGS PA LUS KYI DNGOS POR 'GRUB KYI, JI SRID DU RNAM PAR SHES PA MA'I MNGAL DU ZHUGS NAS BRGYAL BAR MA GYUR PA DE SRID DU PHA MA'I MI GTZANG BA LAS NUR NUR PO DANG MER MER PO LA SOGS PA MI 'GYUR BAS NI LUS NA SEMS KYI RJES SU 'BRANG BA'I PHYIR SEMS KYIS LUS YONGS SU BZUNG NGO, ,MDO LAS KYANG, DGA' BO GAL TE MA'I MNGAL DU RNAM PAR SHES PA BRGYAL BAR MA GYUR NA PHA MA'I MI GTZANG BA LAS NUR NUR PO LA SOGS PAR MI 'GYUR RO ZHES BSHAD DO, ,GZHAN YANG SEMS LA GNOD PAR GYUR NA LUS LA YANG GNOD PAR 'GYUR LA, SEMS BDE BAR GYUR NA LUS KYANG DGE BAR 'GYUR BAS SEMS KYI RJES SU LUS 'BRANG BA'I PHYIR, SEMS KYIS LUS ZIN PA'I PHYIR, DE BAS NA 'DU BYED RNAMS KYI 'BRAS BU YIN NO, ,'DU BYED RNAMS LA SEMS DBANG BA'I DON BSTAN PA'I PHYIR, ,SEMS NI 'DU BYED RNAMS LA DBANG BYED PA STE ZHES SMOS TE, SEMS 'DI NI 'DU BYED RNAMS @144B LA DBANG BYED DE, DE BAS NA 'DU BYED NI SEMS KYI 'BRAS BU'O, ,JI LTAR DBANG BYED PA LUNG GI GTAN TSIGS KYIS BSTAN PA'I PHYIR, JI LTAR BCOM LDAN 'DAS KYIS KYANG, 'JIG RTEN 'DI NI SEMS KYIS KHRID DO, ,SEMS KYIS DRANGS SO ZHES BYA BA SMOS TE, SEMS KYIS GANG DU BSAMS PAR LUS KYANG DE'I RJES SU 'BRANG BAS NA SEMS KYIS KHRID PA DANG DRANGS PA ZHES BYA'O, ,SEMS SKYE ZHING 'BYUNG BAR 'GYUR RO ZHES BYA BA LA, SEMS LA 'DOD CHAGS ZHIG SKYES NAS LUS KYANG DE'I RJES SU 'BRANG NAS SPYOD PA ZED ZER PO DANG, BZHIN 'DZUM PA LA SOGS PA'I MTSAN NYID GZHAN DU 'GYUR RO, ,GAL TE SEMS LAS ZHE SDANG ZHIG SKYES NA NI KHU TSUR 'CHANG BA DANG, BZHIN KHRO GNYER BSDUS PA LA SOGS PAR GZHAN DU 'GYUR BAS NA 'DU BYED RNAMS LA SEMS DBANG NGO, ,LUNG GI GTAN TSIGS GNYIS PA BSTAN PA'I PHYIR, DE BZHIN DU RNAM PAR SHES PA'I RKYEN GYIS MING DANG GZUGS ZHES BYA BA LA GSUNGS TE ZHES BYA BA LA, DE BZHIN DU MDO GZHAN DAG LAS RNAM PAR SHES PA'I DBANG GIS MING DANG GZUGS 'BYUNG NGO ZHES GSUNGS PAS NA, DE'I PHYIR 'DU BYED RNAMS NI SEMS KYI 'BRAS BU YIN NO, ,DAG PA'I SEMS KYI RJES SU 'BRANG BA'I DON BSTAN PA'I PHYIR, DAG PA'I SEMS KYI RJES SU 'BRANGS ZHES BYA BA NI RNAL 'BYOR PA'I SEMS DAG PA YIN TE, DE DAG LA NI 'DU BYED RNAMS DE BZHIN DU 'GYUR RO ZHES SMOS TE, DAG PA'I SEMS KYI RJES SU 'BRANG ZHES BYA BA LA, DAG PA'I SEMS NI RNAL 'BYOR BA RNAMS KI SEMS LA BYA BA STE, 'DU BYED RNAMS RNAL 'BOR BA'I SEMS KYIS JI LTA JI LTAR BSAMS PA DE BZHIN DU 'GYUR BAS NAS 'DU BYED RNAMS LA SEMS DBANG BYED DO, ,RNAL 'BYOR PAS JI LTAR BSAMS PA DE BZHIN DU 'GYUR BAR CI MNGON ZHE NA, LUNG GI GTAN TSIGS KYIS BSTAN PA'I PHYIR, 'DI LTA STE, DGE SLONG BSAM GTAN THOB PA ZHES BYA BA LA SOGS PA SMOS SO, ,SEMS CAN GYI SEMS KYI RJES SU 'BRANG BA'I DON BSTAN PA'I PHYIR SEMS CAN RJES SU 'BRANG PHYIR ZHES BYA BA LA SOGS PA SMOS TE, 'DI LTAR 'DU BYED RNAMS NI @145A *, ,SEMS KYI RJES SU 'BRANG STE, JI LTA ZHE NA, 'DI LTAR SDIG PA BYED PA'I SEMS CAN RNAMS KYI SEMS KYI DBANG GIS LO TOG LA SOGS PA YANG KHA DOG DANG, DRI DANG RO LA SOGS PA RNAMS MTHU CHUNG BAR 'GYUR ZHING GSER LA SOGS PA'I DNGOS PO YANG SOL BA LA SOGS PAR SNANG LA, BSOD NAMS BYED PA RNAMS KYI SEMS KYI DBANG GIS 'BRU LA SOGS PA KHA DOG DANG DRI PHUN SUM TSOGS PAR SNANG LA DNGOS PO NGAN PA RNAMS KYANG RIN PO CHE LA SOGS PAR SNANG BAS NA, 'DU BYED RNAMS SEMS KYI 'BRAS BU YIN PAR MNGON NO, ,TSIG DE DAG GI MJUG BSDU BA'I PHYIR, DE BAS NA DE DAG SKAD CIG MA'O ZHES BYA BA SMOS TE, GONG DU BSHAD PA LTAR NA 'DU BYED RNAMS SEMS KYI 'BRAS BU YIN PA'I PHYIR 'DU BYED RNAMS SKAD CIG MAR RIG PAR BYA'O, ,DON DE NYID BSTAN PA'I PHYIR, DE'I RJES SU 'BRANG BA'I PHYIR SKAD CIG MA LAS 'BRAS BU SKAD CIG MA MED PAR MI RUNG NGO ZHES SMOS TE, 'BRAS BU THAMS CAD NI RGYU'I RJES SU 'BRANG STE, RGYU CI 'DRA BAR BTAB PA 'BRAS BU YANG DE 'DRA BAR SKYE'O, ,DE YANG DPER NA RGYU 'BRAS S'A LU'I SA BON BTAB NA 'BRAS BU YANG 'BRAS S'A LU'I 'BRAS BU NYID SMIN PA DE BZHIN DU, 'DU BYED RNAMS KYI RGYU SEMS SKAD CIG MA YIN PAS NA DE'I 'BRAS BU 'DU BYED RNAMS KYANG SKAD CIG MAR RIG PAR BYA STE, SEMS NI SKAD CIG MA YIN LA, DE'I 'BRAS BU 'DU BYED RNAMS SKAD CIG MA MA YIN PA BRTAG PA'I MTSAN NYID DU 'GYUR BAR NI MI RIGS SO; ,DE LTAR 'DU BYED RNAMS RE ZHIG BYE BRAG MED PAR SKAD CIG MAR TSIGS SU BCAD PA GNYIS KYIS BSGRUBS SO ZHES BYA BA LA, 'DI YAN CHAD DU PHYI NANG GI 'DU BYED RNAMS SO SOR MA PHYE BAR GCIG TU BSDUS NAS SKAD CIG MA YIN PAR TSIGS SU BCAD PA GNYIS KYIS BSTAN TO, ZHES BYA BA'I DON TO, ,YANG NANG GI RNAMS BSGRUB PA'I PHYIR TSIGS SU BCAD PA RNAMS SU RIG PAR BYA'O ZHES BYA BA LA, DA NI TSIGS SU BCAD PA LNGA ZHIG GIS NAG GI 'DU BYED SEMS DANG SEMS LAS BYUNG BA RNAMS SKAD CIG MAR SGRUB BO ZHES BYA BA'I DON TO, ,THOG MA JE BAS JE @145B TSE DANG; ,ZHES BYA BA LA SOGS PA LA, NANG GI 'DU BYED SKYE BA LA RNAM PA BCU BZHI YOD DE, THOG MAR SKYE BA DANG, JE BAS JE CHER SKYE BA DANG, SOGS PA SKYE BA DANG GNAS KYI DNGOS POR SKYE BA DANG, 'GYUR BAR SKYE BA DANG, SMIN PAR SKYE BA DANG, THA MA'I SKYE BA DANG, DE BZHIN DU MCHOG GI SKYE BA DANG, 'OD GSAL BAR SKYE BA DANG, 'OD MI GSAL BAR SKYE BA DANG, YUL GZHAN DU 'GRO BA'I SKYE BA DANG, SA BON CAN GYI SKYE BA DANG, SA BON MED PA'I SKYE BA DANG, GZUGS BRNYAN DU SKYE BA STE, SKYE BA RNAMS PA BCU BZHI YOD PA LA NI RNAM PA BCU BZHI PO DE SKAD CIG MAR SGRUB PA'I RGYU DANG TSAD MA NI, RGYU DANG TSAD KYI BYE BRAG DANG, ZHES BYA BA NAS SEMS KYI RJES SU 'BRANG BA NAS, 'DUS BYAS THAMS CAD SKAD CIG MA, ,ZHES BYA BA'I BAR DAG GIS BSTAN TO, ,JE BAS JE CHE ZHES BYA BA NAS ZHES BYA BA LA, THOG MAR JE CHE JE CHE DANG, ,ZHES BYA BA NAS BRTZAMS TE, 'DUS BYAS THAMS CAD SKAD CIG MA'O, ,ZHES BYA BA'I BAR DAG GI TSIGS SU BCAD PA LNGAS NANG GI 'DU BYED RNAMS SKAD CIG MAR SGRUB BO ZHES BYA BA'I DON TO, ,DE DAG GIS JI LTAR SKAD CIG MA 'GRUB CE NA ZHES BYA BA NI TSIGS SU BCAD PA LNGA PO DE DAG GIS NANG GI 'DU BYED RNAMS JI LTAR SKAD CIG MAR 'GRUB CE NA ZHES BYA BA'I DON TO, ,THOG MAR SKYE BA NI DANG POR LUS MNGON PAR 'GRUB PA GANG YIN PA'O ZHES BYA BA LA, NANG GI 'DU BYED SNA LA SKYE BA BCU BZHI YOD PA'I MTSAN NYID DE JE BSTAN NAS, DE DAG JI LTAR SKAD CIG MA YIN PA NI GTAN TSIGS KYIS PHYIS 'CHAD DO, ,DE LA THOG MA SKYE BA ZHES BYA BA NI 'CHI BA'I CHAR GTOGS PA'I RNAM PAR SHES PA 'GAGS NAS MA'I MNGAL DU SKAD CIG MA DANG PO LA RNAM PAR SHES PA ZHUGS TE BRGYAL NAS SKYE BA'I NYID MTSAMS SBYAR BA GANG YIN PA LA, THOG MA SKYE BA ZHES BYA STE, GAL TE RTAG PA ZHIG YIN NA NI 'CHI BA'I CHAR GTOGS PA RNAM PAR SHES PA 'GAGS NAS SKYE BA'I CHAR GTOGS PA RNAM PAR SHES PA 'BYUNG MI SRID DE, DE LTA NI MA YIN TE, 'CHI BA'I CHAR GTOGS PA RNAM PAR SHES PA 'GAGS NAS SKYE BA'I CHAR GTOGS PA RNAM PAR SHES @146A *, ,PA 'BYUNG BA NA, SKAD CIG MAR RIG PAR BYA'O, ,JE BAS JE CHE BA NI DANG PO SKYES PA'I SKAD CIG MA PHAN CHAD DO ZHES BYA BA LA, JE BAS JE CHER SKYE BA NI SKAD CIG MA DANG PO LA, MA'I MNGAL DU RNAM PAR SHES PA ZHUGS PA SKAD CIG MA MA RTOGS PA SKAD CIG MA GNYIS PA PHAN CHAD NUR NUR PO DANG MER MER PO DANG LTAR LTAR PO LA SOGS PA SKYES PA LA BYA STE, GAL TE SKAD CIG MA MA YIN NA NI NUR NUR PO'I RANG BZHIN 'GAGS NAS MER MER PO LA SOGS PA SKYE MI SRID DE, DE LTA NI MA YIN GYI NUR NUR PO LA SOGS PA SNGA MA 'GAGS NAS MER MER PO LA SOGS PA GZHAN SKYE BAR 'GYUR TE, DE BAS NA SKAD CIG MAR RIG PAR BYA'O, ,SOGS PA NI KHA ZAS DANG, NYAL BA DANG, TSANGS PAR SPYOD PAR DANG, SNYOMS PAR 'JUG PA LA SOGS PA'O ZHES BYA BA LA SOGS PA'I DON NI LUS CHUD ZHING RID PA LAS NYAM CHE ZHING BRTAS PAR 'GYUR BAR BYED PA LA BYA STE, 'DOD PA'I KHAMS NA NI KHA ZAS DANG GNYID DANG TSANGS PAR SPYOD PAS LUS NYAM CHUNG NGU LAS NYAM CHEN PO DANG LDAN PAR BYED DO, ,GZUNGS LA SOGS PA'I KHAMS NA NI TING NGE 'DZIN LA SNYOMS PAR ZHUGS PAS LUS BRTAS PAR 'GYUR RO, ,GAL TE DNGOS PO 'DI DAG RTAG PA YIN NA NI KHA ZAS LA SOGS PAS KYANG LUS NYAM CHUNG NGU LAS NYAM CHEN POR 'GYUR MI SRID DE, DE LTA NA NI MA YIN GYI, KHA ZAS LA SOGS PAS LUS NYAM CHUNG NGU LAS NYAM CHEN POR SKYED PAR BYED PAS NA, DNGOS PO RNAMS SKAD CIG MAR RIG PAR BYA'O, ,GNAS KYI DNGOS PO NI GANG MIG GI RNAM PAR SHES PA LA SOGS PA MIG LA SOGS PA'I GNAS KYIS SO ZHES BYA BA LA, GNAS KYI DNGOS POR SKYE BA NI MIG GI RNAM PAR SHES PA NAS YID KYI RNAM PAR SHES PA'I BAR DU RNAM PAR SHES PA DRUG NI GNAS PA ZHES BYA'O, ,MIG GI DBANG PO NAS YID KYI DBANG PO'I BAR DU DBANG PO DRUG NI GNAS ZHES BYA STE, GNAS PAR BYED PA RNAM PAR SHES PA RNAMS SKAD CIG MA YIN PAR DE'I DBANG PO RNAMS KYANG SKAD CIG MA MA YIN DU MI RUNG STE, DE BAS NA SKAD CIG MAR 'GYUR RO, ,'GYUR @146B BAS NA GANG 'DOD CHAGS LA SOGS PAS KHA DOG LA SOGS PA 'GYUR BA'I PHYIR RO ZHES BYA BA LA, 'GYUR BA'I SKYE BA NI NAM SEMS 'DOD CHAGS LA SOGS PA'I RNAM PAR SKYES BAS NA LUS KYANG SNGON DANG MI 'DRA BAR BZHIN 'DZUM PA DANG, KHA DOG MA DANGS CAN DU 'GYUR BA DANG; NAM ZHE SDANG GI RNAM PAR SKYE BA NA, LUS LA SOGS PA YANG KHRO GNYER BSDUS PA DANG, SO GTZIGS PA LA SOGS PA'I RNAM PA GZHAN DU 'GYUR TE, DE LTA BU DAG KYANG RTAG PA'I CHOS RNAMS LA MI SRID KYI, MI RTAG PA'I CHOS RNAMS LA SRID DE, DE BAS NA 'DU BYED RNAMS SKAD CIG MAR RIG PAR BYA'O, ,SMIN PA NI GANG SKYES NAS DANG, BYIS PA DANG, GZHON NU DANG, DAR LA BAB PA DANG, DAR BYID PA DANG, RGAS PA'I GNAS SO ZHES BYA BA LA, DANG PO MA'I MNGAL NAS BYUNG MA THAG PA LA NI SKYES NAS ZHES BYA'O, ,DE NAS DE LAS 'DAS LA 'GRO NUS LA THUG GI BAR LA NI BYIS PA ZHES BYA'O, ,DE NAS DE LAS 'DAS NAS RTZED MO NUS KYI BAR LA NI GZHON NU ZHES BYA'O, ,DE NAS DE LAS 'DAS NAS SEMS DANG LUS KYI MTHU RDZOGS PAR 'GYUR BA LA NI DAR LA BAB PA ZHES BYA'O, ,DE LAS 'DAS LA NAM CHE RGAS PA LA SOGS PA 'GYUR BA LA NI DAR BYED PA ZHES BYA'O, ,RU ZHOM PAR GYUR PA LA NI RGAS PA ZHES BYA STE, DNGOS PO RTAG PA RNAMS LA NI DE LTA BU GZHAN RNAMS GZHAN DU 'GYUR BA 'BYUNG MI SRID DE, DE LTA NI MA YIN GYI, DNGOS PO RNAMS GZHAN NAS GZHAN DU 'BYUNG BA NA SKAD CIG MAR RIG PAR BYA'O, THA MA DANG MCHOG NI GANG NGAN 'GRO DANG, BDE 'GROR SKYE BA RNAMS TE RIM BZHIN NO ZHES BYA BA LA, THA MA DANG MCHOG GI SKYE BA NI RIM BZHIN DU NGAN 'GRO GSUM DU SKYES PA NI THA MAR SKYES PA, LHA DANG MI'I NANG DU SKYES PA NI MCHOG TU SKYES PA'O, ,DE LA RTAG PA'I CHOS RNAMS LA NI NGAN SONG GSUM DU SKYES PA LAS 'GAGS NAS LHA DANG MIR SKYE BA DANG, LHA DANG MIR SKYES PA LA 'GAGS NAS, NGAN SONG DU SKYE BA NI MI SRID DE, DE LTA NI MA YIN GYI, NGAN SONG GSUM LAS SHI 'PHOS NAS, LHA DANG MI'I NANG DU SKYE BA DANG, LHA DANG @147A *, ,MI'I NANG NAS SHI 'PHOS NAS DAN SONG GSUM DU SKYES TE, DE BAS NA MI RTAG PAR RIG PAR BYA'I, ,'OD GSAL BA NI GANG 'DOD PA'I SPRUL PA DANG, 'DOD PA'I GZHAN 'PHRUL DANG, GZUGS DANG GZUGS MED PAR SKYES PA RNAMS SEMS TZAM LA RAG LAS PA'I PHYIR RO ZHES BYA BA LA, 'OD GSAL BAR SKYES PA NI 'DOD PA'I KHAMS KYI LHA DRUG LAS 'PHRUL DGA' DANG, GZHAN 'PHRUL DBANG BYED DANG, GZUGS KYI KHAMS KYI LHA RIL DANG, GZUGS MED PA'I KHAMS KYI LHA THAMS CAD LA 'OD GSAL BAR SKYES PA ZHES BYA STE; CI'I PHYIR ZHE NA, DE SKYES PA'I LHA RNAMS BYA BA THAMS CAD RANG GI SEMS PA LA RAG LUS TE, BSAMS PA TZAM GYIS DON THAMS CAD 'GRUB PA'I PHYIR RO, ,JI LTA ZHE NA, 'PHRUL DGA'I LHA RNAMS KYANG LHA'I BU MO GANG DANG GANG 'DOD PA KUN DU SPYOD PA 'DOD PA DE NA, LHA'I BU MO DE'I SEMS DANG MTHUN PA'I LUS KYI KHA DOG DANG GOS DANG RGYAN LA SOGS PA SEMS KYIS SPRUL NA DE BZHIN DU SNANG BAR 'GYUR RO, ,LHA'I BU MO DAG KYANG LHA'I BU GANG 'DOD PAS KUN DU SPYOD PAR 'GYUR BA NA, DE LTA BU'I RKYEN DANG, LUS KYI KHA DOG DANG, GOS LA SOGS PA SNANG BAR 'GYUR RO, ,GZHAN 'PHRUL DBANG BYED RNAMS KYANG LHA GZHAN DAG DANG 'DOD PA'I LONGS SPYOD MYONG BAR BYA BA'I PHYIR, LONGS SPYOD DAG SEMS KYIS 'PHRUL NA DE BZHIN DU SNANG BAR 'GYUR RO, ,GZUGS DANG GZUGS MED PA'I KHAMS KYI LHA RNAMS KYIS KYANG, SO SO'I TING NGE 'DZIN LA SOGS PA GANG LA 'JUG 'DOD PA DE BSAMS PA TZAM GYIS DE DAG 'GRUB PAR 'GYUR ZHING MNGON SUM DU 'GYUR TE, DE LTAR RTAG PA'I DNGOS PO LA NI DE LTA BU 'BYUNG MI SRID KYI, MI RTAG PA'I DNGOS PA LA SRID PAS NA, 'DU BYED THAMS CAD SKAD CIG MA'O, ,'OD MI GSAL BA NI GANG DE LAS GZHAN DU SKYES PA RNAMS KYI'O ZHES BYA BA LA 'OD MI GSAL BAR SKYES PA NI GANG GONG DU BSHAD PA LA LA MA GTOGS PA RGYAL CHEN BZHI'I RIS DANG, DGA' LDAN DANG, MTSE MA DANG, SUM CU RTZA GSUM PA DANG, GLING BZHI PA'I MI RNAMS DANG, NGAN SONG @147B GSUM DAG STE, DE DAG NI BSAMS PA TZAM GYIS DON THAMS CAD MI 'GRUB PAS NA 'OD MI GSAL BA ZHES BYA STE, 'DI LTAR 'OD GSAL BA LAS MI GSAL BAR 'GYUR BA DANG, 'OD MI GSAL BA LAS GSAL BAR 'GYUR BA YANG, RTAG PA'I CHOS LA MI SRID KYI, MI RTAG PA'I CHOS LA SRID PAS NA, SKAD CIG MA YIN PAR RIG PAR BYA'O, ,YUL GZHAN DU 'GRO BA NI GANG YUL GZHAN DU SKYES PA 'GAGS NAS YUL GZHAN DU SKYE BA'O ZHES BYA BA LA YUL GZHAN DU 'GRO BA'I SKYE BA NI DNGOS PO 'GA' ZHIG YUL GZHAN DU PHYIN CING SKYE BA DE YANG SNGON YUL GZHAN NA GNAS PA DE 'GAGS NAS PHYIS DE MA YIN PA'I YUL GZHAN DU 'PHOS SHING SKYES PA LA BYA STE, DE LTA BU YANG SKYE BA DANG 'GAGS PA'I CHOS CAN LA SRID KYI, RTAG PA'I CHOS CAN LA MI SRID DE DE BAS NA SKAD CIG MA'O, ,SA BON DANG BCAS PA NI GANG DGRA BCOM PA THA MA'I PHUNG PO MA GTOGS PA'O ZHES BYA BA LA, SA BON NI KHAMS GSUM DU SKYE BAR BYED PA'I NYON MONGS PA'I BAG CHAGS LA BYA STE, SA KHON DANG BCAS SKYE BA NI MTHONG BA DANG BSGOM PAS SPANG BAR BYA BA'I NYON MONGS PA THAMS CAD SPANGS PA'I DGRA BCOM PA'I PHUNG PO'I LHAG MA DANG BCAS PA'I MYA NGAN LAS 'DAS PA THOB PA DANG, PHUNG PO'I LHAG MA MA LUS PAR SPONG BA'I DGRA BCOM PA'I PHUNG PO THA MA MA GTOGS PA DGRA BCOM PA LA 'JUG PA DANG, PHYIR MI 'ONG BA DANG, LAN CIG PHYIR 'ONG BA DANG, RGYUN DU ZHUGS PA DANG, SO SO'I SKYE BO RNAMS NI SA BON DANG BCAS PAR SKYE BA ZHES BYA STE, NYON MONGS PA'I RGYUS TSE GCIG NAS GCIG TU LEN PAS SO, ,DE LTAR TSE LEN PA YANG RTAG PA'I DNGOS PO LA NI MI SRID KYI, MI RTAG PA'I DNGOS PO LA SRID PAS NA, 'DUS BYAS RNAMS SKAD CIG MAR RIG PAR BYA'O; ,SA BON MED PA NI GANG DE DAG GI THA MA'O ZHES BYA BA LA, SA BON MED PA'I SKYE BA NI DGRA BCOM PA RNAMS KYI PHUNG PO'I LHAG MA DANG BCAS PA'I MYA NGAN LAS 'DAS PA DANG, PHUNG PO LHAG MA MA LUS PAR SPANGS PA'I MYA NGAN LAS 'DAS PA'I DBYINGS SU 'JUG PA'I PHUNG PO @148A *, ,THA MA LA BYA STE, SKAD CIG MA MA YIN NA NI SA BON DANG BCAS PA LAS PHYIS SA BON MED PAR SKYE MI SRID KYI, MI RTAG PA RNAMS LA SNGON SA BON DANG BCAS PA LAS PHYIS SA BON MED PAR 'GYUR SRID PAS NA SKAD CIG MAR RIG PAR BYA'O, ,GZUGS BRNYAN LA GANG RNAM PAR THAR PA LA BSGOM PA RNAMS KYI TING NGE 'DZIN GYI DBANG GIS ZHES BYA BA LA SOGS PA LA, GZUGS BRNYAN DU SKYE BA NI GANG RNAM PAR THAR PA BRGYAD LA BSGOM PA'I BSAM GTAN PA'I GANG ZAG GI TING NGE 'DZIN GYI MTHU THAMS CAD SKYED LA, THAMS CAD SNGON PO DANG THAMS CAD SER PO DANG, THAMS CAD DMAR PO LA SOGS PA'I GZUGS BRNYAN SNANG BA STE, GAL TE RTAG PA ZHIG YIN NA NI SNGON GZUGS BRNYAN MI SNANG BA LAS PHYIS GZUGS BRNYAN SNANG BAR 'GYUR MI SRID KYI, MI RTAG PA LAS DE LTAR 'GYUR SRID PAS NA SKAD CIG MAR RIG PAR BYA'O, ,SKYE BA RNAM PA BZHI PO 'DI DAG LAS ZHES BYA BA LA SOGS PA LA, NANG GI 'DU BYED SKYE BA LA RNAM PA BCU BZHI YOD DE, SKYE BA RNAM PA BCU BZHI PO THAMS CAD SKAD CIG MA'O, ,GTAN TSIGS GANG GIS SKAD CIG MAR 'GYUR ZHE NA, RGYU DANG TSAD KYI BYE BRAG LA SOGS PA'I GTAN TSIGS DANG, TSAD MAS SKAD CIG MAR RIG PAR BYA'O, ,THOG MAR SKYE BA LA NI RGYU'I BYE BRAG GI PHYIR TE ZHES BYA BA LA, THOG MAR MA'I MNGAL DU SKYE BA LA NI RGYU'I BYE BRAG GI GTAN TSIGS KYIS NA SKAD CIG MAR RIG PAR BYA STE, 'DI LTAR DANG PO RNAM PAR SHES PA MA'I MNGAL DU SKYES PA DES RGYU BYAS NAS DE'I 'OG TU NUR NUR PO 'BYUNG NGO, ,NUR NUR POS RGYU BYAS NAS MER MER PO LA SOGS PA SNGA MA DANG MI 'DRA BA GZHAN DAG 'BYUNG STE, DE BAS NA SKAD CIG MA RIG PAR BYA'O, ,GAL TE DE'I RGYUR BYE BRAG MED DU ZIN KYANG DE PHYIS 'DU BYED 'BYUNG BA PHYI MA PHYI MA'I BYE BRAG MI DMIGS PAR 'GYUR TE ZHES BYA BA LA, GAL TE DANG PO MA'I MNGAL DU SKYES PA SKAD CIG MA DE RTAG PA GCIG PU ZHIG YIN TE, SKAD CIG MA SNGA MA 'GAG CING PHYI MA GZAN SKYE BA RGYU GCIG STE BYE BRAG TU MED DU ZIN NA PHYIS NUR NUR PO LAS DE DANG MI 'DRA BA'I MER MER @148B PO 'BYUNG BA DANG, MER MER PO LAS DE DANG MI 'DRA BA'I LTAR LTAR PO LA SOGS PA PHYI MA PHYI MA'I DUS NA SNGA MA DANG MI 'DRA BA'I RANG BZHIN GZHAN DANG GZHAN DAG 'BYUNG ZHING DMIGS PAR 'GYUR MI SRID DO ZHES BYA BA'I DON TO, ,RTAG PA LAS CI'I PHYIR MI 'DRA BA'I BYE BRAG 'BYUNG BAR MI SRID SNYAM PA LA RGYU BYE BRAG MED PA'I PHYIR RO ZHES SMOS TE, RTAG PA GCIG PU LA NI RGYU'I BYE BRAG TU MA MED DE, RGYU GCIG TU ZAD PAS RGYU GCIG TU ZAD PA NI 'BRAS BU DU MA 'BYUNG BAR MI 'GYUR TE, DPER NA NAS KYI SA BON LAS NAS DANG 'BRAS LA SOGS PA 'BRAS BU DU MA MI 'BYUNG BA BZHIN NO, ,BYE BRAG YOD DU ZIN NA NI DE PHYI MA DANG THA DAD PAS SKAD CIG MA 'GRUB PO ZHES BYA BA LA, GAL TE RGYU LA BYE BRAG YOD DE, DANG PO'I RGYU NI SKAD CIG MA GZHAN YIN LA, DE 'GAGS PA'I 'OG TU SNGA MA DANG MI 'DRA BAR PHYI MA'I PHYI MA'I GZHAN SKYE STE, RGYU LA MI 'DRA BA'I BYE BRAG YOD NA 'BRAS BU LA YANG NUR NUR PO DANG MI 'DRA BA'I MER MER PO LA SOGS PA GZHAN SKYE STE, DE LTAR GYUR NA NI SKAD CIG MAR 'GRUB PO, ,GAL TE RTAG PA ZHIG YIN NA NI RTAG TU YANG NUR NUR PO 'BA' ZHIG TU SNANG BAR 'GYUR GYI, MER MER PO LA SOGS PA'I DNGOS PO MI 'DRA BA GZHAN DANG GZHAN SNANG BAR MI 'GYUR RO, ,JE CHE JE CHER SKYE BA NI TSANG KYI BYE BRAG GI PHYIR TE ZHES BYA BA LA NUR NUR PO LAS MER MER PO LA SOGS PA'I CHEN POR SKYE BA YANG TSAD KYI BYE BRAG GI GTAN TSIGS KYIS NI SKAD CIG MAR RIG PAR BYA STE, GANG GI PHYIR SKAD CIG MA YIN PAS NUR NUR PO'I DUS KYI LUS CHUNG NGU 'GAGS NAS MER MER PO LTA BUR DNGOS PO CHEN POR SKYE BAR 'GYUR RO, ,TSAD CES BYA BA'I DON BSTAN PA'I PHYIR, TSAD CES BYA BA NI BONG ZHES BYA BA'I DON TO ZHES BYA BA LA, TSAD CES BYA BA'I DON NI BONG SKYED JE CHE JE CHER GYUR PA LA BYA'O, ,SKAD CIG MA RE RE LA THA DAD PA MA YIN NA NI TSAD KYI BYE BRAG MED PAR 'GYUR RO ZHES BYA BA LA, GAL TE DNGOS PO DE RTAG PA ZHIG YIN TE, SKAD CIG MA SNGA MA 'GAGS NAS SKAD CIG MA PHYI MA LA GZHAN DANG GZHAN SKYE BA MA YIN NA NI NUR NUR PO'I TSE BONG CHUNG NGUR GNAS PA LAS @149A *, ,MER MER PO'I TSE BONG CHEN POR 'GYUR BA LA SOGS PA'I SNGA PHYI LA TSAD CHE CHUNG GI BYE BRAG MED PAR 'GYUR TE, DANG POR NUR NUR PO'I DUS GANG YIN PA RTAG TU YANG DE 'BA' ZHIG SNANG BAR 'GYUR GYI, MER MER PO LA SOGS PA'I TSAD CHEN POR SNANG BA NAM DU YANG MI 'GYUR RO, ,DE LTA NI MA YIN GYI NUR NUR PO'I DUS 'GAGS NAS PHYIS MER MER PO LA SOGS PA 'BYUNG BA NA SKAD CIG MAR RIG PAR BYA'O, ,SOGS PAR SKYE BA LA NI SOGS PA DON MED PAR MI 'GYUR BA'I PHYIR TE ZHES BYA BA LA SOGS PA SKYE BA LA YANG SOGS PA DON MED PAR MI 'GYUR BA'I GTAN TSIGS KYIS NA NANG GI 'DU BYED RNAMS SKAD CIG MAR RIG PAR BYA'O, ,SOGS PA'I DON BSTAN PA'I PHYIR, STON PA NI SOGS PA'O ZHES SMOS TE SNGON DUS SU NYAM CHUNG ZHING RID PAR GNAS PA LAS, PHYIS KHA ZAS DANG GNYID LA SOGS PA'I NYAM CHE ZHING TSON POR BRTAS SHING BRTAN PA LA SOGS PA ZHES BYA'O, ,'DI LTAR 'DU BYED RNAMS SKAD CIG MA YIN PAS KHA ZAS LA SOGS PAS BRTAN PA NA SNGON NYAM CHUNG ZHING RID PA'I DNGOS PO 'GAGS NAS PHYIS NYAM TSO ZHING CHEN PO'I DNGOS POR SKYED PAR BYED PAS NA, SOGS PA DON MED PAR 'GYUR BA MA YIN NO, ,SKAD CIG MA MED NA NI DE BZHIN DU 'DUG PA'I PHYIR DE YANG DON MED PAR 'GYUR RO ZHES BYA BA LA, GAL TE DNGOS PO RNAMS SKAD CIG SNGA MA NI 'GAGS, PHYI MA SKYE BA LTA BUR SKAD CIG MA'I RANG BZHIN NI MA YIN GYI, RTAG PA BZHIG YIN NA NI RTAG PA NI MI 'GYUR ZHING RTAG TU DE BZHIN DU GNAS PAR 'GYUR TE, DE LTAR NA SNGON RID CING NYAM CHUNG BA'I DNGOS PO RNAMS KHA ZAS LA SOGS PAS BRTAS KYANG RID PA NYID KYI NGO BOR 'DUG GI ,TSON PO DANG NYAM CHEN POR 'GYUR DU MI BTUB PAS KHA ZAS LA SOGS PAS NAMS KYANG NYAM CHEN PO DANG BRTAS PAR MA BYAS PAS NA, KHA ZAS LA SOGS PA ZOS PA DON MED PAR 'GYUR RO, ,DE LTA NI MA YIN GYI, SNGAR NYAM CHUNG ZHING RID PA LAS PHYIS KHA ZAS LA SOGS PA BZOS PA NI, PHYIS NYAM CHE ZHING TSON POR 'GYUR BA LA SOGS PA DON MED PA MA YIN PA'I PHYIR 'DU BYED RNAMS SKAD CIG MA'O,, @149B RTAG PA YIN NA SOGS PA'I SKABS SU YANG SKYON GZHAN YANG YOD PAR BSTAN PA'I PHYIR SOGS PA NYID KYANG MI RUNG BA'I PHYIR TE, SKAD CIG MA RE RE LA SHIN TU SKYE BA 'BYUNG BA MED DE SOGS PA MI RUNG NGO ZHES SMOS TE, GAL TE SKAD CIG MA RE RE LA GZHAN NAS GZHAN DU 'JIG CING 'GYUR BA MA YIN GYI, KHA ZAS NYID KYANG LUS BRTAS PAR BYED PA'I MTSAN NYI DU MI RUNG STE, CI'I PHYIR ZHE NA, RTAG PA LA NI SKAD CIG MA RE RE LA YANG SKAD CIG MA DANG MI 'DRA BA'I BONG JE CHE JE CHER 'GYUR BA'AM, NYAM CHEN PO DANG, TSON PAR 'GYUR BAR 'GOG PA MED PAS KHA ZAS ZOS KYANG BRTAS PA'I LAS MA BYAS PA'I PHYIR KHA ZAS BRTAS PAR BYED PA'I MTSAN NYID DU MI 'GRUB BO, ,GNAS KYI DNGOS POR SKYE BA LA NI GNAS PAR MI SRID PA'I PHYIR TE ZHES BYA BA LA, GNAS KYI DNGOS POR SKYE BA LA YANG GNAS KYI DNGOS PO NI MIG GI DBANG PO NAS YID KYI DBANG PO'I BAR DU DBANG PO DRUG GO, ,DE LA GNAS PA NI MIG GI RNAM PAR SHES PA NAS, YID KYI RNAM PAR SHES PA'I BAR DU RNAM PAR SHES PA DRUG GO, ,DE LA RNAM PAR SHES PA RNAMS SKAD CIG MA YIN TE, GNAS PA RNAM PAR SHES PA RNAMS LA RTAG PA MED PAS DE'I GNAS DBANG PO RNAMS LA YANG RTAG PA YOD PAR MI SRID PA'I PHYIR, DBANG PO RNAMS SKAD CIG MAR RIG PAR BYA'O, ,GAL TE GZHAN DAG 'DI SKAD DU GNAS DBANG PO NI RTAG PA YIN LA, DE LA GNAS PA'I RNAM PAR SHES PA RNAMS NI MI RTAG PA YIN NO SNYAM DU SEMS NA DE LTAR YANG MI RIGS PAR BSTAN PA'I PHYIR, GNAS 'DUG PA YIN LA, DE LA GNAS PA MI 'DUG PAR NI MI RUNG STE ZHES SMOS TE, GAL TE MIG GI DBANG PO LA SOGS PA DBANG PO RNAMS NI SKAD CIG MA MA YIN TE, RTAG PA'I MTSAN NYID DU 'DUG NA, DE LA GNAS SHING BRTEN PA'I RNAM PAR SHES PA RNAMS SKAD CIG MA STE, MI RTAG PA MA YIN PAR NI MI RUNG NGO, ,DE LTA BAS NA DBANG PO RTAG PA ZHIG YIN NA NI RNAM PAR SHES PA YANG RTAG PAR 'GYUR RO, ,GAL TE RNAM PAR SHES PA MI RTAG PA ZHIG YIN NA NI DBANG PO YANG MI RTAG PAR 'GYUR RO, ,DE'I DPE BSTAN @150A *, ,PA'I PHYIR SMRAS PA, BZHON PA 'DUG PA LA ZHON PA MI 'DUG PA BZHIN NO ZHES BYA BA LA SOGS PA STE, BZHON PA NI RTA LA SOGS PA'O, ,ZHON PA NI DE DANG 'BREL PA'I MI LA SOGS PA STE, GAL TE BZHON PA RTA GAR YANG MA SONG STE GNAS GCIG NA 'DUG NA; DE LA ZHON PA'I MI GNAS GZHAN DU PHYIN PAR MI RIGS TE MI'ANG 'DUG PAR 'GYUR RO, ,GAL TE RTA LA ZHON PA'I MI GNAS GZHAN ZHIG TU PHYIN NA DE KHYER BAR BYED PA'I RTAS KYANG GDON MI ZA BAR GNAS GZHAN DU PHYIN PAR 'GYUR RO, ,GZHAN YANG RAS TSIG NA RA SA LA BRTEN PA'I KHA DOG SNGON PO LA SOGS PA YANG GDON MI ZA BAR TSIG PAR 'GYUR RO, ,GAL TE KHA DOG SNGON PO MA TSIG NA RAS KYANG TSIG PAR MI RIGS SO, ,DE MA YIN NA NI GNAS SU YANG MI RUNG NGO ZHES BYA BA LA, GAL TE RNAM PAR SHES PA SKAD CIG MA MA YIN, DBANG PO RNAMS SKAD CIG MA MA YIN TE, RTAG PA YIN NA NI DBANG PO RNAMS RNAM PAR SHES PA'I GNAS DANG RTEN DU MI RUNG NGO, ,'GYUR BA DANG SMIN PA SKYE BA DANG GNAS PA LA MI SRID DE ZHES BYA BA LA, 'DOD CHAGS DANG ZHE SDANG LA SOGS PA'I DBANG GIS LUS KYI MDOG GZHAN DU SKYE BAR 'GYUR BA DANG, BYIS PA LA SOGS PA'I GNAS LAS DAR LA BAB PA LA SOGS PA'I MTSAN NYID SMIN PAR SKYES PA YANG SKAD CIG MA MA YIN ZHING, RTAG PAR GNAS PA'I DNGOS PO LA NI RNAM PA DE LTAR 'GYUR MI SRID DO, JI LTAR MI SRID PA BSTAN PA'I PHYIR, THOG MA NAS 'JIG CING MI 'GYUR BA'I PHYIR ZHES BYA BA SMOS TE, RTAG PA'I DNGOS PO RNAMS NI THOG MA'I RANG BZHIN 'JIG CING MED PAR YANG MI 'GYUR LA, SNGON DANG MI 'DRA BA'I MTSAN NYID GZHAN LEN PAR YANG MI 'GYUR TE, RANG BZHIN GCIG PAR GNAS PA NI RNAM PA DU MAR MI 'GYUR BAS RTAG PA LA NI 'DOD CHAGS LA SOGS PA'I DBANG GIS BDAG GI LUS DANG BZHIN LA SOGS PA GZHAN DU 'GYUR MI SRID LA, BYIS PA LAS DAR LA BAB PA LA SOGS PA SMIN PAR YANG MI 'GYUR RO, ,DON DE NYID ZHIB TU BSTAN PA'I PHYIR, DE LTAR GNAS PA LA NI 'DOD CHAGS LA SOGS @150B PAS 'GYUR BAR YANG MI 'GYUR LA GNAS GZHAN DU YANG SMIN PAR MI 'GYUR TE ZHES SMOS TE, RTAG PA'I MTSAN NYID GNAS PA RNAMS LA NI 'DOD CHAGS KYI SEMS SKYES PA'I DBANG GIS GZHAN GYI KHA DOG SNGON DANG MI 'DRA BA'I 'DZUM PA LA SOGS PA'I MTSAN NYID PHYIS GZHAN DU 'GYUR BA MI 'BYUNG BA LA, BYIS PA LA SOGS PA LAS KYANG PHYIS DAR LA BAB PA LA SOGS PA'I MTSAN NYID DU LUS BONG CHEN POR SMIN PAR MI 'GYUR, RO, ,JI LTAR MI 'GYUR BA BSTAN PA'I PHYIR, THOG MAR MI 'JIG TU ZIN NA, THA MAR YANG 'GYUR BA MED PA'I PHYIR RO ZHES SMOS TE, 'GYUR BA'I SKYE BA LA YANG 'DOD CHAGS KYI SEMS SKYES PA NA, DANG PO SEMS MA SKYES PA'I KHA DOG LA SOGS PAS MA ZHIG MA 'GAGS NA NI 'DOD CHAGS KYI SEMS SKYES PA'I DUS NA YANG BZHIN LA SOGS PA'I KHA DOG 'DZUM PA LA SOGS PA'I MTSAN NYID DU GZHAN DU 'GYUR BAR MI SNANG GI 'DOD CHAGS 'BYUNG BA'I DUS NA YANG 'DOD CHAGS MA BYUNG BA'I DUS KYI BZHIN DE NYID SNANG BAR 'GYUR RO, ,RNAM PAR SMIN PA MANG YANG GAL TE RTAG PA ZHIG YIN YANG BYIS PA'I MTSAN NYID GZHAN DU GYUR NAS MI 'JIG TU MI BTUB NA NI DAR LA BAB PA'I DUS NA YANG LUS KYI BONG TSOD CHEN PO LA SOGS PAR GZHAN MI MI 'GYUR GYI, DUS THAMS CAD DU YANG BYIS PA'I RANG BZHIN 'BA' ZHIG TU GNAS SHING SNANG BAR 'GYUR RO, ,DE LTA NI MA YIN GYI, 'DOD CHAGS KYI SEMS SKYES PA NA SNGON GYI BZHIN DANG KHA DOG 'GAGS NAS PHYIS DE MA YIN PA'I BZHIN DANG KHA DOG GZHAN 'BYUNG BA DANG, SMIN PA LA YANG BYIS PA LA SOGS PA'I DUS KYI LUS KYI BONG TSOD LA SOGS PA 'GAGS NAS PHYIS DE MA YIN PAR, DAR LA BAB PA LA SOGS PA'I LUS KYI BONG TSOD GZHAN SKYES TE, DE BAS NA SKAD CIG MAR GRUB BO, ,DE LTAR THOG MAR MI 'JIG PA DANG MI 'GYUR BA'I GTAN TSIGS KYIS 'GYUR BA DANG, SMIN PA'I SKYE BA GNYIS SKAD CIG MAR BSGRUBS SO, ,YANG THOG MAR MI 'JIG CING MTHAR MI 'GYUR BA'I GTAN TSIGS DE NYID MCHOG DANG THA MA'I SKYE BA'I SKAD CIG MAR BSGRUB PA'I PHYIR, DE BZHIN DU THA MA @151A *, ,DANG MCHOG SKYE BA LA YANG SKAD CIG MAR RIG PAR BYA'O ZHES SMOS TE, JI LTAR 'GYUR BA DANG, SMIN PA SKYE BA LA THOG MA NAS MI 'JIG CING MI 'GYUR BA'I GTAN TSIGS KYIS SKAD CIG MA BSGRUBS PA DE BZHIN DU THA MA DANG, MCHOG TU SKYES PA LA YANG THOG MA NAS MI 'JIG CING MI 'GYUR BA'I GTAN TSIGS DE NYID KYIS SKAD CIG MAR BSGRUB PAR RIG PAR BYA'O, ,GTAN TSIGS DE NYID KYIS JI LTAR SKAD CIG MAR SGRUB PA BSTAN PA'I PHYIR, JI LTAR SMIN PA SKYE BA BZHIN DU 'DU BYED DE BZHIN GNAS PA LA YANG LAS KYI BAG CHAGS 'JOG PAR MI 'GYUR RO ZHES BYA BA SMOS TE, JI LTAR BYIS PA LAS DAR LA BAB PA LA SOGS PAR SMIN PAR 'GYUR BA LA, DANG PO BYIS PA'I DUS MI 'JIG CING, DAR LA BAB PA'I DUS LA YANG GZHAN DU MA GYUR NA NI RTAG TU BYIS PA 'BA' ZHIG TU SNANG BAR 'GYUR GYI, DAR LA BAB PA LA SOGS PA'I MTSAN NYID DU NAMS KYANG SNANG BAR MI 'GYUR RO, ,DE BZHIN DU 'DU BYED RNAMS DE BZHIN DU GNAS TE RTAG PA ZHIG YIN NA NI SNGON LHA DANG MI LA SOGS PA'I GNAS NA DGE BA BYED BYED PA LAS, DGE BA BYED PA'I LAS 'GAGS NAS MI DGE BA'I LAS BYAS PA'I BAG CHAGS KYIS PHYIS NGAN SONG GSUM DU SDUG BSNGAL GYI 'BRAS BU MYONG BAR YANG MI 'GYUR TE, LHA DANG MI'I GNAS SU YANG SDUG BSNGAL GYI RANG BZHIN NYID DANG LDAN PAR 'GYUR BA DANG, SNGON NGAN SONG GSUM GYI GNAS NA SDUG BSNGAL BA'I RANG BZHIN DU GNAS PA LAS DGE BA'I LAS BYAS PA'I BAG CHAGS KYIS SNGAR SDUG BSNGAL MYONG BA 'GAGS NAS PHYIS BDE BA MYONG BAR MI 'GYUR GYI, RTAG TU SDUG BSNGAL BA DANG LDAN PA NYID DU 'GYUR RO, ,GANG GI PHYIR NGAN 'GROR SKYE BA DANG, BZANG 'GROR SKYE BA YANG RIM GYIS RGYUD YONGS SU 'GYUR BA'I BYE BRAG LAS NI 'JUG PA RNYED PAR 'GYUR RO ZHES BYA BA LA, DE LTA NI MA YIN GYI, SNGON NGAN SONG GSUM GYI GNAS SU GNAS PA NA MI DGE BA BYED BYED PA'I SKAD CIG MA 'GAGS NAS PHYIS DGE BA BYAS PA'I RGYUD BAG CHAGS JE BRTAS SU 'GYUR BA'I BYE BRAG LAS PHYIS LHA DANG MI'I BDE 'GROR 'BRAS BU BDE @151B BA MYONG BAR 'GYUR BA DANG, SNGON LHA DANG MI'I NANG NA GNAS PA NA LAS DGE BA BYED BYED PA LAS SNGAR LAS DGE BA BYAS PA 'GAGS NAS PHYIS LAS MI DGE BA BYAS PA'I BAG CHAGS JI BRTAS JE BRTAS SU GYUR PAS MJUG TU NGAN SONG GSUM DU SDUG BSNGAL BA'I 'BRAS BU MYONG BAR 'GYUR TE, MI RTAG PA LA NI DE LTAR 'GYUR GYI, RTAG PA ZHIG NA NI YANG NA RTAG TU SDUG BSNGAL 'BA' ZHIG MYONG BAR 'GYUR, YANG NA RTAG TU BDE BA 'BA' ZHIG MYONG BAR 'GYUR GYI, BAR 'GA' BDE BAR 'GYUR, ,BAR 'GA' SDUG BSNGAL BAR 'GYUR BA LTA BUR RNAM PA DU MAR NI MI 'GYUR RO, , THOG MAR NI MI 'JIG CING MTHAR MI 'GYUR BA'I GTAN TSIGS DES 'OD GSAL BA DANG, 'OD MI GSAL BA LA YANG SKAD CIG MAR BSGRUB PA'I PHYIR, 'OD GSAL BA DANG, 'OD MI GSAL BA'I SKYE BA NI, DE BZHIN DU SKAD CIG MAR RUNG NGO ZHES BYA BA SMOS TE, GAL TE THOG MA NAS MI 'JIG CING MI 'GYUR BA MED PA, DNGOS PO RNAMS SKAD CIG MAR 'GYUR NA NI SNGON 'OD GSAL BA LAS PHYIS 'OD MI GSAL BAR 'GYUR BA DANG, SNGON 'OD GSAL BAS LAS PHYIS 'OD MI GSAL BAR RUNG NGO, ,RTAG PA LAS SNGON 'OD MI GSAL BA LAS PHYIS 'OD GSAL BA NI MTSAN NYID DU MI RUNG BAR BSTAN PA'I PHYIR, 'OD GSAL BA NI DE LTAR GNAS PA LAS MI 'BYUNG BA'I PHYIR TE, 'BYUNG BA NI SEMS LA RAG LUS PA'I PHYIR RO ZHES SMOS TE, MI 'JIG CING 'GYUR BA MED DE RTAG PA'I MTSAN NYID DU GNAS PA LAS NI SNGON 'OD MI GSAL BA LAS PHYIS 'OD GSAL BA'I MTSAN NYID 'BYUNG MI SRID DE YANG NA NI RTAG PAR 'OD MI GSAL BAR 'GYUR, YANG NA NI RTAG PAR 'OD GSAL BAR 'GYUR TE, SNGON 'OD MI GSAL BA LAS PHYIS 'OD GSAL BAR 'GYUR NA NI SKAD CIG MA YIN NO, ,CI'I PHYIR ZHE NA, 'PHRUL DGA' LA SOGS PA'I LHA'I RIS NA 'OD MI GSAL BA LAS 'OD GSAL BA 'BYUNG BA NI SEMS LA RAG LUS SHING SEMS KYI RGYU LAS SKYES TE, DE BAS NA SEMS SKAD CIG MA YIN PA'I PHYIR, DE LAS SKYES PA'I BZHIN GYI MDOG DANG LUS LA SOGS PAR 'BRAS BUR GYUR PA'I CHOS RNAMS KYANG SKAD CIG @152A *, ,MA YIN PAR RIG PAR BYA'O, ,'JIG PA MED CING MI 'JIG PA'I DNGOS PO LA, 'OD GSAL BA LAS 'OD MI GSAL BAR 'GYUR PA MI SRID PAR BSTAN PA'I PHYIR, 'OD GSAL BA MA YIN PA LA YANG THOG MA 'JIG PA MED PAR MTHAR 'GYUR BA MI RUNG BA'I PHYIR RO ZHES SMOS TE, THOG MAR 'OD GSAL BA'I RANG BZHIN DU GNAS PA LAS PHYIS 'OD MI GSAL BA'I RANG BZHIN DU 'GYUR BA YANG THOG MA NAS 'JIG PA MED CING RTAG PA'I DNGOS PO LA NI SNGON 'OD GSAL BA LAS THA MAR 'OD MI GSAL BA LTA BUR 'GYUR BAR MI RUNG STE, DE BAS NA SNGON 'OD GSAL BAR GNAS PA'I DNGOS PO 'GAGS NAS PHYIS 'OD MI GSAL BA'I NGO BO 'BYUNG BAS NA DNGOS PO RNAMS SKAD CIG MA YIN PAR RIG PAR BYA'O, ,YUL GZHAN DU SKYE BA 'GRO BA LA YANG 'GRO BA MED PA'I PHYIR TE ZHES BYA BA LA, YUL GZHAN DU SKYE BA'I 'GRO BA LA YANG 'GRO BA MED PA'I GTAN TSIGS KYIS NA SKAD CIG MAR RIG PAR BYA STE, 'DI LTAR DNGOS PO RNAMS SKAD CIG MA'I NGANG GIS YUL GCIG NAS GCIG TU 'PHOS PA MA GTOGS PAR YUL GCIG NAS GCIG TU 'PHO BAR BYED PA'I 'GRO BA ZHES BYA BA GANG YANG MED PAS NA, 'DU BYED RNAMS SKAD CIG MAR RIG PAR BYA'O, ,DON DE NYID BSTAN PA'I PHYIR, 'DU BYED RNAMS YUL GZHAN DU 'PHO BA'I MTSAN NYID 'GRO BA ZHES BYA BA'I BYED PA GANG YANG MED DE ZHES SMOS TE, 'DU BYED RNAMS SKAD CIG MA SNGA MA NI 'GAGS, SKAD CIG MA PHYI MA NI SKYE BA'I TSUL GYIS YUL GZHAN DU 'PHO ZHING PHYIN PAR ZAD KYI, DE LA MA GTOGS PAR 'DU BYED RNAMS YUL GCIG NAS GCIG TU 'PHO BAR BYED PA'I MTSAN NYID 'GRO BA ZHES BYA BA'I BYED PA PO RDZAS GZHAN NI GANG YANG MED DO ZHES BYA BA'I DON TO, ,'DU BYED SKAD CIG MA LAS MA GTOGS PA'I 'GRO BA BYED PA PO GANG YANG MED PAR GTAN TSIGS KYIS BSTAN PA'I PHYIR, DE'ANG 'GRO BA SKYES PA'AM MA SKYES PA'AM YUL GZHAN DU BYED GRANG NA ZHES SMOS TE, 'GRO BA DES 'DU BYED RNAMS YUL GZHAN DU 'PHO BAR BYED NA, 'DU BYED GNAS PA'I MTSAN NYID ZHIG YIN PA LAS, 'GRO BA ZHES BYA BA'I CHOS @152B SKYES NAS GDOD 'DU BYED RNAMS YUL GCIG NAS GCIG TU 'PHO BAR BYED DAM, 'ON TE 'GRO BA MA SKYES PAS 'DU BYED YUL GZHAN NAS GZHAN DU 'PHO BAR BYED CES BYA GRANG NA DE GNYI GA LTAR YANG MI RIGS SO, ,DE LA PHYOGS DANG PO BSTAN PA MI RIGS PA'I PHYIR, GAL TE SKYES PA YIN NA NI DE'I PHYIR 'GRO BA'I DUS NA GAR YANG MA SONG BAS 'DUG PA LA NI 'GRO BA MI RUNG NGO ZHES SMOS TE, GAL TE 'GRO BA SKYES PA ZHIG GIS 'DU BYED GNAS PA YUL GZHAN DU 'PHO BA BYED CES BYA BAR YANG 'DU BYED NYID GNAS PA'I RANG BZHIN CAN YIN TE, 'DU BYED DE LA 'PHO BA'I RANG BZHIN MED PAS NA, 'GRO BA SKYES PA'I DUS NA 'DU BYED GAR YANG MA SONG STE 'DUG PAS NA, 'GRO BAR BYED PAS 'DU BYED YUL DU GZHAN DU SPOS SHING 'GRO BAR BYAS PA NI MI RUNG NGO, ,GAL TE 'DU BYED RNAMS GNAS PA'I RANG BZHIN CAN MA YIN TE, YUL GZHAN DU 'GRO BA'I RANG BZHIN CAN YIN NA NI 'DU BYED NYID YUL GZHAN DU SONG BAS DE LA MA GTOGS PA'I 'GRO BAR BYED PA'I RDZAS GZHAN YOD PAR MI RUNG NGO, ,PHYOGS GNYIS PA MI RIGS PAR BSTAN PA'I PHYIR, DE STE MA SKYES PA YIN NA NI DE'I PHYIR 'GRO BA MED PAR SONG BA ZHES BYAR MI RUNG NGO ZHES SMOS TE, 'DI LTAR 'GRO BA DA DUNG MA SKYES PAS 'DU BYED YUL GZHAN DU SPOS ZHES BYAR YANG MI RUNG STE, 'GRO BA MED PA DES 'DU BYED YUL GZHAN DU SPONG PAR MI NUS PA'I PHYIR RO, ,'DU BYED DE MA GTOGS PAR 'GRO BAR BYED PA RDZAS GZHAN MED PAR GTAN TSIGS GZHAN GYIS KYANG DPYAD DE, 'DI LTAR 'GRO BAR BYED PA DES 'DU BYED YUL GZHAN DU SPOS NA 'GRO BAR BYED PA NYID YUL 'DI NA GNAS PAS 'DU BYED YUL GZHAN DU SPOD PAR BYED DAM, 'ON TE 'GRO BAR BYED PA YUL GZHAN LA GNAS PAS 'DU BYED YUL 'DI NA GNAS YUL GZHAN DU SPOD PAR BYED GRANG NA, GNYI GA LTAR YANG MI RIGS SO, ,DE LA DANG PO'I PHYOGS MI RIGS PAR BSTAN PA'I PHYIR, BYED PA DE YANG YUL DE DE NA GNAS BZHIN DU 'DU BYED KYI BYA BA BYED NA, GNAS PAS YUL GZHAN DU PHYIN PAR MI RUNG NGO ZHES SMOS TE, 'GRO BAR BYED PA YUL 'DI NA GNAS PA DES BDAG NYID YUL DE NA @153A *, ,GNAS PA BZHIN DU 'DU BYED RNAMS YUL GZHAN DU PHYIN PAR BYED PA NI MI 'GYUR TE, BDAG NYID YUL DE NA GNAS TE YUL GZHAN DU MA SONG NA, 'DU BYED YUL GZHAN DU PHYIN PAR NI MI RUNG NGO, ,DPER NA RTAS MI KHYER TE, YUL GZHAN DU PHYIN PAR BYED PA YIN NA,, GAL TE RTA NYID YUL DE NA GNAS TE, YUL GZHAN DU MA PHYIN NA RTA DE LA ZHON PA'I MI YUL GZHAN DU PHYIN CING BSKYAL TO ZHES BYA BAR MI RUNG BA BZHIN NO, ,PHYOGS GNYIS PA MI RIGS PAR BSTAN PA'I PHYIR, DES TE YUL GZHAN DU GNAS PA YIN NA NI, BYED PA MED PAR YUL GZHAN DU MI PHYIN PA'I PHYIR MI RUNG NGO ZHES SMOS TE, GAL TE 'GRO BAR BYED PA YUL GZHAN LA GNAS PAS 'DU BYED 'DI NA GNAS PA 'PHO BAR BYED DO ZHES BYA BA NI 'GRO BAR BYED PA YUL GZHAN LA GNAS PAR BYED PA YIN PAS 'DU BYED PA 'DI NA GNAS PA YUL GZHAN DU 'PHO BAR BYED PAR MI RUNG BAR 'GYUR TE, DPER NA SHAR PHYOGS NA GNAS PA'I RTAS NUB PHYOGS NA GNAS PA'I MI YUL GZHAN DU BSKYAL BAR MI NUS PA BZHIN PAS DE LTAR YANG MI RUNG NGO, ,GZHAN YANG 'DI DPYAD PAR BYA STE, 'GRO BAR BYED PAS 'DU BYED YUL GZHAN DU PHYIN PAR BYED NA 'DU BYED SNGAR SKYES LA 'GRO BAR BYED PA PHYIS SKYES PAS 'DU BYED YUL GZHAN DU PHYIN PAR BYED DAM, YANG 'DU BYED SNGAR SKYES PA LA, 'GRO BAR BYED LA PHYIS SKYES PAS 'DU BYED YUL GZHAN DU PHYIN PAR BYED DAM, YANG 'DU BYED DANG 'GRO BAR BYED PA GNYI GA MGO MNYAM DU SKYES PAS 'GRO BAR BYED PAS 'DU BYED SPOD GRANG NA; RNAM PA GSUM CHAR LTAR YANG MI RIGS SO, ,DE LA 'GRO BAR BYED PA SNGAR SKYES PAS, 'DU BYED PHYIS SKYES PA SPONG PAR BYED CES BYAR NI 'GRO BAR BYED PA SKYES PA'I DUS NA 'DU BYED MA SKYES PAS NA, 'DU BYED MED PA LA 'GRO BAR BYED PAS YUL GZHAN DU SPOR MED DE, LHA SBYIN SKYES PAS BU MA SKYES PA GSOR MED PA BZHIN NO, ,GAL TE 'DU BYED SNGAR SKYES LA 'GRO BAR BYED PA PHYIS SKYES PAS 'DU BYED YUL GZHAN DU SPOD PAR BYED CES BYAR YANG 'DU BYED SKYES PAS NA, 'GRO BAR BYED PA DA DUNG MA SKYES TE MED PAS 'GRO BAR BYED PA MED PA DES, 'DU BYED @153B YUL GZHAN DU SPOD MI NUS TE, DPER NA RTA DA DUNG MA SKYES PAS MI YUL GZHAN DU BSKYAL BAR MI NUS PA BZHIN NO, ,'DU BYED DANG 'GRO BAR BYED PA GNYIS MGO MNYAM DU SKYES PAS KYANG, 'GRO BAR BYED PAS 'DU BYED YUL GZHAN DU SPOD BAR MI NUS TE, DPER NA GLANG GI RVA G-YAS G-YON GNYIS MGO MNYAM DU SKYES PA GANG GIS KYANG GANG SKYED PA'I RGYU MA BYAS PA DANG 'DRA BAR 'DU BYED PA DANG, 'GRO BAR BYED PA GNYI GA MGO MNYAM DU YUL GZHAN DU PHYIN NA, 'GRO BAR BYED PA GNYI GA 'DU BYED CUNG ZAD KYANG YUL GZHAN DU SPOS PA MED DO, ,BYED PA NI YUL DE DANG GZHAN DU GNAS PA'I 'DU BYED LAS KUN LA YANG MI DMIGS TE ZHES BYA BA LA, 'DU BYED RNAMS SKAD CIG MA'I NGANG GIS SKYE ZHING 'GAGS NAS SKAD CIG MA PHYI MA LA YUL GZHAN DU PHYIN PA LA MA GTOGS PAR 'GRO BAR BYED PA ZHES BYA BA RDZAS GZHAN NI GANG YANG MED DO ZHES BYA BA'I DON TO, ,DON DE NYID BSTAN PA'I PHYIR, DE BAS NA 'DU BYED RNAMS YUL GZHAN DU SKYE BA LAS 'GRO BA GZHAN MED DO ZHES SMOS TE, GONG DU BSHAD PA LTAR NA 'DU BYED RNAMS SKAD CIG MA'I NGANG GIS RGYUN MI 'CHAD PAR YUL GZHAN DU 'PHOS PA MA GTOGS PA'I 'GRO BAR BYED PA ZHES BYA BA'I RDZAS GZHAN NI GANG YANG MED DO ZHES BYA BA'I DON TO, ,TSIG DE DAG GI MJU BSDU BA'I PHYIR, DE MED PA'I PHYIR SKAD CIG MAR GRUB PO ZHES SMOS TE, DE LTAR 'DU BYED RNAMS YUL GZHAN DU PHYIN PAR BYED PA'I 'GRO BAR BYED PA GZHAN GANG YANG MED PAS NA, 'DU BYED RNAMS SKAD CIG MAR GRUB PO ZHES BYA BA'I DON TO, ,YUL GZHAN DU BAR CHAD MED PAR SKYE PA'I MTSAN NYID 'GRO BA LA NI RGYU MANG PO RIG PAR BYA STE ZHES BYA BA LA, SKAD CIG MA SNGA MA 'JIG PHYI MA SKYES PA'I TSUL DU 'DU BYED RNAMS YUL GZHAN DU PHYIN PAR BYED PA LA, RGYU MANG POS YUL GZHAN DU PHYIN PAR BYED PA YOD DO ZHES BYA BA'I DON TO, ,SEMS KYI DBANG GIS 'GRO BA YANG YOD DO ZHES BYA BA LA, SEMS KYI RGYU BYAS NAS 'DU BYED RNAMS YUL GZHAN DU PHYIN PA LA YOD DE, DPER NA 'CHAGS PA BSAMS PA'I SEMS KYI DBANG GIS LUS LA SOGS PA'I SKAD CIG @154A *, ,MA'I RGYUN GYIS GOM PA BOR NAS YUL GZHAN DU PHYIN PA'O, ,SNGON GYI LAS KYIS 'PHANGS PA YANG YOD DO ZHES BYA BA LA, SNGON GYI LAS KYI RGYU'I SHUGS KYIS 'DU BYED RNAMS YUL GZHAN DU PHYIN PA YOD DE, DPER NA SRID PA BAR MDO'I SEMS CAN LTA BU SNGON GYI LAS KYI DBANG GIS MA'I MNGAL DU 'PHO BA'O, ,'PHEN PA'I DBANG GIS 'GRO BA YANG YOD DE ZHES BYA BA LA, 'PHEN PAS RGYU BYAS NAS 'DU BYED RNAMS YUL GZHAN DU PHYIN PA YANG YOD DE, DPER NA MDA' 'PHEN PA'I MI'I DBANG GIS MDA' YUL GZHAN DU PHYIN PA LTA BU'O, , 'BREL BA'I DBANG GIS 'GRO BA YANG YOD DE ZHES BYA BA LA, KHA CIG 'BREL PA'I DBANG GIS RGYU BYAS NAS 'DU BYED YUL GZHAN DU PHYIN PA YANG YOD DE, DPER NA RTA LA MI ZHON TE RTA DANG MIR 'BREL PA YUL GZHAN DU PHYIN NA MI'ANG YUL GZHAN DU PHYIN PA DANG, CHU DANG GZINGS SU 'BREL PAS CHU GANG DU PHYIN PAR GZINGS KYIS KYANG PHYIN PA LTA BU'O, ,BSKYOD PA'I DBANG GIS 'GRO BA YANG YOD DE ZHES BYA BA LA, BSKYOD PAS RGYU BYAS NAS 'DU BYED YUL GZHAN DU PHYIN PA'ANG YOD DE, DPER NA RLUNG GIS BSKYOD NAS RLUNG GI DBANG GIS RTZVA DANG 'DAB MA LA SOGS PA YUL GZHAN DU PHYIN PA LTA BU'O; ,RANG BZHIN GYI DBANG GIS 'GRO BA YANG YOD ZHES BYA BA LA, RANG BZHIN GYIS RGYU BYAS NAS 'DU BYED RNAMS YUL GZHAN DU PHYIN PA'ANG YOD DE, DPER NA RLUNG THAD KAR 'GRO BA'I RANG BZHIN YIN PAS 'DI LANGS PA'I RLUNG YUL GZHAN DU PHYIN PAR SNANG BA DANG, ME GYEN DU 'BAR BA'I RANG BZHIN YIN PAS NAM MKHA'I PHYOGS MTHON PO DAG TU ME LCE 'BAR BAS PHYIN PAR SNANG BA DANG, CHU THUR DU 'BAB PA'I RANG BZHIN YIN PAS GSHONG LA SOGS PA THUR DU BAB NAS YUL GZHAN DU PHYIN PA LTA BU'O, ,MTHUS 'GRO BA YANG YOD DO ZHES BYA BA LA, 'DU BYED KHA CIG NI MTHUS RGYU BYAS NAS YUL GZHAN DU PHYIN PA YANG YOD DE, DPER NA SNGAGS PA DAG SNGAGS KYI MTHUS YUL GCIG NAS GCIG TU PHYIN PAR BYED PA DANG, SMAN 'THUNGS PA'AM, LUS LA BSKUS PA'I MTHUS SEMS CAN RNAMS YUL GZHAN DU PHYIN PA DANG, RDO KHAB LEN @154B GYI MTHUS LCAGS 'GUL ZHING GYEN DU 'BYUNG BA DANG THAD KAR 'GRO BAR BYED PA DANG, RDZU 'PHRUL THOB PA'I SEMS CAN DAG LA RDZU 'PHRUL GYI MTHUS YUL GZHAN NAS GZHAN DU PHYIN PA'O, ,SA BON CAN DANG, SA BON MED PA'I DNGOS PO SKYES BAS SKAD CIG MAR RIG PAR BYA STE ZHES BYA BA LA, SNGON NYON MONGS PA'I SA BON DANG BCAS PAR GNAS PA LAS 'PHAGS PA'I LAM BSGOMS PA'I MTHUS PHYIS NYON MONGS PA MED PA'I DNGOS POR SKYES TE, DE BAS NA SKAD CIG MAR RIG PAR BYA'O, ,TSAD MA GANG GIS DE SKAD CIG MAR RIG PAR BYA ZHE NA, DE'I PHYIR GNAS PA LA MI RUNG BA DANG; THA MAL MI SRID PA'I PHYIR RO ZHES SMOS TE, DNGOS PO RNAMS SKAD CIG MA MA YIN TE, RTAG PA'I RANG BZHIN DU GNAS PA LA NI SNGON SA BON CAN LAS PHYIS SA BON MED PAR 'GYUR BAR YANG MI RUNG STE, RTAG TU SA BON DANG BCAS PAR 'GYUR RO, ,DE LTAR RTAG PAR SA BON DANG BCAS PAR GYUR NA NI 'PHAGS PA DGRA BCOM PA'I PHUNG PO LTA BU PHUNG PO'I LHAG MA DANG BCAS PA'I MYA NGAN LAS 'DAS PAS SA BON MED PA'I RANG BZHIN DANG, PHUNG PO LHAG MA MA LUS PAR SPANGS PA'I MYA NGAN LAS 'DAS PA'I DBYINGS SU 'JUG PA'I PHUNG PO THA MA ZHES BYA BA YANG YOD MI SRID PAR 'GYUR RO, ,DON DE NYID ZHIB TU BSTAN PA'I PHYIR, SA BON DANG SA BON MED PA'I DNGOS POR SKYE BA SKAD CIG MA NI GNAS PAR MI RUNG BA'I PHYIR TE ZHES SMOS TE, SNGAR SA BON DANG BCAS PAR GNAS PA LAS DE 'GAGS NAS PHYIS KYANG NYON MONGS PA'I SA BON DANG BCAS PA'I SEMS GZHAN DU 'BYUNG BA DANG, SNGAR SA BON DANG BCAS PAR GNAS PA LAS SKAD CIG MA DE 'GAGS NAS PHYIS SA BON MED PA'I DNGOS PO SKAD CIG MA SKYE BA YANG SKAD CIG MA MA YIN PA RTAG PAR GNAS PA'I DNGOS PO LA NI DE LTA BU 'BYUNG BAR MI RUNG NGO, ,DE LA RTAG PA'I DNGOS PO LA NI SA BON DANG BCAS PA'I SEMS SNGA MA LA 'GAGS NAS, SA BON DANG BCAS PA'I SEMS PHYI MA SKYES BA MI RIGS PAR BSTAN PA'I PHYIR, SKAD CIG MA RE RE LA RGYU 'GYUR BA MED PAR DE BZHIN DU GNAS PA LA NI DUS GZHAN GYI TSE SA BON GYI DNGOS POR MI RUNG NGO ZHES SMOS TE, 'DI LTAR SA BON DANG @155A *, ,BCAS PA LAS SA BON DANG BCAS PAR 'BYUNG BA YANG, SA BON DANG BCAS PA'I SKAD CIG MA SNGA MA 'GAGS PAS RGYU BYAS NAS SA BON DANG BCAS PA SKAD CIG MA PHYI MA SKYE BA YIN NA, RTAG PA'I DNGOS PO DE BZHIN DU MI 'GYUR BAR GNAS PA RNAMS LA NI SKAD CIG MA SNGA MA SNGA MA NI RGYU, PHYI MA PHYI MA NI 'BRAS BU LTA BUR 'BYUNG BA MED DE, DE LTAR MA BYUNG NA SA BON DANG BCAS PA'I SKAD CIG MA SNGA MA 'GAGS NAS PHYI MA SA BON DANG BCAS PA'I SKAD CIG MA GZHAN SKYES BYAR YANG MI RUNG STE, RTAG TU YANG RANG BZHIN GCIG PA 'BA' ZHIG TU GNAS PAR 'GYUR RO, ,DE YANG DPER NA SA BON LAS MYU GU SKYE BA SNGAR SA BON 'GAGS NAS PHYIS GDONG MYU GU SKYE BA YIN GYI, SA BON MA 'GAGS PA NI NAM YANG MYU GU MI SKYE BA BZHIN NO, ,RTAG PA'I DNGOS PO RNAMS LA SNGAR SA BON YOD PAR GNAS PA LAS PHYIS SA BON MED PA'I DNGOS POR 'GYUR BAR MI SRID PAR BSTAN PA'I PHYIR, SKAD CIG MA THA MA LA SA BON MED PA YANG MI RUNG STE ZHES SMOS TE, GAL TE NGOS PO RTAG PA YIN TE, MI 'JIGS PAR RTAG TU DE GZHAN DU GNAS NA NI SNGAR SA BON DANG BCAS PA LAS DAG BCOM PA THOB PA'I DUS KYI SKAD CIG MA THA MA LA SA BON MED PA'I DNGOS POR MI 'GYUR BAR MI RUNG STE, RTAG PA'I LA NI SA BON DANG BCAS PA DANG SA BON MED PA RNAM PA GNYIS SU 'GYUR MI SRID DO, ,RTAG PA LA SNGAR SA BON DANG BCAS PA LAS PHYIS SA BON MED PA'I MTSAN NYID DU CI'I PHYIR 'GYUR MI SRID PA BSTAN PA'I PHYIR, SNGON SA BON DANG BCAS PA LAS SKAD CIG MA THA MA LA SA BON MED PAR KHAS BLANGS DU MI RUNG NGO ZHES SMOS TE, SA BON NI SA BON DANG BCAS PA'I SKAD CIG MA 'GAGS NAS SKAD CIG MA THA MA LA SA BON MED PA'I SKAD CIG MA SKYE BA YIN NA, RTAG PA LA NI SNGAR SA BON NAS PHYI MA GZHAN SKYE BA MED PAS SO SO'I SKYE BO'I DUS NA NI SEMS DANG SEMS LAS BYUNG BA SA BON DANG BCAS PAR GNAS PA LAS, THA MA DGRA BCOM PA'I PHUNG PO'I DUS NA NI SA BON MED PAR 'GYUR RO ZHES KHAS BLANG BAR MI NUS SO, ,DE MED NA THA MA YANG MI SRID DE 'DI LTAR THA MA NYID KYANG MI 'BYUNG NGO ZHES BYA BA @155B LA; GAL TE SA BON DANG BCAS PA'I SKAD CIG MA NI 'GAGS, PHYIS SA BON MED PA'I SKAD CIG MA SKYES PA NI MA YIN GYI, DUS THAMS CAD DU RTAG PAR GNAS NA NI, RTAG TU YANG SA BON DANG BCAS PA'I DNGOS POR GNAS KYI SA BON MED PAR 'GYUR BAR NI PHYIS KYANG MED PAR 'GYUR TE; SA BON MED PA'I DNGOS PO PHYIS MED PAR GYUR PAS NA, DGRA BCOM PA'I PHUNG PO THA MA ZHES BYA BA YANG YOD MI SRID PAR 'GYUR RO, ,DE LTAR PHUNG PO THA MA MI SRID PAR GYUR NA, DGRA BCOM PA'I PHUNG PO THA MA 'BYUNG NGO ZHES BYA BA YANG MI 'BYUNG BAR GYUR PAS DGRA BCOM PA LA SOGS PA YANG MED PAR 'GYUR RO, ,GZUGS BRNYAN SKYE BA LA SKAD CIG MA NI SEMS KYI RJES SU 'BRANG BA LAS RIG PAR BYA STE ZHES BYA BA LA, RNAM PAR THAR PA BRGYAD BSGOM PA DAG SEMS LAS THAMS CAD SNGON POR SNANG BA DANG, THAMS CAD SER POR SNANG BA LA SOGS PA'I GZUGS BRNYAN 'BYUNG BA YANG SEMS KYI DBANG GIS 'BYUNG BAS NA SKAD CIG MAR RIG PAR BYA'O, ,DE DE NYID GSAL BAR BSTAN PA'I PHYIR, SKAD CIG MA RE RE LA YANG SEMS KYI DBANG GIS DE SKYE BA'I PHYIR RO ZHES BYA BA SMOS TE, SKAD CIG MA RE RE LA SER PO DANG SNGON PO LA SOGS PA GZUGS BRNYAN SNANG BA YANG RNAL 'BYOR PA'I SEMS KYIS JI LTAR BSAMS PA DE LTA DE LTAR SNANG STE, SEMS KYI DBANG GIS SNANG LA SEMS KYANG SKAD CIG MA YIN PAS NA SEMS LAS SKYES PA'I SNGON PO LA SOGS PA'I GZUGS BRNYAN YANG SKAD CIG MAR RIG PAR BYA STE, RGYU SKAD CIG MA YIN PA LAS 'BRAS BU SKAD CIG MA YIN PAR 'BYUNG BA MI SRID PA NI GONG DU SUN PHYUNG BA BZHIN NO, ,DE LTAR TSIGS SU BCAD PA LNGAS NANG GI 'DU BYED RNAMS SKAD CIG MAR BSGRUBS NAS, DA NI TSIGS SU BCAD PA GSUM ZHIG PHYI'I 'DU BYED RNAMS SKAD CIG MAR BSGRUB BO, ,'BYUNG BA RNAMS DANG DON DRUG LA, ,SKAD CIG MAR NI BRJOD PAR BYA, ,ZHES BYA BA LA, PHYI'I 'DU BYED 'DI DAG STE, SA DANG CHU DANG ME DANG RLUNG STE, 'BYUNG BA CHEN PO DANG, KHA DOG DANG DRI DANG RO DANG REG DANG SGRA DANG CHOS KYI SKYE MCHED KYI GZUGS SO, ,DE LA CHOS KYI SKYE MCHE DKYI GZUGS NI RNAM @156A *, ,BAR RIG BYED MA YIN PA'I GZUGS TE, DE RNAMS SKAD CIG MAR BRJOD DO, ,SKAM DANG SKYE DANG ZHES BYA BA LA, 'BYUNG BA CHEN PO BZHI LAS CHU'I KHAMS NI SKAM PA DANG, SKYE BA'I GTAN TSIGS KYIS SKAD CIG MAR BRJOD DO, ,RANG BZHIN GYIS, GSO ZHING SKYE DANG 'BRI BA'I PHYIR, ,ZHES BYA BA LA, RLUNG GI KHAMS NI RANG BZHIN GYIS G-YO BA DANG SKYE ZHING 'BRI BA'I GTAN TSIGS KYIS SKAD CIG MAR BRJOD DO, ,SA NI DE LAS 'BYUNG BA DANG, ,ZHES BYA BA LA SA'I KHAMS NI CHU DANG RLUNG LAS 'BYUNG BA'I GTAN TSIGS NYID KYIS SKAD CIG MAR BRJOD DO; ,KHA DOG DANG DRI RO REG PA YANG MTSUNGS PAS DE YANG DE BZHIN NO ZHES BYA BA LA, DON DRUG LAS KHA DOG DANG DRI DANG RO DANG REG PA BZHI NI, CHU DANG SA DANG RLUNG LA BRTEN TE, DE DAG DANG RANG BZHIN GCIG PAS NA SA DANG CHU DANG RLUNG GI SKABS SKAM PA DANG SKYE BA LA SOGS PA'I GTAN TSIGS NYID KYIS SKAD CIG MAR BRJOD DO, ,'BYUNG BA SHING LA RAG LUS SHING, ,ZHES BYA BA LA, ME'I KHAMS SKAD CIG MAR 'BYUNG BA YANG SHING LA RAG LUS PA'I GTAN TSIGS KYIS SKAD CIG MAR BRJOD DO, ,JE CHE JE CHER DMIGS PA'I PHYIR, ,ZHES BYA BA LA, SGRA NI JE CHE JE CHER DMIGS PA'I GTAN TSIGS KYIS SKAD CIG MAR BRJOD DO, ,SEMS KYI RJES 'BRANG ZHES BYA BA LA, CHOS KYI SKYE MCHED KYI GZUGS RNAM PAR RIG BYED MA YIN PA'I GZUGS KYANG SEMS KYI RJES SU 'BRANG BA'I GTAN TSIGS KYIS SKAD CIG MAR RIG PAR BYA'O, ,'DRI BA LA; PHYI ROL RNAMS KYANG SKAD CIG MA, ,ZHES BYA BA LA, SKAD CIG MAR MI 'DOD PA RNAMS LA 'DRI BA'I GTAN TSIGS KYIS 'BYUNG BA CHEN PO BZHI DANG, DON DRUG PO THAMS CAD SKAD CIG MAR RIG PAR BYA'O, ,JI LTAR BRJOD CE NA ZHES BYA BA NI 'BYUNG BA CHEN PO BZHI DANG, DON DRUG PO RNAMS GTAN TSIGS DANG TSAD MA GANG GI SKAD CIG MAR BRJOD CES BYA BA'I DON TO, ,CHU NI SKAM ZHING SKYE STE ZHES BYA BA LA, CHU'I KHAMS NI SKAM PA DANG SKYE BA'I GTAN TSIGS KYIS SKAD CIG MAR BRJOD DO ZHES BYA BA'I DON TO, ,DON DE NYID BSTAN PA'I PHYIR, LTENG KA DANG, @156B MTSO DANG RDZING BU LA SOGS PA'I CHU BAGS KYIS SKYE BA DANG SKAM PAR DMIGS TE ZHES SMOS TE, LTENG KA DANG MTSO LA SOGS PA DBYAR LTA BU CHAR CHU CHE BA'I DUS NA NI CHAR ZHAG DU MA'I SNGA ROL NAS BAB LA, CHU NYID GCIG GIS LHUG CES CHEN POR SNANG BAR MI 'GYUR GYI, ,SKAD CIG MA RE RE KHAD KYIS JE CHE JE CHER SNANG BA DANG, DGUN DPYID LA SOGS PA CHAR CHUNG ZHING NYI MA TSA BA LA SOGS PA'I DUS NA YANG NYIN GCIG TU LHUG CES MI SKAM GYI SKAD CIG MA RE RE KHAD KYIS JE CHUNG JE CHUNG DU SKAM ZHING 'BRI BAS NA CHU SKAD CIG MA YIN PAR MNGON NO, ,SKAD CIG MA RE RE MA 'BYUNG BA MED NA PHYIS BYE BRAG TU 'GYUR BA'I RGYU MED PA'I PHYIR TE GNYI GA YANG MI RUNG NGO ZHES BYA BA LA, GAL TE CHU 'DI RTAG PA ZHIG STE, SKAD CIG MA RE RE LA SNGA MA NI 'GAGS NAS PHYI MA NI JE CHE JE CHER 'GYUR BA MED PA DANG, 'BRI BA'I DUS NA YANG KHAD KYIS JE CHUNG JE CHUNG DU 'GYUR BA MED NA NI DUS GCIG TU CHER SNANG BA'I RGYU YANG MED LA, DUS GCIG TU CHUNG DU SNANG BA'I RGYU YANG MED PAS RTAG PA ZHIG NA NI YANG NA RTAG PAR CHEN PO 'BA' ZHIG TU SNANG BAR 'GYUR, ,YANG NA RTAG PAR CHUNG NGU 'BA' ZHIG TU SNANG BAR 'GYUR GYI, ,PAR 'GA' JE CHER SNANG PA DANG PAR 'GA' JE CHUNG NGU SNANG BA GNYIS 'BYUNG DU MI RUNG NGO, ,RLUNG YANG RANG BZHIN GYIS G-YO BA DANG SKYE BA DANG 'BRI BA'I PHYIR TE ZHES BYA BA LA, RLUNG YANG SKAD CIG MAR BRJOD PA NI RANG BZHIN GYIS G-YO BA'I GTAN TSIGS DANG, SKYE BA'I GTAN TSIGS DANG, 'BRI BA'I GTAN TSIGS KYIS SKAD CIG MAR BRJOD DO ZHES BYA BA'I DON TO, ,DE NYID KYI DON RGYAS PAR BSTAN PA'I PHYIR, ,GNAS PA LA NI G-YO BA MED PAR 'GYUR TE, 'GRO BA MED PA DE NI BSGRUBS ZIN TO ZHES BYA BA LA, SKAD CIG MA NI MA YIN GYI, ,RTAG PA'I MTSAN NYID DU GNAS PA'I DNGOS PO LA NI GNAS GCIG NAS GCIG TU PHYIN PAR BYED PA'I RANG BZHIN MED DE, ,RTAG PA LA 'GRO BA MED PAR NI SNGAR BSGRUBS ZIN TE, JI LTAR BSGRUBS SHE NA, DNGOS PO RNAMS SKAD CIG MA'I NGANG GIS YUL GZHAN DU PHYIN PA LA MA GTOGS PAR DNGOS PO YUL GCIG NAS @157A *, ,GCIG TU PHYIN PAR BYED PA NI GANG YANG MED DO ZHES BSGRUBS ZIN TO, ,RLUNG NI DE LTA MA YIN GYI, ,SHAR GYI PHYOGS LA SOGS PA NAS LANGS NAS NUB LA SOGS PA'I PHYOGS SU PHYIN PAR 'GRO BAS NA SKAD CIG MAR RIG PAR BYA'O, ,DE BZHIN DU GNAS PA'I PHYIR SKYE BA DANG 'BRI BA MED DO ZHES BYA BA LA, RTAG PA'I DNGOS PO NI DUS THAMS CAD DU YANG SKYE BA DANG 'BRI BA MED PAR GNAS PA'I PHYIR BAR 'GA' SKYE, ,BAR 'GA' 'BRI BAR MI 'GYUR, ,DE LTA NA NI MA YIN GYI RLUNG 'DI DANG PO CHUNG NGUR LANGS PAS LAS PHYIS JE CHE JE CHER LDANG BA DANG, DANG POR CHEN POR LANGS PA LAS PHYIS JE CHUNG JE CHUNG DU 'GYUR BAS NA SKAD CIG MAR RIG PAR BYA'O, ,SA NI DE LAS SKYES PA DANG, 'GYUR BA BZHI'I PHYIR TE ZHES BYA BA LA, SA SKAD CIG MAR BRJOD PA YANG DE LAS SKYES PA'I GTAN TSIGS DANG, 'GYUR BA BZHI'I GTAN TSIGS KYIS SKAD CIG MAR BRJOD DO ZHES BYA BA'I DON TO, ,DE LAS SKYES ZHES BYA BA'I SGRA GANG LA BYA BAR BSTAN PA'I PHYIR, ,DE ZHES BYA BA NI CHU DANG RLUNG GNYIS LA BYA'O ZHES SMOS TE, DE ZHES BYA BA'I SGRA CHU DANG RLUNG GNYIS LA BYA STE, CHU DANG RLUNG GNYIS LAS SA SKYES PAS NA SKAD CIG MAR RIG PAR BYA'O; ,CHU DANG RLUNG GNYIS LAS JI LTAR SA SKYES PA BSTAN PA'I PHYIR, ,CHAGS PA NI CHU DANG RLUNG DU BCAS PA LAS 'BYUNG STE, DE'I PHYIR DE'I 'BRAS BU'O ZHES BYA BA SMOS TE, DANG PO 'JIG RTEN CHAGS PA NA THOG MA NYID DU LAS KYI DBANG GIS NAM MKHA' LA RLUNG GI KHAMS CHAGS SO; ,DE NAS 'KHOR LO'I RGYUN TZAM GYI CHAR BAB NAS CHU'I KHAMS CHAGS SO, ,DE NAS RLUNG GIS CHU BSKYOD PAS CHU'I DBU BA LAS RI RAB DANG, GLING BZHI LA SOGS PAR 'GYUR TE, DE BAS NA SA NI CHU DANG RLUNG GI 'BRAS BU YIN LA, ,CHU DANG RLUNG NI SA'I RGYU YIN NO, ,DE'I 'BRAS BU YIN PAS NA DE'ANG SKAD CIG MAR RIG PAR BYA'O ZHES BYA BA LAS, ,CHU DANG RLUNG GI 'BRAS BU YIN LA, CHU DANG RLUNG GNYIS NI SKAD CIG MA YIN PAR BSGRUBS PAS, ,DE'I 'BRAS BU YANG SKAD CIG MA YIN PAR RIG PAR BYA STE, RGYU SKAD CIG MA YIN PA LAS 'BRAS @157B BU SKAD CIG MA MA YIN PAR RTAG PA 'BYUNG BAR NI MI SRID PAS GONG DU BSGRUBS ZIN TO, ,SA LA 'GYUR BA RNAM PA BZHI DMIGS TE ZHES BYA BA LAS 'DI LA SNGON DANG MI 'DRA BAR KHA DOG DANG DBYIBS LA SOGS PA GZHAN DANG GZHAN DU 'GYUR BA RNAMS PA BZHI DMIGS PAS NA, SKAD CIG MAR RIG PAR BYA'O, ,SEMS CAN RNAMS KYI LAS KYI BYE BRAG GI PHYIR, ,LAS KYIS BYAS PA DANG ZHES BYA BA LA, SA LA LAS KYIS BYAS PA'I DBANG GIS GZHAN DU 'GYUR BA YOD DE, 'DI LTAR MTHO RIS LA SOGS PA'I GNAS NA LHA RNAMS KYI LAS DGE BA'I DBANG GIS SA GZHI SHING BAL BZHIN DU 'JAM ZHING MNYEN PA DAG 'BYUNG BA DANG, SEMS CAN DMYAL BA LA SOGS PA'I GNAS NA SEMS CAN DMYAL BA LAS MI DGE BA'I LAS KYI BYE BRAG GYI DBANG GIS SA GZHI LCAGS BSREGS PA RAB TU TSA BA DANG BCAS PA DANG NGAM GROG DANG TSER MA LA SOGS PA'I SDUG BSNGAL RNAM PA SNA TSOGS 'BYUNG BA DAG KYANG SNANG NGO, ,GZHAN YANG SA GZHI GCIG LAS SEMS CAN GYI RMO BRKO DANG LAG BYAD KYIS MA PHYIN PA'I DUS NA NI LO TOG LA SOGS PA MI 'KHRUNGS LA, SA DE NYID LAS RMO BRKO BA LA SOGS PA LAG BYAD KYIS PHYIN PA'I DUS NA LO TOG BZANG DU SKYE BAS NA SKAD CIG MA STE, 'DI NI 'GYUR BA RNAM PA GCIG GO, ,BSNUN PA LA SOGS PA DAG GIS 'JIG PA BYAS PA DANG ZHES BYA BA LA, THO BA DANG, 'JOR LA SOGS PAS BSNUN CING BRKO BA'I DBANG GIS KYANG SA GZHAN DU 'GYUR TE, SNGON KHUNG DANG GSHONG DU MI GNAS PA LAS 'JOR GYIS BRKOS PA DANG, KHUNG BU DANG GSHONG DU 'GYUR TE, 'DI NI 'GYUR BA RNAM PA GNYIS SO, ,ME LA SOGS PA 'BYUNG BAS BYAS PA DANG ZHES BYA BA LA, ME LA SOGS PA 'BYUNG BA CHEN PO'I DBANG GIS KYANG SA GZHAN DU 'GYUR TE, MES BSREGS NA KHA DOG SNGON PO DANG, DMAR POR 'GYUR BA DANG, RLUNG GIS BDAS NAS MA THO BA LAS DMA' BAR 'GYUR BA DANG, CHUR BCUG NA GSHER BA DANG, ZHIG PAR 'GYUR BA STE, 'DI NI 'GYUR BA RNAM PA GSUM MO, ,DUS GZHAN DU 'PHO BA'I PHYIR DUS KYIS BYAS PA'I ZHES BYA BA LA, SA'I DUS KYIS @158A *, ,BYAS NAS GZHAN DU 'GYUR BA YOD DE, DUS BZANG PO'I TSE LA 'BRUL LA SOGS PA BZANG DU 'KHRUNGS PA'I GZHI BYED PA LAS DUS NGAN PA'I TSE NA 'BRU LA SOGS PA NGAN DU 'KHRUNGS PA'I RGYU BYED PA DANG, DBYAR GYI TSE NA RTZVA LA SOGS PA SNGON PO SKYED PAR BYED LA, DGUN GYI DUS NA NI SKYA BOR 'GYUR ZHING 'KHYAGS PA LA SOGS PA'I RANG BZHIN DU 'GYUR BA DANG, SA PHYOGS KHA CIG NA SNGON DGON PAR GNAS PA LAS PHYIS GRONG DANG 'GRO BA LANG LONG DAG NA GNAS PAR GYUR PA DANG, SNGON GRONG NA GNAS PAR GYUR PA LAS, ,PHYIS DGON PAR GYUR BA DAG SNANG STE 'DI NI 'GYUR BA RNAM PA BZHI'O, ,DE'ANG SKAD CIG MA RE RE LA 'JUG PA'I RGYU MED NA DE SKYE BAR MI RUNG NGO ZHES BYA BA LA, DE LTAR 'GYUR BA RNAM PA BZHI PO DE YANG SKAD CIG MA RE RE LA SKYE ZHING 'JIG PAR 'GYUR BA MED DE, ,RTAG PA'I DNGOS PO LA NI GZHAN NAS GZHAN DU 'GYUR BA RNAM PA BZHI 'BYUNG BAR MI RUNG STE, DE LTA NA NI MA YIN GYI, ,'GYUR BA RNAM PA BZHI DMIGS PAS NA, SA YANG SKAD CIG MA YIN PA RIG PAR BYA'O, ,KHA DOG DANG DRI DANG RO DANG REG PA RNAMS NI SA LA SOGS PA DANG MTSUNGS PA'I PHYIR, ,DE BZHIN DU SKAD CIG MAR RIG PAR BYA'O ZHES BYA BA LA, KHA DOG DANG DRI DANG RO DANG REG PA STE, DON RNAM PA BZHI YANG SA DANG CHU DANG ME DANG RLUNG DANG RANG BZHIN GCIG CING RGYUR BYAS PA'I GZUGS DE DAG 'BYUNG BA CHEN PO BZHI LA BRTEN PAS 'BYUNG BA CHEN PO BZHI SKAM PA DANG, SKYE BA DANG, RANG BZHIN GYIS G-YO BA DANG; DE LAS 'BYUNG BA DANG YONGS SU 'GYUR BA RNAM PA BZHI'I GTAN TSIGS KYIS SKAD CIG MAR BSGRUBS TE, GRUB NA DE LA BRTEN PA'I KHA DOG LA SOGS PA YANG SKAD CIG MAR GRUB PAR RIG PAR BYA'O, ,DPE NA LHA SBYIN GYI LUS BSREGS PA DANG, LHA SBYIN LA BRTEN PA'I KHA DOG DANG DRI LA SOGS PA YANG MA BSREGS PA MA YIN TE, BSREGS PA BZHIN DU ME SKAD CIG MAR BSGRUBS NA ME LA YOD PA'I KHA DOG SER PO DANG DRI LA SOGS PA YANG SKAD CIG MAR MA BSGRUBS PA MA YID KYI SKAD CIG MAR BSGRUBS PA NYID DO, ,ME YANG SKAD CIG MA'I 'BYUNG BA @158B SHING LA RAG LAS PA'I PHYIR TE ZHES BYA BA LA, ME SKAD CIG MAR BRJOD PA YANG ME 'BYUNG BA CHEN PO SHING LA RAG LAS SHING 'BYUNG BA'I GTAN TSIGS KYIS SKAD CIG MAR BRJOD DE, ,SHING LA JI LTAR RAG LAS SHE NA, SHING YOD NA NI MI 'BYUNG, ,SHING MED NA NI ME MI 'BYUNG, ,SHING MANG DU BCUG NA NI ME CHER 'BAR, SHING NYUNG NGU BCUG NA NI ME CHUNG NGU 'BAR BAS NA SKAD CIG MAR RIG PAR BYA'O, ,ME SHING LA RAG LAS PAS NA RAG LAS PA'I GTAN TSIGS BSTAN PA'I PHYIR, ,ME 'BYUNG LA ME DANG LHAN CIG SKYES PA'I SHING DE BZHIN DU MI GNAS TE ZHES BYA BA LA, KHA CIG ME SKAD CIG MA 'DOD KYANG, ,SHING SKAD CIG MAR MI 'DOD PA DE SUN 'BYIN TE, DANG PO SHING GIS ME BYUNG LA ME DANG LHAN CIG TU 'BREL ZHING GNAS PA'I SHING DE YANG JI TZAM CI TZAM DU MES SHING BSREGS TE ME 'DAS SHING MI GNAS TE, ZHIGS PA DE TZAM DU SHING YANG ZHIGS SHING MI GNAS TE, DE BAS NA ME DANG SHING LHAN CIG TU GNAS PA YANG MIN LA, ME BZHIN DU SHING YANG MI RTAG PA YIN NO, ,GAL TE GZHAN DAG 'DI SKAD DU SHING NI MI RTAG PA YIN LA, ME NI RTAG PA YIN NO SNYAM NAS, DE LTAR MI RIGS PAR BSTAN PA'I PHYIR, THA MAR SHING MED PAR YANG GNAS PAR MI RUNG BA'I PHYIR, SHING TSIG PA'I TSE NI GNAS PAR MI NUS SO ZHES SMOS TE, MES SHING BSREGS NA SHING ZAD DE MED PAR GYUR PA NA, MJUG TU ME YANG GNAS PAR MI NUS TE, SHING TSEG STE ZAD PA DANG, ME YANG MI GNAS TE MI SNANG BAR GYUR PAS NA ME SKAD CIG MAR GRUB BO; ,GAL TE ME RTAG PA ZHIG YIN NA NI, SHING ZAD PA'I 'OG TU YANG ME SNANG BAR 'GYUR BA'I RIGS SO, ,GZHAN GYIS BRGAL BA, 'BYUNG BA CHEN PO BZHI RIM BZHIN DU SKAD CIG MAR BSGRUBS NAS, DE NAS GDOD KHA DOG DANG DRI DANG RO DANG, REG SKAD CIG MAR BSGRUB PA'I RIGS NA, ,DE LTAR NI MA BSGRUBS KYI SA DANG CHU DANG RLUNG GSUM SKAD CIG MAR BSGRUBS NAS, ,DE NAS KHA DOG LA SOGS PA'I DON BZHI LA SKAD CIG MAR BSGRUBS TE, DE'I 'OG TU GDOD ME SKAD CIG MAR BSGRUB CES RGOL BA LA, TSIGS SU BCAD PA SBYAR BA LA BDE BAR KHA @159A *, ,DOG LA SOGS PA SNGAR BSHAD DE, ME NI PHYIS BSHAD DO ZHES SMOS TE, TSIGS BCAD SBYAR BA LA MI BDE BAS TSIGS BCAD SBYAR BA BDE BAR BYA BA'I PHYIR, ,KHA DOG LA SOGS PA DON BZHI SNGAR SKAD CIG MAR BSGRUBS NAS, ME PHYIS SKAD CIG MAR BSGRUBS TE BSHAD DO, ,KHA CIG 'DI SKAD DU SGRA NI RTAG PA YIN GYI, MI RTAG PA MA YIN TE, GAL TE SGRA SKAD CIG MA RE RE LA 'JIG CING SKYE BA YIN NA NI, DRIL BU LA SOGS PA'I SGRA SKYES MA THAG TU 'GAGS PAS PHYIS SGRA MI 'BYUNG BA'I RIGS NA, PHYIS KYANG SGRA 'BYUNG BAR SNANG BAS SGRA RTAG PA'O ZHES ZER BA LA, ,DE LTAR MI RIGS PAR BSTAN PA'I CHUNG DU GRAG GO, ,DE NAS DE 'ANG 'GAGS NAS JE CHUNG JE CHUNG PAR BYA STE, JE CHUNG JE CHUNG DMIGS PA'I PHYIR RO ZHES BYA BA SMOS TE, DRIL BU LA SOGS PA'I SGRA DUS GZHAN DU 'BYUNG ZHING GRAG PA YANG SKAD CIG MAR RIG PAR BYA STE, CI'I PHYIR ZHE NA, DRIL BU'I SGRA DANG PO CHER GRAG PA LAS, DE'I 'OG TU CHER GRAG PA 'GAGS NAS, DE BAS CHUNG DU GRAG GO, ,DE NAS DE 'ANG 'GAGS NAS JE CHUNG JE CHUNG DU GYUR BA'I RJES LA MI GRAG PAR GYUR PAS NA SKAD CIG MAR GYUR PAR RIG PAR BYA'O, ,SGRA RTAG PA YIN NA SKYON YOD PAR BSTAN PA'I PHYIR, ,SKAD CIG MA MED DU ZIN NA NI SKAD CIG MA RE RE LA JE CHUNG NGU 'GYUR BAR DMIGS PAR MI 'GYUR RO ZHES SMOS TE, GAL TE DRIL BU LA SOGS PA'I SGRA SKAD CIG MA MA YIN TE, RTAG PA ZHIG YIN NA DU ZIN NA NI, ,SGRA DE JE CHUNG JE CHUNG DU 'GYUR NAS MJUG TU MI GRAG PAR MI 'GYUR GYI, DUS THAMS CAD DU GRAG PA'I SKYON DU 'GYUR RO ZHES BYA BA'I DON TO, ,CHOS KYI SKYE MCHED KYI GZUGS KYANG SEMS KYI RJES SU 'BRANG BA'I PHYIR SKAD CIG MAR GRUB STE JI LTAR SNGAR BSHAD PA BZHIN TE ZHES BYA BA LA, CHOS KYI SKYE MCHED NI RNAM PAR RIG BYED MA YIN PA'I GZUGS LA BYA STE, DE'ANG SO SOR THAR BA'I SDOM PA DANG BSAM GTAN GYI SDOM PA DANG, ZAG PA MED PA'I SDOM PA RNAM PA GSUM MO, ,SDOM PA DE GSUM SEMS KYI RJES SU 'BRANG ZHING SEMS KYI RGYU LAS SKYES PAS NI SEMS SKAD CIG YIN PA'I PHYIR, @159B DE'I 'BRAS BUR GYUR PA RNAM PAR RIG BYED MA YIN PA'I GZUGS KYANG SKAD CIG MAR 'GYUR TE, CHOS GANG SEMS LAS SKYES PA DE DAG NI SKAD CIG MA YIN NO ZHES SNGAR BSGRUBS ZIN TO, ,DRI BA LAS KYANG 'DU BYED THAMS CAD SKAD CIG MAR GRUB STE ZHES BYA BA LA, MU STEGS PA DANG 'JIG RTEN PA DAG 'DU BYED RNAMS MI RTAG PA 'DI NI 'DOD KYI SKAD CIG MAR MI 'DOD DO, ,JI LTAR MI RTAG PAR 'DOD CE NA, NANG GI 'DU BYED RNAMS KYANG MJUG TU 'CHI BAR SNANG BA LA, BUM PA LA SOGS PA YANG MJUG TU CHAG PAR SNANG BAS NA MI RTAG PA YIN NO ZHES ZER RO, , DE LTAR MI RTAG PAR 'DOD LA, SKAD CIG MAR MI 'DOD PA DE DAG LA JI LTAR SKAD CIG MA MI 'DOD PA DRIS NAS DRIS PA'I LAN MED PA'I GTAN TSIGS KYIS KYANG 'DU BYED RNAMS SKAD CIG MAR MI GRUB BO, ,JI LTAR ZHE NA ZHES BYA BA LA SOGS PA LA 'DU BYED MI RTAG PAR 'DOD LA SKAD CIG MAR MI 'DOD PA DE DAG LA JI LTAR DRI BAR BYA ZHE NA, DE DAG LA 'DI SKAD DU DRI BAR BYA'O ZHES BYA BA'I DON TO, ,KHYOD MI RTAG PAR 'DOD LA, CI'I PHYIR 'DU BYED RNAMS SKAD CIG MAR MI 'DOD CES BYA BA LA, MI RTAG PA PAR 'DOD LA SKAD CIG MAR MI 'DOD PA DE DAG LA 'DI SKAD DRI PAR BYA STE, JI SKAD DU DRI BAR BYA ZHE NA, KHYED 'DU BYED MI RTAG PA'O ZHES ZER ZHING MI RTAG PAR 'DOD NA, 'DU BYED RNAMS SKAD CIG MA RA CI'I PHYIR MI 'DOD CES DRI BAR BYA'O, ,GAL TE 'DI SKAD DU SKAD CIG MA RE RE LA LA MI RTAG PAR MI RIG GO ZHES ZER NA ZHES BYA BA LA, DE SKAD DU DRIS PA DANG, SKAD CIG MAR MI 'DOD PA DE DAG 'DI SKAD DU 'DU BYED RNAMS MJUG TU 'CHI BA DANG, BUM PA LA SOGS PA CHAG PAR MTHONG BAS DE'I PHYIR MI RTAG PAR NI MI 'DOD DE, ,DE BZHIN DU 'DUS BYAS RNAMS SKAD CIG MA RE RE LA 'JIG PAR MTHONG NA NI SKAD CIG MAR BDAG CAG 'DOD NA, DE LTAR SKAD CIG MA RE RE LA MI RTAG CING 'JIG PAR MI RIG CING MA MTHONG BAS NA SKAD CIG MA MI 'DOD DO ZHES ZER RO, ,DE LA 'DI SKAD CES DRI BAR BYA'O ZHES BYA BA LA, SKAD CIG MA RE RE LA 'JIG PAR MA MTHONG BAS NA SKAD CIG MAR MI 'DOD DO ZHES ZER BA DE LA YANG @160A *, ,'DI SKAD CES DRI BAR BYA'O ZHES BYA BA'I DON TO, ,JI SKAD DU DRI BAR BYA ZHE NA, DE'I PHYIR, SKAD CIG MAR GRUB PA'I MAR ME LA SOGS PA MI G-YO BA'I TSE NA YANG DE MI RIG NA JI LTAR SKAD CIG MAR 'DOD CES SMOS TE, GANG DANG GANG SKAD CIG MAR MI RIG PAR DE DANG DE SKAD CIG MAR MI 'DOD NA ZHI MAR ME DANG CHU'I RGYUN LA SOGS PA SKAD CIG MA YIN PAR NI SANGS RGYAS DANG MU STEGS PA GNYI GA LA GRUB STE, DE LTAR DE DAG SKAD CIG MA YIN YANG MAR ME DANG CHU LA SOGS PA RLUNG GIS BSKYED DE MI G-YO BA'I DUS NA SKAD CIG MA YIN PAR RIG NA; CI'I PHYIR DE DAG LA YANG SKAD CIG MA YIN PAR 'DOD CES SRI BAR BYA'O, ,GAL TE 'DI SKAD DU SNGON GYI BZHIN DU PHYIS MI MTHONG BA'I PHYIR RO ZHES ZER BA DE LA YANG 'DI SKAD CES DRI BAR BYA'O ZHES BYA BA LA, DE SKAD DU DRIS PA DANG, GAL TE 'DI SKA DU MAR ME NI SNGON CHE ZHING KHA DOG GSAL BA LAS PHYIS DE DAG MI SNANG GI ,MAR ME CHUNG ZHING MI GSAL BAR GYUR NAS, JE CHUNG JE CHUNG BA'I MJUG TU MAR ME DE NYID SHI NAS MI SNANG BAR 'GYUR BA'I PHYIR SKAD CIG MAR 'GYUR ZHES ZER BA LA, DE LA MA GTOGS PA'I BUM PA LA SOGS PA 'DU BYED GZHAN DAG NI LO DANG ZLA BAR BZHAG NA YANG, JE CHUNG JE CHUNG DU MI 'GYUR BAS NA SKAD CIG MAR MI 'DOD DO ZHES ZER NA YANG DE LA 'DI SKAD DU DRI'O, ,JI SKAD DU DRI BAR BYA ZHE NA, DE'I PHYIR, 'O NA YANG 'DU BYED RNAMS LA YANG PHYIS DE LTAR CI'I PHYIR MI 'DOD CES SMOS TE, DE LTAR DANG PO SNANG LA, PHYIS MI SNANG BA RNAMS SKAD CIG MAR 'DOD LA, MYU GU DANG, KHANG KHYIM DANG, BUM PA LA SOGS PA YANG DANG PO SNANG LA, BAR DU DBYIBS DANG KHA DOG LA SOGS PA GZHAN DU GYUR NAS, ,PHYIS MI SNANG BAR GYUR NA, CI'I PHYIR SKAD CIG MAR MI 'DOD DO ZHES DRI BAR BYA'O; ,GAL TE 'DI SKAD DU MAR ME LA SOGS PA DANG, DE MA YIN PA'I 'DU BYED RNAMS MTSAN NYID THA DAD PA'I PHYIR RO ZHES ZER NA ZHES BYA BA LA, DE SKAD DU DRIS PA DANG, GAL TE GZHAN DAG 'DI SKAD DU MAR ME DANG, BUM PA LA SOGS PA 'DU BYED GZHAN DAG MTSAN NYID MI @160B 'DRA STE; MAR ME NI SKAD CIG MA'I DANG GIS 'BYUNG ZHING, ,TSA BA DANG SNANG BAR BYED PA'I MTSAN NYID YIN LA, BUM PA LA SOGS PA NI NAM ZHIG NA PHYIS ZHIG CING SRA BA DANG, CHU BLUGS SU RUNG BA'I MTSAN NYID YIN PAS MTSAN NYID MI 'DRA BA'I PHYIR, MAR ME NI SKAD CIG MA YIN LA, 'DU BYED GZHAN SKAD CIG MA MA YIN NO ZHES ZER NA, DE LA YANG 'DI SKAD DU BSTAN PAR BYA'O, ,JI SKAD DU BSTAN PAR BYA ZHE NA, DE'I PHYIR, MTSAN NYID MI MTHUN PA NI RNAM PAR GNYIS TE, RANG BZHIN MI MTHUN PA DANG, 'JUG PA MI MTHUN PA'O ZHES SMOS TE, DE LA 'DU BYED RNAMS PHAN TSUN MI MTHUN PA LA RNAM PA GNYIS YOD DE, RANG BZHIN MI MTHUN PA DANG, 'JUG PA MI MTHUN PA'O, ,DE LA RANG BZHIN MI MTHUN PA NI ME'I RANG BZHIN TSA BA DANG, CHU'I RANG BZHIN GSHER BA LTA BU'O, ,'JUG PA MI MTHUN PA NI MAR ME LA SOGS PA SKAD CIG MA RE RE LA SKYE ZHING 'JIG LA, BUM PA LA SOGS PA'I 'DU BYED GZHAN RNAMS NI SKYES NAS DUS THA GI ZAD CIG GIS CHOS TE, PHYIS 'JIG PA'I TSUL 'JUG GO, ,DE LA GAL TE RANG BZHIN MI MTHUN PAR 'DOD NA NI DE'I PHYIR DPE RUNG STE ZHES BYA BA LA, GAL TE MAR ME NI TSA BA DANG; GSAL BA'I RANG BZHIN YIN LA, DE MA YIN PA'I BUM PA LA SOGS PA 'DU BYED GZHAN NI SRA BA DANG CHU BLUGS SU RUNG BA'I RANG BZHIN YIN PAS 'DOD NA NI, DE LTAR NA MAR ME SKAD CIG MA DE 'DU BYED, SKAD CIG MAR BSGRUB PA'I DPER RUNG GI, MTHUN PA GCIG GI DPER MTHUN PA GCIG STON PAR NI MI RIGS SO, ,DON DE NYID BSTAN PA'I PHYIR, ,DE RANG BZHIN NYID NI DE'I DPE MA YIN TE, JI LTAR MAR MEL MAR ME DANG, BA LANG LA BA LANGS BZHIN NO ZHES SMOS TE, 'DI LTAR 'DU BYED 'GA' ZHING RTAG PA'AM, MI RTAG PAR BSGRUB NA, DE LA RANG BZHIN MI GCIG PA'I DPE GZHAN GYIS BSGRUBS TE, DPER NA NYI MA'I 'OD TSA ,BAR SGRUB PA LA, DE ANG RANG BZHIN GCIG PA MED DPER GZHAG STE, TSA BA KHYAD MED BZHIN ZHES BYA BA DANG, BA MEN BSGRUB PA LA DPER NA BA LANG GZHAG STE, BA MEN NI DPER NA BA LANG 'DRA STE ZHES DPER @161A *, ,GZHAG GO, ,RANG BZHIN GCIG PA NI DPER GZHAG PAR MI RIGS PA STE, DPER NA MAR ME DANG MAR ME 'DRA'O, ,BA LANG DANG BLANG 'DRA'O ZHES DPER MI 'JOG PA BZHIN NO, ,DE STE 'JUG PA MI MTHUN NA YANG DE BAS NA DPER BSTAN TE ZHES BYA BA LA, GAL TE MAR ME DE LAS GZHAN PA, BUM PA LA SOGS PA'I 'DU BYED SKYE ZHING 'GAGS BA'I 'JUG PA MI MTHUN ZHES ZER BA YANG, DE'I PHYIR BUM PA LA SOGS PA'I DPER MAR ME GZHAG STE, 'DI LTAR MAR ME NI SKAD CIG MAR 'JIG RTEN DU GRAGS TE, BUM PA SKAD CIG MA YIN YANG SKAD CIG MAR 'JIG RTEN DU MA GRAGS TE, DE BAS NA MAR ME SKAD CIG MAR GRAGS PA DES DPER BYAS NAS, BUM PA SKAD CIG MAR MA GRAGS PAR SKAD CIG MAR SGRUB PO, ,DE LA 'DI SKAD CES DRIS TE, BZHON PA 'DUG LA ZHON PA 'GRO BAR 'DOD DAM ZHES BYA BA LA, MI RTAG PAR 'DOD LA SKAD CIG MAR MI 'DOD PA DE DAG LA YANG 'DI SKAD DU DRI BAR BYA STE, KHYED SKAD CIG MAR MI 'DOD PA RNAMS LA RTA LA MI ZHON PA RTA NI YUL GAR YANG MA SONG STE 'DUG LA, DE LA ZHON PA'I MI YUL GZHAN DU PHYIN PAR 'DOD DAM ZHES ZER TE, GAL TE BZHON PA RTA YUL GZHAN DU MA PHYIN NA DE LA ZHON PA'I MI YANG GDON MI ZA BAR YUL GZHAN DU MI PHYIN BAR 'GYUR RO, ,GAL TE MI YUL GZHAN DU PHYIN NA GDON MI ZA BAR BZHON PA RTA YANG YUL GZHAN DU PHYIN PAR 'GYUR RO, ,DE LTAR MI 'DOD DO ZHES ZER NA ZHES BYA BA LA, DE SKAD DU DRIS PA DANG, SKAD CIG MAR MI 'DOD PA DAG 'DI SKAD ZER TE, RTA LA MI ZHON LA MI YUL GZHAN DU PHYIN NA, RTA YUL GZHAN DU MA PHYIN PAR MI 'DOD KYI, MI BZHIN DU RTAS KYANG YUL GZHAN DU PHYIN PAR 'DOD DO ZHES ZER NA YANG, DE LA YANG 'DI SKAD DU DRI BAR BYA'O, ,JI SKAD DU DRI ZHE NA, DE'I PHYIR MIG LA SOGS PA 'DUG LA GNAS PA'I RNAM PAR SHES PA RGYUN DU 'GRO'O ZHES BYAR MI RUNG NGO ZHES SMOS TE, DPER NA RTA LA ZHON PA'I MI YUL GZHAN DU PHYIN NA RTAS KYANG YUL GZHAN DU PHYIN PA DANG 'DRA BAR, GAL TE MIG LA SOGS PA'I DBANG PO LA GNAS PA'I RNAM PAR SHES PA RNAMS SKAD CIG MAR 'DOD NA NI @161B DE'I GNAS SU GYUR PA MIG LA SOGS PA'I DBANG PO LNGA YANG SKAD CIG MAR MI 'GYUR DU MI RUNG NGO, ,GAL TE MIG LA SOGS PA'I DBANG PO NI RTAG PAR 'DUG NA, DE LA GNAS PA'I RNAM PAR SHES PA RNAMS SKAD CIG MA'I RGYUN GYIS RGYUN DU 'GRO BAR MI RUNG STE, MIG LA SOGS PA'I DBANG PO RTAG NA NI; DE LA GNAS PA'I RNAM PAR SHES PA YANG RTAG PAR 'GYUR RO, ,GAL TE RNAM PAR SHES PA MI RTAG NA NI DBANG PO RNAMS KYANG MI RTAG PAR 'GYUR RO, ,GAL TE 'DI SKAD DU MAR ME SNYING PO LA GNAS LA RGYUN DU 'GRO YANG SNYING PO NI GNAS SO ZHES ZER NA YANG, DE LA 'DI SKAD CES DRI BAR BYA'O ZHES BYA BA LA, GAL TE SKAD CIG MAR MI 'DOD PA DAG 'DI SKAD DU ZER TE, MAR ME NI MAR ME'I SNYING PO LA GNAS SHING 'BAR LA MAR ME NYID RGYUN DU 'GRO ZHING 'JIG TU ZIN KYANG DE'I SNYING PO MI 'JIG CING RTAG PAR GNAS PAS MTHONG NGO, ,DE BZHIN DU RNAM PAR SHES PA MIG LA SOGS PA'I DBANG PO LA GNAS LA, RNAM PAR SHES PA NI 'JIG CING RGYUN DU 'GRO BA'I DBANG PO NI MI 'JIG CING RGYUN DU GNAS SO ZHES ZER NA, DE LA YANG 'DI SKAD DU DRI ZHING LAN GLAN PAR BYA'O, ,JI SKAD DU LAN GLAN ZHE NA, DE'I PHYIR, SNYING PO NI SKAD CIG MA RE RE LA RGYUN DU 'GYUR ZHING SKYE BA'I PHYIR MA MTHONG NGO ZHES SMOS TE, 'DI LTAR JI SRID DU MAR ME'I ME LCES SNYING PO BSREGS NAS, MAR ME'I RGYUN SKAD CIG MA RE RE LA 'DAS SHING ZHIGS PA DE TZAM DU SNYING PO BSREGS PA YANG SKAD CIG MA RE RE ZHIG NAS GZHAN DU GYUR BAS NA, MAR ME NI ZHIG GI ,SNYING PO NI MA ZHIG STE, PHYI NA GNAS PA MA MTHONG STE, DE DANG 'DRA BAR RNAM PAR SHES PA SKAD CIG MA YIN NA, DE'I GNAS DBANG PO RNAMS SKAD CIG MAR 'GYUR RO, ,GAL TE 'DI SKAD DU 'DU BYED RNAMS SKAD CIG MA YIN NA, MAR ME LA SOGS PA BZHIN DU CI'I PHYIR, SKAD CIG MAR MA GRUB CAS ZER NA YANG ZHES BYA BA LA, GAL TE SKAD CIG MAR MI 'DOD PA DAG 'DI SKAD DU 'DRI STE, GAL TE MAR ME SKAD CIG MA YIN PA BZHIN DU BUM PA LA SOGS PA'I 'DU BYED GZHAN YANG SKAD CIG MA YIN NA, JI LTAR MAR ME SKAD CIG MA YIN PAR 'JIG RTEN DU GRAGS PA BZHIN DU @162A *, ,BUM PA LA SOGS PA'I 'DU BYED GZHAN YANG SKAD CIG MAR CI'I PHYIR 'JIG RTEN DU MA GRAGS SHING MA GRUB CES ZER NA, 'DI SKAD DU LAN GLAN PAR BYA'O, ,JI SKAD DU LAN GLAN ZHE NA, DE'I PHYIR, PHYIN CI LOG GI DNGOS PO'I PHYIR 'DRA BA'I RGYUD RGYUN DU 'BYUNG BAS DE DAG SKAD CIG MAR MI SHES SO ZHES BYA BA SMOS TE, BUM PA LA SOGS PA'I DNGOS PO 'DI DAG MI RTAG PA YIN MOD KYI, MI GTZANG BA LA GTZANG BA'I 'DU SHES PA DANG, MI RTAG PA LA RTAG PA'I 'DU SHES PHYIN CI LOG SKYES PA'I DNGOS PO DANG, RGYU BYED PAS SKAD CIG MA MA YIN YANG RTAG PA'I 'DU SHES SKYE'O, ,JI LTAR ZHE NA, SKAD CIG MA'I RGYUN GYIS 'BYUNG BAS NA, SKAD CIG MA PHYI MA RNAMS KHA DOG DANG, DBYIBS LA SOGS PA SKAD CIG MA SNGA MA DANG 'DRA BA SHA STAG RGYUN DU 'BYUNG BAS NA, DE DAG GIS SKAD CIG MAR MA SHES SO, ,DON DE NYID GSAL BAR BSTAN PA'I PHYIR, GANG GI PHYIR GCIG NAS GCIG TU 'GYUR BA YOD KYANG DE NYID NI 'DI YIN NO ZHES PHYIN CI LOG SKYE STE ZHES SMOS TE, 'DI LTAR 'DU BYED RNAMS SKAD CIG MA'I RGYUN GYIS 'BYUNG BAS NA SKAD CIG MA SNGA MA SNGA MA NI 'GAGS, PHYI MA PHYI MA GZHAN DAG SKYE STE, GCIG NAS GCIG TU 'GYUR BA'I BYE BRAG YOD DU ZIN KYANG SKAD CIG MA PHYI MA PHYI MA SKYE BA RNAMS SNGA MA 'DRA BA SHA STAG SKYE BAS NA SKAD CIG MA NI MA YIN PAR RIG GI ,SNGA MA MTHONG BA NYID BDAG GIS PHYIS KYANG DE MTHONG DO SNYAM DU BLO PHYIN CI LOG SKYE'O, ,DE LTAM YIN NA NI MI RTAG PA LA RTAG PA PHYIN CI LOG PA YANG MED PAR 'GYUR RO ZHES BYA BA LA, GAL TE 'DUS BYAS RNAMS SKAD CIG MA YIN PA LAS, SKAD CIG MA PHYI MA PHYI MA RNAMS SNGA MA DANG 'DRA BA 'BA' ZHIG SKYES PAS SNGA MA MA YIN YANG SNGA MA NYID MTHONG NGO SNYAM PA'I BLO PHYIN CI LOG SKYES PA NI MA YIN GYI, DNGOS PO RNAMS RTAG TU GNAS PAS PHYIS MTHONG BA'I DUS NA YANG, SNGA MA NYID MTHONG BAR GYUR NA NI, DES DNGOS PO RNAMS PHYIN CI MA LOG PA MTHONG BAS MI GTZANG BA LA GTZANG BAR 'DZIN PA DANG, MI RTAG PA LA RTAG PAR 'DZIN PA'I PHYIR CI LOG MED PAR 'GYUR RO, ,DE MED NA YANG KUN NAS NYON MONGS @162B PA YANG MED PAR 'GYUR NA, RNAM PAR BYANG BA GA LA YOD CES DRIS PA LAS KYANG 'DU BYED THAMS CAD SKAD CIG MAR GRUB PO ZHES BYA BA LA, GAL TE SEMS CAN RNAMS LA PHYIN CI LOG MED PAR GYUR NA NI PHYIN CI LOG MED PAS 'DOD CHAGS LA SOGS PA KUN NAS NYON MONGS PAR 'GYUR BA YANG MED PAR 'GYUR TE, CI'I PHYIR ZHE NA, KUN NAS NYON MONGS PA THAMS CAD NI PHYIN CI LOG LAS 'BYUNG NGO, ,DE LTAR NA KUN NAS NYON MONGS PA MED PAR GYUR NA SEMS CAN RNAMS RANG BZHIN GYIS THAR PAR 'GYUR BAS MJUG TU RNAM PAR BYANG ZHING MYA NGAN LAS 'DAS PAR 'GYUR BA GA LA YOD DE, MYA NGAN LAS 'DAS PAR 'GYUR BA YANG MED PAR 'GYUR RO, ,DE LTA NI MA YIN GYI SNGAR KUN NAS NYON MONGS PA LAS PHYIS MYA NGAN LAS 'DAS PAR GYUR TE, DE LTAR NA DRIS PA LAS LAN MED PA'I SGO NAS KYANG 'DU BYED THAMS CAD SKAD CIG MAR GRUB BO, ,GANG ZAG LA BDAG MED PAR GRUB PA'I PHYIR, BDAG MED PA RNAM PAR DBYE BA LA TSIGS SU BCAD PA BCU GNYIS SO ZHES BYA BA LA, CHOS KYI MDO BZHI LAS 'DUS BYAS THAMS CAD MI RTAG PA'I DON BSTAN TE, DE'ANG RNAM PA GNYIS SU BSHAD DO, ,GANG ZHE NA, MED PA'I DON KYANG MI RTAG PA'I DON DU BSTAN LA, SKAD CIG MAR 'JIG PA'I DON KYANG MI RTAG PA'I DON DU BSTAN TO, ,DA NI CHOS THAMS CAD LA BDAG MED PA ZHES BYA BA'I CHOS KYI MDO'I DON RGYA CHER STON TE, CHOS THAMS CAD BDAG MED PAR TSIGS SU BCAD PA BCU GNYIS SGRUB PA'I SGO NAS, GANG ZAG LA YANG BDAG MED PAR SGRUB BO, ,GONG DU SKAD CIG MAR BSTAN PA'I SGO NAS YANG GANG SKAD CIG MA YIN PA DES BDAG MED PA YIN PAS DE'I SKA BAS SU BDAG MED PAR BSGRUBS ZIN MOD KYI, MU STEGS PA DANG, 'JIG RTEN PA DAG PHUNG PO LA MA GTOGS PA'I BDAG DANG BYED PA PO DANG, LTA BA PO DANG, TSOR BA PO DANG, SHED CAN DANG, SHED BDAG LA SOGS PA YOD PAR PHYIN CI LOG TU MNGON PAR ZHEN TE, DE DAG GI PHYIN CI LOG DANG BRAL BA'I PHYIR GTAN TSIGS GZHAN GYIS KYANG GANG ZAG LA BDAG MED PA BSGRUB PO, ,GANG ZAG YOD CES BYA BA'AM MED CES BYA @163A *, ,ZHES BYA BA LA, BDAG DANG GANG ZAG YOD PAR SMRA BA RNAMS, GANG ZAG RANG BZHIN MED PAR 'DOD PA LA 'DI SKAD DU 'DRI STE, 'DI LTAR BCOM LDAN 'DAS KYIS KYANG SO SO'I SKYE BO'I GANG ZAG DANG, RGYUN DU ZHUGS PA'I GANG ZAG DANG, LAN CIG PHYIR 'ONG BA'I GANG ZAG DANG, PHYIR MI 'ONG BA'I GANG ZAG DANG, DGRA BCOM PA'I GANG ZAG DANG, BYANG CHUB SEMS DPA'I GANG ZAG DANG, GANG ZAG GCIG 'JIG RTEN DU 'BYUNG BA NA 'JIG RTEN KUN LA PHAN PA DANG BDE BAR BYED PA STE, 'DI LTAR DE BZHIN GSHEGS PA'I GANG ZAG GO ZHES GSUNGS LA, RANG GI SDE PA LAS KYANG, AA SAM BI TI PA DAG PHUNG PO DANG GCIG PA YANG MA YIN, THA DAD PA YANG MA YIN PA'I GANG ZAG RDZAS SU YOD LA, TSIG GIS BRJOD DU MED PAR YANG 'DOD CING, MU STEGS PA DANG 'JIG RTEN PA DAG BDAG DANG GANG ZAG YOD PAR 'DOD NA, KHYED GANG ZAG MED PAR 'DOD PA RNAMS GANG ZAG CES BYA BA 'DI YOD PA ZHIG TU 'DOD DAM, MED PA ZHIG TU 'DOD PA SMROS SHIG CES DRI'O, ,SMRAS PA ZHES BYA BA NI DE SKAD DU 'DRI BA LA GANG ZAG MED PAR 'DOD PA RNAMS KYIS LAN SMRAS PA ZHES BYA BA'I DON BTAGS PAR YOD PAR BRJOD PA STE ZHES BYA BA LA, BTAGS PA ZHES BYA BA DANG, TSIG TZAM ZHES BYA BA DANG, THA SNYAD TZAM ZHES BYA BA DANG, MING TZAM ZHES BYA BA DAG DON GCIG GO, ,RDZAS SU YOD CES BYA BA YANG, RANG BZHIN YOD CES BYA BA DANG, DON DAM PAR YOD CES BYA BA DAG DANG DON GCIG STE; GANG ZAG CES BYA BA BTAGS PA DANG, MING TZAM DANG, THA SNYAD TZAM DU NI YOD CES BYA LA, RDZAS DANG RANG BZHIN DU NI YOD PA MA YIN TE MED PA ZHES BYA'O, ,DE BAS NA 'PHAGS PA BLO GROS MI ZAD PA'I MDO LAS KYANG, GANG ZAG GI SGRA DE DAG THAMS CAD NI DE BZHIN GSHEGS PAS KUN RDZOB KYI TSIG GI GNAS KYI SEMS CAN DRANG BA'I PHYIR BSTAN TE ZHES BYA BA LA SOGS PA RGYA CHER GSUNGS SO, ,GANG ZAG YOD PAR 'DOD PA RNAMS KYIS SMRAS PA, KHYED CAG GANG ZAG MED PAR 'DOD PA RNAMS YANG NA GANG ZAG YOD DO ZHES BYA BA'I PHYOGS BZUNG STE, @163B GANG ZAG YOD PAR MI SMRA BA, YANG NA NI GANG ZAG MOD DO ZHES BYA BA'I PHYOGS BZUNG STE, GANG ZAG MED PAR MI SMRA BAR CI'I PHYIR BTAGS PAR NI YOD PAR YANG SMRA LA, RDZAS SU MED PAR SMRA STE, PHYOGS GCIG TU CHANG PAR MI SMRA ZHE NA, LAN DU JI LTAR PHYOGS GCIG MA YIN PAR BZUNG NA YOD PA'I NYES PA DANG MED PA'I NYES PA'I SKABS SU YANG MI 'GYUR RO ZHES SMOS TE, 'DI LTAR YOD PA'I PHYOGS 'BA' ZHIG BZUNG NA YANG YOD PA'I SKYON GYIS GOS PAR 'GYUR RO, ,MED PA'I PHYOGS 'BA' ZHIG BZUNG NA YANG MED PA'I SKYON GYIS GOS PAR 'GYUR TE, DE LTAR PHYOGS GCIG KHO NAR CHAD PA MA YIN PAR BZUNG NA NI YOD PA'I NYES PAS KYANG MI GOS, MED PA'I NYES PAS MI GOS PAS NA PHYOGS GCIG TU CHAD PAR MA BZUNG STE, PHYOGS GCIG TU BZUNG NA NYES PAS JI LTAR GOS PAR 'GYUR BA NI PHYIS 'CHANG DO, ,DE'ANG RDZAS SU MED PAR JI LTAR RIG PAR BYA ZHE NA ZHES BYA BA NI GANG ZAG YOD PAR SMRA BA RNAMS 'DI SKAD DU GANG ZAG DE RDZAS KYI DNGOS POR MED CING RANG BZHIN MED PAR CI MNGON ZHE NA ZHES 'DRI'O, ,DE'I GTAN TSIGS BSTAN PA'I PHYIR, MI DMIGS PA'I PHYIR TE ZHES SMOS SO, ,K'A RI K'A DE NYID KYI DON DGROL BA'I PHYIR, ,DE NI GZUGS LA SOGS PA BZHIN DU RDZAS SU MI DMIGS SO ZHES SMRAS TE, DE LA DNGOS PO RNAMS RDZAS SU YOD PAR SGRUB PA'I TSAD MA NI GNYIS TE, MNGON SUM GYI TSAD MA DANG, RJES SU DPAG PA'I TSAD MA'O, ,'DI LTAR GZUGS NAS CHOS KYI BAR DU CHOS 'DI BDAG YOD PA YIN PAS MIG GI DBANG PO DANG MIG GI RNAM PAR SHES PA LA SOGS PAS DMIGS SHING MNGON SUM DU MTHONG STE, MNGON SUM GYI TSAD MAS BCAD PA DE BZHIN TE GANG ZAG NI DBANG PO DANG RNAM PAR SHES PA GANG GIS KYANG MA DMIGS SHING MA MTHONG STE, MNGON SUM GYI TSAD MAS MA BCAD PAS NA GANG ZAG RDZAS SU YOD PA MA YIN NO, ,DMIGS PA ZHES BYA BA NI BLOS RIG PAR BYA STE, GANG ZAG TU SMRA BA RNAMS KYIS GANG ZAG NI BLOS MI RIG PA MA YIN NO ZHES BYA BA LA, GANG ZAG MI DMIGS SO ZHES BSHAD PA DANG, GANG ZAG TU SMRA BA RNAMS 'DI SKAD @164A *, ,DU RGOL TE, GANG MIG GIS MTHONG BA DE 'BA' ZHIG RDZAS SU YOD PA YIN GYI, GZHAN RDZAS SU YOD PA MA YIN NO ZHES BYAR YANG MI RUNG STE, MIG GIS MI MTHONG LA RDZAS SU YOD CING BLOS RIG PA YANG YOD DE, 'DI LTAR SEMS DANG SEMS LAS BYUNG BA'I TSOGS BZHIN NO; ,'DI LTAR DMIGS PA ZHES BYA BA YANG, MIG GIS MTHONG BA 'BA' ZHIG LA DMIGS PA ZHES BYA BAR YANG MA ZAD KYI, YID KYI RNAM PAR SHES PAS 'DI NI 'DI LTA BU ZHIG GO ZHES BLOS RIG CING BCAD PA LA YANG DMIGS PA ZHES BYA STE, DE BAS NA GANG ZAG DE GZHAN DAG GIS MA RIG MA DMIGS SU ZIN KYANG, BDAG CAG GANG ZAG TU SMRA BA RNAMS KYI BLOS NI GANG ZAG MI DMIGS PA DANG MI RIG PA MA YIN GYI, GANG ZAG DAG GCIG GIS RIG CING DMIGS TE, DE LTAR NA GANG ZAG BLOS MNGON SUM DU BYAS PAS MNGON SUM GYI TSAD MAS BCAD PA'I PHYIR, GANG ZAG RDZAS SU YOD DO ZHES ZER RO, ,GANG ZAG DMIGS SU RUNG BA 'JUG GI TSAD MAS KYANG SGRUB PA'I PHYIR, BCOM LDAN 'DAS KYIS KYANG TSE 'DI NYID LA BDAG TU DMIGS SHING 'DOGS SO ZHES GSUNGS NA JI LTAR DMIGS PA YIN ZHES SMOS TE, GANG ZAG RDZAS SU MED CING DMIGS PA YIN NA, MDO DAG LAS BCOM LDAN 'DAS KYIS SEMS CAN DAG TSE 'DI NYID LA GANG ZAG TU DMIGS GANG ZAG TU 'DOGS SO ZHES BKA' MI STZOL BA'I RIGS SO, ,DE LTA MA YIN GYI BCOM LDAN 'DAS KYIS KYANG, SEMS CAN DAG TSE 'DI NYID LA GANG ZAG LA DMIGS SHING 'DOGS SO ZHES BKA' STZAL NA, JI LTAR GANG ZAG MI DMIGS PA YIN ZHES ZER RO, ,DE LA DMIGS ZHES BYA BA NI SEMS KYIS MTHONG ZHES BYA BA'I DON TO, ,'DOGS SO ZHES BYA BA NI TSIG TU YANG SMRA'O ZHES BYA BA'I THA TSIG GO, ,DE NI DE RU DMIGS KYANG RDZAS SU DMIGS PAR 'GYUR BA MA YIN TE, CI'I PHYIR ZHE NA, PHYIN CI LOG GI PHYIR RO ZHES BYA BA LA, GANG ZAG TU SMRA BA RNAMS KYIS GANG ZAG DMIGS SU ZIN KYANG GANG ZAG RDZAS SU YOD PA LAS DE DAG GIS DMIGS SHING MTHONG BA NI MA YIN GYI, GANG ZAG RDZAS @164B SU MED BZHIN DU, DE DAG GIS DMIGS SHING MTHONG STE, DE BAS NA DE DAG GIS GANG ZAG DMIGS PA YANG PHYIN CI LOG YIN NO, ,BCOM LDAN 'DAS KYIS MDO LAS TSE 'DI NYID LA BDAG TU DMIGS SHING 'DOGS SO ZHES BKA' SKAL PA YANG, GANG ZAG NYID YANG DAG PAR RDZAS SU YOD PA LA DGONGS TE BDAG DMIGS SO ZHES GSUNGS PA NI MA YIN GYI, SEMS CAN RNAMS KYI BDAG MED BZHIN DU BDAG TU LTA ZHING BDAG TU DMIGS SO ZHES PHYIN CI LOG TU SMRA BA LA DGONGS NAS, TSE 'DI NYID LA BDAG TU DMIGS SHING 'DOGS SO ZHES BKA' STZAL TO, ,'DI JI LTAR SHES SHE NA ZHES BYA BA LA, GANG ZAG TU SMRA BAS DRIS PA, GANG ZAG 'DI YOD PA LAS GANG ZAG TU DMIGS SHING 'DOGS PA NI MA YIN GYI, GANG ZAG TU DMIGS PA PHYIN CI LOG TU YIN PAR CI MNGON ZHE NA ZHES BYA BA'I DON TO, ,LAN DU KUN NAS NYON MONGS PA'I PHYIR TE ZHES SMOS TE, GANG ZAG DANG BDAG TU LTA BA KUN NAS NYON MONGS PA'I RANG BZHIN YIN PAS NA PHYIN CI LOG YIN PAR MNGON NO, ,DE LA KUN NAS NYON MONGS PA RNAM PA DRUG STE, 'DOD CHAGS DANG, KHONG KHRO BA DANG, NGA RGYAL DANG, MA RIG PA DANG, LTA BA DANG, THE TSOM STE DRUG YOD PA LAS, GANG ZAG TU LTA BA 'DI KUN NAS NYON MONGS PA GANG GI RANG BZHIN YIN ZHE NA, DE'I PHYIR, KUN NAS NYON MONGS PA 'DI NI 'JIG TSOGS LA LTA BA NYON MONGS PA'I MTSAN NYID DE LTAR NGA DANG NGA'I ZHES BYA'O ZHES SMOS TE, KUN NAS NYON MONGS PA DRUG YOD PA LAS NGA DANG NGA'I ZHES LTA BA'I KUN NAS NYON MONGS PA'I 'DI NI 'JIG TSOGS LA LTA BA'I KUN NAS NYON MONGS PA'I MTSAN NYID YIN NO, ,GAL TE GANG ZAG TU SMRA BA DAG 'DI SKAD DU GANG ZAG TU LTA BA 'DI KUN NAS NYON MONGS PA'I MTSAN NYID YIN YANG PHYIN CI LOG GI MTSAN NYID MA YIN NO SNYAM PA LA, MI RIGS PAR BSTAN PA'I PHYIR, PHYIN CI LOG MA YIN PA NI KUN NAS NYON MONGS PAR 'GYUR BAR MI 'OS SO ZHES SMOS TE, GANG DANG GANG DU KUN NAS NYON MONGS PA YIN PA DE DANG DE DAG PHYIN CI LOG YIN TE, DPER NA RTAG PA DANG GTZAD PAR 'DZIN PA LTA BU'O, ,GANG DANG GANG KUN NAS NYON MONGS PA MED PA DE DANG DE DAG LA PHYIN CI LOG MED DE, DPER NA MI @165A *, ,RTAG PA DANG MI GTZANG BAR 'DZIN PA LTA BU'O, ,DE BAS NA BDAG DANG GANG ZAG TU 'DZIN PA 'DI KUN NAS NYON MONGS PA'I RANG BZHIN DU GYUR NA NI PHYIN CI LOG MA YIN PAR 'GYUR BAR MI RIGS TE GDON MI ZA BAR PHYIN CI LOG TU 'GYUR RO, ,DE NYON MONGS PA YIN PAR JI LTAR RIG CE NA ZHES BYA BA NI BDAG TU SMRA BA DANG, GANG ZAG TU SMRA BA'I RNAMS 'DRI BA STE, 'JIG TSOGS LA LTA BA NYID KUN NAS NYON MONGS PA'I RANG BZHIN YIN PAR CI MNGON ZHES 'DRI'O, ,LAN DU, K'A RI K'A LAS, NYON MONGS RGYUS ZHES BYA BA SMOS SO, ,K'A RI K'A DE NYID KYI DON DGROL BAR BYA BA'I PHYIR, 'DI LTAR 'DI'I RGYU LAS 'DOD CHAGS LA SOGS PA'I NYON MONGS PA RNAMS 'BYUNG NGO ZHES SMOS TE, 'DI LTAR NGA DANG BDAG TU LTA BA'I 'DOD CHAGS DANG, ZHE SDANG DANG, GTI MUG LA SOGS PA'I NYON MONGS PA RNAMS 'BYUNG STE, DE LTAR BDAG TU LTA BA 'DI NYON MONGS PA'I RGYU BYED PA'I PHYIR 'JIG TSOGS SU LTA BA NI NYON MONGS PA'I RANG BZHIN YIN PAR MNGON NO, ,GANG ZAG YOD PAR SMRA BA RNAMS 'DI SKAD DU RGOL TE, 'DI LTAR GANG ZAG RDZAS SU MED KYI BDAG PAR YOD DO ZHES SMRAS NA, BTAGS PA YANG GZHI MED PAR 'DOGS MI SRID DE, DPER NA BUM PA ZHES BYA BA BUM PA MED PAR 'DOGS ME SRID KYI, BUM PA LA BRTEN NAS BUM PA ZHES 'DOGS PA DANG 'DRA BAR, GANG ZAG 'DI CI LA BRTEN TE 'DOGS SHE NA, LAN DU GANG ZAG CES 'DOGS PA 'DI YANG GANG ZAG RDZAS SU YOD PA LAS 'DOGS PA NI MA YIN TE, NYE BAR LEN PA'I PHUNG PO LNGA LA 'DOGS PA TZAM DU ZAD DO, ,DE BSAN MDO LAS KYANG, DGE SBYONG NGAM BRAM ZE'AM, GANG SU YANG RUNG BA BDAG GAM BDAG GI ZHES 'DOGS PA DE DAG NI NYE BAR LEN PA'I PHUNG PO LNGA NYID LA NGA'AM BDAG GI ZHES LTA ZHING 'DOGS PAR ZAD DO ZHES GSUNGS SO, ,DE SKAD DU LAN GLAN PA DANG, GZHAN DAG GIS DRIS PA, GZUGS LA SOGS PA'I DNGOS PO GANG LA, GANG ZAG DU GDAGS PA DE LAS GANG ZAG GCIG CES DRI'AM, DE STE THA DAD CES BYA ZHES SMOS TE, KHYED GANG ZAG MED PAR 'DOD PA RNAMS GZUGS KYI PHUNG PO NAS RNAM PAR SHES PA'I BAR DAG PHUNG PO LNGA LA GANG ZAG TU 'DOGS NA PHUNG PO LNGA DANG GANG ZAG TU GCIG @165B STE; PHUNG PO LNGA GANG YIN PA GANG ZAG KYANG DE YIN, GANG ZAG GANG YIN PA PHUNG PO LNGA YANG DE YIN TE, RANG BZHIN GCIG LAS PHUNG PO LNGA LA GANG ZAG TU 'DOGS PA'AM, 'ON TE PHUNG PO LNGA DANG GANG ZAG THA DAD DE PHUNG PO LNGA LA MA GTOGS PAR GANG ZAG LOGS SHIG NA YOD PA PHUNG PO LNGA LA GDAGS ZHES 'DRI'O, ,SMRAS PA ZHES BYA BA NI GANG ZAG MED PAR SMRA BA RNAMS KYIS LAN SMRAS SO ZHES BYA BA'I DON TO, ,GCIG DANG THA DAD MI BRJOD DE, DE NI DE'I PHYIR ZHES BYA BA LA, GANG ZAG DE NI GONG DU BSHAD PA LTAR NA GTAGS PA TZAM DU YOD KYI RDZAS SU MED PAS NA GANG ZAG DANG PHUNG PO RANG BZHIN GCIG PA ZHES KYANG MI BRJOD DO, ,PHUNG PO NYID BDAG YIN NO ZHES MI SMRA'O, ,PHUNG PO LNGA DANG GANG ZAG TU THA DAD PA ZHES KYANG MI BRJOD DE, PHUNG PO LA MA GTOGS PAR BDAG LOGS SHIG NA YOD DO ZHES KYANG MI SMRA'O ZHES BYA BA'I DON TO, ,CI'I PHYIR ZHE NA ZHES BYA BA NI GANG ZAG TU SMRA BA RNAMS 'DRI BA'I TSIG STE, KHYED PHUNG PO DANG GZUGS GANG ZAG TU GCIG BAR YANG CI'I PHYIR MI SMRA LA, THA DAD PAR YANG CI'I PHYIR MI SMRA ZHES BYA BA'I DON TO, ,SKYON GNYIS KYI PHYIR TE ZHES BYA BA NI GANG ZAG MED PAR 'DOD PA RNAMS KYIS LAN 'DEBS PA'I TSIG STE, PHUNG PO DANG GANG ZAG GCIG PAR SMRAS NA YANG SKYON MED PAR 'GYUR THA DAD CES SMRAS NA YANG SKYON YOD PAR 'GYUR TE, NYES PA GNYIS 'BYUNG BAR 'GYUR BAS NA GCIG PA YANG MI SMRA, THA DAD PAR YANG MI SMRA'O ZHES BYA BA'I DON TO, ,SKYON GNYIS PO GANG YIN PA BSTAN PA'I PHYIR, PHUNG PO BDAG TU 'GYUR BA DANG, DE NYID RDZAS SU 'GYUR BA'I PHYIR ZHES BYA BA SMOS TE, GAL TE PHUNG PO DANG GANG ZAG GCIG GO ZHES SMRAS NA NI JI LTAR BDAG NI RTAG PA'I RANG BZHIN YIN PA BZHIN DU, ,PHUNG PO LNGA YANG RTAG PA'I RANG BZHIN DU 'GYUR TE, DE BAS NA PHUNG PO LNGA NYID BDAG YIN NO ZHES MI SMRA STE, PHUNG PO LNGA NYID KYANG BDAG GI RANG BZHIN MA YIN ANO, ,GZHAN YANG PHUNG PO LNGA DANG BDAG GCIG PAR GYUR NA, PHUNG PO RDZAS SU YOD PA BZHIN DU GANG ZAG KYANG RDZAS SU YOD PAR 'GYUR TE, GANG ZAG NI RDZAS SU YOD PA MA YIN GYI BTAGS PAR YOD PA'I PHYIR RO, ,'DI NI NYES PA GCIG GO, ,GAL TE PHUNG PO NGA LA MA GTOGS PAR GANG ZAG LOGS SHIG NA YOD DO ZHES SMRAS NA NI JI LTAR MU STEGS PA RNAMS KYIS @166A *, ,BDAG CES BYA BA PHUNG PO LA MA GTOGS PAR LOGS SHIG NA RDZAS SU YONG NGO ZHES SMRAS PA LTAR NA, GANG ZAG CES BYA BA YANG LOGS SHIG NA RDZAS SU YOD PA'I SKYON DU 'GYUR TE, GANG ZAG CES BYA BA NI PHUNG PO LA MA GTOGS PAR LOGS SHIG NA YANG RDZAS DANG RANG BZHIN GRUB PAR YOD PA MA YIN NO, ,DE LTAR GANG ZAG BTAGS PAR YOD PAS NA BRJOD DU MED PAR MI RUNG NGO ZHES BYA BA LA, GONG DU BSHAD PA LTAR NA GANG ZAG RDZAS SU MED PAR 'GYUR TE, BTAGS PA TZAM DU YOD PAS NA, GANG ZAG GI PHUNG PO DANG RANG BZHIN GCIG PAR 'GYUR RO, ,PHUNG PO NYID GANG ZAG GI RANG BZHIN YIN NO ZHES KYANG MA BRJOD LA, PHUNG PO LA MA GTOGS PAR GANG ZAG LOGS SHIG NA YOD PAR YANG MI BRJOD LA, DON DU NA PHUNG PO LA YANG GANG ZAG GI RANG BZHIN MED, PHUNG PO LA MA GTOGS PAR GANG ZAG CES BYA BA LOGS SHIG NA YANG RDZAS SU MED DO ZHES BYA BA'I DON TO, ,DE'I PHYIR LUNG DU MA BSTAN PA'I DNGOS POR GRUB BO ZHES BYA BA LA, GANG GI PHYIR PHUNG PO DANG GANG ZAG GNYIS GCIG PAR YANG MI BRJOD, THA DAD PAR YANG MI BRJOD PA'I PHYIR NA, GAL TE GZHAN DAG PHUNG PO DANG GANG ZAG GCIG GAM ZHES 'DRI NA GCIG PA YIN NO ZHES LUNG MI BSTAN TO, ,GAL TE PHUNG PO DANG GANG ZAG THA DAD PA GCIG YIN NAM ZHES 'DRI NA YANG, THA DAD PA YIN NO ZHES KYANG LUNG DU MI BSTAN TE, CI'I PHYIR ZHE NA, GANG ZAG RANG BZHIN MED PA'I PHYIR PHUNG PO DANG GCIG PAR YANG BSTAN DU MI RUNG LA, THA DAD PA YANG BSTAN DU MI RUNG STE, DPER NA MO GSHAM GYI BU LA KHA DOG NAG POR YANG BSTAN DU MED; DMAR POR YANG BSTAN DU MED PA BZHIN NO, ,'DI YAN CHAD DU SPYIR MU STEGS PA BDAG TU SMRA BA DANG, SANGS RGYAS PA GANG ZAG YOD PAR SMRA BA GNYI GA SBYIR BSDUS TE SUN PHYUNG STE, DA NI BSTAN PA 'DI LA ZHUGS PA SAm BI TI PA DAG GANG ZAG RDZAS SU YOD PAR 'DOD PA'I LTA BA SUN DBYUNG BA'I PHYIR, GANG RNAMS STON PA'I BSTAN PA LAS 'DAS TE GANG ZAG RDZAS SU YOD PAR 'DOD PA DE LA 'DI SKAD CES BRJOD PAR BYA'O ZHES BYA BA SMOS TE, GANG RNAMS ZHES BYA BA NI SAm BI TI PA DAG GO, ,STON PA NI SANGS RGYAS BCOM LDAN 'DAS SO, ,DE'I BSTAN PA NI GSUNG RAB YAN LAG BCU GNYIS TE, CHOS @166B THAMS CAD ME RTAG PA DANG, SDUG BSNGAL BA DANG, STONG PA DANG, BDAG MED PAR BSHAD PA'O, ,'DAS PA NI GSUNG RAB KYI DON PHYIN CI LOG TU GSUNGS PA STE, JI LTAR PHYIN CI LOG TU GSUNGS SHE NA, 'DI LTAR GANG ZAG CES BYA BA RDZAS SU YOD LA, DE YANG PHUNG PO LNGA DANG GCIG PA ZHES KYANG MI BRJOD, THA DAD PA ZHES KYANG MI BRJOD CES 'DOD CING ZER TE, DE DAG LA 'DI SKAD DU DRI BAR BYA'O ZHES BYA BA'I DON TO, ,JI SKAD DU DRI BAR BYA ZHE NA, DE'I PHYIR, RDZAS KYANG YOD LA MI BRJOD LA, ,DGOS PA SMRA BAR BYA BA YIN, ,ZHES SMOS TE, JI LTAR BDAG CAG GANG ZAG MED PAR 'DOD PA RNAMS KYIS PHUNG PO DANG GANG ZAG GCIG PAR SMRAS NA NI PHUNG PO YANG BDAG BZHIN DU RTAG PAR 'GYUR BA DANG, GANG ZAG KYANG PHUNG PO BZHIN DU RDZAS SU YOD PA'I SKYON DU 'GYUR PAS GCIG PAR MI SMRA LA, PHUNG PO DANG THA DAD PAR SMRAS NA NI GANG ZAG DE MU STEGS KYIS BRTAGS PA'I BDAG BZHIN DU RDZAS SU YOD PA'I SKYON DU 'GYUR BAS NA THA DAD PAR YANG MI SMRA'O ZHES DGOS PA BRJOD PA BZHIN DU, KHYED KYI GANG ZAG RDZAS SU YANG YOD LA PHUNG PO DANG GCIG PAR YAR MI BRJOD, THA DAD PAR YANG MI BRJOD NA, CI'I PHYIR PHUNG PO DAR GCIG TU BRJOD DU MED PA DANG, CI'I PHYIR PHUNG PO DANG THA DAD PAR YANG BRJOD DU MED PA'I GTAN TSIGS DANG, DGOS PA SMRA DGOS SO ZHES BYA BA'I DON TO, ,CI'I PHYIR ZHE NA ZHES BYA BA NI GANG ZAG TU SMRA BA RNAMS LA 'DRI BA STE, GANG ZAG DANG PHUNG PO GCIG PAR YANG MI BRJOD, THA DAD PAR YANG MI BRJOD PA'I DGOS PA CI'I PHYIR SMRA DGOS SHE NA ZHES BYA BA'I DON TO, ,DE'I LAN DU, GCIG DANG THA DAD MI BRJOD NA, ,DGOS PA MED PAR MI RUNG NGO, ,ZHES SMOS TE, JI LTAR PHUNG PO DANG GANG ZAG TU RANG BZHIN GCIG PAR YANG MI BRJOD NA NI CI'I PHYIR GCIG PAR MI BRJOD PA'I DGOS PA DANG GTAN TSIG MED DU MI RUNG NGO, ,GAL TE THA DAD PAR YANG MI BRJOD NA NI CI'I PHYIR THA DAD PAR MI BRJOD PA'I DGOS PA DANG GTAN TSIGS SMRA DGOS TE, DGOS PA DANG GTAN TSIGS MED PA NI GANG ZAG RDZAS SU YOD PAR MI 'GRO'O, ,GZHAN YANG GAL TE, PHUNG PO DANG GANG ZAG GCIG PAR YANG MI BRJOD NA NI GANG NA GCIG PAR MI BRJOD PAR DE NA THA DAD PAR 'GYUR TE, DPER NA ME DANG CHU GNYIS THA @167A *, ,DAD PAS NA GCIG PAR MI BRJOD PA BZHIN TE, DE LTA NA NI PHUNG PO DANG GANG ZAG THA DAD PAR 'GYUR RO, ,GAL TE PHUNG PO DANG GANG ZAG THA DAD PAR MI BRJOD NA NI GCIG PAR 'GYUR TE, DPER NA ME DANG ME'I TSA BA GNYIS GCIG PAS NA THA DAD PAR MI 'GYUR BA BZHIN TE, DE LTA NA NI PHUNG PO DANG GANG ZAG GCIG PA NYID DU 'GYUR GYI, GCIG PA MA YIN TE, THA DAD DO ZHES BYA BA'I TSIG MI 'GRUB BO, ,CI STE DPE TZAM GYI PHYIR GANG ZAG MI BRJOD PAR 'DOD DE ZHES BYA BA LA, GAL TE GANG ZAG TU SMRA BA RNAMS 'DI SKAD DU ZER TE, GANG ZAG RDZAS SU YOD LA, PHUNG PO DANG GCIG PAR YANG MI BRJOD, THA DAD PAR YANG MI BRJOD PA DNGOS SU 'DI 'DRA ZHES NI BSTAN DU MI RUNG GI ,'JIG RTEN NA RDZAS SU YOD LA GCIG PAR YANG MI BRJOD, THA DAD PAR YANG MI BRJOD PA DE BZHIN DU, GANG ZAG 'DI YANG RDZAS SU YANG YOD LA PHUNG PO DANG GCIG PAR YANG MI BRJOD, THA DAD PAR YANG MI BRJOD PAR BDAG CAG 'DOD DO ZHES ZER RO, ,DPE GANG YIN PA BSTAN PA'I PHYIR SMRAS BA, DPER NA ME DANG SREG PA GYIS THA DAD PAR YANG MA YIN, THA MI DAD PAR YANG AM YIN PAR BRJOD PA BZHIN NO ZHES BYA BA SMOS TE, BSREG PA NI SHING LA BYA'O, ,'DI LTAR ME DANG SHING GNYIS RDZAS SU YOD KYANG, ME DANG SHING GNYIS THA DAD PA MA YIN TE, GANG GI PHYIR SHING LAS ME 'BYUNG BA NA ME DANG SHING GNYIS THA DAD PA MA YIN NO, ,GAL TE ME DANG SHING GNYIS THA DAD NA NI SHING MED PAR YANG ME 'BYUNG BAR 'GYUR TE, SHING MED PAR ME 'BYUNG BA MA MTHONG BAS DE BAS NA THA DAD PA MA YIN NO, ,ME DANG SHING GNYIS THA MI DAD CING GCIG PA YANG MA YIN TE, SHING NI ME'I RGYU YIN LA, TSA BA'I RANG BZHIN MED PA YIN LA, ME NI SHING GI 'BRAS BU YIN TE, TSA BA'I RANG BZHIN CAN YIN PAS RANG BZHIN GCIG PA YANG MA YIN TE, GAL TE RANG BZHIN GCIG NA NI ME LA REG NA 'TSIG PAR 'GYUR BA BZHIN DU SHING LA REG NA YANG TSIG PAR 'GYUR BA'I SKYONG DU 'GYUR BA DANG, SHING LA REG NA MI 'TSIG PA BZHIN DU ME DANG SHING GNYIS RANG BZHIN GCIG PAS ME LA REG NA YANG MI 'TSIG PA'I SKYON DU 'GYUR RO, ,DE YANG 'DRA BAR GANG ZAG RDZAS SU YOD LA PHUNG PO GCIG PA @167B ZHES KYANG MI BRJOD, THA DAD PAR YANG MI BRJOD DO ZHES SMRA'O, ,YANG DE LA 'DI SKAD CES BRJOD PAR BYA'O ZHES BYA BA LA, GANG ZAG TU SMRA BA RNAMS DE SKAD DU SMRA BA LA, 'DI SKAD DU LAN GDAB PAR BYA'O ZHES BYA BA'I DON TO, ,ME DANG BSREG PA MI BRJOD PA'I MTSAN NYID 'JIG RTEN MTHONG BA DANG; GTZUG LAG LAS KYANG MI RUNG STE, NYE BAR DMIGS PA GNYIS SU'O ZHES BYA BA LA, KHYED KYI ME DANG SHING GNYIS GCIG PAR MI BRJOD, THA DAD PAR YANG MI BRJOD CES SMRAS PA DE MI RIGS TE, CI'I PHYIR ZHES ME DANG SHING GNYIS THA DAD PA'I PHYIR, THA DAD PA MA YIN PAR YANG MI RUNG NGO; ,JI LTAR THA DAD CE NA, MTSAN NYID THA DAD PAS THA DAD PA DANG, 'JIG RTEN PA DAG GIS MTHONG BAS NA THA DAD PA DANG GTZUG LAG LAS ME DANG SHING GNYIS GCIG PAR MA BSHAD KYI, THA DAD PAR BSHAD PAS NA THA DAD PA'I PHYIR GCIG TU MI RUNG BA DANG, NYE BAR DMIGS PA'I TSAD MAS KYANG THA DAD PA DANG GNYIS SU DMIGS PA'I PHYIR YANG THA DAD DO ZHES BYA BA'I DON TO, ,GCIG PA DANG THA DAD PAR MI RUNG STE ZHES BYA BA LA, ME DANG SHING GNYIS GCIG PA MI RUNG STE, THA DAD PAR 'GYUR RO ZHES BYA BA'I DON TO, ,MTSAN NYID THA DAD PA'I DON BSTAN PA'I PHYIR ME ZHES BYA BA NI ME'I KHAMS SO; ,SREG PA NI 'BYUNG BA LHAG MA RNAMS TE, DE DAG GI MTSAN NYID THA DAD PAS ME DANG SHING DU THA DAD DO ZHES SMOS TE 'BYUNG BA CHEN PO BZHI LAS, ME ZHES BYA BA NI ME'I KHAMS LA BYA STE, DE NI TSA BA'I MTSAN NYID DO, SHING ZHES BYA BA NI SA DANG CHU DANG RLUNG GI KHAMS GSUM LA BYA STE, DE LA SRA BA'I MTSAN NYID NI SA'I KHAMS SO, ,SDUD PA'I MTSAN NYID NI CHU'I KHAMS SO, ,G-YO BA NI RLUNG GI KHAMS SO, ,DE LTAR NA ME DANG SHIG GNYIS MTSAN NYID THA DAD PAS ME DANG SHING THA DAD PA ZHES BYA'O, ,'JIG RTEN NA ME DANG SHING THA DAD PAR MTHONG BA BSTAN PA'I PHYIR, 'JIG RTEN NA YANG ME MED PAR BSREG SHING LA SOGS PA DANG, BSREG PA MED PAR ME YANG MTHONG STE THA DAD PAR GRUB BO ZHES SMOS TE, 'JIG RTEN NA YANG ME DANG SHING GNYIS THA DAD PAR MTHONG GI GCIG PAR MA MTHONG STE, 'DI LTAR SKABS 'BA' ZHIG TU ME MED PAR SHING 'BA' ZHIG YOD PAR MTHONG STE, GANG GI TSE SHING @168A *, ,DANG ME 'BREL PA'I TSE'O, ,DUS KHA CIG TU NI SHING MED PAR ME 'BA' ZHIG 'BYUNG BAR MTHONG STE, SHING MED PAR ME 'BYUNG BA'I DON NI PHYIS BRJOD PAR BYA'O, ,DE LTAR 'JIG RTEN PA DAG GIS KYANG ME DANG SHING THA DAD PAR MTHONG BAS NA DE GNYIS GCIG PA MA YIN TE THA DAD PAR GRUB BO, , GTZUG LAG LAS ME DANG SHING GNYIS GCIG PAR YANG MA BSHAD KYI, THA DAD PAR BSTAN PA'I PHYIR, GTZUG LAG LAS KYANG BCOM LDAN 'DAS KYIS GANG DU YANG ME DANG BSREG PA BRJOD DU MED PAR MA GSUNGS SO ZHES SMOS TE, MNGON PA'I CHOS 'BUM GYI GZHUNG LAS KYANG, BCOM LDAN 'DAS KYIS ME DANG SHING GNYIS GCIG PAR YANG BRJOD DU MED, THA DAD PAR YANG BRJOD DU MED PAR NI MA GSUNGS KYI, SHING DANG ME GNYIS THA DAD PA NYID DU BKA' STZAL TE, JI LTAR ZHE NA, ME NI TSA BA'I RANG BZHIN NO, ,SA NI SRA BA'I RANG BZHIN NO, ,CHU NI GSHER BA'I RANG BZHIN NO, ,RLUNG NI G-YO BA'I RANG BZHIN NO ZHES BKA' STZAL PA'I PHYIR RO, ,DE BAS NA 'DI NI MI RUNG NGO ZHES BYA BA LA, GONG DU BSHAD PA'I GTAN TSIGS KYIS ME DANG GNYIS GCIG PA'I MTSAN NYID DU MI RUNG NGO ZHES BYA BA'I DON TO, ,BSREG PA MED PAR ME YOD DO ZHES BYA BA NI JI LTAR SHES SHE NA ZHES BYA BA NI GONG DU 'JIG RTEN NA SHING MED PAR YANG ME YOD DO ZHES SMRAS PA LA, SHING MED PAR ME YOD PAR JI LTAR SHES SHE NA ZHES BYA BA'I DON TO, ,DE'I LAN DU K'A RI K'A LAS NYE BAR DMIGS ZHES SMOS TE, 'JIG RTEN NA SHING MED PAR YANG ME YOD PAR MTHONG NGO ZHES BYA BA'I DON TO, ,DE NYID KYI DON DGROL BA'I PHYIR, JI LTAR RLUNG GIS ME 'PHANGS PA, RGYANG RING POR YANG 'BAR BA BZHIN DU 'GRO'O ZHES BYA BA SMOS TE, DUS KHA CIG TU SPANG NGAM, NAGS LA SOGS PA MES TSIG PA LAS RLUNG GI SHUGS KYIS ME LCE BCAD NAS RLUNG GIS 'PHANGS TE, ME LCE RGYANG RING POR SONG BA NA SHING MED PAR YANG ME 'BA' ZHIG 'BAR BAR MTHONG STE, DE BAS NA SHING MED PAR ME 'BA' ZHIG GNAS PA MTHONG NGO, ,DE STE DES NA G-YO BA RLUNG YIN NO ZHES BYA BA NI ZHES BYA BA LA GAL TE GANG ZAG TU SMRA BA RNAMS ME LCE RLUNG GIS KHYER NA NI SHING LTA BUR ME 'BAR BAR BYED PA'I RGYU NI RLUNG YIN NO ZHES SMRA NA, DE'ANG MI RIGS PAR BSTAN PA'I @168B PHYIR; GANG DE'I PHYIR ME DANG RLUNG GNYIS THA DAD PAR GRUB BO ZHES SMOS TE, DE LTAR RLUNG NI DE'I TSE ME LCE YUL GZHAN DU PHYIN PAR BYED PA'I LAS BYED PAS G-YO BA'I RANG BZHIN YIN LA, ME LCE NI TSA BA'I RANG BZHIN YIN PAS NA, DE GNYIS THA DAD PAR GRUB KYI, GCIG PA'I RANG BZHIN MA YIN NO ZHES BYA BA'I DON TO, ,CI'I PHYIR ZHE NA ZHES BYA BA NI GANG ZAG YOD PAR SMRA BA RNAMS 'DRI BA STE, RLUNG GIS ME LCE KHYER BA'I DUS NA RLUNG DANG ME LCE GNYIS JI LTAR GCIG PAR GRUB CE NA ZHES BYA BA'I DON TO, ,LAN DU GNYIS SU STE, DMIGS PA ZHES BYA BA DANG SBYAR RO ZHES SMOS TE, K'A RI K'A LAS GNYIS SU ZHES 'BYUNG GI ,DMIGS PA ZHES BYA BA NI TSIG MI 'BYUNG MOD KYI, RLUNG GIS ME LCE KHYER BA NA RNAM PA GNYIS SU DMIGS TE, RLUNG NI G-YO BAR BYED PA'I MTSAN NYID DU DMIGS LA, ME LCE LA NI DE'I TSE TSA BA'I MTSAN NYID DU DMIGS PAS NA DE GNYIS THA DAD DO ZHES BYA BA'I DON TO,, DE LTAR SAm BI TI PA DAG GANG ZAG RDZAS SU YOD PAR 'DOD PA'I LTA BA SUN PHYUNG STE BKAG GO, ,DA MU STEGS PA BDAG CES BYA BA DANG, GANG ZAG CES BYA BA YOD PAR 'DOD PA SUN PHYUNG BA'I PHYIR, GANG 'DI LTAR LTA BA PO NAS RNAM PAR RIG PA PO DANG, ZA BA PO DANG, SHES BA PO DANG GROL BA PO'I BAR DU GANG ZAG YOD DO ZHE NA ZHES BYA BA LA, MU STEGS PA DAG NI 'DI SKAD DU DA'I BDAG CES BYA BA YOD DE, GZUGS LA LTA BA'I BYA BA BYED PA NAS, CHOS LA SHES PA'I BYA BA BYED PA DANG, LAS DGE BA DANG MI DGE BA'I 'BRAS BU BDE BA DANG SDUG BSNGAL YANG BDAG DES MYONG BAS NA, LAS DGE BA DANG MI DGE BA YANG BDAG DES DA LTAR 'KHOR BA'I RNAMS KYANG BDAG DES BYED PA YIN NO, ,SEMS CAN RNAMS 'CHING BA NI RNAM PA GSUM STE, SEMS CAN DANG, RDUL DANG, MUN PA'O, ,DE LTAR SEMS CAN GYI 'CHING BA RNAM PA GSUM LAS THAR NAS GROL ZHING MYA NGAN LAS 'DAS PAR YANG BDAG DE 'GYUR TE, DE LTAR NA NGA'I BDAG DE NI BYED PA PO YIN NO ZHES DE SKAD DU ZER RO, ,BDAG BYED PA POR NI MI RIGS PAR BSTAN PA'I PHYIR, DA NI LTA BA PO NAS GROL BA PO'I BAR DU MI RUNG NGO ZHES SMOS TE, BDAG DE NI LTA BA PO'I BYA BA BYED PA NAS, GROL BA PO'I BAR GYI BYED PA POR MI RUNG STE ZHES BYA BA'I DON TO, ,JI LTAR MI RUNG BAR @169A *, ,BSTAN PA'I PHYIR, DE'ANG LTA BA PO ZHES BYA BA'I RNAM PAR SHES PA RNAMS KYI RKYEN GYI DNGOS POR BYED PAR 'GYUR BA'AM, BDAG POR 'GYUR BA BGRANG NA ZHES BYA BA SMOS TE, 'DI LTAR GZUGS LA LTA BA NI MIG GI RNAM PAR SHES PA YIN PA DANG, SGRA LA NYAN PA NI RNA BA'I RNAM PAR SHES PA YIN PA NAS, CHOS LA SHES PAR BYED PA NI YID KYI RNAM PAR SHES PA YIN NA ,GAL TE BDAG DE BYED PA POR GYUR NA, DPER NA MIG GI DBANG POS RKYEN DANG GROGS BYAS NAS MIG GI RNAM PAR SHES PA SKYE BA DE BZHIN DU, BDAG DES KYANG MIG GI RNAM PAR SHES PA SKYE BA'I RKYEN DANG GROGS BYAS NAS MIG GI RNAM PAR SHES PA GZUGS LA LTA BA'I BYA BA BYED PA BYUNG NAS MIG GI RNAM PAR SHES PA LA GZUGS KYI JI 'DRA BA 'BYUNG BA BDAG DES MTHONG BAR 'GYUR BAS NA DE LTA BU'I TSUL DU LTA BA LA SOGS PA'I BYA BA BYED PAR 'DOD DAM, 'O NA DPER NA RJE BO DANG DPON PO BRAN LA DBANG BAS, DE'I DBANG GI MTHUS BRAN RNAMS KYI DGONGS PA RNAMS RJE BO LA 'BUL BAR BYED PA BZHIN DU, MIG GI RNAM PAR SHES PA LA SOGS PA RNAM PAR SHES PA RNAMS LA BDAG DE DBANG BYED DE BDAG GI MTHUS RNAM PAR SHES PA RNAMS GZUGS LA LTA ZHING RNAM PAR SHES PA LA GZUGS JI LTAR SNANG BA BDAG DES MTHONG ZHING MYONG BAR 'GYUR BAS DE LTA BU'I SGO NAS BYED PA PO ZHES BYA GRANG NA, DE GNYIS KA LTAR YANG MI RIGS SO, ,DE LA DANG PO RNAM PAR SHES PA BSKYED PA'I RKYEN DU MI RIGS PAR BSTAN PA'I PHYIR DE LA RE ZHIG ,RNAM SHES GNYIS LA BRTEN NAS NI, ,'BYUNG PHYIR DE NI RKYEN MA YIN, ,ZHES SMOS TE, MIG GI RNAM PAR SHES PA NI GZUGS LA YANG BRTEN, MIG GI DBANG PO LA YANG BRTEN NAS RKYEN RNAM PA GNYIS LAS BYUNG BA'I PHYIR BDAG CES BYA BA GANG YIN PA NI MIG GI RNAM PAR SHES PA SKYED PA'I RKYEN MA YIN NO, ,DE CI'I PHYIR ZHE NA, DON MED PA'I PHYIR ZHES BYA BA LA, RKYEN GNYIS LAS MIG GI RNAM PAR SHES PA SKYES KYANG, BDAG DE CI'I PHYIR RNAM PAR SHES PA SKYED PA'I RKYEN MA YIN ZHE NA, 'DI LTAR SHING GIS ME BSKYED ZIN NA CHU DE'I TSE CUNG ZAD KYANG ME BSKYED MI DGOS TE, CHUS CUNG ZAD KYANG ME BSKYED PAR BYA BA BYED MI NUS PA DE BZHIN DU, GZUGS DANG MIG GNYIS KYIS MIG GI RNAM PAR @169B SHES PA SKYED ZIN NA NI DE'I TSE BDAG DES CUNG ZAD KYANG CI BYA MI DGOS TE, BDAG DE NA MED PA DANG, BDAG GIS CUNG ZAD KYANG CI MI BYED PAR 'GYUR RO, ,BDAG DE RNAM PAR SHES PA LA BDAG PO YANG BYED PAR MI RIGS PAR BSTAN PA'I PHYIR, BDAG PO YIN NA MI RTAG DANG, ,MI 'DOD PA NI 'BYUNG MI BYED, ,CES SMOS TE, GAL TE BDAG DE RNAM PAR SHES PA RNAMS LA DBANG BYED DE, RNAM PAR SHES PA LA GZUGS DANG SGRA LA SOGS PA CI SNANG CI BYUNG BA RNAMS BDAG DES MYONG BAR 'GYUR RO ZHE NA, DE LTA NA NI SEMS CAN DAG RTAG TU BDE BA 'BA' ZHIG DANG LDAN PAR 'DOD KYI, SDUG BSNGAL DANG NAM DU YANG PHRAD PAR MI 'DOD PA YIN PAS, BDE BA DANG LDAN PA'I RNAM PAR SHES PA RNAMS NI PAR 'GA' 'BYUNG, PAR 'GA' MI 'BYUNG BAR MI RTAG PA'I MTSAN NYID DU MI 'BYUNG BAR 'GYUR GYI BDE BA DANG LDAN PA'I RNAM PAR SHES PA NI RTAG TU 'BYUNG BAR BYED PA'I SKYON DU 'GYUR RO, ,MI 'DOD PA DANG MI BDE BA DANG LDAN PA'I RNAM PAR SHES PA NI NAMS KYANG 'BYUNG BAR MI BYED PA'I SKYON DU 'GYUR TE, CI'I PHYIR ZHE NA, RNAM PAR SHES PA RNAMS LA NI BDAG DE DBANG BYED LA RNAM PAR SHES PA LA BDE BA DANG SDUG BSNGAL CI 'BYUNG YANG BDAG DES MYONG BAR GYUR BAS NA, BDAG DES RTAG TU BDE BA DANG LDAN PA'I RNAM PAR SHES PA 'BA' ZHIG SKYED PAR BYED PAR 'GYUR GYI SDUG BSNGAL DANG LDAN PA'I RNAM PAR SHES PA NI NAMS KYANG 'BYUNG BAR MI BYED PAR 'GYUR RO, ,DE DAG GI DON MJUG BSDU BA'I PHYIR, DE BAS NA GNYIS KAR YANG MI SRID PA'I PHYIR ZHES BYA BA LA SOGS PA SMOS TE, DE LTAR GONG DU BSHAD PA'I RIGS PAS NA, BDAG CES BYA BA DE RNAMS PAR SHES PAR SKYED PA'I RKYEN DU YANG MI RUNG, RNAM PAR SHES PA LA BDAG PO BYED PAR YANG MI RUNG BAR BSTAN PAS NA, BDAG DE LTA BA PO BYED PAS NA, GROL BA PA'I BAR BDAG BYED PA MI RUNG NGO ZHES BYA BA'I DON TO, ,GANG ZAG YOD PAR SMRA BA LA NYES PA'I SKYON GZHAN YANG YOD PAR BSTAN PA'I PHYIR ,DE YI LAS DANG MTSAN NYID SGRUB, ,CES BYA BA SMOS TE, 'DI LTAR MIG GI DBANG PO DANG, RNAM PAR SHES PA LA SOGS PA RDZAS SU YOD NA, DE DAG LA LAS KYANG YOD MTSAN NYID KYANG YOD DO, ,DE LA MIG GI DBANG PO DANG, RNAM @170A *, ,PAR SHES PA'I LAS NI GZUGS LA LTA BA'I BYA BA BYED PA'O, ,MIG GI DBANG PO'I MTSAN NYID NI GZUGS DANG BA'O, ,MIG GI RNAM PAR SHES PA'I MTSAN NYID GZUGS SNGON PO LA SOGS PA SHES PA'I RANG BZHIN NO, ,GAL TE GANG ZAG CES BYA BA DE YANG RDZAS SU YOD PAR 'DOD NA NI GANG ZAG DE LAS CI BYED PA'I LAS KYANG SGRUB DGOS LA, GANG ZAD DE'I MTSAN NYID JI LTA BU YIN PA'I MTSAN NYID KYANG SGRUB DGOS SO, ,GAL TE DE'I LAS DANG MTSAN NYID MED NA NI DE RI BONG GI RVA DANG MO GSHAM GYI BU BZHIN DU MED PA YIN NO, ,GANG ZAG RDZAS SU YOD PAR SMRA BA LA, NYES PA'I SKYON GZHAN YANG YOD PAR BSTAN PA'I PHYIR, YANG DE RDZAS SU 'DOD NA NI, ,ZHES BYA BA SMOS TE, GAL TE GANG ZAG DE RDZAS SU 'DOD NA NI YANG NYES PA 'DI DAG 'BYUNG BAR 'GYUR RO ZHES BYA BA'I DON TO, ,NYES PA GANG DAG 'BYUNG ZHE NA, DE'I PHYIR, SANGS RGYAS BCOM LDAN 'DAS KYIS, RDZOGS PA'I BYANG CHUB GSUM LA GNOD, ,CES BYA BA SMOS TE, 'DI LTAR SANGS RGYAS ZHES BYA BA YANG JI SNYED DU YOD PA'I CHOS THAMS CAD KYI DON PHYIN CI MA LOG PAR THUGS SU CHUD PA LAS SANGS RGYAS ZHES BYA STE, DE BAS NA S'A LU LJANG PA'I MDO LAS KYANG DE LA SANGS RGYAS BCOM LDAN 'DAS GANG ZHE NA, GANG GIS CHOS THAMS CAD THUGS SU CHUD PA'I PHYIR SANGS RGYAS ZHES BYA STE, DE DANG 'PHAGS PA'I CHOS KYI SKU DANG SHES RAB KYI SPYAN GYIS, BYANG CHUB BYED PA DANG, SLOB PA DANG MI SLOB PAS CHOS GZIGS SO ZHES GSUNGS SO, ,GAL TE GANG ZAG YOD NA NI THAMS CAD MKHYEN PA DES GANG ZAG DE GZIGS PAR 'GYUR RO, ,GAL TE GANG ZAG GZIGS SHIG MKHYEN PAR GYUR NA NI CHOS RNAM PA GSUM MNGON PAR BYANG CHUB CING THUGS SU CHUD PA LA SANGS RGYAS DAR 'GYUR RO ZHES BYA BA NI MNGON PAR 'GYUR TE, DE BAS NA, RDZOGS PAR BYANG CHUB GSUM LA GNOD, ,CES BYA STE, GNOD CES BYA BA'I CHOS GSUM THUGS SU CHUD PA MED PAR ZHES BYA BA'I DON TO, ,CHOS GSUM GANG ZHE NA DE'I PHYIR, ZAB MO MNGON PAR RDZOGS PAR BYANG CHUB PA DANG, THUN MONG MA YIN PAR MNGON PAR BYANG CHUB PA DANG, 'JIG RTEN LAS 'DAS PA MNGON PAR BYANG CHUB PA'O ZHES BYA BA SMOS TE, DE LA CHOS LA BDAG @170B MED PAR THUGS SU CHUD PAS NA, ZAB MO MNGON PAR BYANG CHUB PA'O, ,GANG ZAG LA BDAG MED PAR THUGS SU CHUD PAS NA, THUN MONG MA YIN PA'I MNGON PAR BYANG CHUB PA ZHES BYA STE, SU DANG THUN MONG MA YIN ZHE NA, MU STEGS PA DAG DANG THUN MONG MA YIN PA STE, CI'I PHYIR ZHE NA, MU STEGS PA RNAMS NI BDAG YOD PAR LTA'I, GANG ZAG LA BDAG MED PAR MI LTA BA'I PHYIR RO, ,DE LTAR CHOS LA BDAG MED PA DANG, GANG ZAG LA BDAG MED PAR THUGS SU CHUD PA NYID 'JIG RTEN LAS 'DAS PAR BYANG CHUB PA ZHES BYA'O, ,'JIG RTEN PA RNAMS KYIS NI CHOS DANG GANG ZAG LA BDAG MED PAR MA RTOGS PA'I PHYIR RO, ,YANG NA KUN BRTAGS RANG BZHIN MED PAR MKHYEN PAS NA, ZAB MO MNGON PAR BYANG CHUB PA ZHES BYA'O, ,GZHAN GYI DBANG KUN BRTAGS KYI CHOS DANG, KUN BRTAGS KYI GANG ZAG GI RANG BZHIN GNYIS BRAL BA, SEMS DANG SEMS LAS BYUNG BA TZAM DU MED PA MA YIN ZHING, YOD PA TZAM DU THUGS SU CHUD PAS NA, THUN MONG MA YIN PA MNGON PAR BYANG CHUB PA ZHES BYA STE, DE LTAR MU STEGS LA SOGS PA GANG GIS KYANG MA RTOGS PAS NA THUN MONG MA YIN PA ZHES BYA'O, ,YONGS SU GRUB PA'I MTSAN NYID THUGS SU CHUD PAS NA 'JIG RTEN LAS 'DAS PA MNGON PAR BYANG CHUB PA ZHES BYA STE; YONGS SU GRUB PA'I MTSAN NYID NI 'JIG RTEN PA SU LA YANG MED PAS 'JIG RTEN LAS 'DAS PA ZHES BYA'O, ,GAL TE GANG ZAG MNGON PAR BYANG CHUB CING GANG ZAG THUGS SU CHUD PAR 'GYUR BA NI ZAB MO CI'ANG THUS SU CHUD PA MA YIN NO, ,DE CI'I PHYIR ZHE NA, 'DI JI LTAR 'DZIN PA DE NO 'JIG RTEN THAMS CAD KYIS KHONG DU CHUD PA DANG ZHES SMOS TE, GANG ZAG DANG BDAG YOD PAR NI 'JIG RTEN KUN GYIS KYANG KHONG DU CHUD PAS 'JIG RTEN LAS LHAG PAR SANGS RGYAS KYIS ZAB MO CI'ANG KHONG DU CHUD PA MED DO, ,GZHAN YANG GANG ZAG KHONG DU CHUD PA MED NA NI MU STEGS PA DANG MA 'DRES PA YAG MA YIN NO, ,CI'I PHYIR ZHE NA MU STEGS PA RNAMS MNGON PAR CHAGS PA DANG ZHES SMOS TE, MU STEGS PA RNAMS KYANG BDAG YOD PAR LTA BAS, MU STEGS PA LA LHAG PAR SANGS RGYAS KYIS THUN MONGS MA YIN PA'I CHOS GANG YANG MKHYEN PAR GYUR PA MED DO, ,GZHAN YANG GAL TE BCOM LDAN 'DAS @171A *, ,KYIS GANG ZAG THUGS SU CHUD PAR 'GYUR NA NI DE LTAR NA 'JIG RTEN MA 'ONGS PA'ANG MA YIN NO, ,CI'I PHYIR ZHE NA, 'KHOR BA YUN RING PO DANG MTHUN PA ZHES SMOS TE, SO SO'I SKYE BO RNAMS NI 'KHOR BA THOG MA MED PA NAS BDAG TU LTA BA LA ZHEN PAS NA, SANGS RGYAS BCOM LDAN 'DAS KYIS 'JIG RTEN LAS 'DAS PA GANG YANG LHAG PAR THUGS SU CHUD PA MA YIN NO, ,GANG ZAG RDZAS SU YOD PAR LTA NA NYES PA GZHAN YANG YOD PAR BSTAN PA'I PHYIR, YANG GANG ZAG NI LTA BA PO NAS RNAM PAR RIG PA PO'I BAR DU YIN NA LTA BA LA SOGS PA 'BAD PA DANG BCAS PA DANG MED PAR 'GYUR GRANG NA ZHES BYA BA SMOS TE, 'DI LTAR GANG ZAG DE LTA BA PO NAS RNAM PAR RIG PA PO'I BAR DU BYED PA YIN NA NI DE RNAM PA GNYIS SU BRTAG GO, ,JI LTA ZHE NA, 'DI LTAR DANG PO LTA BA 'DOD PA SKYE'O, ,DE NAS MIG 'BYED PA LA SOGS PA'I 'BAD PA BYAS NAS GZUGS LA LTA BA'I BYA BA BYED PAR 'DOD DAM; 'ON TE MIG 'BYED PA LA SOGS PA'I 'BAD PA MED PAR GZUGS LA LTA BA'I BYA BA BYED PAR 'DOD GRANG NA, GNYIS KA LTAR YANG MI RIGS SO, ,DE LA THANG CIG 'BAD PA DANG BCAS PA'I SGO NAS LTA BA LA SOGS PA'I BYA BA BYED PAR MI RIGS PAR BSTAN PA'I PHYIR, 'BAD PA DANG BCAS PA YIN NA YANG 'BAD PA DE YANG RANG BYUNG BA GLO BUR BA'AM, DE'I RKYEN LAS 'BYUNG BAR 'GYUR RO ZHES BYA BA SMOS TE, 'BAD PA DANG BCAS PAS GZUGS LA SOGS PA LA LTA BA'I BYA BA BYED PAR 'DOD NA YANG 'BAD PA DE LA RNAM PA GNYIS SU BRTAG STE, JI LTA ZHE NA, 'BAD PA DE RANG 'BYUNG BA STE GZUGS LA SOGS PA LA LTA BA'I BYA BA BYED PAR 'DOD GRANG NA GNYI GA LTAR MI RIGS SO, ,DE LA 'BAD PAR RANG 'BYUNG MI RIGS PAR BSTAN PA'I PHYIR, LTA BA LA SOGS PA BYED PA DE RANG BYUNG MA YIN GSUM LAS KYANG ZHES BYA BA SMOS TE, GZUGS LA LTA BA DANG SGRA LA NYAN PA LA SOGS BYED PA'I 'BAD PA DE RGYU MED PAR RANG 'BYUNG BAR YANG MI RIGS TE, CI'I PHYIR ZHE NA, 'BAD PAR 'BYUNG BAR GYUR NA NI 'OG NAS BSHAD PA LTA BU'I NYES PA GSUM 'BYUNG BA'I PHYIR TE, DE BAS NA 'BAD PA RANG BYUNG BAR MI RIGS SO, ,DE'I RKYEN LAS 'BAD PA BYUNG BA MI RIGS PAR BSTAN PA'I PHYIR BYED PA DE'I RKYEN KYANG STE, DE MA YIN ZHES BYA BA DANG SBYAR RO @171B ZHES BYA BA SMOS TE, GZUGS LA SOGS PA LTA BA'I BYA BA BYED PA'I 'BAD PA DE BDAG DES RGYU DANG RKYEN BYAS NAS 'BYUNG BA YANG MA YIN TE, CI'I PHYIR ZHE NA, MIG GI RNAM PAR SHES PA LA SOGS PA GZUGS LA LTA BA'I BYA BA BYED PA DE MIG GI DBANG PO DANG GZUGS KYI RKYEN GYIS BYUNG BA YIN PAS NA, BDAG GI RKYEN LAS GZUGS LA LTA BA'I BYA BA BYED PA'I RNAM PAR SHES PA BYUNG BA MA YIN NO ZHES SNGAR YANG SMRAS LA, PHYIS KYANG BDAG DE'I RKYEN DU MI 'GYUR BAR 'CHAD DO, ,'BAD PA MED PAR LTA BA LA SOGS PA'I BYA BA BYED PAR MI RIGS PAR BSTAN PA'I PHYIR, 'BAD PA MED PA ZHIG YIN NA NI GRUB PA YIN NO ZHES BYA BA SMOS TE, GAL TE BDAG DE GZUGS LA LTA BA'I BYA BA BYED PA'I 'BAD PA MI BYED PA NAS SGRA LA NYAN PA'I BAR GYI BYA BA BYED PA'I 'BAD PA MI BYED NA NI BDAG DE BYED PA PO MA YIN PAR GRUB BO ZHES BYA BA'I DON TO, ,JI LTAR GRUB SNYAM PA LA DE'I PHYIR, LTA LA SOGS PA BYED PA MED, ,CES BYA BA SMOS TE, 'DI LTAR BDAG DE GZUNGS LA LTA BA'I 'BAD PA YANG MED PAS NA SGRA LA SOGS PA LA NYAN PA'I 'BAD PA MED NA, BDAG DE GZUGS LA YANG MI LTA, SGRA LA SOGS PA LA YANG MI NYAN PA NAS LTA BAR BYED PA PO MA YIN PA NAS, NYAN PA LA SOGS PA'I BAR GYI BYED PA PO MI BYED PAS NA, BDAG DE LTA BA'I BYED PA PO BYED PA NAS NYAN PA'I BYED PA PO BYED PA'I BAR DU BYED PA'I BYED PAR JI LTAR 'GYUR TE MI 'GYUR RO ZHES BYA BA'I DON TO, ,GSUM GYI PHYIR ZHES BYA BA'I NYES PA GSUM PO GANG GI PHYIR ZHES BYA BA LA GONG DU GAL TE 'BAD PA GLO BUR DU BYUNG STE, RGYU MED PA LAS BYUNG BAR GYUR NA NYES PA RNAM PA GSUM 'BYUNG NGO ZHES GLENG BA LAS NYES PA RNAM PA GSUM PO GANG YIN ZHE NA ZHES BYA BA'I DON TO, ,NYES PA RNAM PA GSUM PO BSTAN PA'I PHYIR, BYED PA MA YIN MI RTAG DANG, ,CIG CAR RTAG TU 'JUG PA'I PHYIR, ,ZHES BYA BA SMOS TE, NYES PA GSUM NI BDAG BYED PA PO MA YIN PA'I NYES PA DANG, 'BAD PA LA SOGS PA'I BYED PA YANG MI RTAG PAR 'GYUR GYI, RTAG PAR 'GYUR BA'I NYES PA DANG, 'BAD PA RTAG PAR GYUR PAS CIG CAR 'BYUNG BA DANG, RTAG TU 'BYUNG BA'I NYES PAR 'GYUR TE, DON DE DAG GI BAR DU DBYE BA ZHIG TU NI 'GREL BA'I SKABS SU BSTAN TO, ,DE BAS NA LTA BA LA SOGS PA'I @172A *, ,BYED PA NI RANG 'BYUNG BAR YANG MI RIGS ZHES BYA BA SMOS TE, BYED PAR BYUNG BAR GYUR NA NI NYES PA RNAM PA GSUM YOD PAR 'GYUR BAS, LTA BA LA SOGS PA'I BYED PA DE RANG BYUNG NGO ZHES BYA BA YANG MI RIGS SO ZHES BYA BA'I DON TO, ,GAL TE LTA BA LA SOGS PA LA BYED PA GLO BUR DU BYUNG NA NI LTA BA LA SOGS PA DE DAG ,GANG ZAG BYED PA MA YIN NA, ,ZHES BYA BA LA, GAL TE LTA BA'I BYA BA BYED PA NAS SHES PA'I BYA BA BYED PA'I BAR DE DAG GI GLO BUR DU BYUNG STE, RGYU GANG LAS KYANG BYUNG BA MA YIN NA NI DE LTA NA GANG ZAG DANG GANG GIS LTA BA'I BYA BA BYED PA YANG MA BYAS PA BSKYED PA NAS, NYES PA'I BYA BA BYED PA'I BAR DAG GANG YANG GANG ZAG GIS MA BYAS MA BSKYED PA NA, GANG ZAG DE LTA BA'I BYA BA BYED PA PO MA YIN PAS NA, SHES PA'I BYA BA BYED PA PO MA YIN PA'I BAR DU BYED PA PO MA YIN PAR 'GYUR RO, ,GLO BUR YIN NA NI LTOS PA MED PA'I PHYIR BYED PA NAM YANG MED PAR MI 'GYUR TE, MI RTAG PA MED PAR 'GYUR RO ZHES BYA BA LA, GAL TE LTA BA LA SOGS PA'I BYA BA BYED PA 'DI GLO BUR DU BYUNG GI, ,RGYUS BSKYED PA MA YIN NA NI GANG RGYU LA LTOS PA DE DAG RGYU YOD NA NI SKYE LA, RGYU MED NA NI MI SKYE BAS BAR 'GA' MED PAR MI 'GYUR GYI, RGYU MED PA'I CHOS RNAMS NI RGYU RKYEN LA LTOS PA MED PAS NA, LTA BA LA SOGS PA'I BYED PA 'DI NAM YANG MED PAR MI 'GYUR GYI, DUS THAMS CAD DU LTA BA LA SOGS PA'I BYA BA BYED PA DANG LDAN PAR 'GYUR RO, ,DE LTAR GYUR NA NI LTA BA LA SOGS PA'I BYA BA BYED PA 'DI MI RTAG PAR MI 'GYUR GYI, RTAG PA'I MTSAN NYID DU 'GYUR RO, ,BYED PA RTAG NA NI LTA BA LA SOGS PA CIG CAR RAM, RTAG TU 'BYUNG BA'I NYES PAR 'GYUR, ,ZHES BYA BA LA, GAL TE LTA BA LA SOGS PA'I BYED PA 'DI RTAG PA'I MTSAN NYID YIN PAR 'GYUR NA NI LTA BA LA SOGS PA'I BYA BA BYED PA CIG CAR DU THAL ZHES BYA BA'AM, DUS THAMS CAD DU RTAG TU 'BYUNG BA'I NYES PAR 'GYUR RO, ,CI'I PHYIR ZHE NA, MI RTAG PA'I CHOS LA NI CIG CAR MI 'BYUNG GI ,KHA CIG 'BYUNG KHA CIG MI 'BYUNG BAR 'GYUR BA DANG, BAR 'GA' 'BYUNG, BAR 'GA' MI 'BYUNG BAR MI 'GYUR GYI, RTAG PA'I CHOS LA NI RNAM PA DU MAR GZHAG TU MED PAS NA, NAM MKHA' BZHIN DU THOG THAG TU KHYAB PAR 'BYUNG BA DANG, DUS THAMS CAD DU 'BYUNG BA'I SKYON @172B DU 'GYUR RO, ,DE LTA BAS NA LTA BA LA SOGS PA'I BYED PA 'DI GLO BUR DU 'BYUNG ZHES BYA BAR YANG MI RIGS SO, ,BDAG DE LTA BA LA SOGS PA'I BYED PA'I RKYEN DU YANG MI RIGS PAR BSTAN PA'I PHYIR, DE BZHIN GNAS DANG ZHIG PA LAS, ,SNGA NA MED CING MI RTAG PHYIR, ,GSUM PA'I PHYOGS KYANG MED PAS NA, ,RKYEN DU YANG NI MI RUNG NGO, ,ZHES SMOS TE, 'DI LTAR BDAG NI LTA BA LA SOGS PA'I BYA BA BYED PA'I RGYU DANG RKYEN DU YANG MI RUNG NGO, ,CI'I PHYIR ZHE NA, GAL TE BDAG DE LTA BA LA SOGS PA'I RGYU DANG RKYEN BYED NA, BDAG DE RTAG PA ZHIG YIN TE, RTAG PA DES RKYEN BYED DAM, GAL TE BDAG MI RTAG PA ZHIG YIN TE MI RTAG PA DES RKYEN BYED DAM, YANG NA BDAG DE RTAG PA YANG MA YIN MI RTAG PA YANG MA YIN TE, DE LTA BUS LTA BA LA SOGS PA'I RKYEN BYED GRANG NA GSUM CHAR LTAR YANG MI RIGS SO, ,JI LTAR MI DMIGS SHE NA, BDAG DE DE BZHIN DU GNAS TE RTAG PA ZHIG YIN NA NI RGYU RTAG PA LAS BYUNG BA'I 'BRAS BU RNAMS PAR 'GA' 'BYUNG, BAR 'GA' MI 'BYUNG BAR MI RIGS KYI, DUS THAMS CAD DU 'BYUNG BAR 'GYUR BA'I PHYIR NAM MIG BLTAS PA'I TSE NA NI LTA BA'I BYA BA BYED PA YOD LA, MA BLTAS PA'I SNGA ROL NA LTA BA'I BYA BA BYED PA MED PAR MI 'GYUR TE, DE'I SNGA ROL NA YANG LTA BA'I BYA BA BYED PA YOD PAR 'GYUR BAS SNGA MA MED PAR MI 'GYUR RO, ,GAL TE BDAG DE MI RTAG PAR TE ZHIG PA'I RANG BZHIN YIN PA LA LTA BA LA SOGS PA'I RKYEN BYED DO ZHES ZER NA NI DE LTA NA BDAG DE MI RTAG PAR 'GYUR BA'I PHYIR RTAG PAR KHAS BLANGS PA DON MED DO, ,RTAG PA DANG MI RTAG PA'I PHYOGS LA MA GTOGS PA RTAG PA YANG MA YIN MI RTAG PA YANG MA YIN PAR GZHAG PA'I PHYOGS GSUM PA GANG YANG MED DO, ,CI'I PHYIR ZHE NA, RTAG PA DANG MI RTAG PA GNYIS 'GAL BA'I CHOS YIN PAS GANG NA RTAG PA YOD PA DE NA MI RTAG PA MED DO, ,GAR NA MI RTAG PA YOD PA DE NA RTAG PA MED DE, DE BAS NA CHOS GCIG LA RTAG PA YANG MA YIN MI RTAG PA YANG MA YIN PAR RNAM PA GNYIS SU GZHAG TU MI RUNG NGO, ,YANG RTAG PA MA YIN NA NI MI RTAG PAR 'GYUR TE, MI RTAG PA'I SKYON YANG SNGAR SMRAS ZIN TO, ,MI RTAG PA MA YIN NA NI RTAG PAR 'GYUR TE, RTAG PA'I SKYON YANG SNGAR SMRAS ZIN TO, ,DE STE YANG GANG ZAG GI RKYEN GYIS @173A *, ,BYED PA BYUNG NA YANG DE DE BZHIN DU GNAS PA RKYEN DU MI RUNG STE, SNGA NA MED PA'I PHYIR RO ZHES BYA BA LA, 'DI LTAR GANG ZAG GI RGYU DANG RKYEN BYAS NAS GZUGS LA LTA BA LA SOGS PA'I BYED PA 'BYUNG BAR YANG MI RIGS TE, CI'I PHYIR ZHE NA, GANG ZAG NI DE BZHIN DU RTAG PAR GNAS PA YIN PAS, JI LTAR MIG PHYE BA'I DUS NA GZUGS MTHONG BA DE BZHIN DU MIG MA PHYE BA'I TSE NA YANG GZUGS MTHONG BAR 'GYUR BA'I RIGS NI MIG MA PHYE BA'I SNGA ROL NA GZUGS MTHONG BA MED DE, PHYIS GZUGS GDOD MTHONG BAS NA GANG ZAG BYED PA'I RGYU RKYEN DU 'GYUR BA'I PHYIR MI RIGS SO, ,DON DE NYID BSTAN PA'I PHYIR, DE'I RKYEN LAS BYUNG BA YIN NA NI GANG ZAG RNAMS KYANG MED PAR MI 'GYUR BAS GANG GI TSE SKYES PA NA BYED PA SNGA NA CI'I PHYIR MED PAR 'GYUR ZHES SMOS TE GANG ZAG GI RKYEN LAS GZUGS LA LTA BA LA SOGS PA BYED PA BYUNG BA YIN NA NI DE LTA NA NI GANG ZAG NAMS KYANG MED PA YIN TE, GANG ZAG RTAG PAR YOD PAS GZUGS LA LTA BA LA SOGS PA'I BYED PA YANG NAMS KYANG MED PAR MI 'GYUR GYI, DUS THAMS CAD DU YOD PA'I RIGS NA DE LTAR NI MI 'GYUR GYI GANG GI TSE MIG PHYE NAS GZUGS LA BLTAS PA DE'I TSE 'BA' ZHIG NA GZUGS LA LTA BA'I BYED PA SKYED KYI DE'I SNGA ROL NA CI'I PHYIR MI SKYE STE, DE'I SNGA ROL NA YANG GZUGS LA LTA BA'I BYA BA BYED PA'I SKYE BA'I RIGS NA, SNGAR MA SKYES PA'I PHYIR GANG ZAG RKYEN DU MI RIGS SO, ,'DI LTAR BAR 'GA' SKYE, BAR 'GA' MI SKYE NA NI RGYU RTAG PA LAS BYUNG BAR MI RIGS SO, , ZHIG PA YANG RKYEN DU MI RUNG STE, MI RTAG PA'I PHYIR RO ZHES BYA BA LA, GANG ZAG 'JIG CING MI RTAG PA'I RANG BZHIN YANG RKYEN DU MI RUNG STE, CI'I PHYIR ZHE NA, GANG ZAG NI GZHAN DAG GIS RTAG PA'I RANG BZHIN YIN PAR KHAS BLANGS PAS GANG ZAG MI RTAG PAR 'GYUR BA'I PHYIR RTAG PAR KHAS BLANGS PA'I DON MED DO, ,GANG GNAS PA YANG MA YIN ZHIG PA YANG MA YIN PAR 'GYUR BA'I PHYOGS GSUM PO GANG YANG MED PA NAS ZHES BYA BA LA, GONG DU RTAG PA YANG RKYEN DU MI RUNG BAR BSHAD, MI RTAG PA YANG RKYEN DU MI RUNG BAR BSHAD PA'I PHYIR NA RTAG PA YANG MI YIN MI RTAG PA YANG @173B MA YIN PA'I PHYOGS GSUM DU GZHAG PA NI MED DE, DNGOS PO GCIG LA RTAG PA YANG MA YIN, ,MI RTAG PA YANG MA YIN ZHES GNYIS SU GZHAG TU MI RUNG LA, RTAG PA MA YIN NA NI MI RTAG PA'I PHYOGS SU LTUNG, MI RTAG PA MA YIN NA NI RTAG PA'I PHYOGS SU LTUNG BAS PHYOGS DE YANG SNGAR SU NA PHYUNG ZIN TO, ,DE LTAR GCIG PA LA BRTEN TE RDZAS SU GANG ZAG MI DMIGS SO ZHES BYA BA LA 'DI MAN CHAD MNGON SUM GYI TSAD MA DANG RJES SU DPAG PA'I TSAD MAS GANG ZAG RDZAS SU MED PAR BSGRUBS NAS DA NI LUNG GI TSAD MAS KYANG GANG ZAG RDZAS SU MED PAR SGRUB BO, ,CHOS RNAMS THAMS CAD BDAG MED DE, ,DAM PA'I DON DU STONG PA'O, ,BDAG TU DMIGS PA NYES PAR YANG, ,GANG PHYIR DE YANG BSHAD PAS SO, ,ZHES BYA BA LA, LUNG LAS KYANG GANG ZAG RDZAS SU MED PAR BSHAD DE, LUNG LAS SHE NA, CHOS KYI MDO BZHI LAS, 'DUS BYAS THAMS CAD MI RTAG PA DANG, 'DUS BYAS THAMS CAD SDUG BSNGAL BA DANG, CHOS THAMS CAD BDAG MED PA DANG, ZHI BA MYA NGAN LAS 'DAS PA'O ZHES 'BYUNG BA'I NANG NAS 'DUS BYAS THAMS CAD DANG 'DUS MA BYAS KYI CHOS THAMS CAD LA BDAG MED DO ZHES GSUNGS SO, ,NYAN THOS KYI MDO SDE DON DAM PAR STONG PA ZHES BYA BA LAS KYANG, CHOS THAMS CAD DON DAM PAR STONG NGO ZHES BKA' STZAL TO, ,NYAN THOS KYI GZHUNG GCIG LAS BRTZAMS PA DANG, LUNG RING PO ZHES BYA BA LA SOGS PA GZHUNG MANG DU YOD PA LAS LUNG RING PO'I GZHUNG GI NANG NAS CHOS GCIG LAS BRTZAMS PA DANG, GNYIS LAS BRTZAMS BA DANG, GSUM LAS BRTZAMS PA DANG, BZHI LAS BRTZAMS PA DANG, LNGA LAS BRTZAMS PA'I CHAR GYI NANG NAS LNGA LNGAS LAS BRTZAMS PA'I LNGA PHRUGS BSHAD PA'I SKABS SU, GANG GI PHYIR BDAG TU BLTAS NA NYES PA RNAMS PA LNGA 'BYUNG NGO ZHES GSUNGS TE, DE BAS NA GANG ZAG RDZAS SU YOD PA MA YIN NO, ,LAS KYANG YOD RNAM PAR SMIN PA YANG YOD DE ZHES BYA BA LA, LAS YOD PA NI LAS DGE BA DANG MI DGE BA BYAS PA YOD PA'O, ,RNAM PAR SMIN PA YOD PA NI 'BRAS BU BDE BA DANG SDUG BSNGAL MYONG BAR 'GYUR BA YOD PA'O, ,CHOS KYI THA SNYAD MA GTOGS PAR, , @174A *, ,ZHES BYA BA LA SOGS PA LA MA RIG PA'I RKYEN GYIS 'DU BYED NAS, SKYE BA'I RKYEN GYIS RGA SHI LA SOGS PA RTEN CING 'BREL TE 'BYUNG BA YAN LAG BCU GNYIS TSUL GYIS 'KHOR BAR SKYE BA NI CHOS KYI THA SNYAD CES BYA STE, DE LTA BU'I TSUL GYIS SKYE BA MA GTOGS PA'I PHUNG PO 'DI 'DOR ZHING PHUNG PO GZHAN LEN PA'I PHUNG PO DAG NI MED DO ZHES BKA' STZAL TO, ,BDAG TU LTA BA DANG, SROG TU LTA BA YIN ZHES BYA BA LA GANG ZAG RDZAS SU YOD PAR KHAS BLANGS NA, BDAG DANG BDAG GI MED PA'I PHUNG PO LA BDAG DANG SROG TU LTA BAR 'GYUR TE, 'DI NI NYES PA RNAM PA GCIG GO, , MU STEGS CAN RNAMS DANG BYE BRAG MED PA ZHES BYA BA LA, 'DI LTAR MU STEGS PA RNAMS KYANG BDAG DANG GANG ZAG YOD PAR LTA BA LA, GANG ZAG RDZAS SU YOD PAR LTA BA 'DI'ANG BDAG DANG GANG ZAG TU LTA BAS MU STEGS PA RNAMS DANG GANG ZAG TU LTA BAR KHYAD PAR MED DE, 'DI LTAR NYES PA RNAM PA GNYIS SO, , LAM LOG PAR ZHUGS PA YIN ZHES BYA BA LA, MYA NGAN LAS 'DAS PA DANG, THAR PA'I LAM NI 'DU BYED THAMS CAD MI RTAG PA DANG, SDUG BSNGAL BA DANG, STONG PA DANG, BDAG MED PAR BSGOM PA YIN NA, GANG ZAG TU LTA BA 'DIS BDAG DANG GANG ZAG TU BLTAS PAS LAM LOG PAR ZHUGS PA YIN TE, 'KHOR BA DANG NGAN SONG DU SKYE BA'I LAM DU ZHUGS PA YIN ZHES BYA BA'I DON TO, ,'DI NI NYES PA RNAM PA GSUM MO, ,STONG PA NYID LA DE'I SEMS MI 'JUG CES BYA BA LA, STONG PA NYID NI BDAG DANG BDAG GI MED PA'I CHOS TE GANG ZAG RDZAS SU YOD PAR BLTAS PAS STONG PA NYID LA DE'I SEMS MI 'JUG PA ZHES BYA'O, ,MI 'JUG PA NYID BSTAN PA'I PHYIR, MI DAD MI GNAS MI MOS PA DANG ZHES BYA BA SMOS TE NYAN PA'I DUS NA DAD PA MED PAS NA MI DAD PA'O, ,SEMS PA'I DUS NA RTOGS PA MI 'BYUNG BAS PA RNAM PA LNGA PA STE, DE LTAR LUNG GI TSIGS RIGS PA DANG, BAR MI 'BYUNG BAS NA MI MOS PA ZHES BYA STE, 'DI NI NYES PA RNAM PA BZHI'O, ,DE'I 'PHAGS PA'I CHOS RNAM PAR BYANG BAR MI 'GYUR ZHES BYA BA LA DE'I ZHES BYA BA NI GANG ZAG RDZAS SU YOD PAR SMRA BA'I GANG ZAG TU LTA BA DE ZHES BYA BA'I DON TO, ,'PHAGS PA'I CHOS NI MTHONG BA'I LAM DANG BSGOM PA'I LAM LA BYA STE, MTHONG BA'I LAM DANG @174B BSGOM PA'I LAM LA BRTEN NAS, MTHONG BA DANG BSGOM PAS NAS NYON MONGS PA CHEN PO LADE STE GANG ZAG MED BA ZHIG YIN NA NI CI'I PHYIR BCOM LDAN PA SRANGS TE MYA NGAN LAS 'DAS PA MNGON SUM DU THOB PA MI 'BYUNG BAS NA 'PHAGS PA'I CHOS RNAM PAR BYANG BAR MI 'GYUR RO ZHES BYA BA'I DON TO, ,'DI NI NYES PA RNAM PA LNGA PA STE, DE LTAR LUNG GI TSIGS RIGS PA DANG, SBYAR NA YANG GANG ZAG RDZAS SU YOD PAR MI RUNG NGO, ,BCOM LDAN 'DAS KYIS DE DANG DER ZHES BYA BA LA SOGS PA NI GANG ZAG TU SMRA BA'I RNAMS YANG RGOL BA'I TSIG STE, 'DI LTAR BCOM LDAN 'DAS KYIS MDO SDE DE DANG DE DAG GI NANG NAS KUN SHES PA'I GANG ZAG DANG, SHES PAR BYED PA'I GANG ZAG DANG, KHUR PHOR BA'I GANG ZAG DANG, DAD PA'I RJES SU 'BRANG BA'I GANG ZAG DANG, CHOS KYI RJES SU 'BRANG BA'I GANG ZAG CES BYA BA LA SOGS PA GANG ZAG RNAM PA MANG PO BSHAD DE, DE STE GANG ZAG MED PA ZHIG YIN NA NI CI'I PHYIR BCOM LDAN 'DAS KYIS GANG ZAG GI RNAM GRANGS MANG POR BSHAD CING BKA' STZAL, GAL TE GANG ZAG RDZAS SU MED NA NI BCOM LDAN 'DAS KYIS GANG ZAG GI RNAM GRANGS BKA' STZAL BAR MI 'GYUR NA, BCOM LDAN 'DAS KYIS BKA' STZAL CING BSHAD PAS NA LUNG LAS 'BYUNG BA'I PHYIR GANG ZAG RDZAS SU YOD CES RGOL LO, ,DE SKAD DU RGOL BA LA GANG ZAG RDZAS SU YOD PA'I PHYIR BCOM LDAN 'DAS KYIS GSUNGS PA NI MA YIN GYI, GANG ZAG CES BYA BA MING DU BTAGS PA'I SGO NAS KUN NAS NYON MONGS PA'I CHOS DANG RNAM PAR BYANG BA'I CHOS LA THA SNYAD DU BYA BA'I PHYIR GANG ZAG MING DU BTAGS SO ZHES BSTAN PA'I PHYIR, KUN NAS NYON MONGS RNAM PAR BYANG, , GNAS DANG CHAD PA THA DAD PA, ,'JUG DANG RGYUD KYANG THA DAD PAR, ,GANG ZAG GIS NI SHIN TU BSTAN, ,ZHES BYA BA SMOS TE GAL TE GANG ZAG CES BYA BA'I MING DANG THA SNYAD MA BTAGS NA NI KUN NAS NYON MONGS PA THA DAD PA DANG, RNAM PAR BYANG PA THA DAD PA DANG, GNAS PA THA DAD PA DANG, CHAD PA THA DAD PA DANG, 'JUG PA THA DAD PA DANG, RGYU THA DAD PA DAG BSTAN DU MI RUNG GI ,DE DAG THA DAD PAR BSTAN PA YANG, GANG ZAG TU BTAGS PA'I MING GI SGO NAS DE DAG BSTAN PAR MI NUS TE, GANG ZAG RDZAS SU MED KYANG GANG ZAG MED DU BTAGS SO, ,DE LA KUN NAS NYON MONGS PA'I CHOS DANG, @175A *, ,LDAN NA KUN NAS NYON MONGS PA'I DUS NA NI KUN NAS NYON MONGS PA DANG BCAS PA'I GANG ZAG CES BYA'O, ,RNAM PAR BYANG BA'I CHOS DANG LDAN PA NI DE'I DUS NA RNAM PAR BYANG BA DANG LDAN PA'I GANG ZAG CES BYA'O, ,DE LA KUN NAS NYON MONGS PA LA YANG GNAS RNAM PA MANG STE, KUN NAS NYON MONGS PA CHUNG NGU LA GNAS PA DANG, KUN NAS NYON MONGS PA 'BRING PO LA GNAS PA DANG, KUN NAS NYON MONGS PA CHEN PO LA GNAS PA'O, ,DE LA KUN NAS NYON MONGS PA CHUNG NGU LA GNAS PA NA GANG ZAG 'DI NI 'DOD CHAGS CHUNG NGU ZHES GDAGS SO, ,KUN NAS NYON MONGS PA 'BRING LA GNAS NA NI GANG ZAG 'DI NI 'DOD CHAGS 'BRING DANG LDAN PA ZHES BYA'O, ,KUN NAS NYON MONGS PA CHEN PO LA GNAS PA'I TSE NA NI GANG ZAG 'DI NI 'DOD CHAGS CHEN PO DANG LDAN PA ZHES BYA'O, ,DE BZHIN DU ZHE SDANG LA SOGS PA LA YANG SBYAR RO, ,RNAM PAR BYANG BA'I CHOS LA YANG RNAM PAR BYANG BA CHUNG NGU LA GNAS PA DANG, RNAM PAR BYANG BA 'BRING LA GNAS PA DANG, RNAM PAR BYANG BA CHEN PO LA GNAS PA STE, RNAM PAR BYANG BA LA YANG GNAS PA THA DAD PA RNAM PA GSUM MO, ,DE LA RNAM PAR BYANG CHUB DU LA GNAS PA LA NI LAM CHUNG DU THOB PA ZHES BYA'O, ,RNAM PAR BYANG BA 'BRING LA GNAS PA LA NI LAM 'BRING PO THOB PA'I GANG ZAG CES BYA'O, ,RNAM PAR BYANG BA CHEN PO LA GNAS PA LA NI LAM CHEN PO THOB PA'I GANG ZAG CES BYA'O, ,DE LA GANG ZAG GANG CIG TU MI DGE BA'I LAS BYED PA RNAMS NI KUN NAS NYON MONGS PA'I PHYOGS SU LTUNG ZHING CHAD PA'I GANG ZAG CES BYA'O, ,GANG ZAG GANG GCIG TU DGE BA RNAMS LA NI RNAM PAR BYANG BA'I PHYOGS SU LTUNG ZHING CHAD PA'I GANG ZAG CES BYA'O, ,KUN NAS NYON MONGS PA LA SPYOD PA RNAMS LA NI KUN NAS NYON MONGS PA LA SPYOD PA'I GANG ZAG CES BYA'O, ,RNAM PAR BYANG BA LA SPYOD PA RNAMS LA NI RNAM PAR BYANG BA LA 'JUG PA'I GANG ZAG CES BYA'O, ,GANG ZAG GANG KUN NAS NYON MONGS PA LA GNAS PA'I GANG ZAG DE DAG LA NI GANG ZAG 'DI SEMS KYI RGYUD KUN NAS NYON MONGS PA DANG LDAN PA ZHES BYA'O, ,GANG ZAG GI GANG RNAM PAR BYANG BA'I CHOS LA GNAS PA DE DAG LA NI @175B GANG ZAG 'DI SEMS KYI RGYUD RNAM PAR BYANG BA'I CHOS DANG LDAN PA ZHES BYA STE, DE LTAR GANG ZAG TU GDAGS PA MED PAR CHOS DE DAG THA DAD PAR DBYE ZHING BSTAN PAR MI RUNG NGO, ,KUN NAS NYON MONGS PA DANG, RNAM PAR BYANG BA GNAS THA DAD PA DANG, CHAD PA'I BYE BRAG LA GANG ZAG BTAGS PA MED PAR 'JUG PA THA DAD PA DANG, RGYU THA DAD PAR BSTAN PA MI NUS SO ZHES BYA BA LA GAL TE GANG ZAG CES BYA BA'I MING MA BSTAN MA BTAGS PAR NI KUN NAS NYON MONGS PA DANG, RNAM PAR BYANG BA THA DAD PAR BSTAN PA DANG, KUN NAS NYON MONGS PA DANG RNAM PAR BYANG BA'I GNAS THA DAD PA DANG, GANG ZAG 'DI NI DGE BA'I BYED PAR CHAD, GANG ZAG 'DI MI DGE BA'I BYED PAR CHAD PA LA SOGS PA THA DAD PAR BSTAN PA DANG, GANG ZAG 'DI NI MI DGE BA LA 'JUG PA, GANG ZAG 'DI NI DGE BA LA 'JUG PA'I ZHES 'JUG PA THA DAD PAR BSTAN PA DANG, GANG ZAG 'DI'I SEMS KYI RGYUD KUN NAS NYON MONGS PA DANG LDAN PA'I GANG ZAG 'DI MI SEMS KYI RGYUD RNAM PAR BYANG BA DANG LDAN ZHES RGYUD THA DAD PAR BSTAN PA LA SOGS PA THA DAD PA RNAM PA MANG PO BSTAN PAR MI NUS TE, DE BAS NA THA DAD PA RNAM PA SNA TSOGS BSTAN PA'I PHYIR GANG ZAG CES BYA BA'I MING BTAGS SHING BSHAD DO, ,YONGS SU SHES PA'I MDO SDE LAS YONGS SU SHES PAR BYA BA'I CHOS NI KUN NAS NYON MONGS PA'O, ,YONGS SU SHES PAR BYED PA NI RNAM PAR BYANG BA'O ZHES BYA BA LA YONGS SU SHES PA'I MDO SDE'I NANG NAS YONGS SU SHES PAR BYA BA'I CHOS DANG, YONGS SU SHES PAR BYED PA STE RNAM PA GNYIS SU GSUNGS SO, ,DE LA SDUG BSNGAL GYI BDEN PA DANG, KUN 'BYUNG BA'I BDEN PA GNYIS LA NI YONGS SU SHES PA'I CHOS ZHES BYA STE, DE NI KUN NAS NYON MONGS PA'I PHYOGS SU BSDU'O, ,'GOG PA'I BDEN PA DANG, LAM GYI BDEN PA GNYIS LA NI YONGS SU SHES PAR BYED PA ZHES BYA STE, DE NI RNAM PAR BYANG BA'I PHYOGS SU BSDU'O, ,DE LA GAL TE GANG ZAG MA BRTAGS NA 'DI NI YONGS SU SHES PAR BYA BA'I GANG ZAG 'DI YNI YONGS SU SHES PAR BYED PA'I GANG ZAG CES GANG ZAG DE DAG GI 'JUG PA THA @176A *, ,DAD PA DANG, RGYUD THA DAD PA BSTAN CING BSHAD PAR MI RUNG STE, DE BAS NA GANG ZAG GI MING BTAGS SO, ,DE LA YONGS SU SHES PAR BYA BA'I GANG ZAG NI KUN NAS NYON MONGS PA'I PHYOGS LA ZHUGS SHING KUN NAS NYON MONGS PA'I CHOS DANG SEMS KYI RGYUD DANG LDAN PA ZHES BYA BA'O, ,YONGS SU SHES PAR BYED PA'I GANG ZAG NI RNAM PAR BYANG BA'I CHOS LA ZHUGS SHING RNAM PAR BYANG BA'I CHOS DANG SEMS KYI RGYUD DANG LDAN PA ZHES BYA'O, ,KHUR KHYER BA'I MDO LAS KYANG KHUR DANG KHUR KHYER BA NI NYON MONGS PA'O, ,KHUR BOR BA NI RNAM PAR BYANG BA'O ZHES BYA BA LA KHUR KHYER BA'I MDO SDE'I NANG NAS KYANG, KHUR KHYER BA'I GANG ZAG DANG, KHUR BOR BA'I GANG ZAG CES GANG ZAG RNAM PA GNYIS SU BSHAD DO, ,DE LA SDUG BSNGAL GYI BDEN PA LA NI KHUR ZHES BYA'O, ,KUN 'BYUNG GI BDEN PA LA NI KHUR KHYER BA'AM, KHUR LEN PA ZHES BYA STE DE GNYIS NI KUN NAS NYON MONGS PA'I PHYOGS SU GTOGS SO, ,KHUR BOR BA LA YANG RNAM PA GNYIS TE GANG DU KHUR BOR BA DANG GANG GIS KHUR BOR BA'O, ,DE LA GANG DU KHUR BOR ZHE NA 'GOG PA'I DUS SU KHUR BOR RO, ,GANG GIS KHUR BOR ZHE NA, LAM GYI BDEN PAS KHUR BOR TE, 'DI GNYIS NI RNAM PAR BYANG BA'I PHYOGS SU GTOGS SO, ,DE LA GANG GIS SDUG BSNGAL DANG KUN 'BYUNG MA SPANGS PA'I GANG ZAG RNAMS NI KHUR KHYER BA LA 'JUG CING, KHUR DANG SEMS KYI RGYUD LDAN PA, ,ZHES BYA'O, ,GANG GIS 'GOG PA'I BDEN PA DANG, LAM GYI BDEN PA THOB PA'I GANG ZAG GNYIS LA NI KHUR POR BA LA 'JUG CING KHUR BOR BA'I CHOS DANG SEMS KYI RGYUD LDAN PA ZHES BYA STE, DE LTAR DE DAG GI 'JUG PA THA DAD PA DANG SEMS KYI RGYUD THA DAD PA YANG GANG ZAG CES BYA BA'I MING BTAGS PA MED PA 'DI PA 'DI NI KHUR KHYER BA'I GANG ZAG GO, , 'DI KHUR BOR BA'I GANG ZAG GO ZHES BSTAN PAR MI NUS SO, ,BYANG CHUB KYI PHYOGS KYI CHOS RNAMS KYANG SBYOR BA DANG, MTHONG BA DANG, BSGOM PA DANG, MTHAR THUG PA'I LAM GYI BYE BRAG THA DAD PAS GNAS RNAM PA MANG STE ZHES BYA BA LA BYANG CHUB KYI PHYOGS SUM CU RTZA BDUN BSGOM PA LA @176B YANG SBYOR BA'I LAM GYI GNAS NA BSGOM PA DANG, MTHONG BA'I LAM GYI GNAS NA BSGOM PA DANG, BSGOM PA'I LAM GYI GNAS NA BSGOM PA DANG, MTHAR THUG PA'I LAM GYI GNAS NA BSGOM PA LA SOGS TE BSGOM PA'I GNAS RNAM PA MANG DU YOD DO, ,DE LA SBYOR BA'I LAM NI MOS PA SPYOD PA'I SA BZHI LA BYA STE, DE'I DUS NA BYANG CHUB KYI PHYOGS LA BSGOM PA'I CHE NA NI GANG ZAG DE MOS PA SPYOD PA'I GANG ZAG CES BYA'O, ,MTHONG BA'I LAM GYI DUS NA NI BYANG CHUB SEMS DPA' RNAMS KYIS SA DANG PO THOB PA'AM, NYAN THOS RNAMS KYIS RGYUN DU ZHUGS PA'I LAM THOB PA STE, DE'I DUS NA BYANG CHUB KYI PHYOGS KYI CHOS SUM CU RTZA BDUN LA BSGOM PA'I GANG ZAG LA NI MTHONG BA'I LAM LA GNAS PA'I GANG ZAG CES BYA'O, ,THEG PA CHEN PO'I TSUL GYIS NI SA GNYIS PA YAN CHAD BSGOM PA'I LAM YIN LA, THEG PA CHUNG NGU'I TSUL GYIS NI RGYUN DU ZHUGS PA'I 'BRAS BU THOB PA YAN CHAD BSGOM PA'I LAM LA GNAS PA ZHES BYA STE, DE'I TSE BYANG CHUB KYI PHYOGS LA BSGOM PA'I TSE NA NI BSGOM PA'I LAM LA GNAS PA'I GANG ZAG CES BYA'O, ,NYAN THOS KYI TSUL GYIS DGRA BCOM PA'I 'BRAS BU THOB PA DANG, THEG PA CHEN PO'I TSUL GYIS MNGON PAR SANGS RGYAS PA DAG NI MTHAR THUG PA'I LAM ZHES BYA STE, DE'I DUS NA BYANG CHUB KYI PHYOGS LA GNAS PA'I GANG ZAG LA NI MI SLOB PA'I GANG ZAG CES BYA STE, DE LTAR THA DAD PA RNAM PAR GZHAG PA LA YANG GANG ZAG CES BYA BA'I MING MA BTAGS PAR 'JUG PA THA DAD PA DANG, RGYUD THA DAD PAR BSTAN PAR MI NUS TE DE'I PHYIR GANG ZAG CES BYA BA'I MING BTAGS NAS BSHAD DO, ,DE'I PHYIR GANG ZAG RDZAS SU YOD PA MA YIN YANG ZHES BYA BA LA SOGS PA LA, BCOM LDAN 'DAS KYIS MDO DE DANG DE DAG GI NANG NAS GANG ZAG CES BYA BA BSHAD CING BSTAN PA YANG DGONGS PA DE DAG GI PHYIR BSHAD CING BSTAN TO ZHES BYA BA'I DON TO, ,DE LTA MA YIN NA NI GANG ZAG KYANG RDZAS SU MED LA, BCOM LDAN 'DAS KYIS GANG ZAG TU BTAGS PA RNAMS KYANG DON MED PA DANG DGOS PA MED PAR 'GYUR RO ZHES BYA BA'I DON TO, ,GAL TE GANG ZAG YOD PAR SMRA BA RNAMS 'DI SKAD DU 'DI LTAR @177A *, ,SEMS CAN RNAMS KUN SEMS KYI RGYUD LA BDAG TU LTA BA MA SKYES PA'I SEMS KYI RGYUD LA BDAG TU LTA BA SKYED PA'I PHYIR BCOM LDAN 'DAS KYIS GANG ZAG BSHAD DO ZHE NA, DE LTAR YANG MI RIGS PAR BSTAN PA'I PHYIR, DE NI BDAG TU LTA BA SKYE BA'I DON DU YANG MI RUNG STE ZHES SMOS TE, BCOM LDAN 'DAS KYIS GANG ZAG YOD DO ZHES BSHAD PA DE BDAG TU LTA BA BSKYED PA'I PHYIR BCOM LDAN 'DAS KYIS BSHAD DO ZHES BYAR YANG MI RUNG NGO ZHES BYA BA'I THA TSIG GO, ,CI'I PHYIR DE LTAR MI RUNG SNYAM PA LA GANG GI PHYIR BDAG TU LTA BA BSKYED PA MA YIN, SNGA NAS SKYES PA'I PHYIR RO ZHES BYA BA SMOS TE, SEMS CAN RNAMS KYI SEMS KYI RGYUD LA BDAG TU LTA BA BSKYED PA'I PHYIR GANG ZAG YOD DO ZHES BSHAD PA YANG MA YIN TE, CI'I PHYIR ZHE NA, BDAG TU LTA BA NI 'KHOR BA THOG MA MED PA'I DUS NAS SEMS KYI RGYUD LA SKYES ZIN PAS NA BSKYED PA'I PHYIR RO ZHES BYAR YANG MI RUNG NGO, ,GAL TE GANG ZAG TU SMRA BA RNAMS 'DI SKAD DU SEMS CAN GYI SEMS KYI RGYUD LA BDAG TU LTA BA SKYES KYANG BDAG TU LTA BA DE LA SEMS CAN GYIS GOMS PAR MI BYA STE, DE BAS NA BDAG TU LTA BA LA GOMS PA BSKYED PA'I PHYIR, BCOM LDAN 'DAS KYIS GANG ZAG BSHAD DO ZHE NA YANG MI RIGS PAR BSTAN PA'I PHYIR, DE GOMS PAR BYA BA'I PHYIR YANG MA YIN TE ZHES BYA BA SMOS TE, BDAG TU LTA BA LA GOMS PAR BYA BA'I GANG ZAG YOD PAR GSUNGS PA DANG MI RIGS SO ZHES BYA BA'I DON TO, ,JI LTAR MI RIGS PAR BSTAN PA'I PHYIR GANG GI PHYIR BDAG TU LTA BA NI THOG MA MED PA'I DUS NAS GOMS PA STE ZHES BYA BA SMOS TE 'DI LTAR BDAG TU LTA BA NI 'KHOR BA THOG MA MED PA'I DUS NAS SEMS CAN GYIS GOMS PA DANG, 'DRIS PAR BYAS ZIN PAS NA DE LA GOMS PAR BYA BA'I PHYIR BSHAD CES BYAR MI RUNG NGO, ,YANG GAL TE BDAG MTHONG BAS THAR BAR 'GYUR BA'I PHYIR BSHAD DO ZHE NA ZHES BYA BA LA YANG GAL TE GANG ZAG YOD PAR SMRA BA RNAMS 'DI SKAD DU SEMS CAN RNAMS BDAG TU LTA BA LA GOMS PAR BYAS SHING BDAG CES BYA BA MING TZAM GYI SGO NAS SHES PAR 'GYUR YANG SEMS CAN GYIS BDAG @177B MTHE BONG TZAM MAM YUNGS 'BRU TZAM GYI MTSAN NYID MA MTHONG BAS SEMS CAN THAR PA DANG GROL BAR 'GYUR TE, DE BDAG MTHE BONG TZAM DANG YUNGS 'BRU TZAM MTHONG BA'I SGO NAS SEMS CAN THAR PA DANG MYA NGAN LAS 'DAS PA THOB PAR BYA BA'I PHYIR, BCOM LDAN 'DAS KYIS GANG ZAG BSHAD DO ZHE NA YANG MI RIGS SO ZHES BYA BA'I DON TO, ,DE LTAR MI RIGS PAR BSTAN PA'I PHYIR, DE LTA MA YIN NA NI, 'BAD PA MA BYAS THAMS CAD KYIS, ,THAR PA'AM ZHES BYA BA SMOS TE GAL TE BDAG TU LTA BAS THAR PAR 'GYUR NA NI SO SO'I SKYO BO PHAL PA BDEN PA BZHI MA MTHONG BA RNAMS LA YANG BDAG TU LTA BA YOD PAS, DE LTA NA NI BDEN PA MTHONG BAR BYA BA'I PHYIR, MNYAN PA DANG, BSAM PA DANG, BSGOM PA LA SOGS PA'I 'BAD PA MA BYAS PAR YANG SEMS CAN THAMS CAD THAR PA THOB PA DANG, MYA NGAN LAS 'DAS PA THOB PA'I SKYON DU 'GYUR RO; ,YANG NA THAR PA YANG DON MED PAR 'GYUR TE ZHES BYA BA LA GAL TE BDAG TU MTHONG BAS THAR PAR 'GYUR RO ZHE NA, DE LTA NA NI BDAG TU LTA BA NYID 'CHING BA YIN PA'I PHYIR, ,DES BCINGS PAR 'GYUR GYI THAR PAR MI 'GYUR BAS NA SEMS CAN THAR PAR BYA BA'I PHYIR, BCOM LDAN 'DAS KYIS GANG ZAG BSHAD DO ZHES BYA BA YANG DON MED DO, ,DE NYID KYI DON DGROL BA'I PHYIR, SNGON BDAG DANG BDAG MED PAR BZUNG LA, BDEN PA MTHONG BA RTOGS PAR 'GYUR BA'I TSE, BDAG YOD PAR 'DZIN TE ZHES BYA BA LA SOGS PA SMOS TE, 'DI LTAR BDAG YOD PAR MTHONG BA NYID BDEN PA MTHONG BA DANG 'DRA STE, SNGON CHAD MA BSGOMS PA'I TSE NA NI BDAG YOD PA'I CHOS LA BDAG YOD PAR MA MTHONG GI, ,BDAG MED PAR MTHONG BAS NA THAR PAR 'GYUR GYI BSGOMS NAS PHYIS BDAG YOD PAR 'GYUR BA DANG, THAR PA DANG MYA NGAN LAS 'DAS PAR GYUR TO ZHES BYA BA'I DON TO, ,JI LTAR SDUG BSNGAL LA SDUG BSNGAL DU SNGON MI 'DZIN PA LAS KYANG PHYIS 'DZIN PA BZHIN NO ZHES BYA BA SMOS TE, DPER NA MNYAN PA DANG BSAM PA DANG BSGOM PA LA SOGS PA MA BYAS PA'I SNGON ROL NA SDUG BSNGAL LA SOGS PA'I BDEN @178A *, ,PA BZHI MA THOB PAS NA SEMS CAN RNAMS THAR PAR MA GYUR GYI PHYIS SDUG BSNGAL LA SOGS PA'I BDEN PA BZHI MTHONG BA DANG GDOD THAR PAR GYUR BA DANG 'DRA BAR SEMS CAN RNAMS KYIS KYANG BDAG YOD PA'I CHOS LA BDAG YOD PAR SNGON MA MTHONG BAS SEMS CAN THAR PAR MA GYUR GYI, PHYIS BSGOM PA LA SOGS PA'I MTHUS PHYIS BDAG YOD PAR MTHONG BA DANG, GDOD THAR PAR 'GYUR RO ZHES ZER NA YANG MI RIGS PAR BSTAN PA'I PHYIR SNGON JI LTA BA BZHIN DU PHYIR KYANG DE BZHIN DU THAR PAR 'GYUR RO ZHES BYA BA SMOS TE, JI LTAR BDAG MTHONG BAS THAR PAR 'GYUR BA YIN NA NI SNGON SEMS CAN RNAMS BDAG TU LTA BA YOD PA DE'I RKYEN GYIS 'DOD CHAGS LA SOGS PAS NYON MONGS PA BYUNG NAS, DES BCINGS PA'I PHYIR THAR PAR MA GYUR BA DE BZHIN DU BSGOMS NAS MTHONG BAR GYUR NA YANG 'DI LTAR BDAG TU MTHONG BA LAS NYON MONGS PA THAMS CAD 'BYUNG STE, BDAG DANG MTHUN PA RNAMS LA NI 'DOD CHAGS SKYE, BDAG DANG MI MTHUN PA RNAMS LA NI ZHE SDANG SKYE STE, 'DI LTAR NYON MONGS PA SKYES PAR GYUR NA NYON MONGS PAS BCINGS PAR 'GYUR GYI THAR PAR NAMS KYANG MI 'GYUR TE, DE BAS NA BDAG TU LTA BA LAS THAR PAR 'GYUR RO ZHES BYA BA 'GAL BA YIN NO, ,DE YOD NA NI NYES PA DE DAG TU 'GYUR RO ZHES BYA BA NI BDAG TU LTA BA YOD NA GONG DU BSHAD PA'I NYES PA RNAMS 'BYUNG BAR 'GYUR RO ZHES BYA BA'I THA TSIG GO, ,DA NI NGO TSA BA NAS BRTZAMS TE, GANG ZAG LA BDAG MED PAR BSHAD PA'I BAR DAG GIS BYANG CHUB KYI PHYOGS RNAMS KYI LAS MDOR BSTAN PA'I PHYIR, DE LTAR YON TAN DE DAG DANG, ,BYANG CHUB SEMS DPA' RTAG LDAN PAS, ,BDAG GI DON KYANG MI 'DOR ZHING, GZHAN GYI DON KYANG SGRUB PA YIN, ,ZHES BYA BA SMOS TE DE LTAR ZHES BYA BA NI GONG DU BSHAD PA LTAR TE GANG DU BSHAD PA LTAR BYANG CHUB SEMS DPA' NGO TSA BA DANG BSTAN PA LA SOGS PA'I YON TAN DANG LDAN PA RNAMS LAS RNAM PA GNYIS BYED DE, ,LAS RNAM PA GNYIS NI BDAG GI DON MI 'DOR BA DANG GZHAN GYI DON KYANG BSGRUB PA'O, ,DE LA BDAG GI DON KYANG SPANGS PA PHUN SUM TSOGS PA DANG, @178B YE SHES PHUN SUM TSOGS PA'I BDAG NYID DE RNAM PA GNYIS PO DE DAG SPANG BA NI NYON MONGS PA DANG SHES BYA'I SGRIB PA SPANG BA'O, ,YE SHES NI GANG ZAG LA BDAG MED PAR KHONG DU CHUD PA DANG, CHOS LA BDAG MED PAR KHONG DU CHUD PA STE DE DAG THOB PA LAS NAMS KYANG NYAMS PAR MI 'GYUR BA NI BDAG GI DON MI 'DOR BA ZHES BYA'O, ,SEMS CAN RNAMS KYANG SPANGS PA DANG YE SHES NYID LA 'GOD PAR BYED PA NI GZHAN GYI DON KYANG SGRUB PA ZHES BYA'O, ,BYANG CHUB KYI PHYOGS KYI SKABS BSHAD PA RDZOGS SO,, ,,DA 'DI MAN CHAD NI YON TAN GYI SKABS BSHAD DO, , DE LA BYANG CHUB KYI PHYOGS KYI SKABS SU BYANG CHUB SEMS DPA' RNAMS KYI DMIGS PA DANG, RNAM PA DANG, RANG BZHIN DANG, KHYAD PAR LA SOGS PA RNAM PA THAMS CAD DU BYANG CHUB SEMS DPA'I BSLAB PA'I LAM RDZOGS PAR BSHAD DO, ,DE LA BSLAB PA'I LAM DE DAG LA SLOB PA'I BYANG CHUB SEMS DPA' NI YON TAN RNAM PA GNYIS DANG LDAN PAR 'GYUR TE, YON TAN GNYIS PO GANG ZHE NA, BSGRUB PA'I YON TAN DANG, RAB TU BSNGAGS PA'I YON TAN TE, DE BAS NA BYANG CHUB KYI SKABS KYI 'OG TU YON TAN GYI SKABS BSHAD PAR 'BREL TO, ,DE LA BSGRUB PA'I YON TAN NI RNAM PA GSUM STE, RGYU MTHUN PA'I YON TAN DANG, 'BREL BA'I YON TAN DANG, SEMS CAN LA MNGON DU LTA BA'I YON TAN NO, ,DE LA RGYU MTHUN PA'I YON TAN NI BSLAB PA'I LAM DE DAG LA DUS RING POR GOMS PAR BYAS PAS BYANG CHUB SEMS DPA' NYID LAM GYI NGO BOR 'GYUR TE, DE BAS NA RTAG TU YANG LAM SNGAR SKYES PA RNAMS BSTAN PA DANG, DGE BA MA SKYES PA RNAMS PHYIR ZHING 'PHEL BAR 'GYUR TE, DE YANG, RANG GI LUS NI YONGS SU GTONG, ,ZHES BYA BA NAS BRTZAMS TE, RTOG PA MED PA'I SHES RAB NI, ,BLO LDAN DAG GIS NGO MTSAR SHES, ,ZHES BYA BA TSIGS SU BCAD PA GNYIS KYIS BSTAN TO, ,'BREL BA'I YON TAN NI MTHONG BA DANG, BSGOM PA'I LAM GNYIS KYIS NYON MONGS PA DANG SHES BYA'I SGRIB PA GNYIS SPANGS NAS SANGS RGYAS KYI SAR GNAS RNAM PAR DAG PA THOB PA STE, DE YANG DE BZHIN @179A *, ,GSHEGS PA'I RIGS SU STE ZHES BYA BAS NI MTHONG BA'I LAM BSTAN TO, ,LUNG BSTAN PA NI THOB PA DANG, DBANG BSKUR BA DANG ZHES BYA BAS NI BSGOM PA'I LAM BSTAN TO, ,BYANG CHUB KYANG THOB PAR NGO MTSAR CHE BAR 'DOD CES BYA BAS SGRIB PA GNYIS DANG BRAL BA'I GNAS RNAM PAR DAG PA THOB PAR BSTAN TO, ,DE LTA BU'I BYANG CHUB SEMS DPA' DE NI SEMS CAN THAMS CAD DANG BDAG TU MNYAM PA NYID KYI SEMS THOB PAR 'GYUR TE, DE YANG, JI LTAR BLO LDAN SEMS CAN LA, ,BYAMS PAS RAB TU BYED PA BZHI NA, ,ZHES BYA BA LA SOGS PA TSIGS SU BCAD PA GSUM GYIS BSTAN TO, ,SEMS CAN LA MNYAM PA NYID KYI SEMS THOB PA'I BYANG CHUB SEMS DPA' DE RTAG TU SEMS CAN RNAMS LA PHAN 'DOGS PAR BYED DE, DE YANG, SNOD DU YANG NI BYED PA YANG, ,ZHES BYA BA LA SOGS PA'I TSIGS SU BCAD PA BCU DRUG GIS BSTAN TE, DE LTAR SEMS CAN LA SEMS MNYAM PA NYID THOB PA DANG, SEMS CAN LA PHAN 'DOGS PAR BYED PA NYID SEMS CAN LA MNGON PAR LTA BA'I YON TAN CAN ZHES BYA BA'O, ,NGO MTSAR CHE BA'I RNAM PAR DBYE BA'I TSIGS SU BCAD PA GSUM MO ZHES BYA BAS, GANG SO SO'I SKYE BO DANG, NYAN THOS DANG, RANG SANGS RGYAS LA SOGS PA LA MED CING MI SRID PA'I YON TAN DANG LDAN PA NI NGO MTSAR CHE BA ZHES BYA STE, NGO MTSAR CHE BA'I CHOS DE LA DBYE NA DU YOD PA TSIGS SU BCAD PA GSUM GYIS STON TO ZHES BYA BA'I DON TO, , DE LA TSIGS SU BCAD PA GSUM GYIS BSDUS PA'I DON NI PHA ROL TU PHYIN PA DRUG PA SGRUB PA LA NGO MTSAR CHE BA DANG, 'BRAS BU THOB PA LA NGO MTSAR CHE BA BSTAN TO, ,RANG GI LUS NI YONGS SU GTONG, ,ZHES BYA BA LA SBYIN PA'I PHA ROL TU PHYIN PA LA YANG BZA' BA DANG, BGO BA LA SOGS PA TZAM GYI DNGOS PO GTONG BA NI 'JIG RTEN PA DAG DANG, NYAN THOS DANG, RANG SANGS RGYAS LA YANG SRID PAS NGO MTSAR CHE BA MA YIN GYI, GANG 'DOD PA RNAM PAS MGO DANG RKANG LAG LA SOGS PA YANG YONGS SU GTONG BAR BYED PA NI BYANG CHUB SEMS DPA' RNAMS @179B KYIS SBYIN PA LA NGO MTSAR DU BYA BA YIN NO ZHES BYA BA'I DON TO, ,SDOM PA'I PHYIR NI PHUN SUM TSOGS, ,ZHES BYA BA LA, TSUL KHRIMS KYI PHA ROL TU PHYIN PA LA YANG DGE SLONG PHA DANG DGE SLONG MA LA SOGS PA SDOM PA'I TSUL KHRIMS YANG DAG PAR BLANG BA'I PHYIR 'KHOR LOS SGYUR BA LA SOGS PA LONGS SPYOD PHUN SUM TSOGS PA YANG MI GTZANG BA DANG MCHIL MA'I RDOG BU BZHIN DU BOR NAS KHYIM NAS KHYIM MED PAR RAB TU BYUNG BAR BYED PA NI BYANG CHUB SEMS DPA' RNAMS KYI TSUL KHRIMS KYI PHA ROL TU PHYIN PA YANG DAG PAR LEN PA LA NGO MTSAR DU BYA BA YIN NO; ,NYAM CHUNG BA LA BZOD PA DANG, ,ZHES BYA BA LA RGYAL PO DANG BLON PO LA SOGS PA DBANG DANG MTHU DANG STOBS LA SOGS PA CHE BAS GNOD PA BYAS PA RNAMS NYAMS SU LEN CING BZOD PAR BYED PA NI NGO MTSAR CI CHE SPRANG PO DANG GDOL BU LA SOGS PA MTHU DANG DBANG CHUNG BA RNAMS KYIS GNOD PA SNA TSOGS BYAS PA LA YANG NYAMS SU LEN CING BZOD PA NI BYANG CHUB SEMS DPA'I BZOD PA NI PHA ROL TU PHYIN PA LA NGO MTSAR BYA BA YIN NO ZHES BYA BA'I DON TO, ,LUS DANG SROG LA MI LTA BAR, ,BRTZON 'GRUS RTZOM PA DANG ZHES BYA BA LA BRTZON 'GRUS LA YANG NYAN PA DANG SEMS PA LA SOGS PA'I DGE BA 'GA' TZAM BYED PA'AM DGE BA CUNG ZAD TZAM BYED PA NGO MTSAR DU BYA BA MA YIN GYI, DGE BA'I CHOS LA 'JUG PA NA, LUS LA GRANG BA DANG, TSA BA LA SOGS PA'I SDUG BSNGAL BYUNG BA NYAMS SU LEN CING SROG LA BAB PA NA YANG BRTZON 'GRUS MI GTONG BAR LUS DANG SROG LA MI PHANGS PAR BYAS NAS BRTZON 'GRUS RGYA CHEN POR RTZOM PA NI BYANG CHUB SEMS DPA'I BRTZON 'GRUS LA NGO MTSAR DU BYA BA YIN NO ZHES BYA BA'I DON TO, ,BSAM GTAN GYI BDE BA DAG LA MA CHAGS TE ZHES BYA BA LA BSAM GTAN GYI PHA ROL TU PHYIN PA LA YANG BSAM GTAN DANG PO DANG GNYIS PA LA SOGS PA'I BDE BA DAM PA MCHOG THOB NA YANG DE LA DGA' BA DANG BDE BAR BYA BA 'DZIN CING BSAM GTAN GYI BDE BA SPANGS NAS, SLAR 'DOD PA'I KHAMS SU NGAN SONG GSUM LA SOGS PA'I GNAS MAN @180A *, ,CHAD DU SKYE BAR BYED PA NI NGO MTSAR DU BYA BA YIN NO ZHES BYA BA'I DON TO, ,RTOG PA MED PA'I SHES RAB STE, ,BLO LDAN DAG GIS NGO MTSAR SHES, ,ZHES BYA BA LA, SHES RAB KYI PHA ROL TU PHYIN PA LA YANG SHES RAB NI CHOS RNAMS KYI RANG DANG SPYI'I MTSAN NYID 'BYED PA YIN NA, 'DUS BYAS DANG, 'DUS MA BYAS KYI CHOS LA YANG YOD PA DANG MED PA LA SOGS PA GANG LA YANG MI RTOG PA NI BYANG CHUB SEMS DPA' RNAMS KYI SHES RAB LA NGO MTSAR DU BYA BA YIN TE, DE LTAR TSIGS SU BCAD PA GNYIS KYIS PHA ROL TU PHYIN PA DRUG BSGRUB PA LA NGO MTSAR CHE BA BSTAN TO, ,DA NI 'BRAS BU THOB PA LA NGO MTSAR CHE BA STON TE, DE LA 'BRAS BU LA YANG SLOB PA'I 'BRAS BU DANG, MI SLOB PA'I 'BRAS BU STE RNAM PA GNYIS SO, ,DE BZHIN GSHEGS PA'I RIGS SU STE, ,ZHES BYA BA LA MOS PA SPYOD PA'I SA MAN CHAD NA SO SO'I SKYE BO'I RIGS SU GNAS PA LAS SA DANG PO THOB PA'I DUS NA DE BZHIN GSHEGS PA'I RIGS SU SKYES PA THOB STE, DE YANG NGO MTSAR DU BYA BA YIN NO, ,DE LA DE BZHIN GSHEGS PA'I RIGS NI CHOS KYI DBYINGS DANG RNAM PAR MI RTOG PA'I YE SHES TE, DES SA DANG PO THOB PA NAS SA DANG PO LA DE BZHIN GSHEGS PA'I RIGS SU SKYES PA ZHES BYA'O, ,DE BAS NA SA BCU PA'I MDO LAS KYANG DE'I TSE DE'I BDAG NYID KYIS CHOS THOB PA NAS DE BZHIN GSHEGS PA'I RIGS SU SKYES PA ZHES BYA'O ZHES GSUNGS TE, 'DI NI SLOB PA'I 'BRAS BU RNAM PA GCIG THOB PA'O, ,LUNG BSTAN PA THOB PA DANG ZHES BYA BA LA SA BRGYAD PA THOB PA'I DUS NA RTZOL BA DANG 'BAD PA THAMS CAD LAS 'DAS NAS RNAM PAR MI RTOG PA'I YE SHES LHUN GYIS GRUB PA THOB STE, DE'I TSE PHYOGS BCU'I DE BZHIN GSHEGS PA THAMS CAD KYIS BLA NA MED PA'I BYANG CHUB TU LUNG BSTAN PA THOB PA YANG BYANG CHUB SEMS DPA' RNAMS KYI NGO MTSAR DU BYA BA YIN NO ZHES BYA BA'I DON TO, ,'DI NI SLOB PA'I 'BRAS BU RNAM PA GNYIS THOB PA'O, ,DBANG BSKUR BA DANG ZHES BYA BA LA SA DGU PA LAS 'DAS NAS SA BCU THOB PA DANG, PHYOGS BCU'I DE BZHIN GSHEGS PA THAMS CAD @180B KYIS CHOS KYI RGYAL PO'I RGYAL TSAB TU DBANG BSKUR BAR MDZAD DE, DE'ANG BYANG CHUB SEMS DPA' RNAMS KYI NGO MTSAR DU BYA BA YIN NO ZHES BYA BA'I DON TO, ,'DI NI SROB PA'I 'BRAS BU GSUM THOB PA'O, ,BYANG CHUB KYANG THOB PA ZHES BYA BA LA, SANGS RGYAS KYI SAR BLA NA MED PA'I BYANG CHUB TU MNGON PAR SANGS RGYAS PA THOB PA YANG BYANG CHUB SEMS BRAL DANG SNYING RJE DANG, SGOM PA DAG NI DAM PA DANG, DE 'BRAS BU MCHOG THOB PA BSTAN TO, ,'DI DAG LA NI CI ZHIG NGO MTSAR CHE ZHE NA, GONG DU BSHAD PA'I CHOS DE LTA BU DAG NI SO SO'I SKYE BO DANG, NYAN THOS DANG, RANG SANGS RGYAS LA SOGS PA LA YOD PA MI SRID PAS DE'I PHYIR NGO MTSAR DU BYA BA'O, ,NGO MTSAR MI CHE BAR RNAM PAR DBYE BA'I TSIGS SU BCAD PA ZHES BYA BA LA, GONG DU BSHAD PA LTA BU'I CHOS DE DAG 'JIG RTEN DANG NYAN THOS LA SOGS PA DE DAG LA LTOS NA NI NGO MTSAR DU BYA BA YIN MOD KYI, BYANG CHUB SEMS DPA' BSAM PA RLABS PO CHE DANG 'DRA BA RNAMS LA, DE NGO MTSAR DU BYA BA MA YIN PAR BSTAN PA'I PHYIR TSIGS SU BCAD PA GCIG RTZOM MO ZHES BYA BA'I DON TO, ,'DOD CHAGS BRAL DANG SNYING RJE DANG, ,SGOM PA DAG NI DAM PA DANG, ,DE BZHIN SEMS NI MNYAM PA LA, ,DE LA SBYOR BA NGO MTSAR MIN, ,ZHES BYA BA LA GANG 'DOD CHAGS DANG BRAL BA'I SEMS RNYED PA DANG, SNYING RJE CHEN PO DANG LDAN PA DANG, ,BSGOM PA DAM PA LA BSGOM PA DANG, ,BDAG DANG SEMS CAN DU MNYAM PA'I SEMS RNYED PA DAG GIS GONG DU BSHAD PA LTA BU PHA ROL TU PHYIN PA DAG LA SBYOR ZHING BYANG CHUB DAM PA'I BAR DAG THOB PAR GYUR BA LA, NGO MTSAR MI CHE BA ZHES BYA BA'I DON TO, ,DE LA 'KHOR LOS SGYUR BA'I LONGS SPYOD LA SOGS PA LA YANG MI GTZANG BA LTA BUR 'DU SHES PA RNYED CING LONGS SPYOD LA CHAGS PA'I 'DOD CHAGS DANG BRAL BA RRNAMS PHYI NANG GI DNGOS PO YONGS SU GTONG BAR BYED PA NI NGO MTSAR DU CHE BA MA YIN NO, ,SEMS CAN THAMS CAD KYI SDUG BSNGAL BSAL BAR BYA'O SNYAM DU SEMS DPA'I SNYING RJE CHEN PO DANG LDAN PA RNAMS KYIS SEMS CAN GYI SROG GCOD PA DANG NOR LA MA BYIN PAR MI LEN PA LA SOGS PA'I TSUL KHRIMS SRUNG BAR BYED PA NI NGO @181A *, ,MTSAR DU MI CHE BA YIN NO, ,GZHAN YANG SNYING RJE KHYAD PAR CAN DANG LDAN PAS BDAG GI LUS DANG SROG LAS KYANG SEMS CAN LA PHANGS PAR 'DZIN TE, SEMS CAN GYI SDUG BSNGAL BSAL BAR BYA BA'I PHYIR BDAG NYID SDUG BSNGAL RNAM PA SNA TSOGS NYAMS SU LEN PA DES SEMS CAN GZHAN GYI GNOD PA BYAS NAS SLAR GNOD PA MI BYED CING BZOD PA BYED PA NGO MTSAR DU BYA BA MA YIN NO, ,'DI LTAR LO RE RE NYI MA RE RE SKAD CIG MA RE RE LA DGE BA RGYUN MA CHAD PAR SGOM NUS PA'I BRTZON 'GRUS DANG LDAN PA DANG, THEG PA CHEN PO'I CHOS ZHI GNAS SGOM PA'I SEMS DANG LDAN PA DANG, THEG PA CHEN PO'I LHAG MTHONG BSGOM PA'I SEMS DANG LDAN PA DANG, LUS DANG SROG LA'ANG MI LTA BAR BRTZON 'GRUS RTZOM PA DANG, BSAM GTAN GYI SAR RO LA MA CHAGS PA'I BSAM GTAN DANG LDAN PA DANG, CI LA YANG MI RTOG PA'I SHES PA DANG LDAN PA DANG, BSGOM PA DAM PA STE DE LTA BU DANG LDAN PA RNAMS SA DANG PO LA DE BZHIN GSHEGS PA'I RIGS SU SKYES PA DANG, SA BRGYAD PA LA RTZOL BA DANG 'BAD PA THAMS CAD LAS 'DAS PAS RNAM PAR MI RTOG PA LHUN GYIS GRUB PA THOB PA'I PHYIR, DE BZHIN GSHEGS PA RNAMS KYIS LUNG BSTAN PA THOB PA DANG, SA BCU LA DBANG BSKUR BA THOB PA DANG, SANGS RGYAS KYI SAR MNGON PAR BYANG CHUB PA YANG NGO MTSAR DU BYA BA MA YIN NO ZHES BYA BA'I DON TO, ,GZHAN YANG BDAG GANG YIN PA SEMS CAN YANG DE YIN, SEMS CAN GANG YIN PA BDAG KYANG DE YIN NO ZHES BDAG DANG GZHAN DU MNYAM PA NYID KYI SEMS THOB PA RNAMS PHA ROL TU PHYIN PA DRUG SGRUB PAS BDAG GI DON LA 'JUG PA BZHIN DU SEMS CAN THAMS CAD KYI DON DU PHA ROL TU PHYIN PA DRUG SGRUB PA YANG NGO MTSAR MI CHE BA'O ZHES BYA BA'I DON TO, ,BSGOM PA DAM PA LA BRTEN NAS SA BRGYAD PA LA MNGON PAR 'DU BYED PA MED CING, RNAM PAR MI RTOG PA'I BRTZON 'GRUS LA SOGS PA LA SBYOR BA NI NGO MTSAR MA YIN NO ZHES BYA BA LA BSGOM PA DAM PA NI SKAD CIG MA RE RE LA YANG DGE BA RGYUN MI 'CHAD PAR BSGOM PA DANG, THEG PA CHEN PO'I ZHI GNAS @181B BSGOM PA DANG, THEG PA CHEN PO'I LHAG MTHONG BSGOM PA STE, BSGOM PA THOB PA DE LTA BU THOB PA LA BRTEN NAS LUS DANG SROG LA YANG MI PHANGS PAR BRTZON 'GRUS RTZOM PA DANG, BSAM GTAN GYI RO LA MI CHAGS PA DANG, RNAM PAR MI RTOG PA'I SHES RAB DANG LDAN PA DANG SA BRGYAD PA THOB NAS, MNGON PAR 'DU MI BYED CING, RTZOL BA DANG 'BAD PA MED PA'I BRTZON 'GRUS DANG, BSAM GTAN DANG SHES RAB THOB PAS, LUNG BSTAN PA THOB PA DANG, SA BCU DBANG BSKUR BA THOB PA DANG, SANGS RGYAS KYI SAR MNGON PAR BYANG CHUB PA THOB PA NI NGO MTSAR DU BYA BA MA YIN NO ZHES BYA BA'I DON TO, ,SEMS MNYAM PA LA TSIGS SU BCAD PA GSUM MO ZHES BYA BA LA GONG DU BSHAD PA LTAR, NGO MTSAR CHEN PO'I CHOS DANG, NGO MTSAR MI CHE BA DANG, BYANG CHUB SEMS DPA' DE SEMS CAN THAMS CAD LA SEMS MNYAM PAR 'GYUR TE, JI LTAR SEMS MNYAM PA DE TSIGS SU BCAD PA GSUM GYIS BSTAN TO, ,TSIGS SU BCAD PA GSUM GYIS BSDUS PA'I DON NI SEMS CAN LA SEMS MNYAM PA DANG, SEMS CAN GYI DON DU PHA ROL TU PHYIN PA DRUG SGRUB PA LA MNYAM PA'O, ,JI LTAR BLO LDAN SEMS CAN LA, , BYAMS PA RAB TU BYED PA BZHIN, ,DE LTAR BDAG DANG CHUNG MA DANG, ,PHU GROGS RTZA LAG RNAMS LA MIN, ,ZHES BYA BA LA, JI LTAR BLO DANG LDAN PA'I BYANG CHUB SEMS DPA' DAG SEMS CAN THAMS CAD LA BYAMS PA DANG SDUG PA DANG PHANGS PA DANG GCES PA'I SEMS SU THAMS CAD 'BYUNG BA DE LTAR SEMS CAN DAG BDAG NYID LA, BDAG NYID DE TZAM DU SDUG PA'I BSAM PA MI 'BYUNG BA DANG, KHYIM THAB CHUNG MA LA DE TZAM DU SDUG PA'I BSAM PA MI 'BYUNG BA DANG, PHA MA BU LA DE TZAM DU SDUG PA'I BSAM PA MI 'BYUNG BA DANG GROGS RNAMS LA DE TZAM DU SDUG PA'I BSAM PA MI 'BYUNG BA DANG, NYE DU DAG KYANG NYE DU LA DE TZAM DU SDUG PA'I BSAM PA MI 'BYUNG BA STE, DE CI'I PHYIR ZHE NA, SEMS CAN DAG LA BAR 'GA' BDAG NYID LA BDAG NYID ZHE SDANG SKYES NAS DUG ZA BA DANG, G-YANG DU MCHONG BA LA SOGS PA BYED CING BDAG @182A *, ,NYID KYIS BDAG NYID LA GSOD PA YOD DO, ,DE BZHIN DU NYE DU LA SOGS PA DANG, NYE DU DAG LA BRDEG BTZOG PA DANG, GSAD PA LA SOGS PA'I LAS BYED PA DANG, SEMS MNYAM PA MA YIN GYI, BYANG CHUB SEMS DPA' RNAMS NI SEMS CAN THAMS CAD LA SDUG PAR BYED CING DUS THAMS CAD DU SDUG PAR BYED PAS NA SEMS CAN LA SEMS MNYAM PA STE, 'DIS NI SEMS CAN LA SEMS MNYAM PA BSTAN TO, ,'DOD PA LA NI NYE MGON MED, ,CES BYA BA LA 'DOD PA LA NI BZA' BA DANG BGO BA LA SOGS PA'I ZANG ZING BRAM ZE DANG KHYIM BDAG LA SOGS PA STE, NYE MGON MED PA NI MDZA' BA DANG BSHES PA 'BA' ZHIG LA ZANG ZING GTONG BA MA YIN GYI MDZA' BA DANG, MI MDZA' BA DANG, PHONGS PA DANG MA PHONGS PAR KUN LA YANG 'DRA BAR YO BYAD YONGS SU GTONG BA NI NYE MGON MED PA ZHES BYA'O, ,DE LTA BU NI SBYIN PA'I PHA ROL TU PHYIN PA LA MNYAM PAR BSGRUB PA'O, ,TSUL KHRIMS RTAG TU MA NYAMS SHING, ,ZHES BYA BA LA TSUL KHRIMS RNAM PA GNYIS TE, RANG BZHIN GYI KHA NA MA THO BA SRUNG BA DANG BCAS PA'I KHA NA MA THO BA SRUNG BA'O, ,DE LA RANG BZHIN GYI KHA NA MA THO BA SRUNG BA NI PHAS PHAM PA BZHI MI 'BYUNG BAR SRUNG BA'O, ,BCAS PA'I KHA NA MA THO BA SRUNG BA NI PHYED YOL PHAN CHAD ZAN MI BZA'O ZHES BCAS PA DANG, RTZA MI BCAD DO ZHES BYA BA LA SOGS PA BCAS PA'I RNAM PA BSRUNG BA STE, DE LA JI LTAR RANG BZHIN GYI KHA NA MA THO BA MI 'BYUNG BAR SRUNG BA BZHIN DU BCAS PA'I KHA NA MA THO BA RDUL TZAM TSUN CHAD KYANG MI 'BYUNG BAR SRUNG ZHING, DE LA BAR 'GA' SRUNG, ,BAR 'GA' MI SRUNG BA MA YIN GYI DUS THAMS CAD DU SRUNG STE, DE NI TSUL KHRIMS RTAG TU MA NYAMS PA ZHES BYA STE, DE LTA BU'I TSUL KHRIMS KYI PHA ROL TU PHYIN PA LA MNYAM PAR BSGRUB PA'O, , THAMS CAD DU BZOD PA DANG ZHES BYA BA LA YUL THAMS CAD DU BZOD PA DANG DUS THAMS CAD DU BZOD PA DANG SEMS CAN THAMS CAD DU BZOD PA ZHES BYA'O, ,DE LA SHAR PHYOGS SU NI BZOD PAR BYA'I, ,NUB PHYOGS SU NI BZOD PAR MI BYA ZHES BYA BA MED PAS PHYOGS BCU THAMS CAD DU YANG @182B BZOD PAR BYED PA NI YUL THAMS CAD DU BZOD PA ZHES BYA'O, ,'DAS PA'I DUS SU NI BZOD PAR BYA'I MA 'ONGS PA'I DUS SU NI MI BZOD CES BYA BA MED KYI DUS GSUM THAMS CAD DU'ANG BZOD PAR BYED PA NI DUS THAMS CAD DU BZOD PA'O, ,DE LA BSHES PA DANG MDZA' BA RNAMS LA NI BZOD PAR BYA'I DGRA LA SOGS PA LA BZOD PAR MI BYA'O, ,DBANG DANG MTHU CHE BA RNAMS LA NI BZOD PAR BYA'I, DBANG CHUNG ZHING NYAM CHUNG BA RNAMS LA NI BZOD PAR MI BYA ZHES BYA BA MED PAR JI LTAR MDZA' BA'I RNAMS LA BZOD PA BZHIN DU DGRA LA YANG BZOD PAR BYED LA, 'DI LTAR DBANG MTHU CHE BA'I RNAMS LA BZOD PAR BYED PA BZHIN DU MTHU CHUNG NGU'I RNAMS LA YANG BZOD PAR BYED PAS NA SEMS CAN THAMS CAD LA BZOD PA ZHES BYA STE, DE LTA BUR BZOD PA'I PHA ROL TU PHYIN PA LA MNYAM PAR BSGRUB PA'O, ,THAMS CAD DON LA BRTZON CHEN RTZOM, ,ZHES BYA BA LA JI LTAR BDAG GI DON BSGRUB PAR BYA BA'I PHYIR BRTZON 'GRUS RTZOM PA DE LTAR SEMS CAN THAMS CAD KYI DON BSGRUB PAR BYA BA'I PHYIR BRTZON 'GRUS RTZOM PA DANG, JI LTAR DGE BA GCIG 'GRUB PAR BYA BA'I PHYIR BRTZON 'GRUS RTZOM PA DE LTAR DGE BA THAMS CAD 'GRUB PAR BYA BA'I PHYIR YANG BRTZON 'GRUS RTZOM PA'I DON CHEN THAMS CAD LA BRTZON CHEN RTZOM PA ZHES BYA STE, DE LTA BU NI BRTZON 'GRUS KYI PHA ROL TU PHYIN PA LA MNYAM PAR BSGRUB PA'O, ,RTAG TU DGE BA'I BSAM GTAN DANG, ,ZHES BYA BA LA BSAM GTAN RNAM PA GSUM STE NYON MONGS PA CAN DANG DAG PAR GYUR PA DANG ZAG PA MED PA'O, , DE LA BSAM GTAN GYI BDE BA'I RO LA CHAGS PA'I BSAM GTAN NI NYON MONGS PA CAN ZHES BYA'O, ,BSAM GTAN GYI RO LA MA CHAGS PA'I BSAM GTAN NI DAG PAR GYUR BA ZHES BYA STE, BYANG CHUB SEMS DPA' RNAMS NYON MONGS PA CAN GYI BSAM GTAN LA MI GNAS KYI DAG PAR GYUR PA'I BSAM GTAN DANG, ZAG PA MED PA'I BSAM GTAN LA BSGOM LA, DE'ANG BAR 'GA' BSGOM, BAR 'GA' MI BSGOM PA MA YIN GYI DUS THAMS CAD DU BSGOM PAS RTAG TU DGE BA'I BSAM GTAN PA ZHES BYA STE, DE LTA BU NI BSAM GTAN GYI PHA ROL TU PHYIN PA LA MNYAM PAR BSGRUB PA'O, ,SHES RAB KYANG NI RNAM MI @183A *, ,RTOG ,ZHES BYA BA LA, SHES RAB KYIS CHOS THAMS CAD NAM MKHA'I NGOS BZHIN DU RTOG GI YOD PAR YANG MI RTOG ,MED PAR YANG MI RTOG ,RTAG PAR YANG MI RTOG ,MI RTAG PAR YANG MI RTOG PA NI SHES RAB RNAM PAR MI RTOG PA ZHES BYA STE, DE LTA BU NI SHES RAB KYI PHA ROL TU PHYIN PA LA MNYAM PA NYID DU BSGRUB PA'O, ,DE LA BYANG CHUB SEMS DPA' YI, ,SEMS MNYAM PAR NI SHES PAR BYA, ,ZHES BYA BA LA PHA ROL TU PHYIN PA DRUG PO DE DAG LA GONG DU BSHAD PA LTA BUR BSGRUB PA NI PHA ROL TU PHYIN PA BSGRUB PA LA SEMS MNYAM PA YIN PAR SHES PAR BYA STE, DE LTAR TSIGS SU BCAD PA GNYIS KYIS NI SEMS CAN GYI DON DU PHA ROL TU PHYIN PA DRUG BSGRUB PA LA SEMS MNYAM PA BSTAN TO, ,PHAN 'DOGS PA RNAM PAR DBYE BA LA TSIGS SU BCAD PA BCU DRUG GO ZHES BYA BA LA, SEMS CAN THAMS CAD LA MNYAM PA NYID KYI SEMS THOB PA DE SEMS CAN LA SEMS MNYAM PAS BYAMS PA DANG SDUG PAR SEMS PA TZAM DU MA ZAD KYI, LUS DANG SROG DAG GI SGRO NAS PHAN 'DOGS PAR BYED DE, DE LTAR PHAN 'DOGS PAR BYED PA DE RNAMS PAR DBYE BA LA TSIGS SU BCAD PA BCU DRUG GIS BSTAN PA LA DE LA TSIGS SU BCAD PA GNYIS KYIS PHA ROL TU PHYIN PA DRUG GIS PHAN 'DOGS PAR BYED PA BSTAN TO, ,TSIGS SU BCAD PA BCU BZHIS NI PHA MA LA SOGS PAS BU TSA LA SOGS PA LA PHAN 'DOGS PA BZHIN DU, BYANG CHUB SEMS DPA' SEMS CAN LA PHAN 'DOGS PAR BYED PA BSTAN TO, ,SNOD DU YANG NI BYED PA DANG, ,ZHES BYA BA LA, SEMS CAN RNAMS LA BZA' BA DANG BGO BA LA SOGS PAS PHONGS NAS, NYAN PA DANG SEMS PA LA SOGS PA'I DGE BA BYED MI NUS PA NI SNOD DU MA GYUR PA ZHES BYA'O, ,DE LA BYANG CHUB SEMS DPA' SEMS CAN BZA' BA DANG, BGO BA LA SOGS PA'I YO BYAD KYIS PHONGS PAR GYUR NAS DGE BA SPYOD MI NUS PA RNAMS LA ZANG ZING BYIN NAS, PHONGS PA DANG BREL BA MED PAR BYAS TE, DGE BA BYED DU BCUG PA NI SNOD DU BYED PA ZHES BYA STE, SBYIN PAS NI DE LTAR PHAN 'DOGS PAR BYED DO, ,DE BZHIN TSUL KHRIMS @183B 'JOG PA DANG, ,ZHES BYA BA LA, BYANG CHUB SEMS DPA' NYID BYANG CHUB SEMS DPA' SDOM PA'I TSUL KHRIMS LA GNAS PA BZHIN DU SEMS CAN GZHAN YANG SDOM PA'I TSUL KHRIMS LA 'JOG PAR BYED DE, TSUL KHRIMS KYIS NI DE LTAR PHAN 'DOGS SO, ,GNOD PA LA NI BZOD PA DANG, ,ZHES BYA BA LA SEMS CAN GZHAN DAG GIS LUS KYI SGO NAS BRDEG PA LA SOGS PA BYAS PA DANG, NGAG GI SGO NAS TSIG RTZUB PO SMRAS KYANG SLAR LUS DANG NGAG GIS LAN MI LDON PA NI GNOD PA LA BZOD PA ZHES BYA STE, BZOD PAS NI DE LTAR PHAN 'DOGS PAR BYED DO, ,DON SPYOD PAR NI 'GRO BA DANG, ,ZHES BYA BA LA DON SPYOD PA NI SEMS CAN GYI LAS SU BYA BA LA SGRUB PA STE, SEMS CAN GYI LAS SU BYA BA NI GROGS BYA BA'I PHYIR THAG RING PO'I GNAS DANG, SDUG BSNGAL BA'I GNAS DAG TU YANG 'GRO ZHING GROGS BYED PA NI DON SPYOD PAS 'GRO BA ZHES BYA STE, BRTZON 'GRUS KYIS NI DE LTAR PHAN 'DOGS SO, ,BSTAN PA LA YANG 'DZUD PAR BYED, ,CES BYA BA LA GANG BSAM GTAN DANG LDAN PA DE DAG NI RDZU 'PHRUL GYI MTHU RNYED PA YIN TE, DE BAS NA BSAM GTAN GYIS 'BAR BA DANG 'THUL BA LA SOGS PA'I RDZU 'PHRUL BSTAN NAS, SEMS CAN DAD PA BSKYED NAS SKYABS SU 'GRO BA LA SOGS PA BYED DU BCUG PA NI BSTAN PA LA 'JUG PA ZHES BYA STE BSAM GTAN GYIS NI DE LTAR PHAN 'DOGS PAR BYED DO, ,THE TSOM YANG DAG SEL BAR BYED, ,CES BYA BA LA, SEMS CAN RNAM THEG PA GSUM GYI CHOS MI SHES SHING DE DAG LA YOD DAM MED SNYAM DU BLO GNYIS SU 'JUG PA NI THE TSOM ZHES BYA STE, DE DAG LA THEG PA GSUM GYI MTSAN NYID PHYIN CI MA LOG PAR BSHAD NAS SHES PA DANG BLO RNAM PA GNYIS MED PAR BYAS PA NI THE TSOM YANG DAG PAR SEL BA ZHES BYA STE; SHES RAB KYIS NI DE LTAR PHAN 'DOGS SO, ,BLO LDAN RNAMS KYIS SEMS CAN LA, ,PHAN 'DOGS PAR NI 'DI DAG 'DOD, ,CES BYA BA LA GONG DU BSHAD PA LTA BUR PHA ROL TU PHYIN PA DRUG GIS SEMS CAN GYI DON SGRUB PA NI PHA ROL TU PHYIN PA LAS PHAN 'DOGS PA ZHES BYA STE, @184A *, ,DE LTAR TSIGS SU BCAD PA GNYIS KYIS NI PHA ROL TU PHYIN PA DRUG GIS PHAN 'DOGS PAR BYED PA BSTAN TO, ,TSIGS SU BCAD PA LHAG MAS NI MA LA SOGS PA DANG 'DRA BAR PHAN 'DOGS PA BSTAN TO ZHES BYA BA LA, 'DI MAN CHAD TSIGS SU BCAD PA BZHIS NI MAS BU LA PHAN 'DOGS PA DANG, PHAS BU LA PHAN 'DOGS PA DANG, NYE DUS NYE DU LA PHAN 'DOGS PA DANG, GROGS POS GROGS PO LA PHAN 'DOGS PA DANG, BRAN GYIS RJE BO LA PHAN 'DOGS PA DANG, SLOB DPON GYIS SLOB MA LA PHAN 'DOGS PA DANG, MKHAN POS SLOB MA LA PHAN 'DOGS PA DANG 'DRA BAR BYANG CHUB SEMS DPAS KYANG SEMS CAN LA PHAN 'DOGS PAR BYED PA BSTAN TO, ,LAS LNGA DAG GIS SEMS CAN GYI, ,RGYAL SRAS MA DANG 'DRA BA'O, ,ZHES BYA BA LA, MAS BU LA LAS RNAM PA LNGAS PHAN 'DOGS PAR BYED PA DE BZHIN DU BYANG CHUB SEMS DPAS KYANG LAS RNAM PA LNGAS SEMS CAN LA PHAN 'DOGS PAR BYED DE, DE BAS NAS BYANG CHUB SEMS DPA' RNAMS NI SEMS CAN THAMS CAD KYI MA DANG 'DRA BA YIN NO, ,DE LA MAS BU LA PHAN 'DOGS PAR BYED PA'I LAS LNGA PO GANG ZHE NA, SKYE GNAS 'DZIN PA DANG GCIG ,SKYED PAR BYED PA DANG GNYIS, MTHUN PAR BYED PA DANG GSO BA DANG SHIN TU SKYED PAR BYED PA DANG GSUM, NGAN LAS SRUNG BAR BYED PA DANG BZHI, SMRA BA YANG SLOB PAR BYED PA DANG LNGA'O, ,BSAM PA MTSUNGS PAS SEMS CAN RNAMS, ,RTAG TU DE BZHIN 'DZIN PAR BYED, ,CES BYA BA 'DI LTAR MA NI BU MA BYUNG GI BAR DU MI BDE BA BZHIN DU, BU MNGAL NA 'DZIN PAR BYED PA DE BZHIN DU BYANG CHUB SEMS DPA' SNYING RJE CHEN PO'I BSAM PAS SEMS CAN SDUG BSNGAL BA GCIG MI GTONG STE, 'DZIN PA BZHIN DU SNYING RJE'I SEMS DE NYID KYIS SEMS CAN SDUG BSNGAL BA THAMS CAD KYANG MI GTOD ZHING 'KHOR BA'I MTHA'I BAR DU 'DZIN PAR BYED DE, DE BAS NA BYANG CHUB SEMS DPA' NI MA DANG 'DRA'O, ,DE LA BYANG CHUB SEMS DPA' NI MA LTA BU'O, ,SNYING RJE CHEN PO NI MA MA LTA BU'O, ,'PHAGS PA'I SAR NI SKYED PA DANG, ,ZHES BYA BA LA MOS PAS SPYOD PA'I SA 'JIG RTEN GYI CHOS MCHOG @184B 'DAS NAS NYON THOS KYI TSUL GYIS KYANG RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA'I 'BRAS BU DANG, 'GOG PAR YANG SNYOMS PAR 'JUG PA THOB PA DAG NI 'PHAGS PA'I SA'O, ,BYANG CHUB SEMS DPA'I TSUL GYIS NI 'JIG RTEN GYI CHOS MCHOG 'DAS NAS SA DANG PO YAN CHAD SANGS RGYAS KYI SA MAN CHAD LA 'PHAGS PA'I SA ZHES BYA STE, 'DI LTAR MAS BU MA SHI BA DANG, MI GNOD PAR LTO NAS 'BYIN CING SKYED PA DE BZHIN DU BYANG CHUB SEMS DPA' RNAMS KYANG SEMS CAN RNAMS 'PHAGS PA'I SA DE DAG TU 'BYIN CING 'JOG LA SKYED PAR BYED PAS NA MA LTA BUR GYUR PA'O, ,DGE BA YANG NI 'PHEL BAR BYED, ,CES BYA BA LA JI LTAR MAS BU SKYES NAS NU MA NU PAR BYED PA DANG, KHA ZAS KYIS GSOS PAR BYED PA DANG, CHUS BKRUS PA DANG, MAR GYIS MNYE BA LA SOGS PA'I SGO NAS BU'I LUS CHER BSKYED PA LA SOGS PA DE BZHIN DU BYANG CHUB SEMS DPA' RNAMS KYIS KYANG, SEMS CAN RNAMS 'JIG RTEN GYI DGE BA DANG, 'JIG RTEN LAS 'DAS PA'I DGE BA THAMS CAD 'PHEL ZHING SKYED PAR BYED PAS NA MA DANG 'DRA'O, ,DE LA 'JIG RTEN GYI DGE BA NI SO SO'I SKYE BO'I DUS NA PHA ROL TU PHYIN PA DRUG SPYOD PA'O, ,'JIG RTEN LAS 'DAS PA'I DGE BA NI SA DANG PO YAN CHAD PHA ROL TU PHYIN PA DRUG DANG, BYANG CHUB KYI PHYOGS KYI CHOS RNAMS BSGRUB PA'O, ,NYES BYAS YONGS SU BSRUNG BA DANG, ,ZHES BYA BA LA, JI LTAR MAS BU LA G-YANG SA DANG, NGAM GROG LA SOGS PAR MI LTUNG BAR 'GYUR BA SRUNG BAR BYED PA DE BZHIN DU BYANG CHUB SEMS DPA' RNAMS KYIS KYANG SEMS CAN RNAMS NGAN SONG GSUM DU LTUNG BAR 'GYUR BA'I LUS KYI NYES PA BYED PA DANG, NGAG GI NYES PA BYED PA DANG, YID KYI NYES PA BYED PA LAS BSRUNG ZHING BZLOG PAR BYED PAS NA MA DANG 'DRA BA YIN NO, ,NYAN CING SHES PAR BYED PA STE, ,ZHES BYA BA LA, JI LTAR MA BU LA 'JIG RTEN GYI MING DANG, TSIG DANG, BRDA DANG, THA SNYAD RNAMS LO BAS PA DANG MKHAS PAR GYUR PA SLOB PAR BYED PA DE BZHIN DU BYANG CHUB SEMS DPAS KYANG SANGS RGYAS @185A *, ,DANG BYANG CHUB SEMS DPA' RNAMS LAS DAM PA'I CHOS NYAN PA NAS, JI LTAR MNYAN PA'I CHOS SEMS CAN LA STON CING SLOB PAR BYED DE, DE BAS NA MA DANG 'DRA'O, ,LAS LNGA YIS NI SEMS CAN GYI, ,RGYAL SRAS PHA DANG MTSUNGS PA'O, ,ZHES BYA BA LA JI LTAR PHAS BU LA LAS RAM PA LNGAS PHAN 'DOGS PAR BYED PA DE BZHIN DU BYANG CHUB SEMS DPAS KYANG LAS RNAM PA LNGAS SEMS CAN LA PHAN 'DOGS PAR BYED PAS NA BYANG CHUB SEMS DPA' RNAMS NI SEMS CAN GYI PHA DANG 'DRA BA YIN NO, ,JI LTAR PHAS LAS RNAM PA LNGAS BU LA PHAN 'DOGS SHE NA, LAS RNAM PA LNGA NI SA BON 'DEBS PAR BYED PA DANG, BZO SLOB PAR BYED PA DANG, MTHUN PA'I MNA' MA LEN PAR BYED PA DANG, GROGS PO DAM PA LA PHAN 'DOGS PAR BYED PA DANG, BU LON MED PAR BYED PAS PHAN 'DOGS SO, ,DAD PA SEMS CAN THAMS CAD LA, ,THAMS CAD DU NI SKYED PA DANG, ,ZHES BYA BA LA, JI LTAR PHAS BU'I LUS SKYED PAR BYED PA'I SA BON KHU BA MA BZHAG NA NI BU'I LUS SKYE BAR MI 'GYUR BAS LUS RGYU KHU BA 'JOG PAR BYED DO, ,DE BZHIN DU DAD PA YANG THEG PA GSUM GYI LUS THOB PAR BYED PA'I SA BON YIN TE, DE BAS NA BYANG CHUB SEMS DPA' DE RNAMS DKON MCHOG GSUM GYI GDUNG MI GCOD PA'I PHYIR, SEMS CAN GYI SEMS KYI RGYU LA DAD PA'I SA BON 'JOG PAR BYED DE, ,DE'I PHYIR PHA DANG 'DRA'O, ,LHAG PA'I TSUL KHRIMS LA SOGS SLOB, ,CES BYA BA LA, JI LTAR PHAS BU LA SO SO'I RIGS DANG MTHUN PA'I BZO SLOB PAR BYED DE, RGYAL RIGS ZHIG YIN NA NI DGAR CHOS LA SOGS PA RGYAL RIGS KYIS BSLAB PAR BYA BA GANG YIN PA SLOB PAR BYED PAS NA DMANGS RIGS PA SOGS PA YANG SO SO'I BZO SLOB PAR BYED PA DE BZHIN DU, BYANG CHUB SEMS DPA' YANG SEMS CAN LA LHAG PA'I TSUL KHRIMS KYI BSLAB PA DANG, LHAG PA'I SEMS KYI BSLAB PA DANG, LHAG PA'I SHES RAB KYI BSLAB PA GSUM SLOB PAR BYED PAS NA PHA DANG 'DRA'O, ,RNAM PAR GROL BA SBYOR BA'I PHYIR, ,ZHES BYA BA LA JI LTAR PHAS CHUNG MA'I BDE BA DANG DGA' BA BUS MYONG BAR BYA BA'I @185B PHYIR; BU DANG RJES SU MTHUN PA'I MNA' MA LEN PAR BYED PA DE BZHIN DU BYANG CHUB SEMS DPAS KYANG SEMS CAN RNAMS MYA NGAN LAS 'DAS PA'I BDE BA DANG DGA' BA SEMS CAN GYIS MYONG BAR BYA BA'I PHYIR, RNAM PAR GROL BA'I GNAS SU SEMS CAN RNAMS 'JOG CING DER SBYOR BAR BYED PAS PHA DANG 'DRA'O, ,SANGS RGYAS LA NI GSOL BA 'DEBS, ,ZHES BYA BA LA JI LTAR PHAS BU DE'I BU'I SROG DANG SRID LA PHAN PAR 'GYUR BA'I GROGS PO DAM PA DAG LA BU 'DOMS SHING GTOD PAR BYED PA DE BZHIN DU BYANG CHUB SEMS DPA' RNAMS KYIS KYANG SEMS CAN THAMS CAD LA PHAN PAR BYA BA'I DON DU DE BZHIN GSHEGS PA RNAMS MYA NGAN LAS MI 'DA' ZHING BZHUGS SU GSOL BAR GSOL BA 'DEBS PA DANG, CHOS KYI 'KHOR LO BSKOR BAR GSOL BA 'DEBS TE DE BAS NA PHA DANG 'DRA'O, ,SGRIB PA DE DAG RNAM PA SPANG, ,ZHES BYA BA LA, JI LTAR PHAS BDAG LA BU LON YOD PA'I SNAM BU LA KHRIN DANG GNYER DU MI 'GYUR BAS SNGA NAS SBYONG BAR BYED PA DE BZHIN DU BYANG CHUB SEMS DPA' RNAMS KYIS KYANG SEMS CAN RNAMS 'KHOR BA LAS 'DAR MI STER CING MYA NGAN LAS 'DAS PA'I GNAS SU 'JUG TU MI STER BA'I SGRIB PA DANG, SHES BYA'I SGRIB PA SBYONG BAR BYED DE DE BAS NA PHA DANG 'DRA'O, ,DAD PA NI SEMS CAN RNAMS 'PHAGS PA'I LUS SO SOR THOB PAR 'GYUR BA'I SA BON NO ZHES BYA BA LA JI LTAR PHA'I KHU BA BU'I LUS KYI SA BON YIN TE, DE LAS BSGRUB PA BZHIN DU THEG PA GSUM GYIS CHOS SO SO LA YANG DAD PA'I DAD PAS KYANG THEG PA GSUM DU 'PHAGS PA RNAMS KYI LUS THOB PAR BYED PAS NA, DAD PA NI 'PHAGS PA'I LUS THOB PAR BYED PA'I SA BON NO, ,BZO NI SLOB PA ZHES BYA BA LA, SEMS CAN RIGS BZHI SO SO'I RIGS KYI BZO SLOB PA DANG 'DRA BAR BYANG CHUB SEMS DPA' LHAG PA'I TSUL KHRIMS LA SOGS PA BSLAB PA RNAM PA GSUM NI BZO'I LAS LTA BU ZHES BYA BA'I DON TO, RNAM PAR GROL BA NI CHUNG MA STE ZHES BYA BA LA MYA NGAN LAS 'DAS PA NI CHUNG MA LTA BU STE, JI LTAR CHUNG MAS DGA' BA DANG BDE BA MYONG BAR BYED PA DE BZHIN DU BYANG CHUB SEMS DPA' MYA NGAN @186A *, ,LAS 'DAS PA THOB NA YANG BDE BA DANG DGA' BA MYONG BAR 'GYUR BAS NA CHUNG MA LTA BU STE, BDE BA NI LUS LA PHAN PA'O, ,DGA' BA NI SEMS LA PHAN PA'O, ,SGRIB PA NI BU LON NO ZHES BYA BA LA, JI SRID DU BU LON CHAGS PA YOD PAS DE SRID DU MI BDE BA YOD PA DE BZHIN DU JI SRID DU SGRIB PA GNYIS MA SPANGS PA DE SRID DU SEMS CAN RNAMS 'KHOR BA LAS MI 'DA' ZHING MYA NGAN LAS 'DAS PA'I GNAS MI THOB PAS NA NYON MONGS PA DANG SHES BYA'I SGRIB PA GNYIS NI BU LON LTA BU'O, ,LAS LNGA DAG GIS SEMS CAN GYI, ,RGYAL SRAS RTZA LAG 'DRA BA'O, , ZHES BYA BA LA DPER NA NYE DUS NYE DU RNAMS LA LAS RNAM PA LNGAS PHAN 'DOGS PAR BYED PA DE BZHIN DU BYANG CHUB SEMS DPA' RNAMS KYANG LAS RNAM PA LNGAS SEMS CAN LA PHAN 'DOGS PAR BYED DE, ,DE BAS NA BYANG CHUB SEMS DPA' RNAMS NI SEMS CAN RNAMS KYI RTZA LAG LTA BUR GYUR BA'O, , DE LA RTZA LAG RNAMS RTZA LAG LA LAS RNAM PA LNGAS PHAN 'DOGS PAR BYED PA NI GSANG THUB PAR BYED PA DANG, NYES PAR BYED PA LA SMOD PAR BYED PA DANG, LEGS PAR BYED PA LA STOD PAR BYED PA DANG, BYA BA RNAMS RAB TU STON PAR BYED PA DANG, NYON MONGS PA'I GNAS LAS ZLOG PAR BYED PA'O, ,GANG YANG BSTAN PAR MI RIGS PAR, ,SEMS CAN RNAMS LA STON PAR BYED, ,CES BYA BA LA JI LTAR NYE DU RNAMS KYIS NYE DU'I LUS DANG SROG LA GNOD PAR 'GYUR BA'I GSANG BA DAG GZHAN LA MI SGROGS SHING SBED PAR BYED PA DANG, NYE DUS GSANG BA'I TSIG SMRAS TE GZHAN PA'I RNAMS THUB PAR BYED PA DE BZHIN DU BYANG CHUB SEMS DPA' YANG SEMS CAN THOS PA NYUNG NGU DANG, NYAN THOS DANG, RANG SANGS RGYAS KYI THEG PA RNAMS LA ZAB CING RGYA CHE BA'I CHOS ZAB MO DAG MI STON CING GSANG BAR BYED DE, ,DE DAG LA ZAB MO BSTAN NA SKRAG PAR 'GYUR BA'I PHYIR RO; ,BSLABS LAS NYAMS PA SMOD PA DANG, ZHES BYA BA LA 'DI LTAR NYE DUS LU SA DANG SROG LA GNOD PAR 'GYUR BA'I LAS NGAN PA SROG GCOD PA LA SOGS PA BYAS NA KHYED KYIS MA LEGS PA ZHIG BYAS SO ZHES SMOD PAR BYED PA DE BZHIN DU SEMS CAN RNAMS KYIS LHAG PA'I TSUL @186B KHRIMS KYI BSLAB PA DANG, LHAG PA'I SEMS KYI BSLAB PA DANG, LHAG PA'I SHES RAB KYI BSLAB PA NYAMS PA RNAMS LA MA LEGS SO ZHES SMOD PAR BYED DO, ,DE BZHIN PHUN SUM TSOGS LA BSNGAGS, ,ZHES BYA BA LA JI LTAR NYE DUS NYE DU DAG LUS DANG SROG LA PHAN PAR 'GYUR BA'I LAS LEGS PA ZHIG BYAS NAS LAS 'DI LTA BU DAG BYAS PA LEGS SO ZHES STOD PAR BYED PA DE BZHIN DU SEMS CAN RNAMS LHAG PA'I TSUL KHRIMS DANG SEMS DANG SHES RAB PHUN SUM TSOGS PAR 'GYUR NA LEGS SO ZHES STOD PAR BYED DO, ,LUNG STON PAR BYED CES BYA BA LA JI LTAR GNYEN RNAMS GNYEN GYI PHYI DANG NANG GI BYA BA RNAMS KYI GROGS BYED CING STON PAR BYED PA DE BZHIN DU BYANG CHUB SEMS DPA' RNAMS KYIS KYANG, SEMS CAN SA DANG PO LA SOGS PAR KHONG DU CHUD PAR BYA BA'I PHYIR BKLAG PA DANG, BSAM GTAN BSGOM PA LA SOGS PA'I MAN NGAG SBYIN PAR BYED DO, ,BDUD RNAMS KYANG NI RIG PAR BYED, ,CES BYA BA LA JI LTAR GNYEN GYIS GNYEN RNAMS BTZON DU BZUNG BA DANG, RGYAL PO DANG, RKUN PO DANG, ME DANG, CHU LA SOGS PA'I 'JIGS PA BYUNG NA, 'JIGS PA DE LAS BZLOG CING 'JIGS PA'I SKYABS BYED PA DE BZHIN DU BYANG CHUB SEMS DPA' RNAMS KYIS KYANG SEMS CAN RNAMS 'DOD PA'I YON TAN LNGA LA SOGS PA LA SEMS G-YENGS PA RNAMS, 'DI DAG NI BDUD KYI LAS YIN NO ZHES BSTAN CING BSLABS TE BDUD KYI LAS YIN PAR RIG PAR BYAS NAS BDUD KYI LAS BYED PA LAS ZLOG PAR BYED DO, ,LAS LNGA DAG GIS SEMS CAN GYI, ,RGYAL SRAS GROGS PO 'DRA BA'O, ,ZHES BYA BA LA, JI LTAR GROGS POS GROGS PO LA LAS RNAM PA LNGAS PHAN 'DOGS PAR BYED PA DE BZHIN DU BYANG CHUB SEMS DPAS KYANG LAS RNAM PA LNGAS SEMS CAN LA PHAN 'DOGS PAR BYED PAS NA BYANG CHUB SEMS DPA' RNAMS NI SEMS CAN THAMS CAD KYI GROGS POR 'GYUR BA'O, ,DE LA GROGS POS GROGS PO LA JI LTAR NA LAS RNAM PA LNGAS PHAN 'DOGS SHE NA, 'DI LTAR LAS RNAM PA LNGA NI GROGS PO LA PHAN PA DANG, BDE BA PHYIN CI MA LOG PAR @187A *, ,SHES PA DANG, BDE BA DANG PHAN PA STOBS PA DANG, MI SKYO BA DANG, MI PHYED PA DANG, RTAG TU PHAN PA DANG BDE BAR 'DOD PA'O, ,NYON MONGS RNAM PAR BYAD PA LAS, ,BDAG GI 'KHRUL PA MED PA'I BLOS, ,ZHES BYA BA LA JI LTAR GROGS POS GROGS PO LA JI LTAR BYAS NA PHAN PA DANG BDE BAR 'GYUR BA PHYIN CI MA LOG PAR SHES SO, ,DE BZHIN DU BYANG CHUB SEMS DPA' RNAMS KYIS KYANG NYON MONGS PA'I PHYOGS DANG, RNAM PAR BYANG BA'I PHYOGS KYI CHOS LA BLO 'KHRUL PA MED DE NYON MONGS PA'I PHYOGS LA RNAM PAR BYANG BA'I CHOS SU MI 'DZIN, RNAM PAR BYANG BA'I CHOS LA NYON MONGS PA'I PHYOGS SU MI 'DZIN GYI NYON MONGS PA LA YANG NYON MONGS PA NYID DU SHES RNAM PAR BYANG BA'I CHOS LA YANG RNAM PAR BYANG BA'I CHOS NYID DU SHES PA'O, ,DE LA SDUG BSNGAL DANG KUN 'BYUNG GI BDEN PA GNYIS NI NYON MONGS PA'I PHYOGS SO, , 'GOG PA DANG LAM GNYIS NI RNAM PAR BYANG BA'I PHYOGS SO, ,YANG NA MA RIG PA'I RKYEN GYIS 'DU BYED NAS SKYE BA'I RKYEN GYIS RGA SHI NI NYON MONGS PA'I PHYOGS SO, ,MA RIG PA 'GAGS NA 'DU BYED 'GAG PA NAS SKYE BA 'GAGS NA RGA SHI 'GAG PA'I BAR DAG NI RNAM PAR BYANG BA'I PHYOGS SO, ,'JIG RTEN 'BYOR BA MA LUS DANG, ZHES BYA BA LA JI LTAR GROGS POS GROGS PO LA 'PHRAL DU SROG DANG SRID PA BDE BAR 'GYUR BA STOBS PA DE BZHIN DU BYANG CHUB SEMS DPAS KYANG SEMS CAN RNAMS BRGYA BYIN DANG, TSANGS PA DANG, 'KHOR LOS SGYUR BA LA SOGS PA'I 'JIG RTEN GYI PHUN SUM TSOGS PA'I BDE BA LA SEMS CAN 'GOD PAR BYED CING DE LTA BU DAG SBYIN PAR BYED DO ZHES BYA BA'I DON TO, ,'JIG RTEN PA YANG MA YIN SBYIN, ,ZHES BYA BA LA, JI LTAR GROGS POS GROGS PO LA NAM NAM ZHAR ZHAR SROG DANG SRID LA PHAN PAR 'GYUR BA'I PHAN YON STOBS PA BZHIN DU BYANG CHUB SEMS DPA' RNAMS KYIS KYANG SEMS CAN RNAMS 'JIG RTEN LAS 'DAS PA'I PHUN SUM TSOGS PA THEG PA CHEN PO'I MYA NGAN LAS 'DAS PA LA 'JOG PAS NA PHAN PAR BYED PA YIN NO, ,DE LA 'JIG RTEN GYI PHAN PA DANG BDE BA NI @187B 'PHRAL DU SROG DANG SRID LA PHAN PA NI BDE BA'O, ,YUN RING SROG DANG SRID LA PHAN PA NI PHAN PA'O, ,SKYO BA MED CING ZHES BYA BA LA JI LTAR GROGS PO DAG GROGS PO LA PHAN PA DANG BDE BA BYA BA LA SKYO BA MED PA DE BZHIN DU BYANG CHUB SEMS DPA' YANG SEMS CAN RNAMS 'JIG RTEN GYI PHUN SUM TSOGS PA BDE BA DANG, 'JIG RTEN LAS 'DAS PA'I PHUN SUM TSOGS PA PHAN PA LA SEMS CAN 'GOD PAR BYA BA LA SKYO BA CUNG ZAD KYANG MED DO, ,MI PHYED PA ZHES BYA BA LA JI LTAR GROGS PO DAG GIS BDAG GI GROGS DANG 'BYE BAR 'GYUR BA'I PHRA MA SMRAS KYANG PHYED PAR MI 'GYUR BA DE BZHIN DU BYANG CHUB SEMS DPA' RNAMS SEMS CAN GYI DON D DKA' BA SPYOD PA RNAM PA SNA TSOGS PA SPYOD CING PHA ROL TU PHYIN PA DRUG SPYOD PA LA BDUD LA SOGS PA'I DBANG DU MI 'GYUR BA DANG, GRANG BA DANG TSA BA LA SOGS PA SDUG BSNGAL RNAM PA SNA TSOGS KYI DBANG DU MI 'GYUR TE, BYANG CHUB SEMS DPA'I SPYOD PA LAS PHYED PAR MI 'GYUR RO, ,RTAG TU BDE DANG PHAN 'DOD DO, ,ZHES BYA BA LA JI LTAR GROGS POS GROGS PO RNAMS DUS THAMS CAD DU BDE BA DANG, PHAN PA'I CHOS DANG LDAN PAR 'DOD CING DD LA SEMS CAN LA YANG RTAG TU DE LTAR SEMS PA DE BZHIN DU BYANG CHUB SEMS DPA' YANG DUS THAMS CAD DU SEMS CAN RNAMS PHAN PA DANG BDE BA DANG LDAN ZHING RTAG TU CHOS DE DAG DANG 'GROGS PAR 'DOD DO, ,'JIG RTEN GYI PHUN SUM TSOGS PA NI BDE BA STE ZHES BYA BA LA BRGYA BYIN DANG, TSANGS PA LA SOGS PA'I 'JIG RTEN GYI PHUN SUM TSOGS PA RNAMS LA BKOD PA NI BDE BA ZHES BYA STE, DE'I DUS NA 'JIG RTEN 'JIG RTEN GYI LONGS SPYOD KYI BDE BA MYONG BA'I PHYIR RO, ,NYON MONGS PA'I NAD KYI GNYEN PO'I PHYIR ZHES BYA BA LA SOGS PA LA 'JIG RTEN LAS 'DAS PA'I MYA NGAN LAS 'DAS PA DANG, DE'I LAM LA BKOD PA LA NI PHAN PA ZHES BYA STE, CI'I PHYIR ZHE NA DPER NA SMAN 'THUNGS NA NAD LA PHAN PA BZHIN DU 'JIG RTEN LAS 'DAS PA'I CHOS KYIS KYANG NYON MONGS PA'I NAD THAMS CAD SEL BAR BYED PAS NI PHAN PA ZHES BYA'O, ,LAS LNGA DAG GIS @188A *, ,SEMS CAN GYI RGYAL SRAS BRAN DANG 'DRA BA'O ZHES BYA BA LA JI LTAR BRAN LAS RNAM PA LNGAS JO BO LA PHAN 'DOGS PAR BYED PA DE BZHIN DU BYANG CHUB SEMS DPAS KYANG LAS RNAM PA LNGAS SEMS CAN LA PHAN 'DOGS PAR BYED DE, DE BAS NA BYANG CHUB SEMS DPA' NI SEMS CAN THAMS CAD KYI BRAN DANG 'DRA'O, ,BRAN JO BO LA LAS RNAM PA LNGAS PHAN 'DOGS PA'I LAS RNAM PA LNGA GANG ZHE NA, BYA BA LA SPRO BA DANG LDAN PA YIN, MI SLU BA YIN SPYO ZHING BRDEGS KYANG BZOD PA YIN, ,'DOD PA THAMS CAD BYA BA LA MKHAS PA YIN, ,THABS MKHAS LA KHONG GZO BA SHES PA CAN YIN NO, ,SEMS CAN YONGS SU SMIN BYED LA, ,THAMS CAD DU NI BRTZON PA DANG, ,ZHES BYA BA LA JI LTAR BRAN JO BO'I BYA BA LA SPRO BA DANG LDAN PA YIN TE SKYO BA DANG LE LO MED CING, BRTZON PAR BYED PA DE BZHIN DU BYANG CHUB SEMS DPA' YONGS SU SBYIN PAR BYA BA LA BAR 'GA' BYED, ,BAR 'GA' MI BYED PA MA YIN GYI, ,DUS THAMS CAD DU SEMS CAN GYI DON BYED DE SKYO BA DANG LE LO MED CING BRTZON 'GRUS DANG LDAN PA YIN NO, ,YANG DAG 'BYUNG BAR SMRA BA DANG, ZHES BYA BA LA JI LTAR BRAN BRDZUN DANG, G-YO SGYU MED DE, JO BO LA MTHONG BA DANG, THOS PA LA SOGS PA DRANG POR SMRA ZHING MI SLU BA YIN PA DE BZHIN DU BYANG CHUB SEMS DPA' RNAMS KYIS KYANG SDUG BSNGAL DANG, KUN 'BYUNG GNYIS LA NI NYON MONGS PA'I PHYOGS YIN PAR MA NOR BAR STON, ,'GOG PA DANG LAM GNYIS LA NI RNAM PAR BYANG BA'I PHYOGS GNYIS KA MA NOR BAR STON CING NYON MONGS PA DANG, LAS DANG, SDUG BSNGAL LAS 'BYUNG BAR 'GYUR BA'I CHOS MA NOR BAR SMRA ZHING STON PAS NA BRAN DANG 'DRA BA'O, ,LOG PAR BYED LA BZOD PA DANG, ,ZHES BYA BA LA JI LTAR BRAN JO BOS TSIG DRAG POS SPYO ZHING BRDEGS KYANG SDUG BSNGAL BZOD CING NYAMS SU LEN LA JO BO MI GTONG BA DE BZHIN DU; SEMS CAN RNAMS KYIS LUS DANG NGAG GI SGO NAS BYANG CHUB SEMS DPA' LA GNOD PA RNAM PA SNA TSOGS BYAS PA DANG, PHAN BTAGS KYANG SLAR LOG PAR GNOD PA NYAMS SU LEN CING SEMS CAN YONGS SU MI GTONG BAS NA BRAN LTA BU'O, ,PHUN SUM TSOGS PA GNYIS GTONG @188B BA; ,ZHES BYA BA LA, JI LTAR BRAN 'DOD PA THAMS CAD BYA BA LA MKHAS PA YIN TE, JO BO GANG DANG GANG DGOS PA'I RNAM PA YID BZHIN DU SBYOR ZHING STOBS PAR BYED PA DE BZHIN DU BYANG CHUB SEMS DPAS KYANG SEMS CAN THAMS CAD LA 'JIG RTEN GYI PHUN SUM TSOGS PA DANG, 'JIG RTEN LAS 'DAS PA'I PHUN SUM TSOGS PA GTONG ZHING STOBS PAR BYED PAS NA BRAN DANG 'DRA'O, ,YANG NA PHUN SUM TSOGS PA GNYIS GTONG BA NI BSOD NAMS KYI TSOGS RDZOGS PAR BYED PA DANG, YE SHES KYI TSOGS RDZOGS PAR BYED PA DANG, DE DAG GI NI THABS LA MKHAS, ,ZHES BYA BA LA JI LTAR BRAN THABS LA KHONG GZO BAS SHES PA CAN YIN TE, JO BO'I LAS SU BYA BA CI DANG CI BYA BA RNAMS, ,MYUR DU 'GRUB PAR BYA BA'I THABS LA MKHAS PA DE BZHIN DU BYANG CHUB SEMS DPA' YANG SEMS CAN RNAMS KYIS 'JIG RTEN GYI PHUN SUM TSOGS PA DANG, 'JIG RTEN LAS 'DAS PA'I PHUN SUM TSOGS PA 'GRUB PAR 'GYUR BA'I THABS LA MKHAS PA YIN TE, 'JIG RTEN GYI PHUN SUM TSOGS PA 'GRUB PAR 'GYUR BA'I THABS NI SBYIN PA DANG TSUL KHRIMS LA SOGS PA'O, ,'JIG RTEN LAS 'DAS PA'I PHUN SUM TSOGS PA'I THABS NI BYANG CHUB KYI PHYOGS SUM CU RTZA BDUN BSGOM PA'O, ,LAS LNGA DAG GIS SEMS CAN GYI, ,RGYAS SRAS SLOB DPON 'DRA BA'O, ,ZHES BYA BA LA JI LTAR LAS RNAM PA LNGAS SLOB DPON GYIS SLOB MA LA PHAN 'DOGS PAR BYED PA DE BZHIN DU BYANG CHUB SEMS DPA' RNAMS KYIS KYANG, LAS RNAM PA LNGAS SEMS CAN LA PHAN 'DOGS PAR BYED DO, ,SLOB DPON GYI LAS RNAM PA LNGA GANG ZHE NA, BDAG NYID SHIN TU BSLAB PA DANG, THAMS CAD SLOB PAR BYED PA DANG, MYUR DU SLOB PAR BYED PA DANG, ,DE'I RANG BZHIN CAN GYI PHYIR MDANGS CAN DANG, ZANG ZING MED PA'I SEMS DANG LDAN PA'O, , MI SKYE BA'I CHOS LA BZOD PA THOB PA ZHES BYA BA LA 'DI LTAR SLOB DPON BDAG NYID SHIN TU BSLABS PA YIN TE, BSHAD PAR BYA BA DANG, SHES PAR BYA BA'I CHOS THAMS CAD MA LUS PAR SHES PA DANG, GDOD PHAN 'DOGS PAR BYAS PAR SLOB DPON YIN PA DE BZHIN DU, ,BYANG CHUB @189A *, ,SEMS DPA' SA BRGYAD THOB PA NI MI SKYE BA'I CHOS LA BZOD PA THOB PAS SHES PAR BYA BA DANG, MNGON PAR 'DU BYA BA DANG, BSGOM PAR BYA BA DANG, SPANG BAR BA BA'I CHOS RNAMS LA LHUN GYIS GRUB PAR SPYOD PA'I RNAM PAR MI RTOG PA'I YE SHES THOB PAS NA, SLOB DPON SHIN TU BSLAB PA DANG 'DRA BA YIN NO, ,GANG 'DOD PA, ,THEG PA THAMS CAD STON PA DANG, ,ZHES BYA BA LA JI LTAR SLOB DPON THAMS CAD SLOB PAR BYED DE, ,KHA CIG SLOB KHA CIG MI SLOB PAR MA YIN GYI, BDAG CI SHES PA RNAMS SLOB MA LA MA LUS PAR SLOB PAR BYED PA DE BZHIN DU BYANG CHUB SEMS DPA' RNAMS KYANG, SEMS CAN MI SKYE BA'I CHOS LA BZOD PA THOB PAR 'DOD PA RNAMS LA THEG PA 'GA' STON PA MA YIN GYI, NYAN THOS DANG, RANG SANGS RGYAS DANG, THEG PA CHEN PO'I CHOS THAMS CAD MA LUS PAR STON CING, SLOB PAR BYED PAS NA, SLOB DPON LTA BU'O, ,RNAL 'BYOR GRUB PAR SBYOR BA DANG, ,ZHES BYA BA LA JI LTAR 'JIG RTEN PA'I SLOB DPON SGRA'I GTZUG LAG DANG, RGYU'I GTZUG LAG LA SOGS PA 'CHAD PA, ,SLOB MA NYE G-YOG TU BKOL BA'I PHYIR, ,SLOB MA DE DAG MYUR DU LOBS PAR MI BYED KYI, ,DUS RING POS LOBS PAR BYED DO, ,SLOB DPON YANG DAG PA DAG NI DE LTA MA YIN TE, SLOB MA BSLAB PA'I RNAMS BSLAB BA'I LAS DAG MYUR DU LOBS PAR BYED PA DE BZHIN DU RNAL 'BYOR GYI SGRA NI ZHI GNAS DANG LHAG MTHONG BSGOM PA LA BYA STE, SEMS CAN RNAMS KYIS ZHI GNAS DANG LHAG MTHONG SGRUB PA'I TING NGE 'DZIN MYUR DU 'GRUB PAR 'GYUR BAR SBYOR BAR BYED PAS NA, SLOB DPON LTA BU YIN NO, ,MDANGS CAN DANG NI ZHES BYA BA LA JI LTAR SLOB DPON DAG SLOB MA LA BYAMS PA'I SEMS YIN PAS, BZHIN KHRO GNYER MED CING, RTAG TU YANG 'DZUM PA DANG TSIG 'JAM POR SMRA BA DE BZHIN DU, ,BYANG CHUB SEMS DPA' RNAMS KYANG SEMS CAN THAMS CAD LA BYAMS PA'I SEMS DANG LDAN PAS KHRO GNYER MED CING BZHIN MDANGS CAN STON PA LA, TSIG 'JAM POS SMRA BAS NA SLOB DPON LTA BU'O, ,PHYIR BYA BA DANG, RNAM PAR @189B SMIN PA RE BA MED, ,CES BYA BA LA, JI LTAR SLOB DPON SLOB MA LA CHOS STON CING 'CHAD PA LA SOGS PA BYED PA YANG, ,RNYED PA DANG BKUR STI LA SOGS PA'I SEMS ZANG ZING CAN GYIS STON PA MA YIN GYI, ,SLOB MA'I SDUG BSNGAL MED PAR BYA'O SNYAM PA'I SEMS SNYING RJE DANG LDAN PAS STON PA DE BZHIN DU, ,BYANG CHUB SEMS DPA' SEMS CAN RNAMS LA PHAN PA DANG BDE BA BYED PA YANG, ,TSE 'DI LA PHAN BTAGS PA'I LAN LA RE BA MED PA DANG, TSE PHYI MA RNAM PAR SMIN PA'I 'BRAS BU LA RE BA MED PAS PHAN 'DOGS PAR BYED DE, DE BAS NA SLOB DPON DANG 'DRA'O, ,LAS LNGA DAG GIS SEMS CAN GYI, ,RGYAL SRAS MKHAN PO 'DRA BA'O, ,ZHES BYA BA LA JI LTAR MKHAN POS SLOB MA RNAMS LA LAS RNAM PA LNGAS PHAN 'DOGS PAR BYED PA DE BZHIN DU BYANG CHUB SEMS DPAS KYANG LAS RNAM PA LNGAS SEMS CAN LA PHAN 'DOGS PAR BYED PAS NA BYANG CHUB SEMS DPA' NI SEMS CAN THAMS CAD KYI MKHAN PO LTA BU YIN NO, ,MKHAN PO LAS RNAM PA LNGAS SLOB MA LA PHAN 'DOGS PA'I LAS RNAM PA GANG ZHE NA, RAB TU 'BYUNG BAR BYED PA DANG, BSNYEN PAR RDZOGS PAR BYED PA DANG NYES PA YONGS SU SPONG BA STON PAR BYED PA DANG, ZANG ZING GIS SDUD PA DANG, CHOS KYIS SDUD PA'O, ,SEMS CAN DON LA RAB BRTZON PA, ,TSOGS NI RDZOGS PAR BYED PA DANG, ,ZHES BYA BA LA JI LTAR MKHAN POS SLOB MA KHYIM NAS KHYIM MED PAR RAB TU 'BYUNG STE, DGE SBYONG GI BSLAB PA BYIN NAS, RAB TU 'BYIN PAR BYED PA DE BZHIN DU, BYANG CHUB SEMS DPA' SEMS CAN GYI DON LA BRTZON PA RNAMS KYANG, SEMS CAN BSOD NAMS DANG YE SHES KYI TSOGS MA RDZOGS PA RNAMS, TSOGS GNYIS RDZOGS PAR 'BYIN PAR BYED PAS NA MKHAN PO LTA BU'O, ,TSOGS BSAGS GROL BAR BYED PA DANG, ,ZHES BYA BA LA, JI LTAR MKHAN POS SLOB MA RAB TU BYUNG NAS, BSLAB PA NYIS BRGYA LNGA BCU BYIN TE, BSNYEN PAR RDZOGS PAR BYED PA DE BZHIN DU, BYANG CHUB SEMS DPA' RNAMS KYIS KYANG @190A *, ,SEMS CAN TSOGS GNYIS RDZOGS PA DAG RNAM PAR GROL BA MYA NGAN LAS 'DAS PA'I GNAS SU PHYIN PAR BYED PAS NA, BYANG CHUB SEMS DPA' RNAMS MKHAN PO LTA BU'O, ,MI MTHUN PHYOGS NI NYAMS PAR BYED, ,CES BYA BA LA JI LTAR MKHAN POS SLOB MA LA, PHAS PHAM PA DANG LTUNG BA DANG NYES BYAS LA SOGS PA GANG DANG GANG YIN PA STON CING, NYES PA LA 'JUG PA LAS ZLOG CING SPONG BAR BYED PA DE BZHIN DU BYANG CHUB SEMS DPAS KYANG SEMS CAN RNAMS LA RNAM PAR GROL BA DANG, MYA NGAN LAS 'DAS PA THOB PAR BYA BA LA BGEGS SU GYUR PA, PHA ROL TU PHYIN PA DRUG GI MI MTHUN PA'I PHYOGS NYAMS SHING SPONG BAR BYED PAS NA MKHAN PO LTA BU'O, ,'JIG RTEN PHUN SUM TSOGS SAN TSOGS, ,ZHES BYA BA LA JI LTAR MKHAN POS SLOB MA LA, ,CHOS GOS DANG LHUNG BZED LA SOGS PA'I YO BYAD 'JIG RTEN GYI ZANG ZING GIS PHAN 'DOGS PAR BYED PA DE BZHIN DU, ,BYANG CHUB SEMS DPAS KYANG SEMS CAN THAMS CAD BRGYA BYIN DANG, TSANGS PA LA SOGS PA 'JIG RTEN GYI PHUN SUM TSOGS PA RNAM PA SNA TSOGS PA THOB PAR BYED PAS MKHAN PO LTA BU'O, , 'JIG RTEN MA YIN SBYOR BAR BYED, ,CES BYA BA LA JI LTAR MKHAN POS SLOB MA LA CHOS BSTAN PA'I SGO NAS KYANG PHAN 'DOGS PAR BYED PA DE BZHIN DU, BYANG CHUB SEMS DPA' RNAMS KYIS KYANG, SEMS CAN 'JIG RTEN LAS 'DAS PA'I PHUN SUM TSOGS PA THEG PA GSUM GYI LAM DANG, MYA NGAN LAS 'DAS PA LA 'JOG PAR BYED PAS NA MKHAN PO LTA BU'O, ,DRIN GZO BA'I RNAM PAR DBYE BA'I TSIGS SU BCAD PA GNYIS SO ZHES BYA BA LA BYANG CHUB SEMS DPA' PHA ROL TU PHYIN PA DRUG LA SOGS PA LA SEMS CAN LA PHAN BTAGS NA PHAN BTAGS PA'I SEMS CAN RNAMS BYANG CHUB SEMS DPA' LA DRIN DU GZO BA LA, BYANG CHUB SEMS DPA' SEMS CAN PHA ROL TU PHYIN PA DRUG LA GNAS NA, SEMS CAN LA DRIN DU GZO BAR BYED DE, ,DE LTAR NA SEMS CAN DANG, BYANG CHUB SEMS DPA' GNYIG PHAN TSUN GCIG LA GCIG DRIN DU GZO BAR BYED @190B PA TSIGS SU BCAD PA GNYIS KYIS BSTAN TO ZHES BYA BA'I DON TO, ,LONGS SPYOD LA NI MA CHAGS SHING, ,ZHES BYA BA LA SEMS CAN BZA' BA DANG, BGO BA LA SOGS PA'I YO BYAD KYIS PHONGS PA RNAMS LA, YO BYAD THAMS CAD BYIN TE LONGS SPYOD DANG LDAN PAR BYAS NA SEMS CAN DE DAG BYANG CHUB SEMS DPA' LA DRIN DU GZO BAR BYED DO, ,DE BZHIN DU SEMS CAN LONGS SPYOD DANG LDAN PA, ,DE DAG GIS LONGS SPYOD DANG LDAN PA DANG, SER SNA SPANGS NAS SPYON PA LA SOGS PA LA 'JUG PA NA, ,SEMS CAN 'DI DAG GIS PHAN BTAGS PA ZHES SEMS CAN DE DAG LA BYANG CHUB SEMS DPA' DRIN DU GZO BAR BYED DO, ,TSUL KHRIMS KYANG NI RAL BA MED, ,CES BYA BA LA, BYANG CHUB SEMS DPA' SEMS CAN RNAMS TSUL KHRIMS LA BKOD NA, SEMS CAN DE DAG BYANG CHUB SEMS DPA' LA DRIN DU GZO BAR BYED PA DE BZHIN DU SEMS CAN RNAMS KYIS KYANG, JI LTAR BYANG CHUB SEMS DPA' TSUL KHRIMS LA BKOD PA'I SEMS CAN DE DAG GIS TSUL KHRIMS NYAMS PAR MA BYAS TE, PHAS PHAM PA LA BAG BYA STE, BSRUNG BA BZHIN DU NYES BYAS LA SOGS PA NYES PA PHRA MO RNAMS, LA YANG, ,BAG BYAS NA BYANG CHUB SEMS DPA' SEMS CAN DE DAG LA DRIN DU GZO BAR BYED DO, ,DRIN DU GZO BA DANG LDAN PA STE ZHES BYA BA LA SEMS CAN RNAMS KYIS LUS DANG NGAG GI SGO NAS BYANG CHUB SEMS DPA' LA GNOD PA BYAS KYANG BYANG CHUB SEMS DPA' GNOD PA DANG LDAN PA DES, SEMS CAN LA SLAR GNOD PA MI BYED PA RNAMS LA, SLAR PHAN 'DOGS PAR BYED DE, ,DES NA SEMS CAN RNAMS BYANG CHUB SEMS DPA' BDAG CAG LA GNOD PA MA BYAS SO ZHES BYANG CHUB SEMS DPA' DRIN DU GZO BAR BYED LA, BYANG CHUB SEMS DPA' BZOD PA LA DGA' BAS SEMS CAN DE DAG KYANG BZOD PA LA GNAS PAR GYUR NA, SEMS CAN DE DAG LA BYANG CHUB SEMS DPA' YANG DRIN DU G ZO BAR BYED DO, ,BSGRUB PA LA YANG SBYOR BA'O, ,ZHES PA LA, SEMS CAN RNAMS BYANG CHUB SEMS DPAS BRTZON 'GRUS BSGRUB PA @191A *, ,DANG, BSAM GTAN BSGRUB PA DANG, SHES RAB BSGRUB PA LA BKOD NA, SEMS CAN DE DAG BYANG CHUB SEMS DPA' LA DRIN DU GZO BAR BYED PA DE BZHIN DU, BYANG CHUB SEMS DPAS JI LTAR BKOD PA LTAR, ,SEMS CAN BRTZON 'GRUS BSGRUB PA DANG; BSAM GTAN BSGRUB PA DANG, SHES RAB BSGRUB PA NA, BYANG CHUB SEMS DPA' SEMS CAN DE DAG LA DRIN DU GZO BAR BYED DO, ,PHA ROL PHYIN PA DRUG LA NI, ,DE LTAR LUS CAN SGRUB PAR BYED, ,DE BZHIN BYANG CHUB SEMS DPA' LA, ,PHYIR YANG DRIN DU GZO BAR 'GYUR, ,ZHES BYA BA LA 'DI LTAR BYANG CHUB SEMS DPA' SEMS CAN RNAMS PHA ROL TU PHYIN PA DRUG LA BKOD NA, SEMS CAN RNAMS BYANG CHUB SEMS DPA' LA DRIN DU GZO BA BYED DO, ,DE BZHIN DU PHA ROL TU PHYIN PA DRUG LA SEMS CAN BKOD DE, LUS CAN SEMS CAN RNAMS KYIS PHA ROL TU PHYIN PA DRUG SGRUB PAR BYED NA, 'DI DAG GIS BDAG LA PHAN BTAGS SO ZHES DE DAG LA BYANG CHUB SEMS DPA' DRIN DU GZO BAR BYED DO, ,DE BZHIN ZHES BYA BA NI JI LTAR BYANG CHUB SEMS DPA' LA DRIN DU GZO BA DE LTAR RO ZHES BYA BA LA SEMS CAN RNAMS PHA ROL TU PHYIN PA DRUG SPYOD PA LA BKOD NA, SEMS CAN DE DAG BYANG CHUB SEMS DPAS BDAG CAG LA PHAN BTAGS SO ZHES BYANG CHUB SEMS DPA' LA DRIN DU GZO BAR BYED PA DE BZHIN DU, SEMS CAN RNAMS PHA ROL TU PHYIN PA DRUG SGRUB PAR BYED NA YANG, SEMS CAN 'DI DAG GIS BDAG LA PHAN BTAGS SO ZHES SEMS CAN DE DAG LA BYANG CHUB SEMS DPA' SLAR DRIN DU GZO BAR BYED DO, ,TSUL KHRIMS LA'O ZHES BYA BA NI BYANG CHUB SEMS DPA' SEMS CAN TSUL KHRIMS LA BKOD NA, SEMS CAN DE DAG BYANG CHUB SEMS DPA' LA DRIN DU GZO BAR BYED PA LTAR, SEMS CAN DE DAG TSUL KHRIMS LA GNAS NA YANG, SEMS CAN DE DAG LA BYANG CHUB SEMS DPA' DRIN DU GZO BAR BYED DO, ,BZOD PA LA DGA' BA, BYANG CHUB SEMS DPAS PHAN PA BYAS PA LA DRIN DU GZO BA'I PHYIR, DRIN DU GZO @191B BA DANG LDAN PA NI BZOD PA'O ZHES BYA BA LA SEMS CAN GYIS BYANG CHUB SEMS DPA' LA GNOD PA BYAS KYANG, SEMS CAN DE DAG LA BYANG CHUB SEMS DPA' GNOD PA MI BYED PAS GNOD PA BYAS PA'I SEMS CAN DES BYANG CHUB SEMS DPA' BZOD PA LA DGA' BA SHES NAS, BYANG CHUB SEMS DPA' PHAN PA TAGS PA'I SEMS CAN DE LA PHAN PA BYAS LA DRIN DU GZO BA'I PHYIR, DRIN DU GZO BA'I SEMS KYIS BYANG CHUB SEMS DPA' BZOD PA LA DAG PA'I SEMS DANG MTHUN PAR BZOD PA LA GNAS PAR BYED NA, SEMS CAN DE LA BYANG CHUB SEMS DPA' DRIN DU GZO BAR BYED DO, ,GANG GIS GANG DU SGRUB PAR BYED PA'I PHYIR, ,ZHES BYA BA LA GANG GIS SGRUB PAR BYED CE NA, BRTZON 'GRUS KYIS SGRUB PAR BYED DO, ,GANG LA SGRUB PAR BYED CE NA, BSAM GTAN DANG SHES RAB LA SGRUB PAR BYED DO, ,RE BA RNAM PAR DBYE BA'I TSIGS SU BCAD PA ZHES BYA BA DE LTAR SEMS CAN LA PHAN 'DOGS PA LA ZHUGS PA'I BYANG CHUB SEMS DPA' DE GNAS RNAM PA LNGA JI LTAR THOB PAR BYA ZHE NA RE BA DANG SMON PA SKYE STE, DE BSTAN PA LA TSIGS SU BCAD PA GCIG BRTZAMS SO ZHES BYA BA'I DON TO, , 'PHEL BA DANG NI ZHES BYA BA LA BYANG CHUB SEMS DPA' RNAMS RTAG TU SBYIN PA'I PHA ROL TU PHYIN PA NAS SHES RAB KYI PHA ROL TU PHYIN PA'I BAR DU PHA ROL TU PHYIN PA DRUG JI LTAR 'PHEL BAR 'GYUR ZHES RE ZHING 'DOD DE, 'DI NI RE BA'I GNAS RNAM PA GCIG GO, ,'BRI BAR 'DOD CES BYA BA LA BYANG CHUB SEMS DPA' RNAMS PHA ROL TU PHYIN PA DRUG GI MI MTHUN PA'I PHYOGS, SER SNA NAS 'CHAL BA'I SHES RAB KYI BAR DAG RTAG TU JI LTAR 'PHRI ZHING NYAMS PAR 'GYUR ZHES RE ZHING 'DOD DE, 'DI NI RE ZHING 'DOD PA'I GNAS RNAM PA GNYIS SO; ,SEMS CAN RNAMS NI SMIN PA DANG, ,ZHES BYA BA LA BYANG CHUB SEMS DPA' RNAMS NI SEMS CAN RTAG TU DAD PA MA SKYES PA RNAMS NI DAD PA SKYED, DAD PA SKYES PA RNAMS NI DGE BA LA 'GOD, DGE BA LA BKOD PA RNAMS NI YONGS SU SMIN PAR BYA'O ZHES RE ZHING 'DOD @192A *, ,DE; 'DI NI RE BA'I GNAS RNAM PA GSUM MO, ,SA LA KHYAD PAR 'GRO BA DANG, ,ZHES BYA BA LA BYANG CHUB SEMS DPA' RNAMS NI RTAG TU SA DANG PO THOB NAS, SA GNYIS PA JI LTAR THOB PAR BYA ZHES 'DOD PA NAS, SA DGU PA THOB NA SA BCU PA JI LTAR THOB PAR BYA ZHES 'DOD CING RE STE, 'DI NI RE BA'I GNAS RNAM PA BZHI PA'O, ,RTAG TU BLA MED BYANG CHUB LA'O, ,ZHES BYA BA NI BYANG CHUB SEMS DPA' RNAMS DUS THAMS CAD DU SA BCU LAS 'DAS NAS, SANGS RGYAS JI LTAR THOB PAR BYA ZHES 'DOD DE, 'DI NI RE BA'I GNAS RNAM PA LNGA PA STE, BYANG CHUB SEMS DPA' RNAMS RE ZHING 'DOD NA YANG GNAS LNGA PO DE DAG LA RE ZHING 'DOD PA SKYE STE, 'JIG RTEN GYI PHUN SUM TSOGS PA 'AM, NYAN THOS DANG, RANG SANGS RGYAS KYI LAM DANG, MYA NGAN LAS 'DAS PA LA NI RE BA CUNG ZAD KYANG MI SKYE'O, ,SBYOR BA CHUNG MI ZA BA'I RNAM PAR DBYE BA'I TSIGS SU BCAD PA ZHES BYA BA LA NYAN THOS DAG GIS SBYOR BA BYAS PA NAS, BDAG GI DON DU ZHUS PAS SEMS CAN GYI DON MED PA'I PHYIR CHUD ZOS PA DANG, 'JIG RTEN PA DAG GI SBYOR BA NI PHAL CHER 'BRAS BU MED PAR 'GYUR BAS CHUD ZOS PA YIN GYI, BYANG CHUB SEMS DPA' RE BA PHYIN CI MA LOG CING RE BA PHUN SUM TSOGS PA DANG LDAN PAS LAS SU JI DANG JI BYAS PA RNAMS DE BZHIN DU 'BRAS BU GRUB CING 'BRAS BU MED PAR MI 'GYUR NA SBYOR BA CHUD MI ZA BA ZHES BYA STE, DE'ANG SBYOR BA RNAM PA BZHI CHUD MI ZA'O, , 'JIGS PA SPANGS DANG ZHES BYA BA LA GAL TE THEG PA CHEN PO'I CHOS ZAB CING RGYA CHE BA LA SKRAG NA NI BYANG CHUB SEMS DPA' DE THEG PA CHEN PO LA SBYOR BA LAS CHUD ZOS PA YIN NA NI, BYANG CHUB SEMS DPA' RNAMS NI ZAB CING RGYA CHE BA'I CHOS LA BDAG NYID KYANG SKRAG CING 'JIGS PA MED PA, SEMS CAN RNAMS THEG PA CHEN PO'I DON LA, SKRAG CING 'JIGS PA YANG SEL BAR BYED PAS NA, SBYOR BA CHUD MI ZA BA ZHES BYA STE, 'DI NI CHUD MI ZA BA RNAM PA GCIG GO, ,DE LA CHOS DANG GANG ZAG BDAG MED PA NI ZAB PA'O, ,SA DANG PHA ROL TU PHYIN PA RNAMS NI @192B RGYA CHE BA'O, ,BSKYED PA DANG ZHES BYA BA LA, GAL TE BYANG CHUB SEMS DPA' BDAG DANG SEMS CAN DAG 'JIG RTEN GYI PHUN SUM TSOGS PA 'DOD PA'I PHYIR SEMS BSKYED DAM, NYAN THOS DANG, RANG SANGS RGYAS KYI PHUN SUM TSOGS PA 'DOD PA'I SEMS BSKYED NA NI SBYOR BA CHUD ZOS PA YIN NA, BYANG CHUB SEMS DPA' NI DE LTAR MI MDZAD KYI, BDAG DANG SEMS CAN RNAMS KYANG BLA NA MED PA'I BYANG CHUB TU SEMS SKYED PAR BYED PAS NA, BYANG CHUB KYI SEMS LAS MA NYAMS PA'I PHYIR SBYOR BA CHUD MA ZOS TE, 'DI NI CHUD MA ZOS PA RNAM PA GNYIS PA'O, ,THE TSOM YANG NI GCOD PA DANG, ,ZHES BYA BA LA GAL TE SEMS CAN BLA NA MED PA'I BYANG CHUB TU SEMS BSKYED PA RNAMS THEG PA CHEN PO'I CHOS LA THE TSOM BCAD NA NI SEMS CAN DE DAG BYANG CHUB TU SEMS BSKYED PA LAS LOG PAR 'GYUR BA CHUD ZA BA YIN NA, BYANG CHUB TU SEMS BSKYED PA RNAMS THEG PA CHEN PO'I CHOS LA THE TSOM ZA BA'I THE TSOM GCOD PAR BYED PAS NA BYANG CHUB KYI SEMS LAS MI LDOG PA'I PHYIR SBYOR BA CHUD MI ZA STE, 'DI NI CHUD MI ZA BA RNAM PA GSUM PA'O, ,BSGRUB PA DAG NI GDAMS NGAG RNAMS, ,RGYAS SRAS RTAG TU CHUD MI ZA, ,ZHES BYA BA LA GAL TE BYANG CHUB SEMS DPA' RNAMS KYI SANGS RGYAS DANG BYANG CHUB SEMS KYIS, SA DANG PHA ROL TU PHYIN PA'I GDAMS NGAG BSTAN PA BZHIN DU, BDAG NYID KYANG MI BSGRUB CING, SEMS CAN LA YANG BSGRUB PA'I GDAMS NGAG MI STON NA SBYOR BA CHUD ZOS PA YIN NA, BYANG CHUB SEMS DPA'I BDAG NYID KYANG YANG DAG PA'I GDAMS NGAG DANG MAN NGAG BZHIN DU SGRUB PAR BYED PA YIN LA, SEMS CAN LA YANG YANG DAG PA'I GDAMS NGAG DANG MAN NGAG STON PAR BYED PAS SBYOR BA CHUD MI ZA STE, 'DI NI CHUD MI ZA BA RNAM PA BZHI PA STE, 'DI NI CHUD MI ZA BA GONG DU BSHAD PA'I CHOS BZHI NI BYANG CHUB SEMS DPA' RNAMS KYI RTAG TU CHUD MI ZA BA'I CHOS ZHES BYA'O, ,YANG DAG PA'I SBYOR BA'I RNAM PAR DBYE BA'I TSIGS SU BCAD PA GNYIS SO ZHES BYA BA LA SBYOR BA NI LAS SU BYED PA LA BYA STE, DE LTAR CHUD MI ZA BA LA GNAS PA'I BYANG CHUB SEMS DPA' LUS @193A *, ,DANG NGAG DANG YID GSUM GYI SGO NAS LAS SU BYED PA RNAMS MA NOR BAR BYED PAR 'GYUR TE, DE BAS NA LAS SU BYED PA LA MA NOR BAR BYED PA TSIGS SU BCAD PA GNYIS KYIS BSTAN TO, ,SBYIN PA LA NI RE BA MED, ,CES BYA BA LA BREL BA DANG PHONGS PA RNAMS LA CHOS DANG ZANG ZING DANG, MI 'JIGS PA'I SBYIN PA BYAS KYANG, TSE 'DI LA PHAN 'DOGS PA'I LAN YANG RE BA MED LA, TSE RABS GZHAN DU YANG LONGS SPYOD CHEN PO'I RNAM PAR SMIN PA LA RE BA MED PAR GTONG STE, DE LTAR GTOD PA NI SBYIN PA'I PHA ROL TU PHYIN PA YANG DAG PAR SBYOR BA'O, ,TSUL KHRIMS SRED PAR 'DOD PA MED, ,CES BYA BA LA TSUL KHRIMS BSRUNGS NAS LHA DANG MI'I NANG DU SKYE BAR 'GYUR BA YIN NA, BYANG CHUB SEMS DPA' TSUL KHRIMS BSRUNG BA NI SRID PA'I BDE BA LHA DANG MI'I GNAS THOB PAR BYA BA'I PHYIR BSRUNG BA MA YIN GYI; BLA NA MED PA'I BYANG CHUB THOB PAR BYA BA'I PHYIR BSRUNG STE, 'DI NI TSUL KHRIMS KYI PHA ROL TU PHYIN PA LA YANG DAG PAR SBYOR BA'O, ,THAMS CAD DU NI BZOD PA DANG, ,ZHES BYA BA LA LUS KYI SGO NAS MI RDEG PA DANG NGAG GI SGO NAS TSIG RTZUB PO TZAM MI 'BYIN KYANG SEMS LA KHONG KHRO BA YOD NA, THAMS CAD DU BZOD PA MA YIN GYI, BYANG CHUB SEMS DPA' NI LUS DANG NGAG GI GNOD PA MI BYED PA BZHIN DU YID LA YANG KHONG KHRO BA MED PAS NA, THAMS CAD DU BZOD PA ZHES BYA STE, 'DI NI BZOD PA'I PHA ROL TU PHYIN PA LA YANG DAG PAR SBYOR BA'O,, BRTZON 'GRUS DGE BA THAMS CAD 'BYUNG, ,ZHES BYA BA LA PHA ROL TU PHYIN PA 'GA' TZAM BSGRUB PA'I PHYIR BRTZON 'GRUS RTZOM PA 'AM, THEG PA 'GA' TZAM GYI CHOS LA BRTZON 'GRUS RTZAM PA NI DGE BA THAMS CAD 'BYUNG BA'I BRTZON 'GRUS ZHES MI BYA'I, ,BYANG CHUB SEMS DPA' RNAMS NI PHA ROL TU PHYIN PA THAMS CAD DANG, THEG PA GSUM CHAR GYI CHOS LA YANG BRTZON 'GRUS RTZOM PAS NA, DGE BA THAMS CAD 'BYUNG BA'I BRTZON 'GRUS ZHES BYA STE, 'DI NI BRTZON 'GRUS KYI PHA ROL TU PHYIN PA LA YANG DAG PAR SBYOR BA'O, ,DE BZHIN GZUGS @193B MED MA YIN BSAM GTAN DANG, ,ZHES BYA BA LA BYANG CHUB SEMS DPA' RNAMS BSAM GTAN BSGOM PA NI BSAM GTAN GYI 'BRAS BU 'DOD PA'I KHAMS DANG, GZUGS KYI KHAMS SU SKYE BAR 'GYUR BAR BSGOM GYI GZUGS MED PA'I KHAMS SU SKYE BAR 'GYUR BA'I BSAM GTAN MI BSGOM STE, GZUGS MED PA'I KHAMS SU SKYES NAS BDAG NYID SANGS RGYAS KYI CHOS YONGS SU SMIN PAR BYA BA DANG, SEMS CAN YONGS SU SMIN PAR BYA BA'I MTHA' MED PA'I PHYIR TE, DE LTA BU'I BSAM GTAN NI BSAM GTAN GYI PHA ROL TU PHYIN PA LA YANG DAG PAR SBYOR BA ZHES BYA'O, ,SHES RAB THABS DANG LDAN NA NI, ,ZHES BYA BA LA THABS YOD LA SHES RAB MED PA DANG SHES RAB YOD PA LA THABS MED PA NI BYANG CHUB SEMS DPA'I 'CHING BA YIN PAS, CHOS RNAMS STONG PA NYID DU SHES PA'I SHES RAB DE SEMS CAN YONGS SU SMIN PAR BYED PA'I THABS BSDU BA'I DNGOS PO BZHI DANG LDAN NA, THABS KYIS YONGS SU ZIN PA'I SHES RAB YIN TE, DE LTA BU NI BYANG CHUB SEMS DPA'I SHES RAB KYI PHA ROL TU PHYIN PA'I YANG DAG PA'I SBYOR BA'O, ,PHA ROL PHYIN PA DRUG RNAMS LA, ,BSTAN PA RNAMS KYIS YANG DAG SBYOR, ,ZHES BYA BA LA GONG DU BSHAD PA LTA BUR PHA ROL TU PHYIN PA DRUG LA SBYOR NA BSTAN PA BYANG CHUB SEMS DPA' RNAMS PHA ROL TU PHYIN PA RNAMS LA YANG DAG PA DANG MA NOR BAR SBYOR BA YIN NO ZHES BYA BA'I DON TO, ,JI LTAR DKON MCHOG BRTZEGS PA LAS KYANG ZHES BYA BA LA SOGS PA LA GONG DU BSHAD PA LTA BUR PHA ROL TU PHYIN PA DRUG LA SBYOR NA, PHA ROL TU PHYIN PA DRUG LA YANG DAG PAR SBYOR BA YIN PAR, 'PHAGS PA DKON MCHOG BRTZEGS PA'I MDO LAS KYANG BSHAD DE, JI SKAD DU GSUNGS SHE NA, RNAM PAR SMIN PA LA MI RE BA'I SBYIN PA DANG, SRID PA'I SKYE BA THAMS CAD LA MI GNAS PA'I TSUL KHRIMS DANG, SEMS CAN THAMS CAD LA KHONG KHRO BA MED PA'I BZOD PA DANG, DGE BA'I RTZA BA THAMS CAD YANG DAG PAR SDUD PA'I BRTZON 'GRUS DANG, GZUGS MED PA'I KHAMS KYIS @194A *, ,MA GOS PA'I BSAM GTAN DANG THABS LA MKHAS PAS BSDU BA'I DNGOS PO BZHI DANG RAB TU LDAN PA'I THABS KYIS YONGS SU ZIN PA'I SHES RAB DANG ZHES BYA BA GSUNGS SO, ,NYAMS PA DANG KHYAD PAR GYI PHYOGS KYI CHOS RNAM PAR DBYE BA LA TSIGS SU BCAD PA RNAM PA GNYIS SO ZHES BYA BA LA CHOS GANG GNAS NA PHA ROL TU PHYIN PA DRUG LAS NYAMS PAR 'GYUR BA'I NYAMS PA'I PHYOGS KYI CHOS ZHES BYA'O, ,CHOS GANG LA GNAS NA PHA ROL TU PHYIN PA RNAMS 'PHEL ZHING 'BOGS PAR 'GYUR BA'I CHOS LA NI KHYAD PAR GYI PHYOGS KYI CHOS ZHES BYA STE, BYANG CHUB SEMS DPA' YANG DAG PA'I SBYOR BA LA GNAS PA DE DAG PHA ROL TU PHYIN PA DRUG GI MI MTHUN PA'I PHYOGS NI NYAMS SHING 'BRI BAR 'GYUR LA, DE'I GNYEN POR GYUR PA'I CHOS RNAMS NI ZLA BA YAR GYI NGO BZHIN DU 'PHEL BAR 'GYUR TE, DE BAS NA NYAMS PA DANG 'PHEL BAR 'GYUR BA TSIGS SU BCAD PA GNYIS KYIS BSTAN TO, ,LONGS SPYOD CHAGS DANG ZHES BYA BA LA GZUGS LA SOGS PA'I 'DOD PA LNGA'I YON TAN LA CHAGS PA NI LONGS SPYOD LA CHAGS PA ZHES BYA STE, BYANG CHUB SEMS DPA' LONGS SPYOD LA CHAGS NA SBYIN PA YONGS SU GTONG BAR MI NUS PAS, SBYIN PA'I PHA ROL TU PHYIN PA LAS NYAMS PAR 'GYUR RO, ,RAL BAR BCAS ZHES BYA BA LA BYANG CHUB SEMS DPAS BSLAB TSIG PHRA MO DAG KYANG NYAMS PAR BYAS NA, DES TSUL KHRIMS KYI PHA ROL TU PHYIN PA LAS NYAMS PAR 'GYUR RO, ,NGA RGYAL DANG NI ZHES BYA BA LA, MKHAN PO DANG SLOB DPON DANG GANG ZAG YON TAN CAN LA LUS DANG NGAG DANG YID KYIS GUS PA MED PA NI NGA RGYAL DANG BCAS PA ZHES BYA STE, YOD PA'I RNAMS LA BZOD PAR MI NUS MI SRID PA SRID PAS NGA RGYAL GYIS NI BZOD PA'I PHA ROL TU PHYIN PA NYAMS PAR 'GYUR RO, ,NYAMS RANGS DANG ZHES BYA BA LA NYAL BA DANG 'PHROS PA LA SOGS PA'I BDE BA TZAM LA CHAGS PA NI NYAMS RANGS ZHES BYA STE, DE LTAR NYAMS RANGS YOD NA BRTZON 'GRUS KYI PHA ROL TU PHYIN PA LA 'JUG TU MI BTUB PAS @194B BRTZON 'GRUS KYI PHA ROL TU PHYIN PA LAS NYAMS PAR 'GYUR RO, ,MYONG DANG ZHES BYA BA LA MYANG BA NI BSAM GTAN GYI ROL CHAGS PA STE, BSAM GTAN GYI RO MYONGS NA BSAM GTAN LAS NYAMS PAR 'GYUR BAS NA BSAM GTAN GYI PHA ROL TU PHYIN PA LAS NYAMS PAR 'GYUR BA'I RGYU'O, ,RNAM PAR RTOG PA NI ZHES BYA BA LA BDAG DANG SEMS CAN DANG, RDZAS KYI DNGOS PO LA SOGS PA YOD PAR RTOG PA NI RNAM PAR RTOG PA ZHES BYA STE, DE LTAR BRTAGS NA RNAM PAR MI RTOG PA'I SHES RAB MI 'BYUNG BAS, SHES RAB LAS NYAMS PAR 'GYUR BA'I RGYU'O,, DE RNAMS KYI NI GNYEN PO LA, ,GNAS PA'I BYANG CHUB SEMS DPA' NI, ,DE DAG LAS NI BZLOG PAS NA, ,KHYAD PAR PHYOGS CHOS SHES PAR BYA, ,ZHES BYA BA LA DE RNAMS KYI SGRAS NI GONG DU BSHAD PA'I LONGS SPYOD LA CHAGS PA NAS, RNAM PAR RTOG PA DANG LDAN PA'I NYAMS PAR GYUR PA'I RGYU DRUG LA BYA STE, RGYU DRUG PO DE'I GNYEN PO NI LONGS SPYOD LA MA CHAGS PA DANG, TSUL KHRIMS MA RAL BA DANG, NGA RGYAL MED PA DANG, RANG NYAMS MED PA DANG, BSAM GTAN GYI RO LA MI MYANG BA DANG, BDAG DANG SEMS CAN DANG, CHOS RNAMS LA YOD PAR MI RIGS PA STE; GNYEN PO'I CHOS DE DRUG LA GNAS PA NI NAG PO'I CHOS LAS BZLOG STE, DKAR PO'I PHYOGS LA GNAS PAS SBYIN PA'I PHA ROL TU PHYIN PA NAS SHES RAB KYI PHA ROL TU PHYIN PA'I BAR DU PHA ROL TU PHYIN PA DRUG 'BOGS SHING KHYAD PAR DU 'GRO BA'I CHOS YIN NO ZHES BYA BA'I DON TO; ,YON TAN GYI GZUGS BRNYAN DU GYUR PA DBYE BA LA TSIGS SU BCAD PA DRUG STE, GCIG RTZA BA DRUG PA'O ZHES BYA BA LA PHA ROL TU PHYIN PA DRUG LAS NYAMS PAR 'GYUR BA'I RGYU DANG, PHA ROL TU PHYIN PA DRUG 'PHEL BAR 'GYUR BA'I RGYUR BSHAD DE, DE LA BYANG CHUB SEMS DPA' PHA ROL TU PHYIN PA DRUG NYAMS PAR 'GYUR BA'I RGYU LA GNAS NA NI YON TAN GYI GZUGS BRNYAN LA GNAS PA ZHES BYA STE, DE LA YANG DAG PA'I YON TAN MED KYI, YON TAN SGYU MA TZAM LA GNAS PA'O, ,GAL TE PHA ROL TU PHYIN PA'I RGYU LA GNAS NA NI BYANG CHUB SEMS @195A *, ,DPA' DE YANG DAG PA'I YON TAN LA GNAS PA ZHES BYA STE, DE BSTAN PA'I PHYIR TSIGS SU BCAD PA GNYIS RTZOM MO, ,DE LA TSIGS SU BCAD PA DANG PO NI RTZA BA DRUG PA'O, ,STOBS PA DANG ZHES BYA BA LA PHYI DANG NANG GI SBYIN NO ZHES TSIG GIS STOBS PAR BYED PA TZAM DU ZAD KYI, PHYI NANG GI DNGOS PO GTONG BA'I SBYIN PA SGRUB PA MED PA NA SBYIN PA YANG DAG PA MA YIN GYI, SBYIN PA'I GZUGS BRNYAN LA GNAS PA ZHES BYA STE, TSUL 'CHOS DANG ZHES BYA BA PHAS PHAM PA DANG LTUNG BA LA SOGS PA'I NYES PA NI MI SRUNG ZHING NYES PA RGYUN DU 'BYUNG LA, SPYOD LAM TZAM GYI SGO NAS TSUL 'CHOS PA LA YON TAN DANG 'DRA BAR STON PA NI TSUL KHRIMS KYI GZUGS BRNYAN LA GNAS PA ZHES BYA BA'O, ,NGAG 'JAM PA DAG STON PA DANG, ,ZHES BYA BA LA, SEMS LA SEMS CAN THAMS CAD KYI ZHE SDANG SPANGS PA'I BYAMS PA MED PA LA, RTAG TU SEMS CAN LA GSOD PAR BYA BA'I ZHE SDANG DANG, SEMS LDAN ZHING TSIG GI SGO NAS 'JAM ZHING SNYAN PA TZAM SMRA BA NI BZOD PA'I GZUGS BRNYAN LA GNAS PA ZHES BYA'O, ,GLO BUR 'JUG PA DE BZHIN TE, ,ZHES BYA BA LA RGYUN DU DGE BA LA BRTZON 'GRUS BYED PA NI MED KYI SKYE BO MANG PO'I NANG DU BRTZON 'GRUS CHE BA DANG PHUL 'PHRAL LA GLO BUR DU BRTZON 'GRUS RTZOM PA NI BRTZON 'GRUS KYI GZUGS BRNYAN LA GNAS PA'O, ,LUS DANG NGAG YID DE BZHIN NI, ,ZHES BYA BA NI LUS ZHI STE SHING DRUNG DANG BRAG LA SOGS PA'I GNAS NA GNAS PA DANG, NGAG ZHI STE SMRA BA MANG PO MI SMRA BAR BYED KYANG SEMS LA RGOD PA DANG G-YENG BA RNAM PA SNA TSOGS RGYUN DU 'BYUNG STE, DE NI BSAM GTAN GYI GZUGS BRNYAN LA GNAS PA'O, ,TSIG SNYAN PHUN SUM TSOGS PA DANG, ,ZHES BYA BA LA THEG PA GSUM GYI CHOS RNAMS KYI RANG DANG SPYI'I MTSAN NYID LA SHES PA NI MED KYI, 'JIG RTEN GYI SGRA'I GTZUG LAG DANG RGYU'I GTZUG LAG SHES SHING SMRA BA'I DUS NA TSIG 'BREL BA TZAM DU SMRA BAR ZAD KYI DON GANG LA BYA GTOL MED NA SHES RAB KYI GZUGS BRNYAN LA GNAS PA ZHES BYA'O, ,BSGRUB PA RAB TU SPANGS PA STE, , @195B YANG DAG MA YIN PAR YANG BSHAD, ,CES BYA BA LA STOBS PA TZAM LA GNAS NAS TSIGS SNYAN PA PHUN GSUM TSOGS PA LA GNAS PAR ZAD KYI SBYIN PA SGRUB PA NAS CHOS KYI RANG DANG SPYI'I MTSAN NYID RTOGS PA'I SGRUB PA MED NA, BYANG CHUB SEMS DPA' DE YANG DAG PA'I BYANG CHUB SEMS DPA' MA YIN PAR BSHAD DE, PHA ROL TU PHYIN PA'I GZUGS BRNYAN TZAM LA GNAS PA'I BYANG CHUB SEMS DPA' YIN PAR BSHAD DO, ,BZLOG PA RAB TU SBYOR BA NI, ,YANG DAG PAR NI DE BSHAD DO, ,ZHES BYA BA LA GONG DU BSHAD PA'I STOBS PA NAS TSIG SNYAN PA PHUN SUM TSOGS PA SPYOD PA LAS BZLOG STE, SBYIN PA LA SOGS PA NAS CHOS KYI MTSAN NYID RTOGS PA'I SHES RAB LA SPYOD PA NA BYANG CHUB SEMS DPA' DE YANG DAG PA'I YON TAN LA GNAS PAR BSHAD DO, ,'DUL BA RNAM PAR DBYE BA LA TSIGS SU BCAD PA ZHES BYA BA LA, DE LTAR YANG DAG PA'I YON TAN LA GNAS PA'I BYANG CHUB SEMS DPA' DES NI SEMS CAN GYI SEMS KYI RGYUD LA PHA ROL TU PHYIN PA DRUG DANG, MI MTHUN PA YOD PA'I PHYOGS RNAMS 'DUL BAR BYED PAR NUS TE, DE BAS NA 'DUL BA RNAM PAR DBYE BA LA TSIGS SU BCAD PA GCIG GIS BSTAN TO, ,DE'ANG MDOR NA, GANG GIS 'DUL BA DANG, SA GANG LA GNAS PA NA 'DUL BA DANG, CHOS GANG BSGRUBS PAS 'DUL BA DANG, GANG GIS 'DUL BA DANG, GANG 'DUL BAS 'DUL BA RNAM PAR DBYE BA BSTAN TO, ,BLO LDAN ZHES BYA BA LAS KUN NI SA BCU KUN LA STE, GANG LA GNAS PA'I TSE 'DUL ZHE NA, SA BCU LA GNAS PA'I TSE 'DUL LO, ,SBYIN PA LA SOGS NYER BSGRUBS PAS, ,ZHES BYA BA LA CHOS GANG BSGRUBS SHE NA, SA BCU RNAMS SU PHA ROL TU PHYIN PA DRUG GI CHOS RNAMS BSGRUBS PAS 'DUL LO, ,SEMS CAN RNAMS KYIS ZHES BYA BA LA SU YIS 'DU LA ZHES NA, SEMS CAN RNAMS KYIS 'DUL LO, ,MI MTHUN PHYOGS RNAMS DRUG NI 'DUL BAR BYED, ,CES BYA BA LA CI ZHIG 'DUL ZHE NA, SEMS CAN RNAMS KYI SEMS KYI RGYUD LA PHA ROL TU PHYIN PA DRUG GI MI MTHUN PA'I PHYOGS SER SNA NAS 'CHAL BA'I SHE RAB @196A *, ,KYI BAR DAG YOD PAR 'DUL TE, DE LA BYANG CHUB SEMS DPA' SBYIN PA BSGRUBS PAS NI SEMS CAN GYI SER SNA 'DUL LO, ,TSUL KHRIMS BSGRUBS PAS NI SEMS CAN GYI NGAN PA'I NGANG TSUL 'DUL LO, ,BZOD PA BSGRUBS PAS NI KHONG KHRO BA 'DUL LO, BRTZON 'GRUS BSGRUBS PAS NI SEMS CAN GYI LE LO 'DUL LO, ,BSAM GTAN BSGRUBS PAS NI SEMS CAN GYI SEMS G-YENG BA 'DUL LO, ,SHES RAB BSGRUBS PAS NI SEMS CAN GYI 'CHAL BA'I SHES RAB 'DUL LO, ,LUNG BSTAN PA RNAM PAR DBYE BA'I TSIGS SU BCAD PA ZHES BYA BA LA DE LTAR BYANG CHUB SEMS DPA' BDAG NYID KYANG YANG DAG PA'I YON TAN LA GNAS SHING SEMS CAN GYI SEMS KYI RGYUD LA PHA ROL TU PHYIN PA DRUG DANG MI MTHUN PA'I PHYOGS YOD PA 'DUL BA LA ZHUGS PA DE BDAG NYID BLA NA MED PA'I BYANG CHUB TU LUNG BSGOM PA 'THOB PAR 'GYUR ZHING MI SKYE BA'I CHOS LA BZOD PA THOB PA'I GNAS, SA BRGYAD PA LA YANG 'JUG PAR 'GYUR TE, DE BAS NA LUNG DU BSTAN PA RNAM PAR DBYE BA'I TSIGS SU BCAD PA GSUM GYIS BSTAN TO, ,BLO LDAN LUNG BSTAN RNAM GNYIS TE, ,GANG ZAG DUS KYI BYE BRAG GIS, ,ZHES BYA BA LA BLO DANG LDAN PA BYANG CHUB SEMS DPA' RNAMS BLA NA MED PA'I BYANG CHUB TU LUNG BSTAN PA RNAM PA GNYIS YOD DE, GANG ZAG GI BYE BRAG GIS LUNG BSTAN PA DANG, DUS KYI BYE BRAG GIS LUNG BSTAN PA'O, ,DE LA GANG ZAG GI BYE BRAG GIS BSTAN PA LA RNAM PA BZHI STE, RIGS LA GNAS PA'I GANG ZAG LUNG BSTAN PA DANG, BYANG CHUB TU SEMS BSKYED PA'I GANG ZAG LUNG BSTAN PA DANG, MNGON DU GYUR PA'I GANG ZAG LUNG BSTAN PA DANG, MNGON DU GYUR PA MA YIN PA'I GANG ZAG LUNG BSTAN PA'O, ,DE LA RIGS LA GNAS PA'I GANG ZAG LUNG BSTAN PA NI SBYIN PA NAS SHES RAB KYI PHA ROL TU PHYIN PA DRUG GI RIGS DANG SA BON YOD PAS BYANG CHUB TU SEMS BSKYED KYANG PHA ROL TU PHYIN PA DRUG GI MTSAN MA SNANG NA GANG ZAG DE DE BZHIN GSHEGS PA RNAMS KYIS BLA NA MED PA'I BYANG CHUB TU 'TSANG RGYA BAR 'GYUR RO ZHES LUNG STON GYI THEG PA CHEN PO'I RIGS YOD KYANG RIG PA'I MTSAN MA MED PA RNAMS NI 'TSANG RGYA BAR 'GYUR @196B BAR LUNG MI STON TE, SEMS BSKYED PA'I LUNG BSTAN PA RIGS LA GNAS PA'I GANG ZAG LAS BDAG DANG SEMS CAN PHAN PAR 'DOD PA'I PHYIR DAD PA DANG, MOS PA CHEN PO'I SHUGS KYIS DKON MCHOG GSUM LA MCHOD PA RGYA CHEN PO BYAS NAS BLA NA MED PA'I BYANG CHUB TU SEMS BSKYED NA, DE LA DE BZHIN GSHEGS PA RNAMS KYIS GANG ZAG 'DI MA 'ONGS PA'I DUS NA 'TSANG BAR 'GYUR RO ZHES LUNG BSTAN TO, ,MNGON SUM DU 'GYUR BAR LUNG BSTAN PA NI DE BZHIN GSHEGS PA CHOS 'CHAD PA'I 'OG TU GANG ZAG DE 'DUS NA, DE LA DE BZHIN GSHEGS PA GANG ZAG 'DI MNGON PAR 'TSANG RGYA BAR 'GYUR RO ZHES LUNG BSTAN PA'O, ,MNGON SUM MA YIN PA LA LUNG BSTAN PA NI GANG ZAG LUNG STON PAR 'OS PA STE, DE BZHIN GSHEGS PA CHOS 'CHAD PA'I 'KHOR DU TSOGS PA NI MA YIN GYI, DE'I TSE 'JIG RTEN GYI KHAMS GZHAN LA GNAS PA'AM, SANGS RGYAS MYA NGAN LAS 'DAS PA'I 'OG TU 'BYUNG BA STE, DE DAG LA DE BZHIN GSHEGS PA RNAMS KYIS 'JIG RTEN GYI KHAMS CHE GE MO ZHIG NA GNAS PA'I GANG ZAG 'TSANG RGYA BAR 'GYUR RO ZHES LUNG STON PA'AM, MA 'ONGS PA NA GANG ZAG 'DI LTA BU DAG 'BYUNG STE, DE MNGON PAR 'TSANG RGYA BAR 'GYUR RO ZHES LUNG STON PA STE, DPER NA A'A TZ'ARYA N'A GA RDZUN LUNG BSTAN PA LTA BU'O, ,DUS KYI BYE BRAG GIS LUNG STON PA LA RNAM PA GNYIS TE, DUS DPAG TU YOD PAR LUNG STON PA DANG DUS DPAG TU MED PAR LUNG STON PAR LO DANG ZLA BA DANG BSKAL PA GRANGS CHAD PAR BYAS NAS LUNG STON PA STE, BSKAL PA BRGYA ZHES 'AM STONG ZHE 'AM BSKAL PA BYE BA STONG JI SNYED CIG NA 'TSANG RGYA BAR 'GYUR RO ZHES LUNG STON PAR 'GYUR RO ZHES STON PA'O, ,DUS DPAG TU MED PAR LUNG STON PA NI BSKAL PA'I GRANGS CHAD PA MED DE, 'DI LTAR GANG ZAG 'DI NAM ZHIG NA 'TSANG RGYA BAR 'GYUR RO ZHES LUNG STON PA'O, ,BYANG CHUB PA DANG LUNG BSTAN DANG, ,ZHES BYA BA LA YANG LUNG BSTAN PA RNAM PA GNYIS TE, BYANG CHUB TU LUNG BSTAN PA DANG, ,LUNG BSTAN PA'I LUNG BSTAN PA'O, ,DE LA BYANG @197A *, ,CHUB TU LUNG BSTAN PA NI MA 'ONGS PA NA, SANGS RGYAS CHE GE MO ZHIG MNGON PAR 'TSANG RGYA BAR 'GYUR RO ZHES LUNG STON PA STE, DPER NA SH'AKYA THUB PAS MA 'ONGS PA NA SANGS RGYAS BYAMS PA ZHES BYA BA 'BYUNG BAR 'GYUR RO ZHES LUNG STON PA'O, ,LUNG STON PA'I LUNG BSTAN PA NI NAM ZHIG NA GANG ZAG GANG 'BYUNG BA DE BZHIN GSHEGS PA NYID KYIS LUNG MI STON GYI MA 'ONGS PA NA DE BZHIN GSHEGS PA CHE GE MO ZHIG 'BYUNG BAR 'GYUR TE, DES GANG ZAG CHE GE MO ZHIG BLA NA MED PA'I BYANG CHUB TU 'TSANG RGYA BAR 'GYUR RO ZHES LUNG BSTAN PAR 'GYUR RO, ,GZHAN YANG CHEN POR SHIN TU BSHAD, ,CES BYA BA LA, LUNG BSTAN PA RNAM PA GZHAN YANG YOD DE, GANG ZHE NA, GANG CHEN POR LUNG BSTAN PA'O, ,DE LA CHEN POR LUNG BSTAN PA NI SA BRGYAD PA'I BYANG CHUB SEMS DPA' RNAMS BLA NA MED PA'I BYANG CHUB TU LUNG BSTAN PA ZHES BYA'O, ,SA BRGYAD PA LUNG BSTAN PA LA, CI'I PHYIR CHEN POR LUNG BSTAN PA ZHES BYA ZHE NA, DE'I PHYIR, MI SKYE BZOD PA THOB PA DANG, ,NGA DANG SPYOD PA SPANGS PA DANG, ,SANGS RGYAS THAMS CAD RGYAL SRAS DANG, ,GCIG GIS DNGOS SU GYUR PA'I PHYIR RO, ,ZHES BYA BA SMOS TE SA BRGYAD PA LA MI SKYE BA'I CHOS LA BZOD PA THOB PAS, NGA SPANGS PA STE, RTZOL PA DANG 'BAD PA SPANGS PA DANG, SPYOD PA SPANGS PA STE, MTSAN MA DANG BCAS PA'I SPYOD PA SPANGS PA DANG, SANGS RGYAS THAMS CAD DANG, PHRIN LAS GCIG TU GYUR PA LAS SA BRGYAD PA LA ZHUGS PA'I BYANG CHUB SEMS DPA' THAMS CAD DANG, PHRIN LAS GCIG CING RNAM PAR MI RTOG PA LHUN GYIS GRUB PA BRNYES PA RANG BZHIN GCIG PAS NA, SA BRGYAD PA LUNG BSTAN PA NI CHEN POR LUNG BSTAN PA ZHES BYA'O, ,LUNG BSTAN PA'I RNAM GRANGS GZHAN YANG BSTAN PA'I PHYIR, ZHING DANG DUS DANG MING DAG DANG, ,DE YANG BSKAL PA'I MING DAG DANG, ,G-YOG DANG RJES SU 'JUG PA DANG, ,DAM CHOS RNAMS SU DE 'DOD DO, ,ZHES BYA BA SMOS TE, GZHAN YANG SANGS RGYAS KYI ZHING BDE BA CAN ZHE 'AM, CHE GE MO @197B ZHIG TU SANGS RGYAS KYI MTSAN SNANG BA MTHA' YAS ZHE 'AM CHE GE MO ZHIG DUS 'DI SRID CIG 'DAS NAS, BSKAL PA'I MING SKAR MA CAN ZHE 'AM, CHE GE MO ZHIG TU NYAN THOS KYI G-YOG 'DI SNYED CIG DANG, DE'I RJES SU 'BRANG BA'I BYANG CHUB SEMS DPA' 'DI SNYED CIG 'KHOR DU 'GYUR ZHING DE MNGON PAR SANGS RGYAS TE BSHAD PA'I CHOS RNAMS KYANG BSKAL PA 'DI SNYED CIG TU GNAS PAR 'GYUR RO ZHES LUNG BSTAN PA'O, ,YANG BYANG CHUB TU LUNG STON PA YIN ZHES BYA BA LA YANG BSTAN PA GNYIS TE, BYANG CHUB TU LUNG BSTAN PA DANG, LUNG BSTAN PA'I LUNG BSTAN PA'O, ,DE LA BYANG CHUB TU LUNG BSTAN PA NI MA 'ONGS PA NA DE BZHIN GSHEGS PA CHE GE MO ZHIG MNGON PAR RDZOGS PAR 'TSANG RGYA BAR 'GYUR RO ZHES LUNG STON PA'O, ,DE BZHIN GSHEGS PA 'DI ZHES BYA BAS, DUS CHE GE MO ZHIG NA ZHES BYA BA LA SOGS PA'O, , LUNG BSTAN PA'I LUNG BSTAN PA NI GANG ZAG GANG ZHIG LUNG STON NA, DE BZHIN GSHEGS PA DE NYID KYIS DE LA LUNG MI STON GYI NAM ZHIG NA DE BZHIN GSHEGS PA CHE GE MO ZHIG 'DI SRID CIG NA, 'BYUNG BAR 'GYUR TE DES GANG ZAG CHE GE MO ZHIG BLA NA MED PA'I BYANG CHUB TU 'TSANG RGYA BAR 'GYUR RO ZHES LUNG STON PA NI LUNG STON PA'I LUNG STON PA ZHES BYA'O, ,GZHAN YANG LUNG BSTAN PA CHEN PO NI SA BRGYAD PA LA MI SKYE BA'I BZOD PA THOB PA'I PHYIR, BDAG SANGS RGYAS SU 'GYUR RO ZHES BYA BA LA LUNG BSTAN PA'I GRANGS SU GZHAN YANG YOD DE, GANG ZHE NA, LUNG BSTAN PA CHEN PO ZHES BYA BA'O, ,DE LAS BRGYAD PA LA ZHUGS PA'I BYANG CHUB SEMS DPA' RNAMS DE BZHIN GSHEGS PA THAMS CAD KYIS, ,BLA NA MED PA'I BYANG CHUB TU LUNG BSTAN PA NI LUNG BSTAN PA ZHES BYA'O, ,CI'I PHYIR, DE'I TSE LUNG BSTAN PA ZHES BYA ZHE NA, DE'I TSE MI SKYE BA'I CHOS LA BZOD PA THOB PA'I PHYIR, SA BRGYAD PA LA ZHUGS PA'I BYANG CHUB SEMS DPA' DE BDAG NYID GDON MI ZA BAR BLA NA MED PA'I BYANG CHUB TU 'TSANG RGYA BAR SHES PAS BDAG 'TSANG RGYA BAR 'GYUR RO ZHES BDAG NYID KYIS BDAG NYID LA YANG LUNG STON CING DE BZHIN GSHEGS @198A *, ,PA RNAMS KYIS KYANG LUNG STON PAR MDZAD PAS NA, LUNG STON PA ZHES BYA'O, ,SA BRGYAD PA LA ZHUGS PA JI LTAR NA MI SKYE BA'I CHOS LA BZOD PA THOB CE NA DE'I PHYIR, NGA RGYAL SPANGS PA'I PHYIR DANG, MTSAN MA LA SPYOD PA SPANGS PA'I PHYIR DANG, DE DANG BDAG GI RGYUD THA DAD PA MED PAR MA MTHONG BAS ZHES BYA BA LA SOGS PA SMOS TE, SA BRGYAD PA LA ZHUGS PA'I TSE, RTZOL BA DANG 'BAD PA THAMS CAD SPANGS PAS NA NGA RGYAL SPANGS PA ZHES BYA'O, ,MDO SDE LA SOGS PA'I CHOS MANG PO LA MTSAN MA RNAM PA SNA TSOGS SU YID LA BYED PA SPANGS PAS NA, MTSAN MA LA SPYOD PA SPANGS PA ZHES BYA'O, ,SA BRGYAD PA LA ZHUGS PA'I BYANG CHUB SEMS DPA' RNAMS TE DE BZHIN GSHEGS PA THAMS CAD DANG, BDAG NYID DU RNAM PAR MI RTOG PA'I YE SHES LHUN GYIS GRUB PA THOB PA MI 'DRA BA MED DE, RGYUD THA DAD PA MED PAR MTHONG BAS, DE'I TSE MI SKYE BA'I CHOS LA BZOD PA THOB CING BDAG 'TSANG RGYA BAR 'GYUR RO ZHES BDAG LA BDAG LUNG STON PA DANG, DE BZHIN GSHEGS PA RNAMS KYIS KYANG SANGS RGYAS PAR 'GYUR RO ZHES LUNG STON PAS NI, LUNG STON PA CHEN PO ZHES BYA'O, ,NGES PAR 'GYUR BA RNAM PAR DBYE BA'I TSIGS SU BCAD PA RTZA BA DRUG PA STE, ZHES BYA BA LA, GONG DU BSHAD PA LTA BUR LUNG BSTAN PA LA SOGS PA YON TAN DANG LDAN PA BYANG CHUB SEMS DPA' DE PHA ROL TU PHYIN PA DRUG SGRUB PA YANG DE DAG GI 'BRAS BU THOB PAR 'DOD PA'I SGRUB PA NI MA YIN GYI BLA NA MED PA'I BYANG CHUB THOB PAR 'DOD PA'I PHYIR SGRUB MOD KYI, PHA ROL TU PHYIN PA'I 'BRAS BU RNAM PA DRUG KYANG GDON MI ZA BA DANG, NGES PAR 'THOB PAR 'GYUR TE, DE BAS NA NGES PAR 'GYUR BA'I RNAM PAR DBYE BA'I TSIGS SU BCAD PA RTZA BA DRUG PA GCIG GIS BSTAN TO, ,BLO LDAN PHUN SUM TSOGS PA DANG, SKYE DANG SKYE MED NGES PAR 'GYUR, ,RTAG TU SGOM PAR BYED PA DANG, ,MNYAM PAR GZHAG LAS MI NYAMS DANG, ,BYA BA 'GRUB PA DANG LHUN GYIS 'GRUB, ,KUN DU BZOD PA THOB PA LA, ,ZHES BYA BA LA BYANG CHUB SEMS DPA' PHA ROL TU PHYIN PA @198B DRUG SGRUB PA NA, PHA ROL TU PHYIN PA DRUG GI 'BRAS BU RNAM PA DRUG NGES PAR 'THOB PAR 'GYUR TE, 'BRAS BU NGES PAR THOB PA RNAM PA DRUG NI PHUN SUM TSOGS PA NGES PAR 'THOB PAR 'GYUR BA DANG, SKYE BA NGES PAR 'THOB PAR 'GYUR BA DANG, MI SKYE BA NGES PAR 'THOB PAR 'GYUR BA DANG, RTAG TU BSGOM PA NGES PAR 'THOB PAR 'GYUR BA DANG, MNYAM PAR GZHAG PA LAS MI NYAMS PA NGES PAR 'THOB PAR 'GYUR BA DANG, BYA BA BSGRUB PA NGES PAR 'THOB PAR 'GYUR BA DANG, LHUN GYIS GRUB CING MI SKYA BA'I CHOS LA BZOD PA THOB PA NGES PAR 'THOB PAR 'GYUR BA'O, ,RTAG TU RGYA CHEN PO'I LONGS SPYOD PHUN SUM TSOGS PA THOB PA'I PHYIR RO ZHES BYA BA LA SBYIN PA'I PHA ROL TU PHYIN PA BSGRUBS PAS NA PHUN SUM TSOGS PA NGES PAR THOB PAR 'GYUR TE, SBYIN PA'I MTHUS BYANG CHUB SEMS DPA' GANG NAS GANG DU SKYES PA STE DE DAG THAMS CAD DU BRGYA BYIN DANG TSANGS PA DANG, 'KHOR LOS SGYUR BA LA SOGS PA'I LONGS SPYOD 'THOB PAR GDON MI ZA BA'I PHYIR RO, ,RTAG TU JI LTAR 'DOD PA BZHIN DU, SKYE BA YONGS SU 'DZIN PA'I PHYIR RO ZHES BYA BA LA TSUL KHRIMS KYI PHA ROL TU PHYIN PA BSGRUBS PAS NI SKYE BA NGES PAR 'THOB PAR 'GYUR TE, TSUL KHRIMS DANG LDAN PA BYANG CHUB SEMS DPA' SEMS CAN LA PHAN PA BZHIN DU LAS DANG NYON MONGS PA'I DBANG GIS 'KHOR BAR SKYE BA LTA BU NI MA YIN GYI, LHA DANG MI LA SOGS PA'I GNAS DE DANG, DE DAG TU JI DGAR SKYE BAR 'GYUR BAR GDON MI ZA BA'I PHYIR RO, ,RTAG TU 'KHOR BA'I SDUG BSNGAL GYIS MI SKYO BA'I PHYIR RO ZHES BYA BA LA BZOD PA'I PHA ROL TU PHYIN PA BSGRUBS PAS NI MI SKYO BA'I NGES PA 'THOB PAR 'GYUR TE, BZOD PA LA GNAS PA RNAMS DUS THAMS CAD DU YANG BDAG DANG, SEMS CAN GYI DON DU ZHUGS PA NA GRANG BA DANG TSA BA LA SOGS PA'I SDUG BSNGAL THAMS CAD KYIS SKYO BA MED PA'I SEMS THOB PAR GDON MI ZA BA'I PHYIR RO, ,RTAG TU BSGOM PA RGYUN MI 'CHAD PA'I PHYIR RO ZHES BYA BA NI BRTZON 'GRUS KYI PHA ROL TU PHYIN PA BSGRUBS PAS, RTAG TU BSGOM PA @199A *, ,NGES PAR THOB PAR 'GYUR TE, BRTZON 'GRUS KYI MTHUS, BYANG CHUB SEMS DPA' GAR SKYES KYANG DE DAG THAMS CAD DU 'JIG RTEN DANG 'JIG RTEN LAS 'DAS PA'I DGE BA BSGOM PA LA RGYUN MI 'CHAD PAR BSGOM PA GDON MI ZAB 'THOB PAR 'GYUR BA'I PHYIR RO, ,RTAG TU TING NGE 'DZIN LAS MI NYAMS PA DANG, SEMS CAN BYA BA BSGRUB PA'I PHYIR RO ZHES BYA BA LA BSAM GTAN GYI PHA ROL TU PHYIN PA BSGRUBS PAS NI MNYAM PAR GZHAG PA LAS MI NYAMS PA NGES PAR 'THOB PAR 'GYUR BA DANG, BYA BA BSGRUB PA NGES PAR 'THOB PAR 'GYUR TE, JI LTA ZHE NA BSAM GTAN BSGRUBS PA'I MTHUS, BYANG CHUB SEMS DPA' TSE RABS GAR SKYES GAR SKYES KYANG BSAM GTAN LA GNAS NAS NAMS KYANG NYAMS PAR MI 'GYUR BAR GDON MI ZA BA DANG, BSAM GTAN GYI MTHUS, RDZU 'PHRUL BSGRUBS NAS RDZU 'PHRUL GYIS SEMS CAN GYI DON BSGRUB PAR GDON MI ZA BAR RNAM PAR NGES PAR RNAM PA GNYIS NI BSAM GTAN GYI 'BRAS BU YIN PAR BSDU'O, ,KUN DU RNAM PAR MI RTOG PA'I YE SHES LHUN GYIS GRUB PA LA GNAS PA'I PHYIR RO ZHES BYA BA LA SHES RAB KYI PHA ROL TU PHYIN PA BSGRUBS PAS NI LHUN GYIS GRUB PAR MI SKYE BA'I CHOS LA BZOD PA THOB PAR NGES PAR 'GYUR TE, CI'I PHYIR ZHE NA, SHES RAB BSGOMS PA'I MTHUS SA BRGYAD PA THOB PA DANG, RNAM PAR MI RTOG PA'I YE SHES LHUN GYIS GRUB PA LA GNAS PA LA GDON MI ZA BAR 'THOB PAR 'GYUR TE, DE BAS NA SHES RAB KYI 'BRAS BU NI LHUN GYIS GRUB PAR MI SKYE BA'I CHOS LA BZOD PA THOB PAR NGES PA'O, ,GDON MI ZA BAR BYA BA'I RNAM PAR DBYE BA'I TSIGS SU BCAD PA RTZA BA DRUG STE ZHES BYA BA LA CHOS GANG MA BYAS NA, BYANG CHUB SEMS DPA' BLA NA MED PA'I BYANG CHUB TU 'TSANG RGYA BAR MI 'GYUR TE, DE BAS NA MI BYAR MI RUNG BA'I CHOS LA GDON MI ZA BAR BYA BA ZHES BYA STE, DE TSIGS SU BCAD PA RTZA BA DRUG PA GCIG GIS BSTAN TO, ,MCHOD PA DANG ZHES BYA BA LA SBYIN PA'I PHA ROL TU PHYIN PAS @199B NI DE BZHIN GSHEGS PA THAMS CAD LA CHOS GOS DANG, LHUNG BZED LA SOGS PA MCHOD PA MI BYAR MI RUNG STE, 'DI NI SBYIN PA'I PHA ROL TU PHYIN PA GDON MI ZA BAR BYA'O, ,BSLAB PA'I YI DAM DANG ZHES BYA BA LA, TSUL KHRIMS KYI PHA ROL TU PHYIN PAS NI MKHAN PO DANG SLOB DPON LAS, BYANG CHUB SEMS DPA'I TSUL KHRIMS KYI BSLAB PA YANG DAG PAR BLANGS NAS BSLAB PA MI NYAMS PAR BYA'O ZHES DAM BCAS PA BZHIN DU, BSLAB PA MI DRAL MI NYAMS PAR BYA BAR MI BYAR MI RUNG STE, 'DI NI TSUL KHRIMS KYI PHA ROL TU PHYIN PA LA GDON MI ZA BAR BYA'O, ,SNYING RJE ZHES BYA BA LA, BZOD PA'I PHA ROL TU PHYIN PAS NI SEMS CAN GYI SDUG BSNGAL BAR BYA BA'I SNYING RJE'I SEMS MI BYAR MI RUNG STE, 'DI NI BZOD PA'I PHA ROL TU PHYIN PA GDON MI ZA BAR BYA BA'O, ,DGE BA SGOM PA DANG ZHES BYA BA LA, BRTZON 'GRUS KYI PHA ROL TU PHYIN PAS NI 'JIG RTEN DANG 'JIG RTEN LAS 'DAS PA'I DGE BA RGYUN DU BSGOM PA MI BYAR MI RUNG STE, DE NI BRTZON 'GRUS KYI PHA ROL TU PHYIN PA GDON MI ZA BAR BYA'O, ,BAG YOD DE BZHIN DGON PA DANG, ,ZHES BYA BA LA, BSAM GTAN GYI PHA ROL TU PHYIN PAS NI BAG MED PA'I GNAS SU 'DU 'DZI SPANGS NAS DGON PA NA GNAS PA MI BYAR MI RUNG STE, DE NI BSAM GTAN GYI PHA ROL TU PHYIN PA GDON MI ZA BAR BYA BA'O, ,THOS PA'I DON LA MI NGOMS PA, ,ZHES BYA BA LA SHES RAB KYI PHA ROL TU PHYIN PAS NI DGE BA'I BSHES GNYEN MANG PO LA BRTEN CING MDO SDE LA SOGS PA GSUNG RAB MANG DU MNYAN PA LA CHOG MI SHES PA MI BYAR MI RUNG STE, DE NI SHES RAB KYI PHA ROL TU PHYIN PA GDON MI ZA BAR BYA BA'O, ,SA RNAMS KUN LA BRTAN PA YI, ,GDON MI ZA BAR BYA BA RNAMS, ,ZHES BYA BA GONG DU BSHAD PA'I CHOS MI BYAR MI RUNG BA RNAM PA DRUG NI SA BCU KUN DU BYANG CHUB SEMS DPA' RNAMS KYIS MI BYAR MI RUNG BA YIN TE, GDON MI ZA BAR BYA DGOS PA YIN NO ZHES BYA BA'I DON TO, ,RGYUN DU BYA BA LA RNAM PAR DBYE BA'I TSIGS SU BCAD PA RNAM PA GNYIS TE ZHES BYA BA LA BSKAL PA RE RE, LO RE RE, NYI MA RE RE, @200A *, ,SKAD CIG MA RE RE LA YANG PHRENG MA CHAD PAR BYA BA NI RGYUN DU BYA BA ZHES BYA STE, CHOS RNAM PA DRUG NI RGYUN DU BYA BA YIN PAR TSIGS SU BCAD PA GNYIS KYIS BSTAN TO ZHES BYA BA'I DON TO, ,'DOD PA'I NYES LA SHES PA DANG, ,ZHES BYA BA LA 'DOD PA'I GZUGS DANG, SGRA DANG, DRI DANG, RO DANG, REG STE 'DOD PA LNGA'I YON TAN LA BYA'O, ,BYANG CHUB SEMS DPAS SER SNA SPANG ZHING SBYIN PA'I PHA ROL TU PHYIN PA RDZOGS PAR BYA BA'I PHYIR, 'DOD PA LNGA'I NYES PA MI RTAG PA DANG, SDUG BSNGAL BA DANG, RMI LAM DANG, SGYU MA LTA BU DANG, DUG DANG, MTSON LTA BU YIN PAR RTAG TU SHES PAR BYA STE, DE LTAR DU YID LA BYAS NA LONGS SPYOD LA SOGS PA'I SEMS MI 'BYUNG BAS SBYIN PA RDZOGS PAR 'GYUR RO, ,'KHRUL PA DAG LA RNAM PAR RTOG ,CES BYA BA LA NGAN BA'I NGANG TSUL SPANGS SHING TSUL KHRIMS KYI PHA ROL TU PHYIN PA RDZOGS PAR BYA BA'I PHYIR, TSUL KHRIMS NYAMS PAR 'GYUR BA'I RGYU LUS KYI 'KHRUL PA JI YOD PA DANG, NGAG GI 'KHRUL PA JI YOD PA DANG, YID KYI 'KHRUL PA JI YOD PA LA RTAG TU BRTAG CING, 'KHRUL PA MI 'BYUNG BAR BAG BYA STE, DE LTAR BYAS NA NGAN PA'I NGANG TSUL DANG BRAL ZHING TSUL KHRIMS KYI PHA ROL TU PHYIN PA YONGS SU RDZOGS PAR 'GYUR RO, ,DE BZHIN SDUG BSNGAL BZOD PA DANG, ,ZHES BYA BA LA BZOD PA'I PHA ROL TU PHYIN PAS NI BDAG DANG SEMS CAN GYI DON DU PHYI DANG NANG GI SDUG BSNGAL RNAM PA SNA TSOGS MYONG BA NYAMS SU BLANG ZHING BZOD PAR BYA BA RGYUN DU BYA STE, DE LTAR BYAS NA ZHE SDANG SPANGS SHING BZOD PA'I PHA ROL TU PHYIN PA RDZOGS PAR 'GYUR RO, ,DGE BA DAG KYANG GOMS PAR BYED, ,CES BYA BA LA BRTZON 'GRUS KYI PHA ROL TU PHYIN PAS NI 'JIG RTEN DANG 'JIG RTEN LAS 'DAS PA'I DGE BA RGYUN DU BSGOM PAR BYA STE, DE LTAR NA LE LO SPANGS SHING BRTZON 'GRUS KYI PHA ROL TU PHYIN PA RDZOGS PAR 'GYUR RO, ,DE LTAR BDE BA'I RO MI BYANG BA ZHES BYA BA LA, BSAM GTAN GYI PHA ROL TU PHYIN PAS NI BSAM GTAN GYI BDE BA'I RO LA MA CHAGS SHING BSAM GTAN GYI RO MO MYANG @200B BAR RGYUN DU STE, DE TLAR BYAS NA BSTAN GTAN LAS MI NYAMS PAR 'GYUR ZHING BSAM GTAN GYI PHA ROL TU PHYIN PA MYUR DU RDZOGS PAR 'GYUR RO, ,MTSAN MA DAG LA MI RTOG CING, ,ZHES BYA BA LA, SHES RAB KYI PHA ROL TU PHYIN PAS BDAG DANG CHOS DANG SEMS CAN RNAMS LA SOGS PA DAG LA YOD PA DANG, MED PAR RTOG PA'I MTSAN MA LA MI RTOG PA RGYUN DU BYA STE, DE LTAR BYAS NA LOG PA'I SHES RAB SPANGS SHING SHES RAB KYI PHA ROL TU PHYIN PA MYUR DU RDZOGS PAR 'GYUR RO, ,SA RNAMS KUN LA BSTAN PA YI, ,RTAG TU BYA BA RNAMS YIN NO, ,ZHES BYA BA LA GONG DU BSHAD PA'I CHOS DRUG PO DAG NI SA BCU THAMS CAD DU BYANG CHUB SEMS DPA' RNAMS KYIS RTAG TU RGYUN MI 'CHAD PAR YID LA BYA BA YIN NO ZHES BYA BA'I DON TO, ,DAM PA'I DNGOS PO RNAM PAR DBYE BA'I TSIGS SU BCAD PA RTZA BA DRUG PA'O ZHES BYA BA LA, DE LTAR MI BYAR MI RUNG BA'I CHOS DANG, RGYUN DU BYA BA'I CHOS LA GNAS PA'I BYANG CHUB SEMS DPA' DE YON TAN DAM PA DANG LDAN PAR 'GYUR TE, YON TAN DAM PA DANG LDAN BAS NA BYANG CHUB SEMS DPA' NYID KYANG SEMS CAN THAMS CAD KYI MCHOG DANG DAM PAR 'GYUR TE, DE BAS NA DAM PA'I DNGOS PO GANG YIN PA TSIGS SU BCAD PA RTZA BA DRUG PA GCIG GIS BSTAN TO, ,CHOS SBYIN PA DANG ZHES BYA BA LA, SBYIN PA RNAM PA GSUM STE, ZANG ZING SBYIN PA DANG MI 'JIGS PA SBYIN PA DANG, CHOS SBYIN PA'O, ,DE LA SBYIN PA RNAM PA GSUM LAS CHOS KYI SBYIN PA NI SBYIN PA'I DAM PA YIN TE, CI'I PHYIR ZHE NA, TSES SBYIN PAS NI 'JIG RTEN LAS 'DAS PA'I PHUN SUM TSOGS PA 'GRUB LA MI 'JIGS PA DANG, ZANG ZING SBYIN PAS NI 'JIG RTEN GYI PHUN SUM TSOGS PA 'GRUB PAR 'GYUR BA'I PHYIR CHOS SBYIN PA DAM PA STE, DE BAS NA RDO RJE GCOD PA LA SOGS PA'I MDO LAS KYANG, GANG GIS STONG GSUM GYI STONG CHEN PO'I 'JIG RTEN GYI KHAMS RIN PO CHE SNA BDUN GYIS BKANG STE BYIN PA BAS, GANG GIS MDO 'DI LAS TSIG BZHI BA'I TSIGS SU BCAD PA GCIG TZAM @201A *, ,BSTAN CING BSHAD NA BSOD NAMS DPAG TU MED PA 'PHEL BAR 'GYUR ZHES GSUNGS PA LTA BU'O, ,TSUL KHRIMS DAG CES BYA BA LA, TSUL KHRIMS LA RNAM PA GSUM STE, SO SOR THAR PA'I SDOM PA DANG, BSAM GTAN GYI SDOM PA DANG, ZAG PA MED PA'I SDOM PA LAS GANG 'PHAGS PA RNAMS DGYES PA'I TSUL KHRIMS RNAM PAR DAG PA'I RANG BZHIN ZAG PA MED PA'I SDOM PA NI SDOM PA RNAM PA GSUM GYI NANG NA DAM PA YIN NO, ,YANG NA TSUL KHRIMS RNAM PA GSUM STE, SDOM PA'I TSUL KHRIMS DANG, DGE BA SDUD PA'I TSUL KHRIMS DANG, SEMS CAN GYI DON BYED PA'I TSUL KHRIMS DANG GSUM LAS, TSUL KHRIMS RNAM PAR DAG PA ZHES BYA BA NI, DGE BA SDUD PA'I TSUL KHRIMS LA BYA STE, DGE BA SDUD PA'I TSUL KHRIMS GSUM GYI NANG NA DAM PA YIN NO, ,DE BZHIN MA SKYES BZOD PA DANG, ,ZHES BYA BA LA BZOD PA RNAM PA GSUM STE, SDUG BSNGAL JI MI SNYAM PA'I BZOD PA DANG, GNOD PA NYAMS SU LEN PA'I BZOD PA DANG, CHOS LA NGES PAR RTOG PA'I BZOD PA DANG GSUM LAS CHOS LA NGES PAR RTOG PA'I BZOD PA NI BZOD PA'I DAM PA YIN NO, ,DE LA MOS PAS SPYOD PA'I SA BZHI LAS BZOD PA'I DUS DE KHO NA PHYOGS GCIG LA ZHUGS PA'I TING NGE 'DZIN DANG LDAN PA'I SHES RAB KYIS RTOGS PA LA, CHOS LA NGES PAR RTOG PA'I BZOD PA ZHES BYA'O, ,THEG CHEN BRTZON 'GRUS BRTZAMS PA DANG, ,ZHES BYA BA LA 'JIG RTEN PA DAG LHA DANG MI LA SOGS PA'I 'BRAS BU THOB PAR BYA BA'I PHYIR, DGE BA LA BRTZON 'GRUS RTZOM PA YANG YOD, 'PHAGS PA NYAN THOS DANG, RANG SANGS RGYAS DAG RANG GI THEG PA LA NYAN PA DANG, SEMS PA DANG, BSGOM PA'I SGO NAS BRTZON 'GRUS RTZOM PA YANG YOD MOD KYI, THEG PA CHEN PO'I CHOS ZAB CING RGYA CHE BA NYAN PA DANG, SEMS PA DANG, BSGOM PA LA SOGS PA'I SGO NAS, BRTZON 'GRUS RTZOM PA NI BRTZON 'GRUS THAMS CAD KYI DAM PA YIN NO, ,MTHAR NI SNYING RJE LDAN PAR @201B GNAS, ,ZHES BYA BA LA GZUGS KYI KHAMS KYI BSAM GTAN DANG PO DANG, GNYIS PA DANG, GSUM PA DANG, BZHI PA LAS MTHA'I SGRAS NI BSAM GTAN BZHI PA LA BYA STE, TSAD MED PA BZHI LAS SNYING RJE TSAD MED PA DANG LDAN PA'I BSAM GTAN BZHI PA NI BSAM GTAN GYI NANG NA DAM PA YIN NO, ,YANG TSAD MED PA BZHI DANG LDAN PA'I ZAG PA MED PA'I BSAM GTAN BZHI PA NI BSAM GTAN GYI NANG NA DAM PA YIN NO, ,SHES RAB PHA ROL PHYIN PA LA, ,ZHES BYA BA LA PHA ROL TU PHYIN PA DRUG LAS, SBYIN PA'I PHA ROL TU PHYIN PA NAS BSAM GTAN GYI PHA ROL TU PHYIN PA'I BAR DU PHA ROL TU PHYIN PA LNGA LAS, SHES RAB KYI PHA ROL TU PHYIN PA DAM PA YIN TE, DE BAS NA SHES RAB KYI PHA ROL TU PHYIN PA 'BUM LA SOGS PA'I NANG NAS KYANG, GAL TE SBYIN PA'I PHA ROL TU PHYIN PA YONGS SU RDZOGS PAR 'DOD NA, SHES RAB KYI PHA ROL TU PHYIN PA LA BSLAB PAR BYA'O ZHES BYA BA LA SOGS PA GSUNGS SO, ,BSHAD PA RNAM PAR GZHAG PA DBYE BA'I TSIGS SU BCAD PA BZHI STE ZHES BYA BA LA DE LTAR YON TAN MCHOG DANG LDAN PA BYANG CHUB SEMS DPA' DE, SEMS CAN 'DUL BAR BYA BA'I THABS KYANG SHES SHING, THABS DE SHES PAS SEMS CAN RNAMS KYI STON PAR 'GYUR RO, ,SEMS CAN GYI STON PAR 'GYUR NA, SEMS CAN RNAMS LA CHOS 'CHAD PA LA YANG MKHAS PAR 'GYUR TE, CHOS BSHAD PA YANG RNAM PA BZHI 'CHAD DO, ,GANG ZHE NA CHOS RNAM PAR GZHAG PA 'CHAD PA DANG, BDEN PA RNAM PAR GZHAG PA 'CHAD PA DANG, RIGS RNAM PAR GZHAG PA 'CHAD PA DANG, THEG PA RNAM PAR GZHAG PA 'CHAD PA STE, RNAM PAR GZHAG PA BZHI 'CHAD PA TSIGS SU BCAD PA BZHIS BSTAN TO, ,MDO SOGS RNAM PA'I BYE BRAG GIS, ,RIG PA'I GNAS NI RNAM PAR GZHAG ,SA RNAMS BDUN LA BLO LDAN PA'I, ,CHOS RNAMS RNAM PAR GZHAG RIG BYA, ,ZHES BYA BA LA MDO LA SOGS PA NI, MDO'I SDE DANG, LUNG DU BSTAN PA'I SDE DANG, TSIGS SU BCAD PA'I SDE LA SOGS PA GSUNG RAB YAN LAG @202A *, ,BCU GNYIS LA BYA'O, ,RNAM PA'I BYA BRAG GIS ZHES BYA BA NI, GSUNG RAB YAN LAG BCU GNYIS KYI TSUL DU'AM, GSUNG RAB YAN LAG BCU GNYIS DANG MI 'GAL BAR ZHES BYA BA'I DON TO, ,GSUNG RAB YAN LAG BCU GNYIS DANG MI 'GAL BAR NAD RIG PA DANG, RGYU RIG PA DANG, SGRA RIG PA DANG, GSO BA RIG PA DANG, BZO'I LAS KYI GNAS RIG PA RNAM PAR GZHAG CING SEMS CAN GZHAN LA 'CHAD NA, BYANG CHUB SEMS DPA' RNAM PA BCU KUN DU CHOS RNAM PAR GZHAG PA YIN PAR RIG PAR BYA'O, ,DE NYID RNAM BDUN BRTEN PA LAS, ,BDEN PA DAG KYANG RNAM GZHAG YIN, ,ZHES BYA BA LA, DE KHO NA NYID RNAM PA BDUN LA BRTEN NAS, DE KHO NA NYID RNAM PA BDUN 'CHAD CING STON PA NI BDEN PA BZHI RNAM PAR GZHAG PA 'CHAD PA YIN PAR RIG PAR BYA'O, ,RIGS DANG THEG PA RNAM PAR GZHAG PA NI, RNAM PA BZHI DANG RNAM PA GSUM YIN NO ZHES BYA BA LA RIGS PA BZHI STE, LTOS PA'I RIGS PA DANG, BYA BA BYED PA'I RIGS PA DANG, 'THAD PA BSGRUB PA'I RIGS PA DANG, CHOS NYID KYI RIGS PA STE, RIGS PA BZHI SEMS CAN LA 'CHAD NA, RIGS PA RNAM PAR GZHAG PA 'CHAD PA ZHES BYA'O, DE LA 'JIG RTEN GYI TSUL GYIS RIGS PA BZHI BSHAD NA, MIG DANG GZUGS LA LTOS NAS, MIG GI RNAM PAR SHES PA SKYE BA DANG, SA BON LA LTOS NAS MYU GU SKYE BA NI LTOS PA'I RIGS PA ZHES BYA'O, ,DE LTAR DNGOS PO RNAMS RGYU DANG RKYEN LA LTOS NAS SKYES PA'I 'OG TU RANG GI LAS BYED PA NI BYA BA BYED PA'I RIGS PA ZHES BYA STE, DPER NA MIG DANG GZUGS LA LTOS NAS MIG GI RNAM PAR SHES PA SKYES PA DANG, MIG GI RNAM PAR SHES PA GZUGS LA LTA BA'I BYED PA LA BYA BA BYED PA'I RIGS PA ZHES BYA'O, ,MNGON SUM DANG RJES SU DPAG PA'I RIGS PAS DNGOS PO MNGON SUM DU GYUR PA DANG, LKOG TU GYUR PA GNYIS NI YONGS SU SPYOD PA NI 'THAD PA SGRUB PA'I RIGS PA ZHES BYA STE, MNGON SUM GYI RIGS PAS NI SA PHYOGS GANG DU BUM PA MTHONG NA, SA PHYOGS DE NA BUM PA YOD PA ZHES BYA'I, BUM PA @202B MED PA ZHES MI BYA BA NI MNGON SUM GYI TSAD MA'O, ,SNGON ME GANG NA YOD PA NA DU BA YOD PAR MTHONG NAS, PHYIS RI SUL LA SOGS PA NAS DUD PA BYUNG BAR MTHONG NA, ME MA MTHONG YANG DE NA ME YOD PAR DPAG PA NI RJES SU DPAG PA'I TSAD MA ZHES BYA'O, ,'JIG RTEN NA ME RANG BZHIN GYIS TSA BA DANG, CHU RANG BZHIN GYIS GSHER BA NI CHOS NYID KYI RIGS PA ZHES BYA'O, ,RIGS PA BZHI CHOS KYI DON DANG SBYAR BA STE BSTAN PA'I PHYIR, TSUL BZHIN YID LA BYED PA LTAR, ,ZHES BYA BA LA SOGS PA SMOS TE, NYAN THOS DANG RANG SANGS RGYAS KYI THEG PAS, MOS PA SPYOD PA'I SAR CHOS RNAMS MI RTAG PA DANG, SDUG BSNGAL BA DANG, STONG PA DANG, BDAG MED PA TSUL BZHIN YID LA BYED PA LA LTOS NAS, MTHONG BA'I LAM RGYUN DU ZHUGS PA'I TSE GANG ZAG LA BDAG MED PAR MA MTHONG BA'I YANG DAG PA'I LTA BA SKYES PA NI LTOS PA'I RIGS PA ZHES BYA'O, ,BYANG CHUB SEMS DPA' RNAMS KYIS MOS PA SPYOD PA'I SAR CHOS RNAMS MI RTAG PA DANG SDUG BSNGAL BA DANG, STONG PA DANG, BDAG MED PA TSUL BZHIN YID LA BYED PA LA LTOS NAS, MTHONG BA'I LAM SA DANG POR GANG ZAG DANG CHOS LA BDAG MED PAR KHONG DU CHUD PA'I 'JIG RTEN LAS 'DAS PA'I LTA BA SKYES PA NI LTOS PA'I RIGS PA ZHES BYA'O, ,YANG DAG LTA BA 'BRAS BU LDAN, ,ZHES BYA BA LA 'BRAS BU ZHES BYA BA NI RNAM PAR GROL BA MYA NGAN LAS 'DAS PA LA BYA STE, DE LTAR MTHONG BA'I LAM DU YANG DAG PA'I LTA BA SKYES NAS YANG DAG PA'I LTA BA DES, RNAM PAR GROL BA MYA NGAN LAS 'DAS PA SKYED PAR BYED PA NI BYA BA BYED PA'I RIGS PA ZHES BYA'O, ,TSAD MAS RNAM DBYE ZHES BYA BA LA MNGON SUM DANG RJES SU DPAG PA'I TSAD MAS MNGON SUM DU GYUR PA DANG, LKOG TU GYUR PA DAG THOG TU DBAB CING YONGS SU SGRUB PA NI 'THAD PA SGRUB PA'I TSAD MA ZHES BYA'O, ,DPER NA TSE 'DIR SROG GCOD PA LA SOGS PA'I LAS NGAN PA BYAS NA, 'PHRAL DU BCING BA DANG, BRDEG PA LA SOGS PA'I SDUG BSNGAL MYONG BAR MNGON SUM DU SNANG BA NI MNGON @203A *, ,SUM GYI TSAD MA'O, ,MIG GI DBANG PO BLTAR MI SNANG YANG MIG DANG, GZUGS LA BRTEN NAS, MIG GI RNAM PA SHES PA SKYE BA DNAG SBYAR NA MIG GI RNAM PA SHES PA SKYED PAR BYED PA'I SGO DANG RTEN DU GYUR PA MIG GI DBANG PO YOD DO ZHES DPAG PA NI RJES SU DPAG PA'I TSAD MA ZHES BYA'O, ,GZHAN YANG GYU DANG RKYEN GYIS BYAS PA DE DAG MI RTAG PA STE, DPER NA BUM PA BZHIN NO ZHES RGYU RKYEN GYIS BYAS PA'I SGO NAS MI RTAG PA YIN PAR DPAG PA NI RJES SU DPAG PA'I TSAD MA ZHES BYA'O, ,BSAM MI KHYAB CES BYA BA LA CHOS KYI DBYINGS DANG RNAM PAR MI RTOG PA'I YE SHES LA BSAM GYIS MI KHYAB PA ZHES BYA STE, YANG DAG PA'I LTA BA SKYES NA BSAM GYIS MI KHYAB PA'I GNAS CHOS KYI DBYINGS DANG RNAM PAR MI RTOG PA'I YE SHES THOB PAR 'GYUR BA NI CHOS NYID KYI RIGS PA ZHES BYA STE, DPER NA ME CHOS NYID KYIS TSA BA YIN PA BZHIN DU, TSUL BZHIN DU YID LA BYED PA LAS YANG DAG PA'I LTA BA SKYE LA YANG DAG PA'I LTA BA LAS MYA NGAN LAS 'DAS PA'I GNAS THOB PA NI, CHOS NYID KYIS DE LTAR THOB PA YIN PA'I PHYIR, DE LA CHOS NYID KYI RIGS PA ZHES BYA'O, ,BSAM PA DANG NI BSHAD PA DANG, ,SBYOR BA DANG NI TSOGS RNAMS DANG, ,YANG DAG 'BYUNG BA'I BYE BRAG GIS, ,THEG PA RNAM PA GSUM DU 'DOD, ,CES BYA BA LA, RNAM PA LNGAS THEG PA GSUM GYI MTSAN NYID RIG PAR BYA STE, DE LA BSAM PA CHUNG NGU DANG, BSHAD PA CHUNG NGU DANG, SBYOR BA CHUNG NGU DANG, TSOGS CHUNG NGU DANG, YANG DAG PAR 'BYUNG BA CHUNG BA LA NI NYAN THOS KYI THEG PA ZHES BYA'O, ,BSAM PA 'BRING DANG, BSHAD PA 'BRING DANG, SBYOR BA 'BRING DANG, TSOGS 'BRING DANG, YANG DAG PAR 'BYUNG BA 'BRING LA NI, RANG SANGS RGYAS KYI THEG PA ZHES BYA'O, ,BSAM PA CHEN PO DANG, BSHAD PA CHEN PO DANG, SBYOR BA CHEN PO DANG, TSOGS CHEN PO DANG, YANG DAG PAR 'BYUNG BA CHEN PO LA NI THEG PA CHEN PO ZHES BYA'O, ,MDO DANG DBYANGS KYIS BSNYAD PA'I BYE BRAG GIS @203B SO ZHES BYA BA LA, RIG PA'I GNAS LNGA MDO DANG DBYANGS KYIS BSNYAD PA LA SOGS PA'I GSUNG RAB YAN LAG BCU GNYIS DANG MTHUN PA'I CHAD PA NI CHOS RNAM PAR GZHAG PA 'CHAD PA ZHES BYA'O, ,BRGAL BA, MDO SDE LA SOGS PA GSUNG RAB YAN LAG BCU GNYIS NI NANG RIG PA ZHES BYA STE, DE BSHAD PAS NA RIG PA BSHAD PAR ZAD DE, DE'I NANG DU RGYU RIG PA DANG, SGRA RIG PA DANG, GSO BA RIG PA DANG, BZO'I LAS KYI GNAS RIG PA RNAMS JI LTAR 'DUS SHING BSHAD PAR 'GYUR ZHES RGOL BA LA, THEG PA CHEN PO'I MDO SDE'I RIG PAR NI GNAS LNGA CHAR 'DUS PAR YOD PAR BSTAN PA'I PHYIR, RIG PA'I GNAS GZHAN DAG KYANG DER 'DUS PAR THEG PA CHEN PO LAS BYANG CHUB SEMS DPA' RNAMS LA BSHAD DO ZHES SMOS TE, DE LA THEG PA CHEN PO NYID NI NANG RIG PA ZHES BYA'O, ,RGYU RIG PA DANG, SGRA RIG PA DANG, GSO BA RIG PA DANG, BZO'I LAS KYI GNAS RIG PA DAG KYANG THEG PA CHEN PO'I MDO SDER BSDUS NAS, BCOM LDAN 'DAS KYIS BYANG CHUB SEMS DPA' RNAMS LA BSHAD DE, DPER NA RGYU RIG PA LTA BU YANG MNGON SUM DANG, RJES SU DPAG PA'I TSAD MA LANG KAR GSHEGS PA DANG DGONGS PA NGES PAR 'GREL BA LA SOGS PA MDO SDE'I NANG NAS BSHAD DE, DGONGS PA NGES PAR 'GREL PA'I MDO LAS, RIG PA NI RNAM PA BZHIR SHES PAR BYA STE, LTOS PA'I RIGS PA DANG, BYA BA BYED PA'I RIGS PA DANG, 'THAD PA SGRUB PA'I RIGS PA DANG, CHOS NYID KYI RIGS PA'O ZHES BYA BA LA SOGS PA GSUNGS PA'O, ,SGRA RIG PA YANG THOGS PA DANG BCAS PA'I PHYIR GZUGS SO, ,MYONG BA'I BDAG NYID KYI PHYIR TSOR BA'O ZHES BYA BA LA SOGS PA MDO SDE DE DANG, DE DAG GI NANG NAS SGRA'I MTSAN NYID RGYAS PAR BSHAD DO, ,GSO BA RIG PA YANG GSER 'OD DAM PA'I MDO LA SOGS PA'I NANG NAS SMAN DPYAD KYI CHO GA BSHAD PA LTA BU'O, ,BZO'I LAS KYI GNAS RIG PA YANG THEG PA CHEN PO'I MDO SDE DE DANG DE DAG GI NANG NAS, GAR DANG GLU DANG @204A *, ,ROL MO LA SOGS PA'I BZO'I LAS RNAM PA SNA TSOGS GSUNGS PA LTA BU STE, DE BAS NA THEG PA CHEN PO'I MDO SDE'I NANG NA RIG PA'I GNAS THAMS CAD 'DUS SO, ,DE BZHIN NYID RNAM BDUN BRTEN NAS, ,ZHES BYA BA LA SOGS PA LA, DE BZHIN NYID RNAM PA BDUN LA BRTEN TE, DE BZHIN NYID RNAM PA BDUN BSHAD PA NI BDEN PA BZHI'I RNAM PAR GZHAG PA BSHAD PA ZHES BYA'O, ,'JUG PA'I DE BZHIN NYID DANG ZHES BYA BA LA 'KHOR BA THOG MA MED PA DANG, THA MA MED PA LA 'JUG PA'I DE BZHIN NYID CES BYA STE, 'DI LTAR 'KHOR BA NI MA RIG PA'I RKYEN GYIS 'DU BYED SKYED PA NAS, SKYE BA'I RKYEN GYIS RGA SHI SKYED PA'I TSUL DU GCIG GIS GCIG SKYED CING 'JUG PAR BYED LA BDEN ZHING MA NOR BAS NA 'JUG PA'I DE BZHIN NYID CES BYA'O, ,MTSAN NYID KYI DE BZHIN NYID DANG ZHES BYA BA LA KUN BRTAGS PA DANG, GZHAN GYI DBANG DANG YONGS SU GRUB PA'I MTSAN NYID GSUM LA MTSAN NYID GSUM LA MTSAN NYID KYI DE BZHIN NYID CES BYA STE, KUN BRTAGS PA'I MTSAN NYID NI RI BONG GI RVA BZHIN DU MTSAN NYID MED PAR BDEN, GZHAN GYI DBANG GI MTSAN NYID NI GZUNG BA DANG, 'DZIN PA LTA BUR PHYIN CI LOG TU RTOG PA'I GZHI DANG RTEN DU 'GYUR BAR BDEN, YONGS SU GRUB PA'I MTSAN NYID NI GZUNG 'DZIN GNYIS DANG BRAL BA'I RANG BZHIN YIN PAR BDEN PAS NA MTSAN NYID KYI DE BZHIN NYID CES BYA'O, ,RNAM PAR RIG PA'I DE BZHIN NYID CES BYA BA LA, CHOS THAMS CAD SEMS LA SNANG BA TZAM DU ZAD PA NI; RNAM PAR RIG PA'I DE BZHIN NYID CES BYA BA LA, 'DUS BYAS DANG 'DUS MA BYAS KYI CHOS RNAMS SEMS TZAM DU ZAD DE, SEMS LAS LOGS SHIG NA YOD PA MA YIN PAR BDEN ZHING PHYIN CI MA LOG PAS NA, RNAM PAR RIG PA'I DE BZHIN NYID CES BYA STE, DE BAS NA SA BCU'I MDO LAS KYANG, KYE RGYAL BA'I SRAS DAG KHAMS GSUM PA 'DI DAG NI SEMS TZAM MO ZHES GSUNGS SO, ,GNAS PA'I DE BZHIN NYID CES BYA BA LA SDUG BSNGAL GYI BDEN PA LA GNAS PA'I DE BZHIN NYID CES BYA STE, SDUG BSNGAL GYI BDEN PA NI SKYE BA DANG RGA SHI LA @204B SOGS PA'I MTSAN NYID DU GNAS PAR BDEN ZHING MA NOR BA'I PHYIR RO, ,LOG PAR SGRUB PA'I DE BZHIN NYID DANG ZHES BYA BA LA, LAS DANG NYON MONGS PA'I MTSAN NYID DANG, KUN 'BYUNG GI BDEN PA LA LOG PAR SGRUB PA'I DE BZHIN NYID CES BYA STE, KUN 'BYUNG GI BDEN PAS SDUG BSNGAL GYI BDEN PA SGRUB CING SKYED PAR MA NOR CING PHYIN CI MA LOG PA'I PHYIR RO, ,RNAM PAR DAG PA'I DE BZHIN NYID CES BYA BA LA, 'GOG PA'I BDEN PA LA NI RNAM PAR DAG PA'I DE BZHIN NYID CES BYA STE, SDUG BSNGAL DANG KUN 'BYUNG GI BDEN PA SHES PA'I MTSAN NYID MA NOR CING PHYIN CI MA LOG PA'I PHYIR RO, ,YANG DAG PAR SGRUB PA'I DE BZHIN NYID CES BYA BA LA, LAM GYI BDEN PA LA NI YANG DAG PAR SGRUB PA'I DE BZHIN NYID CES BYA STE, LAM GYI BDEN PA DES 'GOG PA'I BDEN PA SGRUB PAR BYED PA MA NOR CING PHYIR CI MA LOG PA'I PHYIR RO, ,DE LA 'JUG PA'I DE BZHIN NYID DANG, GNAS PA'I DE BZHIN NYID DANG, LOG PAR SGRUB PA'I DE BZHIN NYID GSUM GYIS NI SEMS CAN THAMS CAD 'DRA ZHING MNYAM MO, ,MTSAN NYID KYI DE BZHIN NYID GNYIS KYIS NI 'DUS BYAS DANG 'DUS MA BYAS KYI CHOS THAMS CAD 'DRA ZHING MNYAM MO, ,RNAM PAR DAG PA'I DE BZHIN NYID KYIS NI NYAN THOS DANG, RANG SANGS RGYAS DANG, DE BZHIN GSHEGS PA RNAMS 'DRA ZHING MNYAM MO, ,YANG DAG PAR SGRUB PA'I DE BZHIN NYID KYIS NI NYAN PA DANG SEMS PA NAS BSGOM PA'I DGE BA LA ZHUGS PA RNAMS 'DRA ZHING MNYAM MO, ,DE BAS NA 'PHAGS PA DGONGS PA NGES PAR 'GREL BA'I MDO LAS KYANG, BYAMS PA DE LA KUN NAS NYON MONGS PA DANG, RNAM PAR BYANG BA'I CHOS DE DAG NYID KYI DE BZHIN NYID GANG YIN PA DE NI JI LTA BA BZHIN YIN PA STE, DE LA RNAM PA BDUN TE, 'BYUNG BA DE BZHIN NYID GANG 'DU BYED RNAMS KYI THOG MA DANG THA MA MED PA'O, ,MTSAN NYID KYI DE BZHIN NYID NI GANG CHOS RNAMS KYI GANG ZAG LA BDAG MED PA DANG, CHOS LA BDAG MED PA'O, ,RNAM PAR RIG PA'I DE BZHIN NYID NI, GANG DU 'DU BYED RNAM PAR RIG PA TZAM MO, , @205A *, ,GNAS PA'I DE BZHIN NYID NI GANG NGAS SDUG BSNGAL GYI BDEN PA BSHAD PA'O, ,LOG PA'I NAN TAN GYI DE BZHIN NYID NI GANG NGAS KUN 'BYUNG GI BDEN PA BSHAD PA'O, ,RNAM PAR DAG PA'I DE BZHIN NYID NI GANG NGAS 'GOG PA'I BDEN PA BSHAD PA'O, , YANG DAG PA'I NAN TAN GYI DE BZHIN NYID NI GANG NGAS LAM GYI BDEN PA BSTAN PA'O, ,BYAMS PA DE LA 'BYUNG BA'I DE BZHIN NYID DANG, GANG GNAS PA'I DE BZHIN NYID DANG, GANG LOG PA'I NAN TAN GYI DE BZHIN NYID NI DES NI SEMS CAN THAMS CAD MTSUNGS SHING MNYAM MO, , BYAMS PA DE LA GANG MTSAN NYID KYI DE BZHIN NYID DANG, GANG RNAM PAR RIG PA'I DE BZHIN NYID DES NI CHOS THAMS CAD MTSUNGS SHING MNYAM MO, ,BYAMS PA DE LA GANG RNAM PAR DAG PA'I DE BZHIN NYID DES NI, GANG NYAN THOS KYI BYANG CHUB DANG, RANG SANGS RGYAS KYI BYANG CHUB DANG BLA NA MED PA YANG DAG PAR RDZOGS PA'I BYANG CHUB DANG, BYANG CHUB THAMS CAD MTSUNGS SHING MNYAM MO, ,BYAMS PA GANG YANG DAG PA'I NAN TAN DE BZHIN NYID DES NI THOS PA DANG, BSAMS PA DANG BSGOMS PA'I 'DRES PA LA DMIGS PA'I ZHI GNAS DANG LHAG MTHONG GIS YONGS SU ZIN PA'I SHES RAB MTSUNGS SHING MNYAM MO ZHES GSUNGS SO, ,BYA BA BYED PA'I RIGS PA NI YANG DAG PAR LTA BA 'BRAS BU DANG BCAS PA'O ZHES BYA BA LA, 'BRAS BU NI RNAM PAR GROL BA MYA NGAN LAS 'DAS PA LA BYA STE, MTHONG BA'I LAM DU NYAN THOS DANG, RANG SANGS RGYAS KYI GANG ZAG LA BDAG MED PAR MTHONG BA'I YANG DAG PA'I LTA BA SKYES PA DANG, BYANG CHUB SEMS DPA' RNAMS MTHONG BA'I LAM NA GANG ZAG DANG CHOS LA BDAG MED PAR SHES PA'I YANG DAG PA'I LTA BA SKYES PAS RNAM PAR GROL BA'I 'BRAS BU THOB PA BYAS PA NI BYA BA BYED PA'I RIGS PA ZHES BYA'O, ,CHOS NYID KYI RIGS PA NI BSAM GYIS MI KHYAB PA'I GNAS TE, CHOS NYID NI GRUB PAS BSAM GYIS MI KHYAB PA YIN NO ZHES BYA BA LA, CHOS KYI DBYINGS RNAM PAR MI RTOG PA'I YE SHES LA SOGS PA BSAM @205B GYIS MI KHYAB PA'I GNAS LA CHOS NYID KYI RIGS PA ZHES BYA STE, CI'I PHYIR DE LA CHOS NYID KYI RIGS PA ZHES BYA NA, CHOS KYI DBYINGS LA SOGS PA NI CHOS NYID KYI TSUL BZHIN YID LA BYED PA LAS YANG DAG PA'I LTA BA SKYE, YANG DAG PA'I LTA BA LAS MYA NGAN LAS 'DAS PA'I 'BRAS BU THOB PA, CHOS NYID KYIS DE DE LTAR 'GRUB PA YIN PAS NA, 'DI LA MNGON SUM DANG RJES SU DPAG PA'I TSAD MAS CI'I PHYIR TSUL BZHIN YID LA BYED PA LAS YANG DAG PA'I LTA BA SKYE, YANG DAG PA'I LTA BA LAS, ,CI'I PHYIR DE BZHIN NYID LA SOGS PA BSAM GYIS MI KHYAB PA'I GNAS 'THOB CES DPYAD CING, DPAG TU MED PA'I PHYIR BSAM GYIS MI KHYAB PA'I GNAS LA CHOS NYID KYI RIGS PA ZHES BYA'O, ,BSAM PA DANG BSHAD PA DANG, SBYOR BA DANG, TSOGS DANG YANG DAG PAR 'BYUNG BA THA MA NI NYAN THOS KYI THEG PA'O ZHES BYA BA LA, DE LTAR NYAN THOS DAG NI DE'I DON TZAM BYA BAR SEMS PAS BSAM PA CHUNG BA STE, DE DAG BSAM PA CHUNG BAS NA, DE'I SEMS DANG MTHUN PAR DE BZHIN GSHEGS PA RNAMS KYIS CHOS KYANG CHUNG NGU BSHAD DO, ,CHOS CHUNG NGU BSHAD PAS DE DAG GIS LUS DANG NGAG DANG YID KYI SGO NAS LAS SU BYA BA'I SBYOR BA YANG CHUNG NGU LA SBYAR ZHING LAS SU BYA LA, JI LTAR SBYOR BA CHUNG BA BZHIN DU DE LTAR BSOD NAMS DANG YE SHES KYI TSOGS CHUNG BA BZHIN DU MNGON PAR 'BYUNG BA STE, 'BRAS BU'ANG CHUNG NGU 'THOB PO, ,BAR MA NI RANG SANGS RGYAS KYI THEG PA'O ZHES BYA BA LA RANG SANGS RGYAS KYI THEG PA PA RNAMS NI BSAM PA BAR MA DANG LDAN PA STE, DE'I PHYIR DE DAG LA DE BZHIN GSHEGS PAS CHOS KYANG BAR MA STE, RTEN CING 'BREL BAR 'BYUNG BA LUGS BZHIN PA DANG LUGS LAS ZLOG PA BSHAD DO, NYAN THOS RNAMS LA CHOS CHUNG NGU BSHAD PA NI RANG BZHIN TZAM BSHAD PA'I PHYIR RO, ,DE LTAR CHOS BAR MA BSHAD PAS DE DAG GIS LUS DANG NGAG YID KYI SGO NAS LAS SU BYA BA LA YANG BAR MA LA SBYAR ZHING LAS SU BYA BA BAR MA TZAM LA 'JUG GO, ,LAS SU BYA BYA BAR MA BYAS @206A *, ,PAS TSOGS KYANG BAR MA BSAGS SO, ,TSOGS BAR MA BSAGS PAS 'BRAS BU YANG DAG PAR 'BYUNG BA YANG BAR MA THOB STE, NYAN THOS DANG RANG SANGS RGYAS LA MYA NGAN LAS 'DAS PA'I 'BRAS BU LA NI BYE BRAG MED MOD KYI, MNGON PAR SHES PA LNGA LA NI BYE BRAG YOD DE, NYAN THOS KYI 'PHRUL GYI MIG GIS STONG GNYIS LAS MI MTHONG NA, RANG SANGS RGYAS KYI 'PHRUL GYI MIG DANG, RNA BA LA SOGS PAS STONG GSUM GYI STONG CHEN PO'I 'JIG RTEN GYI KHAMS GYI GZUGS DANG SGRA LA SOGS PA THOS PA'I PHYIR 'BRAS BU LA KHYAD PAR YOD DO, ,MCHOG NI THEG PA CHEN PO'O ZHES BYA BA LA BYANG CHUB SEMS DPA' RNAMS NI BDAG DANG GZHAN GNYIS GA'I DON BYA BAR SEMS PAS BSAM PA CHE'O, ,DE LTAR DE DAG BSAM PA CHE BAS NA, ZAB CING RGYA CHE BA'I THEG PA CHEN PO'I CHOS BSHAD PA CHE'O, ,DE DAG CHOS JI LTAR BSHAD PA BZHIN DU LUS DANG NGAG DANG YID GSUM GYI SGO NAS BDAG DANG GZHAN GYI DON DU SBYOR ZHING 'JUG PAS NA SBYOR BA CHE BA'O, ,DE DAG GI SBYOR BA CHEN PO LA SBYAR BAS BSOD NAMS DANG YE SHES KYI TSOGS CHEN PO BSAGS PAS TSOGS CHE BA'O, ,DE LTAR TSOGS CHEN PO BSAGS PAS MTHAR BLA NA MED PA'I BYANG CHUB CHEN PO'I 'BRAS BU THOB PA, YANG DAG PAR 'BYUNG BA DE CHE STE, THEG PA GSUM GYI BYE BRAG NI RNAM PA LNGA PO DAG GIS DBYE'O, ,YONGS SU TSOL BA RNAM PAR DBYE BA LA TSIGS SU BCAD PA ZHES BYA BA LA, DE LTAR RNAM PAR GZHAG PA BSHAD PA RNAM PA BZHI LA MKHAS PA DE, JI LTAR TSIG GI SGO NAS SEMS CAN LA CHOS STON PAR MKHAS PA DE BZHIN DU BDAG NYID KYI SEMS KYANG, CHOS KYI MTSAN NYID GANG YIN PA TSOL ZHING SHES PAR BYED DE, DE BAS NA CHOS RNAM PA BZHI'I MTSAN NYID TSOL BA TSIGS SU BCAD PA GCIG GIS BSTAN TO, ,DE LA CHOS RNAM PA BZHI'I TSOL BA NI MING YONGS SU TSOL BA DANG, DNGOS PO YONGS SU TSOL BA DANG, RANG BZHIN BTAGS PA YONGS SU TSOL BA DANG, KHYAD PAR DU BTAGS PA YONGS SU TSOL BA STE, YONGS SU @206B TSOL BA 'DI DAG NI MOS PA SPYOD PA'I SA'I DUS NA, TSOL BAR BYED PAR RIG PAR BYA'O, ,MING DANG DNGOS PO PHAN TSUN DU GLO BUR DU 'BYUNG BA TSOL BA STE ZHES BYA BA LA MING NI GANG GIS BUM PA ZHE'AM, SNAM BU ZHES RJOD PAR BYED PA LA MING ZHES BYA'O, ,DNGOS PO NI BUM PA LTA BUR CHU BLUGS SU RUNG BA DANG SNAM BU LTA BUR BGOR RUNG BA BRJOD PAR BYA BA'I CHOS LA DNGOS PO ZHES BYA STE, 'DI LTAR BUM PA LA SOGS PA CHU BLUGS SU RUNG BA'I DNGOS PO LA MING BUM PA ZHES BTAGS PA NI MING NYID BUM PA'I RANG BZHIN MA YIN GYI, MING THAMS CAD GLO BUR DU BTAGS SHING LOGS SHIG NA BRLA BRNYAN TZAM DU BTAGS PA YIN PAR SHES PA NI, MING YONGS SU TSOL BA ZHES BYA'O, ,MING THAMS CAD GLO BUR DU YIN PAR CI MNGON ZHE NA, GAL TE MING GLO BUR BA MA YIN GYI, BUM PA NYID KYI RANG BZHIN YIN NA NI, ME DANG TSA BA NYID RANG BZHIN GCIG PAS ME MED PAR BYAS NA TSA BA YANG MED PAR 'GRO BA DE BZHIN DU BUM PA BCAG STE MED PAR BYAS NAS MING YANG MED PAR 'GYUR BA'I RIGS NA, BUM PA BCAG KYANG MING MED PAR MI 'GYUR GYI, MING PHYI NA YOD PA DANG, LHA SBYIN SHI STE MED KYANG LHA SBYIN GYI MING YANG MED PAR MI 'GYUR GYI, MING PHYIN YOD PAS NA, MING DANG DNGOS PO RANG BZHIN GCIG PA MA YIN NO, ,'DI LTAR BUM PA ZHES BYA BA'I MING LA, LTO ZLUM PO SKYE SENG SENG PO CHU BLUGS SU RUNG DU MA BTAGS PA YANG GLO BUR DANG, BRNYAN MA TZAM DU BTAGS PA YIN PAR SHES NA DNGOS PO YONGS SU TSOL BA ZHES BYA STE, DON DU NA BUM PA'I DNGOS PO YANG BUM PA'I MING DANG, RANG BZHIN MI GCIG PAR SHES PA'O, ,BUM PA'I DNGOS PO DANG, MING GNYIS JI LTAR RANG BZHIN MI GCIG CE NA, GAL TE MING DANG DNGOS PO GNYIS RANG BZHIN GCIG NA NI, MING MED PAR BYAS PAS DNGOS PO NYID KYANG MED PAR 'GYUR BA'I SKYON DU 'GYUR TE, DPER NA RAB TU MA BYUNG BA'I DUS NA KHYIM NA GNAS PA'I MING BTAGS PA LAS RAB TU BYUNG BA'I DUS NA KHYIM NA GNAS PA'I MING MED PAR BYAS PA DANG, DNGOS PO YANG MED PAR 'GYUR BA'I RIGS NA, @207A *, ,MING MED PAR BYAS KYANG DNGOS PO PHYIN YOD PAS NA, MING DANG DNGOS PO GNYIS GCIG PA MA YIN NO, ,BTAGS PA RNAM PA GNYIS PO 'DI, ,DE TZAM DU NYID DU TSOL BA'O, ,ZHES BYA BA LA 'DI LTAR RJOD PAR BYED PA'I MING DANG, BRJOD PAR BYA BA'I BUM PA LA SOGS, , PA'I DNGOS PO GNYIS PHAN TSUN NAS 'BREL PA LA, RANG BZHIN DU BTAGS PA DANG, KHYAD PAR DU BTAGS SO, ,DE LA RANG BZHIN DU BTAGS PA NI, SA SRA BA'I MTSAN NYID BTAGS PA DANG, CHU GSHER BA'I MTSAN NYID BTAGS PA DANG, THOGS PA DANG BCAS PA'I PHYIR GZUGS ZHES BTAGS PA DANG, MYONG BA'I BDAG NYID KYI PHYIR TSOR BA ZHES BTAGS PA STE, DE LTAR CHOS RNAMS KYI RANG GI MTSAN NYID SO SOR BTAGS PA DE DAG KYANG BTAGS PA TZAM DU YOD PAR ZAD KYI, SA SRA BA'I MTSAN NYID DANG, CHU GSHER BA'I MTSAN NYID DU GRUB PA MED PAR SHES NA RANG BZHIN DU BTAGS PA YONGS SU TSOL BA ZHES BYA'O, ,DE LTAR RANG GI MTSAN NYID DU BTAGS PA'I CHOS DE DAG NYID LA YANG MI RTAG PA DANG, SDUG BSNGAL BA DANG, ZAG PA DANG BCAS PA DANG, ZAG PA MED PA DANG, 'DUS BYAS DANG 'DUS MA BYAS DANG, GZUGS CAN DANG, GZUGS MED PA DANG, 'DOD PA'I KHAMS SU GTOGS PA DANG, GZUGS MED PA'I KHAMS SU GTOGS PA LA SOGS PA NI KHYAD PAR DU BTAGS PA ZHES BYA STE, KHYAD PAR DU BTAGS PA DE DAG KYANG MING TZAM TSIG TZAM DU ZAD KYI RANG BZHIN YOD PA MA YIN PAR SHES PA NA, KHYAD PAR DU BTAGS PA YONGS SU TSOL BA ZHES BYA'O, ,DE LA DNGOS PO LA MING GLO BUR YIN PAR YONGS SU TSOL BA NI ZHES BYA BA LA DNGOS PO BUM PA LA SOGS PA'O, ,MING NI BUM PA ZHES BYA BA'I TSIG STE, BUM PA'I DNGOS PO LA BUM PA ZHES BYA BA'I MING BTAGS PA 'DI MING NYID BUM PA'I RANG BZHIN MA YIN GYI, BLA THABS DANG, BLA DAGS SU BTAGS PAR ZAD DE ZHES TSOL ZHING SHES PA NI MING YONGS SU TSOL BA ZHES BYA'O, ,MING LA DNGOS PO GLO BUR BA YIN PAR YONGS SU TSOL BA ZHES BYA BA @207B LA, MING NI BUM PA ZHES BYA BA'I TSIG LA BYA STE, TSIG 'DIS BRJOD PAR BYA BA'I DNGOS PO YANG CHU BLUGS SU RUNG BA'I BUM PA STE, BUM PA ZHES BYA BA'I RJOD PAR BYED PA'I MING LA, BUM PA ZHES BYA BA RJOD PAR BYED PA'I DNGOS PO BTAGS PA YANG GLO BUR DANG BLA THABS SU BTAGS PAR ZAD KYI, MING DANG DNGOS PO GNYIS RANG BZHIN MI GCIG PAR TSOL BA NI, DNGOS PO YONGS SU TSOL BA ZHES BYA'O, ,GANG GNYI GA MNGON PAR 'BREL PA LA RANG BZHIN DANG KHYAD PAR DU BTAGS PA ZHES BYA BA LA, GNYI GA MNGON PAR 'BREL BA NI, RJOD PAR BYED PA'I MING DANG, RJOD PAR BYED PA'I DNGOS PO GNYIS 'BREL PA STE, DE GNYIS 'BREL PA LAS SRA THA LA SOGS PA'I CHOS KYI RANG GI MTSAN NYID DU BTAGS PA DANG, SKYE BA DANG 'JIG PA LA SOGS PA SPYI'I MTSAN NYID DU BTAGS PA GNYIS KYANG BTAGS PA TZAM DU YOD PAR ZAD KYI, RANG GI MTSAN NYID KYANG RANG BZHIN DU GRUB PA MED PAR SHES PA NI, RANG GI NGO BO YONGS SU TSOL BA ZHES BYA'O, ,SPYI'I MTSAN NYID KYANG BTAGS PA TZAM DU ZAD KYI RANG BZHIN YOD PA MA YIN PAR SHES PA NI KHYAD PAR DU YONGS SU TSOL BA ZHES BYA'O, , MDO SDE RGYAN BAM PO BDUN PA'I BSHAD PA RDZOGS SO,, ,,YANG DAG PA JI LTA BA BZHIN DU YONGS SU SHES PA RNAM PAR DBYE BA'I TSIGS SU BCAD PA BCU'O ZHES BYA BA LA, DE LTAR MOS PA SPYOD PA'I SAR MING DANG DNGOS PO DANG, RANG BZHIN DANG KHYAD PAR RNAMS YONGS SU BTZAL NA, SA DANG POR MING DANG DNGOS PO DANG RANG BZHIN DANG KHYAD PAR RNAMS STONG PA NYID KYI MTSAN NYID DU YONGS SU SHES PAR 'GYUR TE, DE BAS NA YANG DAG PA JI LTA BA BZHIN DU SHES PA TSIGS SU BCAD PA BCUS BSTAN TO, ,THAMS CAD DMIGS SU MED PA'I PHYIR, ,YANG DAG SHES PA RNAM PA BZHI, ,ZHES BYA BA LA SOGS PA TSIGS SU BCAD PA GCIG GIS YANG DAG PA JI LTA BA BZHIN DU SHES PA BZHI'I MTSAN NYID DANG LAS KYI BDAG NYID CHEN PO BSTAN TO, ,DE LA YANG DAG PA JI LTA BA BZHIN DU SHES PA BZHI NI, MING @208A *, ,YONGS SU TSOL BA DANG LDAN PA YANG DAG PA JI LTA BA BZHIN DU SHES PA DANG, DNGOS PO YONGS SU TSOL BA DANG LDAN PA YANG DAG PA JI LTA BA BZHIN DU SHES PA DANG, RANG BZHIN YONGS SU TSOL BA DANG LDAN PA YANG DAG PA JI LTA BA BZHIN DU SHES PA DANG, KHYAD PAR YONGS SU TSOL BA DANG LDAN PA YANG DAG PA JI LTA BA BZHIN DU YONGS SU SHES PA'O, ,DE LA MING THAMS CAD DNGOS PO MED CING STONG BA LA DMIGS SU MED PAR SHES NA, MING YONGS SU TSOL BA DANG LDAN PA YANG DAG PA JI LTA BA BZHIN DU SHES PA ZHES BYA'O, ,BUM PA LA SOGS PA'I DNGOS PO THAMS CAD KYANG RANG BZHIN MED CING STONG LA DMIGS SU MED PAR SHES NA, DNGOS PO YONGS SU TSOL BA DANG LDAN PA YANG DAG PA JI LTA BA BZHIN DU YONGS SU SHES PA ZHES BYA'O, ,SA'I RANG GI MTSAN NYID SRA BA LA SOGS PA RANG GI MTSAN NYID THAMS CAD RANG BZHIN MED CING STONG LA DMIGS SU MED PAR SHES NA, RANG BZHIN YONGS SU TSOL BA DANG LDAN PA YANG DAG PA JI LTA BA BZHIN DU SHES PA ZHES BYA'O, ,SKYE BA DANG 'GAG PA LA SOGS PA'I CHOS RNAMS KYANG RANG BZHIN MED CING STONG LA DMIGS SU MED PAR SHES NA, KHYAD PAR YONGS SU TSOL BA DANG LDAN PA YANG DAG PA JI LTAN BA BZHIN DU SHES PA ZHES BYA STE, DE LTAR TSIGS BCAD PHYED KYIS NI YANG DAG PA JI LTA BA BZHIN DU SHES PA'I MTSAN NYID BSTAN TO, ,BSTAN PA THAMS CAD DON SGRUB PHYIR, SA KUN DU NI SKYE BAR BYED,, CES BYA BA LA, SA DANG PO NAS BRTZAMS TE SA BCU MAN CHAD LA SA KUN ZHES BYA STE, BSTAN PA BYANG CHUB SEMS DPA' RNAMS SA BCU THAMS CAD DU BDAG DANG GZHAN GYI DON BSGRUB PAR BYA BA'I PHYIR, YANG DAG PA'I SHES PA BZH SKYE BAR BYED CING DE DAG LA SGOM PAR BYED DE, , TSIGS BCAD 'OG MA PHYED KYIS NI YANG DAG PA'I SHES PA'I LAS KYI BDAG NYID CHE BA BSTAN TO, ,DE LTAR SA DANG POR CHOS THAMS CAD BDAG MED PAR SHES PA'I YE SHES DE BCINGS PA THAMS CAD LAS DGROL BAR BYA BA'I THABS YIN TE, DES BCINGS PA THAMS CAD @208B LAS GROL BAR BYED DO, ,DE LA BCINGS PA GANG YIN PA DANG, DES GANG BCINGS PA SHES PAR BYA BA'I PHYIR, GNAS DANG LONGS SPYOD SA BON GYI, ,MTSAN MA DAG GIS BCINGS PA DANG, ,ZHES BYA BA LA SOGS PA SMOS TE, DE LA BCINGS PA NI GNAS KYI MTSAN MA DANG, LONGS SPYOD KYI MTSAN MA DANG, SA BON GYI MTSAN MA'O, ,DE LA GNAS KYI MTSAN MA NI SNOD KYI 'JIG RTEN TE, MTSAN MA DANG YUL ZHES BYA BA DAG DON GCIG PAS SNOD KYI 'JIG RTEN NI KUN GZHI RNAM PAR SHES PAS DMIGS PAR BYA BA'I YUL YIN PA'I PHYIR SNOD KYI 'JIG RTEN LA GNAS KYI MTSAN MA ZHES BYA'O, ,DE'I PHYIR SUM CU BA'I BSTAN BCOS LA SOGS PA LAS KYANG KUN GZHI RNAM PAR SHES PA NI GNAS RNAM PAR RIG PAR BSHAD DO, ,LONGS SPYOD NI MIG GI RNAM PAR SHES PA NAS YID KYI RNAM PAR SHES PA'I BAR DU, RNAM PAR SHES PA DRUG LA NI LONGS SPYOD CES BYA STE, RNAM PAR SHES PA DRUG GI MTSAN MA DANG YUL NI GZUGS DANG, SGRA DANG, DRI DANG, RO DANG, REG BYA STE YUL LNGA'O, ,SA BON GYI MTSAN MA NI KUN GZHI RNAM PAR SHES PA LA BYA STE, KUN GZHI RNAM PAR SHES PA NI GNAS DANG LONGS SPYOD LA SOGS PA'I MTSAN MA'I BAG LA ZHA BA DANG, BAG CHAGS KYI GZHI BYED PA'I PHYIR, SA BON GYI MTSAN MA ZHES BYA STE, BCING BA DE GSUM GYIS BCINGS SO ZHES BYA BA'I DON TO, DES GANG BCINGS SHE NA DE'I PHYIR, RTEN BCAS SEMS DANG SEMS LAS BYUNG BA DAG ,CES BYA BA SMOS TE, GONG MA'I BCINGS PA DES NI RTEN DANG SEMS DANG SEMS LAS BYUNG BA GSUM BCINGS SO ZHES BYA BA'I DON TO, ,DE LA RTEN GYI SGRAS NI MIG GI DBANG PO NAS YID KYI DBANG PO'I BAR DU, DBANG PO DRUG DANG BCAS PA'I LUS LA BYA STE, DON DU NA GZUGS KYI PHUNG PO LA BYA'O, ,YID KYI DBANG PO YANG 'DI'I SKABS SU NYON MONGS PA'I YID LA BYA'O, ,SEMS KYI SGRAS NI RNAM PAR SHES PA BRGYAD LA BYA STE, PHUNG PO LNGA'I NANG NAS RNAM PAR SHES PA'I PHUNG PO LA BYA'O, ,SEMS LAS BYUNG BA'I SGRAS NI TSOR BA'I PHUNG PO DANG, 'DU SHES KYI PHUNG PO'I GNYIS DANG, REG PA DANG @209A *, ,YID LA BYED PA LA SOGS PA SEMS LAS BYUNG BA LNGA BCU RTZA GCIG LA BYA STE, DON DU BSHAD PA'I BCING BA DES PHUNG PO LNGA BCINGS SO ZHES BYA BA'I DON TO, ,GANG DU BCINGS JI LTAR BCINGS SHE NA, DE'I PHYIR, 'DIR NI SA BON LDAN PAS BCINGS, ,ZHES SMOS TE, GANG DU BCINGS SHE NA, KHAMS GSUM 'DIR BCINGS SO ZHES BYA BA'I DON TO, ,JI LTAR BCINGS SHE NA, GNAS KYI MTSAN MA'I BAG CHAGS DANG, LONGS SPYOD KYI MTSAN MA'I BAG CHAGS KUN GZHI LA BSAGS PAS JI SRID DU BAG CHAGS MA SPANGS TE, BAG CHAGS DANG LDAN PA DE SRID DU THAR PA MED PAS NA DE LTAR BCINGS SO, ,DE LA GNAS KYI MTSAN MA NI SNOD KYI 'JIG RTEN TO ZHES BYA BA LA GNAS NI SNOD KYI 'JIG RTEN LA BYA STE, DE DAG NYID KUN GZHI'I GNAS YIN PAS NA GNAS KYI MTSAN MA ZHES BYA'O, ,LONGS SPYOD KYI MTSAN MA NI ZHES BYA BA LA, LONGS SPYOD NI MIG GI RNAM PAR SHES PA NAS YID KYI RNAM PAR SHES PA DRUG LA BYA STE, DE DAG GI MTSAN MA DANG YUL NI GZUGS NAS REG BYA'I BAR DU LNGA'O, ,GANG DE DAG GI SA BON NI ZHES BYA BA LA, GNAS DANG LONGS SPYOD GNYIS KYI SA BON GYI MTSAN MA DANG GZHIR GYUR PA NI KUN GZHI RNAM PAR SHES PA STE, KUN GZHI NI CHOS THAMS CAD KYI SA BON GYI RTEN BYED PA'I PHYIR RO, ,CHOS GANG SHES SHING BSGOMS PAS BCINGS PA LAS THAR PAR 'GYUR BA'I THABS BSTAN PA'I PHYIR, MTSAN MA BDUN DU GANG BZHAG PA, ,BDAG NYID KYIS NI GANG GNAS PA, ,BRTEN PAS THAMS CAD RNAM BSHIG NA, ,BYANG CHUB MCHOG NI RNYED PAR 'GYUR, ,ZHES BYA BA SMOS TE, MTSAN MA MDUN DU GANG BZHAG PA, ,ZHES BYA BA LA NI GANG SNGON MNYAN PA DANG BSAM PA DANG BSGOM PA LA SOGS PA'I SBYOR BA LA BRTEN NAS, RNAL 'BYOR PAS 'PHRAL DU BAM PA DANG BSNGOS PA DANG KENG RUS LA SOGS PA'I MTSAN MA MDUN DU BSAMS SHING BRTAGS TE GZHAG PA NI MTSAN MA MDUN DU BZHAG PA ZHES BYA'O, ,GANG 'PHRAL DU BSAMS TE GZHAG PA NI MA YIN GYI, SEMS CAN RNAMS 'KHOR BA THOG MA MED PA'I DUS NAS BSGRIMS SHING 'BAD MI DGOS PAS BUM PA DANG @209B SNAM BU LA SOGS PA RANG GI NGANG GIS SEMS LA SNANG BA NI, BDAG NYID KYIS GANG GNAS PA ZHES BYA STE, BYANG CHUB SEMS DPA' BRTAN PA RNAMS KYIS MDUN DU BZHAG PA'I MTSAN MA DANG, BDAG NYID KYIS GNAS PA'I MTSAN MA GNYIS BSHIG STE, STONG PAR DMIGS SU MED PA'I MTSAN NYID DU BYAS NAS, DE LA YOD PA'I NGO BOR RTOG PA'I TSUL DU BSGOMS NA, BYANG CHUB THOB PA DANG, BYANG CHUB MCHOG THOB PAR 'GYUR RO ZHES BYA BA'I DON TO, ,DE LA BSGOM PA'I RIM PA YANG DANG PO NI MDUN DU GZHAG PA'I MTSAN NYID STONG PAR BSHIG STE, BSGOM PA DE STONG PAR BSHIG PA DANG DE'I 'OG TU BDAG NYID KYIS GNAS PA'I DNGOS PO RNAMS STONG PAR BSHIG STE JI LTAR ZHE NA 'DI LTAR BAM PA DANG, BSNGOS PA LA SOGS PA 'DI DAG SEMS DANG SEMS LAS BYUNG BA LA, SNANG BA TZAM DU ZAD KYI RANG BZHIN DU GRUB PAR YOD PA MA YIN PA DE BZHIN DU, BUM PA DANG SNAM BU LA SOGS PA 'DI DAG KYANG SEMS DANG SEMS LAS BYUNG BA LA SNANG BAR ZAD KYI, RANG BZHIN GYIS GRUB PAR YOD PA MA YIN NO ZHES DE LTAR BSGOM MO, ,DE LA NYAN THOS DANG RANG SANGS RGYAS KYIS RTAG PA DANG, GTZANG BA DANG BDAG DANG BDE BA DANG LDAN PA'I GANG ZAG STONG PAR BSHIG STE BSGOMS NA NI NYAN THOS KYI BYANG CHUB DANG, RANG SANGS RGYAS KYI BYANG CHUB THOB PO, ,BYANG CHUB SEMS DPA' RNAMS KYIS GANG ZAG DANG CHOS GNYIS STONG PAR BSHIG STE BSGOMS NA NI BLA NA MED PA'I BYANG CHUB MCHOG 'THOB PAR 'GYUR RO, ,DE BZHIN DU MI RTOG PA DE LTA BU RIM GYIS SMRA BAR BYA'O ZHES BYA BA NI MDUN DU GZHAG PA'I MTSAN MA DANG LDAN PA BDAG NYID GNAS PA'I MTSAN MA GNYIS LA BSGOM PA'I RIM PA YANG, DANG POR MDUN DU GZHAG PA'I MTSAN MA KENG RUS LA SOGS PA STONG PAR BSHIG NAS DE LA MI RTOG PAR BYA'O, ,DE NAS BUM PA LA SOGS PA BDAG NYID GNAS PA'I MTSAN MA STONG PAR BSHIG STE, DE LA MI RTOG PAR BYA'O, ,GANG MNYAM PA DANG BSAM PA DANG, ,ZHES BYA BA LA SOGS PA LA MDUN DU GZHAG PA'I MTSAN MA ZHES BYA BA'I DON 'CHAD DE, MDUN DU @210A *, ,GZHAG PA'I MTSAN MA ZHES BYA BA NI GANG RNAL 'BYOR BAS MNYAM PA DANG BSAM PA DANG BSGOM PA'I TING NGE 'DZIN GYI YUL LA BYA STE, KENG RUS LA SOGS PA'I MTSAN MA NYID 'PHRAL DU SEMS KYIS BRTAGS TE GZHAG PA'O, ,RANG BZHIN LA GNAS PAR GYUR CING ZHES BYA BA LA, BDAG NYID GNAS PA NI GANG 'PHRAL DU BSAMS TE MDUN DU GZHAG PA NI MA YIN GYI 'KHOR BA THOG MA MED PA'I DUS NAS BSGRIGS SHING 'BAD MI DGOS PAR SEMS LA RANG GI NGANG GIS SNANG BA STE, GANG BUM PA LA SOGS PA RANG BZHIN GYI SEMS KYIS BRTAGS TE, SEMS LAS PHYI ROL DU YOD PA LTA BUR SNANG BA'O, ,DE LA BSHIG PA NI YOD PA'I DNGOS PO LAS BRAL BA RNAM PAR MI RTOG PA STE ZHES BYA BA LA DE GNYIS STONG PAR BSHIG PA'I THABS NI MDUN DU GZHAG PA'I MTSAN MA DANG RANG BZHIN LA GNAS PA GNYIS SEMS LA SNANG BA DANG BRAL ZHING, SEMS LA MI SNANG BAR BYA BA NAS, DE LA YOD PAR RTOG PA SPANGS TE, MI RTOG PA'I TSUL DU BSGOM PA NI GZHAG PA ZHES BYA'O, ,DE'I THABS NI MTSAN MA'I GNYEN PO'O ZHES BYA BA LA STONG PAR BSHIG NAS MI RTOG PA'I TSUL DU BSGOM PA NYID MTSAN MAR 'DZIN PA THAMS CAD MED CING 'JIG PAR BYED PA'I THABS YIN NO, ,MDUN DU GZHAG PA DANG, PHYIR BDAG NYID GNAS PA ZHES BYA BA LA SOGS PA LA DE GNYIS STONG PAR BSGOM PA'I RIM PA NI DANG PO NYID DU MDUN DU GZHAG PA'I MTSAN MA KENG RUS LA SOG PA STONG PAR BSHIG STE JI LTAR BSHIG CE NA, KENG RUS LA SOG PA SNANG BA 'DI DAG SEMS LA SNANG BA TZAM DU ZAD KYI YANG DAG PAR YOD PA MA YIN NO ZHES GZHIG GO, ,BUM PA LA SOGS PA BDAG NYID KYIS GNAS PA RNAMS STONG PAR BSHIG STE, JI LTAR BSHIG CE NA STE, JI LTAR KENG RUS LA SOGS PA SEMS LA SNANG BAR ZAD KYI RANG BZHIN YOD PA MA YIN PA DE BZHIN DU BUM PA LA SOGS PA 'DI DAG KYANG SEMS LA SNANG BAR MA ZAD KYI, RANG ZHIN YOD PA MA YIN NO ZHES DE DE LA PHYIN CI LOG BZHI @210B DANG LDAN PA'I GANG ZAG GI MTSAN MA RNAM PAR 'JIG PA'I RNAL 'BYOR CAN NO ZHES BYA BA LA SOGS PA LA RTAG PA DANG, BDE BA DANG, GTZANG BA DANG, BDAG DANG LDAN PA'I GANG ZAG LA YOD PAR 'DZIN PA STONG PAR BZHIG NAS BSGOM PA'I RNAL 'BYOR PAS NI, NYAN THOS KYI BYANG CHUB DANG, RANG SANGS RGYAS KYI BYANG CHUB THOB PAR 'GYUR RO, ,CHOS THAMS CAD KYI MTSAN MA RNAM PAR 'JIG PA NI BYANG CHUB CHEN POR RO ZHES BYA BA LA, GANG ZAG GI MTSAN MA DANG, CHOS KYI MTSAN MA GNYIS STONG PAR BSHIG NAS BSGOM PA'I RNAL 'BYOR PAS NI BLA NA MED PA'I BYANG CHUB 'THOB PO ZHES BYA BA'I DON TO, ,DE DAG GIS JI LTA BUR BCINGS PA YONGS SU SHES PAR THAL BAR 'GYUR BA DANG, YANG DAG PA JI LTA BA BZHIN YONGS SU SHES PA DE DAG BSTAN TO ZHES BYA BA LA, GANG DU TSIGS SU BCAD PA GSUM BSHAD PA'I BSDUS PA'I DON NI, JI LTA BUS SEMS CAN YONGS SU BCINGS PA SHES PA DANG, YONGS SU BCINGS PA SHES PA NAS, GANG GIS BCINGS PA LAS THAR PAR 'GYUR BA SHES PA DANG, YANG DAG PA JI LTA BZHIN DU SHES PA'I MTSAN NYID GANG YIN PA STE, DON DE GSUM BSTAN TO, ,DE LA GNAS DANG LONGS SPYOD SA BON GYI, ,ZHES BYA BA LA SOGS PA TSIGS SU BCAD PA GCIG GIS NI BCINGS PA GANG YIN PA SHES PA BSTAN TO, ,MTSAN MA MDUN DU GZHAG PA DANG, ,ZHES BYA BA LA SOGS PA'I TSIGS SU BCAD PA GCIG GIS NI GANG YONGS SU SHES PAS THAR BAR 'GYUR BA'I THABS BSTAN TO, ,DANG PO TSIGS SU BCAD PA, THAMS CAD DMIGS PA MED PA'I PHYIR, ,ZHES BYA BA'I TSIGS SU BCAD PA GCIG GIS NI YANG DAG PA JI LTA BA BZHIN DU SHES PA GANG YIN PA BSTAN TO, , MTSAN NYID GSUM YONGS SU SHES PAS KUN GZHI RNAM PAR SHES PA LA NYON MONGS PA DANG, SHES BYA'I SGRIB PA'I BAG CHAGS YOD PA SPANGS NAS THAR BAR 'GYUR BA DE BSTAN PA'I PHYIR, DE BZHIN NYID DMIGS YE SHES KYIS, ,ZHES BYA BA LA SOGS PA SMOS SO, , @211A *, ,DE LA DE BZHIN NYID NI STONG PA NYID CHOS KYI DBYINGS LA BYA STE, STONG PA NYID LA DMIGS PA'I YE SHES KYIS NI YONGS SU RDZOGS PA'I MTSAN NYID MNGON SUM DU BYED DO ZHES BYA BA'I DON TO, ,GZUNG BA GNYIS NI RNAM PAR SPANGS, ,ZHES BYA BA LA GZUNG PA GNYIS NI GZUNG 'DZIN GNYIS SAM KUN DU BRTAGS PA'I GANG ZAG DANG, KUN BRTAGS KYI CHOS GNYIS RI BONG GI RVA BZHIN DU MTSAN NYID MED PAR SHES NA KUN DU BRTAGS PA'I MTSAN NYID MNGON SUM DU BYED DO ZHES BYA BA'I DON TO, ,GNAS NGAN LEN TSOGS MNGON SUM DANG, ,ZHES BYA BA LA GNAS NGAN LEN GYI TSOGS NI KUN GZHI RNAM PAR SHES PA NYON MONGS PA DANG SHES BYA'I SGRIB PA DANG BCAS PA LA BYA STE, KUN GZHI RNAM PAR SHES PA NI NYON MONGS PA DANG, SHES BYA'I SGRIB PA THAMS CAD KYI RTEN DU GYUR PA PHYIN CI LOG TU RNAM PAR RTOG PA RNAMS KYI GNAS YIN NO ZHES SHES NA, GZHAN GYI DBANG MNGON SUM DU 'GYUR RO, ,BRTAN PA DE DAG ZAD PAR 'DOD, ,CES BYA BA LA, DE LTAR BYANG CHUB SEMS DPA' MTSAN NYID GSUM MNGON SUM DU BYAS NA, KUN GZHI RNAM PAR SHES PA GZHAN GYI DBANG GI MTSAN NYID LA NYON MONGS PA DANG, SHES BYA'I SGRIB PA CI YOD PA ZAD CING DAG NAS THAR PA THOB PAR 'GYUR ZHING 'DOD DO ZHES BYA BA'I DON TO, ,GNAS NGAN LEN GYI TSOGS MNGON SUM PA'I PHYIR ZHES BYA BA LA, GNAS NGAN LEN GYI TSOGS NI NYON MONGS PA DANG SHES BYA'I SGRIB PA LA BYA STE, KUN GZHI RNAM PAR SHES PA NI PHYIN CI LOG THAMS CAD KYI RGYU YIN NO ZHES SHES NA, GZHAN GYI DBANG GI MTSAN NYID MNGON SUM DU 'GYUR RO ZHES BYA BA'I DON TO, ,DE NYID ZAD PAR BYA BA NI ZHES BYA BA LA SOGS PA LA GNAS NGAN LEN GYI TSOGS KUN GZHI RNAM PAR SHES PA LA NYON MONGS PA DANG SHES BYA'I SGRIB PA ZAD PAR BYA BA'I PHYIR MTSAN NYID MNGON SUM DU BYA'O ZHES BYA BA'I DON TO, ,MTSAN NYID GSUM MNGON SUM DU BYAS NA, KUN GZHI RNAM PAR SHES PA LA BAG LA NYAL YOD PA ZAD PAR GYUR NAS THAR PA 'THOB PAR @211B 'GYUR RO ZHES BYA BA'I DON TO, ,DE LA 'PHAGS PA NYAN THOS RNAMS KYIS KYANG PHYIN CI LOG BZHI DANG LDAN PA'I GANG ZAG STONG PAR SHES PA'I YANG DAG PA'I YE SHES BSGOMS PAS NA, 'PHAGS PA NYAN THOS LA YANG DAG PA'I YE SHES YOD DE, 'PHAGS PA NYAN THOS LA YANG DAG PA'I YE SHES YOD PA DANG, BYANG CHUB SEMS DPA' RNAMS LA YANG DAG PA'I YE SHES YOD PAR KHYAD PAR CI YOD CE NA, YANG DAG PA'I YE SHES KYI KHYAD PAR BSTAN PA'I PHYIR, DE BZHIN MI DMIGS YE SHES NI, RNAM PA THA DAD MED BSGOMS PAS, ,ZHES BYA BA LA SOGS PA SMOS TE, TSIGS SU BCAD PA 'DIS, NYAN THOS RNAMS MTSAN MA MED PA LA BSGOM PA BAS, BYANG CHUB SEMS DPA' DAG MTSAN MA MED PA BSGOM PA KHYAD ZHUGS PA STON TE, JI LTA ZHE NA, 'PHAGS PA NYAN THOS RNAMS KYIS NI MTSAN MA DANG MTSAN MA MED PA GNYIS THA DAD PA BSGOM STE, DE LA MTSAN MA ZHES BYA BA NI 'KHOR BA LA BYA'O, ,MTSAN MA MED PA ZHES BYA BA NI MYA NGAN LAS 'DAS PA LA BYA STE, 'KHOR BA LA NI SKYE BA DANG, RGA BA LA SOGS PA'I SDUG BSNGAL DANG BCAS PAS, MA ZHI BA'I RANG BZHIN DU YID LA BYED, MYA NGAN LAS 'DAS PA LA NI SDUG BSNGAL THAMS CAD SPANGS PAS ZHI BA'I MTSAN NYID DU YID LA BYED, 'KHOR BA NI SPONG BAR 'DOD, MYA NGAN LAS 'DAS PA NI MNGON SUM DU BYA BAR 'DOD DO, ,DE LA DE BZHIN NYID LA DMIGS PA'I YE SHES SHES BYA BA NI CHOS RNAMS RANG BZHIN GYIS MYA NGAN LAS 'DAS PA'I MTSAN NYID DU DMIGS PA STONG PA NYID LA LTA BA YE SHES LA BYA STE, BYANG CHUB SEMS DPA' RNAMS KYIS NI MTSAN MA STE, 'KHOR BA DANG DE BZHIN NYID LA DMIGS PA'I YE SHES TE MYA NGAN LAS 'DAS PA GNYIS THA DAD PA MED CING RO GCIG PAR MTHONG NAS 'KHOR BA'I STONG PA NYID MYA NGAN LAS 'DAS PA YIN NO ZHES BSGOMS NA, NYAN THOS MTSAN MA MED PAR BSGOMS PA BAS KHYAD ZHUGS SO, ,DE BAS NA 'PHAGS PA BLO GROS MI @212A *, ,ZAD PA'I MDO LAS KYANG CHOS KYI DBYINGS DANG, 'KHOR BA'I KHAMS DANG MYA NGAN LAS 'DAS PA'I DBYINGS DE NI MTSUNGS SO, ,CHOS KYI DBYINGS DANG SEMS CAN GYI KHAMS DANG CHOS THAMS CAD KYI KHAMS DE NI MTSUNGS SO, ,CI'I PHYIR MTSUNGS SHE NA; STONG PA NYID DU MTSUNGS PAS NA DE NI MTSUNGS SO ZHES BYA BA LA SOGS PA GSUNGS SO, ,DE LTAR MTSAN MA DANG DE BZHIN NYID THA DAD PA MED PAR BSGOMS PAS JI LTAR NA NYAN THOS LA SOGS PA'I MTSAN MA MED PAR BSGOM PA BAS, KHYAD ZHUGS SHE NA, YOD MED DON NI MNGON SUM DU, ,RNAM PAR RTOG LAS 'BYOR ZHES BYA, ,ZHES SMOS TE, MTSAN MA DANG DE BZHIN NYID THA MI DAD PAR BSGOMS PAS NA, YOD PA'I DON KYANG MNGON SUM DU GYUR LA, MED PA'I DON KYANG MNGON SUM DU GYUR TE, DE LTAR GYUR PAS, SEMS CAN GYIS GANG DANG GANG BSAMS SHING JI DANG JI LTAR BSAMS PA DE DANG DE DAG DE BZHIN DU 'GRUB PAR 'GYUR TE, NAM MKHA' STONG PA LAS YO BYAD KYI CHAR 'BAB PAR 'GYUR CIG CES BSAMS NA YANG, YO BYAD KYI CHAR 'BAB PAR 'GYUR BAS RNAM PAR RTOG PA LAS THAMS CAD 'BYOR PA ZHES BYA STE, DE BAS NA NYAN THOS KYI MTSAN MA MED PA BAS, BYANG CHUB SEMS DPA' MTSAN MA MED PAR BSGOM PA KHYAD ZHUGS PA YIN NO, ,DE LA YOD PA NI YONGS SU GRUB PA'I MTSAN NYID KYI CHOS KYI DBYINGS LA BYA STE, CHOS KYI DBYINGS MNGON SUM DU GYUR PAS NA YOD PA MNGON SUM DU GYUR PA ZHES BYA'O, ,DE LA MED PA NI GZUNG BA DANG 'DZIN PA KUN BRTAGS KYI MTSAN MA LA BYA STE, KUN BRTAGS RANG BZHIN MED PA YANG MNGON SUM DU GYUR PAS NA, MED PA MNGON SUM PA ZHES BYA'O, ,MTSAN MA DANG DE BZHIN NYID THA DAD PA MED PA MTHONG BA'I PHYIR TE ZHES BYA BA LA, MTSAN MA NI 'KHOR BA'I CHOS LA BYA'O, ,DE BZHIN NYID NI CHOS THAMS CAD RANG BZHIN GYIS MYA NGAN LAS 'DAS PA'I MTSAN NYID STONG PA NYID LA BYA STE, 'KHOR BA DANG MYA NGAN LAS 'DAS PA GNYIS RANG @212B BZHIN GCIG PAR MTHONG BAS NA MTSAN MA DANG DE BZHIN NYID THA DAD PA MED PAR MTHONG BA ZHES BYA STE, DON DU 'KHOR BA DANG RANG BZHIN GYIS STONG PA GANG YIN PA DE NYID MYA NGAN LAS 'DAS PA YIN GYI, MYA NGAN LAS 'DAS PA ZHES BYA BA YANG 'KHOR BA'I STONG PA NYID LA MA GTOGS PAR LOGS SHIG NA YOD PA MA YIN PAR MTHONG BA'O, ,DE BAS NA BYANG CHUB SEMS DPA'I MTSAN MA MED PA BSGOM PA NI, NYAN THOS KYI MTSAN MA MED PA BSGOM PA BAS KHYAD ZHUGS PA YIN NO, ,JI LTAR KHYAD ZHUGS PA BSTAN PA'I PHYIR RO, , DE DAG GI MTSAN MA DANG, MTSAN MA MED PA THA DAD PAR MTHONG NAS, MTSAN MA THAMS CAD YID LA MI BYED PA DANG, MTSAN MA MED PA'I DBYINGS YID LA BYED PAS ZHES BYA BA STE, NYAN THOS DE DAG GIS NI MTSAN MA STE 'KHOR BA DANG, MTSAN MA MED PA STE, MYA NGAN LAS 'DAS PA GNYIS THA DAD PAR MTHONG STE, JI LTAR THA DAD PAR MTHONG ZHE NA, 'KHOR BA NI SKYE BA DANG RGA BA LA SOGS PA'I SDUG BSNGAL RNAM PA SNA TSOGS DANG LDAN BAS MA ZHI BA'I RANG BZHIN DU MTHONG LA, MYA NGAN LAS 'DAS PA NI SKYE BA DANG RGA BA LA SOGS PA'I SDUG BSNGAL RNAMS SPANGS PAS ZHI BA'I RANG BZHIN DU MTHONG STE, DE BAS NA 'KHOR BA NI SPONG 'DOD PAS YID LA BYED LA, MYA NGAN LAS 'DAS PA'I MNGON DU BYA BAR 'DOD PAS, MYA NGAN LAS 'DAS PA'I DBYINGS NI YID LA BYED DO, ,BYANG CHUB SEMS DPAS NI DE BZHIN NYID LAS GZHAN DU MTSAN MA MA MTHONG BAS, MTSAN NYID MED PAR MTHONG STE ZHES BYA BA LA, BYANG CHUB SEMS DPA' RNAMS KYIS NI DE BZHIN NYID STONG PA NYID LA MA RTOGS PA'I MTSAN MA ZHES BYA BA, 'KHOR BA'I CHOS LOGS SHIG NA YOD PAR MA MTHONG STE, MTSAN MA STE 'KHOR BA NYID STONG PA NYID KYI RANG BZHIN DU MTHONG NAS, 'KHOR BA DANG MYA NGAN LAS 'DAS PA GNYIS RO GCIG PAR MTHONG BA'I PHYIR, 'KHOR BA YANG MI SPONG LA, MYA NGAN LAS 'DAS PA YANG MI LEN PA'I TSUL DU BSGOMS TE, DE BAS NA 'KHOR BA DANG MYA NGAN LAS 'DAS PA THA DAD PA @213A *, ,MED PAR BSGOM PA'I PHYIR, NYAN THOS MTSAN MA MED PA BSGOM PA DANG, BYANG CHUB SEMS DPA' MTSAN MA MED PA BSGOM PA LA BYE BRAG YOD DO, ,DE BZHIN NYID YOD PA'I DON DANG, ,ZHES BYA BA LA, DE BZHIN NYID NI STONG PA NYID LA BYA STE, STONG PA NYID NI YOD PA'I DON DU MNGON SUM DU MTHONG NGO ZHES BYA BA'I DON TO, ,MTSAN MA MED PA'I DON LA MNGON SUM DU GYUR PA STE, ZHES BYA BA LA MTSAN MA NI GZUNG BA DANG, 'DZIN PA LA SOGS PA STE, GZUNG 'DZIN MTSAN MA RNAMS NI MED PA'I MTSAN NYID YIN PA MNGON SUM DU MTHONG NGO ZHES BYA BA'I DON TO, , JI LTAR RNAM PAR BRTAGS PA BZHIN DU DON THAMS CAD 'BYOR PA'I PHYIR RO ZHES BYA BA NI DE LTAR MED PA'I DON KYANG MNGON SUM DU GYUR, YOD PA'I DON KYANG MNGON SUM DU GYUR, GANG DANG GANG BSAMS PA RNAMS DE BZHIN DU GRUB PAR 'GYUR TE, DE BAS NA RNAM PAR RTOG PA LAS 'BYOR PA RNYED PA ZHES BYA'O, ,BRGAL BA, GAL TE 'KHOR BA NI MYA NGAN LAS 'DAS PA'I RANG BZHIN YIN NA, SEMS CAN THAMS CAD LA MYA NGAN LAS 'DAS PA YOD PAS, SEMS CAN THAMS CAD KYIS MYA NGAN LAS PA MTHONG BAR RIGS NA, CI'I PHYIR MA MTHONG SNYAM PA LA DE'I PHYIR, NUS PA DAG NI YANG DAG BSGRIBS, ,YANG DAG MA YIN KUN DU SNANG, ,ZHES BYA BA SMOS TE, 'DI LTAR 'KHOR BA NYID MYA NGAN LAS 'DAS PA'I RANG BZHIN YIN YANG, BYIS PA SO SO'I SKYE BO DAG BDAG DANG CHOS SU MNGON BAR CHAGS PA'I BAG CHAGS KYI SGRIB PAS YANG DAG PAR BSGRIBS TE, STONG PA NYID LA YOD PA'I CHOS MA MTHONG LA, YANG DAG PA MA YIN PA GZUNG BA DANG, 'DZIN PA'I CHOS MED PA RNAMS NI, SEMS LA SNANG ZHING MTHONG STE DPER NA, MI SHES PAS BSGRIBS PAS, THAG PA YOD PA NI MI MTHONG LA, THAG PA LA SBRUL GYI RANG BZHIN MED PA'I SBRUL MTHONG BA LTA BU'O, ,YANG DAG BYANG CHUB SEMS DPA' LA, ,DE BSAL NAS NI THAMS CAD SNANG, ,ZHES BYA BA LA BYANG CHUB SEMS DPA' RNAMS NI GANG ZAG DANG, CHOS SU MNGON BAR CHAGS PA MED PAS, YANG DAG PA STONG PA NYID YOD PA'I CHOS NI SEMS @213B LA SNANG ZHING MTHONG LA, YANG DAG PA MA YIN PA GZUNG BA DANG, 'DZIN PA LTA BU NI BSAL NAS SEMS LA MI SNANG STE, DPER NA SNGAS PA DANG BRAL BA'I MIS THAG PA YOD PA NI MTHONG LA SBRUL MED PA NI MI MTHONG BA BZHIN NO, ,RANG GI NGANG GIS ZHES BYA BA LA, BYIS PA RNAMS LA NI GZUNG BA DANG, 'DZIN PA LA SOGS PA'I MED PA'I CHOS NI BSGRIM MI DGOS PAR SEMS LA SNANG NGO ZHES BYA BA'I DON TO, ,RANG GI NGANG GI YANG DAG PA NYID SNANG, ZHES BYA BA LA, BYANG CHUB SEMS DPA' RNAMS LA NI STONG PA NYID KYI CHOS SEMS LA BSGRIM MI DGOS PAR SNANG ZHING MTHONG NGO ZHES BYA BA'I DON TO, ,'PHAGS PA RNAMS LA STONG PA NYID SNANG GI ,MTSAN MA MI SNANG NGO ZHES BSTAN PA'I DON DE NYID BSGRUB PA'I PHYIR, MI SNANG BA DANG SNANG BA NI, ,YOD MED DON DU RIG PAR BYA, ,ZHES BYA BA LA SOGS PA SMOS TE, YOD PA'I DON NI STONG PA NYID LA MED PA'I DON NI GZUNG 'DZIN GYI MTSAN MA RNAMS TE, BYANG CHUB SEMS DPA' RNAMS KYIS YOD PA'I DON NI SEMS LA SNANG ZHING MTHONG LA, MED PA'I DON MTSAN MA RNAMS NI SEMS LA MI SNANG ZHING MI MTHONG BAR RIG PAR BYA'O ZHES BYA BA'I DON TO, ,GNAS KYANG SHIN TU 'PHOS PA STE, ,DE NI THAR PA 'DOD BZHIN SPYOD, ,CES BYA BA LA, GANG GI TSE STONG PA NYID YOD PA'I CHOS KYANG MTHONG, MTSAN MA STE MED PA'I CHOS KYANG MTHONG LA, DE'I TSE NA GZHAN GYI DBANG GI MTSAN NYID DU KUN GZHI RNAM PAR SHES PA, GNAS GZHAN DU GYUR PA ZHES BYA STE, GNAS GZHAN DU GYUR PA DE NYID LA THAR PA DANG MYA NGAN LAS 'DAS PA ZHES BYA BA YANG GNAS GZHAN DU GYUR PA NYID LA BYA BA YIN PAR RIG PAR BYA'O, ,CI'I PHYIR GNAS GZHAN DU GYUR PA THAR PA ZHES BYA ZHE NA, DPER NA SKYE BO LA LA ZHIG BCINGS PA LAS THAR PA NA, JI DGAR SPYOD PA DE BZHIN DU, ,GNAS GZHAN DU GYUR PA DE'I TSE, SEMS LA DBANG THOB STE, DNGOS PO GANG MTHONG YANG, CHAGS PA DANG ZHE SDANG GI 'CHING BA MI 'BYUNG BAR SPYOD PAS NA THAR BA ZHES BYA'O, ,DES NI MI SNANG BA DANG SNANG BA DE NYID THAR PAR RIG PAR BYA'O ZHES BYA BA LA, STONG PA NYID MTHONG @214A *, ,BA DANG, MTSAN MA RNAMS MI MTHONG BA'I SEMS RNYED PA NYID THAR PA DANG, MYA NGAN LAS 'DAS PA YIN PAS RIG PAR BYA'O ZHES BYA BA'I DON TO, ,CI'I PHYIR ZHE NA, 'DOD PA BZHIN SPYOD PA'I PHYIR TE, ZHES BYA BA LA, YOD MED KYI DON DU MTHONG BA DE LA, CI'I PHYIR THAR PA ZHES BYA ZHE NA, DE'I TSE JI DGAR 'DOD PA BZHIN DU SPYOD PAS NA THAR PA ZHES BYA'O, ,JI DGAR 'DOD BZHIN DU SPYOD PA'I DON BSTAN PA'I PHYIR, DE RANG DBANG THOB PAS RANG GI SEMS LA DBANG BYED PAS, RANG BZHIN GYIS MTSAN MA MI 'BYUNG BA'I PHYIR RO ZHES SMOS TE, JI SRID DU SEMS LA MTSAN MA 'BYUNG BA DE SRID DU 'CHING BA YIN NO, ,NAM STONG PA NYID YOD PA'I DON MTHONG BA DANG MTSAN MA LA SOGS PA MED PA'I DON MTHONG BA NAS, SEMS LA DBANG THOB STE, CHAGS PA DANG ZHE SDANG LA SOGS PA GANG GI DBANG DU YANG MI 'GYUR ZHING, SEMS NAM MKHA' BZHIN DU GNAS PA'I MTSAN MA BCING LA SEMS GANG LA YANG MI 'BYUNG BA'I PHYIR DE'I TSE THAR PA ZHES BYA'O, ,DA TSIGS SU BCAD PA GCIG GIS THABS GANG GIS SANGS RGYAS KYI ZHING YONGS SU DAG PAR 'GYUR BA'I SANGS RGYAS KYI ZHING DAG PAR BYA BA'I THABS BSTAN PA'I PHYIR, THAMS CAD CHEN POR DON SNANG NA, ,BAR CHAD 'GYUR ZHES BYA BA LA SOGS PA SMOS TE, CHEN PO'I SGRAS NI SNOD KYI 'JIG RTEN SA GZHI CHEN PO LA BYA STE, DUS THAMS CAD SKAD CIG MA RE RE LA YANG KUN GZHI RNAM PAR SHES PA LAS SA GZHI CHEN PO LTA BUR SNANG BAR 'GYUR NA, JI SRID DU SEMS LAS DE SRID DU SNANG BA YOD PA DE SRID DU SA GZHI CHEN PO YANG NGAN GROG DANG TSER MA DANG GYO MO LA SOGS PA YOD PAR MA DAG PAR SNANG GI ,GSER LA SOGS PA RIN PO CHE'I KHA DOG TU MI SNANG BAS NA, SANGS RGYAS KYI ZHING YONGS SU SBYANG BAR BYA BA LA BAR DU GCOD PA YIN NO, ,BRGAL BA GAL TE SA GZHI CHEN PO 'DI SKAD CIG MA RE RE LA SEMS LA SNANG BA YIN NA, SEMS CAN RNAMS CI'I PHYIR 'DI SNYAM DU, KHAR SANG SNGAR MTHONG BA'I SA GZHI NYID BDAG GIS DE RING YANG MTHONG NGO SNYAM PA'I BLO SKYE BAR 'GYUR ZHES RGOL BA YIN LA, DE'I LAN DU GCIG NAS GCIG BRGYUD DANG MTHUN PAS @214B ZHES BYA BA SMOS TE SA GZHI CHEN PO SKAD CIG MA'I NGANG GIS SNANG BA NAS SKAD CIG MA SNGA MA LAS SA GZHI CHEN PO'I DBYIBS DANG KHA DOG CI 'DRA BAR 'BYUNG BA SKAD CIG MA PHYI MA LA YANG SA GZHI CHEN PO'I KHA DOG DANG DBYIBS SNGA MA DANG 'DRA BA SHA DAG BRGYUD MAR 'BYUNG BAS NA, KHAR SANG SNGAR MTHONG BA'I SA NYID DI RING YANG BDAG GIS DE MTHONG NGO SNYAM PA'I BLO SKYE STE, DE BAS NA DE LTA BU'I BLO JI SRID YOD KYI BAR DU SANGS RGYAS KYI ZHING DAG PAR MI 'GYUR RO, ,'O NA JI LTAR BYAS PAS SANGS RGYAS KYI ZHING DAG PAR 'GYUR ZHE NA, DE'I PHYIR, DE BAS NA, YONGS SU SHES PAS 'DI DAG PA'O ZHES SMOS TE, DE LTAR JI SRID DU SA GZHI CHEN PO SEMS LA SNANG BA YOD PA DE SRID DU, SANGS RGYAS KYI ZHING SBYONG BA LA BAR DU GCOD PA YIN PAR SHES PAR BYAS NAS, CI NAS KYANG SA GZHI CHEN PO LTA BUR SEMS LA SNANG BAR MA GYUR CING SA CHEN PO LA CHAGS PA'I SEMS SPANG BAR BYA STE, CHAGS PA'I SEMS SPANGS NAS, SANGS RGYAS KYI ZHING YONGS SU DAG PA'I MTSAN NYID SEMS LA SBYANG BAR 'GYUR TE, SANGS RGYAS KYI ZHING NI DE LTAR SBYONG NGO, ,DE BAS NA BAR CHAD BYED PAR YONGS SU SHES NAS ZHES BYA BA LA SOGS PA JI SRID DU SEMS LA SA GZHI CHEN PO LTA BUR YOD PAR SNANG ZHING, YOD PAR CHAGS PA YOD PA DE SRID DU SANGS RGYAS KYI ZHING YONGS SU DAG PAR BYA BA LA BAR DU GCOD PA YIN PAR SHES NAS, YOD PAR CHAGS PA SPANG BAR BYA STE, DE LA YOD PAR CHAGS PA SPANGS NA, SANGS RGYAS KYI ZHING SHEL GYI KHA DOG LA SOGS PA DAG PA'I MTSAN NYID DU SEMS LA SNANG BAR 'GYUR RO, ,DPAG TU MED PA RNAM PAR DBYE BA LA TSIGS SU BCAD PA ZHES BYA BA LA, DE LTAR YANG DAG PA'I YE SHES DANG LDAN PA'I BYANG CHUB SEMS DPA' BDAG GROL BA DANG THAR PA THOB PA DES SEMS CAN DPAG TU MED PA RNAMS SGROL BAR BYED DE, DE BAS NA DPAG TU MED PA RNAM PAR DBYE BA LA TSIGS SU BCAD PA GCIG GIS BSTAN TO, ,DE LA DPAG TU MED PA RNAMS BSDUS NA, BYANG CHUB SEMS DPA' RNAMS KYI DPAG TU MED PA NI RNAM PA LNGA'O, ,SMIN PAR BYA DANG RNAM SBYANG DANG, ,THOB BYA SMIN @215A *, ,PAR RUNG BA DANG, ,YANG DAG BSTAN PA'I DNGOS PO DANG, ,BLO LDAN RNAMS KYIS DPAG TU MED, ,CES BYA BA LA, BYANG CHUB SEMS DPA' RNAMS KYI DPAG TU MED PA'I DNGOS PO NI RNAM PA LNGA STE, YONGS SU SMIN PAR BYA BA'I DNGOS PO DPAG TU MED PA DANG, RNAM PAR BYANG BA'I DNGOS PO DPAG TU MED PA DANG, THOB PAR BYA BA'I DNGOS PO DPAG TU MED PA DANG, YANG DAG PAR BSTAN PAR BYA BA'I DNGOS PO DPAG TU MED PA STE, DPAG TU MED PA'I DNGOS PO RNAM PA LNGA'O, ,DE LA YONGS SU SMIN PAR BYA BA'I DNGOS PO NI KHYAD PAR MED PAR NYAN THOS KYI RIGS LA GNAS PA DANG, RANG SANGS RGYAS KYI RIGS LA GNAS PA DANG, BYANG CHUB SEMS DPA'I RIGS LA GNAS PA DANG, RIGS MA NGES PA DANG, RIGS MED PA RNAMS TE, NAM MKHA'I KHAMS MTHAR THUG PA SEMS CAN GYI KHAMS DER THUG STE, NAM MKHA'I KHAMS MTHAR THUG PA SEMS CAN GYI KHAMS DER THUG STE, NAM MKHA' BZHIN DU SEMS CAN GYI KHAMS LA MTHAR THUG PA MED PAS NA; YONGS SU SMIN PAR BYA BA'I DNGOS PO DPAG TU MED PA ZHES BYA'O, ,DE LTAR NYAN THOS KYI RIGS CAN DANG, RANG SANGS RGYAS KYI RIGS CAN DANG, BYANG CHUB SEMS DPA'I RIGS CAN NI THEG PA GSUM DU YONGS SU SMIN PAR BYA'O, ,MA NGES PA'I RIGS CAN RNAMS NI THEG PA GSUM DU YONGS SU SMIN PAR BYA'O, ,RIGS MED PA NI DGE BA BCU LA BKOD NAS LHA DANG MI'I NANG DU GZHAG STE, YONGS SU SMIN PAR BYA'O, ,RNAM PAR SBYONG BA'I DNGOS PO NI 'JIG RTEN GYI KHAMS SNOD KYI 'JIG RTEN TE, DE DAG KYANG NGAM GROG DANG TSER MA LA SGOS PA MED CING MA GZHI SHEL LA SOGS PA'I MTSAN NYID DU YONGS SU SBYANG BA'I 'JIG RTEN GYI KHAMS KYANG NAM MKHA'I MTHA' THOG THAG TU ZA 'OG GI GYUR BZHIN DU GNAS PAS NA, YONGS SU SBYONG BA'I DNGOS PO DPAG TU MED DO, ,THOB PAR BYA BA'I CHOS DNGOS PO NI DGE BA'I CHOS DANG MI DGE BA'I CHOS RNAM PA GNYIS LAS MI DGE BA'I CHOS RNAMS SPANGS NAS, STOBS DANG MI 'JIGS PA LA SOGS PA DGE BA'I CHOS THAB PAR BYA ZHING, MNGON DU BYA BA YANG DPAG TU MED PA ZHIG YOD DE, SMIN PAR RUNG BA'I DNGOS PO DPAG TU MED PA NI 'DI LTAR RIGS LNGA LAS, NYAN THOS KYI RIGS DANG, RANG SANGS RGYAS KYI RIGS DANG, @215B THEG PA CHEN PO'I RIGS DANG, RIGS MA NGES PA'I GANG ZAG RNAMS NI THEG PA GSUM LA GZUNG CING MYA NGAN LAS 'DAS PA THOB PAR BYA BA'I SKAL PA YOD PAS NA, SMIN PAR BYAR RUNG BA'I DNGOS PO ZHES BYA STE, SMIN PAR BYAR RUNG BA'I SEMS CAN GYI KHAMS LA YANG MTHA' MED PAS NA DPAG TU MED PA ZHES BYA'O, ,YANG DAG PAR BSTAN PAR BYA BA'I DNGOS PO DPAG TU MED PA NI, GDUL BA'I SEMS CAN DE DAG GDUL BAR BYA BA'I THABS BSTAN PA'I THABS KYANG DPAG TU MED DE, 'DOD CHAGS CAN LA MI GTZANG BA'I CHOS BSTAN PA DANG, ZHE SDANG CAN LA BYAMS PA'I CHOS BSTAN PA LA SOGS PA GSUNG RAB YAN LAG BCU GNYIS BSTAN CING BSHAD PA YANG DPAG TU MED PA'I PHYIR RO, ,DE LA SMIN PAR BYA BA'I DNGOS PO DANG, SMIN PAR RUNG BA'I DNGOS PO GNYIS LA KHYAD PAR CI YOD CE NA, 'DI LTAR RIGS YOD PA DANG, RIGS MED PA L SGOS PA'I SEMS CAN BYE BRAG MED PAR SEMS CAD THAMS CAD LA NI SMIN PA'I DNGOS PO ZHES BYA'O, ,THEG PA GSUM DU YONGS SU MYA NGAN LAS 'DAR RUNG BA'I SEMS CAN RIGS YOD PA'I SEMS CAN RNAMS LA NI SMIN PAR RUNG BA'I DNGOS PO ZHES BYA'O, ,DE'ANG MDRO NA GANG LA DMGIS PAR BYA BA YANG DPAG TU MED PA DANG, GANG LA GNAS NAS SMIN PAR BYA BA YANG DPAG TU MED PA DANG, GANG DANG LDAN PAS SMIN PAR BYA BA YANG DPAG TU MED PA DANG, GANG SMIN PAR BYA BA YANG DPAG TU MED PA DANG, THABS GANG GIS SMIN PAR BYA BA YANG DPAG TU MED PA STE, MDOR NA DE RNAMS STON TO, ,DE LA GANG LA DMIGS SHE NA, RIGS YOD PA DANG RIGS MED PA LA SOGS PA'I SEMS CAN KUN LA DMIGS TE, DE'ANG DPAG TU MED DO, ,GANG LA GNAS NAS SMIN PAR BYED CE NA, SNOD KYI 'JIG RTEN LA GNAS NAS SMIN PAR BYED DE, SNOD KYI 'JIG RTEN DE'ANG DPAG TU MED DO, ,GANG DANG LDAN PAS SMIN PAR BYED CE NA, CHOS KYI KHAMS DANG PHA ROL TU PHYIN PA LA SOGS PA DANG LDAN PAS SMIN PAR BYED DO, ,DE'ANG DPAG TU MED DO, ,GANG SMIN PAR BYED CE NA, SMIN PAR NAS PA'I SEMS CAN RIGS CAN RNAMS SMIN PAR BYED DE, DE YANG DPAG TU MED DO, ,GANG GIS SMIN PAR BYED CE NA, @216A *, ,GDUL BAR BYA BA'I THABS CHOS BSTAN PAS SMIN PAR BYED DE, DE'ANG DPAG TU MED DO, ,BSTAN PA'I 'BRAS BU RNAM PAR DBYE BA LA TSIGS SU BCAD PA GNYIS TE ZHES BYA BA LA, THABS GANG GIS SEMS CAN RNAMS 'DUL BAR BYED CE NA, CHOS BSTAN PA'I THABS KYIS SEMS CAN 'DUL BAR BYED DE, DE BAS NA TSIGS SU BCAD PA GNYIS KYIS, BYANG CHUB SEMS DPA' RNAMS KYIS SEMS CAN RNAMS LA CHOS BSTAN NA, 'BRAS BU RNAM PA BRGYAD YOD PAR TSIGS SU BCAD PA GNYIS KYIS BSTAN TO, ,BYANG CHUB KYI NI SEMS BSKYED CING, ,DE BZHIN MI SKYE BZOD PA DANG, ,CHUNG NGUR DRI MA MED PA'I MIG ,ZAG PA ZAD PA DE BZHIN TE, ,DAM CHOS RING DU GNAS PA DANG, ,SHES DANG GCOD DANG LONGS SPYOD DANG, ,BSHAD PA DAG GI 'BRAS BU NI, ,DE BRTZON BLO LDAN DAG GIS SHES, ,ZHES BYA BA LA BLO LDAN BYANG CHUB SEMS DPA' RNAMS CHOS BSHAD PAR BRTZON PA LA, 'BRAS BU RNAM PA BRGYAD YOD PAR SHES PAR BYA STE, 'BRAS BU RNAM PA BRGYAD NI, ,BYANG CHUB TU SEMS BSKYED PA DANG, MI SKYE BA'I CHOS LA BZOD PA THOB PA DANG, THEG PA CHUNG NGUR CHOS KYI MIG DRI MA MED PA THOB PA DANG, DE BZHIN DU THEG PA CHUNG NGUR ZAG PA ZAD PA THOB PA DANG, DAM PA'I CHOS YUN RING DU GNAS PA DANG, MI SHES PA RNAMS CHOS KYI DON SHES PAR GYUR PA DANG, THE TSOM DU GYUR PA RNAMS THE TSOM GCOD PA DANG, CHOS KYI LONGS SPYOD CHEN PO MYONG BA'O, ,'BRAS BU RNAM PA BRGYAD BSDUS NA, 'BRAS BU RNAM PA GSUM ZHIG STON TE, NYAN THOS RNAMS KYIS CHOS THOB PA LAS, 'BRAS BU GANG THOB PA DANG, BYANG CHUB SEMS DPA' RNAMS KYIS 'BRAS BU GANG THOB PA DANG NYAN THOS DANG BYANG CHUB SEMS DPA' GNYI GAS 'BRAS BU GANG THOB PA STE, RNAM PA DE GSUM STON TO, ,DE LA CHOS BSHAD PA NA, NYAN PA'I SEMS CAN LA LA NI BLA NA MED PA YANG DAG PAR RDZOGS PA'I BYANG CHUB TU SEMS SKYED PAR BYED DE, DE NI BYANG CHUB SEMS DPA' RNAMS KYIS 'BRAS BU THOB PA'O, ,DE LA MI SKYE BA'I CHOS LA BZOD PA THOB PA RNAM PA GSUM @216B STE; MOS PA SPYOD PA'I SA LA BZOD PA THOB PA'I DUS NA DE KHO NA PHYOGS GCIG PA'I STON PA NYID KHONG DU CHUD PA LA YANG BZOD PA THOB PA ZHES BYA'O, ,SA DANG PO'I DUS NA YANG MI SKYE BA'I CHOS LA BZOD PA THOB PA ZHES BYA STE, DE'I TSE GZUNG 'DZIN GNYIS DANG BRAL BA'I CHOS KYI DBYINGS MNGON SUM DU BYAS PAS NA, MI SKYE BA'I CHOS LA BZOD PA THOB PA ZHES BYA'O, ,SA BRGYAD PA THOB PA'I DUS NA YANG, MI SKYE BA'I CHOS LA BZOD PA THOB PA ZHES BYA STE, RNAM PAR MI RTOG PA LHUN GYIS GRUB PA'I YE SHES RNYED PA'I PHYIR RO, ,DE LA CHOS BSHAD PA'I DUS NA KHA CIG GIS NI BZOD PA'I DUS DE KHO NA PHYOGS GCIG PA'I TING NGE 'DZIN MNGON SUM DU BYED PA DANG, KHA CIG GIS NI SA DANG PO THOB, KHA CIG GIS NI SA BRGYAD PA LA 'JUG PAS, MI SKYE BA'I CHOS LA BZOD PA THOB PA ZHES BYA STE, 'BRAS BU 'DI YANG BYANG CHUB SEMS DPA' RNAMS KYIS THOB PA'I 'BRAS BU'O, ,CHOS LA DRI MA MED PA'I MIG THOB PA NI, NYAN THOS KYI THEG PA LA GNAS PA RNAMS LA MTHONG BA'I LAM SKYES NAS MTHONG BAS SPANG BAR BYA BA'I NYON MONGS PA SPANGS TE, RGYUN DU ZHUGS PA THOB PA NI CHOS KYI MIG DRI MA MED PA ZHES BYA STE, SHES RAB KYIS BDEN PA BZHI MTHONG BAS NA, CHOS KYI MIG CES BYA LA, MTHONG BAS SPANG BAR BYA BA'I NYON MONGS PA SPANGS PAS NA DRI MA MED PA ZHES BYA STE DE BAS NA MDO SDE DANG DE DAG GI NANG NAS, CHOS KYI RNAM GRANGS 'DI BSHAD PAS NA, RDUL MED CING DRI MA DANG BRAL BA'I CHOS LA CHOS KYI MIG SKYES SO ZHES GSUNGS SO, ,DE LA BZOD PA'I DUS NA NI, RDUL MED PA ZHES BYA STE, BZOD PAS MTHONG BAS SPANG BAR BYA BA'I NYON MONGS PA RNAMS SPONG BAR BYED PA'I PHYIR RO, ,YE SHES KYI DUS NA NI DRI MA DANG BRAL BA ZHES BYA BA STE, YE SHES KYIS RNAM PAR GROL BA MNGON SUM DU BYED PA'I PHYIR RO, ,MTHONG BA'I LAM SKYES PA'I GANG ZAG DAG NI CHOS BSHAD PA'I MTHUS, BSGOM PA'I LAM DANG, MTHAR THUG PA'I LAM SKYES NAS, NYON MONGS PA THAMS CAD DANG BRAL BA'I MTSAN NYID DGRA BCOM PA'I 'BRAS @217A *, ,BU THOB PA NI ZAG PA ZAD PA THOB PA ZHES BYA STE, DRI MA MED PA'I CHOS KYI MIG THOB PA DANG, ZAG PA ZAD PA THOB PA GNYIS NI, 'PHAGS PA NYAN THOS RNAMS KYIS NI CHOS THOS PA'I 'BRAS BU'O, ,DAM PA'I CHOS GZHAN LA BSHAD NA, DES KYANG GZHAN LA BSHAD, DES KYANG GZHAN LA BSHAD PA'I SGO NAS MAR ME GCIG LAS MAR ME MANG PO 'PHEL BA BZHIN DU DAM PA'I CHOS YUN RING DU MI 'JIG PAR 'GYUR BAS NA, DAM PA'I CHOS YUN RING DU GNAS PA ZHES BYA'O, ,SNGON THEG PA CHE CHUNG GI CHOS RNAMS KYI RANG DANG SPYI'I MTSAN NYID LA SHES PA MED PA LAS, DAM PA'I CHOS SHES NAS SHES PA MED PA DANG BRAL TE, THEG PA CHE CHUNG GI CHOS RNAMS KYI RANG DANG, SPYI'I MTSAN NYID LA MKHAS PAR 'GYUR BAS NA, DON SHES PAR 'GYUR BA ZHES BYA'O, ,SNGON CHOS RNAMS KYI RANG DANG SPYI'I MTSAN NYID LA THE TSOM DU GYUR PA'I CHOS, CHOS THOS NAS CHOS KYI MTSAN NYID LA THE TSOM THAMS CAD DANG BRAL BAR 'GYUR BAS NA THE TSOM GCOD PA ZHES BYA'O, ,SNGON GYI MI SHES PA YANG MED THE TSOM GYI MI SHES PA YANG MED PA NGES PA'I SEMS THOB PA RNAMS NI, DAM PA'I CHOS RGYA CHEN PO DAG THOB NAS, CHOS KYI LONGS SPYOD KHA NA MA THOB MED PA'I DON SEMS KYIS MYONG BAR 'GYUR BAS CHOS LA LONGS SPYOD THOB PA ZHES BYA STE, DE LTAR DAM CHOS YUN RING DU GNAS PA DANG, MI SHES PA RNAMS DON SHES PAR 'GYUR BA DANG, THE TSOM GCOD PA DANG CHOS KYI LONGS SPYOD MYONG BA RNAMS NI, NYAN THOS DANG BYANG CHUB SEMS DPA' GNYI GA'I CHOS THOS PA'I THUN MONG GI 'BRAS BU'O, ,GCIG NAS GCIG TU 'DZIN PAS ZHES BYA BA NI BYANG CHUB SEMS DPA' LA LAS GZHAN DAG LA CHOS BSHAD NA, DES CHOS BZUNG NAS, GZHAN LA 'CHAD PAR BYED, DES KYANG GZHAN LA 'CHAD PAR BYED PA'I SGO NAS, DAM PA'I CHOS YUN RING DU 'JIG RTEN DU GNAS PAR 'GYUR RO, ,NGES PA RNAMS NI BYA BA LA, MI SHES PA MED PA DANG THE TSOM MED PA'I GANG ZAG NI NGES PA ZHES BYA'O, ,DAM PA'I CHOS KYI DGA' BA'I RO KHA NA MA THO BA @217B MED PA RGYA CHEN PO LA LONGS SPYOD PAR 'GYUR RO ZHES BYA BA LA, MI SHES PA MED PA DANG THE TSOM MED PA'I GANG ZAG RNAMS DAM PA'I CHOS THOS PA NI, CHOS KYI DGA' BA'I RO NYON MONGS PA'I DRI MAS MA GOS PAS ZAG PA MED PA'I CHOS KYI LONGS SPYOD CHEN PO MYONG BAR 'GYUR RO, , THEG PA CHEN PO'I CHE BA PO RNAM PAR DBYE BA'I TSIGS SU BCAD PA RNAM PA GNYIS TE ZHES BYA BA LA, GZHAN GYI DON PHUN SUM TSOGS PA LA ZHUGS PA'I BYANG CHUB SEMS DPA' DE GZHAN GYI DON PHUN SUM TSOGS PAR BYED PA YANG MA ZAD KYI, BDAG NYID KYI DON PHUN SUM TSOGS PA DANG YANG LDAN TE, DE LA BDAG GI DON PHUN SUM TSOGS PA GANG ZHE NA, THEG PA CHEN PO'I BDAG NYID CHEN PO DANG LDAN PA'O, ,DE LA THEG PA CHEN PO'I BDAG NYID CHEN PO LA YANG BDAG NYID CHEN PO RNAM PA BDUN YOD DO, ,BDAG NYID CHEN PO RNAM PA BDUN LA THEG PA CHEN PO ZHES BYA'O, ,BDAG NYID CHEN PO RNAM PA BDUN YANG, CHEN PO RNAM PA GNYIS SU BSDUS TE, RGYU CHE BA DANG 'BRAS BU CHE BA'O, ,DMIGS PA DAG NI CHE BA DANG, ,GRUB PA GNYIS KYANG DE BZHIN DU, ,YE SHES GNYIS NI BRTZON 'GRUS BRTZAMS, ,THABS LA MKHAS PAR 'GYUR BA DANG, ,YANG DAG THOB PA CHEN PO DANG, ,SANGS RGYAS LAS NI CHEN PO'O, ,CHEN PO DE DAG LDAN PAS NA, ,THEG PA CHEN PO BRJOD PA'O, ,ZHES BYA BA LA, CHEN PO RNAM PA BDUN DANG LDAN PAS NA, THEG PA CHEN PO ZHES BYA STE, CHEN PO RNAM PA BDUN NI, DMIGS PA CHE BA DANG, SGRUB PA GNYIS CHE BA DANG, YE SHES GNYIS CHE BA DANG, BRTZON 'GRUS BRTZAMS PA CHE BA DANG, THABS LA MKHAS PAR 'GYUR BA CHE BA DANG, YANG DAG PAR THOB PA CHE BA DANG, SANGS RGYAS KYI LAS CHE BA'O, ,DMIGS PA CHEN PO NI RGYA CHE BA'I MDO LA SOGS PA DANG LDAN PA'I PHYIR RO ZHES BYA BA LA, NYAN THOS RNAMS NI SDE SNOD GSUM TZAM LA DMIGS PAR ZAD KYI, BYANG CHUB SEMS DPA' RNAMS NI ZAB CING RGYA CHE BA'I MDO SDE SHES RAB KYI PHA ROL TU PHYIN PA STONG PHRAG BRGYA PA LA @218A *, ,SOGS PA STONG PHRAG BRGYA PA'I MDO SDE DPAG TU MED PA LA DMIGS PAS NA DMIGS PA CHE'O, ,SGRUB PA CHEN PO NI SGRUB PA RNAM PA GNYIS TE, BDAG GI DON DANG GZHAN GYI DON TO ZHES BYA BA LA, NYAN THOS RNAMS NI BDAG GI DON TZAM SGRUB PAR ZAD KYI, BYANG CHUB SEMS DPA' DAG BDAG DANG GZHAN GNYI GA'I DON BSGRUBS PAS NA SGRUB PA CHE'O, ,YE SHES CHEN PO NI CHEN PO GNYIS TE, GANG ZAG LA BDAG MED PA DANG, CHOS LA BDAG MED PA STE, RTOGS PA'I DUS NA'O ZHES BYA BA LA, RTOGS PA'I DUS NI SA DANG PO LA BYA STE, SA DANG PO'I DUS NA GANG ZAG LA BDAG MED PA DANG, CHOS LA BDAG MED PA GNYIS RTOGS PAS NI, YE SHES CHEN PO ZHES BYA STE, NYAN THOS KYI SA RNAMS KYIS NI, MTHONG BA'I LAM RGYUN DU ZHUGS PA THOB PA'I DUS NA, GANG ZAG LA BDAG MED PA LAS MA RTOGS PA'I PHYIR YE SHES CHEN PO ZHES MI BYA'O, ,BRTZON 'GRUS CHEN PO NI BSKAL PA GRANGS MED PA GSUM DU RTAG TU GUS PAR SBYOR BA'I PHYIR RO ZHES BYA BA LA, NYAN THOS RNAMS KYI TSE GSUM MAM, TSE BDUN TZAM ZHIG BRTZON 'GRUS RTZOM GYI, BYANG CHUB SEMS DPA' RNAMS KYIS NI RAB TU NYE BA, BSKAL PA GRANGS MED PA GSUM GYI BAR DU BRTZON 'GRUS RTZOM STE, DE BAS NA BRTZON 'GRUS BRTZAMS PA CHE'O, ,THABS LA MKHAS PA CHEN PO NI NYON MONGS PA MED PAR 'KHOR BA YONGS SU MI GTONG NGO ZHES BYA BA LA NYAN THOS RNAMS NI SKYE BA DANG RGA BA LA SOGS PA'I SDUG BSNGAL DANG LDAN PAR MTHONG LA MYA NGAN LAS 'DAS PA NI ZHI BA'I MTSAN NYID DU MTHONG BAS, 'KHOR BA SPANGS NAS, MYA NGAN LAS 'DAS PA MNGON SUM DU BYA BAR SEMS PA'I PHYIR THABS CHEN PO ZHES MI BYA'O, ,BYANG CHUB SEMS DPA' RNAMS NI SHES RAB DANG SNYING RJE DANG LDAN PAS SNYING RJES 'KHOR BA YONGS SU MI GTONG LA, SHES RAB KYIS NI 'KHOR BAR GNAS KYANG 'KHOR BA'I NYON MONGS PAS MI GOS PAR BYED DE, DPER NA PADMO 'DAM LAS SKYES KYANG 'DAM GYI NYES PAS MI GOS PA BZHIN DU GNAS PAS NA @218B THABS MKHAS PA CHE'O ZHES BYA'O, ,DE YAN CHAD RGYU CHE BA BSTAN TO, ,YANG DAG PA'I THOB PA CHEN PO NI STOBS DANG MI 'JIGS PA DANG ZHES BYA BA LA SOGS PA DANG, ,'PHAGS PA NYAN THOS RNAMS KYIS NI MJUG TU DGRA BCOM PA'I 'BRAS BU MTHA' DAG SKYED MCHED DANG, ZIL GYIS GZON PA'I SKYE MCHED DANG, MNGON PAR SHES PA DRUG TZAM LAS MI 'THOB KYI, ,BYANG CHUB SEMS SEMS DPA' RNAMS KYI NI MTHAR STOBS DANG, ,MI 'JIGS PA DANG MA 'DRES PA LA SOGS PA YON TAN DPAG TU MED PA 'THOB PA CHE BA ZHES BYA'O,, SANGS RGYAS KYI PHRIN LAS CHEN PO NI, ,MNGON PAR BYANG CHUB STON PA DANG, MYA NGAN LAS 'DAS PA YANG DAG ,CES BYA BA LA, NYAN THOS RNAMS KYIS NI, ,DGRA BCOM PA'I 'BRAS BU 'THOB CING MYA NGAN 'DAS 'DAS PA THOB NA, ,MNGON PAR BYANG CHUB PA DANG, CHOS KYI 'KHOR LO BSKOR BA LA SOGS PA'I LAS MI BYED KYI, ,BYANG CHUB SEMS DPA' RNAMS KYIS NI MNGON PAR SANGS RGYAS NAS KYANG SEMS CAN BSGRAL BAR BYA BA'I PHYIR ,'OG MIN GYI PHO BRANG NA BZHUGS PA DANG, LHUMS SU GSHEGS PA DANG, MNGON PAR 'TSANG RGYA BA LA SOGS PA NAS, ,YONGS SU MYA NGAN 'DAS 'DAS PA'I BAR DAG CHOS STON PA'I PHRIN LAS MDZAD PAS NA PHRIN LAS CHE BA LA ZHES BYA STE, ,RNAM PA DE GNYIS KYIS NI 'BRAS BU CHE BAR BSTAN TO, ,THEG PA CHEN POS KUN BSDUS PAS RNAM PAR DBYE BA'I TSIGS SU BCAD PA GNYIS TE ZHES BYA BA LA DE LTAR THEG PA CHEN PO'I BDAG NYID CHEN PO DANG LDAN PA RNAMS NI NYAN THOS DANG RANG SANGS RGYAS KYI THEG PA LA BRTEN NAS, ,MYA NGAN LAS 'DAS PA'I GNAS SU 'BYUNG BAR MED PA NI MA YIN TE, ,THEG PA CHEN PO'I BDAG NYID CHEN PO NYID KYIS MI GNAS PA'I MYA NGAN LAS 'DAS PA'I GNAS SU 'BYUNG BAR BYED DO, ,DE BAS NA THEG PA CHEN PO'I BDAG NYID CHE BA'I 'OG TU, THEG PA CHEN PO BSDUS PA'I SKABS BSHAD DO, ,DE LA THEG PA CHEN PO ZHES BYA BA NI SHES RAB KYI PHA ROL TU PHYIN PA STONG PHRAG BRGYA PA @219A *, ,LAS, RMAD GA CAD LA SOGS PA LA BYA BAS THEG PA CHEN PO'I DON BRJOD NA DPAG TU MED MOD KYI 'ON KYANG DPAG TU MED PA DE DAG BSDUS NA CHOS RNAM PA BRGYAD KYI NANG DU, THEG PA CHEN PO'I DON MA LUS PAR 'DUS PA NA, CHOS RNAM PA BRGYAD LA THEG PA CHEN PO ZHES BYA'O, ,DE LA CHOS RNAM PA BRGYAD BSDUS PA'I DON KYANG RIGS LA GNAS PA'I BYANG CHUB SEMS DPAS BLA NA MED PA'I BYANG CHUB TU SEMS BSKYED NAS MOS PA SPYOD PA'I SAR BYANG CHUB SEMS DPA'I SPYOD PA PHA ROL TU PHYIN PA DRUG BSGRUBS TE, DE'I 'OG TU SA BCU'I RIM GYIS BSGOMS NAS SANGS RGYAS KYI SA MNGON DU BYAS PA STE, DE RNAMS LA THEG PA CHEN PO ZHES BYA'O, ,RIGS DANG ZHES BYA BA LA, RIGS ZHES BYA BA DANG SA BON ZHES BYA BA DANG SKAL PA YOD PA ZHES BYA BA'I DON GCIG STE, DON DU NA SBYIN PA NAS SHES RAB KYI PHA ROL TU PHYIN PA'I BAR DU, PHA ROL TU PHYIN PA DRUG GI SA BON YOD PA LA RIGS ZHES BYA STE, 'DI NI RIGS LA GNAS PA ZHES BYA BA'I DON BSTAN TE, CHOS RNAM PA GCIG GO, ,CHOS LA MOS PA DANG ZHES BYA BA LA, DE LTAR THEG PA CHEN PO'I RIGS YOD PAS, ZAB CING GYA CHE BA'I CHOS LA YANG SEMS GCIG TU DAD PA NI CHOS LA MOS PA ZHES BYA STE 'DI NI CHOS RNAM PA GNYIS SO, ,DE LTAR SEMS NI BSKYED PA DANG, ,ZHES BYA BA LA, BYANG CHUB SEMS DPA'I RIGS KYANG YOD, ZAB CING RGYA CHE BA'I CHOS LA YANG MOS PAR 'GYUR BAS DE'I 'OG TU, BDAG DANG SEMS CAN THAMS CAD LA PHAN PAR BYA BA'I PHYIR BLA NA MED PA'I BYANG CHUB THOB PAR GYUR CIG CES SMON LAM 'DEBS PA NI SEMS BSKYED PA ZHES BYA STE, 'DI NI CHOS RNAM PA GSUM STE, DE YAN CHAD KYIS RIGS LA GNAS PAS BLA NA MED PA'I BYANG CHUB TU SEMS BSKYED DE ZHES BYA BA'I DON SMRAS SO, SBYIN LA SOGS PA SGRUB PA DANG, ,ZHES BYA BA LA, DE LTAR BLA NA MED PA'I BYANG CHUB SEMS BSKYED NAS MOS PA SPYOD PA'I SAR SBYIN PA'I PHA ROL TU PHYIN PA NAS SHES RAB KYI PHA ROL TU PHYIN PA'I BAR DU, PHA ROL TU PHYIN PA DRUG BSGRUB PA NI CHOS RNAM PA BZHI STE, DES NI BYANG @219B CHUB TU SEMS BSKYED NAS MOS PA SPYOD PA'I SAR PHA ROL TU PHYIN PA DRUG SGRUB CES BYA BA'I DON BSTAN TO, ,SKYON MED PA LA 'JUG PA DANG, ,ZHES BYA BA LA GZUNG BA DANG 'DZIN PA LA MNGON BAR CHAGS PA NI SKYON TE, SA DANG POR GZUNG BA DANG 'DZIN PA LA MNGON PAR CHAGS PA SPANGS PAS NA, MOS PA SPYOD PA'I SAR PHA ROL TU PHYIN PA DRUG BSGRUBS PAS SA DANG PO THOB PA'I PHYIR SKYON MED PA ZHES BYA'O, ,'DI NI CHOS LNGA'O, ,SEMS CAN RNAMS NI SMIN BYED DANG, ,ZHES BYA BA LA, DE NAS SA GNYIS NAS BRTZAMS TE, SA BDUN PA MAN CHAD NA BYANG CHUB KYI PHYOGS DANG, PHA ROL TU PHYIN PA'I CHOS RNAMS KYIS SEMS CAN BSTAN PA LA MA DAD PA RNAMS NI BSTAN PA LA DAD PAR BYED, BSTAN PA LA DAD PA RNAMS NI DGE BA LA BKOD NAS YONGS SU SMIN PAR BYED DE, 'DI NI CHOS DRUG GO, ,ZHING YANG YONGS SU SBYONG BA DANG, ,MI GNAS PA'I MYA NGAN LAS 'DAS, ,ZHES BYA BA LA, DE NAS PHYIR MI LDOG PA'I SA, SA BRGYAD PA DANG, DGU PA DANG, BCU PA LA NI SANGS RGYAS KYI ZHING YONGS SU SBYONG BA DANG MI GNAS PA'I MYA NGAN LAS 'DAS PA'I LAM LA GNAS PAR BYED DE, 'DI NI CHOS BDUN NO, ,DE SANGS RGYAS KYI ZHING YONGS SU SBYONG BA LA NI SNOD KYI 'JIG RTEN SHEL DANG GSER LA SOGS PA'I KHA DOG TU SNANG BAR BYED PA'O, ,MI GNAS PA'I MYA NGAN LAS 'DAS PA'I LAM NI SHES PA DANG SNYING RJE GNYIS TE, SNYING RJES 'KHOR BA YONGS SU MA BTANG NA, MYA NGAN LAS 'DAS PA 'BA' ZHIG GI PHYOGS LA MI GNAS SO, ,BYANG CHUB SEMS DPA' SEMS CAN GYI DON DU 'KHOR BA NA GNAS KYANG YE SHES KYI MTHUS, 'KHOR BA'I NYES PAS MI GOS PAS NA, 'KHOR BA NA MI GNAS SO, ,BYANG CHUB MCHOG KYANG RNAM PAR STON, ,ZHES BYA BA LA, DE NAS SA BCU GCIG PA SANGS RGYAS KYIS SKU GSUM THOB PAS NA BYANG CHUB PA ZHES BYA BA LA, BYANG CHUB PA NAS YUM GYI LHUMS SU 'JUG PA DANG, LHUMS NAS 'BYUNG BA DANG, KHAB NAS BYUNG ZHING RAB TU 'BYUNG BA BSTAN PA LA SOGS PA BSTAN NAS MNGON PAR SANGS RGYAS PA DANG, CHOS KYI 'KHOR LO BSKOR BA DANG, MYA NGAN LAS 'DAS PA'I BAR DAG STON PAR BYED DE DE NI CHOS BRGYAD PA'O, ,DE @220A *, ,BAS NA THEG PA CHEN PO ZHES BYA BA YANG MDOR BSDUS NA, RIGS NAS BRTZAMS TE, YONGS SU MYA NGAN LAS 'DAS PA'I BAR DAG BSTAN PA THEG PA CHEN PO ZHES BYA'O, ,BYANG CHUB SEMS DPA' RNAM PAR DBYE BA'I TSIGS SU BCAD PA BCU'O ZHES BYA BA LA, GANG DU BYANG CHUB KYI PHYOGS GYI CHOS BSGRUB PA DES YON TAN RNAM PA GNYIS THOB STE, YON TAN GNYIS NI BSGRUB PA'I YON TAN DANG, RAB TU BSNGAGS PA'I YON TAN NO, DE LA SGRUB PA'I YON TAN LA YANG RGYU MTHUN PA'I YON TAN DANG BRAL BA'I YON TAN DANG SEMS CAN LA MNGON DU LTA BA'I YON TAN GSUM NI 'DI YAN CHAD DU BSHAD ZIN TO, ,DA NI BYANG CHUB SEMS DPA' RNAM PAR DBYE BA MAN CHAD KYIS RAB TU BSNGAGS PA'I YON TAN STON TO, ,DE LA MOS PA SPYOD PA'I SA NAS, SA BCU RNAMS LA PHYE NA BYANG CHUB SEMS DPA' DU YOD PA DANG, SA DE DAG LA GNAS PA'I BYANG CHUB SEMS DPA' RNAMS KYI MTSAN NYID JI LTA BU YIN PA BSTAN PA NI, BYANG CHUB SEMS DPA' RNAM PAR DBYE BA ZHES BYA STE, DE TSIGS SU BCAD PA BCUS BSTAN TO, ,BYANG CHUB SEMS DPA' LNGA PO NI, ,SA RNAMS KUN DU SHES PAR BYA, ,ZHES BYA BA LA, SA BCU'I STENG DU, MOS PA SPYOD PA'I SA BSTAN TE SA BCU GCIG PO DE DAG LA, BYANG CHUB SEMS DPA' RNAM PA LNGA ZHIG YOD PAR SHES PAR BYA'O ZHES BYA BA'I DON TO, ,GCIG NI MOS DANG LDAN PA DANG, ZHES BYA BA LA, BYANG CHUB SEMS DPA' RNAM PA LNGA PO GANG YIN PA DE NI STON TO, ,DE LA GCIG CES BYA BA NI MOS PA SPYOD PA'I SA BZHI LA GNAS PA'I BYANG CHUB SEMS DPA' ZHE BYA STE, MOS PA SPYOD PA'I SA BZHI LA GNAS PA'I BYANG CHUB SEMS DPA' LA NI MOS PA DANG LDAN PA'I BYANG CHUB SEMS DPA' ZHES BYA'O, ,JI LTA'I PHYIR MOS PA DANG LDAN PA ZHES BYA ZHE NA, DE'I TSE CHOS KYI DBYINGS KUN DU 'GRO BA'I MTSAN NYID MNGON SUM DU MA BYAS KYI, CHOS KYI DBYINGS KUN DU 'GRO BA'I MTSAN NYID LA DAD CING YID CHES PA TZAM YOD PA'I PHYIR RO, ,LHAG PA'I BSAM PA DAG PA GZHAN, ,ZHES BYA BA LA, GZHAN ZHES BYA BA NI, BYANG CHUB SEMS DPA' GNYIS PA NI, ,ZHES BYA BA'I DON TO, ,SA DANG @220B PO LA ZHUGS PA'I BYANG CHUB SEMS DPA' LA NI LHAG PA'I BSAM PA RNAM PAR DAG PA'I BYANG CHUB SEMS DPA' ZHES BYA STE, CI'I PHYIR LHAG PA'I BSAM PA RNAM PAR DAG PA ZHES BYA ZHE NA, DE'I TSE CHOS KYI DBYINGS KUN DU 'GRO BA'I MTSAN NYID RTOGS PA DANG, BDAG DANG GZHAN GYI DON PHUN SUM TSOGS PA'I SEMS DANG LDAN PA LHAG PA ZHES BYA BA LA, MTHONG BAS SPANG BAR BYA BA'I NYON MONGS PA DANG, SHES BYA'I SGRIB PA SPANGS PA'I PHYIR RNAM PAR DAG PA ZHES BYA'O, ,MTSAN MA DANG NI ZHES BYA BA LA, ,SA GNYIS PA YAN CHAD SA DRUG PA MAN CHAD LA GNAS PA'I BYANG CHUB SEMS DPA' LA MTSAN MA DANG BCAS PA'I BYANG CHUB SEMS DPA' ZHES BYA STE, CI'I PHYIR MTSAN MA DANG BCAS PA ZHES BYA ZHE NA, SA GNYIS PA LA NI 'DI NI NYAN THOS KYI THEG PA, 'DI NI RANG SANGS RGYAS KYI THEG PA, 'DI NI THEG PA CHEN PO'O ZHES THEG PA LA RNAM PA SNA TSOGS SU 'BYED PA'I MTSAN MA SPYOD PA'I PHYIR RO, ,SA GSUM PA LA NI LHAN CIG SKYES PA'I 'JIG TSOGS LA LTA BA'I MTSAN MA SPANGS SO, ,SA BZHI PA LA NI SDUG BSNGAL DANG KUN 'BYUNG GI BDEN PA LA GNOD PA'I RNAM PAR MTHONG BA DANG, 'GOG PA DANG LAM GYI BDEN PA LA ZHI BA'I RNAM PAR MTHONG BA'I MTSAN MA YOD PA'I PHYIR RO, ,SA LNGA PA LA NI BZO'I LAS KYI GNAS RNAM PA SNA TSOGS LA 'JUG CING RTOG PA KUN DU 'BYUNG NGO, ,SA DRUG PA LA NI RTEN CING 'BREL TE 'BYUNG BA, MA RIG PA'I RKYEN GYIS 'DU BYED LA SOGS PA LUGS BZHIN PA DANG, MA RIG PA 'GAGS PAS 'DU BYED 'GAG PA LA SOGS PA LUGS LAS BZLOG PA LA RTOGS PA'I MTSAN MA YOD PAS, SA DE DAG LA GNAS PA'I BYANG CHUB SEMS DPA' LA MTSAN MA DANG BCAS PA ZHES BYA'O, ,MTSAN MA MED CES BYA BA LA, SA BDUN PA LA GNAS PA'I BYANG CHUB SEMS DPA' LA MTSAN MA MED PA'I BYANG CHUB SEMS DPA' ZHES BYA STE, JI LTA MTSAN MA MED PA ZHES BYA ZHE NA, SA DE LA GNAS PA'I BYANG CHUB SEMS DPA' DES SA DRUG PA MAN CHAD LA 'BYUNG BA'I MTSAN MA THAMS CAD SPANGS PA'I PHYIR MTSAN MA MED PA ZHES BYA'O, ,MNGON PAR 'DU MI BYED LA SPYOD, , @221A *, ,CES BYA BA LA, PHYIR MI LDOG PA'I SA BRGYAD PA DANG, DGU PA DANG, BCU PA LA GNAS PA'I BYANG CHUB SEMS DPA' LA NI, MNGON PAR 'DU MI BYED PA LA SPYOD PA'I BYANG CHUB SEMS DPA' ZHES BYA STE, CI'I PHYIR DE GSUM LA GNAS PA LA MNGON PAR 'DU MI BYED PA LA SPYOD PA ZHES BYA ZHE NA, DE'I TSE BDAG DANG GZHAN GYI DON SGRUB PA DANG, RNAM PAR MI RTOG PA'I TING NGE 'DZIN LA RTZOL 'BAD MED PAR LHUN GYIS GRUB PA NYID DU GNAS PAS MNGON PAR 'DU MI BYED PA LA SPYOD PA ZHES BYA'O, ,BYANG CHUB SEMS DPA' LNGA PO NI, ,SA RNAMS KUN DU SHES PAR BYA, , ZHES BYA BA LA MOS PA SPYOD PA'I SA YAN CHAD SA BCU PA MAN CHAD SA BCU GCIG RNAMS NI BYANG CHUB SEMS DPA' RNAM PA LNGA ZHIG YOD PAR SHES PAR BYA'O ZHES BYA BA'I DON TO, ,DA NI BYANG CHUB SEMS DPA' DE LNGA'I MTSAN NYID BSHAD DE, DE LA GANG PA ROL TU PHYIN PA DRUG BSGRUB PA DANG, PHA ROL TU PHYIN PA DRUG BSGRUBS PA RNAMS 'JIG RTEN GYI PHUN SUM TSOGS PA DANG, NYAN THOS DANG RANG SANGS RGYAS KYI MYA NGAN LAS 'DAS PAR MI BSNGA'O, ,BLA NA MED PA'I BYANG CHUB CHEN PO THOB PAR BSNGO ZHING SMON LAM 'DEBS PA DE, BYANG CHUB SEMS DPA'I MTSAN NYID YIN PAR BSTAN PA'I PHYIR 'DOD LA MA CHAGS ZHES BYA BA LA SOGS PA SMOS SO, ,DE LA 'DOD PA LA MA CHAGS PA NI SBYIN PA'I PHA ROL TU PHYIN PA STE, SBYIN PA'I PHA ROL TU PHYIN PA LA GNAS NA, GZUGS LA SOGS PA 'DOD PA LNGA'I YON TAN DANG, LONGS SPYOD LA MA CHAGS SHING PHYI NANG GI DNGOS PO YONGS SU GTONG BAR BYED DO, ,LAS GSUM RNAM PAR DAG CES BYA BA LA, LAS GSUM RNAM PAR DAG PA'I TSUL KHRIMS KYI PHA ROL TU PHYIN PA STE, TSUL KHRIMS LA GNAS NA LUS KYI SGO NAS SROG MI GCOD, MA BYIN PAR MI LEN, MI TSANGS PAR MI SPYOD PAS, LUS KYI LAS RNAM PAR DAG PA DANG NGAG GI SGO NAS BRDZUN DANG, PHRA MA DANG, TSIG RTZUB PO DANG, TSIG 'KHYAL BA MI SMRA BAS NGAG GI LAS RNAM PAR DAG PA DANG, YID KYI SGO NAS CHAGS SEMS DANG GNOD SEMS DANG LOG PA'I LTA BA MED PAS YID KYI LAS RNAM PAR @221B DAG GO, ,KHRO BZIL GNON ZHES BYA BA LA, KHRO BA ZIL GYIS GNON PA NI BZOD PA'I PHA ROL TU PHYIN PA STE, BZOD PA LA GNAS NA ZHE SDANG GI SEMS MI 'BYUNG BAR ZIL GYIS GNON PA'I PHYIR RO, ,YON TAN MCHOG LA BRTZON ZHES BYA BA LA, YON TAN GYI SGRAS NI, SBYIN PA LA SOGS PA 'JIG RTEN LAS 'DAS PA'I DGE BA LA BYA STE, YON TAN MCHOG LA BRTZON PA NI BRTZON 'GRUS KYI PHA ROL TU PHYIN PA STE, BRTZON 'GRUS KYIS NI 'JIG RTEN LAS 'DAS PA'I DGE BA THAMS CAD BSGRUB PA LA BRTZON PA'I PHYIR RO, ,CHOS LA MI G-YO ZHES BYA BA LA, CHOS LA MI G-YO BA NI BSAM GTAN GYI PHA ROL TU PHYIN PA STE, BSAM GTAN GYIS NI SEMS RTZE GCIG TU GZHAG PA'I SEMS LAS SEMS PHYI ROL TU G-YO ZHING G-YENG BA MI BYED PA'I PHYIR RO, ,YANG DAG ZAB MO MTHONG ZHES BYA BA LA, YANG DAG ZAB MO NI GANG ZAG DANG CHOS LA BDAG MED PA'O, ,YANG DAG ZAB MO MTHONG BA NI SHES RAB KYI PHA ROL TU PHYIN PA STE, SHES RAB KYIS BDAG MED PA GNYIS MTHONG ZHING KHONG DU CHUD PA'I PHYIR RO, ,'DI YAN CHAD KYI TSIG GIS PHA ROL TU PHYIN PA DRUG BSGRUB PA BSTAN TO, ,BYANG CHUB CHEN POR MOS LDAN BYANG CHUB SEMS, ,ZHES BYA BA LA, GANG DU PHA ROL TU PHYIN PA DRUG BSGRUB PA RNAMS BLA NA MED PA'I BYANG CHUB THOB PA'I RGYUR GYUR CIG CES BSNGO BA NI BYANG CHUB CHEN POR MOS PA DANG LDAN PA ZHES BYA STE, 'DIS NI BYANG CHUB TU SMON LAM 'DEBS PA BSTAN TO, ,YANG RNAM GRANGS GZHAN GYIS PHA ROL TU PHYIN PA DRUG BSGRUB PA DANG, BYANG CHUB TU SMON LAM 'DEBS PAS BYANG CHUB SEMS DPA' YIN PAR BSTAN PA'I PHYIR, PHAN 'DOGS 'DOD DANG ZHES BYA BA LA SOGS PA SMOS SO, ,DE LA PHAN 'DOGS PAR 'DOD PA NI SBYIN PA'I PHA ROL TU PHYIN PA STE, SBYIN PA NI BZA' BA DANG BGO BA LA SOGS PA'I YO BYAD KYIS SEMS CAN RNAMS LA PHAN 'DOGS PA'I PHYIR RO, ,GNOD PA MED PAR LTA ZHES BYA BA LA, GNOD PA MED PAR LTA BA NI TSUL KHRIMS KYI PHA ROL TU PHYIN PA STE, TSUL KHRIMS LA GNAS PA RNAMS SEMS CAN GZHAN GYI SROG MI GCOD PAS NA SROG LA GNOD PAR MI BYED, NOR LAM @222A *, ,BYIN PAR MI LEN PAS NA, LONGS SPYOD LA GNOD PAR MI BYED, GZHAN GYI BUD MED LA MI TSANGS PAR MI SPYOD PAS NA CHUNG MA LA GNOD PAR MI BYED DO, ,PHA ROL GNOD BYED DAG LA BZOD PA DANG, ,ZHES BYA BA LA PHA ROL GNOD BYED LA BZOD PA NI BZOD PA'I PHA ROL TU PHYIN PA STE, BZOD PA LA GNAS PA RNAMS NI, SEMS CAN GZHAN GYIS BDAG GI SROG DANG LONGS SPYOD LA GNOD PA BYAS KYANG, SLAR GNOD PA'I LAN LDON PAR MI BYED DE, 'DI NI BZOD PA GSUM LAS GNOD PA LA JI SNYAM PA'I BZOD PA BSTAN TO, ,BRTAN PA ZHES BYA BA LA BRTAN PA NI BRTZON 'GRUS KYI PHA ROL TU PHYIN PA BRTZAMS PA STE, BRTZON 'GRUS DRAG PO DANG LDAN PA'I RNAM PA NI, DGE BA'I PHYOGS LA BRTZON 'GRUS RTZOM PA'I TSE, GRANG BA DANG TSA BA LA SOGS PA'I SDUG BSNGAL MYONG BAS, MI SKRAG CING BRTZON 'GRUS BRTZAMS PA LAS MI LDOG PA'I BRTAN PA ZHES BYA'O, ,BAG YOD CES BYA BA LA 'DU 'DZI MANG PO'I NANG NA GNAS SHING BSAM GTAN THOB PA'I RO LA CHAGS PA'I RNAM PA NI BAG MED PA'O, ,BSAM GTAN GYI PHA ROL TU PHYIN PA LA GNAS PA NI BAG YOD PA ZHES BYA STE, BSAM GTAN RDZOGS PAR BYA BA'I DGON PA NA GNAS SHING BSAM GTAN GYI RO LA MA CHAGS PAR BYED PAS NA BAG YOD PA ZHES BYA'O, ,MANG DU THOS PA DANG ZHES BYA BA LA, DGE BA'I BSHES GNYEN MANG PO LAS CHOS MANG DU THOS NA, SHES RAB 'BYUNG BAS MANG DU THOS PA NI SHES RAB KYI PHA ROL TU PHYIN PA LA GNAS PA STE, 'DI YAN CHAD KYIS PHA ROL TU PHYIN PA DRUG BSGRUB PA BSTAN TO, ,PHA ROL DON BRTZON BYANG CHUB SEMS DPA' YIN, ,ZHES BYA BA LA, DE LTAR PHA ROL TU PHYIN PA DRUG PA SGRUBS PA'I RNAM PA SEMS CAN YONGS SU BSGRAL BAR BYA BA'I DON DU, BLA NA MED PA'I BYANG CHUB TU BSNGO BA NI PHA ROL GYI DON LA BRTZON PA ZHES BYA STE, DES NA BYANG CHUB CHEN POR SMON LAM 'DEBS PA BSTAN TO, ,DE LTAR PHA ROL TU PHYIN PA DRUG KYANG BSGRUB PA BYANG CHUB CHEN POR SMON LAM 'DEBS PA DE BYANG @222B CHUB SEMS DPA' YIN NO ZHES BYA BA'I DON TO, ,YANG RNAM GRANGS GZHAN GYIS PHA ROL TU PHYIN PA DRUG SGRUB CING BYANG CHUB CHEN POR SMON LAM 'DEBS PA BYANG CHUB SEMS DPA' YIN PAR BSTAN PA'I PHYIR RANG GIS YONGS SU BZUNG BA NYES PAR MTHONG NGO ZHES BYA BA LA SOGS PA SMOS TE, RANG GIS YONGS SU BZUNG BA NI BDAG LA YOD PA'I YO BYAD DANG LONGS SPYOD LA BYA STE, BDAG GI LONGS SPYOD RNAMS LA, MI RTAG PA DANG, SDUG BSNGAL BA DANG, RMI LAM DANG, SGYU MA LTA BU YIN ZHING LONGS SPYOD LA CHAGS PA'I SKYON GYIS NGAN SONG GSUM DU SKYE BA DANG, 'JIG RTEN DANG 'JIG RTEN LAS 'DAS PA'I PHUN SUM TSOGS PA THOS PAR BYA BA LA, BAR DU GCOD PA'I NYES PA YOD PAR MA MTHONG BA RNAMS NI SBYIN PA LA 'JUG PAR MI BYED KYI, BYANG CHUB SEMS DPA' RNAMS NI BDAG GI LONGS SPYOD LA CHAGS NA SKYON DANG NYES PA YOD PAR MTHONG BAS, PHYI NANG GI DNGOS PO YONGS SU GTONG BAR BYED DO, 'DIS NI SBYIN PA'I PHA ROL TU PHYIN PA DANG LDAN PAR BSTAN TO, ,LONGS SPYOD MA CHAGS ZHES BYA BA LA, GANG GIS 'DOD PA LNGA'I LONGS SPYOD DANG, ZANG ZING LA CHAGS PA RNAMS NI KHYIM NAS KHYIM MED PAR RAB TU 'BYUNG BAR MI NUS KYI BYANG CHUB SEMS DPA' NI 'DOD PA LNGA'I YON TAN DANG ZING ZING LA CHAGS PA MED PAS KHYIM NAS KHYIM MED PAR RAB TU 'BYUNG BA STE, 'DIS NI TSUL KYI PHA ROL TU PHYIN PA DANG LDAN PAR BSTAN TO, ,ZHE LA 'DZIN PA MED CES BYA BA LA, SEMS CAN GYIS GNOD PA BYAS PA DANG PHRAD NAS 'DIS BDAG LA 'DI LTA BU ZHIG GNOD PA BYAS KYI, LAN LNGON DU BTANG NGO SNYAM DU SEMS PA NI ZHEL 'DZIN PA ZHES BYA STE, BYANG CHUB SEMS DPA' NI SEMS CAN GZHAN GYIS GNOD PA BYAS KYANG, SLAR GNOD PA BYA'O SNYAM DU SEMS PA'I BSAM PA MED PAS, ZHE LA 'DZIN PA MED PA ZHES BYA STE, 'DIS NI BZOD PA'I PHA ROL TU PHYIN PA DANG LDAN PA BSTAN TO, ,RNAL 'BYOR ZHES BYA BA NI ZHI GNAS DANG LHAG MTHONG BSGOM PA LA SOGS PA'I DGE BA LA RGYUN DU 'JUG CING SGRUB PA NI RNAL 'BYOR ZHES BYA STE, 'DIS NI BRTZON 'GRUS KYI PHA ROL TU PHYIN PA BSGRUB @223A *, ,PA DANG 'DRA BAR BSTAN TO, ,MTSAN MA MKHAS ZHES BYA BA LA, NAM SEMS RTZE GCIG PA'I TING NGE 'DZIN BSGOM PA NA, ZHI GNAS KYI MTSAN MA DANG, GZENGS BSTOD PA'I MTSAN MA DANG, BTANG SNYOMS KYI MTSAN MA LA BSGOM PA NI, MTSAN MA LA MKHAS PA ZHES BYA ZHE NA, GANG GI TSE SEMS LA 'DOD PA LNGA'I YON TAN LA SOGS PA G-YENG BAR GYUR BA'I DUS NA NI 'KHOR BA'I SKYON YID LA BYA BA LA SOGS PA ZHI GNAS KYI MTSAN MA YID LA BYAS NAS SEMS ZHI BAR BYA'O, ,NAM SEMS GNYID DANG RMUGS PAS NON TE MI GSAL BAR GYUR NA BSAM GTAN GYI 'BRAS BU 'AM, DE BZHIN GSHEGS PA'I YON TAN LA SGOS PA YID LA BYA BA GZENGS BSTOD PA MTSAN MA YID LA BYAS NAS SEMS GSO BAR BYA'O, ,NAM ZHUM RGOD SPANGS PA'I PHYIR BSNGOS NA THEG PA CHEN PO'I SPYOD PA LAS MI NYAMS PAR 'GYUR BAS NA, NANG DU RAB TU GNAS PA ZHES BYA STE, TSIG DES BYANG CHUB CHEN POR SMON LAM BTAB PO, ,DE LTAR PHA ROL TU PHYIN PA DRUG KYANG BSGRUBS LA, BYANG CHUB CHEN PO THOB PAR BYA BA'I PHYIR SMON LAM YANG 'DEBS PA DE LA BYANG CHUB SEMS DPA' ZHES BYA'O ZHES BYA BA'I DON BSTAN TO, ,YANG RNAM GRANGS GZHAN GYIS PHA ROL TU PHYIN PA DRUG BSGRUB PA DANG, BYANG CHUB CHEN POR SMON LAM 'DEBS PA NI BYANG CHUB SEMS DPA'I MTSAN NYID YIN PAR BSTAN PA'I PHYIR SNYING RJE LDAN PA ZHES BYA BA LA SOGS PA SMOS SO, ,DE LA SEMS CAN BKRES PA DANG GRANG BA LA SOGS PA'I SDUG BSNGAL GYIS NYEN PA RNAMS LA SNYING RJE MED PA DAG NI BZA' BA DANG BGO BA LA SOGS PA'I YO BYAD GTONG ZHING SBYIN PAR MI BYED KYIS, BYANG CHUB SEMS DPA' NI SEMS CAN YO BYAD KYIS PHONGS TE, SDUG BSNGAL BA RNAMS LA SNYING RJE DANG LDAN PAS BZA' BA DANG BGO BA LA SOGS PA GTONG ZHING SBYIN PAR BYED DE, 'DIS NI SBYIN PA'I PHA ROL TU PHYIN PA BSGRUB PA BRTAN TO, ,NGO TSA YON TAN GNAS ZHES BYA BA LA, GANG DAG SROG GCOD PA DANG, MA BYIN PAR LEN PA LA SOGS PAS SDIG PA'I LAS BYED PA LA 'DZEM ZHING NGO TSA BA MED PA DE DAG LA TSUL KHRIMS MED KYI, BYANG CHUB SEMS DPA' RNAMS NI NGO TSA BA'I YON TAN LA GNAS PA STE, @223B SROG GCOD PA DANG MA BYIN PAR LEN PA LA SOGS PA SDIG PA'I LAS BYED PA BAG TSA ZHING 'JEM PAS, DE DAG CUNG ZAD KYANG MI BYED DE, 'DIS NI TSUL KHRIMS KYI PHA ROL TU PHYIN PA BSGRUB PA BSTAN TO, ,SDUG BSNGAL BZOD CING ZHES BYA BA LA, GANG DAG GZHAN GYIS BRDEG PA DANG, BCING BA LA SOGS PA'I GNOD PA BYAS PA LA, MI BZOD PA DE DAG NI SLAR SEMS CAN LA GNOD PA BYED NA, BYANG CHUB SEMS DPA' NI SEMS CAN GZHAN GYIS GNOD PA BYAS PA'I SDUG BSNGAL RNAMS BZOD CING NYAMS SU LEN PAS GZHAN LA SLAR GNOD PA MI BYED DE, 'DIS NI BZOD PA'I PHA ROL TU PHYIN PA BSGRUB PA BSTAN TO, ,BDAG GI BDE LA CHAGS ZHES BYA BA LA, GANG DAG NYAN PA DANG, SEMS PA LA SOGS PA'I DGE BA BYED NA, BKRES PA DANG SKOM PA'I SDUG BSNGAL MI BZOD CING, NYAL BA DANG 'PHRENG BA TZAM GYIS BDAG GI BDE BA LA CHAGS PA DE DAG NI, BDAG DANG GZHAN GYI DON DU BRTZON 'GRUS RTZOM PAR MI NUS KYI, BYANG CHUB SEMS DPA' RNAMS NI NYAN PA LA SOGS PA'I DGE BA BYED PAS NA, GRANG BA DANG BKRES PA LA SOGS PA'I SDUG BSNGAL BZOD CING NYAL BA DANG, 'PHRENG BA LA SOGS PA'I BDAG GI BDE BA LA MA CHAGS PAS BDAG DANG GZHAN GYI DON DU BRTZON 'GRUS RTZOM STE, 'DIS NI BRTZON 'GRUS KYI PHA ROL TU PHYIN PA'I BSGRUB PA BSTAN TO, ,DRAN GTZO BO ZHES BYA BA LA, GANG DAG SEMS NYON MONGS PA'I DBANG DU SONG NAS BSGOM PAR BYA BA'I YUL BRJED PA DE DAG LA NI BSAM GTAN MED KYI, BYANG CHUB SEMS DPA' RNAMS NI TING NGE 'DZIN GYI YUL MA BRJED PA'I DRAN PA DANG LDAN PA DANG, RTAG TU YANG BSAM GTAN DANG LDAN TE, 'DIS NI BSAM GTAN GYI PHA ROL TU PHYIN PA BSGRUB PA BSTAN TO, ,SHIN TU MNYAM GZHAG NYID CES BYA BA LA GANG SEMS MNYAM PAR GZHAG PA'I TING NGE 'DZIN MED PA DE DAG LA YANG DAG PA JI LTA BA BZHIN DU SHES PA'I SHES RAB MED KYI, BYANG CHUB SEMS DPA' RNAMS NI RTAG TU SEMS MNYAM PAR GZHAG PAS, YOD MED GANG YANG MI RTOG PA'I YE SHES DANG LDAN TE, 'DIS NI SHES RAB KYI PHA ROL TU PHYIN PA BSGRUB PA BSTAN TO, ,'DI YAN CHAD KYIS @224A *, ,PHA ROL TU PHYIN PA DRUG BSGRUB PA BSTAN PA YIN NO, ,THEG PA MI 'KHRUGS BYANG CHUB SEMS DPA'O, ,ZHES BYA BA LA, DE LTAR PHA ROL TU PHYIN PA DRUG BSGRUB PA RNAMS 'JIG RTEN GYI LONGS SPYOD DANG, THEG PA CHUNG NGU'I MYA NGAN LAS 'DAS PAR BSNGOS NA NI THEG PA CHEN PO'I SPYOD PA LAS NYAMS PAS, THEG PA CHEN PO LAS 'KHRUGS PA ZHES BYA NA, BYANG CHUB SEMS DPA' RNAMS KYIS PHA ROL TU PHYIN PA DRUG BSGRUBS PA RNAMS BLA NA MED PA'I BYANG CHUB THOB PAR BYA BA'I PHYIR BSNGOS PAS THEG PA CHEN PO'I SPYOD PA LA MA NYAMS PA'I PHYIR THEG PA LAS MI 'KHRUGS PA ZHES BYA STE, 'DIS NI BYANG CHUB CHEN POR SMON LAM 'DEBS PA BSTAN TO, ,DE LTAR PHA ROL TU PHYIN PA DRUG KYANG BSGRUB LA, BYANG CHUB CHEN POR SMON LAM 'DEBS PA DE LA, BYANG CHUB SEMD DPA' ZHES BYA'O ZHES BYA'I DON TO, ,YANG RNAM GRANGS GZHAN GYIS PHA ROL TU PHYIN PA DRUG BSGRUB PA DANG, BYANG CHUB CHEN POR SMON LAM 'DEBS PA DE BYANG CHUB SEMS DPA'I MTSAN NYID YIN PA'I PHYIR, SDUG BSNGAL SPANGS SHING ZHES BYA BA LA SOGS PA SMOS SO, ,DE LA SDUG BSNGAL SPANGS PA NI SBYIN PA'I PHA ROL TU PHYIN PA STE, SBYIN PAS SEMS CAN GRANG BA DANG BKRES PA LA SOGS PA'I SDUG BSNGAL GYIS NYEN PA RNAMS LA BZA' BA DANG BGO BA LA SOGS PA'I YO BYAD BYIN NAS GRANG BA DANG BKRES PA LA SOGS PA'I SDUG BSNGAL MED PAR BYED PA'I PHYIR RO, ,SDUG BSNGAL BYED PA MED CES BYA BA LA, SDUG BSNGAL BAR BYED PA MED PA NI TSUL KHRIMS KYI PHA ROL TU PHYIN PA STE, TSUL KHRIMS KYIS SEMS CAN GYI SROG MI GCOD, NOR LAM BYIN PAR MI LEN PAS NA SROG DANG NOR LA SOGS PA LA SDUG BSNGAL SKYED PAR MI BYED PA'I PHYIR RO, ,SDUG BSNGAL BZOD CING ZHES BYA BA LA SDUG BSNGAL BZOD PA NI BZOD PA'I PHA ROL TU PHYIN PA STE, BZOD PA DANG LDAN PA RNAMS SEMS CAN GZHAN GYIS, LUS DANG SROG LA GNOD PA RNAM PA SNA TSOGS BYAS SHING SDUG BSNGAL SKYE BYA SDUG BSNGAL NYAMS SU LEN CING SLAR GNOD PA'I LAN MI LDON PA'I PHYIR RO, ,SDUG BSNGAL 'JIGS PA MED CES BYA @224B BA LA SOGS PA SDUG BSNGAL GYI 'JIGS PA MED PA NI BRTZON 'GRUS KYI PHA ROL TU PHYIN PA STE, DGE BA'I PHYOGS LA BRTZON 'GRUS DRAG TU BRTZAMS PA RNAMS BRTZON 'GRUS RTZOM PA'I DUS NA, GRANG BA DANG TSA BA LA SOGS PA'I PHYI NANG GI SDUG BSNGAL BYUNG YANG 'JIGS PA MED DE, BRTZON 'GRUS BRTZAMS PA LAS MI LDOG PA'I PHYIR RO, ,SDUG BSNGAL RNAM GROL ZHES BYA BA LA SDUG BSNGAL RNAM PAR GROL BA NI BSAM GTAN GYI PHA ROL TU PHYIN PA STE, BSAM GTAN DANG TING NGE 'DZIN THOB PA RNAMS 'DOD PA'I KHAMS KYI 'DOD CHAGS DANG BRAL BAS KHAMS GONG MAR GTOGS PAR SKYED PA'I PHYIR RO, ,'DOD PA'I KHAMS KYI NGAN SONG GSUM DU SKYE BA'I SDUG BSNGAL GYI SDUG BSNGAL DE LA MI 'BYUNG BA'I PHYIR RO, ,SDUG BSNGAL RTOG PA MED CES BYA BA LA, SDUG BSNGAL LA RTOG PA MED PA NI SHES RAB KYI PHA ROL TU PHYIN PA STE, SHES RAB KYI PHA ROL TU PHYIN PA DANG LDAN PA RNAMS BDAG DANG SDUG BSNGAL SKYE BA'I RGYU DANG SDUG BSNGAL GSUM LA RANG BZHIN YOD PAR MI RTOG PA'I PHYIR TE, 'DI DAG GIS NI PHA ROL TU PHYIN PA DRUG BSGRUB PA BSTAN TO, ,SDUG BSNGAL KHAS LEN BYANG CHUB SEMS DPA'O, ,ZHES BYA BA LA, SDUG BSNGAL KHAS LEN PA NI BYANG CHUB CHEN POR SMON LAM 'DEBS PA STE, BYANG CHUB DON DU SMON LAM 'DEBS PA NA SEMS CAN GYI DON DU, BLA NA MED PA'I BYANG CHUB THOB PAR SHOG CIG CES SMON LAM 'DEBS LA, BLA NA MED PA'I BYANG CHUB KYANG SEMS CAN GYI DON DU 'KHOR BA MI GTONG BAR KHAS BLANGS NA; GDOD BLA NA MED PA'I BYANG CHUB THOB PAR 'GYUR LA, 'KHOR BA YANG SDUG BSNGAL GYI RANG BZHIN YIN PAS 'KHOR BA KHAS BLANGS NA, SDUG BSNGAL KHAS BLANGS PA YIN TE, 'DIS NI BYANG CHUB CHEN POR SMON LAM 'DEBS PA BSTAN TO, ,DE LTAR PHA ROL TU PHYIN PA DRUG KYANG SGRUB LA; BYANG CHUB CHEN POR YANG SMON LAM 'DEBS PA DE BYANG CHUB SEMS DPA' YIN NO ZHES BYA BA'I DON TO, ,YANG RNAM GRANGS GZHAN GYIS PHA ROL TU PHYIN PA DRUG SGRUB PA DANG, BYANG CHUB CHEN POR SMON LAM 'DEBS PA DE LA BYANG CHUB SEMS DPA'I MTSAN NYID YIN PAR BSTAN PA'I @225A *, ,PHYIR; CHOS DGA' ZHES BYA BA LA SOGS PA SMOS SO, ,DE LA CHOS LA DGA' BA NI SBYIN PA'I PHA ROL TU PHYIN PA DANG LDAN PA STE, SBYIN PA DANG LDAN PA RNAMS PHYI NANG GI DNGOS PO GTONG BA'I CHOS LA DGA' BA'I PHYIR RO, ,RANG BZHIN CHOS LA DGA' ZHES BYA BA LA; RANG BZHIN GYIS CHOS LA DGA' BA NI TSUL KHRIMS KYI PHA ROL TU PHYIN PA DANG LDAN PA STE, TSUL KHRIMS DANG LDAN PA RNAMS RANG BZHIN GYIS KHA NA MA THO BA CHOS RDUL TZAM YANG MI 'BYUNG BAR DGA' BA'I PHYIR RO, ,CHOS LA SMOD CING ZHES BYA BA LA, CHOS LA SMOD PA NI, BZOD PA'I PHA ROL TU PHYIN PA DANG LDAN PA STE, BZOD PA DANG LDAN PA RNAMS MI BZOD PAS 'GYUR BA'I RGYU ZHE SDANG GI CHOS LA SMOD PA BYED PA'I PHYIR RO, ,CHOS LA BRTZON ZHES BYA BA LA CHOS LA BRTZON PA NI BRTZON 'GRUS KYI PHA ROL TU PHYIN PA DANG LDAN PA DAG STE, BRTZON 'GRUS DANG LDAN PA'I RNAMS 'JIG RTEN DANG 'JIG RTEN LAS 'DAS PA'I DGE BA'I CHOS LA RTAG TU BRTZON PA'I PHYIR RO, ,CHOS DBANG ZHES BYA BA LA CHOS LA DBANG BYED PA NI BSAM GTAN GYI PHA ROL TU PHYIN PA DANG LDAN PA STE, BSAM GTAN DANG LDAN PA RNAMS SEMS RTZE GCIG PA'I MTSAN NYID DU DBANG SGYUR ZHING, 'PHRUL GYI MIG LA SOGS PA'I MNGON PAR SHES PA LA DBANG BYED PA'I PHYIR RO, ,CHOS LA MUN PA MED CES BYA BA LA CHOS MUN PA MED PA NI, SHES RAB KYI PHA ROL TU PHYIN PA DANG LDAN PA RNAMS TE, DPER NA MUN PA MED PAR GYUR NA, BLTA BAR BYA BA'I DNGOS PO RNAMS GSAL BAR MTHONG BAR 'GYUR BA BZHIN DU, SHES RAB KYI SNANG BA SKYES PA RNAMS KYIS KYANG, CHOS RNAMS KYI RANG DANG SPYI'I MTSAN NYID GSAL BAR MTHONG BA'I PHYIR, SHES RAB DANG LDAN PA RNAMS CHOS LA MUN PA MED PA ZHES BYA STE, TSIG DANG GANG DAG GIS PHA ROL TU PHYIN PA DRUG SGRUB PA BSTAN TO, , CHOS GTZOR BYED PA BYANG CHUB SEMS DPA'O ZHES BYA BA LA PHA ROL TU PHYIN PA DRUG BSGRUBS PA RNAMS BLA NA MED PA'I BYANG CHUB CHEN PO THOB PA'I RGYUR GYUR CIG CES BSNGOS SHING DER GZHAL BAR BYAS NA, CHOS GTZOR BYED PA ZHES BYA STE, 'DIS NI BYANG CHUB CHEN POR SMON LAM 'DEBS @225B PA BSTAN TO, ,DE LTAR PHA ROL TU PHYIN PA DRUG KYANG BSGRUBS LA BYANG CHUB POR SMON LAM 'DEBS PA DE LA, BYANG CHUB SEMS DPA'O ZHES BYA BA'I DON TO, ,YANG RNAM GRANGS GZHAN GYIS PHA ROL TU PHYIN PA DRUG BSGRUB PA DANG, BYANG CHUB CHEN POR SMON LAM 'DEBS PA DE BYANG CHUB SEMS DPA'I MTSAN NYID YIN NO ZHES BSTAN PA'I PHYIR LONGS SPYOD BAG YOD CES BYA BA LA SGOS PA SMOS SO, ,GANG DAG 'DOD PA LNGA'I LONGS SPYOD YOD PA BDAG NYID SPYOD CING GZHAN LA MI GTONG BA DE DAG NI, LONGS SPYOD LA BAG MED PA ZHES BYA STE, BYANG CHUB SEMS DPA' NI 'KHOR LOS SGYUR BA LA SOGS PA'I LONGS SPYOD KYANG MI GTZANG BA LTA BUR MTHONG BAS, GZHAN LA GTONG BAR BYED PAS LONGS SPYOD LA BAG YOD PA ZHES BYA STE, 'DIS NI SBYIN PA'I PHA ROL TU PHYIN PA DANG LDAN PAR BSTAN TO, ,GDUL BA LA BAG YOD DANG ZHES BYA BA LA GANG DAG GIS BCAS PA'I KHA NA MA THO BA DANG, RANG BZHIN GYI KHA NA MA THO BA MA BSRUNGS PA DE DAG NI GDUL BA LA BAG MED PA STE, LUS DANG NGAG DANG YID GSUM MA THUL PA'I PHYIR RO, ,BYANG CHUB SEMS DPA' RNAMS NI RANG BZHIN GYI KHA NA THO BA DANG BCAS PA'I KHA NA MA THO BA GNYIS KA SRUNG BAR BYED PAS GDUL BA LA BAG YOD PA STE, LUS DANG NGAG DANG YID GSUM DUL BA'I PHYIR TE, 'DIS NI TSUL KHRIMS KYI PHA ROL TU PHYIN PA DANG LDAN PA BSTAN TO, ,BSRUNG BA BAG YOD CES BYA BA LA, GANG DAG GZHN GYIS GNOD PA BYAS NA, LEGS 'KHRUGS NAS GZHAN LA GNOD PA BYED PA DE DAG NI, BSRUNG BA LA BAG MED DE, BDAG DANG GZHAN GNYI GA'I SEMS MA BSRUNGS PA'I PHYIR RO, ,BYANG CHUB SEMD DPA' RNAMS NI GZHAN GYIS GNOD PA BYAS KYANG, BDAG NYID ZHE MI SDANG ZHING GZHAN LA SLAR GNOD PA MI BYED PAS, BSRUNG BA LA BAG YOD PA ZHES BYA STE, BDAG GI SEMS KYANG ZHE SDANG GI DBANG DU MA SONG BAR BSRUNGS LA, GZHAN GYI SEMS KYANG 'KHRUGS PAR MI 'GYUR PAR BSRUNG BA'I PHYIR TE, 'DIS NI BZOD PA'I PHA ROL TU PHYIN PA DANG LDAN PA BSTAN TO, ,DGE BA BAG YOD DANG ZHES BYA BA LA, GANG LE LO'I DBANG DU @226A *, ,SONG NAS DGE BA MI BYED PA DE DAG NI DGE BA LA BAG MED PA ZHES BYA STE, DE LA DGE BA 'PHEL BA MED PA'I PHYIR RO, ,BYANG CHUB SEMS DPA' NI LE LO THAMS CAD SPANGS NAS, MNYAN PA DANG BSAM PA LA SOGS PA'I DGE BA RGYUN DU SPYOD PAS, DGE BA LA BAG YOD PA ZHES BYA STE, 'DIS NI BRTZON 'GRUS KYI PHA ROL TU PHYIN PA DANG LDAN PAR BSTAN TO, ,DGE BA LA BAG YOD CES BYA BA LA, GANG DAG BSAM GTAN THOB KYANG BSAM GTAN GYI BDE BA'I RO LA CHAGS PAR BYED PA DE DAG NI BDE BA LA BAG MED PA ZHES BYA STE, BSAM GTAN KHYAD PAR CAN MI THOB CING, SNGAR THOB PA'I BSAM GTAN LAS KYANG NYAMS PAR 'GYUR BA'I PHYIR RO, ,BYANG CHUB SEMS DPA' RNAMS NI BSAM GTAN THOB KYANG BSAM GTAN GYI BDE BA'I RO LA CHAGS PAR MI BYED PAS, DE LA BAG YOD PA ZHES BYA BA STE, 'DIS NI BSAM GTAN GYI PHA ROL TU PHYIN PA DANG LDAN PA BSTAN TO, ,CHOS LA BAG YOD PA ZHES BYA BA LA, GANG DAG GIS CHOS RNAMS LA RTAG PA DANG, BAG YOD PA LA SOGS PAR BZUNG BA DE DAG NI CHOS LA BAG MED PA ZHES BYA STE, CHOS KYI MTSAN NYID LOG PAR BZUNG BA'I PHYIR RO, ,BYANG CHUB SEMS DPA' RNAMS MI RTAG PA DANG, STONG PA DANG, BDAG MED PAR YANG DAG PA JI LTA BA BZHIN DU SHES PAS CHOS LA BAG YOD PA ZHES BYA STE, CHOS KYI MTSAN NYID MA NOR BAR BZUNG BA'I PHYIR RO, ,'DIS NI SHES RAB KYI PHA ROL TU PHYIN PA DANG LDAN PA BSTAN TE, TSIG DE DAG GIS PHA ROL TU PHYIN PA DRUG SGRUB PA SMRAS PA YIN NO, ,THEG PA BAG YOD BYANG CHUB SEMS DPA'O, ,ZHES BYA BA LA, PHA ROL TU PHYIN PA DRUG BSGRUB PA RNAMS BLA NA MED PA'I BYANG CHUB THOB PAR BYA BA'I PHYIR BSNGOS NA THEG PA CHEN PO LA BAG YOD PA ZHES BYA STE, 'DIS NI BYANG CHUB CHEN POR SMON LAM 'DEBS PA BSTAN TO, ,DE LTAR PHA ROL TU PHYIN PA DRUG KYANG BSGRUBS LA, BYANG CHUB CHEN POR YANG SMON LAM 'DEBS PA DE DAG BYANG CHUB SEMS DPA' YIN NO ZHES BYA BA'I DON TO, ,YANG RNAM GRANGS GZHAN GYIS PHA ROL TU PHYIN PA DRUG BSGRUBS PA DANG, BYANG CHUB CHEN @226B POR SMON LAM 'DEBS PA DE, BYANG CHUB SEMS DPA'I MTSAN NYID YIN NO ZHES BSTAN PA'I PHYIR, SBYIN MED NGO TSA ZHES BYA BA LA SOGS PA SMOS SO, ,DE LA DPER NA SLONG BA PO RNAMS LA BSLANGS PA LAS, GTONG BAS MA BYIN NA NGO TSA'O, ,DE DANG 'DRA BAR BYANG CHUB SEMS DPA' NI RANG BZHIN GYIS MA BSLANGS PAR GTONG BA'I BDAG NYID CAN YIN NA, GAL TE SLONG BA PO 'ONGS PA'I TSE, MIG GNAGS NAS BKYIGS TE MA BYIN NA NGO TSA'O, ,DE BAS NA BYANG CHUB SEMS DPA' BDAG GI CHOS NYID DANG 'GAL LO ZHES SLONG BA PO 'ONGS PA'I RNAMS LA PHYI NANG GI DNGOS PO SBYIN PAR BYED DE, 'DIS NI SBYIN PA'I PHA ROL TU PHYIN PA DANG LDAN PAR BSTAN TO, ,NYES CHUNG NGO TSA ZHES BYA BA LA, BYANG CHUB SEMS DPA' NI RANG BZHIN GYIS KHA NA MA THO BA LA 'JIGS PAR LTA BAS RANG BZHIN GYIS KHA NA MA THO BA 'BYUNG BA SRUNG BA BZHIN DU BCAS PA'I KHA NA MA THO BA NYES PA CHUNG NGU RDUL TZAM LA YANG 'JIGS PAR LTA BAS, GAL TE NYES PA CHUNG NGU RDUL TZAM BYUNG NA YANG NGO TSA ZHING 'DZEM PA YIN NO, ,DE BAS NA BYANG CHUB SEMS DPA' CHOS NYID LAS 'DAS SO ZHES NYES PA CHUNG NGU YANG SRUNG BAR BYED DE, 'DIS NI TSUL KHRIMS KYI PHA ROL TU PHYIN PA DANG LDAN PAR BSTAN PA'O, ,MI BZOD DO TSA ZHES BYA BA LA BYANG CHUB SEMS DPA' NI PHYOGS THAMS CAD DANG DUS THAMS CAD DU SEMS CAN THAMS CAD LA, BZOD PAR BYED PA'I RANG BZHIN CAN YIN NA GAL TE MI BZOD PA'I SEMS SHIG BYUNG NA YANG BYANG CHUB SEMS DPA' NGO TSA BAR BYED DO, ,DE BAS NA BYANG CHUB SEMS DPA'I CHOS NYID LAS 'DAS SO ZHES DUS THAMS CAD DU PHYOGS THAMS CAD DU SEMS CAN THAMS CAD LA BZOD PAR BYED DE, 'DIS NI BZOD PA'I PHA ROL TU PHYIN PA DANG LDAN PA BSTAN TO, ,NYAMS PAS NGO TSA BA DANG ZHES BYA BA LA, BYANG CHUB SEMS DPA'I RANG BZHIN GYIS LE LO SPANGS NAS, BRTZON 'GRUS KYI MTHUS DGE BA RGYUN DU BYED PA'I BDAG NYID CAN YIN NA, GAL TE LE LO'I DBANG DU BYAS NAS BRTZON 'GRUS NYAMS PAS DGE BA RGYUN DU MI BYED NA NGO TSA BA YIN NO, , @227A *, ,DE BAS NA BYANG CHUB SEMS DPA'I CHOS NYID DANG 'GAL LO ZHES LE LO SPANGS NAS BRTZON 'GRUS RGYUN DU RTZOM PAR BYED DO, ,'DIS NI BRTZON 'GRUS KYI PHA ROL TU PHYIN PA DANG LDAN PA BSTAN TO, ,G-YENG BAS NGO TSA ZHES BYA BA LA, BYANG CHUB SEMS DPA' NI RANG BZHIN GYIS LUS DPEN PAR BYED DE DGON PA NA GNAS PA DANG, SEMS DBEN PAR BYED DE GZUGS LA SOGS PA LA RTOG CING G-YENG BA SPONG BA'I BDAG NYID YIN NA, GAL TE LUS 'DU 'DZI'I NANG NA GNAS SHING SEMS GZUGS LA SOGS PA LA G-YENG NA NGO TSA BAR BYED DE, DE BAS NA BYANG CHUB SEMS DPA'I CHOS NYID LAS 'DAS SO ZHES BYANG CHUB SEMS DPA' RNAMS NI LUS KYI 'DU 'DZI DANG SEMS KYI G-YENG BA GNYI GA SPONG BAR BYED DE, 'DIS NI BSAM GTAN GYI PHA ROL TU PHYIN PA DANG LDAN PAR BSTAN TO, ,LTA CHUNG NGO TSA ZHES BYA BA LA, BYANG CHUB SEMS DPA' RNAMS NI RANG BZHIN GYIS SHES RAB CHEN PO DANG LDAN PAS, LTA BA CHEN PO'I BDAG NYID CAN TE, GANG ZAG DANG CHOS LA BDAG MED PAR LTA BA'I PHYIR RO, ,DE LTA BU YIN PA LAS CHOS LA BDAG MED PAR LTA BA NI MED KYI, LTA BA CHUNG NGU GANG ZAG LA BDAG MED PA TZAM DU LTA NA, BYANG CHUB SEMS DPA' NGO TSA BA'O, ,DE BAS NA BYANG CHUB SEMS DPA'I CHOS NYID LAS 'DAS SO ZHES BYANG CHUB SEMS DPA' RNAMS NI GANG ZAG DANG CHOS GNYI GA LA BDAG MED PAR LTA STE, 'DIS NI SHES RAB KYI PHA ROL TU PHYIN PA DANG LDAN PAR BSTAN TE, TSIG DE DAG GIS PHA ROL TU PHYIN PA DRUG SGRUB PA BSTAN PA YIN NO, ,THEG GZHAN NGO TSA BYANG CHUB SEMS DPA'O, ,ZHES BYA BA LA, BYANG CHUB SEMS DPA' NI RANG BZHIN GYIS PHA ROL TU PHYIN PA DRUG SGRUB PA YANG BLA NA MED PA'I BYANG CHUB CHEN PO THOB PAR BYA BA'I PHYIR, BSNGOS SHING SMON LAM 'DEBS PA YIN NA, GAL TE PHA ROL TU PHYIN PA DRUG SGRUB PA RNAMS THEG PA GZHAN TE, NYAN THOS DANG RANG SANGS RGYAS KYI THEG PA'I MYA NGAN LAS 'DAS PA THOB PAR BYA BA'I PHYIR BSNGO ZHING SMON LAM 'DEBS NA NGO TSA BA YIN NO, ,DE BAS NA BYANG CHUB SEMS DPA'I CHOS NYID LAS 'DAS SO ZHES PHA ROL TU PHYIN PA DRUG SGRUB @227B PA RNAMS BYANG CHUB CHEN POR THOB PAR BYA BA'I SNGO BAR BYED DE 'DIS NI BYANG CHUB CHEN POR SMON LAM 'DEBS PA BSTAN TO, ,DE LTAR PHA ROL TU PHYIN PA DRUG KYANG BSGRUB LA, BYANG CHUB CHEN POR YANG SMON LAM 'DEBS PA DE BYANG CHUB SEMS DPA' YIN NO ZHES BYA BA'I DON TO, ,SLONG BA LA RIM GRO MED PA'O ZHES BYA BA LA, SLONG BA 'ONGS NA MIG GNAGS NAS BKYIGS TE STER BA NI RIM GRO MED PA ZHES KYANG BYA STE, DE LTA BU DAG KYANG BYANG CHUB SEMS DPA' NGO TSA'O, ,TSIGS SU BCAD PA 'DI DAG THAMS CAD KYIS ZHES BYA BA LA 'DOD LA MA CHAGS LAS GSUM RNAM DAG CES BYA BA NAS BRTZAMS TE, THEG GZHAN NGO TSAS BYANG CHUB SEMS DPA'O, ,ZHES BYA BA YAN CHAD KYIS DON GYI RNAM GRANGS GZHAN NAS GZHAN DU SBYAR TE, PHA ROL TU PHYIN PA DRUG SGRUB PA DANG BYANG CHUB CHEN POR SMON LAM 'DEBS PA'I SGO NAS BYANG CHUB SEMS DPA'I MTSAN NYID GANG YIN PA BSTAN TO ZHES BYA BA'I DON TO, ,DGONG PHA ROL TU PHYIN PA DRUG SGRUB PA DANG BYANG CHUB CHEN POR SMON LAM 'DEBS PA'I DON, RNAM GRANGS DU MAS RGYAS PAR BSHAD PA'I DON GYI 'JUG MDOR BSDUS TE BSTAN PA'I PHYIR, 'DI DANG PHA ROL DAG DANG BTANG BSNYOMS KYIS ZHES BYA BA LA SOGS PA TSIGS SU BCAD PA GCIG SMOS SO, ,TSIGS SU BCAD PA 'DIS KYANG PHA ROL TU PHYIN PA DRUG SGRUB PA DANG, BYANG CHUB CHEN POR SMON LAM 'DEBS PA'I SGO NAS BYANG CHUB SEMS DPA' RNAMS JI LTAR SEMS CAN LA PHAN 'DOGS PA DE STON TO, ,PHAN 'DOGS PA YANG RNAM PA GNYIS TE, RGYU'I CHOS KYIS PHAN 'DOGS PA DANG, 'BRAS BU'I CHOS KYIS PHAN 'DOGS PA'O, ,DE LA TSE 'DIR PHAN 'DOGS PA NI SBYIN PA'I PHA ROL TU PHYIN PAS BYED DE, YO BYAD KYIS PHONGS PA RNAMS LA YO BYAD BYIN NAS LONGS SPYOD PA LA GZHAG PA'I SGO NAS PHAN 'DOGS SO,, TSE RABS PHA ROL DU TSUL KHRIMS KYI PHA ROL TU PHYIN PAS PHAN 'DOGS TE, SEMS CAN DAG TSUL KHRIMS LA BKOD NA, LHA DANG MI LA SOGS PA'I SKYE BA BZANG PO 'THOB PAR 'GYUR BA'I PHYIR RO, ,BZOD PA'I PHA ROL TU PHYIN PA NI BTANG SNYOMS SU 'JOG PA'I SGO NAS PHAN @228A *, ,'DOGS TE, SEMS CAN GZHAN GYIS GNOD PA BYAS KYANG, SLAR GNOD PA'I LAN MI GLON ZHING CI'ANG MI BYED PAR BTANG SNYOMS SU 'JOG PA'I PHYIR RO, ,SBYOR BAR 'DU BYED PA DANG ZHES BYA BA LA, SBYOR BA NI SEMS CAN GYI LAS SU BYA BA'O, ,'DU BYED PA NI GROGS SU 'GRO BA STE, BRTZON 'GRUS KYI PHA ROL TU PHYIN PA NI SEMS CAN GYI LAS SU BYA BA RNAMS KYI GROGS BYED PA'I SGO NAS PHAN 'DOGS SO, ,'BYOR BA THOB CES BYA BA LA, 'BYOR PA THOB PA NI MNGON PAR SHES PA THOB PA LA BYA STE, BSAM GTAN GYI PHA ROL TU PHYIN PA NI MNGON PAR SHES PAS THOB PAR BYAS NAS MNGON PAR SHES PA THOB PA'I SGO NAS SEMS CAN LA PHAN 'DOGS SO, ,MTSUNGS PAR STON DANG ZHES BYA BA LA, THEG PA GSUM GYI CHOS GANG LA GANG BSTAN NA 'DUL BAR 'GYUR BA'I CHOS DE STON PA ZHES BYA STE, SHES RAB KYI PHA ROL TU PHYIN PAS NI SEMS CAN DANG 'TSAM PA'I CHOS BSHAD DE, THE TSOM BCAD PA'I SGO NAS PHAN 'DOGS SO, ,DE LTAR TSIG DE DAG GIS PHA ROL TU PHYIN PA DRUG SGRUB PAS RGYU'I CHOS KYIS PHAN 'DOGS PAR BSTAN TO, ,'BRAS BU CHEN POS PHAN 'DOGS PAR 'JUG PA BYANG CHUB SEMS DPA'O ZHES BYA BA LA, DE LTAR PHA ROL TU PHYIN PA DRUG BSGRUB PA BLA NA MED PA'I BYANG CHUB TU BSNGOS NAS BLA NA MED PA'I BYANG CHUB THOB PAR BYA STE, BYANG CHUB THOB PA DANG MNGON PAR 'TSANG RGYA BA DANG CHOS KYI 'KHOR LO BSKOR BA'I SGO NAS SEMS CAN LA PHAN 'DOGS PA DANG, 'JUG PAR BYED DE, 'DIS NI BYANG CHUB CHEN POR SMON PAS 'BRAS BU'I CHOS KYIS PHAN 'DOGS PA BSTAN TO, ,DE LTAR RGYU'I CHOS KYIS KYANG PHAN 'DOGS PA 'BRAS BU'I CHOS KYIS KYANG PHAN 'DOGS PA DE BYANG CHUB SEMS DPA' YIN NO ZHES BYA BA'I DON TO, ,BYANG CHUB SEMS DPA'I MTSAN NYID SBYIR RNAM PAR DBYE BA'I TSIGS SU BCAD DO ZHES BYA BA LA, DE LTAR SA BCU GCIG PO DAG NA, BYANG CHUB SEMS DPA' GRANGS KYIS DU YOD PA DANG, BYANG CHUB SEMS DPA'I MTSAN NYID BSHAD NAS DA NI BYANG CHUB SEMS DPA' DE DAG LA MI DBYE BAR MTSAN DU JI SKAD BYA BA'I MTSAN 'CHAD DO,, @228B DE LA MING LA RNAM PA GNYIS TE DON DANG BCAS PA DANG DON MED PA'O, ,DE LA DON DANG BCAS PA NI YON TAN LAS DRANGS NAS MING DU BTAGS PA STE, DPER NA BCOM LDAN 'DAS ZHES BYA BA LTA BU'O, ,DON MED PA NI DPER NA MI DBUL PO LA DBANG PHYUG CES BTAGS PA LTA BU'O, , 'DIR BYANG CHUB SEMS DPA' DE DAG GI MTSAN GYI RNAM GRANGS BCU DRUG PO 'BYUNG STE, DE DAG THAMS CAD NI YON TAN LAS DRANGS NAS MTSAN DU BTAGS PAS DON DANG BCAS PAR RIG PAR BYA'O, ,GANG ZAG DANG CHOS LA BDAG MED PA'I MTSAN NYID KYIS SHES BYA ZAB MO LA DAD PAS NA, BYANG CHUB SEMS DPA' ZHES BYA'O, ,MTHU CHEN PO MOS PAS NA, SEMS DPA' CHE ZHES BYA STE, MTHU CHEN PO NI BA SPU'I BU GA GCIG NAS KYANG STONG GSUM GYI STONG CHEN PO'I 'JIG RTEN GYI KHAMS 'BYUNG BA DANG 'JIG PA'I BSKAL PA STON PA'I PHYIR RO, ,YANG NA BDAG BLA NA MED PA'I BYANG CHUB THOB PAR BYA BAR SEMS PAS BYANG CHUB SEMS DPA'O, ,SEMS CAN THAMS CAD 'KHOR BA'I SDUG BSNGAL LAS BSGRAL NAS MYA NGAN LAS 'DAS PA LA GZHAG PAR SEMS PAS NA SEMS DPA' CHEN PO ZHES BYA'O, ,YANG NA SHES RAB DANG LDAN PAS NA BYANG CHUB SEMS DPA' ZHES BYA STE, SHES RAB DANG LDAN PA RNAMS KYANG 'KHOR BA NA GNAS KYANG 'KHOR BA'I NYES PAS GOS PAR MI 'GYUR RO, ,BRTZON 'GRUS NI CHEN POR 'GYUR BA'I RGYU YIN PAS, BRTZON 'GRUS DANG LDAN PA'I PHYIR SEMS DPA' CHEN PO ZHES BYA'O, ,YANG NA CHEN PO RNAM PA BDUN DANG LDAN PAS SEMS DPA' CHEN PO ZHES BYA STE, CHEN PO RNAM PA BDUN NI SNGAR BSHAD PA RNAMS SO, ,SHIN TU ZAB CING RGYA CHE BA'I SHES RAB DANG LDAN PAS, BLO LDAN ZHES BYA BA ZAB MO'I DON GYI DGONGS PA 'GREL BAR BYED PA'I SHES RAB KYI SNANG BA CHEN PO THOB PAS NA GZI BRJID MCHOG CES BYA'O, ,DE BZHIN GSHEGS PA'I RIGS SU SKYES PAS NA RGYAL BA'I SRAS SO ZHES BYA'O, ,SANGS RGYAS KYI RIGS RGYUN MI 'CHAD PAS BYA BA LA ZHUGS PAS NA RGYAL BA'I GZHI ZHES BYA'O, ,SKU GSUM 'BRAS BUR GYUR PA DANG, STOBS DANG MI 'JIGS PA @229A *, ,LA SOGS PA SANGS RGYAS KYI CHOS 'DAB MA LTA BUR GYUR PA'I RGYU BYED PAS NA RGYAL BA'I MYU GU ZHES BYA'O, ,BDAG DANG GZHAN GYI RGYUD LA YOD PA'I NYON MONGS PA LAS RGYAL BAR BYED PAS NA RNAM PAR RGYAL BYED CES BYA'O, ,BDUD BZHI 'JOMS PAR BYED PA'I GROGS MED PAR DPA' BO GCIG PU YIN PAS NA MTHU RTZAL CAN ZHES BYA'O, ,'JIG RTEN THAMS CAD KYIS MA RTOGS PA'I CHOS NGO MTSAR DU BYA BA DON DAM PA'I CHOS RTOGS PAS NA NGO MTSAR MCHOG CES BYA'O, ,'KHOR BA'I 'BROG DGON PAR ZHUGS PA'I SEMS CAN GYI 'DRON PA MANG PO RNAMS MYA NGAN LAS 'DAS PA'I GRONG KHYER CHEN POR PHYIN PAR BYED PAS NA, DED DPON ZHES BYA'O, ,PHYOGS BCU THAMS CAD DU YON TAN GYI DRIS KHYAB PAS NA, GRAGS PA CHEN PO ZHES BYA'O, ,SBYIN PA LA SOGS PA BSOD NAMS KYI TSOGS CHEN PO DANG LDAN PAS NA BSOD NAMS CHE ZHES BYA'O, ,SEMS CAN THAMS CAD BSGRUB PA'I THUGS RJE CHEN PO DANG LDAN PAS NA SNYING RJE CAN ZHES BYA'O, ,'JIG RTEN LAS 'DAS PA'I LONGS SPYOD CHEN PO DANG LDAN PAS NA DBANG PHYUG CES BYA'O, ,LUS DANG NGAG DANG YID KYI LAS KHA NA MA THO BA MED PA DANG LDAN PAS NA CHOS LDAN ZHES BYA'O, ,DE LTAR BYANG CHUB SEMS DPA'I MTSAN BCU DRUG GI DON SO SOR BSTAN NAS BYANG CHUB SEMS DPA' ZHES BYA BA'I DON RGYAS PAR BSHAD PA'I PHYIR DE NYID LEGS RTOGS ZHES BYA BA LA SOGS PA SMOS SO, ,DE LA KHYAD PAR RNAM PA LNGA KHONG DU CHUD CING RTEGS PAS NA, BYANG CHUB SEMS DPA' ZHES BYA STE, KHYAD PAR RNAM PA LNGA NI DE NYID LEGS PAR RTOGS PA DANG, DON CHEN PO LEGS PAR RTOGS PA DANG, THAMS CAD KYI DON RTOGS PA DANG, RTAG PA'I NGON RTOGS PA DANG, THABS RTOGS PA STE, DE LNGA RTOGS PAS BYANG CHUB SEMS DPA' ZHES BYA'O, ,DE LA GANG ZAG LA BDAG MED PA DANG, CHOS LA BDAG MED PAR RTOGS PAS NA DE NYID LEGS RTOGS PA'O, ,BDAG GI DON DANG GZHAN GYI DON 'GRUB PAR BYA BA RTOGS PAS NA DON CHEN PO LEGS PAR RTOGS PA'O, ,'DUS BYAS DANG @229B 'DUS MA BYAS DANG, ZAG PA DANG BCAS PA DANG, ZAG PA MED PA LA SOGS PA'I CHOS MA LUS PAR RTOGS PAS NA THAMS CAD KYI DON RTOGS PA ZHES BYA'O, ,BYANG CHUB SEMS DPA' RNAMS NI BAR 'GA' SHES PA DANG, BAR 'GA' SHES PA DANG MI LDAN PAS MA YIN GYI PHUNG PO LHAG MA MA LUS PAR SPANGS PA'I MYA NGAN PAS 'DAS PAR ZHUGS KYANG MKHYEN PA ZAD PA MED PAR RTOGS PAS NA RTAG PA RTOGS SO, ,SEMS CAN GANG LA CHOS GANG BSTAN PAS 'DUL BAR 'GYUR BA DANG SKU CI 'DRA BA BSTAN NAS 'DUL BAR 'GYUR BA'I CHOS DE BSTAN PA DANG, SKU DE RTOGS PA'I THABS RTOGS PAS NA THABS RTOGS PA ZHES BYA'O, ,YANG RNAM GRANGS GZHAN GYIS KHYAD PAR RNAM PA BZHI RTOGS PAS BYANG CHUB SEMS DPA' ZHES BYA BAR BSTAN PA'I PHYIR, BDAG GI RJES SHES PHRA MO'I LTA BA SHES, ,RNAM PA SNA TSOGS RNAM RIG SHES PA DANG, ,THAMS CAD YANG DAG MA YIN KUN RTOGS SHES, ,DE PHYIR BYANG CHUB SEMS DPA' ZHES KYANG BYA, ,ZHES BYA BA SMOS TE, SEMS DANG YID RNAM PAR SHES PA GSUM GYI RANG BZHIN RTOGS PA DANG DE GSUM CHAR YANG DAG PA MA YIN PAR KUN DU RTOG PA'I MTSAN NYID YIN PAR SHES PAS NA, DE'I PHYIR BYANG CHUB SEMS DPA' ZHES BYA'O, ,DE LA SEMS NI KUN GZHI RNAM PAR SHES PA LA BYA STE, KUN GZHI RNAM PAR SHES PA'I RANG BZHIN JI LTA BU YIN PA RTOGS PAS NA, BDAG GI RJES SHES PA ZHES BYA STE, KUN GZHI RNAM PAR SHES PA LA DMIGS NAS BDAG TU RTOG PA 'JUG PAS NA, KUN GZHI'I RANG BZHIN SHES PA LA BDAG GI RJES SHES PA'O ZHES BTAGS SO, ,DE LA JI LTAR SHES PA NA KUN GZHI RANG BZHIN SHES PAR 'GYUR ZHE NA, SUM CU PA'I RAB TU BYED PA LAS, DE LA KUN GZHI RNAM SHES NI, ,RNAM SMIN SA BON THAMS CAD, , LEN PA DAG DANG DE YI GNAS, ,RIG PA RNAM PAR MI RIG PA'O, ,RTAG TU RIG DANG YID BYED DANG, ,RIGS DANG 'DU SHES SEMS PAR LDAN, ,DE NI TSOR BTANG SNYOMS TE, ,MA BSGRIBS LUNG MA BSTAN KYANG DE, ,ZHES BSHAD PA LTA BUR SHES NA KUN GZHI RANG BZHIN SHES @230A *, ,PA YIN NO, ,'DI NI NYON MONGS PA'I YID LA BYA STE KUN GZHI RNAM PAR SHES PA LA NGA DANG BDAG GIS DMIGS PA BYED PA'O, ,NYON MONGS PA'I YID KYI RANG BZHIN SHES PAS NA, PHRA MO'I LTA BA SHES PA ZHES BYA STE, CI'I PHYIR NYON MONGS PA'I YID KYI RANG BZHIN SHES PA LA PHRA MOR LTA BA SHES ZHES BYA'O ZHE NA, NYON MONGS PA'I YID NI LAS DGE BA DANG MI DGE BA LUNG DU MA BSTAN PA BYED PA'I DUS NA YANG NGA'O SNYAM PA DANG, BDAG GO SNYAM DU SEMS PA RTAG TU 'BYUNG BAS NA, BLTA DKA' BA'I PHYIR NYON MONGS PA'I YID SHES PA LA, PHRA MO LTA BA SHES PA ZHES BTAGS SO, ,JI LTAR SHES PA NA NYON MONGS PA'I YID SHES PAR 'GYUR ZHE NA, SUM CU PA'I RAB TU DBYE BA LAS, DE LA GNAS TE RAB 'JUG CING, ,DE LA DMIGS PAS YID CES BYA, ,RNAM SHES NGAR SEMS BDAG NYID CAN, ,NYON MONGS BZHI DANG 'GROGS PA STE, ,RTAG TU BSGRIBS LA LUNG MA BSTAN, ,CES BSHAD PA'I TSUL DU SHES NA NYON MONGS PA'I YID KYI RANG BZHIN SHES PA YIN NO, ,RNAM PAR SHES PA NI MIG GI RNAM PAR SHES PA NAS YID KYI RNAM PAR SHES PA'I BAR DU 'JUG PA'I RNAM PAR SHES PA DRUG LA BYA STE, RNAM PAR SHES PA DRUG GI RANG BZHIN SHES PAS NA RNAM PA SNA TSOGS KYI RNAM PAR RIG PA ZHES BYA'O, ,JI LTAR SHES NA RNAM PAR SHES PA DRUG GI RANG BZHIN SHES PA YIN ZHE NA, SUM CU PA'I RAB TU DBYE BA LAS, ,GSUM NI RNAM PA DRUG PO LA, ,DMIGS PA GANG YIN DE DAG STE, ,KUN DU 'GRO DANG BYE BRAG GIS, ,SEMS LA BYUNG BA DGE BA DANG, ,DE BZHIN NYON MONGS NYE NYON MONGS, ,TSOR BA GSUM DANG DE LDAN NO, ,ZHES BSHAD PA'I TSUL DU SHES NA RNAM PAR SHES PA DRUG GI RANG BZHIN SHES PA YIN NO, ,RNAM PAR SHES PA BRGYAD PO DE DAG KYANG GZUNG BA DANG 'DZIN PA'I RNAM PA LTA BU RTOG PA'I RANG BZHIN CAN YIN PAR SHES PA NI THAMS CAD YANG DAG MA YIN PA KUN DU RTOG PAR SHES PA'O, ,YANG RNAM GRANGS GZHAN GYIS SPYOD PAR RNAM PA LNGA RTOGS PAS NA BYANG CHUB SEMS DPA' ZHES BYA'O ZHES @230B BSTAN PA'I PHYIR, MI SHES SHES PA RJES SU SHES PA SHES, ,DNGOS PO MED SHES RJES SU 'BYUNG BSHES, ,MI SHES SHES PA SO SOR SHES PAS NA, ,DE'I PHYIR BYANG CHUB SEMS DPA' ZHES KYANG BYA, ,ZHES SMOS TE, RNAM PA LNGA SHES PA NI MI SHES PA SHES PA SO SOR SHES PA DANG, RJES SU SHES PA SO SOR SHES PA DANG, DNGOS PO MED PA SO SOR SHES PA DANG, 'BYUNG BA RJES SU SHES PA SO SOR SHES PA DANG, MI SHES PA SHES PA SO SOR SHES PA STE, DE LTAR RNAM PA LNGAS SHES PAS NA, DE'I PHYIR BYANG CHUB SEMS DPA' ZHES BYA BA; DE LA RNAM PAR MI RTOG PA'I YE SHES KYI RANG BZHIN NI CHOS THAMS CAD NAM MKHA'I NGOS LTA BUR DMIGS PA YIN NO ZHES SHES PAS NA, MI SHES PA SHES PA SO SOR ZHES BYA STE, RNAM PAR MI RTOG PA'I YE SHES LA GZUNG BA 'DZIN PA LTA BU'I SHES PA MED PAS MI SHES PA ZHES BYA'O, ,'ON KYANG RNAM PAR MI RTOG PA'I YE SHES NI YE SHES KYI RANG BZHIN TE, ME LONG GI DKYIL 'KHOR DU GZUGS BRNYAN BRNYAN SNANG BA LTA BUR YE SHES KYI DKYIL 'KOR DER YANG, SHES BYA'I DKYIL 'KHOR THAMS CAD SNANG BAS SHES PA ZHES KYANG BYA'O, ,DAG PA 'JIG RTEN PA'I YE SHES KYIS NI CHOS THAMS CAD LA SGYU MA DANG SMIG RGYU DANG, RMI LAM LTA BUR DMIGS PAR BYED PA YIN PAR SHES PAS NA, RJES SU SHES PA ZHES BYA BA STE, DAG PA 'JIG RTEN PA'I YE SHES NI RNAM PAR MI RTOG PA'I YE SHES KYI RJES LAS BYUNG BAS HRJES SU SHES PA ZHES BTAGS SO, ,YANG NA MA RIG PA'I RKYEN GYIS 'DU BYED NAS, SKYE BA'I RKYEN GYIS RGA SHI LA SOGS PA RTEN CING 'BREL TE 'BYUNG BA LUGS BZHIN PA DAG MA RIG PA LAS BYUNG BA SHES PA MI SHES PA SHES PA ZHES BYA'O, ,MA RIG PA 'GAGS NA 'DU BYED 'GAG PA NAS SKYE BA 'GAGS NA RGA SHI 'GAG PA'I BAR DU RTEN CING 'BREL TE 'BYUNG BA'I RANG BZHIN SHES PAS NA RJES SU SHES PA SHES PA ZHES BYA'O, ,KUN BTAGS KYI MTSAN NYID THAMS CAD NI RI BONG GI RVA BZHIN DU RANG BZHIN MED PAR SHES PAS DNGOS PO MED PA SHES PA ZHES BYA'O, ,JI SNYED KYI @231A *, ,GZUNG BA DANG 'DZIN PA THAMS CAD DANG, SDUG BSNGAL BA THAMS CAD NI GZHAN GYI DBANG GI MTSAN NYID LAS BYUNG BAR SHES PAS NA 'BYUNG BA RJES SU SHES PA ZHES BYA'O, ,YONGS SU GRUB PA'I MTSAN NYID NI GZUNG 'DZIN THAMS CAD DANG BRAL BA GNYIS SU MED PA'I MTSAN NYID YIN PAR SHES PAS NA MI SHES PA SHES PAS SO SOR SHES PA ZHES BYA STE YONGS SU GRUB PA'I MTSAN NYID LA GZUNG 'DZIN GYI SHES PA MED PAS NI MI SHES PA ZHES BYA'O, ,YE SHES KYI BDAG NYID YIN PAS NA SHES PA ZHES BYA'O, ,YANG RNAM GRANGS GZHAN GYI SHES BYA'I KHYAD PAR RNAM PA LNGA SHES PAS BYANG CHUB SEMS DPA' ZHES BSTAN PA'I PHYIR RO, ,DON MED SHES SHING DON DAM SHES PA DANG, ,THAMS CAD SHES DANG MA LUS DON SHES DANG, ,SHES BYA SHES GNAS SHES PA YONGS SHES PAS, ,DE LTAR BYANG CHUB SEMS DPA' ZHES KYANG ZHES BYA BA SMOS TE, SHES BYA'I KHYAD PAR RNAM PA LNGA SHES PA NI GZHAN GYI DBANG GI MTSAN NYID SHES PA DANG, YONGS SU GRUB PA'I MTSAN NYID SHES PA DANG, KUN BRTAGS KYI MTSAN NYID SHES PA DANG, SHES PA DANG SHES PA PO THAMS CAD RNAM PA THAMS CAD DU SHES PA DANG, SHES BYA DANG SHES PA PO DANG, SHES PAS 'KHOR GSUM YONGS SU DAG PAR SHES PA STE, DE'I PHYIR BYANG CHUB SEMS DPA' ZHES BYA'O, ,DE LA DON MED PAR SHES PA NI GZHAN GYI DBANG GI MTSAN NYID SHES PA STE, KHAMS GSUM THAMS CAD GZHAN DBANG TZAM DU ZAD KYI; DE LAS GZHAN PA GZUNG BA DANG 'DZIN PA'I DNGOS PO'I DON YOD PA MA YIN PAR SHES PA DANG, JI TZAM DU GZHAN DBANG GIS GZUNG BA DANG 'DZIN PA LA MNGON PAR CHAGS PA DE TZAM DU DON MED PA'I NGO BO SKYE BA DANG RGA BA LA SOGS PA'I SDUG BSNGAL RGYUN DU 'BYUNG BAR SHES SO, ,DON DAM PA SHES PA NI YONGS SU GRUB PA'I MTSAN NYID SHES PA STE, YONGS SU GRUB PA'I MTSAN NYID GZUNG 'DZIN GNYIS DANG BRAL BA GNYIS SU MED PA'I MTSAN NYID YIN PAR SHES PA'O, ,THAMS CAD SHES PA NI KUN DU BRTAGS PA'I MTSAN NYID SHES PA STE, GZUGS LA SOGS @231B PA'I GZUNG BA'I CHOS RNAMS DANG, MIG LA SOGS PA'I CHOS DE GZUNG 'DZIN DU KUN BRTAGS PA'I CHOS THAMS CAD NI RI BONG GI RVA BZHIN DANG MTSAN NYID MED PAR SHES PA'O, ,MA LUS PA'I DON SHES PA NI PHUNG PO DANG KHAMS DANG SKYE MCHED DANG, ZAG PA DANG BCAS PA DANG, ZAG PA MED PA LA SOGS PA'I SHES BYA'I CHOS KUN RDZOB KYI BDEN PA THAMS CAD SHES PA STE, JI SNYED DU KUN RDZOB KYI CHOS THAMS CAD NI SMRA BA DANG, BSAM PA'I YUL DU MYUR BAR SHES PAR BYA'O, ,SHES BYA DANG SHES PA'I GNAS DANG, SHES PA GSUM SHES PA NI SHES BYA DANG SHES PA PO DANG, SHES PA GSUM 'KHOR GSUM YONGS SU DAG PAR SHES PA DANG, DON DAM PAR NA SHES BYA STE PHYI'I YUL DANG, SHES PA PO STE GANG ZAG DANG, SHES BYA STE SHES RAB GSUM RANG BZHIN MED PAR SHES PA'O, ,DE LA DON MED PAR SHES PA DANG, DON DAM PAR SHES PA DANG, THAMS CAD SHES PAS NI MTSAN NYID GSUM SHES PA BSTAN TO, ,MA LUS PA'I DON RNAM PA THAMS CAD DU SHES PA DANG, SHES BYA DANG, SHES PA PO DANG, SHES PA GSUM 'KHOR GSUM YONGS SU DAG PAR SHES PA NI KUN RDZOB KYI BDEN PA SHES PA DANG, DON DAM PA'I BDEN PA SHES PA BSTAN TO, ,YANG RNAM GRANGS GZHAN GYIS RNAM PA LNGA SHES PAS NA, BYANG CHUB SEMS DPA' ZHES BYA'O BSTAN PA'I PHYIR, RDZOGS PA SHES DANG GNAS KYANG SHES PA DANG, ,MANG SHES RIM GYIS STON PAR SHES PA DANG, , RAB TU THE TSOM BSAL BA SHES PA DANG, DE'I PHYIR BYANG CHUB SEMS DPA' ZHES KYANG BYA'O, ,ZHES BYA BA SMOS TE DE LA RDZOGS PA SHES PA NI 'OG MIN GYI PHO BRANG DU RDZOGS PAR LONGS SPYOD PA'I SKUS MNGON PAR SANGS RGYAS PAR BYA BA SHES PA'O, ,YANG NA SANGS RGYAS KYI YE SHES BZHI DANG CHOS KYI DBYINGS RNAM PAR DAG PA LNGA THOB NAS, SHES BYA THAMS CAD RNAM PA THAMS CAD DU MA LUS PAR SHES PA NI RDZOGS PA ZHES BYA'O, ,GNAS SHES PA NI BYANG CHUB SEMS DPA' GANG GIS DGA' LDAN GYI GNAS NA BZHUGS SHING LHA RNAMS LA PHAN GDAGS PAR BYA BAR SHES PA'O, , @232A *, ,MANG SHES PA NI BYANG CHUB SEMS DPA' GANG GIS YUL GYI LHUMS SU GSHEGS SHING, YUM GYI LHUMS SU SEMS CAN GYI DON JI LTAR MDZAD PAR BYA BA SHES PA'O, ,RIM GYIS STON PA SHES PA NI BYANG CHUB SEMS DPA' GANG GIS LHUMS NAS 'BYUNG BA DANG, PHO BRANG SLAS LNGA BRGYA'I NANG NA 'DOD PA'I LONGS SPYOD LA SPYOD PA DANG, KHAB NAS BYUNG ZHING RAB TU 'BYUNG BA DANG, LO DRUG TU DKA' BA SPYAD PA DANG RDO RJE GDAN LA SPRUL PA'I SKUS MNGON PAR RDZOGS PAR BYANG CHUB PA BSTAN PA SHES PA'O, ,RAB TU THE TSOM SEL BA SHES PA NI SPRUL PA'I SKU GANG, , GIS CHOS KYI 'KHOR LO BSKOR NAS, SEMS CAN GYI THE TSOM YONGS SU GCAD PAR BYA BA SHES PA'O, ,RNAM GRANGS GZHAN DU YANG RNAM PA BCU GCIG SHES PAS NI BYANG CHUB SEMS DPA' ZHES BYA'O ZHES BSTAN TO, ,RNAM PA BCU GCIG GIS NI 'DAS PA SHES PA DANG, MA 'ONGS PA SHES PA DANG, DA LTAR BYUNG BA SHES PA DANG, NANG SHES PA DANG, PHYI SHES PA DANG, RTZING BA SHES PA DANG, ZHIB PA SHES PA DANG, THA MA SHES PA DANG, BZANG PO SHES PA DANG, NYE BA SHES PA DANG, RING BA SHES PA'O, ,RNYED DANG ZHES BYA BA LA, 'DAS PA SHES PA NI RNYED PA SHES PA ZHES BYA STE, 'DAS PA'I CHOS NI RGYUS 'BRAS BU BSKYED NAS GNYI GA 'GAGS PAR SHES SO, ,MA RNYED CES BYA BA LA, MA 'ONGS PA'I DNGOS PO SHES PA NI MA RNYED PA SHES PA ZHES BYA STE, MA 'ONGS PA'I DNGOS PO RNAMS NI RGYU YANG MA SKYES LA, RGYU MA SKYES PAS RGYUS 'BRAS BU DA DUNG MA BSKYED PAR SHES SO, ,BLO LA RAB TU GNAS ZHES BYA BA LA, DA LTAR GYI DNGOS PO SHES PA NI BLO RAB TU GNAS PA SHES PA ZHES BYA STE, DA LTAR GYI DNGOS PO RNAMS NI RGYUS 'BRAS BU BSKYED NAS, DA DUNG MA 'GAGS PAS NA SEMS CAN GYI SPYOD YUL DU GYUR PAR SHES PA'O, ,SHES PA DANG ZHES BYA BA LA, BDAG NYID KYI BLOS CHOS RNAMS MI RTAG PA DANG, SDUG BSNGAL BA LA SOGS PAR RTOG PA NI SHES PA ZHES BYA STE, 'DIS NI NANG SHES PA BSTAN TO, ,RJES SHES ZHES BYA BA LA DGE BA'I BSHES GNYEN @232B GYI CHOS BSTAN PA THOB PA LAS CHOS RNAMS MI RTAG PA DANG SDUG BSNGAL BA LA SOGS PA SHES PA NI RJES SU SHES PA ZHES BYA STE, 'DIS NI PHYI SHES PA BSTAN TO, ,SO SOR STON PA ZHES BYA BA LA, CHOS RNAMS KYI RANG DANG SPYI'I MTSAN NYID GZHAN LA STON PA'I BLO DANG SHES PA LA, SO SOR STON PA ZHES BYA'O, ,GZHAN LA STON PA'I SHES PAS NI RTZING BA SHES PA BSTAN TE, CHOS STON PA'I BLO NI MING TSIG LA SOGS PA RAGS PA LA DMIGS PA'I PHYIR RO, ,SMRA MED BLO DANG ZHES BYA BA LA, SMRA BA DANG BSHAD PA THAMS CAD SPANGS NAS NANG DU BSAM GTAN DU 'JOG PA'I BLO LA SMRA MED BLO ZHES BYA STE, 'DIS NI ZHIB PA SHES PA BSTAN TE, BSAM GTAN GYI SHES PA NI SGRA DANG TSIG LA SOGS PA THAMS CAD LAS 'DAS PA RTOG PA MED PA'I SEMS RTZE GCIG LA GNAS PA'I PHYIR RO, ,NGA DANG ZHES BYA BA LA SA BDUN PA MAN CHAD KYI BYANG CHUB SEMS DPA'I SHES PA LA NGA RGYAL DANG BCAS PA'I SHES PA ZHES BYA'O, ,'DIS NI THA MA SHES PA BSTAN TE, SA BDUN PA MAN CHAD NA NGA RGYAL PHRA MO YOD PA DANG, RTZOL 'BAD DA DUNG YOD PA'I PHYIR RO, ,NGA RGYAL BCOM ZHES BYA BA LA, SA BRGYAD PA DAG NI SHES PA'I NGA RGYAL BCOM PA'I SHES PA ZHES BYA'O, ,'DIS NI SHES PA BZANG PO BSTAN TE, SA BRGYAD PA YAN CHAD NGA RGYAL PHRA MO YANG MI 'BYUNG ZHING BRTZAL 'BAD SPANGS NAS, LHUN GYIS GRUB PAR GNAS PA'I PHYIR RO, ,YANG NA MOS PA SPYOD PA'I SA LA GNAS PA RNAMS KYI SHES PA NI NGA RGYAL DANG BCAS PA ZHES BYA STE, GZUNG 'DZIN DU RTOG PA DA DUNG MA SPANGS PA'I PHYIR RO, ,SA DANG PO YAN CHAD KYI SHES PA NI NGA RGYAL BCOM PA'I SHES PA ZHES BYA STE, GZUNG 'DZIN DU CHAGS PA SPANGS PA'I PHYIR RO, ,BLO GROS BLO LDAN ZHES BYA BA'I TSIG NI SHES PA BCU GCIG PO GNAS DANG SBYAR TE, RNYED PA SHES PA'I BLO GROS KYI BLO DANG LDAN PA DANG ZHES BYA BA LA SOGS PA DANG SBYAR RO, ,SMIN DANG ZHES BYA BA LA SA BRGYAD PA YAN CHAD KYI BYANG CHUB SEMS DPA'I SHES PA LA, SMIN PA'I SHES PA ZHES BYA'O, ,'DIS NI NYE BA'I SHES PA BSTAN TE SA BRGYAD PA YAN CHAD RNAM PAR MI RTOG PA LHUN GYIS GRUB PA SANGS RGYAS KYI @233A *, ,SA DANG NYE BA'I PHYIR RO, ,MA SMIN PA ZHES BYA BA LA SA BDUN PA MAN CHAD KYI BYANG CHUB SEMS DPA'I SHES PA LA MA SMIN PA ZHES BYA'O, ,'DIS NI RING BA'I MA SMIN PA'I SHES PA ZHES BYA STE, 'DIS NI RING BA'I SHES PA BSTAN TO, ,YANG NA MOS PA SPYOD PA'I SA RNAMS KYI SHES PA NI MA SMIN PA ZHES BYA STE, DE'I TSE CHOS KYI DBYINGS MNGON SUM DU MA GYUR PA DANG SANGS RGYAS KYI SA DANG YANG THAG RING BAS 'DIS NI RING BA'I SHES PA BSTAN TO, ,SA DANG PO LA ZHUGS PA YAN CHAD KYI SHES PA NI SMIN PA'I SHES PA ZHES BYA STE, DE LA ZHUGS PA RNAMS KYIS CHOS KYI DBYINGS MNGON SUM DU BYAS PA DANG, MYUR DU 'TSANG RGYA BAR 'GYUR BAS NA, 'DIS NI NYE BA'I SHES PA BSTAN TO, ,YON TAN GYI SKABS BSHAD PA RDZOGS SO,, ,,MTSAN MA RNAM PAR DBYE BA LA TSIGS SU BCAD PA GNYIS SO ZHES BYA BA LA DE LTAR GONG DU BSHAD PA'I YON TAN DANG LDAN PA'I BYANG CHUB SEMS DPA' YON TAN PHUN SUM TSOGS PA DANG LDAN YANG, DGE BA SBED PA YIN TE, YON TAN SGROGS SU ZIN KYANG GANG NA CHU BYA SNANG BA DE NA CHU YOD PAR MNGON PA DANG, GANG NA DUD PA'I MTSAN MA SNANG BA DE NA ME YOD PAR MNGON PAR DE BZHIN DU BYANG CHUB SEMS DPA' DE DAG LA YANG PHA ROL TU PHYIN PA DRUG DANG RJES SU MTHUN PA'I MTSAN MA RNAM PA LNGA 'BYUNG STE, MTSAN MA RNAM PA LNGA'I SGO NAS 'DI NI BYANG CHUB SEMS DPA' YIN NO ZHES SHES PAS BYANG CHUB SEMS DPA'I GRANGS SU 'GRO STE, DE'I TSIGS SU BCAD PA GNYIS KYIS BSTAN TO, , SNYING RJE LEGS PAR SMRA BA DANG, ,BRTAN PA LAG BRKYANG BA DANG, ,DGONGS PA ZAB MO RNAM PAR GROL, ,MTSAN MA 'DI DAG BSTAN PA'O, ,ZHES BYA BA LA BYANG CHUB SEMS DPA' BRTAN PA RNAMS KYIS PHA ROL TU PHYIN PA DRUG DANG RJES SU MTHUN PA'I MTSAN MA RNAM PA LNGA STE, SNYING RJE DANG LDAN PA DANG LEGS PAR SMRA BA DANG LDAN PA DANG, BRTAN PA DANG LDAN PA DANG, LAG PA BRKYANG BA DANG, DGONGS PA ZAB MO RNAM PAR 'GREL BA'O, ,CHOS DE LNGA YANG RNAM PA LNGAR BSHAD DE, RANG BZHIN DANG RTEN DANG 'BRAS BU'I RJES SU BSNGAGS PA DANG, GO RIMS DANG BSDU BAS @233B SO; ;DE LA SNYING RJE'I RANG BZHIN NI RNAM PA GNYIS TE, BSAM PA DANG LDAN PA DANG, BSGRUB PA DANG LDAN PA'O, ,DE LA BSAM PA DANG LDAN PA YANG RNAM PA GNYIS TE, PHAN PA'I BSAM PA DANG, BDE BA'I BSAM PA'O, ,DE LA MI DGE BA'I GNAS NAS BSLANGS TE, DGE BA'I GNAS SU GZHAG PAR SEMS PA NI PHAN PA'I BSAM PA'O, ,NGAN SONG GSUM LA SOGS PA'I SDUG BSNGAL LAS BZLOG NAS THAR PA DANG MTHO RIS SU GZHAG PAR SEMS PA NI BDE BA'I BSAM PA ZHES BYA'O, ,DE LA BSGRUB PA DANG LDAN PA NI BSAM PA DE LA BRTEN NAS BYANG CHUB SEMS DPA' RNAMS LUS DANG NGAG DANG YID GSUM GYI SGO NAS SEMS CAN RNAMS LA PHAN PA DANG BDE BA LA 'GOD PAR MDZAD DO, ,DE NI BSGRUB PA DANG LDAN PA ZHES BYA'O, ,DE'I PHYIR NA BYANG CHUB SEMS DPA' SNYING RJE DANG LDAN PA ZHES BYA'O, ,DE LA LEGS PAR SMRA BA'I RANG BZHIN GANG ZHE NA, DE LA RNAM PA GNYIS TE 'JIG RTEN GYI THA SNYAD KYI GTAM GYI RANG BZHIN DANG, CHOS 'CHAD PA'I GTAM GYI RANG BZHIN NO, ,DE LA 'JIG RTEN GYI THA SNYAD KYI GTAM GYI RANG BZHIN YANG RNAM PA GNYIS TE, KUN DU DGA' BAR BYED PA DANG, YANG DAG PAR DGA' BAR BYED PA'O, ,DE LA KUN DU DGA' BAR BYED PA NI BZHIN 'DZUM ZHING KHRO GNYER SPANGS NAS, RTAG TU YANG KHAMS SNYOMS SAM MA SNYOMS PA LA SOGS PA 'DRI BAR BYED PA'O, ,YANG DAG PAR DGA' BAR BYED PA NI GANG SEMS CAN RNAMS KYI BU TSA GNYEN BSHES DAR BAR BYED PA'AM, GTER DANG 'BRU SPEL BAR BYED PAR 'GYUR BA MTHONG NA, DE BZHIN DU GTAM DE DAG BYED PA'I SGO NAS, SEMS CAN RNAMS DGA' BAR BYED PA'O, ,CHOS 'CHAD PA'I GTAM GYI RANG BZHIN NI PHA ROL TU PHYIN PA DANG BYANG CHUB KYI PHYOGS LA SOGS PA CHOS GANG BSHAD PAS SEMS CAN RNAMS THAR PA DANG, MTHO RIS 'THOB PAR 'GYUR BA'I CHOS DE 'CHAD DE, 'DIS NI LEGS PAR SMRA BA'I RANG BZHIN DE LTA BU YIN PAR BSTAN TO, ,DE LA BSTAN PA'I RANG BZHIN NI BYANG CHUB SEMS DPA' SHES RAB DANG TING NGE 'DZIN DANG BRTZON 'GRUS GSUM DANG LDAN PAS BDAG DANG GZHAN GYI DON @234A *, ,BSGRUB PA NA, SDUG BSNGAL BA DANG 'JIGS PA GANG BYUNG YANG MI SKRAG PA DANG, MI ZHUM PA DANG MTHU DANG LDAN PA DANG, MI LDOG PA STE DE NI BRTAN PA'I RANG BZHIN DU RIG PAR BYA'O, ,DE LA LAG BA BRKYANG BA'I RANG BZHIN NI RNAM PA GNYIS TE, SBYIN PA SBYIN PA NA RGYA CHEN PO SBYIN PA DANG, NYON MONGS PA MED PA SBYIN PA'O, ,DE LA GANG NANG GI DNGOS PO LA YANG MGO DANG RKANG LAG LA SOGS PA THAMS CAD GTONG BA DANG, PHYI'I DNGOS PO LA YANG 'KHOR LOS SGYUR BA LA SOGS PA'I LONGS SPYOD KYANG SBYIN PA NI RGYA CHEN PO SBYIN PA ZHES BYA'O, ,SBYIN PA GANG SBYIN NA DE'I TSE 'DI DANG TSE RABS GZHAN DU GNOD PAR 'GYUR BA'I SBYIN PA DUG DANG MTSON LA SOGS PA SBYIN PAR MI BYED KYI, DNGOS PO SKYON MED PA SBYIN PAR BYED PA NI NYON MONGS PA MED PA SBYIN PA ZHES BYA STE, ,'DI NI LAG PA BRKYANG PA'I RANG BZHIN DU RIG PAR BYA'O, ,DE LA DGONGS PA ZAB MO NGES PAR 'BREL BA'I RANG BZHIN NI SO SO YANG DAG PAR RIG PA BZHI DANG LDAN PAS, DE BZHIN GSHEGS PA'I DGONGS PA BZHI DANG, LDEM PO DGONGS PA BZHI LA SOGS PA PHYIN CI MA LOG PA'I BAR MA CHAD PAR BYED PA STE, 'DI NI DGONGS PA NGES PAR 'GREL BA'I RANG BZHIN DU RIG PAR BYA'O, ,DE LA SNYING RJE DANG LDAN PA'I RTEN NAM YUL NI RNAM PA LNGA STE, SDUG BSNGAL BA'I SEMS CAN DANG, NYES PAR SPYOD PA'I SEMS CAN DANG, BAG MED PA'I SEMS CAN DANG, LOG PAR ZHUGS PA'I SEMS CAN DANG, NYON MONGS PA'I BAG LA NYAL BA'I SEMS CAN NO, ,DE LA NGAN SONG GSUM DU SKYES PA'I SEMS CAN RNAMS NI SDUG BSNGAL BA'I SEMS CAN ZHES BYA'O, ,SHAN PA DANG RNGON PA LA SOGS PA LUS DANG NGAG DANG YID GSUM GYI SGO NAS, LAS NGAN PA LA ZHUGS PA RNASM NI NYES PAR SPYOD PA'I SEMS CAN ZHES BYA'O, ,GANG GAR DANG GLU LA SOGS PA LA CHAGS SHING 'DOD PA LNGA'I YON TAN LA ZHEN PA'I SEMS CAN RNAMS NI BAG MED PA'I SEMS CAN ZHES BYA'O, ,GANG KHYIM NAS KHYIM MED PAR RAB TU BYUNG YANG, MU STEGS KYI LTA BA SNA TSOGS LA ZHEN PA'I SEMS CAN RNAMS NI LOG PAR ZHUGS PA'I SEMS CAN ZHES BYA'O, ,GANG SO SO'I SKYE @234B BO DGE BA KHAMS GSUM GYI NYON MONGS PA MA SPANGS PA RNAMS NI, NYON MONGS PA'I BAG LA NYAL BA'I SEMS DANG LDAN PA ZHES BYA STE, SEMS CAN DE LNGA LA DMIGS NAS BYANG CHUB SEMS DPA' SNYING RJE CHEN PO 'BYUNG NGO, ,DE LA LEGS PAR SMRA BA'I RTEN DANG YUL YANG RNAM PA LNGA STE, YANG DAG PAR KUN DU SMRA BA DANG, YANG DAG PAR DGA' BAR BYED PA DANG, YANG DAG PAR DBUGS 'BYIN PAR BYED PA DANG, YANG DAG PAR SKABS 'BYED PA DANG RIG PA'I MAN NGAG STON PA'O, ,DE LA NYIN RE ZHING KHAMS BDE BA DANG, MI BDE BA 'DRI BA NI YANG DAG PAR KUN DU SMRA BA'O, , BU TSA GNYEN GSHES DAR BA DANG, GTER DANG 'BRU LA SOGS PA 'PHEL BA'I GTAM SMRA BA NI YANG DAG PAR DGA' BAR BYED PA'O, ,RGYAL PO DANG RKUN PO LA SOGS PA'I 'JIGS PA BYUNG NA 'JIGS PA'I BSKYAB BYA BA'I TSIG SMRA BA NI YANG DAG PAR DBUGS 'BYIN PA'O, ,GSOL BA MA BTAB PAR YANG DON DU BYA BA DANG, LAS SU GNYER BA RNAMS KYI GROGS BYA BAR KHAS LEN PA NI YANG DAG PAR SKABS 'BYED PA'O, ,THAR PA DANG MTHO RIS 'THOB PAR 'GYUR PA'I CHOS 'CHAD PA NI YANG DAG PAR LUNG STON PA ZHES BYA STE, RNAM PA DE DAG LA DMIGS NAS, ,BYANG CHUB SEMS DPA' RNAMS LEGS PAR SMRA BA LA 'JUG GO, ,DE LA BYANG CHUB SEMS DPA' RNAMS KYIS BRTAN PA'I RTEN DANG YUL YANG RNAM PA LNGA STE, 'KHOR BA'I SDUG BSNGAL RNAM PA SNA TSOGS NYAMS SU MYONG BA DANG, 'DUL BA'I SEMS CAN RNAMS KYIS LOG PA SNA TSOGS BYAS PA DANG, SEMS CAN RNAMS KYI DON DU DUS RING POR 'KHOR BAR GNAS PAR KHAS LEN PA DANG, 'KHOR MANG PO'I NANG NA CHOS 'CHAD PA'I TSE, PHAS KYI RGOL BA RNAMS KYIS RNAM PA DU MAR RGAL BA DANG, BYANG CHUB SEMS DPA'I BSLAB TSIG THAMS CAD KHAS LEN CING RGYA CHE BA'I CHOS NYAN PA'O, ,DE LA BYANG CHUB SEMS DPA' RNAMS KYI LAG PA BRKYANG BA'I GNAS DANG RTEN KYANG RNAM PA LNGA STE, CHE BA SBYIN PA DANG, THA DAD PA MED PAR SBYIN PA DANG, GUS PAR BYA STE SBYIN PA DANG, NYON MONGS PA MED PA'I SBYIN PA DANG, MI BRTEN PA'I SBYIN PA'O, ,DE LA PHYI DANG NANG @235A *, ,GI DNGOS PO THAMS CAD GTONG BA NI RGYA CHE BA'I SBYIN PA ZHES BYA'O, ,KHA CIG LA SBYIN KHA CIG LA MI SBYIN ZHES BYA BA MED KYI 'DRA BA KHO NAR SEMS CAN KUN LA SBYIN PAR BYED PA NI, THA DAD PA MED PA SBYIN PA ZHES BYA'O, ,SLONG BA RNAMS LA RANG GI LAG PAS BKUR STI DANG BCAS PAS SBYIN PAR BYED PA NI GUS PAR SBYIN PAR BYED PA ZHES BYA'O, ,DUG DANG MTSON LA SOGS PA SBYIN PA NI MA YIN GYI SBYIN PA GANG SBYIN NA, TSE RABS GZHAN DU BDE BAR 'GYUR BA SBYIN PAR BYED PA NI NYON MONGS PA MED PA'I SBYIN PA ZHES BYA'O, ,SBYIN PA'I 'BRAS BU TSE RABS GZHAN DU RNAM PAR SMIN PA LA MA CHAGS, TSE RABS 'DIR LAN LA MA CHAGS PAR SBYIN PA NI MI GNAS PA'I SBYIN PA ZHES BYA'O, ,DE LA BYANG CHUB SEMS DPA' RNAMS KYI DGONGS PA ZAB MO RNAM PAR 'GREL BA'I RTEN DANG YUL LA YANG RNAM PA LNGA STE, 'DI LTAR DE BZHIN GSHEGS PA RNAMS KYI MDO SDE ZAB MO ZAB PAR SNANG BA STONG PA NYID DANG LDAN PA RTEN CING 'BREL TE 'BYUNG BA LUGS DANG LUGS LAS BZLOG PA NI RTEN DANG PO'O, ,'DUL BA YANG LTUNG BA LA MKHAS PA DANG, LHUNG BA SLONG BA LA MKHAS PA NI RTEN GNYIS PA'O, ,CHOS RNAMS KYI RANG DANG SPYI'I MTSAN NYID PHYIN CI MA LOG PAR RNAM PAR 'JOG PA NI RTEN GSUM PA'O, ,MDO SDE DE DANG DE DAG GI NANG NAS DGONGS PA DANG BCAS PA'I MING DANG TSIG LA SOGS PA RNAM PAR 'BYED PA NI RTEN BZHI PA'O, ,CHOS RNAMS KYI CHOS KYI TSIG THA DAD PAR DBYE BA NI RTEN LNGA PA'O, ,DE LA SNYING RJE DANG LDAN PA RNAMS TSE 'DIR YANG DGRA MED CING BDE BAR GNAS PA'I SEMS 'THOB PA DANG, TSE RABS GZHAN DU YANG BDE 'GRO LHA DANG MI'I NANG DU SKYE BA NI SNYING RJE DANG LDAN PA'I 'BRAS BUR RIG PAR BYA'O, ,LEGS PAR SMRA BA'I BYANG CHUB SEMS DPA' RNAMS NGAG GI NYES PA RNAM PA BZHI 'DI LTA STE, BRDZUN DANG PHRA MA DANG, TSIG RTZUB PO DANG, TSIG 'KHYAL PA SPANGS SHING TSE 'DI DANG TSE RABS GZHAN DU BDAG GI TSIG BTZUN PA DANG, TSIG GZHAN GYIS BZUNG BAR 'GYUR BA NI SNYAN PAR SMRA BA'I 'BRAS BU'O, ,BRTAN PA DANG LDAN PA'I BYANG CHUB @235B SEMS DPA' NI TSE 'DIR YANG THAMS CAD NAS THAMS CAD DU LE LO DANG SNYOM LAS DANG BRAL BAR 'GYUR ZHING RAB TU DGA' BA'I SEMS KYIS BYANG CHUB SEMS DPA'I TSUL KHRIMS KYI SDOM PA YANG DAG PAR LEN PAR BYED LA, BLANGS NAS KYANG MI 'DOR BA DANG, BZOD PAS BDAG DANG PHA ROL RJES SU 'DZIN PA DANG, MA 'ONGS PA NA YANG BYANG CHUB SEMS DPA' RNAMS KYI LAS SU BYA ZHING BRTZAMS PA'I RNAM PA LA BRTAN POR RTZOM STE, BRTZAMS PA MTHAR MA PHYIN GYI BAR DU MAR MA DOR MI LDOG PA 'DI DAG NI BRTAN PA'I 'BRAS BUR RIG PAR BYA'O, ,DE LA BYANG CHUB SEMS DPA' LAG BRKYANG PA DANG LDAN PA RNAMS NI PHYI NANG GI DNGOS PO GTONG BA'I SGO NAS TSE 'DIR SEMS CAN RNAMS LA PHAN 'DOGS PAR BYED PA DANG, DE'I RKYEN GYIS BDAG NYID TSE RABS GZHAN DU LONGS SPYOD CHEN POR 'GYUR ZHING BYANG CHUB KYI TSOGS CHEN POR YONGS SU RDZOGS PAR 'GYUR TE, 'DI NI LAG PA BRKYANG BA'I 'BRAS BU'O, ,DGONGS PA ZAB MO RNAM PAR DGROL BA'I BYANG CHUB SEMS DPA' TSE 'DIR YANG MDO SDE DANG, 'DUL BA DANG, MA MO LTA BU 'CHAD PA'I SGO NAS, SEMS CAN RNAMS KYI MI SHES PA 'THOB STE, 'DI NI DGONGS PA ZAB MO RNAM PAR 'GREL BA'I 'BRAS BU'O, ,MTSAN MA LNGA PO 'DI DAG GI GO RIMS NI THOG MA NYID DU GNAS THAMS CAD LA MKHAS PA'I SHES RAB KYI SNANG BA CHEN PO 'THOB STE, 'DI NI DGONGS PA ZAB MO RNAM PAR 'GREL PA'I 'BRAS BU'O, ,MTSAN MA LNGA PO 'DI DAG GI GO RIMS NI THOG MA NYID DU BYANG CHUB SEMS DPA' SEMS CAN RNAMS LA SNYING RJE BAR BYED PAS SNYING RJE DANG POR BSHAD DO; ,DE NAS SNYING RJE DANG LDAN PA'I BYANG CHUB SEMS DPA' DE SEMS CAN LA PHAN PAR BYA BA'I PHYIR, MI DGE BA'I GNAS NAS BSLANG DGE BA'I GNAS SU GZHAG PA'I DON DU RIGS PA'I MAN NGAG STON PAR BYED DE, DE BAS NA DE'I 'OG TU LEGS PAR SMRA BA BSTAN TO, ,DE LTAR SNYING RJE DANG LDAN ZHING SEMS CAN GYI DON DU RIGS PAR SMRA BA LA ZHUGS PA DE 'KHOR BA'I SDUG BSNGAL RNAM PA SNA TSOGS NYAMS SU MYONG ZHING SEMS CAN GYI DON MI GTONG ZHING MI LDOG STE, DE BAS NA DE'I 'OG TU BRTAN PA BSTAN TO, ,DE LTAR BRTAN PA DE DAG LDAN PA DE SEMS CAN BSTAN PA @236A *, ,LA MA ZHUGS BA RNAMS NI BSTAN PA LA GZUNG BA'I PHYIR ZANG ZING GIS PHAN 'DOGS PAR BYED DO, ,BSTAN PA LA ZHUGS PA RNAMS LA NI CHOS BSHAD BAS PHAN 'DOGS PAR BYED DE, DE BAS NA DE'I 'OG TU LAG PA BRKYANG BA DANG, DGONGS PA ZAB MO RNAM PAR DGROL BA BSTAN TO; MTSAN MA LNGA PO DAG PHA ROL TU PHYIN PA DRUG GIS BSDUS TE, DE LA PHA ROL TU PHYIN PA GANG GIS MTSAN MA GANG BSDUS SHE NA, SNYING RJE NI BSAM GTAN GYI PHA ROL TU PHYIN PAS BSDUS SO, ,LEGS PAR SMRA BA NI TSUL KHRIMS KYI PHA ROL TU PHYIN PA DANG, SHES RAB KYI PHA ROL TU PHYIN PAS BSDUS TE, DE LA SEMS CAN RNAMS LA 'PHRAL DU TSIG RTZUB PO MI SMRA ZHING SNYAN PAR SMRA BA NI TSUL KHRIMS KYI PHA ROL TU PHYIN PAS BSDUS SO, ,DAM PA'I CHOS KYI GTAM SMRA BA NI SHES RAB KYI PHA ROL TU PHYIN PAS BSDUS SO, ,DE LA BRTAN PA NI BRTZON 'GRUS KYI PHA ROL TU PHYIN PA DANG, BZOD PA'I PHA ROL TU PHYIN PA DANG, SHES RAB KYI PHA ROL TU PHYIN PAS BSDUS SO, ,LAG PA BRKYANG BA NI SBYIN PA'I PHA ROL TU PHYIN PAS BSDUS SO, ,DGONGS PA ZAB MO RNAM PAR 'GREL BA NI, BSAM GTAN GYI PHA ROL TU PHYIN PA DANG, SHES RAB KYI PHA ROL TU PHYIN PAS BSDUS SO, ,MTSAN MA LNGA PO DE DAG GI LAS BSTAN PA'I PHYIR, YONGS SU SDUD DANG MOS PA 'THOB, ,SKYO MED GNYIS KYIS BSDUS PA'I PHYIR, ZHES BYA BA SMOS TE, SNYING RJE DANG LDAN PA'I LAS NI BYANG CHUB KYI SEMS KYIS SEMS CAN YONGS BZUNG BA STE, SNYING RJE DANG LDAN NA SKYE GNAS BZHIS BSDUS PA'I SEMS CAN THAMS CAD PHUNG PO LHAG MA MA LUS PA'I MYA NGAN LAS BZLA BAR BYA'O ZHES KHAS LEN PA'I PHYIR RO, ,LEGS PAR SMRA BA NI SEMS CAN RNAMS SANGS RGYAS KYI BSTAN PA LA DAD PA BSKYED PAR BYA BA'I PHYIR SMRA STE, BYANG CHUB SEMS DPA' RNAMS BZHIN 'DZUM ZHING 'PHRAL DU SNYAN PAR SMRA BA'I TSIG DANG, CHOS STON PA'I SGO NAS SEMS CAN DRANGS TE, SANGS RGYAS KYI CHOS LA DAD PA SKYED PAR BYED DO, ,BRTAN PA DANG LDAN PAR BYA BA NI BDAG YONGS SU SMIN PAR BYA BA DANG, SEMS CAN YONGS SU SMIN PAR BYA BA'I CHED DU @236B GRANG BA DANG, TSA BA LA SOGS PA'I PHYI'I SDUG BSNGAL DANG, BKRES PA DANG SKOM PA LA SOGS PA NANG GI SDUG BSNGAL BYUNG BAS MI SKYO ZHING MI LDOG PAR BYA BA'I PHYIR, BRTAN PA DANG LDAN PAR BYA STE, BRTAN PA DANG LDAN PAR GYUR NA DKA' BA SPYOD PA'I SDUG BSNGAL RNAMS KYIS MI SKYO BAR 'GYUR RO; ,LAG PA BRKYANG BA DANG, DGONGS PA ZAB MO 'GREL PA GNYIS DANG BCAS PA'I MYA NGAN LAS 'DAS PA LA GZHAG PAR BYA'O SNYAM DU SEMS PA'I PHAN PA LHAG PA'I BSAM PA ZHES BYA STE, SEMS CAN GYI PHUNG PO'I LHAG MA DANG BCAS PA'I MYA NGAN LAS 'DAS PA THOB NA 'DOD CHAGS LA SOGS PA'I NYON MONGS PA'I GTZE BA MED PAS PHAN PA DANG LDAN PAR 'GYUR RO, ,SEMS CAN RNAMS PHUNG PO'I LHAG MA MA LUS PAR SPANGS PA'I MYA NGAN LAS 'DAS PA LA 'GOD DO SNYAM DU BSAM PA NI BDE BA'I LHAG PA'I BSAM PA ZHES BYA STE, SEMS CAN GYI PHUNG PO'I LHAG MA MA LUS PA'I MYA NGAN LAS 'DAS PA THOB NA, SKYE BA DANG RGA BA LA SOGS PA'I SDUG BSNGAL DANG BRAL BAS BDE BA DANG LDAN PAR 'GYUR RO, ,DE LA LHAG PA'I BSAM PA RNAM PA LNGA LAS MYA NGAN LAS 'DAS PA THOB PAR 'DOD PA NI PHAN PA DANG BDE BA'I BSAM PA YIN PAS DE NI PHAN PA'I LHAG PA'I BSAM PA DANG, BDE BA'I LHAG PA'I BSAM PA'I NANG DU BSDUS TE, DE YAN CHAD LHAG BA'I BSAM PA RNAM PA GNYIS BSTAN TO, ,DE LTAR BSAM PA DE LTA BU NI BRTAN PA BYANG CHUB SEMS DPA' RNAMS KYIS SEMS CAN RNAMS LA PHAN PA'I BSAM PA DANG, BDE BA'I LHAG PA'I BSAM PA ZHES BYA STE, 'DIS NI SEMS CAN GYI DON DU LHAG PA'I BSAM PA RNAM PAR DBYE BA BSTAN TO, ,MA DAG PA DANG ZHES BYA BA LA MOS PA SPYOD PA'I SAL GNAS PA'I BYANG CHUB SEMS DPA' RNAMS KYI BSAM PA MA DAG PA'I LHAG PA'I BSAM PA ZHES BYA STE, CHOS KYI DBYINGS KUN DU 'GRO BA'I MTSAN NYID MA RTOGS PAS MTHONG BAS SPANG BAR BYA BA'I NYON MONGS PA DANG GZUNG BA DANG 'DZIN PA LA MNGON PAR CHAGS PA MA SPANGS PAS NA MA DAG PA ZHES BYA'O, ,RNAM PAR DAG PA ZHES BYA BA LA, SA DANG PO YAN CHAD SA BDUN PA @237A *, ,MAN CHAD LA ZHUGS PA'I BYANG CHUB SEMS DPA' RNAMS KYI BSAM PA LA RNAM PAR DAG PA'I LHAG PA'I BSAM PA ZHES BYA BA STE, SA DE DAG LA ZHUGS PA'I BYANG CHUB SEMS DPA' RNAMS MTHONG BAS SPANG BAR BYA BA'I NYON MONGS PA MA LUS PAR SPANGS SHING GZUNG BA DANG 'DZIN PA LA MNGON PAR CHAGS PA YANG MED LA, BSGOM PAS SPANG BAR BYA BA'I NYON MONGS PA DANG SHES BYA'I SGRIB PA YANG SHAS KYIS SPANGS PA'I PHYIR RNAM PAR DAG PA ZHES BYA'O, ,SHIN TU DAG PA ZHES BYA BA LA, PHYIR MI LDOG PA'I SA, SA BRGYAD PA DANG DGU PA DANG BCU PA LA GNAS PA'I BYANG CHUB SEMS DPA' RNAMS KYIS BSAM PA LA SHIN TU DAG PA'I BSAM PA ZHES BYA STE, CI'I PHYIR ZHE NA SA BDUN PA YAN CHAD NA NI BRTZAL 'BAD DANG BCAS PAS RTZOL BA DANG 'BAD PA'I MTSAN NYID DU LDOG PA YOD MOD KYI SA BRGYAD PA YAN CHAD THOB NAS NI BRTZAL 'BAD PA THAMS CAD SPANGS TE, LHUN GYIS GRUB PAS BRTZAL 'BAD KYI MTSAN NYID DU PHYIR LDOG PA MED PAS NA SHIN TU DGA' BA ZHES BYA STE, TSIG DE DAG GIS BDAG GI DBANG DU BYAS NAS, LHAG PA'I BSAM PA RNAM PAR DBYE BA BSTAN TO, ,SA KUN LA ZHES BYA BA LA, BYANG CHUB SEMS DPA' RNAMS SA BCU'I STENG DU MOS PA SPYOD PA'I SA BSNAN TE SA BCU GCIG PO DE DAG KUN NA LHAG PA'I BSAM PA RNAM PA LNGA ZHIG 'BYUNG STE, SEMS CAN GYI DBANG DU BYAS NAS NI, PHAN PA'I LHAG PA'I BSAM PA DANG, BDE BA'I LHAG PA'I BSAM PA GNYIS 'BYUNG NGO, ,BDAG GI DBANG DU BYAS NAS NI, MA DAG PA'I LHAG PA'I BSAM PA DANG, RNAM PAR DAG PA'I LHAG PA'I BSAM PA DANG, SHIN TU DAG PA'I LHAG PA'I BSAM PA STE, LHAG PA'I BSAM PA RNAM PA GSUM 'BYUNG NGO, ,YONGS SU BSDU BA RNAM PAR DBYE BA LA TSIGS SU BCAD PA ZHES BYA BA LA, DE LTAR SEMS CAN GYI DON DANG BDAG GI DON BYA'O SNYAM DU SEMS PA'I BYANG CHUB SEMS DPA' DE DAG NI NYAN THOS BZHIN DU 'KHOR BA LA ZHE SDANG BA MA YIN GYI, SNYING RJE CHEN POS SEMS CAN RNAMS SDUD CING MI GTONG BAR BYED DE, DE BAS NA LHAG BA'I BSAM PA'I @237B RJES LA, YONGS SU BSDU BA'I RNAM PAR DBYE BA'I TSIGS SU BCAD PA GCIG GIS BSTAN TO, ,SMON LAM DANG NI SEMS CAN MNYAM PA, ,BDAG PO BYED PAS YONGS SU BSDUS, ,TSOGS RNAM DRANG BAR BYA BA'I PHYIR, ,BLO LDAN RNAM KYIS KUN LA, ,ZHES BYA BA LA, BYANG CHUB SEMS DPA' RNAMS KYIS SEMS CAN YONGS SU SDUD PA NI RNAM PA BZHI STE, SMON LAM GYIS YONGS SU SDUD PA DANG, SEMS MNYAM PA 'THOB PAS YONGS SU SDUD PA DANG, BDAG PO BYED PAS YONGS SU SDUD PA DANG, TSOGS RNAM PAR 'DREN PAS YONGS SU SDUD PA STE, BLO LDAN BYANG CHUB SEMS DPA' RNAMS MOS PA SPYOD PA'I SA YAN CHAD SA BCU GCIG PO KUN LA, RNAM PA BZHI LTA BUS SEMS CAN YONGS SU SDUD PAR BYED DO, ,DE LA SMON LAM GYIS YONGS SU SDUD PA NI DANG PO BYANG CHUB TU SEMS BSKYED PA NAS, SNYING RJE CHEN PO DANG LDAN PA'I BYANG CHUB KYI SEMS KYIS SEMS CAN THAMS CAD MYA NGAN LAS 'DAS PA'I DBYINGS SU DGOD PAR BYA'O ZHES KHAS LEN PA NI SMON LAM GYIS YONGS SU SDUD PA ZHES BYA STE, DE'ANG DPER NA 'PHAGS PA RDO RJE GCOD PA'I MDO LAS, JI SNYED DU SEMS CAN GYI BSDU BAS BSDUS PA MNGAL NAS SKYES PA DANG, SGO DA LAS SKYES PA DANG, RDZUS TE SKYES PA DANG, GZUGS YOD PA DANG, GZUGS MED PA DANG, 'DU SHES YOD PA DANG, 'DU SHES MED PA LA SOGS PA SEMS CAN GYI GRANGS SU 'GRO BAR BGRANG BA'I RNAMS, PHUNG PO LHAG MA MA LUS PAR SPANGS PA'I DBYINGS SU DGOD PAR BYA'O ZHES GSUNGS PA LTA BU'O, ,SEMS MNYAM PA NYID THOB PAS SEMS CAN YONGS SU SDUD PA NI SA DANG PO LA CHOS KYI DBYINGS KUN DU 'GRO BA'I MTSAN NYID RTOGS PA'I DUS NA, BDAG DANG PHA ROL MI 'BYED PA'I SEMS THOB PAS, SEMS CAN RNAMS MI GTONG ZHING SDUD PAR BYED PA STE, DE'ANG SA BCU'I SA DANG PO'I MDO LAS, 'DI LTAR DE NI BDAG GI 'DU SHES DANG BRAL BAS, ,BDAG LA PHANGS PAR SEMS PA YANG MED NA, YO BYAD THAMS CAD LA PHANGS PAR SEMS PA LTA GA LA YOD DE, DE NI SU LAS KYANG RIM GRO BYA BA CUNG ZAD TZAM YANG RE BA MED PA LA GZHAN DU NA @238A *, ,BDAG NYID KYIS SEMS CAN DE DAG LA YO BYAD MANG PO THAMS CAD KYIS BSDU PAR BYA'O SNYAM DU SEMS SO ZHES BYA BA LA SOGS PA RGYA CHER GSUNGS PA LTA BU'O, ,BDAG PO BYED PAS SEMS CAN YONGS SU SDUD PA NI GANG GI PHYIR, BYANG CHUB SEMS DPA' RGYAL PO 'AM, BLON PO 'AM, RJE BO 'AM DPON PO LA SOGS PA DBANG DANG LDAN PAR GYUR NA, MTHU DANG DBANG GIS SEMS CAN MI DGE BA LAS ZLOG CING DGE BA LA 'JOG PAR BYED PA STE, DE'ANG DPER NA SA BCU BA'I SA DANG PO LAS DE LA GANS PA'I BYANG CHUB SEMS DPA' SEMS DPA' CHEN PO NI PHAL CHER 'DZAM BU'I GLING DU RGYAL POR 'GYUR TE, SRID CHEN PO LA DBANG BSGYUR BA RAB TU THOB CING CHOS KYIS YONGS SU BSKYANG BA DANG, SEMS CAN RNAMS SBYIN PA CHEN POS YONGS SU BSDUS PA LA MKHAS SHING MTHU YOD PA YIN, SEMS CAN RNAMS KYI 'JUNGS PA'I DRI MA BZLOG PA LA MKHAS PA YIN ZHES BYA BA LA SOGS PA RGYA CHER GSUNGS SO, ,SA GNYIS PA LAS KYANG, DE LA GNAS PA'I BYANG CHUB SEMS DPA' RNAMS PHAL CHER 'KHOR LOS SGYUR BA'I RGYAL POR GLING BZHI PA LA DBANG BAR 'GYUR TE, CHOS KYIS DBANG BSGYUR BA RAB TU 'THOB CING RIN PO CHE SNA BDUN DANG LDAN PA, SEMS CAN THAMS CAD KYI SER SNA'I SKYON DANG, TSUL KHRIMS NGAN PA'I DRI MA BZLOG PA LA MKHAS SHING MTHU YOD PA DANG SEMS CAN RNAMS DGE BA BCU'I LAS KYI LAM LA RAB TU DGOD PAR BYA BAR SHIN TU MKHAS PA DANG ZHES BYA BA LA SOGS PA RGYA CHER GSUNGS TE, SA GSUM PA LA SOGS PA LA YANG, RGYAL PO DANG JO BOR GYUR NAS SEMS CAN GYI DON BYED PA LA MDO LAS 'BYUNG BA BZHIN DU SBYAR RO, ,TSOGS RNAM PAR DRANG BAR BYA BA'I PHYIR SEMS CAN SDUD PA NI MKHAN PO DANG SLOB DPON DU GYUR NAS, SEMS CAN RNAMS SLOB MAR BYAS TE SEMS CAN RNAMS MI DGE BA'I GNAS NAS BZLOG CING DGE BA'I GNAS SU DGOD PAR BYED DO, ,SKYE BA RNAM PAR DBYE BA'I TSIGS SU BCAD PA ZHES BYA BA LA, DE LTAR SEMS CAN BSDU BA LA ZHUGS PA'I BYANG CHUB SEMS DPA' NI NYAN THOS BZHIN MYA NGAN LAS 'DAS PA'I PHYOGS 'BA' ZHIG @238B LA GNAS PAS SEMS CAN SDUD PAR MI NUS KYI 'KHOR BAR SKYES NA GDOD SEMS CAN SDUD PAR NUS TE, DE BAS NA YONGS SU BSDU BA RNAM PAR DBYE BA'I 'OG TU SKYE BA RNAM PAR DBYE BA'I TSIGS SU BCAD PA GCIG GIS BSHAD DO, ,DE LA BYANG CHUB SEMS DPA'I SKYE BA MDOR BSDUS NA RNAM BA BZHI STE, LAS KYI DBANG GIS SKYE BA DANG, SMON LAM GYI DBANG GIS SKYE BA DANG, TING NGE 'DZIN GYI DBANG GIS SKYE BA DANG, 'BYOR BA'I DBANG GIS SKYE BA'O, ,LAS RNAMS KYI NI DBANG DAG DANG, ,ZHES BYA BA LA, 'DIS LAS KYI DBANG GIS SKYE BA BSTAN TE SA DANG PO LA SOGS PA LA ZHUGS PA MOS PAS SPYOD PA'I SA LA GNAS PA'I BYANG CHUB SEMS DPA' RNAMS NI LAS KYI DBANG GIS SKYE STE DE DAG SEMS LA DBANG MA THOB PAS GANG DU BSAMS SHING SMON LAM BTAB PA DER GDON MI ZA BAR 'GYUR BAR NGES PA MED DE, BSOD NAMS KYI TSOGS KYI LAS BYAS PAS BDAG DANG GZHAN LA PHAN PAR 'GYUR BA'I GNAS DE DANG DE DAG TU SKYE'O, ,DE LTAR SKYE BA DE SDIG PA MI DGE BA'I LAS KYIS SKYE BA NI MA YIN PAR GZHAG GO, ,GZHAN YANG SMON LAM DAG GIS TE ZHES BYA BA LA, GZHAN GYI SGRA NI SA LA ZHUGS PA'I BYANG CHUB SEMS DPA' RNAMS LA BYA STE, SA DANG PO DANG GNYIS PA LA ZHUGS PA'I BYANG CHUB SEMS DPA' RNAMS NI SEMS CAN YONGS SU SMIN PAR BYA BA'I PHYIR LHA DANG MI DANG BYOL SONG DANG YI DAGS DANG SEMS CAN DMYAL BA LA SOGS PA'I GNAS DE DANG DE DAG TU SKYE BAR GYUR CIG CES SMON LAM BTAB NAS, SMON LAM GYI DBANG GIS SKYE BA LEN TE, LO NYES CHEN PO BYUNG BA'I DUS NA SEMS CAN RNAMS KYI BKRES PA DANG, SKOM PA LA SOGS PA'I SDUG BSNGAL MED PAR BYA BA'I PHYIR SMON LAM BTAB STE, NYA DANG GLANG PO CHE LA SOGS PA'I LUS BLANGS NAS, RANG GI SHAS SEMS CAN LA TSIM PAR BYAS PA DANG, NAD KYI BSKAL PA BAR MA BYUNG NAS NAD RNAM PA SNA TSOGS KYIS SEMS CAN SDUG BSNGAL BAR GYUR PA NA, SMON LAM GYI DBANG GIS RIG SNGAGS GRUB PA DANG, SMAN PA CHEN PO'I LUS SU BSGYUR NAS, SEMS CAN RNAMS KYI NAD RNAM PA SNA TSOGS ZHI BAR BYED PA STE, RGYAS PAR DE BZHIN @239A *, ,GSHEGS PA'I GSANG BA BSTAN PA'I MDO LAS, SKU'I GSANG BA BSTAN PA'I SKABS SU JI SKAD 'BYUNG BA BZHIN DU SBYAR RO, ,TING NGE 'DZIN ZHES BYA BA LA, SA GSUM PA YAN CHAD SA BDUN MAN CHAD KYI BYANG CHUB SEMS DPA' NI SEMS CAN GYI DON DU TING NGE 'DZIN GYI DBANG GIS SKYE STE, TING NGE 'DZIN DANG BSAM GTAN BSGRUBS PAS NI GZUGS KYI KHAMS SU SKYE ZHING 'BRAS BU LEN PA YIN PA LAS, DE LAS BZLOG NAS 'DOD PA'I KHAMS SU SKYES TE, SEMS CAN RNAMS YONGS SU SMIN PAR BYED PA'O, ,BRTAN PA RNAMS NI SKYE BA 'DOD, ,SA BRGYAD PA DANG DGU PA DANG BCU PA LA SOGS PA NAS SA BCU PA'I 'BYOR PA THOB PA NAS, SEMS CAN YONGS SU SMIN PAR BYA BA'I PHYIR, SPRUL BA'I SKU SKU DGA' LDAN GYI PHO BRANG NA GNAS PA DANG, DE NA 'CHI 'PHO BSTAN TE, YUM GYI LHUMS SU GSHEGS PA DANG, LHUMS NAS 'BYUNG BA LA SOGS PA STON PA STE, DBANG BCU'I 'BYOR BA THOB PA YANG SA BCU BA'I SA BRGYAD PA LAS DES LUS KYI YE SHES MNGON PAR BSGRUB PA DE LTA BUR RAB TU THOB PAS, BSKAL PA BRJOD DU MED PA'I YANG BRJOD DU MED PAR TSE BYIN GYIS BRLABS PA'I PHYIR CHE'I DBANG RAB TU 'THOB PO, ,TING NGE 'DZIN SHIN TU RTOGS PA'I YE SHES LA 'JUG PAR BYA BA'I PHYIR SEMS KYI DBANG RAB TU 'THOB PO, ,'JIG RTEN GYI KHAMS THAMS CAD RGYAN DU MAS RAB TU BRGYAN CING, SHIN TU KLUBS PA'I BYIN GYI RLABS YANG PAR BSTAN PA'I PHYIR YO BYAD KYI DBANG RAB TU 'THOB PO, ,LAS KYI RNAM PAR SMIN PA'I PHYIR BYIN GYI RLABS DUS BZHIN DU MNGON PAR BSTAN PA'I PHYIR, LAS KYI DBANG RAB TU 'THOB PO, ,'JIG RTEN GYI KHAMS THAMS CAD DU SKYE BA YONGS SU BSTAN PA'I PHYIR SKYE BA'I DBANG RAB TU 'THOB PO, ,SANGS RGYAS KYI ZHING DANG DUS GANG DU JI DGA' BAR MNGON PAR 'TSANG RGYA BAS YANG DAG PAR BSTAN PA'I PHYIR SMON LAM GYI DBANG RAB TU 'THOB PO, ,'JIG RTEN GYI KHAMS THAMS CAD SANGS RGYAS KYIS RAB TU GANG BA YANG DAG PAR BSTAN PA'I PHYIR MOS PA'I DBANG RAB TU 'THOB PO, ,SANGS RGYAS KYI ZHING THAMS CAD DU RDZU 'PHRUL DAD RNAM PAR 'PHRUL PA YANG DAG PAR BSTAN @239B PA'I PHYIR, RDZU 'PHRUL GYI DBANG RAB TU 'THOB PO, ,DE BZHIN GSHEGS PA'I STOBS DANG MI 'JIGS PA DANG, SANGS RGYAS KYI CHOS MA 'DRES PA DANG, MTSAN DANG DBYE BYAD BZANG PO DANG MNGON PAR 'TSANG RGYA BAR YANG DAG PAR BSTAN PA'I PHYIR YE SHES KYI DBANG RAB TU 'THOB PO, ,MTHA' DANG DBU MED PA'I CHOS KYI SNANG BA YANG DAG PAR BSTAN PA'I PHYIR, CHOS KYI DBANG RAB TU 'THOB PO ZHES GSUNGS SO, ,DE LTAR NA BRTAN PA BYANG CHUB SEMS DPA' MOS PA SPYOD PA'I SA LA GNAS PA RNAMS NI SMON LAM GYI DBANG GIS SKYE BA YANG YOD MOD KYI, PHAL CHER LAS KYI DBANG GIS SKYE'O, ,SA DANG PO DANG GNYIS PA LA ZHUGS PA'I BYANG CHUB SEMS DPA' RNAMS TING NGE 'DZIN GYI DBANG GIS SKYE BA YANG YOD MOD KYI PHAL CHER SMON LAM GYI DBANG GIS SKYE'O, ,SA GSUM PA YAN CHAD BDUN PA MAN CHAD NI PHAL CHER TING NGE 'DZIN GYI DBANG GIS SKYE'O, ,SA BRGYAD PA DANG DGU BA DANG BCU PA LA NI DBANG BCU 'THOB PA 'BYOR BA'I DBANG DU SKYE'O, ,GANG BSAM GTAN RNAMS LA BZLOG NAS ZHES BYA BA LA, BSAM GTAN LAS BZLOG PA'I DON JI LTA BU, CI BSAM GTAN YONGS SU BTANG BA LA BSAM GTAN LAS BZLOG PA ZHES BYA BA 'AM ZHE NA, LAN DU BSAM GTAN LAS BZLOG PA'I DON NI BSAM GTAN YONGS SU BTANG BA LA MI BYA'I, BSAM GTAN GYI 'BRAS BU GZUGS KYI KHAMS SU SKYE BAR 'GYUR BA LAS 'BRAS BU DE BZLOG NAS SEMS CAN GYI DON DU 'DOD PA'I KHAMS SU SKYE BAR BYED PA'O, ,GNAS PA'I SA RNAM PAR DBYE BA'I TSIGS SU BCAD PA ZHES BYA BA LA, DE LTAR 'PHAGS PA BYANG CHUB SEMS DPA' RNAMS KYI SKYE BA RNAM PA BZHIR BSHAD PA YANG 'GRO BA DANG SKYE GNAS THA DAD PA DANG, SKYES PA RABS KYI SDE'I BYE BRAG GIS SKYE BA MTHA' YAS PAS TE, ,SKYE BA DE DAG TSE NA BYANG CHUB SEMS DPA' RNAMS SEMS DAG PA CHUD DU DANG 'BRING DANG CHEN PO LA SOGS PA'I RNAM PAS SEMS DAG PA'I BYE BRAG MANG DU 'BYUNG STE, DE BAS NA SKYE BA'I RJES LA SEMS RNAM PAR DAG PA DBYE BA DUS GNAS PA'I SA STE SA BCU RNAM PAR DBYE BA BSTAN TO, ,DE LA GNAS PA NYID SA YIN PAS GNAS PA'I SA ZHES BYA STE, DPER NA @240A *, ,SA'I STENG NA SEMS CAN DANG SEMS CAN MA YIN PA SNA TSOGS SKYE ZHING GNAS PA DE BZHIN DU SEMS DAG PA RAB 'BRING GI BYE BRAG LAS KYANG 'JIG RTEN DANG 'JIG RTEN LAS 'DAS PA'I YON TAN THAMS CAD SKYE ZHING 'BYUNG BAS NA, SEMS DAG PA'I KHYAD PAR NYID LA SA BCU ZHES BYA BAR ZAD DO, ,SA BCU'I RNAM PAR DBYE BA YANG MDOR BSTAN PA DANG RGYAS PAR BSHAD PA'I SGO RNAM PA GNYIS KYIS BSHAD DO, ,DE LA MDOR BSTAN PA'I PHYIR, MTSAN NYID GANG ZAG BSLAB PA DANG, ,PHUNG PO GRUB PA MTSAN MA DANG, ,NGES PA'I TSIG DANG 'THOB PA'I PHYIR, GNAS PA'I SA NI DE NYID DO, ,ZHES BYA BA SMOS TE, GNAS PA'I SA STE, SA BCU RNAMS NI DON RNAM PAR BRGYAD KYIS BSHAD DE, BRGYAD GANG ZHE NA MTSAN NYID DANG, GANG ZAG DANG, BSLAB PA DANG, PHUNG PO DANG, GRUB PA DANG, MTSAN MA DANG, NGES PA'I TSIG DANG; 'THOB PA STE, DON RNAM PA BRGYAD PO DE NYID KYIS SA BCU BSTAN CING BSHAD PA YIN NA ZHES BYA BA'I DON TO, ,MTSAN NYID RNAM PAR DBYE BA LAS BRTZAMS TE TSIGS SU BCAD PA LNGA'O ZHES BYA BA LA, DA 'DI MAN CHAD ZHIB TU 'CHAD DE, DPER NA SA'I MTSAN NYID SRA BA DANG, CHU'I MTSAN NYID GSHER BA YIN PA DE BZHIN DU SA DANG PO'I MTSAN NYID BSTAN PA NAS, SA BCU BA'I MTSAN NYID GANG YIN PA PHYE STE BSTAN PA'I PHYIR TSIGS SU BCAD PA LNGA RTZOM MO ZHES BYA BA'I DON TO, ,STONG PA NYID MCHOG STOGS PA DANG, ,ZHES BYA BA LA, DE LAS DANG PO'I MTSAN NYID NI STONG PA NYID MCHOG RTOGS PA'I MTSAN NYID DE, STONG PA NYID MCHOG NI GANG ZAG DANG CHOS LA BDAG MED PA'O, ,BDAG MED PA DE GNYIS SA DANG PO THOB PA'I DUS NA RTOGS PAS NA SA DANG PO NI STONG PA NYID MCHOG RTOGS PA'I MTSAN NYID DU GZHAG GO, ,DE BAS NA SA DANG PO LAS KYANG BSAM PA DANG, LHAG PA'I BSAM PA RAB TU BRTAN PA ZHES GSUNGS PA DANG, SEMS KYI STOBS DANG BLO'I STOBS KYIS SHIN TU RNAM PAR PHYE BA RNAM PAR 'BYED PA ZHES GSUNGS PA DANG, DUS GSUM MNYAM PA NYID DU RTOGS PA YIN ZHES GSUNGS TE, DE'I @240B DON KYANG GANG ZAG LA BDAG MED PAR RTOGS PAS BSAM PA RAB TU BRTAN PA ZHES BYA'O, ,CHOS LA BDAG MED PAR RTOGS PAS LHAG PA'I BSAM PA RAB TU RTOGS PA ZHES BYA'O, ,YANG GANG ZAG LA BDAG MED PAR RTOGS PA'I SHES PA DANG LDAN PAS SEMS KYI STOBS KYIS SHIN TU RNAM PAR 'BYED PA ZHES BYA'O, ,CHOS LA BDAG MED PAR RTOGS PA'I SHES RAB DANG LDAN PAS BLO'I STOBS KYIS SHIN TU RNAM PAR PHYE BA RNAM PAR 'BYED PA ZHES BYA'O, ,DUS GSUM GYI DNGOS PO THAMS CAD STONG PA NYID DU RO GCIG PA'I MTSAN NYID DU RTOGS PAS DUS GSUM MNYAM PA NYID DU RTOGS PA ZHES BYA'O, ,LAS RNAMS CHUD MI ZA BAR GNAS, ,ZHES BYA BA LAS GNYIS PA'I MTSAN NYID NI LAS RNAMS CHUD MI ZA BAR GNAS PA'I MTSAN NYID DU GZHAG STE, JI LTAR ZHE NAS SA GNYIS PA'I TSE, LAS DGE BA DANG MI DAG PA DANG LAS DE'I 'BRAS BU BDE BA DANG SDUG BSNGAL BA LA SOGS PA LAS KYI RNAM PAR SMIN PA YOD PAR GZIGS NAS, DUS THAMS CAD DU DGE BA BCU'I LAS KYI LAM 'BA' ZHIG LA GNAS KYI MI DGE BA'I LAS KYI LAM NI RMI LAM NA YANG NYE BA'I SPYOD DO, ,DE BAS NA SA GNYIS PA NI LAS RNAMS KYIS CHUD MI ZA BA'I MTSAN NYID DU GZHAG GO, ,DE BAS NA SA GNYIS PA LA YANG SROG GCOD PA LAS PHYIR LDOG PA YIN TE, DBYIG PA SPANGS MTSON CHA SPANGS ZHES BYA BA NAS, DE KUN DU RTOG PA TZAM GYIS KYANG, SEMS CAN GZHAN LA 'TSE BA MI BYED NA, SEMS CAN GZHAN DAG LA SEMS CAN DU 'DU SHES SHING CHED DU BSAMS SHING LUS KYI RNAM PA 'TSE BA CHEN PO BYA BA LTA CI SMOS ZHES BYA BA LA SOGS PA DANG, YANG DE LTAR SEMS MNGON PAR SGRUB STE, SEMS CAN RNAMS KYI NGAN SONG DANG, NGAN 'GRO DANG RNAM PAR LTUNG BA YOD PA GANG YANG RUNG STE, DE DAG THAMS CAD MI DGE BA BCU'I LAS KYI LAM RNAMS YANG DAG PAR BLANGS PA'I RGYU LAS BYUNG GI BDAG GIS NI 'DI LTAR BDAG NYID YANG DAG PAR BSGRUB PA LA GNAS TE, GZHAN YANG YANG DAG PAR BSGRUB PA LA DGOD PAR BYA'O ZHES BYA BA LA SOGS PA RGYA CHER GSUNGS SO, ,MCHOG TU BDE BA'I BSAM GTAN LA, ,BSGRUBS NAS F @241A *, ,DE DAG 'DOD PAR SKYE, ,ZHES BYA BA LA, SA GSUM PA'I MTSAN NYID NI BYANG CHUB SEMS DPA'I MCHOG TU BDE BA'I BSAM GTAN BSGRUBS NAS, BSAM GTAN DE LAS KYANG MNYAM PAR BYA STE, SEMS CAN GYI DON DU 'DOD PA'I SKYE BA'I MTSAN NYID RNAM PAR GZHAG GO,, DE LA MCHOG TU BDE BA'I BSAM GTAN NI GZUGS KYI KHAMS KYI BSAM GTAN DANG PO DANG GNYIS PA DANG GSUM PA DANG, BZHI PA DAG DANG ZAG PA MED PA'I MTSAN NYID LA BYA'O, ,BSGRUBS NAS ZHES BYA BA NI DE MNGON SUM DU BYAS SHING DE THOB PAR BYAS PA'O, ,MNYAM PA NI BSAM GTAN DE DAG MED PAR MA GYUR PA'O, ,SLAR 'DOD PA'I KHAMS SU SKYE BA NI SEMS CAN GYI DON DU 'DOD PA'I KHAMS KYI LUS LEN PA'O, ,DE BAS NA SA GSUM PA LAS KYANG DES DE BZHIN GSHEGS PA'I YE SHES DE LTAR CHAD PA MED PA YANG DAG PAR RJES SU MTHONG STE, 'DU BYED DU GYUR PA DE LTAR GNOD PA MANG PO DANG LDAN PA YONGS SU RTOGS PA NA, SEMS CAN RNAMS LA DE BAS KYANG SHAS CHER SEMS KYI BSAM PA BCU NYE BAR GZHAG STE, BCU GANG ZHE NA 'DI LTA STE, MGON MED PA DANG RTEN MED PA'I SEMS CAN GYI BSAM PA DANG ZHES BYA BA NAS, CHOS DE DAG THOS NAS KYANG RANG GI SEMS LA NGES PAR RTOGS NAS GCIG PU DBEN PAR SONG STE, DE LTAR SPYOD DO, ,CHOS KYI RJES SU MTHUN PA'I CHOS BSGRUBS PAS, SANGS RGYAS KYI CHOS 'DI DAG KHONG DU CHUD PAR BYA BA'I TSIG GI LAS YONGS SU DAG PA 'BA' ZHIG GIS NI MA YIN NO SNYAM STE, DE CHOS KYI RJES SU MTHUN PA'I CHOS BSGRUB PA'I RGYUR 'DOD PA RNAMS LAS DBEN PA SDIG PA MI DGE BA'I CHOS RNAMS LAS DBEN PA RTOG PA DANG BCAS PA DPYOD PA DANG BCAS PA, DBEN PA LAS SKYES PA'I DGA' BA DANG BDE BA CAN BSAM GTAN DANG PO RDZOGS PAR BYAS TE GNAS SO ZHES BYA BA NAS, BSAM GTAN DANG RNAM PAR THAR PA DANG TING NGE 'DZIN DANG SNYOMS PAR 'JUG PA DANG, RNAM PAR LDANG BA GANG DU BYANG CHUB KYI YAN LAG YONGS SU RDZOGS PAR 'GYUR BA MTHONG BA DE CHED DU BSAMS TE, SMON LAM BTAB PA'I DBANG GIS SKYE BA MA GTOGS PAR DE DAG LAS KYI DBANG GIS MI SKYE'O ZHES BYA BA @241B GSUNGS SO, ,DE NAS BYANG CHUB PHYOGS RNAMS NI, ,'KHOR BAR YONGS SU BSNGO BA DANG, ,ZHES BYA BA LA, DE NAS ZHES BYA BA NI DE'I 'OG TU ZHES BYA BA'I DON TO, ,SA GSUM PA BSGRUB PA'I 'OG TU SA BZHI PA'I MTSAN NYID NI SHES RAB KYIS BYANG CHUB KYI PHYOGS RNAMS MNGON DU BYAS LA; SNYING RJE CHEN PO'I MTSAN NYID KYIS SEMS CAN GYI DON DU 'KHOR BAR YONGS SU BSNGO BA'I MTSAN NYID DU GZHAG GO, ,BRGAL BA DANG, BYANG CHUB KYI PHYOGS NI 'KHOR BA LAS 'BYUNG BAR BYED PA'I RGYU YIN NA, DE NYID 'KHOR BAR YONGS SU BSNGO ZHING 'KHOR BA'I RGYUR JI LTAR 'GYUR ZHE NA, , LAN DU DPER NA THABS KYIS MA ZIN PA'I DUG NI 'CHI BA'I RGYUR 'GYUR LA, THABS KYIS ZIN PA'I DUG NI SMAN DU 'GYUR BA DE BZHIN DU THABS KYI MTSAN NYID SNYING RJE CHEN POS YONGS SU MA ZIN PA'I BYANG CHUB KYI PHYOGS BSGOM PA NI, 'KHOR BA LAS 'BYUNG BA'I RGYUR 'GYUR LA, SNYING RJE CHEN PO'I THABS KYIS ZIN PA'I BYANG CHUB KYI PHYOGS BSGOMS PA NI SLAR 'KHOR BAR SKYE BA'I RGYUR 'GYUR TE, 'DI LTAR BYANG CHUB SEMS DPA' SNYING RJE CAN 'KHOR BA LA RGYAB KYIS LTA BA DE BYANG CHUB KYI PHYOGS BSGOM PA YANG SNYING RJE'I DBANG GIS SEMS CAN GYI DON BSGOMS PAS, BYANG CHUB KYI PHYOGS DE DAG 'KHOR BA LA RGYAB KYIS LTA BAR MI BYED KYI 'KHOR BA LA MNGON DU LTA BA'I RGYUR 'GYUR BAS 'KHOR BAR YONGS SU BSNGOS PA ZHES BSHAD DO, ,DE BAS NA SA BZHI PA LAS KYANG KYE RGYAL BA'I SRAS DAG BYANG CHUB SEMS DPA'I SA 'OD 'PHRO BA CAN 'DI LA GNAS PA'I BYANG CHUB SEMS DPA' DE NI KUN DU SBYOR BA DANG LDAN ZHING SHES BZHIN CAN DRAN PA DANG LDAN PAR GYUR NAS, 'JIG RTEN GYI CHAGS SEMS DANG YID MI BDE BA RNAM PAR SPANGS TE, NANG GI LUS LA LUS KYI RJES SU LTA BA CAN LA GNAS SO ZHES BYA BA NAS YANG DAG PA'I TING NGE 'DZIN DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR BYANG BAS YONGS SU BSGRUBS PA BSGOM MO, ,DE DAG KYANG SEMS CAN THAMS CAD LA LTA BA DANG BCAS PAS SNGON SMON LAM MNGON PAR BSGRUBS PAS NYE BAR BRTAN PA, SNYING RJE CHEN PO SNGON DU 'GRO BA BYAMS PA CHEN PO DANG LDAN PA ZHES @242A *, ,BYA BA LA SOGS PA GSUNGS SO, ,SEMS LA NYON MONGS MED PAR YANG, ,SEMS CAN YONGS SU SMIN PAR BYED, ,CES BYA BA LA, SA LNGA PA'I MTSAN NYID NI BYANG CHUB SEMS DPA' SEMS LA NYON MONGS PA MED PA'I SEMS CAN YONGS SU SMIN PAR BYED PA'I MTSAN NYID DU RNAM PAR GZHAG STE, SEMS LA NYON MONGS PA MED PA NI SA DE LA 'PHAGS PA'I BDEN PA BZHI BSGOM ZHING GNAS PA MED PAS NYON MONGS PA'I GNYEN PO DANG LDAN PA'I PHYIR 'DOD CHAGS LA SOGS PA'I NYON MONGS PAS SEMS LA MI GOS PA'I PHYIR SEMS LA NYON MONGS PA MED DO, ,GTZUG LAG DANG BZO'I LAS RNAM PA SNA TSOGS LA MKHAS TE, DE BAS NA MKHAS PA DES THEG PA GSUM GYI RIGS CAN GYI SEMS CAN YONGS SU SMIN PAR YANG GZHAG GO, ,DE BAS NA SA LNGA PA LAS KYANG DE DRAN PA DANG BLO GROS DANG, RTOGS PA'I BLO'I STOBS BSKYED PAS YID LA BYA BA'I PHYIR, MI LDOG PAR GYUR NAS, DES 'DI NI SDUG BSNGAL GYI BDEN PA'O ZHES YANG DAG PA JI LTA BA BZHIN RAB TU SHES SO, ,'DI NI SDUG BSNGAL KUN 'BYUNG BA'O, ,'DI NI SDUG BSNGAL 'GOG PA'O, ,'DI NI SDUG BSNGAL 'GOG PAR 'GYUR BA'I LAM 'PHAGS PA'I BDEN PA'O ZHES YANG DAG PA JI LTA BA BZHIN DU SHES SO ZHES BYA BA LA SOGS PA GSUNGS PA DANG, KHYAD PAR CAN GYI CHOS YONGS SU BTZAL BA LA, MNGON PAR BRTZON PAS DE GANG 'DI'I 'JIG RTEN NA YI GE DANG GTZUG LAG DANG RTZIS DANG KHRIMS THABS LA SOGS PA YONG PA DE DAG MNGON PAR BSGRUB PO, ,'BYUNG KHUNG GI DPYAD DANG, GSO BA'I DPYAD DANG, SKEM PA DANG BRJED BYED DANG 'BYUNG PO'I GDON BSAL BA DANG, DUG DANG RO LANGS KYI SBYOR BA BSAL BA DANG, SNGAGS DANG, GAR DANG, GTAM DANG, ROL MO DANG SGRUNG GTAM GYIS RAB TU DGA' BAR BYA BA ZHES BYA BA NAS SEMS CAN THAMS CAD LA PHAN PA DANG BDE BA YOD PAR GYUR PA DE DAG SNYING RJE DANG LDAN PAS MTHAR GYIS SANGS RGYAS KYI CHOS LA RAB TU DGOD PA'I PHYIR MNGON PAR SGRUB PA'O ZHES GSUNGS SO, ,BSAMS BZHIN DU NI SKYE BA DANG, ,KUN NAS NYON MONGS RJES SU SRUNG, , @242B ZHES BYA BA LA, BYANG CHUB SEMS DPA'I SA DRAG PA'I MTSAN NYID NI BSAMS BZHIN DU SRID PAR SKYE BA NA KUN NAS NYON MONGS PA'I CHOS RJES SU SRUNG BA'I MTSAN NYID DU GZHAG STE, SA DRUG PA LA GNAS PA'I BYANG CHUB SEMS DPA' RNAMS SEMS CAN GYI DON DU KHAMS GSUM DU SKYE BA NAS LAS DANG NYON MONGS PA'I DBANG GIS RANG DBANG MED PAR SKYE BA NI MA YIN GYI, BSOD NAMS DANG YE SHES KYI TSOGS CHEN POS ZIN PAS, DRAN PA DANG SHES BZHIN MA NYAMS PAR GANG NAS GANG DU SKYE BA DE DANG DER, 'DI DANG 'DIR SKYE BAR BYA'O ZHES SHES BZHIN DU SKYE BAS NA, BSAMS BZHIN DU SKYE BA ZHES BYA'O, ,DE LTAR BSAMS BZHIN DU SKYE BA NA YANG RTEN CING 'BREL TE 'BYUNG BA BSGOM PA NA MANG DU GNAS PAS NYON MONGS PAS MI GOS PA'I PHYIR KUN NAS NYON MONGS PA RJES SU SRUNG BA ZHES BYA'O, ,DE BAS NA SA DRUG PA LAS KYANG; DE CHOS THAMS CAD LA RANG GZHAN DE LTAR RTOG PA'I TSE, DE BAS KYANG SNYING RJE CHEN PO SNGON DU 'GRO BA DANG, SNYING RJE CHEN PO'I DBANG BSGYUR BA DANG, SNYING RJE CHEN PO YONGS SU RDZOGS PAR BYA BA'I PHYIR, 'JIG RTEN 'BYUNG BA DANG 'JIG PA LA RNAM PAR LTA'O, ,'JIG RTEN 'BYUNG BA DANG 'JIG PA LA LTA BA'I TSE 'DI SNYAM STE, 'JIG RTEN GYI THA SNYAD SKYE BA JI SNYED YOD PA DE DAG THAMS CAD BDAG TU MNGON PAR ZHEN PA LAS 'BYUNG STE, BDAG TU MNGON PAR ZHEN PA DANG BRAL NA 'BYUNG BA GANG YANG MED PAR 'GYUR RO, ,BYIS PA'I 'BO' CAN BDAG TU MNGON PAR ZHEN PA MI SHES PA'I RAB RIB KYIS BSGRIBS PA YOD PA DANG MED PA LA MNGON PAR MOS PA, TSUL BZHIN MA YIN PA YID LA BYED PA LAS BYUNG BA, YANG DAG PA MA YIN PAR RAB TU ZHUGS PA, LOG PA'I RJES SU 'BRANG BA DE DAG NI BSOD NAMS DANG BSOD NAMS MA YIN PA DANG MI G-YO BA'I 'DU BYED NYE BAR SOGS TE ZHES BYA BA NAS, 'DU BYED DANG RGYU RKYEN LDAN PA 'DI DAG RGYUN GCAD PAR BYA'O, ,SEMS CAN YONGS SU SMIN PAR BYA BA'I PHYIR 'DU BYED RNAMS SHIN TU ZHI BA YANG MNGON DU MI BYA'O ZHES BYA BA'I BAR DU GSUNGS SO, ,MTSAN MA MED PA PHYOGS @243A *, ,GCIG LAM, BGROD PA GCIG PA'I LAM DANG 'BREL, ,ZHES BYA BA LA, BYANG CHUB SEMS DPA' RNAMS KYIS BDUN PA'I MTSAN NYID NI BGROD PA GCIG PA'I LAM DANG 'BREL ZHING MTSAN MA MED PA LA PHYOGS GCIG GI LAM GYI MTSAN NYID DU BZHAG GO, , DE LA 'GROD PA GCIG PA NI SA BRGYAD PA LA BYA STE, SA BRGYAD PA'I DUS NA BAR 'GA' BRTZAL 'BAD DANG BCAS, BAR 'GA' BRTZAL 'BAD MED PAR GNAS PA MA YIN GYI RNAM PAR MI RTOG PA'I TING NGE 'DZIN LA LHUN GYIS GRUB PA 'BA' ZHIG TU GNAS PAS NA, BGROD PA GCIG PA'I LAM ZHES BYA STE, SA BDUN PA NI SA BRGYAD PA LTA BUR GNAS TE, SA BDUN PA'I RJES LAS BRGYAD PA THOB PAS NA, SA BDUN PA DE BGROD PA GCIG PA'I LAM DANG 'BREL PA ZHES BYA'O, ,SA BDUN PA'I DUS NA MDO LA SOGS PA'I CHOS MANG PO LA MTSAN MA THA DAD PAR MI BYED DE, MDO SDE THAMS CAD KYI DON KYANG MTSAN NYID GCIG PA YIN PA KHO NAR RTAG TU DMIGS PAS NA SA BDUN PA NI MTSAN MA MED PA'I PHYOGS GCIG PA'I LAM ZHES BYA'O, ,DE LA BGROD PA GCIG PA'I LAM DANG 'BREL PA'I DON KYANG SA BDUN PA NYID LAS, KYE RGYAL BA'I SRAS 'DI LTA STE, DPER NA KUN NAS NYON MONGS SHING RNAM PAR DAG PA'I 'JIG RTEN GYI KHAMS DANG, SHIN TU DAG PA'I 'JIG RTEN GYI KHAMS GNYIS KYI 'JIG RTEN GYI KHAMS KYI BAR NI SMON LAM DANG THABS DANG SHES RAB DANG MNGON PAR SHES PA'I STOBS DANG, SHUGS CHEN PO MA GTOGS PAR 'DOD 'DOD BRGAL BAR MI NUS SO, ,KYE RGYAL BA'I SRAS DE BZHIN DU BYANG CHUB SEMS DPA'I SPYOD PA 'DRES PA DANG YONGS SU DAG PA'I BAR YANG, SMON LAM DANG, THABS DANG, SHES RAB DANG, MNGON PAR SHES PA DANG, YE SHES KYI STOBS DANG, SHUGS CHEN PO MA GTOGS PAR 'DOD 'DOD BRGAL BAR MI NUS SO ZHES GSUNGS SO, ,MTSAN MA MED PA LA PHYOGS GCIG PA'I DON KYANG SA BDUN PA NYID LAS, DE LTAR SA BDUN PA LA GNAS PA'I TSE, LUS KYI LAS TSAD MED PA MTSAN MA @243B DANG BRAL BAR RAB TU 'BYUNG NGO, ,NGAG GI LAS TSAD MED PA MTSAN MA DANG BRAL BAR RAB TU 'BYUNG NGO, ,YID KYI LAS TSAD MED PA MTSAN MA DANG BRAL BA SHIN TU RNAM PAR SBYANGS PA MI SKYE BA'I CHOS KYI BZOD PAS SNANG BAR GYUR PA TSAD MED PA RAB TU 'BYUNG NGO ZHES GSUNGS SO, ,MTSAN MED LHUN GYIS GRUB PA NI, ,ZHING YANG RNAM PAR SBYONG BA STE, ,ZHES BYA BA LA, BYANG CHUB SEMS DPA'I SA BRGYAD PA'I MTSAN NYID NI MTSAN MA MED PA LA YANG LHUN GYIS GRUB STE MNGON PAR 'DU BYA BA MED PAR MTSAN MA MED PA LA GNAS PA DANG, SANGS RGYAS KYI ZHING YONGS SU SBYONG BA'I MTSAN NYID DU RNAM PAR GZHAG GO, ,DE LA SA BRGYAD PA'I DUS NA RNAM PAR MI RTOG PA'I TING NGE 'DZIN LHUN GYIS GRUB PA LA GNAS TE, RNAM PAR MI RTOG PA'I TING NGE 'DZIN LA GNAS PA'I TSE, BRTZAL 'BAD KYI BAG CUNG ZAD KYANG MI 'BYUNG BAS NA, MTSAN MA MED PA LA LHUN GYIS GRUB CING MNGON PAR 'DU BYA BA MED PAR MTSAN MA MED PA LA GNAS PA ZHES BYA'O, ,SANGS RGYAS KYI ZHING GSER DANG SHEL LA SOGS PA'I KHA DOG LTA BUR SNANG BAR SBYONG BAS NA, SANGS RGYAS KYI ZHING YANG YONGS SU SBYONG BA ZHES BYA'O, ,DE BAS NA SA BRGYAD PA NYID LAS KYANG MTSAN MA MED PA LHUN GYIS GRUB PA'I DON KYANG, KYE RGYAL BA'I SRAS DAG DE LTA BU'I BZOD PA DANG LDAN PA'I BYANG CHUB SEMS DPA' NI BYANG CHUB SEMS DPA'I SA MI G-YO BA THOB MA THAG TU BYANG CHUB SEMS DPA'I GNAS ZAB MO SHES PAR DKA' BA MA 'DRES PA MTSAN MA THAMS CAD DANG BRAL BA, 'DU SHES KYI 'DZIN PA THAMS CAD LAS PHYIR LOG PA TSAD MED PA, NYAN THOS DANG RANG SANGS RGYAS THAMS CAD KYIS MI 'PHROGS PA DBEN PA, DBEN PA THAMS CAD MNGON DU GYUR PA THOB PA YIN TE, KYE RGYAL BA'I SRAS DAG 'DI LTA STE DPER NA, DGE SLONG RDZU 'PHRUL DANG LDAN PA, SEMS CAN THAMS CAD LA DBANG THOB PA, MTHAR GYIS 'GOG PA'I BAR DU MNYAM PAR GZHAG PA NI RGYU BA DANG SEMS PA DANG, G-YO BA'I RNAM PAR RTOG PA DANG, 'DU SHES THAMS CAD DANG BRAL BA YIN NO, ,KYE RGYAL BA'I SRAS DAG DE BZHIN DU BYANG CHUB SEMS DPA' YANG, BYANG @244A *, ,CHUB SEMS DPA'I SA BRGYAD PA 'DI THOB MA THAG TU CHED DU BYA BA THAMS CAD DANG BRAL TE, LHUN GYIS GRUB PA'I CHOS NYID THOB CING LUS DANG NGAG DANG SEMS KYI RTZOL BA THAMS CAD DANG BRAL TE, RNAM PAR SMIN PA'I CHOS NYID LA GNAS PA YIN, KYE RGYAL BA'I SRAS DAG 'DI LTA STE, MI LA LA ZHIG GNYID KYIS LOG PA'I RMI LAM DU, BDAG CHU KLUNG CHEN POS KHYER BA SNYAM BYED LA, DE DE NAS CI PHYIR SNYAM DU 'BAD CING RTZOL BA CHEN PO RTZOM PA LAS, DE 'BAD CING RTZOL BA CHEN PO DE NYID KYIS SAD PAR GYUR NA, DE SAD MA THAG TU 'BAD CING RTZOL BA THAMS CAD DANG BRAL BAR 'GYUR RO, ,KYE RGYAL BA'I SRAS DAG DE BZHIN DU BYANG CHUB SEMS DPA' YANG NYON MONGS PA'I CHU KLUNG CHEN PO BZHIR SEMS CAN MANG PO DRANG BAR SEMS NAS, 'BAD CING RTZOL BA YONGS SU RTZOM MO, ,DE BRTZON 'GRUS CHEN PO DANG LDAN PAS BYANG CHUB SEMS DPA'I SA MI G-YO BA THOB MA THAG TU CHED DU BYA BA THAMS CAD DANG BRAL BA YIN TE, DE GNYIS PO RGYU BA'AM MTSAN MA'I RGYU BA DAG KYANG THAMS CAD KYI THAMS CAD DU MI SNANG BAR 'GYUR RO ZHES GSUNGS SO, ,SANGS RGYAS KYI ZHING YONGS SU SBYONG BA'I DON KYANG, SA BRGYAD PA NYID LAS SKYE BA MNGON PAR BSGRUB PA TSAD MED PA DANG, ZHING YONGS SU SBYONG BA TSAD MED PA DANG, SEMS CAN YONGS SU SMIN PAR BYA BA TSAD MED PA DANG ZHES BYA BA LA SOGS PA GSUNGS SO, ,SEMS CAN SMIN PAR 'GRUB PA YANG, ,DE DAG PHAN CHAD SKYE BAR 'GYUR, ,ZHES BYA BA LA, DE DAG PHAN CHAD CES BYA BA NI SA BRGYAD PA PHAN CHAD CES BYA BA'I DON TE, SA BRGYAD PA PHAN CHAD, SA BRGYAD PA 'DAS NAS SA DGU PA'I MTSAN NYID NI SEMS CAN YONGS SU SMIN PA 'GRUB PA'I MTSAN NYID DU GZHAG STE, CI'I PHYIR ZHE NA, SA DGU PA THOB PA NA CHOS DANG DON DANG NGES PA'I CHIG DANG SPOBS PA SO SO YANG DAG PAR RIG PA BZHI THOB PAS, CHOS BSHAD PA LA THOGS PA MED PA'I PHYIR SEMS CAN YONGS SU SMIN PAR BYED PA'I MTHU DANG LDAN PA YIN NO, ,DE BAS NA DGU PA NYID LAS KYANG BYANG CHUB SEMS DPA'I SA LEGS PA'I BLO GROS CAN 'DI LA GNAS PA'I @244B BYANG CHUB SEMS DPA' 'DI NI CHOS SMRA BA CHEN PO BYED CING DE BZHIN GSHEGS PA'I CHOS KYI MDZOD SRUNG NGO, ,DE CHOS SMRA BA'I TSUL DANG LDAN PAS YE SHES LA MKHAS PA TSAD MED PA DANG LDAN PA'I PHYIR, BYANG CHUB SEMS DPA'I TSIGS SO SO YANG DAG PAR RIG PA BZHIS MNGON PAR BSGRUBS PAS CHOS STON TO, ,DE CHOS SO SO YANG DAG PAR RIG PAS CHOS RNAMS KYI RANG GI MTSAN NYID RAB TU SHES SO, ,DON SO SO YANG DAG PAR RIG PAS CHOS RNAMS KYI RNAM PAR DBYE BA RAB TU SHES SO, ,NGES PA'I TSIG SO SO YANG DAG PAR RIG PAS CHOS RNAMS MA 'DRES PAR BSTAN PA RAB TU SHES SO, ,SPOBS PA SO SO YANG DAG PAR RIG PAS CHOS RNAMS KYI MTHUN PA'I RGYUN MI 'CHAD PA RAB TU SHES SO ZHES BYA BA LA SOGS PA RGYA CHER GSUNGS SO, ,TING NGE 'DZIN DANG GZUNGS DANG ZHES BYA BA LA, BYANG CHUB SEMS DPA'I SA BCU PA'I MTSAN NYID NI TING NGE 'DZIN GYI SGO RNAMS DANG, GZUNGS KYI SGO RNAM PAR DAG PA'I MTSAN NYID DU GZHAG GO, ,DE LA TING NGE 'DZIN NI BYANG CHUB SEMS DPA'I TING NGE 'DZIN DRI MA MED PA ZHES BYA BA DANG, THEG PA CHEN PO SNANG BA ZHES BYA BA LA SOGS PA STE, TING NGE 'DZIN DE DAG KYANG MNGON PAR SHES PA LA SOGS PA YON TAN MANG PO 'BYUNG BA'I RGYUR GYUR PAS NA SGO ZHES BYA BA'O, ,GZUNGS NI MI ZAD PA'I ZA MA TOG DANG, SGO MTHA' YAS KYI GZUNGS ZHES BYA BA LA SOGS PA STE, GZUNGS DE DAG KYANG DE BZHIN GSHEGS PA RNAMS KYI CHOS BSHAD PA'I DON DANG TSIG MI BRJED PAR 'DZIN PA'I RGYUR GYUR PA DANG, SEMS CAN LA CHOS RNAM PA SNA TSOGS STON PA'I RGYUR GYUR PAS NA SGO ZHES BYA STE, SA DANG PO'I DUS NA TING NGE 'DZIN DAG PA DANG GZUNGS DAG PA THOB PA'I MTSAN NYID DU GZHAG GO, ,DE LA TING NGE 'DZIN DAG PA THOB PA YANG, SA BCU PA NYID LAS; KYE RGYAL BA'I SRAS DAG BYANG CHUB SEMS DPA' YE SHES DE LTA BU DANG LDAN ZHING DBANG BSKUR BA THOB PA DE LA BYANG CHUB SEMS DPA'I TING NGE 'DZIN DRI MA MED PA ZHES BYA BA MNGON SUM DU 'GYUR RO ZHES BYA BA NAS, BYANG CHUB SEMS DPA'I TING NGE 'DZIN DA LTAR BYUNG BA'I SANGS @245A *, ,RGYAS MNGON SUM DU BZHUGS PA ZHES BYA BA MNGON DU 'GYUR TE ZHES BYA BA LA SOGS PA GSUNGS SO, ,GZUNGS KYI SGO DAG PA THOB PA YANG SA BCU BA NYID LAS, SA BCU PA 'DI LA GNAS PA'I BYANG CHUB SEMS DPA' BYANG CHUB SEMS DPA'I RNAM PAR THAR PA'I SGO DE DAG LA SOGS PA RNAM PAR THAR PA'I SGO BRGYA STONG GRANGS MED PA DPAG TU MED PAR RAB TU 'THOB PO, ,DE BZHIN DU TING NGE 'DZIN BRGYA STONG DANG, GZUNGS BRGYA STONG 'THOB PO ZHES GSUNGS SO, ,BYANG CHUB NYID KYANG RNAM PAR DAG ,CES BYA BA LA, SA BCU GCIG PA STE SANGS RGYAS KYI SA LA NI BYANG CHUB RNAM PAR DAG PA'I MTSAN NYID DU RNAM PAR GZHAG GO, ,DE LA ZAD PA DANG MI SKYE BA'I YE SHES LA BYANG CHUB CES BYA STE, SANGS RGYAS KYI SA'I DUS NA NYON MONGS PA DANG SHES BYA'I SGRIB PA BAG LA NYAL PHRA MO TSUN CHAD KYANG DAG PA'I MTSAN NYID DU RNAM PAR GZHAG GO, , DE BAS NA 'PHAGS PA DGONGS PA NGES PAR 'GREL BA'I MDO LAS KYANG, 'PHAGS PA SPYAN RAS GZIGS KYI DBANG POS ZHUS PA, BCOM LDAN 'DAS GNAS NGAN LEN RAB TU SPANGS PA DUS BAG LA NYAL BA 'DI DAG RAB TU PHYE, ,SPYAN RAS GZIGS KYI DBANG PO RNAM PA GNYIS KYIS TE, SHUN PA LA YOD PA'I GNAS NGAN LEN SPANGS NAS DANG PO DANG GNYIS PA'O, ,SRID LA YOD PAS NI GSUM PA YAN CHAD DO, ,SNYING PO LA YONG BA'I GNAS NGAN LEN RAB TU SPANGS PA DE NI BAG LA NYAL THAMS CAD KYI THAMS CAD DU MED PA'I GNAS TE, NGAS SANGS RGYAS KYI SAR BSHAD DO ZHES GSUNGS SO, ,RNAM PAR GZHAG PA DE DAG LAS, ,SA YI MTSAN NYID SHES PAR BYA, ,ZHES BYA BA LA, GONG DU SA DANG PO NI STONG PA NYID MCHOG RTOGS PA'I MTSAN NYID DU RNAM PAR GZHAG PA NAS, SANGS RGYAS KYI SA NI BYANG CHUB NYID RNAM PAR DAG PA'I MTSAN NYID DU RNAM PAR GZHAG PA STE, RNAM PAR GZHAG PA DE DAG LAS, SA BCU'I MTSAN NYID DE 'DRA BAR SHES PAR BYA'O ZHES BYA BA'I DON TO, ,LAS RNAMS CHUNG MI ZA BAR GZHAG STE ZHES BYA BA LA SA GNYIS PA'I TSE LAS DGE BA DANG MI DGE BA DANG, DE'I 'BRAS BU BDE BA DANG SDUG BSNGAL @245B BA LA SOGS PA JI LTAR SMIN CING SKYE BA YANG THUGS SU CHUD LA, DE LTAR THUGS SU CHUD PAS DGE BA BCU'I LAS KYI LAM 'BA' ZHIG NA GNAS KYI, MI DGE BA BCU'I LAS CUNG ZAD KYANG MI 'DZAD PAS NA LAS RNAMS CHUD MI ZA BAR GZHAG GO, ,YONGS SU MI 'BRI BAR ZHES BYA BA LA GZUGS KYI BSAM GTAN THOB PA LAS MA NYAMS PAR BYAS NAS BSAM GTAN THOB PA'I 'BRAS BU GZUGS KYI KHAMS SU SKYE BAR MI BYED KYI SEMS CAN GYI DON DU SLAR 'DOD PA'I KHAMS SU SKYE BA'O, ,BYANG CHUB KYI PHYOGS RNAMS 'KHOR BAR YONGS SU BSNGO BA'O ZHES BYA BA LA, ,SNYING RJE CHEN POS ZIN PA'I BYANG CHUB KYI PHYOGS BSGOM PA NI 'KHOR BA LAS 'BYUNG BA'I RGYUR 'GYUR GYI, SNYING RJE CHEN POS YONGS SU ZIN PA'I BYANG CHUB KYI PHYOGS BSGOM PA NI MYA NGAN LAS 'DAS PA 'BA' ZHIG GI RGYUR 'GYUR BAR MA ZAD KYI, 'KHOR BAR SKYE BA'I RGYUR YANG 'GYUR BAS NA 'KHOR BAR YONGS SU BSNGO BA ZHES BYA'O, ,BDAG NYID KYI SEMS KUN NAS NYON MONGS PA MED PA ZHES BYA BA LA, 'PHAGS PA'I BDEN PA BZHI BSAM PA NI NYON MONGS PA'I GNYEN PO YIN TE, SA LNGA PA'I DUS NA YANG 'PHAGS PA'I BDEN PA BZHI BSGOM PA LA MANG DU GNAS PAS NA SEMS CAN GYI DON DU 'KHOR BA NA GNAS KYANG NYON MONGS PAS GOS PAR MI 'GYUR BA'I PHYIR, BDAG NYID KYI SEMS KUN NAS NYON MONGS PA MED PA ZHES BYA'O, ,SEMS CAN RNAMS YONGS SU SMIN PAR BYED CING ZHES BYA BA LA, SA LNGA PA LA GTZUG LAG DANG BZO SNA TSOGS LA MKHAS PAS, DE'I SGO NAS SEMS CAN DRANGS TE, THEG PA GSUM LA 'GOD PAR BYED PAS SEMS CAN YONGS SU SMIN PAR BYED PA ZHES BYA'O, ,DE NA NYON MONGS PA RJES SU SRUNG BA'O ZHES BYA BA LA, SA DRUG PA'I TSE RTEN CING 'BREL TE 'BYUNG BSGOM PA LA MANG DU GNAS PAS, RTEN 'BREL SGOM PA NI NYON MONGS PA'I GNYEN PO YIN PA'I PHYIR 'KHOR BA NA SEMS CAN GYI DON BYED KYANG SEMS CAN NYON MONGS PA'I DBANG DU MI 'GYUR BAS NYON MONGS PA RJES SU SRUNG BA ZHES BYA'O, ,BDUN PA LA NI 'DRES SHING NYE BAR 'DRE BAS, BGROD PA GCIG GI LAM LA GNAS PA BRGYAD PA DANG 'BREL @246A *, ,PA YIN TE ZHES BYA BA LA, SA BRGYAD PA'I DUS NA RNAM PAR MI RTOG PA LHUN GYIS GRUB PA LA GNAS PAS SA BRGYAD PA NI BGROD PA GCIG PA'I LAM LA GNAS PA ZHES BYA'O, ,DE LA SA BDUN PA'I BYANG CHUB SEMS DPA' RNAMS MTSAN MA MED PA LA GNAS PA, SA BDUN PA LA GNAS PA'I BYANG CHUB SEMS DPA' RNAMS DANG RANG BZHIN GCIG TU GYUR PAS NA 'DRES PA ZHES BYA'O, ,MNGON PAR 'DU BYED PA MED PA'I LAM THOB PAS SA BRGYAD PA LA GNAS PA'I BYANG CHUB SEMS DPA' DANG NYE BAR 'GYUR TE, SA BRGYAD PA THOB PA'I RGYUR GYUR PAS NA, NYE BAR 'DRES PA ZHES BYA STE, DE'I PHYIR SA BRGYAD PA DANG 'DRES PA ZHES BSHAD DO, ,BRGAL BA, SA BDUN PA LA GNAS PA RNAMS KYIS SA BRGYAD PA MA THOB NA JI LTAR NYE BAR 'DRES PA ZHES BYA BAR 'GYUR ZHE NA, LAN DU NYE BAR 'DRES PA ZHES BYA BA'I TSIG 'DI NI DNGOS SU THOB PA LA MI BYA'O, , SA DE DANG NYE BAR 'GYUR BA LA BYA STE, DPER NA SKAS KYI MGOR PHYIN PAS KHANG PA'I STENG NA NYE BA BZHIN DU SA BDUN PA MTSAN MA MED PA LA GNAS PA DE NI MNGON PAR 'DU BYED PA DANG BCAS PA THAMS CAD MTHAR PHYIN TE, RTZOL 'BAD CAN GYI SA'I RTZE MO LA GNAS PAS MNGON PAR 'DU BYED PA MED PA'I SA BRGYAD PA DANG NYE BAR 'GYUR TE, DE MA THAG TU SA BRGYAD PA 'THOB PAS NA NYE BAR 'DRES PA ZHES BYA'O, ,YANG NA MNGON PAR 'DU BYED PA DANG BCAS PA'I LAM SA BDUN PA NYID THOB PAR GYUR BA'I PHYIR 'DRES PA ZHES BYA STE, DE MA THAG TU SA BRGYAD PA LA 'JUG PAS, BGROD PA GCIG PA'I LAM LA GNAS PA BRGYAD PA DANG 'BREL BA ZHES BYA'O, ,MTSAN MA MED PA LA PHYOGS GCIG PA'I LAM MO ZHES BYA BA LA SA BDUN PA'I DUS NA BAR 'GA' MTSAN MA MED PAR GNAS PA NI MA YIN GYI, RTAG TU BRTZAL 'BAD DANG BCAS PA'I SGO NAS RNAM PAR MI RTOG PA'I YE SHES LA GNAS PAS NA MTSEN MA MED PA LA PHYOGS GCIG PA'I LAM ZHES BYA'O, ,BRGYAD PA LA MTSAN MA MED PA LA LHUN GYIS GRUB STE ZHES BYA BA LA, SA BRGYAD PA'I DUS NA BRTZAL 'BAD THAMS CAD DANG BRAL TE, RNAM PAR MI RTOG PA'I TING NGE 'DZIN LHUN GYIS GRUB PA LA GNAS PAS NA MTSAN @246B MA MED PA YANG LHUN GYIS GRUB PA ZHES BYA'O, ,DE LTAR NA MTSAN MA MED PA LA GNAS PA RNAM PA GNYIS TE, MNGON PAR 'DU BYED PA DANG BCAS SHING BRTZAL BA DANG BCAS PAS MTSAN MA MED PA LA GNAS PA DANG MNGON PAR 'DU BYAD PA MED CING BRTZAL BA MED PAR MTSAN MA MED PA LA GNAS PA'O, ,DE LA SA BDUN PA'I DUS NA MTSAN MA MED PA LA GNAS SU ZIN KYANG MI MTHUN PA'I PHYOGS LAS SHIN TU RGYAL BAR MA GYUR PAS NA BRTZAL 'BAD DANG BCAS PA'I SGO NAS MTSAN MA MED PA LA SGOM PAS NA SA BDUN PA LA NI 'BAD PA DANG BCAS BRTZAL BA DANG BCAS PAS MTSAN MA MED PA LA GNAS PA ZHES BYA'O, ,SA BRGYAD PA LA NI MTSAN MA MED PA NGE NYID LA BSGOM PA DANG, MANG DU BYAS PAS BRTZAL 'BANG MED PAR LHUN GYIS GRUB PA NYID DU RNAM PAR MI RTOG PA'I TING NGE 'DZIN GNAS PA'I PHYIR, 'BAD PA MED PA DANG BRTZAL BA MED PAR MTSAN MA MED PA LA GNAS PA ZHES BYA'O, ,DE BAS NA SA BRGYAD PA NYID LAS, KYE RGYAL BA'I SRAS DAG 'DI LTA STE, DPER NA RGYA MTSO CHEN POR 'GRO BA'I GRU NI RGYA MTSO CHEN POR MA PHYIN GYI BAR DU CHED DU BSKYOD CING 'GRO BAR BYA BA YIN TE, RGYA MTSO CHEN PO LA ZHEN MA THAG TU RLUNG GI DKYIL 'KHOR GYIS BSDU BAS CHED DU BSKYOD MI DGOS PA MA YIN LA, DES RGYA MTSO CHEN PO NYID GCIG GIS CI CHOR PA DE NI SNGON CHAD DU BSKYOD CING 'GRO BAS LO BRGYAR YANG DE LTAR TSAD MED PAR PHYIN PAR MI NUS SO, ,KYE RGYAL BA'I SRAS DAG DE BZHIN DU BYANG CHUB SEMS DPA' SEMS DPA' CHEN PO'I DGE BA'I RTZA BA CHEN PO'I TSOGS YANG DAG PAR BSAGS PA'I THEG PA CHEN PO'I GRUR ZHUGS PA YANG, BYANG CHUB SEMS DPA'I SPYOD PA RGYA MTSOR PHYIN NAS YUD TZAM GCIG TU LHUN GYIS GRUB PA'I YE SHES KYIS THAMS CAD MKHYEN PA'I YE SHES CI TZAM YANG DAG PAR GNON PA DE NI SNGON GYI CHED DU BYA BA'I LAS KYIS BSKAL PA BRGYA STONG DU YANG YANG DAG PAR NON PAR MI NUS SO ZHES BYA BA GSUNGS SO, ,SA NYID LA GANG ZAG RNAM PAR DBYE BA LAS BRTZAMS TE TSIGS SU BCAD PA GNYIS SO ZHES BYA BA LA, SA DANG PO YAN CHAD SA BCU PA MAN CHAD LA NYID CES BYA STE, SA DE @247A *, ,DAG NA SA 'DI LA GNAS PA'I GANG ZAG LA MING DU 'DI SKAD CES BYA, SA 'DI LA GNAS PA'I GANG ZAG LA NI MING DU 'DI SKAD CES BYA ZHES PHYE STE BSTAN PA NI SA NYID LA GANG ZAG RNAM PAR DBYE BA ZHES BYA STE, DE TSIGS SU BCAD PA GNYIS KYIS BSTAN TO ZHES BYA BA'I DON TO, , LTA BA RNAM DAG CES BYA BA LA, SA DANG PO LA GNAS PA'I BYANG CHUB SEMS DPA' LA NI MING DU LTA BA RNAM PAR DAG PA'I GANG ZAG CES BYA STE, CI'I PHYIR ZHE NA, SA DANG PO THOB PA'I DUS NA GANG ZAG LA YOD PAR LTA BA DANG, CHOS LA YOD PAR LTA BA'I GNYEN POR GYUR PA, GANG ZAG DANG CHOS LA BDAG MED PAR CHUD PA'I YE SHES RNAM PAR MI RTOG PA'I YE SHES RNYED PA'I PHYIR LTA BA RNAM PAR DAG PA'I GANG ZAG CES BYA'O, ,DE BAS NA SA DANG PO NYID LAS KYANG SEMS KYI STOBS DANG BLO'I STOBS KYIS SHIN TU RNAM PAR PHYE BA RNAM PAR 'BYED PA YIN ZHES GSUNGS PA DANG, DUS MNYAM PA NYID DU RTOGS PA YIN ZHES GSUNGS SO, ,TSUL KHRIMS SHIN TU DAG CES BYA BA LA, SA GNYIS PA LA GNAS PA'I BYANG CHUB SEMS DPA' LA MING DU TSUL KHRIMS SHIN TU DAG PA'I GANG ZAG CES BYA STE, SA GNYIS PA LA GNAS PA'I BYANG CHUB SEMS DPA' RNAMS LTUNG BA CHEN PO MI 'BYUNG BA BZHIN DU LTUNG BA'I 'KHRUL PA PHRA MO YANG 'BYUNG BA MED PA'I PHYIR, TSUL KHRIMS RNAM PAR DAG PA'I GANG ZAG TU GZHAG GO, ,DE BAS NA SA GNYIS PA NYID LAS KYANG SROG GCOD PA LAS PHYIR LOG PA'I SKABS SU YANG SROG GCOD PA LAS PHYIR LOG PA YIN TE, DBYIG PA SPANGS MTSON CHA SPANGS ZHES BYA BA NAS DE KUN DU RTOG PA TZAM GYIS KYANG SROG CHAGS LA 'TSE BA MI BYED NA SEMS CAN GZHAN LA SEMS CAN DU 'DU SHES SHING CHED DU BSAMS SHING LUS KYI RNAM PAR 'TSE BA CHEN PO BYA BA LTA CI SMOS ZHES GSUNGS SO, ,MA BYIN PAR LEN PA'I SKABS SU YANG BDAG GI LONGS SPYOD KYIS CHOG SHES PAS GZHAN GYI LONGS SPYOD LA BAG MED PA YIN TE THA NA RTZVA DANG LO MA YANG MA BYIN PAR LEN PA 'TSO BA'I YO BYAD GZHAN DAG LTA CI SMOS ZHES GSUNGS SO, ,'DOD PAS LOG PAR SPYOD PA'I SKABS SU YANG BDAG GI @247B CHUNG MAS CHOG SHES PAS GZHAN GYI CHUNG MA LA MI 'DOD PA YIN TE, GZHAN GYIS YONGS SU BZUNG BA'I BUD MED GZHAN GYI CHUNG MA RUS DANG MTSAN DANG CHOS KYIS BSRUNGS PA RNAMS LA CHAGS PA YANG MI SKYED NA GNYIS KYIS GNYIS SPROD PA LTA CI SMOS ZHES BYA BA LA SOGS PA GSUNGS SO; ,MNYAM PAR GZHAG DANG ZHES BYA BA LA SA GSUM PA LA GNAS PA'I BYANG CHUB SEMS DPA' LA NI MING DU MNYAM PAR GZHAG PA'I BYANG CHUB SEMS DPA' ZHES BYA STE, TSE RABS GAR SKYES TE SHI 'PHOS KYANG, BSAM GTAN DANG TING NGE 'DZIN NYAMS PA MED PA THOB PAS NA MNYAM PAR GZHAG PA'I GANG ZAG CES BYA'O, ,DE BAS NA SA GSUM PA LAS KYANG DE RNAM PA DE LTA BU'I BRTZON 'GRUS RTZOM PAS NA, CHOS YONGS SU TSOL ZHING CHOS DE DAG THOS NAS KYANG, RANG RANG GI SEMS LA NGES PAR RTOGS PAS GCIG TU DBEN PAR SONG STE, 'DI LTAR DPYOD DO, ,CHOS KYI RJES SU MTHUN PA'I CHOS BSGRUBS PAS, SANGS RGYAS KYI CHOS 'DI DAG KHONG DU CHUD PAR BYA BA'I TSIG GI LAS YONGS SU DAG PA 'BA' ZHIG GIS NI MA YIN NO SNYAM STE, DE CHOS KYI RJES SU MTHUN PA'I CHOS BSGRUB PA'I RGYU 'DOD PA RNAMS LAS DBEN PA, SDIG PA MI DGE BA'I CHOS RNAMS LAS DPEN PA ZHES BYA BA LA SOGS PA RGYA CHER GSUNGS SO, ,CHOS LA NGA RGYAL SPANGS ZHES BYA BA LA, SA BZHI PA LA GNAS PA'I BYANG CHUB SEMS DPA' RNAMS LA NI MING DU CHOS LA NGA RGYAL SPANGS PA'I GANG ZAG CES BYA STE, 'DI LTAR SA GSUM PA'I TSE NA CHOS LA BLA MAR BYED CING CHOS LA GUS PA MANG STE, CHOS BRTZAL BA LA GCIG TU SPRO BA GANG YIN PA DE SA BZHI PA'I TSE NA SEMS DE LAS KYANG LOG GO, ,SA GSUM PA LA CHOS LA BLA MAR BYED CING, CHOS BRTZAMS PA LA GCIG TU SPRO BA YANG, SA GSUM PA NYID LAS DE DE LTAR SHIN TU BRTAGS PA'I SHES RAB DANG LDAN PAS, DE BAS KYANG SHAS CHER DAM PA'I CHOS YONGS SU TSOL BA LA MNGON PAR BRTZON PAR GNAS TE, NYIN MTSAN DU CHOS NYAN PA DON DU GNYER, CHOS 'DOD, CHOS LA DGA', CHOS LA BRTEN, CHOS LA GZHOL, CHOS LA 'BAB, CHOS LA PHYOGS, @248A *, ,CHOS LA GNAS TSOL, CHOS LA SKYABS TSOL ZHING CHOS KYI RJES SU MTHUN PA'I CHOS SPYOD DO, ,SANGS RGYAS KYI CHOS YONGS SU TSOL BA LA MNGON PAR BRTZON PA DE NI, RDZAS KYI RNAM PA 'AM, NOR DANG 'BRU DANG MDZOD DANG BANG BA'I RNAM PA YONGS SU MI GTONG BA GANG YANG MED DO, ,DE LA BYA DKA' BAR 'DU SHES PA MA YIN GYI, GZHAN DU CHOS SMRA BA'I GANG ZAG DE LA BYA DKA' BA'I 'DU SHES SU GYUR PA NI MA GTOGS SO, ,PHYI ROL GYI DNGOS PO NYE BAR GZUNG BA YONGS SU MI GTONG BA DE GANG CUNG ZAD KYANG MED DO, ,NANG GI DNGOS PO YONGS SU MI GTONG BA DE GANG CUNG ZAD KYANG MED DO, ,BLA MA'I YONGS SU SPYOD PA DANG RIM GRO BYA BA NYAMS SU MI LEN PA CUNG ZAD KYANG MED DO, ,NGA RGYAL GYI SEMS LAS KYANG NGA RGYAL SPANGS TE, NGA RGYAL MED PA NYE BAR SPYAD PAR BYA BA JI LTA BU STE, NYAMS SU MI LEN PA DE GANG YANG MED DO ZHES BYA BA NAS, GAL TE LA LA ZHIG DE LA 'DI SKAD CES ZER TE, GAL TE KHYOD KYIS ME'I 'OBS CHEN PO KUN DU 'BAR BA, KUN DU RAB TU 'BAR BA, ME LCE GCIG TU GYUR PA'I NANG DU BDAG POR TE, SDUG BSNGAL GYI TSOR BA CHEN PO RANG GI LUS KYIS NYAMS SU BLANG BA LTA NA, NGAS KHYOD LA CHOS KYI TSIG YANG DAG PAR RDZOGS PA'I SANGS RGYAS KYIS BSTAN PA BYANG CHUB SEMS DPA'I SPYOD PA YONGS SU SBYONG BA 'DI BSHAD PAR BYA'O ZHE NA YANG, DE 'DI SNYAM STE, YANG DAG PAR RDZOGS PA'I SANGS RGYAS KYI BSTAN PA LA BYANG CHUB SEMS DPA'I SPYOD PA YONGS SU SPYOD PA'I CHOS KYI TSIG GCIG GI DON DU YANG STONG GSUM GYI STONG CHEN PO'I 'JIG RTEN GYI KHAMS MES GANG BAR TSANGS PA'I 'JIG RTEN NAS BDAG NYID DOR BAR MOS NA, ME'I 'OBS THA MAL BAR BDAG DOR BA LTA CI SMOS, SEMS CAN DMYAL BA'I SDUG BSNGAL THAMS CAD NYAMS SU BAB KYANG BDAG GIS CHOS BTZAL BAR BYA NA ME'I SDUG BSNGAL DANG 'GROGS PA LTA CI SMOS ZHES GSUNGS SO, ,DE LTAR SA GSUM PA LA CHOS LA GCIG TU GUS PA'I BSAM PA DE'ANG SA BZHI PA'I TSE NA LDOG STE, JI LTAR LDOG CE NA, 'DI LTAR GANG GCIG TU CHOS TSOL BA 'DI 'ANG, SEMS G-YENGS PA DANG, SEMS @248B NGA RGYAL CAN DU BYED PA YIN NO ZHES TSOL BA DE SPANGS NAS, BYANG CHUB KYI PHYOGS BSGOM PA LA RAB TU SBYOR BAR BYED DO, ,DE'I PHYIR SA BZHI PA NYID LAS KYE RGYAL BA'I SRAS DAG BYANG CHUB SEMS DPA'I SA 'OD 'PHRO BA CAN 'DI LA GNAS PA'I BYANG CHUB SEMS DPA' DE NI KUN SBYONG BA DANG LDAN ZHING SHES BZHIN CAN DRAN PA DANG LDAN PAR GYUR NAS, SNYING RJES 'JIG RTEN GYI CHAGS SEMS DANG YID MI BDE BA RNAM PAR SPANGS TE, NANG GI LUS LA LUS KYI RJES SU LTA BA CAN DU GNAS SO ZHES BYA BA LA SOGS PA GSUNGS SO, ,RGYUD DANG NYON MONGS RNAM DAG BYE BRAG LA, ,ZHES BYA BA LA, RGYUD BYE BRAG MED PA DANG, NYON MONGS PA DANG RNAM PAR BYANG BA'I BYE BRAG LA NGA RGYAL MED PA ZHES BYA BAR SBYAR RO, ,DE LA SA LNGA PA LA GNAS PA'I BYANG CHUB SEMS DPA' RNAMS LA NI MING DU RGYUD KYI BYE BRAG LAS NGA RGYAL MED PA'I GANG ZAG CES BYA STE, DE'I TSE SEMS KYI BSAM PA RNAM PAR DAG PA MA NYAM PA NYID SA BCU THOB PAS DUS GSUM GYI DE BZHIN GSHEGS PA RNAMS KYI RGYUD DANG, DUS GSUM GYI DE BZHIN GSHEGS PA'I CHOS RNAMS DANG SA LNGA PA LA GNAS PA'I BYANG CHUB SEMS DPA'I SEMS KYI RGYUD DANG, CHOS RNAMS SU RNAM PAR DAG PA'I MTSAN NYID DU THA DAD PA MED PAR KHONG DU CHUNG PAS NA, RGYUD KYI BYE BRAG LA NGA RGYAL MED PA'I GANG ZAG CES BYA'O, ,DE LA SEMS KYI BSAM PA RNAM PAR DAG PA MNYAM PA NYID BCU NI SA LNGA PA NYID LAS, KYE RGYAL BA'I SRAS DAG BYANG CHUB SEMS DPA'I SA BZHI PA LA, SA'I LAM YONGS SU RDZOGS PAR BYAS PA DE BYANG CHUB SEMS DPA'I SA LNGA PA LA 'JUG STE, RNAM PAR DAG PA LA SEMS KYI MNYAM PA NYID BCUS 'JUG GO, ,BCU GANG ZHE NA 'DI LTA STE, 'DAS PA'I SANGS RGYAS KYI CHOS KYI BSAM PA RNAM PAR DAG PA MNYAM PA NYID DANG, MA BYON PA'I SANGS RGYAS KYI CHOS KYI BSAM PA RNAM PAR DAG PA MNYAM PA NYID DANG, DA LTAR BYUNG BA'I SANGS RGYAS KYI CHOS KYI BSAM PA RNAM PAR DAG PA MNYAM PA NYID DANG, TSUL KHRIMS KYI BSAM PA RNAM PAR DAG PA MNYAM PA NYID DANG, SEMS KYI BSAM PA RNAM PAR DAG PA @249A *, ,MNYAM PA NYID DANG, LTA BA DANG, NEM NUR DANG, DOGS PA BSAL BAS BSAM PA RNAM PAR DAG PA MNYAM PA NYID DANG, LAM DANG LAM MA YIN PAR SHES PAS BSAM PA RNAM PAR DAG PA MNYAM PA NYID DANG, NAN TAN SPONG BAR SHES PAS BSAM PA RNAM PAR DAG PA MNYAM PA NYID DANG, BYANG CHUB KYI PHYOGS KYI CHOS THAMS CAD DU GONG NAS GONG DU RNAM PAR BSGOM PA DANG, BSAM PA RNAM PAR DAG PA MNYAM PA NYID DANG, SEMS CAN YONGS SU SMIN PAR BYAS PAS BSAM PA RNAM PAR DAG PA MNYAM PA NYID DE ZHES GSUNGS PA STE, DE'I DON KYANG JI LTAR 'DAS PA'I SANGS RGYAS BCOM LDAN 'DAS RNAMS KYIS SANGS RGYAS KYI CHOS RNAM PAR DAG PAR GYUR PA, DE BZHIN DU SA LNGA PA THOB PA'I BYANG CHUB SEMS DPA' RNAMS KYANG BDAG CAG GIS KYANG DE DANG 'DRA BAR SANGS RGYAS KYI CHOS RNAMS RING PO MI THOGS PAR SANGS RGYAS KYI CHOS DE DAG DAG PAR 'GYUR RO ZHES DE LTA BU'I BSAM PA THOB PO, ,SA DRUG PA LA GNAS PA'I BYANG CHUB SEMS DPA' RNAMS LA NI MING DU KUN NAS NYON MONGS PA DANG RNAM PAR BYANG BA'I BYE BRAG LA NGA RGYAL MED PA'I GANG ZAG CES BYA STE, CI'I PHYIR ZHE NA, SA DE LA GNAS PA'I TSE, CHOS MNYAM PA NYID BCU THOB PAS RTEN CING 'BREL TE 'BYUNG BA'I STONG PA NYID RTOGS PA'I PHYIR STONG PA NYID LA NI MA RIG PA'I RKYEN GYIS 'DU BYED LA SOGS PA NAG PO'I PHYOGS SU GZHAG PA DANG, MA RIG PA 'GAGS PA LA SOGS PA DKAR PO'I PHYOGS SU GZHAG PA STE, RNAM PA GNYIS SU GZHAG TU MED KYI THAMS CAD KYANG MA SKYES MA BYUNG ZHING STONG PA NYID KYI MTSAN NYID DU RO GCIG PAR KHONG DU CHUD PAS NA, DE'I TSE KUN NAS NYON MONGS PA DANG, RNAM PAR BYANG BA LA NGA RGYAL MED PA'I GANG ZAG CES BYA'O, ,DE BAS NA SA DRUG PA NYID LAS, KYE RGYAL BA'I SRAS DAG SA LNGA PA LA SA'I LAM YONGS SU RDZOGS PAS BYANG CHUB SEMS DPA'I SA DRUG PA LA 'JUG GO, ,DE LA CHOS MNYAM PA NYID BCUS 'JUG STE, BCU GANG ZHE NA, 'DI LTA STE, CHOS THAMS CAD MTSAN MA MED PA MNYAM PA NYID DANG, CHOS @249B THAMS CAD MI SKYE BA MNYAM PA NYID DANG, CHOS THAMS CAD MA BYUNG BA MNYAM PA NYID DANG, CHOS THAMS CAD DBEN PA MNYAM PA NYID DANG, CHOS THAMS CAD SNGA NAS RNAM PAR DAG PA MNYAM PA NYID DANG, CHOS THAMS CAD SPROS PA MED PA MNYAM PA NYID DANG, CHOS THAMS CAD BLANG BA MED PA DANG DOR BA MED PA MNYAM PA NYID DANG, CHOS THAMS CAD SGYU MA DANG RMI LAM DANG MIG YOR DANG SGRA BRNYAN DANG CHU ZLA DANG GZUGS BRNYAN DANG SPRUL PA DANG MTSUNGS PA MNYAM PA NYID DANG, CHOS THAMS CAD DNGOS PO YOD PA DANG DNGOS PO MED PA DANG GNYI GA MA YIN PA MNYAM PA NYID DANG ZHES BYA BA NAS, RGYU RKYEN DANG LDAN PAS NI 'DU BYED 'PHAL BAR 'GYUR RO, ,RGYU RKYEN DANG MI LDAN PAS NI 'PHEL BA MED PA ZHES BYA BA'I BAR DU GSUNGS SO, ,SKAD CIG GCIG THOB BLO ZHES BYA BA LA, SA BDUN PA LA GNAS PA'I BYANG CHUB SEMS DPA' RNAMS LA NI SKAD CIG MA GCIG LA THOB PA'I BLO DANG LDAN PA'I GANG ZAG CES BYA STE, CI'I PHYIR ZHE NA, SA DRUG PA LA GNAS PA'I MTSAN MA MED PA'I TING NGE 'DZIN LA GNAS PAR GYUR PA'I SANGS RGYAS KYI CHOS THAMS CAD SKYED PAR BYED PA'I RGYU BYANG CHUB KYI PHYOGS KYI CHOS RNAMS SKAD CIG MA RE RE LA YONGS SU RDZOGS PAR BYED PA'I PHYIR SKAD CIG MA LA THOB PA'I BLO DANG LDAN PA'I GANG ZAG CES BYA'O, ,DE BAS NA SA BDUN PA NYID LAS KYANG, KYE RGYAL BA'I SRAS DAG DE LTAR BYANG CHUB SEMS DPA'I SA RING DU SONG BA 'DI LA[?] LA GNAS PA'I BYANG CHUB SEMS DPA'I PHA ROL TU PHYIN PA BCU PO DE DAG DE LTAR YONGS SU RDZOGS PAR 'GYUR TE, BSDU BA'I DNGOS PO BZHI YANG YONGS SU RDZOGS PAR 'GYUR RO, ,GNAS BZHI DANG BYANG CHUB KYI PHYOGS SUM CU RTZA BDUN DANG, RNAM PAR THAR PA'I SGO GSUM DANG, MDOR BSDU NA BYANG CHUB KYI YAN LAG GI CHOS THAMS CAD SKAD CIG TU YONGS SU RDZOGS PAR 'GYUR RO ZHES GSUNGS SO, ,BTANG SNYOMS PA DANG ZHING YANG RNAM PAR SPYOD, ,ZHES BYA BA LA, SA BRGYAD PA LA GNAS PA'I BYANG CHUB SEMS DPA' RNAMS LA NI BTANG SNYOMS @250A *, ,DANG ZHING RNAM PAR SBYONG BA'I GANG ZAG CES BYA STE, LHUN GYIS GRUB PAR MTSAN MA MED PA RNAM PAR MI RTOG PA'I TING NGE 'DZIN LA GNAS PAS BTANG SNYOMS PA ZHES BYA'O, ,LHUN GYIS GRUB PAR GNAS PA'I DPE YANG KYE RGYAL BA'I SRAS DAG 'DI LTA STE, DPER NA RGYA MTSO CHEN POR 'GRO BA'I GRU NI RGYA MTSO CHEN POR MA PHYIN GYI BAR DU CHED DU BSKYOD CING 'GRO BAR BYA BA YIN TE, RGYA MTSO CHEN PO LA ZHEN MA THAG TU RLUNG GI DKYIL 'KHOR GYIS BSU BAS CHED DU BSKYOD MI DGOS PA YIN NO ZHES BYA BA LA SOGS PA'I SKABS SU GSUNGS SO, ,SA BRGYAD PA LA GNAS PA'I TSE SANGS RGYAS KYI ZHING RIN PO CHE SNA BDUN GYIS BRGYAN PA LTA BUR BYIN GYIS RLOB CING STON PAS NA ZHING YONGS SU SBYONG BA ZHES BYA STE, DE YANG SA BRGYAD PA NYID LAS, 'JIG RTEN GYI KHAMS THAMS CAD RGYAN DU MAS RAB TU BRGYAN CING SHIN TU KLUBS PA'I BYIN GYI RLABS YANG DAG PAR BSTAN PA'I YO BYAD KYI DBANG RAB TU THOB PO ZHES GSUNGS PA'O, ,SEMS CAN SMIN PAR MKHAS PA DANG, ,ZHES BYA BA LA, SA DGU PA LA GNAS PA'I BYANG CHUB SEMS DPA' NI SEMS CAN RNAMS YONGS SU SMIN PAR BYA BA LA MKHAS PA'I GANG ZAG CES BYA STE, CI'I PHYIR ZHE NA, SA DGU PA THOB PA'I TSE SO SO YANG DAG PAR RIG PA SHIN TU RNAM PAR DAG PA THOB PA'I BLO DANG LDAN PAS RNAM PA THAMS CAD DU SEMS CAN GYI DON BYED NUS PA'I PHYIR SEMS CAN YONGS SU SMIN PAR BYA BA LA MKHAS PA'I GANG ZAG CES BYA'O, , DE BAS NA SA DGU PA NYID LAS KYANG, SA DGE BA'I BLO GROS LA GNAS PA'I BYANG CHUB SEMS DPA' NI CHOS SMRA BA CHEN PO'I GO 'PHANG LA GNAS SHING DE BZHIN GSHEGS PA'I CHOS KYI MDZOD YONGS SU BSRUNGS PA YIN, DE CHOS SMRA BA'I TSUL DANG LDAN PAS YE SHES LA MKHAS PA TSAD MED PA RJES SU SONG ZHING SO SO YANG DAG PAR RIG PA BZHIS MNGON PAR BSGRUBS PA'I BYANG CHUB SEMS DPA'I TSIG GIS CHOS STON TE ZHES BYA BA LA SOGS PA GSUNGS SO, ,RDZU 'PHRUL CHE LUS KYANG KUN RDZOB STON PAR NUS TE, DBANG BSKUR BYANG CHUB SEMS DPAR 'GYUR, , @250B ZHES BYA BA LA, SA BCU PA LA GNAS PA'I BYANG CHUB SEMS DPA' LA NI MING DU RDZU 'PHRUL CHE BA DANG LUS KUN RDZOB STON PAR NUS PA DANG DBANG BSKUR BA THOB PA'I GANG ZAG CES BYA'O, ,DE LA SA BCU PA LA BYANG CHUB SEMS DPA' RNAMS RDZU 'PHRUL CHEN POR RNAM PAR GZHAG STE, SA DE LA GNAS PA'I TSE THOGS PA MED PA'I MNGON PAR SHES PA CHEN PO THOB PA'I PHYIR RO, ,DE BAS NA SA BCU PA NYID LAS KYANG MNGON PAR SHES PAS MNGON PAR BSGRUB PAS BRGYA STONG RAB TU 'THOB PO ZHES GSUNGS PA DANG 'DOD NA 'JIG RTEN GYI KHAMS DOG PA YANGS PAR BYIN GYIS RLOB BO, ,'JIG RTEN GYI KHAMS YANGS PA YANG DAG PAR BYIN GYIS RLOB BO ZHES BYA BA LA SOGS PA'O, ,SA BCU PA LA CHOS KYI SKU YONGS SU RDZOGS PAR YANG RNAM PAR GZHAG STE, CI'I PHYIR ZHE NA, CHOS KYI SKU THOB PAR 'GYUR BA'I RGYU TING NGE 'DZIN GYI SGO DANG GZUNGS KYI SGO TSAD MED PA THOB PAS BYANG CHUB SEMS DPA'I CHOS KYI SGO NI SA BCUR RDZOGS SO,, ,,DE BAS NA SA BCU PA LAS KYE RGYAL BA'I SRAS DE LTAR BYANG CHUB SEMS DPA'I SA BCU PA 'DI LA GNAS PA'I BYANG CHUB SEMS DPA' BYANG CHUB SEMS DPA'I RNAM PAR THAR PA'I SGO BCU PO DE DAG LA SOGS PA RNAM PAR THAR PA'I SGO BRGYA STONG GRANGS MED PA RAB TU 'THOB PO, ,DE BZHIN DU TING NGE 'DZIN BRGYA STONG DANG GZUGS BRGYA STONG 'THOB PO ZHES GSUNGS SO, ,SA BCU PA LA LUNG BSTAN PAR YANG RNAM PAR GZHAG PA STE, SA BCU PA LA GNAS PA'I TSE DGA' LDAN GYI PHO BRANG NA BZHUGS PA DANG YUM GYI LHUMS SU GSHEGS PA LA SOGS PA'I SPRUL PA'I LUS RNAM PA SNA TSOGS STON PAR BYED PA'I PHYIR RO, ,DE LTA BAS NA SA BCU PA NYID LAS KYANG, KYE RGYAL BA'I SRAS BYANG CHUB SEMS DPA'I SA CHOS KYI SPRIN 'DI LA GNAS PA'I BYANG MCHUB SEMS DPA' NI 'JIG RTEN GYI KHAMS GCIG NA, DGA' LDAN GYI PHO BRANG NA BZHUGS PA NAS BZUNG STE, 'PHO BA DANG GSHEGS PA DANG, LHUMS NA ZHUGS PA DANG, BLTAMS PA DANG, MNGON PAR 'BYUNG BA DANG, MNGON PAR RDZOGS PAR BYANG CHUB PA DANG, BSKUL BA @251A *, ,DANG, CHOS KYI 'KHOR LO BSKOR BA DANG, YONGS SU MYA NGAN LAS 'DAS PA CHEN PO'I SA ZHES BYA BA'I BAR DU DE BZHIN GSHEGS PA'I MDZAD PA THAMS CAD SEMS CAN RNAMS KYI BSAM PA JI LTA BA DANG 'DUL BA JI LTA BA BZHIN DU BYIN GYIS RLOB BO ZHES GSUNGS SO, , SA BCU PA LA GNAS PA'I TSE SANGS RGYAS SU DBANG BSKUR BA THOB PA ZHES KYANG RNAM PAR GZHAG STE, SA DE THOB MA THAG TU PHYOGS BCU'I DE BZHIN GSHEGS PA THAMS CAD KYI 'OD ZER GYIS CHOS KYI RGYAL PO'I RGYAL TSAB TU DBANG BSKUR BAR MDZAD PA'I PHYIR RO, ,DE BAS NA SA BCU PA NYID LAS, KYE RGYAL BA'I SRAS DAG DE LTAR BYANG CHUB SEMS DPA' DE SA DGU PA'I BAR DU SHES PAR BYA BA TSAD MED PA YONGS SU BRTAGS PA'I BLOS RNAM PAR PHYE BA, SHIN TU RNAM PAR PHYE BA, CHOS DKAR PO SHIN TU RDZOGS PA, BSAGS PAR BYA BA'I TSOGS MTHA' YAS PA SHIN TU BSAGS PA, BSOD NAMS DANG YE SHES KYI TSOGS YONGS SU ZIN PA, SNYING RJE CHEN PO SHIN TU YANGS PA THOB PA, 'JIG RTEN GYI KHAMS RNAM PAR PHYE BA, RNAM PA THA DAD PA LA MKHAS LA SEMS CAN GYI KHAMS THIBS POS NYE BAR SPYOD PA LA RAB TU BZHUGS PA, DE BZHIN GSHEGS PA'I SPYOD YUL LA 'JUG PA DANG LDAN PA'I 'DU SHES DANG YID LA BYED PA CAN STOBS DANG MI 'JIGS PA DANG SANGS RGYAS KYI CHOS LA LHAG PAR DMIGS PA'I RJES SU SONG BA NI RNAM PA THAMS CAD DU THAMS CAD MKHYEN PA'I YE SHES SU DBANG BSKUR BA'I SA THOB PA ZHES BYA'O ZHES GSUNGS PA DANG, GZHAN YANG DE MNGON DU GYUR MA THAG TU STONG GSUM BRGYA STONG PHRAG BCU'I THA GRU DANG MNYAM PA'I RIN PO CHE'I PADMO CHEN PO'I RGYAL PO LAS BYUNG BA ZHES BYA BA NAS, KYE RGYAL BA'I SRAS DAG 'DI LTA STE DPER NA 'KHOR LOS SGYUR BA'I RGYAL PO'I BU THU BO, ,GZHON NU BTZUN MO DAM PA LAS BTZAS PA RGYAL PO'I MTSAN DANG LDAN PA DE 'KHOR LOS SGYUR BA'I RGYAL POS LHA RDZAS KYI GLANG PO RIN PO CHE GSER GYI KHRI DAM PA LA GZHAG STE, STENG NAS BLA RE BRE ZHING GDUGS DANG RGYAL MTSAN DANG, ROL MO BRDUNG BA DANG, DKROL BA DANG, GLU'I DBYANGS LA @251B SOGS PA RGYA CHEN PO STE, RGYA MTSO CHEN PO BZHI LAS CHU BLANGS PA GSER GYI BUM PAS BCUS TE, CHU DES GZHON NU DE'I SPYI BO NAS MNGON PAR DBANG BSKUR NA, DBANG BSKUR MA THAG TU DE NI RGYAL PO RGYAL RIGS SPYI BO NAS DBANG BSKUR BA ZHES BYA BA'I GRANGS SU 'GRO'O, ,DGE BA BCU'I LAS KYI LAM YONGS SU RDZOGS NAS NI 'KHOR LOS SGYUR BAR BGRANG BA RAB TU 'THOB PO, ,KYE RGYAL BA'I SRAS DAG DE BZHIN DU BYANG CHUB SEMS DPA' YANG SANGS RGYAS BCOM LDAN 'DAS DE DAG GIS DBANG BSKUR MA THAG TU YE SHES KYI DBANG MNGON PAR BSKUR BAS DBANG BSKUR ZHES BYA'O, ,STOBS BCU YONGS SU RDZOGS NAS NI YANG DAG PAR RDZOGS PA'I SANGS RGYAS KYI GRANGAS SU 'GRO'O ZHES GSUNGS SO, ,SA BCU RNAMS LA, BYANG CHUB SEMS DPA' RNAMS SU RNAM PAR GZHAG STE ZHES BYA BA LA, SA 'DI THOB PA'I TSE NA, SA THOB PA'I GANG ZAG DE'I MING 'DI SKAD CES BYA'O ZHES RNAM PAR GZHAG PA NI, SA BCU RNAMS LA BYANG CHUB SEMS DPA' RNAMS SU RNAM PAR GZHAG PA ZHES BYA'O, ,GANG ZAG DANG CHOS SU LTA BA'I GNYEN PO'I YE SHES THOB PA'I PHYIR RO ZHES BYA BA LA, GANG ZAG DANG CHOS SU LTA BA'I GNYEN PO'I YE SHES NI RNAM PAR MI RTOG PA'I YE SHES LA BYA STE, RNAM PAR MI RTOG PA'I YE SHES THOB CES BYA BA'I DON TO, ,BSAM GTAN DANG TING NGE 'DZIN NYAMS PA MED PA THOB PA'I PHYIR RO ZHES BYA BA LA SA GSUM PA THOB PHAN CHAD, TSE BRJES KYANG BSAM GTAN DANG TING NGE 'DZIN THOB PA LAS NYAMS PA MI 'BYUNG BAS NA, BSAM GTAN DANG TING NGE 'DZIN NYAMS PA MED PA ZHES BYA'O, ,MDO LA LA SOGS PA SNA TSOGS PA NGA RGYAL SPANGS PA'I PHYIR RO ZHES BYA BA LA, SA GSUM PA'I DUS NA TSIGS SU BCAD PA GCIG GI PHYIR YANG, STONG GSUM GYI STONG CHEN PO'I 'JIG RTEN GYI KHAMS ME MA MUR GYIS GANG BA'I NANG DU TSANGS PA'I 'JIG RTEN NAS BDAG NYID DOR BAR SPRO BA'I SEMS DE LTA BU YANG SA BZHI PA THOB PA NA, SEMS DE YANG G-YENG BA DANG NGA RGYAL CAN DU BYED PA YIN NO ZHES, SA BZHI BA'I DUS NA DE YANG SPANGS NAS BYANG CHUB KYI PHYOGS BSGOM PA LA @252A *, ,SBYOR BAR BYED DO, ,LNGA PA LA RGYUD KYI BYE BRAG MED PA STE ZHES BYA BA LA, SA LNGA PA THOB PA'I DUS NA SEMS KYI BSAM PA RNAM PAR DAG PA BCU RNYED PAS DUS GSUM GYI DE BZHIN GSHEGS PA DANG BDAG TU SEMS KYI RGYUD GCIG PAR MTHONG BAS NA RGYUD KYI BYE BRAG LA NGA RGYAL MED PA ZHES BYA'O, ,DRUG PA LA NI KUN NAS NYON MONGS PA DANG, RNAM PAR BYANG BA'I BYE BRAG LA NGA RGYAL MED PA STE ZHES BYA BA LA, SA DRUG PA THOB PA NA, MA RIG PA'I RKYEN GYIS 'DU BYED LA SOGS PA LA, KUN NAS NYON MONGS PA'I PHYOGS SU MI SEMS, MA RIG PA 'GAGS PAS 'DU BYED 'GAG PA LA SOGS PA, DKAR PO'I PHYOGS SU MI SEMS PAS NA KUN NAS NYON MONGS PA DANG RNAM PAR BYANG BA'I PHYOGS LA NGA RGYAL MED PA ZHES BYA'O, ,CI'I PHYIR NGA RGYAL MED CE NA DE'I PHYIR RTEN CING 'BREL PAR 'BYUNG BA'I DE BZHIN NYID LA GNAS PA MANG BAS RANG BZHIN RNAM PAR DAG PA LA BRTEN TE ZHES BYA BA LA SOGS PA SMOS TE, SA DRUG PA THOB PA'I DUS NA, RTEN CING 'BREL TE 'BYUNG BA'I STONG PA NYID SKYE 'GAG MED PA'I DON LA SGOM ZHING GNAS PA MANG BAS STONG PA NYID LA NI DKAR PO'I PHYOGS DANG, NAG PO'I PHYOGS ZHES RNAM PA GNYIS SU GZHAG TU MED KYI, STONG PA NYID NI RANG BZHIN GYIS RNAM PAR DAG PA YIN PAS RANG BZHIN GYIS RNAM PAR DAG PA'I CHOS LA NI MA RIG PA SOGS PA'I KUN NAS NYON MONGS PA'I PHYOGS NI NAG PO'I PHYOGS SU MA MTHONG LA, MA RIG PA 'GAGS PAS 'DU BYED 'GAG PA LA SOGS PA RNAM PAR BYANG BA'I PHYOGS LA NI DKAR PO'I PHYOGS SU MA MTHONG BA NA, KUN NAS NYON MONGS PA DANG RNAM PAR BYANG BA'I BYE BRAG LA NGA RGYAL MED PA ZHES BYA'O, ,BTANG SNYOMS DANG NI ZHING RNAM PAR SBYONG BA STE, MTSAN MA MED PA LHUN GYIS GRUB PA GNAS PA'I PHYIR RO ZHES BYA BA LA, SA BRGYAD PA THOB PA'I DUS NA BTANG SNYOMS SBYONG BA DANG ZHING RNAM PAR SBYONG BAR GZHAG STE DE'I TSE RNAM PAR MI RTOG PA LHUN GYIS GRUB PA'I TING NGE 'DZIN THOB PA'I PHYIR BTANG SNYOMS SBYONG BAR GZHAG GO, ,SNOD KYI 'JIG RTEN RIN PO CHE SNA BDUN GYIS BRGYAN PA KUN DU @252B STON PA'I PHYIR ZHING RNAM PAR SBYONG BAR RNAM PAR GZHAG GO, ,PHYIR MI LDOG PA'I SA LA ZHUGS PA'I BYANG CHUB SEMS DPA' RNAMS DANG 'DRES SHING NYE BAR 'DRES PAR SBYOR BA'I PHYIR RO ZHES BYA BA LA, SA BRGYAD PA THOB NAS BRGYAD PA LA ZHUGS PA'I BYANG CHUB SEMS DPA' RNAMS DANG RANG BZHIN GCIG CING PHRIN LAS GCIG PAR GYUR PAS PHYIR MI LDOG PA'I SA LA ZHUGS PA'I BYANG CHUB SEMS DPA' RNAMS DANG 'DRES SHING NYE BAR 'DRES PA ZHES BYA'O, ,GONG DU SA BDUN PA LA YANG 'DRES SHING NYE BAR 'DRES PA ZHES BSHAD PA DANG, 'DIR SA BRGYAD PA'I SKABS SU 'DRES SHING NYE BAR 'DRES PA ZHES BSHAD PA GNYIS LA BYE BRAG CI YOD CE NA, BYE BRAG YOD DE GONG DU SA BDUN PA'I TSE NA SA BRGYAD PA DANG 'BREL PAS 'DRES SHING NYE BAR 'DRES PA ZHES BSHAD LA, 'DIR NI SA BRGYAD PA THOB PA'I BYANG CHUB SEMS DPA' STE, SA BRGYAD PA THOB PA'I BYANG CHUB SEMS DPA' RNAMS DANG, RANG BZHIN GCIG CING PHRIN LAS GCIG TU GYUR PAS NA 'DRES PA DANG RAB TU 'DRES PA ZHES BSHAD PA'I PHYIR RO, ,SA DGU PA LA NI SEMS CAN YONGS SU SMIN PAR BYA BA LA MKHAS PA SNGA MA BZHIN NO ZHES BYA BA LA, SA DGU PA THOB PA'I BYANG CHUB SEMS DPA' NI SEMS CAN YONGS SU SMIN PAR BYA BA LA MKHAS PA'I GANG ZAG CES GZHAG STE, DE'I DON YANG SNGAR SO SO YANG DAG PAR RIG PA BZHI THOB PAS NA SEMS CAN DU SMIN PAR BYED PA'I MTHU YOD DO ZHES BSHAD PA DANG 'DRA'O, ,MNGON PAR SHES PA CHEN PO THOB PA'I PHYIR RO ZHES BYA BA LA, SA BCU PA'I TSE RDUL PHRA MO GCIG TZAM YANG STONG GSUM GYI STONG CHEN PO'I 'JIG RTEN GYI KHAMS TZAM DU CHER SPRO BAR BYED PA DANG, STONG GSUM GYI STONG CHEN PO'I 'JIG RTEN GYI KHAMS TZAM YANG RDUL PHRA MO GCIG TZAM DU CHUD DU SDUD CING MNGON PAR SHES PA THOB PAS NA, RDZU 'PHRUL CHEN POR RNAM PAR GZHAG GO, ,CHOS KYI SKU KUN DU RDZOGS PA DANG ZHES BYA BA LA, SA BCU PA'I TSE CHOS KYI SKU'I RGYU TING NGE 'DZIN GYI SGO DPAG TU MED PA DANG GZUNGS KYI SGO DPAG TU MED PA THOB PAS NA BYANG CHUB SEMS @253A *, ,DPA'I CHOS KYI SKU YONGS SU RDZOGS PA ZHES BYA BA RNAM PAR GZHAG GO, ,SANGS RGYAS SU DBANG BSKUR BA ZHES BYA BA LA, SA BCU PA'I TSE PHYOGS BCU'I DE BZHIN GSHEGS PA THAMS CAD KYI 'OD ZER GYIS, CHOS KYI RGYAL PO'I RGYAL TSAB TU DBANG BSKUR BAR MDZAD PAS NA SANGS RGYAS SU DBANG BSKUR BA ZHES RNAM PAR GZHAG GO, ,BSLAB PA RNAM PAR GZHAG PA LAS BRTZAMS TE TSIGS SU BCAD PA LNGA'O ZHES BYA BA LA, BYANG CHUB SEMS DPA'I BSLAB PA NI GSUM STE, LHAG PA'I TSUL KHRIMS KYI BSLAB PA DANG, LHAG PA'I SEMS KYI BSLAB PA DANG, LHAG PA'I SHES RAB KYI BSLAB PA'O, ,DE LA SA BCU PA THAMS CAD NA YANG BSLAB PA 'DI GSUM LA SLOB STE, DE BAS NA SA GANG LA BSLAB PA GANG SLOB PA'I DBANG DU BYAS NAS TSIGS SU BCAD PA LNGA STON TO, ,CHOS NYID RAB TU RTOGS NAS 'DIR, ,LHAG PA'I TSUL KHRIMS RJES SU SLOB,, CES BYA BA LA, SA DANG POR GANG ZAG LA BDAG MED PA DANG, CHOS LA BDAG MED PA'I CHOS NYID RAB TU RTOGS NAS, 'DIR ZHES BYA BA NI SA GNYIS PA DANG SBYAR TE, DE NAS SA GNYIS PAR LHAG PA'I TSUL KHRIMS KYI BSLAB PA SLOB PO ZHES BYA BA'I DON TO, ,'DI LTAR SA DANG PO LA YANG LHAG PA'I TSUL KHRIMS KYI BSLAB PA YOD MOD KYI DE'I TSE NA MA BSAMS MA BRTAGS PAR LTUNG BA DANG NYES PA PHO MO DAG 'BYUNG BAS TSUL KHRIMS RNAMS PAR DAG PA MA YIN GYI SA GNYIS PA LA NI GNYID KYIS LOG PA'I RMI LAM DU 'DI KHA NA MA THO BA'I LAS LA 'JUG PA MI RMI BAS, DE'I TSE BSLAB PA SHIN TU RNAM PAR DAG PA'I PHYIR LHAG PA'I TSUL KHRIMS KYI BSLAB PA LA RJES SU SLOB PA ZHES BYA'O, ,LHAG SEMS ZHES BYA BA LA, SA GSUM THOB PA'I DUS NA BSAM GTAN DANG TING NGE 'DZIN NYAMS PA MED PA THOB PAS LHAG PA'I SEMS LA RJES SU SLOB PA RNAM PAR GZHAG GO, , LHAG PA'I SHES RAB LA ZHES BYA BA LA SA BZHI PA DANG LNGA PA DANG DRUG PA LA NI LHAG PA'I SHES RAB LA SLOB PAR RNAM PAR GZHAG STE, JI LTAR ZHE NA SA BZHI PA'I DUS NA NI BYANG CHUB KYI PHYOGS SUM CU RTZA GSUM GYIS ZIN CING BYANG CHUB KYI PHYOGS SUM CU RTZA BDUN PA'I SHES RAB DANG LDAN PAS LHAG @253B PA'I SHES RAB LA SLOB PA ZHES BYA'O, ,SA LNGA PA DANG DRUG PA LA JI LTAR LHAG PA'I SHES RAB LA SLOB PA BSTAN PA'I PHYIR, SHES RAB SPYOD YUL RNAM GNYIS TE, ,CHOS KYI DE MI SHES PA DANG, SHES PAS LDOG PA DE BZHIN TE, ,SHES RAB SPYOD YUL DE YI PHYIR, ,SA GNYIS LA DE RNAM GZHAG GO, ,ZHES BYA BA SMOS TE, DE LTAR SA LNGA PA DANG DRUG PA LA LHAG PA'I SHES RAB LA SLOB PA YANG LHAG PA'I SHES RAB KYI SPYOD YUL RNAM PA GNYIS TE, CHOS RNAMS KYI DE BZHIN NYID DANG 'PHAGS PA'I BDEN PA BZHI STE DE GNYIS SPYOD YUL RNAM PA GCIG GO, ,MI SHES PAS 'JUG PA DANG SHES PAS LDOG PA STE RTEN CING 'BREL TE 'BYUNG BA LUGS BZHIN DANG LUGS LAS BZLOG PA STE, SHES RAB KYI SPYOD YUL RNAM PA GNYIS PO DE CHOS KYI DE BZHIN NYID NI CHOS RNAMS KYI MNYAM PA STONG PA NYID LA BYA'O, ,BDEN PA BZHI NI SDUG BSNGAL DANG KUN 'BYUNG DANG 'GOG PA DANG LAM LA BYA STE, SA LNGA PA'I DUS NA SEMS KYI BSAM PA RNAM PAR DAG PA MNYAM PA NYID THOB PA DANG 'PHAGS PA'I BDEN PA BZHI LA GNAS SHING BSGOM PAS LHAG PA'I SHES RAB KYI BSLAB PA LA SLOB PAR BSHAD DO, ,MI SHES PAS 'JUG PA NI MA RIG PA'I RKYEN GYIS 'DU BYED LA SOGS PA RTEN CING 'BREL TE 'BYUNG BA LUGS LAS 'BYUNG BA DANG, SHES PAS LDOG PA RTEN CING 'BREL BAR 'BYUNG BA LUGS LAS BZLOG PA LA BYA STE, SA DRUG PA'I DUS NA YANG RTEN CING 'BREL TE 'BYUNG BA LUGS BZHIN DANG LUGS LAS BZLOG PA LA, MANG DU GNAS SHING BSGOMS PAS NA LHAG PA'I SHES RAB LA SLOB PA ZHES BSHAD DE, 'DI LTAR LHAG PA'I SHES RAB KYI SPYOD YUL RNAM PA GNYIS LAS SA LNGA PA'I DUS NA NI LHAG PA'I SHES RAB DES CHOS KYI DE BZHIN NYID DANG BDEN PA BZHI LA DMIGS, SA DRUG PA'I DUS NA RTEN CING 'BREL TE 'BYUNG BA LUGS BZHIN DANG LUGS LAS BZLOG PA LA DMIGS PAS NAS LNGA PA DANG DRUG PA GNYIS LA YANG LHAG PA'I SHES RAB KYI BSLAB PA LA SLOB PAR GZHAG GO, ,BSLAB PA RNAMS DANG BSGOM PA YI, ,'BRAS BU GZHAN NI RNAM PA BZHI, ,ZHES BYA BA LA, GZHAN @254A *, ,GYI SGRA NI SA BDUN PA DANG BRGYAD PA DANG DGU PA DANG BCU BA LA BYA BAR SNYEGS TE, SA DE BZHI LA BSLAB PA GSUM LA BSLAB PA'I 'BRAS BU RNAM PA BZHI THOB PAR RIG PAR BYA BA'I DON TO, ,MTSAN MA MED DANG 'DU BYED BCAS, ,GNAS PA 'BRAS BU DANG PO'O, ,ZHES BYA BA LA, 'BRAS BU BZHI LAS 'BRAS BU DANG PO NI MTSAN MA MED PA 'DU BYED DANG BCAS PAR GNAS TE, SA BDUN PA'I DUS NA 'BAD PA DANG BRTZAL BAR BCAS PAS, RNAM PAR MI RTOG PA'I TING NGE 'DZIN LA BSGOM PA'I PHYIR MTSAN MA MED PA LA 'DU BYED PA DANG BCAS PAR GNAS PA ZHES BYA BA STE 'DI NI 'BRAS BU RNAM PA GCIG GO, ,DE NYID 'DU BYED MED PA'I 'BRAS BU GNYIS SU 'DOD PA'O, ,DE NYID KYI SGRAS MTSAN MA MED PA LA SNYEGS TE, SA BRGYAD PA'I DUS NA RNAM PAR MI RTOG PA'I TING NGE 'DZIN LA BRTZAL 'BAD MED PAR LHUN GYIS GRUB PA NYID DU GNAS SHING BSGOM STE, DE NI 'BRAS BU RNAM PA GNYIS PA'O, ,ZHING DAG CING ZHES BYA BA LA, SA BRGYAD PA'I DUS NA MTSAN MA MED PA LHUN GYIS GRUB PA 'BA' ZHIG TU GNAS PAR MI ZAD KYI SANGS RGYAS KYI ZHING YONGS SU DAG PAR YANG BYED DE DE YANG 'BRAS BU GNYIS PA'I NANG DU BSDU'O, ,SEMS CAN RNAMS SMIN PAS 'GRUB PA NYID KYANG NGO ZHES BYA BA LA, SA DGU PA'I DUS NA SO SO YANG DAG PAR RIG PA BZHI THOB PAS SEMS CAN YONGS SU SMIN PAR BYA BA GRUB STE, DE NI 'BRAS BU GSUM PA'O, ,TING NGE 'DZIN DANG GZUGS RNAMS KYANG, 'GRUB PA 'BRAS BU MCHOG YIN NO, ,ZHES BYA BA LA, SA BCU PA LA TING NGE 'DZIN MCHOG DANG GZUNGS MCHOG RNAMS KYI 'BRAS BU 'GRUB STE, DE NI 'BRAS BU BZHI PA'O, ,'BRAS BU BZHI PO 'DI DAG NI, ,SA BZHI DAG LA SHIN TU GNAS, ,ZHES BYA BA LA, BSLAB PA GSUM GYI 'BRAS BU RNAM PA BZHI PO DAG NI SA BZHI DAG GI DUS NA RIM BZHIN DU THOB PAS NA SA BZHI DAG LA RIM BZHIN DU GNAS BA ZHES BYA'O, ,DE YANG SA BDUN PA LA NI MTSAN MA MED PA LA 'DU BYED PA DANG BCAS PAR GNAS PA'I 'BRAS BU 'THOB PO, ,SA BRGYAD PA LA @254B NI MTSAN MA MED PA LA 'DU BYED PA MED PA DANG BCAS PA'I 'BRAS BU 'THOB PO, ,SA DGU PA LA NI SEMS CAN YONGS SU SMIN PAR BYED PA'I 'BRAS BU 'THOB PO, ,SA BCU PA LA NI GZUNGS DANG TING NGE 'DZIN MCHOG MNGON DU 'GYUR BA'I 'BRAS BU 'THOB PO, ,SA BZHI PA LA NI BYANG CHUB KYI PHYOGS KYI YANG DAG PAR ZIN PA'I SHES RAB PO ZHES BYA BA LA, SA BZHI PA'I DUS NA BYANG CHUB KYI PHYOGS SUM CU RTZA BDUN LA SGOM PAR BYED PAS, LHAG PA'I SHES RAB LA SLOB PAR BSHAD DO, ,SA GNYIS LA YANG SPYOD YUL GNYIS TE ZHES BYA BA LA, SA LNGA PA DANG DRUG PA GNYIS PA LHAG PA'I SHES RAB DE SPYOD YUL RNAM PA GNYIS LA DMIGS TE, SA LNGA PA'I TSE NA NI CHOS KYI DE KHO NA NYID DANG SDUG BSNGAL LA SOGS PA'I BDEN PA BZHI LA DMIGS SO, ,SA DRUG PA'I TSE NA NI MI SHES PA STE RTEN CING 'BREL BAR 'BYUNG BA LUGS BZHIN PA DANG, SHES PA STE RTEN CING 'BREL BAR 'BYUNG BA LUGS LAS BZLOG PA LA DMIGS SO, ,'DI YAN CHAD BSLAB PA'I 'BRAS BU RNAM PA BZHI STE ZHES BYA BA LA, SA BDUN PA DANG, BRGYAD PA DANG DGU PA DANG BCU PA MAN CHAD BSLABS PA'I 'BRAS BU RNAM PA BZHI RIM BZHIN 'THOB STE, SA BDUN PA LA NI MTSAN MA MED PA LA MNGON PAR 'DU BYED PA DANG BCAS PAR GNAS PA'I 'BRAS BU 'THOB BO, ,DE LA 'BRAS BU GNYIS PA NI MTSAN MA MED PA LA GNAS PA NI, DE NYID MNGON PAR 'DU MI BYED PA DANG ZHING YONGS SU DAG PAR BYA'O ZHES BYA BA LAS SA BRGYAD PA LA 'BRAS BU GNYIS PA STE, MTSAN MA MED PA LA MNGON PAR 'DU MI BYED PAR GNAS PA DANG ZHING YONGS SU DAG PA'I 'BRAS BU 'THOB PO, ,SA DGU PA LA NI SO SO YANG DAG PAR RIG PA BZHIS SEMS CAN YONGS SU SMIN PAR BYED PA'I 'BRAS BU 'THOB PO, ,SA BCU PA LA NI GZUNGS DANG TING NGE 'DZIN DPAG TU MED PA'I 'BRAS BU 'THOB PO, ,PHUNG PO RNAM PAR GZHAG PA LAS BRTZAMS TE TSIMS SU BCAD PA GNYIS SO ZHES BYA BA LA, RNAM PAR GROL BA'I PHUNG PO LNGA RNAM PA LNGA STE, TSUL KHRIMS KYI PHUNG PO DANG, TING NGE 'DZIN GYI PHUNG PO DANG, SHES @255A *, ,RAB KYI PHUNG PO DANG, RNAM PAR GROL BA'I PHUNG PO DANG, RNAM PAR GROL BA'I YE SHES MTHONG BA'I PHUNG PO'O, ,DE LA SA BCU DANG SANGS RGYAS KYI SA STE, SA BCU GCIG PA RNAMS LA, SA GANG LA PHUNG PO GANG THOB PAR BSTAN PA NI PHUNG PO RNAM PAR GZHAG PA LAS BRTZAMS TE ZHES BYA STE, DE TSIGS SU BCAD PA GNYIS KYIS BSTAN TO ZHES BYA BA'I DON TO, ,CHOS NYID RAB TU RTOGS NA 'DIR, ,TSUL KHRIMS KYI NI PHUNG PO SBYONG, ,ZHES BYA BA LA, SA DANG POR GANG ZAG DANG CHOS LA BDAG MED PA'I MTSAN NYID KYI CHOS NYID RAB TU RTOGS NAS SA GNYIS PA 'DIR TSUL KHRIMS KYI PHUNG PO RAB TU SBYONG STE, SA DANG PO LA TSUL KHRIMS KYI PHUNG PO THOB PA YOD MOD KYI MA BSAMS PAR NYES PA PHRA MO DAG 'BYUNG BAS TSUL KHRIMS RNAM PAR DAG PA MA YIN GYI, SA GNYIS PA'I DUS NA NI RMI LAM DU YANG KHA NA MA THO BA DANG BCAS PA'I LAS BYED PA MI RMI BAS TSUL KHRIMS KYI PHUNG PO RNAM PAR SBYONG BAR BSHAD DO, ,TING 'DZIN SHES RAB PHUNG PO NI, ,DE DAG PHAN CHAD RNAM SBYONG NGO, ,ZHES BYA BA LA DE DAG PHAN CHAD CES BYA BA NI SA DANG PO DANG GNYIS PA PHAN CHAD SA GSUM PA DANG BZHI PA DANG LDAN PA DANG DRUG PA RNAMS LA TING NGE 'DZIN GYI PHUNG PO DANG, SHES RAB KYI PHUNG PO GNYIS RNAM PAR SBYONG NGO, ,DE LA YANG SA GSUM PA LA NI TING NGE 'DZIN GYI PHUNG PO RNAM PAR SBYONG STE, BSAM GTAN DANG TING NGE 'DZIN NYAMS PA MED PAS THOB PA'I PHYIR RO, ,SA BZHI PA DANG LNGA PA DANG DRUG PA LA NI SHES RAB KYI PHUNG PO RNAM PAR SPYONG STE, SA BZHI PA NI BYANG CHUB KYI PHYOGS BSGOM PA'I SHES RAB DANG LDAN PA DANG, SA LNGA PA LA NI BDEN PA BZHI BSGOM PA'I SHES RAB DANG LDAN PA DANG, SA DRUG PA LA RTEN CING 'BREL TE 'BYUNG BA LUGS BZHIN PA DANG LUGS LAS BZLOG PA'I DE BZHIN NYID LA BSGOM PA'I SHES RAB DANG LDAN PA'I PHYIR RO, ,RNAM GROL RNAM GROL YE SHES KYANG, ,DE LAS GZHAN DU RNAM PAR SBYONG, ,ZHES BYA BA LA, DE LAS GZHAN PA ZHES BYA BA STE, GONG DU BSHAD PA'I LAS GZHAN PA STE, SA BDUN PA DANG BRGYAD @255B PA DANG DGU PA DANG BCU PA DANG SANGS RGYAS KYI SA LA NI RNAM PAR GROL BA'I PHUNG PO DANG, RNAM PAR GROL BA'I YE SHES MTHONG BA'I PHUNG PO GNYIS RNAM PAR SBYONG NGO, ,DE LA YANG SA BDUN PA DANG BRGYAD PA DANG DGU PA DANG BCU PA LA NI RNAM PAR GROL BA'I PHUNG PO RNAM PAR SBYONG NGO, ,SANGS RGYAS KYI SA LA NI RNAM PAR GROL BA'I YE SHES MTHONG BA'I PHUNG PO SBYONG NGO, ,DE LA SA BCUN PA DANG BRGYAD PA DANG DGU PA DANG BCU PA LA JI LTAR RNAM PAR GROL BA'I PHUNG PO SBYONG LA, SANGS RGYAS KYI SA LA JI LTAR RNAM PAR GROL BA'I YE SHES MTHONG BA'I PHUNG PO RNAM PAR SBYONG ZHE NA, DE'I PHYIR SGRIB PA RNAM PAR GZHIL BA DANG, THOGS PA'I SGRIB PA LAS KYANG NGO ZHES BYA BA SMOS TE, 'DI TLAR SA BDUN PA DANG BRGYAD PA DANG DGU PA DANG BCU PA LA NI 'BRAS BU RNAM PA BZHI THOB PAR BYA BA LA SGRIB PA RNAM BZHI DAG LAS RNAM PAR GROL BA'I PHUNG POR RNAM PAR GZHAG GO, , DE LA 'BRAS BU BZHI NI GONG DU BSHAD MA THAG PA RNAMS TE, SA BDUN PA LA MTSAN MA MED PA L MNGON PAR 'DU BYED PA DANG BCAS PA'I 'BRAS BU THOB PA DANG, SA BRGYAD PA LA MTSAN MA MED PA LHUN GYIS GRUB PA'I 'BRAS BU 'THOB CING YONGS SU SBYONG BA DANG, SA DGU BA LA SEMS CAN YONGS SU SMIN PA'I 'BRAS BU THOB PA DANG, SA BCU PA LA GZUNGS DANG TING NGE 'DZIN DPAG TU MED PA'I 'BRAS BU 'THOB BO, ,'BRAS BU DE BZHI'I SGRIB PA YANG RNAM PA BZHI STE, MTSAN MA PHRA MO KUN DU RGYU BAR BYED PA DANG MTSAN MA MED PA NYID LA MNGON PAR 'DU BYED PA DANG, SEMS CAN GYI DON BYA BA LA MNGON PAR 'DU BYED PA MED PA DANG CHOS THAMS CAD LA DBANG MA THOB PA'O, ,DE LA SA BDUN PA LA MTSAN MA MED PA L MNGON PAR 'DU BYED PA DANG BCAS PAR GNAS PAS MTSAN MA PHRA MO KUN DU SGRIB PA DANG BRAL LO; ,SA BRGYAD PA MTSAN MA MED PA LA MNGON PAR 'DU BYED PA MED PAR GNAS PAS MTSAN MA MED PA LA MNGON PAR 'DU BYED PA DANG BCAS PA'I SGRIB PA DANG BRAL LO, ,SA DGU PA LA SEMS CAN YONGS SU SMIN PAR BYED PA'I 'BRAS BU GRUB PAS SEMS CAN GYI DON @256A *, ,BYA BA LA MNGON PAR 'DU BYED PA MED PA'I SGRIB PA DANG BRAL LO, ,SA BCU PA LA GZUNGS DANG TING NGE 'DZIN DPAG TU MED PA THOB PAS CHOS THAMS CAD LA DBANG MA THOB PA'I SGRIB PA DANG BRAL TE, DE BAS NAS DE DAG LA NI RNAM PAR GROL BA'I PHUNG PO RNAM PAR SBYONG BAR GZHAG GO, ,SANGS RGYAS KYI SA LA NI THOGS PA'I SGRIB PA LAS RNAM PAR GROL BA'I YE SHES MTHONG BA'I PHUNG POR RNAM PAR GZHAG PA STE, GANG GI PHYIR SANGS RGYAS KYI SA THOB PA DANG, SHES BYA'I SGRIB PA DAR LAS CHOD PA TZAM YOD PA DANG BRAL NAS, YE SHES KYIS SHES BYA THAMS CAD LA THOGS PA DANG CHAGS PA MED PAR 'JUG PA'I PHYIR RO, ,BRGAL BA, RNAM PAR GROL BA'I 'GOG PA'I BDEN PA'I RANG BZHIN YIN LA, 'GOG PA'I BDEN PA NI 'DUS MA BYAS PA YIN PAS, 'DUS MA BYAS LA SPANGS PA DANG BCAS PA'I DON MED NA JI LTAR 'DUS MA BYAS PHUNG POR RNAM PAR GZHAG STE, MNGON PA'I CHOS MDZOD LAS KYANG, PHUNG PO 'DUS MA BYAS MA BSHAD, DON DANG RMI LAM TZAM PHYIR ZHES SMOS SO, ,LAN 'DUS MA BYAS NI PHUNG PO'I MTSAN NYID DU MI GZHAG STE, 'DI LTAR RNAM PAR GROL BA LA RGYA GAR SKAD DU, BI MUKTI ZHES 'BYUNG STE, BI MUKTI'I DON NI RNAM PA GNYIS SU 'GRO'O, ,GANG ZHE NA NYON MONGS PA SPANGS PA'I MTSAN NYID LA YANG BI MUK TI STE, RNAM PAR GROL BA ZHES BYA, MOS PA'I MTSAN NYID LA BI MUG TI STE, RNAM PAR GROL BA ZHES BYA BA LAS, 'DI SKABS SU NI RNAM PAR GROL BA ZHES BYA BA MOS PA'I MTSAN NYID LA BYA STE, MOS PA'I MTSAN NYID NI 'DUS BYAS YIN PAS, RNAM PAR GROL BA'I PHUNG POR GZHAG PA LA NYES PA MED DO, ,GZHAN DU NA RNAM PAR GROL BA PHUNG PO 'DUS BYAS KYI PHUNG POR BSDUS PAR MI 'GYUR RO, ,THOGS PA'I SGRIB PA LAS NI SANGS RGYAS KYI SA LA STE ZHES BYA BA LA, SANGS RGYAS KYI SA NI THOGS PA DANG BCAS PA'I SGRIB PA LAS RNAM PAR GROL BA'I YE SHES MTHONG BA'I PHUNG PO THOB PAR RNAM PAR GZHAG GO ZHES BYA BA'I DON TO, ,GANG GIS SHES BYA GZHAN DAG GI YE SHES LA THOGS @256B PAR BYED PA STE ZHES BYA BA LA, SANGS RGYAS KYI SA THOB PA NA SA BCU'I BYANG CHUB SEMS DPA' RNAMS LA YOD PA'I SGRIB PA DAR LA TZAM GYIS CHOD PA DANG BRAL NAS, GANG GI PHYIR NYAN THOS DANG RANG SANGS RGYAS LA SOGS PA'I YE SHES KYIS KYANG THOGS TE, DE DAG GI YE SHES KYIS KYANG KHONG DU CHUD PA'I SHES BYA THAMS CAD LA YANG DE BZHIN GSHEGS PA'I YE SHES 'JUG PAS NA SANGS RGYAS KYI SA'I DUS NA NI RNAM PAR GROL BA'I YE SHES MTHONG BA RNAM PAR SBYONG BAR RNAM PAR GZHAG GO, ,'GRUB PA RNAM PAR GZHAG PA LAS BRTZAMS TE, TSIGS SU BCAD PA GSUM MO ZHES BYA BA LA, SA GANG DANG GANG THOB PAR BYA BA'I PHYIR BRTZAMS SHING BRTZAL BA LAS SA DE DANG DE 'GRUB PA'AM, THOB PA 'AM MA RDZOGS PAR GYUR PA LA 'GRUB PA ZHES BYA STE, MOS PA SPYOD PA'I SA DANG SA BCU RNAMS SU YON TAN JI TZAM ZHIG NI GRUB, JI TZAM ZHIG MA GRUB PA PHYE STE, BSTAN PA LA 'GRUB PA RNAM PAR GZHAG PA ZHES BYA STE, DE TSIGS SU BCAD PA GSUM GYIS BSTAN TO, ,MA GRUB PA DANG GRUB PA NI, ,SA RNAMS THAMS CAD SHES PAR BYA, ,ZHES BYA BA LA, SA BCU DANG MOS PA SPYOD PA'I SA BSNAN TE, SA BCU GCIG DAG LA RNAM PA GNYIS SU SHES PAR BYA STE, MA GRUB PA DANG GRUB PA'I SA'O, ,DE LA MOS PAS SPYOD PA'I SA THAMS CAD NI MA GRUB PA'I SA STE, CI'I PHYIR ZHE NA, CHOS KYI DBYINGS THAMS CAD DU 'GRO BA'I MTSAN NYID DU MA RTOGS PAS, SA BCU LAS SA 'GA' YANG KHONG DU CHUD PA MED PA'I PHYIR MA GRUB PA'I SAR GZHAG GO, ,SA DANG PO PA YAN CHAD SA BCU PA MAN CHAD NI GRUB PA'I SA ZHES BYA STE, CHOS KYI DBYINGS KUN DU 'GRO BA'I MTSAN NYID RTOGS SHING SO SO'I SA GANG YIN PA MNGON SUM DU BYAS PA'I PHYIR GRUB PA'I SA ZHES BYA'O, ,GRUB PA YANG NI MA GRUB DANG, ,GRUB PAR YANG NI 'DOD PA STE, ,ZHES BYA BA LA, SA DANG PO YAN CHAD SA BCU MAN CHAD GRUB PAR BSHAD PA LA YANG RNAM PA GNYIS SU GZHAG STE, GRUB PAR GZHAG PAR 'DOD PA DANG, MA GRUB PAR GZHAG PAR @257A *, ,'DOD PA'O, ,DE LA SA DANG PO YAN CHAD SA BDUN PA MAN CHAD NI MA GRUB PA ZHES BYA STE, BRTZAL 'BAD DANG BCAS PAR MTSAN MA MED PA'I LAM LA BSGOM PA'I PHYIR MA GRUB PA'I SA ZHES BYA'O, ,SA BRGYAD PA DANG DGU PA DANG BCU PA RNAMS LA NI GRUB PA ZHES BYA STE, DE CI'I PHYIR ZHE NA, LHUN GYIS GRUB PAR MTSAN MA MED PA'I LAM LA GNAS PA'I PHYIR RO, ,DE LAS RNAMS LA GRUB PA DANG MA GRUB PA RNAM PA GNYIS SU BSTAN PA LAS, GRUB PA RNAMS KYANG THABS GANG GIS GRUB CE NA, JI LTAR RNAM GZHAG YID BYED PAS; ,DE NI BRTAGS PAR SHES PA DANG, ,DE NYID RNAM PAR MI RTOG STE, ,ZHES BYA BA SMOS TE, 'DI LTAR SA RE RE LA, SA'I YON TAN GANG YOD PA DANG, SA'I SKYON GANG YIN PA DANG, SA DE LA BSGOM PAR BYA BA'I CHOS GANG YIN PA DE DAG KYANG SEMS LA GSAL BAR SNANG LA, SA GONG MA'I YON TAN CI 'DRA BA DANG, SA GONG MA THOB PAR BYA BA'I CHOS GANG YIN PA DAG KYANG YID LA BYED PA NI JI LTAR RNAM PAR GZHAG PA YID LA BYED PA ZHES BYA STE, DPER NA SA DANG PO GRUB PAR BYA BA YANG SA DANG PO'I YON TAN DANG, BSGOM PAR BYA BA DAG KYANG YID LA BYED LA, SA GNYIS PA THOB PAR BYA BA'I RGYU CHOS RNAMS KYANG YID LA BYED PA NI JI LTAR RNAM PAR GZHAG PA YID LA BYED PA ZHES BYA'O, ,DE LA SA DANG PO'I YON TAN YID LA BYED PA YANG DPER NA SA DANG PO LAS, KYE RGYAL BA'I SRAS DAG DE LA SEMS CAN DGE BA'I RTZA BA SHIN TU BSAGS PA SPYAD PA, TSOGS SHIN TU BSAGS PA ZHES BYA BA LA SOGS PA GSUNGS SO, ,SA DANG PO THOB PA DES SA GNYIS PA THOB PAR BYA BA'I RGYU YID LA BYED PA YANG SA DANG PO NYID LAS, KYE RGYAL BA'I SRAS DAG DE LTAR BYANG CHUB SEMS DPA' SA DANG PO LA SHIN TU SBYANG BAR BYAS PA DE SA GNYIS PA LA MNGON PAR MOS PA YIN TE, DE'I SEMS KYI BSAM PA BCU 'BYUNG NGO, ,BCU GANG ZHE NA 'DI LTA STE, DRANG PO'I BSAM PA DANG, 'JAM PA'I BSAM PA DANG, LAS SU RUNG BA'I BSAM PA DANG ZHES BYA BA LA @257B SOGS PA GSUNGS SO, ,YANG NA SA RE RE'I DON RTOGS PAR BYA BA'I PHYIR MING GI TSOGS DANG TSIG GI TSOGS DANG YI GE'I TSOGS RNAMS JI LTAR BSHAD PA, SEMS SHING YID LA BYED PA NI JI LTAR RNAM PAR GZHAG PA YID LA BYED PA ZHES BYA'O, ,JI LTAR RNAM PAR GZHAG PA YID LA BYED PA DE'ANG BRTAGS PA TZAM DU SHES TE, JI LTAR SEMS NYID SA RNAM PAR GZHAG PA LTA BUR SNANG BAR ZAD KYI, SEMS LAS MA GTOGS PAR SA ZHES BYA BA'I DON PHYI ROL NA YOD PA MA YIN NO ZHES RTOGS PA NI BRTAGS PA TZAM DU SHES SO ZHES BYA'O, , DE NAS DE'I 'OG TU GZUNG BA'I YUL MED NA, 'DZIN PA'I SEMS KYANG GA LA ZHIG YOD CES BRTAGS PA TZAM DU SHES PA DE LA YANG MI RTOG STE, GZUNG 'DZIN LA RTOG PA MED PA'I RNAM PAR MI RTOG PA'I YE SHES LA BSGOMS NAS DANG PO 'THOB PAR 'GYUR TE, DE NAS NI GONG DU YANG, DE NAS 'DZIN GNYIS RNAM GROL PA, ,'JIG RTEN 'DAS PA BLA NA MED, ,RNAM PAR MI RTOG DRI MED PA'I, ,DES NI YE SHES DE THOB PO, ,DES NA GNAS GZHAN 'GYUR BA STE, ,DANG PO'I SAR NI 'DOD PA'O, ,ZHES GSUNGS SO, ,SA GNYIS PA LA SOGS PA SA GONG MA RNAMS LA YANG, TSUL DE LTAR BSGOMS PAS SO SO'I SA 'GRUB PAR RIG PAR BYA'O, ,BSGOM PA DANG NI 'GRUB PA YANG, ,SA RNAMS LA NI BSAM MI KHYAB, ,SO SO RANG GIS RIG PA DANG, ,SANGS RGYAS RNAMS KYI SPYOD YUL PHYIR, ,ZHES BYA BA LA, SA DANG PO NAS SA BCU PA MAN CHAD KYI SO SO'I BSGOMS PA YANG BSAM GYIS MI KHYAB, ,DE DAG BSGOM PAS SA'I MTHAR PHYIN TE, SA GRUB PA YANG BSAM GYIS MI KHYAB PAS NA, BSGOM PA DANG, GRUB PA GNYIS TSIG GIS BSHAD CING GTAN LA DBAB PAR MI NUS TE, CI'I PHYIR ZHE NA, SA SO SO'I SGOM PA DANG GRUB PA GNYIS NI SA THOB PA'I BYANG CHUB SEMS DPA' RNAMS LA RANG BZHIN RIG PAR BYA BA YIN PAS, BSAM GYIS MI KHYAB PA DANG, SANGS RGYAS BCOM LDAN 'DAS KYI SPYOD YUL DU 'BYUNG BAS NA, BSAM GYIS MI KHYAB @258A *, ,PA STE, DE'I PHYIR SA'I BSGOM PA DANG, GRUB PA NI SO SO'I SKYE BO RNAMS KYI SEMS KYIS KYANG MI RTOGS LA, TSIG GIS BSHAD PA'I YUL YANG MA YIN PAS NA BSAM GYIS MI KHYAB PAR GZHAG GO, ,DE'I PHYIR SA BCU DANG PO BSHAD PA RNAM PAR GROL BA'I ZLA BAS GSOL BA BTAB PA DANG, DE NAS BYANG CHUB SEMS DPA' RDO RJE'I SNYING POS PHYOGS BCUR BLTAS NAS, 'KHOR THAMS CAD DE BAS KYANG DAD PAR BYA BA'I PHYIR, DE'I TSE TSIGS SU BCAD PA 'DI DAG SMRAS SO, ,PHRA LA SHEL DKAR DRANG SRONG CHEN PO'I LAM, ,MI RTOG SPYOD YUL MA YIN LTA BAR DKA', ,RANG BZHIN ZHI ZHING 'GAG MED 'BYUNG BA MED, ,MKHAS GSAL SHES PAS KHONG DU CHUD PA YIN, ,NGO BO NYID STONG ZHI ZHING GNYIS MED MI ZAD PA, BRGYUD PAS RNAM GROL MNYAM NYID THOB LAS MYA NGAN 'DAS, ,MTHA' DANG DBUS MED TSIGG GIS BRJOD DU MED, ,DUS GSUM GROL BA NAM MKHA' 'DRA ZHING MTSUNGS, ,BDE GSHEGS SPYOD YUL ZHI ZHING NYE BAR ZHI, ,SMRA BA'I LAM RNAMS KUN GYIS RDZOGS PAR DKA', ,DE DAG SA DANG SPYOD PA DE 'DRA BAS, ,SMRA BA DKA' NA SHES PAR GA LA NUS, ,DE NI BSAMS PAS SEMS LAM RNAM PAR SPANGS, ,YE SHES MNGON BSGRUBS RGYAL BA'I SPYOD YUL TE, ,PHUNG PO SKYE MCHED KHAMS KYIS BRJOD PA MIN, ,SEMS KYIS MI SHES YID KYIS RNAM MA BRTAGS, ,JI LTAR BAR SNANG GNAS KYI BYA YI RJES, ,SHIN TU SMRA DKA' BLTA BAR MI NUS PA, ,DE LTAR BDE GSHEGS SRAS KYI SA RNAMS KYANG, ,YID DANG SEMS KYI YUL GYIS SHES MI NUS, ,'ON KYANG BYAMS DANG SNYING RJE SMON LAM GYIS, ,DE LAS PHYOGS TZAM RIM PA'I TSUL BZHIN DU, SPYAD PAR BYA STE SEMS KYI SPYOD YUL MIN, ,YE SHES TSUL GYIS RDZOGS PAR BYA BA'O, , ZHES BYA BA LA SOGS PA GSUNGS SO, ,GANG YANG RAB TU DGA' BA'I 'GRUB PA NI SNGAR SMRAS PA'O ZHES BYA BA LA, SA GRUB PA'I DON 'CHAD DE, SA DANG PO 'GRUB PAR 'GYUR BA YANG, SNGAR SMRAS PA LTA BU STE, MTHONG BAS SPANG BAR BYA BA'I NYON MONGS PA DANG BRAL BA DANG, CHOS @258B KYI DBYINGS KHONG DU CHUD PAR 'GYUR BA LA BAR DU GCOD PA GZUNG 'DZIN GNYIS DANG BRAL BAS SA JI LTAR RNAM PAR GZHAG PA YID LA BYED PA STE ZHES BYA BA LA, SA SO SO'I YON TAN DANG, BSGOM PAR BYA BA YID LA BYED CING, SA GONG MA 'THOB PAR 'GYUR BA RNAMS LA YANG BSGOM PA NI; JI LTAR RNAM PAR GZHAG PA YID LA BYED PA ZHES BYA'O, ,YANG NA SA RNAMS KYI DON 'CHAD PAR BYED PA'I MING DANG TSIG DANG YI GE LA SOGS PA YID LA BYED PA NI JI LTAR RNAM PAR GZHAG PA YID LA BYED PA ZHES BYA'O, ,SA RNAM PAR GZHAG PA DE YANG, RTOG PA TZAM DU SHES PA DANG, DE NYID DU DE MI RTOG PA'I PHYIR RIG PAR BYA'O ZHES BYA BA LA, SEMS DANG SEMS LAS BYUNG BA NYID LAS, RNAM PAR GZHAG PA LTA BU SNANG BAR ZAD KYI, SEMS LAS LOGS SHIG NA SA ZHES BYA BA YOD PA MA YIN NO ZHES KYANG RTOG LA, SEMS TZAM DU RTOG PA DE YANG MA YIN TE, CI LA YANG MI RTOG PA LA GNAS NA 'GRUB PAR 'GYUR BAR RIG PAR BYA'O ZHES BYA BA'I DON TO, ,YANG SA RNAMS LA BSGOM PA DANG, GRUB PA GNYIS KA BSAM GYIS MI KHYAB PA 'DIS KUN LA BYA STE ZHES BYA BA LA, SO SOR JI LTAR 'GRUB PAR 'GYUR BA MDO TZAM DU NI GONG DU BSHAD PA YIN MOD KYI, YANG DAG PAR RE RE LA YANG SO SO'I SA BSGOMS PA YANG BSAM GYIS MI KHYAB, SA 'GRUB PA YANG BSAM GYIS MI KHYAB PAS NA, SO SO'I SKYE BO RNAMS KYI SEMS KYIS KYANG BSAM PAR MI NUS LA TSIG GIS KYANG GTAN LA DBAB CING BSHAD PAR MI NUS SO ZHES BYA BA'I DON TO, ,DE CI'I PHYIR TSIG GIS BSHAD PAR MI NUS SO ZHE NA, DE'I PHYIR, 'DI LTAR DE GNYIS NI BYANG CHUB SEMS DPA' RNAMS KYI SO SO RANG GIS RIG PA DANG, SANGS RGYAS RNAMS KYI SPYOD YUL TE, GZHAN GYI NI MA YIN NO ZHES BYA BA SMOS TE, 'DI LTAR SA BSGOM PA DANG, SA 'GRUB PA GNYIS NI, SA 'THOB PA'I BYANG CHUB SEMS DPA' RNAMS KYI YE SHES KYI SA SO SO RANG GIS RIG PA YIN PA DANG, DE BZHIN GSHEGS PA RNAMS KYI SPYOD YUL YIN GYI, SO SO'I SKYE BO DANG, NYAN @259A *, ,THOS DANG RANG SANGS RGYAS DAG GI SPYOD YUL MA YIN PAS NA BSAM GYIS MI KHYAB PO, ,SA LA RAB TU ZHUGS PA'I MTSAN MA RAB TU DBYE BA LA TSIGS SU BCAD PA GNYIS PO ZHES BYA BA LA, DPER NA CHU SKYAR GANG NA SNANG BA DE NA CHU YOD PAR BRTAG PA DANG, DUD PA'I MTSAN MA GANG NA SNANG BA DE NA ME YOD PAR RTAG PA DE BZHIN DU, MTSAN MA DANG RTAGS JI LTA BU DAG SNANG NA SA THOB PO ZHES BRTAGS PA NI SA RAB TU ZHUGS PA'I MTSAN MA RNAM PAR DBYE BA ZHES BYA STE, DON DU NA SAR ZHUGS PA'I BYANG CHUB SEMS DPA' RNAMS LA MTSAN MA RNAM PA BCU STE, MTSAN MA RNAM PA BCU SNANG BA DANG SA LA ZHUGS PA YIN PAR SHES PAR BYA BA'I TSIGS SU BCAD PA GNYIS KYIS BSTAN TO, ,DE LA GONG DU SNYING RJE BA DANG, LEGS PAR SMRA BA LA SOGS PA'I SKABS SU YANG MTSAN MA BSHAD NA DER MTSAN MA BSHAD PA DANG NGA 'DIR MTSAN MA BSHAD PAR BYE BRAG CI YOD CE NA, GONG DU NI SAR ZHUGS PA DANG, MA ZHUGS KYANG RUNG STE, BYANG CHUB SEMS DPA' SPYI'I MTSAN MAR BSHAD DO, ,'DIR NI SA LA ZHUGS PA'I BYANG CHUB SEMS DPA' RNAMS KYI MTSAN MA BSHAD DE BYE BRAG NI DE YOD DO, ,LHAG PAR MOS PA THAMS CAD DU, ,ZHES BYA BA LA, SA LA ZHUGS PA'I BYANG CHUB SEMS DPA'I MTSAN MA NI 'DI LTA STE, SA GANG LA MA ZHUGS SHING GANG LA MA THOB PA LA NI SA DE THOB PAR BYA BA'I PHYIR MOS PA DANG, DAD PA DANG, 'DOD PA SKYE'O, ,SNANG BAR BCAS PA'I MTSAN MAR 'DOD, ,CES BYA BA LA, SA GANG LA BZHUGS TE SA THOB PAR GYUR BA'I SA DE LA SNANG BA DANG BCAS ZHES BYA BA NI BDAG GIS THOB PA'I SPANG BA DANG BLANG BA DANG, BSGOM PAR BYA BA'I CHOS RNAMS KYI RANG DANG SPYI'I MTSAN NYID SEMS LA GSAL BAR SNANG STE, SHES RAB KYIS GSAL BAR MTHONG NGO ZHES BYA BA'I DON TE, 'DI NI MTSAN MA RNAM PA GCIG GO, ,DON DU NA SA DANG PO THOB PA DANG, SA DANG PO'I SPANG BA DANG BLANG BA DANG, BSGOM PA'I CHOS RNAMS NI SEMS LA GSAL BAR SNANG LA, MA @259B THOB PA'I SA GNYIS PA THOB PAR BYA BA'I PHYIR NI MOS PA DANG DAD PA DANG 'DOD PA SKYE STE, DE LTA BU'I MTSAN MA BYUNG NA SA DANG PO THOB ZIN PAR RIG PAR BYA STE, SA GNYIS PA LA SOGS PA GONG MA LA YANG DE BZHIN DU SBYAR RO, ,MA ZHUM PA DANG ZHES BYA BA LA, NAM SA THOB PAR GYUR NA SA DANG PHA ROL TU PHYIN PA DANG YANG DAG PAR LDAN PA'I THEG PA CHEN PO'I CHOS ZAB CING RGYA CHE BA RNAMS LA SKRAG PA DANG ZHUM PA'I SEMS MI SKYE STE, 'DI NI MTSAN MA GNYIS PA'O, ,DE LA GANG ZAG DANG CHOS LA BDAG MED PA BSGOM PA ZAB PA ZHES BYA'O, ,SA DANG PHA ROL TU PHYIN PA DANG, STOBS DANG MI 'JIGS PA LA SOGS PA'I CHOS STON PAS RGYA CHE BA ZHES BYA'O, ,SKYE BA MED CES BYA BA LA, SAR ZHUGS PA DANG BDAG GZHAN GYI DON DU GRANG BA DANG TSA BA DANG, BKRES PA DANG SKOM PA DANG, MGO DANG RKANG LAG LA SOGS PA GTONG BA'I DKA' BAR SPYOD PA SDUG BSNGAL SNA TSOGS 'BYUNG YANG SKYO BA'I SEMS MI SKYE ZHING SEMS LDOG PAR MI BYED PAR 'GYUR TE, 'DI NI MTSAN MA GSUM PA'O, ,GZHAN DRING MI 'JOG BDAG NYID DO, ,ZHES BYA BA LA, BDAG NYID CES BYA BA NI RANG GI BSOD NAMS DANG YE SHES KYI STOBS KYIS MNGON SUM DU BYAS SHING, RTOGS PAR BYAS ZIN PA'I SA LA BYA STE, RANG GIS THOB ZIN PA'I SA LA NI GZHAN GYI DRING MI 'JOG GI ,CI'I PHYIR ZHE NA, SA DE BDAG GIS MNGON SUM DU BYAS MA ZIN PAS, DA DE MNGON SUM DU BYA BA'I PHYIR DGE BA'I BSHES GNYEN LA BRTEN MI DGOS TE 'DI NI MTSAN MA BZHI PA'O, ,RAB TU RTOGS PA THAMS CAD DU, ,ZHES BYA BA LA, SA LA ZHUGS KYANG SA GANG MA THOB PA RNAMS THOB PAR BYA BA'I PHYIR, DE THOB PAR BYA BA'I THABS RTOGS SHING, SA DE 'GRUB PAR BYA BA'I THABS LA MKHAS PAR 'GYUR TE, DPER NAS DANG PO RTOGS SHING KHONG DU CHUD NA LHAG MA MA THOB PA RNAMS THOB PAR BYA BA LA YANG MKHAS PAR 'GYUR RO, ,DE BAS NA SA BCU PA SA DANG PO LAS RNAM PAR MI RTOG PA'I YE SHES KYIS SA DANG POR CHOS KYI DBYINGS SU RTOGS NA, SA THAMS CAD KYANG RTOGS PAR 'GYUR TE, @260A *, ,JI LTAR RTOGS PAR 'GYUR ZHE NA, RNAM PAR MI RTOG PA'I RJES LAS BYUNG BA'I DAG PA 'JIG RTEN PA'I YE SHES KYIS SA LHAG MA RNAMS 'GRUB PAR 'GYUR BA'I THABS SHES PAS NA RTOGS PAR 'GYUR TE, 'DI NI MTSAN MA LNGA BA'O, ,DE BZHIN DU SA LHAG MA RNAMS LA YANG SBYAR RO, ,DE BAS NA SA DANG PO LAS BYANG CHUB SEMS DPA' RDO RJE SNYING POS SMRAS PA, KYE RGYAL BA'I SRAS DAD DE LTAR BYANG CHUB SEMS DPA' SA DANG PO LA YONGS SU SBYANG BA BYAS PA DE GNYIS LA MNGON PAR MOS PA YIN TE, DE'I SEMS KYI BSAM PA BCU 'BYUNG NGO, ,BCU GANG ZHE NA 'DI LTA STE, DRANG PO'I BSAM PA DANG, 'JAM PA'I BSAM PA DANG LAS SU RUNG BA'I BSAM PA DANG ZHES BYA BA LA SOGS PA GSUNGS SO, ,SA GNYIS PA NAS GSUM PAR 'JUG PA'I THABS KYANG BYANG CHUB SEMS DPA' RDO RJE SNYING POS SMRAS PA; KYE RGYAL BA'I SRAS DAG DE LTAR BYANG CHUB SEMS DPA' SA GNYIS PA LA BSAM PA SHIN TU SBYANGS PA NI SA GSUM PA YONGS SU GNON TE, DE SEMS KYI BSAM PA YID LA BYA BA BCUS YONGS SU GNON TO, ,BCU GANG ZHE NA 'DI LTA STE, DAG PA'I BSAM PA YID LA BYA BA DANG, MI G-YO BA'I SEMS KYI BSAM PA YID LA BYA BA DANG ZHES BYA BA LA SOGS PA GSUNGS TE, SA 'OG MA RNAMS LA YANG DE BZHIN DU SBYAR RO, ,KUN DU MNYAM PA'I SEMS NYID DANG, ,ZHES BYA BA LA, SA LA ZHUGS PA'I BYANG CHUB SEMS DPA'I BYANG CHUB SEMS DPA' RNAMS NI GANG ZAG DANG CHOS LA BDAG MED PAR RTOGS PAS CHOS KYI DBYINGS KUN DU 'GRO BA'I MTSAN NYID KHONG DU CHUD PA'I PHYIR, BDAG DANG SEMS CAN ZHES BYA BA THA DAD PAR MI BYED KYI SEMS CAN THAMS CAD GANG YIN PA BDAG KYANG DE YIN LA, BDAG GANG YIN PA SEMS CAN THAMS CAD KYANG DE YIN NO ZHES BDAG DANG SEMS CAN DU MNYAM PA NYID KYI SEMS THOB STE, DE NI MTSAN MA RNAM PA DRUG PA'O, ,MI BKRI ZHES BYA BA LA, MI BKRI ZHES BYA BA'I DON NI MI 'GYUR ZHE 'AM, DBANG DU MI 'GYUR ZHES BYA BA'I DON TO, ,SA LA ZHUGS PA'I BYANG CHUB @260B SEMS DPA' RNAMS NI BSOD NAMS KYI TSOGS CHEN PO BSAGS PA DGE BA PHUN SUM TSOGS PA DANG LDAN PA DANG, YE SHES KYI TSOGS BSAGS PAS CHOS KUN STONG PAR KHONG DU CHUD PA'I PHYIR, GANG LA YANG CHAGS PA MED CI LA YANG ZHE SDANG MED PA DE, DE BAS NA BSNGAGS PA DANG BSNGAGS PA MA YIN PA DANG, BDE BA DANG SDUG BSNGAL BA LA SOGS PA GANG BYUNG BA DE DAG GIS MI BSKYOD, DE DAG GIS SEMS BSGYUR BAR MI NUS TE, BSNGAGS NA YANG 'GYING BA'I BSAM PA MI SKYE, BSNGAGS PA MA YIN PA SMRAS NA YANG SRO SHI BA'I BSAM PA MI SKYE BAS NA MI BKRI BA ZHES BYA STE 'DI NI MTSAN MA BDUN PA'O, ,DE LA BSNGAGS PA NI YON TAN BRJOD PA'O, ,BSNGAGS PA MA YIN PA NI SMAD CING SKYON BRJOD PA'O, ,MA CHAGS PA DANG ZHES BYA BA LA, SA LA ZHUGS PA'I BYANG CHUB SEMS DPA' RNAMS NI SANGS RGYAS DANG BYANG CHUB SEMS DPA'I LONGS SPYOD PHUN SUM TSOGS PA DANG LDAN PAS, BRGYA BYIN DANG TSANGS PA DANG 'KHOR LOS SGYUR BA LA SOGS PA'I LONGS SPYOD LA YANG MI GTZANG BA LTA BUR RTOGS NAS, DE DAG LA KUN SPANGS TE, RAB TU 'BYUNG BAR BYED PAS NA, MA CHAGS PA ZHES BYA STE, 'DI NI MTSAN MA BRGYAD PA'O, ,THABS SHES TE ZHES BYA BA LA, SA LA ZHUGS PA'I BYANG CHUB SEMS DPA' NI SANGS RGYAS KYI CHOS THAMS CAD 'GRUB PA'I THABS RNAM PAR MI RTOGS PA'I YE SHES DANG LDAN PAS THABS SHES PA ZHES BYA STE, 'DI NI MTSAN MA DGU PA'O, ,RNAM PAR MI RTOG PA'I YE SHES DE, SANGS RGYAS KYI CHOS THAMS CAD 'GRUB PA'I THABS YIN PAR CI MNGON ZHE NA, SHES RAB KYI PHA ROL TU PHYIN PA 'BUM LAS, BYANG CHUB SEMS DPA' SEMS DPA' CHEN PO RNAMS KYIS, GAL TE SBYIN PA'I PHA ROL TU PHYIN PA YONGS RDZOGS PAR BYA BAR 'DOD NA, MI DMIGS PA'I TSUL GYIS SHES RAB KYI PHA ROL TU PHYIN PA LA BSLAB PAR BYA'O ZHES GSUNGS PA NAS, GAL TE RNAM PA THAMS CAD MKHYEN PA NYID THOB PAR 'DOD NA MI DMIGS PA'I TSUL GYIS SHES RAB KYI PHA ROL TU PHYIN PA LA BSLAB PAR BYA'O ZHES @261A *, ,GSUNGS PA'I PHYIR RO, ,DKYIL 'KHOR DU YANG SKYE BA'O, ,ZHES BYA BA LA, SA LA ZHUGS PA'I BYANG CHUB SEMS DPA' RNAMS SEMS CAN GYI DON DU NI SMON LAM GYI DBANG GIS SANGS RGYAS MED PA'I TING NGE 'DZIN GYI KHAMS SU SKYE BA LAS MA GTOGS PAR GAR SKYES GAR SKYES KYANG DUS THAMS CAD DU DE BZHIN GSHEGS PA BZHUGS PA'I 'KHOR GYI DKYIL 'KHOR DU SKYE STE, 'DI NI MTSAN MA BCU PA'O, ,DE BAS NA SA BCU PA'I SA DANG PO LAS KYANG BDAG SHI NAS KYANG GDON MI ZA BAR SANGS RGYAS DANG BYANG CHUB SEMS DPA' GANG DANG MI 'BRAL BAR 'GYUR RO ZHES, DE'I PHYIR DE LA NGAN SONG GI 'JIGS PA MED DO, ,ZHES GSUNGS SO, ,THABS LA MKHAS PA NI MI DMIGS PAS SANGS RGYAS SU 'GRUB PA'I THABS SU SHES PA'I PHYIR RO ZHES BYA BA LA, SANGS RGYAS SU 'GRUB PA'I THABS NI MI DMIGS TE, RNAM PAR MI RTOG PA'I YE SHES YIN PAR SHES NAS SA THAMS CAD LA YANG RNAM PAR MI RTOG PA'I YE SHES LA GNAS PA NI THABS LA MKHAS PA ZHES BYA'O, ,BYANG CHUB SEMS DPA'I SA RNAMS LA, PHA ROL TU PHYIN PA THOB PA'I MTSAN MA RNAM PAR DBYE BA LA TSIGS SU BCAD PA GNYIS SO ZHES BYA BA LA, SA THOB PA'I BYANG CHUB SEMS DPA' RNAMS LA MTSAN MA BCU 'BYUNG BAR MA ZAD KYI, SA THOB PA'I BYANG CHUB SEMS DPA' RNAMS SA RE RE RA PHA ROL TU PHYIN PA BCU BCU 'THOB STE, PHA ROL TU PHYIN PA BCU 'THOB PA'I MTSAN MA BCU DRUG 'BYUNG BA'I TSIGS SU BCAD PA GNYIS KYIS STON TO ZHES BYA BA'I DON TO, ,YANG NA SA RE RE ZHING PHA ROL TU PHYIN PA RE RE RDZOGS TE, PHA ROL TU PHYIN PA RE RE RDZOGS PA'I MTSAN MA BCU DRUG 'BYUNG BA'I TSIGS SU BCAD PA GNYIS KYIS STON TO, ,ZHES BYA BA'I DON TO, ,TSIGS SU BCAD PA BCU DRUG GI DON BSHAD PA YANG RNAM PA GNYIS TE, BSDUS TE SPYIR BSTAN PA DANG, SPROS TE RGYAS PAR BSHAD PA'O, ,'DOD MED MA YIN ZHES @261B BYA BA LA, SA LA ZHUGS PHAN CHAD PHA ROL TU PHYIN PA BCU BSGRUB PA LA, 'DOD PA DANG MOS PA DANG BRAL BA MA YIN TE, PHA ROL TU PHYIN PA RNAMS LA BSGRUB PA LA, 'DOD PA DANG MOS PA'I SHAS CHER YOD PA NI, 'DOD MED MA YIN PA ZHES BYA STE, 'DIS NI BSDUS TE SPYIR BSTAN PA YIN NO, ,PHA ROL TU PHYIN PA BSGRUB PA LA MOS PA DANG BRAL BA MA YIN PAR SPROS TE, RGYAS PAR BSHAD PA'I PHYIR, CHAGS MED CES BYA BA LA SOGS PA SMOS TE, DE LA LUS DANG LONGS SPYOD LA ZHEN CING GTONG MI PHOD PA NI CHAGS PA ZHES BYA STE, SA DANG PO LA ZHUGS PA'I BYANG CHUB SEMS DPA' RNAMS BDAG DANG GZHAN DU MNYAM PA NYID THOB PAS PHYI NANG GI DNGOS PO THAMS CAD SEMS CAN LA YONGS SU GTONG BAR BYED DE, DE BAS NA SBYIN PA'I MI MTHUN PA'I PHYOGS SER SNA MED PA'I PHYIR CHAGS PA MED CES BYA'O,, DE'I PHYIR SA DANG PO LA NI SBYIN PA'I PHA ROL TU PHYIN PA SHAS CHE BA YIN TE, DE BAS NA SA DANG PO LAS, DE'I PHA ROL TU PHYIN PA BCU LAS SBYIN PA'I PHA ROL TU PHYIN PA SHAS CHE BA YIN TE, LHAG MA RNAMS KYANG CI TSUL CI NUS SU YANG DAG PAR MI SGRUB PA MA YIN NO ZHES GSUNGS SO, ,'KHU BA'I SEMS MED CES BYA BA LA, SEMS CAN RNAMS KYI SROG GCOD PA DANG NOR LA MA BYIN PAR LEN PA LA SOGS PA MI DGE BA BCU SPYOD PA NI 'KHU BA'I SEMS ZHES BYA STE, SA GNYIS PA LA ZHUGS PA'I BYANG CHUB SEMS DPA' RNAMS RMI LAM DU YANG MI DGE BA BCU SPYOD PA MI RMI PAS, 'KHU BA'I SEMS MED PA ZHES BYA'O, ,DE BAS NA SA GNYIS PA LA NI TSUL KHRIMS KYI PHA ROL TU PHYIN PA SHAS CHE BA YIN TE, DE BAS NA SA GNYIS PA PHA ROL TU PHYIN PA BCU LAS TSUL KHRIMS KYI PHA ROL TU PHYIN PA SHAS CHE BA YIN TE, LHAG MA RNAMS KYANG DE LTAR TSUL BZHIN DU CI NUS SU MI SGRUB PA NI MA YIN NO ZHES GSUNGS SO, ,KHRO MED CES BYA BA LA, GZHAN GYI SROG DANG LONGS SPYOD LA SOGS PA LA GNOD PA BYAS NA, ZHE SDANG GI BSAM @262A *, ,PAS SLAR YANG GNOD PA BYA BAR SEMS PA 'AM, GRANG BA DANG TSA BA LA SOGS PA'I SDUG BSNGAL MYONG NA MI BZOD PA'I SEMS SKYE BA NI KHRO BA ZHES BYA'O, ,SA GSUM PA LA ZHUGS PA'I BYANG CHUB SEMS DPA' RNAMS BZOD PA NI MI MTHUN PA'I PHYOGS SEMS CAN GYIS GNOD PA BYAS KYANG SLAR GNOD PA'I LAN GLAN PA'I BSAM PA MED PA DANG, BDAG DANG GZHAN GYI DON DU GRANG BA DANG TSA BA LA SOGS PA'I SDUG BSNGAL MYONG YANG BZOD CING NYAMS SU LEN PAS KHRO BA MED PA ZHES BYA STE, DE BAS NA SA GSUM PA 'DI LA BZOD PA'I PHA ROL TU PHYIN PA SHAS CHE BA YIN NO, ,DE'I PHYIR SA GSUM PA LAS KYANG PHA ROL TU PHYIN PA BCU LAS BZOD PA'I PHA ROL TU PHYIN PA SHAS CHE BA YIN TE, LHAG MA RNAMS KYANG CI TSUL CI NUS SU MI SGRUB PA MA YIN NO ZHES GSUNGS SO, ,LE LO MED CES BYA BA LA, NYAL BA DANG 'PHRES PA LA SOGS PA LA DGA' BAR BYAS NAS BYANG CHUB KYI PHYOGS KYI DGE BA'I CHOS RGYUN DU MI SGOM PA NI LE LO ZHES BYA'O, ,SA BZHI PA LA GNAS PA'I BYANG CHUB SEMS DPA' RNAMS BRTZON 'GRUS KYI MI MTHUN PA'I PHYOGS LE LO SPANGS NAS BYANG CHUB KYI CHOS LA RGYUN DU SGOM PAR BYED PAS NA LE LO MED PA ZHES BYA STE, DE BAS NA SA BZHI PA 'DI LA BRTZON 'GRUS KYI PHA ROL TU PHYIN PA SHAS CHE BA YIN NO, ,DE'I PHYIR SA BZHI PA NYID LAS, PHA ROL TU PHYIN PA BCU LAS BRTZON 'GRUS KYI PHA ROL TU PHYIN PA SHAS CHE BA YIN TE, LHAG MA RNAMS KYANG CI TSUL CI NUS SU YANG DAG PAR MI SGRUB PA MA YIN NO ZHES GSUNGS SO, ,BYAMS PA DANG SNYING RJE BSAM PAS ZHES PA LA, BSAM GTAN BZHI NGAG LA LHAG PAR CHAD MED PA BZHI DANG LDAN PAS BSAM GTAN BZHI DANG LDAN PA RNAMS NI BYAMS PA DANG SNYING RJE'I BSAM PA DANG LDAN PA ZHES BYA'O, ,SA LNGA PA THOB PA'I BYANG CHUB SEMS DPA' RNAMS BSAM GTAN DANG TING NGE 'DZIN THOB PA YIN PAS NA, BYAMS @262B PA DANG SNYING RJE'I BSAM PA DANG LDAN PA ZHES BYA STE, DE BAS NA SA 'DI LA BSAM GTAN GYI PHA ROL TU PHYIN PA SHAS CHE BA YIN NO, ,DE'I PHYIR SA LNGA PA NYID LAS, DE'I PHA ROL TU PHYIN PA BCU PA LAS BSAM GTAN GYI PHA ROL TU PHYIN PA SHAS CHE BA YIN TE, LHAG MA RNAMS KYANG CI TSUL CI NUS SU MI SGRUB PA MA YIN NO ZHES GSUNGS SO, ,BLO LOG MI RTOG DANG RNAM RTOG MI 'PHROGS PA ZHES BYA BA LA, RTAG PA DANG GTZANG BA DANG BDAG LA SOGS PA YOD PAR 'DZIN PA NI BLO LOG PA ZHES BYA'O, ,CHOS RNAMS KYI RANG GI MTSAN NYID LA SEMS PA NI RTOG PA ZHES BYA'O, ,RTAG GO ZHES BYA BA LA SOGS PA CHOS RNAMS KYI KHYAD PAR DANG, SPYI'I MTSAN NYID LA SEMS PA NI RNAM PAR MI RTOG PA ZHES BYA'O, ,YANG NA MA RIG PA'I RKYEN GYIS 'DU BYED LA SOGS PA LUGS BZHIN PA'I RTEN CING 'BREL TE 'BYUNG BA LA NAG PO'I PHYOGS SU RTOG PA NI RTOG PA ZHES BYA'O, ,MA RIG PA 'GAGS PAS 'DU BYED 'GAG PA LA SOGS PA LUGS LAS BZLOG PA'I RTEN CING 'BREL TE 'BYUNG BA LA DKAR PO'I PHYOGS SU RTOG PA NI RNAM PAR RTOG PA ZHES BYA'O, ,SA DRUG PA THOB PA'I BYANG CHUB SEMS DPA' RNAMS STONG PA NYID RO GCIG PA'I MTSAN NYID KYI TING NGE 'DZIN LA GNAS PAS NA, DE DAG LA RTAG PA DANG BDE BA LA SOGS PAR RTOG PA MED PA'I PHYIR, BLO LOG PA MED PA ZHES BYA BA'O, ,LUGS BZHIN PA'I RTEN CING 'BREL TE 'BYUNG BA DANG, LUGS LAS BZLOG PA'I RTEN CING 'BREL TE 'BYUNG BA GNYIS KA STONG PA NYID KYI MTSAN NYID DU RTOGS PAS DKAR PO'I PHYOGS DANG NAG PO'I PHYOGS SU MI RTOG PA'I PHYIR RTOG PA DANG RNAM PAR RTOG PAS MI 'PHROGS PA ZHES BYA STE, DE BAS NA SA DRUG PA LA SHES RAB KYI PHA ROL TU PHYIN PA SHAS CHE BA YIN NO, ,DE'I PHYIR SA DRUG PA NYID LAS KYANG, PHA ROL TU PHYIN PA BCU LAS SHES RAB KYI PHA ROL TU PHYIN PA SHAS CHE BA YIN TE, LHAG MA RNAMS KYANG CI TSUL CI NUS SU YANG DAG PAR MI SGRUB @263A *, ,PA MA YIN NO ZHES GSUNGS SO, ,DE YAN CHAD SA DRUG PO DANG PHA ROL TU PHYIN PA DRUG SBYAR TE BSTAN TO, ,G-YENG BA'I BLO MIN ZHES BYA BA LA, SA LA ZHUGS PA'I BYANG CHUB SEMS DPA' RNAMS NI DGE BA CI YOD PA RNAMS NYAN THOS DANG RANG SANGS RGYAS KYI THEG PAR MI BSNGO STE, BDAG 'BA' ZHIG GI DON DU 'GYUR BA THEG PA CHUNG NGU YID LA MI BYED PAS G-YENG BA'I BLO MA YIN PA ZHES BYA'O, ,DE BAS MI 'PHROGS ZHES BYA BA LA, SA LA ZHUGS PA'I BYANG CHUB SEMS DPA' RNAMS BRGYA BYIN DANG TSANGS PA LA SOGS PA'I LONGS SPYOD KYANG SPANGS NAS KHYIM NAS KHYIM MED PAR RAB TU 'BYUNG STE, LONGS SPYOD KYI BDE BA GANG LA YANG MA CHAGS PAS NA BDE BAS MI 'PHROGS PA ZHES BYA'O, ,SDUG BSNGAL DAG GIS LDOG MI 'GYUR, ,ZHES BYA BA LA, BDAG DANG SEMS CAN GYI DON BYED PA'I BRTZON PA ZHES BYA STE, DE BAS NA SA BCU PA 'DI LA YE SHES KYI PHA ROL TU PHYIN PA SHAS CHE BA YIN ZHING, MNGON PAR SHES PA'I LAS LA THOGS PA MED PAR 'JUG PA YIN NO, ,DE'I PHYIR SA BCU PA NYID LAS, KYE RGYAL BA'I SRAS DAG DE LA BYANG CHUB SEMS DPA'I CHOS KYI SPRIN LA GNAS PA'I BYANG CHUB SEMS DPA' NI CHOS KYI KHAMS YANG DAG PAR BSGRUBS PA, YANG DAG PA JI LTA BA BZHIN DU RAB TU SHES SO ZHES BYA BA LA SOGS PA GSUNGS SO, ,DE DE LTA BU'I YE SHES DANG LDAN PA'I BLOS, GONG DU SEMS CAN RNAMS KYI SPRUL PA'I LAS YANG DAG PAR JI LTA BA BZHIN DU SHES SO ZHES BYA BA LA SOGS PA GSUNGS SO, ,YANG DE'I PHA ROL TU PHYIN PA BCU LAS YE SHES KYI PHA ROL TU PHYIN PA SHAS CHE BA YIN TE, LHAG MA RNAMS KYANG CI TSUL CI NUS SU MI SGRUB PA MA YIN NO ZHES GSUNGS SO, ,DE LTAR SA BZHI DANG PHA ROL TU PHYIN PA BZHI RNAMS SU SBYAR TE BSTAN TO, ,SA BCU RNAMS SU PHA ROL TU PHYIN PA BCU BSGRUB PA'I 'BRAS BU GANG YIN PA BSTAN PA'I PHYIR, KUN GYI STENG 'DUG YON TAN @263B GTER TE SANGS RGYAS SRAS RIG BYA, ,ZHES BYA BA SMOS TE, KUN GYI STENG NI SA BCU PA'I BYANG CHUB SEMS DPA'O, ,SA BCU PA'I STENG NA 'DUG PA NI SANGS RGYAS KYI SA STOBS DANG MI 'JIGS PA LA SOGS PA'I YON TAN THAMS CAD GTER DU GYUR PA SANGS RGYAS SU GRUB PA STE, RGYAL BA'I SRAS BYANG CHUB SEMS DPA' RNAMS SA BCU BSGRUBS PAS MJUG TU YON TAN THAMS CAD KYI GTER DU GYUR PA, SANGS RGYAS KYI MTSAN NYID KYI 'BRAS BU THOB PAR RIG PAR BYA'O, ,YANG NA KUN GYI GTER NI SA BCU PA NYID LA BYA STE, SA DGU MAN CHAD PHA ROL TU PHYIN PA DGU BSGRUBS PAS, DE'I 'OG TU SA KUN GYI STENG YON TAN THAMS CAD KYI 'BYUNG GNAS SU GYUR PA SANGS RGYAS KYI SA'I RGYU LTA BUR GNAS PA, SA BCU BA DE RGYAL BA'I SRAS BYANG CHUB SEMS DPAS 'THOB PAR 'GYUR BAR RIG PAR BYA'O ZHES BYA BA'I DON TO, ,PHA ROL TU PHYIN PA BCU THOB PA'I BYANG CHUB SEMS DPA'I MTSAN MA BCU DRUG STON TO ZHES BYA BA LA, SA RE RE THOB PA LA PHA ROL TU PHYIN PA BCU BCU THOB PA SHAS CHER BYAS NA, SA GCIG CING PHA ROL TU PHYIN PA RE RE SHAS CHE BA'I MTSAN MA BCU DRUG TSIGS SU BCAD PA GNYIS KYIS STON TO ZHES BYA BA'I DON TO, ,DE LA MTSAN MA BCU DRUG NI CHAGS MED NAS, BLO LOG MED CING RTOG DANG RNAM RTOG MI 'PHROGS ZHES BYA BA YAN CHAD PHA ROL TU PHYIN PA DRUG DANG, SA DRUG TU SBYAR TE, MTSAN MA DRUG BSTAN TO, ,G-YENG BA BLO MIN ZHES BYA BA NAS, STON PA MCHOG LA STE BYA BA YAN CHAD MTSAN MA DRUG STE, DE LTAR MTSAN MA BCU GNYIS SO, ,BSOD NAMS KUN BSAGS ZHES BYA BA NAS MNGON SHES RTZEN ZHES BYA BA YAN CHAD PHA ROL TU PHYIN PA BZHI DANG, SA BZHIR SBYAR TE MTSAN MA BZHI BSTAN NAS DE LTAR MTSAN MA BCU DRUG GO, ,'DOD MED MA YIN ZHES BYA BA'I DANG PO NI, PHA ROL TU PHYIN PA RNAMS BSGRUB PA'I PHYIR STON PA'O, ,KUN GYI STENG 'DUG YON TAN GTER @264A *, ,TE, SANGS RGYAS SRAS RIG BYA'I TSIG THAMS NI PHA ROL TU PHYIN PA DRUG BSGRUBS PA'I 'BRAS BU GANG YIN PA BSTAN TO, ,RTAG TU PHA ROL TU PHYIN PA RNAMS SGRUB PA LA MOS PA DANG MA BRAL BA ZHES BYA BA NI, SA RE RE LA YANG PHA ROL TU PHYIN PA BCU BSGRUB PA LA DAD PA DANG 'DOD PA MED PA MA YIN TE ZHES BYA BA'I DON TO, ,PHA ROL TU PHYIN PA DRUG RNAMS RE RE'I MI MTHUN PA'I PHYOGS DANG BRAL BA DANG ZHES BYA BA LA, SBYIN PA'I PHA ROL TU PHYIN PA'I MI MTHUN PA'I PHYOGS NI CHAGS PA STE, DE SA DANG PO'I TSE NA MED DO, ,TSUL KHRIMS KYI PHA ROL TU PHYIN PA'I MI MTHUN PA'I PHYOGS NI 'KHU BA'I SEMS TE, DE SA GNYIS PA'I TSE NA MED DO, ,BZOD PA'I PHA ROL TU PHYIN PA'I MI MTHUN PA'I PHYOGS NI KHRO BA STE, DE SA GSUM PA'I TSE NA MED DO, ,BRTZON 'GRUS KYI PHA ROL TU PHYIN PA'I MI MTHUN PA'I PHYOGS NI LE LO STE, DE SA BZHI PA'I TSE NA MED DO, ,BSAM GTAN GYI PHA ROL TU PHYIN PA'I MI MTHUN PA'I PHYOGS NI GNOD SEMS DANG 'TSE BA STE, DE SA LNGA PA'I DUS NA MED DO, ,SHES RAB KYI PHA ROL TU PHYIN PA'I MI MTHUN PA'I PHYOGS NI BLO LOG PA STE, RTOG PA DANG RNAM PAR RTOG PA STE, DE SA DRUG PA'I DUS NA MED DO, ,THEG PA GZHAN YID LA BYED PAS MI G-YENG PA ZHES BYA BA LA, DGE BA'I TSOGS CI BSAGS PA RNAMS NYAN THOS DANG, RANG SANGS RGYAS KYI THEG PAR MI BSNGO ZHING NYAN THOS DANG RANG SANGS RGYAS KYI CHOS YID LA MI BYED PA'I THEG PA GZHAN YID LA BYED PAS MA G-YENGS PA ZHES BYA'O, ,'BYOR PA'I BDE BA LA MA CHAGS ZHES BYA BA NI 'KHOR LOS SGYUR BA LA SOGS PA'I LONGS SPYOD LA MA CHAGS ZHES BYA BA'I DON TO, ,RGUD PA DANG DKA' BAR SPYOD PA'I SDUG BSNGAL GYI SBYOR BA LAS PHYIR MI LDOG CES BYA BA LA, RGUD PA NI LONGS SPYOD LA SOGS PA DANG BRAL ZHING SHI BAR GYUR PA'O, ,DKA' BA SPYOD PA NI MGO DANG RKANG LAG LA SOGS PA BTANG BA STE, BDAG DANG GZHAN GYI DON LA SBYOR BA NA RGUD PA'I SDUG BSNGAL DANG, DKA' BA SPYOD PA'I SDUG BSNGAL BYUNG YANG, BDAG @264B DANG GZHAN GYI DON LA SBYOR BA'I LAS MI GTONG BAS NA PHYIR MI LDOG PA ZHES BYA'O, ,DGE BA'I BSHES LA BRTEN PA DANG, ,ZHES BYA BA LA, THEG PA CHEN PO STON PA'I DGE BA'I BSHES GNYEN LA PHYAG 'TSAL BA DANG, BSNYEN BKUR BYA BA DANG, DUS DUS SU DE DAG GI THAD DU 'GRO BA NI DGE BA'I BSHES GNYEN LA BRTEN PA ZHES BYA'O, ,THOS PA LA BRTZON PA ZHES BYA BA LA, THEG PA CHEN PO'I CHOS KYI DON DANG TSIG RGYUN DU NYAN PA NI THOS PA LA BRTZON PA ZHES BYA'O, ,STON PA MCHOD PA LA BRTZON PA ZHES BYA BA LA, SANGS RGYAS BCOM LDAN 'DAS RNAMS LA SPOS DANG, ME TOG LA SOGS PAS RGYUN DU MCHOD PAR BYED PA NI STON PA MCHOD PA LA BRTZON PA ZHES BYA'O, ,THABS LA MKHAS PA'I PHA ROL TU PHYIN PAS YANG DAG PAR BSNGO BA DANG ZHES BYA BA LA, MI DMIGS PA'I TSUL DU DGE BA CI BYAS PA RNAMS BDAG DANG SEMS CAN GNYI GA'I THUN MONG DU BYAS NAS BLA NA MED PA'I BYANG CHUB THOB PAR BYED PA'I PHYIR BSNGO BA NI THABS LA MKHAS PA'I PHA ROL TU PHYIN PAS YANG DAG PAR BSNGO BA ZHES BYA'O, ,BDE BA'I GNAS SU SKYE BA ZHES BYA BA LA, SMON LAM GYI PHA ROL TU PHYIN PA'I DBANG GIS GANG DU SANGS RGYAS DANG BYANG CHUB SEMS DPA' RNAMS GNAS PA DER SKYE BAR BYED PA NI BDE BA'I GNAS SU SKYE BA ZHES BYA'O, ,DE MI MTHUN PA'I PHYOGS KYI CHOS DANG MA 'DRES PA'I PHYIR ZHES BYA BA LA PHA ROL TU PHYIN PA DRUG GI MI MTHUN PA'I PHYOGS NI SER SNA DANG NGAN PA'I NGANG TSUL LA SOGS PA STE, STOBS KYI PHA ROL TU PHYIN PA DANG LDAN PAS RGYUN DU DGE BA 'BA' ZHIG BYED KYI, PHA ROL TU PHYIN PA DRUG DANG MI MTHUN PA'I PHYOGS CUNG ZAD KYANG MI BYED PA NI RTAG TU DGE BA BYED PA ZHES BYA'O, ,MNGON PAR SHES PA'I YON TAN GYI RTZEN PA NI YE SHES KYI PHA ROL TU PHYIN PAS SO ZHES BYA BA LA, YE SHES KYI PHA ROL TU PHYIN PA DANG LDAN PAS RDUL PHRA MO DAG KYANG 'JIG RTEN GYI KHAMS DPAG TU MED PA TZAM DU CHEN POR BYED PA DANG, 'JIG RTEN GYI KHAMS DPAG TU MED PA YANG RDUL PHRA @265A *, ,MO TZAM DU CHUNG NGU RA BYED PA LA SOGS PA RDZU 'PHRUL RNAM PA SNA TSOGS BYED PA NI MNGON PAR SHES PA'I YON TAN GYIS RTZEN PA ZHES BYA'O, ,DE LA BYAMS PA NI GNOD SEMS KYI GNYEN PO STE, BDE BA BSGRUB PA'I BSAM PA'O, ,ZHES BYA BA'O, , SEMS CAN RNAMS LA BRDEG PA DANG BCING BA LA SOGS PA'I GNOD PA SNA TSOGS PA BYA BAR SEMS PA NI GNOD SEMS ZHES BYA'O, ,SEMS CAN RNAMS 'JIG RTEN DANG 'JIG RTEN LAS 'DAS PA'I BDE BA LA GZHAG PAR SEMS PA NI, BDE BA BSGRUB PA'I BSAM PA ZHES BYA'O, ,BYAMS PA'I SEMS BYUNG NA NI GNOD SEMS MED PAR 'GYUR BAS, BYAMS PA NI GNOD SEMS KYI GNYEN PO STE, DNGOS SU BYAMS PA'I RANG BZHIN JI LTA BU ZHE NA, SEMS CAN RNAMS BDE BA LA GZHAG PAR SEMS PA'O, ,SNYING RJE'I 'TSE BA'I GNYEN PO STE, SDUG BSNGAL MED PAR BYED PA'I BSAM PA'O ZHES BYA BA LA, SEMS CAN RNAMS LA BRDEG PA DANG 'CHING BA LA SOGS PA BYED PA NI 'TSE BA'O, ,SEMS CAN RNAMS KYI SKYE RGA NA 'CHI LA SOGS PA'I SDUG BSNGAL MED PAR BYED PA'I BSAM PA ZHES BYA'O, , SNYING RJE BYUNG NA SEMS CAN LA 'TSE BA MI 'BYUNG BAS SNYING RJE NI 'TSE BA'I GNYEN PO STE, DNGOS SU NI SNYING RJE'I RANG BZHIN JI LTA BU YIN ZHE NA, SEMS CAN GYI SDUG BSNGAL MED PAR BYED PA'I BSAM PA'O, ,RANG BZHIN DU RTOG PA NI RTOG PA'O ZHES BYA BA LA, SA NI SRA BA'I RANG BZHIN NO, ,CHU NI GSHER BA'I RANG BZHIN NO, ,ZHES RTOG PA LA RTOG PA ZHES BYA'O, ,BYE BRAG TU RTOG PA NI RNAM PAR RTOG PAR RIG PAR BYA'O ZHES BYA BA LA, SA 'JIG GO, ,SA MI RTAG GO, ,SDUG BSNGAL BA'O, ,ZHES BYE BRAG TU RTOG PA LA RNAM PAR RTOG PA ZHES BYA'O, ,DE NYID KYI RJES SU BSNGAGS PA RNAM PAR DBYE BA LA TSIGS SU BCAD PA ZHES BYA BA LA, DA NI SA BCU RNAMS SU PHA ROL TU PHYIN PA BCU BSGRUBS PA'I YON TAN DANG LEGS PA JI SNYED YOD PA RNAM PAR DBYE BA LA TSIGS SU BCAD PA GCIG GIS STON @265B TE, ,ZHI GNAS DANG NI LHAG MTHONG GNYIS, ,LDA BDAG NYID DU RIG PAR BYA, ,BLO LDAN DAG GIS BSNGAGS PA NI, ,RNAM PA KUN DUS KUN LA, ,ZHES BYA BA LA, BLO DANG LDAN PA BYANG CHUB SEMS DPA' RNAMS KYIS MOS PAR SPYOD PA'I SA YAN CHAD, SA BCU PA MAN CHAD NA PHA ROL TU PHYIN PA BCU BSGRUBS PA'I YON TAN RNAM PA LNGAR RIG PAR BYA STE, YON TAN RNAM PA LNGA NI 'GREL PA LAS 'OG NAS 'BYUNG BA'O, ,LNGA PO DE LA YANG RNAM PA GSUM DU BZHAG STE, KHA CIG NI ZHI GNAS KYI PHYOGS SU GZHAG GO, ,KHA CIG NI LHAG MTHONG GI PHYOGS SU GZHAG GO, ,KHA CIG NI GNYI GA'I PHYOGS SU GZHAG GO, ,SKAD CIG MA RE RE LA GNAS NGAN LEN GYI GNAS THAMS CAD 'JOMS PAR BYED PA DANG ZHES BYA BA LA, GNAS NGAN LEN GYI GNAS NI NYON MONGS PA DANG, SHES BYA'I SGRIB PA'I BAG CHAGS KYI RTEN DU GYUR PA RNAM PAR SHES PA LA BYA STE, ZHI GNAS RTZE GCIG PAS LUS DANG SEMS LAS SU RUNG PAR BYAS NAS, DE'I RGYUS LUS DANG SEMS LAS SU MI RUNG PA'I RGYU NYON MONGS PA DANG, SHES BYA'I SGRIB PA'I BAG CHAGS SPONG BAR BYED PA NI 'JOMS PAR BYED PA ZHES BYA'O,, MOS PA SPYOD PA'I SA YAN CHAD NA YANG GNAS NGAN LEN GYI BAG CHAGS 'JOMS MOD KYI, SKAD CIG MA RE RE LA MI 'JOMS TE, SA DANG PO YAN CHAD NI SKAD CIG MA RE RE LA YANG GNAS NGAN LEN GYI GNAS THAMS CAD 'JOMS PAR BYED DE, 'DI NI RJES SU BSNGAGS PA RNAM PA GCIG GO, 'DU SHES SNA TSOGS DANG BRAL BA'I CHOS KYI DGA' PA LA, DGA' BA RAB TU 'THOB PA DANG ZHES BYA BA LA, 'DI NI GZUGS CAN GYI CHOS, 'DI NI GZUGS MED PA'I CHOS, 'DI NI 'DUS BYAS KYI CHOS, 'DI NI 'DUS MA BYAS KYI CHOS ZHES THA DAD PAR MI RTOG PA NI 'DU SHES SNA TSOGS DANG BRAL BA'I CHOS SO, ,DE LTAR MTSAN MA RNAM PA SNA TSOGS SU RTOG PA SPANGS NAS, ZHI GNAS MTSAN MA'I GNOD PA THAM CAD DANG BRAL BA'I MTSAN MA MED PAR BDE BA RANG GIS RIG CING, DE LA RTZE GCIG TU 'JOG PA NI, CHOS KYI DGA' BA LA RAB TU DGA' BA @266A *, ,THOB PA ZHES BYA STE, RAB TU DGA' BA THOB CES BYA BA NI SEMS G-YENG BA MED PA THOB CES BYA BA'I DON TO, ,DE LAS DANG PO YAN CHAD MTSAN MA RNAM PA SNA TSOGS LA RTOG PA SPANGS NAS MTSAN MA MED PA LA GNAS PA'I ZHI GNAS KYI LAM RTZE GCIG TU THOB PAS NA, 'DU SHES SNA TSOGS PA DANG BRAL BA'I CHOS KYI DGA' BA RAB TU 'THOB PA ZHES BYA, 'DI NI MTSAN MA RNAM PA GNYIS PA'O, ,YONGS SU MA CHAD PA'I RNAM PA THAMS CAD DU TSAD MED PA'I CHOS KYI SNANG BA RAB TU SHES PA DANG ZHES BYA BA LA, 'DI NI GZUGS CAN, 'DI NI GZUGS MED PA, 'DI NI GZUGS, 'DI NI SGRA ZHES THA DAD PAR MI BYED PAR, CHOS THAMS CAD RO GCIG PA'I MTSAN NYID DU SHES PA NI YONGS SUM CHAD PA'I RNAM PA THAMS CAD DU MTSAN MA MED PA'I CHOS KYI SNANG BAR RAB TU SHES PA ZHES BYA'O, ,YANG NA CHOS KHA CIG SHES, KHA CIG MI SHES PA MA YIN GYI, PHYOGS BCU DUS GSUM GYI CHOS THAMS CAD MNYAM PAR SHES PAS NA, YONGS SU MA CHAD PA'I RNAM PA THAMS CAD DU TSAD MED PA'I CHOS KYI SNANG BA RAB TU SHES PA ZHES BYA'O, ,'DI NI MTSAN MA RNAM PA GSUM PA'O, ,RNAM PAR MA BRTAGS PA MA YIN PA RNAM PAR DAG PA'I PHYOGS KYI MTSAN MA DAG LA SPYOD PAR 'GYUR, THEG PA CHEN PO MDO SDE'I RGYAN GYI 'GREL BA RGYA CHER BSHAD PA SLOB DPON CHEN PO BLO GROS BRTAN PAR MDZAD PA RDZOGS SO,, ,,MANG YUL DU MKHAN PO MU NI TZANDRA DANG, LO TZ'A BA LCE BKRA SHIS KYIS t'I K'A RNAM PA GNYIS KYIS GZHI BZUNG STE, MKHAN POS KYANG CI MKHYEN DU t'I K'A GSAR DU BSGYUR BA RNAM PA GNYIS DANG GTUGS NA YANG, t'I K'A GSAR PA LAS MI MNGON PAR DAG KYANG 'DI LAS ZHIB TU 'CHAD PAS 'DI YANG GCES PAR BGYI'O, ,MJUG CUNG ZAD CIG MA TSANG BA 'DI STOR BAS t'I K'A GNYIS DANG GTUGS SHING BGYIS LAGS SO,,