@1A #, ,RNAM PAR GTAN LA DBAB PA BSDU BA, BAM PO SUM CU GSUM PA, RGYU MTSAN LAS MING GZHAN DU BRJOD PAR BYA BA'AM, GZHAN MA YIN PAR BRJOD PAR BYA ZHE NA, SMRAS PA; GNYI GAR YANG BRJOD PAR MI BYA'O, ,DE CI'I PHYIR ZHE NA, GNYI GAR YANG SKYON DU THAL BAR 'GYUR BA'I PHYIR RO, ,GZHAN NYID YIN NA SKYON CI YOD CE NA, MING RDZAS SU YOD PAR 'GYUR BA'O,, GZHAN MA YIN PA NYID YIN NA SKYON CI YOD CE NA, RGYU MTSAN GZUNG BA NA MING YANG ZIN PAR 'GYUR BA'O, ,RGYU MTSAN LAS RNAM PAR RTOG PA GZHAN DU BRJOD PAR BYA'AM, GZHAN MA YIN PAR BRJOD PAR BYA ZHE NA, SMRAS PA, GNYI GAR YANG BRJOD PAR MI BYA'O, ,DE CI'I PHYIR ZHE NA, GNYI GAR YANG SKYON DU THAL BAR 'GYUR BA'I PHYIR RO, ,GZHAN NYID YIN NA SKYON CI YOD CE NA, RNAM PAR RTOG PA RNAMS RGYU MTSAN GYI BDAG NYID MA YIN PAR 'GYUR BA'O, ,GZHAN MA YIN PA NYID YIN NA SKYON CI YOD CE NA, RNAM PAR RTOG PA DANG BAL BA'I RGYU MTSAN RNAMS KYANG RNAM PAR RTOG PA'I BDAG NYID KHO NAR @2A *, ,'GYUR BA'O, ,RGYU MTSAN LAS DE BZHIN NYID GZHAN DU BRJOD PAR BYA'AM, GZHAN MA YIN PAR BRJOD PAR BYA ZHE NA, SMRAS PA, GNYI GAR YANG BRJOD PAR MI BYA'O, ,DE CI'I PHYIR ZHE NA, GNYI GAR YANG SKYON DU 'GYUR BAR THAL BAR 'GYUR BA'I PHYIR RO, ,GZHAN NYID YIN NA SKYON CI YOD CE NA, RGYU MTSAN GYI DON DAM PA NYID DE DE BZHIN NYID DU MI 'GYUR BA DANG, RNAL 'BYOR PA RGYU MTSAN LA MI LTOS PAR DE BZHIN NYID YONGS SU TSOL BAR 'GYUR BA DANG, DE BZHIN NYID MNGON PAR RDZOGS PAR SANGS RGYAS NA YANG RGYU MTSAN MNGON PAR RDZOGS PAR SANGS RGYAS PAR MI 'GYUR BA'O, ,GZHAN MA YIN PA NYID YIN NA SKYON CI YOD CE NA, DE BZHIN NYID LA BYE BRAG MED PA BZHIN DU RGYU MTSAN THAMS CAD LA YANG BYE BRAG MED PAR 'GYUR BA DANG, RGYU MTSAN DMIGS PA NA DE BZHIN NYID KYANG DMIGS PAR 'GYUR BA DANG, DE BZHIN NYID DMIGS KYANG RGYU MTSAN BZHIN DU RNAM PAR DAG PAR MI 'GYUR BA STE, 'DI LTA STE, DPER NA 'DU BYED RNAMS LA SPYI'I MTSAN NYID MI RTAG PA DANG, SDUG BSNGAL BA DANG, BDAG MED PA YOD KYANG DE DAG LAS GZHAN PA'AM, GZHAN MA YIN PAR BRJOD PAR MI BYA BA DANG, LUS @2B DANG SEMS LA GNAS NGAN LEN DANG SHIN TU SBYANGS PA DAG YOD KYANG, LUS DANG SEMS LAS DE DAG GZHAN PA'AM, GZHAN MA YIN PA BRJOD PAR MI BYA BA DANG, DGE BA DANG, MI DGE BA DANG, LUNG DU MA BSTAN PA'I CHOS RNAMS LA SA BON YOD KYANG, DE DAG LAS GZHAN PA'AM, GZHAN MA YIN PAR BRJOD PAR MI BYA STE, GNYI GA SKYON DU THAL BAR 'GYUR BA'I PHYIR DANG, 'DI LTA STE, DPER NA NAM MKHA' NI THAMS CAD DU SONG BA YIN PAS GZUGS KYI PHYOGS NA NAM MKHA' YOD KYANG, DE LAS DE GZHAN PA'AM, GZHAN MA YIN PAR BRJOD PAR MI BYA STE, DE CI'I PHYIR ZHE NA, GNYI GAR YANG SKYON DU THAL BAR 'GYUR BA'I PHYIR RO, ,GZHAN NYID YIN NA SKYON CI YOD CE NA, NAM MKHA' THAMS CAD DU SONG BA MA YIN PA'I PHYIR MI RTAG PAR 'GYUR BA'O, ,GZHAN MA YIN PA NYID YIN NA SKYON CI YOD CE NA, GZUGS KYI PHYOGS LAS NAM MKHA' GZHAN DU MI 'GYUR BA STE, DE BZHIN DU 'DIR YANG TSUL CI RIGS PAR BLTA BAR BYA'O, ,BCOM LDAN 'DAS KYIS NYAN THOS KYI THEG PA LAS BRTZAMS NAS KYANG, LA LAR 'DU BYED RNAMS LAS GZHAN PA YANG MA YIN, GZHAN MA YIN PA YANG MA YIN PAR LAN GDAB PA'I TSUL 'DI YONGS SU BSTAN TE, JI SKAD DU, DGE SLONG DAG PHUNG PO RNAMS NYID KYANG NYE BAR LEN PA MA YIN LA, PHUNG PO RNAMS LAS LOGS SHIG NA YANG NYE BAR LEN PA MED MOD KYI, 'ON KYANG 'DI LA 'DUN PA'I 'DOD CHAGS GANG YIN PA DE 'DIR NYE BAR LEN PA YIN NO ZHES GSUNGS PA LTA BU'O, ,DE LA GZHAN PA NYID MA YIN NA SKYON CI YOD CE NA, SMRAS PA, PHUNG PO RNAMS KYI DGE BA DANG, LUNG DU MA BSTAN PA LA SKUR BA DANG, RNAM PAR MI 'DAG PA'I SKYON NO, ,GZHAN NYID YIN NA SKYON CI YOD CE NA, SMRAS PA, NYE BAR LEN PA RTAG PA NYID DU SGRO BTAGS PA DANG, RNAM PAR MI 'DAG PA NYID KYI SKYON NO, ,RGYU MTSAN DANG DE BZHIN NYID JI LTA BA BZHIN DU, MING DANG, RNAM PAR RTOG PA DANG, YANG DAG PA'I SHES PA YANG DE BZHIN DU BLTA BAR BYA'O, ,RGYU MTSAN LAS YANG DAG PA'I SHES PA GZHAN DU @3A *, ,BRJOD PAR BYA'AM, GZHAN MA YIN PAR BRJOD PAR BYA ZHE NA, SMRAS PA, RNAM PAR RTOG PA BZHIN DU GNYI GAR YANG BRJOD PAR MI BYA'O, ,MING LAS RNAM PAR RTOG PA GZHAN DU BRJOD PAR BYA'AM, GZHAN MA YIN PAR BRJOD PAR BYA ZHE NA, SMRAS PA, GZHAN DU BRJOD PAR BYA'O, ,MING LAS YANG DAG PA'I SHES PA GZHAN DU BRJOD PAR BYA'AM, GZHAN MA YIN PAR BRJOD PAR BYA ZHE NA, SMRAS PA, GZHAN DU BRJOD PAR BYA'O, ,RNAM PAR RTOG PA LAS YANG DAG PA'I SHES PA GZHAN DU BRJOD PAR BYA'AM, GZHAN MA YIN PAR BRJOD PAR BYA ZHE NA, SMRAS PA, GZHAN DU BRJOD PAR BYA'O, ,RGYU MTSAN GYI MTSAN NYID GANG ZHE NA, SMRAS PA, RNAM PAR RTOG PA'I SPYOD YUL GYI MTSAN NYID DO, ,MING GI MTSAN NYID GANG ZHE NA, SMRAS PA, THA SNYAD KYI GNAS KYI MTSAN NYID DO, ,RNAM PAR RTOG PA'I MTSAN NYID GANG ZHE NA; SMRAS PA, RGYU MTSAN SPYOD YUL PA'I MTSAN NYID DO, ,DE BZHIN NYID KYI MTSAN NYID GANG ZHE NA, SMRAS PA, YANG DAG PA'I SHES PA'I SPYOD YUL GYI MTSAN NYID DO, ,YANG DAG PA'I SHES PA'I MTSAN NYID GANG ZHE NA, SMRAS PA, DE BZHIN NYID LA SPYOD YUL PA'I MTSAN NYID DO,, RGYU MTSAN GYI RNAM PA GANG ZHE NA, SMRAS PA, RNAM PAR RTOG PA RNAMS KYI RNAM PA SNA TSOGS DPAG TU MED PA'I PHYIR, DE'I RNAM PA YANG SNA TSOGS DPAG TU MED PA YIN PAR RIG PAR BYA STE, 'DI LTA STE, GZUGS RGYU MTSAN DANG, SEMS RGYU MTSAN DANG, SEMS LAS BYUNG BA RGYU MTSAN DANG, SEMS DANG LDAN PA MA YIN PA RGYU MTSAN DANG, 'DUS MA BYAS RGYU MTSAN DANG, 'DUS BYAS RGYU MTSAN DANG, PHUNG PO RGYU MTSAN DANG, SKYE MCHED RGYU MTSAN DANG, KHAMS RGYU MTSAN DANG, RTEN CING 'BREL BAR 'BYUNG BA RGYU MTSAN DANG, GNAS DANG GNAS MA YIN PA RGYU MTSAN DANG, DBANG PO RGYU MTSAN DANG, BDEN PA RGYU MTSAN DANG, DRAN PA NYE BAR GZHAG PA RGYU MTSAN DANG, YANG DAG PA'I SPONG BA DANG, RDZU 'PHRUL GYI RKANG PA DANG, DBANG PO DANG, STOBS DANG, BYANG CHUB KYI YAN LAG DANG, LAM GYI YAN LAG RGYU MTSAN DANG, LAM RGYU @3B MTSAN DANG, CHOS KYI GZHI RGYU MTSAN DANG, ZHI GNAS RGYU MTSAN DANG, LHAG MTHONG RGYU MTSAN DANG, RAB TU 'DZIN PA RGYU MTSAN DANG, BTANG SNYOMS RGYU MTSAN DANG, RKYEN RGYU MTSAN DANG, STON PA RGYU MTSAN DANG, SA RGYU MTSAN DANG, CHU RGYU MTSAN DANG, ME RGYU MTSAN DANG, RLUNG RGYU MTSAN DANG, NAM MKHA' RGYU MTSAN DANG, RNAM PAR SHES PA RGYU MTSAN DANG, 'JIG RTEN 'DI RGYU MTSAN DANG, 'JIG RTEN PHA ROL RGYU MTSAN DANG, NYI MA RGYU MTSAN DANG, ZLA BA RGYU MTSAN DANG, SEMS CAN DMYAL BA RGYU MTSAN DANG, DUD 'GRO DANG, YI DVAGS DANG, LHA DANG, MI RGYU MTSAN DANG, RGYAL CHEN BZHI'I RIS KYI LHA'I RGYU MTSAN DANG, SUM CU RTZA GSUM DANG, 'THAB BRAL DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED KYI LHA RGYU MTSAN DANG, BSAM GTAN DANG PO RGYU MTSAN DANG, BSAM GTAN GNYIS PA DANG GSUM PA DANG, BZHI PA RGYU MTSAN DANG, NAM MKHA' MTHA' YAS SKYE MCHED RGYU MTSAN DANG, RNAM SHES MTHA' YAS SKYE MCHED DANG, CI YANG MED PA'I SKYE MCHED DANG, 'DU SHES MED 'DU SHES MED MIN SKYE MCHED RGYU MTSAN DANG, 'BYUNG BA RGYU MTSAN DANG, 'JIG PA RGYU MTSAN DANG, DNGOS PO RGYU MTSAN DANG, DNGOS PO MED PA RGYU MTSAN DANG, KUN NAS NYON MONGS PA RGYU MTSAN DANG, RNAM PAR BYANG BA RGYU MTSAN DANG, MTHONG BA DANG, THOS PA DANG, BYE BRAG PHYED PA DANG, RNAM PAR SHES PA DANG, THOS PA DANG, YONGS SU BTZAL BA RGYU MTSAN DANG; YID KYIS RJES SU BRTAGS PA DANG, RJES SU DPYAD PA RGYU MTSAN DANG, DE LTAR DE LTA BU DANG MTHUN PA RGYU MTSAN GZHAN GANG YIN PA DANG, GZHAN YANG RGYU MTSAN DRUG STE, MTSAN MA DANG BCAS PA RGYU MTSAN DANG, MTSAN MA MED PA RGYU MTSAN DANG, CHUNG NGU RGYU MTSAN DANG; CHEN POR GYUR PA RGYU MTSAN DANG, TSAD MED PA RGYU MTSAN DANG, CI YANG MED PA RGYU MTSAN NO, MTSAN MA DANG BCAS PA RGYU MTSAN GANG ZHE NA, DNGOS PO RTOGS PA'I MING LA RNAM PAR RTOG PA'I MTSAN MA GANG YIN PA'O, ,MTSAN MA MED PA RGYU MTSAN GANG ZHE NA, DNGOS @4A *, ,PO MA RTOGS PA'I MING LA RNAM PAR RTOG PA'I MTSAN MA GANG YIN PA'O, ,CHUNG NGU RGYU MTSAN GANG ZHE NA, 'DOD PA'I KHAMS KYI DNGOS PO LA RNAM PAR RTOG PA'I MTSAN MA GANG YIN PA'O, ,CHEN POR GYUR PA RGYU MTSAN GANG ZHE NA, GZUGS KYI KHAMS KYI DNGOS PO LA RNAM PAR RTOG PA'I MTSAN MA GANG YIN PA'O, ,TSAD MED PA RGYU MTSAN GANG ZHE NA, GZUGS MED PA'I KHAMS KYI DNGOS PO NAM MKHA' MTHA' YAS SKYE MCHED DANG, RNAM SHES MTHA' YAS SKYED MCHED LA RNAM PAR RTOG PA'I MTSAN MA GANG YIN PA'O, ,CI YANG MED PA RGYU MTSAN GANG ZHE NA, GZUGS MED PA'I KHAMS KYI DNGOS PO CI YANG MED PA'I SKYE MCHED LA RNAM PAR RTOG PA'I MTSAN MA GANG YIN PA'O, ,GZHAN YANG RGYU MTSAN LNGA STE, RGYU MTSAN RGYU MTSAN DANG, MING RGYU MTSAN DANG, RNAM PAR RTOG PA RGYU MTSAN DANG, DE BZHIN NYID RGYU MTSAN DANG, YANG DAG PA'I SHES PA RGYU MTSAN NO, ,YANG RGYU MTSAN GZHAN GNYIS TE, RANG BZHIN RGYU MTSAN DANG, GZUGS BRNYEN RGYU MTSAN NO, ,RANG BZHIN RGYU MTSAN GANG ZHE NA, SNGON GYI RNAM PAR RTOG PAS BSKYED PA'I MTSAN MA DANG, MTSAN MAS BSKYED PA GRAGS PA'I MTSAN MA'O, ,GZUGS BRNYAN RGYU MTSAN GANG ZHE NA, KUN BRTAGS PA GANG YIN PA DE NI MOS PAS SNANG BA YIN GYI, RANG BZHIN DU GNAS PA NI MA YIN NO, ,MING GI RNAM PA GANG ZHE NA, DE YANG RGYU MTSAN GYI DBANG GIS RNAM PA SNA TSOGS DPAG TU MED DO, ,DE YANG MDOR BSDU NA RNAM PA BCU GNYIS TE, THA SNYAD LAS BYUNG BA DANG, YANG DAG PA'I DNGOS PO DANG, RIGS DANG 'BREL BA DANG, SO SO DANG 'BREL BA DANG, YON TAN LAS BYUNG BA DANG, NYE BAR BRTAGS PA DANG, GRAGS PA DANG, MA GRAGS PA DANG, GSAL BA DANG, MI GSAL BA DANG, BSDUS PA DANG, THA DAD PA'O, ,RNAM PAR RTOG PA'I RNAM PA GANG ZHE NA, DE YANG RGYU MTSAN DANG, MING GI DBANG GIS RNAM PA SNA TSOGS DPAG TU MED DO, ,DE YANG MDOR BSDU NA RNAM PA BDUN DU RIG PAR BYA STE, MTSAN MA LAS BYUNG BA DANG, MTSAN MA MED @4B PA LAS BYUNG BA DANG, YUL LA RANG GI NGANG GIS 'JUG PA DANG, TSOL BA PA DANG, SO SOR RTOG PA DANG, NYON MONGS PA CAN DANG, NYON MONGS PA CAN MA YIN PA'O, ,DE BZHIN NYID KYI RNAM PA GANG ZHE NA, SMRAS PA, BRJOD DU MED PA'I RNAM PA YIN NO, ,YANG DAG PA'I SHES PA'I RNAM PA GANG ZHE NA, SMRAS PA, 'JIG RTEN LAS 'DAS PA GANG YIN PA DE NI BRJOD DU MED PA'I RNAM PA YIN NO, ,'JIG RTEN PA DANG 'JIG RTEN LAS 'DAS PA GANG YIN PA DE NI RNAM PAR GZHAG PA'I BDEN PA 'DZIN PA'I RNAM PA YIN NO, ,DE LA MTSAN MA DANG, GZUGS BRNYAN DANG, MIG YOR DANG, SRID PA DANG, SPROS PA DANG, 'JIG TSOGS DANG, 'DUS BYAS DANG, BSAMS PA DANG, RTEN CING 'BREL BAR 'BYUNG BA DANG, DE LTA BU LA SOGS PA NI RGYU MTSAN GYI RNAM GRANGS YIN NO, ,DE LA MING DANG, BRDA DANG, GDAGS PA DANG, THA SNYAD DANG, KUN RDZOB DANG, NYE BAR 'DOGS PA DANG, BRJOD PA DANG, DE LTA BU LA SOGS PA NI MING GI RNAM GRANGS YIN NO, DE LA RNAM PAR RTOG PA DANG, KUN DU RTOG PA DANG, YONGS SU RTOG PA DANG, LOG PA'I LAM DANG, LOG PA'I SGRUB PA DANG, RGYUN GOL BA DANG, YANG DAG PAR 'DZIN PA MA YIN PA DANG, DE LTA BU LA SOGS PA NI RNAM PAR RTOG PA'I RNAM GRANGS YIN NO, ,DE LA DE BZHIN NYID DANG, YANG DAG PA NYID DANG, BDEN PA NYID DANG, MA NOR BA NYID DANG, PHYIN CI LOG PA NYID DANG, SPROS PA MED PA'I DBYINGS DANG, MTSAN MA MED PA'I DBYINGS DANG, CHOS KYI DBYINGS DANG, YANG DAG PA'I MTHA' DANG, DE LTA BU LA SOGS PA NI DE BZHIN NYID KYI RNAM GRANGS YIN NO, ,DE LA YANG DAG PA'I SHES PA DANG, YANG DAG PA'I SHES RAB DANG, YANG DAG PA'I RTOGS PA DANG, YANG DAG PA'I LAM DANG, YANG DAG PA'I SGRUB PA DANG, YANG DAG PA'I RGYUN DANG, YANG DAG PAR 'DZIN PA DANG, DE LTA BU LA SOGS PA NI YANG DAG PA'I SHES PA'I RNAM GRANGS YIN NO, ,DNGOS PO LNGA PO GANG DAG YIN PA DE DAG LAS DU ZHIG GZUGS YIN, DU ZHIG SEMS YIN, DU ZHIG SEMS LAS BYUNG @5A *, ,BA DAG YIN, DU ZHIG SEMS DANG MI LDAN PA DAG YIN, DU ZHIG 'DUS MA BYAS PA DAG YIN ZHE NA, SMRAS PA, RGYU MTSAN NI RNAM PA LNGA TSAR YIN NO, ,MING NI SEMS DANG MI LDAN PA YIN NO, ,RNAM PAR RTOG PA DANG YANG DAG PA'I SHES PA NI, SEMS DANG SEMS LAS BYUNG BA DAG YIN NO, ,DE BZHIN NYID NI 'DUS MA BYAS YIN NO, ,DU ZHIG PHUNG POS BSDUS PA DAG YIN, DU ZHIG MA BSDUS PA DAG YIN ZHE NA, SMRAS PA, GSUM NI PHUNG POS BSDUS PA DAG YIN NO, ,RGYU MTSAN NI BSDUS PA DANG MA BSDUS PA YIN NO, ,DE BZHIN NYID NI MA BSDUS PA YIN NO, ,DU ZHIG KHAMS DANG SKYE MCHED KYIS BSDUS PA DAG YIN, DU ZHIG MA BSDUS PA DAG YIN ZHE NA, SMRAS PA, THAMS CAD KYANG BSDUS PA DAG YIN NO, DU ZHIG RTEN CING 'BREL BAR 'BYUNG BAS BSDUS PA DAG YIN, DU ZHIG MA BSDUS PA DAG YIN ZHE NA, SMRAS PA, GSUM NI BSDUS PA YIN NO, ,RGYU MTSAN NI BSDUS PA DANG MA BSDUS PA YIN NO, ,DE BZHIN NYID NI MA BSDUS PA YIN NO, ,RTEN CING 'BREL PAR 'BYUNG BAS BSDUS PA DANG MA BSDUS PA DAG JI LTA BA BZHIN DU, GNAS DANG GNAS MA YIN PA DANG, DBANG POS BSDUS PA DANG MA BSDUS PA DAG KYANG DE BZHIN DU BLTA BAR BYA'O, ,DU ZHIG BDEN PAS BSDUS PA DAG YIN, DU ZHIG MA BSDUS PA DAG YIN ZHE NA, SMRAS PA, BDEN PA NI RNAM PA GNYIS TE, RNAM PAR BZHAG PA DANG, RNAM PAR MA BZHAG PA'O, ,DE LA 'PHAGS PA'I BDEN PA BZHI NI RNAM PAR BZHAG PA'I BDEN PA YIN NO, ,DE BZHIN NYID NI RNAM PAR MA BZHAG PA'I BDEN PA YIN NO, ,DE LA GSUM NI RNAM PAR BZHAG PA'I BDEN PAS BSDUS PA YIN NO, ,RGYU MTSAN NI BSDUS PA DANG MA BSDUS PA YIN NO, ,DE BZHIN NYID NI RNAM PAR MA BZHAG PA'I BDEN PAS BSDUS PA KHO NA YIN NO, ,DU ZHIG RGYU'I RKYEN GYIS BSDUS PA DAG YIN NO, ,DU ZHIG MTSUNGS PA DE MA THAG PA DANG, DMIGS PA DANG, BDAG PO'I RKYEN GYIS BSDUS PA DAG YIN ZHE NA, SMRAS PA, RGYU MTSAN NI THAMS CAD KYIS BSDUS PA DAG YIN NO, ,MING NI MTSUNGS PA DE MA THAG PA'I @5B RKYEN GYIS MA BSDUS PA YIN NO, ,RNAM PAR RTOG PA DANG, YANG DAG PA'I SHES PA NI BZHI CHAR GYIS BSDUS PA YIN NO, ,DE BZHIN NYID NI DMIGS PA'I RKYEN GYIS BSDUS PA KHO NA YIN NO, ,DU ZHIG CHOS LA RTON PAS BSDUS PA DAG YIN NO, ,DU ZHIG DON DANG, NGES PA'I DON GYI MDO SDE DANG, YE SHES LA RTON PAS BSDUS PA DAG YIN ZHE NA, SMRAS PA, RGYU MTSAN RTOG PA GSUM GYIS BSDUS PA YIN NO, ,MING NI CHOS LA RTON PAS BSDUS PA KHO NA YIN NO, ,RGYU MTSAN JI LTA BA BZHIN DU RNAM PAR RTOG PA YANG DE BZHIN NO, ,DE BZHIN NYID NI YE SHES KYI SPYOD YUL YIN PAS DON LA RTON PAS BSDUS PA YIN NO, ,YANG DAG PA'I SHES PA NI YE SHES LA RTON PA KHO NAS BSDUS PA YIN NO, ,DU ZHIG GZUGS CAN DAG YIN, DU ZHIG GZUGS CAN MA YIN PA DAG YIN ZHE NA, SMRAS PA, RGYU MTSAN NI RNAM PA GNYI GA YIN NO, ,RNAM PAR RTOG PA DANG YANG DAG PA'I SHES PA NI GZUGS CAN MA YIN PA YIN NO, ,MING DANG DE BZHIN NYID NI GNYI GA MA YIN TE, BRTAGS PA'I YOD PA YIN PA'I PHYIR DANG, BRJOD DU MED PA YIN PA'I PHYIR RO, ,GZUGS CAN DANG, GZUGS CAN MA YIN PA DAG JI LTA BA BZHIN DU BSTAN DU YOD PA DANG, BSTAN DU MED PA DANG, THOGS PA DANG BCAS PA DANG, THOGS PA MED PA DAG KYANG DE BZHIN DU BLTA BAR BYA'O, ,DU ZHIG ZAG PA DANG BCAS PA DAG YIN, DU ZHIG ZAG PA MED PA DG YIN ZHE NA, SMRAS PA, RGYU MTSAN NI GNYI GA YIN NO, GNYIS NI ZAG PA DANG BCAS PA YIN NO, ,GNYIS NI ZAG PA MED PA YIN TE, DE BZHIN NYID NI ZAG PA MED PA'I DMIGS PA'I DON GYIS ZAG PA MED PA YIN GYI, ZAG PA ZAD PA'I MTSAN NYID KYI DON GYIS NI MA YIN NO, ,YANG DAG PA'I SHES PA NI ZAG PA ZAD PAR BYA BA'I PHYIR GNYEN PO'I DON GYIS ZAG PA MED PA YIN NO, DU ZHIG 'DUS BYAS DAG YIN; DU ZHIG 'DUS MA BYAS PA DAG YIN ZHE NA, SMRAS PA, RGYU MTSAN NI GNYI GA YIN NO, ,GSUM NI 'DUS BYAS YIN NO, ,DE BZHIN NYID NI 'DUS MA BYAS YIN TE, 'DUS BYAS NYE BAR ZHI BA'I DMIGS PA'I DON GYIS YIN GYI, 'DUS BYAS NYE BAR ZHI BA'I MTSAN NYID KYI DON GYIS NI MA @6A *, ,YIN NO, ,DU ZHIG NYON MONGS PA DANG BCAS PA DAG YIN, DU ZHIG NYON MONGS PA MED PA DAG YIN ZHE NA, SMRAS PA, RGYU MTSAN NI GNYI GA YIN NO, ,GNYIS NI NYON MONGS PA DANG BCAS PA YIN NO, ,GNYIS NI NYON MONGS PA MED PA YIN TE, 'DIR YANG ZAG PA DANG BCAS PA DANG, ZAG PA MED PA'I TSUL BZHIN DU BLTA BAR BYA'O, ,NYON MONGS PA DANG BCAS PA DANG, NYON NYONGS PA MED PA DAG JI LTA BA BZHIN DU, ZANG ZING DANG BCAS PA DANG, ZANG ZING MED PA DAG DANG, ZHEN PA LA BRTEN PA DANG, MNGON PAR 'BYUNG BA LA BRTEN PA DAG KYANG DE BZHIN DU BLTA BAR BYA'O, ,DU ZHIG 'JIG RTEN PA DAG YIN, DU ZHIG 'JIG RTEN LAS 'DAS PA DAG YIN ZHE NA, SMRAS PA, GSUM PA NI 'JIG RTEN PA YIN NO, ,DE BZHIN NYID NI 'JIG RTEN LAS 'DAS PA YIN NO, ,YANG DAG PA'I SHES PA'I PHYOGS GCIG NI 'JIG RTEN LAS 'DAS PA YIN NO, ,PHYOGS GCIG NI 'JIG RTEN PA DANG 'JIG RTEN LAS 'DAS PA YIN NO, ,DE BZHIN NYID KYANG THA SNYAD DANG SPROS PA THAMS CAD NYE BAR ZHI BA'I DMIGS PA'I DON GYIS 'JIG RTEN LAS 'DAS PA YIN GYI, THA SNYAD DANG SPROS PA THAMS CAD LAS YANG DAG PA'I 'DAS PA'I MTSAN NYID KYI DON GYIS NI MA YIN NO, ,'JIG RTEN PA DANG 'JIG RTEN LAS 'DAS PA DAG JI LTA BA BZHIN DU GTOGS PA DANG, MA GTOGS PA DAG KYANG DE BZHIN DU BLTA BAR BYA'O, ,DU ZHIG NANG GI DAG YIN, DU ZHIG PHYI ROL GYI DAG YIN ZHE NA, SMRAS PA, RGYU MTSAN NYID GNYI GA YIN NO, ,MING NI PHYIR ROL YIN NO, ,RNAM PAR RTOG PA NI SKYE BAR GTOGS PA LAS NI GNYI GA YIN NO, ,DE BZHIN NYID NI GNYI GA MA YIN NO, ,RNAM PAR RTOG PA JI LTA BA BZHIN DU, YANG DAG PA'I SHES PA YANG DE BZHIN NO, ,DU ZHIG RAGS PA DAG YIN, DU ZHIG PHRA BA DAG YIN ZHE NA, SMRAS PA, GSUM NI RNAM PA GNYI GAR YIN NO, ,DE BZHIN NYID NI PHRA BA YIN TE, RNAM PAR SHES PAR DKA' BA'I DON GYIS YIN GYI, MTSAN MA NYID DBRI ZHING BSKYUNG BA'I DON GYIS NI MA YIN NO, ,YANG DAG PA'I SHES PA YANG PHRA BA NYID YIN TE, DON CHA PHRA BA RTOGS PAR BYED PA'I PHYIR RO, ,DU ZHIG DMAN PA @6B DAG YIN, DU ZHIG GYA NOM PA DAG YIN ZHE NA, SMRAS PA, GSUM NI GNYI GA YIN NO, ,DE BZHIN NYID NI GYA NOM PA YIN TE, RNAM PAR DAG PA'I DMIGS PA'I DON GYIS YIN GYI, NYAMS PA DANG, KHYAD PAR DU 'GRO BA'I BDAG NYID KYI DON GYIS NI MA YIN NO, ,YANG DAG PA'I SHES PA YANG GYA NOM PA YIN TE, DE BZHIN NYID KYI SPYOD YUL PA'I DON GYIS SO, ,DU ZHIG THAG RING BA DAG YIN, DU ZHIG THAG NYE BA DAG YIN ZHE NA, SMRAS PA, GCIG NI YUL THAG RING BA DANG, DUS THAG RING BAS GNYI GA YIN NO, ,MING DANG RNAM PAR RTOG PA DANG, YANG DAG PA'I SHES PA NI DUS THAG RING BA KHO NAS GNYI GA YIN NO, ,DE BZHIN NYID NI GNYI GAS GNYI GA MA YIN TE, 'DUS MA BYAS PA'I PHYIR RO, ,DU ZHIG ZIN PA DAG YIN, DU ZHIG MA ZIN PA DAG YIN ZHE NA, SMRAS PA, RGYU MTSAN NI GNYI GA YIN NO, ,MING DANG RNAM PAR RTOG PA DANG, YANG DAG PA'I SHES PA NI MA ZIN PA YIN NO, ,DE BZHIN NYID NI GNYI GA MA YIN NO, ,DU ZHIG MTSUNGS PA DAG YIN, DU ZHIG DE DAG DANG MTSUNGS PA DAG YIN ZHE NA, SMRAS PA, RGYU MTSAN NI GNYI GA YIN NO, ,LHAG MA RNAMS NI GNYI GA MA YIN TE, MTSUNGS PAR LDAN PA DE DAG DANG MTSUNGS PA NI DBANG PO GZUGS CAN RNAMS LA RNAM PAR GZHAG PA YIN PA'I PHYIR RO, ,DU ZHIG RGYU YIN, DU ZHIG RGYU MA YIN ZHE NA, SMRAS PA, BZHI NI RGYU YIN NO, ,DE BZHIN NYID NI RGYU MA YIN NO, ,RGYU DANG RGYU MA YIN PA JI LTA BA BZHIN DU, 'BRAS BU DANG, 'BRAS BU MA YIN PA DANG, RGYU DANG BCAS PA DANG, RGYU DANG BCAS PA MA YIN PA DANG, 'BRAS BU DANG BCAS PA DANG, 'BRAS BU DANG BCAS PA MA YIN PA DAG KYANG DE BZHIN DU BLTA BAR BYA'O, ,DU ZHIG RNAM PAR SMIN PA YIN, DU ZHIG RNAM PAR SMIN PA MA YIN ZHE NA, SMRAS PA, RGYU MTSAN NI GNYI GA YIN NO, , MING NI RNAM PAR SMIN PA MA YIN NO, ,RNAM PAR RTOG PA YANG GNYI GA YIN NO, ,DE BZHIN NYID NI GNYI GA MA YIN NO, ,YANG DAG PA'I SHES PA YANG RNAM PAR SMIN PA MA YIN NO, ,DU ZHIG RNAM PAR SMIN PA DANG BCAS PA DAG YIN, DU ZHIG RNAM PAR SMIN PA MED PA DAG YIN ZHE NA, SMRAS PA, @7A *, ,RGYU MTSAN NI GNYI GA YIN NO, ,MING NI RNAM PAR SMIN PA MED PA YIN NO, ,RNAM PAR RTOG PA YANG GNYI GA YIN NO, ,DE BZHIN NYID NI GNYI GA MA YIN NO, ,YANG DAG PA'I SHES PA NI RNAM PAR SMIN PA MED PA KHO NA YIN NO, ,DU ZHIG DMIGS PA DANG BCAS PA DAG YIN, DU ZHIG DMIGS PA MED PA DAG YIN ZHE NA, SMRAS PA, RGYU MTSAN NI GNYI GA YIN NO, ,MING NI DMIGS PA MED PA YIN NO, ,RNAM PAR RTOG PA DANG YANG DAG PA'I SHES PA NI DMIGS PA DANG BCAS PA YIN NO, ,DE BZHIN NYID NI GNYI GA MA YIN NO, ,DMIGS PA DANG BCAS PA DANG DMIGS PA MED PA DAG JI LTA BA BZHIN DU, MTSUNGS PAR LDAN PA DANG, MTSUNGS PAR LDAN PA MA YIN PA DAG DANG, RNAM PA DANG BCAS PA DANG RNAM PA MED PA DAG DANG, GNAS DANG BCAS PA DANG GNAS MED PA DAG KYANG DE BZHIN DU BLTA BAR BYA'O, ,DU ZHIG BLA NA YOD PA DAG YIN, DU ZHIG BLA NA MED PA DAG YIN ZHE NA, SMRAS PA, BZHI NI BLA NA YOD PA YIN NO, ,DE BZHIN NYID NI BLA NA MED PA YIN TE, 'DUS MA BYAS DANG RNAM PAR DAG PA'I DMIGS PA'I DON GYIS SO, ,DU ZHIG 'DAS PA DANG, MA 'ONGS PA DANG, DA LTAR BYUNG BA DAG YIN, DU ZHIG 'DAS PA YANG MA YIN, MA 'ONGS PA YANG MA YIN, DA LTAR BYUNG BA YANG MA YIN PA DAG YIN ZHE NA, SMRAS PA, BZHI NI RNAM PA GSUM CAR YIN NO, ,DE BZHIN NYID NI RNAM PA GSUM CHAR MA YIN NO, ,DU ZHIG 'DOD PA DANG LDAN PA YIN ZHE NA, SMRAS PA, GSUM MO, DU ZHIG GZUGS DANG LDAN PA DAG YIN ZHE NA, SMRAS PA, GSUM KHO NA'O, ,GZUGS MED PA DANG LDAN DAG KYANG DE KHO NA BZHIN NO, ,DU ZHIG LDAN PA MA YIN DAG YIN ZHE NA, SMRAS PA, GCIG STE, YANG DAG PA'I SHES PA 'JIG RTEN LAS 'DAS PA GANG YIN PA'O, ,YANG DAG PA'I SHES PA 'JIG RTEN PA DANG 'JIG RTEN LAS 'DAS PA GANG YIN PA DE NI LDAN PA DANG MI LDAN PA YIN NO, ,DE BZHIN NYID NI GNYI GA MA YIN NO, ,DU ZHIG DGE BA DAG YIN, DU ZHIG MI DGE BA DAG YIN, DU ZHIG LUNG DU MA BSTAN PA DAG YIN ZHE NA, SMRAS PA, RGYU MTSAN DANG RNAM PAR RTOG PA NI RNAM @7B PA GSUM CAR YIN NO, ,MING NI LUNG DU MA BSTAN PA YIN NO, ,DE BZHIN NYID NI DGE BA YIN TE, RNAM PAR DAG PA DGE BA'I DMIGS PA'I DON GYIS YIN GYI, 'DOD PA'I YON TAN 'BRAS BU YONGS SU 'DZIN PA 'BYUNG BA'I MTSAN NYID KYI DON GYIS NI MA YIN NO, ,YANG DAG PA'I SHES PA NI DGE BA KHO NA YIN NO, ,DU ZHIG THOS PA LAS BYUNG BA DANG, DU ZHIG THOS PA LAS BYUNG BA'I SPYOD YUL DAG YIN, DU ZHIG BSAMS PA LAS BYUNG BA DANG, BSGOMS PA LAS BYUNG BA DANG, BSAMS PA LAS BYUNG BA DANG, BSGOMS PA LAS BYUNG BA'I SPYOD YUL DAG YIN ZHE NA, SMRAS PA, RGYU MTSAN DANG RNAM PAR RTOG PA NI, RNAM PA GSUM CHAR YIN LA, RNAM PA GSUM CHAR GYI SPYOD YUL YANG YIN NO, ,MING NI THOS PA DANG BSAMS PA LAS BYUNG BA YIN LA, RNAM PA GSUM CHAR GYI SPYOD YUL YANG YIN NO, ,DE BZHIN NYID NI RNAM PA GSUM CHAR MA YIN LA, BSGOMS PA LAS BYUNG BA'I SPYOD YUL KHO NA YIN NO, ,YANG DAG PA'I SHES PA NI BSGOMS PA LAS BYUNG BA YIN LA, RNAM PA GSUM CHAR GYI SPYOD YUL YIN NO, ,DU ZHIG STONG PA NYID DANG, STONG PA NYID KYI SPYOD YUL DAG YIN, DU ZHIG SMON PA MED PA DANG, MTSAN MA MED PA DANG, SMON PA MED PA DANG, MTSAN MA MED PA'I SPYOD YUL DAG YIN ZHE NA, SMRAS PA, RGYU MTSAN NI RNAM PA GSUM CHAR YIN LA, RNAM PA GSUM CHAR GYI SPYOD YUL YANG YIN, MING NI RNAM PA GSUM CHAR MA YIN LA, RNAM PA GNYIS KYI SPYOD YUL YIN NO, ,RNAM PAR RTOG PA NI RNAM PA GSUM CHAR YIN LA, RNAM PA GNYIS KYI SPYOD YUL YIN NO, ,DE BZHIN NYID NI RNAM PA GSUM CHAR YANG MA YIN LA, STONG PA NYID KYI SPYOD YUL DANG, MTSAN MA MED PA'I SPYOD YUL YIN NO, ,YANG DAG PA'I SHES PA NI RNAM PA GSUM CHAR YIN LA, STONG PA NYID KYI SPYOD YUL YIN NO, ,GANG DU STONG PA NYID DANG, SMON PA MED PA DANG, MTSAN MA MED PA BYE BRAG MED PAR GSUNGS PA DER NI DE DAG THOS PA DANG, BSAMS PA DANG, BSGOMS PA LAS BYUNG BA NYID YIN PAR BLTA BAR BYA'O, ,GANG DU DE DAG TING NGE 'DZIN GYI SGRA KHO NAR GSUNGS PA DER @8A *, ,NI DE DAG BSGOMS PA LAS BYUNG BA 'JIG RTEN PA DANG, 'JIG RTEN LAS 'DAS PA YIN PAR BLTA BAR BYA'O, ,GANG DU DE DAG RNAM PAR THAR PA'I SGO'I SGRA KHO NAR GSUNGS PA DER NI DE DAG 'JIG RTEN LAS 'DAS PA NYID YIN PAR BLTA BAR BYA'O, ,DU ZHIG LHAG PA'I TSUL KHRIMS DANG, LHAG PA'I TSUL KHRIMS KYI 'KHOR DAG YIN, DU ZHIG LHAG PA'I SEMS DANG, LHAG PA'I SHES RAB DANG, LHAG PA'I SEMS DANG, LHAG PA'I SHES RAB KYI SPYOD YUL DAG YIN ZHE NA, SMRAS PA, RGYU MTSAN NI LHAG PA'I TSUL KHRIMS KYANG YIN, LHAG PA'I TSUL KHRIMS KYI 'KHOR KYANG YIN, ,LHAG PA'I SEMS DANG, LHAG PA'I SHES RAB KYANG YIN, DE DAG GI SPYOD YUL YANG YIN NO, ,MING NI LHAG PA'I TSUL KHRIMS KYI 'KHOR DANG, LHAG PA'I SEMS DANG, LHAG PA'I SHES RAB KYI SPYOD YUL YIN NO, ,RNAM PAR RTOG PA NI LHAG PA'I SEMS DANG, LHAG PA'I SHES RAB YIN LA, DE DAG GI SPYOD YUL DANG LHAG PA'I TSUL KHRIMS KYI 'KHOR KYANG YIN NO, ,DE BZHIN NYID NI RNAM PA GSUM CHAR MA YIN LA, LHAG PA'I SEMS DANG, LHAG PA'I SHES RAB KYI SPYOD YUL YIN NO, ,YANG DAG PA'I SHES PA NI LHAG PA'I SEMS DANG, LHAG PA'I SHES RAB YIN LA, DE GNYIS KYI SPYOD YUL DANG LHAG PA'I TSUL KHRIMS KYI 'KHOR KYANG YIN NO, ,DU ZHIG SLOB PA DAG YIN, DU ZHIG MI SLOB PA DAG YIN, DU ZHIG SLOB PA YANG MA YIN, MI SLOB PA YANG MA YIN PA DAG YIN ZHE NA, SMRAS PA, RGYU MTSAN DANG, RNAM PAR RTOG PA NI RNAM PA GSUM CHAR YIN NO, ,MING NI SLOB PA YANG MA YIN MI SLOB PA YANG MA YIN NO, ,DE BZHIN NYID KYANG SLOB PA YANG MA YIN MI SLOB PA YANG MA YIN TE, 'DUS MA BYAS PA'I PHYIR RO, ,YANG DAG PA'I SHES PA NI SLOB PA DANG MI SLOB PA YIN NO, ,DU ZHIG MTHONG BAS SPANG BAR BYA BA DAG YIN, DU ZHIG BSGOMS PAS SPANG BAR BYA BA DAG YIN, DU ZHIG SPANG BAR BYA BA MA YIN PA DAG YIN ZHE NA, SMRAS PA, RGYU MTSAN NI RNAM PA THAMS CAD YIN NO, ,MING NI BSGOMS PAS SPANG BAR BYA BA YIN NO, ,RNAM PAR RTOG PA NI MTHONG BAS SPANG BAR BYA BA @8B DANG, BSGOMS PAS SPANG BAR BYA BA YIN NO, ,DE BZHIN NYID NI SPANG BAR BYA BA MA YIN NO, ,YANG DAG PA'I SHES PA NI SPANG BAR BYA BA YIN PA KHO NA YIN NO, ,RGYU MTSAN LA DMIGS NA DRAN PA NYE BAR GZHAG PA DU ZHIG SGOM PAR BYED CE NA, SMRAS PA, BZHI CHAR RO, ,MING LA DMIGS NAS DU ZHIG CE NA, SMRAS PA, GCIG STE, CHOS DRAN PA NYE BAR GZHAG PA'O, ,RNAM PAR RTOG PA LA DMIGS NAS DU ZHIG CE NA, SMRAS PA, GSUM STE, TSOR BA DANG, SEMS DANG, CHOS DRAN PA NYE BAR GZHAG PA'O, ,DE BZHIN NYID LA DMIGS NAS DU ZHIG CE NA, SMRAS PA, GCIG STE, CHOS DRAN PA NYE BAR GZHAG PA'O, ,LUS KYI MTSAN MA'I DE BZHIN NYID YID LA BYED PA NA YANG 'DRES PA LA DMIGS PA'I CHOS DRAN PA NYE BAR GZHAG PA SGOM PAR BYED DO, ,CHOR BA DANG, SEMS DANG, CHOS KYIS MTSAN NYID DAG LA YANG DE BZHIN NO, ,YANG DAG PA'I SHES PA LA DMIGS NAS DU ZHIG CE NA, SMRAS PA, GSUM KHO NA STE RNAM PAR RTOG PA BZHIN NO, ,RGYU MTSAN LA DMIGS NAS SDIG PA MI DGE BA'I CHOS SKYES SO COG SPONG BAR BRJOD PAR BYA'AM, MI SPONG BAR BRJOD PAR BYA BYA'AM, MI SPONG BAR BRJOD PAR BYA ZHE NA, SMRAS PA, RNAM PAR GNON PA'I SPONG BAS SPONG BAR BRJOD PAR BYA'I; BAG LA NYAL YANG DAG PAR 'JOMS PA'I SPONG BAS NI MA YIN NO, ,RGYU MTSAN LA JI LTA BA BZHIN DU MING DANG RNAM PAR RTOG PA YANG DE BZHIN NO, ,DE BZHIN NYID LA DMIGS PA DANG, YANG DAG PAR SHES PA LA DMIGS PA DANG, BAG LA NYAL YANG DAG PAR 'JOMS PA'I SPONG BAS KYANG SPONG BAR BRJOD PAR BYA'O, ,DNGOS PO LNGA PO DE DAG LAS DNGOS PO DU ZHIG YID LA BYED PA NA 'JIG RTEN PA'I BSAM GTAN DANG PO LA SNYOMS PAR 'JUG CE NA, SAMS PA, 'DOD PA DANG LDAN PA DANG, BSAM GTAN DANG PO'I SA PA DANG LDAN PA'I RGYU MTSAN DANG, MING DANG RNAM PAR RTOG PA YID LA BYED PA NA'O, ,DE BZHIN DU 'OG MA PHA DANG, BSAM GTAN GNYIS PA'I SA PA DANG LDAN PA'I RGYU MTSAN DANG, MING DANG, RNAM PAR RTOG PA YID LA BYED PA NA 'JIG RTEN PA'I BSAM GTAN GNYIS PA LA SNYOMS PAR 'JUG GO ,BSAM GTAN DANG, GZUGS MED PA'I @9A *, ,SNYOMS PAR 'JUG PA LHAG MA RNAMS LA YANG DE BZHIN DU CI RIGS PAR RIG PAR BYA'O, ,DNGOS PO DU ZHIG YID LA BYED PA NA 'JIG RTEN LAS 'DAS PA'I BSAM GTAN DANG PO LA SNYOMS PAR 'JUG CE NA, SMRAS PA, 'DOD PA DANG LDAN PA DANG, BSAM GTAN DANG PO'I SA PA DANG LDAN PA'I RGYU MTSAN DANG, MING DANG RNAM PAR RTOG PA DE DAG NYID KYI DE BZHIN NYID YID LA BYED PA NA'O, ,CI YANG MED PA'I SKYE MCHED KYI BAR DU YANG DE BZHIN DU CI RIGS PAR RIG PAR BYA'O, ,'DU SHES MED 'DU SHES MED MIN SKYE MCHED LA NI NGES PAR 'JIG RTEN PA KHO NAS SO, , 'DU SHES MED 'DU SHES MED MIN SKYE MCHED DANG LDAN PA'I RGYU MTSAN, CI RGYU MTSAN DU BRJOD PAR BYA'AM ZHE NA, SMRAS PA, MTSAN MA MED PA RGYU MTSAN DANG, CHA PHRA BA RGYU MTSAN DU BRJOD PAR BYA'O, ,DNGOS PO LNGA PO DE DAG LA DAD PA LA SOGS PA'I CHOS GANG DAG YIN PA DE DAG NGO BO NYID GANG DAG DANG, DMIGS PA GANG DAG DANG, BDAG PO GANG DAG GIS DBANG PO'I MING 'THOB CE NA, SMRAS PA, RNAM PAR RTOG PA'I NGO BO NYID DANG, MING DANG RGYU MTSAN LA DMIGS PA DANG, DE BZHIN NYID DANG YANG DAG PA'I SHES PA'I BDAG POS SO, ,DBANG PO'I MING JI LTA BA BZHIN DU STOBS RNAMS KYI MING YANG DE BZHIN NO, ,GNAS SKABS GANG LA STOBS KYI MING 'THOB CE NA, SMRAS PA, GANG GI TSE DAD PA LA SOGS PA'I DBANG PO DE DAG NYID MA DAD PA LA SOGS PA DANG MA 'DRES SHING MA 'DRES PA'I CHOS NYID DU GYUR PA NA'O, ,DBANG PO DANG, STOBS DAG JI LTA BA BZHIN DU 'JIG RTEN PA'I BYANG CHUB KYI YAN LAG DRAN PA LA SOGS PA GANG DAG YIN PA DE DAG KYANG BYANG CHUB KYI PHYIR YAN LAG YIN PAS RNAM PAR RTOG PA'I NGO BO NYID YIN PAR BLTA BAR BYA'O, ,'JIG RTEN LAS 'DAS PA'I BYANG CHUB KYI YAN LAG DRAN PA LA SOGS PA GANG DAG YIN PA DE DAG NI BYANG CHUB KYI YAN LAG YIN PAS YANG DAG PA'I SHES PA'I NGO BO NYID DANG, DE BZHIN NYID LA DMIGS PA DANG, RNAM PAR GZHAG PA'I BDEN PA RTOG PA'I BDAG PO YIN PAR BLTA BAR BYA'O, ,YANG DAG PA'I LTA BA LA SOGS PA LAM GYI YAN LAG RNAMS KYANG GANG DAG 'JIG RTEN PA YIN PA @9B DE DAG NI SNGA MA BZHIN DU BLTA BAR BYA'O, ,GANG DAG 'JIG RTEN LAS 'DAS PA DE DAG NI YANG DAG PA'I SHES PA LAS TSUL KHRIMS KYI YAN LAG MA RTOGS PA'I NGO BO NYID DANG, RNAM PAR MA BZHAG PA'I BDEN PA DANG, RNAM PAR BZHAG PA'I DE BZHIN NYID LA DMIGS PA DANG, ZAG PA THAMS CAD ZAD PA MNGON DU BYA BA DANG, TSE 'DI LA BDE BAR GNAS PA'I BDAG PO YIN NO, ,LAM GYI YAN LAG RNAMS JI LTA BA BZHIN DU, LAM DANG, CHOS KYI GZHI DANG, ZHI GNAS DANG, LHAG MTHONG YANG DE BZHIN DU BLTA BAR BYA'O, ,DE LA LAM NI, DBANG PO RTUL PO DANG, RNON PO DANG, RNAM PAR GZHAG PA DANG, TSE 'DI LA BDE BAR GNAS PA THOB PA DANG, MA THOB PA LAS RNAM PAR GZHAG GO, ,CHOS KYI GZHI RNAMS NI BRDAR BTAGS PA DANG, DON DAM PA PA'I CHOS 'DZIN PA LAS RNAM PAR GZHAG STE, LHAG PA'I TSUL KHRIMS KYI BRDAR BTAGS PA'I DAM PA'I CHOS 'DZIN PA LAS NI DANG PO GNYIS RNAM PAR GZHAG GO, ,LHAG PA'I SEMS DANG, LHAG PA'I SHES RAB KYI DON DAM PA'I CHOS 'DZIN PA LAS NI THA MA GNYIS RNAM PAR GZHAG GO, ,ZHI GNAS DANG, LHAG MTHONG NI DMIGS PA LAS MI G-YO BA DANG, DE LA YONGS SU RTOG PA'I DON GYIS RNAM PAR GZHAG GO, ,MTSAN MA DANG GNAS NGAN LEN GYI 'CHING BA GNYIS LAS RNAM PAR GROL BA'I DBANG GIS RNAM PAR THAR PA BRGYAD DE, DNGOS PO LNGA PO DE DAG LA RNAM PAR THAR PA BRGYAD KYI NGO BO NYID NI GANG DAG YIN, DMIGS PA NI GANG DAG YIN, BDAG PO NI GANG DAG YIN ZHE NA; SMRAS PA, 'JIG RTEN PA DANG, 'JIG RTEN LAS 'DAS PA'I YANG DAG PA'I SHES PA'I NGO BO NYID DO, ,DANG PO DANG GNYIS PA NI GZUGS KYI KHA DOG GI MTSAN MA DANG, DE BZHIN NYID LA DMIGS PA YIN NO, ,GSUM PA NI GZUGS NYID KYI PHAN 'DOGS PA'I MTSAN MA DANG, DE'I DE BZHIN NYID KYI MTSAN MA LA DMIGS PA YIN NO, ,BZHI NI RANG GI MTSAN MA LA DMIGS PA DANG, DE DAG GI DE BZHIN NYID KYI MTSAN MA LA DMIGS PA YIN NO, ,THA MA NI DMIGS PA MED PA YIN NO, ,THAMS CAD KYANG 'PHAGS PA'I RDZU 'PHRUL GYI YON TAN MNGON PAR SGRUB PA @10A *, ,LA BDAG PO YIN NO, ,DE DAG KYANG GZUGS KYI MTSAN MA DANG, GZUGS MED PA'I MTSAN MA LA DBANG PO'I SGRIB PAS BSGRIBS PA'I RNAL 'BYOR PAS SGRIB PA DE DAG SPANG BA'I PHYIR RTZOM PAR BYED DO, ,ZIL GYIS GNON PA'I SKYE MCHED BRGYAD KYI, DANG PO BZHI NI 'DI LTA STE; DPER NA RNAM PAR THAR PA DANG PO GNYIS DANG 'DRA'O, ,THA MA BZHI NI 'DI LTA STE, DPER NA RNAM PAR THAR PA GSUM PA DANG 'DRA'O, ,GZUGS ZIL GYIS GNON PAR DKA' BA'I PHYIR GZUGS DE ZIL GYIS GNON NA, GZUGS MED PA ZIL GYIS GNON PA'I DBANG YANG 'THOB PA'I PHYIR RO, ,ZIL GYIS MNAN NAS SHES, ZIL GYIS MNAN NAS MTHONG BAR BYED DO ZHES GANG GSUNGS PA DE LA, 'PHAGS PAS NI GZUGS KYI MTSAN MA DANG, DE BZHIN NYID YID LA BYED PAS ZIL GYIS MNAN NAS SHES, ZIL GYIS MNAN NAS MTHONG NGO, ,SO SO'I SKYE BO'I NI DE LTA MA YIN NO, ,SO SO SKYE BOS JI LTAR ZIL GYIS GNON ZHE NA, SMRAS PA, 'DU SHES GSUM GYIS TE, GZUGS SDUG PA DANG, MI SDUG PA LA GCIG LA GCIG LTOS PA'I 'DU SHES DANG, GCIG LA GCIG LTOS PA'I PHYIR GCIG LA GCIG 'BREL PA'I 'DU SHES DANG, GCIG LA GCIG 'BREL PA'I PHYIR GZUGS SDUG PA DANG MI SDUG PA LA SDUG PAR RO GCIG PA'I 'DU SHES KYIS SO, ,DE LTAR SO SO'I SKYE BO RNAMS KYI ZIL GYIS GNON PA THA MA DE NI 'PHAGS PA RNAMS DANG THUN MONG BA YANG YIN NO, ,ZAD PAR GYI SKYE MCHED BCU NI ZIL GYIS GNON PA'I SKYE MCHED KYI STOBS KYIS BLTA BAR BYA'O, ,DE LA BYE BRAG NI 'DI YOD DE, 'BYUNG BA'I MTSAN MA LA DMIGS PA DANG, DE DAG GIS DE BZHIN NYID KYI MTSAN MA LA DMIGS PA GANG DAG YIN PA DANG, NAM MKHA' DANG RNAM SHES MTHA' YAS SKYE MCHED KYI MTSAN MA LA DMIGS PA DANG, DE DAG GI DE BZHIN NYID KYI MTSAN MA LA DMIGS PA YIN NO, ,GZHAN DU NA GNAS MA KHYAB PAR GNAS PA KHYAB PAR MI 'GYUR TE, DMIGS PA PA DE NI DE BZHIN NYID KYI MTSAN MA YID LA BYED PAS ZAD PAR LAS KHYAB PAR BRJO DPAR BYA'O, ,ZIL GYIS GNON PA DANG ZAD PAR KHYAD PAR BYED PA @10B 'DI GNYIS KYIS NI RNAM PAR THAR PAR RNAM PAR DAG PA DANG 'PHAGS PA'I RDZU 'PHRUL GYI YON TAN MNGON PAR SGRUB PAR BYED DO,, ,,BAM PO SUM CU BZHI PA, SDOM NI, BSDU DANG NGO BO NYID DANG NI, ,GZUNG DANG 'JIG TSOGS SRID PA DANG, ,'JIG RTEN DE NYID YONGS TSOL DANG, ,YANG DAG DGONGS DANG GO RIMS SO, ,RGYU MTSAN BDEN PA DU DAG GIS BSDUS SHE NA, SMRAS PA, RNAM PAR GZHAG PA'I BDEN PA BZHIS SO, ,MING NI GCIG GIS TE, SDUG BSNGAL GYI BDEN PAS SO, ,RNAM PAR RTOG PA NI 'GOG PA'I BDEN PA MA GTOGS PA GSUM GYIS SO, ,DE BZHIN NYID NI RNAM PAR MA BZHAG PA'I BDEN PA BZHIS SO, ,YANG DAG PA'I SHES PA NI RNAM PAR MA BZHAG PA DANG, RNAM PAR BZHAG PA'I BDEN PA LA DMIGS PA'I LAM GYI BDEN PAS BSDUS SO, ,RGYU MTSAN GANG YIN PA DE MING YANG YIN LA, MING GANG YIN PA DE YANG RGYU MTSAN YIN NAM ZHE NA, RE ZHIG MING GANG YIN PA DE NI RGYU MTSAN YIN NO, ,RGYU MTSAN YIN LA MING MA YIN PA YANG YOD DE, MING RGYU MTSAN MA GTOGS PA DE LAS GZHAN PA'I RGYU MTSAN BZHI PO DAG GO, ,LHAG MA RNAMS KYANG DE BZHIN DU CI RIGS PAR RIG PAR BYA'O, ,RGYU MTSAN GANG YIN PA DE THAMS CAD RGYU MTSAN RGYU MTSAN YANG YIN LA, RGYU MTSAN RGYU MTSAN GANG YIN PA DE THAMS CAD KYANG RGYU MTSAN YIN NAM ZHE NA, RE ZHIG RGYU MTSAN RGYU MTSAN GANG YIN PA DE NI RGYU MTSAN YIN NO, ,RGYU MTSAN YIN LA RGYU MTSAN RGYU MTSAN MA YIN PA YANG YOD DE, MING RGYU MTSAN LA SOGS PA BZHI PO DAG GO, ,RGYU MTSAN RGYU MTSAN LA RNAM PAR RTOG PAR BYED PA GANG YIN PA DE THAMS CAD MING DANG RGYU MTSAN DANG LDAN PA'I 'BREL BA LA RNAM PAR RTOG PAR BYED PA YIN NAM, MING RGYU MTSAN LA RNAM PAR RTOG PAR BYED PA GANG YIN PA DE THAMS CAD RGYU MTSAN RGYU MTSAN DANG LDAN PA'I 'BREL BA LA RNAM PAR RTOG PAR BYED PA YIN NAM ZHE NA, MU BZHI STE, RGYU MTSAN RGYU MTSAN LA RNAM PAR RTOG PAR BYED LA, MING RGYU MTSAN DANG LDAN PA'I 'BREL PA LA RNAM PAR RTOG PAR BYED PA MA YIN PA YANG YOD DE, MING MA RTOGS PA'I RGYU @11A *, ,MTSAN LA RNAM PAR RTOG PA'I RGYU MTSAN DANG, MING GI BAG LA NYAL BSAL BA GANG YIN PA'O, ,MING RGYU MTSAN LA RNAM PAR RTOG PAR BYED PA RGYU MTSAN RGYU MTSAN DANG LDAN PA'I 'BREL PA LA RNAM PAR RTOG PAR MI BYED PA YANG YOD DE, DNGOS PO MA RTOGS PA'I MING LA RNAM PAR RTOG PA'I RGYU MTSAN GANG YIN PA'O, ,DE LAS BZLOG PA NI GNYI GA YIN NO, ,RNAM PA DE DAG MA GTOGS PA NI GNYI GA MA YIN NO, ,DE BZHIN NYID YID LA BYED PA GANG YIN PA DES DE BZHIN NYID KHO NA MTHONG BAR 'GYUR RAM, DE BZHIN NYID MTHONG BAR 'GYUR BA GANG YIN PA DE DE BZHIN NYID KHO NA YID LA BYED PA YIN ZHE NA, MU BZHI STE, DE BZHIN NYID YID LA BYED LA DE BZHIN NYID MTHONG BAR MI 'GYUR BA YANG YOD DE, RNAM PAR RTOG PAS BSDUS PA'I YID LA BYED PAS DE BZHIN NYID YID LA BYED PA NA, JI SRID DU MA RTOGS KYI BAR DU DE BZHIN NYID KYI MTSAN MA NI MTHONG BAR 'GYUR, DE BZHIN NYID NI MTHONG BAR MI 'GYUR ZHING RTOGS PAR MI 'GYUR BA'I BAR DANG, RTOGS PAR GYUR NA YANG DE'I 'OG TU RNAM PAR GZHAG PA'I DE BZHIN NYID YID LA BYED PA'O, ,DE BZHIN NYID MTHONG BAR 'GYUR BA LA DE BZHIN NYID YID LA MI BYED PA YANG YOD DE; DE BZHIN NYID RTOGS PAR BYED PA'I TSE NA DON DAM PAR MTSAN MA MED PA YID LA BYED PA'O, ,DE BZHIN NYID KYANG MTHONG LA DE BZHIN NYID KHO NA YID LA BYED PAR 'GYUR BA YANG YOD DE, RTOG PA'I 'OG TU RNAM PAR MA BZHAG PA'I DE BZHIN NYID RGYUN DU YID LA BYED PA'O, ,DE BZHIN NYID KYANG MI MTHONG BA DE BZHIN NYID YID LA BYED PAR YANG MI 'GYUR BA YANG YOD DE, RIGS PAS BSKYED PA MED PA'I YID LA BYED PAS MTSAN MA YID LA BYED PA'O, ,MTSAN MA YID LA BYED PA GANG YIN PA DES, MTSAN MA NYID YANG DAG PAR RJES SU MTHONG BAR 'GYUR RAM; MTSAN MA YANG DAG PAR RJES SU MTHONG BA DES MTSAN MA NYID YID LA BYED CE NA, MU BZHI STE, MTSAN MA YID LA BYED LA MTSAN MA MTHONG BAR MI 'GYUR BA YANG YOD DE, 'DI LTA STE, DPER NA MU GNYIS PA LTA BU'O, ,MTSAN MA MTHONG LA MTSAN MA YID LA BYED PAR @11B MI 'GYUR BA YANG YOD DE, 'DI LTA STE, DPER NA MU DANG PO LTA BU'O, ,MTSAN MA YANG YID LA BYED LA MTSAN MA NYID MTHONG BAR 'GYUR BA YANG YOD DE, 'DI LTA STE, DPER NA MU BZHI PA LTA BU'O, ,MTSAN MA YANG YID LA BYED LA MTSAN MA MTHONG BAR MI 'GYUR BA YANG YOD DE, 'DI LTA STE, DPER NA MU GSUM PA LTA BU'O, ,CI DNGOS PO LNGA PO DE DAG GIS CHOS THAMS CAD BSDUS PA YIN NAM, 'ON TE MA YIN ZHE NA, SMRAS PA YIN NO, ,CHOS DE DAG GIS NGO BO NYID GANG YIN PAR BRJOD PAR BYA ZHE NA, SMRAS PA, BRJOD DU MED PA'I NGO BO YID YIN NO, ,DE DAG GI MTSAN NYID JI LTA BU YIN PAR BLTA BAR BYA ZHE NA, SMRAS PA, SGYU MA LTA BU'I MTSAN NYID YIN GYI, MED PA NYID NI MA YIN TE, 'DI LTA STE, DPER NA SGYU MA'I LAS NYID KYIS NI YOD LA, RTA DANG GLANG PO CHE DANG, SHING RTA DANG, DPUNG BU CHUNG DANG, NOR BU DANG, MU TIG DANG, GSER DANG; DNGUL LA SOGS PA'I NGO BO NYID DU NI YOD PA MA YIN PA DE BZHIN DU NGO BO NYID KYANG MING DANG MTSAN MA TZAM NYID DU NI YOD LA, NGO BO NYID DANG, KHYAD PAR DU GDAGS PAR SNANG BA'I DNGOS POR NI YOD PA MA YIN NO, ,RGYU MTSAN RGYU MTSAN ZHES BYA BA'I MING DES RGYU MTSAN GYIS NGO BO NYID DMIGS SU MED DO, ,RGYU MTSAN JI LTA BA DE BZHIN DU MING GIS MING GI NGO BO NYID DANG, RNAM PAR RTOG PAS RNAM PAR RTOG PA'I NGO BO NYID DANG, DE BZHIN NYID KYIS DE BZHIN NYID KYI NGO BO NYID DANG, YANG DAG PA'I SHES PAS YANG DAG PA'I SHES PA ZHES BYA BA'I MING DES YANG DAG PA'I SHES PA'I NGO BO NYID DMIGS SU MED DO, ,DE CI'I PHYIR ZHE NA, DE'I NGO BO NYID RNAM PA THAMS CAD DU MI 'THAD PA'I PHYIR RO, ,GAL TE NGO BO NYID GANG GIS RGYU MTSAN RNAM PAR GZHAG PA DE LA DE DANG MTHUN PA NYID KYI MING NYE BAR 'DOGS PAR BYED PA'I PHYIR NYE BAR 'DOGS PA NI RGYU MTSAN LA RAG LAS PA YIN NO ZHE NA, DES NA NYE BAR 'DOGS PA'I SNGON ROL NA, JI LTAR MING RNAM PAR GZHAG PA BZHIN DU RGYU MTSAN LA DE'I BLO 'BYUNG BAR 'GYUR BA DANG, RGYU MTSAN GCIG LA YANG NYE BAR 'DOGS PA MANG BA'I PHYIR DANG, SNA TSOGS PA'I PHYIR BDAG NYID MANG PO 'THOB PAR 'GYUR BAS, @12A *, ,DE'I PHYIR NYE BAR 'DOGS PA RGYU MTSAN LA RAG LAS PAR MI RUNG NGO, ,GAL TE JI LTAR RGYU MTSAN LA MING RNAM PAR 'JOG PAR BYED PA DE BZHIN DU MING GI DBANG GIS RGYU MTSAN GYI NGO BO DE NYID 'BYUNG BAR 'GYUR RO ZHE NA, DES NA NYE BAR 'DOGS PA'I SNGON ROL NA RGYU MTSAN GYI NGO PO NYID MED PAR 'GYUR TE, DE MED NA NYE BAR 'DOGS PA YANG MED PAR 'GYUR BAS DE'I PHYIR DE GNYI GA YANG MED PAR THAL BAR 'GYUR BA DANG, NYE BAR 'DOGS PA MANG BA'I PHYIR DANG, SNA TSOGS PA'I PHYIR BDAG NYID MANG PO NYID DANG, GZHAN GYI DBANG DU 'GYUR BA'I SKYON DU YANG 'GYUR RO, ,GZHAN GYI DBANG DU 'GYUR PA NI RGYU MTSAN LA NYE BAR 'DOGS PAS DE'I PHYIR NYE BAR 'DOGS PA THAMS CAD KYIS, DE'I BDAG NYID KYI NGO BO NYID YIN PAR MI RUNG STE, SGYU MA'I SKYES BU'I LUS SNA TSOGS GRUB PA DANG 'DRA STE, 'DI LTA STE, DPER NA SGYU MA MKHAN GYIS SKYES BA DANG, BUD MED DANG, GLANG PO CHE DANG, RTA DANG, DOM DANG, DRED KYI LUS LA SOGS PA'I LUS SNA TSOGS KYIS SGYU MA'I SKYES BU MNGON PAR 'DU BYED PA DE NI LUS GANG GIS BDAG NYID KYANG MA YIN PA DE BZHIN DU, RGYU MTSAN YANG NYE BAR 'DOGS PA THAMS CAD KYIS DE'I BDAG NYID MA YIN PAR BLTA BAR BYA'O, ,GAL TE RGYU MTSAN DANG NYE BAR 'DOGS PA GNYI GA 'DUS PAS DE DANG BRAL BA'I NGO BO NYID SKYED PAR BYED NA NI DES NA DE'I RGYU MTSAN NAM, MING NGAM, DE GNYI GA'AM, BAR MDO ZHIG YIN PAR DMIGS PA'I RIGS NI MI DMIGS TE, DE'I PHYIR DE YANG MI RUNG NGO, ,DE LTA BAS NA NGO BO NYID NI THA SNYAD LAS BYUNG BA YIN NO, ,GAL TE NYE BAR 'DOGS PA NI NGO BO NYID RNAMS KYI MNGON PAR GSAL BAR BYED PA YIN PAR 'DOD NA, DE LTAR YANG MI RUNG STE, BZUNG NAS SAM, MA BZUNG BAR NYE BAR 'DOGS PA'I SKYON DU 'GYUR BA'I PHYIR RO, ,GAL TE RGYU MTSAN BZUNG NAS NYE BAR 'DOGS PAR BYED NA NI MNGON PAR GSAL BAR BYED PA YIN PAR MI RUNG NGO, ,JI STE RGYU MTSAN MA BZUNG BAR NYE BAR 'DOGS PAR BYED NA NI GZHI MED PAR NYE BAR 'DOGS PA MI RUNG NGO, ,SNGA MA BZHIN DU BDAG NYID DU MA YIN PA'I SKYON DU @12B YANG 'GYUR TE, NYE BAR 'DOGS PA RNAMS NI MANG PO SNA TSOGS YIN PA'I PHYIR RO, ,GSAL BAR BYED PA'I DPE NI MI MTHUN PA YIN PAS MI RUNG STE, DE LA MI MTHUN PA NI 'DI YIN TE, SNANG ZHING MNGON PAR GSAL BAR BYED PA'I RGYU NI THAMS CAD LA BYE BRAG MED PA DANG, SNA TSOGS PA YANG YIN LA NYE BAR 'DOGS PA NI DE LTAR 'DZIN PA'I RGYU NI DE LTA MA YIN PA'O, ,GANG GI PHYIR BRJOD DU MED PAR BRJOD PAR YANG BRJOD DU MED PA ZHES BYA BAR BRJOD PAR SNANG BA DE'I PHYIR, BRJOD DU MED PA ZHES BYA BAR MI RUNG LA, SGYU MA'I SKYES BU LUS SNA TSOGS SU GRUB PA DE DAG GIS DE'I BDAG NYID MA YIN YANG, SGYU MA'I SKYES BU LUS SNA TSOGS SU GRUB PA DE'I BDAG NYID YIN PAS, DE'I PHYIR YANG DPE MI MTHUN PA YIN NO ZHE NA, SMRAS PA, BRJOD DU MED PA DE BRJOD DU MED DO ZHES DAM BCAS PA'I TSE KHO NA DGAG PA BYAS ZIN PAS DE LA NYES PA MED DO, ,DON DE NYID RTOGS PAR BYA BA'I PHYIR SBYOR BAR BYED PA YIN NO, ,'DRA BA'I PHYIR DPE MI MTHUN PA YANG MA YIN LA NYE BAR 'DOGS PA DAG GIS DE'I BDAG NYID KYANG MA YIN ZHING, BRJOD DU MED PA'I DON MED PA YANG MA YIN NO, ,GAL TE MING GIS NYE BAR 'DOGS PAR BYED NA NI RGYU MTSAN GYI DNGOS PO SRID PAR 'GYUR LA, MI BYED NA NI MI SRID PAR 'GYUR NA NI DE LTA NA CHOS MTHUN PA'I DPE YANG RUNG BAR 'GYUR LA, BRJOD DU MED PAR RTOG PA YANG RIGS PAR 'GYUR RO, ,GAL TE DE LTA MA YIN NA, DE'I PHYIR BRJOD DU MED PAR RTOG PA NI DON MED PA YIN NO ZHE NA, SMRAS PA, SA'I DNGOS GZHIR RNAM PAR RTOG PA SNGA MA RNAM PA BRGYAD LAS DA LTAR BYUNG BA'I DNGOS PO RNAM PA GSUM 'BYUNG BAR 'GYUR RO ZHES JI SKAD BSTAN PA YIN TE, 'BYUNG BA'I DNGOS PO RNAM PA GSUM PO DE YANG RNAM PAR RTOG PA RNAMS KUN TU SKYED PA'I PHYIR 'BYUNG BAS YIN TE, DE LTAR 'BREL BA'I TSUL GYIS KUN NAS NYON MONGS PA RGYUN MI 'CHAD PAR 'GYUR BA'I DE'I PHYIR DPE NI CHOS MTHUN PA YIN NO, RNAM PAR RTOG PA'I NYE BAR 'DOGS PA SPANGS NA, KUN NAS NYON MONGS PA LDOG PA YANG RUNG STE, DE NI 'PHAGS PA'I YE SHES KYIS DMIGS PA YIN PAS, DE YANG CHAD MA YIN TE, DE'I PHYIR @13A *, ,BRJOD DU MED PAR RTOG PA DON MED PA MA YIN NO, ,GAL TE RGYU MTSAN GYI DNGOS PO RNAM PAR GZHAG PA'I PHYIR RNAM PAR RTOG PA'I NYE BAR 'DOGS PA SPONG BA YIN NA, DE LTA NA 'PHAGS PA'I YE SHES GANG YANG RUNG BA GCIG GIS RGYU MTSAN DANG RNAM PAR RTOG PAS BSDUS PA'I SEMS CAN DANG, SEMS CAN DU BGRANG BA MA YIN PA'I DNGOS PO THAMS CAD 'GOG PAR THAL BAR 'GYUR TE, 'DI LTA STE, DPER NA SGYU MA MKHAN DANG SGYU MA'I LAS BZHIN NO ZHE NA, SMRAS PA, DNGOS PO NI RNAM PAR RTOG PA THUN MONG MA YIN PA'I RGYU LAS BYUNG BA DANG, RNAM PAR RTOG PA THUN MONG PA'I RGYU LAS BYUNG BA YIN PAS, RNAM PAR RTOG PA THUN MONG MA YIN PA'I RGYU LAS BYUNG BA RNAM PAR BRTAGS PA GANG YIN PA DE NI 'GOG PAR 'GYUR LA, RNAM PAR RTOG PA THUN MONG BA'I RGYU LAS BYUNG BA RNAM PAR MA BRTAGS PA GANG YIN PA DE NI GZHAN GYI RNAM PAR RTOG PAS ZIN PA YIN PAS MI 'GOG STE, GZHAN DU NA GZHAN GYI RNAM PAR RTOG PA DON MED PAR 'GYUR RO, ,DE MA 'GAGS NA YANG RNAM PAR DAG PA'I BDAG NYID CAN GYI MTHONG BA RNAM PAR DAG PAR 'GYUR BAR KHONG DU CHUD PAR BYA STE, 'DI LTA STE, DPER NA RNAL 'BYOR PA RAB TU MANG POS DNGOS PO GCIG LA MNYAM PAR GZHAG PA'I SHES PAS SNA TSOGS SU MOS PAR BYED PA DAG LA MTHONG BA SNA TSOGS DAG DMIGS PAR 'GYUR BA DE DANG 'DRA'O, ,DNGOS PO LNGA PO DE DAG LAS DU ZHIG GZUNG BA DAG YIN, DU ZHIG 'DZIN PA DAG YIN ZHE NA, SMRAS PA, GSUM NI GZUNG BA YIN NO, ,RNAM PAR RTOG PA DANG YANG DAG PA'I SHES PA NI 'DZIN PA YANG YIN, GZUNG BA YANG YIN NO, ,DNGOS PO LNGA PO DAG LA MDOR BSDU NA RNAM PA DU ZHIG 'DZIN PA'I SPYOD YUL GYI DON YIN PAR BLTA BAR BYA ZHE NA, SMRAS PA, RNAM PA GSUM STE, BRJOD PA DANG BCAS SHING MTSAN MA DANG BCAS PA'I 'DZIN PA'I SPYOD YUL DANG, BRJOD DU MED LA MTSAN MA DANG BCAS PA'I 'DZIN PA'I SPYOD YUL DANG, MTSAN MA MED PA 'DZIN PA'I SPYOD YUL LO, ,DE LA DANG PO NI THA SNYAD RJES SU SAD PA'I 'DZIN PA'I SPYOD YUL LO, ,GNYIS PA NI THA SNYAD BAG LA 'DZIN PA'I SPYOD YUL LO, , @13B GSUM PA NI THA SNYAD BAG LA NYAL BA MA YIN PA'I 'DZIN PA'I SPYOD YUL LO, ,DANG PO GNYIS NI KUN RDZOB KYI BDEN PA 'DZIN PA YIN NO, ,THA MA NI DON DAM PA'I BDEN PA 'DZIN PA YIN NO, ,GZHAN YANG BAG LA NYAL MED PA DE'I RJES LAS THOB PA'I 'DZIN PA YANG YOD DE, DE'I SPYOD YUL NI BDEN PA GNYIS KAR GTOGS PA'I GZUNG BA YIN TE, 'DI LTA STE, 'JIG RTEN PA DANG 'JIG RTEN LAS 'DAS PA'I SHES PA'O, ,DE'I SPYOD YUL NI RNAM PAR GZHAG PA'I BDEN PA YIN PA'I PHYIR DE'I SPYOD YUL BDEN PA GNYI GAR GTOGS PA YIN PAR RNAM PAR GZHAG GO, 'JIG RTEN RTEN PA DANG 'JIG RTEN LAS 'DAS PA'I 'DZIN PA DE GNYIS KYANG RGYU GNYIS KYIS RNAM PAR SHES PAR BYA STE, 'DRIS PA DANG MA 'DRIS PA'I PHYIR DANG, THA SNYAD DANG THA SNYAD MA YIN PA LA BRTEN PA'I PHYIR RO, ,'JIG RTEN NA MTSAN MA DANG BCAS PA LA 'DZIN PAR NI GRAGS KYI, MTSAN MA MED PA LA 'DZIN PAR NI MA GRAGS PAS, RGYU MED PA DANG RKYEN MED PAR NI MI RUNG NA, DE'I RGYU NI GANG RKYEN NI GANG ZHE NA, SMRAS PA, THA SNYAD KYIS YONGS SU BSGOS PA'I 'DZIN PA'I 'BRAS BU NI MTSAN MA DANG BCAS PA LA 'DZIN PAR GRAGS PA YIN TE, KUN NAS NYON MONGS PAR 'GYUR BA'O, , DON DAM PA'I SHES PAS YONGS SU BSGOS PA'I 'DZIN PA'I 'BRAS BU NI MTSAN MA MED PA LA 'DZIN PA YIN TE, RNAM PAR BYANG BAR 'GYUR BA'O, ,DE'I PHYIR DE GNYI GA YANG RGYU DANG BCAS PA DANG, RKYEN DANG BCAS PA YIN TE, MIG LA RAB RIB KYI SKYON YOD PA LA SKRA SHAD 'DZINGS PA LA SOGS PA RAB RIB KYI MTSAN MA DMIGS PA LTA BU DANG, SKYON MED PA LA DE MI DMIGS SHING, THA MAL PAR SNANG BA LTA BU'O, ,GAL TE MTSAN MA MED PA'I DBYINGS LA MTSAN MAR 'DZIN NA NI MTSAN MA MED PA 'DZIN PAR MI 'GYUR RO, ,GAL TE MI 'DZIN NA NI DE LTA NA YANG MTSAN MA MED PA 'DZIN PAR MI 'GYUR RO ZHE NA, SMRAS PA, 'DZIN PA NI THA SNYAD BAG LA NYAL MED PA'I PHYIR MTSAN MA MED PA'I DBYINGS LA 'DZIN PA NA YANG, DE LA MTSAN MA MAR MI 'DZIN PAS MTSAN MA MED PA 'DZIN PAR 'THAD DO, ,MTSAN MAR MI 'DZIN PAS DE JI LTAR 'DZIN ZHE NA, DE'I MTSAN MA @14A *, ,BSHIG PA'I PHYIR DANG, MNGON RTAGS SU 'DZIN PAR SGRO 'DOGS PA MED PAS SO, ,JI STE MTSAN MAR MI 'DZIN NA YANG MNGON RTAGS SU 'DZIN PAR SGRO 'DOGS PA MED NA, MTSAN MA NYID CI 'DRA BAR RIG PAR BYA ZHE NA, SMRAS PA, DON DAM PA 'DZIN PA'I PHYIR DANG; MTSAN MA MED PA 'DZIN PA MA YIN PA'I PHYIR DANG, DNGOS PO LNGA PO LA MTSAN MA THAMS CAD MI SNANG BA'I MTSAN NYID YIN NO, ,GAL TE MI GSAL BAR 'DZIN PAR RNAM PAR BZHAG NA, 'DZIN PA DE 'GOG PA KHO NA YIN PAR CI'I PHYIR MI RTAG CE NA, SMRAS PA, 'GOG PAR NI MNGON PAR 'DU BYA BA MA YIN PA'I PHYIR RNAL 'BYOR PA NI DE 'GOG PA'I PHYIR MNGON PAR 'DU MI BYED DO, ,DE'I MTSAN NYID JI LTAR SO SOR RIG PAR BYA ZHE NA, SMRAS PA, SO SO RANG RIG PA'I YE SHES KYIS SO, ,DE JI LTAR SO SOR RIG PAR BYED PA DE LTAR CI'I PHYIR LAN 'DEBS PAR MI BYED CE NA, SMRAS PA, SO SOR RIG PA DE NI BRJOD PA'I GZHI'I GNAS MA YIN PA'I PHYIR RO, ,GAL TE SHES PA DANG PO MTSAN MA MED PA MA YIN NA NI, DE MED PA'I PHYIR MTSAN MA MED PA'I SHES PA GOMS PA YANG MED PAR 'GYUR LA, DE LA GOMS PA MED NA NI MTSAN MA MED PA RGYU MED PA LAS SKYE BAR MI RUNG NGO ZHE NA, SMRAS PA, MTSAN MA DANG BCAS PA DANG BCAS PA YANG MTSAN MA MED PA'I RGYU RUNG STE, DE DANG MTHUN PA'I PHYIR RO, ,'DI LTA STE, DPER NA 'JIG RTEN PA LA BRTEN NAS 'JIG RTEN LAS 'DAS PA SKYE BA DANG, ZAG PA DANG BCAS PA LA BRTEN NAS ZAG PA MED PA DANG, SEMS YOD PA'I SNYOMS PAR 'JUG PA LA BRTEN NAS SEMS MED PA SKYE BA DANG 'DRA'O, ,BCOM LDAN 'DAS KYIS RNAM PAR DAG PA'I RGYUR SDUG BSNGAL LA SOGS PA SHES PA GSUNGS PA LA, GAL TE SDUG BSNGAL LA SOGS PA SHES PAS SDUG BSNGAL LA SOGS PA'I BDEN PA DAG SDUG BSNGAL LA SOGS PAR YONGS SU RTOG PAR BYED NA NI, DE NA MTSAN MA DANG BCAS PAR 'GYUR RO, ,JI STE YONGS SU RTOG PAR MI BYED NA NI SDUG BSNGAL LA SOGS PA SHES PAR MI 'GYUR BAS, DE MED NA JI LTAR RNAM PAR DAG PAR 'GYUR ZHE NA, SMRAS PA, BDEN PA RNAMS LA @14B 'JIG RTEN PA DANG 'JIG RTEN LAS 'DAS PA'I SHES PA'I RNAM PAR DAG PA NI MTSAN MA MED PA'I SHES PA'I DBANG GIS BYUNG BA YIN PA'I PHYIR, DE NYID KYIS NYON MONGS PA RNAM PAR SPANGS PAS NA, MTSAN MA MED PA'I SHES PA SDUG BSNGAL LA SOGS PA'I SHES PA'I RGYU GYUR PA NYON MONGS PA SPONG BAR BYED PA GANG YIN PA DE NYID LA RGYU 'BRAS BU GDAGS PA BYAS NAS SDUG BSNGAL LA SOGS PA BSHES PAS NYE BAR GDAGS PAS NYES PA MED DO, SNGAR BZUNG BA NI 'DZIN PA'I 'BRAS BU CAN YIN NA ZHES BSTAN NA 'DZIN PA DE'I 'BRAS BU GANG YIN PAR BRJOD PAR BYA ZHE NA, ,SMRAS PA, GNYI GA GCIG GI 'BRAS BU GCIG YIN NO, ,GANG GI TSE SHES BYA MI RTAG PA 'DRIS PA BRTEN PA DANG DPAG TU MED PA, PHAL CHER LKOG TU GYUR PA YIN PA'I TSE, RNAL 'BYOR PA DES JI LTAR DE LA DMIGS PAR BYED CING RNAM PAR ZLOG PAR YANG BYED CE NA, SMRAS PA, THOS PA DANG BSAM PA'I DBANG GIS TING NGE 'DZIN THOB PAR 'GYUR LA, DES SHES BYA RNAM PA LNGA'I TING NGE 'DZIN GYI GZUGS BRNYAN MNGON DU BYAS NAS, SHES BYA DE LA DMIGS PAR BYED DO, ,ZIL GYIS GNON PAS NI RNAM PAR ZLOG PAR BYED DO, ,SHES BYA RNAM PA LNGAS ZIL GYIS GNON PA'I MTSAN NYID JI LTA BU YIN PAR BRJOD PAR BYA ZHE NA, SMRAS PA, GNAS PAR GYUR PA, 'DUS MA BYAS PA MYA NGAN 'DAS 'DAS PA'I MTSAN NYID BLA NA MED PA YIN NO, ,MYA NGAN LAS 'DAS PA GANG ZHE NA, CHOS KYI DBYINGS RNAM PAR DAG PA GANG YIN PA STE, NYON MONGS PA DANG SDUG BSNGAL NYE BAR GZHI BA'I DON GYIS YIN GYI, MED PA'I DON GYIS NI MA YIN NO, ,GANG GI TSE NYON MONGS PA DANG SDUG BSNGAL NYE BAR ZHI BA TZAM LA MYA NGAN LAS 'DAS PA ZHES BYA BA'I TSE, CI'I PHYIR DE MED PA'I DON GYIS MA YIN ZHE NA, SMRAS PA, 'DI LTA STE, DPER NA CHU'I KHAMS LA RNYOG PA DANGS PA TZAM GSAL BA YIN YANG RNYOG PA DANGS PAR GYUR PAS GSAL BA NYID MED PA MA YIN PA DANG, GSER SKYON DANG BRAL BA TZAM BZANG BA NYID YIN YANG DE DANG BRAL BAS BZANG BA NYID MED PA MA YIN PA DANG, NAM MKHA' SPRIN DANG, KHUG RNAL SOGS PA DANG BRAL BA TZAM RNAM PAR DAG PA NYID YIN YANG DE DANG BRAL BAS RNAM PAR @15A *, ,DAG PA NYID MED PA MA YIN PA BZHIN DU, 'DI LTA TSUL DE BZHIN DU BLTA BAR BYA'O, ,CHOS KYI DBYINGS RNAM PAR DAG PA GANG ZHE NA, YANG DAG PA'I SHES PA BSGOM PA LA BRTEN NAS MTSAN MA THAMS CAD BSAL BAS DE BZHIN NYID GANG YIN PA STE, 'DI LTA STE, DPER NA MI LA ZHIG GNYID LOG PA'I TSE BDAG NYID CHU BO'I CHUS KHYER BA RMIS NAS DE CHU BO DE LAS RGAL BAR BYA BA'I PHYIR BRTZON 'GRUS CHEN PO LA RTZOM PAR 'GYUR BA LAS, BRTZON 'GRUS RTZOM PA DE NYID KYIS SAD PAR GYUR CING, SAD NAS KYANG CHUB BO'I CHU DE NYID MI SNANG BAR GYUR BA DE BZHIN DU MTSAN MA SEL BA 'DI LA YANG TSUL DE BZHIN DU BLTA BAR BYA'O, ,CIG GANG GI TSE THA SNYAD KYI BAG LA NYAL SPONG BAR BYED PA DE NYID KYI TSE NA, MTSAN MA RNAM PAR 'JIG PAR BYED DAM, 'ON TE SPANGS PA'I 'OG TU DUS GZHAN GYI TSE NA RNAM PAR 'JIG PAR BYED CE NA, SMRAS PA, DE SPONG BAR BYED PA DANG, DE RNAM PAR 'JIG PAR BYED PA NI SRANG MNGA'I MTHON DAM GYI TSUL BZHIN DU MGO MNYAM ZHING DUS GCIG TU STE, 'DI LTA STE, DPER NA RI MO'I DBYIBS LA TSON RTZI BYED PA NA, DBYIBS KYANG BYED PAR 'GYUR BA DANG, RAB RIB KYI SKYON BSAL BA NA SKRA SHAD 'DZINGS PA LA SOGS PA RAB RIB KYANG BSAL BAR MGO MNYAM PA BZHIN DU, 'DI LA YANG TSUL DE BZHIN DU BLTA BAR BYA'O, ,RNAL 'BYOR PAS JI LTAR DMIGS PA ZIL GYIS GNON ZHE NA, SMRAS PA, SEMS MNYAM PAR GZHAG PA LA SHES BYA'I GZUGS BRNYAN BYUNG BA NA, SNGAR DON DAM PA LEGS PAR RTOGS PA YID LA BYED PAS MTSAN MA DANG BCAS PA NYID NI RNAM PAR LDOG ,MTSAN MA MED PA NYID DU 'GYUR RO, ,MTSAN MA MED PA NYID DU 'GYUR BA DE YANG GNAS SKABS LNGA STE, NYI TSE BA DANG, THAMS CAD DU 'GRO BA DANG, G-YO BA DANG, MNGON PAR 'DU BYED PA DANG BCAS PA DANG, GRUB PA'O, ,GRUB PA DE YANG MTSAN NYID JI LTA BU YIN ZHE NA, NYON MONGS PA THAMS CAD DANG, GNOD PA THAMS CAD KYIS MI BRDZI BA'I PHYIR, GTAN DU GNOD PA BYAR MED PA YIN PAS NA GNAS GRUB PA ZHES BYA STE, DE YANG DE KHO NA'I DON SHIN TU RNAM PAR DAG PA SPYOD YUL PA DANG, THAMS CAD MNGON SUM GYI SPYOD YUL PA @15B DANG; THAMS CAD LA DBANG SGYUR BA'I SPYOD YUL BA'O, ,GRUB PA DE YANG THEG PA DUS RNAM PAR 'JOG PAR BYED CING, DUS JI TZAM GYIS 'THOB CE NA, SMRAS PA, DBANG PO RNAM PA GSUM YOD PA'I PHYIR THEG PA GSUM GYIS RNAM PAR 'JOG STE, THEG PA GNYIS KYANG BLA NA MED PA YANG DAG PAR RDZOGS PA'I BYANG CHUB KYI THEG PA'I RTZA BA CAN YIN PA'I PHYIR RO, ,GNYIS KYIS NI DUS NGES PA MED PA 'THOB STE, RKYEN JI LTA BA DANG, JI LTAR YONGS SU SMIN PAS SO, ,THA MAS NI GNAS NGAN LEN GSUM GYI DBANG DU BYAS NAS BSKAL PA GRANGS MED PA GSUM GYI DUS KYIS 'THOB PAR 'GYUR RO, ,GNAS NGAN LEN RNAM PA GSUM GANG ZHE NA, NGAN SONG LA MI DGA' BA'I PHYOGS DANG MTHUN PA LPAGS SHUN LA YOD PA LTA BU GANG SPANGS PAS NGAN SONG DU 'GRO BAR MI 'GYUR ZHING, SBYOR BA BYED PAS NA YANG MI DGA' BA DANG 'DRE BAR MI 'GYUR BA DANG, NYON MONGS PA'I SGRIB PA'I PHYOGS DANG MTHUN PA PHRA MO YOD PA LTA BU GANG YANG SPANGS PAS RNAM PA THAMS CAD DU NYON MONGS PA SHIN TU PHRA MO YANG KUN TU MI 'BYUNG ZHING, BAG LA NYAL YANG DAG PAR 'JOMS PAR NI MI 'GYUR BA DANG, SHES BYA'I SGRIB PA'I PHYOGS DANG MTHUN PA SNYING PO LA YOD PA LTA BU GANG YANG SPANGS PAS MI SHES PA'I BAG LA NYAL YANG DAG PAR 'JOMS SHING SHES BYA THAMS CAD LA SGRIB PA MED PA'I YE SHES 'JUG PAR 'GYUR RO, ,JI LTAR NYAN THOS RNAM PAR GZHAG CE NA, SMRAS PA, RGYU GSUM GYIS TE, SPRUL PA DANG, SMON LAM DANG, CHOS NYID KYIS SO, ,DE LA SPRUL PA NI 'DUL BA'I DBANG GIS DE BZHIN GSHEGS PAS DE DANG DER NYAN THOS SPRUL PA SPRUL PAR MDZAD PA GANG YIN PA'O, ,DE LA SMON LAM NI GANG ZAG NYAN THOS KYI THEG PA PAR SMON LAM BTAB PA, NYAN THOS ZHES BYA BAR RNAM PAR 'JOG PAR MDZAD PA GANG YIN PA'O, ,DE LA CHOS NYID NI GANG ZAG GANG RANG BZHIN GYIS SNYING RJE CHUNG BA DANG, SDUG BSNGAL GYIS 'JIGS PA DE RGYU DE GNYIS KYIS GZHAN GYI DON KYANG MI 'DOD LA, GZHAN DAG GI DON DU 'KHOR BA YANG MI 'DOD PAS DE LA CHOS NYID DES NYAN THOS SU 'DOGS PAR MDZAD PA STE, DE MNGON PAR RDZOGS PAR BYANG CHUB PA'I CHOS CAN YIN YANG RNAM PAR @16A *, ,GZHAG PA'I BDEN PA DAG LA SKRAG PA'I RNAM PAS SHAS CHER 'JUG PAS DES NA DE YANG DAG PAR 'GRUB PAR BYED DO, ,NYAN THOS JI LTA BA BZHIN DU RANG SANGS RGYAS RNAMS KYANG DE BZHIN TE, DE NI SANGS RGYAS RNAMS 'BYUNG BA MED KYANG MNGON PAR RDZOGS PAR BYANG CHUB PAR 'GYUR BAS, KHYAD PAR DU 'PHAGS PA YIN NO, ,BYANG CHUB SEMS DPA' NI DE LAS BZLOG PA'I RGYU GSUM KHO NAS BLTA BAR BYA'O, ,JI LTAR NYAN THOS CHOS 'DUL BA LAS RAB TU NYAMS PA YIN PAR BLTA BAR BYA ZHE NA, GAL TE NYON MONGS PA'I RIMS NAD MED PA TZAM 'GOG PA YIN PAR YONGS SU RTOG PA NA, BDAG CHAD PAR 'GYUR RO, ,CHUD ZOS PAR 'GYUR RO, ,MI 'BYUNG BAR 'GYUR RO SNYAM DU SKRAG PA SKYE BAR 'GYUR BA STE, 'DI LTA STE, DPER NA MI LA LA ZHIG RIMS KYIS BTAB PAR GYUR PA NA, DE RIMS NAD BYUNG NA RNAMS THAMS CAD DU NAD MED PAR 'GYUR BA MI SHES PAS LUS THAMS CAD 'GAG PAR 'GYUR BAR YONGS SU RTOG CING SKRAG PAR GYUR PA NA, RIMS KYI NAD LAS YONGS SU THAR BAR MI 'GYUR BAS, DE LTAR DE RAB TU NYAMS PAR 'GYUR BA DANG 'DRA BAR NYAN THOS KYANG DE BZHIN DU BLTA BAR BYA'O, ,JI LTAR NA BYANG CHUB SEMS DPA' THEG PA CHEN PO LAS RAB TU NYAMS PA YIN ZHE NA, GAL TE CHOS RNAMS KYI ZAB PA DANG NGO BO NYID MED PA THOS NAS RANG BZHIN GYIS NYON MONGS PA'I RIMS NAD MED PAR YONGS SU RTOG CING, BDAG NYID NAD MED PAR RLOM PAR BYED PA STE, 'DI LTA STE, DPER NA MI RIMS KYIS BTAB PAR GYUR BA DE NYID BDAG NYID NAD MED PAR RLOM PAR BYED PA NA, RIMS KYI NAD LAS YONGS SU THAR BAR MI 'GYUR ZHING, RAB TU NYAMS PAR 'GYUR BA DANG, 'DRA BAR BYANG CHUB SEMS DPA' DE YANG DE BZHIN DU BLTA BAR BYA'O, ,DNGOS PO LNGA PO DE DAG LAS DU ZHIG 'JIG TSOGS YIN, DU ZHIG 'JIG TSOGS MA YIN ZHE NA, SMRAS PA, RGYU MTSAN NI GNYI GA YIN NO, ,GNYIS NI 'JIG TSOGS YIN NO, ,GCIG NI 'JIG TSOGS MA YIN NO, ,DE BZHIN NYID NI GNYI GA YANG MA YIN PAR BRJOD PAR BYA'O, ,'JIG TSOGS JI LTA BA BZHIN DU SRID PA DANG, 'JIG RTEN PA YANG DE BZHIN DU BLTA BAR BYA'O, ,DE KHO NA BZHING DA? DNGOS @16B PO LNGA PO DAG LAS DNGOS PO LNGAS DE KHO NA DU DAG BSDUS SHE NA, SMRAS PA, 'JIG RTEN GYI GRAGS PA'I DE KHO NA DANG, RIGS PAS GRAGS PA'I DE KHO NA NI DNGOS PO GSUM GYIS BSDUS SO, ,NYON MONGS PA'I SGRIB PA RNAM PAR DAG PA'I YE SHES KYI SPYOD YUL GYI DE KHO NA DANG, SHES BYA'I SGRIB PA RNAM PAR DAG PA'I YE SHES KYI SPYOD YUL GYI DE KHO NA NI DNGOS PO GNYIS KYIS BSDUS SO, ,YONGS SU TSOL BA BZHI DANG DNGOS PO LNGA PO DAG LAS, DNGOS PO LNGAS YONGS SU TSOL BA DU DAG BSDUS SHE NA, SMRAS PA, RNAM PAR RTOG PA TSUL BZHIN YID LA BYED PA DANG LDAN PAS YONGS SU TSOL BA BZHI PO THAMS CAD BSDUS SO, ,YANG DAG PA JI LTA BA BZHIN YONGS SU SHES PA BZHI DANG DNGOS PO LNGA PO DAG LAS DNGOS PO DU DAG GIS YANG DAG PA JI LTA BA BZHIN YONGS SU SHES PA DU DAG BSDUS SHE NA, SMRAS PA, YANG DAG PA'I SHES PAS BZHI PO THAMS CAD BSDUS SO, ,BCOM LDAN 'DAS KYIS JI LAS DGONGS NAS CHOS THAMS CAD GNYIS SU MED PA ZHES GSUNGS SHE NA, SMRAS PA, DNGOS PO LNGA PO DE DAG NYID LA THA SNYAD LAS BYUNG BA'I NGO BO NYID KYIS NGO BO NYID MED PA NYID DANG, RANG RANG GI MTSAN NYID KYIS NGO BO NYID DANG BCAS PA NYID LAS DGONGS TE GSUNGS SO, , BCOM LDAN 'DAS KYIS JI LAS DGONGS NAS CHOS THAMS CAD NGO BO NYID MED PA ZHES GSUNGS SHE NA, SMRAS PA, 'DUL BA'I DBANG GIS DE DANG DER NGO BO NYID MED PA NYID RNAM PA GSUM LAS DGONGS NAS GSUNGS TE, MTSAN NYID NGO BO NYID MED PA NYID DANG, SKYE BA NGO BO NYID MED PA NYID DANG, DON DAM PA NGO BO NYID MED PA NYID DO, ,MTSAN NYID NGO BO NYID MED PA NYID GANG ZHE NA, 'DI LTA STE, CHOS RNAMS KYI THA SNYAD LAS BYUNG BA'I NGO BO NYID DO, ,SKYE BA NGO BO NYID MED PA NYID GANG ZHE NA, 'DI LTA STE, 'DU BYED RNAMS NI RTEN CING 'PHREL BAR 'BYUNG BA YIN PA'I PHYIR RKYEN GYI STOBS KYIS SKYE BA YIN GYI, RANG MI SKYE BA NI SKYE BA NGO BO NYID MED PA NYID CES BYA'O, ,DON DAM PA NGO BO NYID MED PA NYID GANG ZHE NA, DE KHO NA'I DON GYIS MTSAN NYID DANG BRAL PA'I CHOS GANG YIN PA DE NI DON DAM PA NGO BO NYID MED PA ZHES BYA STE, DPER NA DGE SLONG SPYOD PAS RUS PA'I KENG RUS MANG PO @17A *, ,LA MOS PAR BYAS NAS RNAM PAR 'JIG PAR MA NUS PA NA, RUS PA'I KENG RUS DE LA RTAG TU RGYUN MI 'CHAD PAR DON DAM PA'I NGO BO NYID MED PA'I 'DU SHES 'BYUNG BA DANG 'DRA BAR, DON DAM PA NGO BO NYID MED PA NYID KYANG, DE BZHIN DU BLTA BAR BYA'O, ,DE LA DNGOS PO LNGA PO DAG NI MTSAN NYID NGO BO NYID MED PAS, NGO BO NYID MED PA MA YIN PA YANG, SKYE BA NGO BO NYID MED PA NYID DANG DON DAM PA NGO BO NYID MED PA NYID KYIS NGO BO NYID MED PA YIN TE, DE YANG CI RIGS PAR 'GYUR RO, ,DE LA RGYU MTSAN DANG MING DANG RNAM PAR RTOG PA DANG YANG DAG PA'I SHES PA NI GNYIS KYIS SO,, DE BZHIN NYID NI NGO BO NYID MED PA NYID GANG GIS KYANG NGO BO NYID MED PA MA YIN TE, BCOM LDAN 'DAS KYIS DE LAS DGONGS NAS BDEN PA GCIG STE GNYIS PA MED PAR SMRAS ZHES TSIGS SU BCAD PA LAS JI SKAD GSUNGS PA LTA BU'O, ,BCOM LDAN 'DAS KYIS JI LAS DGONGS NAS, CHOS THAMS CAD MA SKYES PA DANG, MA 'GAGS PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA ZHES GSUNGS SHE NA, SMRAS PA, MTSAN NYID NGO BO NYID MED PA NYID KHO NA LAS DGONGS TE GSUNGS SO, ,BCOM LDAN 'DAS KYIS JI LAS DGONGS NAS, CHOS THAMS CAD NAM MKHA' LTA BU ZHES GSUNGS SHE NA, SMRAS PA, MTSAN NYID NGO BO NYID MED PA NYID DE KHO NA LAS DGONGS TE GSUNGS SO, ,BCOM LDAN 'DAS KYIS CI LAS DGONGS NAS, CHOS THAMS CAD SGYU MA LTA BU ZHES GSUNGS SHE NA, SMRAS PA, SKYE BA NGO BO NYID MED PA NYID DANG, DON DAM PA NGO BO NYID MED PA NYID LAS DGONGS TE GSUNGS SO, ,BCOM LDAN 'DAS KYIS JE LAS DGONGS NAS, GZUGS NA YOD DO, ,RNAM PAR SHES PA'I BAR YANG YOD DE, MI RTAG PAR YANG DAG PAR RJES SU MTHONG NGO ZHES GSUNGS SHE NA, SMRAS PA, MTSAN NYID NGO BO NYID MED PA NYID LAS DGONGS TE GSUNGS SO, ,DE CI'I PHYIR ZHE NA, 'DI LTAR RTAG PA MED PAR YANG DAG PAR RJES SU MTHONG NGO ZHES GANG GSUNGS PA DE NI MI RTAG PAR YOD PAR YANG DAG PAR RJES SU MTHONG NGO ZHES GSUNGS PA YIN PA'I PHYIR RO, ,BCOM LDAN 'DAS KYIS JI? LAS DGONGS NAS, GZUGS NI YOD @17B DO; ,RNAM PAR SHES PA'I BAR YANG YOD DE, SDUG BSNGAL BAR YANG DAG PAR RJES SU MTHONG NGO ZHES GSUNGS SHE NA, SMRAS PA, SKYE BA NGO BO NYID MED PA NYID DANG, DON DAM PA NGO BO NYID MED PA NYID LAS DGONGS TE GSUNGS SO, ,BCOM LDAN 'DAS KYIS JI LAS DGONGS NAS, GZUGS NI YOD DO, ,RNAM PAR SHES PA'I BAR YANG YOD DE, STONG PAR YANG DAG PAR RJES SU MTHONG NGO ZHES GSUNGS SHE NA, SMRAS PA, CHOS RNAMS KYI MTSAN NYID NGO BO NYID DANG BRAL BA NYID DANG, DE DAG NYID KYI SKYE BA NGO BO NYID MED PA NYID DANG, DON DAM PA NGO BO NYID MED PA NYID LAS DGONGS TE GSUNGS SO, ,BRAL BA NYID JI LTA BA DE BZHIN DU MTSAN NYID MI 'DRA BA NYID LAS DGONGS NAS BDAG MED PAR GSUNGS PAR BLTA BAR BYA'O, ,BCOM LDAN 'DAS KYIS JI LAS DGONGS NAS, GZUGS DANG RNAM PAR SHES PA'I BAR LA TSUL BZHIN DU LTA BA DANG NGES PAR RTOG PA DANG, NYE BAR RTOG PA'I BAR DU BYED PA DE LA NI TSUL BZHIN DU SNANG ZHING, DE LA MED PAR YANG SNANG NGO ZHES GSUNGS SHE NA, SMRAS PA, MTSAN NYID NGO BO NYID MED PA NYID LAS DGONGS TE GSUNGS SO, ,BCOM LDAN 'DAS KYIS JI LAS DGONGS NAS, DE LA GSOG DANG GSOB DANG SNYING PO ME DPAR YANG SNANG NGO ZHES GSUNGS SHE NA, SMRAS PA, SKYE BA NGO BO NYID MED PA NYID DANG, DON DAM PA NGO BO NYID MED PA NYID LAS DGONGS TE GSUNGS SO, ,BCOM LDAN 'DAS KYIS JI LAS DGONGS NAS, DE LTA BAS NA GANG LA MIG KYANG 'GAG CING KHA DOG GI 'DU SHES DANG BRAL BAR 'GYUR BA DANG, YID KYI BAR YANG 'GAG CING CHOS KYI 'DU SHES DANG BRAL BAR 'GYUR BA'I GNAS DE RIG PAR BYA'O ZHES GSUNGS SHE NA, SMRAS PA, NGO BO NYID MED PA NYID GANG LAS KYANG MA DGONGS PAR GSUNGS SO, ,BCOM LDAN 'DAS KYIS JI LAS DGONGS NAS, GANG GI PHYIR THAMS CAD DU SEMS KYI 'DU SHES THAMS CAD RNAM PAR BSHIG PAR GYUR PA DE CI LA BSTEN CING BSAM GTAN BYED PA NI DBANG PO DANG BCAS PA'I LHA RNAMS KYIS KYANG MI SHES SO ZHES GSUNGS SHE NA, SMRAS PA, NGO BO NYID MED PA NYID GANG LAS KYANG MA DGONGS PAR GSUNGS SO, ,BCOM LDAN 'DAS KYIS JI LAS DGONGS @18A *, ,NAS; MIG GIS RNAM PAR SHES PAR BYA BA'I GZUGS DANG, YID KYIS RNAM PAR SHES PAR BYA BA'I BAR GYI CHOS YID BDE BA DANG, YID MI BDE BA DANG, BTANG SNYOMS KYI GNAS LTA BU DAG LA DAG PA NYID DAM, BDEN PA NYID DAM, MA NOR BA NYID DAM, PHYIN CI MA MA LOG PA NYID MED DO ZHES KYANG GSUNGS LA, 'PHAGS PA 'JIG RTEN LAS 'DAS PA NI, BDEN PA YIN PAR BKA' STZAL TO ZHES GSUNGS SHE NA, SMRAS PA, NGO BO NYID MED PA NYID THAMS CAD LAS DGONGS TE GSUNGS PA DANG, NGO BO NYID MED PA NYID GANG LAS KYANG MA DGONGS PAR GSUNGS SO; ,BCOM LDAN 'DAS KYIS JI LAS DGONGS NAS, BSAM GTAN PA RNAMS KYI BSAM GTAN GYI YUL DANG, SANGS RGYAS RNAMS KYI SANGS RGYAS KYI YUL BSAM GYIS MI KHYAB BO ZHES GSUNGS SHE NA, SMRAS PA, NGO BO NYID MED PA NYID THAMS CAD LAS DGONGS TE GSUNGS PA'AM, YANG NA NGO BO NYID MED PA NYID GANG LAS KYANG MA DGONGS PAR GSUNGS SO ,DNGOS PO LNGA PO DE DAG LAS CI'I PHYIR DANG PO KHO NAR RGYU MTSAN GDAGS PA LA SOGS PA GO RIMS DE LTAR GDAGS PA MDZAD CE NA, SMRAS PA, GZHI MED PA LA MING GDAGS SU MI RUNG BAS DE'I PHYIR DANG POR RGYU MTSAN GDAGS PA MDZAD DO, ,DE'I 'OG TU GANG GIS NGO BO NYID DU 'DOGS PA'AM, BYE BRAG TU 'DOGS PAR LAS DE 'DOGS PAR BYED PAS, DE'I PHYIR MING GDAGS PA MDZAD DO, ,DE'I 'OG TU GANG GIS RGYU MTSAN NAM, MING NGAM, DE GNYI GA LA RNAM PAR RTOG PAR BYED PA'I RNAM PAR RTOG PA 'BYUNG BAS, DE'I PHYIR RNAM PAR RTOG PA GDAGS PA MDZAD DO, ,DE LTAR CHOS GSUM PO DE DAG GIS KUN NAS NYON MONGS PA'I PHYOGS YONGS SU RDZOGS PA'I GO RIMS YONGS SU BSTAN PA YIN NO, ,DE'I 'OG TU RNAM PAR BYANG BA'I PHYOGS KYI SKABS YIN SKABS YIN NO, ,KUN NAS NYON MONGS PA'I CHOS DE DAG GIS DE BZHIN NYID MTHONG BA DANG, YANG DAG PA'I SHES PA MTHONG NA RNAM PAR DAG PAR 'GYUR BAS, DE'I PHYIR DE GNYIS KYIS NI RNAM PAR BYANG BA'I PHYOGS YONGS SU RDZOGS PA'I GO RIMS YONGS SU BSTAN PA YIN TE, DE LTAR NA DE NI DE DAG GI GOM RIMS YIN NO, ,DE KHO NA'I DON GYI LE'U DNGOS PO'I RNAM PAR GTAN @18B LA DBANG BA RDZOGS SO,, ,,DE KHO NA'I DON RNAM PAR SHES PAR 'DOD PAS, NGO BO NYID GSUM LA BRTZON PAR BYA BA'I SDOM NI, RTEN DANG RNAM PAR DBYE BA DANG, ,RTEN DANG RAB DBYE BRTEN PA DANG, ,PHRA LA MNGON PAR ZHEN PA DANG, ,MING BRJOD JI BZHIN MNGON PAR ZHE NA, ,NGO BO NYID GSUM GANG ZHE NA, KUN BRTAGS PA'I NGO BO NYID DANG, GZHAN GYI DBANG GI NGO BO NYID DANG, YONGS SU GRUB PA'I NGO BO NYID DO, ,KUN BRTAGS PA'I NGO BO NYID GANG ZHE NA, JI TZAM DU RJES SU THA SNYAD GDAGS PA'I PHYIR MING DANG BRDA LAS BYUNG BA'I NGO BO NYID GANG YIN PA'O, ,GZHAN GYI DBANG GIS NGO BO NYID GANG ZHE NA, RTEN CING 'BREL PAR 'BYUNG BA'I NGO BO NYID GANG YIN PA'O, ,YONGS SU GRUB PA'I NGO BO NYID GANG ZHE NA, 'DI LTA STE, RNAM PAR DAG PAR BYA BA'I PHYIR DANG, MTSAN MA DANG, GNAS NGAN LEN GYI 'CHING BA THAMS CAD LAS RNAM PAR THAR PAR BYA BA'I PHYIR DANG, YON TAN THAMS CAD MNGON PAR BSGRUB PAR BYA BA'I PHYIR CHOS RNAMS KYI DE BZHIN NYID 'PHAGS PA'I YE SHES KYI SPYOD YUL, 'PHAGS PA'I YE SHES KYI DMIGS PA GANG YIN PA'O, ,KUN BRTAGS PA'I NGO BO NYID GANG LA BRTEN NAS RAB TU SHES SHE NA, SMRAS PA, RGYU MTSAN DANG MING 'BREL PA LA BRTEN NAS RAB TU SHES SO, ,GZHAN GYI DBANG GI NGO BO NYID GANG LA BRTEN NAS RAB TU SHES SHE NA, SMRAS PA, KUN BRTAGS PA'I NGO BO NYID LA MNGON PAR ZHEN PA LA BRTEN NAS RAB TU SHES SO, ,YONGS SU GRUB PA'I NGO BO NYID GANG LA BRTEN NAS RAB TU SHES SHE NA, SMRAS PA, GZHAN GYI DBANG GI NGO BO NYID LA KUN BRTAGS PA'I NGO BO NYID DE GTAN YONGS SU MA GRUB PA LA BRTEN NAS RAB TU SHES SO, ,DE LA BCOM LDAN 'DAS KYIS MDO SDE LAS KUN BRTAGS PA'I NGO BO NYID LA MNGON PAR ZHEN PA LA BRTEN NAS SHES PAR 'GYUR RO ZHES GANG GSUNGS PA DER NI DE'I RNAM PAR DAG PA 'THOB PA LAS DGONGS TE GSUNGS PA YIN GYI, DE'I MTSAN NYID LAS NI MA YIN NO, ,DON 'DIR NI DE'I MTSAN NYID YIN PAR BLTA BAR BYA'O, ,DE LAS KUN BRTAGS PA'I NGO BO NYID LA RNAM PA DU YOD CE NA, SMRAS PA, MDOR BSDU NA RNAM PA LNGA STE, DON GYI NGO BO NYID DU YONGS SU RTOG PA DANG, @19A *, ,MING GI NGO BO NYID DU YONGS SU RTOG PA DANG, KUN NAS NYON MONGS PA'I NGO BO NYID DU YONGS SU RTOG PA DANG, RNAM PAR BYANG BA'I NGO BO NYID DU YONGS SU RTOG PA DANG, KUN NAS NYON MONGS PA YANG MA YIN, RNAM PAR BYANG BA YANG MA YIN PA'I NGO BO NYID DU YONGS SU RTOG PA'O, ,DE LA DON GYI NGO BO NYID DU YONGS SU RTOG PA NI RNAM PA BZHI STE, NGO BO NYID KYI MTSAN NYID DU YONGS SU RTOG PA DANG, BYE BRAG GI MTSAN NYID YONGS SU RTOG PA DANG, GZUNG BA'I MTSAN NYID DU YONGS SU RTOG PA DANG, 'DZIN PA'I MTSAN NYID DU YONGS SU RTOG PA'O, ,DE LA NGO BO NYID KYI MTSAN NYID DU YONGS SU RTOG PA NI 'DI LTA STE, DNGOS PO 'DI NI GZUGS KYI NGO BO NYID DO, ,DNGOS PO 'DI NI RNAM PAR SHES PA'I BAR GYI NGO BO NYID DO, ,DNGOS PO 'DI NI MIG GI NGO BO NYID DO, ,DNGOS PO 'DI NI CHOS KYI BAR GYI NGO BO NYID DO ZHES BYA BA LA SOGS PAR YONGS SU RTOG PA'O, ,DE LA BYE BRAG GI MTSAN NYID DU YONGS SU RTOG PA NI, 'DI LTA STE, GZUGS 'DI NI YID DU 'ONG BA'O, ,'DI NI YID DU MI 'ONG BA'O, ,'DI NI YID DU 'ONG BA YANG MA YIN YID DU MI 'ONG BA YANG MA YIN PA'O, ,'DI NI BSTAN DU YOD PA'O, ,'DI NI BSTAN DU MED PA'O, ,'DI NI THOGS PA DANG BCAS PA'O, ,'DI NI THOGS PA MED PA'O, ,'DI NI ZAG PA DANG BCAS PA'O, ,'DI NI ZAG PA MED PA'O, ,'DI NI 'DUS BYAS SO, ,'DI NI 'DUS MA BYAS SO ZHES BYA BA LA SOGS PA RAB TU DBYE BA'I TSUL GYIS GZUGS DE GCIG PU'I BYE BRAG LA YONGS SU RTOG PA GANG YIN PA STE, GZUGS LA JI LTA BA BZHIN DU, PHUNG PO LHAG MA RNAMS DANG SKYE MCHED THAMS CAD LA YANG DE BZHIN DU BLTA BAR BYA'O, ,DE LA GZUNG BA'I MTSAN NYID DU YONGS SU RTOG PA NI 'DI LTA STE, GZUGS 'DI NI MIG GI GZUNG BA'O, ,'DI NI RNA BA DANG, LCE DANG, LUS DANG, YID KYI GZUNG BA'O ZHES BYA BAR YONGS SU RTOG PA GANG YIN PA DANG, TSOR BA DANG, 'DU SHES DANG, 'DU BYED 'DI DAG DANG, RNAM PAR SHES PA 'DI NI 'DOD PA NA SPYOD PA'I YID KYI GZUNG BA'O, ,'DI NI GZUGS NA SPYOD PA'I YID KYI GZUNG BA'O, ,'DI NI GZUGS MED PA NA SPYOD PA'I YID KYI GZUNG BA'O, ,'DI NI LDAN PA MA YIN PA'I YID @19B KYI GZUNG BA'O ZHES BYA BAR YONGS SU RTOG PA GANG YIN PA'O, ,DE LA 'DZIN PA'I MTSAN NYID DU YONGS SU RTOG PA NI 'DI LTA STE, GZUGS 'DI NI GZUGS 'DZIN PA'O, ,GZUGS 'DI NI SGRA DANG, DRI DANG, RO DANG, REG BYA DANG, CHOS 'DZIN PA'O ZHES BYA BAR YONGS SU RTOG PA GANG YIN PA DANG, TSOR BA DANG, 'DU SHES DANG, 'DU BYED 'DI DAG DANG, RNAM PAR SHES PA 'DI NI GZUGS 'DZIN PA'O, ,'DI NI SGRA DANG, DRI DANG, RO DANG, REG BYA DANG, CHOS 'DZIN PA'O ZHES BYA BAR YONGS SU RTOG PA GANG YIN PA'O, ,DE LA MING GI NGO BO NYID DU YONGS SU RTOG PA NI RNAM PA GNYIS TE, BYE BRAG MED PA DANG, BYE BRAG CAN NO, ,DE LA BYE BRAG MED PA NI CHOS THAMS CAD CES BYA BA'I MING GANG YIN PA'O, ,DE LA BYE BRAG CAN NI 'DI LTA STE, GZUGS ZHES BYA BA DANG, TSOR BA ZHES BYA BA DANG, 'DU SHES ZHES BYA BA DANG, 'DU BYED RNAMS ZHES BYA BA DANG, RNAM PAR SHES PA ZHES BYA BA DANG; DE LTA BU DANG MTHUN PA'I MING RAB TU DBYE BA'I CHOS SO SO BA DE DAG LA MING TSAD MED GRANGS MED PAR YONGS SU RTOG PA GANG YIN PA'O, ,DE LA KUN NAS NYON MONGS PA'I NGO BO NYID DU YONGS SU RTOG PA NI 'DI LTA STE, GZUGS 'DI NI 'DOD CHAGS DANG BCAS PA DANG, ZHE SDANG DANG BCAS PA DANG; GTI MUG DANG BCAS PA DANG, 'DOD CHAGS DANG, ZHE SDANG DANG, GTI MUG DANG MA BRAL PA DANG, DAD PA LA SOGS PA DGE BA'I CHOS RNAMS DSANG BRAL BA'O ZHES BYA BAR YONGS SU RTOG PA GANG YIN PA DANG, TSOR BA DANG, 'DU SHES DANG, 'DU BYED 'DI DAG DANG, RNAM PAR SHES PA 'DI DAG NI 'DOD CHAGS DANG BCAS PA DANG, ZHE SDANG DANG BCAS PA DANG, GTI MUG DANG BCAS PA DANG, 'DOD CHAGS DSANG, ZHE SDANG DANG, GTI MUG DAG DANG MA BRAL BA DANG, DAD PA LA SOGS PA'I DGE BA'I CHOS RNAMS DANG BRAL BA'O ZHES BYA BAR YONGS SU RTOG PA GANG YIN PA'O; ,DE LA RNAM PAR BYANG BA'I NGO BO NYID DU YONGS SU RTOG PA NI DE LAS BZLOG PA LAS RIG PAR BYA'O, ,DE LA KUN NAS NYON MONGS PA CAN YANG MA YIN, RNAM PAR BYANG BA YANG MA YIN PA'I NGO BO NYID DU YONGS SU RTOG PA NI 'DI LTA STE, GZUGS 'DI NI GZUNG BA'O, ,'DI NI 'DZIN PA'O, , @20A *, ,CHOR BA DANG, 'DU SHES DANG, 'DU BYED 'DI DAG DANG, RNAM PAR SHES PA 'DI NI GZUNG BA'O, ,'DI NI 'DZIN PA'O ZHES BYA BAR YONGS SU RTOG PA GANG YIN PA DANG, GZHAN YANG LUNG DU MA BSTAN PA'I CHOS RNAMS LA LUNG DU MA BSTAN PA'I CHOS RNAMS SO ZHES BYA BAR YONGS SU RTOG PA GANG YIN PA'O, ,YANG NGO BO NYID DU RNAM PAR RTOG PA NI RNAM PA LNGAR RIG PAR BYA STE, MING LA BRTEN PA'I DON GYI NGO BO NYID LA YONGS SU RTOG PA DANG, DON LA BRTEN PA'I MING GI NGO BO NYID LA YONGS SU RTOG PA DANG, MING LA BRTEN PA'I MING GI NGO BO NYID LA YONGS SU RTOG PA DANG, DON LA BRTEN PA'I DON GYI NGO BO NYID LA YONGS SU RTOG PA DANG, DE GNYI GA LA BRTEN PA'I DE GNYI GA'I NGO BO NYID LA YONGS SU RTOG PA'O, ,DE LA MING LA BRTEN PA'I DON GYI NGO BO NYID LA YONGS SU RTOG PA NI 'DI LTA STE, GZUGS KYI DNGOS PO 'DI NI GZUGS KYI BDAG NYID KYIS YONGS SU GRUB PA YIN NO ZHES YONGS SU RTOG PA GANG YIN PA DANG, TSOR BA DANG, 'DU SHES DANG, 'DU BYED RNAMS KYI DNGOS PO 'DI DANG, RNAM PAR SHES PA'I DNGOS PO 'DI NI RNAM PAR SHES PA'I BDAG NYID KYIS YONGS SU GRUB PA YIN NO ZHES BYA BAR YONGS SU RTOG PA GANG YIN PA'O, , DE LA DON LA BRTEN PA'I MING GI NGO BO NYID LA YONGS SU RTOG PA NI 'DI LTA STE, DNGOS PO 'DI'I MING NI GZUGS ZHES BYA'I, DNGOS PO 'DI NI GZUGS MA YIN NO ZHES YONGS SU RTOG PA GANG YIN PA DANG, DNGOS PO 'DI'I MING NI TSOR BA DANG, 'DU SHES DANG, 'DU BYED RNAMS DANG, RNAM PAR SHES PA ZHES BYA'I, ,DNGOS PO 'DI NI RNAM PAR SHES PA MA YIN NO ZHES BYA BAR YONGS SU RTOG PA GANG YIN PA'O, ,DE LA MING LA BRTEN PA'I MING GI NGO BO NYID LA YONGS SU RTOG PA NI, 'DI LTA STE, DNGOS PO MA RTOGS PA'I MING GZUGS ZHES RNAM PAR RTOG PAR BYED PA'I YONGS SU RTOG PA GANG YIN PA DANG, DNGOS PO MA RTOGS PA'I MING TSOR BA DANG, 'DU SHES DANG, 'DU BYED RNAMS, RNAM PAR SHES PA ZHES RNAM PAR RTOG PAR BYED PA'I YONGS SU RTOG PA GANG YIN PA'O, ,DE LA DON LA BRTEN PA'I DON GYI NGO BO NYID LA YONGS SU RTOG PA NI 'DI LTA STE, MING LAS MA GTOGS @20B PA'I GZUGS KYI DNGOS PO LA MING DMIGS KYIS MA BSAL BAR RNAM PAR RTOG PAR BYED PA'I YONGS SU RTOG PA GANG YIN PA DANG, MING MA GTOGS PA'I TSOR BA DANG, 'DU SHES DSANG, 'DU BYED RNAMS KYI DNGOS PO DANG, MING MA GTOGS PA'I RNAM PAR SHES PA'I DNGOS PO LA MING DMIGS KYIS MA BSAL BAR RNAM PAR RTOG PAR BYED PA'I YONGS SU RTOG PA GANG YIN PA'O, ,DE LA DE GNYI GA LA BRTEN PA'I DE GNYI GA'I NGO BO NYID LA YONGS SU RTOG PA NI 'DI LTA STE, GZUGS KYI BDAG NYID KYI DNGOS PO 'DI'I MING NI GZUGS ZHES BYA'O ZHES YONGS SU RTOG PA GANG YIN PA DANG, TSOR BA DANG; 'DU SHES DANG, 'DU BYED RNAMS DANG, RNAM PAR SHES PA'I BDAG NYID KYI DNGOS PO 'DI'I MING NI RNAM PAR SHES PA ZHES BYA'O ZHES YONGS SU RTOG PA GANG YIN PA'O, ,KUN BRTAGS PA'I NGO BO NYID DU 'DZIN PA NI MDOR BSDU NA, RNAM PA GNYIS SU RIG PAR BYA STE, MNGON PAR 'DU BYED PAS 'DZIN PA DANG, MING GI BRDAS 'DZIN PA'O, ,DE LA MNGON PAR 'DU BYED PAS 'DZIN PA NI RNAM PA LNGAR RIG PAR BYA STE, RJES SU CHAGS PA'I MNGON PAR 'DU BYED PA DANG, KHONG KHRO BA'I MNGON PAR 'DU BYED PA DANG, PHRAD PA'I MNGON PAR 'DU BYED PA DANG, 'BRAL BA'I MNGON PAR 'DU BYED PA DANG, BTANG SNYOMS SU 'JOG PA'I MNGON PAR 'DU BYED PA'O, ,DE LA MING GI BRDAS 'DZIN PA NI RNAM PA GNYIS SU RIG PAR BYA STE, YI GE MED PA LAS GYUR PA DANG, YI GE LAS GYUR PA'O, ,DE LA YI GE MED PA LAS GYUR PA NI 'DI LTA STE, 'DI CI YIN, 'DI CI LTA BU YIN ZHES BYA BAR 'DZIN PA GANG YIN PA'O, ,DE LA YI GE LAS GYUR PA NI 'DI LTA STE, 'DI NI 'DI DANG 'DI LTA BU YIN TE, GZUGS ZHES BYA BA'AM, RNAM PAR SHES PA'I BAR ZHES BA'AM, 'DUS BYAS ZHES BYA BA'AM, 'DUS MA BYAS ZHES BYA BA'AM, RTAG CES BYA BA'AM, MI RTAG CES BYA BA'AM, DGE ZHES BYA BA'AM, MI DGE ZHES BYA BA'AM, LUNG DU MA BSTAN PA ZHES BYA BA'AM, DE LTA DE LTA BU LA SOGS PAR 'DZIN PA GANG YIN PA'O, ,PHRA PA LA MNGON PAR ZHEN PA PHRA BA NI LNGA PO 'DI DAG YIN PAR RIG PAR BYA STE, MI RTAG PA LA RTAG PAR @21A *, ,MNGON PAR ZHEN PA DANG, SDUG BSNGAL BA LA BDE BAR MNGON PAR ZHEN PA DANG, MI GTZANG BA LA GTZANG BAR MNGON PAR ZHEN PA DANG, BDAG MED PA LA BDAG TU MNGON PAR ZHEN PA DANG, MTSAN MA LA KUN BRTAGS PA'I NGO BO NYID DU MNGON PAR ZHEN PA'O,, ,, BAM PO SUM CU LNGA PA, DE LA BYIS PA RNAMS NI BRJOD PAR BYA BA'I DNGOS PO LA RGYU LNGAS MING JI LTA BA DANG BRJOD PA JI LTA BA BZHIN DU NGO BO NYID DU MNGON PAR ZHEN PAR RIG PAR BYA STE, 'DI LTAR 'DI'I DNGOS PO DE'I NGO BO NYID GANG YIN ZHES DRIS NA, NGO BO NYID GZUGS YIN NO ZHES LAN 'DEBS PAR BYED KYI, MING GZUGS YIN NO ZHES LAN 'DEBS PAR MI BYED PA DANG, NGO BO NYID TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YIN NO ZHES LAN 'DEBS PAR BYED KYI, MING RNAM PAR SHES PA YIN NO ZHES LAN 'DEBS PAR MI BYED PA DANG, GZHAN YANG GCIG PU DBEN PAR SONG STE, CHOS RNAMS KYI RANG GI MTSAN NYID DANG, SPYI'I MTSAN NYID YONGS SU BRTAGS PA LA ZHUGS PA NA, DNGOS PO 'DI'I MTSAN NYID NI GZUGS YIN GYI, ,MING NI GZUGS MA YIN NO ZHES YONGS SU TSOL BAR BYED PA DANG, DNGOS PO 'DI'I MTSAN NYID NI TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YIN GYI, MING NI RNAM PAR SHES PA MA YIN NO ZHES YONGS SU TSOL BAR BYED PA DANG, GZHAN YANG GZUGS KYI DNGOS PO DE'I MTSAN NYID GZUGS YIN PAR YONGS SU TSOL BAR BYED PA'I TSE, MA RNYED PA NA MI DGA' LA, MING GZUGS YIN PAR YONGS SU TSOL BAR BYED PA'I TSE, MA RNYED PA NI MI DGA' BA MED PA DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA'I DNGOS PO DE'I MTSAN NYID GZUGS YIN PAR YONGS SU TSOL BAR BYED PA'I TSE, MA TSE, MA RNYED PA LA MI DGA' LA, RNAM PAR SHES PA YIN PAR YONGS SU TSOL BAR BYED PA'I TSE, MA RNYED NA NI MI DGA' BA MED PA DANG, GZHAN YANG TSIG NI MING NI DON LA 'JUG LA MING NI DON LA 'JUG STE, DE LA MING GANG RANG GI MTSAN NYID KYI DON GSAL BAR BYED PA DE NI BYE BRAG GI MTSAN NYID @21B KYI DON GSAL BAR BYED PA YANG MA YIN, GZUNG BA'I MTSAN NYID KYI DON GSAL BAR BYED PA YANG MA YIN, 'DZIN PA'I MTSAN NYID KYI DON GSAL BAR BYED PA YANG MA YIN LA, MING GANG 'DZIN PA'I MTSAN NYID KYI BAR GYI DON GSAL BAR BYED PA DE NI RANG GI MTSAN NYID KYI DON GYI BAR GSAL BAR BYED PA YANG MA YIN NO, ,GAL TE MING GANG RANG GI MTSAN NYID KYI DON LA 'JUG PAR 'GYUR BA DE 'DZIN PA'I MTSAN NYID KYI BAR GYI DON LA YANG 'JUG PAR 'GYUR NA NI DES NA DE LAS GZHAN PA'I MING RNAMS KYI DON SO SO THA DAD PA'I RJES SU 'JUG PAR 'GYUR BA MI DMIGS PAR MI RUNG NGO, , DE LTAR SO SO'I DON THA DAD PA LA 'JUG PA'I MING DE DAG LAS MING GANG RANG GI MTSAN NYID KYI DON LA 'JUG PA DANG, MING GANG 'DZIN PA'I MTSAN NYID KYI BAR GYI DON LA YANG 'JUG PAR 'GYUR BA DE, DE LTAR YOD PA'I DON LA 'JUG PAR 'GYUR RAM, 'ON TE MED PA'I DON LA 'JUG PAR 'GYUR, RE ZHIG YOD PA'I DON LA 'JUG PAR NI MI RUNG STE, JI LTAR MI RUNG BA DE LTAR NI SNGAR DNGOS PO BRTAGS PA'I SKABS SU BSTAN ZIN TO, ,GAL TE DE LTAR YOD PA MA YIN PA'I DON LA 'JUG PAR 'GYUR NA NI DES NA MTSAN NYID MED PA'I DON LA 'JUG PAR 'GYUR BA DE LTA BUR 'GYUR TE, GANG MTSAN NYID MED PA'I DON LA 'JUG PAR 'GYUR BA DE'I DON NI DE LTAR YOD PA MA YIN LA, DE LTAR GSAL BAR BYED PA DE YANG SGRO 'DOGS PAR BYED PA YIN NO, ,GANG SGRO 'DOGS SHING 'DZIN PAR BYED PA DE NI MNGON PAR ZHEN PA YIN PAS DE'I PHYIR MING JI LTA BA DANG, BRJOD PA JI LTA BA BZHIN DU DNGOS PO LA NGO BO NYID DU MNGON PAR ZHEN PAR RAB TU GRUB PA YIN PA DANG, GZHAN YANG BYIS PA THAMS CAD NI MTSAN MA LA BRJOD PAS BCINGS PA YIN PA'I PHYIR MING JI LTA BA DANG, BRJOD PA JI LTA BA BZHIN DU, DNGOS PO LA NGO BO NYID DU MNGON PAR ZHEN PA YIN PAR BLTA BAR BYA STE, CI'I PHYIR MTSAN MA LA BRJOD PAS BCINGS PA NYID DU RIG PAR BYA ZHE NA, SMRAS PA, RIGS PA DANG LUNG GIS RIG PAR BYA STE, RIGS PA GANG ZHE NA, SMRAS PA, BRJOD PA MED PA NA DNGOS PO LA MNGON PAR DGA' BA MI DMIGS PA DANG, BRJOD PA DANG BCAS PA NA DE LA MNGON PAR DGA' BA MI DMIGS @22A *, ,PA'I PHYIR TE, DE NI RGYU CIG YIN NO, ,GZHAN YANG GCIG GI SKYE BA'I GNAS GCIG YIN PA'I PHYIR TE, 'DI LTAR DNGOS PO LA BRTEN NAS BRJOD PA SKYE BA YANG DMIGS LA, BRJOD PA LA BRTEN NAS KYANG DNGOS PO SKYE BA DMIGS PA'I PHYIR TE 'DI LTA STE, DPER NA 'JIG RTEN PA DAG DNGOS PO YOD NA, MING DU YANG BRJOD PAS RAB TU RTOG PAR BYED KYI, DNGOS PO MED PA LA NI YONGS SU RTOG PAR MI NUS PAS, DE LTAR NA DNGOS PO LA BRTEN NAS MING DANG BRJOD PA SKYE BAR DMIGS PA YIN NO, ,'DI LTA STE, DPER NA BSAM GTAN BA SO SO'I BDAG NYID LA BSAM GTAN BYED PA NA, JI LTA JI LTAR YID LA BRJOD PA'I YID LA BYED PA DE LTA DE LTAR SEMS KYI RGYUD DU GTOGS PA'I SHES BYA'I DNGOS PO DANG CHA MTHUN PA'I GZUGS BRNYAN DAG SNANG BAR 'GYUR BA'I TSUL GYIS 'BYUNG BAR 'GYUR BAS, DE LTAR NA BRJOD PA LA BRTEN NAS DNGOS PO SKYE BA YANG DMIGS PA YIN NO, ,GZHAN YANG BRJOD PA'I GNYEN PO MTSAN MA MED PA'I DBYINGS LA SEMS NYE BAR GTOD PA'I MTSAN MA THAMS CAD NI MI SNANG BAR 'GYUR LA, NYE BAR MI GTOD PA'I SEMS NI MI 'DOD PA BZHIN DU MTSAN MA RNAMS KYIS KHRID PAR 'GYUR BAS, RNAM GRANGS DES KYANG MTSAN MA LA BRJOD PAS BCINGS PA NYID YIN PAR RIG PAR BYA'O, ,LUNG GANG ZHE NA, BCOM LDAN 'DAS KYIS, ,BYIS PA RMONGS PA'I SEMS LDAN PA, ,MTSAN MA DAG LA BRJOD PAS BCINGS, ,BRJOD PA'I 'CHING LAS RNAM GROL BA, MTSAN MA'I DBANG LDAN THUB PA YIN, , YANG DAG MTHONG BA'I RNAL 'BYOR PA, ,YANG DAG SHES LA RAB TU GNAS, ,NGO BO NYID KYANG MI DMIGS SHING, ,DE YI GNAS KYANG MTHONG MI 'GYUR, ,YANG DAG SHES PA RNAM DAG DE, ,DES NA YANG DAG PA RIG CES BYA, ,'DZIN PA GNYIS DANG RNAM BRAL BA, ,DES NA GNYIS SU MED CES BYA, ,ZHES JI SKAD GSUNGS PA LTA BU STE, 'DI LTA STE, DPER NA SO SO'I SKYE BO PHUNG PO RNAMS LA BDAG MED PA LA MKHAS PA NI PHUNG PO TZAM LA BDAG TU NYE BAR 'DOGS PA TZAM NYID DU LTA YANG, DE'I BDAG LA NYAL MA SPANGS PA'I PHYIR, DE LA BDAG TU MNGON PAR ZHEN PA MI 'BYUNG @22B BA YANG MA YIN PA BZHIN DU 'DIR YANG TSUL DE BZHIN DU BLTA BAR BYA'O, ,SDOM NI, BSDU DANG NGO BO NYID DANG NI, ,YONGS SU SHES DANG DGONGS PA DANG, ,SPYOD YUL RTOG DANG RJES 'JUG DANG, ,RNAM PAR RTEN NI THA MA YIN, ,NGO BO NYID GSUM DANG RGYU MTSAN DANG, MING DANG RNAM PAR RTOG PA LA SOGS PA CHOS LNGA PO DAG LAS NGO BO NYID DANG PO CHOS LNGA PO DE DAG LAS DU DAG GIS BSDUS SHE NA, SMRAS PA, GANG GIS KYANG MA BSDUS SO, ,NGO BO NYID GNYIS PA DU DAG GIS BSDUS SHE NA, SMRAS PA, BZHIS SO, ,NGO BO NYID GSUM PA DU DAG GIS BSDUS SHE NA, SMRAS PA, GCIG GIS SO, ,GAL TE GZHAN GYI DBANG GI NGO BO NYID YANG DAG PA'I SHES PAS BSDUS PA YANG YIN NA, DES NA GZHAN GYI DBANG GI NGO BO NYID NI KUN BRTAGS PA'I NGO BO NYID LA MNGON PAR ZHEN PA LA BRTEN NAS SHES PAR 'GYUR RO ZHE GANG SMRAS PA DE JI LTA BU ZHE NA, SMRAS PA, DER NI KUN NAS NYON MONGS PAR 'GYUR BA'I GZHAN GYI DBANG GI NGO BO NYID LA BSAMS PA YIN GYI, RNAM PAR BYANG BAR 'GYUR BA LAS NI MA YIN TE, RNAM PAR BYANG BAR 'GYUR BA NI, DE LA MNGON PAR MA ZHEN PA LA BRTEN NAS SHES PAR 'GYUR BA YIN PAR RIG PAR BYA'O, ,NGO BO NYID GSUM DANG, NGO BO NYID MED PA NYID GSUM PO MTSAN NYID NGO BO NYID MED PA NYID DANG, SKYE BA NGO BO NYID MED PA NYID DANG, DON DAM PA NGO BO NYID MED PA NYID DE LA, MTSAN NYID NGO BO NYID MED PA NYID KYIS NI KUN BRTAGS PA'I NGO BO NYID NGO BO NYID MED PA YIN NO, ,DE LA SKYE BA NGO BO NYID MED PA NYID DANG, DON DAM PA NGO BO NYID MED PA NYID KYIS NI, ,GZHAN GYI DBANG GI NGO BO NYID NGO BO NYID MED PA YIN TE, RANG MI SKYE BA NYID KYI PHYIR DANG, RNAM PAR DAG PA'I DMIGS PA NYID MA YIN PA'I PHYIR RO, , DON DAM PA NGO BO NYID MED PA NYID KHO NAS NI YONGS SU GRUB PA'I NGO BO NYID NGO BO NYID MED PA YIN TE, DE CI'I PHYIR ZHE NA, CHOS THAMS CAD KYI DON DAM PA YIN PA DANG, NGO BO NYID MED PA NYID KYIS RAB TU PHYE BA YIN PA'I PHYIR RO, ,NGO BO NYID GSUM PO DE DAG LAS DU ZHIG YONGS SU @23A *, ,SHES PAR BYA BA DAG YIN ZHE NA, SMRAS PA, THAMS CAD DO, ,DU ZHIG SPANG BAR BYA BA DAG YIN ZHE NA, SMRAS PA, GCIG GO, ,DU ZHIG THOB PAR BYA BA DAG YIN ZHE NA, SMRAS PA, GCIG GO, ,NGO BO NYID GSUM PA DE DAG GIS DRANG BA'I DON GYI MDO SDE THAMS CAD KYI DON KYANG DRANG BAR BYA'O, ,NGO BO NYID GSUM PO DE DAG GIS DE BZHIN GSHEGS PAS DGONGS TE GSUNGS PA TSAD MED PA BRTAN PA DANG LDAN PA DAG DANG BYANG CHUB SEMS DPAS DGONGS TE BSHAD PA DAG GI DON KYANG RJES SU RTOGS PAR BYA'O, ,MI SKYE BA'I CHOS LA BZOD PA ZHES JI SKAD GSUNGS PA DE'I RNAM PAR GZHAG PA JI LTA BU YIN ZHE NA, SMRAS PA, NGO BO NYID GSUM GYIS TE, KUN BRTAGS PA'I NGO BO NYID LA BRTEN NAS NI, GZOD MA NAS MI SKYE BA LA BZOD PA RNAM PAR GZHAG GO, ,GZHAN GYI DBANG GI NGO BO NYID LA BRTEN NAS NI, RANG MI SKYE BA LA BZOD PA RNAM PAR GZHAG GO, ,YONGS SU GRUB PA'I NGO BO NYID LA BRTEN NAS NI NYON MONGS PA DANG, SDUG BSNGAL GYI DRI MA MI SKYE BA LA BZOD PA RNAM PAR GZHAG STE, DE NI PHYIR MI LDOG PA YIN PAR RIG PAR BYA'O, ,RNAM PAR THAR PA'I SGO GSUM PO 'DI DAG NI, NGO BO NYID GSUM LA BRTEN NAS RNAM PAR GZHAG STE, KUN BRTAGS PA'I NGO BO NYID LA BRTEN NAS NI RNAM PAR THAR PA'I SGO STONG PA NYID RNAM PAR GZHAG GO, ,GZHAN GYI DBANG GI NGO BO NYID LA BRTEN NAS NI RNAM PAR THAR PA'I SGO SMON PA MED PA RNAM PAR GZHAG GO, ,YONGS SU GRUB PA'I NGO BO NYID LA BRTEN NAS NI RNAM PAR THAR PA'I SGO MTSAN MA MED PA RNAM PAR GZHAG GO, ,KUN BRTAGS PA'I NGO BO NYID BYIS PA'I SHES PA'AM, 'PHAGS PA'I YE SHES SAM, SHES PA GANG GI SPYOD YUL NI MA YIN ZHE NA, SMRAS PA, GANG GI SPYOD YUL YANG MA YIN TE, MTSAN NYID MED PA NYID YIN PA'I PHYIR RO, ,GZHAN GYI DBANG GI NGO BO NYID SHES PA GANG GI SPYOD YUL YIN ZHE NA, SMRAS PA, DE GNYI GA'I SPYOD YUL NI YIN MOD KYI, 'PHAGS PA'I YE SHES 'JIG RTEN LAS 'DAS PA'I SPYOD YUL NI MA YIN NO, ,YONGS SU GRUB PA'I NGO BO NYID SHES PA GANG GI @23B SPYOD YUL YIN ZHE NA, SMRAS PA, 'PHAGS PA'I YE SHES KHO NA'I SPYOD YUL YIN NO, ,KUN BRTAGS PA'I NGO BO NYID RTOGS PA'I RNAL 'BYOR PA MTSAN MA LA SPYOD PAR BRJOD PAR BYA BA'AM, MTSAN MA MED PA LA SPYOD PAR BRJOD PAR BYA ZHE NA, SMRAS PA, 'JIG RTEN PA'I SHES PAS RTOGS PA NI MTSAN MA MA SPYOD PAR BRJOD PAR BYA'O, ,'JIG RTEN LAS 'DAS PA'I SHES PAS RTOGS PA NI MTSAN MA MED PA LA BRJOD PAR BYA'O, ,KUN BRTAGS PA'I NGO BO NYID JI LTA BA BZHIN DU GZHAN GYI DBANG GI NGO BO NYID DANG, YONGS SU GRUB PA'I NGO BO NYID KYANG DE BZHIN DU BLTA BAR BYA'O, ,KUN BRTAGS PA'I NGO BO NYID LA YANG DAG PAR ZHUGS PA'I RNAL 'BYOR PA NGO BO NYID GANG GI RJES SU 'JUG CE NA, SMRAS PA, YONGS SU GRUB PA'I NGO BO NYID KYI RJES SU 'JUG GO ,YONGS SU GRUB PA'I NGO BO NYID KYI RJES SU ZHUGS PA'I RNAL 'BYOR PA NGO BO NYID GANG RNAM PAR 'JIG PAR BYED CE NA, SMRAS PA, GZHAN GYI DBANG GI NGO BO NYID RNAM PAR 'JIG PAR BYED DO, ,KUN BRTAGS PA'I NGO BO NYID LA RNAM PA DU YOD CE NA, SMRAS PA, JI TZAM DU GZHAN GYI DBANG GI NGO BO NYID LA NGO BO NYID DANG, BYE BRAG TU 'DOGS PA RNAM PAR 'JOG PA DE TZAM DU KUN BRTAGS PA'I NGO BO NYID YIN PA'I PHYIR, KUN BRTAGS PA'I NGO BO NYID KYI RAB TU DBYE BA NI DPAG TU MED PAR RIG PAR BYA'O, ,GZHAN YANG GZHAN GYI DBANG GI NGO BO NYID LA KUN BRTAGS PA'I NGO BO NYID DU MNGON PAR ZHEN PA NI RNAM PA GNYIS SU RIG PAR BYA STE, SAD PA DANG, DE LA GOMS PA'I BAG CHAGS BAG LA NYAL BA'O, ,GZHAN GYI DBANG GI NGO BO NYID LA RNAM PA DU YOD CE NA, SMRAS PA, 'DI'I RNAM PA RAB TU DBYE BA NI RGYU MTSAN BZHIN DU BLTA BAR BYA'O, ,GZHAN YANG GZHAN GYI DBANG GI NGO BO NYID NI RNAM PA GNYIS TE, KUN BRTAGS PA'I NGO BO NYID LA MNGON PAR ZHEN PAS KUN NAS BSLANG BA DANG, DE LA MNGON PAR ZHEN PA MED PAS KUN NAS BSLANG BA'O, ,YONGS SU GRUB PA'I NGO BO NYID LA RNAM PA DU YOD CE NA, SMRAS PA, YONGS SU GRUB PA'I NGO BO NYID NI THAMS CAD DU RO GCIG PA YIN PA'I PHYIR DANG, DE LA RNAM PA RAB TU DBYE BA RNAM PAR @24A *, ,GZHAG PA MED DO, ,KUN BRTAGS PA'I NGO BO NYID GANG LA BRTEN PAR BRJOD PAR BYA ZHE NA, SMRAS PA, DNGOS PO GSUM LA STE, RGYU MTSAN DANG MING DANG RNAM PAR RTOG PA LA'O, ,GZHAN GYI DBANG GI NGO BO NYID GANG LA BRTEN PAR BRJOD PAR BYA ZHE NA, SMRAS PA, KUN BRTAGS PA'I NGO BO NYID LA MNGON PAR ZHEN PA DE NYID DANG, BDAG GI RGYU MTSAN MTHUN PA LA'O, ,YONGS SU GRUB PA'I NGO BO NYID GANG LA BRTEN PAR BRJOD PAR BYA ZHE NA, MI GNAS PA DANG, MI RTEN PAR BRJOD PAR BYA'O, ,SDOM NI, MED DANG LAS DANG PHRA SOGS DANG, LUS MED SKYE DANG MNGON ZHEN DANG, ,YONGS SU SHES DANG KUN NYON MONGS, ,SDUG BSNGAL 'DRA DANG BRTEN PA YIN, ,GAL TE KUN BRTAGS PA'I NGO BO NYID MED NA NYES PA CIR 'GYUR ZHE NA, SMRAS PA, GZHAN GYI DBANG GI NGO BO NYID LA THA SNYAD MED PA DANG, THA SNYAD LA MNGON PAR ZHEN PA MED PAR 'GYUR TE, DE MED NA KUN NAS NYON MONGS PA YANG MED LA, RNAM PAR BYANG BA YANG MED PAR 'GYUR RO, ,GAL TE GZHAN GYI DBANG GI NGO BO NYID MED NA NYES PA CIR 'GYUR ZHE NA, SMRAS PA, THAMS CAD KYI THAMS CAD DU BSTZAL MI DGOS PAR KUN NAS NYON MONGS PA MED PA KHO NAR 'GYUR TE, DE MED NA RNAM PAR BYANG BA YANG MED PA KHO NAR 'GYUR RO, ,GAL TE YONGS SU GRUB PA'I NGO BO NYID MED NA NYES PA CIR 'GYUR ZHE NA, SMRAS PA, THAMS CAD KYI THAMS CAD DU RNAM PAR BYANG BA MED PAR 'GYUR RO, ,KUN BRTAGS PA'I NGO BO NYID LAS DU DAG BYED CE NA, SMRAS PA, LNGA STE, GZHAN GYI DBANG GI NGO BO NYID SKYED PAR BYED PA DANG, DE NYID LA THA SNYAD 'JUG PAR BYAD PA DANG, GANG ZAG LA MNGON PAR ZHEN PA SKYED PAR BYED PA DANG, CHOS LA MNGON PAR ZHEN PA SKYED PAR BYED PA DANG, DE GNYI GA LA MNGON PAR ZHEN PA'I BAG CHAGS GNAS NGAN LEN YONGS SU 'DZIN PAR BYED PA'O, ,GZHAN GYI DBANG GI NGO BO NYID LAS DU DAG BYED CE NA, SMRAS PA, LNGA KHO NA STE, KUN NAS NYON MONGS PA'I BDAG NYID DU SKYE BAR BYED PA DANG, KUN BRTAGS PA'I NGO BO NYID DANG YONGS SU GRUB PA'I NGO BO @24B NYID KYI RTEN BYED PA DANG, GANG ZAG LA MNGON PAR ZHEN PA'I RTEN BYED PA DANG, CHOS LA MNGON PAR ZHEN PA'I RTEN BYED PA DANG, DE GNYI GA LA MNGON PAR ZHEN PA'I BAG CHAGS GNAS NGAN LEN GYI RTEN BYED PA'O, ,YONGS SU GRUB PA'I NGO BO NYID LAS DU DAG BYED CE NA, SMRAS PA, LNGA STE; DE GNYI GA'I LAS RNAM PA LNGA PO DAG GI GNYEN PO SKYE BA'I DMIGS PA'I DNGOS PO YIN PA'I PHYIR RO, ,KUN BRTAGS PA'I NGO BO NYID PHRA BAR BRJOD PAR BYA 'AM, RAGS PAR BRJOD PAR BYA ZHE NA, SMRAS PA, PHRA BAR BRJOD PAR BYA'O, ,PHRA BA JI LTA BA BZHIN DU MTHONG BAR DKA' BA DANG, NYE BAR MTSON DKA' BA YANG DE BZHIN NO, ,GZHAN GYI DBANG GI NGO BO NYID PHRA BAR BRJOD PAR BYA'AM, RAGS PAR BRJOD PAR BYA ZHE NA, SMRAS PA, RAGS PAR BRJOD PAR BYA STE, 'ON KYANG MTHONG BAR DKA' BA DANG, NYE BAR MTSON PAR DKA' BA YIN NO, ,YONGS SU GRUB PA'I NGO BO NYID PHRA BAR BRJOD PAR BYA'AM, RAGS PAR BRJOD PAR BYA ZHE NA, SMRAS PA, MCHOG TU PHRA BAR BRJOD PAR BYA'O, ,MCHOG TU PHRA BA JI LTA BA BZHIN DU MCHOG TU MTHONG BAR DKA' BA DANG, MCHOG TU NYE BAR MTSON PAR DKA' BA YANG DE BZHIN NO, ,NGO BO NYID GSUM PO DE DAG LAS DU ZHIG LUS MED PA YIN LA, LUS DANG BCAS PA 'JUG PAR BYED PA DAG YIN ZHE NA, SMRAS PA, GCIG GO, ,DU ZHIG LUS DANG BCAS PA YIN LA, LUS DANG BCAS PA DANG, LUS MED PAR 'JUG PAR BYED PA DAG YIN ZHE NA, SMRAS PA, GCIG GO, ,DU ZHIG LUS DANG BCAS PA YIN LA, 'JUG PAR BYED PA MA YIN PA DAG YIN ZHE NA, SMRAS PA, GCIG GO, ,DU ZHIG MA SKYES PA YIN LA, SKYES PA SKYED PAR BYED PA DAG YIN ZHE NA, SMRAS PA, GCIG GO, ,DU ZHIG SKYES PA YIN LA, SKYES PA DANG MA SKYES PA SKYED PAR BYED PA DAG YIN ZHE NA, SMRAS PA, GCIG GO, ,DU ZHIG SKYES PA MA YIN LA, SKYES PA DANG MA SKYES PA DAG SKYES PAR MI BYED PA DAG YIN ZHE NA, SMRAS PA, GCIG GO, ,KUN BRTAGS PA'I NGO BO NYID LA, MNGON PAR ZHEN PA DANG, DE LA MNGON PAR ZHEN PA MED PA'I MTSAN NYID JI LTA BUR BLTA @25A *, ,PAR BYA ZHE NA, SMRAS PA, DE NI RNAM PA GNYIS SU BLTA BAR BYA STE, DE SAD PA LA MNGON PAR ZHEN PA'AM, DE LA MNGON PAR ZHEN PA MED PA DANG, DE BAG LA NYAL BA LA MNGON PAR ZHEN PA'AM, DE LA MNGON PAR ZHEN PA MED PA'O, ,DE LA THA SNYAD KYI BRDA LAS BYUNG BA'I MING LA CHOS KYI NGO BO NYID YONGS SU RTOG PAR BYED PA YIN, DE SAD PA YIN PAR RIG PAR BYA'O, ,DE LA MING TZAM LA MKHAS PA 'DI NI MING TZAM YIN GYI, 'DI NI CHOS KYI NGO BO NYID DU MA YIN NO SNYAM PA NI DE LA MNGON PAR ZHEN PA MED PAR YIN PAR RIG PAR BYA'O,, BAG CHAGS BAG LA NYAL DE MA SPANGS PA'I PHYIR JI SRID DU BAG CHAGS GNAS NGAN LEN DE SPONGS PAR MI BYED PA DE SRID DU NI DE BAG LA NYAL BA MNGON PAR ZHEN PA YIN NO, ,SPANGS PA NI DE LA MNGON PAR ZHEN PA MED PA YIN PAR RIG PAR BYA'O, ,GZHAN GYI DBANG GI NGO BO NYID LA MNGON PAR ZHEN PA DANG, DE LA MNGON PAR ZHEN PA MED PA'I MTSAN NYID JI LTA BUR BLTA BAR BYA ZHE NA, SMRAS PA, KUN BRTAGS PA'I NGO BO NYID SAD PAS, DE'I RANG BZHIN DANG DE'I NGO BO NYID DU YONGS SU RTOG PAR BYED PA NI DANG PO'I DE LA MNGON PAR ZHEN PA YIN NO, ,MTSAN MA TZAM STE DE'I RANG BZHIN DANG DE'I NGO BO NYID MA YIN PAR YONGS SU RTOG PAR BYED PA NI DE LA MNGON PAR ZHEN PA MED PA YIN NO, ,MTSAN MA'I 'CHING BA MA SPANGS PA MTSAN MA LA DMIGS PA NI GNYIS PA'I DE LA MNGON PAR ZHEN PA YIN NO, ,MTSAN MA'I 'CHING PA SPANGS PA MTSAN MA MED PA'I DBYINGS RAB TU SHES PA MTSAN MAR MI DMIGS PA DANG, DE'I 'OG TU JI LTA BA BZHIN DU DMIGS PA NI DE LA MNGON PAR ZHEN PA MED PA YIN PAR RIG PAR BYA'O, ,YONGS SU GRUB PA'I NGO BO NYID LA MNGON PAR ZHEN PA DANG, DE LA MNGON PAR ZHEN PA MED PA'I MTSAN NYID JI LTA BUR BLTA BAR BYA ZHE NA, SMRAS PA, YONGS SU GRUB PA'I NGO BO NYID LA NI MNGON PAR ZHEN PA MED PA KHO NA YIN TE, DBYINGS DE NI MNGON PAR ZHEN PA'I GZHI'I GNAS SU GYUR PA MA YIN PA'I PHYIR RO, ,DE MTHONG BA DANG, RIG PA DANG, MNGON DU MA BYAS PA LA MNGON DU BYAS PAR MNGON PA'I NGA RGYAL @25B DANG MNGON PAR ZHEN PA GANG YIN PA DE NI KUN BRTAGS PA'I NGO BO NYID DANG, GZHAN GYI DBANG GI NGO BO NYID LA MNGON PAR ZHEN PA KHO NA YIN PAR BLTA BAR BYA'O, ,KUN BRTAGS PA'I NGO BO NYID JI LTAR YONGS SU SHES PAR BYA ZHE NA, SMRAS PA, ,KUN BRTAGS PA'I NGO BO NYID NI MING TZAM DU YONGS SU SHES PAR BYA STE, KUN BRTAGS PA TZAM DANG, MTSAN NYID MED PA DANG, NGO BO NYID MED PA DANG, MA SKYES PA DANG, MA 'GAGS PA DANG, KUN NAS NYON MONGS PA CAN MA YIN PA DANG, RNAM PAR BYANG BA MA YIN PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA DANG, 'DAS PA MA YIN PA DANG, MA 'ONGS PA MA YIN PA DANG, DA LTAR BYUNG BA MA YIN PA DANG, LDAN PA MA YIN PA DANG, MI LDAN PA MA YIN PA DANG, MA BCINGS PA DANG, MA GROL BA DANG, BDE BA MA YIN PA DANG, SDUG BSNGAL BA MA YIN PA DANG, SDUG BSNGAL YANG MA YIN, BDE BA YANG MA YIN PA MA YIN PA DANG, THAMS CAD DU NAM MKHA' LTAR RO GCIG PA DANG, DE LTA BU LA SOGS PA'I RNAM PA DAG GIS YONGS SU SHES PAR BYA'O, ,GZHAN GYI DBANG GI NGO BO NYID JI LTAR YONGS SU SHES PAR BYA ZHEN; SMRAS PA, BRJOD PAR BYA BA 'DUS BYAS KYI DNGOS PO THAMS CAD BSDUS PA LAS YONGS SU SHES PAR BYA STE, BRJOD PAR BYA BA'I DNGOS PO THAMS CAD GANG ZHE NA, 'DI LTA STE, PHUNG PO'I DNGOS PO DANG, KHAMS KYI DNGOS PO DANG, SKYE MCHED KYI DNGOS PO DANG, RTEN CING 'BRAL BAR 'BYUNG BA'I DNGOS PO DANG, GNAS DANG GNAS MA YIN PA'I DNGOS PO DANG, DBANG PO'I DNGOS PO DANG, LAS KYI DNGOS PO DANG, NYON MONGS PA'I DNGOS PO DANG, NYE BA'I NYON MONGS PA'I DNGOS PO DANG, SKYE BA'I DNGOS PO DANG, NGAN 'GRO'I DNGOS PO DANG, BDE 'GRO'I DNGOS PO DANG, SKYE GNAS KYI DNGOS PO DANG, RIGS KYI DNGOS PO DANG, SEMS CAN DMYAL BA'I DNGOS PO DANG, DUD 'GRO'I DNGOS PO DANG, YI DAGS KYI DNGOS PO DANG, GLING GI DNGOS PO DANG, RGYAL CHEN BZHI'I RIS KYI DNGOS PO DANG, GZHAN 'PHRUL DBANG BYED KYI NBAR GYI DNGOS PO @26A *, ,DANG; TSANGS RIS KYI DNGOS PO DANG, 'OG MIN GYI BAR GYI DNGOS PO DANG, NAM MKHA' MTHA' YAS SKYE MCHED KYI DNGOS PO DANG, 'DU SHES MED 'DU SHES MED MIN SKYE MCHED KYI BAR GYI DNGOS PO DANG, DAD PAS RJES SU 'BRANG BA'I DNGOS PO DANG, CHOS KYIS RJES SU 'BRANG BA'I DNGOS PO DANG, NGES PAR 'BYED PA'I CHA DANG MTHUN PA'I DGE BA'I RTZA BA'I DNGOS PO DANG, MTHONG BA'I LAM GYI DNGOS PO DANG, BSGOM PA'I LAM GYI DNGOS PO DANG, RGYUD DU ZHUGS PA'I 'BRAS BU'I DNGOS PO DANG, DGRA BCOM PA NYID KYI BAR GYI DNGOS PO DANG, RANG BYANG CHUB KYI DNGOS PO DANG, YANG DAG PAR RDZOGS PA'I BYANG CHUB KYI DNGOS PO DANG, 'DU SHES DANG TSOR BA 'GOG PA'I DNGOS PO DANG, PHA ROL TU PHYIN PA'I DNGOS PO DANG, DRAN PA NYE BAR GZHAG PA'I DNGOS PO DANG, LAM GYI YAN LAG GI BAR GYI DNGOS PO DANG, BSAM GTAN DANG, TSAD MED PA DANG, GZUGS MED PA'I SNYOMS PAR 'JUG PA'I DNGOS PO DANG, 'DU SHES BSGOM PA'I DNGOS PO DANG, RJES SU DRAN PA BSGOM PA'I DNGOS PO DANG, RNAM PAR THAR PA DANG, ZIL GYIS GNON PA'I SKYE MCHED DANG, ZAD PAR GYI SKYE MCHED BSGOM PA'I DNGOS PO DANG, STEBS DANG, MI 'JIGS PA DANG, SMON NAS SHES PA DANG, BSRUNGS PA MED PA DANG, DRAN PA NYE BAR GZHAG PA DANG, THUGS RJE CHEN PO DANG, BAG CHAGS YANG DAG PAR BCOM PA DANG, MTSAN DANG, DPE BYA DANG, RNAM PA THAMS CAD DANG, MCHOG MKHYEN PA DANG, SANGS RGYAS KYI CHOS MA 'DRES PA THAMS CAD KYI DNGOS PO STE, DE DAG KYANG SGYU MA DANG, RMI LAM DANG, MIG YOR DANG, BRAG CA DANG, CHU ZLA DANG, GZUGS BRNYAN DANG, SPRUL PA LTA BUR SHES PAR BYA'O, ,DBU RDOS PA LTA BU DANG, CHU'I CHU BUR LTA BU DANG, SMIG RGYU LTA BU DANG; CHU SHING GI SDONG PO LTA BU DANG, SMYON PA LTA BU DANG, MYOS PA LTA BU DANG, GSHED MA LTA BU DANG, GCIN LDUD PA'I DGRA BO LTA BU DANG, GZHAN GYI BU LTA BU DANG, SPRUL GYI PROG MA LTA BU DANG, STONG PA DANG, SMON PA MED PA DANG, DBEN PA DANG, GZUNG BA MED PA DANG, @26B GSOG DANG, GSOB DANG, SNYING PO MED PA DANG, DE LTA BU LA SOGS PA'I RNAM GRANGS DAG GIS YONGS SU SHES PAR BYA'O, ,YONGS SU GRUB PA'I NGO BO NYID JI LTAR YONGS SU SHES PAR BYA ZHE NA, SMRAS PA, SNGAR BSTAN PA'I RNAM GRANGS 'DI LTA STE, DE BZHIN NYID DANG, YANG DAG PA'I MTHA' DANG, CHOS KYI DBYINGS SHES PAR BYA BA LA SOGS PA DANG, GZHAN YANG 'DI LTA STE, GZUGS MED PA DANG, BSTAN DU MED PA DANG, GNAS MED PA DANG, GZHI MED PA DANG, SNANG BA MED PA DANG, RNAM PAR RIG PA MED PA DANG, RTEN MED PA DANG, BRJOD DU MED PA DANG, SPROS PA MED PA DANG, BLANG BA MED PA DANG, DOR BA MED PA DANG, DE LTA BU LA SOGS PA'I RNAM GRANGS DAG GIS YONGS SU SHES PAR BYA'O, ,NGO BO NYID DU GSUM PO DE DAG LAS DU ZHIG BDAG NYID KUN NAS NYON MONGS PA CAN MA YIN LA, GZHAN KUN NAS NYON MONGS PAR BYED PA DAG YIN ZHE NA, SMRAS PA, GCIG GO, ,DU ZHIG BDAG NYID KUN NAS NYON MONGS PA CAN KHO NA YIN ZHE NA, SMRAS PA, GCIG GO, ,DU ZHIG BDAG NYID RNAM PAR DAG PA YIN LA, RNAM PAR BYANG BA'I PHYIR 'JUG PA DAG YIN ZHE NA, SMRAS PA, GCIG GO, ,KUN NAS NYON MONGS PA CAN JI LTA BA BZHIN DU SDUG BSNGAL BA YANG DE BZHIN DU RIG PAR BYA'O, ,KUN BRTAGS PA'I NGO BO NYID JI 'DRA BA YIN ZHE NA, SMRAS PA, NAM MKHA' DANG 'DRA'O, ,GZHAN GYI DBANG GI NGO BO NYID JI 'DRA BA YIN ZHE NA, SMRAS PA, GSHED MA DANG, PHYIR RGOL BA DANG 'DRA'O, ,YONGS SU GRUB PA'I NGO BO NYID JI 'DRA BA YIN ZHE NA, SMRAS PA, MI ZAD PA'I GTER CHEN PO DANG 'DRA'O, ,KUN BRTAGS PA'I NGO BO NYID JI LA BRTEN NAS YONGS SU BRTAGS PAR BYA BA YIN ZHE NA, SMRAS PA, GZHAN GYI DBANG GI NGO BO NYID LA BRTEN NAS SO, ,GZHAN GYI DBANG GI NGO BO NYID JI LA BRTEN NAS GZHAN GYI DBANG YIN ZHE NA, SMRAS PA, RGYU DANG RKYEN LA BRTEN NAS SO, ,YONGS SU GRUB PA'I NGO BO NYID JI LA BRTEN NAS YONGS SU GRUB PA YIN ZHE NA, SMRAS PA, NYON MONGS PA DANG SDUG BSNGAL THAMS CAD KYI KUN NAS NYON MONGS PA MED @27A *, ,PA NYID DANG, RTAG PA NYID LA BRTEN NAS SO, ,DE KHO NA'I DON 'DZIN PA'I SHES RAB NI RNAM PAR MI RTOG PA YIN NO ZHES GANG GSUNGS PA DE JI LTAR RNAM PAR MI RTOG PA YIN PAR RIG PAR BYA, CI YID LA MI BYED PA LAS SAM, YANG DAG PAR 'DAS PA LAS SAM, DNGOS PO MED PA LAS SAM, RANG BZHIN LAS SAM, DMIGS PA LA MNGON PAR 'DU BYED PA LAS RNAM PAR MI RTOG PA YIN, GAL TE YID LA MI BYED PA LAS YIN NA NI DES NA TSUL BZHIN YID LA BYED PA DANG LDAN PA ZHES BYAR MI RUNG STE, GNYID LOG PA DANG, MYOS PA DANG, RAB TU MYOS PA RNAMS LA YANG DE THAL BAR 'GYUR RO, ,GAL TE YANG DAG PAR 'DAS PA LAS YIN NA NI DES NA KHAMS GSUM PA'I SEMS DANG, SEMS LAS BYUNG BA'I CHOS RNAMS NI RNAM PAR RTOG PA YIN NO ZHES GANG GSUNGS PA'I GZHUNG DANG JI LTAR 'GAL BAR MI 'GYUR, GAL TE DNGOS PO MED PA LAS YIN NA NI DES NA SHES RAB SEMS LAS BYUNG BA'I CHOS SU MI 'GYUR RO, ,GAL TE RANG BZHIN LAS YIN NA NI DES NA SHES RAB NGO BO NYID DANG, YANG DAG PAR RNYOG PA MED PA'I MTSAN NYID DU JI LTAR MI 'GYUR, GAL TE DMIGS PA LA MNGON PAR 'DU BYED PA LA YIN NA NI NI DES NA RNAM PAR MI RTOG PA'I SHES RAB MNGON PAR 'DU BYED PA MED PA NYID LA JI LTAR SKUR PA BTAB PAR MI 'GYUR, DE LTAR RNAM PA DE DAG MI RIGS PA YIN NA, JI LTAR SHES RAB DE RNAM PAR MI RTOG PA YIN PAR BLTA BAR BYA ZHE NA, SMRAS PA, DE NI DMIGS PA LA MNGON PAR 'DU BYED PA MED PA'I PHYIR TE, DE'I DMIGS PA NI DNGOS PO DANG DNGOS PO MED PA DANG MI MTHUN PA'I CHOS DE BZHIN NYID YIN LA, DE YANG RNAM PAR MI RTOG PA YIN NO, ,DE NI MNGON PAR 'DU BYED PA MED KYANG SNGON GYI SHUGS KYIS GANG GI TSE DE BZHIN NYID KYI TING NGE 'DZIN DANG LDAN PA'I SHES RAB SKYE BAR 'GYUR BA'I TSE, DMIGS PA'I MTSAN MA DES MNGON SUM DU 'DZIN PAR BYED DE, DE NI RNAM PAR MI RTOG PA ZHES BYA'O, ,DE KHO NA'I DON GYI LE'U'I RNAM PAR GTAN LA DBAB PA RDZOGS SO,, ,,BYANG CHUB SEMS DPA' RNAMS KYI MTHU BSAM GYIS MI KHYAB @27B PA NI RGYU LNGAS RIG PAR BYA STE, LNGA GANG ZHE NA, RTOG GE THAMS CAD LAS YANG DAG PAR 'DAS PA NYID KYI PHYIR DANG, 'JIG RTEN NA DPE DMIGS SU MED PA NYID KYI PHYIR DANG, MTHU DE SEMS SHIN TU SBYANG BA BYAS PA KHO NA DANG 'BREL BA NYID KYI PHYIR DANG, MNYAM PAR MA BZHAG PA'I SA PA'I SEMS DANG GCIG TU CHA MI MTHUN PA NYID YIN PA'I PHYIR DANG, DE MNYAM PAR GZHAG PA'I SA PA'I SEMS DANG 'BREL PA NYID YIN PA'I PHYIR RO, ,THEG PA CHEN PO LA BYANG CHUB SEMS DPA' RNAMS KYI CHOS SPYOD PA BCU PO 'DI DAG NI SEMS CAN YONGS SU SMIN PAR BYED PAR 'GYUR BA YIN TE, BCU GANG ZHE NA, 'DI LTA STE, THEG PA CHEN PO DANG LDAN PA'I MDO SDE LA SOGS PA'I CHOS BYANG CHUB SEMS DPA'I SDE SNOD KYIS BSDUS PA DAG YI GER 'DRIR BCUG STE 'DZIN PA DANG, DE BZHIN DU MCHOD PA DANG, GZHAN DAG LA SBYIN PA DANG, STON PA NA GUS PAR BYAS TE NYAN PA DANG, BDAG NYID KLOG PA DANG, DE BZHIN DU KUN CHUB PAR LUNG NOD PA DANG, LUNG PHOG PA RNAMS RGYA CHER DBYANGS KYIS KHA TON BYED PA DANG, GZHAN DAG LA RGYA CHER YANG DAG PAR STON PA DANG, GCIG PU DBEN PAR SONG STE SEMS PA DANG, 'JAL BA DANG, NYE BAR RTOG PAR BYED PA DANG, BSGOM PA'I RNAM PAS RJES SU 'JUG PAR BYED PA'O, ,CHOS SPYOD PA BCU PO DE DAG LAS DU ZHIG BSOD NAMS RGYA CHEN PO SKYE BA'I LAM YIN ZHE NA, SMRAS PA, THAMS CAD DO, ,DU ZHIG SBYOR BA'I LAM YIN ZHE NA, SMRAS PA, GCIG STE DGU PA'O, ,DU ZHIG SGRIB PA'I RNAM PAR DAG PA'I LAM YIN ZHE NA, SMRAS PA, GCIG STE BCU PA'O, ,DE LTA BU DANG MTHUN PA'I RNAM PAR GTAN LA DBAB PA'I GZHUNG LHAG MA NI MI SNANG NGO, ,THOS PA LAS BYUNG BA'I SAR THEG PA CHEN PO BSDUS PA'I SKABS SU BYANG CHUB NI RNAM PA LNGA PO NGO BO NYID DANG, MTHU DANG, THABS DANG, 'JUG PA DANG, LDOG PA LAS RIG PAR BYA'O ZHES JI SKAD BSTAN PA DE'I RAB TU DBYE BA GANG YIN, BYANG CHUB CHEN PO'I NGO BO NYID GANG ZHE NA, NYAN THOS DANG, RANG SANGS RGYAS LAS KHYAD PAR DU 'PHAGS PA'I GNAS GYUR PA GANG YIN PA'O, ,DE YANG RNAM PA BZHIS RIG PAR BYA @28A *, ,STE; 'JUG PA'I GNAS DANG, MI 'JUG PA'I GNAS DANG, SHES BYA LEGS PAR YONGS SU BRTAGS PA'I 'BRAS BU DANG, CHOS KYI DBYINGS RNAM PAR DAG PA'I MTSAN NYID KYIS SO, ,DE LA 'JUG PA'I GNAS NI SANGS RGYAS KYI RGYUD LA MNGA' BA 'JIG RTEN LAS 'DAS PA'I LAM GYI 'JUG PA'I GNAS YIN PA'I PHYIR TE, DE DE LTA MA YIN DU ZIN TE GNAS GYUR PA DE LA MA BRTEN PAR LAM SKYE PAR MI 'GYUR ZHING 'JUG PAR MI 'GYUR RO, ,GAL TE GNAS GYUR PA MED KYANG, 'JUG PAR GYUR NA NI DANG PO NYID NAS 'JUG PAR 'GYUR RO, ,DE LA MI 'JUG PA'I GNAS NI BAG CHAGS DANG BCAS PA'I NYON MONGS PA RNAMS MI 'JUG PA'I GNAS YIN PA'I PHYIR TE, DE DE LTA MA YIN DU ZIN TE GNAS GYUR BA DE LA MA BRTEN PAR RKYEN TSOGS KYANG BAG CHAGS DANG BCAS PA'I NYON MONGS PA RNAMS MI 'JUG PA DMIGS PAR MI 'GYUR RO, , DE LA SHES BYA LEGS PAR YONGS SU BRTAGS PA'I 'BRAS BU NI SHES BYA'I DE KHO NA SHES BYA'I DE BZHIN NYID LEGS PAR RTOGS PA'I 'BRAS BU NI GNAS GYUR PA DE YIN PA'I PHYIR TE, DE DE LTA MA YIN DU ZIN NA SANGS RGYAS RNAMS KYI CHOS KYI NGO BO NYID KYANG YONGS SU SHES PAR BYA BA DANG, SPANG BAR BYA BA DANG, DGAG PAR BYA DGOS PAR 'GYUR RO, ,DE LA CHOS KYI DBYINGS RNAM PAR DAG PA'I MTSAN NYID NI MTSAN MA THAMS CAD ZIL GYIS MNAN PA'I PHYIR GNAS GYUR PA DE NI CHOS KYI DBYINGS SHIN TU RNAM PAR NGAG PAS RAB TU PHYE BA YIN NO, ,DE DE LTA BU MA YIN DU ZIN NA MI RTAG PA DANG BSAM DU RUNG BAR 'GYUR BA ZHIG NA, DE NI RTAG PA'I MTSAN NYID DANG BSAM GYIS MI KHYAB PA'I MTSAN NYID KYIS GNYIS SU MED PAR BSTAN PA YIN NO, ,BSAM GYIS MI KHYAB PA DE YANG RNAM PA LNGAS RIG PAR BYA STE, NGO BO NYID DANG, YUL DANG, GNAS PA DANG, GCIG PA NYID DANG, THA DAD PA NYID DANG, BYA BA BSGRUB PAS SO, ,DE LA JI LTAR NGO BO NYID LAS BSAM GYIS MI KHYAB PA YIN ZHE NA, GZUGS SAM, GZUGS LAS GZHAN ZHES BYA BA DE LTAR BSAM GYIS MI KHYAB PA DANG, TSOR BA DANG, 'DU SHES DANG, 'DU BYED RNAMS DANG, RNAM PAR @28B SHES PA'AM, RNAM PAR SHES PA LAS GZHAN ZHES BYA BA DE LTAR BSAM GYIS MI KHYAB PA DANG, SA'I KHAMS SAM, SA'I KHAMS LAS GZHAN ZHES BYA BA DE LTAR BSAM GYIS MI KHYAB PA DANG, CHU'I KHAMS DANG, ME'I KHAMS DANG, RLUNG GI KHAMS SAM, RLUNG GI KHAMS LAS GZHAN ZHES BYA BA DE LTAR BSAM GYIS MI KHYAB PA DANG, MIG GI SKYE MCHED DAM, MIG GI SKYE MCHED LAS GZHAN ZHES BYA BA DE LTA BUR BSAM GYIS MI KHYAB PA DANG, RNA BA DANG, SNA DANG, LCE DANG, LUS DANG, YID KYI SKYE MCHED DAM, YID KYI SKYE MCHED LAS GZHAN ZHES BYA BA DE LTAR BSAM GYIS MI KHYAB PA DANG, DNGOS PO'AM, DNGOS PO MED PA ZHES BYA BA DE LTAR BSAM GYIS MI KHYAB PA YIN NO, ,DE LA JI LTAR YUL LAS BSAM GYIS MI KHYAB PA YIN ZHE NA, 'DOD PA'I KHAMS SAM, 'DOD PA'I KHAMS LAS GZHAN ZHES BYA BA DE LTAR BSAM GYIS MI KHYAB PA DANG, GZUGS KYI KHAMS SAM, GZUGS KYI KHAMS LAS GZHAN ZHES BYA BA DE LTAR BSAM GYIS MI KHYAB PA DANG, GZUGS MED PA'I KHAMS SAM, GZUGS MED PA'I KHAMS LAS GZHAN ZHES BYA BA DE LTAR BSAM GYIS MI KHYAB PA DANG, MI RNAMS SAM, MI RNAMS LAS GZHAN NAM, LHA RNAMS SAM, LHA RNAMS LAS GZHAN ZHES BYA BA DE LTAR BSAM GYIS MI KHYAB PA DANG, SHAR PHYOGS SAM, SHAR PHYOGS LAS GZHAN NAM, LHO DANG, NUB DANG, 'OG DANG, STENG DANG, PHYOGS MTSAMS RNAMS SAM, PHYOGS MTSAMS RNAMS LAS GZHAN ZHES BYA BA DE LTAR BSAM GYIS MI KHYAB PA YIN NO, ,DE LA JI LTAR GNAS PA LAS BSAM GYIS MI KHYAB PA YIN ZHE NA, ,BDE BAR GNAS PA 'DI DANG 'DI LTA BUS GNAS SO ZHES BYA BA DE LTAR BSAM GYIS MI KHYAB PA DANG, ZHI BAR GNAS PA 'DI DANG 'DI LTA BUS GNAS SO ZHES BYA BA DE LTAR BSAM GYIS MI KHYAB PA DANG, SEMS DANG BCAS PA'I GNAS PA 'DI DANG, 'DI LTA BUS GNAS SO ZHES BYA BA DE LTAR BSAM GYIS MI KHYAB PA DANG, SEMS MED PA'I GNAS PA 'DI DANG 'DI LTA BUS GNAS SO ZHES BYA BA DE @29A *, ,LTAR BSAM GYIS MI KHYAB PA DANG, LHA DANG TSANGS PA'I GNAS PA 'DI DANG 'DI LTA BUS GNAS SO ZHES BYA BA DE LTAR BSAM GYIS MI KHYAB PA DANG, 'PHAGS PA'I GNAS PA 'DI DANG 'DI LTA BUS GNAS SO ZHES BYA BA DE LTAR BSAM GYIS MI KHYAB PA YIN NO, ,DE LA JI LTAR GCIG PA NYID DANG, THA DAD PA NYID LAS BSAM GYIS MI KHYAB PA YIN ZHE NA, 'DI LTA STE, ZAG PA MED PA'I DBYINGS GCIG LA GNAS PA'I SANGS RGYAS RNAMS CI GCIG PA NYID YIN NAM, THA DAD PA NYID YIN ZHES BYA BA DE LTAR BSAM GYIS MI KHYAB PA YIN NO, ,DE LA JI LTAR BYA BA BSGRUB PA LAS BSAM GYIS MI KHYAB PA YIN ZHE NA, DE BZHIN GSHEGS PA KHAMS MNYAM PA DANG, YE SHES DANG, MGYOGS PA DANG, STOBS DANG, PHA ROL GNON PA MNYAM PA ZAG PA MED PA'I DBYINGS LA GNAS PA RNAMS GNAS GYUR PA DE NYID LA BRTEN NAS 'DI LTA 'DI LTAR SEMS CAN GYI DON DANG SEMS CAN GYI BYA BA MDZAD DO ZHES BYA BA DE LTAR BSAM GYIS MI KHYAB PA YIN NO, ,DE YANG RGYU GNYIS KYIS BSAM GYIS MI KHYAB PA NYID DU BLTA BAR BYA STE, BRJOD DU MED PA'I DON GYIS TSIG GI SPYOD YUL LAS 'DAS PAS DE'I PHYIR BSAM GYIS MI KHYAB PA DANG, 'JIG RTEN LAS 'DAS PA NYID KYIS 'JIG RTEN NA DE'I DPE MED PAS DE'I PHYIR BSAM GYIS MI KHYAB PA YIN NO, ,MTHU GANG ZHE NA, MDOR BSDU NA DBANG BCU LA MTHU ZHES BYA STE, TSE LA DBANG BA LA SOGS PA 'DI LTA STE, SA'I DNGOS GZHIR BSTAN PA YIN NO, , THABS GANG ZHE NA, MDOR BSDU NA SPRUL PA RNAM PA BZHI NI THABS ZHES BYA STE, SEMS CAN YONGS SU MA SMIN PA RNAMS YONGS SU SMIN PAR BYA BA'I PHYIR, BYANG CHUB SEMS DPA'I SPYOD PA SPRUL PA DANG, SEMS CAN YONGS SU SMIN PA RNAMS RNAM PAR GROL BAR BYA BA'I PHYIR STONG GSUM GYI STONG CHEN PO'I 'JIG RTEN GYI KHAMS KYI 'DZAM BU'I GLING BYE BA PHRAG BRGYAR CIG CAR DU DE BZHIN GSHEGS PA'I SKU SPRUL PA'I THABS YONGS SU 'DZIN PA DANG, NYAN THOS KYIS 'DUL BA RNAMS LA DE SPRUL PA DANG, RANG SANGS RGYAS KYIS 'DUL BA RNAMS LA DE SPRUL PA STE, @29B SANGS RGYAS BCOM LDAN 'DAS RNAMS NI PHYOGS BCUR SPRUL PA RNAM PA BZHI PO DE DAG LA THOGS PA MED PA'I MTHU DANG LDAN PA YIN PAR BLTA BAR BYA'O, ,DE LA 'JUG PA GANG ZHE NA, DE YANG RNAM PA GNYIS SU BLTAR BAR BYA STE, DE'I MOD LA 'JUG PA DANG, DE GTAN DU 'JUG PA'O, , DE LA DE'I MOD LA 'JUG PA NI JI SRID DU SEMS CAN RNAMS YONGS SU MA SMIN ZHING RNAM PAR MA GROL BA DE SRID DU SANGS RGYAS RNAMS KYI SPRUL PA 'JUG PA'O, ,DE LA DE GTAN DU 'JUG PA NI JI LTAR SANGS RGYAS RNAMS KYI NGO BO NYID MI ZANG CING BSAM GYIS MI KHYAB PA, 'JIG RTEN JI SRID YOD KYI BAR DU SEMS CAN RNAMS KYI BYA BA BSGRUB PA LA RJES SU 'JUG PA'I PHYIR 'JUG PAR MDZAD PA'O, ,DE LA LDOG PA GANG ZHE NA, DE YANG RNAM PA GNYIS SU BLTA BAR BYA STE, DE'I MOD LA LDOG PA DANG, DE GTAN LDOG PA'O, ,DE LA DE'I MOD LA LDOG PA NI SEMS CAN RNAMS YONGS SU SMIN CING RNAM PAR GROL BAR GYUR PA NI DE'I MOD LA SANGS RGYAS RNAMS YONGS SU MYA NGAN LAS 'DAS PAS LDOG PAR MDZAD DO, ,DE LA DE GTAN LDOG PA NI BAG CHAGS DANG BCAS PA'I NYON MONGS PA RNAMS DANG SDUG BSNGAL GNAS DANG BCAS PA GTAN ZAD PA LAS RIG PAR BYA'O,, JI LTAR NA BSTOD PA BYED PA DE BZHIN GSHEGS PA LA PHAN 'DOGS PA YIN ZHE NA, JI LTAR BSTOD NA BDAG NYID LA PHAN PAR SPYOD PAS YIN GYI, BSTOD PA DAG GIS NI MA YIN NO, ,GZHAN DU NA DE BZHIN GSHEGS PA NI BSTOD PA DAG GIS G-YO BAR MDZAD DE, 'DI LTAR DE BZHIN GSHEGS PA NI DGE BA MI SPYOMS PA DANG, MCHOG TU 'DOD CHEN CHUNG BA YIN PA'I PHYIR RO, ,DE BZHIN GSHEGS PA LA BSTOD PA MNGON PAR BRJOD PA LA NGO MTSAR RMAD DU BYUNG BA'I CHOS NI GNYIS PO 'DI DAG YIN TE, BSTOD PA BYED PA BDAG NYID KHO NA 'BA' ZHIG LA PHAN PAR KUN TU SPYOD PA NA BSOD NAMS DPAG TU MED PA SKYE BAR 'GYUR BA GANG YIN PA DANG, DE BZHIN GSHEGS PA BZHED PA THAMS CAD DANG BRAL BA LA PHAN GDAGS PAR 'GYUR BA GANG YIN PA STE, JI LTA JI LTAR DE BZHIN GSHEGS PA LA BSTOD PA BYED PA DE LTA DE LTAR BDAG NYID LA PHAN PA SGRUB PAR BYED PA @30A *, ,YIN LA, JI LTA JI LTAR BDAG NYID LA PHAN PA SGRUB PAR BYED PA DE LTA DE LTAR DE BZHIN GSHEGS PA LA MCHOD PAS PHAN 'DOGS PAR BYED PA YIN PAS, DE'I PHYIR DNGOS PO GNYIS DANG LDAN PA'I BSOD NAMS SHIN TU RGYA CHE ZHING MI ZAD PA SKYE BAR 'GYUR TE, DE BZHIN GSHEGS PA BZHED PA'I DNGOS PO DANG LDAN PA DANG, MI BZHED PA'I DNGOS PO DANG LDAN PA'O, ,DE BZHIN GSHEGS PA'I YON TAN NI RNAM PA DRUG GIS BSDUS PAR RIG PAR BYA STE, MTHA' DAG DANG, DRI MA MED PA DAG DANG, MI G-YO BA DANG, MI MNYAM PA DANG, SEMS CAN GYI DON GYI LAS CAN DANG, MTHUS SO, ,DE LA JI LTAR MTHA' DAG GIS SHE NA, 'DI LA DE BZHIN GSHEGS PA NI KHAMS GSUM NA SPYOD PA 'JIG RTEN PA DANG, 'JIG RTEN LAS 'DAS PA'I YON TAN THAMS CAD DANG LDAN PA YIN TE, 'JIG RTEN LAS 'DAS PA'I YON TAN DE DAG KYANG, NGAG GI SPYOD YUL LAS YANG DAG PAR 'DAS PA YIN PAS, GANG GI PHYIR DE BZHIN GSHEGS PA BSTOD PA THAMS CAD LAS YANG DAG PAR 'DAS PA DE'I PHYIR BSTOD PAR 'OS PA KHO NA YIN NO, ,JI LTAR DRI MA MED PA YIN ZHE NA, YON TAN GYI DRI MA NI BDUN PO 'DI DAG YIN TE, 'DOD PA DANG; LTA BA DANG, YID GNYIS DANG, NGA RGYAL DANG, RGYAGS PA DANG, BAG LA NYAL DANG, SER SNA'O, ,DE BZHIN GSHEGS PA LA NI DE DAG RNAM PA THAMS CAD KYI THAMS CAD DU MI MNGA' STE, 'DI LTAR DE BZHIN GSHEGS PA NI BDAG LA GZHAN DAG GIS 'DI NI YON TAN DANG, LDAN PA YIN NO ZHES SHES PAR GYUR NA CI MA RUNG SNYAM DU YON TAN DAG GIS GZHAN LAS SHES KYI KHE TSOL BAR MI MDZAD PA DANG, YON TAN DE DAG LA BLTA BAS MNGON PAR ZHEN PAR MI MDZAD PA DANG, YON TAN DE DAG LA 'DI DAG YON TAN YIN NAM SKYON YIN SNYAM DU YID GNYIS MI MNGA' BA DANG; YON TAN DE DAG GIS BDAG NYID GZHAN DAG DANG BSKRUN CING YONGS SU 'JAL BAR MI MDZAD PA DANG, BDAG NYID KYI YON TAN RJES SU GZIGS PA NA RGYAGS PA DANG, RGOD PA DANG, DGA' BA SKYE BA DANG, YID BDE BA SKYE BAR MI 'GYUR BA DANG, YON TAN DE DAG BAG CHAGS @30B DANG BCAS PA'I NYON MONGS PA THAMS CAD YANG DAG PAR BCOM PA'I PHYIR NYON MONGS PA'I BAG LA NYAL DANG MI LDAN PA DANG, YON TAN DE DAG LA GZHAN GYIS RTOGS PAR 'GYUR NA MI RUNG NGO SNYAM DU SEMS SHIN TU KUN TU 'DZIN PA'I SEMS MI MNGA' BA'I PHYIR RO, ,JI LTAR MI G-YO BAS SHE NA; DE BZHIN GSHEGS PA'I YON TAN MI ZAD PA RNAMS NI MU STEGS CAN RNAMS KYIS MI BSKYOD PA'I PHYIR DANG, BDUD RNAMS KYIS MI BSKYOD PA'I PHYIR DANG, CHOM RKUN PA DAG GIS MI 'PHROGS PA'I PHYIR DANG, NYE DU RNAMS KYIS MI BSKYOD PA'I PHYIR DANG, RGYAL PO RNAMS KYIS MI BSKYOD PA'I PHYIR DANG, 'BYUNG BA CHEN POS DANG, CHU DANG, ME DANG, RLUNG GIS MI BSKYOD PA'I PHYIR DANG, TSE ZAD PA LAS YONGS SU NYAMS PAR MI 'GYUR BA'I PHYIR DE BZHIN GSHEGS PA'I YON TAN DE DAG MI ZAD PA STE, DES NA DE DAG MI G-YO BA'O, ,JI LTAR MI MNYAM PAS SHE NA; MTHU RGYA CHEN PO PHUL DU PHYIN PA SNA TSOGS DAG GIS SEMS CAN DAG PA DANG MA DAG PA RNAMS DANG MI MNYAM PA'I PHYIR TE, DES NA DE DAG MI MNYAM PA YIN NO, ,JI LTAR SEMS CAN GYI DON GYI LAS CAN GYIS SHE NA, KHA NA MA THO BA MED PA'I BDE BA RGYA CHEN PO BRNYES PA SPANGS NAS; GZHAN GYI DON LA SBYOR BA YANG DAG PAR STON PAR MDZAD PA'I PHYIR TE, DES NA DE DAG SEMS CAN GYI DON GYI LAS CAN YIN NO, ,JI LTAR MTHUS SHE NA, SEMS CAN GYI DON BYA BA'I SMON LAM YANG DAG PAR GRUB PA'I PHYIR DANG, DE'I THABS SHES PAS YONG SU BSKOR BA'I PHYIR DANG, DE DANG 'BREL PA LA YANG DAG PAR GTOD PA'I PHYIR RO, ,DE BZHIN GSHEGS PA RNAMS NI SKYABS KYI 'OS YIN LA, LHA RNAMS SKYABS KYI 'OS MA YIN PA NI RGYU LNGAS RIG PAR BYA BA STE, LNGA GANG ZHE NA, RTAGS DANG, NGO BO NYID DANG, LAS DANG, CHOS DANG, RGYU DANG 'BRAS BUS SO, ,DE LA JI LTAR RTAGS LAS SHE NA, LHA RNAMS NI BLTAR MI SNANG BA'I PHYIR KUN TU THA SNYAD BYAR MED PA DANG, DRAG PO CHA BYAD CAN YIN PA'I PHYIR 'JIGS PA DANG BCAS PA DANG, BAG MED PA LA BRTEN PA'I PHYIR SRED PA DANG BCAS PA DANG, GZHAN GYI DON LA MI BLTA BA'I PHYIR @31A *, ,SNYING RJE MED PA DANG, BYAS PA DANG MA BYAS PA MI SHES PA'I PHYIR DANG, DE KHO NA'I DON MA RTOGS PA'I PHYIR RO, ,DE BZHIN GSHEGS PA JI LTAR RTAGS LAS SKYABS KYI 'OS YIN PAR RIG PAR BYA ZHE NA, BLTAR SNANG BA'I PHYIR KUN TU THA SNYAD BYAR YOD PA DANG, RAB TU ZHI BA'I CHA BYAD MNGA' BA'I PHYIR 'JIGS PA DANG BRAL BA DANG, BAG YOD PA'I PHYIR SRED PA MI MNGA' BA DANG, GZHAN GYI DON LA GZIGS PA'I PHYIR THUGS RJE DANG BCAS PA DANG, BYAS PA DANG MA BYAS PA MKHYEN PA'I PHYIR DANG DE KHO NA'I DON RTOGS PA'I PHYIR RO, ,GZHAN YANG DE BZHIN GSHEGS PA NI RTAGS LNGAS SKYABS KYI 'OS KHO NA YIN PAR RIG PAR BYA STE, LNGA GANG ZHE NA, SEMS CAN GYI DON GYI PHYIR BYANG CHUB YANG DAG PAR BSGRUBS PA DANG, RJES SU CHAGS PA DANG, KHONG KHRO BA DANG BRAL ZHING BSNYINGS PA MI MNGA' BA'I PHYIR CHOS KYI TSUL YANG DAG PAR RJES SU 'JUG PAR MDZAD PA DANG, PHAN 'DOGS PA DANG GNOD PA BYED PA'I SEMS CAN RNAMS LA MNYAM PAR PHAN PA'I THUGS MNGA' BA DANG, PHO BRANG DANG BTZUN MO DANG SRAS DANG YONGS SU GZUNG BA LA CHAGS PA YONGS SU BTANG BAS DBANG PO ZHI BA DANG, SEMS CAN THAMS CAD KYI THE TSOM NGES PAR 'GREL PAR MDZAD PAS SO, ,JI LTAR NGO BO NYID LAS SHE NA, DE BZHIN GSHEGS PA RNAMS NI ZAG PA THAMS CAD DANG BRAL PA'I PHYIR BDAG NYID KYANG DUL BA YIN PA LA 'DUL BAR MDZAD PA YIN PAR YANG 'OS KYI, LHA RNAMS NI ZAG PA DANG LDAN PA YIN PAS GDUL BAR BYA BA YIN TE 'DUL BAR BYED PA'I 'OS MA YIN NO, ,JI LTAR LAS LAS SHE NA, DE BZHIN GSHEGS PA RNAMS NI BSAM GTAN YANGS SHING RGYA CHE BA LA GNAS PAR MDZAD PA'I PHRIN LAS CAN DANG, SEMS CAN GYI DON MDZAD PA'I PHRIN LAS CAN YIN GYI LHA RNAMS NI 'DOD PA'I LONGS SPYOD LA GNAS PAR BYED PA'I LAS CAN DANG, SEMS CAN RNAMS LA RNAM PAR 'TSE BA'I LAS CAN YIN PAR SNANG NGO, ,JI LTAR CHOS LAS SHE NA, 'JIG RTEN DANG 'JIG RTEN LAS 'DAS PA'I PHUN SUM TSOGS PA THAMS CAD NI RANG GI SKYES BU'I BYED PA LA RAG LAS PA YIN PA'I @31B PHYIR SKYES BU'I BYED PA MED NA LHA RNAMS LA GUS PA DAM POS ZHEN PA RNAMS KYIS KYANG 'THOB PAR MI 'GYUR LA, SKYES BU'I BYED PA DANG LDAN PA DE LA GUS PA MED PA RNAMS KYIS KYANG DE 'THOB PAR 'GYUR PA'I PHYIR RO, ,JI LTAR RGYU DANG 'BRAS BU LAS SHE NA, 'DI LA LHA NYID NI LHA NYID DU 'GYUR BA'I LAS KYIS SAM, DE NYID LA MCHOD PAS SAM, RGYU MED PAS 'THOB PAR 'GYUR GRANG NA, GAL TE LHA NYID DU 'GYUR BA'I LAS KYIS YIN NA NI DES NA RANG GI LAS NYID SKYABS KYI 'OS YIN GYI, LHA RNAMS NI MA YIN NO, ,GAL TE RGYU MED PAS YIN NA NI DES NA RGYU MED PA NYID SKYABS KYI 'OS YIN GYI, LHA RNAMS NI MA YIN NO, ,GAL TE LHA MCHOD PAS YIN NA NI DES NA LHA NYID KYI RGYU MCHOD PA NYID DAM LHA NYID DAM DE GNYI GA YIN PAR 'GYUR GRANG NA, GAL TE MCHOD PA NYID YIN NA NI DES NA MCHOD PA GANG YANG RUNG BAS LHA NYID DU 'GYUR BAS LHA NYID DON MED PAR 'GYUR RO, ,GAL TE LHA NYID KYIS YIN NA NI DES NA LHA MCHOD PA MED PAR YANG LHA NYID KYIS LHA NYID DU 'GYUR BAR BYED PA'I PHYIR, ,LHA MCHOD PA DON MED PAR 'GYUR RO, ,GAL TE DE GNYI GAS YIN NA NI DES NA MCHOD PAS PHAN BTAGS PA'I LHA NYID GANG SEMS PAR BYED PA DE NI YANG DAG PAR 'GRUB PAR 'GYUR BA'I PHYIR, DES NA LHA DES BSAM PA RNAM PA BDUN YANG DAG PAR 'GRUB PAR 'KHRUL PA KHO NAR 'GYUR BAS DE YANG MI 'THAD DE, MCHOD PA'I RKYEN GYIS PHAN BTAGS PA DANG, MOS PA'I RKYEN GYIS PHAN BTAGS PA DANG, DE LA MA MOS PA RNAMS MOS PAR BYED PA DANG, KHYAD PAR DU 'PHAGS PA'I LHA NYID KHAS BLANGS PA DANG, LONGS SPYOD SHIN TU KHYAD PAR DU 'PHAGS PA YANG DAG PAR 'GRUB PA DANG, LHA MA YIN PA LA SOGS PA MI MTHUN PA'I PHYOGS 'JIG PA DANG, 'CHI 'PHO LA BSAM PA YANG DAG PAR 'GRUB PAR 'KHRUL PAR 'GYUR RO, ,RNAM PAR DAG PA NI BZHI STE, MING RNAM PAR DAG PA DANG, NGAG RNAM PAR DAG PA DANG, NGO BO NYID RNAM PAR DAG PA DANG, RTAGS RNAM PAR DAG PA'O, ,DE LA RTAGS NI MTHU DANG, THE TSOM GCOD PA DANG, LUNG STON PA DANG, GDUL DKA' BA 'DUL BA DANG, @32A *, ,LHA DANG MI RNAMS MNGON PAR 'DU BYA BA DANG, NGES PAR 'BYIN PA'I GDAMS NGAG STON PA DANG, MU STEGS CAN PHAM PAR BYED PA'O, ,JI LTAR GZUGS LA SOGS PA MING CAN GYI DNGOS PO LA, GZUGS LA SOGS PAR 'DOGS PA BTAGS PA LAS YOD PA YIN GYI, RDZAS LAS MA YIN PAR KHONG DU CHUD PAR BYA ZHE NA, MNGON PAR BRJOD PA LA YONGS SU GOMS PA'I MING LA GNAS PA'I RNAM PAR SHES PA'I DMIGS PA GZUGS LA SOGS PA'I MING CAN GYI DNGOS PO GZUGS LA SOGS PA'I BDAG NYID GANG GIS YOD PA DE NI BDAG NYID DES RDZAS DANG DON DAM PA GNYI GAR YANG MED DO, ,DE LTA BAS NA GZUGS LA SOGS PA'I MING CAN GYI CHOS DE DAG GI NGO BO NYID YOD PA MA YIN PA LAS DES KUN BRTAGS PA GANG YIN PA DE NI BTAGS PA LAS YOD PA YIN PAR RIG PAR BYA'O, ,MNGON PAR BRJOD PA LA YONGS SU GOMS PA RNAM PAR BSTZAL BA'I MING CAN GYI RNAM PAR SHES PA'I DMIGS PA GZUGS LA SOGS PA'I MING CAN GYI DNGOS PO BRJOD DU MED PA'I BDAG NYID GANG GIS YOD PA DE NI RDZAS DANG DON DAM PA GNYI GAR YANG DE BZHIN DU YOD PAR RIG PAR BYA'O, ,DE LA DE RAB TU GRUB PAR BYA BA'I RIGS PA BRJOD PA PA NI 'DI LTA STE, BYANG CHUB SEMS DPA'I SAR BSTAN PA DE BZHIN DU RIG PAR BYA'O, ,DE LA MNGON PAR BRJOD PA LA YONGS SU GOMS PA'I MING LA BRTEN PA'I RNAM PAR SHES PA'I DMIGS PA KUN BRTAGS PA'I NGO BO NYID GANG YIN PA DE NI, NANG NA YANG MI DMIGS, PHYI ROL NA YANG MI DMIGS, GNYI GA MED PAR YANG MI DMIGS TE, MA SKYES PA DANG, MI SKYE BA DANG, SKYE BAR MI 'GYUR BA DANG, MA 'GAGS PA, MI 'GAG PA, 'GAG PAR MI 'GYUR BA, GZOD MA NAS ZHI BA RANG BZHIN GYIS YONGS SU MYA NGAN LAS 'DAS PA ZHES BYA STE, 'DI LTAR 'DI NI BTAGS PA'I YOD PA YIN GYI, DON DAM PAR YOD PA MA YIN PA'I PHYIR RO, ,BRJOD DU MED PA'I BDAG NYID KYI NGO BO NYID GANG YIN PA DE NI BYIS PAS BSKYED PA'I LOG PAR YONGS SU RTOGS PA LA BRTEN NAS NI SKYES PA DANG, SKYE BA DANG, SKYE BAR 'GYUR BA DANG, 'GAG PA @32B DANG; 'GAG PAR 'GYUR BA YANG YIN TE, DE MA SPANGS SHING YONGS SU MA SHES PAS NI KUN NAS NYON MONGS PA RAB TU PHYE BA YIN LA, DE SPANGS SHING YONGS SU SHES PAS NI RNAM PAR BYANG BA RAB TU PHYE BA YIN NO,, ,,BAM PO SUM CU DRUG PA, BYANG CHUB SEMS DPA'I MANG DU THOS PA YANG DAG PAR 'DZIN PAR 'GYUR BA'I CHOS NI BZHI STE, 'DI LTA STE, MANG DU THOS PA'I GZHI DANG, MANG DU THOS PA YANG DAG PAR 'GRUB PA DANG, MANG DU THOS PA'I 'BRAS BU DANG, MANG DU THOS PA RNAM PAR DAG PA'O, ,DE DAG KYANG BYANG CHUB KYI SMON LAM DANG, SKYES BU DAM PA LA BRTEN PA DANG, SO SOR RTOG PA'I STOBS DANG, RAB TU DBEN PAR GNAS PA DANG GO RIMS BZHIN NO, ,BYANG CHUB SEMS DPA' RNAMS KYI BSAM PA'I KHAMS GANG ZHE NA, SMRAS PA, SANGS RGYAS KYI CHOS RNAMS LA YOD PA NYID DU YID CHES BAS RAB TU PHYE BA GANG YIN PA'O, ,BYANG CHUB SEMS DPA' RNAMS KYI LHAG PA'I BSAM PA'I KHAMS GANG ZHE NA, SMRAS PA, SANGS RGYAS KYI CHOS RNAMS LA YON TAN DANG LDAN PA NYID DU YID CHES PAS RAB TU PHYE BA GANG YIN PA'O, ,BYANG CHUB SEMS DPA' RNAMS KYI MOS PA'I KHAMS GANG ZHE NA, SMRAS PA, SANGS RGYAS KYI CHOS RNAMS LA THOB PAR NUS PAR YID CHES PAS RAB TU PHYE BA GANG YIN PA'O, ,BYANG CHUB SEMS DPA' RNAMS KYI SNYING BRTZE BA GANG ZHE NA, SMRAS PA, SDUG BSNGAL BAR GNAS PA'I SEMS CAN RNAMS LA RJES SU SNYING BRTZE BA GANG YIN PA'O, ,BYANG CHUB SEMS DPA' RNAMS KYI SNYING RJE GANG ZHE NA, SMRAS PA, SDUG BSNGAL GYI RGYU LA GNAS PA'I SEMS CAN RNAMS LA RJES SU SNYING BRTZE BA GANG YIN PA'O, ,BYANG CHUB SEMS DPA' RNAMS KYI SHES RAB GANG ZHE NA, SMRAS PA, SHES BYA BA LA JI LTA BA BZHIN DU YOD PA NYID KYIS RTOGS PA YANG GANG YIN PA'O, ,BYANG CHUB SEMS DPA' RNAMS KYI YE SHES GANG ZHE NA, SMRAS PA, SHES BYA LA JI SNYED YOD PA NYID KYIS RTOGS PA GANG YIN PA'O, ,SEMS PA'I SKYON NI GSUM STE, SEMS PA LHUR LEN PA DANG, GNAS PA MA YIN PA LA SEMS PA DANG, LOG PAR SEMS PA'O, ,BYANG CHUB SEMS DPA' JI LTAR SBYIN PA SBYIN PA DE LA @33A *, ,BRTEN NAS SBYIN PA YONGS SU DAG PA RNAM PA BDUN DU RIG PAR BYA STE, SBYIN PAR BYA BA'I DNGOS PO YONGS SU DAG PA DANG, TSUL KHRIMS YONGS SU DAG PA DANG, LTA BA YONGS SU DAG PA DANG, SEMS YONGS SU DAG PA DANG, NGAG YONGS SU DAG PA DANG; SHES PA YONGS SU DAG PA DANG, DRI MA YONGS SU DAG PA STE, YONGS SU DAG PA DE DAG THAMS CAD KYANG RNAM PA BCU BCUR RIG PAR BYA'O, ,DE LA SBYIN PAR BYA BA'I DNGOS PO YONGS SU DAG PA RNAM PA BCU NI 'DI LTA STE, MANG PO DANG SNA TSOGS PA NYID KYIS 'DI LTAR RGYA CHEN PO SBYIN PAR BYED PA DANG, MI MANG MI NYUNG BA NYID KYIS MTSUNGS PAR SBYIN PAR BYED PA DANG, 'DOD PA'I DUS NYID KYIS DUS SU SBYIN PAR BYED PA DANG, KHA DOG LA SOGS PA PHUN SUM TSOGS PA NYID KYIS GYA NOM PA SBYIN PAR BYED PA DANG, MI GTZANG BA'I DNGOS PO DANG MA 'DRES PA NYID KYIS GTZANG BA SBYIN PAR BYED PA DANG, KHA NA MA THO BA MED PA DANG LDAN PA NYID KYIS RUNG BA SBYIN PAR BYED PA DANG, SLONG MO PA'I BSAM PA NYID KYIS CI 'DOD PA SBYIN PAR BYED PA DANG, 'PHROD PA NYID KYIS PHAN PA SBYIN PAR BYED PA DANG, SLONG MO PA LA LTOS PA NYID CIG CAR RAM RIM GYIS SBYIN PAR BYED PA DANG, RGYUN MI 'CHAD PA NYID KYIS RTAG TU SBYIN PAR BYED PA'O, ,DE LA TSUL KHRIMS RNAM PAR DAG PA RNAM PA BCU NI 'DI LTA STE, BSGRUB PA'I BRTZON 'GRUS KYIS THOB PA'I LONG SPYOD RNAMS SBYIN PAR BYED PA DANG, RANG GI ZHO SHAS BSGRUBS PA DAG SBYIN PAR BYED PA DANG, RTUL ZHING DRI MA CHAGS CHAGS SU BSGRUBS PA DAG SBYIN PAR BYED PA DANG, CHOS RNAMS KYIS CHOS BZHIN DU THOB BDAG SBYIN PAR BYED PA DANG, SDIG PA LAS LOG PA DAG SBYIN PAR BYED PA DANG, DBANG PO THUL BAS SBYIN PAR BYED PA DANG, GUS PAR BYAS TE SBYIN PAR BYED PA DANG, RAB TU BTUD DE SBYIN PAR BYED PA DANG, RANG GI LAG NAS SBYIN PAR BYED PA DANG, DANG POR RANG RANG GI TSAL ZA'I 'KHOR RNAMS LA LEGS PAR RI MOR BYAS LEGS PAR MCHOD PAR BYAS NAS DE'I 'OG TU SLONG MO PA GZHAN DAG LA SBYIN PAR BYED PA'O, ,DE LA LTA BA RNAM PAR DAG PA RNAM PA BCU NI 'DI @33B LTA STE; ,BDAG NI SBYIN PAR BYED PA'O BDAG GI SBYIN PA'O SNYAM DU RLOM SEMS MED PAR SBYIN PAR BYED PA DANG, BDAG NYID GZHAN DAG DANG MI SGRUN PAR SBYIN PAR BYED PA DANG, BDAG NYID GZHAN DAG LAS CHE BA'AM, MNYAM PA'AM, CHUNG NGO SNYAM DU MI SEMS PAR SBYIN PAR BYED PA DANG, GZHAN DAG LA LAN DU PHAN 'DOGS PA LA MI LTA BAR SBYIN PAR SBYIN PAR BYED PA DANG, PHYI MA LA SRID PA KHYAD PAR CAN LONGS SPYOD KHYAD PAR CAN LA MI LTA BAR SBYIN PA SBYIN PAR BYED PA DANG, SBYIN PA'I 'BRAS BU MED DO SNYAM DU MI LTA BAR SBYIN PA SBYIN PAR BYED PA DANG, 'BRAS BU TSUL DANG MI MTHUN PA DANG 'BRAS BU PHYIN CI LOG YIN NO SNYAM DU MI LTA BAR SBYIN PA SBYIN PAR BYED PA DANG, 'TSE BA DANG BCAS PA NI DGE BA'O SNYAM DU MI LTA BAR SBYIN PA SBYIN PAR BYED PA DANG, NGO MTSAR DANG BKRA SHIS SU MI LTA BAR SBYIN PA SBYIN PAR BYED PA DANG, GRAGS PA DANG SGRA DANG TSIGS SU BCAD PA LA MI LTA BAR SBYIN PA SBYIN PAR BYED PA'O, ,DE LA SEMS RNAM PAR DAG PA RNAM PA BCU NI 'DI LTA STE, RANG BZHIN GYIS SEMS CAN THAMS CAD LA BYAMS PA'I SEMS KYIS SBYIN PA SBYIN PAR BYED PA DANG, 'DI LTA STE, SBYIN PA LA RIN PO CHE'I SEMS KYIS SBYIN PA SBYIN PAR BYED PA DANG, 'DI LTA STE, MDZA' BSHES DANG, DGRA BO DANG, THA MAL BA DAG LA SNYOMS PA'I SEMS KYIS SBYIN PA SBYIN PAR BYED PA DANG, 'DI LTA STE, SER SNA'I DRI MA DANG, SOGS 'JOG GI DRI MA GZHAN LA MI GTONG BAS SER SNA'I DRI MA DANG, BDAG NYID YONGS SU LONGS SPYOD PAR MI BYED PA LAS SOGS 'JOG GI DRI MAR RIG PAR BYA BA'I DRI MA BSTZAL BA'I SEMS KYIS SBYIN PA SBYIN PAR BYED PA DANG, 'DI LTA STE, MNGON PAR DGA' BA RNAM PA BDUN PO SLONG MO PA MA 'ONGS PA NAS SEMS MNGON PAR DGA' BA DANG, SLONG MO 'ONGS PA NA MTHONG MA THAG TU SEMS RAB TU DGA' BA DANG, SBYIN PA SBYIN PAR BYED PA NA YID BDE BA'I SEMS DANG, MNYAM PAR GZHAG PA'I SEMS DANG, NGOMS MI SHES PA'I SEMS DANG, RNAM PAR 'TSE BA'I BSAM PA MED PA'I SEMS DANG, BYIN NAS 'GYOD PA MED PA'I SEMS KYIS, SEMS MNGON PAR DGA' BAS SBYIN PA SBYIN PAR BYED PA DANG, SLONG MO @34A *, ,BA'I DANG NA DUS LA BZOD PA DANG SKYO BA MED PA'I PHYIR BZOD PA'I SEMS KYIS SBYIN PA SBYIN PAR BYED PA DANG, RNAM PAR 'TSE BA RNAMS LA BYAMS PA'I SEMS KYIS SBYIN PA SBYIN PAR BYED PA DANG, SDUG BSNGAL BA RNAMS LA SNYING RJE BA'I SEMS KYIS SBYIN PA SBYIN PAR BYED PA DANG, YON TAN DANG LDAN PA RNAMS LA DGA' BA'I SEMS KYIS SBYIN PA SBYIN PAR BYED PA DANG, MDZA' BSHES RNAMS LA BTANG SNYOMS KYI SEMS KYIS SBYIN PA SBYIN PAR BYED PA'O, ,DE LA NGAG RNAM PAR DAG PA RNAM PA BCU NI 'DI LTA STE, SBYIN PA'I SNGA ROL NAS SBYIN PA'I SKABS 'BYED PA DANG, 'ONGS PA NA TSUR SHOG LEGS PAR 'ONGS SO ZHES SMRA BA DANG, KHRO GNYER MED CING BZHIN GYI MDOG GSAL LA 'DZUM PA SNGAR GTONG ZHING TSIG GI LAM 'JAM PO DAG GIS GTAM 'DRE BAR BYED, PHEBS PAR SMRA BAR BYED, KUN DGA' BAR BYED PA DANG, SLONG MO PA RNAMS KYI MJUG THOGS SU SBYIN PAR BYA'O SNYAM DU SEMS SHING SBYIN PAR BYA BA'I DNGOS POS KUN TU DGA' BAR BYED PA DANG, DA NI KHYOD LA SBYIN PAR BYED PA YIN NO ZHES BYA BA TSIG KUN TU RJOD PAR BYED PA DANG, DNGAN DUS BYED PA NA KHRO BAS KUN NAS SLONG BA'I TSIG RTZUB PO RJOD PAR MI BYED PA DANG, SLONG MO PA LA MNGON SUM DANG LKOG NAS MI SMOD MI SGROGS PA DANG, SBYIN PAR BYA BA'I CHOS MI 'DOGS NA YANG LEGS PAR SHAD KYIS SBYANGS TE GTONG BAR BYED PA DANG, SLONG MO PA LA MNGON SUM DU SMOD PAR MI BYED, KHYAD DU GSOD PAR MI BYED, BSTING BAR MI BYED, CO 'DRI BAR MI BYED PA DANG, SMA 'BEBS PA NYE BAR SGRUB PAR MI BYED PA'O, ,DE LA SHES PA RNAM PAR DAG PA RNAM PA BCU NI 'DI LTA STE, SBYIN PA LA BRTEN PA'I SHES PA RNAM PAR DAG PA DANG, SLONG MO PA LA BRTEN PA'I SHES PA RNAM PAR DAG PA DANG, SBYIN PAR BYA BA'I CHOS LA BRTEN PA'I SHES PA RNAM PAR DAG PA DANG, SBYIN PA'I SBYOR BA LA BRTEN PA'I SHES PA RNAM PAR DAG PA DANG, SBYIN PAS SEMS CAN YONGS SU SMIN PAR BYA BA LA BRTEN PA'I SHES PA RNAM PAR DAG PA DANG, THABS LA MKHAS PA LA BRTEN PA'I SHES PA RNAM PAR DAG PA DANG, 'DOD PA RNAMS KYI NYES DMIGS LA BRTEN PA'I SHES PA RNAM PAR DAG PA DANG, @34B DRI MA BSAL BA LA BRTEN PA'I SHES PA RNAM PAR DAG PA DANG, SDIG PA'I GROGS PO YONGS SU SPONG BA DANG DGE BA'I BSHES GNYEN YONGS SU GZUNG BA LA BRTEN PA'I SHES PA RNAM PAR DAG PA DANG, PHYOGS DRUG GIS BKAB PA NYID LA BRTEN PA'I SHES PA RNAM PAR DAG PA'O, DE LA SHES PA RNAM PAR DAG PA DANG POS NI SBYIN PA'I RNAM GRANGS KYANG YANG DAG PA JI LTA BA BZHIN RAB TU SHES LA, SBYIN PA'I MTSAN NYID DANG, NGES PA'I TSIG DANG, RAB TU DBYE BA YANG DAG PA JI LTA BA BZHIN DU RAB TU SHES SO, ,DE LA GNYIS PAS NI SEMS CAN DMAN PA DANG, GYA NOM PA DANG, SKYON DANG; YON TAN DANG LDAN PA DANG, GNOD PA BYED PA DANG PHAN 'DOGS PA THAMS CAD LA SBYIN GNAS KYI BLO NYE BAR 'JOG PAR BYED PA DANG, SLONG MO PA'I 'DOD PA NYID KYANG ZUR TZAM GYIS SHES PA DANG, SBYIN PA'I SNGA ROL NYID NAS SBYIN PAR BYA BA'I CHOS THAMS CAD SEMS CAN THAMS CAD LA BSAM PA THAG PA NAS LEGS PAR GTONG BAR BYED PA DANG, SLONG MO PA RANG GIS THUG THUB DU BLANGS PA THAMS CAD LA YANG RJES SU GNANG BAR BYED DO, ,DE LA GSUM PAS NI BZO DANG LAS KYI GNAS SHES PA GANG YIN PA DE DAG THAMS CAD LA MKHAS PAS MYUR BA MYUR BAR LONGS SPYOD RNAMS YANG DAG PAR BSGRUBS NAS SBYIN PA SBYIN PAR BYED PA DANG, DGE BA'I RTZA BA YONGS SU GZUNG BA LAS KYANG 'DI LTA STE, TSE SNGA MA'AM, TSE 'DI LA MYONG BAR 'GYUR BA'AM, RDZU 'PHRUL MNGON PAR 'GRUB PAR 'GYUR BA'AM, CHOS YANG DAG PAR BLANG BA LAS KYANG SBYIN PA SBYIN PAR BYED DO, ,GZHAN DAG GIS BSGRUBS PA'I LONGS SPYOD RNAMS KYIS KYANG SBYIN PA SBYIN PAR BYED DE, 'DI LTA STE, GZHAN DAG DE YANG DAG PAR 'DZIN DU BCUG NAS DE DAG LA BYA BA'I GROGS SU 'GRO'O, ,DE LA BZHI PAS NI CI NAS KYANG SLONG MO PA LA YANG KUN NAS NYON MONGS PAR MI 'GYUR BA DANG, BDAG NYID KYANG KUN NAS NYON MONGS BA CAN MA YIN PA'I SEMS KYIS SBYIN PA SBYIN PAR BYED PA DANG, RAB TU PHYE ZHING DON DU GNYER BA RNAMS DANG, PHONGS PA RNAMS DANG, STON PA MED PA RNAMS DANG, NYES PAR SPYAD PA SPYOD PA RNAMS DANG, LEGS PAR SPYAD PA SPYOD PA RNAMS DANG, RANG GI TSAL ZA RNAMS LA 'DI LTA STE, DBUL PO 'AM, @35A *, ,LONGS SPYOD 'BRING NGAM, LONGS SPYOD CHE BAS SBYIN PAR BYED PA DANG, CHO GA CI RIGS PAS SBYIN PAR BYED CING, CHO GA MA YIN PAS MA YIN PA DE LTAR SBYIN PAR BYA BA SHES PAR BYED DO, ,DE LA LNGA PAS NI SEMS CAN YONGS SU SMIN PAR BYA BA'I PHYIR SBYIN PA SHES PAR BYAS SHING SBYIN PAR BYED PA DANG, SBYIN PA SBYIN PA NA SKYE BO PHAL PO CHE DANG LHAN CIG TU SBYIN PA SBYIN PAR BYED CING JI NAS KYANG SKYE BO PHAL PO CHE DAG BSOD NAMS CHEN PO BSKYED PAR 'GYUR BA DE LTAR BYED PA DANG, DBUL PO SBYIN PAR BYED 'DOD PA DAG LA LONGS SPYOD KYI BGO BSHA' BYED PA DANG, DBUL PO MA YIN PA SER SNA CAN RNAMS DANG, SER SNA MED PA SBYIN PA BYED 'DOD PA RNAMS LA NI RANG GI LONGS SPYOD KYI BGO BSHA' MI BYED PAR DE LA GROGS BYED DU 'GRO BA DANG, SANGS RGYAS DANG, CHOS DANG, DGE 'DUN GYI BYA BA BYED 'DOD PA GZHAN DAG LA SBYIN PAR BYA'I CHOS DAG BYIN NAS, JI NAS KYANG SGO GNYI GA NAS BSOD NAMS SKYE BAR 'GYUR BA DE LTAR GZHAN DAG KYANG BYED DU 'JUG PAR BYED DO, ,DE LA DRUG PAS NI BSHAD PAS KYANG SBYIN PA SBYIN PAR BYED LA MTHUS KYANG SBYIN PA SBYIN PAR BYED, LAN MNOD PA LAS KYANG SBYIN PA SBYIN PAR BYED, SKYE BA DANG MTHUS KYANG SBYIN PA SBYIN PAR BYED DO, ,DE LA BDUN PAS NI 'DOD PA RNAMS KYI NYES DMIGS YANG DAG PA JI LTA BA BZHIN DU RAB TU SHES NAS SBYIN PA SBYIN PAR BYED DO, ,DE LA NYES DMIGS RNAM PA GNYIS KYANG SHES TE, 'DI LTA STE, TSE 'DI BA DANG, TSE PHYI MA PA STE, 'DI LTA STE, SDUG BSNGAL GYI PHUNG PO'I MDO LAS BYUNG BA BZHIN NO, ,RNAM PA LNGA YANG SHES TE, 'DI LTA STE, NYES DMIGS LNGA PA'I MDO LAS BYUNG BA BZHIN NO, ,RNAM PA DRUG KYANG SHES TE, 'DI LTA STE, 'JIGS PA ZHES BYA BA DE NI 'DOD PA RNAMS KYI TSIG BLA DAGS YIN NO ZHES BYA BA LA SOGS PA BSTAN PA'I MDO LAS BYUNG BA BZHIN NO, ,RNAM PA BDUN YANG SHES TE, 'DI LTA STE, 'DOD PA RNAMS NI MI RTAG PA DANG, GSOG DANG, GSOB BA DANG, BRDZUN PA DANG, BSLU BA'I CHOS CAN DANG, SGYU MA LTA BU DANG, BYIS PA 'DRID PA'O ZHES GSUNGS PA BZHIN NO, ,RNAM PA BRGYAD KYANG SHES TE, 'DI LTA STE, @35B RUS PA'I KENG RUS LTA BU'O ZHES BYA BA NAS, RGYAS PAR SHING LJON PA'I 'BRAS BU LTA BU'O ZHES BYA BA'I BAR DU MDO LAS JI SKAD GSUNGS PA BZHIN NO, ,DE LA BRGYAD PAS NI LAS KYI MTHA' DRI MA CAN RNAM PA BCU BZHI DANG BRAL BA YANG DAG PA JI LTA BA BZHIN SHES NAS SBYIN PA SBYIN PAR BYED DE, DE DAG KYANG 'DI LTA STE, GTZUG PHUD LEN GYI MDO LAS GSUNGS PA BZHIN NO, ,DE LA DGU PAS NI SDIG PA'I GROGS PO BZHI YONGS SU SPANGS SHING DGE BA'I BSHES GNYEN BZHI YONGS SU BZUNG NAS SBYIN PA SBYIN PAR BYED DE, DE DAG KYANG 'DI LTA STE, GTZUG PHUD LEN GYI MDO DE NYID LAS GSUNGS PA BZHIN NO, ,DE LA SHES PA RNAM PAR DAG PA BCU PAS NI PHYOGS DRUG GIS BKAG NAS SBYIN PA SBYIN PAR BYED DE, DE DAG KYANG 'DI LTA STE, GTZUG PHUD LEN GYI MDO DE NYID LAS GSUNGS PA BZHIN NO, ,DE LA DRI MA RNAM PAR DAG PA RNAM PA BCU NI 'DI LTA STE, NANG YANG RUNG, PHYI ROL YANG RUNG, RGYANG RING YANG RUNG, THAG NYE YANG RUNG, LUS NGAL YANG RUNG, LUS NGAL BA MED KYANG RUNG, LUS NYAM CHUNG YANG RUNG, LUS NYAM CHUNG BA MA YIN PAR YANG RUNG STE, LE LO'I DRI MA DANG BRAL BA'I SBYIN PA SBYIN PAR BYED PA DANG, 'DI LTA STE, LONGS SPYOD RNAMS LA CHAGS PA'I DRI MA DANG BRAL BA'I SBYIN PA SBYIN PAR BYED PA DANG, 'DI LTA STE, SLONG MO PA RNAMS LA ZHE SDANG GI DRI MA DANG BRAL BA'I SBYIN PA SBYIN PAR BYED PA DANG, 'DI LTA STE, RGYU DANG 'BRAS BU LA GTI MUG GI DRI MA DANG BRAL BA'I SBYIN PA SBYIN PAR BYED PA DANG, 'DI LTA STE, GAGS BZHI PO DE DAG GIS GAGS KYI DRI MA DANG BRAL BA'I SBYIN PA SBYIN PAR BYED PA DANG, DE LA GAGS BZHI'I DRI MA NI 'DI DAG YIN TE, 'DI LTA STE, MA GOMS PA DANG, RGUD PA DANG, CHAGS PA DANG, 'BRAS BU MA MTHONG BA'O, ,'DI LTA STE, DBUL POS RANG GI TSAL ZA RNAMS DANG, LONGS SPYOD 'BRING POS DE DAG DANG SDUG BSNGAL BA RNAMS DANG, LONGS SPYOD CHEN POS DE DAG DANG DE LAS GZHAN PA'I SLONG MO PA RNAMS LA SHIN TU RNAM PA PHYE ZHING MI RIGS PA'I DRI MA DANG BRAL BA'I SBYIN PA SBYIN PAR BYED PA DANG, 'DI LTA STE, DNGOS PO YONGS SU RDZOGS PA DANG, BSAM PA YONGS SU RDZOGS PA LAS YONGS SU @36A *, ,RDZOGS SHING NYUNG BA'I DRI MA DANG BRAL BA'I SBYIN PA SBYIN PAR BYED DE, DE LA DNGOS PO YONGS SU RDZOGS PA NI RNAM PA BDUN TE, YO BYAD KYI DNGOS PO YANG SBYIN PAR BYED PA DANG, YUL GYI DNGOS PO DANG, SEMS CAN GYI DNGOS PO DANG, RGYAN GYI DNGOS PO DANG, GNAS KYI DNGOS PO DANG, DE'I GNAS PA'I DNGOS PO DANG, NANG GI DNGOS PO YANG SBYIN PA SBYIN PAR BYED PA'O, ,DE LA BSAM PA YONGS SU RDZOGS PA NI NANG GI LUS DANG LONGS SPYOD DAG LA RANG BZHIN GYIS CHAGS PA MED PA'I BSAM PA NYID THOB PA GANG YIN PA'O, ,'DI LTA STE, YONGS SU DAG PA RNAM PA BCU PO 'DI LTA STE, CHAGS PA MED PA DANG, NAG NOG MED PA LA SOGS PA SA'I DNGOS GZHIR BSTAN PA DAG GIS YONGS SU DAG CING, RNAM PAR MA DAG PA'I DRI MA DANG BRAL BA'I SBYIN PA SBYIN PAR BYED PA DANG, 'DI LTA STE, SBYIN PAR BYA BA'I DNGOS PO YONGS SU BRTAG PA DANG, BSAM PA YONGS SU BRTAG PA DANG, ZHING YONGS SU BRTAGS PA YONGS SU BRTAGS SHING 'CHAL BA'I SHES RAB KYI DRI MA DANG BRAL BA'I SBYIN PA SBYIN PAR BYED PA STE, DE LA SBYIN PAR BYA BA'I DNGOS PO YONGS SU BRTAG PA NI STZOGS 'JOG PAS YONGS SU LONGS SPYOD PA CHES KHYAD PAR DU 'PHAGS PA DANG, YONGS SU LONGS SPYOD PA PAS SBYIN PA CHES KHYAD PAR DU 'PHAGS PA GANG YIN PA'O, ,DE CI'I PHYIR ZHE NA, 'DI LTAR STZOGS 'JOG 'BA' ZHIG NI BDAG LA YANG PHAN PAR MI 'GYUR, GZHAN LA PHAN PAR YANG MI 'GYUR, TSE 'DI LA PHAN PAR YANG MI 'GYUR, TSE PHYI MA LA PHAN PAR YANG MI 'GYUR BA YIN LA, BYANG CHUB SEMS DPA'I YONGS SU LONGS SPYOD PA NI BDAG LA PHAN PA DANG, TSE 'DI LA PHAN PAR 'GYUR BA YIN YANG, GZHAN LA PHAN PA YANG MA YIN, TSE PHYI MA LA YANG PHAN PA YANG MA YIN PA DANG, BYANG CHUB SEMS DPA'I DGA' BA DANG, MCHOG TU DGA' BA RGYA CHEN PO SKYES SHING SBYIN PAR BYED PA'I SBYIN PA NI BDAG LA PHAN PA DANG, GZHAN LA PHAN PA DANG, TSE 'DI LA PHAN PA DANG, TSE PHYI MA LA PHAN PAR 'GYUR BA YIN PA'I PHYIR RO, ,DE LA BSAM PA YONGS SU BRTAG PA NI RNAM PA BZHIR RIG PAR BYA STE, RGYU LA PHYIN CI MA LOG PA'I BSAM PA @36B DANG; 'BRAS BU LA CHAGS PA MED PA'I BSAM PA DANG, SEMS CAN RNAMS LA SNYING RJE BA'I BSAM PA DANG, THAMS CAD MKHYEN PA'I YE SHES YONGS SU RDZOGS PAR BYA BA'I BSAM PAS SBYIN PA SBYIN PAR BYED PA'O, ,DE LA ZHING YONGS SU BRTAG PA NI RNAM PA LNGAS RIG PAR BYA STE, GANG LA DON DU GNYER BA NYID DMIGS PA DANG, GANG LA DON DU GNYER BA YANG YIN LA PHONGS PA YANG YIN PA DANG, PHONGS PA YANG YIN LA RTON PA MED PA GANG YIN PA DANG, RTON PA MED PA YANG YIN LA NYES PAR SPYOD PA LAS LDOG PAR NUS PA NYID KYANG DMIGS PA DE NI ZHING YIN NO, , DE DAG MED NA YANG GANG LA LEGS PAR SPYOD PA DANG, YON TAN KHYAD PAR DU 'PHAGS PA DMIGS PA DE NI ZHING LNGA PA YIN PAR RIG PAR BYA'O, ,ZHING MA YIN PA NI RNAM PA BDUN GYIS RIG PAR BYA STE, SLONG MO PA GTUM PA DANG, PHYIR RGOL BA LA SKYABS SU SONG BA PHYIR RGOL BAR GYUR NAS SLONG BAR BYED PA DANG, DGE BA'I RTZA BA YANG DAG PAR 'DZIN DU GZHUG PA NA DBANG DU MI 'GYUR BA DANG, NYON MONGS PA CAN GYI SEMS SAM KUN NAS NYON MONGS PA'I BSAM PAS SLONG BAR BYED PA DANG, BDUD DAM BDUD KYIS BRLAMS PAR GYUR NAS THO 'TSAMS PA'I PHYIR SLONG BAR BYED PA DANG, GNAS MA YIN PA SLONG BAR BYED DE PHA MA'AM, GZHAN GANG YANG RUNG BA SBYIN PAR BYA BA MA YIN PA'I DNGOS PO SLONG BAR BYED PA DANG, DON DU GNYER BA MA YIN PA STE, DE LTAR RNAM PA DE DAG GIS NI ZHING MA YIN PA YONGS SU BRTAG PA YIN PAR RIG PAR BYA'O, ,THABS MA YIN PA'I NYES PA DANG BRAL ZHING THABS KYI YON TAN DANG LDAN PA'I SBYIN PA SBYIN PAR BYED DE, DE LA THABS NI 'DI YIN TE, 'DI LTA STE, SBYIN PA LA GOMS PA DANG, LUS DANG SROG LA MI LTA BA DANG, SEMS CAN LA SNYING BRTZE BA DANG, DE KHO NA'I DON SHES PA DANG, BLA NA MED PA'I BYANG CHUB LA MOS PA DANG, BSHAD PA DANG, NAN GYIS GNON PA DANG, PHAN BTAGS PA'I LAN DU PHAN 'DOGS PAR SBYOR BA DANG, SKYE BA DANG MTHU'O, ,'DUL BA NI BSDU NA RNAM PA GSUM DU RIG PAR BYA STE, RE ZHIG BCOM LDAN 'DAS KYIS NYAN THOS RNAMS KYI 'DUL BA LA, DANG POR SDOM PA'I TSUL @37A *, ,KHRIMS KYI 'DUL BA JI LTAR BSDUS PA DE NI 'DUL BA BSDUS PA YIN PAR BLTA BAR BYA'O, ,DGE BA'I CHOS SDUD PA'I TSUL KHRIMS KYI 'DUL BA BSDUS PA GANG ZHE NA, DGE BA'I CHOS SDUD PA'I TSUL KHRIMS LA BRTZON PA'I BYANG CHUB SEMS DPAS MDOR BSDU NA SEMS DRUG SO SOR BRTAGS PAR BYA STE, DRUG GANG ZHE NA, KHYAD PAR DU GSOD PA'I SEMS DANG, LE LO DANG LDAN PA'I SEMS DANG, BSGRIBS PA'I SEMS DANG, BRTZAL BA LAS YONGS SU SKYO BA'I SEMS DANG, GNOD PA DANG LDAN PA'I SEMS DANG, BAR CHAD DANG LDAN PA'I SEMS DANG, DE LA BYANG CHUB SEMS DPA'I DGE BA'I CHOS RNAMS LA SPONG BAR SEMS PA NYID DANG, MI MOS PA'I SEMS NYID DANG, BRNYAS PA'I SEMS NYID DANG GANG YIN PA DE NI KHYAD DU GSOD PA'I SEMS ZHES BYA'O, ,LE LO DANG GLAG DAL DANG GLAG DAL DANG BAG MED PAS KUN NAS DKRIS PA'I SEMS NI LE LO DANG LDAN PA'I SEMS ZHES BYA'O, ,'DOD PA LA 'DUN PA LA SOGS PA NYON MONGS PA DANG NYE BA'I NYON MONGS PA'I SGRIB PA GANG YANG RUNG BAS KUN NAS DKRIS PA'I SEMS NI BSGRIBS PA'I SEMS ZHES BYA'O, ,BRTZON 'GRUS BRTZAMS SHING GNAS PA'I LUS KYI NGAL BA DANG SEMS KYIS 'KHRUG PAS ZIL GYIS GNON PA'I SEMS NI BRTZAL BAS YONGS SU NGAL BA'I SEMS ZHES BYA'O, ,GNOD PA GANG YANG RUNG BAS ZIL GYIS NON PA'I SEMS SBYOR BAR BZOD PA'I MTHU MED PA DE NI GNOD PA DANG LDAN PA'I SEMS ZHES BYA'O, ,SMRA BA LA DGA' BA LA SOGS PA BAR CHAD DANG LDAN PA'I SEMS NI BAR CHA DANG LDAN PA'I SEMS ZHES BYA'O, ,BYANG CHUB SEMS DPA' SEMS DRUG PO DE DAG LA 'DI LTAR SO SOR BRTAG PAR BYA STE, CI BDAG GI SEMS LA SEMS DRUG PO DE DAG LAS GANG YANG RUNG BA RAB TU SPYOD PA YOD DAM, 'ON TE MED SNYAM DU SO SOR RTOG PAR BYA'O, ,DE LA BYANG CHUB SEMS DPA' SEMS DANG PO GSUM PO DAG NI SKYES SO COG GCIG TU DANG DU MI BLANG BAR BYA STE, GAL TE DANG DU LEN PAR BYED CING SPONG BAR MI BYED NA, THAMS CAD DU KHA NA MA THO BA DANG BCAS PAR 'GYUR RO, ,BRTZAL BAS YONGS SU SKYO BA'I SEMS NI SKYES PA NA, GAL TE 'DI LTA BU'I SEMS KYIS DGE @37B BA'I CHOS RNAMS LA SBYOR BA GTONG BAR BYED DE, JI NAS KYANG LUS DANG SEMS NGAL ZHING 'KHRUG PAR BYED PA 'DI SO SOR BSAL NAS, YANG DGE BA'I CHOS RNAMS LA SBYAR BAR BYA'O SNYAM DU SEMS NA NI KHA NA MA THO BA MED PAR 'GYUR RO, ,GAL TE BDAG LA DGE BA LA SBYOR BA GANG GIS BDAG TSE 'DI LA SDUG BSNGAL BAR 'GYUR BA 'DI LTA BUS JI ZHIG BYA SNYAM DU SEMS SHING THAMS CAD KYI THAMS CAD DU GTAN SPONG BAR BYED NA NI DE LA KHA NA MA THO BA DANG BCAS PAR 'GYUR RO, ,GNOD PA DANG LDAN PA'I SEMS NI NYE BAR GNAS PAR GYUR PA NA, BYANG CHUB SEMS DPA'I DGE BA'I SBYOR BA LA 'DOD DGUR BYAR MED PA YIN PAS DE DANG DU BLANGS NAS YANG KHA NA MA THO BA MED DO, ,BAR CHAD DANG LDAN PA'I SEMS NI NYE BAR GNAS PAR GYUR PA NA, GAL TE 'DOD DGUR BYAR MED DAM DON CHES CHEN PO ZHIG YANG DAG PAR RJES SU MTHONG NAS DANG DU LEN PAR BYED NA NI KHA NA MA THO BA MED DO, ,GAL TE DE LA 'DOD DGUR BYAR YOD DAM, DON MED PA'AM, DON CHES CHUNG BA ZHIG YANG DAG PAR RJES SU MTHONG NAS DANG DU LEN PAR BYED NA NI KHA NA MA THO BA DANG BCAS PAR 'GYUR RO, ,SEMS DRUG PO DE DAG LAS SEMS SNGA MA GSUM PO DAG GIS BYUNG BA DANG DU BLANGS SO COG NI GCIG TU KHA NA MA THO BA DANG BCAS PAR 'GYUR RO, ,GNOD PA DANG LDAN PA'I SEMS GCIG PU NI DANG DU BLANGS KYANG GCIG TU KHA NA MA THO BA MED DO, ,SEMS LHAG MA GNYIS KYI BYUNG BA DANG DU BLANGS SO COG NI RNAM GRANGS KYI KHA NA MA THO BA DANG BCAS PA DANG, KHA NA MA THO BA MED PAR 'GYUR RO, ,SEMS CAN GYI DON BYA BA'I TSUL KHRIMS LA BRTZON PA'I BYANG CHUB SEMS DPA' NI RNAM PAR RTOG PA'I GNAS DRUG LA SO SOR BRTAG PAR BYA STE, BDAG DANG, GZHAN DANG, ZANG ZING GIS PHONGS PA DANG, ZANG ZING GIS 'BYOR PA DANG, CHOS KYIS PHONGS PA DANG, CHOS KYIS 'BYOR PA NI GNAS DRUG PA YIN NO, ,DE LA ZANG ZING GIS PHONGS PA ZHES BYA BA NI, CHOS GOS DANG BSOD SNYOMS LA SOGS PA MA RNYED PA RNAMS MI RNYED PA DANG, RNYED CING 'JUG PA RNAMS RGYUN 'CHAD PAR 'GYUR BA'O, ,ZANG ZING GIS 'BYOR PA NI DE LAS BZLOG PA LAS RIG PAR BYA'O, ,CHOS KYIS PHONGS @38A *, ,PA ZHES BYA BA NI BSLAB PA NYAMS PA DANG DE BZHIN GSHEGS PAS GSUNGS PA DON DAM PA'I CHOS KYI TSIG SNGON MA THOS PA MNYAN DU MED PA DANG, SNGON MA THOS PA JI LTA BA BZHIN DU SNGON MA BSAMS PA BSAM DU MED PA DANG, THOS PA'I BAR CHAD DANG, BSAM PA'I BAR CHAD DANG, THOS PA DANG BSAMS PA BRJOD PA DANG, BSGOMS PA LAS BYUNG BA'I DGE BA MA THOB PA MI DANG, THOB PA YONGS SU NYAMS PAR 'GYUR BA'O, ,CHOS 'BYOR PA NI DE LAS BZLOG PA LAS RIG PAR BYA'O, ,DE LA BYANG CHUB SEMS DPAS BDAG NYID KYIS CHOS KYIS PHONGS PAS GZHAN DAG GI ZANG ZING 'BYOR PAR BYA BA'I PHYIR SBYOR BAR MI BYA'O, ,ZANG ZING 'BYOR PAR BYA BA'I PHYIR JI LTA BA BZHIN DU CHOS 'BYOR PAR BYA BA'I PHYIR YANG DE BZHIN NO, ,DON GYI SKABS 'DIR CHOS KYIS PHONGS PA ZHES BYA BA NI BSLAB PA NYAMS PAS BSDUS PA DANG, BSLAB PA NYAMS PA DANG RJES SU MTHUN PAS BSDUS PA DANG, THOB PA'I CHOS YONGS SU NYAMS PAS BSDUS PA YIN PAR RIG PAR BYA'O, ,BDAG NYID KYI ZANG ZING GIS PHONGS PAS GZHAN DAG GI ZANG ZING 'BYOR PAR BYA BA'I PHYIR NI BRTZON PAR BYA STE, ZANG ZING 'BYOR PA DE YANG GAL TE CHOS KYIS PHONGS PA SKYED PAR MI BYED NA'O, ,GAL TE CHOS KYIS PHONGS PA SKYED PAR BYED NA NI BRTZON PAR MI BYA'O, ,ZANG ZING 'BYOR PAR BYA BA'I PHYIR JI LTA BA BZHIN DU CHOS 'BYOR PAR BYA BA'I PHYIR YANG DE BZHIN NO, ,BDAG NYID KYI ZANG ZING 'BYOR PAS GZHAN DAG GI ZANG ZING 'BYOR PAR BYA BA'I PHYIR YANG BRTZON PAR BYA'O, ,ZANG ZING 'BYOR PAR BYA BA'I PHYIR JI LTA BA BZHIN DU, CHOS 'BYOR PAR BYA BA'I PHYIR YANG DE BZHIN NO, ,BDAG NYID KYI CHOS 'BYOR PAS GZHAN DAG GI ZANG ZING 'BYOR PAR BYA BA'I PHYIR YANG BRTZON PAR BYA'O, ,ZANG ZING 'BYOR PAR BYA BA'I PHYIR JI LTA BA BZHIN DU CHOS 'BYOR PAR BYA BA'I PHYIR YANG DE BZHIN NO, ,DE LTAR SBYOR BAR MI BYED NA NI KHA NA MA THO BA DANG BCAS PAR 'GYUR LA, SBYOR BAR BYED NA NI KHA NA MA THO BA MED PAR 'GYUR RO, ,DE LTAR NA DE NI RE ZHIG BYANG CHUB SEMS DPA' SDOM PA YANG DAG PAR BLANGS PA'I 'DUL BA BSDUS PA YIN NO, ,DE LA BYANG CHUB SEMS @38B DPA' DUS RTAG TU YID LA BYA ZHING BSLAB PAR BYA'O, ,BYANG CHUB SEMS DPA'I TSUL KHRIMS RNAM PA GSUM PO GANG YIN PA DE LAS GANG YANG RUNG BA ZHIG MA TSANG NA, BYANG CHUB SEMS DPA'I SDOM PAS BSDAMS PA YIN PAR BRJOD PAR BYA'AM, BSDAMS PA MA YIN PAR BRJOD PAR BYA ZHE NA, BSDAMS PA MA YIN PAR BRJOD PAR BYA'O, ,TSUL KHRIMS RNAM PA GSUM PO DE DAG LAS 'DI LTA STE, SDOM PA'I TSUL KHRIMS 'DI NI SDUD PAR BYED PA DANG, 'BYOR PAR BYED PA YIN TE, DE BSDAMS SHING BSRUNGS NA DE LAS GZHAN PA DAG KYANG BSDAMS SHING BSRUNGS PAR GYUR LA, DE MA BSDAMS SHING MA BSRUNGS NA DE LAS GZHAN BDAG KYANG MA BSDAMS SHING MA BSRUNGS PAR 'GYUR BAS, DE'I PHYIR BYANG CHUB SEMS DPA' SDOM PA'I TSUL KHRIMS NYAMS NA SDOM PA THAMS CAD NYAMS PA YIN PAR BRJOD PAR BYA'O, ,GANG GZHAN LA GRAGS PAR BYA BA'I PHYIR DANG, GZHAN GYI NGO BYA BA'I PHYIR DANG, GZHAN GYIS YANG DAG PAR LEN DU BCUG PA NA, DE LEN PAR BYED PAR ZAD KYI, RANG GI DAD PAS BSAM PA THAG PA NAS RJES SU BRTAGS SHING, SEMS CAN RNAMS LA SNYING RJE'I SEMS NYE BAR GZHAG STE, DGE BA 'DOD PAS LEN PAR MI BYED PA DE YANG BSDAMS PA MA YIN PAR BRJOD PAR BYA STE, DE NI DES DGE BA YONGS SU RDZOGS PA DANG SBYOR BAR YANG MI 'GYUR LA, DE'I 'BRAS BU'I PHAN YON YANG 'THOB PAR MI 'GYUR RO, ,DE LAS BZLOG PAS NI SDOM PAS BSDAMS PA DANG, DGE BA YONGS SU RDZOGS PA DANG SBYOR BAR 'GYUR BA DANG, DE'I 'BRAS BU PHAN YON YANG 'THOB PAR 'GYUR BAR RIG PAR BYA'O, ,SDOM PA DE MA BTANG NA NI TSE RABS GZHAN DU YANG RJES SU 'JUG PAR RIG PAR BYA'O, ,GAL TE BTANG NA NI MA YIN NO, ,DE GTONG PHA NI MDOR BSDU NA RGYU BZHIS 'GYUR TE, YANG DAG PAR LEN PA'I SEMS KYIS MI 'DRA BAR NGES PA'I SEMS SKYED PAR BYED PA DANG, MI BRDA PHRAD PA'I DRUNG DU 'BUL BA DANG LDAN PA'I TSIG RJOD PAR BYED PA DANG, PHAM PA'I GNAS LTA BU'I CHOS BZHI PO DE DAG LAS THAMS CAD DAM, RE RE'I NYES PA 'BYIN PA DANG, PHAM PA'I GNAS LTA BU'I CHOS BZHI PO THAMS CAD DAM RE RE LA KUN NAS DKRIS PA CHEN POS NYES PA 'BYIN PAR @39A *, ,BYED NA BYANG CHUB SEMS DPA' SDOM PA BTANG BAR BRJOD PAR BYA'O, ,GAL TE PHYIR BLANG BA'I SEMS YONGS SU DAG PA THOB PAR GYUR NA YANG PHYIR BLANG BAR YANG BYA'O, ,BYANG CHUB SEMS DPA' RAB TU BYUNG BAS CHOS GOS GSUM MA GTOGS PA YO BYAD LHAG PA, SANGS RGYAS KYIS RJES SU GNANG BA LUS KYI LONGS SPYOD DANG BDE BA LA REG PAR GNAS PA'I RJES SU MTHUN PAR GYUR PA DAG ,GAL TE SLONG MO PA 'DOD PA RNAMS LA SO SOR BRTAGS NI SBYIN PAR BYED NA KHA NA MA THO BA MED DO, ,GAL TE DGE BA'I PHYOGS LA LTOS PA'I PHYIR YIN GYI, 'DOD PA'I KHONGS SU GTOGS PA MA YIN PAS SBYIN PAR MI BYED NA YANG KHA NA MA THO BA MED PA KHO NA YIN NO, ,GAL TE CHOS KYI GLEGS BAM BRIS ZIN PA SLONG MO PA BYIS PA'I SHES RAB CAN RNAMS LA SBYIN PAR BYED NA KHA NA MA THO BA DANG BCAS PAR 'GYUR RO, ,DE DAG LA SBYIN PA'I PHYIR GZHAN DAG LA SLONG BAR BYED NA YANG KHA NA MA THO BA DANG BCAS PAR 'GYUR RO, ,GAL TE BDAG GIS 'DI CHOS ZAB MO RNAMS 'DZIN DU GZHUG PA DANG MOS PAR BYA NUS SO SNYAM PA DE LTA BU KHO NA'I SEMS KYIS SBYIN PAR BYED NA NI KHA NA MA THO BA MED DO, ,GAL TE DAM PA'I CHOS LTAR BCOS PA'I GLEGS BAM MAM MU STEGS CAN GYI BSTAN BCOS KYI GLEGS BAM LA DAD PA'I SEMS CAN RNAMS LA DE YI GER 'DRIR BCUG NAS SAM, BRIS ZIN PA LAG NA BDOG PA SBYIN PAR BYED DAM, GZHAN LAS BSLANGS TE SBYIN PAR BYED NA KHA NA MA THO BA DANG BCAS PAR 'GYUR RO, ,BYANG CHUB SEMS DPAS GLEGS BAM BRIS ZIN PA LAG NA BDOG PA DE YANG PHYIS TE, SANGS RGYAS KYI GSUNG RAB YI GER 'DRIR GZHUG PA'AM, BDAG NYID KYIS KYANG SNYING PO MED PA KHO NAR YONGS SU SHES PAR BYA ZHING, GZHAN DAG LA YANG LEGS PA KHO NAR BSGRAG PAR BYA'O, ,GAL TE GLEGS BAM MA BRIS PA SLONG BA ZHIG 'ONGS NA BYANG CHUB SEMS DPA' DE LA 'DIS KHYOD LA JI ZHIG BYA ZHES YONGS SU DRI BAR BYA STE, GAL TE BTZONGS LA YONGS SU LONGS SPYOD PAR BYA'O ZHES ZER NA, BYANG CHUB SEMS DPA' GAL TE GLEGS BAM DE CHOS KYI DON DU STA GON BYAS PA ZHIG YIN NA NI, DE LA SBYIN PAR MI BYA BAR, RIN BDOG NA RIN SBYIN PAR BYA'O, ,GAL TE RIN @39B MI BDOG NA GNYI GA MA BYIN NA YANG KHA NA MA THO BA MED DO, ,GAL TE CHOS KYI DON DU STA GON BYAS PA MA YIN NA NI JI NAS KYANG BDE BAR YONGS SU LONGS SPYOD PAR BYA BA'I PHYIR, GLEGS BAM DE NYID SBYIN PAR BYA'O, ,DE BZHIN DU GAL TE GZHUNG SHIN TU NGAN PA 'DRI BAR 'DOD PA'I PHYIR SLONG BA LA MA BYIN NA YANG KHA NA MA THO BA MED DO, ,GZHUNG SHIN TU NGAN PA 'DRI BAR 'DOD PA LA JI LTA BA BZHIN DU GZHUNG 'BRING 'DRI BAR 'DOD PA LA YANG DE BZHIN NO, ,GZHUNG KHYAD PAR DU 'PHAGS PA 'DRI BAR 'DOD PA'I PHYIR SLONG BA LA MA BYIN NA NI KHA NA MA THO BA DANG BCAS PAR RIG PAR BYA'O, ,'DI NI BYANG CHUB SEMS DPA' PHAN 'DOGS PA'I SEMS CAN RNAMS LA PHAN 'DOGS PA'I MTSAN MA'I RJES SU 'BRANG ZHING ZANG ZING BCAS PA'I SEMS DANG PHYOGS YONGS SU GZUNG BA'I TSUL GYIS MDZA' BSHES KYI BSAM PA SKYED PAR BYED NA KHA NA MA THO BA DANG BCAS PAR 'GYUR RO, ,GNOD PA BYED PA'I SEMS CAN RNAMS LA GNOD PA BYED PA'I MTSAN MA'I RJES SU 'BRANG ZHING RNYOG PA'I SEMS DANG, DGRA BOR YONGS SU GZUNG BA'I SEMS KYIS DGRA BO'I BSAM PA SKYED PAR BYED NA KHA NA MA THO BA DANG BCAS PAR 'GYUR RO, ,GNOD PA BYED PA YANG MA YIN PHAN PA BYED PA YANG MA YIN PA'I SEMS CAN RNAMS LA THA MAL PA'I BSAM PA DANG, BTANG SNYOMS KYI BSAM PA SKYED PAR BYED NA KHA NA MA THO BA DANG BCAS PAR 'GYUR RO, ,GAL TE RAB TU 'BYUNG BA'I PHYIR GSOL BA 'DEBS PA ZHIG 'ONGS NA, DUS KYI SKYON DANG DUS THA MA'I SKYON GYI RJES SU 'BRANG ZHING RAB TU 'BYIN PAR MI BYED NA NI KHA NA MA THO BA MED DO, ,GAL TE SNYING BRTZE BA'I SEMS NYE BAR GZHAG STE RAB TU 'BYIN PAR BYED NA YANG KHA NA MA THO BA MED DO, ,RAB TU 'BYIN PA JI LTA BA BZHIN DU BSNYEN PAR RDZOGS PAR BYED PA DANG, GNAS SBYIN PAR BYED PA DANG, 'KHOR SDUD PAR BYED PA YANG DE BZHIN DU RIG PAR BYA STE, RNAM PA DE DAG GIS BYANG CHUB SEMS DPA'I TSUL KHRIMS KYI PHUNG PO DE GSUM YONGS SU RDZOGS PAR RIG PAR BYA'O, ,DE LA SBYIN PA LA SOGS PA RGYA CHER BSTAN PA RNAMS KYI MDOR BSDU BA BSTAN PAR BYA STE, DE LA BYANG CHUB SEMS DPA' RNAMS KYI SBYIN PA NI MDOR BSDU NA YON TAN @40A *, ,LNGA DANG LDAN NA SBYIN PA'I PHA ROL TU PHYIN PA ZHES BYA BA'I GRANGS SU 'GRO STE, LNGA GANG ZHE NA, 'DI LTA STE, CHAGS PA MED PA NYID DANG, MI LTA BA NYID DANG, KHA NA MA THO BA MED PA NYID DANG, RNAM PAR RTOG PA MED PA NYID DANG, YONGS SU BSNGO BA NYID KYIS SO, ,SBYIN PA LA JI LTA BA BZHIN DU TSUL KHRIMS LA SOGS PA LA YANG DE BZHIN DU RIG PAR BYA'O, ,DE LA CHAGS PA MED PA NYID NI SBYIN PA LA SOGS PA'I GAGS SU GYUR PA'I CHOS RNAM PA THAMS CAD LA CHAGS PA MED PA GANG YIN PA'O, ,DE LA MI LTA BA NYID NA ZANG ZING DANG DE'I 'BRAS BU LA SEMS 'BREL PA MED PA GANG YIN PA'O, ,DE LA KHA NA MA THO BA MED PA NYID NI SBYIN PA LA SOGS PA'I NYE BA'I NYON MONGS PA RNAM PA THAMS CAD RNAM PAR SPANGS PA NYID GANG YIN PA'O, ,DE LA RNAM PAR RTOG PA MED PA NYID NI SBYIN PA LA SOGS PA LA KUN BRTAGS PA'I NGO BO NYID DU MI LTA BA GANG YIN PA'O, ,DE LA YONGS SU BSNGO BA NYID NI SBYIN PA LA SOGS PA THAMS CAD KYI 'BRAS BU BLA NA MED PA YANG DAG PAR RDZOGS PA'I BYANG CHUB 'THOB PAR SMON LAM 'DEBS PA GANG YIN PA'O, ,DE LA DE LTAR BYANG CHUB SEMS DPA' RNAMS KYI PHA ROL TU PHYIN PA YON TAN RNAM PA LNGAS YONGS SU ZIN PA DE DAG NI BYANG CHUB SEMS DPA'I SBYIN PA ZHES KYANG BYA, BYANG CHUB SEMS DPA' SHES RAB KYI BAR ZHES KYANG BYA'O, ,THAMS CAD KYI SBYIN PA ZHES KYANG BYA, SHES RAB THAMS CAD KYI BAR ZHES KYANG BYA'O, ,DKA' BA SBYIN PA ZHES KYANG BYA, DKA' BA'I SHES RAB KYI BAR ZHES KYANG BYA STE, RGYAS PAR SA'I DNGOS GZHIR BSTAN PA'I SDOM GYI TSIGS SU BCAD PA THAMS CAD RJES SU RTOGS PAR BYA'O, ,SBYIN PA'I PHA ROL TU PHYIN PA NYE BA'I NYON MONGS PA NANG DANG PHYI ROL LA BRTEN PA RNAM PA BCU YOD DE, DE DAG GI GNYEN POR BYANG CHUB SEMS DPA'I SAR SBYIN PA'I PHA ROL TU PHYIN PA RNAM PAR DAG PA RNAM PA BCU BSTAN PA RNAMS GCIG LAS 'PHROS PA'I GO RIMS BZHIN DU RIG PAR BYA'O, ,DE LA PHYI ROL LA BRTEN PA'I NYE BA'I NYON MONGS PA NI RNAM PA LNGA STE, YONGS SU NYON MONGS PA DANG, SPONGS PA DANG, BYAMS PAS ZHEN PA MED PA DANG, YID LA BSAM PA YONGS SU RDZOGS PA DANG, YONGS SU SMIN PA'O, ,NANG LA BRTEN @40B PA'I NYE BA'I NYON MONGS PA YANG RNAM PA LNGA STE, NGES PAR 'BYIN PA MA YIN PA NYID DANG, KUN NAS NYON MONGS PA CAN NYID DANG, STOBS DANG MI LDAN PA NYID DANG, PHYOGS SU LHUNG BA DANG BCAS PA NYID DANG, ZAD PA'I CHOS CAN NYID DO, ,TSUL KHRIMS KYI LE'UR TSUL KHRIMS RNAM PAR DAG PA RNAM PA BCU BSTAN PA LA, RNAM PA GCIG GIS NI BSAM PA RNAM PAR DAG PA BSTAN TO, ,LHAG MA RNAMS KYIS NI SBYOR BA RNAM PAR DAG PA BSTAN PAR RIG PAR BYA'O, ,DE LA SBYOR BA NI RNAM PA LNGA STE, RGYUN MI 'CHAD PA'I SBYOR BA DANG, YONGS SU SBYONG BA'I SBYOR BA DANG, YONGS SU BSNGO BA'I SBYOR BA DANG, GROGS KYI SBYOR BA DANG, BSRUNG BA'I SBYOR BA'O, ,DE YANG RNAM PA GNYIS PA DANG, GSUM PA GNYIS KYIS NI SBYOR BA DANG PO BSTAN TO, ,BZHI PAS NI GNYIS PA'O, ,LNGA PAS NI GSUM PA'O, ,DRUG PA DANG, BDUN PA DANG, BRGYAD PA DANG, DGU PA RNAMS KYIS NI BZHI PA'O, ,BCU PAS NI SBYOR BA LNGA PA BSTAN PAR RIG PAR BYA'O, ,BZOD PA RNAM PAR DAG PA'I RNAM PA BCU LA RNAM PAR DAG PA RNAM PA GNYIS SU RIG PAR BYA STE, SO SOR RTOG PA'I STOBS KYIS RNAM PAR DAG PA NI DGUS BSTAN TO, ,BSGOMS PA'I STOBS KYIS RNAM PAR DAG PA NI BCU PAS BSTAN TO, ,SO SOR RTOG PA'I STOBS KYIS RNAM PAR DAG PA DE YANG RNAM PA BZHIR RIG PAR BYA STE, KHA NA MA THO BA YONGS SU SPONG BAS RNAM PAR DAG PA DANG, DE KUN DU MI SPYOD PAS RNAM PAR DAG PA DANG, KHA NA MA THO BA MED PA SKYE BAS RNAM PAR DAG PA DANG, DE'I RGYU YONGS SU MI SPONG BAS RNAM PAR DAG PA STE, RNAM PA GCIG DANG, GNYIS DANG, GSUM DANG, GO RIMS BZHIN NO, ,MI BZOD PA'I RGYU NI RNAM PA GSU PA DU RIG PAR BYA STE, NGO TSA BA MED PA DANG, KHREL MED PA DANG, SNYING RJES MED PA'O, ,BRTZON 'GRUS KYI PHA ROL TU PHYIN PA RNAM PAR DAG PA YANG RNAM PA BCUS RNAM PAR DAG PAR RIG PAR BYA STE, RNAM PAR SBYOR BAS RNAM PAR DAG PA DANG, YONGS SU 'DRIS PAS RNAM PAR DAG PA DANG, RTZOM PAS RNAM PAR DAG PA DANG, THABS KYIS RNAM PAR DAG PA DANG, DUS 'BRAS BU YOD PAR GNAS PAS RNAM PAR DAG PA DANG, TSEGS MED PAR @41A *, ,GNAS PAS RNAM PAR DAG PA DANG, NGES PAR 'BYUNG BAS RNAM PAR DAG PA DANG, GROGS KYIS YONGS SU ZIN PAS RNAM PAR DAG PA DANG, MNGON PAR SHES PA MYUR BA NYID KYIS RNAM PAR DAG PA DANG, MI ZAD PA NYID KYIS RNAM PAR DAG PA'O, ,BSAM GTAN GYI PHA ROL TU PHYIN PA YANG RNAM PAR DAG PA RNAM PA BCUS RNAM PAR DAG PA YIN TE, DAG PA DE NYID KYIS RNAM PAR DAG PA DANG, ZAG PA MED PAS RNAM PAR DAG PA DANG, DNGOS GZHI'I THABS KYIS RNAM PAR DAG PA DANG, DNGOS GZHI THOB PAS RNAM PAR DAG PA DANG, DBANG GI THABS KYIS RNAM PAR DAG PA DANG, GNAS PA LA DBANG BAS RNAM PAR DAG PA DANG, MNGON PAR SHES PA BSGRUB PA LA DBANG BAS RNAM PAR DAG PA DANG, SEMS CAN YONGS SU SMIN PAR BYA BA LA DBANG BAS RNAM PAR DAG PA DANG, MU STEGS CAN TSAR GCAD PA LA DBANG BAS RNAM PAR DAG PA DANG, 'BRAL BA BLA NA MED PAS RNAM PAR DAG PA'O, ,SHES RAB KYI PHA ROL TU PHYIN PA RNAM PAR DAG PA NI RNAM PA LNGA STE, MTSAN NYID RTOGS PAS RNAM PAR DAG PA DANG, RTEN CING 'BREL PAR 'BYUNG BA RTOGS PAS RNAM PAR DAG PA DANG, LUNG 'BOGS PA RTOGS PAS RNAM PAR DAG PA DANG, SKYES BU'I BYED PA RTOGS PAS RNAM PAR DAG PA DANG, 'THOB PA RTOGS PAS RNAM PAR DAG PA'O, ,BYANG CHUB SEMS DPA' JI LTAR LUS LA LUS KYI RJES SU LTA ZHING GNAS SHE NA, SMRAS PA, MTSAN MA'I LUS LA DE BZHIN NYID KYI LUS KYI RJES SU LTA ZHING GNAS SO, ,LUS LA JI LTA BA DE BZHIN DU, TSOR BA DANG, SEMS DANG, CHOS RNAMS LA YANG CI RIGS PAR RIG PAR BYA'O, ,BYANG CHUB SEMS DPA' SDIG PA MI DGE BA'I CHOS MA SKYES PA RNAMS MI BSKYED PA'I PHYIR 'DUN PA SKYED PAR BYED DO ZHES RGYAS PAR BYA BA DE DAG GANG ZHE NA, SMRAS PA, DE DE LTAR DE BZHIN NYID KYI DMIGS PA LA NYE BAR GNAS PA'I SEMS LA MTSAN MA DANG, GNAS NGAN LEN MI SNANG BAR GYUR PA THAMS CAD DANG, NANG DU YANG DAG PAR MA SKYES PA RNAMS MI BSKYED PA'I PHYIR 'DUN PA SKYED PAR BYED DO ZHES RGYAS PAR BYA'O, ,MA SKYES PA RNAMS MI BSKYED PA'I PHYIR JI LTA BA BZHIN DU SKYES PA SNANG BAR GYUR PA RNAMS DANG, @41B NANG DU YANG DAG PAR SKYES PA RNAMS SPANG BAR BYA BA'I PHYIR DANG, DE'I GNYEN PO DGE BA'I CHOS MA SKYES PA RNAMS BSKYED PA'I PHYIR DANG, SKYES PA RNAMS GNAS PAR BYA BA'I PHYIR 'DUN BA SKYED PAR BYED DO ZHES RGYAS PAR BYA BA YANG DE BZHIN DU RIG PAR BYA'O, ,DE LA DANG POR DRAN PA NYE BAR GZHAG PA DAG LA NI DMIGS PA LA SEMS NYE BAR GTOD PAR RIG PAR BYA'O, ,DE'I 'OG TU DMIGS PA DE NYID LA SEMS GNAS PAR BYA BA'I PHYIR YANG DAG PA'I SPONG BA RNAMS KYIS RTZOL BAR RIG PAR BYA'O, ,DE'I 'OG TU TING NGE 'DZIN THOB PA'I TING NGE 'DZIN YONGS SU RDZOGS PAR BYA BA'I PHYIR RDZU 'PHRUL GYI RKANG PA LA SBYOR BAR RIG PAR BYA'O, ,DE'I 'OG TU TING NGE 'DZIN YONGS SU RDZOGS PA'I MTSAN MA DANG GNAS NGAN LEN THAMS CAD DANG BRAL BAR BYA BA'I PHYIR DBANG PO RNAMS DANG, STOBS RNAMS KYIS LAM YANG DAG PAR RTZOM PAR RIG PAR BYA STE, DE LA DBANG PO RNAMS KYIS NI SBYOR BA'I LAM CHUNG NGU YANG DAG PAR RTZOM PAR RIG PAR BYED DO, ,STOBS RNAMS KYIS NI CHEN PO'O, ,DE'I 'OG TU SBYOR BA YANG DAG PAR BRTZAMS PA'I BYANG CHUB KYI YAN LAG RNAMS KYIS YANG DAG PA'I MTHA' RTOGS PAR BYED PAR RIG PAR BYA'O, ,DE'I 'OG TU YANG DAG PA'I MTHA' RTOGS PAS 'DI LTA STE, SGRIB PA THAMS CAD LAS RNAM PAR THAR PAR BYA BA'I PHYIR LAM GYI YAN LAG RNAMS KYIS BLA NA MED PA YANG DAG PAR RDZOGS PA'I BYANG CHUB KYI BAR DU RJES SU 'THOB PAR RIG PAR BYA'O, ,MTSAN MA DANG GNAS NGAN LEN GYI 'CHING BA NI RNAM PA BCU BZHIR RIG PAR BYA STE, DBANG PO'I 'CHING BA DANG, YUL GYI 'CHING BA DANG, SEMS CAN GCIG LA GCIG CHAGS PA'I 'CHING BA DANG, GNAS KYI 'CHING BA DANG, SHES PA MI SHES PA'I 'CHING BA DANG, SHES BYA MI SHES PA'I 'CHING BA DANG, YANG 'BYUNG BA LA SRED PA'I 'CHING BA DANG, 'JIG PA LA SRED PA'I 'CHING BA DANG, RGYU MI MTHUN PA DANG, RGYU MED PA LA MNGON PAR ZHEN PA'I 'CHING BA DANG, THOB PAR MNGON PA'I NGA RGYAL GYI 'CHING BA DANG, KUN BRTAGS PA'I NGO BO NYID LA MNGON PAR ZHEN PA'I 'CHING BA DANG, GANG ZAG GI NGO BO NYID LA MNGON PAR ZHEN PA'I 'CHING BA DANG, GANG @42A *, ,ZAG YONGS SU SHES PAR MNGON PA'I NGA RGYAL GYI 'CHING BA DANG, CHOS YONGS SU SHES PAR MNGON PA'I NGA RGYAL GYI 'CHING BA'O, ,DE LA GNAS NI 'DI YIN TE, SNOD KYI 'JIG RTEN GANG YIN PA STE, DE LA BRTEN NAS DBANG PO RNAMS 'BYUNG BAR 'GYUR BA'I PHYIR RO, , STONG PA NYID LA BRTEN NAS DRAN PA NYE BAR GZHAG PA BSGOM PA LA BRTZON PA'I BYANG CHUB SEMS DPA' NI MDOR BSDU NA 'DU SHES KYI 'CHING BA RNAM PA DRUG LAS SEMS RNAM PAR GROL BAR BYA STE, 'DU SHES KYI 'CHING BA RNAM PA DRUG GANG ZHE NA, LUS DANG CHOS RNAMS KYI BAR LA NANG DU 'DU SHES PA GANG YIN PA DE NI 'DU SHES KYI 'CHING BA DANG PO'O, ,DE DAG NYID LA PHYI ROL DU 'DU SHES PA GANG YIN PA DE NI GNYIS PA'O, ,DE DAG NYID LA NANG DANG PHYI ROL DU 'DU SHES PA GANG YIN PA DE NI GSUM PA'O, ,PHYOGS BCU'I SEMS CAN GYI KHAMS GRANGS MED DPAG TU MED PA DE DAG RNAM PAR THAR BAR BYA BA'I PHYIR SMON LAM BTAB NAS DRAN PA NYE BAR GZHAG PA DAG SGOM PAR BYED PA DE LA 'DU SHES PA GANG YIN PA DE NI BZHI PA'O, ,GANG GI LUS LA SOGS PA LA RJES SU LTA ZHING GNAS PA DE LA 'DU SHES PA GANG YIN PA DE NI LNGA PA'O, ,LUS LA SOGS PA DE DAG NYID LA RNAM PAR LTA ZHING GNAS PA DE LA 'DU SHES PA GANG YIN PA DE NI 'DU SHES KYI 'CHING BA DRUG PA YIN NO, ,DE LA LTA BA'I GONG NAS GONG DU 'DU SHES KYI 'CHING BA RNAM PA BCU GCIG YOD PAR RIG PAR BYA STE, GONG NAS GONG DU 'DU SHES KYI 'CHING BA RNAM PA BCU GCIG GANG ZHE NA, LUS LA SOGS PA LA LUS LA SOGS PAR RJES SU LTA ZHING GNAS PA'I KUN NAS NYON MONGS PA DANG, RNAM PAR BYANG BA'I BDEN PA LA DON GYI MCHOG TU 'DU SHES PA GANG YIN PA DE NI DANG PO'O, ,KUN NAS NYON MONGS PA'I DON GYI MCHOG DE NYID LA BYAS PAR 'DU SHES PA GANG YIN PA DE NI GNYIS PA'O, ,RNAM PAR BYAD PA PA'I DON GYI MCHOG DE NYID LA MA BYAS PAR 'DU SHES PA GANG YIN PA DE NI GSUM PA'O, ,MA BYAS PA'I DON GYI MCHOG DE NYID LA RTAG PAR 'DU SHES PA GANG YIN PA DE NI BZHI PA'O, ,KUN NAS NYON MONGS PA BYAS PA LA RGYUN DU 'JUG PAR 'DU SHES PA GANG YIN PA DE NI LNGA PA'O, ,RTAG PA NYID LA 'GYUR BA MED PAR @42B 'DU SHES PA GANG YIN PA DE NI DRUG PA'O, ,RGYUN DU 'JUG PA DE NYID LA SDUG BSNGAL DANG 'GYUR BA DANG BCAS PAS SDUG BSNGAL GYI RANG BZHIN CAN DU 'DU SHES PA GANG YIN PA DE NI BDUN PA'O, ,DE NYID LA SKYE BA DANG, 'JIG PA DANG, GNAS PA DANG, GZHAN DU 'GYUR BA NYID KYIS RANG GI MTSAN NYID KYIS 'GYUR BA DANG BCAS PA NYID KYIS DE'I RANG GI MTSAN NYID DU 'DU SHES PA GANG YIN PA DE NI BRGYAD PA'O, ,'GYUR BA MED PA DANG 'GYUR BA DANG BCAS PA'I DON GYI MCHOG DE NYID LA KUN NAS NYON MONGS PA DANG RNAM PAR BYANG BA'I CHOS THAMS CAD 'DUS PAR 'DU SHES PA GANG YIN PA DE NI DGU PA'O; ;KUN NAS NYON MONGS PA DANG RNAM PAR BYANG BA'I CHOS DE DAG THAMS CAD LAS KUN NAS NYON MONGS PA DANG RNAM PAR BYANG BA'I BDAG NYID MED PAR 'DU SHES PA GANG YIN PA DE NI BCU PA'O, ,KUN NAS NYON MONGS PA DANG RNAM PAR BYANG BA'I CHOS DE DAG NYID LA NGO BO NYID MED PA'I RANG GI MTSAN NYID DU 'DU SHES PA GANG YIN PA DE NI BCU GCIG PA STE, DE LTAR GONG NAS GONG DU 'DU SHES KYI 'CHING BA'I RNAM PA DE DAG SHES SHING MTHONG BAS, DE'I PHYIR BYANG CHUB SEMS DPA' STONG PA NYID LA BRTEN NAS DRAN PA NYE BAR GZHAG PA DAG SGOM PAR BYED CING SEMS KYANG RNAM PAR GROL BAR BYED DE, 'DU SHES KYI 'CHING BA DE LAS RNAM PAR GROL NA, 'DU SHES KYI 'CHING BA THAMS CAD LAS KYANG RNAM PAR GROL BAR 'GYUR RO, ,THEG PA CHEN PO PA LA LA RANG GI NYE BAR BZUNG NAS 'DI SKAD CES KUN RDZOB TU NI THAMS CAD YOD LA, DON DAM PAR NI THAMS CAD MED DO ZHES ZER RO; ,DE LA 'DI SKAD CES TSE DANG LDAN PA DON DAM PA NI GANG YIN, KUN RDZOB NI GANG YIN ZHES BRJOD PAR BYA'O, ,DE SKAD CES DRIS PA NA, GAL TE DE 'DI SKAD CES CHOS THAMS CAD KYI NGO BO NYID MED PA GANG YIN PA DE NI DON DAM PA YIN LA, NGO BO NYID MED PA'I CHOS DE DAG LA NGO BO NYID DU DMIGS PA GANG YIN PA DE NI KUN RDZOB YIN NO, ,DE CI'I PHYIR ZHE NA, 'DI LTAR DE NI YOD PA MA YIN PA DAG LA KUN RDZOB TU BYED PA DANG, 'DOGS PA DANG, MNGON PAR BRJOD PA DANG, THA SNYAD DU BYED PA'I PHYIR RO ZHES LAN 'DEBS PAR GYUR NA, DE LA 'DI SKAD CES BRJOD PAR BYA'O, ,CI NGO BO NYID DU DMIGS @43A *, ,PA DE MNGON PAR BRJOD PA DANG KUN RDZOB KYI RGYU LAS BYUNG BA YIN PAR 'DOD DAM, 'ON TE MNGON PAR BRJOD PA DANG, KUN RDZOB TZAM ZHIG YIN PAR 'DOD, GA LA TE MNGON PAR BRJOD PA DANG, KUN RDZOB KYI RGYU LAS BYUNG BA YIN NA NI DES NA MNGON PAR BRJOD PA DANG, KUN RDZOB KYI RGYU LAS BYUNG BA YIN PAS YOD PA MA YIN PA ZHES BYAR MI RUNG NGO, ,GAL TE MNGON PAR BRJOD PA DANG, KUN RDZOB TZAM ZHIG YIN NA NI DES NA GZHI MED PAR MNGON PAR BRJOD PA DANG, KUN RDZOB CES BYAR MI RUNG NGO, ,DE LA 'DI SKAD CES TSE DANG LDAN PA CI'I PHYIR NA GANG DMIGS PA DE MED PA YIN ZHES KYANG BRJOD PAR BYA'O, ,DE SKAD DRIS PA NA, GAL TE DE 'DI SKAD CES PHYIN CI LOG GI DNGOS PO YIN PA'I PHYIR RO ZHES LAN 'DEBS PAR GYUR NA, DE LA 'DI SKAD CES BRJOD PAR BYA STE, CI PHYIN CI LOG DE YOD PAR 'DOD DAM 'ON TE MED PAR 'DOD, GAL TE YOD NA NI DES NA CHOS THAMS CAD KYI NGO BO NYID MED PA NYID NI DON DAM PA'O ZHES BYAR MI RUNG NGO, ,GAL TE MED NA NI DES NA PHYIN CI LOG GI DNGOS PO YIN PA'I PHYIR GANG DMIGS PA DE NGO BO NYID MED DO ZHES BYAR MI RUNG NGO, ,THEG PA CHEN PO'I MDO SDE DON RAB TU DBYE BA'I RGYU BSTAN PA NI RNAM PA LNGAS RIG PAR BYA STE, STON PA LA GUS PA BSKYED PA NYID KYI PHYIR BSHAD PA NI DANG PO'O, ,'KHOR YANG DAG PAR BSDU BA NYID KYI PHYIR BSHAD PA NI GNYIS PA'O, ,CHOS LA RIM GRO CHER BSKYED PA NYID KYI PHYIR BSHAD PA NI GSUM PA'O, ,DNGOS PO NYE BAR DGOD BA NYID KYI PHYIR BSHAD PA NI BZHI PA'O, ,DE KHO NA'I DON MANG DU BSTAN PA NYID KYI PHYIR BSHAD PA NI LNGA PA'O, ,RANG GI MTSAN NYID YONGS SU BRTAGS PA DANG, SPYI'I MTSAN NYID YONGS SU BRTAGS PA LAS BRTZAMS NAS, SKYE MCHED BCU GNYIS PO DAG LA, SANGS RGYAS KYI CHOS MA 'DRES PA THOB BAR BYA BA'I PHYIR PHYIN CI MA LOG PA'I LAM RNAM PA BCU YOD PAR RIG PAR BYA STE, DE LA RNAM PA DRUG GIS NI SKYE MCHED BCU GNYIS PO DAG LA RANG GI MTSAN NYID YONGS SU BRTAGS PA YIN LA, RNAM PA BZHIS NI SPYI'I MTSAN NYID YONGS SU BRTAGS PA YIN PAR RIG PAR BYA STE, MIG LA SOGS PA'I MING DANG BRDA RNAM PAR GZHAG PA'I MTSAN NYID LA SGRA TZAM GYI MTSAN NYID DU YONGS SU @43B SHES PA GANG YIN PA DE NI SANGS RGYAS KYI CHOS MA 'DRES PA THOB PAR BYA BA'I PHYIR PHYIN CI MA LOG PA'I LAM DANG PO'O, ,GZHAN YANG SKYE MCHED BCU GNYIS PO DAG LA LOG PAR YONGS SU RTOGS PAS SKYE BA SNA TSOGS YONGS SU 'DZIN PA'I MTSAN NYID YONGS SU SHES PA GANG YIN PA DE NI GNYIS PA'O, , GZHAN YANG SKYE MCHED BCU GNYIS PO DAG LA RGYU LA BRTEN TE 'JUG PA'I MTSAN NYID YONGS SU SHES PA GANG YIN PA DE NI GSUM PA'O, ,GZHAN YANG SKYE MCHED BCU GNYIS PO DAG LA SKAD CIG LA 'JIG CING 'JUG PA'I MTSAN NYID DU YONGS SU SHES PA GANG YIN PA DE NI BZHI PA'O, ,GZHAN YANG SKYE MCHED BCU GNYIS PO DAG LA RNAM PAR DAG PAR 'JUG PA'I MTSAN NYID DU YONGS SU SHES PA GANG YIN PA DE NI LNGA PA'O, DE LA LAS RNAM PA GNYIS LA BRTEN NAS RNAM PAR DAG RNAM PA GNYIS SU RIG PAR BYA STE, MNGON PAR GRUB PA'I RNAM PAR DAG PA DANG, NYE BAR ZHI BA'I RNAM PAR DAG PA'O; ,GZHAN YANG SKYE MCHED BCU GNYIS PO DAG LA MNGON PAR BRJOD PA'I GZHI'I GNAS KYI MTSAN NYID DU YONGS SU SHES PA GANG YIN PA DE NI DRUG PA STE, RNAM PA DRUG PO DE DAG GIS NI RANG GI MTSAN NYID YONGS SU SHES PAR RIG PAR RIG BYA'O, ,SKYE MCHED BCU GNYIS PO DE DAG NYID LA SPYI'I MTSAN NYID NGO BO NYID DU YONGS SU SHES PA GANG YIN PA DE NI BDUN PA'O, ,GZHAN YANG SKYE MCHED BCU GNYIS PO DE DAG NYID LA SPYI'I MTSAN NYID RNAM PAR MI RTOG PA'I SPYOD YUL GYI MTSAN NYID DU YONGS SU SHES PA GANG YIN PA DE NI BRGYAD PA'O, ,GZHAN YANG SKYE MCHED BCU GNYIS PO DE DAG NYID LA SPYI'I MTSAN NYID 'JIG RTEN LAS 'DAS PA'I CHOS KYI SPYOD YUL GYI MTSAN NYID DU YONGS SU SHES PA GANG YIN PA NGA NI DGU PA'O, ,GZHAN YANG SKYE MCHED BCU GNYIS PO DE DAG NYID LA SPYI'I MTSAN NYID RNAM PAR DAG PA'I RGYU'I MTSAN NYID DU YONGS SU SHES PA GANG YIN PA DE NI, SANGS RGYAS KYI CHOS MA 'DRES PA THOB BAR BYA BA'I PHYIR PHYIN CI MA LOG PA'I LAM BCU PA YIN TE, RNAM PA BZHI PO DE DAG GIS NI SPYI'I MTSAN NYID YONGS SU BRTAGS PAR RIG PAR BYA'O, ,GNAS PA DANG SA RNAMS KYI GONG NAS GONG MA'I KHYAD PAR NI KHYAD PAR RNAM PA BRGYAD KYIS RIG PAR BYA STE, BSAM @44A *, ,PA'I KHYAD PAR DANG, SEMS RNAM PAR DAG PA'I KHYAD PAR DANG, SNYING RJE'I KHYAD PAR DANG, PHA ROL DU PHYIN PA'I KHYAD PAR DANG, SEMS CAN YONGS SU SMIN PA'I KHYAD PAR DANG, SANGS RGYAS SNANG BAR 'GYUR BA DANG, MCHOD PA DANG BSNYEN BKUR BYED PA'I KHYAD PAR DANG, SKYE BA'I KHYAD PAR DANG, MTHU'I KHYAD PAR GYIS SE,, ,,BAS PO SUM CU BDUN PA, DON DAM PA NI MTSAN NYID LNGA DANG LDAN PA YIN TE BRJOD DU MED PA'I MTSAN NYID DANG, GNYIS SU MED PA'I MTSAN NYID DANG, RTOG GE'I SPYOD YUL LAS YANG DAG PAR 'DAS PA'I MTSAN NYID DANG; THA DAD PA DANG, THA DAD PA MA YIN PA NYID LAS YANG DAG PAR 'DAS PA'I MTSAN NYID DANG, THAMS CAD DU RO GCIG PA'I MTSAN NYID DO, ,DE LA BRJOD DU MED PA'I MTSAN NYID DANG, GNYIS SU MED PA'I MTSAN NYID NI, DGONGS PA DES PAR 'GREL PA'I MDO LAS JI SKAD 'BYUNG BA BZHIN BLTA BAR BYA STE, BYANG CHUB SEMS DPA' TSUL BZHIN KUN 'DRIS, BYANG CHUB SEMS DPA' DON ZAB DGONGS PA NGES PAR 'GREL LA DRI BA DRIS PA, KYE RGYAL BA'I SRAS CHOS THAMS CAD GNYIS SU MED PA, CHOS THAMS CAD GNYIS SU MED PA ZHES BYA NA, CHOS THAMS CAD NI GANG; JI LTAR NA GNYIS SU MED PA YIN, RIGS KYI BU CHOS THAMS CAD CHOS THAMS CAD CES BYA BA NI GNYIS JI TZAM PA STE, 'DUS BYAS DANG, 'DUS MA BYAS SO, ,DE LA 'DUS BYAS NI 'DUS BYAS KYANG MA YIN, 'DUS MA BYAS KYANG MA YIN NO, ,'DUS MA BYAS KYANG 'DUS MA BYAS KYANG MA YIN, 'DUS BYAS KYANG MA YIN NO, ,SMRAS PA, KYE RGYAL BA'I SRAS JI LTAR NA 'DUS BYAS NI 'DUS BYAS KYANG MA YIN, 'DUS MA BYAS KYANG MA YIN LA, 'DUS MA BYAS KYANG 'DUS MA BYAS KYANG MA YIN, 'DUS MA BYAS KYANG MA YIN, RIGS KYI BU 'DUS BYAS KYANG 'DUS NI STON PAS BTAGS PA'I TSIG YIN TE, STON PAS BTAGS PA'I TSIG GANG YIN PA DE NI KUN TU RTOG PA LAS BYUNG BA, THA SNYAD DU BRJOD PA YIN LA, KUN TU RTOG PA LAS BYUNG BA THA SNYAD DU BRJOD PA GANG YIN PA DE NI, KUN TU RTOG PA SNA TSOGS KYI THA SNYAD DU BRJOD PA GTAN YONGS SU @44B MA GRUB PA'I PHYIR 'DUS BYAS MA YIN NO, ,RIGS KYI BU 'DUS MA BYAS ZHES BYA BA DE YANG THA SNYAD KYI KHONGS SU GTOGS PA YIN LA, 'DUS BYAS DANG, 'DUS MA BYAS SU MA GTOGS PA GANG CI BRJOD KYANG DE YANG DE DANG 'DRA BA NYID 'DU 'GYUR, ,DE YANG DE DANG 'DRA BA NYID DU 'GYUR RO, ,BRJOD PA NI DNGOS PO MED PA CAN YANG MA YIN TE, DNGOS PO DE YANG GANG YIN, 'PHAGS PA RNAMS KYI 'PHAGS PA'I YE SHES DANG, 'PHAGS PA'I MTHONG BAS BRJOD DU MED PAR MNGON PAR RDZOGS PAR SANGS RGYAS BA GANG YIN PA STE, BRJOD DU MED PA'I CHOS NYID DE NYID MNGON PAR RDZOGS PAR BYANG CHUB BAR BYA BA'I PHYIR 'DUS BYAS ZHES MING DU BTAGS SO, ,RIGS KYI BU 'DUS MA BYAS ZHES BYA BA DE YANG STON PAS BTAGS PA'I TSIG GANG YIN PA DE NI, KUN TU RTOG PA LAS BYUNG BA THA SNYAD DU BRJOD PA YIN LA, KUN TU RTOG PA LAS BYUNG BA THA SNYAD DU BRJOD PA GANG YIN PA DE NI KUN TU RTOG PA SNA TSOGS KYI THA SNYAD DU BRJOD PA GTAN YONGS SU MA GRUB PA'I PHYIR 'DUS MA BYAS PA YIN NO, ,RIGS KYI BU 'DUS BYAS ZHES BYA BA DE YANG THA SNYAD KYI KHONGS SU GTOGS PA YIN LA, 'DUS BYAS DANG 'DUS MA BYAS SU RTOGS PA GANG CI BRJOD KYANG DE YANG DE DANG 'DRA BA NYID DU 'GYUR, DE YANG DE DANG 'DRA BA NYID DU 'GYUR RO, ,BRJOD PA NI DNGOS PO MED PA CAN YANG MA YIN TE, DNGOS PO DE YANG GANG ZHE NA, 'PHAGS PA RNAMS KYIS 'PHAGS PA'I YE SHES DANG 'PHAGS PA'I MTHONG BAS BRJOD DU MED PAR MNGON PAR RDZOGS PAR SANGS RGYAS PA GANG YIN PA STE, BRJOD DU MED PA'I CHOS NYID DE NYID MNGON PAR RDZOGS PAR RTOGS PAR BYA BA'I PHYIR 'DUS MA BYAS ZHES MING DU BTAGS SO, ,KYE RGYAL BA'I SRAS JI LTAR NA 'PHAGS PA RNAMS KYI DNGOS PO DE 'PHAGS PA'I YE SHES DANG 'PHAGS PA'I MTHONG BAS BRJOD DU MED PAR MNGON PAR RDZOGS PAR SANGS RGYAS SHING BRJOD DU MED PA'I CHOS NYID DE NYID MNGON PAR RDZOGS PAR RTOGS PAR BYA BA'I PHYIR 'DUS BYAS DANG 'DUS MA BYAS ZHES MING DU BTAGS PA YIN, RIGS KYI BU 'DI LTA STE DPER NA SGYU MA MKHAN NA MA SGYU MA MKHAN GYI SLOB PA MKHAS PA ZHIG LAM PO CHE'I BZHI MDOR 'DUG STE, RTZVA DAG GAM, LO MA DAG GAM, @45A *, ,SHING DAG GAM, GSEG MA DAG GAM, GYO DU MA DAG GCIG TU BSDUS NAS SGYUR MA'I LAM SNA TSOGS 'DI LTA STE, GLANG PO CHE'I TSOGS DANG, RTA BA'I TSOGS DANG, SHING RTA'I TSOGS DANG, DPUNG BU CHUNG GI TSOGS DANG, NOR BU DANG, MU TIG DANG, BEEd'UR+YA DANG, DUNG DANG; MAN SHEL DANG, BYU RU'I TSOGS DANG, NOR DANG, 'BRU DANG, MDZOD DANG, BANG BA'I TSOGS DAG RNAM PAR BSTAN NA, DE LA SEMS CAN GANG DAG BYIS PA'I RANG BZHIN CAN, RMONGS PA'I RANG BZHIN CAN, SHES RAB 'CHAL BA'I RANG BZHIN CAN, RTZVA DANG, LO MA DANG, SHING DANG, GSEG MA DANG, GYO DU MA DE DAG MI SHES PA DE DAG NI DE MTHONG BA NGAM THOS NA 'DI SNYAM DU SEMS TE, GLANG PO CHE'I TSOGS SNANG BA GANG YIN PA 'DI NI YOD DO, ,RTA PA'I TSOGS DANG, SHING RTA'I TSOGS DANG, DPUNG BU CHUNG GI TSOGS DANG, NOR BU DANG, MU TIG DANG, BEEd'UR+YA DANG; DUNG DANG, MAN SHEL DANG, BYU RU'I TSOGS DANG, NOR DANG, 'BRU DANG, MDZOD DANG, BANG BA'I TSOGS SNANG BA GANG YIN PA 'DI NI YOD DO SNYAM DU SEMS SHING, DE DAG JI LTAR MTHONG BA DANG, JI LTAR THOS PA BZHIN DU DE DAG LA NAN GYIS MCHOG TU GZUNG ZHING, MNGON PAR ZHEN NAS, 'DI NI BDEN GYI, GZHAN NI BRDZUN PA'O ZHES RJES SU THA SNYAD 'DOGS PAR YANG BYED DE, DE NI DE DAG GIS PHYIS NYE BAR BRTAG PAR BYA DGOS PA YIN NO, ,DE LA SEMS CAN GANG DAG BYIS PA'I RANG BZHIN CAN MA YIN PA, RMONGS PA'I RANG BZHIN CAN MA YIN PA, SHES RAB DANG LDAN PA'I RANG BZHIN CAN, RTZVA DANG LO MA DANG, SHING DANG, GSIG MA DANG, GYO DU MA DE DAG NI MTHONG DAM THOS NAS 'DI SNYAM DU SEMS TE, GLANG PO CHE'I TSOGS SNANG BA GANG YIN PA 'DI NI MED DO, ,RTA BA'I TSOGS DANG, SHING RTA PA'I TSOGS DANG, DPUNG BU CHUNG GI TSOGS DANG, NOR BU DANG, MU TIG DANG, BEEd'UR+YA DANG, DUNG DANG, MAN SHEL DANG, BYU RU'I TSOGS DANG, NOR DANG, 'BRU DANG, MDZOD DANG, BANG BA'I TSOGS SNANG BA GANG YIN PA 'DI NI MED KYI, GANG LA GLANG PO CHE'I TSOGS KYI 'DU SHES DANG, GLANG PO CHE'I TSOGS KYI RNAM GRANGS KYI 'DU SHES 'BYUNG @45B BA DANG, NOR DANG, 'BRU DANG, MDZOD DANG, BANG BA'I TSOGS KYI BAR GYI 'DU SHES DANG, DE DAG GI RNAM GRANGS KYI 'DU SHES 'BYUNG BA'I SGYU MA BYAS PA 'DI NI YOD DO, ,MIG SLU BAR BYED PA 'DI NI YOD DO SNYAM DU SEMS SHING, DE DAG JI LTAR MTHONG BA DANG, JI LTAR THOS PA BZHIN DU DE DAG LA NAN GYIS MCHOG TU GZUNG ZHING MNGON PAR ZHEN NAS, 'DI NI BDEN GYI GZHAN NI BRDZUN NO ZHES RJES SU THA SNYAD MI 'DOGS KYI, 'DI LTAR DON RNAM PAR RIG PAR BYA BA'I PHYIR RJES SU THA SNYAD 'DOGS PAR BYED DE, DE NI DE DAG GIS PHYIS NYE BAR BRTAGS PAR BYA MI DGOS PA YIN NO, , DE BZHIN DU SEMS CAN GANG DAG BYIS PA'I RANG BZHIN CAN, SO SO'I SKYE BOR GYUR BA, SHES RAB 'PHAGS PA 'JIG RTEN LAS 'DAS PA MA THOB PA CHOS THAMS CAD KYI BRJOD DU MED PA'I CHOS NYID MNGON PAR MI SHES PA DE DAG NI 'DUS BYAS DANG 'DAS MA BYAS DE DAG MTHONG NGAM THOS NAS 'DI SNYAM DU SEMS TE, 'DUS BYAS DANG 'DUS MA BYAS SNANG BA GANG YIN BA 'DI NI YOD DO SNYAM DU SEMS SHING DE DAG JI LTAR MTHONG BA DANG, JI LTAR THOS PA BZHIN DU DE DAG LA NAN GYIS MCHOG TU GZUNG ZHING MNGON PAR ZHEN NAS 'DI NI BDEN GYI, GZHAN NI BRDZUN PA'O ZHES RJES SU THA SNYAD 'DOGS PAR YANG BYED DO, ,DE NI DE DAG GIS PHYIS NYE BAR BRTAG PAR BYA DGOS PA YIN NO, ,DE LA SEMS CAN GANG DAG BYIS PA'I RANG BZHIN CAN MA YIN PA, BDEN PA MTHONG BA, SHES RAB 'PHAGS PA 'JIG RTEN LAS 'DAS PA THOB PA, CHOS THAMS CAD KYI BRJOD DU MED PA'I CHOS NYID MNGON PAR SHES PA DE DAG NI 'DUS BYAS DANG 'DUS MA BYAS DE DAG MTHONG NGAM THOS NA 'DI SNYAM DU SEMS TE, 'DUS BYAS DANG 'DUS MA BYAS SNANG BA GANG YIN PA DE NI MED KYI, GANG LA 'DUS BYAS DANG 'DUS MA BYAS KYI 'DU SHES DANG, 'DUS BYAS DANG 'DUS MA BYAS KYI RNAM GRANGS KYI 'DU SHES 'BYUNG BA DANG, RNAM PAR RTOG PA LAS BYUNG BA 'DU BYED KYI MTSAN MA SGYU MA LTA BU 'DI NI YOD DO, ,BLO RNAM PAR RMONGS PAR BYED PA 'DI NI YOD DO SNYAM DU SEMS SHING, DE DAG JI LTAR MTHONG BA DANG, JI LTAR THOS PA BZHIN DU, DE LA NAN GYIS MCHOG TU GZUNG ZHING MNGON PAR ZHEN @46A *, ,PA 'DI NI BDEN GYI, GZHAN NI BRDZUN PA'O ZHES RJES SU THA SNYAD MI 'DOGS KYI, 'DI LTAR DON RNAM PAR RIG PAR BYA BA'I PHYIR RJES SU THA SNYAD 'DOGS PAR BYED DE, DE NI DE DAG GIS PHYIS NYE BAR BRTAG PAR BYA MI DGOS PA YIN NO, ,RIGS KYI BU DE LTAR NA 'PHAGS PA RNAMS KYI DNGOS PO DE 'PHAGS PA'I YE SHES DANG 'PHAGS PA'I MTHONG BAS RJES SU BRJOD DU MED PAR MNGON PAR RDZOGS PAR SANGS RGYAS SHING, ,BRJOD DU MED PA'I CHOS NYID DE NYID MNGON PAR RDZOGS PAR RTOGS PAR BYA BA'I PHYIR 'DUS BYAS DANG 'DUS MA BYAS ZHES MING DU BTAGS PA YIN NO, ,DE NAS BYANG CHUB SEMS DPA' DON ZAB DGONGS PA NGES PAR 'GREL GYIS DE'I TSE TSIGS SU BCAD PA 'DI DAG SMRAS SO, ,ZAB MO BYIS PA'I SPYOD YUL MA YIN PA, ,BRJOD MED GNYIS MIN RGYAL BAS BSTAN MDZAD KYANG, ,BYIS PA GTI MUG RMONGS PA 'DI DAG NI, ,SMRA PA'I SPROS LA DGA' ZHING GNYIS LA GNAS, ,MA RTOGS PA'AM LOG PAR RTOG PA DAG, ,LUG DANG BA LANG DAG TU YANG SKYE ZHING, ,DE DAG SHES PA'I SMRA BA DE BER NAS, ,SHIN TU YUN RING 'KHOR BA 'DIR 'KHOR 'GYUR, ,ZHES GSUNGS SO, ,DE LA RTOG GE'I SPYOD YUL LAS YANG DAG PAR 'DAS PA'I MTSAN NYID NI DGONGS PA NGES PAR 'GREL PA'I MDO LAS JI SKAD GSUNGS PA BZHIN BLTA BAR BYA STE, BCOM LDAN 'DAS LA BYANG CHUB SEMS DPA' CHOS 'PHAGS KYIS 'DI SKAD CES GSOL TO, ,BCOM LDAN 'DAS SNGON GYI DUS RNAMS KYI SHIN TU SNGA BA ZHIG NA, 'DI NAS 'JIG RTEN GYI KHAMS GANG GA'I KLUNG BDUN CU RTZA BDUN GYI BYE MA SNYED 'DAS PA NA, DE BZHIN GSHEGS PA GRAGS PA RGYA CHEN GYI SANGS RGYAS KYI ZHING 'JIG RTEN GYI KHAMS GRAGS PA CAN ZHES BGYI BA DER BDAG MCHIS PA'I TSE, DE NA BDAG GIS MU STEGS CAN RANG RANG GI STON PA LA SOGS PA 'BUM PHRAG BDUN CU RTZA BDUN 'DI LTA STE, CHOS RNAMS KYI DON DAM PA'I MTSAN NYID BSAMS PA LAS BRTZAMS NAS, SA PHYOGS ZHIG NA MCHIS SHING 'DUS NAS, DE DAG CHOS RNAMS KYI DON DAM PA'I MTSAN NYID SEMS PAR BGYID, ,'JAL PAR BGYID, ,NYE BAR RTOG PAR BGYID, YONGS SU @46B TSOL BAR BGYID KYANG MA RTOGS NAS, ,BLO GROS THA DAD PA, YID GNYIS CAN, BLO GROS NGAN PA, RTZOD PA DANG, 'GYED PAR GYUR PA DAG ,GCIG LA GCIG KHA STOBS KYIS GNOD PA BGYIS, ,ZHER 'DEBS PA BGYIS, ,GAB GAB KYIS GNON PA BGYIS, ,TSAR GCAD PAR BGYID DE, SO SOR MCHIS PA DAG CIG MTHONG NAS, ,BCOM LDAN 'DAS BDAG 'DI SNYAM BGYID DE, KYE MA DE BZHIN GSHEGS PA RNAMS 'JIG RTEN DU 'BYUNG ZHING, ,DE DAG BYUNG BAS DON DAM PA RTOG GE THAMS CAD LAS YANG DAG PAR 'DAS PA'I MTSAN NYID 'DI LTA BU RTOG PA DANG MNGON SUM DU BGYI BA MCHIS PA NI NGO MTSAR RMAD DU BYUNG BA LAGS SO SNYAM BGYID LAGS SO, ,DE SKAD CES GSOL BA DANG, BCOM LDAN 'DAS KYIS, BYANG CHUB SEMS DPA' CHOS 'PHAGS LA 'DI SKAD CES BKA' STZAL TO, ,CHOS 'PHAGS DE DE BZHIN NO, ,DE DE BZHIN TE, NGAS NI DON DAM PA RTOG GE THAMS CAD LAS YANG DAG PAR 'DAS PA'I MTSAN NYID MNGON PAR RDZOGS PAR SANGS RGYAS TE, MNGON PAR RDZOGS PAR SANGS RGYAS NAS KYANG BSNYAD CING GSAL BAR BYAS, ,RNAM PAR PHYE, GDAGS PA BYAS, RAB TU BSTAN TO, ,DE CI'I PHYIR ZHE NA, DON DAM PA NI 'PHAGS PA RNAMS KYI SO SO RANG GIS RIG PA YIN PAR NGAS BSHAD LA, SO SO'I SKYE BO RNAMS KYI PHAN TSUN RIG PAR BYA BA NI RTOG GE'I SPYOD YUL YIN PA'I PHYIR TE, CHOS 'PHAGS DE'I PHYIR RNAM GRANGS DES NA KHYOD KYIS 'DI LTAR RTOG GE THAMS CAD LAS YANG DAG PAR 'DAS PA'I MTSAN NYID GANG YIN PA DE NA DON DAM PA YIN PAR RIG PAR BYA'O, ,CHOS 'PHAGS GZHAN YANG DON DAM PA NI MTSAN MA MED PA'I SPYOD YUL YIN PAR NGAS BSHAD LA, RTOG GE NI MTSAN MA'I SPYOD YUL YIN TE, CHOS 'PHAGS DE'I PHYIR RNAM GRANGS DES KYANG KHYOD KYIS 'DI LTAR RTOG GE THAMS CAD LAS YANG DAG PAR 'DAS PA'I MTSAN NYID GANG YIN PA DE NI DON DAM PA YIN PAR RIG PAR BYA'O, ,CHOS 'PHAGS GZHAN YANG DON DAM PA NI BRJOD DU MED PA YIN PAR NGAS BSHAD LA, RTOG GE NI BRJOD PA'I SPYOD YUL YIN TE, CHOS 'PHAGS DE'I PHYIR RNAM GRANGS DES KYANG KHYOD KYIS 'DI LTAR RTOG GE THAMS @47A *, ,CAD LAS YANG DAG PAR 'DAS PA'I MTSAN NYID GANG YIN PA DE NI DON DAM PA YIN PAR RIG PAR BYA'O, ,CHOS 'PHAGS GZHAN YANG DON DAM PA NI THA SNYAD THAMS CAD YANG DAG PAR CHAD PA YIN PAR NGAS BSHAD LA, RTOG GE NI THA SNYAD KYI SPYOD YUL YIN TE, CHOS 'PHAGS DE'I PHYIR RNAM GRANGS DES KYANG KHYOD KYIS 'DI LTAR RTOG GE THAMS CAD LAS YANG DAG PAR 'DAS PA'I MTSAN NYID GANG YIN PA DE NI DON DAM PA YIN PAR RIG PAR BYA'O, ,CHOS 'PHAGS GZHAN YANG DON DAM PA NI RTZOD PA THAMS CAD YANG DAG PAR CHAD PA YIN PAR NGAS BSHAD LA, RTOG GE NI RTZOD PA'I SPYOD YUL YIN TE, CHOS 'PHAGS DE'I PHYIR RNAM GRANGS DES KYANG KHYOD KYIS 'DI LTAR RTOG GE THAMS CAD LAS YANG DAG PAR 'DAS PA'I MTSAN NYID GANG YIN PA DE NI DON DAM PA YIN PAR RIG PAR BYA'O, ,CHOS 'PHAGS 'DI LTA STE, DPER NA SKYES BU GANG ZAG JI SRID 'TSO'I BAR DU TSA BA DANG KHA BA'I RO BSTEN BSTEN PAS NI SPRANG RTZI'I RO 'AM, SHA KHA RA'I RO BRTAG PA'AM, RJES SU DPAG PA'AM, MOS PAR MI NUS SO, ,YUN RING PO NAS 'DOD PA'I 'DOD CHAGS LA MOS PA DANG 'DOD PA'I YONGS SU GDUNG BA DAG GIS YONGS SU GDUNGS PAS NI NANG GI RAB TU DBEN PA'I BDE BA GZUGS DANG, SGRA DANG, DRI DANG, RO DANG, REG BYA'I MTSAN MA THAMS CAD DANG BRAL BA LA BRTAG PA'AM, RJES SU DPAG PA'AM, MOS PAR MI NUS SO, ,YUN RING PO NAS KUN TU SMRA BA LA MOS PA KUN TU SMRA BA LA MNGON PAR DGA' BAS NI NANG GI MI SMRA BA 'PHAGS PA'I BDEN PA LA BRTAG PA'AM, RJES SU DPAG PA'AM, MOS PAR MI NUS SO, ,YUN RING PO NAS MTHONG BA DANG, THOS PA DANG, BYE BRAG PHYED PA DANG, RNAM PAR SHES PA'I THA SNYAD LA MOS PA, THA SNYAD LA MNGON PAR DGA' BAS NI THA SNYAD THAMS CAD YANG DAG PAR CHAD PA 'JIG TSOGS LA 'GOG PA'I MYA NGAN LAS 'DAS PA LA BRTAG PA'AM, RJES SU DPAG PA'AM, MOS PAR MI NUS SO, ,CHOS 'PHAGS 'DI LTA STE, DPER NA YUN RING PO NAS BDAG GIR YONGS SU 'DZIN PA NYID KYIS RTZOD PA LA BRTZON PA, RTZOD PA LA MNGON PAR DGA' BAS NI BYANG GI @47B SGRA MI SNYAN PA DAG GIS BDAG GIR YONGS SU 'DZIN PA MED PA NYID DANG, RTZOD PA MED PA NYID LA BRTAG PA'AM, RJES SU DPAG PA'AM, MOS PAR MI NUS SO, ,CHOS 'PHAGS DE BZHIN DU RTOG GE BA THAMS CAD KYIS KYANG DON DAM PA RTOG GE THAMS CAD LAS YANG DAG PAR 'DAS PA'I MTSAN NYID LA BRTAG PA'AM, RJES SU DPAG PA'AM, ,MOS PAR MI NUS SO, ,DE NAS BCOM LDAN 'DAS KYIS DE'I TSE TSIGS SU BCAD PA 'DI BKA' STZAL TO, ,SO SO RANG RIG MTSAN MED SPYOD YUL TE, ,BRJOD DU MED CING THA SNYAD YONGS CHAD PA, ,RTZOD DANG BRAL BA DON DAM CHOS YIN TE, ,DE NI RTOG GE KUN LAS 'DAS MTSAN NYID, ,CES GSUNGS PA'O, ,DE LA THA DAD PA DANG, THA DAD PA MA YIN PA NYID LAS YANG DAG PAR 'DAS PA'I MTSAN NYID NI DGONGS PA NGES PAR 'GREL PA'I MDO LAS JI SKAD 'BYUNG BA BZHIN BLTA BAR BYA STE, ,BCOM LDAN 'DAS LA BYANG CHUB SEMS DPA' BLO GROS SHIN TU RNAM DAG GIS 'DI SKAD CES GSOL TO, ,BCOM LDAN 'DAS BCOM LDAN 'DAS KYIS GANG GI SLAD DU 'DI SKAD CES DON DAM PA NI PHRA BA ZAB PA THA DAD PA DANG THA DAD PA NYID MA YIN PA NYID LAS YANG DAG PAR 'DAS PA'I MTSAN NYID RTOGS PAR DKA' BA YIN NO ZHES BKA' STZAL TE, JI TZAM DU BCOM LDAN 'DAS KYIS LEGS PAR GSUNGS PA DE NI NGO MTSAR LAGS SO, ,BCOM LDAN 'DAS 'DI NA BDAG GIS PHYOGS SHIG NA, BYANG CHUB SEMS DPA' MOS PAS SPYOD PA'I SA LA BZHUGS PA RAB TU MANG PO DAG CIG 'DI LTA STE, 'DU BYED RNAMS DANG, DON DAM PA THA DAD PA DANG THA DAD PA MA LAGS PA NYID BSAMS PA LAS BRTZAMS TE, PHAN TSUN NAS MCHIS SHING MCHIS NAS 'DUS TE MCHIS NAS, DE NA BYANG CHUB SEMS DPA' KHA CIG 'DI SKAD CES 'DU BYED KYI MTSAN NYID DANG DON DAM PA'I MTSAN NYID THA DAD PA MA LAGS SO ZHES MCHI, KHA CIG NI 'DI SKAD CES 'DU BYED KYI MTSAN NYID DANG DON DAM PA'I MTSAN NYID THA DAD PA DANG THA DAD PA MA LAGS PA MA LAGS KYI, ,'DU BYED KYI MTSAN NYID DANG DON DAM PA'I MTSAN NYID THA DAD PA LAGS SO ZHES MCHI, THE TSOM DU GYUR PA'I BLO GROS CAN YID GNYIS SU @48A *, ,GYUR PA KHA CIG NI 'DI SKAD DU, ,GANG DAG DE SKAD CES 'DU BYED KYI MTSAN NYID DANG DON DAM PA'I MTSAN NYID THA DAD PA LAGS SO ZHES MCHI BA DANG, GANG DAG DE SKAD CES 'DU BYED KYI MTSAN NYID DANG DON DAM PA'I MTSAN NYID THA DAD PA MA LAGS SO ZHES MCHI BA'I BYANG CHUB SEMS DPA' DE DAG LA GANG NI MANG PAR MCHI BA LAGS, ,GANG NI SHO BE MCHI BA LAGS, ,GANG NI TSUL BZHIN DU ZHUGS PA LAGS, ,GANG NI TSUL BZHIN MA LAGS PAR ZHUGS PA LAGS ZHES MCHI BDAG CIG MTHONG LAGS SO, ,BCOM LDAN 'DAS MTHONG NAS KYANG BDAG 'DI SNYAM BGYID DE, RIGS KYI BU 'DI DAG THAMS CAD NI 'DI LTAR DON DAM PA 'DU BYED RNAMS DANG THA DAD PA DANG THA DAD PA MA LAGS PA NYID LAS YANG DAG PAR 'DAS PA'I MTSAN NYID PHRA BA MA 'TSAL BA, ,BYIS PA RMONGS PA MI GSAL BA, MI MKHAS PA, TSUL BZHIN MA LAGS PAR ZHUGS PA SHA STAG LAGS SO SNYAM BGYID LAGS SO, ,DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' BLO GROS SHIN TU RNAM DAG LA 'DI SKAD CES BKA' STZAL TO, ,BLO GROS SHIN TU RNAM DAG DE DE BZHIN NO, ,DE DE BZHIN TE, RIGS KYI BU DE DAG THAMS CAD NI 'DI LTAR DON DAM PA 'DU BYED RNAMS DANG THA DAD PA DANG THA DAD PA MA YIN PA NYID LAS YANG DAG PAR 'DAS PA'I MTSAN NYID PHRA BA MI SHES PA, BYIS PA, RMONGS PA, MI GSAL BA, MI MKHAS PA, TSUL BZHIN MA YIN PAR ZHUGS PA SHA STAG YIN NO, ,DE CI'I PHYIR ZHE NA, BLO GROS SHIN TU RNAM DAG 'DU BYED RNAMS LA DE LTAR SO SOR RTOG PA DAG NI DON DAM PA RTOG PA'AM, DON DAM PA MNGON SUM DU BYED PA MA YIN PA'I PHYIR RO, ,DE CI'I PHYIR ZHE NA, BLO GROS SHIN TU RNAM DAG GAL TE 'DU BYED KYI MTSAN NYID DANG DON DAM PA'I MTSAN NYID THA DAD PA MA YIN PAR GYUR NA NI DES NA BYIS PA SO SO'I SKYE BO THAMS CAD BDEN PA MTHONG BA YIN PAR YANG 'GYUR, ,SO SO'I SKYE BO KHO NAR 'GYUR BZHIN DU GRUB PA DANG BDE BA BLA NA MED PA'I MYA NGAN LAS 'DAS PA 'THOB PAR YANG 'GYUR, ,BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR YANG 'GYUR RO, ,GAL TE 'DU BYED KYI MTSAN NYID @48B LAS DON DAM PA'I MTSAN NYID THA DAD PA YIN PAR GYUR NA NI DES NA BDEN PA MTHONG BA RNAMS KYANG, ,'DU BYED KYI MTSAN MA DANG MA BRAL BAR 'GYUR, ,'DU BYED KYI MTSAN MA DANG MA BRAL BA'I PHYIR BDEN PA MTHONG BA YANG MTSAN MA'I 'CHING BA LAS RNAM PAR GROL BAR YANG MI 'GYUR, ,MTSAN MA'I 'CHING BA LAS RNAM PAR MA GROL NA GNAS NGAN LEN GYI 'CHING BA LAS KYANG RNAM PAR MA GROL BAR 'GYUR, ,'CHING BA DE GNYIS LAS MA GROL NA BDEN BA MTHONG BAS GRUB PA DANG BDE BA BLA NA MED PA'I MYA NGAN LAS 'DAS PA 'THOB PAR YANG MI 'GYUR, ,BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR YANG MI 'GYUR RO, ,BLO GROS SHIN TU RNAM DAG GANG GI PHYIR SO SO'I SKYE BO BDEN PA MTHONG BA MA YIN, ,SO SO'I SKYE BO KHO NAR 'GYUR BZHIN DU GRUB PA DANG, BDE BA BLA NA MED PA'I MYA NGAN LAS 'DAS PA 'THOB PAR YANG MI 'GYUR, BLA NA MED PA YANG DAG BAR RDZOGS PA'I BYANG CHUB MNGON PAR RDZOGS PAR 'TSANG RGYA BAR YANG MI 'GYUR BA DE'I PHYIR, ,'DU BYED KYI MTSAN NYID DANG DON DAM PA'I MTSAN NYID THA DAD PA MA YIN ZHES BYAR MI RUNG STE, DE LA GANG DAG DE SKAD CES 'DU BYED KYI MTSAN NYID DANG DON DAM PA'I MTSAN NYID THA DAD PA MA YIN ZHES ZER BA DE DAG NI RNAM GRANGS DES NA, KHYOD KYIS 'DI LTAR TSUL BZHIN MA YIN PAR ZHUGS PA YIN GYI, ,TSUL BZHIN DU ZHUGS PA MA YIN PAR RIG PAR BYA'O, ,BLO GROS SHIN TU RNAM DAG GANG GI PHYIR BDEN PA MTHONG BA RNAMS 'DU BYED KYI MTSAN MA DANG BRAL BA MA YIN GYI, BRAL BA KHO NA YIN PA DANG, BDEN PA MTHONG BA MTSAN MA'I 'CHING BA LAS RNAM PAR MA GROL BA MA YIN GYI, ,RNAM PAR GROL BA YIN PA DANG, BDEN PA MTHONG BA GNAS NGAN LEN GYI 'CHING BA LAS RNAM PAR MA GROL BA MA YIN GYI, ,RNAM PAR GROL BA YIN PA DANG, 'CHING BA DE GNYI GA LAS RNAM PAR GROL NA GRUB PA DANG BDE BA BLA NA MED PA'I MYA NGAN LAS 'DAS PA 'THOB PAR 'GYUR BA DANG, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR YANG 'GYUR BA DE'I PHYIR, ,'DU BYED KYI MTSAN NYID DANG DON DAM PA'I MTSAN NYID THA DAD PA ZHES BYAR @49A *, ,MI RUNG STE, DE LA GANG DAG DE SKAD CES 'DU BYED KYI MTSAN NYID DANG DON DAM PA'I MTSAN NYID THA DAD PA ZHES ZER BA DE DAG NI RNAM GRANGS DES NA, KHYOD KYIS 'DI LTAR TSUL BZHIN MA YIN PAR ZHUGS PA YIN GYI, TSUL BZHIN DU ZHUGS PA MA YIN PAR RIG PAR BYA'O, ,BLO GROS SHIN TU RNAM DAG GZHAN YANG GAL TE 'DU BYED KYI MTSAN NYID DANG DON DAM PA'I MTSAN NYID THA DAD PA MA YIN PAR GYUR NA NI, ,DES NA JI LTAR 'DU BYED KYI MTSAN NYID KYANG KUN NAS NYON MONGS PA'I MTSAN NYID DU GTOGS PA DE BZHIN DU DON DAM PA'I MTSAN NYID KYANG KUN NAS NYON MONGS PA'I MTSAN NYID DU GTOGS PAR 'GYUR RO, ,BLO GROS SHIN TU RNAM DAG GA LA TE 'DU BYED KYI MTSAN NYID DANG, DON DAM PA'I MTSAN NYID THA DAD PA YIN PAR GYUR NA YANG DES NA 'DU BYED KYI MTSAN NYID THAMS CAD LA DON DAM PA'I MTSAN NYID NI SPYI'I MTSAN NYID DU GYUR PA MA YIN PAR 'GYUR RO, ,BLO GROS SHIN TU RNAM DAG GANG GI PHYIR DON DAM PA'I MTSAN NYID KUN NAS NYON MONGS PA'I MTSAN NYID DU GTOGS PA MA YIN PA DANG, 'DU BYED KYI MTSAN NYID THAMS CAD LA DON DAM PA'I MTSAN NYID SPYI'I MTSAN NYID DU GYUR PA DE'I PHYIR, ,'DU BYED KYI MTSAN NYID DANG DON DAM PA'I MTSAN NYID THA DAD PA MA YIN ZHES BYAR YANG MI RUNG LA, DON DAM PA'I MTSAN NYID THA DAD PA ZHES BYAR YANG MI RUNG STE, DE LA GANG DAG DE SKAD CES 'DU BYED GYI MTSAN NYID DANG, DON DAM PA'I MTSAN NYID THA DAD PA MA YIN ZHES ZER BA DANG, DON DAM PA'I MTSAN NYID THA DAD PA ZHES ZER BA DE DAG NI RNAM GRANGS DES NA, KHYOD KYIS 'DI LTAR TSUL BZHIN MA YIN PAR ZHUGS PA YIN GYI, ,TSUL BZHIN DU ZHUGS PA NI MA YIN PAR RIG PAR BYA'O, ,BLO GROS SHIN TU RNAM DAG GZHAN YANG GAL TE 'DU BYED KYI MTSAN NYID DANG DON DAM PA'I MTSAN NYID THA DAD PA MA YIN PAR GYUR NA NI, ,DES NA JI LTAR DON DAM PA'I MTSAN NYID THAMS CAD LA BYE BRAG MED PA DE BZHIN DU, ,'DU BYED KYI MTSAN NYID THAMS CAD KYANG BYE BRAG MED PAR 'GYUR BA DANG, RNAL 'BYOR PA DAG 'DU BYED RNAMS LA JI LTAR MTHONG BA DANG, JI LTAR THOS PA DANG, JI LTAR BYE BRAG PHYED PA DANG, JI LTAR RNAM PAR SHES PA LAS GONG DU DON DAM PA YONGS SU TSOL BAR YANG MI 'GYUR RO, ,GAL TE 'DU BYED GYI MTSAN NYID DANG, DON DAM @49B PA'I MTSAN NYID THA DAD PA YIN PAR GYUR NA NI DES NA 'DU BYED RNAMS KYI BDAG MED PA TZAM DANG, NGO BO NYID MED PA TZAM NYID DON DAM PA'I MTSAN NYID YIN PAR YANG MI 'GYUR, ,KUN NAS NYON MONGS PA'I MTSAN NYID DANG, RNAM PAR BYANG BA'I MTSAN NYID KYANG DUS GCIG TU MTSAN NYID THA DAD DUD GRUB PAR 'GYUR RO, ,BLO GROS SHIN TU RNAM DAG GANG GI PHYIR 'DU BYED KYI MTSAN NYID RNAMS NI BYE BRAG YOD PA YIN TE, BYE BRAG MED PA MA YIN PA DANG, RNAL 'BYOR PA DAG 'DU BYED RNAMS LA JI LTAR MTHONG BA DANG, THOS PA DANG, BYE BRAG PHYED PA DANG, RNAM PAR SHES PA LAS GONG DU DON DAM PA YONGS SU TSOL BAR BYED PA DANG, DON DAM PA NI 'DU BYED RNAMS KYI BDAG MED PAS RAB TU PHYE BA YIN PA DANG, KUN NAS NYON MONGS PA DANG, RNAM PAR BYANG BA'I MTSAN NYID KYANG DUS GCIG TU MTSAN NYID THA DAD DU GRUB PA MED PA DE'I PHYIR, 'DU BYED KYI MTSAN NYID DANG DON DAM PA'I MTSAN NYID THA DAD PA'AM, ,THA DAD PA MA YIN PA ZHES BYAR MI RUNG NGO, ,DE LA GANG DAG 'DI SKAD CES 'DU BYED KYI MTSAN NYID DANG DON DAM PA'I MTSAN NYID THA DAD PA MA YIN PA'AM, THA DAD PA ZHES ZER BA DE DAG NI RNAM GRANGS DES NA, KHYOD KYI 'DI LTAR TSUL BZHIN MA YIN PAR ZHUGS PA YIN GYI, ,TSUL BZHIN DU ZHUGS PA MA YIN PAR RIG PAR BYA'O, ,BLO GROS SHIN TU RNAM DAG 'DI LTA STE, DPER NA DUNG GI DKAR PO NYID NI DUNG DANG MTSAN NYID THA DAD PA MA YIN PA'AM, ,MTSAN NYID THA DAD DU GDAGS PAR SLA BA MA YIN NO, ,DUNG GI DKAR PO NYID JI LTA BA BZHIN DU, GSER GYI SER PO NYID KYANG DE BZHIN NO, ,PI WANG GI SGRA'I SNYAN PA NYID KYANG PI WANG GI SGRA NYID DANG MTSAN NYID THA DAD PA MA YIN PA'AM, ,MTSAN NYID THA DAD PAR GDAGS PAR SLA BA MA YIN NO, ,AA KA RU NAG PO'I DRI ZHIM PO NYID KYANG AA KA RU NAG PO DANG MTSAN NYID THA DAD PA MA YIN PA'AM, MTSAN NYID THA DAD DU GDAGS PAR SLA BA MA YIN NO, ,NA LE SHAM GYI TSA BA NYID KYANG NA LE SHAM DANG MTSAN NYID THA DAD PA MA YIN PA'AM, ,MTSAN NYID THA DAD DU GDAGS PAR SLA BA MA YIN NO, ,NA LE SHAM GYI TSA BA NYID JI LTAR BA BZHIN DU AA RU RA'I BSKA BA NYID KYANG DE BZHIN @50A *, ,NO; ,'DI LTA STE, DPER NA SHING BAL GYI 'DA' BA'I 'JAM PA NYID KYANG SHING BAL GYI 'DA' BA DANG MTSAN NYID THA PA MA YIN PA'AM, ,MTSAN NYID THA DAD PAR GDAGS PAR SLA BA MA YIN NO, ,'DI LTA STE, DPER NA MAR LA MAR GYI SNYING KHU YANG MAR DANG MTSAN NYID THA DAD PA MA YIN PA'AM, ,MTSAN NYID THA DAD PAR GDAGS PAR SLA BA MA YIN NO, ,'DI LTA STE, DPER NA 'DU BYED THAMS CAD LA MI RTAG PA NYID DANG, ZAG PA DANG BCAS PA THAMS CAD LA SDUG BSNGAL BA NYID DANG, CHOS THAMS CAD LA GANG ZAG GI BDAG MED PA NYID KYANG DE DAG DANG MTSAN NYID THA DAD PA MA YIN PA'AM, ,MTSAN NYID THA DAD DU GDAGS PAR SLA BA MA YIN NO, BLO GROS SHIN TU RNAM DAG 'DI LTA STE, DPER NA 'DOD CHAGS KYI MA ZHI BA'I MTSAN NYID DANG, KUN NAS NYON MONGS PA'I MTSAN NYID KYANG 'DOD CHAGS PA DANG MTSAN NYID THA DAD PA MA YIN PA'AM, MTSAN NYID THA DAD DU GDAGS PAR SLA BA MA YIN PA DANG, 'DOD CHAGS KYI JI LTA BA BZHIN DU ZHE SDANG DANG GTI MUG GI YANG DE BZHIN DU RIG PAR BYA'O, ,BLO GROS SHIN TU RNAM DAG DE BZHIN DU 'DU BYED KYI MTSAN NYID DANG DON DAM PA'I MTSAN NYID KYANG MTSAN NYID THA DAD PA MA YIN PA'AM, ,MTSAN NYID THA DAD DU GDAGS PAR MI BZOD DO, ,BLO GROS SHIN TU RNAM DAG NGAS NI DE LTAR DON DAM PA, PHRA BA, MCHOG TU PHRA BA, ZAB PA, MCHOG TU ZAB PA, RTOGS PAR DKA' BA, MCHOG TU RTOGS PAR DKA' BA THA DAD PA DANG THA DAD PA MA YIN PA NYID LAS YANG DAG PAR 'DAS PA'I MTSAN NYID MNGON PAR RDZOGS PAR SANGS RGYAS TE, MNGON PAR RDZOGS PAR SANGS RGYAS NAS KYANG BSNYAD CING GSAL BAR BYAS, RNAM PAR PHYE, GDAGS PA BYAS RAB TU BSTAN TO, ,DE NAS BCOM LDAN 'DAS KYIS DE'I TSE TSIGS SU BCAD PA 'DI DAG BKA' STZAL TO, 'DU BYED KHAMS DANG DON DAM MTSAN NYID NI, ,GCIG DANG THA DAD BRAL BA'I MTSAN NYID DE, ,GCIG DANG THA DAD NYID DU GANG RTOG PA, DE DAG TSUL BZHIN MA YIN ZHUGS PA YIN, ,SKYE BA PO YIS LHAG MTHONG DANG, ZHI GNAS GOMS PAR BYAS NAS NI, ,GNAS NGAN LEN GYI MCHING BA DANG, MTSAN MA'I 'CHING @50B LAS RNAM GROL 'GYUR, ,ZHES GSUNGS SO, ,DE LA THAMS CAD DU RO GCIG PA'I MTSAN NYID NI DGONGS PA NGES PAR 'GREL PA'I MDO LAS JI SKAD 'BYUNG BA BZHIN BLTA BAR BYA STE BCOM LDAN 'DAS KYIS TSE DANG LDAN PAR RAB 'BOR LA BKA' STZAL PA, ,RAB 'BYOR KHYOD KYIS SEMS CAN GYI KHAMS NA, GANG DAG MNGON PA'I NGA RGYAL MNGON PA'I NGA RGYAL GYIS MNGON DU ZIN CING, ,SHES PA BRDA SPROD PAR BYED PA'I SEMS CAN NI JI TZAM ZHIG YOD PAR SHES, ,KHYOD KYIS SEMS CAN GYI KHAMS NA, GANG DAG MNGON PA'I NGA RGYAL MED PAR SHES PA BRDA SPROD PAR BYED PA'I SEMS CAN JI TZAM ZHIG YOD PAR SHES, RAB 'BYOR GYIS GSOL PA, ,BCOM LDAN 'DAS BDAG GIS SEMS CAN GYI KHAMS NA GANG DAG MNGON PA'I NGA RGYAL MA MCHIS PAR SHES PA BRDA SPROD PAR BGYID PA'I SEMS CAN NI NYUNG SHAS CIG MCHIS PAR 'TSAL BA LAGS KYI, ,BCOM LDAN 'DAS BDAG GIS SEMS CAN GYI KHAMS NA, GANG DAG MNGON PA'I NGA RGYAL CAN, MNGON PA'I NGA RGYAL GYIS MNGON DU ZIN CING SHES PA BRDA SPROD PAR BYED PA'I SEMS CA NI TSAD MA MCHIS, GRANGS MA MCHIS, ,BRJOD DU MA MCHOS PA SNYED CIG MCHOS PAR 'TSAL LAGS TE, BCOM LDAN 'DAS BDAG DUS GCIG GIS NA, DGON PA NAGS KHROD CHEN PO ZHIG NA MCHIS PA'I TSE, DE NA BDAG GI NYE 'KHOR NA DGE SLONG RAB TU MANG PO DAG CIG KYANG DGON PA NAGS KHROD CHEN PO NA BRTEN CING GNAS LAGS TE, BDAG GIS SNGA DRO'I DUS KYI TSE, ,DGE SLONG DE DAG PHAN TSUN NAS MCHIS SHING MJAL NAS CHOS RNAM PA SNA TSOGS DMIGS PA'I MNGON PAR RTOGS PA STON PAS SHES PA BRDA SPROD PAR BGYID DE, ,DE NA KHA CIG NI PHUNG PO DMIGS PA DANG, PHUNG PO'I MTSAN MA DMIGS PA DANG, PHUNG PO'I SKYE BA DMIGS PA DANG, PHUNG PO'I 'JIG PA DMIGS PA DANG, PHUNG PO 'GOG PA DMIGS PA DANG, PHUNG PO 'GO PA MNGON DU BGYI BA DMIGS PAS SHES PA BRDA SPYOD PAR BGYID, ,KHA CIG PHUNG PO'I DMIGS PA JI LTA BA DE BZHIN DU, KHA CIG NI SKYE MCHED DMIGS PAS, ,KHA CIG NI RTEN CING 'BREL BAR 'BYUNG BA DMIGS PAS SHES PA BRDA SPROD PAR @51A *, ,BGYID, KHA CIG NI ZAS DMIGS PA DANG, ZAS KYI MTSAN MA DMIGS PA DANG, ZAS KYI SKYE BA DMIGS PA DANG, ZAS KYI 'JIG PA DMIGS PA DANG, ZAS 'GOG PA DMIGS PA DANG, ZAS 'GOG PA MNGON DU BGYI BA DMIGS PAS SHES PA BRDA SPROD PAR BGYID, KHA CIG NI BDEN PA DMIGS PA DANG, BDEN PA'I MTSAN MA DMIGS PA DANG, BDEN PA YONGS SU SHES PA DMIGS PA DANG, BDEN PA SPANG BA DMIGS PA DANG, BDEN PA MNGON DU BGYID PA DMIGS PA DANG, BDEN PA BSGOM PA DMIGS PAS SHES PA BRDA SPROD PAR BGYID, KHA CIG NI KHAMS DMIGS PA DANG, KHAMS KYI MTSAN MA DMIGS PA DANG, KHAMS SNA TSOGS PA NYID DMIGS PA DANG, KHAMS DU MA PA DMIGS PA DANG, KHAMS 'GOG PA DMIGS PA DANG, KHAMS 'GOG PA MNGON DU BGYID PA DMIGS PAS SHES PA BRDA SPROD PAR BGYID, KHA CIG NI DRAN BA NYE BAR GZHAG PA DMIGS PA DANG, DRAN PA NYE BAR GZHAG PA'I MTSAN MA DMIGS PA DANG, DRAN PA NYE BAR GZHAG PA'I MI MTHUN PA'I PHYOGS DANG GNYEN PO DMIGS PA DANG, DRAN PA NYE BAR GZHAG PA'I BSGOM PA DMIGS PA DANG, DRAN PA NYE BAR GZHAG PA MA SKYES PA SKYE BA DMIGS PA DANG, DRAN PA NYE BAR GZHAG PA SKYES PA GNAS PA DANG, MA BSKYUD PA DANG, SLAR ZHING 'BYUNG BA DANG, 'PHEL ZHING RGYAS PA DMIGS PAS SHES PA BRDA SPROD PAR BGYID, KHA CIG NI DRAN PA NYE BAR GZHAG PA RNAMS JI LTA BA DE BZHIN DU, KHA CIG NI YANG DAG PAR SPONG BA RNAMS DANG, RDZU 'PHRUL GYI RKANG PA RNAMS DANG, DBANG PO RNAMS DANG, STOBS RNAMS DANG, BYANG CHUB KYI YAN LAG RNAMS DANG, KHA CIG NI 'PHAGS PA'I LAM YAN LAG BRGYAD PA DMIGS PA DANG, 'PHAGS PA'I LAM YAN LAG BRGYAD PA'I MTSAN MA DMIGS PA DANG, 'PHAGS PA'I LAM YAN LAG BRGYAD PA'I MI MTHUN BA'I PHYOGS KYI GNYEN PO DMIGS PA DANG, 'PHAGS PA'I LAM YAN LAG BRGYAD PA BSGOM PA DMIGS PA DANG, 'PHAGS PA'I LAM YAN LAG BRGYAD PA MA SKYES PA SKYE BA DMIGS PA DANG, 'PHAGS PA'I LAM YAN LAG BRGYAD PA SKYES PA GNAS PA DANG, MA BSKYUD PA DANG, SLAR ZHING @51B 'BYUNG BA DANG, 'PHEL ZHING RGYAS PA DMIGS PAS SHES PA BRDA SPROD PAR RIG PA DAG MTHONG LAGS SO, ,MTHONG NAS KYANG BDAG 'DI SNYAM BGYID DE, TSE DANG LDAN PA 'DI DAG NI CHOS RNAM PA SNA TSOGS DMIGS PA'I MNGON PAR RTOGS PA STON PAS SHES PA BRDA SPROD PAR BGYID CING, 'DI LTAR DON DAM PA THAMS CAD DU RO GCIG PA'I MTSAN NYID MA 'TSAL BAS TSE DANG LDAN PA 'DI DAG THAMS CAD NI MNGON PA'I NGA RGYAL CAN, MNGON PA'I NGA RGYAL GYIS MNGON DU ZIN CING, SHES PA BRDA SPROD PAR BGYID PA SHA STAGS LAGS SO SNYAM BGYID LAGS SO, ,BCOM LDAN 'DAS BCOM LDAN 'DAS KYIS GANG GI SLAD DU 'DI SKAD CES, DON DAM PA NI PHRA BA, ZAB PA, RTOGS PAR DKA' BA, MCHOG TU RTOGS PAR DKA' BA, THAMS CAD DU RO GCIG PA'I MTSAN NYID YIN NO ZHES BKA' STZAL PA, JI TZAM DU BCOM LDAN 'DAS KYIS LEGS PAR GSUNGS PA DE NI NGO MTSAR LAGS TE, BCOM LDAN 'DAS DON DAM PA THAMS CAD DU RO GCIG PA'I MTSAN NYID NI BCOM LDAN 'DAS KYI BSTAN PA 'DI NYID LA ZHUGS PA DANG, DGE SLONG DU GYUR PA'I SEMS CAN RNAMS KYIS KYANG DE LTAR RTOGS PAR DKA' BA LAGS NA, 'DI LAS SLAD ROL PA'I MU STEGS CAN RNAMS KYIS LTA SMOS KYANG CI 'TSAL, BCOM LDAN 'DAS KYIS BKA' STZAL PA, RAB 'BYOR DE DE BZHIN NO, ,DE DE BZHIN TE, DES NI DON DAM PA THAMS CAD DU RO GCIG PA'I MTSAN NYID PHRA BA, MCHOG TU PHRA BA, ZAB PA, MCHOG TU ZAB PA, RTOGS PAR DKA' BA, MCHOG TU RTOGS PAR DKA' BA, MNGON PAR RDZOGS PAR SANGS RGYAS TE, MNGON PAR RDZOGS PAR SANGS RGYAS NAS KYANG BSNYAD CING GSAL BAR BYAS, RNAM PAR PHYE, GDAGS PA BYAS, RAB TU BSTAN TO, ,DE CI'I PHYIR ZHE NA, RAB 'BYOR PHUNG PO RNAMS LA RNAM PAR DAG PA'I DMIGS PA GANG YIN PA DE NI NGAS DON DAM PA YIN PAR YONGS SU BSTAN CING RAB 'BYOR SKYE MCHED RNAMS DANG, RTEN CING 'BREL PAR 'BYUNG BA DANG, ZAS RNAMS DANG, BDEN PA RNAMS DANG, KHAMS RNAMS DANG, DRAN PA NYE BAR GZHAG PA RNAMS DANG, YANG DAG PA'I SPONG BA RNAMS DANG, RDZU 'PHRUL GYI RKANG PA RNAMS DANG, @52A *, ,DBANG PO RNAMS DANG, STOBS RNAMS DANG, BYANG CHUB KYI YAN LAG RNAMS DANG, RAB 'BYOR 'PHAGS PA'I LAM YAN LAG BRGYAD PA LA RNAM PAR DAG PA'I DMIGS PA GANG YIN PA DE NI, NGAS DON DAM PA YIN PAR YONGS SU BSTAN PA'I PHYIR RO, ,PHUNG PO RNAMS LA RNAM PAR DAG PA'I DMIGS PA DE YANG THAMS CAD DU RO GCIG PA STE, MTSAN NYID THA DAD PA MA YIN NO, ,PHUNG PO RNAMS LA JI LTA BA BZHIN DU, SKYE MCHED RNAMS DANG, 'PHAGS PA'I LAM YAN LAG BRGYAD PA'I BAR LA RNAM PAR DAG PA'I DMIGS PA DE YANG THAMS CAD DU RO GCIG PA STE, MTSAN NYID THA DAD PA MA YIN NO, ,RAB 'BYOR RNAM GRANGS DES NA, KHYOD KYIS 'DI LTAR THAMS CAD DU RO GCIG PA'I MTSAN NYID GANG YIN PA DE NI DON DAM PA YIN PAR RIG PAR BYA'O, ,RAB 'BYOR GZHAN YANG DGE SLONG RNAL 'BYOR SPYOD PA NI PHUNG PO GCIG GI DE BZHIN NYID DON DAM PA CHOS BDAG MED PA RAB TU RTOGS NAS, YANG DE LAS GZHAN PA'I PHUNG PO RNAMS DANG, KHAMS RNAMS DANG, SKYE MCHED RNAMS DANG, RTEN CING 'BREL PAR 'BYUNG BA RNAMS DANG, ZAS RNAMS DANG, BDEN PA RNAMS DANG, DRAN PA NYE BAR GZHAG PA RNAMS DANG, YANG DAG PA'I SPONG BA RNAMS DANG, RDZU 'PHRUL GYI RKANG PA RNAMS DANG, DBANG PO RNAMS DANG, STOBS RNAMS DANG, BYANG CHUB KYI YAN LAG RNAMS SO SO DANG, 'PHAGS PA'I LAM YAN LAG BRGYAD PA SO SO LA DE BZHIN NYID DON DAM PA CHOS BDAG MED PA YONGS SU TSOL BAR MI BYED KYI, DE BZHIN NYID KYI RJES SU 'BRANG BA GNYIS SU MED PA'I SHES PA LA BRTEN PA DE NYID KYIS, DON DAM PA THAMS CAD DU RO GCIG PA'I MTSAN NYID NGES PAR 'DZIN PA DANG, MNGON PAR RTOGS PA KHO NAR BYED DE, RAB 'BYOR RNAMS GRANGS DES KYANG KHYOD KYIS 'DI LTAR THAMS CAD DU RO GCIG PA'I MTSAN NYID GANG YIN PA DE NI DON DAM PA YIN PAR RIG PAR BYA'O, ,RAB 'BYOR GZHAN YANG JI LTAR PHUNG PO DANG, SKYE MCHED DANG, RTEN CING 'BREL PAR 'BYUNG BA DANG, ZAS DANG, BDEN PA DANG, KHAMS DANG, DRAN PA NYE BAR GZHAG PA DANG, YANG DAG PA'I SPONG BA DANG, RDZU 'PHRUL GYI @52B RKANG PA DANG, DBANG PO DANG, STOBS DANG, BYANG CHUB KYI YAN LAG 'DI DAG PHAN TSUN MTSAN NYID THA DAD PA DANG, JI LTAR 'PHAGS PA'I LAM YAN LAG BRGYAD PA PHAN TSUN MTSAN NYID THA DAD PA YIN PA DE BZHIN DU, GAL TE CHOS DE DAG GI DE BZHIN NYID DON DAM PA CHOS BDAG MED PA YANG MTSAN NYID THA DAD PA YIN PAR GYUR NA NI DES NA DE BZHIN NYID DON DAM PA CHOS BDAG MED PA YANG RGYU DANG BCAS PA YIN ZHING MTSAN NYID RGYU LAS BYUNG BA YIN PAR 'GYUR RO, ,RGYU LAS BYUNG BA NYID YIN NA NI 'DUS BYAS YIN PAR 'GYUR RO, ,'DUS BYAS NYID YIN NA NI DON DAM PA YIN PAR MI 'GYUR RO, ,DON DAM PA MA YIN NA NI DON DAM PA GZHAN ZHIG YONGS SU BTZAL DGOS PAR 'GYUR RO, ,RAB 'BYOR GANG GI PHYIR DE BZHIN NYID DON DAM PA CHOS BDAG MED PA RGYU LAS BYUNG BA MA YIN PA DANG, 'DUS BYAS MA YIN PA DANG, DON DAM PA MA YIN PA DANG, DON DAM PA DE'I DON DAM PA GZHAN YONGS SU BTZAL BAR BYA MI DGOS KYI, DE BZHIN GSHEGS PA RNAMS BYUNG YANG RUNG, MA BYUNG YANG RUNG STE, RTAG GSHEGS PA RNAMS BYUNG YANG RUNG, MA BYUNG YANG RUNG STE, RTAG PAR BYA BA'I PHYIR, CHOS RNAMS KYI CHOS NYID DBYINGS DE NI RNAM PAR GNAS PA KHO NA YIN PA DE'I PHYIR; RAB 'BYOR RNAM GRANGS DES KYANG KHYOD KYIS 'DI LTAR THAMS CAD DU RO GCIG PA'I MTSAN NYID GANG YIN PA DE NI DON DAM PA YIN PAR RIG PAR BYA'O, ,RAB 'BYOR 'DI LTA STE, DPER NA NAM MKHA' NI GZUGS KYI RNAM PA SNA TSOGS DU MA MTSAN NYID THA DAD PA LA, MTSAN MA MED PA RNAM PAR RTOG PA MED PA 'GYUR BA MED PA STE, THAMS CAD DU RO GCIG PA'I MTSAN NYID YIN NO, ,RAB 'BYOR DE BZHIN DU DON DAM PA YANG MTSAN NYID THA DAD PA'I CHOS RNAMS LA THAMS CAD DU RO GCIG PA'I MTSAN NYID YIN PAR BLTA BAR BYA'O, ,DE NAS BCOM LDAN 'DAS KYIS DE'I TSE TSIGS SU BCAD PA 'DI BKA' STZAL TO, ,DON DAM DE NI THA DAD PA MA YIN TE, ,KUN TU RO GCIG MTSAN NYID SANGS RGYAS GSUNGS, ,DE LA GANG DAG THA DAD KUN RTOG PA, ,DE DAG NGA RGYAL GNAS PA RMONGS PA YIN, ,ZHES GSUNGS PA'O,, ,,BAM PO SUM CU BRGYAD PA, DE LA SEMS @53A *, ,KYI MTSAN NYID NI DGONGS PA NGES PAR 'GREL PA'I MDO LAS JI SKAD 'BYUNG BA BZHIN BLTA BAR BYA STE, BCOM LDAN 'DAS LA BYANG CHUB SEMS DPA' BLO GROS YANGS PAS ZHU BA ZHUS PA, BCOM LDAN 'DAS BYANG CHUB SEMS DPA' SEMS DANG, YID DANG, RNAM PAR SHES PA'I GSANG BA LA MKHAS PA, BYANG CHUB SEMS DPA' SEMS DANG, YID DANG, RNAM PAR SHES PA'I GSANG BA LA MKHAS PA ZHES BGYI NA, BCOM LDAN 'DAS JI TZAM GYIS NA BYANG CHUB SEMS DPA' SEMS DANG, YID DANG, RNAM PAR SHES PA'I GSANG BA LA MKHAS PA LAGS, DE BZHIN GSHEGS PA BYANG CHUB SEMS DPA' SEMS DANG, YID DANG, RNAM PAR SHES PA'I GSANG BA LA MKHAS PAR YANG DAG PAR 'DOGS NA YANG JI TZAM GYIS 'DOGS LAGS, DE SKAD CES GSOL BA DANG, BCOM LDAN 'DAS KYIS BYANG CHUB SEMS DPA' BLO GROS YANGS PA LA 'DI SKAD CES BKA' STZAL TO, ,BLO GROS YANGS PA KHYOD DE LTAR SKYE BO MANG PO LA PHAN PA DANG, SKYE BO MANG PO LA BDE BA DANG, 'JIG RTEN LA SNYING BRTZE BA DANG, LHA DANG MIR BCAS PA'I SKYE DGU'I DON DANG, PHAN PA DANG BDE BA'I PHYIR ZHUGS TE, DE BZHIN GSHEGS PA LA KHYOD DON 'DI NYID 'DRI BAR SEMS PA NI LEGS SO, ,LEGS SO, ,BLO GROS YANGS PA DE'I PHYIR NYON CIG DANG, SEMS DANG, YID DANG, RNAM PAR SHES PA'I GSANG BA LA MKHAS PA KHYOD LA BSHAD PAR BYA'O, ,BLO GROS YANGS PA KHYOD 'GRO BA DRUG GI 'KHOR BA 'DI NA SEMS CAN GANG DANG GANG DAG SEMS CAN GYI RIGS GANG DANG GANG DU YANG SGO NGA LAS SKYE BA'I SKYE GNAS SAM, YANG NA MNGAL NAS SKYE BA'AM, YANG NA DROD GSHER LAS SKYE BA'AM, YANG NA RDZUS TE SKYE BA'I SKYE GNAS SU LUS MNGON PAR 'GRUB CING 'BYUNG BAR 'GYUR BA DER DANG POR 'DI LTAR LEN PA RNAM PA GNYIS PO GNAS DANG BCAS PA'I DBANG PO GZUGS CAN LEN PA DANG, MTSAN MA DANG, MING DANG, RNAM PAR RTOG PA LA THA SNYAD 'DOGS PA'I SPROS PA'I BAG CHAGS LEN PA LA BRTEN NAS, SA BON THAMS CAD PA'I SEMS RNAM PAR SMIN CING 'JUG LA, RGYAS SHING 'PHEL BA DANG, YANGS PAR 'GYUR RO, , @53B DE LA GZUGS CAN GYI KHAMS NA NI LEN PA GNYIG YOD LA, GZUGS CAN MA YIN PA'I KHAMS NA NI LEN PA GNYIS SU MED DO, ,BLO GROS YANGS PA RNAM PAR SHES PA DE NI LEN PA'I RNAM PAR SHES PA ZHES KYANG BYA STE, 'DI LTAR DES LUS 'DI BZUNG ZHING BLANGS PA'I PHYIR RO, ,KUN GZHI RNAM PAR SHES PA ZHES KYANG BYA STE, 'DI LTAR DE LUS 'DI LA GRUB PA DANG BDE BA GCIG PA'I DON GYIS KUN TU SBYOR BA DANG, RAB TU SBYOR BAR BYED PA'I PHYIR RO, ,SEMS ZHES KYANG BYA STE, 'DI LTAR DE NI GZUGS DANG, SGRA DANG, DRI DANG, RO DANG, REG BYA DANG, CHOS RNAMS KYIS KYANG KUN TU BSAGS PA DANG, NYE BAR BSAGS PA YIN PA'I PHYIR RO, ,BLO GROS YANGS PA LEN PA'I RNAM PAR SHES PA DE LA BRTEN CING GNAS NAS, RNAM PAR SHES PA'I TSOGS DRUG PO 'DI LTA STE, MIG GI RNAM PAR SHES PA DANG, RNA BA DANG, SNA DANG, LCE DANG, LUS DANG, YID KYI RNAM PAR SHES PA DAG 'BYUNG NGO, ,DE LA RNAM PAR SHES PA DANG BCAS PA'I MIG DANG GZUGS RNAMS LA BRTEN NAS, MIG GI RNAM PAR SHES PA 'BYUNG STE, MIG GI RNAM PAR SHES PA DE DAG LHAN CIG RJES SU 'JUG PA, DUS MTSUNGS PA, SPYOD YUL MTSUNGS PA, RNAM PAR RTOG PA'I YID KYI RNAM PAR SHES PA YANG 'BYUNG NGO, ,BLO GROS YANGS PA DE LA RNAM PAR SHES PA DANG BCAS PA'I RNA BA DANG, SNA DANG, LCE DANG, RNAM PAR SHES PA DANG BCAS PA'I LUS DANG, REG BYA RNAMS LA BRTEN NAS LUS KYI RNAM PAR SHES PA 'BYUNG STE, LUS KYI RNAM PAR SHES PA DE DANG LHAN CIG RJES SU 'JUG PA, DUS MTSUNGS PA, SPYOD YUL MTSUNGS PA, RNAM PAR RTOG PA'I YID KYI RNAM PAR SHES PA YANG 'BYUNG NGO, ,GAL TE MIG GI RNAM PAR SHES PA GCIG LHAN CIG 'BYUNG NA NI, MIG GI RNAM PAR SHES PA DANG SPYOD YUL MTSUNGS PA, RNAM PAR RTOG PA'I YID KYI RNAM PAR SHES PA YANG GCIG KHO NA LAN CIG 'BYUNG NGO, ,GAL TE RNAM PAR SHES PA'I TSOGS GNYIS SAM, GSUM MAM BZHI LAN CIG GAM, LNGA CHAR LAN CIG 'BYUNG NA YANG, DER RNAM PAR SHES PA'I TSOGS LNGA PO DAG DANG SPYOD YUL MTSUNGS PA, RNAM PAR RTOG PA'I YID KYI RNAM PAR @54A *, ,SHES PA YANG GCIG KHO NA LAN CIG 'BYUNG NGO, ,BLO GROS YANGS PA 'DI LTA STE DPER NA CHU KLUNG CHEN PO 'BAB PA LA, GAL TE RLABS GCIG 'BYUNG BA'I RKYEN NYE BAR GNAS PAR GYUR NA, RLABS KYANG GCIG KHO NA 'BYUNG NGO, ,GAL TE RLABS GNYIS SAM, GAL TE RAB TU MANG PO DAG 'BYUNG BA'I RKYEN NYE BAR GNAS PAR GYUR NA, RLABS KYANG GNYIS MA RAB TU MANG PO DAG 'BYUNG ZHING, CHU'I KLUNG DE RANG GI RGYUN GYIS RGYUN 'CHAD PAR YANG MI 'GYUR LA, YONGS SU ZAD PAR YANG MI 'GYUR RO, ,ME LONG GI DKYIL 'KHOR SHIN TU YONGS SU DAG PA LA YANG, GAL TE GZUGS BRNYAN GCIG 'BYUNG BA'I RKYEN NYE BAR GNAS PAR GYUR NA, GZUGS BRNYAN YANG GCIG KHO NA 'BYUNG NGO, ,GAL TE GZUGS BRNYAN GNYIS SAM, GAL TE GZUGS BRNYAN RAB TU MANG PO DAG 'BYUNG BA'I RKYEN NYE BAR GNAS PA GYUR NA, GZUGS BRNYAN YANG GNYIS SAM RAB TU MANG PO DAG 'BYUNG ZHING, ME LONG GI DKYIL 'KHOR DE GZUGS BRNYAN GYI DNGOS POR YONGS SU 'GYUR BA YANG MA YIN NA, YONGS SU SBYOR BAR YANG MI MNGON NO, ,BLO GROS YANGS PA DE BZHIN DU CHU KLUNG LTA BU DANG, ME LONG LTA BU'I LEN PA'I RNAM PAR SHES PA DE LA BRTEN CING GNAS NAS, GAL TE MIG GI RNAM PAR SHES PA GCIG LAN CIG 'BYUNG BA'I RKYEN NYE BAR GNAS PAR GYUR NA YANG MIG GI RNAM PAR SHES PA GCIG KHO NA LAN CIG 'BYUNG NGO, ,GAL TE RNAM PAR SHES PA'I TSOGS LNGA CHAR GYI BAR DAG LAN CIG 'BYUNG BA'I RKYEN NYE BAR GNAS PAR GYUR NA YANG RNAM PAR SHES PA'I TSOGS LNGA CHAR LAN CIG 'BYUNG NGO, ,BLO GROS YANGS PA DE LTAR BYANG CHUB SEMS DPA' CHOS KYI LUGS SHES PA LA BRTEN CING, CHOS KYI LUGS SHES PA LA GNAS NAS, SEMS DANG YID DANG RNAM PAR SHES PA'I GSANG BA LA MKHAS PA YIN YANG, DE BZHIN GSHEGS PA NI BYANG CHUB SEMS DPA' SEMS DANG, YID DANG, RNAM PAR SHES PA'I GSANG BA LA MKHAS PAR 'DOGS NA, DE TZAM GYIS THAMS CAD KYI THAMS CAD DU MI 'DOGS SO, ,BLO GROS YANGS PA GANG GI PHYIR BYANG CHUB SEMS DPA' NANG GI SO SO RANG GI LEN PA MI MTHONG, ,LEN PA'I RNAM PAR SHES PA YANG MI MTHONG LA, @54B DE YANG YANG DAG PA JI LTA BA BZHIN DU YIN PA DANG, KUN GZHI YANG MI MTHONG, KUN GZHI'I RNAM PAR SHES PA YANG MI MTHONG, BSTZAGS PA YANG MI MTHONG, SEMS KYANG MI MTHONG, MIG KYANG MI MTHONG, GZUGS KYANG MI MTHONG, MIG GI RNAM PAR SHES PA YANG MI MTHONG, RNA BA YANG MI MTHONG, SGRA YANG MI MTHONG, RNA BA'I RNAM PAR SHES PA YANG MI MTHONG, SNA YANG MI MTHONG, DRI YANG MI MTHONG, SNA'I RNAM PAR SHES PA YANG MI MTHONG, LCE YANG MI MTHONG, RO YANG MI MTHONG, LCE'I RNAM PAR SHES PA YANG MI MTHONG, LUS KYANG MI MTHONG, REG BYA YANG MI MTHONG, LUS KYI RNAM PAR SHES PA YANG MI MTHONG ZHING, BLO GROS YANGS PA GANG GI PHYIR BYANG CHUB SEMS DPA' NANG GI SO SO RANG GI YID KYANG MI MTHONG, CHOS RNAMS KYANG MI MTHONG, YID KYI RNAM PAR SHES PA YANG MI MTHONG LA, DE YANG YANG DAG PA JI LTA BA BZHIN DU YIN NA; DE NI BYANG CHUB SEMS DPA' DON DAM PA LA MKHAS PA ZHES BYA STE, DE BZHIN GSHEGS PA YANG BYANG CHUB SEMS DPA' DON DAM PA LA MKHAS PA NI SEMS DANG, YID DANG, RNAM PAR SHES PA'I GSANG BA LA MKHAS PA YIN PAR 'DOGS SO, ,BLO GROS YANGS PA DE TZAM GYIS NA BYANG CHUB SEMS DPA' SEMS DANG, YID DANG, RNAM PAR SHES PA'I GSANG BA LA MKHAS PA YIN LA, DE BZHIN GSHEGS PA BYANG CHUB SEMS DPA' SEMS DANG, YID DANG, RNAM PAR SHES PA'I GSANG BA LA MKHAS PAR 'DOGS NA YANG DE TZAM GYIS 'DOGS SO, ,DE NAS BCOM LDAN 'DAS KYIS DE'I TSE TSIGS SU BCAD PA 'DI BKA' STZAL TO, ,LEN PA'I RNAM PAR SHES PA ZAB CING PHRA, ,SA BON THAMS CAD CHU BO'I KLUNG LTAR 'BAB, ,BDAG TU RTOG PAR GYUR NA MI RUNG ZHES, ,BYIS PA RNAMS LA NGAS NI DE MA BSTAN, ,ZHES GSUNGS SO, ,DE LA CHOS RNAMS KYI MTSAN NYID NI, DGONGS PA NGES PAR 'GREL PA'I MDO LAS JI SKAD 'BYUNG BA BZHIN BLTA BAR BYA STE, BCOM LDAN 'DAS LA BYANG CHUB SEMS DPA' YON TAN 'BYUNG GNAS KYIS ZHU BA ZHUS PA, BCOM LDAN 'DAS BYANG CHUB SEMS DPA' CHOS RNAMS KYI MTSAN NYID LA MKHAS PA, @55A *, ,BYANG CHUB SEMS DPA' CHOS RNAMS KYI MTSAN NYID LA MKHAS PA ZHES BGYI NA, BCOM LDAN 'DAS JI TZAM GYIS NA BYANG CHUB SEMS DPA' CHOS RNAMS KYI MTSAN NYID LA MKHAS PA LAGS, DE BZHIN GSHEGS PA BYANG CHUB SEMS DPA' CHOS RNAMS KYI MTSAN NYID LA MKHAS PAR 'DOGS NA YANG JI TZAM GYIS 'DOGS LAGS, DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' YON TAN 'BYUNG GNAS LA 'DI SKAD CES BKA' STZAL TO, ,YON TAN 'BYUNG GNAS KHYOD DE LTAR SKYE BO MANG PO LA PHAN PA DANG, SKYE BO MANG PO LA BDE BA DANG, 'JIG RTEN LA SNYING BRTZE BA DANG, LHA DANG MIR BCAS PA'I SKYE DGU'I DON DANG, PHAN PA DANG, BDE BA'I PHYIR ZHUGS TE, DE BZHIN GSHEGS PA LA KHYOD DON 'DI NYID 'DRI BAR SEMS PA NI LEGS SO, ,LEGS SO, ,YON TAN 'BYUNG GNAS DE'I PHYIR NYON CIG DANG, CHOS RNAMS KYI MTSAN NYID LA MKHAS PA KHYOD LA BSHAD PAR BYA'O, ,YON TAN 'BYUNG GNAS CHOS RNAMS KYI MTSAN NYID NI GSUM PO 'DI DAG YIN TE, GSUM GANG ZHE NA, KUN BRTAGS PA'I MTSAN NYID DANG, GZHAN GYI DBANG GI MTSAN NYID DANG, YONGS SU GRUB PA'I MTSAN NYID DO, , YON TAN 'BYUNG GNAS DE LA CHOS RNAMS KYI KUN BRTAGS PA'I MTSAN NYID GANG ZHE NA, JI TZAM DU RJES SU THA SNYAD GDAGS PA'I PHYIR, MID DANG BRDAS CHOS RNAMS KYI NGO BO NYID DAM BYE BRAG TU MING DANG BRDAR RNAM PAR GZHAG PA GANG YIN PA'O, ,YON TAN 'BYUNG GNAS CHOS RNAMS KYI GZHAN GYI DBANG GI MTSAN NYID GANG ZHE NA, CHOS RNAMS KYI RTEN CING 'BREL PAR 'BYUNG BA NYID DE, 'DI LTA STE, 'DI YOD PAS 'DI 'BYUNG LA, 'DI SKYES PA'I PHYIR 'DI SKYE BA 'DI LTA STE, MA RIG PA'I RKYEN GYIS 'DU BYED RNAMS ZHES BYA BA NAS DE LTAR NA SDUG BSNGAL GYI PHUNG PO CHEN PO 'BA' ZHIG 'DI 'BYUNG BAR 'GYUR RO ZHES BYA BA'I BAR GANG YIN PA'O, ,YON TAN 'BYUNG GNAS CHOS RNAMS KYI YONGS SU GRUB PA'I MTSAN NYID GANG ZHE NA, CHOS RNAMS KYI DE BZHIN NYID GANG YIN PA STE, BYANG CHUB SEMS DPA' RNAMS KYI BRTUN PA'I RGYU DANG, LEGS PAR TSUL BZHIN YID LA @55B BYAS PA'I RGYUS DE RTOGS SHING, DE RTOGS PA GOMS PAR BYAS PA YANG DAG PAR GRUB PAS KYANG BLA NA MED PA YANG DAG PAR RDZOGS PA'I BYANG CHUB KYI BAR DU YANG DAG PAR 'GRUB PA GANG YIN PA'O, ,YON TAN 'BYUNG GNAS 'DI LTA STE, DPER NA SKYES BU GANG ZAG RAB RIB CAN GYI MIG LA RAB RIB KYI SKYON CHAGS PA DE LTA BUR NI KUN BRTAGS PA'I MTSAN NYID BLTA BAR BYA'O, ,YON TAN 'BYUNG GNAS 'DI LTA STE, DPER NA DE NYID LA RAB RIB KYI MTSAN MA SKRA SHAD 'DZINGS PA'AM, SBRANG MA'AM, TIL GYI 'BRU'AM, SNGON PO'I MTSAN MA 'AM, SER PO'I MTSAN MA'AM, DMAR PO'I MTSAN MA'AM, DKAR PO'I MTSAN MA SNANG BAR GYUR PA DE LTA BUR NI GZHAN GYI DBANG GI MTSAN NYID BLTA BAR BYA'O, ,YON TAN 'BYUNG GNAS 'DI LTA STE, DPER NA SKYES BU GANG ZAG DE NYID KYI MIG YONGS SU DAG CING MIG LA RAB RIB KYI SKYON CHAGS PA DANG BRAL BAR GYUR PA NA, MIG DE NYID KYI RANG BZHIN GYI SPYOD YUL MA NOR BA'I SPYOD YUL DE LTA BUR NI YONGS SU GRUB PA'I MTSAN NYID BLTA BAR BYA'O, ,YON TAN 'BYUNG GNAS 'DI LTA STE DPER NA SHEL SHIN TU GSAL BA NI GANG GI TSE TSON SNGON PO DANG PHRAD PAR GYUR PA DE'I TSE NI, NOR BU RIN PO CHE AAN DA RNYIL DANG, MTHON KA CHEN PO LTA BUR SNANG BAR 'GYUR ZHING, NOR BU RIN PO CHE AAN DA RNYIL DANG, MTHON KA CHEN POR LOG PAR 'DZIN PAS KYANG SEMS CAN RNAMS RNAM PAR RMONGS PAR BYED DO, ,GANG GI TSE TSON DMAR PO DANG PHRAD PAR GYUR PA DE'I TSE NI, NOR BU RIN PO CHE PADMA R'A GA LTA BUR SNANG BAR 'GYUR ZHING, NOR BU RIN PO CHE PADMA R'A GAR LOG PAR 'DZIN PAS KYANG SEMS CAN RNAMS RNAM PAR RMONGS PAR BYED DO, ,GANG GI TSE TSON LJANG GU DANG PHRAD PAR GYUR PA DE'I TSE NI, NOR BU RIN PO CHE MARKAt LTA BUR SNANG BAR 'GYUR ZING, NOR BUR RIN CHEN PO MARKAt DU LOG PAR 'DZIN PAS KYANG SEMS CAN RNAMS RNAM PAR RMONGS PAR BYED DO, ,GANG GI TSE TSON SER PO DANG PHRAD PAR GYUR PA DE'I TSE NI, GSER LTA BUR SNANG BAR 'GYUR ZHING, GSER DU LOG PAR 'DZIN PAS KYANG SEMS CAN RNAMS RNAM PAR RMONGS PAR BYED DO, ,YON TAN 'BYUNG GNAS 'DI LTA STE DPAR NA SHEL SHIN TU GSAL BA TSON DANG PHRAD PA DE LTA @56A *, ,BUR NI GZHAN GYI DBANG GI MTSAN NYID LA, KUN BRTAGS PA'I MTSAN NYID KYI THA SNYAD KYI BAG CHAGS BLTA BAR BYA'O, ,'DI LTA STE DPER NA SHEL SHIN TU GSAL BA LA NOR BU RIN PO CHE AAN DA RNYIL DANG, MTHON KA CHEN PO DANG, PADMA R'A GA DANG, MARKATA DANG, GSER DU LOG PAR 'DZIN PA DE LTA BUR NI GZHAN GYI DBANG GI MTSAN NYID LA, KUN BRTAGS PA'I MTSAN NYID DU 'DZIN PAR BLTA BAR BYA'O, ,YON TAN 'BYUNG GNAS 'DI LTA STE DPER NA, SHEL SHIN TU GSAL BA NYID LTA BUR NI GZHAN GYI DBANG GI MTSAN NYID BLTA BAR BYA'O, ,'DI LTA STE DPER NA, SHEL SHIN TU GSAL BA DE NYID NOR BU RIN PO CHE AAN DA RNYIL DANG, MTHON KA CHEN PO DANG, PADMA R'A GA DANG, MARKATA DANG, GSER GYI MTSAN NYID DER RTAG PA RTAG PA'I DUS DANG, THER ZUG THER ZUG GI DUS YONGS SU MA GRUB CING, NGO BO NYID MED PA DE LTAR BUR NI GZHAN GYI DBANG GI MTSAN NYID DE, KUN BRTAGS PA'I MTSAN NYID DER RTAG PA RTAG PA'I DUS DANG, THER ZUG THER ZUG GI DUS SU YONGS SU MA GRUB CING, NGO BO NYID MED PA NYID KYIS YONGS SU GRUB PA'I MTSAN NYID BLTA BAR BYA'O, ,YON TAN 'BYUNG GNAS DE LA MING DANG 'BREL BA'I MTSAN MA LA BRTEN NAS NI KUN BRTAGS PA'I MTSAN NYID RAB TU SHES SO, ,GZHAN GYI DBANG GI MTSAN NYID LA KUN BRTAGS PA'I MTSAN NYID DU MNGON PAR ZHEN PA LA BRTEN NAS NI GZHAN GYI DBANG GI MTSAN NYID RAB TU SHES SO, ,GZHAN GYI DBANG GI MTSAN NYID LA KUN BRTAGS PA'I MTSAN NYID DU MNGON PAR ZHEN PA MED PA LA BRTEN NAS NI YONGS SU GRUB PA'I MTSAN NYID RAB TU SHES SO, ,YON TAN 'BYUNG GNAS DE LA BYANG CHUB SEMS DPA' CHOS RNAMS KYI GZHAN GYI DBANG GI MTSAN NYID LA KUN BRTAGS PA'I MTSAN NYID YANG DAG PA JI LTA BA BZHIN DU RAB TU SHES NA, MTSAN NYID MED PA'I CHOS YANG DAG PA JI LTA BA BZHIN DU RAB TU SHES SO, ,YON TAN 'BYUNG GNAS DE LA BYANG CHUB SEMS DPAS GZHAN GYI DBANG GI MTSAN NYID YANG DAG PA JI LTA BA BZHIN DU RAB TU SHES NA, KUN NAS NYON MONGS PA'I MTSAN NYID KYI CHOS YANG DAG PA JI LTA BA BZHIN DU RAB TU SHES SO, ,YON TAN 'BYUNG GNAS DE LA @56B BYANG CHUB SEMS DPAS YONGS SU GRUB PA'I MTSAN NYID YANG DAG PA JI LTA BA BZHIN RAB TU SHES NA, RNAM PAR BYANG BA'I MTSAN NYID KYI CHOS YANG DAG PA JI LTA BA BZHIN RAB TU SHES SO, ,YON TAN 'BYUNG GNAS DE LA BYANG CHUB SEMS DPAS GZHAN GYI DBANG GI MTSAN NYID LA MTSAN NYID MED PA'I CHOS YANG DAG PA JI LTA BA BZHIN DU RAB TU SHES NA, KUN NAS NYON MONGS PA'I MTSAN NYID KYI CHOS RAB TU SPONG NGO, ,KUN NAS NYON MONGS PA'I MTSAN NYID KYI CHOS RAB TU SPANGS NA, RNAM PAR BYANG BA'I MTSAN NYID KYI CHOS 'THOB PAR 'GYUR TE, YON TAN 'BYUNG GNAS GANG GI PHYIR BYANG CHUB SEMS DPA' DE LTAR NA, CHOS RNAMS KYI KUN BRTAGS PA'I MTSAN NYID DANG, GZHAN GYI DBANG GI MTSAN NYID DANG, YONGS SU GRUB PA'I MTSAN NYID YANG DAG PA JI LTA BA BZHIN DU RAB TU SHES SHING, MTSAN NYID MED PA DANG, KUN NAS NYON MONGS PA'I MTSAN NYID DANG, RNAM PAR BYANG BA'I MTSAN NYID YANG DAG PA JI LTA BA BZHIN DU RAB TU SHES LA, MTSAN NYID MED PA'I CHOS YANG DAG PA JI LTA BA BZHIN RAB TU SHES NAS, KUN NAS NYON MONGS PA'I MTSAN NYID KYI CHOS RAB TU SPONG ZHING, KUN NAS NYON MONGS PA'I MTSAN NYID KYI CHOS RAB TU SPANGS NAS, RNAM PAR BYANG BA'I MTSAN NYID KYI CHOS 'THOB PAR 'GYUR BA DE TZAM GYIS NA, BYANG CHUB SEMS DPA' CHOS RNAMS KYI MTSAN NYID LA MKHAS PA YIN LA, DE BZHIN GSHEGS PA BYANG CHUB SEMS DPA' CHOS RNAMS KYI MTSAN NYID LA MKHAS PAR 'DOGS PAR MDZAD PA NA YANG DE TZAM GYIS 'DOGS PAR MDZAD DO, , DE NAS BCOM LDAN 'DAS KYIS DE'I TSE TSIGS SU BCAD PA 'DI DAG BKA' STZAL TO, ,MTSAN NYID MED PA'I CHOS NI RAB SHES NA, ,KUN NAS NYON MONGS PA MTSAN NYID CHOS SPONG 'GYUR, ,KUN NAS NYON MONGS CHOS NI RAB SPANGS NA, ,SHIN TU RNAM DAG MTSAN NYID CHOS 'THOB 'GYUR, , SKYE BO BAG MED NYES RTZOM LE LO CAN, ,'DU BYED SKYON LA RTOG PAR MI BYED PA, ,BRTAN MED G-YO BA MED PA'I CHOS RNAMS LA, ,RAB TU NYAMS PAS SNYING BRTZER BYAS PA YIN, ,ZHES GSUNGS PA'O, ,DE LA CHOS RNAMS KYI NGO BO NYID MED PA'I MTSAN NYID NI DGONGS PA NGES PAR 'GREL BA'I @57A *, ,MDO LAS JI SKAD 'BYUNG BA BZHIN BLTA BAR BYA STE, BCOM LDAN 'DAS LA BYANG CHUB SEMS DPA' DON DAM YANG DAG 'PHAGS KYIS 'DI SKAD CES GSOL TO, ,BCOM LDAN 'DAS 'DI NA BDAG GCIG PU DBEN PA ZHIG NA MCHIS PA'I TSE, SEMS KYI YONGS SU RTOG PA 'DI LTA BU SKYES LAGS TE, BCOM LDAN 'DAS KYIS RNAM GRANGS DU MAR PHUNG PO RNAMS KYI RANG GI MTSAN NYID KYANG BKA' STZAL, SKYE BA'I MTSAN NYID DANG, 'JIG PA'I MTSAN NYID DANG, SPANG BA DANG, YONGS SU SHES PA YANG BKA' STZAL, PHUNG PO RNAMS KYI JI LTA BA DE BZHIN DU SKYE MCHED RNAMS DANG, RTEN CING 'BREL BAR 'BYUNG BA DANG, ZAS RNAMS KYI YANG BKA' STZAL, BCOM LDAN 'DAS KYIS RNAM GRANGS DU MAR BDEN PA RNAMS KYI RANG GI MTSAN NYID KYANG BKA' STZAL, YONGS SU SHES PA DANG, SPANG BA DANG, MNGON DU BGYI BA DANG, BSGOM PA YANG BKA' STZAL, BCOM LDAN 'DAS KYIS RNAM GRANGS DU MAR KHAMS RNAMS KYI RANG GI MTSAN NYID KYANG BKA' STZAL, KHAMS SNA TSOGS PA NYID DANG, KHAMS DU MA PA NYID DANG, SPANG BA DANG, YONGS SU SHES PA YANG BKA' STZAL, BCOM LDAN 'DAS KYIS RNAM GRANGS DU MAR DRAN PA NYE BAR GZHAG PA RNAMS KYI RANG GI MTSAN NYID KYANG BKA' STZAL, MI MTHUN PA'I PHYOGS DANG, GNYEN PO DANG, MA SKYES PA RNAMS SKYE BA DANG, SKYES PA RNAMS GNAS PA DANG, MI BSKYED PA DANG, SLAR ZHING 'BYUNG BA DANG, 'PHEL ZHING YANGS PA NYID KYANG BKA' STZAL; DRAN PA NYE BAR GZHAG PA RNAMS KYI JI LTA BA BZHIN DU YANG DAG PA'I SPONG BA RNAMS DANG, RDZU 'PHRUL GYI RKANG PA RNAMS DANG, DBANG PO RNAMS DANG, STOBS RNAMS DANG, BYANG CHUB KYI YAN LAG RNAMS KYI YANG BKA' STZAL, BCOM LDAN 'DAS KYIS RNAM GRANGS DU MAR 'PHAGS PA'I LAM YAN LAG BRGYAD PA'I RANG GI MTSAN NYID KYANG BKA' STZAL, MI MTHUN PA'I PHYOGS DANG, GNYEN PO DANG, BSGOM PA DANG, MA SKYES PA RNAMS SKYE BA DANG, SKYES PA RNAMS GNAS PA DANG, MI BSKYED PA DANG, SLAR ZHING 'BYUNG BA DANG, 'PHEL ZHING YANGS PA NYID @57B KYANG BKA' STZAL, BCOM LDAN 'DAS KYIS CHOS THAMS CAD NGO BO NYID MA MCHIS PA, CHOS THAMS CAD MA SKYES PA, MA 'GAGS PA, GZOD MA NAS ZHI BA RANG BZHIN GYIS YONGS SU MYA NGAN LAS 'DAS PA ZHES KYANG BKA' STZAL LAGS NA, BCOM LDAN 'DAS KYIS CI LAS DGONGS NAS; CHOS THAMS CAD NGO BO NYID MA MCHIS PA, CHOS THAMS CAD MA SKYES PA, MA 'GAGS PA, GZOD MA NAS ZHI BA, RANG BZHIN GYIS YONGS SU MYA NGAN LAS 'DAS PA ZHES BKA' STZAL SNYAM BGYID LAGS TE, BCOM LDAN 'DAS KYIS CI LAS DGONGS NAS CHOS THAMS CAD NGO BO NYID MA MCHIS PA, CHOS THAMS CAD MA SKYES PA, MA 'GAGS PA, GZOD MA NAS ZHI BA, RANG BZHIN GYIS YONGS SU MYA NGAN LAS 'DAS PA ZHES BKA' STZAL BA'I DON DE NYID, BCOM LDAN 'DAS LA BDAG YONGS SU ZHU LAGS SO, ,DE SKAD CES GSOL BA DANG, BCOM LDAN 'DAS KYIS BYANG CHUB SEMS DPA' DON DAM YANG DAG 'PHAGS LA 'DI SKAD CES BKA' STZAL TO, ,DON DAM YANG DAG 'PHAGS, KHYOD KYI SEMS KYI YONGS SU RTOG PA DGE BA TSUL BZHIN SKYES PA LEGS SO, ,LEGS SO, ,DON DAM YANG DAG 'PHAGS KHYOD DE LTAR SKYE BO MANG PO LA PHAN PA DANG, SKYE BO MANG PO LA BDE BA DANG, 'JIG RTEN LA SNYING BRTZE BA DANG, LHA DANG MIR BCAS PA'I SKYE DGU'I DON DANG, PHAN PA DANG BDE BA'I PHYIR ZHUGS TE, DE BZHIN GSHEGS PA LA KHYOD DON 'DI NYID 'DRI BAR SEMS PA NI YANG KHYOD LEGS SO, ,DON DAM YANG DAG 'PHAGS DE'I PHYIR KHYOD NYON CIG DANG, NGAS CI LAS DGONGS NAS CHOS THAMS CAD NGO BO NYID MED PA, CHOS THAMS CAD MA SKYES PA, MA 'GAGS PA, GZOD MA NAS ZHI BA, RANG BZHIN GYIS YONGS SU MYA NGAN LAS 'DAS PA ZHES GSUNGS PA KHYOD LA BSHAD PAR BYA'O, ,DON DAM YANG DAG 'PHAGS NGAS CHOS RNAMS KYI NGO BO NYID MED PA NYID RNAM PA GSUM PO 'DI LTA STE, MTSAN NYID NGO BO NYID MED PA NYID DANG, SKYE BO NGO BO MED PA NYID DANG, DON DAM PA NGO BO NYID MED PA NYID LAS DGONGS NAS CHOS THAMS CAD NGO BO NYID MED PA'O ZHES BSTAN TO, ,DON DAM YANG DAG @58A *, ,'PHAGS DE LA CHOS RNAMS KYI MTSAN NYID NGO BO NYID MED PA NYID GANG ZHE NA, KUN BRTAGS PA'I MTSAN NYID GANG YIN PA'O, ,DE CI'I PHYIR ZHE NA, 'DI LTAR DE NI MING DANG BRDAR RNAM PAR GZHAG PA'I MTSAN NYID YIN GYI RANG GI MTSAN NYID KYIS RNAM PAR GNAS PA NI MA YIN PAS; DE'I PHYIR DE NI MTSAN NYID NGO BO NYID MED PA NYID CES BYA'O, ,DON DAM YANG DAG 'PHAGS CHOS RNAMS KYI SKYE BA NGO BO NYID MED PA NYID GANG ZHE NA, CHOS RNAMS KYI GZHAN GYI DBANG GI MTSAN NYID GANG YIN PA'O, ,DE CI'I PHYIR ZHE NA, 'DI LTAR DE NI RKYEN GZHAN GYI STOBS KYIS BYUNG BA YIN GYI BDAG NYID KYIS NI MA YIN PAS DE'I PHYIR DE NI SKYE BA NGO BO NYID MED PA NYID CES BYA'O, ,DON DAM YANG DAG 'PHAGS CHOS RNAMS KYI DON DAM PA NGO BO NYID MED PA NYID GANG ZHE NA, RTEN CING 'BREL BAR 'BYUNG BA'I CHOS GANG DAG SKYE BA NGO BO NYID MED PA NYID KYIS NGO BO NYID MED PA DE DAG NI DON DAM PA NGO BO NYID MED PA NYID KYIS NGO BO NYID MED PA YANG YIN NO, ,DE CI'I PHYIR ZHE NA, DON DAM PA YANG DAG 'PHAGS CHOS RNAMS LA RNAM PAR DAG PA'I DMIGS PA GANG YIN PA DE NI NGAS DON DAM PA YIN PAR YONGS SU BSTAN LA, GZHAN GYI DBANG GI MTSAN NYID DE NI RNAM PAR DAG PA'I DMIGS PA MA YIN PAS, DE'I PHYIR DON DAM PA NGO BO NYID MED PA NYID CES BYA'O, ,DON DAM YANG DAG 'PHAGS GZHAN YANG CHOS RNAMS KYI YONGS SU GRUB PA'I MTSAN NYID GANG YIN PA DE YANG DON DAM PA NGO BO NYID MED PA NYID CES BYA'O, ,DE CI'I PHYIR ZHE NA, DON DAM YANG DAG 'PHAGS CHOS RNAMS KYI CHOS BDAG MED PA GANG YIN PA DE NI DE DAG GI NGO BO NYID MED PA NYID CES BYA STE, DE NI DON DAM PA YIN LA, DON DAM PA NI CHOS THAMS CAD KYI NGO BO NYID MED PA NYID KYIS RAB TU PHYE BA YIN PAS, DE'I PHYIR DON DAM PA NGO BO NYID CES BYA'O, , DON DAM YANG DAG 'PHAGS DE LA 'DI LTA STE, DPER NA NAM MKHA'I ME TOG JI LTA BA DE LTA BUR NI MTSAN NYID NGO BO NYID MED PA NYID BLTA BAR BYA'O, ,DON DAM PA YANG DAG 'PHAGS DE LA 'DI LTA STE, DPER NA SGYU MA BYAS PA JI LTA BA DE LTA BUR NI SKYE BA NGO BO NYID MED PA NYID KYANG BLTA BAR BYA'O, ,DON @58B DAM PA NGO BO NYID MED PA NYID DE LAS KYANG GCIG BLTA BAR BYA'O, ,DON DAM YANG DAG 'PHAGS DE LA 'DI LTA STE DPER NA NAM MKHA' GZUGS KYI NGO BO NYID MED PA NYID TZAM GYIS RAB TU PHYE BA DANG, THAMS CAD DU SONG BA JI LTA BA DE LTA BUR NI DON DAM PA NGO BO NYID MED PA NYID DE LAS CHOS BDAG MED PAR RAB TU PHYE BA DANG, THAMS CAD DU SONG BA GCIG BLTA BAR BYA STE, DON DAM YANG DAG PA 'PHAGS NGAS NGO BO NYID MED PA NYID RNAM PA GSUM PO DE DAG LAS DGONGS NAS CHOS THAMS CAD NGO BO NYID MED PA'O ZHES BSTAN TO, ,DON DAM YANG DAG 'PHAGS DE LA MTSAN NYID NGO BO NYID MED PA NYID LAS DGONGS NAS, NGAS CHOS THAMS CAD MA SKYES PA, MA 'GAGS PA, GZOD MA NAS ZHI BA, RANG BZHIN GYIS YONGS SU MYA NGAN LAS 'DAS PA'O ZHES BSTAN TO, ,DE CI'I PHYIR ZHE NA, DON DAM YANG DAG 'PHAGS 'DI LTAR RANG GI MTSAN NYID KYIS MED PA GANG YIN PA DE NI MA SKYES PA YIN, MA SKYES PA GANG YIN PA DE NI MA 'GAGS PA YIN, MA SKYES PA DANG MA 'GAGS PA GANG YIN PA DE NI GZOD MA NAS ZHI BA YIN, GZOD MA NAS ZHI BA GANG YIN PA DE NI RANG BZHIN GYIS YONGS SU MYA NGAN LAS 'DAS PA YIN, RANG BZHIN GYIS YONGS SU MYA NGAN LAS 'DAS PA GANG YIN PA DE LA NI YONGS SU MYA NGAN LAS 'DA' BAR BYA BA CUNG ZAD KYANG MED DO, ,DE'I PHYIR MTSAN NYID NGO BO NYID MED PA NYID LAS DGONGS NAS, NGAS CHOS THAMS CAD MA SKYES PA, MA 'GAGS PA, GZOD MA NAS ZHIG ,RANG BZHIN GYIS YONGS SU MYA NGAN LAS 'DAS PA'O ZHES BSTAN TO, ,DON DAM YANG DAG 'PHAGS YANG DON DAM PA NGO BO NYID MED PA NYID CHOS BDAG MED PAS RAB TU PHYE BA LAS DGONGS NAS, NGAS CHOS THAMS CAD MA SKYES PA, MA 'GAGS PA, GZOD MA NAS ZHI BA, RANG BZHIN GYIS YONGS SU MYA NGAN LAS 'DAS PA'O ZHES BSTAN TO, ,DE CI'I PHYIR ZHE NA, 'DI LTAR DON DAM PA NGO BO NYID MED PA NYID CHOS BDAG MED PAS RAB TU PHYE BA NI RTAG PA RTAG PA'I DUS DANG, THER ZUG THER ZUG GI DUS SU RNAM PAR GNAS PA KHO NA YIN LA, DE NI CHOS RNAMS KYI CHOS NYID 'DUS MA BYAS PA NYON MONGS PA @59A *, ,THAMS CAD DANG BRAL BA YIN TE, RTAG PA RTAG PA'I DUS DANG, THER ZUG THER ZUG GI DUS SU CHOS NYID DE NYID KYIS RNAM PAR GNAS PA, 'DUS MA BYAS PA GANG YIN PA DE NI 'DUS PA MA BYAS PA'I PHYIR MA SKYES PA DANG, MA 'GAGS PA YIN LA, DE NI NYON MONGS PA THAMS CAD DANG BRAL BA'I PHYIR, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA YIN TE, DE'I PHYIR DON DAM PA NGO BO NYID MED PA NYID CHOS BDAG MED PAS RAB TU PHYE BA LAS DGONGS NAS, NGAS CHOS THAMS CAD MA SKYES PA, MA 'GAGS PA, GZOD MA NAS ZHI BA, RANG BZHIN GYIS YONGS SU MYA NGAN LAS 'DAS PA'O ZHES BSTAN TO, ,DON DAM YANG DAG 'PHAGS NGA NI SEMS CAN GYI KHAMS NA SEMS CAN RNAMS KYI KUN BRTAGS PA'I NGO BO NYID NGO BO NYID KYIS THA DAD PAR MTHONG ZHING, GZHAN GYI DBANG GI NGO BO NYID DANG, YONGS SU GRUB PA'I NGO BO NYID KYANG NGO BO NYID KYIS THA DAD PAR MTHONG BA DE'I PHYIR NGO BO NYID MED PA NYID RNAM PA GSUM MI 'DOGS KYI, SEMS CAN RNAMS GZHAN GYI DBANG DANG, YONGS SU GRUB PA'I NGO BO NYID LA, KUN BRTAGS PA'I NGO BO NYID DU SGRO BTAGS NAS, GZHAN GYI DBANG DANG YONGS SU GRUB PA'I NGO BO NYID LA, KUN BRTAGS PA'I NGO BO NYID KYI MTSAN NYID DU RJES SU THA SNYAD 'DOGS TE, JI LTA JI LTAR RJES SU THA SNYAD 'DOGS PA DE LTA DE LTAR RJES SU THA SNYAD BTAGS PAS YONGS SU BSGOS PA'I SEMS THA SNYAD BTAGS PA DANG RJES SU 'BREL BA'AM, THA SNYAD BTAGS PA BAG LA NYAL GYIS GZHAN GYI DBANG DANG YONGS SU GRUB PA'I NGO BO NYID LA, KUN BRTAGS PA'I NGO BO NYID KYI MTSAN NYID DU MNGON PAR ZHEN TO, ,JI LTA JI LTAR MNGON PAR ZHEN PA DE LTA DE LTAR GZHAN GYI DBANG GI NGO BO NYID LA, KUN BRTAGS PA'I NGO BO NYID DU MNGON PAR ZHEN PA'I RGYU DE DANG RKYEN DES PHYI MA LA GZHAN GYI DBANG GI NGO BO NYID KUN TU SKYED DE, GZHI DES NA NYON MONGS PA'I KUN NAS NYON MONGS PAS KYANG KUN NAS NYON MONGS PAR 'GYUR, LAS KYI KUN NAS NYON MONGS PA DANG, SKYE BA'I KUN NAS NYON MONGS PAS KYANG KUN NAS NYON MONGS PAR 'GYUR ZHING, YUN RING POR @59B YANG NA SEMS CAN DMYAL BA RNAMS SAM, YANG NA DUD 'GRO RNAMS SAM, YANG NA YI DVAGS RNAMS SAM, YANG NA LHA RNAMS SAM, YANG NA LHA MA YIN RNAMS SAM, YANG NA MI RNAMS KYI NANG DU KUN TU RGYUG CING 'KHOR BAR 'GYUR TE, 'KHOR BA LAS MI 'DA' BA'I PHYIR RO, , DON DAM YANG DAG 'PHAGS DE LA SEMS CAN GANG DAG DANG PO NYID NAS, DGE BA'I RTZA BA MA BSKYED PA, SGRIB PA YONGS SU MA DAG PA, RGYUD YONGS SU MA SMIN PA, MOS PA MI MANG BA, BSOD NAMS DANG YE SHES KYI TSOGS YANG DAG PAR MA GRUB PA DE DAG LA NI DA SKYE BA NGO BO NYID MED PA NYID LAS BRTZAMS NAS CHOS STON TE, ,DE DAG GIS CHOS DE THOS NAS RTEN CING 'BREL BAR 'BYUNG BA'I 'DU BYED RNAMS LA MI RTAG PA NYID DU 'DU SHES SHING, MI BRTAN PA NYID DANG, YID BRTAN DU MI RUNG BA NYID DANG, 'GYUR BA'I CHOS CAN NYID DU SHES NAS, 'DU BYED THAMS CAD LA YID DANG BAR BYED DO, ,SKYO BAR BYED DO, ,YID DANG BAR BYAS, SKYO BAR BYAS NAS SDIG PA LAS PHYIR LDOG STE, DE DAG SDIG PA GANG YIN PA DE MI BYED CING DGE BA LA BRTEN PAR BYED DO, ,DGE BA LA BRTEN PA'I RGYUS DGE BA'I RTZA BA MA BSKYED PA RNAMS NI SKYED DO, ,SGRIB PA YONGS SU MA BYANG BA RNAMS KYANG YONGS SU SBYONG NGO, ,RGYUD YONGS SU MA SMIN PA YANG YONGS SU SMIN PAR BYED DO, ,GZHI DES MOS PA MANG ZHING BSOD NAMS DANG YE SHES KYI TSOGS YANG DAG PAR 'GRUB PAR 'GYUR RO, ,DE DAG DE LTAR DGE BA'I RTZA BA BSKYED PA NAS, BSOD NAMS DANG YE SHES KYI TSOGS KYI BAR DU YANG DAG PAR 'GRUB MOD KYI, 'ON KYANG SKYE BA NGO BO NYID MED PA DE LA MTSAN NYID NGO BO NYID MED PA NYID DANG, DON DAM PA NGO BO NYID MED PA NYID RNAM PA GNYIS YANG DAG PA JI LTA BA BZHIN DU MI SHES PAS, 'DU BYED THAMS CAD LA YANG DAG PAR SKYO BAR MI 'GYUR, YANG DAG PAR 'DOD CHAGS DANG BRAL BAR MI 'GYUR, YANG DAG PAR RNAM PAR GROL BAR MI 'GYUR ZHING, NYON MONGS PA'I KUN NAS NYON MONGS PA LAS KYANG YONGS SU GROL BAR MI 'GYUR, LAS KYI KUN NAS NYON MONGS PA LAS KYANG YONGS SU GROL BAR MI 'GYUR, SKYE BA'I KUN NAS @60A *, ,NYON MONGS PA LAS KYANG YONGS SU GROL BAR MI 'GYUR BAS, DE BZHIN GSHEGS PA YANG DE DAG LA 'DI LTA STE, MTSAN NYID NGO BO NYID MED PA NYID DANG, DON DAM PA NGO BO NYID MED PA NYID LAS BRTZAMS NAS, 'DI LTAR 'DU BYED THAMS CAD LAS YANG DAG PAR SKYO BAR BYA BA DANG, 'DOD CHAGS DANG BRAL BAR BYA BA DANG, RNAM PAR GROL BAR BYA BA DANG, NYON MONGS PA'I KUN NAS NYON MONGS PA LAS YANG DAG PAR BZLA BA DANG, LAS KYI KUN NAS NYON MONGS PA LAS YANG DAG PAR BZLA BA DANG, SKYE BA'I KUN NAS NYON MONGS PA LAS YANG DAG PAR BZLA BA'I PHYIR CHOS STON TO, ,DE DAG GIS CHOS DE THOS NAS GZHAN GUYI DANG GI NGO BO NYID LA BRTAGS PA'I NGO BO NYID KYI MTAN NYID DU MNGON BAR ZHEN PA MED PAS, SKYE BO NGO BO NYID MED PA NYID DANG, DON DAM PA NY ID DU MOS PAR BYED, RAB TU RNAM PAR 'BYED PAR BYED, JI LTA BA BZHIN DU RTOGS PAR BYED CING, 'DI LTA STE, THA SNYAD BTAGS PAS YONGS SU MA BSGOS PA'I SHES PA THA SNYAD BTAGS PA DANG RJES SU 'BREL BA MED CING, THA SNYAD BTAGS PA BAG LA NYAL BA MED PA'I SHES PA GZHAN GYI DBANG GI MTSAN NYID DE TSE 'DI LA SHES PA'I STOBS SKYED PA DANG, PHYI MA LA RGYU YANG DAG PAR CHAD PAS 'GOG PAR BYED DE, GZHI DES 'DU BYED THAMS CAD LA YANG DAG PAR SKYO BA DANG, YANG DAG PAR 'DOD CHAGS THAMS CAD DANG BRAL BA DANG, YANG DAG PAR RNAM PAR GROL BAR 'GYUR ZHING; NYON MONGS PA'I KUN NAS NYON MONGS PA DANG, LAS KYI KUN NAS NYON MONGS PA DANG, SKYE BA'I KUN NAS NYON MONGS PA LAS KYANG YONGS SU GROL BAR 'GYUR RO, ,DON DAM YANG DAG 'PHAGS DE LA SEMS CAN NYAN THOS KYI THEG PA'I RIGS CAN RNAMS KYIS KYANG LAM 'DI NYID DANG, BSGRUB PA 'DI NYID KYIS GRUB PA DANG, BDE BA BLA NA MED PA'I MYA NGAN LAS 'DAS PA 'THOB PAR 'GYUR LA, SEMS CAN RANG SANGS RGYAS KYI THEG PA'I RIGS CAN RNAMS DANG, DE BZHIN GSHEGS PA'I RIGS CAN RNAMS KYIS KYANG LAM 'DI NYID DANG, BSGRUB PA 'DI NYID @60B KYIS GRUB PA DANG BDE BA BLA NA MED PA'I MYA NGAN LAS 'DAS PA THOB PAR 'GYUR BAS, 'DI NI NYAN THOS DANG, RANG SANGS RGYAS DANG, BYANG CHUB SEMS DPA' RNAMS KYI RNAM PAR DAG PA'I LAM GCIG PA YIN LA, RNAM PAR DAG PA YANG GCIG STE, GNYIS PA GANG YANG MED PAS, NGAS DE LAS DGONGS NAS THEG PA GCIG TU BSTAN TE, SEMS CAN GYI KHAMS NA SEMS CAN RANG BZHIN GYIS DBANG PO RTUL BA RNAMS DANG, DBANG PO 'BRING RNAMS DANG, DBANG PO RNON PO RNAMS KYI RIGS SNA TSOGS DAG KYANG MED PA NI MA YIN NO, ,DON DAM YANG DAG 'PHAGS NYAN THOS KYI RIGS KYI GANG ZAG ZHI BA'I BGROD PA GCIG PU PA NI SANGS RGYAS THAMS CAD BRTZON PA DANG LDAN PAR GYUR KYANG, BYANG CHUB KYI SNYING PO LA ZHUGS TE BLA NA MED PA YANG DAG PAR RDZOGS PA'I BYANG CHUB THOB PAR BYAR MI NUS SO, ,DE CI'I PHYIR ZHE NA, 'DI LTAR DE NI SNYING RJE SHIN TU CHUNG BA DANG, SDUG BSNGAL GYIS SHIN TU 'JIGS PA'I PHYIR RANG BZHIN GYIS RIGS DMAN PA KHO NA YIN PA'I PHYIR RO, DE JI LTA JI LTAR SNYING RJE SHIN TU CHUNG BA DE BZHIN DU SEMS CAN GYI DON BYA BA LA SHIN TU MI PHYOGS PAR 'GYUR RO, ,JI LTAR SDUG BSNGAL GYIS SHIN TU 'JIGS PA DE BZHIN DU 'DU BYED MNGON PAR 'DU BYA BA THAMS CAD LA SHIN TU MI PHYOGS PAR 'GYUR RO, ,SEMS CAN GYI DON BYA BA LA SHIN TU MI PHYOGS PA DANG, 'DU BYED MNGON PAR 'DU BYA BA THAMS CAD LA SHIN TU MI PHYOGS PA NI BLA NA MED PA YANG DAG PAR RDZOGS PA'I BYANG CHUB TU NGAS MA BSTAN TE, DE'I PHYIR ZHI BA'I BGROD PA GCIG PU PA ZHES BYA'O, ,NYAN THOS BYANG CHUB TU YONGS SU 'GYUR BA DE GANG YIN PA DE NI NGAS RNAM GRANGS KYIS BYANG ACHUB SEMS DPA' YIN PAR BSTAN TE, 'DI LTAR DE NI NYON MONGS PA'I SGRIB PA LAS RNAM PAR GROL NAS, DE BZHIN GSHEGS PA RNAMS KYIS NBSKUL NA SHES BYA'I SGRIB PA LAS SEMS RNAM PAR GROL BAR BYED PA'I PHYIR RO, ,DE NI DANG POR BDAG GI DON LA SBYOR BA'I RNAM PAS NYON MONGS PA'I SGRIB PA LAS RNAM PAR GROL TE, DE'I PHYIR DE BZHIN GSHEGS PAS NYAN THOS KYI RIGS SU 'DOGS SO, ,DON DAM YANG DAG 'PHAGS 'DI LTAR NGA'I @61A *, ,CHOS 'DUL BA LEGS PAR GSUNGS PA SHIN TU GYA NOM PA, BSAM PA SHIN TU RNAM PAR DAG PA STON PA, CHOS LEGS PAR BSTAN PA LA NI SEMS CAN RNAMS KYI MOS PA'I RIM PA YANG SNANG STE, DON DAM YANG DAG 'PHAGS 'DI LA DE BZHIN GSHEGS PA NI NGO BO NYID MED PA NYID RNAM PA GSUM PO DE DAG NYID LAS DGONGS NAS DRANG BA'I DON GYI MDO BRJOD PA'I RNAM PA 'DI LTA STE, CHOS THAMS CAD NGO BO NYID MED PA, CHOS THAMS CAD MA SKYES PA, MA 'GAGS PA, GZOD MA NAS ZHI BA, RANG BZHIN GYIS YONGS SU MYA NGAN LAS 'DAS PA'O ZHES CHOS STON TO, ,DE LA SEMS CAN GANG DAG DGE BA'I RTZA BA CHEN PO BSKYED PA, SGRIB PA YONGS SU DAG PA, RGYUD YONGS SU SMIN PA, MOS PA MANG BA, BSOD NAMS DANG YE SHES KYI TSOGS CHEN PO YANG DAG PAR GRUB PA DE DAG GIS NI CHOS DE THOS NA, NGA'I DGONGS TE BSHAD PA YANG DAG PA JI LTA BA BZHIN DU RAB TU SHES SHING, CHOS DE LA YANG MOS PAR 'GYUR LA, DON DE YANG SHES RAB KYIS YANG DAG PA JI LTA BA BZHIN DU RTOGS PAR 'GYUR ZHING DE RTOGS PA GOMS PAS KYANG MYUR BA MYUR BA KHO NAR SHIN TU MTHAR THUG PA DE NYID RJES SU 'THOB PAR 'GYUR TE, NGA LA YANG AA LA LA BCOM LDAN 'DAS DE NI YANG DAG PAR RDZOGS PA'I SANGS RGYAS YIN TE, DES NI CHOS THAMS CAD LEGS PAR MNGON PAR RDZOGS PAR SANGS RGYAS SO ZHES DAD PA 'THOB PAR 'GYUR RO, ,DE LA SEMS CAN GANG DAG DGE BA'I RTZA BA BSKYED PA DANG, SGRIB PA YONGS SU DAG PA DANG, RGYUD YONGS SU SMIN PA DANG, MOS PA CHEN PO MA YIN PA, BSOD NAMS DANG YE SHES KYI TSOGS CHEN PO YANG DAG PAR MA GRUB PA, DRANG PO DRANG PO'I RANG BZHIN CAN, RTOG PA SEL MI NUS PA, RANG GI LTA BA MCHOG TU 'DZIN PAR MI GNAS PA DE DAG GIS NI CHOS DE THOS NA NGAS DGONGS TE BSHAD PA YANG DAG PA JI LTA BA BZHIN DU RAB TU MI SHES MOD KYI, 'ON KYANG CHOS DE LA MOS PAR BYED CING DAD PA YANG 'THOB STE, MDO SDE 'DI DAG NI DE BZHIN GSHEGS PAS GSUNGS PA, ZAB PA, ZAB PAR SNANG BA STONG PA NYID DANG LDAN PA, MTHONG BAR DKA' BA, RTOGS PAR DKA' @61B BA, BRTAG MI NUS PA, RTOG GE PA'I SPYOD PA MA YIN PA, ZHIB MO BRTAGS PA MKHAS PA, MDZANGS PAS RIG PA YIN NO ZHES MOS PAR BYED DO, ,MDO SDE DE DAG GI DON BSTAN PA DAG LA BDAG MI SHES SO SNYAM NAS 'DUG STE, 'DI SKAD CES SANGS RGYAS KYI BYANG CHUB NI ZAB, CHOS RNAMS KYI CHOS NYID KYANG ZAB STE, DE BZHIN GSHEGS PA NYID KYIS MKHYEN GYI, BDAG CAG GIS NI JE MI SHES SO, ,DE BZHIN GSHEGS PA RNAMS KYIS CHOS BSTAN PA NI SEMS CAN RNAMS LA MOS PA SNA TSOGS KYIS 'JUG PA YIN TE, DE BZHIN GSHEGS PA RNAMS NI MKHYEN PA DANG, GZIGS PA MTHA' YAS PA YIN, BDAG CAG GIS SHES PA DANG MTHONG BA NI BA LANG GI RJES TZAM MO SNYAM NAS, DE DAG MDO SDE DE RNAMS LA GUS PAR BYAS TE, YI GER 'DRI BA YANG BYED, YI GER BRIS NAS 'CHANG BAR YANG BYED, KLOG PAR YANG BYED, YANG DAG PAR 'GYED PAR YANG BYED, MCHOD PAR YANG BYED, LUNG NOD PAR YANG BYED, 'DON PAR YANG BYED, KHA TON DU YANG BYED MOD KYI, 'DI LTAR NGA'I DGONGS TE BSHAD PA ZAB MO 'DI MA RTOGS PA'I PHYIR BSGOM PA'I RNAM PAR SBYOR BAR MI NUS SO, ,DE DAG GZHI DES NA BSOD NAMS KYI TSOGS KYIS KYANG 'PHEL BAR 'GYUR, YE SHES KYI TSOGS KYIS KYANG 'PHEL BAR 'GYUR LA, GANG DU YANG RGYUD YONGS SU MA SMIN PA DAG KYANG SMIN PAR BYED DO, ,JI STE SEMS CAN DE DAG LAS SEMS CAN GANG DAG BSOD NAMS DANG YE SHES KYI TSOGS CHEN PO'I BAR DU YANG DAG PAR GRUB PA MA YIN LA, DRANG PO DRANG PO'I RANG BZHIN CAN NI MA YIN MOD KYI, 'ON KYANG RTOG PA SEL NUS PA, RANG GI LTA BA MCHOG TU 'DZIN PAR GNAS PA DE DAG GIS NI CHOS DE THOS NA, NGA'I DGONGS TE BSHAD PA ZAB MO YANG DAG PA JI LTA BA BZHIN DU RAB TU MI SHES TE, CHOS DE LA MOS KYANG CHOS 'DI DAG THAMS CAD NI NGO BO NYID MED PA KHO NA YIN NO, ,CHOS 'DI DAG THAMS CAD NI MA SKYES PA KHO NA'O, ,MA 'GAGS PA KHO NA'O, ,GZOD MA NAS ZHI BA KHO NA'O, ,RANG BZHIN GYIS YONGS SU MYA NGAN LAS 'DAS PA KHO NA'O ZHES CHOS KYI DON LA SGRA JI BZHIN KHO NAR MNGON PAR ZHEN PAR BYED DE, DE DAG GZHI DES @62A *, ,NA CHOS THAMS CAD LA MED PAR LTA BA DANG MTSAN NYID MED PAR LTA BA 'THOB PAR 'GYUR TE, MED PAR LTA BA DANG, MTSAN NYID MED PAR LTA BA THOB NAS KYANG THAMS CAD LA MTSAN NYID THAMS CAD KYIS SKUR BA 'DEBS TE, CHOS RNAMS KYI KUN BRTAGS PA'I MTSAN NYID LA YANG SKUR BA 'DEBS, CHOS RNAMS KYI GZHAN GYI DBANG GI MTSAN NYID DANG, YONGS SU GRUB PA'I MTSAN NYID LA YANG SKUR BA 'DEBS SO, ,DE CI'I PHYIR ZHE NA, DON DAM YANG DAG 'PHAGS 'DI LTAR GZHAN GYI DBANG GI MTSAN NYID DANG YONGS SU GRUB PA'I MTSAN NYID YOD NA NI KUN BRTAGS PA'I MTSAN NYID KYANG RAB TU SHES PAR 'GYUR NA, DE LA GANG DAG GZHAN GYI DBANG GI MTSAN NYID DANG, YONGS SU GRUB PA'I MTSAN NYID LA MTSAN NYID MED PAR MTHONG BA DE DAG GIS NI KUN BRTAGS PA'I MTSAN NYID LA YANG SKUR BA BTAB PA YIN PA'I PHYIR TE, DE LTA BAS NA DE DAG NI MTSAN NYID RNAM PA GSUM CHAR LA YANG SKUR BA 'DEBS PA ZHES BYA'O, ,DE DAG NI NGA'I CHOS CHOS LA CHOS SU 'DU SHES PA DANG, DON MA YIN PA LA DON DU 'DU SHES PA YIN TE, NGA'I CHOS LA CHOS SU 'DU SHES PA DANG, DON MA YIN PA LA DON DU 'DU SHES PA DE DAG CHOS LA YANG CHOS SU 'DZIN DON MA YIN PA LA DON DU 'DZIN TO, ,DE DAG CHOS LA MOS PAS DGE BA'I CHOS RNAMS KYIS 'PHEL MOD KYI, 'ON KYANG DON DAM PA MA YIN PA LA MNGON PAR ZHEN PAS SHES RAB LAS YONGS SU NYAMS PA YIN TE, SHES RAB LAS YONGS SU NYAMS NA, DGE BA'I CHOS SHIN TU RGYA CHE BA DANG, SHIN TU DPAG TU MED PA RNAMS LAS KYANG YONGS SU NYAMS PAR 'GYUR RO, ,GZHAN DAG DE DAG LAS CHOS LA CHOS SU DANG, DON MA YIN PA LA DON DU THOS NAS, GANG DAG LTA BA LA DGA' BAR BYED PA DE DAG NI CHOS LA CHOS SU 'DU SHES PA DANG, DON MA YIN PA LA DON DU 'DU SHES PAS, CHOS LA CHOS SU SHES PA DANG, DON MA YIN PA DON DU MNGON PAR ZHEN PAR 'GYUR TE, DE DAG KYANG GZHI DES NA DE BZHIN DU DGE BA'I CHOS LAS YONGS SU NYAMS PAR RIG PAR BYA'O, ,GANG DAG LTA BA'I RJES SU DGA' BAR MI BYED PA DE DAG LAS CHOS RNAMS KYI NGO BO NYID MED PA NYID THOS @62B SHING, CHOS RNAMS KYI SKYE BA MED PA DANG, 'GAGS PA MED PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA THOS NAS SKRAG CING DNGANG LA, KUN TU DNGANG BAR 'GYUR ZHING, 'DI SKAD CES 'DI NI SANGS RGYAS BCO LDAN 'DAS KYI BKA' MA YIN GYI, 'DI NI BDUD KYIS SMRAS PA YIN NO ZHES KYANG ZER ZHING, DE LTAR RIG NAS MDO SDE DE DAG LA SKUR BA 'DEBS PAR BYED, SPONG BAR BYED, MI BSNGAGS PA RJOD PAR BYED, NGAN DU RJOD PAR BYED DE, GZHI DES NA PHONGS PA CHEN PO THOB PAR 'GYUR ZHING, LAS KYI SGRIB PA CHEN POS KYANG REG PAR 'GYUR RO, ,GZHI DES KYANG GANG DAG SKYE BO PHAL PO CHE LA LAS KYI SGRIB PA CHEN PO 'THOB PAS SLU BAR BYED PA, MTSAN NYID THAMS CAD MED PAR LTA ZHING DON MA YIN PA DON DU STON PAR BYED PA DE DAG NI LAS KYI SGRIB PA RGYA CHEN PO DANG LDAN PAR NGA SMRA'O, ,DON DAM YANG DAG 'PHAGS DE LA SEMS CAN GANG DAG DGE BA'I RTZA BA MA BSKYED, SGRIB PA YONGS SU MA DAG ,RGYUD YONGS SU MA SMIN, MOS PA MI MANG, BSOD NAMS DANG YE SHES KYI TSOGS YANG DAG PAR MA GRUB CING DRANG PO MA YIN LA DRANG PO'I RANG BZHIN CAN MA YIN YANG, RTOG PA SEL NUS LA, RANG GI LTA BA MCHOG TU 'DZIN PAR GNAS PA DE DAG GIS NI CHOS DE THOS NA, NGA'I DGONGS TE BSHAD PA YANG, YANG DAG PA JI LTA BA BZHIN RAB TU MI SHES SHING, CHOS DE LA MOS PAR YANG MI 'GYUR LA, DE DAG CHOS LA CHOS MA YIN PAR 'DU SHES SHING, DON LA DON MA YIN PAR 'DU SHES LA, CHOS LA YANG CHOS MA YIN PA DANG, DON LA YANG DON MA YIN PAR MNGON PAR ZHEN NAS, 'DI SKAD CES 'DI NI SANGS RGYAS KYI BKA' MA YIN GYI, 'DI NI BDUD KYIS SMRAS PA YIN NO ZHES KYANG ZER ZHING, DE LTAR RIG NAS MDO SDE DE DAG LA SKUR BA 'DEBS PAR BYED, SPONG BAR BYED, MI BSNGAGS PA RJOD PAR BYED, NGAN DU RJOD PAR BYED CING LHAD KYANG 'JUG PAR BYED DE, RNAM GRANGS DU MAR MDO SDE DE DAG SPANG BA DANG, CHUD GZAN PA DANG, RNAM PAR GZHIG PA'I PHYIR ZHUGS SHING, DE LA MOS PA'I GANG ZAG RNAMS LA YANG DGRAR 'DU SHES PAR 'GYUR RO, ,DE DAG NI @63A *, ,DANG PO NYID NAS KYANG LAS KYI SGRIB PA BSGRIBS PA YIN LA, GZHI DES KYANG LAS KYI SGRIB PA DE LTA BUS SGRIB PAR BYED DE, LAS KYI SGRIB PA DE'I DANG PO NI GDAGS PAR SLA'I BSKAL PA BYE BA KHRAG KHRIG 'BUM PHRAG 'DI SNYED KYI BAR GYIS 'BYUNG BAR 'GYUR RO ZHES GDAGS PAR DKA'O, ,DON DAM YANG DAG 'PHAGS DE LTAR NA NGA'I CHOS 'DUL BA LEGS PAR GSUNGS PA, SHIN TU GYA NOM PA, BSAM PA SHIN TU RNAM PAR DAG PA STON PA, CHOS LEGS PAR BSTAN PA LA, SEMS CAN RNAMS KYI MOS PA'I RIM PA DE LTA BU DAG KYANG SNANG NGO, , DE NAS BCOM LDAN 'DAS KYIS DE'I TSE TSIGS SU BCAD PA 'DI DAG BKA' STZAL TO, ,CHOS RNAMS NGO BO NYID MED CHOS RNAMS MA SKYES DANG, CHOS RNAMS MA 'GAGS CHOS RNAMS GZOD NAS ZHI BA DANG, ,CHOS RNAMS THAMS CAD RANG BZHIN MYA NGAN 'DAS PAR NI, ,DGONGS PA MED PAR MKHAS PA SU ZHIG SMRA BAR BYED, ,MTSAN NYID NGO BO NYID MED SKYE BA NGO BO MED, ,DON DAM NGO BO NYID MED DO ZHES NGAS BSHAD DO, ,'DI LA MKHAS PA GANG ZHIG DGONGS PA SHES PA NI, ,RAB TU NYAMS PAR 'GYUR BA'I LAM DU DE MI 'GRO, ,KUN GYI RNAM DAG LAM NI GCIG PU 'DI YIN TE, ,RNAM PAR DAG PA'ANG GCIG STE GNYIS PA GANG YANG MED, ,DE PHYIR THEG PA GCIG PA 'DI NI 'DOGS BYED KYANG, ,SEMS CAN RIGS NI RNAM PA SNA TSOGS MED MA YIN, ,SEMS CAN KHAMS 'DI NA NI GANG DAG BDAG GCIG PU, ,MYA NGAN 'DA' BAR BYED PA'I SEMS CAN DPAG TU MED, ,GANG DAG MYA NGAN 'DAS KYANG SEMS CAN MI GTONG BA'I, ,BSTAN PA SNYING RJE LDAN PA DE DAG SHIN TU DKON, ,GANG GROL DE DAG RNAMS KYI ZAG PA MED PA'I DBYINGS, ,PHRA ZHING BSAM GYIS MI KHYAB MNYAM ZHING BYE BRAG MED, ,THAMS CAD DON GRUB SDUG BSNGAL NYON MONGS SPANGS PA STE, ,GNYIS SU BRJOD PA MA YIN BDE ZHING BRTAN PA YIN, ,DE NAS DE'I TSE BCOM LDAN 'DAS LA, BYANG CHUB SEMS DPA' DON DAM YANG DAG 'PHAGS KYIS 'DI SKAD CES GSOL TO, ,BCOM LDAN 'DAS JI TZAM DU SANGS RGYAS BCOM LDAN 'DAS RNAMS KYIS DGONGS TE GSUNGS PA, @63B PHRA BA, MCHOG TU PHRA BA, ZAB PA, MCHOG TU ZAB PA, RTOGS PAR DKA' BA, MCHOG TU RTOGS PAR DKA' BA NI NGO MTSAR RMAD DU BYUNG BA LAGS SO, ,BCOM LDAN 'DAS BCOM LDAN 'DAS KYIS BKA' STZAL BA'I DON BDAG GIS 'DI LTAR 'TSAL TE, RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS, 'DU BYED KYI MTSAN MA LA, GZUGS KYI PHUNG PO ZHES NGO BO NYID KYI MTSAN NYID DAM, BYE BRAG GI MTSAN NYID DU MING DANG BRDAR RNAM PAR GZHAG PA DANG GZUGS KYI PHUNG PO SKYE'O ZHES 'AM, 'GAG GO ZHE'AM, GZUGS KYI PHUNG PO SPANG BA DANG, YONGS SU SHES PA ZHES NGO BO NYID KYI MTSAN NYID DAM, BYE BRAG GI MTSAN NYID KYI GNAS 'DU BYED KYI MTSAN MA GANG LAGS PA DE NI KUN BRTAGS PA'I MTSAN NYID LAGS TE, DE LA BRTEN NAS BCOM LDAN 'DAS CHOS RNAMS KYI MTSAN NYID NGO BO NYID MA MCHIS PA NYID 'DOGS PAR MDZAD LAGS SO, ,RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS, 'DU BYED KYI MTSAN MA GANG LAGS PA DE NI GZHAN GYI DBANG GI MTSAN NYID LAGS SO, ,DE LA BRTEN NAS BCOM LDAN 'DAS CHOS RNAMS KYI SKYE BA NGO BO DE MA MCHOS PA NYID DANG, DE LAS CIG SHOS DON DAM PA NGO BO NYID MA MCHIS PA NYID KYANG 'DOGS PAR MDZAD LAGS SO, ,BCOM LDAN 'DAS KYIS BKA' STZAL PA'I DON BDAG GIS 'DI LTAR 'TSAL TE, RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS, 'DU BYED KYI MTSAN MA DE NYID KUN BRTAGS PA'I MTSAN NYID DER YONGS SU MA GRUB CING NGO BO NYID DE KHO NAS NGO BO NYID MA MCHIS PA NYID CHOS LA BDAG MA MCHIS PA, DE BZHIN NYID RNAM PAR DAG PA'I DMIGS PA GANG LAGS PA DE NI YONGS SU GRUB PA'I MTSAN NYID LAGS TE, DE LA BRTEN NAS BCOM LDAN 'DAS KYIS, DE LAS CIG SHOS DON DAM PA NGO BO NYID MA MCHIS PA NYID LAS GCIG 'DOGS PAR MDZAD LAGS SO, ,GZUGS KYI PHUNG PO JI LTA BA BZHIN DU, PHUNG PO LHAG MA RNAMS LA YANG DE BZHIN DU SBYAR BAR BGYI LAGS SO, ,PHUNG PO RNAMS LA JI LTA BA BZHIN DU SKYE MCHED BCU GNYIS PO DAG GI SKYE MCHED RE RE LA DE BZHIN DU LAGS @64A *, ,SO, ,SRID PA'I YAN LAG BCU GNYIS PO DAG GI SRID PA'I YAN LAG RE RE LA YANG DE BZHIN LAGS SO, ,ZAS BZHI PO DAG GI ZAS RE RE LA YANG DE BZHIN LAGS SO, ,KHAMS DRUG PO DANG, KHAMS BCO BRGYAD PO DAG GI KHAMS RE RE LA YANG DE BZHIN LAGS SO, ,BCOM LDAN 'DAS BCOM LDAN 'DAS KYIS BKA' STZAL BA'I DON BDAG GIS 'DI LTAR 'TSAL TE, RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS, 'DU BYED KYI MTSAN MA LA SDUG BSNGAL GYI BDEN PA DANG, SDUG BSNGAL GYI BDEN PA YONGS SU SHES PA ZHES NGO BO NYID KYI MTSAN NYID DAM, BYE BRAG GI MTSAN NYID DU MING DANG BRDAR RNAM PAR GZHAG PA GANG LAGS PA DE NI KUN BRTAGS PA'I MTSAN NYID LAGS TE, DE LA BRTEN NAS BCOM LDAN 'DAS CHOS RNAMS KYI MTSAN NYID NGO BO NYID MA MCHIS PA NYID 'DOGS PAR MDZAD LA SOGS, , RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS, ,'DU BYED KYI MTSAN MA GANG LAGS PA DE NI GZHAN GYI DBANG GI MTSAN NYID LAGS TE, DE LA BRTEN NAS BCOM LDAN 'DAS CHOS RNAMS KYI SKYE BA NGO BO NYID MA MCHIS PA NYID DANG, DE LAS GCIG SHOS DON DAM PA NGO BO NYID MA MCHIS PA NYID KYANG 'DOGS PAR MDZAD LAGS SO, ,BCOM LDAN 'DAS BCOM LDAN 'DAS KYIS BKA' STZAL BA'I DON 'DI LTAR BDAG GIS 'TSAL TE, RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS, 'DU BYED KYI MTSAN MA DE NYID KUN BRTAGS PA'I MTSAN NYID DER YONGS SU MA GRUB CING, NGO BO NYID DE KHO NAS NGO BO NYID MA MCHIS PA NYID CHOS LA BDAG MA MCHIS PA DE BZHIN NYID RNAM PAR DAG PA'I DMIGS PA GANG LAGS PA DE NI YONGS SU GRUB PA'I MTSAN NYID LAGS TE, DE LA BRTEN NAS BCOM LDAN 'DAS DE LAS CIG SHOS CHOS RNAMS KYI DON DAM PA NGO BO NYID MA MCHIS PA NYID 'DOGS PAR MDZAD LAGS SO, ,SDUG BSNGAL 'PHAGS PA'I BDEN PA LA JI LTA BA BZHIN DU BDEN PA LHAG MA RNAMS LA YANG DE BZHIN DU SBYAR BAR BGYI LAGS SO, ,BDEN PA RNAMS LA JI LTA BA DE BZHIN DU DRAN PA NYE BAR GZHAG PA @64B RNAMS DANG, YANG DAG PA'I SPONG BA RNAMS DANG, RDZU 'PHRUL GYI RKANG PA RNAMS DANG, DBANG PO RNAMS DANG, STOBS RNAMS DANG, BYANG CHUB KYI YAN LAG RNAMS DANG, LAM GYI YAN LAG RNAMS KYI YAN LAG RE RE LA YANG DE BZHIN DU SBYAR BAR BGYI LAGS SO, ,BCOM LDAN 'DAS BCOM LDAN 'DAS KYIS BKA' STZAL BA'I DON BDAG GIS 'DI LTAR 'TSAL LAGS TE, RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS, 'DU BYED KYI MTSAN MA LA YANG DAG PA'I TING NGE 'DZIN ZHE'AM, TING NGE 'DZIN GYI MI MTHUN PA'I PHYOGS DANG GNYEN PO ZHE'AM, TING NGE 'DZIN BSGOM PA ZHE'AM, MA SKYES PA SKYE BA ZHE'AM, SKYES PA GNAS PA DANG, MI BSKYUD PA DANG, SLAR ZHING 'BYUNG BA DANG, 'PHEL ZHING RGYAS PA NYID CES NGO BO NYID KYI MTSAN NYID DAM, BYE BRAG GI MTSAN NYID DU MING DANG BRDAR RNAM PAR GZHAG PA GANG LAGS PA DE NI KUN BRTAGS PA'I MTSAN NYID LAGS TE, DE LA BRTEN NAS BCOM LDAN 'DAS CHOS RNAMS KYI MTSAN NYID NGO BO NYID MA MCHIS PA NYID 'DOGS PAR MDZAD LAGS SO, ,RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS, 'DU BYED KYI MTSAN MA GANG LAGS PA DE NI GZHAN GYI DBANG GI MTSAN NYID LAGS TE, DE LA BRTEN NAS BCOM LDAN 'DAS CHOS RNAMS KYI SKYE BA NGO BO NYID MA MCHIS PA NYID DANG, DE LAS CIG SHOS DON DAM PA NGO BO NYID MA MCHIS PA NYID KYANG 'DOGS PAR MDZAD LAGS SO, ,BCOM LDAN 'DAS BCOM LDAN 'DAS KYIS BKA' STZAL BA'I DON BDAG GIS 'DI LTAR 'TSAL TE, RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS, 'DU BYED KYI MTSAN MA DE NYID KUN BRTAGS PA'I MTSAN NYID DER YONGS SU MA GRUB CING, NGO BO NYID DE KHO NAS NGO BO NYID MA MCHIS PA NYID CHOS LA BDAG MA MCHIS PA, DE BZHIN NYID RNAM PAR DAG PA'I DMIGS PA GANG LAGS PA DE NI YONGS SU GRUB PA'I MTSAN NYID LAGS TE, DE LA BRTEN NAS BCOM LDAN 'DAS DE LAS CIG SHOS CHOS RNAMS KYI DON DAM PA NGO BO NYID MA MCHIS PA NYID 'DOGS PAR MDZAD LAGS SO, ,BCOM LDAN 'DAS 'DI LTA STE DPER BGYI NA, BCA' @65A *, ,SGA'I PHYE MA'I SMAN SBYAR BA DANG, BCUD KYIS LEN SBYAR BA THAMS CAD DU BSTZAL BAR BGYI BA LAGS SO, ,DE BZHIN DU BCOM LDAN 'DAS KYIS CHOS RNAMS KYI NGO BO NYID MA MCHIS PA NYID LAS BRTZAMS TE, SKYE BA MA MCHIS PA DANG, 'GAG PA MA MCHIS PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA NYID LAS BRTZAMS NAS, BCOM LDAN 'DAS KYIS NGES PA'I DON BSTAN PA 'DI YANG DRANG BA'I DON GYI MDO SDE THAMS CAD DU BSTZAL BAR BGYI BA LAGS SO, ,BCOM LDAN 'DAS 'DI LTA STE DPER BGYI NA RI MO BRI BA'I GZHI NI SNGON PO'AM, SER PO'AM, DKAR PO'AM, DMAR PO'AM, RI MOR BGYI BA THAMS CAD LA RO GCIG PA LAGS SHING, RI MO BRIS PA DE YANG SHIN TU GSAL BAR BGYID PA LAGS SO, ,DE BZHIN DU CHOS RNAMS KYI NGO BO NYID MA MCHIS PA NYID DANG, RANG BZHIN GYIS YONGS SU MYA NGAN LAS 'DAS PA NYID KYI BAR LAS BRTZAMS NAS, BCOM LDAN 'DAS KYIS NGES PA'I DON BSTAN PA 'DI NI DRANG PA'I DON GYI MDO SDE THAMS CAD LA RO GCIG PA DANG, DRANG BA'I DON DE DAG SHIN TU GSAL BAR BGYID PA LAGS SO, ,BCOM LDAN 'DAS 'DI LTA STE DPER BGYI NA CHAB MAR NI SNOD DU BSGRAL BA DANG, SHA G-YOS PA DANG, BAG CHOS KYI RNAM PA SNA TSOGS LA, CHAB MAR BSTZAL NA SHIN TU 'DA' BAR 'GYUR BA LAGS SO, ,DE BZHIN DU CHOS RNAMS KYI NGO BO NYID MA MCHIS PA NYID DANG, RANG BZHIN GYIS YONGS SU MYA NGAN LAS 'DAS PA NYID KYI BAR LAS BRTZAMS NAS, BCOM LDAN 'DAS KYIS NGES PA'I DON BSTAN PA 'DI NI DRANG BA'I DON GYI MDO SDE THAMS CAD DU BSTZAL NA, DGA' BA DANG MCHOG TU DGA' BA CHEN POR 'GYUR LAGS SO, ,BCOM LDAN 'DAS 'DI LTA STE DPER BGYI NA NAM MKHA' NI THAMS CAD LA RO GCIG PA DANG, BSTZAL BA THAMS CAD LA SGRIB PAR MI 'GYUR LAGS SO, ,DE BZHIN DU CHOS RNAMS KYI NGO BO NYID MA MCHIS PA NYID DANG, RANG BZHIN GYIS YONGS SU MYA NGAN LAS 'DAS PA NYID KYI BAR LAS BRTZAMS NAS, BCOM LDAN 'DAS KYIS NGES PA'I DON BSTAN PA 'DI NI DRANG BA'I DON GYI MDO SDE THAMS CAD LA RO @65B GCIG PA DANG, NYAN THOS KYI THEG PA DANG, RANG SANGS RGYAS KYI THEG PA DANG, THEG PA CHEN PO LAS BSTZAL BA THAMS CAD LA BSGRIB PAR MI 'GYUR BA LAGS SO, ,DE SKAD CES GSOL BA DANG, BCOM LDAN 'DAS KYIS BYANG CHUB SEMS DPA' DON DAM YANG DAG 'PHAGS LA LEGS SO ZHES BYA BA BYIN TE, DON DAM YANG DAG 'PHAGS LEGS SO LEGS SO, ,DON DAM YANG DAG 'PHAGS KHYOD KYIS DE BZHIN GSHEGS PA'I DGONGS TE BSHAD PA SHES TE, DON DE LA 'DI LTA STE BCA' SGA DANG, RI MO BRI BA'I GZHI DANG, MAR GYIS GDAB PA DANG, NAM MKHA'I DPE LEGS PAR BYAS PA DE NI, DON DAM YANG DAG 'PHAGS DE DE BZHIN TE, GZHAN DU MA YIN GYI DE NI DE BZHIN DU ZUNG SHIG ,DE NAS BCOM LDAN 'DAS LA BYANG CHUB SEMS DPA' DON DAM YANG DAG 'PHAGS KYIS 'DI SKAD CES GSOL TO, ,BCOM LDAN 'DAS KYIS DANG POR YUL W'A R'A nA S'I DRANG SRONG SMRA BA RI DVAGS KYI NAGS SU NYAN THOS KYI THEG PA LA YANG DAG PAR ZHUGS PA RNAMS LA, 'PHAGS PA'I BDEN PA BZHI RNAM PAR BSTAN PAS CHOS KYI 'KHOR LO NGO MTSAR RMAD DU BYUNG BA, SNGON LHAR GYUR PA'AM, MIR GYUR PA SUS KYANG CHOS DANG MTHUN PAR 'JIG RTEN DU MA BSKOR BA CIG RAB TU BSKOR TE, BCOM LDAN 'DAS KYIS CHOS KYI 'KHOR LO BSKOR BA DE YANG BLA NA MCHIS PA, SKABS MCHIS PA, DRANG BA'I DON RTZOD PA'I GZHI'I GNAS SU GYUR PA LAGS LA, BCOM LDAN 'DAS KYIS CHOS RNAMS KYI NGO BO NYID MA MCHIS PA NYID LAS BRTZAMS TE, SKYE BA MA MCHIS PA DANG, 'GAG PA MA MCHIS PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA NYID LAS BRTZAMS NAS, THEG PA CHEN PO LA YANG DAG PAR ZHUGS PA RNAMS LA, STONG PA NYID KYI SMOS PA'I RNAM PAS CHES NGO MTSAR RMAD DU BYUNG BA'I CHOS KYI 'KHOR LO GNYIS PA BSKOR TE, BCOM LDAN 'DAS KYIS CHOS KYI 'KHOR LO BSKOR BA DE YANG BLA NA MCHIS PA, SKABS MCHIS PA, DRANG BA'I DON RTZOD PA GZHI'I GNAS SU GYUR PA LAGS KYI, BCOM LDAN 'DAS KYIS CHOS RNAMS KYI NGO BO NYID MA MCHIS @66A *, ,PA NYID LAS BRTZAMS TE, SKYE BA MA MCHIS PA NYID DANG, 'GAG PA MA MCHIS PA NYID DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA NYID LAS BRTZAMS NAS, THEG PA THAMS CAD LA YANG DAG PAR ZHUGS PA RNAMS LA, LEGS PAR RNAM PAR PHYE BA DANG LDAN PA NGO MTSAR RMAD DU BYUNG BA'I CHOS KYI 'KHOR LO GSUM PA BSKOR TE, BCOM LDAN 'DAS KYIS CHOS KYI 'KHOR LO BSKOR BA 'DI NI BLA NA MA MCHIS PA, SKABS MA MCHIS PA, DES PA'I DON LAGS TE, RTZOD PA'I GZHI'I GNAS SU GYUR PA MA LAGS SO; ,BCOM LDAN 'DAS CHOS RNAMS KYI NGO BO NYID MA MCHIS PA NYID LAS BRTZAMS, ,RANG BZHIN GYIS YONGS SU MYA NGAN LAS 'DAS PA NYID KYI BAR LAS BRTZAMS NAS, ,BCOM LDAN 'DAS KYIS NGES PA'I DON BSTAN PA 'DI RIGS KYI BU'AM, ,RIGS KYI BU MO GANG GIS THOS NAS MOS PAR BGYID PA DANG, YI GER 'DRIR STZOL BA DANG, YI GER BRIS NAS KYANG 'CHANG BA DANG, KLOG PA DANG, MCHOD PA DANG, YANG DAG PAR 'GED PA DANG, LUNG NOD PA DANG, KHA TON BGYID PA DANG, SEMS PA DANG, SGOM PA'I RNAM PAS SBYOR BAR BGYID PA DE BSOD NAMS JI TZAM ZHIG BSKYED PAR 'GYUR LAGS, ,DE SKAD CES GSOL BA DANG, BCOM LDAN 'DAS KYIS BYANG CHUB SEMS DPA' DON DAM YANG DAG 'PHAGS LA 'DI SKAD CES BKA' STZAL TO, ,DON DAM YANG DAG 'PHAGS RIGS KYI BU'AM, ,RIGS KYI BU MO DE NI BSOD NAMS DPAG TU MED; ,GRANGS MED PA BSKYED DE, DE'I BDE BYA BAR SLA BA MA YIN MOD KYI, ,'ON KYANG MDOR BSDUS TE KHYOD LA BSHAD PAR BYA'O, ,DON DAM YANG DAG 'PHAGS 'DI LTA STE DPER NA, SEN MO'I RTZE MO LA GNAS PA'I SA'I RDUL GANG DAG YIN PA DE DAG NI SA LA GNAS PA'I SA'I RDUL RNAMS DANG BSGRUN NA, BRGYA'I CHAR YANG NYE BAR MI 'GRO BA NAS, ,STONG GI CHA DANG, 'BUM GYI CHA DANG, GRANGS DANG, CHA DANG, BGRANG BA DANG, DPE DANG, RGYUR YANG NYE BAR MI 'GRO'O, ,BA LANG GI RJES KYI CHU NI RGYA MTSO CHEN PO BZHI'I CHU DANG BSGRUN NA, BRGYA'I CHAR YANG NYE BAR MI 'GRO BA NAS, @66B RGYU'I BAR DU YANG NYE BAR MI 'GRO'O, ,DE BZHIN DU DON DAM YANG DAG 'PHAGS NGAS DRANG BA'I DON GYI MDO SDE LA MOS PA NAS, ,BSGOM PA'I RNAM PAR SBYOR BAR BYED PA'I BAR GYI BSOD NAMS GANG BSHAD PA DE NI, NGES PA'I DON BSTAN PA LA MOS PA LAS YANG DAG PAR GRUB PA NAS, BSGOM PA'I RNAM PAS SBYOR BA LAS YANG DAG PAR GRUB PA'I BAR GYI BSOD NAMS 'DI DANG BSGRUN NA, BRGYA'I CHAR YANG NYE BAR MI 'GRO BA NAS, ,RGYU'I BAR DU YANG NYE BAR MI 'GRO'O, ,DE SKAD CES BKA' STZAL BA DANG, BCOM LDAN 'DAS LA BYANG CHUB SEMS DPA' DON DAM YANG DAG 'PHAGS KYIS 'DI SKAD CES GSOL TO, ,BCOM LDAN 'DAS KYIS DGONGS PA NGES PAR 'GREL BA'I CHOS KYI RNAM GRANGS 'DIR BSTAN PA 'DI'I MING CI LAGS, ,'DI JI LTAR GZUNG BAR BGYI, ,BCOM LDAN 'DAS KYIS BKA' STZAL PA, ,DON DAM YANG DAG 'PHAGS 'DI NI DON DAM PA NGES PA'I DON BSTAN PA YIN TE, 'DI NI DON DAM PA NGES PA'I DON BSTAN PA ZHES BYA BAR ZUNG SHIG ,DON DAM PA NGES PA'I DON BSTAN PA 'DI BSHAD PA NA, SROG CHAGS DRUG 'BUM NI BLA NA MED PA YANG DAG PAR RDZOGS PA'I BYANG CHUB TU SEMS SKYES SO, ,NYAN THOS SUM 'BUM NI CHOS RNAMS LA CHOS KYI MIG RDUL MED CING DRI MA DANG BRAL BA RNAM PAR DAG GO, ,NYAN THOS 'BUM LNGA KHRI NI LEN PA MED PAR ZAG PA RNAMS LAS SEMS RNAM PAR GROL LO, ,BYANG CHUB SEMS DPA' BDUN KHRI LNGA STONG GIS NI MI SKYE BA'I CHOS LA BZOD PA THOB PAR GYUR TO ZHES GSUNGS SO,, ,,BAM PO SUM CU DGU PA, CHOS GDAGS PA RNAM PAR DGOD PA LAS BRTZAMS NAS, RNAL 'BYOR GYIS YONGS SU BSDUS PA'I ZHI GNAS DANG LHAG MTHONG GI LAM GYI RAB TU DBYE BA NI DGONGS PA NGES PAR 'GREL BA'I MDO LAS JI SKAD BYUNG BA BZHIN RIG PAR BYA STE, BCOM LDAN 'DAS LA BYANG CHUB SEMS DPA' BYAMS PAS ZHU BA ZHUS PA, BCOM LDAN 'DAS BYANG CHUB SEMS DPA'I CI LA GNAS, CI LA BRTEN TE, THEG PA CHEN PO LA ZHI GNAS DANG LHAG MTHONG BSGOM PAR BGYID LAGS, ,BCOM LDAN 'DAS KYIS BKA' STZAL @67A *, ,PA; BYAMS PA CHOS GDAGS PA RNAM PAR GZHAG PA DANG, BLA NA MED PA YANG DAG PAR RDZOGS PA'I BYANG CHUB TU SMON LAM MI GTONG BA LA GNAS SHING BRTEN NAS SO, ,BCOM LDAN 'DAS KYIS ZHI GNAS DANG, LHAG MTHONG GI DMIGS PA'I DNGOS PO BZHI PO 'DI LTA STE, RNAM PAR RTOG PA DANG BCAS PA'I GZUGS BRNYAN DANG, RNAM PAR MI RTOG PA'I GZUGS BRNYAN DANG, DNGOS PO'I MTHA' DANG, DGONGS PA YONGS SU GRUB PA ZHES GANG DAG BSTAN PA DE LA, BCOM LDAN 'DAS DU ZHIG ZHI GNAS KYI DMIGS PA LAGS, BKA' STZAL BA, GCIG STE, 'DI LTA STE, RNAM PAR MI RTOG PA'I GZUGS BRNYAN NO, ,DU ZHIG LHAG MTHONG GI DMIGS PA LAGS, BKA' STZAL BA, GCIG KHO NA STE, RNAM PAR RTOG PA DANG BCAS PA'I GZUGS BRNYAN NO, ,DU ZHIG DE GNYI GA'I DMIGS PA LAGS, BKA' STZAL PA, GNYIS TE, 'DI LTA STE, DNGOS PO'I MTHA' DANG, DGOS PA YONGS SU GRUB PA'O, ,BCOM LDAN 'DAS BYANG CHUB SEMS DPA' ZHI GNAS DANG LHAG MTHONG GI DMIGS PA'I DNGOS PO BZHI PO DE DAG LA BRTEN CING GNAS NAS, JI LTAR ZHI GNAS YONGS SU TSOL BAR BGYI BA DANG, LHAG MTHONG LA MKHAS PA LAGS, ,BKA' STZAL BA, BYAMS PA NGAS CHOS GDAGS PA RNAM PAR GZHAG PA 'DI LTA STE, MDO'I SDE DANG, DBYANGS KYIS BSNYAD PA'I SDE DANG, LUNG DU BSTAN PA'I SDE DANG, TSIGS SU BCAD PA'I SDE DANG, CHED DU BRJOD PA'I STE DANG; GLING GZHI'I SDE DANG, RTOGS PA BRJOD PA'I SDE DANG, DE LTA BU BYUNG BA'I SDE DANG, SKYES PA RABS KYI SDE DANG, SHIN TU RGYAS PA'I SDE DANG, RMAD DU BYUNG BA'I CHOS KYI SDE DANG, GTAN LA PHAB PAR BSTAN PA'I SDE GANG DAG BYANG CHUB SEMS DPA' RNAMS LA BSHAD PA DE DAG BYANG CHUB SEMS DPAS LEGS PAR THOS, ,LEGS PAR BZUNG, ,KHA TON BYANG BAR BYAS, ,YID KYIS LEGS PAR BRTAGS, ,MTHONG BAS SHIN TU RTOGS PAR BYAS NAS DE GCIG PU DBEN PAR 'DUG STE NANG DU YANG DAG BZHAG NAS, JI LTAR LEGS PAR BSAMS PA'I CHOS DE DANG NYID @67B YID LA BYED CING, SEMS GANG GIS YID LA BYED PA'I SEMS DE NANG DU RGYUN CHAGS SU YID LA BYED PAS YID LA BYED DO, ,DE LTAR ZHUGS SHING DE LA LAN MANG DU GNAS PA DE LA LUS SHIN TU SBYANGS PA DANG, SEMS SHIN TU SBYANGS PA 'BYUNG BA GANG YIN PA DE NI ZHI GNAS ZHES BYA STE, DE LTAR NA BYANG CHUB SEMS DPA' ZHI GNAS YONGS SU TSOL BAR BYED PA YIN NO, ,DE LA LUS SHIN TU SBYANGS PA DANG, SEMS CAN SHIN TU SBYANGS PA DE THOB NAS, ,DE NYID LA GNAS TE BSAMS PA'I RNAM PA SPANGS NAS, ,JI LTAR BSAMS PA'I CHOS DE DAG NYID NANG DU TING NGE 'DZIN GYI SPYOD YUL GZUGS BRNYAN DU SO SOR RTOG PAR BYED, ,MOS PAR BYED DO, ,DE LTAR TING NGE 'DZIN GYI SPYOD YUL GZUGS BRNYAN DE DAG LA SHES BYA'I DON DE RNAM PAR 'BYED PA DANG, RAB TU RNAM PAR 'BYED PA DANG, YONGS SU RTOG PA DANG, YONGS SU DPYOD PA DANG, BZOD PA DANG, 'DOD PA DANG; BYE BRAG 'BYED PA DANG, LTA BA DANG, RTOG PA GANG YIN PA DE NI LHAG MTHONG ZHES BYA STE, DE LTAR NA BYANG CHUB SEMS DPA' LHAG MTHONG LA MKHAS PA YIN NO, ,BCOM LDAN 'DAS BYANG CHUB SEMS DPA' DE JI SRID DU SEMS LA DMIGS PA'I SEMS NANG DU YID LA BGYID PA NA; JI SRID DU LUS SHIN TU SBYANGS PA DANG, SEMS SHIN TU SBYANGS PA MA THOB BA DE'I BAR DU, YID LA BGYID PA DE LA CI ZHES BGYI, ,BYAMS PA ZHI GNAS NI MA YIN TE, ZHI GNAS KYI RJES SU MTHUN PA'I MOS PA DANG MTSUNGS PAR LDAN PA YIN PAR BRJOD PAR BYA'O, ,BCOM LDAN 'DAS BYANG CHUB SEMS DPA' DE JI SRID DU, LUS SHIN TU SBYANGS PA DANG, SEMS SHIN TU SBYANGS PA THOB KYI BAR DU, JI LTAR LEGS PAR BSAMS PA'I CHOS DE DAG NANG DU, TING NGE 'DZIN GYI SPYOD YUL GZUGS BRNYAN NANG DU YID LA BYED PA'I YID LA BGYID PA DE LA CI ZHIG BGYI; BYAMS PA LHAG MTHONG NI MA YIN TE, LHAG MTHONG DANG RJES SU MTHUN PA'I MOS PA DANG MTSUNGS PAR LDAN PA YIN PAR BRJOD PAR BYA'O, ,BCOM LDAN 'DAS ZHI GNAS KYI LAM DANG, LHAG MTHONG GI LAM THA DAD CES BGYI 'AM, THA DAD PA MA LAGS ZHES BGYI, ,BKA' @68A *, ,STZAL PA, BYAMS PA THA DAD PA YANG MA YIN, ,THA DAD PA MA YIN PA YANG MA YIN ZHES BYA'O, ,CI'I PHYIR THA DAD PA MA YIN ZHE NA, LHAG MTHONG GI DMIGS PA'I SEMS LA DMIGS PA'I PHYIR RO, ,CI'I PHYIR THA DAD PA MA YIN PA YANG MA YIN ZHE NA, RNAM PAR RTOG PA DANG BCAS PA'I GZUGS BRNYAN LA RTOG PA'I PHYIR RO, ,BCOM LDAN 'DAS RNAM PAR LTA BAR BGYID PA'I TING NGE 'DZIN GYI SPYOD YUL GZUGS BRNYAN GANG LAGS PA DE CI LAGS, ,DE SEMS DE DANG THA DAD PA ZHES BGYI 'AM, THA DAD PA MA LAGS ZHES BGYI, ,BYAMS PA THA DAD PA MA YIN ZHES BYA'O, ,CI'I PHYIR THA DAD PA MA YIN ZHE NA, GZUGS BRNYAN DE RNAM PAR RIG PA TZAM DU ZAD PA'I PHYIR TE, BYAMS PA RNAM PAR SHES PA NI DMIGS PA RNAM PAR RIG PA TZAM GYIS RAB TU PHYE BA YIN NO ZHES NGAS BSHAD DO, ,BCOM LDAN 'DAS TING NGE 'DZIN GYI SPYOD YUL GZUGS BRNYAN TE, GAL TE SEMS DE LAS THA DAD PA MA LAGS NA, SEMS DE NYID KYIS SEMS DE NYID LA JI LTAR RTOG PAR BGYID LAGS, ,BKA' STZAL PA, ,BYAMS PA DE LA GANG YANG CHOS GANG LA YANG RTOG PAR MI BYED MOD KYI, ,'ON KYANG DE LTAR SKYES PA'I SEMS GANG YIN PA DANG LTAR SNANG NGO, ,BYAMS PA 'DI LTA STE DPER NA GZUGS LA BRTEN NAS ME LONG GI DKYIL 'KHOR SHIN TU YONGS SU DAG PA LA GZUGS NYID MTHONG YANG, ,GZUGS BRNYAN MTHONG NGO SNYAM DU SEMS TE DE LA, GZUGS DE LA GZUGS BRNYAN SNANG BA DE DON THA DAD PAR SNANG NGO, ,DE BZHIN DU DE LTAR SKYES PA'I SEMS DE DANG, TING NGE 'DZIN GYI SPYOD YUL GZUGS BRNYAN ZHES BYA BA GANG YIN PA DE'ANG DE LAS DON GZHAN YIN PA LTA BUR SNANG NGO, ,BCOM LDAN 'DAS SEMS CAN RNAMS KYI GZUGS LA SOGS PAR SNANG BA'I SEMS KYI, ,GZUGS BRNYAN RANG BZHIN DU GNAS PA GANG LAGS PA DE YANG, SEMS DE DANG THA DAD PA MA LAGS PA ZHES BGYI'AM, ,BKA' STZAL PA, BYAMS PA THA DAD PA MA YIN PA ZHES BYA STE, BYIS PA PHYIN CI LOG GI BLO CAN RNAMS LA NI, GZUGS BRNYAN DE DAG LA RNAM PAR RIG PA TZAM DE NYID YANG DAG @68B PA JI LTA BA BZHIN MI SHES PAS PHYIN CI LOG TU SEMS SO, ,BCOM LDAN 'DAS BYANG CHUB SEMS DPA' JI TZAM GYIS NA GCIG TU LHAG MTHONG SGOM PA LAGS, ,BKA' STZAL PA, ,GANG GI TSE RGYUN CHAGS SU YID LA BYED PAS, ,SEMS KYI MTSAN MA NYID YID LA BYED PA'O, ,CI TZAM GYIS NA GCIG TU ZHI GNAS SGOM PA LAGS, ,BKA' STZAL PA, ,GANG GI TSE RGYUN CHAGS SU YID LA BYED PAS BAR CHAD MED PA'I SEMS NYID YID LA BYED PA'O, ,JI TZAM GYIS NA ZHI GNAS DANG LHAG MTHONG GNYIS 'DRES PAR GYUR TE, MNYAM PAR ZUNG DU 'JUG PA LAGS, ,BKA' STZAL PA, FGANG GI TSE SEMS RTZE GCIG PA NYID YID LA BYED PA'O, BCOM LDAN 'DAS SEMS KYI MTSAN MA GANG LAGS, ,BYAMS PA LHAG MTHONG GI DMIGS PA TING NGE 'DZIN GYI SPYOD YUL RNAM PAR RTOG PA DANG BCAS PA'I GZUGS BRNYAN GANG YIN PA'O, ,BAR CHAD MA MCHIS PA'I SEMS GANG LAGS, BYAMS PA ZHI GNAS KYI DMIGS PA GZUGS BRNYAN LA DMIGS PA'I SEMS GANG YIN PA'O, ,SEMS RTZE GCIG PA NYID GANG LAGS, ,TING NGE 'DZIN GYI SPYOD YUL GZUGS BRNYAN DE LA 'DI NI RNAM PAR RIG PA TZAM YIN NO ZHES BYA BAR RTOGS TE, DE RTOGS NAS KYANG DE BZHIN NYID DU YID LA BYED PA GANG YIN PA'O, ,BCOM LDAN 'DAS LHAG MTHONG LA RNAM PA DU MCHIS, ,BYAMS PA RNAM PA GSUM STE, MTSAN MA LAS BYUNG BA DANG, YONGS SU TSOL BA LAS BYUNG BA DANG, SO SOR RTOG PA LAS BYUNG BYUNG BA'O, ,MTSAN MA LAS BYUNG BA GANG ZHE NA, TING NGE 'DZIN GYI SPYOD YUL RNAM PAR RTOG PA DANG BCAS PA'I GZUGS BRNYAN 'BA' ZHIG YID LA BYED PA'I LHAG MTHONG GANG YIN PA'O, ,YONGS SU TSOL BA LAS BYUNG BA GANG ZHE NA, DE DANG DER SHES RAB KYIS SHIN TU LEGS PAR MA RTOGS PA'I CHOS DE DAG NYID SHIN TU LEGS PAR RTOGS PAR BYA BA'I PHYIR, YID LA BYED PA'I LHAG MTHONG GANG YIN PA'O, ,SO SOR RTOG PA LAS BYUNG BA GANG ZHE NA, DE DANG DER SHES RAB KYIS SHIN TU LEGS PAR RTOGS PA'I CHOS RNAMS LA RNAM PAR GROL BAS SHIN TU LEGS PAR BDE BA LA REG PAR BYA BA'I PHYIR YID LA BYED PA'I LHAG MTHONG @69A *, ,GANG YIN PA'O, ,ZHI GNAS LA RNAM PA DU MCHIS, ,BKA' STZAL PA, BAR CHAD MED PA'I SEMS DE'I RJES SU 'BRANG BAS DE YANG RNAM PA GSUM DU BRJOD PAR BYA'O, ,BYAMS PA YANG ZHI GNAS NI RNAM PA BRGYAD DE, BSAM GTAN DANG PO DANG, GNYIS PA DANG, GSUM PA DANG, BSAM GTAN BZHI PA DANG, NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED DANG, CI YANG MED PA'I SKYE MCHED DANG, 'DU SHES MED 'DU SHES MED MIN SKYE MCHED PA'O, ,YANG RNAM PA BZHI STE, BYAMS PA TSAD MED PA DANG, SNYING RJE DANG, DGA' BA DANG, BTANG SNYOMS TSAD MED PA'O, ,BCOM LDAN 'DAS ZHI GNAS DANG LHAG MTHONG NI CHOS LA GNAS PA ZHES KYANG BGYI, ,CHOS LA MI GNAS PA ZHES KYANG BGYI NA, CHOS LA GNAS PA NI GANG LAGS, ,CHOS LA MI GNAS PA NI GANG LAGS, ,BYAMS PA JI LTAR GZUNG BA DANG, BSAMS PA'I CHOS KYI MTSAN MA'I RJES SU 'BRANG BAS DON LA ZHI GNAS DANG LHAG MTHONG GANG YIN PA DE NI CHOS LA GNAS PA YIN NO, ,GZUNG BA DANG BSAMS PA'I CHOS LA MI LTOS PAR GZHAN GYI GDAMS NGAG DANG RJES SU BSTAN PA LA BRTEN NAS DON LA ZHI GNAS DANG LHAG MTHONG GANG YIN PA 'DI LTA STE, RNAM PAR BSNGOS PA'AM, ,RNAM PAR RNAGS PA'AM, ,DE LTA BU DANG MTHUN PA RNAMS SAM, ,'DU BYED THAMS CAD MI RTAG PA ZHES BYA BA'AM, SDUG BSNGAL BA ZHES BYA BA'AM, ,CHOS THAMS CAD BDAG MED PA ZHES BYA BA'AM, ,MYA NGAN LAS 'DAS PA ZHI BA ZHES BYA BA'AM, DE LTA BU DANG MTHUN PA'I ZHI GNAS DANG LHAG MTHONG DE NI CHOS LA MI GNAS PA YIN PAR RIG PAR BYA'O, ,BYAMS PA DE LA NGA NI CHOS LA GNAS PA'I ZHI GNAS DANG LHAG MTHONG LA BRTEN NAS, ,BYANG CHUB SEMS DPA' CHOS KYI RJES SU 'BRANG BA DBANG PO RNON POR 'DOGS SO, ,CHOS LA MI GNAS PA LA BRTEN NAS, ,DAD PAS RJES SU 'BRANG BA DBANG PO RTUL POR 'DOGS SO, ,BCOM LDAN 'DAS ZHI GNAS DANG LHAG MTHONG NI MA 'DRES PA'I CHOS LA DMIGS PA ZHES KYANG BGYI, 'DRES PA'I CHOS LA DMIGS PA ZHES KYANG BGYI NA, MA 'DRES @69B PA'I CHOS LA DMIGS PA NI GANG LAGS, ,'DRES PA'I CHOS LA DMIGS PA NI GANG LAGS, ,BYAMS PA GAL TE BYANG CHUB SEMS DPA' JI LTAR GZUNG BA DANG, BSAMS PA'I CHOS RNAMS LAS MDO'I SDE LA SOGS PA'I CHOS SO SO LA DMIGS PA'I ZHI GNAS DANG LHAG MTHONG SGOM PAR BYED PA DE NI MA 'DRES PA'I CHOS LA DMIGS PA'I ZHI GNAS DANG LHAG MTHONG YIN NO, ,GAL TE MDO'I SDE LA SOGS PA'I CHOS DE DAG NYID GCIG TU BZLUM PA DANG, GCIG TU BSDU BA DANG, GCIG TU BTUL BA DANG, PHUNG PO GCIG TU BYAS TE, CHOS 'DI DAG THAMS CAD NI DE BZHIN NYID LA GZHOL BA, DE BZHIN NYID LA 'BAB PA, DE BZHIN NYID LA BAB PA, BYANG CHUB LA G ZHOL BA, ,BYANG CHUB LA 'BAB PA, BYANG CHUB LA BAB PA, MYA NGAN LAS 'DAS PA LA GZHOL BA, BYA NGAN LAS 'DAS PA LA 'BAB PA, MYA NGAN 'DAS PA LA BAB PA; GNAS GYUR PA LA GZHOL BA, GNAS GYUR PA LA 'BAB PA, GNAS GYUR PA LA 'BAB PA DAG STE, CHOS 'DI DAG THAMS CAD NI DGE BA'I CHOS DPAG TU MED PA, GRANGS MED PA DAG MNGON PAR BRJOD PAS MNGON PAR BRJOD PA YIN NO SNYAM DU YID LA BYED PA DE NI, 'DRES PA'I CHOS LA DMIGS PA'I ZHI GNAS DANG LHAG MTHONG YIN NO, ,BCOM LDAN 'DAS ZHI GNAS DANG LHAG MTHONG NI 'DRES PA CHUNG NGU'I CHOS LA DMIGS PA ZHES KYANG BGYI, ,'DRES PA CHEN POR GYUR PA'I CHOS LA DMIGS PA ZHES KYANG BGYI, 'DRES PA TSAD MA MCHIS PA'I CHOS LA DMIGS PA ZHES KYANG BGYI NA, 'DRES PA CHUNG DU'I CHOS LA DMIGS PA NI GANG LAGS, 'DRES PA CHEN POR 'GYUR PA'I CHOS LA DMIGS PA NI GANG LAGS, 'DRES PA TSAD MA MCHIS PA'I CHOS LA DMIGS PA NI GANG LAGS, ,BYAMS PA MDO'I SDE NAS, SHIN TU RGYAS PA'I SDE DANG, RMAD DU BYUNG BA'I CHOS KYI SDE DANG, GTAN LA BAB PAR BSTAN PA'I SDE'I BAR DAG SO SOR GCIG TU BZLUMS TE, YID LA BYED PA'I ZHI GNAS DANG, LHAG MTHONG NI 'DRES PA CHUNG NGU'I CHOS LA DMIGS PA YIN PAR RIG PAR BYA'O, ,MDO'I SDE LA SOGS PA DE DAG NYID JI SNYED GZUNG @70A *, ,BA DANG, BSAMS PA SO SOR GCIG TU BZLUMS TE, YID LA BYED PA NI 'DRES PA RGYA CHEN POR GYUR PA'I CHOS LA DMIGS PA YIN PAR RIG PAR BYA'O, ,DE BZHIN GSHEGS PA RNAMS KYI CHOS BSTAN PA TSAD MED PA RNAMS DANG, CHOS KYI TSIG DANG YI GE TSAD MED PA RNAMS DANG, GONG NAS GONG DU SHES RAB DANG SPOBS PA TSAD MED PA RNAMS GCIG TU BZLUMS TE, YID LA BYED PA NI 'DRES PA TSAD MED PA'I CHOS LA DMIGS PA YIN PAR RIG PAR BYA'O, ,BCOM LDAN 'DAS BYANG CHUB SEMS DPA' JI TZAM GYIS NA, 'DRES PA'I CHOS LA DMIGS PA'I ZHI GNAS DANG LHAG MTHONG THOB BAR 'GYUR LAGS, BYAMS PA DE NI RGYU LNGAS THOB PAR 'GYUR BAR RIG PAR BYA STE, 'DI LTA STE YID LA BYED PA'I TSE SKAD CIG SKAD CIG LA GNAS NGAN LEN GYI RTEN THAMS CAD 'JIG PAR BYED PA DANG, 'DU SHES SNA TSOGS RNAMS PAR SPANGS TE; CHOS KYI KUN DGA' LA DGA' BA 'THOB PA DANG, CHOS KYI SNANG BA PHYOGS BCUR TSAD MED CING RNAM PA YONGS SU MA CHAD PA YANG DAG PAR SHES PA DANG, DGOS PA YONGS SU GRUB PA DANG LDAN PA RNAMS PAR DAG PA'I CHA DANG MTHUN PA'I MTSAN MA RNAM PAR MA BRTAGS PA RNAMS DE LA KUN TU 'BYUNG BA DANG, CHOS KYI SKU THOB PA DANG, YONGS SU RDZOGS PA DANG, YONGS SU 'GRUB PAR BYA BA'I PHYIR RGYU GONG MA BAS CHES GONG MA BZANG PO BAS CHES BZANG PO YANG DAG PAR YONGS SU 'DZIN PAR BYED PA'O, ,BCOM LDAN 'DAS 'DRES PA'I CHOS LA DMIGS PA'I ZHI GNAS DANG LHAG MTHONG DE GANG LA RTOGS SHING, ,GANG LA 'THOB PAR 'TSAL BAR BGYI LAGS, ,BKA' STZAL PA, BYAMS PAS DANG PO RAB TU DGA' BA LA NI RTOGS PA YIN LA, SA GSUM PA 'OD BYED PA LA NI THOB PAR RIG PAR BYA STE, BYAMS PA DE LTA MOD KYI BYANG CHUB SEMS DPA' LAS DANG PO PAS KYANG DE LA RJES SU BSLAB CING YID LA BYA BA MI GTANG BAR BYA'O, ,BCOM LDAN 'DAS JI LTAR ZHI GNAS DANG, LHAG MTHONG RTOG PA DANG BCAS SHING DPYOD PA DANG BCAS PA'I TING NGE 'DZIN DU 'GYUR BA LAGS, ,JI LTAR NA RTOG PA MA MCHIS @70B SHING DPYOD PA TZAM DU 'GYUR BA LAGS, ,JI LTAR NA RTOG PA MA MCHIS PA DANG, DPYOD PA MA MCHIS PAR 'GYUR BA LAGS, ,BYAMS PA JI LTAR GZUNG ZHING BRTAGS PA DANG DPYAD PA'I CHOS RNAMS LA DE DAG GI MTSAN MA GSAL ZHING RAGS PA MYONG PA'I RJES SU DPYOD PA'I ZHI GNAS DANG LHAG MTHONG GANG YIN PA DE NI, RTOG PA DANG BCAS SHING DPYOD PA DANG BCAS PA'I TING NGE 'DZIN YIN NO, ,DE DAG NYID KYI MTSAN MA GSAL ZHING RAGS PA MYONG PA'I RJES SU DPYOD PA MA YIN MOD KYI, 'ON KYANG DE SNANG BA 'OL SPYI'I DRAN PA TZAM PHRA MO MYONG PA'I RJES SU DPYOD PA'I ZHI GNAS DANG LHAG MTHONG GANG YIN PA DE NI, ,RTOG PA MED CING DPYOD PA TZAM GYI TING NGE 'DZIN YIN NO, ,DE DAG GI MTSAN MA LA THAMS CAD KYI THAMS CAD DU LHUN GYIS GRUB PAR CHOS MYONG BA YID LA BYED PAS, ,RNAM PAR SPYOD PA'I ZHI GNAS DANG LHAG MTHONG GANG YIN PA DE NI RTOG PA MED PA DANG, DPYOD PA MED PA'I TING NGE 'DZIN YIN NO, ,BYAMS PA YANG CHOS YONGS SU TSOL BA LAS BYUNG BA'I ZHI GNAS DANG LHAG MTHONG GANG YIN PA DE NI, ,RTOG PA DANG BCAS SHING DPYOD PA DANG BCAS PA'I TING NGE 'DZIN YIN NO, ,SO SOR RTOG PA LAS BYUNG BA'I GANG YIN PA DE NI, ,RTOG PA MED CING DPYOD PA TZAM GYI TING NGE 'DZIN YIN NO, ,'DRES PA'I CHOS LA DMIGS PA GANG YIN PA DE NI RTOG PA MED PA DANG DPYOD PA MED PA'I TING NGE 'DZIN YIN NO, ,BCOM LDAN 'DAS ZHI GNAS KYI RGYU MTSAN NI GANG LAGS, ,RAB TU 'DZIN PA'I RGYU MTSAN NI GANG LAGS, ,BTANG SNYOMS KYI RGYU MTSAN NI GANG LAGS, ,BYAMS PA SEMS RGOD PA'AM RGOD DU DOGS PA NA KUN TU SKYO BAR 'GYUR BA DANG MTHUN PA'I CHOS RNAMS DANG, BAR CHAD MED PA'I SEMS DE YID LA BYED PA GANG YIN PA DE NI ZHI GNAS KYI RGYU MTSAN ZHES BYA'O, ,BYAMS PA SEMS BYING NGAM, BYING DU DOGS PA NA MNGON PAR DGA' BAR 'GYUR BA DANG MTHUN PA'I CHOS RNAMS DANG, SEMS KYI MTSAN MA DE YID LA BYED PA GANG YIN PA DE NI RAB TU 'DZIN PA'I RGYU MTHAN ZHES BYA'O, ,BYAMS PA ZHI GNAS LA GCIG TU NGES PA'AM, LHAG MTHONG LA GCIG TU NGES PA'AM, ,ZUNG DU 'BREL PA'I LAM YANG RUNG STE, DE GNYI @71A *, ,GA'I NYE BA'I NYON MONGS PAS NYE BAR NYON MONGS PAR BYED PA LA, SEMS RANG GI NGANG GIS 'JUG PA NA, YID LA BYED PA LHUN GYIS GRUB PA GANG YIN PA DE NI BTANG SNYOMS KYI RGYU MTSAN ZHES BYA'O, ,BCOM LDAN 'DAS BYANG CHUB SEMS DPA' ZHI GNAS DANG LHAG MTHONG SGOM PA CHOS SO SO YANG DAG PAR RIG PA DANG, DON SO SO YANG DAG PAR RIG PA LAGS NA, JI LTAR CHOS SO SO YANG DAG PAR RIG PA LAGS, JI LTAR DON SO SO YANG DAG PAR RIG PA LAGS, BYAMS PA RNAM PA LNGAS CHOS SO SO YANG DAG PAR RIG PA YIN TE, MING DANG, TSIG DANG, YI GE DANG, SO SO BA DANG, BSDUS PAS SO, ,MING GANG ZHE NA, KUN NAS NYON MONGS PA DANG, RNAM PAR BYANG BA'I CHOS RNAMS LA, NGO BO NYID DANG BYE BRAG GI MING DU BYA BAR BTAGS PA GANG YIN PA'O, ,TSIG GANG ZHE NA, KUN NAS NYON MONGS PA DANG RNAM PAR BYANG BA'I DON RJES SU THA SNYAD GDAGS PA'I PHYIR, GNAS DANG, RTEN DANG, MING DE DAG NYID KYI TSOGS LA BRTEN PA GANG YIN PA'O, ,YI GE GANG ZHE NA, DE GNYI GA'I GNAS KYI YIG 'BRU GANG YIN PA'O, ,DE DAG SO SO LAS SO SO YANG DAG PAR RIG PA GANG ZHE NA, MA 'DRES PA LA DMIGS PA'I YID LA BYED PAS SO SOR YANG DAG PAR RIG PA GANG YIN PA'O, ,BSDUS PA LAS SO SO YANG DAG PAR RIG PA GANG ZHE NA, 'DRES PA LA DMIGS PA'I YID LA BYED PAS SO SO YANG DAG PAR RIG PA GANG YIN PA'O, ,DE DAG THAMS CAD GCIG TU BSDUS NAS CHOS SO SO YANG DAG PAR RIG PA ZHES BYA STE, DE LTAR NA CHOS SO SO YANG DAG PAR RIG PA YIN NO, ,BYANG CHUB SEMS DPA' RNAM PA BCUS DON SO SO YANG DAG PAR RIG PA YIN TE, JI SNYED YOD PA NYID DANG, JI LTA BA BZHIN DU YOD PA NYID DANG, 'DZIN PA'I DON DANG, GZUNG BA'I DON DANG, GNAS KYI DON DANG, LONGS SPYOD KYI DON DANG, PHYIN CI LOG GI DON DANG, PHYIN CI MA LOG PA'I DON DANG, KUN NAS NYON MONGS PA'I DON DANG, RNAM PAR BYANG BA'I DON GYIS SO, ,BYAMS PA DE LA KUN NAS NYON MONGS PA PA DANG RNAM @71B PAR BYANG BA'I CHOS RNAMS LA RNAM PAR RAB TU DBYE BA THAMS CAD KYI MTHAR THUG PA GANG YIN PA DE NI, JI SNYED YOD PA NYID YIN TE, 'DI LTA STE, PHUNG PO RNAMS KYI GRANGS NI LNGAS SO, ,NANG GI SKYE MCHED RNAMS KYI GRANGS NI DRUG GIS SO, ,PHYI ROL GYI SKYE MCHED RNAMS KYI YANG GRANGS DRUG KHO NAS SO ZHES BYA BA LA SOGS PA'O, ,BYAMS PA DE LA KUN NAS NYON MONGS PA DANG RNAM PAR BYANG BA'I CHOS DE DAG NYID KYI DE BZHIN NYID GANG YIN PA DE NI JI LTA BA BZHIN DU YOD PA NYID YIN TE, DE YANG RNAM PA BDUN TE, 'BYUNG BA'I DE BZHIN NYID NI 'DU BYED RNAMS KYI THOG MA DANG THA MA MED PA NYID GANG YIN PA'O, ,MTSAN NYID KYI DE BZHIN NYID NI CHOS THAMS CAD KYI GANG ZAG LA BDAG MED PA DANG CHOS LA BDAG MED PA NYID GANG YIN PA'O, ,RNAM PAR RIG PA'I DE BZHIN NYID NI 'DU BYED RNAMS RNAM PAR RIG PA TZAM NYID GANG YIN PA'O, , GNAS PA'I DE BZHIN NYID NI NGAS SDUG BSNGAL GYI BDEN PA BSTAN PA GANG YIN PA'O, ,LOG PAR BSGRUB PA'I DE BZHIN NYID NI NGAS KUN 'BYUNG BA'I BDEN PA BSTAN PA GANG YIN PA'O, ,RNAM PAR DAG PA'I DE BZHIN NYID NI NGAS 'GOG PA'I BDEN PA BSTAN PA GANG YIN PA'O, ,YANG DAG PAR BSGRUB PA'I DE BZHIN NYID NI NGAS LAM GYI BDEN BA BSTAN PA GANG YIN PA'O, ,BYAMS PA DE LA 'BYUNG BA'I DE BZHIN NYID GANG YIN PA DE DANG, GNAS PA'I DE BZHIN NYID GANG YIN PA DE DANG, LOG PAR BSGRUB PA'I DE BZHIN NYID GANG YIN PA DES NI SEMS CAN THAMS CAD MTSUNGS SHING MNYAM MO, ,BYAMS PA DE LA MTSAN NYID KYI DE BZHIN NYID GANG YIN PA DE DANG, RNAM PAR RIG PA'I DE BZHIN NYID GANG YIN PA DES NI CHOS THAMS CAD MTSUNGS SHING MNYAM MO, ,BYAMS PA DE LA RNAM PAR DAG PA'I DE BZHIN NYID GANG YIN PA DE NI NYAN THOS KYI BYANG CHUB GANG YIN PA DANG, RANG SANGS RGYAS KYI BYANG CHUB GANG YIN PA DANG, BLA NA MED PA YANG DAG PAR RDZOGS PA'I BYANG CHUB GANG YIN PA DE'I BYANG CHUB THAMS CAD MTSUNGS SHING MNYAM MO, ,BYAMS PA DE LA YANG DAG PAR BSGRUB PA'I DE BZHIN NYID GANG YIN PA DES NI THOS PA THAMS CAD 'DRES PA'I CHOS @72A *, ,LA DMIGS PA'I ZHI GNAS DANG LHAG MTHONG GIS BSDUS PA'I SHES RAB MTSUNGS SHING MNYAM MO, ,BYAMS PA DE LA 'DZIN PA'I DON NI SKYE MCHED GZUGS CAN LNGA DANG, SEMS DANG, YID DANG, RNAM PAR SHES PA DANG, SEMS LAS BYUNG BA'I CHOS RNAMS DANG, BYAMS PA DE GZUNG PA'I DON NI PHYI ROL GYI SKYE MCHED DRUG PO DAG YIN NO, ,BYAMS PA YANG 'DZIN PA'I DON GANG YIN PA DE NI GZUNG BA'I DON KYANG YIN NO, ,BYAMS PA DE LA GNAS KYI DON NI 'JIG RTEN GYI KHAMS GANG YIN PA STE, GANG LA GNAS NA SEMS CAN GYI KHAMS SNANG BA'O, ,'DI LTA STE, GRONG TSIG DANG, GRONG TSIG BRGYA DANG, DE STONG DANG, DE 'BUM DANG, RGYA MTSO LA THUG PA'I SA DANG, DE BRGYA DANG, DE STONG DANG, DE 'BUM DANG, 'DZAM BU'I GLING DANG, DE BRGYA DANG, DE STONG DANG, DE 'BUM DANG, GLING BZHI DANG, DE BRGYA DANG, DE STONG DANG, DE 'BUM DANG, STONG GI 'JIG RTEN GYI KHAMS DANG, DE BRGYA DANG, DE STONG DANG, DE 'BUM DANG, STONG GNYIS PA BAR MA'I 'JIG RTEN GYI KHAMS DANG, DE BRGYA DANG, DE STONG DANG, DE 'BUM DANG, STONG GSUM GYI STONG CHEN PO'I 'JIG RTEN GYI KHAMS DANG, DE BRGYA DANG, DE STONG DANG, DE 'BUM DANG, DE BYE BA DANG, DE BYE BA PHRAG BRGYA DANG, DE BYE BA PHRAG STONG DANG, DE BYE BA PHRAG 'BUM DANG, DE GRANGS MED PA DANG, DE GRANGS MED PA PHAR BRGYA DANG, DE GRANGS MED PA PHRAG STONG DANG, DE GRANGS MED PA PHRAG 'BUM DANG, PHYOGS BCU DAG GI 'JIG RTEN GYI KHAMS DPAG TU MED PA GRANGS MED PA, STONG GSUM GYI STONG CHEN PO'I 'JIG RTEN GYI KHAMS GRANGS MED PA PHRAG 'BUM GYI RDUL PHRA RAB KYI RDUL SNYED DAG GO, ,BYAMS PA DE LA LONGS SPYOD KYI DON NI YONGS SU SPYAD PA'I PHYIR; NGAS SEMS CAN RNAMS KYI YONGS SU GZUNG BA DANG YO BYAD BSTAN PA GANG DAG YIN PA RNAMS SO, ,BYAMS PA DE LA PHYIN CI LOG GI DON NI 'DZIN PA LA SOGS PA'I DON DE DAG NYID LA, MI RTAG PA LA RTAG PAR 'DU SHES PHYIN CI LOG DANG, SEMS PHYIN CI LOG DANG, @72B LTA BA PHYIN CI LOG DANG, SDUG BSNGAL LA BDE BA DANG, MI GTZANG PA LA GTZANG BA DANG, BDAG MED PA LA BDAG TU 'DU SHES PHYIN CI LOG DANG, SEMS PHYIN CI LOG DANG, LTA BA PHYIN CI LOG GANG YIN PA'O, ,BYAMS PA DE LA PHYIN CI MA LOG PA'I DON NI DE LAS BZLOG PA STE, DE'I GNYEN PO YIN PAR RIG PAR BYA'O, ,BYAMS PA DE LA KUN NAS NYON MONGS PA'I DON NI RNAM PA GSUM STE, KHAMS GSUM PA'I NYON MONGS PA'I KUN NAS NYON MONGS PA DANG, LAS KYI KUN NAS NYON MONGS PA DANG, SKYE BA'I KUN NAS NYON MONGS PA'O, ,BYAMS PA DE LA RNAM PAR BYANG BA'I DON NI KUN NAS NYON MONGS PA RNAM PA GSUM PO DE DAG NYID DANG BRAL BAR BYA BA'I PHYIR BYANG CHUB KYI PHYOGS DANG MTHUN PA'I CHOS GANG DAG YIN PA RNAMS SO, ,BYAMS PA RNAM PA BCU PO DE DAG GIS DON THAMS CAD BSDUS PAR RIG PAR BYA'O, ,BYAMS PA BYANG CHUB SEMS DPA' RNAM PA LNGAS DON SO SO YANG DAG PAR RIG PA YIN TE, DON RNAM PA LNGA GANG ZHE NA, YONGS SU SHES PAR BYA BA'I DNGOS PO DANG, YONGS SU SHES PAR BYA BA'I DON DANG, YONGS SU SHES PA DANG, YONGS SU SHES PA'I 'BRAS BU 'THOB PA DANG, DE RAB TU RIG PAR BYED PA'O, ,BYAMS PA DE LA YONGS SU SHES PAR BYA BA'I DNGOS PO NI SHES BYA THAMS CAD YIN PAR BLTA BAR BYA STE, 'DI LTA STE, PHUNG PO RNAMS ZHES BYA BA'AM NANG GI SKYE MCHED RNAMS ZHES BYA BA'AM, PHYI ROL GYI SKYE MCHED RNAMS ZHES BYA BA'AM, DE LTA BU LA SOGS PA DAG GO, ,BYAMS PA DE LA YONGS SU SHES PAR BYA BA'I DON NI RNAM PA JI SNYED KYIS SHES BYA DE JI LTA BA BZHIN DU SHES PAR BYA BA STE, 'DI LTA STE, KUN RDZOB DANG, DON DAM PA DANG, SKYON DANG, YON TAN DANG, RKYEN DANG, DUS DANG, SKYE BA DANG, GNAS PA DANG; 'JIG PA'I MTSAN NYID DANG, NAD LA SOGS PA DANG, SDUG BSNGAL BA DANG, KUN 'BYUNG BA LA SOGS PA DANG, DE BZHIN NYID DANG, YANG DAG PA'I MTHA' DANG, CHOS KYI DBYINGS DANG, BSDU BA DANG, DBYE BA DANG, MGO GCIG TU LAN GDAB PA DANG, RNAM PAR DBYE @73A *, ,BA DANG, DRIS TE LAN GDAB BA DANG, GZHAG PA DANG, GSANG BA DANG, BSGRAGS PA DANG, DE LTA BU DANG MTHUN PA NI YONGS SU SHES PAR BYA BA'I DON YIN PAR RIG PAR BYA'O, ,BYAMS PA DE LA YONGS SU SHES PA DE NI, DE GNYI GA 'DZIN PAR BYED PA BYANG CHUB KYI PHYOGS DANG MTHUN PA'I CHOS GANG YIN PA DAG STE, 'DI LTA STE, DRAN PA NYE BAR GZHAG PA RNAMS DANG, YANG DAG PA'I SPONG BA RNAMS DANG, DE LA SOGS PA'O, ,BYAMS PA DE LA YONGS SU SHES PA'I 'BRAS BU 'THOB PA NI 'DI LTA STE, 'DOD CHAGS PA DANG, ZHE SDANG DANG, GTI MUG 'DUL BA DANG, 'DOD CHAGS DANG, ZHE SDANG DANG, GTI MUG MA LUS PAR SPONG BA DANG, DGE SBYONG NYID KYI 'BRAS BU RNAMS DANG, NGAS NYAN THOS DANG, DE BZHIN GSHEGS PA'I YON TAN 'JIG RTEN PA DANG, 'JIG RTEN LAS 'DAS PA THUN MONG DANG, THUN MONG MA YIN PA GANG DAG BSTAN PA DE DAG MNGON DU BYA BA GANG YIN PA'O, ,BYAMS PA DE LA RAB TU RIG PAR BYED PA NI MNGON SUM DU BYA BA'I CHOS DE DAG NYID LA RNAM PAR GROL BAR SHES PA DANG, GZHAN DAG LA YANG RGYA CHER STON PA DANG, YANG DAG PAR STON PA GANG YIN PA STE, BYAMS PA DON LNGA PO DE DAG GIS KYANG DON THAMS CAD BSDUS PAR RIG PAR BYA'O, ,BYAMS PA YANG BYANG CHUB SEMS DPAS RNAM PA BZHIS DON SO SO YANG DAG PAR RIG PA YIN TE, DON RNAM PA BZHI GANG ZHE NA, SEMS KYI LEN PA'I DON DANG, MYONG BA'I DON DANG, RNAM PAR RIG PA'I DON DANG, KUN NAS NYON MONGS PA DANG RNAM PAR BYANG BA'I DON GYIS TE, BYAMS PA DON RNAM PA BZHI PO DE DAG GIS KYANG DON THAMS CAD BSDUS PAR RIG PAR BYA'O, ,BYAMS PA YANG BYANG CHUB SEMS DPAS RNAM PA GSUM GYIS DON SO SO YANG DAG PAR RIG PA YIN TE, DON RNAM PA GSUM GANG ZHE NA, TSIG 'BRU'I DON DANG, DON GYI DON DANG, KHAMS KYI DON GYIS SO, ,BYAMS PA DE LA TSIG 'BRU'I DON NI MING GI TSOGS LA SOGS PA YIN PAR BLTA BAR BYA'O, ,BYAMS PA DE LA DON GYI DON NI RNAM PA @73B BCUR RIG PAR BYA STE, DE KHO NA'I MTSAN NYID DANG, YONGS SU SHES PA'I MTSAN NYID DANG, SPANG BA'I MTSAN NYID DANG, MNGON DU BYA BA'I MTSAN NYID DANG, BSGOM PA'I MTSAN NYID DANG, DE KHO NA'I MTSAN NYID LA SOGS PA DE DAG NYID KYI RNAM PA RAB TU DBYE BA'I MTSAN NYID DANG, GNAS DANG GNAS PAR 'BREL PA'I MTSAN NYID DANG, YONGS SU SHES PA LA SOGS PA'I BAR DU GCOD PA'I CHOS KYI MTSAN NYID DANG, RJES SU MTHUN PA'I CHOS KYI MTSAN NYID DANG, YONGS SU MI SHES PA LA SOGS PA DANG, YONGS SU SHES PA LA SOGS PA'I NYES DMIGS DANG, PHAN YON GYI MTSAN NYID DO, ,BYAMS PA DE LA KHAMS KYI DON NI KHAMS LNGA STE, 'JIG RTEN GYI KHAMS DANG, SEMS CAN GYI KHAMS DANG, CHOS KYI KHAMS DANG, GDUL BA'I KHAMS DANG, GDUL BA'I THABS KYI KHAMS TE, BYAMS PA DON RNAM PA GSUM PO DE DAG GIS KYANG DON THAMS CAD BSDUS PAR RIG PAR BYA'O, ,BCOM LDAN 'DAS THOS PA LAS BYUNG BA'I SHES RAB KYIS NI DON SO SO YANG DAG PAR RIG PA GANG LAGS PA DANG, BSAMS PA LAS BYUNG BA'I SHES RAB KYIS DON SO SO YANG DAG PAR RIG PA GANG LAGS PA DANG, BCOM LDAN 'DAS ZHI GNAS DANG LHAG MTHONG BSGOMS PA LAS BYUNG BA'I SHES RAB KYIS DON SO SO YANG DAG PAR RIG PA GANG LAGS PA DE DAG LA THA DAD DU BGYI BA CI MCHIS LAGS, BKA' STZAL PA, BYAMS PA BYANG CHUB SEMS DPAS THOS PA LAS BYUNG BA'I SHES RAB KYIS NI TSIG 'BRU LA GNAS PA DANG, SGRA JI BZHIN PA DANG, DGONGS PA MED PA, MNGON DU MA GYUR PA, RNAM PAR THAR PA'I RJES SU MTHUN PA DANG, RNAM PAR THAR PAR BYED PA MA YIN PA'I DON SO SO YANG DAG PAR RIG PAR BYED DO, ,BYAMS PA BSAMS PA LAS BYUNG BA'I SHES RAB KYIS NI TSIG 'BRU LA GNAS PA KHO NA YIN LA, SGRA JI BZHIN MA YIN PA, DGONGS PA CAN MNGON DU MA GYUR PA, RNAM PAR THAR PA DANG CHOS RJES SU MTHUN PA, RNAM PAR THAR BAR BYED PA MA YIN PA'I DON SO SO YANG DAG PAR RIG PAR BYED DO, , @74A *, ,BYAMS PA BYANG CHUB SEMS DPAS BSGOMS PA LAS BYUNG BA'I SHES RAB KYIS NI TSIG 'BRU LA GNAS PA DANG, TSIG 'BRU LA GNAS PA MA YIN PA DANG, SGRA JI BZHIN PA DANG, DGONGS PA CAN DANG, SHES BYA'I DNGOS PO DANG CHA MTHUN PA'I TING NGE 'DZIN GYI SPYOD YUL GYI GZUGS BRNYAN GYIS MNGON DU GYUR PA RNAM PAR THAR PA DANG, CHOS SHIN TU RJES SU MTHUN PA DANG, RNAM PAR THAR PAR BYED PA'I DON KYANG SO SO YANG DAG PAR RIG PAR BYED DO, ,BYAMS PA DE DAG GI THA DAD DU BYA BA NI DE YIN NO ZHES BCOM LDAN 'DAS KYIS BKA' STZAL TO, ,BCOM LDAN 'DAS BYANG CHUB SEMS DPA' ZHI GNAS DANG LHAG MTHONG BSGOM PA CHOS SO SO YANG DAG PAR RIG PA DANG, DON SO SO YANG DAG PAR RIG PA'I SHES PA NI GANG LAGS, MTHONG BA NI GANG LAGS, BYAMS PA NGA NI SHES PA DANG MTHONG BA RNAM GRANGS DU MAS STON PAR BYED MOD KYI, 'ON KYANG MDOR BSDUS TE BSHAD PAR BYA'O, ,'DRES PA'I CHOS LA DMIGS PA'I ZHI GNAS DANG LHAG MTHONG GI SHES RAB GANG YIN PA DE NI SHES PA YIN NO, ,MA 'DRES PA'I CHOS LA DMIGS PA'I ZHI GNAS DANG LHAG MTHONG GI SHES RAB GANG YIN PA DE NI MTHONG BA YIN NO, ,BCOM LDAN 'DAS BYANG CHUB SEMS DPA' ZHI GNAS DANG LHAG MTHONG BSGOM PAS YID LA BGYID PA GANG GIS MTSAN MA GANG JI LTAR RNAM PAR SEL PAR BGYID LAGS, BYAMS PA DE BZHIN NYID YID LA BYED PAS CHOS KYI MTSAN MA DANG, DON GYI MTSAN MA RNAM PAR SEL BAR BYED DE, MING LA MING GI NGO BO NYID KYANG MI DMIGS SHING, DE'I GNAS KYI MTSAN MA YANG YANG DAG PAR RJES SU MI MTHONG BAS RNAM PAR SEL TO, ,MING LA JI LTA BA BZHIN DU TSIG DANG, YI GE DANG, DON THAMS CAD LA YANG DE BZHIN DU RIG PAR BYA'O, ,BYAMS PA KHAMS KYI BAR LA KHAMS KYI NGO BO NYID KYANG MI DMIGS SHING, DE'I GNAS KYI MTSAN MA YANG YAN DAG PAR RJES SU MI MTHONG BAS RNAM PAR SEL TO, ,BCOM LDAN 'DAS CI LAGS, DE BZHIN NYID KYI DON SO SO YANG DAG PAR RIG PA'I MTSAN MA GANG LAGS PA DE YANG RNAM PAR SEL @74B BAR BGYID LAGS SAM, BYAMS PA DE BZHIN NYID KYI DON SO SO YANG DAG PAR RIG PA LA NI MTSAN MA MED DE, MI DMIGS NA, DE LA CI ZHIG RNAM PAR SEL BAR 'GYUR TE, BYAMS PA DE BZHIN NYID KYI DON SO SO YANG DAG PAR RIG PAS NI, CHOS DANG, DON GYI MTSAN MA THAMS CAD ZIL GYIS NON GYI, DE NI GANG GIS KYANG ZIL GYIS MNAN PAR BYA BA YIN PAR NGA MI SMRA'O, ,BCOM LDAN 'DAS BCOM LDAN 'DAS KYIS CHAB RNYOG MA CAN MCHOS PA'I SNOD KYI DPE DANG, ME LONG YONGS SU MA DAG PA'I DPE DANG, MTSE'U 'KHRUGS PA'I DPES JI LTAR RANG GI BZHIN GYI MTSAN MA BRTAG PAR MI NUS LA, DE LAS BZLOG PAS NI NUS PA DE BZHIN DU, MA BSGOMS PA'I SEMS KYIS YANG DAG PA JI LTA BA BZHIN SHES PAR MI NUS KYI, BSGOMS PAS NI NUS SO ZHES GANG BKA' STZAL BA DE LA SEMS KYI SO SOR BRTAGS PA NI GANG LAGS, DE BZHIN NYID NI GANG LA DGONGS TE BKA' STZAL BA LAGS, BKA' STZAL PA, BYAMS PA SEMS KYIS SO SOR BRTAG PA RNAM PA GSUM GYI PHYIR TE, THOS PA LAS BYUNG BA'I SEMS KYIS SO SOR BRTAG PA DANG, BSAMS PA LAS BYUNG BA'I SEMS KYIS SO SOR BRTAG PA DANG, BSGOMS PA LAS BYUNG PA'I SEMS KYIS SO SOR BRTAG PA'O, ,RNAM PAR RIG PA'I DE BZHIN NYID LAS DGONGS TE, YONGS SU BSTAN PA YIN NO, ,BCOM LDAN 'DAS BYANG CHUB SEMS DPA' DE LTAR CHOS DANG DON SO SO YANG DAG PAR RIG PA DANG, MTSAN MA RNAM PAR SEL BA LA ZHUGS PA'I MTSAN MA DU ZHIG NI RNAM PAR BSAL BKA' BA LAGS, GANG GIS NI DE DAG RNAM PAR SEL LAGS, BYAMS PA BCU STE, DE DAG NI STONG PA NYID KYIS RNAM PAR SEL TO, ,BCU GANG ZHE NA, CHOS KYI DON SO SO YANG DAG PAR RIG PAR BYED PA NA, TSIG DANG YI GE'I MTSAN MA SNA TSOGS GANG YIN PA DE NI CHOS THAMS CAD STONG PA NYID KYIS RNAM PAR SEL TO, ,GNAS PA'I DE BZHIN NYID KYI DON SO SOR YANG DAG PAR RIG PAR BYED PA NA, SKYE BA DANG, 'JIG PA DANG, GNAS PA DANG, GZHAN DU 'GYUR BA NYID KYI RGYUN GYI RJES SU 'JUG @75A *, ,PA'I MTSAN MA GANG YIN PA DE NI MTSAN NYID STONG PA NYID KYIS KYANG RNAM PAR SEL LA, DE NI THOG MA DANG THA MA MED PA STONG PA NYID KYIS KYANG RNAM PAR SEL TO, ,'DZIN PA'I DON SO SOR YANG DAG PAR RIG PAR BYED PA'I 'JIG TSOGS LA LTA BA'I MTSAN MA DANG, NGA'O SNYAM PA'I MTSAN MA GANG YIN PA DE NI NANG STONG PA NYID DANG, MI DMIGS PA STONG PA NYID KYIS RNAM PAR SEL TO, ,GZUNG BA'I DON SO SO YANG DAG PAR RIG PAR BYED PA'I LONGS SPYOD LA LTA BA'I MTSAN MA GANG YIN PA DE NI PHYI STONG PA NYID KYIS RNAM PAR SEL TO, ,YONGS SU LONGS SPYOD PA'I DON DU SKYES PA DANG, BUD MED KYI BSNYEN BKUR DANG, YO BYAD DANG LDAN PA SO SO YANG DAG PAR RIG PAR BYED PA NA, NANG GI BDE BA'I MTSAN MA DANG, PHYI ROL GYI SDUG PA'I MTSAN MA GANG YIN PA DE NI, PHYI NANG STONG PA NYID DANG, RANG BZHIN GYIS STONG PA NYID KYIS RNAM PAR SEL TO, ,GNAS KYI DON SO SO YANG DAG PAR RIG PAR BYED PA NA, TSAD MED PA'I MTSAN MA GANG YIN PA DE NI CHEN PO STONG PA NYID KYIS RNAM PAR SEL TO, ,GZUGS MED PA LA BRTEN TE, GANG GI ZHI BA LA RNAM PAR THAR PA'I MTSAN MA GANG YIN PA DE NI 'DUS BYAS STONG PA NYID KYIS RNAM PAR SEL TO, ,MTSAN NYID KYI DE BZHIN NYID KYI DON SO SO YANG DAG PAR RIG PAR BYED PA NA, GANG ZAG BA DAG MED PA'I MTSAN MA DANG, CHOS LA BDAG MED PA'I MTSAN MA DANG, RNAM PAR RIG PA TZAM GYI MTSAN MA DANG, DON DAM PA'I MTSAN MA GANG YIN PA DE NI MTHA' LAS 'DAS PA STONG PA NYID DANG, DNGOS PO MED PA STONG PA NYID DANG, DNGOS PO MED PA'I NGO BO NYID STONG PA NYID DANG, DON DAM PA STONG PA NYID KYIS RNAM PAR SEL TO, ,RNAM PAR DAG PA'I DE BZHIN NYID KYI DON SO SO YANG DAG PAR RIG PAR BYED PA NA, 'DUS MA BYAS KYI MTSAN MA DANG, 'GYUR BA MED PA'I MTSAN MA GANG YIN PA DE NI 'DUS MA BYAS STONG PA NYID DANG, DOR BA MED PA STONG PA NYID KYIS RNAM PAR SEL TO, ,MTSAN MA DE'I GNYEN PO STONG PA NYID DE DAG YID LA BYED PA'I STONG PA NYID KYI MTSAN MA GANG YIN PA DE NI, STONG PA @75B NYID STONG PA NYID KYIS RNAM PAR SEL TO, ,BCOM LDAN 'DAS MTSAN MA RNAM PA BCU RNAM PAR SEL BAR BGYID PA NA, MTSAN MA GANG RNAM PAR SEL BAR BGYID CING, MTSAN MA'I 'CHING BA GANG LAS RNAM PAR GROL BAR 'GYUR LAGS, BYAMS PA TING NGE 'DZIN GYI SPYOD YUL GZUGS BRNYAN GYI MTSAN MA RNAM PAR SEL BAR BYED CING, KUN NAS NYON MONGS PA'I 'CHING BA'I MTSAN MA LAS YONGS SU GROL BAR 'GYUR LA, DE YANG RNAM PAR SEL TO, ,BYAMS PA STONG PA NYID DE DAG NI DNGOS SU NA MTSAN MA DE DAG GI GNYEN POR GYUR PA YIN PAR RIG PAR BYA'O, , RE RE YANG MTSAN MA THAMS CAD KYI GNYEN POR MI 'GYUR BA NI MA YIN NO, ,BYAMS PA 'DI LTA STE DPER NA, MA RIG PA NI RGA SHI'I BAR GYI KUN NAS NYON MONGS PA 'GRUB PAR MI BYED PA MA YIN MOD KYI, ,NYE BA DANG, SHIN TU NYE BA'I RKYEN NYID YIN PA'I PHYIR DNGOS SU NA 'DU BYED 'GRUB PAR BYED PA NYIN PAR BSTAN PA BZHIN DU 'DI LA YANG TSUL DE BZHIN DU BLTA BAR BYA'O, ,BCOM LDAN 'DAS THEG PA CHEN PO LA BYANG CHUB SEMS DPA' RNAMS KYIS GANG RTOGS NA STONG PA NYID KYI MTSAN NYID LA MNGON PA'I NGA RGYAL MA MCHOS PAS RAB TU NYAMS PAR MI 'GYUR BA'I STONG PA NYID KYI MTSAN NYID BSDUS PA GANG LAGS, ,DE NAS BCOM LDAN 'DAS KYIS BYANG CHUB SEMS DPA' BYAMS PA LA LEGS SO LEGS SO ZHES BYA BA BYIN TE, BYAMS PA KHYOD DE LTAR BYANG CHUB SEMS DPA' RNAMS STONG PA NYID LAS RAB TU NYAMS PAR MI 'GYUR BAR BYA BA'I PHYIR DE BZHIN GSHEGS PA LA KHYOD DON 'DI NYID 'DRI BA LEGS SO LEGS SO, ,DE CI'I PHYIR ZHE NA, BYAMS PA BYANG CHUB SEMS DPA' STONG PA NYID LAS RAB TU NYAMS PA NI THEG PA CHEN PO MTHA' DAG LAS KYANG RAB TU NYAMS PAR 'GYUR BA'I PHYIR RO, ,BYAMS PA DE'I PHYIR NYON CIG DANG, STONG PA NYID KYI MTSAN NYID BSDUS PA KHYOD LA BSHAD PAR BYA'O, ,BYAMS PA GZHAN GYI DBANG GI MTSAN NYID DANG, YONGS SU GRUB PA'I MTSAN NYID RNAM PA THAMS CAD DU KUN NAS NYON MONGS PA DANG, RNAM PAR BYANG BA PA'I KUN BRTAGS PA'I MTSAN NYID DANG SHIN TU RNAM PAR BRAL BA NYID @76A *, ,DANG; DE DE LA MI DMIGS PA GANG YIN PA DE NI THEG PA CHEN PO LA STONG PA NYID KYI MTSAN NYID BSDUS PA ZHES BYA'O, ,BCOM LDAN 'DAS ZHI GNAS DANG LHAG MTHONG DAG GIS TING NGE 'DZIN DU ZHIG BSDUS LAGS, BKA' STZAL PA, BYAMS PA NGAS NYAN THOS RNAMS DANG, BYANG CHUB SEMS DPA' RNAMS DANG, DE BZHIN GSHEGS PA RNAMS KYI TING NGE 'DZIN RNAM PA DU MA BSTAN PA GANG DAG YIN PA DE DAG THAMS CAD BSDUS PAR RIG PAR BYA'O, ,BCOM LDAN 'DAS ZHI GNAS DANG LHAG MTHONG RGYU GANG LAS BYUNG BA LAGS, BYAMS PA TSUL KHRIMS RNAM PAR DAG PA'I RGYU LAS BYUNG BA DANG, THOS PA DANG, BSAMS PA LAS BYUNG BA'I LTA BA RNAM PAR DAG PA'I RGYU LAS BYUNG BA YIN NO, ,BCOM LDAN 'DAS DE DAG GI 'BRAS BU GANG LAGS PAR BRJOD PAR BGYI, BYAMS PA SEMS RNAM PAR DAG PA NI 'BRAS BU YIN, SHES RAB RNAM PAR DAG PA NI 'BRAS BU YIN NO, ,BYAMS PA YANG NYAN THOS RNAMS KYI'AM, BYANG CHUB SEMS DPA' RNAMS KYI 'AM, DE BZHIN GSHEGS PA RNAMS KYI DGE BA'I CHOS 'JIG RTEN PA DANG, 'JIG RTEN LAS 'DAS PA THAMS CAD KYANG ZHI GNAS DANG LHAG MTHONG GI 'BRAS BU YIN PAR RIG PAR BYA'O, ,BCOM LDAN 'DAS ZHI GNAS DANG LHAG MTHONG GI LAS CI LAGS, ,BYAMS PA 'CHING BA RNAM PA GNYIS PO MTSAN MA'I 'CHING BA DANG, GNAS NGAN LEN GYI 'CHING BA LAS RNAM PAR THAR BAR BYED PA YIN NO, , BCOM LDAN 'DAS BCOM LDAN 'DAS KYIS GAGS RNAM PA LNGA GSUNGS PA GANG DAG LAGS PA DE DAG LAS, DU NI ZHI GNAS KYI GAGS DAG LAGS, DU NI LHAG MTHONG GI GAGS DAG LAGS, DU NI GNYI GA'I GAGS DAG LAGS, BYAMS PA LUS DANG LONGS SPYOD LA LTA BA NI ZHI GNAS KYI GAGS YIN NO, ,'PHAGS PA'I GTAM 'DOD PA BZHIN MA THOB PA NI LHAG MTHONG GI GAGS YIN NO, ,'DRES PAR GNAS PA DANG, CUNG ZAD TZAM GYIS CHOG PAR 'DZIN PA NI DE GNYI GA'I GAGS YIN TE, DE LA YANG GCIG GIS NI SBYOR BAR MI BYED DO, , @76B CIG SHOS KYIS NI SBYOR BA MTHAR THUG PAR MI 'GYUR RO, ,BCOM LDAN 'DAS SGRIB PA LNGA PO GANG DAG LAGS PA DE DAG LAS, DU NI ZHI GNAS KYI SGRIB PA DAG LAGS, DU NI LHAG MTHONG GI SGRIB PA DAG LAGS, DU NI GNYI GA'I SGRIB PA DAG LAGS, BYAMS PA RGOD PA DANG; 'GYOD PA NI ZHI GNAS KYI SGRIB PA YIN NO, ,RMUGS PA DANG, GNYID DANG, THE CHOM NI LHAG MTHONG GI SGRIB PA YIN NO, ,'DOD PA LA 'DUN PA DANG, GNOD SEMS NI DE GNYI GA'I SGRIB PA YIN NO, ,BCOM LDAN 'DAS JI TZAM GYIS NA ZHI GNAS KYI LAM YONGS SU DAG PA LAGS, BYAMS PA GANG GI TSE RMUGS PA DANG, GNYID LEGS PAR RAB TU CHOMS PAR GYUR BA'O, ,BCOM LDAN 'DAS JI TZAM GYIS NA LHAG MTHONG GI LAM YANGS SU DAG PA LAGS, BYAMS PA GANG GI TSE RGOD PA DANG 'GYOD PA LEGS PAR RAB TU CHOMS PAR GYUR PA'O, , BCOM LDAN 'DAS BYANG CHUB SEMS DPA' ZHI GNAS DANG LHAG MTHONG LA ZHUGS PAS RNAM PA DU DAG GIS SEMS RNAM PAR G-YENG BA YONGS SU 'TSAL BAR BGYI LAGS, BKA' STZAL BA, BYAMS PA RNAM PA LNGA STE, YID LA BYED PA'I RNAM PAR G-YENG BA DANG, PHYI ROL DU SEMS RNAM PAR G-YENG BA DANG, NANG DU SEMS RNAM PAR G-YENG BA DANG, MTSAN MA'I RNAM PAR G-YENG BA DANG, GNAS NGAN LEN GYI RNAM PAR G-YENG BA'O, ,BYAMS PA GAL TE BYANG CHUB SEMS DPA' THEG PA CHEN PO DANG LDAN PA'I YID LA BYED PA BTANG STE, NYAN THOS DANG; RANG SANGS RGYAS DANG LDAN PA'I YID LA BYED PAR RAB TU LHUNG NA, DE NI YID LA BYED PA'I RNAM PAR G-YENG BA YIN NO, ,GAL TE PHYI ROL GYI 'DOD PA'I YON TAN LNGA PO DAG DANG, 'DU 'DZI DANG, MCHAN MA DANG, RNAM PAR RTOG PA DANG, NYON MONGS PA DANG, NYE BA'I NYON MONGS PA DANG, PHYI ROL GYI DMIGS PA RNAMS LA SEMS RNAM PAR 'PHRO BAR GTONG NA DE'I PHYI ROL DU SEMS RNAM PAR G-YENG BA YIN NO, ,GAL TE RMUGS PA DANG, GNYID KYIS BYING BA 'AM, SNYOMS PAR 'JUG PA'I RO MYANG BA'AM, SNYOMS PAR 'JUG PA'I NYE @77A *, ,BA'I NYON MONGS PA GANG YANG RUNG BAS NYON MONGS PAR GYUR NA, DE NI NANG DU SEMS RNAM PAR G-YENG BA YIN NO, ,GAL TE PHYI ROL GYI MTSAN MA LA BRTEN NAS NANG GI TING NGE 'DZIN GYI SPYOD YUL GYI MTSAN MA YID LA BYED NA, DE NI MTSAN MA'I RNAM PAR G-YENG BA YIN NO, ,GAL TE NANG GI YID LA BYED PA LA BRTEN NAS BYUNG BA'I TSOR BA LA GNAS NGAN LEN GYI TSOGS KYIS NGA'O SNYAM DU RLOM SEMS SU BYED NA, DE NI GNAS NGAN LEN GYI RNAM PAR G-YENG BA YIN NO, ,BCOM LDAN 'DAS ZHI GNAS DANG LHAG MTHONG DAG BYANG CHUB SEMS DPA'I SA DANG PO NAS BZUNG STE, DE BZHIN GSHEGS PA'I SA'I BAR LA GANG GI GNYEN PO LAGS, BYAMS PA ZHI GNAS DANG LHAG MTHONG GI SA DANG PO LA NI NGAN SONG BA'I NYON MONGS PA DANG, LAS DANG, SKYE BA'I KUN NAS NYON MONGS PA'I GNYEN PO YIN NO, ,GNYIS PA LA NI LTUNG BA PHRA MO'I 'KHRUL PA KUN TU 'BYUNG BA RNAMS KYI'O, ,GSUM PA LA NI 'DOD PA'I 'DOD CHAGS KYI'O, ,BZHI PA LA NI SNYOMS PAR 'JUG PA LA SRED PA DANG CHOS LA SRED PA'I'O, ,LNGA PA LA NI 'KHOR BA DANG, MYA NGAN LAS 'DAS PA DAG LA GCIG TU MI PHYOGS PA NYID DANG, MNGON DU PHYOGS PA NYID KYI'O, ,DRUG PA LA NI MTSAN MA MANG PO KUN TU 'BYUNG BA'I'O, ,BDUN PA LA NI MTSAN MA PHRA MO KUN TU 'BYUNG BA'I'O, ,BRGYAD PA LA NI MTSAN MA MED PA LA RTZOL BA DANG, MTSAN MA LA DBANG DU MA GYUR BA'I'O, ,DGU PA LA NI RNAM PA THAMS CAD DU CHOS STON PA LA DBANG DU MA GYUR BA'I'O, ,BCU PA LA NI CHOS KYI SKU YONGS SU RDZOGS PA SO SO YANG DAG PAR RIG PA NI MI 'THOB PA'I'O, ,BYAMS PA ZHI GNAS DANG LHAG MTHONG DE BZHIN GSHEGS PA'I SA LA NI NYON MONGS PA DANG SHES BYA'I SGRIB PA SHIN TU PHRA BA, MCHOG TU CHES SHIN TU PHRA BA'I GNYEN PO YIN TE, DE LEGS PAR BCOM PAS CHOS KYI SKU SHIN TU RNAM PAR DAG PA LA GNAS PA NA, DGOS PA YONGS SU GRUB PA'I DMIGS PA LA, THAMS CAD DU CHAGS PA MED PA DANG, THOGS PA MED PA'I SHES PA DANG MTHONG BA THOB PO, ,BCOM LDAN 'DAS BYANG @77B CHUB SEMS DPA' ZHI GNAS DANG LHAG MTHONG LA JI LTAR BSGRUB NA, BLA NA MED PA YANG DAG PAR RDZOGS PA'I BYANG CHUB MNGON PAR 'TSANG RGYA BAR 'GYUR BA LAGS, BCOM LDAN 'DAS KYIS BKA' STZAL BA, BYAMS PA 'DI LA BYANG CHUB SEMS DPA' ZHI GNAS DANG LHAG MTHONG THOB NAS, DE BZHIN NYID RNAM PA BDUN LAS BRTZAMS TE JI LTAR THOS PA DANG BSAMS PA'I CHOS RNAMS LA MNYAM PAR GZHAG PA'I SEMS KYIS LEGS PAR GZUNG BA DANG, LEGS PAR BSAMS PA DANG, LEGS PAR RNAM PAR GZHAG PA'I DE BZHIN NYID DE NYID NANG DU YID LA BYED DE, DE LTAR NA DE DE BZHIN NYID YID LA BYED PA NA, MTSAN MA PHRA MO KUN TU 'BYUNG BA THAMS CAD LA YANG RE ZHIG SEMS LHAG PAR BTANG SNYOMS SU 'JOG NA, RAGS PA DAG LA LTA SMOS KYANG CI DGOS, BYAMS PA DE LA MTSAN MA PHRA MO NI 'DI DAG YIN TE, SEMS KYI LEN PA'I MTSAN MA'AM, MYONG BA'I MTSAN MA'AM, RNAM PAR RIG PA'I MTSAN MA'AM, KUN NAS NYON MONGS PA DANG RNAM PAR BYANG BA'I MTSAN MA'AM, NANG GI MTSAN MA'AM, PHYI ROL GYI MTSAN MA'AM, DE GNYI GA'I MTSAN MA'AM, SEMS CAN THAMS CAD KYI DON LA SBYAR BAR BYA'O SNYAM PA'I MTSAN MA'AM, SHES PA'I MTSAN MA'AM, DE BZHIN NYID DANG, SDUG BSNGAL DANG, KUN 'BYUNG BA DANG, 'GOG PA DANG, LAM GYI MTSAN MA'AM, 'DUS BYAS KYI MTSAN MA'AM, 'DUS MA BYAS KYI MTSAN MA'AM, RTAG PA'I MTSAN MA'AM, MI RTAG PA'I MTSAN MA'AM, SDUG BSNGAL DANG 'GYUR BA DANG BCAS PA'I RANG BZHIN GYI MTSAN MA'AM, DE MI 'GYUR BA'I RANG BZHIN GYI MTSAN MA'AM, 'DUS BYAS KYI MTSAN NYID MI 'DRA BA'I MTSAN MA'AM, DE'I RANG GI MTSAN NYID KYI MTSAN MA'AM, THAMS CAD THAMS CAD CES BYA BAR RIG NAS THAMS CAD KYI MTSAN MA'AM, GANG ZAG LA BDAG MED PA'I MTSAN MA'AM, CHOS LA BDAG MED PA'I MTSAN MA GANG DAG YIN PA STE, DE DAG KUN TU 'BYUNG BA LA SEMS LHAG PAR BTANG SNYOMS SU 'JOG GO, ,DE LTAR ZHUGS SHING DE LA LAN MANG DU @78A *, ,GNAS PA DUS DUS SU GAGS DANG, SGRIB PA DANG, RNAM PAR G-YENG BA DAG LAS SEMS RNAM PAR SPYOD PAR BYED PA DE LA, NANG GI SO SO'I BDAG NYID LA SO SO RANG GIS RIG PA DE BZHIN NYID RNAM PA BDUN SO SOR RTOGS PA'I SHES PA RNAM PA BDUN SKYE BAR 'GYUR TE, DE NI DE'I MTHONG BA'I LAM YIN NO, ,DE THOB PAS BYANG CHUB SEMS DPA' YANG DAG PA NYID SKYON MED PA LA ZHUGS PA YIN, DE BZHIN GSHEGS PA'I RIGS SU SKYES PA YIN, SA DANG PO THOB PA DANG, SA DE'I PHAN YON YANG NYAMS SU MYONG BA YIN NO, ,DES SNGAR ZHI GNAS DANG LHAG MTHONG THOB PAS NI RNAM PAR RTOG PA DANG BCAS PA'I GZUGS BRNYAN DANG, RNAM PAR MI RTOG PA'I GZUGS BRNYAN GYI DMIGS PA RNAM PA GNYIS THOB PA YIN NO, ,DE LTAR MTHONG BA'I LAM THOB PAS DNGOS PO'I MTHA'I DMIGS PA THOB PA YIN TE, DES SA GONG MA GONG MA RNAMS SU BSGOM PA'I LAM LA ZHUGS SHING DMIGS PA RNAM PA GSUM PO DE DAG NYID YID LA BYED PA NA, 'DI LTA STE, DPER NA LA LA ZHIG KHYE'U CHES PHRA MOS KHYE'U CHES SBOM PO 'BYIN PAR BYED PA DE BZHIN DU, DE YANG KHYE'U KHYE'U DBYUNG BA'I TSUL DU NANG GI MTSAN MA RNAM PAR SEL BA NYID KYIS KUN NAS NYON MONGS PA'I CHA DANG MTHUN PA'I MTSAN MA THAMS CAD RNAM PAR SEL BAR BYED DE, MTSAN MA RNAMS RNAM PAR SEL BA NA GNAS NGAN LEN RNAMS KYANG RNAM PAR SEL BAR BYED DO, ,MTSAN MA DANG GNAS NGAN LEN THAMS CAD LEGS BAR BCOM PAS RIM GYIS SA GONG MA GONG MA RNAMS SU GSER LTA BUR SEMS RNAM PAR SBYONG LA, BLA NA MED PA YANG DAG PAR RDZOGS PA'I BYANG CHUB KYI BAR DU MNGON PAR RDZOGS PAR 'TSANG RGYA ZHING, DGOS PA YONGS SU GRUB PA'I DMIGS PA YANG 'THOB STE, BYAMS PA DE LTAR NA BYANG CHUB SEMS DPA' ZHI GNAS DANG LHAG MTHONG LA DE LTAR BSGRUB NA, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO, ,BYANG CHUB SEMS DPA' JI LTAR SGRUB PAR BGYID NA, BYANG CHUB SEMS DPA' MTHU CHEN PO MNGON PAR @78B BSGRUB PA LAGS, BYAMS PA BYANG CHUB SEMS DPA' GNAS DRUG LA MKHAS PA NI BYANG CHUB SEMS DPA'I MTHU CHEN PO MNGON PAR BSGRUB PA YIN TE, SEMS KYI SKYE BA LA MKHAS PA DANG, GNAS BA LA MKHAS PA DANG, BSLANG BA LA MKHAS PA DANG, 'PHEL BA LA MKHAS PA DANG; 'GRIB BA LA MKHAS PA DANG, THABS LA MKHAS PA'O, ,JI LTAR NA SEMS KYI SKYE BA LA MKHAS PA YIN ZHE NA, SEMS KYI SKYE BA RNAM PA BCU DRUG SHES NA, SEMS KYI SKYE BA LA YANG DAG PA JI LTA BA BZHIN DU MKHAS PA YIN TE, DE LA SEMS KYI SKYE BA RNAM PA BCU DRUG NI; BRTAN PA DANG, SNOD KYI RNAM PAR RIG PA NI 'DI LTA STE, LEN PA'I RNAM PAR SHES PA'I'O, ,DMIGS PA RNAM PA SNA TSOGS RNAM PAR RIG PA NI 'DI LTA STE, RNAM PAR RTOG PA'I YID KYI RNAM PAR SHES PA GZUGS LA SOGS PA YUL CIG CAR 'DZIN PA, PHYI ROL DANG, NANG GI YUL CIG CAR 'DZIN PA DANG, SKAD CIG DANG, THANG CIG DANG, YUD TZAM CIG LA, CIG CAR TING NGE 'DZIN MANG PO LA SNYOMS PA 'JUG PA, SANGS RGYAS KYI ZHING MANG PO MTHONG BA, DE BZHIN GSHEGS PA MANG PO MTHONG BA, RNAM PAR RTOG PA'I YID KYI RNAM PAR SHES PA KHO NA'I'O, ,DMIGS PA'I MTSAN MA CHUNG NGU RNAM PAR RIG PA'I NI 'DI LTA STE, 'DOD PA DANG LDAN PA'I'O, ,DMIGS PA'I MTSAN MA RGYA CHEN POR GYUR PA RNAM PAR RIG PA'I NI 'DI LTA STE, GZUGS DANG LDAN PA'I'O, ,DMIGS PA'I MTSAN MA TSAD MED PA RNAM PAR RIG PA'I NI 'DI LTA STE, NAM MKHA' DANG, RNAM SHES MTHA' YAS SKYE MCHED DANG LDAN PA'I'O, ,DMIGS PA'I MTSAN PHRA MO RNAM PAR RIG PA'I NI 'DI LTA STE, CI YANG MED PA'I SKYE MCHED DANG LDAN PA'I'O, ,DMIGS PA'I MTSAN MA MTHAR THUG PA RNAM PAR RIG PA'I NI 'DI LTA STE, 'DU SHES MED 'DU SHES MED MIN SKYE MCHED DANG LDAN PA'I'O, ,MTSAN MA MED PA RNAM PAR RIG PA'I NI 'DI LTA STE, 'JIG RTEN LAS 'DAS PA DANG, 'GOG PA LA DMIGS PA'I'O, ,SDUG BSNGAL DANG LDAN PA'I NI 'DI LTA STE, SEMS CAN DMYAL @79A *, ,PA'I'O, ,TSOR BA 'DREN MA DANG LDAN PA'I NI 'DI LTA STE, 'DOD PA NA SPYOD PA'I'O, ,DGA' BA DANG LDAN PA'I NI 'DI LTA STE, BSAM GTAN DANG PO DANG GNYIS PA'I'O, ,BDE BA DANG LDAN PA'I NI 'DI LTA STE, BSAM GTAN GSUM PA'I'O, ,SDUG BSNGAL YANG MA YIN, BDE BA YANG MA YIN PA DANG LDAN PA'I NI 'DI LTA STE, BSAM GTAN BZHI PA DANG, 'DU SHES MED 'DU SHES MED MIN SKYE MCHED PA'I BAR GYI'O, ,NYON MONGS PA CAN DANG LDAN PA'I NI 'DI LTA STE, NYON MONGS PA DANG, NYE BA'I NYON MONGS PA DANG LDAN PA'I'O, , DGE BA DANG LDAN PA'I NI 'DI LTA STE, DAD PA LA SOGS PA DANG LDAN PA'I'O, ,LUNG DU MA BSTAN PA DANG LDAN PA'I NI 'DI LTA STE, GNYI GA DANG MI LDAN PA'I'O, ,JI LTAR NA GNAS PA LA MKHAS PA YIN ZHE NA, GAL TE RNAM PAR RIG PA'I DE BZHIN NYID YANG DAG PA JI LTA BA BZHIN RAB TU SHES PA'O, ,JI LTAR NA BSLANG BA LA MKHAS PA YIN ZHE NA, GAL TE 'CHING BA RNAM PA GNYIS PO MTSAN MA'I 'CHING BA DANG, GNAS NGAN LEN GYI 'CHING BA YANG DAG PA JI LTA BA BZHIN RAB TU SHES TE, DE RAB TU SHES NAS DE LAS SEMS 'DI BSLANG BAR BYA'O ZHES BYA BA LA MKHAS PA YIN NO, ,JI LTAR NA 'PHEL BA LA MKHAS PA YIN ZHE NA, GAL TE MTSAN MA DANG GNAS NGAN LEN GYI GNYEN PO'I SEMS GANG YIN PA DE SKYE BA DANG 'PHEL BA'I TSE SKYE'O, ,'PHEL LO ZHES 'PHEL BA LA MKHAS PA YIN NO, ,JI LTAR NA 'GRIB PA LA MKHAS PA YIN ZHE NA, GAL TE DE DANG MI MTHUN PA'I PHYOGS SU GYUR PA MTSAN MA DANG, GNAS NGAN LEN GYIS KUN NAS NYON MONGS PA CAN DU GYUR PA'I SEMS DE GRIB CING 'BRI BAR GYUR PA NA, 'GRIB CING 'BRI 'O ZHES 'GRIB PA LA MKHAS PA YIN NO, ,JI LTAR NA THABS LA MKHAS PA YIN ZHE NA, GAL TE RNAM PAR THAR PA DANG, ZIL GYIS GNON PA'I SKYE MCHED DANG, ZAD PAR GYI SKYE MCHED DAG SGOM PAR BYED PA STE, BYAMS PA DE LTAR NA BYANG CHUB SEMS DPA' RNAMS LA BYANG CHUB SEMS DPA'I MTHU CHEN PO MNGON PAR BSGRUBS PA DANG, MNGON PAR SGRUB PAR 'GYUR BA @79B DANG; MNGON PAR SGRUB PAR BYED PA YIN NO, ,BCOM LDAN 'DAS BCOM LDAN 'DAS KYIS PHUNG PO'I LHAG MA MED PA'I MYA NGAN LAS 'DAS PA'I DBYINGS SU TSOR BA THAMS CAD MA LUS PAR 'GAG GO ZHES GANG GSUNGS PA DE LA, BCOM LDAN 'DAS GANG DAG 'GAG PA'I TSOR BA DE DAG GANG LAGS, ,BYAMS PA MDOR BSDU NA TSOR BA RNAM PA GNYIS 'GAGS TE, GNAS KYI GNAS NGAN LEN RIG PA DANG, DE'I 'BRAS BU NI YUL RIG PA'O, ,DE LA GNAS KYI GNAS NANG LEN RIG PA NI RNAM PAR BZHIR RIG PAR BYA STE, GZUGS KYI GNAS NANG LEN RIG PA DANG; GZUGS MED PA'I GNAS NGAN LEN RIG PA DANG, 'BRAS BU GRUB PA'I GNAS NGAN LEN RIG PA DANG, 'BRAS BU MA GRUB PA'I GNAS NGAN LEN RIG PA'O, ,DE LA 'BRAS BU GRUB PA NI DA LTAR GYI GANG YIN BA'O, ,'BRAS BU MA GRUB PA NI MA 'ONGS PA'I RGYUR GYUR PA GANG YIN PA'O; ,YUL RIG PA YANG RNAM PA BZHIR RIG PAR BYA STE, GNAS RIG PA DANG, YO BYAD RIG PA DANG, LONGS SPYOD RIG PA DANG, LTOS PA RIG PA'O, ,DE YANG PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS NA'O, ,'BRAS BU MA GRUB PA'I RIG PA'I 'DUS TE REG PA LAS BYUNG BA'I TSOR BA MYONG BA'I NI DE'I MI MTHUN PA'I PHYOGS THAMS CAD KYI THAMS CAD DU 'GAG PA MA YIN TE, 'DREN MAR MYONG NGO, ,'BRAS BU GRUB PA'I MYONG BA YIN NA NI TSOR BA RNAM PA DE GNYI GA THAMS CAD KYI THAMS CAD 'GAGS TE, RIG PA'I 'DUS TE REG PA LAS BYUNG BA'I TSOR BA 'BA' ZHIG MYONG NGO, ,PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DA' BA NA DE YANG 'GAG PAR 'GYUR TE, DE'I PHYIR PHUNG PO'I LHAG MA MED PA'I MYA NGAN LAS 'DAS PA'I DBYINGS SU TSOR BA THAMS CAD 'GAG CES BYA'O, ,DE SKAD CES BKA' STZAL NAS, BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL BA, ,BYAMS PA KHYOD KYIS RNAL 'BYOR GYI LAM YONGS SU RDZOGS PA DANG, SHIN TU YONGS SU DAG PA LAS BRTZAMS NAS 'DI LTA STE, RNAL 'BYOR LA SHIN TU RNAM PAR NGES SHING MKHAS PAS DE @80A *, ,BZHIN GSHEGS PA LA DRI BA DRIS PA LEGS SO LEGS SO, ,NGAS KYANG RNAL 'BYOR GYI LAM DE YONGS SU RDZOGS PA DANG, YONGS SU DAG PAR BSTAN TE, 'DAS PA DANG, MA 'ONGS PA'I YANG DAG PAR RDZOGS PA'I SANGS RGYAS GANG DAG YIN PA DE DAG THAMS CAD KYIS KYANG DE LTAR BSTAN CING STON PAR 'GYUR RO, ,RIGS KYI BU RNAMS DANG, RIGS KYI BU MO DAG GIS 'DI LA SHIN TU BRTZON PAR BYA BA'I RIGS SO, ,DE NAS BCOM LDAN 'DAS KYIS DE'I TSE TSIGS SU BCAD PA 'DI DAG BKA' STZAL TO, ,CHOS RNAMS GDAGS PA RNAM GZHAG GANG YIN PA, ,DE NI RNAL 'BYOR BAG YOD DON CHEN YIN, ,GANG DAG CHOS DER BRTEN NAS RNAL 'BYOR 'DIR, ,YANG DAG BRTZON PA DE DAG BYANG CHUB 'THOB, ,GANG DAG GLAGS LTA DE SKAD RGOL BA LAS, ,THAR PAR LTA BAS CHOS KUN CHUB BYED PA, ,BYAMS PA DE DAG RNAL 'BYOR 'DI LAS NI, ,THAG RING GNAMS RING BA DE BZHIN NO, ,BLO LDAN SEMS CAN DON CES DE DAG LAS, ,LAN BYED RIG NAS SEMS CAN DON BRTZON MIN, ,LAN DER RTOGS NA KUN GYI DAM PA DANG, ,ZANG ZING MED PA'I DGA' BA 'THOB MI 'GYUR, ,GANG DAG 'DOD PHYIR CHOS KYI LUNG 'BOGS PA, ,DE DAG 'DOD PA SPANGS PA PHYIR LEN TE, ,RMONGS PA DE DAG CHOS KYI RIN PO CHE, ,RIN THANG MED PA RNYED KYANG SPONG ZHING RGYU, ,DE PHYIR BRTZOD DANG 'DU 'DZI SPROS LDAN PA, ,RNAM PAR SPONG LA BRTZON 'GRUS MCHOG BYOS TE, LHAR B CAS 'JIG RTEN BSGRUB PAR BYA BA'I PHYIR; ,RNAL 'BYOR 'DI LA RAB TU BRTZON PAR GYIS, ,DE NAS BCOM LDAN 'DAS LA BYANG CHUB SEMS DPA' BYAMS PAS 'DI SKAD CIG GSOL TO, ,BCOM LDAN 'DAS DGONGS PA NGES PAR 'GREL BA'I CHOS KYI RNAM GRANG 'DIR B STAN PA 'DI'I MING CI LAGS, ,'DI JI LTAR GZUNG BAR BGYI, BCOM LDAN 'DAS KYIS DE LA BKA' STZAL PA, BYAMS PA 'DI NI RNAL 'BYOR NGES PA'I DON BSTAN PA YIN TE, 'DI NI RNAL 'BYOR NGES PA'I DON BSTAN PA ZHES BYA BAR ZUNG SHIG ,RNAL 'BYOR NGES PA'I DON BSTAN PA 'DI BSHAD PA NA SROG CHAGS DRUG 'BUM NI BLA NA MED PA @80B YANG DAG PAR RDZOGS PA'I BYANG CHUB TU SEMS SKYES SO, ,NYAN THOS SUM 'BUM NI CHOS RNAMS LA CHOS KYI MIG RDUL MED CING DRI MA DANG BRAL BA RNAM PAR DAG GO, ,NYAN THOS 'BUM LDA KHRI NI LEN PA MED PAR ZAG PA RNAMS LAS SEMS RNAM PAR GROL LO, ,BYANG CHUB SEMS DPA' BDUN KHRI LNGA STONG GIS NI RNAL 'BYOR CHEN PO YID LA BYED PA THOB PAR GYUR TO ZHES GSUNGS PA'O,, ,,BAM PO BZHI BCU PA, THEG PA RNAM PAR GZHAG PA LAS BRTZAMS NAS, THEG PA'I RNAM PAR DBYE BA JI LTA BA BZHIN BSTAN PA NI DGONGS PA NGES PAR 'GREL PA'I MDO LAS JI SKAD 'BYUNG BA BZHIN BLTA BAR BYA STE, BCOM LDAN 'DAS LA BYANG CHUB SEMS DPA' SPYAN RAS GZIGS DBANG PHYUG GIS ZHU BA ZHUS PA, BCOM LDAN 'DAS BYANG CHUB SEMS DPA' RNAMS KYI SA BCU GANG LAGS PA DE DAG NI 'DI LTA STE, BYANG CHUB SEMS DPA'I SA RAB TU DGA' BZHES BGYI BA DANG, DRI MA MED PA DANG, 'OD BYED PA DANG, 'OD 'PHRO BA CAN DANG, SHIN TU SBYANG DKA' BA DANG, MNGON DU GYUR PA DANG, RING DU SONG BA DANG, MI G-YO BA DANG, LEGS PA'I BLO GROS DANG, CHOS KYI SPRIN LAGS, SANGS RGYAS KYI SA NI BCU GCIG PA LAGS NA; SA DE DAG RNAM PAR DAG PA DU DAG DANG, YAN LAG DU DAG GIS BSDUS PA LAGS, ,BCOM LDAN 'DAS KYIS BKA' STZAL PA, SBYAN RAS GZIGS DBANG PHYUG SA DE DAG NI RNAM PAR DAG PA BZHI DANG, YAN LAG BCU GCIG GIS BSDUS PAR RIG PAR BYA'O, ,SBYAN RAS GZIGS DBANG PHYUG DE LAS DANG PO NI BSAM PA RNAM PAR DAG PAS BSDUS SO, ,SA GNYIS PA NI LHAG PA'I TSUL KHRIMS RNAM PAR DAG PAS SO, ,SA GSUM PA NI LHAG PA'I SEMS RNAM PAR DAG PAS SO, ,SA BZHI PA NAS BZUNG STE SANGS RGYAS KYI SA'I BAR NI LHAG PA'I SHES RAB RNAM PAR DAG PA GONG NAS GONG DU GYA NOM PA BAS KYANG CHES GYA NOM PAS BSDUS PAR RIG PAR BYA STE, SA DE DAG NI RNAM PAR DAG PA BZHI PO DE DAG GIS BSDUS PA YIN NO, ,YAN LAG BCU GCIG GANG ZHE NA, SPYAN RAS GZIGS DBANG PHYUG MOS PAS SPYOD PA'I SA LA BYANG CHUB SEMS DPA' CHOS @81A *, ,SPYAD PA RNAM PA BCU PO DAG LA MOS PA SHIN TU BSGOMS PA'I PHYIR BZOD PAS SA DE LAS YANG DAG PAR 'DAS NAS, BYANG CHUB SEMS DPA'I YANG DAG PA NYID SKYON MED PA LA 'JUG GO, ,DE YAN LAG DES YONGS SU RDZOGS PA YIN YANG, LTUNG BA PHRA MO'I 'KHRUL PA KUN TU 'BYUNG BA DAG LA SHES BZHIN DU SPYOD PAR MI NUS PAS, DE YAN LAG DES YONGS SU MA RDZOGS PA YIN TE, DE YAN LAG DE YONGS SU RDZOGS PAR BYA BA'I PHYIR 'BAD PAS DE YANG 'THOB PO, ,DE YAN LAG DE YONGS SU RDZOGS PA YIN YANG, 'JIG RTEN PA'I TING NGE 'DZIN YONGS SU RDZOGS PA LA SNYOMS PAR 'JUG PA DANG, THOS PA'I GZUNGS YONGS SU RDZOGS PA THOB PAR MI NUS PAS, DE YAN LAG DES YONGS SU MA RDZOGS PA YIN TE, DE YAN LAG DE YONGS SU RDZOGS PAR BYA BA'I PHYIR, 'BAD PAS DE YANG 'THOB PO, ,DE YAN LAG DES YONGS SU RDZOGS PA YIN YANG, BYANG CHUB KYI PHYOGS DANG MTHUN PA'I CHOS JI LTAR THOB PA DE DAG GIS DE LAN MANG DU GNAS PAR BYA BA DANG, SNYOMS PAR 'JUG PA LA SRED PA DANG, CHOS LA SREG PA LAS SEMS LHAG PAR BTANG SNYOMS SU 'JOG MI NUS PAS, DE YAN LAG DES YONGS SU MA RDZOGS PA YIN TE; DE YAN LAG DES YONGS SU RDZOGS PAR BYA BA'I PHYIR 'BAD PAS DE YANG 'THOB PO, ,DE YANG LAG DES YONGS SU RDZOGS PA YIN YANG, BDEN PA RNAMS RNAM PAR DPYAD PA DANG, 'KHOR BA DANG MYA NGAN LAS 'DAS PA DAG LA GCIG TU MI PHYOGS PA NYID DANG, MNGON DU PHYOGS PA'I YID LA BYED PA LHAG PAR BTANG SNYOMS SU GZHAG PA DANG, THABS KYIS YONGS SU ZIN PA'I BYANG CHUB KYI PHYOGS DANG MTHUN PA'I CHOS RNAMS BSGOM PAR MI NUS PAS, DE YAN LAG DES YONGS SU MA RDZOGS PA YIN TE, DE YAN LAG DES YONGS SU RDZOGS PAR BYA BA'I PHYIR 'BAD PAS DE YANG 'THOB PO, ,DE YAN LAG DES YONGS SU RDZOGS PA YIN YANG, 'DU BYED KYI 'JUG PA JI LTA BA BZHIN MNGON SUM DU BYAS NAS DE LA SPYO BA MANG BA DANG, MTSAN MA MED PA YID LA BYED PAS LAN MANG DU GNAS PAR MI NUS PAS, DE YANG LAG DES YON GS SU MA RDZOGS PA YIN TE, @81B DE YAN LAG DES YONGS SU RDZOGS PAR BYA BA'I PHYIR 'BAD PAS DE YANG 'THOB PO, ,DE YAN LAG DES YONGS SU RDZOGS PA YIN YANG, BAR CHAD MED PA DANG, RGYUN MI 'CHAD PAR MTSAN MED PA'I YID LA BYED PAS MANG DU GNAS PAR MI NUS PAS, DE YAN LAG DES YONGS SU MA RDZOGS PA YIN TE, DE YAN LAG DES YONGS SU RDZOGS PAR BYA BA'I PHYIR 'BAD PAS DE YANG 'THOB PO, ,DE YAN LAG DES YONG SU RDZOGS PA YIN YANG MTSAN MA MED PAR GNAS PA DE LA RTZOL BA LHAG PAR BTANG SNYOMS SU GZHAG PA DANG, MTSAN MA DBANG THOB PAR MI NUS PAS; DE YAN LAG DES YONGS SU MA RDZOGS PA YIN TE, DE YAN LAG DES YONGS SU RDZOGS PAR BYA BA'I PHYIR 'BAD PAS DE YANG 'THOB PO, ,DE YAN LAG DES YONGS SU RDZOGS PA YIN YANG, RNAM GRANGS DANG, MTSAN NYID NGES PA'I TSIG DANG, RAB TU DBYE BA RNAM PA THAMS CAD DU CHOS STON PA LA DBANG THOB PAR MU NUS PAS, DE YAN LAG DES YONGS SU MA RDZOGS PA YIN TE, DE YAN LAG DES YONGS SU RDZOGS PAR BYA BA'I PHYIR 'BAD PAS DE YANG 'THOB PO, ,DE YAN LAG DES YONGS SU RDZOGS PA YIN YANG, CHOS KYI SKU YONGS SU RDZOGS PA SO SOR YANG DAG PAR RIG PA 'THOB PAR MI NUS PAS, DE YAN LAG DES YONGS SU MA RDZOGS PA YIN TE, DE YAN LAG DES YONGS SU RDZOGS PAR BYA BA'I PHYIR 'BAD PAS DE YANG 'THOB PO, ,DE YAN LAG DES YONGS SU RDZOGS PA YIN YANG, SHES BYA THAMS CAD LA CHAGS PA MED PA DANG, THOGS PA MED PA'I SHES PA DANG, MTHONG BA 'THOB PAR MI NUS PAS, DE YAN LAG DES YONGS SU MA RDZOGS PA YIN TE, DE YAN LAG DES YONGS SU RDZOGS PAR BYA BA'I PHYIR 'BAD PAS DE YANG 'THOB STE, DE YAN LAG DES YONGS SU RDZOGS PA YIN NO, ,DE YAN LAG DES YONGS SU RDZOGS PA'I PHYIR YAN LAG THAMS CAD YONGS SU RDZOGS PA YIN TE, ,SPYAN RAS GZIGS DBANG PHYUGS SA DE DAG NA, YAN LAG BCU GCIG PO DE DAG GIS BSDUS PAR RIG PAR BYA'O, ,BCOM LDAN 'DAS CI'I SLAD DU, SA DANG PO LA RAB TU DGA' BA @82A *, ,ZHES BGYI, CI'I SLAD DU SANGS RGYAS KYI SA'I BAR LA SANGS RGYAS KYI SA ZHES BGYI LAGS, SA DANG PO NI DON CHE BA 'DRIS PA MA YIN PA 'JIG RTEN LAS 'DAS PA'I SEMS THOB PAS DGA' BA DANG, MCHOG TU DGA' BA RGYA CHE BA'I PHYIR RAB TU DGA' BA ZHES BYA'O, , SA GNYIS PA NI LTUNG BA PHRA MO DANG 'CHAL BA'I TSUL KHRIMS KYI DRI MA THAMS CAD DANG BRAL BA NYID KYI PHYIR DRI MA MED PA ZHES BYA'O, ,SA GSUM PA NI TING NGE 'DZIN DE DANG THOS PA'I GZUNGS DE SHES PA'I SNANG BA TSAD MED PA'I GNAS NYID YIN PA'I PHYIR 'OD BYED PA ZHES BYA'O, ,SA BZHI PA NI NYON MONGS PA'I SHING BSREG PA'I PHYIR, BYANG CHUB KYI PHYOGS DANG MTHUN PA'I CHOS BSGOMS PA DE YE SHES KYI ME'I 'OD 'PHRO BAR GYUR PA'I PHYIR 'OD 'PHRO BA CAN ZHES BYA'O, ,SA LNGA PA NI BYANG CHUB KYI PHYOGS DANG MTHUN PA'I CHOS DE DAG NYID THABS KYIS BSGOM PA DE LA DBANG BYA BAR DKA' BA NYID KYI PHYIR SHIN TU SBYANG DKA' ZHES BYA'O, ,SA DRUG PA NI 'DU BYED KYI 'JUG PA MNGON SUM DU GYUR PA NYID DANG, MTSAN MA MED PA LA LAN MANG DU YID LA BYED PA MNGON DU GYUR PA'I PHYIR MNGON DU GYUR PA ZHES BYA'O, ,SA BDUN PA NI MTSAN MA MED PA YID LA BYED PA LA BAR CHAD MED CING RGYUN MI 'CHAD PA RING DU RJES SU ZHUGS PA DANG, RNAM PAR DAG PA'I SA DANG RJES SU 'BREL PA NYID KYI PHYIR RING DU SONG BA ZHES BYA'O, ,SA BRGYAD PA NI MTSAN MA MED PA LHUN GYIS GRUB PA NYID DANG, MTSAN MA'I NYON MONGS PA KUN DU 'BYUNG BAS MI BSKYOD PA NYID KYI PHYIR MI G-YO BA ZHES BYA'O, ,SA DGU PA NI RNAM PA THAMS CAD DU CHOS STON PA'I DBANG LA KHA NA MA THO BA MED PA'I BLO GROS SHIN TU YANGS PA THOB PA NYID KYI PHYIR LEGS PA'I BLO GROS ZHES BYA'O, ,SA BCU PA NI GNAS NGAN LEN GYI LUS NAM MKHA' LTA BU LA CHOS KYI SKU SPRIN CHEN PO LTA BUS KHYAB CING KHEBS PA'I PHYIR CHOS KYI SPRIN ZHES BYA'O, ,SA BCU GCIG PA NI NYON MONGS PA DANG SHES BYA'I SGRIB PA SHIN TU PHRA MO SPANGS PAS, CHAGS PA MED CING THOGS PA MED PAR SHES BYA'I RNAM PA THAMS CAD MNGON PAR RDZOGS PAR BYANG CHUB PA NYID KYI PHYIR SANGS RGYAS KYI SA ZHES BYA'O, ,BCOM LDAN 'DAS @82B SA DE DAG KUN TU RMONGS PA NI DU MCHIS, GNAS NGAN LEN GYI MI MTHUN PA'I PHYOGS NI DU MCHIS LAGS, BCOM LDAN 'DAS KYIS BKA' STZAL PA, SPYAN RAS GZIGS DBANG PHYUGS KUN TU RMONGS PA NYID SHU RTZA GNYIS DANG, GNAS NGAN LEN MI MTHUN PA'I PHYOGS BCU GCIG STE, SA DANG PO LA NI GANG ZAG DANG CHOS LA MNGON PAR ZHEN PA KUN TU RMONGS PA DANG, NGAN SONG BA'I NYON MONGS PA KUN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,SA GNYIS PA LA NI LTUNG BA PHRA MO'I 'KHRUL PA KUN TU RMONGS PA DANG, LAS KYI RNAM PA, RNAM PA SNA TSOGS LA KUN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,GSUM PA LA NI 'DOD PA'I 'DOD CHAGS KYIS KUN TU RMONGS PA DANG, THOS PA'I GZUNGS YONGS SU RDZOGS PA LA KUN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,BZHI PA LA NI SNYOMS PAR 'JUG PA LA SRED PA KUN TU RMONGS PA DANG, CHOS LA SRED PA KUN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,LNGA PA LA NI 'KHOR BA LA GCIG TU MI PHYOGS PA NYID DANG, MNGON DU PHYOGS PA DE NYID YID LA BYED PA KUN TU RMONGS PA DANG, MYA NGAN LAS 'DAS PA LA GCIG TU MI PHYOGS PA NYID DANG, MNGON DU PHYOGS PA NYID YID LA BYED PA KUN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,DRUG PA LA NI 'DU BYED KYI 'JUG PA MNGON SUM DU BYAS PA NYID LA KUN TU RMONGS PA DANG, MTSAN MA MANG PO KUN TU BYUNG BA KUN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,BDUN PA LA NI MTSAN MA PHRA MO KUN TU 'BYUNG BA KUN TU RMONGS PA DANG, MTSAN MA MED PA GCIG TU YID LA BYED PA'I THABS KUN TU RMONGS PA DANG, DE'I GNAS NGAN LEN MI MTHUN PA'I PHYOGS SO,, BRGYAD PA LA NI MTSAN MA MED PA LA RTZOD PA KUN TU RMONGS PA DANG, MTSAN MA RNAMS LA MI DBANG BA KUN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,DGU PA LA NI CHOS BSTAN PA DPAG TU MED PA DANG, CHOS KYI TSIG DANG, YI GE DPAG TU MED PA DANG, @83A * , ,GONG NAS GONG DU SHES RAB DANG, SPOBS PA LA GZUNGS KYI DBANG BA KUN TU RMONGS PA DANG, SPOBS PA'I DBANG LA KUN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,SA BCU PA LA NI MNGON PAR SHES PA CHEN PO LA KUN TU RMONGS PA DANG, GSANG BA DANG PHRA BA'I RJES SU 'JUG PA LA KUN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,SANGS RGYAS KYIS LA NI SHES BYA THAMS CAD LA CHAGS PA SHIN TU PHRA MO KUN TU RMONGS PA DANG, THOGS PA KUN TU RMONGS PA DANG, DE'I GNAS NGAN LEN MI MTHUN PA'I PHYOGS SO, ,SPYAN RAS GZIGS DBANG PHYUGS DE DAG NI KUN TU RMONGS PA NYI SHU RTZA GNYIS DANG, GNAS NGAN LEN BCU GCIG PO DE NGAG GI RNAM PAR GZHAG STE, BLA NA MED PA YANG DAG PAR RDZOGS PA'I BYANG CHUB NI MI LDAN PA YIN NO, ,BCOM LDAN 'DAS GANG LA DA LTAR BYANG CHUB SEMS DPA' RNAMS DE LTAR KUN TU RMONGS PA'I DRA BA CHEN PO RAB TU DRAL CING DE'I GNAS NGAN LEN THIBS PO CHEN PO LAS YANG DAG PAR 'DAS TE, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BA'I BLA NA MED PA YANG DAG PAR RDZOGS PA'I BYANG CHUB CI TZAM DU PHAN YON CHE ZHING, 'BRAS BU CHE BA NI NGO MTSAR LAGS SO, ,BCOM LDAN 'DAS SA DE DAG RNAM PAR DAG PA DU DAG GIS RNAM PAR GZHAG LAGS, SPYAN RAS GZIGS DBANG PHYUGS BRGYAD KYIS TE, LHAG PA'I BSAM PA RNAM PAR DAG PA DANG, SEMS RNAM PAR DAG PA DANG, SNYING RJE RNAM PAR DAG PA DANG, PHA ROL TU PHYIN PA RNAM PAR DAG PA DANG, SANGS RGYAS MTHONG ZHING BSNYEN BKUR BYED PA RNAM PAR DAG PA DANG, SEMS CAN YONGS SU SMIN PAR BYED PA RNAM PAR DAG PA DANG, SKYE BA RNAM PAR DAG PA DANG, MTHU RNAM PAR DAG PAS SO, ,SPYAN RAS GZIGS PHYUGS DANG PO LA LHAG PA'I BSAM PA RNAM PAR DAG PA NAS, MTHU RNAM PAR DAG PA'I GANG YIN PA DANG, SA GONG MA GONG MA RNAMS DANG, SANGS RGYAS KYI SA'I BAR LA LHAG PA'I BSAM PA RNAM PAR DAG PA NAS, MTHU RNAM @83B PAR DAG PA'I BAR GANG YIN PA DE NI CHES RNAM PAR DAG PA DANG, CHES SHIN TU RNAM PAR DAG PA YIN PAR RIG PAR BYA'O, ,DE LA SANGS RGYAS KYI SA LA SKYE BA RNAM PAR DAG PA MA RTOGS PA DANG, SA DANG PO'I YON TAN GANG DAG YIN PA DE DAG GIS DE'I GONG MA'I SA RNAMS DE'I YON TAN DANG YANG MNYAM LA, RANG GI SA'I YON TAN GYIS KYANG KHYAD PAR DU 'PHAGS PAR YANG RIG PAR BYA'O, ,BYANG CHUB SEMS DPA'I SA BCU PO THAMS CAD NI YON TAN BLA NA YOD PA DAG YIN LA, SANGS RGYAS KYI SA NI YON TAN BLA NA MED PA YIN PAR RIG PAR BYA'O, ,BCOM LDAN 'DAS CI'I SLAD DU SRID PAR SKYE BA THAMS CAD KYI NANG NA, BYANG CHUB SEMS DPA'I SKYE BAR MCHOG CES BGYI LAGS, SPYAN RAS GZIGS DBANG PHYUG RNAM PA BZHI PA'I PHYIR TE, DGE BA'I RTZA BA SHIN TU RNAM PAR DAG PA YANG DAG PAR 'GRUB PA NYID KYI PHYIR DANG, SO SOR BRTAGS TE LEN PA NYID KYI PHYIR DANG, 'GRO BA THAMS CAD YONGS SU BSKYAB PA'I PHYIR RNYING RJE DANG LDAN PA NYID PHYIR DANG, BDAG NYID KUN NAS NYON MONGS PA CAN MA YIN PA NYID DANG, GZHAN GYI KUN NAS NYON MONGS PA RNAM PAR ZLOG PAR BYED PA NYID KYI PHYIR RO, ,BCOM LDAN 'DAS CI'I SLAD DU, BYANG CHUB SEMS DPA' RNAMS SMON LAM RGYA CHEN POS MCHI BA DANG SMON LAM GYA NOM PA DANG LDAN PA DANG, SMON LAM GYI STOBS CAN LAGS, SPYAN RAS GZIGS DBANG PHYUG RNAM PA BZHI'I PHYIR TE, 'DI LTAR BYANG CHUB SEMS DPA' RNAMS NI MYA NGAN LAS 'DAS PA'I BDE BA LA GNAS PAR MKHAS PA DANG, DE MYUR DU 'THOB PAR NUS PA DANG, MYUR DU 'THOB PA DE DANG, BDE BAR GNAS PA DE YANG SPANGS TE, SEMS CAN GYI DON RGYU MED PA, DGOS PA MED PA, SDUG BSNGAL MANG PO SNA TSOGS YUN RING PO 'BYUNG BA LA YID KYIS SMON PAR BYED PA STE, DE'I PHYIR SMON LAM RGYA CHEN POS 'GRO BA DANG, SMON LAM GYA NO M PA DANG LDAN PA DANG, SMON LAM GYI STOBS CAN RNAMS ZHES BYA'O, ,BCOM LDAN 'DAS BYANG CHUB SEMS DPA' RNAMS KYI BSLAB PA'I GZHI DU MCHIS LAGS, SPYAN RAS GZIGS DBANG PHYUG DRUG STE, SBYIN PA DANG, @84A *, ,TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB PO, ,BCOM LDAN 'DAS BSLAB PA'I GZHI DRUG PO DE DAG LAS, DU NI LHAG PA'I TSUL KHRIMS KYI BSLAB PA LAGS, DU NI LHAG PA'I SEMS KYI BSLAB PA LAGS, DU NI LHAG PA'I SHES RAB KYI BSLAB PA LAGS, SPYAN RAS GZIGS DBANG PHYUG DANG PO GSUM NI LHAG PA'I TSUL KHRIMS KYI BSLAB PA YIN PAR RIG PAR BYA'O, ,BSAM GTAN NI LHAG PA'I SEMS KYI BSLAB PA YIN NO, ,SHES RAB NI LHAG PA'I SHES RAB KYI BSLAB PA YIN NO, ,BRTZON 'GRUS NI KUN TU 'GRO BA YIN PAR NGA SMRA'O, ,BCOM LDAN 'DAS BSLAB PA'I GZHI DRUG PO DE DAG LAS, DU NI BSOD NAMS KYI TSOGS LAGS, DU NI YE SHES KYI TSOGS LAGS, SPYAN RAS GZIGS DBANG PHUG LHAG PA'I TSUL KHRIMS KYI BSLAB PA GANG YIN PA DE NI BSOD NAMS KYI TSOGS YIN NO, ,LHAG PA'I SHES RAB KYI BSLAB PA GANG YIN PA DE NI YE SHES KYI TSOGS YIN NO, ,BRTZON 'GRUS DANG BSAM GTAN NI KUN TU 'GRO BA YIN PAR SNGA SMRA'O, ,BCOM LDAN 'DAS BSLAB PA'I GZHI DRUG PO DE DAG LAGS, BYANG CHUB SEMS DPA' JI LTAR BSLAB PAR BGYI LAGS, SPYAN RAS GZIGS DBANG PHYUG RNAM PA LNGA STE, PHA ROL TU PHYIN PA DANG LDAN PA'I DAM PA'I CHOS BSTAN PA BYANG CHUB SEMS DPA'I SDE SNOD LA THOG MA KHO NA RE SHIN TU MOS PA DANG, DE'I 'OG TU CHOS SPYOD PA BCU PO DAG GIS THOS PA DANG BSAMS PA DANG, BSGOMS PA LAS BYUNG BA'I SHES PAS BSGRUB PA DANG, BYANG CHUB KYI SEMS RJES SU BSRUNG BA DANG, DGE BA'I BSHES GNYEN LA BSTEN PA DANG, RGYUN MI 'CHAD PAR DGE BA'I PHYOGS LA SBYOR BAS BSLAB PAR BYA'O, ,BCOM LDAN 'DAS CI'I SLAD DU BSLAB PA'I GZHI DE DAG RNAM GRANGS DRUG TU GDAGS PAR RIG PAR BGYI LAGS, SPYAN RAS GZIGS DBANG PHYUG RNAM PA GNYIS KYI PHYIR TE, SEMS CAN LA PHAN GDAGS PA DANG, NYON MONGS PA'I GNYEN PO NYID KYI PHYIR RO, ,DE LA GSUM NI SEMS CAN LA PHAN GDAGS PA YIN LA, GSUM NI NYON MONGS PA'I GNYEN @84B PO YIN PAR RIG PAR BYA'O, ,DE LA BYANG CHUB SEMS DPA' SBYIN PAS NI SEMS CAN RNAMS LA YO BYAD NYE BAR BSGRUB PAS PHAN 'DOGS PAS PHAN 'DOGS SO, ,TSUL KHRIMS KYIS NI PHONGS PA DANG, GNOD PA DANG RNAM PAR THO 'TSAMS PA NYE BAR NI SGRUB PA'I PHAN 'DOGS PAS PHAN 'DOGS SO; ,BZOD PAS NI PHONGS PA DANG, GNOD PA DANG RNAM PAR THO 'TSAMS PAR JI MI SNYAM PAS PHAN 'DOGS TE, DE GSUM GYIS NI SEMS CAN LA PHAN 'DOGS SO, ,BRTZON 'GRUS KYIS NI NYON MONGS PA RNAM PAR MA BCIL BA DANG, NYON MONGS PA YANG DAG PAR MA BCOM PAS DGE BA'I PHYOGS LA SBYOR BAR BYED DE, DE NI NYON MONGS PAS DGE BA'I PHYOGS LA SBYOR BA LAS BSKYOD PAR MI NUS SO, ,BSAM GTAN GYIS NI NYON MONGS PA RNAMS RNAM PAR GNON TO, ,SHES RAB KYIS NI BAG LA NYAL YANG DAG PAR 'JOMS PAR BYED DE, DE GSUM NI NYON MONGS PA'I GNYEN PO YIN NO, ,BCOM LDAN 'DAS CI'I SLAD DU PHA ROL TU PHYIN PA GZHAN DAG GRANGS BZHIR GDAGS PAR RIG PAR BGYI LAGS, SPYAN RAS GZIGS DBANG PHYUG PHA ROL TU PHYIN PA DRUG PA DE DAG NYID KYI GROGS SU GYUR PA NYID YIN PA'I PHYIR TE, DE LA PHA ROL TU PHYIN PA GSUM GYIS SEMS CAN RNAMS LA PHAN BTAGS NAS, BYANG CHUB SEMS DPAS BSDU BA'I DNGOS POS ZIN PA'I THABS LA MKHAS PAS DGE BA LA 'JOG PAR BYED DO, ,DE'I PHYIR NGAS THABS LA MKHAS PA'I PHA ROL TU PHYIN PA NI GSUM PO 'DI DAG GI GROGS SU GYUR PA YIN PAR YONGS SU BSTAN TO, ,SPYAN RAS GZIGS DBANG PHYUG GAL TE BYANG CHUB SEMS DPA' TSE 'DI LA NYON MONGS PA MANG BAS RTAG TU BSGOM MI NUS PA DANG, KHAMS DANG MOS PA DMAN PA'I PHYIR LHAG PA'I BSAM PA STOBS CHUNG BAS SEMS NANG DU 'JOG MI NUS PA DANG, BYANG CHUB SEMS DPA'I SDE SNOD THOS PA'I DMIGS PA LA BSAM GTAN YONGS SU MA BSGOMS PAS 'JIG RTEN LAS 'DAS PA'I SHES RAB MNGON PAR SGRUB MI NUS PA YIN NA, DE BSOD NAMS KYI TSOGS CHUNG NGU YANG YANG DAG PAR BLANGS TE GNAS SHING PHYI MA LA NYON MONGS PA CHUNG BA NYID DU YID KYIS SMON @85A *, ,PAR BYED PA DE NI DE'I SMON LAM GYI PHA ROL TU PHYIN PA YIN TE, DES NYON MONGS PA CHUNG BA DANG, BRTZON 'GRUS RTZOM NUS PAR 'GYUR BAS, DE'I PHYIR SMON LAM GYI PHA ROL TU PHYIN PA NI BRTZON 'GRUS KYI PHA ROL TU PHYIN PA'I GROGS SU GYUR PA YIN NO, ,DES SKYES BU DAM PA LA YANG YANG DAG PAR BSTEN PA DANG, DAM PA'I CHOS MNYAN PA LA BRTEN NAS, TSUL BZHIN YID LA BYED PA THOB CING LHAG PA'I BSAM PA STOBS CHUNG BA NYID RNAM PAR BZLOG NAS, KHAMS GYA NOM PA LA BSAM PA'I STOBS 'THOB PAR 'GYUR BA DE NI DE'I STOBS KYI PHA ROL TU PHYIN PA YIN TE, DES SEMS NANG DU 'JOG NUS PAS DE'I PHYIR STOBS KYI PHA ROL TU PHYIN PA NI BSAM GTAN GYI PHA ROL TU PYIN PA'I GROGS SU GYUR PA YIN NO, ,DE BYANG CHUB SEMS DPA' SDE SNOD THOS PA'I DMIGS PA YONGS SU BSGOMS PA LA BSAM GTAN BYED DE, DE NI DE'I YE SHES KYI PHA ROL TU PHYIN PA YIN TE, DES 'JIG RTEN LAS 'DAS PA'I SHES RAB MNGON PAR BSGRUB NUS PAR 'GYUR BAS, DE'I PHYIR NGAS YE SHES KYI PHA ROL TU PHYIN PA NI, SHES RAB KYI PHA ROL TU PHYIN PA'I GROGS SU GYUR PA YIN PAR YONGS SU BSTAN TO, ,BCOM LDAN 'DAS CI'I SLAD DU PHA ROL TU PHYIN PA DRUG PO DE DAG GI GO RIMS DE LTAR BSTAN PAR RIG PAR BGYI LAGS, SPYAN RAS GZIGS DBANG PHYUG DE DAG GONG NAS GONG DU 'GRUB PA'I RTEN NYID YIN PA'I PHYIR TE, BYANG CHUB SEMS DPA' LUS DANG LONGS SPYOD LA MI LTA NA TSUL KHRIMS YANG DAG PAR LEN PAR BYED DO, ,TSUL KHRIMS RJES SU BSRUNGS NA BZOD PA DANG LDAN PAR 'GYUR RO, ,BZOD PA DANG LDAN BRTZON 'GRUS BRTZAM PAR 'GYUR RO, ,BRTZON 'GRUS BRTZAMS NA BSAM GTAN BSGRUB PAR 'GYUR RO, ,BSAM GTAN GRUB NA 'JIG RTEN LAS 'DAS PA'I SHES RAB 'THOB PO, ,BCOM LDAN 'DAS PHA ROL TU PHYIN PA DE DAG RNAM PA DUR RAB TU DBYE LAGS, SPYAN RAS GZIGS DBANG PHYUG RNAM PA GSUM DU STE, SBYIN PA RNAM PA GSUM NI CHOS SBYIN PA DANG, ZANG ZING SBYIN PA DANG, MI 'JIGS PA SBYIN PA'O, ,TSUL KHRIMS @85B RNAM PA GSUM NI MI DGE BA LAS LDOG PA'I TSUL KHRIMS DANG, DGE BA LA 'JUG PA'I TSUL KHRIMS DANG, SEMS CAN GYI DON LA 'JUG PA'I TSUL KHRIMS SO, ,BZOD PA RNAM PA GSUM NI, GNOD PA BYED PA LA MI MJED PA'I BZOD PA DANG, SDUG BSNGAL LA JI MI SNYAM PA'I BZOD PA DANG, CHOS LA NGES PAR RTOG PA'I BZOD PA'O, ,BRTZON 'GRUS RNAM PA GSUM NI GO CHA'I BRTZON 'GRUS DANG, DGE BA LA SBYOR BA'I BRTZON 'GRUS DANG, SEMS CAN GYI DON LA SBYOR BA'I BRTZON 'GRUS SO, ,BSAM GTAN RNAM PA GSUM NI RNAM PAR MI RTOG CING ZHI LA RAB TU ZHI BAS NYON MONGS PA DANG, SDUG BSNGAL GYI GNYEN PO BDE BAR GNAS PA'I BSAM GTAN DANG, YON TAN MNGON PAR SGRUB PA'I BSAM GTAN DANG, SEMS CAN GYI DON MNGON PAR SGRUB PA'I BSAM GTAN NO, ,SHES RAB RNAM PA GSUM NI KUN RDZOB KYI BDEN PA LA DMIGS PA DANG, DON DAM PA'I BDEN PA LA DMIGS PA DANG, SEMS CAN GYI DON LA DMIGS PA'O, ,BCOM LDAN 'DAS CI'I SLAD DU PHA ROL TU PHYIN PA DE DAG PHA ROL TU PHYIN PA RNAMS ZHES BGYI LAGS, SPYAN RAS GZIGS DBANG PHYUG LNGA'I PHYIR TE, CHAGS PA MED PA NYID DANG, MI LTA BA NYID DANG, KHA NA MA THO BA MED PA NYID DANG, RNAM PAR MI RTOG PA NYID DANG, YONGS SU BSNGO BA NYID KYI PHYIR RO, ,DE LA CHAGS PA MED PA NYID NI PHA ROL TU PHYIN PA DANG MI MTHUN PA'I DNGOS PO LA LHAG PAR CHAGS PA MED PA GANG YIN PA'O, ,DE LA MI LTA BA NYID NI PHA ROL TU PHYIN PA'I 'BRAS BU RNAM PAR SMIN PA DANG, LAN DU PHAN THOGS PA DANG, 'BREL PA'I SEMS MED PA GANG YIN PA'O, ,DE LA KHA NA MA THO BA MED PA NYID NI PHA ROL TU PHYIN PA DE DAG KUN NAS NYON MONGS PA CAN GYI CHOS DANG MA 'DRES SHING, THABS MA YIN PA RNAM PAR SPANGS PA GANG YIN PA'O, ,DE LA RNAM PAR MI RTOG PA NYID NI PHA ROL TU PHYIN PA DE DAG GI RANG GI MTSAN NYID LA SGRA JI BZHIN DU MNGON PAR ZHEN PA MED PA GANG YIN PA'O, ,DE LA YONGS SU BSNGO BA NYID NI PHA ROL TU PHYIN PA DE DAG NYID BYAS SHING BSTZAGS PA BYANG CHUB CHEN PO'I 'BRAS BUR @86A *, ,SMON PA GANG YIN PA'O, ,BCOM LDAN 'DAS PHA ROL TU PHYIN PA DANG MI MTHUN PA'I DNGOS PO GANG LAGS, SPYAN RAS GZIGS DBANG PHYUG DE DAG NI DNGOS PO DRUG TU RIG PAR BYA STE, 'DOD PA'I DGA' BA DANG, LONGS SPYOD DANG, DBANG PHYUG DANG, BDAG NYID KYI BSOD NAMS LA YON TAN GYI PHAN YON DU LTA BA DANG, LUS DANG NGAG DANG YID CI 'DOD DGUR KUN TU SPYOD PA DANG, BRNYAS PA MI BZOD PA DANG, MI BRTZON PA'I BSOD NYAMS DANG, 'DU 'DZIN DANG, 'JIG RTEN GYI SNA TSOGS DANG, RNAM PAR G-YENG BA LA 'JUG PA DANG, MTHONG BA DANG, THOS PA DANG, BYE BRAG PHYE BA DANG, RNAM PAR SHES PA'I THA SNYAD KYI SPROS PA DAG LA YON TAN GYI PHAN YON DU BLTA BA'O, ,BCOM LDAN 'DAS PHA ROL TU PHYIN PA DE DAG GI RNAM PAR SMIN PA'I 'BRAS BU GANG LAGS, SPYAN RAS GZIGS DBANG PHYUG DE YANG RNAM PA DRUG TU RIG PAR BYA STE, LONGS SPYOD CHEN PO NYID DANG, BDE 'GROR 'GRO BA DANG, KHO NA MED CING DBYEN MED LA BDE BA DANG, YID BDE BA MANG BA DANG, SEMS CAN GYI BDAG PO DANG, LUS LA GNOD PA MED PA DANG, DBANG CHE BAR GRAGS PA'O, ,BCOM LDAN 'DAS PHA ROL TU PHYIN PA DE DAG LA KUN NAS NYON MONGS PA CAN GYI CHOS DANG 'DRES PA GANG LAGS, SPYAN RAS GZIGS DBANG PHYUG DE NI SBYOR BA BZHIS RIG PAR BYA STE, SNYING RJE MED PA'I SBYOR BA DANG, TSUL BZHIN MA YIN PA'I SBYOR BA DANG, RTAG TU MI BYED PA'I SBYOR BA DANG, GUS PAR MI BYED PA'I SBYOR BAS SO, ,DE LA TSUL BZHIN MA YIN PA'I SBYOR BA NI 'DI YIN TE, DE LAS GZHAN PA'I PHA ROL TU PHYIN PA DAG LA DE LAS GZHAN PA'I PHA ROL TU PHYIN PA'I THABS DANG BRAL ZHING BSGOM PA NYAMS PA GANG YIN PA'O, ,BCOM LDAN 'DAS THABS MA LAGS PA GANG LAGS, SPYAN RAS GZIGS DBANG PHYUG BYANG CHUB SEMS DPA' PHA ROL TU PHYIN PA DE DAG GIS SEMS CAN RNAMS LA PHAN 'DOGS PA NA, GAL TE ZANG ZING GIS PHAN 'DOGS PA NYE BAR BSGRUB PA TZAM GYIS CHOG PAR 'DZIN CING, MI DGE BA'I GNAS NAS BSLANGS TE DGE BA'I @86B GNAS SU 'JOG PAR MI BYED NA, DE NI THABS MA YIN PA YIN NO, ,DE CI'I PHYIR ZHE NA, SPYAN RAS GZIGS DBANG PHYUG DE TZAM GYIS NA SEMS CAN LA PHAN BTAGS PA MA YIN PA'I PHYIR TE, 'DI LTA STE DPER NA, MI GTZANG BA NI CHE YANG RUNG CHUNG YANG RUNG STE RNAM GRANGS GANG GIS KYANG DRI ZHIM POR BYA BAR MI NUS SO, ,DE BZHIN DU 'DU BYED KYI SDUG BSNGAL NYID KYIS RANG BZHIN GYIS SDUG BSNGAL BAR GYUR PA'I SEMS CAN RNAMS KYANG ZANG ZING GIS PHAN BTAGS PA NYE BAR BSGRUB PA TZAM GYIS RNAM GRANGS GANG GIS KYANG BDE BAR BYA MI NUS KYI, DGE BA LA 'JOG PA GANG YIN PA DE NI DE DAG LA PHAN 'DOGS PA'I MCHOG KHO NA YIN NO, ,BCOM LDAN 'DAS PHA ROL TU PHYIN PA DE DAG GI RNAM PAR DAG PA DU MCHIS LAGS, SPYAN RAS GZIGS DBANG PHYUG NGA NI RNAM PA LNGA PO DE DAG MA GTOGS PAR PHA ROL TU PHYIN PA RNAMS KYI RNAM PAR DAG PA GZHAN YOD PAR MI SMRA MOD KYI 'ON KYANG DE DAG NYID LA BRTEN NAS, PHA ROL TU PHYIN PA RNAMS KYI RNAM PAR DAG PA BSDUS PA DANG SO SOR PHYE BA KHYOD LA BSHAD PAR BYA'O, ,DE LA PHA ROL TU PHYIN PA THAMS CAD KYI RNAM PAR DAG PA BSDUS PA NI RNAM PA BDUN GYIS RIG PAR BYA STE, BDUN GANG ZHE NA, 'DI LTA STE, BYANG CHUB SEMS DPA' CHOS DE DAG GIS GZHAN LAS SHES KYI KHE YONGS SU MI TSOL BA DANG, CHOS DE DAG LA LTA BAS MNGON PAR ZHEN PAR MI BYED PA DANG, CHOS 'DI DAG KYANG BYANG CHUB TU NGES PAR 'BYIN PA YIN NAM MA YIN SNYAM DU YID GNYIS DANG THE TSOM SKYED PAR MI BYED PA DANG, BDAG LA MI BSTOD GZHAN LA MI SMOD CING BRNYAS PAR MI BYED PA DANG, DREGS PAR MI BYED CING BAG MED PAR MI BYED PA DANG, CUNG ZAD TZAM DANG, NGAN NGON TZAM GYIS CHOG PAR MI 'DZIN PA DANG, CHOS DE DAG GIS SER SNA MED CING GZHAN DAG LA PHRAG DOG MI BYED PA YIN NO, ,PHA ROL TU PHYIN PA'I RNAM PAR DAG PA SO SO THA DAD PA DE YANG RNAM PA BDUN KHO NAR RIG PAR BYA STE, THA DAD PA RNAM PA BDUN GANG ZHE NA, 'DI LTA STE, SBYIN PA RNAM PAR DAG PA BDUN PO SBYIN PAR BYA BA'I DNGOS PO RNAM PAR DAG PAS SBYIN PA RNAM PAR DAG PA SBYIN PAR BYED PA DANG, TSUL KHRIMS RNAM PAR @87A *, ,DAG PA DANG, LTA BA RNAM PAR DAG PA DANG, SEMS RNAM PAR DAG PA DANG, NGAG RNAM PAR DAG PA DANG, SHES PA RNAM PAR DAG PA DANG, DRI MA RNAM PAR DAG PAS SBYIN PA RNAM PAR DAG PA SBYIN PAR BYED DO ZHES NGAS BSTAN PA GANG YIN PA DE DAG BYANG CHUB SEMS DPAS YANG DAG PAR BLANGS TE GNAS PA DE NI SBYIN PA RNAM PAR DAG PA RNAM PA BDUN YIN NO, ,'DI LTA STE, BYANG CHUB SEMS DPA' SDOM PA BCAS PA LA BSLAB PA'I GZHI RNAM PA THAMS CAD LA MKHAS PA DANG, LTUNG BA LAS BSLANG BA LA MKHAS PA DANG, DE LA NGES PA'I TSUL KHRIMS CAN DANG, BRTAN PA'I TSUL KHRIMS CAN DANG, RTAG TU BYED PA DANG, RTAG TU 'JUG PA DANG, BSLAB PA'I GZHI RNAMS YANG DAG PAR BLANGS TE, SLOB PAR BYED PA DE NI TSUL KHRIMS RNAM PAR DAG PA RNAM PA BDUN YIN NO, ,'DI LTA STE, THAMS CAD LAS GNOD PA THAMS CAD NYE BAR GNAS PA NA BDAG NYID KYI LAS KYI RNAM PAR SMIN PA LA RTON PAS MI 'KHRUG PA DANG, LAN BYA BA'I PHYIR SLAR SPYO BA DANG, GSHE BA DANG, RDEG PA DANG, BSDIGS PA DANG, MA TSANG 'DRU BA'I GNOD PA DAG GIS SBYOR BAR MI BYED PA DANG, KHON GYI BSAM PA MI 'DZIN PA DANG, SHAD KYIS 'CHAGS PA NA YONGS SU NYON MONGS PAR MI BYED PA DANG, SHAD KYIS 'CHAGS PA LA MI SDOD PA DANG, 'JIGS PA DANG, ZANG ZING GI SEMS KYIS BZOD PAR BYED PA MA YIN PA DANG, PHAN GDAGS PAR BYA BA LA YAL BAR MI 'DOR BA DE NI BZOD PA RNAM PAR DAG PA RNAM PA BDUN YIN NO, ,'DI LTA STE, BRTZON 'GRUS KYI RNAM PA MNYAM PA NYID RAB TU SHES PA DANG, BRTZON 'GRUS BRTZAMS PA DES BDAG LA MI STOD CING ZHAN MI SNOD PA DANG, MTHU DANG LDAN PA DANG, BRTZON 'GRUS DANG LDAN PA DANG, SPRO BA DANG LDAN PA DANG, RTUL BA BRTAN PA DANG, DGE BA'I CHOS RNAMS LA BRTZON PA MA BTANG BA DE NI BRTZON 'GRUS RNAM PAR DAG PA RNAM PA BDUN YIN NO, ,'DI LTA STE, MTSAN MA LEGS PAR RTOGS PA'I TING NGE 'DZIN LA BSAM GTAN PA DANG, YONGS SU RDZOGS PA'I TING NGE 'DZIN LA BSAM @87B GTAN PA DANG, GNYI GA'I CHA'I TING NGE 'DZIN LA BSAM GTAN PA DANG, SHUGS KYIS 'BYUNG BA'I TING NGE 'DZIN LA BSAM GTAN PA DANG, MI GNAS PA'I TING NGE 'DZIN LA BSAM GTAN PA DANG, SHIN TU SBYANG BA BYAS PA'I TING NGE 'DZIN LA BSAM GTAN PA DANG, YONGS SU RDZOGS PA'I BYANG CHUB SEMS DPA'I SDE SNOD KYI DMIGS PA YONGS SU BSGOM PA DPAG TU MED PA'I TING NGE 'DZIN LA BSAM GTAN PA DE NI BSAM GTAN RNAM PAR DAG PA RNAM PAR BDUN PA YIN NO, ,'DI LTA STE, DE'I SHES RAB DE SGRO 'DOGS PA'I MTHA' DANG, SKUR BA 'DEBS PA'I MTHA' RNAM PAR SPANGS TE; DBU MA'I LAM GYIS NGES PAR 'BYUNG BA DANG, SHES RAB DES STONG PA NYID DANG, SMON PA MED PA NYID DANG, MTSAN MA MED PA RNAM PAR THAR PA'I SGO GSUM PO DAG LA RNAM PAR THAR PA'I SGO'I DON KYANG YANG DAG PA JI LTA BA BZHIN RAB TU SHES PA DANG, KUN BRTAGS PA DANG, GZHAN GYI DBANG DANG, YONGS SU GRUB PA'I NGO BO NYID GSUM PO DAG LA NGO BO NYID KYI DON KYANG YANG DAG PA JI LTA BA BZHIN DU RAB TU SHES PA DANG, MTSAN NYID DANG SKYE BA DANG DON DAM PA NGO BO NYID MED PA GSUM PO DAG LA NGO BO NYID MED PA'I DON KYANG YANG DAG PA JI LTA BA BZHIN DU RAB TU SHES PA DANG, RIG PA'I GNAS LNGA PO DAG LA KUN RDZOB KYI BDEN PA'I DON KYANG YANG DAG PA JI LTA BA BZHIN DU RAB TU SHES PA DANG, DE BZHIN NYID RNAM PA BDUN LA, DON DAM PA'I BDEN PA'I DON KYANG YANG DAG PA JI LTA BA BZHIN DU RAB TU SHES PA DANG, RNAM PAR MI RTOG CING SPROS PA MED LA, TSUL GCIG TU DE LA MANG DU GNAS PA DANG 'DRES PA TSAD MED PA'I CHOS LA DMIGS PA MED PA'I LHAG MTHONG GIS CHOS KYI RJES SU MTHUN PA'I CHOS BSGRUB PA YANG DAG PAR SGRUB PAR BYED PA DE NI SHES RAB RNAM PAR DAG PA RNAM PA BDUN YIN PAR RIG PAR BYA'O, ,BCOM LDAN 'DAS RNAM PA LNGA PO DE DAG GI SO SO'I LAS GANG LAGS, SPYAN RAS GZIGS DBANG PHYUG DE DAG GI LAS KYANG RNAM PA LNGAR RIG PAR BYA STE, CHAGS PA MED PA NYID KYIS NI BYANG CHUB SEMS DPA' TSE 'DI LA PHA ROL TU PHYIN PA RNAMS LA RTAG TU BYED PA DANG GUS PAR BYED PA'I SBYOR BAS BAG YOD PAR BYED DO, ,MI LTA BA NYID KYIS NI PHYI @88A *, ,MA LA DE DAG LA BAG YOD PA'I RGYU YONGS SU 'DZIN PAR BYED DO, ,KHA NA MA THO BA MED PA NYID KYIS NI PHA ROL TU PHYIN PA SHIN TU YONGS SU RDZOGS PA DANG, YONGS SU DAG PA DANG, YONGS SU SBYANG BA DAG SGOM PAR BYED DO, ,RNAM PAR MI RTOG PA NYID KYIS NI THABS LA MKHAS PA DES MYUR DU PHA ROL TU PHYIN PA YONGS SU RDZOGS PAR BYED DO, ,YONGS SU BSNGO BA NYID KYIS NI BLA NA MED PA YANG DAG PAR RDZOGS PA'I BYANG CHUB KYI BAR DU TSE RABS THAMS CAD DU RNAM PAR SMIN PA'I 'BRAS BU 'DOD PA DANG BCAS PA'I PHA ROL TU PHYIN PA MI ZAD PA NYID THOB PAR BYED DO, BCOM LDAN 'DAS PHA ROL TU PHYIN PA DE DAG GI RGYA CHE BA NYID GANG LAGS, SPYAN RAS GZIGS DBANG PHYUG CHAGS PA MED PA NYID DANG, MI LTA BA NYID DANG, YONGS SU BSNGO BA NYID GANG YIN PA'O, ,KUN NAS NYON MONGS PA MA MCHIS PA NYID GANG LAGS, KHA NA MA THO BA MED PA NYID DANG, RNAM PAR MI RTOG PA NYID GANG YIN PA'O, ,GSAL BA NYID GANG LAGS, SO SOR RTOG CING BYA BA NYID GANG YIN PA'O, ,MI G-YO BA NYID GANG LAGS, SAR CHUD PA RNAMS KYI YONGS SU MI MNYAM PA'I CHOS NYID GANG YIN PA'O, ,SHIN TU RNAM PAR DAG PA NYID GANG LAGS, SPYAN RAS GZIGS DBANG PHYUG SA BCU PAR GTOGS PA NYID DANG, SANGS RGYAS KYI SAR GTOGS PA NYID GANG YIN PA'O, ,BCOM LDAN 'DAS CI'I SLAD DU BYANG CHUB SEMS DPA' RNAMS RTAG TU PHA ROL TU PHYIN PA'I RNAM PAR SMIN PA'I 'BRAS BU 'DOD PA BAS MA 'CHAL BA DANG; PHA ROL TU PHYIN PA'I SA MA 'TSAL BA DANG LDAN PA LAGS, SPYAN RAS GZIGS DBANG PHYUG GCIG LA GCIG BRTEN NAS 'GRUB PA BSGOM PA NYID KYI PHYIR RO, ,BCOM LDAN 'DAS CI'I SLAD DU BYANG CHUB SEMS DPA' RNAMS PHA ROL TU PHYIN PA RNAMS LA JI LTA BA DE LTAR PHA ROL TU PHYIN PA'I RNAM PAR SMIN PA'I 'BRAS BU 'DOD PA LA DAD PAS GNAS PA MA LAGS, SPYAN RAS GZIGS DBANG PHYUG RGYU LNGA'I PHYIR TE, PHA ROL TU PHYIN PA RNAMS NI CHES LHAG PAR BDE BA DANG, YID BDE BA'I RGYU YIN PA'I PHYIR DANG, BDAG DANG GZHAN LA PHAN 'DOGS PA'I RGYU YIN PA'I PHYIR DANG, @88B PHYI MA LA DE'I RNAM PAR SMIN PA'I 'BRAS BU 'DOD PA'I RGYU YIN PA'I PHYIR DANG, KUN NAS NYON MONGS PA MED PA'I GZHI YIN PA'I PHYIR DANG, MI 'GYUR BA'I CHOS NYID YIN PA'I PHYIR RO, ,BCOM LDAN 'DAS PHA ROL TU PHYIN PA DE DAG GI SO SO'I MTHU GANG LAGS, SPYAN RAS GZIGS DBANG PHYUG DE DAG GI SO SO'I MTHU NI RNAM PA BZHIR RIG PAR BYA STE, PHA ROL TU PHYIN PA BSGOM PA NA, MI MTHUN PA'I PHYOGS SER SNA DANG, 'CHAL BA'I TSUL KHRIMS DANG, SEMS 'KHRUL PA DANG, LE LO DANG, RNAM PAR G-YENG BA DANG, LTA BA'I RNAM PA RAB TU SPONG BA DANG, BLA NA MED PA YANG DAG PAR RDZOGS PA'I BYANG CHUB KYI TSOGS SU 'GYUR BA DANG, TSE 'DI LA BDAG DANG SEMS CAN THAMS CAD LA PHAN 'DOGS PAR 'GYUR BA DANG, TSE PHYI MA LA RNAM PAR SMIN PA'I 'BRAS BU 'DOD PA RGYA CHEN PO ZAD MI SHES PA 'THOB PAR 'GYUR BA'O, ,BCOM LDAN 'DAS PHA ROL TU PHYIN PA DE DAG RGYU GANG LAS BYUNG BA DANG, 'BRAS BU GANG DANG LDAN PA DANG, DON GANG DANG LDAN PA LAGS, BCOM LDAN 'DAS KYIS BKA' STZAL PA, SPYAN RAS GZIGS DBANG PHYUG PHA ROL TU PHYIN PA RNAMS NI SNYING RJE'I RGYU LAS BYUNG BA DANG, RNAM PAR SMIN PA'I 'BRAS BU 'DOD PA DANG; SEMS CAN LA PHAN 'DOGS PA'I 'BRAS BU DANG LDAN PA DANG, BYANG CHUB CHEN PO YONGS SU RDZOGS PAR BYED PA'I DON CHEN PO DANG LDAN PA YIN NO, ,BCOM LDAN 'DAS GAL TE BYANG CHUB SEMS DPA' RNAMS LONGS SPYOD PAS MA 'TSAL BA DANG LDAN PA DANG, SNYING RJE CAN LAGS NA, CI'I SLAD DU 'JIG RTEN NA DBUL PO GDA' LAGS, SPYAN RAS GZIGS DBANG PHYUG DE NI SEMS CAN RNAMS KYI RANG GI LAS KYI NYES PA KHO NA YIN NO, ,DE LTA MA YIN TE, GAL TE SEMS CAN RNAMS KYI RANG GIS NYES PAR BYAS PA DE'I GAGS SU GYUR PA MA YIN DU ZIN NA, DE DAG LA RTAG TU BYA BA NYID LA ZHUGS PA DANG, LONGS SPYOD MI ZAD PA NYID YOD BZHIN DU 'JIG RTEN NA SDUG BSNGAL BA LTA SNANG BAR GA LA 'GYUR, SPYAN RAS GZIGS DBANG PHYUG ,'DI LTA STE DPER NA, YI DAGS LUS SKOM PAS GDUNGS PA RNAMS KYIS RGYA MTSO'I CHU SKAMS PAR MTHONG BA DE NI, @89A *, ,RGYA MTSO DAG GI NYES PA MA YIN GYI YI DAGS DE DAG NYID KYI RANG GI LAS KYI 'BRAS BU'I NYES PA YIN NO, ,DE BZHIN DU 'BRAS BU MED PAR GYUR PA GANG YIN PA DE NI, BYANG CHUB SEMS DPA' SBYIN PA DAG GIS RGYA MTSO LTA BUR GYUR PA RNAMS KYI NYES PA MA YIN GYI, SEMS CAN RANG GIS NYES PA BYAS PA YI DAGS LTA BU RNAMS KYI RANG GI LAS KYI NYES PA YIN NO, ,BCOM LDAN 'DAS BYANG CHUB SEMS DPA' CHOS RNAMS KYI NGO BO NYID MA MCHIS PA NYID, PHA ROL TU PHYIN PA GANG GIS 'DZIN PA LAGS, SPYAN RAS GZIGS DBANG PHYUG SHES RAB KYI PHA ROL PHYIN PAS 'DZIN TO, ,BCOM LDAN 'DAS GAL TE SHES RAB KYI PHA ROL TU PHYIN PAS NGO BO NYID MA MCHIS PA NYID 'DZIN NA, NGO BO NYID DANG BCAS PA NYID KYANG CI'I SLAD DU MI 'DZIN PA LAGS, SPYAN RAS GZIGS DBANG PHYUG ,NGA NI NGO BO NYID MED PA NYID KYIS NGO BO NYID 'DZIN PAR MI SMRA MOD KYI 'ON KYANG YI GES BSTAN PA MED PAR NGO BO NYID MED PA YI GE MED PA, SO SO RANG GIS RIG PA DE BSTAN PAR MI NUS PAS DE'I PHYIR NGO BO NYID MED PA NYID 'DZIN TO ZHES DE SKAD BRJOD DO, ,BCOM LDAN 'DAS PHA ROL TU PHYIN PA ZHES KYANG BGYI, NYE BA'I PHA ROL TU PHYIN PA ZHES KYANG BGYI, PHA ROL TU PHYIN PA CHEN PO ZHES KYANG BGYI LAGS NA, BCOM LDAN 'DAS PHA ROL TU PHYIN PA NI GANG LAGS, NYE BA'I PHA ROL TU PHYIN PA NI GANG LAGS, PHA ROL TU PHYIN PA CHEN PO NI GANG LAGS, SPYAN RAS GZIGS DBANG PHYUG 'DI LA BYANG CHUB SEMS DPA' DUS DPAG TU MED PA NAS, YONGS SU BSGOMS PA'I SBYIN PA LA SOGS PA DGE BA'I CHOS RNAMS DANG LDAN PA YANG YIN LA, DE LA NYON MONGS PA YANG KUN TU 'BYUNG ZHING DE ZIL GYIS GNON PAR NI MI NUS KYI, DES ZIL GYIS NON PAR 'GYUR PA 'DI LTA STE, MOS PAS SPYOD PA'I SA LA MOS PA CHUNG NGU DANG, 'BRING LA ZHUGS PA DE NI PHA ROL TU PHYIN PA ZHES BYA'O, ,YANG DUS DPAG TU MED PA NAS CHES YONGS SU BSGOMS PA'I DGE BA'I CHOS DE DAG NYID DANG LDAN ZHING DE LA NYON MONGS PA YANG KUN TU 'BYUNG LA, DE ZIL GYIS GNON CIG DES ZIL GYIS GNON PAR MI 'GYUR BA 'DI LTA STE, SA DANG PO NAS GZUNG @89B BDE NI NYE BA'I PHA ROL TU PHYIN PA ZHES BYA'O, ,YANG DUS DPAG TU MED PA NAS CHES SHIN TU YONGS SU BSGOMS PA'I DGE BA'I CHOS DE DAG NYID DANG LDAN ZHING, DE LA THAMS CAD KYI THAMS CAD DU NYON MONGS PA KUN TU MI 'BYUNG BA'I CHOS CAN DU GYUR PA 'DI LTA STE, SA BRGYAD PA NAS GZUNG BA DE NI PHA ROL TU PHYIN PA CHEN PO ZHES BYA'O, ,BCOM LDAN 'DAS SA DE DAG LA NYON MONGS PA'I BAG LA NYAL RNAM PA DU MCHIS LAGS, SPYAN RAS GZIGS PHYUG ,RNAM PA GSUM STE, SPYAN RAS GZIGS DBANG PHYUG GROGS YANG DAG PAR BCOM PA NI 'DI LTA STE, SA LNGA PO DAG LA NYON MONGS PA LHAN CIG SKYES PA KUN TU 'BYUNG BA'I GROGS NYON MONGS PA LHAN CIG SKYES PA MA YIN PA KUN TU 'BYUNG BA DE'I TSE LA DE MED PAS DE'I PHYIR GROGS YANG DAG PAR BCOM PA ZHES BYA'O, ,BAG LA NYAL STOBS CHUNG BA NI 'DI LTA STE, SA DRUG PA DANG, BDUN PA LA CHA PHRA MO KUN TU 'BYUNG BA NYID DANG, BSGOM PAS MNAN PAS KUN TU 'BYUNG BA NYID KYI PHYIR RO, ,BAG LA NYAL PHRA MO NI 'DI LTA STE, SA BRGYAD PA DANG, DE'I GONG MA RNAMS LA NYON MONGS PA THAMS CAD KYI THAMS CAD DU KUN TU MI 'BYUNG BA DANG, SHES BYA'I SGRIB PA TZAM LA GNAS PA NYID KYI PHYIR RO; ,BCOM LDAN 'DAS BAG LA NYAL DE DAG GNAS NGAN LEN SPANGS PA RNAM PA DUS RAB TU PHYE BA LAGS, SPYAN RAS GZIGS DBANG PHYUG RNAM PA GNYIS KYI PHYIR TE, GNAS NGAN LEN SPAGS SHUN LA YOD PA LTA BU SPANGS PAS NI DANG PO DANG GNYIS PA RAB TU PHYE BA YIN NO, ,SPRIL YOD PA LTA BU SPANGS PAS NI GSUM PA'O, ,GNAS NGAN LEN SNYING PO LA YOD PA LTA BU SPANGS PA GANG YIN PA DE NI THAMS CAD KYI THAMS CAD DU BAG LA NYAL MED PA'I GNAS SKABS YIN TE, SANGS RGYAS KYIS YIN PAR NGAS YONGS SU BSTAN TO, ,BCOM LDAN 'DAS GNAS NGAN LEN DE DAG BSKAL PA GRANGS MA MCHIS PA DU DAG GIS SPONG BAR 'GYUR LAGS, SPYAN RAS GZIGS DBANG PHYUG GRANGS MED PA GSUM GYIS SAM, DUS TSIGS DANG, ZLA BA DANG, ZLA BA PHYED DANG, ZHAG DANG, NYI MA DANG, THUN DANG, THUN PHYED DANG, SKAD CIG DANG, THANG CIG @90A *, ,DANG; YUD TZAM DANG, BSKAL PA DPAG TU MED PA DAG GIS SPONG NGO, ,BCOM LDAN 'DAS DE DAG LA BYANG CHUB SEMS DPA' RNAMS KYI NYON MONGS PA SKYE BA'I MTSAN NYID NI GANG LAGS, SKYON NI GANG LAGS, YON TAN NI GANG LAGS PAR RIG PAR BGYI, SPYAN RAS GZIGS DBANG PHYUG BYANG CHUB SEMS DPA' RNAMS KYI NYON MONGS PA SKYE BA NI KUN NAS NYON MONGS PA CAN MA YIN PA'I MTSAN NYID YIN NO, ,DE CI'I PHYIR ZHE NA, BYANG CHUB SEMS DPA' SA DANG PO LA SO SOR NGES PA KHO NAS, CHOS KYI DBYINGS THAMS CAD RAB TU RTOGS PA'I PHYIR TE, DES NA BYANG CHUB SEMS DPA'I NYON MONGS PA NI SHES BZHIN KHO NAR SKYE BA YIN GYI, MI SHES PAR MA YIN PAS, DE'I PHYIR KUN NAS NYON MONGS PA CAN MA YIN PA'I MTSAN NYID YIN NO, ,RANG GI RGYUD LA SDUG BSNGAL BSKYED PAR MI NUS PA NYID KYI PHYIR SKYON MED PA YIN NO, ,SEMS CAN GYI KHAMS KYI SDUG BSNGAL RNAM PAR BZLOG PA'I RGYU NYID YIN PA'I PHYIR YON TAN DPAG TU MED PA YIN NO, ,BCOM LDAN 'DAS GANG LA DA LTAR BYANG CHUB SEMS DPA' RNAMS KYI NYON MONGS PA SKYE BA DAG GIS KYANG, JI TZAM DU SEMS CAN DANG, NYAN THOS DANG; RANG SANGS RGYAS THAMS CAD KYI DGE BA'I RTZA BA RNAMS DE ZAM DU ZIL GYIS GNON PAR BGYID NA, DE LAS GZHAN PA'I YON TAN RNAMS LTA SMOS KYANG CI 'TSAL BA'I BYANG CHUB DE TZAM DU DON CHE BA NI NGO MTSAR LAGS SO, ,BCOM LDAN 'DAS BCOM LDAN 'DAS KYI SA NYAN THOS KYI THEG PA GANG YIN PA DANG, THEG PA CHEN PO GANG YIN PA DE NI THEG PA GCIG GO ZHES BKA' STZAL PA DE LA DGONGS PA GANG LAGS, SPYAN RAS GZIGS DBANG PHYUG NGAS NYAN THOS KYI THEG PAR CHOS SNA TSOGS KYI NGO BO NYID 'DI LTA STE, PHUNG PO LNGA DANG, NANG GI SKYE MCHED DRUG DANG PHYI ROL GYI SKYE MCHED DRUG DANG, DE DAG LA SOGS PA GANG DAG BSTAN PA DE DAG NYID NGAS THEG PA CHEN POR CHOS KYI DBYINGS TSUL GCIG PAR BSTAN PAS BSHAD DE, DE'I PHYIR NGA NI THEG PA THA DAD PAR MI SMRA'O, ,DE LA GANG DAG DON LA SGRA JI BZHIN KHO NAR RNAM PAR RTOG PA KHA CIG NI SGRO @90B 'DOGS PAR BYED, KHA CIG NI SKUR BA 'DEBS PAR BYED CING, THEG PA THA DAD PA NYID DU RNAM PAR RTOG PAR YANG BYED DE, DE GNYIS MI MTHUN PAR SEMS SHING, PHAN TSUN RTZOD PAR ZAD DE, DE LA DGONGS PA NI DE YIN NO, ,DE LA BCOM LDAN 'DAS KYIS DE'I TSE TSIGS SU BCAD PA 'DI DAG BKA' STZAL TO, ,THEG PA CHE DANG THEG PA DMAN PA LA, ,RANG BZHIN SNA TSOGS CHOS RNAMS GANG BSTAN PA, ,DE DAG NYID NI TSUL GCIG YANG BSTAN TE, ,DE PHYIR THEG PA THA DAD NGA MI SMRA, ,DON LA SGRA BZHIN RNAM PAR RTOG BYED PA, ,SGRO BTAGS BYAS SHING BKUR PA BTAB BYAS NAS, ,DE DAG 'GAL BA SNYAM DU SEMS PA NI, ,RNAM PAR RMONGS NAS BLO GROS SNA TSOGS 'GYUR, ,SA RNAMS BSDUS DANG MING DANG MI MTHUN PHYOGS, ,KHYAD PAR SKYE DANG SMON LAM BSLAB PA RNAMS, ,DE NI SANGS RGYAS RNAMS KYIS THEG CHEN BSHAD, ,'DI LA GANG BRTZON DE DAG SANGS RGYAS 'GYUR, ,DE NAS BCOM LDAN 'DAS LA BYANG CHUB SEMS DPA' SPYAN RAS GZIGS DBANG PHYUG GIS 'DI SKAD CES GSOL TO, ,BCOM LDAN 'DAS DGONGS PA NGES PAR 'GREL PA'I CHOS KYI RNAM GRANGS 'DIR BSTAN PA 'DI'I MING CI LAGS, 'DI JI LTAR GZUNG BAR BGYI, BCOM LDAN 'DAS KYIS DE LA BKA' STZAL PA, SPYAN RAS GZIGS DBANG PHYUG 'DI NI SA DANG PHA ROL TU PHYIN PA'I NGES PA'I DON BSTAN PA YIN TE, 'DI SA DANG PHA ROL TU PHYIN PA'I NGES PA'I DON BSTAN PA ZHES BYA BAR ZUNG SHIG ,SA DANG PHA ROL TU PHYIN PA'I NGES PA'I DON BSTAN PA 'DI BSHAD PA NA, BYANG CHUB SEMS DPA' BDUN KHRI LNGA STONG GIS, BYANG CHUB SEMS DPA' TING NGE 'DZIN THEG PA CHEN PO SNANG BA THOB PAR GYUR TO ZHES GSUNGS SO, ,THEG PA RNAM PAR GZHAG PA KHO NA LAS BRTZAMS NAS, DE BZHIN GSHEGS PA'I BYA BA BSGRUB PA'I RAB TU DBYE BA NI, DGONGS PA NGES PAR 'GREL PA'I MDO LAS, JI SKAD 'BYUNG BA BZHIN BLTA BAR BYA STE, BCOM LDAN 'DAS LA BYANG CHUB SEMS DPA' 'JAM DPAL GYIS ZHU BA ZHUS PA, BCOM LDAN 'DAS DE BZHIN GSHEGS PA RNAMS KYI CHOS KYI @91A *, ,SKU ZHES BGYI NA, BCOM LDAN 'DAS DE BZHIN GSHEGS PA RNAMS KYI CHOS KYI SKU'I MTSAN NYID JI LTA BU LAGS, BCOM LDAN 'DAS KYIS BKA' STZAL PA, 'JAM DPAL DE BZHIN GSHEGS PA RNAMS KYI CHOS SKU'I MTSAN NYID NI SA DANG PHA ROL TU PHYIN PA BSGOMS PA'I NGES PAR 'BYUNG BAS GNAS GYUR PA YANG DAG PAR GRUB PA YIN NO, ,DE YANG RGYU GNYIS KYIS BSAM GYIS MI KHYAB PA'I MTSAN NYID DU RIG PAR BYA STE, DE NI SPROS PA MED CING MNGON PAR 'DU BYA BA MED PA NYID KYI PHYIR DANG, SEMS CAN RNAMS NI SPROS PA DANG MNGON PAR 'DU BYA BA LA MNGON PAR ZHEN PA NYID KYI PHYIR RO, ,BCOM LDAN 'DAS CI LAGS NYAN THOS DANG, RANG SANGS RGYAS RNAMS KYI GNAS GYUR PA GANG LAGS PA DE YANG CHOS KYI SKU LAGS PAR BRJOD PAR BGYI 'AM, 'JAM DPAL BRJOD PAR MI BYA'O, ,BCOM LDAN 'DAS 'O NA CI'I LUS LAGS PAR BRJOD PAR BGYI, ,'JAM DPAL RNAM PAR GROL PA'I LUS YIN TE 'JAM DPAL RNAM PAR GROL BA'I LUS KYIS NI DE BZHIN GSHEGS PA RNAMS DANG, NYAN THOS DANG, RANG SANGS RGYAS RNAMS KYANG MTSUNGS SHING MNYAM MO, ,CHOS KYI SKUS NI KHYAD PAR DU 'PHAGS TE; CHOS KYI SKUS KHYAD PAR DU 'PHAGS NA, YON TAN GYI KHYAD PAR DPAG TU MED PAS KYANG KHYAD PAR DU 'PHAGS PA YIN TE, DE LA NI DPE BYA BAR YANG SLA BA MA YIN NO, ,BCOM LDAN 'DAS DE BZHIN GSHEGS PA RNAMS KYI SKYE BA 'BYUNG BA'I MTSAN NYID NI JI LTA BUR RIG PAR BGYI LAGS, 'JAM DPAL SPRUL PA'I SKU'I MTSAN NYID DE 'JIG RTEN GYI KHAMS 'BYUNG BA DANG 'DRA'O, ,SPRUL PA'I SKU'I MTSAN NYID 'BYUNG BA LA DE BZHIN GSHEGS PA'I YON TAN BKOD PA'I RGYUD KYI RNAM PA THAMS CAD KYIS BYIN GYIS BRLABS PA'I MTSAN NYID DU BLTA BAR BYA'O, ,CHOS KYI SKU LA NI SKYE BA 'BYUNG BA MED DO, ,BCOM LDAN 'DAS SPRUL PA'I SKU STON PA'I THABS LA MKHAS PA GANG LAGS PAR BLTA BAR BGYI LAGS, 'JAM DPAL SPRUL PA'I SKU STON PA'I THABS LA MKHAS PA NI STONG GSUM GYI STONG CHEN PO'I SANGS RGYAS KYI ZHING THAMS CAD DU BDAG POR GRAGS PA'AM, SBYIN @91B GNAS SU GRAGS PA'I KHYIM DU MNGAL DU 'JUG PA DANG, BTZAS PA DANG, SKYE BA DANG, 'DOD PA LA LONGS SPYOD PA DANG, MNGON PAR 'BYUNG BA DANG, DKA' BA SPYOD PA CIG CAR KUN TU STON PA DANG, DE GTONG BA DANG, MNGON PAR RDZOGS PAR BYANG CHUB PA'I RIM PA KUN TU STON PA YIN PAR BLTA BAR BYA'O, ,BCOM LDAN 'DAS DE BZHIN GSHEGS PA DE BZHIN GSHEGS PA'I BYIN GYI RLABS KYI SKUS GSUNG GANG DAG BRJOD PAS GDUL PA'I KHAMS YONGS SU MA SMIN PA NI YONGS SU SMIN PAR MDZAD LA, YONGS SU SMIN PA NI DMIGS PA DE NYID KYIS RNAM PAR GROL BAR MDZAD PA'I GSUNG BRJOD PA DU ZHIG BRJOD PAR MDZAD LAGS, 'JAM DPAL DE BZHIN GSHEGS PA'I GSUNG BRJOD PA NI GSUM PO 'DI DAG YIN TE, MDO SDE BRJOD PA DANG, 'DUL BA BRJOD PA DANG, MA MO BRJOD PA'O, ,BCOM LDAN 'DAS MDO SDE NI GANG LAGS, 'DUL BA NI GANG LAGS, MA MO NI GANG LAGS, 'JAM DPAL 'DI LTA STE, DNGOS PO BZHI'AM, DGU'AM, NYI SHU RTZA DGU'I DBANG DU BYAS NAS, CHOS RNAMS KYI DNGOS PO'I BSDU BA TZAM NGAS GONG DU BSTAN PA DE NI MDO SDE YIN NO, ,DNGOS PO BZHI GANG ZHE NA, 'DI LTA STE, THOS PA'I DNGOS PO DANG, SKYABS SU 'GRO BA'I DNGOS PO DANG, BSLAB PA'I DNGOS PO DANG, BYANG CHUB KYI DNGOS PO'O, ,DNGOS PO DGU GANG ZHE NA, SEMS CAN DU GDAGS PA'I DNGOS PO DANG, DE'I LONGS SPYOD KYI DNGOS PO DANG, DE 'BYUNG BA'I DNGOS PO DANG, DE 'BYUNG BA LA GNAS PA'I DNGOS PO DANG, DE'I KUN NAS NYON MONGS PA DANG, RNAM PAR BYANG BA'I DNGOS PO DANG, DE'I SNA TSOGS KYI DNGOS PO DANG, STON PA'I DNGOS PO DANG, BSTAN PAR BYA BA'I DNGOS PO DANG, 'KHOR GYI DNGOS PO'O, ,DNGOS PO NYI SHU RTZA DGU GANG ZHE NA, KUN NAS NYON MONGS PA'I PHYOGS NAS BRTZAMS TE, 'DU BYED BSDU BA'I DNGOS PO DANG, DE'I GO RIMS RJES SU 'JUG PA'I DNGOS PO DANG, DE DAG NYID LA GANG ZAG GI MING DU BYAS NAS, PHYI MAR 'BYUNG BA'I RGYU'I DNGOS PO DANG, CHOS KYI MING DU BYAS NAS PHYI MAR @92A *, ,'BYUNG BA'I RGYU'I DNGOS PO DANG, RNAM PAR BYANG BA'I PHYOGS LAS BRTZAMS TE, DMIGS PA LA NYE BAR GTOD PA'I DNGOS PO DANG, DE NYID LA RTZOL BA'I DNGOS PO DANG, SEMS GNAS PA'I DNGOS PO DANG, TSE 'DI LA BDE BAR GNAS PA'I DNGOS PO DANG, SDUG BSNGAL THAMS CAD LAS YANG DAG PAR 'DAS PA'I DMIGS PA'I THABS KYI DNGOS PO DANG, DE YONGS SU SHES PA'I DNGOS PO NI PHYIN CI LOG YONGS SU SHES PA'I GNAS DANG, SEMS CAN DU 'DU SHES PA LAS BRTZAMS TE, PHYI ROL GYI SEMS CAN RNAMS LA LOG PAR SGRUB PA YONGS SU SHES PA'I GNAS DANG, NANG LA MNGON PA'I NGA RGYAL MED PA YONGS SU SHES PA'I GNAS KYIS SA DE YANG RNAM PA GSUM DANG, SGOM PA'I GNAS KYI DNGOS PO DANG, MNGON DU BYA BA'I DNGOS PO DANG, BSGOMS PA'I DNGOS PO DANG, DE SNYING POR BYA BA'I DNGOS PO DANG, DE'I RNAM PA'I DNGOS PO DANG, DE'I DMIGS PA'I DNGOS PO DANG, SPANGS PA DANG, MA SPANGS PA SPYOD PA LA MKHAS PA'I DNGOS PO DANG, DE LAS RNAM PAR MI G-YENG BA'I DNGOS PO DANG, RNAM PAR MI G-YENG BA'I GNAS KYI DNGOS PO DANG, BSGOM PA LA YONGS SU SKYO BA'I SBYOR BA BSAL BA'I DNGOS PO DANG, BSGOM PA'I PHAN YON GYI DNGOS PO DANG, DE BRTEN PA'I DNGOS PO DANG, 'PHAGS PA'I DBANG PHYUG BSDU BA'I DNGOS PO DANG, 'PHAGS PA'I PHYOGS DANG G-YOG 'KHOR BSDU BA'I DNGOS PO DANG, DE KHO NA RAB TU RTOGS PA'I DNGOS PO DANG, MYA NGAN LAS 'DAS PA YANG DAG PAR THOB PA'I DNGOS PO DANG, LEGS PAR GSUNGS PA'I CHOS 'DUL BA LA, 'JIG RTEN PA'I YANG DAG PA'I LTA BA 'DI LAS PHYI ROL PA THAMS CAD KYI YANG DAG PA'I LTA BA DAG LAS SPYI BOR GYUR PA NYID KYI DNGOS PO DANG, DE MI BSGOM PAS YONGS SU NYAMS PA'I DNGOS PO STE, 'JAM DPAL 'DI LTAR LEGS PAR GSUNGS PA'I CHOS 'DUL BA LA NI MI BSGOM PAS YONGS SU NYAMS PAR 'GYUR ZHING, LTA BA'I NYES PAS NI MA YIN NO, ,'JAM DPAL DAS GANG DU NYAN THOS RNAMS DANG BYANG CHUB SEMS DPA' RNAMS KYI SO SOR THAR PA'AM SO @92B SOR THAR PA DANG LDAN PA YONGS SU BSTAN PA GANG YIN PA DE NI 'DUL BA'I DNGOS PO YIN NO, ,BCOM LDAN 'DAS BYANG CHUB SEMS DPA' RNAMS KYI SO SOR THAR PA RNAM PA DUS BSDUS PAR RIG PAR BGYI LAGS, 'JAM DPAL RNAM PA BDUN GYIS TE, YANG DAG PAR BLANGS PA'I TSE GA BSTAN PA DANG, PHAM PA'I GNAS LTA BU'I DNGOS PO BSTAN PA DANG, LTUNG BA'I GNAS LTA BU'I DNGOS PO BSTAN PA DANG, LTUNG BA'I NGO BO NYID BSTAN PA DANG, LTUNG BA MA YIN PA'I NGO BO NYID BSTAN PA DANG, LTUNG BA LAS 'BYUNG BA BSTAN PA DANG, SDOM PA GTONG BA BSTAN PAS SO, ,'JAM DPAL NGAS GONG DU MTSAN NYID RNAM PA BCU GCIG BSHAD PA DANG, RNAM PAR PHYE BA DANG, BSTAN PA GANG YIN PA DE NI MA MO'O ZHES BYA'O, ,DE LA MTSAN NYID RNAM PA BCU GCIG GANG ZHE NA, KUN RDZOB KYI MTSAN NYID DANG, DON DAM PA'I MTSAN NYID DANG, BYANG CHUB KYI PHYOGS DANG MTHUN PA'I CHOS RNAMS KYI DMIGS PA'I MTSAN NYID DANG, RNAM PA'I MTSAN NYID DANG, NGO BO NYID KYI MTSAN NYID DANG, DE'I 'BRAS BU'I MTSAN NYID DANG, DE MYONG BA RNAM PAR BSNYAD PA'I MTSAN NYID DANG, DE'I BAR DU GCOD PA'I CHOS KYI MTSAN NYID DANG; DE DANG RJES SU MTHUN PA'I CHOS KYI MTSAN NYID DANG, DE'I NYES DMIGS KYI MTSAN NYID DANG, DE'I PHAN YON GYI MTSAN NYID DO, 'JAM DPAL DE LA KUN RDZOB KYI MTSAN NYID NI RNAM PA GSUM STE, GANG ZAG BSTAN PA DANG, KUN BRTAGS PA'I NGO BO NYID BSTAN PA DANG, CHOS RNAMS KYI BYED PA DANG, G-YO BA DANG LAS BYED PA BSTAN PAS BLTA BAR BYA'O, ,DE LA DON DAM PA'I MTSAN NYID NI DE BZHIN NYID RNAM PA BDUN BSTAN PA YIN PAR BLTA BAR BYA'O, ,DMIGS PA'I MTSAN NYID NI SHES BYA'I DNGOS PO RNAM PA THAMS CAD BSTAN PAS BLTA BAR BYA'O, ,RNAM PA'I MTSAN NYID NI BRTAGS PA RNAM PA BRGYAD BSTAN PAS BLTA BAR BYA STE, BRTAGS PA RNAM PA BRGYAD GANG ZHE NA, BDEN PA DANG, GNAS PA DANG, SKYON DANG, YON TAN DANG, TSUL DANG, 'JUG PA DANG, RIGS PA DANG, BSDU BA DANG, @93A *, ,RGYAS PAS SO, ,DE LA BDEN PA NI DE BZHIN NYID GANG YIN PA'O, ,GNAS PA NI GANG ZAG RNAM PAR GZHAG PA'AM, KUN BRTAGS PA'I NGO BO NYID RNAM PAR GZHAG PA'AM, MGO GCIG DANG, RNAM PAR DBYE BA DANG, DRIS TE LAN GDAB PA RNAM PAR GZHAG PA'AM, GZHAG PA RNAM PAR GZHAG PA'AM, GSANG BA DANG, RNAM PAR DBYE BA BSTAN PA RNAM PAR GZHAG PA GANG YIN PA'O, ,SKYON RNAMS NI NGAS KUN NAS NYON MONGS PA'I CHOS RNAMS KYI NYES DMIGS RNAM GRANGS DU MAR BSTAN PA GANG YIN PA DAG GO, ,YON TAN RNAMS NI DUS RNAM PAR BYANG BA'I CHOS RNAMS KYI PHAN YON RNAM GRANGS DU MAR BSTAN PA GANG YIN PA DAG GO, ,TSUL NI RNAM PA DRUG TU RIG PAR BYA STE, DE KHO NA'I DON GYI TSUL DANG, 'THOB PA'I TSUL DANG, BSHAD PA'I TSUL DANG, MTHA' GNYIS RNAM PAR SPANGS PA'I TSUL DANG; BSAM GYIS MI KHYAB PA'I TSUL DANG, DGONGS PA'I TSUL LO, ,'JUG PA NI DUS GSUM DANG, 'DUS BYAS KYI MTSAN NYID GSUM DANG, RKYEN BZHI PO DAG GO, ,RIGS PA NI RNAM PA BZHIR RIG PAR BYA STE, LTOS PA'I RIGS PA DANG, BYA BA BYED PA'I RIGS PA DANG; 'THAD PAS BSGRUB PA'I RIGS PA DANG, CHOS NYID KYI RIGS PA'O, ,DE LA LTOS PA'I RIGS PA NI 'DU BYED RNAMS 'BYUNG BA DANG, RJES SU THA SNYAD GDAGS PA'I RGYU GANG DAG YIN PA DANG, RKYEN GANG DAG YIN PA STE, DE NI LTOS PA'I RIGS PA YIN NO, ,CHOS RNAMS 'THOB PA'AM, 'GRUB PA'AM, SKYES PA RNAMS LAS BYED PAS 'GYUR PA'I RGYU GANG DAG YIN PA DANG, RKYEN GANG DAG YIN PA DE NI BYA BA BYED PA'I RIGS PA YIN NO, ,SO SO'I SHES PA DANG, BSHAD PA DANG, SMRAS PA'I DON BSDUS PA DANG, LEGS PAR KHONG DU CHUD PAR BYA BA'I RGYU GANG DAG YIN PA DANG, RKYEN GANG DAG YIN PA DE NI 'THAD PAS BSGRUB PA'I RIGS PA YIN NO, ,DE YANG MDOR BSDU NA RNAM PA GNYIS TE, YONGS SU DAG PA DANG, YONGS SU MA DAG PA'O, ,DE LA YONGS SU DAG PA'I MTSAN NYID NI LNGA'O, ,YONGS SU MA DAG PA'I MTSAN @93B NYID NI BDUN NO, ,DE LA YONGS SU DAG PA'I MTSAN NYID LNGA PO DAG GANG ZHE NA, DE LA MNGON SUM DU DMIGS PA'I MTSAN NYID DANG, DE LA GNAS PA MNGON SUM DU DMIGS PA'I MTSAN NYID DANG, RANG GI LAS KYI DPE NYE BAR SBYAR BA'I MTSAN NYID DANG, YONGS SU GRAGS PA'I MTSAN NYID DANG, LUNG SHIN TU RNAM PAR DAG PA GTAN LA DBAB PAR BSTAN PA'I MTSAN NYID DO, ,DE 'DU BYED THAMS CAD MI RTAG PA NYID DANG, 'DU BYED THAMS CAD SDUG BSNGAL BA NYID DANG, CHOS THAMS CAD BDAG MED PA NYID 'JIG RTEN NA MNGON SUM DU DMIGS PA DANG, DE LTA BU DANG MTHUN PA GANG YIN PA DE NI MNGON SUM DU DMIGS PA'I MTSAN NYID YIN NO, ,'DU BYED THAMS CAD SKAD CIG MA NYID DANG, 'JIG RTEN PHA ROL DU YOD PA NYID DANG, LAS DGE BA DANG, MI DGE BA CHUD MI ZA BA DE LA GNAS PA'I MI RTAG PA RAGS PA NYID MNGON SUM DU DMIGS PA GANG YIN PA DANG, SEMS CAN SNA TSOGS LAS SNA TSOGS LA GNAS PA MNGON SUM DU DMIGS PA GANG YIN PA DANG, SEMS CAN BDE BA DANG SDUG BSNGAL BA LAS DGE BA DANG MI DGE BA LA GNAS PA MNGON SUM DU DMIGS PA GANG YIN PA DANG, GANG GIS MNGON SUM DU MA GYUR PA LA RJES SU DPAG PAR BYA BA DANG, DE LTA BU DANG MTHUN PA GANG YIN PA DE NI DE LA GNAS PA MNGON SUM DU DMIGS PA'I MTSAN NYID YIN NO, ,NANG DANG PHYI ROL GYI 'DU BYED RNAMS LA, 'JIG RTEN THAMS CAD LA GRAGS PA'I 'CHI 'PHO DANG, SKYE BA DMIGS PA NYE BAR SBYAR BA DANG, SKYE BA LA SOGS PA'I SDUG BSNGAL DMIGS PA NYE BAR SBYAR BA DANG, RANG DBANG MED PA DMIGS PA NYE BAR SBYAR BA DANG, PHYI ROL DGAG LA YANG 'JIG RTEN THAMS CAD LA GRAGS PA'I 'BYOR PA DANG RGUD PA DMIGS PA NYE BAR SBYAR BA DANG, DE LTA BU DANG MTHUN PA GANG YIN PA DE NI RANG GI RIGS KYI DPE NYE BAR SBYAR BA'I MTSAN NYID YIN PAR RIG PAR BYA'O, DE LTAR DE LA MNGON SUM DU DMIGS PA'I MTSAN NYID DANG, DE LA GNAS PA MNGON SUM DU DMIGS PA'I MTSAN NYID DANG, RANG GI RIGS KYI DPE NYE BAR SBYAR BA'I MTSAN NYID GANG YIN PA DE NI DE GRUB PAR BYA BA LA GCIG TU NGES @94A *, ,PA'I PHYIR YONGS SU GRAGS PA'I MTSAN NYID YIN PAR RIG PAR BYA'O, ,'JAM DPAL GTAN LA DBAB PAR BSTAN PA THAMS CAD MKHYEN PAS GSUNGS PA 'DI LTA STE, MYA NGAN LAS 'DAS PA NI ZHI PA'O ZHES BYA BA DANG, DE LTA BU DANG MTHUN PA GANG YIN PA DE NI LUNG SHIN TU RNAM PAR DAG PA GTAN LA DBAB PAR BSTAN PA'I MTSAN NYID YIN PAR RIG PAR BYA'O, ,DE LTA BAS NA MTSAN NYID RNAM PA LNGA PO DE DAG GI RIGS PAS BRTAGS PA YONGS SU DAG PA YIN TE, YONGS SU DAG PA'I PHYIR BSTAN PAR BYA'O, ,BCOM LDAN 'DAS THAMS CAD MKHYEN PA'I MTSAN NYID RNAM PA DUS RTOGS PAR BGYI LAGS, 'JAM DPAL LNGAS TE, GANG SU YANG RUNG BA ZHIG BYUNG NA 'JIG RTEN DU THAMS CAD MKHYEN PA NYID DU SGRA RNAM PAR GRAGS PA DANG, SKYES BU CHEN PO'I MTSAN SUM CU RTZA GNYIS DANG LDAN PA DANG, STOBS BCUS SEMS CAN THAMS CAD KYI THE TSOM THAMS CAD GCOD PA DANG, MI 'JIG PA BZHIS CHOS STON PAS, DE'I TSIG LA PHAS KYI RGOL BA THAMS CAD KYIS BRGAL BA DU MED CING BRTZAD DU MED PA GANG YIN PA DANG, SU'I CHOS 'DUL BA LA 'PHAGS PA'I LAM YAN LAG BRGYAD PA SNANG ZHING DGE SBYONG RNAM BZHI SNANG BA YIN TE, DE LTAR NA 'BYUNG BA DANG, MTSAN DANG, THE TSOM GCOD PA DANG, BRGAL DU MED CING BRTZAD DU MED PA DANG, DGE SBYONG DMIGS PAS THAMS CAD MKHYEN PA'I MTSAN NYID LNGAR RIG PAR BYA'O, ,DE LTAR NA 'THAD PAS BSGRUB PA'I RIGS PA DE NI MNGON SUM GYI TSAD MA DANG, RJES SU DPAG PA'I TSAD MA DANG, YID CHES PA'I LUNG GI TSAD MAS MTSAN NYID LNGA PO DAG GIS YONGS SU DAG PA YIN NO, ,YONGS SU MA DAG PA'I MTSAN NYID RNAM PA BDUN GANG ZHE NA, DE LAS GZHAN PA DANG MTHUN PAR DMIGS PA'I MTSAN NYID DANG, DE LAS GZHAN DANG MI MTHUN PAR DMIGS PA'I MTSAN NYID DANG, THAMS CAD MTHUN PAR DMIGS PA'I MTSAN NYID DANG, THAMS CAD MI MTHUN PAR DMIGS PA'I MTSAN NYID DANG, GZHAN GYI RIGS KYI DPE NYE BAR SBYAR BA'I MTSAN NYID DANG, YONGS SU MA GRAGS PA'I MTSAN NYID DANG, @94B LUNG SHIN TU RNAM PAR MA DAG PA BSTAN PA'I MTSAN NYID DO, ,DE LA CHOS THAMS CAD YID KYI RNAM PAR SHES PAS RNAM PAR SHES PAR BYA BA GANG YIN PA DE NI THAMS CAD MTHUN PAR DMIGS PA'I MTSAN NYID YIN NO, ,RTAGS DANG, NGO BO NYID DANG, LAS DANG, CHOS DANG, RGYU DANG, 'BRAS BU'I MTSAN NYID MI MTHUN PA RNAMS KYI MTSAN NYID MI MTHUN PA GANG YANG RUNG BAS, PHAN TSUN MTSAN NYID MI MTHUN PAR NGES PA NYID GANG YIN PA DE NI THAMS CAD MI MTHUN PAR DMIGS PA'I MTSAN NYID YIN NO, ,'JAM DPAL DE LA DPE GZHAN NYID DANG MTHUN PAR DMIGS PA'I MTSAN NYID DPE DANG BCAS PA LA, THAMS CAD MI MTHUN PAR DMIGS PA'I MTSAN NYID YOD PA'I PHYIR GANG GIS DE GRUB PAR BYA BA LA GCIG TU MA NGES PA'I PHYIR DE NI YONGS SU MA GRAGS PA'I MTSAN NYID CES BYA'O, ,DE LAS GZHAN DANG MI MTHUN PAR DMIGS PA'I MTSAN NYID DPE DANG BCAS PA NYID LA YANG THAMS CAD MTHUN PAR DMIGS PA'I MTSAN NYID YOD PAS GANG GIS DE GRUB PAR BYA BA LA GCIG TU MA NGES PA'I PHYIR DE YANG YONGS SU MA GRAGS PA'I MTSAN NYID CES BYA'O, ,YONGS SU MA GRAGS PA'I PHYIR RIGS PAS BRTAGS PA YONGS SU MA DAG PA YIN TE, YONGS SU MA DAG PA'I PHYIR BRTEN PAR MI BYA'O, ,DE LA LUNG SHIN TU RNAM PAR MA DAG PA BSTAN PA'I MTSAN NYID NI RANG BZHIN NYID KYIS YONGS SU MA DAG PA YIN PAR RIG PAR BYA'O, ,DE LA DE BZHIN GSHEGS PA RNAMS BYUNG YANG RUNG, ,MA BYUNG YANG RUNG STE, CHOS GNAS PAR BYA BA'I PHYIR CHOS NYID DBYINGS GNAS PA NYID GANG YIN PA DE NI CHOS NYID KYI RIGS PA YIN NO, ,DE LA BSDUS PA DANG, RGYAS PA NI MDOR BSDUS TE, TSIG GCIG GIS BSTAN PA'I CHOS TSIG PHYI MA PHYI MA DAG GIS RAB TU PHYE STE, MTHAR THUG PAR BYED PA GANG YIN PA'O, ,NGAS RNAM PA DANG BCAS PA'I DMIGS PA 'DZIN PA BYANG CHUB KYI PHYOGS DANG MTHUN PA'I CHOS DRAN PA NYE BAR GZHAG PA LA SOGS PA GANG DAG BSTAN PA NI DE DAG GI NGO BO NYID KYI MTSAN NYID YIN NO, ,'JIG RTEN PA DANG 'JIG RTEN LAS 'DAS PAR BCAS PA'I NYON MONGS PA SPONG BAS DE'I 'BRAS BU 'JIGS RTEN PA DANG @95A *, ,'JIG RTEN LAS 'DAS PA'I YON TAN MNGON PAR BSGRUB PA GANG DAG YIN PA DE NI DE'I 'BRAS BU THOB PA'I MTSAN NYID YIN NO, ,DE NYID RNAM PAR GROL BA'I SHES PAS SO SO YANG DAG PAR RIG PA GANG YIN PA GZHAN DAG LA YANG RGYA CHER SGROGS PA DANG, 'CHAD PA DANG YANG DAG PAR STON PA DE NI DE MYONG BA RNAM PAR BSNYAD PA'I MTSAN NYID YIN NO, ,BYANG CHUB KYI PHYOGS DANG MTHUN PA'I CHOS DE DAG NYID BSGOM PA LA BAR CHAD BYED PA'I GNAS LTA BU NYON MONGS PA CAN GYI CHOS GANG DAG YIN PA DE NI DE'I BAR DU GCOD PA'I CHOS KYI MTSAN NYID YIN NO, ,DE DAG NYID LA GCES SPRAS BYED PA'I CHOS GANG DAG YIN PA DE NI DE DANG RJES SU MTHUN PA'I CHOS KYI MTSAN NYID YIN NO, ,BAR DU GCOD PA RNAMS KYI SKYON GANG YIN PA DE NI NYES DMIGS KYI MTSAN NYID YIN NO, ,'JAM DPAL RJES SU MTHUN PA RNAMS KYI YON TAN GANG YIN PA DE NI PHAN YON GYI MTSAN NYID YIN PAR RIG PAR BYA'O, ,DE NAS BCOM LDAN 'DAS LA BYANG CHUB SEMS DPA' 'JAM DPAL GYIS YANG 'DI SKAD CES GSOL TO, ,BCOM LDAN 'DAS GZUNGS KYI DON GANG GIS BYANG CHUB SEMS DPA' RNAMS DE BZHIN GSHEGS PAS GSUNGS PA'I CHOS ZAB MO RNAMS KYI LDEM POR DGONGS PA'I RJES SU 'JUG PAR 'GYUR BA BYANG CHUB SEMS DPA' RNAMS KYI MDO SDE DANG, 'DUL BA DAD MA MO DAG GIS GZUNGS KYI DON MA LUS PA 'DI LAS SLAD ROL PA RNAMS DANG THUN MONG MA LAGS PA BSHAD DU GSOL, ,'JAM DPAL DE'I PHYIR NYON CIG DANG, 'DI LTAR BYANG CHUB SEMS DPA' RNAMS NGA'I LDEM PONG GA LA 'JUG PAR BYA BA'I PHYIR GZUNGS KYI DON LA LUS PA KHYOD LA BSHAD PAR BYA'O, ,'JAM DPAL KUN NAS NYON MONGS PA'I CHOS GANG DAG YIN PA DANG, RNAM PAR BYANG BA'I CHOS GANG DAG YIN PA DE DAG THAMS CAD NI G-YO BA MED PA GANG ZAG MED PA YIN TE DE'I PHYIR NGAS CHOS RNAMS RNAM PA THAMS CAD DU BYED PA MED PAR BSTAN TO, ,KUN NAS NYON MONGS PA'I CHOS RNAMS KYANG SNGON KUN NAS NYON MONGS PA CAN DU GYUR LA, PHYIS RNAM PAR BYANG BAR 'GYUR BA MA YIN RNAM PAR BYANG BA'I CHOS RNAMS KYANG PHYIS RNAM PAR BYAD LA, SNGON KUN @95B NAS NYON MONGS PA CAN DU GYUR PA MA YIN PA YIN NA, DE LA BYIS PA SO SO'I SKYE BO RNAMS GNAS NGAN LEN GYI LUS LA CHOS DANG GANG ZAG GI NGO BO NYID DU MNGON PAR ZHEN PA'I BAG LA NYAL GYI LTA BA LA BRTEN NAS BDAG GAM, BDAG GIR 'DZIN CING, DES NA MTHONG NGO, ,THOS SO, ,SNOM MO; ,MYONG NGO, ,REG GO, ,RNAM PAR SHES SO, ,ZA'O, ,BYED DO, ,KUN NAS NYON MONGS SO, ,RNAM PAR BYANG NGO ZHES LOG PAR MNGON PAR 'DU BYED PA 'BYUNG NGO, ,GANG LA LAS DE LTAR YANG DAG PA JI LTA BA BZHIN DU RAB TU SHES PA DE NI GNAS NGAN LEN GYI LUS RAB TU SPONG ZHING NYON MONGS PA THAMS CAD KYI GNAS MA YIN PA SHIN TU RNAM PAR DAG PA, SPROS PA MED PA, 'DUS MA BYAS PA MNGON PAR 'DU BYA BA MED PA'I LUS 'THOB PAR 'GYUR TE, 'JAM DPAL DE NI GZUNGS KYI DON MA LUS PA YIN PAR RIG PAR BYA'O, ,DE NAS BCOM LDAN 'DAS KYIS DE'I TSE TSIGS SU BCAD PA 'DI DAG BKA' STZAL TO, ,KUN NAS NYON MONGS CHOS DANG RNAM PAR BYANG BA'I CHOS, ,THAMS CAD BYED PA MED CING GANG ZAG MED PA YIN, ,DE PHYIR DE DAG BYED PA MED PAR NGAS BSHAD DO, ,DE DAG SNGA PHYIR RNAM PAR DAG DANG NYON MONGS MIN, , GNAS NGAN LEN GYI LUS LA BAG LA NYAL BA YI, ,LTA LA BRTEN NAS BDAG DANG BDAG GIR 'DZIN BYED DE, ,DES NA MTHONG NGO ZA'O BYED CES BYA BA DANG, NYON MONGS RNAM PAR BYANG BAR 'GYUR RO SNYAM PA'ANG 'BYUNG, ,GANG GIS DE LTAR YANG DAG JI LTAR BZHIN RAB SHES PA, ,DE NI GNAS NGAN LEN LUS RAB TU SPONG BYED CING, ,NYON MONGS GNAS MIN SHIN TU RNAM PAR DAG PA'I LUS, ,SPROS PA MED CING 'DUS MA BYAS PA THOB PAR 'GYUR, ,BCOM LDAN 'DAS DE BZHIN GSHEGS PA'I SEMS 'BYUNG BA'I MTSAN NYID JI LTA BUR RIG PAR BGYI LAGS, ,'JAM DPAL DE BZHIN GSHEGS PA RNAMS KYI SEMS DANG, YID DANG RNAM PAR SHES PAS RAB TU PHYE BA MA YIN MOD KYI, 'ON KYANG DE BZHIN GSHEGS PA'I SEMS NI MNGON PAR 'DU BYA BA MED PA 'BYUNG STE, SPRUL PA LTA BUR RIG PAR BYA'O, ,BCOM LDAN 'DAS GAL TE DE BZHIN GSHEGS @96A *, ,PA RNAMS KYI CHOS KYI SKU MNGON PAR 'DU BGYI BA THAMS CAD DANG BRAL BA LAGS NA, 'O NA MNGON PAR 'DU BGYI BA MA MCHIS PAR SEMS 'BYUNG BAR 'GYUR LAGS, 'JAM DPAL SNGON THABS DANG SHES RAB BSGOM PA MNGON PAR 'DUS BYAS PA'I PHYIR TE, 'JAM DPAL 'DI LTA STE DPER NA GNYID LOG PA SEMS MED PA LA PHYIR SAD PAR MNGON PAR 'DU BYA BA MED KYANG, SNGON MNGON PAR 'DU BYAS PA'I DBANG GIS PHYIR SAD PAR 'GYUR BA DANG, 'GOG PA LA SNYOMS PAR ZHUGS PA LA LDANG BAR MNGON PAR 'DU BYA BA MED KYANG, SNGON MNGON PAR 'DU BYAS PA'I DBANG KHO NAS LDANG BAR 'GYUR TE, GNYID LOG PA DANG, 'GOG PA LA SNYOMS PAR ZHUGS PA DAG GIS SEMS 'BYUNG BA JI LTA BA DE BZHIN DU, DE BZHIN GSHEGS PA'I SEMS 'BYUNG BA YANG SNGON THABS DANG SHES RAB BSGOM PA MNGON PAR 'DU BYAS PA LAS RIG PAR BYA'O, ,BCOM LDAN 'DAS CI DE BZHIN GSHEGS PAS SPRUL PA SEMS MCHIS SAM MA MCHIS ZHES BGYI, ,'JAM DPAL SEMS YOD PA'ANG MA YIN SEMS MED PA YANG MA YIN TE, SEMS RANG DBANG MED PA NYID DANG, SEMS GZHAN GYI DBANG NYID YIN PA'I PHYIR RO, , BCOM LDAN 'DAS DE BZHIN GSHEGS PA'I SPYOD YUL GANG LAGS PA DANG, DE BZHIN GSHEGS PA'I YUL GANG LAGS PA DE GNYIS LA THA DAD DU BGYI BA CI MCHIS LAGS, 'JAM DPAL DE BZHIN GSHEGS PA'I SPYOD YUL NI DE BZHIN GSHEGS PA THAMS CAD KYI THUN MONG BA, YON TAN BSAM GYIS MI KHYAB PA DANG, TSAD MED PA'I RGYAN BKOD PA'I SANGS RGYAS KYI ZHING YONGS SU DAG PA GANG YIN PA'O, ,DE BZHIN GSHEGS PA'I YUL NI KHAMS LNGA PO SEMS CAN GYI KHAMS DANG, 'JIG RTEN GYI KHAMS DANG, CHOS KYI KHAMS DANG, 'DUL BA'I KHAMS DANG, 'DUL BA'I THABS KYI KHAMS RNAM PA THAMS CAD DE, DE GNYIS LA THA DAD DU BYA BA NI DE YOD DO, ,BCOM LDAN 'DAS DE BZHIN GSHEGS PA'I MNGON PAR RDZOGS PAR BYANG CHUB PA GANG LAGS PA DANG, CHOS KYI 'KHOR LO BSKOR BA GANG LAGS PA DANG, YONGS @96B SU MYA NGAN LAS 'DAS PA CHEN PO GANG LAGS PA DE DAG GI MTSAN NYID JI LTA BUR RIG PAR BGYI LAGS, 'JAM DPAL GNYIS SU MED PA'I MTSAN NYID YIN TE, MNGON PAR RDZOGS PAR BYANG CHUB PA YANG MA YIN, MNGON PAR RDZOGS PAR BYANG MA CHUB PA YANG MA YIN, CHOS KYI 'KHOR LO BSKOR BA YANG MA YIN, CHOS KYI 'KHOR LO MA BSKOR BA YANG MA YIN, YONGS SU MYA NGAN LAS 'DAS PA CHEN PO YANG MA YIN, YONGS SU MYA NGAN LAS 'DAS PA CHEN PO MED PA YANG MA YIN TE, CHOS KYI SKU SHIN TU RNAM PAR DAG PA NYID KYI PHYIR DANG, SPRUL PA'I SKU KUN TU STON PA NYID KYI PHYIR DANG, BCOM LDAN 'DAS SPRUL PA'I SKU LA BLTA BA DANG, NYAN PA DANG, BSNYEN BKUR BGYID PA DAG GIS SEMS CAN RNAMS BSOD NAMS SKYED PA DE CI'I SLAD DU DE BZHIN GSHEGS PA LAS BYUNG BAR RIG PAR BGYI LAGS, 'JAM DPAL DE BZHIN GSHEGS PA LA LHAG PAR DMIGS PA'I BYA BA NYID YIN PA'I PHYIR DANG, SPRUL PA'I SKU YANG DE BZHIN GSHEGS PA'I BYIN GYI RLABS NYID YIN PA'I PHYIR RO, ,BCOM LDAN 'DAS MNGON PAR 'DU BGYI BA MA MCHIS PAR 'DRA LAGS NA, CI'I SLAD DU DE BZHIN GSHEGS PA'I CHOS KYI SKU KHO NA LAS SEMS CAN RNAMS LA YE SHES KYI SNANG BA CHEN PO 'DI 'BYUNG ZHING, SPRUL PA'I GZUGS BRNYAN DPAG TU MA MCHIS PA DAG KYANG 'BYUNG LA, NYAN THOS DANG, RANG SANGS RGYAS RNAMS KYI RNAM PAR GROL BA'I LUS LAS NI MI 'BYUNG LAGS, 'JAM DPAL 'DI LTA STE DPER NA MNGON PAR 'DU BYED PA MED PAR 'DRA BA YANG 'DI LTA STE, SEMS CAN MTHU CHEN PO'I BYIN GYI RLABS NYID DANG, SEMS CAN GYI LAS DBANG NYID KYI PHYIR ZLA BA DANG NYI MA'I DKYIL 'KHOR GYI CHU SHEL DANG ME SHEL KHO NA LAS SEMS CAN RNAMS LA SNANG BA CHEN PO 'BYUNG LA DE LAS GZHAN GYI CHU SHEL DANG ME SHEL DAG LAS NI MI 'BYUNG BA DANG, NOR BU RIN PO CHE RIGS DANG LDAN PA LAS LEGS PAR BYI DOR BYAS PA LAS RGYA'I GZUGS BRNYAN 'BYUNG LA, DE LAS GZHAN PA BYI DOR MA BYAS PA DAG LAS NI MI 'BYUNG BA DE BZHIN DU, DE BZHIN GSHEGS PA'I CHOS KYI SKU YANG CHOS KYI DBYINGS DPAG TU MED PA LA DMIGS @97A *, ,PA'I THABS DANG SHES RAB BSGOMS PAS SHIN TU SBYANG BA BYAS PA LAS YANG DAG PAR GRUB PA YIN PA'I PHYIR, DE LAS SEMS CAN RNAMS LA YE SHES KYI SNANG BA CHEN PO DANG, SPRUL PA'I GZUGS BRNYAN DPAG TU MED PA DAG 'BYUNG GI RNAM PAR GROL BA'I LUS 'BA' ZHIG DAG LAS NI MI 'BYUNG NGO, ,BCOM LDAN 'DAS DE BZHIN GSHEGS PA DANG, BYANG CHUB SEMS DPA'I BYIN GYI RLABS KYI MTHUS, 'DOD PA'I KHAMS KYI MI'I LUS PHUN SUM TSOGS PA RGYAL RIGS DANG, BRAM ZE'I RIGS SHING S'A LA CHEN PO LTA BU RNAMS DANG, 'DOD PA NA SPYOD PA'I LHA'I LUS PHUN SUM TSOGS PA THAMS CAD DANG, GZUGS NA SPYOD PA'I LHA'I LUS PHUN SUM TSOGS PA THAMS CAD DANG, GZUGS MA MCHIS PA NA SPYOD PA'I LHA'I LUS PHUN SUM TSOGS PA THAMS CAD GDA' ZHES BGYI BA DE LA, BCOM LDAN 'DAS DGONGS PA GANG LAGS, 'JAM DPAL 'DI LA DE BZHIN GSHEGS PA RNAMS NI DE BZHIN GSHEGS PAS BYIN GYIS BRLABS NAS, LAM GANG DANG, BSGRUB PA GNAG GIS THAMS CAD DU LUS PHUN SUM TSOGS PA THAMS CAD THOB PAR 'GYUR BA'I LAM DE YANG, BSGRUB PA DE JI LTA BA BZHIN DU STON TE, GANG DAG LAM DE DANG, BSGRUB PA DE SGRUB PAR BYED PA DE DAG NI THAMS CAD DU LUS PHUN SUM TSOGS PA THAMS CAD 'THOB PAR 'GYUR LA, GANG DAG LAM DE DANG BSGRUB PA DE PHYIR SPONG ZHING MI SNYAN PAR BRJOD LA, NGA LA YANG KUN NAS MNAR SEMS KYI SEMS DANG, KHONG KHRO SEMS DANG LDAN ZHING 'CHI BA'I DUS BYED PA DE DAG NI THAMS CAD DU LUS NGAN PA THAMS CAD 'THOB PAR 'GYUR TE, 'JAM DPAL RNAM GRANGS DES NA KHYOD KYIS 'DI LTAR LUS PHUN SUM TSOGS PA 'BA' ZHIG ,DE BZHIN GSHEGS PA'I BYIN GYI RLABS KYI MTHU LAS 'BYUNG BA MA YIN GYI, LUS NGAN PAR SKYE BA YANG DE BZHIN GSHEGS PA'I BYIN GYI RLABS KYI MTHU LAS 'BYUNG BAR RIG PAR BYA'O, ,BCOM LDAN 'DAS 'JIG RTEN GYI KHAMS YONGS SU MA DAG PA DAG NA GANG NI MOD PA LAGS, GANG NI DKON PA LAGS, YONGS SU DAG PA DAG NA GANG NI MOD PA LAGS, GANG NI DKON PA LAGS, 'JAM DPAL 'JIG @97B RTEN GYI KHAMS YONGS SU MA DAG PA DAG NA DNGOS PO BRGYAD NI MOD LA, GNYIS NI DKON TE, 'DI LTA STE, MU STEGS CAN RNAMS DANG, SEMS CAN SDUG BSNGAL BA RNAMS DANG, RIGS DANG, RUS DANG, TSE RIGS 'BYOR BA DANG, RGUD PA THA DAD PA RNAMS DANG, NYES PAR SPYAD PA SPYOD PA RNAMS DANG, TSUL KHRIMS RAL PA RNAMS DANG, NGAN SONG RNAMS DANG, THEG PA DMAN PA RNAMS DANG, BYANG CHUB SEMS DPA' BSAM PA DANG, SBYOR BA DMAN PA RNAMS NI MOD PA YIN LA, BYANG CHUB SEMS DPA' BSAM PA DANG SBYOR BA MCHOG DANG LDAN PA RNAMS KYI SPYOD PA DANG, DE BZHIN GSHEGS PA RNAMS 'BYUNG BA NI DKON PA YIN NO, ,'JAM DPAL 'JIG RTEN GYI KHAMS YONGS SU DAG PA DAG NA NI DE LAS BZLOG PAS, DNGOS PO BRGYAD NI DKON LA, GNYIS NI MOD PAR RIG PAR BYA'O, ,DE NAS BCOM LDAN 'DAS LA BYANG CHUB SEMS DPA' 'JAM DPAL GYIS 'DI SKAD CES GSOL TO, ,BCOM LDAN 'DAS DGONGS PA NGES PAR 'GREL BA'I CHOS KYI RNAM GRANGS 'DIR BSTAN PA 'DI'I MING CI LAGS, 'DI JI LTAR GZUNG BAR BGYI, BCOM LDAN 'DAS KYIS DE LA BKA' STZAL PA, 'JAM DPAL 'DI NI DE BZHIN GSHEGS PA'I BYA BA BSGRUB PA NGES PA'I DON BSTAN PA YIN TE, 'DI NI DE BZHIN GSHEGS PA'I BYA BA BSGRUB PA NGES PA'I DON BSTAN PA ZHES BYA BAR ZUNG SHIG ,DE BZHIN GSHEGS PA'I BYA BA BSGRUB PA NGES PA'I DON BSTAN PA 'DI BSHAD PA NA, BYANG CHUB SEMS DPA' BDUN KHRI LNGA STONG GIS CHOS KYI SKU YONGS SU RDZOGS PA SO SOR YANG DAG PAR RIG PA THOB PAR 'GYUR TO ZHES GSUNGS SO, ,YON TAN GYI LE'U RNAM PAR GTAN LA DBAB PA RDZOGS SO,, ,,BAM PO BZHI BCU GCIG PA, SEMS CAN GYI KHAMS DPAG TU MED PA LA SOGS PA DPAG TU MED PA LNGA ZHES GANG GSUNGS PA DE LA CI 'JIG RTEN GYI KHAMS THAMS CAD MTSUNGS SHING MNYAM PA YIN NAM, 'ON TE BYE BRAG YOD PAR BRJOD PAR BYA ZHE NA SMRAS PA, BYE BRAG YOD PAR BRJOD PAR BYA'O, ,DE DAG KYANG YONGS SU DAG PA DANG, YONGS SU MA DAG PA STE, DE LA 'JIG RTEN GYI KHAMS @98A *, ,YONGS SU DAG PA DAG NA NI SEMS CAN DMYAL BA RNAMS KYANG MED, DUD 'GRO RNAMS KYANG MED, YI DAGS RNAMS KYANG MED, 'DOD PA'I KHAMS KYANG MED, GZUGS KYI KHAMS KYANG MED, GZUGS MED PA'I KHAMS KYANG MED, SDUG BSNGAL GYI TSOR BA YANG MED LA, DE DAG NA BYANG CHUB SEMS DPA'I DGE 'DUN 'BA' ZHIG GNAS PAS NA, DE'I PHYIR 'JIG RTEN GYI KHAMS DE DAG YONGS SU DAG PA ZHE BYA STE, DE DAG TU BYANG CHUB SEMS DPA' SA GSUM PAR CHUD PA RNAMS SMON LAM GYI DBANG GIS SKYE'I, DE DAG NA SO SO'I SKYE BO'AM, SO SO'I SKYE BO MA YIN PA'I NYAN THOS RNAMS KYI SKYE BA MED DO, ,GAL TE DE DAG NA SO SO'I SKYE BO'I BYANG CHUB SEMS DPA' RNAMS DANG, SO SO'I SKYE BO MA YIN PA'I NYAN THOS RNAMS KYI SKYE BA MED NA, BYANG CHUB SEMS DPA' RNAMS SMRAS PA NA, BYANG CHUB SEMS DPA' GANG SU DAG DE DAG TU YID KYIS SMON PAR BYED PA DE DAG THAMS CAD NI DE DAG TU SKYE BAR 'GYUR RO ZHES CI'I PHYIR SMRA ZHE NA, SMRAS PA, GDUL BYA LE LO DANG LDAN PA'I RANG BZHIN CAN DGE BA'I RTZA BA MA BSAGS PA RNAMS LA BSAMS NAS SMRA BA YIN TE, 'DI LTAR DE DAG NYID SPRO BAR GYUR NA, LE LO SPANGS TE DGE BA'I CHOS RNAMS LA BRTZON 'GRUS RTZOM PAR BYED CING, DES RIM GYIS DE DAG TU SKYE BA'I CHOS NYID THOB PA'I SKAL BA CAN DU 'GYUR BA'I PHYIR TE, DE LTAR NA 'DI LA BSAM PA NA DE YIN PAR RIG PAR BYA'O, ,BYANG CHUB SEMS DPA'I GNAS PA BZHI LA BRTEN NAS BYA BA BZHI SGRUB PAR BYED DE, RAB TU DGA' BA LA GNAS PA DANG, LHAG PA'I TSUL KHRIMS LA GNAS PA DANG, LHAG PA'I SEMS LA GNAS PA DANG, LHAG PA'I SHES RAB LA GNAS PA'O, ,RAB TU DGA' BA LA GNAS PA GANG ZHE NA, BYANG CHUB SEMS DPA' GANG LA GNAS NA LHAG PA'I BSAM PA DAG PA'I SAR CHUD PAS, BYANG CHUB KYI SNYING PO LA 'DUG GI BAR DU DKON MCHOG GSUM PO DAG LA GZHAN GYI DRING MI 'JIG PA'I BSAM PA DANG LDAN PA YIN NO, ,LHAG PA'I TSUL KHRIMS LA GNAS PA GANG ZHE NA, BYANG CHUB SEMS DPA' RAB TU DGA' BA LA GNAS PA DE NYID LA BRTEN NAS GANG LA GNAS NA @98B GONG DU RANG BZHIN GYI TSUL KHRIMS CAN DANG, 'CHAL BA'I TSUL KHRIMS DANG, SER SNA'I DRI MA DANG BRAL ZHING TSUL KHRIMS DANG, GTONG BA PHUN SUM TSOGS PA DE DAG BLA NA MED PA YANG DAG PAR RDZOGS PA'I BYANG CHUB TU YONGS SU SNGO BAR BYED PA'O, ,LHAG PA'I SEMS LA GNAS PA GANG ZHE NA, BYANG CHUB SEMS DPA' LHAG PA'I TSUL KHRIMS LA GNAS PA DE NYID LA BRTEN NAS GANG LA GNAS NA GONG DU RANG BZHIN GYI BSAM GTAN LA BRTEN NAS, 'DOD PA RNAMS LAS 'DOD CHAGS DANG BRAL BAR 'GYUR BA DANG, BSAM GTAN DANG SNYOMS PAR 'JUG PA RNAMS 'THOB PA DANG BYAMS PA DANG SNYING RJE'I GNAS PA DANG LDAN PAS SEMS CAN RNAMS LA CI NUS CI LCOGS KYIS DE BZHIN NYID DU SGRUB PAR BYED PA YIN NO, ,LHAG PA'I SHES RAB LA GNAS PA GANG ZHE NA, BYANG CHUB SEMS DPA' LHAG PA'I SEMS LA GNAS PA DE NYID LA BRTEN NAS, GANG LA GNAS NA GONG DU BYANG CHUB KYI PHYOGS DANG MTHUN PA'I CHOS LA MKHAS PA DANG, BDEN PA LA MKHAS PA DANG, RTEN CING 'BREL BAR 'BYUNG BA LA MKHAS PA DANG, NYAN THOS DANG RANG SANGS RGYAS RNAMS DANG THUN MONG MA YIN PA'I CHOS RNAM PAR GZHAG PA'I SHES PA LA MKHAS PA DANG, DE DAG NYID DANG THUN MONG PA'I RTOGS PA'I SHES PAS NGES PAR 'BYUNG BA LA MKHAS PA STE DE LA THUN MONG MA YIN PA'I CHOS RNAM PAR GZHAG PA'I SHES PA NI 'DI YIN TE, 'DI LTA STE, BYANG CHUB SEMS DPA'I SDE SNOD KYI DGONGS PA'I TSIG SHES PA DANG, RNAM PAR MA BZHAG PA'I BDEN PA'I SHES PA DANG, RNAM PAR GZHAG PA'I BDEN PA SHES PA'O, ,DE LA THUN MONG PA'I SHES PA NI 'DI YIN TE, 'DI LTA STE, RTEN CING 'BREL BAR 'BYUNG BA LAS BRTZAMS NAS, RTOGS PA'I SHES PA'O, ,GNAS PA BZHI PO DE DAG LA BRTEN NAS BYA BA BZHI SGRUB PAR BYED DE GNAS PA DANG PO LA BRTEN NAS NI BYANG CHUB KYI SNYING PO LA 'DUG GI BAR DU BYANG CHUB KYI SEMS GTONG BAR MI BYED DO, ,GNAS PA GNYIS PA LA BRTEN NAS NI BYANG CHUB KYI SNYING PO LA 'DUG GI BAR DU PHYI MA LA LUS 'PHEL BA DANG, LONGS SPYOD 'PHEL BA DANG, DGE BA'I PHYOGS 'PHEL BAS RNAM PAR 'PHEL BAR BYED DO, ,GNAS PA GSUM PA LA BRTEN NAS NI @99A *, ,BSAM GTAN RNAMS RNAM PAR BSGYUR NAS SMON LAM GYIS SEMS CAN GYI DON BYA BA'I PHYIR 'DOD PA'I KHAMS SU SKYE ZHING, 'DOD PA NA SPYOD PA'I NYON MONGS PA RNAMS KYIS KYANG KUN NAS NYON MONGS PA MED PAR BYED DE, GNAS PA BZHI PA LA BRTEN NAS NI CHOS RNAM PAR GZHAG PA THAMS CAD RTOGS PA LA MKHAS PAS SEMS CAN GYI CHED DU 'KHOR BA KHAS LEN PAR BYED PA DANG, DE KHAS BLANGS PA'I RGYUS TSOGS CHEN PO YANG DAG PAR BSAGS PA DANG, GNAS PA DE NYID YONGS SU DAG PA'I RGYUS GNAS PA GZHAN LA MI LTOS PA DANG, GZHAN GYI GDAMS NGAG DANG RJES SU BSTAN PA LA MI BRTEN PAR MYUR BA KHO NAR DE BZHIN GSHEGS PA'I YE SHES 'THOB PAR BYED DO, ,BYANG CHUB SEMS DPA' RNAMS SDUG BSNGAL GANG DANG LDAN PAR BRJOD PAR BYA ZHE NA, SMRAS PA, SEMS CAN LA GNOD PA'I SDUG BSNGAL RNAMS DANG NGO, ,BYANG CHUB SEMS DPA' RNAMS BDE BA GANG DANG LDAN PAR BRJOD PAR BYA ZHE NA, SMRAS PA, SEMS CAN LA PHAN PA'I BDE BA RNAMS DANG NGO, ,BYANG CHUB SEMS DPA' RNAMS YID LA BYED PA GANG DANG LDAN PAR BRJOD PAR BA ZHE NA, SMRAS PA, SHES BYA'I MTHAR 'JUG PA DANG, SEMS CAN GYI DON BYA BA'I YID LA BYED PA RNAMS DANG NGO, ,BYANG CHUB SEMS DPA' RNAMS GNAS PA GANG DANG LDAN PAR BRJOD PAR BYA ZHE NA, SMRAS PA, RNAM PAR MI RTOG PA'I GNAS PA RNAMS DANG, BYANG CHUB SEMS DPA' RNAMS KYI SGRIB PA CHEN PO NI BZHI PO 'DI DAG YIN TE, DE DAG RNAM PAR SBYANGS NA BYANG CHUB SEMS DPA' RNAMS SAR 'JUG PA DANG, SA GNON PA'I SKAL BA MED PA YIN NO, ,BZHI GANG ZHE NA, 'DI LTA STE, BYANG CHUB SEMS DPA'I 'DUL BA LA NYON MONGS PA CAN GYI LTUNG BA DANG, THEG PA CHEN PO DANG LDAN PA'I CHOS SPONG ZHING SKUR BA 'DEBS PA DANG, DGE BA'I RTZA BA MA BSAGS PA DANG ZANG ZING DANG BCAS PA'I SEMS DANG LDAN PA'O, ,SGRIB PA CHEN PO BZHI PO DE DAG GI GNYEN POR SGRIB PA RNAM PAR SBYONG BAR BYED PA'I CHOS RNAM PA BZHIR RIG PAR BYA STE BZHI GANG ZHE NA, 'DI LTA STE, PHYOGS BCU'I DE BZHIN GSHEGS THAMS CAD KYI SPYAN SNGAR NYES PA @99B BSHAGS PAR BYA BA DANG, PHYOGS BCU'I SEMS CAN THAMS CAD KYI DON DU CHOS BSHAD PAR BYA BA'I PHYIR DE BZHIN GSHEGS PA THAMS CAD GSOL BA GDAB PAR BYA BA DANG, PHYOGS BCU'I SEMS CAN THAMS CAD KYI BSOD NAMS THAMS CAD LA RJES SU YI RANG BAR BYA BA DANG, DGE BA'I RTZA BA BYAS PA DANG MA BYAS PA THAMS CAD BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BA'O, ,BYANG CHUB SEMS DPA' SAR CHUD PA RNAMS KYIS KYANG YONGS SU SHES PAR DKA' ZHING, SPANG BAR DKA' BA'I NYE BA'I NYON MONGS PA PHRA MO NI BZHI PO 'DI DAG YIN TE, BYANG CHUB SEMS DPA' DE DAG YONGS SU SHES PAR BYAS SHING, YONGS SU SHES PAR BYAS NAS SPANG BAR BYA'O, ,BZHI GANG ZHE NA 'DI LTA STE, CHOS LA ZAD PA DANG, NYAN THOS DANG RANG SANGS RGYAS DANG LDAN PA'I YID LA BYED PA DANG, SNYOMS PAR 'JUG PA'I RO MYANG BA DANG, BDUD KYI LAS SO,, DE LA BDUD KYI LAS NI MTSAN MA LAS SEMS RNAM PAR 'PHRO BA GANG CI YANG RUNG BA YIN PAR RIG PAR BYA'O, ,BYANG CHUB SEMS DPA' SA DANG POR CHUD PA JI LTA BUR GYUR PA YIN PAR BRJOD PAR BYA ZHE NA, SMRAS PA, SO SO'I SKYE BO'I SA THAMS CAD LAS RNAM PAR 'DAS PA DANG, BYANG CHUB SEMS DPA'I YANG DAG PA NYID KYI SKYON MED PA LA ZHUGS PA DANG, DER ZHUGS PA'I PHYIR SO SO'I SKYE BO MA YIN PA DANG, 'JIGS PA THAMS CAD LAS YANG DAG PAR 'DAS PA DANG, BLA NA MED PA'I CHOS MA 'DRES PA THOB PA'I PHYIR RTAG TU RAB TU DGA' BAR GNAS PA YIN PAR BRJOD PAR BYA'O, ,BYANG CHUB SEMS DPA' SA GNYIS PAR CHUD PA JI LTA BUR GYUR PA YIN PAR BRJOD PAR BYA ZHE NA, SMRAS PA, 'DUL BA BA LA CHOS NYID KYIS THOB PA KHO NAS NYAN THOS KYI BSLAB PA BAG YONGS SU BYAS TE, RANG BZHIN GYIS LUS DANG NGAG DANG YID KYIS KUN TU SPYOD PA YONGS SU DAG PA'I PHYIR TSUL KHRIMS 'CHAL BA'I DRI MA DANG BRAL BA YIN PAR BRJOD PAR BYA'O, ,BYANG CHUB SEMS DPA' SA GSUM PAR CHUD PA JI LTA BUR GYUR PA YIN PAR BRJOD PAR BYA ZHE NA, SMRAS PA, NANG GI ZHI GNAS KYI LAM STOBS DANG LDAN PA THOB PAS SHES BYA SNANG BA THOB PA YIN PAR BRJOD PAR BYA'O, ,BYANG CHUB SEMS @100A *, ,DPA' SA BZHI PAR CHUD PA JI LTA BUR GYUR PA YIN PAR BRJOD PAR BYA ZHE NA, SMRAS PA, NANG GI LHAG MTHONG GI LAM STOBS DANG LDAN PA THOB PAS NYON MONGS PA SROG PAR BYED PA'I YE SHES KYI 'OD 'PHRO BA LA RAB TU GNAS PA'I PHYIR BYANG CHUB KYI PHYOGS DANG MTHUN PA'I CHOS JI LTAR RTOGS PA NYID RNAM PAR 'JOG PA LA MKHAS PA YIN PAR BRJOD PAR BYA'O, ,BYANG CHUB SEMS DPA' SA LNGA PAR CHUD PA JI LTA BUR GYUR PA YIN PAR BRJOD PAR BYA ZHE NA, SMRAS PA, 'JIG RTEN PA'I SHES PA THAMS CAD LAS YANG DAG PAR 'DAS PA'I PHYIR DANG, NYAN THOS DANG RANG SANGS RGYAS KYI SHES PA THAMS CAD LAS YANG DAG PAR 'DAS PA'I PHYIR BDEN PA BSAM GYIS MI KHYAB PA LA RJES SU ZHUGS PAS SHIN TU SBYANG BAR DKA' BA'I LAM LA YANG DAG PAR ZHUGS PA YIN PAR BRJOD PAR BYA'O, ,BYANG CHUB SEMS DPA' SA DRUG PAR CHUD PA JI LTA BUR GYUR PA YIN PAR BRJOD PAR BYA ZHE NA, SMRAS PA, RTEN CING 'BREL BAR 'BYUNG BA ZAB MO'I TSUL LA ZHUGS PA'I PHYIR 'DU BYED THAMS CAD LA MI MTHUN PA'I 'DU SHES LA GNAS PA DANG, MTSAN MA MED PA'I DBYINGS NYID YIN LA BYA BA MNGON DU BYA BA DE LA MANG DU GNAS PA YIN PAR BRJOD PAR BYA'O, ,BYANG CHUB SEMS DPA' SA BDUN PAR CHUD PA JI LTA BUR GYUR PA YIN PAR BRJOD PAR BYA ZHE NA, SMRAS PA, MNGON PAR 'DU BYED PA DANG BCAS PAS RTAG TU MTSAN MA MED PA'I DBYINGS YID LA BYED PAS SHIN TU RING DU RJES SU ZHUGS PA DANG, SBYOR BA'I LAM GYI MTHAR THUG PA YIN PAR BRJOD PAR BYA'O, ,BYANG CHUB SEMS DPA' SA BRGYAD PAR CHUD PA JI LTA BUR GYUR PA YIN PAR BRJOD PAR BYA ZHE NA, SMRAS PA, MNGON PAR 'DU BYED PA MED CING RTZOL BA MED PAS MTSAN MA MED PA'I DBYINGS YID LA BYED PA JI LTAR 'DOD PA BZHIN THOB PAS MI G-YO BA DANG, MTSAN MA THAMS CAD LA DBANG THOB PA DANG, DAG PA'I SA LA GNAS PA YIN PAR BRJOD PAR BYA'O, ,BYANG CHUB SEMS DPA' SA DGU PAR CHUD PA JI LTA BUR GYUR PA YIN PAR BRJOD PAR BYA ZHE NA, SMRAS PA, MING GI TSOGS DANG, TSIG GI TSOGS DANG, YI GE'I TSOGS RNAMS LA DBANG THOB PA'I PHYIR, BLO GROS KHA NA MA THO BA MED PA, @100B TSAD MED PA BRGYA CHEN POS SEMS CAN THAMS CAD KYI SEMS KUN TU MGU BAR BYA BA'I PHYIR, SO SO YANG DAG PAR RIG PA CHEN PO THOB PA DANG, CHOS SMRA BA CHEN PO YIN PAR BRJOD PAR BYA'O, ,BYANG CHUB SEMS DPA' SA BCU PA CHUD PA JI LTA BUR GYUR PA YIN PAR BRJOD PAR BYA ZHE NA, SMRAS PA, SANGS RGYAS THAMS CAD KYI DBANG BSKUR BA CHEN PO THOB PA'I PHYIR, SPRIN CHEN PO LTA BU'I CHOS KYI SKU THOB PA DANG, MNGON PAR SHES PA CHEN PO THOB PA DANG, DE BZHIN GSHEGS PA YIN PAR YANG BRJOD PAR BYA'O, ,BYANG CHUB SEMS DPA' DE BZHIN GSHEGS PA'I SAR CHUD PA JI LTA BUR GYUR PA YIN PAR BRJOD PAR BYA ZHE NA, SMRAS PA, CHOS KYI SKU THOB PA DE NYID SHIN TU RNAM PAR DAG PA NYID KYI PHYIR DANG, YONGS SU GRUB PA NYID KYI PHYIR RNAM PA THAMS CAD DU NYON MONGS PA DANG, SHES BYA'I SGRIB PA RNAM PAR DAG PA YE SHES DANG, MTHONG BA RNAM PAR DAG PA YIN PAR BRJOD PAR BYA'O, SA DE DAG GIS YANG DAG PAR RTZOM PA JI LTA BU YIN ZHE NA, SMRAS PA, BYANG CHUB SEMS DPA' GANG GI TSE 'DI LTA STE, SA BCU LAS BRTZAMS NAS MOS PAS SPYOD PA'I SA LA CHOS SPYOD PA BCU LA ZHUGS PA YIN NO, ,SA DE DASG GIS 'THOB PA JI LTA YIN ZHE NA, SMRAS PA, BYANG CHUB SEMS DPA' GANG GI TSE BYANG CHUB SEMS DPA'I YANG DAG PA NYID KYI SKYON MED PA LA 'JUG CING, BSAM PA RNAM PAR DAG PA YANG 'THOB PA DE'I TSE NA SA THAMS CAD CIG CAR 'THOB PA YIN NO, ,SA DE DAG GI RGYU MTHUN PA GANG YIN ZHE NA, SMRAS PA, THOB PA'I 'OG TU SA THAMS CAD LA MTHU'I LAM SBYOR BA LAS BYUNG BA GANG YIN PA'O, ,SA DE DAG GI YONGS SU 'GRUB PA JI LTA BU YIN ZHE NA, SMRAS PA, BYANG CHUB SEMS DPA' SA DE DAG GANG GI TSE SA RER LA YANG BSKAL BA 'BUM PHRAG DU MA DAG GIS SA DE DAG TU MTHU GANG BRJOD PA'I MTHU DE CI 'DOD PA BZHIN 'THOB PA YIN NO, , SKYON MED PA LA ZHUGS PA LNGA ZHES GANG GSUNGS PA DE LA NYAN THOS KYI SKYON MED PAR ZHUGS PA GANG YIN PA DANG, BYANG CHUB SEMS DPA'I SKYON MED PAR ZHUGS PA GANG YIN PA DE LA, CHOS KYI DBYINGS RTOGS PAR 'DRA NA, DE DAG LA THA DAD DU BYA BA CI YOD PAR BLTA BAR BYA ZHE NA, SMRAS PA, CHOS @101A *, ,KYI DBYINGS KYI MTSAN NYID NI MDOR BSDU NA RNAM PA GNYIS TE, BYE BRAG GI MTSAN NYID DANG, RANG GI MTSAN NYID DO, ,DE LA BYE BRAG GI MTSAN NYID NI, DE LA BYE BRAG GI MTSAN NYID NI, DE LA RTAG PA'I MTSAN NYID DANG, ZHI BA'I MTSAN NYID GANG YIN PA'O, ,DE LA RTAG PA'I MTSAN NYID NI DE LA GZOD MA NAS SKYE BA MED PA'I CHOS NYID DANG, MI ZAD PA'I CHOS NYID GANG YIN PA'O, ,DE LA ZHI BA'I MTSAN NYID NI NYON MONGS PA DANG, SDUG BSNGAL DANG BRAL BA'I CHOS NYID GANG YIN PA'O, ,DE LA RANG GI MTSAN NYID NI RGYU MTSAN DANG, MING DANG, RNAM PAR RTOG PA DANG, DE BZHIN NYID DANG, YANG DAG PA'I SHES PAS BSDUS PA'I CHOS THAMS CAD LA KUN BRTAGS PA'I NGO BO NYID KYIS NGO BO NYID YONGS SU MA GRUB PA CHOS LA BDAG MED PA GANG YIN PA'O, ,DE LA NYAN THOS NI BYE BRAG GI MTSAN NYID KYIS CHOS KYI DBYINGS RTOGS NAS YANG DAG PA NYID KYI SKYON MED PA LA 'JUG PAR BYED KYI, RANG GI MTSAN NYID KYIS NI MA YIN NO, ,DE RTOGS PA'I PHYIR MI 'CHI BA'I 'DU SHES DANG, BDE BA'I 'DU SHES KYIS CHOS KYI DBYINGS LA ZHI BA'I 'DU SHES DANG, 'DU BYED THAMS CAD LA MI MTHUN PA'I 'DU SHES GCIG TU NGES PA 'THOB KYI, RGYU MTSAN LA SOGS PAS BSDUS PA'I CHOS DE DAG GI NGO BO NYID YONGS SU MA GRUB PA, CHOS LA BDAG MED PA GANG YIN PA DE NI YANG DAG PA JI LTA BA BZHIN DU RAB TU MI SHES TE, CHOS KYI DBYINGS LA ZHUGS PA DE NI CHOS KYI DBYINGS KYI BYE BRAG LA DMIGS PA'I YID LA BYED PAS SEMS KYI SPYOD PA MTSAN MA MED PA KHO NA YIN GYI, RANG GI MTSAN NYID LA DMIGS PAS NI MA YIN NO, ,GZHAN LAS CHOS KYI DBYINGS KYI RANG GI MTSAN NYID BSTAN PA THOS NA YANG DE LAS NYAN THOS LA LA BYANG CHUB TU YONGS SU 'GYUR BA GANG YIN PA DE NI TSEGS CHEN POS 'JUG CING, DES SBYOR BAR YANG BYED DO, ,DE LAS ZHI PA'I BGROD PA GCIG PA GANG YIN PA DE NI TSEGS CHEN POS 'JUG CING DES SBYOR BAR NI MI BYED DO, ,BYANG CHUB SEMS DPA' NI MTSAN NYID DE GNYI GAS CHOS KYI DBYINGS RTOGS NAS YANG DAG PA NYID SKYON MED PA LA 'JUG CING SKYON MED PA LA ZHUGS NAS KYANG CHOS KYI DBYINGS KYI RANG GI MTSAN NYID LA DMIGS PA'I YID LA BYED @101B PAS DE LA MANG DU GNAS PA YIN NO, ,DE CI'I PHYIR ZHE NA, 'DI LTAR CHOS KYI DBYINGS KYI BYE BRAG GI MTSAN NYID LA DMIGS PA'I YID LA BYED PA MANG DU BYED NA MYUR DU YONGS SU MYA NGAN LAS 'DA' BAR 'GYUR BA'I PHYIR TE, DE LTA BAS NA DE LA LAN MANG DU GNAS PA NI BLA NA MED PA YANG DAG PAR RDZOGS PA'I BYANG CHUB KYI THABS MA YIN TE, CHOS KYI DBYINGS RTOGS PAR 'DRA YANG DE DAG GI THA DAD DU BYA BA NI DE YIN PAR RIG PAR BYA'O, ,DUS GSUM GYI DKYIL 'KHOR YONGS SU DAG PA ZHES GANG GSUNGS PA DE LA DUS GSUM GYI DKYIL 'KHOR YONGS SU DAG PA GANG ZHE NA, SMRAS PA, KUN BRTAGS PA'I NGO BO NYID KYIS 'DAS PA DANG, MA 'ONGS PA DANG, DA LTAR BYUNG BA'I CHOS RNAMS MTSUNGS SHING MNYAM PAR SHES RAB KYIS YANG DAG PA JI LTA BA BZHIN DU MTHONG BA'I 'DAS PA DANG, MA 'ONGS PA DANG, DA LTAR BYUNG BA'I CHOS RNAMS LA MI LTA BA DANG, MNGON PAR DGA' BA MED PA DANG, LHAG PAR CHAGS PA MED PA GANG YIN PA DE NI DUS GSUM GYI DKYIL 'KHOR YONGS SU DAG PA ZHES BYA'O, ,SANGS RGYAS KYI CHOS MA 'DRES PA BRGYA BZHI BCU ZHES GANG GSUNGS NA, BCOM LDAN 'DAS KYIS MDO SDE LAS SANGS RGYAS KYI CHOS MA 'DRES PA BCO BRGYAD YONGS SU BSTAN PA GANG DAG YIN PA DE DAG GI RNAM PAR GZHAG PA NI JI LTA BU YIN, DU DAG GIS NI BSDUS SHE NA, SMRAS PA, 'DI LTA STE, DGE SLONG DGRA BCOM PA, ZAG PA ZAD PA, GRONG DU BSOD SNYOMS KYI PHYIR RGYU BA NA LAN 'GA' GLANG PO CHE GTUM PO DANG LHAN CIG 'GRO BA DANG, GLANG PO CHE GTUM PO DANG JI LTA BA BZHIN DU RTA RMU RGOD DANG, GNAG RDUNG KUS DANG, KHYI ZA BA DANG LHAN CIG 'GRO BA DANG, TSER THAGS STUG PO'I STENG DU RDZI BA DANG, RKANG PA GNYIS KYIS SPRUL SHIN TU SGRA 'BYIN PA RDZI BA DANG, DE GANG DU BUD MED KYIS MI RIGS PAS SKYED PAS MGRON DU GNYER BA DE LTA BU'I KHYIM DU 'JUG PA DANG, DGON PAR LAM BOR TE LAM NGAN PAR 'GRO BA DANG, CHOM RKUN PA RNAMS DANG, MI RGOD PA RNAMS DANG LHAN CIG 'GRO BA DANG, SENG GE RNAMS DANG, STAG RNAMS DANG, GZIG RNAMS DANG LHAN CIG 'GRO BA DANG, DE LTAR DGRA BCOM PA'I 'KHRUL PA DE LTA BU DANG @102A *, ,MTHUN PA GANG YIN PA DE, DE BZHIN GSHEGS PA LA THAMS CAD KYI THAMS CAD DU MED PA DANG, GZHAN YANG DGRA BCOM PA LAN 'GA' YANG DGON PA NAGS KHROD CHEN POR 'KHYAMS SHING, LAM STOR NAS KHYIM STONG PAR ZHUGS TE DGRA 'BYIN PAR BYED, KU CO 'DON PAR BYED, CA CO CHEN PO 'BYIN PAR BYED PA DANG, BAG CHAGS KYI NYES PA LA BRTEN TE, KUN NAS NYON MONGS PA CAN MA YIN PA'I RTA GAD CHEN POS DGOD CING SO STON PA DANG, PHYAS LONG STON PAR BYED PA DANG, DGRA BCOM PA'I CA CO DE LTA BU DANG MTHUN PA GANG YIN PA DE DE BZHIN GSHEGS PA LA THAMS CAD KYI THAMS CAD DU MED PA DANG, GZHAN YANG DGRA BCOM PA LA LAN 'GA' BRJED NGAS PAS BDAG NYID KYI BYA BA MA YIN PA BYED PA GANG YIN PA DE DE BZHIN GSHEGS PA LA MED PA DANG, GZHAN YANG DGRA BCOM PA GCIG TU PHUNG PO LA MI MTHUN PAR 'DU SHES LA, 'GOG PA MYA NGAN LAS 'DAS PA LA ZHI BAR 'DU SHES PA GANG YIN PA'I PHUNG PO DANG MYA NGAN LAS 'DAS PA LA THA DAD PAR 'DU SHES PA DES, DE BZHIN GSHEGS PA BTANG SNYOMS DAM PA LA ZHUGS PA'I PHYIR MED PA DANG, GZHAN YANG DGRA BCOM PA NI SNYOMS PAR ZHUGS NA MNYAM PAR GZHAG PA YIN LA, LANGS NA MNYAM PAR MA BZHAG PA YIN GYI, DE BZHIN GSHEGS PA LA NI GNAS SKABS THAMS CAD DU SEMS MNYAM PAR MA BZHAG PA MED PA DANG, GZHAN YANG DGRA BCOM PA NI SO SOR MA BRTAGS PAR SEMS CAN GYI DON BYA BA BTANG SNYOMS SU 'JOG GI, DE BZHIN GSHAGS PA LA NI DE LTA BU DANG MTHUN PA'I SO SOR MA BRTAGS PA'I BTANG SNYOMS MED PA DANG, GZHAN YANG DGRA BCOM PA LA NI SHES BYA'I SGRIB PA RNAM PAR SBYANGS BA LAS BRTZAMS NAS, MA THOB PA'I YONGS SU NYAMS PAS 'DUN PA LAS KYANG YONGS SU NYAMS PAR 'GYUR, BRTZON 'GRUS DANG, DRAN PA DANG, TING NGE 'DZIN DANG, SHES RAB DANG, RNAM PAR GROL BA DANG, RNAM PAR GROL BA'I YE SHES DANG MTHONG BA LAS KYANG YONGS SU NYAMS PAR 'GYUR BA YOD KYI, DE BZHIN GSHEGS PA LA NI YONGS SU NYAMS PA RNAM PA BDUN PO DE DAG MED PA DANG, GZHAN YANG DGRA BCOM PA NI LAN 'GA' NI LUS @102B KYI LAS DGE BA LA YANG 'JUG ,LAN 'GA' NI LUNG DU MA BSTAN PA LA YANG 'JUG STE, LUS KYI LAS JI LTA BA DE BZHIN DU, NGAG GI LAS DANG, YID KYI LAS LA YANG DE BZHIN PA YIN GYI, DE BZHIN GSHEGS PA'I PHRIN LAS DE GSUM NI YE SHES SNGON DU 'GRO BA'I PHYIR DANG, YE SHES KYI RJES SU 'BRANG BA'I PHYIR SKU DANG, GSUNG DANG, THUGS KYI PHRIN LAS LUNG DU MA BSTAN PA MED DE, DE LA YE SHES KYIS KUN NAS BSLANG BA NYID YIN PA'I PHYIR YE SHES SNGON DU 'GRO BA YIN NO, ,YE SHES DANG LHAN CIG RGYU BA NYID YIN PA'I PHYIR YE SHES KYI RJES SU 'BRANG BA YIN NO, ,GZHAN YANG DGRA BCOM PAS NI DUS GSUM GYI SHES BYA'I DNGOS PO LA BRTZAL BA TZAM GYIS MI RTOGS PAS, DE'I PHYIR DE'I YE SHES DANG MTHONG BA CHAGS PA MED PA YANG MA YIN LA, THAMS CAD KYANG MI RTOGS PAS DE'I PHYIR DE'I YE SHES DANG MTHONG BA THOGS PA MED PA YANG MA YIN GYI DE BZHIN GSHEGS PAS NI DUS GSUM GYI SHES BYA'I DNGOS PO LA BRTZAL BA TZAM GYIS THAMS CAD RTROGS PAS, DE'I PHYIR DE DSAG NI SANGS RGYAS KYI CHOS MA 'DRSE PA BCO BRGYAD CES BYA'O, DE LA DANG PO BZHIN NI BSNYEL BA MI MNGA' BA'I CHOS NY8D DANG, BAG CHAGS LEGS PAR BCOM PAS BSDUS SO, ,GCIG NI THUGS RJE CHEN POS BSDUS SO, ,LHAG MA RNAMS NI RNAM PA THAMS CAD DANG MCHOG MKHYEN PAS BSDUS PAR RIG PAR BYA'O, ,BCOM LDAN 'DAS KYIS MDO SDE LAS DPE BYAD BZANG PO GANG DAG YONGS SU BSTAN PA DE DAG NI GDUL BYA DANG BA BSKYED PA LAS LTOS TE YONGS SU BSTAN PA YIN GYI, MTSAN NYID RNAM PAR GZHAG PA NI MA YIN NO, ,MTSAN NYID RNAM PAR GZHAG PA NI RAB TU GNAS PA'I LE'UR JI SKAD YONGS SU BSTAN PA YIN TE, DPE BYAD BZANG PO DE DAG LAS DPE BYAD BZANG PO DE DAG PHYUNG BAR RIG PAR BYA'O, ,GZHAN YANG BYANG CHUB SEMS DPA'I LOG PAR SGRUB PA YANG RIG PAR BYA, YANG DAG PA'I SGRUB PA YANG RIG PAR BYA, YANG DAG PA'I BSGRUBS PA'I NGA NA YON YANG RIG PAR BYA, YANG DAG PAR SGRUB PA LA RNAM PAR GNAS PA'I BYANG CHUB SEMS DPA'I CHOS SPYOD PA DANG, SNYOMS PAR SPYOD PA DANG DGE BA SPYOD PA DANG CHOS LA GNAS PA'I RNAM PA YANG RIG @103A *, ,PAR BYA, BYANG CHUB SEMS DPA' LA DAD PA SKYED PA'I DPE DAG KYANG RIG PAR BYA, YANG DAG PA'I SGRUB PA LA RNAM PAR GNAS PA'I BYANG CHUB SEMS DPA'I BSLAB PA YANG RIG PAR BYA, NYAN THOS KYI BSLAB PA DANG, BYANG CHUB SEMS DPA'I BSLAB PA'I KHYAD PAR YANG RIG PAR BYA, BYANG CHUB SEMS DPA'I BSLAB PA LA LEGS PAR BSLAB PA'I BYANG CHUB SEMS DPA'I 'JIG RTEN PA DANG 'JIG RTEN LAS 'DAS PA'I SHES PA DAG GIS GZHAN GYI DON BYA BA YANG RIG PAR BYA, BYANG CHUB SEMS DPA'I GDAMS NGAG 'DI LA NYAN THOS KYI BSLAB PA YANG RIG PAR BYA, LEGS PAR MA BSLABS PA'I DGE SBYONG YANG RIG PAR BYA, LEGS PAR BSLABS PA'I DGE SBYONG YANG RIG PAR BYA, BRDAR BTAGS PA'I SDOM PA LA GNAS PA YANG RIG PAR BYA, DON DAM PA'I SDOM PA LA GNAS PA YANG RIG PAR BYA, DE BZHIN GSHEGS PA'I 'DUL BA YANG RIG PAR BYA, DE BZHIN GSHEGS PA'I 'DUL BA'I THABS KYANG RIG PAR BYA, DGONGS TE GSUNGS PA YANG RIG PAR BYA'O, ,BYANG CHUB SEMS DPA'I SDE SNOD KYI GDAMS NGAG LA MOS PA'I PHAN YON YANG RIG PAR BYA STE, DE NI BYANG CHUB SEMS DPA'I SDE SNOD KYI GDAMS NGAG MDOR BSTAN PA YIN NO, ,DE LA LOG PAR SGRUB PA GANG ZHE NA, DE NI MDOR BSDU NA GONG NAS GONG DU MNGON PAR SGRUB PA LAS RNAM PA BRGYAD DU RIG PAR BYA STE, YE SHES KYI TSOGS YONGS SU NYAMS PAR 'GYUR BA'I LOG PAR SGRUB PA DANG, YE SHES KYI TSOGS YONGS SU NYAMS PA'I DRAN PA BRJED PAR 'GYUR BA'I LOG PAR SGRUB PA DANG, DRAN PA BRJOD PA'I DKAR PO'I CHOS YONGS SU GTUGS PAR 'GYUR BA'I LOG PAR SGRUB PA DANG, DKAR PO'I CHOS YONGS SU GTUGS PA'I BYANG CHUB SEMS DPA'I CHA MA YIN PA MI MTHUN PAR YID KYIS KUN TU SPYOD PAR 'GYUR BA'I LOG PAR SGRUB PA DANG, MI MTHUN PAR YID KYIS KUN TU SPYOD PA'I GDUL DKA' BAR 'GYUR BA'I LOG BAR SGRUB PA DANG, GDUL DKA' BA'I LAM NGAN PAR 'GRO BAR 'GYUR BA'I LOG PAR SGRUB PA DANG, LAM NGAN PAR SONG BA'I NGAM PA MA YIN PA DANG 'GROGS PAR 'GYUR BA'I LOG PAR SGRUB PA DANG, DAM PA MA YIN PA DANG 'GROGS PA'I @103B DON JI LTA BA BZHIN MA YIN PA'I BYANG CHUB SEMS DPA' NYID DU 'GYUR BA'I LOG PAR SGRUB PA STE, BYANG CHUB NI SHES RAB KYI RANG BZHIN YIN LA, SHES RAB KYIS NI DE LAS GZHAN PA'I PHA ROL TU PHYIN PA RNAMS SGRUB STE, DE'I PHYIR BYANG CHUB SEMS DPA' SHES RAB LA LOG PAR SGRUB PAR BYED NA, BYANG CHUB DANG BYANG CHUB 'DREN PAR BYED PA'I CHOS RNAMS LA LOG PAR ZHUGS PA YIN NO, ,BYANG CHUB SEMS DPA'I YE SHES KYI TSOGS YONGS SU NYAMS PAR 'GYUR BA'I CHOS NI BZHI STE, BZHI GANG ZHE NA, MI NYAN PA DANG, NYAN DU MI 'JUG PA DANG, NYAN PA'I SGRIB PA DANG, LOG PAR MNGON PAR ZHEN PA NYAN DU 'JUG PA'O, ,YE SHES KYI TSOGS YONGS SU NYAMS PAR 'GYUR BA'I CHOS BZHI PO DE DAG LA BRTEN NAS, TSE 'DI DANG TSE PHYI MA LA YE SHES DANG, MI MTHUN PA'I CHOS GZHAN BZHI SKYE STE, BZHI GANG ZHE NA, BYE BRAG TU MI RTOG PA DANG, RKYEN MED PA DANG, GTI MUG TU 'GYUR BA'I BSOD NAMS MA YIN PA SKYE BA DANG, PHYIN CI LOG GO, ,DE LA MI NYAN PA LA BRTEN NAS NI TSE 'DI LA BYE GRUB TU MI RTOG PA SKYE'O, ,NYAN DU MI 'JUG PA LA BRTEN NAS NI TSE PHYI MA LA RKYEN MED PA SKYE'O, ,NYAN PA'I SGRIB PA LA BRTEN NAS NI TSE PHYI MA LA GTI MUG TU 'GYUR BA'I BSOD NAMS MA YIN PA SKYE'O, ,LOG PAR MNGON PAR ZHEN PA NYAN DU 'JUG PA LA BRTEN NAS NI TSE PHYI MA LA PHYIN CI LOG SKYE'O, ,DE LA MI NYAN PA NI CHOS LA ZHE 'GRAS PA DANG, GANG ZAG LA ZHE 'GRAS PA DANG, DE GNYI GA LA ZHE 'GRAS PAS KYANG MI NYAN TO, ,NYAN DU MI 'JUG PA NI GZHAN PAS SHES PA HA CANG LHAG PAR RLOM PA DANG, GZHAN GYI BRNYAS KYIS 'JIGS PAS KYANG NYAN DU MI 'JUG GO, ,NYAN PA'I SGRIB PA NI CHOS DANG GANG ZAG LA MI BSNGAGS PA BRJOD PA DANG, 'GYOD PA DANG, RNAM PAR G-YENG BA NYE BAR SGRUB PA DANG, MI SMRA BA DANG, GSOL BA MI 'DEBS PA DANG, SKABS MI 'BYED PA DANG, NYAN PA LA MI BSNGAGS PA BRJOD PA LAS KYANG 'GYUR RO, ,LOG PAR MNGON PAR ZHEN PA NYAN DU MI 'JUG PA NI RANG GIS NYES PAR RTOGS PA DANG, BSGOMS PA DANG, BSHAD PA LA LEGS PAR RTOGS PA DANG, @104A *, ,BSGOMS PA DANG, BSHAD PA DANG MNGON PAR ZHEN PA DANG, GZHAN DAG GIS LEGS PAR RTOGS PA DANG, BSGOMS PA DANG, BSHAD PA LA NYE BAR RTOGS PA DANG, BSGOMS PA DANG, BSHAD PAR MNGON PAR ZHEN PA LAS KYANG 'GYUR RO, ,DE LA MI NYAN PA GANG YIN PA DANG, NYAN DU MI 'JUG PA GANG YIN PA DANG, NYAN PA'I SGRIB PA GANG YIN PA'I CHOS DE GSUM NI SHAS CHER THOS PA LAS BYUNG BA'I YE SHES KYI CHOGS YONGS SU NYAMS PAR 'GYUR BA YIN NO, ,LOG PAR MNGON PAR ZHEN PA NYAN DU 'JUG PA GANG YIN PA'I CHOS DE NI SHAS CHER BSAMS PA LAS BYUNG BA DANG, BSGOMS PA LAS BYUNG BA'I YE SHES KYI TSOGS YONGS SU NYAMS PAR 'GYUR PA YIN NO, ,BYANG CHUB SEMS DPA'I DRAN PA BRJED PAR 'GYUR BA'I CHOS KYANG BZHI STE, BZHI GANG ZHE NA, GANG ZAG BZHI LA GNAS BZHIS RNAM PAR RMONGS PAR BYED PA STE, GLENG BA PO RNAMS DANG, LUNG 'BOGS PA RNAMS DANG, PHAN PAR 'DOD PA RNAMS DANG, YON TAN DANG LDAN PA RNAMS LA BDAG NYID KYI 'GAL BAR RNAM PAR RMONGS PAR BYED PA DANG, TSANGS PA MTSUNGS PAR SPYOD PA BSLAB PA LA LEGS PAR GNAS PA RNAMS LA BSLAB PA LA BZHIS RNAM PAR RMONGS PAR BYED PA DANG, THEG PA CHEN PO LA MOS PAR 'DOD PA DANG, SGRUB PAR 'DOD PA RNAMS LA, MA BRJOD PA DANG, BRJOD PA DANG, RNAM PAR BYANG BA'I SKYON YONGS SU STON PAS DE LA MOS PA DANG, SGRUB PA RNAM PAR RMONGS PAR BYED PA DANG, CHOS SMRA BA'I GANG ZAG RNAMS LA GSANG BA'I GNAS RNAM PAR DBYE BA'I PHYIR RNAM PAR RMONGS PAR BYED PA'O, ,BYANG CHUB SEMS DPA'I DKAR PO'I CHOS YONGS SU GTUGS PAR 'GYUR BA'I CHOS KYANG BZHI STE, GZHAN LA STON PA'I DBANG DU BYAS NAS, DKAR PO'I CHOS RNAMS KYI GNAS MA YIN PA LA SBYOR BA DANG, DKAR PO'I CHOS RNAMS KYI GNAS MA YIN PA LA SBYOR BA LA LOG PAR SGRUB PA'I NYES PA RNAM PA GSUM STE, ZANG ZING GI NYES PA DANG, LTA BA'I NYES PA DANG, STON PA'I NYES PA'O, ,DE LA ZANG ZING GI NYES PA NI RGYU GNYIS KYIS RIG PAR @104B BYA STE, LOG PA'I LONGS SPYOD DANG, 'DU 'DZI MANG BAS SO, ,LTA BA'I NYES BA YANG RGYU GNYIS KYIS RIG PAR BYA STE, DAM PA'I CHOS DANG GANG ZAG SPONG BA DANG, DAM PA MA YIN PA'I CHOS DAM PA'I CHOS SU STON PA LA MNGON PAR ZHEN PAS SO, ,STON PA'I NYES PA YANG RGYU GNYIS KYIS RIG PAR BYA STE, DRANG BA'I DON GYI MDO SDE CHUNG DU 'BA' ZHIG STON PA DANG, NGES PA'I DON GYI MDO SDE RNA LAM DU MA GRAGS SHING MA BZUNG BA RNAMS SPONG BAS SO, ,BYANG CHUB SEMS DPA' BYANG CHUB SEMS DPA'I CHA MA YIN PA MI MTHUN PAR YID KYIS KUN TU SPYOD PA YANG BZHI PO 'DI DAG YIN TE, STON PA LA YID MI CHES PAR GYUR CING, BSLAB PA LA GUS PA DANG MI MTHUN PA DANG, TSANGS PA MTSUNGS PAR SPYOD PA GROGS RNAMS DANG, GLENG BA PO RNAMS DANG, RJES SU STON PA RNAMS LA BDAG NYID JI LTAR GYUR BA BRJOD PA DANG, MI MTHUN PA DANG, SHES PA BSOD NAMS CHEN PO RNAMS LA DGE BA'I BRTZON 'GRUS RTZOM PA DANG MI MTHUN PA DANG ZAB CING RGYA CHE BA LA MOS PA RNAMS DANG, BDAG NYID KYI SGRIB PA RNAM PAR DAG PA DANG MI MTHUN PA'O, ,DE LA STON PA LA YID MI CHES PA NI RNAM PA GSUM GYIS RIG PAR BYA STE, YOD PA NYID DANG, BDAG NYID CHE BA DANG, YE SHES BRNYES PA DAG LA YID MI CHES PA'O, ,BDAG NYID JI LTAR GYUR BA MI BRJOD PA YANG RNAM PA GSUM GYIS RIG PAR BYA STE, BDAG NYID LA CHE BA'I BDAG NYID YOD DO SNYAM DU LOG PAR KHENGS SHING, DES SEMS YONGS SU GTUGS PAS SEMS CAN GROGS PO RNAMS LA DE YONGS SU STON PA DANG, SEMS CAN GLENG BA PO RNAMS LA LTUNG BA 'CHAB PA DANG, SEMS CAN RJES SU STON PA RNAMS LA SMAD PA'I DBANG DU BYAS NAS RNYOG PA CAN GYIS DE LA THO 'TSAMS PAS MNGON PAR 'DU BYED PAS SO, ,DGE BA LA BRTZON 'GRUS MI RTZOM PA NI RNAM PA GNYIS KYIS RIG PAR BYA STE, SEMS CAN SHES PA BSOD NAMS CHEN PO RNAMS KYI RNYED PA DANG, BKUR STI LA DGA' BAR MI BYED PA DANG DE LA MNGON PAR DGA' BAS SO, ,BYANG CHUB SEMS DPA'I GDUL DKA' BAR 'GYUR BA'I CHOS KYANG BZHI STE, 'DI LTA @105A *, ,STI BSGOM PA'I SGRIB PA BZHI PO DAG STE, THOS PA LHUR LEN PA DANG, GDAMS NGAG LA LOG PAR 'DZIN PA DANG, TSUL KHRIMS DAG LA GNAS PAR MI BYED PAS 'GYOD PA DANG, RANG GI LTA BA MCHOG TU 'DZIN CING GNAS PA'O, ,DE LA THOS PA LA SEMS NYE BAR MA ZHI BAS THOS PA LHUR LEN PA YIN NO, ,RJES SU BSTAN PA LA LOG PAR RNAM PAR RTOG PAS GDAMS NGAG LA LOG PAR 'DZIN PA YIN NO, ,TSUL KHRIMS DAG LA SKYON YOD LA DAD PAS BYIN PA YONGS SU LONGS SPYOD PAS 'GYOD PA YIN NO, ,SEMS CAN DBANG PO DUL BAS KHYAD PAR DU 'PHAGS PA RNAMS DANG, SPONG BAS KHYAD PAR DU 'PHAGS PA KHYAD PAR CAN RNAMS LA 'GREN PAR BYED PAS RANG GI LTA BA MCHOG TU 'DZIN CING GNAS PA YIN NO, ,BYANG CHUB SEMS DPA'I SEMS CAN RNAMS LA LAM NGAN PAR 'GRO BA YANG BZHI PO 'DI DAG YIN TE, SEMS CAN DAD PAS ZHUGS PA MA YIN PA RNAMS LA STON PA DANG, SEMS CAN THEG PA DMAN PA THEG PA CHEN PO 'DOD PA RNAMS LA MI 'TSAM PA STON PA DANG, SEMS CAN THEG PA CHEN PO THEG PA DMAN PA 'DOD PA RNAMS LA MI MTHUN PA STON PA DANG, SEMS CAN TSUL KHRIMS LA GNAS PA DANG TSUL KHRIMS LA MI GNAS PA RNAMS LA PHYOGS KYI 'DOD CHAGS KYIS MI 'DRA BAR STON PA'O, ,DE LA TSUL KHRIMS LA GNAS PA NI RNAM PA GSUM GYIS RIG PAR BYA STE, LAM GYI MTHA' LA NYES PA MED PA DANG, TSUL KHRIMS LA SKYON MED PA DANG, BSLAB PA LA GUS PAS LA MI MTHUN PA STON PA DANG, SEMS CAN TSUL KHRIMS LA GNAS PA BYA STE, TSUL KHRIMS LA SKYON BYUNG BA DANG, BSLAB PA LA MI GUS PAS SO, ,BYANG CHUB SEMS DPA' DAM PA MA YIN PA DANG 'GROGS PA LA BRTEN NA RNAM PA BZHI YONGS SU NYAMS PAR 'GYUR TE, THEG PA YONGS SU NYAMS PA DANG, SEMS CAN GYI DON GYI SBYOR BA YONGS SU NYAMS PA DANG, BSTAN PA YONGS SU NYAMS PA DANG, DGE BA'I CHOS RNAMS LA RTAG TU SGOM PA YONGS SU NYAMS PA'O, ,BYANG CHUB SEMS DPA' BZHI PO CHOS 'DZIN PA DANG, DGON PA DANG, BSOD NAMS BYA BA LA BRTZON @105B PA DANG, 'KHOR DANG SPYOD PA DE DAG LA BYANG CHUB SEMS DPA' DANG BA'I BYA BA 'DOD PA NI CHOS 'DZIN PA YIN YANG DON JI LTA BA BZHIN MA YIN PA YIN GYI, DON JI LTA BA BZHIN MA YIN NO, ,BYANG CHUB SEMS DPA' SGRA 'DOD PA NI DGON PA PA YIN YANG DON JI LTA BA BZHIN MA YIN PA YIN GYI, DON JI LTA BA BZHIN MA YIN NO, ,BYANG CHUB SEMS DPA' ZANG ZING GI 'BRAS BU DANG 'BREL PA'I SEMS DANG LDAN PA NI BSOD NAMS BYA BA LA BRTZON PA DE YIN YANG DON JI LTA BA BZHIN MA YIN PA YIN GYI, DON JI LTA BA BZHIN MA YIN NO, ,BYANG CHUB SEMS DPA' BSNYEN BKUR DANG YONGS SU SPYAD PA DANG, GRAGS PA DANG 'BREL PA'I SEMS DANG LDAN PA NI 'KHOR DANG LONGS SPYOD KYANG JI LTA BA BZHIN MA YIN PA YIN GYI DON JI LTA BA BZHIN MA YIN NO, ,YANG DAG PA'I SGRUB PA GANG ZHE NA, YANG DAG PA'I SGRUB PA NI DE LAS BZLOG PA STE, SKYON KHYAD PAR CAN YONGS SU SPANGS PA DANG, GNYEN PO BSTAN PAS GONG NAS GONG DU BSGRUBS PAS RNAM PA BRGYAD KYIS RIG PAR BYA'O, ,GANG GI PHYIR MI NYAN PA YE SHES YONGS SU NYAMS PAR 'GYUR BA YIN PAR SMRAS NA, CI'I PHYIR CHOS DANG GANG ZAG LA MI GUS PA YANG YONGS SU BSTAN CE NA, DES KYANG DE BYED LA MI BYED NA YANG MA MOS PAS YONGS SU NYAMS PAR 'GYUR BA'I PHYIR RO, ,GANG GI PHYIR NYAN DU MI 'JUG PA YE SHES YONGS SU NYAMS PAR 'GYUR BA YIN PAR SMRAS NA CI'I PHYIR DANG BA'I BYA BA 'DOD PA NYID KYANG YONGS SU BSTAN CE NA, DES KYANG DE BYED LA MI BYED NA YANG LOG PA'I CHOS YONGS SU BSNGO BAS YONGS SU NYAMS PAR 'GYUR BA'I PHYIR RO, ,GANG GI PHYIR NYAN PA'I SGRIB PA YE SHES YONGS SU NYAMS PAR 'GYUR PA YIN PAR SMRAS NA, CI'I PHYIR 'DUN PA MED PA'I MI NYAN PA DANG, MI 'DZIN PA YANG YONGS SU BSTAN CE NA, DES KYANG DE BYED LA, MI BYED NA YANG LE LOS YONGS SU NYAMS PAR 'GYUR BA'I PHYIR RO, ,GANG GI PHYIR LOG PAR MNGON PAR ZHEN PA NYAN DU 'JUG PA YE SHES YONGS SU NYAMS PAR 'GYUR BA YIN PAR SMRAS NA, CI'I PHYIR SGOM PA LA YON TAN DU MI LTA BA DANG, THOS PA DANG, SMRA BA LHUR @106A *, ,LEN PA NYID KYANG YONGS SU BSTAN CE NA, DES KYANG DE BYED LA, MI BYED NA YANG YE SHES YONGS SU MI 'GRUB PAS YONGS SU NYAMS PAR 'GYUR BA'I PHYIR RO, ,GANG GI PHYIR GLENG BA PO RNAMS LA BDAG NYID KYI 'GAL BAS RNAM PAR RMONGS PAR BYED PA DRAN PA BRJED PAR 'GYUR PA YIN PAR SMRAS NA, CI'I PHYIR DNGOS PO LCI BA'I LTUNG BAS 'JIGS PA DANG, DNGOS PO YANG BA KHYAD DU GSAD PA'I PHYIR BRDZUN SMRA BA YANG YONGS SU BSTAN CE NA, DES KYANG DE BYED LA, DES LAS KYI SGRIB PAS RAB TU BRJED PAR 'GYUR BA DANG, MI BYED NA YANG LTUNG BA'I SGRIB PAS RAB TU BRJED PAR 'GYUR BA'I PHYIR RO, ,GANG GI PHYIR BSLAB PA'I GZHIS RNAM PAR RMONGS PAR BYED PA, DRAN PA BRJED PAR 'GYUR BA YIN PAR SMRAS NA, CI'I PHYIR NGO BO NYID KYI RJES SU MI 'JUG PA DANG LOG PAR LTA BA DANG, GYA GYU NYID KYANG YONGS SU BSTAN CE NA, DES KYANG DE BYED LA DES LAS KYI SGRIB PAS RAB TU BRJED PAR 'GYUR BA DANG, MI BYED NA YANG LTUNG BA'I SGRIB PAS RAB TU BRJED PAR 'GYUR BA'I PHYIR RO, ,GANG GI PHYIR THEG PA CHEN PO LA MOS PA DANG, SGRUB PAS RNAM PAR RMONGS PAR BYED PA DRAN PA BRJED PAR 'GYUR BA YIN PAR SMRAS NA, CI'I PHYIR BYANG CHUB SEMS DPA' RNAMS LA GUS PA MI SKYED PA DANG, YANG DAG PA'I YON TAN 'CHAB PA YANG YONGS SU BSTAN CE NA, DES KYANG DE BYED LA, DES LAS KYI SGRIB PAS RAB TU BRJED PAR 'GYUR BA DANG, MI BYED NA YANG LTUNG BA'I SGRIB PAS RAB TU BRJED PAR 'GYUR BA'I PHYIR RO, , GANG GI PHYIR GSANG BA'I GNAS RNAM PAR DBYE BA'I PHYIR RMONGS PAR BYED PA, DRAN PA BRJED PAR 'GYUR BA YIN PAR SMRAS NA, CI'I PHYIR THEG PA CHEN PO LAS 'DUN PA BZLOG PAR 'DOD PA NYID KYANG YONGS SU BSTAN CE NA, DES KYANG DE BYED LA, DES LAS KYI SGRIB PAS RAB TU BRJED PAR 'GYUR BA DANG, MI BYED NA YANG LTUNG BA'I SGRIB PAS RAB TU BRJED PAR 'GYUR BA'I PHYIR RO, ,GANG GI PHYIR GNAS MA YIN PA LA SBYOR BA DKAR PO'I CHOS YONGS SU GTUGS PAR 'GYUR BA YIN PAR SMRAS NA, CI'I PHYIR BDAG LA PHAN PAR 'DOD PA NYUNG BA DANG, MA ZHUGS PA DANG, THEG @106B PA DMAN PA NYAN PA DANG, SEMS CAN DMAN PA NYID KYANG YONGS SU BSTAN CE NA, DES KYANG DE BYED LA, DES DKAR PO'I CHOS MA THOB PA RNAMS NI MI 'THOB LA, BZUNG BA DANG NYAN PA LHOD PAS THOB PA RNAMS LAS KYANG YONGS SU NYAMS PAR 'GYUR PA'I PHYIR RO, ,GANG GI PHYIR ZANG ZING GI NYES PA DKAR PO'I CHOS YONGS SU GTUGS PAR 'GYUR BA YIN PAR SMRAS NA, CI'I PHYIR LEGS PAR THOB PA'I RNYED PAS CHOG MI SHES PA DANG, TSUL 'CHOS PA LA SOGS PA'I CHOS RNAMS DANG, YONGS SU GDUNG BA YANG YONGS SU BSTAN CE NA, DES KYANG DE BYED LA, DES MA THOS PA MI NYAN PA DANG, DON DANG BYA BA LA 'PHYAR G-YENG MANG BAS TING NGE 'DZIN MI RTOGS PA'I PHYIR RO, ,GANG GI PHYIR LTA BA'I NYES PA DKAR PO'I CHOS YONGS SU GTUGS PAR 'GYUR BA YIN PAR SMRAS NA, CI'I PHYIR GZHAN GYI SKYON LA LTA BA DANG, NYAN THOS DANG THEG PA CHEN PO'I BSLAB PA LA PHYIN CI LOG PA YANG YONGS SU BSTAN CE NA, DES KYANG DE BYED LA, DES YANG DAG PA'I SGRUB PA LAS NYAMS PAR 'GYUR BA DANG, GZHAN LA SLU BAS NYAMS PAR YANG 'GYUR PA'I PHYIR RO, ,GANG GI PHYIR STON PA'I NYES PA DKAR PO'I CHOS YONGS SU GTUGS PAR 'GYUR BA LEN PAR SMRAS NA, CI'I PHYIR DE BZHIN GSHEGS PA'I YE SHES KYI DGONGS PA SHES SO ZHES KHYAD DU GSOD PAR BYED PA NYID KYANG YONGS SU BSTAN CE NA, DES KYANG DE BYED LA, DES DAM PA'I CHOS LA SKUR BA 'DEBS PAS NYAMS PAR 'GYUR BA DANG, DE BZHIN GSHEGS PA'I YE SHES KYI DGONGS PA LA LOG PAR YONGS SU 'DZIN PAS NYAMS PAR 'GYUR BA'I PHYIR RO, ,GANG GI PHYIR BSLAB PA LA SHAS CHER MI GUS PA MI MTHUN PAR YID KYIS KUN TU SPYOD PAR 'GYUR BA YIN PAR SMRAS NA, CI'I PHYIR LTUNG BA RNAM PAR MI 'BYED PA DANG, MI 'CHAGS PA DANG, 'GYOD PA MI SEL BA NYID KYANG YONGS SU BSTAN CE NA, DES KYANG DE KUN TU SPYOD LA, DMIGS PA LA RNAM PAR G-YENG BAS KYANG GYA GYU LA ZHUGS PAR 'GYUR BA'I PHYIR RO, ,GANG GI PHYIR BDAG NYID JI LTAR GYUR PA BZHIN MI BRJOD PA MI MTHUN PAR YID KYIS KUN TU SPYOD PAR 'GYUR BA YIN PAR @107A *, ,SMRAS NA, CI'I PHYIR BDAG NYID DANG LONGS SPYOD LA LTA BA DANG, BDEN PA'I TSIG SBED PA NYID KYANG YONGS SU BSTAN CE NA, DES KYANG DE KUN TU SPYOD LA, BSTAN PA LAS RNAM PAR G-YENG BAS KYANG GYA GYU LA ZHUGS PAR 'GYUR PA'I PHYIR RO, ,GANG GI PHYIR BRTZON 'GRUS 'DOR BAR BYED PA MI MTHUN PAR YID KYIS KUN TU SPYOD PAR 'GYUR BA YIN PAR KUN TU SMRAS NA, CI'I PHYIR MI BZOD PA YANG YONGS SU BSTAN CE NA, DES KYANG DE KUN TU SPYOD LA, SDUG BSNGAL MI BZOD PA DANG, DGE BA LAS RNAM PAR G-YENG BAS KYANG GYA GYU LA ZHUGS PAR 'GYUR PA'I PHYIR RO; ,GANG GI PHYIR SGRIB PA RNAM PAR MA DAG PA'I RGYUS MI MTHUN PAR YID KYIS KUN TU SPYOD PAR 'GYUR BA YIN PAR SMRAS NA, CI'I PHYIR THEG PA CHEN PO LA LHAG PA'I BSAM PAS MOS PA MED PA YANG YONGS SU BSTAN CE NA, DES KYANG DE KUN TU SPYOD LA, THEG PA CHEN PO LA RNAM PAR G-YENG BAS KYANG GYA GYU LA ZHUGS PAR 'GYUR BA'I PHYIR RO, ,GANG GI PHYIR BSGOM PA'I SGRIB PA THOS PA LHUR LEN PA GDUL DKA' BAR 'GYUR BA YIN PAR SMRAS NA, CI'I PHYIR KLAN KA DANG, DE SKAD RGOL BA LAS THAR PA'I PHAN YON DU LTA BAS NYAN PA YANG YONGS SU BSTAN CE NA, DES KYANG DE BYED LA DGE BA'I BSHES GNYIN CHOS 'DZIN PA LA YANG SLU BAR BYED PA'I PHYIR RO, ,GANG GI PHYIR BSGOM PA'I SGRIB PA GDAMS NGAG LA LOG PAR 'DZIN PA GDUL DKA' BAR 'GYUR BA YIN PAR SMRAS NA, CI'I PHYIR TSIG MI BZOD PA NYID DANG, LTUNG BA 'DZIN PA NYID DANG, GDAMS NGAG LA MI GUS PA NYID KYANG YONGS SU BSTAN CE NA, DES KYANG DE BYED LA, DGE BA'I BSHES GNYEN DGON PA PA LA YANG SLU BAR BYED PA'I PHYIR RO, ,GANG GI PHYIR BSGOM PA'I SGRIB PA TSUL KHRIMS DAG LA GNAS PAR MI BYED PA 'GYOD PA GDUL DKA' BAR 'GYUR BA YIN PAR SMRAS NA, CI'I PHYIR BSLAB PA DAG LA SHAS CHER MI GUS LA, DAD PAS BYIN PA YONGS SU LONGS SPYOD PA YANG YONGS SU BSTAN CE NA, DES KYANG DE BYED LA, DGE BA'I BSHES GNYEN BSOD NAMS BYA BA LA BRTZON PA LA YANG SLU BAR BYED PA'I PHYIR RO, ,GANG GI PHYIR BSGOM PA'I SGRIB PA RANG GI LTA BA MCHOG TU 'DZIN CING @107B GNAS PA, GDUL DKA' BAR 'GYUR BA YIN PAR SMRAS NA, CI'I PHYIR BYANG CHUB SEMS DPA' PHA ROL TU PHYIN PA RNAM PAR DAG PA RNAMS LA MI GUS PA DANG, MI LTA BA DANG, BSNYEN BKUR MI BYED PA DANG, MI NYAN PA DANG, RJES SU MI MTHUN PA'I CHOS BSGRUB PAR 'DOD PA NYID KYANG YONGS SU BSTAN CE NA, DES KYANG DE BYED LA, DGE BA'I BSHES GNYEN 'KHOR DANG SPYOD PA LA YANG SLU BAR BYED PA'I PHYIR RO, ,GANG GI PHYIR MI STON PA DANG, MI 'TSAL BA STON PA DANG, MI MTHUN PA STON PA DANG, MI 'DRA BAR STON PA LA MA LOG PAR 'GRO BAR 'GYUR BA YIN PAR SMRAS NA, CI'I PHYIR YANG DANG YANG DU STON PAS YONGS SU SKYO ZHING, SEMS MI MNYAM PA NYID DANG, STON PA'I THABS MI SHES PA NYID DANG, THEG PA DMAN PA LA MOS PA NYID DANG, ZANG ZING DANG BCAS PA'I SEMS KYIS 'KHOR LA RJES SU STON PAR SBYOR BA NYID KYANG YONGS SU BSTAN CE NA, DE DAG GIS KYANG DE DAG BYED LA, DGE BA'I RTZA BA YONGS SU MA RDZOGS PA DANG, DGE BA'I RTZA BA RGYA CHEN PO YONGS SU MI 'DZIN PA DANG, DGE BA'I RTZA BA RGYA CHEN PO YONGS SU GTONG BA DANG, BSOD NAMS MA YIN PA SKYE BAS KYANG GDUL BA LA SLU BAR BYED PA'I PHYIR RO, ,GANG GI PHYIR DAM PA MA YIN PA DANG, 'GROGS PA RNAM PA BZHI SPONG, DNGOS PO RNAM PA BZHI YONGS SU NYAMS PAR 'GYUR BA YIN PAR SMRAS NA, CI'I PHYIR SER SNA DANG, THOS PA NYUNG BA DANG, BSTAN PA LA LEGS PAR MA ZHUGS PA DANG, SANGS RGYAS KYI BKA' MI NYAN PA YANG YONGS SU BSTAN CE NA, DE DAG GIS KYANG DE DAG BYED LA, DGE BA'I RTZA BA MA BYAS PA'I PHYIR 'KHOR BA'I SDUG BSNGAL GYIS 'JIGS PA DANG, GZHAN GYI DON BYED MI NUS PA DANG, DGE BA'I RTZA BA CHUNG BA DANG, CHOS RNAMS LA YID GNYIS DANG, THE TSOM ZA BAS KYANG YONGS SU NYAMS PAR 'GYUR BA'I PHYIR RO, ,GANG GI PHYIR BYANG CHUB SEMS DPA' BZHI LA DANG BA'I BYA BA 'DOD PA DANG, SGRA 'DOD PA DANG, ZANG ZING GI 'BRAS BU 'DOD PA DANG, BSNYEN BKUR DANG YONGS SU SPYAD PA DANG GRAGS PA 'DOD PA DON JI LTA BA BZHIN MA YIN PA'I BYANG CHUB SEMS DPAR 'GYUR BA YIN PAR SMRAS NA, CI'I PHYIR BDAG LA CHAGS PA DANG @108A *, ,BCAS PA LA KHA NA MA THO BA PHRA RAB TZAM DAG LA 'JIGS PAR MI LTA BA DANG, BDAG MED PA LA MOS PA MED PA DANG BCAS PA LA GZHAN GYI DON LA MI LTA BA DANG, 'KHOR BA DANG MYA NGAN LAS 'DAS PA DAG LAG GCIG TU YON TAN DU LTA BA DANG, TSE 'DI LA 'DU 'DZI 'DOD PA DANG, PHYI MA LA DBANG PHYUG 'DOD PA CHOS DANG ZANG ZING 'DOD PA YANG YONGS SU BSTAN CE NA, DE DAG GIS KYANG DE DAG BYED LA, CHOS 'DZIN PA NYID NAS 'KHOR DANG SPYOD PA'I BAR GYIS KYANG BDAG NYID LA SLU BAR BYED PA'I PHYIR RO,, ,,BAM PO BZHI BCU GNYIS PA, YANG DAG PA'I SGRUB PA'I PHAN YON GANG ZHE NA, DE YANG GONG NAS GONG DU RNAM PA BZHIR RIG PAR BYA STE, BYANG CHUB SEMS DPA' DE LTAR YANG DAG PAR ZHUGS PA LA BSOD NAMS DANG, YE SHES KYI TSOGS BSAGS PA DANG, DE LA BRTEN NAS SGRIB PA RNAM PAR DAG PA DANG, DE LA BRTEN NAS SGO THAMS CAD NAS DKAR PO'I CHOS YANG DAG PAR 'GRUB PA DANG, DE LA BRTEN NAS SEMS CAN THAMS CAD KYI DON RNAM PA THAMS CAD LA SBYOR BA DANG, BSOD NAMS DPAG TU MED PA SKYE BA'O, ,BSOD NAMS DANG YE SHES KYI TSOGS SOGS PAR 'GYUR BA'I CHOS NI BZHI STE, YANG DAG PA'I BSGRUB PA NYID DU DE BZHIN GSHEGS PA LA MCHOD PA DANG RIM GRO BYED PA DANG, THOS PA RNAM PAR DAG PA DANG, BSAM PA RNAM PAR DAG PA DANG, BSGOM PA RNAM PAR DAG PA'O, ,SGRIB PA RNAM PAR DAG PAR 'GYUR BA'I CHOS NI BZHI STE, THEG PA LAS RNAM PAR MI G-YO BA DANG, RANG GIS GZHAN DAG LA MI SGRUB PA'I RGYU YONGS SU SPONG BA NYID DANG, LOG PAR SGRUB PA'I RGYU YONGS SU SPONG BA NYID DANG, YANG DAG PA'I SGRUB PA YONGS SU MI RDZOGS PA'I RGYU YONGS SU SPONG BA NYID DO, ,SGO THAMS CAD NAS DKAR PO'I CHOS YANG DAG PAR 'GRUB PAR 'GYUR BA'I CHOS BZHI STE, BSGOM PA NI BSGOM PA'I RGYU LAS BYUNG BA'I DANG SEMS CAN YONGS SU SMIN PAR BYED PA NI DE'I RGYU LAS BYUNG BA'I DANG, SDUG BSNGAL BZOD PA NYID NI DE'I RGYU LAS BYUNG BA'I DANG, NYAN PA DANG, SEMS PAS MI NGOMS PA NYID NI DE'I RGYU LAS BYUNG BA'I'O, ,SEMS CAN GYI DON GYI RNAM PA THAMS CAD BYED PAR @108B 'GYUR BA'I CHOS BZHI STE SEMS CAN RNAMS GNAS BZHI LAS RNAM PAR SLONG BAR BYED PA STE, SOM NYI DANG YID GNYIS DANG, THE TSOM LAS RNAM PAR SLONG BAR BYED PA DANG, NGAN SONG NGAN 'GRO LOG PAR LTUNG BA LAS RNAM PAR SLONG BAR BYED PA DANG, THEG PA DMAN PA LA MOS PA LAS RNAM PAR SLONG BAR BYED PA DANG, BSTAN PA LA KUN NAS MNAR SEMS DANG, KHONG KHRO BA'I SEMS LAS RNAM PAR SLONG BAR BYED PA PA'O, ,BYANG CHUB SEMS DPA' YANG DAG PA'I SGRUB PA LA ZHUGS PA JI LTAR GYUR NA, PHAN YON DE DAG THOB CE NA, CHOS SPYOD PA DANG, SNYOMS PAR SPYOD PA DANG, DGE BA SPYOD PA DANG, CHOS LA GNAS PAR GYUR NA'O, ,JI LTAR NA CHOS SPYOD PA YIN, DE LA RNAM PA NI DU YOD CE NA, BYANG CHUB SEMS DPA'I CHOS LAS MA 'DAS PAR SPYOD DE, DE'I PHYIR CHOS SPYOD PA YIN NO, ,DE YANG RNAM PA LNGAR RIG PAR BYA STE, SEMS CAN GNOD PA BYED PA DANG, SDIG PA BYED PA RNAMS LA DGE BA LA GZHUG PA DANG PHAN GDAGS PAR 'DOD PA NYID KYI PHYIR SNYING BRTZE BA NYID DANG, RIGS LA GNAS PA RKYEN MED PA RNAMS LA BYANG CHUB KYI SEMS STON PA NYID DANG, PHA ROL TU PHYIN PA KHYAD PAR DU 'PHAGS PA RNAMS LA BDAG NYID SHES PA NYID DANG, BLA MA LTA BU RNAMS LA GUS PA DANG RAB TU 'DUD PAS SBYOR BAR BYED PA NYID DANG, MI MTHUN PAR GYUR PA MU STEGS CAN RNAMS LA BSTAN PA LAS RNAM PAR MI G-YO BA NYID DO, ,JI LTAR NA SNYOMS PAR SPYOD PA YIN, DE LA RNAM PA NI DU YOD CE NA, SEMS CAN THAMS CAD KYI DON LA SNYOMS PAR KUN TU SPYOD DE DE'I PHYIR SNYOMS PAR SPYOD PA YIN NO, ,DE NI RNAM PA BRGYAD DU RIG PAR BYA STE, SEMS CAN THAMS CAD LA MNYAM PAR BYAMS PAR BYED PA NYID DANG, SEMS CAN THAMS CAD LA NYON MONGS PA CAN MA YIN PA NYID DANG, DUS THA DAD PA MED PA NYID DANG, SEMS KYI RGYUD THA DAD PA MED PA'I BYAMS PAS MNYAM PAR SO SOR KUN DGA' BAR BYED PA NYID DANG, 'DU 'DZI'I GTAM SPANGS TE DGA' BA'I BZHIN DU BYAS NAS KHUR BLANGS PA NYAMS SU LON PAR BYED PA NYID DANG, MNYAM PAR KHUR MA BLANGS PA LEN PAR BYED PA NYID DANG, MNYAM PAR SDUG BSNGAL THAMS CAD BZOD PAR BYED PA NYID @109A *, ,DANG; MNYAM PAR GDUL BA DPAG TU MED PA'I THABS YONGS SU TSOL BA NYID DANG, MNYAM PAR PHAN TSUN TSIG YANG DAG PAR BZOD PA'I TSIG DANG LDAN PA NYID DANG, MNYAM PAR DGE BA'I RTZA BA THAMS CAD BYANG CHUB TU YONGS SU BSNGO BA NYID DO, ,JI LTAR NA BYANG CHUB SEMS DPA' DGE BA SPYOD PA YIN, DE LA RNAM PA NI DU YOD CE NA, NANG GI SANGS RGYAS KYI CHOS YONGS SU SMIN PA DANG, PHYI ROL GYI SEMS CAN YONGS SU SMIN PAR BYA BA LA BRTEN NAS, DGE BA KUN TU SPYOD PAR BYED DE, DE'I PHYIR DGE BA SPYOD PA YIN NO, ,DE NI RNAM PA BDUN DU RIG PAR BYA STE, MI GNAS PA'I SBYIN PA NYID DANG, MI GNAS PA'I TSUL KHRIMS NYID DANG, SNYING BRTZE BA'I BZOD PA NYID DANG, NYI TSE BA MA YIN PA'I BRTZON 'GRUS NYID DANG, SEMS CAN GYI DON BYA BA'I GNAS KYI BSAM GTAN NYID DANG, LTA BA DANG BRAL BA'I SHES RAB NYID DANG, YONGS SU SMIN PAR BYA BA'I THABS LA MKHAS PA NYID DO, ,JI LTAR NA BYANG CHUB SEMS DPA' CHOS LA GNAS PA YIN, DE LA RNAM PA NI DU YOD CE NA, KUN CHUB PA LHUR MI LEN PA DANG, KHA TON LHUR MI LEN PA DANG, 'CHAD PA LHUR MI LEN PA DANG, RNAM PAR RTOG PA LHUR MI LEN PAR NANG GI SEMS KYI ZHI GNAS SGOM PA LA SBYOR BA RTZOM ZHING, YANG DAG PAR SGRUB PAR BYED DO, ,DE'I PHYIR CHOS LA GNAS PA YIN NO, ,DE NI RNAM PA BCU GNYIS SU RIG PAR BYA STE, GDAMS NGAG STON PA LA TSUL KHRIMS LA GNAS PA NGANG TSUL KHRIMS LA GNAS PA MA YIN PAR RNAM PAR MI RTOG PA NYID DANG, DE LA BRTEN NAS GUS PAR BYAS TE GDAMS NGAG LEN PAR BYED PA NYID DANG, DE LA BRTEN NAS LUS DBEN PA NYID DANG, DE LA BRTEN NAS SEMS DBEN PA NYID DANG, DE LA BRTEN NAS NYAN THOS KYI THEG PA DANG LDAN PA'I YID LA BYED PA LAS YANG DAG PAR 'DAS TE, THEG PA CHEN PO DANG LDAN PA'I YID LA BYED PA YID LA BYED PA NYID DANG, DE LA BRTEN NAS RAB TU DBEN PA NA SEMS CAN BRTZON PA BTANG BA RNAMS DANG, MI 'GROGS PAR DE LAS GZHAN PA RNAMS DANG 'GROGS PA NYID DANG, DE LA BRTEN NAS RNAM PAR DAG PA 'JIG RTEN PA'I SHES PA BSOD NAMS KYI CHOGS CHEN PO DANG @109B MTHU BSGOM PA'I 'BRAS BU SO SOR MYONG BA NYID DANG, 'JIG RTEN PA'I SHES PAS CHOG PAR MI 'DZIN PAR 'JIG RTEN LAS 'DAS PA'I SHES PA YONGS SU TSOL ZHING RNAM PAR SBYOR BA NYID DANG, SHES PA RNAM PAR DAG PA'I NYES PA BZHI SPANGS TE TSOGS YONGS SU SDUD PA NYID DE, GNOD PA MI BZOD PA'I NYES PA DANG, MA NGES PAR STON CING 'DOMS PA NYES PA DANG, JI SKAD SMRAS PA DE BZHIN MI BYED PA'I NYES PA DANG, ZANG ZING DANG BCAS PA'I SEMS KYI NYES PAS TE, RNAM PA BZHI PO DE DAG DANG, SNGA MA RNAM PA BRGYAD PO DAG NI RNAM PA BCU GNYIS YIN NO, ,BYANG CHUB SEMS DPA' LA DAD PA SKYED PA'I DPE DAG GANG ZHE NA, BYANG CHUB SEMS DPA' SEMS DANG PO BSKYED PA NAS BZUNG STE, THOG MA DANG, BAR DANG, THA MA DAG TU SEMS CAN THAMS CAD KYI DGE BA'I RTZA BA MNGON PAR BSGRUB PA'I GNAS SU GYUR PA NYID YIN PAS GNOD PA BYED PA DANG, LAN BYED PA THAMS CAD KYI SEMS YONGS SU MA GTUGS PA'I PHYIR SA LTA BU YIN NO, ,DE LTA MOD KYI JI LTAR THA MAL PAR GNAS PA'I SA LA BRTEN NAS SEMS CAN RNAMS RANG GI SKYES BU'I BYED PAS DE LA NYE BAR 'TSE BAR BYED PA LTAR BYANG CHUB SEMS DPA' NI DE LTA MA YIN TE, DGE BA'I RTZA BA BSKYED PA'I PHYIR RAB TU DANG BA DANG, MCHOG TU DGA' BAS MNGON PAR RLAN PAR BYED PAS CHU LTA BU YANG YIN NO, ,DE LTA MOD KYI JI LTAR CHU'I LO TOG YONGS SU SMYIN PAR BYED PA ANG MI MTHUN PA LTAR DE NI DE LTA MA YIN TE, DGE BA'I RTZA BA YONGS SU SMIN PAR BYA BA'I PHYIR KUN TU SKYO BAR 'GYUR BA'I CHOS RNAMS LA, KUN TU SKYO ZHING KUN TU GDUNG BAR BYED PA'I PHYIR MI LTA BU YANG YIN NO, ,DE LTA MOD KYI JI LTAR ME SANGS RGYAS KYI ZHING RNAM PAR BSGRUBS PA DANG MI MTHUN PA LTAR DE NI DE LTA MA YIN TE, DGE BA'I RTZA BA YONGS SU SMIN PA RNAMS KYI RNAM PAR GROL BA LA REG PAR BYA BA NYID MNGON PAR SGRUB PA RNAM PAR SGRUB PA'I PHYIR YANG DAG PA'I GDAMS NGAG NYE BAR SGRUB PAS RLUNG LTA BU YANG YIN NO, ,DE LTA MOD KYI JI LTAR RLUNG MNGON PAR BSGRUBS NAS NYE BAR SBYOR BAR 'GYUR BA LTAR DE NI DE LTA MA YIN TE, RANG GI DKAR PO'I CHOS MNGON PAR 'PHEL BA'I PHYIR ZLA BA LTA BU @110A *, ,YANG YIN NO, ,DE LTA MOD KYI JI LTAR ZLA BA YAR GYI NGO KHO NA LA SNANG BAR BYED KYI, MAR GYI NGO LA MA YIN PA LTAR DE NI DE LTA MA YIN TE, BYANG CHUB SEMS DPA' NI SPYI'I MTSAN NYID KYIS NAG PO DANG DKAR PO'I PHYOGS KYI CHOS THAMS CAD LA SHES PA SNANG BA'I PHYIR NYI MA LTA BU YANG YIN NO, ,DE LTA MOD KYI JI LTAR NYI MA GZA' SGRA GCAN GYIS 'JIGS PAS YONGS SU RGYU BA LTAR DE NI DE LTA MA YIN TE, BYANG CHUB SEMS DPA' NI 'GRO BA RNAMS SU NYON MONGS PA'I GZA' THAMS CAD KYIS MI 'JIGS PAR 'JUG PA'I PHYIR SENG GE LTA BU YANG YIN NO, ,DE LTA MOD KYI JI LTAR SENG GE KHAL CHEN POS GYID LUG PAR 'GYUR BA LTAR DE NI DE LTA MA YIN TE, SDUG BSNGAL GYI KHUR THAMS CAD KHYER BA'I PHYIR GLANG PO CHE DU LA BA LTA BU YANG YIN NO, ,DE LTA MOD KYI JI LTAR GLANG PO CHE RNYED PA DANG, MA RNYED PA DANG, TSIG 'JAM PA DANG, MI 'JAM PA DANG, BDE BA DANG, SDUG BSNGAL GYI SPYOD PA DAG GIS RJES SU CHAGS PA DANG, KHONG KHRO BA DAG GIS GOS PAR 'GYUR BA LTAR DE NI DE LTA MA YIN TE, BYANG CHUB SEMS DPA' NI 'JIG RTEN GYI CHOS THAMS CAD LA RJES SU CHAGS PA DANG, KHONG KHRO BA DAG GIS MI GOS PA'I PHYIR PADMA LTA BU YANG YIN NO, ,DE LTA MOD KYI JI LTAR PADMA SDONG BU LAS BCAD NA MI SKYE BA'I CHOS CAN YIN PA LTAR DE NI DE LTA MA YIN TE, BYANG CHUB SEMS DPA' NI NYON MONGS PA BCOM YANG DGE BA'I RTZA BA'I STOBS SKYED PAS YANG 'KHOR BAR SKYE BA'I PHYIR RTZA BA MA NYAMS PA'I SHIN LJON PA LTA BU YANG YIN NO, ,DE LTA MOD KYI JI LTAR SHIN LJON PA THA MAR RTZA BA RAB TU 'JIG PAR 'GYUR BA LTA DE NI DE LTA MA YIN TE, BYANG CHUB SEMS DPA' NI MYA NGAN LAS 'DAS PA DANG, BYANG CHUB CHEN POR DGE BA'I RTZA BA YONGS SU BSNGO BA'I PHYIR CHU'I RGYUN RGYA MTSOR BAB PA LTA BU YANG YIN NO, ,DE LTA MOD KYI JI LTAR CHU'I RGYUN RGYA MCHOR BAB NA RGYA MTSO NYID DU 'GYUR BA LTAR DE NI DE LTA MA YIN TE, BYANG CHUB SEMS DPA' NI MYA NGAN LAS 'DAS PA DANG BYANG CHUB CHEN PO LA BRTEN PA'I DGE BA'I RTZA BA DAG GIS RNAM PAR RTZE BA'I PHYIR RI RAB LA GNAS PA'I LHA LTA BU YANG YIN NO, ,DE LTA MOD KYI JI LTAR RI RAB LA GNAS PA'I LHA @110B RNAMS RANG GI BYA BA LA BAG MED PAR DGA' BA MANG BA LTAR DE NI DE LTA MA YIN TE, THABS DANG SHES RAB KYIS YONGS SU ZIN PA DANG SANGS RGYAS KYI MDZAD PA SGRUB PAR BYED PA'I PHYIR BLON POS YONGS SU ZIN PA'I RGYAL PO LTA BU YANG YIN NO, ,DE LTA MOD KYI JI LTAR BLON POS YONGS SU ZIN PA'I RGYAL PO BDAG NYID KYI DON KHO NA'I PHYIR SKYE DGU SKYONG BAR BYED PA LTAR DE NI DE LTA MA YIN TE, BDAG NYID KYI DON LA MI LTA BAR SKYE DGU SKYONG BAR BYED PA'I PHYIR SPRIN CHEN PO LTA BU YANG YIN NO, ,DE LTA MOD KYI SPRIN CHEN PO LO TOG BSGRUB PA LA GTAN DU BA MA YIN PAR LTAR DE NI DE LTA MA YIN TE, BYANG CHUB SEMS DPA' NI GTAN DU BYANG CHUB KYI PHYOGS DANG MTHUN PA'I CHOS SKYED PA'I PHYIR 'KHOR LOS SGYUR BA 'BYUNG BA LTA BU YANG YIN NO, ,DE LTA MOD KYI JI LTAR 'KHOR LOS SGYUR BA SKYES BU CHEN PO DAG DANG ZLA MED PA LTAR DE NI DE LTA MA YIN TE, BYANG CHUB SEMS DPA' NI RNAM PAR GROL BA THUN MONG DU GYUR PA'I DGE BA'I RTZA BA BSKYED PA'I PHYIR NOR BU RIN PO CHE LTA BU YANG YIN NO, ,DE LTA MOD KYI JI LTAR NOR BU RIN PO CHE K'AshRA PA nA DANG SHIN TU MI MNYAM PA LTAR DE NI DE LTA MA YIN TE, BYANG CHUB SEMS DPA' NI ZAG PA MED PA'I DBYINGS SU ZHUGS PAS BYA BA MNYAM ZHING BDE BA'I LONGS SPYOD MNYAM PA'I PHYIR 'DRES PA'I TSAL DU ZHUGS PA LTA BU YANG YIN NO, ,DE LTA MOD KYI JI LTAR 'DRES PA'I TSAL DU ZHUGS PA'I LHA RNAMS NYON MONGS PA RNAM PAR SPEL NAS PHYI MA LA LOG PAR LTUNG BAR 'GYUR BA LTAR DE NI DE LTA MA YIN TE, BYANG CHUB SEMS DPA' NI NYON MONGS PA BCOM PAS LOG PAR MI LTUNG BA'I PHYIR NYON MONGS PA'I DUG BCOM PA LTA BU YANG YIN NO, ,DE LTA MOD KYI JI LTAR DGU BCOM PA GNOD PA MI BYED PA 'BA' ZHIG TU ZAD KYI, GANG LA YANG YON TAN DU MA 'GYUR BA LTAR DE NI DE LTA MA YIN TE, BYANG CHUB SEMS DPA' NI RANG GI NYON MONGS PAS SEMS CAN THAMS CAD LA PHAN 'DOGS PA'I PHYIR NYON MONGS PA GRONG KHYER CHEN PO'I LJAN LJIN LTA BU YANG YIN NO, ,DE LTAR BYANG CHUB SEMS DPA'I YON TAN BYI DPE 'JIG RTEN NA GRAGS PA'I DNGOS PO DE LTA BU DANG, DE DAG PAS KHYAD PAR DU 'PHAGS PA'I YON TAN DANG LDAN PAS YON @111A *, ,TAN DPE MED PA YIN NO, ,DE LTAR NA BYANG CHUB SEMS DPA' NI YON TAN DPE MED PA DANG LDAN PA YIN PAR RIG PAR BYA'O, ,YANG DAG PA'I SGRUB PA LA RNAM PAR GNAS PA'I BYANG CHUB SEMS DPA'I BSLAB PA GANG ZHE NA, BYANG CHUB SEMS DPA'I CHOS LA GNAS PA NYAN THOS KYI THEG PA DANG LDAN PA'I MDO SDE KUN RDZOB KYI BDEN PA'I TSUL BSHAD PA, DRANG BA'I DON BSTAN PAR BYA BA MA YIN PA LAS SHIN TU 'DAS NAS, DE LA LHAG PAR BYA BA BYAS SHING DGE BA'I RTZA BA BYAS PA, THEG PA CHEN PO DANG LDAN PA'I MDO SDE ZAB MO STONG PA NYID DANG LDAN PA, KUN RDZOB DANG DON DAM PA'I BDEN PA'I TSUL BSHAD PA, NGES PA'I DON BSTAN PAR BYA BA LA BRTZON PAR BYED PA NA TSUL BZHIN LA BRTZON PA ZHES BYA'O, ,TSUL BZHIN LA BRTZON PA DANG DBU MA'I LAM DU ZHUGS PA YIN TE, 'DI LTAR CHOS DE NI DBU MA'I LAM RNAM PA BCU GSUM SMOS PAR BYED PA YIN PA'I PHYIR TE, GANG ZAG STONG PA NYID SMOS PAR BYED PA DANG, GANG ZAG LA BDAG MED PA DANG, CHOS STONG PA NYID DANG, CHOS LA BDAG MED PA DANG, SGRO 'DOGS PA'I MTHA' DANG, SKUR PA 'DEBS PA'I MTHA' DANG, CHOS MNGON PAR RTOGS PA DANG, DE NYID BYANG CHUB CHEN POR YONGS SU BSNGO BA NYID DANG, DA LTAR ZHUGS PA'I SEMS NYON MONGS PA DANG SDUG BSNGAL DAG GIS YONGS SU MA GTUGS PA NYID DANG, BDAG MED PA GNYIS LA MOS PA'I KHYAD PAR DANG, BDAG MED PA SNGA MA SHOS PHYI MA'I RGYU NYID YIN PA DANG, MTHAR THUG PA'I STONG PA NYID DANG, DE NYID KYE MTHU SMOS PAR BYED DO, ,JI LTAR GANG ZAG STONG PA NYID SMOS PAR BYED CE NA, RNAM PA GCIG GIS MI DMIGS PA YONGS SU BSTAN PA LAS TE, DE LA MI DMIGS PA NI 'DI YIN TE, DNGOS PO GSUM PO SEMS CAN GYI DNGOS PO DANG, DE'I SNA TSOGS KYI DNGOS PO DANG, DE'I LONGS SPYOD KYI DNGOS PO LA BYIS PA RNAMS KYIS KUN TU BRTAGS PA'I BDAG NANG DANG PHYI ROL DANG GNYI GA MED PAR YANG MI DMIGS PA'O, ,JI LTAR GANG ZAG LA BDAG MED PA SMOS PAR BYED CE NA, RNAM PA GCIG KHO NAS DMIGS PA YONGS SU BSTAN PA LAS TE, DE LA DMIGS PA NI 'DI YIN TE, DNGOS @111B PO GSUM PO RTEN CING 'BREL PAR 'BYUNG BA DE NYID LA RTAG PA NYID MI DMIGS PAS BYIS PAS KUN BRTAGS PA'I BDAG DANG MTSAN NYID MI 'DRA BA DMIGS PA'O, ,JI LTAR CHOS STONG PA NYID SMOS PAR BYED CE NA, RNAM PA GCIG KHO NAS MI DMIGS PA YONGS SU BSTAN PA LAS TE, DE LA MI DMIGS PA NI 'DI YIN TE, DNGOS PO GSUM PO MI RTAG PAS BSDUS PA DE NYID LA BYIS PAS KUN BRTAGS PA THA SNYAD LAS BYUNG BA'I NGO BO NYID NANG DANG PHYI ROL DANG GNYI GA MA GTOGS PAR MI DMIGS PA'O, ,JI LTAR CHOS BDAG MED PA SMOS PAR BYED CE NA, RNAM PA GCIG KHO NAS DMIGS PA YONGS SU BSTAN PA LAS TE, DE LA DMIGS PA NI 'DI YIN TE, DNGOS PO DE NYID LA 'PHAGS PA'I YE SHES KYI SPYOD YUL DE DAG NYID KYI SO SO RANG GI RIG PA DANG MTHUN PA, GZHAN DAG LA YANG BRJOD DU MED PA GANG YIN PA DMIGS PA STE, DE LA YANG RNAM PA DRUG GIS BYIS PAS KUN BRTAGS PA THA SNYAD LAS BYUNG BA'I NGO BO NYID DANG MTSAN NYID MI 'DRA BA DMIGS TE, RNAM PA DRUG GANG ZHE NA, BDAG GIS BRTAG PAR MI NUS PA DANG, GZHAN DAG LA BSTAN DU MED PA DANG, DBANG PO GZUGS CAN GYI SPYOD YUL LAS YANG DAG PAR 'DAS PA DANG, MTSAN MA THAMS CAD LAS YANG DAG PAR 'DAS PA DANG, RNAM PAR SHES PA'I SPYOD YUL LAS YANG DAG PAR 'DAS PA DANG, NYON MONGS PA'I SPYOD YUL LAS YANG DAG PAR 'DAS PA'O, ,JI LTAR SGRO 'DOGS PA'I MTHA' SMOS PAR BYED CE NA, RNAM PA GNYIS KYIS TE, BYE BRAG TU SGRO 'DOGS PA YONGS SU BSTAN PA DANG, NGO BO NYID DU SGRO 'DOGS PA YONGS SU BSTAN PA LAS SO, ,DE LA BYE BRAG TU SGRO 'DOGS PA GANG ZHE NA, GONG NAS GONG DU RNAM PA BRGYAD DE, DNGOS PO DE NYID LA RTAG PAR 'DZIN PAS SGRO 'DOGS PA DANG, MI RTAG PAR 'DZIN PAS SGRO 'DOGS PA DANG, RTAG PAR 'DZIN PAS SGRO 'DOGS PA LA BRTEN NAS BDAG TU 'DZIN PAS SGRO 'DOGS PA DANG, MI RTAG PAR 'DZIN PAS SGRO 'DOGS PA LA BRTEN NAS BDAG MED PAR 'DZIN PAS SGRO 'DOGS PA DANG, BDAG MED PAR 'DZIN PAS SGRO 'DOGS PA @112A *, ,LA BRTEN NAS YANG DAG PA'I SEMS SU 'DZIN PAS SGRO 'DOGS PA DANG, BDAG TU 'DZIN PAS SGRO 'DOGS PA LA BRTEN NAS YANG DAG PA MA YIN PA'I SEMS SU 'DZIN PAS SGRO 'DOGS PA DANG, DE YANG SEMS MED PA DANG TSOL BA PA'O, ,TSOL BA PA YANG DES KUN BRTAGS PA'I GNAS DANG, DES KUN BRTAGS PA DANG, MTSUNGS PAR LDAN PA STE, MI MTHUN PA'I PHYOGS KUN NAS NYON MONGS PA CAN GYI CHOS RNAMS LA NYES PA LNGA DANG MTSUNGS PAR LDAN TE, PHYIN CI LOG GI NYES PA DANG, SPROS PA'I NYES PA DANG, NYES PAR SPYOD PA'I KUN NAS SLONG BA'I NYES PA DANG, GNAS NGAN LEN GYI NYES PA DANG, MI RTAG PA NYID KYI NYES PA DANG NGO, ,DE'I GNYEN PO RNAM PAR BYANG BA DAG LA YANG DAG PA'I SEMS SU 'DZIN PAS SGRO 'DOGS PA LA BRTEN NAS, DGE BA LA SOGS PAR 'DZIN PAS SGRO 'DOGS PA NAS RNAM PAR BYONG BA'I BAR DU 'DZIN PAS SGRO 'DOGS PA DANG, YANG DAG PA MA YIN PA'I SEMS SU 'DZIN PAS SGRO 'DOGS PA LA BRTEN NAS, MI DGE BA LA SOGS PAR 'DZIN PAS SGRO 'DOGS PA NAS, KUN NAS NYON MONGS PA'I BAR DU 'DZIN PAS SGRO 'DOGS PA STE, DE DAG NI BYE BRAG TU SGRO 'DOGS PA BRGYAD YIN TE, DE LA BYANG CHUB SEMS DPA' NI SGRO 'DOGS PA DE DAG LA MNGON PAR ZHEN PAR YANG MI BYED LA, GZHAN DAG LA YANG DAG PAR 'DZIN DU YANG MI 'JUG BSNGAGS PA RJOD PAR YANG MI BYED DO, ,DE LA NGO BO NYID DU SGRO 'DOGS PA NI BYE BRAG TU SGRO 'DOGS PA'I GNAS GANG YIN PA STE, DNGOS PO DE NYID LA BYIS PAS KUN BRTAGS PA THA SNYAD LAS BYUNG BA'I NGO BO NYID DU SGRO 'DOGS PA YOD DO ZHES SGRO 'DOGS PA'O, ,JI LTAR SKUR PA 'DEBS PA'I MTHA' SMOS PAR BYED CE NA, RNAM PA GCIG GAS YOD PA'I DNGOS PO LA SKUR PA 'DEBS PA YONGS SU BSTAN PA LAS TE DE LA YOD PA'I DNGOS PO LA SKUR PA 'DEBS PA NI 'DI YIN TE, 'DI LTA STE, LOG PAR CHOS BDAG MED PA LA MOS PA RNAM PA THAMS CAD DU CHOS KYI MTSAN NYID DU THAMS CAD MED PA NYID DU MNGON PAR ZHEN PA YIN NO, ,JI LTAR CHOS MNGON PAR RTOGS PA SMOS PAR BYED CE NA, RNAM PA @112B GSUM GYIS TE, DNGOS PO DE NYID DANG, BZHI PA SKYE BA'I DNGOS PO MI MTHUN PA'I PHYOGS DANG GNYEN PO DANG, 'DUS BYAS DANG, 'DUS MA BYAS SU RNAM PAR GNAS PA LA NGO BO NYID MI DMIGS PA YONGS SU BSTAN PA DANG BYE BRAG MI DMIGS PA YONGS SU BSTAN PA DANG, DE GOMS PAR BYAS PAS SHES PA YANG DAG PA JI LTA BA BZHIN RAB TU RTOGS PA YONGS SU BSTAN PAS SO, ,DE LA NGO BO NYID MI DMIGS PA NI 'DI YIN TE, BYIS PAS KUN BRTAGS PA'I NGO BO NYID KYIS MI DMIGS PA GANG YIN PA'O, ,DE LA BYE BRAG MI DMIGS PA NI 'DI YIN TE, NGO BO NYID DE NYID LA SKYE BA DANG 'GAG PA YANG DAG PAR 'GRUB PA GNYIS SU MED PAS MI DMIGS PA GANG YIN PA'O, ,DE LA SHES PA YANG DAG PA JI LTA BA BZHIN RAB TU RTOGS PA NI 'DI YIN TE, DE'I NGO BO NYID DANG DE'I MTSAN MA YID LA MI BYED CING YANG DAG PAR MI SNANG BA'I SBYOR BAS SO SO RANG RIG PA DANG MTHUN PA'I SHES PA RAB TU RTOGS PA GANG YIN PA'O, ,JI LTAR CHOS MNGON PAR RTOGS PA BYANG CHUB CHEN POR YONGS SU BSNGO BA SMOS PAR BYED CE NA, RNAM PA GCIG GIS SO SOR BRTAGS TE, GNYEN PO THOB PAS MI MTHUN PA'I PHYOGS MI SPONG BA LAS TE, DE LA GNYEN PO DANG MI MTHUN PA NI 'DI YIN TE; STONG PA NYID NI NYON MONGS PA'I GNYEN PO'O, ,SMON PA MED PA NI SRID PAR SMON PA'I'O, ,MTSAN MA MED PA NI MTSAN MA RNAMS KYI STE, DE DAG THAMS CAD KYANG MNGON PAR 'DU BYED PA MED PA ZHES BYA'O, ,DE YANG YANG SRID PA 'BYUNG BAR BYED PA'I LAS GNYEN PO DANG, SKYE BA'I RGYUN DANG; SKAD CIG SKYE BA'I RGYUN GYI GNYEN PO YIN NO, ,'GOG PA MYA NGAN LAS 'DAS PA NI 'DU BYED THAMS CAD KYI NGO BO NYID MED PA NYID CES BYA STE, DE'I MI MTHUN PA'I PHYOGS NI 'KHOR BA'I RGYUN YIN NO, ,BYANG CHUB SEMS DPA'I GNYEN PO DES SO SOR BRTAGS TE MI MTHUN PA'I PHYOGS MI SPONGS PA GANG YIN PA DE NI SEMS CAN LA SNYING BRTZE BA LAS BRTEN TE BYANG CHUB CHEN PO 'DOD PA YIN NO, ,JI LTAR DE LTAR ZHUGS PA'I SEMS NYON MONGS PA DANG SDUG BSNGAL DAG GIS YONGS SU MA GTUGS PA NYID SMOS PAR BYED CE NA, RNAM PA GCIG GIS MI MTHUN PA'I PHYOGS @113A *, ,MA SPANGS PA'I CHOS RNAMS YANG DAG PA JI LTA BA BZHIN RAB TU RTOGS PA LAS TE, DE LA YANG DAG PA JI LTA BA BZHIN DU RAB TU RTOGS PA NI 'DI YIN TE, CHOS LA BDAG MED PA'I SBYOR BAS CHOS DE DAG NYID LA RANG BZHIN GYIS KUN NAS NYON MONGS PA MED PA DANG, SDUG BSNGAL MED PAR YANG DAG PAR RJES SU MTHONG BA'O, ,JI LTAR BYE BRAG SMOS PAR BYED CE NA, RNAM PA BZHI STE, LTA BA'I BYE BRAG YONGS SU BSTAN PA DANG, DE NYID KHYAD CHES DMAN PA'I BYE BRAG YONGS SU BSTAN PA DANG, SPONG BA LA RNAM PAR 'KHRUL PA'I BYE BRAG YONGS SU BSTAN PA DANG; SEMS RNAM PA 'KHRUL PA'I BYE BRAG YONGS SU BSTAN PA LAS SO, ,DE LTA BA'I BYE BRAG NI 'DI YIN TE, GANG ZAG LA BDAG MED PA LA GNAS PA NI MYA NGAN LAS 'DAS PA LA PHYI MAR BDAG NYID CHAD PAR MNGON PA'I NGA RGYAL CAN DU 'GYUR BA DANG, GZUNG BA YONGS SU BRTAGS PA'I PHYIR DANG, 'DZIN PA GTAN DU THA SNYAD LAS BYUNG BA'I NGO BO NYID DANG BRAL BA STONG PA NYID KYIS BSDUS PA YONGS SU MA BRTAGS PA'I PHYIR SHES BYA SHIN TU MA RTOGS PAS CHOS KYI BDAG NYID LA MNGON PAR ZHEN PA DES NYON MONGS PA SPONG BA LA SOGS PA SPONG BA YONGS SU TSOL BAR BYED KYI, BYANG CHUB SEMS DPA' NI DE LTA MA YIN NO, ,DE LA DE NYID KHYAD CHES DMAN PA'I BYE BRAG NI 'DI YIN TE, GANG ZAG LA BDAG MED PA LA GNAS PA NI RGYU GNYIS PO SDUG BSNGAL BAR GNAS PA DANG, RIM GYIS 'DZIN PA GNYIS KYIS NYAMS PAS SDUG BSNGAL LAS RNAM PAR MA THAR PA'I PHYIR SO SO'I SKYE BO BDAG TU LTA BA DANG LDAN PA BAS KYANG CHES DMAN PA BAS DMAN PA YIN GYI, BYANG CHUB SEMS DPA' NI DE LTA MA YIN PA'O, ,DE LA SPONG BA LA RNAM PAR 'KHRUL PA'I BYE BRAG NI 'DI YIN TE, GANG ZAG LA BDAG MED PA LA GNAS PA NI CHOS BDAG MED PA LA MED PA NYID DU MNGON PAR ZHEN PAS SKRAG CING, THA SNYAD LAS BYUNG BA'I NGO BO NYID YOD PA LA CHAD PA YONGS SU MI TSOL GYI, BYANG CHUB SEMS DPA' NI DE LTA MA YIN PA'O, ,DE LA SEMS RNAM PAR 'KHRUL PA'I BYE BRAG NI 'DI YIN TE, GANG ZAG LA BDAG MED PA LA GNAS PA DE LTAR SPONG BA LA RNAM PAR @113B 'KHRUL PA NI RANG GI KUN TU RTOG PA LAS BYUNG BA'I YUL RNAMS LA 'DU SHES PHYIN CI LOG LA SOGS PAS PHYIN CI LOG TU 'GYUR GYI, BYANG CHUB SEMS DPA' NI DE LTA MA YIN PA'O, ,JI LTAR RGYU NYID SMOS PAR BYED CE NA, RNAM PA GNYIS KYIS TE, 'DZIN PA LA SO SOR RTOG PA YONGS SU BSTAN PA DANG; DE YANG DAG PA JI LTA BA BZHIN RAB TU RTOGS PA YONGS SU BSTAN PA LAS TE, DE LA 'DZIN PA LA SO SOR RTOG PA NI 'DI YIN TE, BDAG MED PA'I SHES PA DE NYID LA THA SNYAD LAS BYUNG BA'I NGO BO NYID DANG BRAL BA NYID DANG DES KUN BRTAGS PA DANG BRAL BA NYID DANG, MTSAN NYID MED PA NYID DANG, SKAD CIG MA NYID KYIS BTANG BAR BYA BA YIN PAR SO SOR RTOG PA GANG YIN PA'O, ,DE LA DE YANG DAG PA JI LTA BA BZHIN RAB TU RTOGS PA NI 'DI YIN TE, GZUNG BA DANG 'DZIN PA LA YONGS SU RTOG PAR BYED PA'I TSUL BZHIN YID LA BYED PA DAG YID LA BYAS PA'I RGYUS SO SO RANG RIG PA DANG MTHUN PA'I SHES PA NGES PA SKYES PA GANG YIN PA'O, ,JI LTAR MTHAR THUG PA'I STONG PA NYID SMOS PAR BYED CE NA, RNAM PA GCIG GIS CHOS BDAG MED PA'I SHES PA DE YANG DAG PA JI LTA BA BZHIN MTHONG BA LAS TE, DE LA YANG DAG PA JI LTA BA BZHIN MTHONG BA NI 'DI YIN TE, LAS DANG NYON MONGS PA MTSAN NYID 'DRA BAR MTHONG BA'I PHYIR BRJOD DU MED PA'I CHOS NYID GANG YIN PA DANG, THA SNYAD LAS BYUNG BA'I NGO BO NYID DANG BRAL BA'I PHYIR DANG, DE LTAR MNGON PAR ZHEN PAR BYAR MED PA'I PHYIR DANG, SKAD CIG PA NYID YIN PA'I PHYIR RO, ,JI LTAR STONG PA NYID DE NYID KYI MTHU SMOS PAR BYED CE NA, RNAM PA GCIG GIS LAS DANG NYON MONGS PA SPONG BA'I GNYEN PO YONGS SU BSTAN PA LAS TE, DE LA SPONG BA NI 'DI YIN TE, SHES PA'I SNANG BA DE SKAD CIG DE NYID LA SKYES PAS THOG MA MED PA'I DUS NAS BYUNG BA'I LAS DANG NYON MONGS PA THAMS CAD SPONG BAR BYED PA'O, ,NYAN THOS NI DU, NYAN THOS KYI BSLAB PA DANG BYANG CHUB SEMS DPA'I BSLAB PA LA BYE BRAG NI CI YOD CE NA, NYAN THOS NI RNAM PA BZHI'O, ,NYAN THOS KYI BSLAB PA DANG BYANG CHUB SEMS DPA'I BSLAB PA'I BYE BRAG NI RNAM PA BCU GSUM GYIS RIG PAR @114A *, ,BYA'O; ,SPRUL PA'I NYAN THOS DANG, MNGON PA'I NGA RGYAL CAN GYI NYAN THOS PA DANG, BYANG CHUB TU YONGS SU GYUR PA'I NYAN THOS DANG, ZHI BA'I BGROD PA GCIG PA'I NYAN THOS SO, ,DE LA SPRUL PA'I NYAN THOS NI BYANG CHUB SEMS DPAS SEMS CAN RNAMS GDUL BA'I PHYIR SPRUL PA GANG YIN PA'O, ,DE LA MNGON PA'I NGA RGYAL CAN GYI NYAN THOS NI GANG ZAG LA BDAG MED PA'I SHES PA TZAM DANG, CHOS LA BDAG MED PA LA LOG PAR MNGON PAR ZHEN PA'I SHES PAS YANG DAG PAR RTOG PA GANG YIN PA'O, ,DE LA BYANG CHUB TU YONGS SU 'GYUR BA'I NYAN THOS NI DNG PO NYID NAS SNYING RJE SHIN TU CHUNG BA'I RIGS CAN DU GYUR PA LAS, DE BZHIN GSHEGS PA DANG NYE BAR GNAS PAS SANGS RGYAS KYI CHOS RGYA CHEN PO DAG LA YON TAN DU SHES PA YONGS SU BSGOMS PA'I RGYUD CAN DU GYUR PAS, DE MTHAR THUG PAR GYUR CING ZAG PA MED PA'I DBYINGS LA GNAS KYANG SANGS RGYAS RNAMS KYIS YANG DAG PAR SKUL BAR MDZAD 'JUG PAR MDZAD CING THABS NYE BAR STON PAR YANG MDZAD DE, DE RGYU DES NA BYANG CHUB CHEN PO MNGON PAR SGRUB PAR BYED PA GANG YIN PA'O, ,DE DE LTAR BYANG CHUB CHEN PO MNGON PAR SGRUB PAR BYED MOD KYI, ZHI BA LA MNGON PAR DGA' BA NYID KYI PHYIR DE SBYOR BA DE LA RTOGS PA SHIN TU DUL BAR 'GYUR TE, SANGS RGYAS KYI RIGS CAN DANG PO SEMS BSKYED PA YANG DE LTA BUR NI MI 'GYUR RO, ,DE LA ZHI BA'I BGROD PA GCIG PA'I NYAN THOS NI DANG PO NYID NAS SNYING RJE SHIN TU CHUNG BA'I RIGS CAN YIN PA'I PHYIR DANG, GCIG TU SEMS CAN GYI DON LA MI PHYOGS PA'I PHYIR DANG, SDUG BSNGAL GYIS 'JIGS PA'I PHYIR MYA NGAN LAS 'DAS PA LA GNAS PA'I BSAM PA CAN KHO NAR 'GYUR ZHING, BYANG CHUB CHEN PO MNGON PAR BSGRUB PA'I SKAL PA MED PA GANG YIN PA'O, ,'DI LTA STE DPER NA RGYAL PO'I BU GNAS MTSUNGS PAR SKYES SHING, RGYAL PO'I BDE BA'I LONGS SPYOD KYIS MTSUNGS MNYAM PAR GYUR PA GNYIS SHIG YOD PA LAS, DE LA GCIG NI RGYAL PO'I BYA BA DANG, BSTAN BCOS DANG, BZO'I GNAS LA MKHAS PA YIN LA, CIG SHOS NI DE LTA MA @114B YIN NA, DE GNYIS NI YAN LAG DES BYE BRAG TU GYUR PAR ZAD KYI, RGYAL PO'I BDE BA'I LONGS SPYOD KYIS BYE BRAG TU GYUR PA NI MA YIN PA DE BZHIN DU ZAG PA MED PA'I DBYINGS NA BYANG CHUB SEMS DPA' DANG ZHI BA'I BGROD PA GCIG PA'I NYAN THOS KYI BRAG BYA KYANG RIG PAR BYA STE, DE GNYIS KYI BYE BRAG NI BSAM PA DANG, DKAR PO'I CHOS YANG DAG PAR 'GRUB PA DANG, SHES PA YANG DAG PAR SGRUB PA DANG, RJES SU 'GRO BA DANG, RIGS DANG, GDUNG YANG DAG PAR 'DZIN PA DANG, SBYOR BA DANG, MTHU DANG, SGRUB PA DANG, SBYIN GNAS KYI 'OS NYID DANG, KHYAD PAR CAN LAS KHYAD PAR DU 'PHAGS PA DANG, RGYU DANG 'BRAS BU DANG, 'BYUNG BA'I RTEN LAS KYANG RIG PAR BYA'O, ,NYAN THOS NI 'DU BYED DANG NYON MONGS PA DANG, SEMS CAN GYI DON LA MI PHYOGS PA'I PHYIR GCIG TU ZHI BAR GNAS PA'I BSAMS PA CAN YIN GYI, BYANG CHUB SEMS DPA' NI ZHI BA THOB KYANG DE LAS BZLOG PA YIN NO, ,NYAN THOS NI BDAG NYID KYI BDE BA YANG DAG PAR 'PHEL BAR BYED PA DKAR PO'I CHOS CHUNG NGU DAG DANG LDAN PA YIN GYI, BYANG CHUB SEMS DPA' NI SEMS CAN THAMS CAD KYI BDE BA YANG DAG PAR 'PHEL BAR BYED PA DKAR PO'I CHOS TSAD MED PA DANG LDAN PA YIN NO, ,NYAN THOS NI 'DUS MA BYAS KYI SHES PAS BDAG NYID NYON MONGS PA RNAMS KYIS GSOG DANG GSOB TU BYED PAR ZAD KYI, BYANG CHUB SEMS DPA' NI PHYOGS BZHI'I SEMS CAN THAMS CAD DO, ,NYAN THOS NI RNAM PAR GROL BA'I CHOS MCHOG LA DMIGS PA'I YID LA BYED PA LAS YANG DAG PAR GRUB KYANG SANGS RGYAS KYI SRAS SU MI 'GYUR GYI, BYANG CHUB SEMS DPA' NI 'DU BYED DANG, SEMS CAN DANG, CHOS NGAN PA LA DMIGS PA'I YID LA BYED PA LAS YANG DAG PAR GRUB KYANG SANGS RGYAS KYI SRAS SU GYUR PA YIN NO, ,NYAN THOS NI BRTZON 'GRUS BRTZAMS SHING BDEN PA LA MKHAS PA DANG, ,SEMS LEGS PAR MNYAM PAR GZHAG KYANG SANGS RGYAS KYI RIGS KYI MTSAN NYID DANG MI LDAN PA'I PHYIR BANG CHUB SEMS DPA' LTAR SANGS RGYAS RNAMS KYIS YONGS SU MI GZUNG GI ,BYANG CHUB SEMS DPA' NI DE LAS BZLOG PA YIN NO, , @115A *, ,NYAN THOS NI MTHAR THUG PAR GYUR PA YIN PA'I PHYIR DBANG PO YONGS SU SMIN PA YIN YANG PHYIS SANGS RGYAS KYI MDZAD PA BYED MI NUS PA YIN GYI, BYANG CHUB SEMS DPA' NI SKAD CIG DE LA DANG PO SEMS BSKYED PAS KYANG NUS SO, ,NYAN THOS NI MTHAR THUG PAR GYUR KYANG JI LTAR BYANG CHUB SEMS DPA' LAS DANG PO PA'I SBYOR BA LA ZHUGS PA DE LTAR LHA DANG MI RNAMS KYIS MCHOD PAR BYA BA DANG BSTOD PAR BYA BA'I 'OS MA YIN GYI, BYANG CHUB SEMS DPA' NI YIN NO, ,BYANG CHUB SEMS DPA' NI MTHAR THUG PAR GYUR PA MA YIN YANG MTHU DANG SHES PA DAG GIS NYAN THOS DANG RANG SANGS RGYAS THAMS CAD ZIL GYIS GNON PA YIN NO, ,NYAN THOS NI NYON MONGS PA'I NAD ZHI BAR BYED PA YE SHES KYI SMAN YONGS SU GRUB PA YIN YANG SEMS CAN RNAMS KYI NYON MONGS PA'I NAD ZHI BAR BYED PA MA YIN GYI, BYANG CHUB SEMS DPA' NI GZHAN GYI DON LA ZHUGS PA'I PHYIR DE LAS BZLOG PA YIN NO, ,NYAN THOS NI MTHAR THUG PAR GYUR PA YIN YANG JI LTAR BYANG CHUB SEMS DPA'I NYON MONGS PA ZAD PA SEMS CAN RNAMS LA YE SHES KYI SNANG BA BYED PA'I PHYIR LHA DANG BCAS PA'I 'JIG RTEN GYI SBYIN GNAS KYI 'OS NYID DU GYUR PA DE LTA BU MA YIN GYI, BYANG CHUB SEMS DPA' NI YIN NO, ,DE BZHIN GSHEGS PA RNAMS NI DUS RTAG TU NYAN THOS PAS CHES KHYAD PAR DU 'PHAGS PA YIN LA, DE DAG PAS KYANG BYANG CHUB SEMS DPA' RNAMS CHES SHIN TU KHYAD PAR DU 'PHAGS PA YIN TE, DE DAG LAS DE DAG YANG DAG PAR 'GRUB PA'I PHYIR RO, ,DE DAG NI RGYU GNYIS NA CHES SHIN TU KHYAD PAR DU 'PHAGS PA'I YIN PAR RIG PAR BYA STE, 'DI LTAR DE DAG GIS SEMS CAN YONGS SU SMIN PAR BYAS PA DANG, SANGS RGYAS KYI CHOS YONGS SU SMIN PAR BYAS PA'I PHYIR TE, DE LAS BYANG CHUB KYI 'BRAS BU BRNYES PA DANG, JI LTAR NA YONGS SU SMIN PAR BYAS PA'I SEMS CAN RNAMS RNAM PAR GROL BAR MDZAD DE, 'DI LTA STE DPER NA SGRUB PA PO DANG G-YOS MKHAN LA NGO MTSAR GYI BLO 'BYUNG BA LTAR, ZA BA PO LA DE LTA MA YIN PA DE BZHIN DU 'DI LA YANG RIG PAR BYA'O, ,NYAN THOS NI GCIG TU RNAM PAR DAG PA'I CHOS KYI RGYU YANG DAG @115B PAR BLANGS TE GNAS SHING DGE BA'I BSHES GNYEN DU MAS YONGS SU GZUNG YANG, BYANG CHUB CHEN PO'I 'BRAS BU MNGON PAR 'GRUB PAR MI 'GYUR GYI, BYANG CHUB SEMS DPA' NI DE LAS BZLOG PAS KYANG 'GRUB PAR BYED DO, ,BYANG CHUB SEMS DPA' LA BRTEN NAS NI NYAN THOS RNAMS 'BYUNG BAR 'GYUR GYI, NYAN THOS LA BRTEN NAS NI BYANG CHUB SEMS DPA' RNAMS MI 'BYUNG NGO, ,'JIG RTEN PA DANG 'JIG RTEN LAS 'DAS PA'I SHES PA DAG GIS GZHAN GYI DON BYA BA GANG ZHE NA, 'DI LA BYANG CHUB SEMS DPA' PHYOGS THAMS CAD DU KHAMS 'PHO BA YANG RUNG, YUL GZHAN DU 'PHO YANG RUNG, SKYE BA GZHAN DU 'PHO YANG RUNG, GZHAN GYIS VGSOL BA BTAB KYANG RUNG STE, NYON MONGS PA'I 'BYUNG PO'I GDON GYIS BRLAMS PA'I SEMS CAN RNAMS LA, BSLAB PA GSUM GYI LAM RNAM PAR DAG PA NYE BAR STON PAS GSO BAR BYED PA NA SMAN PA BLA NA MED PA YIN NO,, 'JIG RTEN PA'I SHES PA GANG ZHE NA, KUN NAS NYON MONGS PA RAGS PA SEL BA'I GNYEN PO DANG, 'BRING RNAM PAR GNON PA'I GNYEN PO GANG YIN PA'O, ,KUN NAS NYON MONGS PA RAGS PA GANG ZHE NA, KHYIM PA RNAMS KYI 'DOD CHAGS DANG, ZHE SDANG DANG, GTI MUG SPYAD PA NYID DANG RAB TU BYUNG BA RNAMS KYI LTA BA LA BRTEN PA NYID DANG, DE'I GNAS TSUL BZHIN MA YIN PA YIN LA BYED PA LA BRTEN PA NYID DANG, YANG SRID PAR SMON PA LA BRTEN PA NYID DANG, PHYIN CI LOG BZHI PO BSDUS PA DANG, ?? RE DAG GIS THAR PA MA YIN PA LA THAR PAR MNGON PAR ZHEN PA LA BRTEN PA NYID GANG YIN PA'O, ,KUN NAS NYON MONGS PA 'BRING GANG ZHE NA, RANG RANG GI GNYEN PO LA BRTEN PAS KUN NAS NYON MONGS PA RAGS PA BSTZAL BA'I YUL LA 'DOD CHAGS DANG, ZHE SDANG DANG, GTI MUG GIS KUN NAS DKRIS PA'I GNAS NYID GANG YIN PA'O, DMIGS PA LA YANG DAG PAR GTANG PAS MNYAM PAR MA BZHAG PA'I SEMS MNYAM PAR GZHAG PA'I PHYIR BYANG CHUB KYI PHYOGS DANG MTHUN PA'I CHOS RNAMS KYIS BRTZON PAR BYED PA NA, DE RNAM PAR GNON PAR BYED CING, BSGOM PA DES BDAG NYID RAB TU 'DZIN PAR YANG MI BYED @116A *, ,PAR DMIGS PA LA SEMS NYE BAR GTAD DE GNAS PAR BYA BA'I PHYIR 'BAD PAR BYED DO, ,DE'I 'OG TU GNAS PA RAB TU 'DZIN PAR BYED DE, DE RAB TU BZUNG BAS LUS LA RIL POR 'DZIN PA GANG GIS KUN NAS DKRIS PA 'BRING 'BYUNG BAR 'GYUR BA DE RNAM PAR GNON PAR 'GYUR RO, ,DE'I 'OG TU 'JIG RTEN LAS 'DAS PA'I CHOS KYI MI MTHUN PA'I PHYOGS SPANGS STE, GNYEN PO LA GNAS PAR 'GYUR ZHING DE NYID BRTAN PAR BYED DO, ,DE'I 'OG TU RTEN CING 'BREL BAR 'BYUNG BA LA KUN TU RMONGS PA DANG, GANG ZAG LA BDAG MED PA LA KUN TU RMONGS PA DANG, CHOS LA BDAG MED PA LA KUN TU RMONGS PA RNAM PAR GNON PAR BYED DO, ,DE'I 'OG TU LAM NGAN PA DANG LAM LA NGES PAR 'GYUR TE, DE LTAR RNAM PA DE DAG GIS KUN NAS NYON MONGS PA RAGS PA DANG 'BRING SEL BA DANG RNAM PAR GNON PA'I GNYEN POR GYUR PA'I SHES PA GANG YIN PA DE NI 'JIG RTEN PA'I SHES PA ZHES BYA'O, ,'JIG RTEN LAS 'DAS PA'I SHES PA GANG ZHE NA, DE LTAR 'DOD CHAGS DANG, ZHE SDANG DANG, GTI MUG GIS KUN NAS DKRIS PA'I KUN NAS NYON MONGS PA RNAM PAR MNAN PA'I KUN NAS NYON MONGS PA'I BAG LA NYAL PHRA MO'I GNYEN POR GYUR PA'I SHES PA GANG YIN PA'O, ,DE YANG GANG ZHE NA, RNAM PAR GNON PA'I GNYEN PO DE LA GNAS GSUM LA MKHAS PA, RTEN CING 'BREL PAR 'BYUNG BA LA MKHAS PA DANG, GANG ZAG LA BDAG MED PAR MOS PA DANG, CHOS LA BDAG MED PAR MOS PA'I KUN NAS NYON MONGS PA MA LUS PA LAS YANG DAG PAR 'DA' BAR BYA BA'I PHYIR MI SHES PA RNAM PA BZHI'O, ,SPYI'I MTSAN NYID MI SHES PA DANG, RANG GI MTSAN NYID MI SHES PA DANG, KUN NAS NYON MONGS PA'I MTSAN NYID MI SHES PA DANG, RNAM PAR BYANG BA'I MTSAN NYID MI SHES PA'I GNYEN POS LUNG NOD PA LA MI LTOS PAR SO SO'I BDAG NYID KYI SEMS LA SO SOR RTOG CING 'BAD PA GANG YIN PA'O, ,DE LA SEMS KYI SPYI'I MTSAN NYID NI RNAM PA GSUM GYIS RIG PAR BYA STE, RTEN CING 'BREL PAR 'BYUNG BA LKOG NA G-YO BA MED PA NYID DANG, DE LTAR GYI SKAD CIG PA G-YO BA MED PA NYID DANG, 'DOD CHAGS LA SOGS PA RKYEN LAS BYUNG BA'I SEMS @116B KYIS MA BYAS PA NYID KYIS SO, ,SEMS KYI RANG GI MTSAN NYID KYANG RNAM PA GSUM GYIS RIG PAR BYA STE, SNGA MA BZHIN DU THA SNYAD LAS BYUNG BA'I NGO BO NYID KYIS MI DMIGS PA DANG, SNGA MA BZHIN DU RNAM PA DRUG GIS DE BZHIN NYID MI DMIGS PA DANG, 'PHAGS PA THAMS CAD KYI BYE BRAG MED PA'I SHES PA MI DMIGS PAS SO, ,SEMS KYI KUN NAS NYON MONGS PA'I MTSAN NYID KYANG RNAM PA GSUM GYIS RIG PAR BYA STE, 'GRUB PA DANG, 'JUG PA DANG, RGYU BAS TE, 'GRO BA RNAMS SU LUS SNA TSOGS 'GRUB PA LAS NI KUN NAS NYON MONGS PA 'GRUB PA YIN NO, , DE LTAR 'GRUB PA RANG GI SKAD CIG GI RGYUN GYIS 'JUG PA DANG, DMIGS PA THAMS CAD LA GZUNG DKA' BAR 'JUG PA DANG, SRED PA'I BAG CHAGS PAS DBANG BSGYUR BAS 'JUG PA LAS NI KUN NAS NYON MONGS PA 'JUG PA YIN NO, ,GANG DU RGYU BA DANG JI LTAR RGYU BA LAS NI KUN NAS NYON MONGS PA RGYU BA YIN TE, RES 'GA' NI MI DGE BA LA, RES 'GA' NI DGE BA LA, RES 'GA' NI YUL LA, RES 'GA' NI LAS MNGON PAR 'DU BYA BA LA'O, ,RES 'GA' NI NYON MONGS PA RNAMS LA STE, NYON MONGS PA RNAMS LA RGYU BA NA YANG 'DOD CHAGS DANG ZHE SDANG LA SOGS PA NGES PAR MI GNAS PA DE NYID 'DOD CHAGS DANG BCAS PAR GYUR NAS, 'DOD CHAGS DANG BRAL BAR 'GYUR BA DANG, 'DOD CHAGS DANG BRAL BAR GYUR NAS, 'DOD CHAGS DANG BCAS PAR 'GYUR BA DANG, DE LTA BU LA SOGS PA MA YIN PA LA RGYU BA DANG, BDE BA LA SOGS PA'I GNAS LTA BU'I CHOS RNAMS LA DBANG PHYUG THOB CING RGYU BA DANG, BDAG NYID KYI BDE BA SPANGS TE SDUG BSNGAL KUN TU SKYED PAR BYED PA DANG, DE YANG MNGON PAR ZHEN PA LAS MA YIN GYI, PHYIN CI LOG LAS YIN PA DANG DE DAG GIS BDAG NYID LA SDUG BSNGAL NYE BAR BSGRUB PA DAG GIS RNAM PAR MI NGOMS PAR BYED PA DANG, DGE BA RNAMS LA NGES PAR SBYAR BA NA DE SPANG BA'I PHYIR SKABS YONGS SU TSOL BAR BYED PA DANG, MI DGE BA YANG DAG PAR BLANG BA'I PHYIR SKYON YONGS SU TSOL BAR BYED PA DANG, 'BYOR BA DANG, RGUD PA DAG LA RJES SU CHAGS PA DANG KHONG KHRO BA DAG GIS BCOM PAR 'GYUR BA @117A *, ,DANG; BAG MED PA'I DBANG DU SONG ZHING DGE BA'I RTZA BA BYAS PA DANG MA BYAS PA THAMS CAD ZAD PAR BYED PA DANG, GZUGS LA SOGS PA YUL LA MNGON PAR DGA' BA'I PHYIR, GTAN DU PHAN PA 'CHI BA MED PA'I DBYINGS LA SO SOR BRTAGS SHING SO SOR NYES PAR RNAM PAR 'JOG PAR BYED PA STE, DE LTAR DON DE KUN TU STON PAR BYED PA NYON MONGS PA CAN GYIS BSDUS PA'I DPE'I DNGOS PO DAG KYANG RIG PAR BYA'O, ,SEMS KYI RNAM PAR BYANG BA'I MTSAN NYID KYANG RNAM PAR GSUM GYIS RIG PAR BYA STE, MI RTOGS PA DANG RTOGS PA'I MTSAN NYID DANG, 'DUS MA BYAS KYI MTSAN NYID DANG, RIGS KYI MTSAN NYID KYIS TE, DE LAS GZHAN DU TSUL BZHIN MA YIN PAR BRTZON PAS NI SEMS RNAM PAR DAG PA SGRUB PAR BYED KYANG MI RTOGS KYI, DE LTAR TSUL BZHIN DU BRTZON PAR BYED PAS NI RTOGS PAR 'GYUR TE, DE YANG THA SNYAD LAS BYUNG BA'I NGO BO NYID DU NI MI MTHONG LA, DE BZHIN NYID KYI MTSAN NYID DU MTHONG BA NA MTHONG NGO, ,'DUS MA BYAS KYI MTSAN NYID DE NI RNAM PA DGUS PA BLTA BAR BYA STE, DUS RNAMS SU RGYU BA MED PA DANG, JI LTAR 'GOG PA'I SNYOMS PAR 'JUG PA LA THA SNYAD LAS BYUNG BA'I NGO BO NYID KYIS DMIGS SU MED LA DE BZHIN NYID KYI MTSAN NYID KYIS DMIGS SU YOD PA LTA BU MA YIN PA'I PHYIR, GNYIS SU MED PA'I MTSAN NYID DANG, SKYE BA MED PA'I MTSAN NYID DANG, SKYE BA'I RGYU'I NGO BO NYID LAS YANG DAG PAR 'DAS PA'I MTSAN NYID DANG, PHYI MAR SKYE BA LAS YANG DAG PAR 'DAS PA DANG, 'CHI 'PHO BA LAS YANG DAG PAR 'DAS PA DANG, SKAD CIG GCIG NAS GCIG TU 'BRAL BA LAS YANG DAG PAR 'DAS PA DANG, 'GRO BA 'GYUR BA LAS YANG DAG PAR 'DAS PA DANG, LAS KYIS KUN NAS NYON MONGS PA'I 'DU BYED LAS YANG DAG PAR 'DAS PA NYID KYIS SO, ,DE LA RIGS KYI MTSAN NYID NI MI SLOB PA'I KHAMS KYI MTSAN NYID YIN PAR BLTA BAR BYA STE, TSE 'DI LA DNGOS PO LNGA LAS YANG DAG PAR 'DAS PA YANG YIN TE, BYA BA LAS YANG DAG PAR 'DAS PA DANG, BYA BA MED PA LAS YANG DAG PAR 'DAS PA DANG, BYA BA'I SBYOR BA LAS YANG DAG PAR 'DAS PA DANG, BYA BA'I SBYOR BA MED PA LAS @117B YANG DAG PAR 'DAS PA DANG, BYA BA MED PA'I SBYOR BA LAS YANG DAG PAR 'DAS PA'O, ,TSE PHYI MA LA DNGOS PO DRUG LAS YANG DAG PAR 'DAS PA YANG YIN TE, TSE PHYI MA LA YANG SRID PA 'BYUNG BA'I 'DU BYED KUN NAS SLONG BAR BYED PA LAS YANG DAG PAR 'DAS PA DANG, DE 'DU BYED PA LAS YANG DAG PAR 'DAS PA DANG, DE'I 'BRAS BU 'GRUB PA LAS YANG DAG PAR 'DAS PA DANG, DE LA BRTEN PA'I 'BYOR BA DANG RGUD PA LAS YANG DAG PAR 'DAS PA DANG, DE'I GNAS LUNG DU MA BSTAN PA YONGS SU G-YO BA THAMS CAD LA SLOB PA DANG SMOS PA DANG RJES SU SBYOR BA LAS YANG DAG PAR 'DAS PA DANG, DE'I GNAS LUS SNA TSOGS LAS YANG DAG PAR 'DAS PA'O, ,RIGS KYI MTSAN NYID DE YANG GNAS SKABS BZHIR RNAM PA DGUR RIG PAR BYA STE, RNAM PAR MA DAG PA'I GNAS SKABS DANG, RNAM PAR DAG PA'I GNAS SKABS DANG, SO SOR RTOGS PA'I GNAS SKABS DANG, YONGS SU GTUGS PA'I GNAS SKABS SO, ,RNAM PAR MA DAG PA'I GNAS SKABS NI MTSAN MA THAMS CAD LA YANG DAG PAR RJES SU SONG BA'I PHYIR NAM MKHA' LTA BU YIN NO, ,RNAM PAR DAG PA'I GNAS SKABS NI RO GCIG PA DANG, LUS DANG SEMS DBEN PA YIN NO, ,SO SOR RTOGS PA'I GNAS SKABS NI MTHAR THUG PAR 'GRO BA'I RJES SU MTHUN PA DANG, NYON MONGS PA'I RANG BZHIN THAMS CAD DANG BRAL ZHING DRI MA MED PA DANG, 'JIG TSOGS LA LTA BA LAS YANG DAG PAR 'DAS PA DANG, DE'I RTZA BA LAS BYUNG BA MI MTHUN PAR LTA BA'I RNAM PA LAS YANG DAG PAR 'DAS PA YIN NO, ,YONGS SU GTUGS PA'I GNAS SKABS NI YONGS SU GRUB PA'I BDE BA DANG, 'GYUR BA RNAM PA GSUM LAS YANG DAG PAR 'DAS PA YIN TE, DE LA 'GYUR BA RNAM PA GSUM NI 'DI DAG YIN TE, RGA SHI LA SOGS PA'I 'GYUR BA DANG, PHYIN CI LOG GI GNAS KYI 'GYUR BA DANG, RNAM PAR DAG PA LAS YONGS SU NYAMS PA'I 'GYUR BA'O,, ,,BAM PO BZHI BCU GSUM PA STE THA MA'O, ,BYANG CHUB SEMS DPA' GDAMS NGAG LA NYAN THOS KYI BSLAB PA GANG ZHE NA, 'DI LTA STE BRNAB @118A *, ,SEMS DANG, YID KYI MI BDE BA 'DUL BAS LHAG PA'I TSUL KHRIMS KYI BSLAB PA LA SBYOR BA DANG, KUN TU SKYO BA YID LA BYED PAS LHAG PA'I SEMS KYI BSLAB PA LA SBYOR BA DANG, GANG ZAG LA BDAG MED PA DANG, CHOS LA BDAG MED PAS LHAG PA'I SHES RAB KYI BSLAB PA LA SBYOR BA'O, ,DE LA LTUNG BA KUN NAS SLONG BAR BYED PA BRNAB SEMS DANG YID MI BDE BA NI JI LTAR SEL BAR MI BYED PA DANG, JI LTAR MA BSTZAL BA DANG, JI LTAR SEL BAR BYED PA DANG, JI LTAR BSTZAL BA'I RNAM PA DE BZHIS RIG PAR BYA STE, RANG GI SEMS KYI TSUL BZHIN MA YIN PA YID LA BYED PAS KUN NAS BSLONGS PA'I BRNAB SEMS DANG, 'JIG TSOGS LA LTA BA DANG, GNOD SEMS LA GAL TE YUL LAS SAM, GZHAN LAS BYUNG BAR SEMS NA, DE NI SEL BAR MI BYED PA YIN NO, ,GAL TE YUL GYIS SAM, GZHAN LA GNOD PA BYED PA'I SBYOR BAS 'PHROGS PAR 'GYUR NA DE NI MA BSAL BA YIN NO, ,GCIG LA BSAL NA GCIG KYANG MA BSAL BAR BLTA BAR BYA LA, GCIG BSAL NA GCIG KYANG BSAL BAR BLTA BAR BYA STE, MA BSAL BAS NI SDOM PA LA GNAS PA YANG LHAG PA'I TSUL KHRIMS LAS NYAMS PAR 'GYUR NA, SDOM PA LA GNAS PA MA YIN PA LTA SMOS KYANG CI DGOS, LHAG PA'I SEMS KYI BSLAB PA'I GAGS NI DMIGS PA LAS RNAM PAR G-YENG BA'I 'KHRUL PA YIN NO, ,GANG ZAG LA BDAG MED PA LAS BRTZAMS NAS LHAG PA'I SHES RAB LA BRTZON PA'I GAGS NI 'JIG TSOGS LA LTA BA YIN NO, ,CHOS LA BDAG MED PA LAS BRTZAMS NAS LHAG PA'I SHES RAB LA BRTZON PA'I GAGS NI NGO BO NYID DANG BYE BRAG TU RTOGS PA DANG RNAM PAR RTOG PA'I 'CHING BA YIN NO, ,BSLAB PA GSUM PO DE DAG RNAM PAR BSGOM PA LA BSLAB PA DANG MI MTHUN PA'I CHOS BRGYAD DANG BSLAB PA DANG RJES SU MTHUN PA'I CHOS BRGYAD YOD DE, DON MED PA LA YONGS SU ZHEN PA DANG, YONGS SU ZHEN PA LAS 'CHING BA DANG, 'CHING BA LAS BAR CHAD DANG, BAR CHAD LAS DRI MA DANG, DRI MA LAS THOG THOG DANG, THOG THOG LAS RMA DANG, RMA LAS YONGS SU GDUNG BA @118B DANG; YONGS SU GDUNG BA LAS NYON MONGS PA'I NAD GSO DKA' BA 'BYUNG BA'O, ,BSLAB PA DANG RJES SU MTHUN PA'I CHOS BRGYAD NI DE DAG LAS BZLOG PA KHO NA LAS RIG PAR BYA'O, ,LEGS PAR MA BSLABS PA'I DGE SBYONG GANG ZHE NA, DE DAG NI RNAM PA GSUM DU RIG PAR BYA STE, DGE SBYONG GI TSUL LA MI LTA ZHING CHA LUGS DANG RTAGS MTHUN PA, CHO GA DANG, 'TSO BA DANG, LONGS SPYOD DANG, BRTZON PA DANG, TSUL KHRIMS DANG, LTA BA DANG, BSAM PA MI MTHUN PA DANG, YO BYAD LA YONGS SU GZHOL BA DANG, LHAG PA'I TSUL KHRIMS DANG RTAGS MTHUN PA, LHAG PA'I SEMS DANG RTAGS MTHUN PA, LHAG PA'I SHES RAB DANG RTAGS MTHUN PA LA, DE DAG BSGRUB PA'I BSAM PA DANG MI MTHUN PA DANG, SGRA LA YONGS SU GZHOL BA, ZHI GNAS KYI YAN LAG DANG MTHUN, LHAG MTHONG GI YAN LAG DANG MTHUN, DE GNYI GA BSGOM PA'I YAN LAG DANG MTHUN, DE GNYI GA'I TSOGS KYI YAN LAG DANG MTHUN, DE LA DE DAG GI BSAM PA DANG MI MTHUN PA'O, ,LEGS PAR BSLABS PA'I DGE SBYONG GANG ZHE NA, DE NI RNAM PA BZHIR RIG PAR BYA STE, SBYOR BA DANG, BSAM PA DANG, RTOGS PA DANG, MTHAR THUG PAR 'GRO BAS SO, ,TSE 'DI LA KUN TU SKYO BA'I SBYOR BA DANG, TSE RABS SNGA MA LA RGYUD YONGS SU SMIN PA'I SBYOR BAS NI SBYOR BA PHUN SUM TSOGS PA YIN PAR RIG PAR BYA'O, ,CHOS BDAG MED PA LA MOS PA'I BSAM PA DANG LDAN PA'I PHYIR GANG THOB PAR BYA BA DANG, GANG GIS THOB PAR BYA BA DE GNYIS LA THA SNYAD LAS BYUNG BA'I NGO BO NYID DU MNGON PAR ZHEN PA MED PA DANG, DGONGS PA CAN GYI DON YONGS SU TSOL BA DANG, SGRA TZAM GYI RJES SU MI 'BRANG BAS NI BSAM PA PHUN SUM TSOGS PA YIN PAR RIG PAR BYA'O, ,GZHAN GYI DRING LA MI 'JOG PA'I SHES PAS CHOS KYI DE BZHIN NYID LA RANG BZHIN GYIS KUN NAS NYON MONGS PA MED PAR RTOGS PA DANG, DE LA DKON MCHOG GI BRDA DANG, MYA NGAN LAS 'DAS PA DANG, 'KHOR BA DANG, 'CHING BA DANG, THAR PA'I BRDA'I NGO BO NYID MI DMIGS PAS NI RTOGS PA PHUN SUM TSOGS PA YIN PAR RIG PAR BYA'O, ,KUN NAS NYON MONGS PA THAMS CAD KYI GNYEN PO SHIN @119A *, ,TU BSGOMS PA DANG, DE BZHIN NYID RGYUN MI 'CHAD PA DANG, MI 'JIGS PAS NI MTHAR THUG PAR 'GRO BA PHUN SUM TSOGS PA YIN PAR RIG PAR BYA'O, ,DE LA LEGS PAR MA BSLABS PA'I DGE SBYONG NI RNAM PA GSUM GYIS NA MING DON JI LTA BA BZHIN DU MA YIN PAR RIG PAR BYA STE, BSAM PA RGUD LA SBYOR BA PHUN SUM TSOGS PA DANG, BSAM PA PHUN SUM TSOGS LA SBYOR BA RGUD PA DANG, BSAM PA YANG RGYUD LA SBYOR BA YANG RGYUD PAS SO, ,DE LA BSAM PA RGUD LA SBYOR BA PHUN SUM TSOGS PA NI RNAM PA GSUM STE, NYAN PA DE TZAM GYIS CHOG PAR 'DZIN PA DANG, SMRA BA DE TZAM GYIS CHOG PAR 'DZIN PA DANG, 'JIG RTEN PA'I TING NGE 'DZIN RTOGS PAR BYED PA DE RO MYANG BA TZAM GYIS CHOG PAR 'DZIN PA'O, ,LEGS PAR BSLABS PA'I DGE SBYONG NI RNAM PA GCIG KHO NAS MING DON JI LTA BA BZHIN YIN PAR RIG PAR BYA STE, BSAM PA YANG PHUN SUM TSOGS LA SBYOR BA YANG PHUN SUM TSOGS PAS SO, ,BRDAR BTAGS PA'I SDOM PA LA GNAS PA GANG ZHE NA, DE DAG NI RNAM PA BZHIR RIG PAR BYA STE, TSUL KHRIMS YAN LAG DRUG DANG LDAN PA'I TSUL KHRIMS NYAMS PA GNYIS PO 'JIG TSOGS LA LTA BAS KUN NAS DKRIS PAS LTUNG BA 'BYUNG BA DANG, DE LAS BSLAB PA LA MI MKHAS PAS NYAMS PA DANG, NYES PA DE GNYIS SPANGS SU ZIN KYANG 'JIG RTEN PA'I RNAM PAR DAG PA MA THOB PA'I PHYIR 'JIG TSOGS LA LTA BA RNAM PAR BSTZAL BA DANG, 'JIG RTEN PA'I RNAM PAR DAG PA'I SDOM PA THOB CING 'JIG TSOGS LA LTA BA RNAM PAR BSTZAL DU ZIN KYANG YO BYAD MA BSNYUNGS SHING CHOS BGAD MED PAS SKRAG PAS TSUL KHRIMS NYAMS PA DANG, SKYON GZHAN THAMS CAD SPANGS SU ZIN KYANG CHOS BDAG MED PA LA LOG PAR MOS PAS TSUL KHRIMS NYAMS PA'O, ,DON DAM PA'I SDOM PA LA GNAS PA GANG ZHE NA, 'JIG RTEN LAS 'DAS PA NYON MONGS PA THAMS CAD DANG BRAL BA, KHAMS GSUM PA'I GNYEN PO'I TSUL KHRIMS DANG LDAN PA GANG YIN PA'I SDOM PA LA GNAS PA BZHI LA, SPROS PA'I CHOS GANG DAG DMIGS PA DE DAG RAB TU ZHI BA'I @119B MTSAN NYID GANG YIN PA DE NI ZAG PA MED PA'I TSUL KHRIMS YIN PAR RIG PAR BYA STE, SPROS PA'I CHOS RNAMS GANG ZHE NA, SDOM PA LA GNAS PA DANG PO LA NI BDAG TU 'DZIN PA DANG, BDAG GIR 'DZIN PA DANG, LTUNG BA'I BYA BA DANG, DE'I BYA BA MED PA DANG, BSAMS BZHIN PA L PA'I SBYOR BA DANG, DE'I SBYOR BA MED PA DANG, SHES BZHIN DU SPYOD PA DANG, DE'I SPYOD PA MED PA DANG, BRJED NGAS PAS SPYOD PA DANG, DE'I SPYOD PA MED PA YANG DMIGS PA'O, ,GNYIS PA LA NI 'JIG TSOGS LA LTA BA'I PHYOGS DANG MTHUN PA'I GNAS NGAN LEN DANG LDAN PA'I MING DANG, GZUGS DANG, PHYI MAR SKYE BA'I RGYU DANG, 'BRAL LA DE'I RGYU MED PA NYID DANG, KUN NAS DKRIS PA RAB TU ZHI BA DANG, BAG LA NYAL BA LAS DE RAB TU MA ZHI BA DANG, GANG ZAG LA BDAG MED PAR 'DZIN PA DANG, GANG ZAG TU 'DZIN PA SPONG BA DANG, GANG ZAG LA BDAG MED PAR GZUNG BA DE LA 'DZIN PA DANG, GZUNG BA MED PA DANG, DES GZUGS LA SOGS PA LA SEMS CAN DU 'DZIN PA DANG, DER 'DOGS PA LEGS PAR 'DZIN PA DANG, DER 'DOGS PA DANG, NGAG GIS 'DOGS PA LEGS PAR 'DZIN PA DANG, DER 'DOGS PA'I SEMS DANG; DER 'DOGS PA LEGS PAR 'DZIN PA YANG DMIGS PA'O, ,GSUM PA LA NI GONG DU SKYE BA LAS 'JIG RTEN PA DANG, 'OG MA YONGS SU GTONG BA LAS 'JIG RTEN MED PA DANG, SNYOMS PAR 'JUG PA LA GNAS PA DANG, 'DOD PA LA MI GNAS PA DANG, BDAG NYID KYI TSUL KHRIMS RAB TU 'DZIN PA DANG, GZHAN GYI TSUL KHRIMS KHYAD DU GSOD PA YANG DMIGS PA'O, ,BZHI PA LA NI BDAG NI TSUL KHRIMS RNAM PAR DAG PA YIN NO SNYAM DU RLOM PA DANG, NGO BO NYID DANG BYE BRAG TU KUN TU RTOG PA DAG GIS TSUL KHRIMS LA KUN TU RTOG PA YANG DMIGS PA STE; DE LTAR SPROS PA'I CHOS DE DAG NI ZAG PA MED PA'I TSUL KHRIMS LA RAB TU ZHI BAR GYUR PA YIN NO, ,DON GYI 'BREL PA 'DI NYID KYIS BSLAB PA GSUM RNAM PAR DAG PA LAS BRTZAMS NAS TSIGS SU BCAD PAS MNGON PAR SGRUB PA YANG RIG PAR BYA'O, ,BSOD NAMS KYI TSOGS NI NYON @120A *, ,MONGS PA CHUNG BAR 'GYUR BA YIN NO, ,SKYES BU DAM PAS YONGS SU GZUNG BA NI CHUNG MI ZA BAR 'GYUR BA YIN NO, ,YE SHES KYI TSOGS NI ZAB MO'I GNAS LA MOS PAR 'GYUR BA YIN PAR RIG PAR BYA'O, ,DE BZHIN GSHEGS PAS GSUNGS PA LA NI RGYU GNYIS KYIS 'JIG PAR 'GYUR BA YIN TE, CHOS KYI LUGS SHES PA NYE BAR BRTAGS PA DANG, DE KHO NA'I SHES PA GTAN LA DBAB PAS SO, ,DE BZHIN GSHEGS PA'I GDUL BA'I THABS GANG ZHE NA, DE NI RNAM PA GNYIS SU BLTA BAR BYA STE, LUS MTHUN PA DANG, MOS PA MTHUN PAS MTHUN PAR RJES SU STON PA DANG, KUN SHES PA'I SEMS NYE BAR 'JOG PA DANG, NGES PAR 'BYIN PA'I GDAMS NGAG GIS YANG DAG PAR RNAM PAR DAG PA'I THABS STON PA'O, ,GDAMS NGAG KYANG RNAM PAR BZHIR RIG PAR BYA STE, RNAM PAR BYANG BA DANG KUN NAS NYON MONGS PA LA SKRAG PA DANG 'JUG PA'I GNAS STON PA DANG, KUN NAS NYON MONGS PA'I RGYU YONGS SU SPANG BA STON PA DANG, RNAM PAR BYANG BA LA SKRAG PA'I RGYU YONGS SU SPANG BA STON PA DANG, TSE 'DI LA MCHOG TU BDE BAR GNAS PA'I THABS STON PA'O, ,DE LA KUN NAS NYON MONGS PA'I RGYU NI RNAM PA GNYIS TE, THA SNYAD LAS BYUNG BA'I NGO BO NYID KYIS KUN NAS NYON MONGS PA'I NGO BO NYID DU MNGON PAR ZHEN CING KUN TU RTOG PA DANG, DE LA YON TAN DANG SKYON DU MNGON PAR ZHEN CING KUN TU RTOG PA'O, ,RNAM PAR DAG PA'I LAM LA SKRAG PA'I RGYU YANG RNAM PA GNYIS KYIS RIG PAR BYA STE, RIM GYIS RNAM PAR DAG PA'I LAM LA KUN NAS NYON MONGS PA CAN KUN TU RTOG PA DANG, KUN NAS NYON MONGS PA DANG BRAL BAR KUN TU RTOG PAS SO, ,MYA NGAN LAS 'DAS PA RNAM PAR DAG PA LA SKRAG PA'I RGYU YANG RNAM PA GNYIS KYIS RIG PAR BYA STE, THA SNYAD LAS BYUNG BA'I NGO BO NYID LA MNGON PAR ZHEN PAS, MYA NGAN LAS 'DAS PA ZHES BYA BA'I TSIG BLA DAGS KYI MING LA SEMS LAS BYUNG BA'I MING DU 'DOGS PA DANG, SEMS LAS BYUNG BA'I MING LA ZHI BA ZHES BYA BA'I TSIG BLA DAGS KYI MING DU KUN TU RTOG PAS SO, ,BDE BAR GNAS PA'I MCHOG GI THABS STON PA NI DE GNYI @120B GA'I RGYU YONGS SU SPANGS PA LAS RIG PAR BYA'O, ,LDEM PO NGAG TU GSUNGS PA GANG ZHE NA, LDEM PO NGAG THAMS CAD LA 'JUG PA'I RGYU NI GNYIS SU MED PA'I MTSAN NYID SHES PA'O, ,GNYIS SU MED PA'I MTSAN NYID GANG ZHE NA, BRJOD PA'I GZHI'I GNAS SU GYUR PA'I DNGOS PO GANG YANG YIN PA STE, DE YANG NGO BO NYID DE YOD PA MA YIN PA'I PHYIR DANG, BRJOD PA LA GOMS PA'I MING GI SPYOD YUL GYI NGO BO NYID KYIS MED PA MA YIN PA'I PHYIR GNYIS SU MED PA YIN NO, ,GNYIS SU MED PA DE LA GNYIS SU MNGON PAR ZHEN PA LAS NI KUN NAS NYON MONGS PAR 'GYUR LA, GNYIS SU MNGON PAR ZHEN PA MED PA LAS NI RNAM PAR BYANG BAR 'GYUR RO, ,BRJOD PA THAMS CAD KYI GZHI'I GNAS SU MA GYUR PA'I DNGOS PO GANG YIN PA DE YANG THA SNYAD LA GOMS PA'I MING GI SPYOD YUL GYI NGO BO NYID KYIS YOD PA MA YIN PA'I PHYIR DANG, DE LA YONGS SU MA GOMS PA'I SHES PA'I SPYOD YUL GYI NGO BO NYID KYIS YOD PA'I PHYIR GNYIS SU MED PA AYIN NO, ,GNYIS SU MED PA DE LA GNYIS SU MNGON PAR ZHEN PA LAS NI KUN NAS NYON MONGS PAR 'GYUR LA GNYIS SU MNGON PAR ZHEN PA MED EPA LAS NI RNAM PAR BYANG BAR 'GYUR TE, DE LTAR NA GNYIS SU MED PA'I MTSAN NYID DE NI DE BZHIN GSHEGS PA RNAMS KYI LDEM PO NGAG THAMS CAD LA 'JUG PAR 'GYUR BA YIN PAR RIG PAR BYA'O, ,DE LA STON PA'I PHUN SUM TSOGS PA RNAM PA LNGA DANG, DE'I GDAMS NGAG GI 'BRAS BU PHUN SUM TSOGS PA RNAM PA LNGA DANG 'BRAS BU'I PHAN YON PHUN SUM TSOGS PA RNAM PA LNGA LA BRTEN NAS LDEM PO NGAG TU GSUNGS PA RNAMS RIG PAR BYA'O, ,STON PA'I PHUN SUM TSOGS PA RNAM PA LNGA GANG ZHE NA, GANG GI PHYIR STON PA DANG, GANG GIS STON PA DANG, GANG STON PA DANG, JI LTAR STON PA DANG, GANG LA STON PA DE DAG PHUN SUM TSOGS PA YIN PA'O, ,'BRAS BU PHUN SUM TSOGS PA GANG ZHE NA, PHUNG PO'I LHAG MA MED PA'I MYA NGAN LAS 'DAS PA'I DBYINGS DANG, PHUNG PO'I LHAG MA DANG BCAS PA'I MYA NGAN LAS 'DAS DBYINGS DANG, 'PHAGS PA'I LAM YONGS SU RDZOGS PA DANG, NANG GI DGRA LAS RAN PAR RGYAL BA DANG, PHYI ROL GYI DGRA @121A *, ,LAS RNAM PAR RGYAL BA'O, ,DE LA 'BRAS BU'I PHAN YON PHUN SUM TSOGS PA NI STON PA LA BSNYEN BKUR BYED PA DANG, DAD PAS SBYIN PA YONGS SU SBYONG BA DANG, 'KHOR BA'I SDUG BSNGAL LAS YANG DAG PAR RGAL BA DANG, SBYIN GNAS KYI DNGOS PO LAS YONGS SU MI NYAMS PA DANG, DE BZHIN GSHEGS PA LA BRTEN NAS DE BZHIN GSHEGS PA'I SRAS CHOS KYIS SPRUL PA YIN NO, ,BYANG CHUB SEMS DPA'I GDAMS NGAG LA MOS PA'I PHAN YON GANG ZHE NA, DE NI RNAM PA LNGAS RIG PAR BYA STE, ZHING BYIN GYIS RLOB PA'I DUS NA DBANG PHYUG GI BDAG PO CHEN PO YANG DAG PAR GRUB PA'I RGYU ZIL GYIS GNON PA DANG, YUL YONGS SU GRUB PA DANG, DE'I GNAS BSTAN PA'I SNOD DU BYED PA DANG, STON PA'I SNOD DU BYED PA DANG, LUS SPONG BA'I DUS NA LTA BA DANG, LAS RNAM PAR DAG PAR 'GYUR BAS SO, ,DE LA DBANG PHYUG GI BDAG PO CHEN PO YANG DAG PAR GRUB PA'I RGYU ZIL GYIS GNON PA NI RNAM PA LNGAS RIG PAR BYA STE, 'BRAS BU DPAG TU YOD PA DANG DPAG TU MED PA 'PHEN PA DANG, RGYU ZAD PA DANG MI ZAD PA'I CHOS NYID DANG, BDE BA RGYA CHUNG NGU DANG RGYA CHEN PO 'GRUB PA DANG, DE YE SHES KYI TSOGS KYI NGO BO NYID YIN PA DANG, DES DE 'DREN PAR BYED PAS SO, , DE LA LUS KYI SPYOD PAS NI SKYON RNAM PA DRUG SPANGS PAS RIG PAR BYA STE, SKYON RNAM PA DRUG GANG ZHE NA, MYA NGAN GYI RGYU'I SKYON DANG, 'DRIS PA YONGS SU MI SHES PA'I SKYON DANG, RNAM PA GNYIS KYIS SPYOD LAM GYI SKYON DANG, RNAM PA GSUM GYIS 'JIG PA'I RGYU'I SKYON DANG, RNAM PA GNYIS KYIS 'CHI LTAS KYI SKYON DANG, LUS LAS SU MI RUNG BA'I SKYON NO, ,DE LA NGAG GI SPYOD PA NI SO SOR KUN DGA' BAR BYED PA'I DUS NA SKYON RNAM PA LNGA SPANGS PAS RIG PAR BYA STE, SKYON RNAM PA LNGA GANG ZHE NA, 'JIGS PAS 'KHUMS PA'I SKYON DANG, NGAG RTZUB PO'I SKYON DANG, SANGS RGYAS KYI BKA' SPANGS NAS 'BREL PA MED PA'I GTAM BRJOD PA'I SKYON DANG, DE BZHIN GSHEGS PA LA STOD PAR MI BYED PA'I SKYON DANG, CHOS MTHUN PA LA GROS MI 'DEBS PA'I SKYON NO, ,DAG GI SPYOD PA NI KUN SHES PA BRDA SPROD PA'I DUS NA SKYON RNAM PA LNGA SPANGS PAS RIG @121B PAR BYA STE, SKYON RNAM PA LNGA GANG ZHE NA, RTOGS PAR BYA BA LA BRJED NGAS PA'I SKYON DANG, TSIG SNGA PHYI 'GAL BA'I SKYON DANG, RIGS PA DANG 'GAL BA'I SKYON DANG, BSTAN PA LA DAD PA'I LHA LA KHRO BA'I SKYON DANG, DE BZHIN GSHEGS PA LA KHRO BA'I SKYON NI, ,YID KYI SPYOD PA NI SKYON RNAM PA LNGA SPANGS PA LAS RIG PAR BYA STE, 'DI LTA STE TSE 'DI'I DON LAS BRTZAMS NAS RNAM PA BZHI DANG, TSE PHYI MA'I DON LAS BRTZAMS NAS THA MA GCIG STE, SKYON RNAM PA LNGA GANG ZHE NA, DA LTAR BYUNG BA DANG 'DAS PA'I GNOD PA BYED PA MI BZOD PAS MI BZOD PA'I SKYON DANG, 'CHAB PA DANG 'GYOD PA'I GDUNG BAS SDIG PA 'CHAB PA'I SKYON DANG, 'DOD PA'I LONGS SPYOD DON DU GNYER BA DANG KHON GYI SHA GLON PAR 'DOD PAS 'DOD PA'I SKYON DANG, LTA BA NGAN PA YONGS SU 'DZIN PA DANG SPONG BA LA SEMS RNAM PAR 'KHRUL PAS BRJED NGAS PA'I SKYON DANG, BDAG NYID KHYAD DU GSOD CING SANGS RGYAS DANG BYANG CHUB SEMS DPA' BZHUGS BZHUGS PA'I SANGS RGYAS KYI ZHING RGYA CHEN POR SMON PA RNAM PAR SPONG BA DANG, BSAM PA CHUNG NGUS SANGS RGYAS KYI CHOS MNGON PAR SGRUB PAS CHOS THAMS CAD LAS KHYAD PAR DU 'PHAGS PA 'JIG RTEN PA MA YIN PA'I PHUN SUM TSOGS PA'I KHYAD PAR KHYAD DU GSOD CING DER SMON PAS SMON LAM GYI SKYON NO, ,BYANG CHUB SEMS DPA'I SDE SNOD KYI GDAMS NGAG LA MOS PA'I PHAN YON TSAD MED GRANGS MED DE DE BAS KYANG DE RNAM PAR DBYE ZHING BSTAN PA DANG, RNAM PAR DBYE BA LA MOS PA'I PHAN YON CHES TSAD MED GRANGS MED PA DAG YOD PAR RIG PAR BYA'O, ,BYANG CHUB SEMS DPA'I SA'I RNAM PAR GTAN LA DBAB PA RDZOGS TE, RNAM PAR GTAN LA DBAB PA'I GZHUNG LHAG MA NI MI SNANG NGO, ,PHUNG PO DANG BCAS PA DANG PHUNG PO MED PA'I SA'I RNAM PAR GTAN LA DBAB PA'I SDOM NI, BRAL DANG TSE YI 'DU BYED DANG, ,GYUR DANG GNAS DANG KHYAD PAR DANG, ,YOD DANG RTAG DANG BDE BA DANG, ,BYE BRAG GZHAN DBANG BYA BA YIN, ,PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS LA GNAS TE, NYON MONGS PA THAMS CAD DANG BRAL BAR BRJOD PAR BYA'AM, MA BRAL @122A *, ,BAR BRJOD PAR BYA ZHE NA, SMRAS PA, BRAL BAR BRJOD PAR BYA'O, ,SDUG BSNGAL THAMS CAD DANG BRAL BAR BRJOD PAR BYA'AM, MA BRAL BAR BRJOD PAR BYA ZHE NA, SMRAS PA, BRAL BA DANG, MA BRAL BAR YANG BRJOD PAR BYA STE, MA 'ONGS PA'I SKYE BA'I SDUG BSNGAL 'BYUNG BAR 'GYUR BA GANG YIN PA DE DANG BRAL BAR BRJOD PAR BYA'O, ,DA LTAR GYI SKYE BA'I GANG YIN PA DE LAS KYANG SEMS LAS BYUNG BA DANG NI BRAL BAR BRJOD PAR BYA'O, ,BKRES PA'I SDUG BSNGAL DANG, SKOM PA'I SDUG BSNGAL DANG, KHAMS MA SNYOMS PA LAS GYUR PA DANG, DUS TSIGS 'GYUR PA LAS GYUR PA DANG, GNOD PA LAS GYUR PA'I SDUG BSNGAL DANG NI MA BRAL BAR BRJOD PAR BYA'O, ,DE YANG KUN TU 'BYUNG BA LAS YIN GYI NYON MONGS PA DANG 'BREL PA LAS NI MA YIN NO, ,GAL TE DGRA BCOM PA THAMS CAD SEMS LA DBANG THOB PA YIN NA CI'I PHYIR TSE'I 'DU BYED BTANG STE, YONGS SU MYA NGAN LAS MI 'DA' BAR SDUG BSNGAL GYIS GNON BZHIN DU GNAS SHE NA, SMRAS PA, NUS PA'I KHYAD PAR GYI PHYIR TE, 'DI LTAR DGRA BCOM PA LA LAS NI TSE'I 'DU BYED GTONG BAR NUS LA, LA LAS NI MI NUS PA DANG, LA LAS NI TSE'I 'DU BYED BSRING BAR NUS LA, LA LAS NI MI NUS PA'I PHYIR RO, ,GAL TE DGRA BCOM PA'I SKYE MCHED DRUG PO JI LTAR SKYES SHING BYUNG BA DE KHO NA BZHIN DU MA 'GAGS SHING, GZHAN DU MA GYUR PA YIN NA, GANG GI PHYIR SKYE MCHED DRUG LA 'GYUR BA MED NA, DE'I DE LAS GZHAN PA'I GNAS GYUR PA DE GANG YIN, GAL TE DE LAS GZHAN PA'I GNAS GYUR PA MED NA NI SNGA PHYIR GNAS MNYAM PA YIN NA, CI'I PHYIR DE LA NYON MONGS PA LDOG CING LAM 'JUG PAR 'GYUR ZHE NA, SMRAS PA, DGRA BCOM PA'I GNAS GYUR PA NI YOD DE, DE YANG SKYE MCHED DRUG LAS GZHAN DANG GZHAN MA YIN PA NYID DU BRJOD PAR MI BYA'O, ,DE CI'I PHYIR ZHE NA, 'DI LTAR GNAS GYUR PA DE NI DE BZHIN NYID RNAM PAR DAG PAS RAB TU PHYE BA DANG, DE BZHIN NYID KYI RIGS CAN DANG, DE BZHIN NYID KYI SA BON CAN DANG, DE BZHIN NYID LAS YANG DAG PAR GRUB PA YIN LA, @122B DE BZHIN NYID KYANG SKYE MCHED DRUG LAS GZHAN DANG GZHAN MA YIN PA NYID DU BRJOD PAR MI BYA BA'I PHYIR TE, JI LTAR BRJOD PAR MI BYA BA DE LTA BU NI SNGAR BSTAN ZIN TO, ,DE'I PHYIR GNAS GYUR PA SKYE MCHED DRUG LAS GZHAN NAM GZHAN MA YIN ZHES 'DRI BA DE NI TSUL BZHIN MA YIN PA YIN NO; ,GAL TE GNAS GYUR PA MED DU ZIN NA, DES NA 'DI LTA BU'I SKYON KHO NAR THAL BAR 'GYUR TE, GANG GI PHYIR DGRA BCOM PA LA KUN NAS NYON MONGS PA KUN TU 'BYUNG BAR 'GYUR BA DANG, LAM KUN TU MI 'BYUNG BAR THAL BAR 'GYUR BAS, DE'I PHYIR GNAS GYUR PA NI YOD PA KHO NAR RIG PAR BYA'O, ,BCOM LDAN 'DAS KYIS KYANG GNAS GYUR PA DE NYID LAS DGONGS NAS, KUN BRTAGS NGO BO NYID LA NI, ,MNGON ZHEN BAG CHAGS KUN NYON MONGS, ,MNGON ZHEN BAG CHAGS YOD MIN PA, ,DE NI RNAM PAR BYANG BA YIN, ,'DI LA DE GNYIS ZAG BCAS PA'I; ,KHAMS YIN GNAS GYUR DE NYID NI, ,ZAG PA MED PA'I DBYINGS YIN TE, ,DE NYID DAG PA BLA MED YIN, ,ZHES GSUNGS SO, ,'DI LTA STE DPER NA BA LANG GSOD PA'AM, BA LANG GSOD PA'I SLOB MA MKHAS PA ZHIG GIS BA LANG GSAD PA'I MTSON RNON POS BA LANG BSAD NAS; NANG GROL THAMS CAD BCAD CING GTUBS TE BRDUNGS SHING DMYAL NAS, SHA THAMS CAD DANG, RUS PA THAMS CAD DANG, CHU RGYUS KYI GZUNGS THAMS CAD KYANG GTUBS NAS PHYIR BA LANG GI KO BAS G-YOGS PAR GYUR NA, BA LANG DE KO BA DANG LDAN PA YANG MA YIN, MI LDAN PA YANG MA YIN PAR RIG PAR BYA BA DE BZHIN DU, DGRA BCOM PA GNAS GYUR PA SHES RAB KYI MTSON GYIS KUN TU SBYOR BA DANG, 'CHING BA DANG, BAG LA NYAL DANG, NYE BA'I NYON MONGS PA DANG, KUN NAS DKRIS PA THAMS CAD YANG DAG PAR BCAD PA YANG KO BA'I GNAS LTA BU SKYE MCHED DRUG DANG LDAN PA YANG MA YIN, ,MI LDAN PA YANG MA YIN PAR BRJOD PAR BYA'O, ,RNAL 'BYOR PA GNAS GYUR PA'I MTSAN MAR 'DZIN PA YANG SNGON GYI 'DZIN PA LAS KHYAD PAR DU 'PHAGS PA YIN PAR RIG PAR BYA STE, DE'I YANG DE BZHIN NYID BZHIN DU SO SO RANG RIG PA DANG @123A *, ,MTHUN PA YIN PAS, GZHAN DAG LA BDAG GIS MTSAN MA 'DI DANG 'DI LTA BU LA YANG DAG PAR RJES SU MTHONG NGO ZHES YANG DAG PAR BRJOD PAR MI NUS PA YIN NO, ,DGRA BCOM PA PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS LA GNAS PA SEMS GANG LA GNAS NAS PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DA' ZHE NA, SMRAS PA, MTSAN MA THAMS CAD YID LA MI BYED PAS MTSAN MA MED PA'I DBYINGS 'BA' ZHIG YID LA BYED CING, RIM GYIS 'GOG PA LA SNYOMS PAR 'JUG LA; 'JUG PA'I RNAM PAR SHES PA 'GOG PAR BYED CING, DE'I 'OG TU KUN GZHI'I RNAM PAR SHES PA'I GNAS SPONG BAR BYED DE, KUN GZHI RNAM PAR SHES PA DANG, 'JUG PA'I RNAM PAR SHES PA RGYU MED PA MI SKYE BAS, DE NI 'DUS MA BYAS PA'I DBYINGS RNAM PAR DAG PA DRI MA MED PA LUS SO, ,DBYINGS DER YONGS SU MYA NGAN LAS 'DAS PA NI LHA NYID KYI GRANGS SU YANG MI 'GRO LA, DRI ZA NYID DU YANG MA YIN, KLU NYID DU YANG MA YIN, MI'AM CI NYID DU YANG MA YIN, LHA MA YIN NYID DU YANG MA YIN, GNOD SBYIN NYID DU YANG MA YIN ZHING, MI NYID KYI GRANGS SU YANG MI 'GRO STE, MDOR BSDUS NA DE NI PHYOGS BCU'I SEMS CAN DU GDAGS PA'I KHAMS THAMS CAD DANG, 'GRO BA THAMS CAD DANG, SKYE GNAS THAMS CAD DANG, SKYE BA THAMS CAD DANG, LUS THOB PA THAMS CAD DANG, RIGS BTZUN PA THAMS CAD DANG, SA THAMS CAD PO GANG DAG YIN PA DE DAG GI GRANGS SU YANG MI 'GRO STE, 'DI LTAR DBYINGS 'DI NI SPROS PA MED PA STE, GRUB PA RNAMS KYI SO SOR RANG RIG PA DANG MTHUN PA YIN PA'I PHYIR RO, ,DGRA BCOM PA PHUNG PO'I LHAG MA DANG BCAS PA'I MYA NGAN LAS LAS 'DAS PA'I DBYINGS DANG, PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS PA LA KHYAD PAR CI YOD CE NA, SMRAS PA, PHUNG PO'I LHAG MA DANG BCAS PA LA GNAS PA NI GRANGS SU KHAS LEN PA YIN LA, PHUNG PO'I LHAG MA MED PA LA GNAS PA NI GRANGS SU KHAS MI LEN @123B PA YIN PA DANG, PHUNG PO'I LHAG MA DANG BCAS PA LA GNAS PA NI SDUG BSNGAL DANG BCAS PA YIN LA, PHUNG PO'I LHAG MA MED PA LA GNAS PA NI SDUG BSNGAL MED PA YIN PA DANG, PHUNG PO'I LHAG MA DANG BCAS PA LA GNAS PA'I GNAS GYUR PA NI SKYE MCHED DRUG DANG 'BREL PA YIN LA, PHUNG PO'I LHAG MA MED PA LA GNAS PA'I GNAS GYUR PA NI SKYE MCHED DRUG DANG 'BREL BA MED PA MA YIN NO, ,GAL TE PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS PA'I GNAS GYUR PA NI SKYE MCHED DRUG DANG 'BREL PA MED PA YIN LA, JI LTAR DE SKYE MCHED DRUG GI GNAS MED PAR GNAS PAR 'GYUR ZHE NA, SMRAS PA, DGRA BCOM PA'I GNAS GYUR PA NI SKYE MCHED DRUG GI RGYU LAS BYUNG BA MA YIN TE, DE BZHIN NYID LA DMIGS PA'I LAM BSGOMS PA'I RGYU LAS BYUNG BA YIN TE, DE'I PHYIR SKYE MCHED DRUG YOD KYANG RUNG, MED KYANG RUNG STE, GNAS GYUR PA LA NI GZHAN DU 'GYUR BA NYID KYANG RE ZHIG MED PA YIN NA, NYAMS PAR 'GYUR BA LTA YOD PAR GA LA 'GYUR, DBYINGS DE NI YONGS SU SHES PAR BYA BA DANG, SPANG BAR BYA BA MA YIN TE, DE'I PHYIR DGAG PAR BYA BA YANG MA YIN NO, ,PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS PA'I GNAS GYUR PA YOD PAR BRJOD PAR BYA'AM, MED PAR BRJOD PAR BYA ZHE NA, SMRAS PA, YOD PAR BRJOD PAR BYA'O, ,MTSAN NYID JI LTA BUR BRJOD PAR GYUR PA YOD PAR BRJOD PAR BYA'AM, MED PAR BRJOD PAR BYA ZHE KYI DBYINGS SHIN TU RNAM PAR DAG PA'I MTSAN NYID YIN NO, ,CI'I PHYIR YOD PAR BRJOD PAR BYA ZHE NA, SMRAS PA, PHUNG PO'I LHAG MA DANG BCAS PA DANG, PHUNG PO'I LHAG MA MED PA'I MYA NGAN LAS 'DAS PA'I DBYINGS NA GNAS GYUR PA DE'I CHOS NYID MI 'KHRUGS PA NYID KYI PHYIR TE, CHOS NYID MI 'KHRUGS PA DE NYID LA BRTEN NAS DE SNGON YOD LA PHYIS MED PAR YANG MI RIGS PA'I PHYIR RO, ,CHOS DE NI BYUNG BA DANG, SKYE BA DANG, 'GRUB PA MA YIN MOD KYI, CHU LTAR DANG BA NYID DU GYUR PA DANG, GSER @124A *, ,LTAR BZANG BA NYID DU GYUR BA DANG, NAM MKHA' LTAR SPRIN DANG KHUG RNA DANG BRAL BA NYID DU GYUR PA YIN TE, DE'I PHYIR YOD PAR BRJOD PAR BYA'O, ,RTAG PAR BRJOD PAR BYA'AM, MI RTAG PAR BRJOD PAR BYA ZHE NA, SMRAS PA, RTAG PAR BRJOD PAR BYA'O, ,DE CI'I PHYIR ZHE NA; SMRAS PA, DE BZHIN NYID RNAM PAR DAG PAS RAB TU PHYE BA'I PHYIR DANG, MA BYUNG BA'I PHYIR DANG, MA SKYES PA'I PHYIR DANG, LDOG PA MED PA'I PHYIR RO, ,CI'I BDE BAR BRJOD PAR BYA'AM, BDE BA MA YIN PAR BRJOD PAR BYA ZHE NA, SMRAS PA, DON DAM PA'I 'DEBS BDE BAR BRJOD PAR BYA'I; TSOR BA'I BDE BAS NI MA YIN NO, ,DE CI'I PHYIR ZHE NA, NYON MONGS PA THAMS CAD DANG, DE LAS BYUNG BA'I SDUG BSNGAL THAMS CAD LAS YANG DAG PAR 'DAS PA NYID KYI PHYIR RO, ,PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS PA RNAMS LA BYE BRAG GAM, BSAM PA'AM, THA DAD DU BYA BA 'GA' LTA YOD DAM ZHE NA, SMRAS PA, MED DE 'DI LAR DBYINGS DE LA NI DMAN PA DANG, 'BRING DANG, KHYAD PAR DU 'PHAGS PA RNAM PAR GZHAG PA YANG MED LA, MTHON DMAN YANG MED LA, BZANG NGAN YANG MED PA'I PHYIR RO, , NYAN THOS DANG, DE BZHIN GSHEGS PA LA CI'I PHYIR BYE BRAG MED DE, 'DI LTAR NYAN THOS NI SGRIB PA DANG BCAS BZHIN DU PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS LA, DE BZHIN GSHEGS PA NI THAMS CAD KYI THAMS CAD DU SGRIB PA MI MNGA' BA YIN NO ZHE NA, SMRAS PA, PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS LA GNAS PA LA NI SGRIB PA DANG BCAS PA DANG SGRIB PA MED PA RNAM PAR GZHAG PA YOD KYI, PHUNG PO'I LHAG MA MED PA'I MYA NGAN LAS 'DAS PA'I DBYINGS LA GNAS PA LA NI SGRIB PA RNAM PAR GZHAG PA MED DO, ,DE CI'I PHYIR ZHE NA, MTSAN MA DANG GNAS NGAN LEN THAMS CAD THAMS CAD KYI THAMS CAD DU RGYUN CHAD CING 'GAGS PA'I PHYIR TE, 'DI LTAR DGRA BCOM PA PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS LA GNAS PA'I MTSAN MA THAMS CAD KYI THAMS CAD DU @124B MA 'GAGS PA DANG, RNAM PAR SMIN PA DANG, GNAS NGAN LEN GYI SGRIB PA MA 'GAGS PA DE NI DE'I NYON MONGS PA'I BAG CHAGS ZHES BYA STE, MTSAN MA DANG GNAS NGAN LEN LA LTOS NAS SGRIB PA RNAM PAR GZHAG PA DE LA NI PHUNG PO'I LHAG MA MED PA LA MED PAS DE'I PHYIR DE LA NI SGRIB PA MED PA KHO NAR RIG PAR BYA'O, ,GAL TE DE LA SGRIB PA MED PA DE, JI LTAR DE BZHIN GSHEGS PA LA SGRIB PA MI MNGA' BA DE KHO NA BZHIN DU DGRA BCOM PA LA YANG SGRIB PA MED PA YIN NA, CI'I PHYIR DGRA BCOM PA YANG DE BZHIN GSHEGS PA'I MDZAD MI BYED CE NA, SMRAS PA, SNGON SMON LAM BSGOMS PA MED PA'I PHYIR DANG, DE LTA BU'I RIGS CAN YIN PAS DE'I PHYIR DGRA BCOM PA NI LDANG BA'I BSAM PA MED PA KHO NAR YONGS SU MYA NGAN LAS 'DAS PAS NA DE'I PHYIR MI BYED DO, ,PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS PA'I ZAG PA MED PA'I DBYINGS GANG YIN PA DE NI, GZUGS LAS GZHAN DU BRJOD PAR BYA'AM, GZHAN MA YIN PAR BRJOD PAR BYA ZHE NA, SMRAS PA, GZHAN YANG MA YIN, GZHAN MA YIN PA YANG MA YIN PAR BRJOD PAR BYA'O, ,GZUGS DANG JI LTA BA BZHIN DU TSOR BA LA SOGS PA DANG, 'DU BYED THAMS CAD DANG, KHAMS THAMS CAD DANG, 'GRO BA THAMS CAD DANG YANG DE BZHIN DU RIG PAR BYA'O, ,PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN 'DAS PA, CI GZUGS LA SOGS PA LA DBANG THOB PAR BRJOD PAR BYA'AM, DBANG THOB PA MA YIN PAR BRJOD PAR BYA ZHE NA, SMRAS PA, DBANG THOB PAR BRJOD PAR BYA'O, ,DBANG THOB NA CI MNGON DU BYED PAR BRJOD PAR BYA'AM, MNGON DU MI BYED PAR BRJOD PAR BYA ZHE NA, SMRAS PA, LA LA NI MNGON DU BYED LA, LA LA NI MNGON DU MI BYED DE, DE BZHIN GSHEGS PAR GYUR NAS, PHUNG PO'I LHAG MA MED PA'I MYA NGAN LAS 'DAS PA'I DBYINGS SU MYA NGAN LAS 'DAS PA GANG YIN PA DE NI MNGON DU MDZAD DO, ,DE LAS GZHAN PA NI MNGON DU MI BYED DO, ,GANG GI TSE SPROS PA MED PA'I DBYINGS DE GANG GI GRANGS SU YANG BGRANG BA MA YIN NA, JI LTAR DE MNGON DU BYED CE NA, SMRAS PA, SNGON @125A *, ,YANG DAG PA'I SMON LAM DANG, LAM DE LTA BU BSGOMS PA'I DBANG GIS TE, 'DI LTA STE DPER NA 'GOG PA LA SNYOMS PAR ZHUGS PA LA SNYOMS PAR 'JUG PA LAS LDANG BAR BYA'O, ,LDANG NGO SNYAM DU DE LTAR SEMS PA MED KYANG SNGON MNGON PAR 'DU BYAS PA'I DBANG GIS LANGS NAS YANG SEMS DANG BCAS PA'I SPYOD PA LA SPYOD PAR BYED PA DE BZHIN DU 'DI YANG TSUL DE BZHIN DU BLTA BAR BYA'O, ,NYAN THOS BYANG CHUB TU YONGS SU 'GYUR BA, CI PHUNG PO'I LHAG MA MED PA'I MYA NGAN LAS 'DAS PA'I DBYINGS LA GNAS SHING, BLA NA MED PA YANG DAG PAR RDZOGS PA'I BYANG CHUB MNGON PAR SGRUB PAR BYED DAM, 'ON TE PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS LA GNAS SHING BYED CE NA, SMRAS PA, PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS LA GNAS SHING BYED DE, 'DI LTAR PHUNG PO'I LHAG MA MED PA'I MYA NGAN LAS 'DAS PA'I DBYINGS LA GNAS PA NI RTZOM PA THAMS CAD DANG BRAL ZHING, 'BAD PA THAMS CAD RGYUN BCAS PA YIN PA'I PHYIR RO, ,GAL TE PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS LA GNAS SHING, BLA NA MED PA YANG DAG PAR RDZOGS PA'I BYANG CHUB MNGON PAR SGRUB PAR BYED CE NA, JI LTAR SKYE BA GCIG GIS BLA NA MED PA YANG DAG PAR RDZOGS PA'I BYANG CHUB MNGON PAR BSGRUB TU RUNG STE, DGRA BCOM PA LA NI RE ZHIG SKYE BA GCIG KYANG MED NA, SKYE BA'I RGYUN LTA SMOS KYANG CI DGOS SHE NA, SMRAS PA, TSE'I 'DU BYED BSRINGS NAS MNGON PAR SGRUB PAR BYED DO, ,BCOM LDAN 'DAS KYIS KYANG NYAN THOS BYANG CHUB TU YONGS SU 'GYUR BA LAS SHAS CHER DGONGS NAS, RIGS KYI BU NOR GYI RANG BZHIN CAN NI RDZU 'PHRUL GYI RKANG PA BZHI BSGOMS NAS BSKAL PA'AM, BSKAL PA LAS LHAG PAR GNAS PAR 'GYUR RO ZHES GSUNGS TE, BSKAL PA LAS LHAG PAR ZHES BYA BA NI 'DI BSKAL PA PAS PHA ROL YIN PAR DGONGS SO, ,DE NI DE LTAR TSE'I 'DU BYED BSRINGS SU ZIN KYANG BLA NA MED PA YANG DAG PAR RDZOGS PA'I BYANG CHUB TU SHIN TU DUL BA YIN TE, MYA NGAN LAS 'DAS PA LA MNGON @125B PAR DGA' BA'I PHYIR TE, BYANG CHUB SEMS DPA' LAS DANG PO PA YANG DE LTA MA YIN NO, ,DE NI DE LTAR TSE'I 'DU BYED BSRINGS NAS DBANG PO'I LUS BYIN GYIS RLOB PAR BYED CING, SPRUL PA'I LUS KYIS CHOS MTHUN PA PA DAG LA, PHUNG PO LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DA' BA STON PAR BYED DE, DES NA DE DAG 'DI SNYAM DU DE NI PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS SO SNYAM DU SEMS SO, ,DE DBANG PO'I LUS BYIN GYIS BRLABS PA DES 'DZAM BU'I GLING 'DIR GAR 'DOD PA CI NAS KYANG LHA RNAMS KYIS KYANG MI MTHONG NA, SEMS CAN PHAL PA GZHAN DAG GIS LTA SMOS KYANG CI DGOS PA DE LTAR RAB TU DBEN PAR GNAS PAR BYED DO, ,DE MYA NGAN LAS 'DAS PA LA MNGON PAR DGA' BA DE LAN MANG DU GNAS PAS, 'JIG RTEN GYI KHAMS RAB 'BYAMS DE DANG DE DAG TU DE BZHIN GSHEGS PA DANG BYANG CHUB SEMS DPA' RNAMS LA BSNYEN BKUR BYA BA DANG, BYANG CHUB KYI PHYOGS KYI LAM BSGOMS PA LA BAG MED PA NA, YANG DANG YANG DU SANGS RGYAS DANG BYANG CHUB SEMS DPA' RNAMS KYIS YANG DAG PAR SKUL BAR MDZAD DE, YANG DAG PAR SKUL BAR MDZAD PA NA YANG; YANG DANG YANG DU BAG YOD PA LA RNAL 'BYOR DU BYED DO, ,GAL TE DGRA BCOM PA BYANG CHUB TU YONGS SU 'GRUB PAR GYUR PA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR NA, CI'I PHYIR DGRA BCOM PA THAMS CAD KYANG BYANG CHUB TU YONGS SU 'GYUR RAM MI 'GYUR ZHE NA, SMRAS PA, RIGS KYI BYE BRAG KHO NA'I PHYIR TE, 'DI LTAR DGRA BCOM PA RNAMS NYID LA YANG DGRA BCOM PA LA LA NI GNYI GA'I CHA LAS RNAM PAR GROL ZHING PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DA' BAR BYED LA, LA LA NI SHES RAB KYIS RNAM PAR GROL BA KHO NAS BYED PA'I BYE BRAG SNANG BAS, DE'I PHYIR RIGS KYI BYE BRAG NYID KYIS NA DGRA BCOM PA THAMS CAD BYANG CHUB TU YONGS SU 'GRUB PAR MI 'GYUR BAR RIG PAR BYA'O, ,NYAN THOS BYANG CHUB TU YONGS SU 'GYUR BA DE YANG RES 'GA' @126A *, ,NI SLOB PAR GYUR PA KHO NAR GYUR PA'I TSE NA NYAN THOS KYI SMON LAM LAS RNAM PAR LDOG PAR BYED DO, ,RES 'GA' NI MI SLOB PAR GYUR NAS DBANG PO'I RIM PA DANG RKYEN GYI RIM PA NYID LA LTOS NAS LDOG PAR BYED DO, ,JI LTAR NYAN THOS BYANG CHUB TU YONGS SU 'GYUR BA RKYEN RNYED NA BLA NA MED PA'I THEG PAS KYANG YONGS SU MYA NGAN LAS 'DA' BAR 'GYUR BA DE LTAR BYANG CHUB SEMS DPA' YANG GAL TE SANGS RGYAS DANG BYANG CHUB SEMS DPA' RNAMS KYIS BTANG SNYOMS SU BZHAG CING DE DE LTAR DE DAG GIS BTANG SNYOMS SU BZHAG PA'I RGYUS THEG PA DMAN PAS YONGS SU MYA NGAN LAS 'DA' BA'I RKYEN SNYING THAG PA LA SOGS PA DAG RNYED PA NA THEG PA DMAN PAS KYANG YONGS SU MYA NGAN LAS 'DA' BAR 'GYUR RAM ZHE NA, GANG GI PHYIR DE BAG MED PAR GYUR CING SANGS RGYAS DANG BYANG CHUB SEMS DPA' RNAMS KYIS BTANG SNYOMS SU 'JOG PAR 'GYUR BA DE NI GNAS MA YIN SKABS MA YIN TE DE NI GNAS MED DO, ,BYANG CHUB TU YONGS SU 'GYUR BA DE YANG GANG GI TSE BLA NA MED PA YANG DAG PAR RDZOGS PA'I BYANG CHUB THOB PAR 'GYUR BA DE'I TSE NA DE BZHIN GSHEGS PA KHO NAR GYUR NAS PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DA'O, ,BYANG CHUB TU YONGS SU 'GYUR BA DE CI DANG PO NYID NAS NYAN THOS KYI RIGS CAN YIN PAR BRJOD PAR BYA'AM, 'ON TE BYANG CHUB SEMS DPA'I RIGS CAN YIN PAR BRJOD PAR BYA ZHE NA, SMRAS PA, MA NGES PA'I RIGS CAN YIN PAR BRJOD PAR BYA STE, MA NGES PA'I SEMS CAN GYI TSOGS RNAM PAR GZHAG PA DANG 'DRA'O, ,DE YONGS SU MYA NGAN LAS 'DA' BA'I CHOS CAN NYID KYI RIGS SU NI NGES PA YIN PAR RIG PAR BYA'O, ,GNAS DER ZHUGS PA DE LA JI LTAR 'CHI BA'I 'JIGS PA MED PA BZHIN DU NA BA DANG, RGA BA'I 'JIGS PA YANG MED DO, ,DE DAG DANG GZHAN DE BZHIN GSHEGS PAR GYUR CING PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS PA DAG NI PHYOGS BCUR YANG DANG @126B YANG DU SEMS CAN GYI DON BSAM GYIS MI KHYAB PA DAG GTAN DU MDZAD PAR RIG PAR BYA STE, 'DI LTA STE DPA' BAR 'GRO BA'I TING NGE 'DZIN LAS SGYU MA MKHAN GYI DPE DANG, DED DPON GYI DPE DANG, GRUB PA'I DPE MDZAD PA BZHIN DU 'DIR YANG TSUL DE BZHIN DU BLTA BAR BYA'O, ,'DI NI DE BZHIN GSHEGS PA'I MCHOG TU GSANG BA YIN TE, 'DI DANG DE BZHIN GSHEGS PA'I GSANG BA SNA TSOGS GZHAN DAG LA MOS PAS SPYOD PA'I SAR CHUD PA'I BYANG CHUB SEMS DPA' BZOD PA CHUNG NGU LA ZHUGS PA RNAMS NI MOS PA CHUNG NGUS 'JUG GO, ,BZOD PA 'BRING LA ZHUGS PA RNAMS NI MOS PA 'BRING GIS 'JUG GO, ,BZOD PA CHEN PO LA ZHUGS PA RNAMS NI MOS PA CHEN POS 'JUG KYANG MOS PA RNAM PAR DAG PA DANG, SHIN TU RNAM PAR DAG PAS NI MA YIN NO, , SAR CHUD PA RNAMS LAS KYANG BYANG CHUB SEMS DPA' LHAG PA'I BSAM PA RNAM PAR DAG PA RNAMS NI THAMS CAD DU MOS PA SNGA MA LAS CHES KHYAD PAR DU 'PHAGS PA, CHES GYA NOM PA, SO SO RANG GI RNAM PAS GRUB PA'I MOS PA RNAM PAR DAG PAS 'JUG GO, ,SA GNYIS PAR CHUD PA RNAMS NI DE BAS KYANG CHES KHYAD PAR DU 'PHAGS PAS 'JUG STE, DE BZHIN DU SA DGU PA'I BAR LA ZHUGS PA DAG KYANG THAMS CAD DU GONG NAS GONG DU KHYAD PAR DU 'PHAGS PA'I MOS PA RNAM PAR DAG PAS 'JUG GO, ,BYANG CHUB SEMS DPA' SA BCU PAR CHUD PA RNAMS NI DE BZHIN GSHEGS PA'I GSANG BA DE DAG LA MOS PA SHIN TU RNAM PAR DAG PAS 'JUG STE, DE LTAR NA DE BZHIN GSHEGS PA'I GSANG BA DE DAG NI BSAM GYIS MI KHYAB PA DANG, BRTAG PAR BYA BA MA YIN PA DANG, RTOG GE'I SPYOD YUL MA YIN PAR RIG PAR BYA'O, ,CHOS RNAM PAR GTAN LA DBAB PA'I BSDUS PA'I DON GANG ZHE NA, SMRAS PA, RNAM PA RAB TU DBYE BAS CHOS RNAMS RNAM PAR GZHAG NAS, DE DAG NYID KYI RANG DANG SPYI'I MTSAN NYID DANG, DE DAG NYID KYI @127A *, ,BRGAL BA'I LAN DANG, DE DAG NYID KYI GCIG NAS BRTAG PA DANG, TSIG GONG MA DANG SBYAR BA DANG, TSIG 'OG MA DANG SBYAR BA DANG, MU BZHIR BCAD PA LA SOGS PAS RAB TU RNAM PAR DBYE BA GANG YIN PA DANG, DE DAG NYID KYI BSDU BA DANG, MTSUNGS PAR LDAN PA DANG, 'THOB PA RNAM PAR GZHAG PA GANG YIN PA DE NI DE'I BSDUS PA'I DON YIN PAR RIG PAR BYA'O, ,SA DANG SA DAG GI RNAM PAR GTAN LA DBAB PA'I RAB TU DBYE BA NI DPAG TU MED DE, PHYOGS TZAM ZHIG YANG DAG PAR BSTAN PA NI 'DI YIN PAS PHYOGS 'DI DANG, BSLAB PA 'DI DANG, TSUL 'DI DANG, GTAN LA DBAB PAR BSTAN PA 'DIS GZHAN DAG KYANG BRTAG PAR BYA'O, ,PHUNG PO DANG BCAS PA DANG PHUNG PO MED PA'I SA'I RNAM PAR GTAN LA DBAB PA RDZOGS TE, RNAM PAR GTAN LA DBAB PA'I GZHUNG DE LAS GZHAN NI MI SNANG NGO, ,RNAL 'BYOR SPYOD PA'I SA RNAM PAR GTAN LA DBAB PA BSDUS PA RDZOGS SO,, ,,RGYA GAR GYI MKHAN PO PO PRA DZNY'A WARMMA DANG, SU RENDRA BO DHI DANG, ZHU CHEN GYI LO TZ'A BA BANDE YE SHES SDE LA SOGS PAS BSGYUR CING ZHUS TE GTAN LA PHAB PA'O, , ` ,RNAL 'BYOR SPYOD PA'I SA LAS GZHI BSDU BZHUGS, #, ,RNAL 'BYOR SPOD PA'I SA LAS GZHI BSDU BA, BAM PO DANG PO, GZHI BSDU BA GANG ZHE NA, GNAS GSUM GYIS GZHI BSDU BAR 'GYUR TE, 'DI LTA STE, MDO SDE'I GZHI DANG, 'DUL BA'I GZHI DANG, MA MO'I GZHI'O, ,MDO SDE'I GZHI GANG ZHE NA, GNAS NYI SHU RTZA BZHIS PO GANG ZHE NA, 'DI LTA STE, SO SOR THAR PA'I MDO SDE DANG, GZHI'I MDO SDE DANG, NYAN THOS DANG LDAN PA'I MDO SDE DANG, THEG PA CHEN PO DANG LDAN PA'I MDO SDE DANG, MA RTOGS PA'I DON RTOGS PAR BYED PA DANG, RTOGS PA'I DON YONGS SU BYANG BAR BYED PA DANG, DUS KYI DANG POR BYA BA DANG, KHYAD PAR DU 'GRO BAR BYED PA DANG, NAG PO'I PHYOGS BRJOD PA DANG, DKAR PO'I PHYOGS BRJOD PA DANG, BKRI BA'I DON DANG, NGES PA'I DON DANG, DON BSDUR BSDUS LA @127B TSIG DANG, YI GE RGYAS PA DANG, DON RGYAS LA TSIG DANG, YI GE MDOR BSDUS PA DANG, DON YANG MDOR BSDUS LA, TSIG DANG YI GE YANG MDOR BSDUS PA DANG, DON YANG RGYAS LA TSIG DANG YI GE YANG RGYAS PA DANG, DON ZAB LA TSIG DANG YI GE GSAL BA DANG, DON GSAL LA TSIG DANG YI GE ZAB PA DANG, DON YANG ZAB LA TSIG DANG YI GE YANG ZAB PA DANG, DON YANG GSAL LA TSIG DANG YI GE YANG GSAL BA DANG, MA 'ONGS PA'I NYES PA BSAL BA DANG, NYE BAR GNAS PA'I NYES PA BSAL BA DANG, THE TSOM SKYES PA BSAL BA'I MDO SDE DANG, DAM PA'I CHOS YUN RING DU GNAS PAR BYED PA'I MDO SDE'O, ,DE LA SO SOR THAR PA'I MDO SDE NI GANG LAS NYES PA SDE LNGA DANG, NYES PA SDE LNGA LAS DBYUNG BA LAS BRTZAMS TE, BSLAB PA'I GZHI BRGYA LNGA BCU RTZA GCIG GIS BSTAN PA 'BYUNG BA STE, GANG YANG DAG LA PHAN PAR 'DOD PA'I RIGS KYI BU RNAMS SLOB PA YIN NO, ,GZHI'I MDO SDE NI LUNG RNAM PA BZHI STE, 'DI LTA STE, YANG DAG PAR LDAN PA DANG, BAR MA DANG, RING PO DANG, GCIG LAS 'PHROS PA'O, ,YANG DAG PAR LDAN PA NI GANG LA PHUNG PO DANG, SKYE MCHED DANG, RTEN CING 'BREL BAR 'BYUNG BA DANG LDAN PA STE, DE DANG DER 'DUL BA LA GZIGS NAS BCOM LDAN 'DAS KYIS GSUNGS PA DANG, DE'I 'OG TU YANG DAG PAR SDUD PAR BYED PA RNAMS KYIS BSTAN PA YUN RING DU GNAS PAR BYA BA'I PHYIR SDOM GYI TSIGS SU BCAD PA SBYAR BAR CI RIGS PAR GO RIMS SU PHAB STE GTAM DU SBYAR BA DANG, DE BZHIN DU ZAS DANG BDEN PA DANG, KHAMS DANG TSOR BA DANG LDAN PA DANG, NYAN THOS DANG, DE BZHIN GSHEGS PAS BSTAN PA DANG LDAN PA DANG, DRAN PA NYE BAR GZHAG PA DANG, YANG DAG PAR SPONG BA DANG, RDZU 'PHRUL GYIS RKANG PA DANG, DBANG PO DANG, STOBS DANG, BYANG CHUB KYI YAN LAG DANG, LAM GYI YAN LAG DANG, DBUGS PHYI NANG DU RGYU BA DRAN PA DANG, BSLAB PA RNAMS DANG, SHES NAS DAD PA DANG LDAN PA DANG, 'KHOR BRGYAD KYI DBANG DU BYAS NAS 'KHOR DANG LDAN PA'O, ,YANG DAG @128A *, ,PAR LDAN PA DE DAG THAMS CAD KYANG RNAM PA GSUM DU SHES PAR BYA STE, GSUM GANG ZHE NA, SU STON PA DANG, CI STON PA DANG, GANG LA STON PA DANG, NYAN THOS SAM DE BZHIN GSHEGS PA STON PA NI 'DI LTA STE, NYAN THOS KYIS BSTAN PA DANG, SANGS RGYAS KYIS BSTAN PA'I SDE TSAN NO, ,GANG SHES PA DANG GANG GIS SHES PA DE NI BSTAN PA STE, 'DI LTA STE, NYE BAR LEN PA'I PHUNG PO LNGA DANG, SKYE MCHED DRUG DANG, RGYU DANG LDAN PA RNAMS KYI SDE TSAN DANG, LAM GYI TSOGS KYI SDE TSAN NO, ,DGE SLONG DANG BDUD LA SOGS PA'I 'KHOR DE DAG NYID KYI PHYIR BSTAN TE, 'DI LTA STE, YANG DAG PAR BRJOD PA'I SDE TSAN LAS BYUNG BA BZHIN NO, ,'DI DAG NI THAMS CAD CES BYA BA YIN TE, 'DI LTA STE, SU STON PA DANG, CI STON PA DANG, GANG LA STON PA'O, ,GZHI THAMS CAD DANG LDAN PA'I GTAM DE YANG DAG PAR LDAN PA LAS 'BYUNG BAS NA DE'I PHYIR YANG DAG PAR LDAN PA ZHES BYA'O, ,DE DANG LDAN PA'I GTAM NYID RNAM PA GZHAN DU BAR GYI MDO SDE RNAMS KYIS BSTAN PAS NA DE'I PHYIR BAR MA ZHES BYA'O, ,DE NYID RNAM PA GZHAN DU RGYUD RING PO'I MDO SDE RNAMS KYIS BSTAN PAS NA DE'I PHYIR RING PO ZHES BYA'O, ,GCIG DANG GNYIS DANG GSUM LA SOGS PA NAS GCIG NAS GCIG TU SDE TSAN GYI TSUL GYIS 'BYUNG BAS NA GCIG LAS 'PHROS PA ZHES BYA'O, ,DE DAG NI LUNG BZHIN ZHES BYA BA YIN TE, SLOB DPON DANG SLOB MA GCIG NAS GCIG TU BRGYUD DE 'ONGS BAS NA LUNG ZHES BYA'O, , 'DI NI GZHI'I MDO SDE'O, ,GSUNG RAB TU GTOGS PA'I YAN LAG BCU GNYIS LAS SHIN TU RGYAS PA'I YAN LAG MA GTOGS PA RNAMS NI NYAN THOS DANG LDAN PA'O, ,SHIN TU RGYAS PA'I YAN LAG DE NYID NI THEG PA CHEN PO DANG LDAN PA'I MDO SDE YIN TE, DE'I RNAM PAR BYA BA YANG SNGA MA BZHIN DU RIG PAR BYA'O, ,MDO SDE RNAM PA BZHI PO 'DI DAG KYANG MA RTOGS PA'I DON RTOGS PAR BYA BA LA SOGS PA RNAM PA NYI SHU PO DAG GZHAN LAS CI RIGS PAR RIG PAR BYA'O, ,MDO SDE RAB TU RNAM PAR DBYE BAR BYA BA'I PHYIR MDO SDE RNAM PA BZHI PO 'DI DAG LAS LHAG PAR BSHAD PA @128B GANG YIN PA DE LAS BRTZAMS TE, MDO SDE'I MA MO DE BZHIN GSHEGS PAS GSUNGS SHING DE BZHIN GSHEGS PAS BSTAN LA BSNGAGS SHING BRJOD PA'I GTZUG LAG BSTAN PAR BYA STE, DPER NA MA MO MED PA'I YI GE RNAMS GSAL BA MA YIN PA DE BZHIN DU MA MOS YONGS SU ZIN PA'I MDO SDE RNAMS NI DON MI MNGON ZHING DON MI GSAL BA YIN NO, ,DE LAS BZLOG PA NI DON GSAL BA YIN TE, DE BAS NA MA MO ZHES BYA'O, ,SPYI SDOM NI, KHAMS DANG GDAMS NGAG BSDUS PA DANG, 'DU SHES RNAM PA MNGON SHES 'GYUR, ,RGYU DANG SPONG BA'I YAN LAG DANG, PHYOGS GNYIS SHES PA GZHI DANG BCAS, ,DGRA BO DANG NI NYES DMIGS MED, ,THUGS KHRAL CHUNG NGUR BZHUGS PA'O, ,SDOM NI, KHAMS DANG LEGS GSUNGS SNGON DU 'GRO, ,BRTAG PA DANG NI BYIS PA'I RTAGS, ,MI RTAG LA SOGS PA NGES PA DANG, ,GO RIMS RNAM PA GNYIS SU BSTAN, RTAG PA MA YIN CHAD PA MIN, ,KUN NAS NYON MONGS RNAM PAR BYANG, ,BZHI PO 'DI DAG NI 'DUL BA RNAMS KYI SNGON LOG PAR MOS PA DANG, LTA BA LA GOMS PA LAS BYUNG BA'I KHAMS RNAMS YIN TE, BZHI GANG ZHE NA, SNGON GYI SRID PA'I GNAS SU KHOG PA DANG LUS THOB PA NA, RTAG PAR LTA BA'I DBANG GIS DAM PA'I CHOS MA YIN PA THOS PA DANG, TSUL BZHIN MA YIN PA YID LA BYED PA'I DBANG DU BYAS NAS, DE LTAR RGYU DE DANG RKYEN DES LOG PAR MOS PA DANG, LTA BA LA GOMS PA LAS BYUNG BA NI KHAMS YIN TE, RTAG PAR LTA BA JI LTA BA BZHIN DU, CHAD PAR LTA BA DANG, TSE 'DI LA MYA NGAN LAS 'DA' BAR LTA BA DANG, 'JIG TSOGS LA LTA BA YANG DE BZHIN DU SBYAR RO, ,DE LA BCOM LDAN 'DAS KYIS MOS PA SNA TSOGS MKHYEN PA'I STOBS DANG, KHAMS SNA TSOGS MKHYEN PA'I STOBS KYI SGO NAS SNGON GYI MOS PA YANG BRTAGS NAS, PHYI MA'I KHAMS KYANG CI RIGS PAR LOG PAR MOS PA'I KHAMS GDUL BA'I PHYIR BSTAN PA RNAM PA BZHI PHAL CHER 'JUG PAR MDZAD DO, ,YANG NA DE MA YIN PA SHES PA YONGS SU MA SMIN PA RNAMS KYI SHES PA YONGS SU SMIN PAR BYA BA DANG, SHES PA YONGS SU @129A *, ,SMIN PA RNAMS NYON MONGS PA LAS RNAM PAR THAR BAR BYA BA'I BSTAN PA 'JUG PAR MDZAD DO, ,DE LA LOG PA'I KHAMS DANG PO DANG LDAN PA RNAMS LA NI LOG PAR MOS PA'I KHAMS DE GDUL BA'I PHYIR RGYU 'GAGS PAS 'DU BYED 'GAG GO ZHES 'DU BYED 'JIG PA'I SGO NAS MI RTAG PA STON TO, ,DE'I 'OG MA KHAMS GNYIS PA DANG LDAN PA RNAMS LA NI RGYU KUN 'BYUNG BAS 'DU BYED KUN 'BYUNG NGO ZHES 'DU BYED 'BYUNG BA'I SGO NAS MI RTAG PA STON TO, ,DE'I 'OG MA KHAMS GSUM PA DANG LDAN PA RNAMS LA NI 'DU BYED SDUG BSNGAL BA'I SGO NAS STON TO, ,DE'I 'OG MA KHAMS BZHI PA DANG LDAN PA 'DU BYED RNAMS LAS LOGS SHIG TU 'JIG TSOGS LA LTA BA LA SPYOD PA RNAMS LA NI STONG PA NYID KYI SGO NAS STON TO, ,'DU BYED RNAMS NYID LA 'JIG TSOGS LA LTA BA SPYOD PA RNAMS LA NI BDAG MED PA'I SGO NAS BSTAN PA 'JUG GO, ,MA 'DRES PA'I YAN LAG GSUM GYIS NI LEGS PAR GSUNGS PA'I CHOS 'DUL BA 'DI LAS PHYI ROL BA RNAMS DANG THUN MONG MA YIN PA BSTAN TE, DE LEGS PAR GSUNGS PA ZHES BYA BA'I GRANGS SU'ANG 'GRO'O, ,DE LA YAN LAG RNAM PA GSUM NI YONGS SU GRUB PA DANG, YONGS SU MTHAR THUG PA'I THAMS CAD LAS RNAM PAR GROL BA BSTAN PA DANG, DE NYID KYI THABS BSTAN PA DANG, DE NYID KYIS SO SO RANG RIG PAR BYA'O, ,YONGS SU GRUB PA DANG YONGS SU MTHAR THUG PA THAMS CAD LAS RNAM PAR GROL BA GANG ZHE NA, BYA BA DANG BCAS PA DANG, BYA BA MED PA'I PHYIR RNAM PAR GROL BA RNAM PA GSUM YOD DE, 'JIG RTEN PA'I DANG, SLOB PA'I DANG, MI SLOB PA'I'O, ,DE LA 'JIG RTEN PA'I NI PHYIR LDOG PAS NA YONGS SU GRUB PA MA YIN NO, ,SLOB PA'I BYA BA DANG BCAS PA'I PHYIR MTHAR THUG PA MA YIN TE, YONGS SU GRUB PA NI MA YIN NO, ,LHAG MA NI GNYI GA YIN PAR RIG PAR BYA'O, ,THABS GANG ZHE NA, 'DU BYED RNAMS KYI JI LTA BA DANG JI SNYED PA YOD PA LAS BRTZAMS TE, MI RTAG PA 'DU SHES PA DANG, MI RTAG PA LA SDUG BSNGAL BAR 'DU SHES PA DANG, SDUG BSNGAL BA LA STONG PA DANG, BDAG MED PAR 'DU SHES PA BSGOM PA @129B LA BRTEN NAS BDEN PA MNGON PAR RTOGS PA'I TSE SHES BYA MNGON SUM DU BYED PA'I PHYIR YANG DAG PA'I LTA BA THOB BO, ,LTA BA DE LA BRTEN NAS SGOM PA'I LAM LA 'DU BYED RNAMS LA MI MTHUN PA'I 'DU SHES KYI GNAS PAS GNAS PAR 'GYUR BA'I DE DANG LDAN PA'I TSOR BA YUL LKOG TU GYUR PA DRAN PA LA RTOG PA'I SNANG BA NYE BAR GNAS PAS DGA' BA MED PA DANG, DGA' BA MED PA DE'I SGO NAS RGYU BA LA GNAS PA NA, TSOR BA DE'I DMIGS PA'I YUL LA LHAG PAR ZHEN PA MED DE, DE GANG GI DON DU YUL LA ZHEN PAR 'GYUR BA DE'I DON DE NYID KYANG MED NA MNGON PAR ZHEN PA LTAG LA YOD DE, DE DE LTAR GNAS PA DANG, RGYU BA GNYIS KYI DGA' BA DANG, 'DOD CHAGS KYI KUN NAS DKRIS PA YANG DAG PAR ZAD PA'I PHYIR YONGS SU DAG PA'I SEMS KYIS GNAS SHING JI LTAR THOB PA'I LAM DE NYID LAN MANG DU BYAS PA'I RGYUS DE'I PHYOGS KYIS GNAS NGAN LEN GYI BAG LA NYAL BCOM PAS YONGS SU GRUB PA DANG YONGS SU MTHAR THUG PAR GROL BA RJES SU 'THOB STE, DE THOB NA SEMS SHIN TU RNAM PAR GROL BAR RIG PAR BYA'O, ,SO SOR RIG PAR BYA BA GANG ZHE NA, DE NI RNAM PAR BZHIR RIG PAR BYA STE, GAL TE SLONG BA'I RNAM PAR GROL BA LA GNAS, NA NI DE RNAM PA GNYIS SU RANG GI SHES RAB KYIS SO SOR RIG PAR 'GYUR TE, BDAG GI NGAN SONG RNAMS SU 'DU BYED MNGON PAR 'GRUB PA ZAD DO, ,SKYE BA BDUN NAM GNYIS SAM GCIG MA GTOGS PA DE LAS GZHAN PA YANG SRID PAR SKYE BA'I 'DU BYED MNGON PAR 'GRUB PAR ZAD DE, , DE ZAD PAR BYED PA'I LAM YANG GTAN DU YONGS SU NYAMS PAR MI 'GYUR BAR BDAG GIS BSTEN TO SNYAM MO, ,GAL TE MI SLOB PA'I RNAM PAR GROL BA LAS GNAS NA NI DE YANG RNAM PA GNYIS KHO NAS SO SOR RIG PAR 'GYUR TE, BDAG GIS NYON MONGS PA MA LUS PAR SPANG BA'I PHYIR BSLAB PAR BYA BA THAMS CAD BYAS ZIN TO, ,BDAG GI SKYE BA GCIG KYANG MA LUS NA GNYIS SAM BDUN LTA GA LA YOD SNYAM PA STE, 'DOD NA GZHAN DAG LA YANG LUNG STON PAR BYED DO ZHES BYA BA 'DI NI SO SOR RANG RIG ZHES BYA'O, ,RNAM PAR GROL BA DE'I SNGON DU 'GRO BA'I CHOS NI 'DI GNYIS @130A *, ,YIN TE, LTA BA'I SNGON DU 'GRO BA DANG, LAM GYI 'BRAS BU'I SNGON DU 'GRO BA'O, ,LTA BA'I SNGON DU 'GRO BA NI RNAM PAR GROL BA DE DANG, DE'I THABS DANG, DE'I SO SO RANG RIG PA'I DBANG DU BYAS NAS PHA ROL GYI SGRA THOS PA DANG, BSAMS PA DANG, BSGOMS PA LAS BYUNG BA, DGE BA RIGS DANG LDAN PA YID LA BYED PA STE, YANG DAG PA'I SKYON MED PA LA MA ZHUGS PA YANG DAG PA'I SKYON MED PA LA 'JUG PAR 'GYUR BA DANG, YANG DAG PA JI LTA BA BZHIN DU LTA BA 'JIG RTEN LAS 'DAS PA'I YANG DAG PA'I LTA BA THOB PAR 'GYUR BA'O, ,LAM GYI 'BRAS BU'I SNGON DU 'GRO BA NI DE LTAR THOB PA'I YANG DAG PA'I LTA BA DE YIN TE, DE MA YIN PA'I YANG DAG PA'I RTOG PA LA SOGS PA LHAN CIG SKYES PA DANG, DE'I 'OG TU 'BYUNG BA'I LAM SKYE BA DANG, NYON MONGS PA LHAG MA SPONG BA RNAMS KYI SNGON DU 'GRO BA'O, , RNAM PAR GROL BA DE MA THOB PAR BYA BA LA BRTAG PA'I GZHI RNAM PA BRGYAD YOD DE, 'DU BYED RNAMS KYI RO MYANG BA DANG, NYES DMIGS PA DANG, NGES PAR 'BYUNG BA BRTAG PA DANG, THOS PA DANG, BSAMS PA DANG, SO SOR BRTAG PA'I STOBS DANG, MTHONG BA DANG BSGOM PA'I LAM BRTAG PA'O, ,DE LA 'DU BYED RNAMS KYI RO MYANG BA LA RTOG NA 'DU BYED KYI RNAMS KYI RO MYANG BA LAS RANG GI MTSAN NYID MNGON PAR RTOGS PAR 'GYUR RO, ,DE DAG NYID KYI NYES PA DMIGS LA RTOG NA TSOR BA GSUM GYIS GNAS SKABS SU GTOGS PA'I NYES DMIGS DE LA NYES DMIGS KYI SGO NAS SPYI'I MTSAN NYID DU YONGS SU SHES TE, 'DI LA MNGON NI CHUNG LA NYES DMIGS 'BA' ZHIG MANG BA DANG RO LA LHAG PAR ZHEN PA'I NYES DMIGS DANG YANG LDAN NO SNYAM DU RIG NAS RO'I GNAS 'DU BYED RNAMS LA 'DUN PA'I 'DOD CHAGS BYUNG NGO COG SEL BA DANG, RNAM PAR GNON PA'I SPONG BAS SPANGS PAS KUN TU MI SPYOD PAR SPONG BAR 'GYUR RO, ,DE'I 'DUN PA'I 'DOD CHAGS DE KUN TU MI SPYOD PAR SPANGS PAS DE'I DNGOS PO'I SGO NAS 'DOD CHAGS DANG BRAL BA 'GYUR TE, SEMS RNAM PAR GROL BA NI MA YIN NO, ,DE'I BDAG LA NYAL LAS YANG DAG @130B PAS 'DAS PAS NI 'DOD CHAGS DANG BRAL BAR YANG 'GYUR LA SEMS RNAM PAR GROL BAR YANG 'GYUR TE, 'DI NI RNAMS GRANGS GCIG GO, ,GZHAN YANG RNAL 'BYOR PA 'DU BYED RNAMS LA RTOG PA NA THOG MA KHO NAR THOS PA LAS BYUNG BA'I SHES RAB KYIS 'DU BYED RNAMS LA MI RTAG PA'AM, MI RTAG PA LA SDUG BSNGAL BA'AM, SDUG BSNGAL BA LA STONG PA DANG, BDAG MED PAR LUNG JI LTA BA BZHIN DU MOS PA KHO NAS MNGON PAR RTOGS PAR 'GYUR RO, ,DES DE LTAR MNGON PAR RTOGS NAS DPYOD PA DANG MTSUNGS PAR LDAN PA'I BSAMS PA LAS BYUNG BA'I YID LA BYED PA CHES ZHIB BAS SHES PA DE NYID YONGS SU SHES SO, ,MNGON PAR RTOGS PA DANG YONGS SU SHES PA DE NYID KYI SGO NAS DE DANG 'BREL BA'I NYON MONGS PA KUN DU SPYOD PA LA TSE 'DI DANG TSE PHYI MA'I NYES DMIGS YANG DAG PAR MTHONG NAS SO SOR BRTAG PA'I STOBS LA BRTEN PAS BYUNG BA DANG DU MI LEN PAR SPONG BAR BYED DO, ,DES MNGON PAR RTOGS PA DANG, YONGS SU SHES PA DANG SO SOR RTOG PA MA NA DU BYED PA'I RGYUS YANG DAG PA'I SKYON MED PA LA 'JUG GO, ,SKYON MED PA LA ZHUGS NAS GANG BSGOM PA'I LAM GYI STOBS KYIS 'DOD CHAGS LA BRAL BAR BYED DE DES SO SOR RTOG PA'I STOBS DANG, MTHONG BA'I LAM GNYIS KYIS KUN TU MI SPYOD PA'I SPONG BA DANG, PHYOGS GCIG SPONG BA CI RIGS PAR SPONG BAR BYED DO, ,BSGOM PA'I LAM GYIS NI 'DOD CHAGS DANG BRAL BAR BYED DO, ,DE LTAR SNGA MA GNYIS KHO NAS 'DUN PA'I 'DOD CHAGS DANG BRAL BAR BYED PA LA BSGOM PA'I LAM GIS NI SEMS RNAM PAR GROL BAR BYED DO, ,NYON MONGS PA SPONG BA'I 'BRAS BU RNAM PA GNYIS TE, SDUG BSNGAL 'GOG PA MTHONG BAS SPANG BAR BYA BA'I 'BRAS BU GANG RTOGS PAS SEMS CAN DMYAL BA RNAMS ZAD PA DANG, DUD 'GRO RNAMS ZAD PA DANG, YI DAGS RNAMS ZAD PA RGYUN DU ZHUGS PA LOG PAR LTUNG BA MA YIN PA'I CHOS CAN LA ZHUGS PA YIN NO ZHES RGYAS PAR SBYAR BA DANG, BSGOMS PAS SPANG BAR BYA BA SPONG BA'I 'BRAS BU NI GANG RTOGS PAS LUS THA MA 'DZIN PA'I DGRA BCOM PAR 'GYUR TE, SRID PA @131A *, ,GNYIS PA MNGON PAR 'GRUB PAR MI 'GYUR BA'O, ,GZHAN YANG SDUG BSNGAL 'GOG PA NI RNAM PA GNYIS TE, DE LTAR GYI RGYU CAN MA 'ONGS PA'I SDUG BSNGAL 'GOG PA DANG, 'DAS PA'I RGYU CAN DA LTAR GYI SDUG BSNGAL 'GOG PA'O, ,GZHAN YANG RNAM PA GNYIS TE, SEMS LAS BYUNG BA'I SDUG BSNGAL 'GOG PA DANG, LUS KYI SDUG BSNGAL 'GOG PA'O, ,GZHAN YANG RNAM PA GNYIS TE, 'GYUR BA'I SDUG BSNGAL BA DANG SDUG BSNGAL GYI SDUG BSNGAL BA'I SDUG BSNGAL 'GOG PA DANG, 'DU BYED KYI SDUG BSNGAL BA'I SDUG BSNGAL 'GOG PA'O, ,GZHAN YANG RNAM PA GNYIS TE, MI SDUG PA'I LAS KYI 'BRAS BU'I SDUG BSNGAL 'GOG PA DANG, SDUG PA'I LAS KYI 'BRAS BU'I SDUG BSNGAL 'GOG PA'O, ,'PHAGS PA NYAN THOS ZHI BA MTHONG BA NI NGAN SONG GI SDUG BSNGAL GYI 'JIGS PA LAS 'DAS PA YIN MOD KYI 'ON KYANG DE'I KUN TU SBYOR BA YONGS SU MA ZAD PA'I PHYIR PHYI MA LA SO SO'I SKYE BO DANG THUN MONGS DU GYUR PA'I SKYE BA DANG RGA SHI'I 'JIGS PA GANG SPANG BAR BYA BA'I PHYIR DES 'DUN PA DRAG PO NAS DRAN PA DANG BAG YOD PA'I BAR DU BRTZON PAR BYA BA YANG YOD DO, ,'DI GNYIS NI BYIS PA'I RTAGS YIN TE, GNYIS GANG ZHE NA, 'DOD PA GANG YIN PA DE NI YANG DAG PA JI LTA BA BZHIN DU RAB TU MI SHES LA MI 'DOD PA GANG YIN PA DE NI MNGON PAR 'GRUB PA STE, BYIS PA CI 'DOD CE NA, MYA NGAN LAS 'DAS PAS SKRAG NAS PHYI MA LA 'DU BYED RNAMS MNGON PAR MI 'GRUB PA MI 'DOD DE 'DU BYED RNAMS MNGON PAR 'GRUB PA 'BA' ZHIG 'DOD PAS NA DE 'DOD PA YIN LA 'DU BYED RNAMS MNGON PAR 'GRUB PA DE NI SDUG BSNGAL BA YIN NA SDUG BSNGAL BAR YANG DAG PA JI LTA BA BZHIN DU RAB TU MI SHES SO, ,MI 'DOD PA GANG YIN PA DE MNGON PAR 'GRUB PA NI RGA BA DANG, NA BA DANG, 'CHI BA DANG, MI SDUG PA DANG PHRAD PA DANG SDUG PA DANG BRAL BA DANG, 'DOD PAS PHONGS PA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS NI MI 'DOD LA DE 'DU BYED DE RNAMS MNGON PAR 'GRUB PA LA MNGON PAR MOS SHING SKYE BA'I RTZA BA @131B CAN GYI 'DU BYED RNAMS LA MNGON PAR DGA' BAS SKYE BA'I RTZA BA CAN GYI LAS RNAMS BYAS SHING BSAGS PAS SKYE BAR 'GYUR TE, DE SKYE BA'I SDUG BSNGAL DANG, SKYE BA'I RTZA BA CAN GYI RGA BA LA SOGS PA'I SDUG BSNGAL GYI KHYAD PAR RNAMS LAS KYANG YONGS SU GROL BAR MI 'GYUR TE, DE LTAR NA MI 'DOD PA GANG YIN PA DE MNGON PAR 'GRUB CES BYA'O, ,'DU BYED RNAMS KYI NGES PA NI BZHI YOD DE, MI RTAG PAR NGES PA DANG, SDUG BSNGAL BAR NGES PA DANG, STONG PAR NGES PA DANG, BDAG MED PAR NGES PA'O, ,DE LA 'DAS PA DANG, MA 'ONGS PA'I 'DU BYED RNAMS KYANG RNAM PA GSUM GYIS MI RTAG PAR RIG PAR BYA NA, DA LTAR BYUNG BA RNAMS LTA CI SMOS TE, GSUM GANG ZHE NA, MED PA SNGON DU 'GRO BA'I YOD PA DANG, YOD PA SNGON DU 'GRO BA'I MED PA DANG, SKYE BA DANG 'JIG PA DANG LDAN PA'O, ,GAL TE MA 'ONGS PA'I 'DU BYED MA BYUNG BA RNAMS GTAN MED PA KHO NA YIN TE, MED PA SNGON DU 'GRO BA'I YOD PA MA YIN NA NI DE DAG MI RTAG PAR NGES PA MA YIN PA ZHIG NA GANG GI PHYIR DE DAG SNGA MA NI MED LA PHYIS NI MED PA SNGON DU 'GRO BA'I YOD PAR 'GYUR BAR SNANG BAS NA DE'I PHYIR DE DAG MI RTAG PAR NGES SO, ,GAL TE DA LTAR BYUNG BA'I 'DU BYED SKYES PA RNAMS YOD PA KHO NA YIN TE YOD PA SNGON DU 'GRO BA'I MED PA KHO NA MA YIN NA NI 'DI DAG MI RTAG PAR NGES PA MA YIN PA ZHIG NA GANG GI PHYIR 'DI DAG SNGA NA NI YOD LA PHYIS NI YOD PA SNGON DU 'GRO BA'I MED PA KHO NAR 'GYUR BAR SNANG BAS NA DE'I PHYIR 'DI DAG MI RTAG PAR NGES SO, , GAL TE 'DAS PA'I 'DU BYED RNAMS KYI SKYE BA DANG 'JIG PA MI SNANG NA NI DE DAG MI RTAG PAR NGES PA MA YIN PA ZHIG NA GANG GI PHYIR DE DAG SKYES PA DANG ZHIG PAR GYUR BAS NA DE'I PHYIR DE DAG MI RTAG PAR NGES TE, 'DI NI 'DU BYED RNAMS KYI MI RTAG PAR NGES PA ZHES BYA'O, ,DE LTAR MI RTAG PA'I 'DU BYED RNAMS LA SDUG BSNGAL BA'I SDUG BSNGAL BA YANG SNANG LA 'GYUR BA'I SDUG BSNGAL BA DANG, 'DU BYED KYI SDUG BSNGAL BA YANG SNANG BA 'DI NI SDUG BSNGAL BAR NGES PA ZHES BYA'O, ,DE LTAR MI RTAG PA DANG SDUG BSNGAL BA'I 'DU BYED RNAMS TSOGS PA DE DANG DE LA BRTEN NAS RGYU DANG @132A *, ,RKYEN GYI STOBS KYIS SKYE LA DBANG PHYUG DANG SKYE DGU'I BDAG PO'I RGYU LA SOGS PA DANG BRAL BA 'DI NI STONG PAR NGES PA ZHES BYA'O, ,BYED PA MED PA'I 'DU BYED RNAMS 'JUG PA YOD LA BYED PA PO DANG TSOR BA PO MED CING, BDAG DANG BDAG GI DANG BRAL BA 'DI NI 'DU BYED THAMS KYI BDAG MED PA ZHES BYA'O, ,DE LA 'DU BYED RNAMS KYI MI RTAG PA NI RNAM PA GNYIS SU RIG PAR BYA STE, 'DAS PA'I DUS DANG SBYAR NA NI ZHIG PAR GYUR PA'I PHYIR DNAG, MA 'ONGS PA DANG DA LTAR BYUNG BA'I DUS DANG SBYAR NA NI 'JIG PA'I CHOS YIN PA'I PHYIR RO, , DE LA 'DU BYED RNAMS KYIS SDUG BSNGAL BA NI RNAM PA GNYIS SU RIG PAR BYA STE, SKYE BA LA SOGS PA SDUG BSNGAL BA'I CHOS CAN YIN PA DANG, SDUG BSNGAL RNAM PA GSUM GYI PHYIR TE DE YANG SNGA MA BZHIN DU RIG PAR BYA'O, ,DE LA STONG PA NYID NI RNAM PAR GNYIS SU RIG PAR BYA STE, GTAN MED PA'I STONG PA NYID DANG, PHYIS BRAL BA'I STONG PA'O, ,GTAN MED PA'I STONG PA NI 'DI LTA STE 'DU BYED RNAMS BDAG DANG BDAG GIS STONG PA'O, ,PHYIS BRAL BA'I STONG PA NI NYON MONGS PA THAMS CAD SPANGS PA'I SEMS 'DI LTA STE, NYON MONGS PA THAMS CAD KYIS STONG ZHING RNAM PAR GROL BA'O, ,DE LA BDAG MED PA NI RNAM PA GNYIS SU RIG PAR BYA STE, 'DU BYED RNAM PA SNA TSOGS SU 'DUG CING MANG PO'I BDAG NYID YIN PA'I PHYIR DANG, RTEN CING 'BREL BAR 'BYUNG BA LA RANG DBANG MED PA'I PHYIR RO, ,RNAM PA BZHI PO 'DI DAG NI RNAM PA BCUR YANG RIG PAR BYA STE, 'DI LTA STE, 'JIG PA DANG, 'GYUR BA DANG, 'GYES PA DANG, MA BYUNG BA DANG, CHOS NYID KYI RNAM PA RNAMS DANG, PHRAD PA DANG, MI SDUG PA DANG, GRUB PA DANG, BDE BA MED PA DANG, 'BRAL BA DANG, MI MTHUN PA'I RNAM PA RNAMS TE, SNGAR NYAN THOS KYI SA'I 'JIG RTEN LAS 'DAS PA'I LAM NAS BRTZAMS TE YID LA BYED PA BSKOMS PA LAS BSTAN PA BZHIN NA, ,LNGA PO 'DI DAG NI 'BRAL BA'I PHYOGS KYI KHAMS TE, 'DI LTA STE, SPONG BA'I KHAMS DANG, 'DOD CHAGS DANG BRAL BA'I KHAMS DANG, 'GOG @132B PA'I KHAMS DANG, PHUNG PO'I LHAG MA DANG BCAS PA'I MYA NGAN LAS 'DAS PA'I KHAMS DANG, PHUNG PO LHAG MA MED PA'I MYA NGAN LAS 'DAS PA'I KHAMS SO, ,DE LA MTHONG BAS SPANG BAR BYA BA'I 'DU BYED THAMS CAD SPANGS PAS NA SPONG BA'I KHAMS SO, ,BSGOM PAS SPANG BAR BYA BA'I 'DU BYED THAMS CAD SPANGS PAS NA 'DOD CHAGS DANG BRAL BA'I KHAMS SO, ,DE NYID PHUNG PO TZAM ZHIG LUS PAS NA PHUNG PO'I LHAG MA DANG BCAS PA'I MYA NGAN LAS 'DAS PA'I KHAMS SO, ,DE'I PHUNG PO 'GAG PA NI 'GOG PA'I KHAMS DANG PHUNG PO'I LHAG MA MED PA'I MYA NGAN LAS 'DAS PA'I KHAMS SO, ,'DU BYED THAMS CAD NYE BAR ZHI BAS NA KHAMS LNGA PO 'DI DAG LA 'DU BYED ZHI BA ZHES BYA'O, ,BDAG TU 'DZIN PA DANG, BDAG GIR 'DZIN PA DANG, NGA'O SNYAM PA'I NGA RGYAL DANG, MNGON PAR ZHEN PA DANG, BAG LA NYAL BA DANG BRAL BAS NA STONG PA NYID CES BYA'O, , DE'I MTSAN MA DANG BRAL BAS NA DMIGS SU MED PA ZHES BYA'O, ,SPONG BA'I KHAMS LA ZAG PA'I GNAS KYI CHOS THAMS CAD LA SRED PA DANG BRAL BAS NA SRED PA ZAD PA ZHES BYA'O, ,'DOD CHAGS DANG BRAL BA'I KHAMS LA 'DOD CHAGS MED PAR GYUR PAS NA 'DOD CHAGS DANG BRAL BA ZHES BYA'O, ,'GOG PA'I KHAMS PHUNG PO'I LHAG MA DANG BCAS PA DANG PHUNG PO'I LHAG MA MED PA'I MYA NGAN LAS 'DAS PA GNYIS NI GO RIMS BZHIN DU 'GOG PA DANG, MYA NGAN LAS 'DAS PA ZHES BYA'O, ,DE LA SPONG BA'I KHAMS MA THOB PA THOB PAR BYA BA'I PHYIR BRTZON PA NI 'DU BYED RNAMS LA SKYO BAR BYA BA LA BRTZON PA ZHES BYA'O, ,'DOD CHAGS DANG BRAL BA'I KHAMS MA THOB PA MA THOB PAR BYA BA'I PHYIR BRTZON PA NI 'DU BYED RNAMS LA 'DOD CHAGS DANG BRAL BAR BYA BA LA BRTZON PA ZHES BYA'O, ,'GOG PA'I KHAMS MA THOB PA THOB PAR BYA BA'I PHYIR BRTZON PA NI 'DU BYED RNAMS 'GAG PAR BYA BA LA BRTZON PA ZHES BYA'O, ,SEMS RNAM PAR GROL BAR BYA BA'I PHYIR BRTZON PA LA GO RIMS RNAM PA GNYIS YOD DE, SHES PA'I GO RIMS DANG, SHES PA'I 'BRAS BU'I GO RIMS SO, ,SHES PA'I GO RIMS GANG ZHE NA, THOG MA KHO NAR 'DU BYED RNAMS LA SKYE @133A *, ,BA DANG 'JIG PA RNAM PAR 'BYED PA'I TSUL GYIS MI RTAG PA'I SHES PA SKYE'O, ,DE'I 'OG TU SKYE BA DANG 'JIG PA DANG LDAN PA'I 'DU BYED GANG YIN PA 'DI DAG NI SKYE BA'I CHOS NYID DANG, RGA BA'I CHOS NYID NAS YID MI BDE BA DANG, 'KHRUG PA'I CHOS NYID KYIS SDUG BSNGAL LO ZHES MI RTAG PAR SHES PA SNGA MA LA BRTEN NAS, SDUG BSNGAL BAR SHES PA PHYI MA SKYE BAR 'GYUR RO, ,SKYE BA'I CHOS CAN NAS 'KHRUG PA'I CHOS CAN GYI BAR GYI 'DU BYED GANG YIN PA 'DI DAG NI 'CHI 'PHO DANG RTEN CING 'BREL BAR 'BYUNG BA GCIG NAS GCIG TU BRGYUD PAR ZHUGS PAS RANG DBANG MED PA'I RNAM PA'I TSUL GYIS BDAG MED PA'I PHYIR SDUG BSNGAL SHES PA SNGA MA LA BRTEN NAS PHYIS BDAG MED PA'I SHES PA SKYE STE, MI RTAG PA GANG YIN PA DE NI SDUG BSNGAL BA'O, ,SDUG BSNGAL BA GANG YIN PA DE NI BDAG MED PA STE, DE LTAR NA 'DI NI SHES PA'I GO RIMS YIN NO, ,SHES PA'I 'BRAS BU'I GO RIMS GANG ZHE NA, SKYO BA DANG, 'DOD CHAGS DANG BRAL BA DANG, RNAM PAR GROL BA DANG, YONGS SU GROL BA'O, ,SKYO BA GANG ZHE NA, GNYEN PO MNGON DU GYUR BA NA MI MTHUN PA'I 'DU SHES KYIS NYON MONGS PA KUN TU MI SPYOD PA GANG YIN PA'O, ,'DOD CHAGS DANG BRAL BA GANG ZHE NA, SKYO BAS YONGS SU BSGOS PA'I SEMS KYIS GNYEN PO YID LA MA BYAS SU ZIN KYANG CHAGS PAR BYA BA'I DNGOS PO LA 'DOD CHAGS KUN TU MI SPYOD PA GANG YIN PA STE, 'DI LTA STE, RNAM PAR GNON PA'I SPONG BA'I DBANG LAS BYUNG BA'O, , RNAM PAR GROL BA GANG ZHE NA, RNAM PAR GNON PA'I SPONG BA DE NYID MANG DU BYAS PA'I RGYUS DE'I BAG LA NYAL BA YANG DAG PAR BCOM PA GANG YIN PA STE, 'DI NI RE ZHIG SKYO BA DANG, 'DOD CHAGS DANG BRAL BA DANG, RNAM PAR GROL BA RNAMS KYI RNAM GRANGS GCIG GO, ,GZHAN YANG SKYO BA'I GNAS SKABS NI SPONG BA'I KHAMS YIN TE, SKYO BA YONGS SU RDZOGS PA'I PHYIR RO, ,DES SKYO BA DE DAG LA BRTEN NAS 'DU SHES MED 'DU SHES MED MIN SKYE MCHED MA GTOGS PAR DE MA YIN PA'I SA RNAMS LA MI CHAGS PA DANG, CHAGS PA DANG BRAL BA NI 'DOD CHAGS DANG BRAL BA'I GNAS @133B SKABS SO, ,'DU SHES MED 'DU SHES MED MIN SKYE MCHED LAS 'DOD CHAGS DANG BRAL BAR GYUR BA LAS NI RNAM PAR GROL BA'I GNAS SKABS SU GDAGS TE 'DI NI SKYO BA DANG, 'DOD CHAGS DANG BRAL BA DANG, RNAM PAR GROL BA RNAMS KYI RNAM GRANGS GNYIS PA'O, ,YONGS SU GROL BA GANG ZHE NA, DE DE LTAR NYON MONGS PA'I KUN NAS NYON MONGS PA LAS KYANG RNAM PAR GROL LA, SKYE BA LA SOGS PA SDUG BSNGAL GYI KUN NAS NYON MONGS PA LAS KYANG YONGS SU GROL BA 'DI YONGS SU GROL BA ZHES BYA'O, ,DE LTAR SHES PA'I DBANG DU BYAS NAS 'DU BYED RNAMS LA SKYO BA DANG, SKYO BA'I RGYUS 'DOD CHAGS DANG BRAL BA DANG, 'DOD CHAGS DANG BRAL BA'I RGYUS RNAM PAR GROL BA DANG, YONGS SU GROL BAR 'GYUR BA 'DI NI SHES PA'I 'BRAS BU'I GO RIMS SO, ,BZHI PO 'DI DAG NI NYES PAR BZUNG BAS TE, BZHI PO GANG ZHE NA; LTA BA NYES PAR BZUNG BA DANG, NGA RGYAL NYES PAR BZUNG BA DANG, RANG GI NYES PAR BZUNG BA DANG, GZHAN GYI TSIG LAS NYES PAR BZUNG BA'O, ,DE LA LTA BA NYES PAR BZUNG BA NI 'DU BYED RNAMS LA BDAG TU 'DZIN PA DANG, BDAG GIR 'DZIN PA GANG YIN PA'O, , DE LA RGAL NYES PAR BZUNG BA NI 'DU BYED RNAMS LA NGA'O SNYAM DU 'DZIN PA'O, ,DE LA LTA BA NYES PAR BZUNG BA NI BDEN PA RTOGS PA LA GEGS BYED PA'O, ,NGA'O SNYAM PA'I NGA RGYAL NYES PAR BZUNG BA NI BSGOM PAS SPANG BAR BYA BA SPONG BA LA GEGS BYED PA'O, ,DE LA RANG GI NYES PAR BZUNG BA NI GCIG PU'I RTOG PA NGAN PA LA BRTEN PA 'DI NI BDAG YIN NO SNYAM STE LTA BA NYES PAR BZUNG BA'AM, NGA RGYAL NYES PAR BZUNG BA'O, ,DE LA GZHAN GYI TSIG LAS NYES PA BZUNG BA NI GZHAN DAG GI TSIG LAS MNGON PAR ZHEN PAR GYUR TE, 'DI NI BDAG GI BDAG YIN NO SNYAM DU RNAM PA DE LTA BU LA ZHUGS PA GANG YIN PA'O, ,YANG 'DI NI BDAG GI YIN NO ZHES BYA BA NI BDAG TU NYES PAR BZUNG BA YANG YIN, RANG GI NYES PAR BZUNG BA YANG YIN, GZHAN DAG GI TSIG LAS NYES PAR BZUNG BA YANG YIN TE, 'DZIN PA DE DAG THAMS CAD SPONG BA GANG YIN @134A *, ,PA NI SHES PA'I 'BRAS BU YIN PAR RIG PAR BYA'O, ,'DU BYED THAMS CAD NI RNAM PA GSUM GYIS CHAD PA MA YIN PA DANG, RTAG PA MA YIN PAR RIG PAR BYA STE, GSUM GANG ZHE NA, 'DU BYED KYI RGYU MI GNAS PA DANG, SKYES PA RNAMS GNAS PA'I RGYU MED PA DANG, MA 'ONGS PA RNAMS KYI RGYU'I NGO BO 'GAG PA'I PHYIR RO, ,DE LA RGYU MI RTAG PA DANG, SKYES PA'I GNAS PA'I RGYU MI DMIGS PA'I PHYIR RTAG PA MA YIN NO, ,MA 'ONGS PA RNAMS SKYE BA LA DA LTAR BYUNG BA'I RGYU'I NGO BO RNAMS 'GAG PAS NA CHAD NA MA YIN NO, ,BZHI PO 'DI DAG NI 'DU BYED RNAM GCIG NAS GCIG TU BRGYUD DE 'JUG PA'I RKYEN YIN TE, BZHI GANG ZHE NA, RGYU'I RKYEN DANG, MTSUNGS PA DE MA THAG PA'I RKYEN DANG, DMIGS PA'I RKYEN DANG, BDAG PO'I RKYEN TO, ,RKYEN BZHI PO DE DAG KYANG RGYU DANG RKYEN GNYIS SU 'GYUR RO, ,DE'I RGYU'I RKYEN NYID NI RGYU YIN NO, ,LHAG MA GSUM NI RKYEN KHO NA'O, ,DE LA RGYU'I RKYEN NI 'DU BYED THAMS CAD KYI SA BON GANG YIN PA'O, ,MTSUNGS PA DE MA THAG PA'I RKYEN NI, RNAM PAR SHES PA'I TSOGS DRUG PO MTSUNGS PAR LDAN PA DANG BCAS PA RNAMS KYI MTSUNGS PA DE MA THAG PA 'GAG PA'I RNAM PAR SHES PA'I TSOGS DRUG PO MTSUNGS PAR LDAN PA DANG BCAS PA RNAMS SO, ,DE LA DMIGS PA'I RKYEN NI RNAM PAR SHES PA'I TSOGS LNGA'I NGES PA'I YUL LNGA DANG, RNAM PAR SHES PA'I TSOGS DRUG NI CHOS THAMS CAD DO, ,DE LA BDAG PO'I RKYEN NI RNAM PAR SHES PA'I TSOGS LNGA'I NGES PA'I RTEN TE, MIG LA SOGS PA DANG, DE LAS BYUNG BA'I YID LA BYED PA RNAMS DANG, YID KYI RNAM PAR SHES PA'I BDAG PO'I RKYEN NI 'BYUNG BA CHEN PO BZHI'I LUS DANG, DE LAS BYUNG BA'I YID LA BYED PA'O, ,SNGON GYI LAS SDUG PA DANG MI SDUG PA'I 'BRAS BU 'GRUB PAR BYED PA GANG YIN PA DE YANG DE'I BDAG PO'I RKYEN YIN PAR RIG PAR BYA'O, ,DE BZHIN DU TSOGS NI LAM GYI BDAG PO'I RKYAN YIN NO, ,LAM NI MYA NGAN LAS 'DAS PA 'THOB PA'I BDAG PO'I RKYEN YIN PAR RIG PAR BYA'O, ,KUN NAS NYON MONGS PA DANG, RNAM @134B PAR BYANG BA RTAG PA NI GZHI GSUM DANG RNAM PA GNYIS TE, 'DI LTA STE, MNOG LA MNOG GI SGO NAS RTOG PA NA 'DU BYED RNAMS LA KUN NAS NYON MONGS PA'I RGYUR RTOG PA DANG, NYES DMIGS LA NYES DMIGS KYI SGO NAS RTOG PA NA 'DU BYED RNAMS LA RNAM PAR BYANG BA'I RGYUR RTOG PA DANG, NGES PAR 'BYUNG BA LA NGES PAR 'BYUNG BA'I SGO NAS RTOG PA NA 'DU BYED RNAMS LA RNAM PAR BYANG BAR RTOG PA 'DI DAG GCIG TU BSDUS PA NI KUN NAS NYON MONGS PA DANG, RNAM PAR BYANG BA RTAG PA'I GZHI GSUM YIN NO, ,RTAG PA RNAM PA GNYIS GANG ZHE NA, 'DI LTA STE, JI LTA BA BZHIN DU YOD PA DANG, JI SNYED YOD PA'O, ,DE LA JI LTA BA BZHIN DU YOD PA NI 'DU BYED RNAMS KYI MNOG GANG YIN PA DANG, NYES DMIGS GANG YIN PA DANG, NGES PAR 'BYUNG BA GANG YIN PA'O, ,DE LA JI SNYED YOD PA NI 'DU BYED RNAMS KYI MNOG JI SNYED PA DANG, NYES DMIGS JI SNYED PA DANG, NGES PAR 'BYUNG BA JI SNYED PA'O, ,DE LA 'DU BYED RNAMS KYI RKYEN GYIS BDE BA 'BYUNG BA DANG, YID BDE BA 'BYUNG BA GANG YIN PA 'DI NI DE DAG GI MNOG YIN LA, MNOG 'DI DAG NI CHUNG NGU ZHES BYA BAS TE, DE LTAR NA RNAM PA GNYIS KYIS 'DI LTA STE, MNOG JI LTA BA BZHIN DU YOD PA LA NYE BAR RTOG GO, ,DE LA 'DU BYED RNAMS KYIS MI RTAG PA DANG, SDUG BSNGAL BA DANG, RNAM PAR 'GYUR BA'I CHOS CAN GANG YIN PA 'DI NI DE DAG GI NYES PA DMIGS PA Y IN NYES DMIGS 'DI NI CHE'O ZHES BYA STE, DE LTAR NA RNAM PA GNYIS KYIS 'DI LTA STE, NYES DMIGS JI LTA BA BZHIN DU YOD PA NYE BAR RTOG GO, ,DE LA 'DU BYED RNAMS LA 'DUN PA'I 'DOD CHAGS 'DUL BA DANG, 'DUN PA 'DOD CHAGS SPONG BA DANG, 'DUN PA'I 'DOD CHAGS LAS YANG DAG PAR 'DA' BA GANG YIN PA 'DI NI DE DAG LAS NGES PAR 'BYUNG BA YIN LA GRUB PA DANG BDE BA DE NI ZHI BA DANG BLA NA MED PA DANG GZHAN RDZAS YIN TE, DE LTAR NA RNAM PA GNYIS KYIS 'DI LTA STE, NGES PAR 'BYUNG BA JI LTA BA BZHIN DU YOD PA LA NYE BAR RTOG GO, ,'DU BYED 'DAS PA DANG, MA 'ONGS PA DANG, DA LTAR BYUNG BA RNAMS DANG, NANG @135A *, ,DANG, PHYI ROL RNAMS DANG, RAGS PA DANG PHRA BA RNAMS DANG, BZANG PO DANG NGAN PA RNAMS DANG, RING BA RNAMS DANG, NYE BA RNAMS LA 'DI NI MNOG DANG NYES DMIGS SO, ,'DI NI NGES PAR 'BYUNG BA'O SNYAM DU RTOG PA GANG YIN PA 'DI NI 'DI LTA STE, DE DAG GI MNOG DANG NYES DMIGS DANG NGES PAR 'BYUNG BA RNAMS JI SNYED YOD PA LA RTOG PA YIN PAR RIG PAR BYA'O, ,GZHI GSUM PO 'DI DAG YOD PAR BRDA SPRAD PAR BYA BA NI SEMS CAN GYI TSOGS GSUM YIN PAR RIG PAR BYA STE, 'DI LTA STE, 'DOD PA DAG LA LHAG PAR ZHEN PA RNAMS DANG, 'DOD PA DAG LAS DBEN PA RNAMS DANG, 'DOD PA DAG DANG BRAL BA RNAMS SO, ,GNAS GSUM PO 'DI DAG LA LHAR BCAS PA'I 'JIG RTEN DANG DGE SBYONG DANG BRAM ZER BCAS PA DANG, LHA DANG MIR BCAS PA'I 'JIG RTEN GSUM KUN TU RMONGS SO, ,'JIG RTEN GSUM PO 'DI DAG KYANG RGYU RNAM PA GSUM GYIS RNAM PAR GZHAG PAR RIG PAR BYA STE, 'DI LTAR 'DOD PA'I DBANG PHYUG DANG, DGA' BA'I DBANG PHYUG THOB PA NI 'DI LTA STE, BDUD DU BCAS PA DANG, TSANGS PAR BCAS PA'I 'JIG RTEN GNYIS SO, ,DE THOB PAR BYA BA'I RGYU LA BRTZON PA NI DGE SBYONG DANG BRAM ZER BCAS PA'O, ,LAS DANG RGYU DANG 'BRAS BU RNAM PA SNA TSOGS PA KHAS LEN PA NI LHA DANG MIR BCAS PA'O, ,GNAS GSUM PO 'DI DAG CI RIGS PAR SPANG BA DANG, MNGON SUM DU BYAS PA LA LAM GNYIS YOD DE, MTHONG BA'I SA LA ZHUGS PA'I PHYIN CI LOG BZHI SPONG BAR GTOGS PA'I SEMS DANG, GONG DU BSGOM PA'I LAM LA DE LA SHAS CHER GNAS PA'O, ,LAM RNAM PA DE GNYIS KYIS SEMS RNAM PAR GROL BA'I 'BRAS BU NI RNAM PA BZHI YOD DE, 'DOD CHAGS DANG, ZHE SDANG DANG, GTI MUG GI 'CHING BA LAS RNAM PAR GROL BA'I RNAM PA DANG, 'DOD PA'I 'DUN PA 'DUL BA DANG, SPONG BA DANG, YANG DAG PAR 'DA' BA DANG, NGES PAR 'BYUNG BA'I RNAM PA DANG, KUN TU SBYOR BA DGU DANG BRAL BA'I RNAM PA DANG, SKYE BA LA SOGS PA'I SDUG BSNGAL LAS RNAM PAR THAR PA'I RNAM PA'O, ,DE LA RGYU LTA BU'I @135B RNAM PA GSUM GYIS NI NYON MONGS PA LAS RNAMS PA GROL BA BSTAN TO, ,THA MA'I 'BRAS BU LTA BU'I RNAM PA GCIG GIS NI SDUG BSNGAL LAS RNAM PAR GROL BA BSTAN TE, DPER NA MI LA LA ZHIG BCING BA RNAM PA SNA TSOGS SHING SGROB BAM, RTZVA LA DZA'I THAG PA'AM, LCAGS THAG RNAMS KYIS BTAGS LA DE SRUNG MA'I MI GZHAN DAG KYANG BKOD NAS DE BTZON BYED PA DE LAS BROS TE RGYANG RING DU SONG ZIN KYANG PHYIR KHRID DE 'ONG BA'AM, YANG NA 'GUL DU YANG MI STER NA, 'BROS SU LTA GA LA YOD PA'AM, GZHAN YANG BRTZON BYED PA DE LA 'DOD PA'I YON TAN RGYA CHEN PO RNAM PA SNA TSOGS SU CHAGS SU RUNG ZHING KUN TU SBYOR BAR BYED PA DAG DANG LDAN PAR BYAS NA DE DAG LA SEMS CHAGS PAS RANG NYID 'BROS PAR MI SEMS TE, DE LTAR MI BCING BA RNAM PA THAMS CAD KYIS LEGS PAR BSRUNG BA DANG, LEGS PAR BSDAMS PA'I BCING BAS DAM POR BCINGS PA LA NI DGRAS 'DI LTA STE, BRDEG PA DANG, GNOD PAR BYA'AM, CHAD PAS GCAD PA'AM, YANG NA GTAN DU GSAD PA LA CI DGA' DGUR BYAR YOD LA, DE GANG GI TSE BRTZON BYED PA DE LAS SHOR BAR GYUR NA, BCING BA RNAM PA BZHI LAS SHOR BA ZHES BRJOD PAR 'GYUR BA DE BZHIN DU GNAS GSUM PO DAG LA KUN TU RMONGS PA'I SEMS CAN 'DI DAG KYANG BCING BA RNAM PA SNA TSOGS 'DI LTA STE, 'DOD CHAGS DANG, ZHE SDANG DANG, GTI MUG GI BCING BA RNAMS KYIS BCINGS SO, ,DE DAG GI BRTZON SRUNG LTA BU NI RTOG PA NGAN PA RNAMS DANG, NYON MONGS PA'I BAG LA NYAL MA BSAL BA'O, ,DE LA RTOG PA NGAN PA RNAMS KYIS NI 'GUL DU'ANG MI STER NA, 'DOD CHAGS DANG BRAL BAR 'GYUR BAS 'BROS SU LTA GA LA YOD, BAG LA NYAL RNAMS KYIS NI 'JIG RTEN PA'I LAM GYIS BROS TE, SRID PA'I RTZI MO MAN CHAD DU SONG DU ZIN KYANG PHYIR KHRID DE 'ONG NGO, ,DE'I KUN TU SBYOR BA DGU NI 'DOD PA'I YON TAN LTA BU YIN TE, DE DAG GI 'DU BYED RNAMS LA RANG NYID DGA' BAS BDAG NYID BCINGS PA LAS RNAM PAR THAR PAR MI 'DOD PA DE NI DE LTAR RNAM PA SNA TSOGS SU LEGS PAR BSRUNG BA DANG, SHIN TU THABS LEGS PAR DAM POR BCINGS PA DANG, @136A *, ,SHIN TU BSDOMS NAS BCINGS PA YIN TE, BDUD BZHI'I DGRA RNAMS KYIS SKYE BA LA SOGS PA'I SDUG BSNGAL BSGRUB PA LA CI DGA' DGUR BYAR YOD PA DE DE LAS THAR BAR GYUR NA DE KHO NA DANG 'DRA BAR BCING BA RNAM PA BZHI LAS RNAM PAR GROL BA ZHES BRJOD DO, ,SDOM NI; MAN NGAG BSDUS DANG MAN NGAG 'BRAS, ,'CHI DANG GRANGS SU 'GRO BA DANG, ,YONGS SU SHES DANG SPONG BA GSUM, ,'CHING DANG SHIN TU RNAM PAR GROL, ,LTA DANG NGA RGYAL KUN NYON MONGS, ,RNAM PAR BYANG BA BRJOD PA'I GNAS, ,RAB TU DBEN PA RNAM BZHI DANG, , PHUN SUM TSOGS PA RNAM PA GSUM, ,NYAN THOS NI RGYU RNAM PA GSUM GYIS STON PA LAS GDAMS NGAG BSDUS TE TSOL BAR BYED DO, ,GSUM GANG ZHE NA, THOS PA LHUR BYED CING DE MA YIN PA'I NAN TAN DU BSGRUB PA DAG LA MI PHYOGS PA RNAMS NI BSDUS PA'I CHOS THOS PA TZAM GYIS KYANG RANG GI DON THOB PAR 'GYUR BAS NA THOS PA LHUR LEN PA DON MED PA DANG, NAN TAN DU BSGRUB PA 'BA' ZHIG GCES PAR KHONG DU CHUD PAR BYA BA'I PHYIR THOS PA LHUR LEN PA LAS MOS PA BZLOG PA'I DON DANG, BYA BA MANG PO'AM SKRAG STE 'JUG PA LA MI PHYOGS PA RNAMS THABS KYIS 'JUG PAR BYA BA'I DON DANG, YANG NA DE NYID CHOS MANG PO LEGS PAR THOS SHING LEGS PAR BSAMS PA YIN PAS DE 'DI SNYAM DU SEMS TE, BDAG NI CHOS MANG PO LEGS PAR THOS SHING LEGS PAR BSAMS PA YIN TE, GAL TE BDAG CHOS RNAM JI SNYED BDAG GIS THOS SHING BSAMS PA DE DAG THAMS CAD LA BRTEN NAS SEMS GNAS PA'I DMIGS PA'AM, RNAM PAR GROL BA'I DMIGS PA LA SEMS NYE BAR 'DOGS NA NI BDAG GI YID LA BYED PA YANG RNAM PAR 'KHRUG PAR 'GYUR BA SEMS GNAS PA YANG THOB PAR MI 'GYUR NA, RNAM PAR GROL BAR LTA GA LA 'GYUR SNYAM STE, THOS PA DANG BSAMS PA'I CHOS DE DAG LAS GANG LA BRTEN NA DMIGS PA LA SEMS GNAS PA'AM, RNAM PAR THAR PAR BYA BA LA MNGON PAR SHES PA MYUR BA DANG, MYUR DU NGES PAR 'BYUNG BAR 'GYUR BA YANG NGES PA MED DE, DE DE LTAR @136B BDAG NYID LA NGES PA MED PAR STON PA'AM, DE BZHIN GSHEGS PA'I NYAN THOS MKHAS PA MNGON SUM DU GYUR PAR MTHONG NAS THA DAD DU SONG STE GDAMS NGAG BSDUS PA TSOL BAR BYED DO, ,YANG DAG PA'I GDAMS NGAG GI 'BRAS BU NI RANG GI DON THOB PA RNAM PA BZHIR RIG PAR BYA STE, 'DI LTA STE, GANG GI DON DU RAB TU 'BYUNG BA DANG, JI LTAR RAB TU 'BYUNG BA STE, CHA LUGS PHUN SUM TSOGS PA DANG, LAS PHUN SUM TSOGS PA DANG, BSAM PA PHUN SUM TSOGS PA DANG, GNAS GTONG ZHING LEN PA PHUN SUM TSOGS PA DE LA BRTEN NAS BLA NA MED PA 'THOB PA DANG, TSE 'DI LA 'THOB PA DANG, BDAG GIS 'THOB PA DANG, SO SO RANG RIG PA 'THOB PAR 'GYUR BA'O, ,DRUG PO 'DI DAG NI 'CHI BA YIN TE, 'DI LTA STE, 'DAS PA'I 'CHI BA DANG, DA LTAR BYUNG BA'I 'CHI BA DANG, MA DUL BA'I 'CHI BA DANG, DUL BA'I 'CHI PA DANG, 'DRA BA'I 'CHI BA DANG, MI 'DRA BA'I 'CHO BA'O, ,DE LA 'DAS PA'I 'CHI BA NI 'DAS PA'I 'DU BYED RNAMS 'PHO BA NAS, SROG GI DBANG PO 'GAG PA'I BAR GYI 'CHI BA GANG YIN PA'O, ,DE LA DA LTAR BYUNG BA'I 'CHI BA NI DA LTAR BYUNG BA'I 'DU BYED RNAMS 'PHO BA DANG, SROG GI DBANG PO 'GAG PA'I BAR GANG YIN PA'O, ,DE LA MA DUL BA'I 'CHI BA NI 'DAS PA'I DUS NA MA DUL ZHING MA ZHI LA BAG LA NYAL DANG BCAS PA'I 'DU BYED RNAMS GCIG LA GCIG BAG LA NYAL BA DANG, THA SNYAD DU GDAGS PA'I SKYES BU'I BAG LA NYAL BA RNAMS KYIS SHI NAS DA LTAR BYUNG BA'I DUS NA NYID MTSAMS SBYOR BAR BYED DE, BAG LA NYAL DANG BCAS PA'I 'DU BYED KYIS YONGS SU ZIN PA'I LUS MNGON PAR 'GRUB PA LA DA LTAR BYUNG BA'I DUS NA YANG TSE'I MTHA' ZAD PAR BYAS NAS DE BZHIN DUM DUL ZHING RNAM PAR MA DUL BA NAS RGYAS PAR SHI NAS MA 'ONGS PA NA LUS MNGON PAR 'GRUB CING BAG LA NYAL DANG BCAS PA'I 'DU BYED RNAMS NYE BAR LEN PA GANG YIN PA STE, DE DAG NYE BAR BLANGS PA'I PHYIR SKYE BA LA SOGS PA'I SDUG BSNGAL GYI KHYAD PAR RNAMS DANG, 'DOD CHAGS LA SOGS PA'I 'CHING BA CHEN PO RNAMS KYIS BCINGS SO, ,DE LA DUL BA'I 'CHI BA NI DA @137A *, ,LTAR GYI DUS NA DUL ZHING RNAM PAR DUL LA BAG LA NYAL MED PA SHI NAS MA 'ONGS PA NA LUS MNGON PAR 'GRUB PAR MI 'GYUR ZHING, BAG LA NYAL DANG BCAS PA'I 'DU BYED RNAMS NYE BAR MI LEN PA STE, DE DAG NYE BAR MA BLANGS PA'I PHYIR SKYE BA LA SOGS PA'I SDUG BSNGAL GYI KHYAD PAR RNAMS DANG, 'DOD CHAGS LA SOGS PA'I 'CHING BA CHEN PO RNAMS LAS YONGS SU GROL BAR 'GYUR RO, ,DE LA 'DRA BA'I 'CHI BA NI GAL TE 'DAS PA'I DUS NA JI LTAR MA DUL BA BZHIN DU SHI BA DE BZHIN DU DA LTAR BYUNG BA'I DUS NA YANG 'CHI BA DE NI DE 'DRA BA'I 'CHI BA YIN TE; MTSUNGS PA'I 'CHI BA DANG, MTHUN PA'I 'CHI BA YANG DE YIN PAR RIG PAR BYA'O, ,DE MA YIN PA 'DAS PA'I DUS NA MA DUL BA'I 'CHI BA'I DUS BYAS LA DA LTAR BYUNG BA'I DUS NA DUL BAR 'GYUR TE, SHI BA DE NI DE'I MI 'DRA BA'I 'CHI BA YIN TE, MI MTSUNGS PA'I 'CHI BA DANG; MI MTHUN PA'I 'CHI BA YANG DE YIN PAR RIG PAR BYA'O, ,DE LA DA LTAR BYUNG BA'I 'DU BYED BAG LA NYAL DANG BCAS PA RNAMS NI GCIG LA GCIG BAG LA NYAL BZHIN DU 'PHO BA STE, 'DAS PA NI DE KHO NA BZHIN DU 'DRA BA'I 'CHI BAS 'CHI 'PHO ZHING MTHUN PAR 'CHI LA, 'DAS PA NA MTHUN PAR 'CHI BA DE DANG 'DRA BA'I 'DU BYED KYI RGYUD LA NYING MTSAMS SBYOR ZHING MA 'ONGS PA NYE BAR LEN TO, ,'CHI BA RNAM PA DRUG PO DE DAG KYANG RNAM PA GNYIS SU RIG PAR BYA STE, 'DU BYED 'JUG PA'I NYES DMIGS DANG, 'DU BYED LDOG PA'I PHAN YON NO, ,DE LA 'DAS PA DANG, DA LTAR BYUNG BA DANG, MA DUL BA DANG, 'DRA BA'I 'CHI BA RNAMS DANG, MA 'ONGS PA'I NYE BAR LEN PA DANG, SKYE BA LA SOGS PA'I SDUG BSNGAL DANG, 'DOD CHAGS LA SOGS PA NYON MONGS PA'I 'CHING BA'I PHYIR NI 'DU BYED 'JUG PA'I NYES DMIGS SO, ,DA LTAR BYUNG BA NA DUL BA DANG MI 'DRA BA'I 'CHI BA DANG, MA 'ONGS PA NA NYE BAR MI LEN PA DANG, SDUG BSNGAL DANG NYON MONGS PA'I 'CHING BA LAS RNAM PAR GROL BA'I PHYIR NI 'DU BYED LDOG PA'I PHAN YON NO, ,'DU BYED RNAMS MNGON PAR 'GRUB PA LA NI RNAM PA BRGYAD PO 'DI DAG GIS GDAGS PA'I SKYES @137B BU'I GRANGS SU 'GRO BAR 'GYUR TE, MING NI 'DI ZHES BYA, RIGS NI 'DI ZHES BYA, RUS NI 'DI ZHES BYA, ZAS NI 'DI LTA BU ZHIG ZA ZA, BDE BA DANG SDUG BSNGAL NI 'DI LTA BU ZHIG NYAMS SU MYONG, TSE NI 'DI LTAR RING, YUN NI 'DI SRID DU GNAS, TSE'I MTHA' NI 'DI TZAM ZHIG CES BYA BA STE, RNAM PA 'DI DAG GI DBYE BA NI SNGA MA BZHIN DU 'DI LTA STE, BYANG CHUB SEMS DPA'I SA'I SNGON GYI GNAS LAS BRTZAMS PA BZHIN DU RIG PAR BYA'O, ,'DU BYED RNAMS LA BDAG MED PAR YONGS SU SHES PA DANG, SPONG BA NI RNAM PA GSUM DU RIG PAR BYA STE, 'DI LTA STE, NANG YONGS SU SHES PA DANG, PHYI ROL YONGS SU SHES PA DANG, NANG DANG PHYI ROL YONGS SU SHES PA STE, SPONG BA YANG DE DANG 'DRA'O, ,DE YANG 'DU BYED 'DI DAG NI BDAG MA YIN NO, ,'DI DAG NI BDAG GI MA YIN NO, ,'DI DAG NI GZHAN SU'I YANG MA YIN NO SNYAM DU NANG DANG PHYI ROL DANG GNYI GA YONGS SU SHES PA DANG, SPONG BA LA CI RIGS PAR RIG PAR BYA'O, ,DE LA CHOS KYI LUGS SHES PAS NGES PAR BYAS PA NI YONGS SU SHES SO, ,DE LA GOMS PAS DE DANG MTSUNGS PAR LDAN PA'I BAG LA NYAL SPANGS PA NI DE SPONG BA YIN NO, ,DE LA GANG GIS 'DU BYED RNAMS YONGS SU MA SHES PA DE LA NI YONGS SU SHES PAR BYA BA'I PHYIR STON PA CHOS STON PAR MDZAD DO, ,GANG GIS YONGS SU SHES LA MA SPANGS PA DE NI JI LTAR THOB PA'I YONGS SU SHES PA LA GOMS PA TZAM GYIS DE SPANG BAR BYA BA'I PHYIR YANG DAG PAR 'DZUD PAR MDZAD DO, ,GSUM PO 'DI DAG NI 'KHOR BAR 'JUG PA NA 'CHING BA YIN TE, DE DAG LAS SEMS RNAM PAR GROL BAR DKA'O, ,DE YANG LEGS PAR GSUNGS PA'I CHOS 'DUL BA LAS RNAM PAR GROL BAR 'GYUR GYI NYES PAR BSHAD PAS NI MA YIN NO, ,GSUM GANG ZHE NA, 'DI LTA STE RJES SU CHAGS PA'I KUN TU SBYOR BA MA GTOGS PA DE MA YIN PA'I KUN TU SBYOR BA RNAMS KYIS KUN TU SBYOR BAR BYED PA STE, ZAG PA DANG BCAS PA'I DNGOS PO GANG YIN PA DANG, RJES SU CHAGS PA'I KUN TU SBYOR BAS KUN TU CHAGS PAR BYED PA STE, ZAG PA DANG BCAS PA'I DNGOS PO GANG YIN PA DANG, PHYI @138A *, ,MA LA YANG SRID PA 'BYUNG BA'I 'DU BYED RNAMS MNGON PAR 'GRUB PA'O, ,'CHING BA RNAM PA GSUM PO 'DI DAG LAS RGYU RNAM PA GSUM GYIS SEMS RNAM PAR GROL BAR DKA' STE, DANG PO NI RNAM PA SNA TSOGS KYI PHYIR RO, ,GNYIS PA NI KHONG DU ZHEN PA DANG 'DOD PAR BYA BA YIN PA'I PHYIR RO, ,GSUM PA NI CHA PHRA BA'I PHYIR RO, ,RNAM PA LNGAS YANG SRID PAR 'CHING BAS BCINGS PA NI NGA'O SNYAM PA'I NGA RGYAL RNAM PA LNGA KUN TU SPYOD PAR RIG PAR BYA STE, 'DI LTA STE, RTEN DANG, DMIGS PA DANG, GROGS DANG, NGO BO NYID DANG, RGYU DANG 'BRAS BU'O, ,DE LA 'JIG TSOGS LA LTA BA LA BRTEN NAS YOD PA DANG MED PA LA DMIGS TE, PHYI MA LA BDAG YOD PAR 'GYUR RAM, ,'ON TE MED PAR 'GYUR SNYAM PA'O, ,DE LA MED PA LA DMIGS PA NI RNAM PA GCIG TU ZAD DO, ,YOD PA LA DMIGS PA NI RNAM PA LNGA STE, 'DI LTA STE, BDAG GZUGS CAN DU 'GYUR RAM, GZUGS MED PA'AM, 'DU SHES CAN NAM, 'DU SHES MED PA'AM, 'DU SHES CAN YANG MA YIN, 'DU SHES CAN MA YIN PA YANG MA YIN PA ZHIG TU 'GYUR RAM SNYAM PA STE, DE DAG THAMS CAD GCIG TU BSDUS PA NI DMIGS PA RNAM PA DRUG YIN NO, , DE LA GROGS NI SEMS BSKYOD CING G-YENG BAR BYED PA'O, ,DE LA NGO BO NYID NI RANG GI MTSAN NYID KYI SGO NAS RLOM SEMS SU BYED PA DANG, NYON MONGS PA SPYI'I MTSAN NYID KYI SGO NAS SPROS PA'I NGO BO NYID DO, ,DE LA RGYU DANG 'BRAS BU'I NGO BO NI SKYE BA DANG MNGON PAR 'GRUB PA'I RGYU'I NGO BOS SPYOD DE, LAS MNGON PAR 'DU BYED PA DANG, SRED PA'I RJES SU SONG BA'I PHYIR RO, ,GZHAN YANG 'BRAS BU'I NGO BO'I SGO NAS NI DE LA BRTEN PA'I NGA'O SNYAM PA'I NGA RGYAL KUN TU SPYOD PA'I PHYIR RO, ,RNAM PA GSUM GYIS NI SEMS SHIN TU RNAM PAR GROL BAR RIG PAR BYA STE, 'DU BYED THAMS CAD YONGS SU SHES PA DANG, DE DANG MTSUNGS PAR LDAN PA'I NYON MONGS PA SPONG BA MNGON SUM DU BYED PA DANG, NYON MONGS PA SPANGS PA NI THAMS CAD DU SRED PA MED PAR GNAS PA'I PHYIR RO, ,DE LA RNAM PA BZHIS NI JI LTA BA BZHIN DU YOD PA'I 'DU BYED RNAMS YONGS SU SHES TE, 'DI LTA STE, MI @138B RTAG PA LA SOGS PA'O, ,RNAM PA BCU GCIG GIS NI JI SNYED YOD PA YONGS SU SHES TE, 'DI LTA STE, 'DAS PA DANG, MA 'ONGS PA LA SOGS PA STE SNGA MA BZHIN NO,, ,,RNAL 'BYOR SPYOD PA'I SA LAS GZHI BSDU BA, BAM PO GNYIS PA, 'DI GNYIS NI RNAM PA LNGA DANG LDAN PA'I KUN NAS NYON MONGS PA RGYU MTSAN RNAM PA LNGA DANG BCAS PA STE, DE GNYIS NI SLOB PAS YONGS SU SHES NAS, SPANG BAR BYA BA YIN LA MI SLOB PAS NI SPANG BA YIN TE, 'DI LTA STE, LTA BA'I KUN NAS NYON MONGS PA DANG, NGA RGYAL GYI KUN NAS NYON MONGS PA'O, ,DE GNYIS KYANG RNAM PA DANG, KUN NAS DKRIS PA DANG, BAG LA NYAL GYI SGO NAS BYE BRAG RNAM PA LNGAR 'GYUR TE, 'DI LTA STE, BDAG TU 'DZIN PA DANG, BDAG GIR 'DZIN PA DANG, NGA'O SNYAM PA'I NGA RGYAL DANG, MNGON PAR ZHEN PA DANG, BAG LA NYAL LO, ,DE LA 'DI GNYIS NI BDAG TU 'DZIN PA DANG, BDAG GIR 'DZIN PA DANG, NGA'O SNYAM PA'I NGA RGYAL LA BRTEN TE, DE'I DMIGS PA'I GZHI LA NAN GYIS MCHOG TU BZUNG NAS MNGON PAR ZHEN TE, 'DI 'BA' ZHIG BDEN GYI GZHAN NI DON MED DO SNYAM STE, DE LTAR KUN NAS DKRIS PA'I TSUL GYIS MNGON PAR ZHEN PAR RIG PAR BYA'O, ,DE'I SA BON RGYUD KYI RJES SU 'BRANG BA NI BAG LA NYAL LO, ,DE DAG KYANG RNAM PAR SHES PA DANG BCAS PA'I LUS 'DI DANG, PHYI ROL LA BRTEN NAS RGYU MTSAN RNAM PA LNGA YOD DE, 'DI LTA STE, BDAG TU 'DZIN PA'I RGYU MTSAN NAS, BAG LA NYAL GYI RGYU MTSAN GYI BAR RNAMS SO, ,RGYU MTSAN DE YANG RNAM PA GNYIS TE, DMIGS PA'I RGYU MTSAN DANG, RGYU'I RGYU MTSAN NO, ,DE LA BDAG TU 'DZIN PA DANG, NGA'O SNYAM PA'I NGA RGYAL GNYIS KYI DMIGS PA'I RGYU MTSAN NI RNAM PAR SHES PA DANG BCAS PA'I LUS 'DI YIN NO, ,BDAG GIR 'DZIN PA NI GNYI GA YIN NO, ,DE LA MNGON PAR ZHEN PA'I RGYU'I RGYU MTSAN NI DAM PA'I CHOS MA YIN PA THOS PA DANG, TSUL BZHIN MA YIN PA YID LA BYED PA DANG, DE'I BAG LA NYAL LO, ,DE'I BAG LA NYAL GYI RGYU'I RGYU MTSAN NI 'DU BYED RNAMS YANG DAG PA JI LTA BA BZHIN DU YONGS SU MI SHES PA DANG, @139A *, ,KUN NAS DKRIS PA LA GOMS PA'O, ,BZHI PO 'DI DAG NI SEMS CAN GYI RIGS YIN TE, DE DAG LA KUN NAS NYON MONGS PA 'DI RNAM PAR GZHAG PAR RIG PAR BYA'O, ,BZHI GANG ZHE NA, 'DI LTA STE, PHYI ROL GYI MU STEGS CAN RNAMS DANG, CHOS 'DA PA'I SO SO'I SKYE BO RNAMS DANG, SLOB PA RNAMS DANG, MI SLOB PA RNAMS SO, ,DE LA PHYI ROL PA RNAMS LA NI THAMS CAD TSANG BAR YOD DO, ,CHOS 'DI PA'I SO SO'I SKYE BO RNAMS LA NI RNAM PA BZHI'I RGYU MTSAN DANG BCAS PA DANG, MNGON PAR ZHEN PA'I PHYOGS GCIG YOD DO, , MNGON PAR ZHEN PA NI MED DO, ,SLOB PA LA NI BDAG TU 'DZIN PA DANG, BDAG GIR 'DZIN PA GNYIS DANG, RGYU DANG BCAS PA'I MNGON PAR ZHEN PA DANG, BAG LA NYAL GNYIS DANG, NGA'O SNYAM PA'I NGA RGYAL LA MNGON PAR ZHEN PA RGYU MTSAN DANG BCAS PA NI MED DO, ,NGA'O SNYAM PA'I NGA RGYAL BAG LA NYAL DANG BCAS PA NI YOD DO, ,MI SLOB PA LA NI THAMS CAD MED DO, ,DE LA 'DI LAS PHYI ROL PA NI DE DAG MI SPONG BA 'BA' ZHIG LA ZHUGS SO, ,CHOS 'DI PA'I SO SO'I SKYE BO NI YANG DAG PAR SPANG BA'I PHYIR ZHUGS TE YANG DAG PA JI LTA BA BZHIN DU MA MTHONG BA'I PHYIR DA DUNG SPANGS PA NI MA YIN NO, ,SLOB PA NI KHA CIG NI SPANGS, KHA CIG NI SPANGS PA'I PHYIR ZHUGS TE YANG DAG PA JI LTA BA BZHIN DU YANG MTHONG LA ZAD PA DANG MI SKYE BA'I SHES PA MA THOB PA'I PHYIR BDAG GIS MTHONG NGO SNYAM DU NI MI SHES SO, ,MI SLOB PA NI THAMS CAD KYANG SPANGS LA 'DU BYED DU GTOGS PA MTHA' DAG BDAG GIS YANG DAG PA JI LTA BA BZHIN DU MTHONG NGO SNYAM DU YANG SHES SO, ,BRGYAD PO 'DI DAG NI RNAM PAR BYANG BA BRJOD PA'I GNAS YIN TE, BRGYAD GANG ZHE NA, LTA BA DANG NGA RGYAL LAS YANG DAG PAR 'DAS PA'I PHYIR RNAM PA LAS YANG DAG PAR 'DAS PA'I YID CES BYA BA RNAM PAR BYANG BA BRJOD PA'I GNAS DANG, DE'I MTSAN MA SPANGS PA'I PHYIR MTSAN MA DANG BRAL BA DANG, DE LA MNGON PAR ZHEN PA SPANGS PA'I PHYIR ZHI BAR GYUR BA DANG, DE'I BDAG LA NYAL SPANGS PA'I PHYIR SHIN TU RNAM PAR GROL BA DANG, @139B GZHAN YANG SLOB PA'I RNAM PAR BYANG BA BRJOD PA'I GNAS GNYIS TE, 'DI LTA STE, SRED PA BCAD PA'AM, KUN TU SBYOR BA GSUM BZLOG NAS 'DI LTA STE, YANG SRED PA SKYED PA'I 'DU BYED THAMS CAD LA KUN TU MI SPYOD PA'I TSUL DANG, MI SLOB PA'I RNAM PAR BYANG BA BRJOD PA'I GNAS GNYIS TE, 'DI LTA STE, NGA RGYAL YANG DAG PAR MNGON PAR RTOGS PA DANG, SDUG BSNGAL THAMS CAD KYI RTZA BA SRID PA'I BAG LA NYAL BCOM PA'I PHYIR SDUG BSNGAL MTHAR BYAS PA STE, DE RNAMS GCIG TU BSDUS TE, RNAM PAR BYANG BAR BRJOD PA'I GNAS RNAM PA BRGYAD DU 'GYUR RO, ,RAB TU DBEN PAR GNAS PA RDZOGS PA NI YAN LAG BZHIS SHIN TU RDZOGS PAR 'GYUR TE, BZHI GANG ZHE NA, 'DI LTA STE, ZLA MED PAR GNAS PA DANG, BAS MTHAR GNAS MAL 'CHA' ZHIG LUS DBEN PA DANG, KHYIM NA GNAS PA DANG, YUL LAS SKYES PA'I MTSAN MA DANG, RTOG PA DANG, 'DOD PA'I 'DUN PA DANG, GNOD SEMS RNAMS LA BAG YOD PA LA BRTEN TE, SEMS KUN TU SRUNG BA NI SEMS DBEN PA DANG, RNAM PA LNGAS BRTZON 'GRUS BRTZAMS PA'I MNGON PAR SHES PA MYUR BAR 'GYUR BA LA MTHU DANG LDAN PA STE, BRTZON 'GRUS KYI GO CHA DANG BRTZON 'GRUS DANG LDAN PA STE, SBYOR BA'I BRTZON 'GRUS DANG, SPRO BA DANG LDAN PA STE, CHOS RGYA CHEN PO DAG LA ZHUM PA MED PA'I BRTZON 'GRUS DANG, RTUL PHOD PA BRTAN PA STE, GRANG BA DANG, TSA BA DANG, SHA SBRANG DANG, SBRANG BU MCHU RINGS LA SOGS PAS 'KHRUG PAR MI 'GYUR BA'I BRTZON 'GRUS DANG BRTZON PA MI 'DOR BA STE, NGAN NGON GYIS CHOG PAR MI 'DZIN PA'I BRTZON 'GRUS SO, ,ZHI GNAS DANG LHAG MTHONG GI PHYOGS KYI NYE BA'I NYON MONGS PA GO RIMS BZHIN DU SBYAR TE, RMUGS PA DANG, GNYID DANG, RGOD PA DANG, 'GYOD PA SPANGS NAS CHUD MI ZA BA'I TSUL GYIS ZHI GNAS DANG LHAG MTHONG LA YANG DAG PAR ZHUGS SO, ,GSUM PO 'DI DAG NI LEGS PAR GSUNGS PA'I CHOS 'DUL BA'I PHUN SUM TSOGS PA YIN TE, GSUM GANG ZHE NA, NAN TAN DU SGRUB PA PHUN SUM TSOGS PA DANG, 'BRAS @140A *, ,BU PHUN SUM TSOGS PA DANG, ,STON PA PHUN SUM TSOGS PA'O, ,DE LA NAN TAN DU SGRUB PA PHUN SUM TSOGS PA NI SPONG BA DANG, 'DOD CHAGS DANG BRAL BA DANG, 'GOG PA'I KHAMS RNAMS THOB PAR BYA BA DANG, REG PAR BYA BA'I PHYIR CHOS NYAN ZHING GZHAN DAG LA YANG STON PAR BYED LA BDAG NYID KYANG CHOS KYI RJES SU MTHUN PA'I CHOS LA NAN TAN DU SGRUB PA LA ZHUGS PA YIN TE, 'DI NI NAN TAN DU SGRUB PA PHUN SUM TSOGS PA'O, ,'BRAS BU PHUN SUM TSOGS PA GANG ZHE NA, CHOS KYI RJES SU MTHUN PA'I CHOS LA NAN TAN DU SGRUB PA DE NYID KYI DBANG DU BYAS NAS, SEMS SHIN TU RNAM PAR GROL BAR 'GYUR TE, TSE DE NYID LA MYA NGAN LAS 'DAS PA 'THOB PA 'DI NI 'BRAS BU PHUN SUM TSOGS PA'O, ,DE LA STON PA PHUN SUM TSOGS PA NI TSANGS BAR SPYOD PA DANG CHOS THAMS CAD KYI RTZA BA BCOM LDAN 'DAS YIN LA; DE'I TSUL 'JUG PAR MDZAD CING DE'I RJES SU 'BRANG BAR MDZAD DE, DE BZHIN GSHEGS PA BYUNG NA BSTAN PA DE DAG YOD PAR 'GYUR RO, ,DE BAS NA DE DAG GI RTZA BA NI BCOM LDAN 'DAS YIN NO, ,BYUNG NAS KYANG DE DANG DE DAG TU 'DUL BAR GZIGS TE BSTAN PAS NA, GANG GI PHYIR DAM PA'I CHOS KYI TSUL 'DI SLOB DPON DANG SLOB MA GCIG NAS GCIG TU BRGYUD DE 'ONGS PA DE'I PHYIR BCOM LDAN 'DAS KYI TSUL CAN NO, ,DE LTAR CHOS KYI TSUL ZHUGS PAR BYAS PA'I THE TSOM SKYES PA THAMS CAD LA BCOM LDAN 'DAS 'BA' ZHIG GI RJES SU 'BRANG BAS NA DE'I PHYIR DE DAG BCOM LDAN 'DAS KYI RJES SU 'BRANG BA YIN NO, ,CHOS SMRA BA NI LUNG DANG RTOGS PA'I SGO NAS RNAM PA GNYIS YOD DE GZHAN LAS THOS NAS STON PA DANG, SLOB PA DANG MI SLOB PA'O, ,STON PA NI TSUL BZHIN DU ZHUGS PA'I DUS GSUM DU LEGS SO ZHES BYA BA SBYIN PAR MDZAD DE MNGON PAR 'DU BYED PA DANG, THAD DU 'ONG BA DANG, ZHU BA'I DUS RNAMS SU'O, ,SDOM NI, 'DU SHES RNAM PA BYIS PA'I RTAGS, ,MIG DANG PHAN YON 'GYUR BA DANG, SHES PA DGU DANG BRJED MI NGAS, ,KHYAD PAR DAG TU 'GRO BA DANG, ,BDAG TU LTA BA'I BYE BRAG DANG, ,'DU BYED MTSAN NYID @140B RNAM PA GSUM, ,CHOS KYI MDO LA SOGS PA YI, ,SDE TSAN RGYA CHEN THA MA YIN, ,LNGA PO 'DI DAG NI 'DU BYED RNAMS LA MI RTAG PA'I 'DU SHES SGOM PA'I RNAM PA STE, 'DI LTA STE, MI RTAG PA DANG, MI BRTAN PA DANG, THER ZUG MA YIN PA DANG, YID BRTAN DU MI RUNG BA DANG, 'GYUR BA'I CHOS CAN NO, ,DE LA SKAD CIG RE RE LA 'JIG PAS NA MI RTAG PA RNAMS SO, ,TSE'I TSAD NGES PA DANG 'BREL PA'I LUS SU GNAS PAS NA MI BRTAN PA RNAMS SO, ,PHYI ROL PA RNAMS KYANG BSKAL BA GCIG LAS RING DU MI GNAS PAR NGES PAR NA THER ZUG MA YIN PA RNAMS SO, , TSE'I MTHAR MA PHYIN PAR YANG DUS MA YIN PAR 'CHI BA'I RKYEN RNAMS KYIS 'JIG PAR 'GYUR BA SRID PAS NA YID BRTAN DU MI RUNG BA RNAMS SO, ,JI SRID TZAM GYI BAR DU 'KHOR BA DE SRID TZAM GYI BAR DU YANG GCIG TU NGES PAR BDE BA MED PAS NA DE'I PHYIR 'GYUR BA'I CHOS CAN NO, ,GSUM PO 'DI DAG NI BYIS PA RNAMS KYI BYIS PA'I RTAGS YIN NO, ,GSUM GANG ZHE NA, BYIS PAS DE LTAR 'DU BYED RNAMS KYI MI RTAG PA RNAM PA LNGA YID LA MA BYAS PAS NGAN PA DANG BZANG PO YONGS SU MA GRUB PA RNAMS LA NGAN PA DANG BZANG POR RTOG PA'I SGO NAS GZHAN RNAMS DANG BDAG LA YONGS SU 'JAL BAR BYED DE, BDAG CHE'O SNYAM DU RLOM SEMS SU BYED PA GANG YIN PA 'DI NI BYIS PA'I RTAGS DANG PA'O, ,CHE BA JI LTA BA BZHIN DU MTSUNGS PA DANG, CHUNG NGU YANG DE DANG 'DRA STE, SNGA MA BZHIN DU SBYAR RO, ,DE NYID LAS BZLOG PA GSUM NI MKHAS PA RNAMS KYI MKHAS PA'I RTAGS YIN PAR RIG PAR BYA'O, , 'PHAGS PA'I SHES RAB KYI MIG NI RNAM PA GNYIS KYIS RNAM PAR DAG PAR 'GYUR BAR RIG PAR BYA STE, MTHONG BAS SPANG BAR BYA BA'I NYON MONGS PA'I KUN NAS DKRIS PA DANG BRAL BAS NA RDUL MED PA'O, ,DE'I BAG LA NYAL DANG BRAL BAS NA DRI MA DANG BRAL BA'O, ,GZHAN YANG MNGON PAR RTOGS PA'I TSE YID LA BYED PA LA ZHUGS PA NA NGA'O SNYAM PA'I NGA RGYAL RAGS PA SPEL MAR 'DUG STE, DE'I GZUNG BA'I 'DZIN PA LA DMIGS PA MGO MNYAM DU YONGS SU SHES PAS SPONG BAR 'GYUR LA DE SPANGS PAS NA RDUL MED PA'O, ,MTHONG BAS SPANG BAR BYA BA'I NYON MONGS PA'I BAG LA @141A *, ,NYAL THAMS CAD SPANGS PAS NA DRI MA DANG BRAL BA'O, ,RDUL MED CING DRI MA DANG BRAL BA DES CHOS RNAMS LA CHOS KYI MIG THOB PA'I MOD LA PHAN YON BCU 'BYUNG BAR RIG PAR BYA STE, BCU GANG ZHE NA, 'PHAGS PA'I BDEN PA BZHI PO RNAMS LEGS PAR MTHONG BAS NA CHOS MTHONG BA ZHES BYA'O, ,DGE SBYONG GI 'BRAS BU GANG YANG RUNG BA THOB PAS NA CHOS THOB PA ZHES BYA'O, ,DE DAG NYID KYIS THOB PAR RIG PAR 'GYUR TO, ,BDAG GI SEMS CAN DMYAL BA RNAMS DANG, DUD 'GRO DANG YI DAGS RNAMS ZAD DO, ,BDAG NI RGYUN DU ZHUGS PA YIN NO SNYAM PA NAS RGYAS PAR SBYAR TE, DE LTAR NA CHOS RIG PA ZHES BYA'O, ,SHES NAS DANG BA THOB PA'I PHYIR SANGS RGYAS DANG CHOS DANG, DGE 'DUN RNAMS YANG DAG PA JI LTA BA BZHIN DU SHES PAS NA CHOS KYI GTING SLEBS PA ZHES BYA'O, ,DE NI BDAG GIS THOB PA LA YANG SOM NYI MED LA GZHAN RNAMS KYIS THOB PA LA THE TSOM MED DO, ,'PHAGS PA'I BDEN PA DANG LDAN PA'I GTAM BRJOD PA LA YANG GZHAN GYI DRING MI 'JOG STE, GZHAN DAG GI NGOR LTA ZHING NGOR RTOG PA MED DO, ,PHA ROL RGOL BA LA SOGS PA THAMS CAD KYIS KYANG CHOS 'DUL BA 'DI LAS MI 'PHROGS PAR 'GYUR RO, ,DE NI BDAG GIS THOB PA'I SHES PA BRDA SPROD PA LA YANG 'JIGS PA MED DO, ,YANG DAG PA'I BRDA DANG, DON DAM PA'I RGYU RNAM PA GNYIS KYIS KYANG BSTAN PA LA ZHUGS PA YIN NO, ,SHES PA DGU PO 'DI DAG NI 'DU BYED RNAMS YONGS SU SHES PA DANG, YANG DAG PAR 'DA' BAR 'GYUR BA STE, 'DI LTA STE, 'DU BYED RNAMS KYI 'JUG PA SHES PA DANG, LDOG PA SHES PA DANG, KUN NAS NYON MONGS PA'I RGYU SHES PA DANG, RNAM PAR BYANG BA'I RGYU SHES PA DANG, RNAM PAR BYANG BA SHES PA DANG, SDUG BSNGAL SHES PA DANG, KUN 'BYUNG BA DANG, 'GOG PA DANG, LAM SHES PA'O, ,DE LA 'JUG PA SHES PA NI MDOR BSDU NA RGYU RNAM PA GSUM BYUNG BAS 'DU BYED THAMS CAD KUN 'BYUNG BAR 'GYUR RO SNYAM PA'I SHES PA GANG YIN PA STE, 'DI LTA STE, DGA' BA BYUNG BA DANG, REG PA BYUNG BA DANG, MING DANG GZUGS BYUNG BA STE, @141B GZUGS DANG TSOR BA LA SOGS PA DANG, RNAM PAR SHES PA DANG CI RIGS PAR SBYAR RO, ,RGYU RNAM PA GSUM PO NYID 'GAGS PAS 'DU BYED RNAM PA GSUM PO 'GAG PAR 'GYUR BAS NA LDOG PA SHES PA'O, ,KUN NAS NYON MONGS PA'I RGYU DANG RNAM PAR BYANG BA'I RGYU DANG RNAM PAR BYANG BA SHES PA RNAMS NI MNOG DANG, NYES DMIGS DANG, NGES PAR 'BYUNG BA RNAMS KYI SKABS SU SNGAR BSTAN PA BZHIN DU RIG PAR BYA'O, ,SDUG BSNGAL LA SOGS PA 'PHAGS PA'I BDEN PA RNAMS KYI SHES PA YANG SNGA MA KHO NA BZHIN DU BDEN PA RNAM PAR 'BYED PA'I TSUL DU RIG PAR BYA'O, ,DE LA SHES PA SNGA MA LNGA SO SO'I SKYE BO'I GNAS SKABS SU KUN TU BSTAN PA LAS NI PHYI MA'I BDEN PA SHES PA BZHI THOB PAR 'GYUR TE, DE DAG THOB PAS YANG DAG PA JI LTA BA BZHIN DU 'DU BYED RNAMS YONGS SU SHES SO, ,SHES PA SNGA MA DE DAG MA TSANG BAR GYUR NA NI BDEN PA'I TSUL GYIS, 'DU BYED RNAMS YONGS SU SHES PAR 'GYUR BA'I SKAL PA MED DO, ,TSAD BAR YOD NA NI BDEN PA'I TSUL GYIS SKAL BA YOD DE, GZHAN YANG 'DU BYED YONGS SU SHES PA MED NA NI GONG DU BSGOMS PA'I STOBS KYIS NYON MONGS PA THAMS CAD SPANGS PAS 'DU BYED THAMS CAD LAS YANG DAG PAR 'DA' BA'I SKAL BA MED DO, ,DE LAS BZLOG PA LA NI SKAL BA YOD DE, DE BAS NA SHES PA DGU 'DU BYED RNAMS YONGS SU SHES PA DANG, YANG DAG PAR 'DA' BAR 'GYUR BA ZHES BYA'O, ,RNAL 'BYOR PA NI GNAS GSUM GYIS 'DU BYED THAMS CAD LA BRJED NGAS PA MED PAR GNAS TE, GSUM GANG ZHE NA, 'DAS PA'I 'DU BYED RNAMS LA NI MI RTAG PAR YANG DAG PA JI LTA BA BZHIN DU RAB TU SHES SO, ,DA LTAR BYUNG BA RNAMS LA NI 'JIG PA'I CHOS CAN DANG, MA 'ONGS PA RNAMS LA NI SKYE BA DANG 'JIG PAR YANG DAG PA JI LTA BA BZHIN DU RAB TU SHES SO, ,DE DE LTAR DUS GSUM GYI 'DU BYED RNAMS LA RMONGS PA MED CING KUN NAS NYON MONGS PA MED PAS BDE BA LA REG PAR GNAS TE, REG PA DANG LDAN PA ZHES BYA BA'I GRANGS SU YANG 'GRO'O, ,DE LAS BZLOG PA NI BRJED NGAS PAR GNAS PA DANG, MA RIG PA DANG, @142A *, ,LDAN PA YIN PAR RIG PAR BYA'O, ,GSUM PO 'DI DAG NI NYON MONGS PA'I RNAM GRANGS YIN TE, DE DAG NI PHAL CHER KUN NAS NYON MONGS PA'I PHYOGS SU BSTAN PAR 'GYUR BA STE, 'DI LTA STE, 'DOD CHAGS KYI RNAM GRANGS DANG, ZHE SDANG GI RNAM GRANGS DANG, GTI MUG GI RNAM GRANGS SO, ,DE LA 'DOD CHAGS KYI RNAM GRANGS NI, DGA' BA DANG, 'DOD CHAGS DANG, LTA BA YOD PA DANG, MNGON PAR DGA' BA DANG, 'DUN PA DANG, BYAMS PA DANG, 'PHANGS PA DANG, KUN GNAS PA DANG, NGES PAR ZHEN PA DANG, LHAG PAR ZHEN PA DANG, 'DOD PA DANG, CHAGS PA DANG, SRED PA DANG, RJES SU CHAGS PA DANG, SKOM PA'O, ,DE LA ZHE SDANG GI RNAM GRANGS NI, 'DI LTA STE, KHONG KHRO BA DANG, ZHE SDANG DANG, GNOD SEMS DANG, KHRO BA DANG, KUN NAS MNAR SEMS DANG, MI BZOD PA DANG, YID MI CHES PA DANG, DRAG PA DANG, 'CHUR BA DANG, RTZUB POR SMRA BA DANG, NANG PA DANG, 'KHRUG PA DANG, GNOD PAR SEMS PA DANG, DOM ZUM GNAG STE 'DUG PA DANG, 'KHRUGS PA SKYED PA'O, ,DE LA GTI MUG GI RNAM GRANGS NI 'DI LTA STE, MI SHES PA DANG, MI MTHONG BA DANG, MNGON PAR MI RTOGS PA DANG, MUN PA LTA BU DANG, RMONGS PA DANG, MA RIG PA DANG, MUN NAG LTA BU STE, DE RNAMS KYI RNAM PAR DBYE BA NI RNAM GRANGS BSDU BA LAS RGYAS PAR RIG PAR BYA'O, ,DGA' BA DANG 'DOD CHAGS GNYIS KYI KHYAD PAR YANG BSTAN PAR BYA STE, LUS LA YOD PA'I TSOR BA'I DMIGS PA LA KUN TU DGA' BA NI DGA' BA'O, ,DMIGS PA GANG YIN PA DE'I TSOR BA SKYES PA'I YUL DE LA LHAG PAR ZHEN PA NI 'DOD CHAGS SO, ,GZHAN YANG 'THOB TU CHA BA'I YUL GYI TSE'I NI DGA' BA'O, ,THOB ZIN PA'I TSE'I NI 'DOD CHAGS SO, ,GZHAN YANG THOB ZIN PA LA NYE BAR SPYOD DU CHA BA'I TSE NI DGA' BA'O, ,DE NYID LA NYE BAR SPYOD PA'I TSE NI 'DOD CHAGS SO, ,GZHAN YANG YUL DANG PHRAD PAR BYA BA'I THABS KYI TSE'I NI DGA' BA'O, ,YUL NYID KYI TSE'I NI 'DOD CHAGS PA'O, ,GZHAN YANG SRID PAR SKYE BA'I TSE'I NI DGA' BA'O, ,YUL GYI TSE'I @142B NI 'DOD CHAGS SO, ,GZHAN YANG 'DOD PAS BYA BA'I SEMS CAN GZHAN PHUN SUM TSOGS PAR GYUR BA'I TSE'I NI DGA' BA'O, ,BDAG PHUN SUM TSOGS PAR GYUR PA'I TSE'I NI 'DOD CHAGS SO, ,BZHI PO 'DI DAG NI 'DU BYED RNAMS LA TSUL BZHIN DU BRTZON PA'I KHYAD PAR DU 'GRO BA YIN NO, , KHYAD PAR DU 'GRO BA'I 'DU SHES NI GSUM STE, 'DI LTA STE, MA THOB PA THOB PA DANG, MA RTOGS PA RTOGS PA DANG, MNGON SUM DU MA BYAS PA MNGON SUM DU BYED PA DANG, TSE 'DI LA BDE BAR GNAS PA NI KHYAD PAR DU 'GRO BA BZHI PA'O, ,DE LA SNGON MA THOB PA'I RGYUN DU ZHUGS PA'I 'BRAS BU DANG PO THOB PAS NA MA THOB PA THOB PA YIN PAR RIG PAR BYA'O, ,DE NYID LA BRTEN NAS SLOB PA GONG MA'I 'BRAS BU RTOGS PAS NA MA RTOGS PA RTOGS PA YIN PAR RIG PAR BYA'O, ,DE NYID LA BRTEN NAS, DGRA BCOM PA GNYID KYI 'BRAS BU 'THOB PA NI NYON MONGS PA THAMS CAD SPONG BA MNGON SUM DU BYED PAS NA, MNGON SUM DU MA BYAS PA MNGON SUM DU BYED PA YIN PAR RIG PAR BYA'O, ,DGRA BCOM PA NYID THOB PA NI YANG MA THOB PA THOB PAR BYA BA NAS MNGON SUM DU MA BYAS PA MNGON SUM DU BYA BA'I BAR GYI PHYIR BRTZON PA MED MOD KYI, 'ON KYANG BRTZON PAR BYED PA NI RANG GI DON GYI DBANG DU BYAS NAS, TSE 'DI LA BDE BAR GNAS PAR BYA BA'I PHYIR BRTZON PAR ZAD DO, ,DE LA GSUM PO 'DI DAG NI KHYAD PAR DU 'GRO BA'I 'DU SHES YIN TE, 'DI LTA STE, 'DU BYED RNAMS LA MI MTHUN PAR 'DU SHES PA DANG, NYES DMIGS SU 'DU SHES PA DANG, YANG DAG PA'I DON DU 'DU SHES PA'O, ,MI MTHUN PA'I 'DU SHES NI RNAM PA BZHI STE, 'DU SHES RNAMS LA NAD DANG, 'BRAS DANG, ZUG RNGU DANG, SDIG PA YIN PAR YID LA BYED PA STE, DPER NA LA LA ZHIG KHAMS MA SNYOMS PA'I RGYU LAS BYUNG BA'I NAD KYI SDUG BSNGAL LA MI MTHUN PAR 'DU SHES PAR 'GYUR BA DANG, SNGON GYI LAS KYI RGYU LAS BYUNG BA'I 'BRAS BU SDUG BSNGAL DANG, DGRA GZHAN GYIS BSNUN PA'I ZUG RNGU'I RGYU LAS BYUNG BA'I SDUG BSNGAL DANG, GNYEN DANG LONGS SPYOD LA SOGS PA LAS GYUR PA'I PHONGS PA RNAMS LA RANG GI LOG PAR RTOG PA'I SDIG PA'I RGYU LAS BYUNG BA'I SDUG @143A *, ,BSNGAL LA MI MTHUN PAR 'DU SHES PAR 'GYUR BA DE BZHIN DU RNAL 'BYOR PA YANG 'DU BYED RNAMS LA MI MTHUN PAR 'DU SHES PAR 'GYUR RO, ,DE LA NYES DMIGS SU 'DU SHES PA NI RNAM PA GNYIS TE, 'DI LTA STE, 'DU BYED RNAMS LA MI RTAG PA'AM SDUG BSNGAL BAR YID LA BYED PA'O, ,DE LA YANG DAG PA'I DON DU 'DU SHES PA YANG RNAM PA GNYIS KHO NA STE, 'DU BYED RNAMS LA STONG PA'AM BDAG MED PAR YID LA BYED PA'O, ,DE LA THOG MA NYID DU NYES DMIGS DANG, YANG DAG PA'I DON DU 'DU SHES PA LA LEGS PAR 'DRIS PAR BYAS PAS NA, PHYIS MI MTHUN PA'I 'DU SHES YANG DAG PAR GNAS PAR 'GYUR TE, 'BRAS BU NI SNGAR BSTAN TO, ,RGYU NI PHYIS BSTAN TO, ,BDAG TU LTA BA RNAM PA BZHI NI NGA'O SNYAM PA'I NGA RGYAL SKYE BA'I RKYEN GYI BYA BA BYED PA YIN TE, 'DI LTA STE, RNAM PAR BRTAGS PA NI 'DI LAS PHYI ROL PA'I MU STEGS CAN RNAMS KYI GANG YIN PA'O, ,LHAN CIG SKYES PA NI THA NA RI DAGS DANG BYA RNAMS LA YANG YOD PA GANG YIN PA'O, ,RANG GI GNAS LA DMIGS PA NI SO SO RANG GI LUS RNAMS LA YOD PA GANG YIN PA'O, ,GZHAN GYI GNAS LA DMIGS PA NI GZHAN GYI LUS RNAMS LA YOD PA GANG YIN PA STE, GAL TE RNAM PAR BRTAGS PA'I BDAG TU LTA BA LA BRTEN NAS NGA'O SNYAM PA'I NGA RGYAL SKYED NA NI DE LTA BU DES RANG GI LUS DANG GZHAN GYI LUS LA BDAG TU MTHONG NAS BDAG TU LTA BA RNAM PA GNYIS LA BRTEN NAS SKYED PAR BYED DE, DPER NA BZHIN LA BRTEN NAS YONGS SU DAG PA'I ME LONG GI NGOS LA GZUGS BRNYAN SKYE BAR 'GYUR LA, GZUGS BRNYAN LA BRTEN NAS RANG GI GNAS LA THA MA DANG 'BRING DANG MCHOG TU 'DU SHES PAR 'GYUR BA DE BZHIN DU RTOG PA'I NGAN PAS RANG GI GNAS LA YOD PA'I BDAG TU LTA BA'I RKYEN LAS BYUNG BA'I BZHIN LTA BU DANG, GZHAN GYI GNAS LA DMIGS PA'I GZUGS BRNYAN LTA BU SKYE BAR 'GYUR RO, ,DE'I RKYEN LAS KYANG GZHAN RNAMS PAS BDAG CHE'O, ,BDAG MTSUNGS SO, ,BDAG CHUNG NGO SNYAM DU NGA'O SNYAM PA'I NGA RGYAL SKYE'O, ,DE STE LHAN CIG SKYES PA'I BDAG TU LTA BA'I @143B RKYEN GYIS SKYED NA NI DE LA NI DPE'I KHYAD PAR DU RIG PAR BYA STE, DPER NA MIG DANG LDAN PA'I MI SNOD NA 'DUG PA'I CHU DANG BA'I NANG DU MIG DANG RNA BA GNYIS LA LTA BA BZHIN NO, ,LHAG MA RNAMS NI SNGA MA BZHIN DU RIG PAR BYA'O, ,'JIG TSOGS LA LTA BA DE NI RNAM PA THAMS CAD NI, LEGS PAR GSUNGS PA'I CHOS 'DUL BA 'BA' ZHIG GIS SPONG BAR 'GYUR GYI GZHAN GYIS NI MA YIN NO, ,DE LTAR NA DE BZHIN GSHEGS PA RNAMS DANG, TSANGS PA MTSUNGS PAR SPYOD PA MKHAS PA RNAMS KYI PHAN PA'I LAN NI NYAN THOS SAM TSANGS PA MTSUNGS PAR SPYOD PAS STON PA'AM, TSANGS PA MTSUNGS PAR SPYOD PAS YONGS SU MYA NGAN LAS 'DAS PA LA YANG RNAM PA GCIG PUS LAN LON PAR 'GYUR GYI GZHAN GYIS NI MA YIN NO, ,GAL TE GZHAN LA PHAN PA'I PHYIR LAM DE KHO NA LA ZHUGS PAR GYUR NA NI DE LTA NA DES DE DAG GI BZHED PA YONGS SU BSKANG BAS LAN DU PHAN BTAGS PA YIN NO, ,MTSAN NYID GSUM PA'I 'DU BYED RNAMS 'GAGS PA'I PHYIR RO, ,LHAG MA MED PA'I MYA NGAN LAS 'DAS PA'I DBYINGS ZHES BYA STE, 'DI LTA STE, BSKYED PA RNAMS DANG, RANG BZHIN GYIS 'JIG PA RNAMS DANG, NYON MONGS PA DANG BRAL BA RNAMS SO, , DE LA SNGON GYI YANG SRID PAR SKYE BA'I LAS DANG NYON MONGS PA RNAMS KYIS MNGON PAR 'DUS BYAS PA DANG, SNGON GYI SMON LAM GYIS MNGON PAR 'PHANGS PAS NA DA LTAR BSKYED PA YIN NO, ,DE LTAR SKYES NAS KYANG RANG BZHIN GYIS 'JIG PA'I PHYIR GTAN DU MI GNAS SO, ,NYON MONGS PA MA LUS PAR SPANGS PAS NA NYON MONGS PA DANG BRAL BA YIN TE, GANG GI PHYIR DA LTAR 'GAGS NAS PHYIS MI SKYE BA'I PHYIR RO, ,DE BAS NA MTSAN NYID GSUM PA'I 'DU BYED 'DI 'GAG PA'I PHYIR 'GOG PA ZHES BYA'I, MTSAN NYID GANG YANG RUNG BA MA TSANG NA NI 'GOG PAR GDAGS SU MI RUNG NGO, ,RNAM PAR THAR PA'I SGO GSUM GYI SGO NAS CHOS KYI MDO BZHI RNAM PAR GZHAG PAR RIG PAR BYA'O, ,'DI LTA STE, STONG PA NYID DANG, SMON PA MED PA DANG, MCHAN MA MED PA'O, ,DE LA 'DU BYED THAMS CAD NI MI RTAG PA'O, ,'DU BYED THAMS CAD NI SDUG BSNGAL BA'O ZHES BYA BA @144A *, ,NI SMON PA MED PA'I SGO NAS CHOS KYI MDO DANG PO DANG GNYIS PA RNAM PAR GZHAG PA YIN NO, ,CHOS THAMS CAD BDAG MED PA'O ZHES BYA BA NI STONG PA NYID KYI SGO NAS GSUM PA RNAM PAR GZHAG PA'O, ,MYA NGAN LAS 'DAS PA NI ZHI BA'O ZHES BYA BA NI MTSAN MA MED PA'I SGO NAS BZHI PO RNAM PAR GZHAG PA'O, ,CHOS KYI MDO'I DBANG GIS BYUNG BA'I 'DU BYED 'DOD PA NI RNAM PA GNYIS SU RIG PAR BYA STE, MOS PA DANG LDAN PA DANG, BSAM PA DANG LDAN PA'O, ,DE LA MOS PA DANG LDAN PA'I 'DOD PAS NI CHOS KYI MDO BZHIS 'DU BYED RNAMS 'DOD DE, 'DU BYED THAMS CAD NYE BAR ZHI BA NI DE 'DOD PA DE LKOG DBEN PAR SONG NAS BSAM PA THAG PA NAS YID LA BYED PA NI, RNAM PA BZHIS DE LAS YID LDOG PAR 'GYUR TE, DE LA PHAN YOD MA MTHONG BAS MI 'JUG PA'I PHYIR DANG, DE THOB PAR YID MI CHES PAS MA DAD PA'I PHYIR DANG, DMIGS PA DE LA MNGON PAR MI DGA' BAS MI GNAS PA'I PHYIR DANG, DE LA MNGON PAR MI DGA' BAS RNAM PAR MA GROL BA'I PHYIR RO, ,DE LAS BZLOG PA NI BSAM PA'I SGO NAS 'DOD PA YIN PAR RIG PAR BYA'O, ,RGYU GNYIS KYIS NI MOS PA'I BDAG MED PA 'DOD PA LA BRTEN PAS MYA NGAN LAS 'DAS PA LAS SEMS PHYIR LDOG PAR 'GYUR TE, YONGS SU YI 'CHAD PA'I PHYIR RO, ,DE YANG 'DI LTA STE, 'DOD PA DE YANG LEGS PAR BYANG BA MA YIN LA TSAR PHYIN PAR YANG MA GYUR BA DANG, DE YID LA BYED PA'I TSE YANG RGYU DE NYID KYIS BRJED NGAS PAR 'GYUR BA'I PHYIR TE, BZOD PA DE LA YONGS SU MA BYANG BA'I PHYIR NI DE'I TSE 'DU BYED RNAMS LA 'DU BYED TZAM DU SHES PA LA SEMS RMONGS PAR 'GYUR TE, BDAG GI BDAG GANG YIN ZHIG GU SNYAM DU BDAG YONGS SU TSOL BA'I RNAM PAS DE ZHIB PA DANG LDAN PA'I BAR DU GCOD PA 'JUG PAR 'GYUR TE, DES NA DE 'DI SNYAM DU BDAG NI MED PAR 'GYUR RO SNYAM DU SEMS KYI, 'DI SNYAM DU 'DU BYED TZAM PO 'DI NI MED PAR 'GYUR RO SNYAM DU NI MI SEMS SO, ,DE DE LTAR RJES SU 'BREL BA'I 'JIG TSOGS LA LTA BA LA BRTEN NAS RNAM PAR 'GYUR BA DANG, RJES SU @144B 'BREL BA'I RNAM PAR SHES PA BSKYED DE, YONGS SU YI 'CHAD PA'I PHYIR 'GOG PA LAS YID PHYIR LDOG PAR 'GYUR RO, ,YONGS SU YI 'CHAD PA DE SPANG BA LA DBEN PA'I CHOS NI GNYIS YOD DE, 'DI LTA STE, TSANGS PA MTSUNGS PAR SPYOD PA MKHAS PA DAG LA BDAG NYID YANG DAG PA JI LTA BA BZHIN RAB TU STON PA DANG, DGE BA'I CHOS LA 'DUN PA'I PHYIR SHES PAR 'DOD PA'I SEMS DANG, MNYAN ZHING LAS SU RUNG BA'I SEMS SO, ,DE LTAR SHES PAR 'DOD PA'I SEMS KYIS CHOS NYAN PA NA RNAM PA GSUM GYI SGO NAS YID BDE BA SKYE BAR 'GYUR TE, 'DI LTA STE, GANG ZAG GI DBANG GIS BYUNG BA DANG, CHOS KYI DBANG GIS BYUNG BA DANG, BDAG GI DBANG GIS BYUNG BA'O, ,DE LA GANG ZAG GI NUS PA DANG, MTHU YOD PA DANG, 'TSAM PA DANG, STON PAS BSNGAGS PA'I STON PA PO MTHONG BA'I PHYIR RO, ,CHOS BSTAN PA GANG YIN PA DE NI SDUG BSNGAL NGES PAR 'BYIN PA YIN PA'I PHYIR MCHOG GI DON YIN NO SNYAM DU MNGON PAR YID CHES PA'I PHYIR RO, ,BDAG NYID KYANG CHOS DE RTOGS PAR BYA BA LA NUS PA DANG, MTHU YOD PAR RTOGS PA'I PHYIR RO, ,DE LTAR SEMS NYAMS BDE BAR 'GYUR BA LA NI LTA BA GSUM YOD DE, GANG LA GNAS PA DANG, DES YONGS SU SHES PAR BYA BA GANG YIN PA DANG, 'DI LTA STE, BDEN PA MNGON PAR MA RTOGS PA RNAMS MNGON PAR RTOGS PAR BYA BA'I PHYIR MNGON PAR SGRUB PA GANG YIN PA'O, ,DE LA MOS PA DANG LDAN PA SHIN TU YONGS SU BYANG BA'I 'JIG RTEN PA'I YANG DAG PA'I LTA BA MNGON PAR RTOGS PA DANG MTHUN PA LA NI GNAS SO, ,GZHI GSUM LA BDAG TU MNGON PAR ZHEN PAS 'JIG TSOGS LA LTA BA BAG LA NYAL DANG BCAS PA RTAG PA DANG CHAD PA LTA BA'I RTEN DU GYUR PA GANG YIN PA DE 'BRAS BU DANG BCAS PAR YONGS SU SHES TE, GANG LEN PA DANG, GANG GIS LEN PA DANG, JI LTAR LEN PA DE DAG NI GZHI GSUM YIN NO, ,DE LA CI LEN ZHE NA, NYE BAR LEN PA'I PHUNG PO LNGA PO RNAMS SO, ,GANG GIS LEN ZHE NA, LEN PA BZHI PO RNAMS KYIS SO, ,JI LTAR LEN ZHE NA, RNAM PAR SHES PA'I @145A *, ,GNAS BZHI PO RNAMS KYI SGO NAS SO, ,DE DAG NI GO RIMS BZHIN DU PHUNG PO DANG, NYE BAR LEN PA DANG, SEMS KYI GNAS RNAMS YIN TE, DE DAG LA KUN NAS DKRIS PA MI RIGS PA DANG LDAN PAS DE'I DMIGS PA 'JIG TSOGS LA LTA BA LA MNGON PAR ZHEN PA'O, ,BAG LA NYAL NI SNGA MA BZHIN DU RIG PAR BYA'O, ,DE LA LAM MNGON PAR SGRUB PA GANG ZHE NA, GANG LA GNAS NA 'JIG TSOGS LA LTA BA LA GZHI GSUM LA MNGON PAR ZHEN PA BAG LA NYAL DANG BCAS PAR SPONG BAR 'GYUR LA BDEN PA SHES PA LA YANG GZHAN GYI DRING MI 'JOG PAR 'GYUR BA'O, ,DE LA YONGS SU SHES PAR BYA BA'I LTA BA DE LA GNAS PA GANG YIN PA DE NI BDAG GI SGO NAS GNAS GSUM LA MNGON PAR ZHEN PA YANG YIN LA BAG LA NYAL DANG BCAS PA YANG YIN TE, 'DU BYED RNAMS KYI KUN 'BYUNG BA DANG, NUB PAR 'GYUR BA MI SHES PAS DBU MA'I LAM LA 'JUG PA'I SKAL BA YANG MED NA, DES NGES PA 'BYUNG BAR LTA GA LA 'GYUR, DE LA MNGON PAR RTOGS PA DANG MTHUN PA LA GNAS PA NI GZHI GSUM PO DAG LA BDAG GI SGO NAS MNGON PAR ZHEN PA DANG BRAL BA YIN TE, DE'I BAG LA NYAL DANG LDAN NO, ,'DU BYED RNAMS KYI KUN 'BYUNG BA DANG, NUB PAR SHES PA NI MTHA' GNYIS SPANGS PA'I DBU MA'I LAM LA ZHUGS PAR 'GYUR TE, DES NGES PAR 'BYUNG BA NI MA YIN LA NGES PAR 'BYUNG BA'I SKAL BA CAN NI YIN NO, ,DE LA BDEN PA MNGON PAR RTOGS PAS MNGON PAR BSGRUBS PA'I YANG DAG PA'I LTA BAS NI GZHI GSUM PO RNAMS LA BDAG GI SGO NAS MNGON PAR ZHEN PA MED CING BAG LA NYAL MED DE DBU MA'I LAM LA SNGA NAS KYANG ZHUGS LA DES NGES PAR 'BYUNG BAR 'GYUR TE LTA BA DE RNAMS LA GNAS PA RNAMS KYI KHYAD PAR NI DE YIN PAR RIG PAR BYA'O, ,SDOM NI, MNGON SHES MYUR DANG LUS KUN DANG, ,SHES DANG SHES BYA 'KHOR BA DANG, CHOG 'DZIN SPYOD DANG RGYUN PHYOGS DANG, ,YONGS SU SHES PA NYAMS DANG RTAGS, ,'DU SHES RNAM PAR GZHAG PA DANG, ,TSOGS DANG MI MTHUN GANG YIN DANG, STON PA'I PHRIN LAS LA SOGS PA'I, ,SDE TSAN CHEN PO THA MA @145B YIN, ,YONGS SU GRUB CING YONGS SU MTHAR THUG PA'I RNAM PAR GROL BA MA THOB PA THOB PAR BYA BA LA CHOS GSUM GYIS MNGON PAR SHES PA MYUR BAR BYED DE, 'DI LTA STE, SHES PA'I STOBS DANG, BAG YOD PA'I STOBS DANG, GOMS PA'I STOBS SO, ,DE LA SHES PA'I STOBS NI GANG LA GNAS NA DE'I MOD LA ZAG PA RNAMS ZAD PA'I SKAL BA CAN DU 'GYUR TE, DE YANG SLOB PA'I SHES PA DANG, MTHONG BA YIN PAR RIG PAR BYA'O, ,DE LA BAG YOD PA'I STOBS NI DE LTAR SHES PA DANG MTHONG BA THOB PA DE NYID KYI LAM DE LTAR THOB PA BSGOM PA LA BRTZON PA DANG, SDIG PA MI DGE BA'I CHOS RNAMS LAS SEMS KUN TU SRUNG BA'O, ,DE LA GOMS PA'I STOBS NI BSGOM PA LA BRTZON PA DE NYID LA RTAG TU BYED PA DANG, RTAG TU GNAS PA STE, DENG NGAM SANG NGAM GNANGS NYID DU BDAG GI SEMS LEN PA MED PAR ZAG PA RNAMS LAS RNAM PAR GROL BAR GYUR CIG SNYAM NAS PHYIN CI LOG GI SEMS MNGON PAR 'DU BYED PAS SKYO BAR MI 'GYUR BA'O, ,SKYO BA MED NA YONGS SU YI 'CHAD PAR MI 'GYUR BA'O, ,YONGS SU YI 'CHAD PA MED NA ZAG PA ZAD PAR BYA BA'I SBYOR BA MI GTONG NGO, ,DE LA SHES PA DANG MTHONG BA GNYIS LA KHYAD PAR CI YOD CE NA, 'DAS PA DANG MA 'ONGS PA LKOG TU GYUR PA'I YUL CAN GYI SHES RAB GANG YIN PA DE NI SHES PA'O, ,DA LTAR BYUNG BA'I YUL CAN GANG YIN PA DE NI MTHONG BA'O, ,GZHAN YANG GZUNG BA LA DMIGS PA GANG YIN PA DE NI SHES PA'O, ,'DZIN PA LA DMIGS PA GANG YIN PA DE NI MTHONG BA'O, ,GZHAN YANG THOS PA DANG BSAMS PA LAS BYUNG BA GANG YIN PA DE NI SHES PA'O, ,BSGOMS PA LAS BYUNG BA GANG YIN PA DE NI MTHONG BA'O, ,GZHAN YANG GANG GIS NYON MONGS PA SPONG BA DE NI SHES PA'O, ,SPONG BA DANG RNAM PAR GROL BA'I SHES RAB GANG YIN PA DE NI MTHONG BA'O, ,GZHAN YANG RANG GI MTSAN NYID LA DMIGS PA GANG YIN PA DE NI SHES PA'O, ,SPYI'I MTSAN NYID LA DMIGS PA GANG YIN PA DE NI MTHONG BA'O, ,GZHAN YANG GDAGS PA LA BRTEN TE NANG DANG PHYI ROL GYI 'DU BYED 'DI LTA STE, BDAG @146A *, ,CES BYA BA 'AM, SEMS CAN ZHES BYA BA'AM, LHA DANG, KLU DANG, GNOD SBYIN DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO ZHES BYA BA 'AM, DMAG DANG, NAGS TSAL DANG, KHANG KHYIM DANG, RI ZHES BYA BA'AM, DE LA SOGS PA'I RNAM PA'I BRDA'I TSUL GYIS SHES BYA DE DANG DE DAG LA DMIGS PA'I SHES RAB GANG YIN PA DE NI SHES PA'O, ,RANG GI MTSAN NYID DANG SPYI'I MTSAN NYID LA 'DZIN PA NI MTHONG BA'O, ,GZHAN YANG CHOS RNAMS YONGS SU TSOL BA GANG YIN PA DE NI SHES PA'O, ,YONGS SU BTZAL ZIN PA RNAMS LAS SO SOR RTOG PA NI MTHONG BA'O, ,GZHAN YANG RNAM PAR MI RTOG PA'I GZUGS BRNYAN LA DMIGS PA NI SHES PA'O, ,RNAM PAR RTOG PA DANG BCAS PA'I GZUGS BRNYAN LA DMIGS PA NI MTHONG BA'O, ,GZHAN YANG SHES BYA GZUGS CAN GYI GZUGS BRNYAN LA DMIGS PA NI MTHONG BA'O, ,SHES BYA GZUGS CAN MA YIN PA'I GZUGS BRNYAN LA DMIGS PA NI SHES PA'O, ,DE DE LTAR SHES PA DANG MTHONG BA LA BRTEN PAS BSGOM PA LA ZHUGS PA NI MKHAS PA'I GZHI BZHIS SBYOR BAR BYED DE, 'DI LTA STE, NYE BAR RTOG PA'I GZHI DANG, GTONG BA DANG LEN PA'I GZHI DANG, TSOR BA RNAMS LAS NGES PAR 'BYUNG BA'I GZHI DANG, THABS KYI GZHIS SO, ,DE LA NYE BAR RTOG PA'I GZHI NI DRAN PA NYE BAR GZHAG PA BZHI STE, PHYIN CI LOG BZHI'I GNYEN PO'I SGO NAS SHES BYA THAMS CAD YANG DAG PA JI LTA BA BZHIN YONGS SU SHES PAR BYA BA'I PHYIR RO, ,GTONG BA DANG LEN PA'I GZHI NI YANG DAG PAR SPONG BA BZHI STE, MI DGE BA'I CHOS SPONG BA DANG, DGE BA'I CHOS YANG DAG PAR SGRUB PA'I PHYIR RO, ,TSOR BA RNAMS LAS NGES PAR 'BYUNG BA'I GZHI NI RDZU 'PHRUL GYI RKANG PA BZHI STE, BSAM GTAN BZHI PO RNAMS LA YID MI BDE BA'I DBANG PO NAS BZUNG STE, BDE BA DANG, SDUG BSNGAL BA LAS YANG DAG PAR 'DAS PA'I BAR GYI PHYIR RO, ,THABS KYI GZHI NI DBANG PO DANG, STOBS DANG, BYANG CHUB KYI YAN LAG DANG, LAM @146B GYI YAN LAG RNAMS YIN PAR RIG PAR BYA STE, ,MTHONG BA DANG BSGOM PAS SPANG BAR BYA BA'I NYON MONGS PA RNAMS SPANG BA'I THABS YIN PA'I PHYIR RO, ,DE LTAR MKHAS PA LA ZHUGS PA LA NI RTEN DANG, BRTEN PA'I DON BZHI YOD PAR RIG PAR BYA STE, DE LA RTEN GYI DON NI RNAL 'BYOR PA YANG DAG PAR ZHUGS PA GANG YIN PA DE YIN NO, ,DE LA BRTEN PA'I DON NI SLOB PA'I ZAG PA MED PA'I CHOS DE DAG DANG NI LDAN LA RNAM PAR DAG PA RNAMS DANG LDAN PA NI MA YIN TE, MA RIG PA'I LHAG MA'I SBUBS KYIS KUN NAS BSKOR BA'I PHYIR RO, ,CHOS DE DAG NYID RNAM PAR DAG PA'I LAM GYIS PHYIS RNAM PAR DAG PA DANG LDAN NO, ,DE LA RNAM PAR DAG PA'I LAM YANG RNAM PA BZHIR RIG PAR BYA STE, DAM PA'I CHOS YANG DAG PAR BRTAG PA NI LHAG PAR BRTEN PA'O, ,DGE BA'I BSHES GNYEN LA BRTEN PA NI YONGS SU BSTEN PA'O, ,TSUL KHRIMS DANG DBANG PO BSDAMS PA DANG, 'DOD PA NYUNG BA LA SOGS PAS NI SEMS BSRO BAR BYA'O, ,LKOG DBEN PA NA GNAS SHING ZHI GNAS DANG LHAG MTHONG GNYIS KYIS NI YANG DAG PAR BDE BLAG TU BSRUNG BAR BYA'O, ,DE LA RNAM PAR DAG PA NI RNAM PAR DAG PA'I LAM DE NYID LAN MANG DU BYAS PA'I RGYUS SLOB PA'I CHOS DE DAG GIS MA RIG PA'I SBOBS BRTOL BAS MI SLOB PA'I SAR NGES PAR 'BYUNG BA GANG YANG YIN PA'O, ,YONGS SU GRUB PA DANG, YONGS SU MTHUR THUG PA'I RNAM PAR GROL BA DE 'THOB PA LA YANG RIM PA LNGA YOD PAR RIG PAR BYA STE, 'DI LTA SE, SNGON TSOGS YANG DAG PAR BSGRUBS PA'I RTEN DANG, DE LA BRTEN NAS KYANG ZHI GNAS DANG, LHAG MTHONG GNYIS LA GOMS PA DANG, DE LA BRTEN NAS KYANG BDEN PA RNAMS MNGON PAR RTOGS NAS MYA NGAN LAS 'DAS PA LA MOS PA DANG, DE LA BRTEN NAS KYANG RTOGS PA PHAL BA TZAM GYIS CHOG PAR MI 'DZIN CING GNAS PAR MI BYED DE, SKYO BAR BYED PA'I CHOS RNAMS LA SKYO BAR BYED PA DANG, DE LA BRTEN NAS KYANG RDO RJE LTA BU'I TING NGE 'DZIN DANG LDAN PA'I SLOB PA'I SEMS THA MA'O, ,LUS THAMS CAD LA NI RGYU RNAM PA BZHIS 'DU BYED THAMS CAD MI RTAG PAR RIG PAR BYA STE, @147A *, ,LAS THAMS CAD KYI TSE'I TSAD NGES PA YOD DE, DPER NA LA LA ZHIG GI CHED DU 'JIM PA'I GONG BU'AM BA LANG GI LCI BA'I GONG BU LAG TU BLANGS PA LA NI DUS 'DI TZAM ZHIG NA DOR RO SNYAM DU BSAMS NA DE LTAR CHED DU BLANGS PA'I GONG BU DE LA MI DE DE'I TSE CI DGAR 'DOR BA'I DBANG BYED DE, GANG GI TSE DOR BAR 'DOD PA NA YANG DOR DU YOD LA JI SRID DU 'CHANG BAR 'DOD PA DE SRID DU YANG BCANG DU YOD KYI 'CHI BA'I RGYU'I LUS BLANGS LA TSE YANG ZAD PA LA NI RANG DGAR SKAD CIG GNAS PAR BYA BAR MI 'GRUB NA DE LAS LHAG PAR LTA GA LA NUS, GZHAN YANG LUS THAMS CAD NI RGYU LAS BYUNG BA YIN LA RGYU YANG BYAS PA YIN PA'I PHYIR MI RTOG GO, ,GZHAN YANG LUS CHEN PO DANG PHUN SUM TSOGS PA ZAD PA YOD PA'I PHYIR TE, 'DI LTA STE, GZUGS NA SPYOD PA RNAMS DANG, LHA YUL PA 'DOD PA NA SPYOD PA RNAMS DANG, MI RNAMS TE TSANGS PA DANG, BRGYA BYIN DANG, 'KHOR LOS SGYUR BA RNAMS SO, ,GZHAN YANG YID CHES PA'I MAN NGAG LAS MNGON PA'I PHYIR TE, GANG LAS BCOM LDAN 'DAS MNGON SUM DU GZIGS PA NYID KYIS MNGON DU 'GYUR BAR BSTAN TO, ,GSUM PO 'DI DAG NI 'DOD PA DANG LDAN PA RNAMS KYI 'DOD PA PHUN SUM TSOGS PA YIN TE, DE DAG NI 'DOD PA DANG LDAN PA RNAMS KYIS RTAG TU RGYUN MI 'CHAD PAR 'DOD PA STE, 'DI LTA STE, LONGS SPYOD KYI GZHI PHUN SUM TSOGS PA DANG, LUS PHUN SUM TSOGS PA DANG, SEMS CAN RGYA CHEN PO RNAM PA SNA TSOGS PHAL PO CHES MDUN GYIS LTA BA PHUN SUM TSOGS PA'O, ,PHUN SUM TSOGS PA GSUM PO 'DI DAG 'THOB PA'I RGYU NI RNAM PA GSUM YOD PAR RIG PAR BYA STE, 'DI LTA STE, SBYIN PA DANG, DBANG PO DUL BA DANG LDAN PA'I TSUL KHRIMS DANG, BSGOMS PA'I 'BRAS BU'I BYAMS PA'I SNGON DU 'GRO ZHING RGYU'I TSUL DU 'DUG PA'I 'DOD PA NA SPYOD PA'I BYAMS PA STE, SEMS CAN RNAMS LA KUN NAS MNAR SEMS YANG DAG PAR BSDAM PA'I RNAM PAS 'JUG PA'I PHYIR RO, ,BDUN PO 'DI DAG NI SHES BYA'I GZHI YANG DAG PA JI LTA BA BZHIN DU KHONG DU CHUD PAR BYA BA'I SHES PA'I RNAM PA @147B YIN PAR RIG PAR BYA STE, 'DI LTA STE, THOB PA'I SHES PAS, THOB PA MA YIN PA'I SHES PA DANG, PHYIN CI MA LOG PA'I SHES PA DANG, GANG NA MED PA GANG YIN PA DE NI DE'I SGO NAS MED DO ZHES BYA BA'I SHES PA DANG, 'DIR LUS GANG YIN PA DE NI DE'I SGO NAS GSOG CES BYA BA'I SHES PA DANG, SDUG BSNGAL BA DANG MI SDUG PA'O ZHES BYA BA'I SHES PA DANG, 'JIGS PA'I SHES PA'O, ,RNAM PA BCO LNGAS NI 'DU BYED RTOGS PAS 'DU BYED THAMS CAD LA RMONGS PA SPONG BAR 'GYUR TE, BCO LNGA GANG ZHE NA, GZUGS LA NI CHU'I KHAMS LAS BYUNG BA DANG, BDAG MED PA LA BDAG LTA BUR SNANG BA DANG, JI LTAR 'DOD PA BZHIN DU SPYAD PAR MI NUS PA'I PHYIR DBU BA'I GONG BU LTA BUR RTOGS PA DANG, TSOR BA LA NI GSUM 'DUS PA DANG 'DRA BA'I SGO NAS SPRIN DANG SA GZHI DANG CHAR PA GSUM 'DUS PA'I TSUL GYIS CHU BUR LTA BUR RTOGS PA DANG, 'DU SHES RNAMS LA NI SHES BYAR SNANG BA DANG, GDUNGS PA DANG, RMONGS PAR 'DRA BA'I SGO NAS SMIG RGYU BA LTA BUR RTOGS PA DANG, 'DU BYED RNAMS LA NI 'JIG TSOGS LA LTA BA'I RTZA BA CHAD PA DANG, LUS RNAM PA DU MA'I RGYU'I BYE BRAG YIN PA DANG, SKAD CIG TZAM LAS YUN RING DU MI GNAS PAR 'DRA BA'I SGO NAS CHU SHING GI SDONG PO LTA BUR RTOGS PA DANG, RNAM PAR SHES PA LA NI LEN PA DANG BCAS PA'I RNAM PAR SHES PA DANG, RNAM PAR SHES PA'I GNAS BZHI DANG LUS SNA TSOGS KYI RJES SU 'JUG PA'I SGO NAS SGYU MA LTA BUR RTOGS PA DANG, RGYAS PAR RAB TU BYED PA NI 'DI LTA STE, RNAM GRANGS BSDU BA LAS 'BYUNG NGO,, ,,RNAL 'BYOR SPYOD PA'I SA LA GZHI BSDU BA, BAM PO GSUM PA, 'JIG RTEN GNYIS KYIS NI 'DU BYED THAMS CAD BSDUS TE, SEMS CAN GYI 'JIG RTEN DANG SNOD KYI 'JIG RTEN NO, ,DE LA SEMS CAN GYIS 'JIG RTEN NI SKYE BA'I 'KHOR BA ZHES BYA BA YIN TE, GZHAN LA MI BYA'O, ,SKYE BA'I 'KHOR BA NI MI 'DRA BA RNAM PA LNGAS SNOD KYI 'KHOR BA DANG MI 'DRA BAR RIG PAR BYA STE, 'DI LTA STE, SNOD KYI 'KHOR BA NI THUN MONG BA'I RGYUS GRUB PA YIN LA, SKYE BA'I 'KHOR BA NI SEMS CAN RE RE NYI TSE'I @148A *, ,RGYUS GRUB PA YIN TE, 'DI NI RGYU MI 'DRA BA DANG PO'O, ,GZHAN YANG SNOD KYI 'KHOR BA NI SNGON DANG PHYI MA'I MTHA' CHAD PA'I PHYIR THOG MA DANG THA MA YOD LA, SKYE BA'I 'KHOR BA NI RTAG TU MI 'CHAD PAR RGYUN 'JUG PA'I PHYIR THOG MA DANG THA MA MED DE, 'DI NI MI 'DRA BA GNYIS PA'O, ,GZHAN YANG SNOD KYI 'KHOR BA NI ME 'AM CHU 'AM RLUNG GIS 'JIG CING RGYUN 'CHAD PAR 'GYUR LA SKYE BA'I 'KHOR BA NI DE LTA MA YIN TE, 'DI NI MI 'DRA BA GSUM PA'O, ,GZHAN YANG SNOD KYI 'KHOR BA'I RGYU NI GTAN DU RGYUN CHAD PAR 'GYUR BA MED LA, SKYE BA'I 'KHOR BA NI YOD DE, 'DI NI MI 'DRA BA BZHI PA'O, ,GZHAN YANG SNOD KYI 'KHOR BA NI RGYUN CHAD DU ZIN KYANG YANG NYING MTSAMS SBYOR BA YOD LA, SKYE BA'I 'KHOR BA NI NAMS KYANG NYING MTSAMS SBYOR BA MED DE, 'DI NI MI 'DRA BA LNGA PA'O, ,BYIS PA RNAMS NI RNAM PA LNGAS 'KHOR BA DER 'KHOR BAR 'GYUR TE, 'DI LTA STE, SRED PA'I RGYU DANG, SRED PA'I 'BRAS BU DANG, SRED PA'I RANG BZHIN DANG, RGYU GCIG NAS GCIG TU BRGYUD PA DANG, RGYU GCIG NAS GCIG TU BRGYUD PA DE NYID KYANG SNGON GYI MTHA'I SGO NAS THOG MA MED PA'O, ,DE LA MA RIG PA NI SRED PA'I RGYU'O, ,BDE 'GRO DANG NGAN 'GROR 'GRO BA'I LAS NI SRED PA'I 'BRAS BU'O, ,DE LA BDE 'GROR 'GRO BA'I LAS KYIS NI SRED PAS BYIS PA KUN TU SBYONG BAR BYED DE, RANG NYID 'GRO BA DER 'GRO 'DOD PA'I PHYIR RO, ,NGAN 'GROR 'GRO BA'I LAS KYIS NI SRED PA'I LTUNG GIS BTAGS TE, DE NI 'GRO 'DOD PA NA MA YIN GYI MI 'DOD BZHIN DU KHRID DO, ,DE LA SRED PA RANG BZHIN GYI SGO NAS NI DE'I RANG BZHIN MDOR BSDU NA RNAM PA GSUM YOD DE, YANG SRID PA SKYE BAR BYED PA DANG, DGA' BA DANG 'DOD CHAGS DANG LDAN PA DANG, DE DANG DER MNGON PAR DGA' BA STE, DE DAG KYANG MDOR BSDU NA, SRID PA'I SRED PA DANG, YUL GYI SRED PA'O, ,DE LA YANG SRID PAR SKYE BAR BYED PA GANG YIN PA DE NI SRID PA'I SRED PA'O, ,DGA' BA DANG 'DOD CHAGS DANG LDAN PA GANG YIN PA DE NI YUL 'THOB TU CHA BA RNAMS DANG, THOB ZIN PA RNAMS @148B DANG; DA DUNG LONGS MA SPYAD PA RNAMS DANG, LONGS SPYOD CING 'DUG PA RNAMS LA'O, ,DE DANG DER MNGON PAR DGA' BA NI MA 'ONGS PA'I YUL YONGS SU BTZAL BA RNAMS LA'O, ,DE LA DGA' BA DANG 'DOD CHAGS DANG LDAN PA'I SRED PA'I SGO NAS NI SRED PA'I KUN TU SBYOR BA ZHES BYA'O, ,YANG SRID PAR SKYE BAR BYED PA DANG, DE DANG DER MNGON PAR DGA' BA'I SGO NAS NI SRED PA'I LTUNG GIS BTAGS PAR RIG PAR BYA STE, DNGOS PO GANG LA SRED PAS KUN TU SBYAR BA DER KUN TU RGYUG LA, GANG DU SRED PA'I LTUNG GIS BTAGS PA DER NI 'KHOR RO, , DE LA 'DU BYED KYI RGYUD MTHA' MED PAS NA YUN RING NGO, ,RGYU GCIG NAS GCIG TU BRGYUD DE BYUNG BAS NA, SNGON GYI MTHA' MED DO, ,RNAM PA LNGAS NI BYIS PA'I 'KHOR BA'I 'CHING BA RNAM PA LNGA RI RIG BAR BYA STE, 'DI LTA STE, GANG DU BCINGS PA DANG, CIS BCINGS PA DANG, GANG BCINGS PA DANG, DE LTAR BCINGS PA LA YANG RTEN GANG GIS NYAMS SU MYONG BA DANG, GANG NYAMS SU MYONG BA'O, ,DE LA BDE 'GROR 'GRO BA'I LAS KYIS NI BDE 'GRO KA BA DANG 'DRA BA LA BCINGS SO, ,NGAN 'GROR 'GRO BA'I LAS KYIS NI NGAN 'GRO PHUR BU DANG 'DRA BA LA BCINGS SO, ,YANG NA DGA' BA DANG 'DOD CHAGS DANG LDAN PA'I SRID PAS NI RANG GI DNGOS PO KA BA LTA BU LA BCINGS SO, ,DE DANG DER MNGON PAR DGA' BA DANG, YANG SRID PAR SKYE BAR BYED PAS NI RANG GI DNGOS PO PHUR BU LTA BU LA BCINGS SO, ,MA RIG PAS KYANG BYIS PA SO SO'I SKYE BO KHYI BZHIN DU SDUG BSNGAL LA SKYO BA MED PA'I SGO NAS BCINGS TE PHYI MA LA PHUNG PO RNAMS LA BRTEN NAS, SKYE BA LA SOGS PA'I SDUG BSNGAL NYAMS SU MYONG BAR 'GYUR RO, ,BZHI PO 'DI DAG NI BYIS PA SO SO'I SKYE BO RNAMS ZAG PA DANG BCAS PA'I DNGOS POS CHOG PAR 'DZIN PA STE, DE DAG KYANG PHAL CHER NI 'DI LAS PHYI ROL PA RNAMS YIN PAR RIG PAR BYA STE, 'DI LTA STE, MI'I LUS KYIS CHOG PAR 'DZIN PA DANG, 'DOD PA NA SPYOD PA'I LHA'I LUS KYIS CHOG PAR 'DZIN PA DANG, TSANGS PA'I 'JIG RTEN DU SKYE BAS CHOG PAR 'DZIN PA DANG, SRID PA'I RTZE MO NYID NI MTHAR THUG PA @149A *, ,YIN TE, CHOG PAR 'DZIN PA BZHI PA'O, ,DE DAG LA NI GO RIMS BZHIN DU BYIS PA RGYUG GO, ,'GRENG NGO, ,'DUG GO, ,NYAL LO, ,GZHAN YANG BZHI PO 'DI DAG NI BYIS PA SRED PA SPYOD PA'I LAM YIN TE, 'DI LTA STE, YANG SRID PAR SKYE BA DANG, MA 'ONGS PA NA BTZAL BAR BYA BA'I YUL DANG 'THOB TU CHA BA DANG, THOB ZIN PA DANG, LONGS SPYOD DU CHA BA STE, DE DAG LA GO RIMS BZHIN DU RGYUG PA LA SOGS PA'I RNAM GRANGS SBYAR BAR RIG PAR BYA'O, ,DE LA YANG SRID PAR SKYE BA DANG, BTZAL BAR BYA BA'I YUL GNYIS NI RGYUG PA'I RNAM GRANGS SU RIG PAR BYA'O, ,GZHAN YANG RNAM PA BZHIS TE, YID KYI LAS NI YUL YONGS SU TSOL LO, ,NGAG GI LAS DANG LUS KYI LAS KYIS NI THOB PAR BYED DO, ,THOB PA RNAMS LA NI CI DGA' MGUR 'JUG PA DANG, BRTEN PAR BYED DE, SPYOD PA'I LAM DE DAG NI LAS 'DI RNAMS 'BYUNG BAR BYED PA'I SRED PA'I YIN NO, ,YANG NA YUL YONGS SU TSOL BA DANG, SRID PA'I 'O, ,SPYOD PA'I LAM BZHI PO 'DI DAG LA YANG GO RIMS BZHIN DU RGYUG PA LA SOGS PA'I RNAM GRANGS SBYAR BAR RIG PAR BYA'O, ,RGYUG PA LA SOGS PA JI LTA BA DE BZHIN DU JI SKAD BSTAN PA'I ZAG PA DANG BCAS PA'I DNGOS POS CHOG PAR 'DZIN PA RNAMS DANG, SRED PA SPYOD PA'I LAM RNAMS LA YANG MNGON PAR DGA' BA DANG, MNGON PAR CHAGS PA DANG, LHAG PAR ZHEN PA DANG, LHAG PAR ZHEN NAS GNAS PA'I RNAM GRANGS BZHI GO RIMS BZHIN DU SBYAR BAR RIG PAR BYA'O,, 'DI GNYIS NI SRED PA SPYOD PA'I LAM LA RNAM PAR SPYOD PA'I 'BRAS BU SNA TSOGS YIN TE, 'DI LTA STE, SEMS SNA TSOGS DANG LUS SNA TSOGS SO, ,DE LA SEMS SNA TSOGS NI RNAM PA GNYIS TE, RNAM PA SNA TSOGS DANG, KUN NAS NYON MONGS PA SNA TSOGS SO, ,DE LA RNAM PA SNA TSOGS NI 'DI LTA STE, RANG BZHIN DANG, RTEN DANG, DMIGS PA DANG, GROGS SO, ,KUN NAS NYON MONGS PA SNA TSOGS NI 'DOD CHAGS DANG, ZHE SDANG DANG, GTI MUG LA SOGS PA NYON MONGS PA DANG, NYE BA'I NYON MONGS PA RNAMS SO, ,DE LA LUS SNA TSOGS KYANG @149B RNAM PA GNYIS TE, LUS THA DAD PA SNA TSOGS DANG, LUS GCIG GI SNA TSOGS SO, ,DE LA SEMS KYI KUN NAS NYON MONGS PA SNA TSOGS GANG YIN PA DE NI LUS SNA TSOGS RNAM PA GNYIS PO GNYI GA'I YANG RGYU LTA BU YIN PAR RIG PAR BYA STE, DE SPANG BAR BYA BA LA RNAL 'BYOR PAS PHYIN CI MA LOG PA DANG, RGYUN MI 'CHAD PA'I YID LA BYED PA GNYIS KYIS BRTZON PAR BYA'O, ,DE LA RNAM PA BZHIS NI RGYU SNA TSOGS KYIS 'BRAS BU SNA TSOGS SGRUB PAR BYED DE, GANG DU SGRUB PA DANG, CIS SGRUB PA DANG, GANG SGRUB PA DANG, JI LTAR SGRUB PA'O, ,DE BDE 'GRO 'AM NGAN 'GROR SGRUB PA NI 'DOD CHAGS DANG, ZHE SDANG DANG, GTI MUG RNAMS KYIS NYE BAR NYON MONGS PA'I SEMS KYIS SGRUB PAR BYED DO, ,'DU BYED RNAM PA LNGAR GTOGS PA'I LUS SNA TSOGS NI SGRUB PAR BYED DO, ,'DU BYED RNAMS KYIS 'JUG PA DANG, LDOG PA DANG, KUN NAS NYON MONGS PA DANG, RNAM PAR BYANG BA'I RGYU DANG, RNAM PAR BYANG BA YANG DAG PA JI LTA BA BZHIN MA SHES NAS MNGON PAR DGA' BA LA SOGS PA DANG, RGYUG PA LA SOGS PA'I RNAM GRANGS KYI SGO NAS NI SGRUB PAR BYED DO, ,BYIS PA 'DU BYED MI RTAG PAR MI SHES PA 'JIG TSOGS LA LTA BA LA BRTEN NAS RGYUN PHYOGS SU ZHUGS PA NI RNAM PA LNGAS RGYUN PHYOGS SU KHYER BAR RIG PAR BYA STE, 'DI LTA STE, GANG DU KHYER BA DANG, CIS KHYER BA DANG, GANG LA BRTEN TE KHYER BA DANG, JI LTAR KHYER BA DANG, KHYER NA CIR 'GYUR BA'O, ,DE LA BDE 'GRO DANG; NGAN 'GRO 'GRAM DANG 'DRA BA GNYIS SU NI TSU ROL NAS PHA ROL DANG, PHA ROL NAS TSU ROL DU KHYER RO, ,DE LA SRED PA'I CHU KLUNG RLAN PA'I RANG BZHIN CAN GYI MTSAN NYID LNGA DANG LDAN PAS NI KHYER BAR BYED DE, 'DI LTA STE, THUR DU 'BAB PA DANG, YUL RGYU BA LA CHA SHAS PHRA MOR RGYU BA SHIN TU RTOGS PAR DKA' BA DANG, YUL LAS BZLOG PAR DKA' BA DANG, SRID PA'I RTZE MO MAN CHAD THAMS CAD DU 'DU BYED RGYA CHE ZHING SNA TSOGS PA'I RJES SU SONG BA DANG RAB TU MA ZHI BA'I MTSAN NYID YIN PA'I PHYIR, LUS DANG SEMS 'KHRUG PAR BYED PAS KHYER BAR BYED DO, , @150A *, ,DE LA GZUGS LA SOGS PA'I 'DU BYED LNGA PO DAG LA BRTEN NAS KHYER BAR BYED PA NI BDE 'GRO DANG, NGAN 'GRO 'GRAM DANG 'DRA BA GNYIS SU 'DU BYED RNAM PA LNGA PO DE DAG SKYES NAS DE DAG LA DMIGS SHING RGYUN PHYOGS SU KHYER RO, ,JI LTAR KHYER BA NI SNGA MA BZHIN DU 'DU BYED RNAMS KYI 'JUG PA LA SOGS PA'I GO RIMS MA SHES NAS, BDAG GAM BDAG GIR 'DZIN PA'I SGO NAS KHYER RO, ,DE LTAR KHYER BA DE'I SDUG PA'I LUS RNAMS NI RANG BZHIN GYIS 'JIG PAS MI SDOD DO, ,JI LTAR KHYER BA DE LAS BZLOG PA NI RGYUN PHYOGS MA YIN PAR 'GRO BA'I LAM DU ZHUGS PA YIN PAR RIG PAR BYA'O, ,MKHAS PA'I RNAM PA THAMS CAD DU MKHAS PA NI RNAM PA BCUR RIG PAR BYA STE, 'DI LTA STE, LHAN CIG SKYES PA'I SHES RAB DANG LDAN PA DANG, SBYOR BA LAS BYUNG BA'I THOS PA DANG, BSAMS PA DANG BSGOMS PA LAS BYUNG BA'I YONGS SU SMIN PA DANG, RGOD BAG MED PA'I PHYIR LEGS PA'I BSAM PA SEMS PA DANG, LEGS PAR SMRA BA BRJOD PA DANG, LEGS PAR BYA BA'I LAS BYED PA DANG, BDAG LA RANG DBANG YOD PA RNAMS KYANG 'TSO BA'I PHYIR GZHAN GYI DBANG DU MI BYED PA DANG, CHOS DANG MTHUN PAS BDE BA 'DOD KYI CHOS MA YIN PAS BDE BA 'DOD PA MA YIN PA DANG, THA MAL BA'I TSE'I YO BYAD RNAMS LEGS PAR SRUNG BAR BYED DE MI RIGS PAR CHUD GZON PAR MI BYED LA, NYES DMIGS SU LTA BZHIN DU YONGS SU SPYOD PA DANG, NA BA'I YO BYAD RNAMS LA LTA ZHING SO SOR BRTAGS NAS STEN PAR BYED PA DANG, DUS MA YIN PAR 'CHI BA'I RKYEN RNAMS BSRUNG BA STE, RNAM PA BCU PO 'DI DAG NI MKHAS PA'I RNAM PA THAMS CAD DU MKHAS PA YIN PAR RIG PAR BYA'O, ,'DU BYED RNAMS LA BDAG MED PA'I SGO NAS YONGS SU SHES PA DANG, SPANGS PA GNYIS NI RNAM PA GSUM GYIS KHYAD ZHUGS PAR SHES PAR BYA STE, 'DU BYED RNAMS LA 'JIG TSOGS LA LTA BA YONGS SU SHES LA, SPANGS PA NI MA YIN PA GANG YIN PA DE NI SHAS CHER 'DU BYED RNAMS LA BRJED NGAS PA KUN TU SPYOD DE, BRJED NGAS PA MA YIN PA'I SHAS CHUNG NGO, ,DE LAS BZLOG @150B PA NI 'JIG TSOGS LA LTA BA SPANGS PA YIN PAR RIG PAR BYA STE, 'DI NI DE GNYIS KYI KHYAD PAR DANG PO'O, ,GZHAN YANG 'JIG TSOGS LA LTA BA MA SPANGS PA NI BAG YOD PA YIN DU ZIN KYANG CHAGS PAR 'GYUR BA'I DNGOS PO BDE BA DANG YID BDE BA'I GNAS RGYA CHEN PO'AM YANG NA SHAS CHER SDUG BSNGAL BA DANG YID MI BDE BA'I GNAS KYI YUL MNGON DU BYUNG BA LA DRAN PA NYE BAR 'JOG MI NUS NA BAG MED PA LTA CI SMOS, DE NI DE'I TSE 'JIG TSOGS LA LTA BAS SEMS KHYAB PAR 'DUG STE, DES NA SEMS KYI NGO ZIN PAR MI NUS SO, ,DE LAS BZLOG PA NI 'JIG TSOGS LA LTA BA SPANGS PA YIN BAR RIG PAR BYA STE, 'DI NI KHYAD PAR GNYIS PA'I, ,GZHAN YANG 'JIG TSOGS LA LTA BA MA SPANGS PA NI PHYI ROL GYI RTZVA DANG, LO MA DANG, YAL GA DANG, 'DAB MA RNAMS LA JI LTA BA BZHIN DU NANG GI 'DU BYED RNAMS LA SEMS CAN MED PA'I 'DU SHES NYE BAR GNAS PAR MI 'GYUR RO, ,DE LAS BZLOG PA NI 'JIG TSOGS LA LTA BA SPANGS PA YIN TE, 'DI NI DUS GNYIS KYI KHYAD PAR GSUM PA YIN PAR RIG PAR BYA'O, ,'JIG TSOGS LA LTA BA SPANGS PA DE LA NI KHYAD PAR GSUM PO LAS MA GTOGS PAR PHAN YON GSUM YANG YOD DE, DE LA BRTEN PAS PHYI MA LA YANG SRID PAR 'GRUB PAR BYED PA'I NYON MONGS PA SPONG BA RING PO MI THOGS PAR 'GYUR RO, ,DE'I GNYEN PO'I LAM YANG DAG PAR 'GRUB PO, ,RANG GI DON BYAS NAS KYANG LAM DE LA BRTEN PA KHO NAS TSE 'DI LA BDE BAR GNAS PA'I SBYOR BA LA BRTZON PAS BDE BAR GNAS SO, ,RNAM PA THAMS CAD DU MI RTAG PA'I 'DU SHES BSGOM PA'I BYE BRAG NI RNAM PA BZHI YOD PAR RIG PAR BYA STE, BZHI GANG ZHE NA, 'BRAS BU DANG, RANG BZHIN DANG, RNAM PA DANG, THABS SO, ,DE LA 'BRAS BU'I SGO NAS NI 'DOD PA'I 'DOD CHAGS THAMS CAD YANG DAG PAR SPONG BA DANG, GZUGS KYI 'DOD CHAGS DANG, GZUGS MED PA'I 'DOD CHAGS THAMS CAD DANG, RGOD PA DANG, NGA RGYAL DANG, MA RIG PA STE, NYON MONGS PA RTZA BA GSUM PO SPONG BAR BSTAN TO, ,NYE BA'I NYON MONGS @151A *, ,PA GSUM PO LAS RGOD PA NI 'DOD PA'I 'DOD CHAGS KYI GROGS YIN NO, ,NGA RGYAL NI GZUGS KYI 'DOD CHAGS KYI GROGS YIN NO, ,MA RIG PA NI GZUGS MED PA'I 'DOD CHAGS KYI GROGS YIN NO, ,YANG NA THA MA DANG GONG MA'I CHA DANG MTHUN PA'I KUN TU SBYOR BA MTHAR THUG PA BSTAN TE, 'DI NI RNAM GRANGS GZHAN NO, ,DE LA RANG BZHIN GYI SGO NAS NI THOS PA LAS BYUNG BAS NI KUN DU BSTAN TO, ,BSAMS PA LAS BYUNG BAS BSGOM PA LAS ZHUGS PA NI BSGOM PA'O, ,BSGOMS PA LAS BYUNG BAS NI MANG DU BYED DO, ,MTSAN NYID SO SOR RIG PA YID LA BYED PAS NI KUN TU BSTAN TO, ,SBYOR BA'I MTHAR THUG PA MA GTOGS PA LHAG MA RNAMS KYIS NI BSGOM MO, ,SBYOR BA'I MTHAR THUG PAS NI MANG DU BYED DE, 'DI NI RNAM GRANGS GNYIS PA'O, ,RTEN DANG DMIGS PA DANG, YID LA BYED PA'I SGO NAS NI THEG PAR BYAS PA DANG, GZHIR BYAS PA DANG NAN TAN DU BSGRUBS TE GO RIMS BZHIN DU RIG PAR BYA'O, ,YUN RING POR GOMS PAR BYAS PAS NI BYANG BAR BYAS SO, ,RGYUN MA CHAD PA DANG, PHYIN CI MA LOG PA'I TSUL GYIS NI LEGS PAR BLANGS PA DANG, LEGS PAR BRTZAMS TE 'DI NI RANG BZHIN GYI BYE BRAG GO, ,DE LA RNAM PA'I BYE BRAG NI MI RTAG PA'I 'DU SHES DE DE LTAR GOMS PAR BYED PA NI BAG LA NYAL THAMS CAD YANG DAG PAR 'JOMS SO, ,SA 'OG MA'I DGE BA THAMS CAD NI 'DOR RO, ,SA GONG MA'I DGE BA THAMS CAD NI YANG DAG PAR LEN TO, ,DE MA YIN PA MI SDUG PA LA SOGS PA'I 'DU SHES THAMS CAD KYI NANG NA MCHOG DANG RGYA CHE BA'I TSUL GYIS GNAS PAR 'GYUR RO, ,THAMS CAD DU 'GRO BAR YANG 'GYUR TE, JI LTAR THAMS CAD DU 'GRO ZHE NA, JI LTAR GZUNG BA'I DNGOS PO LA YONGS SU RTOG PA DE BZHIN DU 'DZIN PA LA YANG DE DANG 'DRA STE; DE'I MTSAN NYID DANG MA BRAL BA'I PHYIR RO, ,ZAG PA MED PA'I MI RTAG PA'I 'DU SHES KYANG 'THOB PAR 'GYUR RO, ,ZAG PA DANG BCAS PA DANG, ZAG PA MED PA'I 'DU SHES GANG YIN PA DE DAG THAMS CAD KYANG MYA NGAN LAS 'DAS PAR GZHOL ZHING DER 'BAB LA DER BAB STE, MA @151B RIG PA'I MUN PA CHEN PO GTAN DU SPONG BA'I GNYEN POR YANG 'GYUR RO, ,DE SPANGS NAS KYANG MI SLOB PA YONGS SU DAG CING YONGS SU BYANG BAR 'GYUR TE, SLOB PA ZAG PA MED PA THAMS CAD KYI BDAG PO YANG THOB PAR 'GYUR RO, ,DE LA THABS KYI SGO NAS NI GCIG PU LKOG DPEN PA NA 'DUG CING 'DU BYED RNAMS LA PHYIN CI MA LOG PA DANG, RGYUN MI 'CHAD PAR YID LA BYED PAS MI RTAG PAR NYE BAR RTOG GO, ,MI RTAG PA'I 'DU SHES DANG LDAN PA DE NI MTHONG BA'I LAM LA BDAG TU 'DU SHES PAS MI GNAS TE, BDAG MED PA'I 'DU SHES LA GNAS PAS GANG DU BSGOM PA'I MI SLOB PA'I LAM LA NGA'O SNYAM PA'I NGA RGYAL YANG DAG PAR BCOM NAS MYA NGAN LAS 'DAS PA RNAM PA GNYIS KA YANG THOB PAR 'GYUR RO, ,MYA NGAN LAS 'DA' BAR BYA BA LA ZHUGS LA, TSOGS MA BSAGS PA LA NI TSOGS DANG MI MTHUN PA'I CHOS LNGA YOD DE, 'DI LTA STE, SNGON BDAG PA DANG, RTZES PA DANG, DGA' BA DANG, DGA' MGUR SPYOD PA LA BRTEN NAS YID SMON DANG LDAN PA'I YID LA BYED PA'I SGO NAS MYA NGAN DANG SMRE SNGAGS 'DON PA LA SOGS PA DANG DE DAG LA BRTEN NAS LUNG MNOS PA DANG, KUN CHUB PAR BYAS PA'I CHOS RNAMS LA BRJED NGAS SHING CHOS RNAMS MI LCIGS PA DANG, HA CANG MANG DU ZOS PA DANG, HA CANG NYUNG DU ZOS PA'AM, LUS LCI BA DANG, LUS NYAM CHUNG BAS TSANGS PAR SPYOD PA LA GNAS PAR MNGON PAR MI DGA' BA DANG, GNYID CHE BA'AM, DE SPONG BA LA MA GOMS BAS SHAS CHER GNYID KYI KUN NAS DKRIS PA LA KUN TU BSTEN PA DANG, 'DU 'DZI'I NANG NA GNAS SHING YANG DAG PAR SPYOD PA'I SBYOR BA BTANG BA'O, ,TSOGS DANG MI MTHUN PA'I CHOS LNGA PO 'DI DAG DANG MTHUN PA'I CHOS KYANG LNGA YOD PAR RIG PAR BYA STE, 'DI LTA STE, 'DOD CHAGS DANG BRAL BA GNYIS LAS GANG YANG RUNG BAS 'DOD CHAGS DANG BRAL BAR MA GYUR PA STE, DGE BA'I PHYOGS LA BRTZON PA NA KUN NAS DKRIS PA THAG BSRING BA'I 'DOD CHAGS DANG BRAL BA DANG, GNYEN PO THOB PA'I BAG LA NYAL YANG DAG PAR BCOM PA'I 'DOD CHAGS DANG BRAL BA'I SGO NAS @152A *, ,'DOD CHAGS DANG MA BRAL BA DANG, DBANG PO RNAMS KYI SGO MA BSDAMS PA DANG, ZAS KYI TSOD MA RIG PA DANG SROD DANG THO RANGS MI NYAL BAR BRTZON PAS BRTZON PAR MI BYED PA DANG, DGE BA'I CHOS THOS PA DANG KUN CHUB PAR BYAS PA RNAMS LA LHAG MTHONG MED PA'O, ,DE LAS BZLOG PA NI TSOGS DANG MTHUN PA DANG MTHUN PA'I CHOS RNAMS YIN PAR RIG PAR BYA'O, ,DE LTAR RGYU DANG BCAS PA'I TSOGS DANG MTHUN PA'I CHOS RNAMS LA GNAS SHING DGE SBYONG GI GYEN DU MYA NGAN LAS 'DAS PA MNGON PAR 'DOD PA LA NI YANG DAG PA'I LAM GYI GDAMS NGAG STON PAS BSTAN PA LNGA YOD DE, 'DI LTA STE, JI LTAR THOS PA'I CHOS MTHONG BA LA BRTEN NAS 'DU BYED RNAMS MI RTAG PA DANG, CHOS BDAG MED PA DANG, MYA NGAN LAS 'DAS PA ZHI BA LA 'JIG RTEN PA'I YID LA BYED PA NYI TSES KYANG SOM NYI MED CING THE TSOM MI ZA BA'O, ,GNAS SHING 'DUG PA NA YANG DNGOS PO GSUM GYI RTOG PA NGAN PA DANG DU LEN PAR MI BYED DO, ,DE LA DNGOS PO GSUM NI 'DI DAG YIN TE, 'DI LTA STE, 'TSO BA'I YO BYAD RNAMS DANG, GZHAN GYIS GNOD PA BYAS PA'I RGYU DANG, GZHAN DAG GIS 'KHRUGS PAR BYAS PA'AM, YANG NA MI SDUG PA GANG YANG RUNG BA KUN TU SPYAD PA DANG, TSANGS PA MTSUNGS PAR SPYOD PA RNAMS DANG MI MTHUN PA'I CHOS CAN DU GYUR PA'O, ,GDAMS NGAG SNGON DU 'GRO BA'I GZHAN GYI SGRA'I RGYU'I RJES SU 'GRO BAS TSUL BZHIN YID LA BYED PA LA BRTEN NAS YANG DAG PA'I LTA BA NI SKYED, LOG PAR LTA BA NI SPONG BA DANG, GSUM PO 'DI DAG NI GNAS SHING 'DUG PA'I YANG DAG PA'I LAM GYI GDAMS NGAG YIN PAR RIG PAR BYA'O, ,GNYIS NI RGYU ZHING 'GRO BA YIN TE, 'DI LTA STE, TSANGS PA MTSUNGS PAR SPYOD PA SHES PA RNAMS KYI GNAS DANG GNAS MA YIN PA LAS GLINGS NA MI KHRO BA DANG, 'TSO BA'I YO BYAD NGAN PA RNYED PA'AM MA RNYED PA DANG, GRANG BA LA SOGS PA'I GNOD PA RNAMS KYIS SEMS 'KHRUG PAR MI 'GYUR BA 'DI NI GCIG GO, ,RNYED PA DANG BKUR STI SKYES PA ZIL GYIS MNAN @152B TE; DES YONGS SU 'DZIN PA'I SEMS SU MI 'GYUR BA 'DI NI GNYIS PA YIN TE, DE LTAR DE NI RGYU ZHING 'GRO BA DANG, GNAS SHING 'DUG PAS MYA NGAN LAS 'DAS PA'I LAM LA YANG DAG PAR ZHUGS TE, CHUD MI ZA BAR RING POR MI THOGS PAR MYA NGAN LAS 'DAS PA THOB PAR 'GYUR RO; ,LNGA PO 'DI DAG NI STON PA NYAN THOS RNAMS LA STON PA'I PHRIN LAS SU MDZAD PA YIN TE, 'DI LTA STE, YANG DAG PAR TSAR GCAD PA DANG, YANG DAG PAR BSDU BA DANG, YANG DAG PAR GLENG BA DANG, RTOG PA YANG DAG PAR BSTAN PA DANG, RNAM PAR BYANG BA YANG DAG PAR BSTAN PA'O, ,RGYU GNYIS KYIS NI NYAN THOS RTZOD PA'I 'GAL BA BYAS PA RNAMS LA RTZOD PA DE BSAL BAR MA BSTAN PA YIN TE, LANG LONG DU GYUR CING PHAL CHE BA'AM, YANG NA 'DUL BA DANG LDAN PA'I PHYIR RO, ,STON PA NI NYAN THOS RNAMS LA RGYU RNAM PA BDUN GYI SGO NAS SPONG BAR MDZAD DE, RNAM PA THAMS CAD DU LOG PAR SGRUB PAR GZIGS PA'AM, MANG PO RNAMS LA GZIGS PA GNAS BRTAN DANG, SLOB DPON DANG, MKHAN PO'I TSUL GYIS GTZO BOR GYUR PA RNAMS LA GZIGS PA'AM, BSTAN DU MI RUNG BA'I PHYIR RAM, SPANG BAR 'OS PA'I PHYIR RAM, NYES PA DNGOS SU BYUNG BA BSAL BA'I PHYIR RAM, MA 'ONGS PA'I NYES PA MI SKYE BAR MDZAD PA'I PHYIR RO, ,DE BZHIN GSHEGS PA NI RGYU RNAM PA BCUS GRONG DU BSOD SNYOMS LA GSHEGS TE, 'DI LTA STE, SBYANGS PA'I YON TAN BSTAN PA DANG, KHA CIG BSOD SNYOMS LA GZUNG PA'I PHYIR DANG, KHA CIG DON MTHUN PAS BSDU BA'I PHYIR DANG, MA 'ONGS PA'I SKYE BA'I SNANG BA BYAS PAR 'GYUR BA DANG, DE DAG KYANG THA NA 'DOD PA TZAM YANG SKYED PAR 'GYUR BA DANG, MU STEGS CAN NGAN NGON TZAM LA MOS PA RNAMS BSDU BA'I PHYIR DANG, GTAM THOS PA TZAM GYIS ZHE 'GRAS PA RNAMS SPYOD LAM ZHI BA DANG GZUGS MDZES PA LEGS PAR MTHONG BAS SEMS G-YO BAR BYA BA'I PHYIR DANG, SKYE BO THA MAL PAR GNAS PA, TSEGS CHUNG NGUS BSOD NAMS KYI BYA BA LA YANG DAG PAR GZUD PA'I PHYIR DANG, DAD PA CAN BAG @153A *, ,MED PA RNAMS NGO TSA BA BSKYED PA'I PHYIR DANG, TSEGS CHUNG NGUS BSOD NAMS KYI LAS BYED DU GZHUG PA'I PHYIR DANG, BAG MED PA RNAMS JI LTA BA DE BZHIN DU RANG BZHIN GYIS LE LO CAN RNAMS KYANG DE DANG 'DRA BA DANG, SEMS CAN LONG BA DANG 'ON PA DANG, SMYON PA DANG, SEMS 'KHRUGS PA LA SOGS PA'I GNOD PA RNAM PA SNA TSOGS YANG DAG PAR ZHI BAR BYA BA'I PHYIR DANG, DE BZHIN GSHEGS PA KHYIM GANG DU GSHEGS PA DE DAG TU LHA DANG, KLU DANG, GNOD SBYIN DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO MTHA' YAS PA RAGS PA RNAMS SPRO BAR 'GYUR LA 'TSE BAR NI MI BYED PAR 'GYUR BA'I PHYIR RO, ,DE BZHIN GSHEGS PA NI RGYU RNAM PA BRGYAD KYIS NYIN MO BZHUGS PAR MDZAD PA'I PHYIR NANG DU YANG DAG 'JOG LA 'JUG STE, 'DRE BAR GNAS PA RNAMS RAB TU DBEN PA LA GZUD PA'I PHYIR DANG, DBEN PAR GYUR PA RNAMS DON MTHUN PAS BSDU BA'I PHYIR DANG, NYID SKU TSE 'DI LA BDE BAR BZHUGS PAR MDZAD PA'I PHYIR DANG, LHA CHE BAR GRAGS PA RNAMS DANG THABS CIG TU TSOGS PAR BZHED PA DANG, SANGS RGYAS KYI SPYAN GYIS PHYOGS BCU DAG TU 'JIG RTEN LA GZIGS NAS, MTHUN MTHUN DU SPRUL PA DAG GIS DON MDZAD PAR BZHED PA'AM, NYAN THOS RNAMS DE BZHIN GSHEGS PA MTHONG BA'I 'DOD PA BSKYED PA'I PHYIR RAM, NYAN THOS CHEN PO RNAMS BSGRAGS PA'I PHYIR BSTAN PA MDOR BSDUS TE BSTAN NAS NANG DU GSHEGS PA DANG, RNAM PAR SMRA BA LA BRTZON ZHING RNAM PAR SMRA BA LA DGA' BA RNAMS BSKUL BA'I PHYIR RO, ,NYAN THOS NI RNAM PA LNGAS STON PAS PHAN GDAGS PAR BYA BA YIN TE, 'DI LTA STE, CHOS DANG; ZANG ZING DANG, GNAS SBYIN PA DANG, DANG POR YONGS SU GZUNG BA DANG, SPANGS PA LAS YONGS SU GZUNG BA'O, ,TSANGS PA DANG BRGYA BYIN LA SOGS PA LHA RNAMS NI RGYU RNAM PA BDUN GYI PHYIR, DE BZHIN GSHEGS PA'I THAD DU 'ONG BAR 'GYUR TE, @153B 'DI LTA STE, DE BZHIN GSHEGS PA LA MCHOD PA BYA BAR 'DOD PA DANG, DAM PA'I CHOS MNYAN PAR 'DOD PA DANG, THE TSOM SKYES PA BSAL BAR 'DOD PA DANG, CHE BAR GRAGS PA RNAMS KYI PHYI BZHIN 'BRANG BA YIN PA'I PHYIR GZHAN GYI G-YAM LA 'ONG BA DANG, SNYING BRTZE BA'I PHYIR GZHAN GYI DON LA 'ONG BA DANG, BSTAN PA LA DGA' BA'I PHYIR DANG, DE BZHIN GSHEGS PA'I 'JIG RTEN PA'I THUGS KYIS 'ONG BAR BYA BA'I DGONGS PA BSKYED PA RIG PA'I PHYIR RO, ,GSAR BU RNAMS KYI GSAR BU'I RANG BZHIN NI RNAM PA THAMS CAD DU RNAM PA LNGAR RIG PAR BYA STE, 'DI LTA STE, PHYIS RAB TU BYUNG BA DANG, NA SO GZHON NUR RAB TU BYUNG BA DANG, NA TSOD KYI YUL LA BAB PA NA RAB TU BYUNG BA DANG, DGE TSUL BAR RAB TU BYUNG BA DANG, BSNYEN PAR RDZOGS PAR RAB TU BYUNG BA'O, ,'GYOD PA SKYE BA NA RNAM PA GSUM GYIS SKYE BAR 'GYUR TE, 'DI LTA STE; BSLAB PA LAS 'GAL BAR BYAS PA'I DBANG GIS BYUNG BA DANG, CHOS 'DUL BA KHAS BLANGS PA'I DBANG GIS BYUNG BA DANG, KHYIM SPANGS PA'I DBANG GIS BYUNG BA'O, ,DE BZHIN GSHEGS PA NI NYAN THOS RNAMS LA CHOS STON PAR BZHED PA NA RNAM PA BZHI'I SGO NAS MTSAN MA STON PAR MDZAD DE, GDAN CHES DMA' BA LAS BZHENGS NAS GDAN CHES MTHO BA LA BZHUGS PA DANG, CHOS STON PA DANG 'TSAM PA'I SPYOD LAM MDZAD PA DANG, GSUNG SEL BA DANG, SU LA CHOS STON PAR BZHED PA DE'I GDONG DU GLANG PO CHE'I LTA STANGS KYIS GZIGS PA'O; ,NYAN THOS 'GAL BA BYED BYED PA NI NGO TSA BA'I GNAS GSUM LA GNAS NAS STON PA'I CHAD DU 'GRO STE, 'DI LTA STE, BDAG GIS 'GAL BAR BYAS PAR RTOGS PA'I DBANG GIS BYUNG BA DANG, STON PA MA MNYES PAR BYAS PA'I DBANG GIS BYUNG BA DANG, SPYOD LAM DUL BAS STON PA MNYES PAR MA BYAS PA NA THANG DU 'GRO BA'I TSUL GYIS NGO TSA BA'O, ,STON PA NI NYAN THOS 'GAL BAR BYED BYED PA LA RNAM PA GSUM GYI SGO NAS YANG DAG PAR GLENG BAR MDZAD DE, 'DI LTA STE, 'TSO BA NGAN PA KHAS BLANGS PA DANG, BSAM PA THAG PA DANG, 'TSO BA'I BSAM @154A *, ,PA 'TSAM PA MA YIN PA BSGRUB PA'O, ,LEGS PAR GSUNGS PA'I CHOS 'DUL BA LA SOGS PAR SGRUB PA NI RNAM PA THAMS CAD DU RNAM PA DRUG YOD PAR RIG PAR BYA STE, 'DI LTA STE, KUN DU SPYOD PA'I NYES PA DANG, BSAM PA'I NYES PA DANG, SBYOR BA'I NYES PA DANG, SHES PA'I NYES PA DANG, RTOG PA'I NYES PA DANG, RTEN GYI NYES PA'O, ,DE LA 'DOD CHAGS KYI KUN NAS DKRIS PAS CHAGS PA DANG, ZHE SDANG GI KUN NAS DKRIS PAS SDANG BA NI KUN TU SPYOD PA'I NYES PA'O, ,'DOD CHAGS SHAS CHE BA DANG, ZHE SDANG SHAS CHE BA DES NGO TSA MED PA DANG, NGO TSA BA MED PAS DANG DU LEN PAR BYED PA NI BSAM PA'I NYES PA YIN TE, CHAGS PA BAS NI CHAGS PA'I BSAM PA THA CHAD YIN NO, ,DE BZHIN DU SDANG BAS NI ZHE SDANG GI BSAM PA THA CHAD YIN NO, ,DE LA SBYOR BA'I NYES PA NI BRTZON 'GRUS MI RTZOM PA'AM, YANG NA BRTZON 'GRUS LHOD PA'O, ,DE LA SHES PA'I NYES PA NI THOS PA DANG BSAMS PA LAS BYUNG BA'I SHES RAB LA BRJED BAS SHING YID MI GZHUNGS PAR GNAS LA, BSGOMS PA LAS BYUNG BA LA NI MNYAM PAR MA BZHAG PA'O, ,DE LA RTOG PA'I NYES PA NI KHYIM PA DANG MTHUN PA'I SDIG PA MI DGE BA'I RTOG PA CHOS 'DUL BA 'DI LAS SEMS 'KHRUL PAR BYED PA LA MANG DU RTOG PA'O, ,DE LA RTEN GYI NYES PA NI DE'I RTEN SNGON GYI RGYUS YANG DAG PAR GRUB PA MA YIN TE, YANG DAG PAR GRUB PA MA YIN PA DE'I RGYUS DAD PA PHAL BA CHUNG NGU DANG LDAN ZHING TSUL KHRIMS RNAMS LA GUS PAR 'DONG PA CHUNG DU DANG, DRAN PA CHUNG NGU DANG, LHAN CIG SKYES PA'I SHES RAB CHUNG NGU PHAL PA DANG LDAN PA'O, ,BSTAN PA LA 'JUG PA NI RNAM PA BZHIS LOG PAR BSGRUB PAR 'GYUR TE, 'DI LTA STE, YID RTUL BA DANG, BSAM PA MA DAG PA STE, CHOS LA RKU BA'I PHYIR GLAGS LTA BA DANG, ZAS DANG SKOM DANG GOS DANG 'TSO BA'I PHYIR DANG, RGYAL PO DANG CHOM RKUN GYIS NGES PAR BYAS PA DANG, BU LON DANG 'JIGS PAS GZIR BA'O, ,DE LTAR LOG PAR SGRUB PA YANG SLU BA RNAM PA GNYIS KYIS BSLUS TE KHYIM GYI @154B RANG GI DON LAS NYAMS PAS BSDUS PA DANG, RAB TU BYUNG BA'I RANG GI DON LAS NYAMS PAS BSLUS PA'O, ,LOG PAR BSGRUB PA DE LA YANG RGYU RNAM PA GNYIS YOD DE, 'DI LTA STE, DNGOS PO GSUM GYI RTOG PA NGAN PA DANG, DE'I SNGON DU 'GRO BA'I 'DU SHES NGAN PA'O,, DNGOS PO GSUM NI SNGA MA BZHIN DU RIG PAR BYA STE, DE DAG LA 'DU SHES NGAN PAS MTSAN MA DANG MNGON RTAGS SU 'DZIN PA'O, ,DE'I 'OG TU DE DANG MTHUN PA'I CHOS LA MANG DU RJES SU RTOG CING RJES SU DPYOD PAR BYED DO, ,LOG PAR SGRUB PA'I RGYU DE SPANG BA LA YANG GNYEN PO RNAM PA GNYIS KHO NA YOD PAR RIG PAR BYA STE, RTOG PA SPANG BA'I PHYIR NI PHYIN CI MA LOG PA DANG RGYUN MI 'CHAD PA GNYIS KYIS DRAN PA NYE BAR GZHAG PA RNAMS LA SEMS LEGS PAR GNAS PA'O, ,'DU SHES SPANGS PA'I PHYIR NI MTSAN MA MED PA'I SEMS KYIS TING NGE 'DZIN BSGOM PA'O; ,GNYEN PO SGOM PA DE YANG GNYEN PO BSGOM PA LA 'DUN PA DRAG POR BYED PAS 'GRUB PAR GYUR GYI 'DUN PA DRAG PO MED PAS NI MA YIN NO, ,'DUN PA DRAG PO DE YANG RGYU RNAM PA GNYIS LAS 'BYUNG STE, GNYEN PO DE NYID KYI 'BRAS BU CHE BA'I PHYIR DANG, 'DI LAS PHYI ROL PA RNAMS DANG THUN MONG MA YIN PA'I PHYIR RO, ,DE LA 'BRAS BU CHE BA NI MTSAN MA MED PA'I SEMS KYI TING NGE 'DZIN LA GOMS PAR BYED PA NA KHAMS GNYIS KYI BDUD RTZI'I SGO RNYED NAS 'DUG STE, 'DI LTA STE, SPONG BA'I KHAMS DANG, 'DOD CHAGS DANG BRAL BA'I KHAMS TE, PHUNG PO'I LHAG MA DANG BCAS PA DANG PHUNG PO'I LHAG MA MED PA'O, ,DE LA GNAS PA'I DRUNG NA NI MYA NGAN LAS 'DAS PA RNAM PA GNYIS 'DUG LA DA DUNG RNAM PA THAMS CAD KYI THAMS CAD DU THOB PA NI MA YIN NO, ,DE LA THUN MONG MA YIN PA NI 'DI YIN TE, 'DI LAS PHYI ROL PA RNAMS LA NI MTSAN MA MED PA'I TING NGE 'DZIN MED LA CHOS 'DI PA RNAMS LA NI YOD DE, CI'I PHYIR ZHE NA, DE DAG NI GANG LA DMIGS PA DE LA SGRO 'DOGS PAR BYED KYI, DE NYI TSE TZAM DU MTHONG BA MA YIN PA DANG, GANG MI DMIGS PA DE LA NI RNAM PAR RTOG PAR BYED DE, BDAG TU BLTAS PA DES 'DU @155A *, ,BYED RNAMS LA KUN TU RMONGS TE, YANG NA NI LUS TZAM LA BDAG TU MNGON PAR ZHEN TO, ,YANG NA NI GZUGS MED PA LA YANG NA NI GNYI GA'I SPYI LA BDAG TU MNGON PAR ZHEN PA'I PHYIR TE, BDAG TU MNGON PAR ZHEN PA DE DAG NI BDAG MED PAR 'GYUR DU 'ONG NGO SNYAM NAS SEMS KYANG MYA NGAN LAS 'DAS PA LA MI 'JUG NA DGA' BA'I TSUL GYIS GNAS PAR LTAG LA BYED DE, YONGS SU YI CHAD PA'I PHYIR SEMS PHYIR LDOG PA 'BA' ZHIG TU 'GYUR RO, ,DE LAS LDOG PA CHOS 'DI PA SDUG BSNGAL TZAM ZHIG 'GOG PAR ZAD DO SNYAM DU KHONG DU CHUD PA RNAMS NI SEMS KYANG PHYIR LDOG PAR MI 'GYUR LA DE LA ZHI BAR YANG LTA BAS NA DE GAL TE SLOB PA ZHIG YIN NA NI DE RANG NYID YONGS SU MYA NGAN LAS 'DAS PAR 'GYUR TE, LAM BSKYED PA'I PHYIR GZHAN LAS GDAMS NGAG DANG RJES SU BSTAN PA NI YONGS SU MI TSOL BA'I PHYIR RO, , GAL TE MI SLOB PA ZHIG YIN NA NI DE YANG RANG NYID YONGS SU MYA NGAN LAS 'DAS PAR 'GYUR GYI NYON MONGS PA ZAD PA NI YONGS SU MYA NGAN LAS 'DAS PAR 'GYUR TE, LAM BSKYED PA'I PHYIR GZHAN LAS GDAMS NGAG DANG RJES SU BSTAN PA NI YONGS SU MI TSOL BA'I PHYIR RO, , PHAN YON SHES PA GNYIS, ,BYIS PA'I GNAS SKABS RNAM PA LNGA, ,LTA BA GNYIS KYI KHYAD PAR DANG, ,DE LA BSTAN PAR 'GYUR BA'O, ,'DI GNYIS NI 'DU BYED RNAMS KYI THUN MONG BA DANG, THUN MONG LA YIN PA'I RGYU YIN NO, ,DE LA THUN MONG BA NI DGA' BA SNGON GYI RGYU YIN TE, DGA' BA DES SKYE BA'I GNAS DE DANG DER SKYED PA DANG MI MTHUN PA'I PHYOGS KYI SGO NAS SKYE BA'I GNAS DER SKYE BAR 'GYUR BAR LUS BRLAN PAR BYED DE, NYON MONGS PA THAMS CAD KYANG SKYE BA'I GNAS DE DANG DER SKYE BA'I RGYU YIN MOD KYI SKYE BA'I GNAS DER DGA' BA SKYES NA SKYE BA DANG MI MTHUN PA'I 'DU SHES MED PA'I PHYIR RO, ,DE YANG GZUGS KHO NA'I YIN PAR BSTAN TE, SNGON GYI RGYU LAS SKYES NA RGYU GZHAN LA MI LTOS TE, SHIN TU 'BREL PA'I PHYIR RO, ,DE LA THUN MONG MA YIN PA'I RGYU NI BDE BA DANG, SDUG BSNGAL BA DANG, SDUG BSNGAL YANG MA YIN BDE BA YANG MA YIN @155B BAR TSONG BAR 'GYUR BA'I REG PA YIN TE, TSOR BA LA SOGS PA SEMS LAS BYUNG BA RNAMS KYI'O, ,RNAM PAR SHES PA DRUG GI NI 'GAGS MA THAG PA'I YID DANG BCAS PA'I MING DANG, GZUGS RNAM PA BCU YANG YIN TE, SNGON GYI RGYU GZHAN GYIS SKYED PA RNAMS NI SKAD CIG RE RE LA RGYU YANG GZHAN LA LTOS TE SKYE BA'I PHYIR RO, ,DGRA BCOM PA SEMS SHIN TU RNAM PAR GROL BA YE SHES MTHONG BA SHIN TU RNAM PAR DAG PA LA NI 'DI LAS PHYI ROL PA RNAMS DANG THUN MONG MA YIN PA'I PHAN YON BZHI YOD PAR RIG PAR BYA STE, 'DI LTA STE, RGYU ZHING 'GRO BA'I RTAG TU GNAS PA DANG; GNAS SHING 'DUG PA'I MTSAN MA MED PAR GNAS PA DANG, SNGON GYI RGYU LAS BYUNG BA'I 'DU BYED RNAMS RANG GI NGANG GIS 'GAG PA DANG, YANG SRID PAR SKYE BA'I 'DU BYED RNAMS KYI RGYUD LTAR YANG DAG PAR BCOM PAS PHYI MA LA MI SKYE BA'O, ,PHAN YON RNAM PA BZHI PO YANG DAG PAR 'GRUB PA LA YANG RIM PA RNAM PA GSUM YOD DE, 'DI LTA STE, SLOB BA'I YE SHES MTHONG BA LA BRTEN NAS SKYO BA THOB NA 'DU BYED RNAMS LA MNGON PAR DGA' BA MED PA NAS, MNGON BAR ZHEN NAS 'DUG PA MED PA'I BAR DU GNAS PA DANG, SKYO BA SNGON DU 'GRO'I 'DOD CHAGS DANG BRAL BA DANG, 'DOD CHAGS DANG BRAL BA SNGON DU 'GRO BA'I SEMS SHIN TU RNAM PAR GROL BA DANG, DE'I 'OG TU DE LTAR SEMS RNAM PAR GROL BAS RGYU ZHING 'GRO BA'I RTAG TU GNAS PAR 'GYUR PA RNAMS KYIS NI RJES SU CHAGS PAR YANG MI 'GYUR MI MTHUN PAR YANG MI 'GYUR LA GNAS SHING 'DUG PA'I NI MTSAN MA THAMS CAD YID LA MI BYED PA DANG, MTSAN MA MED PA'I DBYINGS YID LA BYED PA'I PHYIR RO, ,MTSAN MA MED PA LA GNAS PAR GYUR BAS DE LA BAR CHAD BYED PA'I LTA BAR GYUR PA THAMS CAD SNGA NAS KYANG SPANGS NA BGEGS BYED PAR LTA GA LA ZHIG 'GYUR; DE RGYU ZHING 'GRO BA DANG GNAS PA DE GNYIS KYIS MI SLOB PAR 'GYUR TE, TSE'I TSAD CI TZAM PA ZAD NAS RANG NYID YONGS SU MYA NGAN LAS 'DAS PAS YONGS SU MYA NGAN LAS 'DA' BAR 'GYUR TE, DE'I SKYE BA DANG SRID PA SNGA NAS ZAD PA'I PHYIR PHYI MA LA 'DU BYED THAMS CAD MNGON @156A *, ,PAR 'GRUB PAR MI 'GYUR RO, ,'JIG CHOGS LA LTA BA'I RTZA BA LAS BYUNG BA'I LTA BAR GYUR PA THAMS CAD NI CHA GSUM DU RNAM PAR GZHAG PAR RIG PAR BYA STE, 'DI LTA STE, SNGON GYI MTHA' DANG LDAN PA RNAMS DANG, PHYI MA'I MTHA' DANG LDAN PA RNAMS DANG; SNGON GYI MTHA' DANG PHYI MA'I MTHA' DANG LDAN PA RNAMS SO, ,DE LA SNGON GYI MTHA' DANG LDAN PA RNAMS NI JI LTAR 'DI NA KHA CIG 'DI SNYAM DU SEMS TE, CI BDAG SNGON GYI DUS NA BYUNG BAR GYUR TAM, 'ON TE MA BYUNG SU ZHIG TU NI GYUR, JI LTAR NI GYUR ZHIG GU SNYOM PA'O; ,PHYI MA'I MTHA' DANG LDAN PA RNAMS NI CI BDAG MA 'ONGS PA'I DUS SU 'BYUNG BAR 'GYUR RAM 'ON TE 'BYUNG BAR MI 'GYUR, SU ZHIG TU NI 'GYUR, JI LTAR NI 'GYUR ZHIG GU SNYAM PA'O, ,SNGON GYI MTHA' DANG PHYI MA'I MTHA' DANG LDAN PA RNAMS NI BDAG CI ZHIG TU GYUR JI ZHIG TU NI 'GYUR, SEMS CAN 'DI GANG NAS NI 'ONGS, 'DI NAS SHI 'PHOS NAS NI GANG DU 'GRO BAR 'GYUR ZHIG GU SNYAM PA'O, ,GZHAN YANG 'DI LAS PHYI ROL PA RNAMS KYI 'JIG CHOGS LA LTA BA'I RTZA BA LAS BYUNG BA'I LTA BAR GYUR PA DRUG CU RTZA GNYIS YOD DE, 'DI LTA STE; RTAG PAR SMRA BA RNAMS KYI BZHI DANG, KHA CIG RTAG PAR 'DZIN PA RNAMS KYI BZHI DANG, RGYU MED PAR SMRA BA RNAMS KYI GNYIS DANG, MTHA' DANG MTHA' MED PAR 'DU SHES PA RNAMS KYI BZHI DANG, RNAM PAR MI G-YENG BA'I LHA RNAMS KYI BZHI DANG, LTA BAR GYUR PA BCO BRGYAD PO 'DI DAG NI SNGON GYI MTHA' LA RTOG PA'I BDAG TU SMRA BA RNAMS KYI'O, ,DE LA SRID PA'I LTA BA CAN 'DU SHES YOD PAR SMRA BA RNAMS KYI BCU DRUG DANG, 'DU SHES MED PAR SMRA BA RNAMS KYI BRGYAD DANG, 'DU SHES YOD PA YANG MA YIN 'DU SHES MED PA YANG MA YIN PAR SMRA BA RNAMS KYI BRGYAD DANG, CHAD PAR SMRA BA RNAMS KYI BDUN DANG, TSE 'DI LA MYA NGAN LAS 'DAS PAR SMRA BA RNAMS KYI LNGA DANG, LTA BAR GYUR PA BZHI BCU RTZA BZHI PO 'DI DAG NI PHYI MA'I MTHA' LA RTOG PA'I BDAG TU SMRA BA RNAMS KYI YIN TE, PHYI MA'I MTHA' LA RTOG PA RNAMS KYI LTA BA 'DI DAG @156B BSDUS NA LNGAR 'GYUR TE, 'DU SHES YOD PAR SMRA BA RNAMS DANG, 'DU SHES MED PAR SMRA BA RNAMS DANG, 'DU SHES YOD PA YANG MA YIN 'DU SHES MED PA YANG MA YIN PAR SMRA BA RNAMS DANG, CHAD PAR SMRA BA RNAMS DANG, TSE 'DI LA MYA NGAN LAS 'DA' BAR SMRA BA RNAMS SO, , LNGA PO DE DAG KYANG GSUM DU 'GYUR TE, RTAG PA DANG, CHAD PA DANG, TSE 'DI LA MYA NGAN LAS 'DA' BAR SMRA BA RNAMS SO, ,DE LA LTA BAR GYUR PA 'DI DAG THAMS CAD NI RGYU RNAM PA DRUG GIS RNAM PAR GZHAG STE, 'DI LTA STE, RGYU DANG, BSTAN PA DANG, BSAM GTAN LA BRTEN PA DANG; DUS DANG LTA BA LA BRTEN PA DANG, SKYE BA'I GNAS SO, ,DE LA THAMS CAD KYI RGYU NI 'JIG TSOGS LA LTA BA'O, ,BSTAN PA NI LTA BAR GYUR PA STON PA DAM PA'I CHOS MA YIN PA NYAN PA SNOD KYI LUNG 'DOGS PA BZHIN DU NYIN THOR THOS PA GANG YIN PA'O, ,DE LA BSAM GTAN LA BRTEN PA NI BSAM GTAN LA BRTEN NAS SNGAR THOS PA LA MOS PAS NGES PA THOB PA'O, ,BSAM GTAN DE YANG SNGON GYI GNAS RJES SU DRAN PA DANG LDAN PA DANG, LHA'I MIG DANG LDAN PA'O, ,DE LA SNGON GYI GNAS RJES SU DRAN PA DANG LDAN PA NI SNGON GYI MTHA' LA RTOG PA'I RTAG PAR SMRA BA RNAMS LAS CHUNG NGU DANG 'BRING DANG CHEN POR YONGS SU DAG PA DANG, MTHA' DANG MTHA' MED PA RNAM PA BZHI LAS GANG GIS SNOD KYI 'JIG RTEN 'JIG PA DANG 'CHAGS PA'I BSKAL BA TSAR PHYIN PA'I YUL GYI DRAN PA STE, GANG GI TSE CHAGS PA'I GNAS SKABS YANG DAG PAR RJES SU DRAN PA DE'I TSE NI 'DU SHES RNAM PA GSUM GYIS GCIG TU NGES PAR STENG DANG 'OG DRAN TE THUR DU MNAR MED PA LA THUG PA DANG, GYEN DU BSAM GTAN BZHI PA LA THUG PA'I 'JIG RTEN GYI TSAD NGES SHING MU THUG NGES PAR DRAN TE DE'I 'DU SHES CAN DU 'GYUR RO, ,GZHAN YANG THANG KAR NI GCIG TU NGES PAR TSAD MED PA'I RNAM PAR YANG DAG PAR RJES SU DRAN TE MTHA' YAS PA'I 'DU SHES CAN DU 'GYUR RO, ,DE GNYIS KA DANG LDAN PA'I DRAN PAS NI 'JIG RTEN GNYI GA'I 'DU SHES DANG LDAN PAR GNAS PAR 'GYUR RO, ,'JIG RTEN PA'I GNAS SKABS RJES SU DRAN PA NI MTHA'I 'DU SHES CAN YANG MA @157A *, ,YIN MTHA' MED PA'I 'DU SHES CAN YANG MA YIN PAR GNAS TE SNOD RNAM PA THAMS CAD KYI THAMS CAD DU MI DMIGS PA'I PHYIR RO, ,KHA CIG NI BSAM GTAN LA BRTEN PA NYI TSE'I SGO NAS KHA CIG RTAG PA RNAMS DANG, RGYU MED PAR SMRA BA RNAMS DANG, RNAM PAR MI G-YENG BA'I LHA RNAMS YIN PAR RIG PAR BYA'O, ,'DI GNYIS NI RNAM PAR DAG PA'I LHA YIN TE, SHIN TU RNAM PAR DAG PA MA YIN PA DANG SHIN TU RNAM PAR DAG PA'O, ,DE LA 'JIG RTEN PA'I SNYOMS PAR ZHUGS PA GANG YIN PA DE DAG NI SHIN TU RNAM PAR DAG PA MA YIN PA'I LHA YIN TE, BDEN PA RNAMS MNGON PAR MI SHES PA DANG, SEMS SHIN TU RNAM PAR GROL BA MA YIN PA'I PHYIR RO, ,CHOS 'DI PA'I SNYOMS PAR 'JUG PA GANG YIN PA DE DAG NI SHIN TU RNAM PAR DAG PA'I LHA YIN TE, BDEN PA RNAMS MNGON PAR SHES PA DANG SEMS SHIN TU RNAM PAR GROL BA YIN PA'I PHYIR RO, ,RNAM PAR MI G-YENG BA NI GNYIS TE, RTOG PA DANG BCAS MTSAN MA DANG BCAS PA DANG MTSAN MA MED PA'O, ,DE LA GCIG NI SHIN TU RNAM PAR DAG PA MA YIN PA'I LHA RNAMS KYI'O, ,CIG SHOS NI SHIN TU RNAM PAR DAG PA'I LHA RNAMS KYI'O, , DE LA SNGA MA SHIN TU RNAM PAR DAG PA MA YIN PA'I LHA RNAMS NI BDAG NYID LHA NYID YIN PA DANG, RNAM PAR MI G-YENG BAR GNAS PA'I PHYIR RNAM PAR MI G-YENG BA'I LHA ZHES BYA STE, DE DAG NI PHYI MA SHOS DAG GIS RNAM PAR MI G-YENG BA LAS DRI BA DRIS NA BDEN PA RNAMS DANG, MTSAN MA MED PA'I SEMS KYI TING NGE 'DZIN LA MI MKHAS PA'I PHYIR GZHAN NAS GZHAN DU GTAM RLUNG SKUR BAR BYED DE, DE DAG NI SNGA NAS SEMS KYIS SEMS LA MNGON PAR 'DU BYED CING BDAG KYANG RNAM PAR MI G-YENG BA'I LHA YIN MOD KYI BDAG CAG MA YIN PA GANG GZHAN RNAM PAR MI G-YENG BA'I LHA BDEN PA RNAMS DANG, MTSAN MA MED PA LA LHAG PAR CHES MKHAS PAR GYUR PA DAG KYANG YOD DE, DE DAG GIS BDAG CAG LA DE'I SKABS NAS DRI BA DRIS NA NI DE LA BDAG CAG GIS LAN GDAB PA, LAN LOG PAR 'DEBS PAR 'ONG STE, YANG NA NI YOD PA LA SKUR BA 'DEBS @157B PAR 'GYUR RO, ,YANG NA NI MED BZHIN DU KHAS LEN PAR 'GYUR RO SNYAM STE, DE DAG LAN GDAB PA LA NYES PA DE LTA BU DAG MTHONG NAS THAMS CAD KYI THAMS CAD DU LAN MI GDAB PO SNYAM DU RTOG NA DE LA YANG NYES PA YOD PAR MTHONG STE, GZHAN DAG GIS MI SHES PA TZAM DU 'DZIN CING DES RNAM PAR MI G-YENG BA'I LHA LAS DAMS PAR 'GYUR LA DE DAG G-YO SPYOD CING 'DI SNYAM DU RTOG STE, BDAG CAG GI LAN NI 'DI SKAD DU KHO BO CAG RNAM PAR DAG PA'I LHA RNAMS KYI GSANG CHEN NI, 'DI LTA STE, RANG GIS RTOGS PA'AM, RNAM PAR DAG PA'I LAM GYI SGO NAS RLUNG SPRUGS TE BSTAN PAR BYA BA MA YIN NO ZHES LAN BTAB NA LEGS SO SNYAM STE, DE DAG GIS DE LTAR BRTAGS NAS SO SOR BRTAGS SHING TSIG GIS GTAM RLUNG SKUR BAR BYED DO, ,DE LTAR LOG PAR KUN DU RTOG PA LA GNAS PA DE DAG GI SEMS RNAM PAR DAG PA'I LHA MCHOG TU GYUR PA RNAMS KYI SEMS KYIS KHYAB PAR BYA STE, RAB TU SHES SO, ,DE DAG NI BDAG CAG DMA' BAR 'DZIN PAR GYUR NA MI RUNG NGO SNYAM PAS PHAL CHER LAN GLON PAR MI BYED DE DE KHO NAS YONGS SU GROL BA MA YIN LA, GNAS DE LA YANG GNAS PA YIN NO, ,KHA CIG NI BLUN TE; ZHI GNAS NYI TSE LA SPYOD PAS G-YO THABS GYIS GTAM RLUNG SKUR BA SBYOR MI NUS TE, DE JI SKAD STON PA DE BZHIN DU TSANG PAR KHAS BLANGS LA DE NYID BRJOD PAR BYA'O SNYAM DU RTOG STE, DE DAG NI RTOG PA'I KHYAD PAR LAS RNAM PA BZHIR RNAM PAR GZHAG PA YIN NO, ,DE LA DUS KYI SGO NAS NI 'DAS PA DANG DA LTAR BYUNG BA'I DUS LA BRTEN TE RTOG PA GANG YIN PA DE DAG NI SNGON GYI MTHA' LA RTOG PA YIN NO, ,MA 'ONGS PA'I DUS LA BRTEN TE RTOG PA GANG YIN PA DE DAG NI PHYI MA'I MTHA' LA RTOG PA YIN NO, ,DE LA LTA BA LA BRTEN PA'I SGO NAS NI LTA BA GSUM LA BRTEN TE SNGA MA BZHIN NO, ,DE LA LTA BA LA BRTEN PA DANG POS NI TSE 'DI LA BDAG GZUGS CAN YIN PAR RTOG LA DE PHYIN CHAD KYANG GZUGS CAN NYID DAM 'DU SHES CAN NAM, 'DU SHES CAN MA YIN PA'AM, 'DU SHES CAN YANG MA YIN 'DU SHES CAN MA YIN PA YANG MA YIN @158A *, ,PAR RTOG GO, ,GNYIS PAS NI TSE 'DI DANG PHYI MA LA GZUGS CAN MA YIN PAR SNGA MA BZHIN DU RTOG GO, ,LTA BA LA BRTEN PA GSUM PAS NI BDAG TU SMRA BA RNAM PA GNYIS SU 'GYUR TE KHA CIG NI GZUGS CAN DANG GZUGS CAN MA YIN PAR SMRA'O, ,KHA CIG NI GZUGS CAN YANG MA YIN GZUGS CAN MA YIN PA YANG MA YIN PAR SMRA'O, ,LHAG MA NI SNGA MA BZHIN NO, ,GZUGS CAN DE NYID KYANG CHUNG NGU 'AM TSAD MED PAR RTOG GO, ,GZUGS CAN MA YIN PA YANG DE DANG 'DRA'O, ,LTA BA GSUM LA BRTEN PAS BDAG TU SMRA BA GNYIS SU GYUR PA GANG YIN PA'I SMRA BA DE GNYIS LAS KYANG KHA CIG NI CHUNG NGUR RTOG GO, ,KHA CIG NI TSAD MED PAR RTOG GO, ,DE LTAR NA BDAG TU SMRA BA RNAM PA BZHI PO 'DI DAG LAS BDAG MTHA' DANG LDAN PA DANG, MTHA' DANG MI LDAN PA DANG, MTHA' DANG LDAN PA YANG YIN LA MTHA' DANG MI LDAN PA YANG YIN PA DANG, MTHA' DANG LDAN PA YANG MA YIN MTHA' DANG MI LDAN PA YANG MA YIN NO ZHES BYA BA DANG, GO RIMS BZHIN DU SBYAR RO, ,LHAG MA NI SNGA MA BZHIN NO, ,LTA BA LA BRTEN PA DE NYID KYIS BDAG TU SMRA BA LA BRTEN NAS BDAG DAG CING 'GROL BAR GYUR LA 'DOD PA DANG BSAM GTAN LA DBANG THOB STE, RNAM PAR DAG PA NI TSE 'DI LA RNAM PAR RTZE BA'I TSUL GYIS CI 'DOD PAR SPRUL NAS DE LA SHAS CHER GNAS PA DANG, CI 'DOD PAR BSAM GTAN LA GNAS TE DE LTAR NA LTA BA LA BRTEN PA'I SGO NAS RNAM PAR GZHAG PAR RIG PAR BYA'O, ,DE LA SKYE BA'I GNAS KYI SGO NAS NI 'DI LTA STE, BDAG NI 'DU SHES GCIG DANG LDAN PA YIN NO ZHES BYA BA NAS RGYAS PAR SBYAR RO, ,DE LA 'DU SHES GCIG DANG LDAN PA NI GZUGS MED PA DAG GI NAM MKHA' DANG RNAM SHES MTHA' YAS SKYE MCHED GNYIS SO, ,'DU SHES SNA TSOGS DANG LDAN PA NI DE MAN CHAD DE, JI SKAD BSTAN PA DE DAG LAS GO RIMS BZHIN DU CHUNG NGU'I 'DU SHES CAN DANG; TSAD MED PA'I 'DU SHES CAN DU RIG PAR BYA'O, ,BSAM GTAN GSUM PO RNAMS NA NI GCIG TU NGES PAR BDE BA DANG LDAN NO, ,SEMS CAN DMYAL BA RNAMS NA NI GCIG TU NGES PAR SDUG BSNGAL BA DANG LDAN NO, ,DUD 'GRO RNAMS DANG, YI DAGS RNAMS DANG, MI RNAMS DANG, @158B 'DOD PA NA SPYOD PA'I LHA RNAMS NA NI BDE BA DANG SDUG BSNGAL BA DANG LDAN NO, ,BSAM GTAN BZHI PA YAN CHAD 'DU SHES MED 'DU SHES MED MIN SKYE MCHED MAN CHAD NA NI SDUG BSNGAL YANG MA YIN BDE BA YANG MA YIN PA DANG LDAN NO,, ,,RNAL 'BYOR SPYOD PA'I SA LAS GZHI BSDU BA; BAM PO BZHI PA, GSUM PO 'DI DAG NI 'DI LAS PHYI ROL PA'I MU STEGS CAN GYI GNAS RNAMS KYI THAMS CAD DU RGUD PA YIN PAR RIG PAR BYA STE, 'DI LTA STE, LTA BA DANG 'DOD PA THA DAD PA DANG MI MTHUN PAR SMRA BA'I RGUD PA DANG, BDAG SHES PAR BRJOD PA'I SGO NAS 'DRI BA LA LAN 'DEBS PA'I RGUD PA DANG, CHOS KYI RJES SU MTHUN PA'I CHOS SGRUB PA'I SGO NAS RTOGS PA'I RGUD PA'O, ,DE LA 'DU SHES CAN DANG, 'DU SHES CAN MA YIN PA DANG, 'DU SHES CAN YANG MA YIN 'DU SHES CAN MA YIN PA YANG MA YIN PAR SMRA BA GSUM DANG, CHAD PAR SMRA BA RNAMS KYIS GLAG BTZAL BA DANG, PHAN YON BRJOD PA DANG, GAL 'DZIN PA LAS RGYAL BA'I PHAN YON BRJOD PA'I SGO NAS NI RGUD PA DANG POR RIG PAR BYA STE, 'DI DAG NI PHYI MA'I MTHA' LA RTOG PA YIN TE, MA 'ONGS PA'I DUS LA BRTEN NAS BDAG NYID YOD PA DANG MED PAR RTOG PA'I PHYIR RO, ,DE LA GANG KUN NAS NYON MONGS PAR 'GYUR BA DANG, GANG DU KUN NAS NYON MONGS PAR 'GYUR BA DANG, GANG GIS KUN NAS NYON MONGS PAR 'GYUR BA DE DAG THAMS CAD KUN RDZOB KYI BDEN PA DANG DON DAM PA'I BDEN PA GNYIS KYI SGO NAS YANG DAG PA JI LTA BA BZHIN DU RAB TU MI SHES PA RNAMS NI DANG POR MI SHES PA KHAS LEN PA'I PHYIR DE LAS GZHAN PA'I MI SHES PA LAS MI SHES PA'I LHAG MA LUS PA YIN NO, ,GANG KHAS LEN ZHE NA, 'DI LTA STE, RNAM PA GSUM LAN BZHIR BSGYUR BA RNAMS TE, RTAG PA DANG RTAG PA MA YIN PA LA SOGS PA RNAMS DANG, MTHA' DANG LDAN PA DANG MTHA' DANG LDAN PA MA YIN PA LA SOGS PA DANG, RANG GIS BYES PA DANG GZHAN GYIS BYAS PA LA SOGS PA STE, 'DI LTAR DE DAG NI MI SHES PA'I PHYIR THOG MAR 'DI DAG DE LTAR KHAS BLANGS NAS DE'I 'OG TU 'DRI BA'I LAN 'DEBS PAR BYED DE 'DI DAG @159A *, ,NI 'PHAGS PA'I CHOS 'DUL BA LA 'DI LTA STE, KUN RDZOB KYI BDEN PA'I TSUL LAM DON DAM PA'I BDEN PA'I TSUL GNYI GA LTAR YANG LAN GDAB TU MID PA'I PHYIR SHES PA DANG LDAN PA RNAMS KYI LAN MI GDAB PA'I GZHI YIN NO, ,DE LA GCIG TU NGES PAR RTAG PAR SMRA BA BZHI NI SNGON GYI MTHA' LA RTOG PA YIN NO, ,SNGON GYI MTHA' LA RTOG PA GANG YIN PA DE NYID NI, RGYU MED PAR SMRA BA RNAM PA GNYIS KYI SGO NAS RGYU MED PAR SMRA BA YIN TE SNGAR NI BDAG MED PAR RTOG LA PHYIS NI YOD PAR RTOG STE, GCIG TU NGES PAR MI RTAG PAR SMRA BA LA DMIGS SO, ,DE LA BZHI PO 'DI DAG NI SNGON GYI MTHA' LA RTOG PA NYID LAS KHA CIG NI RTAG PAR LTA STE, DE DAG GI BYE BRAG LAS KHA CIG NI RTAG PA DANG RTAG PA MA YIN PAR SMRA BA LA DMIGS SO, ,KHA CIG NI RTAG PA YANG MA YIN MI RTAG PA YANG MA YIN PAR SMRA BA LA DMIGS SO, ,MTHA' DANG LDAN PA DANG MTHA' DANG MI LDAN PA BSGYUR BA NI 'DI LTA STE, MTHA' DANG LDAN PA DANG MTHA' DANG MI LDAN PA'I SKABS SU SNGAR BSTAN PA BZHIN NO, ,THAMS CAD SNGON BYAS PA'I RGYU LAS BYUNG BAR 'DOD PA GANG YIN PA DE DAG NI RANG GIS BYAS PAR SMRA BA YIN NO, ,THAMS CAD DBANG PHYUG GIS SPRUL PA'I RGYU LAS BYUNG BAR 'DOD PA GANG YIN PA DE DAG NI GZHAN GYIS BYAS PAR SMRA BA YIN NO, ,SHAS KYIS NI DBANG PHYUG GIS SPRUL PA YIN PAR 'DOD LA SHAS KYIS NI MI 'DOD PA GANG YIN PA DE DAG NI GNYI GAR SMRA BA YIN NO, ,RGYU MED PAR SMRA BA GANG YIN PA DE DAG NI GNYI GAR SMRA BA MA YIN PA STE, DE NI DE DAG GI BDAG SHES PAR SMRA BA'I SGO NAS RGUD PA GNYIS PA YIN PAR RIG PAR BYA'O, ,'DI DAG NI SNGON GYI MTHA' LA RTOG PA YIN TE 'DAS PA DANG, DA LTAR BYUNG BA'I DUS KYI SGO NAS RTOG PA'I PHYIR RO, ,DE LA DGE SBYONG DANG BRAM ZE GANG GLAGS TSOL BA DANG, PHAN YON LA LTA BA DANG, GAL 'DZIN PA LAS RGYAL BA'I PHAN YON LA LTA BA DANG, RNYED PA DANG BKUR STI'I PHYIR BDAG SHES PAR BRJOD PA BSGRAGS PAR 'DOD PA KHO NA YIN PAS NYES PAR BSHAD PA'I CHOS 'DUL BA LA RAB TU BYUNG BA DE DAG NI NGES PAR 'BYUNG BAR 'DOD PA DANG, THAR PA 'BA' ZHIG 'DOD PA YIN TE, @159B DE DAG NI NYON MONGS PA'I SHAS CHUNG BA'I RANG BZHIN CAN BLUN ZHING ZHI BAR SPYOD PA YIN NO, ,DE DAG NI BSAM GTAN DANG PO LA SNYOMS PAR 'JUG PA'I MAN NGAG STON PA DANG, RJES SU STON PA LA BRTEN NAS PHYI MA'I MTHA' DANG LDAN PA DANG, SNGON GYI MTHA' DANG LDAN PA'I LTA BAR GYUR PA DE DAG KHAS MI LEN ZHING YANG DAG PAR 'DAS NAS TSE 'DI LA YANG 'DOD PA'I KUN TU SBYOR BA LAS YANG DAG PAR 'DAS TE RAB TU DBEN PA'I DGA' BA LA REG PAR 'GYUR LA, DE'I GANG MA'I NI MA THOS SHING MI SHES TE, DE NI DE NYID LA MYA NGAN LAS 'DAS PAR 'DZIN TO, ,RAB TU DBEN PA'I DGA' BA LA JI LTA BA BZHIN DU BSAM GTAN GNYIS PA DANG, GSUM PA'I ZANG ZING MED PA'I DGA' BA DANG, BSAM GTAN BZHI PA'I SDUG BSNGAL YANG MA YIN BDE BA YANG MA YIN PA'I TSOR BA DANG, DE YAN CHAD NI 'DU SHES MED 'DU SHES MED MIN SKYE MCHED LA THUG PA YANG DE DANG 'DRA STE, 'DU SHES SNA TSOGS DANG LDAN PA'I SDUG BSNGAL BA YANG MA YIN BDE BA YANG MA YIN PA'I TSOR BA LAS YANG DAG PAR 'DAS PA'I PHYIR RO, ,'DI NI NYE BAR LEN PA THAMS CAD DU 'GRO BA'I LAM LAS MA LOG PA PHYIR LDOG PA'I CHOS CAN YONGS SU MYA NGAN LAS MA 'DAS PA MYA NGAN LAS 'DAS SO SNYAM PA'I NGA RGYAL CAN DE DAG GI RGUD PA GSUM PA YIN PAR RIG PAR BYA'O, ,DE LA DE BZHIN GSHEGS PAS NI ZHI BA'I GO 'PHANG MCHOG NYID KYIS JI LTA BA BZHIN DU MNGON PAR RDZOGS PAR SANGS RGYAS NAS RNAM PA THAMS CAD RGUD PA GSUM PO DE DAG RNAM PA LNGAS YANG DAG PA JI LTA BA BZHIN DU RAB TU MKHYEN TO, ,'DI LTA STE, RANG BZHIN GANG YIN PA DANG, LTA BA GANG YIN PA DANG, MI SHES PA GANG GIS SKYE BAR 'GYUR BA DANG, GANG LA DMIGS TE 'JUG PA DANG, DMIGS PA DE'I NYES DMIGS KYI SGO NAS RAGS PA DANG GANG DU NGES PAR 'BYUNG BA STE, DE DE LTAR YANG DAG PA JI LTA BA BZHIN DU YANG RAB TU MKHYEN LA NGES PAR 'BYUNG BA DER YANG BDAG NYID GTAN DU NGES PAR 'BYUNG BAR 'GYUR RO, ,SHES PA GNYIS NI MTHONG BA DAG PA DANG, MTHONG BA SHIN TU RNAM PAR DAG PAR 'GYUR BA STE, 'DI LTA STE, CHOS KYI LUGS SHES PA DANG, DE SNGON DU 'GRO BA'I MYA NGAN LAS 'DAS @160A *, ,PA'I SHES PA'O, ,DE LA CHOS KYI LUGS SHES PA NI GANG GIS 'DU BYED RNAMS KYI RANG GI MTSAN NYID KYANG RAB TU DBYE BA'I SGO NAS SHES LA, SPYI'I MTSAN NYID KYANG NYES DMIGS KYI SGO NAS SHES PA STE, 'DI LTA STE, GNAS SKABS GSUM DU GTOGS PA'I 'DU BYED RNAMS KYI BDE BA DANG, SDUG BSNGAL BA DANG, SDUG BSNGAL YANG MA YIN BDE BA YANG MA YIN PA DANG MTHUN PA RNAMS KYIS YIN TE, SDUG BSNGAL GSUM PO'I TSUL GYIS SO, ,DE LA MYA NGAN LAS 'DAS PA'I SHES PA NI DE DE LTAR 'DU BYED RNAMS LA SDUG BSNGAL BAR 'DU SHES PA NI 'DI SNYAM DU SEMS TE, 'DI LTAR SDUG BSNGAL BA'I 'DU BYED 'DI DAG MA LUS PAR SPONG BA NI ZHES BYA BA NAS RGYAS PAR MYA NGAN LAS 'DAS PA'I BAR DU SBYAR TE, 'DI NI MYA NGAN LAS 'DAS PA'I SHES PA'O, ,MTHONG BA RNAM PAR DAG PA DANG, SHIN TU RNAM PAR DAG PA DE GNYIS KYANG SGO GNYIS NAS SBYOR BAS RNAM PAR DAG PAR 'GYUR TE, GANG ZAG BDAG NYID LA MTHU MED DE GZHAN GYI TSIG LA BRTEN PA 'AM, MTHU YOD PA BDAG NYID KYIS MANG DU THOS PA YONGS SU BTZAL NAS RNAM PAR DAG PAR 'GYUR RO, ,DE LA GANG ZAG SNGA MA NI DAD PA LA SOGS PA'I DBANG PO RNAMS MI GSAL BA DANG, ZHI GNAS DANG LHAG MTHONG GI DMIGS PA RO GCIG TU GYUR PA'I PHYIR TSAD NGES PA'I CHOS LA SPYOD PA'I BZOD PA 'JUG PAR 'GYUR RO, ,DE LAS BZLOG PA NI CIG SHOS KYI YIN PAR RIG PAR BYA'O, ,GSUM PO 'DI DAG NI MNGON PAR RTOGS PA'I MTHA' LAS BYUNG BA'I SHES PA YIN TE, 'DI DAG GIS MTHONG BA RNAM PAR DAG PA RAB TU PHYE STE, 'DI LTA STE, ZAG PA MED PA'I SHES PA SKYE BA DANG MTHUN PA DANG, ZAG PA MED PA DANG, ZAG PA MED PA'I RGYUN LAS BYUNG BA'O, ,DE LA DANG PO NI 'JIG RTEN GYI CHOS KYI MCHOG TU GTOGS PA'O, ,GNYIS PA NI GANG LA GNAS PAS MTHONG BAS SPANG BAR BYA BA'I NYON MONGS PA RNAMS SPONG BA'O, ,GSUM PA NI NYON MONGS PA SPONG BA'I STENG DU RNAM PAR GROL BA'I RGYUN LAS BYUNG BA'O, ,DE LA SHES PA BAR MA LA GNAS PA'I TSE NI YANG DAG PA'I SKYON MED PA LA ZHUGS PA @160B YIN TE, SO SO'I SKYE BO'I SA LAS NI 'DAS, RGYUN DU ZHUGS PA'I 'BRAS BU NI MA THOB PA'O, ,GSUM PA STE RNAM PAR GROL BA'I RGYUN LA GNAS PA'I SHES PA MTHOB PA'I BAR DU NI DES DE MA THOB KYI BAR DU DE'I SKAD CIG LA GNAS PA NI 'CHI BAR GYUR PA'I RGYU MA YIN TE, YUN THUNG BA'I PHYIR RO, ,DE'I RJES LA NI GDON MI ZA BAR GSUM PA THOB PAR 'GYUR RO, ,DE LA GNAS PA'I MTHONG BA NI RNAM PAR DAG PA YIN TE, SHES BYA MNGON SUM DU BYED PA'I PHYIR RO, ,SHIN TU RNAM PAR DAG PAS NI MA YIN TE, NYON MONGS PA'I LHAG MA YOD PA'I PHYIR RO, ,DE NYID LAN MANG DU BYAS PA'I RGYUS DGRA BCOM PA SHIN TU RNAM PAR DAG PA NYON MONGS PA THAMS CAD DANG BRAL BAR 'GYUR RO, ,DE LA MA LUS PAR SPONG BA NI RNAM PA GSUM DU RIG PAR BYA STE, KUN DU MI SPYOD PA DANG, KHAMS DANG, DNGOS PO'O, ,DE LA BYUNG NGO COG DANG DU MI LEN ZHING SHIN TU SPANGS NAS KYANG DGE BA LA GOMS PAS THAG RING BAR BYED DO, ,KUN NAS DKYRIS PA KUN DU MI SPYOD PA'I PHYIR DANG, ,BAMS? NI SNGA MA BZHIN DU GSUM DU RIG PAR BYA'O, ,DNGOS PO NI GNYIS TE, NYON MONGS PA'I DNGOS PO DANG, SDUG BSNGAL GYI DNGOS PO'O, ,BDE BA DANG, PHAN PA DANG 'BREL PA'I BRAL BA'I PHYOGS KYI KHAMS LNGA'I NI ZHI BA DANG, GYA NOM PA LA SOGS PA NAS MYA NGAN LAS 'DAS PA LA THUG PA RNAMS YIN PAR RIG PAR BYA'O, ,PHUNG PO THAMS CAD SPANGS PA NI 'DIR PHA MA LA SOGS PA LAS BYUNG BA'I PHUNG PO 'DOR BA'I SGO NAS RIG PAR BYA'O; ,BAR MA DO'I SRID PA DANG, SKYE BA'I SRID PA DANG, DE PHYIN CHAD KYI SRID PA MNGON PAR MI 'GRUB PA'I PHYIR GZHAN DAG GI GO RIMS BZHIN DU NYING MTSAMS SBYOR BA MED PA DANG, NYE BAR LEN PA MED PA DANG, 'BYUNG BA MED PA YIN PAR RIG PAR BYA'O, ,DE LA PHYOGS GSUM DU SGO GSUM GYIS BGEGS BYED PA'I PHYIR NI KUN DU SBYOR BA GSUM DU RNAM PAR GZHAG PAR RIG PAR BYA STE, 'DI LTA STE, MI G-YO BA DANG, G-YOS SU ZIN KYANG LOG PAR 'DZIN PA DANG, CHOS RNAMS NI RTOGS PAR BYED PA'I PHYIR TE, KHYIM PA'I PHYOGS DANG, NYES @161A *, ,PA BSHAD PA'I CHOS 'DUL BA LA RAB TU BYUNG BA'I PHYOGS RNAMS DANG, LEGS PAR BSHAD PA'I CHOS 'DUL BA LA ZHUGS PA RNAMS SO, ,RGYUN LAS BZLOG PA'I PHYOGS SU 'GRO BA'I LAM LA NI ZHUGS SO, ,NGAN SONG LAS RNAM PAR THAR PA GCIG DANG YANG LDAN NO, ,RNAM PAR THAR PA'I NGES PA GNYIS DANG YANG LDAN TE, 'DI LTA STE, NYON MONGS PA LAS RNAM PAR THAR PA'I NGES PA DANG, YANG SRID PAR SKYE BA LAS RNAM PAR THAR PA'I NGES PA STE, DE BAS NA RGYUN DU ZHUGS PA ZHES BYA BA NAS RGYAS PAR SBYAR RO, ,DGRA BCOM PA NYID MA THOB GPA'I SNGA ROL SLOB PA'I SA LA NI 'DU BYED THAMS CAD LA BDAG GAM BDAG GIR NYE BAR LEN PA MED DE DE'I 'OG TU ZAG PA RNAMS LAS RNAM PAR GROL BAR 'GYUR RO, ,DE LA DGRA BCOM PA NYID KYI RNAM PA NI DON DANG 'BRAL BA RNAM PA BZHIR RIG PAR BYA STE, RANG GI DON MTHAR PHYIN PAS GZHAN GYI DON BYA BAR 'OS PA'I DON DANG, BDAG NYID RDZOGS PA DANG, RIGS PA'I DON THOB PAR BYA BA'I DON DANG, MA 'ONGS PA'I 'DU BYED KYI RGYU YANG DAG PAR BCOM STE TSE 'DI LA BDE BAR GNAS PA'I DON DANG, SLOB PA'I SA LAS YANG DAG PAR 'DAS NAS MI SLOB PA'I SA LA 'JUG PA'I DON TO, , LNGA PO 'DI DAG NI BYIS PA RNAMS KYI BYIS PA'I GNAS SKABS YIN TE, DE DAG LA BYIS PA GNAS NA BYIS PA'I GRANGS SU 'GRO BAR 'GYUR TE, 'DI LTA STE, DANG PO NAS LHAN CIG SKYES PA'I SHES RAB MA THOB PA DANG, GZHAN GYI SGRA'I RGYU LAS BYUNG BA'I SHES RAB MA THOB PA DANG, 'PHAGS PA'I SHES RAB MA THOB PA DANG, RMONGS PA'I KUN NAS DKRIS NAS KUN NAS DKRIS SHING 'DUG PA DANG, DE'I BAG LA NYAL DANG YANG 'BREL PA'O, ,BZHI PO 'DI DAG NI BDAG TU SMRA BA YIN TE, 'DU BYED RNAMS NI BDAG YIN NO, ,BDAG NI 'DU BYED RNAMS DANG LDAN NO, ,'DU BYED RNAMS NI BDAG GI'O; ,BDAG NI 'DU BYED RNAMS LA YOD DO ZHES SMRA BA'O, ,BDAG TU SMRA BA NI RGYU RNAM PA GNYIS KYIS KUN NAS NYON MONGS PAR BYED PA YIN TE, MNGON PAR ZHEN PA DANG, BAG LA NYAL GYI SGO NAS SO, ,DE LA MNGON PAR ZHEN PA'I SGO NAS NI 'DI LTA STE, 'DI LAS PHYI ROL PA THAR PA 'DOD @161B PA RNAMS TE, NYON MONGS PA THAMS CAD KYI THOB PA DANG 'BREL PA'I TSUL GYIS SO, ,DE LA BAG LA NYAL GYI SGO NAS NI 'DI LTA STE, CHOS 'DI PA RNAMS TE YUL LA YONGS SU ZHEN PAS THANG CIG TZAM DU BAR CHAD BYED LA GTAN DU NI MA YIN NO, ,BDAG TU LTA BA DANG BDAG MED PAR LTA BA GNYIS NI 'DRA BAR 'DU BYED KYI GZHI LA DMIGS PAS NA MTSUNGS PAR RIG PAR BYA'O, ,GZHI DE NYID LA LOG PA DANG YANG DAG PAR 'DZIN PA LAS KUN NAS NYON MONGS PA DANG RNAM PAR BYANG BAR GYUR PAS NA NI MI MTSUNGS PAR RIG PAR BYA'O, ,DE LA RNAM PA BZHIS DNGOS PO LA LOG PA ZHEN PA'I PHYIR NI BDAG TU LTA BA KUN NAS NYON MONGS PAR 'GYUR TE, 'DI LTA STE, RGYU DANG, RANG BZHIN DANG, 'BRAS BU DANG, RGYU MTHUN PA'O, ,DE LA RGYU NI RMONGS PA RNAM PA GNYIS LAS 'GYUR TE, DNGOS PO LA RMONGS PA DANG, LTA BA LA RMONGS PA'O, ,DE LA DAM PA'I CHOS MA YIN PA'I THOS PA SNGON DU 'GRO BA'I DNGOS PO LA RMONGS PAS NA BDAG TU LTA BA SKYE BAR 'GYUR RO, ,LTA BA DE LA RMONGS PAS LTA BA DE DANG LDAN PA'I MA RIG PA'I 'DUS TE REG PA LAS BYUNG BA'I TSOR BA BYUNG NGO COG LA BDAG GO SNYAM DU 'DZIN TO, ,DE'I RKYEN GYIS KYANG DE'I LUS SRED PA DANG 'BREL PAR 'GYUR TE DES NA BDAG TU LTA BA SPONG MI NUS SO, ,DE LA RANG BZHIN NI DE GZHI GNYIS YONGS SU BZUNG BA'I LTA BA DE BAG LA NYAL GYI SGO NAS 'BRAL PAR MI 'GYUR BA'O, ,DE LA 'BRAS BU NI 'JIG TSOGS LA LTA BA DE NYID LA BRTEN NAS DE BAG LA NYAL GYI SGO NAS NGA'O SNYAM PA'I NGA RGYAL DANG BRAL BAR MI 'GYUR BA YIN TE, DE YANG BAG LA NYAL RNAM PA GNYI GA'I SGO NAS PHYI MA LA DBANG PO RNAMS MNGON PAR 'GRUB PAR 'GYUR RO, ,DE RNAMS KYIS KYANG BDE BA DANG SDUG BSNGAL BA NYAMS SU MYONG BAR 'GYUR RO, ,DE DAG NYID LA BDAG DANG BDAG GIR BZUNG BA LA BRTEN NAS TSUL BZHIN MA YIN PA YID LA BYED PA DANG LDAN PA'I YID KYI RNAM PAR RTOG PAS BDAG DANG BDAG GIS NYAMS SU MYONG BAR 'GYUR RO, ,DE LA RGYU MTHUN PA NI SNGON GYI RGYU'I STOBS BSKYED PAS LTA BA'I SA BON DANG LDAN PA YIN YANG SRID PAR SKYE BAR BYED PA GANG YIN PA DE NI YID KYI KHAMS SO, ,DE SNGON @162A *, ,GYI RGYUS YONGS SU BSGOMS PAS YONGS SU GRUB PA YANG SRID PAR SKYE BAR BYED PA'I YID DE NYID LA MA RIG PA'I SA BON YOD PA NI MA RIG PA'I KHAMS SO, ,SA BON RNAM PA GNYIS DANG LDAN PA'I YID KYI DMIGS PA NI CHOS KYI KHAMS SO, ,DE SNGON NYES PAR BSHAD PA'I CHOS 'DUL BA LA BRTEN PAS RNAM PAR BTAGS PA'I 'JIG TSOGS LA LTA BA LA BRTEN PAS DA LTAR KHAMS YANG DAG PAR GRUB STE, DES NA DE'I DA LTAR KHAMS DE'I DBANG GIS BYUNG BA NI LHAN CIG SKYES PA'I 'JIG CHOGS LA LTA BA STE, LEGS PAR GSUNGS PA'I CHOS 'DUL BA LA YANG KUN TU SPYOD PA'I SGO NAS BGEGS BYED PAR 'GYUR, DE YANG RNAM PA GNYIS RNAM PA DRUG TU BSKOR BA DANG BCAS PAS KUN TU SPYOD DE DUS DANG NGA RGYAL LO, ,DE LA DUS NI CI BDAG SNGON GYI DUS NA BYUNG NGAM, 'ON TE MA BYUNG ZHIG GU ZHES BYA BA NAS RGYAS PAR CI RIGS PAR RIG PAR BYA'O; ,DE LA NGA RGYAL NI BDAG CHE'O ZHES BYA BA NAS RGYAS PAR SBYAR RO, ,DES DE DAG THAMS CAD YANG DAG PA JI LTA BA BZHIN DU MI SHES SHING MI MTHONG STE, DE NYID KYIS NA TSUL BZHIN MA YIN PA LOG PAR MTHONG NGO, ,GSUM PO 'DI DAG NI RIG PA'I GNAS SKABS KYIN TE, GZHAN GYI SGRA LA BRTEN NAS TSUL BZHIN YID LA BYED PA'I NI RIG PA'I GNAS SKABS DANG PO'O, ,YANG DAG PA'I SKYON MED PA LA ZHUGS PA'I NI RIG PA'I GNAS SKABS GNYIS PA'O, ,DGRA BCOM PA SEMS RNAM PAR GROL BA'I NI RIG PA'I GNAS SKABS GSUM PA'O, ,MA RIG PA'I GNAS SKABS NI GNYIS TE SNGA MA DANG PHYI MA'O, ,DE LA SNGA MA NI BAG LA NYAL GYI GNAS SKABS SO, ,KUN NAS DKRIS PA'I GNAS SKABS NI PHYI MA'O, ,RNAM GRANGS GZHAN YANG MTHONG BA DANG BSGOM PAS SPANG BAR BYA BA'I BYE BRAG GIS RIG PAR BYA'O, ,GANG DU BCOM LDAN 'DAS KYIS NYID KYI BSTAN PA LEGS PAR GSUNGS PA'I SGO NAS NI 'BYOR BAR 'GYUR BAR BZHED LA, PHA ROL GYI BSTAN PA NYES PAR BSHAD PA'I SGO NAS NI MI RIGS PAS MA RUNG BAR 'GYUR BAR BRDA SPRAD PAR BZHED PA'I CHOS KYI RNAM GRANGS DE LA YANG DAG PAR SDUD PA RNAMS BCOM LDAN 'DAS KYIS CHED DU BRJOD PA @162B CHED DU BRJOD DO ZHES BRJOD DO, ,LEGS PAR GSUNGS PA'I CHOS 'DUL BA NI RGYU RNAM PA GNYIS KYIS 'BRAS BU CHE ZHING PHAN YON CHE BA YIN NO, ,NYES PAR BSHAD PA NI GTI MUG PA YIN TE, 'DI LTA STE, LEGS PAR GSUNGS PA'I CHOS 'DUL BA LA NI SDUG BSNGAL THAMS CAD LAS NGES PAR 'BYUNG BA YANG YOD DE, 'DI LTA STE, SDUG BSNGAL GSUM PO RNAMS LAS SO, ,KUN TU SBYOR BA THAMS CAD SPONG BA YANG YOD DO, ,'DI LTA STE, THA MA DANG GONG MA'I CHA DANG MTHUN PA RNAMS LAS SO, ,NYES PAR BSHAD PA LA NI GNYI GA YANG MED DE DE DAG NI 'JIG TSOGS LA LTA BA LA BRTEN NAS SPONG BA'I 'DUN PA LA GNAS PAS 'DU BYED RNAMS LA SDUG BSNGAL BA'I YANG SDUG BSNGAL LAS SEMS SKYO BAR 'GYUR TE, DE LTAR MOS PAR BYED PA NA BDAG SDUG BSNGAL DANG LDAN PAR MA GYUR CIG BDAG LA SDUG BSNGAL 'ONG BAR MA GYUR CIG SNYAM MO, ,YANG NA SDUG BSNGAL DE RGYU'I SGO NAS SPANGS PAS PHYI MA LA 'BRAS BU 'ONG BAR 'GYUR BA LA RNAM PA GNYIS KYIS MOS PAR BYED DE, 'DI LTA STE, BDAG SDUG BSNGAL DANG LDAN PAR MI 'GYUR, BDAG LA SDUG BSNGAL 'ONG BAR MI 'GYUR SNYAM PA'I PHYIR RO, ,DE DAG DE LTAR SPONG BA'I 'DUN PA LA BRTEN PA RNAM PA BZHIS 'DOD PA'I 'DOD CHAGS DANG BRAL BA DANG, BSAM GTAN DANG POR SKYES PA NAS RIM GYIS 'DU SHES MED 'DU SHES MED MIN SKYE MCHED KYI SNYOMS PAR 'JUG PA'I BAR DU SKYES PAS SDUG BSNGAL BA'I YANG SDUG BSNGAL BA LAS YANG DAG PAR 'DAS SU ZIN KYANG THA MA'I CHA DANG MTHUN PA'I KUN DU SBYOR BA RNAMS NI SPONG BAR MI 'GYUR TE, DE DAG MA SPANGS PAS NA DE DAG SDUG BSNGAL BA'I YANG SDUG BSNGAL LAS YANG DAG PAR MA 'DAS PA NYID DU RIG PAR BYA'O, ,'GYUR BA DANG 'DU BYED KYI SDUG BSNGAL SPANG BA'I PHYIR NI DE DANG 'DUN PA YANG SKYED PAR MI BYED NA SPANG BAR LTAG LA BYED DE, DE MA SPANGS PA'I RIM GYIS NI GONG MA'I CHA DANG MTHUN PA'I KUN DU SBYOR BA RNAMS KYANG MA SPANGS PA KHO NAR RIG PAR BYA'O, ,CHOS 'DI PA RNAMS NI THOG MA NYID DU 'DOD PA'I KHAMS KYI 'DOD CHAGS DANG MA BRAL BAR YANG 'DU BYED RNAMS LA BDAG MED PAR LTA @163A *, ,BA LA BRTEN NAS SPONG BA'I 'DUN PA LA GNAS PAS SPYIR SDUG BSNGAL GSUM PO RNAMS LAS SKYO BAR BYED DE, DE LTAR MOS PAR BYED PA NA BDAG SDUG BSNGAL RNAM PA GSUM GYIS SDUG BSNGAL BAR MA GYUR CIG ,BDAG LA SDUG BSNGAL RNAM PA GSUM 'ONG BAR MA GYUR CIG SNYAM STE, DE LTAR ZHUGS PA DE THOG MA KHO NAR 'DOD PA'I 'DOD CHAGS DANG BRAL BA THOB NAS, SDUG BSNGAL BA'I YANG SDUG BSNGAL BA SPANGS PA NA SNGA MA BZHIN DU BDAG DE LTAR MI 'GYUR RO, ,BDAG LA 'ONG BAR MI 'GYUR RO SNYAM DU SEMS TE, DE NI SDUG BSNGAL BA'I YANG SDUG BSNGAL BA DE LAS GTAN DU RNAM PAR GROL BAR 'GYUR LA THA MA'I CHA DANG MTHUN PA'I KUN DU SBYOR BA LAS KYANG YANG DAG PAR 'DAS SO, ,LAM DE NYID KYANG SGOM PAR BYED PA NAS DGRA BCOM PA NYID KYI BAR DU YANG THOB PAR 'GYUR RO, ,BYIS PA NI 'JIG TSOGS LA LTA BA LA BRTEN PAS 'DU BYED DANG 'GYUR BA'I SDUG BSNGAL LAS YANG DAG PAR 'DA' BA DANG, GONG MA'I KUN DU SBYOR BA LAS YANG DAG PAR 'DA' BA LA BDAG MED PAR 'ONG NGO SNYAM DU SKRAG PAR BYA BA MA YIN PA LA SKRAG PAR 'GYUR TE, 'DUN PA TZAM YANG SKYED PAR MI BYED NA SPONG BAR LTA GA LA BYED, DE YANG RGYU RNAM PA GNYIS KYIS SKRAG PAR MI BYA BA YIN TE, 'DI LTA STE, SEMS TZAM ZHIG RNAM PAR SHES PA'I GNAS BZHI PO RNAMS LA 'JUG PA'I KUN NAS NYON MONGS PAR 'GYUR BAR ZAD PA DANG, SEMS TZAM ZHIG RNAM PAR SHES PA'I GNAS BZHI PO RNAMS SPONG BA'I PHYIR 'JUG PA MED PA'I KUN NAS NYON MONGS PAR MI 'GYUR BAR ZAD PA'I PHYIR RO, ,GZHI NI BZHI STE, GZUGS DANG, TSOR BA DANG, ,'DU SHES DANG, 'DU BYED RNAMS SO, ,NYE BAR LEN PA NI BZHI STE, 'DOD PA BLTA BA DANG, TSUL KHRIMS DANG, BRTUL ZHUGS DANG, BDAG TU SMRA BA RNAMS LA 'DUN PA'I 'DOD CHAGS SO, ,DMIGS PA NI GNYIS TE, GANG LA DMIGS PA DANG, GANG GIS DMIGS PA'O, ,RNAM PAR SHES PA NI DRUG STE, MIG GI RNAM PAR SHES PA LA SOGS PA'O, ,RNAM PAR SHES PA LA GNAS PA NI GNYIS TE, NYON @163B MONGS PA'I KUN NAS DKRIS PA'I GNAS PA DANG, DE'I BAG LA NYAL GYI GNAS PA'O, ,DE LA NYE BAR LEN PA'I DBANG DU BYAS NAS TSUL BZHIN MA YIN PA'I RTOG PA SNGON DU BTANG BAS BDAG DANG BDAG GIR DMIGS PA LA LOG PAR 'DZIN PA DANG, RANG GI MTSAN NYID LA DMIGS PA 'DZIN PA DANG, LHAN CIG 'BYUNG BA'I RTEN DANG, RGYU 'DI GSUM GYIS RNAM PAR SHES PA DE 'JUG CING KUN NAS NYON MONGS PAR 'GYUR RO, ,GZHAN YANG GSUM STE, TSE 'DI LA KUN 'BYUNG BA'I BDEN PA 'DZIN PA DANG, PHYI MA'I SDUG BSNGAL LA DMIGS PA STE, SHI NAS BDAG 'DI DANG 'DI LTA BUR MI 'GYUR RO SNYAM PA DANG, SNGON GYI RGYU LAS BYUNG BA'I DA LTAR BYUNG BA'I SDUG BSNGAL LA GNAS PA'I SGO NAS SO, ,GZHAN YANG GSUM STE, BDE BA'I GNAS SKABS 'DZIN PA DANG, SDUG BSNGAL GYI GNAS SKABS LA DMIGS PA DANG, SDUG BSNGAL YANG MA YIN BDE BA YANG MA YIN PA'I GNAS SKABS LA GNAS PA'I SGO NAS SO, ,GZHAN YANG GSUM STE, MA 'ONGS PA'I DUS 'DZIN PA DANG, 'DAS PA'I DUS LA DMIGS PA DANG, DA LTAR GYI DUS LA GNAS PA'I SGO NAS SO, ,GZHAN YANG GSUM STE, YANG SRID PAR SKYE BAR BYED PA'I SRID PA'I SGO NAS YANG SRID PAR SKYE BA 'DZIN PA DANG, DE DANG DE LA MNGON PAR DGA' BA'I SGO NAS MA 'ONGS PA'I YUL LA DMIGS PA DANG, DGA' BA DANG 'DOD CHAGS DANG LDAN PAS DA LTAR BYUNG BA'I YUL THOB PA LA GNAS PA'I SGO NAS SO, ,GZHAN YANG GSUM STE, BRNAB SEMS LUS KYI MDUD PA'I SGO NAS BRNAB SEMS DANG MTHUN PA'I DNGOS PO 'DZIN PA DANG, GNOD SEMS LUS KYI MDUD PA'I SGO NAS DE'I DNGOS PO LA DMIGS PA DANG, TSUL KHRIMS DANG, BRTUL ZHUGS DANG, 'DI NI BDEN NO SNYAM DU MCHOG TU 'DZIN PA DANG LUS KYI MDUD PA GNYIS KYI SGO NAS DE'I DNGOS PO LA GNAS PA'O, ,BAR SDOM NI, 'BRAS BU RGYU DANG TSOR BA DANG, ,DUS DANG SRED DANG MDUD PA'O, ,DGA' BAS NYE BAR BRLAN PA NI SNGA MA BZHIN DU 'DU BYED RNAMS KYI RGYU BSTAN PA DANG 'DRA BAR RIG PAR BYA'O, ,DE LTAR ZHUGS PA'I RNAM PAR SHES PA DE NI SKYE BA'I GNAS @164A *, ,GNYIS SU NYING MTSAMS SBYOR BA DANG 'BREL PAR RIG PAR BYA STE, GZUGS CAN DANG, ,GZUGS CAN MA YIN PA'I BAR RO, ,DE LA GZUGS CAN NI BAR MA DO'I SRID PA LA BRTEN PA'I SGO NAS 'ONG BA DANG 'GRO BA'O, ,GZUGS CAN MA YIN PA'I NI 'CHI 'PHO BA DANG SKYE BA NYI TSE'O, ,GNAS PA NI GNYI GA'I TSE'I TSAD JI SRID DU GNAS PA'I GNAS SKABS SO, ,GNAS PA DE YANG 'DOD PA'I KHAMS NA MI RNAMS KYI NI GNAS SKABS GSUM DU RIG PAR BYA STE, THOG MAR MNGAL DU RNAM PAR SHES PA BRLAN PA DANG MNGAL NA GNAS PA YONGS SU RDZOGS PA DANG MNGAL NAS BYUNG BA'O, ,RNAM GRANGS GZHAN YANG 'DOD PA DANG GZUGS DANG GZUGS MED PA RNAMS SU GO RIMS BZHIN DU RIG PAR BYA'O, ,DE LA GANG DE BZHIN GSHEGS PAS GSUNGS PA'I RNAM PAR SHES PA 'JIG PA'I LAM BOR NAS 'DI SKAD DU BDAG GIS THA DAD PAR GDAGS PAR BYA'O ZHES ZER BA NI DES BTAGS PA DE YANG TSIG THA DAD PAR ZAD PA DANG, DON THA DAD PA MA YIN PAS NA, TSIG GI GZHI TZAM DU ZAD DO, ,YANG NA SHES PA GZHAN DAG GIS RIGS PAS BSTAN PA'I TSIG THA DAD PA DE LA KHYOD KYIS THA DAD PAR BTAGS PA DE GANG YIN ZHES PHYIS DRIS NA YANG MI SHES PA'AM YANG NA RANG NYID KYIS PHYIS SHES PAR GYUR TE, TSUL BZHIN DU BRTAGS PA NA, SNGAR RMONGS PA DE LA RMONGS PA YIN PAR SHES PAS KHONG DU CHUD NAS BDAG GIS NI SNGAR LOG PAR ZIN PAR 'GYUR GYI LEGS PAR ZIN PA MA YIN NO SNYAM MO, ,GZUGS KYI KHAMS NI GZUGS CAN GYI KHAMS BCU'O, ,TSOR BA'I KHAMS DANG, 'DU SHES KYI KHAMS DANG, 'DU BYED KYI KHAMS RNAMS NI RNAM PA DRUG TU RIG PAR BYA'O, ,DE LA RNAM PAR SHES PA NI GNAS SKABS GSUM DU NYON MONGS PA RNAMS LAS RNAM PAR GROL BAR 'GYUR BAR RIG PAR BYA STE, 'DI LTA STE, 'DU BYED RNAMS LA NYES DMIGS SU LTA BAS KUN NAS DKRIS PA DANG THAG RING ZHING 'BRAL BAR 'GYUR BA'I PHYIR DANG, MTHONG BA'I SA LA 'DI LAS PHYI ROL PA'I MDUD PA'I BAG LA NYAL THAMS CAD SPANG BA'I PHYIR DANG, BSGOM PA'I LAM LA BRTEN PAS MTHAR THUG PA THOB PA'I PHYIR RO, ,DE LA @164B 'DI LAS PHYI ROL PA RNAMS KYIS SKYE BA'I GNAS RNAM PAR BRTAGS PA 'DI LTA STE, DBANG PHYUG CHEN POR 'GYUR BA DANG, SRED MED KYI BUR 'GYUR BA DANG, TSOGS KYI BDAG POR 'GYUR BA LA SOGS PA RNAM PA DU MA DAG TU SKYE BAR 'DOD PAS NA BRNAB SEMS KYI LUS KYI MDUD PA DANG, GZHAN LTA BA MI MTHUN PA'I CHOS CAN LA SDANG BAS GNOD SEMS LUS KYI MDUD PA STE, LOG PAR SMON LAM BTAB STE TSANGS PAR SPYOD PA LA GNAS PA DANG, TSANGS PA MTSUNGS PAR SPYOD PA RNAMS KYI DGA' BAR BYA BA'I CHOS LA MI PHYOGS PA'I PHYIR TE, RGYU 'DI NYID KYIS NI DE DAG GI LHAG PA'I TSUL KHRIMS KYI BSLAB PA'I KUN NAS NYON MONGS PAR 'GYUR BAR RIG PAR BYA'O, ,TSUL KHRIMS DANG BRTUL ZHUGS MCHOG TU 'DZIN PA'I LUS KYI MDUD PAS NI LHAG PA'I SEMS KYI BSLAB PA'I KUN NAS NYON MONGS PAR 'GYUR RO, ,'DI NI BDEN NO SNYAM DU MNGON PAR ZHEN PA MCHOG TU 'DZIN PA'I LUS KYI MDUD PAS NI LHAG PA'I SHES RAB KYI BSLAB PA'I KUN NAS NYON MONGS PAR 'GYUR TE, CHOS BZHI PO 'DI RNAMS KYIS NI GZUGS KYI LUS DANG MING GI LUS SU GTOGS PA RNAMS LA 'DZIN PA DANG, DMIGS PA DANG, GNAS PA'I DNGOS PO RNAMS LA DE'I SEMS MDUD PAR 'GYUR TE, DE BAS NA LUS KYI MDUD PA ZHES BYA'O, ,DE DAG KYANG YID KYI SA PA YIN PA DANG, YID KYIS RNAM PAR BRTAGS PA DANG, YID DANG MTSUNGS PAR LDAN PA DANG, YID LA BAG LA NYAL BAR 'GYUR BA DANG, YID KUN NAS NYON MONGS PAR BYED PA'I PHYIR NA YID DANG 'BREL PA ZHES BYA'O, ,DE RNAMS SPANGS PAS NI NYON MONGS PA GANG GIS DMIGS PA'I DMIGS PAR BYED PA DE CHAD PAR 'GYUR GYI GANG LA DMIGS PA DE NI MA YIN TE, DE PHYIN CI MA LOG PAR YANG DAG PAR RTOGS PA'I PHYIR RO, ,YANG SRID PA SKYE BAR BYED PA'I LAS DANG NYON MONGS PAS YONGS SU ZIN PA'I YANG SRID PAR SKYE BA'I SA BON RNAM PAR SHES PA NI GNAS DER MI GNAS PAR RIG PAR BYA'O, ,DE MED PAS PHYI MA LA TSUL RNAM PA GSUM GYIS SNGA MA BZHIN DU SKYE BA DANG, 'PHEL BA DANG RGYAS PA 'GAG PAR RIG PAR BYA'O, ,MI GNAS PA'I RNAM PAR SHES PA DE YANG RGYU'I RANG BZHIN DANG @165A *, ,'BRAS BU'I RANG BZHIN GNYIS KYI SGO NAS MNGON PAR SKYE BA MED DO, ,LAM GYIS YONGS SU ZIN PAS MNGON PAR SKYE BA GANG YIN PA DE NI STONG PA NYID KYI RNAM PAR THAR PA'I SGO LA BRTEN PAS NI MNGON PAR 'DU MA BYAS PA'O, ,SMON PA MED PA'I RNAM PAR THAR PA'I SGO LA BRTEN PAS NI CHOG SHES PA'O, ,MTSAN MA MED PA'I RNAM PAR THAR PA'I SGO LA BRTEN PAS NI GNAS PA'O, ,DE LA MNGON PAR DGA' BA LA GOMS PAS NI SHIN TU RNAM PAR GROL BA'O, ,BAG LA NYAL THAMS CAD GTUGS PAS SEMS SHIN TU RNAM PAR GROL BA'I 'OG TU RTAG PAR GNAS PAR GYUR NA 'DU BYED 'GYUR PA LA YONGS SU YI CHAD PA MED DE PHUNG PO THOB PAR GYUR PA RNAMS RANG GI NGANG GIS 'GAG LA GZHAN DAG GI YANG RGYU YANG DAG PAR CHAD PAS SKYE BA MED DO, ,ZAG PA DANG BCAS PA'I RNAM PAR SHES PA 'GAGS PA DE NI PHYOGS BCU DAG TU 'GRO BA MED DE, RNAM PAR SHES PA'I PHUNG PO RNAM PAR SHES PA'I SHING DE GRIB MA DANG 'DRA BA'I TSOR BA THAMS CAD DANG, ,MGO MNYAM DU MAR ME LTAR MYA NGAN LAS 'DA' BAR RIG PAR BYA'O, PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS NI KUN NAS DKRIS PA SPONG BA DANG PO'I SGO NAS NI ZHI BA'O, ,SPONG BA GNYIS PA'I SGO NAS NI BSIL BAR GYUR BA'O, ,SPONG BA GSUM PA'I SGO NAS NI TSANGS PAR 'GYUR BA'O, ,RNAM PA GSUM GYIS NI RNAM PAR SHES PA 'DZIN PA'I RNAM PAR SHES PA'I GNAS MED DE, 'DI LTA STE, RANG NYID KUN NAS NYON MONGS PA CAN MA YIN PA DANG, GZHAN GYI KUN NAS NYON MONGS PA'I RGYUR MA GYUR PA DANG, DE LAS GZHAN PA'I RNAM PAR SHES PA'I GROGS MED PA'I PHYIR RO, ,SDOM LA, SPONG BA'I YAN LAG YANG DAG SNANG, ,RNAM PA DANG NI DMIGS PA DANG, ,BSTAN PA MTSUNGS PA MED PA DANG, ,SEMS CAN RIS NI BZHI DAG DANG, ,LAM GYI RNAM PA BZHI PO DANG, ,MTHAR THUG PA NI RNAM PA LNGA, ,SPONG BAR BYED PA'I SPONG BA NI YAN LAG LNGAS BSDUS TE, ,YANG DAG PA JI LTA BA BZHIN DU 'DU BYED YANG DAG PAR SNANG BAR BYED PA 'GYUR TE, 'DI LTA STE, LUS DBEN PA DANG, SEMS DBEN PA DANG, ZHI GNAS KYI PHYOGS KYI TING NGE 'DZIN DANG @165B LHAG MTHONG GI PHYOGS KYI TING NGE 'DZIN DANG RTAG TU BYANG BAR BYED PA'O, ,YANG DAG PA JI LTA BA BZHIN DU YANG DAG PAR SNANG BAR BYED PA NI RNAM PA BCU GNYIS SU RIG PAR BYA STE, 'DI LTA STE, RNAM GRANGS BSDU BA LAS 'BYUNG BA BZHIN TE, THOS PA DANG, RANG GIS LEGS PAR ZIN PA DANG, LOG PAR ZIN PA DANG, YID CHES PA'I LUNG DANG, MNGON SUM DANG, RJES SU DPAG PA'I YUL DANG, RANG GI MTSAN NYID DANG, SPYI'I MTSAN NYID DANG, JI LTA BA BZHIN DU YOD PA DANG, JI SNYED YOD PA DANG MTHONG BA DANG, MTHAR THUG PA'I SA LA 'JUG PA'O, ,YANG DAG PA JI LTA BA BZHIN DU YANG DAG PAR SNANG BAR BYED PA'I RNAM PA DANG LDAN PA'I SHES PA'I DMIGS PA'I GZHI NI RNAM PA BZHI STE, 'DI LTA STE, CHOS 'DI PA'I SO SO'I SKYE BO RNAMS KYI YUL NYE BAR SBYOR BA LAS BYUNG BA'I TSOR BA RNAMS MI SHES PA'I DBANG GIS 'DU BYED RNAMS 'JUG PA'I KUN NAS NYON MONGS PA DANG, DE SHES PAS RNAM PAR BYANG BAR 'GYUR BA DANG, GZHAN YANG KHYIM PA SO SO'I SKYE BO RNAMS KYI YANG SRID PAR SKYE BA LA MNGON PAR DGA' BA LA SOGS PA LA BRTEN PA'I MI SHES PA'I DBANG GIS 'DU BYED RNAMS 'JUG PA'I KUN NAS NYON MONGS PA DANG, DE LAS BZLOG PAS RNAM PAR BYANG BAR 'GYUR BA DANG, GZHAN YANG PHYI ROL KYI MU STEGS CAN RNAMS KYIS 'DOD CING BRTAGS PA'I SNYOMS PAR 'JUG PA DANG, SKYE BA RNAMS KYIS DGA' BA LA BRTEN NAS 'DU BYED RNAMS LA MI SHES PA'I DBANG GIS 'DU BYED 'JUG PA'I KUN BNAS NYON MONGS PA DANG, DE LAS BZLOG PAS RNAM PAR BYANG BAR 'GYUR BA DANG, GZHAN YANG CHOS 'DI PA'I SLOB PA RNAMS KYI DBANG PO DANG YUL DANG BRJED NGAS PA'I SGO NAS 'DU BYED RNAMS MI SHES PA'I LHAG MA YOD PA'I DBANG GIS 'DU BYED 'JUG PA'I KUN NAS NYON MONGS PA DANG LHAG MA DE SPANGS PAS RNAM PAR BYANG BAR 'GYUR BA'O, ,DE LA PHYOGS THAMS CAD KYI RNAM PAR BYANG BA'I PHYOGS NI CHOS 'DI PA RNAMS KYI NYI TSE YIN PAR RIG PAR BYA STE, 'DI DAG NI DMIGS PA'I GZHI RNAM PA BZHI YIN NO, ,DE BZHIN GSHEGS PA RNAMS KYI BSTAN PA NI RGYU RNAM PA GSUM GYIS MTSUNGS PA MED PA YIN TE, @166A *, ,'DI LTA STE, THUN MONG MA YIN PA'I CHOS STON PA DANG, PHYIN CI MA LOG PAR STON PA DANG, NYID KYIS MNGON PAR RDZOGS PAR SANGS RGYAS PAR STON PA'O, ,DE LA DE 'JIG TSOGS KUN 'BYUNG BAR 'GYUR BA'I LAM GANG YIN PA DE NI SDUG BSNGAL KUN 'BYUNG BAR 'GYUR BA YIN LA, 'JIG TSOGS 'GOG PAR 'GYUR PA GANG YIN PA DE NI SDUG BSNGAL 'GOG PAR 'GYUR BA YIN PAS NA THUN MONG MA YIN PAR STON PA'O, ,DE YANG YOD PAS NA PHYIN CI MA LOG PAR STON PA YIN NO, ,DE YANG RAB TU SHES PAS NA NYID KYIS MNGON PAR RDZOGS PAR SANGS RGYAS PAR STON PA YIN NO, ,GSUM PO 'DI DAG NI 'DU BYED RNAMS 'JUG PA'I RNAM GRANGS YIN NO, ,'DI LTA STE, 'JIG TSOGS NI SEMS CAN RNAMS KYI CHAGS PA'I GNAS KYI DON GYI PHYIR RO, ,'JIG RTEN NI GANG LA CHAGS PA DE 'JIG PA'I DON GYI PHYIR RO, ,SRID PA NI ZHIG PA DE YANG 'BYUNG BAR 'GYUR BA'I DON GYIS SO, ,BZHI PO 'DI DAG NI SEMS CAN GYI RIS YIN TE, BZHI GANG ZHE NA, 'DI LTA STE, GCIG TU NGES PAR SDUG PA'I LAS KYI 'BRAS BU LA GNAS PA RNAMS NI 'BRAS BU NYE BAR SPYOD PA STE, 'DI LTA STE, LHA'I SKYE GNAS DAG NA BAG MED PAR SPYOD PA GANG YIN PA RNAMS DANG, GCIG TU NGES PAR RGYU LA GNAS PA STE, 'DI LTA STE, DE 'DOD PA'I DGE SBYONG DANG, BRAM ZE RNAMS DANG, SEMS CAN GYI RIGS GSUM PA STE YONGS SU MYA NGAN LAS 'DAS PA DANG, 'DREN MA STE 'DI NA GNAS PA RNAMS 'BRAS BU LA YANG GNAS SHING SPYOD LA PHYI MA LA YANG SDUG PA'I 'BRAS BU YONGS SU GZUNG BA DANG, MYA NGAN LAS 'DAS PA'I TSOGS LA YANG DUS DUS SU BAG YOD PAR BYED PA GANG YIN PA RNAMS SO, ,DE LA SEMS CAN GYI RIS GSUM PO DAG LAS CI RIGS PAR 'JIG RTEN DANG, DE'I KUN 'BYUNG BA DANG, 'GOG PA'I MTHA' RNAMS DANG, 'JIG TSOGS DANG, DE'I KUN 'BYUNG BA DANG, 'GOG PA'I MTHA' RNAMS SU RIG PAR BYA'O, ,RIS THA MA BZHI PA LAS NI 'JIG TSOGS DANG, DE'I KUN 'BYUNG BA DANG, DE'I 'GOG PA DANG, DE'I 'GRO BA'I LAM GYI RNAM GRANGS SU RIG PAR BYA'O, ,LAM GNYIS KYIS RNAM PA BZHI GDAGS @166B PA YANG RIG PAR BYA STE, 'DI LTA STE, MTHONG BA'I LAM DANG, BSGOM PA'I LAM GYI'O, ,DE DAG GI RNAM PA BZHI GANG ZHE NA, YONGS SU SHES PAR BYA BA DANG, SPANG BAR BYA BA DANG, MNGON SUM DU BYA BA DANG, BSGOM PAR BYA BA'I RNAM PA RNAMS SO, ,DE LA GSUM NI MTHONG BA'I LAM GYI'O, ,GCIG NI BSGOM PA'I LAM GYI'O, ,MTHONG BA'I LAM LA ZHUGS TE BDEN PA MNGON PAR RTOGS PA'I MOD LA NI SDUG BSNGAL YONGS SU SHES SO, ,KUN 'BYUNG BA'I PHYOGS GCIG NI SPONG NGO, ,'GOG PA'I PHYOGS GCIG NI MNGON SUM DU BYED DO, ,PHYOGS GCIG MA SPANGS PA DANG; MNGON SUM DU MA BYAS PA DE MA LUS PAR SPANG PA DANG, MNGON SUM DU BYA BA'I PHYIR BDAG GIS LAM JI LTAR THOB PA BSGOM PAR BYA'O SNYAM STE, BSGOM PA'I LAM LA DE LTAR SO SOR BRTAGS NAS LAM BSGOM PA LA BRTEN TE LHAG MA SPANG BA DANG, MNGON SUM DU BYA BA THOB PAR 'GYUR RO; ,DES DE LTAR MTHAR THUG PA THOB PA'I MTHAR THUG PA DE YANG RNAM PA LNGAR RIG PAR BYA STE, LNGA GANG ZHE NA, SDUG BSNGAL RGYU DANG BCAS PA MA LUS PAR ZAD PA THOB PA DANG, GZHAN GYI DON LA MTHU YOD PA DANG, RANG GI DON RNAM PA THAMS CAD DU PHUN SUM TSOGS PA DANG, GTAN DU SPANGS PA'I SHES PA THOB PA DANG MYA NGAN LAS 'DAS PA'I GRONG KHYER DU ZHUGS PA DANG, DER ZHUGS NAS KYANG 'PHAGS PA'I GNAS PAS DE LTAR LHAG PAR GNAS PA'I PHYIR RO, ,DE LA RNAM PA DANG PO LA NI SRID PA LA SOGS PA'I RGYUN CHAD DE, SNGA MA BZHIN DU RNAM GRANGS BZHIR RIG PAR BYA'O, , RNAM PA GNYIS PA LA NI DGRA BCOM PA ZAG PA ZAD PA ZHES BYA BA LA SOGS PA'I RNAM GRANGS SU SNGA MA BZHIN DU RIG PAR BYA'O, ,RNAM PA GSUM PA LA NI 'DU BYED KYI DNGOS PO THAMS CAD SPANGS PA'I PHYIR GTAN DU MTHAR THUG PA DANG, NYON MONGS PA THAMS CAD GTAN SPANGS PA'I PHYIR GTAN DU DRI MA MED PAR 'GYUR PA DANG, DE'I GNYEN PO'I LAM THOB PA'I PHYIR GTAN DU TSANGS PAR SPYOD PA MTHAR PHYIN PA'O, ,RNAM PA BZHI PA LA NI DPER NA 'JIG RTEN NA YANG RNAM PA LNGAS GRONG KHYER DU 'JUG PAR 'GYUR TE, GANG YANG RUNG BA MA TSANG BAS NI MA YIN PA DE BZHIN DU DE DANG 'DRA BAR MYA NGAN LAS @167A *, ,'DAS PA'I GRONG KHYER DU YANG RNAM PA LNGAS 'JUG PAR RIG PAR BYA STE, 'DI LTA STE, GRONG KHYER GYI SGO YANG PHYE LA 'OBS KYANG BKANG STE, G-YANG SA MA YIN ZHING ZAB PA MA YIN PA DANG, RGAL BAR NUS PA DANG, 'O BAS DE RGAL NAS KYANG SGO DRUNG DU THUG PAR GYUR PA DANG, GRONG KHYER DER 'GRO BAR BDAG NYID KYIS GSOL BA GDAB KYANG MI DGOS LA, GZHAN DAG GI DON DU RGYAL MTSAN BSGRENGS NAS 'JUG PAR YANG MI BYED DE, DE LTAR NA DE GRONG KHYER DU 'JUG PA LA BAR DU CHOD PA MED DO, ,DE BZHIN DU MYA NGAN LAS 'DAS PA'I GRONG KHYER DU 'JUG PA LA YANG THA MA'I CHA DANG MTHUN PA LNGA SPANGS PAS SGO PHYE BAR GYUR LA MYA NGAN LAS 'DAS PA LA G-YANG SAR 'DU SHES PAS SKRAG PAR BYED PA'I MA RIG PA SPANGS PAS NI 'OBS BKANG BA YIN NO, ,'JIG TSOGS KYI PHA ROL TU 'GRO BA DANG, LUS KYI THA MA 'DZIN PAS NI PHUNG PO'I LHAG MA MED PA'I MYA NGAN LAS 'DAS PA'I DBYINGS SU 'JUG PA LA SGO DRUNG DU THUG PAR GYUR PA YIN TE, SRID PA'I SRED PA SPANGS PA DE NI YUL RNAMS LA YANG SRID PA MI 'JUG LA, BDEN PA RNAMS LA YANG NGA RGYAL MI 'JUG STE, DE NI SNGA MA BZHIN DU RGYU RNAM PA LNGA PO 'DI DAG GIS MYA NGAN LAS 'DAS PA'I GRONG KHYER DU ZHUGS PAR RIG PAR BYA'O, ,DE LA ZHUGS PA NI RNAM PA GNYIS KYIS 'PHAGS PA'I GNAS PA YIN TE, 'DI LTA STE, 'GRO ZHING RGYU BA DANG, GNAS PA'O, ,DE LA 'GRO ZHING RGYU BA YANG RNAM PA GSUM DU RIG PAR BYA STE, THUN MONG MA YIN PA DANG, KUN NAS NYON MONGS PA CAN MA YIN PA DANG, YANG DAG PA'I GNAS LA GNAS PA'O, ,DE LA THA MA'I CHA DANG MTHUN PA'I KUN TU SBYOR BA LNGA SPANGS PAS NI 'DOD PA RNAMS LA GTAN DU 'DOD CHAGS DANG BRAL BA DE DAG NYID LA SPYOD PAS NA THUN MONG MA YIN PA'O, ,RTAG TU GNAS PA DRUG GIS YONGS SU ZIN PAS NA KUN NAS NYON MONGS PA CAN MA YIN PA'O, ,BRTAGS NAS CHOS KHA CIG YONGS SU SPONG BA NI 'DI LTA STE, GLANG PO CHE DANG, RTA MA RUNGS PA LA SOGS PA'O, ,BRTAGS NAS KHA CIG RTEN PAR BYED PA 'DI NI 'DI LTA STE, GOS DANG ZAS LA SOGS PA STE, DE NI @167B YANG DAG PA'I GNAS LA GNAS PA YIN NO, ,DE LA DE LTAR RGYU ZHING 'GRO BA DAG PAR GYUR PA'I GNAS PA NI RNAM PA LNGAR RIG PAR BYA STE, 'DI LTA STE, GANG GIS GNAS PA DANG, GANG LA GNAS PA DANG, GANG DANG BRAL BA DANG, GANG LA BRTEN PA DANG, GANG DANG LDAN PA'O, , DE LA MI BSKYOD PA'I SEMS RNAM PAR GROL BAS NI GNAS SO, ,BRTAGS NAS CHOS KHA CIG SEL BAR BYED PA STE, 'DI LTA STE, RGYU ZHING 'GRO BAS G-YENG BA'I NGAL BA LA SOGS PAS LAS DUB PA'O, ,BRTAGS NAS KHA CIG DANG DU LEN PAR BYED DE, 'DI LTA STE, GRANG BA DANG, TSA BA LA SOGS PA'O, ,KUN NAS NYON MONGS PA GSUM DANG NI BRAL TE, 'DI LTA STE, LTA BA'I KUN NAS NYON MONGS PA DANG, SRID PA'I KUN NAS NYON MONGS PA DANG, RTOG PA'I KUN NAS NYON MONGS PA'O, ,DE LA LTA BA'I KUN NAS NYON MONGS PA DANG BRAL BAS NI YANG SRID PAR SKYE BAR SEMS G-YO BA MED DO, ,SRED PA'I KUN NAS NYON MONGS PA DANG BRAL BAS NI YUL RNAMS LA 'PHROGS PA MED DO, ,RTOG PA'I KUN NAS NYON MONGS PA DANG BRAL BAS NI RTOG PA NA DGE BA 'BA' ZHIG LA RTOG PAR BYED KYI MI DGE BA LA MA YIN NO, ,DE NI BSAM GTAN BZHI PA'I MI G-YO BA'I TING NGE 'DZIN LA BRTEN NAS TSE 'DI LA BDE BAR GNAS PA'I MCHOG GIS BDE BAR GNAS SO, ,MI SLOB PA'I SEMS RNAM PAR GROL BA DANG, SHES RAB RNAM PAR GROL BA DANG, SRED PA MED PA'I LUS PHYI MA MNGON PAR 'GRUB PAR MI 'GYUR BA DANG, MYA NGAN LAS 'DAS PA'I GNAS LA LHAG PAR GNAS PA DANG, PHUN SUM TSOGS PA BLA NA MED PA THOB PA DANG NI LDAN NO, ,DE LTAR NA DE RNAM PA LNGA PO DE DAG GIS GNAS PA PHUN SUM TSOGS PA'I MCHOG YIN PAR RIG PAR BYA'O, ,SDOM NI, PHYOGS GNYIS PO NI MDOR BSDU DANG, MI 'DRA BA NI RNAM PA GSUM, ,MOS PA SPONG DANG 'JUG PA DANG, ,YOD DANG SHIN TU RNAM DAG DANG, ,LEGS PAR GSUNGS DANG NYES BSHAD LA, ,STON PA LA SOGS KHYAD PAR RNAMS, ,NAG PO'I PHYOGS DANG DKAR PO'I PHYOGS KYI CHOS RNAMS NI GNAS GSUM GYIS BSDUS TE, 'DI LTA STE, YONGS SU @168A *, ,SHES PAR BYA BA'I CHOS RNAMS DANG, YONGS SU SHES PA DANG, YONGS SU SHES PA BSRUNG BA'O, ,DE LA YONGS SU SHES PAR BYA BA NI SDUG BSNGAL GYI BDEN PA DANG, KUN 'BYUNG BA'I BDEN PA STE, NAG PO'I PHYOGS SU 'DUS PAR RIG PAR BYA'O, ,YONGS SU SHES PA NI 'GOG PA'I BDEN PA STE, DKAR PO'I PHYOGS SU 'DUS SO, ,YONGS SU SHES PA BSRUNG BA'I GANG ZAG NI LAM GYI BDEN PA LA GANG ZAG TU BTAGS PA STE, DE YANG DKAR PO'I PHYOGS SU 'DUG PA KHO NAR RIG PAR BYA'O, ,DE YANG 'PHAGS PA NYAN THOS KUN RDZOB KYI BDEN PA LA MKHAS PA DANG, DON DAM PA'I BDEN PA LA MKHAS PA YIN TE, DES NI GNYI GA'I TSUL GYIS KYANG LAN GDAB PA'I MI RIGS PAR YANG DAG PAR MTHONG NAS SHI BA'I 'OG TU YOD DO ZHES KYANG KHAS MI LEN ZHING LAN MI 'DEBS SO, ,MED CES BYA BA DANG, YOD KYANG YOD LA MED KYANG MED CES BYA BA DANG, YOD PA YANG MA YIN LA MED PA YANG MA YIN NO ZHES KYANG KHAS MI LEN ZHING LAN MI 'DEBS TE, DON DAM PAR NI SHI BA'I 'OG TU YOD PA'AM, MED PA GANG YIN PA DE NI MI DMIGS SO, ,KUN RDZOB TU NI 'DU BYED RNAMS SAM MYA NGAN LAS 'DAS PA LA DE BZHIN 'ONGS PA ZHES GDAGS GRANG NA, DE LA SHI BA'I 'OG TU NI DE BZHIN 'ONGS PA'I 'DU BYED GCIG KYANG 'JUG PA MED NA DE'I TSE CI LA BRTEN TE DE BZHIN 'ONGS PA GDAGS PAR 'GYUR, MYA NGAN LAS 'DAS PA SPROS PA MED PA SO SO RANG RIG PA NI 'DU BYED MED PA TZAM GYIS RAB TU PHYE PAR ZAD PAS NA DNGOS POR GDAGS SU MI RUNG NGO, ,MED PAR GDAGS PA'I SGO NAS KYANG GDAGS SU MI RUNG STE, MYA NGAN LAS 'DAS PAR GDAGS PA YOD PA DANG, ZHI BA YIN BZHIN DU, SKUR BA BTAB PAR 'GYUR BA'I PHYIR RO, ,DE YANG SHIN TU RTOGS PAR DKA' BA DANG CHA PHRA BAS NA ZAB PO; ,'KHOR BA'I 'DU BYED KYI KUN NAS NYON MONGS PA RNAM PA SNA TSOGS DU MA SPANGS PAS RAB TU PHYE BAS NA RGYA CHE BA'O, ,MNGON SUM DANG RJES SU DPAG PA DANG, YID CHES PA'I LUNG GI TSAD MA RNAMS KYIS DPAG TU MI RUNG BAS NA DPAG TU MED DO, ,PHYI ROL GYI KHUR KHYER BA'I SDUG @168B BSNGAL BAS NI NANG GI KHUR KHYER BA'I SDUG BSNGAL RGYU GSUM GYIS KHYAD ZHUGS TE, KHUR GANG LEN PA DANG, GANG GIS LEN PA DANG, JI SRID KYI BAR DU LEN PA'O, ,DE LA PHYI ROL GYI KHUR KHYER BA NI GZUGS KYI PHYOGS 'GAR GTOGS PA TZAM ZHIG KHYER BAR ZAD DE SOGS MA'I KHUR RAM SHING KHUR RAM, GZHAN YANG DE DANG MTHUN PA LEN PAR BYED PA LA BYIS PA NI 'DU BYED THAMS CAD KYI KHUR LEN PAR BYED DO, ,GZHAN YANG PHYI ROL GYI KHUR KHYER BA NI LUS SU GTOGS PA'I PHRAG PAS KHUR KHYER BAR BYED LA BYIS PA NI SRID PA'I PHRAG PAS KHUR KHYER BAR BYED DO, ,GZHAN YANG PHYI ROL GYI KHUR KHYER BA NI PHRAG PA DE NYID YOD BZHIN PAS PHYOGS GCIG TU KHUR 'DOR BAR BYED LA BYIS PA NI SRID PA'I PHRAG PA JI SRID YOD KYI BAR DU KHUR KHYER BAR BYED DO, ,DE NI KHUR 'DOR BAR 'DOD NA YANG PHRAG PA DANG BCAS PAS 'DOR NUS KYI DE MA YIN GYI BAR DU MI NUS SO, ,DE NI JI SRID 'DOR MI NUS PA DE SRID DU KHUR CHER PO BLANGS PA DANG, PHRAG PA NYAM CHUNG BA DANG, DE NA MO MA YIN PA DANG, MA ZHI BA BLANGS PA DANG, YUN RING POR RGYUN MI 'CHAD PAR KHUR KHYER BAS NA KHUR SUM RIM DU KHYER BA'I SDUG BSNGAL NYAMS SU MYONG BAR 'GYUR GYI CIG SHOS NI DE LTA MA YIN TE, 'DI NI DE GNYIS KYIS MI 'DRA BA YIN NO, ,PHYI ROL GYI 'CHING BA PAS NI NANG GI BYIS PA'I 'CHING BA RNAM PA LNGAS KHYAD ZHUGS TE, PHYI ROL GYI 'CHING BA NI GZUGS KYI PHYOGS GCIG GIS BCINGS PA STE, SHING NGAM, LCAGS SAM, RTZVA BAL BA DZA'I BCING BAS BCINGS PAR ZAD LA BYIS PA NI 'DU BYED THAMS CAD KYIS BCINGS SO, ,GZHAN YANG PHYI ROL GYI NI GZHAN GYIS BCINGS PA YIN LA BYIS PA NI BDAG GIS BDAG BCINGS SO, ,PHYI ROL GYI NI BCINGS PAR GYUR NA 'CHING BA DE'I GZHI YANG SHES, THAR PA DANG THAR BAR BYA BA'I THABS KYANG SHES LA BYIS PA NI THAMS CAD MI SHES SO, ,PHA ROL GYI NI SHI PHAN CHAD 'CHING BA DANG BRAL BAR 'GYUR LA BYIS PA'I NI SHI BA'I 'OG TU 'KHOR BA NA 'ONG BA DANG, 'GRO BA BYAS KYANG 'CHING BA DANG RJES SU 'BREL PAR 'DUG GO, ,PHYI ROL GYI NI RAB TU BYUNG STE 'DOD PA SPANGS PAS 'CHING BA DE LAS @169A *, ,THAR PAR 'GYUR TE, DGRA RNAMS KYANG DE 'CHING BAR MI BYED LA BYIS PA NI SRID PA'I RTZE MO MAN CHAD 'THOB PA'I 'DOD CHAGS DANG BRAL BAR GYUR KYANG THAR BAR MI 'GYUR NA RAB TU BYUNG BA TZAM LTA CI SMOS DE LA 'DOD CHAGS DANG BRAL BA'I GNAS SKABS RNAMS SU YANG SHAS KYI BDUD KYI DBANG DU 'GYUR RO, ,'DOD CHAGS DANG MA BRAL BA'I GNAS SKABS RNAMS SU NI DBANG 'BA' ZHIG TU 'GYUR RO, ,RAB TU BYUNG BA'I GNAS SKABS RNAMS SU NI CHAD PA NA 'DUG PA YIN NO, ,KHYIM NA GNAS PA'I GNAS SKABS RNAMS SU NI CI DGA' MGUR BYA BA YIN NO, , DE LA 'DOD CHAGS DANG MA BRAL BA'I GNAS SKABS RNAMS SU NI BDUD KYI 'CHING BA RNAMS KYIS BCINGS PA YIN TE, 'JIG RTEN GYI LAM GYIS SRID PA'I RTZE MOR SKYES NA YANG BDUD KYI ZHAGS PA RNAMS LAS YONGS SU MA GROL LO, ,DE BZHIN GSHEGS PA DANG DGRA BCOM PA SHES RAB RNAM PAR GROL BA NI SPYIR NA RNAM PA BZHIS 'DRA BA DANG, MI 'DRA BAR RIG PAR BYA'O, ,DE LA RNAM PA GCIG GIS NI 'DRA STE, 'DI LTA STE, SPYIR RNAM PAR GROL BAS SO, ,RNAM PA GSUM GYIS NI MI 'DRA STE, 'DI LTA STE, MNGON PAR BYANG CHUB PA DANG, STON PA'I MTHU DANG, NAN TAN DU SGRUB PAS SO, ,DE LA DE BZHIN GSHEGS PA NI SLOB DPON MED PAR BYANG CHUB KYI PHYOGS KYI CHOS SUM CU RTZA BA BDUN BSGOMS NAS NYID KYIS MNGON PAR RDZOGS PAR SANGS RGYAS LA DE LTAR MNGON PAR RDZOGS PAR SANGS RGYAS NAS KYANG GZHAN GYI DON MA LUS PA LAS BRTZAMS TE TSE 'DI NYID LA SKAL PA YOD PA GANG YIN PA RNAMS DANG, SKAL PA MED PA GANG YIN PA RNAMS DANG, CHOS MTHONG BA GANG YIN PA RNAMS DANG, CHOS MA MTHONG BA GANG YIN PA RNAMS DE DAG GI RNAM PA THAMS CAD MNGON PAR MKHYEN TO, ,DE NYID KYIS BYANG CHUB MNGON PAR RDZOGS PAR SANGS RGYAS LA DE LTAR GZHAN GYI DON KYANG MNGON PAR MKHYEN NA SGRIB PA GNYIS PO NYON MONGS PA'I SGRIB PA BAG CHAGS DANG BCAS PA DANG, SHES BYA'I SGRUB PA THAMS CAD KYI SGRIB PA LAS RNAM PAR GROL BAR 'GYUR TE, ZLA MED PA DANG, LHAR BCAS PA'I 'JIG RTEN GYI THAR PA'I SLOB DPON DU YANG 'GYUR RO, ,DE'I MNGON PAR RDZOGS PAR BYANG CHUB PA RNAM @169B PA BZHI PO 'DI DAG NI NYAN THOS DANG THUN MONG MA YIN PAR RIG PAR BYA'O, ,DE GZHAN GYI DON MDZAD PA'I SGO NAS BSTAN PA'I MTHU YANG RNAM PA LNGAS THUN MONG MA YIN PAR RIG PAR BYA STE, LNGA GANG ZHE NA, 'DI LA DE BZHIN GSHEGS PA NI LAM LA YANG LAM YIN PAR RNAM PA THAMS CAD DU YANG DAG PA JI LTA BA BZHIN DU MKHYEN LA LAM MA YIN PA LA YANG LAM MA YIN PAR YANG DAG PA JI LTA BA BZHIN DU MKHYEN TO, ,MKHYEN NAS KYANG LAM MA YIN PAR 'GRO BAR MI 'GYUR BA DANG, LAM DU 'GRO BAR MDZAD PA'I PHYIR LAM DANG LAM MA YIN PA JI LTA BA BZHIN DU STON TO, ,LAM JI LTAR BSTAN PA BZHIN DU 'GRO 'DOD PA GANG YIN PA DE DAG LA NI LAM DE LA YANG DAG PAR NAN TAN DU BSGRUB TU GZHUG PA'I PHYIR THABS KYIS YONGS SU ZIN CING RIGS PAS BSKYED PA'I YID LA BYED PA'I GDAMS NGAG BSTAN PA'I SGO NAS GSUNGS SO, ,JI SKAD DU RJES SU BSTAN CING NAN TAN DU BSGRUB PA DE'I BAR DU GCOD PA ZHI GNAS DANG LHAG MTHONG GI SKYON GANG YIN PA DE DAG NI SEL BAR BYED LA MTHUN PA GANG YIN PA DE DAG NI SGRUB PAR BYED PA 'DI NI BSTAN PA'I MTHU MI 'DRA BA'O, ,DE LA NAN TAN DU SGRUB PA MI 'DRA BA NI DE DAG DE BZHIN GSHEGS PA LA BRTEN NAS, DE'I 'OG TU YANG DAG PAR NAN TAN DU SGRUB PAR BYED KYI DE BZHIN GSHEGS PA NI SU LA YANG BRTEN PA MED DO, ,DE DAG NI NYAN THOS KYI RIGS DANG LDAN PAS NAN TAN DU SGRUB PAR BYED KYI DE BZHIN GSHEGS PA NI NYID KYI RIGS DANG LDAN PAS SO, ,DE DAG LAS KHA CIG NI YONGS SU SMIN PA YIN LA KHA CIG NI PHYI MA LA YONGS SU SMIN PAR BYA BA YIN GYI BYANG CHUB SEMS DPA' SRID PA THA MA BA'I RGYUD LA NI RNAM PA GNYIS SU DBYE BA MED DO, ,YONGS SU MA SMIN PA GANG YIN PA DE DAG NI LAM GYI RJES SU 'GRO BA YIN TE, RGYUD YONGS SU MA SMIN PA PHYI MA LA YONGS SU SMIN PAR BYED DO, ,YONGS SU SMIN PA GANG YIN PA DE DAG NI TSE 'DI NYID LA STON PA'I BSTAN PA BZHIN DU BYED DE, GNYI GA YANG JI SKAD DU BSTAN PA DE KHO NA BZHIN DU NAN TAN DU SGRUB PAR BYED DE, LAM GYI RJES SU 'GRO BA GANG YIN PA DE DAG NI PHYI MA LA MYA NGAN LAS 'DAS PA GRUB PAR BYED DO, ,TSE DE NYID LA STON PA'I BSTAN PA BZHIN DU BYED PA GANG YIN @170A *, ,PA DE DAG NI LUS DE NYID KYIS LAM DANG LAM GYI 'BRAS BU MYA NGAN LAS 'DAS PA GRUB PA KHO NAR BYED DO, ,DE LA 'PHAGS PA'I LAM NI GNOD PA MED PA DANG, BDE BA YIN PAS NA 'BRAS BU DANG BCAS PA'I RIGS PA DANG MI 'GAL BA DANG, CHOS SHES BYA LA PHAN PA'I PHYIR NA DAG PA ZHES KYANG BYA'O, ,'DU BYED RNAMS LA BDAG MED PAR MOS PA NI RNAM PA GNYIS YOD DO, ,THOS PA DANG BSAMS PA'I DBANG GIS BYUNG BA DANG, BSGOMS NAS RTOGS PA'I DBANG GIS BYUNG BA'O, ,DE LA THOS PA DANG BSAMS PA'I DBANG GIS BYUNG BA NI BSGOMS NAS RTOGS PA'I DBANG GIS BYUNG BA SKYE BA'I RTEN GYI BYA BA BYED DE, DE YANG LEGS PA YANG YIN LA RAB KYANG YIN MOD KYI 'ON KYANG DAD PAS RAB TU BYUNG BA'I RIGS KYI BUS NI DE TZAM GYIS CHOG PAR GZUNG BAR MI RIGS TE, DE LA BRTEN NAS 'DU BYED RNAMS LA MI RTAG PA'I 'DU SHES PA LA SOGS PA BSGOM PA'I RIM PAS RTOGS PA'I DBANG GIS BYUNG BA BDAG MED PA LA MOS PA RTOGS PAR BYA BA'I PHYIR BRTZON PA KHO NAR BYA'O, ,'DU BYED RNAMS KYI SPANG BA NI RNAM PA BZHI'I SGO NAS RNAM PA GNYIS YOD PAR RIG PAR BYA STE, BZHI GANG ZHE NA, KUN NAS DKRIS PA SPANG BA DANG, BAG LA NYAL SPANG BA DANG, YANG SRID PAR SKYE BA'I 'DU BYED KYI RGYU SPANG BA DANG, DE LTAR GYI 'DU BYED KYI NYON MONGS PA CAN DU GYUR PA'I SPYOD PA SPANG BA'O, ,DE LA RNAM PA BZHI PO 'DI DAG GIS NI RNAM PA GNYIS SPANG BAR RIG PAR BYA STE, NYON MONGS PA SPANG BA DANG, DNGOS PO SPANG BA'O, ,DE LA RNAM PA SNGA MA GNYIS KYIS NI NYON MONGS PA SPONG NGO, ,PHYI MA GNYIS KYIS NI DNGOS PO SPONG NGO, ,'DOD PA'I KHAMS NA NI 'DU BYED 'JUG PA RNAM PA GSUM YOD DE, THOG MA DANG, BAR MA DANG, THA MA RNAMS SU SDUG BSNGAL GYIS DKRIS PAR RIG PAR BYA STE, 'DI LTA STE, SKYE BA'I TSE NI MNGAL GYIS BCUM PA'I SDUG BSNGAL GYIS DKRIS SO, ,SKYES NAS BYIS PA'I GNAS SKABS RNAMS SU NI NAD MANG PO'I SDUG BSNGAL GYIS DKRIS SO, ,RGAS PA'I RGYU DANG DBANG PO RNAMS YONGS SU SMIN PAR 'GYUR BAS NI RGA SHE'I SDUG BSNGAL GYIS DKRIS SO, ,'DU BYED RNAMS MNGON PAR MI @170B 'GRUB PA'I PHYIR THOG MA DANG, BAR MA DANG THA MAR 'GOG PAR 'GYUR BAS NI SDUG BSNGAL RNAM PA GSUM 'GOG PAR 'GYUR BAR RIG PAR BYA'O, ,YOD PA NI GSUM STE, DE DAG SPANG BA'I PHYIR 'PHAGS PA NYAN THOS 'BAD PAR BYED DE, 'DI LTA STE, 'DAS PA'I DUS KYI SGO NAS NI KHYIM NAS KHYIM MED PAR RAB TU BYUNG BA NA DE NYID KYI NYES DMIGS MTHONG NAS 'DOD PA SPANG BA GANG YIN PA DE DAG PHYIS YANG LEN PAR 'GYUR BA'I RGYU YOD PA DANG, MA 'ONGS PA'I DUS KYI SGO NAS NI 'DU BYED MNGON PAR 'GRUB PAR 'GYUR BA'I RGYU YOD PA DANG, DE LTAR GYI DUS KYI SGO NAS NI MA SPANGS PA'I BAG LA NYAL GYI KUN NAS NYON MONGS PA YOD DO, ,DE LA YOD PA RNAM PA GSUM PO DE SPANG BA'I PHYIR, 'DI LTA STE, MI LTA BA DANG, MNGON PAR MI DGA' BA DANG, LHAG PAR ZHEN PA MED PA RNAM PA GSUM GYIS 'BAD PAR BYED DE, SPONG BA DANG, 'DOD CHAGS DANG BRAL BA DANG 'GOG PA'I KHAMS YANG DAG PAR SGRUB PA'I PHYIR RO,, ,,RNAL 'BYOR SPYOD PA'I SA LAS GZHI BSDU BA, BAM PO LNGA PA, 'DI GNYIS NI 'DU BYED RNAMS LA MNGON PA'I NGA RGYAL MED PA'I BDAG MED PA MTHONG BA YIN TE, GNYIS GANG ZHE NA, SHIN TU RNAM PAR DAG PA MA YIN PA DANG, SHIN TU RNAM PAR DAG PA'O, ,SHIN TU RNAM PAR DAG PA MA YIN PA GANG ZHE NA, JI LTAR 'DI NA KHA CIG DPEN PA NA GNAS TE, 'DU BYED RNAMS MI RTAG PA'I BZOD PA LA BRTEN NAS 'JIG RTEN PA'I SHES PAS BDAG MED PA LA MOS PAR 'GYUR LA, DES KYANG MOS PA'I RGYUS MIG GIS SHES PAR BYA BA'I GZUGS RNAMS NAS YID KYIS SHES PAR BYA BA'I CHOS RNAMS KYI BAR DAG LA BDAG TU 'DZIN PA DANG, BDAG GIR 'DZIN PA'I MTSAN MA KUN TU SPYOD PA'I SGO NAS SPANGS PAR YANG DAG PAR MTHONG NGO, ,PHYI ROL PA'I MDUD PA BZHIR BSDUS PA YANG DE DANG 'DRA STE, 'DOD CHAGS THA CHAD DANG, ZHE SDANG THA CHAD DANG, GTI MUG THA CHAD DE, DE LA BRNAB SEMS LUS KYI MDUD PAS NI 'DOD CHAGS THA CHAD BSDUS SO, ,GNOD SEMS KYI MDUD PAS NI ZHE SDANG THA CHAD BSDUS SO, ,DE MA YIN PA GNYIS KYIS NI @171A *, ,GTI MUG THA CHAD BSDUS SO, ,THA CHAD KYI DON NI NGAN PA'I DON DU RIG PAR BYA'O, ,'DI NI MNGON PA'I NGA RGYAL MED PA'I BDAG MED PA SHES PA STE, TSUL BZHIN YID LA BYED PA DANG MTSUNGS PAR LDAN PA'I PHYIR DANG, MNYAM PAR GZHAG PA'I SA PA YIN PA'I PHYIR RO; ,DE YANG RGYU RNAM PA GNYIS KYIS SHIN TU RNAM PAR DAG PA MA YIN TE, DE NGES PAR 'BYED PA'I CHA DANG MTHUN PA'I DGE BA'I RTZA BA LA 'JUG PA DE'I TSE NGA'O SNYAM PA'I NGA RGYAL RAGS PA LA CHA PHRA BA'O SNYAM DU SPYOD PA YID LA BYED PA LA ZHUGS PA SPEL MAR 'DUG STE, DES NA DE 'DI SNYAM DU SEMS TE BDAG NI STONG PA NYID BSGOM PA'O, ,BDAG NI DE THOB PA YIN NO, ,BDAG LA NI STONG PA NYID YOD DO, ,BDAG NI STONG PA NYID 'DIS 'PHAGS SO SNYAM PA GANG YIN PA STE STONG PA NYID KYIS JI LTA BA BZHIN DU MTSAN MA MED PA DANG, CI YANG MED PAS KYANG DE DANG 'DRA'O, ,DE KUN TU SPYOD PA'I RGYU 'DOD PA RNAMS SAM 'JIG TSOGS LA RJES SU CHAGS PA DANG BCAS PA'I RNAM PAR SHES PA'I RJES SU CHAGS PA DANG BCAS PA'I RNAM PAR SHES PA DE YONGS SU MA SHES PA'I PHYIR 'DOD PA DANG, 'JIG TSOGS LA CHAGS PAS BSGYUR BA NAS BSAM PA THAG PA NAS MYA NGAN LAS 'DAS PA LA MI 'JUG CING SEMS KYANG PHYIR LDOG PA GANG YIN PA STE SNGA MA BZHIN NO, ,DE YANG DES RNAM PA BRGYAD KYIS YONGS SU SHES PAR BYA BA YIN TE, DE YONGS SU SHES PA'I MOD LA DE'I NYES PA DANG BRAL BAR GYUR PAS BDAG MED PA MTHONG BA SHIN TU RNAM PAR DAG CING MNGON PA'I NGA RGYAL MED PAR RIG PAR BYA'O, ,DE LA ZHIG PAR GYUR PA DANG, 'JIG PA'I CHOS CAN YIN PAS NA MI RTAG PA'O, ,LAS DANG NYON MONGS PA LAS YANG DAG PAR GRUB PAS NA 'DUS BYAS SO, ,SNGON GYI SMON LAM LAS YANG DAG PAR 'GRUB PAS NA BSAMS PA'O, ,RANG GI SA BON DANG DA LTAR GYI PHYI ROL GYI RKYEN LAS YANG DAG PAR GRUB PAS NA RTEN CING 'BREL PAR 'BYUNG BA'O, ,MA 'ONGS PA'I DUS KYI SGO NAS RGA BA'I CHOS CAN YIN PAS NA ZAD PA'I CHOS CAN NO, ,'CHI BA'I CHOS CAN YIN PAS NA MED PAR 'GYUR BA'I CHOS CAN NO, ,RGA BA DANG 'CHI BA'I SNGA ROL NA YANG NAD LA @171B SOGS PA'I GNOD PA RNAM PA SNA TSOGS KYI SNOD DU GYUR PAS NA 'GYUR BA'I CHOS CAN NO, ,GNYEN PO LA BRTEN PAS 'DOD CHAGS DANG BRAL BAR BYAR RUNG BA DANG, 'GOG PAR BYAR RUNG BAS NA TSE 'DI LA 'DOD CHAGS DANG BRAL BA'I CHOS CAN DANG, 'GOG PA'I CHOS CAN YIN NO, ,DE DAG KYANG MDOR BSDU NA, DUS GSUM DU GTOGS PA'I NYES DMIGS BRTAG PA STE, 'DOD CHAGS DANG BRAL BA DANG, 'GOG PA'I CHOS LAS MA GTOGS PA DE LAS GZHAN PA'I RNAM PA DAG GIS RIG PAR BYA'O, ,DE GNYIS KYIS NI NGES PAR 'BYUNG BA BRTAG PAR RIG PAR BYA'O, ,DES NYES DMIGS DANG NGES PAR 'BYUNG BA GNYIS KYIS RNAM PAR SHES PA DE YONGS SU SHES PA NI SHIN TU YONGS SU SHES PA YIN NO, ,DE LA CHOS THAMS CAD KYI CHOS LA BDAG MED PA THAMS CAD NI CHOS KYI PHYAG RGYA ZHES BYA BA KHO NA YIN NO, ,DE YANG STON PA CHOS KYI RGYAL PO BLA NA MED PAS GSUNGS PA 'PHAGS PA THAMS CAD KYI RGYUD LA RDUGS? PA MED PA 'PHAGS PA'I NOR THAMS CAD THOB PAS DGA' BAR 'GYUR BA YIN TE, DES NI BDAG NYID 'KHOR BA'I GCONG RONG TSEN PO LAM RING PO LAS BDE LEGS DANG, BDE BA GNYIS KYIS YANG DAG PAR 'DA' BAR 'GYUR RO, ,BDE BAS NA DE LAS 'PHAGS PA'I CHOS KYI PHYAG RGYA ZHES BYA STE, DE NI SHES PA SNGA MA SHOS KYIS RTOGS PAR RIG PAR BYA'O, ,PHYI MA SHIN TU RNAM PAR DAG PA SHOS KYIS NI MTHONG BAR RIG PAR BYA'O, ,CHOS 'DI PA RNAMS DANG, PHYI ROL PA RNAMS KYI STON PA RNAMS DANG SLOB MA RNAMS NI RNAM PA LNGAS MTHO BA DANG DMA' BAR RIG PAR BYA STE, 'DI LTA STE, GNAS PA DANG, TSOGS YONGS SU BSKYANG BA DANG, 'BREL BA'I GTAM RNAM PAR NGES PAR 'BYED PAR BYED PA DANG, LAM GDAGS PA YANG DAG PAR BSTAN PA DANG, NAN TAN DU SGRUB PA'O, ,DE LA 'DI LAS PHYI ROL PA'I STON PA SLOB MAR BCAS PA RNAMS NI RTAG TU RGYUN MI 'CHAD PAR 'DRES PAR GNAS PA YIN LA CHOS 'DI PA RNAMS KYIS NI DUS DUS SU NANG DU YANG DAG 'JOG PA LHUR LEN PAR BYED DE 'DI NI MTHO BA DANG DMA' BA DANG PO YIN NO, ,GZHAN YANG PHYI ROL PA'I STON PA RNAMS NI RANG GI SLOB MA RAB TU BYUNG BA'I TSOGS TSAD NGES PA'I TSOGS @172A *, ,CAN DANG SLOB MA KHYIM PA'I SDE TSAN GYI SDE TSAN CAN YIN TE, DE DAG THAMS CAD KYI NANG NA SLOB DPON DU BKUR BAS NA TSOGS KYI SLOB DPON RNAMS ZHES BYA BA DANG, SKYE BO BYIS PA'I RANG BZHIN CAN RNAMS KYIS YON TAN YOD DU RE BAS NA SHIN TU DGE BAR BKUR BA YIN LA; DE BZHIN GSHEGS PA NI DE LAS BZLOG PAR RIG PAR BYA STE, LHAR BCAS PA'I 'JIG RTEN GYI YANG SLOB DPON NYID YIN PA'I PHYIR SLOB DPON DU BKUR BA YIN NO, ,GZHAN YANG PHYI ROL PA'I SLOB DPON RNAMS NI RANG RANG GI SLOB MA RNAMS DANG LHAN CIG TU 'BREL PA'I GTAM RNAM PAR NGES PAR BYED PA LA ZHUGS SHING PHAN TSUN MI MTHUN PA DANG, 'BREL PA MED PA'I GTAM DANG, RMONGS PAR BYED PA DANG SHES PA RNAM PAR DAG PAR BYED PA MA YIN PA'I GTAM GYIS DUS 'DA' BAR BYED LA, CHOS 'DI PA RNAMS NI DE LAS BZLOG PAR RIG PAR BYA'O, ,GZHAN YANG PHYI ROL PA RNAMS KYI STON PA RNAMS NI SLOB MA RNAMS LA RGYU MED PA'AM RGYU MI MTHUN PA'I SGO NAS LAM 'DOGS PAR BYED CING STON PAR BYED DE, CHOS NGAN PA THOS PA'I SRIN PO CHEN POS SEMS DKRUGS PA RTOG PA NGAN PA TSUL BZHIN MA YIN PA'I SEMS DANG MTSUNGS PAR LDAN PA RNAMS KYIS SEMS DKRUGS PA GZHAN DAG LA GLAGS TSOL BA'I BSAM PA CAN YIN TE, DES NA DE DAG GZHAN DAG GIS DRIS NA GYA TSOM DU THOG TU MA BAB CING MA BRTAGS PA'I TSIG SMRA BAR BYED DE, BDAG NYID KYIS KYANG RGYU MED PA'AM, RGYU MI MTHUN PA BZUNG BAS KUN NAS NYON MONGS PA CAN DU GYUR PAS NA DE'I PHYIR BYIS PA'O, ,BDAG DANG GZHAN RNAMS KYI KUN NAS NYON MONGS PA'I RGYU YANG DAG PA JI LTA BA BZHIN DU MI SHES PAS NA DE'I PHYIR RMONGS PA'O, ,RNAM PAR BYANG BA RNAM PAR SPANGS PAS NA MI GSAL PA'O, ,RNAM PAR BYANG BA'I RGYU LA MI MKHAS PAS NA MI MKHAS PA'O, ,TSIG CI TZAM ZHIG SMRA BAR BYA BA DANG, JI SKAD SMRA BAR BYA BA DANG, GANG DU SMRA BAR BYA BA DE YANG DAG PA JI LTA BA BZHIN DU MI SHES PAS NA TSOD MI SHES PA DANG, ZHING MI SHES PA'O, ,DE LAS BZLOG PA NI CHOS 'DI PA RNAMS YIN PAR RIG PAR BYA'O, ,GZHAN YANG @172B PHYI ROL BA RNAMS KYI STON PA RNAMS KYI SLOB MA RNAMS NI MA NYAMS PA RNAMS DANG PHYI CI MA LOG PAR SMRA BA'I PHYIR STON PA LA YANG SKUR PA MI 'DEBS PA DANG, LHAG MA MED PA DANG SGRO 'DOGS PA MED PAR SMRA BA'I PHYIR 'GAL BAR MI BYED PA DANG, DON MTHUN PA'I PHYIR JI SKAD BSTAN PA BZHIN DU SMRA BA DANG, TSIG MTHUN PA'I PHYIR CHOS BZHIN DU SMRA BA YANG YIN PA DANG, CHOS MTHUN PA DE DAG GI 'DOD PA'I PHYOGS SU SMRA BA'I PHYIR CHOS KYI RJES SU MTHUN PA'I CHOS KYIS LAN 'DEBS PA DANG, BAG YOD PA YIN DU ZIN KYANG CHOS KYI RJES SU MTHUN PA'I CHOS NAN TAN DU SGRUB PA'I RANG GI DON THOB PAR BYA BA LA BSLU BA 'BA' ZHIG BYED PAR RIG PAR BYA NA, BAG MED PA RNAMS LA LTA CI SMOS TE, DE DAG GI NI DE LTAR RANG GI DON LA YANG BSLUS PAR 'GYUR LA PHA ROL SMRA BA RNAMS KYIS KYANG TSAR GCOD PAR 'GYUR BA DANG, LOG PAR BZUNG BA'I CHOS DE DANG BCAS PAR YANG SMOD PAR 'GYUR RO, ,DE LAS BZLOG PA NI CHOS 'DI PA RNAMS YIN PAR RIG PAR BYA STE, 'DI NI MTHO BA DANG DMA' BA LNGA PA YIN PAR RIG PAR BYA'O, ,DE LA 'DU BYED RNAMS NI RNAM PA BZHIS SDUG BSNGAL BA YANG GCIG TU NGES PAR KUN NAS NYON MONGS PAR 'GYUR BA MA YIN LA RNAM PA BZHIS NI BDE BA YANG GCIG TU NGES PAR RNAM PAR BYANG BAR 'GYUR BA MA YIN PAR RIG PAR BYA'O, ,RNAM PA BZHI PO DE DAG KYANG GZHI GSUM GYI SKABS SU RIG PAR BYA STE, SKYE BA'I GNAS DANG, TSOR BA DANG, DUS SO, ,DE LA BDE BA NI BSAM GTAN GSUM, PA'I'O, ,BDE BA DANG 'BREL PA NI MI RNAMS KYI YIN TE, GANG NA GNYI GA YOD PA'O, ,BDE BA DANG YID BDE BA DANG LDAN PA NI BSAM GTAN DANG PO DANG GNYIS PA'I'O, ,BDE BA LAS MA 'DAS PA KHO NA NI BSAM GTAN BZHI PA YAN CHAD DO, ,DE LA SDUG BSNGAL BA NI DUD 'GRO DANG YI DAGS RNAMS KYI'O, ,SDUG BSNGAL DANG 'BREL PA NI MI RNAMS KYI'O, ,SDUG BSNGAL BA DANG YID MI BDE BA DANG LDAN PA NI SEMS CAN DMYAL BA RNAMS KYI'O, ,SDUG BSNGAL BA LAS MA 'DAS PA NI STENG GI LHA'I RIS RNAMS KYI YIN TE, PHYI MA LA SDUG BSNGAL BA DANG 'BREL @173A *, ,BA'I PHYIR RO, ,DE LA BDE BA'I 'DU BYED RNAMS NI SDUG BSNGAL BA YANG MA YIN PA BDE BA YANG MA YIN PA'I TSOR BA MNGON SUM DU GYUR PA'I TSE'O, ,BDE BA DANG 'BREL PA NI SDUG BSNGAL BA'I TSE'O, ,BDE BA DANG YID BDE BA DANG LDAN PA NI BDE BA'I TSOR BA MNGON SUM DU GYUR PA'I TSE'O, ,BDE BA LAS MA 'DAS PA NI THAMS CAD LA YANG BDE BA'I RGYU DANG RJES SU 'BREL PA'I PHYIR RO, ,DE LAS BZLOG PA NI SDUG BSNGAL PA'I RNAM GRANGS YIN PAR RIG PAR BYA'O, ,DE LA BDE BA'I 'DU BYED RNAMS NI BDE BA DANG BCAS PA'I BDE BA'I GNAS 'GAGS PA GANG YIN PA DE DAG GO, ,BDE BA DANG 'BREL PA NI BDE BA'I RGYU YOD PAS MA 'ONGS PA'I DUS NA SKYE BAR 'GYUR BA GANG YIN PA'O, ,DA LTAR GYI DUS KYI SGO NAS BDE BA DANG MTHUN PA GANG YIN PA DE DAG NI BDE BA DANG YID BDE BA DANG LDAN PA RNAMS SO, ,DE LAS GZHAN PA'I DUS GSUM PA RNAMS NI BDE BA LAS MA 'DAS PA'O, ,DE LAS BZLOG PA NI SDUG BSNGAL GYI RNAM GRANGS BZHI STE CI RIGS PAR RIG PAR BYA'O, ,SDOM NI, SHES PA GNYIS NI GZHI DANG BCAS, ,BDE BA YONGS SU 'GYUR BA DANG, ,CHED DU GSUNGS PA'I MDO SDE DANG, ,MYA NGAN 'DAS PA GNYIS SU 'GYUR, ,SHES PA NI GNYIS TE, YANG DAG PA'I SHES PA DANG, LOG PA'I SHES PA'O, ,DE LA YANG DAG PA'I SHES PA YANG GZHI DANG BCAS PAR 'BYUNG BA LA LOG PA'I SHES PA YANG GZHI DANG BCAS PAR 'BYUNG STE, DE GNYI GA YANG GZHI DANG BCAS PA YIN MOD KYI YANG DAG PA'I SHES PA NI YANG DAG PA JI LTA BA'I GZHI LA 'DZIN PA YIN LA, LOG PA'I SHES PA NI RNAM PAR BRTAGS PAS YANG DAG PA JI LTA BA MA YIN PA'I GZHI LA 'DZIN PA YIN NO, ,SHES BYA SNGON DU 'GRO BA YOD NA YANG DAG PAR BSTAN PA YID LA BYED PA'I RGYUS YANG DAG PA'I SHES PA 'BYUNG LA SHES BYA YOD NA LOG PAR BSTAN PA YID LA BYED PA'I RGYUS LOG PA'I SHES PA 'BYUNG BA YIN MOD KYI YANG DAG PA'I SHES PA NI BYUNG NAS KYANG SHES BYA 'JIG PAR MI BYED DE, SHES BYA YOD PA DE NYID LOG PAR MNGON PAR ZHEN PA SPANGS NAS, YANG DAG PA NYI TSE LA MNGON DU GNAS PA KHO NAR ZAD DE DPER NA MUN PA'I @173B NANG DU 'DUG PA'I GZUGS RNAMS LA MAR ME BYUNG NA GZUGS RNAMS 'JIG PAR MI BYED KYI YOD PA NYID GSAL BAR BYED PAR ZAD DE DE DANG 'DRA BAR RIG PAR BYA'O, ,BDE BAR TSOR BA'I 'DU BYED RNAMS NI MI RTAG PA'I MTSAN NYID KYI TSUL GYIS GANG GI TSE SDUG BSNGAL PA'I GNAS SKABS SU GYUR NA DE'I TSE GNOD PAR GYUR TO ZHES BYA'O, ,GANG GI TSE SDUG BSNGAL BA YANG MA YIN BDE BA YANG MA YIN PA'I GNAS SKABS SU GYUR NA NI DE'I TSE, 'DU BYED KYI SDUG BSNGAL LA BRTEN NAS SDUG BSNGAL BAR GYUR TO ZHES BYA STE, BDE BA'I TSOR BA 'BA' ZHIG GTAN DU YOD PAR GYUR CING, ,GZHAN DAG GI GNAS SKABS NI YE 'BYUNG BAR MA GYUR CIG CES BYA BA'I GNAS 'DI NI RNYED PAR MI 'GYUR RO, ,SKYE BA DANG RGA BA LA SOGS PA'I CHOS NYID DANG 'BREL PA'I 'DU BYED GANG YIN PA DE DAG NI SDUG BSNGAL BA'O, ,DE DAG LAS KYANG NAD KYI GNAS SKABS SU GYUR BA NI GNOD PAR GYUR TO ZHES BYA'O, ,SKYE BA LA SOGS PA'I SDUG BSNGAL GYI GNAS SKABS SU GYUR PA NA NI SDUG BSNGAL BAR GYUR TO ZHES BYA STE 'DU BYED DE RNAMS LA SKYE BA LA SOGS PA SDUG BSNGAL GYI RGYU DANG 'BREL PA BZHIN DU 'BRAS BU'I GNAS SKABS SU YE MA GYUR CIG CES BYA BA'I GNAS 'DI NI RNYED PAR MI 'GYUR RO, ,'DU BYED THAMS CAD NI RANG BZHIN GYIS RTEN CING 'BREL PAR 'BYUNG BA YIN PAS NA RANG DBANG MED PA DANG BDAG PO MED PA YIN TE, GANG BDAG POR GYUR PA DE NI 'DU BYED 'DI DAG MI RTAG PA YIN DU ZIN KYANG JI LTAR 'DOD PA BZHIN DU RGYUN DU 'JOG PAR 'GYUR BA'AM, YANG NA NAM MA SHI'I BAR DU GZHAN RNAMS SKYAD PAR MI BYED PA'I RIGS SO, ,MDO SDE 'DI GNYIS YOD DE, CHED DU BSTAN PA DANG, CHED DU BSTAN PA MA YIN PA'I MDO SDE'O, ,DE LA CHED DU BSTAN PA NI GANG ZAG GANG 'DU BYED BSTAN PA'I RNAM PA GANG GIS GDUL BAR BYA BA DE'I CHED DU DE'I RNAM PA'I 'DU BYED BSTAN PA 'JUG PAR MDZAD PA'O, ,CHED DU BSTAN PA MA YIN PA NI GANG DU 'KHOR BRGYA PHRAG DU MA'I NANG DU RNAM GRANGS DU MAR DGA' BAR 'GYUR BA'I GTAM MDZAD PA'AM YANG NA STON PA'I DRUNG DU GNAS PA KUN DGA' BO'I MDUN DU GTAM MDZAD PA GANG YIN PA STE, 'DI LTA STE, DAM @174A *, ,PA'I CHOS YUN RING DU GNAS PAR MJAD PA'I PHYIR RO, ,YAN LAG GSUM GYIS YONGS SU ZIN NA MYA NGAN LAS 'DAS PA YONGS SU RDZOGS PAR RIG PAR BYA STE, 'DI LTA STE, MTHUN PA'I GDAMS NGAG DANG 'DU BYED THAMS CAD YANG DAG PAR BRTAGS PA DANG NYON MONGS PA THAMS CAD SPANGS PA'O, ,DE LA MTHUN PA'I GDAMS NGAG NI KUN BRJOD PA'I RJES SU STON PA, KUN BRJOD PA'I CHO 'PHRUL GYIS BSDUS PA'I BSTAN PA STE, DE LA DE BZHIN GSHEGS PA GANG GI SEMS KUN BRJOD PAR BZHED PA NA NYID THUGS MNYAM PAR BZHAG PAS GZHAN GYI SEMS MA LUS PAR RNAM PA GSUM GYI SGO NAS KHYAD PAR MDZAD DE, GCIG NAS GCIG TU BRGYUD PA 'GAGS NAS YUN RING DU LON PA GANG YIN PA DANG, 'GAGS MA THAG PA GANG YIN PA DANG, DA LTAR GYI DMIGS PA LA 'JUG PA GANG YIN PA STE, DE TING NGE 'DZIN DE LAS BZHENGS NAS, TING NGE 'DZIN GYIS NYAMS SU MYONG BA'I PHA ROL GYI SEMS THUGS LA DGONGS NAS JI LTAR MYONG BA DE KHO NA BZHIN DU MA TSANG BA MED PAR LUNG STON PAR MDZAD DE SEMS 'DI NI 'DI LTA BU ZHIG GO ZHES BYA BA NI 'GAGS NAS YUN RING DU LON PA'O, ,YID NI 'DI LTA BU ZHIG GO ZHES BYA BA NI 'GAGS MA THAG PA GANG YIN PA'O, ,RNAM PAR SHES PA NI 'DI LTA BU ZHIG GO ZHES BYA BA NI DA LTAR GYI YIN PA STE, DE YANG RIGS NGES PA'I SGO NAS YIN GYI, SKAD CIG PA NGES PA'I SGO NAS NI MA YIN NO, ,DE YANG DE BZHIN DU KUN DU BRJOD PA'I CHO 'PHRUL LA BRTEN NAS GNAS GSUM DU GDAMS NGAG STON PAR MDZAD DE, 'GRO ZHING RGYU BAR GTOGS PA LA NI YUL MNGON SUM DU GYUR PA DANG, TSUL BZHIN YID LA BYED PA LA NI GNANG BAR MDZAD DO, ,TSUL BZHIN MA YIN PA YID LA BYED PA NI 'GOG PAR MDZAD DO, , GNAS PAR GTOGS PA LA NI RTOG PA NGAN PA NI 'GOG PAR MDZAD DO, ,RTOG PA BZANG PO NI GNANG BAR MDZAD DO, ,ZHI GNAS DANG LHAG MTHONG BSGOM PA LA BRTZON PA LA NI SPANG BAR BYA BA'I 'DU BYED THAMS CAD SPONG BA DANG, NYON MONGS PA THAMS CAD SPANGS PAS MYA NGAN LAS 'DAS PA @174B MNGON SUM DU BYED PA GNANG BAR MDZAD DO, ,GNAS GSUM DU GTOGS PA'I NYE BA'I NYON MONGS PA LAS SEMS YONGS SU DAG PA DE NI GDAMS NGAG BSTAN PA YIN TE, 'DI LTA STE, RGYU ZHING 'GRO BAR GTOGS PA DANG, GNAS PAR GTOGS PA DANG, RTAN DU GTOGS PA DANG, 'DAS PA DANG MA 'ONGS PA DANG DA LTAR BYUNG BA'I 'DU BYED RNAMS RTAG PA NA 'DU BYED THAMS CAD RTAG PA ZHES BYA'O, ,ZAG PA GSUM DANG, ZAG PA SNGON DU 'GRO BA'I 'DUN PA'I PHONGS PA DANG, 'DUN PA'I PHONGS PA SNGON DU 'GRO BA'I RTOG PAS GDUNGS PA DANG RTOG PAS GDUNGS PA SNGON DU 'GRO BA'I YUL DU TSOL BAS 'KHRUGS PA YANG DAG PAR SPANGS PAS NA NYON MONGS PA THAMS CAD SPANGS PA ZHES BYA'O, ,NYON MONGS PA THAMS CAD SPANGS PAS NI SEMS RNAM PAR GROL TE YONGS SU YI 'CHAD PA MED PAS MTSAN MA MED PA'I BDE BAR GNAS PAS GNAS SHING TSE 'DI NYID LA YONGS SU RDZOGS PA'I MYA NGAN LAS 'DAS PAS MYA NGAN LAS 'DAS PA'I GRANGS SU 'GRO'O, ,CHOS GSUM LA RANG GI DON GYI SGO NAS DE LA SKYABS SU GNAS PA DANG, GZHAN GYI DON GYI SGO NAS DE LA GLING DU GNAS TE, GSUM GANG ZHE NA, NANG GI YID LA BYED PA SNGON DU 'GRO BA'I CHOS KYI RJES SU MTHUN PA'I CHOS LA NAN TAN DU BSGRUB PA DANG, DE BZHIN GSHEGS PAS GSUNGS PA'I DAM PA'I CHOS NYAN PA DANG, CHOS MTHUN PA'I SKYES BU DAM PA LA YANG DAG PAR BRTEN PAR BYA BA YIN GYI, GZHAN DAG LA NI BRTEN PAR MI BYA STE, 'DI LTA STE, SKYES BU DAM PA MA YIN PA'AM, 'DI LAS PHYI ROL PA LAS BRTZAMS TE, RNAM PA THAMS CAD KYI THAMS CAD DU BSTEN PAR MI BYA BA STE, CHOS GSUM PO 'DI DAG GIS NI MIR GUR PA LA DBEN PA'I CHOS BZHI BSTAN PA YIN TE, 'DI LTA STE, SKYES BU DAM PA LA YANG DAG PAR BRTEN PA DANG, DAM PA'I CHOS MNYAN PA DANG, TSUL BZHIN YID LA BYED PA DANG, CHOS KYI RJES SU MTHUN PA'I CHOS NAN TAN DU BSGRUB PA'O, ,YAN LAG DES MYA NGAN LAS 'DAS PA NI RGYU GSUM DU RIG PAR BYA'O, ,RNAM PA LNGAS SDUG BSNGAL YONGS SU SHES PA DANG, SDUG BSNGAL GYI GNAS 'DU BYED THAMS CAD KYI NYES @175A *, ,DMIGS MTHONG BA DANG, MYA NGAN LA SAGS PA'I SDUG BSNGAL THAMS CAD LAS 'DAS PA'O, ,DE LA SDUG BSNGAL PA'I RIGS LA BRTEN PAS MYA NGAN LA SOGS PA SKYE BAR 'GYUR BA 'DI NI DE DAG GI RANG BZHIN YONGS SU SHES PA'O, ,RANG GI SA BON YOD NA SKYE BAR 'GYUR BA 'DI NI RGYU YONGS SU SHES PA'O, ,RANG GI SPYOD YUL GYI YUL LA BRTEN PA 'DI NI RKYEN YONGS SU SHES PA'O, ,SDUG BSNGAL GYI GNAS 'DU BYED DE DAG LA BDAG GIR MNGON PAR ZHEN PA DANG, BDAG TU YANG DAG PAR MTHONG BA 'DI NI GROGS YONGS SU SHES PA'O, ,DUS GSUM DU 'DOD PA DANG LDAN PA'I 'DU BYED RNAMS KYI NYES DMIGS YANG DAG PAR MTHONG NA MYA NGAN LA SOGS PA'I SDUG BSNGAL THAMS CAD SPANGS PA NI YAN LAG DES MYA NGAN LAS 'DAS PA ZHES BYA BA YIN PAR RIG PAR BYA'O, ,DE LA SDUG PA'I DNGOS PO RNAM PAR 'GYUR BA LA MYA NGAN BYED PA'I SGO NAS SEMS GZIR BA NI MYA NGAN ZHES BYA'O, ,DE LAS BYUNG BA'I TSIG BRJOD PA NI SMRE SNGAGS 'DON PA'O, ,BRANG BRDUNG BA'I PHYIR NI SDUG BSNGAL BA'O, ,NANG GI YID GDUNG BA'I PHYIR NI YID MI BDE BA'O, ,KUN TU RMONGS PAR 'GYUR BA NI 'KHRUG PA'O, ,GZHAN YANG LONGS SPYOD DANG NAD MED PA DANG, GNYEN GYI SDUG BSNGAL LAS GANG YANG RUNG BA'I SDUG BSNGAL GSAR DU 'BYUNG BA LA BRTEN TE, YID MI BDE BAR GYUR BA GANG YIN PA DE NI MYA NGAN ZHES BYA'O, ,DE LA BRTEN NAS DE'I RJES THOGS SU TSIG TU BRJOD PA DANG LUS YONGS SU GDUNGS PA NI SMRE SNGAGS 'DON PA DANG SDUG BSNGAL BA'I GNAS SKABS YIN NO, ,SMRE SNGAGS 'DON PA DANG, LUS YONGS SU GDUNG BAR BYED PA'I YID MI BDE BA LAS 'DAS PA DE'I NYIN PAR CUNG ZAD ZHI BAR GYUR TE, SEMS MI DGA' BAR GYUR PA GANG YIN PA DE NI YID MI BDE BA'I GNAS SKABS SO, ,DANG PO'I NYIN MO LAS 'DAS PA'I 'OG TU YANG DE'I RGYUS NYIN ZHAG GNYIS SAM GSUM MAM, LNGA'AM BCU'AM, ZLA BA PHYED DAM, ZLA BA GCIG GAM, DE LAS LHAG PA'I BAR DU SEMS MI DGA' BA NI 'KHRUG PA ZHES BYA'O, ,SDOM NI, DGRA DANG MYU GU LTA BU YI, ,KUN NAS NYON MONGS RGYA CHE BA, , @175B BGROD PA GCIG DANG DE BZHIN SLOB, ,YONGS SU YI CHAD RNAM PA BZHI, ,LEGS PAR GSUNGS DANG NYES BSHAD LA, ,DRAN PA'I KHYAD PAR YOD PA YIN, ,DE BZHIN GSHEGS PA NI RNAM PA BZHIS 'JIG RTEN SDANG BA'I DGRA MA YIN MOD KYI 'ON KYANG 'JIG RTEN NI DGRA YIN NO SNYAM DU 'DZIN TE, BZHI GANG ZHE NA, RIGS PA'I DON STON PA DANG, YANG DAG PA'I DON STON PA DANG, PHAN PA'I DON STON PA DANG, LA LAR YID DANG SBYOR BAR MDZAD PA'O, ,'DI LA DE BZHIN GSHEGS PA NI RIGS PA RNAM PA BZHI LA BRTEN NAS CHOS STON PAR MDZAD DE, SNGA MA BZHIN DU LTOS PA'I RIGS PA DANG, BYA BA BYED PA'I RIGS PA DANG, GTAN TSIGS KYIS BSGRUB PA'I RIGS PA DANG, CHOS NYID KYI RIGS PA STE, DES NA CHOS SMRA BA ZHES BYA'O, ,DE BZHIN GSHEGS PA NI 'DI LTA STE, BRTZAD PAR BYA BA'I DON DU KLAN KA BTZAL BA'I GZHI CUNG ZAD TZAM GYI PHYIR CHOS STON PA MI MDZAD DO, ,DE CI'I PHYIR ZHE NA, 'JIG RTEN PA RNAMS NI GZHAN GYI DON LAS BDAG GI DON PHYIN CI LOG PA DANG, MI MTHUN PA YIN PAR 'DZIN PAS RTZOD PAR BYED KYI, DE BZHIN GSHEGS PA NI GZHAN GYI DON NYID RANG GI DON YIN PAS DE RTZOD PAR GA LA MDZAD DE, THUGS BRTZE NAS DE NYID KYI DON THOB PAR MDZAD PA'I PHYIR CHOS STON PA 'BA' ZHIG MDZAD DO, ,SDANG BA'I 'JIG RTEN RNAMS NI 'DI'I DON NI GZHAN KHO NA YIN LA BDAG CAG GI DON YANG GZHAN YIN NO SNYAM DU PHYIN CI LOG TU 'DZIN PAS NA RTZOD PAR BYED DE, 'DI NI DE BZHIN GSHEGS PA'I RIGS PAR GSUNGS PA YIN PAR RIG PAR BYA'O, ,DE LA DE BZHIN GSHEGS PA'I YANG DAG PAR GSUNGS PA NI 'DI YIN TE, 'JIG RTEN LA MKHAS PA RNAMS YOD PAR 'DZIN PA GANG YIN PA DE LA NI BZHIN GSHEGS PA YANG YOD DO ZHES GSUNGS TE, 'DI LTA STE, 'DU BYED RNAMS NI MI RTAG CES BYA BA LTA BU'O, ,MED PAR 'DZIN PA GANG YIN PA DE LA NI MED DO ZHES GSUNGS TE, 'DI LTA STE, 'DU BYED RTAG PA LTA BU'O, ,DE LA DE BZHIN GSHEGS PA'I PHAN PAR GSUNGS PA NI 'DI YIN TE, 'JIG RTEN DAG GI 'JIG RTEN NI CHOS RNAMS 'JIG RTEN LONG BA RANG GIS MI @176A *, ,SHES PA GANG YIN PA DE DAG DE BZHIN GSHEGS PA NYID KYIS MNGON PAR RDZOGS PAR SANGS RGYAS NAS STON PAR MDZAD PA LTA BU'O, ,DE LA DE BZHIN GSHEGS PA'I KHA CIG TU 'JIG RTEN GYI YID DANG SBYOR BA NI 'DI YIN TE, KHA CIG NI RNGA BTZA' DANG, THUN BU THU BA LA BRTEN TE 'TSO BAR BYED PA DE LA SKYE BO DAG PHYUG CING NOR MANG LA LONGS SPYOD CHE BAR 'DZIN TE, SKYE BO DAG JI LTAR 'DZIN PA DE BZHIN DU DE BZHIN GSHEGS PA YANG DE DANG MTHUN PAR THA SNYAD 'DOGS PAR MDZAD PA DANG, 'DI LTA STE, YUL KHAMS KHA CIG NA RDZAS GCIG PU DE NYID LA MING THA DANG PAR 'DOGS PA LA GANG DU JI SKAD DU MING 'DOGS PA DE LA DE KHO NA BZHIN DU DE BZHIN GSHEGS PA YANG DE DANG MTHUN PAR THA SNYAD 'DOGS PAR MDZAD PA LTA BU'O, ,DGRA LA NI DGRA LA RIGS PAR SMRA BAR YANG MI BYED, YANG DAG PAR SMRA BAR YANG MI BYED, PHAN PAR SMRA BAR YANG MI BYED, YID DANG SBYOR BAR YANG MI BYED DE DE BAS NA DE BZHIN GSHEGS PA NI DGRA MA YIN PAR RIG PAR BYA'O, ,MA DRIS PAR YANG NYID KYIS DON YANG DAG PAR GZIGS NAS MNGON PAR RDZOGS PAR SANGS RGYAS PA'I CHOS STON CING MING GI TSOGS DANG, TSIG GI TSOGS DANG, YI GE'I TSOGS 'TSAM PA DAG GIS 'DOGS PAR MDZAD DE, DE NI 'DI LTA STE, RNAM GRANGS BSDU BA LAS YANG DAG PAR STON PA ZHES BYA BA'I BAR DU JI SKAD BSTAN PA BZHIN DU RIG PAR BYA'O, ,YANG SRID PAR SKYE BA'I MYU GU 'BYUNG BA LA NI RGYU GCIG DANG RKYEN GNYIS YOD DE, 'DU BYED RNAM PA LNGA PO DAG LA NYON MONGS PA'I SA BON DANG LDAN PA'I RNAM PAR SHES PA NI RGYU'O, ,RNAM PAR SHES PA'I GNAS GZHI ZHING DANG 'DRA BA DANG, DGA' BA DANG 'DOD CHAGS DES RNAM PAR SHES PA SKYE BA DE DANG DER NYING MTSAMS SBYOR BA'I PHYIR RLAN PAR BYED PA NI RKYEN YIN NO, ,DE LA KHA CIG NI RNAM PAR SHES PA'I GNAS GZHI PHUNG POR GTOGS PAR 'GYUR LA DGA' BA DANG 'DOD CHAGS NI DES TSE 'DI LA GSAR DU BSAGS SHING BSDUS NA DE YANG DE'I 'OG TU DGRA BCOM PA THOB NAS RNAM PAR SHES PA SA BON DANG BCAS PA DE RUL BAR BYED CING MED PAR BYED DE, DE LTAR NA DE'I MYU GU 'BYUNG BAR MI 'GYUR RO, ,GZHAN YANG 'DI NA KHA CIG NI 'CHING BA THAMS @176B CAD KYANG YOD LA YANG DAG PAR ZHUGS PA MYA NGAN LAS 'DAS PA'I BSAM PA CAN YANG YIN TE, SKYE BA'I GNAS THAMS CAD LA MI MTHUN PA'I 'DU SHES CAN DE NI 'CHING BA THAMS CAD YOD PA'I PHYIR SA BON YANG MED PAR MA GYUR LA RNAM PAR SHES PA'I GNAS KYANG NYE BAR GNAS TE, SRID PA THAMS CAD LA YANG MI MTHUN PA'I 'DU SHES CAN YIN TE, DGA' BA DANG 'DOD CHAGS NI MED DO, ,DE LTAR NAN TAN DU SBRUB PA DE NI TSE 'DI NYID LA YONGS SU MYA NGAN LAS 'DAS PAR 'GYUR BA'I SKAL BA CAN YIN TE, DE LA YANG MYU GU 'BYUNG BA MED DO, ,GZHAN YANG KHA CIG NI SLOB PA PHYIR MI 'ONG BA YIN TE, 'DU SHES MED 'DU SHES MED MIN SKYE MCHED KYI LHAG MA SRID PA'I RTZE MO BSGRUBS NAS GNAS TE, DE'I SA BON NI RNAM PA THAMS CAD KYI THAMS CAD DU MED PAR GYUR BA MA YIN TE, DES NI RNAM PAR SHES PA'I GNAS DE YONGS SU SHES SHING KHONG DU CHUD DO, ,BRJED NGAS PA'I DBANG LAS BYUNG BA'I GONG MA'I SRID PA SHAS TZAM NI YOD DE, DE LTAR NA PHYIR MI 'ONG BA DE'I PHYI MA LA 'OG MA'I MYU GU 'BYUNG BAR MI 'GYUR RO, ,DE LAS BZLOG PA THAMS CAD LA NI YANG SRID PAR SKYE BA'I MYU GU YOD PAR RIG PAR BYA'O, ,KUN NAS NYON MONGS PA NI GNYIS TE, LTA BA'I KUN NAS NYON MONGS PA DANG, DE MA YIN PA'I NYON MONGS PA'I KUN NAS NYON MONGS PA'O, ,DE LA LTA BA'I KUN NAS NYON MONGS PA NI 'DU BYED RNAMS LA BDAG DANG BDAG GI RNAM PAR LOG PAR BZUNG BAS 'JUG PA'I 'JIG TSOGS LA LTA BA STE, DES NA 'DU BYED RNAMS LA BDAG GAM BDAG GIR KHAS LEN PA DANG, RTZA BA DE LAS BYUNG BA DE DE MA YIN PA'I PHYI ROL PA'I LTA BAR GYUR BA RNAMS KHAS LEN PA'O, ,DE MA YIN PA'I NYON MONGS PAR 'DOD CHAGS LA SOGS PA NI KUN NAS NYON MONGS PA GNYIS YIN PAR RIG PAR BYA'O, ,DE LA LTA BA'I KUN NAS NYON MONGS PA LAS RNAM PAR GROL BA'I TSE NI DE MA YIN PA RNAMS LA GTAN DU RNAM PAR GROL BAR 'GYUR BA'I SKAL BA CAN DU 'GYUR GYI, DE MA YIN PA RNAMS LAS RNAM PAR GROL BA'I TSE NI LTA BA'I KUN NAS NYON MONGS PA LAS RNAM PAR GROL BAR 'GYUR BA'I SKAL BA CAN DU MI 'GYUR RO, ,DE CI'I PHYIR ZHE NA, 'DI LTAR 'DIR SKYES PA @177A *, ,CI YANG MED PA'I SKYE MCHED MAN CHAD KYI 'DOD CHAGS DANG BRAL BA NI SA 'OG MA PA'I DE MA YIN PA'I NYON MONGS PA RNAMS LAS 'JIG RTEN PA'I LAM GYI SEMS RNAM PAR GROL BAR 'GYUR GYI 'JIG TSOGS LA LTA BA LAS NI MA YIN NO, ,DE YANG DES NA SA 'OG MA PA DANG, SA GONG MA PA'I 'DU BYED 'DRES PA'I LUS LA BYE BRAG MED PAR BDAG GAM BDAG GIR KHAS LEN TE, DES NA SRID PA'I RTZE MOR SONG DU ZIN KYANG PHYIR LDOG PAR 'GYUR GYI, 'JIG RTEN LAS 'DAS PA'I LAM GYI LUS THAMS CAD LA SDUG BSNGAL BAR YONGS SU SHES PAS 'JIG TSOGS LA LTA BA SPONG BA SNGON DU 'GRO BA'I NYON MONGS PA SPONG BAS PHYIR LDOG PAR MI 'GYUR TE, DE BAS NA 'DIR NI LTA BA'I KUN NAS NYON MONGS PA 'BA' ZHIG KUN NAS NYON MONGS PA CHEN PO YIN PAR RIG PAR BYA'O, ,LAM GYI BGROD PA GCIG PA NI RNAM PA GSUM DU RIG PAR BYA STE, SO SO'I SKYE BO'I SA LA 'DU BYED BRTAG PA RNAM PA LNGA YOD DO, ,BRTAG PA DE NYID KYANG ZHUGS PA'I SLOB PA'I SA DANG, MI SLOB PA'I SA'I DUS GNYIS SU RNAM PAR DAG PAR 'GYUR BA'I PHYIR RO, ,GNAS LNGA BRTAG PA GANG ZHE NA, 'DU BYED RNAMS KYI RANG BZHIN BRTAG PA DANG, RGYU BRTAG PA DANG, KUN NAS NYON MONGS PA'I RGYU BRTAG PA DANG, RNAM PAR BYANG BA'I RGYU BRTAG PA DANG, RNAM PAR BYANG BA BRTAG PA'O, ,SNGON SO SO'I SKYE BO'I GNAS SKABS RNAMS SU GNAS LNGA LA MKHAS PAR GYUR NAS SLOB PAS GNAS PO DE DAG NYID LA DE MA YIN PA RNAM PA LNGAS RTOG PA NAS MNGON PAR SHES PA MYUR BAR 'GYUR TE, LNGA GANG ZHE NA, 'DU BYED RNAMS KYI 'DU BYED KYI RGYU DANG, KUN NAS NYON MONGS PA'I RGYU DANG, RNAM PAR BYANG BA'I RGYU 'GOG PA LA ZHI BA DANG, RNAM PAR BYANG BAR 'GYUR BA'I LAM LA NGES PAR 'BYIN PA DANG, 'DU BYED THAMS CAD LA YANG SNA TSOGS MANG BA'I BDAG NYID CAN DANG, RANG GI SA BON LAS SKYE BA DANG, DE MA YIN PA'I RKYEN LAS SKYE BA'O, ,GNAS GNYIS LA SGRIB PAR BYED PA'I YONGS SU YI 'CHAD PA RNAM PA BZHIR RIG PAR BYA STE, BZHI GANG ZHE NA, GANG GI GNAS SKABS SU SKYE BA DANG, GANG LA BRTEN TE SKYE BA DANG, JI LTAR SKYE BA DANG, RNAM PA JI LTA BU @177B SKYE BA'O, ,DE LA 'PHAGS PA MA YIN PA BDEN PA RNAMS LA MI MKHAS PA NYI TSE'I SKYE BAR 'GYUR TE, 'PHAGS PA MA YIN PA DE'I YANG GNAS LNGA LA MI MKHAS PA LA SKYE BAR 'GYUR RO, ,DE LA 'DU BYED RNAMS LAS BDAG DANG BDAG GIR KHAS LEN PA'I RNAM PA'I 'JIG TSOGS LA LTA BA LAS NI BRTEN TE SKYE BA'O, ,DE LA 'DU BYED YONGS SU 'GYUR BA RNAM PA GNYIS KYIS NI SKYE BAR 'GYUR TE, RKYEN GZHAN LA YONGS SU 'GYUR BA DANG, RANG GI SEMS KYI LOG PAR RTOG PA YONGS SU 'GYUR BA'O, ,DE LA SDUG BSNGAL LAS YONGS SU 'GYUR BA MA 'ONGS PA'I DOGS PAS SKRAG PA'I RNAM PA DANG, GYUR ZIN PA'I 'OG TU PHONGS PA'I RNAM PA DANG, GYUR ZIN NAS KYANG SDUG PA DE YANG 'BYUNG BAR 'GYUR BA LA LTA BA'I RNAM PA DANG, MYA NGAN LAS 'DAS NA LUS YONGS SU 'GYUR BA LA RTOG PAS YONGS SU YI 'CHAD PA'I RNAM PA STE DE DE LTAR ZHUGS PAS BSTAN PA LA MNGON PAR DGA' BA LA YANG SGRIB PAR BYED LA MYA NGAN LAS 'DAS PA LA MNGON PAR DGA' BA LA YANG SGRIB PAR BYED DO, ,DMIGS PA DANG RANG GI SPYOD YUL LA NI SGO GNYIS NAS BDAG DANG BDAG GIR 'DZIN PA 'JUG STE, 'DI LTA STE, RTOG PA DANG MYONG BA'I SGO NAS 'JIG TSOGS LA LTA BA DANG TSOR BA DANG SBYAR RO, ,LEGS PAR GSUNGS PA DANG NYES PAR BSHAD PA'I CHOS CAN GNYIS NI SNGON GYI GNAS RJES SU DRAN PA'I GZHI MTSUNGS MOD KYI, KUN NAS NYON MONGS PA DANG RNAM PAR BYANG BAR BYA BA LA RNAM PA GSUM GYIS KHYAD PAR YOD PAR RIG PAR BYA STE, GSUM GANG ZHE NA, 'DI NA NYES PAR BSHAD PA'I CHOS CAN NI SNGON GYI GNAS RJES SU DRAN PA NA, 'DU BYED RNAMS KYI RANG GI MTSAN NYID DANG, SPYI'I MTSAN NYID YANG DAG PA JI LTA BA BZHIN DU MI SHES TE, 'DU BYED DE DAG LA RTAG PA 'AM, KHA CIG RTAG PA'AM, MI RTAG PA'AM, RGYU MED PAR RTOG GO, , LEGS PAR GSUNGS PA'I CHOS CAN GYIS NI SHES PAS NA RTOG PAR MI BYED DE, ,'DI NI KHYAD PAR DANG PO'O, ,GZHAN YANG NYES PAR BSHAD PA'I CHOS CAN NI SNYOMS PAR 'JUG PA GANG LA BRTEN TE DRAN PA DE LA SDUG BSNGAL BAR YANG DAG PA JI LTA BA BZHIN DU MI SHES PAS RO MYONG BAR BYED DE RO @178A *, ,MYANG BAS 'DAS PA'I 'DU BYED RNAMS LA NI LTA'O, ,MA 'ONGS PA RNAMS LA NI MNGON PAR DGA'O, ,DA LTAR BYUNG BA RNAMS LA NI SKYO BAR BYA BA DANG, 'DOD CHAGS DANG BRAL BAR BYA BA DANG, 'GOG PA'I PHYIR MI 'JUG GO, ,LEGS PAR GSUNGS PA'I CHOS CAN DE LAS BZLOG PAR RIG PAR BYA STE, 'DI NI KHYAD PAR GNYIS PA'O, ,GZHAN YANG NYES PAR BSHAD PA'I CHOS CAN NI DE LTAR LOG PAR ZHUGS PAS KUN NAS NYON MONGS PA RNAM PA BZHIS KUN NAS NYON MONGS SHING YANG SRID PAR SKYE BA MNGON PAR 'GRUB PAR BYED DE, 'DI LTA STE, LAS KYI KUN NAS NYON MONGS PA DANG, LTA BA DANG NGA'O SNYAM PA'I NGA RGYAL GYI KUN NAS DKRIS PA'I KUN NAS NYON MONGS PA DANG, SRED PA'I KUN NAS DKRIS PA'I KUN NAS NYON MONGS PA DANG, DE RNAMS KYI BAG LA NYAL GYI KUN NAS NYON MONGS PA'O, ,DE NI LAS GSANG YANG BYED CING SOGS LA LAS RNYING RNAMS LA YANG REG CING 'DOR BAR MI BYED DE, 'DI NI LAS KYI KUN NAS NYON MONGS PA'O, ,'DU BYED RNAMS LA 'JIG TSOGS LA LTA ZHING SEMS CAN GZHAN DGE SBYONG DANG BRAM ZE RNAMS LA YONGS SU 'JAL BAR BYED CING BRTAGS NAS BDAG NI CHE'O SNYAM PA'AM, BDAG NI MNYAM MO SNYAM PA'AM BDAG NI CHUNG NGO SNYAM DU 'DZIN PA 'DI NI LTA BA DANG NGA'O SNYAM PA'I NGA RGYAL GYIS KUN NAS DKRIS PA'I KUN NAS NYON MONGS PA'O, ,SRED PA'I KUN NAS DKRIS PA'I KUN NAS NYON MONGS PA NI NANG NGAM PHYI ROL LA BRTEN NAS SRED PA SPYOD PA RNAMS LAS RIG PAR BYA'O, ,DE RNAMS KYI BAG LA NYAL GYI KUN NAS NYON MONGS PA NI DE RNAMS KYI RGYU DANG 'BREL BA'I LTA BA DANG NGA'O SNYAM PA'I NGA RGYAL DANG SRED PA'I PHYOGS KYI GNAS NGAN LEN YIN NO, ,RNAM PA BZHI PO DE RNAMS NI BSDUS NA GNYIS SU 'GYUR TE, LAS DANG NYON MONGS PA RNAMS SO, ,KUN NAS NYON MONGS PA RNAMS KYANG KUN NAS DKRIS PA DANG, BAG LA NYAL LO, ,DE MA YIN PA'I NYON MONGS PA'I KUN NAS NYON MONGS PA YANG YOD MOD KYI 'DU BYED RNAMS LA LOG PAR 'DZIN PA SNGON DU 'GRO BA'I MNGON PAR CHAGS PA'I DBANG DU BYAS NAS NYON MONGS PA 'DI DAG NYI TSE SMOS SO, ,DE LA GZHAN LA MI RTOG PAR RANG GI 'DU BYED RNAMS LA LTA BAS LOG @178B PAR 'DZIN PA DANG, GZHAN LA BRTAGS NAS NGA'O SNYAM PA'I NGA RGYAL GYIS LOG PAR 'DZIN PA'O, ,LOG PAR 'DZIN PA DE YANG MA RIG PA'I PHYOGS SU GTOGS PA YIN NO, ,DE SNGON DU 'GRO BA'I MNGON PAR CHAGS PA NI SRED PA'I PHYOGS SU GTOGS PA'O, ,'DI GNYIS NI RTZA BA'I NYON MONGS PA YIN TE, 'DI GNYIS KYIS 'KHOR BA'I RGYUN 'JUG PAR 'GYUR RO, ,LEGS PAR GSUNGS PA'I CHOS 'DUL BA CAN NI DE LTAR YANG DAG PAR ZHUGS PAS KUN NAS NYON MONGS PA RNAM PA BZHI SPANGS NAS TSE 'DI LA YONGS SU MYA NGAN LAS 'DAS SHING YONGS SU RDZOGS PA'I MYA NGAN LAS 'DAS PA DE LA YANG GTAN DU GNAS PAR 'GYUR RO, ,CIG SHOS NI YAN LAG DES MYA NGAN LAS 'DAS PA LA YANG GTAN DU GNAS PA MA YIN TE 'DI NI KHYAD PAR GSUM PA'O, ,DE LA LTA BA DANG NGA'O SNYAM PA'I NGA RGYAL GNYIS NI CHE BA ZHES BYA'O, ,SRED PA NI DUD PA ZHES BYA'O,, DE CI'I PHYIR ZHE NA, 'DU BYED RNAMS LA LTA BA DANG NGA'O SNYAM PA'I NGA RGYAL GNYIS KYIS BSGRIBS PAS 'DU BYED RNAMS RANG BZHIN GYIS THA CHAD YIN PAR MA SHES NAS LHA DANG MI RNAMS KYI NANG DU LUS DANG LONGS SPYOD CHE BAR 'DOD DE, ,DE BAS NA CHE BA ZHES BYA'O, ,DUD PA DANG 'DRA BAR SEMS THA MAL PAR GNAS PAR RAB TU MI BYED CING RNAM PAR 'KHRUG PAR BYED PAS NA DE'I PHYIR DUD PA ZHES BYA'O, ,SDOM NI, NYES DMIGS MED DANG 'DUN PA MED, ,'DRI BA'I LAN LA NOR BA MED, ,MTSAN NYID DANG NI BAR DU GCOD, ,NGO MTSAR DANG NI RGYU 'JIG DANG, ,KUN NAS NYON MONGS GCIG TU NGES; ,GNYI GA YANG NI THA MA YIN, ,'DI GNYIS NI DAD PA CAN YIN YANG DAD PA DANG 'TSAM PA'I SPYOD PA DANG LDAN PA MA YIN TE, GNYIS GANG ZHE NA, KHYIM PA DAD PA CAN MYA NGAN LAS 'DAS PA DANG, 'DU BYED MI RTAG PA LA NI DAD PA LA 'DU BYED RNAMS NYES DMIGS SU MI LTA BAR GNAS PA DANG, NGES PAR 'BYUNG BA MI SHES PAS YONGS SU SPYOD PA GANG YIN PA DANG, KHYIM SPANGS NAS KHYIM NAS KHYIM MED PAR RAB TU BYUNG BA DAD PA CAN YIN DU ZIN KYANG MYA NGAN LAS 'DA' BAR BYA BA'I PHYIR 'DUN PA DRAG POS GNAS PA MED PA DANG, TSE 'DI NYID LA YONGS SU MYA NGAN LAS 'DA' @179A *, ,BAR BYA BA'I PHYIR 'DUN PA LA BRTEN PAS DGE BA'I CHOS RNAMS BSGOM PA LA RTAG TU SBYOR BAR YANG MI BYED PA GANG YIN PA'O, ,DE LAS BZLOG PA NI DAD PA DANG 'TSAM PA'I SPYOD PA GNYIS YIN PAR RIG PAR BYA'O, ,'DI GNYIS NI CHOS 'DI PA MKHAS SHING GSAL BA LA DAD PA CAN NAM, MU STEGS CAN GYIS DRIS PA'I LAN 'DEBS PA LA NOR BA MED PA YIN PAR RIG PAR BYA STE, 'DI LTA STE, DBU MA'I LAM LA BRTEN NAS 'DU BYED RNAMS KYI 'BYUNG BA DANG 'JIG PA LAS BRTZAMS TE SEMS CAN DU SGRO MI 'DOGS PA DANG, DNGOS PO YOD PA BDEN PA LA YANG SKUR BA MI 'DEBS PAR 'DU BYED TZAM NYI TSE SKYE BA'AM 'JIG PA YOD PAR STON PA DE NI 'DRI BA'I LAN 'DEBS PA LA NOR BA MED PA YIN NO, ,SEMS CAN RNAMS SKYE BA'AM 'JIG PA YOD DO ZHES BYA BA 'DI NI SGRO 'DOGS PA'I MTHA' STE MTHA' GCIG GO, ,CI YANG SKYE BA'AM 'JIG PA MED DO ZHES BYA BA NI SKUR PA 'DEBS PA'I MTHA' STE GNYIS PA'O, ,'DU BYED TZAM GYI SKYE BA'AM 'JIG PA YOD DO ZHES BYA BA NI DBU MA'I LAM STE MTHA' GNYIS LAS RNAM PAR GROL BA YIN NO, ,DE BAS NA DES LAN 'DEBS PA NI LAN GDAB PA LA LEGS PA YIN TE, DE BZHIN GSHEGS PAS BSTOD PA YIN NO, ,YANG NA CI'I PHYIR DGE SBYONG GOO TA MA'I THAD DU TSANGS PAR SPYOD PA NYAMS SU LEN PAR BYED CES DRIS NA SNGA MA BZHIN DU SGRO 'DOGS PA DANG, SKUR BA 'DEBS PA'I MTHA' GNYIS SPANGS PA'I DBU MA'I LAM GYIS LAN 'DEBS PA NI LAN 'DEBS PA LA NOR PA MED PA YIN NO, , SEMS CAN KUN NAS NYON MONGS PA CAN RNAMS RNAM PAR BYANG BAR BYA BA'I PHYIR NYAMS SU LEN TO ZHES BYA BA 'DI NI MTHA' GCIG GO, ,CI'I DON GYI PHYIR YANG NYAMS SU LEN PA MED DO ZHES BYA BA 'DI NI MTHA' GNYIS PA'O, ,'DU BYED RNAMS LA SKYO BAR BYA BA'I PHYIR DANG, 'DOD CHAGS DANG BRAL BAR BYA BA'I PHYIR DANG, 'GOG PAR BYA BA'I PHYIR NYAMS SU LEN TO ZHES BYA BA'I 'DI NI DBU MA'I LAM STE, DE BAS NA DES LAN 'DEBS PA NI MA NOR ZHING LEGS PAR YIN NO, ,DE BZHIN GSHEGS PAS BSNGAGS PA YIN PAR RIG PAR BYA'O, ,'DI GNYIS NI 'DUS BYAS DANG, 'DUS MA @179B BYAS PA STE, DE LA 'DUS BYAS KYI MI RTAG PA NI 'DUS BYAS KYI MTSAN NYID GSUM GYIS SHES PAR 'GYUR TE, 'DI LTA STE, SKYE BA DANG 'JIG PA DANG GNAS PA LAS GZHAN DU 'GYUR BA'O, ,MTSAN NYID GSUM PO DE DAG KYANG 'DU BYED KYI RGYUN GNYIS LA BRTEN NAS SHES PAR 'GYUR TE, 'DI LTA STE, TSE RABS GCIG NAS GCIG TU BRGYUD PA'I RGYUN DANG, SKAD CIG PA GCIG NAS GCIG TU BRGYUD PA'I RGYUN NO, ,DE LA RGYUN SNGA MA SHOS KYI SEMS CAN GYI RIS DE DANG DER SKYE BA GANG YIN PA DE NI SKYE BA'O, ,THA MAR 'CHI BA NI 'JIG PA'O, ,THOG MA DANG THA MA'I BAR GZHON NU LA SOGS PA'I, GNAS SKABS RNAMS SU NI GNAS PA LAS GZHAN DU 'GYUR PA STE, TSE'I TSAD JI TZAM PAR GNAS PAS NA GNAS PA'O, ,GNAS SKABS PHYI MA PHYI MA'I BYE BRAG YOD PAS NA GZHAN DU 'GYUR BA'O, ,DE NAS RGYUN PHYI MA SHOS KYI SKAD CIG SKAD CIG LA 'DU BYED RNAMS SAR PA SAR PA SKYE BA GANG YIN PA DE NI SKYE BA'O, ,SKYE BA'I SKAD CIG PA DE LAS LHAG PAR MI GNAS PAR NI 'JIG PA'O, ,SKYE BA'I SKAD CIG PA TZAM LA GNAS PA NI GNAS PA'O, ,GZHAN DU 'GYUR BA NI GNYIS TE, THA DAD PA'I GZHAN DU 'GYUR BA DANG, THA DAD PAR 'GYUR BA'I GZHAN DU 'GYUR BA'O, ,DE LA THA DAD PA'I GZHAN DU 'GYUR BA NI 'DU BYED RGYUN 'DRA BAR 'JIG PA GANG YIN PA'O, ,THA DAD PAR 'GYUR BA'I GZHAN DU 'GYUR BA NI RGYUN MI 'DRA BAR 'JUG PA GANG YIN PA'O, ,GZHAN DU 'GYUR BA'I LUS NI GNAS PA LAS LOGS SHIG NA MED DE DE BAS NA 'DI GNYIS GCIG TU BSDUS NAS MTSAN NYID GCIG TU 'DOGS SO, , DE LAS BZLOG PA LAS NI 'DUS MA BYAS PA'I MTSAN NYID GSUM DANG RTAG PA NYID DU RIG PAR BYA'O, ,GSUM PO 'DI DAG NI MYA NGAN LAS 'DAS PA'I TSOGS BSAGS PA'I BAR DU GCOD PA YIN PAR RIG PAR BYA STE, LAS KYI MTHA' RGYA CHEN POS LONGS SPYOD PHUN SUM TSOGS PA'I SGO NAS BAG MED PAR GYUR BA DANG, DGE BA'I BSHES GNYEN GYIS SKUL BA MED PA DANG, CHOS MA THOS SHING CHOS MA THOB PAR DUS MA YIN PAR 'CHI BA'I RKYEN GANG YANG RUNG BA DANG PHRAD NAS 'CHI BA'O, ,DE LAS BZLOG PA NI BAR DU GCOD PA MED PA GSUM DU RIG PAR BYA'O, ,'DI GNYIS NI 'PHAGS PA SHI BA DANG DUS LAS @180A *, ,'DAS PA'I 'PHAGS PA'I RTAGS YIN TE, 'DI LTA STE, 'CHI BA'I TSE DBANG PO DANG BA DANG, STON PAS LUNG BSTAN PA'O, ,STON PA NI 'PHAGS PA 'DAS PA NA RNAM PA GSUM GYIS 'PHAGS PA YIN PAR LUNG STON PAR MDZAD DE, RIGS DANG LDAN PA'I PHYIR NOR DU GYUR OAR LUNG STON PA DANG, NGA'I CHOS KYI RJES SU MTHUN PA RTOGS SO ZHES BYA BA LA CHOS ZHES BYA BA NI YANG DAG PA'I LTA BA SNGON DU 'GRO BA'I LAM MO, ,DE'I RJES SU MTHUN PA'I CHOS NI CHOS DE LAS BRTZAMS PA'I PHA ROL GYI SGRA STE, TSUL BZHIN YID LA BYED PA'I RTEN TO, ,'DI LTA STE, CHOS KYI SKABS NAS NGA LA 'TSE BAR MI BYED PA'O ZHES BYA BA'O, ,DE'I DON NI DE BZHIN GSHEGS PA RNAMS KYIS BKA' STZAL BA'I DON DANG, GSUNGS PA'I DON NI 'DI LTA STE, ZAG PA RNAMS ZAD PAR BYA BA DE'I PHYIR ZAG PA ZAD PA DE YANG DES THOB BO, ,'DI GNYIS NI DE BZHIN GSHEGS PA'I NGO MTSAR RMAD DU BYUNG BA'I CHOS YIN TE, 'DI LTA STE, MA DAD PA RNAMS DAD PAR BYA BA DANG, DAD PA RNAMS PHYIR ZHING 'PHEL BAR BYA BA DANG, BSTAN PA 'DI LA MYUR DU 'JUG PAR BYA BA'I PHYIR, 'DI LTA STE, STON PA YIN PA'I RNAM PA'AM, CHOS BSTAN PA'I RNAM PA'AM, MCHOG GI THOB PA BRNYES PA'I RNAM PA LAS BRTZAMS TE PHYOGS DANG PHYOGS MTSAMS RNAMS SU DGE BA DANG RGYA CHE BAR GRAGS PA DANG SGRA DANG TSIGS SU BCAD PA DANG LDAN PA DANG RGYU MED PAR SMRA BA DANG MI MTHUN PAR SMRA BA SPANGS NAS YANG DAG PA'I RGYU GSUNGS PA STE, 'DI LTAR RGYU MED PA DANG, RGYU MI MTHUN PAR SMRA BA NI 'DI LTA STE, MKHAS PA RNAMS KYIS BDE 'GROR 'GRO BA DANG, THAR PAR 'GRO BA'I PHYIR MOS PA'I GNAS KYANG MA YIN NA 'JUG PAR 'GYUR PA DANG NAN TAN DU SGRUB PAR LTA GA LA 'GYUR, ,YANG DAG PA'I RGYU SMRA BA NI DE LAS BZLOG PA LAS RIG PAR BYA'O, ,DE LA STON PA'I RNAM PA RNAMS NI 'DI LTA STE, 'DI LTAR BCOM LDAN 'DAS DE NI DE BZHIN GSHEGS PA DGRA BCOM PA ZHES BYA BA NAS, BCOM LDAN 'DAS ZHES BYA BA'I BAR DAG YIN TE, RGYAS PAR RNAM GRANGS BSDU BA LAS 'BYUNG BA BZHIN NO, ,BSTAN PA'I RNAM PA RNAMS NI 'DI LTA STE, DAM PA'I CHOS BSTAN PA STE, @180B THOG MAR YANG DGE BA ZHES BYA BA RGYAS PAR SBYAR TE DE DAG KYANG RNAM GRANGS BSDU BA NYID LAS RIG PAR BYA'O, ,DE LA MCHOG GI THOB PA BRNYES PA'I RNAM PA RNAMS NI 'DI LTA STE, DES NI 'JIG RTEN 'DI DANG 'JIG RTEN PHA ROL YANG NYID KYI MNGON PAR SHES PAS MNGON PAR RDZOGS PAR SANGS RGYAS SO ZHES BYA BA NAS RGYAS PAR SBYAR RO, ,DE LA 'DOD PA'I KHAMS NI 'JIG RTEN 'DI'O, ,GZUGS DANG GZUGS MED PA'I KHAMS NI 'JIG RTEN PHA ROL LO, ,RNAM GRANGS GNYIS PA NI DA LTAR DANG, MA 'ONGS PA DANG, 'DAS PA'I 'DUS KYI BYE BRAG LAS RIG PAR BYA'O, ,SLOB DPON MED PAS NA NYID DO, ,MNGON PAR SHES PA ZHES BYA BA NI RNAM PA DRUG PAS SO, ,MNGON SUM DU BYAS ZHES BYA BA NI MNGON SUM DU DMIGS PA'I PHYIR RO, ,BSGRUBS TE ZHES BYA BA NI SEMS CAN THAMS CAD KYI MCHOG TU GYUR PA'I PHYIR RO, ,MCHOG DE NYID KYIS KYANG MKHYEN LA GZHAN DAG LA YANG STON PAS NA BRDA SPROD PA'O, ,RGYU MED PAR SMRA BA RNAMS NI RNAM PA GNYIS KYIS 'DU BYED RNAMS LA RGYU MED PAR 'DZIN PA 'JUG PAR 'GYUR TE, DE DAG NI 'DU BYED RNAMS KYI SKYE BA'I RGYU DANG, 'JIG PA'I RGYU YANG RAB TU MI SHES TE, GANG SKYES PAS 'DU BYED GANG DAG SKYE BAR 'GYUR BA DANG, GANG 'GAGS PAS GANG DAG 'GAG PAR 'GYUR BA'O, ,DE DAG GIS DE GNYIS NI MI DMIGS LA 'DU BYED RNAMS NI DMIGS PAS 'DI LTAR LTA ZHING 'DI SKAD DU SMRA STE, YOD PA GANG YIN PA DE NI YOD PA KHO NA'O, ,MED PA GANG YIN PA DE NI MED PA KHO NA'O, , MED PA LA NI SKYE BA MED DO, ,YOD PA LA NI 'JIG PA MED DO SNYAM MO, ,DE SKAD DU SMRA BA DE DAG NI GNAS SKABS GSUM DU 'DU BYED RNAMS KYI SKYE BA DANG 'JIG PA'I DMIGS PA 'JIG RTEN THAMS CAD KYIS SHES PA RAGS PA MNGON SUM GYI TSAD MAR GYUR BA LA SKUR BA 'DEBS TE, 'DI LTA STE, RGYAL RIGS DANG, BRAM ZE DANG, RJE'I RIGS DANG, DMANGS RIGS KYI GNAS DE DANG DER SKYES PA DANG BUD MED PHRAD PA'I RGYUS ZLA BA BRGYAD DANG DGU 'DAS PA NA KHYE'U BU MO 'BYUNG BAR 'GYUR BA DANG, DE LTAR BYUNG NAS KYANG KHA CIG NI DE NYID KYI MOD LA TSE ZAD DE BAR MA DOR 'CHI BA DANG, @181A *, ,GZHAN YANG 'DI NA KHA CIG NI TSE'I TSAD JI TZAM PAR GNAS PA DANG, GSON ZHING 'DUG LA SDOD CING 'TSO STE BDE BA DANG, SDUG BSNGAL BA DANG, SDUG BSNGAL BA YANG MA YIN BDE BA YANG MA YIN PA'I TSOR BA'I GNAS SKABS KYI BYE BRAG GIS SAMS LAS BYUNG BA'I CHOS RNAMS SAR PA SAR PA YIN GYI, RNYING PA RNYING BA MA YIN NO, ,'DI GNYIS NI BDAG BSTOD PA DANG, GZHAN SMOD PA STE, 'DI LTA STE, TSIG TZAM GYIS BYED PA DANG, STON CING NAN TAN DU SGRUB PAS BYED PA'O, ,DE LA TSIG TZAM GYIS BDAG BSTOD PA DANG GZHAN SMOD PA GANG YIN PA DE DAG NI SKYES BU DAM PA MA YIN PA'I CHOS DES ZIL GYIS NON CING YONGS SU ZIN PA'I SEMS KYIS DAM PA RNAMS KYI NANG DU BDAG NYID SMAD PAR 'GYUR GYI, BSTOD PAR MI 'GYUR RO, ,BSTOD CING NAN TAN DU SGRUB PAS BYED PA NI MA BSTOD PA DANG MA SMAD BA RNAMS KYIS BDAG NYID BSTOD PA DANG GZHAN DAG SMAD PAR YANG 'GYUR RO, ,DE BZHIN GSHEGS PA RNAMS KYI CHOS BSTAN PA NI MI SHES PA RNAM PA GNYIS MYUR DU SEL BAR BYED PA STE, DAM PA'I CHOS MA YIN PA LA MOS PAS YUN RING PO NAS SKYES PA DANG, NYE BAR SKYES PA'O, ,DE BZHIN DU LHAN CIG SKYES BA BDE 'GROR 'GRO BA'I LAM MI SHES PA DANG, TSE 'DI LA MYA NGAN LAS 'DA' BAR 'GRO BA'I LAM MI SHES PA'O, ,'DU BYED DU GTOGS PA RNAM PA BCU GCIG GCIG TU BSDUS NA 'DU BYED KYI TSOGS SU 'GYUR TE, TSOGS KYI DON NI PHUNG PO'I DON DU RIG PAR BYA'O, ,KUN NAS NYON MONGS PA'I RGYU GCIG TU NGES PA'I DBANG DU BYAS NAS NYE BAR LEN PA'I PHUNG PO RNAM PAR GZHAG PAR RIG PAR BYA'O, ,KUN NAS NYON MONGS PA DANG RNAM PAR BYANG BA'I RGYU RNAM PA GNYIS KYI DBANG DU BYAS NAS ZAG PA DANG BCAS PA DANG, ZAG PA MED PA'I 'DU BYED RNAM PAR GZHAG PAR RIG PAR BYA'O, , 'DU BYED RNAMS LA NYON MONGS PA SKYE BA NI RNAM PA GSUM DU RIG PAR BYA STE, 'DI LTA STE, RTEN DANG, DMIGS PA DANG GROGS SO,, ,,RNAL 'BYOR SPYOD PA'I SA LAS GZHI BSDU BA, BAM PO DRUG PA, SDOM NI, MDZAD PA NYUNG DANG RANG BZHIN SOGS, ,'PHAGS PA'I @181B BSTAN PA RNAM PA GSUM, ,DAM CHOS LTA BUR BCOS PA DANG, ,SEMS NYID KUN DU RMONGS PA'I GNAS, ,LAN MI 'DEBS DANG RNAM PAR 'GYUR, ,STON PA LA NI BRJOD PA DANG, ,LTA BA PHUN SUM TSOGS PA GSUM, ,PHYI ROL RNAMS KYI BYIS PA'I RTAGS, ,DE BZHIN GSHEGS PA RNAMS NI RGYU GSUM GYIS MDZAD PA NYUNG NGUR GNAS PA LA THUGS 'JUG PAR MDZAD DE, DE'I MOD LA 'DUL BA'I DON RDZOGS PAR GYUR NAS TSE 'DI LA BDE BAR GNAS PA GNAS PAR BZHED PA DANG, NYAN THOS RNAMS KYIS NAN TAN DU SGRUB PA NYAMS SU LEN PA DANG, 'DUL BA DON MANG ZHING BYA BA MANG BA LA ZHUGS PA RNAMS GDUL BA'I PHYIR RO, ,NYIN PAR GNAS SHING NANG DU YANG DAG 'JOG PA'I RGYU THAMS CAD NI SNGA MA BZHIN DU 'DIR YANG RIG PAR BYA'O, ,BZHI PO 'DI DAG NI 'DUL BA RNAMS KYIS 'DUL BA'I RANG BZHIN YIN TE, 'DI LTA STE, KUN DU RMONGS PA RNAMS DANG, BAG MED PA RNAMS DANG, SEMS ZHUM PA RNAMS DANG, YANG DAG PAR ZHUGS PA RNAMS SO, ,RNAM PA BZHIS NI GNAS BZHI LA GUS PA SKYES TE, GNAS PAS MYUR BA NYID DU BLA NA MED PA THOB PAR 'GYUR TE, THOB PAR BYA BA GANG YIN PA DE LA 'DUN PA DRAG PA DANG, THOB PAR BYA BA'I THABS 'DI LTA STE, CHOS KYI RJES SU MTHUN PA'I CHOS LA NAN TAN DU SGRUB PA GANG YIN PA DE LA SDUG PAR 'DZIN PA DRAG PA DANG, STON PA LA PHANGS PAR 'DZIN PA DRAG PA DANG, DES BSTAN PA'I CHOS LA DAD PA DRAG PA'O, ,BLA NA MED PA NI GSUM STE, 'DI LTA STE, SHES PA BLA NA MED PA DANG, LAM BLA NA MED PA DANG, RNAM PAR GROL BA BLA NA MED PA'O, ,DE LA SHES PA BLA NA MED PA NI ZAD PA SHES PA DANG, MI SKYE BA SHES PA DANG, MI SLOB PA'I YANG DAG PA'I LTA BA'O, ,MNGON PAR SHES PA MYUR LA SLA BA'I LAM NI LAM BLA NA MED PA'O, ,SEMS RNAM PAR GROL BA NYAMS PA MED PA NI RNAM PAR GROL BA BLA NA MED PA STE, DE RNAMS BSDUS PA NI SHES PA DANG, SPONG BA DANG, TSE 'DI LA BDE BAR GNAS PA ZHES BYA BAR RIG PAR BYA'O, ,SLOB PA'I SHES PA GANG YIN PA DANG, LAM GANG YIN PA DANG, RNAM PAR GROL BA GANG YIN PA DE DAG NI BLA NA MED PA MA YIN TE, BLA @182A *, ,NA YOD PA'I PHYIR RO, ,DGRA BCOM PA'I LAM THAMS CAD NI MNGON PAR SHES PA SLA BA DANG, MYUR BAR RIG PAR BYA STE, GNAS NGAN LEN THAMS CAD BCOM PA DANG BYA BA BYAS PA'I PHYIR RO, ,BYANG CHUB KYI PHYOGS DANG MTHUN PA LA BRTEN PA 'DU BYED RNAMS RAB TU RNAM PAR 'BYED PA NA DUS GNYIS SU RNAM PA BZHIS 'JIG TSOGS LA LTA BA YONGS SU SHES NA DUS GNYIS KYI RJES THOGS SU ZAG PA ZAD PA THOB PAR 'GYUR TE, DUS GNYIS PO GANG ZHE NA, SO SO'I SKYE BO'I SA DANG, MTHONG BA'I SA'O, ,RNAM PA BZHI PO GANG ZHE NA, 'DI LTA STE, RANG BZHIN DANG; GNAS DANG, KUN NAS SLONG BA DANG, 'BRAS BU'O, ,DE LA 'JIG TSOGS LA LTA BA'I RANG BZHIN NI 'DU BYED DO, ,'DU BYED RNAM PA LNGA NI DE'I BDAG GAM BDAG GIR DMIGS PA'I GNAS YIN NO, ,LTA BA'I NYE BAR LEN PAS BSDUS PA DE'I KUN NAS SLONG BA NI MA RIG PA'I 'DUS TE REG PA LAS BYUNG BA'I RKYEN GYIS BYUNG BA'I SRED PA'O, ,DE YANG RTEN CING 'BREL PAR 'BYUNG BA'I RIM PA RNAM PA LNGAS 'BYUNG STE 'DI LTA STE, KHAMS SNA TSOGS KYI RKYEN GYIS NI REG PA SNA TSOGS 'BYUNG NGO, ,REG PA SNA TSOGS KYI RKYEN GYIS NI TSOR BA SNA TSOGS 'BYUNG NGO, ,TSOR BA SNA TSOGS KYI RKYEN GYIS NI SRED PA SNA TSOGS 'BYUNG NGO, ,SRED PA SNA TSOGS KYI RKYEN GYIS NI LEN PA SNA TSOGS 'BYUNG STE, RTEN CING 'BREL PAR 'BYUNG BA GANG YIN PA DE NI MI RTAG PA'O, ,DE LA 'BRAS BU NI DUS SKABS GSUM DU 'JOG TSOGS LA LTA BAS SGRIB PAR BYED PA STE, 'DI LTA STE; BDAG MED PA LAS BRTZAMS NAS CHOS LA RTOG PA'I BZOD PA'I DUS DANG, MNGON PAR RTOGS PA'I DUS DANG, DGRA BCOM PA NYID 'THOB PA'I DUS KYI TSE'O, ,DE LA DUS GCIG TU NI BAG LA NYAL GYI 'JIG TSOGS LA LTA BA'I SGO NAS SOM NYI ZA BA DANG, THE TSOM CAN DU 'GYUR RO; ,CHOS LA RTOG PA LAN MANG DU BYAS PA'I RGYUS SOM NYI BSAL DU ZIN KYANG MNGON PAR RTOGS PA'I DUS NA BSAM PA THAG PA NAS MYA NGAN LAS 'DAS PA LA GTONG BA'I TSE BAG LA NYAL GYI 'JIG TSOGS LA LTA BA DE NYID KYI SGO NAS LOG PA'I 'DU BYED LA YONGS SU BRTAGS NAS BDAG NI @182B CHAD PAR 'GYUR, ZHIG PAR 'GYUR, MED PAR 'GYUR RO ZHES MYA NGAN LAS 'DAS PA LA CHAD PAR LTA ZHING MED PAR LTA BAR 'GYUR TE, DES NA DE'I YID MYA NGAN LAS 'DAS PA LAS PHYIR LDOG STE 'JUG PAR MI 'GYUR RO, ,DE PHYIS NYES PA DE LAS SEMS RNAM PAR SBYANGS NAS BDEN PA RNAMS MNGON PAR RTOGS TE, MNGON PAR RTOGS PA DANG LDAN DU ZIN KYANG DE BAG LA NYAL GYI SGO NAS NGA'O SNYAM PA'I NGA RGYAL GANG YIN PA DE DANG BRAL BAR MI 'GYUR TE, BRGYA LA LAN 'GA' BRJED NGAS PAR 'GYUR BAS NGA RGYAL GYI KUN NAS DKRIS PA'I SGO NAS BDAG GI BDAG NI 'DI'O SNYAM DU YANG DAG PAR MTHONG STE, 'DI LTA STE, BDAG NI CHE'O, ,BDAG NI MNYAM MO, ,BDAG NI CHUNG NGO SNYAM MO, ,DE LA GNAS SKABS GNYIS SU NI BAG LA NYAL GYI STOBS KYIS SGIB PAR BYED DO, ,GSUM PA'I SKABS SU NI BAG CHAGS KYI STOBS KYIS SGRIB PAR BYED DO, ,'DU BYED RNAMS NI RGYU RNAM PA GSUM GYIS 'BYUNG BAR 'GYUR TE, 'DI LTA STE, SNGON GYI LAS DANG NYON MONGS PA'I STOBS DANG, SMON LAM GYI STOBS DANG, DA LTAR BYUNG BA'I RGYU DANG RKYEN GYI STOBS SO, ,DE LA SO SO'I SKYE BO'I SA LA NI YONGS SU SHES NAS MTHONG BA'I SA'I RJES THOGS SU MTHONG BAS SPANG BAR BYA BA'I ZAG PA RNAMS ZAD PA 'THOB PAR 'GYUR RO, ,MTHONG BA'I SA LA NI YONGS SU SHES SHING SPANG BA BYAS NAS DGRA BCOM PA'I 'BRAS BU THOB PA'I RJES THOGS SU ZAG PA RNAMS ZAD PA THOB PAR 'GYUR RO, ,'DU BYED RNAMS LA NI RNAM PA LNGAS TSUL BZHIN DU 'DRI ZHING LAN 'DEBS TE, LNGA GANG ZHE NA, RANG BZHIN DANG, LDOG PA DANG 'JUG PA'I RTZA BA DANG, LDOG PA DANG 'JUG PA DANG, LDOG PA DANG, 'JUG PA'I THABS SO, ,DE LA RANG BZHIN NI RNAM PA LNGA STE GZUGS LA SOGS PA'O, ,DE LA LDOG PA DANG 'JUG PA'I RTZA BA NI 'DUN PA STE, DGE BA'I CHOS LA 'DUN PA YAN CHAD ZAG PA ZAD PA THOB PA'I BAR GANG YIN PA STE, 'DI NI LDOG PA'I RTZA BA'O, ,'DUN PA NAS BZUNG STE, KYE MA BDAG NI SKAL BA NGAN PA RNAMS NAS TSANGS RIS PA RNAMS KYI BAR DU SKAL BA MNYAM PAR SKYE BAR GYUR CIG SNYAM STE, DER SEMS KYANG KUN DU BSTEN CING BSGOM LA MANG DU BYED DE DE NAS DER SKYE BAR 'GYUR @183A *, ,BA GANG YIN PA'I 'DI NI 'JUG PA'I RTZA BA'O, ,DE LA LDOG PA NI 'DU BYED RNAMS LA 'DUN PA DANG 'DOD CHAGS KYI NYE BAR LEN PA TZAM SPANGS PA'I PHYIR RO, ,GAL TE 'DU BYED RNAMS NYE BAR LEN PA YIN DU ZIN NA NI LDOG PA MED PAR YANG MI 'GYUR TE, DGRA BCOM PA LA YANG 'DU BYED PA YOD PA'I PHYIR RO, ,GAL TE 'DU BYED RNAMS LA NYE BAR LEN PA THA DAD PA ZHIG YIN NA NI DES 'DUS MA BYAS SU 'GYUR TE, 'DUS MA BYAS YIN PAS RTAG PAR YANG 'GYUR LA DE LTA NA NI LDOG PAR YANG MI 'GYUR RO, ,DE BAS NA NYE BAR LEN PA NI 'DU BYED RNAMS KYI PHYOGS GCIG BZUNG BA YIN TE, DE'I PHYOGS GCIG KUN DU SPYOD PA GTAN SPANGS PAS LDOG TU BTUB PO, ,DE LA 'JUG PA NI YANG SRID PAR SKYE BA'I RGYU DANG, RNAM PA DANG, DA LTAR BYUNG BA'I RGYU'O, ,DE LA YANG SRID PAR SKYE BA'I RGYU NI JI LTAR 'DI NA KHA CIG PHYI MA LA SMON NAS LAS BYED PAR 'GYUR TE, ,MA 'ONGS PA'I DUS SU BDAG 'DU BYED 'DI LTA BU ZHIG DANG LDAN PAR GYUR CIG SNYAM STE, DES YANG SRID PAR SKYE BA'I 'DU BYED RNAMS KYI RGYU YANG PHANGS PAR 'GYUR LA DA LTAR BYUNG BA RNAMS KYANG MA SPANGS TE, DE LTAR NA 'DU BYED RNAMS KYI BYE BRAG YOD DO, ,DE LA RNAM PA NI 'DU BYED DU GTOGS PA RNAM PA BCU GCIG PO RNAMS YIN TE SNGA MA BZHIN DU RIG PAR BYA'O, ,'DI LA DA LTAR BYUNG BA'I RGYU NI 'DI LTA STE, 'BYUNG BA'I RGYU LAS BYUNG BA'I GZUGS YIN TE, 'BYUNG BA CHEN PO BZHI PO RNAMS LA BRTEN NAS REG PA'I RKYEN GYIS TSOR BA LA SOGS PA SEMS LAS BYUNG BA RNAMS 'BYUNG BA DANG MING DANG GZUGS KYI RKYEN GYIS RNAM PAR SHES PA 'BYUNG BA'O, ,DE LA 'JUG PA'I THABS NI 'JIG TSOGS LA LTA BA LA BRTEN NAS 'DU BYED RNAMS LA NGA'O SNYAM PA'I NGA RGYAL DANG, RO MYONG BAR BYED PA GANG YIN PA DANG, BDAG GANG BDAG GIR LTA BA GANG YIN PA'O, ,DE LA LDOG PA'I THABS NI 'DU BYED RNAMS LA NGA'O SNYAM PA'I NGA RGYAL MED PA DANG, NYES DMIGS DANG, NGES PAR 'BYUNG BA DANG, BDAG DANG BDAG GIR MI LTA BA GANG YIN PA'O, ,DE LA 'JUG PA'I THABS NI MTHUN MTHUN DU MA RIG PA DANG SRED PA'I PHYOGS SU GTOGS PAR RIG PAR BYA'O, ,DE'I GNYEN @183B PO LAS NI LDOG PA'I THABS SO, ,NYAN THOS MI MKHAS PA NI RGYU GNYIS KYIS STON PA'I BSTAN PA LAS 'DAS NAS SDIG PA'I LTA BAR LTUNG BA'AM, TSIG TU SMRA BA DANG, KUN RDZOB KYI BDEN PA LA RNAM PAR RMONGS PA DANG, DON DAM PA'I BDEN PA LA RNAM PAR RMONGS PAR 'GYUR RO, ,DE DE LTAR RNAM PAR RMONGS PAS KUN RDZOB KYI BDEN PA'I TSUL LAS GCIG TU NGES PAR 'DAS PA DANG, DON DAM PA'I BDEN PA'I TSUL LAS GCIG TU NGES PAR 'DAS NAS 'DU BYED RNAMS KYI 'JUG PA LA TSUL BZHIN MA YIN PAR RTOG PAR BYED DO, ,'PHAGS PA 'BA' ZHIG BZHED NA STON PAR MDZAD PA NI GNAS GSUM YOD DO, ,BYIS PA SO SO'I SKYE BO NI DE LTA MA YIN TE GZHAN LAS THOS PA NYI TSE'O, ,'DI LTA STE, 'DU BYED RNAMS LA BDAG DANG BDAG GIR MED PAR MTHONG BAR BDAG NYID YANG DAG PA JI LTA BA BZHIN DU STON PA DANG, GANG LA BRTEN PAS NGA'O SNYAM PA'I NGA RGYAL 'JUG PA DE SPANGS NA YANG DE THAMS CAD KYI THAMS CAD DU MA SPANGS PA YANG STON PA DANG, 'JUG PA'I RTEN MED DU ZIN KYANG NGA'O SNYAM PA'I NGA RGYAL MA SPANGS PAS JI LTAR KUN DU SPYOD PA JI LTA BU YIN PA STON TO, ,DE LA 'DU BYED RNAMS LA NGA'O SNYAM PA'I NGA RGYAL NI RNAM PA GNYIS TE, MNGON PAR ZHEN PAS KUN DU SPYOD PA DANG, BRJED NGAS PAS KUN DU SPYOD PA'O, ,DE LA MNGON PAR ZHEN PAS KUN DU SPYOD PA NI 'PHAGS PAS SPANGS TE KUN DU MI SPYOD DO, ,GNYIS PA NI BAG LA NYAL GYI SGO NAS SPYOD DE, 'JIG TSOGS LA LTA BA SPANGS SU ZIN KYANG 'PHAGS PA'I LAM LEGS PAR MA BSGOMS PA'I PHYIR KUN DU SPYOD DO, ,DE NI 'JIG TSOGS LA LTA BA'I BAG CHAGS TZAM DANG 'BREL PA'I TSUL GYIS BRJED NGAS PAS KUN DU SPYOD PA'I NGA'O SNYAM PA'I NGA RGYAL GYIS RTEN GYI BYA BA BYED DO, ,DE BAS NA SPANGS KYANG KUN DU SPYOD PA YOD DO, ,DE LA 'PHAGS PA NI RANG GI MTSAN NYID KYI SGO NAS 'DU BYED RNAMS YID LA BYED PA NA YANG NGA'O SNYAM PA'I NGA RGYAL KUN DU SPYOD PAR MI 'GYUR NA SPYI'I MTSAN NYID KYI SGO NAS LTA CI SMOS, GDAGS PA'I SGO NAS YID LA BYED PA NA YANG DRAN PA NYE BAR GNAS NA NI NGA'O SNYAM PA'I NGA RGYAL KUN DU MI SPYOD DO, ,GDAGS PA NYID YID LA BYED PA @184A *, ,NA DRAN PA NYE BAR GNAS PA MED NA NI NGA'O SNYAM PA'I NGA RGYAL KUN DU SPYOD PAR 'GYUR RO, ,SO SO'I SKYE BO NI SPYI'I MTSAN NYID KYI SGO NAS 'DU BYED RNAMS YID LA BYED PA NA YANG SEMS KYI RGYUD NGA'O SNYAM PA'I NGA RGYAL GYIS RNAM PAR 'DRES NA GNAS SKABS GZHAN DAG LA LTA CI SMOS, DE LA 'PHAGS PA'I RGYUD LA NI 'JIG TSOGS LA LTA BA BAG LA NYAL DANG KUN NAS DKRIS PA'I SGO NAS SPANGS PA YIN NO, ,BAG CHAGS DANG 'BREL PA'I SGO NAS NI SLOB PAS MA SPANGS SO, ,NGA'O SNYAM PA'I NGA RGYAL NI BAG LA NYAL DANG KUN NAS DKRIS PA'I SGO NAS KYANG MA SPANGS SO, , DE LA NGA'O SNYAM DU 'DUN PA GANG YIN PA DE NI NGA RGYAL GYIS KUN NAS DKRIS PA YIN PAR RIG PAR BYA'O, ,DE CI'I PHYIR ZHE NA, 'DI LTAR RJED NGAS SHING 'DOD PA DANG SNYOMS PAR 'JUG PA'I RO MYANG BAS 'PHROG PA DE NI 'DUN PA'I SGO NAS NGA'O SNYAM PA'I NGA RGYAL GYIS KUN NAS DKRIS PA KUN TU SPYOD DO, ,DE YANG DES BAG LA NYAL GYI SGO NAS MA SPANGS LA KUN NAS DKRIS PA'I SGO NAS YONGS SU MA SHES TE 'DI LTAR DE DE'I TSE BRJED NGAS PAR 'GYUR RO, ,'GOG PAR MA GYUR PA NI KUN NAS DKRIS PA DANG BRAL DU ZIN KYANG YANG KUN TU SPYOD PA'I PHYIR RO, ,ZAD PAR MA BYAS PA NI DE'I BAG LA NYAL YANG DAG PAR MA BCOM PA'I PHYIR RO, ,TSANGS PA MTSUNGS PAR SPYOD PA RNAMS KYI TSANGS PA MTSUNGS PAR SPYOD PA RNAMS LA KUN TU DGA' BAR BYA BA'I DRI BA NI RNAM PA GNYIS TE, NAD PA DRI BA DANG, BDE BA DRI BA'O, ,DE LA NAD PA DRI BA NI CI KHYOD TSOR BA DUB PAS BZOD PAR GYUR TAM ZHES BYA BA DANG, SROG DANG MTHUN PA'I PHYIR SDOD PA DANG, CI SDUG BSNGAL GYI TSOR BA SHAS CHE BAR MA GYUR TAM, RGYUN CHAGS PAR MA GYUR TAM, MI SDUG PA'I 'DUS TE REG PA DANG, YID DANG MI MTHUN PA RNAMS LUS SU ZHUGS PAR MA GYUR TAM, ZHUGS PA LAS KYANG MED PAR SOR NGAM ZHES BYA BA'O, ,DE LA BDE BA DRI BA NI 'DI LTAR 'DI NA KHA CIG KHA CIG LA NAD KYIS NYON MONGS PAR MA GUR PA'I PHYIR GNOD PA CHUNG NGAM ZHES DRI BA'O, ,PHYI ROL GYI GNOD PA MED PA DANG YANG YAMS KYI NAD LAS GYUR PA MED PA'I PHYIR NYAM NGA BA NYUNG BA'O, ,MTSAN MO BDE BAR GNYID KYIS LOG PA DANG, KHAS ZAS BDE BAR ZHU BAR GYUR PA'I PHYIR @184B BSKYOD PA YANG BA'O, ,'TSO BA DANG, STOBS DANG, BDE BA DANG, KHA NA MA THO BA MED PA DANG, BDE BA REG PAR GNAS PAR GNAS PA'I RNAM GRANGS RNAMS KYI DBYE BA NI 'DI LTA STE, NYAN THOS KYI SA LAS ZAS KYI TSOD RIG PAR BYA BA LAS BRTZAMS PA BZHIN NO, ,DRI BA DE YANG GNAS SKABS RNAM PA BZHIR GTOGS PAR RIG PAR BYA STE, NANG GI GNOD PAR GTOGS PA DANG, PHYI ROL GYI GNOD PAR GTOGS PA DANG, MTSAN MO GNAS PAR GTOGS PA DANG, NYIN MO GNAS PAR GTOGS PA'O, ,DGRA BCOM PA TSE 'DI NYID LA KHA ZAS DANG THA SNYAD DANG, PHUNG PO DANG, KHAMS DANG SKYE MCHED RNAMS LA NYE BAR MI 'GRO BA DANG BRAL BA MA YIN PA YANG DAG PA JI LTA BA BZHIN DU RAB TU MA SHES NAS DGRA BCOM PA NI NYE BAR MI 'GRO BA'O, ,DGRA BCOM PA NI NYE BAR MI 'GRO BA'O ZHES BYA BA TSUL BZHIN MA YIN PAR RTOG PAR BYED DE, DGRA BCOM PA NI TSE LA NYE BAR MI 'GRO BA MA YIN TE 'DI LTA STE DE NI KHA ZAS DANG, THA SNYAD DANG, PHUNG PO DANG, KHAMS DANG SKYE MCHED RNAMS LA YANG DAG PAR SNANG BAS NA, DE'I PHYIR DGRA BCOM PA NI SHI BA'I 'OG TU GDOD NYE BAR MI 'GRO STE, DGRA BCOM PA NI 'DU BYED RNAMS KHAS MI LEN ZHING NYE BAR MI 'GRO'O ZHES BYA BA NI BCOM LDAN 'DAS KYIS DGONGS TE GSUNGS PA GOR MA CHAGS GO SNYAM STE, DE NI DAM PA'I CHOS LTAR BCOS PA DANG LTA BAR GYUR PAR RIG PAR BYA'O, ,TSANGS PA MTSUNGS PAR SPYOD PA'AM NYAN THOS CHEN PO NI DAM PA'I CHOS LTAR 'CHOS PA DE LTAR BUR GYUR PA SPANGS PA'I PHYIR DON GYI DBANG RNAM PA GNYIS LA BRTEN NAS SHIN TU 'BAD PAR BYED DE, GANG ZAD DE DAG NYID KYIS 'DOD PA'AM GZHAN DAG LA YANG STON PAR BYED PA'I RGYU 'DIS 'GRO BA NGAN PAR SKYE BAR GYUR NA MI RUNG NGO SNYAM PA DANG, BSTAN PA LA DGA' BA'I SGO NAS DAM PA'I CHOS LTAR BCOS PA LA BRTEN PAS BSTAN PA NUB PAR 'GYUR NA MI RUNG NGO SNYAM PA'O, ,DAM PA'I CHOS LTAR BCOS PA DE SKYE BA LA NI RGYU GNYIS YOD DE, NANG GI 'JIG TSOGS LA LTA BA MA SPANGS PA DANG, DE LA BRTEN PAS 'JUG PA DANG LDOG PA'I SKYES BUR RTOG PA'O, ,RGYU RNAM PA DE GNYIS SPANG PA LA NI GNYEN PO DAM PA'I CHOS BSTAN PA RNAM @185A *, ,PA GNYIS YOD DE, 'DU BYED RNAMS LA MI RTAG PA NYID KYI GO RIMS KYIS BDAG MED PAR BSTAN PA DANG, BSGYUR BA BZHIS 'JUG PA DANG LDOG PA'I SKYES BU MI DMIGS PA STE, 'DI LTA STE, 'DUS BYAS SAM 'DUS MA BYAS KYI SGO NAS NYAN THOS DANG RANG SANGS RGYAS DANG, SANGS RGYAS KYI BDAG NI DE BZHIN 'ONGS PA ZHES BYA BA'O, ,DE YANG RNAM PA GNYIS SU 'DOGS TE PHUNG PO'I LHAG MA DANG BCAS PA LA NI 'DUS BYAS SU 'DOGS SO, ,PHUNG PO'I LHAG MA MED PA LA NI 'DUS MA BYAS SU 'DOGS SO, ,DON DAM PAR NI 'DUS BYAS LA YANG 'DUS BYAS KYIS GDAGS SU MED DO, ,'DUS MA BYAS LA YANG 'DUS MA BYAS KYIS GDAGS SU MED DO, ,DAM PA'I CHOS BSTAN PA DES KHONG DU CHUD PA RNAM PA DRUG BSKYED NA DAM PA'I CHOS LTAR BCOS PA SPANGS PAR RIG PAR BYA STE, 'DI LTA STE, DGRA BCOM PA DE'I PHUNG POR BSDUS PA'I 'DU BYED DU GTOGS PA 'JIG PA'I CHOS CAN YIN PA'I PHYIR MI RTAG PAR KHONG DU CHUD PA DANG, TSE 'DI LA NA BA DANG, RGA BA DANG SDUG BSNGAL BA'I GNAS SU GYUR PA'I PHYIR SDUG BSNGAL BA NYID KHONG DU CHUD PA DANG, RANG GI NGANG GIS 'GAG PA DANG, SPONG PA'I KHAMS DANG; 'DOD CHAGS DANG BRAL BA'I KHAMS DANG, 'GOG PA'I KHAS LA 'GOG PA DANG, RNAM PAR ZHI BA DANG, BSIL BA DANG, NUS PAR KHONG DU CHUD PA'O, ,DE LTAR KHONG DU CHUD PA DE LA NI LOG PA'I MNGON PA'I NGA RGYAL DANG LDAN PA'I DGRA BCOM PA'I 'DU SHES GANG YIN PA DE YANG MI 'BYUNG NA SHI BA'I 'OG TU DE NYE BAR 'GRO BA DANG, NYE BAR MI 'GRO BAR LTA SPROS PAR GA LA BYED, 'JIG TSOGS LA LTA BA MA SPANGS PA LA NI NYES DMIGS GNYIS YOD PAR RIG PAR BYA STE, GSOD PA PO BZHIN DU SDUG BSNGAL BAR BYED PA'I 'DU BYED RNAMS LA BDAG GAM BDAG GIR KHAS LEN PA NI DE DAG GIS DE 'KHOR BA NA SDUG SNGAL BAR BYED PAR 'GYUR BA DANG, TSE 'DI LA YANG 'PHAGS PA'I SHES RAB BLA NA MED PA'I SROG GI DBANG PO 'GAG PAR BYED DE, DPER NA MI LA LA ZHIG LA 'KHON YOD PA'I MI ZHIG YOD PAS MTHUS BSAD MI NUS PAR RANG GIS SHES NAS BSAD PA'I PHYIR @185B YID RTON DU GZHUG PA SNGON DU BTANG BAS YID DU 'ONG BA KUN TU SPYOD DE, DE YID RTON PAR GYUR PAR SHES NAS SROG DANG BRAL BAR BYED PA DE BZHIN DU BYIS PA SO SO'I SKYE BO YANG 'KHOR PA'I MI LTA BU'I 'JIG TSOGS LA LTA BAS PHYI MA LA SDUG BSNGAL BAR BYA BA'I PHYIR, YID DU 'ONG BA'I 'DU BYED LA CHAGS PA DANG LDAN PAR KUN DU SPYOD LA SO SO'I SKYE BO RMONGS PA DE YANG GSOD PAR BYED PA'I 'JIG TSOGS LA LTA BA LA PHAN YON DU LTA BA'I NYES PAR LTA BAR MI BYED DE DE LA, DE LTAR YID BRTAN PAR GYUR PAS 'PHAGS PA'I SHES RAB KYI SROG GI DBANG PO DE LAS MA THOB PA YONGS SU NYAMS PAR 'GYUR BA'I SGO NAS RAB TU NYAMS PAR BYED DO, ,'DI GNYIS NI 'DI LAS PHYI ROL PA RNAMS CHOS 'DUL BA LA THE TSOM ZA BA DANG RMONGS PAR 'GYUR BA'I GNAS YIN TE, GNYIS GANG ZHE NA, DE BZHIN GSHEGS PA NI YOD PA DANG MED PAR LTA BA YANG SPONG LA, NYAN THOS KYANG SHI BA'I 'OG TU KHA CIG NI MNGON PAR 'GRUB PAR 'GYUR, KHA CIG NI MNGON PAR 'GRUB PAR MI 'GYUR BAR LUNG STON PA GANG YIN PA DANG, DON DAM PAR TSE 'DI DANG TSE PHYI MA LA BDAG RTAG PAR MI DMIGS PA DANG, STON PA GSUM STE, RTAG PAR SMRA BA DANG, CHAD PAR SMRA BA DANG, DE BZHIN GSHEGS PA YOD PAR THUGS SU CHUD PA GANG YIN PA'O, ,SOM NYI ZA BA DANG, RMONGS PA DE'I RGYU NI RNAM PA GNYIS TE, DAM PA'I CHOS LTAR BCOS PA BZHIN DU RIG PAR BYA'O, ,DE SPANG BAR BYA BA YANG DE BZHIN TE BSTAN PA RNAM PA GNYIS YIN NO, ,BDAG MED PA'I CHOS 'DI NI RGYU GNYIS KYIS 'DI LAS PHYI ROL PAS 'JUG PAR DKA' BA DANG, RTOGS PAR DGA' BA YIN TE, 'DI LTA STE, DE NI RANG BZHIN GYIS KYANG RTOGS PAR DKA' BA DANG, DE JI LTA BA'I TSUL GYIS RTOGS PAR SLA BA LTAR DE DAG DE DANG MI 'DRA'O, ,DE LA MI SLU BA'I DON DANG, RTOGS PA'I DON DANG THUN MONG MA YIN PA'I DON GYIS NA RANG BZHIN GYIS 'JUG PAR DKA'O, , ZAB PA YIN LA ZAB PA NYID DU SNANG BA'I PHYIR 'DI NI MI SLU BA'I DON TO, ,BDAG NYID KYIS MTHONG BAR DKA' LA GZHAN GYI SGRA LAS NI BKA' 'KHOR DU KHONG DU CHUD PA'I PHYIR 'DI NI RTOGS PA'I DON TO, ,RTOG GE'I SPYOD YUL MA YIN PAS RTOG GE BAS BRTAG MI NUS PA'I PHYIR 'DI NI THUN MONG MA YIN PA'I DON @186A *, ,TO; ,CHOS 'DI NI ZHIB MO MKHAS PA DANG MDZANGS PA'I BRTAGS PAS RIG PAR BYA BA YIN TE, RNAM GRANGS 'DI DAG KYANG 'DI LTA STE, RNAM GRANGS BSDU BA LAS 'BYUNG BA BZHIN DU RIG PAR BYA'O, ,DE BZHIN GSHEGS PAS GSUNGS PA'I DON NI RNAM PA GNYIS KYIS THAMS CAD KYI THAMS CAD DU SHES PAR RIG PAR BYA STE, 'DI LTA STE, LUNG DANG RTOGS PAS SO, ,DE LA LUNG NI SO SO'I SKYE BO'I THOS PA DANG BSAMS PA DANG BSGOMS PA LAS BYUNG BA'I SHES RAB BO, ,RTOGS PA NI SLOB PA DANG MI SLOB PA'I SHES RAB STE, DE'I PHYI NAS THOB PA 'JIG RTEN PA'I'O, ,DE LA GSUNGS PA'I DON THAMS CAD KYI THAMS CAD DU KUN MI SHES LA NGA RGYAL YANG NGA RGYAL YIN PAR MNGON PAR MA RTOGS SHING, MI SPONG BA NI SO SO'I SKYE BO BDAG TU MI LTA BA YIN NO, ,DE LA THAMS CAD KYI THAMS CAD DU DON KUN SHES SHING NGA RGYAL YANG NGA RGYAL YIN PAR MNGON PAR RTOGS LA SPONG PAR NI MI BYED PA NI SLOB PA'O, ,THAMS CAD BYED PA NI MI SLOB PA'O, ,'DI LA DE BZHIN GSHEGS PA NI KUN RDZOB KYI BDEN PA DANG, DON DAM PA'I BDEN PA YANG DAG PA JI LTA BA BZHIN DU MKHYEN MOD KYI DE GNYI GA'I TSUL GYIS LAN GDAB TU MI RUNG LA GNOD PA DANG BCAS PAR GZIGS NA LAN MI 'DEBS SHING ZHAL GYIS MI BZHES TE SHI PHAN CHAD YOD PAR 'GYUR BA DANG MED PAR 'GYUR BA DANG, GNYI GAR 'GYUR BA DANG, GNYI GAR MI 'GYUR BA LTA BU'O, ,DE LA DE BZHIN GSHEGS PA DE LTAR YE SHES GZIGS PA SNGON DU BTANG STE, LAN MI 'DEBS PA LA MI MKHYEN PA TZAM DU 'DZIN PA GANG YIN PA DE DAG NI DE'I LTA BA DANG LDAN PA'I MI SHES PA YIN PAR MNGON PAR RIG PAR BYA'O, ,'DI GNYIS NI 'DU BYED RNAMS KYI RNAM PAR 'GYUR BA YIN TE, RGA BA'I RNAM PAR 'GYUR BA NI JI LTAR 'DI NA KHA CIG RGAS PAR GYUR TE, SKYES NAS LO BRGYA NYI SHU LON PA STE DE BAS NA LUS NA BA ZHES BYA'O, ,SEMS KYI YID MI BDE BA'I RNAM PAR 'GYUR BA NI GANG GIS SEMS NA BA ZHES BYA BAR 'GYUR BA'O, ,DE LA DANG PO'I RNAM PAR 'GYUR BA LA NI BYIS PA DANG MKHAS PA RNAMS KYIS DGA' MGUR BYAR MED DO, ,GNYIS PA LA NI MKHAS PA RNAMS KYI NI YOD @186B LA BYIS PA RNAMS KYI NI MED DO, ,DE LA BYIS PA NI LUS NA BAR GYUR NA SEMS NA BAR YANG NGES PAR 'GYUR RO, ,MKHAS PA NI LUS NA BAR GYUR KYANG SEMS NA BAR MI 'GYUR TE, DE BAS NA 'DI NI 'DIR BYIS PA DANG MKHAS PA'I KHYAD PAR YIN NO, ,LEGS PAR BZUNG BA'I CHOS ZHES BYA BA NI THOS PA DANG BSAMS PA'O, ,LEGS PAR YID LA BYAS ZHES BYA BA NI BSGOMS PA'O, ,LEGS PAR BSTEN ZHES BYA BA NI JI LTA BA BZHIN DU YOD PA'I SGO NAS SO, ,LEGS PAR KHONG DU CHUD CES BYA BA NI JI SNYED YOD PA'I SGO NAS SO, ,NYAN THOS RNAMS NI RNAM PA GNYIS KYIS 'DI LTA STE, NYE BAR LEN PA THAMS CAD SPONG BA YONGS SU SHES PA GSUNG BA'I STON PA YANG DAG PAR DRIS PA LA LEN 'DEBS PAR BYED DE, GNYIS GANG ZHE NA, GANG LA NYE BAR LEN PA THAMS CAD SPONG BA YONGS SU SHES PA GSUNG BA DANG GANG GI PHYIR RO, ,DE LA DE BZHIN GSHEGS PA NI 'DU BYED THAMS CAD LA SPONG BA YONGS SU SHES PA GSUNG NGO, ,NYE BAR LEN PA MA SPANGS PA LA NYES DMIGS RNAM PA GSUM YANG DAG PAR GZIGS LA SPANGS PA LA NI PHAN YON RNAM PA GSUM YANG DAG PAR GZIGS SO, ,DE LA 'DU BYED RNAMS LA NYE BAR LEN PA DANG BCAS PA LA NI 'DU BYED RNAM PAR 'GYUR BA NA MYA NGAN LA SOGS PA SKYE BAR 'GYUR TE, DE BAS NA 'DI NI NYES DMIGS DANG POS TE 'DU BYED THOB PA RNAM PAR 'GYUR BA LAS GYUR BA YIN NO, ,GZHAN YANG 'DU BYED RNAMS LA NYE BAR LEN PA DANG BCAS PA'I 'DU BYED RNAMS MA THOB PA THOB PAR BYA BA'I PHYIR YONGS SU TSOL BA LA ZHUGS PA NA MI DGE BA RNAM PA DU MA MANG PO RNAM PA SNA TSOGS KUN DU SPYOD DE, DES NA DE YONGS SU TSOL BA DE DANG, MI DGE BA DE LA BRTEN NAS SDUG BSNGAL RNAM PA BZHI LA GNAS PAR 'GYUR TE, 'DI LTA STE, MNGON DU BYUNG ZHING NYE LA RAB TU NYE BA DANG, 'BYUNG BA NYE BAR GNAS PAR GYUR PA DANG, GZHAN GYIS GNOD PA'I DBANG GIS BYUNG BA DANG; BDAG GIS KUN NAS NYON MONGS PA'I DBANG GIS BYUNG BA STE, 'DI NI NYES DMIGS GNYIS PA'O, ,DES SDIG PA MI DGE BA'I CHOS DE DAG NYID YANG DAG PAR BLANGS PA'I PHYIR LUS DANG BRAL TE SHI BA'I 'OG TU NGAN 'GROR 'GRO BAR 'GYUR BA 'DI NI NYES DMIGS GSUM PA YIN PAR RIG PAR @187A *, ,BYA'O; ,DE LAS BZLOG PA NI NYE BAR LEN PA THAMS CAD SPANGS PA'I PHAN YON GSUM YIN TE, MTHUN MTHUN DU RIG PAR BYA'O, ,'PHAGS PA'I GANG ZAG RNAM PA GSUM GYI LTA BA PHUN SUM TSOGS PA RNAM PA GSUM NI SDUG BSNGAL RNAM PA GSUM LAS YANG DAG PAR 'DA' BAR 'GYUR BA YIN PAR RIG PAR BYA'O, ,'PHAGS PA'I GANG ZAG RNAM PA GSUM PO GANG ZHE NA, LTA BA PHUN SUM TSOGS PA'I SO SO'I SKYE BO BDAG MED PA'I BZOD PA LA GNAS PA DANG, BDEN PA MTHONG BA YANG DAG PA'I SKYON MED PA LA ZHUGS PA'I SLOB PA 'BRAS BU THOB CING MNGON PAR RTOGS PA DANG LDAN PA DANG, THA MA 'BRAS BU'I MCHOG DGRA BCOM PA NYID KYI MTHAR THUG PA'O, ,LTA BA PHUN SUM TSOGS PA RNAM PA GSUM NI ZAG PA MED PA DANG MTHUN PA'I ZAG PA DANG BCAS PA STE GANG ZAG DANG PO'I DANG, ZAG PA MED PA SHIN TU RNAM PAR DAG PA MA YIN PA DANG, SHIN TU RNAM PAR DAG PA STE; DE DAG KYANG JI SKAD BSTAN PA'I GANG ZAG RNAMS DANG GO RIMS BZHIN DU SBYAR BAR RIG PAR BYA'O, ,SDUG BSNGAL RNAM PA GSUM PO GANG DAG LAS YANG DAG PAR 'DA' BAR 'GYUR ZHE NA, LTA BA PHUN SUM TSOGS PA DANG POS NI 'DI LAS PHYI ROL PA'I LTA BA'I NYES RTZOM LAS BYUNG BA'I SDUG BSNGAL LAS YANG DAG PAR 'DA' BAR 'GYUR RO, ,GNYIS PAS NI NGAN SONG GI SDUG BSNGAL LAS YANG DAG PAR 'DA' BAR 'GYUR RO, ,GSUM PAS NI YANG SRID PAR SKYE BA'I SDUG BSNGAL LAS YANG DAG PAR 'DA' BAR 'GYUR RO, ,DE LA 'DI LAS PHYI ROL PA RNAMS KYI LTA BA'I NYES RTZOM LAS BYUNG BA'I SDUG BSNGAL GANG ZHE NA, CHOS 'DUL BA'I 'DI LAS THA DAD PA'I MU STEGS CAN GYI 'JIG RTEN GYI 'JIG TSOGS LA LTA BA'I RTZA BA LAS BYUNG BA'I LTA BAR GYUR PA GANG YIN PA DE DAG NI YIN TE, 'DI LTA STE, BDAG TU SMRA BA RNAMS KYI BDAG TU SMRA BA DANG MTSUNGS PAR LDAN PA RNAMS DANG, RTAG PAR SMRA BA RNAMS DANG, KHA CIG RTAG PAR SMRA BA RNAMS DANG, RGYU MED PAR SMRA BA RNAMS DANG, MTHA' DANG MTHA' MED PAR SMRA BA RNAMS DANG, CHAD PAR SMRA BA RNAMS DANG, TSE 'DI LA MYA NGAN LAS 'DA' BAR SMRA BA RNAMS KYIS DANG, SEMS CAN DU SMRA BA RNAMS DANG, MTSUNGS PAR LDAN PA @187B RNAMS NI 'DI LTA STE, LOG PAR LTA BA RNAMS KYIS SEMS CAN SKYE BA MED DO ZHES 'JIG RTEN PHA ROL LA SKUR PA 'DEBS PA RNAMS DANG, SROG TU SMRA BA RNAMS KYIS SROG TU SMRA BA DANG MTSUNGS PAR LDAN PA 'DI LTA STE, SROG DE NYID LUS DE YIN ZHES BYA BA LA SOGS PA DANG, LTAS DANG BKRA SHIS SMRA BA DANG MTSUNGS PAR LDAN PA RNAMS NI 'DI LTA STE, SKAR MKHAN DANG, MO MKHAN RNAMS KYI BZLAS BRJOD DANG SBYIN SREG LA SOGS PAS SDUG BA'I YUL 'THOB PA LA LTAS BSKYED CING GNOD PA SEL BA DANG, DE BZHIN DU MTSAN MA DANG, BKRA SHIS DANG, BKRA MI SHIS PA RNAMS KYI LTAS BSKYED PA'O, ,DE DAG KYANG GANG ZHE NA, SNGON GYI MTHA' DANG PHYI MA'I MTHA' LA RTOG PA RNAMS KYI 'JIG TSOGS LA LTA BA NYI SHU LA BRTEN NAS LTA BAR GYUR PA DRUG CU RTZA GNYIS PO GANG YIN PA RNAMS DANG, THAMS CAD LA SKUR PA 'DEBS PA'I LOG PAR LTA BA'O, ,DE'I NYES RTZOM LAS BYUNG BA'I SDUG BSNGAL GANG ZHE NA, DE DAG PHAN TSUN LTA BA DANG 'DOD PA MI MTHUN PAR SMRA BA RNAMS KYI YID MI BDE BA'I SDUG BSNGAL DANG, YONGS SU 'DZIN PA'I SDUG BSNGAL DANG, MTHOS PA DANG DAMS PA'I SDUG BSNGAL DANG LHAG PAR CHAGS PA'I SDUG BSNGAL LO, ,DE LA PHAM PA RNAMS MYA NGAN BYED PA NI SDUG BSNGAL DANG PO'O, ,PHA ROL PHAM PAR BYA BA DANG, RANG GI LTA BA'I PHYOGS BRTAN ZHING 'PHEL BAR BYA BA DANG, GZHAN DAG GI 'CHAB PA DANG, NGA'I LTA BA 'DI 'BA' ZHIG DAG PA YIN GYI GZHAN DAG NI MA YIN NO ZHES LOG PAR LTA BAS YONGS SU 'DZIN PAR 'GYUR BA RNAMS KYI YONGS SU 'DZIN PA LAS BYUNG BA'I RGYUS RTOG PA NGAN PA RAB TU MA ZHI BA RNAM PA DU MAS SEMS SNAD PAR GYUR PA'I PHYIR DE DAG LTA BAS YONGS SU 'DZIN PA'I SGO NAS GZHAN RNAMS DANG BDAG YONGS SU 'JAL ZHING BDAG CHE'O SNYAM PA NAS BDAG CHUNG NGO SNYOM PA'I BAR DU RLOM SEMS SU BYED CING DE DAG BDAG NYID NI MTHO BAR BYED, GZHAN DAG NI BSHUNG BAR BYED PA 'DI NI DE DAG GI MTHOS PA DANG DAMS PA'I SDUG BSNGAL YIN NO, ,DE DAG DE RNAMS LA BRTEN NAS RNYED PA DANG BKUR STI'I PHYIR RNAM PAR RGYU ZHING YONGS SU TSOL BA'I SDUG BSNGAL GYIS KYANG THEBS PAR 'GYUR LA GZHAN LA KLAN KA BTZAL BA DANG, @188A *, ,GNOD PAR BYA BA'AM, BDAG NYID RTZOD PA LAS THAR BAR BYA BA'I PHYIR SPUNGS SKYED PAR BYED PA 'DI NI DE DAG GI LHAG PAR CHAGS PA'I SDUG BSNGAL ZHES BYA'O, ,LTA BA'I NYES RTZOM LAS BYUNG BA'I SDUG BSNGAL RNAM PA BZHI PA DE DAG KYANG CHOS 'DI PA SO SO'I SKYE BO'I TSE BDAG MED PA LA MOS PA LA BLO TZAM GNAS PAS SPANGS PAR RIG PAR BYA STE, 'DI LTAR DE NI PHYI MA LA YANG BSAM PA THAG PA NAS LTA BAR GYUR PA 'DI RNAMS LEN PAR 'GYUR BA'I RGYU MA YIN NO, ,DE DE LTAR LTA BA PHUN SUM TSOGS PA DANG PO LA GNAS PA NA DANG PO'I SDUG BSNGAL LAS YANG DAG PAR 'DAS NAS LTA BA PHUN SUM TSOGS PA DE NYID LAN MANG DU BYAS PAS NANG GI 'DU BYED DU GTOGS PA YANG GCIG TU BSDUS NAS, CHOS SHES PA DANG LKOG TU GYUR PA'I RJES SU SHES PA GZHAN GYI DRING MI 'JOG PA'I SHES PAS 'DI LTA STE, MI RTAG PA NYID KYI RNAM PA'AM, GANG YANG RUNG BA ZHIG TU MNGON PAR RTOGS TE DE'I TSE LTA BA PHUN SUM TSOGS PA GNYIS PA YANG THOB LA SDUG BSNGAL GNYIS PA LAS KYANG YANG DAG PAR 'DAS SO, ,DE DE LA GNAS NAS JI LTAR THOB PA'I BYANG CHUB KYI PHYOGS SU GTOGS PA'I CHOS SUM CU RTZA BDUN PO BSGOMS PAS SNGA MA BZHIN DU LAS LA SOGS PA'I KUN NAS NYON MONGS PA RNAM PA BZHI SPANGS NAS LTA BA PHUN SUM TSOGS PA THA MA YANG 'THOB LA YANG SRID PAR SKYE BA'I SDUG BSNGAL LAS KYANG YANG DAG PAR 'DA' BAR 'GYUR RO, ,DE LA GANG ZAG DANG PO'I NI SDUG BSNGAL RNAM PA GNYIS DANG, DA LTAR BYUNG BA'I PHUNG PO'I SDUG BSNGAL GYI LHAG MA YOD DO, ,GNYIS PA'I NI RNAM PA GCIG DANG PHUNG PO'I SDUG BSNGAL GYI LHAG MA YOD DO, ,GSUM PA'I NI THAMS CAD SPANGS TE PHUNG PO'I SDUG BSNGAL GYI LHAG MA TZAM ZHIG RE ZHIG YOD DO, ,DE LA RNAM PAR BRTAG PA'I 'JIG TSOGS LA LTA BA'I SGO NAS RNAM PA NYI SHU RNAM PAR GZHAG PA YIN GYI LHAN CIG SKYES PA'I SGO NAS NI MA YIN NO, , CHOS 'DI PA LA NI SA GANG YIN PA DE NI BDAG YIN LA BDAG GANG YIN PA DE NI SA YIN NO ZHES BYA BA NAS RGYAS PAR SBYAR TE DE LTA BU'I RNAM PA'I ZAD PAR GYI SKYE MCHED LA SNYOMS PAR 'JUG PA MED PAR RIG PAR BYA'O, ,LNGA PO 'DI DAG NI 'DI LAS PHYI ROL PA'I MU STEGS CAN RNAMS KYI BYIS PA'I RTAGS YIN @188B TE DE DAG GIS BYIS PA ZHES BYA BA'I GRANGS SU 'GRO'O, ,'DI LAS PHYI ROL PA NI MKHAS SU ZIN KYANG RANG BZHIN GYIS MKHAS PA'I NGA RGYAL CAN YIN NO, ,MI MKHAS PA LTA CI SMOS TE, 'DI NI BYIS PA'I RTAGS DANG PO'O, ,GZHAN YANG PHYI ROL PA NI PHAL CHER RNYED PA 'DOD PA DANG BKUR STI 'DOD PA DANG, BDAG BSTOD PA DANG, GZHAN SMOD PA'O, ,GZHAN YANG PHYI ROL PA NI 'PHAGS PA RNAMS KYI DAM PA'I CHOS BSTAN PA YANG DAG PA'I GDAMS NGAG BSTAN CING RJES SU BSTAN PA LA MI MTHUN PAR BYED CING SMOD PAR BYED PA'O, ,GZHAN YANG PHYI ROL PA NI DAM PA'I CHOS LTAR BCOS PA SMRA BA PO BDAG NYID KYANG 'DOD LA GZHAN DAG LA YANG STON PA'O, ,GZHAN YANG 'DI LAS PHYI ROL PA NI DE BZHIN GSHEGS PA'AM DE BZHIN GSHEGS PA'I NYAN THOS KYIS TSAR BCAD CING CHOS 'DUL BA 'DI LEGS PAR GSUNGS PA YIN PAR KHONG DU CHUD DU ZIN KYANG BDAG NYID KYI NYES PAR BSHAD PA'I DBANG DU BYAS NAS THA NA DPYAD PA'I 'DAB TZAM GYI PHYIR YANG SGRUB PAR MI BYED PA 'DI NI BYIS PA'I RTAGS LNGA PA'O, ,DE BZHIN GSHEGS PA NI YAN LAG RNAM PA DRUG DANG LDAN PAS SMRA BA'I SENG GE BLA NA MED PA ZHES BYA STE, DRUG GANG ZHE NA, THOG MA KHO NAR RGOL BA 'ONGS NA JI TZAM DGOS PAR DRI BA RNAMS KYI SKABS 'BYED PAR MDZAD PA DANG, RTZOD PAR BZHED PA'I PHYIR RTZOD PA RTZOM PAR MDZAD PA NI MA YIN GYI SEMS CAN LA THUGS BRTZE BA 'BA' ZHIG GI PHYIR DANG MI DGA' BA RNAMS DGA' BAR BYA BA DANG, DGA' BA RNAMS PHYIR ZHING BSKYED PAR BYA BA'I PHYIR DANG, DE RTZOD PA MDZAD PA NA YANG DBANG PO RNAMS RAB TU ZHI ZHING 'GYUR BA MED PA DANG, DE LA BAG TSA BA'I 'JIGS PA BAG CHAGS KYI 'BREL PA TZAM YANG MED PA DANG, DE LA LHAR BCAS PA'I 'JIG RTEN GYIS TSAR BCAD DU MED PA DANG, DES LAN GYI RNAM PA GCIG BTAB PA LAS 'DA' BAR NUS PA 'GA' TZAM YANG MED DE LAN DANG PO BTAB BA KHO NAS TSAR GCOD PAR 'GYUR BA DANG, SHIN TU MKHAS SHING 'JIGS PA MED PA YANG DE BZHIN GSHEGS PA DANG LHAN CIG TU RTZOD PA RTZOM PA NA SPOBS PA YANG RDUGS PAR 'GYUR LA BAG TSA BA'I 'JIGS PA YANG SHAS CHER 'BYUNG BAR 'GYUR BA DANG, G-YO BA'I RTZOD PA THAMS CAD @189A *, ,KYI SGO NAS KYANG G-YO BYA BAR MI NUS PA DANG, 'KHOR 'DUS SHING 'KHOD PA GZU BOR 'DUG PA THAMS CAD KYIS KYANG DE BZHIN GSHEGS PA LA NI RGYAL BAR 'GYUR BA'I SEMS NYE BAR 'JOG LA RGOL BA LA NI PHAM PAR 'GYUR BA'I SEMS NYE BAR 'JOG PA DANG, DE DAG DE BZHIN GSHEGS PA'I GSUNG LA NI BRTZAN PAR 'DZIN LA RGOL BA'I TSIG LA NI BRTZAN PAR MI 'DZIN PA'O, ,SMRA BA NI 'DI GNYIS TE, GNYIS GANG ZHE NA, BDAG TU SMRA BA DANG, BDAG MED PAR SMRA BA'O, ,DE LA BDAG MED PAR SMRA BA NI STOBS DANG LDAN LA BDAG TU SMRA BA NI STOBS CHUNG BA YIN TE, RTAG TU BDAG MED PAR SMRA BAS BDAG TU SMRA BA ZIL GYIS GNON TO, ,SMRA BA PO STOBS CHUNG BA LAS GYUR PA NI MA GTOGS SO, ,BDAG TU SMRA BA GANG ZHE NA, JI LTAR 'DI NA KHA CIG 'DI LTAR LTA ZHING 'DI SKAD SMRA STE, GZUGS LA SOGS PA'I 'DU BYED RNAMS LA BDAG GNAS TE, DE DAG GIS NA 'DU BYED DANG LDAN NO, ,'DU BYED DE DAG KYANG DE'I BDAG GIS YID LA DE DAG TU YANG ZHI ZHING CHUD LA KHONGS SU GTOGS TE YAN LAG DANG YAN LAG GI RJES SU 'BRANG BAR GYUR PAS NA DE'I PHYIR BDAG NI GZUGS LA SOGS PA'I 'DU BYED KYI BDAG NYID YIN NO SNYAM MO, ,DE ZHING PA ZHING LA JI LTA BA BZHIN DU 'DU BYED ZHING DANG 'DRA BA DE DAG LA BRTEN NAS ZHING BLAS DANG 'DRA BA'I BSOD NAMS DANG BSOD NAMS MA YIN PA SKYE BAR 'GYUR LA, RTZVA DANG SMAN DANG, SHING DANG 'DRA BA'I SDUG PA DANG MI SDUG PA'I 'BRAS BU NYAMS SU MYONG BA'I PHYIR NA DE LA BDAG TU SMRA BA ZHES BYA'O, ,BDAG MED PAR SMRA BA GANG ZHE NA, DE NI RNAM PA GNYIS TE, BDAG TU SMRA BA SUN 'BYIN PA DANG BDAG MED PAR SMRA BA SGRUB PA'O, ,DE LA SUN 'BYIN PA NI GAL TE BDAG SDUG PA DANG MI SDUG PA'I LAS LA RANG DBANG YOD PA ZHIG YIN NA BDAG NI RTAG TU BDE BA 'DOD LA SDUG BSNGAL BA DANG MI MTHUN PAS DE'I PHYIR BSOD NAMS 'BA' ZHIG SKYE BA'I BSOD NAMS MA YIN PA NI MI SKYE BA'I RIGS SO, ,SDUG PA NYE BAR GNAS PA NANG DANG PHYI ROL GYI 'DU BYED RNAM PAR 'GYUR ZHING GZHAN DU 'GYUR BA LAS DE'I MYA NGAN DANG SMRE SNGAGS 'DON PA LA SOGS PA YANG 'BYUNG BA'I MI RIGS TE, BDAG BRTAGS PAS CHED DU @189B BSGRUBS PA GANG YIN PA DES RTAG TU GNAS PAR 'GYUR ZHING DE KHO NA BZHIN DU MI 'GYUR BA'I RIGS NA DE KHO NA LTAR YANG MI 'DUG PA 'DI NI SUN 'BYIN PA'O, ,BSGRUB PA NI GANG GI PHYIR 'DU BYED RNAMS RTEN CING 'BREL BAR 'BYUNG BA YIN PAS NA DE'I PHYIR BSOD NAMS KYI RKYEN RNAMS YOD PA LAS BSOD NAMS SKYE BA DANG, DE LAS BZLOG PA LAS BSOD NAMS MA YIN PA SKYE BA YOD LA RKYEN DE LAS SDUG PA DANG, MI SDUG PA'I 'BRAS BU 'BYUNG BA DE YANG RKYEN LA RAG LAS PA'I PHYIR MI RTAG STE, RGYU DANG 'BRAS BU TZAM DU GTOGS PA'I 'DU BYED KYI RGYUN YOD PA LA BDAG LA SOGS PA GDAGS SU RUNG NGO, ,DON DAM PAR NI CHOS THAMS CAD BDAG MED PA YIN TE DE BAS NA 'DI NI BSGRUB PA'O, ,SLOB PA LAS NI RNAM PA LNGAS MI SLOB PA KHYAD PAR DU 'PHAGS TE MI SLOB PA NI SHES PA BLA NA MED PA DANG LDAN PA YIN LA SLOB PA'I SHES PA NI BLA NA YOD PA'O, ,SHES PA BLA NA YOD PA JI LTA BA DE BZHIN DU LAM DANG RNAM PAR GROL BA YANG BLA NA MED PAR RIG PAR BYA'O, ,'PHAGS PA'I YE SHES KYI MIG SHIN TU YONGS SU DAG PAS DE BZHIN GSHEGS PA CHOS KYI SKUR MTHONG LA, SLOB PAS NI DE LTA MA YIN NO, ,NAN TAN DU SGRUB PA SHIN TU YONGS SU RDZOGS PAS DE BZHIN GSHEGS PA LA BSNYEN BKUR BYED LA SLOB PA NI DE LTA MA YIN TE, DE BAS NA 'DI NI RNAM PA LNGA PA'O, ,GZHI BSDU BA LAS 'DU BYED RAB TU RNAM PAR 'BYED PA ZHES BYA BA STE, BSDU BA DANG PO RDZOGS SO,, ,,RNAL 'BYOR SPYOD PA'I SA LAS GZHI BSDU BA, BAM PO BDUN PA, SPYI SDOM NI, RNAM GZHAG SHES PA MTSUNGS PA DANG, ,'DOD CHAGS BRAL BA THA MA YIN, ,SDOM NI, RNAM PAR GZHAG DANG RNAM DBYE DANG, ,RMONGS PA DANG NI RMONGS PA MED, ,GDAMS NGAG DANG NI RNAM PAR GROL, ,NYON MONGS LAS RNAMS RGYAS PA YIN, ,TSOR BA NI RNAM PA LNGAR RNAM PAR GZHAG PAR RIG PAR BYA STE, RANG BZHIN DANG, RTEN DANG, DMIGS PA DANG, GROGS DANG, RJES SU 'BRANG BA'O, ,DE LA RANG BZHIN NI RNAM PA GSUM DU RIG PAR BYA STE, BDE BA DANG, SDUG BSNGAL BA DANG, SDUG BSNGAL BA YANG MA YIN PA BDE BA YANG MA YIN PA'O, ,DE'I RTEN NI RNAM PA DRUG STE, MIG DANG, RNA BA @190A *, ,DANG; SNA DANG, LCE DANG, LUS DANG, YID DO, ,DMIGS PA NI DRUG GO, ,GZUGS LA SOGS PA'I YUL RNAMS SO, ,GROGS NI 'DU SHES DANG, SEMS PA DANG, GZHAN YANG SEMS LAS BYUNG BA'I CHOS DGE BA DANG MI DGE BA DANG LUNG DU MA BSTAN PA GANG DAG DE DANG MTSUNGS PAR LDAN PA RNAMS SO, ,RJES SU 'BRANG BA NI DE DANG MTSUNGS PAR LDAN PA'I SEMS GANG LA TSOR BA RNAM PA GSUM CHAR DANG YANG MGO MNYAM DU SKYE ZHING 'GAG PA'I RTEN BYED PA'I TSUL GYIS RJES SU 'BRANG BA'O, ,TSOR BA RNAM PA LNGA PO RNAM PAR GZHAG PA 'DI RAB TU DBYE BA NI RNAM PA BRGYAD DU RIG PAR BYA STE, NANG GI SKYE MCHED KYI BYE BRAG DANG, PHYI ROL GYI SKYE MCHED KYI BYE BRAG DANG, RNAM PAR SHES PA'I TSOGS DRUG GI BYE BRAG DANG, REG PA'I TSOGS DRUG GI BYE BRAG DANG, TSOR BA'I TSOGS DRUG GI BYE BRAG DANG, 'DU SHES KYI TSOGS DRUG GI BYE BRAG DANG, SEMS PA'I TSOGS DRUG GI BYE BRAG DANG, SRED PA'I TSOGS DRUG GI BYE BRAG GO, ,GSUM 'DUS PA'I DON GYIS NI RNAM PA GSUM DU DBYE BAR RIG PAR BYA'O, ,TSOR BA'I RGYU'I DON GYIS NI BZHI PA'O, ,GSUM 'DUS NAS REG PA'I 'BRAS BU'I DON GYIS NI LNGA PA'O, ,TSOR BA YONGS SU BCAD PA'I RJES LA THA SNYAD 'DOGS PA'I DON GYIS NI DRUG PA STE, 'DI LTAR TSOR BA NI BDE BA DANG SDUG BSNGAL BA 'DI LTA BU ZHIG BDAG GIS NYAMS SU MYONG NGO SNYAM DU 'DU SHES PA DANG, GZHAN DAG LA YANG RJES SU THA SNYAD 'DOGS PA LTA BU'O, ,LAS DANG NYON MONGS PA'I KUN NAS NYON MONGS PA'I DON GYIS NI BDUN PA DANG BRGYAD PA'I RAB TU DBYE BAR RIG PAR BYA'O, ,TSOR BA DANG PHRAD PA DANG 'BRAL BAR BYA BA'I PHYIR NI SEMS PAS MNGON PAR 'DU BYED DO, ,JI TZAM DU SEMS PAS MNGON PAR 'DU BYED PA DE TZAM DU SRED PAS 'DOD CING SMON PAR BYED DO, ,THAMS CAD NI RNAM PA GNYIS TE PHYOGS GCIG GI THAMS CAD DANG THAMS CAD KYI THAMS CAD DO, ,DE LA THAMS CAD MI RTAG GO ZHES BYA BA NI PHYOGS GCIG GI THAMS CAD KYI DBANG DU BYAS NAS BRJOD PA YIN TE, 'DI LTA STE, 'DU BYED THAMS CAD YIN GYI, 'DUS MA BYAS NI MA YIN NO, ,CHOS THAMS CAD @190B BDAG MED PA ZHES BYA BA NI 'DIR THAMS CAD KYI THAMS CAD LA BYA BAR RIG PAR BYA'O, ,BRJED NGAS PA NI RNAM PA GSUM DU RIG PAR BYA STE, RANG BZHIN DANG RGYU DANG 'BRAS BU'O, ,DE LA RANG BZHIN NI DA LTAR BYUNG BA'I DUS NA NI KUN NAS DKRIS PAS BRJED NGAS LA, TSE PHYI MA LA NI BAG LA NYAL GYIS BRJED NGAS PA'I CHOS CAN DU 'GYUR BA'O, ,DE LA BRJED NGAS PA'I RGYU NI TSOR BA RNAM PAR GZHAG PAR RNAM PA LNGA LA MI RTAG PA LA SOGS PAR KHONG DU MA CHUD PA DANG, LUS THAMS CAD KYI THOG MA DANG, BAR DANG THA MAR YONGS SU NYON MONGS PA'I SGO NAS SKYE BA DANG, RGA BA DANG, NA BA DANG, 'CHI BA'I CHOS CAN YIN PAR KHONG DU MA CHUD PA STE, DE LA DANG POR NI SKYE BAS YONGS SU NYON MONGS SO, ,BAR DU NI NA BAS YONGS SU NYON MONGS SO, ,THA MAR NI RGA BA DANG, 'CHI BA GNYIS KYIS YONGS SU NYON MONGS SO, ,DE LA BRJED NGAS PA'I 'BRAS BU NI MYA NGAN LA SOGS PA'I SDUG BSNGAL DANG, SRED PA LA SOGS PA'I KUN NAS NYON MONGS PA'O, ,BRJED NGAS PA MED PA YANG RNAM PA GSUM DU RIG PAR BYA STE, RANG BZHIN DANG, BAR DU GCOD PA DANG, SGRIB PA'O, ,DE LA RANG BZHIN NI TSOR BA RNAM PAR GZHAG PA RNAM PA LNGA'I RANG GI MTSAN NYID DANG, SPYI'I MTSAN NYID KHONG DU CHUD PA STE, DE YANG NYON MONGS PA SPANG BAR BYA BA DANG, BDEN PA MNGON PAR RTOGS PAR BYA BA DANG, MYA NGAN LAS 'DAS PA MNGON SUM DU BYA BA'I PHYIR RO, ,DE LA BRJED NGAS PA'I BAR DU GCOD PA NI BDUD BZHI PO RNAMS YIN TE, PHUNG PO'I BDUD NI THAMS CAD DU RJES SU 'BREL PA'I PHYIR RO, ,LHA'I BU'I BDUD NI DUS DUS SU BAR CHAD BYED PA'I PHYIR RO, ,'CHI BA DANG NYON MONGS PA'I BDUD GNYIS NI 'CHI 'PHO DANG, SKYE BA LAS BYUNG BA'I SDUG BSNGAL GYI GNAS YIN PA'I PHYIR RO, ,DE LA BRJED NGAS PA'I SGRIB PA NI YUL LKOG TU GYUR PA LA DMIGS PA'I NYON MONGS PA DANG YUL LKOG TU GYUR PA MA YIN PA LA DMIGS PA'AM, KUN NAS DKRIS PA'AM, BAG LA NYAL LO, ,SANGS RGYAS RNAMS DANG, SANGS RGYAS KYI NYAN THOS RNAMS NI RNAM PA GSUM GYIS SLOB MA RNAMS LA YANG DAG PA'I GDAMS NGAG SBYIN PAR RIG PAR BYA STE, @191A *, ,'DI LTA STE, BSDU BA'I GDAMS NGAG DANG, DMIGS PA LA MTHUN MTHUN DU 'DZUD PA DANG, RANG GI DON THOB PAR BYED PA STE, DE DAG KYANG CHO 'PHRUL RNAM PA GSUM DANG GO RIMS BZHIN DU SBYAR BAR RIG PAR BYA'O, ,RNAM PAR GROL BA YONGS SU SMIN PAR BYA BA'I SHES RAB NI RNAM PA GNYIS KYIS YANG DAG PAR BTZAL BAR BYA STE, TSUL BZHIN DU THOS BA DANG BSAM PA KHYAD PAR CAN GYI SHES RAB SLOB PA'I RNAM PAR GROL BA YONGS SU SMIN PAR BYED PA GANG YIN PA DANG, SLOB PA'I KHYAD PAR CAN GYI SHES RAB MI SLOB PA'I RNAM PAR GROL BA YONGS SU SMIN PAR BYED PA GANG YIN PA'O, ,SEMS RNAM PAR GROL BA YONGS SU SMIN PA NI RNAM PA GNYIS TE, SLOB PA DANG MI SLOB PA'O, ,DE LA SLOB PA NI RDO RJE LTA BU'I TING NGE 'DZIN DANG LDAN PA GANG YIN PA'O, ,MI SLOB PA NI DE YAN CHAD YIN PAR RIG PAR BYA'O, ,DGE SLONG SEMS RNAM PAR GRAL BA LA ZHUGS PA LA NI CHOS LNGA DBEN PA YIN TE, LNGA GANG ZHE NA, YANG DAG PA'I GDAMS NGAG DANG, ZHI GNAS KYI YAN LAG DANG, LHAG MTHONG GI YAN LAG DANG, RTAG TU GUS PAR BYED PA DANG, 'JIG RTEN LAS 'DAS PA'I SHES RAB BO, ,DE LA YANG DAG PA'I GDAMS NGAG NI YANG DAG PA'I MDZA' BSHES RNAM PA GSUM GYIS PHYE BA STE, STON PA DANG, SLOB DPON NAM BLA MA DANG 'DRA BA'I TSANGS BA MTSUNGS PAR SPYOD PA DANG, KHYIM PA MKHAS PA CHOS 'DI PA RNAMS SO, ,'DI DAG NI MDZA' BSHES RNAM PA GSUM PO YIN TE, 'DI RNAMS NI YANG DAG PA'I GDAMS NGAG 'BYUNG BA'I SGO YIN PAR SHES PAR BYA'O, ,DE LA ZHI GNAS KYI YAN LAG NI JI LTAR 'DI NA KHA CIG TSUL KHRIMS DANG LDAN PAR GNAS PA ZHES BYA BA NAS RGYAS PAR NYAN THOS KYI SA LAS 'BYUNG BA BZHIN TE, DE DE LTAR TSUL KHRIMS DANG LDAN NA 'GYOD PA MED DO, , 'GYOD PA MED NA MCHOG TU DGA' BA NAS RGYAS PAR BDE BA DANG LDAN NA SEMS MNYAM PAR 'JOG NUS SO ZHES BYA BA'I BAR DU SBYAR RO, ,DE LA LHAG MTHONG GI YAN LAG NI GTAM RNAM PA GSUM CI 'DOD PA THOB PA GANG YIN PA STE, 'DI LTA STE, 'PHAGS PA'I DANG, YO BYAD BSNYUNGS PA'I @191B DANG; SEMS SGRIB PA MED PA LA PHAN PAR 'GYUR BA'I'O, ,DE LA 'PHAGS PA'I GTAM GANG ZHE NA, 'PHAGS PA RNAMS KYI MI SLOB PA'I PHUNG PO LNGA LAS BRTZAMS PA'I GTAM YIN TE, ,'PHAGS PA RNAMS NI 'DI LTAR TSUL KHRIMS DANG LDAN NO, ,TING NGE 'DZIN NI 'DI LTA BU'O, ,SHES RAB NI 'DI LTA BU'O, , RNAM PAR GROL BA NI 'DI LTA BU'O, ,RNAM PAR GROL BA'I YE SHES GZIGS PA DANG LDAN PA NI 'DI LTA BU'O ZHES BYA BA GANG YIN PA'O, ,DE LA YO BYAD BSNYUNGS PA'I GTAM GANG ZHE NA, 'PHAGS PA'I RIGS GSUM LAS BRTZAMS TE 'DOD PA NYUNG BA DANG, CHOG SHES PA DANG, BSNYUNGS PA'I GTAM DANG; SPONG BA DANG BSGOM PA LA KUN TU DGA' BA LAS BRTZAMS NAS 'DU 'DZI MED PA'I GTAM GANG YIN PA'O, ,DE LA SEMS SGRIB PA MED PA LA PHAN PAR 'GYUR BA'I GTAM GANG ZHE NA, DE NI SGO GSUM DU RIG PAR BYA STE NYON MONGS PA'I SGRIB PA THAMS CAD KYI SGRIB PA MED PA LA PHAN PAR 'GYUR BA DANG, SGRIB PA LNGA'I SGRIB PA MED PA LA PHAN PAR 'GYUR BA DANG, MA RIG PA'I SGRIB PA'I SGRIB PA MED PA LA PHAN PAR 'GYUR BA'O, ,DE LA DANG PO NI SPONG BA DANG 'DOD CHAGS DANG BRAL BA DANG 'GOG PA'I KHAMS LAS BRTZAMS TE, DE THOB PAR BYA BA YIN PAR RIG PAR BYA'O; ,GNYIS PA NI DE DAG NYID LA PHAN YON DU LTA BA LAS BRTZAMS TE, DE'I MI MTHUN PA'I PHYOGS KYI SGRIB PA RNAMS DANG, SGRIB PA'I GNAS KYI 'DU BYED RNAMS KYI NYES DMIGS KYI GTAM YIN PAR RIG PAR BYA'O, ,GSUM PA NI RKYEN 'DI PA NYID KYI RTEN CING 'BREL PAR 'BYUNG BA DANG MTHUN PA'I GTAM YIN PAR RIG PAR BYA STE, RNAM PA GSUM PO 'DI DAG KYANG LHAG MTHONG GI YAN LAG YIN NO, ,DE YANG MDOR BSDU NA 'DUN PA SKYED PAR BYED PA DANG, YANG DAG PA'I TSOGS LA SBYOR BAR BYED PA DANG, YANG DAG PAR YID LA BYED PA LA SBYOR BAR BYED PA'O; ,DE LA 'PHAGS PA'I NI 'DUN PA SKYED PAR BYED PA'O, ,YO BYAD BSNYUNGS PA'I NI YANG DAG PA'I TSOGS LA SBYOR BAR BYED PA'O, ,SEMS SGRIB PA MED PA LA PHAN PAR 'GYUR BA'I NI YANG DAG PAR YID LA BYED PA LA SBYOR BAR BYED PA'O, ,GTAM DE DAG LA BRTEN NAS ZHI GNAS SU @192A *, ,GTOGS PA'I SHES RAB GANG YIN PA DE NI LHAG MTHONG YIN TE, DE BAS NA DE NI LHAG MTHONG GI YAN LAG CES BYA'O, ,RTAG TU GUS PAR BYED PA GANG ZHE NA, 'DI LTA STE, ZHI GNAS DANG LHAG MTHONG LA SBYOR BA DE NYID LA BRTZON 'GRUS BRTZAMS PA STE, GNAS PA'I RGYUN DU BYED CING BYANG BAR BYED PA GANG YIN PA'O, ,BRTZON 'GRUS BRTZAMS PA DE YANG RNAM PA LNGAR RIG PAR BYA STE, 'DI LTA STE, GO CHA'I BRTZON 'GRUS DANG, SBYOR BA'I BRTZON 'GRUS DANG, ZHUM PA MED PA'I BRTZON 'GRUS DANG, MI BSKYOD PA'I BRTZON 'GRUS DANG; CHOG MI SHES PA'I BRTZON 'GRUS SO, ,DE THOG MA KHO NAR NI 'DUN PA DRAG PO DANG LDAN TE MNGON PAR SPRO BA BRTAN POR 'GYUR RO, ,DE BZHIN DU SBYOR BAR YANG BYED DO, ,CHOS RGYA CHEN PO RNAMS THOB PAR BYA BA'I PHYIR BDAG NYID LA YANG KHYAD DU MI GSOD DE ZHUM PAR MI 'GYUR RO; ,GRANG BA LA SOGS PA'I GNOD PA RNAMS KYANG BZOD DO, ,NGAN DON GYIS KYANG CHOG PAR MI 'DZIN TE, GONG MA BAS KYANG CHES GONG DU GYA NOM PA 'DOD PA'I TSUL GYIS GNAS SO, ,DE DE LTAR BRTZON 'GRUS BRTZAMS TE GNAS NA BDEN PA RNAMS MNGON PAR RTOGS PAR 'GYUR TE; 'PHAGS PA'I 'JIG RTEN LAS 'DAS PA'I SHES RAB THOB PAR 'GYUR RO, ,DE LA BRTEN NAS BSGOM PA'I LAM LA RGYU ZHING 'GRO BAR GTOGS PA DANG GNAS PAR GTOGS PA DANG, RTEN DU GTOGS PA'I NYE BA'I NYON MONGS PA LAS SEMS RNAM PAR SBYONG BAR BYED DE, DE GRONG NGAM GRONG GI NYE 'KHOR NA GNAS PA NA BUD MED GZHON NU KHA DOG RGYAS SHING CHAGS PAR 'GYUR BA MTHONG NA 'DOD CHAGS BSAL BA'I PHYIR MI SDUG PA YID LA BYED DO, ,YANG NA GZHAN DAG GIS GNOD PAR BYAS SHING DKRUGS PAR GYUR NA GNOD SEMS BSAL BA'I PHYIR BYAMS PA YID LA BYED DE, DE LTAR NA RGYU ZHING 'GRO BA NA NYE BA'I NYON MONGS PA LAS SEMS RNAM PAR SBYONG PAR BYED DO, ,DE DBEN PA NA GNAS PA NA 'DOD PA'I RTOG PA LA SOGS PA'I RTOG PA DANG BRAL BA'I PHYIR DBUGS PHYI NANG DU RGYU BA DRAN PA SGOM PAR BYED DE, DE LTAR NA GNAS PAR GTOGS PA'I NYE BA'I @192B NYON MONGS PA LAS SEMS RNAM PAR SBYONG BAR BYED DO, ,DE 'JIG RTEN LAS 'DAS PA'I SHES RAB THOB PA DE LA BRTEN NAS NGA'O SNYAM PA'I NGA RGYAL GYI LHAG MA BSAL BA'I PHYIR 'DU BYED THAMS CAD LA MI RTAG PA'I 'DU SHES SGOM PAR BYED DO, ,DE LTAR NA SKYES BU DAM PA LA BRTEN PAS YANG DAG PA'I GDAMS NGAG SNGON DU BTANG NAS 'DI'I GO RIMS KYIS RDO RJE LTA BU'I TING NGE 'DZIN THOB PA'I PHYIR SLOB PA'I RNAM PAR GROL BA YANG YONGS SU RDZOGS PAR BYED LA, NYON MONGS PA THAMS CAD DANG BRAL BA'I PHYIR MI SLOB PA'I RNAM PAR GROL BA YANG YONGS SU RDZOGS PAR BYED DO, ,DE LA RNAM PAR GROL BA GANG ZHE NA, GTAN DU SPONG BA'I GNYEN PO SKYES PAS NYON MONGS PA'I PHYOGS SU GTOGS PA'I GNAS NGAN LEN THAMS CAD SHIN TU SBYANGS PA'I PHYIR, ,GNAS YONGS SU GYUR BA'I NYON MONGS PA RNAMS GTAN MI SKYE BA'I CHOS CAN DU GYUR PA GANG YIN PA DE LA NI RNAM PAR GROL BA ZHES BYA'O, ,'PHAGS PA NYAN THOS CI YANG MED PA'I SKYE MCHED KYI 'DOD CHAGS DANG BRAL BA NI 'DU SHES MED 'DU SHES MED MIN SKYE MCHED 'DU BYED KYI LHAG MA SRID PA'I RTZE MO BSGRUBS TE GNAS NAS DE MA THAG TU ZAG PA RNAMS ZAD PA THOB PAR 'GYUR RO, ,LHAG MA'I GNAS SKABS KYI TSE NI DE'I ZAG PA RNAMS MTHAR GYIS SPONG BAR 'GYUR TE NAM CI YANG MED PA'I SKYE MCHED KYI 'DOD CHAGS DANG BRAL BA MA THOB KYI BAR DU RE ZHIG DE MA THAG TU ZAG PA ZAD PA THOB PAR MI 'GYUR RO, ,DE LA 'DOD PA DANG MTSUNGS PAR LDAN PA'I MA RIG PA MA GTOGS PA'I NYON MONGS PA RNAMS NI 'DOD PA'I ZAG PA'O, , SEMS CAN 'DOD CHAGS DANG MA BRAL BA RNAMS DANG 'DOD CHAGS DANG BRAL BA RNAMS KYI GZUGS DANG GZUGS MED PA DANG MTSUNGS PAR LDAN PA'I MA RIG PA MA GTOGS PA NI SRID PA'I ZAG PA'O, ,MU STEGS CAN RNAMS NI MA GTOGS TE DE DAG NI LOG PA'I RTOG PAS RMONGS PAR BYAS PA'I LTA BA NGAN BA RNAMS KYIS SEMS ZIL GYIS NON PAS LTA BA DE LA BRTEN NAS KHA CIG NI 'DOD PA YONGS SU TSOL BAR BYED DO, ,KHA CIG NI 'DOD PA'I 'DOD CHAGS DANG BRAL BA NAS 'DU SHES MED 'DU SHES MED MIN SKYE MCHED KYI BAR DU YONGS SU TSOL BAR BYED DE DE DAG GI KHAMS GSUM GYI MI SHES PA GCIG TU @193A *, ,BSDUS PA NI MA RIG PA'I ZAG PA RNAM PAR GZHAG PAR RIG PAR BYA'O, ,GZHI RNAM PA DGU LA KUN DU SBYOR BAS NA KUN DU SBYOR BA DGUR RIG PAR BYA STE, GZHI RNAM PA DGU GANG ZHE NA, 'DI LTA STE, KHYIM PA'I PHYOGS LA BRTEN TE CHAGS SU RUNG BA'I SEMS CAN DANG SEMS CAN MA YIN PAR GRAGS PA'I YUL LA 'DOD CHAGS KYI KUN NAS DKRIS PA DANG, PHYOGS DE NYID KYI MI MTHUN PA'I SEMS CAN DANG SEMS CAN MA YIN PAR GRAGS PA'I YUL LA KHONG KHRO BA'I KUN NAS DKRIS PA DANG, SEMS CAN DU GRAGS PA LA NGA RGYAL GYI KUN NAS DKRIS PA DANG, NYES PAR BSHAD PA'I CHOS CAN RNAMS KYI RAB TU BYUNG BA'I PHYOGS LA BRTEN TE, 'DI LTA STE, DAM PA'I CHOS MA YIN PA THOS PA DANG, TSUL BZHIN MA YIN PA SEMS PA DANG, THABS KYIS YONGS SU MA ZIN PA'I BSGOM PA LA LOG PAR MOS PA RNAM PA GSUM GYI KUN NAS DKRIS PA DANG; LEGS PAR GSUNGS PA'I CHOS 'DUL BA LA MA MOS PA'I KUN NAS DKRIS PA DANG, RAB TU BYUNG BA'I PHYOGS LA BRTEN PA'I SHES PAS DBUL BA DANG, KHYIM PA'I PHYOGS LA BRTEN PA'I LONGS SPYOD KYIS DBUL BA STE, GZHI DGU PO 'DI RNAMS KYI RJES SU CHAGS PA'I KUN DU SBYOR BA LA SOGS PA KUN DU SBYOR BA DGU PO RNAMS MTHUN MTHUN DU KUN DU SBYOR BAR BYED DO, ,DE LA PHRAG DOG GIS BSGYUR TE CHOS MTHUN PA RNAMS LA CHOS KYI SER SNA BYED PA DES NI PHYI MA LA SHES PAS DBUL BAR 'GYUR RO, ,LHAG MA YANG MTHUN MTHUN DU SBYAR BAR BYA'O, ,DE LA 'DOD CHAGS KYI 'CHING BAS BCINGS PAS BDE BA TSOR BAR 'GYUR BA'I YUL LAS SEMS LHAG PAR BTANG SNYOMS SU BYED MI NUS SO, ,DE BZHIN DU ZHE SDANG GI 'CHING BAS SDUG BSNGAL TSOR BAR 'GYUR BA'I YUL DANG, GTI MUG GI 'CHING BAS SDUG BSNGAL YANG MA YIN BDE BA YANG MA YIN PA TSOR BAR 'GYUR BA'I YUL TE, DE BAS NA 'CHING BA GSUM MO, ,NYON MONGS PA'I PHYOGS SU GTOGS PA'I GNAS NGAN LEN GYI RTEN DU GNAS PA NI BAG LA NYAL ZHES BYA STE, KUN NAS DKRIS PA SKYE BA'I SA BON LTA BU YIN NO, ,DE YANG 'DOD CHAGS DANG MA BRAL BA'I PHYOGS SU GTOGS PA'I BYE BRAG @193B DANG; 'DOD CHAGS DANG BRAL BA'I PHYOGS SU GTOGS PA'I BYE BRAG DANG GNYI GA'I PHYOGS SU GTOGS PA'I BYE BRAG GIS RNAM PA BDUN DU RNAM PAR GZHAG STE, DE LA 'DOD CHAGS DANG MA BRAL BA'I PHYOGS SU GTOGS PA'I BYE BRAG GIS NI 'DOD PA'I 'DOD CHAGS DANG KHONG KHRO BA'I BAG LA NYAL LO, ,'DOD CHAGS DANG BRAL BA'I PHYOGS SU GTOGS PA'I BYE BRAG GIS NI SRID PA'I 'DOD CHAGS KYI BAG LA NYAL LO, ,DE GNYI GA'I PHYOGS SU GTOGS PA'I BYE BRAG GIS NI NGA RGYAL DANG MA RIG PA DANG, LTA BA DANG THE TSOM GYI BAG LA NYAL TE, 'DI RNAMS KYIS NI NYON MONGS PA THAMS CAD BSDUS SO, ,NYE BA'I NYON MONGS PA RNAMS NI CHAGS PA MI DGE BA'I RTZA BA DANG, DE BZHIN DU ZHE SDANG DANG, GTI MUG DANG, KHRO BA DANG, KHON DU 'DZIN PA STE RGYAS PAR NI DNGOS PO PHRAN TSEGS KYI MDO LAS 'BYUNG BA BZHIN TE, DE LA MI DGE BA THAMS CAD KUN NAS SLONG BA NI CHAGS PA MI DGE BA'I RTZA BA ZHES BYA'O, ,ZHE SDANG DANG, GTI MUG KYANG DE DANG 'DRA BAR RIG PAR BYA'O, ,KHA'I NYES RTZOM KHONG KHRO BA'I KUN NAS DKRIS PA NI KHRO BA'O, ,NANG GI BSAM PA LA YOD PA NI KHUN DU 'DZIN PA'O, ,SDIG PA MKHYUD PA NI 'CHAB PA'O, ,NYON MONGS PA CAN GYIS YONGS SU YI CHAD PA NI YONGS SU GDUNG BA'O, ,NYON MONGS PA CAN GYI SEMS KYIS GZHAN GYI 'BYOR BA LA MNGON PAR MI DGA' BA NI PHRAG DOG GO, ,YOD BYAD RNAMS LA KUN DU 'DZIN PA NI SER SNA'O, ,SLU BA'I BSAM PAS BDAG NYID GZHAN DU SEMS LA GZHAN DU STON PA NI RGYU'O, , SEMS MI DRANG BA'I PHYIR MI MNGON PA DANG MI GSAL BA DANG BRDA PHRAD PAR MI BYED PA NI G-YO'O, ,BDAG LA BRTEN NAS KHA NA MA THO BAS MI 'DZEM PA NI NGO TSA MI SHES PA'O, ,GZHAN LA BRTEN NAS KHA NA MA THO BAS MI 'DZIM PA NI KHREL MED PA'O, ,CHUNG NGU BAS BDAG CHE'O SNYAM PA'AM MTSUNGS PA DANG MTSUNGS SO SNYAM PA'I SEMS KYIS 'GYING BA NI NGA RGYAL LO, ,MTSUNGS PA BAS BDAG CHE'O SNYAM PA'AM CHE BA DANG MTSUNGS SO SNYAM PA'I 'GYING BA NI CHE BA'I NGA RGYAL LO, ,CHE BA BAS KYANG BDAG CHES CHE'O SNYAM PA'I 'GYING BA NI NGA RGYAL LAS KYANG NGA RGYAL LO, ,'DU BYED RNAMS LA BDAG @194A *, ,GAM BDAG GIR YANG DAG PAR LTA BA'I 'GYING BA NI NGA'O SNYAM PA'I NGA RGYAL LO, ,KHYAD PAR RTOGS PA MA THOB PAR BDAG GIS THOB BO SNYAM PA'I 'GYING BA NI MNGON PA'I NGA RGYAL LO, ,CHES KHYAD PAR DU 'PHAGS PA BAS BDAG CUNG ZAD TZAM GYIS CHUNG NGO SNYAM PA'I 'GYING BA NI CHUNG BA'I NGA RGYAL LO, ,YON TAN DANG LDAN PA MA YIN BZHIN DU BDAG NI YON TAN DANG LDAN PA'I SNYAM PA'I 'GYING BA NI LOG PA'I NGA RGYAL LO, ,'BYOR BA GANG YANG RUNG BA ZHIG GIS NYON MONGS PA CAN GYI SEMS KYI DREGS PA NI RGYAGS PA'O, ,DGE BA'I PHYOGS LA MI RTZOM PAS SDIG PA MI DGE BA'I CHOS RNAMS LAS SEMS KUN DU MI SRUNG BA NI BAG MED PA'O, ,BLA MA DANG YON GNAS LA MI 'DUD PA NI KHENGS PA'O, ,MTSON THOGS PA DANG, DBYUG BA THOGS PA DANG, 'THAB PA DANG, MTSANG 'DRU BA DANG, 'GYED PA DANG, RTZOD PA KUN DU SLONG BAR BYED PA'I NYON MONGS PA'I KUN NAS DKRIS PA NI NYES RTZOM MO, ,NYON MONGS PA CAN GYI SEMS KYIS YON TAN YOD PAR YID CHES PAR BYA BA'I PHYIR SPYOD LAM BSGYUR BA NI TSUL 'CHOS PA'O, ,NYON MONGS PA CAN GYI SEMS KYIS BDAG GI YON TAN GLENG BA'AM BRTEN PA'I TSUL KUN DU SPYOD PAS TSIG GI LAM 'JAM PO KUN DU SPYOD PA NI KHA GSAG GO, , NYON MONGS PA CAN GYI SEMS KYI MTSAN MAS 'DOD PA'I BSAM PA STON PA NI GZHOGS SLONG NGO, ,NAN GYIS SLONG BA NI THOB KYIS 'JAL BA'O, ,CI RNYED PA TZAM GYIS CHOG MI SHES TE, GZHAN GYI RNYED PA BSTAN PAS RNYED PA LA LHAG PAR SLONG BA NI RNYED PAS RNYED PAR BYED 'DOD PA'O, ,YON TAN LA YID CHES PAR GYUR PA DANG, HA CANG BYAMS CHES PAS BLA MA RNAMS LA ZHAS MED PA NI MA GUS PA'O, ,TSIG MI BZOD PA NI BKA' BLO MI BDE BA'O, ,GNOD PA LA 'DZUD PA'I BSHES GNYEN NI SDIG PA'I GROGS PO'O, ,ZANG ZING LA 'CHUMS PAS MI BDE BA'I YON TAN STON ZHING YID CHES PAR BYED PAR 'DOD PA NI SDIG PA 'DOD PA'O, ,CHE BA RNAMS LAS RNYED PA DANG BKUR STI CHEN PO 'DOD PA NI 'DOD CHEN NO, ,NYON MONGS PA CAN GYI SEMS KYIS MI BDE BA'I YON TAN STONG CING YID CHES PAR BYED 'DOD PA NI 'DOD PA CAN NI, ,GSHE BA LA PHYIR GSHE BA NI MI BZOD PA'O, ,KHRO BA DANG RDAG @194B PA DANG MTSANG 'DRU BA LA PHYIR MTSANG 'DRU BA YANG DE DANG 'DRA'O, ,BDAG GI LONGS SPYOD RNAMS LA RJES SU CHAGS PA NI ZHEN PA'O, ,GZHAN GYI LONGS SPYOD RNAMS LA RJES SU CHAGS PA NI YONGS SU ZHEN PA'O, ,DE BZHI DU BZANG PO RNAMS DANG NGAN PA RNAMS LA YANG MTHUN MTHUN DU SBYAR BAR RIG PAR BYA'O, ,YUL RNAMS LA LHAG PAR ZHEN PA NI 'DOD CHAGS SO, ,NYES PAR SPYOD PA RNAMS LA LHAG PAR ZHEN PA NI CHOS MA YIN PA'I 'DOD CHAGS SO, ,BDAG DANG PHA MA LA SOGS PA'I LONGS SPYOD DANG, YANG DAG PA'I LONGS SPYOD DANG, GZHAN GYI RDZAS GTAMS PA LA KUN DU 'DZIN PA NI MI BZAD PA'I CHAGS PA'O, ,'DU BYED RNAMS LA BDAG GAM BDAG GIR MTHONG NA RTOG PA DANG LHAN CIG SKYES PA'I LTA BA NI 'JIG TSOGS LA LTA BA'O, ,'JIG TSOGS LA LTA BA LA BRTEN NAS 'DU BYED RNAMS RTAG PAR LTA BA NI SRID PA'I LTA BA'O, ,CHAD PAR LTA BA NI MED PAR LTA BA'O, ,SGRIB PA LNGA NI SNGA MA BZHIN DU 'DI LTA STE, MNYAM PAR GZHAG PA'I SA LAS 'BYUNG BA DANG 'DRA BAR RIG PAR BYA'O, ,MI 'DOD PA BZHIN DU DUS MA YIN PAR GNYID KYIS KUN NAS DKRIS PAS NON PA NI SNYOM PA'O, ,GNAS MA YIN PA LA 'DOD PA NI DGA' BA MA YIN PA'O, ,LUS KYI GNAS NGAN LEN RAGS PAS SEMS LAS SU MI RUNG BAR GYUR NAS LUS BRKYANG BSKUM BYED PA NI BYA MANGS SO, ,KHA ZAS NYUNGS PA DANG MANGS PA MI SHES PA NI ZAS KYI TSOD MI SHES PA'O, ,BYA BA'I RIGS PA MI BYED PA DANG, BYA BA'I MI RIGS PA BYED PA LA JI LTAR THOS PA DANG BSAMS PA DANG, BSGOMS PA'I CHOS RNAMS LA BAG MED PA SNGON DU BTANG NAS MI 'JUG PA NI YID LA MI BYED PA'O, ,SEMS DMIGS PA LA BTAGS PA'I YUR BA'I GNYID KYIS NON PA'I PHYIR MI RIGS PAR 'JUG PA DANG, BDAG NYID LA KHYAD DU GSOD PA NI SEMS ZHUM PA'O, ,PHA ROL LA GNOD PA'I RANG BZHIN CAN NI GDUG PA'O, ,'PHYAS 'DOGS PA'I RANG BZHIN CAN NI 'PHYA SKYEN PA'O, ,SLOB DPON DANG, BLA MA DANG, YON GNAS DANG, CHOS MTHUN PA LA NI SLU BA MI DRANG BA'O, ,LUS DANG NGAG GI LAS BRLAD LA @195A *, ,SEMS RTZUB CING MI DES BA NI MI MNYEN PA'O, ,TSUL KHRIMS DANG, LTA BA DANG, SPYOD PA DANG, 'TSO BA MI MTHUN PA NI MI MTHUN PAR 'JOG PA'O, ,CHAGS PA'I SEMS KYIS 'DOD PA RNAMS LA DMIGS NAS YID KYIS RTOG CING GOMS PAR BYED PA DANG, YANG DANG YANG DU BYED PA NI 'DOD PA'I RTOG PA'O, ,GZHAN GYIS GNOD PA BYAS PA'I RGYU LA DMIGS NAS SDANG BA'I SEMS KYIS RTOG CING GOMS PAR BYED PA DANG, YANG DANG YANG DU BYED PA NI GNOD SEMS KYI RTOG PA'O, ,RNAM PAR 'TSE BA'I SEMS KYIS GZHAN LA GNOD PA BYA BA LA DMIGS NAS YID KYIS SNGA MA BZHIN DU BYED PA NI RNAM PAR 'TSE BA'I RTOG PA'O, ,NYON MONGS PA CAN GYI SEMS KYIS GNYEN RNAMS LA DMIGS NAS YID KYIS SNGA MA BZHIN DU BYED PA NI GNYEN LA RTOG PA'O, ,NYON MONGS PA CAN GYI SEMS KYIS YUL GYI MI RNAMS LA DMIGS NAS SNGA MA BZHIN DU BYED PA NI YUL GYI MI LA RTOG PA'O, ,NYON MONGS PA CAN GYI SEMS KYIS RANG GI DON THOB PAR BYA BA'I PHYIR DUS GZHAN LA LTA BA LA DMIGS NAS YID KYIS SNGA MA BZHI DU BYED PA NI MI 'CHI BA'I RTOG PA'O, ,NYON MONGS PA CAN GYI SEMS KYIS BDAG DANG ZHAN RNAMS KYI THA MA DANG RAB LA DMIGS NAS YID KYIS SNGA MA BZHIN DU BYED PA NI KHYAD DU GSOD PA DANG MTSUNGS PAR LDAN PA'I RTOG PA'O, ,NYON MONGS PA CAN GYI SEMS KYIS SBYIN BDAG DANG 'DRIS PA'I KHYIM RNAMS KYI 'BYOR PA LA DMIGS NAS YID KYIS RTOG CING GOMS PAR BYED PA DANG, YANG DANG YANG DU BYED PA DE NI RIGS KYI 'BYOR BA DANG MTSUNGS PAR LDAN PA'I RTOG PA'O, ,MYA NGAN LA SOGS PA NI SNGA MA BZHIN DU RIG PAR BYA'O, ,KUN DU SPYOD PA NI KUN NAS DKRIS PA YIN PA'I PHYIR NYON MONGS PA THAMS CAD LA KUN NAS DKRIS PA YOD DO, , NYE BA'I NYON MONGS PA BRGYAD PO RNAMS NI DUS SKABS BZHIR RGYUN MI 'CHAD PAR KUN DU SPYOD DE, DE BAS NA DE RNAMS NYI TSE KUN NAS DKRIS PAR RNAM PAR GZHAG GO, ,DE LA LHAG PA'I TSUL KHRIMS KYI BSLAB PA'I TSE NI NGO TSA MI SHES PA DANG KHREL MED PA KUN DU SPYOD PA'I SGO NAS SGRIB PAR @195B BYED DO, ,LHAG PA'I SEMS KYI BSLAB PA'I TSE NI RMUGS PA DANG GNYID DO, ,LHAG PA'I SHES RAB KYI BSLAB PA'I TSE CHOS RNAMS RAB TU RNAM PAR 'BYED PA NI RGOD PA DANG 'GYOD PA'O, ,CHOS MTHUN PA PA RNAMS DANG PHAN TSUN CHOS DANG ZANG ZING LA LONGS SPYOD BA'I TSE NI PHRAD DOG DANG SER SNA KUN DU SPYOD PA'I SGO NAS SGRIB PAR BYED DO, ,'DOD PA'I 'DOD CHAGS DANG GNOD SEMS LA SOGS PA 'DOD PA DANG MTSUNGS PAR LDAN PA'I NYON MONGS PA SPYOD PA'I 'DOD PA DANG MTSUNGS PAR LDAN PA'I NYON MONGS PA CHEN PO MA PSANGS PA NI 'DOD PA'I CHU BO'O,, SRID PA DANG LTA BA DANG MA RIG PA'I CHU BO YANG DE BZHIN DU MTHUN MTHUN DU RIG PAR BYA'O, ,'DOD PA'I 'DOD CHAGS DANG MA BRAL BA BU STEGS CAN MA BRTAGS PA RNAMS KYI NI 'DOD PA'I CHU BO'O, ,'DOD CHAGS DANG BRAL BA RNAMS KYI NI SRID PA'I CHU BO'O, ,MU STEGS CAN RNAMS KYI NI PHAL CHER CHU BO GNYIS SU RIG PAR BYA STE, LTA BA NGAN PA GANG YIN PA DANG, LTA BA NGAN PA'I RGYU GANG YIN PA GCIG TU BSDUS PA'O, MTSUNGS PAR SPYOD PA RNAMS KYI LHAG CHAD MED PA'I NYON MONGS PA DE DAG NYID LA NI SBYOR BA RNAMS ZHES BYA'O, ,PHYOGS GNYIS KYI NI NYE BAR LEN PA RNAM PA BZHIR RNAM PAR GZHAG PAR RIG PAR BYA STE, KHYIM PA'I PHYOGS DANG, 'DI LAS PHYI ROL BA'I RAB TU BYUNG BA'I PHYOGS KYI'O, ,DE LA GANG NYE BAR LEN PA DANG, GANG GIS NYE BAR LEN PA DANG, GANG GI PHYIR NYE BAR LEN PA DE DAG THAMS CAD NI NYE BAR LEN PA ZHES BYA'O, ,DE LA CI NYE BAR LEN ZHE NA 'DOD PA RNAMS DANG, LTA BA DANG, TSUL KHRIMS DANG, BRTUL ZHUGS DANG, BDAG TU SMRA BA NYE BAR LEN TO, ,GANG GIS NYE BAR LEN ZHE NA, 'DUN PA DANG 'DOD CHAGS RNAM PA BZHIS SO, ,GANG GI PHYIR NYE BAR QLEN ZHE NA, 'DOD PA RNAMS THOB PAR BYA BA'I PHYIR DANG LONGS SPYOD PA'I PHYIR NI DANG PO'O, ,RNYED PA DANG BUR STI'I DBANG DU BYAS NAS GZHAN LA KLAN KA TSOL BA'I PHYIR RAM, ,GAL 'DZIN PA LAS THAR PAR BYA BA'I PHYIR NI GNYIS PA'O, ,ZHI GNAS KYI YAN LAG LA BRTEN CING GNAS NAS 'JIG RTEN GYI 'DOD CHAGS DANG BRAL BAR 'GYUR BAR BYA BA @196A *, ,NAS; 'DU SHES MED 'DU SHES MED MIN SKYE MCHED KYI SNYOMS PAR 'JUG PA'I BAR GYI PHYIR NI GSUM PA'O, ,LAS BYED PA DANG, DE'I 'BRAS BU LA LONGS SPYOD PA'I SKYES BU'AM, 'JUG PA DANG LDOG PA'I SKYES BUR RNAM PAR BRTAGS PA'I RJES SU THA SNYAD 'DOGS PA'I PHYIR NI BDAG TU SMRA BA NYE BAR LEN TO, ,NYE BAR LEN PA BZHI PO DE DAG NI PHYOGS GNYIS KYI YIN TE, 'DOD PA LA LONGS SPYOD PA'I KHYIM PA'I PHYOGS DANG NYES PAR BSHAD PA'I CHOS 'DUL BA LA RAB TU BYUNG BA'I PHYOGS KYI'O, ,CHOS 'DI PA RNAMS KYIS NI NYE BAR LEN PA THAMS CAD SPONG BA'I YONGS SU SHES PA GSUNGS PA STON PAR KHAS BLANGS TE, NYON MONGS PA DANG BCAS PAS 'CHI BA'I DUS BYED DU ZIN KYANG DE DAG GIS NYE BAR LEN PA GANG YANG RNAM PAR GZHAG PA MED DE, 'DI LTAR DE DAG NI 'DOD PA RNAMS LA MI LTA BAR RAB TU BYUNG BA LA LTA BA DANG TSUL KHRIMS DANG BRTUL ZHUGS DANG, BDAG TU SMRA BA YANG KHAS MI LEN TO, ,NYES PAR BSHAD PA'I CHOS CAN DE DAG LA NI THA DAD PA RNAM PA GNYIS YOD DE, LTA BA DANG 'DOD PA PHAN TSUN MI MTHUN PAR SMRA BA RNAMS DANG, 'JIG RTEN PA'I SNYOMS PAR 'JUG PA RNAMS SO, ,DE LA LTA BA DANG 'DOD PA PHAN TSUN MI MTHUN PA RNAMS KYI PHYIR NI LTA BA'I NYE BAR LEN PA RNAM PAR GZHAG GO, ,'JIG RTEN PA'I SNYOMS PAR 'JUG PA RNAMS KYI PHYIR NI TSUL KHRIMS DANG BRTUL ZHUGS KYI NYE BAR LEN PA RNAM PAR GZHAG GO, ,PHYOGS DE GNYI GA LA BRTEN PA RNAMS NI BDAG TU SMRA BA'I KHONGS SU GTOGS PA STE DE BAS NA PHYOGS DE GNYI GA'I PHYIR NI BDAG TU SMRA BA'I NYE BAR LEN PA RNAM PAR GZHAG GO, ,DE LA LTA BA DRUG CU RTZA GNYIS NI SNGA MA BZHIN NO, ,LUS KYI SDOM PA DANG, NGAG GI SDOM PA LOG PA'I RTOG PA LAS BYUNG BA'I LTA BAS GNOD PAR BYAS PA NI TSUL KHRIMS SO, ,DE DANG 'TSAM PA'I RTAGS DANG CHA LUGS DANG ZAS DANG SKOM DANG SPYOD LAM DANG SPYOD PA DANG YI DAM NI BRTUL ZHUGS SO, ,BDAG NI BDEN PA DANG GNAS PA'I SGO NAS YOD DO ZHES SMRA BA GANG YIN PA DE NI BDAG TU SMRA BA ZHES BYA'O, ,DE LA BDEN PA NI RDZAS @196B SU YOD PA'I PHYIR RO, ,GNAS PA NI RNAM PAR GZHAG PA'I SGO NAS SO, ,DE LA 'DOD PA'I SRID PA'I RKYEN GYIS BYUNG BA NI 'DOD PA'I NYE BAR LEN PA'O, ,SHES SO BAR SMRA BA LA BRTEN NAS RNYED PA DANG BKUR STI LA SRED PA'I RKYEN GYIS BYUNG BA NI LTA BA'I NYE BAR LEN PA'O, ,SNYOMS PAR 'JUG PA LA SRED PA'I RKYEN GYIS BYUNG BA NI TSUL KHRIMS DANG BRTUL ZHUGS KYI NYE BAR LEN PA'O, ,YOD PA DANG MED PA LA SRED PA'I RKYEN GYIS BYUNG BA NI BDAG TU SMRA BA'I NYE BAR LEN PA'O, ,MDUD PA NI BZHI STE SNGA MA BZHIN DU 'DI LAS PHYI ROL PA RNAMS NYI TSE'I YIN PAR RIG PAR BYA'O, ,SGRIB PA LNGA NI GNAS SKABS LNGA MI MTHUN PA RNAMS PAR GZHAG PAR RIG PAR BYA STE, KHYIM NA GNAS PA'I YUL GYIS 'PHROG PA'I PHYIR BSTAN PA DANG, MI MTHUN PA'I SGO NAS NI 'DOD PA'I 'DUN PA'O, ,CHOS MTHUN PA PA RNAMS YIS GLENG BA DANG, SMRA DBAB PA DANG, RJES SU BSTAN PA LA SOGS PAS 'DUL BA MI BZOD PAS YANG DAG PAR DGA' BAR BYA BA'I CHOS DANG MI MTHUN PA'I SGO NAS NI GNOD SEMS DANG, ,ZHI GNAS DANG MI MTHUN PA'I SGO NAS NI RMUGS PA DANG GNYID DO, ,LHAG MTHONG DANG MI MTHUN PA'I SGO NAS NI RGOD PA DANG 'GYOD PA'O, ,CHOS KYI 'PHEL BA'I GTAM NGES PAR BYED PA DANG, ,CHOS SPYOD PA DANG, STON PA'I BSTAN PA DANG MYA NGAN LAS 'DAS PA LA MOS PA DANG MI MTHUN PA'I SGO NAS NI THE TSOM GYI SGRIB PA'O, ,'DOD CHAGS DANG ZHE SDANG DANG GTI MUG GI KUN NAS DKRIS PA GANG GIS KUN NAS DKRIS PA'AM BAG LA NYAL DU GYUR BAS RANG GI DON 'THOB PA LA SEMS LAS SU MI RUNG ZHING SEMS 'JOM PO MA YIN PA DE DAG NI THA BA RNAMS SO, ,YUL NGAN PA LA 'DOD CHAGS PA NI DRI MA ZHES BYA'O, ,'KHRUL PA'I 'OS MA YIN PA'I GZHI LA ZHE SDANG BA NI DRI MA ZHES BYA'O, ,GSAL ZHING BYIS PA'I SKYE BOS KYANG BRDA PHRAD PA'I GZHI LA GTI MUG PA NI DRI MA ZHES BYA'O, ,'DOD CHAGS DANG ZHE SDANG DANG GTI MUG RGYUN DU KUN DU SPYOD PAS RTAG TU 'JOMS PAS NA, RTAGS 'JOMS RNAMS ZHES BYA'O, ,NGO TSO SHES PA DANG KHREL YOD PA DANG BRAL TE NGO TSA MI SHES PA DANG KHREL MED PAS GCIG TU NGES PAS RGYUN DU RGYUN DU 'DOD @197A *, ,CHAGS DANG ZHE SDANG DANG GTI MUG RNAMS MA BSDAMS PA NI ZUG RNGU RNAMS ZHES BYA'O, ,NGO TSA SHES PA DANG KHREL YOD PA 'DRES TE, RGYUD KYI SGO NAS NI YOD LA SKAD CIG PA'I SGO NAS NI MED DE BSAM PA YOD PA NI MDUD PAR BSDUS PA GANG YIN PA'I NGAN PA'I DON GYIS THA CHAD CES BYA'O, ,LUS KYI LAS MI DGE BA THAMS CAD NI NYES PAR SPYOD PA'O, LUS JI LTA BA BZHIN DU NGAG GI LAS DANG YID KYIS LAS KYANG DE DANG 'DRA STE, NGAN 'GROR 'GRO BA'I LAS KUN DU SPYOD PA'I PHYIR RJES SU THOB PAR GYUR CING RJES SU THOB PAR 'GYUR LA RJES SU 'THOB PAS NA DE'I PHYIR NYE BAR SPYOD PA ZHES BYA STE, 'DIS NI LAS KYI KUN NAS NYON MONGS PA BSTAN TO, ,SNGA MAS NI NYON MONGS PA'I KUN NAS NYON MONGS PA BSTAN TO, ,'DI GNYIS NI LAS KYI KUN NAS NYON MONGS PA RNAM PAR GZHAG PA SMRA BA STE, LOG PAR SMRA BA DANG, YANG DAG PAR SMRA BA'O, ,DE LA GANG 'DI SKAD DU CHED DU BSAMS TE LAS MI DGE BA CI BYAS PA DE DAG THAMS CAD NI NGES PAR YANG YIN LA NGAN SONG MYONG BAR 'GYUR BA YANG YIN NO ZHES SMRA BA DES NI MYA NGAN LAS 'DA' BAR BYA BA'I PHYIR TSANGS PAR SPYOD PA LA GNAS PA LA SKUR BA BTAB PA YIN NO, ,DE CI'I PHYIR ZHE NA, GANG GI TSE 'DI NYID LA YANG CHED DU BSAMS TE, MI DGE BA'I LAS MA BYAS PAS DE LTA BU'I SEMS CAN YANG RNYED PAR SLA BA MA YIN NA TSE RABS GZHAN DAG TU LTA CI MOS TE, DES NA DE DAG NGAN SONG DU 'GRO BAR NGES PAS NA SU LA YANG THAR PAR 'GYUR BA'I SKABS MED PAR 'GYUR TE, DE BAS DE NI LOG PAR SMRA BA YIN PAR RIG PAR BYA'O, ,GANG 'DI SKAD DU CHED DU BSAMS TE, MI DGE BA'I LAS BYAS LA GAL TE DE LTAR BYAS NAS BSAGS PAR GYUR NA NI DE LTA NA DE PHYI MA LA MI SDUG PA'I NGA SONG MYONG BAR NGES PAR 'GYUR RO, ,DE LTA MA BSAGS NA NI DE'I DE CHOS YANG DAG PAR BLANG BA GANG DANG GANG LA BRTEN PA BDE BA'AM SDUG BSNGAL BAR BYAS PAR GYUR BA DE'I NI DE LHAN CIG BYED PAR NGES PAR 'GYUR TE, TSE 'DI NYID LA BDE BA MYONG BA'AM, SDUG BSNGAL MYONG BAR 'GYUR RO ZHES SMRAS TE, DE LTA NA NI LAS GANG BYAS NAS 'GYOD PA MED CING GNYEN PO MA BSTAN PA'I GANG @197B ZAG DE'I LAS DE NI BSAGS PAR 'GYUR BA YANG YIN NO, ,'BRI BAR 'GYUR BA GANG YIN PA DE NI TSE 'DI KHO NA LA MYONG BAR 'GYUR BA YIN DU ZIN KYANG DE NI NGAN SONG MYONG BAR 'GYUR BA YANG YIN LA TSE 'DI LA YANG THAR PA'I BAR DU GCOD PAR YANG BYED DO, ,GZHAN YANG LAS DE BYAS NA 'GYOD PAR YANG BYED LA GNYEN PO DANG YANG BCAS PA'I GANG ZAG DE'I LAS DE NI BSAGS PAR YANG MI 'GYUR TE, BSAGS PAR 'GYUR BA GANG YIN PA DES NGAN SONG MYONG BAR 'GYUR DU ZIN KYANG DE NI DE NI TSE 'DI KHO NA LA MYONG BAR 'GYUR LA THAR PA'I BAR DU GCOD PAR YANG MI BYED DO, ,DE BAS NA DES NI TSANGS PAR SPYOD PA LA GNAS PA DANG, MYA NGAN LAS 'DAS PA LA SKUR BA BTAB PA MA YIN NO, ,DES NA 'DI NI YANG DAG PAR SMRA BA YIN PAR RIG PAR BYA'O, ,DE LA GNYEN PO RNAM PA BCU MED NA NI LAS KYI KUN NAS NYON MONGS PAS KUN NAS NYON MONGS PAR BYED LA RNAM PA BCU PO DE DAG YOD NA NI RNAM PAR DAG PAR 'GYUR TE, 'DI LTA STE, GNYEN PO GANG GIS BYAS MA THAG TU BSAGS PAR MI 'GYUR TE, PHYI MA LA MYONG BA MA NGES PA DANG, GNYEN PO GANG GIS MA SPANGS SU ZIN KYANG MI MYONG BAR BYED PA DANG, GNYEN PO GANG GIS SPONG BAR YANG BYED LA BRAL BAR YANG 'GYUR BA DANG, DE BZHIN DU DBANG PO'I SGO BSDAMS PAS LHAG PA'I TSUL KHRIMS KYI BSLAB PA BSGOM PA'I PHYIR LUS BSGOM PA DANG, LHAG PA'I SEMS BSGOM PA'I PHYIR LHAG PA'I TSUL KHRIMS BSGOM PA DANG, LHAG PA'I SHES RAB SGOM PA'I PHYIR LHAG PA'I SEMS BSGOM PA DANG, ZAG PA SPANG BA'I PHYIR LHAG PA'I SHES RAB BSGOM PA DANG SEMS DRAG POS BSGOM PA DANG, YUN RING POR BSGOM PA DANG, GNYEN PO SGOM DU MA BSGOM PA STE, LAS KYI KUN NAS NYON MONGS PA'I GNYEN PO RNAM PA BCU PO 'DI DAG MED NA NI KUN NAS NYON MONGS PAR 'GYUR RO, ,DE LAS BZLOG PA NI RNAM PAR BYANG BAR 'GYUR BAR RIG PAR BYA'O, ,TSE 'DI NYID LA LUS DANG NGAG DANG YID KYI LAS SHIN TU MA BSDAMS PAR GNAS PA'I NI SNGON GYI LAS MI DGE BA BYAS SHING BSAGS PA GANG YIN PA DE PHYI MA LA KUN NAS NYON @198A *, ,MONGS PAR 'GYUR RO, ,LUS DANG NGAG DANG YID KYI LAS SHIN TU BSDAMS PAR GNAS PA'I NI KUN NAS NYON MONGS PAR MI 'GYUR RO, ,TSE 'DI LA LUS DANG NGAG DANG YID KYI LAS SHIN TU MA BSDAMS PAR GNAS PA NI JI LTA BU LUS LA SOGS PA'I LAS SHIN TU BSDAMS PAR GNAS PA NI JI LTA BU YIN ZHE NA, JI LTAR 'DI NA KHA CIG LUS DANG NGAG DANG YID KYI LAS MI DGE BA'I KUN NAS DKRIS PA'I NYES RTZOM DANG, DE SKYED PAR BYED PA'I TSUL BZHIN MA YIN PA YID LA BYED PA DANG MTSUNGS PAR LDAN PA'I MA RIG PA'I NYES RTZOM NI SPANGS LA LUS DANG NGAG DANG YID KYI LAS DGE BA YANG YANG DAG PAR BLANGS TE GNAS PA DE LA NI TSE 'DI NYID LA DE'I RGYUS NYON MONGS PA DANG LOG PA'I 'DUN PA DANG, RTOG PA DANG YONGS SU TSOL BA LAS BYUNG BA'I SDUG BSNGAL GYI KHYAD PAR RNAMS MI 'BYUNG NGO, ,DES DE SPANGS PA YANG DAG PAR BLANGS PA TZAM GYIS CHOG PAR BZUNG NAS TSE 'DI LA 'PHAGS PA'I LAM SKYED PAR MI BYED CING MYA NGAN LAS 'DAS PA MNGON SUM DU MI BYED DO, ,DE LTAR BSDAMS PAR GNAS PA DE NI TSE 'DI LA SDIG PA MI DGE BA'I CHOS MI BYED CING MI SOGS MOD KYI 'ON KYANG NYON MONGS PA'I BDAG LA NYAL GYI BCINGS BAS BCINGS PAS NA SHI BA'I 'OG TU YANG SRID PAR SKYE BA MNGON PAR 'GRUB PAR 'GYUR TE, YANG SRID PAR SKYE BA DER SNGON GYI LAS KYI RKYEN LA BRTEN NAS KUN NAS NYON MONGS PA BSKYED PAR 'GYUR RO, ,LUS DANG NGAG DANG YID KYI LAS SHIN TU BSDAMS PAR GNAS PA'I KHYAD PAR NI 'DI YIN TE SPANGS PA YANG DAG PAR BLANGS BA DE LA GNAS PA DE NI GSAR DU YANG LAS MI BYED LA, LAS RNYID PA NYAMS SU MYONG STE, RNAM PAR SMIN PA RNAM PAR SMIN PA'I SGO NAS ZAD PAR BYED LA SPANGS PA YANG DAG PAR BLANGS PA DE TZAM GYIS KYANG CHOG PAR MI 'DZIN TE, TSE 'DI NYID LA 'PHAGS PA'I LAM YANG SKYED CING DE'I 'BRAS BU MYA NGAN LAS 'DAS PA YANG MNGON SUM DU BYED DO, ,DE DE'I TSE JI SRID DU RNAM PAR SHES PA DANG BCAS PA'I LUS GNAS PA DE SRID DU TSE 'DI LA SNGON GYI LAS KYIS 'PHANGS PA'I TSOR BA MYONG BAR 'GYUR RO, ,DE'I RNAM PAR SHES PA DANG BCAS @198B PA'I LUS DE YANG JI SRID TSE MA ZAD PA DE SRID DU GNAS SO, ,TSE ZAD NAS RNAM PAR SHES PAS LUS SPANGS NAS DE PHYIN CHAD NI SROG GI DBANG PO RNAM PAR SMIN PAR MI 'GYUR TE, DES NA DE'I RNAM PAR SHES PA TSOR BA THAMS CAD DANG BCAS PAR 'DIR 'GAGS PAS PHYI MA LA NYID MTSAMS SBYOR BAR MI 'GYUR RO, ,DE'I TSOR BA GRIB MA BZHIN DU RNAM PAR SHES PA'I SHING LA BRTEN PA DE YANG RNAM PAR SHES PA'I SHING 'GAGS PAS THAMS CAD KYI THAMS CAD DU MED PAR 'GYUR RO, ,DE'I TSE SNGON GYI LAS DE LAS DE NI RGYU GNYIS KYI PHYI MA LA KUN NAS NYON MONGS PAR MI 'GYUR TE; GROGS NYON MONGS PA GANG GIS KUN NAS NYON MONGS PAR 'GYUR BA DE MA LUS PAR SPANGS PA'I PHYIR DANG, GANG DU RNAM PAR SMIN PAR 'GYUR BA NA KUN NAS NYON MONGS PAR 'GYUR BA STE, 'DI LTA STE, 'DU BYED KYI RGYUD DE YANG MA LUS PAR 'GAGS PA'I PHYIR RO, ,DE DE'I TSE SEMS CAN RNAMS LA MDZA' BA'I BSAM PAS KHO NA MED PA'I SEMS SU 'GYUR TE, DE LA DMIGS PA'I GNOD SEMS SPANGS PAS GNOD SEMS SU GYUR PA'I SEMS MED DO, ,SDIG PA'I LAS LA NYES DMIGS SU LTA BA'I PHYIR DE SPANGS PA YANG DAG PAR BLANGS PAS 'DOD CHAGS DANG BRAL BA'I SEMS SU YANG 'GYUR RO, ,DE'I GNYEN PO LAM THOB PAS YANG DAG PAR SEMS SHIN TU RNAM PAR GROL BAR YANG 'GYUR RO, ,DE LTAR GYUR PA DES NI RTAG TU GNAS PAR BYA BA DRUG THOB PA YIN TE DE RNAMS KYIS NI DE LA SHAS CHER GNAS PA DE'I SPONG PA DE DGE BAR GCIG TU NGES PA KHO NAR 'GYUR TE, TSE 'DI LA SDIG PA MI DGE BA'I LAS KYI RKYEN YOD DU ZIN KYANG RNAM PAR 'DRE BAR MI 'GYUR BA 'DI NI DE'I SDOM PA LA GNAS PA LA SNGA MA LAS KHYAD PAR DU 'PHAGS PAR BYA'O, ,LAS KYI RNAM PAR SMIN PA MYONG BAR 'DOGS SHING SMRA BA NI RNAM PA LNGAS KUN NAS NYON MONGS PA CAN YIN PAR RIG PAR BYA'O, ,RNAM PA LNGAS NI KUN NAS NYON MONGS PA CAN MA YIN PAR RIG PAR BYA'O, ,RNAM PA LNGA PO GANG DAG GIS KUN NAS NYON MONGS PA CAN YIN NO ZHE NA, 'DI LTA STE, RGYU MI MTHUN PAR 'DOGS PA DANG, @199A *, ,RGYU MED PAR 'DOGS PA DANG, RGYU MI MTHUN PA DANG RGYU MED PAR 'DOGS PA'I NYES PA RNAM PA GSUM GYIS SO, ,DE LA RGYU MI MTHUN PAR 'DOGS PA NI JI LTAR 'DI NA KHA CIG 'DI LTAR LTA ZHING 'DI SKAD DU SMRA STE, SKYES BU GANG ZAG 'DIS NYAMS SU MYONG BAR 'GYUR BA CI YANG RUNG BA DE DAG THAMS CAD NI SNGON BYAS PA'I RGYU LAS BYUNG BA YIN NO SNYAM MO, ,DBANG PHYUG GIS SPRUL PA'I RGYU LAS BYUNG BA YANG DE DANG 'DRA'O, ,RGYU MED RKYEN MED PAR NYAMS SU MYONG NGO ZHES BYA BA NI RGYU MED PAR 'DOGS PA'O, ,DER 'DOGS PA'I NYES PA RNAM PA GSUM GANG ZHE NA, TSE 'DI LA MI DGE BA DANG LDAN PA'I TSOR BA NI SNGON GYI LAS KYI RGYU LAS BYUNG NA YANG NYES PA YOD LA TSE 'DI'I LAS KYI RGYU LAS BYUNG NA YANG NYES PA YOD DE, ,GAL TE SNGON GYI MI DGE BA'I LAS KYI RGYU LAS BYUNG BA YIN NA NI DE LTA NA CHOS YANG DAG PAR BLANGS PA KHA CIG BDE BA YIN LA MI DGE BA YANG YOD NA DE LA MI DGE BA'I TSOR BA GANG YIN PA DE SNGON GYI MI DGE BA'I LAS KYI RGYU LAS BYUNG BAR MI RUNG NGO, ,DE CI'I PHYIR ZHE NA, SNGON GYI MI DGE BA'I TSE 'DI LA BDE BAR RNAM PAR SMIN PAR MI RUNG BA'I PHYIR RO, ,GAL TE TSE 'DI'I MI DGE BA'I LAS KYI RGYU LAS BYUNG BA YIN NA NI, ,DE LTA NA DE'I RGYU MI MTHUN PAR SMRA BA DANG, RGYU MED PAR SMRA BA DE DAM BCAS PA NYAMS PAR 'GYUR TE THAMS CAD SNGON BYAS PA'I RGYU LAS BYUNG BA'O ZHES RGYAS PAR SBYAR BA 'DI NI NYES PA DANG PO'O, ,GZHAN YANG GAL TE MI DGE BA YANG SNGON GYI MI DGE BA'I LAS KYI RGYU LAS BYUNG BAR NGES LA, DGE BA YANG DGE BA'I RGYU LAS BYUNG BA YIN NA NI DE LTA NA DE DAG GIS MI DGE BA'I GNYEN POR DGE BA YANG DAG PAR BRTZAMS PA DANG LDAN PA'I BRTZON 'GRUS RTZOM PA GANG CI YANG RUNG BA DE DAG KYANG DON MED PAR 'GYUR TE, 'DI NI NYES PA GNYIS PA'O, ,GZHAN YANG SKYES BU'I BYED PA MED PA NA DGE BA DANG MI DGE BA LAS BRTZAMS TE BYA BA DANG MI BYA BA BRTAGS PA'I YANG DAG PA PA JI LTA BA'I SHES PA YANG MI DGOS PAR 'GYUR TE, SHES PA'I 'OG TU 'DI NI YONGS SU SPANG @199B BAR BYA'O, ,'DI NI NAN TAN DU BSGRUB PAR BYA'O SNYAM PA DE MED NA DE YANG MED PAR 'GYUR BA'I PHYIR YANG DAG PA'I SHES PA YANG MI RUNG NGO, ,SHES PA DANG MI LDAN NA NI DRAN PA GNAS PAR YANG MI 'GYUR RO, ,DRAN PA GNAS PAR MA GYUR NA NI TING NGE 'DZIN KYANG MED DO, ,MNYAM PAR MA BZHAG PA RNAMS KYI SEMS NI RTOG PA NGAN PA DAG GIS MGO RMONGS PAR BYED DO, ,MGO RMONGS PA RNAMS KYI DBANG PO RNAMS NI BYIS PA DANG MTSUNGS PAR SHES PAR BYA'O, ,BYIS PA DANG MTSUNGS PAR GYUR PA RNAMS KYI NI DGE SBYONG GI CHOS DANG LDAN PA'I DGE SBYONG DU SMRA BA GANG YIN PA DE YANG NYAMS PAR 'GYUR TE, 'DI NI NYES PA GSUM PA'O, ,'DI DAG NI MDOR BSDU NA NYES PA GSUM PA STE, 'DI LTA STE, DA LTAR BYUNG BA'I MI DGE BA'I TSOR BA RGYU MED PA LAS BYUNG BA'I NYES PA DANG, BRTZON 'GRUS LA SKUR BA BTAB PA'I NYES PA DANG, SHES PA LA SKUR BA BTAB PA'I NYES PA'O, ,LAS KYI RNAM PAR SMIN PA NYAMS SU MYONG BAR 'DOGS PA KUN NAS NYON MONGS PA MA YIN PA RNAM PA LNGA GANG ZHE NA, 'DI LTA STE, GANG GIS NYAMS SU MYONG BAR 'GYUR BA DANG, CIS NYAMS SU MYONG BAR 'GYUR BA DANG, JI LTAR NYAMS SU MYONG BAR 'GYUR BA DANG; NYAMS SU MYONG BA NA JI LTAR KUN NAS NYON MONGS PA CAN DU 'GYUR BA DANG, JI LTAR RNAM PAR BYANG BAR 'GYUR BA'O, ,DE LA NYE BAR LEN PA'I PHUNG PO LNGA LA BRTEN NAS GANG ZAG TU 'DOGS PA NI GANG GIS NYAMS SU MYONG BA'O, ,DE YANG REG PA'I SKYE MCHED DRUG GIS NYAMS SU MYONG NGO, ,DE LA MA'I LTO NA 'DUG PA'I KHU CHU DANG KHRAG GI 'BYUNG BA CHEN PO BZHI LA BRTEN PA DANG, NYING MTSAMS SBYOR BA'I RNAM PAR SHES PA LAS DANG NYON MONGS PAS BSDUS PA DANG MA'I LTO NA KHONG STONG YOD PA NI BU 'CHAGS PAR 'GYUR BA YIN NO, ,DE NA MING DANG GZUGS SO, ,DE NAS SKYE MCHED DRUG GO, ,DE NAS RIG PA'O, ,DE NAS TSOR BA STE DE LTAR GO RIMS 'DI BZHIN DU TSOR BAR 'GYUR RO, ,TSOR BA DE'I RGYU NI TSE 'DI'I REG PA YANG YIN LA SNGON GYI LAS KYANG RGYU YIN NO, ,GAL TE DAM PA'I CHOS MA YIN PA THOS PA LAS BRTEN NAS TSUL BZHIN @200A *, ,MA YIN PA YID LA BYED PA'I RGYUS MA RIG PA'I 'DUS TE REG PA LAS BYUNG BA'I TSOR BAS REG PAR GYUR NA NI DE TSOR BA'I RKYEN GYIS SRED PA SRED PA'I RKYEN GYIS PHYI MA LA SKYE BA DANG RGA BA LA SOGS PA'I BAR GYI SDUG BSNGAL GYI KHYAD PAR RNAMS 'BYUNG STE, DE LTAR MA RIG PA'I 'DUS TE REG PA'I TSOR BA MYONG BA DE NI BDEN PA GNYIS KYIS KUN NAS NYON MONGS PAR 'GYUR RO, ,DE LAS BZLOG PA DAM PA'I CHOS THOS NAS TSUL BZHIN YID LA BYED PA LA BRTEN TE, REG PA'I 'DUS TE REG PA'I TSOR BA MYONG BA NI BDEN PA GNYIS KYIS RNAM PAR BYANG BAR 'GYUR RO,, ,,RNAL 'BYOR SPYOD PA'I SA LAS BZHI BSDU BA, BAM PO BRGYAD PA, LAS RNAM PAR BYANG BA LOG PAR 'DOGS PA DANG, LOG PAR SGRUB PA LA NYES DMIGS GNYIS YOD PAR RIG PAR BYA STE, GNYES GANG ZHE NA, 'DI LTA STE, NANG GI RTOG PA LA SLU BA DANG, GZHAN GYIS SMAD PA'O, ,LAS RNAM PAR BYANG BA LOG PAR 'DOGS PA GANG ZHE NA, JI LTAR 'DI NA KHA CIG STON PA MA YIN BZHIN DU BDAG NYID STON PA LTA BUR 'DZIN CING 'DI LTAR LOG PAR 'DOGS TE, TSE 'DI LA SDUG BSNGAL MYONG BA GANG CI YANG RUNG BA DE DAG THAMS CAD NI SNGON GYI BYAS PA'I RGYU LAS BYUNG BA YIN NO SNYAM NAS DES SNGON GYI MI DGE BA'I LAS DE RNAM PA GNYIS KYI RGYUR GYUR PAR MTHONG STE, BYED PA DE NI SNGON GYI LAS LA GOMS PA LAS BYUNG BA'I PHYIR, TSE 'DI'I MI DGE BA'I LAS KYI RGYU DANG SDUG BSNGAL DE'I RGYU'O, ,DE BAS NA SNGON GYI MI DGE BA'I LAS DE DAG DANG 'BRAS BU SDUG BSNGAL NI DKA' THUB DRAG POS 'BYANG BAR 'GYUR LA PHYI MA LA MI DGE BA'I LAS RNAMS BYED PAR MI 'GYUR BA'I PHYIR, ,TSE 'DI LA LUS DANG NGAG GIS BSDAMS PAR GNAS PAS DE LTAR PHYI MA LA GCIG TU NGES PAR BYED PA LA BRTZON PA RNAMS KYIS NI MI DGE BAS SKYE BAR MI 'GYUR TE DE LTA NA MI DGE BA'I LAS DE ZAD PAR 'GYUR RO, ,DE ZAD PAS SDUG BSNGAL ZAD CING SDUG BSNGAL MTHAR THUG PAR 'GYUR RO ZHE'O, ,LOG PAR SGRUB PA GANG ZHE NA, JI LTAR 'DI NA KHA CIG BDAG GI LAS KYI KUN NAS NYON MONGS @200B PA YANG MI SHES DE'I GNYEN PO YANG MI SHES PA SNGA MA DANG PHYI MA'I KHYAD PAR RTOGS PA YANG YANG DAG PA JI LTA BA BZHIN DU RAB TU MI SHES TE DE DE LTAR KUN DU RMONGS NAS STON PA LA GZHI MED PA'I DAD PA DAD PAR BYA BA'I GNAS MA YIN PAR SKYES PAS BSTAN PA LA MOS PAR 'GYUR TE, SMRA BA NGAN PA MI RIGS PA'I PHYOGS SU SONG BA DE LA BRTEN NAS GZHAN DAG GIS RNAM PAR BSKYOD NA YANG SOM NYIR BYA BA'I GNAS LA THE TSOM SKYED PAR MI BYED LA DRI BA'I SGO NAS LEGS PAR LAN THEBS PA DANG, LEGS PAR LAN MI THEBS PA DANG, SOM NYI RNAM PAR DAG PAR BYED PA DANG; RNAM PAR DAG PAR MI BYED PA'I SGO NAS STON PA THAMS CAD MKHYEN PA DANG, THAMS CAD MKHYEN PA MA YIN PA YONGS SU MI TSOL LA, ,STON PA 'DAS NAS NI GTAN DU SOM NYI'I GNAS LA GNAS PAR 'GYUR RO, ,DE CI'I PHYIR ZHE NA, STON PA GSON PA'I TSE NI DES THAMS CAD MKHYEN PA YIN NAM MA YIN PA NGES PAR RTOGS PAR 'GYUR BA ZHIG NA SHI BA'I 'OG TU SU LA DRIR YANG MED NA JI LTAR NGES PAR 'GYUR TE, 'DI NI LOG PAR SGRUB PA'O, ,DE LA CI'I PHYIR LAS RNAM PAR BYANG BA LOG PAR 'DOGS PA SHIN TU MI RIGS PAR 'GYUR ZHE NA; RGYU RNAM PA GNYIS KYIS TE, 'DI LTA STE, DKA' THUB DRAG PO DE NI SNGON BYAS PA'I RGYU LAS BYUNG BA YIN, ,MI SRID PA DES SNGON GYI MI DGE BA'I LAS 'BYANG BAR 'GYUR YANG MI SRID PA'I PHYIR RO, ,DE LA BRTZAL BA CHUNG NGU DANG 'BRING DANG CHEN POS BYAS PAS TSOR BA CHUNG NGU DANG, 'BRING DANG CHEN PO SKYE BA'I PHYIR DANG, BRTZAL BA RNAM PA GSUM DANG BRAL BAS BRTZAL BA LAS BYUNG BA'I SDUG BSNGAL GYI TSOR BA RNAM PA GSUM MI GNAS PA'I PHYIR SNGON BYAS PA'I RGYU LAS BYUNG BAR MI RUNG NGO, ,DKA' THUB DRAG PO DE LA YANG SNGON GYI LAS MI DGE BA SDUG BSGNAL MYONG BAR 'GYUR BA GANG YIN PA DE BDE BA MYONG BA BYA BA DE'I MTHU MED PAS DE NI NGES PAR 'DI LTAR 'GYUR TE, BDAG NYID YONGS SU GDUNGS PAS SNGON GYI MI DGE BA'I LAS 'BYANG BAR MTHONG STE, DE LTAR GYUR NA TSE 'DI LA BRTZAL BA'I SDUG BSNGAL GYI TSOR BA DE SNGON GYI LAS MI DGE BA SDUG BSNGAL MYONG BAR @201A *, ,'GYUR BA GANG YIN PA DE'I 'BRAS BUR GYUR PA YIN NAM MA YIN, GAL TE 'BRAS BUR GYUR PA YIN NA NI DKA' THUB KYANG DON MED PAR 'GYUR TE, DE'I 'BRAS BU MYONG BA KHO NAS ZAD PAR 'GYUR LA DE LTAR GYUR NA NI SNGON GYI MI DGE BA'I LAS KYI YIN GYI DKA' THUB KYIS BYANG BAR 'GYUR BA MA YIN NO, ,GANG DAG GI TSE 'DI'I 'BRAS BU NYAMS SU MYONG BAS NI LAS KYI PHYOGS GCIG DE BYANG BAR ZAD DE, GZHAN NI LAN GRANGS GZHAN LA MYONG BAR 'GYUR BA YIN PAS NA, DE'I PHYIR TSE PHYI MA LA MYONG BAR 'GYUR TE, DE NI 'BRAS BU'I SGO NAS DKA' THUB KYIS 'BYANG BAR 'GYUR DU MI RUNG NGO, ,GAL TE BRTZAL BA'I SDUG BSNGAL DE SNGON BYAS PA'I RGYU LAS BYUNG BA MA YIN NA NI DE LTA NA NYAMS SU MYONG BAR 'GYUR BA GANG CI YANG RUNG BA DE DAG THAMS CAD SNGON BYAS PA'I RGYU LAS BYUNG BA YIN NO ZHES BYA BAR MI RUNG NGO, ,JI LTAR SDUG BSNGAL MYONG BAR 'GYUR BA BDE BA MYONG BAR BSGYUR DU MI RUNG BA DE BZHIN DU SNGON GYI LAS DGE BA BDE BA MYONG BAR 'GYUR BA DE YANG SDUG BSNGAL MYONG BA'AM, DE GNYI GAR BSGYUR DU MI RUNG NGO, ,GZHAN YANG TSE 'DI LA MYONG BAR 'GYUR BA GANG YIN PA DE TSE PHYI MA LA MYONG BAR BYA BA DANG, TSE PHYI MA LA MYONG BAR 'GYUR BA GANG YIN DE MI MYONG BAR BYA BA DANG, YONGS SU MA SMIN PA GANG YIN PA DE YONGS SU SMIN PAR BYA BA DANG, YONGS SU SMIN ZIN PA GANG YIN PA DE DANG DER BSGYUR DU MI RUNG NGO, ,DE LA DON GYI MDO NI 'DI YIN TE, DGE BA DANG MI DGE BA LAS THAMS CAD NI RANG BZHIN NGES PA DANG, DUS NGES PA DANG, RNAM PA NGES PA STE, DE JI LTAR NGES PA DE BZHIN DU 'BRAS BU YONGS SU 'DZIN PAR 'GYUR RO, ,DE LA BDAG GIS BRTZAL BA'I SDUG BSNGAL GYI TSOR BA RNAMS KYIS CI ZHIG BYAR YOD DO, ,GAL TE TSOR BA DE RNAMS SNGON GYI LAS KYI RGYU LAS BYUNG BA ZHIG YIN NA NI LAS KYI PHYOGS GCIG DE TZAM ZHIG 'BYANG BA BYED PAR SNANG BAR GYUR NA YANG DE DAG GI PHAN YON TZAM DU 'GYUR BAR ZAD LA RANG GIS KHAS BLANGS PAS NA DE YANG PHAN YON TZAM DU YANG MI 'GYUR TE DE LTAR NA GTAN DU SLU BA YIN LA LAS KYIS BCINGS PAS THAR BAR YANG MI 'GYUR TE, RNAM GRANGS DES NA 'DI NI LOG PAR SMRA BA DANG, @201B LOG PAR SGRUB PA DE'I NYES DMIGS DANG PO STE, 'DI LTA STE, NANG GI RANG GI DON LA SLU BA YIN NO, ,GZHAN GYIS SMAD PA GANG ZHE NA, DE DAG NI SMRA BA RNAM PA GNYIS DANG, DKA' THUB RNAM PA GSUM LA BRTEN TE, SKYES BU GANG ZAG 'DIS GANG CHUNG ZAD NYAMS SU MYONG BA DE DAG THAMS CAD NI SNGON BYAS PA'I RGYU LAS BYUNG BA KHO NA YIN NO ZHES BYA BA 'DI NI NGAN PAR SMRA BA GCIG STE, RGYU MI MTHUN PAR SMRA BA'I PHYIR RO, ,GZHAN DAG NI 'DI SKAD DU 'DI LTAR DE THOG MA NI DBANG PHYUG GIS SPRUL TO, ,DE PHYIN CHAD NI SNGON BYAS PA'I LAS KYIS NYAMS SU MYONG BAR 'GYUR RO ZHES SMRA BA 'DI NI NGAN PAR SMRA BA GNYIS PA'O, ,DKA' THUB RNAM PA GSUM NI LUS KYI SDOM PA DANG, NGAG GI SDOM PA DANG, YID KYI SDOM PA'O, ,DE LA LUS KYI SDOM PA NI LUS KYIS DE LAS GZHAN PA'I SEMS CAN RNAMS DANG LHAN CIG TU MI 'DUG STE, TSANG TSING DANG, NAGS TSAL DANG, DGON PA DANG, GNAS DBEN PAR GNAS PAS THAMS CAD KYIS MI MTHONG BA 'BA' ZHIG TU SGRUB PA'O, ,DE LA NGAG GI SDOM PA NI MI SMRA BA'I BRTUL ZHUGS PA YI DAM DU 'DZIN PA'O, ,DE LA YID KYI SDOM PA NI BRTZAL BA'I TSOR BA RNAMS YID KYIS DANG DU MI LEN PA'O, ,DE DAG 'DI LTAR LTA BA PHUN SUM TSOGS PA RNAM PA 'DI GNYIS DANG, DKA' THUB PHUN SUM TSOGS PA RNAM PA GSUM GYIS SDUG BSNGAL LAS YANG DAG PAR 'DA' BAR 'GYUR RO ZHES DE LTAR 'DOD CING STON LA, RANG YANG SDUG BSNGAL LAS YANG DAG PAR 'DAS PAR MA GYUR PA'I PHYIR GZHAN DAG GIS SMAD PA YIN NO, ,GAL TE THAMS CAD SNGON BYAS PA'I RGYU LAS BYUNG BA DANG, DBANG PHYUG GIS SPRUL PA'I RGYU LAS BYUNG BA DANG, DKA' THUB RNAM PA GSUM MA BTANG BA'I RGYU LAS BYUNG BA YIN NA NI DE LTAR NA DE DAG NYID DKA' THUB RNAM PA GSUM DANG BCAS PAS SDUG BSNGAL NYAMS SU MYONG BA NA SNGON GYI LAS GNAG PA DANG, DBANG PHYUG GIS KYANG SDIG PA CAN DU SPRUL PA DANG, DKA' THUB RNAM PA GSUM MA BTANG BDES NA DA LTAR SDUG BSNGAL GYI TSOR BA MYONG BAR 'GYUR GOR MCHAG STE, NANG GI RTOGS PA LA BSLUS PA DE DAG GI GZHAN LA GRAGS @202A *, ,SHING BSNGAGS PA TZAM GYI PHAN YON LTA BU GANG YIN PA DE YANG MED DE 'DI NI NYES DMIGS GNYIS PA STE, YAN LAG 'DIS KYANG DE DAG NI SMAD PA'I 'OS KHO NA YIN NO, ,DE LAS BZLOG PA LAS NI LAS KYI KUN NAS NYON MONGS PA DANG, RNAM PAR BYANG BAR SMRA BA YANG DAG PAR 'DOGS PA DANG, YANG DAG PA'I NAN TAN DU SGRUB PA LA PHAN YON RNAM PA GNYIS YOD PAR RIG PAR BYA STE, NANG GI RTOGS PA LA SLU BA MED PA DANG, GZHAN GYIS BSNGAGS PA'O, ,LAS KYI KUN NAS NYON MONGS PA 'DOGS SHING SMRA BA GANG ZHE NA, LAS NI 'DI GNYIS YIN TE, DGE BA DANG MI DGE BA'O, ,DE LAS 'DAS PA'I DUS NAS BZUNG STE, DGE BA DANG MI DGE BA'I LAS BYAS PAS TSE 'DI LA SDUG PA DANG MI SDUG PA'I RNAM PAR SMIN PA NYAMS SU MYONG BA DANG, SDUG PA DANG MI SDUG PA NYAMS SU MYONG NAS KYANG DGE BA DANG MI DGE BA BYED DE, DES NA PHYI MA LA YANG SDUG PA DANG MI SDUG PA NYAMS SU MYONG BAR 'GYUR TE, DE LTA BU NI LAS KYI KUN NAS NYON MONGS PA YIN NO, ,GSAR DU YANG MI BYED LA RNYING DANG PHRAD NA YANG ZAD PAR BYED PA DANG, LHAG MA YANG GNYEN POS SPONG BAR BYED PAS RNAM PAR BYANG BA STE; 'DI NI LAS KYI KUN NAS NYON MONGS PA DANG RNAM PAR BYANG BA 'DOGS SHING SMRA BA BLA NA MED PA'O, ,DE LA YANG DAG PA'I NAN TAN DU SGRUB PA GANG ZHE NA, JI LTAR CHOS 'DI PA THOS PA DANG LDAN TE LAS KYI KUN NAS NYON MONGS PA LA YANG KUN NAS NYON MONGS PA GANG YIN PA DANG, RNAM PAR BYANG BA LA YANG RNAM PAR BYANG BA YIN PAR LEGS PAR YANG DAG PAR RTOGS NAS MI DGE BA'I LAS NI SPONG LA DGE BA NI SGOM PAR BYED DO, ,DE THOS PA DANG, BSAMS PA LAS BYUNG BA'I YID LA BYED PA LA SBYOR BAR BYAS NAS BSGOMS PA LAS BYUNG BA RTOGS PAR BYA'O SNYAM STE, RAB TU DBEN PA'I GNAS SU 'DUG NAS SGRIB PA RNAMS DANG, SDUG BSNGAL GYI CHOS RNAMS LAS SEMS YONGS SU SBYONG BAR BYED DO, ,'DOD PA'I 'DUN PA DANG, GNOD SEMS DANG, RGOD PA DANG, 'GYOD PA SPANGS PA'I PHYIR ZHI GNAS KYI PHYOGS SU GTOGS @202B PA'I SEMS GNAS PA RNAM PA DGUS SEMS LHAG PAR BTANG SNYOMS SU BYED LA, RMUGS PA DANG GNYID DANG THE TSOM SPANG BA'I PHYIR GZHI'I BYE BRAG RNAM PA DRUG GI LHAG MTHONG GI TSUL BZHIN GYIS SEMS MNGON PAR 'DU BYED DE, DE BAS NA ZHI GNAS KYI PHYOGS SU GTOGS PA LAS LANGS MA THAG PA KHO NAR YANG DAG PAR SLOB PA'I SDUG BSNGAL NI NGES PAR 'BYANG BAR 'GYUR RO, ,DE DE LTAR SGRIB PA RNAMS LAS SEMS RNAM PAR SBYANGS NAS CHOS GOS DANG, BSOD SNYOMS DANG, MAL CHA DANG, STAN LONGS SPYAD CING SPYOD PA LAS SEMS RNAM PAR SBYONG BAR BYED DE, JI LTAR BUR CHOS GOS NAS MAL CHA DANG STAN GYI BAR DU BRTEN PA DE'I MI DGE BA'I CHOS RNAMS 'PHEL ZHING DGE BA'I CHOS RNAMS 'GRIB PAR 'GYUR BA DE YONGS SU SPONG BAR BYED LA 'DOD NA YANG CHOS GOS LA SOGS PA'I LONGS SPYOD NGAN PAS 'TSO ZHING SDUG BSNGAL DANG DU LEN TO; ,DE'I CHOS GOS LA SOGS PA LONGS SPYOD BZANG BA'I GZHI DAG LAS RGYU RNAM PA GNYIS KYIS SDIG PA MI DGE BA'I CHOS RNAMS SKYE BAR 'GYUR TE, 'DI LTA STE, 'DU SHES DANG RTOG PA'O, ,GNYIS GANG ZHE NA, DGE BA LA YANG YUN RING PO NAS MA GOMS PAS SEMS LAS SU MI RUNG BA DANG, CHOS GOS LA SOGS PA LA YANG 'DUN PA'I 'DOD CHAGS KYIS LHAG PAR CHAGS PA'O, ,GANG GI TSE SEMS KYANG LAS SU RUNG BAR BYAS LA CHOS GOS LA SOGS PA LA YANG LHAG PAR CHAGS PA MI RTAG PA RTEN CING 'BREL PAR 'BYUNG BA LA YANG NYES DMIGS SU MTHONG BA DE'I TSE NI CHOS GOS LA SOGS PA LONGS SPYOD BZANG PO LA 'JUG TU ZIN KYANG KUN NAS NYON MONGS PAR YANG MI 'GYUR TE, DE LTAR NA DE NI BDE BAR YANG 'GYUR LA KHA NA MA THO BA YANG MED PA DANG, ZHI GNAS DANG LHAG MTHONG BSGOM PA'I STOBS KYIS KYANG SGRIB PA RNAMS LAS SEMS RNAM PAR SBYANGS NAS SO SOR RTOG PA'I STOBS KYIS KYANG CHOS GOS LA SOGS PA PHYIN CI MA LOG PAR LONGS SPYOD PAS KUN NAS NYON MONGS PAR MI 'GYUR RO, ,DE'I TSE SEMS RTZE GCIG PA TZAM DANG LDAN MOD KYI DE PHYI MA LA YANG KUN NAS NYON MONGS PAR 'GYUR BA'I PHYIR 'DOD PA'I 'DOD @203A *, ,CHAGS KYI BAG LA NYAL NI MA SPANGS SO, ,DES DE SHES RAB KYIS RTOGS NAS SPANG BA'I PHYIR BAS MTHA'I GNAS MAL DAG TU 'DUG STE, DES SNGA ROL DU TING NGE 'DZIN GYI TSOGS SHIN TU YONGS SU DAG PAR BYAS NAS MTHAR GYIS BSAM GTAN BZHI PA'I BAR DU SNYOMS PAR 'JUG STE DE LA BRTEN NAS BDEN PA RNAMS KYANG MNGON PAR RTOGS LA ZAG PA ZAD PA YANG 'THOB CING SEMS KYANG SHIN TU RNAM PAR GROL BAR 'GYUR RO, ,SDUG BSNGAL THAMS CAD DANG BRAL BA'I PHYIR ZHI BA DANG, PHAN 'DOGS PA'I PHYIR DGE BA DANG, LUS DANG SEMS THAMS CAD KHYAB PAR CHUB PA'I PHYIR RGYAS PA DANG, NYON MONGS PA THAMS CAD DANG GTAN BRAL BA'I PHYIR ZAG PA MED PA'I TSOR BA MYONG STE, 'DI NI YANG DAG PAR NAN TAN DU SGRUB PA ZHES BYA STE, DE LTAR NA NANG GI RTOGS PA LA SLU BA MED DO, ,DE LAS BZLOG PA NI DE'I GZHAN GYIS BSNGAGS PA RNAM PA LNGAR RIG PAR BYA'O, ,DE DE'I TSE TSE 'DI'I SGRIB PA'I KUN NAS DKRIS PA'I SDUG BSNGAL DE LAS KYANG SEMS SHIN TU RNAM PAR GROL BAR 'GYUR LA DE'I BAG LA NYAL GYI LHAG MA SPANGS PA DANG, TSE 'DI LA 'PHAGS PA'I LAM 'BRAS BU DANG BCAS PA THOB PA'I PHYIR SNGON GYI MTHA' DANG PHYI MA'I MTHA'I LAS KYI RNAM PAR SMIN PA'I KUN NAS NYON MONGS PA LAS KYANG RNAM PAR GROL BAR 'GYUR RO, ,GANG ZAG NI GSUM STE, SO SO'I SKYE BO BSTAN PA LA MA ZHUGS PA DANG, SLOB PA BSTAN PA LA ZHUGS PA DANG, SO SO'I SKYE BO BSTAN PA LA ZHUGS PA'O,, DE LA GANG ZAG DANG PO NI RNAM PA GSUM DU RIG PAR BYA'O, ,GNYIS PA DANG GSUM PA YANG DE DANG 'DRA'O, ,DE LA RNAM PA GSUM PO GANG GIS DANG PO SHOS RIG PAR BYA ZHE NA, 'DI NI GANG ZAG KHA CIG 'JIG RTEN PA'I YANG DAG PA'I LTA BA DANG LDAN PA YIN TE, 'DI LTA STE, SBYIN PA YOD DO ZHES BYA BA NAS RGYAS PAR SBYAR RO, ,DE YANG PHYIS DAM PA'I CHOS MA YIN PA THOS PA DANG, TSUL BZHIN MA YIN PA YID LA BYED PA LA BRTEN NAS 'JIG RTEN PA'I YANG DAG PA'I LTA BA 'GAG PAR MNGON DU PHYOGS PAR 'GYUR LA THAMS CAD KYI THAMS CAD DU 'GAG PA NI MA YIN TE, @203B 'GAG PA'I RGYUR NI 'GYUR RO, ,SKUR PA 'DEBS PA NI DE'I MI MTHUN PA'I PHYOGS SU 'GYUR BA LOG PAR LTA BA SKYE BAR MNGON DU PHYOGS LA DA DUNG NI MA SKYES TE, SKYE BA'I RGYU NI YIN NO, ,DE YANG BAR MDOR DAM PA'I CHOS THOS PA DANG TSUL BZHIN YID LA BYED PA LA BRTEN NAS LOG PAR LTA BAR SKYE BAR MNGON DU PHYOGS PA DE KUN DU SPYOD PA'I SGO NAS SPANGS LA YANG DAG PA'I LTA BA NI MI SKYED DE SNGA NAS LDAN PA'I PHYIR RO, ,GZHAN YANG KHA CIG NI YANG DAG PA'I LTA BA DANG LDAN PA YANG MA YIN, LOG PA'I LTA BA DANG LDAN PA YANG MA YIN TE, DE LA CHOS THOS PA DANG TSUL BZHIN YID LA BYED PA LA BRTEN NAS, 'JIG RTEN PA YANG DAG PA'I LTA BA SKYED PAR BYED LA LOG PAR LTA BA NI SPONG BAR MI BYED DE SNGA NAS DE DANG MI LDAN PA'I PHYIR RO, ,GZHAN YANG LOG PAR LTA BA DANG YANG LDAN LA TSUL BZHIN YID LA BYED PA LA YANG BRTEN NAS LOG PAR LTA BA DE YANG SPONG LA YANG DAG PAR LTA BA YANG SKYED PAR BYED DO, ,GANG ZAG GNYIS PA NI SANGS RGYAS LA SOGS PA LA SHES NAS DAD PAR GYUR PA STE, DANG PO MNGON SUM DU BYED PA NA SANGS RGYAS LA SOGS PA LA DE'I MI SHES PA BDEN PA MNGON PAR RTOGS PA'I SNGA ROL DU SPANGS ZIN PAS DE'I TSE YANG SPONG BAR MI BYED LA SANGS RGYAS LA SOGS PA LA DAD PA DANG LDAN PA'I PHYIR RIG PA YANG MNGON SUM DU BYED PA'I SGO NAS SKYED PAR BYED DO, ,SLOB PA'I LAM KHO NAS NI BSGOM PAS SPANG BAR BYA BA'I MA RIG PA RNAM PA GZHAN SPONG BAR BYED LA RIG PA NI SKYED PAR MI BYED DE, LAM GYI RANG BZHIN MTSUNGS PA'I PHYIR RO; ,MI SLOB PA'I LAM MNGON SUM DU BYED PA NA NI BSGOM PAS SPANG BAR BYA BA'I PHYIR MA RIG PA THAMS CAD KYANG SPONG LA MI SLOB PA'I RIG PA DE YANG SKYED PAR BYED DO, ,GANG ZAG GSUM PA NI BDAG MED PA DANG LDAN PA'I DAM PA'I CHOS THOS PA NA DANG PO THOS PA TZAM GYIS MOS PAR 'GYUR LA SNYING NAS 'JUG PA NI MA YIN NO, ,DE BDAG MED PA LA MOS PA'I PHYIR BDAG TU LTA BA NI SPONG LA SNYING LA ZHUGS PA MA YIN PAS NA BDAG MED PAR LTA BA NI SKYED PAR MI BYED DO, ,GANG GI TSE CHOS DE DAG JI LTAR THOS PA BZHIN DU TSUL BZHIN DU SEMS PA DE'I TSE NI SNYING NAS ZHUGS PAR GYUR @204A *, ,PAS BDAG MED PAR LTA BA SKYED PAR BYED LA BAG LA NYAL GYI SGO NAS NI MI SPONG NGO, ,DES DE YAN CHAD KYI BSGOM PA'I LAM GYIS BDEN PA MNGON PAR RTOGS PA'I PHYIR BAG LA NYAL GYI SGO NAS SPONG ZHING ZAG PA MED PA SKYED PAR BYED DO, ,SDOM NI, GNYIS PA LNGA DANG GSUM PA BCU, ,BZHI TSAN YANG NI THA MA YIN, ,LAS NI GNYIS TE, LAS LCI BA DANG YANG BA'O, ,GZHAN YANG GNYIS TE, BSAGS PAR 'GYUR BA DANG, ,BSAGS PAR 'GYUR BA MA YIN PA'O, ,GZHAN YANG GNYIS TE, CHED DU BSAMS PA DANG, CHED DU BSAMS PA MA YIN PA'O, ,GZHAN YANG GNYIS TE, MYONG BAR 'GYUR BAR NGES PA DANG, MYONG BAR 'GYUR BAR MA NGES PA'O, ,GZHAN YANG GNYIS TE, RNAM PAR SMIN PA RNAM PAR SMIN ZIN PA DANG, RNAM PAR SMIN PA RNAM PAR MA SMIN PA'O, ,LAS NI GSUM STE, DGE BA DANG; MI DGE BA DANG, LUNG DU MA BSTAN PA'O, ,GZHAN YANG GSUM STE, BDE BA MYONG BAR 'GYUR BA DANG, SDUG BSNGAL MYONG BAR 'GYUR BA DANG, SDUG BSNGAL YANG MA YIN BDE BA YANG MA YIN PA MYONG BAR 'GYUR BA'O, ,GZHAN YANG GSUM STE, TSE 'DI LA MYONG BAR 'GYUR BA DANG, SKYES NAS MYONG BAR 'GYUR BA DANG, LAN GRANGS GZHAN LA MYONG BAR 'GYUR BA'O, ,GZHAN YANG GSUM STE, SLOB PA'I DANG, MI SLOB PA'I DANG, SLOB PA'I YANG MA YIN MI SLOB PA'I YANG MA YIN PA'I'O, ,GZHAN YANG GSUM STE, MTHONG BAS SPANG BAR BYA BA DANG, BSGOM PAS SPANG BAR BYA BA DANG, SPANG BAR BYA BA MA YIN PA'O, ,GZHAN YANG YO BA GSUM STE, LUS LA SOGS PA YO BA RNAMS SO, ,GZHAN YANG NYES PA GSUM STE, LUS LA SOGS PA'I NYES PA RNAMS SO, ,GZHAN YANG SNYIGS MA GSUM STE, LUS LA SOGS PA'I SNYIGS MA RNAMS SO, ,GZHAN YANG GTZANG BA GSUM STE, LUS LA SOGS PA GTZANG BA'O, ,GZHAN YANG THUB PA GSUM STE, LUS LA SOGS PA THUB PA RNAMS KYI'O, ,LAS NI BZHI STE, LAS GNAG LA RNAM PAR SMIN PA YANG GNAG PA DANG, LAS DKAR LA RNAM @204B PAR SMIN PA YANG DKAR BA DANG, LAS DKAR GNAG 'DRES LA RNAM PAR SMIN PA YANG DKAR GNAG 'DRES PA DANG, LAS DKAR BA YANG MA YIN GNAG PA YANG MA YIN LA RNAM PAR SMIN PA YANG MED DE LAS ZAD PAR 'GYUR BA'O, ,DE LA LAS LCI BA NI RGYU RNAM PA GSUM DU RIG PAR BYA STE, BSAM PA DANG, SBYOR BA DANG, ZHING GI SGO NAS SO, ,DE LA BSAM PA NI KUN NAS DKRIS PA DRAG POS BYED PA DANG, CHOS MTHUN PA PA MTHONG NA RAB TU DGA' BA DANG DE'I 'OG TU YANG SHAS CHER RJES SU RTOG CING RJES SU DPYOD PA STE DE LTA BU NI BSAM PA'I SGO NAS LCI BA YIN NO, ,SBYOR BA'I SGO NAS JI LTA BU ZHE NA, RGYUN DU YANG BYAS LA BSGRIMS TE YUN RING POR 'DRIS PAR BYAS PA'I SGO NAS BSAGS PA DANG, GZHAN DAG KYANG DE 'BA' ZHIG LA YANG DAG PAR 'DZUD PA DANG, DE 'BA' ZHIG GI BSNGAGS PA YANG BRJOD PA STE DE LTA BU NI SBYOR BA'I SGO NAS LCI BA YIN NO, ,ZHING GI SGO NAS JI LTA BU ZHE NA, PHAN 'DOGS PA DANG YANG DAG PAR ZHUGS PA DANG YANG DAG PAR NAN TAN DU SGRUB PA'I 'BRAS BU LA GNAS PA'I SEMS CAN GANG YIN PA DE DAG LA LEGS PAR BYAS PA'AM, NYES PAR BYAS PA GANG YIN PA DE NI ZHING GI SGO NAS LCI BA YIN NO, ,DE LA LAS GANG MI SHES BZHIN DU BYAS PA DANG, RMI LAM DU RMIS PA DANG MA BSGRIBS LA LUNG DU MA BSTAN PA DANG, MI DGE BA 'GYOD PA DANG, GNYEN POS YONGS SU ZIN PA DANG, RGYUD DAG PAR BYAS PA'I LAS THAMS CAD NI BSAGS PAR 'GYUR BA MA YIN PA'O, ,DE MA YIN PA NI BSAGS PAR 'GYUR BA YIN PAR RIG PAR BYA'O, ,DE LA CHED DU BSAMS PA'I LAS NI SNGAR CHED DU BSAMS SHING RJES SU BRTAGS LA RJES SU DPYAD NAS BYAS PA GANG YIN PA STE, DE YANG NOR BA DANG MA NOR BA'O, ,DE LA NOR BA NI GANG GZHAN LA GSAD PA'AM DBROG PA'AM, DBYE BA'AM, DBYE BA'AM, BRDZUN DU SMRA BAS BRID PA LA SOGS PA 'GA' ZHIG BYAS PAR BSAMS PA LAS DE'I 'DU SHES KYIS GZHAN LA BYAS PA STE, DE LA NI BSAM PA LCI BA KHO NA YIN PAR RIG PAR BYA'O, DNGOS PO LCI BA NI MA YIN NO, ,NOR PA MA YIN PA NI DE LAS BZLOG PA YIN PAR RIG PAR BYA'O, ,DE LA MYONG @205A *, ,BAR 'GYUR BAR NGES PA NI CHED DU BSAMS PA LCI BA GANG YIN PA'O, ,MYONG BAR 'GYUR BAR MA NGES PA NI CHED DU BSAMS PA DE NYID LCI BA MA YIN PA GANG YIN PA'O, ,DE LA RNAM PAR SMIN PA RNAM PAR SMIN ZIN PA NI 'BRAS BU SMIN ZIN PA GANG YIN PA'O, ,DE LAS BZLOG PA NI RNAM PAR SMIN PA RNAM PAR MA SMIN PA'O, ,DE LA DGRA BCOM PA NYID 'THOB PA'I TSE NI MYONG BAR 'GYUR BAR NGES PA'I LAS SNGON BYAS PA RNAM PAR SMIN PAR NYE BAR GNAS PAS BAR CHAD BYED PAR NUS KYI RGYUD DANG 'BREL PAS NI MA YIN NO, ,DE CI'I PHYIR ZHE NA, LAS DES DE'I GNAS MI MTHUN PA MNGON PAR 'GRUB PAR 'GYUR TE, SGRIB PA DES NA DGRA BCOM PA NYID THOB PAR MI NUS PA'I PHYIR RO, ,GAL TE SKYES NAS MYONG BAR 'GYUR BA MA YIN TE, LAN GRANGS GZHAN LA MYONG BAR 'GYUR BA ZHIG YIN NA NI DGRA BCOM PA NYID 'THOB PA'I BAR CHAD BYED MI NUS MOD KYI 'ON KYANG DE YANG MYONG BAR 'GYUR BA MA YIN PA NI MA YIN NO, ,DE CI'I PHYIR ZHE NA, NYON MONGS PA'I GROGS DE YANG YOD LA 'DU BYED DE YANG YOD NA DE LTAR DE LA MYONG BAR 'GYUR BA NGES PA ZHES 'DOGS PA'I PHYIR RO, ,DGE BA'I LAS NI RGYU RNAM PA GNYIS KYIS RNAM PAR GZHAG STE, SDUG PA'I 'BRAS BU YONGS SU 'DZIN PA DANG, DMIGS PA YANG DAG PA JI LTA BA BZHIN DU YONGS SU SHES PA DE'I 'BRAS BU'O, ,MI DGE BA YANG RGYU GNYIS KYIS RNAM PAR GZHAG STE, MI SDUG PA'I 'BRAS BU YONGS SU 'DZIN PA DANG, LOG PA'I DMIGS PA LA MNGON PAR ZHEN PA'O, ,DGE BA DANG MI DGE BA'I RNAM PA GNYI GAR YANG LUNG BSTAN DU MED PA LA LUNG MA BSTAN PA'O, ,DE LA BDE BA MYONG BAR 'GYUR BA NI BSAM GTAN DANG PO DANG, GNYIS PA DANG, GSUM PA DANG LDAN PA DANG, 'DOD PA NA SPYOD PA'I DGE BA GANG YIN PA'O, ,SDUG BSNGAL MYONG BAR 'GYUR BA NI NGAN SONG DU SKYE BAR 'GYUR BA GANG YIN PA'O, ,DUD 'GRO DANG YI DAGS SU SKYES PA RNAMS KYI BDE BA MYONG BA SNGON GYI LAS KYI RGYU LAS BYUNG BA GANG YIN PA DE NI BDE BA MYONG BAR 'GYUR BA'I LAS LAS GYUR PAR RIG PAR BYA'O, ,SDUG BSNGAL BA YANG MA YIN BDE BA YANG MA YIN PA MYONG BAR 'GYUR BA NI BSAM @205B GTAN BZHI PA DANG DE YAN CHAD DO, ,SEMS CAN DMYAL BAR GCIG TU NGES PA MA GTOGS PAR DE MA YIN PA LA NI BDE BA DANG SDUG BSNGAL 'DREN MA'I TSOR BA YOD PAR RIG PAR BYA STE, DE NI GANG GI DBANG GIS LUS 'DI LA BDE BA DANG SDUG BSNGAL 'DRES PAS GNOD CING 'DUG PA YOD DO; ,TSE 'DI LA MYONG BAR 'GYUR BA NI BSAM PA DE LTA BU'AM SBYOR BA DANG, DNGOS PO SBYOR BA DE LTA BU'AM, LUS DANG NGAG GI SBYOR BAS ZHING DE LTA BU LA BYAS PAS TSE 'DI LA GANG GI RNAM PAR SMIN PAR 'GYUR BA GANG YIN PA'O, ,TSE 'DI LA NI MI SMIN LA SKYES MA THAG PA'I TSE LA RNAM PAR SMIN PAR 'GYUR BA GANG YIN PA DE NI SKYES NAS MYONG BAR 'GYUR BA'O, ,TSE 'DI LA SMIN PA YANG MA YIN SKYES NAS SMIN PAR 'GYUR BA YANG MA YIN LA DE'I 'OG TU RNAM PAR SMIN PA RNAM PAR SMIN PAR 'GYUR BA GANG YIN PA DE NI LAN GRANGS GZHAN LA MYONG BAR 'GYUR BA'O, ,'PHAGS PA NYAN THOS DUS DUS SU LHAG PA'I TSUL KHRIMS DANG LHAG PA'I SEMS DANG LDAN PA'I SHES RAB LA SLOB PA'I ZAG PA MED PA DANG, DE'I PHYI NAS THOB PA'I DGE BA ZAG PA DANG BCAS PA GANG YIN PA DE NI SLOB PA'O, ,MI SLOB PA'I DGRA BCOM PA'I RGYUD LA YOD PA THAMS CAD DO, , DE MA YIN PA NI SLOB PA YANG MA YIN MI SLOB PA YANG MA YIN PA'O, ,MTHONG BAS SPANG BAR BYA BA'I NYON MONGS PA DANG LDAN PA GANG YIN PA DANG, DES BSKYED PA'I SEMS PA GANG YIN PA DANG, NGAN SONG DU 'GRO BAR 'GYUR BA'I LAS THAMS CAD NI MTHONG BAS SPANG BAR BYA BA'O, , BSGOM PAS SPANG BAR BYA BA'I NYON MONGS PA DANG LDAN PA DANG, DES BSKYED PA'I SEMS PA NI BSGOM PAS SPANG BAR BYA BA'I LAS YIN NO, ,SPANG BAR BYA BA MA YIN PA NI SLOB PA DANG MI SLOB PA'I 'JIG RTEN LAS 'DAS PA GANG YIN PA THAMS CAD DO, ,CHED DU BSAMS PA'I MI DGE BA'I LAS TSE 'DI NYID LA BYAS SHING BSAGS PA SPONG BA NI RNAM PA GSUM DU RIG PAR BYA STE, 'DI LTA STE, TSE 'DI LA SPONG BA DANG, SKYES NAS SPONG BA DANG, LAN GRANGS GZHAN LA SPONG BA'O, ,DE LA TSE 'DI LA SPONG BA NI JI LTAR 'DI NA KHA CIG TSE 'DI LA CHED DU BSAMS TE LAS BYAS @206A *, ,SHING BSAGS NAS DE LAS PHYIR LDOG CING DES SPONG BA YANG DAG PAR BLANG BA YANG BYAS LA DE 'DOD CHAGS DANG MA BRAL BA SO SO'I SKYE BO ZHIG YIN TE, DE LA GNAS BZHIN DU 'CHI BA'I DUS BYED PAR GYUR NA DE SKYES PA'I 'OG DANG, LAN GRANGS GZHAN LA YANG LAS DE MI BYED PA DANG RNAM PAR SMIN PA NYAMS SU MI MYONG BA DANG, TSE 'DI LA GCIG TU NGES PAR MI BYED PA'I SKAL PA CAN MA YIN PAR MI 'GYUR RO, ,GZHAN YANG 'DI NAS SO SO'I SKYE BO 'DOD PA'I 'DOD CHAGS DANG BRAL BA KHA CIG GIS SPONG BA YANG DAG PAR BLANGS NAS 'CHI BA'I DUS BYED PAR GYUR NA DE'I TSE 'DI LA BYED KYANG MI BYED, RNAM PAR SMIN PA YANG NYAMS SU MYONG BAR MI 'GYUR NA, SKYES NAS DER SKYES PA'I TSE LTA BYED PAR GA LA 'GYUR DE LTA MOD KYI LAN GRANGS GZHAN LA LAS DE BYED PA DANG, RNAM PAR SMIN PA NYAMS SU MYONG BAR 'GYUR BA LAS YONGS SU GROL BA NI MA YIN NO, ,GZHAN YANG SLOB PA 'DOD PA RNAMS LAS 'DOD CHAGS DANG BRAL BA SPONG BA YANG DAG PAR BLANGS NAS DGE SBYONG GI 'BRAS BU DANG PO'AM GNYIS PA THOB PA DE NI GANG DAG GI GNAS NGAN LEN MANG BA'I LUS YONGS SU GDUNG BA MANG BA DOR BAR 'OS PA SMAD PA 'DIS SDIG PA'I LAS BYAS PA DE TSE 'DI NYID LA BDE BA DANG BCAS PA'AM, SDUG BSNGAL DANG BCAS PAR MYONG BAR 'GYUR TE, BDAG GIS DE 'DI LTA STE, TSE 'DI LA MYONG BAR 'GYUR BA'I SKAD CIG PA TZAM DU GYUR CIG ,PHYIS SKYES PA'I 'OG GAM LAN GRANGS GZHAN LA DE'I RNAM PAR SMIN PA NYAMS SU MYONG BAR MA GYUR CIG CES DE LTAR DE SPANG BA'I PHYIR YANG DAG PA'I SEMS KYIS SMON NAS 'DI LTA STE, LAS DE NYID KYI RGYU GTAN ZAD PAR BYA BA DANG, 'DOD PA'I 'DOD CHAGS DANG BRAL BAR 'GYUR BA'I PHYIR TSAD MED PA BSGOM PA DANG, ZHI GNAS KYI PHYOGS DANG MTHUN PA'I TING NGE 'DZIN DU GTOGS PAS YANG DAG PAR SBYOR BAR BYED DO, ,DE LA GNOD SEMS SU GYUR PA'I BSAM PA'AM, RNAM PAR 'TSE BA'I BSAM PA'AM, PHRAG DOG SPYOD PA'AM, SDUG PA'I DNGOS PO LA LHAG PAR ZHEN PA DE'I RGYUS SEMS CAN RNAMS LA LOG PAR ZHUGS NAS, LUS DANG @206B NGAG DANG YID KYIS SDIG PA'I LAS KUN NAS SLONG BAR BYED DE, GANG LA LAS KYI RGYU RNAM PA BZHI PO 'DI DAG GI GNYEN POR TSAD MED PA'I TING NGE 'DZIN RNAM PA BZHI PO BSGOMS NA NI THA NA KHYE'U 'AM BU MO DES KYANG SU LA YANG SDIG PA'I LAS BYA BAR SEMS PA GANG YIN PA DE NI GNAS MA YIN ZHING SKABS MA YIN TE, DE BAS NA DE BSGOM PA LA BRTZON PA DE NI MI DGE BA'I LAS KYI RGYU YANG DAG PAR ZAD PAR BYA BA LA BRTZON PA YIN PAR RIG PAR BYA'O, ,DE LTAR BRTZON PA DES NI SDIG PA'I LAS BYAS SHING BSAGS PA DE RGYU GNYIS KYIS TSAD MED PA'I TING NGE 'DZIN BSGOM PAS ZIL GYIS GNON PAR 'GYUR TE, SDIG PA'I LAS DE NI SEMS CAN TSAD NGES PA LA GNOD PA'I BSAM PAS KUN NAS BSLANG BA YIN LA, TSAD MED PA YONGS SU BSGOMS PA NI SEMS CAN TSAD MED PA LA PHAN PA'I BSAM PA DANG LDAN PA DANG, MI DGE BA'I LAS KUN NAS SLONG BAR BYED PA'I SEMS DE NI KHAMS THA CHAD PA YIN PA DANG, MI MTHUN PA'I PHYOGS LTA BU YIN LA TSAD MED PA BSGOM PA DANG LDAN PA'I SEMS NI KHAMS BZANG PO PA YIN PA DANG, GNYEN PO YIN NO, ,LAS THAMS CAD NI SEMS LA RAG LAS PAS NA SEMS NI GTZO BO YIN TE, GANG GI PHYIR MI NI SEMS KYI RGYU LAS BYUNG NGO ZHES 'BYUNG STE, SEMS LA DBANG LUS PA DANG SEMS LA BRTEN CING 'DUG PA'I PHYIR RO, ,DE DE LTAR SNGON GYI SMON LAM LA BRTEN NAS TSAD MED PA'I SEMS KYI TING NGE 'DZIN BSGOM PA STE 'DOD PA'I 'DOD CHAGS DANG BRAL BAR GYUR PA'I MOD LA PHYIR MI 'ONG BA LA YANG DAG PAR GNAS PAR 'GYUR TE GAL TE DE TZAM GYIS CHOG PAR BZUNG STE TSE 'DI LA GONG DU 'BAD PAR MI BYED NA NI TSE 'DI LA LAS DE BYED PA'I RGYUR YANG MI 'GYUR NA SKYES PA'I 'OG GAM LAN GRANGS GZHAN LTA CI SMOS TE, SKYES PA'I 'OG GAM LAN GRANGS GZHAN LA DE'I RNAM PAR SMIN PA NYAMS SU MYONG BAR 'GYUR BA'I RGYUR YANG MI 'GYUR RO, ,'DI LAS PHYI ROL PA LOG PA'I LTA BAR LTUNG ZHING LAM NGAN PAR ZHUGS PA RNAMS KYI DGE BA DANG MI DGE BA'I LAS LTA BAS KUN NAS BSLANG ZHING LTA BA'I DBANG GIS BYUNG BA GANG YIN PA DE NI YON PO'O, ,'DOD CHAGS DANG ZHE SDANG DRAG PO RNAMS KYI DES BSLANG BA'I LAS NI NYES PA'O, ,GTI MUG DRAG CING @207A *, ,SHAS CHER DBANG PO RTUL LA BRJED NGAS SHING BLO ZHAN PA RNAMS KYI GTI MUG GIS KUN NAS BSLANG BA'I LAS GANG YIN PA DE NI SNYIGS MA'O, ,BDE 'GROR 'GRO BA'I LEGS PAR SPYOD PA THAMS CAD NI GTZANG BA'O, ,MYA NGAN LAS 'DAS PAR 'GRO BA'I LEGS PAR SPYOD PA THAMS CAD NI THUB PA'I'O, ,SEMS CAN DMYAL BAR SKYE BAR 'GYUR BA'I GNAS THA DAD PA'I MI DGE BA NI GNAG LA RNAM PAR SMIN PA YANG GNAG PA'O, ,MTHO RIS SU SKYE BAR 'GYUR BA'I GNAS THA DAD PA'I DGE BA NI DKAR BA LA RNAM PAR SMIN PA YANG DKAR PA'O, ,DE MA YIN PA'I GNAS KYI NI DKAR GNAG 'DRES PA LA RNAM PAR SMIN PA YANG DKAR GNAG 'DRES PA STE, GNAS GCIG NA LAS RNAM PA GNYIS KA YOD PAS NA DE'I PHYIR GCIG TU BSDUS TE BSTAN TO, ,'JIG RTEN LAS 'DAS PA ZAG PA MED PA'I LAS NI GNAG PA YANG MA YIN DKAR BA YANG MA YIN LA RNAM PAR SMIN PA YANG MED PA'I LAS YIN TE LAS ZAD PAR 'GYUR BA'O, ,DE YANG LAS ZAD PA DANG ZAD PAR 'GYUR BA DE GNYI GA GCIG TU BSDUS NAS LAS ZAD PAR 'GYUR BA ZHES BYA STE, PHYI MA LA MI SKYE BAR BYA BA DANG, SKYES ZIN PA DANG BRAL BAR BYA BA'I PHYIR RO, ,SDUG PA'I RGYU DANG 'BRAS BU RNAM PAR SMIN PAR 'GYUR BA MED PA'I PHYIR NA DE LA DKAR BA MA YIN ZHES BYA'O, ,DE NYID NI DE DAG GI NANG NA GCIG TU NGES PAR DKAR BA YIN NO, ,GNAS THA DAD PA'I MTHO RIS NI GZHAN 'PHRUL DBANG BYED KYI LHA LAS 'DAS PA 'DOD PA'I KHAMS KYI BDUD KYI GNAS KYI BDUD KYI PHO BRANG DANG, TSANGS PA'I 'JIG RTEN YAN CHAD 'DU SHES MED 'DU SHES MED MIN SKYE MCHED MAN CHAD KYI BAR DE DAG THAMS CAD GCIG TU BSDUS PA LA BYA STE, MIG GIS GZUGS GCIG TU NGES PAR SDUG PA RNAMS MTHONG BA NAS YID KYIS CHOS RNAMS RNAM PAR SHES PA ZHES BYA BA'I BAR DU BRJOD DE KHYAD PAR DU 'PHAGS PA'I BDAG PO'I DON GYIS SO, ,YID KYI SGO NAS MNGON PAR 'GRUB PA NI YID LAS SKYES PA'I DON GYIS SO, ,SEMS CAN DMYAL BA'I GNAS THA DAD PA NI BZHI STE, SEMS CAN DMYAL BA CHEN PO RNAMS DANG, NYI TSE BA'I SEMS CAN DMYAL BA RNAMS DANG, GRANG BA'I SEMS @207B CAN DMYAL BA RNAMS DANG, SEMS CAN DMYAL BA'I 'KHOR RNAMS SO, ,GNAS DER SO SO'I BDE BA MYONG BAR 'GYUR BA KHO NA'I LAS DANG, SO SO'I SDUG BSNGAL MYONG BA KHO NAR 'GYUR BA'I LAS KYI 'BRAS BU'I RNAM PAR SMIN PA NYAMS SU MYONG BAR 'GYUR BAS NA DE'I PHYIR GNAS THA DAD PA ZHES PA'O; ,DE LA BDUD KYI PHO BRANG DANG, BSAM GTAN DANG PO DANG, GNYIS PA RNAMS NA NI GCIG TU NGES PAR DGA' BA DANG BDE BA NYAMS SU MYONG BA YOD DO, ,BSAM GTAN GSUM PA YAN CHAD NA NI GCIG TU NGES PAR BDE BA DANG, YID BDE BA NYAMS SU MYONG BA YOD DE, DE NI YID BDE BA DE DANG 'DRA BA'I LAS SU RUNG ZHING NYAMS BDE BA'I SEMS BDE BA YOD KYI DGA' BA NI MA YIN PA DANG, DE DANG 'DRA BA'I BDE BA YOD KYI TSOR BA'I BDE BA NI MA YIN NO, ,REG PA'I SKYE MCHED DRUG GI SGO NAS NYAMS SU MYONG BAS NA REG PA'I SKYE MCHED CAN ZHES KYANG BYA STE, DE NI GNAS THA DAD PA YIN TE, RGYU DANG 'BRAS BUR 'BREL PA'I TSUL GYIS SO, ,SDOM NI, MI SHES SHES PA MNYAM PAR GZHAG ,KHYAD PAR BAR DU GCOD PA DANG, ,SLOB PA DANG NI CHAGS PA DANG, ,BDAG MED PA DANG LAM DANG RGAL, ,LOG PAR LTA BA GANG YIN PA DANG, BDAG TU LTA BA GANG YIN PA BAD MA RIG PA DE NYID NI SNGAR BSHAD PA'I SEMS CAN GYI RIS GSUM PO DAG TU MI SHES PA'I RTZA BA LAS 'BYUNG STE, RIS THAMS CAD DU GNOD PA'I RTZA BA CAN KUN NAS NYON MONGS PA THAMS CAD KUN NAS SLONG BA'I CHOS GCIG PO DE SPANGS NA YANG DAG PA KHO NAR SHES PA BRDA SPRAD PAR BYA'O, , DE LA 'DIR KUN NAS NYON MONGS PA GCIG NI BDEN PA'I DNGOS PO LA SKUR PA 'DEBS PA'O, ,GNYIS PA NI SGRO 'DOGS PA'O, ,GSUM PA NI YANG DAG PA JI LTA BA BZHIN DU MI SNANG BA'I TSUL GYIS RNAM PAR RMONGS PAR BYED PA STE, DE GNYI GA'I RGYU'O, ,RNAM PAR RMONGS NA SGRO 'DOGS PA'AM, SKUR BA 'DEBS PAR 'GYUR RO, ,'DI GNYIS NI YANG DAG PA JI LTA BA BZHIN SHES PA STE, TSUL BZHIN YID LA BYED PAS RAB TU PHYE BA DANG, TING NGE 'DZIN GYIS RAB TU PHYE BA'O, ,DE LA THOS PA DANG BSAMS PA LAS BYUNG BA'I YID LA BYED PA DAM PA'I CHOS THOS PA'I @208A *, ,DBANG LAS BYUNG BAS TSOR BA RNAM PA LNGA LAS GNAS SKABS RNAM PAR 'GYUR BA LAS GYUR PA'I NYES DMIGS DANG, GNAS SKABS RNAM PAR 'GYUR BA DE TSUL BZHIN DU YID LA BYED PA MNYAM PAR GZHAG PA'I SA PA NI YANG DAG PA'I SHES PA YIN TE, DE LA BRTEN NAS BSGOM PA LA 'JUG PAR 'GYUR RO, ,DE LA GNAS SKABS RNAM PAR 'GYUR BA LAS GYUR PA'I NYES DMIGS GANG ZHE NA, 'DI LTA STE, SDUG BSNGAL BA YANG MA YIN BDE BA YANG MA YIN PA'I GNAS SKABS KYI MI RTAG PA NYID DANG, SDUG BSNGAL BA'I GNAS SKABS KYI RANG BZHIN GYIS SDUG BSNGAL BA NYID DANG, BDE BA'I GNAS SKABS KYI RNAM PAR 'GYUR BA'I CHOS NYID DO, ,DE LA GNAS SKABS RNAM PAR 'GYUR BA GANG ZHE NA, BDE BA'I GNAS SKABS LAS SDUG BSNGAL BA'I GNAS SKABS SU GZHAN DU 'GYUR BA DANG, SDUG BSNGAL BA'I GNAS SKABS LAS KYANG BDE BA'I GNAS SKABS SU 'GYUR BA DANG, SDUG BSNGAL BA YANG MA YIN BDE BA YANG MA YIN PA'I GNAS SKABS LAS GNYI GA'I GNAS SKABS SU 'GYUR BA DANG, DE BZHIN DU GNAS SKABS THAMS CAD LAS GNAS SKABS THAMS CAD DU PHAN TSUN 'GYUR BA YIN PAR RIG PAR BYA'O, ,GNAS SKABS 'DI RNAMS LA GZHAN DU 'GYUR BAR MTHONG NA NI MI RTAG PA'I 'DU SHES LA GNAS PAR 'GYUR RO, ,GZHAN DU 'GYUR PA'I NYES DMIGS MTHONG NA NI TSOR BA'O, ,CHO GA NI SDUG BSNGAL 'DI YIN NO SNYAM DU RIG NAS SDUG BSNGAL BA'I 'DU SHES LA GNAS PAR 'GYUR RO, ,DE LTAR 'DU SHES SHING DE LTAR MTHONG NA RNAM PAR DAG PAR 'GYUR TE, DE BAS NA 'DI LA YANG DAG PA'I SHES PA ZHES BYA'O, ,MNYAM PAR GZHAG PA'I YANG DAG PA'I SHES PA NI RNAM PA DE DAG NYID KYIS 'JUG NA, SHIN TU SBYANGS PAS YONGS SU ZIN CING RNAM PAR DAG LA SKYON MED PAR 'JUG STE KHYAD PAR NI DE YIN NO, ,DE LA MI RTAG PA NYID NI 'DUS BYAS THAMS CAD SPYI'I MTSAN NYID YIN PAR RIG PAR BYA'O, ,SDUG BSNGAL BA NYID NI ZAG PA DANG BCAS PA'I CHOS THAMS CAD SPYI'I MTSAN NYID DO, ,YANG DAG PA JI LTA BA BZHIN DU SHES PA RNAM PA GNYIS LA BRTEN PAS @208B NI CHOS 'DI RNAMS MTSAN NYID KYIS YANG DAG PA JI LTA BA BZHIN DU SNANG BAR 'GYUR BAR RIG PAR BYA'O, ,'DI LAS PHYI ROL PA NI SEMS MNYAM PAR BZHAG TU ZIN KYANG DE BAS CHOS 'DI PA SEMS MNYAM PAR MA BZHAG PA YANG SHES PAS KHYAD PAR DU 'PHAGS NAS SEMS MNYAM PAR BZHAG PA LTA CI SMOS, DE CI'I PHYIR ZHE NA, 'DI LAS PHYI ROL PA NI SEMS MNYAM PAR BZHAG PA YIN DU ZIN KYANG DE NI REG PA'I SKYE MCHED RNAMS KYI YONGS SU BSGYUR BA LNGA'I TSUL GYIS YANG DAG PA JI LTA BA BZHIN DU SHES PA DANG YANG DAG PA'I SEMS 'DOD CHAGS DANG BRAL BA DANG, RNAM PAR GROL BAR 'GYUR BA'I SKAL BA CAN MA YIN TE, DE BAS NA DE NI 'DU SHES MED 'DU SHES MED MIN GYI SKYE MCHED KYI SNYOMS PAR 'JUG PA MAN CHAD LAS KHYAD PAR DU THOB TU ZIN KYANG CHOS 'DUL BA 'DI LAS SHIN TU RING STE, GNAM DANG SA BZHIN NO, ,BRTAN ZHING DKA' BA THAMS CAD BZOD DU ZIN KYANG YONGS SU NYAMS PA'I CHOS CAN YIN PAS SHING BA LA GYI SBUR MA BZHIN DU MI BRTAN PA DANG, NYON MONGS PA'I RGYAGS PA MI BZOD DO, ,CHOS 'DI LA NI MNYAM PAR MA BZHAG STE, DAD PA DANG THOS PA TZAM GYIS BDAG MED PA LA MOS PAR ZAD DU ZIN PA DE NI SEMS KYI TING NGE 'DZIN 'THOB PA'I SKAL PA CAN YIN LA DE NI REG PA'I SKYE MCHED RNAMS SPONG BA DANG, YONGS SU SHES PAR 'GYUR BA DANG, SEMS 'DOD CHAGS DANG BRAL BA DANG, RNAM PAR GROL BAR 'GYUR BA'I SKAL BA CAN YIN TE, DE BAS NA DE NI YANG DAG PA'I MOS PA TZAM LA GNAS PAR ZAD BZHIN DU CHOS 'DUL BA 'DI LAS CHUNG MA ZOS PAR RIG PAR BYA'O, ,LNGA PO 'DI DAG NI YUL DRUG PO RNAMS LA DBANG PO DRUG PO RNAMS ZHI BAR 'GYUR BA'I RNAM PA YIN TE, NYES DMIGS MTHONG BA'I PHYIR SHIN TU DUL BA DANG, GTANG BAR BYA BA MA YIN PA'I YUL RNAMS LA MI GTOD PA'I PHYIR SHIN TU SPOS PA DANG, GTANG PAR BYA BA'I YUL RNAMS SAM GLO BUR DU SNANG BAR GYUR PA RNAMS LA DRAN PA SHIN TU GNAS PA'I PHYIR SHIN TU BSRUNGS PA DANG, NYON MONGS PA THAMS CAD SPANGS PA'I PHYIR SHIN TU YANG DAG PAR BSDAMS PA DANG, LAM BSGOM PA SHIN TU YONGS SU RDZOGS PA'I PHYIR SHIN TU BSGOMS PA'O, @209A *, ,KHYAD PAR GDAGS PA MKHYEN PA'I DE BZHIN GSHEGS PA NI GNAS GNYIS SU BDE BA DANG SDUG BSNGAL LAS YANG DAG PAR 'DAS PA BRJOD PAR MDZAD DE, MNGON PAR MI MKHYEN PAS MA YIN NO, ,DE LA GANG 'DI SNYAM DU DGE SBYONG GOO TA MA NI GCIG TU NGES PAR BDE BA'I 'JIG RTEN MI SHES SHING MA RTOGS BZHIN DU BDE BA DANG SDUG BSNGAL DANG 'DRES SU DOGS PA DANG, BDE BA DANG SDUG BSNGAL 'DRES PA'I 'JIG RTEN GYI DBYI BAS LA YANG DAG PAR 'DA' BAR BY BA DANG, BDE BA DANG SDUG BSNGAL LAS 'DA' BAR BYA BA'I PHYIR NYAN THOS RNAMS LA CHOS STON TO SNYAM DU 'DZIN TO, ,DE'I 'DU SHES DE NI LOG PA'I 'DU SHES DANG LOG PA'I RTOG PA DANG LOG PA'I LTA BA YIN GYI DE BZHIN GSHEGS PA NI GCIG TU NGES PAR BDE BA'I 'JIG RTEN DANG GCIG TU NGES PAR SDUG BSNGAL BA DANG BDE BA DANG SDUG BSNGAL BA 'DRES PA DANG, DE DAG GI MI RTAG PA NYID KYANG MKHYEN, DES NA 'JIG RTEN THAMS CAD LAS YANG DAG PAR 'DA' BAR BYA BA'I PHYIR BDE BA DANG SDUG BSNGAL LAS 'DAS PA BRJOD PAR MDZAD DO, ,YID DU 'ONG BA'I DNGOS PO NI RNAM PA GSUM DU RIG PAR BYA STE, 'DI LTA STE, BTZAL BAR BYA BA NI MA 'ONGS PA'I 'DOD PA GANG YIN PA'O; ,RTAG PAR BYA BA NI 'DAS PA'I 'DOD PA SPYAD ZIN PA GANG YIN PA'O, ,LHAG PAR CHAGS PAR BYA BA NI PHYI ROL GYI YUL 'DOD PA DANG NANG GI 'DOD PA'I TSOR BA 'DI DUS GSUM DU GTOGS PA 'DI DAG NI RNAM PA BZHIR RIG PAR BYA STE, GCIG NI MA 'ONGS PA'I SGO NAS SO, ,GCIG NI 'DAS PA'I SGO NAS SO, ,GNYIS NI DA LTAR GYI SGO NAS SO, ,RNAM PA 'DI RNAMS KYANG KHONGS SU GTOGS PA NI YID DU 'ONG BA DANG SNYING DU SDUG PA DANG DGA' BA'I RANG BZHIN DANG BDE BA'I RANG BZHIN GYI RNAM PA RNAMS SO, ,DE BZHIN DU SDUG PA DANG MDZES PA DANG, DGA' BA DANG YID DU 'ONG BA'I RNAM PA RNAMS KYANG CI RIGS PAR RIG PAR BYA'O, ,SA GNYIS KYI TING NGE 'DZIN LA BRTZON PA LA NI RNAM PA GNYIS KYI SGO NAS DUS GNYIS KYI TING NGE 'DZIN RNAM PA GSUM MNGON PAR BSGRUB PA LA 'DOD PA RNAMS PAR DU GCOD PAR BYED DO, ,BAR DU GCOD PA DE SPANG BA'I PHYIR NI GNYEN PO RNAM PA LNGA BSGOM PAR BYA'O, ,DE LA 'DAS @209B PA'I 'DOD PA SNGON SPYAD ZIN PA GANG YIN PA DE DAG KYANG DBEN PA NA GNAS PA'I RTOG PA'I SGO NAS SEMS 'PHROG PAR BYED DO, ,KHYIM MED PA'I RNYED PA DANG BKUR STI DANG LDAN PA DA LTAR BYUNG BA GANG YIN PA RNAMS KYANG SEMS 'PHROG PAR BYED DO, ,DE LA RGYU ZHING 'GRO BA'I RNYED PA DANG BKUR STI DANG LDAN PA RNAMS KYANG SEMS 'PHROG PAR BYED DE DES NI GNAS PA'I SEMS KYANG G-YENG BAR BYED DO, ,KHYIM NA GNAS PA'I SNGON SPYAD ZIN PA RNAMS KYANG SEMS 'PHROG PAR BYED DO, ,DE LA SO SO'I SKYE BO LA YANG BAR DU GCOD PAR BYED LA, SLOB PA LA YANG BAR DU GCOD PAR BYED PA'O, ,DE LA SO SO'I SKYE BO'I TING NGE 'DZIN TSAD MED PA BSGOM PA DANG LDAN PA GANG YIN PA DE LA YANG BAR DU GCOD PAR BYED DO, ,SLOB PA'I TING NGE 'DZIN SHES BYA'I DNGOS PO THAMS CAD RTOGS PAS RGYA CHE BA GANG YIN PA DE LA YANG BAR DU GCOD PAR BYED DO, ,MI SLOB PA'I SHIN TU BSGOMS PA'I TING NGE 'DZIN GANG YIN PA DE LA YANG 'DI LTA STE, SKYE BA LA BAR DU GCOD PAR BYED DO, ,TING NGE 'DZIN 'DI DAG THAMS CAD KYANG DGA' BA DANG LDAN PA YIN PAR RIG PAR BYA STE, DE LA DANG PO NI SEMS CAN RNAMS LA PHAN PA DANG BDE BA'I BSAM PA'I SGO NAS DGA' BA DANG LDAN NO, ,GNYIS PA NI SLOB PA'I RNAM PAR GROL BA'I DGA' BA NYAMS SU MYONG BA'I PHYIR RO, ,GSUM PA NI MI SLOB PA'I RNAM PAR GROL BA'I DGA' BA NYAMS SU MYONG BA'I PHYIR RO, ,DE DAG KYANG MIG GIS RNAM PAR SHES PAR BYA BA'I GZUGS LA SOGS PA LA DMIGS PA'I BYE BRAG GIS DRUG TU 'GYUR RO, ,TING NGE 'DZIN DE NI RNAM PA THAMS CAD DANG LDAN PA'I PHYIR YONGS SU RDZOGS PA YANG YIN TE, TING NGE 'DZIN GYI MTHA' NI 'DI YIN TE, 'DI LTA STE, 'JIG RTEN PA'I 'DOD CHAGS DANG BRAL BAR 'GYUR BA'AM, 'JIG RTEN LAS 'DAS PA'I 'DOD CHAGS DANG BRAL BAR 'GYUR BA STE, DE LAS GONG NA RNAM PAR DAG PAR 'GYUR BA'I TING NGE 'DZIN MED DE, DE BAS NA DE NI RDZOGS PA YIN NO, ,MYUR DU DGE SBYONG GI TSUL 'DOD PA'I LUS DANG SROG LA MI LTA BA DANG, RTAG TU GUS PAR SBYOR BA'I BRTZON 'GRUS BRTUL PA DANG, 'DOD PA RNAMS KYI RANG GI MTSAN NYID YONGS SU SHES PAS DRAN PA NYE BAR GNAS PA DANG, NYES DMIGS YONGS SU SHES @210A *, ,PAS MNGON PAR DGA' BA MED PA LA SOGS PA NYE BAR GNAS PA'I SHES BZHIN DANG DRAN PA DANG SHES BZHIN LA BRTEN PAS BAG YOD PA LA SBYOR BAR BYED PA NI RNAM PA BZHI STE, NYIN PAR 'CHAG PA DANG, 'DUG PA GNYIS KYIS SGRIB PA'I CHOS RNAMS LAS SEMS YONGS SU SBYONG NGO ZHES BYA BA NAS RGYAS PAR SBYAR TE, DE LTAR NA BRTZON 'GRUS BRTZAMS PA YANG YIN LA RTOGS PA LA YANG ZHUM PA MED DO, ,SEMS GNAS PA RNAM PA DGUS NI GCIG TU NGES PAR ZHI GNAS LA BRTZON PA'I LUS SHIN TU SBYANGS PAR 'GYUR LA, RO MYONG BA MED PAS NI KUN NAS NYON MONGS PA CAN MA YIN NO, ,RMUGS PA DANG GNYID KYIS NYE BA'I NYON MONGS PAR MA GYUR PAS NI NYES RTZOM MED DO, ,GCIG TU NGES PAR DRAN PA NYE BAR GZHAG PA LA BRTEN PAS NI LHAG MTHONG LA BRTZON PA'I DRAN PA GNAS PAR 'GYUR LA RGOD PA'I NYE BA'I NYON MONGS PA DANG BRAL BAS NI KUN NAS NYON MONGS PA MED DO, ,ZHI GNAS DANG LHAG MTHONG ZUNG DU 'BREL PAR 'BYUNG BA'I LAM LA ZHUGS PA'I SEMS NI MNYAM PAR GZHAG PAR 'GYUR LA, DE GNYI GA'I CHA RTZE GCIG PA DANG LDAN TE, DE'I BAR DU GCOD PA SPONG BAR 'GYUR RO, ,GNYEN PO RNAM PA LNGA PO 'DI LA BRTEN TE BAR DU GCOD PA YANG YONGS SU SHES NAS SPONG BAR 'GYUR LA TING NGE 'DZIN RNAM PA GSUM DMIGS PA'I GZHI DRUG GI BYE BRAG CAN DGA' BA DANG LDAN PA YONGS SU RDZOGS PAR MNGON PAR BSGRUB PAR 'GYUR RO, ,DE BZHIN GSHEGS PA NI RGYU RNAM PA GNYIS KYIS 'DI NYID LAS DPER BLANGS PAS, NYAN THOS RNAMS LA CHOS STON PAR MDZAD DE, NAG PO'I PHYOGS LA NI SPYON DANG LDAN PA DANG, DKAR PO'I PHYOGS LA NI YON TAN DANG LDAN PA'I SGO NAS YID CHES PA BSKYED PA'I PHYIR RO,, ,,RNAL 'BYOR SPYOD PA'I SA LAS GZHI BSDU BA, BAM PO DGU PA, CHOS 'DUL BA 'DI'I GANG ZAG NI 'DI GNYIS YIN TE, 'DI LTA STE, SEMS THOS PA DANG, SEMS THOB PA MA YIN PA'O, ,DE LA SEMS THOB PA NI GNYIS TE, BDEN PA MTHONG BA SLOB PA'I SEMS RNAM PAR GROL BAS SEMS THOB PA GANG YIN PA DANG, DGRA BCOM PA NI SLOB PA'I SEMS RNAM PAR GROL @210B BAS SEMS THOB PA GANG YIN PA'O, ,DE LA SEMS THOB PA MA YIN PA NI, BSLAB PA GSUM LA GNAS PA'I LAS DANG PO PA SLOB PA SO SO'I SKYE BO GANG YIN PA STE DES NI THAMS CAD KYI THAMS CAD DU SEMS RNAM PAR GROL BA RNAM PA GNYI GAS KYANG SEMS MA THOB BO, ,SO SO'I SKYA BO'I RANG BZHIN DE'I GONG DU PHUNG PO'I LHAG MA DANG BCAS PA DANG, LUS KYI RANG BZHIN DE'I GONG DU PHUNG PO'I LHAG MA MED PA'I MYA NGAN LAS 'DAS PA SHIN TU DON DU GNYER BA NI BSLAB PA GSUM PO DAG LA SLOB PAS SHAS CHER GNAS SO, ,DE LA MI SLOB PA'I SEMS RNAM PAR GROL BAS SEMS THOB PA GANG YIN PA DE NI BAG MED PAR BYAS NA, TSE 'DI'I BDE BAR GNAS PA LAS YONGS SU NYAMS PAR 'GYUR MOD KYI 'ON KYANG DE NI TSE 'DI'I BDE BAR GNAS PA LAS YONGS SU NYAMS KYANG RUNG YONGS SU NYAMS KYANG RUNG STE, RNAM PAR GROL BA DE LAS YONGS SU NYAMS PAR 'GYUR BA'I SKAL BA CAN MA YIN PA KHO NA'O, ,BAG YOD PAR BYA BA GANG CI YANG RUNG BA DE DAG THAMS CAD NI RNAM PAR GROL BA DE RTOGS PAR BYA BA'I PHYIR YIN NA, ,DE NI DES THOB ZIN LA YONGS SU NYAMS PAR YANG MI 'GYUR NA, GANG GI DON DU BAG YOD PAR BYED DE, TSE 'DI LA BDE BAR GNAS PAR BYA BA'I PHYIR DE'I 'BAD PA GANG YIN PA NI BZO'I LAS KYI GNAS DANG 'DRA STE, DE NI BAG YOD PA MA YIN NO, ,SLOB PA'I RNAM PAR GROL BAS SEMS THOB PA GANG YIN PA DE YANG NGES PAR RDZOGS PA'I BYANG CHUB TU 'GRO BA YIN LA LAM BSGOM PA LA YANG GZHAN GYI DRING MI 'JOG STE, DE'I BAG YOD PA NI RANG LA DBANG YOD LA, TSE 'DI LA YANG BAG MED PAS GTAN DU SLU BAR MI 'GYUR RO, ,THAMS CAD KYI THAMS CAD DU SEMS MTHONG BA GANG YIN PA DES NI NGES PAR RNAM PA GSUM GYIS BAG YOD PAR BYA DGOS TE, DBANG PO YANG DAG PAR SGRUB PAS TSOGS YONGS SU RDZOGS PAR BYA BA DANG, MTHUN PA'I GNAS MAL BSTEN PAS SEMS GNAS PA DANG, SKYES BU DAM PA LA BRTEN PAS GZHAN GYI SGRA LA BRTEN NAS TSUL BZHIN YID LA BYED PA'I RGYU NAS SEMS RNAM PAR GROL BA RNAM PA GNYIS KYI BAR GYI PHYIR BAG YOD PAR BYA'O, ,BAG YOD PAR GNAS @211A *, ,PA DE LA NI RGYU GNYIS KYIS SKYE MCHED DRUG 'GAG PAR MNGON PA'I NGA RGYAL BYED PA DANG, MNGON PA'I NGA RGYAL MI BYED PAR RIG PAR BYA STE, MA 'GAGS PA BZHIN DU 'DI LTA STE, DMIGS PA'I SGO NAS LOG PAR BRTAGS NAS 'GOG GO SNYAM DU MNGON PAR ZHEN PA DANG, MA THOB PAR YANG LOG PAR BRTAGS NAS 'GOG GO SNYAM DU MNGON PAR ZHEN TE DES LOG PAR BRTAGS NAS 'GAG PAR MOS MOD KYI, 'ON KYANG DE NI LUS DANG BRAL ZHING TSE ZAD PA'I 'OG TU SKYE MCHED DRUG KYANG 'GOG PAR MI 'GYUR LA YUL GYI 'DU SHES DANG YANG BRAL BAR MI 'GYUR RO; ,'DI LTA STE, DE'I SKYE MCHED DRUG 'GAGS PA'I GNAS KYI DMIGS PA DANG, RTOGS PA'I SGO NAS LOG PAR KHONG DU CHUD PA'I PHYIR DE LTA BUR 'GYUR TE, 'DI NI MNGON PA'I NGA RGYAL RNAM PA GNYIS SO, ,DE LAS BZLOG PA NA MNGON PA'I NGA RGYAL MED PAR RIG PAR BYA'O, , CHOS 'DI PA'I CHAGS PA RNAM PA GNYIS LA NI NYES DMIGS GNYIS YOD PAR RIG PAR BYA STE, DE YANG SO SO'I SKYE BO'I RKYEN GNYIS LAS BYUNG BA'I RNAM PAR SHES PA DANG, DE LA BRTEN PA'I TSOR BA BDAG MED PAR MI SHES PA'I'O, ,DE LA 'DOD CHAGS DANG MA BRAL BA'I RNYED PA DANG BKUR STI'I DBANG GIS BYUNG BA'I LAS KYI RKYEN CAN GYI TSOR BA LA CHAGS PA NI CHAGS PA DANG PO YIN PAR RIG PAR BYA'O, ,GNYIS PA NI 'DOD CHAGS DANG BRAL BA'I 'DOD PA RNAMS LA MA CHAGS PA'I RKYEN CAN GYI TSOR BA LA CHAGS PA'O, ,CHAGS PA DE'I RGYU LAS BYUNG BA PHYI MA LA MNGON PAR 'GRUB PA GANG YIN PA DE NI PHYIS KYANG PHYI ROL PA RNAMS KYI MDUD PA RNAMS LEN PAR 'GYUR BA DANG, MDUD PA DE'I RGYU CAN GYIS SDIG PA MI DGE BA'I CHOS RNAMS MNGON PAR 'GRUB PA'I RGYU YIN TE, 'DI NI NYES DMIGS DANG PO'O, ,CHOS 'DUL BA'I 'DI LAS NYAMS NA PHYI MA'I DBANG DU BYAS PA DANG, DE LTAR CHAGS PA DE'I YANG PHYI MA LAS SKYES BA LA SOGS PA'I SDUG BSNGAL GYI KHYAD PAR RNAMS 'BYUNG BAR 'GYUR LA TSE 'DI LA YANG DE'I RGYUS YONGS SU MYA NGAN LAS 'DAS PAR MI 'GYUR BA'I DBANG DU BYAS PA 'DI NI NYES DMIGS GNYIS @211B SO; ,DE LAS BZLOG PA NI DKAR PO'I PHYOGS YIN PAR RIG PAR BYA'O, ,RGYU BZHIS NI CHOS BDAG MED PA MTHAR THUG PAR 'GYUR TE, CHOS THAMS CAD BDAG MED PA ZHES BYA BA NI RNAM PAR SHES PA'I RANG BZHIN DANG RNAM PAR SHES PA'I RGYU DANG RKYEN DANG RNAM PAR SHES PA'I GROGS MA GTOGS PAR DE LAS GZHAN DMIGS PA'I PHYIR DANG, RNAM PAR SHES PA MI RTAG PA DANG, DE'I RGYU DANG RKYEN MI RTAG PA DANG, DE'I GROGS MI RTAG PA'I PHYIR RO, ,CHOS 'DUL BA 'DI NI 'PHAGS PA'I LAM YAN LAG BRGYAD PA'I CHOS DANG, DE'I 'BRAS BUS PHYE BA YIN NO, , 'PHAGS PA'I LAM YAN LAG BRGYAD PA'I CHOS DE YANG RNAM PA LNGAS MCHOG DANG KHA NA MA THO BA MED PAR RIG PAR BYA STE, TSE 'DI LA NYON MONGS PA YOD PA DANG MED PA YONGS SU GCOD PA'I PHYIR TSE 'DI LA MYONG BA DANG, NYON MONGS PA DANG BRAL BA'I PHYIR RIMS NAD MED PA DANG, 'GRO BA NA YANG BSGOM PA DANG, 'GRENG BA DANG 'DUG PA DANG NYAL BA DANG, DUS THAMS CAD DU YANG BSGOM PAR BLA BAS NA, DE'I PHYIR DUS NGES PA MED PA DANG, MYA NGAN LAS 'DAS PA THOB PAR BYED PA'I PHYIR 'THOB PAR BYED PA DANG, 'DI LAS PHYI ROL PA RNAMS DANG THUN MONG MA YIN PA'I PHYIR 'DI PAS MTHONG BA DANG, GZHAN GYI DAD PA DANG 'DOD PA DANG RNAM PA DANG YONGS SU RTOGS PA DANG NYID THOR THOS PA DANG, LTA BA DPYOD PA'I BZOD PA MA YIN PAR RANG GIS RTOGS PAR BYA BA YIN PA'I PHYIR SO SO RANG RIG PA'O, ,LAM GYI 'BRAS BU'I CHOS NI MTSAN NYID RNAM PA LNGAR RIG PAR BYA STE, 'DI LTA STE, RNAM GRANGS BSDU BA LAS 'BYUNG BA BZHIN NO, ,RGYA MTSO NI 'DI GNYIS YIN TE, CHU'I RGYA MTSO DANG 'KHOR BA'I RGYA MTSO'O, ,DE LA 'KHOR BA'I RGYA MTSO NI CHU'I RGYA MTSO LAS RNAM PA GSUM GYIS MI MTSUNGS PAR RIG PAR BYA STE, GSUM GANG ZHE NA, RANG BZHIN MI MTSUNGS PA DANG, 'BYING BA MI MTSUNGS PA DANG, RGAL BA MI MTSUNGS PA'O, ,DE LA RANG BZHIN MI MTSUNGS PA NI CHU'I RGYA MTSO NI GZUGS KYI PHYOGS GCIG GI RANG BZHIN DU ZAD PA'I PHYIR TSAD NGES PA YIN LA, 'KHOR BA'I RGYA MTSO NI 'DU BYED THAMS CAD KYI RANG BZHIN YIN @212A *, ,PA'I PHYIR TSAD MED DO, ,DE LA 'BYING BA MI MTSUNGS PA NI GANG DAG 'BYING BA DANG, GANG GIS 'BYING BA DANG, JI LTAR 'BYING BA STE, CHU'I RGYA MTSOR NI DUD 'GRO'I SKYE GNAS SU SKYES PA KHA CIG DANG, MI KHA CIG 'BYING BAR ZAD LA, 'KHOR BA'I RGYA MTSOR NI LHAR BCAS PA'I 'JIG RTEN 'BYING STE, DE DAG KYANG LUS TZAM ZHIG GIS 'BYING BAR ZAD KYI, NGAG GIS MA YIN, YID KYIS MA YIN, 'DOD CHAGS KYIS MA YIN, ZHE SDANG GIS MA YIN, GTI MUG GIS MA YIN SKYE BA LA SOGS PA'I SDUG BSNGAL GYIS MA YIN NO, ,DE YANG LAS DANG NYON MONGS PA DANG, DE'I 'BRAS BU BRTAN PA'I CHA GSUM DU GO RIMS BZHIN DU RIG PAR BYA'O, ,'KHOR BA'I RGYA MTSOR NI LUS NAS SKYE BA LA SOGS PA'I SDUG BSNGAL GYI BAR RNAMS KYIS KYANG 'BYING NGO, ,DE LA RAB TU BYUNG BA RTOG GI BA DPYOD PA CAN RNAMS NI RANG GIS LOG PAR BRTAGS PA'I RTOG PA NGAN PA RNAMS KYIS DKRUGS PAS 'KHOR BA'I RGYA MTSOR 'BYING NGO, ,PHYI ROL PA GZHAN DAG NI MDUD PAS BCINGS PA'I PHYIR RO, ,KHYIM PA RNAMS NI RTAG TU RGYUN MI 'CHAD PAR YANG SDUG BSNGAL RNAMS KYIS KUN NAS BCOM ZHING NYON MONGS PA RNAMS KYIS SREG BZHIN DU SKYO BAR MI BYED PA'I PHYIR RO, ,DE MA YIN PA'I SKYE GNAS SU SKYES PA RNAMS NI 'GRO BA DANG 'ONG BA LA LAS DANG NYON MONGS PA LA BRTEN PA'I PHYIR RO, ,CHU'I RGYA MTSOR NI GRU BUB PA TZAM LAS GYUR PAR ZAD LA, DUD 'GRO'I SKYE GNAS SU GYUR PA DER SKYES PA RNAMS KYANG LAS DANG NYON MONGS PA'I PHYOGS GCIG TZAM GYIS 'BYING BAR ZAD DE, DE YANG GTAN DU MA YIN PA 'DI NI 'BYING BA MI MTSUNGS PAR RIG PAR BYA'O, ,DE LA RGAL BA MI MTSUNGS PA NI CHU'I RGYA MTSO LA NI 'DOD PA RNAMS LAS 'DOD CHAGS DANG MA BRAL BA'I SO SO'I SKYE BO RNAMS KYANG RGAL NA DE MA YIN PA DAG LTA CI SMOS, 'KHOR BA'I RGYA MTSO NI CHA GSUM DU 'DUG STE, 'DOD PA'I 'DOD CHAGS DANG MA BRAL BA'I CHAGS PAR 'GYUR BA'I YUL LNGA'I BYE BRAG DANG, 'DOD CHAGS DANG BRAL BA'I YID KYIS SHES PAR BYA BA CHAGS PAR 'GYUR BA'I CHOS KYI BYE BRAG DANG, SLOB PA'I NANG GI SKYE MCHED @212B DRUG GI BYE BRAG GO, ,DE LA 'DOD CHAGS PA DANG MA BRAL BA'I SO SO'I SKYE BO NI YUL RNAM PA LNGA'I RGYA MTSO LAS RGAL BAR MI NUS SO, ,'DOD CHAGS DANG BRAL BA'I SO SO'I SKYE BO NI NANG GI SKYE MCHED DRUG GI RGYA MTSO LAS RGAL MI NUS TE, DE LAS RGAL MI NUS PAS NA YUL RNAM PA GNYIS KYIS RGYA MTSO LAS KYANG MA RGAL BA YIN NO, ,SLOB PA NI SDUG BSNGAL GYI SGO NAS SKYE MCHED DRUG YONGS SU SHES NAS DE LA DMIGS PA'I LAM NYID SGOM PAR BYED DE, DE NI GNAS PA DE RNAMS KYIS GNAS PAS LTA BA DRAG PO DANG, YANG DAG PA'I DRAN BA CAN GYI NI DPYOD PA YID LA BYED PAS 'DOD CHAGS DANG MA BRAL BA DANG, 'DOD CHAGS DANG BRAL BA'I SA PA'I YUL RNAM PA GNYIS LAS YUL DE NYID LA SNANG BAR 'GYUR TE, DES NI DE MYUR BA MYUR BAR SHES RAB KYIS RTOGS NAS SPONG BAR BYED DO, ,DES NI SKYE MCHED DRUG GI RGYA MTSO YANG RGAL TE, DE LAS RGAL BAS YUL RNAM PA GNYIS PAS RGYA MTSO BSLAB PA 'BUL BA KUN NAS SLONG BA'I NYON MONGS PA DANG BCAS, RTOG PA DANG SEMS KUN DU 'KHRUG PA KUN NAS SLONG BA'I NYON MONGS PA DANG BCAS, RNYED PA DANG BKUR STI LA LHAG PAR ZHEN PA KUN NAS SLONG BA'I NYON MONGS PA DANG BCAS, NGAN PAR SPYOD PA KUN NAS SLONG BA'I NYON MONGS PA DANG BCAS PA LAS GTAN RGAL BA YIN NO, ,SDOM NI, LAM LA MTSUNGS PA MED PA DANG, ,STON PA LA NI MTSUNGS PA MED, ,YUL 'KHOR RGYAL POR BCAS PA DANG, ,'JIG RTEN RNAM PA GNYIS PO DANG, ,'DUS BYAS DANG NI 'DUS MA BYAS, ,'GRO BA DANG NI DGAG PA DANG, ,DANG DU LEN DANG STONG NYID GSUM, ,LAM MTSUNGS PA MED PA NI RNAM PA GNYIS TE, RANG BZHIN MI MTSUNGS PA DANG, RNAM PA MI MTSUNGS PA'O, ,DE LA SDUG BSNGAL KUN 'BYUNG BAR 'GYUR BA'I LAM GANG YIN PA DANG, SDUG BSNGAL 'GOG PAR 'GYUR BA'I LAM GANG YIN PA 'DI NI RANG BZHIN MI MTSUNGS PA STE, GCIG NI KUN NAS NYON MONGS PAR 'GYUR PA'O, ,GNYIS PA NI RNAM PAR BYANG BAR 'GYUR BA STE, 'DI NI 'DIR MI MTSUNGS PA'O, ,SDUG BSNGAL 'GOG PAR 'GYUR BA'I LAM DE NYID LA YANG 'DUS BYAS KYI SPYI'I MTSAN NYID LA 'JUG PA @213A *, ,YANG YOD LA 'DUS BYAS DANG 'DUS MA BYAS PA'I SPYI'I MTSAN NYID KYI RNAM PAR 'JUG PA YANG YOD DE, 'DI NI RNAM PA MI MTSUNGS PA'O, ,DE LA 'DUS BYAS KYI SPYI'I MTSAN NYID KYI RNAM PA GANG YIN PA DE NI DE'I 'BRAS BU DANG MI MTSUNGS PAR RIG PAR BYA'O, ,'DUS BYAS DANG 'DUS MA BYAS KYI SPYI'I MTSAN NYID KYI RNAM PA GANG YIN PA DE NI DE'I 'BRAS BU DANG MTSUNGS PAR RIG PAR BYA'O, ,DE CI'I PHYIR ZHE NA, DE'I 'BRAS BU MYA NGAN LAS 'DAS PA NI RTAG PA DANG BDAG MED PA YIN PA'I PHYIR RO, ,LNGA PO 'DI DAG NI CHOS 'DI PA'I STON PAR GDAGS PA'I GNAS YIN TE, DE DAG NI 'DI LAS PHYI ROL PA'I STON PA LA MED DE, 'DI LTA STE, NYE BAR LEN PA THAMS CAD DU 'GRO BA'I LAM DANG, NYE BAR LEN PA THAMS CAD ZAD PAR 'GRO BA'I LAM DANG CHOS THAMS CAD YONGS SU SHES NAS SPANGS PA'I PHYIR SDUG BSNGAL MTHAR BYED PA DANG, TSOR BA RNAM PAR GZHAG PA RNAM PA LNGA LA RNAM PA RE RE ZHING YANG 'JIG TSOGS LA LTA BA RNAM PA BZHI BZHI LA BRTEN NAS, ,DE LA BRTEN PAS RLOM SEMS RNAM PA BZHI YANG DAG PAR BCOM PA DANG, NGA RGYAL GYI RGYU LAS BYUNG BA'I NYES DMIGS RNAM PA GSUM DANG, NGA RGYAL MED PA'I RGYU LAS BYUNG BA'I PHAN YON GSUM MO, ,DE LA RLOM SEMS SU BYED PAS YONGS SU MI 'CHAD PA'I PHYIR MYA NGAN LAS 'DAS PA LAS SEMS PHYIR LDOG PAR 'GYUR TE, 'DI NI NYES DMIGS DANG PO'O, ,NYES PAR SPYOD PA KUN DU SPYOD PA DANG, CHAGS PAR 'GYUR BA KUN NAS NYON MONGS PA CAN GYI DNGOS PO LA GZHOL BA 'DI NI NYES DMIGS GNYIS PA'O, ,DE'I MYA NGAN LAS 'DAS PA LA YONGS SU YI 'CHAD PA'I PHYIR PHYI MA LA SKYE BA LA SOGS PA'I NAD 'BYUNG BAR 'GYUR BA'I RGYUR SHIN TU 'GYUR BA DANG, YONGS SU YI 'CHAD PA'I PHYIR JI LTA BA BZHIN DU NYES PAR SPYOD PA DANG, KUN NAS NYON MONGS PA CAN CHAGS PAR 'GYUR BA'I YUL LA YANG DE DANG 'DRA'O, ,SKYE BA LA SOGS PA'I NAD JI LTA BA BZHIN DU MIG LA SOGS PA'I SKYE MCHED KYI 'BRAS BU RNAMS DANG, 'DOD CHAGS LA SOGS PA'I ZUG RNGU RNAMS KYANG DE DANG 'DRA STE, 'DI NI NYES DMIGS GSUM PA'O, , @213B DE LAS BZLOG PA NI NGA RGYAL MED PA'I RGYU LAS BYUNG BA'I PHAN YON YIN PAR RIG PAR BYA'O, ,DE BZHIN DU RTEN CING 'BREL BAR 'BYUNG BA'I DBANG DU BYAS NAS TSE 'DI LA YANG SRID PAR SKYE BA'I SA BON 'PHEL BA DANG 'GRIB PA DANG, DE'I RGYUS KYANG PHYI MA LA YANG SRID PAR SKYE BA DANG MI SKYE BA DANG, DE'I SA BON YONGS SU 'DZIN PA'I NYON MONGS PA KUN 'BYUNG BA DANG NUB PA DANG, 'JIG RTEN DANG 'JIG RTEN LAS 'DAS PA'I CHOS BRTAN PA YANG DAG PA JI LTA BA BZHIN DU RNAM PAR GZHAG PA YANG DE DANG 'DRA STE STON PAR GDAGS PA'I GNAS 'DI DAG NI CHOS 'DI PA'I STON PA 'BA' ZHIG LA YOD KYI, 'DI LAS PHYI ROL PA LA NI MED DO, ,'DOD PA'I KHAMS NA SNOD KYI 'JIG RTEN NI YUL 'KHOR JI LTA BU YIN PAR RIG PAR BYA'O, ,SEMS CAN GYI 'JIG RTEN NI BKA' BZHIN DU BYED PA'I MI LTA BU'O, ,BDUD NI RGYAL PO LTA BU'O, ,'JIG RTEN NI GNYIS TE, SEMS CAN GYI 'JIG RTEN DANG, SNOD KYI 'JIG RTEN NO, ,DE LA SNOD KYI 'JIG RTEN NI ME LA SOGS PAS 'JIG GO, ,SEMS CAN GYI 'JIG RTEN NI SO SOR RANG DANG, SKAD CIG PA DANG SO SO RANG GI LUS 'JIG GO, ,'DUS BYAS DANG 'DUS MA BYAS NI 'DI GNYIS YIN TE, DE LA 'DUS BYAS NI RTAG PA DANG BRTAN PA DANG, THER ZUG PA DANG, MI 'GYUR BA'I CHOS CAN DANG, BDAG DANG BDAG GIS STONG NGO, ,'DUS MA BYAS NI BDAG DANG BDAG GI STONG NGO, ,STONG PA NYID DE YANG RGYU MED PA'I CHOS NYID KYIS BSDUS TE, CHOS NYID KYI RIGS PA LA BRTEN TO, ,DE NI 'DI LTA BU'I YIN GYI GZHAN DU NI MA YIN NO ZHES BYA BA THAMS CAD DU YANG CHOS NYID KYI RIGS PA 'BA' ZHIG LA BRTEN TO, ,DE BZHIN GSHEGS PA NI 'JIG RTEN GYI MTHAR THUG PA DGAG PAR MI MDZAD MOD KYI 'ON KYANG LUS DANG 'BREL BA'I 'GRO BA'I SGO NAS NI 'JIG RTEN GYI MTHAR THUG PA DGAG PAR MDZAD DO, ,DE DE LA DON DAM PA'I TSUL GYIS NI 'JIG RTEN DANG, 'JIG RTEN GYI MTHAR THUG PA'I THABS DANG, 'JIG RTEN GYI MTHA' YANG RIG PAR BYA'O, ,DE LA SKYE MCHED DRUG LA NI MING DU GDAGS PA'I DBANG GIS BYUNG BA'I 'JIG RTEN GYI 'DU SHES BYUNG NGO, ,'JIG RTEN GYI 'DU SHES NI 'DU SHES @214A *, ,KYI DBANG GIS BYUNG BA'O, ,'JIG RTEN ZHES BYA BA NI 'DU SHES DANG SHES PA'I DBANG GIS BYUNG BA'O, ,'JIG RTEN GYI THA SNYAD NI MTHONG BA DANG, THOS PA DANG, BYE BRAG PHYED PA DANG RNAM PAR RIG PA'I DBANG DU BYA PA'O, ,REG PA'I SKYE MCHED DRUG PO RNAMS RNAM PA LNGAR YONGS SU BSGYUR BA YANG DAG PA JI LTA BA BZHIN DU SHES PA NI 'JIG RTEN GYI MTHAR THUG PA'I THABS SO, ,MA 'ONGS PA'I 'DU BYED KYI RGYU YANG DAG PAR ZAD PA'I PHYIR NI 'JIG RTEN GYI MTHAR THUG PAR 'GRO BA'O, ,RGYU DANG 'BRAS BU YANG DAG PA JI LTA BA BZHIN DU SHES PA'I PHYIR NI 'JIG RTEN RIG PA'O, , LUS KYI THA MA 'DZIN PA'I PHYIR NI 'JIG RTEN GYI THA MA 'DZIN PA'O, ,TSE 'DI LA YUL THAMS CAD LA SRED PA ZAD PAS RTAG PAR GNAS PA'I PHYIR NI 'JIG RTEN NA SRED PA LAS RGAL BA STE, RNAM PA 'DI DAG GIS NI 'JIG RTEN GYI MTHAR THUG PAR RIG PAR BYA'O, ,LEGS PAR GSUNGS PA'I CHOS 'DUL BA LA RAB TU BYUNG BA LA SDIG PA MI DGE BA'I RTOG PA GANG YANG RUNG BA MA BYUNG BA LAS BYUNG BA NI BYUNG BA DANG DU LEN PA TZAM DU GCIG TU NGES PAR TSANGS PAR SPYOD PA'I GCOD PAR MI BYED DE, DE LA KUN DU MI SPYOD PA 'BA' ZHIG NI LEGS SO, ,KUN DU SPYOD PAR GYUR NA YANG DANG DU MI LEN PAS RGYAD DE LA RGYUD DE LA GNAS PA'I TSUL GYIS RTEN GYI SKABS DBYE BAR MI BYA'O, ,DE CI'I PHYIR ZHE NA, NYON MONGS PA SKAD CIG PAS NI TSANGS PAR SPYOD PA'I GNAS LAS NYAMS PAR BYED MI NUS LA RGYUN GYIS NI NUS PA'I PHYIR RO, ,STONG PA NYID KYI GNAS PA NI GNYIS TE, GNAS BRTAN STONG PA NYID KYIS GNAS PA DANG, DES BSKYED PA'I STONG PA NYID KYIS GNAS PA'O, ,DE LA DGRA BCOM PA'I BDAG MED PA'I GNAS PA GANG YANG PA DE NI GNAS BRTAN STONG PA NYID KYIS GNAS PA ZHES BYA STE, 'DI LTAR DGRA BCOM PA NI CHOS NYID KYIS GNAS BRTAN YIN PA'I PHYIR RO, ,BDAG MED PA'I GNAS PA YANG GNAS PA GZHAN RNAMS KYI GNAS BRTAN THU BO YIN TE, DE BAS NA GNAS BRTAN GYIS GNAS PA DANG, GNAS PA NYID GNAS BRTAN YIN PAS NA DE'I PHYIR GNAS BRTAN GYIS GNAS PA ZHES BYA'O, ,DES BSKYED PA'I GNAS PA GANG ZHE NA, JI LTAR 'DI NA KHA CIG RGYU @214B ZHING 'GRO BA DANG GNAS PA LA NYON MONGS PA YOD PA DANG MED PA YANG DAG PA JI LTA BA BZHIN DU YONGS SU SHES NAS YOD NA NI SPONG BA'I PHYIR, NAN TAN DU SGRUB PAR BYED DO, ,MED NA NI MCHOG TU DGA' BSKYED PAR BYED DO, ,DE'I MCHOG TU DGA' BA DE YANG SEMS KYI TING NGE 'DZIN GYI BAR DU 'GYUR TE, TING NGE 'DZIN DE YANG DAG PA JI LTA BA BZHIN DU BDAG MED PA'I CHOS RNAMS MTHONG STE, NYIN MTSAN DU RJES SU SLOB PA 'DI NI DES BSKYED PA'I STONG PA NYID KYIS GNAS PA YIN NO, ,DE LA GANG DES NGAG NA NYON MONGS PA YOD NA YOD PA DANG MED NA MED PAR YAN DAG PAR JI LTA BA BZHIN DU RAB TU SHES PA 'DI NI 'DIR STONG PA NYID YIN NO, ,'DI LA 'PHAGS PA NYAN THOS LTA BA PHUN SUM TSOGS PA BZHI MTHONG BA NI YANG DAG PA JI LTA BA BZHIN DU STONG PA NYID LA ZHUGS NAS 'JIG RTEN PA'I LAM GYIS KYANG STONG PA NYID SGOM PAR BYED LA 'JIG RTEN LAS 'DAS PA'I LAM GYIS KYANG SGOM PAR BYED DO; ,YANG DAG PA JI LTA BA BZHIN DU STONG PA NYID LA ZHUGS PA GANG ZHE NA, GANG NA GANG MED PA DE NI DES STONG PAR YANG DAG PAR MTHONG BA LA GANG NA YOD PA DE NI YOD DE 'DI NA YOD DO BAR YANG DAG PAR JI LTA BA BZHIN DU RAB TU SHES TE DPER NA SNGON BU SA'I KHANG PA NI RES 'GA' SKYE BO'I TSOGS KHA CIG GIS STONG LA RES 'GA' NI MI STONG PA DANG, KHANG PA DE NYID NAS GDUNG RTEN NAM, ,DAG PA PA'AM, SGO'AM, GTAN PA'AM, YAN LAG GANG YANG RUNG BA KHA CIG GIS STONG DU ZIN KYANG KHANG PA NYID KHANG PAS STONG PA NI MA YIN NO, ,DE BZHIN DU LUS DANG GNAS NI TSOR BA'I RNAM PA ZHES KYANG BYA, 'DU SHES KYI RNAM PA DANG, SEMS PA'I RNAM PA ZHES KYANG BYA STE, LUS DANG GNAS DE YANG RES 'GA' TSOR BA DANG, 'DU SHES DANG, SEMS PA'I NYON MONGS PA DANG, NYE BA'I NYON MONGS PA KHA CIG GIS NI STONG LA, KHA CIG GIS NI MI STONG BA DANG, LUS DANG GNAS DE NYID NAS RES 'GA' MIG GAM, RNA BA'AM, LCE'AM, LUS KYI PHYOGS GCIG GAM, YID KYI PHYOGS GCIG GAM, KHA CIG GIS STONG DU ZIN KYANG LUS DANG GNAS THAMS CAD THAMS CAD KYIS STONG PA NI MA YIN NO, ,DE LA DON GYI MDO NI 'DI YIN TE GAL TE CHOS @215A *, ,RNAMS KYI RANG BZHIN RANG BZHIN GYIS STONG PAR MTHONG NA NI PHYIN CI LOG GI STONG PA NYID LA ZHUGS PA YIN PAR BSTAN TE, CHOS 'DUL BA 'DI LAS 'DAS TE THAL BAR 'GYUR RO, ,GAL TE KHA CIG NI RANG GI MTSAN NYID KYIS YOD PAR MTHONG LA KHA CIG NI MED PAR MTHONG BA DANG, YOD PA DE YANG MED PA DANG, GTAN BRAL BA DANG, YOD PAR YANG RES 'GA' KHA CIG DANG BRAL LA RES 'GA' NI KHA CIG DANG MA BRAL BAR MTHONG BA 'DI NI YANG DAG PA JI LTA BA DANG, PHYIN CI MA LOG PAR STONG PA NYID LA ZHUGS PA ZHES BYA'O, ,DE LA 'JIG RTEN PA'I LAM GYIS BSGOM PA NI 'DI LTA STE, 'PHAGS PA NYAN THOS RAB TU DBEN PA NA GNAS PAS GRONG DANG MI'I 'DU SHES MA BYAS NAS DE'I 'OG TU DGON PA'I 'DU SHES YID LA BYED DE DE NI RANG GI LUS LA DANG 'DI SNYAM DU SEMS TE 'DU SHES KYI RNAM PA 'DI NI MING DANG GRONG GI 'DU SHES KYIS STONG NGO, ,'DI LA MI STONG PA YANG YOD DE 'DI LTA STE, DGON PA'I 'DU SHES KYI RKYEN GYIS DGON PA'I 'DU SHES DANG, MTSUNGS PAR LDAN PA'I TSOR BA DANG SEMS PAS MI STONG NGO SNYAM MO, ,'DU SHES KYI RNAM PA DE NYID LAS KYANG RAGS PA MA ZHI BAR GNAS PA'I RIMS NAD LTA BU KHA CIG GIS STONG LA CHES CHA PHRA BAS NI MI STONG PAR MTHONG NGO, ,DES SHING DANG, RTZVA DANG, NAGS TSAL DANG, RI DANG, RI DAGS DANG BYA RNAM PA SNA TSOGS KYI RNAM PA 'DZIN PA'I TSUL GYIS DGON PA'I 'DU SHES YID LA MA BYAS NAS SA'I 'DU SHES RNAM PA SNA TSOGS KYI RNAM PA MA YIN PA YID LA BYED DO, ,GZHAN YANG SA'I 'DU SHES MI MNYAM PA DANG, MTHON DMAN CAN DANG, TSER MA DANG, GSEG MA DANG, GYO MO MANG PO 'DZIN PA'I RNAM PA YID LA MA BYAS NAS, 'JAM ZHING MNYAM LA LAG MTHIL GYI RNAM PA LTA BUR 'DUG PA YID LA BYED DO, ,DE'I 'OG TU GZUGS KYI 'DU SHES SPANGS NAS NAM MKHA' MTHA' YAS SKYE MCHED KYI 'DU SHES DANG, RNAM PAR SHES PA DANG, CI YANG MED PA'I SKYE MCHED KYI 'DU SHES YID LA BYED DO, ,DE'I 'OG TU 'DU SHES MED 'DU SHES MED MIN SKYE MCHED MTSAN MA MED PA YID LA BYED DE, ,THAMS CAD DU YANG SNGA MA BZHIN DU STONG PA NYID DU 'PHAR ZHING 'OG MA LA NI RAGS PAR 'DU SHES LA GONG MA LA NI CHES @215B ZHI BAR 'DU SHES TE 'DI NI 'JIG RTEN PA'I LAM GYIS CI YANG MED PA'I SKYE MCHED BAR GYI 'DOD CHAGS DANG BRAL BAR GYUR PA'I PHYIR 'PHAGS PA NYAN THOS KYI STONG PA NYID BSGOM PA YIN PAR RIG PAR BYA'O, ,DE'I 'OG TU 'PHAGS PA'I LAM GYI RNAM PA MI RTAG PA'I RNAM PA LA SOGS PA LA BRLAN NAS 'DU SHES 'DU SHES MED MIN SKYE MCHED KYI 'DOD CHAGS DANG BRAL BAR 'GYUR TE, DE NI RANG GI LUS LA 'DI SNYAM DU SEMS TE, 'DU SHES KYI RNAM PA NI 'DI LTA STE ZAG PA THAMS CAD KYIS STONG NGO, ,GCIG TU NGES PAR ZHI BA'I PHYIR RIMS NAD MED PA'O, ,'DI LA MI STONG BA YANG YOD DE, 'DI LTA STE, GNAS 'DI NYID KYI RKYEN GYIS SKYE MCHED DRUG GCIG LA GCIG GIS MI STONG NGO SNYAM STE, TSE'I TSAD JI SRID GNAS PA'I BAR DU RKYEN LAS BYUNG BA DAG GO, ,BCOM LDAN 'DAS NI BYANG CHUB SEMS DPAR GYUR PA NA YANG STONG PA NYID LA SHAS CHER GNAS PAS BLA NA MED PA YANG DAG PAR RDZOGS PA'I BYANG CHUB YANG DAG PAR BSGRUBS TE, MI RTAG PA DANG SDUG BSNGAL BA YID LA BYED PA LA GNAS PAS NI DE LTA MA YIN NO, ,DE LTAR BYANG CHUB RNYED PA NA YANG GNAS PA DE MCHOG YIN PA DANG, SNGON DE LA GOMS PA'I RJES SU 'JUG PA'I PHYIR DE NYID KYIS SHAS CHER GNAS PAR MDZAD DO, ,STONG PA NYID NI GNYIS TE, MNGON SUM DU BYA BA'I STONG PA NYID DANG, BSGOM PA'I STONG PA NYID DO, ,DGE SLONG 'DU 'DZI'I GNAS PAS GNAS PA LA NI RNAM PA GNYIS 'GRUB PAR MI 'GYUR TE, MNGON SUM DU BYA BA'I STONG PA NYID MNGON SUM DU BYA BA DANG, BSGOM PAR BYA BA'I STONG PA NYID BSGOM PA'O, ,RNAM PA GNYIS PO MI 'GRUB PA'I RGYUS NI BDE BA RNAM PA BZHI LAS YONGS SU NYAMS PAR 'GYUR BAR RIG PAR BYA STE, 'DI LTA STE, YONGS SU 'DZIN PA THAMS CAD LAS GYUR BA'I RNAM PAR CHAGS PA'I SDUG BSNGAL LAS NGES PAR GROL BA'I NGES PAR 'BYUNG BA'I BDE BA DANG, 'DOD PA'I 'DUN PA DANG, GNOD SEMS LAS RNAM PAR GROL BA'I BSAM GTAN DANG PO'I DBEN PA'I BDE BA DANG, RTAG PA DANG DPYOD PA NYE BAR ZHI BAR BYED PA'I NYE BAR ZHI BA'I BDE BA DANG, RNAM PAR GROL BA RNAM PA GNYIS @216A *, ,KYIS BSDUS PA DANG, NYE BAR LEN PA MED CING YONGS SU YI 'CHAD PA MED PAS BSDUS PA'I RDZOGS PA'I BYANG CHUB KYI BDE BA'O, ,DE LA RNAM PAR GROL BA RNAM PA GNYIS NI DUS DANG SBYOR BA'I SDUG PA DANG, BSKYOD DU MED PA'I SEMS RNAM PAR GROL BA'O, ,DE LA DGRA BCOM PA DBANG PO RTUL BA'I PHYIR 'JIG RTEN PA'I SNYOMS PAR 'JUG PA LAS YONGS SU NYAMS PAR 'GYUR BA'I CHOS CAN GYIS NI SNYOMS PAR 'JUG PA'I SGRIB PA LAS RNAM PAR GROL BA'I PHYIR DUS DANG SBYOR BA'I SDUG PA SEMS RNAM PAR GROL BA ZHES BYA STE, 'DI LTAR YONGS SU NYAMS PAR 'GYUR BA'I CHOS CAN YIN PAS NA DUS DUS SU YONGS SU NYAMS PAR 'GYUR ZHING MNGON SUM DU YANG BYED DO, ,TSE 'DI LA BDE BA LA REG PAR GNAS PAS NA SDUG PA ZHES BYA'O, ,DE LA BSKYOD DU MED PA NI ZAG PA MED PA'I LAM THAMS CAD KYIS RNAM PAR GROL BA STE, DE NI GTAN DU YONGS SU NYAMS PAR MI 'GYUR RO, ,GAL TE DGRA BCOM PA DBANG PO RNO BA'I PHYIR 'JIG RTEN PA'I TING NGE 'DZIN LAS YONGS SU NYAMS PAR MI 'GYUR BA'I CHOS CAN ZHIG YIN NA NI DE'I NGES PA'I DON LA DUS KYI DON ZHES BYA BAR RIG PAR BYA'O, ,LHAG MA NI SNGA MA BZHIN NO, ,DE LA LEN PA MED PA DANG, YONGS SU YI 'CHAD PA MED PA NI GANG LA DGRA BCOM PA'I SEMS DGA' BAR 'GYUR BA DANG GANG LA RNAM PAR 'GYUR ZHING GZHAN DU 'GYUR BA LAS DE'I MYA NGAN LA SOGS PA SKYE BAR 'GYUR BA'I GZUGS DE GCIG KYANG MI DMIGS PA'O, ,DE LA MNGON SUM DU BYA BA'I STONG PA NYID NI RNAM PA GNYIS TE, PHYI ROL STONG PA NYID DANG, NANG STONG PA NYID DO, ,DE LA PHYI ROL STONG PA NYID NI SPYIR NA GZUGS KYI 'DU SHES RNAM PA LNGA STE 'DOD PA'I YON TAN LNGA DANG LDAN PA LAS 'DAS NAS, 'DOD PA'I 'DOD CHAGS DANG BRAL BA MNGON SUM DU BYA'O, ,DE LA NANG STONG PA NYID NI NANG GI 'DU BYED RNAMS LA NGA'O SNYAM PA'I NGA RGYAL SPANG BA MNGON SUM DU BYA BA GANG YIN PA'O, ,DE LA BSGOM PAR BYA BA'I STONG PA NYID GANG ZHE NA, DE YANG RNAM PA GNYIS SU RIG PAR BYA STE, 'DI LTA STE, NANG DANG PHYI ROL GYI YUL LA BDAG MED PAR MTHONG BA DANG, DE NYID LA MI RTAG PAR MTHONG BA'O, ,DE LA @216B STONG PA NYID RNAM PA BZHI PO 'DI DAG GI RTEN YANG RNAM PA BZHI YOD PAR RIG PAR BYA STE, DE LA PHYI STONG PA NYID KYI RTEN NI NANG GI SEMS GNAS PA'I TING NGE 'DZIN GYI SGO NAS DBEN PA LAS SKYES PA'I DGA' BA DANG BDE BAS LUS BRLAN PA DANG NGA'O SNYAM PA'I NGA RGYAL YONGS SU SHES PA'O, ,NANG STONG PA NYID KYI RTEN NI NANG DANG PHYI ROL GYI CHOS RNAMS LA BDAG MED PAR MTHONG BA'O, ,BDAG MED PAR MTHONG BA'I RTEN NI DE DAG NYID LA MI RTAG PAR MTHONG BA'O, ,MI RTAG PAR MTHONG BA'I RTEN NI DAM PA'I CHOS THOS PA DANG TSUL BZHIN YID LA BYED PA'O, ,DE LA 'DOD PA'I 'DOD CHAGS DANG BRAL BAR BYA BA LA BRTZON PA'I DGE SLONG NI DPYOD PA'I YID LA BYED PA'I DBANG DU BYAS NAS SDUG PA'I MTSAN MA 'DOD PA DANG LDAN PA YID LA BYED DE, DES LAM DANG PHYI STONG PA NYID MNGON SUM DU MA BYAS PA DANG, LEGS PAR MA BSGOMS PA DANG, BSTAN PA LA GZHOL BA'I PHYIR, PHYI STONG PA NYID LA MNGON PAR DGA' BA'I TSUL GYIS SEMS MI 'JUG STE, DE NGA'O SNYAM PA'I SGO NAS DER SEMS 'PHRO BAR MTHONG NAS, NANG STONG PA NYID LA ZHI BA'O SNYAM DU YID LA BYED DO, ,DES NGA'O SNYAM PA'I NGA RGYAL YANG SPANGS LA LAM YANG LEGS PAR MA BSGOMS PAS DE LA YANG SEMS MI 'JUG STE, DES NANG DANG PHYI ROL GYI 'DU BYED RNAMS LA BDAG MED PA MTHONG BA SGOM PAR BYED DE, DES BDAG MED PA MTHONG BA LEGS PAR MA BSGOMS PAS DE LA YANG SEMS MI 'JUG GO, ,DE NANG DANG PHYI ROL DE DAG NYID LA MI RTAG PAR MTHONG BAS MI G-YO BA'I SEMS SGOM PAR BYED DE, 'DU BYED RNAMS LA MI RTAG PAR MTHONG BAS RNAM PA THAMS CAD DU G-YO BAR MI 'GYUR RO, ,DE BAS NA MI RTAG PAR MTHONG BA LA MI G-YO BA'I KHAMS ZHES BYA'O, ,DES GNAS DE DAG LA SEMS MA MOS PAR YANG DAG PA'I SHES RAB KYIS RTOGS NAS SEMS DE MI SDUG PA LA DMIGS PA'AM, BYAMS PA LA DMIGS PA'AM, DBUGS PHYI NANG DU RGYU BA LA DMIGS PA'AM, 'DU BYED THAMS CAD MI RTAG PA LA DMIGS PA'I TING NGE 'DZIN LA LAN MANG DU BYAS PA'I RGYUS LAS SU RUNG BAR 'GYUR RO, ,DE NAS RIM GYIS THAMS CAD LA 'JUG PAR 'GYUR TE, @217A *, ,DE'I MNGON SUM DU BYA BA'I STONG PA NYID MNGON SUM DU BYA BA YANG YONGS SU RDZOGS PAR 'GYUR TE, DE YONGS SU RDZOGS PA'I RGYUS THA MA'I CHA DANG MTHUN PA DANG, GONG MA'I CHA DANG MTHUN PA'I KUN TU SBYOR BA RNAMS LAS SEMS RNAM PAR GROL BAR 'GYUR RO, ,BSGOM PAR BYA BA'I STONG PA NYID BSGOM PAR BYA BA YANG YONGS SU RDZOGS PAR 'GYUR TE, DE YONGS SU RDZOGS PAR GYUR BA'I RGYUS MI SLOB PA'I YANG DAG PA'I LTA BA LA SOGS PA'I CHOS RNAMS DANG LDAN PAR 'GYUR RO, ,GANG GI TSE MI 'JUG PA DE'I BAR DU NI SO SO'I SKYE BO'I GNAS SKABS SO, , GANG GI TSE 'JUG PA DE NI SLOB PA'I GNAS SKABS SO, ,GANG GI TSE SGOM PA YONGS SU RDZOGS PAR 'GYUR BA DE NI MI SLOB PA'I GNAS SKABS SO, ,DE NI SGOM PA YONGS SU RDZOGS PA LA ZHUGS SHING SEMS G-YOS PAS DGE BA'I RTOG PA LA RTOG PAR BYED DO, ,DE LA YANG TSOD SHES SHING KUN NAS NYON MONGS PA CAN MA YIN PA'I GTAM BYED DO, ,YANG DAG PA'I 'CHAG SAR 'CHAG PAR BYED DO, ,YANG DAG PAR STAN LA 'DUG LA THAMS CAD DU 'ANG TSOD SHES TE DE LTAR NA 'DI NI 'DI'I RGYU ZHING 'GRO BA DAG PA YIN NO, ,GNAS PA DAG PA NI SNGA MA YIN NO, ,BAR SKABS DAG TU YANG SPYOD PA YID LA BYED PAS NYON MONGS PA KUN DU SPYOD PA LA SO SOR BRTAG CING SEMS RNAM PAR SPYONG STE, 'DI DAG NI GCIG TU NGES PA'I DKAR PO'I CHOS RNAMS YIN TE, DE DAG DANG LDAN NA BDUD DANG PHYIR RGOL BA RNAMS KYIS MI TSUGS LA SDIG PA MI DGE BA'I CHOS RNAM PA BZHIS MI 'PHROGS TE, YANG SRID PAR SKYE BA'I RANG BZHIN GYIS KUN NAS NYON MONGS PA CAN RNAMS DANG, TSE 'DI LA LUS DANG SEMS YONGS SU GDUNG BA DANG, NGAN SONG GI RGYU'I RANG BZHIN DANG, SKYE BA LA SOGS PA'I SDUG BSNGAL GYI RGYU'I RANG BZHIN GYIS SO, ,GTAM NI RNAM PA GNYIS TE, SGRA TZAM LA MOS PA'I RJES SU 'BRANG BA DANG, CHOS KYI RJES SU MTHUN PA'I CHOS LA NAN TAN DU SGRUB PA'I RJES SU 'BRANG BA'O, ,DE LA SNGA MA NI TSES KYI LUNG NOD PA DANG, KHA STON DU BYED PA DANG, KUN TU 'DRI BA DANG, YONGS SU 'DRI BA DANG, 'CHANG BAS PHYE BA'O, ,CIG @217B SHOS NI DMIGS PA'I GNAS DANG, SEMS RNAM PAR GROL BA'I MAN NGAG GIS PHYE BA STE, DE'I DON DU DE BZHIN GSHEGS PA RNAMS 'BYUNG BA DANG, NYAN THOS RNAMS KYANG BSTAN PA'I RJES SU 'JUG CING DGE BA'I CHOS DE DAG GIS YANG DAG PAR SBYOR BAR BYED DO, ,CHOS 'DUL BA GANG LA TSANGS PAR SPYOD PA LA GNAS PA GTAN MED PA DE LA NI TSANGS PAR SPYOD PA YANG MED DE DE LA NI TSANGS PAR SPYAD PA DANG, TSANGS PAR SPYOD PA YANG MED PA LA NI PHAN TSUN SLOB DPON DANG, SLOB MA'I TSUL DU KHAS BLANGS PA RNAMS KYIS LOG PAR SGRUB PA GANG YIN PA DE SLOB DPON LA GNOD PA'AM, NYE GNAS LA GNOD PAR 'GYUR RO, ,'DI LA NI GNYI GA YOD DO, ,DE LA 'BRAS BU CHEN PO DANG, PHAN YON CHEN PO'I STONG PA NYID MNGON SUM DU BYA BA DANG, BSGOM PA BTANG STE, DMA' ZHING KHA NA MA THO BA DANG BCAS PA'I RNYED PA DANG BKUR STI'I RO MYANG BAS 'PHROG CING LOG PAR SGRUB PA GANG YIN PA DE NI TSANGS PAR SPYOD PA'I GNOD PA CHEN POS GNOD PAR BYAS PAR RIG PAR BYA STE, DE LTAR RNYED PA DANG BKUR STI LA ZHEN PA DE NI BDAG NYID LA YANG GNOD PA BYED DO, ,RNAM PAR THAR BA DANG MTHUN PA'I GTAM DE YANG NYAN PAR MI 'DOD LA STON PA NA YANG RNA BLAGS PAR MI BYED DO, ,DE NYAN PAR BYED NA YANG RNYED PA DANG BKUR STI'I CHED DU NYAN PAR BYED KYI SHES PAR BYA BA'I SEMS KYIS NI MA YIN NO, ,NAN TAN DU SGRUB PAR YANG MI BYED LA MA DUL BA'I PHYIR GZHAN DUL BAR YANG MI BYED PA DANG, MYA NGAN LAS BZLA BA'I BAR DU YANG MI BYED DE, DE LTAR NA DES NI STON PA'I DGRA BZHIN DU KUN DU SPYOD PA YIN TE, PHAN PA RGYA CHEN POS NYE BAR GNAS PA LA LAN DU GNOD PA BYAS PA'I PHYIR RO, ,DE LA DON GYI MDO NI 'DI YIN TE, LEGS PAR GSUNGS PA'I CHOS 'DUL BA LA RAB TU BYUNG NAS NAS DES CI NAS BDAG GIS NAN TAN DU BSGRUB PAR BYA BA DE LTA BU LA RNAM PA BZHIS MA ZHUGS PA DANG, CI NAS STON PA LA NAN TAN DU BSGRUB PAR BYA BA DANG, GANG GIS BSTAN PA LA RAB TU BYUNG BA DE LTA BUR MA ZHUGS TE, 'DI LTA STE, 'DRE BAR GNAS PA DANG, SGRA TZAM LA MOS PA'I RJES SU 'BRANG BA'I GTAM GYIS @218A *, ,RJES SU 'BRANG BA DANG, RNYED PA DANG BKUR STI LA ZHEN PA DANG, DE LA ZHEN PA'I DBANG GIS BYUNG BAS DAM PA'I CHOS MNYAN PAR BYED KYI BDAG LA PHAN PA DANG, GZHAN LA PHAN PA SGRUB PA'I PHYIR MA YIN PA'O, ,DE BZHIN GSHEGS PA NI TSOGS YONGS SU SDUD PAR BZHED PA'I PHYIR TSOGS NYE BAR 'DZIN PAR MI MDZAD KYI SEMS CAN RNAMS LA THUGS BRTZE BA 'BA' ZHIG GI PHYIR TE, GANG GI PHYIR LOG PAR SGRUB PA'I NYAN THOS RNAMS LA YID BSRUNG BA MED PAR NGO BZLOG PHOD PAR MDZAD DE, NYAN THOS RNAMS LA NGO BZLOG PHOD PA DE DANG, RTZUB LA PHAN PAR GSUNGS PA DES CHOS 'DUL BA 'DI LAS PHYIR LDOG PAR GYUR DU ZIN KYANG DE NI DE DAG LA CHES PHAN PAR 'GYUR GYI 'DI LA GNAS PA RNAM PA LOG PAR SGRUB PA NI DE LTA MA YIN NO, ,SDOM NI, 'DOD CHAGS BRAL DANG MA BRAL DANG, ,RGYU DANG RKYEN DANG LAM DANG NI, ,SROG LA YID NI MI BRTAN DANG, ,KUN TU CHAGS PA'I GNAS RGYAS PA, ,DGE SLONG NI 'DOD CHAGS DANG BRAL BA YANG RUNG, 'DOD CHAGS DANG MA BRAL BA YANG RUNG STE, 'DOD PA'I YON TAN LNGA DANG, YID KYIS SHES PAR BYA BA'I YUL MNYAM PAR GZHAG PA'I SA PA'I CHOS RNAMS LA DUS GSUM DU KUN NAS DKRIS PA RNAM PA GSUM DANG, DE'I RTZA BA BAG LA NYAL GYIS KUN NAS NYON MONGS PAR GYUR NA TSE 'DI LA YONGS SU MYA NGAN LAS 'DA' BAR 'GYUR BA'I SKAL BA MED DO, ,DE LA 'DAS PA'I DUS KYI SGO NAS NI DE LA RNAM PAR SHES PA BRTEN TO, ,MA 'ONGS PA'I DUS KYI SGO NAS NI DE LA RAG LAS SO, ,DA LTAR GYI DUS KYI SGO NAS NI DE LA MNGON PAR ZHEN TO, ,DE'I RTZA BA BAG LA NYAL DE'I RGYUD LA YOD PA DANG RJES SU 'BREL PAS NI RNAM PAR SHES PA DE NYE BAR LEN PAR BYED DO, ,DE LAS BZLOG PA NI KUN NAS NYON MONGS PAR MA GYUR NA TSE 'DI LA YONGS SU MYA NGAN LAS 'DA' BAR 'GYUR PA'I SKAL PA CAN YIN NO, ,BZHI PO 'DI DAG NI CHOS 'DUL BA 'DI LA ZHUGS PA RNAMS KYIS TSUL BZHIN DU 'DRI BA YIN PAR RIG PAR BYA STE, 'DI LTA STE, KHYIM BDAG GAM, KHYIM BDAG GI BU DAD PA CAN DANG, DGE SLONG THOS PAS @218B BYANG BA DANG, STON PA'I DRUNG NA 'DUG CING BSNYEN BKUR BYED PA DANG, STON PA NYID DE, DE BZHIN GSHEGS PA NI NYAN THOS ZHU BAR NI 'DOD LA BAG TSA BA DANG, MI SHES PA'I DON MNGON PAR GZIGS PA'I PHYIR NYE BAR GNAS PA DANG MA 'ONGS PA'I NYES PA BSAL BA DANG, DAM PA'I CHOS YUN RING DU GNAS PAR MDZAD PA'I PHYIR MKHYEN BZHIN DU RGYU RNAM PA GNYIS KYIS NYAN THOS LA 'DRI BAR MDZAD DO, ,RNAM PAR SHES PA'I TSOGS DRUG PO RNAMS KYI NI RGYU RNAM PA GNYIS KYI SKYE MCHED DRUG NI RGYU YIN LA PHYI ROL GYI SKYE MCHED RNAMS NI RKYEN ZHES BYA BA STE, 'DI LTA STE, SKYE MCHED DRUG NI DE DAG GI SA BON GYI GNAS YIN PA DANG, JI LTAR THOB PA'I SKYE MCHED GCIG TU NGES PAR RNAM PA GCIG TU 'GYUR PA'I PHYIR RO, ,YUL NI GCIG TU RNAM PA DU MAR 'DUG PA'I PHYIR RO, ,NYON MONGS PA THAMS CAD NI SPYIR NA RGYU RNAM PA GNYIS KYIS RIG PAR BYA STE, KUN NAS NYON MONGS PA'I RANG BZHIN GANG YIN PA DANG, DE'I LAM GANG YIN PA'O, ,DE LA RANG BZHIN NI 'DUN PA'I 'DOD CHAGS TE KUN NAS NYON MONGS PA THAMS CAD KYI RTZA BA YIN PA'I PHYIR RO, ,DE'I LAM NI NANG DANG PHYI ROL GYI SKYE MCHED RNAMS TE, GZUNG BA DANG 'DZIN PA'I BYE BRAG YIN NO, ,DGE SLONG RGYU ZHING 'GRO BA'AM GNAS PAS GNAS GNYIS YANG DAG PAR MTHONG BAS NI TSUL BZHIN DU YID LA BYED PA LA BRTEN NAS, KUN NAS NYON MONGS PA RNAM PA GNYIS LAS SEMS RNAM PAR GROL BAR BYA'O, ,GNAS GNYIS PO GANG ZHE NA, 'DI LTA STE, SROG LA YID MI RTON PA DANG, MI DGE BA'I SEMS KYIS SHI NA NGAN 'GROR 'GRO BA'O, ,TSUL BZHIN YID LA BYED PA NI GANG LA BRTEN, KUN NAS NYON MONGS PA RNAM PA GNYIS PO GANG LAS NI SEMS RNAM PAR GROL BAR BYA ZHE NA, BDAG RANG GI SKYE MCHED RNAMS MTSON CHA RNAM PA SNA TSOGS KYIS BTAB CING MA RUNG BAR BYAS KYANG SLA'I, BDAG MI DGE BA'I SEMS KYIS SHI NAS NGAN SONG DAG TU SKYE BAR 'GYUR BA NI DE LTA MA YIN NO, ,JI LTAR BYAS NA BDAG BDE BA DANG LDAN PA DANG, YID BDE BA DANG LDAN PAS MI DGE BA KUN DU SPYOD PA'I GNYEN POR YANG DAG PA LA YANG DAG PAR @219A *, ,SO SOR RTOG PAR 'GYUR ZHIG GU SNYAM DU SO SOR BRTAGS NAS 'DU BYED RNAMS MI RTAG PA 'BA' ZHIG SGOM PAR BYED DE, DE LA RGYU ZHING 'GRO BA NA NI YUL GYI MTSAN MA 'DZIN PA DANG, RTAGS 'DZIN PA'I KUN NAS NYON MONGS PA LAS RNAM PAR 'BYED DO, ,YANG NA RAB TU DBEN PA GNA GNAS PA NA MI DGE BA'I RTOG PA'I KUN NAS NYON MONGS PA LAS RNAM PAR 'BYED DO, ,DE LA KUN NAS NYON MONGS PA DANG PO NI RGYU LTA BU YIN LA GNYIS PA NI 'BRAS BU LTA BU YIN PAR RIG PAR BYA'O, ,DE LA KUN NAS NYON MONGS PA GNYIS LA GNAS PA LA NI GNAS GNYIS 'BYUNG BA YOD DE, SROG LA YID MI RTON PA DANG, 'CHI BA'I TSE KHO NA NI MI DGE BA'I SEMS KYIS SHI NA NGAN 'GROR 'GRO BAO, ,DE BAS NA SKAD CIG GCIG GIS KUN NAS NYON MONGS PA RNAM PA GNYIS LA YANG NYES PAR LTA BA DANG, NGO TSA SHES PA DANG KHREL YOD PA DRAG PO BSKYED PAR BYA BA NA, RGYUN DU 'BYUNG BA LTA CI SMOS, 'DI DAG NI BDUD 'JUG PAR 'GYUR BA'I KUN DU CHAGS PA'I GNAS KYI KUN NAS NYON MONGS PA MANG POS TE DE DAG NI MKHAS PAS YONGS SU SHES NAS YONGS SU SPANG BAR BYA BA YIN TE, 'DOD PA'I 'DOD CHAGS DANG BRAL BA'I SO SO'I SKYE BO'I SNYOMS PAR 'JUG PA LAS BYUNG BA'I BDE BA LA RAG LAS PA'I SKYE MCHED KYI RO MYONG BAR BYED PA'I KUN DU CHAGS PA'I GNAS DANG, 'DOD CHAGS DANG MA BRAL BA'I 'DOD PA'I YON TAN LNGA LA BRTAN PA'I TSOR BA'I SGO NAS MNGON PAR DGA' BA DANG, MNGON PAR CHAGS PA DANG, LHAG PAR ZHEN PA DANG, LHAG PAR ZHEN PA NAS GNAS PA'I KUN DU CHAGS PA'I GNAS DANG, SEMS CAN PHAN 'DOGS PA RNAMS LA RJES SU CHAGS PA DANG, GNOD PAR BYED PA RNAMS LA KHONG KHRO BA'I KUN DU CHAGS PA'I GNAS DANG, YUL RAGS SHING RGYA CHE BA LA 'PHROG PAR BYED PA'I BDE BA'I GNAS DANG; SDUG BSNGAL GYI GNAS DUS GSUM DU BTZAL BAR BYA BA DANG, BRTAG PAR BYA BA DANG, LHAG PAR CHAGS PAR BYA BA'I KUN DU CHAGS PA'I GNAS TE, DE LA SDUG PA DANG, YID DANG 'THAD PA DANG, DGA' BA DANG, YID DU 'ONG BA RNAMS KYI DBYE BA NI SNGA MA BZHIN DU @219B RIG PAR BYA'O, ,MI SDUG PA NI MA 'ONGS PA'I DUS KYI SGO NAS MI 'DOD PA'O, ,YID DANG MI 'THAD PA NI 'DAS PA'I DUS KYI SGO NAS MI 'DOD PA'O, ,MI DGA' BA NI RJES SU DRAN PA'I YUL MI 'DOD PA'I SGO NAS SO, ,YID DU MI 'ONG BA NI 'DOD PA'I TSOR BA'I SGO NAS SO, ,SDUG BSNGAL BA YANG YUL MI 'DOD PA'I SGO NAS SO, ,GNOD PAR BYED PA YANG MI 'DOD PA'I TSOR BA'I SGO NAS SO, ,MI MTHUN PA NI 'DAS PA'I DUS KYI MI 'DOD PA'O, ,'CHER 'GRIB NI MA 'ONGS PA'I DUS KYI MI 'DOD PA'O, ,KUN NAS NYON MONGS PA NI GNYIS TE, PHYI ROL GYI YUL GYI KUN NAS NYON MONGS PA DANG, NANG GI TSOR BA'I KUN NAS NYON MONGS PA'O, ,DE LA MIG LA SOGS PA LA BRTEN NAS GZUGS LA SOGS PA'I YUL RNAMS LA LHAG PAR ZHEN PA NI YUL GYI KUN NAS NYON MONGS PA'O, ,REG PA LA BRTEN NAS NANG GI TSOR BA LA LHAG PAR ZHEN PA NI TSOR BA'I KUN NAS NYON MONGS PA'O, ,'GOG PA'I MYA NGAN LAS 'DAS PA GANG LA GNYI GA MED PA DE LA NI BDUD DANG PHYIR RGOL BA THAMS CAD KYI GNAS MED DO, ,SRED PA DANG LTA BA NI RNAM PA THAMS CAD NI RNAM PA BCO LNGAS KUN NAS NYON MONGS PA YIN PAR RIG PAR BYA STE, 'DI LTA STE, KUN NAS DKRIS PA'I SGO NAS SKYE MCHED RNAMS LA KUN NAS SBYOR BA DANG, BAG LA NYAL GYI SGO NAS NYE BAR SBYOR BA DANG, BDAG TU LTA BA'I SGO NAS LHAG PAR SBYOR BA STE, RNAM GRANGS BSDU BA LAS RGYAS PAR JI SKAD BSTAN PA DANG 'DRA'O,, ,,RNAL 'BYOR SPYOD PA'I SA LAS GZHI BSDU BA; BAM PO BCU PA, SPYI SDOM NI, RGYU 'DRA BA DANG RKYEN TZAM DANG, ,'DOD CHAGS SHAS NI CHE BA DANG, ,GNAS GCIG PA NI THA MA YIN, ,SDOM NI, RGYU 'DRA BA DANG BSAM MI KHYAB, ,BCINGS PA DANG NI GROL BA DANG, ,RTAGS DANG RIG PA KUN DU 'GRO, ,MOS PA DANG NI SGO BSDAMS DANG, ,BSTAN DANG MNGON PAR DGA' BA YI, ,RTAGS NI THA MAR BRJOD PA YIN, ,'DI LA 'PHAGS PA NYAN THOS NI RGYU 'DRA BAS RAM PAR SHES PA BDAG MED PA LA RJES SU ZHUGS NAS RNAM PA GSUM GYIS RNAM PAR SHES PA LA YANG DAG PAR LTA BAS GNAS SO, ,RGYU 'DRA @220A *, ,BAS NA RNAM PAR SHES PA BDAG MED PA LA JI LTAR 'DUG CE NA, SKYE MCHED GZUGS CAN LNGA PO GANG YIN PA RNAMS DANG, 'BYUNG BA CHEN PO BZHI LAS BYUNG BA'I LUS GANG YIN PA DE NI 'PHEL BA DANG, 'GRIB PA DANG, LEN PA DANG, 'DOR BA'I MI RTAG PA NYID MNGON SUM DU GYUR PAS, DE'I RKYEN LAS BYUNG BA'I RNAM PAR SHES PA'I MI RTAG PA NYID LA YANG RJES SU 'JUG GO, ,MI RTAG PA GANG YIN PA DE NI SDUG BSNGAL BA YIN LA, SDUG BSNGAL BA GANG YIN PA DE NI BDAG MED PA YIN NO ZHES BDAG MED PA LA YANG RJES SU 'JUG GO, ,JI LTAR BDAG MED PA LA RJES SU ZHUGS NAS YANG DAG PAR LTA BAR 'GYUR ZHE NA, LOG PAR LTA BA'I RTZA BA NI BDAG TU LTA BA YIN TE, RTZA BA DE SNGA NAS YANG DAG PAR BCAD PA'I PHYIR RO, ,RNAM PAR SHES PA DE YANG RTEN DANG DMIGS PA'I BYE BRAG GIS RNAM PA DU MAR 'JUG PAR YANG DAG PA'I SHES RAB KYIS MTHONG NGO, ,RNAM PAR SHES PA DE LTAR 'JUG PA LA DES NI SKAD CIG TZAM GYI GNAS SKABS SUYANG SNYING PO YOD PAR YANG DAG PAR RJES SU MI MTHONG NA GTAN DU LTA CI SMOS, ,SKYE MCHED DRUG 'GAG PA ZHI BA DANG SPROS PA MED PA NI SPROS PA DANG LDAN PA'I RNAM PA BZHIS BSAM PAR MI BYA, BRTAG PAR MI BYA, YONGS SU 'DRI BAR MI BYA STE, GZHAN DAG GI BLO'I KHYAD PAR YONGS SU BRTAG PA'I BSAM PAS BYA BA TZAM DU ZAD DO, ,BZHI GANG ZHE NA, YOD PA'AM, MED PA'AM, THA DAD PA'AM, THA DAD PA MA YIN PA'O, ,SKYE MCHED DRUG PO GANG GI SKYE BA YANG YOD LA 'JIG PA YANG YOD PA DE LA NI PHAN TSUN MTSAN NYID THA DAD PA YANG YOD DO, ,DE'I SKYE BA DANG, 'JIG PA LA BRTEN NAS YOD PA'AM MED PA YANG MI DMIGS SO, ,GANG LA PHAN TSUN MTSAN NYID THA DAD PAR YOD PA DE LA NI RIGS GZHAN LA LTOS NAS THA DAD PA DMIGS LA RANG GI RIGS KYI SNGA PHYI LA LTOS NAS THA DAD PA MA YIN PAR DMIGS SO, ,SKYE MCHED DRUG 'GAG PA NI RTAG PA DANG ZHI BA'I MTSAN NYID YIN TE DE BAS NA SPROS PA BZHI PO 'DI DAG GIS DPYAD CING BRTAG TU MI RUNG NGO, ,DE LA DON DANG LDAN PA MA YIN PA SEMS SHING RTOG LA SMRA BA GANG YIN PA DE NI SPROS PA ZHES @220B BYA'O; ,DE CI'I PHYIR ZHE NA, DE LTAR SPYOD PA LA NI DGE BA'I CHOS CI YANG 'PHEL BAR 'GYUR BA MED LA MI DGE BA 'GRIB PA YANG MED DE, DE BAS NA SPROS PA ZHES BYA'O, ,NANG DANG PHYI ROL GYI SKYE MCHED RNAMS LA 'DUN PA'I 'DOD CHAGS YOD NA NI YUL MNGON SUM DU GYUR KYANG RUNG LKOG TU GYUR KYANG RUNG BA LAS DBANG PO LHAG PAR BTANG SNYOMS SU BYED MI NUS TE, DE BAS NA BCINGS PA ZHES BYA'O, ,'DUN PA'I 'DOD CHAGS MED NA NI YUL LA MNGON SUM DU GYUR BA LAS KYANG DBANG PO LHAG PAR BTANG SNYOMS SU BYED NUS NA LKOG TU GYUR BA LTA LA CI SMOS TE, DE BAS NA GROL BA ZHES BYA'O, ,TSANGS PAR SPYAD NAS YUN RING DU LON PA, PHUNG PO DANG SKYE MCHED RNAMS LA BDAG TU 'DZIN PA DANG, BDAG GIR 'DZIN PA SPANGS PA LA NI LUS KYI TSOR BA'I SDUG BSNGAL RNAMS SROG 'CHAD PAR BYED PA'I BAR DAG GIS THEBS SU ZIN KYANG GZUGS 'GYUR BA YANG MED LA SEMS 'GYUR BA YANG MED PA 'DI LA NI DE'I DBANG PO SHIN TU BSDAMS PA'I RTAG RAGS PA YIN NO, ,DE LTAR DBANG PO SHIN TU BSDAMS PA DE NI SDUG BSNGAL RNAM PA BZHI LAS RNAM PAR GROL BA'I PHYIR DGA' BA RNAM PA BZHI THOB PAR 'GYUR TE, 'DI LTA STE, PHYI MA LA PHYI ROL GYI RKYEN LAS 'BYUNG BA DANG, PHYI MA LA NANG GI RKYEN LAS 'BYUNG BA DANG, TSE 'DI LA YONGS SU MYA NGAN LAS 'DAS PA'I DUS NA PHUNG PO LAS GYUR BA DE GNYUI GA DANG, SHI BA'I 'OG TU SDUG BSNGAL THAMS CAD NYID MTSAMS SBYOR BA MED PAS 'JIG RTEN RTZVA DANG SHING DNAG 'DRA BAR MTHONG BAR GYUR BA'O, ,DE LA DES NI RNAM PA GNYIS KYIS SKYE MCHED DRUG GI 'JIG RTEN RTZVA DANG SHING DANG 'DRA BAR MTHONG STE, RTZVA DANG SHING DANG 'DRA BA'I SEMS CAN MED PA'I 'DU SHES DANG, 'DI LTA STE, 'DOD CHAGS DANG, ZHE SDANG DANG, GTU MUG GI MES BSREG PAR BYA BA'I PHYIR SKYE MCHED DRUG PO RTZVA DANG SHING DANG 'DRA BA 'DI NYE BAR LEN PA'O, ,NYAN THOS TSANGS PAR SPYOD PA LEGS PAR SPYAD PA NI PHYI MA LA YANG SRID PAR SKYE BA'I SDUG BSNGAL MI SKYE BAR BYA BA LA DE OBZHIN GSHEGS PA DANG 'DRA BAR RIG PA'I STOBS DANG LDAN MOD KYI TSE 'DI'I RKYEN LAS 'BYUNG BA'I SDUG @221A *, ,BSNGAL MI SKYE BAR BYA BA DANG, SKYES ZIN PA MYUR BA MYUR BAR SPANG BA LA MI 'DRA STE, DE BZHIN GSHEGS PA NI RIG PA'I STOBS RNAM PA GNYI GA DANG YANG LDAN PAS NA DE'I PHYIR RIG PA MNGA' BA BLA NA MED PA YIN PAR RIG PAR BYA'O, ,DGE SBYONG DANG BRAM ZE KHA CIG TSAD MA'I GTZO BO MNGON SUM DU BYIS PA RNAMS KYANG RNAM PAR RMONGS PAR MI BYED NA MKHAS PA RNAMS LTA SMOS KYANG CI DGOS PA LAS THAL TE KUN DU RMONGS PA'I GZHI DANG, GNAS SU GYUR PA'I RTOG GE LA BRTEN NAS SNGON GYI MTHA' LA BRTZAMS PA'AM, YANG NA TSE 'DI NYID LA RNAM PA BZHIS NAN GYIS MCHOG TU 'DZIN CING MNGON PAR ZHEN NAS, BDE BA DANG SDUG BSNGAL LA LOG PAR 'DOGS SO, ,DE LA SNGON GYI MTHA' LAS BRTZAMS TE SNGON BYAS PA'I RGYU LAS BYUNG BA'I PHYIR GCIG TU NGES PAR RANG GIS BYA BA DANG, DBANG PHYUG GIS SPRUL PA'I RGYU LAS BYUNG BA'I PHYIR GCIG TU NGES PAR GZHAN GYIS BYAS PA DANG, THOG MA NI DBANG PHYUG GIS BYAS LA PHYIS NI SNGON BYAS PA'I RGYU LAS BYUNG BA'I PHYIR RANG GIS KYANG BYAS LA GZHAN GYIS KYANG BYAS PA DANG, YANG NA RGYU MED PA LAS BYUNG BAR RTOG PAR BYED DE, RANG GIS KYANG MA BYAS GZHAN GYIS KYANG MA BYAS PAR RGYU MED PAR BYUNG BA LAS 'DOGS SO, ,YANG NA TSE 'DI NYID LA RANG DGA' NAS RANG GIS BRTZAL BAS BSKYED PA'I GANG YIN PA DE NI RANG GIS BYAS PA KHO NAR 'DOGS SO, ,MI 'DOGS BZHIN DU MA TSOR BAR GZHAN GYIS BYAS PA GANG YIN PA DE NI GZHAN GYIS BYAS PA YIN NO, ,DES KYANG 'DOD DE TSOR BA BZHIN DU GZHAN GYIS BYAS PA GANG YIN PA DE NI RANG GIS KYANG BYAS LA, GZHAN GYIS KYANG BYAS SO, ,BDAG DANG GZHAN GYIS 'BAD PA SNGON DU BTANG BA LAS BYUNG BA MA YIN PAR YUL MNGON SUM DU GYUR BA TZAM LAS BYUNG BA GANG YIN PA DE LA NI DE'I RGYU REG PA CHA PHRA BA MA RTOGS NAS RANG GIS KYANG MA BYAS GZHAN GYIS KYANG MA BYAS PAR RGYU MED PAR BYUNG BAR 'DOGS PA YOD DO, ,DE LA DBANG PO DANG YUL DANG RNAM PAR SHES PA PHRAD PA TZAM LAS BDE BA DANG SDUG BSNGAL 'BYUNG BA TZAM NI YOD KYI SNGON GYI MTHA' 'AM, TSE 'DI @221B LA BDAG GAM GZHAN YOD PA NI MA YIN TE, GSUM PO DE NYID LA BDAG DANG GZHAN DU 'DOGS PA LAS GYUR BAR ZAD DO, ,DE BAS NA 'DIR REG PA 'BA' ZHIG BDE BA DANG SDUG BSNGAL GYI RGYUR KUN DU 'GRO BAR RIG PAR BYA'O, ,RNAM PA BZHIS BRTZON 'GRUS BRTZAM PA YANG DAG PHAR BRTZAMS NA MYUR BA KHO NAR ZAG PA ZAD PAR 'GYUR TE, BZHI GANG ZHE NA, 'DI LTA STE, BRTZON 'GRUS BRTZAMS DRAGS PA'I SGO NAS, CI NAS DE RGOD BAG TU GYUR BAS LUS NGAL BAR 'GYUR BA DANG, SEMS SNAD PAR 'GYUR BA MED PAR SNYOMS PAR KHONG DU CHUD PA DANG, HA CANG ZHUM PA'I SGO NAS DUS CHUD GZON PAR MI BYED PA 'DI NI RNAM PA DANG PO'O, ,BDAG NI BRTZON 'GRUS BRTZAMS PA YIN GYI GZHAN GYI NI DE LTA MA YIN NO SNYAM DU NGES RLOM SEMS SU YANG MI BYED PA 'DI NI RNAM PA GNYIS PA'O, ,YANG DAG PAR BRTZON 'GRUS BRTZAMS PA'I 'BRAS BU 'JIG RTEN PA'I REG PA KHYAD PAR RTOGS NAS RO MYANG BA MED PA DANG LDAN PA'I BAG YOD PA 'DI NI RNAM PA GSUM PA'O, ,'DI LTA STE, PHYIN CHAD YONGS SU NYAMS PAR MI 'GYUR BAR BYA BA'I PHYIR BRTZON 'GRUS SNYOMS PA'I MTSAN MA LEGS PAR BZUNG BA NI BZHI PA'O, ,DE LTAR YANG DAG PA'I BRTZON 'GRUS BRTZON PA LA BRTEN NAS MTHAR GYIS DGRA BCOM PA ZAG PA ZAD PAS STON PA'AM TSANGS PA MTSUNGS PAR SPYOD PA MKHAS PA'I DRUNG DU BDAG NYID KYIS RNAM PAR GROL BA BRJOD PAR 'DOD PAS NI GNAS DRUG LA MOS PAS 'DI LTA STE, BSLAB PA GSUM DANG GANG ZAG LNGA'I SGO NAS DGRA BCOM PA YANG DAG PAR RJOD PAR BYED DO, ,GNAS DRUG LA MOS PA GANG ZHE NA, NGES PAR 'BYUNG BA LA MOS PA DANG, GNOD PA MED PA LA MOS PA DANG, DBEN PA LA MOS PA DANG, SRED PA ZAD PA DANG, NYE BAR LEN PA ZAD PA DANG, BRJED NGAS PA MED PA'I SEMS LA MOS PA'O, ,BSLAB PA GSUM PO RNAMS GANG ZHE NA, LHAG PA'I TSUL KHRIMS DANG, LHAG PA'I SEMS DANG, LHAG PA'I SHES RAB KYI BSLAB PA'O, ,GANG ZAG LNGA PO RNAMS GANG ZHE NA, SO SO'I SKYE BO KHYIM PA DAD PA TZAM LA BRTEN NAS NGES PAR 'BYUNG BAR NI MOS LA YID YUL GYIS BCINGS PAS NGES PAR 'BYUNG @222A *, ,BAR MI BYED PA 'DI NI GANG ZAG DANG PO'O, ,SO SO'I SKYE BO NGES PAR BYUNG BA'I TSUL KHRIMS TZAM LA RTEN CING LUS DANG, NGAG DANG, YID KYIS SEMS CAN RNAMS LA GNOD PA MI BYED PAR ZHUGS PA 'DI NI GANG ZAG GNYIS PA'O, ,RNYED PA DANG BKUR STI LA SRED PA SPANGS NAS TSE 'DI LA 'DOD PA'I 'DOD CHAGS DANG BRAL BA NI GANG ZAG GSUM PA'O, ,SLOB PA BZHI MTHONG BA NI BZHI PA'O, ,DGRA BCOM PA MI SLOB PA NI LNGA BA'O, ,DE LA GNAS DANG PO DANG, GNYIS PA LA MOS PA GNYIS NI BSLAB PA DANG PO LA BRTEN PAR RIG PAR BYA'O, ,GNAS GSUM PA LA MOS PA NI BSLAB PA GNYIS PA LA BRTEN PA'O, ,GZHAN PHYI MA GNAS GSUM PA LA MOS PA RNAMS NI BSLAB PA GSUM PA LA BRTEN PAR RIG PAR BYA'O, ,DE LA SHES PA GANG GIS NYON MONGS PA RNAMS SPONG BAR BYED PA DANG, NYON MONGS PA SPONG PA GANG YIN PA DE NI BRJED NGAS PA MED PA'I SEMS SO, ,DE LA YANG SRID PAR SKYE BA'I RGYU SPANGS PA'I PHYIR NA SRED PA ZAD PA'O, ,TSE 'DI LA YUL GYI NYON MONGS PA SPANGS PA'I PHYIR NI NYE BAR LEN PA ZAD PA'O, ,DE LA GANG ZAG DANG PO'I DAD PA DANG NGES PAR 'BYUNG BA LA MOS PA NI GCIG TU NGES PA MA YIN TE, PHYI MA LA THAMS CAD KYI THAMS CAD DU BRAL BAR 'GYUR BA DANG, GZHAN DU 'GYUR BA'I SKAL PA CAN YIN NO, ,GNYIS PA STE GNOD PA MED PA LA MOS PA YANG DE DANG 'DRA'O, ,GSUM PA STE DBEN PA LA MOS PA YANG DE DANG 'DRA'O, ,SLOB PA'I GNAS DRUG LA MOS PA NI PHYI MA LA 'BRAL BAR 'GYUR BA DANG, GZHAN DU 'GYUR BA'I SKAL PA MED MOD KYI 'PHAGS PA'I GNAS SU SKYES PA DE'I TING NGE 'DZIN DANG, DRAN PA DANG, SHES RAB KYANG LEGS PAR MA BSKOMS SHING YONGS SU MA SMIN PA DANG, 'DOD CHAGS DANG, ZHE SDANG DANG, GTI MUG RNAMS KYANG MA LUS PAR MA SPANGS PA'I PHYIR BYIS PA GZHON NU'I LTAR STOBS CHUNG BA YIN NO, ,DE'I SHES RAB STOBS CHUNG BA DANG, 'DOD CHAGS LA SOGS PA MA SPANGS PA'I PHYIR BRGYA LA LAN 'GA' BRJED NGAS PAR GYUR BAR YUL RAGS PA'I SNANG BA DANG PHRAD NA SLOB PA'I SEMS RNAM PAR GROL BA DANG, SHES RAB RNAM PAR @222B GROL BA ZIL DU BRLAGS NAS NYON MONGS BSKYED PAR BYED DO, ,DE BAS NA GANG ZAG DE YANG BYA BA DANG BCAS PA'I PHYIR YAN LAG DES DMAN PA YIN NO, ,DGRA BCOM PA'I GNAS DRUG LA GNAS PA GANG YIN PA DE NI LAM SHIN TU BSGOM PA'I PHYIR PHYI MA LA GZHAN DU 'GYUR BA'I RGYUR YANG MI 'GYUR NA 'BRAL BAR LTA GA LA 'GYUR, 'DOD CHAGS DANG, ZHE SDANG DANG, GTI MUG MA LUS PAR SPANGS PAS NI ZAD PA DANG, MI SKYE BA'I YE SHES THOB PA'I SRED PA DANG, NYE BAR LEN PA ZAD PA LA MOS PA YANG YONGS SU RDZOGS LA, DE'I SHES PA YANG RTAG TU GNAS PAR BYA BA DRUG GIS YONGS SU ZIN PA'I PHYIR BRGYA LA LAN 'GA' YANG SLOB PA BZHIN DU BRJED NGAS PA TZAM YANG MED DE DE BAS NA DGRA BCOM PA NI GNAS DRUG LA MOS PA DON DAM PA YONGS SU RDZOGS PA SHIN TU RNAM PAR DAG PA DANG LDAN GYI GZHAN NI MA YIN NO, ,DE BAS NA RNAM GRANGS DES BDAG LA YANG STOD PAR MI BYED LA SHES PA YANG RJOD PAR BYED DO, ,DE LA TING NGE 'DZIN GYI SPYOD YUL GYI DMIGS PA LA MI G-YENG BA'I TSUL GYIS NI NANG GI SEMS GNAS PA ZHES BYA'O, ,TING NGE 'DZIN SHIN TU YONGS SU GRUB PA'I PHYIR NI MI CHUNG BA'O, ,NYON MONGS PA THAMS CAD DANG BRAL BA'I PHYIR NI SHIN TU RNAM PAR DAG PA'O, ,SHES PA YONGS SU BYANG BA'I PHYIR NI LEGS PAR BSGOMS PA'O, ,'JIG PA RJES SU MTHONG BA'I PHYIR NI RO MYANG BA MED PA STE SEMS DE NI GCIG TU NGES PAR DGE ZHING KHA NA MA THO BA MED PA YIN NO, ,GANG ZAG NI 'DI GNYIS YIN TE, DBANG PO'I SGO MA BSDAMS PA DANG, SGO BSDAMS PA'O, ,SGO MA BSDAMS PA'I GANG ZAG GANG ZHE NA, JI LTAR 'DI NA KHA CIG YUL LA TSUL BZHIN MA YIN PA YID LA BYED CING DGA' BA'I GZUGS RNAMS LA 'DOD CHAGS KYI KUN NAS DKRIS PAS KYANG KUN NAS DKRIS LA MI DGA'I BA'I GZUGS RNAMS LA GNOD SEMS KYI KUN NAS DKRIS PAS KYANG KUN NAS DKRIS TE, YUL DE'I NYES DMIGS KYANG MI DRAN LA DRAN DU ZIN NA YANG NGES LEGS PAR MA BSGOMS PAS KUN NAS DKRIS PA DES ZIL GYIS NON TE, KUN NAS DKRIS PA SKYES ZIN PA YANG ZIL GYIS MNAN @223A *, ,PAR MI NUS PA DANG, SO SO'I SKYE BO YANG YIN TE, SLOB PA'I SEMS DANG SHES RAB RNAM PAR GROL BA MA THOB PA DANG, DES THOB TU ZIN NA YANG GONG DU MI SLOB PA'I SEMS DANG SHES RAB RNAM PAR GROL BA YANG DAG PA JI LTA BA BZHIN DU RAB TU MI SHES LA, MA SHES PAS SLOB PA'I SEMS DANG, SHES RAB RNAM PAR GROL BA YONGS SU RDZOGS PAR MI 'GYUR TE, DE LTAR DE'I BSGOMS PA'I STOBS LA MA BRTEN PAS NYON MONGS PA'I PHYOGS KYI GNAS NGAN LEN YANG DAG PAR MA BCOM PA DANG, SNGON SO SOR BRTAGS PA'I STOBS LA MA BRTEN PAS DRAN PA DANG LDAN PAR MA BYAS PA'I PHYIR DBANG PO'I SGO MA BSDAMS PAR RIG PAR BYA'O, ,DBANG PO'I SGO MA BSDAMS PA'I GANG ZAG NI RNAM PA GSUM DU RIG PAR BYA STE, KUN NAS DKRIS PA DANG SO SOR BRTAGS PA'I STOBS KYIS BSDUS PA'I GNYEN PO MED PA'O, ,BSGOMS PA'I STOBS KYIS BSDUS PA'I GNYEN PO MED PA'O, ,DE LAS BZLOG PA NI DKAR PO'I PHYOGS KYIS SGO BSDAMS PAR RIG PAR BYA'O, ,NYAN THOS NI 'DI LTA STE, DON RAB TU DBYE BA'I SGO NAS RNAM PA GNYIS KYIS STON PAS GSUNGS PA YANG DAG PA KHO NAR BRDA SPROD CING STON PAR BYED DE, GNYIS GANG ZHE NA, GANG KHO NA LA DGONGS TE GSUNGS PA'I DGONGS PA DE'I THOG TU PHEBS PAR BRDA SPROD PA DANG, DE BZHIN GSHEGS PA'I BSTAN PA NI SGO DU MA DANG LDAN ZHING RGYAS PA YIN NA GANG ZAG RNAMS KYI SPONGS PA YANG RNAM PA SNA TSOGS YOD DE, DE LA BRTEN NAS CHOS NYID DANG MI 'GAL BAR BRDA SPROD PA'O, ,DGE SLONG GSAR BU LEGS PAR GSUNGS PA'I CHOS 'DUL BA LA SHIN TU MNGON PAR DGA' BA'I RTAGS NI GNYIS YOD PAR RIG PAR BYA STE, LUS 'GYUR BA MED PA DANG, SEMS 'GYUR BA MED PA'O, ,DE DAG KHA DOG GSAL BAS BZHIN GYI MDONGS GSAL BA DANG LUS BRTAS PAS DBANG PO RGYAS PA NI LUS 'GYUR BA MED PA'O, ,NGAN DON TZAM GYIS CHOG SHES PA DANG SOGS PAR BYED PA'I 'DOD PA'I LONGS SPYOD SPANGS PA DANG, RIGS DANG KHYIM LA MI LTA BAS NA SEMS 'GYUR BA MED PA'O, ,GSUM PO 'DI DAG NI 'KHRIG PA'I 'DOD CHAGS KYI @223B GNYEN PO STE, 'KHRIG PA'I 'DOD CHAGS MA SKYES PA NI SKEYD PAR MI BYED PA DANG, SKYES ZIN PA NI SPONG BAR BYED PA STE, 'JUG PAR BYA BA MA YIN PA'I 'DU SHES YID LA BYED PA DANG, MI SDUG PA'I 'DU SHES YID LA BYED PA DANG DBANG PO'I SGO BSDAMS PA'O, ,DE LA DBANG PO'I SGO BSDAMS PA'I MDOR BSDUS PA DANG RGYAS PA NI 'DI LTA STE, NYAN THOS KYIS LAS 'BYUNG BA BZHIN DU RIG PAR BYA'O, ,DBANG PO'I SGO BSDAMS PAS NI BUD MED LA REG PA LAS LUS LEGS PAR BSRUNGS PA YIN NO, ,BUD MED MI MTHONG BA DANG MI THOS PA DANG MI DRAN PAS NI DBANG PO RNAMS LEGS PAR BSDAMS PA YIN NO, ,MTHONG NGAM THOS SAM DRAN DU ZIN KYANG SHAS CHER NYES DMIGS SU LTA BA DANG, YUN RING POR 'DRIS PAR BYAS PAS NI DRAN PA LEGS PAR GNAS PA YIN NO, ,DE LTAR LUS LEGS PAR BSRUNGS SHING DBANG PO LEGS PAR BSDAMS LA DRAN PA LEGS PAR GNAS PA DANG, 'JUG PAR BYA BA MA YIN PA'I 'DU SHES KYANG YID LA BYED PA DE NI SEMS RGOD BZHIN DU YANG NYON MONGS PAS ZIL GYIS MI NON TO, ,MI SDUG PA'I 'DU SHES KYANG YID LA BYED PAS NA SEMS MYUR DU 'GYUR BZHIN DU YANG NYON MONGS PAS ZIL GYIS MI NON TO, ,SDOM NI, RKYEN TZAM DANG NI RTOG PA DANG, ,SMON PA DANG NI RNAM KUN GYI, ,BSDAMS PA DANG NI MA BSDAMS DANG, ,'JUG PA DANG NI TSOGS BSAGS DANG, ,BSLAB PA PHUL DANG KUN DU CHAGS, ,DON LA MI MKHAS RGYUN LOG DANG, ,BYANG CHUB SEMS DPA'I KHYAD PAR DANG, ,GDAGS PA YANG NI THA MA YIN, ,REG PA'I SKYE MCHED DRUG PO RNAMS NI SNGON GYI LAS DANG NYON MONGS PA RNAMS DANG RANG GI SA BON GYI RGYUD LA 'PHANGS PA'I TSOR BA SKYE BA'I RKYEN TZAM DU 'GYUR TE DPER NA LAG GIS LEN PA NI SEMS KYI KUN NAS BSLANG BA'I 'BAD PAS 'PHANGS PA'I LAS LEN PA'I RKYEN TZAM GYI BYA BA BYED PA DE BZHIN DU 'DIR YANG RIG PAR BYA'O, ,DGE SLONG BAS MTHA'I GNAS MAL NA 'DUG CING DBEN PA NA GNAS PA LA GAL TE YUL RAGS SHING RTOG PA'I KUN TU 'KHRUG PA'I GNAS KYI SNANG BA YID LA BYED PAR GYUR NA BDUD KYI PHYOGS DANG MTHUN PA YIN TE, DE LA NI DGE SLONG GIS @224A *, ,SEMS GNAS PA RNAM PA DGUS YUL THAMS CAD DANG MTSUNGS PAR LDAN PA'I RTOG PA LAS SEMS BSDUS NAS GANG LA BRTEN NA YUL DE DAG GIS BZA' BAR 'GYUR BA'I RTOG PA GCIG KYANG SKYE BA'I SKABS MI 'BYED DO, ,DES NA YUL DE DAG GIS GNAS MI THOD PAS PHYIR LDOG PAR 'GYUR RO, ,DE DE'I TSE CHAGS PAR 'GYUR BA'I DNGOS PO LA 'DOD PA'I RTOG PAS RTEN PAR MI BYED LA GZHAN LA YANG GNOD SEMS DANG 'TSE BA'I RTOG PAS GNOD PAR MI BYED DO, ,TSE 'DI LA YANG MYA NGAN LAS 'DAS PA THOB PAR 'GYUR RO, ,MYA NGAN LAS 'DAS PA THOB NAS KYANG GZHAN DAG DANG 'THABS NAS RTZOD CING MI 'DUG STE, 'DI LTA STE, 'THABS NAS RTZOD PA 'DI NI 'PHAGS PA'I CHOS 'DUL BA LA SKUR BA 'DEBS PA YIN PA'I PHYIR RO, ,DE LTAR NA DE NI 'DI LAS PHYI ROL BA'I MU STEGS CAN RNAMS LTAR GTI MUG LAS SKYES PA'I RTOG PA LA YANG RTOG PAR MI BYED DO, ,DGE SLONG SNGON GYI YANG SRID PAR SKYE BAR 'GYUR BA'I SDUG BSNGAL GYI RGYU'I 'BRAS BU TSE 'DI'I REG PA'I SKYE MCHED DRUG LA GNAS PA NI YUL DRUG GIS BCOM PA BZHIN DU GAL TE YANG SRID PAR SKYE BAR BYA BA KHO NA'I PHYIR SMON NAS TSANGS PAR SPYOD PAR BYED NA, DE DE'I TSE NA PHYI MA LA YANG SRID PAR SKYE BAR 'GYUR BA'I SDUG BSNGAL GYI RGYU 'DUN PAS KYANG LHAG PAR BCOM PAR 'GYUR TE, TSE 'DI LA MYA NGAN LAS 'DA' BA LA BAR DU GCOD PAR BYED PA DANG, PHYI MA LA YANG DAL BA PHUN SUM TSOGS PA 'THOB PA NGES PA MED PA'I PHYIR RO, ,DE'I YANG SRID PAR SKYE BAR SMON PA DE NI 'CHING BA CHA PHRA ZHING MCHOG TU CHA PHRA BA YIN PAR RIG PAR BYA'O, ,DE CI'I PHYIR ZHE NA, SUM CU RTZA GSUM PA'I LHA RNAMS KYI LHA'I PHO BRANG NA LHA'AM LHA GANG YANG RUNG BA BTZON RAR BCING BAS BCINGS PA DAG YOD DO, ,DE DAG GI CHOS NYID NI 'DI YIN TE, BCINGS PA LAS GROL NAS NAM 'BROS PA'I BSAM PA MA SKYES KYI BAR DU NI LHA'I 'DOD PA'I YON TAN RNAMS KYIS RTZE ZHING 'DUG LA 'BROS PA'I SESM BSKYED MA THAG TU NI 'DOD PA'I YON TAN RNAMS LAS KYANG NYAMS PAR 'GYUR LA BDAG NYID KYANG BCING BAS BCINGS PAR MTHONG STE, DE DAG GI @224B SEMS BSKYED MA THAG TU BCINGS PA DE NI DUS CHA PHRA BA'I SGO NAS CHA PHRA BA YIN GYI RTOGS PAR DKA' BA'I CHA PHRA BA'I SGO NAS NI MA YIN TE GANG GI PHYIR BCINGS PAR GYUR NA BDAG NYID BCINGS PAR KHONG DU CHUD PA'I PHYIR RO, ,DGE SLONG YANG SRID PAR SKYE BA'I SEMS KYI SMON PAR BYED PA'I SEMS BSKYED MA THAG TU YANG BCING BAR 'GYUR LA BCINGS NAS KYANG BDAG NYID BCINGS SO SNYAM DU KHONG DU MI CHUD DE, DE BAS DE'I BCING BA NI DUS CHA PHRA BA'I SGO NAS KYANG RTOGS PAR DKA' LA MCHOG TU CHA PHRA BA'I SGO NAS KYANG MCHOG TU CHA PHRA BAR RIG PAR BYA'O, ,DGE SLONG DBANG PO SDOM PA LA ZHUGS PAS NI SDOM PA YANG RIG PAR BYA'O, ,SDOM PA MA YIN PA YANG RIG PAR BYA'O, ,'JIG RTEN PA'I SDOM PA CHUNG BA DANG, 'BRING DANG, CHEN PO YANG RIG PAR BYA'O, ,SLOB PA DANG MI SLOB PA'I SDOM PA YANG RIG PAR BYA'O, ,DE LA SDOM PA GANG ZHE NA, JI LTAR 'DI NA KHA CIG CHAGS PAR 'GYUR BA'I YUL RNAMS LA SEMS KUN NAS NYON MONGS PA CAN DU GYUR NA DANG DU MI LEN PA DANG, YANG DAG PAR NGES PAR BYED PA DANG, LEGS PAR TSAR GCOD PA DANG, SKYES ZIN PA YANG SPONG PAR BYED PA'O, ,SDOM PA MA YIN PA GANG ZHE NA, JI LTAR 'DI NI DGE SLONG ZHING PA LTA BU KHA CIG GIS SKYES BU DAM PA LA BRTEN PA DANG, TSUL BZHIN YID LA BYED PA LA BRTEN NAS YANG DAG PA'I YUL GYI ZHING LA DMIGS PA'I DGE BA'I RTZA BA'I LOG TOG KHA CIG SKYED PAR 'GYUR LA DE YANG 'DOD CHAGS SHAS CHE BA'I RANG BZHIN CAN ZHIG YIN TE, GNYEN PO LA YANG MA GOMS LA NGO TSA SHES PA DANG KHREL YOD PA DRAG PO YANG MED DE, YUL RAGS PA MNGON SUM DU SNANG BAR GYUR NE DA 'DOD CHAGS DRAG PO DANG, GNYEN PO LA MA GOMS PA DANG, NGO TSA SHES PA DANG KHREL YOD PA CHUNG NGU DES 'DOD CHAGS KYI KUN NAS DKRIS PA SKYE BA DANG DU LEN CING 'DOD CHAGS KYI KUN NAS DKRIS PA LAS SEMS KUN TU SRUNG BAR MI BYED PAS DE'I TSUL BZHIN MA YIN PA YID LA BYED PA DANG MTSUNGS PAR LDAN PA'I SEMS DE LO THOG LA ZA BA'I BA LANG BZHIN DU YUL GYI ZHING LA ZHUGS NAS DGE BA'I RTZA BA'I @225A *, ,LO TOG DE MA RUNG BAR BYED PA STE 'DI NI SDOM PA MA YIN PA'O, ,GZHAN YANG 'DI NA KHA CIG MYUR BA KHO NAR YID LA BYAS NAS YUL RNAMS GTONG BAR NI BYED NA, CI NAS PHYIN CHAD 'GRO BAR MI 'GYUR BA DE LTA BU'I NYES DMIGS KYANG MTHONG BA 'DI NI 'JIG RTEN GYI SDOM PA CHUNG NGU YIN NO, ,GZHAN YANG 'DI NA KHA CIG MYUR BA KHO NAR YANG YID LA BYAS NAS YUL RNAMS GTONG BAR BYED LA, CI NAS PHYIN CHAD 'GRO BAR MI 'GYUR BA'I NYES DMIGS KYANG MTHONG BA 'DI NI 'JIG RTEN PA'I SDOM PA 'BRING ZHES BYA'O, ,DE LA BRTEN NA SEMS GNAS PA RNAM PA DGU PO YID LA BYED PA RNAM PA BZHIS BSDUS PA RNAMS THOB PAR 'GYUR TE, 'DI LTA STE, NYAN THOS KYIS LAS 'BYUNG BA BZHIN NO, ,DE THOB NA SO SO'I SKYE BO 'DOD PA'I 'DOD CHAGS DANG BRAL BAR 'GYUR RO, ,SDOM PA LA ZHUGS PA'I RNAL 'BYOR BA SNGAR NI ZHING PA LTA BUR GYUR LA DA NI BDAG PAR GYUR BAS RGYAL PO LTA BU YIN NO, ,DES SNYOMS PAR 'JUG PA LAS BYUNG TSOR BA RAGS PA DANG PO THOB PA DE BAG MED PA'I GZHI DANG, GNAS SU GYUR BA CHEN PO YID PAR RIG NAS DAM PA'I CHOS THOS PA'I DBANG LAS BYUNG BA ZHI GNAS KYI SBUBS SU CHUD PA'I LHAG MTHONG BLON PO LTA BUR 'DUG PAS TSOR BA DE YANG RTEN CING 'BREL BAR 'BYUNG BA YIN PA DANG RTEN CING 'BREL BAR 'BYUNG BA YIN NA MI RTAG PA NYID YIN PAR KHONG DU CHUD DE, DE DE LAS NYES DMIGS KYI MTSAN MA DANG LDAN PA'I YID LA BYED PAS YID 'DOD CHAGS DANG BRAL BAR 'GYUR RO; ,'DOD CHAGS DANG BRAL NAS SNYOMS PAR 'JUG PA LA BRTEN PA'I BYE BRAG GIS NI THA DAD PA RNAM PA BCUR MTHONG LA, DUS KYI BYE BRAG GIS NI RNAM PA BRGYAD MTHONG NGO, ,DE LA SNYOMS PAR 'JUG PA LA BRTEN PA'I BYE BRAG NI 'DI LTA STE, RTOG PA DANG BCAS DPYOD PA DANG BCAS PA DANG, RTOG PA MED LA DPYOD PA TZAM DANG, RTOG PA YANG MED DPYOD PA YANG MED PA DANG, DGA' BA DANG LDAN PA DANG, BDE BA DANG LDAN PA DANG, BTANG SNYOMS DANG LDAN PA DANG, NYAMS PAR 'GYUR BA DANG, GNAS PA DANG, KHYAD PAR DU 'GRO BA DANG, NGES @225B PAR 'BYED PA'I CHA DANG MTHUN PA STE, RNAM PA 'DI DAG GIS TSOR BA SKYE BA DANG GNAS PA DANG 'GAG PA'I TSUL GYIS DUS LAS GYUR BA'I BYE BRAG RNAM PA BRGYA PHRAG DU MA MTHONG NGO, ,DES TSOR BA DE DAG GI MI RTAG PA NYID DANG 'JUG PA'I BYE BRAG SNA TSOGS RTOGS NAS MDOR BSDU NA MI RTAG PA NYID RNAM PA GSUM DU YONGS SU GCOD PAR BYED DE, 'DI LTA STE, RTEN DANG, KUN TU SPYOD PA DANG, RGYU'O, ,DE LA BSAM GTAN BZHI BA MAN CHAD KYI GZUGS KYI LUS GANG YIN PA DE NI TSOR BA'I RTEN TO, ,'DU SHES DANG TSOR BA 'GOG PA'I BAR GANG YIN PA DE NI 'DU SHES DANG TSOR BA RNAMS KYI KUN DU SPYOD PA'O, ,SRID PA'I RTZE MO MAN CHAD KYI SEMS PA DANG, 'DOD PA DANG, SMON PA GANG YIN PA DE NI PHYI MA LA TSOR BA'I RGYUR GYUR BA YIN TE CHOS 'DI DAG THAMS CAD NI RTEN CING 'BREL BAR 'BYUNG BA'I PHYIR MI RTAG PA YIN TE, DE LTAR NA DES TSUL BZHIN DU 'DOD CHAGS DANG BRAL BA'I SA THAMS CAD NYE BAR BRTAGS PA YIN TE, 'DI NI 'JIG RTEN PA'I SDOM PA CHEN PO'O, ,DE LA DANG PO GNYIS NI SO SOR BRTAGS PA'I STOBS KYIS BSDUS PA'I SDOM PA YIN NO, ,PHYI MA DE NI BSGOMS PA'I STOBS KYIS BSDUS SO, ,DE DE LTAR BAG YOD PA DANG SHES PA'I STOBS DANG LDAN TE, BDEN PA RTOGS PAS BDAG TU 'DZIN PA DANG, BDAG GIR 'DZIN PA MNGON DU 'GRO BA MTHONG BAS SPANG BAR BYA BA'I NYON MONGS PA THAMS CAD SPANGS NAS SLOB PA'I SDOM PA THOB PAR 'GYUR RO, ,DES SLOB PA'I SDOM PA DE NYID BSGOMS PAS NGA'O SNYAM PA'I NGA RGYAL SNGON DU 'GRO BA'I BSGOMS PAS SPANG BAR BYA BA'I NYON MONGS PA RNAMS SPANGS NAS MI SLOB PA'I SDOM PA THOB PAR 'GYUR TE, DE'I GONG NA KHYAD PAR DU 'PHAGS PA'I SDOM PA CHES LHAG PAR DANG CHES BZANG BA GZHAN MED DO, ,BSTAN PA 'DI LA ZHUGS PA'I DGE SLONG DBANG PO MA BSDAMS PA GANG YIN PA DE NI 'DI LTA STRE, TSE PHYI MA'AM, DE 'DI'I SDUG BSNGAL GYI SGO NNAS GCIG TU NGES PAR SDUG BSNGAL BAR 'GYUR RO, ,MI MDZE NAD CAN 'DAM BU'I SUL DU ZHUGS PA BZHIN DU DBANG PO MA BSDAMS PA DE 'DAM BU'I LO @226A *, ,MA LTA BU CHAGS PAR 'GYUR BA'I YUL RNAMS KYIS PHYI MA LA YANG SRID PAR SKYE BA'I SDUG BSNGAL CHA PHRA BA DANG LDAN PA YONGS SU BZUNG BAS DE'I LUS RNAM PAR GCOD PAR BYED PA DES NI KHONG DU MI CHUD DE DE LTAR NA TSE PHYI MA'I SDUG BSNGAL BAS SDUG BSNGAL BAR 'GYUR RO, ,DE DE LA CHAGS SHING ZHEN TE, NYES PA BYED PAR 'GYUR LA DE'I RGYUS NA DE DGON PA NA GNAS KYANG 'GYOD PA DANG YID LA GCAGS PA LAS BYUNG BA'I SDUG BSNGAL BA'I RTOG PA RTZVA KU SHA DANG TSER MA LTA BU DAG RKANG PA LA ZUG PA'I TSUL GYIS KUN DU SPYOD DE DES NA DGE 'DUN GYI NANG DU 'JIGS PA MED PAR 'ONG BA'AM, 'GRO BAR MI NUS SO, ,GAL TE DGE 'DUN GYI NANG DU 'ONGS NA YANG DE LA TSANGS PA MTSUNGS PAR SPYOD PA MKHAS PA RNAMS KYIS GZHI DE DANG, NYES PA DES GLENG BAR BYED LA DE LA NI BCAB PA'I BSAM PA YOD PAS MDZE NAD DE LTA BU'I SEMS KYIS DE DAG LA 'KHRUG CING MI DGA' BAR 'GYUR TE TSANGS PA MTSUNGS PAR SPYOD PA MKHAS PA RNAMS KYIS KYANG DE NGAN PA DANG, DGE SBYONG GI TSUL 'DOD PA MA YIN PAR RIG NAS LHAN CIG 'GROGS PA LAS YONGS SU SPONG BAR BYED DO, ,DE GONG NGAM DGON PAR SONG NA YANG TSE DANG LDAN PA 'DI NI 'DI LTAR SKYON CAN YIN NO, ,'DI LTAR BKA' BLO MI BDE BA'O, ,'DI LTAR CHOS BZHIN MA BYAS PA'O, ,KUN NAS NYON MONGS PA CAN DU GNAS PA'O, ,DAD PA RNAMS GZHAN DU 'GYUR BAR BYED PA'O, ,MA DAD PA RNAMS MA DAD PAR 'GYUR BAR BYED PA'O ZHES RNAM PAR SMOD DO, , DE LTAR NA TSE 'DI LA 'GYOD PA LAS GYUR PA DANG, 'KHRUG PA LAS GYUR BA DANG, YONGS SU SPONG BA LAS GYUR BA DANG, SMOD PA LAS GYUR BA'I SDUG BSNGAL NYAMS SU MYONG BAR 'GYUR TE, TSE PHYI MA LAS GYUR BA SNGA MA DANG GCIG TU BSDUS NAS SDUG BSNGAL 'BA' ZHIG NYAMS SU MYONG ZHES BYA'O, , DE LA SDOM PA MA YIN PA GANG ZHE NA, TSE 'DI DANG PHYI MA'I NYES DMIGS RNAM PA DE LTA BU GANG RGYU ZHING 'GRO BA'I YUL LAS TSUL BZHIN MA YIN PA'I MTSAN MA DANG, RTAGS 'DZIN PA'I 'DU SHES KYI LOG PA'I 'DU SHES DANG, GNAS SHING 'DUG PA LOG PA'I 'DU SHES SNGON DU 'GRO BA DE @226B DANG MTHUN ZHING DE DANG MTSUNGS PAR LDAN PA'I RTOG PA DANG, JI SKAD DU BSTAN PA'I NYES DMIGS DE THAMS CAD KYI THAMS CAD DU MI MTHONG BA DANG, NYES DMIGS MTHONG DU ZIN KYANG LAN MANG DU MA BYAS PA'I RGYUS RGYUD LA GNAS PA'I NYON MONGS PA'I PHYOGS SU GTOGS PA'I GNAS NGAN LEN 'DI LTA STE, GZUGS DANG SEMS KYI LUS SHIN TU SBYANGS PA'I LUS KYIS SEL BAR MI BYED PA STE, DE LTAR RNAM PA DE RNAMS KYI SGO NAS KUN NAS DKRIS PA DANG, BAG LA NYAL YOD BZHIN DU SO SOR BRTAGS PA DANG, BSGOMS PA'I STOBS KYIS GNYEN PO LA MI PHYOGS PA 'DI NI SDOM PA MA YIN PA YIN PAR RIG PAR BYA'O, ,DE LAS BZLOG PA NI SDOM PA YIN PAR RIG PAR BYA'O, ,SDOM PA DE NI RNAM PA GSUM GYIS THOB CING BSGOM PA YONGS SU RDZOGS PAR 'GYUR RO, ,GSUM GANG ZHE NA, THOG MA KHO NAR LEGS PAR GSUNGS PA'I CHOS 'DUL BA LA RAB TU BYUNG NAS YANG DAG PAR DBANG DU BYED PA DANG LDAN PA'I THOS PAS SROG CHAGS DRUG GZUNG BA DANG 'DRA BAR DBANG PO DRUG 'DZIN PAR BYED DO, ,BZUNG NAS KYANG TSUL BZHIN DU SEMS PAS THOB PA'I NI 'OG BSGOMS PA'I SNGA ROL GYI BAR SKABS SU NYES DMIGS YANG DAG PAR DPYAD PA'I TSUL GYIS SDOM PAR BYED DO, ,BAR SKABS SU BSDAMS NAS DBANG DU GYUR TAM MA GYUR PA BRTAG PA'I BSAM PAS YUL RNAMS LA SDUG PA'I MTSAN MAS 'JUG PAR BYED DE GAL TE DBANG DU MA GYUR BAS RANG RANG GI YUL LA YANG 'PHRO ZHING RGYUG LA 'DI LTA STE, NYES DMIGS LEGS PAR MTHONG BA'I PHYIR GCIG TU NGES PAR 'BROS KYANG MI NUS NA NI DE DAG DA DUNG LEGS PAR DUL BAR MA GYUR BA DANG, DBANG DU MA GYUR BAR RIG NAS LAN MANG DU SEMS PAS YID LA BYED PA MTHAR THUG PA LAS 'DAS NAS LUS SU GTOGS PA'I DRAN PA SGOM PAR BYED DO, ,DE LEGS PAR BSGOMS PAS SO SO'I YUL LA 'PHRO BAR MI 'GYUR TE LEGS PAR DUL BA DANG, DBANG DU GYUR BAR RIG PAR BYA'O, ,DGE SLONG SNGA NAS SHES RAB KYI TSOGS BSGRUBS PA NI DGE BA'I BSHES GNYEN PHUN SUM TSOGS PA DANG PHRAD NAS 'DU @227A *, ,BYED RNAMS KYI NYES DMIGS RNAM PA GSUM NYAN PAR BYED DE, TSE 'DI DANG, PHYI MA DANG, TSE 'DI DANG, PHYI MA'I 'O, ,DE LA 'BYUNG BA CHEN PO 'KHRUGS PA LA BRTEN PA'I NAD NI TSE 'DI'I NYES DMIGS SO, ,NGAN SONG GI 'DU BYED RGYUN CHAGS PAR BYED PA PA DANG, 'GRO BAR BYED PA'I NI TSE PHYI MA'I NYES DMIGS SO, ,SNGON GYI DANG TSE 'DI'I DGA' BA DANG 'DOD CHAGS LA BRTEN TE TSE 'DI DANG PHYI MA'I RGA SHI NI TSE 'DI DANG PHYI MA'I NYES DMIGS SO, ,DE GCIG TU BSDUS NA, 'DI LTA STE, BDE 'GRO DANG, NGAN 'GROR NGES PA'I SGO NAS SDUG BSNGAL RNAM PA GSUM DU 'GYUR TE, NAD KYI SDUG BSNGAL DANG, NGAN SONG GI SDUG BSNGAL DANG, RGA SHI'I SDUG BSNGAL LO, ,DES NYES DMIGS DE THOS NAS CHOS KYI RJES SU MTHUN PA'I CHOS LA NAN TAN DU SGRUB PA NA, BDEN PA RNAMS KHONG DU CHUD PAR 'GYUR RO; ,DE NAS BDAG MED PA SHES PA SHIN TU RNAM PAR DAG PAS KHANG STONG DU ZHUGS PA BZHIN DU NANG DANG PHYI ROL GYI SKYE MCHED RNAMS STONG PA NYID DU MNGON SUM DU BYED DO, ,DE DE'I TSE YUL LA BRTEN NAS BRJED NGAS PA LAS BYUNG BA'I NYON MONGS PA'I KUN NAS DKRIS PAS PHONGS PAR GYUR BAR SHES RAB KYIS RTOGS LA LHAG MA NYON MONGS PA'I BAG LA NYAL DANG SRED PA'I BAG LA NYAL LAS BDAG NYID NYON MONGS PA DANG BCAS PA DANG, SRED PA DANG BCAS PA DANG, SDUG BSNGAL DANG BCAS PA DANG, PHONGS PA DANG BCAS PA YIN PAR KHONG DU CHUD LA PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS NI NYON MONGS PA DANG SRID PA MA LUS PA LAS 'DAS PA DANG GCIG TU NGES PAR ZHI BA YIN NO SNYAM DU KHONG DU CHUD DO, ,DE'I 'OG TU LHAG MA MED PA'I MYA NGAN LAS 'DAS PA KHONG DU CHUD DO, ,SNGA MA RTZVA DANG, YAL GA DANG, LO MA DANG, CHINGS MA LTA BU'I THOS PAS CHOS KYI RJES SU MTHUN PA'I CHOS NAN TAN DU BSGRUB PAS 'PHAGS PA'I LAM YANG DAG PAR BSGRUB PA GZINGS LTA BU DE LA BRTAN NAS BSGOM PA'I LAM LA YANG DAG PAR 'BAD PAR BYED DE MTHAR GYIS SEMS SHIN TU RNAM PAR GROL ZHING PHUNG PO'I @227B LHAG MA DANG BCAS PA'I MYA NGAN LAS 'DAS PA'I DBYINGS SU GNAS PA THOB PAR 'GYUR TE, GNAS PA THAMS CAD LAS KYANG YONGS SU THAR BAR 'GYUR LA DE LA GNAS NA MTHAR THUG CING SDUG BSNGAL GYI PHA ROL TU PHYIN PAR RIG PAR BYA'O, ,LEGS PAR GSUNGS PA'I CHOS 'DUL BA LA RAB TU BYUNG BA NI RGYU BDUN GYIS BSLAB PA PHUL NAS NYAMS PAR 'GYUR BA'I RGYUR 'GYUR TE, BDUN GANG ZHE NA, SO SO'I SKYE BO YIN LA SO SO'I SKYE BO'I SA LAS MA 'DAS PA NYE BAR LEN PA'I PHUNG PO LNGA SDUG BSNGAL GYI CHOS CAN LAN LNGAR BSGYUR BA YANG DAG PAR MI SHES PA DANG, SO SO'I SKYE BOR GYUR BA 'DOD PA RNAMS LA NYES DMIGS CHEN POR MA MTHONG BA DANG, RGYU ZHING 'GRO BA DANG GNAS SHING 'DUG PA NA BAG MED PAR BYED DE CHAGS PAR 'GYUR BA'I YUL RNAMS LA TSUL BZHIN MA YIN PA'I MTSAN MA 'DZIN PAR BYED PA DANG, DRAN PA MI GNAS PA'I PHYIR DGE BA'I PHYOGS KYI TSER MA LTA BU'I RTOGS PA RNAMS LA TSUL BZHIN MA YIN PAR RTOG PA DANG, SNYING STOBS CAN MA YIN TE, DE RGYAL PO'AM DBANG YOD PA 'GA' ZHIG GIS BKUG NA 'JIGS PAS 'GRO BA DANG, SRED PA'I NGANG CAN NYE DU LA LTA BA YIN TE, DE BOS NA SRED PAS 'GRO BA DANG CHAGS PAR 'GYUR BA DANG, ZHE SDANG BAR 'GYUR BA DANG, GTI MUG PAR 'GYUR BA'I YUL LA NYON MONGS PA'I KUN NAS DKRIS PA DRAG PO SKYED PAR BYED PA DANG, SEMS KYI RGYUD DE LA RJES SU 'BREL BA DANG DMA' BA LA MOS PA YIN TE, 'DI LTA STE, NGES PAR 'BYUNG BA DANG, DBEN PA DANG, MYA NGAN LAS 'DAS PA RGYA CHEN PO LA MA DAD PA'O, ,DE YANG DMA' BA LA MOS PAS SEMS YUL LA GZHOL BAR 'GYUR RO, ,PHA MA LA SOGS PA'I RDZAS THAMS CAD LA MI LTA BAS DBEN PA LA GZHOL BAR MI BYED DO, ,'PHAGS PA'I LAM YAN LAG BRGYAD LA MOS PAS NGES PAR 'BYUNG BA LA GZHOL BAR MI BYED DO, ,DE'I 'BRAS BU NYON MONGS PA SPONG BA LA MOS PAS MYA NGAN LAS 'DAS PA LA GZHOL BAR MI BYED DO, ,ZAG PA THAMS CAD NI MTHONG BAS SPANG BAR BYA BA DANG, BSGOM PAS SPANG BAR BYA BA'I @228A *, ,GNAS GNYIS KYIS BSDUS TE, DE LA TSUL BZHIN MA YIN PA YID LA BYED PA DANG, DMIGS PA NI ZAG PA'I GNAS KYI CHOS ZHES BYA'O, ,DE LA SLOB PA'I BSGOM PAS SPANG BAR BYA BA'I ZAG PA KUN NAS SLONG BAR BYED PA'I TSUL BZHIN MA YIN PA YID LA BYED PA DANG DMIGS PA SHES RAB KYIS RTOGS LA SPANGS PA NI MA SPANGS PA'I PHYIR ZAG PA'I GNAS KYI CHOS DE LA SEMS ZHI BAR 'GYUR RO, ,BRJED NGAS PA'I DBANG LAS GYUR BA'I KUN NAS DKRIS PA ZHAN PA'I PHYIR NI BSIL BAR MA GYUR CING TSANGS PAR MA GYUR TO, ,MTHONG BAS SPANG BAR BYA BA KUN NAS SLONG BA'I ZAG PA THAMS CAD KYI THAMS CAD DU SPANGS PAS NI BSIL BAR GYUR BA YIN NO, ,PHYI MA LA MI SKYE BA'I CHOS CAN YIN PAS NI TSANGS PAR GYUR BA NI MA YIN NO, ,DMA' BA LA MOS PA SO SO'I SKYE BO DE NI ZAG PA'I GNAS KYI CHOS RNAMS LA ZHI BA NYID DU MA GYUR BAS BSIL BAR MA GYUR CING TSANGS PAR MA GYUR TE, LEGS PAR GSUNGS PA'I CHOS 'DUL BA LA RAB TU BYUNG BA NI RGYU BDUN PO 'DI DAG GIS BSLAB PA PHUL BA NAS NYAMS PAR 'GYUR BA'I RGYUR 'GYUR RO, ,DE LAS BZLOG PA DKAR PO'I PHYOGS KYI RGYU BDUN PO DE DAG GIS NI LEGS PAR GSUNGS PA'I CHOS 'DUL BA LA RAB TU BYUNG BA BSLAB PA PHUL NAS NYAMS PAR 'GYUR BA'I RGYUR MI 'GYUR RO, ,KUN DU CHAGS PA'I GNAS NI BZHI YOD DO, ,DGE SLONG GIS DE DAG LA BRTEN NA LOG PAR BSGRUB PA RNAM PA BZHIR 'GYUR BAR RIG PAR BYA STE; BZHI GANG ZHE NA, 'DI LA DGE SLONG NANG GI SKYE MCHED LA SRID PAS YANG SRID PAR SKYE BA LA MNGON PAR DGA' LA TSE 'DI LA MYA NGAN LAS 'DA' BAR 'GYUR BA LA NI MNGON PAR MI DGA' BA 'DI NI KUN DU CHAGS PA'I GNAS DANG PO'O, ,GZHAN YANG DGE SLONG PHA MA LA SOGS PA PHYI ROL GYI RDZAS SNGAR SPANGS PA RNAMS LA LTA ZHING SEMS THOGS PA 'DI NI KUN DU CHAGS PA'I GNAS GNYIS PA'O, ,GZHAN YANG 'DI NA KHA CIG TSE 'DI LA RNYED PA DANG BKUR STIS DGA' ZHING RNYED PA DANG BKUR STI LA LHAG PAR ZHEN PA 'DI NI KUN DU CHAGS PA'I GNAS @228B GSUM PA'O, ,GZHAN YANG 'DI NI KHA CIG SLOB PA GZHI MTHONG BA YIN TE, DE NGA'O SNYAM PA'I NGA RGYAL TZAM ZHIG LUS LA CUNG ZAD SRID PA DANG LDAN PA LHAG PAR BTANG SNYOMS SU BYAS PAS BAG MED PAR GNAS PA 'DI NI KUN DU CHAGS PA'I GNAS BZHI BA'O, ,LOG PAR SGRUB PA BZHI GANG ZHE NA, DANG PO STE YANG SRID PAR SKYE BAR 'DOD KYI TSE 'DI LA YONGS SU MYA NGAN LAS 'DA' BAR 'GYUR BA MI 'DOD PA'I GANG ZAG GANG YIN PA DANG, SLOB PA'I BAG MED PA GANG YIN PA STE, DE LTAR KUN DU CHAGS PA'I GNAS DE NI DBANG DU BYAS NAS KHYIM NA GNAS PA DANG RAB TU BYUNG BA RNAMS DANG 'DRE BAR GNAS PA 'DI NI LOG PAR SGRUB PA DANG PO'O, ,YANG SRID PAR SKYE BAR 'DOD PA'I GANG ZAG NYID KYI YANG SRID PAR SKYE BAR 'DOD PA'I DBANG DU BYAS TE SMON NAS TSANGS PAR SPYAD PAR SPYOD PA 'DI NI LOG PAR BSGRUB PA GNYIS PA'O, ,PHYI ROL GYI RDZAS SNGAR SPANGS PA RNAMS LA LTA BA DANG BCAS PAS KUN DU CHAGS PA'I GNAS DE'I DBANG DU BYAS TE, BSLAB PA PHUL NAS NYAMS PAR 'GYUR BA 'DI NI LOG PAR SGRUB PAR GSUM PA'O, ,DE LTAR GYI DUS KYI SGO NAS RNYED PA DANG, BKUR STIS DGA' BAR 'GYUR LA RNYED PA DANG, BKUR STI LA LHAG PAR ZHEN PA'I GANG ZAG NI KUN TU CHAGS PA'I GNAS DE'I DBANG DU BYAS NAS TSUL KHRIMS 'CHAL BAR 'GYUR BA NAS RGYAS PAR LUNG GONG LTAR KUN DU SPYOD PA'I BAR DU SBYAR TE, DE NI RNYED PA DANG BKUR STI LA LTA BA DES BSLAB PA YANG 'BUL BAR MI BYED LA GANG GIS 'CHAL BA'I TSUL KHRIMS 'CHAGS PAR BYED PA'I KHA NA MA THOB LA YANG MI LTA BA 'DI NI LOG PAR SGRUB PA BZHI PA'O, ,DGE SLONG DON LA MI MKHAS PA NI DON GCIG LA TSIG GI RNAM PA SNA TSOGS SU 'DUG PA'I GTAM GZHAN DAG LAS THOS NA 'DI LA GANG BDEN ZHIG GU SNYAM DU YID GNYIS ZA ZHING MA RANGS PAR 'GYUR RA, ,BZHI PO 'DI DAG NI YE SHES GZIGS PA RNAM PAR DAG PAS BRTAG PA'I SGO YIN TE, BZHI GANG ZHE NA, 'DI LTA STE, SDUG BSNGAL GSUM BRTAG PA LA BRTZON PA'I TSOR BA RNAMS 'BYUNG BA'I RGYU LA YANG DAG PA JI LTA BA BZHIN DU SHES PA DANG, RTEN DANG, GZHI @229A *, ,DANG; GNAS KYI RGYU YANG DAG PAR SHES PA DANG, DE BZHIN DU GNAS PA'I RGYU YANG DAG PAR SHES PA DANG, DE BZHIN DU RTEN DANG, DMIGS PA DANG, RANG BZHIN DANG, GROGS THAMS CAD DANG, BDE BA DANG, SDUG BSNGAL BA DANG, SDUG BSNGAL BA YANG MA YIN BDE BA YANG MA YIN PA'I GNAS KYI 'DU BYED RNAMS LA YANG DAG PA'I SHES PA'O, ,DE BZHIN GSHEGS PA NI RGYU GNYIS KYIS GANG ZAG DON LA MI MKHAS PA DANG, YID GNYIS ZA BA 'DUL BAR MDZAD DE, 'DI LTA STE, YID GNYIS SPANGS PA'I PHYIR TSIG DANG, NGES PA'I TSIG THA DAD PA STON PAR MDZAD KYI DON THA DAD PA NI MA YIN NO, ,BSTAN PA'I DON RGYAS PAR YANG GLENG BAR MDZAD DE DES NA DES DON MNGON PAR SHES PAR 'GYUR RO, ,BSTAN PA 'DI'I DON RGYAS PA GANG ZHE NA, TSOGS KYI SA YAN CHAD ZAG PA ZAD PA MAN CHAD LA NI BSTAN PA'I DON RGYAS PA ZHES BYA'O, ,DE LA DE BZHIN GSHEGS PA'I 'DUL BA THA MA'I DBANG PO YONGS SU SMIN PA LA GNAS PA NI CHOS BDAG MED PA DANG LDAN PA DANG LEGS PAR BZUNG ZHING BRTAN POR GYUR PA THOS PA DANG BSAMS PA LAS BYUNG BA'I YANG DAG PA'I LTA BA DANG LDAN TE, DE LA BRTEN CING DE LA GNAS NAS GCIG PU DBEN PA NA 'DUG STE, NANG DANG PHYI ROL GYI SKYE MCHED RNAMS LA DMIGS PA BCAS NAS RNAM PAR SHES PA'I GNAS BZHI PO RNAMS KYI NYE BAR LEN PA DANG BCAS PA'I RNAM PAR SHES PA SPANG BA'I PHYIR LUS SU GTOGS PA'I DRAN PA ZHI GNAS DANG LHAG MTHONG GIS YONGS SU ZIN PA SGOM PAR BYED DE KUN DU BRTEN PA'I RGYUS RNAM PAR SHES PA'I GNAS DANG PO LA YANG DAG PA JI LTA BA BZHIN DU DMIGS SHING MNGON PAR RTOGS PA NYE BAR GYUR BA'I ZHI GNAS DANG LHAG MTHONG ZUNG DU SKYE BAR 'GYUR RO, ,DE'I 'OG TU BDEN PA RNAMS KYANG KHONG DU CHUD PAR 'GYUR LA JI LTAR THOB PA'I LAM BSGOM PA'I SGO NAS KYANG RJES SU 'GRO ZHING ZAG PA ZAD PA THOB PAR 'GYUR RA, ,RNAM PAR SHES PA'I GNAS DANG PO LA YANG DAG PA JI LTA BA BZHIN DU DMIGS PA DE BZHIN DU RNAM PAR SHES PA'I GNAS BZHI BA'I BAR DU YANG DE DANG 'DRA BAR RIG PAR @229B BYA'O, ,SNGA MA BZHIN DU DBANG PO'I SGO MA BSDAMS PA'I GANG ZAG NYON MONGS PA'I KUN NAS DKRIS PA LA MNGON DU PHYOGS PA 'JIG RTEN DANG, 'JIG RTEN LAS 'DAS PA'I SO SOR BRTAGS PA DANG, BSGOMS PA'I STOBS DANG, GNYEN PO MED PA NYON MONGS PA BYUNG BA DANG DU LEN PA'I NGANG TSUL CAN LA NI BDUD KYIS 'DI NI DANG DU LEN PA'I NGANG TSUL CAN YIN NO SNYAM DU RIG NAS YUL RNYED PA'I TSUL GYIS 'ONG BAR 'GYUR TE, DES DE LTAR NYON MONGS PA DANG DU LEN PA'I NGANG TSUL CAN GYI GANG ZAG LA 'JUG PA'I GLAGS DANG DE'I RGYUD LA GNAS PAR 'GYUR BA'I DMIGS PA RNYED PAR 'GYUR RO, ,DBANG PO'I SGO MA BSDAMS PA'I GANG ZAG DE YANG MYA NGAN LAS 'DAS PA LA 'DUN PA'I SHAS CHUNG ZHING 'DOD PA'I SHAS CHUNG BAS 'DAM BU DANG, RTZVA SKAM PO'I KHYIM DANG 'DRA STE DER BDUD KYIS CHAGS PAR 'GYUR BA'I YUL GYI ME'I RTZVA'I MGYOGS ME BTANG NA GNAS THOB PAR 'GYUR TE, DE NI KUN NAS DKRIS PA MA SKYES PA BSKYED PA DANG, SKYES ZIN PA RGYUN DU GNAS PAR BYED PA'I RGYU GNYIS KYIS YUL RNAMS KYIS ZIL GYIS NON PAR 'GYUR RO, ,DE YUL GYI SRID PA DES ZIL GYIS NON NAS YUL YONGS SU TSOL BAR BYED CING MI DGE BA LHAG PAR SPYOD LA LOG PAR BSGRUB PA NA SNGA MA BZHIN DU SDIG PA MI DGE BA'I CHOS RNAMS KYIS ZIL GYIS NON PAR 'GYUR RO, ,LOG PAR BSGRUB PA NI LAM LOG PAR 'GRO BA YIN TE, RGYUN LOG PAR ZHUGS PA LA NI RGYUN LOG PA ZHES BYA'O, ,DE LAS BZLOG PA'I DKAR PO'I PHYOGS NI RGYUN MA LOG PAR RIG PAR BYA'O,, ,,RNAL 'BYOR SPYOD PA'I SA LAS GZHI BSDU BA, BAM PO BCU GCIG PA, SRID PA THA MA PA'I BYANG CHUB SEMS DPA'I YANG DAG PAR NAN TAN DU BSGRUB PA'I LAM DANG, 'BRAS BU'I LAM NI RNAM PA BRGYAD KYIS BSDUS TE, NYAN THOS KYI THEG PA LAS KHYAD PAR DU 'PHANGS SHING GONG NA MED PAR RIG PAR BYA'O, ,BRGYAD GANG ZHE NA, SNYING BRTZE BA DANG, BDAG NYID MNGON PAR SPRO BA DANG, CHOS SPYOD PA BZOD PA DANG, NGES PAR 'BYUNG BA DANG, BDAG NYID KYIS BDEN PA SPYOD PA @230A *, ,YANG DAG PAR RTZOM PA DANG 'JIG RTEN PA'I YANG DAG PA'I LTA BA RGYA CHEN PO LEGS PAR BSGOMS PA MNGON SUM DU BYED PA DANG, BYANG CHUB KYI PHYOGS KYI CHOS ZAG PA MED PA RNAMS 'THOB PA LA BRTEN NAS BSIL BA'I RANG BZHIN THOB PA DANG, BYANG CHUB KYI YAN LAG BSGOM PA RNAM PAR DAG PA DANG LDAN PA'I BSGOM PA'I LAM DANG, GNAS DRUG BSGOM PA YONGS SU RDZOGS PA LA BRTEN NAS BLA NA MED PA'I PHUN SUM TSOGS PA RNAM PA DRUG THOB PA'O, ,DE LA SRID PA THA MA'I BYANG CHUB SEMS DPA' YUN RING PO NAS SEMS CAN LA SNYING BRTZE BAS SEMS YONGS SU BSGOMS PAS SRID PA'I CHU KLUNG GI RGYUN PHYOGS SU KHYER ZHING BYIS PA RNAMS RNAM PA LNGAS SDUG BSNGAL BA MTHONG NAS SNYING RJE BAR BYED DO, ,LNGA GANG ZHE NA, DES SRID PA'I CHU KLUNG RTOG PA NGAN PA'I MI SDUG PA'I CHUS 'DUS TE REG PA DANG LDAN PA DE MTHONG STE; NANG DANG PHYI ROL GYI SKYE MCHED DANG, 'DOD CHAGS DANG, ZHE SDANG DANG, GTI MUG GI ME'I ME MA MUR GYI 'GRAM GNYIS DANG LDAN LA ZHUGS SU NI 'DOD PA'I KHAMS KYI SDUG BSNGAL MANG PO DANG, GNOD PA MANG PO DANG TSER MA SNA TSOGS BTING BA DANG, BAR NA NI GZUGS KYI 'JIG RTEN PA'I SHES RAB KYI MIG MED PAS LDONGS PA DANG, STENG NA NI 'JIG RTEN PA'I SHES RAB KYI MIG YONGS SU RDZOGS KYANG 'PHAGS PA'I SHES RAB KYI MIG MED PAS MUN PA MUN NAG TU GYUR BAR YANG DAG PAR MTHONG STE, DE LTAR SRID PA'I CHU KLUNG DE REG PA DANG 'GRAM DANG ZHABS DANG BAR DANG STENG GANG GI SGO NAS KYANG RAB TU MA ZHI BAR MTHONG NAS DER SEMS CAN LHUNG BA RNAMS LA SNYING RJE CHEN PO SKYE BA GANG YIN PA 'DI NI SNYING BRTZE BA ZHES BYA'O, ,SNYING BRTZE BA DE DANG LDAN PA DE NI RGYAL PO'I PHO BRANG NGAM, MDUN NA 'DON PA'I KHYIM DU SKYES TE, KHYIM PAR 'DUG BZHIN DU BDAG NYID MNGON PAR SGRO BA SKYES NAS GO 'PHANG GI MCHOG RTOGS PAR BYA STE, BDAG NI PHYIR LDOG PAR MI BYA'O, ,TSANGS PAR SPYOD PA'I MCHOG TU 'GRO'O SNYAM PA 'DI NI DE'I BDAG NYID KYI MNGON PAR SPRO BA YIN NO, ,DE YANG KHYIM NAS MA BYUNG BZHIN DU GCIG PU LKOG DBEN PAR @230B SONG STE SHING 'DZAM BU'I GRIB MA LA 'DUG NAS BSAM GTAN DANG PO LA SNYOMS PAR 'JUG STE, DE BDAG DANG GZHAN LA YANG RGA BA DANG, NA BA DANG, 'CHI BA'I CHOS CAN YIN PAR YANG DAG PAR RTOG CING BZOD PA 'DI NI DE'I BDAG NYID KYIS CHOS SPYOD PA BZOD PA YIN NO, ,DE SNGON GYI DGE BA'I RTZA BAS BSKUL BA DANG, CHOS SPYOD PA BZOD PA LA MNGON PAR SPRO BA DE'I DBANG DU BYAS NAS 'DOD PA RGYA CHEN PO SPANGS TE NGES PAR BYUNG NAS TSANGS PAR SPYOD PA BCAS PA MED BZHIN DU RANG NYID KYIS TSUL KHRIMS YANG DAG PAR LEN PAR BYED DO, ,TSUL KHRIMS DE DAG LA BRTEN NAS KYANG 'DU SHES MED 'DU SHES MED MIN SKYE MCHED KYI BAR DU SNYOMS PAR 'JUG PA 'DI NI DE'I NGES PAR 'BYUNG BA ZHES BYA'O, ,DE MOS PAR MA GYUR NAS 'JIG RTEN PA'I LAM DE BOR TE, NGES PAR 'BYUNG BA'I PHYIR SNGON GYI YANG DAG PAR RDZOGS PA'I SANGS RGYAS RNAMS LAS BLA NA MED PA'I NGES PAR 'BYUNG THOS NAS MOS PAR RGYUD YONGS SU BSGOM PA'I PHYIR BYANG CHUB KYI SHING DRUNG DU SONG NAS, SNGA MA'I RGA BA DANG, NA BA DANG, 'CHI BA'I BRTAGS PA DE 'BA' ZHIG LAM YIN PAR 'DZIN CING DE NYID LA BDEN PA'I RNAM PAR BRTAG PAR RTZOM STE, KYE MA 'JIG RTEN 'DI NI NYAM NGA BAR ZHUGS PA YIN TE, 'DI LTA STE, SKYE YANG SKYE, RGA YANG RGA, 'CHI YANG 'CHI MOD KYI 'ON KYANG SEMS CAN 'DI DAG NI RGA BA DANG, 'CHI BA'I GONG DU NGES PAR 'BYUNG BA YANG DAG PA JI LTA BA BZHIN DU RAB TU MI SHES SO SNYAM NAS, DE MTHAR GYIS RGA BA DANG; 'CHI BA KUN 'BYUNG BA DANG, RGA BA DANG, 'CHI BA 'GAG PA DANG, RGA BA DANG 'CHI BA 'GAG PAR 'GYUR BA'I LAM TSUL BZHIN YID LA BYED PA LA BRTEN PA DANG, TSOGS CHEN PO YANG DAG PAR BSGRUBS PAS LHAN CIG SKYES PA'I BLOS CHOS RNAMS GNAS PA'I DBYINGS YONG GI GNAS PA LAS BRTZAMS PA 'DI NI DE'I BDAG NYID KYIS BDEN PA SPYOD PA YANG DAG PAR RTZOM PA ZHES BYA'O, ,DE GONG DU ZAG PA ZAD PAR BYA BA LA SBYOR BAR 'DOD NAS SNGON GYI YANG DAG PAR RDZOGS PA'I SANGS RGYAS RNAMS LAS ZAG PHA ZAD PAR BYA BA'I LAM THOS PA DANG, BSAMS @231A *, ,PAS YUN RING PO NAS 'DRIS PAR BYAS PA'I 'JIG RTEN PA'I YANG DAG PA'I LTA BA GANG YIN PA DE BSGOMS NAS DE SNGON GYI GNAS RJES SU DRAN PA'I SHES PAS MNGON SUM DU BYED DE, DE NI DE'I MAN NGAG LTA BU YIN TE, DE LA BRTEN CING DE'I RJES SU SONG NA STAN GCIG LA 'DUG BZHIN PAS ZAG PA ZAD PA MAN CHAD 'THOB PAR 'GYUR TE, 'DI NI DE'I YANG DAG PA'I LTA BA RGYA CHEN PO LEGS PAR BSGOMS PA MNGON SUM DU BYED PA ZHES BYA'O, ,DE YANG DAG PA'I LTA BA GDAMS NGAG LTA BU DE NYID KYI RJES SU SONG BAS THOG MA KHO NAR CI YANG MED PA'I SKYE MCHED KYI 'DOD CHAGS DANG BRAL TE BDEN PA MNGON PAR RTOGS PA'I MOD LA ZAG PA MED PA BYANG CHUB KYI PHYOGS SU GTOGS PA'I CHOS DRAN PA NYE BAR GZHAG PA LA SOGS PA NAS 'PHAGS PA'I LAM YAN LAG BRGYAD PA MAN CHAD KHONG DU CHUD PAR 'GYUR RO, ,MAN CHAD SMOS PAS NI SNGA MA THAMS CAD KYANG RTOGS PAR BYAS PA YIN NO, ,DES DE DAG THOB PAS PHYIR MI 'ONG BAR 'GYUR TE, 'DI NI ZAG PA MED PA BYANG CHUB KYI PHYOGS SU GTOGS PA'I CHOS RNAMS THOB PA'I PHYIR DE'I BSIL BA'I RANG BZHIN THOB PA ZHES BYA'O, ,DES DE LTAR 'JIG RTEN PA'I BDE BA KHYAD PAR DU 'PHAGS PA THOB NAS ZAG PA MED PA'I BDE BA THOB CING BSIL BA'I RANG BZHIN THOB PAS NI RIMS NAD MED PA'O, ,'JIG RTEN PA'I LAM GYIS CI YANG MED PA'I SKYE MCHED MAN CHAD DANG LDAN PA'I NYON MONGS PA DANG BRAL BA DANG, MTHONG BAS SPANG BAR BYA BA'I NYON MONGS PA DANG BRAL BAS NA YONGS SU GDUNG BA MED PA'O, SRID PA'I RTZE MO DANG LDAN PA'I NYON MONGS PA MA LUS PAR SPANGS PA'I PHYIR YANG GCIG TU NGES PAR ZAG PA MED PA'I LAM 'DI LTA STE, BYANG CHUB KYI YAN LAG BSGOM PA GONG NA MED PAS SBYOR BAR BYED DE, 'DI NI DE'I BSGOM PA'I LAM YANG DAG PAR RTZOM PA BLA NA MED PA ZHES BYA'O, ,BSGOM PA DES NA MI SLOB PA'I SA LA DE'I CHOS DRUG BSGOM PA YONGS SU RDZOGS PAR 'GYUR TE, 'DI LTA STE, 'PHAGS PA'I RDZU 'PHRUL BSGOM PA YONGS SU RDZOGS PAR 'GYUR BA DANG, DBANG PO LNGA YONGS SU RDZOGS PAR 'GYUR BA DANG, NYON @231B MONGS PA'I BAG CHAGS DANG BCAS PA MA LUS PA DANG BRAL BA 'THOB PA DANG, TSE 'DI LA BDE BAR GNAS PA BZHI DANG, 'JIG RTEN PA'I BSAM GTAN DANG, RNAM PAR THAR PA DANG, TING NGE 'DZIN DANG, SNYOMS PAR 'JUG PA RNAMS DANG, CHOS BSTAN PA LA MING GI TSOGS DANG, TSIG GI TSOGS DANG, YI GE'I TSOGS RNAMS LA CI 'DOD PA THOB PA DANG, DKA' BA MED PA THOB PA'O, ,DE LA MYA NGAN LAS 'DAS PA LA BSAM PA RNAM PAR DAG PA THOB PA'I PHYIR NI DAD PA'I DBANG PO BSGOM PA YONGS SU RDZOGS PAR 'GYUR RO, ,SEMS CAN GYI DON BYA BA LA MNGON PAR SPRO BA SHIN TU RNAM PAR DAG PA'I PHYIR NI BRTZON 'GRUS KYI DBANG PO'O, ,DRAN PA NYE BAR GZHAG PA RNAM PA GSUM LA BRJED NGAS PA MED PA'I CHOS NYID SHIN TU RNAM PAR DAG PA'I PHYIR NI DRAN PA'I DBANG PO'O, ,'PHAGS PA DANG LHA DANG TSANGS PA'I GNAS PA SHIN TU RNAM PAR DAG PA'I PHYIR NI TING NGE 'DZIN GYI DBANG PO'O, ,SHES PA BCU'I STOBS SHIN TU RNAM PAR DAG PA'I PHYIR NI SHES RAB KYI DBANG PO BSGOM PA YONGS SU RDZOGS PAR 'GYUR TE, DE GNAS DRUG PO DE DAG BSGOM PA YONGS SU RDZOGS PAR GYUR PA'I RGYUS CHOS KYI RGYAL PO PHUN SUM TSOGS PA RNAM PA DRUG BRNYES PA'I RGYAL POR 'GYUR TE, 'PHAGS PA'I RDZU 'PHRUL GYI SGO NAS NI NOR GYI DBANG PHYUG RGYA CHEN PO PHUN SUM TSOGS PA BRNYES SO, ,DBANG PO DAG PA'I SGO NAS NI GNAS PA CHEN PO PHUN SUM TSOGS PA BRNYES SO, ,NYON MONGS PA SPANGS PA'I SGO NAS NI REG NA BDE BA'I MAL STAN PHUN SUM TSOGS PA BRNYES SO, ,TSE 'DI LA BDE BAR GNAS PA'I SGO NAS NI GNAS DANG MAL STAN LA GNAS PA MCHOG TU GNOD PA MED CING BDE BAR GNAS PA PHUN SUM TSOGS PA BRNYES SO, ,BSAM GTAN DANG, RNAM PAR THAR PA DANG, TING NGE 'DZIN DANG, SNYOMS PAR 'JUG PA'I SGO NAS NI SEMS CAN THAMS CAD KYI DON SGRUB PA'I RTZE ZHING DGA' BA PHUN SUM TSOGS PA BRNYES SO, ,MING DANG, TSIG DANG, YI GE'I TSOGS LA CI 'DOD PA THOB PA'I SGO NAS NI GZHAN DAG LA CHOS KYI DBANG PHYUG GI BGO BSHA' BYA BA PHUN SUM TSOGS PA @232A *, ,BRNYES TE, 'DI NI DE'I GNAS DRUG BSGOM PA YONGS SU RDZOGS PA LA BRTEN NAS PHUN SUM TSOGS PA RNAM PA DRUG BRNYES PA ZHES BYA'O, ,BZHI PO 'DI DAG NI BDAG YONGS SU TSOL BAR SMRA BA STE, SMRA BA DE DAG GIS 'JIG TSOGS LA LTA BA MA SPANGS PA RNAMS BDAG YONGS SU TSOL BA'I RTOG PA KUN DU SPYOD DE, BZHI GANG ZHE NA, 'DI LTA STE, BDAG GI BDAG GIS RANG BZHIN GANG YIN ZHES BYA BA DANG, CI BDAG GI BDAG RTAG GAM MI RTAG GAM ZHES BYA BA DANG, JI LTAR NI RTAG JI LTAR NI MI RTAG CES BYA BA DANG, BDAG GI BDAG GANG NA GNAS ZHES BYA BA'O, ,DE YANG MDOR BSDU NA BDAG GI RNAM PA BZHI YONGS SU TSOL BA STE, RANG BZHIN DANG, TSUL DANG, RGYU DANG, GNAS YIN PAR RIG PAR BYA'O, ,DE LA RNAM PA GSUM GYIS NI 'DU BYED RNAMS GDAGS SU RUNG STE, GDAGS PA DE YANG PHYIN CI MA LOG PA YIN NO, ,RNAM PA GCIG GIS NI GDAGS SU YE MI RUNG NGO, ,DE LA BDAG GI RANG BZHIN GDAGS PA NI SKYE MCHED BCU GNYIS LAS BYUNG BA'I RNAM PAR SHES PA RNAM PA DRUG TSOR BA DANG, 'DU SHES DANG, SEMS PA RNAMS DANG BCAS PA STE, DE LAS GUD NA MED DO, ,BDAG DE NI MI RTAG STE SKYE BA DANG, RGA BA DANG, 'CHI BA'I PHYIR RO, ,'DU BYED DE RNAMS KYANG GANG GI PHYIR 'GRO BA RNAMS SU LUS MNGON PAR 'GRUB PA YONGS SU MA GRUB PAS NA SGYU MA LTA BU'O, ,'DU SHES DANG SEMS DANG LTA BA PHYIN CI LOG STE, RMONGS PAR BYED PA'I BDAG NYID YIN PAS NA, SMIG RGYU LTA BU'I CHOS CAN NO, ,SKYE BA DANG, 'JIG PA'I CHOS CAN YIN PAS NA 'ONG BA DANG 'GRO BA'O, ,SKAD CIG PA YIN PAS NA RE ZHIG PA'O, ,ZHIG GO COG NI MYUR DU DE LAS GZHAN DU MTSAMS SBYOR BAS GNAS PA YUN THUNG BA'O, ,GANG NAS KYANG MI 'ONG LA GANG DU YANG MI 'GRO BAS NA MED PA LAS 'BYUNG BA DANG, YOD PA LAS PHYIR 'GRO BA'O, ,DE YANG MDOR BSDU NA RNAM PA 'DI RNAMS KYIS SKYE BA GCIG NAS GCIG TU BRGYUD BA'I MI RTAG PA NYID DANG RGYU DANG BCAS PA DANG, SKAD CIG PA GCIG NAS GCIG TU BRGYUD PA'I MI RTAG PA NYID DANG RGYU DANG BCAS PA BSTAN TE, DE LTAR @232B NA RNAM PA GSUM PO 'DI DAG GIS NI BDAG GIS RANG BZHIN DANG, TSUL DANG RGYU TSUL BZHIN DU GDAGS PAR BYAS PA YIN NO, 'DU BYED RNAMS LA BDAG GIS GNAS GDAGS SU NI MI RUNG STE, DE LAS GZHAN PA'I 'DU BYED PA MED PA DANG, DES NA BDAG GI DON GZHAN DU GYUR PA MED PA'I PHYIR RO, ,DE BAS NA 'DU BYED RNAMS NI KUN RDZOB TU YANG STONG PA YIN TE, GDAGS SU MI RUNG NA DON DAM PAR LTA CI SMOS TE, DE BAS NA GCIG TU NGES PAR STONG PA RNAMS LA STONG NGO SNYAM PA KHO NAR SEMS LA TSUL BZHIN DU THOS PA BRDA SPRAD PA DANG, BSAMS PAS 'DZIN DU GZHUG PA DANG, BSGOMS PAS NGES PAR RTOG TU GZHUG PAS GO RIMS BZHIN DU MGU BAR BYA ZHING YANG DAG PAR MGU BAR BYA STE YONGS SU MGU BAR BYA'O, ,SDOM NI, 'DOD CHAGS SHAS NI CHE BA DANG, GDAMS NGAG DANG NI SDUG BSNGAL GNAS, ,DPYOD PA DANG NI NGA RGYAL MED, ,BKUR STI BYA BA'I 'OS MIN DANG, ,RIG PA RNAM GROL BSGOM PA DANG, ,BDAG MED PAR NI SMRA BA DANG, ,MNYAM PAR GZHAG DANG CHOS MTHONG DANG, ,SDUG BSNGAL BA NI THA MA YIN, ,GANG ZAG NI RGYU GSUM GYIS 'DOD CHAGS CHEN POS YUL LA KUN DU SPYOD DE, GSUM GANG ZHE NA, NYAMS STOBS DANG LDAN PA YIN TE NYAM CHUNG BA MA YIN PA DANG, BYAD BZANG BA YIN TE BYAD NGAN PA MA YIN PA DANG, 'DOD CHAGS KUN DU BSTEN PA YIN TE, 'DOD CHAGS BTANG SNYOMS SU BYAS PA MA YIN PA'O, ,DE LTAR GANG ZAG 'DOD CHAGS SHAS CHEN PO YANG GNYEN PO GSUM GYIS YONGS SU ZIN NA NI LEGS PAR GSUNGS PA'I CHOS 'DUL BA LA TSANGS PAR SPYOD CING GNAS PAS SEMS DUL ZHING RNAM PAR ZHI BAR 'GYUR NA, 'DOD CHAGS CHUNG NGU DANG 'BRING NGAM NYON MONGS PA'I SHAS CHUNG BA LTA CI SMOS, GSUM GANG ZHE NA, DBANG PO'I SGO BSDAMS PA LA BRTEN NAS 'DOD PA'I BSOD NAMS KYI MTHA' RNAM PAR SPONG BA DANG, KHA ZAS KYI TSOD ZIN PA DANG SROD DANG THO RANGS LA MI NYAL BA LA BRTEN NAS BDAG NYID NGAL BAR BYED PA'I MTHA' RNAM PAR SPONG BA DANG, DRAN PA DANG SHES BZHIN DAM PA LA BRTEN NAS DBU MA'I LAM GYIS NGES PAR @233A *, ,'GYUR BA'O, ,DE LA DRAN PA NYE BAR GZHAG PA BZHI LA SEMS SHIN TU GNAS PA NI RGYU ZHING 'GRO BA NA YUL MNGON SUM DU GYUR PA'I MTSAN MA DANG RTAGS NYE BAR BZUNG BA'I TSE TSOR BA SKYE BA DANG, GNAS PA DANG, 'GAG PA YANG DAG PAR JI LTA BA BZHIN DU RTOGS PA GANG YIN PA'AM, MTSAN MA DANG RTAGS NYE BAR BZUNG BAS 'DU SHES RNAMS SKYE BA DANG, GNAS PA DANG, 'GAG PA YANG DAG PA JI LTA BA BZHIN DU RTOGS PA GANG YIN PA DANG, DE'I RGYUS GNAS NA 'DUG PA'I RTOG PA SKYE BA DANG, GNAS PA DANG, 'GAG PA YANG DAG PA JI LTA BA BZHIN DU RTOGS PA DE LTA BU'I DRAN PA DANG SHES BZHIN GYI DUS THAMS CAD DANG RNAM PA THAMS CAD DU YUL LAS SEMS KUN DU SRUNG BAR BYED PA 'DI NI DRAN PA DANG, SHES BZHIN DAM PA ZHES BYA'O, ,GZHAN YANG DRAN PA DANG SHES BZHIN DAM PA NI 'GOG PA'I SNYOMS PAR 'JUG PA THOB PA DANG, MTSAN MA MED PA THOB PA DANG, RTOG PA MED CING DPYOD PA MED PA THOB PAS 'PHAGS PA DANG, LHA'I GNAS LA BRTEN NAS DRAN PA DANG SHES BZHIN DAM PA YIN PAR RIG PAR BYA STE, DRAN PA DANG SHES BZHIN DAM PA'I GNAS DE LAS CHES 'DAS PA GUNG NA MED DO, ,DE LA 'GOG PA'I SNYOMS PAR 'JUG PA LAS LDANG BA'I TSE DANG, LANGS TE GNAS PA DANG, SNYOMS PAR GZHUG PA'I TSOR BA RNAMS SKYE BA DANG, GNAS PA DANG, 'GAG PA YANG DAG PA JI LTA BA BZHIN DU RTOGS PA NI DRAN PA DANG SHES BZHIN DAM PA YIN NO, ,'GOG PA'I SNYOMS PAR 'JUG PA'I TSOR BA RNAMS JI LTA BA BZHIN DU MTSAN MA MED PA'I SNYOMS PAR 'JUG PA'I 'DU SHES RNAMS DANG, RTOG PA MED CING DPYOD PA MED PA'I SNYOMS PAR 'JUG PA'I RTOG PA RNAMS DE DANG 'DRA'O, ,DE LA CHOS TZAM 'DZIN PAS NA DRAN PA ZHES BYA STE, TSOR BA DANG, 'DU SHES DANG, RTOG PA RNAMS LA BDAG GAM BDAG GIR RTOG PA MED DO, ,BYIS PA NI TSOR BA'I RIG PA DANG 'DU SHES DANG, RTOG PA SKYE BA NA YANG, BYIS PA NI TSOR BA LA SOGS PA'I CHOS DE DAG LA CHOS TZAM DU 'DU SHES PAR MI 'GYUR TE, DE NI 'DI LTAR BDAG GIS TSOR RO SNYAM DU 'DZIN PAR ZAD DE RGYAS PAR SBYAR RO, ,DE BAS NA DE'I @233B DE NI DRAN PA DANG SHES BZHIN PAR YANG MI 'GYUR NA DAM PAR LTA GA LA 'GYUR, DE LA DRAN PA DANG SHES PA BZHIN DAM PA PHYI MA SHOS NI PHYIR MI 'ONG BA'AM DGRA BCOM PA'I YIN PAR RIG PAR BYA'O, ,SNGA MA SHOS NI YID LA BYED PA THOB PA'I SO SO'I SKYE BO BAG MED PA YAN LAG CIG PHYIR 'ONG BA MAN CHAD KYI'O, ,DE BZHIN GSHEGS PA NI RGYU GNYIS KYIS NYID KYI SKU BGRES PA DANG, BSNYEL BA BRJOD PA'I SGO NAS LANG TSO'I RGYA GAS PAS MYOS SHING BAG MED PAR GNAS PA RNAMS SKYO BA BSKYED PA DANG, MA 'ONGS PA'I DUS NA DGE SLONG 'KHOGS SHING RGAS PA DANG, MTHU MED PA 'BYUNG BA GANG YIN PA DE DAG KYANG YID LA GCAGS PA MED PAR DGE SLONG GSAR BU RNAMS LA 'CHOL BAR 'GYUR BA DANG, DGE SLONG GSAR BU RNAMS KYANG YID LA GCAGS PA MED PA DANG, BAG TSA BA MED PAR GZHAN DAG LA CHOS STON PAR 'GYUR BAR BYA BA'I PHYIR NYAN THOS RNAMS GZHAN DAG LA CHOS STON PAR YANG DAG PAR 'DZUD PA MDZAD DO, ,'DUS SHING 'KHOD PA RNAMS KYI CHOS KYI GTAM NI RNAM PA GNYIS SU RIG PAR BYA STE, RNAM PAR GTAN LA 'BEBS PA'I GTAM DANG, BSTAN PA'I GTAM MO, ,DE LA RNAM PAR GTAN LA 'BEBS PA'I GTAM 'DRI BA'I TSUL GYIS THE TSOM BSAL BA GANG YIN PA'O, ,BSTAN PA'I GTAM NI CHOS NYAN PA MI SMRA BAR 'KHOD PA RNAMS LA CHOS STON PA GANG YIN PA'O, ,GDAMS NGAG RJES SU BSTAN PA NI RNAM PA BZHIS MTHUN PAR BYED PA ZHES BYA STE, SKYE MCHED KYI BYE BRAG GIS 'DU BYED RNAMS LA BDAG MED PAR SHES PA'I LTA BA RNAM PAR DAG PA DANG, GNAS DANG BCAS PA'I TSOR BA 'GAG PA LA MNGON PA'I NGA RGYAL MED CING ZHI BA NYID DU LTA BA RNAM PAR DAG PA DANG, MA 'ONGS PA'I SDUG BSNGAL LAS YANG DAG PAR 'DA' BAR BYA BA'I LTA BA RNAM PA DAG PA DANG, DA LTAR BYUNG BA'I SDUG BSNGAL LAS YANG DAG PAR 'DA' BAR BYA BA'I LTA BA RNAM PAR DAG PA'O, ,DE LA NANG DANG PHYI ROL GYI SKYE MCHED DANG, RNAM PAR SHES PA DANG, REG PA DANG, TSOR BA DANG, 'DU SHES DANG, SEMS PA DANG, SRED PA'I TSOGS KYI BYE BRAG GIS BDAG MED PAR YANG DAG PAR MTHONG BAS NI RTEN CING 'BREL PAR @234A *, ,'BYUNG BA'I TSUL GYIS LTA BA RNAM PAR DAG PA DANG PO SKYED PAR BYED DO, ,MAR ME LA BRTEN PA'I 'OD DAM, SHING LA BRTEN PA'I GRIB MA MED NA, DE YANG MED PA BZHIN DU NANG DANG, PHYI ROL GYI SKYE MCHED KYI RGYU LAS BYUNG BA'I TSOR BA RNAMS SKYE MCHED RNAMS MA LUS PAR 'GAGS NA DE DAG KYANG 'GAG PAR YANG DAG PAR MTHONG BAS NI MNGON PA'I NGA RGYAL MED PA'I MYA NGAN LAS 'DAS PA LA ZHI BAR LTA BA RNAM PAR DAG PA SKYED PAR BYED DO, ,TSE 'DI LA SHES RAB KYI MTSON GYIS NYON MONGS PA THAMS CAD SPONG BAR YANG DAG PA MTHONG BAS NI TSE PHYI MA'I SDUG BSNGAL MA LUS PA LAS YANG DAG PAR 'DA' BAR BYA BA'I LTA BA RNAM PAR DAG PA SKYED PAR BYED DO, ,BDE BA'AM, SDUG BSNGAL BA'AM, SDUG BSNGAL BA YANG MA YIN, BDE BA YANG MA YIN PA'I GNAS KYI CHOS RNAMS LA KUN DU CHAGS PA MED PA DANG, KUN DU ZHE SDANG BA MED PA DANG, KUN DU GTI MUG BA MED PAR YANG DAG PAR MTHONG BA DANG, MTHONG BA'I LAM LA DRAN PA NYE BAR GZHAG PA'I SEMS SHIN TU GNAS PAR YANG DAG PAR MTHONG BA DANG, BSGOM PA'I LAM LA BYANG CHUB KYI YAN LAG BSGOM PA YANG DAG PAR MTHONG BA NI 'DI LTA STE, ZAG PA ZAD PAR BYA BA DANG, TSE 'DI LA KUN NAS NYON MONGS PA CAN DANG, SDUG BSNGAL BAR GNAS PA LAS YANG DAG PAR 'DA' BAR BYA BA'I LTA BA RNAM PAR DAG PA SKYED PAR BYED DO, ,DGE SLONG DBANG PO RNAMS MA BSDAMS PAR GNAS PA NI YUL RNAMS LA KUN DU CHAGS PA'I SEMS DANG, RNAM PAR G-YENGS PA'I SEMS SU 'GYUR TE, GNAS NGAN LEN LAS GYUR PA DANG, CHOS LA THE TSOM ZA BA LAS GYUR PA'I SDUG BSNGAL RNAM PA GNYIS NYAMS SU MYONG BAR 'GYUR RO, ,DE CI'I PHYIR ZHE NA, 'DI LTAR DE NI LUS BSGOM PA GANG LA BRTEN NA, ZHI GNAS KYI YAN LAG GI TSUL KHRIMS BSGOM PAR 'GYUR BA'I LUS BSGOM PA LA BRTZON PAR MI BYED PA'I PHYIR RO, ,ZHI GNAS KYI YAN LAG GI TSUL KHRIMS MA BSGOM PA'I RGYUS NI LUS DANG, SEMS SHIN TU SBYANGS PAR MI 'GYUR TE, DES NA GNAS NGAN LEN GYI SDUG BSNGAL NYAMS SU MYONG BAR 'GYUR RO, ,SHIN TU SBYANGS PA MED NA NI GANG GIS YANG DAG PA JI LTA @234B BA BZHIN DU SHES PAR 'GYUR BA'I TING NGE 'DZIN LA YANG REG PAR MI 'GYUR RO, ,YANG DAG PA JI LTA BA BZHIN DU MA SHES NA NI SOM NYI CAN DANG, THE TSOM CAN DU 'GYUR RO, ,DE SDUG BSNGAL BAR GNAS PA 'DI GNYIS KYIS DBANG PO MA BSDAMS PA'I PHYIR SDUG BSNGAL BA DANG BDE BA MED PAR GNAS PA 'DI NI TSE 'DI LA DBANG PO MA BSDAMS PA'I NYES DMIGS YIN NO, ,DE LAS BZLOG PA NI PHAN YON YIN PAR RIG PAR BYA'O, ,DGE SLONG 'DOD PA'I 'DOD CHAGS DANG BRAL BAR BYA BA'I PHYIR BRTZON TO, ,YANG DAG PA'I SBYOR BA'I LAM GYIS NYON MONGS PA BKAG PA NI CI BDAG 'DOD PA RNAMS LA 'DOD PA'I 'DUN PA YOD BZHIN DU MA TSOR RAM, 'ON TE MED PA YIN SNYAM STE, SPANGS SAM, MA SPANGS SAM, SDUG PA'I MTSAN MA YID LA BYED PAS NGES PAR BYED CING DPYOD PA YID LA BYED PA LA BRTEN NAS RTOGS PAR 'DOD PA LAS NYON MONGS PA MA SPANGS PA'I PHYIR 'DOD PA'I KUN DU RTOG PA NYON MONGS PA'I GZHI DANG GNAS SU GYUR PA RNAMS SKYE BAR 'GYUR TE, DE DAG GIS 'PHROG PA LTAR NA 'DI DAG NI NYAMS PAR 'GYUR BAR BYED PA YIN NO SNYAM DU RIG NAS GTOD PAR MI BYED DO, ,GAL TE GTAD PAR GYUR NA NI TING NGE 'DZIN TZAM ZHIG THOB PA DE LAS KYANG YONGS SU NYAMS PAR 'GYUR NA KHYAD PAR DU 'GRO BAR LTA GA LA 'GYUR, GTAD NA NI NYAMS PAR YANG MI 'GYUR LA KHYAD PAR DU YANG 'GRO BAR 'GYUR RO, ,GAL TE BRTAG PA YANG MA BYAS NA NI DE LTAR NA YANG MNGON PA'I NGA RGYAL DANG BCAS PA'I PHYIR NYAMS PAR 'GYUR RO, ,GANG GI PHYIR BRTAG PA BYAS NA NGES PAR RTOGS PAR YANG 'GYUR LA SEMS 'PHROG CING 'DUS PA YANG, YANG DAG PAR YONGS SU SHES NAS GTOD PAR BYED DE DE BAS NA YONGS SU NYAMS PAR MI 'GYUR RO, ,'DOD PA'I 'DOD CHAGS DANG BRAL BAR BYA BA'I PHYIR BRTZON PA JI LTA BA BZHIN DU GONG MA YANG DE BZHIN DU RIG PAR BYA'O, ,GAL TE LTA BA DRAG POS JI LTAR BRTAGS KYANG 'DOD PA KUN DU RTOG PA RNAMS MI SKYE NA NI DES GANG LA DMIGS NA NYON MONGS PA SKYE BAR 'GYUR BA'I SKYE MCHED DE ZIL GYIS NON TO SNYAM DU NGES PAR THOB PAR 'GYUR RO, ,DES SKYE MCHED DE ZIL GYIS NON PAS NA SLOB PA'I SA LAS YANG @235A *, ,DAG PAR 'DAS NAS, RANG GI SEMS LA DBANG YOD PAS NA RGYAL PO LTA BU'O, ,BDUD THAMS CAD LA RNAM PAR RGYAL BAS NA G-YUL LAS RNAM PAR RGYAL BA'O, ,ZAD PA DANG MI SKYE BA'I YE SHES KYIS NI TSANGS PAR SPYOD PA YONGS SU RDZOGS PA THOB PAR 'GYUR RO; ,DBANG PO DRUG PO RNAMS SNGA MA BZHIN DU RNAM PAR ZHI BA RNAM PA LNGAS RNAM PAR MA ZHI BA'I SDUG BSNGAL RNAM PA GSUM YONGS SU 'DZIN PA'I 'BRAS BU CAN DU RIG PAR BYA'O, ,TSE 'DI LA DBANG PO'I DBANG LAS BYUNG BA'I KUN NAS NYON MONGS PA CAN DU GNAS PA DANG, DE BZHIN DU MI DGE BA KUN DU SPYOD PA'I RGYU LAS BYUNG BA'I GZHAN GYIS NYAMS PAR BYAS PA'AM, SMAD PA'AM, GSAD PA'AM, BCING BA'AM, DE LA SOGS PA TSE 'DI'I SDUG BSNGAL DANG, TSE PHYI MA'I SKYE BA DANG, RGA BA DANG, NA BA'I SDUG BSNGAL DANG, TSE PHYI MA'I SNGON BSGOMS PA LAS BYUNG BA'I RGYU DANG MTHUN PA'I DBANG PO MA BSDAMS PA STE, DE YANG KUN NAS NYON MONGS PA CAN YIN PA'I PHYIR SDUG BSNGAL YIN NO, ,DE LAS BZLOG PA NI RNAM PA LNGAS DBANG PO RNAMS RNAM PAR ZHI BAR 'GYUR TE, SDUG BSNGAL RNAM PA GSUM MED PAR GYUR PA'I 'BRAS BU CAN YIN PAR RIG PAR BYA'O, ,'DI GNYIS NI KUN RDZOB KYI BRAM ZE YON GNAS KYI MNGON PA'I NGA RGYAL CAN YON GNAS SU KHAS 'CHE BA RNAMS KYI YON GNAS MA YIN PA'I RTAGS YIN TE, DE GNYIS DANG LDAN NA BKUR STI BYA BA'I 'OS MA YIN PAR RIG PAR BYA STE, GZHAN LAS RNYED PA'AM BKUR STI BYUNG NAS DAM POR LHAG PAR ZHEN PAR 'GYUR LA, DBANG PO RGOD PAR 'GYUR BA DANG, DROD MI THUB PAR SNANG BA GANG YIN PA DE DAG NI 'DOD CHAGS DANG BRAL BAR 'GYUR BA'I SPYOD PAS NYE BAR GNAS PA MA YIN NO, ,KHYIM DANG BU SMAD KYI TSOGS YONGS SU 'DZIN PA'I 'DU 'DZI YONGS SU NYON MONGS PA CAN DU 'GYUR BAS BDAG NYID 'TSO BAR BYED PA GANG YIN PA STE, DE DAG NI DE LTAR LOG PAR ZHUGS PAS BDAG DANG GZHAN GYI DON GYI SPYOD PA YANG MA YIN LA TSUL KHRIMS DANG CHOS SPYOD PA YANG MED, MTHO RIS SU 'GRO BA'I DGE BA SPYOD PA YANG MED, MYA NGAN LAS @235B 'DA' BAR 'GYUR BA'I DGE BA'I SPYOD PA YANG MED DE, BYIS PA SO SO'I SKYE BO THAMS CAD DANG YANG KHYAD PAR MED PAR RIG PAR BYA'O, ,DE LAS BZLOG PAS NI CHOS 'DI PA RNAMS DON DAM PA'I BRAM ZE YIN PAR RIG PAR BYA'O, ,'DI LAS PHYI ROL PA'I DGE SBYONG BRAM ZE RNAMS NI SLOB MA RNAMS LA CHOS BSTAN PA PHAL CHER KLAN KA TSOL BA'I PHAN YON CAN DANG, GAL TE 'DZIN PA LAS THAR PA'I PHAN YON CAN YIN TE, DE YANG YANG DAG PAR NA DON MED PA DANG PHAN YON MED PAR RIG PAR BYA STE, BDAG LA PHAN PAR 'GYUR BA YANG MA YIN GZHAN LA PHAN PAR 'GYUR BA YANG MA YIN NO, ,DE BZHIN GSHEGS PA NI NYAN THOS RNAMS LA CHOS BSTAN PA RIG PA DANG RNAM PAR GROL BA'I 'BRAS BU'I PHAN YON CAN YIN TE, 'BRAS BU CHE ZHING PHAN YON CHE LA BDAG DANG GZHAN LA PHAN PA YIN PAR RIG PAR BYA'O, ,DE LA DUS GSUM DU MCHOG TU KUN TU RMONGS PA MED PAR GNAS PA'I DON GYIS DMIGS PA RNAM PA GSUM GYI BYE BRAG GIS NA RIG PA GSUM LA RIG PA ZHES BYA'O, ,DE LA SEMS RNAM PAR GROL BA DANG, SHES RAB RNAM PAR GROL BA NI SRID PA DANG, MA RIG PA'I RTZA BA CAN GYI KUN NAS NYON MONGS PA'I GNYEN PO YIN PA'I PHYIR RNAM PAR GROL BA ZHES BYA'O, ,RIG PA DANG RNAM PAR GROL BA MA THOB PA DE THOB PAR BYA BA'I PHYIR NI LAM RNAM PA BZHI BSGOM PAR RIG PAR BYA STE, 'DI LTA STE, DBANG PO BSGOMS PAS LUS BSGOM PA DANG, LUS BSGOMS PAS DRANGS PA'I LEGS PAR SPYOD PA STE, TSUL KHRIMS BSGOM PA GANG YIN PA DANG, TSUL KHRIMS BSGOMS PAS DRANGS PA'I DRAN PA NYE BAR GZHAG PA'I BYANG CHUB KYI YAN LAG BSGOMS PA SEMS DANG, SHES RAB BSGOM PA GANG YIN PA'O, DE LA DBANG PO BSGOM PA NI RNAM PA GSUM STE, 'JIG RTEN PA'I DANG, SLOB PA'I DANG, MI SLOB PA'I STE, GAL TE SO SOR BRTAGS PA'I STOBS LA BRTEN TE SDUG PA DANG MI SDUG PA'I YUL LAS TSUL BZHIN MA YIN PA'I MTSAN MA BZUNG BA'I NYON MONGS PA'I KUN NAS DKRIS PA MI BSKYED PA'AM SKYES ZIN PA SEL BAR BYED PA 'DI NI 'JIG RTEN PA'I BSGOM PA'O, ,BDEN PA RTOGS PA DE'I @236A *, ,BRJED NGAS PA LAS YID DU 'ONG BA DANG, YID DU MI 'ONG BA DANG, GNYI GA SKYE BAS SEMS YONGS SU GTUGS TE MI 'DUG LA, MYUR BA KHO NAR KUN NAS NYON MONGS PA DE LAS RNAM PAR GROL BAR 'GYUR BA GANG YIN PA 'DI NI SLOB PA'I BSGOM PA'O, ,GANG GI TSE DE'I SEMS DE GNAS PA KHO NAR 'GYUR TE, SNGA MA BZHIN DU NANG RGYA MI CHUNG ZHING SHIN TU RNAM PAR GROL LA LEGS PAR BSGOMS NYE, THAMS CAD KYI THAMS CAD DU BRJED NGAS PA TZAM GYIS YID DU 'ONG BA DANG YID DU MI 'ONG BA LA SOGS PA DE DAG LA BRTEN PA'I RNAM PAS MTHUN PAR YID MI 'JUG PA 'DI NI MI SLOB PA'I DBANG PO BSGOM PA SHIN TU YONGS SU DAG PA YIN PAR RIG PAR BYA'O, ,DE BZHIN DU TSUL KHRIMS DANG SEMS DANG SHES RAB BSGOM PA YANG RNAM PA GSUM DU RIG PAR BYA STE, DANG PO NI DBANG PO BSGOM PA DANG POS DRANGS SO, ,GNYIS PA NI GNYIS PAS DRANGS SO, ,GSUM PA NI GSUM PAS DRANGS SO, ,DE BZHIN DU TSUL KHRIMS BSGOM PA DANG, SEMS DANG SHES RAB BSGOM PA LA YANG RNAM PA GSUM GYIS 'DREN PAR RIG PAR BYA'O, ,DE LA YUL YID DU 'ONG BA DANG YID DU MI 'ONG BA'I BYE BRAG DANG, SEMS CAN PHAN 'DOGS PA DANG, GNOD PA BYED PA'I BYE BRAG DANG, SEMS CAN YON TAN DANG, SKYON DANG LDAN PA'I BYE BRAG DANG, SEMS CAN SNYING DU SDUG PA DANG SNYING DU MI SDUG PA'I BYE BRAG GIS GCIG TU NGES PAR YID DU 'ONG BA DANG, GCIG TU NGES PAR YID DU MI 'ONG BA DANG, 'DREN MA LAS YID DU 'ONG BA DANG, YID DU MI 'ONG BAR 'GYUR BAR RIG PAR BYA'O, ,DE LA YUL GYI BYE BRAG GIS NI YUL GCIG TU NGES PAR YID DU 'ONG BA YANG YOD, ,GCIG TU NGES PAR YID DU MI 'ONG BA YANG YOD, 'DREN MA STE, CHUNG ZAD DE'I YID DU 'ONG BA DANG, CHUNG ZAD YID DU MI 'ONG BA YANG YOD DO, ,DE BZHIN DU SEMS CAN KHA CIG NI GCIG TU NGES PAR PHAN 'DOGS SO, ,KHA CIG NI GCIG TU NGES PAR GNOD PA BYED DO, ,KHA CIG NI PHAN YANG 'DOGS LA GNOD PA YANG BYED DO, ,SEMS CAN KHA CIG NI GCIG TU NGES PAR YON TAN DANG LDAN NO, ,KHA CIG NI @236B GCIG TU NGES PAR SKYON DANG LDAN NO, ,KHA CIG NI YON TAN DANG SKYON GNYIS KA DANG YANG LDAN TE, SEMS CAN GANG DAG LA BYAMS PA LAS BYAMS PA SKYE BA DE NI GCIG TU NGES PAR 'DOD CING YID DU 'ONG BA'O, ,GANG DAG LA ZHE SDANG BA LAS ZHE SDANG SKYE BA DE NI GCIG TU NGES PAR YID DU MI 'ONG BA'O, ,GANG DAG LA BYAMS PA LAS ZHE SDANG SKYE BA DANG, GANG DAG LA ZHE SDANG BA LAS BYAMS PA SKYE BA DE NI YID DU 'ONG BA DANG YID DU MI 'ONG BA ZHES BYA'O, ,DE LA NYES PAR SPYOD PA'I TSE 'DI DANG PHYI MA'I NYES DMIGS YANG DAG PAR MTHONG NA DE YONGS SU SPANGS NAS LEGS PAR SPYOD PA SGOM PAR BYED DE, GNAS DRUG DANG LDAN PA'I THAMS CAD KYI SGO NAS GZHAN GYIS SMAD PAR 'GYUR BA NI TSE 'DI'I NYES DMIGS SO, ,NGAN 'GROR 'GRO BA NI TSE PHYI MA'I 'O, ,DE LA GZHAN GYIS SMAD PA NI MU STEGS CAN RNAMS DANG, 'JIG RTEN DANG 'KHOR RNAMS LAS SDIG CAN DANG; MI SNYAN PA DANG, GRAGS PA MA YIN PA DANG, TSIGS SU BCAD PA MA YIN PA PHYOGS DANG PHYOGS MTSAMS RNAMS SU 'BYUNG BA YIN PAR RIG PAR BYA'O, ,LHAG MA NI JI SKAD GSUNGS PA BZHIN NO, ,DE LA DRAN PA NYE BAR GZHAG PA BSGOM PA NA SO SO'I SKYE BO'I SA LA NI DRAN PA YANG DAG BYANG CHUB SEMS KYI YAN LAG BRTZAMS SO, ,SLOB PA'I SA LA NI SGOM PAR BYED DO, ,MI SLOB PA'I SA LA NI BSGOM PA YONGS SU RDZOGS PAR 'GYUR RO, ,BYANG CHUB KYI YAN LAG BSGOM PA NA SPONG BA'I KHAMS MA THOB PAS SPONG BA'I KHAMS 'DOD PA'I TSE NI DBEN PA LA BRTEN PA'O, , 'DOD CHAGS DANG BRAL BA'I KHAMS MA THOB PAS DE 'DOD PA'I TSE NI 'DOD CHAGS DANG BRAL BA LA BRTEN PA'O, ,'GOG PA'I KHAMS MA THOB PAS DE 'DOD PA'I TSE NI 'GOG PA LA BRTEN PA'O, ,BYANG CHUB KYI YAN LAG CHES DMA' BA SGOM PA SPANGS NAS GONG NAS GONG DU CHES BZANG BAR BSGYUR BA NI SPONG BAS YONGS SU BSGYUR BA'O, ,DE LA DGE SLONG DBANG PO BSDAMS PAS NI NGO TSA SHES PA DANG LDAN ZHING, KHREL YOD PA DANG LDAN TE, DES NA NYES PAR SPYOD PA 'DZEM ZHING LEGS PAR SPYOD PA SGOM PAR BYED DO, ,DE LTAR LEGS PAR SPYAD PA SPYOD PA DE NI 'GYOD PA MED DO, ,'GYOD PA @237A *, ,MED NA MCHOG TU DGA' BA SNGON DU 'GRO BAS TING NGE 'DZIN DU 'GYUR RO, ,SEMS MNYAM PAR BZHAG NA YANG DAG PA JI LTA BA BZHIN DU MTHONG BAR 'GYUR RO, ,YANG DAG PA JI LTA BA BZHIN DU MTHONG NA GO RIMS 'DI BZHIN DU RIG PA DANG RNAM PAR GROL BA YONGS SU RDZOGS PAR 'GYUR BAR RIG PAR BYA'O, ,DGE SBYONG DANG BRAM ZE KHA CIG BDAG NYID KYIS DBANG PO MA BSGOMS PAR YUL LA MI PHYOGS PA TZAM GYIS DBANG PO RNAMS BSDAMS PAR MTHONG NAS GZHAN DAG LA TSUL BZHIN MA YIN PAR DBANG PO BSGOM PA BRDA SPROD PAR BYED DE, DE DAG KYANG RANG GI SLOB MA LA LHAG PAR ZHEN NAS KHA CIG LA NI RJES SU CHAGS LA KHA CIG LA NI KHONG KHRO BAR 'GYUR TE, 'DI LTA STE, BSGOM PA NYAMS SU LEN PA DANG, NYAMS SU MI LEN PA LAS YID DU 'ONG BA DANG, YID DU MI 'ONG BA KUN DU SPYOD PA'I PHYIR RO, ,BDAG NYID KYI KUN NAS NYON MONGS PA'I CHA PHRA BA DE YANG SHES RAB KYIS MI RTOGS TE, DES NA BDAG NI DBANG PO BSGOMS PA YIN NO SNYAM DU RLOM SEMS SU BYED DO, ,DE DAG GI LTA BA RUNG BAR 'DZIN PA GANG YIN PA DE DAG KYANG DBANG PO RNAMS YUL LA PHYE NAS GCIG BU GNAS TE, DMIGS PA DE LA BDAG NYID KYI KUN NAS NYON MONGS PA DANG BRAL BA KHONG DU MI CHUD DE, DE DAG NI DBANG PO BSGOM PA YANG MA YIN LA DBANG PO BSGOM PA'I PHYIR YANG DAG PAR BRTZON PA YANG MA YIN TE, GZHAN GYI TSIG LA MNGON PAR DAD PA TZAM GYIS LOG PAR MOS SHING LOG PAR NGA RGYAL BYED PA TZAM DU ZAD DO, ,DE BZHIN GSHEGS PA NI NYAN THOS RNAMS LA TSUL BZHIN DU NYON MONGS PA SPANG BA'I PHYIR DBANG PO BSGOM PA BRDA SPROD PAR MDZAD DE, GCIG TU NGES PAR YUL LA MI PHYOGS PAR MDZAD PA MA YIN LA, DE BZHIN GSHEGS PA'I MA 'DRES PA'I DRAN PA NYE BAR GZHAG PA GSUM LA THUGS SHIN TU BRTAN PAR GNAS TE, DES NA NYAN THOS RNAMS LA LHAG PAR ZHEN PA MED PAS YANG DAG PAR SGRUB PA YID DU 'ONG BA KUN DU SPYOD PA DANG, LOG PAR SGRUB PA YID DU MI 'ONG BA KUN DU SPYOD PA'I SGO NAS RJES SU CHAGS PA'I KUN NAS NYON MONGS PA DANG, KUN NAS MNAR SEMS KYI KUN NAS NYON MONGS PA 'BYUNG BAR MI 'GYUR TE, DES @237B NA DE NI NYAN THOS RNAMS DANG NYON MONGS PA SPANGS PAR 'DRA YANG DBANG PO BSGOMS PA BLA NA MED PA YIN NO, ,DBANG PO BSGOMS PA DE YANG 'KHOR RNAM PA LNGA'I BYE BRAG GIS RNAM PA LNGAR BSGYUR BAR RIG PAR BYA STE, BCOM LDAN 'DAS KYI NYAN THOS NI GCIG TU NGES PAR YANG DAG PAR ZHUGS PA DANG GTAN DU YANG DAG PAR ZHUGS PA YANG YOD DO, ,KHA CIG NI GCIG TU NGES PAR LOG PAR ZHUGS PA DANG, GTAN DU LOG PAR ZHUGS PA YANG YOD DO, ,YANG DAG PAR ZHUGS LA GTAN DU MA YIN PA YANG YOD DO, ,LOG PAR ZHUGS LA GTAN DU MA YIN PA YANG YOD DO, ,SNA MANG PO YANG YOD DE, DE'I NANG NAS KHA CIG NI YANG DAG PAR ZHUGS, KHA CIG NI BAG MED KHA CIG TU BAG MED PA LA KHA CIG TU BAG YOD DE PHYOGS GCIG BYED PA 'DI NI 'KHOR LNGA BA'O, ,DE LA DE BZHIN GSHEGS PA'I THUGS SU BYON PA NI 'DI YIN TE, NYAN THOS LEGS PAR GSUNGS PA'I CHOS 'DI LTA STE, DBANG PO BSGOM PA YONGS SU RDZOGS PAR BYA BA LA YANG DAG PAR NAN TAN DU SGRUB PAR BYED PA GANG YIN PA RNAMS SO, ,THUGS SU MI BYON PA NI 'DI YIN TE, LOG PAR SGRUB PA'AM, YANG NAN TAN DU MI SGRUB PA'O, ,DE BAS NA DE BZHIN GSHEGS PA NI 'KHOR SNGA MA GZIGS NA NI THUGS SU BYON PA SKYE LA, GNYIS PA GZIGS NA NI THUGS SU MI BYON PA SKYE'O, ,GSUM PA GZIGS NA NI THUGS SU BYON PA DANG, THUGS SU MI BYON PA SKYE'O, ,BZHI BA GZIGS NA NI THUGS SU MI BYON PA DANG, THUGS SU BYON PA SKYE'O, ,SNGA PA GZIGS NA NI THUGS SU BYON PA YANG SKYE, THUGS SU MI BYON PA YANG SKYE, THUGS SU BYON PA DANG, THUGS SU MI BYON PA YANG SKYE'O, ,DE BZHIN GSHEGS PA NI DE LTAR RNAM PA LNGAR BSGYUR BA'I SGO NAS THUGS SU BYON PA DANG, THUGS SU MI BYON PA SKYE MOD KYI 'ON KYANG DE BZHIN GSHEGS PA NI DAG CHAGS DANG BCAS PA'I NYON MONGS PA DANG BRAL BA LA DBANG PO BSGOMS PAS NA RJES SU CHAGS PA'I RNAM PA DANG, KHONG KHRO BA'I RNAM PA KUN NAS NYON MONGS PA CAN DU MI 'GYUR BA DANG, DE BAS NA DE BZHIN GSHEGS PA NI BAG CHAGS DANG BCAS PA'I NYON MONGS PA SPANGS PA DANG, @238A *, ,DE NYID LA BRTEN NAS DGONGS PA LEGS PAR GNAS PAS RNAM PA LNGAR BSGYUR BA'I SGO NAS NYAN THOS RNAMS LA KUN NAS NYON MONGS PA MI 'BYUNG BA'I PHYIR DBANG PO BSGOM PA BLA NA MED PA ZHES BYA'O, ,DE LA DE BZHIN GSHEGS PA NI RNAM PA LNGAR BSGYUR BA THAMS CAD DU CI RIGS PAR GNYEN PO RNAM PA GSUM THUGS LA DGONGS TE, 'DI LTA STE, MI RTAG PA'I 'DU SHES DANG, BYAMS PA DANG, MTSAN MA MED PA'I TING NGE 'DZIN TE, DE YANG CI RIGS PAR RIG PAR BYA'O, ,BCOM LDAN 'DAS KYI NYAN THOS DON BYAS PA MI SLOB PA NI DBANG PO BSGOM PA ZHES BYA BA YIN TE, DE NI YUN RING PO NAS MYA NGAN LAS 'DAS PA LA MNGON PAR DGA' BA'I PHYIR SNGA MA BZHIN DU SEMS CAN NAM SEMS CAN MA YIN PA'I YUL GCIG TU NGES PAR 'DOD PA'AM, GCIG TU NGES PAR 'DOD PA MA YIN PA'AM, DE BZHIN DU 'DOD PA DANG MI 'DOD PA'I SNANG BA DANG PHRAD NA 'DOD CHAGS DANG, ZHE SDANG DANG, GTI MUG DANG BRAL BA'I PHYIR SEMS RNAM PAR GROL BA DANG, SHES RAB RNAM PAR GROL BA'I SGO NAS MYUR BA MYUR BAR MTSAN MA MED PAS DE LAS SEMS LHAG PAR BTANG SNYOMS SU BYED DE, SEMS THAG PA NAS YUL LA NI MI MTHUN PAR 'DU SHES LA MYA NGAN LAS 'DAS PA LA NI ZHI BAR LTA'O, ,GANG DE LTAR MYUR DU BTANG SNYOMS SU GNAS SHING GANG SKAD CIG KYANG BRJED NGAS PA LAS GYUR BA'I KUN NAS NYON MONGS PA'I SEMS MI SKYE BA DE TZAM GYIS NA DBANG PO LEGS PAR BSGOMS PA YIN PAR RIG PAR BYA'O, ,SLOB PA'I RGYUD NI NYON MONGS PAS 'DRES PAS NA MYUR DU BTANG SNYOMS SU GNAS PA MA YIN NO, ,RNAM PA GSUM DU BSGYUR BA THAMS CAD DU YANG NYON MONGS PA LA SDANG BA'I PHYIR, NYON MONGS PA KUN DU SPYOD PAS 'DZEM ZHING MI MTHUN PA'I 'DU SHES DANG NYES DMIGS KYI 'DU SHES KYIS GNAS TE, DE LTAR ZHUGS PA'I DBANG PO BSGOM PA YONGS SU RDZOGS PAR 'GYUR TE, DE BAS NA YANG DAG PAR ZHUGS PA ZHES BYA'O, ,DE LTAR NA LEGS PAR GSUNGS PA'I CHOS 'DUL BA 'DI NI STON PA'I SGO NAS KYANG MDZES LA NYAN THOS RNAMS KYIS THOB PAR BYA BA'I DON 'THOB PA DANG, YANG @238B DAG PAR NAN TAN DU SGRUB PA'I SGO NAS KYANG MDZES SO, ,BDAG MED PAR SMRA BA STON PA'I SGO NAS YANG DAG PA'I LAS SU BYA BA GSUM BYED PA YIN TE, GSUM GANG ZHE NA, SDUG BSNGAL BA DANG KUN 'BYUNG BA'I BDEN PAS BSDUS PA'I 'DU BYED RNAMS KYI RANG GI MTSAN NYID DANG SPYI'I MTSAN NYID YANG DAG PAR GLENG BAS BDAG MED PAR RNAM PAR GZHAG PA STE, DE LA SNA TSOGS MANG PO'I BDAG NYID KYIS NI RANG GI MTSAN NYID BRTAG PA DANG, SKYE BA DANG 'JIG PA BRTAG PAS NI SPYI'I MTSAN NYID BRTAG PA STE, 'DI NI YANG DAG PA'I LAS SU BYA BA DANG PO'O, ,GZHAN YANG BDAG NI MED LA RGYU DANG BCAS PA'I 'DU BYED TZAM ZHIG YOD PA LA CI NAS KUN NAS NYON MONGS PA DANG RNAM PAR BYANG BAR 'GYUR BA DE YANG DAG PA JI LTA BA BZHIN DU GLENG BA 'DI NI YANG DAG PA'I LAS SU BYA BA GNYIS PA STE, DE LA TSOR BA RNAM PA GSUM RTEN CING 'BREL BAR 'BYUNG BA LA NYON MONGS PA'I BAG LA NYAL RNAM PA GSUM MA SPANGS TE MTHONG BA'I LAM LA NGA'O SNYAM PA'I LTA BA'I BAG LA NYAL YANG DAG PAR MA BCOM PA DANG BSGOM PA'I LAM LA NGA'O SNYAM PA'I NGA RGYAL GYI BAG LA NYAL YANG DAG PAR MA BCOM PA DANG LTA BA DANG NGA RGYAL GYI PHYOGS DANG MTHUN PA DE KUN NAS SLONG BAR BYED PA'I MA RIG PA YANG MA SPANGS LA DE'I GNYEN PO RIG PA YANG MA SKYES PAS NA SDUG BSNGAL MTHAR BYED PAR MI 'GYUR BA 'DI NI KUN NAS NYON MONGS PA YANG DAG PAR MTHONG BA YIN NO, ,DE LAS BZLOG PA NI RNAM PAR BYANG BA YANG DAG PAR MTHONG BA YIN PAR RIG PAR BYA'O, ,GZHAN YANG 'DU BYED RNAMS LA BDAG TU SGRO 'DOGS PA'I BDAG TU LTA BA YANG SPANGS LA BDEN PA 'DZIN PA'I BDAG MED PAR LTA BA LA BRTEN NAS JI LTAR RNAM PAR BYANG BAR 'GYUR BA DE GLENG BAR BYA'O, ,BDAG MED PAR LTA BA DE YANG SO SO'I SKYE BOR GYUR BA KHO NAS LEGS PAR BZUNG NA SLOB PAR GYUR BA'I BDEN PA MNGON PAR RTOGS PA'I 'PHAGS PA'I SHES RAB KYI MIG THOB PAR 'GYUR RO, ,DE'I GONG DU MI SLOB PAR GYUR BA'I ZAD PA DANG MI SKYE BA'I YE SHES KYANG THOB PAR 'GYUR RO, ,SLOB PA DANG MI SLOB PA'I MTHONG BA DANG BSGOM PAS SPANG BAR BYA BA'I NYON MONGS PA MA LUS PAR SPONG BAR 'GYUR @239A *, ,RO; ,DE BAS 'DI NI BDAG MED PAR LTA BA DE'I RNAM PAR BYANG BAR 'GYUR BA GLENG BA YIN PAR RIG PAR BYA'O, ,CHOS 'DI PA 'JIG RTEN PA'I YANG DAG PA'I LTA BA DANG LDAN PA MANG DU THOS PA MNYAM PAR GZHAG PA LAS NI CHOS 'DI PA 'JIG RTEN PA'I YANG DAG PAR LTA BA DANG LDAN PA MANG DU THOS PA MNYAM PAR GZHAG PA YANG DAG PA'I SBYOR BA'I 'BRAS BU'I PHAN YON RNAM PA LNGAS KHYAD PAR DU 'PHAGS PAR RIG PAR BYA STE, LNGA GANG ZHE NA, CHOS 'DI PA SNGA MA SHOS NI THOG MA KHO NAR SEMS MNYAM PAR MA BZHAG PA'I PHYIR ZHI GNAS KYI YAN LAG GI TSUL KHRIMS YONGS SU MA DAG CING YONGS SU MA BYANG BA YIN LA CIG SHOS SEMS MNYAM PAR BZHAG PA NI YONGS SU DAG CING YONGS SU BYANG STE, 'DI NI YANG DAG PA'I SBYOR BA'I 'BRAS BU'I PHAN YON GYI KHYAD PAR DANG PO YIN PAR RIG PAR BYA'O, ,GZHAN YANG MNYAM PAR MA BZHAG PA'I GANG ZAG SNGA MA SHOS KYIS NI TSOR BRTEN DANG BCAS DMIGS PA DANG BCAS GROGS DANG BCAS 'GYUR BA DANG BCAS PA YANG DAG PA JI LTA BA BZHIN DU MI SHES TE, MI SHES PAS NI MI SHES PA'I RGYU LAS BYUNG BA'I NYES DMIGS RNAM PA GSUM STE, TSOR BA'I KUN NAS NYON MONGS PA LAS GYUR BA DANG, DUS KYI KUN NAS NYON MONGS PA LAS GYUR PA DANG, TSE 'DI DANG TSE PHYI MA'I KUN NAS NYON MONGS PA LAS GYUR PAS GOS PAR 'GYUR RO, ,DE LA TSOR BA'I KUN NAS NYON MONGS PAS KUN DU RMONGS NAS BDE BA'I TSOR BA 'GYUR BA DANG BCAS PA'I BAR LA KUN DU CHAGS PA NI DER KUN DU CHAGS PAR 'GYUR BA SDUG BSNGAL BA LA NI KHONG KHRO BA DANG LDAN NO, ,SDUG BSNGAL BA YANG MA YIN BDE BA YANG MA YIN PA LA NI KUN DU RMONGS TE, KUN NAS DKRIS PA DANG BAG LA NYAL GYI SGO NAS NI CHAGS SO, ,BAG LA NYAL GYI SGO NAS NI LDAN PA DANG KUN DU RMONGS SO, , DE LA DUS KYI SGO NAS KUN NAS NYON MONGS PA NI DA LTAR GYI DUS NA NI CHAGS SHING SDANG LA KUN DU RMONGS SO, ,'DAS PA'I DUS NA NI LTA BA DANG LDAN NO, ,MA 'ONGS PA'I DUS NA NI SEMS 'DOGS SO, ,DE LA TSE 'DI DANG TSE PHYI MA'I KUN NAS NYON MONGS PA NI DE DE LTAR SEMS KUN NAS NYON MONGS PA @239B CAN DU GYUR BA'I PHYIR TSOR BA DANG DUS KYI KUN NAS NYON MONGS PAS YANG SRID PAR SKYE BA'I LAS BSAGS PAS 'DI LTA STE, SKYE BAR 'GYUR BA'I PHYIR YANG SRID PAR SKYE BA'I PHUNG PO YANG NYE BAR SOGS LA SRID PA STE YANG SRID PAR SKYE BA'I SRID PA DANG, LONGS SPYOD KYI SRED PA YANG 'PHEL BAR BYED DO, ,YANG SRID PAR SKYE BA'I SRED PAS NI PHYI MA LA LUS MNGON PAR 'GRUB PAR BYED DO, ,LONGS SPYOD KYI SRED PAS NI YONGS SU TSOL BA LA ZHUGS PA NA NGAL BAR 'GYUR RO, ,YUL THOB TU ZIN KYANG NYON MONGS PAS GOS PAR 'GYUR LA MA THOB NA YANG 'DOD PA MI RNYED PAS GDUNGS PAR 'GYUR RO, ,THOB PA LAS NYAMS NA YANG MYA NGAN DANG 'KHRUG PA RNAMS KYIS GZIR BAR 'GYUR TE, 'DI NI DE'I TSE 'DI'I NYES DMIGS SO, ,YANG SRID PAR SKYE BA'I LAS DANG NYON MONGS PA GANG YIN PA DE BYAS SHING BSAGS PA'I PHYIR PHYI MA LA SKYE BA DANG RGA SHI LA SOGS PA'I SDUG BSNGAL GYI KHYAD PAR RNAMS SKYE BAR 'GYUR BA 'DI NI TSE PHYI MA'O, ,SEMS MNYAM PAR GZHAG PA'I GANG ZAG CIG SHOS NI DE LAS BZLOG PA YIN PAR RIG PAR BYA'O, ,'DI NI GNYIS PA YIN TE SNGA MA BZHIN NO, ,GZHAN YANG GANG ZAG SNGA MA SHOS NI SEMS MNYAM PAR MA BZHAG PAS BDAG DANG GZHAN RNAMS KYI MI SHES PA LAS GYUR BA'I NYES DMIGS TE, DE YANG DAG PA JI LTA BA BZHIN DU MI SHES LA, CIG SHOS NI SEMS MNYAM PAR BZHAG PAS YANG DAG PA JI LTA BA BZHIN DU SHES SO, ,'DI NI GSUM PA STE, SNGA MA BZHIN NO, ,GZHAN YANG SEMS MNYAM PAR GZHAG PA'I GANG ZAG NYES DMIGS DE YANG DAG PA JI LTA BA BZHIN DU SHES SHING BSGOM PA'I SA LA ZHUGS PA CIG SHOS KYIS NI BDAG MED PA DANG LDAN PA'I YANG DAG PA'I LTA BA SNGAR THOB PA DE BSGOM PA DES SPONG BA'I KHAMS DANG, 'DOD CHAGS DANG BRAL BA'I KHAMS KYIS DUS GNYIS SU BYANG CHUB KYI PHYOGS DANG MTHUN PA'I CHOS THAMS CAD DANG BCAS PAR YONGS SU RDZOGS PAR 'GYUR LA SEMS MNYAM PAR MA BZHAG PA'I GANG ZAG SNGA MA SHOS KYIS NI YONGS SU RDZOGS PAR MI 'GYUR RO, ,'DI NI BZHI PA STE @240A *, ,SNGA MA BZHIN NO, ,GZHAN YANG SEMS MNYAM PAR GZHAG PA'I GANG ZAG GI NI MANG DU THOS PA LHAG MTHONG GI YAN LAG GANG YIN PA DE TING NGE 'DZIN GYIS YONGS SU ZIN PAS LHAG MTHONG YONGS SU DAG PAR 'GYUR TE, DE BAS NA DE'I ZHI GNAS DANG LHAG MTHONG GNYI GA LA MNYAM DU ZUNG DU 'BREL BAR 'GYUR LA SEMS MNYAM PAR MA BZHAG PA'I GANG ZAG GIS NI MANG DU THOS PA DANG BCAS PAR GNYI GA MED PAR RIG PAR BYA STE, YANG DAG PA'I SBYOR BA'I 'BRAS BU'I PHAN YON 'DI NI CHOS 'DI PA YANG DAG PA'I LTA BA DANG LDAN PA MANG DU THOS PA SEMS MNYAM PAR MA BZHAG PA'I GANG ZAG LAS CHOS 'DI PA YANG DAG PA'I LTA BA DANG LDAN PA MANG DU THOS PA SEMS MNYAM PAR GZHAG PA'I KHYAD PAR DU 'PHAGS PA LNGA PA YIN PAR RIG PAR BYA STE, DES DE LTAR ZHI GNAS DANG LHAG MTHONG THOB PA DES SPONG BA'I KHAMS SU YONGS SU SHES PAR BYA BA NI YONGS SU SHES, SPANG BAR BYA BA NI SPONG BAR BYED, MNGON SUM DU BYA BA NI MNGON SUM DU BYED, BSGOM PAR BYA BA NI SGOM PAR BYED DO, ,'DOD CHAGS DANG BRAL BA'I KHAMS SU NI YONGS SU SHES PA DANG, SPANGS PA DANG, MNGON SUM DU BYAS PA DANG, BSGOMS ZIN PAR GYUR TE GZUGS TE RTEN DANG, MING STE BRTEN PA YANG YONGS SU SHES SO, ,YONGS SU SHES PAR 'GYUR RO, ,MA RIG PA STE RTEN DANG, SRID PA'I SRED PA STE BRTEN PA YANG SPONG NGO, ,SPANGS PAR GYUR TO, ,RIG PA RNAM PAR DAG PA'I SHES PA STE RTEN DANG, RNAM PAR GROL BA NYON MONGS PA SPANG BA STE, BRTEN PA YANG MNGON SUM DU BYED DO, ,MNGON SUM DU BYAS PAR GYUR TO, ,ZHI GNAS TE RTEN DANG, LHAG MTHONG STE BRTEN PA YANG SGOM MO, ,BSGOMS PAR GYUR TO, ,CHOS MTHONG BA NI GNYIS TE, 'DUS BYAS KYI CHOS MTHONG BA DANG 'DUS MA BYAS KYI CHOS MTHONG BA'O, ,DE LA 'DUS BYAS KYI CHOS MTHONG BA NI JI LTAR 'DI NA KHA CIG BDEN PA'I GNAS KYANG YANG DAG PA JI LTA BA BZHIN DU RAB TU SHES LA BDEN PA YANG YANG DAG PA JI LTA BA BZHIN DU RAB TU SHES TE, BDEN PA'I GNAS GANG ZHE NA, MING DANG TZUGS @240B NI MI'I RANG BZHIN ZHES BYA BA'O, ,BDEN PA GANG ZHE NA, KUN RDZOB KYI BDEN PA DANG, DON DAM PA'I BDEN PA'O, ,KUN RDZOB KYI BDEN PA GANG ZHE NA, BDEN PA'I GNAS DE NYID LA BDAG GAM, SEMS CAN NAM, SROG DANG SKYE BA PO'I BAR DU 'DU SHES PA GANG YIN PA DANG, BDAG GIS MIG GIS GZUGS RNAMS MTHONG NGO ZHES BYA BA NAS YID KYIS CHOS RNAMS RNAM PAR SHES SO ZHES BYA BA'I BAR DU KHAS 'CHE BA DANG, 'DI LTAR DE'I MING 'DI ZHES BYA BA NAS SNGA MA BZHIN DU TSE'I TSAD NI 'DI TZAM MO ZHES BYA BA'I BAR DU THA SNYAD 'DOGS SO, ,DE'I 'DU SHES SHING KHAS 'CHE LA THA SNYAD 'DOGS PA TZAM GANG YIN PA 'DI NI KUN RDZOB KYI BDEN PA'O, ,DON DAM PA'I BDEN PA GANG ZHE NA, BDEN PA'I GNAS DE NI MI RTAG PA NAS SNGA MA BZHIN DU RTEN CING 'BREL BAR 'BYUNG BA'I BAR DU SBYAR TE, MI RTAG PA NYID JI LTA BA BZHIN DU SDUG BSNGAL BA NYID KYANG DE DANG 'DRA'O SNYAM NAS GANG DE LTAR KUN RDZOB DANG, DON DAM PA'I BDEN PA'I GNAS LA KUN RDZOB KYI BDEN PA LA YANG KUN RDZOB KYI BDEN PA YIN PA DANG, DON DAM PA'I BDEN PA LA YANG DON DAM PA'I BDEN PA YIN PAR YANG DAG PA JI LTA BA BZHIN DU RAB TU SHES PA'I DGE SLONG DE LA NI 'DUS BYAS KYI CHOS MTHONG BA DANG LDAN PA ZHES BRJOD PAR 'OS SO, ,'DUS MA BYAS KYI CHOS MTHONG BA GANG ZHE NA, BDEN PA'I GNAS LA BDEN PA PA GNYIS LA MKHAS PA'I MKHAS PA DE NYID LA BRTEN NAS PHUNG PO THAMS CAD YANG DAG PAR ZAD PA'I MYA NGAN LAS 'DAS PA LA ZHI BAR LTA BA'I SEMS 'JUG PA GANG YIN PA NAS SNGA MA BZHIN DU RNAM PAR GROL BAR 'GYUR BA'I BAR DU SBYAR BA 'DI NI 'DUS MA BYAS KYI CHOS MTHONG BA ZHES BYA STE, DE DANG LDAN PA'I DGE SLONG DE NI 'DUS MA BYAS KYI CHOS MTHONG BA ZHES BRJOD PAR 'OS SO, ,CHOS MTHONG BA DE YANG GANG ZAG GSUM LA YOD PAR RIG PAR BYA STE, SO SO'I SKYE BO CHOS KYI RJES SU MTHUN PA'I CHOS LA ZHUGS PA, SEMS MNYAM PAR GZHAG PA MKHAS SHING YID GZHUNGS LA TSUL BZHIN DU CHOS LA SBYOD PAR BYED PA DANG, DE BZHIN DU SLOB PA BZHI MTHONG BA DANG, MI SLOB PA ZAG @241A *, ,PA ZAD PA LA YANG YOD DO, ,LHA DANG MI'I PHUN SUM TSOGS PA MNGON PAR 'DOD PA'I PHYIR SMON NAS TSANGS PAR SPYAD PA SPYOD PA LA NI LHA DANG MI'I NYES DMIGS GNYIS SU 'GYUR BAR SHES PAR BYA'O, ,GNYIS GANG ZHE NA, NYON MONGS PAS BSKYED PA'I SDUG BSNGAL DANG MI RTAG PA NYID KYIS BSKYED PA'I SDUG BSNGAL LO, ,NYON MONGS PAS BSKYED PA'I SDUG BSNGAL GANG ZHE NA, LHA DANG MI RNAMS NI DA LTAR GYI DUS KYI SGO NAS YUL LA KUN TU DGA' BAR GNAS LA, 'DAS PA'I DUS KYI SGO NAS NI YUL LA DGA'O, ,DA LTAR GYI DUS SU 'DAS PA'I YUL GYI DGA' BA LA BRTEN PAS NI YUL LA KUN NAS DGA'O, ,MA 'ONGS PA'I DUS SU DA LTAR BYUNG BA'I YUL GYI DGA' BA LA BRTEN PAS NI YUL LA MNGON PAR DGA'O, ,DE LTAR DUS GSUM DU KUN NAS NYON MONGS PA CAN DU GNAS PA DE DAG LA NI 'DOD PA MI RNYED PA LAS BYUNG BA'I SDUG BSNGAL DANG, SKYE BA DANG RGA BA LA SOGS PA'I SDUG BSNGAL 'BYUNG BAR SHES PAR BYA STE, 'DI NI KUN NAS NYON MONGS PA LAS GYUR BA'I SDUG BSNGAL SKYE BAR BYED PA'I NYES DMIGS SO, ,MI RTAG PA NYID LAS GYUR BA'I SDUG BSNGAL GANG ZHE NA, BDE BA DANG MTHUN PA RNAMS DANG 'BRAL ZHING 'GYUR BA LAS 'GYUR BA'I SDUG BSNGAL 'BYUNG BA DANG, SDUG BSNGAL BA DANG MTHUN PA RNAMS DANG PHRAD PA LAS SKYO BA'I SDUG BSNGAL 'BYUNG BA DANG, LUS THAMS CAD 'CHI BA'I TSE 'GAG PAR 'GYUR BA LAS 'GAG PA'I SDUG BSNGAL 'BYUNG BA DANG, RNAM PA GSUM PO 'DI DAG NI MI RTAG PA NYID LAS GYUR BA'I SDUG BSNGAL YIN PAR RIG PAR BYA'O, ,DE LA DE BZHIN GSHEGS PA NI NYES DMIGS DE GNYIS LAS 'DA' BAS NA GCIG TU NGES PAR BDE BA LA GNAS PA YIN NO, ,DE LA BDE BA DE YANG RIG PAR BYA STE, GANG GIS BDE BAR 'GYUR BA DANG, BDE BA DE'I THABS KYANG RIG PAR BYA'O, ,BDE BA GANG ZHE NA, YUL THAMS CAD DANG MTSUNGS PAR LDAN PA'I NYON MONGS PA RNAMS ZAD NAS BLA NA MED PA'I GRUB PA DANG, BDE BA PHUNG PO'I LHAG MA DANG BCAS PA'I MYA NGAN LAS 'DA' BAR 'GYUR BA'O, ,THABS GANG ZHE NA, SNGA MA BZHIN DU TSOR BA RNAM PA LNGA YANG DAG PA JI LTA BA BZHIN DU @241B SNGAR BSGYUR BA'I SHAS PA'O, ,DE LA NYAN THOS GANG STON PA'I BDE BA LHA DANG MI'I LAS YANG DAG PAR 'DAS PA BOR TE, LHA DANG MI'I BDE BA NGAN PA 'DOD PA DE NI DAM PA RNAMS KYIS KYANG SMAD PAR 'GYUR LA, BDAG NYID KYANG BSLUS PAR 'GYUR RO,, ,,RNAL 'BYOR SPYOD PA'I SA LAS GZHI BSDU BA, BAM PO BCU GNYIS PA, SDOM NI, GNYIS DANG GNAS NI GCIG PA DANG, ,MYA NGAN 'DAS LAS RING BA DANG, ,MDOR BSTAN SO SO RANG RIG DANG, ,KUN MKHYEN DANG NI DE MTSAN DBYE, ,BSLAB PA 'BUL BAR BYED PA DANG, ,LAS DANG STONG PA NYID DANG NI, ,NYE BAR SPYOD DANG RTAG PA DANG, ,STON PA DANG NI NYAN THOS GNYIS, ,RGYU GNYIS KYIS ZLA DANG BCAS TE GNAS PAR RIG PAR BYA STE, SRED PA DANG BCAS PA'I LUS GNYIS PA SKYE BA'I RGYU YANG BLANGS TE GNAS PA DANG, LUS 'DI 'GAGS PA LAS KYANG LUS GNYIS PA MNGON PAR 'GRUB PAR 'GYUR RO, ,SRED PA DANG BCAS PA JI LTA BU YIN ZHE NA, CHAGS PAR 'GYUR BA'I YUL 'THOB TU CHA BAR SHES NAS THOG MA NYON MONGS PA CAN GYI KUN NAS DGA' BA NI KUN DU DGA' BA YIN NO, ,DE'I 'OG TU NAM MA THOB KYI BAR DU DE YID LA BYED PAS SHAS CHER GNAS PA DANG, THOB LA NYE BAR MA SPYOD PA'I BAR MDO'I DGA' BA DE KHO NA LA BRTEN NAS YID BDE BAR GYUR BAS GNAS PA DANG, NYE BAR SPYOD PA'I TSE YANG LHAG PAR ZHEN CING KUN DU CHAGS PAR 'GYUR TE DE BAS NA SRED PA DANG BCAS PA ZHES BYA'O, ,MA 'ONGS PA'I 'DOD PA DE 'THOB PA YANG YOD PA NI KUN DU DGA' BA'O, ,'DAS PA RJES SU DRAN PA NI DGA' ZHING YID BDE BA'O, ,THOB PA SPYOD PA LA NI KUN DU CHAGS PA STE, 'DI YANG RNAM GRANGS GCIG GO, ,LUS GNYIS PA JI LTAR MNGON PAR 'GRUB CES NA, DGA' BA DE'I RGYU LAS PHYI MA LA SKYE BA DANG RGA BA'I RTZA BA LAS BYUNG BA'I SDUG BSNGAL SKYE BAR 'GYUR RO, ,DE LAS BZLOG PA NI ZLA MED PAR GNAS PA YIN PAR RIG PAR BYA'O, ,NYON MONGS PA RNAMS DANG MYA NGAN LAS 'DAS PA 'DI GNYIS NI PHAN TSUN MI MTHUN PA'I CHOS CAN YIN TE, DE BAS NA KUN NAS NYON @242A *, ,MONGS PA CAN DU GNAS PA NI YANG SRID PAR SKYE BA DANG, MTHUN PAR 'DUG LA YANG SRID PAR SKYE BA DANG MTHUN PAR 'DUG PA NI MYA NGAN LAS 'DAS PA LAS RING BA ZHES BYA'O, ,DRUG PO 'DI DAG NI SKYES BU GANG ZAG MI SRUN PA RNAMS KYIS MI SRUN PA'I RNAM PA YIN TE, RANG BZHIN GYIS KHRO BA DANG, MA BRTAGS PAR BYED PA DANG, GZHAN LA GNOD PA'I NGANG TSUL CAN SDUG BSNGAL GYIS REG PAR BYED PA DANG, MI BDEN PA'I TSIG RTZUB PO SMRA BA DANG, BDEN NA YANG GNOD PA DANG LDAN PA'I TSIG RTZUB PO SMRA BA DANG, DE YANG RNAM GRANGS DU MAR TSIG RTZUB PO SMRA ZHING NYANG NYUNG TZAM GYIS SNYING MI TSIM PA'O, ,RAB TU BYUNG BA'I STOBS YANG DAG PAR BLANGS TE 'DUG PA NA BZOD PA DANG NGES PA'I RGYU GNYIS KYIS DGE SBYONG GI TSUL GYI DON KYANG MYUR DU 'THOB LA MA DAD PA RNAMS NI DANG BAR BYA BA DANG, DAD PA RNAMS NI PHYIR ZHING DAD PAR BYA BA LA ZHUGS PA YIN NO, ,DE LA BZOD PA NI GZHAN DAG LA LAN DU GNOD PAR BYED PAS NYE BAR MI GNAS PA'O, ,NGES PA NI BSAM PA MI 'KHRUG CING GZHAN LA MI 'TSE BA'I NGANG TSUL CAN NO, ,MA DOR NA DE BZHIN GSHEGS PA RNAMS KYI MTHAR THUG PA NI MDOR BSDU NA GNAS GNYIS KYIS BSTAN TE PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS DANG, PHUNG PO LHAG MA MED PA'I MYA NGAN LAS 'DAS PA'I DBYINGS BSTAN PA'O, ,DE LA NYON MONGS PA SPANGS PA GANG GIS GANG ZAG DE SPANGS PA GANG GIS GANG ZAG DE SPANGS PA DANG LDAN PA NYON MONGS PA DANG LDAN PA MA YIN PA DE'I PHYIR DE DE'I 'BRAS BUYANG SRID PAR SKYE BA'I SDAG BSNGAL LA MI GNAS PAR RIG PAR BYA STE, 'DI NI PHUNG PO LHAG MA DANG BCAS PA'I MYA NGAN LAS 'DAS PA'I DBYINGS BSTAN PA YIN NO, ,GANG GI PHYIR DE YANG SRID PAR SKYE BA'I NYON MONGS PA'I 'BRAS BU'I SDUG BSNGAL LA MI GNAS PA DE'I PHYIR DE TSE'I TSAD JI TZAM YOD PA ZAD PAR BYAS NAS 'CHI BA'I DUS BYED DE, THAMS CAD KYI THAMS CAD DU PHUNG PO'I LHAG MAS 'DI DANG GZHAN DU LUS 'BYUNG BAR MI 'GYUR ZHING BAR MDO'I SRID PA 'BYUNG BAR MI 'GYUR RO, ,DE BAS NA SDUG BSNGAL THAMS CAD KYI MTHAR GYUR BA THOB PA YIN, 'DI NI PHUNG @242B PO'I LHAG MA MED PA'I MYA NGAN LAS 'DAS PA'I DBYINGS BSTAN PA YIN NO, ,DRAN PA'I STOBS DANG LDAN PA'I RGYU NI GSUM YOD DE, NA GZHON PA DANG, SNGON GYI TSE RABS NAS GOMS PA DANG, TSE 'DI LA GOMS PA'O, ,MYA NGAN LAS 'DAS PA'I CHOS SO SO RANG GIS RIG PA NI RNAM PA LNGAR RIG PAR BYA STE, 'DI LTA STE, SNGA MA BZHIN DU DAD PA NAS LTA BA LA RTOG PA BZOD PA'I BAR RNAMS MA YIN PAR NANG GI RANG GI NAD DANG PHYI ROL GYI DBANG GIS BYUNG BA'I KUN NAS NYON MONGS PA YOD PA DANG MED PA 'DI LTA STE, TSE 'DI NYID LA YANG DAG PA JI LTA BA BZHIN DU RAB TU SHES PA'O, ,SANGS RGYAS RNAMS KYI BYANG CHUB NI SHES BYA THAMS CAD RTOGS PA DANG, YOD PA DANG MED PA'I DNGOS PO BDEN PAR RTOGS PA DANG, KUN NAS NYON MONGS PA DANG, RNAM PAR BYANG BA'I PHYOGS DANG MTHUN PA'I CHOS THAMS CAD RTOGS PA'I RNAM PA GSUM GYIS RAB TU PHYE BA YIN TE DE BAS NA GNAS GSUM PO DAG TU GZHAN RNAMS BCOM LDAN 'DAS LA ZHU BA ZHU BAR BYED DO, ,'DUS BYAS KYI CHOS LHAN CIG 'BYUNG BA THAMS CAD NI SEMS RMONGS SHING MTSAN NYID LA LOG PAR 'DZIN PA'I RTOG PA SKYED PAR BYED PA YIN NO, ,DE BAS NA DE BZHIN GSHEGS PA NI NYAN THOS RNAMS MTSAN NYID NGES PA LA 'JUG PAR MDZAD PA'I PHYIR RNAM PAR DBYE BAR MDZAD DE, MTSAN NYID KYI DE NYID SHES PA RNAMS NI BDAG KYANG BSLUS PAR MI 'GYUR LA, GZHAN DAG LA YANG BAG TSA BA MED PAR STON PAR 'GYUR RO, ,RAB TU BYUNG BA'I BSLAB PA 'BUL BA'I SGO NAS NI YUL LA LTA BA RNAM PAR GZHAG PAR RIG PAR BYA'O, ,RAB TU BYUNG BA NYID KYI 'CHAL BA'I TSUL KHRIMS KYI SGO NAS NI RAB TU BYUNG BA NYID KYI 'JUG PA MI PHYOGS PA SEMS KYI THAB 'CHAB PA'I GZHI RNAM PR GZHAG PAR RIG PAR BYA'O, ,NGO TSA SHES PA DANG KHREL YOD PA DANG BRAL BAS GCIG TU NGES PAR RO MYANG BAS BZUNG ZHING DMIGS PA'I YUL GANG YIN PA DE NI RO MYANG BA LHUR LEN PA ZHES BYA'O, ,DES KYANG DGE BA'I PHYOGS CHEN PO BYA BA LA LAS SU MI RUNG BA'I TSUL GYIS SEMS THA BAR BYED DO, ,DE'I SGO NAS KYANG NYES PAR SPYOD PA KUN DU SBYOR BAR @243A *, ,'GYUR LA SDIG PA'I BSAM PA YANG MKHYUD PAR 'GYUR ZHING 'CHAB PA BSKYED DO, ,DE DAG THAMS CAD GCIG TU BSDUS PA NI RO MYANG BA LHUR LEN PA'I YUL SEMS KYI THA BA 'CHAB PA'I GZHI ZHES BYA'O, ,DBANG PO'I SGOM BSDAMS PAR SPYOD PA NI DAM PA'I CHOS MA YIN PA THOS PA LA BRTEN NAS MA RIG PA'I 'DUS TE REG PA LAS BYUNG BA'I NYON MONGS PA CAN GYI YID LA BYED PA SKYE BAR 'GYUR TE, DE'I SGO NAS PHYI MA LA SKYE MCHED MNGON PAR 'GRUB PA'I NYES DMIGS YANG DAG PA JI LTA BA BZHIN DU MI SHES SO, ,YANG DAG PA JI LTA BA BZHIN DU MI SHES NA 'DOD PAR 'GYUR RO, ,'DOD PAR GYUR NA DE DANG LDAN PA'I LAS BYED CING SOGS SO, ,DE DANG LDAN PA'I LAS BYAS SHING BSAGS NA PHYI MA LA SKYE MCHED DRUG MNGON PAR 'GRUB STE GO RIMS 'DI BZHIN DU MI MTHUN PA'I TSUL GYIS SKYE MCHED DRUG NI LAS KYI RGYU LAS BYUNG NGO, , LAS NI SRID PA'I RGYU LAS BYUNG NGO, ,SRED PA NI MA RIG PA'I RGYU LAS BYUNG NGO, ,MA RIG PA NI TSUL BZHIN MA YIN PA YID LA BYED PA'I RGYU LAS BYUNG NGO, ,TSUL BZHIN MA YIN PA YID LA BYED PA NI MA RIG PA'I 'DUS TE REG PA'I RGYU LAS BYUNG BA'O, ,DE LA SNGON GYI LAS GANG YIN PA DE NI TSE 'DI LA MYONG BAR 'GYUR BA'I SKYE MCHED DRUG GI RKYEN TO, ,TSE 'DI'I LAS GANG YIN PA DE NI SKYES NAS MYONG BAR 'GYUR BA'I SKYE MCHED DRUG GI RKYEN TO, ,YANG NA LAN GRANGS GZHAN LA MYONG BAR 'GYUR BA'I GZHI'O, ,DE BZHIN DU SRED PA LA SOGS PA YANG LAS LA SOGS PA DANG CI RIGS PAR SBYAR BAR RIG PAR BYA'O, ,YANG SRID PAR SKYE BA NI YANG SRID PAR SKYE BA'I LAS DANG, YANG SRID PAR SKYE BA'I SRED PA RNAM PA GNYIS KYIS MNGON PAR 'GRUB PAR 'GYUR TE, SEMS CAN 'DI DAG NI LAS JI LTA BBA BZHIN DU 'GRO BA ZHES BYA'O, ,SRED PA JI LTA BA BZHIN DU 'GRO BA ZHES NI MI BYA'O, ,DE CI'I PHYIR ZHE NA, SRED PA NI MDOR BSDU NA RNAM PA GSUM STE, 'DOD PA'I SRED PA DANG, GZUGS KYI SRED PA DANG, GZUGS MED PA'I SRED PA'O, ,DE LA 'DOD PA'I SRED PA GANG YIN PA DE NI MI DGE BA YIN TE, RNAM PAR SMIN PA DANG BCAS PA YIN MOD KYI SDIG PA'I @243B LAS KUN NAS MA BSLANGS PAR NGAN SONG RNAMS SU RNAM PAR SMIN PA SMIN PAR MI BYED DO, ,GANG GI TSE 'DOD PA'I KHAMS SU SRED PA DANG BCAS PA'I MA RIG PA'I 'DUS TE REG PA LAS BYUNG BA'I TSOR BA 'DOD PAR GYUR NAS CHAGS PAR 'GYUR BA'I YUL LA 'DOD CHAGS PA DANG, ZHE SDANG BAR 'GYUR BA LA ZHE SDANG BA DANG, GTI MUG PAR 'BYUNG BA LA GTI MUG PA'I SGO NAS MI DGE BA'I LAS KUN DU SPYOD DE, DE'I PHYIR LAS DES NGAN SONG RNAMS SU SKYE BAR 'GYUR GYI 'DOD CHAGS DANG, ZHE SDANG DANG, GTI MUG GI KUN NAS DKRIS PA TZAM GYIS NI MA YIN NO, ,SRED PA NI LAS DE'I RNAM PAR SMIN PA MNGON PAR 'GRUB PA'I TSE NGES PA KHO NAR GROGS KYI BYA BA BYED PAR ZAD DO, ,SDUG PA'I YUL 'DOD PA'I SGO NAS NI LUS DANG NGAG DANG YID KYIS DGE BA KUN DU SPYOD DE, DE'I RGYUS NI BDE 'GROR SKYE BAR 'GYUR TE, DER SDUG PA'I RNAM PAR SMIN PA 'PHEN CING; MNGON PAR 'GRUB PA NA LAS NYI TSE RGYUR 'GYUR BAR 'OS KYI, NYON MONGS PA CAN GYI SRED PA'I RANG BZHIN NI DE LTA MA YIN NO, ,GZUGS DANG GZUGS MED PA'I SRED PA GANG YIN PA NI MI DGE BA MA YIN NO, ,'ON KYANG NYON MONGS PA CAN YIN TE, DE NI THAMS CAD KYI THAMS CAD DU RNAM PAR SMIN PA MED PA KHO NA'O, ,DE GAL TE GZUGS DANG GZUGS MED PA'I SRED PAS SRED PAR 'GYUR NA NI DAM PA'I CHOS THOS PA LA BRTEN NAS 'DOD PA'I KHAMS LA RAGS PAR MTHONG STE, REG PA'I 'DUS TE REG PA LAS BYUNG BA'I 'JIG RTEN PA'I TSOR BA TSUL BZHIN YID LA BYED PA DANG MTSUNGS PAR LDAN PA DANG PHRAD NAS 'DOD PA'I KHAMS KYI 'DOD CHAGS DANG, ZHE SDANG DANG, GTI MUG BSAM TE DGE BA ZAG PA DANG BCAS PA BSGOMS PA LAS BYUNG BA'I LAS BYED DO, ,DES NA DE 'DIR BYA BA'I LAS KYIS DER SKYE BAR 'GYUR GYI NYON MONGS PA CAN GYI SRED PAS NI MA YIN NO, ,SRED PA NI LAS DE'I RNAM PAR SMIN PA MNGON PAR 'GRUB PA'I TSE GROGS KYI BYA BA BYED PAR ZAD DO, ,DE BAS NA SEMS CAN RNAMS NI LAS JI LTA BA BZHIN DU 'GRO BA ZHES BYA'I SRED PA JI LTA BA BZHIN DU 'GRO BA ZHES MI BYA BA'I PHYIR RO, ,PHYI ROL GYI DNGOS PO RNAMS @244A *, ,LA 'JIG RTEN GYI GDAGS PA'I SGO NAS 'BRAS BU 'GA' ZHIG TSOR BA PO LAS RES 'GA' STONG LA RES 'GA' NI MI STONG PAR SNANG STE 'BRAS BU LA JI LTA BA BZHIN DU RGYU LA YANG DE DANG 'DRA'O, ,DE YANG KUN RDZOB KYI STONG PA YIN GYI DON DAM PA'I STONG PA ZHES NI MI BYA'O, ,DUS THAMS CAD DU 'DU BYED THAMS CAD KYI 'BRAS BU DANG RGYU TZAM ZHIG NI YOD LA TSOR BA PO DANG BYED PA PO NI MED PA GANG YIN PA 'DI NI DON DAM PA STONG PA NYID CES BYA'O, ,DE YANG RNAM PA BDUN DU RIG PAR BYA STE, 'DI LTA STE, PHYI MA'I MTHA' STONG PA NYID DANG, SNGON GYI MTHA' STONG PA NYID DANG, DBUS KYI MTHA' STONG PA NYID DANG, RTAG PA STONG PA NYID DANG, BDAG STONG PA NYID DANG, TSOR BA PO STONG PA NYID DANG, BYED PA PO STONG PA NYID DO, ,DE LA MA 'ONGS PA'I DUS NA 'DU BYED RNAMS 'DU BYED KYI PHUNG POR 'DUG STE, DE LAS 'DU BYED RNAMS SKYE BA'I TSE 'ONG BAR 'GYUR BA MED DO, ,GAL TE DE YOD PAR 'GYUR NA MA 'ONGS PA'I DUS NA RANG BZHIN GYIS YONGS SU GRUB ZIN PA DE DAG NI SKYER YANG MI RUNG LA MI RTAG PA NYID DU SNANG BAR YANG MI 'GYUR BA'I RIGS NA SNANG ZHING YANG 'DUG STE, DE BAS NA SKYE BA'I TSE GANG NAS KYANG MI 'ONG LA MED PA LAS YOD PAR YANG 'GYUR BA 'DI NI PHYI MA'I MTHA' STONG PA NYID DE, DE LAS 'DAS PA'I DUS NA 'DU BYED RNAMS PHUNG POR 'DUG STE, DER 'DU BYED SKYES NAS 'GAG PA RNAMS SOGS PAR 'GYUR BA MED DE, GAL TE YOD PAR GYUR NA 'DAS PA'I 'DU BYED KYI TSOGS RANG GI BDAG NYID KYIS GNAS PA'I PHYIR 'DU BYED 'GAG PA YANG MED PA KHO NAR 'GYUR LA 'GAG PA MED NA NI RTAG PA NYID DU YANG SNANG BAR MI 'GYUR BA'I RIGS NA SNANG ZHING YANG 'DUG STE, DE BAS NA 'DU BYED RNAMS 'GAG PA'I TSE GANG DU YANG SOGS PAR MI 'GYUR LA YOD PA LAS 'GAG PA'I RGYU LA MA LTOS PAR RANG GI NGANG IS PHYIR MED PAR 'GYUR BA 'DI NI SNGON GYI MTHA' STONG PA NYID DO, ,'DU BYED RNAMS KYI SKAD CIG LA SKYES LA MA 'GAGS PA LA 'DU BYED TZAM DU SNANG STE, DE DAG LA DE MA YIN PA'I 'DU BYED KYANG MED LA DON THA DAD PAR 'GYUR BA YANG MED PA 'DI NI DBUS KYIS @244B MTHA' STONG PA NYID DANG, RTAG PA STONG PA NYID DANG, BDAG STONG PA NYID DU RIG PAR BYA'O, ,BDAG MED NA NI 'BRAS BUR GYUR BA'I 'DU BYED RNAMS KYANG TSOR BA POS STONG LA RGYUR GYUR BA'I LAS KYANG BYED PA POS STONG PA 'DI NI TSOR BA PO DANG, BYED PA PO STONG PA NYID DO, ,TSOR BA PO DANG BYED PA PO MED PAS NA 'DU BYED TZAM GYI SNGON GYI SKYE BA NI 'GAG LA 'DU BYED TZAM GYIS SKYE BA GZHAN NI 'BYUNG BAR 'GYUR GYI SNGON GYI RNAMS 'DOR BA PO YONGS SU YANG MED LA PHYI MA RNAMS LEN PA PO YONGS SU YANG MED DO, ,RTEN CING 'BREL BAR 'BYUNG BA'I CHOS RNAMS NYID KYIS CHOS RNAMS BSKYED DO ZHES GSUNGS PA DE NI BYED PA MED PA'I CHOS THAMS CAD LA SUS KYANG CI YANG BSKYED PA MED MOD KYI 'ON KYANG GANG YOD NA GANG 'BYUNG BAR 'GYUR LA GANG SKYES NA GANG SKYE BOR 'GYUR TE, CHOS TZAM GYI RGYU DANG 'BRAS BUR GYUR PA DE LA CHOS RNAMS NYID KYIS CHOS RNAMS BSKYED DO ZHES BRDA 'DI 'DOGS PAR MDZAD DO, ,YID BDE BA DANG MTHUN PA'I YUL LA NI RNAM PA LNGAS NYE BAR SPYOD CING KUN DU CHAGS TE TSUL BZHIN MA YIN PA'I MTSAN MA 'DZIN PAR BYED DO, ,'DUN PA BSKYED DO, ,LAN MANG DU RJES SU RTOG PAR BYED DO, ,YONGS SU TSOL BAR BYED DO, ,DE'I RGYUS BSOD NAMS DANG BSOD NAMS MA YIN PA SPYOD DO, ,YID BDE BA DANG MTHUN PA'I YUL LA JI LTA BA DE BZHIN DU YID MI BDE BA DANG, BTANG SNYOMS DANG MTHUN PA LA YANG CI RIGS PAR SBYAR BAR RIG PAR BYA'O, ,DE LA KHYAD PAR NI 'DI YOD DE YID MI BDE BA DANG MTHUN PA RNAMS LA NI GNOD SEMS SU 'GYUR RO, ,BTANG SNYOMS DANG MTHUN PA RNAMS LA NI RMONGS PAR 'GYUR RO, ,LHAG MA NI SNGA MA BZHIN NO, ,DGE SLONG DGRA BCOM PA ZAG PA ZAD PA NA YUL THAMS CAD LA NYE BAR SPYOD PA NA BRJED NGAS PA TZAM GYIS SGO NAS KYANG NYON MONGS PA SKYE BAR 'GYUR BA'I RGYUR RTAG TU MI 'GYUR TE, DE BAS NA RTAG TU KUN NAS NYON MONGS PA MED PAR GNAS PA'I PHYIR RTAG TU GNAS PA ZHES BYA STE, NYE BAR SPYOD PA'I PHYOGS DANG MTHUN PA'I YID BDE BA DANG YID MI BDE BA GANG YIN PA DES KYANG DGRA BCOM PA NI YID BDE BAR YANG MI 'GYUR LA YID MI BDE BAR YANG MI 'GYUR @245A *, ,TE DGE BA GANG YIN PAS NI DE LTA MA YIN NO, ,RTAG TU GNAS PAR BYA BA DE DAG NI DKA' BA DANG, MCHOG YIN PA DANG, KHA NA MA THO BA MED PA'I PHYIR DE DAG DANG LDAN PA NI DKON PA DANG, YON GNAS KYI MCHOG YIN PAR RIG PAR BYA BA NAS SPYAN DRANG BA'I 'OS YIN PA'I BAR DU RGYAS PAR SBYAR TE, 'DI LTA STE, RNAM GRANGS BSDU BA LAS 'BYUNG BA BZHIN NO, ,LEGS PAR GSUNGS PA'I CHOS 'DUL BA STON PA'I STON PA PHUN SUM TSOGS PA NI RNAM PA GNYIS KYIS RIG PAR BYA'O, ,NYAN THOS RNAMS KYI NYAN THOS PHUN SUM TSOGS PA YANG RNAM PA GNYIS KYIS RIG PAR BYA'O, ,RNAM PA GNYIS PO GANG GIS STON PA PHUN SUM TSOGS PAR RIG PAR BYA ZHE NA, 'DI LTA STE, GZHAN LA PHAN PA BSGRUB PA'I SGO NAS TOSR BA GANG CI YANG RUNG BA'I 'DI DAG 'DIR SDUG BSNGAL BA YIN NO ZHES BYA BA LA 'JUG PAR BYA BA'I PHYIR TSOR BA RNAMS KYI RTEN BSTAN PA DANG, GZHI BSTAN PA DANG, KUN NAS NYON MONGS PAR 'GYUR BA NYE BAR SPYOD PA BSTAN PA DANG, STON PA'I RTAGS MI MTHUN PA'I PHYOGS DANG GNYEN PO RNAM PAR GZHAG PA BSTAN PA DANG, RNAM PA THAMS CAD DU NGES PAR 'BYUNG BA BSTAN PA 'DI NI STON PA PHUN SUM TSOGS PA DANG PO'O, ,YANG NA BDAG LA PHAN PA BSGRUB PA'I SGO NAS MA 'DRES PA'I DRAN PA NYE BAR GZHAG PA GSUM GYIS KUN NAS NYON MONGS PA MED PAR GNAS PA 'DI NI STON PA PHUN SUM TSOGS PA GNYIS PA YIN PAR RIG PAR BYA'O, ,DE LA RNAM PA GNYIS PA GANG GIS NYAN THOS PHUN SUM TSOGS PAR RIG PAR BYA ZHE NA, DE BZHIN GSHEGS PA'I CHOS BSTAN PA NI TSAD MED DE SNYAM DU RIG NAS THOS PA'I PHA ROL TU PHYIN PAR MI NUS LA, GAL TE PHA ROL TU PHYIN PAR NUS NA YANG DE NI CHOS KYI RJES SU MTHUN PA'I CHOS NAN TAN DU BSGRUB PAS NGES PAR 'BYUNG BAR BYA BA'I PHYIR YIN GYI, GZUNG BAR BYA BA TZAM GYI PHYIR MA YIN NO SNYAM DU RIG NAS TSUL BZHIN DU CHOS KYI RJES SU MTHUN PA'I CHOS LA ZHUGS PA YIN TE, THA SNYAD DANG SGRA DANG TSIG LHUR LEN PA MA YIN PA 'DI NI NYAN THOS PHUN SUM TSOGS PA DANG PO'O, ,DE DE LTAR CHOS KYI RJES SU @245B MTHUN PA'I CHOS LA ZHUGS NAS NGAN NGON GYIS CHOG PAR MI 'DZIN TE SKYES BU CANG SHES BZANG POS SA JI TZAM BGROD PAR BYA ZHING THOS PAR BYA BA DE THOB PA KHO NAR 'GYUR BA'I 'DI NI NYAN THOS PHUN SUM TSOGS PA GNYIS PA YIN PAR RIG PAR BYA'O, ,GZHAN YANG LEGS PAR GSUNGS PA'I CHOS 'DUL BA LA STON PA'I STON PA PHUN SUM TSOGS PA NI RNAM PA GSUM GYIS RIG PAR BYA'O, ,NYAN THOS KYI NYAN THOS PHUN SUM TSOGS PA YANG RNAM PA GNYIS KYIS RIG PAR BYA'O, ,STON PA PHUN SUM TSOGS PA RNAM PA GSUM GYIS RIG PAR BYA BA GANG ZHE NA, 'DI LA DE BZHIN GSHEGS PA THOG MA KHO NAR MTHA' GNYIS SPANGS PA'I DBU MA'I LAM NYAN THOS RNAMS LA BRDA SPROD PAR MDZAD PA 'DI NI PHUN SUM TSOGS PA DANG PO'O, ,GZHAN YANG MA DAD PA RNAMS DANG, LOG PAR ZHUGS PA RNAMS BSTAN PA 'DI LA THABS LEGS PAR 'JUG PAR MDZAD PA 'DI NI PHUN SUM TSOGS PA GNYIS PA'O, ,GZHAN YANG ZHUGS ZIN PA RNAMS CHOS BZHIN DU BSDU BA RNAM PA BZHIS SDUD PAR MDZAD PA 'DI NI STON PA PHUN SUM TSOGS PA GSUM PA'O, ,CHOS BZHIN DU BSDU BA RNAM PA BZHI GANG ZHE NA, NANG DU YANG DAG 'JOG PA'I GDAMS NGAG 'TSAM PA LKOG TU STON TE, MI 'TSAM PAS MA YIN PA DANG, 'GAL BAR BYED PA LA MNGON SUM DU 'TSAM PA'I NGO BZLOG GI TSIG GIS SMA 'BEBS TE MI 'TSAM PAS MA YIN PA DANG, ZHEN PA LA BRTEN PA'I RTOG PA RNAMS LA NANG GI ZHI BA BSTAN PA DANG, RTAG TU DUS DUS SU DAM PA'I CHOS NYAN DU GZHUG PA'O, ,DE LA DAM PA'I CHOS LTAR BCOS PA DANG, SPYOD PA DANG 'GAL BA MI MTHUN PA'I PHYOGS MA RTOGS PA NI NANG DU YANG DAG 'JOG PA'I GDAMS NGAG 'TSAM PA LKOG TU BSTAN PA YIN NO, ,'GAL BAR BYED PA BDEN PA DANG SMA DBAB PAS 'DUL BAR RIG NAS KUN NAS NYON MONGS PA CAN MA YIN PA'I SEMS KYIS BYED PA NI 'TSAM PAR MNGON SUM DU SMA 'BEBS PA YIN NO, ,BDEN PA RNAM PAR NGES PA'I TSUL GYIS 'DOD PA'I YON TAN RNAMS LA ZHUGS PA'I RTOG PA RNAMS LA NYES PAR MTHONG NAS MTHAR GYIS BSAM GTAN BZHI PA LA SNYOMS PAR 'JUG PA'I BAR GYI ZHEN PA LA @246A *, ,BRTEN PA'I RTOG PA RNAMS ZHI BA NI NANG ZHI BA YIN NO, ,BDAG KYANG YONGS SU NGAL BAR MI BYED LA GZHAN DAG KYANG 'DZIN DU 'JUG PA'I SGO NAS NI RTAG TU DUS DUS SU DAM PA'I CHOS NYAN DU GZHUG PA YIN PAR RIG PAR BYA'O, ,NYAN THOS PHUN SUM TSOGS PA RNAM PA GNYIS GANG ZHE NA, 'DI LA NYAN THOS NI THOG MA KHO NAR STON PA'I LTA BA RUNG BAR BYA BA 'DI LTA STE, CHOS RNAMS LA BDAG MED PAR LTA BA LA ZHUGS TE, DE NI CHOS RNAMS LA BDAG TU SGRO BTAGS NAS LOG PAR MNGON PAR ZHEN PAR YANG MI BYED LA KUN RDZOB KYANG CHUD GSON PAR MI BYED DE LHAG PA'I BSAM PAS RJES SU 'GRO BAR YANG MI BYED LA RJES SU THA SNYAD 'DOGS PA LAS KYANG 'GAL BAR MI BYED PA 'DI NI NYAN THOS PHUN SUM TSOGS PA DANG PO'O, ,DE LTA BA RUNG BAR BYAS PA LA ZHUGS NAS, CHOS KYI RJES SU MTHUN PA'I CHOS LA NAN TAN DU SGRUB CING CHOS BZHIN DU BSDU BA RNAM PA BZHIS BSDUS PAS CHOS GANG SDUG BSNGAL BA DANG BCAS SHING PHONGS PA DANG BCAS PA DE DAG NI YANG DAG PA JI LTA BA BZHIN DU YONGS SU SHES NAS SPONG BAR BYED DO, ,CHOS GANG SDUG BSNGAL BA MED CING PHONGS PA MED PA DE DAG NI MNGON SUM DU BYED DE, 'DI NI NYAN THOS PHUN SUM TSOGS PA GNYIS PA'O, ,DE LTAR NA STON PA DANG, NYAN THOS PHUN SUM TSOGS PAS BSDUS PA'I SANGS RGYAS RNAMS KYI BSTAN PA 'DI NI GCIG TU NGES PAR KUN NAS NYON MONGS PA CAN MA YIN PA RNAM PAR DAG PA MKHAS PA RNAMS KYIS 'JUG PAR BYA BA'I 'OS YIN PAR RIG PAR BYA'O, ,GZHI BSDU BA LAS SKYE MCHED RAB TU RNAM PAR 'BYED PA ZHES BYA BA STE BSDU BA GNYIS PA RDZOGS SO,, ,,SPYI SDOM NI, RNAM PAR GZHAG PAR BYA BA DANG, ,KUN RDZOB DANG NI DON DAM DANG, ,REG PA'I RKYEN DANG SRID 'GAG DANG, ,ZAS SU 'GYUR BA THA MA YIN, , SDOM NI, RNAM PAR GZHAG PAR BYA BA DANG, ,SDUG BSNGAL PHUNG PO BDEN PA BRTAG ,BSTAN PA YONGS SU BSDU BA DANG, ,SHES PA CHA PHRA MTHA' BRTAG DANG, ,DPYOD DANG MNGON PA'I NGA RGYAL DANG, ,ZAB MO YANG NI THA MA YIN, ,RTEN CING 'BREL BAR 'BYUNG BA NI MDOR BSDU NA RNAM PA GSUM @246B DU RNAM PAR GZHAG PAR BYA STE, SNGON GYI MTHA' NAS DBUS KYI MTHAR JI LTAR 'BYUNG BA DANG, DBUS KYI MTHA' NAS PHYI MA'I MTHAR JI LTAR 'BYUNG BA DANG, JI LTAR DBUS KYI MTHAR BYUNG STE 'DUG PA RNAM PAR BYANG BAR YANG 'GYUR BA'O, ,DE LA SNGON GYI MTHA' NAS DBUS KYI MTHAR JI LTAR BYUNG BA DANG BYUNG NAS KYANG DBUS KYI MTHAR JI LTAR 'DUG CE NA, JI LTAR 'DI NI KHA CIG SNGA NAS MI MKHAS PAS MA RIG PA'I RKYEN LAS BYUNG BA'I BSOD NAMS DANG BSOD NAMS MA YIN PA DANG, MI G-YO BA'I LUS DANG, NGAG DANG, YID KYIS LAS BYAS SHING BSAGS TE DE'I RNAM PAR SHES PA YANG LAS DE'I RJES SU 'GRO ZHING 'CHI BA'I DUS BYED PAR MA GYUR GYI BAR DU RJES SU 'BRANG STE, NYING MTSAMS SBYOR BA'I RNAM PAR SHES PA'I RGYUR GYUR LA NANG DANG PHYI ROL GYI SRED PA YANG RNAM PAR SHES PA DE'I 'BRAS BU MNGON PAR 'GRUB PA'I TSE GROGS BYED PA'I TSUL GYIS NYA BAR GNAS SO, ,DE 'CHI BA'I DUS BYAS NAS SNGON GYI MTHA' NAS DA LTAR GYI DUS SU LUS MNGON PAR 'GRUB PAR 'GYUR TE MTHAR GYIS MA'I MNGAL DU RGYU'I RNAM PAR SHES PA'I RKYEN GYIS NYING MTSAMS SBYOR BA'I 'BRAS BU'I RNAM PAR SHES PA 'DI LTA STE, MER MER PO LA SOGS PA'I GNAS SKABS KYI KHYAD PAR GYIS GONG NAS GONG DU MNGAL NA GNAS PA DE MING DANG GZUGS NAS 'KHOGS PA LA THUG PA'I BAR DU 'GYUR RO, ,NYING MTSAMS SBYOR BAR SBYAR BA'I MOD LA RNAM PAR SHES PA DE SKYE BAR 'GYUR BA'I LAS GANG YIN PA DE NI RNAM PAR SMIN PA'I SGO NAS 'BRAS BU SMIN ZIN PA YIN NO, ,RNAM PAR SMIN PA LAS BYUNG BA'I RNAM PA SHES PA DE YANG MING DANG GZUGS DE NYID LA GNAS SHING 'DUG GO, ,DE YANG MI GA LA SOGS PA RTEN DRUG PO RNAMS LA GNAS SHING 'DUG STE, DES NA MING DANG GZUGS KYI RKYEN GYIS RNAM PAR SHES PA ZHES BYA STE, DBANG PO'I GZUGS NI LHAN CIG BYUNG BA DANG, MING 'GAGS MA THAG PA NI RNAM PAR SHES PA DRUG PO RNAMS KYI MTHUN MTHUN GYI RTEN YIN TE, DE LA BRTEN NAS JI SRID 'TSO'I BAR DU RNAM PAR SHES PA 'JUG PAR 'GYUR RO, ,DBANG PO GZUGS CAN LNGA'I RTEN NI DBANG PO'I 'BYUNG BA CHEN PO @247A *, ,RNAMS DANG, DBANG PO'I GNAS 'BYUNG BA CHEN POS BSKYED PA'I GZUGS YIN PA DANG, MING GANG YIN PA STE GANG GIS DBANG PO RNAMS ZIN CING RGYUD LA GTOGS LA RGYUN GYIS GNAS PA DE GNYI GA BSDUS PA NI RJES SU 'JUG PA'I RTEN YIN TE, DE LTAR NA RNAM PAR SHES PA'I RKYEN GYIS MING DANG GZUGS MING DANG GZUGS KYI RKYEN GYIS RNAM PAR SHES PA STE, DE LTAR GYI DUS NA TSE'I TSAD JI SRID KYI BAR DU MDUNG KHYIM GYI TSUL DU 'DUG GO, ,DE LTAR NA SNGON GYI MTHA' NAS DBUS KYI MTHAR 'DU BYED RNAMS KYIS RTEN CING 'BREL BAR 'BYUNG BA SKYE BAR 'GYUR LA SKYES ZIN PA RNAMS KYANG DBUS KYI MTHAR 'JUG GO, ,DE LA MNGAL NAS SKYE BA'I SKYE GNAS CAN GYI 'JUG PA'I RIM PA NI DE YIN TE, SGO NGA LAS SKYE BA DANG, DROD GSHER LAS SKYE BA NI MA'I MNGAL MA GTOGS PAR GZHAN THAMS CAD SNGA MA BZHIN DU RIG PAR BYA'O, ,SEMS CAN GZUGS CAN 'DOD PA NA SPYOD PA DANG GZUGS NA SPYOD PA RNAMS LAS RDZUS TE SKYE BA'I SKYE GNAS CAN NI DBANG PO YONGS SU RDZOGS BZHIN DU SKYE BAR 'GYUR TE, KHYAD PAR NI DE YOD DO, ,GZUGS MED PA DAG NI RNAM PAR SHES PA MING LA YANG BRTEN LA GZUGS KYI SA BON LA YANG BRTEN TO, MING DANG GZUGS KYI SA BON YANG RNAM PAR SHES PA LA BRTEN CING 'DUG STE, GZUGS KYI RGYUN CHAD ZIN PA LAS KYANG GZUGS KYI SA BON DE LAS PHYI MA LA 'BYUNG BAR 'GYUR TE, 'DI LA YANG BYE BRAG NI DE YOD DO, ,BSOD NAMS KYI LAS KYIS NI 'DOD PA NA SPYOD PA'I LHA DANG MI RNAMS KYI NANG DU SKYE'O, ,BSOD NAMS MA YIN PAS NI NGAN SONG RNAMS SU'O, ,MI G-YO BAS NI GZUGS DANG GZUGS MED PA RNAMS SU'O, ,DBUS KYI MTHA' NAS PHYI MA'I MTHAR 'DU BYED RNAMS KYI RTEN CING 'BREL BAR 'BYUNG BA NI JI LTAR SKYE BAR 'GYUR, JI LTAR NA MI SKYE BAR 'GYUR, JI LTAR NI MA SKYES PA LAS RNAM PAR BYANG BAR 'GYUR ZHE NA, DE LTAR DBUS KYI MTHAR BYUNG BA'I GANG ZAG DES NI SNGON GYI LAS KYI 'BRAS BU RNAM PA GNYIS NYAMS SU MYONG BAR 'GYUR TE, NANG GI RNAM PAR SMIN PA'I 'BRAS BU DANG, YUL LAS SKYES PA'I TSOR BA'I DBANG GI @247B 'BRAS BU'O, ,DE NI DAM PA'I CHOS MA YIN PA LA BRTEN PA'AM, YANG NA SNGON GOMS PAS 'BRAS BU RNAM PA GNYIS LA KUN DU RMONGS PAR 'GYUR TE, DE NANG GI RNAM PAR SMIN PA'I 'BRAS BU LA KUN DU RMONGS PAS YANG SRID PAR SKYE BA MNGON PAR 'GRUB PA SDUG BSNGAL YIN PAR YANG DAG PA JI LTA BA BZHIN DU RAB TU MI SHES SO, ,DE SNGON GYI MTHA' DANG PHYI MA'I MTHA'I MA RIG PA'I DBANG GIS SNGA MA BZHIN DU 'DU BYED RNAMS BYED CING SOGS TE, DE'I RNAM PAR SHES PA DE TSE 'DI NYID LA LAS GSAR DU BYED PA LAS DE'I RJES SU 'GRO BAR 'GYUR TE, DE LTAR NA MA RIG PA'I RKYEN GYIS 'DU BYED RNAMS SKYE LA 'DU BYED RNAMS KYI RKYEN GYIS RNAM PAR SHES PA SKYE'O, ,RNAM PAR SHES PA DE YANG TSE 'DI LA RGYUR GYUR BA STE, PHYI MA LA MNGON PAR 'GRUB PA'I RNAM PAR SHES PA'I 'BRAS BU YONGS SU 'DZIN PA'I PHYIR RO, ,RGYUD THAMS CAD KYI SGO NAS NI RNAM PAR SHES PA DRUG GI TSOGS ZHES BYA'O, ,RNAM PAR SHES PA DE YANG PHYI MA LA YANG SRID PAR SKYE BA'I MING DANG GZUGS KYI SA BON DANG LDAN NO, ,MING DANG GZUGS KYI SA BON DE YANG PHYI MA LA YANG SRID PAR SKYE BA'I SKYE MCHED DRUG GI SA BON DANG LDAN NO, ,SKYE MCHED DRUG GI SA BON DE YANG PHYI MA LA YANG SRID PAR SKYE BA'I RIG PA'I SA BON DANG LDAN NO, ,REG PA'I SA BON DE YANG PHYI MA LA YANG SRID PAR SKYE BA'I TSOR BA'I SA BON DANG LDAN TE, 'DI YANG YANG SRID PAR SKYE BA'I DBUS KYI MTHAR 'PHEN PA'I RGYU YIN PAR RIG PAR BYA STE, DES NA RNAM PAR SHES PA LA SOGS PA NAS TSOR BA LA THUG PA'I LUS MTHA' DAG 'PHANGS SO, ,DE DE LTAR RNAM PAR SMIN PA'I 'BRAS BU LA KUN DU RMONGS PA SNGA MA SHOS KYIS YANG SRID PAR SKYE BAR 'PHANGS NAS YUL LAS SKYES PA'I 'BRAS BU LA KUN DU RMONGS PA CIG SHOS KYI YUL GYI TSOR BA LA DMIGS PA'I SRED PA SKYED PAR BYED DO, ,SRED PA DES NI 'DOD PA YONGS SU TSOL BA'AM, SRID PA YONGS SU TSOL BAR BYED DE 'DOD PA'I NYE BAR LEN PA'AM, LTA BA DANG, TSUL KHRIMS DANG, BRTUL ZHUGS DANG, BDAG TU SMRA BA'I NYE BAR LEN PA LEN PAR BYED DE, NYE BAR LEN PA BLANGS @248A *, ,PA'I SRID PA'I NYE BAR LEN PA DANG BCAS SHING LDAN PA, 'PHEN PA'I RGYU SNGA MA LA NI SRID PA ZHES BYA'O, ,SKYE BA MNGON PAR 'GRUB PA'I RGYUS BSDUS PA'I SRID PA'I 'OG TU 'CHI BA'I DUS BYAS NAS, 'PHEN PA'I RGYUS JI LTAR 'PHANGS PA'I RNAM PAR SHES PA LA SOGS PA'I 'DU BYED RNAMS TSOR BA LA THUG PA YAN CHAD RIM GYIS SAM, CIG CAR 'BYUNG BAR 'GYUR TE, DE LTAR NA TSE 'DI LA MA RIG PA'I 'DUS TE REG PA LAS BYUNG BA'I TSOR BA'I RKYEN GYIS SRED PA, SRED PA'I RKYEN GYIS LEN PA, LEN PA'I RKYEN GYIS SRID PA, SRID PA'I RKYEN GYIS SKYE BA; SKYE BA'I RKYEN GYIS RGA BA DANG NA BA DANG 'CHI BA LA SOGS PA SDUG BSNGAL GYI KHYAD PAR RNAMS SKYE BA'I GNAS KHA CIG TU MNGON PAR 'GYUR RO, ,KHA CIG TU NI SA BON DANG 'BREL BAR RIG PAR BYA'O, ,DE LTAR NA DBUS KYI MTHA'I MA RIG PA'I RKYEN GYIS 'DU BYED DANG, TSOR BA'I RKYEN GYIS SRED PA LA BRTEN NAS PHYI MA'I MTHAR 'DU BYED RNAMS 'BYUNG BAR 'GYUR RO, ,GAL TE GZHAN GYI SGRA'AM, SNGON GYI TSOGS LA BRTEN TE, TSE 'DI LA 'BRAS BUR GYUR BA'I 'DU BYED RNAMS DANG, DE DAG GI RGYU DANG, DE DAG 'GOG PA DANG, 'GOG PAR 'GYUR BA'I LAM TSUL BZHIN DU YID LA BYED NA NI DE TSUL BZHIN DU YID LA BYED PA'I RGYUS YANG DAG PA'I LTA BA YANG BSKYED PA LA BDEN PA RNAMS LA RIM GYIS SLOB PA DANG MI SLOB PA'I YE SHES MTHONG BA RNAM PAR DAG PA YANG THOB PAR 'GYUR RO, ,DE YE SHES MTHONG BA DES MA RIG PA DE DANG, SRED PA DE YANG MA LUS PAR SPONG NGO, ,DE SPANGS PAS DE'I DMIGS PA GANG YIN PA YANG DAG PA JI LTA BA BZHIN DU MA SHES PAS MA RIG PA'I 'DUS TE REG PA LAS BYUNG BA'I TSOR BA GANG YIN PA DE YANG SPONG BAR 'GYUR RO, ,DE SPANGS PAS MA RIG PA DANG BRAL BA'I PHYIR TSE 'DI NYID LA SHES RAB RNAM PAR GROL BA MNGON SUM DU BYED DO, ,MA RIG PA'I 'DUS TE REG PA LAS BYUNG BA'I TSOR BA DANG MTSUNGS PAR LDAN PA'I SEMS GANG YIN PA LA MTSUNGS PAR LDAN PA'I SRED PA DANG 'DOD CHAGS YOD PA GANG YIN PA DE YANG SEMS DE LAS BRAL BA DANG, 'DOD CHAGS DANG BRAL BAS SEMS RNAM PAR GROL BA MNGON SUM DU BYED DO, ,DE'I MA RIG PA 'GAGS @248B PAS MA RIG PA MA SPANGS PAR YOD PA LA 'DU BYED DANG RNAM PAR SHES PA LA SOGS PA NAS, TSOR BA LA THUG GI BAR DU PHYI MA'I MTHA' LAS BRTZAMS TE SKYE BAR 'GYUR BA GANG YIN PA DE DAG KYANG MI SKYE BA LA MI SKYE BA'I CHOS CAN DU YANG 'GYUR TE, DE BAS NA MA RIG PA 'GAGS PAS 'DU BYED 'GAG PA'I RIM GYIS RNAM PAR SMIN PA LAS BYUNG BA'I REG PA 'GAGS PAS RNAM PAR SMIN PA LAS BYUNG BA'I TSOR BA'I BAR DU 'GAG CES BYA'O, ,TSE 'DI LA MA RIG PA 'GAGS PAS MA RIG PA'I 'DUS TE REG PA 'GAG ,MA RIG PA'I 'DUS TE REG PA 'GAGS PAS MA RIG PA'I 'DUS TE REG PA LAS BYUNG BA'I TSOR BA 'GAG ,MA RIG PA'I 'DUS TE REG PA LAS BYUNG BA'I TSOR BA 'GAGS PAS SRED PA 'GAG ,SRED PA 'GAGS PAS SNGA MA BZHIN DU MI SKYE BA'I CHOS CAN GYIS LEN PA LA SOGS PA NAS 'KHRUG PA YAN CHAD KYI 'DU BYED RNAMS 'GAG CES BYA'O; ,DE LTAR NA TSE 'DI LA 'DU BYED DE RNAMS 'JUG PAR MI 'GYUR RO, ,MI 'JUG NA TSE 'DI LA PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS SU TSE 'DI'I MYA NGAN LAS 'DAS PA THOB PAR 'GYUR RO, ,DE'I TSE DE'I RNAM PAR SHES PA'I RKYEN GYIS MING DANG GZUGS, MING DANG GZUGS KYI RKYEN GYIS KYANG RNAM PAR SHES PA YONGS SU DAG PA RNAM PAR BYANG BA'I LUS SO, ,JI SRID DU DE'I RNAM PAR SHES PA DANG BCAS PA'I LUS GNAS PA DE SRID DU MI LDAN PA'I TSOR BA MYONG STE LDAN PA'I NI MA YIN NO, ,DE'I RNAM PAR SHES PA DANG BCAS PA'I LUS DE YANG SNGON GYI LAS KYIS 'PHANGS PA'I TSE'I TSAD JI SRID YOD PA DE SRID DU GNAS SO, ,NAM DE'I TSE ZAD PA NA RNAM PAR SHES PAS ZIN PA'I LUS DANG SROG GI DBANG PO YANG SPONG BAR 'GYUR TE, SROG GI DBANG PO 'DI PHAN CHAD MA LUS PAR MTHAR THUG PAR 'GYUR TE PHYIS RNAM PAR SMIN PAR MI 'GYUR RO, ,RNAM PAR SHES PA DE YANG TSOR BA THAMS CAD DANG BCAS TE 'DIR RANG GI NGANG GIS 'GAG PA DANG SNGA NAS KYANG RGYU 'GAGS PA'I PHYIR GZHAN DU MTSAMS SBYOR BA MED PAS MA LUS PAR 'GAG STE, 'DI NI PHUNG PO'I LHAG MA MED PA'I MYA NGAN LAS 'DAS PA'I DBYINGS GTAN DU ZHI BA'I GNAS YIN TE, DE @249A *, ,BAS NA BCOM LDAN 'DAS KYI THAD DU TSANGS PAR SPYOD PA MYA NGAN LAS 'DAS PAR NYE BAR 'GRO BA MTHAR MYA NGAN LAS 'DAS PAR 'GYUR BA SPYOD PAR BYED DE DE BAS NA 'DI NI SNGON GYI MTHA' NAS DBUS KYI MTHAR 'JUG PA DANG, DBUS KYI MTHA' NAS PHYI MA'I MTHAR 'JUG PA DANG, DBUS KYI MTHAR 'JUG CING RNAM PAR DAG PAR 'GYUR BA DANG RNAM PA GSUM GYIS RTEN CING 'BREL BAR 'BYUNG BA RNAM PAR GZHAG PA RGYAS PAR BSTAN PA YIN NO, ,RNAM PA DGUS SDUG BSNGAL ZHING 'DUG PA'I YANG SRID PAR SKYE BA'I SHING PHYI MA LA BSKYED PA'I PHYIR MI MKHAS PAS TSE 'DI LA GSAR DU LAS BYAS PA GANG YIN PA DE NI DE'I SDUG BSNGAL GYI SHING GZHON NU LTA BU YIN TE, GAL TE MI MKHAS PA DES ZAG PA'I GNAS KYI CHOS RNAMS LA DA LTAR GYI DUS KYI SGO NAS NI MNOG YOD PAR MTHONG LA 'DAS PA'I DUS KYI SGO NAS NI LTA BA DANG LDAN PA DANG, MA 'ONGS PA'I DUS KYI SGO NAS NI SEMS 'DOGS PAR BYED NA DE LTAR GNAS PA DE NI SNGON MA SPANGS PA'I SRID PA LA GOMS PAR BYAS PAS YANG RGYAS PAR 'GYUR TE, DE LTAR MI MKHAS PA'I GANG ZAG DE NI YANG SRID PAR SKYE BA'I SHING GZHON NU DE'I GRUB PA DANG BDE BA 'DOD PA YIN LA SRED PA'I CHAGS PAS KYANG BRLAN PAS NA SNGA MA BZHIN DU LEN PA'I 'BRAS BU'I RIM GYIS PHYI MA LA YANG YONGS SU RDZOGS PAR BYED DO, ,'PHAGS PA NYAN THOS THOS PA DANG LDAN PA NI YANG SRID PAR SKYE BA'I LAS DANG YANG SRID PAR SKYE BA'I SDUG BSNGAL GYIS SHING GZHON NU LTA BU LA ZAG PA DANG BCAS PA BYAS SU ZIN KYANG NYON MONGS PA'I GNAS KYI 'DU BYED RNAMS LA SKYE BA DANG 'JIG PA'I CHOS CAN DU MTHONG LA SPONG BA DANG, 'DOD CHAGS DANG BRAL BA DANG, 'GOG PA'I KHAMS RNAMS LA YANG ZHI BA NYID DU MTHONG BAS SRED PA'I CHAGS BAS SBYOR BA MED PA'I PHYIR LAS DE 'GRIB PAR BYED KYI 'PHEL BAR MI BYED DO, ,DE BAS NA MKHAS PA DE NI SHONG GSHON NU DE'I GRUB PA DANG BDE BA 'DOD PA MA YIN TE, SRID PA DANG SRID PA'I RKYEN GYIS LEN PA LA SOGS PA SPANGS NAS YANG SRID PAR SKYE SHING DE NYID CI NAS THAMS CAD KYI THAMS CAD DU MED PAR 'GYUR BA DE LTA BUR DE YANG SEL BAR BYED NA PHYI MA LA 'PHEL BAR LTA GA LA 'GYUR @249B GZHAN YANG 'DI NA GANG ZAG LUS MNGON PAR 'GRUB PA KHA CIG GIS SNGON LAN GRANGS GZHAN LA MYONG BAR 'GYUR BA'I LAS BYAS SHING BSAGS PA DE TSE 'DI LA LDAN TE DE'I LUS DE DANG LAN GRANGS GZHAN LA MYONG BAR 'GYUR BA'I LAS DE GCIG TU BSDUS PA NI YANG SRID PAR SKYE BA'I SHING CHEN PO ZHES BYA STE; GAL TE NYON MONGS PA DANG MTHUN PA'I CHOS RNAMS LA SNGA MA BZHIN DU SEMS 'DOGS PA'I BAR GYI GNAS PAR GYUR NA DE'I LAN GRANGS GZHAN LA MYONG BAR 'GYUR BA'I LAS SNGA MA GANG YIN PA DE NI RTZA BA THUR DU ZUG PA DANG 'DRA BAR SHING DE'I MDANGS GSO BA YIN NO, ,TSE 'DI'I DUS GSUM GYI SRED PA'I NYON MONGS PA GANG YIN PA DE NI RTZA BA'I YAL GA DANG 'DRA STE, SHING DE'I BCUD GSO BA YIN PAR RIG PAR BYA'O, ,DE'I RGYU LAS BYUNG BA LAS DANG NYON MONGS PA DE DANG LDAN PA SA BON THAMS CAD DANG LDAN PA'I RNAM PAR SHES PAS NI PHYI MA LA NYING MTSAMS SBYOR BA'I TSE MING DANG GZUGS LA GNAS THOD PAR 'GYUR RO, ,DE LTAR NA SDUG BSNGAL GYIS SHING DE NI YUN RING POR GNAS PA YIN LA GANG ZAG DE YANG DE'I GRUB PA DANG BDE BA 'DOD PAR RIG PAR BYA STE, 'DI NI DKAR PO'I PHYOGS KYANG SNGA MA BZHIN DU RIG PAR BYA'O, ,'DI LA BYANG CHUB SEMS DPA' NI 'JIG RTEN PA'I LAM SNGA MA DANG, 'JIG RTEN PA'I SLOB DPON THAMS CAD BOR NAS BYANG CHUB KYI SNYING PO LA ZHUGS TE, NYID KYIS GZHAN LA PHAN PAR BZHED PAS SEMS CAN LA THUGS BRTZE BA MNGON SUM DU MDZAD NAS BDEN PA DPYOD PA RTZOM PAR MDZAD DO, ,DE DE'I TSE SDUG BSNGAL GYI BDEN PA DPYAD PAR BZHED DE RGA SHI SDUG BSNGAL GYI BDEN PAR GTOGS PA LUGS SU 'BYUNG BA MA YIN PA'I RTEN CING 'BREL BAR 'BYUNG BA BRTAG PA'I SGO NAS BRTAG PAR MDZAD DE, DE RGYU CHA PHRA BA DANG, RGYU RAGS PA DANG, NOR PA MED PA RNAM PA GSUM GYIS RGA SHI'I TSUL BZHIN DU DPYOD PAR MDZAD DO; ,DE LA MNGON PAR 'GRUB PA'I RGYU YANG SKYE BA YIN LA, MNGON PAR 'GRUB PA YANG SKYE BA YIN TE, SNGA MA NI CHA PHRA BA YIN LA PHYI MA NI RAGS PA YIN PAR RIG PAR BYA'O, ,DE LA SNGA MA CHA PHRA BA SHOS YOD PA LAS KYANG RGA SHI 'BYUNG LA PHYI MA RAGS PA SHOS KYI RKYEN LAS KYANG RGA SHI 'BYUNG NGO SNYAM DU @250A *, ,DPYOD DE, PHYI MA'I RGA SHI GANG YIN PA DE NI CHA PHRA BA'I SKYE BA'I RGYU LAS BYUNG BA YIN NO, ,TSE 'DI'I RGA SHI GANG YIN PA DE NI RAGS PA'I SKYE BA'I RGYU LAS BYUNG BA YIN NO, ,DE LA NOR BA MED PA GANG ZHE NA, SKYE BA'I GNAS GZHAN DU GTOGS PA'I SKYE BA RNAM PA GNYIS NI GZHAN DU RGA SHI'I 'BRAS BU SMIN PAR MI BYED DO, ,RGA SHI JI LTA BA BZHIN DU SKYE BA DANG, SRID PA DANG, LEN PA DANG, SRID PA YANG TSUL BZHIN DPYOD PA RNAM PA GNYIS KYIS RIG PAR BYA'O, ,DE LTAR NA RGA SHI LA BRTEN TE LUGS SU 'BYUNG BA MA YIN PA'I SDUG BSNGAL DANG KUN 'BYUNG BA'I BDEN PA RTEN CING 'BREL BAR 'BYUNG BA'I TSUL GYSI BRTAGS PA YIN NO, ,DE LA KUN 'BYUNG BA'I BDEN PA DANG MTHUN PA'I CHOS RNAMS NI SNYING PO DANG 'DRA BA YIN NO, ,KUN 'BYUNG BA'I BDEN PA DE NYID NI SNUM LTA BU YIN NO, ,SDUG BSNGAL GYI BDEN PA NI 'BAR BA LTA BU YIN NO, ,GANG ZAG MI MKHAS PA NI SNUM LTUGS PA LTA BU DANG SNYING PO BSKUL BA LTA BU YIN TE, SDUG BSNGAL 'BAR BA DE YANG YUN RING POR 'BAR RO, ,DE LAS BZLOG PA NI DKAR PO'I PHYOGS BRTAGS PA'I TSUL GYSI LAM DANG 'GOG PA'I BDEN PA BRTAGS PA YIN PAR RIG PAR BYA'O, ,GANG ZAG NI GNYIS TE, BDAG LA GNOD PA BYED PAR ZHUGS TE BDAG NYID KYI SDUG BSNGAL 'BAR BA RGYUD GCIG LA YOD PA GNAS PAR BYA BA'I PHYIR SNUM LDUGS SHING SNYING PO SKUL BAR BYED PA DANG, GANG ZAG CIG SHOS NI BDAG NYID DANG GZHAN SKYE BO'I TSOGS CHEN PO LA GNOD PAR ZHUGS PA YIN TE, DE NI BDAG NYID DANG GZHAN RNAMS KYI SDUG BSNGAL GYI ME'I PHUNG PO CHEN PO LA 'DI LTA STE, ME'I PHUNG PO DE YUN RING POR GNAS PAR BYA BA'I PHYIR, DAM PA'I CHOS MA YIN PA SNGON DU BTANG BA THOS PA DANG BSAMS PA DANG BSGOMS PA LAS BYUNG BA'I LOG PAR BSGRUB PAR BSDUS PA'I SHING DANG, RTZVA DANG, BA LANG GI LCI BA SKAM PO LTA BU SGRUB PAR BYED DO, ,'DI LA BCOM LDAN 'DAS NI BYANG CHUB SEMS DPAR GYUR BA NA BYANG CHUB KYI SNYING PO LA BZHUGS NAS RGA SHI LA DMIGS TE RTEN CING 'BREL BAR 'BYUNG BA'I SGO NAS PHYI MA'I MTHA'I SDUG BSNGAL GYI BDEN @250B BA LA LUGS SU 'BYUNG BA MA YIN PA'I TSUL GYIS 'JUG STE, SRID PA'I BAR DU TSUL BZHIN YID LA BYED CING PHYI MA'I MTHA'I SDUG BSNGAL DANG PHYI MA'I MTHA'I SDUG BSNGAL KUN 'BYUNG BA YANG BRTAGS NAS DE DE TZAM GYIS CHOG PAR MI 'DZIN TE, PHYI MA'I MTHA'I KUN 'BYUNG BA DE'I RGYUR GYUR PA; ,DA LTAR GYI SDUG BSNGAL THAMS CAD LA YANG LUGS SU 'BYUNG BA MA YIN PAR TSOR BA DANG REG PA DANG SKYE MCHED DRUG DANG MING DANG GZUGS DANG RNAM PAR SHES PAS BSDUS PA LA RTOG PAR MDZAD DO, ,DE LA MA 'ONGS PA'I SDUG BSNGAL GANG YIN PA DE NI PHYIS 'BYUNG BA YIN NO, , DE'I KUN 'BYUNG BA YANG PHYIS 'BYUNG BA YIN NO SNYAM DU YANG DAG PAR MKHYEN NAS MA 'ONGS PA'I DUS LA BRTEN TE GANG YOD PA LAS 'BYUNG BAR 'GYUR SNYAM DU RTOG GO, ,TSE 'DI'I SDUG BSNGAL RNAM PAR SHES PA LA THUG PA'I BAR DE NI SNGON GYI KUN 'BYUNG BA LAS BYUNG ZHING GRUB PA YIN NO, ,BYUNG BA GANG YIN PA DE LA NI 'DI LTAR 'BYUNG SNYAM DU BRTAG PA'I MI RIGS TE, DE BAS NA BYANG CHUB SEMS DPA' DE NI DA LTAR GYI SDUG BSNGAL BYUNG ZIN PA LA GZIGS NAS PHYIS 'BYUNG BA BRTAG PA'I YID LA BYED PA DANG LDAN PA'I SEMS LDOG PAR 'GYUR RO, ,DE'I GNAS PHYI MA'I MTHA'I KUN 'BYUNG BA'I BDEN PA RIM GYIS YANG DAG PAR GZIGS NAS, PHYI MA'I MTHA'I SDUG BSNGAL GYI BDEN PA'I GNAS PHYI MA'I MTHA'I KUN 'BYUNG BA'I BDEN PA YANG YANG DAG PAR GZIGS TE, YANG RNAM PAR SHES PA LAS LUGS SU 'BYUNG BA LA 'JUG STE, DE LTAR NA DES RTEN CING 'BREL BAR 'BYUNG BA LUGS SU 'BYUNG BA DANG, LUGS SU 'BYUNG BA MA YIN PA TSUL BZHIN DU SDUG BSNGAL DANG KUN 'BYUNG BA BRTAGS PA YIN NO, ,DE'I 'OG TU 'GOG PA'I BDEN PA BRTAG PAR BZHEN NAS RGA SHI NYID NAS MA RIG PA'I BAR LAS LUGS SU 'BYUNG BA MA YIN PAR 'JUG GO, ,DE CI'I PHYIR ZHE NA, DA LTAR GYI SDUG BSNGAL GYI BDEN PA BYUNG ZIN PA DE JI LTAR BYAS NA GTAN 'GAG PAR 'GYUR RO ZHE NA, MA RIG PA'I RKYEN GYIS BYUNG BA'I LAS GSAR DU MA BYAS NA 'GAG PAR 'GYUR RO SNYAM DU RTOG PA'I PHYIR RO, ,DES DE LTAR BDON PA GSUM PHO RNAM PAR @251A *, ,DPYAD NAS 'GOG PA'I BDEN PA 'DI THOB PAR BYUNG BA'I LAM NI GANG YIN, SRANG NI GANG YIN ZHIG GU SNYAM DU TSOL BAR BYED DE, DE SNGA MA BZHIN DU SNGON GYI GNAS RJES SU DRAN PAS SNGON GYI 'JIG RTEN PA'I YANG DAG PA'I LTA BA ZAG PA ZAD PAR BYA BA'I GDAMS NGAG STON PA DANG 'DRA BA MNGON SUM DU MDZAD CING DE 'DI SNYAM DU DGONGS TE, DRANG SRONG SNGA MA RNAMS KYIS BGROD CING RJES SU BGROD PA'I LAM SNGA MA BDAG GIS RNYED DO SNYAM STE, 'DI NI DE'I 'JIG RTEN PA'I YID LA BYED PA KHO NAS BDEN PA BZHI PA DPYAD PA YIN NO, ,DES YANG DAG PA'I LTA BA DE NYID KYIS RJES SU 'GRO ZHING BDEN PA RNAMS MNGON PAR RTOGS PAS, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BA NA SLOB PA DANG MI SLOB PA'I YE SHES GZIGS PA ZAG PA MED PA SHIN TU RNAM PAR DAG PAS MNGON SUM GYI TSUL DU THUGS SU CHUD DE, DES GANG GI DON DU BSKAL PA GRANGS MED PA GSUM DU DKA' BA SPYAD PA'I DON DE BRNYES NAS GZHAN RNAMS LA PHAN PAR BZHED PAS LHAR BCAS PA'I 'JIG RTEN GYI PHYIR SHIN TU SKAL BA DANG LDAN PA SU YANG RUNG BA DE DAG LA 'PHAGS PA'I BDEN PA BZHI YANG DAG PAR RTOGS PA'I BGO BSHA' MDZAD CING SKYED PAR MDZAD DO, ,SANGS RGYAS BCOM LDAN 'DAS RNAMS KYI BSTAN PA NI GNAS GSUM GYIS BSDUS TE GSUM GANG ZHE NA, RTEN CING 'BREL PAR 'BYUNG BA'I CHOS RNAMS BYED PA MED PA'I SGO NAS LEGS PAR 'DOGS PA DANG, DE LA BRTEN NAS GZHAN LA PHAN PA SGRUB PA DANG; BDAG LA PHAN PA SGRUB PA'O, ,DE LA BYED PA MED PA'I SGO NAS LEGS PAR 'DOGS PA NI PHYI MA'I MTHA'I SDUG BSNGAL LAS, TSE 'DI DANG SNGON GYI MTHA'I SDUG BSNGAL LUGS SU 'BYUNG BA MA YIN PA'I SGO NAS GANG DU MING DANG GZUGS KYI RKYEN GYIS RNAM PAR SHES PA, RNAM PAR SHES PA'I RKYEN GYIS KYANG MING DANG GZUGS 'BYUNG STE, MDUNG KHYIM GYI TSUL DU GCIG LA GCIG RTEN CING 'DUG LA DE'I BAR SKABS SU RTEN CING 'BREL BAR 'BYUNG BA'I CHOS THAMS CAD RANG GIS MA BYAS PA DANG, GZHAN GYIS MA BYAS PA DANG, GNYI GAS MA BYAS PA DANG, RGYU MED @251B PA LAS KYANG MA BYUNG BAR 'DOGS PA DE LTA BU GANG YIN PA 'DI NI BYED PA MED PA'I SGO NAS LEGS PAR 'DOGS PA ZHES BYA'O, ,DE CI'I PHYIR ZHE NA, 'DU BYED RNAMS NI MI RTAG PA NYID DE SNGON GYI MTHA' NA YANG MED, PHYI MA'I MTHA' NA YANG MED, DBUS KYI MTHA' NA YANG SKAD CIG TZAM ZHIG YOD PAR ZAD PA'I PHYIR, SPYOD PA DANG, BYED PA DANG, 'JUG PA DON DAM PAR MI DMIGS SHING, RGYUD LAS GDAGS PA TZAM DU ZAD PA 'DI NI YANG DAG PA JI LTA BA BZHIN DU 'DOGS PA STE, ,DE BAS NA LEGS PAR 'DOGS PA ZHES BYA'O, ,DE LA LEGS PAR 'DOGS PA DE LA BRTEN NAS RTEN CING 'BREL BAR 'BYUNG BA LA GNAS PAS BDEN PA RNAMS LAS BRTZAMS TE, GZHAN DAG LA CHOS STON PA 'DI NI GZHAN LA PHAN PA BSGRUB PA'O, ,DE NYID LA BRTEN NAS BDAG NYID KYIS BDEN PA MNGON PAR RTOGS PAR BYA BA'I PHYIR CHOS KYI RJES SU MTHUN PA'I CHOS NAN TAN DU SGRUB PA DANG, TSE 'DI LA MYA NGAN LAS 'DAS PA THOB PA NI BDAG LA PHAN PA BSGRUB PA YIN PAR RIG PAR BYA'O, ,DE LA SNGON GYI YE SHES KYI TSOGS BSGRUBS PA'I LHAN CIG SKYES PA'I SHES RAB DANG LDAN PA'I NYAN THOS NI MKHAS PA ZHES BYA'O, ,LUNG DANG LDAN PA NI GSAL BA'O, ,RTOG PA DANG LDAN PA NI DUL BA'O, ,CHOS RNAMS LA GZHAN GYI DRING MI 'JOG PAS NA CHOS RNAMS LA 'JIGS PA MED PA'O, ,DMIGS PA'I SGO NAS MYA NGAN LAS 'DAS PA YANG DAG PA JI LTA BA BZHIN DU RTOGS PAS NA BDUD RTZI MTHONG BA'O, ,ZAD PA DANG MI SKYE BA'I YE SHES LA GNAS PAS PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS THOB PAS NA BDUD RTZI'I DBYINGS LUS KYI MNGON SUM DU BYAS NAS BSGRUBS TE GNAS SO,, ,,RNAL 'BYOR SPYOD PA'I SA LAS GZHI BSDU BA, BAM PO BCU GSUM PA BYES PA PHYI ROL GYI MU STEGS CAN NI 'BYUNG BA CHEN PO BZHI LAS BYUNG BA'I LUS KYI MI RTAG PA RAGS PA MTHONG NAS LUS 'DUG CING 'TSO BA DE'I 'PHEL BA DANG 'GRIB PA DANG, 'CHI BA'I TSE DANG SKYE BA'I TSE'I 'DOR BA DANG LEN PA LA BLTAS NAS LUS 'DI LAS SKYO ZHING MA CHAGS LA RNAM PAR GROL @252A *, ,BAR 'GYUR TE, 'DOD PA'I KHAMS DANG GZUGS KYI KHAMS LAS KYANG 'JIG RTEN PA'I LAM GYIS 'DOD CHAGS DANG BRAL BAR 'GYUR MOD KYI 'ON KYANG DE NI SRID PA'I RTZE MO MAN CHAD DU SONG DU ZIN KYANG LUS DE LAS YONGS SU MA GROL BA KHO NAR RIG PAR BYA'O, , DE CI'I PHYIR ZHE NA, 'DI LTAR DES NI SNYOMS PAR 'JUG PA DE DANG DER RNAM PAR SHES PA DE SBYANG BA BYAS KYANG BDAG DANG BDAG GIR 'DZIN CING KUN NAS NYON MONGS PA DANG BCAS PAS GNAS TE, RTEN CING 'BREL PAR 'BYUNG BA LA MI MKHAS PAS TSE ZAD CING LAS ZAD NAS YANG PHYIR LDOG PAR 'GYUR BA'I PHYIR RO, ,RTEN CING 'BREL BAR 'BYUNG BA LA MKHAS PA'I 'PHAGS PA NYAN THOS NI 'BYUNG BA CHEN PO BZHI LAS BYUNG BA'I LUS KYI MI RTAG PA CHES PHRA BA YANG DAG PAR MTHONG LA RNAM PAR SHES PA'I MI RTAG PA NI DE LTA MA YIN TE, DE CI'I PHYIR ZHE NA, 'DI LTAR 'BYUNG BA CHEN PO BZHI LAS BYUNG BA'I LUS KYI NI DUS GZHAN DU MI RTAG PAR SNANG LA SKAD CIG RE RE LA NI 'DRA BA'I RGYUD KYI RJES SU 'JUG PAS MI MNGON PA'I PHYIR RO, ,RNAM PAR SHES PA'I MI RTAG PA NI SKAD CIG RE RE'I DMIGS PA LAS DMIGS PA 'PHO ZHING 'GYUR BA'I TSUL GYIS RNAM PA DU SAR SNANG MOD KYI 'ON KYANG RNAM PAR SHES PA'I MI RTAG PA NI RAGS SHING RNAM PA DU MAR 'DUG BZHIN DU DE NI RTOGS PAR DKA' BA DANG, 'JUG PAR DKA' BA'I PHYIR MCHOG TU CHA PHRA BAR RIG PAR BYA'O, ,DE CI'I PHYIR ZHE NA, SHES RAB KYI MIG GI YUL YIN PA'I PHYIR RO, ,'BYUNG BA CHEN PO BZHI LAS BYUNG BA'I LUS KYI SKYE BA DANG, 'GRIB PA DANG, LEN PA DANG, 'DOR BA'I MI RTAG PA NI TSUL BZHIN MA YIN PA'I SHA'I MIG GI YUL DU'ANG 'GYUR RO, ,RNAM PAR SHES PA MI RTAG PA'I CHA PHRA BA DE LA RTEN CING 'BREL BAR 'BYUNG BA LA MKHAS PA'I 'PHAGS PA NYAN THOS DE 'JUG PAR 'DOD PA NA RTEN CING 'BREL PAR 'BYUNG BA NYID TSUL BZHIN DU YID LA BYED CING REG PA LAS BYUNG BA RANG GI RGYUD LA YOD PA'I TSOR BA RNAMS KYI GNAS SKABS THA DAD PA YONGS SU GCOD PA'I TSUL GYIS RNAM PAR SHES PA DE'I MI RTAG PA LA 'JUG GO, ,DE DE LTAR YE SHES MTHONG BA DANG LDAN PAS RIM GYIS TSOR BA'I RTEN DU GYUR PA'I @252B LUS LAS KYANG SKYO BAR 'GYUR LA RGYUR GYUR PA'I REG PA LAS KYANG SKYO BAR 'GYUR RO, ,DE MA YIN PA'I RGYUR GYUR PA MING GIS BSDUS PA'I 'DU BYED DU GTOGS PA THAMS CAD LAS KYANG PHUNG PO DANG BCAS PA DANG, PHUNG PO'I LHAG MA MED PA'I MYA NGAN LAS 'DAS PA'I DBYINGS SU RNAM PAR GROL ZHING GTAN DU YONGS SU GROL BAR 'GYUR RO, ,RTEN CING 'BREL PAR 'BYUNG BA LA MKHAS PA'I DGE SLONG NI RNAM PA GSUM GYIS MTHA' GSUM YANG DAG PAR DPYAD PAS SDUG BSNGAL YANG DAG PAR ZAD PAR 'GYUR RO, ,RNAM PA GSUM PO NI GANG, MTHA' GSUM PO DE DAG NI GANG ZHE NA, SDUG BSNGAL GYI GNAS DANG, SDUG BSNGAL GYI GZHI DANG, SDUG BSNGAL GYI GZHI'I GNAS TE RNAM PA GSUM PO 'DI RNAMS KYI MTHA' GSUM STE, DBUS KYI MTHA' DANG, 'DAS PA DANG MA 'ONGS PA'I MTHA' 'DI RNAMS KYI MTHA' GSUM STE, DBUS KYI MTHA' DANG, 'DAS PA DANG MA 'ONGS PA'I MTHA' 'DI RNAMS YANG DAG PAR DPYOD DO, ,DE LA SDUG BSNGAL GYI NANG GI RTEN NI PHUNG PO YIN TE, GRANG PA DANG TSA BA LA SOGS PA DANG, NA BA DANG 'CHI BA LA SOGS PA'I SDUG BSNGAL GYI KHYAD PAR RNAMS TSE 'DI NYID LA SKYE BA'I GNAS YIN NO, ,DE CI'I PHYIR ZHE NA, DE YOD NA DE LA BRTEN NAS DE DAG SKYE BAR 'GYUR BA'I PHYIR RO, ,PHYI ROL GYI PHA MA LA SOGS PA'I TSOGS YONGS SU 'DZIN PA'I PHUNG PO NI YONGS SU TSOL BA LA SOGS PA'I MTSON DANG, DBYUG PA 'CHANG BA MAN CHAD DANG, MYA NGAN DANG SMRE SNGAGS 'DON PA LA SOGS PA SDUG BSNGAL GYI KHYAD PAR RNAMS KYI GNAS YIN TE, DE CI'I PHYIR ZHE NA, SNGA MA BZHIN NO, ,PHUNG PO DE GNYIS KA YONGS SU 'DZIN PA'I RGYU NI SRED PA STE, KUN 'BYUNG BA'I GNAS KYI SRED PA DES PHUNG PO 'DI BSKYED PA 'DI NI SDUG BSNGAL GYI GZHI'O, ,SRED PA DE YANG DGA' ZHING BDE BA'I YUL GZUGS KYI YUL LA GNAS TE, SKYE BA 'DI NI SDUG BSNGAL GYI GZHI'I GNAS YIN NO, ,'DOD CHAGS DANG ZHE SDANG GI ME TSA BAS GDUNGS PA'I PHYIR YUL LA SRED CING SKOM PA GANG SU YANG RUNG BA DAG NI ZAS BZANG PO DUG DANG SBYAR BA BZHIN DU DGA' ZHING BDE BA'I GZUGS KYI YUL GYI RO MYONG BAR BYED CING 'DOR BAR MI BYED DE, DE DAG NI SRED PA 'PHEL BAR BYED PA'O, ,SRED PA 'PHEL @253A *, ,BAR BYED PA GANG YIN PA DE DAG NI PHYI MA PHUNG PO 'PHEL BAR BYED PA'O, ,PHYI MA LA PHUNG PO 'PHEL BAR BYED PA GANG YIN PA DE DAG NI SDUG BSNGAL 'PHEL PAR BYED PA STE, DE LTAR NA DE DAG NI YANG DAG PAR 'CHI BAR 'GYUR BA YIN PAR RIG PAR BYA STE, 'DI NI DA LTAR BYUNG BA DPYAD PA YIN PAR RIG PAR BYA'O, ,DA LTAR BYUNG BA'I TSUL GYIS NI 'DAS PA DANG MA 'ONGS PA'I TSUL YANG RTOGS PAR BYA STE, 'DI NI 'DAS PA DANG MA 'ONGS PA DPYAD PA YIN PAR RIG PAR BYA'O, ,DE YANG THA SNYAD BZHI LA BRTEN PA'I TSAD MA GSUM LA BRTEN NAS DPYAD PA YIN TE, DE LA MTHONG BA GANG YIN PA DANG, RNAM PAR SHES PA GANG YIN PA'I THA SNYAD 'DI NI MNGON SUM GYI TSAD MA'O, ,BYE BRAG PHYED PA'I THA SNYAD GANG YIN PA 'DI NI RJES SU DPAG PA'I TSAD MA'O, ,THOS PA'I THA SNYAD GANG YIN PA 'DI NI YID CHES PA'I LUNG GI TSAD MA'O; ,RTEN CING 'BREL PAR 'BYUNG BA DPYOD PA NI RNAM PA LNGAS YANG DAG PAR ZHUGS NA SDUG BSNGAL ZAD CING SDUG BSNGAL MTHAR BYED PAR GYUR TE, LNGA GANG ZHE NA, RTEN CING 'BREL PAR 'BYUNG BA'I CHOS RNAMS SKYE BA'I GZHI YONGS SU DPYOD PA DANG, 'GOG PA'I GZHI YONGS SU DPYOD PA DANG, 'GOG PAR 'GYUR BA'I LAM YANG DAG PA JI LTA BA BZHIN DU SHES PA DANG, CHOS KYI RJES SU MTHUN PA'I CHOS LA ZHUGS PA DANG, RTOGS PA LA MNGON PA'I NGA RGYAL MED PA'O, ,DE LTAR NA DE'I DPYOD PA DE LEGS PAR BRTZAMS PA DANG, 'BRAS BUR GRUB PA YIN NO, ,DE LA MA 'ONGS PA'I PHUNG PO'I RGYU'I SDUG BSNGAL NAS BZUNG STE, RNAM PAR SHES PA'I RKYEN GYIS MING DANG GZUGS KYI BAR DU LUGS SU 'BYUNG BA MA YIN PA RNAM PA BZHIS DPYOD CING KHONG DU CHUD LA SGRUB PAR BYED DO, ,RGYU YOD NA 'BRAS BU YOD PA DANG, RGYU MED NA 'BRAS BU MED DE ZHES PHYI MA LA RNAM PA GNYIS KYIS DPYOD CING YONGS SU DPYOD PAR BYED DO, ,YONGS SU DPYAD NAS RGYU MED PAR 'GYUR BA'I LAM GANG YIN PA DE KHONG DU CHUD DO, ,KHONG DU CHUD NAS DE BZHIN DU YANG DAG PAR ZHUGS PA DE NI RJES SU MTHUN PA'I CHOS DPYOD PA YIN TE, DE NI MA RIG PA'I RKYEN @253B GYIS BYUNG BA'I BSOD NAMS DANG BSOD NAMS MA YIN PA DANG, MI G-YO BA'I LAS GSAR GYI RGYU YOD PA LAS BSOD NAMS DANG, BSOD NAMS MA YIN PA DANG, MI G-YO BAR 'GRO BA DE'I 'BRAS BU RNAM PAR SHES PA YOD PA TSE 'DI NYID LA YANG DPYOD PAR BYED DO, ,DE MED NA DE YANG MED PAR 'GYUR BA YANG DPYAD NAS SNGA MA BZHIN DU KHONG DU CHUD CING SGRUB PAR BYED DE YANG DAG PAR SGRUB PA PHA NA MA RIG PA'I RKYEN GYIS BYUNG BA'I LAS GSAR YANG MI BYED LA LAS RNYING RNAMS KYANG MYONG NAS ZAD PAR BYED DO, ,SNGA MA BZHIN DU TSE 'DI PA'I LAM DANG, LAM GYI 'BRAS BU MYA NGAN LAS 'DAS PA YANG TSE 'DI NYID LA THOB PAR 'GYUR RO, ,DES DE'I TSE NYON MONGS PA'I ME'I BAG LA NYAL GYI TSA BA DANG 'BREL PA RNAM PAR SHES PA DANG BCAS PA'I LUS RDZA MKHAN GYIS SO GTONG BA'I TSA BA DANG LDAN PA LAS BUM PA PHUNG BA BZHIN DU MCHOG TU BSIL BA'I MYA NGAN LAS 'DAS PA LA BZHAG PA YIN NO, ,DE'I NYON MONGS PA'I TSA BA DE YANG THAMS CAD KYI THAMS CAD DU BRAL BA YIN NO, ,GYO MO LTA BU'I LUS RNAM PAR SHES PA DANG BCAS PAS BSDUS PA'I PHUNG PO DE YANG BSIL BAR GYUR PA YIN TE, DE SNGA MA BZHIN DU LUS KYI THA MA'I TSOR BA MYONG BA NA ZHES BYA BA NAS RGYAS PAR RIG PAR BYA'O, ,DE JI SRID 'TSO'I BAR DU RTAG TU GNAS PAR 'GYUR TE, DGRA BCOM PA'I 'BRAS BU LAS PHYIR NYAMS SHING MA RIG PA'I RKYEN GYIS 'DU BYED RNAMS MNGON PAR 'DU BYED PA'I RGYUR MI 'GYUR RO, ,RTOGS PA LA MNGON PA'I NGA RGYAL MED PA JI LTA BU ZHE NA, DE DE'I TSE RTEN CING 'BREL PAR 'BYUNG BA LA DMIGS PA'I YE SHES MTHONG BA SHIN TU RNAM PAR DAG PA DANG LDAN TE, DE 'DI SNYAM DU YANG DAG PAR NA 'DI NA SU YANG 'KHOR BA YANG MED LA YONGS SU MYA NGAN LAS 'DA' BA YANG MED DO, ,CHOS DE DANG DE DAG SKYES PA LAS CHOS DE DANG DE DAG SKYE BAR 'GYUR LA, DE DANG DE DAG 'GAGS PAS DE DANG DE DAG 'GAG PAR 'GYUR BAR ZAD DO SNYAM DU SEMS SO, ,MNGON PA'I NGA RGYAL CAN NI GNYIS TE, SLOB PA'I MNGON PA'I NGA RGYAL CAN DANG, MI SLOB PA'I MNGON PA'I NGA RGYAL CAN NO, ,DE LA SLOB PA'I MNGON PA'I @254A *, ,NGA RGYAL CAN NI GANG GZHAN DAG LA YANG 'DI SKAD KUN DU SBYOR BA GSUM SPANGS PAS NA BDAG NI SOM NYI LAS BRGAL TO, ,RANG GI RTOGS PA SLOB PA'I RNAM PAR GROL BA LA BDAG GIS THE TSOM MED PAR GYUR TO, ,'JIG TSOGS LA LTA BA'I RTZA BA LAS BYUNG BA'I LTA BAR GYUR PA THAMS CAD SPANGS PAS NA, LTA BA'I ZUG RNGU PHYUNG PO ZHES RJOD PAR BYED PA'O, ,MI SLOB PA'I MNGON PA'I NGA RGYAL CAN NI 'DI SKAD DU BDAG GIS NI 'DI LAS GONG DU BYA BA'AM, BYAS PA RAB TU RNAM PAR DBYE BA MED DO ZHES RJOD PAR BYED DE DE GNYI GA YANG RTEN CING 'BREL PAR 'BYUNG BA'AM MYA NGAN LAS 'DAS PA LAS BRTZAMS NAS, 'PHAGS PA'I GTAM ZAB MO 'JIG RTEN LAS 'DAS PA STONG PA NYID DANG LDAN PA, RKYEN 'DI PA NYID KYI RTEN CING 'BREL PAR 'BYUNG BA LUGS SU 'BYUNG BA BRJOD PA NA GTAM DE KHONG DU MI CHUD CING RJES SU MI 'JUG STE, DE GNYIS DE'I RGYUS RTEN CING 'BREL PAR 'BYUNG BA YANG DAG PA JI LTA BA BZHIN DU KHONG DU CHUD PAR BYA BA LA RANG GI RGYUD LA SOM NYI SKYE BAR 'GYUR RO, ,NYON MONGS PA SPONG BA'I MYA NGAN LAS 'DAS PA MNGON SUM DU BYA BA LA YANG YID GNYIS SKYE BAR 'GYUR RO, ,DE CI'I PHYIR ZHE NA, 'DI LTAR SLOB PA'I MNGON PA'I NGA RGYAL CAN GYIS NI BDAG TU 'DZIN PA DANG, BDAG GIR 'DZIN PA DANG 'BREL PA DANG YID LA BYED PA'I RJES SU ZHUGS PA DANG, SPEL MAR 'GYUR BA'I NGA'O SNYAM PA'I NGA RGYAL CHA PHRA BA KHONG DU CHUD LA ZHI GNAS KYIS KYANG DE'I RGYUD NYE BAR BRTAN PAR GYUR PA DANG, NYON MONGS PA RAGS PAS KYANG MA 'DRES TE, DES NA DE MA THOB PA LA THOB PO SNYAM DU 'DU SHES PAR GYUR LA GZHAN DAG LA YANG BRJOD PA'I PHYIR RO, ,MI SLOB PA'I MNGON PA'I NGA RGYAL CAN NI BDAG NI ZHI BA'O, ,BDAG NI MYA NGAN LAS 'DAS PA'O, ,BDAG NI SRED PA MED PA'O, ,BDAG NI NYE BAR LEN PA MED PA'O SNYAM STE, KUN DU SPYOD PA CHA PHRA MO MA SPANGS LA NGA'O SNYAM PA'I NGA RGYAL DE KHONG DU MA CHUD NAS MA THOS PA LA THOB PO SNYAM DU 'DU SHES PAR 'GYUR LA GZHAN DAG LA YANG BRJOD DO, ,MI SLOB PA'I MNGON PA'I NGA RGYAL CAN DE YANG SNGAR SLOB PA'I MNGON PA'I NGA RGYAL CAN DU @254B GYUR PA KHO NAR RIG PAR BYA STE, DON DU BDEN PA'I SLOB PAR GYUR PA LAS PHYIS MI SLOB PA'I MNGON PA'I NGA RGYAL CAN DU 'GYUR BA NI MED DO, ,DE CI'I PHYIR ZHE NA, GANG GIS DE MA THOB PA LA THOB PO SNYAM PA'I MNGON PA'I NGA RGYAL LA MNGON PAR ZHEN NAS DUS GZHAN DU GNAS PAR 'GYUR ZHING GZHAN DAG LA YANG BRJOD PAR 'GYUR BA DE LTA BUR DE'I NYON MONGS PA KUN DU SPYOD PA RGYUN MI 'CHAD PA DE 'DRA BAR SEMS KYIS KHYAB PAR BYAS TE GNAS PAR MI 'GYUR GYI BRJED NGAS PAS DE'I NYON MONGS PA KUN DU SPYOD PA CHUNG NGU YUN RING PO MI GNAS PA DANG LDAN PA TZAM DU ZAD DE MYUR BA KHO NAR KHONG DU CHUD CING PHYIR MID PAR 'GYUR BA'I PHYIR RO, ,DE GNYIS DE LTAR SNGAR NI MA THOB PA LA THOB PO SNYAM PA'I MNGON PA'I NGA RGYAL CAN DU GYUR LA, DA LTAR GYI NI SOM NYI DANG YID GNYIS SU GYUR NAS YI CHAD PA'I PHYIR NYAMS PAR 'GYUR BA'AM, GAL TE BDAG GI THOB PA MED NA NI DE LTA NA GZHAN DAG GI YANG MED PAR 'GYUR RO SNYAM DU 'PHAGS PA LA SKUR PA 'DEBS PA'I LOG PAR LTA BA NGAN SONG DU 'GRO BA'I RGYU YANG DAG PAR BLANGS PAS NA PHONGS PAR 'GYUR RO, ,'PHAGS PA'I GTAM ZAB MO NAS SNGA MA BZHIN DU MOS PA GANG ZHE NA, GANG GIS RTEN CING 'BREL PAR 'BYUNG BA DANG, MYA NGAN LAS 'DAS PA MTSAN NYID GSUM DANG LDAN PAS 'DUS BYAS DANG 'DUS MA BYAS SU BSTAN PA STE, 'DI LTAR 'DUS BYAS NI MI RTAG PA'O, ,'DUS MA BYAS NI RTAG PA'O, ,'DUS BYAS RNAMS SDUG BSNGAL BA'O, ,MYA NGAN LAS 'DAS PA NI ZHI BA'O; ,'DUS BYAS DE DAG THAMS CAD NI BSDUS NA, SDUG BSNGAL TZAM DANG, SDUG BSNGAL GYI RGYU TZAM DU ZAD DO, ,'DUS MA BYAS DE YANG BSDUS NA SDUG BSNGAL RGYU DANG BCAS PA 'GOG PA TZAM DU ZAD DO ZHES BSTAN PA'I, ,TSE 'DI LA MYA NGAN LAS 'DAS PA THOB CING SDUG BSNGAL CHAD PAR GYUR BA'I DGE SLONG GI NI YANG SRID PAR SKYE BA'I RGYU'I LAM DANG PHYI MA LA DE'I 'BRAS BU SDUG BSNGAL 'BYUNG BAR MI 'GYUR LA PHUNG PO'I LHAG MA MED PAR MYA NGAN LAS 'DAS PA'I TSE YANG DE'I SDUG BSNGAL NYING MTSAMS SBYOR BAR MI 'GYUR RO, ,SNGON GYI RGYUS DRANGS @255A *, ,PA'I PHUNG PO YANG RANG GI NGANG GIS 'GAG PAR 'GYUR RO, ,SDUG BSNGAL GYI MTHA' NI DE YIN TE, 'DI NAS SU YANG SNGON 'KHOR BAR 'GYUR BA YANG MED LA, DA LTAR YONGS SU MYA NGAN LAS 'DAS PA YANG MED DO ZHES DON 'DI STON PA'I GTAM GANG YIN PA DE NI 'PHAGS PA'I GTAM ZAB MO NAS SNGAR SMOS PA BZHIN DU RIG PAR BYA'O, ,RTEN CING 'BREL PAR 'BYUNG BA RANG BZHIN GYIS MCHOG TU ZAB PA YANG KHA CIG LA GSAL BA KHO NAR SNANG BA GANG YIN PA DE NI RNAM PA GNYIS LAS 'GYUR TE STON PAS KYANG DE BZHIN DU LEGS PAR BSTAN LA GANG ZAG DE YANG ZHI BA MO BRTAGS PA MKHAS PA MDZANGS PA GSAL BA YIN TE GANG LA BSTAN PA DANG, SU NYAN PA'O, ,TSIG GI DON 'DI RNAMS NI 'DI LTA STE, RNAM GRANGS BSDU BA LAS 'BYUNG BA BZHIN NO, ,DE LA RTEN CING 'BREL PAR 'BYUNG BA NI MDOR BSDU NA RNAM PA BZHIS MCHOG TU ZAB PAR RIG PAR BYA STE, BZHI GANG ZHE NA, RGYU DANG 'BRAS BU CHA PHRA BA SHES PAR DKA' BA DANG, BDAG MED PA SHES PAR DKA' BA DANG, BRAL BA'I SEMS CAN RNAMS LDAN PAR SHES PAR DKA' BA DANG, LDAN PA'I SEMS CAN RNAMS 'BRAL BAR SHES PAR DKA' BA'O, ,DE LA RGYU DANG 'BRAS BU CHA PHRA BA SHES PAR DKA' BA GANG ZHE NA, BDEN PA BRTAG PA'I TSUL LA BRTEN TE, SRID PA'I YAN LAG RGA SHI LA SOGS PA NAS RNAM PAR SHES PA DANG, MING DANG GZUGS LA THUG PA RNAMS KYI RKYEN YOD PA GANG YIN PA STE, RKYEN YOD PA YANG GANG ZHE NA, GANG GI RGYUS SKYE BA STE, GANG MA SPANGS NA SKYE BAR 'GYUR BA DANG, SKYES PA'I 'OG TU YANG RGA SHIR 'GYUR BAR SHES PAR BYA'O, ,DE LA SKYE BA'I RGYU YANG SKYE BA YIN LA DE'I RGYU LAS BYUNG BA'I MNGON PAR 'GRUB PA YANG SKYE BA YIN TE, SKYE BA SNGA MA SHOS YOD NA, SKYE BA PHYI MA SHOS 'BYUNG LA SKYE BA PHYI MA SHOS YOD NA RGA SHI 'BYUNG BAR 'GYUR RO, ,DE LA SKYE BA SNGA MA SHOS NI SKYE BA PHYI MA SHOS KYI RGYU DANG, RGA SHI'I GZHI YIN NO, ,SKYE BA PHYI MA SHOS NI RGA SHI'I RKYEN YIN NO, ,DE DAG THAMS CAD GCIG TU BSDUS PA LA NI SKYE BA'I RKYEN GYIS RGA SHI ZHES BYA STE, @255B 'DI NI RGA SHI'I RKYEN YOD PA YIN PAR RIG PAR BYA'O, ,SKYE BA JI LTA BA BZHIN DU SRID PA DANG LEN PA YANG DE DANG 'DRA'O, ,LEN PA RNAM PAR GZHAG PA NI DE LA SPYIR NA 'DUN PA'I 'DOD CHAGS NI LEN PA'O, ,NYE BAR LEN PA BZHI PO RNAMS NI LEN PA RNAM PAR GZHAG PA STE, JI LTAR ZHE NA; SRED PA NI 'DOD PA YONGS SU TSOL BA'I SGO NAS LAS KUN DU SLONG BA YIN NO, ,SRID PA 'DOD PA'I SGO NAS KYANG LAS KUN NAS SLONG BA YIN NO, ,LAS DE GNYI GA'I SGO NAS NI SDUG PA DANG, MI SDUG PA'I TSOR BA LA BRTEN TO, ,DE YANG SKYE MCHED DRUG GI SGO NAS MA RIG PA'I 'DUS TE REG PA LAS BYUNG BA'I TSOR BA GANG YIN PA DE'I RKYEN GYIS 'BYUNG NGO, ,GANG DE'I RKYEN DU MI 'GYUR BA'I TSOR BA GZHAN YANG YOD DE, 'DI LTA STE, RIG PA'I 'DUS TE REG PA LAS BYUNG BA DANG, RIG PA YANG MA YIN MA RIG PA YANG MA YIN PA'I 'DUS TE REG PA LAS BYUNG BA'O, , TSOR BA DE DAG THAMS CAD KYANG DE DANG REG PA 'DRA BA'I REG PA'I RKYEN LAS BYUNG BAR RIG PAR BYA'O, ,DE YANG GANG ZHE NA, 'DI LTA STE, RIG PA DANG MA RIG PA DANG MTSUNGS PAR LDAN PA NI TSIG BLA DGAS KYI 'DUS TE REG PA'O, ,DE LAS BZLOG PA NI THOGS PA'I 'DUS TE REG PA'O, , RIG PA'I 'DUS TE REG PA DANG, MA RIG PA'I 'DUS TE REG PA'I TSIG BLA DAGS KYI 'DUS TE REG PA DANG 'BREL PA DE YANG CI RIGS PAR DAG PA'I CHOS THOS PA DANG, DAM PA'I CHOS MA YIN PA THOS PA LA DMIGS PA YANG DAG PA DANG, LOG PA'I THOS PA DANG, BSAMS PA DANG, BSGOMS PA'I SHES PA DANG, MTSUNGS PAR LDAN PA'I MING GI RKYEN LAS BYUNG BA YIN PAR RIG PAR BYA'O, ,RIG PA YANG MA YIN, MA RIG PA YANG MA YIN PA'I 'DUS TE REG PAS BSDUS PA THOB PA'I 'DUS TE REG PA NI NANG DANG PHYI ROL GYI GZUGS KYI RKYEN LAS BYUNG BAR RIG PAR BYA'O, ,DE YANG BSDUS NA MING DANG GZUGS KYI RKYEN GYIS REG PA YIN NO, ,MING DANG GZUGS DE YANG SKYE MCHED DRUG PO NYID DE CHA GNYIS SU BYAS NAS REG PA'I RKYEN DU 'GYUR TE, YID KYI SKYE MCHED GZUGS MED PA DE LAS GZHAN PA'I GZUGS MED PA'I CHOS RNAMS DANG @256A *, ,MTSUNGS PAR LDAN PA CHA GCIG TU BYAS PA NI MING YIN NO, ,DE MA YIN PA'I GZUGS CAN GYI SKYE MCHED RNAMS CHA GCIG TU BYAS PA NI GZUGS YIN NO, ,MING DANG GZUGS DE YANG TSE 'DI LA NYING MTSAMS SBYOR BA'I RNAM PAR SHES PAS 'PHANGS PA DANG, ZIN PA'I RKYEN LAS BYUNG BA STE, DE DANG MA BRAL NA MED PAR MI 'GYUR BA'O, ,RNAM PAR SHES PA DE YANG NYING MTSAMS SBYOR BA BLANGS NAS, MING DANG GZUGS KHO NA LA GNAS TE LHAN CIG 'BYUNG BA DANG, DE MA THAG TU SKYE BA'I TSUL GYIS 'JUG GO, ,DE BAS NA DE YANG TSE 'DI LA MING DANG GZUGS KYI RKYEN LAS BYUNG BA YIN TE, SNGON GYI LAS KYIS 'PHANGS PA'I MING DANG, GZUGS DANG RNAM PAR SHES PA NI GCIG LA GCIG BRTEN PA DANG, GCIG GI RKYEN GCIG YIN PAR RIG PAR BYA'O, ,DE LTAR NA SRID PA'I YAN LAG RNAM PAR SHES PA DANG, MING DANG GZUGS LA THUG PA 'DI RNAMS KYANG SNGA MA BZHIN DU RGA SHI'I RGYUD BZHIN DU CI RIGS PAR RKYEN YOD PAR RIG PAR BYA STE, 'DI NI RGYU DANG 'BRAS BU CHA PHRA BA SHES PAR DKA' BA YIN NO, ,DE SHES PAR DKA' BAS NA RTEN CING 'BREL BAR 'BYUNG BA ZAB CING MCHOG TU ZAB PA YIN NO, ,BDAG MED PA DANG SHES PAR DKA' BA GANG ZHE NA, RTEN CING 'BREL BAR 'BYUNG BA'I RGYU DANG 'BRAS BU RNAM PAR GZHAG PA DE JI TZAM PA DE TZAM DU SEMS CAN GYI RIS THAMS CAD LA SPYIR SEMS CAN ZHES BYA BA'I TSIG BLA DAGS 'BYUNG STE, TSIG BLA DAGS DE'I LAM YANG DE KHO NA YIN PAR RIG PAR BYA'O, , DE LA GNAS NAS SEMS CAN GYI RIS THA DAD PA'I BYE BRAG GIS 'DI LTA STE, BYA DANG NYA DANG SDIG SBRUL DANG, LHA DANG MI ZHES BYA BA'I NGES PA'I TSIG 'JUG PAR 'GYUR RO, ,GDAGS PA NI SO SO'I MING GIS DBYE BA STE, 'DI LTA STE, NE TZO DANG, RI SKEGS DANG, RMA BYA DANG, RNAM THOS KYI BU DANG, YUL 'KHOR SRUNG DANG, 'PHAGS SKYES PO DANG, MIG MI BZANG DANG, SH'A RI'I BU DANG, BZANG PO DANG, SKYABS MED ZAS SBYIN DANG, DON THAMS CAD GRUB PA ZHES BYA BA'I BYE BRAG GIS 'JUG PA STE, DE TZAM GYIS NI THA SNYAD DU GDAGS PA'I SKYES BU DE DAG LA TSIG @256B 'JUG PAR 'GYUR BA'O, ,DE RNAMS KYI TSOR BA GANG CI YANG RUNG STE, RIG PA'I 'DUS TE REG PA LAS BYUNG BA DANG, MA RIG PA'I 'DUS TE REG PA LAS BYUNG BA DANG, RIG PA YANG MA YIN MA RIG PA YANG MA YIN PA'I 'DUS TE REG PA LAS BYUNG BA DE DAG THAMS CAD NI MING DANG, GZUGS DANG LDAN TE, MING DANG GZUGS MA LUS PAR 'GAGS NA TSOR BA 'BYUNG BA MED DO, ,'DI NI BDAG MED PAR SHES PAR DKA' BA YIN PAR RIG PAR BYA'O, ,DE LA BRAL BA'I SEMS CAN RNAMS LDAN PAR SHES PAR DKA' BA GANG ZHE NA, 'DI LTAR 'DI LAS PHYI ROL BA'I MU STEGS CAN MA RIG PA'I 'DUS TE REG PA LAS BYUNG BA'I TSOR BAS ZIN PA NI RNAM PA GSUM GYI SGO NAS BDAG MED PA RTEN CING 'BREL BAR 'BYUNG BA'I 'DU BYED DAG LA BDAG TU BRTAGS NAS LTA ZHING STON PAR BYED DE, SGO GSUM PO GANG ZHE NA, 'DOD PA RNAMS LAS 'DOD CHAGS DANG MA BRAL BA NI 'DOD PA DANG LDAN PA'I TSOR BA RNAM PA GSUM LAS GCIG LA NI TSOR BAR BYA BA'I BDAG GIR LTA LA, GCIG LA NI TSOR BA POR BDAG TU LTA'O, ,'DOD PA'I 'DOD CHAGS DANG BRAL LA BSAM GTAN GSUM PA'I 'DOD CHAGS DANG MA BRAL BA NI BDE BA'I TSOR BA GCIG PU MYONG ZHING MYONG BAR BYA BA DE LA YANG BDAG GIR RTOGS PA NA, TSOR BA DE LAS THA DAD PA'I TSOR BA PO'I BDAG TSOR BA DE'I SGO NAS TSOR BA'I CHOS CAN TSOR BA DE YANG RIG PA GANG YIN PA MTHONG NGO, ,BSAM GTAN GSUM PA'I GONG MA'I SDUG BSNGAL BA YANG MA YIN PA BDE BA YANG MA YIN PA'I TSOR BA CHA PHRA BA KHONG DU MA CHUD NAS, TSOR BA MED NA NI BDAG GIS BDAG NI TSOR BA MED DO SNYAM DU BRTAGS NAS LTA BAR BYED DE, DE DE DAG GI RNAM PA GSUM GYI SGO NAS BDAG TU LTA BA DE DAG THAMS CAD NI MI RUNG NGO, ,DE CI'I PHYIR ZHE NA, TSOR BA GSUM PO RNAMS MI RTAG PAS BDAG KYANG MI RTAG PA'I PHYIR TE, TSOR BA GSUM PO DE BDAG TU MTHONG BAS DE'I PHYIR MI RUNG NGO, ,BSAM GTAN BZHI PA DANG, DE'I GONG GANG NA TSOR BA'I BDE BA MED PA DE NA YANG BDE BA TSOR BA PO YANG MED PAS NA, DE NA BDE BA'I TSOR BA'I SGO NAS TSOR BA'I CHOS CAN GYIS BDAG YOD PAR MI RUNG NGO, , @257A *, ,GCIG TU NA BSAM GTAN BZHI PA DANG, DE'I GONG MA GZUGS MED PA'I SNYOMS PAR 'JUG PA DAG NA, GAL TE SOR SOR NYAMS SU MYONG BA'I BDAG MED DU ZIN NA NI DE DAG GI ZHI BA'I SNYOMS PAR 'JUG PA LAS BYUNG BA'I TSOR BAS BDAG ZHI BAR GYUR TO SNYAM DU 'DZIN PA YANG MED PAR 'GYUR BA ZHIG NI DE YANG YOD DE DE BAS NA DE YANG MI RUNG NGO, ,DE LA GAL TE RTEN CING 'BREL BAR 'BYUNG BA ZAB PA MA YIN DU ZIN NA NI DE DE LTAR DE MA SHES PAS, DE DAG GI LTA BA MI RUNG BAR MI 'GYUR BA'I RIGS SO, ,CHOS 'DI PA'I 'PHAGS PA NYAN THOS THOS PA DANG LDAN PA NI RIG PA'I 'DUS TE REG PA LAS BYUNG BA'I TSOR BAS ZIN PA NA THAMS CAD LA YANG MI RIGS PAR SHES PAS BDAG TU MI LTA'O, ,DE NI KUN RDZOB DANG DON DAM PA'I BDEN PA LA MKHAS TE, DE BZHIN 'ONGS PA SHI PHAN CHAD YOD PAR MI 'DZIN PAS NA SNGA MA BZHIN DU YOD PA YANG MA YIN MED PA YANG MA YIN PA'I BAR DU SBYAR RO, ,RNAM PAR GROL BA'I SEMS DE NYID LA YANG GANG 'DI SKAD DU YOD PAR 'GYUR RAM ZHES 'DRI NA, DE YANG DE KHO NA BZHIN TE LAN MI 'DEBS SO, ,MED PAR 'GYUR BA DANG, GNYI GA DANG, GNYI GAR MI 'GYUR BA DE DAG THAMS CAD KYANG DE KHO NA BZHIN TE, LAN MI 'DEBS SO, , DE LTAR SHES PA SNGON DU BTANG STE, LAN MI 'DEBS PA LA MI SHES PA YIN NO SNYAM DU BRNYAS PA BYED PA DE NI DE NYID KYI MI SHES PA CHEN PO DANG LOG PAR LTA BA YIN NO, ,PHYI ROL PA DE LTA BU'I LTA BA SPYOD PA DE NI SNGA MA BZHIN DU LTA BA RNAM PA GSUM LA BRTEN NAS, TSE 'DI LA BDAG GZUGS CAN NAM; GZUGS CAN MA YIN PA'AM, CHUNG NGU'AM TSAD MED PAR 'DOGS SO, ,JI LTAR TSA 'DI LA NOR BAR BRTAGS NAS DMIGS SHING STON PA DE BZHIN DU PHYIS KYANG PHYI MA MTHONG BA KHO NAR 'GYUR RO, ,RNAM PA DU MAR NOR BAR BDAG TU RTOG MOD KYI, 'ON KYANG DE'I 'JIG TSOGS LA LTA BA BAG LA NYAL DANG LDAN PA NI RNAM PA GCIG PUR ZAD DO, ,DE MA SPANGS PAS SRID PA'I RTZE MOR SONG DU ZIN KYANG 'JIG PA'I RTEN PA'I LAM DMA' BA'I SGO NAS DE DANG BRAL MOD KYI LDAN PA NYID DU RIG PAR BYA'O, ,'DI NI BRAL BA'I SEMS CAN RNAMS LDAN PAR SHES PAR DKA' BA YIN TE, @257B DE LA NI RTEN CING 'BREL BAR 'BYUNG BA LA MKHAS PA 'BA' ZHIG SHES PAS 'JUG GO, ,DE LA LDAN PA'I SEMS CAN RNAMS 'BRAL BAR SHES PAR DKA' BA GANG ZHE NA, 'DI LA 'PHAGS PA NYAN THOS THOS PA DANG LDAN PA NI RIG PA'I 'DUS TE REG PA LAS BYUNG BA'I TSOR BA DANG LDAN NA TSE 'DI YANG BDAG TU MI DMIGS SHING MI 'DOGS LA DE LTAR MI 'GYUR RO, ,LUS DANG BRAL BA'I 'OG TU YANG BDAG TU MI DMIGS SHING MI 'DOGS SO, ,RNAM PAR SHES PA'I GNAS BDUN LA SEMS CAN THAMS CAD BTAGS NAS THUR DU NYING MTSAMS SBYOR BA'I RNAM PAR SHES PA'I SKYE MCHED DANG; YANG 'BYUNG BAR 'GYUR BA RNAM PAR SHES PA'I SKYE MCHED DANG RNAM PAR SHES PA'I GNAS DE DAG DANG, SKYE MCHED DE GNYIS RTEN CING 'BREL BAR 'BYUNG BA'I BDEN PA'I TSUL GYIS YANG DAG PA JI LTA BA BZHIN DU BRTAGS NA, ,DGRA BCOM PA SHES RAB RNAM PAR GROL BA'AM, GNYI GA'I CHA LAS RNAM PAR GROL BA RNAM PAR THAR PA BRGYAD LA BSAM GTAN PAR 'GYUR TE, DE NI TSE 'DI LA SKYE BA DANG, RGA BA DANG, 'CHI BAR SNANG MOD KYI 'ON KYANG DE NI DE DANG BRAL BA YIN NO, ,TSOR BA MYONG BAR SNANG MOD KYI, 'ON KYANG DE NI TSOR BA DANG BRAL LO, ,RNAM PAR SHES PA DANG MING DANG GZUGS SU SNANG MOD KYI 'ON KYANG DE NI DE DANG BRAL TE, 'DI NI LDAN PA'I SEMS CAN RNAMS 'BRAL BAR SHES PAR DKA' BA YIN TE, DE NI RTEN CING 'BREL BAR 'BYUNG BA LA MKHAS PA 'BA' ZHIG GIS YANG DAG PA JI LTA BA BZHIN DU SHES SO, ,RNAM PA 'DI BZHIS NI RTEN CING 'BREL BAR 'BYUNG BA MCHOG TU ZAB PAR RIG PAR BYA'O, ,SDOM NI, KHYAD PAR KUN RDZOB DON DAM DANG, ,CHOS NYID DANG NI DE BYED DANG, ,STONG NYID CHEN PO RNAM PAR 'BYED, ,GANG GIS BYAS PA THA MA YIN, ,CHOS 'DUL BA 'DI LA NI BYIS PA DANG MKHAS PA GNYIS SNGON GYI MTHA' NAS DBUS KYI MTHAR THUG PA'I NYON MONGS PA GNYIS LAS RNAM PAR SHES PA DANG BCAS PA'I LUS 'GRUB PAR 'GYUR TE, LUS DE'I RKYEN GYIS PHYI ROL GYI SEMS CAN DANG, SEMS CAN MA YIN PA ZHES BYA BA'I MING DANG GZUGS KYIS BSDUS PA'I YUL GYI TSOR BA RNAM PA GSUM MYONG MOD KYI 'ON KYANG @258A *, ,MKHAS PA NI BYIS PA LAS SNGON GYI MTHA' DANG, DA LTAR GYI MTHA' DANG, PHYI MA'I MTHA'I SGO NAS KHYAD CHE BAR RIG PAR BYA'O, ,DE LA DBUS KYI MTHA' GTOGS PA'I KHYAD PAR NI RTZA BA'I NYON MONGS PA GANG LAS LUS GRUB PAR GYUR BA DE GNYIS TSE 'DI LA SPONG BAR 'GYUR LA DES DE GNYIS SPANGS PAS PHYI MA LA YANG LUS 'DZIN PAR MI 'GYUR TE, 'DI NI PHYI MA'I MTHAR GTOGS PA'I KHYAD PR RO, ,CI'I PHYIR MKHAS PAS MKHAS PA THOB PAR GYUR TE, DE'I TSE 'DI LA KUN 'BYUNG BA'I BDEN PA DANG BRAL BAR GYUR LA PHYI MA'I MTHAR YANG SDUG BSNGAL GYI BDEN PA DANG BRAL BAR 'GYUR, CI'I PHYIR BYIS PA RNAMS BYIS PAR GYUR TE, GANG GIS NA DE GNYIS SPONG MI NUS PAR GYUR ZHE NA, MKHAS PAS NI SNGON YE SHES KYI TSOGS KYIS BSDUS PA'I TSANGS PAR SPYOD PA BTZAL BA SPYAD LA BYIS PAS NI MA SPYAD PA'I PHYIR TE, 'DI NI BYIS PA LAS MKHAS PA KHYAD PAR DU GYUR BA SNGON GYI MTHAR GTOGS PA GANG YIN PAR RIG PAR BYA'O, ,'DI LA RTEN CING 'BREL BAR 'BYUNG BA LA MKHAS PA, THOS PA DANG LDAN PA'I 'PHAGS PA'I NYAN THOS NI KUN RDZOB DANG DON DAM PA YANG DAG PA JI LTA BA BZHIN DU RAB TU SHES TE, RAB TU SHES PAS NA TSE 'DI LA RNAM PAR SHES PA DANG BCAS PA'I LUS DANG, CHOS THAMS CAD LA BDAG MED PAR SHES NAS, 'DI NI BDAG GI'O, ,'DI NI BDAG YIN NO SNYAM DU MNGON PAR ZHEN PA MED DO, ,'DI LTA STE, DON DAM PA LA MKHAS PA DES NI DE LTAR LOG PAR MNGON PAR ZHEN PA MED PAS SEMS CAN RNAMS KYI 'DU BYED KYI RGYUR GTOGS PA'I LAS BDAG GIR BYA BA YANG DAG PA JI LTA BA BZHIN DU RAB TU SHES PA'I PHYIR GZHAN GYI BYED PA PO GZHAN MA YIN LA MA BYAS PAR YANG BDE LEGS SU 'GYUR BA MED PAR RIG NAS NYON MONGS PA DANG BRAL BAR BYA BA'I PHYIR BRTZON PAR BYED DO, ,'DI LTA STE, KUN RDZOB LA MKHAS PA DES NI YANG DAG PA MA YIN PA LA SGO 'DOGS PA DANG, YOD PA'I DNGOS PO CHUD GZON PA YONGS SU SPANGS NAS, SNGON SEMS PAS MONG PAR 'DUS BYAS SHING, SMON PA'I SGO NAS 'DOD PA'I YID SMON DU BYAS PA'I TSE 'DI RNAM @258B PAR SHES PA DANG BCAS PA'I LUS LA ZHI GNAS DANG LHAG MTHONG BSGOM PA'I RNAM PA THOS PA DANG BSAMS PA LAS BYUNG BA'I RTEN CING 'BREL BAR 'BYUNG BA LA MKHAS PA LA BRTEN PA DE NYID KYIS RJES SU 'JUG PAS RNAM PAR SHES PA DANG, REG PA DANG,TSOR BA DANG, 'DU SHES DANG SEMS PA'I TSOGS RNAMS LA NI SDUG BSNGAL BAR RTOG GO, ,SRED PA'I TSOGS LA DBYE BA'I SGO NAS BRTAGS PA NI KUN 'BYUNG BA'I BDEN PA BRTAGS PA YIN PAR RIG PAR BYA'O, ,DE BDEN PA 'DI GNYIS KYI 'BYUNG BA DANG 'JIG PAR SHES PAS NA, ,RGYU KUN 'BYUNG BAR GYUR NA JI LTAR KUN 'BYUNG BAR GYUR PA DANG, RGYU 'GAGS NA JI LTAR 'GAG PAR 'GYUR BA DE YANG 'DI LTA STE, MNYAM PAR GZHAG PA'I SA PA'I 'JIG RTEN PA'I YID LA BYED PAS YANG DAG PA JI LTA BA BZHIN DU RAB TU SHES PAS SO, ,DE YID LA BYED PA DE NYID LA KUN DU BRTEN PA'I RGYUS GANG GI TSE BDEN PA MNGON PAR RTOGS PAR BYED PAS NA, DES SNGAR THOS PA DANG BSAMS PA LAS BYUNG BAS NI 'JIG RTEN 'BYUNG BA DANG, 'JIG RTEN 'GAG PA LEGS PAR MTHONG ZHING LEGS PAR KHONG DU CHUD DO, ,BSGOMS PA LAS BYUNG BAS NI LEGS PAR YID LA BYAS SO, ,BDEN PA MNGON PAR RTOGS PA LA BAB PA'I TSE NI JI SNYED YOD PA DANG, JI LTA BA BZHIN YOD PA'I SGO NAS LEGS PAR BRTEN PA DANG, LEGS PAR RTOGS TE GO RIMS BZHIN DU SBYAR RO, ,DE DE'I TSE THOS PA DANG BSAMS PA LAS BYUNG BAS NI DAM PA'I CHOS 'DI LA ZHUGS SO, ,BSGOMS PA LAS BYUNG BAS NI NYE BAR ZHUGS SO, ,BDEN PA KHONG DU CHUD PA'I SGO NAS NI DAM PA'I CHOS RTOGS ZHES BYA'O, ,GANG GI PHYIR ZHUGS PA DANG, NYE BAR GYUR BAR ZHUGS PA DE'I PHYIR NI GTING SLEBS SO, ,GANG GI PHYIR DAM PA'I CHOS RTOGS PA DE'I PHYIR NI KUN DU GTING SLEBS SO, , SLOB PA'I SHES RAB LA NI 'JIG RTEN GYI 'BYUNG BA DANG, NUB PA'I SHES RAB CES BYA'O, ,DE YANG ZAG PA MED PA DANG, 'PHAGS PA'I RGYU LA DMIGS PAS NI 'PHAGS PA'O, ,NYON MONGS PA DANG SDUG BSNGAL THAMS CAD ZAD PAR BYA BA'I PHYIR NGES PAR 'BYUNG BAS NA DE'I PHYIR @259A *, ,NGES PAR 'BYUNG BA'O, ,GTAN DU MTHAR THUG PAR 'GRO BAS NA DE'I PHYIR NGES PAR BYED DO, ,DE DE DANG LDAN NA GONG DU NYON MONGS PA THAMS CAD SPONG PAR BYA'O SNYAMNAS DE NYID LAN MANG DU BYED DE SDUG BSNGAL THAMS CAD ZAD PAR BYA BA'I PHYIR BSGOM PA'I LAM LA NGES PAR 'BYUNG BAR 'GYUR RO, ,DE LTAR NA DE LA LAS DANG PO PA'I SA NAS BZUNG STE, DGRA BCOM PA'I 'BRAS BU'I LAM LA THUG PA'I BAR DU BSTAN PA YIN NO, ,RTEN CING 'BREL BAR 'BYUNG BA DANG, RTEN CING 'BREL BAR 'BYUNG BA'I CHOS RNAMS NI RGYU GNYIS KYIS CHA GNYIS SU RNAM PAR GZHAG PA YIN TE, JI LTAR 'JUG PA DANG, GANG RNAMS 'JUG PA'O, ,DE LA SRID PA'I YAN LAG BCU GNYIS NI 'JUG PA'O, ,DE DAG KYANG CI RIGS PAR RIGS PA'I RGYU DANG 'BRUS BU'I RIM PAS 'JUG PA'I PHYIR TE, RIGS PA'I RGYU DANG 'BRAS BU'I RIM PA DE THOG MA MED PA'I DUS NAS GCIG NAS GCIG TU BRGYUD PA'I LUGS GANG YIN PA DE NI CHOS NYID DO, ,DA LTAR GYI DUS KYI SGO NAS NI CHOS GNAS PA NYID DO, ,'DAS PA'I DUS KYI SGO NAS NI CHOS MI 'GYUR BA NYID DO, ,MA 'ONGS PA'I DUS KYI SGO NAS NI CHOS JI LTA BA NYID DO, , RGYU MED PA MA YIN PA'I SGO NAS NI DE BZHIN NYID DANG, MA NOR BA DE BZHIN NYID DO, ,YANG DAG PA JI LTA BA'I RGYU LAS BYUNG BA'I SGO NAS NI YANG DAG PA NYID DO, ,YANG DAG PA JI LTA BA'I 'BRAS BU'I SGO NAS NI BDEN PA NYID DO, ,SHES BYA YANG DAG PA'I SGO NAS NI DE KHO NA NYID DO, ,YANG DAG PA JI LTA BA'I YE SHES KYI GNAS KYI SGO NAS NI MA NOR BA NYID DANG, PHYIN CI MA LOG PA NYID DO, ,RTEN CING 'BREL BAR 'BYUNG BA DANG LDAN PA'I TSIG RNAM PAR GZHAG PA'I GNAS KYI SGO NAS NI RTEN CING 'BREL BAR 'BYUNG BA 'DI DANG MTHUN PA NYID DO, ,'DI GNYIS LA MKHAS PA'I THOS PA DANG LDAN PA'I 'PHAGS PA NYAN THOS NI DUS GSUM GYI TSUL BZHIN MA YIN PA YID LA BYED PA YONGS SU SHES NAS YONGS SU SPONG BAR YANG BYED CING BDEN PA MNGON PAR RTOGS PAR YANG BYED LA PHYI ROL GYI LTA BAR GYUR BA RNAMS DANG 'BRAL BAR YANG 'THOB PAR 'GYUR RO, ,SNGA MA BZHIN DU @259B ZHUGS PA NAS RGYAS PAR SHES PAR BYA'O, ,DE BZHIN GSHEGS PA RNAMS KYIS NI THOG MA MED PA'I DUS NAS ZHUGS PA'I RGYU DANG 'BRAS BU GCIG NAS GCIG TU BRGYUD PA'I YANG DAG PA'I 'JUG PA YE SHES KYIS MNGON PAR RDZOGS PAR SANGS RGYAS NAS GSUNG GIS YANG DAG PAR STON PAR MDZAD KYI 'BYIN PA DANG, BYED PA NI MA YIN NO, ,DE LA THOG MA MED PA'I DUS NAS RGYU DANG 'BRAS BU GCIG NAS GCIG TU BRGYUD PA'I CHOS NYID YE GNAS PA GANG YIN PA DE NI DE DANG LDAN PA'I MING DANG TSIG DANG YI GE'I TSOGS DE BRDA SPROD PA DANG MTHUN PA RNAMS KYI LUGS GNAS PAR BYA BA'I PHYIR KHAMS DANG RIGS DANG GNAS YIN NO, ,DE BYED LA DES NYAMS SU MYONG BA DANG, GZHAN BYED LA GZHAN GYIS MYONG NGO ZHES BYA BA NI RGYU GNYIS KYIS LAN GDAB PAR MI BYA BA YIN TE, GNYIS GANG ZHE NA, 'DU BYED KYI RGYUD KYI RGYU DANG 'BRAS BUR 'BREL BA'I SGO NAS GCIG YIN PA DANG, SNGA PHYI'I SGO NAS THA DAD PA YIN PA'I PHYIR DANG, DE LAS THA DAD PA'I BYED PA PO DANG TSOR BA PO MI DMIGS PA'I PHYIR DE LTA BU'I SMRA BA KHAS MI LEN CING MNGON PAR ZHEN PAR MI BYED PAR DBU MA'I LAM GYI RGYU DANG 'BRAS BU TZAM DU ZAD PA GANG YIN PA DE KHO NA'I LAN 'DEBS PAR BYED DO, ,GANG ZAG BDAG MED PA GANG YIN PA DANG, CHOS BDAG MED PA GANG YIN PA'I BDAG MED PA THAMS CAD NI SPYIR NA STONG PA NYID CES BYA'O, ,DE LA GANG ZAG BDAG MED PA NI RTEN CING 'BREL BAR 'BYUNG BA'I 'DU BYED RNAMS LAS DON THA DAD PA'I BDAG MED PA'I PHYIR RO, ,CHOS BDAG MED PA NI RTEN CING 'BREL BAR 'BYUNG BA'I 'DU BYED GANG YIN PA DE DAG NYID BDAG MED DE MI RTAG PA'I PHYIR RO, ,GANG DU DE GNYI GA GCIG TU BSDUS TE BSTAN PA DE NI CHEN PO STONG PA NYID CES BYA'O, ,GANG THA SNYAD KYI SGO NAS MA YIN PAR LTA BA LA BRTEN NAS 'DI LTAR LTA ZHING 'DI SKAD DU RTEN CING 'BREL BAR 'BYUNG BA'I CHOS 'DI DAG NI GZHAN YIN NO ZHE'AM, YANG NA 'DI DAG LAS GZHAN PA DE'I RTEN CING 'BREL BAR 'BYUNG BA'I CHOS RNAMS YIN NO ZHES LAN 'DEBS PAR BYED NA DE NYID DE'I LTA BA YIN PAR RIG PAR BYA'O, ,LTA BA LA BRTEN NA NI TSANGS @260A *, ,PAR SPYOD PA LA GNAS PAR MI 'GYUR RO, ,DE CI'I PHYIR ZHE NA, ,DE CI'I PHYIR ZHE NA, 'DI LTAR DE STONG PA NYID DANG PO CIG SHOS KYI MI MTHUN PA'I PHYOGS KYI LTA BA LA BRTEN NAS 'DUG PA'I PHYIR DE DE GNYI GA NI LOG PAR LTA BA YIN LA DE LTAR LTA BA NI THAR BAR 'GYUR DU MI RUNG NGO, ,GANG GI 'DI SKAD DU MING DANG GZUGS KYIS BSDUS PA'I RTEN CING 'BREL BAR 'BYUNG BA'I CHOS DE DAG NYID LA SNGA MA BZHIN DU MI RUNG NGO, ,GANG 'DI SKAD DU MING DANG GZUGS KYIS BSDUS PA'I RTEN CING 'BREL BAR 'BYUNG BAI CHOS DE DAG NYID LA SNGA MA BZHIN DU LTA BA RNAM PA GSUM LA BRTEN PAS DE NYID SROG KYANG YIN LA LUS KYANG YIN NO ZHES ZER BA NAS RGYAS PAR SBYAR TE, DE LTAR GYUR NA YANG TSANGS PAR SPYOD PA LA GNAS PAR MI 'GYUR RO, ,DE CI'I PHYIR ZHE NA, 'DI LTAR DE NI STONG PA NYID CIG SHOS KYI MI MTHUN PA'I PHYOGS KYI LTA BA LA BRTEN NAS 'DUG PA'I PHYIR TE, LOG PAR LTA BA'I MTHA' 'DI GNYI GA SPANGS NAS RGYU DANG 'BRAS BU TZAM DU ZAD PAR LTA BA NI DBU MA'I LAM ZHES BYA'O, ,YANG DAG PA JI LTA BA NI SHES BYA DE BZHIN NYID KYI PHYIR RO, ,PHYIN CI MA LOG PA NYID NI SHES PA DE BZHIN NYID KYI PHYIR RO, ,'DU BYED DE DAG YOD NA 'DU BYED 'DI RNAMS SAM, 'DI'I 'DU BYED RNAMS ZHES 'DOGS PAR BYED KYI, GAL TE DE KHO NA BZHIN DU YANG DAG PAR YOD DU ZIN NA 'DU BYED THAMS CAD 'GAGS SHING SPANGS PAR GYUR BA NA GANG LA NI 'DU BYED RNAMS ZHES BYA, GANG GIS 'DU BYED RNAMS ZHES BYA STE, 'DI LTAR DE'I TSE GNYI GA MI DMIGS PA'I PHYIR RO; ,RTEN CING 'BREL BAR 'BYUNG BA NI 'DI LTA STE, BSTAN PA DANG, RNAM PAR DBYE BA'I PHYIR RNAM PA GNYIS KYIS RNAM PA THAMS CAD GDAGS PAR RIG PAR BYA STE, GNYIS GANG ZHE NA, JI LTA BA BZHIN DU YOD PA DANG, JI SNYED YOD PA'O, ,DE LA JI LTA BA BZHIN DU YOD PA NI MA RIG PA LA SOGS PA RTEN CING 'BREL BAR 'BYUNG BA'I CHOS RNAMS GANG DAG GI RGYU DANG 'BRAS BU RIM PA BZHIN DU 'TSAM PAR 'BYUNG BA DANG, RGYU MA SPANGS NA 'BRAS BU MA SPANGS PAR 'GYUR BA DANG, RGYU MA SPANGS PAR SKYE BA LAS 'BRAS BU MA SPANGS PAR SKYE BAR 'GYUR BA GANG YIN PA @260B 'DI NI JI LTA BA BZHIN DU YOD PA'O, ,JI SNYED YOD PA GANG ZHE NA, MA RIG PA LA SOGS PA 'DU BYED RNAMS KYI RNAM PA THAMS CAD GANG YIN PA STE, 'DI LTA STE, MA RIG PA'I SNGON GYI MTHA'I MI SHES PA ZHES BYA BA NAS RGYAS PAR SBYAR TE, RNAM GRANGS DE RNAMS KYI RNAM PAR DBYE BA NI 'DI LTA STE, RNAM GRANGS BSDU BA LAS 'BYUNG BA BZHIN DU RIG PAR BYA'O, ,RNAM PAR DBYE BA RNAMS KYI RNAM PAR GZHAG PA YANG SNAG MA BZHIN DU RIG PAR BYA STE, 'DI NI JI SNYED YOD PA STE, DE LTAR NA JI LTA BA BZHIN DU YOD PA DANG, JI SNYED YOD PA 'DI LAS BRTZAMS TE, BSTAN CING RNAM PAR DBYE'O, ,DE LA BSTAN PA NI DANG PO'O, ,DE NYID RGYAS PAR RNAM PAR DBYE BA NI RNAM PAR DBYE BA'O, ,BDE BA DANG SDUG BSNGAL BA NI RANG GIS BYAS PA DANG, GZHAN GYIS BYAS PA DANG, GNYIS KAS BYAS PA DANG, GNYI GAS MA BYAS PA RGYU MED PA LAS BYUNG BA RNAM PA GNYIS KYIS 'DOGS PAR MI BYED CING LAN 'DEBS PAR MI BYED DE, GNYIS GANG ZHE NA, SNGA MA BZHIN DU 'DU BYED THAMS CAD BYED PA MED PA'I PHYIR DANG, DE MA YIN PA'I BYED PA PO'I SEMS CAN MI DMIGS PA'I PHYIR RO, , DE LA 'DU BYED RNAMS BYED PA MED PAS NA TSOR BA YANG DE NYID YIN LA, MYONG BA YANG DE NYID YIN PA LTA BUR BDE BA DANG SDUG BSNGAL RANG GIS BYAS PAR MI RUNG NGO, ,DE MA YIN PA'I BYED PA PO'I SEMS CAN MI DMIGS PAS NA TSOR BA YANG GZHAN LA MYONG BA YANG GZHAN PAR YANG MI RUNG NGO, ,TSOR BA LA SRED PA DANG GZHAN DAG GIS TSOR BA BSGRUBS ZHES BYAR YANG MI RUNG NGO, ,RKYEN RNAMS YOD PA LAS TSOR BA SKYE BAR 'GYUR BAS NA DE'I PHYIR RGYU MED PA LAS SKYES ZHES BYAR YANG MI RUNG NGO, ,DE BAS NA RGYU MI MTHUN PAR SMRA BA'I MTHA' RNAM PA GSUM PO DANG, PHYI MA RGYU MED PAR SMRA BA'I MTHA' SPANGS NAS SNGA MA BZHIN DU DBU MA'I LAM BSTAN PA KHONG DU CHUD PA DANG, NAN TAN DU BSGRUBS PAS BSDUG BSNGAL ZAD PAR 'GYUR RO,, ,,SDOM NI, REG RKYEN LTA BA PHUN SUM TSOGS, ,'BYUNG DANG KUN SHES MI SDUG DANG, ,CHOS GNAS SHES DANG @261A *, ,BRTZON 'GRUS BRTZAMS, ,SKYE BA YANG NI THA MA YIN, ,REG PA'I RKYEN GYIS BYUNG BA'I TSOR BA THAMS CAD YOD PA LA RGYU MED PA DANG, RGYU MI MTHUN PAR SMRA BA'I DGE SBYONG BA DANG, BRAM ZE RNAMS KYIS CHOS 'DI BA'I NYAN THOS DMA' BA DANG, MCHOG TU GYUR PA'AM STON PA LA DE NYID KYIS BYAS PA DE NYID KYIS NYAMS SU MYONG BA ZHES BYA BA NAS, SNGA MA BZHIN DU DRI BA DRIS NA LEGS PAR LEN GDAB PA RNAM PA GSUM YOD DE 'DI LTA STE, RANG GI GZHUNG GIS LAN GDAB PA DANG, GZHAN TSAR GCAD PAS LAN GDAB PA DANG, MNGON PAR ZHEN PA YOD PA DANG, MED PA LAS KUN NAS NYON MONGS PA DANG, RNAM PAR BYANG BAR 'GYUR BAS LAN GDAB PA'O, ,DE LA GANG DE SKAD DU 'DRI BA LA BDE BA DANG SDUG BSNGAL BA NI RTEN CING 'BREL BAR 'BYUNG BA YIN TE, 'DI NI KHO BO CAG GI GZHUNG YIN NO ZHES LAN 'DEBS PA 'DI NI RANG GI GZHUNG GIS LAN GDAB PA'O, ,DE LA GANG 'DI SKAD DU BDE BA DANG SDUG BSNGAL BA RANG GIS BYAS PA DANG, GZHAN GYIS BYAS PA DANG, GNYI GAS BYAS PA DANG, GNYI GAS MA BYAS PA RGYU MED PA LAS BYUNG BAR RTOG PA YANG RUNG STE, THAMS CAD DU YANG TSOR BA NI REG PA LAS 'BYUNG BAR SNANG NA DE DAG GIS RANG GIS BYAS PA DANG, GZHAN GYIS BYAS PA LA SOGS PAR RTOG PA DON MED PAS CI ZHIG BYA, GAL TE TSOR BA'I RGYU REG PA YIN PAR MNGON SUM DU MI SNANG NA NI, DE MA YIN PA'I RGYU YONGS SU BTZAL BA YANG LEGS PAR 'GYUR BA ZHIG NA, REG PA YANG SNANG BAS LEGS PA MA YIN NO, ,ZHES LAN 'DEBS PAR BYED NA GANG DE LTAR LAN 'DEBS PA 'DI NI GZHAN TSAR BCAD PAS LAN GDAB PA YIN NO, ,DE CI'I PHYIR ZHE NA, 'DI LTAR DE DAG NI RGYU RNAM PA GNYIS KYIS TSAR GCOD PAR 'GYUR TE, DBANG PO DANG YUL DANG RNAM PAR SHES PA PHRAD PA TZAM DU ZAD PA MA GTOGS PAR DE MA YIN PA'I BYED PA PO BSTAN PAR MI NUS PA GANG YIN PA DANG, REG PA RGYU YIN PAR 'JIG RTEN THAMS CAD KYI MNGON SUM GYI TSAD MA DANG LDAN PA SUN DBYUNG MI NUS PA GANG YIN PA STE, DE DAG NI RANG @261B GI GZHUNG YANG MI TSUGS LA GZHAN GYI GZUNG YANG SUN MI PHYIN PAS NA TSAR GCOD PAR 'GYUR BA'I PHYIR RO, ,GANG DE SKAD DU DRIS NA BDE BA DANG SDUG BSNGAL BA RANG GIS BYAS PA DANG, GZHAN GYIS BYAS PA DANG, GNYI GAS BYAS PA YANG KHO BO CAG GI NI DBANG PO DANG YUL DANG RNAM PAR SHES PA PHRAD PA TZAM DU ZAD PA'I SGO NAS 'DOGS PAR BYED DE, DE YANG BDAG TU MNGON PAR ZHEN PA MED PAS BYED DO, ,DE LA DER MNGON PAR ZHEN PA NI KHYED LOG PAR GYUR PA YIN TE, 'DRANG BAR BYA BA MA YIN NO, ,DE CI'I PHYIR ZHE NA, MNGON PAR ZHEN PA LAS GYUR BA NI KUN NAS NYON MONGS PA YIN LA MNGON PAR ZHEN PA MED PA LAS GYUR PA NI RNAM PAR BYANG BA YIN PA'I PHYIR RO ZHES LAN 'DEBS SO, ,MNGON PAR ZHEN PA LAS GYUR PA'I KUN NAS NYON MONGS PA GANG ZHE NA, GANG DAG GI SNGON GYI MTHAR DE NI NGA YIN NO, ,'DI NI BDAG GI YIN NO SNYAM DU MNGON PAR ZHEN PAR GYUR PA MI MKHAS PA DE DAG GI MA RIG PA'I RKYEN GYIS 'DU BYED RNAMS ZHES BYA BA NAS SNGA MA BZHIN TE, DBUS KYI MTHAR BDE BA DANG SDUG BSNGAL BA'I KUN NAS NYON MONGS PAR 'GYUR RO, ,GANG DAG DBUS KYI MTHA' MNGON PAR ZHEN PA DE NI NGA YIN NO, ,'DI NI BDAG GI YIN NO DU PHYI MA'I MTHAR BDE BA DANG SDUG BSNGAL BA'I KUN NAS NYON MONGS PAR 'GYUR RO, ,RNAM PAR BYANG BA GANG ZHE NA, GANG DAG GI SNGON GYI MTHA' DANG, DBUS KYI MTHA' RNAMS LA BDAG DANG BDAG GIR 'DU BYED RNAMS LA MNGON PAR ZHEN PAR MA GYUR PA DE DAG NI SNGON GYI MTHAR TSOR BA'I RGYU 'GAGS PAS YONGS SU MYA NGAN LAS 'DAS LA PHYI MA'I MTHAR YANG TSOR BA'I RGYU 'GAGS NAS YONGS SU MYA NGAN LAS 'DA' BAR 'GYUR TE, 'DI NI MNGON PAR ZHEN PA DANG, MNGON PAR ZHEN PA MED PA LAS GYUR PA'I KUN NAS NYON MONGS PA DANG RNAM PAR BYANG BAS LAN GDAB PA STE GSUM PA'O,, ,,RGYU MED PA DANG RGYU MI MTHUN PA SPANGS NAS RGYU LAS BYUNG BA'I CHOS RNAMS KYI RGYU RNAM PA LNGA YANG DAG PAR MTHONG NAS, CHOS 'DUL BA 'DI LAS MI 'PHROGS PA'I PHYIR LTA BA PHUN SUM TSOGS PAR 'GYUR BA DANG, MYA NGAN LAS 'DAS PA LA BSAM PA @262A *, ,DAG PA'I PHYIR LTA BA DRANG PO DANG LDAN PA DANG, SHES BYA LA SHES PA RNAM PAR DAG PA'I PHYIR SANGS RGYAS LA SHES NAS DAD PA DANG LDAN PA STE, RGYU GSUM PO 'DI RNAMS DANG GO RIMS BZHIN DU DAM PA'I CHOS LA ZHUGS PA DANG, NYE BAR ZHUGS PA DANG; KHONG DU CHUD PAR ZHES BYA BAR SBYAR RO, ,RGYU DANG BCAS PA'I CHOS RNAMS KYI RGYU RNAM PA LNGA GANG ZHE NA, NGAN 'GRO'I RGYU NI 'DI LTA STE, MI DGE BA DANG MI DGE BA'I RTZA BA'O, ,BDE 'GRO'I RGYU NI 'DI LTA STE, DGE BA DANG DGE BA'I RTZA BA'O, ,RNAM PAR SHES PA DANG RNAM PAR SHES PA'I GNAS RNAMS KYI GNAS PA'I RGYU NI 'DI LTA STE, ZAS BZHI'O, ,TSE 'DI DANG TSE PHYI MA'I KUN NAS NYON MONGS PA'I RGYU NI 'DI LTA STE, ZAG PA RNAMS SO, ,RNAM PAR BYANG BA'I RGYU NI 'DI LTA STE, BDEN PA RNAMS DANG, RTEN CING 'BREL PAR 'BYUNG BA STE, GANG RGYU DE RNAMS KYI RANG BZHIN LA YANG RANG BZHIN DU RGYU LA YANG RGYUR, RGYU 'GAGS PA LA YANG 'GAG PAR, DE 'GAG PAR 'GYUR BA'I LAM LA YANG LAM DU YANG DAG PA JI LTA BA BZHIN DU RAB TU SHES NA LTA BA PHUN SUM TSOGS PA ZHES BYA'O, ,RTEN CING 'BREL PAR 'BYUNG BA'I GZHI BRTAG PA'I MTHA' NI MA RIG PA LA THUG PAS NA DE'I GONG DU RGYU BRTAG PA MED DE, DE BRTAG PA NYID NI RANG GIS DON YONGS SU RDZOGS PA KHO NA'O, ,RNAL 'BYOR SPYOD PA'I SA LAS GZHI BSDU BA, BAM PO BCU BZHI PA, GSUM PO 'DI DAG NI TSE 'DI LA SHES BYA'I GZHI YIN TE, 'BYUNG BA DANG; GRUB PA DANG, TSE'I TSAD JI TZAM PA DANG, MA SHI'I BAR DU RGYUD LA GNAS PA STE, DE DAG LA SLOB PA YANG DAG PAR NAN TAN DU SGRUB PA NA, SLOB PAR 'DOGS PA DANG, MI SLOB PA NI BDAG GI THAMS CAD ZAD DE YANG ZAD PAR BYA BA MED DO ZHES ZAD PA DANG MI SKYE BA'I YE SHES KYIS RTOGS NAS RTOGS PA'I CHOS CAN ZHES BYA'O, ,GSUM GANG ZHE NA, SKYE MCHED DRUG DANG SKYE MCHED DRUG GI RKYEN GYIS REG PA DANG, REG PA'I RKYEN GYIS TSOR BA'O, ,DE LA THOS PA DANG LDAN PA'I 'PHAGS PA NYAN THOS NI TSOR BA GANG CI MYONG YANG RUNG STE, DE YONGS SU @262B SHES NAS DE DAG LAS SKYO BAR BYA BA DANG, 'DOD CHAGS DANG BRAL BAR BYA BA DANG, 'GOG PAR BYA BA'I PHYIR NAN TAN DU SGRUB PA NA TSOR BA DE DAG REG PA'I ZAS LAS BYUNG BAR YANG DAG PA JI LTA BA BZHIN DU RAB TU SHES SO, ,REG PA'I ZAS DE YANG SKYE MCHED DRUG LAS BYUNG BA YIN NO, , DE NI REG PA'I ZAS KYI RGYU SKYE MCHED DRUG LAS SKYO BAR BYA BA'I PHYIR DANG, REG PA'I ZAS DE 'GAG PAR BYA BA'I PHYIR ZHUGS PA YIN NO, ,DES TSOR BA DANG, REG PA DANG, SKYE MCHED DRUG PO BYUNG BA THAMS CAD GCIG TU BSDUS NAS 'DI DAG THAMS CAD NI MI RTAG PA NYID KYIS 'GAGS PAS 'GAG PA'I CHOS CAN YIN NO SNYAM DU RIG STE, TSE 'DI LA BYUNG BA MI RTAG PA RNAM PA GSUM PO DE DAG THAMS CAD LA YANG SNGA MA BZHIN DU SKYO BAR BYA BA'I PHYIR ZHUGS PA YIN NO, ,DE BAS NA YANG DAG PAR ZHUGS PA'I RTAG 'GRUS CAN GYI SLOB PA ZHES BYA'O, ,DE BZHIN DU NAN TAN DU SGRUB PA NA LEN PA MED PA'I RNAM PAR GROL BA'I PHYIR RTOGS PA'I CHOS CAN GYI RTAG 'GRUS CAN ZHES BYA'O, ,MA THOB PA DANG MNGON SUM DU MA BYAS PA MNGON SUM DU BYA BA'I PHYIR RTAG TU GUS PAR SBYOR BAR BYED PAS NA SLOB PA RTAG 'GRUS CAN NO, ,TSE 'DI LA BDE BAR GNAS PA LAS YONGS SU NYAMS PAR MI 'GYUR BAR BYA BA'I PHYIR, RTAG TU GUS PAR SBYOR BAR BYED PAS NI RTOGS PA'I CHOS CAN GYI RTAG 'GRUS CAN ZHES BYA'O, ,BSTAN PAR BYA BA'I GZHI THAMS CAD KYI DBANG GIS BYUNG BA'I MING GI TSOGS DANG, TSIG GI TSOGS DANG, YI GE'I TSOGS RNAMS NI CHOS KYI KHAMS ZHES BYA STE, GANG LA LAS SO SOR YANG DAG PAR RIG PA THOB NAS MING DANG TSIG DANG YI GE'I TSOGS RNAMS LA JI LTAR 'DOD PA BZHIN BYED PAR 'GYUR TE, DES NA CHOS KYI KHAMS LEGS PAR RTOGS PA ZHES BYA'O, ,DE YANG CHOS KYI KHAMS LEGS PAR RTOGS PA'I PHYIR 'DOD NA BYUNG BA'I MING GI DON DE NYID RNAM GRANGS GZHAN DAG GIS NYIN MTSAN BDUN GYI BAR RAM YANG NA DE BAS LHAG PAR YANG STON TO, ,DE YANG RNAM GRANGS 'DI LTA BU DAG STE, BYUNG BA ZHES BYA BA DE BZHIN DU 'DUS BYAS DANG, SEMS PA LAS BYUNG BA DANG, G-YO BA DANG, GNOD @263A *, ,PA BYED PA DANG, NAD DANG, 'BRAS ZHES BYA BA LA SOGS PA'O, ,DGRA BCOM PA KUN SHES PA DANG LDAN PA NI SHES PA RNAM PA DRUG BRDA SPROD PAR RIG PAR BYA STE, 'DI LTA STE, RNAM GRANGS KYIS BRDA SPROD PA DANG, RNAM GRANGS MA YIN PAS BRDA SPROD PA DANG, SHES PAS BRDA SPROD PA DANG, SPONG BAS BRDA SPROD PA DANG, MDOS BRDA SPROD PA DANG, RGYAS PAS BRDA SPROD PA'O, ,DE LA RNAM GRANGS KYIS BRDA SPROD PA NI JI LTAR 'DI NA KHA CIG GZHAN DAG GIS DRIS KYANG RUNG, YANG NA RANG GIS GZHAN DAG BSTAN PA LA GCES PAR 'DZIN PA BSKYED PA'I PHYIR, 'DI SKAD DU BDAG NI PHYI MA LA SOM NYI MED DO ZHES BRDA SPROD PA'O, ,RNAM GRANGS MA YIN PAR BRDA SPROD PA NI 'DI LTA STE, BDAG GI SKYE BA ZAD DO, ,ZHES BYA BA NAS RGYAS PAR SBYAR RO, ,DE LA SHES PAS BRDA SPROD PA NI JI LTAR SHES SHING JI LTAR MTHONG NA SKYE BA ZAD PAR 'GYUR ZHES DRIS NA SKYE BA'I RGYU 'GAGS PAS NA, SKYE BA ZAD DO ZHES RNAM PA DE LTA BUR RNAM PAR GROL BA SHES PAS BSDUS PA'I BDAG GIS ZAD PA SHES PA BRDA SPROD PAR BYED PA STE, 'DI NI SHES PAS BRDA SPROD PA'O, ,DE'I RGYAS PAS BRDA SPROD PA DE NI DE'I RGYU SRID PA YANG BRDA SPROD PAR 'GYUR LA, SRID PA'I RGYU DANG, DE'I RGYU LEN PA DANG, LEN PA'I MTSAN NYID KYANG BRDA SPROD PAR 'GYUR RO, ,JI LTAR SHES SHING MTHONG BA DE LA NI NYE BAR LEN PA YANG MED DE DE YANG BRDA SPROD PAR 'GYUR RO, ,MDOR BRDA SPROD PA NI BSHAD PA 'DI DAG THAMS CAD KYANG TSOR BA GANG CI YANG RUNG BA DE NI 'DIR SDUG BSNGAL BA YIN PAR SHES NAS BDAG GI SKYE BA ZAD DO ZHES BRDA SPROD PAR BYED PA'O, ,DE LA SPONG BAS BRDA SPROD PA NI NANG RNAM PAR GROL BAS SRID PA THAMS CAD KYI RGYU YONGS SU ZAD PA'I PHYIR SPONG BAS BRDA SPROD PAR BYED DO, ,SPONG BAS BRDA SPROD PA DE'I JI SKAD BSTAN PA DE NYID NI RGYAS PAR BRDA SPROD PA'O, ,RNAM PA GSUM GYI SGO NAS NI MDOS BRDA SPROD PAR RIG PAR BYA STE, BCOM LDAN 'DAS KYIS KUN DU SBYOR BA GSUNGS PA GANG YIN PA DE DAG NI BDAG LA MED DO ZHES BYA BA NI SPONG BA'I MDOS BRDA SPROD PA DANG PO STE, 'DI LTA STE, SRID PA'I KUN DU SBYOR BA THAMS CAD @263B SPANGS PA'I PHYIR RO, ,JI LTAR BDAG DRAN PAS GNAS NA BRNAB SEMS DANG, YID MI BDE BA GNYIS DANG, SDIG PA MI DGE BA'I CHOS RNAMS SEMS LAS 'BYUNG BA MI 'GYUR BA DE LTAR DRAN PAS GNAS SO ZHES BYA BA 'DI NI SPONG BA'I MDOS BRDA SPROD PA GNYIS PA STE, 'DI LTA STE, RTAG TU GNAS PA'I PHYIR RO, ,BDAG NYID KYANG DE LA RLOM SEMS SU MI BYED PA 'DI NI SPONG BA'I MDOS BRDA SPROD PA GSUM PA STE, 'DI LTA STE, MNGON PA'I NGA RGYAL MED PA'I PHYIR RO, ,DE RNAMS BSDUS PA NI BRDA SPROD PA DRUG PA YIN NO, ,CHOS GSUM PO 'DI DAG NI 'DI LTAR 'JIG RTEN GYI NANG LA BRTEN BA'I SDUG CING DGA' BAR BYA BA YIN TE, 'DI LTA STE, NYAMS STOBS DANG, BYAD BZANG BA DANG, SROG GO, ,CHOS GSUM PO DE DAG GI MI MTHUN PA'I SGO NAS DE'I MI MTHUN PA'I PHYOGS SKYED PA'I MI SDUG PA'I CHOS KYANG GSUM YOD DO, ,'DI LTA STE, NA BA DANG, RGA BA DANG, 'CHI BA'O, ,DE LA BSLAB PA GSUM PO DAG LA LOG PAR SGRUB PA NA NI NA BA DANG, RGA BA DANG 'CHI BA LAS YANG DAG PAR 'DA' BAR 'GYUR BA'I SKAL BA MED DO, ,YANG DAG PAR SGRUB PAR BYED NA NI SKAL BA CAN DU 'GYUR RO, ,BSLAB BA GSUM PO RNAMS GANG ZHE NA, LHAG PA'I TSUL KHRIMS KYI BSLAB PA DANG, LHAG PA'I SEMS DANG, LHAG PA'I SHES RAB KYI BSLAB PA'O, ,DE DAG LA LOG PAR SGRUB PA GANG ZHE NA, JI LTAR 'DI NA KHA CIG THOG MA KHO NAR BDAG NYID DAM GZHAN LA BRTEN NAS BSLAB PA'I 'KHRUL PA BYUNG BA RNAMS LA NGO TSA BA MED DE, NGO TSA BOR BA LA BDAG NYID 'JOG PAR BYED DO, ,DE DE LTAR GYUR PAS SDIG PA MI DGE BA'I CHOS RNAMS LAS BDAG NYID MI SRUNG NGO, ,BDAG NYID MI SRUNG BAS SANGS RGYAS DANG, CHOS DANG DGE 'DUN DANG, BSLAB PA DANG, GDAMS NGAG DANG, RJES SU BSTAN PA LA MA GUS SHING ZHES MED PA'I RANG BZHIN CAN DU 'GYUR RO, ,DE LA GZHAN DAG GIS BZHI DES GLENGS NA DES DE DAG GI TSIG MI BZOD PAR 'GYUR TE, BDAG NYID TSIG TU GLENG BAR MI BYED DO, ,GNAS DANG GNAS MA YIN PAR GLENG BAR BYED PA'I GANG ZAG DE DAG KYANG SPANGS NAS LOG PAR ZHUGS PA @264A *, ,BDAG DANG CHOS MTHUN PA GANG YIN PA DE DAG 'BA' ZHIG DANG, RTEN CING 'GROGS LA DE DAG DANG LHAN CIG GNAS SO, ,DE DE DAG DANG LHAN CIG GNAS PAS 'PHAGS PA LA SDANG BAR 'GYUR TE, DE DAG DANG PHRAD PAR BYA BA'I PHYIR THAD DU 'GRO BAR LTA GA LA BYED, GAL TE THAD DU 'GRO BAR BYED DE CHOS DE BRJOD NA YANG DE 'PHAGS PA LA SDANG BAS NYAN PAR MI 'DOD DO, ,GAL TE RNA BLAGS SU ZIN KYANG SEMS CHED DU GTOD PAR MI BYED CING ZHE 'GRAS LA SHES PAR 'DOD PA'I BSAM PAS NYAN PAR MI BYED DO, ,GNAS DANG GNAS MA YIN PA DANG, YONGS SU RTOGS PA DANG, LAM DANG, SHES PAS SMRA BA LA YANG DAG PAR MI GNAS SO, ,DES THOS SU ZIN KYANG ZHE 'GRAS PA'I SEMS DES MNGON PAR DAD BAR MI BYED CING NAN TAN DU SGRUB PAR MI BYED DO, ,BSTAN PAR BYA BA'I 'OS MA YIN PAR YANG 'GYUR TE, 'PHAGS PA RNAMS KYANG DE LA GSUNG BA DANG, GDAMS NGAG BSTAN PA DANG, RJES SU BSTAN PAR MI DGONGS SO, ,DE NI BDAG NYID KYANG RANG MNYAM DU 'DUG LA, DAM PA RNAMS KYIS KYANG LHAG PAR BTANG SNYOMS SU BOR BAS NANG GI SEMS KYANG MA ZHI LA LUS DANG NGANG DANG YID KYI SGO NAS KYANG KUN NAS NYON MONGS PA CAN DU GNAS TE, GCAM BU MU COR SMRA BA LA SPYI BRTOL CHE BA YIN NO, ,DE LA KHA NA MA THOB PA YIN PAR YANG MI LTA'O, ,DE DE LTAR GYUR PAS NYES PA BYUNG NA YANG CHOS BZHIN DU PHYIR 'CHOS PAR MI BYED DO, ,DE LA GOMS NAS KYANG RIM GYIS 'CHAL BA'I TSUL KHRIMS SGROGS PAR BYED PA STE, 'DI YANG LHAG PA'I TSUL KHRIMS KYI SGO NAS LOG PAR SGRUB PA YIN PAR RIG PAR BYA'O, ,DE LAS BZLOG PA NI 'DI LTA STE, LHAG PA'I TSUL KHRIMS KHO NA'I SGO NAS YANG DAG PAR SGRUB PA YIN PAR RIG PAR BYA'O, ,LHAG PA'I SEMS KYI BSLAB PA LA LOG PAR SGRUB PA GANG ZHE NA, RGYU ZHING 'GRO BA NA TSUL BZHIN MA YIN PA'I YUL GYI MTSAN MA DANG RTAGS BZUNG BA'I PHYIR, BRJED NGAS PAR 'GYUR TE, DE LA NYES DMIGS PA YIN PAR MI SHES PAS NYON MONGS PA BYUNG BA DANG DU BLANGS PA'I PHYIR SHES BZHIN DU MI GNAS PA DANG, GNAS SHING 'DUG PA NA ZLA MED PAR RAB TU DBEN PA'I @264B GNAS NA 'DUG PAS BRJED NGAS PA DANG SHES BZHIN MED PAR GNAS PA DE NYID LA BRTEN NAS PHYI ROL DU SEMS G-YENGS PA 'DI NI LHAG PA'I SEMS KYI BSLAB PA LA LOG PAR SGRUB PA YIN NO, ,DE LAS BZLOG PA NI YANG DAG PAR SGRUB PA YIN PAR RIG PAR BYA'O, ,LHAG PA'I SHES RAB KYI BSLAB PA LA LOG PAR SGRUB PA GANG ZHE NA, JI LTAR 'DI NA KHA CIG 'PHAGS PA DANG, BSTEN PA RNAM PAR SPANGS TE, SDIG PA'I GROGS PO BSTEN PA LA BRTEN NAS, DAM PA'I CHOS MA YIN PA LA MNYAN PA LA MOS PA'I PHYIR TSUL BZHIN MA YIN PA CHOS RNAMS RAB TU RNAM PAR 'BYED PAR BYED LA, SDIG CAN GYI 'DOD PA DANG, SDIG CAN GYI LTA BA LA DGA' BAR BYED CING YANG DAG PAR BLANG TE, 'DUG LA RTOGS PAR BYA BA DANG, THOB PAR BYA BA'I CHOS RGYA CHEN PO DAG LA NI BDAG LA KHYAD DU GSOD PA LTA BU STE, 'DI NI LHAG PA'I SHES RAB KYI BSLAB PA'I SGO NAS LOG PAR SGRUB PA YIN NO,, DE LAS BZLOG PA NI YANG DAG PAR SGRUB PA YIN PAR RIG PAR BYA'O, ,DE LA SO SO'I SKYE BOR GYUR PA'I GANG ZAG NI DE LTAR BSLAB PA GSUM PO RNAMS LA LOG PAR SGRUB PA LA BRTEN PAS, SO SO'I SKYE BO'I SA LAS 'DAS TE, YANG DAG PA'I SKYON MED PA LA 'JUG PA DANG, KUN DU SBYOR BA GSUM SPANGS PA'I SKAL BA MED DO, ,KUN DU SBYOR BA GSUM MA SPANGS PA'I PHYIR GONG DU BSGOM PA'I LAM LA BRTEN PAS DGRA BCOM PA THOB PA DANG, TSE 'DI LA 'DOD CHAGS DANG ZHE SDANG DANG GTI MUG DANG, NYON MONGS PA THAMS CAD MA LUS PAR SPANGS PA DANG, PHYI MA LA YANG NA BA DANG, RGA BA DANG; 'CHI BA LAS YANG DAG PAR 'DA' BAR 'GYUR BA'I SKAL BA MED DO, ,DE LAS BZLOG PA BSLAB PA GSUM LA DE LTAR YANG DAG PAR ZHUGS PA LA NI PHYI MA LAN BA DANG, RGA BA DANG, 'CHI BA LAS YANG DAG PAR 'DA' BAR 'GYUR BA'I BAR DU DKAR PO'I PHYOGS THAMS CAD RIG PAR BYA'O, ,DGE SLONG TSUL KHRIMS DANG LDAN ZHING SO SOR THAR PA'I SDOM PA LA GNAS PA NI LHAG PA'I SEMS KYI BSLAB PA'I SGO NAS BSAM GTAN DANG PO'I NYER BSDOGS SU GTOGS PA'I TING NGE 'DZIN LA BRTEN NAS LHAG PA'I SHES RAB KYI BSLAB PA'I SGO NAS CHOS GNAS PA SHES PA DANG, MYA NGAN LAS 'DAS PA SHES @265A *, ,PA DANG, SHES PA 'DI GNYIS LA BRTEN NAS SNGA MA BZHIN DU RNAM PA BZHIS PHAN SUM TSOGS PAR GYUR PA'I RAB TU DBEN PAR GNAS PA YANG DAG PAR BLANGS TE 'DUG NA NYON MONGS PA THAMS CAD LAS SEMS RNAM PAR GROL BA'I MOD LA DGRA BCOM PA SHES RAB KYIS RNAM PAR GROL BAR 'GYUR RO, ,CHOS GNAS PA SHES PA GANG ZHE NA, JI LTAR 'DI NA KHA CIG RKYEN 'DI NYID KYIS RTEN CING 'BREL PAR 'BYUNG BA DANG MTHUN PA'I GTAM PHYIN CI MA LOG PAR THOS NAS RTEN CING 'BREL PAR 'BYUNG BA'I 'DU BYED RNAMS KYI RGYU DANG 'BRAS BU'I GNAS SKABS DE SO SO'I SKYE BOR GYUR BZHIN DU THOS PA DANG BSAMS PA DANG BSGOMS PA LAS BYUNG BA'I YID LA BYED PA YANG DAG PA JI LTA BA BZHIN DU TSUL BZHIN YID LA BYED PAS SDUG BSNGAL LA YANG SDUG BSNGAL BAR, KUN 'BYUNG BA DANG 'GOG PA DANG LAM LA YANG LAM DU SHES RAB KYIS 'JUG CING MOS PAR BYED DE, DE LTAR RGYU DANG 'BRAS BU JI LTA BA BZHIN DU GNAS PA'I CHOS RNAMS KYI SHES PA GANG YIN PA 'DI NI CHOS GNAS PA SHES PA ZHES BYA'O, ,MYA NGAN LAS 'DAS PA SHES PA GANG ZHE NA, 'DI NI CHOS NYID DE, SDUG BSNGAL LA SDUG BSNGAL DU'AM, KUN 'BYUNG BA DANG, 'GOG PA DANG, LAM LA LAM DU SHES RAB KYIS 'JUG CING MOS PA NA, SDUG BSNGAL DANG KUN 'BYUNG BA LA NI MI MTHUN PA'I 'DU SHES SU YANG DAG PAR GNAS LA 'GOG PA, MYA NGAN LAS 'DAS PA LA NI ZHI BAR 'DU SHES TE, 'DI LTA STE, PHUNG PO THAMS CAD SPANGS PA 'DI NI ZHI BA'O, ,'DI NI GYA NOM PA'O, ZHES BYA BA NAS RGYAS PAR SBYAR TE, DE LTAR CHOS GNAS PA SHES PA LA BRTEN PAS SDUG BSNGAL DANG SDUG BSNGAL GYI RGYU LA MI MTHUN PAR SHES PA LA BRTEN NAS MYA NGAN LAS 'DAS PA LA SHES RAB KYIS ZHI BAR 'JUG PA DANG, MOS PA 'DI NI MYA NGAN LAS 'DAS PA SHES PA ZHES BYA'O, ,LEGS PAR GSUNGS PA'I CHOS 'DUL BA LA PHUN SUM TSOGS PA RNAM PA DRUG MNGON SUM DU GYUR PA MTHONG BA'I MKHAS PAS NI SNYING TSIM PAR BRTZON 'GRUS BRTZAMS TE GNAS PAR BYA'O, ,RNAM PA DRUG GANG ZHE NA, SLOB PHUN SUM TSOGS PA DANG, BSTAN PA PHUN SUM TSOGS PA DANG, BSTAN @265B PA LA BDE BLAG TU 'JUG PA DANG, RANG GI DON THOB PA BLA NA MED PA DANG, THAMS CAD LA RIGS PA DANG, BLA NA MED PAR STON PA DANG, GSUNG RAB MNGA' BDAG YOD PA'O, ,DE LA SLOB DPON PHUN SUM TSOGS PA GANG ZHE NA, DE BZHIN GSHEGS PA STOBS BCU DANG LDAN PA MI 'JIGS PA BZHIS 'JIGS PA MED PA STE, 'DI NI SLOB DPON PHUN SUM TSOGS PA'O, ,DE YANG KHYU MCHOG GI GNAS RGYA CHEN PO LA DAM 'CHA' BA DANG, TSANGS PA'I 'KHOR LO BSKOR BA DANG, 'KHOR GYI NANG DU SENG GE'I SGRA YANG DAG PAR SGROGS PA DANG, RTEN CING 'BREL PAR 'BYUNG BA LUGS SU 'BYUNG BA DANG, LUGS SU 'BYUNG BA MA YIN PA DANG, 'GOG PA DANG MYA NGAN LAS 'DAS PA STON PAR MDZAD PA 'DI NI BSTAN PA PHUN SUM TSOGS PA'O, ,BSTAN PA DE YANG RANG BZHIN GYIS TSIG DANG YI GE GSAL ZHING DON ZAB LA BSTAN PA TSIG DANG YI GE GSAL ZHING DON ZAB PA DE'I DON ZAB MO 'GREL PA 'DI NI BDE BLAG TU 'JUG PA'O, ,'DI LTA STE, RDZOGS PAR BYANG CHUB PAR BYA BA LA NI DE BZHIN GSHEGS PA LAS GUD NA DGE SBYONG NGAM BRAM ZE CHES LHAG PAR MNGON PAR SHES PA MED DO, ,DE BAS NA GZHAN DAG GI RANG GI DON 'THOB PA'I SGO NAS THOB PAR BYA ZHING MNGON PAR RDZOGS PAR BYANG CHUB PAR BYA BA'I DON LA DE BZHIN GSHEGS PAS BSTAN PA'I CHOS LAS GUD NA CHES SHIN TU GYA NOM PA DANG, 'DAS PA'I BSTAN PA'I GNAS KYI LA CHAD PA 'DI NI RANG GI DON THOB PA BLA NA MED PA'O, ,DE'I LHA DANG MI RNAMS MAN CHAD LA STON CING PHYIN CI MA LOG PAR STON TE, CHOS RNAMS LA SLOB DPON GYIS DPE MKHYUD MA MDZAD PAR THAMS CAD LA STON PA GANG YIN PA DE NI THAMS CAD LA RIG PA DANG, BLA NA MED PAR STON PA'O, ,THE TSOM THAMS CAD GCOD PA DGE BA THAMS CAD KYI RTZA BA GYUR PA'I DAD PA RGYA CHEN PO MNGON SUM DU DMIGS PA'I GZHI DANG, GNAS SU GYUR PA'I STON PA MNGON SUM DU ZHUGS PA GANG YIN PA 'DI NI GSUNG RAB MNGA' BDAG YOD PA ZHES BYA STE, PHUN SUM TSOGS PA RNAM PA 'DI DRUG MNGON SUM DU GYUR PA MTHONG BA'I MKHAS PAS NI 'DI LTA STE, BSLAB PA GSUM PO LHAG PA'I TSUL KHRIMS @266A *, ,LA SBYAR BAR BYA BA DANG, LHAG PA'I SEMS LA BAG YOD PAR BYA BA DANG, LHAG PA'I SHES RAB LA STON PA'I BSTAN PA LA BRTZON PAR BYA BA'I PHYIR SNYING TSIM PAR BRTZON 'GRUS BRTZAMS TE GNAS PAR BYA'O, ,GAL TE LE LOS GNAS PAR BYED NA NI DE LA NYES DMIGS GNYIS SU 'GYUR BAR SHES PAR BYA STE, TSE 'DI DANG TSE PHYI MA LA SDUG BSNGAL BSKYED PA'I NYON MONGS PAS KUN NAS NYON MONGS PA CAN DU BYAS NAS SDUG BSNGAL ZHING MI BDE BAR GNAS PAR 'GYUR LA DGE BA'I CHOS MA THOB PA DANG THOB PA RNAMS LAS KYANG YONGS SU NYAMS PAR 'GYUR TE, DON CHEN PO MYA NGAN LAS 'DAS PA DANG, BDE 'GROR 'GRO BA DANG, LDAN PA LAS YONGS SU NYAMS PAR 'GYUR RO, ,DE LAS BZLOG PA LAS NI BRTZON 'GRUS BRTZAMS PA'I PHAN YON GNYIS SU 'GYUR BAR RIG PAR BYA'O, ,BRTZON 'GRUS BRTZAMS PA DE'I NI DGE BA'I CHOS THOB PA DANG MA THOB PA RNAMS LAS YONGS SU MI NYAMS PAS BDAG GI DON DANG GZHAN GYI DON DANG, GNYI GA'I DON 'GRUB PAR 'GYUR RO, ,DE LA RANG GI DON NI RNAM PA GNYIS KYI SGO NAS RAB TU BYUNG BA 'BRAS BU DANG BCAS PA STE, NYON MONGS PA DANG BRAL BA'I MYA NGAN LAS 'DAS PA THOB PA'I BDE BA 'BYUNG BA DANG BDE 'GROR 'GRO BA'I BDE BA RNAM PAR SMIN PA GANG YIN PA'O, ,DE LA GZHAN GYI DON NI MYA NGAN LAS 'DAS PA DANG, BDE 'GROR 'GRO BA LAS BRTZAMS NAS GZHAN DAG LA CHOS STON PA GANG YIN PA'O, ,DE LA GNYI GA'I DON NI BDAG NYID YON GNAS SU DAG PAR BYAS NAS DAD PA RNAMS LAS BRTAGS PA'I CHOS GOS LA SOGS PA LONGS SPYOD PA GANG YIN PA STE, LONGS SPYOD DES DE DAG NYID LA YANG DGE BA'I PHYOGS DANG MTHUN PAS PHAN 'DOGS LA GZHAN DAG KYANG BYA BA BYAS PA DE DAG GIS PHYI MA LA BDE 'GROR 'GRO BAR 'GYUR BA'I SGO NAS 'BRAS BU CHEN POR 'GYUR BA DANG, LONGS SPYOD DANG 'KHOR PHUN SUM TSOGS PA'I SGO NAS NI PHAN YON CHEN POR 'GYUR BA DANG, TSE DANG, KHA DOG DANG, STOBS DANG, BDE BA DANG SPOBS PA LA SOGS PA LUS PHUN SUM TSOGS PA'I SGO NAS NI GZI BYIN CHEN POR 'GYUR BA DANG, GNAS GSUM PO DE @266B DAG NYID YUN RING POR LDAN PA'I SGO NAS NI RGYAS PA CHEN POR 'GYUR BA'O, ,BCOM LDAN 'DAS KYI CHOS NI RNAM PA BZHI'I SGO NAS LEGS PAR GSUNGS PA YIN PAR RIG PAR BYA STE, PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS 'THOB PAR BYED PA YIN PAS NA NYE BAR ZHI BAR BYED PA'O, ,PHUNG PO'I LHAG MA MED PA'I MYA NGAN LAS 'DAS PA'I DBYINGS 'THOB PAR BYED PA YIN PAS NA YONGS SU MYA NGAN LAS 'DA' BAR BYAD PA'O, ,NYAN THOS DANG RANG SANGS RGYAS DANG BLA NA MED PA YANG DAG PAR RDZOGS PA'I BYANG CHUB 'THOB PAR BYED PA YIN PAS NA RDZOGS PA'I BYANG CHUB TU 'GRO BA'O, ,GTAN DU MTHAR THUG PA DANG MNGON SUM DU NYAMS SU MYONG BA'I STON PAS YANG DAG PAR BSTAN PAS NA BDE BAR GSHEGS PAS GSUNGS PA'O, ,PHUN SUM TSOGS PA BZHI PO 'DI DAG NI 'PHAGS PA'I GNAS SU SKYE BAR BYED PA YIN TE, 'DI NI DE RNAMS DANG LDAN PA KHA CIG LEGS PAR GSUNGS PA'I CHOS 'DUL BA LA NAN TAN DU SGRUB PA NI LEGS PAR 'OS PA YIN PAR RIG PAR BYA'O, ,BZHI GANG ZHE NA, LHAG PA'I BSAM PA PHUN SUM TSOGS PA DANG, DBANG PO PHUN SUM TSOGS PA DANG, SHES PA PHUN SUM TSOGS PA DANG, 'PHAGS PA'I GNAS DE YANG SANGS RGYAS RNAMS 'BYUNG BA YOD NA 'THOB PAR 'GYUR BA PHUN SUM TSOGS PA'O, ,DE LA LHAG PA'I BSAM PA PHUN SUM TSOGS PA NI JI LTAR 'DI NA KHA CIG MYA NGAN LAS 'DAS PA LA LHAG PA'I BSAM PA DAG PAR BYAS NAS RAB TU 'BYUNG STE, BU LON GYIS GTZES PA'I PHYIR MA YIN 'JIGS PAS GTZIS PA'I PHYIR MA YIN ZHES BYA BA NAS RGYAS PAR SBYAR TE, DE LTAR RAB TU BYUNG BA NI LEGS PAR RAB TU BYUNG BA DANG, 'PHAGS PA'I GNAS SU SKYES PA YIN PAR RIG PAR BYA'O, ,DE LA DBANG PO PHUN SUM TSOGS PA NI JI LTAR 'DI NA KHA CIG MIG MA TSANG BA MA YIN, RNA BA MA TSANG BA MA YIN, ,MA NING MA YIN, YAN LAG DANG NYING LAG MA TSANG BA MA YIN TE, DBANG PO MA TSANG BA MED PA DES NA LEGS PAR GSUNGS PA'I CHOS 'DUL BA LA RAB TU 'BYUNG BA THOB PA DANG, CHOS STON PA NA YANG NYAN NUS BA LTA BU'O, ,DE LA SHES PA PHUN SUM TSOGS PA NI @267A *, ,JI LTAR 'DI NA KHA CIG SGRIB PA CHUNG NGUS RMONGS PA MED PAS NI GLEN PA DANG, SGRIB PA 'BRING GIS RMONGS PA MED PAS LUG LTAR LKUGS PA MA YIN PA DANG, SGRIB PA CHEN POS RMONGS PA MED PAS LAG BRDA CAN MA YIN TE, SHES PA'I SGRIB PA RNAM PA GSUM GYIS RMONGS PA DANG BRAL BA'I PHYIR LEGS PAR GSUNGS PA DANG, NYES PAR BSHAD PA'I CHOS RNAMS KYI DON RTOGS NUS PA'O, ,DE LA SANGS RGYAS RNAMS 'BYUNG BA YOD NA, 'PHAGS PA'I GNAS DE NYID 'THOB PA PHUN SUM TSOGS PA NI JI LTAR BCOM LDAN 'DAS DE BZHIN GSHEGS PA SH'AKYA THUB PA 'DI DA LTAR 'JIG RTEN DU 'BYUNG BA ZHES RGYAS PAR 'BYUNG BA LTA BU STE, 'DI LTA STE, RNAM GRANGS BSDU BA LAS RGYAS PAR 'BYUNG BA BZHIN DU RIG PAR BYA'O, ,CHOS KYANG STON TE SNGA MA BZHIN DU NYE BAR ZHI BAR BYED PA ZHES BYA BA NAS RGYAS PAR SBYAR RO, , DE LA 'PHAGS PA'I GNAS SU SKYES PAS NA LEGS PAR 'ONGS SHING LEGS PAR RAB TU BYUNG BA'O, ,DBANG PO MA TSANG BA MED PA DANG MI GLEN PA DANG, LUG LTAR LKUGS PA MA YIN PA DANG, LAG BRDA CAN MA YIN PAS NA MIR SKYE BA 'THOB PA LEGS PAR 'THOB PA YIN NO, ,'DI GNYIS NI RTEN CING 'BREL PAR 'BYUNG BA'I 'DU BYED 'JUG PA BRTAG PA LA BRTZON PA'I THE TSOM SKYED PA'I CHOS YIN TE GNYIS GANG ZHE NA, RGYU MED PAR SMRA BA KHAS LEN PA DANG, RGYU MI MTHUN PAR SMRA BA KHAS LEN PA'O, ,DE LA RGYU MED PAR SMRA BA KHAS LEN PA NI DE DAG GI RGYU NYID KYANG YE MA MTHONG NA, RGYU MED PA RNAMS JI LTAR 'BYUNG BAR 'GYUR SNYAM DU THE TSOM SKYE BAR 'GYUR RO, ,RGYU MI MTHUN PAR SMRA BA KHAS LEN PA YANG MI 'TSAM PA DANG MI RIGS PA'I RGYUS JI LTAR 'BYUNG BAR 'GYUR SNYAM DU THE TSOM SKYE BA KHO NAR 'GYUR RO, ,THOS PA DANG LDAN PA'I 'PHAGS PA NYAN THOS NI NYES PAR SMRA BA RNAM PA GNYI GA YANG SPANGS NAS YANG DAG PAR 'JUG PA LA RTOG PAR BYED DO, ,DE BAS NA RANG GIS YANG DAG PA LA YANG DAG PAR DMIGS PA NA SHIN TU NGES PA DANG THE TSOM MED PAR 'GYUR RO, ,GANG DU THOS PA DANG LDAN PA'I 'PHAGS PA NYAN THOS ZHES SMOS PA DER NI SO SO'I SKYE BO YIN PAR RIG @267B PAR BYA'O, ,GANG DU 'PHAGS PA NYAN THOS 'BA' ZHIG SMOS PA DER NI BDEN PA MTHONG BA YIN PAR RIG PAR BYA'O, ,CHOS 'DI BA'I GANG ZAG 'DI GSUM NI SDUG BSNGAL ZHING YID MI BDE BAR GNAS PA YIN TE, GSUM GANG ZHE NA, JI LTAR 'DI NA KHA CIG LEGS PAR GSUNGS PA'I CHOS 'DUL BA 'DI LA MYA NGAN LAS 'DA' BAR 'DOD CING MYA NGAN LAS 'DA' BA LA ZHUGS TE, RAB TU BYUNG BA YIN LA DE YANG DE LTA RAB TU BYUNG NAS TSUL KHRIMS DANG BRTUL ZHUGS TZAM GYIS CHOG PAR 'DZIN CING GNAS TE, DUS DUS SU LHAG PA'I SEMS DANG, LHAG PA'I SHES RAB LA MI SLOB PA DE NI SNGON GYI KHYIM GYI YUL GYI LONGS SPYOD LAS KYANG NYAMS LA BLA NA MED PA'I GRUB PA DANG, BDE BA MYA NGAN LAS 'DAS PA YANG MA THOB STE, BAR MA DO'I LAM LA GNAS PAS SDUG BSNGAL ZHING YID MI BDE BAS GNAS PA LTA BU'O, ,GZHAN YANG 'DI NA KHA CIG TSUL KHRIMS DANG BRTUL ZHUGS TZAM NYI TSE NI CHOG PAR NI MI 'DZIN MOD KYI, 'ON KYANG DA DUNG SO SO'I SKYE BO'I SA LAS YANG DAG PAR 'DAS PA MA YIN TE, DE SO SO'I SKYE BO'I SA LAS YANG DAG PAR MA 'DAS PAS CHOS RNAMS LA GZHAN GYI DRING 'JOG PA'I PHYIR KYE MA 'DI DAG NI SHES PAR BYA BA SHES PA DANG, MTHONG BAR BYA BA MTHONG BA YIN NO SNYAM STE, GZHAN DAG GI NGOR LTA ZHING GZHAN DAG GI NGOR RTOG LA DE DE DAG LAS CHOS MNYAN PA DANG, GDAMS NGAG DANG RJES SU BSTAN PA TSOL BAR BYED DE, BDAG NYID KYANG SOM NYI DANG BCAS TE THE TSOM DANG BCAS PAR 'DUG PA 'DI NI GANG ZAG GNYIS PA SDUG BSNGAL ZHING MI BDE BAR GNAS PA YIN NO, ,GZHAN YANG 'DI NA GANG ZAG KHA CIG SLOB PA BZHI MTHONG BA YIN NA DE BAG MED PAR GNAS PAS TSE 'DI LA YONGS SU MYA NGAN LAS 'DA' BA'I SKAL BA MED DE DES LUS PHYI MA MNGON PAR 'GRUB PA'I RGYU YONGS SU BZUNG BA'I PHYIR PHYI MA DANG BCAS PAR GNAS PAS SDUG BSNGAL ZHING MI BDE BAR GNAS PA LTA BU'O, ,GANG ZAG GSUM PO DE RNAMS LAS BZLOG PA'I GANG ZAG PA BDE BA LA REG PAR GNAS PA YANG GCIG TU NGES PAR BDE BAR GNAS PA'I DGRA BCOM PA DANG GSUM YOD DO, ,SDOM NI, SRID 'GAG DGE SBYONG BRAM ZE DANG, ,NYAMS @268A *, ,SU MYONG BA'I SHES PA DANG, ,'JUG DANG 'ONG ZHING 'GRO BA DANG, ,SANGS RGYAS LUGS 'BYUNG THA MA YIN, ,SLOB PA BZHI MTHONG BAS NI GZHAN LA DAD PAS 'GRO BA MA YIN PAR SRID PA 'GAGS NA ZHI BA MYA NGAN LAS 'DAS PAR 'GYUR RO SNYAM DU RANG GI 'PHAGS PA'I SHES RAB KYI MIG GIS MTHONG MOD KYI 'ON KYANG DES NI LUS KYIS MNGON SUM DU BYED PAR MI NUS TE, DPER NA LA LA ZHIG SKOM NAS KHRON PA ZAB MO'I DRUNG DU SONG NA, THAG PA DANG BCU BA'I SNOD MED PAS SHA'I MIG GIS CHU MNGON SUM DU MTHONG DU ZIN KYANG DE LUS KYI REG PAR MI 'GYUR BA DE BZHIN DU, SLOB PAS KYANG GONG MA'I NYON MONGS PA SPONG BA DE 'DOD DE, SHES RAB KYI MIG GIS ZHI BAR MNGON SUM DU MTHONG DU ZIN KYANG DE'I LUS KYIS MNGON SUM DU BYED PAR MI 'GYUR RO, ,DGE SBYONG DANG BRAM ZE KHA CIG 'DOD CHAGS DANG ZHE SDANG DANG GTI MUG ZAD PAR SPONG BA DANG, DGE SBYONG GI DON DU BYA BA DANG, BRAM ZE'I DON DU BYA BA MA THOB PAR 'JIG RTEN NA BDAG NYID LA DGE SBYONG DU 'DU SHES SHING DGE SBYONG DU KHAS 'CHE BA DANG, BRAM ZER 'DU SHES SHING BRAM ZER KHAS 'CHE BAR BYED LA 'JIG RTEN YANG DE LTAR 'DZIN MOD KYI 'ON KYANG DE DAG NI KUN RDZOB KYI DGE SBYONG DANG BRAM ZE YIN GYI DON DAM PA'I MA YIN TE, DE DAG NI DON DAM PA'I DGE SBYONG DANG, BRAM ZE RNAMS KYIS DGE SBYONG DANG BRAM ZER MI 'DZIN TO, ,DE CI'I PHYIR ZHE NA, 'DI LTAR DE DAG GIS KUN NAS NYON MONGS PA'I CHOS RNAMS DANG, KUN NAS NYON MONGS PA'I CHOS RNAMS KYI RGYU DANG, 'GOG PA DANG 'GOG PAR 'GYUR BA'I LAM YANG DAG PA JI LTA BA BZHIN DU RAB TU MI SHES PA'I PHYIR RO, ,DE LA KUN NAS NYON MONGS PA'I CHOS RNAMS NI 'DI LTA STE, RGA SHIS BSDUS PA'I SDUG BSNGAL DANG SKYE BA'O, ,KUN NAS NYON MONGS PA'I CHOS KYI RGYU NI RNAM PA GNYIS TE, SRED PA LAS GYUR PA DANG; LAS LAS GYUR PA'O, ,DE LA SRED PA LAS GYUR PA NI 'DI LTA STE, LUGS SU 'BYUNG BA MA YIN PA'I RTEN CING 'BREL PAR 'BYUNG BA'I TSUL NYID KYIS SRID PA DANG, LEN PA DANG, SRED PA DANG, MA RIG PA'I 'DUS TE REG PA LAS BYUNG BA'I TSOR BA DANG, MA RIG PA'I 'DUS TE @268B REG PA DE NYID DANG, MA RIG PA'I KHAMS DANG 'BREL PA'I SKYE MCHED DRUG GO, ,DE LA LAS LAS GYUR PA NI LUGS SU 'BYUNG BA MA YIN PA'I RTEN CING 'BREL PAR 'BYUNG BA'I TSUL NYID KYIS MING DANG GZUGS DANG, RNAM PAR SHES PA DANG 'DU BYED RNAMS TE, DE DAG DAG KYANG CHOS GNAS PA'I SHES PA TZAM GYIS KYANG YANG DAG PA JI LTA BA BZHIN DU MI SHES NA BDEN PA MNGON PAR RTOGS PA'I TSE YONGS SU SHES PA'AM, YONGS SU SHES NAS KYANG BSGOM PA'I LAM GYIS SLOB PA'I SA LAS YANG DAG PAR 'GYUR BA'I SKAL BA LTA GA LA YOD, RTEN CING 'BREL PAR 'BYUNG BA'I 'DU BYED RNAMS LA NI RIG PA'I 'DUS TE REG PA LAS BYUNG BA'I CHOS NYID KYIS BDEN PA BZHI'I TSUL MNGON PAR RTOGS PAR 'GYUR TE, GNYIS GANG ZHE NA, DMIGS PA NYAMS SU MYONG BA'I BDAG NYID KYI RIG PA'I 'DUS TE REG PA LAS BYUNG BA'I TSOR BA DANG, DMIGS PA RAB TU RNAM PAR 'BYED PA'I BDAG NYID KYI RIG PA'I 'DUS TE REG PA LAS BYUNG BA'I SHES RAB KYIS SO, ,DE LA SRID PA'I YAN LAG BCU GCIG LA RE RE ZHING YANG BDEN PA BZHI PO RNAM PAR GZHAG PAS RNAM PAR GZHAG NA GZHI BZHI BCU RTZA BZHIR 'GYUR TE, DE LA RIG PA'I 'DUS TE REG PA LAS BYUNG BA'I TSOR BA'I SGO NAS NI DE LTAR DE DAG LA GZHI BZHI BCU RTZA BZHIR TSOR BAR BYA ZHES BYA BA YIN NO, ,RIG PA'I 'DUS TE REG PA LAS BYUNG BA'I SHES RAB KYI SGO NAS NI GZHI ZHI BCU RTZA BZHI PO DE DAG NYID LA SHES PA'I GZHI RNAMS ZHES BYA'O, ,DE LA THA MA NA 'DUG PA'I RGA SHI NI 'BRAS BU KHO NAR ZAD DO, ,DANG PO'I MA RIG PA NI RGYU KHO NAR ZAD DO, ,LHAG MA RNAMS NI RGYU YANG YIN LA 'BRAS BU YANG YIN NO, ,GZHAN YANG DUS GSUM DU YONGS SU SHES PA'I BYE BRAG DANG, SNGA MA BZHIN DU NOR PA'I SA MED PA YONGS SU SHES PA'I BYE BRAG DANG, CHOS GNAS PA'I SHES PAS BSDUS PA'I 'DZIN PA'I SHES PA MI RTAG PA'I BYE BRAG GIS NI SHES PA'I GZHI BDUN CU RTZA BDUN DU 'GYUR BAR RIG PAR BYA STE, DES NI BDEN PA BRTAG PA'I RNAM PA THAMS CAD BSTAN TE, DE'I RJES LA BDEN PA MNGON PAR RTOGS PAR 'GYUR LA RIM GYIS DGRA BCOM PA'I BAR @269A *, ,DU YANG 'THOB PAR 'GYUR RO, ,RTEN CING 'BREL PAR 'BYUNG BA'I 'DU BYED RNAMS NI RNAM PA GSUM GYIS RIM GYIS 'JUG PAR RIG PAR BYA STE, 'DI LTA STE, RGYU BRTAS PA DANG 'BRAS BU SKYE BA DANG 'BRAS BU 'PHEL ZHING YANG DAG PAR 'GRUB PA'O, ,DE DAG THAMS CAD GCIG TU BSDUS PA LA NI CHOS RNAMS 'PHEL BA DANG, SKYE BA DANG, KUN 'BYUNG BA ZHES BYA'O, ,RGYU DANG 'BRAS BU 'GAGS PA LA NI CI RIGS PAR 'GRIB PA DANG, 'GAG PA DANG, NUB PA ZHES PAR RIG PAR BYA STE, 'DI NI DGONGS PA LAS BYUNG BA'I RNAM GRANGS CHOS NYID DANG MI 'GAL BA YIN NO, ,GZHAN YANG SNGON GYI MTHA' DANG, DBUS KYI MTHA' DANG, PHYI MA'I MTHA'I DUS KYI BYE BRAG DANG 'DOD PA DANG, GZUGS PA DANG, GZUGS MED PA'I BYE BRAG GIS NI GO RIMS BZHIN DU 'PHEL BA DANG, 'GRIB PA DANG, SKYE BA DANG, 'GAG PA DANG; KUN 'BYUNG BA DANG, NUB PA DANG SBYAR BAR RIG PAR BYA'O, ,'DI GNYIS NI KUN NAS NYON MONGS PA YIN TE, LAS DANG SRED PA'I KUN NAS NYON MONGS PA DANG, LTA BA'I KUN NAS NYON MONGS PA'O, ,KUN NAS NYON MONGS PA 'DI GNYIS NI PHYOGS GNYIS TE, KHYIM PA'I PHYOGS DANG RAB TU BYUNG BA'I PHYOGS LAS 'BYUNG BAR RIG PAR BYA'O, ,DE LA LAS DANG SRID PA'I KUN NAS NYON MONGS PAR MNGON PAR 'DU BYED PA GANG YIN PA DE NI SEMS LAS BYUNG BA ZHES BYA'O, ,DE LTA BA'I KUN NAS NYON MONGS PA LOG PA'I RTOG PAS BSLANG BA GANG YIN PA DE NI RAB TU BRTAGS PA ZHES BYA'O, DE LA SO SO'I SKYE BO KHYIM PA'AM RAB TU BYUNG BA NI KUN NAS NYON MONGS PA 'DI GNYIS KYIS KUN NAS DKRIS PA DANG, BAG LA NYAL GYI SGO NAS RNAM PAR SHES PA'I GNAS BZHI LA SEMS KYI KUN NAS NYON MONGS PA BSKYED NAS DE LA DMIGS TE, YANG SRID PAR SKYE BA MNGON PAR 'GRUB PAR BYED LA 'ONG ZHING 'GRO BA LAS KYANG YONGS SU GROL BAR MI 'GYUR RO, ,SLOB PA BZHI MTHONG BA NI LTA BA'I KUN NAS NYON MONGS PA SPANGS TE, NGA'O SNYAM PA'I NGA RGYAL GYI GNAS KYI BAG CHAGS TZAM ZHIG LUS PAR ZAD PA DANG, GSAR DU YANG LAS MNGON PAR MI @269B BYED PA DANG, YANG SRID PAR SKYE BA LA YANG MNGON PAR DGA' BA MED PAS NA LAS DANG SRED PA'I KUN NAS NYON MONGS PA DES KUN NAS DKRIS PAR MI 'GYUR RO, ,DE LTA MOD KYI DE'I RGYUD LA KUN NAS NYON MONGS PA DE'I BAG LA NYAL GNAS TE, DE LA DMIGS PAS RNAM PAR SHES PA'I GNAS RNAMS LA DE'I SEMS KUN NAS NYON MONGS PA CAN DU 'GYUR LA YANG SRID PAR SKYE BA YANG MNGON PAR 'GRUB PAR 'GYUR RO, ,MI SLOB PA'I NI TSE 'DI LA KUN NAS NYON MONGS PA GNYI GA'I KUN NAS DKRIS PA DANG, BAG LA NYAL SPANGS PAS NA PHYI MA LA RNAM PAR SHES PA'I GNAS RNAMS LA SEMS KYI KUN NAS NYON MONGS PA DANG BCAS PAS YANG SRID PAR SKYE BA MNGON PAR 'GRUB PAR MI 'GYUR RO, ,YANG DAG PAR RDZOGS PA'I SANGS RGYAS RNAMS NI 'DAS PA'I DUS NAS BZUNG STE, BYANG CHUB SEMS DPAR GYUR PA NA RTEN CING 'BREL PAR 'BYUNG BA 'DI NYID TSUL BZHIN DU YID LA BYED PAS, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS TE, DPER NA DA LTAR GYI BCOM LDAN 'DAS LTA BU'O, ,BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS KYANG, RTEN CING 'BREL PAR 'BYUNG BA DE NYID LA LUGS SU 'BYUNG BA DANG LUGS SU 'BYUNG BA MA YIN PA'I TSUL GYIS DMIGS PA BCAS NAS TSE 'DI LA BDE BAR GNAS PA'I SBYOR BA LA BRTZON ZHING BDE BA LA REG PAR GNAS TE, DPER NA DA LTAR GYI BCOM LDAN 'DAS LTA BU'O, ,DE DAG KYANG TSAD MED DE 'JIG RTEN NA SHUG GNYIS KYIS BDUN BRGYUD BSTAN PA DANG 'DRA BA'I SGO NAS NI BDUN KHO NAR BSTAN TO, ,DE LTAR NA BLA NA MED PA'I BYANG CHUB LTA BU YANG RTEN CING 'BREL PAR 'BYUNG BA YANG DAG PA JI LTA BA BZHIN DU SHES PAS MA RTOGS PA NI RTOGS PAR 'GYUR LA RTOGS ZIN PA NI TSE 'DI LA BDE BAR GNAS PAR 'GYUR NA DMA' BA'I BYANG CHUB LTA CI SMOS, RTEN CING 'BREL PAR 'BYUNG BA DE YANG DAG PA JI LTA BA BZHIN DU MNGON PAR RDZOGS PAR BYANG CHUB PAR BYA BA'I THABS NI YAN LAG LNGAS YONGS SU ZIN PA YIN TE SPONG BA YIN TE SNGA MA BZHIN DU RIG PAR BYA'O, ,RTEN CING 'BREL PAR 'BYUNG BA DE'I BSDUS PA'I DON YANG @270A *, ,'JUG PA'I PHYOGS KYI SGO NAS NI SDUG BSNGAL RGYU DANG BCAS PA'O, ,LDOG PA'I PHYOGS KYI SGO NAS NI ZAG PA MED PA'I CHOS RNAMS RGYU DANG BCAS PA'O, ,SDUG BSNGAL RGYU DANG BCAS PA'I RGYU NI ZAG PA RNAMS SO, ,ZAG PA DE RNAMS KYI RTEN DU GYUR PA NI MA RIG PA'I 'DUS TE REG PA LAS BYUNG BA'I TSOR BA'O, ,RGYU DANG BCAS PA'I CHOS RNAMS GNAS PA'I RGYU NI TSE 'DI LA NYON MONGS PA SPANGS PA'I PHUNG PO TZAM GYIS RKYEN TO, ,RIM GYIS YANG DAG PAR GRUB PA'I RNAM PAR DAG PA BDUN GYI SGO NAS NYE BAR LEN PA MED PA'I YONGS SU MYA NGAN LAS 'DAS PA'I PHYIR RTEN 'DI PA NYID KYI RTEN CING 'BREL PAR 'BYUNG BA LUGS SU 'BYUNG BA'I YAN LAG NI ZAB MO'I GTAM YIN PAR RIG PAR BYA STE, BDUN GANG ZHE NA, TSUL KHRIMS RNAM PAR DAG PA DANG, SEMS RNAM PAR DAG PA DANG, LTA BA RNAM PAR DAG PA DANG, THE TSOM LAS RNAM PAR RGAL BA RNAM PAR DAG PA DANG, LAM DANG LAM MA YIN PA'I SHES PA MTHONG BA RNAM PAR DAG PA DANG, LAM GYI SHES PA MTHONG BA RNAM PAR DAG PA DANG, LAM SPONG BA'I SHES PA MTHONG BA RNAM PAR DAG PA'O, ,RNAM PAR DAG PA 'DI RNAMS JI LTAR RIM GYIS YANG DAG PAR 'GRUB PAR 'GYUR ZHE NA; 'DI NA DGE SLONG TSUL KHRIMS DANG LDAN PAR GNAS SHING SO SOR THAR PA'I SDOM PAS BSNGAMS PA ZHES BYA BA NAS RGYAS PAR 'DI LTA STE, NYAN THOS KYIS LAS 'BYUNG BA BZHIN DU RIG PAR BYA'O, ,DE DE LTAR TSUL KHRIMS DANG LDAN ZHING 'GYOD PA MED PA NAS RGYAS PAR SEMS MNYAM PAR 'JOG PA'I BAR DU SBYAR TE NGE BSAM GTAN BZHI BA'I BAR DU BSGRUBS TE GNAS SO, ,DE DE LTAR SEMS MNYAM PAR GZHAG PA NAS DRANG POR GYUR CING LAS SU RUNG BAR GNAS LA MI G-YO BA'I BAR DU THOS NAS ZAG PA ZAD PA SHES PA MNGON SUM DU BYA BA'I MNGON PAR SHES PA LAS SEMS MNGON PAR 'JOG PAR BYED PAS DES 'PHAGS PA'I BDEN PA BZHI MNGON PAR RTOGS PAR 'GYUR TE, ,MTHONG BAS SPANGS BAR BYA BA'I NYON MONGS PA RNAMS SPANGS PA'I PHYIR ZAG PA MED PA SLOB PA'I YANG DAG PA'I LTA BA THOB PAR 'GYUR RO, ,DE THOB PAS SDUG BSNGAL DANG KUN DU 'BYUNG BA DANG, @270B 'GOG PA DANG, LAM DANG, SANGS RGYAS DANG, CHOS DANG, DGE 'DUN LA SOM NYI DANG, THE TSOM YOD PA GANG YIN PA DE SPONG BAR 'GYUR TE, GTAN SPANGS PAS RNAM PAR RGAL BAR YANG 'GYUR RO, ,DE THE TSOM LAS BRGAL BAS YANG DAG PA'I LTA BA SNGON DU 'GRO BA'I LAM LA YANG LAM DU YANG DAG PA JI LTA BA BZHIN DU RAB TU SHES LA, MTHONG BAS SPANG BAR BYA BA DANG, GONG DU BSGOM PAS SPANG BAR BYA BA'I NYON MONGS PA DE RNAMS SPANG BAR BYA BA'I PHYIR LOG PAR LTA BA SNGON DU 'GRO BA'I LAM MA YIN PA LA YANG LAM MA YIN PAR YANG DAG PA JI LTA BA BZHIN DU RAB TU SHES SO,` ,DE LAM DANG LAM MA YIN PA LA YANG MKHAS PAS, LAM MA YIN PA SPANGS NAS LAM DU 'GRO BA NA, LAM GYI RJES SU 'GRO BA'I LAM BZHI STE, MNGON PAR SHES PA BUL BA DANG MNGON PAR SHES PA MYUR BA DKA' BA DANG, MNGON PAR SHES PA BUL BA DANG, MNGON PAR SHES PA MYUR BA SLA BA YANG DAG PA JI LTA BA BZHIN DU RAB TU SHES SO, ,LAM RNAMS KYI RNAM PAR DBYE BA NI 'DI LTA STE, NYAN THOS KYI SA LAS 'BYUNG BA BZHIN DU RIG PAR BYA'O, ,DES LAM DE YANG DAG PA JI LTA BA BZHIN DU RAB TU SHES NAS, LAM DANG PO 'DA' BAR BYA BA'I DON GYIS CI NAS THAMS CAD KYI THAMS CAD DU SPONG BAR BYED DE, NYON MONGS PA DANG BRAL BAR BYA BA LTA BA'I DON GYIS NI MA YIN TE, DE YANG YANG DAG PA JI LTA BA BZHIN DU RAB TU SHES SO, ,DKA' BA GNYIS PA SPANG BA DANG, GSUM PA MNGON PAR SHES PA BUL BA SPANG BA YANG YANG DAG PA JI LTA BA BZHIN DU RAB TU SHES SO, ,DES DANG PO RIL DANG, GNYIS KYIS PHYOGS GCIG SPANGS NAS MNGON PAR SHES PA MYUR BA SLA BA YANG DAG PAR BSGRUBS TE DE LA BRTEN NAS DE'I 'OG TU ZAG PA RNAMS ZAD PAS TSE 'DI LA LEN PA MED PAR YONGS SU MYA NGAN LAS 'DA' BAR 'GYUR TE, LUS DANG BRAL NAS KYANG PHUNG PO'I LHAG MA MED PAR 'GYUR RO, ,DE LTAR NA RNAM PAR DAG PA BDUN PO DE DAG LA BRTEN CING RIM GYIS 'DI LTA STE, LEN PA MED PAR YONGS SU MYA NGAN LAS 'DAS PA'I BAR DU YANG DAG PAR 'GRUB PAR 'GYUR RO, ,DE LA GANG GI PHYIR RIM GYIS RNAM PAR DAG PA THAMS CAD TSANG @271A *, ,BAS LEN PA MED PAR YONGS SU MYA NGAN LAS 'DA' BA YANG DAG PAR 'GRUB PAR 'GYUR GYI, GANG YANG RUNG BA 'GA' MA TSANG BAS NI MA YIN TE DE BAS NA THAMS CAD KYI DON GYI PHYIR BCOM LDAN 'DAS KYI THAD DU TSANGS PAR SPYAD PA SPYOD KYI 'GA' TZAM GYI PHYIR NI MA YIN NO, , DE BAS NA BCOM LDAN 'DAS KYANG THAMS CAD KYIS LEN PA MED PAR YONGS SU MYA NGAN LAS 'DA' BAR BRDA SPROD PAR MDZAD KYI 'GA' TZAM MA GTOGS PAS NI MA YIN NO, ,DE DE LTAR NA 'DIR RE RE'I SGO NAS DE 'BA' ZHIG GIS KYANG LEN PA MED PAR MYA NGAN LAS 'DA' BAR MI 'GYUR LA DE MED PAR YANG MA YIN PA 'DI NI 'DIR RKYEN 'DI PA NYID KYI RTEN CING 'BREL BAR 'BYUNG BA ZAB MO YIN PAR RIG PAR BYA'O,, ,,RNAL 'BYOR SPYOD PA'I SA LAS GZHI BSDU BA, BAM PO BCO LNGA PA, SDOM NI, RNAM PAR GZHAG DANG RGYU RNAMS DANG, ,DON RTAG PA DANG NYES DMIGS DANG, ,KUN NAS NYON MONGS THA MA YIN, ,CHOS BZHI PO 'DI DAG NI TSE 'DI LA DBANG PO'I 'BYUNG BA CHEN PO RGYAS PAR BYED PA STE, BZHI GANG ZHE NA, STOBS DANG, BDE BA DANG, YID BDE BA DANG, SDUG PA'I DNGOS PO LA RE BA DANG, STOBS DANG, BDE BA DANG, YID BDE BA DANG, RE BA RNAMS KYI RTEN DU GYUR PA'I DBANG PO'I 'BYUNG BA CHEN PO TSE DANG BCAS, DROD DANG BCAS PA RNAMS GNAS SHING 'JIG PAR MI 'GYUR BA'O, ,CHOS BZHI PO DE DAG GSO BA'I ZAS KYANG GO RIMS BZHIN DU BZHI YOD PAR RIG PAR BYA STE, 'DI LTA STE, KHAM GYIS ZA BA DANG BDE BA MYONG BAR 'GYUR BA'I REG PA ZAG PA DANG BCAS PA DANG, YID LA SEMS PA DANG, DBANG PO'I 'BYUNG BA CHEN PO LEN PAR BYED PA'I RNAM PAR SHES PA'O, ,DE LA KHAM GYIS ZA BA NI TSE 'DI LA STOBS GSO BAR BYED DE STOBS LAS NI DBANG PO'I 'BYUNG BA CHEN PO RNAMS RGYAS PAR 'GYUR RO, ,BDE BA MYONG BAR 'GYUR BA'I REG PA ZAG PA DANG BCAS PA NI BDE BA DANG YID BDE BA GSO BAR BYED DE, BDE BA DANG YID BDE BA LAS NI DBANG PO'I 'BYUNG BA CHEN PO RNAMS RGYAS PAR 'GYUR RO, ,YID YUL DANG PHRAD PAR BYED PA'I SEMS PA LA NI YID LA SEMS PA ZHES BYA STE, DE NI 'DOD PA'I @271B YUL LA RE BA GSO BAR BYED DE, RE BA LAS NI DBANG PO'I 'BYUNG BA CHEN PO RNAMS RGYAS PAR 'GYUR RO, ,DBANG PO'I 'BYUNG BA CHEN PO LEN PAR BYED PA'I RNAM PAR SHES PA NI DBANG PO'I 'BYUNG BA CHEN PO TSE DANG BCAS PA DANG DROD DANG BCAS PA DE RNAMS KYI GNAS PA'I RGYU STE, GNAS PA DE NI RNAM PAR SHES PA LUS DANG MI 'BRAL BA'I RGYU YIN NO, ,STOBS DANG, BDE BA DANG, YID BDE BA DANG, RE BA DE RNAMS KYI GNAS KYANG DE LA BRTEN NAS 'JUG PAR 'GYUR TE, DE LTAR NA SEMS CAN 'BYUNG BA RNAMS GNAS PAR BYED PA NI ZAS BZHI YIN NO, ,DE LA KHAM GYIS ZA BA LAS NI STOBS 'BYUNG NGO, ,STOBS LAS NI DBANG PO'I 'BYUNG BA CHEN PO RGYAS PAR 'GYUR TE, DE BAS NA LUS DANG SROG LA LTA BA'I BYIS PA GANG YIN PA NI DON DE YONGS SU TSOL BA NA DGE BA DANG MI DGE BA'I LAS KYANG BYED CING SOGS LA NYON MONGS PA GSAR YANG 'PHEL BAR BYED DE, KHAM GYI ZAS CI LTA BA BZHIN DU REG PA DANG, YID LA SEMS PA YANG CI RIGS PAR DE DANG 'DRA BAR RIG PAR BYA'O, ,DES GSUM PO DE DAG GI SGO NAS YANG SRID PAR SKYE BA'I LAS DANG NYON MONGS PA BSGRUBS NAS TSE 'DI LA RNAM PAR SHES PA DE LAS DANG NYON MONGS PAR NYE BAR 'GRO BA DANG, LEN PA DANG BCAS PA DANG, PHYI MA LA YANG SRID PAR SKYE BA LA PHAN 'DOGS PAR BYED DO, ,DE LTAR NA ZAS BZHI PO 'DI DAG NI 'BYUNG BA TSOL ZHING YANG SRID PAR SKYE BA 'DOD PA YANG SRID PAR SKYE BA MA SPANGS PA RNAMS KYI YANG SRID PAR SKYE BA SDUD PA DANG, YONGS SU 'DZIN PA DANG, PHAN 'DOGS PAR BYED PA'O, ,DE LA 'DOD PA NA SPYOD PA'I LHA RNAMS KYI NI KHAM GYIS ZA BA CHE PHRA BA YIN NO, ,BAR MDO'I SRID PA RNAMS DANG, MA'I MNGAL NA 'DUG PA RNAMS KYI YANG DE DANG 'DRA'O, ,'DOD PA'I KHAMS KYI DE MA YIN PA'I BAR SKABS RNAMS KYI KHAM GYIS ZA BA NI RAGS PAR RIG PAR BYA'O, , REG PA DANG YID LA SEMS PA DANG, RNAM PAR SHES PA RNAMS NI GZUGS MED PA RNAMS KYI NI CHA PHRA BAR RIG PAR BYA'O, ,DE MA YIN PA'I NI GZUGS LA BRTEN PAS BRTAG SLA BA DANG YONGS SU GCAD PAR SLA BA'I PHYIR RAGS PA YIN NO, ,'DI NI ZAS CHA PHRA BA DANG, RAGS PA'I RNAM GRANGS THA @272A *, ,DAD PA YIN PAR RIG PAR BYA STE, SEMS CAN BYUNG BA RNAMS GNAS PAR BYED PA GANG YIN PA DE DAG NI RAGS PA YIN NO, ,'BYUNG BAR 'DOD PA RNAMS LA PHAN 'DOGS PAR BYED PA GANG YIN PA DE DAG NI CHA PHRA BA YIN PAR RIG PAR BYA STE, 'DI NI ZAS BZHI PO RNAMS RNAM PAR GZHAG PA YIN PAR RIG PAR BYA'O, ,DBANG PO'I 'BYUNG BA CHEN PO DE DAG NI SNGON GYI SRED PA KUN 'BYUNG BA'I BDE BAS BSDUS PAS BSKYED PA STE, DE DAG 'PHEL BAR BYA BA'I PHYIR ZAS BZHI YONGS SU TSOL BAR BYED DO, ,DE BAS NA RNAM GRANGS 'DIS SEMS CAN 'BYUNG ZHING MNGON PAR GRUB PA RNAMS GNAS PAR 'GYUR BA'I ZAS BZHI GANG YIN PA DE DAG KYANG SRED PA'I RGYU LAS BYUNG BA YIN TE, SRED PA DANG BCAS PAS TSE 'DI LA LUS DANG ZAS RNAMS LA RNAM PA GSUM GYI SGO NAS LAS DANG NYON MONGS PA RGYAS PAR BYAS NAS TSE 'DI LA YANG SRID PAR SKYE BA LA PHAN 'DOGS PA'I PHYIR RNAM PAR SHES PA LAS DANG NYON MONGS PAR NYE BAR 'GRO BA DANG, LEN PA DANG BCAS PAR BYED DO, ,DE BAS NA 'BYUNG BA TSOL BA'I SEMS CAN RNAMS LA PHAN 'DOGS PA'I ZAS BZHI PO GANG YIN PA DE DAG KYANG SRED PA'I RGYU LAS BYUNG NGO, ,SRED PA DE YANG TSE 'DI NYID LA MA RIG PA'I 'DUS TE REG PA LAS BYUNG BA'I TSOR BA'I RKYEN GYIS SKYE'O, ,DES MA RIG PA'I 'DUS TE REG PA LAS BYUNG BA'I TSOR BA DE YANG MA RIG PA'I 'DUS TE REG PA'I RKYEN GYIS SKYE'O, ,MA RIG PA'I 'DUS TE REG PA DE YANG SNGON GOMS PAS MA RIG PA'I KHAMS DANG LDAN PA'I SKYE MCHED DRUG GI RKYEN GYIS SKYE'O, ,DE BAS NA TSE 'DI LA SKYE MCHED DRUG LAS GYUD NA RGYU GZHAN MED DE, SKYE MCHED DRUG PO DE NYID GCIG LA GCIG BRTEN PAR ZAD DE, RNAM PAR SHES PA NI GZUGS CAN GYI DBANG PO LA BRTEN TO, ,RNAM PAR SHES PAS ZIN PA'I GZUGS CAN GYIS DBANG PO RNAMS KYANG MING LA BRTEN TE, DE BAS NA SKYE MCHED DRUG LAS GUD NA MED CES BYA'O, ,GANG GI TSE PHYI ROL GYI YAN LAG GI STOBS DAM PA'I CHOS THOS PA LA BRTEN NAS, NANG GI TSUL BZHIN YID LA BYED PA'I RGYUS YANG DAG PA'I LTA BA BSKYED DE, DE BAS NA MA RIG PA NI SPONG @272B LA RIG PA NI BSKYED DO, ,GNAS YONGS SU GYUR CING DE'I NANG GI GNAS NGAN LEN SHIN TU SBYANGS PA'I PHYIR, TSE 'DI LA DE'I MA RIG PA'I KHAMS DANG LDAN PA'I SKYE MCHED DRUG GANG YIN PA DE NI 'GAG LA RIG PA'I KHAMS DANG LDAN PA NI SKYE'O, ,DE'I SKYE MCHED DRUG 'GAGS PAS RIM GYIS SRED PA'I BAR DU 'GAG PAR 'GYUR RO, ,SRID PA 'GAGS PAS ZAS 'GAG PAR 'GYUR RO, ,YANG SRID PAR SKYE BA LA PHAN 'DOGS PA'I ZAS RNAMS 'GAGS NAS KYANG RIGS PA DANG LDAN ZHING 'BYUNG BA MI TSOL BA DE'I YANG SRED PAR SKYE BA 'GAG PAR 'GYUR BAR RIG PAR BYA'O, ,CHOS LA ZAS DE DAG ZA BA DANG, GANG GIS DE DAG LA ZAS ZHES BYA BAR 'GYUR BA'I CHOS SKYES NAS GNAS PA DE GANG YANG MED LA BDAG KYANG MED DE 'ON KYANG CHOS RNAMS NYID MA SKYES PA SKYE BA'I RKYEN GYIS TSUL GYIS CHOS RNAMS NYID KYIS CHOS RNAMS GSO BA 'DI NI ZAS KYI DON TE KUN RDZOB TU CHOS KYI BRDAS RNAM PAR SHES PA LA GANG ZAG TU BTAGS NAS ZAS BZHI PO RNAMS ZA BA'I GANG ZAG CES BYA BAR ZAD DE, 'DI LTA STE, RJES SU THA SNYAD GDAGS PA'I DON YIN GYI DON DAM PAR NI MA YIN NO, ,DE CI'I PHYIR ZHE NA, GAL TE RNAM PAR SHES PA SKYES NAS GNAS SHING GANG ZAG GI TSUL GYIS YONGS SU GRUB STE, ZA BA POR GYUR NA NI RNAM PAR SHES PA ZAS SU 'GYUR DU MI RUNG STE, NAM YANG GANG ZAG NYID GANG ZAG LA ZA BAR MI 'GYUR LA, RGYUD GCIG LA RNAM PAR SHES PA GNYIS CIG CAR GNAS PA YANG MED PA'I PHYIR RO, ,DE BAS NA GANG ZAG GI TSUL GYIS YONGS SU GRUB STE, GNAS NAS RNAM PAR SHES PA ZA BA POR 'GYUR DU MI RUNG NGO, ,DE LTAR MI RUNG BZHIN DU GANG 'DI SKAD DU SU ZHIG RNAM PAR SHES PA'I ZAS ZA ZHES DRI BA 'DRI BAR BYED NA NI TSUL BZHIN MA YIN PAR 'DRI BA YIN PAR RIG PAR BYA'O, ,GAL TE 'DI SKAD DU, RNAM PAR SHES PA'I ZAS DE GANG GI RKYEN YIN ZHES 'DRI NA NI RTEN CING 'BREL BAR 'BYUNG BA LA YANG ZHUGS PA YIN PAS NA TSUL BZHIN DU 'DRI BA YIN PAR RIG PAR BYA'O, ,SRID PA NI GNYIS TE, SKYE BA'I SRID PA DANG, LAS KYI SRID PA'O, ,DE LA PHYI MA'I YANG SRID PA SKYE BA'I SKYE BA'I SRID PA MNGON PAR 'GRUB CING 'BYUNG BAR @273A *, ,'GYUR BA LA NI DA LTAR TSE 'DI LA LAS DANG NYON MONGS PAR NYE BAR 'GRO BA'I RNAM PAR SHES PA GANG YIN PA DE PHYI MA LA SKYE BA'I SRID PA DE 'PHEN PA STE, DE DE'I SNGON DU 'GRO BA'I TSUL GYIS BYUNG BA LA NI LAS KYI SRID PA ZHES BYA'O, ,TSE 'DI NYID LA SRID PA DE BYUNG BAR GYUR NA PHYI MA LA DE'I YANG SRID PA SKYE BA, SKYE BA'I SRID PAS BSDUS PA SKYE BAR 'GYUR BA'I PHYIR 'CHI BA'I DUS BYAS NAS SNGON GYI MTHA'I SKYE MCHED DRUG 'GAGS PA LAS PHYI MA'I MTHA'I SKYE MCHED DRUG SKYES PA LA NI SKYE BA'I SRID PA ZHES BYA'O, ,RNAM PAR SHES PA DE NI SKYE MCHED DRUG PO DE'I SNGON DU 'PHEN PA YIN PA'I PHYIR YANG RKYEN YIN LA NYING MTSAMS SBYOR BA'I TSE YANG RKYEN YIN TE, 'DI LTAR MA'I MNGAL DU RNAM PAR SHES PA ZHUGS PA LAS NI MING DANG GZUGS 'BYUNG NGO, ,MING DANG GZUGS KYI RKYEN GYIS NI MA RIG PA'I KHAMS DANG LDAN PA'I SKYE MCHED DRUG 'BYUNG NGO, ,DE NAS DE'I RKYEN GYIS DE DANG 'DRA BA'I REG PA'I RIM PAS LEN PA'I RKYEN GYIS YANG PHYI MA'I MTHA'I LAS KYI SRID PA'I BAR DU 'BYUNG STE, CHOS 'DI DAG THAMS CAD KYANG MED PA LAS RANG RANG GI RKYEN GYIS SKYE BAR 'GYUR GYI DE DAG GIS REG PA PO NAS SRID PA PO'I BAR GANG REG PAR BYED PA NAS SRID PAR BYED PA'I BAR DU GANG YANG MED DO, ,CHOS 'DI DAG NI DE MA YIN PA DAG GIS GSO ZHING DE MA YIN PA RNAMS KYIS BZA' BAR ZAD DE, DE BAS NA RGYU DANG 'BRAS BUR GTOGS PA'I 'DU BYED KYI RGYUD RGYUN MI 'CHAD PAR 'JUG STE, SNGA MA'I LAS KYI SRID PA LAS PHYI MA'I MTHA'I SKYE BA'I SRID PA 'BYUNG BA NI 'GRO BA YIN NO; ,PHYI MA'I MTHA'I LAS KYI SRID PA LAS YANG SNGA MA'I SKYE BA'I SRID PA DE NYID PHYIR LDOG PAR 'GYUR TE, DE LTAR NA RTEN CING 'BREL BAR 'BYUNG BA'I 'KHOR LO 'DI NI 'JIG RTEN 'DI NAS 'JIG RTEN PHA ROL DANG, 'JIG RTEN PHA ROL NAS 'JIG RTEN 'DIR 'KHOR RO, ,DE BAS NA CHOS RNAMS GSO BA'I DON NI ZAS KYI DON DU RIG PAR BYA'O, ,ZAS RNAM PA GSUM GYI RGYU LAS BYUNG BA'I NANG GI SDUG BSNGAL RNAM PA GSUM SKYE BA SKYE BAR 'GYUR TE, 'DI LTA STE, KHAMS MA SNYOMS PA LAS BYUNG BA'I NAD KYI SDUG BSNGAL DANG, 'DOD PA'I SDUG BSNGAL DANG, 'DOD PAS PHONGS PA'I @273B SDUG BSNGAL LO, ,DE LA DANG PO NI KHAM GYI ZAS KYI RGYU LAS BYUNG NGO, ,GNYIS PA NI REG PA'I ZAS KYI RGYU LAS BYUNG NGO, ,GSUM PA NI YID LA SEMS PA'I ZAS LAS BYUNG NGO, ,DGE SLONG GI KHAM GYI ZAS KYI RGYU LAS NANG GI NAD KYI SDUG BSNGAL DU 'GYUR BAR MTHONG NAS KHAM GYI ZAS ZA BA NA BU'I SHA LA BAB PA BZHIN DU MNGON PAR CHAGS PA MED DO, ,DGE SLONG GI BDE BA MYONG BAR 'GYUR BA'I REG PA'I RGYU LA NANG GI 'DOD PA'I SDUG BSNGAL YIN PAR YANG DAG PAR MTHONG BAS REG PA'I SKYE MCHED DRUG PO RNAMS PA LANG KO BA BSHUS PA DANG 'DRA BAR MTHONG NAS, DE 'DI SNYAM DU SEMS TE GAL TE BDAG REG PA'I SKYE MCHED DRUG PO 'DI DAG DANG 'DOD CING SRED PA'I KUN TU CHAGS PA RNAMS KYIS GZUGS RNAMS LA BRTEN TE GNAS PAR GYUR NA NI GZUGS RNAMS LA BRTEN PAS BDAG SDIG PA MI DGE BA'I CHOS RNAMS KYI RTOG PA DAG GIS BA LANG KO BA BSHUS NA SROG CHAGS RNAMS KYI BZA' BA DANG, ZA BA NA YANG SDUG BSNGAL ZHING MI BDE BAR GNAS PA BZHIN DU 'GYUR RO SNYAM MO, ,DES DE LTAR MTHONG NAS DANG PO'I REG PA'I SKYE MCHED LA NYES DMIGS SU MTHONG BAS KUN NAS NYON MONGS PA MI SPYOD DO, ,GZUGS RNAMS LA JI LTA BA BZHIN DU SGRA DANG, DRI DANG, RO DANG, REG BYA DANG, CHOS RNAMS KYANG DE DANG 'DRA BAR RIG PAR BYA'O, ,DANG PO REG PA'I SKYE MCHED JI LTA BA BZHIN DU DRUG PA'I REG PA'I SKYE MCHED KYI BAR GYI NYES DMIGS PA'I MTHONG BAS KUN NAS NYON MONGS PA MED PAR GNAS SO, ,DGE SLONG GI YID LA SEMS PA'I RGYU LAS NANG GI 'DOD PAS PHONGS PA'I SDUG BSNGAL YIN PAR YANG DAG PAR MTHONG NAS YID LA SEMS PA LA MA DAG ME'I 'OBS DANG 'DRA BAR MTHONG STE, 'DOD PAS PHONGS PA LAS BYUNG BA'I LUS DANG SEMS KYI YONGS SU GDUNG BA CHEN PO SKYED PA YIN PA'I PHYIR DES DE LTAR YANG DAG PAR MTHONG NAS CHOS GOS DANG BSOD SNYOMS LA SOGS PA LA RE BAR MI BYED PAR KHYIM RNAMS SU 'JUG PAR BYED DO, ,DE BAS NA 'DOD PAS PHONGS PA LAS BYUNG BA'I SDUG BSNGAL GYIS KYANG GOS PAR MI 'GYUR LA BDE BA LA REG PAR GNAS PAR YANG 'GYUR TE, DE LTAR NA DES KHAM GYI ZAS DANG, REG PA DANG YID @274A *, ,LA SEMS PA'I ZAS RNAM PA GSUM TSUL BZHIN DU BRTAGS PA YIN NO, ,DES ZAS RNAM PA GSUM GYI RGYU DE LAS NANG GI RNAM PAR SHES PA LA MDUNG THUNG SUM BRGYAS BTZUGS PA BZHIN DU JI SKAD BSTAN PA'I SDUG BSNGAL SKYE BAR YANG DAG PAR MTHONG NGO, , DE CI'I PHYIR ZHE NA, 'DI LTAR KHAM GYI ZAS KYI RGYU LAS KYANG NAD KYI SDUG BSNGAL RNAM PA DU MA SNA TSOGS MANG PO RNAM PAR SHES PA LA SKYE BAR 'GYUR LA REG PA'I RGYU LAS KYANG DE'I 'DOD PA'I SDUG BSNGAL LHAG PAR 'BYUNG BA DANG, YID LA SEMS PA'I RGYU LAS KYANG 'DOD PAS PHONGS PA'I SDUG BSNGAL 'BYUNG BA'I PHYIR RO, ,DES DE LTAR RNAM PAR SHES PA'I ZAS LA YANG DAG PAR MTHONG NAS LUS DANG SROG LA MI LTA BAR 'GYUR RO, ,DE LTAR NA DES ZAS BZHI PO RNAMS TSUL BZHIN DU BRTAGS PA YIN TE, BRTAG PA DE LA BRTEN NAS TSE 'DI LA SPONG BAR BYED DO, ,SPANGS NAS KYANG PHYI MA LA SDUG BSNGAL MTHAR THUG PA THOB PAR 'GYUR RO, ,ZAS BZHI PO DE DAG YANG DAG PA JI LTA BA BZHIN DU MA MTHONG BA NI DGA' BA DANG 'DOD CHAGS GNYIS KYIS KUN NAS NYON MONGS PA CAN DU 'GYUR TE, KUN NAS NYON MONGS PA CAN DU GYUR PA DE LA NI TSE PHYI MA DANG, TSE 'DI'I NYES DMIGS RNAM PA GNYIS SU 'GYUR BAR SHES PAR BYA'O, ,DE LA ZAS BZHI PO RNAMS LAS YID LA SEMS PA'I RGYU LAS RE BA DOGS PA DANG BCAS PA'I YID BDE BA NYON MONGS PA CAN NI DGA' BA YIN NO, ,BDE BA MYONG BAR 'GYUR BA'I REG PA'I RGYU BDE BA DANG YID BDE BA'I GNAS KYI ZAS RNAMS LA LHAG PAR ZHEN PA NI 'DOD CHAGS SO, ,KUN NAS NYON MONGS PA 'DI GNYIS KYI TSE 'DI LA RNAM PAR SHES PA KUN NAS NYON MONGS PA CAN DU 'GYUR TE, RNAM PAR SHES PA'I GNAS RNAMS LA GNAS NAS PHYI MA LA YANG SRID PAR SKYE BA'I SA BON GYI TSUL GYIS SKYE BAR 'GYUR RO, , SKYES NAS YANG SRID PAR SKYE BA'I SKYE BA LA SOGS PA'I SDUG BSNGAL MNGON PAR 'GRUB PAR 'GYUR TE, 'DI NI TSE PHYI MA'I NYES DMIGS DGA' BA DANG 'DOD CHAGS KYI KUN NAS NYON MONGS PA LAS BYUNG BA YIN PAR RIG PAR BYA'O, ,DE YANG DE LTAR ZAS BZHI PO RNAMS LA DGA' BA DANG 'DOD @274B CHAGS GNYIS KYIS KUN NAS NYON MONGS PA CAN DU GNAS PAS TSE 'DI LA RDUL DANG BCAS PAR 'GYUR RO, ,DE DE LTAR RDUL DANG BCAS PAR GYUR PAS ZAS DE RNAM PAR 'GYUR ZHING GZHAN DU GYUR BAS MYA NGAN BYED CING NGAL LA YID MI BDE BAR GNAS TE, TSE 'DI LA MYA NGAN DANG BCAS PAR 'GYUR BA 'DI NI DGA' BA DANG 'DOD CHAGS LAS GYUR BA'I TSE 'DI'I NYES DMIGS YIN PAR RIG PAR BYA'O, ,GANG SU YANG RUNG STE ZAS BZHI PO RNAMS LA DGA' BA DANG 'DOD CHAGS MA SPANGS PA GANG YIN PA DE'I RNAM PAR SHES PA DANG BCAS PA'I LUS SKYE MCHED DRUG GIS BSDUS PA NI KHANG PA BRTZEGS PA LTA BU YIN TE, DE'I SKYE MCHED DRUG GI SKAR KHUNG RNAMS NAS YUL LA DMIGS PA'I NYON MONGS PA'I 'OD ZER RNAMS NYI MA'I 'OD ZER BZHIN DU DE'I GNAS SU 'JUG PAR 'GYUR TE, DER SA 'OG MA 'AM SA GONG MAR GNAS THOD PAR 'GYUR RO, ,GNAS THOD NAS KYANG SNGA MA BZHIN DU RNAM PAR SHES PA'I GNAS BZHIR RNAM PAR SHES PA'I KUN NAS NYON MONGS PA CAN DU BYAS NAS YANG SRID PAR SKYE BA MNGON PAR 'GRUB PAR BYED DO, ,DGA' BA DANG 'DOD CHAGS SPANGS PA NI DE LAS BZLOG PA STE, NYON MONGS PA DE DAG YUL LA DMIGS PAS YE SKYE BAR YANG MI 'GYUR NA GNAS DER ZHUGS TE, GNAS THOD PAR LTAG LA 'GYUR, GZHAN YANG DGA' DANG 'DOD CHAGS MA SPANGS PA'I GANG ZAG DE'I THAD DU NI BDUD 'ONG BAR 'GYUR TE, TSON LTA BU R CHAGS PAR 'GYUR BA'I YUL RNAM PA SNA TSOGS KYIS CI NAS GANG ZAG 'DI TSON LTA BU'I YUL RNAM PA SNA TSOGS 'DI RNAMS DANG, NYON MONGS PA RNAM PA SNA TSOGS KYIS BKRA BAR BYA'O SNYAM MO, ,GANG ZAG DE YANG DGA' BA DANG 'DOD CHAGS MA SPANGS PA'I PHYIR SA LTA BU STE, NYON MONGS PA'I RI MO RNAM PA SNA TSOGS CAN DE'I GNAS LTA BU YIN NO, ,DGA' BA DANG 'DOD CHAGS SPANGS PA'I GANG ZAG DE'I THAD DU SNGA MA BZHIN DU BDUD 'ONGS NA NI GANG ZAG DE, DGA' BA DANG 'DOD CHAGS SPANGS PA'I PHYIR NAM MKHA' LTA BU YIN TE, NYON MONGS PA'I RI MO RNAM PA SNA TSOGS CAN DE'I GNAS MED PA LTA BA'O, ,ZAS RNAMS LA DGA' BA DANG 'DOD CAHGS MA SPANGS PA'I NYES DMIGS DE YANG GI RIMS @275A *, ,BZHIN DU SBYAR BAR BYA'O, ,ZAS RNAMS LA DGA' BA DANG 'DOD CHAGS SPANGS PA'I PHAN YON 'DI YANG GO RIMS BZHIN DU SBYAR BAR RIG PAR BYA'O,, ,,SDOM NI, TSUL BZHIN DANG NI 'DU BA DANG, ,KUN 'BYUNG BA YI BDEN PA DANG, ,THOB PA DANG NI RTAGS DANG GNAS, LAS DANG BAR DU GCOD PA DANG, ,NYES DMIGS DANG NI RNAM SMEN GNAG ,DON CHEN DKON PA THA MA YIN, ,BDEN PA SHES PA'I SGO NAS TSUL BZHIN DANG, TSUL BZHIN MA YIN PA YANG DAG PA JI LTA BA BZHIN DU RAB TU MI SHES PA'I ZAG PA NI ZAD PAR MI 'GYUR RO, ,DE LAS BZLOG PA RAB TU SHES PA'I ZAG PA NI ZAD PAR 'GYUR RO, ,DE LAS DAM PA'I CHOS MA YIN PA MNYAN PA NI ZHI BA DANG, DUL BA DANG, YONGS SU MYA NGAN LAS 'DA' BAR 'GYUR BA'I SKYE GNAS MA YIN TE, DE BAS NA TSUL BZHIN MA YIN PA ZHES BYA'O, ,DE LAS BZLOG PA DAM PA'I CHOS MNYAN PA NI TSUL BZHIN YIN PAR RIG PAR BYA'O, ,DE LA NYES PAR BSHAD PA'I CHOS CAN GYI GANG ZAG NI CHOS 'DI PA'I SANGS RGYAS RNAMS DANG, SANGS RGYAS KYI NYAN THOS KYI SKYES BU DAM PA RNAMS MA MTHONG BA DANG, SO SOR THAR BA'I SDOM PA DANG, DBANG PO'I SGO RNAMS BSRUNGS PA DANG, SHES BZHIN DU GNAS PA DANG DE LTA BU DANG MTHUN PA'I 'PHAGS PA'I CHOS RNAMS LA MA DUL ZHING YANG DAG PAR BLANGS TE MI 'DUG PA DANG, THOS PA DANG, BSAMS PA DANG, BSGOMS PA RNAMS KYIS 'PHAGS PA'I BDEN PA RNAMS LA MKHAS PAR MA BYAS PAS NYES PAR BSHAD PA'I CHOS 'DUL BA DE LA DAM PA'I CHOS MA YIN PA MNYAN PAR MOS PAR 'GYUR TE, DE TSUL BZHIN MA YIN PA DE LA TSUL BZHIN YIN NO SNYAM DU PHYIN CI LOG TU 'DU SHES SHING, TSUL BZHIN MA YIN PA DE YANG TSUL BZHIN MA YIN PAR YANG DAG PA JI LTA BA BZHIN DU RAB TU MI SHES LA DAM PA'I CHOS MNYAN PA TSUL BZHIN DE YANG TSUL BZHIN YIN PAR YANG DAG PA JI LTA BA BZHIN DU RAB TU MI SHES SO, ,RAB TU MI SHES PAS NYES PAR BSHAD CING NYES PAR BSTAN PA NI 'CHING BAR 'GYUR GYI, GROL BAR MI 'GYUR BA DANG, YID LA BYA BA'I 'OS MA YIN PA'I @275B CHOS GANG YIN PA DE DAG RAB TU MI SHES TE, DE DAG MI SHES NAS YID LA BYED DO, ,CHOS LEGS PAR GSUNGS SHING, LEGS PAR BSTAN PA RNAMS NI THAR PAR 'GYUR BA YIN GYI 'CHING BAR 'GYUR BA MA YIN TE, 'DI LTA STE, MDO'I SDE DANG, DBYANGS KYIS BSNYAD PA'I SDE ZHES BYA BA NAS RGYAS PAR YID LA BYA BA'I 'OS SU GYUR PA GANG YIN PA DE DAG KYANG RAB TU MI SHES NAS YID LA MI BYED PA DE YANG DE'I TSUL BZHIN MA YIN PA YID LA BYED PA YIN NO, ,YID LA BYED PA DE NI ZHI BA DANG, DUL BA DANG, YONGS SU MYA NGAN LAS 'DA' BAR 'GYUR BA MA YIN TE, DE BAS NA TSUL BZHIN MA YIN PA ZHES BYA'O, ,DAM PA'I CHOS MA YIN PA MNYAN PA DE YANG 'DAS PA DANG, MA 'ONGS PA DANG, DA LTAR BYUNG BA'I BDAG GI PHYOGS STON PA'I GTAM GYI GZHI GSUM GYI DBANG DU BYAS TE, DES DE'I DBANG DU BYAS NAS DUS GSUM PO DE DAG LA TSUL BZHIN MA YIN PAR YID LA BYED DE, DE 'DAS PA'I DUS KYI SGO NAS BAG YOD PA'AM MED PAR RTOG GO, ,MA 'ONGS PA DANG, DA LTAR YANG DE DANG 'DRA'O, ,DE DE LTAR TSUL BZHIN MA YIN PA YID LA BYED PA NI GZUNG BA'I DNGOS PO STE, DMIGS PA GANG YIN PA DANG 'DZIN PA'I DNGOS PO GANG YIN PA STE, TSUL BZHIN MA YIN PA YID LA BYED PA GANG YIN PA DES 'DU BYED RNAMS SAM 'DU BYED RNAMS LAS DON THA DAD PA'I BDAG TU RTOG PAR BYED DE, NGES PAR 'GYUR BA'I TSE GZUNG BA'I DNGOS PO LA BDAG TU RTOG PA DES YANG NA NI RTAG PA'I LTA BA 'THOB PAR 'GYUR TE, DES NA DE 'DI SNYAM DU SEMS TE, BDAG GI BDAG NI TSE 'DI LA RDZAS DANG RTAG PA'I SGO NAS YOD DO SNYAM MO, ,YANG NA NI CHAD PAR LTA BAR 'GYUR TE, DES NA DE 'DI SNYAM DU SEMS TE, BDAG GI BDAG NI TSE 'DI LA RDZAS DANG RTAG PA'I SGO NAS MED DO SNYAM MO, ,BDAG YOD PAR LTA BA NI 'DZIN PA'I DNGOS PO LA BDAG TU RTOG PAR BYED DO, ,DE NI BDAG GIS BDAG MTHONG NGO SNYAM DU SEMS PA DANG, BDAG GIS BDAG YOD PAR GYUR PA LAS BDAG GIS DE MED PAS NA BDAG NYID KYIS BDAG MED PAR MTHONG NGO SNYAM DU SEMS PA DANG, TSE 'DI LA BDAG MED PAR LTA BA NI 'DZIN @276A *, ,PA'I DNGOS PO NYID LA BDAG MED PAR RTOG PAR BYED DE, BDAG MED PAS SNGON BDAG MED PA LAS YANG BDAG 'BYUNG BAR 'GYUR BA YANG DAG PAR RJES SU MTHONG NGO SNYAM DU SEMS PA STE, DE LTAR NA GZUNG BA DANG 'DZIN PA'I BYE BRAG GIS TSUL BZHIN MA YIN PA'I YID LA BYED PA RNAM PA LNGA LA YANG, 'DI LTA STE, DUS GSUM GYI 'DU BYED RNAMS LA BDAG TU RTOG PA'I LTA BA'I GNAS LNGA ZHES BYA'O, ,DE NI TSUL BZHIN MA YIN PA'I YID LA BYED PA'I RJES SU DPAG PA'I YID LA BYED PAS 'DU BYED RNAMS LAS DON THA DAD PA'I BDAG YOD PAR RTOG PAR BYED DE, 'DI NI BDAG YIN NO ZHES BYA BA LTA BU STE, GANG BDAG NYID YANG SRID PAR SKYE BA'I LAS BYED PA'AM, YANG NA GZHAN BYED DU 'JUG PA'O, ,YANG NA BDAG NYID TSE 'DI'I SKYES BU'I BYED PA SLONG BAR BYED PA'AM YANG NA GZHAN DU SLONG DU 'JUG PA'O, ,YANG NA YANG SRID PAR SKYE BA'I LAS BYAS SAM, BYED DU BCUG NAS DE'I 'BRAS BU RNAM PAR SMIN PA SKYED PA PO YIN NO, ,SKYES BU'I BYED PA YANG BSLANG BA'AM, SLONG DU BCUG NAS SKYES BU'I BYED PA'I 'BRAS BU YANG DAG PAR BSKYED PA'O, ,YANG NA GZHAN DAG GIS 'DI DRIS PAR 'GYUR NA MTHONG BA'AM, THOS PA'AM, BYE BRAG PHYED PA'AM, RNAM PAR SHES PA'I THA SNYAD LA BRTEN NAS, RJES SU THA SNYAD 'DOGS PA'I SGO NAS NI SMRA BA PO'O, ,YANG NA BU DANG CHUNG MA DANG, BRAN DANG BRAN MO LA SOGS PA BU SMAD KYI TSOGS RNAMS LA CI RIGS PAR GNAS DANG GNAS MA YIN PA'I KHYAD PAR RNAMS LAS MCHID STZOL BA NI SMRA BA PO YIN NO, ,YANG NA PHYI MA LA LAS KYI 'BRAS BU SKYES PA NI TSOR BA PO'O, ,TSE 'DI LA SKYES BU'I BYED PA'I 'BRAS BU YANG DAG PAR SKYES PA NI NYAMS SU MYONG BA PO'O, ,DES 'DAS PA'I DUS NAS BZUNG STE TSE RABS DE DANG DER DGE BA DANG MI DGE BA'I LAS BYAS SO COG GI RNAM PAR SMIN PA DA LTAR TSE 'DI LA NYAMS SU MYONG BA DANG, DES TSE'I TSAD JI SRID YOD PA ZAD PAR BYAS NAS 'CHI BA'I DUS BYAS TE, PHUNG PO 'DI YANG 'DOR LA GZHAN YANG NYID MTSAMS SBYOR BAR BYED DO, ,DE LTA MA YIN TE, BDAG MED DU ZIN NA JI SKAD BSTAN PA 'DI DAG @276B THAMS CAD GA LAS 'BYUNG ZHES BYA BA NI 'DI NI TSUL MA YIN PA YID LA BYED PAS BSDUS PA'I LTA BA'I GNAS DRUG PA YIN NO, ,DE YANG RANG BZHIN GYIS NI 'JIG TSOGS LA LTA BA YIN NO, ,DE MA YIN PA'I 'JIG TSOGS LA LTA BA'I RTZA BA LAS BYUNG BA'I LTA BAR GYUR PA RNAMS SKYE BA'I PHYIR NI LTA BA'I GNAS SO, ,DE KHO NAR 'DZIN PA'I SHES RAB LA SGRIB PAS NA LTA BA TSANG TSING NGO, ,DGE BA'I CHOS LAS PHONGS PAR BYED PAS NA LTA BA'I DGON PA'O, ,GZHAN GYI DRING 'JOG PAS NA LTA BA'I 'DA' BA'O, ,'DOD PA DANG SRID PA TSOL BA RNAM PAR SPYOD PAS NA LTA BA RNAM PAR SPYOD PA'O, , GZHAN GYIS KLAN KA BTZAL ZHING SKUR BA 'DEBS PA LAS THAR PAR BSKYOD PAS NA LTA BA RNAM PAR BSKYOD PA'O, ,YANG SRID PAR SKYE BA'I SDUG BSNGAL KUN DU SBYOR BAR BYED PAS NA LTA BA'I KUN DU SBYOR BA'O, ,DE LTAR LOG PAR ZHUGS PA DE'I NI TSE 'DI LA ZAG PA MNGON SUM DU MA GYUR PA NI MNGON SUM DU SKYE BAR 'GYUR RO, ,MNGON SUM DU GYUR PA CHUNG NGU LA BRTEN NAS 'BRING DU 'GYUR RO, ,'BRING PO LA BRTEN NAS CHEN POR 'GYUR RO, ,DE'I RGYUS KYANG PHYI MA LA RGA SHI MNGON PAR 'GRUB PAR 'GYUR TE, DE LTAR NA TSUL BZHIN DANG TSUL BZHIN MA YIN PA YANG DAG PA JI LTA BA BZHIN DU RAB TU MI SHES PAS SDUG BSNGAL GYI BDEN PA DANG, KUN 'BYUNG BA'I BDEN PA LAS GYUR PA'I KUN NAS NYON MONGS PA 'BYUNG BAR RIG PAR BYA'O, ,DE LAS BZLOG PA DAM PA'I CHOS MNYAN PA LA MOS SHING TSUL BZHIN LA TSUL BZHIN DU PHYIN CI MA LOG PAR 'DU SHES SHING TSUL BZHIN DANG TSUL BZHIN MA YIN PA YANG DAG PA JI LTA BA BZHIN DU RAB TU SHES NAS YID LA BYA BAR 'OS PA'I CHOS RNAMS YID LA BYED PA'I RGYUS DUS GSUM GYI 'DU BYED RNAMS GZUNG BA DANG, 'DZIN PA LA YANG DAG PA JI LTA BA BZHIN DU BDAG MED PA DANG, BDAG GI MED PAR YANG DAG PAR MTHONG NAS BDEN PA MNGON PAR RTOGS PA'I MDO LAS MTHONG BAS SPANG PAR BYA BA'I ZAG PA RNAMS LAS RNAM PAR GROL BAR 'GYUR RO, ,DE LTAR GYUR NAS KYANG GONG DU BSGOM PAS SPANG PAR BYA BA'I ZAG PA RNAMS MA LUS PAR SPANG PAR BYA BA'I PHYIR, ,RGYU BZHIS SBYOR BAR BYED DE, BZHI GANG ZHE NA, LUS LEGS @277A *, ,PAR BSRUNGS PA DANG, DBANG PO LEGS PAR BSDAMS PA DANG, DRAN PA LEGS PAR GNAS PA DANG, 'JIG RTEN LAS 'DAS PA DANG, 'JIG RTEN GYIS 'BYUNG BA DANG, MED PAR 'GYUR BA'I SHES RAB JI LTAR THOB PA LAN MANG DU BYED PA'O, ,DE LA LUS LEGS PAR BSRUNGS TE, GNAS PA NI GLANG PO CHE KHRO BO RGYANG RING DU SPONG BA NAS RGYAS PAR NYAN THOS KYI SA LAS 'BYUNG BA BZHIN DU SBYAR TE YONGS SU SPANGS NA, ZAG PA ZAD PAR BYA BA LA BAR DU GCOD PAR MI 'GYUR RO, ,DBANG PO LEGS PAR BSDAMS TE, GNAS PA NI CHAGS PAR 'GYUR BA'I YUL MNGON SUM DU GYUR PA LA TSUL BZHIN MA YIN PA'I SDUG BA'I MTSAN MA SPANGS NAS MI SDUG PA'I MTSAN MA YID LA BYED DO, ,DRAN PA LEGS PAR GNAS PA DE NI GNAS BZHI LA GNAS PAR 'GYUR TE, 'DI LTA STE, CHOS GOS LA SOGS PA BRTAGS TE YONGS SU LONGS SPYOD PA DANG, LKOG NA RTOG PA NGAN PA KUN DU SPYOD PA SEL BAR BYED PA DANG, BRTZON 'GRUS BRTZAMS PA LAS BYUNG BA'I NGAL BA DANG, 'KHRUG PA DANG, YONGS SU 'DZAG PAR BYED PA'I SDUG BSNGAL DANG, GZHAN GYI NGAG RTZUB PO LAS BYUNG BA DANG, KHAMS MA SNYOMS PA LAS BYUNG BA'I SDUG BSNGAL DANG DU LEN PA'O, ,DE LTAR LAM BSGOM PA LA BAG YOD PA'I SGO NAS MI 'DRE BAR GNAS PA NI, DRAN PAS LEGS PAR GNAS PAR 'GYUR RO, ,DE DE LTAR LUS LEGS PAR BSRUNGS PA DANG, DBANG PO LEGS PAR BSDAMS PA DANG, DRAN PA LEGS PAR GNAS PA DANG, JI LTAR THOB PA'I LAM BSGOM PA LAS BRTEN NAS BSGOMS PAS SPANG BAR BYA BA'I ZAG PA RNAMS LAS KYANG RNAM PAR GROL BAR 'GYUR LA GTAN DU MTHAR THUG PA YANG THOB PAR 'GYUR RO, ,LA LA 'DI SKAD CES ZER TE, 'DI DAG NI 'PHAGS PA'I BDEN PA BZHI YIN TE, BDAG GAM SEMS CAN GANG YANG RUNG BA 'DIS NI BDEN PA 'DI RNAMS LA DMIGS PA DANG BCAS NAS DGE BA'I CHOS RNAMS SGOM PAR BYED DO ZHES ZER BA LA, DE SKAD MA ZER CING CES SMRA BAR BYA'O, ,DE CI'I PHYIR ZHE NA, 'JIG RTEN DANG 'JIG RTEN LAS 'DAS PA'I DGE BA'I CHOS RNAM PA DU MA GANG CI YANG RUNG BA @277B SKYE BA DE DAG THAMS CAD NI 'PHAGS PA'I BDEN PA BZHI PO 'DI DAG NYID KYI NANG DU 'DU BAR 'GYUR RO, ,'DI NI GNYIS TE, SHES PA DANG, SHES BYA'O, ,SHES PA DE YANG SHES BYAR 'GYUR TE, DE BAS NA DGE BA'I CHOS SHES PA DANG LDAN PA DE DAG NI BDEN PA RNAMS SU 'DU BAR 'GYUR RO; ,DE DAG KYANG LUS SU GTOGS PA'I DRAN PA BSGOM PA'I LHAG MTHONG GI PHYOGS DANG MTHUN PA RNAMS DANG, ZHI GNAS KYI PHYOGS DANG MTHUN PA RNAMS NI MDOR NA YONGS SU SBYANG BA'I SA DANG, BYAS PA BSRUNG BA'I SA LA SKYE BAR 'GYUR RO, ,LUS SU GTOGS PA'I DRAN PA GANG ZHE NA, YONGS SU SBYANG BA'I SA LA NANG DANG PHYI ROL GYI 'BYUNG BA CHEN PO'I GZUGS LA DMIGS PA GANG YIN PA'AM, GZHAN DAG GIS SDUG PA DANG MI SDUG BA'I TSIG BLA DAGS DANG, THOGS PA DANG BCAS PA'I 'DUS TE REG PA DAG GIS KUN DU SPYOD PA NA TSUL BZHIN GYIS 'DUS TE REG PA'I TSOR BA DANG; 'DU SHES PA DANG, 'DU BYED DANG, RNAM PAR SHES PA RNAMS LA DMIGS PA DANG, BYAS PA BSRUNG BA'I SA LA RGYU LAS BYUNG BA'I GZUGS LA DMIGS PA'AM, ,YID LA BYED PA DANG BCAS PA'I DE LAS BYUNG BA'I TSOR BA DANG, 'DU SHES DANG, 'DU BYED DANG, RNAM PAR SHES PA RNAMS LA DMIGS PA STE, DE DAG THAMS CAD GCIG TU BSDUS PA NI GZUGS KYI LUS LA DMIGS PA DANG, MING GI LUS LA DMIGS PA'I LUS SU GTOGS PA'I DRAN PA YIN PAR RIG PAR BYA'O, ,DE LA LHAG MTHONG NI GANG LHAG MTHONG GI PHYOGS DANG MTHUN PA'I DGE BA'I CHOS RNAMS NI GANG ZHE NA, 'BYUNG BA CHEN PO RNAMS KYI NANG DANG PHYI ROL RNAMS DANG DE MA YIN PA'I PHUNG PO RNAMS SHES RAB KYIS YANG DAG PAR RAB TU RNAM PAR 'BYED PA GANG YIN PA 'DI NI LHAG MTHONG NGO, ,THOG MA KHO NAR RIL PO'I 'DU SHES RNAM PAR DBYE BA GANG YIN PA DANG, PHYI ROL GYI 'BYUNG BA CHEN PO RNAMS LA 'JIG PA LAS GYUR BA'I ZAG PA YANG DAG PAR MTHONG BA'I SGO NAS MI RTAG PAR 'DU SHES PA DANG, NANG GI 'BYUNG BA CHEN PO'I LUS LA KHA ZAS RAN PAS KHAD KYIS KHAD KYIS GSO STE, DE MI GTZANG BAR YANG DAG PAR MTHONG NAS MI SDUG PAR 'DU SHES PA DANG, @278A *, ,SRED PA LAS BYUNG BAR YANG DAG PAR MTHONG BA DANG, PHYI MA'I MTHAR 'CHI BA'I CHOS CAN YIN PAS MI RTAG PAR 'DU SHES PA DANG, MI RTAG PA LA YANG SDUG BSNGAL BAR 'DU SHES PAR 'GYUR RO, ,BYIS PA MI RTAG PA DANG SDUG BSNGAL BA YANG DAG PA JI LTA BA BZHIN DU RAB TU MI SHES NAS LUS GANG LA NGA'O SNYAM PA'AM, BDAG GI SNYAM PA'AM, ,BDAG SNYAM DU SEMS PA'I LUS DE NYID LA, THOS PA DANG LDAN PA'I 'PHAGS PA NYAN THOS NI RAB TU SHES PAS DE LTAR MI 'DZIN LA DE'I 'DU SHES DE NI SDUG BSNGAL LA BDAG MED PAR 'DU SHES PA DANG; BDAG MA YIN PAR 'DU SHES PAR 'GYUR TE, LUS LA KHAMS TZAM DU ZAD PAR 'DU SHES PAR 'GYUR RO, ,DE LTAR 'DU SHES PA DE NI GZHAN DAG GIS SDUG PA DANG, MI SDUG PA'I TSIG BLA DAGS KYI 'DU SHES TE, REG PA DAG DANG, MI SDUG PA'I LAG PA DANG, DBYUG PA DANG, BONG BA'I 'DUS TE REG PA DAG GI KUN DU SPYOD PA BYAS KYANG DE NI RGYU DANG BCAS PA'I TSOR BA LA SOGS PA GZUGS CAN MA YIN PA'I 'DU SHES BYED DE DAG LA YANG MI RTAG PAR YANG DAG PAR MTHONG BAS RJES SU CHAGS PAR YANG MI BYED KHONG KHRO BAR YANG MI BYED DE, KHAMS TZAM DU ZAD PAR DMIGS SHING DE'I SEMS DE LUS DE LA YANG DAG PAR GNAS SO, ,DE LTAR NA DE NI KUN DU RMONGS PAR YANG MI 'GYUR TE, DE PHYI ROL PO RAB TU DBYE BA'I 'DU SHES GANG YIN PA DANG, PHYI ROL GYI 'BYUNG BA CHEN PO RNAMS LA MI RTAG PAR 'DU SHES PA GANG YIN PA DANG, NANG GI RNAMS LA MI SDUG PAR 'DU SHES PA DANG, MI RTAG PAR 'DU SHES PA DANG, MI RTAG PA LA SDUG BSNGAL BAR 'DU SHES PA DANG, SDUG BSNGAL BA LA YANG BDAG MED PAR 'DU SHES PA GANG YIN PA DANG, 'BYUNG BA CHEN PO LA BRTEN PA'I TSOR BA LA SOGS PA BYUNG NGO COG LA MI RTAG PAR 'DU SHES PA LA NI KUN DU 'DOD CHAGS PA YANG MED KUN DU ZHE SDANG BA YANG MED KUN DU GTI MUG PA YANG MED DO, ,'DI DAG NI YONGS SU SBYANGS PA'I SA LA LUS SU GTOGS PA'I DRAN PA BSGOM PA'I LHAG MTHONG GI PHYOGS DGE BA'I CHOS RNAM PA DU MA SKYE BA'O, ,DE LA ZHI GNAS NI GANG @278B ZHI GNAS KYI PHYOGS DANG MTHUN PA'I LUS SU GTOGS PA'I DRAN PA BSGOMS PA'I DGE BA'I CHOS RNAMS SKYE BA NI GANG ZHE NA, DES LHAG MTHONG DE NYID LA BRTEN NAS ZHI GNAS LA BRTZON PAR BYED PA STE, ZHI GNAS DE YANG NANG GI SEMS GNAS PA GANG YIN PA'O, ,ZHI GNAS KYI PHYOGS DANG MTHUN PA'I DGE BA'I CHOS RNAMS NI 'DI LTA STE, DES DE LTAR SO SOR BRTAGS PA'I STOBS THOB PAS DGE SPYOD LA GDAMS NGAG BSTAN PA, SOG LE LTA BU ZHES BYA BA LA DMIGS PA BYAS NAS GZHAN DAG GIS GNOD PA BYAS PA YANG BZOD LA DE LA DMIGS PA'I BYAMS PA YANG SGOM PAR BYED DE DE'I BZOD PA DANG BYAMS PAS YONGS SU ZIN PA'I TSUL KHRIMS NI RNAM PAR DAG PAR 'GYUR RO, ,TSUL KHRIMS RNAM PAR DAG PAR MTHONG NAS DE 'DI SNYAM DU SEMS TE, BDAG NI STON PA'I BSTAN PA BZHIN BYED PA YIN NO SNYAM NAS 'GYOD PA MED PAR 'GYUR TE, 'GYOD PA MED NA MCHOG TU DGA' BA NAS RGYAS PAR TING NGE 'DZIN GYI BAR DU SBYAR BAR BYA'O, ,DE DE'I TSE SEMS MNYAM PAR GZHAG PAS BSAM GTAN BZHI PA'I BAR DU THOB PAR 'GYUR TE, TING NGE 'DZIN DE YANG 'DU BYED KYIS YONGS SU ZIN PA YIN LA ZUNG DU 'BRE PAR 'BYUNG BA MA YIN ZHING YONGS SU DAG PA MA YIN NO, ,DES DE YONGS SU DAG PAR BYA BA'I PHYIR SNGA MA BZHIN DU YAN LAG BZHIS YONGS SU ZIN PA'I BAG YOD PA SGOM PAR BYED DE, BRTZON 'GRUS BRTZAMS PA LA ZHUM PA MED CES BYA BA NAS RGYAS PAR SBYAR TE, PHYIS DE'I BSAM GTAN BZHI PA YONGS SU DAG CING YONGS SU BYANG BAR 'GYUR RO, ,DE GAL TE ZHI BA'I SNYOMS PAR 'JUG PA RO MYANG BAS SEMS 'PHROG PAR 'GYUR LA, SNYOMS PAR 'JUG PA DE LA YANG BTANG SNYOMS SU YANG DAG PAR MI GNAS SHING 'GOG PA MYA NGAN LAS 'DAS PA LA YANG ZHI BAR LTA NA NI DE SANGS RGYAS SAM CHOS SAM DGE 'DUN LA BRTEN NAS 'DI LTAR YID 'BYUNG ZHING SKYO BAR 'GYUR TE, GANG BDAG GI STON PA DE BZHIN GSHEGS PA DANG, DE'I LEGS PAR GSUNGS PA'I CHOS 'DUL BA DANG, DGE 'DUN LEGS PAR ZHUGS PA LA BRTEN NAS 'JIG TSOGS LA ZHEN CING GNAS KYI MYA NGAN LAS 'DAS PA LA ZHI BAR MI LTA BA NI BDAG @279A *, ,GI THOB PA MA YIN PA DANG, RNYED PA MA YIN PA STE, BDAG GIS NYES BA RNYED PA YIN GYI LEGS PA RNYED PA MA YIN NO SNYAM MO, ,DE'I SEMS LAS SU RUNG BA'I PHYIR DE LTAR SKYO BA SKYES MA THAG TU DGE SBYONG GI TSUL GYI DON DANG LDAN PAR BTANG SNYOMS SU YANG DAG PAR GNAS SHING MYA NGAN LAS 'DAS PA LA YANG ZHI BAR LTA'O, ,'DI DAG NI ZHI GNAS KYI PHYOGS DANG MTHUN PA'I DGE BA'I CHOS RNAMS SKYE BA YIN TE, 'DI LTA STE, BZOD PA DANG, BYAMS PA DANG, TSUL KHRIMS RNAM PAR DAG PA DANG, 'GYOD PA MED PA DANG, MCHOG TU DGA' BA NAS TING NGE 'DZIN DANG, YAN LAG BZHIS YONGS SU ZIN PA'I BAG YOD PA DANG, BTANG SNYOMS DGE BA'I DON DANG LDAN PA RNAMS SO, ,DES DE'I TSE SHES RAB KYIS STON PA'I BSTAN PA LA RGYU RNAM PA GNYIS KYI SGO NAS BYA BA MANG DU BYAS PA YIN TE, ZAG PA ZAD PAR BYA BA'I PHYIR BSAM GTAN BZHI PA YONGS SU DAG PAR BYED PA DANG, 'JIG TSOGS LAS SEMS BTANG SNYOMS SU BYED PA'I PHYIR TE, DE TZAM GYIS NA DE'I YONGS SU SBYANG BA'I SA YONGS SU RDZOGS PA YIN NO, ,DE DE TZAM GYIS KYANG CHOG PAR MI 'DZIN PAS, ,DE'I GONG DU BYAS PA RTOGS PA'I SA LA 'JAG TE, YANG LUS SU GTOGS PA'I DRAN PA SGOM PAR BYED DE, RGYU LAS BYUNG BA'I GZUGS KYI LUS LA RTZVA DANG, SHING DANG, SA DANG 'DRA BAR MTHONG NGO, ,DE MA YIN PA DE LAS BYUNG BA'I GZUGS CAN MA YIN PA'I CHOS RNAMS KYANG YANG DAG PA JI LTA BA BZHIN DU, ,RTEN CING 'BREL PAR 'BYUNG BA YIN PAR SHES RAB KYIS RTOGS NAS, YANG DAG PA JI LTA BA BZHIN DU BDEN PA SHES PA LA RJES SU 'JUG GO, ,ZHUGS NAS KYANG BSGOM PA'I LAM LA 'DAS PA DANG, MA 'ONGS PA DANG, DA LTAR BYUNG BA'I DBANG PO DANG YUL RNAMS LAS SKYO BAR 'GYUR BA NAS RNAM PAR GROL BA'I BAR DU 'GYUR TE, BDAG NI RNAM PAR GROL LO SNYAM DU YANG DAG PA JI LTA BA BZHIN DU RAB TU SHES SO, ,'DI DAG NI BYAS PA RTOGS PA'I SA LA LUS SU GTOGS PA'I DRAN PA BSGOM PA'I DGE BA'I CHOS RNAMS SKYE BA YIN TE, 'DI LTA STE, GZUGS KYI LUS DANG, DE BZHIN DU GZUGS CAN @279B MA YIN PA'I CHOS RNAMS LA, RTZVA DANG, SHING DANG, SA DANG 'DRA BAR 'DU SHES PA DANG, RTEN CING 'BREL PAR 'BYUNG BA YANG DAG PAR KHONG DU CHUD PAS 'PHAGS PA'I BDEN PA BZHI SHES PA DANG, BSGOM PA'I LAM LA SKYO BA DANG, 'DOD CHAGS DANG BRAL BA DANG, RNAM PAR GROL BA DANG, RNAM PAR GROL BA'I YE SHES MTHONG BAR 'GYUR TE, DE TZAM GYIS NA DE DAG THAMS CAD KYI THAMS CAD DU STON PA'I BSTAN PA LA SHES RAB GYIS BYA BA MANG DU BYAS PA MA YIN NO, ,DE CI'I PHYIR ZHE NA, DE'I RANG GI DON RDZOGS PAS NA DE'I DONG DU LAS SU BYA BA MED LA BYAS PA DE YANG PHYIS RAB TU RNAM PAR DBYE BA MED DE, BYAS PA 'DI NI DE MA YIN PA'I DUS NA YONGS SU NYAMS PAR 'GYUR BAS NA BYAS PA MA YIN NO ZHES BYA BA'AM, 'DI NI BYAS SU ZIN KYANG DPER NA SO SO'I SKYE BO RNAMS KYI 'JIG RTEN PA'I LAM GYIS RNAM PAR GROL BA DANG 'DRA BAR GTAN DU BYAS PA MA YIN NO ZHES BYA BA MED PA'I PHYIR RO, ,DE LA SNGA MA'I YONGS SU SBYONG BA'I SA'I DGE BA'I CHOS GANG YIN PA RNAMS NI ZAG PA DANG BCAS PA'O, ,BYAS PA RTOGS PA'I SA'I GANG YIN PA RNAMS NI ZAG PA MED PA STE, DE RNAMS KYANG 'PHAGS PA'I BDEN PA BZHIR CI RIGS PAR 'DU BAR RIG PAR BYA'O,, ,,RNAL 'BYOR SPYOD PA'I SA LAS GZHI BSDU BA, BAM PO BCU DRUG PA, KUN 'BYUNG BA'I BDEN PAS BSDUS PA'I SRID PA'I GI SKYE MCHED DRUG GAM, PHYI ROL GYI SKYE MCHED DRUG LA BRTEN BYA STE, 'DI LTA STE, NANG DANG PHYI ROL GYI RAB TU DBYE BA DANG, RTEN GYI RAB TU DBYE BA DANG, RANG BZHIN GYI RAB TU DBYE BA DANG, DUS KYI RAB TU DBYE BA'O, ,DE LA NANG DANG PHYI ROL GYI RAB TU DBYE BA GANG ZHE NA, NANG GI SKYE MCHED DRUG GAM, ,PHYI ROL GYI SKYE MCHED DRUG LA BRTEN NAS RTEN DANG BCAS PA'I SRED PA RNAM PAR SPYOD PA'O, ,RTEN GYI RAB TU DBYE BA GANG ZHE NA, NGA'O SNYAM PA'I NGA RGYAL RNAM PA LNGA STE, 'DI LTA STE, NANG LA BRTEN NAS NGA'O SNYAM PA' NGA RGYAL MA SPANGS PA'I PHYIR 'DI LTAR SKYE MCHED DRUG LA NGA'O SNYAM DU KUN DU SPYOD PAR 'GYUR LA, JI SRID DU DGA' BAS MA NON PA DE SRID DU DE'I 'DU BYED KYI RGYUD KYANG 'DRA BAR 'JUG CING DE 'DI SNYAM DU SEMS TE, NGA NI 'DI LTA BU STE, @280A *, ,SNGON BZHIN NO SNYAM MO, ,DE PHYIS DGA' BAS NON NAS RES 'GA' NI KHA DOG DANG LDAN LA RES 'GA' NI KHA DOG NGAN PAR 'GYUR BA DANG, RES 'GA' NI STOBS DANG LDAN PA DANG, BDE BA DANG SPOBS PA DANG LDAN PAR 'GYUR LA RES 'GA' NI SPOBS PA MED PA'I BAR DU 'GYUR TE, DE GANG GI TSE KHA DOG DANG LDAN PA NAS SPOBS PA DANG LDAN PA'I BAR DU 'GYUR BA DE'I TSE NI DE 'DI SNYAM DU SEMS TE, BDAG NI BZANG NGO SNYAM MO, ,DE LAS BZLOG PA LA NI BDAG NI NGAN NO SNYAM DU SEMS PAR 'GYUR LA, RGA BAS NON PA'I TSE NI GZHAN DU GYUR TO SNYAM DU SEMS PA'O; ,RANG BZHIN GYI RAB TU DBYE BA GANG ZHE NA, NGA'O SNYAM PA'I NGA RGYAL RNAM PA LNGA PO DE LA BRTEN NAS 'BYUNG BA LA SRED PA DANG, 'JIG PA LA SRID PA'O, ,'BYUNG BA LA SRED PA DE YANG CHUNG NGU DANG, 'BRING DANG, CHEN POR 'JUG GO, ,'JIG PA LA NI SO SOR BRTAGS NAS SRED PAR BYED KYI SEMS THAG PA NAS YANG DAG PAR GNAS PA MA YIN TE, DE BAS NA DE LA NI RNAM PA GSUM DU RNAM PAR GZHAG PA MED DO, ,DE LA PHYI MA LA BDAG 'BYUNG BAR 'GYUR RO SNYAM PA NI 'BYUNG BA LA SRED PA CHUNG NGU STE, SKYE MCHED DRUG PO NYID DU BDAG 'GYUR RO SNYAM PA DANG, SKYE BA MTHUN PAR MNGON PAR 'DOD PA'I SGO NAS BDAG 'DI LTA BU ZHIG TU 'GYUR RO SNYAM PA DANG, SKYE BA MI MTHUN PA MNGON PAR MI 'DOD PA'I SGO NAS BDAG NI GZHAN DU 'GYUR RO SNYAM PA DANG, GAL TE SNGON GYI LUS DE 'DOD PAR GYUR LA DES DE DANG MTSUNGS PAR LDAN PA'I DGE BA'I LAS 'BA' ZHIG KYANG BYAS NA NI DE 'DI SNYAM DU SEMS TE, BDAG NI 'DI LTA BU ZHIG TU 'GYUR TE, DPER NA DA LTAR GYI BZHIN NO ZHES BYA BA DANG, GAL TE YANG MNGON PAR MI 'DOD LA DES DE DANG MI MTHUN PA'I DGE BA'I LAS 'GA' ZHIG KYANG BYAS NA NI DE 'DI SNYAM DU SEMS TE, BDAG NI GZHAN DU 'GYUR RO SNYAM PA'O, , 'JIG PA MI 'DOD NAS DE'I GNYEN POR BDAG 'BYUNG BAR GYUR CIG SNYAM PA NI SRED PA 'BRING STE, SKYE MCHED DRUG PO 'DIR BDAG GYUR CIG SNYAM PA NAS SNGA MA BZHIN DU BDAG 'DI LTAR GYUR CIG BDAG GZHAN DU GYUR CIG SNYAM PA THAMS CAD NI SRED PA 'BRING YIN PAR RIG PAR BYA'O, ,RNAM PA @280B 'DI RNAMS NYID KYIS BDAG GYUR CIG SNYAM STE, 'DOD PA DRAG POS YONGS SU ZIN PA'I SRED PA RNAM PA BZHI PO GANG YIN PA DE NI CHEN PO YIN PAR RIG PAR BYA'O, DE SRID BA RNAM PA LNGA PO DE'I RANG BZHIN GYI RAB TU DBYE BA NANG GI RTEN DANG BCAS PA LA BRTEN PA LA NI SRED PA BCO BRGYAD RNAM PAR SPYOD PA ZHES BYA'O, ,DE LA PHYI ROL GYI KHYAD PAR NI JI LTAR NANG GI SKYE MCHED DRUG LA NGA'O SNYAM PA DE BZHIN DU GZUGS RNAMS NI BDAG GI STE, GZUGS RNAMS LA BDAG DBANG BYED DO, ,DE BZHIN DU CHOS RNAMS KYI BAR DU BDAG DBANG BYED DO SNYAM DU 'DZIN PA STE, LHAG MA YANG CI RIGS PAR SNGA MA BZHIN DU RIG PAR BYA STE, BCO BRGYAD PO 'DI DAG DANG, SNGA MA RNAM PAR SPYOD PA RNAMS BSDAMS NA SUM CU RTZA DRUG TU 'GYUR RO, ,DUS KYIS RAB TU PHYE BA GANG ZHE NA, RNAM PAR SPYOD PA SUM CU RTZA DRUG PO DE DAG NYID LAS 'DAS PA DANG, MA 'ONGS PA DANG, DA LTAR BYUNG BA'I DUS KYI SGO NAS 'DI LTA STE, RAB TU DBYE BA BZHI LAS RNAM PAR SPYOD PA BRGYA RTZA BRGYAD DU 'GYUR RO, ,DE LA SPYIR NA 'DOD PA NYON MONGS PA CAN GANG YANG RUNG BA DE NI SRID PA YIN TE, DE YANG KUN 'BYUNG BA'I BDEN PAS BSDUS PAS NA RGYU'O, ,CHAGS PA'I BDAG NYID KYIS 'KHOR BA'I RGYUN PHYOGS SU 'JUG PAS NA CHU KLUNG NGO, ,YUL RNAMS LA MNGON PAR CHAGS PA'I BDAG NYID YIN PAS RNAM PAR CHAGS PA'O, ,PHUNG PO LNGA GRUB PA NAD LA SOGS PA 'BRAS BU LTA BU'I SDUG BSNGAL GYI GZHIR NGYUR PAS NA 'BRAS KYI RTZA BA'O, ,GZHI LA BAR DKA' BAS NA RNAM PAR 'BAB BA'O, , BDUD KYI 'CHID BA CHA PHRA MOR RGYU BAS NA DRA BA CAN NO, ,SRID PA'I RTZE MO MAN CHAD DU GYEN DU MTHO BAS NA 'KHRI SHING NGO, ,MI NGOMS PAR BYED PAS NA SKOM PA'O, ,DE LTA BU'I MTSAN NYID KYI SRED PA DES SKYE DGU 'DI KUN NAS DKRIS PA NI G-YOGS PA'O, ,BAG LA NYAL GYI SGO NAS NI BSGRIBS PA'O; ,KUN NAS DKRIS PA DANG BAG LA NYAL DE NYID SHAS CHE BA'I SGO NAS NI GYEN DU MTHO BA'O, ,CHUNG NGU DANG 'BRING GI SGO NAS NI YONGS SU MTHO BA'O, ,'DOD PA'I SRED PAS SHES BYA BA LA RMONGS PAR BYAS PAS NA BKAB PA'O, ,GZUGS KYI SRED PAS SHES BYA LA RMONGS PAR BYAS PAS NA BSKOR @281A *, ,BA'O; ,GZUGS MED PA'I SRED PAS SHES BYA LA RMONGS PAR BYA BAS KUN NAS BSKOR BA STE, DPER NA MI GSUM ZHIG YOD LA GCIG NI LONG BA, GNYIS PA NI MIG BTZUMS, GSUM PA NI MIG PHYER ZIN KYANG RAB RIB TU GYUR TE, DE LA DANG POS NI THAMS CAD KYI THAMS CAD DU CHUNG NGU YANG CUNG ZAD KYANG MI MTHONG NGO, ,GNYIS PAS NI ZLA 'OD TZAM DU CUNG ZAD MTHONG NGO, ,GSUM PAS NI GZUGS RNAMS MTHONG MOD KYI, DE'I MIG DRI MA MED PA MA YIN TE, DES NA LEGS PAR MI MTHONG BA DE BZHIN DU GO RIMS BZHIN DU BKAB PA DANG, BSKOR BA DANG KUN NAS BSKOR BAR RIG PAR BYA'O, ,CHOS KYI 'KHOR LO BSKOR BA NI RNAM PA LNGAS LEGS PAR BSKOR BAR RIG PAR BYA STE, LNGA GANG ZHE NA, BCOM LDAN 'DAS BYANG CHUB SEMS DPAR GYUR PA NA GANG LA DMIGS NAS BRNYES PAR BYAS PAS BRNYES PA DANG, THABS GANG GIS BRNYES PA DANG; BRNYES PAR BYA BA GANG YIN PA DE DANG, BRNYES PAR BYA BA DE YANG GZHAN GYI RGYUD LA NGES PAR BSKYED PA DANG, NYID KYIS THUGS SU CHUD PA LA YID CHES PA SKYES PA DANG, GZHAN DAG KYANG GZHAN GYIS RTOGS PA LA YID CHES PA BSKYED PA'O, ,DE LA DMIGS PA NI 'PHAGS PA'I BDEN PA BZHI YIN TE 'PHAGS PA'I BDEN PA BZHI PO RNAMS NI SNGA MA BZHIN DU 'DI LTA STE NYAN THOS KYI SA LAS MDO DANG RGYAS PAR RNAM PAR GZHAG PA BZHIN DU RIG PAR BYA'O, ,DE LA THABS NI 'PHAGS PA'I BDEN PA DE DAG LA LAN GSUM DU BZLAS TE, RNAM PA BCU GNYIS KYIS YE SHES TE, MNGON PAR RTOGS PA'I TSE BYANG CHUB SEMS DPA' 'DI NI SDUG BSNGAL 'PHAGS PA'I BDEN PA YIN NO ZHES BYA BA NI 'PHAGS PA'I LAM YIN NO ZHES BYA BA'I BAR DU MTHONG BAS SPANG BAR BYA BA'I NYON MONGS PA RNAMS SPANG BA'I PHYIR, MNGON SUM GYI YE SHES GANG YIN PA DE NI 'PHAGS PA'I SHES RAB KYI MIG SKYES PA YIN NO, , DE YANG 'DAS PA DANG DA LTAR DANG MA 'ONGS PA'I BYE BRAG GIS GO RIMS BZHIN DU SHES PA DANG RIG PA DANG BLO ZHES BYA'O, ,DE LTAR GYUR BA DE'I SLOB PA'I GONG NA BDAG GIS YONGS SU MA SHES PAR YONGS SU SHES PAR BYA BA SDUG BSNGAL GYI BDEN PA DANG, SPANG BAR BYA BA MA SPANGS PA KUN 'BYUNG BA'I BDEN PA DANG, @281B MNGON SUM DU BYA BA MNGON SUM DU MA BYAS PA'I 'GOG PA'I BDEN PA DANG, BSGOM PAR BYA BA MA BSGOMS PA'I LAM GYI BDEN PA YOD DO SNYAM DU SHES RAB KYIS RTOGS PA NI LAN GNYIS SU BZLAS PA STE, SNGA MA BZHIN DU RNAM PA BZHIR RIG PAR BYA'O, ,MI SLOB PAR GYUR BA'I NI THAMS CAD BYAS ZIN PA YIN TE BDAG GIS BYAS ZIN TO SNYAM NAS ZAD PA SHES PA DANG, MI SKYE BA SHES PA BRNYES PA NI LAN GSUM DU BZLAS PA STE, SNGA MA BZHIN DU RNAM PA BZHIR RIG PAR BYA'O, ,KHYAD PAR NI 'DI YOD DE, RNAM PA BZHI BZLAS PA SNGA MA GNYIS NI SLOB PA'I 'PHAGS PA'I SHES RAB KYI MIG GO, , PHYI MA SHOS NI MI SLOB PA'O, ,BRNYES PAR BYA BA BRNYES PA NI BLA NA MED PA YANG DAG PAR RDZOGS PA'I BYANG CHUB YIN PAR RIG PAR BYA'O, ,GZHAN GYI RGYUD LA NGES PAR BSKYED PA DANG, NYID KYIS THUGS SU CHUD PA LA YID CHES PA BSKYED PA NI 'DI LTA STE, TSE DANG LDAN PA KUN SHES KOOndI N+YA BCOM LDAN 'DAS LAS THOS NAS THOG MAR 'PHAGS PA'I BDEN PA BZHI'I CHOS KUN SHES PAR GYUR TE, DRIS NA YANG BDAG GIS CHOS KUN 'TSAL TO ZHES SMRAS PA DANG, DE'I 'OG TU YANG SNGA MA BZHIN DU MTHAR THUG PA'I RNAM PA DAG GI LNGA CHAR GYIS DGRA BCOM PA NYID THOB STE, RNAM PAR GROL BA'I YE SHES KYANG BSKYED PA LTA BU'O, ,DE LA GZHAN DAG KYANG GZHAN GYIS RTOGS PA LA YID CHES PA BSKYED PA NI 'DI LTA STE, BDAG GIS CHOS KUN SHES SO ZHES KUN SHES KOOndA N+YA'I 'JIG RTEN PA'I SEMS SKYES PA YANG RIG PA KUN SHES KOOndI N+YAS CHOS KUN SHES PAR GYUR TO SNYAM DU DE BZHIN GSHEGS PA'I 'JIG RTEN PA'I DGONGS PA SKYES PA YANG RIG NAS SA LA GNAS PA'I GNOD SBYIN RNAMS KYIS SGRA BRJOD NAS SKAD CIG YUD TZAM THANG CIG DE NYID LA, TSANGS PA'I 'JIG RTEN GYI BAR DU SGRA GRAG PAR GYUR TE, BCOM LDAN 'DAS KYIS KYANG KUN SHES KOOndI N+YA'I RGYUD LA KUN SHES PA'I CHOS NYID MTHUN PAR BSKOR LA, DE YANG GZHAN DAG LA MTHUN PAR BSKOR BAR 'GYUR BA DANG, DE DAG KYANG GZHAN DAG LA MTHUN PAR BSKOR BAR 'GYUR TE, DE BAS NA GCIG NAS GCIG TU BRGYUD DE MTHUN PAR BSKOR BA'I DON GYI 'KHOR LO ZHES BYA'O, ,YANG DAG PA'I LTA BA LA SOGS @282A *, ,PA'I CHOS KYI RANG BZHIN YIN PAS NA CHOS KYI 'KHOR LO'O, ,'DI LTA STE, 'DI LTAR TSANGS PA ZHES BYA BA 'DI NI DE BZHIN GSHEGS PA DGRA BCOM PA'I TSIG BLA DAGS YIN TE, DE BAS NA DES BSKOR BA LA TSANGS PA'I 'KHOR LO ZHES BYA'O, ,'PHAGS PA'I BDEN PA BZHI MNGON PAR MA RTOGS PA MNGON PAR RTOGS PAR BYA BA LA NI SBYOR BA RNAM PA BZHI YOD PAR RIG PAR BYA STE, MA THOB PA THOB PAR BYA BA'I PHYIR DAD PA DANG, DAD PA'I SGO NAS 'DUN PA DANG, SNYING THAG PA NAS 'DUN PA'I SGO NAS BRTZON 'GRUS BRTUN PA DANG, BRTZON 'GRUS BRTZAMS PA DE YANG THABS DANG BCAS PA'O, ,DE LA DAD PA NI MNGON PAR YID CHES PA'O, ,'DUN PA NI THOB PAR 'DOD PA'O, ,BRTZON 'GRUS NI SNGA MA BZHIN DU RNAM PA LNGA STE, MTHU DANG LDAN PA DANG, BRTZON 'GRUS DANG LDAN PA DANG, SPRO BA DANG LDAN PA DANG, RTUL PHOD PA BRTAN PA DANG, BRTZON PA MI 'DOR BA'O, ,THABS NI BAG YOD PAR BYA BA'I PHYIR BRJED NGAS PA MED PA'I MTSAN NYID KYI DRAN PA DANG, BAG MED PA LA NYES DMIGS SU SHES SHING YONGS SU GCOD PA'I MTSAN NYID KYI SHES BZHIN DANG, DE GNYIS KYIS YONGS SU ZIN PA'I BAG YOD PA STE; NYON MONGS PA CAN GYI CHOS RNAMS LAS SEMS KUN DU SRUNG BA DANG, DGE BA BSGOM PA LA RTOG PA'O, ,NAD LTA BU NI SDUG BSNGAL 'PHAGS PA'I BDEN PA'O, ,NAD KUN NAS SLONG BA LTA BU NI KUN 'BYUNG BA'I BDEN PA'O, ,NAD BYUNG BA SPANGS NAS NAD MED PAR GYUR BA LTA BU NI 'GOG BA'I BDEN PA'O, ,NAD SPANGS NAS PHYIS MI SKYE BA LTA BU NI LAM GYI BDEN PA STE, NAD PAS NI SMAN PA LAS DE TZAM ZHIG BTZAL BAR BYA BAR ZAD DO, ,SMAN PAS KYANG DE TZAM ZHIG BSTAN PAR BYA BAR ZAD DO, ,DE BAS NA 'PHAGS PA'I BDEN PA NI LNGAR MED DE, DE BZHIN GSHEGS PA SRED PA'I ZUG RNGU 'BYIN PA CHEN PO BLA NA MED PA YANG DE TZAM ZHIG STON PAR ZAD DO, ,BDEN PA SHES PA LA MA PHYOGS PA DANG, MNGON PAR RTOGS PA DANG, MI LDAN PA'I DGE SBYONG DANG, BRAM ZE RNAMS LA NI RTAGS DANG NYES DMIGS BCU YOD PAR RIG PAR BYA STE, YANG DAG PA'I DGE SBYONG RNAMS KYI @282B YID LA DGE SBYONG DU MI 'DZIN PA DANG, TSIG GIS DGE SBYONG ZHES MI BGRANG BA DANG, YANG SRID PAR SKYE BA'I SKYE BA LA SOGS PA'I SDUG BSNGAL LAS THAMS CAD KYI THAMS CAD DU YONGS SU MA GROL BA DANG, DE BZHIN DU NGAN SONG RNAMS LAS YONGS SU MA GROL BA DANG, BSLAB PA 'BUL BA'I RGYUR 'GYUR BA DANG, 'JIG RTEN LAS 'DAS PA'I MI'I CHOS 'DI LTA STE, LAM MAM, LAM GYI 'BRAS BU MYA NGAN LAS 'DAS PA MNGON SUM DU BYED PA'I SKAL BA MED PA DANG, BDE 'GROR 'GRO BA'I SGO NAS SLOB PA DANG MI SLOB PA SPANGS TE, 'DI LAS PHYI ROL TU YON GNAS GZHAN TSOL BA'I RGYUR GYUR BA DANG, MYA NGAN LAS 'DA' BAR 'GRO BA'I SGO NAS DE BZHIN GSHEGS PA SPANGS TE, 'DI LAS PHYI ROL BA'I STON PA TSOL BA'I RGYUR 'GYUR BA DANG, PHYIR MI 'ONG BAS SDUG BSNGAL BA'I YANG SDUG BSNGAL BA LAS YANG DAG PAR 'DA' BA DANG, TSE 'DI LA KUN SHES PAS PHUNG PO'I LHAG MA DANG BCAS PA NAS, SDUG BSNGAL THAMS CAD LAS YONGS SU GROL BAR 'GYUR BA'I SKAL BA MED DO, ,DE LAS BZLOG PA NI BDEN PA SHES PA LA MNGON DU PHYOGS PA DANG, MNGON PAR RTOGS PA DANG LDAN PA RNAMS KYI RTAGS DANG PHAN YON YIN PAR RIG PAR BYA'O, ,BDEN PA SHES PA LA MNGON DU PHYOGS SHING MNGON PAR RDZOGS PAR 'TSANG RGYA BAR 'DOD PA RNAMS KYI NI 'PHAGS PA'I BDEN PA BZHI'I SGO NAS 'THOB PA'I GNAS DANG, 'THOB PA DANG, 'THOB PA'I GNAS KYANG RIG PAR BYA STE, DE LA DAD PAS LEGS PAR GSUNGS PA'I CHOS 'DUL BA LA RAB TU BYUNG BA NI 'THOB PA'I GNAS SO, ,DGE SBYONG GI TSUL GYI 'BRAS BU BZHIS BSDUS PA NYAN THOS KYI BYANG CHUB DANG, RANG SANGS RGYAS DANG, BLA NA MED PA'I BYANG CHUB GSUM PO 'DI DAG NI 'THOB PA YIN PAR RIG PAR BYA'O, ,SNGA MA BZHIN DU LAN GSUM DU BZLAS PA'I GO RIMS BZHIN DU SHES PA DANG; MTHONG BA DANG, MNGON PAR RTOGS PA NI THABS YIN PAR RIG PAR BYA'O, ,MNGON PAR RTOGS PA'I TSE 'DI NI BDEN NO SNYAM PA NI SHES PA'I GNAS SKABS SO, ,BDEN PA DE'I GONG DU PHYIR ZHING BDAG GIS YONGS SU SHES PAR BYA BA NAS BSGOM PAR BYA BA'I BAR DU MTHONG BA NI MTHONG @283A *, ,PA'I GNAS SKABS SO, ,MI SLOB PA'I SA LA BDAG GIS YONGS SU SHES ZIN TO ZHES BYA BA NAS MNGON SUM DU BYAS ZIN TO ZHES BYA BA'I BAR DU NI MNGON PAR RTOGS PA'I GNAS SKABS SO, ,RNAM GRANGS GZHAN YANG MI SLOB PA'I ZAD PA DANG, MI SKYE BA'I YE SHES DANG RNAM PAR GROL BA'I YE SHES KYIS BSDUS PA NI SHES PA'I GNAS SKABS SO, ,MI SLOB PA DE NYID KYIS RNAM PAR GROL BA'I YE SHES DANG LDAN PA'I YANG DAG PA'I LTA BA NI MTHONG BA'O, ,RGYUN DU ZHUGS PA'I 'BRAS BU NAS BZUNG STE, SLOB PA'I SHES RAB THAMS CAD NI MNGON PAR RTOGS PA YIN PAR RIG PAR BYA'O, ,BDEN PA SHES PA'I LAS DANG MTSAN NYID NI RNAM PA DRUG TU RIG PAR BYA STE, 'DI LTA STE, SDUG BSNGAL GANG BDEN PA MTHONG BAS SPANGS PA'I SDUG BSNGAL YANG DAG PAR ZAD PAR 'GYUR BA'I THOG MAR 'GRO BA DANG, SDUG BSNGAL GANG DGRA BCOM PAS SPANGS PA'I SDUG BSNGAL MTHAR THUG PA BYA BA'I THOG MAR 'GRO BA STE, NYI MA 'CHAR BA'I SKYE RENGS DANG PO DANG 'DRA'O, ,DE BZHIN DU 'JIG RTEN NA MA RIG PA'I MUN PA CHEN PO'I GNYEN PO'I TSUL GYIS SNANG BA LTA BUR SEL BAR BYED DO, ,DE BZHIN DU 'DI NA KHA CIG BDEN PA SHES PA LA BRTEN NAS, KUN DU SBYOR BA GSUM SPANGS TE, DE'I RJES LA BRJED NGAS PA'I PHYIR 'DOD PA'I 'DUN PA DANG, GNOD SEMS GNYIS KYIS KUN NAS NYON MONGS PA CAN DU 'GYUR MOD KYI, 'ON KYANG GANG GI TSE BAG YOD PA LA BRTEN NAS BSAM GTAN DANG PO LA SNYOMS PAR 'JUG PA NA DE BDEN PA SHES PA DE NYID KYI RJES THOGS SU PHYIR MI 'ONG BAR 'GYUR TE, PHYI ROL BA'I 'DU SHES MED 'DU SHES MED MIN SKYE MCHED LA SNYOMS PAR 'JUG PA LAS KHYAD PAR DU 'PHAGS TE PHYIR MI LDOG PA'I CHOS CAN YIN PA'I PHYIR, DE LTAR NA BDEN PA SHES PA NI BYED PA RGYA CHE ZHING 'BRAS BU RGYA CHE BA YIN NO, ,DE LA 'DAS PA'I 'DU BYED SKYES ZIN PA GANG YIN PA RNAMS DANG, DA LTAR SKYES PA GANG YIN PA RNAMS DANG, MA 'ONGS PA NA SKYE BAR 'GYUR BA GANG YIN PA DE DAG THAMS CAD NI KUN 'BYUNG BA'I CHOS CAN ZHES BYA BA STE, DE DAG THAMS CAD KYANG MI RTAG PA NYID KYI 'GAG PAS 'GOG PA'I CHOS @283B KYIS 'GAGS SO, ,'GAG TU CHA'O 'GAG PAR 'GYUR RO, ,GZHAN YANG BDEN PA SHES PA 'THOB PA NI RDO'I MCHOD SDONG LEGS PAR BTZUGS PA BZHIN DU PHA ROL SMRA BA RNAMS KYIS BSKYOD PAR MI NUS TE, MI 'PHROGS SHING GZHAN GYI DRING MI 'JOG LA GZHAN GYIS BKRI BAR MI 'GYUR TE, CI 'DI DAG JI SKAD ZER BA BZHIN DU BDAG GIS MNYAM PAR BYA'AM SNYAM DU GZHAN DAG GI NGOR LTA BAR MI 'GYUR RO, ,NGOR RTOG PAR YANG MI 'GYUR TE, GANG DE DAG LAS THOS PA DANG, KHA NAS BYUNG BA DE SEMS PA DANG, 'JAL BA DANG NYE BAR RTOG PAR MI BYED DO, ,GZHAN DAG CES BYA BA NI 'DI LAS PHYI ROL BA'I DGE SBYONG DANG BRAM ZE RNAMS YIN PAR RIG PAR BYA'O, ,GZHAN YANG BDEN PA SHES PA RIM GYIS BYUNG BA BZHI PO MTHA' DAG GIS BDEN PA MNGON PAR RTOGS PAR 'GYUR GYI, GANG YANG RUNG BA MA TSANG BAS NI MA YIN NO, ,DE LA 'PHAGS PA NYAN THOS BLA NA MED BA'I SHES RAB KYI 'TSO BA DANG LDAN PA RNAMS NI 'DOD PA LA LONGS SPYOD PA RNAMS KYI G-YOS SU BYAS PA LTA BUR MNGON PAR RTOGS PA YONGS SU BYAS PA DANG 'DRA BA DE LA BRTEN NAS 'TSO BAR BYED DO, ,SDUG BSNGAL LA SOGS PA'I SHES PA MA TSANG BA'I SHES PA GSUM PA NI LDUM BU SHA MA'I LO MA LTA BU YIN NO, ,DE MA YIN PA RIM GYIS YANG DAG PAR BSGRUBS PA SHES PA BZHI PO THAMS CAD YONGS SU RDZOGS PA NI SHING S'A LA'I 'DAB MA LTA BU YIN PAR RIG PAR BYA'O, ,GZHAN YANG BDE BA DANG BCAS SHING YID BDE BA DANG BCAS PAS YANG DAG PA'I DON RTOGS PA DANG, LUS DANG SEMS SHIN TU SBYANGS PA'I PHYIR BDEN PA SHES PA RNAMS KYIS BDEN PA MNGON PAR RTOGS PAR 'GYUR TE, DE LA SEMS CAN DMYAL BAR SKYES PA RNAMS KYI SDUG BSNGAL BA NI RNAM PA GNYIS TE, MES SREG PA'I SDUG BSNGAL BA DANG, GNOD PA'I SDUG BSNGAL BA'O, ,DE GNYI GA DANG, TSE RABS DU MA'I MI BZAD PA YANG BDEN PA SHES PA MED PA'I PHYIR THOB PAR 'GYUR RO, ,BDEN PA SHES PAS NI YANG DAG PAR 'DA' BAR 'GYUR RO, ,BDEN PA SHES PA DE YANG GAL TE MES SREG PA'AM, GNOD PAS NYEN PA DRAG PO DANG PHRAD NA NI, TSE 'DI LA LUS GCIG CHUD ZOS PA @284A *, ,TZAM GYIS THOB PAR 'GYUR TE, LUS BRGYA CHUD ZOS NA YANG YID DGA' BAR GYUR BAS NYAMS SU BLANG BAR BYA NA, GCIG LTA CI SMOS, BDEN PA RTOGS PAR BYA BA LA NI BAR DU GCOD PA RNAM PA BZHI YOD PAR RIG PAR BYA STE, 'DI LTA STE, MA DAD PA DANG, MNGON PA'I NGA RGYAL CAN DANG, DUS GZHAN DU LTOS PA DANG BAG MED PA'O, ,DE LA MA DAD PA NI BDEN PA MNGON PAR RTOGS PA LA YID MI CHES PA DANG, DGE 'DUN GYI SHIN TU NAN TAN DU BSGRUB PA DANG, SANGS RGYAS RNAMS KYI BYANG CHUB LA YID MI CHES PA'O, ,DE LA MA DAD PA DANG PO SPANG BAR BYA BA'I PHYIR NI BCOM LDAN 'DAS NYID KYIS BDEN PA MNGON PAR RTOGS PA MNGON SUM DU GYUR BA LAS DPER BLANGS TE, NYAN THOS RNAMS LA, 'DI SKAD DU NGAS 'PHAGS PA'I BDEN PA BZHI MNGON PAR RTOGS PA'I PHYIR BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS SO ZHES GSUNGS SO, ,MA DAD PA GNYIS PA SPANGS SBAR BYA BA'I PHYIR NI 'DI SKAD DU NGA DANG KHYED KYIS BDEN PA DE DAG MA RTOGS PA'I PHYIR, YUN RING PO NAS 'KHOR BA NAS 'KHOR BAR GYUR TO, ,DA NI KHO BO DANG NI KHYED RNAMS KYIS BDEN PA DE RNAMS TSUL BZHIN DU YID LA BYED PAS RTOGS SHING YANG DAG PA'I LTA BAS KHONG DU CHUD DE KHONG DU CHUD PAS NA RGYU ZAD PA'I PHYIR, SKYE BA'I 'KHOR BA RNAM PAR ZAD, ,THA MA'I LUS 'DZIN PAS, DA NI YANG SRID PAR SKYE BA MED DO ZHES GSUNGS SO, ,DE LA MA DAD PA GSUM PA NI SANGS RGYAS RNAMS KYI BYANG CHUB LA RNAMS PA 'DI LTA BUR 'JUG STE, GAL TE DGE SBYONG GOO TA MA THAMS CAD MKHYEN PA YIN NA, CI'I PHYIR DRIS NA, KHA CIG NI LAN 'DEBS PAR BYED, KHA CIG NI LAN 'DEBS PAR MI BYED SNYAM PA'I MA DAD PA DE SPANG BAR BYA BA'I PHYIR NI SHING SHA BA'I LO MA PHYAG NA 'DUG PA DANG, SA LA LHAGS PA'I DPES BSTAN TE, 'DI SKAD DU NGAS CHOS MANG PO MNGON PAR SANGS RGYAS MOD KYI DON DANG MI LDAN PA NI MANG, DON DANG LDAN PA NI NYUNG BA'I PHYIR GZHAN DAG LA NYUNG DU BSTAN TO ZHES GSUNGS TE, DE BAS NA MI MKHYEN PA'I PHYIR LAN MI 'DEBS PA MA YIN TE, DON DANG MI LDAN PA'I PHYIR YIN PAR @284B RIG PAR BYA'O, ,DE LA BDEN PA MNGON PAR RTOGS PA LA MNGON PA'I NGA RGYAL CAN RNAMS KYI MNGON PA'I NGA RGYAL SPANG BA'I PHYIR NI 'DI SKAD DU, MDAS MDA'I LTONG NAS LTONG DU PHOG PA DANG, SKRA DUM BU BRGYAR GTUBS PA LA RGYANG RING PO NA 'DUG PA'I MIS RTZE MOS RTZE MOR PHOG PAR BYA BA NI CHES CHA PHRA BAS NA SHIN TU DKA'O ZHES GSUNGS TE, DE BAS KYANG BDEN PA RTOGS PA NI CHES DKA'O, ,DE CI'I PHYIR ZHE NA, 'DI LTAR 'DZIN PA'I YID LA BYED PA DE NYID KYIS 'DZIN PA DE NYID RTOGS TE, MGO MNYAM KHO NAR DMIGS PAR BYA BA DANG, DMIGS PA PO'I SHES PA BSKYED NAS BDEN PA RTOGS PAR 'GYUR BA'I PHYIR TE, DE BAS NA DE NI SHIN TU CHA PHRA ZHING SHIN TU DKA' BA YIN GYI MDA' GZHAN GYIS GZHAN DANG, SKRA'I RTZE MO GZHAN GYIS GZHAN LA PHOG PAR BYA BA NI DE LTA MA YIN NO, ,DUS GZHAN DU LTOS PA DANG, SPANG BAR BYA BA'I PHYIR NI, BCOM LDAN 'DAS KYIS 'DI SKAD DU; LOG PAR LTUNG BAR GYUR BA LAS MIR 'GYUR BA DKON NO ZHES GSUNGS TE, RUS SBAL ZHAR BA'I DPE YANG BSTAN TO, ,DE LA BAG MED PA GANG ZHE NA, MDOR BSDU NA LOG PA'I SEMS DANG, RTOG PA DANG, GTAM MO, ,BSAM PAR MI BYA BA'I GNAS LA SEMS PA NI LOG PA'I SEMS YIN PAR RIG PAR BYA'O, ,DE LA BDAG NYID LAS SEMS PA NI 'DAS PA'I DUS NA BDAG BYUNG NGAM MA BYUNG ZHIG GU SNYAM PA NAS MA 'ONGS PA NA ZHES BYA BA'I BAR DU RGYAS PAR SBYAR TE, NANG DU THE TSOM ZA ZHING, BDAG JI ZHIG LAS JI ZHIG TU 'GYUR, SEMS CAN 'DI GA LAS 'ONGS 'DI NAS SHI 'PHOS NAS NI GANG DU 'GRO BAR 'GYUR ZHIG GU SNYAM PA'O, ,'JIG RTEN LA SEMS PA NI 'JIG RTEN RTAG GO ZHES BYA BA NAS RGYAS PAR SBYAR TE DE BZHIN DU 'JIG RTEN NI MTHA' DANG LDAN NO ZHES BYA BA NAS RGYAS PAR SBYAR RO, ,SEMS CAN LA SEMS PA NI SROG KYANG DE YIN LA LUS KYANG DA YIN NO ZHES BYA BA NAS RGYAS PAR SBYAR RO, ,SEMS CAN RNAMS KYI LAS KYI RNAM PAR SMIN PA LAS SEMS PA NI DE NYID BYED LA DE NYID KYIS NYAMS SU MYONG NGO ZHES BYA BA NAS RGYAS PAR SBYAR RO, ,BSAM GTAN PA RNAMS DANG, SANGS RGYAS RNAMS KYIS BSAM GTAN PA'I YUL DANG DE BZHIN 'ONGS PA @285A *, ,SHI PHAN CHAD MED PAR 'GYUR RO ZHES BYA BA NAS RGYAS PAR SBYAR RO, ,DE DAG NI KUN RDZOB PA DANG DON DAM PA LA MKHAS PA YIN LA DE DAG THAMS CAD KYANG RGYU RNAM PA GNYIS KYIS BSAM PAR BYA BA MA YIN TE, BSAM PA'I YUL MA YIN PA DANG, GZHI YANG MED PA'I PHYIR RO, , BSAM PA'I YUL MA YIN PA'I GZHI LA SEMS KYIS YONGS SU TSOL BAR BYED PA'AM, THAMS CAD KYI THAMS CAD DU GZHI MED PA YONGS SU TSOL BAS NA RNYED PAR MI 'GYUR TE, SEMS KUN NAS RMONGS PAR 'GYUR BAR ZAD DO, ,DE LA TSUL BZHIN MA YIN PA'I BSAM PAR BYA BA SEMS PA LA ZHUGS PA NI BRGYA LA 'GA' ZHIG RGYU'I STOBS DANG LDAN TE, SKYO BA'AM SKYO BA DANG MTSUNGS PAR LDAN PA YID LA BYED PA DANG, YANG DAG PA LA DMIGS PA NANG DU KUN DU SPYOD DU ZIN KYANG, DE NI DE LA YANG NYES PAR LTA ZHING YANG DAG PA MA YIN PAR 'DU SHES PAR 'GYUR TE, DE LTA NA 'JIG RTEN LA SEMS PA NI DON DANG LDAN PA MA YIN NO, ,LOG PA'I RTOG PA NI 'DOD PA'I RTOG PA LA SOGS PA YIN PAR RIG PAR BYA'O, ,DE LA LOG PA'I GTAM NI RNAM PA DRUG TU RIG PAR BYA STE, 'DI LTA STE, PHYIN CI LOG GIS GTAM DANG, DON MED PA'I GTAM DANG, NYES RTZOM GYIS GTAM DANG, GZHAN DAG GI BZANG NGAN RNAM PAR 'BYED PA'I GTAM DANG, BZOS 'TSOL BA RNAM PAR 'BYED PA'I GTAM DANG, ZAS LA ZHEN PA'I GTAM STE 'DI NI BAG MED PA ZHES BYA'O, ,BAG MED PA DE SPANG BAR BYA BA'I PHYIR NI GANG ZAG SHIN DU SKAL BA DANG LDAN PA RNAMS LA DE BZHIN GSHEGS PA NYID YANG DAG PAR BSKUL BAR MDZAD DE BAG MED PA MYUR DU SPONG DU GZHUG PA'I PHYIR RO, ,BCOM LDAN 'DAS KYI NYAN THOS NI DE LTAR BDEN PA MNGON PAR RTOGS PA'I BAR DU GCOD PA BZHI SPANGS NAS, RNAM PA GSUM GYIS 'PHAGS PA'I BDEN PA RNAMS 'CHAD PAR BYED DE; THOS PA LAS BYUNG BA'I SHES RAB KYIS NI TSIG GI SGO NAS SO, ,BSAMS PA LAS BYUNG BAS NI DON GYI SGO NAS SO, ,BSGOMS PA LAS BYUNG BAS NI RTOGS PA'I SGO NAS SO, ,DE LA THOS PA LAS BYUNG BAS NI JI LTAR THOS PA BZHIN DU 'DI NI SDUG BSNGAL 'PHAGS PA'I BDEN PA YIN NO @285B ZHES BYA BA NAS RGYAS PAR SBYAR TE 'CHAD PAR BYED DO, ,BSAMS PA LAS BYUNG BAS NI DON GYI SGO NAS BDEN PA 'DI NI 'PHAGS PA RNAMS KYI YIN TE DE BAS NA 'PHAGS PA'I BDEN PA YIN NA SNYAM NAS 'CHAD PAR BYED DO, ,DE LA CHOS NYID KYIS KYANG DE KHO NA NYID KYI DON DU BDEN LA, MOS PA'I SGO NAS KYANG BDEN TE, GANG DE KHO NA'I DON DE LA BDEN PAR MOS PA YIN NO, ,DE LA BYIS PA RNAMS NI CHOS NYID KHO NA'I SGO NAS BDEN PA YIN GYI MOS PA'I SGO NAS NI MA YIN NO, ,'PHAGS PA RNAMS NI GNYIS KA'I SGO NAS BDEN PA YIN TE, DE BAS NA 'DI NI 'PHAGS PA'I BDEN PA ZHES BYA'O, , DE LA BSGOMS PA LAS BYUNG BA'I SHES RAB KYIS NI BDEN PA RNAMS LA BDAG NYID KYIS MNGON SUM DU BDEN PA SHES PA THOB PA NAS, SHES NAS DAD PA THOB PA YIN TE, DE BAS NA BDEN PA RNAMS DANG, DKON MCHOG RNAMS LA SOM NYI MED DE, BDEN PA SHES PA DANG, SHES NAS DAD PAS GCIG LA GCIG BRTEN CING, GCIG GANG NA YOD PA DE NA CIG SHOS KYANG YOD PA'I PHYIR RO, ,BDEN PA SHES PA DANG BRAL ZHING BDEN PA RNAMS MNGON PAR RTOGS PA DANG MI LDAN PA'I DGE SBYONG DANG BRAM ZE RNAMS LA NI NYES DMIGS BZHI YOD PAR RIG PAR BYA STE, BZHI GANG ZHE NA, 'OG MA'I CHAR 'GOR BA'I NGAN SONG DU SKYE BA'I RTZA BA LAS BYUNG BA'I 'DU BYED RNAMS LA MNGON PAR DGA' BA DANG, DE DANG LDAN PA'I LAS KYANG BYAS NAS NGAN SONG DAG TU SKYE BA'I G-YANG SAR LTUNG BA DANG GZHAN YANG 'DOD PA NA SPYOD PA'I LHA DANG MI RNAMS KYI NANG DU NYON MONGS PA MANG POS YONGS SU GDUNGS PA'I SKYE BA'I RTZA BA LAS BYUNG BA RNAMS LA MNGON PAR DGA' LA DE DANG LDAN PA'I LAS KYIS KYANG DER SKYES NAS SKYE BA'I YONGS SU GDUNG BA CHEN POS YONGS SU GDUNGS PA DANG, GZHAN YANG GZUGS DANG GZUGS MED PA DANG MTSUNGS PAR LDAN PA'I MA RIG PA'I MUN PA'I KUN NAS DKRIS PA RNAMS SU SNGA MA BZHIN DU SKYE BA'I RTZA BA LAS BYUNG BA NAS RGYAS PAR SKYE BA'I MUN PA'I BAR DU YANG LTUNG BAR 'GYUR BA DANG, GZHAN YANG YUL GYI LONGS SPYOD LAS KYANG NYAMS LA, MYA NGAN LAS 'DAS IPA'I LAM LAS KYANG NYAMS TE, BAR MA DOR 'JIG RTEN GYI LAM GSUSM DU LHUNG BA BZHIN DU LTA @286A *, ,BA'I MUN PA 'DI LTA STE, RTAG PAR LTA BA'AM, CHAD PAR LTA BA'AM, TSE 'DI LA MYA NGAN LAS 'DA' BAR LTA BAR LHUNG NAS DE'I RGYU DE DANG DE'I RKYEN DES KHAMS GSUM GYI SKYE BA'I MUN PAR LTUNG BAR 'GYUR TE, MA RIG PA'I MUN PAS BSGRIBS PA'I PHYIR BDAG NYID KYI LTA BA BZUNG BA LA LOG PA YIN PAR YANG DAG PA JI LTA BA BZHIN DU MI MTHONG NGO, ,SNGA MA BZHIN DU YAN LAG LNGAS YONGS SU ZIN PA'I SPONG BA LA NI BDEN PA RNAMS YANG DAG PA JI LTA BA BZHIN DU SNANG BAR 'GYUR BAR RIG PAR BYA'O, ,BDEN PA RNAMS LA MI MKHAS PA KHA CIG NI LAS GNAG LA RNAM PAR SMIN PA YANG GNAG PA SEMS CAN DMYAL BA DANG DUD 'GRO DANG YI DAGS SU SKYE BAR 'GYUR BAR BYED CING SOGS TE, DE DAG LAS DER 'PHANGS NAS KHAR BA'I DRUNG LTA BU'I SEMS CAN DMYAL BA RNAMS DANG, DBUS LTA BU'I DUD 'GRO RNAMS DANG, THOR THO LTA BU'I YI DAGS RNAMS SU LTUNG BAR 'GYUR RO, ,DE BZHIN DU LAS DKAR NAG 'DRES LA RNAM PAR SMIN PA YANG DKAR NAG 'DRES PA BYAS SHING BSAGS NAS, LAS 'DRES MA DES 'PHANGS TE, KHAR BA LTA BUR MI GTZANG BA DANG 'DRA BA'I NGAN 'GRO'AM, GTZANG BA DANG 'DRA BA'I BDE 'GRONG SKYE BAR 'GYUR BA'AM, DE BZHIN DU LAS DKAR LA RNAM PAR SMIN PA YANG DKAR BAR BYAS NAS, LAS DES 'GRO BA LNGA DANG LDAN PA'I 'KHOR BA'I LAS DANG 'BREL PA DER SKYES TE, TSE ZAD CING LAS ZAD NAS YANG GZUGS DANG GZUGS MED PA'I KHAMS NAS SHI 'PHOS TE, PHYIR LOG NAS 'GRO BA LNGA DANG LDAN PA'I 'KHOR BAR 'KHOR LO DUM BU LNGA PA LTA BUR YONGS SU 'KHOR RO, ,KHA CIG NI 'JIG RTEN PA'I LAM GYIS SRID PA'I RTZE MO'I BAR DU KHYAD PAR DU 'PHAGS PA GZHAN DAG KYANG STON PAR BYED MOD KYI, 'ON KYANG BSTAN PA DE NI YANG DAG PAR KHYAD PAR DU 'PHAGS PAR BYED PA MA YIN PAR RIG PAR BYA'O, ,DE CI'I PHYIR ZHE NA, KHYAD PAR DU 'PHAGS PA DE LA NI GCIG TU NGES PA MED PA'I PHYIR RO, ,DE BZHIN GSHEGS PA RNAMS KYI 'PHAGS PA'I BDEN PA DANG LDAN PA NI KHYAD PAR DU 'PHAGS PAR GCIG TU NGES PA'I PHYIR YANG DAG PAR KHYAD PAR DU 'PHAGS @286B PAR BYED PA'I BSTAN PA YIN PAR RIG PAR BYA'O, ,KHA CIG 'JIG RTEN PA'I SRID PA'I RTZE MO MAN CHAD KYI SHES PAS MKHAS PA DE DAG NI YANG DAG PAR MKHAS PA MA YIN TE, SNGA MA BZHIN NO, ,BDEN PA SHES PAS MKHAS PA GANG YIN PA DE DAG NI YANG DAG PA'I MKHAS PA YIN TE, BDEN PA SHES PA BZHI LAS BDEN PA SHES PA DANG PO NI BDEN PA RNAMS RIM GYIS MNGON PAR RTOGS PAR BYA BA LA RTZIG RMAD LTA BU'O, ,GNYIS PA NI RTZIG PA LTA BU'O, ,GSUM PA NI BLA GAB LTA BU'O, ,BZHI PA NI BLA GAB PHYUR PO LTA BU'O, ,BZHI PO DE DAG NI SHES RAB KYI KHANG BZANGS CHEN PO'I STENG DU 'GRO BA LA THEM SKAS KYI THEM PA BZHI LTA BU YANG YIN NO, ,RNAM PAR GROL BA'I MYA NGAN LAS 'DAS PA'I SKAS RNAMS KYI SKAS KYI THEM PA NI SHES PA DE DAG NYID YIN PAR RIG PAR BYA'O, ,SRED PA GSUM NI BDUD SDIG CAN GYI 'KHOR BA'I RGYA MTSO CHEN POR SKYES PA'I SROG CHAGS RNAMS BZUNG BA'I RTZOL BA LTA BU YIN TE, BDUD KYI RTZOL BA DE DAG GIS KYANG SEMS CAN RNAM PA GSUM NI GZUNG BAR MI NUS TE, DE DAG KYANG CHUNG NGU'I NI RGYUN DU ZHUGS PA RNAMS SO, ,'BRING NI DE MA YIN PA'I SLOB PA RNAMS SO, ,CHEN PO'I NI MI SLOB PA RNAMS SO, ,RGYUN LAS BZLOG PA'I LAM LA ZHUGS PA DANG; CI DGA' MGUR BYAR MED PA'I PHYIR RO, ,BDEN PA MTHONG BA'I GANG ZAG SLOB PA DANG DGRA BCOM PA'I NI NGA RGYAL LAS GYUR PA DANG, NGA RGYAL LAS BYUNG BA'I SDUG BSNGAL SPANGS PA'I PHYIR SDUG BSNGAL NYUNG NGU NI LUS PHAL CHER NI SPANGS SO, ,NGA RGYAL LAS BYUNG BA JI LTA BA DE BZHIN DU SRED PAS BSKYED PA DANG, LUS DANG NGAG DANG YID KYI LAS DANG, 'DOD CHAGS DANG, ZHE SDANG DANG, GTI MUG GIS BSKYED PA'I SDUG BSNGAL YANG NYUNG NGU NI LUS PHAL CHER NI SPANGS TE, DPER NA RDO'I GSEG MA DANG GANGS RI BZHIN TE, NGA RGYAL LAS BYUNG BA NI DE TZAM ZHIG LUS PA DANG SPANGS PAR RIG PAR BYA'O, ,DPER NA RDZING GI NANG NAS CHU'I THIGS PA GNYIS SAM GSUM PHYOGS GCIG TU BOR BA DANG, RDZING CHEN PO'I NANG NA 'DUG PA'I CHU BZHIN DU GZUGS MED PA NA SPYOD PA'I SRED PAS BSKYED PA'I SDUG BSNGAL LUS PA DANG SPANGS PA YANG DE DANG 'DRA BAR RIG PAR @287A *, ,BYA'O; ,DPER NA MTSO CHEN PO DANG LTENG KA'I DPES NI SNGA MA BZHIN DU GZUGS KYI SRID PAS BSKYED PA'I SDUG BSNGAL LUS PA DANG SPANGS PAR RIG PAR BYA'O, ,RGYA MTSO CHEN PO'I DPES NI SNGA MA BZHIN DU 'DOD PA NA SPYOD PA'I SRED PAS BSKYED PA'I SDUG BSNGAL LUS PA DANG SPANGS PAR RIG PAR BYA'O, ,GANGS RI DANG, GSER GYI RI DANG, RI RAB DANG, SA CHEN PO'I DPE DANG, GSEG MA'I DPE DRUG DANG, 'JI BA'I GONG BU'I DPES NI LUS DANG, NGAG DANG, YID KYI LAS DANG, 'DOD CHAGS DANG, ZHE SDANG DANG, GTI MUG GIS BSKYED PA'I SDUG BSNGAL SNGA MA BZHIN DU LUS PA DANG SPANGS PAR RIG PAR BYA'O, ,DE LTAR NA BDEN PA MNGON PAR RTOGS PA NI SDUG BSNGAL PHAL CHER DANG BRAL LA NYUNG NGU LUS PA'I PHYIR DON CHE BA YIN PAR RIG PAR BYA'O, ,DE LA SLOB PA'I NI LHA DANG MI RNAMS KYI NANG DU DE LTAR THOGS NA SKYE BA BDUN GYI SDUG BSNGAL LUS TE, NGAN SONG GI NI THAMS CAD LAS 'DAS SO, ,MI SLOB PA'I NI TSE 'DI'I PHUNG PO TZAM ZHIG LUS TE GZHAN THAMS CAD LAS 'DAS SO, ,LUS GANG LA GNAS PAS BDEN PA RNAMS MNGON PAR RTOGS PAR 'GYUR BA'I LUS DE YANG DKON NO, ,MIG DANG LDAN ZHING BDEN PA MTHONG BA'I SLOB PA DE DAG KYANG DKON NO, ,THOS PA LAS BYUNG BA DANG BSAMS PA DANG BSGOMS PA LAS BYUNG BA'I SHES RAB KYANG DKON TE, DES NA CHOS 'DUL BA 'DI GO RIMS BZHIN DU KUN DU SHES SHING, RNAM PAR SHES LA RAB TU SHES TE, KUN SHES PAS NI YID CHES PAR 'GYUR RO, ,RNAM PAR SHES PAS NI MOS PAR BYED DO, ,RAB TU SHES PAS NI CHOS RNAMS MNGON PAR RTOGS PAR 'GYUR RO, ,BDEN PA MNGON PAR RTOGS PA'I TSOGS SU GYUR PA'I DGE BA ZAG PA DANG BCAS PA'I CHOS 'DI LTA STE, MAR 'DZIN PA LA SOGS PA DANG, DGE PA BCU'I LAS KYI LAM DE DAG KYANG DKON NO, ,DAL BA PHUN SUM TSOGS PA YANG DKON NO, ,'JIG RTEN PA'I YANG DAG PA'I LTA BA LA SOGS PA DANG, RNAM PAR GROL BA'I YE SHES LA THUG PA MAN CHAD KYI CHOS BCU PO DE DAG KYANG DKON NO, ,SLOB PA DE DAG NYID DANG MI SLOB PA DE DAG @287B NYID KYANG DE DANG 'DRA'O, ,DE LA BYAS PA GZO BA'I SKYES BU'I GANG ZAG NI PHA MA LA BSNYEN BKUR BYA BA'I RIGS PAR YANG DAG PA JI LTA BA BZHIN DU RAB TU SHES NAS BSNYEN BKUR BYED DE, DE LTAR NA PHAR 'DZIN PA DANG, MAR 'DZIN PA YIN NO, ,BDAG LA PHAN PAR 'DOD PA'I SKYES BU GANG ZAG NI DGE SBYONG DANG BRAM ZE YON TAN CAN GZHAN DAG LA YON GNAS YIN PAR YANG DAG PA JI LTA BA BZHIN DU RAB TU SHES NAS CI RIGS PAR RI MO BYED PA 'DI NI DGE SBYONG DU 'DZIN PA DANG, BRAM ZER 'DZIN PA YIN NO, ,BRKAM CHAGS MED PA DANG, LE LO MED PA'I SKYES BU GANG ZAG NI BU DANG CHUNG MA DANG BRAN DANG BRAN MO LA SOGS PA BU SNAD KYI 'KHOR LA 'DI DAG NI BDAG LA BRTEN PA STE, BDAG DPUNG GNYEN YIN PAS NA BDAG GI BDE BAS NI BDE LA BDAG GIS SDUG PAS NI SDUG PAR 'GYUR BA YIN NO SNYAM DU RIG NAS, DUS DUS SU LEGS PAR ZAS DANG GOS SBYIN PA DANG, NAD KYI GSOS SMAN GYIS SDUD PAR BYED DO, ,DE DAG GI DON GYI PHYIR BDAG NYID KYANG SPRO BAR BYED CING NYAMS SU LEN PAR BYED DE, THAMS CAD GZHAN LA YONGS SU MI TSOL LO, ,BGO BSHA' BYED PA'I NGANG TSUL CAN YANG YIN NO, ,DON MED PAR YANG LONGS SPYOD RNAMS CHUD GZON PAR MI BYED DO, ,GNAS MA YIN PAR YANG SKO BAR MI BYED DO, ,GNAS MA YIN PAR YANG SKO BAR MI BYED DO, ,CHES RGAN ZHING BLA MA LTA BUR GYUR PA RNAMS LA YANG RJES SU MTHUN PAR BYED DO, ,'DI NI RIGS KYI RGAN RABS LA RIM GRO BYED PA'O, ,BDAG DANG GZHAN RNAMS KYI DON YANG BYED DE CHOS BZHIN DU BYED KYI CHOS MA YIN PAS NI MA YIN TE, DE LTAR NA DON BYED PA DANG, BYA BA BYED PA YIN NO, ,TSE 'DI LA SDIG PA'I LAS BYAS NA GZHAN GYI NYES PA 'DI LTA STE, GSOD PA'AM 'CHING BA'AM CHAD PAS GCOD PA'AM, DMAS PA'AM, SMAD PA YANG DAG PAR MTHONG NA SO SOR BRTAGS NAS MI BYED PA 'DI NI 'JIG RTEN 'DI'I KHA NA MA THOB LA 'JIGS PAR LTA'O, ,SDIG PA'I KUN DU SPYOD PA BYAS NA 'JIG RTEN PHYI MA LA NGAN SONG GI SDUG BSNGAL DANG, GZHAN YANG PHONGS PA'I SDUG BSNGAL MYONG BAR 'GYUR BA YANG DAG PAR MTHONG NAS SO @288A *, ,SOR BRTAGS TE MI BYED PA 'DI NI 'JIG RTEN PHA ROL GYI KHA NA MA THO BA LA 'JIGS PAR LTA BA'O, ,DUS DUS SU SBYIN PA LAS BYUNG BA'I BSOD NAMS BYA BA'I DNGOS PO YANG DAG PAR BLANGS TE 'DUG GO, ,BSOD NAMS RNAM PA SNA TSOGS KYANG BYED DE, 'DI LTA STE; NAD G-YOG BYA BA DANG, DUS LA BAB NA ZHAL TA BYED PA DANG, DE LTA BU DANG MTHUN PA'I BSOD NAMS BYED DO, ,NYIN ZHAG GCIG DANG JI SRID 'TSO'I BAR DU TSUL KHRIMS YANG DAG PAR LEN PAR BYED DO, ,DE BAS NA SBYIN PA DAG SBYIN ZHING BSOD NAMS DAG BYED LA BSNYEN GNAS LA GNAS SHING TSUL KHRIMS YANG DAG PAR BLANGS TE 'DUG PA ZHES BYA'O, ,LAS KYI LAM BCU LAS ZUNG DANG SUM PHRUGS LA SOGS PA'I BYE BRAG GIS SPEL MAR STON TE, 'DI LTA STE, THOS PA DANG BSAM PA GNYIS KYIS DE DANG LDAN PA'I YID LA BYED PA'AM MANG DU BYA BA'I PHYIR RO, ,SEMS CAN NGAN SONG DU SKYES PA RNAMS DE NAS THAR PAR DKA' BA DANG, BDE 'GROR SKYES PA RNAMS MYUR BA MYUR BAR DE DANG BRAL BAR 'GYUR BA'I PHYIR NI DAL BA PHUN SUM TSOGS PA DKON PAR RIG PAR BYA'O, ,DE LA BDEN PA MTHONG BAS NI SPYIR NA YANG DAG PA'I LTA BA SKYE BAR 'GYUR TE, 'DAS PA'I DUS NA NI SKYES ZIN TO, ,DE LTAR BYUNG BA'I DUS LA BAB PA NA NI SKYES SO, ,MA 'ONGS PA'I DUS NA NI PHYIS BSKYED PAR BYA BA YIN NO, ,KUN DU BSTEN CING BSGOMS LA MANG DU BYAS PA'I DON NI SNGA MA BZHIN DU RIG PAR BYA'O, ,'JIG RTEN PA'I GANG YIN PA DE NI RJES SU BSRUNG BAR BYA BA YIN NO, ,SLOB PA'I GANG YIN PA DE NI NYON MONGS PA SPANGS PA'I 'BRAS BU DANG BCAS TE RIG PAR BYA BA YIN NO, ,MI SLOB PA'I GANG YIN PA DE NI RANG GI NYON MONGS PA DANG BRAL BA'I 'BRAS BU DANG BCAS TE MNGON SUM DU BYA BA YIN NO, ,YANG DAG PA'I LTA BA JI LTA BA BZHIN DU RNAM PAR GROL BA'I YE SHES KYI BAR DU YANG DE DANG 'DRA BAR RIG PAR BYA'O,, ,,RNAL 'BYOR SPYOD PA'I SA LAS GZHI BSDU BA, BAM PO BCU BDUN PA, SPYI SDOM NI, BSDUS PA'I DON DANG GSUM BDUN BSDUS, ,RANG BZHIN TSOR BA THA MA YIN, ,SDOM NI, BSDUS PA YI NI @288B DON RNAMS DANG, ,RANG GI RIGS KYI DBYE BA DANG, ,'DRA BA'I RJES SU 'JUG PA DANG, ,CHOL BA GSUM NI THA MA YIN, ,MDOR BSDU NA KHAMS NI GNYIS YOD DE, RANG BZHIN GYIS GNAS PA DANG, GOMS PAS YONGS SU BRTAS PA'O, ,DE LA RANG BZHIN GYIS GNAS PA NI JI LTAR KHAMS BCO BRGYAD PO 'DI DAG SO SOR NGES PAR RGYUD LA YOD PA'I SA BON NO, ,DE LA GOMS PAS YONGS SU BRTAS PA'I KHAMS NI DGE BA'AM MI DGE BA'I CHOS SNGON GYI SKYE BA GZHAN DAG TU KUN TU BRTEN PA GANG YIN PA DE DAG YANG DAG PAR GRUB PAR BYA BA'I PHYIR, DA LTA SA BON YONGS SU BRTAS PA RTEN LA GNAS PA YIN TE, DES NA DE RKYEN CHUNG NGU TZAM LA YANG DMIGS NAS DES BKRI ZHING DES 'GRO BAR 'GYUR RO, ,MDOR BSDU NA KHAMS BCO BRGYAD PO DMIGS PA 'DI DAG NI 'DIR KHAMS RE RE ZHING YANG LAS NGANG 'GRO BA DANG SEMS CAN SNA TSOGS KYI RNAM PA'I BYE BRAG GUS TSAD MED PAR RIG PAR BYA STE, DPER NA CHO LO RNAMS KYI CHO LO'I PHUNG PO CHEN PO NI RIGS GCIG PA'I PHYIR PHUNG POR GTOGS PA'I CHO LO RNAMS LA GCIG TU BRJOD MOD KYI, CHO LO DE DAG NI TSAD MED PA DE BZHIN DU, KHAMS RE RE ZHING YANG TSAD MED MOD KYI RIGS GCIG PA'I PHYIR RE RER BSTAN PAR MDZAD DO, ,KHAMS DE YANG MOS PA'I STOBS KYIS YANG DAG PAR 'GRUB PAR 'GYUR TE, SNGON SDIG PA LA MOS PA NI SDIG PA CAN YIN NO, ,DGE BA LA MOS PA NI DGE BA YIN NO, ,DE CI 'DRA BAR YANG DAG PAR 'GRUB PAR GYUR PA DE NI, DE DANG CHOS MTHUN PA PA'I SEMS CAN RNAMS 'BA' ZHIG DANG LHAN CIG TU SPYOD CING DGA' LA GNAS PAR BYED PA DANG, LTA BA MTHUN PAR 'DZIN PA DANG, DE LA MOS PAR BYED DE, DE BAS NA KHAMS KYI SGO NAS SEMS CAN RNAMS 'DU BAR 'GYUR ZHES BYA'O, ,DE LA TSANGS PAR SPYOD PA TSOL BA'I DBANG DU BYAS NAS DAD PA NI DANG POR BRJOD DO; ,DE'I 'OG TU TSUL KHRIMS YANG DAG PAR LEN PAR BYED DO, ,DE NAS BDAG DANG GZHAN LA BRTEN TE, KHA NA MA THO BA KUN DU SPYOD PAS NGO TSA BAR 'GYUR RO, ,DE NAS DGE BA'I CHOS RNAMS RTAG TU BSGOM PA LA BRTZON 'GRUS RTZOM MO, ,BYAS NAS YUN RING DU LON PA DANG SMRAS NAS YUN @289A *, ,RING DU LON PA YANG MI BRJOD DO, ,DE GNYIS LA BRTEN NAS SEMS MNYAM PAR GZHAG GO, ,SEMS MNYAM PAR GZHAG NA YANG DAG PA JI LTA BA BZHIN DU RAB TU SHES TE, 'DI NI DAD PA'I SGO NAS GO RIMS BZHIN DU BSLAB PA GSUM PO LHAG PA'I TSUL KHRIMS DANG; LHAG PA'I SEMS DANG, LHAG PA'I SHES RAB 'BYUNG BAR 'GYUR RO, ,DE RNAMS KYI TSOGS KYI LAM NI 'JIG RTEN PA'I YANG DAG PA'I LTA BA DANG, GTOD PA DANG, GSO SLA BA DANG, DGANG SLA BA DANG, 'DOD PA NYUNG BA DANG, CHOG SHES PA DANG, BSDU BA'I DNGOS PO BZHI'O; ,GSO SLA BA LA SOGS PA'I DON NI 'DI LTA STE, NYAN THOS KYI SA LAS 'BYUNG BA BZHIN TE, DE NI TSANGS PAR SPYOD PA TSOL BA YONGS SU RDZOGS PA YIN PAR RIG PAR BYA'O, ,DE LA TSANGS PAR SPYOD PA TSOL BA'I KHAMS DE DANG LDAN PA'I SEMS CAN RNAMS NI DE DANG MTHUN PA RNAMS 'BA' ZHIG DANG 'DRI BAR BYED KYI, DE DANG MI MTHUN PA'I KHAMS DANG LDAN PA RNAMS DANG NI MA YIN NO, ,'BRAS BU NI RGYU LA RAG LAS KYI, ,RGYU NI 'BRAS BU LA RAG LAS PA MA YIN TE, DE BAS NA MA RIG PA'I KHAMS DANG 'BREL PA'I SKYE MCHED DRUG GI KHAMS LA BRTEN NAS RTEN GYI BYE BRAG GIS MA RIG PA'I 'DUS TE REG PA RNAMS PA SNA TSOGS 'BYUNG NGO, ,MA RIG PA'I 'DUS TE REG PA RNAM PA SNA TSOGS LA BRTEN NAS MA RIG PA'I 'DUS TE REG PA LAS BYUNG BA'I TSOR BA RNAM PA SNA TSOGS 'BYUNG NGO, ,MA RIG PA'I 'DUS TE REG PA LAS BYUNG BA'I TSOR BA RNAM PA SNA TSOGS LA BRTEN NAS MA RIG PA'I 'DUS TE REG PA LAS BYUNG BA'I TSOR BA'I RKYEN GYIS SRED PA, SRED PA'I RKYEN GYIS LEN PA NAS RGYAS PAR SDUG BSNGAL GYI PHUNG PO CHEN PO'I BAR DU KUN 'BYUNG BAR 'GYUR TE, 'DI NI SRID PA TSOL BA'I SGO NAS KHAMS RNAM PAR GZHAG PA YIN PAR RIG PAR BYA'O, ,MA RIG PA'I KHAMS DANG 'BREL PA'I SKYE MCHED DRUG GI KHAMS NYID LA BRTEN NAS MA RIG PA'I 'DUS TE REG PAR 'BYUNG NGO, ,MA RIG PA'I 'DUS TE REG PA LA BRTEN NAS YUL LA TSUL BZHIN MA YIN PA'I MTSAN MA DANG RTAGS 'DZIN PA'I 'DU SHES 'BYUNG NGO, ,'DU SHES DE LA BRTEN NAS YUL DE LA @289B 'DOD PA SKYE'O, ,'DOD PA LA BRTEN NAS DE'I RJES SU MTHUN PA'I CHOS LA MANG DU RJES SU RTOG PA 'BYUNG NGO, ,DE'I RJES SU MTHUN PA'I CHOS LA MANG DU RJES SU RTOG PA LA BRTEN NAS, GDUNG BA DANG, MI DGA' BA DANG, YID MI BDE BA LAS GYUR PA'I LUS DANG SEMS YONGS SU GDUNG BA 'BYUNG NGO; ,DE LA BRTEN NAS YUL YONGS SU TSOL BA RNAM PA SNA TSOGS 'BYUNG BAR 'GYUR TE, 'DI NI 'DOD PA TSOL BA'I SGO NAS KHAMS RNAM PAR GZHAG PA YIN PAR RIG PAR BYA'O, ,SDOM NI, GSUM DANG BDUN NI BSDUS PA DANG, ,'DU SHES 'PHAGS PA SNA TSOGS GZHAG , NANG DU YANG DAG 'JOG PA DANG, ,BYIS PA RNAMS NI THA MA YIN, ,KHAMS NI GSUM STE, GZUGS KYI KHAMS DANG, GZUGS MED PA'I KHAMS DANG, 'GOG PA'I KHAMS SO, ,GZHAN YANG KHAMS NI BDUN TE, 'OD DANG, DGE BA DANG, GZUGS MED PA BZHI DANG, 'GOG PA'O, ,DE LA GZUGS KYI KHAMS KYIS NI 'OD DANG DGE BA BSDUS SO, ,GZUGS MED PA'I KHAMS KYIS NI GZUGS MED PA BZHI BSDUS SO, ,'GOG PAS NI 'GOG PA NYID BSDUS SO, ,DE LA GZUGS KYI 'DOD CHAGS NI MTHONG BA DANG MYONG BAS RAB TU PHYE BA'I PHYIR GZUGS KYI KHAMS THAMS CAD DU 'OD DANG DGE BA'I KHAMS RNAM PAR GZHAG PAR MDZAD DO, ,KHAMS BDUN PO 'DI RNAMS KYI YONGS SU SHES PA YANG RIG PAR BYA'O, ,THOB PAR BYA BA'I THABS KYANG RIG PAR BYA'O, ,THOB PA YANG RIG PAR BYA'O, ,GANG GI PHYIR THOB PA DE YANG RIG PAR BYA'O; ,DE LA KHAMS DE RNAMS NI RGYU BZHI LAS YONGS SU SHES TE, MI MTHUN PA'I PHYOGS DANG GNYEN PO'I PHYOGS KYI SGO NAS DGRA ZLA YOD PA DANG, CHUNG NGU DANG, TSAD MED PA DANG, YOD PA DANG, MED PA DANG, BLA NA YOD PA DANG, BLA NA MED PA'I PHYIR RO, ,DE LA MUN PA LA BRTEN NAS 'OD YOD DO, ,MI DGE BA LA BRTEN NAS DGE BA DANG, GZUGS KYI RNAM PA LA BRTEN NAS NAM MKHA' YOD DE, 'DI DAG NI DGRA ZLA DANG BCAS PA'I MI MTHUN PA'I PHYOGS LA LTOS NAS 'DOGS TE, DE LA LTOS NAS DE DAG TU BLO 'JUG PAR 'GYUR PA'I PHYIR RO, , @290A *, ,RNAM SHES MTHA' YAS NI MTHA'I RNAM PA CHUNG NGU LA DMIGS PA'I RNAM PAR SHES PA LA BRTEN NAS YOD DO, ,CI YANG MED PA NI DNGOS PO MED PA TZAM GYI PHYIR RO, ,'DU SHES MED 'DU SHES MED MIN SKYE MCHED NI SRID PA BLA NA MED PA, SRID PA THAMS CAD KYI RTZE MO LA BRTEN NAS YOD DO, ,'GOG PA'I KHAMS NI 'JIG TSOGS DANG LDAN PA'I NYON MONGS PA THAMS CAD SPANGS PA LA BRTEN NAS YOD DO, ,SRID PA'I RTZE MO NI SRID PA'I NANG NA BLA NA MED PA'I PHYIR RO, ,'GOG PA'I CHOS THAMS CAD NI NANG NA BLA NA MED PA'I PHYIR RO, ,'DU SHES KYI SNYOMS PAR 'JUG PA NI 'DU BYED CES BYA'O, ,DE LA KHAMS LNGA NI CI YANG MED PA'I SKYE MCHED MAN CHAD 'DU SHES KYI SNYOMS PAR 'JUG PA'I PHYIR, 'DU BYED KYI SNYOMS PAR 'JUG PAS THOB PAR BYA BA YIN TE, 'DI LTA STE, 'OD KYI MTSAN MA BZUNG NAS 'OD DANG BCAS PA'I 'DU SHES DANG LDAN PA'I TING NGE 'DZIN SGOM PAR BYED DO, ,DGE BA DANG, NAM MKHA' DANG, RNAM SHES MTHA' YAS DANG, CI YANG MED PA YANG DE DANG 'DRA'O, ,'DU SHES MED 'DU SHES MED MIN SKYE MCHED NI 'DU SHES CHA PHRA BA'I PHYIR SRID PA'I NANG NA ZHI BA 'DI DAG NI MCHOG YIN NO SNYAM PAS MOS PA NI MTSAN MA MED PA YID LA BYED PAS SNYOMS PAR 'JUG STE, DE BAS NA DE NI SRID PA'I RTZE MO'I SNYOMS PAR 'JUG PAS THOB PAR BYA BA YIN NO, ,'GOG PA'I KHAMS KYANG MTSAN MA THAMS CAD YID LA MI BYED PA DANG, MTSAN MA MED PA'I KHAMS YID LA BYED PAS NA 'JIG TSOGS LA 'GOG PA'I SNYOMS PAR 'JUG PA MTSAN MA MED PAS THOB PAR BYA BA YIN GYI 'DU BYED KYI SNYOMS PAR 'JUG PAS NI MA YIN TE, DE LTAR NA 'DI DAG NI THOB PAR BYA BA YIN NO, ,SNYOMS PAR 'JUG PA DE DAG NI GZUGS DANG GZUGS MED PA'I 'DOD CHAGS YANG DAG PAR BCOM PA DANG, RJES SU CHAGS PA MED PA DANG, KHONG KHRO BA MED PA DANG, RNAM PAR GROL BAS GNAS PA DANG, GNAS PAS RNAM PAR GROL BA YIN PA'I PHYIR JI LTAR DGA' BA BZHIN THOB PA DANG, LAS SU RUNG BA DANG, DBANG BYED PA YIN TE, 'DI NI KHAMS DE RNAMS KYI THOB PA YIN NO, ,THOB PA @290B NI RNAM PAR THAR PA BRGYAD LA BSAM GTAN PAR 'GYUR BAR BYED PA YIN PAR RIG PAR BYA'O, ,DE LA KHAMS DANG PO THOB PAS NI RNAM PAR THAR PA DANG PO DANG GNYIS PA LA BSAM GTAN PAR 'GYUR RO, ,GNYIS PAS NI RNAM PAR THAR PA GSUM PA LA BSAM GTAN PAR 'GYUR RO, ,LHAG MA LNGAS NI GO RIMS BZHIN DU RNAM PAR THAR PA LNGA LA BSAM GTAN PAR 'GYUR RO, ,'DI LAS PHYI ROL PA'I MU STEGS CAN RNAM NI GNAS GSUM DU KHYAD PAR DU 'GRO BAR BYA BA'I PHYIR SLOB MA RNAMS LA CHOS STON TE, KHA CIG NI NGAN PA STE, 'DOD PA'I KHAMS SU MI SKAL BA CAN YAN CHAD GZHAN 'PHRUL DBANG BYED KYI LHA MAN CHAD DU SKYE BAR 'GYUR BA'I LAM STON PAR BYED DO, ,KHA CIG LA NI 'BRING STE, GZUGS KYI KHAMS SU TSANGS PA'I 'JIG RTEN DANG SKAL BA MNYAM PA LTA BU DANG, KHA CIG LA NI GYA NOM PAS TE, GZUGS MED PA'I KHAMS SU 'DU SHES MED 'DU SHES MED MIN SKYE MCHED KYI BAR DU SKYE BAR 'GYUR BA'I LAM STON PAR BYED DO, ,DE DAG GI KHAMS NGAN PA LA BRTEN PA DE NI NGAG NGAN PA YIN NO, ,'BRING LA BRTEN PA NI 'BRING NGO, ,GYA NOM PA LA BRTEN PA NI GYA NOM PA'O, ,DE DAG GI SLOB MA CHOS DE THOS NAS DE BZHIN DU 'DZIN PA GANG YIN PA DE NI DE DAG GI 'DU SHES NGAN PA DANG 'BRING DANG GYA NOM PA'O, ,JI TZAM DU 'DZIN PA DE TZAM DU DE DAG GIS BZOD PA DANG, 'DOD PA GANG YIN PA DE NI DE DAG GI LTA BA NGAN PA DANG 'BRING DANG GYA NOM PA'O, ,DE DAG DE LTAR BZOD PAR GYUR CING DE LTAR LTA BAR GYUR PAS SKYE BA'I GNAS DE DANG DE DAG TU BDE BA DANG MCHOG YIN PAR MOS NAS, DE DANG LDAN PA'I LAS BYED PA DE NI DE DAG GI BSAMS PA NGAN PA DANG 'BRING DANG GYA NOM PA'O, PDE DAG GIS LAS DE BYAS NAS SKYE BA DE DON DU GNYER BAR BYED DO, ,DE NI DE DAG GI DON DU GNYER BA NGAN PA DANG 'BRING DANG GYA NOM PA'O, ,DE DAG GIS DE DON DU GNYER BA NA TSANGS PAR SPYOD PA LA GNAS PA DE DER YONGS SU SNGO BAR BYED DE, DE NI DE DAG GI SMON LAM NGAN PA DANG 'BRING DANG GYA NOM PA'O, ,STON PA PO GANG YIN PA DANG, NAN TAN DU SGRUB PA PO GANG YIN PA'I GANG ZAG DE GNYIS KYANG NGAN PA DANG 'BRING DANG GYA NOM PAR RIG PAR BYA'O, ,STON @291A *, ,PA PO DE DANG, NAN TAN DU SGRUB PA PO DE DAG KYANG GZHAN RNAMS LA NGAN PA DANG 'BRING DANG GYA NOM PA RJOD PAR BYED DE, DE DAG KYANG DE DANG 'DRA BA NYID DU SKYE BAR 'GYUR RO, ,GONG NAS GONG DU SKYE BA'I KHYAD BAR LA LTOS NAS DE DAG GI KHAMS NGAN PA DANG 'BRING DANG GYA NOM PA RNAM PAR GZHAG GI MYA NGAN LAS 'DAS PA LAS LTOS NA NI KHAMS RNAM PA GSUM CHAR YANG NGAN PA YIN NO, ,DE LA DE BZHIN GSHEGS PA'I NI YANG DAG PA'I GYA NOM PA'I KHAMS LA BRTEN NAS GSUNG BA YANG GYA NOM PA KHO NA'O, ,DE MA YIN PA'I CHOS RNAMS KYANG CI RIGS PAR RIG PAR BYA'O, BCOM LDAN 'DAS KYI NYAN THOS CHOS KYI RJES SU MTHUN PA'I CHOS DE LA NAN TAN DU SGRUB CING MNGON PAR RTOGS PAR BYED PA GANG YIN PA DE DAG GI BGROD PA GANG YIN PA DE DAG NI 'PHAGS PA RNAMS KYI YIN TE, 'DI LTA STE, TSE 'DI LA MYA NGAN LAS 'DA' BA'O, ,DE LA SNGON MU STEGS CAN DU GYUR PA LAS 'CHI BA'I DUS BYAS NAS 'DIR SKYES TE NAR SON PA'I RGYU RKYEN TSOGS PA LA BRTEN NAS LEGS PAR GSUNGS PA'I CHOS 'DUL BA LA RAB TU BYUNG BA GANG YIN PA DE NI SNGON GYI MU STEGS CAN GYI LTA BA DE NYID KYIS KUN DU RMONGS PAS DA LTAR MA RIG PA'I KHAMS CHEN PO YANG DAG PAR 'GRUB PAR 'GYUR TE, DES NA MYA NGAN LAS 'DAS PA LA YANG SOM NYI ZA BAR 'GYUR LA, STON PA LA YANG SOM NYI ZA NAS SNGON GYI RGYU DES CHOS 'DUL BA 'DI LAS PHYIR LDOG CING NYES PAR BSHAD PA DE NYID LA SLAR LDOG STE, DE'I NGAG NI PHYIR YANG NGAN PAR GYUR PA NAS RGYAS PAR SNGAR BA BZHIN DU THAMS CAD RIG PAR BYA'O, ,GSUM PO 'DI DAG NI MU STEGS CAN GYI GNAS RNAMS SU MU STEGS CAN GYI SLOB MA RNAMS LTA BA'I RNAM PA THA DAD PAR 'DOGS PA RNAMS LA BZOD PA'I SGO NAS LTA BA'I RTEN DU DMIGS PA STE, DE DAG NI CHOS 'DI PAS KUN NAS DKRIS PA DANG, BAG LA NYAL GYI SGO NAS SPONG BAR BYED DE, KUN NAS DKRIS PA'I SGO NAS SPONG BA NA NI DE YANG SPONG BA GANG GIS TSE 'DI LA GZHAN DAG DANG 'GYED DE RTZOD CING 'DUG PAR 'GYUR BA GZHAN YANG MI LEN TO, ,NYES RTZOM SMRA BA NI BDAG DANG GZHAN RNAMS LA YANG GNOD PA DANG LDAN PAR RIG NAS BAG LA NYAL GYI SGO NAS SPONG @291B NGO; ,BAG LA NYAL DE SPONG BA NA YANG DE'I RGYU LAS BYUNG BA'I KUN NAS DKRIS PA GZHAN YANG GTAN MI LEN TO, ,DE LA MU STEGS CAN GYI GNAS RNAMS SU LTA BA'I RNAM PA 'DOGS PA NI 'DI RNAMS YIN TE, 'DI LTA STE, 'JIG RTEN RTAG GO ZHES BYA BA NAS RGYAS PAR DE BZHIN 'ONGS PA SHI PHAN CHAD MED PAR 'GYUR RO, ,MED PAR MI 'GYUR RO ZHES BYA BA'I PAR RNAMS SO, ,DE LA MU STEGS CAN GCIG NI YID RTUL ZHING BLONG BA YIN TE, DE NI BDAG NYID KYI SLOB DPON NAM, GZHAN GYIS CI TZAM DU BSLABS PA DE TZAM DU DPYOD PAR MI BYED DE MCHOG TU 'DZIN CING MNGON PAR ZHEN NAS 'DI 'BA' ZHIG BDEN GYI GZHAN NI GTI MUG PA'O ZHES DE LTA BA'I RNAM PA THAMS CAD BZOD PAR BYED PA 'DI NI LTA BA'I RTEN DANG PO'O, ,GZHAN YANG MU STEGS CAN GYI SLOB MA GCIG NI DBANG PO 'BRING STE, YID RTUL ZHING BLONG BA YANG MA YIN LA BDAG NYID KYIS CHOS RNAMS LA GZHIG PA DANG BRTAG PA DANG, DPYAD PA LA GSAL BA YANG MA YIN TE, DE NI SGRA JI LTA BA BZHIN DU MOS PA MA YIN MOD KYI 'ON KYANG LTA BA'I RNAM PA PHAN TSUN MI MTHUN PA DAG LAS GANG YANG RUNG BA DANG DAD DE DE LTA BA'I RNAM PA KHA CIG NI MI BZOD PA 'DI NI LTA BA'I RTEN GNYIS PA'O, ,GZHAN YANG MU STEGS CAN GCIG NI DBANG PO RNO BA'I RANG BZHIN CAN YIN TE, RANG GIS GZHIG PA DANG BRTAG PA DANG DPYOD PA LA GSAL BA YIN PAS DE NI LTA BA'I RNAM PA DE DAG LOG PAR GZHUNG GTZUGS PA YIN PA'I PHYIR THAMS CAD LA MI 'THAD PAR MTHONG NAS THAMS CAD MI 'DOD DE, DE NI LTA BA'I RNAM PA DE DAG THAMS CAD MI BZOD DO, ,GANG ZAG DE LA YANG GNYIS YOD DE, GCIG NI LOG PAR LTA BA LA SPYOD PA YIN TE, SHES PAR 'DOD PA'I BSAM PA CAN MA YIN NO, ,CIG SHOS NI YANG DAG PA'I LTA BA SPYOD PA YIN LA, RANG BZHIN GYIS KYANG SHES PAR 'DOD PA'I BSAM PA CAN YIN NO, , DE LA THAMS CAD MI BZOD PA'I GANG ZAG DANG PO NI RJES SU DPAG PA TSUL BZHIN MA YIN PA DE NYID KYIS LEGS PAR GSUNGS PA'I CHOS 'DUL BA LA YANG MA SPYAD PAS MI 'THAD BAR BRTAGS NAS, 'PHAGS PA LA SKUR PA 'DEBS PAR BYED DE, MED PAR LTA'O, ,DE NI LTA BA'I RNAM PA THAMS @292A *, ,CAD MI BZOD PA GANG YIN PA DE DAG SUN DBYUNG BA DANG GZHIG PA DANG MI MTHUN PAR BYA BA'I PHYIR SUN 'BYIN PA DANG LDAN PA'I LTA BA'I RNAM PA DAG BYED CING STON TE, 'DI LTA STE, LTA BA DE 'DZIN PA RNAMS DANG, LHAN CIG 'GYED PA DANG, RTZOD PA DANG, 'TSO BAR 'GYUR BA 'DI NI LTA BA'I RTEN GSUM PA'O, ,THAMS CAD MI BZOD PA'I GANG ZAG CIG SHOS NI GANG ZAG SNGA MA SHOS KYI THAMS CAD MI BZOD PA'I LTA BA DE YANG MI 'DOD LA SHES PAR 'DOD PA'I SEMS NYE BAR GZHAG NAS LEGS PAR GSUNGS PA'I CHOS 'DUL BA PA'I THAD DU SONG STE, DE BZHIN GSHEGS PA 'AM, DE BZHIN GSHEGS PA'I NYAN THOS KYI MDUN DU BDAG NI THAMS CAD MI BZONG DO ZHES YANG DAG PA JI LTA BA BZHIN DU BDAG NYID STON PAR BYED DE, DE'I SHES PAR 'DOD PA'I BSAM PA YOD PA DANG, DE'I BLO GSAL BA'I PHYIR SHIN TU SKAL BA DANG, LDAN PA YIN PAR DE BZHIN GSHEGS PA 'AM, DE BZHIN GSHEGS PA'I NYAN THOS KYIS RTOGS TE, SEMS KYIS SEMS KHYAB PAR BYAS NAS GANG ZAG SNGA MA SHOS LAS BRTZAMS TE, CI KHYOD THAMS CAD MI BZAD PA'I LTA BA 'DI YANG MI BZOD DAM ZHES PHYIR 'DRI BAR BYED DO, ,DES KYANG YANG DAG PA JI LTA BA KHO NA BZHIN DU PHYIR LAN 'DEBS PAR BYED DO, ,DE YANG DE BZHIN GSHEGS PAS CHOS 'DI PA'I NYAN THOS KYI SKYE BO'I TSOGS THAMS CAD DANG MTHUN PAR GZENGS BSTOD PAR MDZAD DE, KHYOD NI SKYE BO MANG PO DANG MTHUN TE BDAG CAG THAMS CAD NI MI BZOD PA'I LTA BDE DANG BCAS PA LTA BA'I RNAM PA DE DAG THAMS CAD MI BZOD DO, ,GAL TE KHYOD KYANG SKYE BO'I TSOGS 'DIS LTA BA'I RTEN KUN NAS DKRIS PA DANG BAG LA NYAL DANG BCAS PAR THAMS CAD SPANGS NAS, PHYI MA LA LTA BA'I KUN NAS NYON MONGS PA THAMS CAD KYI RGYUR MI 'GYUR BA JI LTA BA BZHIN DU GYUR NA NI KHYOD KYANG DE DANG KHYAB PAR MED PAR 'GYUR RO, ,KHYOD DANG 'DRA BA DE DAG NI NYUNG NGO, ,THAMS CAD MI BZOD PA'I LTA BA DE KUN NAS DKRIS PA DANG BAG LA NYAL DANG BCAS PAR SPANGS NAS GTAN DU LEN PAR MI BYED PA GANG YIN PA DE DAG NI NYUNG DU DE DAG PAS KYANG CHES NYUNG DU ZHES GZENGS BSTOD PAR MDZAD DO, ,DE LTAR NA DE BZHIN GSHEGS @292B PA'AM; DE BZHIN GSHEGS PA'I NYAN THOS DES MU STEGS CAN GYI SLOB MA DE SHES PA DANG MTHONG BA LA 'DOD PA SKYED DE, 'DI LTA STE, DE BZHIN GSHEGS PA DANG DE BZHIN GSHEGS PA'I NYAN THOS DE DAG 'DI LTAR SHES PA DANG MTHONG BA DANG LDAN PA BZHIN DU BDAG KYANG KUN NAS DKRIS PA DANG BAG LA NYAL DANG BCAS PAR JI LTAR SPONGS PAR 'GYUR ZHIG GU SNYAM STE, SHES PA DANG MTHONG BA LA DE DAG GI 'DOD PA SKYES PAR DE BZHIN GSHEGS PAS THUGS SU CHUD NAS, SEMS LA YOD PA'I 'DOD PA DE YANG DAG PAR BSKUL BAR MDZAD DO, ,DES KYANG KHAS LEN PAR BYED DO; ,DE BZHIN GSHEGS PAS SO SOR BRTAGS PA'I STOBS DANG, BSGOM PA'I STOBS KYI GNYEN PO LA BRTEN NAS, JI LTAR CHOS 'DI PA KUN NAS DKRIS PA DANG BAG LA NYAL BA DANG BCAS PAR SPONG BA DE BZHIN DU KUN NAS DKRIS PA DANG, BAG LA NYAL SPANG BAR BYA BA DANG, SHES PA DANG MTHONG BA THOB PAR BYA BA'I PHYIR DE LA CHOS STON TO, ,DE LA 'PHAGS PA NYAN THOS NI LTA BA'I RTEN DE RNAMS PHAN TSUN MI MTHUN PAS DE'I RGYU LAS 'GYED PA DANG, RTZOD PA DANG, RNAM PAR 'TSE BA NI BDAG DANG GZHAN RNAMS LA YANG GNOD PA DANG LDAN PA YIN PAR SO SOR BRTAGS NAS THAMS CAD KYI THAMS CAD DU KHAS MI LEN CING DRIS NA YANG LAN MI 'DEBS SO, ,DE LTAR NYES DMIGS DE LTA BU MTHONG NAS SO SOR BRTAGS PA'I STOBS LA BRTEN PAS KUN NAS DKRIS PA SPONG BAR BYED DE, DES NI LTA BA'I RTEN DE DAG KYANG SPANGS LA, YANG DAG PA'I LTA BAR GYUR PAS, DE MA YIN PA'I LTA BA'I RTEN YANG 'BYUNG BAR MI 'GYUR RO, ,DE DE LTAR KUN NAS DKRIS PA'I SGO NAS BAG LA NYAL BSAL BA'I PHYIR LUS KYI RNAM PA'I DRAN BA SGOM PAR BYED DE, GZUGS CAN GYI LUS MI RTAG PAR MTHONG LA, LUS LA MNGON PAR ZHEN BA LAS KYANG SEMS YONGS SU DAG PAR BYED DE, RANG GI RGYUD DU GTOGS PA'I TSOR BA'I GNAS SKABS DE YANG MI RTAG PA NYID KYI SGO NAS MI RTAG PAR MTHONG NGO, ,MING DANG GZUGS YANG DAG PA JI LTA BA BZHIN DU YONGS SU SHES PAS NI ZAG PA RNAMS LAS SEMS RNAM BAR GROL BAR 'GYUR LA, LUS DANG BRAL NAS KYANG PHYI MA LA TSOR BA THAMS CAD @293A *, ,'GAG PAR MTHONG STE, LUS LA 'JIG PA'I 'DU SHES KYIS GNAS SO, ,JI SRID 'TSO BA DE SRID DU NI MI LDAN PA'I TSOR BA MYONG STE, DE LTAR NA BSGOMS PA'I STOBS LA BRTEN PAS BAG LA NYAL SPONG NGO, ,DE LA 'DOD CHAGS DANG ZHE SDANG DANG GTI MUG RNAMS NI PHYI MA LA SKYE BA LA SOGS PA'I SDUG BSNGAL DANG PHRAD PAR 'GYUR BA DANG, TSE 'DI'I LAS KYI KUN NAS NYON MONGS PAR 'GYUR BA DANG, MA 'ONGS PA'I KUN NAS NYON MONGS PA'I DNGOS PO LA MNGON PAR DGA' BAR 'GYUR BA DANG, 'DAS PA POR ZIN PA LEN PAR 'GYUR BA DANG; DA LTAR LHAG PAR ZHEN PAR 'GYUR BA YIN NO, ,DE LA 'GYED PA NI YID KYIS SDANG BA'O, ,RTZOD PA NI NGAG GIS SDANG BA'O, ,RNAM PAR 'TSE BA NI GSUM GYIS GNOD PAR BYED PA'O, ,MI RTAG PA LA SOGS PAR RJES SU MTHONG BA NI 'DI LTA STE, NYAN THOS KYIS LAS 'BYUNG BA BZHIN NO, ,MI SDUG PA DANG, BYAMS PA DANG, SNYING RJE BSGOMS PA'I MI MTHUN PA'I PHYOGS 'DOD PA'I 'DOD CHAGS DANG, GNOD SEMS DANG, RNAM PAR 'TSE BA MA SPANGS PA'I PHYIR GNAS LA YOD PA DE'I PHYOGS DANG MTHUN PA GNAS NGAN LEN SA BON LTA BU GANG YIN PA DE SKYE BAR 'GYUR BA'I PHYIR NI CI RIGS PAR 'DOD PA DANG, GNOD SEMS DANG, RNAM PAR 'TSE BA'I KHAMS ZHES BYA STE, DE YOD NA 'DOD PA DANG, GNOD SEMS DANG, RNAM PAR 'TSE BA DANG MTHUN PA'I YUL YANG MNGON SUM DU GYUR PA DANG, YUL RNAM PA GSUM PO DE DAG LA YANG TSUL BZHIN MA YIN PA YID LA BYED PAR GYUR NA TSUL BZHIN MA YIN PA'I MTSAN MA DANG RTAGS 'DZIN PA'I 'DU SHES SKYE BAR 'GYUR RO, ,SKYES PA DE DANG DU BLANGS PA LAS NI TSE 'DI DANG TSE PHYI MA'I NYES DMIGS GNYIS SU 'GYUR BAR RIG PAR BYA'O, ,DE LA DANG DU LEN PA NI GANG YIN TSE 'DI'I NYES DMIGS NI GANG YIN TSE PHYI MA'I NYES DMIGS NI GANG YIN ZHE NA, GAL TE 'DU SHES SKYES PA DE'I DBANG DU BYAS PAS, SNGA MA BZHIN DU DE DANG 'DRA BA'I 'DUN PA DANG, YONGS SU RTOG PA DANG, YONGS SU GDUNG BA DANG, YONGS SU TSOL BA SKYED PAR BYED NA NI DE LTA NA DES 'DU SHES DE DAG DANG @293B DU BLANGS PA YIN NO, ,YONGS SU TSOL BAR BYED PA NA NI GNAS GSUM GYI SEMS CAN RNAMS LA LOG PAR SGRUB PAR 'GYUR TE, DE'I RGYUS NA DE LAS SKYES PA'I TSE 'DI LA SDUG BSNGAL BA DANG YID MI BDE BA'I RGYUR 'GYUR TE, DES NA SDUG BSNGAL DANG BCAS PA YIN NO, ,RGYUR MA GYUR NA YANG MNGON SUM KHO NAR 'GYUR TE, DE BAS NA PHONGS PA DANG BCAS PA YIN NO, ,SDUG BSNGAL BA DANG BCAS, PHONGS PA DANG BCAS PA DE YANG RKYEN GNYIS LAS 'GYUR TE, GZHAN GYI LAG PA DANG, BONG BA DANG, DBYUG PA DANG, MTSON CHA DANG, NGAG RTZUB PO'I DBANG GIS BYUNG BA STE, DES NA GNOD PA DANG BCAS PA ZHES BYA'O, ,NANG GI KUN NAS NYON MONGS PA CAN DU GNAS PA'I DBANG GIS BYUNG BA STE, DES NA YONGS SU GDUNG BA DANG BCAS PA ZHES BYA STE, 'DI NI TSE 'DI'I NYES DMIGS SO, ,DE DE KHO NA'I RGYUS NGAN SONG RNAMS SU SKYE BAR 'GYUR BA 'DI NI TSE PHYI MA'I NYES DMIGS SO, ,GAL TE BSLAB PA BLANGS PAS DANG DU BLANGS NA NI DE'I LUS 'DAM BU SKAM PO'I KHYIM LTA BU DE LA DE NA GNAS PA'I SROG CHAGS RNAMS LTA BU'I DGE BA'I CHOS GANG YIN PA DE DAG DE'I LOG PA'I 'DU SHES KYI ME BTANG LA GANG ZAG DES KYANG GSAD PAR MI NUS PAS NA, DGE BA'I CHOS SROG CHAGS LTA BUR 'DUG PA DE DAG TSIG PAR 'GYUR BAR RIG PAR BYA'O, ,DE LAS BZLOG PA NI DANG DU MI LEN PA'I PHAN YON DANG, DGE BA'I CHOS YONGS SU NYAMS PAR MI 'GYUR BAR RIG PAR BYA'O, ,DE LAS BZLOG PA NI NGES PAR 'BYUNG BA DANG, GNOD SEMS MED PA DANG, RNAM PAR 'TSE BA MED PA'I 'DU SHES YIN TE, CI RIG PAR RIG PAR BYA'O, ,DE LA THOS PA DANG, BSAMS PA DANG, BSGOMS PA LAS BYUNG BA'I SHES RAB NI NAG PO'I PHYOGS DANG DU LEN PAR MI 'GYUR BA DANG, DKAR PO'I PHYOGS DANG DU LEN PAR 'GYUR BA'O, ,SHES RAB RNAM PA GSUM MED PA NI NAG PO'I PHYOGS DANG DU LEN PAR 'GYUR BA DANG, DKAR PO'I PHYOGS DANG DU LEN PAR MI 'GYUR BA YIN PAR RIG PAR BYA'O, ,'DI GNYIS NI DE BZHIN GSHEGS PA RNAMS KYI NGO MTSAR RMAD DU BYUNG BA'I CHOS YIN TE, 'DI LTAR STE, CHOS THAMS CAD BDAG MED PAR YANG STON LA SEMS CAN RNAMS KYI RANG GIS BYAS PA @294A *, ,DANG; GZHAN GYIS BYAS PA YANG CHUD MI GZON PA'O, ,DE LA SEMS CAN NI MDOR BSDU NA RNAM PA GNYIS TE, KHYIM PA DANG RAB TU BYUNG BA'O, ,DE LA SEMS CAN KHYIM PA DAG GI LONGS SPYOD RNAMS KYI DON DU THOG MA SBYOR BA'I PHYIR NI BRTZON PA'I KHAMS ZHES BYA'O, , DE LA MA THOB PA'I TSE BRTZON 'GRUS KYI GAGS LTA BU'I RGYU YOD DU ZIN KYANG SEMS KYI MNGON PAR SPRO BA GANG YIN PA DE NI DE DAG NYID KYI MTHU'I KHAMS ZHES BYA'O, ,THOB TU ZIN KYANG SHA SBRANG DANG SBRANG BU CHU RINGS LA SOGS PA'I GNOD PA BRTZON 'GRUS KYI GAGS LTA BUS PHYIR MI LDOG PA GANG YIN PA 'DI NI DGA' BA'I KHAMS TE, KHAMS DE DAG NI RANG GI YUL NAS YUL GZHAN DU MI 'GRO BA YIN NO, ,'GRO BA NI NGES PAR 'BYUNG BA'I KHAMS YIN PAR RIG PAR BYA'O, ,SEMS CAN DE DAG NYID GNYIS KA LA RTAG TU GUS PAR SBYOR BAR SBYOR BA MI LDOG PA'I RTUL PHOD PA'I KHAMS SO, , DE LA RAB TU 'BYUNG BAR 'DOD PA RNAMS KYI RAB TU 'BYUNG BAR BYA BA'I PHYIR NGES PAR 'DUN PA BSKYED PA NI BRTZON PA'I KHAMS SO, ,RAB TU BYUNG BA'I PHYOGS LAS BRTZAMS TE DGE BA'I CHOS RGYA CHEN PO THOB PAR BYA BA LA SPA BKONG BAR BYA BA MED PA'I PHYIR NI MTHU'I KHAMS SO, ,GNOD BYED KYI SDUG BSNGAL RNAM PA SNA TSOGS DANG, BRTZON 'GRUS RTZOM PA LAS BYUNG BA RNAMS DANG, KHAMS 'KHRUGS PA LAS BYUNG BA LA SOGS PAS GNOD PAR MI 'GYUR BA NI DGA' BA'I KHAMS SO, ,NGAN NGON GYIS CHOG PAR MI 'DZIN PA'I PHYIR NI NGES PAR 'BYUNG BA'I KHAMS SO, ,JI SRID 'TSO'I BAR DU RTAG TU GUS PAR SBYOR BA'I PHYIR NI RTUL PHOD PA'I KHAMS TE, DE DAG THAMS CAD KYANG 'DI LTA STE, BDAG GI KHAMS DANG RNAM PA JI SNYED PA'I KHAMS TZAM DU RIG PAR BYA'O, ,'DI GNYIS NI KHAMS RNAMS KYI KHAMS THA DAD PA YIN TE, GNYIS GANG ZHE NA, GZHAN GYI RIGS KYIS THA DAD PA DANG, RANG GI RIGS KYIS THA DAD PA'O, ,DE LA GZHAN GYI RIGS KYIS THA DAD PA NI MIG GI KHAMS KYANG GZHAN KHO NA YON LA GZUGS KYI KHAMS KYANG GZHAN MIG GI RNAM PAR SHES PA'I KHAMS KYANG GZHAN YIN PA DANG, DE BZHIN DU YID KYI RNAM PAR SHES PA'I KHAMS KYI BAR DU YANG DE DANG 'DRA'O, , @294B DE LA RANG GI RIGS KYIS THA DAD PA NI BDE BA DANG SDUG BSNGAL BA DANG, SDUG BSNGAL BA YANG MA YIN BDE BA YANG MA YIN PA'I TSOR BA'I KHAMS DE NYID LA BRTEN NAS TSOR BA RNAM PA GSUM CHAR YANG SKYE BA'O, ,KHAMS KYI SUM PHRUGS GSUM DANG NGES PAR 'BYUNG BAR BYED PA'I KHAMS GNYIS NI RGYU BZHIS RNAM PAR GZHAG PAR RIG PAR BYA STE, BZHI GANG ZHE NA, PHYI ROL GYI NGES PAR 'BYUNG BA MA YIN PA DANG NGES PAR 'BYUNG BA DANG, NANG GI NGES PAR 'BYUNG BA MA YIN PA DANG NGES PAR 'BYUNG BA DANG, GTAN DU NGES PAR 'BYUNG BA MA YIN PA DANG NGES PAR 'BYUNG BA DANG, MNGON PA'I NGA RGYAL MED PA'O, ,DE LA PHYI ROL GYI 'DOD PA'I YON TAN LNGA'I 'DOD CHAGS LA BRTEN NAS 'DOD PA'I KHAMS RNAM PAR GZHAG GO, ,DE LA NGES PAR 'BYUNG BA'I PHYIR NI GZUGS KYI KHAMS KYI BSAM GTAN DANG PO'O, ,RTOG PA DANG, DGA' BA DANG, BDE BA LA NGES PAR 'BYUNG BA'I PHYIR NI BSAM GTAN GONG MA RNAMS SO, ,GZUGS DANG THOGS PA DANG THA DAD PA'I 'DU SHES LAS NGES PAR 'BYUNG BA'I PHYIR NI NAM MKHA' MTHA' YAS SKYE MCHED DU GTOGS PA'I GZUGS MED PA'I KHAMS SO, ,NAM MKHA' DANG RNAM PAR SHES PA DANG CI YANG MED PA'I 'DU SHES LAS NGES PAR 'BYUNG BA'I PHYIR NI DE'I GONG MA'I GZUGS MED PA RNAMS SO, ,DE LTAR NA PHYI ROL GYI SKYE MCHED LAS NGES PAR 'BYUNG BA'I PHYIR NI KHAMS GSUM DU RIG PAR BYA'O, ,GZUGS KYI KHAMS NA NI NANG GI SKYE MCHED DRUG TSANG BAR YOD DO, ,GZUGS MED PA'I KHAMS NA NI GZUGS CAN LNGA LAS YANG DAG PAR 'DAS TE, YID KYI SKYE MCHED LUS SO, ,'GOG PA'I KHAMS NI DRUG PO THAMS CAD LAS YANG DAG PAR 'DAS TE, DE LTAR NA NANG GI SKYE MCHED RNAMS LAS NGES PAR 'BYUNG BA MA YIN PA DANG NGES PAR 'BYUNG BA'I PHYIR KHAMS GSUM PO GZHAN RNAM PAR GZHAG PAR RIG PAR BYA'O; ,'DOD PA'I RNAMS LAS NI GZUGS RNAMS GTAN DU NGES PAR 'BYUNG BA MA YIN NO, ,GZUGS MED PA RNAMS KYANG DE BZHIN DU GZUGS RNAMS LAS GTAN TU NGES PAR 'BYUNG BA MA YIN NO, ,MNGON PAR 'DUS BYAS PA CI YANG RUNG BA DE LAS GTAN DU NGES PAR 'BYUNG BA NI 'GOG PA'O, , @295A *, ,DE LTAR NA GTAN DU NGES PAR 'BYUNG BA MA YIN PA DANG, NGES PAR 'BYUNG BA'I PHYIR KHAMS GSUM RNAM PAR GZHAG PAR RIG PAR BYA'O, ,MNGON PA'I NGA RGYAL CHED PA YONGS SU SHES PA'I SGO NAS NI NGES PAR 'BYUNG BAR BYED PA'I KHAMS LNGA DANG DRUG RNAM PAR GZHAG PAR RIG PAR BYA STE, 'DI LTA STE, MNYAM PAR GZHAG PA'I SA LAS 'BYUNG BA BZHIN NO, ,DGE SLONG NANG DU YANG DAG 'JOG LA DGA' ZHING ZHI GNAS DANG LHAG MTHONG BSGOM PA LA BRTZON PA NI MDOR BSDU NA RNAM PA LNGAS SEMS RNAM PAR GROL BAR 'GYUR BAR RIG PAR BYA STE, ZHI GNAS YONGS SU BSGOMS PA'I SEMS KYIS LHAG MTHONG LA BRTEN NAS ZHI GNAS KYI PHYOGS DANG MTHUN PA'I NYE BA'I NYON MONGS PA LAS SEMS RNAM PAR GROL BAR 'GYUR BA DANG, LHAG MTHONG YONGS SU BSGOMS PA'I SEMS KYIS ZHI GNAS LA BRTEN NAS, LHAG MTHONG GI PHYOGS DANG MTHUN PA'I NYE BA'I NYON MONGS PA LAS SEMS RNAM PAR GROL BAR 'GYUR BA DANG, DE GNYIS KA PHRUGS SU LDAN PA'I SEMS NYE BA'I NYON MONGS PA DANG BRAL BAS MTHONG BAS SPANG BAR BYA BA'I 'DU BYED THAMS CAD LAS SEMS RNAM PAR GROL BAR 'GYUR BA DANG, PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS SU BSGOM PAS SPANG BAR BYA BA'I 'DU BYED THAMS CAD LAS SEMS RNAM PAR GROL BAR 'GYUR BA DANG, PHUNG PO'I LHAG MA MED PAR PHUNG PO'I 'DU BYED THAMS CAD LAS SEMS RNAM PAR GROL BAR 'GYUR BA'O, ,'DI GNYIS NI LEGS PAR GSUNGS PA'I CHOS 'DUL BA LA STON PA DANG, NYAN THOS RNAMS KYI NGO MTSAR GYI CHOS YIN TE, LTA BA DANG TSIG TU BRJOD PA MTSUNGS PA DANG, LTA BA DANG, TSIG TU BRJOD PA MCHOG TU GYUR PA'O, ,'DI GNYIS KA YANG 'DI LAS PHYI ROL BA RNAMS LA NI MED DE, THA DAD PA DANG, MYA NGAN LAS 'DAS PA LAS PHYI ROL DU GYUR PA'I PHYIR RO, ,'DI GNYIS NI BYIS PA RNAMS KYI BYIS PA'I RTAGS YIN TE, BDAG DANG GZHAN LA GNOD PA BYED PAR ZHUGS PA DANG, GNAS BZHI LA MI MKHAS PA'O, ,DE LA GNOD BA SGRUB PA NI RNAM PA BZHIR RIG PAR BYA STE, BZHI GANG ZHE NA, PHA ROL GYI BYE BRAG DANG, @295B NANG GI BYE BRAG DANG, DUS KYI BYE BRAG DANG, RGYUD KYI BYE BRAG GIS SDUG BSNGAL RNAM PA BZHI SKYED PA'I PHYIR RO, ,DE LA MI MA YIN PAS BYAS PA'I YAMS KYI NAD GANG YIN PA RNAMS DANG, MIS BYAS PA'I GNOD PA BYUNG BA GANG YIN PA RNAMS DANG DE GNYIS 'BYUNG DU DOGS PA LAS BYUNG BA DA DUNG MA BYUNG BA RNAMS KYIS 'JIGS PA 'DI NI GZHAN GYI DBANG GIS BYUNG BA'I SDUG BSNGAL LO, ,DE LA BDAG NYID KYI KHAMS 'KHRUGS PA'I NAD KYI RGYU LAS GYUR PA'I NAD GANG YIN PA DANG, SDUG PA RNAM PAR 'GYUR BA DANG, 'DOD PAS PHONGS PA LAS BYUNG BA'I NYON MONGS PA CAN GYI SEMS CAN YIN PA DE NI 'KHRUGS PA STE, NANG GI RKYEN GYIS BYUNG BA'I SDUG BSNGAL YIN TE, DE YANG SNGA MA BZHIN DU 'BYUNG DU DOGS PA LAS BYUNG BA YANG YIN PAR RIG PAR BYA'O, ,'DI LTA STE, DA LTAR JI LTA BA BZHIN DU DE 'DAS PA'I DUS NA YANG RNAM PA THAMS CAD KYI SDUG BSNGAL GYIS SDUG BSNGAL BAR GYUR LA, MA 'ONGS PA NA YANG DE LTAR 'GYUR BA 'DI NI DUS KYI BYE BRAG GIS SDUG BSNGAL BA'O, ,DE LOG PAR SGRUB PA'I RGYUS BDAG NYID KYANG SDUG BSNGAL BAR BYED LA, GZHAN DAG KYANG SDUG BSNGAL PAR BYED DE DE NYID KYI RGYUD YANG DAG PAR NAN TAN DU SGRUB PA YANG, SDUG BSNGAL BAR 'GYUR BA 'DI NI RGYUD KYI BYE BRAG GIS SDUG BSNGAL BA YIN PAR RIG PAR BYA'O, ,DE LA SNGA MA RNAM PA GSUM GYIS NI BDAG NYID LA GNOD PA BYED PAR ZHUGS PA YIN NO, ,THA MA GCIG GIS NI GZHAN DAG LA YANG BYED DO, ,GNAS BZHI PO GANG DAG LA MI MKHAS SHE NA, KHAMS RNAMS DANG, SKYE MCHED RNAMS DANG, RTEN CING 'BREL PAR 'BYUNG BA DANG, GNAS DANG GNAS MA YIN PA LA'O, ,DE LAS BZLOG PA NI MKHAS PA'I RTAGS GNYIS YIN PAR RIG PAR BYA'O, ,DE LA GZUGS CAN MA YIN PA'I YID KYI SKYE MCHED KYI RTEN DANG DMIGS PA DANG RANG GI RIGS KYI 'JUG PA'I BYE BRAG GIS NI KHAMS BCO BRGYAD RNAM PAR SGZHAG PAR RIG PAR BYA'O, ,GZUGS CAN GYI SKYE MCHED LNGA'I GNAS DANG, BYED PA DANG, BYED DU 'JUG PA'I RTEN GYI TSUL GYIS NI KHAMS DRUG RNAM PAR GZHAG PAR RIG PAR BYA STE, GNAS KYI RTEN GYI TSUL @296A *, ,GYIS NI SA LA SOGS PA BZHI'O, ,BYED PA'I RTEN GYI TSUL GYIS NI NAM MKHA'I KHAMS SO, ,BYED DU 'JUG PA'I RTEN GYI TSUL GYIS NI RNAM PAR SHES PA'I KHAMS SO, ,KUN NAS NYON MONGS PA DANG RNAM PAR BYANG BA'I PHYOGS DANG MTHUN PA'I 'DU SHES DANG RTOG PA'I RTEN GYI DON GYIS NI 'DOD PA DANG, GNOD SEMS DANG, RNAM PAR 'TSE BA'I KHAMS GNYEN PO DANG BCAS PA DRUG RNAM PAR GZHAG GO, ,'DOD CHAGS DANG, ZHE SDANG DANG, GTI MUG GI 'CHING BA'I RTEN GYI DON GYIS NI BDE BA DANG, SDUG BSNGAL BA DANG, YID BDE BA DANG, YID MI BDE BA DANG, BTANG SNYOMS DANG, MA RIG PA'I KHAMS GZHAN DRUG RNAM PAR GZHAG GO, ,DE DAG KYANG TSUL BZHIN MA YIN PA YID LA BYED PA LAS NI LOG PA'I 'DU SHES DANG RTOG PA 'BYUNG LA TSUL BZHIN YID LA BYED PA LAS NI YANG DAG PA'I 'DU SHES DANG RTOG PA 'BYUNG NGO, ,KHAMS GSUM PA'I KUN NAS NYON MONGS PA DANG RNAM PAR BYANG BA'I PHYOGS LA KUN DU 'GRO BA'I DON GYIS NI TSOR BA LA SOGS PA MING DU GTOGS PA'I KHAMS BZHI RNAM PAR GZHAG STE, KUN NAS NYON MONGS PA NA KUN NAS NYON MONGS PAR 'GYUR LA RNAM PAR DAG NA RNAM PAR DAG PAR 'GYUR BA GANG YIN PA DE DAG NYID KYI RNAM PAR MA DAG PA DANG, RNAM PAR DAG PA'I DBANG DU BYAS PA'I PHYIR RO, ,SNGA MA BZHIN DU PHYI ROL GYI NGES PAR 'BYUNG BA MA YIN PA DANG, NGES PAR 'BYUNG BA'I DON GYIS NI 'DOD PA DANG, GZUGS DANG, GZUGS MED PA'I KHAMS GSUM RNAM PAR GZHAG GO, ,NANG GI NGES PAR 'BYUNG BA MA YIN PA DANG, NGES PAR 'BYUNG BA'I DON GYIS KYANG GZUGS DANG GZUGS MED PA DANG, 'GOG PA'I KHAMS GZHAN GSUM RNAM PAR GZHAG GO, ,PHYI ROL DANG NANG GI GZHI'I NGES PAR 'BYUNG BA DANG NGES PAR 'BYUNG BA MA YIN PA DE NYID KYI DBANG DU BYAS NAS, DAM PA'I CHOS DANG DAM PA'I CHOS MA YIN PA THOS PA DANG, TSUL BZHIN DANG TSUL BZHIN MA YIN PA YID LA BYED PA'I GNAS KYI GTAM GYI GZHI RNAM PA GSUM GYI DON GYIS NI 'DAS PA DANG, MA 'ONGS PA DANG, DA LTAR BYUNG BA'I KHAMS GSUM RNAM PAR GZHAG PAR RIG @296B PAR BYA'O, ,SDUG BSNGAL DANG NYON MONGS PA MANG PO DANG 'BRING DANG NYUNG NGU YONGS SU SHES PA'I DON GYIS NI NGAN PA DANG 'BRING DANG GYA NOM PA'I KHAMS GSUM RNAM PAR GZHAG STE, SDUG BSNGAL CHEN PO DANG NYON MONGS PA CHEN PO'I KHAMS GANG YIN PA DE NI NGAN PA YIN NO, ,SDUG BSNGAL 'BRING DANG NYON MONGS PA 'BRING NI 'BRING YIN NO, ,SDUG BSNGAL CHUNG NGU DANG NYON MONGS PA CHUNG NGU NI GYA NOM PA YIN NO, ,NGAN PA DANG 'BRING DANG GYA NOM PA'I KHAMS YONGS SU SHES NAS, DE'I RGYU YONGS SU SPONG BA'I DON DANG, DE'I GNYEN PO BSGOM PA'I DON GYIS NI DGE BA DANG, MI DGE BA DANG, LUNG DU MA BSTAN PA'I KHAMS GSUM RNAM PAR GZHAG PAR RIG PAR BYA'O, ,DGE BA BSGOM PA DES RNAM PAR DAG PA THA DAD PA'I SGO NAS NI SLOB PA DANG, MI SLOB PA DANG, SLOB PA YANG MA YIN, MI SLOB PA YANG MA YIN PA'I KHAMS GSUM RNAM PAR GZHAG PAR RIG PAR BYA STE, RIL GYIS MA BCINGS PA'I DON DANG 'CHING BA MED PA'I DON DANG, RIL GYIS BCINGS PA'I DON GYI PHYIR RO, ,SLOB PA DANG MI SLOB PA DE DAG GI 'BRAS BU BYIS PA DANG, THUN MONG BA DANG, THUN MONG MA YIN PA 'JIG RTEN DANG 'JIG RTEN LAS 'DAS PA'I CHOS DANG LDAN PA'I DON GYIS NI ZAG PA DANG BCAS PA DANG; ZAG PA MED PA'I KHAMS GNYIS RNAM PAR GZHAG PAR RIG PAR BYA'O, ,'JIG RTEN DANG 'JIG RTEN LAS 'DAS PA DE GNYIS KYI RTAG PA DANG, MI RTAG PA DANG, BLA NA YOD PA DANG, BLA NA MED PA'I PHYIR NI 'DUS BYAS DANG, 'DUS MA BYAS PA'I KHAMS GNYIS RNAM PAR GZHAG PAR RIG PAR BYA'O, ,TSANGS PAR SPYOD PA BSTEN PA NI MYA NGAN LAS 'DA' BAR NYE BAR 'GRO BA DANG MYA NGAN LAS 'DAS PA'I MTHAR THUG PAS NA, DE'I PHYIR DE YAN CHAD DU NA KHAMS RNAM PAR GZHAG PA MED DO, ,SKYE MCHED DANG RTEN CING 'BREL BAR 'BYUNG BA DANG GNAS DANG GNAS MA YIN PA LA MKHAS PA NI 'DI LTA STE, NYAN THOS KYI SA LAS 'BYUNG BA BZHIN NO, ,DE LA GNAS DANG GNAS MA YIN PA LA MKHAS PA NI MDOR BSDU NA 'GRO BA LNGAR 'GRO BA DANG MYA NGAN LAS 'DAS PAR 'GRO BA'I LAM LAS BRTZAMS TE, LAM DE DAG THAMS CAD BSDUS NA RNAM PA GSUM DU 'GYUR TE, NGAN PA NI NGAN 'GROR @297A *, ,'GRO BA GANG YIN PA'O, ,'BRING NI BDE 'GROR 'GRO BA GANG YIN PA'O, ,MCHOG NI MYA NGAN LAS 'DA' BAR 'GRO BA GANG YIN PA'O, ,DE CI'I PHYIR ZHE NA, BDE 'GROR 'GRO BA'I LAM GYI MCHOG LA ZHUGS PA GANG YIN PA DE DAG NI 'JIG RTEN PA DE NYID KYI PHUN SUM TSOGS PA MCHOG THOB PAR 'GYUR BA YIN TE, 'DI LTA STE, 'KHOR LOS SGYUR BAR 'GYUR BA'AM, BRGYA BYIN DU 'GYUR BA'AM, BDUD DU 'GYUR BA'AM, TSANGS PAR 'GYUR BA STE, DE DAG DE LAS GZHAN PA'I SKYES BU GANG ZAG GAM BUD MED KYI SGO NAS ZLA MED PA DE NI GNAS YIN NO, , MYA NGAN LAS 'DA' BAR 'GRO BA'I LAM LA ZHUGS PA GANG YIN PA DE DAG NI SEMS CAN THAMS CAD KYI MCHOG THOB PAR 'GYUR BA YIN TE, 'DI LTA STE, NYAN THOS DANG, RANG SANGS RGYAS DANG BLA NA MED PA'I BYANG CHUB PO, ,DE RNAMS LAS KYANG MCHOG TU GYUR BA'I DE BZHIN GSHEGS PA DE DAG GI BYANG CHUB DE NI, STONG GSUM GYI STONG CHEN PO THAMS CAD NA, GANG ZAG BLA NA MED PA DANG, KHYAD PAR DU 'PHAGS PA YIN TE, DE MA YIN PA DMA' BA'I BYANG CHUB LA ZHUGS PA RNAM PA DAG GI YON TAN RNAMS KYANG 'JIG RTEN PA'I BDAG PO THOB PA DE DAG LAS KHYAD PAR DU 'PHAGS PA YIN NA DE BZHIN GSHEGS PA'I LTA CI SMOS, DE DAG KYANG GANG ZHE NA, LTA BA PHUN SUM TSOGS PA'I GANG ZAG GIS SPYAD PA'I RGYU MA YIN LA SO SO'I SKYE BOS SPYAD PA'I RGYU YIN PA'I GNAS GANG YIN PA DAG STE, MDO LAS JI SKAD 'BYUNG BA BZHIN DU RIG PAR BYA'O,, ,, RNAL 'BYOR SPYOD PA'I SA LAS GZHI BSDU BA, BAM PO BCO BRGYAD PA, SDOM NI, RANG BZHIN RGYU DANG LTA BA DANG, ,KUN NAS NYON MONGS GANG ZAG GROL, ,'JUG PA'I BYE BRAG RIGS PA DANG, ,ZHI DANG RTAG PA THA MA YIN, ,TSOR BA RNAMS KYI RANG BZHIN YANG RIG PAR BYA, ,RGYU YANG RIG PAR BYA, TSOR BA RNAMS LA YANG DAG PAR LTA BA YANG RIG PAR BYA, TSOR BA RNAMS LA KUN NAS NYON MONGS PA YANG RIG PAR BYA'O, ,TSOR BA MYONG BA'I GANG ZAG SO SOR BRTAGS PA DANG, SO SOR BRTAGS PA MA YIN PA'I STOBS DANG LDAN PA GNYIS KYI KHYAD PAR YANG RIG PAR BYA, DE BZHIN @297B DU RNAM PAR MA GROL BA DANG, RNAM PAR GROL BA'I KHYAD PAR YANG RIG PAR BYA, TSOR BA RNAMS KYI 'JUG PA'I RNAM PA'I BYE BRAG KYANG RIG PAR BYA, TSOR BA GANG CI TSOR YANG RUNG BA 'DI NI 'DIR SDUG BSNGAL BA YIN NO ZHES BYA BA'I RIGS PA YANG RIG PAR BYA, TSOR BA RNAMS RNAM PAR ZHI BA SHIN TU SBYANGS PAR YANG RIG PAR BYA, TSOR BA'I RNAM PA THAMS CAD LA TSOR BA BRTAG PAR YANG RIG PAR BYA'O, ,DE LA MDOR BSDU NA TSOR BA GSUM NI TSOR BA RNAMS KYI RANG BZHIN NO, ,RIG PA RNAM PA GSUM NI RGYU'O, ,BDE BA'I TSOR BA RNAM PAR 'GYUR BA'I CHOS CAN YIN PA DANG; 'DOD CHAGS KYI GNAS YIN PA DANG, 'DOD CHAGS NI PHYI MA'I SDUG BSNGAL GYI RGYU YIN PA'I PHYIR BDE BA'I TSOR BA NI SDUG BSNGAL BA YIN PAR BLTA BAR BYA'O, ,SDUG BSNGAL BA MNGON SUM DU GYUR BA NI ZUG RNGU MA PHYIN PA DANG 'DRA BAR GNOD PA'I BDAG NYID YIN PA'I PHYIR SDUG BSNGAL BA NI ZUG RNGU YIN PAR BLTA BAR BYA'O, ,SDUG BSNGAL BA YANG MA YIN BDE BA YANG MA YIN PA'I TSOR BA MED PAR GYUR BA GANG YIN PA NI DE MI RTAG PA YIN PA DANG, MNGON SUM DU GYUR BA YANG 'GAG PA'I CHOS NYID YIN PA'I PHYIR GNYI GA 'ANG NYING MTSAMS SBYOR BA DANG MTHUN PAS NA SDUG BSNGAL BA YANG MA YIN BDE BA YANG MA YIN PA NI MI RTAG PA DANG, 'GAG PA'I CHOS NYID DU BLTA BAR BYA STE, 'DI NI TSOR BA RNAMS LA YANG DAG PAR LTA BA YIN TE, TSOR BA GANG CI YANG RUNG BA 'DI NI 'DIR SDUG BSNGAL BA'O ZHES BYA BA LA 'JUG PA'I PHYIR RO, ,BDE BA LAS NI 'DOD CHAGS, SDUG BSNGAL BA LAS NI ZHE SDANG, SDUG BSNGAL BA YANG MA YIN BDE BA YANG MA YIN PA LAS NI MA RIG PA RGYAS PAR 'GYUR TE, 'DI NI TSOR BA RNAMS LAS KUN NAS NYON MONGS PA'O, ,BDE BA LA SOGS PA'I GNAS SKABS THAMS CAD LA GNAS PA'I NI THAMS CAD MA SPANGS PAS BAG LA NYAL RGYAL BAR 'GYUR MOD KYI, 'ON KYANG DMIGS PA RANG RANG GI SPYOD YUL DES KUN NAS DKRIS PA SKYES PA DE DAG DE'I RJES LA RGYUD DE NYID LA NYON MONGS PA DANG 'BREL BA GNYID LOG PA BZHIN 'DUG PAS NA BAG LA NYAL ZHES BYA'O, ,DE LA 'DIR TSANGS PAR SPYOD PA SPYAD PA NI BAG LA NYAL GZHOM PA'I PHYIR YIN GYI, KUN NAS DKRIS PA BSAL BA @298A *, ,TZAM GYI PHYIR NI MA YIN NO, ,SO SOR BRTAGS PA'I STOBS DANG LDAN PA MA YIN PA'I GANG ZAG NI SDUG BSNGAL BA'I TSOR BA MYONG BA NA SHIN TU SEMS NGAL BAR 'GYUR TE, DE NI LUS DANG SEMS KYIS SDUG BSNGAL MNGON SUM DU GYUR BA DE YANG MYONG BAR 'GYUR LA, DE MA YIN BA'I BDE BA DANG, SDUG BSNGAL BA YANG MA YIN BDE BA YANG MA YIN PA RNAMS KYANG MA SPANGS PAS LDAN PAR 'GYUR TE, DE BAS NA TSANGS PAR GNAS PA'I TSOR BA NI SA'I 'OG CES BYA STE GTING YANG MI SLEBS SO, ,SO SOR BRTAGS PA'I STOBS DANG LDAN PA NI DE LAS BZLOG PA YIN PAR RIG PAR BYA'O, ,TSOR BA RNAMS LAS SEMS RNAM PAR MA GROL BA NI ZUG RNGU GNYIS KYIS PHOG PA'I MIS ZUG RNGU GNYIS MYONG BA BZHIN DU SDUG BSNGAL BA'I TSOR BA TSANG BAR MYONG BAR 'GYUR RO, ,'DOD CHAGS DANG ZHE SDANG DANG GTI MUG RNAMS KYIS SEMS KUN NAS NYON MONGS PA CAN DU GYUR PAS NI TSOR BA GSUM MYONG BAR 'GYUR RO, ,SKYE BA LA SOGS PA'I SDUG BSNGAL DANG LDAN PA YANG MYONG BAR 'GYUR TE, DE LTAR NA DE'I TSE 'DI'I SDUG BSNGAL CHEN PO DANG, TSE 'DI'I KUN NAS NYON MONGS PA DANG, TSE PHYI MA'I SDUG BSNGAL GYI GNAS DE GSUM GYIS NYE BAR NYON MONGS PAR MYONG BAR 'GYUR RO, ,DE LAS BZLOG PA NI SEMS RNAM PAR GROL BA YIN PAR RIG PAR BYA STE, TSOR BA GSUM MYONG BA DE GNYIS KYI KHYAD PAR NI DE MA YIN NO, ,DE LA TSOR BA LUS LAS SKYES PA ZHIG CING MED PAR GYUR LA MI GNAS PA DANG, MYUR DU 'GRO ZHING DUS GZHAN DU 'DRA BA'I RGYUD KYIS MI GNAS PA GANG YIN PA DE DAG NI RLUNG GI TSUB MA LTA BU YIN PAR BLTA BAR BYA'O, ,'DRA BA'I RGYUD KYIS CUNG ZAD TZAM GNAS TE, DE'I MOD LA MI 'GYUR BA GANG YIN PA DE DAG NI SDONG BU SAR GLO BUR BA'I RIGS 'ONGS PA LTA BUR BAR BYA'O, ,DE LA DE DAG GI RNAM PA'I BYE BREG NI RANG BZHIN DANG, RTEN DANG, KUN NAS NYON MONGS PA DANG, RNAM PAR BYANG BA'I PHYOGS THA DAD PA LAS RIG PAR BYA'O, ,DE LA ZANG ZING DANG BCAS PA'I TSOR BA NI 'JIG RTEN PA'I THAMS CAD DO, ,ZANG ZING MED PA NI 'JIG RTEN LAS 'DAS PA'O, ,'CHUMS PA LA BRTEN PA NI 'DOD PA'I YON TAN LNGA PO @298B RNAMS LAS NYON MONGS PA CAN GYI TSOR BA'O, ,NGES PAR 'BYUNG BA LA BRTEN PA NI MNYAM PAR GZHAG PA DANG, MNYAM PAR GZHAG PA MA YIN PA'I SA BA'I NGES PAR 'BYUNG BA DANG, RAB TU DBEN PA LAS 'BYUNG BA'I DGE BA THAMS CAD DANG LDAN PA'I TSOR BA GANG YIN PA'O, ,SDUG BSNGAL BA'I TSOR BA NI SDUG BSNGAL NYID YIN PAR SKYE BO THAMS CAD KYI MNGON SUM DU GYUR BAS BSGRUB MI DGOS SO, ,TSOR BA GNYIS NI RGYU GNYIS KYIS SDUG BSNGAL BA NYID YIN PAR YID CHES PAR BYA STE, SDUG BSNGAL BA YANG MA YIN BDE BA YANG MA YIN PA'I TSOR BA DANG, DE DANG MTHUN PA'I 'DU BYED RNAMS NI MI RTAG PA'I PHYIR RO, ,BDE BA'I TSOR BA DANG, DE DANG MTHUN PA'I 'DU BYED RNAMS NI RNAM PAR 'GYUR BA'I CHOS CAN YIN PA'I PHYIR TE, RIGS PA 'DIS NI TSOR BA GANG CI YANG RUNG BA 'DI NI 'DIR SDUG BSNGAL BA'O ZHES BYA BAR RIG PAR BYA'O, ,MDOR BSDU NA TSOR BA RNAM PAR ZHI BAR 'GYUR BA NI RNAM PA GSUM DU RIG PAR BYA STE, GONG MA MNYAM PAR GZHAG PA'I SA LA BRTEN PAS, SA 'OG MA'I TSOR BA RNAM PAR ZHI BAR 'GYUR BA DANG, RE ZHIG KUN DU MI SPYOD PAS RNAM PAR ZHI BA DANG PHYI MA LA GTAN DU MI 'JUG PAS RNAM PAR ZHI BA'O, ,DE LA RE ZHIG KUN DU MI SPYOD PA NI RNAM PAR ZHI BA'O, ,GTAN DU KUN DU SPYOD PA'I CHOS NYID KYI RNAM PAR ZHI BA NI MED PA YIN PAR RIG PAR BYA'O, ,SMRA BA LA DGA' ZHING SMRA BA LA ZHUGS PA'I NYON MONGS PA CAN 'DOD CING GCIG LA GCIG KUN DU SMRA BA LA NI NGAG CES BYA STE, DE NI BSAM GTAN DANG PO LA SNYOMS PAR ZHUGS NA RNAM PAR ZHI BAR 'GYUR RO, ,GZHAN YANG RTOG PA DANG DPYOD PA RAGS PA RNAMS KYIS NI NGAG KUN NAS SLONG BAR BYED DE, DE DAG GIS NI TING NGE 'DZIN MA THOB PA DANG, TING NGE 'DZIN THOB PA LAS LANGS PA'I NGAG KUN NAS SLONG BAR BYED DO, ,SNYOMS PAR ZHUGS PA'I NI MI BYED DE, SNYOMS PAR ZHUGS PA'I RTOG PA DANG DPYOD PA RNAMS NI CHA PHRA BAR 'JUG PA YIN PAS NGAG KUN NAS SLONG BAR BYED PA MA YIN NO, ,DE BAS NA DE LA GNAS PA'I NGAG NI RNAM PAR ZHI ZHES BYA STE, 'DI NI RNAM GRANGS GNYIS PA YIN NO, ,'DOD CHAGS DANG ZHE SDANG DANG GTI MUG @299A *, ,RNAMS LA NYES DMIGS SU LTA ZHING RNAL 'BYOR SPYOD PA LA GNAS PA NA 'DOD CHAGS DANG ZHE SDANG DANG GTI MUG DANG BRAL BA'I TSOR BA MYONG BAR 'GYUR TE, 'DOD CHAGS DANG ZHE SDANG DANG GTI MUG RNAMS YONGS SU SHES SHING YONGS SU SHES PA DANG, SPANGS SHING SPANGS NAS DE'I SEMS 'DOD CHAGS DANG ZHE SDANG DANG GTI MUG DE LAS CHAGS PAR GYUR BA MED PA DANG, RNAM PAR GROL BAR GYUR BA ZHES BYA'O, ,TSOR BA'I RNAM PA THAMS CAD LA NI RNAM PA BDUN GYIS TSOR BA BRTAGS PAR RIG PAR BYA STE, RANG BZHIN DANG, DA LTAR 'JUG PA DANG LDOG PA'I RGYU DANG, TSE PHYI MA LA 'JUG PA'I RGYU DANG, TSE PHYI MA LA MI 'JUG PA'I RGYU DANG, KUN NAS NYON MONGS PA 'JUG PA'I RGYU DANG, RNAM PAR BYANG BA'I RGYU DANG, RNAM PAR BYANG BA'I SGO NAS NI BRTAG PA'O, ,SDOM NI, TSOR BA SKYE DANG 'GAG PA DANG, ,CHUNG SOGS BYE BRAG LTA BA'I MCHOG ,TSOR BA'I RAB TU DBYE BA DANG, ,RAB TU DBYE BAS LAN GDAB PA, ,SEMS CAN THAMS CAD KYI TSOR BA SPANG BAR BYA BA THAMS CAD NI MDOR BSDU NA RKYEN GSUM GYIS SKYE BAR 'GYUR TE, 'DUN PA'I RKYEN NI MA 'ONGS PA'I DUS LA BRTEN TO, ,RTOG PA'I RKYEN NI 'DAS PA'I DUS LA BRTEN TO, ,REG PA'I RKYEN NI YUL MNGON SUM DU GYUR BA'I DA LTAR GYI DUS LA BRTEN TO, ,SEMS CAN THAMS CAD GANG ZHE NA, MDOR BSDU NA SEMS CAN GYI RIS BRGYAD DE, KHYIM PA RNAMS DANG, RAB TU BYUNG BA RNAMS DANG, 'DOD PA RNAMS LAS 'DOD CHAGS DANG MA BRAL BA RNAMS DANG, 'DOD PA RNAMS LAS 'DOD CHAGS DANG BRAL BA RNAMS DANG, BSAM GTAN DANG PO LAS 'DOD CHAGS DANG MA BRAL BA RNAMS DANG, BSAM GTAN DANG PO LAS 'DOD CHAGS DANG BRAL BA RNAMS DANG, DE YAN CHAD NAS 'DU SHES MED 'DU SHES MED MIN SKYE MCHED KYI BAR GYI 'DOD CHAGS DANG BRAL BA RNAMS DANG, 'DI LAS PHYI ROL BA 'JIG RTEN PA'I SNYOMS PAR 'JUG PA LOG PAR LTA BA NAS, LOG PAR RNAM PAR GROL BA'I SHES PA CAN GYI BAR RNAMS DANG, CHOS 'DI BA'I 'JIG RTEN PA'I SNYOSM PAR 'JUG PA YANG DAG PA'I LTA BA NAS YANG DAG PA'I RNAM @299B PAR GROL BA SHES PA DANG LDAN PA'I BAR RNAMS DANG, CHOS 'DI PA 'JIG RTEN LAS 'DAS PA'I SNYOMS PAR 'JUG PA RNAMS TE, RIS BRGYAD PO 'DI RNAMS KYIS TSOR BA YONGS SU SHES PA NYAMS SU MYONG BA'I SGO NAS SEMS CAN GYI RIS THAMS CAD BSDU BAR RIG PAR BYA'O, , DE LA KHYIM PA DANG RAB TU BYUNG BA 'DOD PA RNAMS LAS 'DOD CHAGS DANG MA BRAL BA'I NYON MONGS PA CAN GYI TSOR BA NI RGYU GSUM GYIS SKYE BAR 'GYUR TE, LHAG PAR ZHEN PA'I STOBS DANG, YID LA BYED PA'I STOBS DANG, YUL GYI STOBS SO, ,DE LA KHYIM PA 'DOD PA YONGS SU TSOL ZHING LONGS SPYOD PA'I PHYIR 'DUN PA SKYES PA NI LHAG PAR ZHEN PA'I STOBS DANG, DE NYID SNGON MYONG BA'I TSUL BZHIN MA YIN PA YID LA BYED PA'I STOBS DANG, YUL MNGON SUM DU GYUR BA NA YONGS SU LONGS SPYOD PAR BYED PA'I YUL GYI STOBS KYIS GANG ZAG DE'I 'DUN PA DANG RTOG PA DANG REG PA RNAMS NI KUN DU SPYOD PA'I SGO NAS RNAM PAR MA ZHI BA YIN NO, ,DE'I RKYEN GYIS KYANG DE'I TSOR BA RNAMS PA GSUM SKYE BAR 'GYUR RO, ,DE THOG MAR NYON MONGS PA CAN GYI BDUN PA DANG RTOG PA DANG REG PA KUN DU SPYOD PA'I PHYIR D'EI RKYEN LAS BYUNG BA'I TSOR BA NYAMS SU MYONG BAR 'GYUR RO, ,GAL TE SKYES ZIN PAR DANG DU LEN TE SPONG BAR MI BYED CING, SEL BAR MI BYED NA NI DE LTAR D'EI TSOR BA RGYUN DU GNAS PA RGYUD DANG 'BREL BAS RNAM PAR ZHI BAR MI 'GYUR RO, ,DE RNAM PAR MA ZHI BA'I RKYEN GYIS RGYUN DU GNAS PA'I TSOR BA YANG NYAMS SU MYONG BAR 'GYUR RO, ,DE THOG MAR 'DUN PA LA SOGS PA RGYUN DU GNAS PA RNAMS KUN DU SPYOD PA'I PHYIR DE'I RKYEN GYIS TSOR BA NYAMS SU MYONG BAR 'GYUR BA DANG, DE'I PHYOGS DANG MTHUN PA'I KUN NAS NYON MONGS PA RGYUD LA YOD PA RNAMS MA SPANGS PA'I PHYIR DE RNAM PAR MA ZHI BA'I RKYEN DU 'GYUR BA 'DI NI RNAM GRANGS GNYIS PA'O, ,DE LA RAB TU BYUNG BA 'DOD CHAGS DANG MA BRAL BA NI 'DOD PA YONGS SU BTAN BA'I PHYIR LHAG PAR ZHEN PA'I STOBS KYIS BSDUS PA'I 'DUN PA NI RNAM PAR ZHI BA YIN NO, ,YID LA BYED PA DANG YUL GYI STOBS KYIS BSDUS PA'I RTOG PA RNAMS DANG, REG PA NI RNAM PAR MA ZHI BA @300A *, ,YIN TE; DES NA DE GCIG PUR 'DUG CING RTOG PA RNAMS KYI GNYEN PO MA BSGOMS PA DANG, THAMS CAD KYI THAMS CAD DU SKYO BAR YANG MA BYAS PAS SNGON MYONG BA'I YUL LA TSUL BZHIN MA YIN PA YID LA BYED PA'I RTOG PA RNAMS KUN DU SPYOD DO, ,YUL BA MNGON SUM DU GYUR BA LA YANG REG PA KUN DU SPYOD PAR BYED DO, ,RTOG PA NYES PAR LTA BA'I NI DE'I GNYEN PO BSGOMS LA THAMS CAD KYI THAMS CAD DU 'DOD CHAGS DANG BRAL BA NI MA YIN PA'I PHYIR RTOG PA RNAMS RNAM PAR ZHI BAR GYUR BA YIN NO, ,'DUN PA NI SNGA NAS KYANG RNAM PAR ZHI BA'O; ,REG PA GCIG PU NI YUL RAGS PA MNGON SUM DU GYUR BA LA NYON MONGS PA CAN GYI REG PA SKYE BA'I PHYIR RNAM PAR ZHI BA MA YIN NO, ,'DOD PA'I CHAGS DANG BRAL BA YIN NA NI THAMS CAD KYANG RNAM PAR ZHI BAR RIG PAR BYA STE, 'DI NI RNAM GRANGS GCIG GO, ,GZHAN YANG 'DOD PA RNAMS LA 'DOD CHAGS DANG MA BRAL BA KHA CIG NI 'DOD PA RNAMS LA 'DOD PA'I 'DUN PA MA SPANGS PA DANG, RTOG PA RNAMS KYI NYON MONGS PA CAN GYI REG PA MA SPANGS PA'I PHYIR THAMS CAD RNAM PAR MA ZHI BA YIN NO, ,'DOD PA RNAMS LA 'DOD PA'I 'DUN PA SPANGS NAS BSAM GTAN DANG PO LA SNYOMS PAR ZHUGS PA'I 'DUN PA NI RNAM PAR ZHI LA RTOG PA RNAMS NI RNAM PAR MA ZHI BA'O, ,BSAM GTAN DANG PO YAN CHAD KYI 'DOD CHAGS DANG NI BRAL BA 'DU SHES MED 'DU SHES MED MIN SKYE MCHED KYI 'DOD CHAGS DANG NI MA BRAL BA NI GNYIS NI RNAM PAR ZHI LA, REG PA NI RNAM PAR MA ZHI BA'O; ,SRID PA LAS YANG DAG PAR 'DAS PAS NI THAMS CAD RNAM PAR ZHI BAR 'GYUR TE 'DI NI RNAM GRANGS GNYIS PA'O, ,DE LA PHYI ROL PA 'JIG RTEN PA'I SNYOMS PAR 'JUG PA LOG PAR LTA BA NAS, LOG PA'I RNAM PAR GROL BA'I SHES PA CAN GYI BAR GANG YIN PA DE DAG GI NI DE'I RKYEN GYIS TSOR BA SKYE BAR 'GYUR RO, ,DE YANG DANG YANG DU LEN PA DE'I PHYOGS DANG MTHUN PA'I NYON MONGS PA DANG YANG 'BREL BA RNAMS KYI NI DE RNAM PAR MA ZHI BA'I RKYEN GYIS TSOR BA SKYE BAR 'GYUR RO, ,CHOS 'DI PA 'JIG RTEN PA'I SNYOMS PAR 'JUG PA RNAM PAR 'GROL BA DANG, YANG DAG PA'I RNAM @300B BAR GROL BA'I SHES PA DANG LDAN PA DE'I RKYEN DANG DU LEN CING, DE'I PHYOGS KYI NYON MONGS PA DANG 'BREL BA RNAMS KYI NI DE RNAM PAR MA ZHI BA'I RKYEN GYIS TSOR BA SKYE BAR 'GYUR RO, ,CHOS 'DI PA 'JIG RTEN LAS 'DAS PA'I SNYOMS PAR 'JUG PAR ZHUGS PA'I LAM LA GNAS LA DON MA RDZOGS PA RNAMS KYIS MA THOB PA DANG, MA RTOGS PA DANG, MNGON SUM DU MA BYAS PA MNGON DU BYA BA'I PHYIR NAM ZHIG BDAG GIS GNAS DE THOB PAR GYUR ZHING GU SNYAM PA'I 'DUN PA GANG YIN PA ZHES BYA BA NAS SNGA MA BZHIN DU RGYAS PAR SBYAR TE, DE NI RNAM PAR MA ZHI BA YIN TE, DE'I RKYEN GYIS DE'I TSE TSOR BA SKYE BAR 'GYUR RO, ,DON YONGS SU RDZOGS PA'I 'DUN PA NI RNAM PAR ZHI BA YIN TE, DE'I RNAM PAR ZHI BA'I RKYEN DES NA MCHOG TU RAB TU ZHI BA BLA NA MED PA'I TSRO BA SKYE BAR 'GYUR RO, ,DES TSR BA DE DAG THAMS CAD NGES PAR 'BYUNG BA DANG BCAS PA NGES PAR 'BYUNG BA'I THABS DANG BCAS PAR YANG DAG PA JI LTA BA BZHIN DU RAB TU SHES TE, DE BAS NA SNGA MA BZHIN DU YANG DAG PA'I DGE SBYONG RNAMS KYI NANG DU DGE BSBYONG DU 'DZIN PA DANG, BRAM ZE RNAMS KYI NANG DU BRAM ZER 'DZIN PAR 'GYUR RO, ,RAB TU MI SHES PA GANG YIN PA DE DAG NI 'DZIN PAR MI 'GYUR RO, ,DE LA TSOR BA THAMS CAD NI SPYIR NA REG PA'I RKYEN CAN YIN NO, ,RKYEN DE'I RKYEN NI 'DUN PA YANG YIN NO, ,RTOG PA YANG YIN NO, ,YUL LA RMONGS PAS BSDUS PA'I MA RIG PA YANG YIN NO, ,DE DAG THAMS CAD KYI KUN 'BYUNG BA'I GNAS NI TSUL BZHIN MA YIN PA YID LA BYED PA DANG, DE'I PHYOGS DANG MTHUN PA RGYUD LA YOD PA'I NYON MONGS PA YIN NO, ,DE 'GAGS NA YANG DE RNAMS 'GAG PAR 'GYUR RO, ,YANG DAG PA'I LTA BA LA SOGS PA'I LAM NI 'GOG PAR 'GYUR BA'I LAM YIN PAR RIG PAR BYA'O, ,'PHAGS PA NYAN THOS RAB TU DBEN PA'I DGA' BA LUS KYIS MNGON SUM DU BYAS TE, GNAS PA NI CHOS LNGA NI SPONG LA, CHOS LNGA BSGOM PA NI YONGS SU RDZOGS PAR 'GYUR TE, 'DI LTA STE, MNYAM PAR GZHAG PA'I SA LAS RGYAS PAR 'BYUNG BA BZHIN DU RIG PAR BYA'O, ,DGA' BA DANG BDE BA DANG BTANG SNYOMS RNAMS KYI THA MA DANG, 'BRING DANG MCHOG NI 'DOD PA'I KHAMS DANG BSAM GTAN @301A *, ,BZHI PO RNAMS LA CI RIGS PAR RIG PAR BYA'O, ,BSAM GTAN BZHI PA'I SA PA'I BTANG SNYOMS NI SKYON THAMS CAD DANG BRAL BA DANG, SHIN TU YONGS SU DAG PA'I PHYIR ZANG ZING MED PA'O, ,DE YAN CHAD KYI BTANG SNYOMS DE NI CHES ZANG ZING MED PA YIN PAR RNAM PAR GZHAG GO; ,TSOR BA RNAMS KYI BYE BRAG NI RNAM PA BCUR RIG PAR BYA STE, YANG DAG PA'I BYE BRAG DANG, 'JUG PA'I RTEN GYI BYE BRAG DANG, RANG GI MTSAN NYID KYI BYE BRAG DANG, JI SNYED YOD PA'I BYE BRAG DANG, RANG GI MTSAN NYID KYI RNAM PA'I BYE BRAG DANG, 'JUG PA'I SGO'I BYE BRAG DANG, KUN NAS NYON MONGS PA'I SGO'I BYE BRAG DANG, MI MTHUN PA'I PHYOGS DANG GNYEN PO'I BYE BRAG DANG, DUS KYI BYE BRAG DANG, SKAD CIG PA GCIG NAS GCIG TU BRGYUD CING 'JUG PA'I BYE BRAG GO, ,DE LA KHA CIG BLO MA RDZOGS PA'I PHYIR 'DI SNYAM DU SEMS TE, TSOR BA NI GNYIS KHO NAR ZAD DE, BDE BA DANG, SDUG BSNGAL BA'O, ,SDUG BSNGAL BA YANG MA YIN, BDE BA YANG MA YIN NO ZHES BYA BA GANG YIN PA DE NI BDE DANG SDUG BSNGAL BA MED PA TZAM GYIS RAB TU PHYE BAR ZAD PA'I PHYIR BDE BA DANG, SDUG BSNGAL BA NYE BAR ZHI BA KHO NA'I DBANG DU BYAS NAS, BCOM LDAN 'DAS KYIS BTAGS PA YIN NO SNYAM STE, DE LA BRDA SPRAD PA'I PHYIR BCOM LDAN 'DAS KYIS BDE BA NI GNYIS TE, 'DOD PA'I BDE BA DANG, DBEN PA'I BDE BA'O ZHES GSUNGS TE, DBEN PA'I BDE BA DE YANG THA MA DANG, 'BRING DANG, GONG NA MED PA STE, THA MA NI CI YANG MED PA'I SKYE MCHED MAN CHAD DO, , 'BRING NI SRID PA'I RTZE MO'O, ,MCHOG NI 'DU SHES DANG TSOR BA 'GOG PA'O, ,DE LTAR YIN PAS NA ZHI BA'I BDE BA YANG TSO BA YIN PAR GSUNGS TE, DPER NA, BSAM GTAN DANG PO DANG, GNYIS PA DANG, GSUM PA RNAMS KYI LTA BU'O, ,SDUG BSNGAL BA YANG MA YIN, BDE BA YANG MA YIN PA YANG TSOR BA YIN TE, DPER NA BSAM GTAN BZHI PA YAN CHAD, SRID PA'I RTZE MO MAN CHAD KYI LTA BU'O, ,ZHI BA'I TSOR BA THAMS CAD KYI THAMS CAD DU MED PAR YANG GSUNGS TE, DPER NA 'GOG PA'I SNYOMS PAR 'JUG PA'I LTA BU'O, ,YANG DAG PAR NA BCOM LDAN @301B 'DAS KYIS ZHI BA'I BDE BA NI RNAM PA GSUM DU GSUNGS TE, 'DI LA DGE SLONG GI SEMS 'DOD CHAGS LAS 'DOD CHAGS MED PA DANG, RNAM PAR GROL BAR 'GYUR RO, ,'DOD CHAGS LAS JI LTA BA BZHIN DU ZHE SDANG DANG GTI MUG LAS KYANG DE DANG 'DRA STE, DE DAG THAMS CAD GCIG TU BSDUS NA BDE BA GSUM DU 'GYUR TE, YONGS SU SPANG BAR BYA BA'I BDE BA DANG, BSTEN PAR BYA BA'I GNAS PA'I BDE BA GONG NA YOD PA DANG GONG NA MED PA DANG, GTAN DU MTHAR THUG PA STE RNAM PAR GROL BA'I BDE BA'O, ,DE LA 'DOD PA'I BDE BA NI YONGS SU SPANG BAR BYA'O, ,BSAM GTAN DANG PO NAS SRID PA'I RTZE MO'I BAR DU NI BSTEN PAR BYA BA GONG NA YOD PA'I GNAS PA'I BDE BA'O, ,'GOG PA'I SNYOMS PAR 'JUG PA NI BSTEN PAR BYA BA GONG NA MED PA'I GNAS PA'I BDE BA'O, ,SNGA MA BZHIN DU BDE BA GSUM PO RNAMS NI GTAN DU MTHAR THUG PA'I RNAM PAR GROL BA'I BDE BA'O; ,TSOR BA'I BDE BA LAS DGONGS TE 'GOG PA'I SNYOMS PAR 'JUG PA BDE BA'O ZHES GSUNGS PA NI MA YIN GYI, BDE BA'I TSOR BA CHAD PA'I BDE BA GANG YIN PA DE DANG, BDE BA DE JI LTA BA'I MCHOG GI GNAS PA'I BDE BA DANG, BDE BA NYAMS SU MYONG BA GANG YIN PA LAS DGONGS TE, JI LTAR KHA CIG SNYOMS PAR 'JUG PA DE LAS LANGS NAS BDAG NI 'DI DANG 'DI LTA BUR MCHOG TU RAB TU ZHI BA'I GNAS PAS RING DU GNAS PAR GYUR TO SNYAM DU NYAMS SU TSOR BA 'DI NI DGONGS NAS BDE BA ZHES GSUNGS SO, ,DGE SLONG GIS MTHONG BA DANG, THOS PA DANG, BDE BA DANG, 'DU SHES DANG, SRID PA JI LTA BU LA BRTEN NAS DE'I RJES LA ZAG PA ZAD PA 'THOB PA DE NI DE'I BDE BA'I MCHOG YIN PA NAS, SRID PA RNAMS KYI BAR GYI MCHOG YIN NO, ,DE LA BDAG MED PAR MTHONG BA'I GONG DU MTHONG BA GZHAN TSOR BAR MI BYED DA, 'DI LTA STE, MI RTAG PAR MTHONG BA LAS NI DE'I RJES LA ZAG PA ZAD PA THOB PAR 'GYUR TE, DE BAS NA MTHONG BA RNAMS KYI MCHOG YIN NO, ,DES MTHONG BA DE LA BRTEN NAS SGO BZHIS ZAG PA MED PA THOB PAR 'GYUR TE, GZHAN LAS DAM PA'I CHOS THOB PA'AM, TSE 'DI LA BDE BAR GNAS PA BZHI LA BRTEN PA'AM, 'DU SHES KYI @302A *, ,SNYOMS PAR 'JUG PA RNAM PA GSUM STE, NAM MKHA' MTHA' YAS SKYE MCHED YAN CHAD CI YANG MED PA'I SKYE MCHED MAN CHAD DAM, LHAR GYUR PA DANG, MIR GYUR PA'O, ,DE BAS NA THOS PA DANG, BDE BA DE DANG, 'DU SHES DE DANG, SRED PA DE NI THOS PA RNAMS DANG, BDE BA RNAMS DANG, 'DU SHES RNAMS DANG, SRID PA RNAMS KYI NANG NA MCHOG TU GSUNGS SO, ,YONGS SU SHES PAR BYA BA'I GZHI YONGS SU SHES PA NI SDUG BSNGAL GYI BDEN PA LAS KYANG YONGS SU GROL BAR 'GYUR RO, ,KUN 'BYUNG BA'I BDEN PA LAS KYANG RNAM PAR GROL BAR 'GYUR RO, ,'GOG PA'I BDEN PA YANG MNGON SUM DU BYED DO, ,LAM GYI BDEN PA YANG SGOM PAR BYED DO, ,DE LA YANG DAG PA KHO NAR SDUG BSNGAL GYI MTHAR PHYIN PAR 'GYUR BAS NA SDUG BSNGAL GYI BDEN PA LAS YONGS SU GROL BA'O, ,ZAG PA RNAMS ZAD PA THOB PAR 'GYUR BAS NA KUN 'BYUNG BA'I BDEN PA LAS RNAM PAR GROL BA'O, ,SKYO ZHING MA CHAGS LA RNAM PAR GROL BAS NA 'GOG PA'I BDEN PA MNGON SUM DU BYED DO, ,MI RTAG PA LA SOGS PA RJES SU MTHONG BAS GNAS PAS NA LAM GYI BDEN PA SGOM MO, ,SHES BYA'I GZHI'I BYE BRAG NI RNAM PA BCUR RIG PAR BYA STE, SROG GI DBANG PO DANG 'BREL PA'I 'DU BYED SKYES PA RNAMS GNAS PA'I RGYU'I BYE BRAG DANG, GZUGS CAN DANG GZUGS CAN MA YIN PA'I 'DU BYED RNAMS GCIG LA GCIG BRTEN CING 'JUG PA'I BYE BRAG DANG, GZUGS CAN MA YIN PA'I 'DU SHES RNAMS MI RTAG PA LA 'JUG PA'I SGO'I BYE BRAG DANG, SEMS KYI KUN NAS NYON MONGS PA'I GZHI DANG GNAS KYI BYE BRAG DANG, 'DU BYED RNAM PA THAMS CAD DU BSDUS PA'I SDUG BSNGAL GYI BYE BRAG DANG, DGE BA DANG MI DGE BA'I LAS KYI 'BRAS BU LA NYE BAR SPYOD PA'I SGO'I BYE BRAG DANG, MNGON PAR DGA' BA DANG BCAS PA'I RNAM PAR SHES PA RGYU BA'I MTHA'I BYE BRAG DANG, RJES SU CHAGS PA DANG KHONG KHRO BA'I GNAS KYI BYE BRAG DANG, SEMS CAN MNGON PAR DGA' BA DANG, ZHEN PA RNAMS KYI SKYE BA'I GNAS NAS GNAS PA'I MTHA'I BYE BRAG DANG, BAG MED PA RNAMS NGAN 'GROR 'GRO BA'I GNAS KYANG MTHA'I BYE BRAG GO, ,GZHAN @302B YANG RNAM PAR BYANG BA'I PHYOGS DANG MTHUN PA THOB PAR BYA BA DANG, BSTEN PAR BYA BA'I GZHI'I SGO NAS BYE BRAG BCUR YOD PAR RIG PAR BYA STE, DGE BA'I CHOS RNAMS BSGOM PA RTAG TU BYED PA'I SGO NAS BAG YOD PA'I BYE BRAG DANG, SEMS RNAM PAR GROL BA DANG, SHES RAB RNAM PAR GROL BA'I GNAS KYI BYE BRAG DANG, TING NGE 'DZIN GYI MTHA'I BYE BRAG DANG, DMIGS PA THAMS CAD LA SEMS 'DOGS PA'I MTHA'I BYE BRAG DANG, RNAM PAR THAR PA'I THABS KYI BYE BRAG DANG, RNAM PAR THAR PA'I BYE BRAG DANG, DE KHO NA'I DON YANG DAG PAR RTOGS PA'I BYA BRAG DANG, DE KHO NA MNGON PAR RDZOGS PAR SANGS RGYAS PA'I 'OG TU BSLAB PA GSUM LA SLOB PA'I BYE BRAG DANG, SLOB CING 'DUG PA DANG, BSLAB ZIN PA TSE 'DI LA BDE BAR GNAS PA'I BYE BRAG DANG, 'PHAGS PA'I RDZU 'PHRUL RGYA CHEN PO'I DBANG PHYUG GI BYE BRAG GO, ,JI SKAD BSTAN PA'I BYE BRAG 'DI RNAMS LAS BRTZAMS TE, 'DRI BA YANG YOD DO, ,NGES PA'I DON MA YIN PA'I TSUL GYIS BSTAN PA YANG YOD DO, ,NGES PA'I DON GYI TSUL GYIS LAN GDAB PA YANG YOD DO, ,DE LA 'DRI BA'I GANG ZAG LA RGYU BZHIS LAN MI GLAN PA YANG YOD DO, ,LAN 'DEBS PAR BYED PAS LAN MI 'DEBS PA YANG BZHI YOD DO, ,GTAN TSIGS YOD PA DANG GTAN TSIGS MED PA MNGON SUM GYI TSAD MA DANG LDAN ZHING RIGS PAR GYUR PA LEGS PAR BSTEN KYANG MI NYAN PA DANG, RJES SU DPAG PA DANG, LDAN PA'I YONGS SU BRTAG PA BYED NA YANG MI NYAN PA DANG, NAN TAN SGRUBS SHIG DANG, BDAG NYID KYIS SHES PAR 'GYUR RO ZHES BYAS NA YANG MI NYAN PA DANG, SHES PAS SMRA BA YID CHES SU RUNG BAS 'DI SKAD GSUNGS SO ZHES BYAS KYANG YID CHES PA'I LUNG YANG MI NYAN PA STE, DE BAS NA 'DRI BA PO LA LAN MI GLAN PA YIN NO, ,MGO GCIG TU LAN GDAB PA NI RNAM PA BZHI STE, 'DU BYED THAMS CAD MI RTAG PA'O, ,CHOS THAMS CAD BDAG MED PA'O, ,SKYE BA'O GNAS THAMS CAD LA DGA' BAR MI BYA'O, ,DGE BA DANG MI DGE BA'I LAS RNAMS CHUD MI ZA'O ZHES BYA'O, ,CHED DU BSAMS TE LAS BYAS NA SDUG BSNGAL NYAMS SU MYONG BAR 'GYUR RO ZHES BYA BA 'DI LA NI MGO GCIG TU CHAD @303A *, ,PA MED DO, ,BTANG SNYOMS THOB PA NI TSE 'DI LA YONGS SU MYA NGAN LAS 'DA' BAR 'GYUR RO ZHES BYA BA 'DI LA YANG MGO GCIG TU CHAD PA MED DO, ,LAS BYAS NA BDE 'GROR 'GRO'O ZHES ZER BA LA NI LAS GANG ZHES DE NYID LA 'DRI BAR BYA'O, ,LAM BSGOMS NA MYA NGAN LAS 'DA' BAR 'GYUR RO ZHES ZER BA LA NI 'JIG RTEN PA'AM, 'JIG RTEN LAS 'DAS PA'I LAM GANG ZHES 'DRI BAR BYA'O, ,GZHAG PAR BYA BA NI LTA BAR GYUR PA DE DAG THAMS CAD DE RNAM PA BZHI PO DE DAG GI LEGS PAR 'DRI BA LA LAN 'DEBS PA NA LAN 'DEBS PAR BYED PAS LAN GLAN PAR BYA BA YIN NO; ,DE LAS BZLOG PA NI LAN MI 'DEBS PA YIN NO, ,'DI GNYIS NI DE BZHIN GSHEGS PA'I LUNG BSTAN PA YIN TE, MU STEGS CAN RNAMS DANG THUN MONG BA DANG, THUN MONG MA YIN PA'O, ,DE LA THUN MONGS BA NI SLOB MA SKYE BA LUNG BSTAN PA'O, ,THUN MONGS MA YIN PA NI SKYE BAR LUNG BSTAN DU MED PA'O, ,'DI GNYIS NI RNAM PAR SHES PA'I ME 'BAR BAR 'GYUR BA'I RGYU YIN TE, SRED PA CHA PHRA MO DANG, MING DANG GZUGS RAGS PA'O, ,DE LA 'DOD PA DANG GZUGS KYI KHAMS GNYIS SU NI SRID PAS BSKYED PA'I RNAM PAR SHES PA MING DANG GZUGS KYI RGYUS TSE'I TSAD JI SRID KYI BAR DU GNAS TE, SRID PA MED PAR GYUR PA NA YANG RNAM PAR SHES PA'I RGYUD RJES SU 'BREL PA'I PHYIR RO, ,GZUGS MED PA'I KHAMS SU YANG SRID PA NYID KYIS BSKYED PA'I RNAM PAR SHES PA MING NYID TSE LA DMIGS PAS TSE'I TSAD JI SRID PA'I BAR DU GNAS TE, SRID PA SPANGS PA NA YANG RNAM PAR SHES PA'I RGYUD RJES SU 'BREL PA'I PHYIR RO, ,GZUGS NA SPYOD PA'I BAR MA DO'I SRID PA'I RNAM PAR SHES PA YANG SRED PA NYID KYIS MNGON PAR 'GRUB PA LA BAR MA DOR YONGS SU MYA NGAN LAS 'DA' BA YANG SRID PA'I RGYU KHO NAR GNAS TE, DE SPANGS PA DANG MGO MNYAM KHO NAR DER RNAM PAR SHES PA 'GAG PAR 'GYUR PA'I PHYIR RO, ,GZUGS KYI KHAMS DANG GZUGS MED PA'I KHAMS 'DI GNYIS NI YID LAS SKYES PA'I LUS YIN TE MNYAM PAR GZHAG PA'I SA PA'I YID KYI SGO'I SBYOR BAS GZUGS DANG SNYOMS PAR 'JUG PA'I LUS DE GNYIS GRUB PA'I PHYIR RO, ,'DI GNYIS NI DE @303B BZHIN GSHEGS PA'I PHA ROL SMRA BA'I LAN GDAB PA YIN TE, MGO GCIG TU LAN GDAB TU MED PA LA MGO GCIG TU CHAD PA MED PAR BYA BA SMRA BAS LAN GDAB PA DANG, MGO GCIG TU CHAD PAR LAN GDAB PA LA MGO GCIG TU BYA BA SMRA BAS LAN GDAB PA'O, ,NYE BAR LEN PA LA KUN DU DGA' BA LA SOGS PA'I DON NI GZUGS LA KUN DU DGA' BA LA SOGS PA BZHIN DU RIG PAR BYA'O, ,GZHI BSDU BA LAS RTEN CING 'BREL PAR 'BYUNG BA DANG ZAS DANG BDEN PA DANG KHAMS RAB TU RNAM PAR 'BYED PA ZHES BYA BA'I BSDU BA GSUM PA RDZOGS SO,, ,,SPYI SDOM NI, DRAN PA NYER GZHAG YANG DAG SPONG, ,RDZU 'PHRUL RKANG PA DBANG PO STOBS, ,BYANG CHUB YAN LAG LAM YAN LAG ,DBUGS RNGUB DBUGS RGYU DRAN PA DANG, BSLAB DANG SHES NAS DAD PA'O, ,SDOM NI, DGE SBYONG DANG NI DGE SBYONG DON, ,BDE DANG YID BDE CHOS KUN DANG, TSANGS PAR SPYOD DANG GANG ZAG DANG, ,GSAL BA DANG NI 'DOD PA DANG, ,YANG SRID KUN NAS NYON MONGS PA, ,DRAN PA NYE BAR GZHAG PA BZHI BSGOM PA'I SGO NAS RGYU BZHIS 'DI BA'I DGE SBYONG DANG, 'DI BA'I LAM DANG, 'DI BA'I MTHAR THUG PA LTA BU 'DI LAS PHYI ROL PA LA DGE SBYONG DANG LAM DANG MTHAR THUG PA MED DO, ,PHYI ROL SMRA BA RNAMS DGE SBYONG DANG LAM DANG MTHAR THUG PAS STONG PA NYID RIG PAR BYA'O, ,RGYU BZHI GANG ZHE NA, GNAS BZHI LA BRTEN NAS RTOGS NAS SHES PA RNAMS PA BZHI THOB PA DANG, PHYI ROL PA'I NYE BA'I NYON MONGS PA RNAM PA BZHI LAS RNAM PA THAR PA DANG, CHOS 'DI PA'I NYAN THOS RNAMS 'DI LAS PHYI ROL PA'I SLOB MA RNAMS DANG MI MTSUNGS PA DANG, CHOS 'DI PA'I STON PA 'DI LAS PHYI ROL PA'I STON PA RNAMS DANG MI MTSUNGS PA'O, ,'DI PA'I DGE SBYONG ZHES BYA BA LA DGE SBYONG GANG ZHE NA, DGE SBYONG BZHI STE, LAM GYIS RGYAL BA DANG, LAM STON PA DANG, LAM GYI PHYIR 'TSO BA DANG, LAM SUN 'BYIN PA STE, MDO DANG RGYAS PAR NI 'DI LTA STE, NYAN THOS KYIS LAS 'BYUNG BA BZHIN NO, ,'DI PA'I LAM ZHES BYA BA LA LAM GANG ZHE NA, 'PHAGS PA'I LAM YAN LAG BRGYAD PA STE, GANG LA 'PHAGS PA'I @304A *, ,LAM YAN LAG BRGYAD PA YOD PA DE LA NI LAM SUN 'BYIN PA YAN CHAD KYI DGE SBYONG BZHI PO DE DAG YOD DE, LAM YOD PA DANG RANG GIS LOG PAR SGRUB PA BYAS PAS DE LAS BYUNG BA'I SNOD DU MA GYUR PA'I LAM SUN 'BYIN PA YOD PAR RUNG STE, DE BAS NA 'DI LAS PHYI ROL PA LA NI LAM SUN 'BYIN PA YANG MED NA GZHAN LTA GA LA YOD, 'DI PA'I MTHAR THUG PA ZHES BYA BA LA MTHAR THUG PA GANG ZHE NA, NYE BAR LEN PA THAMS CAD SPONG BA DANG SPANGS NAS KYANG GTAN DU NYID MTSAMS SBYOR BA MED PA GANG YIN PA'O, ,DE LA GNAS BZHI LA BRTEN PA NI GANG YIN, RTOGS NAS SHES PA RNAM PA BZHI NI GANG YIN ZHE NA, KUN DU SBYOR BA GSUM SPANGS PA DBUGS PHYIN PA'I GNAS DANG, LOG PAR LTUNG BA MED PA'I CHOS CAN STOBS KYI GNAS DANG, RDZOGS PA'I BYANG CHUB TU NGES PAR 'GRO BA RGYU'I GNAS DANG, DE LTAR THOGS NA YANG SRID PA LAN BDUN PA RJES SU 'GRO BA'I GNAS TE, GNAS BZHI PO 'DI DAG LA BRTEN NAS, SANGS RGYAS DANG, CHOS DANG, DGE 'DUN DANG, TSUL KHRIMS RNAMS LA RTOGS NAS SHES PA'O, ,PHYI ROL PA'I NYE BA'I NYON MONGS PA RNAM PA BZHI LAS RNAM PAR THAR PA GANG ZHE NA, TSE 'DI'I NYE BA'I NYON MONGS PA DANG, TSE PHYI MA'I NYE BA'I NYON MONGS PA DANG, PHAN TSUN MI MTHUN PA DANG PHYIR MI MTHUN PA LAS GYUR PA DANG, BDEN PA RNAMS BSTAN PA MED PAS RTOGS PA MED PA LAS GYUR PA LAS RNAM PAR THAR PA'O, ,'DI LAS PHYI ROL PA RNAMS LA NI DRAN PA NYE BAR GZHAG PA MED PAS NA, BRJED NGAS PA DANG SHES BZHIN MED PAS GNAS TE, BDE BA'AM, SDUG BSNGAL BA'AM, SDUG BSNGAL BA YANG MA YIN BDE BA YANG MA YIN PA'I TSOR BA 'GA' MYONG BA NA DE DAG BDE BA LA NI CHAGS PAR 'GYUR RO, ,SDUG BSNGAL BA LA NI ZHE SDANG BAR 'GYUR RO, ,SDUG BSNGAL BA YANG MA YIN BDE BA YANG MA YIN PA LA RMONGS PAR 'GYUR TE, 'DI NI TSE 'DI'I NYE BA'I NYON MONGS PA STE DANG PO'O, ,DE LTAR CHAGS PA DANG, SPANG BA DANG, RMONGS PA DE DAG GIS NI TSOR BA'I RKYEN GYIS YANG SRID PAR SKYE BA'I SRED PA 'BYUNG LA, SRED PA'I RKYEN GYIS LEN PA 'BYUNG STE, SRED PA DANG BCAS PA LEN PA DANG BCAS PA DE DAG GIS NI @304B LEN PA'I RKYEN GYIS SRED PA 'BYUNG BA NAS, RGYAS PAR SDUG BSNGAL GYI PHUNG PO CHEN PO 'BA' ZHIG GI BAR DU 'BYUNG BAR 'GYUR BA 'DI NI TSE PHYI MA'I NYE BA'I NYON MONGS PA STE GNYIS PA'O, ,'DI LAS PHYI ROL PA DE DAG NI 'JIG TSOGS LA LTA BA'I RTZA BA LAS BYUNG BA'I LTA BAR GYUR PA RNAM PA SNA TSOGS KYIS BLO THA DAD PAR GYUR PA'I PHYIR GZHAN DAG NI GZHAN DAG DANG MI MTHUN LA, DE DAG KYANG DE DAG DANG PHYIR MI MTHUN PA 'DI NI NYE BA'I NYON MONGS PA GSUM PA'O, ,DE DAG LA NI 'PHAGS PA'I BDEN PA BSTAN PA YANG THAMS CAD KYI THAMS CAD DU MED NA RTOG PA LTA GA LA YOD DE, DE BAS NA DE DAG NI RANG GI SLOB DPON GYI SHES PA KHYAD PAR DU GYUR PA THOB TU ZIN KYANG MKHAS PA MA YIN ZHING MA RIG PAR 'GYUR BA 'DI NI NYE BA'I NYON MONGS PA BZHI PAS TE, DE LAS CHOS 'DI PA RNAM PAR GROL LO, ,'DI LAS PHYI ROL PA'I SLOB MA RNAMS DANG CHOS 'DI BA'I NYAN THOS RNAMS MI MTSUNGS PA GANG ZHE NA, 'DI LAS PHYI ROL PA'I SLOB MA RNAMS 'BYUNG BAR LTA BA RTAG PA'I MTHAR GYUR PA'AM MED PAR LTA BA CHAD PA'I MTHAR GYUR PA LA YUN RING POR 'DRIS PAR BYAS PAS NA ZHEN PAR 'GYUR BA DANG, THOS PA LAS BYUNG BAS KHAS LEN PA DANG, BSAMS PA LAS BYUNG BAS LHAG PAR ZHEN PA DANG, BSGOMS PA LAS BYUNG BAS LHAG PAR ZHEN PAR 'GYUR BA'O, ,CHOS 'DI PA RNAMS NI DBU MA'I LAM MTHA' GNYIS SPANGS PA LA ZHUGS PA YIN NO, ,'DI LAS PHYI ROL PA'I STON PA RNAMS DANG CHOS 'DI PA'I STON PA MI MTSUNGS PA GANG ZHE NA, 'DI LAS PHYI ROL PA'I STON PA RNAMS NI NYE BAR LEN PA THAMS CAD SPONG BA YONGS SU SHES PAR SMRA BA TZAM DU ZAD PAS NA YANG DAG PAR NYE BAR LEN PA THAMS CAD SPONG BA YONGS SU SHES PA STON PA MA YIN NO, ,DE DAG NI THOG MA KHO NAR 'DOD PA RNAMS SPANGS NAS RAB TU BYUNG BA YIN TE, DE BAS NA 'DOD PA'I NYE BAR LEN PA SPONG BA YONGS SU SHES PA STON DU ZIN KYANG RANG GI LTA DANG, RANG GI TSUL KHRIMS DANG, BRTUL ZHUGS DANG, BDAG TU SMRA BA SPONG BA YONGS SU SHES PA STON PA NI MA YIN NO, ,DE LA DGE SBYONGS DANG BRAM ZE GZHAN GANG YIN PA DE DAG DANG LTA BA MI MTSUNGS PA LA TSUL KHRIMS PA DANG BRTUL ZHUGS MI MTSUNGS PA NI DER LTA BA'I NYE BAR LEN PA SPONG BA @305A *, ,YONGS SU SHES PA STON DU ZIN KYANG TSUL KHRIMS DANG, BRTUL ZHUGS DANG, BDAG TU SMRA BA NYE BAR LEN PA GNYIS SPONG BA YONGS SU SHES PA STON PA MA YIN NO, ,TSUL KHRIMS DANG BRTUL ZHUGS MI MTSUNGS PA GANG YIN PA DA NI DER TSUL KHRIMS DANG, BRTUL ZHUGS NYE BAR LEN PA SPONG BA YONGS SU SHES PA STON DU ZIN KYANG BDAG TU SMRA BA NYE BAR LEN PA NI DUS THAMS CAD DU PHYI ROL PA THAMS CAD DANG, THUN MONG BA YIN TE, DE BAS NA DE DAG NI BDAG DANG GZHAN GYI BDAG TU SMRA BA NYE BAR LEN PA SPONG BA YONGS SU SHES PA STON PA MA YIN NO, ,DE DAG NI NYE BAR LEN PA DE RNAMS SPANGS SU ZIN KYANG ZAD PAR MA SPANGS PA'I PHYIR PHYI MA LA NYE BAR LEN PAR 'GYUR PA'I RGYUR 'GYUR RO, ,DE LTAR NA DE DAG GIS NYE BAR LEN PAR ZAD PAR MA SPANGS PA DANG GTAN DU MA SPANGS PA'I PHYIR MTHAR THUG PA THOB PA MA YIN NO, ,CHOS 'DI PA'I STON PA NI DE LAS BZLOG PA YIN PAR RIG PAR BYA STE; 'DI LAS PHYI ROL PA'I STON PA RNAMS DANG, CHOS 'DI PA'I STON PA MI MTSUNGS PA NI DE YIN PAR RIG PAR BYA'O,, ,,RNAL 'BYOR SPYOD PA'I SA LAS GZHI BSDU BA, BAM PO BCU DGU PA, DRAN PA NYE BAR GZHAG PA BZHI BSGOM PA'I SGO NAS MDOR BSDU NA GNAS GSUM DANG, SA GSUM DANG, GANG ZAG GSUM GYIS DGE SBYONG GYI TSUL GYI DON THAMS CAD BSDUS PAR RIG PAR BYA STE, GNAS GSUM GANG ZHE NA, SHES BYA DANG, SHES PA DANG, RTOGS PA'O, ,SA GSUM GANG ZHE NA, YANG DAG PA'I SBYOR BAS BSDUS PA'I SO SO'I SKYE BO'I SA DANG, SLOB PA'I SA DANG, MI SLOB PA'I SA'O, ,GANG ZAG GSUM GANG ZHE NA, ANG DAG PAR BRTZON PA'I SO SO'I SKYE BO DANG, SLOB PA DANG, MI SLOB PA'O, ,DE LA SHES BYA GANG ZHE NA, REG PA'I SKYE MCHED DRUG PO RNAMS KYI RTEN GYI TSUL GYIS SA LA SOGS PA'I KHAMS DRUG DANG, YID 'JUG PA'I BYED PA BCO BRGYAD KYI RTEN GYI TSUL GYIS REG PA'I SKYE MCHED DRUG DANG, SEMS KUN NAS NYON MONGS PAR BYED PA'I PHYIR YID 'JUG PAR BYED PA BCO BRGYAD DO, ,DE LA SHES PA GANG ZHE NA, SEMS RNAMS PAR DAG PA'I PHYIR SHES RAB KYI GNAS SO, ,RTOGS PA GANG ZHE NA, SHES RAB KYI GNAS NYID KYI PHYIR BDEN PA'I GNAS @305B DANG; GTONG BA'I GNAS DANG, NYE BAR ZHI BA'I GNAS SO, ,DE LA SHES RAB KYI GNAS NI SO SO'I SKYE BOS SHES RAB GANG LA GNAS NAS YANG DAG PAR BRTZON PA BYAS PA SO SO'I SKYE BO'I SA LA DGE BA'I CHOS LEGS PAR BSGOMS PA'I RGYUS BAG YOD PAR BYAS NA, SLOB PA'I SA LA 'JUG PA'AM, YANG NA SHES RAB GANG LA GNAS NAS DGRA BCOM PA MI SLOB PA'I SA LAS ZAD PA SHES PA THOB PA'I PHYIR BDAG GI NI ZAD DO SNYAM DU YANG DAG PA JI LTA BA BZHIN DU RAB TU SHES PA DANG, SLOB PA DANG MI SLOB PA RNAMS KYI 'JIG RTEN LAS 'DAS PA'I SHES PA'I PHYI NAS BYUNG BA'I 'JIG RTEN PA'I SHES RAB GANG YIN PA'O, ,BDEN PA'I GNAS GANG ZHE NA, 'PHAGS PA'I LAM YAN LAG BRGYAD PA THOB PA'I NYON MONGS PA SPANG BA GANG YIN PA STE, GANG LA GNAS NAS PHYI MA LA GTAN DU SDUG BSNGAL 'BYUNG BAR MI 'GYUR RO, ,DE BAS NA DE NI GTAN DU BRJED NGAS PA MED PA'I PHYIR BDEN PA'I GNAS ZHES BYA'O, ,GTONG BA'I GNAS GANG ZHE NA, GANG GIS DNGOS PO SPANGS PA STE, GANG LA GNAS NAS SPANGS PA'I DNGOS PO LA SPYOD KYANG KUN NAS NYON MONGS PAR MI 'GYUR BAR TSE 'DI LA YID BDE BAR GNAS PA'O, ,NYE BAR ZHI BA'I GNAS GANG ZHE NA, LAM JI LTAR THOB PA'I KUN DU SBYOR BA'I DNGOS PO'I LHAG MA SPANG BAR BYA BA'I PHYIR BSGOM PA STE, GANG LA GNAS NAS KUN DU SBYOR BA'I LHAG MA RNAMS DANG DNGOS PO'I LHAG MA MA LUS PAR SPONG BA'O, ,DE DAG THAMS CAD BSDUS PA NI RTOGS PAR BYA BA'I SHES PA YIN NO, ,RTOGS PAR GYUR NA NYON MONGS PA DANG DNGOS PO SPANGS PA'I 'BRAS BU GNYIS KYI SGO NAS 'PHAGS PA'I LAM 'BRAS BU DANG BCAS PA YIN NO, ,DE LA GCIG GIS NI MA RTOGS PA RTOGS PAR 'GYUR RO, ,GNAS GNYIS PAS NI MA 'ONGS PA NA SDUG BSNGAL SPONG BAR 'GYUR RO, ,GSUM PAS NI TSE 'DI LA BDE BAR GNAS PA EDANG LDAN PAR 'GYUR RO, ,BZHI PAS NI SPONG BA YONGS SU MA RDZOGS PA YONGS SU RDZOGS PAR 'GYUR TE, DE TZAM GYIS NA RNAL 'BYOR PA'I RNAL 'BYOR DU BYA BA THAMS CAD RDZOGS PA YIN TE, 'DI LTA STE, MA RTOGS PA DANG PO RTOGS PA'AM, MA 'ONGS PA NA SDUG BSNGAL SPONG BAR 'GYUR PA'AM, @306A *, ,TSE 'DI'I BDE BA LA GNAS PA'AM GONG DU SPONG BA YONGS SU MA RDZOGS PA YONGS SU RDZOGS PAR 'GYUR BA STE, DE DAG THAMS CAD KYANG GNAS BZHI LAS 'BYUNG BAR RIG PAR BYA'O, ,DE LA 'PHAGS PA'I LAM THOB PA NI ZHI BA'I LAM ZHES BYA'O, ,DE'I GONG DU NYON MONGS PA DANG, DNGOS PO SPANG PA'I PHYIR BSTEN PA NA DNGOS PO SPONG BA'I PHYIR ZHING RGYAS PAR 'THOB BAR BYA BA'I PHYIR 'PHEL BAR 'GYUR BA DANG, NYON MONGS PA SPANG BA YANG MA THOB PA LAS YONGS SU NYAMS PAR MI 'GYUR BAR SRUNG BAR BYED PA'O, ,DE LA JI LTAR NA SHES PAS SHES BYA LA NYE PAR RTOGS PA NA, RTOGS PAR BYA BA RTOGS PAR 'GYUR ZHE NA, SO SO'I SKYE BO YANG DAG PAR BRTZON PAS SO SO'I SKYE BO'I SA LAS KHAMS LNGA LA NYE BAR RTOG PA NA, NANG DANG PHYI ROL GYI BYE BRAG GIS LUS LA LUS KYI RJES SU LTA BAS GNAS TE, 'DI LTA STE, SEMS RNAM PAR GROL BA DANG, SHES RAB RNAM PAR GROL BA'I DON DU DE LTAR TSUL BZHIN DU BRTZON PA DE KHAMS RNAMS LA KHAMS TZAM DU 'DU SHES PAS GNAS LA KHAMS TZAM LA BDAG MED PAR MTHONG BAS, SO SOR BRTAGS PA'I STOBS LA BRTEN NAS GZUGS KYI KHAMS THAMS CAD LAS 'DOD CHAGS DANG BRAL BAR 'GYUR TE, DMIGS PA DE YAN CHAD PA NI MA YIN NO, ,MA 'ONGS PA LA MI 'DOD PA DANG, DA LTAR LA LHAG PAR ZHEN PA MED PA'I SGO NAS KYANG BRAL BAR 'GYUR TE, BAG LA NYAL BCOM PA'I PHYIR NI MA YIN NO, ,DE 'DOD CHAGS DANG BRAL BAS SEMS RNAM PAR GROL BA'I PHYIR 'DOD CHAGS DANG BRAL BA'I SEMS RNAM PAR DAG PAR 'GYUR RO, ,DMIGS PA MA CHAD PAS NI BAG LA NYAL MA SPANGS PA'I LHAG MA YOD DO, ,GONG DU RNAM PAR DAG PAR BYA DGOS SO, ,DE GONG DU REG PA'I SKYE MCHED DRUG GIS BSDUS PA'I SHES BYA LA NYE BAR RTOG PA NA TSOR BA RNAMS LA TSOR BA'I RJES SU LTA BAS GNAS SO, ,DE SNGA MA BZHIN DU SO SOR RTOG PA'I STOBS LA BRTEN NAS, TSOR BA'I KHAMS LA 'DOD CHAGS DANG BRAL BAR 'GYUR TE, RTEN CING 'BREL BAR 'BYUNG BAS MI RTAG PAR BRTAGS NAS, SNGA MA BZHIN DU DE'I DMIGS PA DE MA CHAD PAR 'GYUR RO, ,DE MA RIG PA DANG BRAL BAS SHES RAB RNAM PAR GROL BA'I PHYIR RIG @306B PA'I 'DUS TE REG PA LAS BYUNG BA'I TSUL BZHIN DU YID LA BYED PA DANG LDAN PA'I DGE BA'I TSOR BA THAMS CAD LA KUN NAS NYON MONGS PA'I LHAG PA'I BTANG SNYOMS NYE BAR GNAS PA GANG YIN PA DE NI MA RIG PA'I 'DUS TE REG PA LAS BYUNG BA'I TSOR BA'I RKYEN LAS BYUNG BA'I 'DOD CHAGS DANG BRAL BA'I PHYIR YONGS SU DAG PA YIN NO, ,BAG LA NYAL MA SPANGS PA'I PHYIR NI LHAG MA YOD DE GONG DU RNAM PAR DAG PAR BYA DGOS SO, ,DE DE'I GONG DU YID 'JUG PAR BYED PA BCO BRGYAD LA NYE BAR RTOG PA NA CIG CAR SEMS DANG CHOS KYI RJES SU LTA BAS GNAS SO, ,DE 'DI SNYAM DU SEMS TE, YID 'JUG PAR BYED PA BCO BRGYAD PO 'DI RNAMS KYI NANG NA NI, 'DI LTA STE, GZUGS RNAMS LAS 'DAS PA GZUGS MED PA'I ZHI BA DANG, RNAM PAR GROL BA GANG YIN PA DE DAG MCHOG YIN NO, ,BTANG SNYOMS DANG MTHUN PA'I CHOS DE DAG LA LA NI YID 'JUG PAR BYED PA YOD DE, DE LTAR 'JUG PAR BYED PA GYA NOM PA DE LA YANG, BDAG GIS SNYOMS PAR 'JUG PA DANG, SKYE BA'I BTANG SNYOMS YONGS SU DAG PA 'DI GTAD PAR BYAS NA NI DE'I RGYUS KYANG BDAG GI SEMS KUN NAS NYON MONGS PA KHO NAR 'GYUR RO SNYAM DU RIG NAS GTOD PAR MI BYED DE, DE NI DE'I SEMS LA SEMS KYI RJES SU LTA BA YIN NO, ,DE SKYED MCHED DE DAG LA YANG MI RTAG PAR YANG DAG PAR RJES SU LTA BA DE NI DE'I CHOS LA CHOS KYI RJES SU LTA BA YIN NO, ,DE DE'I TSE 'DU SHES KYI SNYOMS PAR 'JUG PA GSUM DANG, 'DU SHES MED 'DU SHES MED MIN SKYE MCHED 'DU BYED KYI LHAG MA SRID PA'I RTZE MO'I 'DOD CHAGS DANG YANG BRAL BAS NA, 'DU SHES KYI KHAMS DANG, 'DU BYED KYI KHAMS KYI 'DOD CHAGS DANG BRAL BAR 'GYUR TE, SNGA MA BZHIN NO, ,DE NYID KYIS YANG DAG PA'I SBYOR BAS BSDUS PA'I SO SO'I SKYE BO'I SA LA SEMS RNAM PAR DAG PAR BYAS NAS SLOB PA'I SEMS RNAM PAR GROL BA MNGON SUM DU BYA BAR 'DOD DE, LUS DANG, TSOR BA DANG, SEMS DANG, CHOS RNAMS LA CHOS TZAM DU ZAD DE, BDAG MED PAR MNGON NAS SRID PA THAMS CAD LAS SEMS LHAG PAR BTANG SNYOMS SU BYA STE, BDAG NI YOD PAR 'GYUR RO ZHE'AM, MED PAR 'GYUR @307A *, ,RO SNYAM DU MNGON PAR 'DU MI BYED DO, ,'DI LA GANG SU YANG YOD PAR 'GYUR BA'AM, MED PAR 'GYUR BA MED DO SNYAM DU YANG DAG PA JI LTA BA BZHIN DU RAB TU SHES TE, DES DE LTAR SHES PAS RIM GYIS MTHONG BA DANG BSGOM PAS SPANG BAR BYA BA'I ZAG PA RNAM PA GSUM LAS SEMS RNAM PAR GROL BAR 'GYUR RO, ,DES ZAD PA SHES PA THOB PAS LUS 'DI ZHIG NAS PHYI MA LA THAMS CAD KYI THAMS CAD DU TSOR BA RNAMS MI 'BYANG BAR YANG DAG PAR RJES SU MTHONG NGO, ,DE'I TSE ZAG PA ZAD PA DE LA DE'I ZAD PA SHES PA GANG YIN PA DE NI SHES RAB KYI GNAS RNAMS KYI NANG NA MCHOG YIN TE, SO SO'I SKYE BO DANG SLOB PA RNAMS KYI NI DRI MA DANG BCAS PA YIN LA DE'I NI GCIG TU NGES PAR DRI MA MED PA'I PHYIR RO, ,DE'I SHES RAB DE YANG NYON MONGS PA THAMS CAD SPONG BA'I 'GOG PA'I BDEN PA LA ZHI BA'I RNAM PAR DMIGS PA'I SGO NAS BSTAN PA YIN TE, BRJED NGAS PA TZAM GYIS KYANG BSKYOD PAR MI NUS SO, ,DE'I SEMS DANG SHES RAB RNAM PAR GROL BA DE NI 'DI LTA STE, SO SO'I SKYE BO DANG SLOB PA RNAMS KYI GNAS SKABS LTAR BRJED NGAS PA TZAM GYIS ZAD PAR BYED MI NUS TE, DE DAG NI BRJED NGAS PA'I CHOS CAN YIN PA'I PHYIR DE NI YONGS SU RDZOGS PA'I BDEN PA MA YIN NO, ,MI SLOB PA DE'I NI RTAG TU JI LTA BA BZHIN DU 'DUG PAS NA YONGS SU RDZOGS PA'I BDEN PA YIN TE, DE BAS NA DE NI BDEN PA'I GNAS KYI MCHOG DANG LDAN PA DANG, PHUNG PO'I DNGOS PO THAMS CAD GTOD PA'I PHYIR GTOD PA'I GNAS KYI MCHOG DANG YANG LDAN NO, , DE'I LAM GYI 'BRAS BU MA LUS PAR YANG DAG PAR GRUB PAS NA, LAM SHIN TU BSGOMS PA YIN TE, SO SO'I SKYE BO DANG SLOB PA RNAMS KYI NI DE LTA MA YIN NO, ,DE BAS NA DE'I DE NI NYE BAR ZHI BA'I GNAS KYI MCHOG YIN NO, ,CI'I PHYIR MI SLOB PA 'BA' ZHIG GI GNAS BZHI NI MCHOG YIN LA SO SO'I SKYE BO DANG SLOB PA RNAMS KYI NI DE LTA MA YIN ZHE NA, DE LA GNAS PA DE'I NI NYES 'JAG RDUL TZAM YANG MED LA SO SO'I SKYE BO'I SA LA GNAS PA'I NI MANG DU YOD PA DANG, SLOB PA'I NI NYUNG NGU YOD PA'I PHYIR RO, ,NYES 'DZAG RNAMS GANG ZHE NA, SNGA MA BZHIN DU G-YO BA DANG RLOM PA LA SOGS PA @307B YIN PAR RIG PAR BYA'O, ,DE DAG THAMS CAD KYI THAMS CAD DU SPANGS PA'I PHYIR YONGS SU RDZOGS PA'I THUB PA'I RANG BZHIN THOB PAS NA THUB PA ZHI PA ZHES BYA'O, ,PHYI MA'I RGYU BSAL BA DANG, THOG MA DANG, BAR MA DANG, THA MA RNAMS SU SKYE BA DANG, RGA BA DANG, 'CHI BA'I SDUG BSNGAL NYE BAR ZHI BA DANG, TSE 'DI LA RGYU ZHING 'GRO BA NA 'JIG RTEN GYI CHOS BZHI LA RJES SU CHAGS PA NYE BAR ZHI BA DANG, BZHI LA NI KHONG KHRO BA NYE BAR ZHI BA DANG, GNAS SHING 'DUG PA NA YANG 'DRE BA RNAM PAR ZHI BA'I PHYIR RO, ,BYANG CHUB KYI PHYOGS DANG MTHUN PA'I CHOS RNAMS BSGOM PA YONGS SU RDZOGS PA'I SGO NAS RGYU BDUN GYIS DAM PA'I CHOS BA DUN RNAM PAR GZHAG PAR RIG PAR BYA STE, BDUN GANG ZHE NA, THOS PA LAS BYUNG BA'I YID LA BYED PA'I DMIGS PA DANG, BSAMS PA LAS BYUNG BA'I DMIGS PA DANG, BSGOMS PA LAS BYUNG BA'I DMIGS PA DANG, YID LA BYED PA GSUM PO DE DAG NYID KYI SBYOR BA'I TSE YANG ZANG ZING GI LONGS SPYOD KYI ZANG ZING GI LONGS YONGS SU SPYOD PA KHONG DU CHUD PA DANG ZANG ZING DANG CHOS KYI LONGS SPYOD GZHAN LAS DUS DUS SU 'THOB PA DANG, MTHAR THUG PA'I CHE YANG BDAG NYID MNGON PA'I NGA RGYAL MED PAS CHUD ZA BAR MI 'GYUR BA DANG, GZHAN LA MNGON PA'I NGA RGYAL MED PAS CHUD ZA BAR MI 'GYUR RO, ,DE LA ZHI GNAS DANG RAB TU 'DZIN PA DANG BTANG SNYOMS KYI MTSAN MA RNAMS LA BSGOM PA'I PHYIR DUS SHES PA STE, 'DI LTA STE, NYAN THOS KYI SA DANG MNYAM PAR GZHAG PA'I SA LAS 'BYUNG BA BZHIN NO, ,ZOS PA DANG 'THUNGS BA LA SOGS PA'I DON KYANG NYAN THOS KYI SA LAS 'BYUNG BA BZHIN DU RIG PAR BYA'O, ,DE LA ZANG ZING GI LONGS SPYOD KYI PHYIR RGYAL RIGS DANG BRAM ZE DANG KHYIM BDAG GI 'KHOR RNAMS DANG, CHOS KYI LONGS SPYOD KYI PHYIR DGE SLONG GI 'KHOR RNAMS SU BDAG GIS 'DI LTAR BGROD PAR BYA STE, LUS SHIN TU BSRUNGS BA DANG, DBANG PO RNAMS SHIN TU BSDAMS PA DANG, DRAN PA LA SHIN TU GNAS PAS SGO DRUNG DU 'GRENG BAR BYA STE, MA GNANG GI BAR DU NANG DU 'GRO BAR MI BYA'O, ,NANG DU 'ONGS NA YANG MA GNANG GI BAR DU STAN GYI DRUNG DU 'GRO BAR MI BYA'O, ,'DUG NA YANG DRAG TU LJID KYIS DBAB PAR MI @308A *, ,BYA'O SNYAM PA NAS RGYAS PAR SBYAR RO, ,SMRA BAR BYA BA YANG TSIG RNAM PA LNGA STE, DUS DANG, RIGS PA DANG, RAN PA DANG, ZHI BA DANG, DRANG POR SMRA BA'O, ,DUS LNGAR NI KHA ROG PAR 'DUG PAR BYA STE, YENGS PA DANG, 'GOG PA DANG, THAB MO SNYOGS PA DANG; KLAN KA TSOL ZHING 'DUG PA DANG, G-YAR 'DREN PA DANG, SMRA BA'I TSE STE, GTAM GYI MJUG RDZOGS PA BSDAD PA'I PHYIR RO, ,DE LA DUS DUS SU SMRA BA GANG ZHE NA, YENGS PA'AM, MI BREL BA'AM, NYAN PAR MI 'DOD PA'AM, SPYOD LAM 'TSAM PA MA YIN PAS GNAS PA LA MI SMRA BA DANG, SNGAR BYA BA BSTAN ZIN NAS KHYAD PAR DANG LDAN PA STON PA DANG, GTAM GYI MJUG RDZOGS PA BSDAD NAS GZHAN DAG LA TSIG SMRA BA STE, 'DI DANG DE DANG MTHUN PA RNAMS NI DUS DUS SU SMRA BA YIN PAR RIG PAR BYA'O, ,RIGS PA RNAM PA BZHI LA BRTEN NAS BDEN PA'I TSIG DANG DON DANG LDAN PA GANG YIN PA DE NI RIGS PA ZHES BYA'O, ,TSIG DANG YI GE RAN PA DAG GIS TSIG CI TZAM MI BRJOD DU MI RUNG BA DE TZAM ZHIG SMRA BAR BYED DE, MI NYUNG BA MI MANG PA DANG, MA 'DRES PA DANG, DON MED PA MA YIN PA'I TSIG 'DI NI RAN PAR SMRA BA ZHES BYA'O, ,RGOD PA MED PA'I TSIG SMRA BA DANG, LAB LAB PO MA YIN PA DANG, LUS KYI NYES RTZOM MED PA DANG, NGAG GI NYES RTZOM MED PA 'DI NI ZHI BAR SMRA BA'O, ,CHUL 'CHOS PA MED PA DANG, MA BCOS PA'I TSIG DANG G-YO DANG BRAL BA'I PHYIR THAD KAR SMRA BA 'DI NI DRANG POR SMRA BA YIN PAR RIG PAR BYA'O, ,DAD PA LA SOGS PA DGE BA'I CHOS RNAMS BDAG LA MED BZHIN DU YOD DO SNYAM DU MNGON PA'I NGA RGYAL MI BYED LA CHUNG NGU DAG LA YANG LHAG PAR SGRO 'DOGS PAR MI BYED DE CI YOD PA DANG, CI TZAM YOD PA DE NYI TSE YANG DAG PA JI LTA BA BZHIN DU RAB TU SHES TE, DE BAS NA BDAG SHES PA YIN NO, ,DE LA DAD PA SNGON DU 'GRO BA'I TSUL KHRIMS YANG DAG PAR BLANG BA DANG, TSUL KHRIMS YANG DAG PAR BLANG BA SNGON DU 'GRO BA'I THOS PA YONGS SU TSOL BA DANG, DE SNGON DU 'GRO BA'I NYES PA GTONG BA DANG, YO BYAD THAMS CAD DANG LUS DANG SROG LA YANG MI LTA BA DANG, DE SNGON DU 'GRO BA'I SEMS MNYAM PAR GZHAG @308B NA YANG DAG PAR SHES PA'O, ,CHOS LNGA PO DE DAG KYANG RGYU BZHIS RAB TU PHYE BA YIN TE, GZHAN GYI LUNG STE, LUNG GI DBANG DU BYAS PA DANG, RANG GI RTOGS PA DANG, RANG BZHIN GYIS RTOG PA'I SPOBS PA DANG, SNGON GOMS PAS RANG BZHIN GYIS YON TAN DE LA SBYOR BA'I YA RABS KYI TSUL YOD PA'I SGO NAS SO, ,GANG ZAG NI 'DI GNYIS YIN TE ZHES BYA BA NI GNYIS GNYIS SU BSTAN PA'O, ,'DI GNYIS NI ZHES BYA BA NI RNAM PAR DBYE BA'O, ,'DI GNYIS KYI NANG NA 'DI NI LEGS PA YIN NO ZHES BYA BA NI THA DAD PAR DBYE BA YIN PAR RIG PAR BYA'O, ,DAM PA'I CHOS BDUN BSGOMS PA'I PHAN YON NI GNYIS TE, TSE 'DI LA SHIN TU SBYANGS PA'I BDE BA DANG, SHES BYA'I DE KHO NA MNGON PAR RTOGS PA LAS BYUNG BA'I YID BDE BAS BDE BA DANG, YID BDE BAS SHAS CHER GNAS PA DANG, DE'I GNAS PA DE NYID NI ZAG PA ZAD PAR 'GYUR BA'I TSUL BZHIN NO, ,BYANG CHUB KYI PHYOGS DANG MTHUN PA'I CHOS RNAMS BSGOM PA'I PHYIR LEGS PAR GSUNGS PA'I CHOS 'DUL BA LA NI MDOR BSDU NA, BSLAB PA RNAMS DANG, BSLABS PA'I 'BRAS BUS CHOS THAMS CAD BSDUS TE, BSLAB PA RNAMS GANG ZHE NA, BSLAB PA GSUM STE, LHAG PA'I TSUL KHRIMS DANG, LHAG PA'I SEMS DANG, LHAG PA'I SHES RAB BO, BSLABS PA'I 'BRAS BU GANG ZHE NA, PHUNG PO'I LHAG MA DANG BCAS PA DANG, PHUNG PO'I LHAG MA MED PA'I MYA NGAN LAS 'DAS PA'I DBYINGS SO, ,DE LA CHOS THAMS CAD NI 'DI RNAMS YIN TE, RAB TU 'BYUNG BAR BYA BA DANG, MYA NGAN LAS 'DAS PA THOB PAR BYA BA'I PHYIR CHOS LA 'DUN PA DGE BA STE, THOG MA KHO NAR TSUL KHRIMS YANG DAG PAR LEN PAR BYED DO, ,GANG GI PHYIR MTHAR GYIS YONGS SU MYA NGAN LAS 'DA' BAR 'GYUR BA DE'I PHYIR DE DAG NI 'DUN PA'I RTZA BA CAN ZHES BYA'O, ,DE DAG KYANG TSUL KHRIMS LA BRTEN NAS DAM PA'I CHOS MNYAN PA DANG LDAN PA'I THOS PA BZUNG NAS, DAM PA'I CHOS MNYAN PA'I DBANG GIS 'BYUNG BA'I TSIG BLA DAGS DANG, RIG PA'I 'DUS TE REG PA LAS 'GRUB PAR 'GYUR TE, DE BAS NA REG PA'I RGYU CAN ZHES BYA'O, ,DE DAG KYANG RIG PA'I 'DUS TE REG PA LAS BYUNG BA'I TSOR BA RNAMS @309A *, ,LAS PHUNG PO'I LHAG MA DANG BCAS PA'I MYA NGAN LAS 'DAS PA LA THUG PA'I BAR DU YANG DAG PAR GZHOL BA DANG, BDE BA'I DON DU YANG DAG PAR BRTZAMS PA DANG, BDE BDE YANG GCIG TU NGES PAR KHA NA MA THO BA MED PA YIN PAS NA DE'I PHYIR TSOR BA LA YANG DAG PAR GZHOL BA DE DAG NI BSLAB PAS BSDUS PA'I CHOS RNAMS ZHES BYA'O, ,DE DAG KYANG REG PA'I 'DUS TE REG PA DE DANG, REG PA'I 'DUS TE REG PA LAS BYUNG BA'I TSOR BA DE DAG GI SGO NAS THOS PA DANG, BSAMS PA DANG, BSGOMS PA LAS BYUNG BA'I TSUL BZHIN YID LA BYED PA LAS 'BYUNG STE, DE BAS NA YID LA BYED PA LAS BYUNG BA ZHES BYA'O, ,DE'I TSE DRAN PA NYE BAR GZHAG PA LA BZHI LA LHAG MTHONG GI PHYOGS DANG MTHUN PA'I DRAN PAS LHAG MTHONG LA BRTEN NAS, NANG GI SEMS KYI ZHI GNAS KYI DBANG DU 'GYUR TE, DE BAS NA DRAN PA'I DBANG GIS 'BYUNG BA ZHES BYA'O, ,DRAN PA'I DBANG GIS BYUNG BA'I ZHI GNAS DE YANG PHYIS BDEN PA MNGON PAR RTOGS PA SHES BYA'I GTZO BOR 'DUG STE, DE BAS NA TING NGE 'DZIN GTZO BO ZHES BYA'O, ,BDEN PA MNGON PAR RTOGS PA'I SHES RAB DE YANG 'DI LTA STE, ZAG PA YONGS SU MA LUS PAR ZAD PA'I PHYIR BLA MA DANG GTZO BO YIN TE, DE BAS NA SHES RAB BLA MA ZHES BYA'O, ,ZAG PA THAMS CAD ZAD NAS KYANG MTHAR THUG PA'I RIG PA'I 'DUS TE REG PA LAS BYUNG BA'I TSOR BA DANG LDAN PA'I RNAM PAR GROL BA GANG YIN PA DE NI BSLAB PA LAS BSDUS PA'I CHOS DE DAG GIS YANG DANG YANG DU THOB PAR BYA BA MA YIN TE, DE NI LAN CIG KHO NAS THOB PA YIN LA RNAM PAR GROL BA DE YANG BDE BA THAMS CAD KYI MCHOG KHA NA MA THO BA MED PA'I SNYING PO YIN TE, DE BAS NA RNAM PAR GROL BA'I SNYING PO ZHES BYA'O, ,DE LTAR SEMS SHIN TU RNAM PAR GROL BA NI RIG PA'I 'DUS TE REG PA LAS BYUNG BA'I TSOR BA DE DANG, BSLAB PAS BSDUS PA'I CHOS DE DAG DANG, RTEN DU GYUR PA'I PHUNG PO DANG BCAS PAR PHUNG PO'I LHAG MA MED PA'I MYA NGAN LAS 'DAS PA'I DBYINGS SU RANG GI NGANG GIS GTAN DU 'GAG PAR 'GYUR TE, DE BAS NA MYA NGAN LAS 'DAS PA'I MTHAR THUG PA ZHES BYA'O, ,DE LA @309B 'DUN PA'I DBANG DU BYAS NAS TSUL KHRIMS YANG DAG PAR LEN PA GANG YIN PA 'DI NI LHAG PA'I TSUL KHRIMS KYI BSLAB PA'O, ,REG PA DANG, TSOR BA DANG, LHAG PA'I SEMS DANG LHAG PA'I SHES RAB KYI RTEN GYI GZHI'I TSUL GYIS YID LA BYED PA DANG, DRAN PA DANG, TING NGE 'DZIN SBYOR BA DANG BCAS PA NI LHAG PA'I SEMS KYI BSLAB PA'O, ,SHES RAB BLA MA NI LHAG PA'I SHES RAB KYI BSLAB PA STE, BSLAB PA GSUM PO 'DI DAG NI GZHI DANG BCAS PAR RIG PAR BYA'O, ,RNAM PAR GROL BA'I PHUNG PO'I LHAG MA DANG BCAS PA'I MYA NGAN LAS 'DAS PA NI BSLAB PA'I 'BRAS BU DANG PO'O, , MYA NGAN LAS 'DAS PA'I MTHAR THUG PA PHUNG PO'I LHAG MA MED PA'I MYA NGAN LAS 'DAS PA NI BSLAB PA'I 'BRAS BU GNYIS PA'O, ,BSLABS PA RNAMS DANG BSLABS PA'I 'BRAS BU DE RNAMS BSDUS PA NI CHOS THAMS CAD YIN NO, ,BSLAB PA 'BRAS BU DANG BCAS PA DE DAG YANG DAG PAR 'GRUB PA'I TSOGS SU GYUR PA NI NYES PA RNAM PA BRGYAD KYI GNYEN POR 'DU SHES RNAM PA DGU 'DRIS PAR BYA BA YIN PAR RIG PAR BYA STE, RNAM PA BRGYAD GANG ZHE NA, RNYED PA DANG BKUR STI LA YONGS SU ZHEN PA DANG, YANG SRID PAR SKYE BA'I 'DU BYED LA 'CHUMS PA DANG, LE LO DANG, SNYOM LAS DANG, 'JIG TSOGS LA LTA BA DANG, ROL SRED PA DANG, 'JIG RTEN SNA TSOGS LA 'DUN PA'I 'DOD CHAGS KYI RJES SU CHAGS PA DANG, BAG MED PA LA GNAS PA DANG, NYES PAR SPYOD PA'I SBYOR BA DANG, SMON NAS TSANGS PAR SPYOD PA LA GNAS PA'O, ,'DU SHES 'DRIS PAR BYA BA RNAM PA DGU GANG ZHE NA, 'DI LTAR RAB TU 'BYUNG BA'I 'DU SHES 'DRIS PAR BYA BA DANG, 'DU BYED THAMS CAD LA NYES DMIGS KYI 'DU SHES 'DRIS PAR BYA BA DANG, MI RTAG PA'I 'DU SHES 'DRIS PAR BYA BA DANG, MI RTAG PA LA SDUG BSNGAL BA'I 'DU SHES 'DRIS PAR BYA BA DANG, SDUG BSNGAL BA LA BDAG MED PA'I 'DU SHES 'DRIS PAR BYA BA DANG, ZAS LA MI MTHUN PA'I 'DU SHES 'DRIS PAR BYA BA DANG, 'JIG RTEN THAMS CAD LA MNGON PAR MI DGA' BA'I 'DU SHES 'DRIS PAR BYA BA DANG, 'JIG RTEN GYI MTHUN PA DANG, MI MTHUN PA'I 'DU SHES 'DRIS PAR BYA BA DANG, SKYE BA DANG 'JIG PA DANG KUN 'BYUNG @310A *, ,BA DANG NUB PA DANG RO MYANG BA'I NYES DMIGS DANG NGES PAR 'BYUNG BA'I 'DU SHES 'DRIS PAR BYA BA'O, ,DE LA CHOS MTHUN PAR SPYOD PAS BSDUS PA'I BDE 'GROR 'GRO BA'I DGE BA'I LUS DANG NGAG DANG YID KYI LAS NI MTHUN PA ZHES BYA'O, ,CHOS MA YIN PA MI MTHUN PA'I SPYOD PAS BSDUS PA NGANG 'GROR 'GRO BA MI DGE BA'I LUS DANG NGAG DANG YID KYI LAS NI MI MTHUN PA ZHES BYA'O, ,'DI NA GNAS PA SKYES SHING BYUNG BA'I PHYI MA'I MTHA'I SKYE BA'I SDUG BSNGAL NI SKYE BA'O, ,SNGON GYI MTHA' LAS BYUNG BAS TSE 'DI LA 'CHI BA'I SDUG BSNGAL NI 'JIG PA'O, ,KUN 'BYUNG BA LA SOGS PA LHAG MA RNAMS KYAS RAB TU DBYE BA NI SNGA MA BZHIN DU RIG PAR BYA'O, ,'DI LAS PHYI ROL BA'I MU STEGS CAN NI DAM PA'I CHOS MA YIN PA THOS PA'I DBANG GIS BYUNG BA'I TSUL BZHIN MA YIN PA'I 'DU SHES LA BRTEN NAS, MA RIG PA'I 'DUS TE REG PA LAS BYUNG BA'I TSOR BA SKYE BAR 'GYUR TE, DE LA BRTEN NAS ZAG PA RNAMS SKYE BAR 'GYUR RO, ,PHYI ROL BA DE NI ZAG PA RNAMS KYANG YANG DAG PA JI LTA BA BZHIN DU RAB TU MI SHES SO, ,MA RIG PA'I 'DUS TE REG PA LAS BYUNG BA'I TSOR BA DE DANG, DAM PA'I CHOS MA YIN PA THOS PA'I DBANG GIS BYUNG BA'I LOG PA'I 'DU SHES KYANG YANG DAG PA JI LTA BA BZHIN DU RAB TU MI SHES SO, ,DES GNAS GSUM PO DE DAG YANG DAG PA JI LTA BA BZHIN DU RAB TU MI SHES PAS 'DOD PA YONGS SU TSOL BAR BYED DO, ,SRID PA YANG TSOL BAR BYED DO, ,LOG PA'I TSANGS PAR SPYOD PA TSOL BAS 'JIG PA YANG TSOL BAR BYED DO, ,DES NI 'DOD PA RNAMS KYANG YANG DAG PA JI LTA BA BZHIN DU RAB TU MI SHES SO, ,YANG SRID PAR SKYE BA'I LAS BYAS KYANG YANG DAG PA JI LTA BA BZHIN DU RAB TU MI SHES SO, ,SDUG BSNGAL YANG YANG DAG PA JI LTA BA BZHIN DU RAB TU MI SHES SO, ,DE LA SNGA MA LNGA NI KUN 'BYUNG BA'I BDEN PA'I GNAS YIN NO, ,THA MA NI SDUG BSNGAL GYI BDEN PA'I GNAS YIN TE, DE LTAR NA PHYI ROL PA DE NI KUN 'BYUNG BA'I BDEN PA DANG, SDUG BSNGAL GYI BDEN PA YANG DAG PA JI LTA BA BZHIN DU RAB TU MI SHES SO, ,KUN 'BYUNG BA'I BDEN PA DANG, SDUG BSNGAL GYI BDEN PA DE YANG MDOR BSDU NA KUN NAS NYON MONGS PA DANG, RNAM PAR BYANG BA @310B RNAM PA GNYIS KYI SGO NAS YANG DAG PA JI LTA BA BZHIN DU RAB TU MI SHES SO, ,DA LA KUN NAS NYON MONGS PA NI RNAM PA BZHI STE, RANG BZHIN DANG, RGYU DANG, 'BRAS BU DANG, RGYU DANG, 'BRAS BU'I RAB TU DBYE BA'O, ,DE LA RNAM PAR BYANG BA NI RNAM PA GNYIS TE, KUN 'BYUNG BA DANG, SDUG BSNGAL 'GOG PA DANG, 'GOG PAR 'GYUR BA'I LAM MO, ,DE LTAR 'PHAGS PA'I BDEN PA BZHI LA SHES PA MED PA DE DAG NI BYANG CHUB KYI PHYOGS DANG MTHUN PA'I CHOS RNAMS MA BSGOMS PA'I RGYUS GTAN DU MTHAR THUG PA'I TSANGS PAR SPYOD PA MA YIN TO, DES NA NGES PAR 'BYED PA MA YIN PA ZHES BYA STE, ZAG PA RNAMS MA ZAD PA'I PHYIR RO, ,DE LAS BZLOG PA STE, CHOS 'DI PA'I GTAN DU MTHAR THUG PA'I TSANGS PAR SPYOD PA NI NGES PAR 'BYED PA YIN PAR RIG PAR BYA STE, ZAG PA RNAMS ZAD PA'I PHYIR RO, ,GANG ZAG RNAM PA DRUG PO KUN NAS NYON MONGS PA DANG, RNAM PAR BYANG BA'I CHOS NYID KYI SGO NAS DE BZHIN GSHEGS PA RNAMS KYI SKYES BU CHEN PO'I DBANG PO'I YE SHES DANG, PHYI MA LA CHOS YANG DAG PAR SKYE BA'I YE SHES 'JUG GO, ,GANG ZAG RNAM PA DRUG PO RNAMS GANG ZHE NA, 'DI NI GANG ZAG KHA CIG GIS SNGON GYI TSE RABS GZHAN DAG TU CHOS 'DUL BA'I 'DI LA DAD PA THOB PA NAS, RGYAS PAR LTA BA DANG PO'I BAR DU BYAS NAS DE DA LTAR NYES PAR BSHAD PA'I CHOS 'DUL BA SKYES BU DAM PA MA YIN PA BSTEN PA LA BRTEN NAS, DAM PA'I CHOS MA YIN PA THOS PA DANG, TSUL BZHIN MA YIN PA YID LA BYED PA'I SGO NAS TSE 'DI LA THOG MA KHO NAR LTA BA DANG, SRED PA DANG, LAS KYI KUN NAS NYON MONGS PA BSKYED DO, ,DE DE'I TSE SNGON GYI DGE BA'I CHOS DE DAG DANG YANG LDAN LA, TSE 'DI'I MI DGE BA DE DAG DANG YANG LDAN TE, DE DE'I 'OG TU LEGS PAR GSUNGS PA'I CHOS 'DUL BA LA SKYES BU DAM PA BSTEN PA LA BRTEN NAS, TSUL BZHIN YID LA BYED PA'I BAR DAG GI SGO NAS, SNGON GYI RGYU DE KHO NAS NYES PAR BSHAD PA'I CHOS 'DUL BA DE LAS PHYIR LDOG STE, NYES PAR BSHAD PA YIN NO SNYAM PA'I 'DU SHES KYIS MI DGE BA'I CHOS DE DAG DANG DU MI LEN CING SEL BAR BYAD DO, ,DE YANG PHYI MA @311A *, ,LA 'DIR RNAM PAR DAG PA'I CHOS CAN DU 'GYUR BA 'DI NI GANG ZAG DANG PO'O, ,GZHAN YANG GANG ZAG KHA CIG NI SNGON TSE RABS GZHAN DAG TU CHOS 'DUL BA GNYI GA LA SPYAD PAR 'GYUR TE, DE DE'I RGYUS TSE 'DI LA DGE BA'I CHOS RNAMS DANG YANG LDAN LA MI DGE BA'I CHOS RNAMS DANG YANG LDAN TE, DE DE LTAR YANG THOG MA KHO NAR SNGA MA BZHIN DU LEGS PAR GSUNGS PA NAS TSUL BZHIN YID LA BYED PA'I BAR DU 'THOB STE, TSE 'DI LA DE'I MI DGE BA DE DAG GSAR DU MA SKYES PAS NUB PAR 'GYUR LA DGE BA RNAMS GSAR DU SKYES PAS 'BYUNG BAR 'GYUR TE, DE'I SNGON GYI MI DGE BA'I RTZA BA BAG LA NYAL GYI TSUL GYIS GNAS PAS CHAD PAR MA GYUR PA GANG YIN PA DE YANG DE LTAR BAG YOD PAR GNAS PAS THAMS CAD KYI THAMS CAD DU CHAD PAR 'GYUR TE, DE LTAR NA 'DI YANG PHYI MA LA RNAM PAR DAG PA'I CHOS CAN DU 'GYUR TE, 'DI NI GANG ZAG GNYIS PA'O, ,GZHAN YANG KHA CIG NI SNGON TSE RABS GZHAN DAG TU GCIG TU NGES PAR PHYI ROL SPYOD PAR 'GYUR TE, DE NI DA LTAR YANG DE'I RGYUS RAB TU 'BYUNG BA LA GOMS PA DANG, LOG PAR LTA BA LA GOMS PAS LEGS PAR GSUNGS PA'I CHOS 'DUL BA LA RKYEN TSOGS PA DANG PHRAD NAS RAB TU BYUNG NGO, ,DE LTAR RAB TU BYUNG NAS KYANG LOG PAR LTA BA KHO NAR 'GYUR TE, RANG GI LTA BA LA MCHOG TU 'DZIN PAS GNAS SO, ,DE'I MTSAMS MED PA'I LAS KYANG BYED LA DGE BA'I RTZA BA RNAMS KYANG GCOD PAR BYED DO, ,MI DGE BA'I CHOS RNAMS SU GCIG TU NGES PAR YANG 'GYUR RO, ,NGAN SONG DU 'GRO BAR NGES PAR YANG 'GYUR TE, 'DI NI GANG ZAG GSUM PA'O, ,GANG ZAG GSUM PO DE RNAMS KYI NANG NA DANG PO NI SNGON 'DI'I RGYU LA SPYOD PAR 'GYUR LA TSE 'DI LA NI SNGAR BAG MED PAR 'GYUR BA LAS PHYIS BAG YOD PAR RIG PAR BYA'O, ,GANG ZAG GNYIS PA NI SNGON 'DI DANG PHYI ROL GNYIS KA'I RGYU LA SPYOD PAR GYUR LA; TSE 'DI LA NI GCIG TU NGES PAR BAG YOD PAR RIG PAR BYA'O, ,GSUM PA NI SNGON YANG GCIG TU NGES PAR PHYI ROL SPYOD PAR 'GYUR LA, TSE 'DI LA YANG GCIG TU NGES PAR BAG MED PAR RIG PAR BYA'O, ,GANG ZAG GSUM PO DE DAG GI ZLA YANG GANG ZAG GZHAN GSUM YOD DE, DE LAS @311B BZLOG PA YIN PAR RIG PAR BYA'O, ,DE LA DANG PO NI SNGON PHYI ROL SPYOD PAR GYUR LA TSE 'DI LA NI SNGAR BAG YOD PAR GYUR NAS, PHYIS BAG MED PAR GYUR PAR RIG PAR BYA'O, ,GNYIS PA NI SNGON 'DI DANG PHYI ROL GNYIS KA'I RGYU SPYOD PAR GYUR LA, TSE 'DI LA NI GCIG TU NGES PAR BAG MED PAR RIG PAR BYA'O, ,GSUM PA NI SNGON GCIG TU NGES PAR PHYI ROL GYI RGYU SPYOD PAR GYUR LA TSE 'DI LA NI GCIG TU NGES PAR BAG YOD PAR RIG PAR BYA'O, ,DE LA SNGON GYI DGE BA DANG, MI DGE BA'I RGYU GANG YIN PA DE NI SA BON LTA BU'O, ,DE LA SNGON GYI DGE BA'I SA BON GYI NI CHOS 'DUL BA 'DI DA LTAR GYI ZHING GSHIN PA LTA BU'O, ,MI DGE BA'I SA BON GYI NI ZHING NGAN PA LTA BU'O, ,DE LAS BZLOG PA STE, SNGON GYI MI DGE BA'I SA BON GYI NI DA LTAR GYI NYES PAR BSHAD PA'I CHOS 'DUL BA ZHING GSHIN PA LTA BU YIN LA, DGE BA'I SA BON GYI NI ZHING NGAN PA LTA BU YIN NO, ,'DIR DGE BA'I CHOS SKYE BA NI SNGON GYI RGYU'I DBANG GIS BYUNG BA YIN TE, MA RIG PA'I MUN PA LTA BU'I MI DGE BA'I CHOS KYI GNYEN PO'I TSUL GYIS SNANG BA LTA BU'O, ,MI DGE BA'I CHOS DE DAG NI SNANG BA LTA BU'I DGE BA'I CHOS KYI MI MTHUN PA'I PHYOGS YIN PAR RIG PAR BYA'O, ,DE LTAR NA SNGON GYI MI DGE BA'I CHOS DE DAG NI LUS DANG, SEMS YONGS SU GDUNG BA'I DON GYIS MA DAG ME LTA BU'O, ,NYES PAR BSHAD PA'I CHOS 'DUL BA NI DA LTAR GYI 'DAM BU SKAM PO'I KHYIM LTA BU'O, ,SNGON GYI DGE BA'I CHOS RNAMS NI NYON MONGS PA SREG PA'I SGO NAS MA DAG MED LTA BU'O, ,NYES PAR BSHAD PA'I CHOS 'DUL BA NI DE RNAMS KYI RDO'I SA GZHI DANG, RO SKAM LTA BU'O, ,SNGON GYI MI DGE BA SPANGS PAS SOL BA LTA BUR GYUR BA'I NI CHOS 'DUL BA 'DI RDO'I SA GZHI DANG, RO SKAM LTA BU'O, ,DE LA DE BZHIN GSHEGS PA'I SKYES BU CHEN PO NI DBANG PO MCHOG DANG MCHOG MA YIN PA MKHYEN PA'I STOBS BLA NA MED PAS, SNGON GYI DGE BA DANG MI DGE BA'I RGYU LAS YANG DAG PAR GRUB PAS DBANG PO DE YANG CI RIGS PAR YANG DAG PA JI LTA BA BZHIN DU RAB TU MKHYEN LA, TSE 'DI LA RNAM PAR DAG PA DANG, KUN NAS NYON MONGS PA'I SGO NAS GNAS PA DE DAG GI PHYI MA LA RNAM PAR BYANG BA DANG, KUN NAS NYON @312A *, ,MONGS PA'I CHOS YANG DAG PAR SKYE BA GANG YIN PA DE YANG YANG DAG PA JI LTA BA BZHIN DU RAB TU MKHYEN TE, DE BAS NA NGO MTSAR RMAD DU BYUNG BA DANG LDAN PA ZHES BYA'O, ,NGAN 'GROR 'GRO BA DANG, BDE 'GROR 'GRO BA'I LAM LAS YANG DAG PAR 'DAS PA LA NI RNAM GRANGS LNGA YOD PAR RIG PAR BYA STE, RNAM GRANGS GANG DAG GIS RANG GIS YANG DAG PAR 'DAS PA YANG YANG DAG PA JI LTA BA BZHIN DU RAB TU SHES LA, GZHAN DAG GI YANG DAG PAR 'DAS PA YANG RAB TU SHES PA STE, 'DI LTA STE, SANGS RGYAS RNAMS DANG, SANGS RGYAS KYI NYAN THOS RNAMS SO, ,DE LA NGAN 'GROR 'GRO BA'I LAM GANG ZHE NA, 'DI LAS PHYI ROL PA RNAMS 'JIG TSOGS LA LTA BA'I RTZA BA LAS BYUNG BA SDIG PA CAN GYI LTA BAR GYUR BA DMIGS PA DANG BCAS SHING RTEN DANG BCAS PA GANG YIN PA DE DAG LA BRTEN NAS SDIG PA 'DOD PA DANG, RNAM PAR 'TSE BA DANG, SROG GCOD PA LA SOGS PA'I SDIG PA MI DGE BA'I CHOS RNAMS RNAM PA DU MA NAS, MDO LAS JI SKAD BYUNG BA BZHIN DU, CHOS MA YIN PA SPYOD PA DANG, MI MTHUN PA SPYOD PA YAN CHAD KYI BAR GYI NGAN SONG DU 'GRO BAR BYED PA DANG, SEMS CAN DMYAL BAR 'GRO BAR BYAD BA DANG, NGAN 'GROR 'GRO BAR BYED PA RNAMS 'BYUNG BAR 'GYUR TE, DE LA BRTEN NAS DE DAG NGAN 'GRO RNAMS SU SKYE BAR 'GYUR TE, DE'I RGYU LAS BYUNG BA'I MI SDUG PA'I RNAM PAR SMIN PA NYAMS SU MYONG BAR 'GYUR BA 'DI NI NGAN 'GROR GRO BA'I LAM MO, ,DE LA THOS PA DANG LDAN PA'I 'PHAGS PA NYAN THOS NI DMIGS PA GANG LAS LTA BAR GYUR BA DE DAG SKYE BAR 'GYUR BA DANG, RANG GI GNAS LA MNGON PAR ZHEN PA GANG YIN PA DANG, NGAN SONG DU 'GRO BAR BYED PA'I GNAS SDIG PA 'DOD PA LA SOGS PA CHOS MA YIN PA DANG, MI MTHUN PAR SPYOD PA YAN CHAD GANG LA GNAS NA MI SDUG PA DANG, NGAN SONG GI RNAM PAR SMIN PA DE DAG NYAMS SU MYONG BAR 'GYUR BA GANG YIN PA DE DAG THAMS CAD LA 'DI NI BDAG GI YANG MA YIN NO, ,'DI NI BDAG KYANG MA YIN TE, 'DI NI BDAG GI BDAG KYANG MA YIN NO ZHES, DE LTAR DE YANG DAG PA JI LTA BA BZHIN DU YANG DAG PAR RJES SU MTHONG BAS BDEN PA @312B MNGON PAR RTOGS PA'I MOD LA LTA BAR GYUR BA'I BAG LA NYAL DE DAG GI RTZA BA YANG YANG DAG PAR BCOM ZHING SPONG BAR 'GYUR LA DE DAG KYANG GTAN DU NYING MTSAMS SBYOR BAR MI 'GYUR TE, DE LTAR NA 'PHAGS PA NYAN THOS DE NI LTA BAR GYUR BA'I RTZA BA LAS BYUNG BA NGAN SONG DU 'GRO BAR 'GYUR BA'I GNAS DE DAG GIS BAR DU GCOD PAR 'GYUR BA DANG, NGAN SONG DU 'GRO BAR 'GYUR BA'I RGYU MA YIN TE, 'DI NI DE'I NGAN 'GROR 'GRO BA'I LAM BSAL BAR BYA BA'I RNAM GRANGS DANG PO YIN NO, ,DES NA BDAG NYID SHES PAR 'GYUR TE, 'DI LTAR BDAG CAG LA SOGS PA 'PHAGS PA NYAN THOS RNAMS LAS GZHAN SO SO'I SKYE BO 'DI DAG 'JIG RTEN PA'I LAM GYIS MI DGE BA NGAN SONG DU 'GRO BA'I GNAS LA YANG DAG PAR 'DAS NAS TSE 'DI LA BDE BAR GNAS PA BZHI THOB STE, 'DAS NAS KYANG GZUGS DANG GZUGS MED PA RNAMS KYI ZHI BA DANG, RNAM PAR GROL BA THOB MOD KYI; DE DAG NI GTAN DU NGAN 'GRO BSAL BA DANG LDAN PA MA YIN TE, DE BAS NA GZHAN DE DAG NI 'DOD PA DANG, GZUGS KYI 'DOD CHAGS DANG BRAL DU ZIN KYANG, RE ZHIG BDE BAR GNAS PAS KHYAD PAR DU 'PHAGS PAR ZAD DE, PHYI MA LA SROG GCOD PAR 'GYUR LA, BDAG CAG NI SROG GCOD PAR MI 'GYUR BA NAS DE DAG GI CHOS MA YIN PA SPYOD PA DANG, MI MTHUN PA'I BAR DU SPYOD PAR 'GYUR LA, BDAG CAG NI DE LTAR MI 'GYUR RO SNYAM PA 'DI NI 'PHAGS PA'I CHOS 'DUL BA LAS 'DI LTA STE, NGAN 'GROR 'GRO BA'I LAM BSAL BA'I RNAM GRANGS SO, ,SANGS RGYAS RNAMS DANG; SANGS RGYAS KYI NYAN THOS RNAMS KYIS KYANG RNAM GRANGS DES NA BSAL BA DE DE LTAR YANG DAG PAR MKHYEN TO, ,'PHAGS PA NYAN THOS DE'I NI BDE 'GROR 'GRO BA'I LAM LAS YANG DAG PAR 'DA' BAR BYA BA LUS TE, 'PHAGS PA NYAN THOS DE NI DE TZAM GYIS CHOG PAR MI 'DZIN PAR GONG DU ZAG PA ZAD PAR BYA BA'I PHYIR 'DUN PA BSKYED CING CHED DU GTAD NAS SEMS SKYED PAR BYED DE, 'JIG RTEN PA'I LAM DE LA 'DI NI GTAN DU SDUG BSNGAL LAS NGES PAR 'BYUNG BA MA YIN NO SNYAM DU DE NYID NYES DMIGS SU MTHONG BA 'DI NI BDE 'GROR 'GRO BA'I LAM LAS YANG DAG PAR 'DA' BAR BYA BA'I @313A *, ,PHYIR SEMS BSKYED PA'I RNAM GRANGS DANG PO'O, ,DES SEMS CHED DU GTAD NAS BDE 'GRO'I SRID PA'I RO MYAN BA DE DAG THAMS CAD LA DE NYID NYES DMIGS SU MTHONG NAS, MU STEGS YA NGA LAS JI LTA BA BZHIN DU SEMS BZLOG NAS, TSE 'DI LA YONGS SU MYA NGAN LAS 'DA' BAR BYA BA 'BA' ZHIG GI PHYIR YANG DAG PAR BRTZON ZHING JI LTAR THOB PA'I MYA NGAN LAS 'DA' BAR 'GYUR BA'I LAM DE 'BA' ZHIG LA YANG DAG PAR 'JUG PA DE NI DE'I YANG DAG PAR 'DA' BA'I RNAM GRANGS SO, ,BSGOM PA'I LAM DES DE MTHAR GYIS SKYO BAR 'GYUR BAS NA SRID PA'I RTZE MO MAN CHAD DU SNYOMS PAR 'JUG GO, ,DE GAL TE BTANG SNYOMS KYI MCHOG DE RO MYONG BAR BYED NA NI BAG MED PA'I RGYUS DE TSE 'DI LA YONGS SU MYA NGAN LAS 'DA' BAR MI 'GYUR TE, PHYIR MI 'ONG BAR 'GYUR BA 'DI NI DE'I PHYI MA LA GONG DU 'GRO BA'I RNAM GRANGS YIN NO, ,GAL TE DE LA YANG DE NYID NYES DMIGS YIN PAR YANG DAG PAR MTHONG NAS BTANG SNYOMS DE RO MYONG BAR MI BYED NA NI DE TSE 'DI LA KUN SHES PA'I PHUNG PO'I LHAG MA DANG BCAS PA LA BRTEN NAS, YONGS SU MYA NGAN LAS 'DAS BAR 'GYUR BA 'DI NI, DE'I MYA NGAN LAS 'DA' BA'I RNAM GRANGS YIN TE, RNAM GRANGS DES NI RANG GI YONGS SU MYA NGAN LAS 'DAS PA BDE 'GROR 'GRO BA'I LAM LAS YANG DAG PAR 'DAS PA YANG DAG PA JI LTA BA BZHIN DU YONGS SU SHES LA SANGS RGYAS DANG, SANGS RGYAS KYI NYAN THOS GZHAN RNAMS KYIS KYANG DE'I YANG DAG PAR MKHYEN TO, ,DE LA GSAL BA'I RNAM GRANGS SNGA MA SHOS KYIS NI NGAN 'GROR 'GRO BA'I LAM LAS YANG DAG PAR 'DA' BAR RIG PAR BYA'O, ,PHYI MA SEMS BSKYED PA DANG, YANG DAG PAR 'DA' BA DANG, GONG DU 'GRO BA DANG, MYA NGAN LAS 'DAS PA'I RNAM GRANGS BZHIS NI BDE 'GROR 'GRO BA'I LAM LAS YANG DAG PAR 'DA' BAR RIG PAR BYA'O,, ,, RNAL 'BYOR SPYOD PA'I SA LAS GZHI BSDU BA, BAM PO NYI SHU PA, 'DI GNYIS NI 'PHAGS PA NYAN THOS BZHI MTHONG BA 'DOD PA RNAMS LAS 'DOD CHAGS DANG MA BRAL BA'I KUN NAS NYON MONGS PA YIN TE, 'DOD PA'I KUN NAS NYON MONGS PA DANG, YANG SRID PAR SKYE BA'I KUN NAS NYON @313B MONGS PA STE, DE DAG GNYIS LAS 'PHAGS PA NYAN THOS KYIS SEMS YONGS SU DAG PAR BYA'O, ,DE LA 'PHAGS PA NYAN THOS NI 'DOD PA'I KUN NAS NYON MONGS PA SPANG PAR BYA BA'I PHYIR BRTZON PA NA MTHAR GYIS MI G-YO BAR 'GRO BA DANG, CI YANG MED PA'I SKYE MCHED DU 'GRO BA DANG, 'DU SHES MED 'DU SHES MED MIN SKYE MCHED DU 'GRO BA'I LAM GSUM LA BRTEN NAS MI G-YO BA DANG, CI YANG MED PA DANG, 'DU SHES MED 'DU SHES MED MIN SKYE MCHED LA SNYOMS PAR 'JUG STE, DE NI SPONG BA'I GNYEN PO DANG, THAG BSRING BA'I GNYEN PO'I SGO NAS 'DOD PA'I KUN NAS NYON MONGS PA LAS YANG DAG PAR 'DA' BAR 'GYUR RO, ,YANG SRID PAR SKYE BA'I KUN NAS NYON MONGS PA SPONG BA'I PHYIR BRTZON PAR BYED PA NA NI 'DOD PA RNAMS LAS 'DOD CHAGS DANG BRAL BAR GYUR LA, GZUGS RNAMS LAS 'DOD CHAGS DANG MA BRAL TE, BDAG MA GYUR CIG BDAG GIR YANG MA GYUR CIG ,BDAG NI MI 'GYUR RO, ,BDAG GIS MI 'GYUR RO SNYAM STE, CI YOD PA DANG, CI 'BYUNG BA DE YANG SPONG BAR BYA'O SNYAM NAS, PHYIR YANG SRID PAR SKYE BA'I GNYEN PO'I LAM BSGOMS PAS GZUGS KYI 'DOD CHAGS DANG BRAL BAR BYAS NAS, 'DU SHES MED 'DU SHES MED MIN SKYE MCHED KYI BAR DU SNYOMS PAR 'JUG STE, DE GAL TE TSE 'DI LA BTANG SNYOMS DE'I RO MYONG BAR BYED NA NI TSE 'DI LA YANG SRID PAR KSYE BA'I KUN NAS NYON MONGS PA LAS THAMS CAD KYI THAMS CAD DU YONGS SU MYA NGAN LAS MI 'DA' BAR YONGS SU GROL BAR MI 'GYUR RO, ,GAL TE RO MYONG BAR MI BYED NA NI DE TSE 'DI LA YANG SRID PAR SKYE BA'I KUN NAS NYON MONGS PA LAS THAMS CAD KYI THAMS CAD DU YONGS SU MYA NGAN LAS 'DA' BAR YANG 'GYUR LA YONGS SU GROL BAR YANG 'GYUR RO, ,DE LA 'DOD PA'I KUN NAS NYON MONGS PA'I GNYEN PO'I SGO NAS LAM SGOM PAR BYED CING MTHAR GYIS SRID PA'I RTZE MO'I BAR DU SNYOMS PAR 'JUG PA GANG YIN PA DANG, YANG SRID PAR SKYE BA'I KUN NAS NYON MONGS PA'I GNYEN PO'I SGO NAS LAM SGOM PAR BYED CING MTHAR GYIS DE LTAR SRID PA'I RTZE MO'I BAR DU SNYOMS PAR 'JUG PA GANG YIN PA 'DI NI THUN MONG BA'I RNAM PAR GROL BA STE, @314A *, ,DE LA 'PHAGS PA RNAMS DANG 'PHAGS PA MA YIN PA SO SO'I SKYE BO RNAMS KYI GO SKABS YOD PA DE'I PHYIR, DE LA 'PHAGS PA'I RNAM PAR GROL BA ZHES MI BYA'O, ,SRID PA'I RTZE MO MAN CHAD KYI 'JIG TSOGS THAMS CAD NI SDUG BSNGAL BA'O SNYAM DU RIG NAS SRID PA'I RTZE MO LAS 'DAS TE, TSE 'DI LA NYON MONGS PA THAMS CAD SPONG BA GANG YIN PA 'DI NI 'PHAGS PA RNAMS 'BA' ZHIG GI RNAM PAR GROL BA YIN TE, DE BAS NA 'PHAGS PA'I RNAM PAR GROL BA ZHES BYA'O, ,DE DAG THAMS CAD GCIG TU BSDUS NA GNAS LNGAR 'GYUR TE, MI G-YO BAR 'GRO BA'I LAM DANG; CI YANG MED PA'I SKYE MCHED DU 'GRO BA DANG, 'DU SHES MED 'DU SHES MED MIN SKYE MCHED DU 'GRO BA DANG, TSE 'DI LA MYA NGAN LAS 'DA' BA DANG, 'PHAGS PA'I RNAM PAR GROL BA'O, ,GSUM PO 'DI DAG NI 'DOD PA RNAMS KYI NYES DMIGS YIN TE, 'DOD PA RNAMS NI BDE BA MYONG BAR 'GYUR BA'I YUL RNAMS LA BRNAB SEMS SKYE BA'I RGYU DANG, SDUG BSNGAL TSOR BA'I GNAS RNAMS LA GNOD SEMS SKYE BA'I RGYU DANG, SDUG BSNGAL BA YANG MA YIN BDE BA YANG MA YIN PA TSOR BA'I GNAS RNAMS LA MA RIG PA'I NYES RTZOM SKYE BA'I RGYU'O, ,'DOD PA DE DAG KYANG GNAS GSUM GYI SGO NAS NYES DMIGS SU BLTA BAR BYA STE, RANG BZHIN DANG, DMIGS PA DANG, GROGS SO, ,DE LA RANG BZHIN NI KUN DU RTOG PA'I 'DOD CHAGS SO, ,DMIGS PA NI NANG DANG PHYI ROL GYI YUL GZUGS CAN RNAM PA LNGA'O, ,GROGS NI TSUL BZHIN PA YIN PA YID LA BYED PA DANG MTSUNGS PAR LDAN PA'I PHYIN CI LOG GI 'DU SHES SO, ,GONG MA'I 'DOD CHAGS DANG BRAL BA'I SBYOR BA LAS BYUNG BA'I SEMS NI CHEN POR GYUR BA ZHES BYA'O, ,DE CI'I PHYIR ZHE NA, SA GONG MA NI CHES CHE BA DANG, CHES GTZO BOR GYUR BA YIN TE, DE BAS NA DER 'GRO BA'I SEMS GANG YIN PA DE NI CHEN POR GYUR BA ZHES BYA'O, ,'JIG RTEN 'OG MA GANG LAS 'DOD CHAGS DANG BRAL BAR 'GYUR BA DE'I MI RTAG PA LA SOGS PA'I RNAM PAS SUN 'BYIN PAR BYED PA NI ZIL GYIS GNON PA YIN PAR RIG PAR BYA'O, ,'THOB PAR BYA BA'I SA GONG MA LA RE ZHIG PA'I TSUL GYIS ZHI BAR 'DU SHES PA'I SGO NAS @314B NI YID KYI GNAS SU RIG PAR BYA'O, ,BDAG GIS GNAS DE YANG DAG PAR BSGRUBS NAS GNAS PA 'THOB PAR NUS SO SNYAM DU YID CHES PA SKYES NAS SBYOR BA'I LAM LA DAD PA SGOM PA GANG YIN PA DE NI SKYE MCHED LA SEMS YANG DAG PAR DAD PA ZHES BYA'O, ,DE DAD PA DE'I SGO NAS BRTZON 'GRUS DANG; DRAN PA DANG, TING NGE 'DZIN DANG, SHES RAB BSGOMS PAS BSAM GTAN DANG PO NAS BZUNG STE, MTHAR GYIS RNAM SHES MTHA' YAS SKYE MCHED KYI MI G-YO BA'I BAR DU SNYOMS PAR 'JUG GO, ,BDAG NI SNYOMS PAR ZHUGS SO SNYAM DU SHES RAB KYIS MOS SO, ,DE'I RNAM PAR SHES PA DE MI G-YO BA'I SKYE MCHED DU SKYE BAR 'GYUR TE, GAL TE TSE 'DI LA YONGS SU MYA NGAN LAS 'DA' BAR MI 'GYUR RAM, GONG DU 'GRO BAR MI 'GYUR NA NI DE LTAR NA DE PHYI MA LA MI G-YO BAR NYE BAR 'GRO BAR 'GYUR RO, ,SA 'DI RNAMS LAS RGYU GSUM GYIS MI G-YO BAR RNAM PAR GZHAG PAR RIG PAR BYA'O, ,PHYI ROL GYI 'DOD PA'I G-YENG BA NA G-YO BAR SPANGS PA'I PHYIR NI BSAM GTAN DANG PO MI G-YO BA'O, ,RTOG PA DANG DPYOD PA DANG DGA' BA DANG BDE BA DANG, GZUGS NA SPYOD PA'I G-YO BA THAMS CAD SPANGS PA'I PHYIR NI BSAM GTAN BZHI BA MI G-YO BA'O, ,GZUGS DANG THOGS PA DANG; SNA TSOGS KYI 'DU SHES KYI G-YO BA SPANGS PA'I PHYIR NI NAM MKHA' DANG RNAM SHES MTHA' YAS SKYE MCHED MI G-YO BA'O, ,BSAM GTAN GNYIS PA DANG GUSM PA RNAMS LA NI GONG NAS GONG DU G-YO BA SPANGS PA'I PHYIR MI G-YO BAR RIG PAR BYA'O, ,RNAM SHES MTHA' YAS SKYE MCHED LA NI NAM MKHA' MTHA' YAS SKYE MCHED KYI PHYI ROL DU BLTAS PA'I DMIGS PA'I G-YO BA TZAM LAS DBEN PA'I PHYIR MI G-YO BAR RIG PAR BYA STE, MDOR BSDU NA CUNG ZAD LA DMIGS PA'I TING NGE 'DZIN MI G-YO BA'I PHYIR NA MI G-YO BA ZHES BYA'O, ,DE YANG RNAM SHES MTHA' YAS SKYE MCHED DU MTHAR THUG PAS NA DE'I PHYIR DE MAN CHAD MI G-YO BAR RNAM PAR GZHAG PAR RIG PAR BYA'O, ,CUNG ZAD LA DMIGS PA'I SNYOMS PAR 'JUG PA DE DAG THAMS CAD KYANG GONG NAS YOD PA'I 'DU SHES KYI SNYOMS PAR 'JUG PA YIN NO, ,DE YAN CHAD NI CI YANG MED PA LA DMIGS PA'I SNYOMS PAR 'JUG PA @315A *, ,YIN TE; GONG NA MED PA'I 'DU SHES KYI SNYOMS PAR 'JUG PA YIN PAR RIG PAR BYA'O, ,DE YAN CHAD NI 'DU SHES MED 'DU SHES MED MIN SKYE MCHED KYI SNYOMS PAR 'JUG PA YIN TE, DE BAS NA SGO GSUM LAS LAM GSUM DU BSTAN TO, ,GANG GI PHYIR 'PHAGS PA NYAN THOS KYI SGO GSUM NAS 'DOD PA RNAMS SUN 'BYIN PAR BYED DE SUN PHYUNG NAS KYANG MTHAR GYIS RNAM SHES MTHA' YAS SKYE MCHED KYI BAR DU SNYOMS PAR 'JUG PA DE'I PHYIR YANG MI G-YO BA'I SKYE MCHED DU 'GRO BA'I LAM GSUM RNAM PAR GZHAG GO, ,GZUGS KYI 'DU SHES DANG MI G-YO BA'I 'DU SHES NI SA 'OG MA THAMS CAD LA SUN PHUNG NAS CI YANG MED PA'I SKYE MCHED LA SNYOMS PAR 'JUG STE, 'DI NI CI YANG MED PA'I SKYE MCHED DU 'GRO BA'I LAM DANG PO'O, ,ZAG PA MED PA'I LAM BSGOM PA'I MTHA' NI SKYE MCHED DE LA THUG GO, ,ZAG PA MED PA'I LAM DE LA YANG 'DU SHES KYI SNYOMS PAR 'JUG PA BZHIN DU GONG NA YOD PA DANG, GONG NA MED PA YOD DO, ,DE LA GONG NA YOD PA NI MI RTAG PA'I RNAM PAR DANG LDAN PA'O, ,GONG NA MED PA NI BDAG MED PA'I RNAM PA DANG LDAN PA'O, ,DE LA GONG NA YOD PA'I RNAM PAS NI SA 'OG MA SUN PHUNG NAS DE'I SKYE MCHED LA SNYOMS PAR 'JUG GO, ,GONG NA MED PA'I RNAM PAS NI 'OG MA DANG, GONG MA DANG, DE NYID DANG, CHOS THAMS CAD LA BDAG MED PAR YID LA BYED PAS ZAG PA MED PA'I CI YANG MED PA'I SKYE MCHED LA SNYOMS PAR 'JUG STE, GONG NA MED PA'I RNAM PA DE NI LAM GNYIS PA YIN PAR RIG PAR BYA'O; ,LAM GNYIS PA DE YANG RNAM PA GNYIS SU DBYE BAS RNAM PA GNYIS SU RNAM PAR GZHAG PAR BYA STE, GNYIS GANG ZHE NA, 'DI LTA STE, BRTEN PA DANG, RTEN GYI SHES BYA'I BYE BRAG GO, ,DE LA BRTEN PA'I BDAG MED PA'I SHES PA NI SEMS CAN GYI KHAMS GANG YANG RUNG BA DANG, BDAG GANG YIN PA 'DI LA BDAG GI YUL GA GE MO DANG, SEMS CAN CHE GE MO DANG, PHA'AM, MA'AM, GROGS SAM, RJE BO LA SOGS PA CUNG ZAD KYANG MED PA'O, ,JI LTAR BDAG GI GA GE MO DANG, CHE GE MO DANG, CUNG ZAD KYANG MED PA DE BZHIN DU BDAG KYANG DE RNAMS KYI GA GE MO DANG, CHE GE @315B MO DANG; CUNG ZAD KYANG MA YIN PA'O, ,RTEN GYI BDAG MED PA'I SHES PA NI RTAG PA DANG, BDAG DANG BDAG GIS 'JIG RTEN STONG STE, 'DI LA RTAG PA'AM BDAG GAM BDAG GI CI YANG MED DE, CHOS TZAM DU ZAD DO, ,DE LTAR 'JIG RTEN STONG PA YIN AN, 'DI LA GANG NA SU ZHIG CI ZHIG GA LA YOD DE, DE BAS NA SHES PA SNGA MA NI BRTEN PA YIN LA PHYI MA NI RTEN DU GYUR BAR BLTA BAR BYA'O, ,'DU SHES MED 'DU SHES MED MIN SKYE MCHED LA NI ZAG PA MED PA'I LAM MED DE, DE BAS NA CI YANG MED PA'I SKYE MCHED KYI 'DU SHES SUN PHYUNG NAS DE'I SKYE MCHED LA SNYOMS PAR 'JUG STE; DE LA NI LAM DE GCIG PU YIN NO, ,DE LA BDAG MA GYUR CIG CES BYA BA NI SKYE BA LA SOGS PA'I SDUG BSNGAL GYI SDUG BSNGAL LO, ,BDAG GIR YANG MA GYUR CIG CES BYA BA NI SKYE BA LA SOGS PA'I SDUG BSNGAL YIN TE, DE LTA BU'I RNAM PAR 'DUN PA BSKYED NAS BRTZON PAR BYED DO, , YANG DAG PAR BRTZON NA SNGA PHYIR KHYAD PAR SHES NAS NGES PAR 'THOB PAR 'GYUR TE BDAG MI 'GYUR RO, ,BDAG GIR MI 'GYUR RO SNYAM MO, ,DE BAS NA DA LTAR GYI TSE 'DI LA GSAR DU LAS BYAS SHING BSAGS PA CI YOD PA DANG, LAS RNYING CI BYUNG BA DE DAG THAMS CAD KYI RNAM PAR SMIN PA MI 'DOD DE, MI LTA BA'I PHYIR THAMS CAD SPONG BA'O, ,SDOM NI, RNAM PAR GZHAG DANG MTHAR THUG DANG, ,MA 'DRES PA DANG TSUL BZHIN DANG, ,RTEN CING 'BREL BAR 'BYUNG BA DANG, ,BSGOM DANG DUS DANG BAR DU GCOD, ,RANG BZHIN BSTAN DANG SPONG BA'I PHYIR, ,RTZOM DANG SGOM PA THA MA YIN; ,DE LA RNAM PAR GZHAG PA NI DRAN PA NYE BAR GZHAG PA LA SOGS PA NAS, LAM GYI YAN LAG LA THUG PA'I BYANG CHUB KYI PHYOGS DANG MTHUN PA'I CHOS SUM CU RTZA BDUN GYI MDO DANG RGYAS PA YIN PAR RIG PAR BYA STE, 'DI LTA STE, NYAN THOS KYI SA LAS 'BYUNG BA BZHIN NO, ,SHES BYA'I GZHI THAMS CAD NI DRAN PA NYE BAR GZHAG PA BZHI MTHAR THUG PAR RIG PAR BYA'O, ,SHES BYA'I GZHI'I MTHAR THUG PAS NI SHES BYA'I GZHI MTHAR THUG PAR RIG PAR BYA'O, ,'DUN PA DANG BRTZON 'GRUS LA DSOGS PA BSGOM PA LA SBYOR BA NI DRAN PA NYE BAR GZHAG PA BZHI 'GRUB PAR BYA BA'I @316A *, ,PHYIR YIN PAR RIG PAR BYA'O, ,DRAN PA NYE BAR GZHAG PA BZHI MA GTOGS PAR DE DANG MI 'DRA BA'I LAM MAM, DMIGS PA GANG LA BRTEN NA ZAG PA ZAD PAR 'GYUR ZHING MYA NGAN LAS 'DAS PA 'THOB PAR 'GYUR BA'I LAM DANG, DMIGS PA GZHAN MED PA'I PHYIR RNAM PAR DAG PA'I LAM 'DI ZLA MED PA YIN PAS NA, LAM 'DI NI BGROD PA GCIG PA ZHES BYA'O, ,BGROD PA GCIG PA'I LAM DES KYANG RGYU GNYIS KYIS SEMS CAN RNAMS RNAM PAR DAG PAR BYED DE, SO SOR BRTAGS PA'I STOBS DANG, BSGOMS PA'I STOBS KYIS SO, ,MYA NGAN ZHES BYA BA NI NYON MONGS PA CAN GYI YID MI BDE BA'O, ,DROD MI THUB CES BYA BA NI RGOD PAR GTOGS PA STE, 'DOD PA NA SPYOD PA'I NYON MONGS PA CAN GYI YID MI BDE BA'O, ,MYA NGAN GYI GNAS NI 'JIG RTEN GYI CHOS BZHI'O, ,DROD MI THUB PA'I GNAS NI GZHAN BZHI PO NYID DO, ,DE LA DRAN PA NYE BAR GZHAG PA BZHI LA BRTZON PA NI SO SOR BRTAGS PA'I STOBS LA BRTEN PAS MYA NGAN DANG DROD MI THUB PA LAS YANG DAG PAR 'DA' BAR 'GYUR RO, ,'JIG RTEN PA'I BSGOMS PA'I STOBS KYIS 'DOD PA'I 'DOD CHAGS DANG BRAL BA THOB PAS NI SDUG BSNGAL BA DANG, YID MI BDE BA SPONG BAR 'GYUR RO; ,'JIG RTEN LAS 'DAS PA'I BSGOMS PA'I STOBS KYIS 'JIG TSOGS THAMS CAD LAS YANG DAG PAR 'DAS PAS NI 'PHAGS PA'I LAM YAN LAG BRGYAD PA DANG, LAM GYI 'BRAS BU RIG PA DANG CHOS RTOGS PAR 'GYUR RO, ,DE YANG SEMS CAN RNAMS KYI SO SOR RTOGS PA'I STOBS DANG; BSGOMS PA'I STOBS KYIS RNAM PA THAMS CAD RNAM PAR DAG PAR RIG PAR BYA'O, ,LUS LA SOGS PA DMIGS PA BZHI LA TSUL BZHIN MA YIN PA YID LA BYED NA NI DRAN PA NYE BAR GZHAG PA BZHI NYAMS SU LEN PAR MI 'GYUR RO, ,DE RNAMS NYAMS SU MI LEN NA TSUL BZHIN YID LA BYED PA 'PHAGS PA'I RIGS PA'I RJES LA 'BYUNG BA'I YANG DAG PA'I LTA BA LA SOGS PA'I 'PHAGS PA'I LAM SKYE BA YANG NYAMS SU MI LEN NA, DE NYAMS SU MA BLANGS PAS 'PHAGS PA'I LAM YANG NYAMS SU MA BLANGS PA YIN NO, ,DE NYAMS SU MA BLANGS PAS DE'I 'BRAS BU MYA NGAN LAS 'DAS @316B PA'I BDUD RTZI YANG NYAMS SU MA BLANGS PA YIN NO, ,RNAL 'BYOR BA NI LUS LA SOGS PA RGYU LA BRTEN TE BYUNG BAR RIG NAS DUS GSUM GYI LUS LA SOGS PA'I CHOS RNAMS LA MI RTAG PAR RJES SU MTHONG BAS GNAS TE, MI RTAG PAR RJES SU MTHONG BAS GNAS NA, YANG NA SRID PAR SKYE BA LA YANG SRID PAR SKYE BA'I SRID PAS RTEN CING MI GNAS LA TSE 'DI LA YANG PHYI NANG GI 'DU BYED THAMS CAD LA BDAG GAM BDAG GIR CUNG ZAD KYANG MI 'DZIN TO, ,DE LA MA 'ONGS PA RNAMS LA NI KUN 'BYUNG BA'I CHOS CAN DU RJES SU MTHONG BAR RIG PAR BYA'O, ,'DAS PA RNAMS LA NI 'JIG PA'I CHOS CAN DU RJES SU MTHONG NGO, ,DA LTAR BYUNG BA RNAMS LA NI BYUNG BA DANG DE'I 'OG TU 'JIG PA'I CHOS CAN YIN PA'I PHYIR KUN 'BYUNG BA DANG 'JIG PA'I CHOS CAN DU MTHONG BAS GNAS TE, DE THOG MA KHO NAR LUS LA SOGS PA RTEN CING 'BREL PAR 'BYUNG BA RNAMS YANG DAG PAR RJES SU MTHONG BAS MI RTAG PA NYID LA 'JUG GO, ,MI RTAG PA NYID LA ZHUGS NAS SRED PA DANG LTA BA'I KUN NAS NYON MONGS PA LAS SEMS RNAM PAR SBYANGS TE, DE SHAS CHER GNAS PA 'DI NI TSUL BZHIN YID LA BYED PA YONGS SU RDZOGS PA YIN TE, DE LA BRTEN NAS ZAG PA ZAD PA THOB PAR 'GYUR RO; ,CHOS RNAMS NI MDOR BSDU NA DGE BA DANG, MI DGE BA RNAMS DANG, KUN NAS NYON MONGS PA DANG RNAM PAR BYANG BA'I PHYOGS DANG MTHUN PA RNAMS SO, ,DE LA KUN NAS NYON MONGS PA'I PHYOGS DANG MTHUN PA GANG YIN PA DE DAG NI TSUL BZHIN MA YIN PA YID LA BYED PA LAS 'BYUNG NGO, ,RNAM PAR BYANG BA'I PHYOGS DANG MTHUN PA RNAMS NI TSUL BZHIN YID LA BYED PA LAS 'BYUNG STE, DE DAG GCIG TU BSDUS PA LA NI YID LA BYED PA LAS 'BYUNG BA ZHES BYA'O, ,DRAN PA NYE BAR GZHAG PA BSGOM PA'I MDO DANG RGYAS PA NI 'DI LTA STE, NYAN THOS KYIS LAS 'BYUNG BA BZHIN DU RIG PAR BYA'O, , DRAN PA NYE BAR GZHAG PA BSGOM PA'I DANG PO NI DA LTAR BCOM LDAN 'DAS BYUNG NAS BSTAN CID DE'I NYAN THOS RNAMS KYANG SGOM PAR BYED PA 'DI KHO NA MA YIN TE, DRAN PA NYE BAR GZHAG PA BSGOM PA NI 'DAS PA'I DUS NA YANG THOG MA MED PA'I DUS NAS BYUNG LA MA 'ONGS PA'I DUS NA YANG MTHAR THUG PA MED @317A *, ,PAR RIG PAR BYA'O, ,DRAN PA NYE BAR GZHAG PA BZHI NI 'DAS PA DANG, MA 'ONGS PA DANG, DA LTAR BYUNG BA'I DUS RNAMS SU 'JIG RTEN DANG 'JIG RTEN LAS 'DAS PA'I CHOS TSAD MED PA RNAMS SKYE BA'I GNAS YIN PA'I PHYIR DGE BA'I TSOGS ZHES BYA'O, ,SGRIB PA LNGA NI DGE BA'I TSOGS DE'I BAR CHAD BYED PAS NA MI DGE BA'I TSOGS ZHES BYA'O, ,LUS LA SOGS PA'I CHOS BZHI PO RNAMS KYI BYE BRAG GIS MTHA' YAS PA DANG, YUL DE LA DE BZHIN GSHEGS PA'I YE SHES THOGS PA MED PAS NA, DE BZHIN GSHEGS PA RNAMS KYI CHOS BSTAN PA NI TSAD MED PA'O, ,DE YANG TSIG DANG DON RNAM PA GNYIS KYIS RAB TU PHYE'O, ,DE LA DON GYI BYE BRAG NI DON DE NYID KYANG DAG PAR BSTAN PAR BYA BA LA CHOS KYI TSIG DANG YI GE TSAD MED PA'O, ,TSIG DANG YI GE DE YANG ZLOS PA MED PA'I PHYIR GONG NAS GONG DU SPOBS PA TSAD MED DE, DE BAS NA DE BZHIN GSHEGS PA'I CHOS BSTAN PA NI NGO MTSAR RMAD DU BYUNG BA'I CHOS DANG LDAN PA YIN TE, DON GCIG LA YANG TSIG DANG YI GE ZLOS PA MED PA TSAD MED PA DAG GIS YANG DAG PAR BSTAN PA'I PHYIR RO, ,BSTAN PA'I BRDA'I DON RTOGS PA'I SHES PAS NA RTOGS PA DANG LDAN PA YIN NO; ,RANG BZHIN DANG THOS PA DANG BSAM PA'I SHES RAB KYI SGO NAS NI BLO DANG LDAN PA'O, ,MNYAM PAR GZHAG PA'I PHYIR NA DRAN PA DANG LDAN PA'O, ,BDEN PA KHONG DU CHUD PAS NA SHES RAB DANG LDAN PA STE, DANG POS NI BSTAN TO, ,GSUM GYIS NI BSHAD PA YIN PAR RAG PAR BYA'O, ,GANG GI PHYIR DGE SLONG SNGON THOS PA DANG BSAMS PA LAS BYUNG BA'I TSUL BZHIN YID LA BYED PAS LUS LA SOGS PA LA LUS LA SOGS PA TZAM DU LTA BA DRAN PA NYE BAR GZHAG STE, CHOS RNAMS THAMS CAD BDAG MED PAR SHES NAS THOS PA DANG BSAMS PA TZAM GYIS KYANG CHOG PAR MI 'DZIN TE, SEMS MNYAM PAR GZHAG PA NI RNAM PAR GROL BAR 'GYUR RO SNYAM NAS TING NGE 'DZIN DU BYA BA'I PHYIR RAB TU DBEN PAR GNAS SHING LUS LA SOGS PA TZAM DU DMIGS PA KHO NAS DE SEMS GNAS PA RNAM PA DGUS NANG RNAM PAR ZHI BA 'BA' ZHIG TU 'GYUR RO, ,DE'I DRAN PA NYE BAR GZHAG PA BZHI NI RGYU @317B GNYIS KYIS BRTZAMS PA DANG, RAB TU BRTZAMS PAR 'GYUR TE, TSUL BZHIN YID LA BYED PA YANG DAG PA JI LTA BA BZHIN DU SHES PA DANG, TING NGE 'DZIN YANG DAG PA JI LTA BA BZHIN DU SHES PA'I PHYIR DE, DE'I 'OG TU SHES RAB YANG DAG PA JI LTA BA BZHIN DU SHES PAS MTHAR THUG PAR 'GYUR RO, ,GANG GI PHYIR DGE SLONG NI GNYEN PO RNAM PA GSUM LA JI LTAR 'DOD PA BZHIN THOB PA DANG, TSEGS MED PAR THOB PA DANG, DKA' BA MED PAR THOB PAR 'GYUR TE, 'DI LTA STE, MI RTAG PA'I 'DU SHES DANG, BYAMS PA DANG, MTSAN MA MED PA'O, ,DE YANG GNYEN PO RNAM PA GSUM PO DES CI RIGS PAR SNGA MA BZHIN DU YID DU 'ONG BA LA SOGS PA'I LUS LA SOGS PA LA MI MTHUN PA'I 'DU SHES DANG, MI MTHUN PA MED PA'I 'DU SHES DANG, DE GNYIS KA NGES PAR SPANGS NAS, BTANG SNYOMS DANG, DRAN PA DANG, SHES BZHIN GYI GNAS TE, DES NI DRAN PA NYE BAR GZHAG PA BSGOMS PAR RIG PAR BYA'O, ,SDOM NI, RTZA BA LA SOGS RO MYANG BA, ,SNGA MA PHYI MA'I KHYAD PAR DANG, ,MTSAN MAR 'DZIN DANG KUN NAS DKRIS, ,'BRAS BU YANG NI THA MA YIN, ,RTZA BA GSUM PO 'DI DAG NI DRAN PA NYE BAR GZHAG PA DGE BA'I TSOGS KYI BGEGS KYI GNAS YIN PA'I PHYIR MI DGE BA'I TSOGS SU GYUR BA YIN PAR RIG PAR BYA'O, ,GSUM GANG ZHE NA, PHYI MA LA NGAN SONG GI SDUG BSNGAL LA GNAS PAR 'GYUR BA'I PHYIR NYES PAR SPYOD PA'I RTZA BA DANG, TSE 'DI LA SDUG BSNGAL LA GNAS PA'I PHYIR RTOG PA'I RTZA BA DANG, RTZA BA'I RTZA BA STE, NYES PAR SPYOD PA'I RTZA BA DE DANG, RTOG PA'I RTZA BA DE'I RTZA BA GANG YIN PA DE NI RTZA BA'I RTZA BA ZHES BYA'O, ,DE LA CHAGS PA LA SOGS PA MI DGE BA'I RTZA BA GSUM PO RNAMS NI LUS LA SOGS PA'I NYES PAR SPYOD PA'I RTZA BA'O, ,'DOD PA LA SOGS PA'I 'DU SHES GSUM NI 'DOD PA LA SOGS PA'I RTOG PA'I RTZA BA'O, ,'DOD PA LA SOGS PA'I KHAMS GSUM NI CHAGS PA L SOGS PA RTZA BA GSUM DANG, 'DOD PA'I 'DU SHES LA SOGS PA'I RTZA BA GSUM GYI RTZA BA YIN PAR RIG PAR BYA'O, ,DRAN PA NYE BAR GZHAG PA RNAMS LA BRTZON PA'I DGE SLONG NI 'JIG RTEN PA'I LAM GYIS @318A *, ,'DOD PA RNAMS LAS DBEN PA ZHES BYA BA NAS RGYAS PAR SRID PA'I RTZE MO'I SNYOMS PAR 'JUG PA'I BAR DU BSGRUBS TE GNAS SO, ,DES DE'I RO MYONG BAR BYANG CING, DE TZAM GYIS CHOG PAR 'DZIN TE, MA THOB PAR THOB PAR BYA BA'I PHYIR GONG DU RTZOL BAR YANG MI BYED PA DE NI 'PHAGS PA'I CHOS 'DUL BA LA SKYES BU CHEN PO ZHES MI BYA'O, ,DE CI'I PHYIR ZHE NA, SEMS SHIN TU RNAM PAR GROL BA MA YIN PA'I PHYIR RO, ,DE LAS BZLOG PA NI SKYES BU CHEN PO YIN PAR RIG PAR BYA'O, ,'DI LA DGE SLONG LUS LA SOGS PA LA LUS KYI RJES SU LTA ZHING GNAS PA NI NANG DU SEMS GNAS PA RNAM PA DGUS SEMS RNAM PAR SDUD PAR BYED MOD KYI, DE'I SEMS DE YANG ZHI GNAS KYI MI MTHUN PA'I PHYOGS LUS DANG SEMS KYI RMUGS PA DANG ZHUM PA LAS RNAM PAR GROL BA MA YIN NO, ,RNAM PAR GROL BAR MA GYUR PA'I PHYIR DE LTAR MNGON PAR BSDUS PA'I SEMS LA, LUS KYI RMUGS PA DANG SEMS KYI ZHUM PA YANG SKYE BAR 'GYUR RO, ,GAL TE DRAN PA NYE BAR GZHAG PA RNAMS LA SEMS SHIN TU BRTAN PAR GNAS PAS NYE BA'I NYON MONGS PA SKYAS PAR RIG NAS, NANG DU MNGON PAR BSDUS PA DE LAS SEMS DE BTANG STE, PHYI ROL GYI DGA' BAR 'GYUR BA'I SDUG PA'I SDUG PA'I MTSAN MA DE BZHIN GSHEGS PA LA SOGS PA'I YON TAN GYI RNMA PA'I DMIGS PA LA SEMS GTOD PAR BYED DE, DE DMIGS PA DES MCHOG TU DGA' BA SKYE BAR 'GYUR BA NAS, RGYAS PAR RAB TU 'DZIN PA'I SGO NAS DE LA DMIGS PA'I SEMS MNYAM PAR 'JOG LA NYE BA'I NYON MONGS PA ZHI GNAS KYI MI MTHUN PA'I PHYOGS DE LAS KYANG RNAM PAR GROL BAR 'GYUR RO, ,DE NAS NYE BA'I NYON MONGS PA DE LAS SEMS RNAM PAR GROL BAR RIG NAS, GANG GI DON DU PHYI ROL DU CHED DU GTAD PA'I DON DE THOB PAS NA, PHYIR YANG SNGA MA BZHIN DU MNGON PAR SDUD PAR BYED DE, PHYIS NYE BA'I NYON MONGS PA DES NYE BAR NYON MONGS PAR MI 'GYUR RO, ,DES MNGON PAR BSDUS NAS, PHYI ROL DU CHED DU MA GTAD PAR YANG BDAG NI RNAM PAR GROL LO SNYAM DU YANG DAG PA JI LTA BA BZHIN DU RAB TU SHES LA, PHYI ROL DU DMIGS PA RNAM PA LA YONGS SU RTOG PA, 'BAD PA DANG BCAS @318B PA; MNGON PAR 'DU BYED PA DANG BCAS PA'I SDUG BSNGAL 'BYUNG BA DE DAG LAS DBEN PA DANG, BTANG SNYOMS DANG, BDE BAR GNAS PA DANG, ZHI GNAS YONGS SU 'GRUB PAR 'GYUR TE, DE LTAR DRAN PA NYE BAR GZHAG PA BZHI LAS SEMS SHIN TU BRTAN PAR GNAS PA DES NI SNGA MA LAS PHYI MA KHYAD PAR DU GYUR PAR SHES TE GANG ZAG DE NI SNGAR LHAG MTHONG SPYAD NAS LHAG MTHONG LA BRTEN TE, ZHI GNAS LA SBYOR BAR BYED PA YIN PAR RIG PAR BYA'O, ,DRAN PA NYE BAR GZHAG PA LA BRTZON PA'I DGE SLONG LHAG MTHONG LA BRTEN NAS ZHI GNAS LA SBYOR BAR 'DOD PAS NI, NANG GI ZHI GNAS LA RANG GI SEMS GTAD PA LAS MTSAN MA 'DI LTAR GZUNG BAR BYA STE, BDAG GIS CI ZHIG YID LA BYAS SHING, BDAG GIS JI LTAR YID LA BYAS NA SEMS ZHI GNAS LA GTAD PA NA, ZHI GNAS KYI PHYOGS KYI LUS DANG SEMS KYI RMUGS PA DANG ZHUM PAS NYE BAR NYON MONGS PAR 'GYUR LA, CI ZHIG JI LTAR YID LA BYAS NA NI NYE BAR NYON MONGS PAR MI 'GYUR SNYAM DU MTSAN MA GZUNG BAR BYA'O, ,GAL TE DGE SLONG DES DE LTAR RANG GI SEMS LA MTSAN MA MA BZUNG NAS NI KUN NAS NYON MONGS PA DES SEMS DE NYE BAR NYON MONGS PAR 'GYUR BAR RIG NAS, PHYI ROL GYI DGA' BAR BYED PA'I DMIGS PA LAS MTSAN MAR 'DZIN PAR BYED DO, ,DE'I RGYUS RE ZHIG DES NYE BA'I NYON MONGS 'BYUNG ZHING MNGON SUM DU GYUR BA DE SPONG MOD KYI, 'ON KYANG GANG GI TSE YANG SNGA MA BZHIN DU MNGON PAR BSDUS PA NA DE DE BZHIN DU YANG NYE BA'I NYON MONGS PA DE NYID KYIS NYE BA'I NYON MONGS PAR 'GYUR ZHING MNYAM PAR GZHOG PAR MI 'GYUR TE, 'DI LTAR SNGAR RANG GIS SEMS LA MTSAN MA MA BZUNG BA'I PHYIR DANG, BAG LA NYAL MA BTON PA'I PHYIR RO, ,DE RGYU DE DANG NYE BA'I NYON MONGS PA DES PHYIR ZHING BCOM PAR 'GYUR TE, BROD PA'I DON MA THOB PO SNYAM NAS YID MI BDE BAS PHONGS PAR YANG 'GYUR LA, SHIN TU YUN RING POR YANG NANG GI SEMS KYI ZHI GNAS DE THOB PAR MI 'GYUR RO, ,ZHI GNAS LA BRTEN PAS SNGAR LHAG MTHONG YONGS SU DAG PA'I DBANG GIS BYUNG BA'I DRAN PA DANG SHES BZHIN MCHOG KYANG THOB PAR MI NUS TE, NANG GI SEMS KYI ZHI GNAS MA THOB PAS NI LHAG PA'I SEMS LAS BYUNG BA TSE 'DI @319A *, ,LA BDE BAR GNAS BZHI THOB PAR MI 'GYUR RO, ,DRAN PA DANG SHES BZHIN MCHOG MA THOB PAS NI, SNGON THOB MA MYONG BA'I GRUB PA DANG BDE BA BLA NA MED PA MYA NGAN LAS 'DAS PA THOB PAR MI 'GYUR RO, ,DE LAS BZLOG PA THAMS CAD NI DKAR PO'I PHYOGS KYIS SNGON MA THOB PA'I GRUB PA DANG BDE BA BLA NA MED PA MYA NGAN LAS 'DAS PA'I BAR DU THOB PAR 'GYUR BAR RIG PAR BYA'O, ,DE LA G-YOS MKHAN LTA BU'I RNAL 'BYOR SPYOD PA'O, ,JO BO JI LTA BU NI ZHI GNAS LA GTAD PA'I SEMS SO, ,TSOD MA LTA BU NI MTSAN MAR 'DZIN PA'O, ,ZAS DANG GOS RGYA CHEN PO LTA BU NI NANG GI SEMS KYI ZHI GNAS LA SOGS PA YIN PAR RIG PAR BYA'O, ,NAG PO'I PHYOGS LAS NI BYIS PA YIN PAR RIG PAR BYA'O, ,DKAR PO'I PHYOGS LAS NI MKHAS PA YIN PAR RIG PAR BYA'O, ,DRAN PA NYE BAR GZHAG PA BSGOM PA LA BRTZON PA'I DGE SLONG SO SO'I SKYE BO NI CHAGS PAR 'GYUR BA'I YUL RGYA CHEN PO MNGON SUM DU GYUR BA 'AM YANG NA GCIG PUS GNANG BA THOB PAS NA BRJED NGAS PAS TSUL BZHIN MA YIN PA'I 'DU SHES LA BRTEN NAS 'DOD CAHGS KYI KUN NAS DKRIS PA DRAG PO SKYED PAR BYED DO, ,DE KUN NAS DKRIS PA DE LA NGO TSA BAS GNAS TE, BDAG NYID SKOBS SU CHUD PA BZHIN DU SEMS PAS 'BRAL BAR BYA BA'I PHYIR DRAG TU 'BAD PAR BYED DO, ,DE LTAR BYAS NAS KYANG KUN NAS DKRIS PA DE LAS GROL BAR 'GYUR RO, ,GROL NAS KYANG DE YID BDE BAR 'GYUR TE, DE'I 'OG TU YANG SKYO BA DRAG POR 'GYUR RO; ,SKYO BA THOB NAS KYANG DE'I 'OG TU MI RTAG PA'I 'DU SHES KYI GSHOL CHEN PO LTA BUS RMOS SHING 'DU BYED KYIS RNAM PA THAMS CAD KHAG MA LTA BUR BRLOG PA NA, BDEN PA'I TSUL NI YANG DAG PA JI LTA BA BZHIN DU MNGON PAR RTOGS NAS MYA NGAN LAS 'DAS PA LA BSAM PA GZHAG STE, SLOB PA YANG SPYOD PA'I YID LA BYED PAS YUL RGYA CHEN PO DE SDUG PAR YID LA BYED DE, 'DOD CHAGS KYI BAG LA NYAL DE MA SPANGS PAS 'DOD CHAGS KYI KUN NAS DKRIS PA DE GLO BUR DU SKYES NAS MNGON SUM DU 'GYUR RO, ,DE DE LA NYES DMIGS SU LTA BAS KUN NAS DKRIS PA DE BAG LA NYAL DANG @319B BCAS PAR SPANG BAR BYA BA'I PHYIR MTSAN MA MED PA LA SNYOMS PAR 'JUG STE, DE LTAR NA DE LHAG MA SPONG BA YIN NO, ,DE TING NGE 'DZIN DE LAS LANGS TE SPANGS PA YANG KHONG DU CHUD NAS RNAM PAR GROL BA'I DGA' BA DANG BDE BA YANG NYAMS SU MYONG LA, BDAG NYID NI YE SHES KYI STOBS CHEN PO'I STOBS DANG LDAN LA BDUD KYI PHYOGS NI STOBS CHUNG BAR YANG DAG PAR MTHONG NGO, ,DRAN PA NYE BAR GZHAG PA BZHI BSGOM PA DE NI MCHOG TU KHYAD PAR DU 'PHAGS PA'I MTHA'I 'BRAS BUR 'GRUB PA YIN PAS NA 'BRAS BU CHE BAR RIG PAR BYA'O, ,MCHOG TU BDE BA KHYAD PAR DU 'PHAGS PA'I PHAN YON 'GRUB PAR 'GYUR BAS NA PHAN YON CHEN PO YIN PAR RIG PAR BYA'O, ,SDOM NI, SLOB DPON GANGS RI 'DZUD PA DANG, ,BRTUN DANG GNAS DANG RNAM PAR DAG ,RIM PA TSUL KHRIMS PHUN TSOGS, ,GRA MA LDAN PA THA MA YIN, ,PHYI ROL GYI MU STEGS CAN NI RANG GI SLOB MA RNAMS KYI NANG DU SLOB DPON DU RNAM PAR 'JIG STE, RNYED PA 'DOD CING BKUR STI 'DOD NAS, RIGS KYI BU BDAG LA PHAN PAR 'DOD PA ZHIG DER RKYEN DANG PHRAD NAS RAB TU BYUNG BA LA 'DI SKAD DU KHYOD TSUR NGA'I YO BYAD THAMS CAD LA THUN MONG DU LONGS SPYOD CING 'DUG LA, KHYOD KYIS NGA'I BSNGAGS PA YANG GZHAN DAG LA BRJOD CIG ,SKYON YANG 'DI LTA STE, BCAB PA'I PHYIR SRUNGS SHIG ,NGAS KYANG KHYOD LA DE BZHIN DU BYA'O, ,BDAG CAG GNYIS GCIG GIS GCIG BSRUNG NA, RGYAL PO RNAMS DANG ZHANG BLON RNAMS NAS DED DPON RNAMS KYI BAR DAG LAS RNYED PA THOB PAR 'GYUR LA BKUR BAR YANG 'GYUR RO ZHES ZER LA DE SKAD ZER BA'I SLOB DPON DE LA BDAG LA PHAN PAR 'DOD PA'I SLOB MAS 'DI SKAD DU DE LTAR NI LTA BAR MI BYA STE, GROGS POS BSRUNGS PAS NI NGAN 'GROR 'GRO BA'I NYES PA DE DAG LAS BDAG NYID BSRUNG BAR MI 'GYUR TE, DE BAS NA KHYOD DANG BDAG GIS KYANG BDAG NYID DE MA YIN PA ZHIG GIS BSRUNG DGOS SO, ,DE MA YIN PA BDAG GIS KHYOD BSRUNGS SAM KHYOD KYIS BDAG BSRUNGS NA NI BSRUNG BAR MI 'GYUR RO ZHES SMRAS NA, DON DE LA NI SLOB MA DE NYID RIGS PAR SMRA BA DANG, MKHAS PA YIN PAR RIG PAR BYA STE, TSE PHYI MA @320A *, ,CHED CHER 'DZIN PA'I PHYIR RO, ,SLOB DPON KYIS BYIS PA YIN TE, TSE 'DI LA CHED CHER 'DZIN PA'I PHYIR RO, ,NYON MONGS PA DANG YANG BCAS PAS NA, GZHAN LA THO 'TSAMS PAR BYED DO, ,DES NA NYON MONGS PA DANG BCAS PA'I PHYIR BDAG NYID KYANG BSRUNG BA MA YIN LA; DE'I RGYUS GZHAN LA RNAM PAR MTHO BTZAMS PAS GZHAN DAG KYANG BSRUNG BA MA YIN NO, ,DE LA SNGA MA BZHIN DU KUN DU BRTEN PA LA SOGS PAS NI 'DI LTA STE, BDAG BSRUNG BA'I PHYIR NYON MONGS PA SPANG BAR BYA'O, ,DE'I 'OG TU DE SPANG BA'I RGYU LAS BYUNG BA GZHAN LA RNAM PAR THO MI 'TSAMS PA LA SOGS PAS NI GZHAN YANG BSRUNG BAR BYA'O, ,DE LA KHRO BA MI SKYED PA DANG, RNAM PAR MI 'TSE BA GNYIS NI RNAM PAR THO MI 'TSAMS PA'I DON DU RIG PAR BYA'O, ,RJES SU SNYING BRTZE BA NI PHAN PA'I SEMS SO, ,BYAMS PA'I SEMS NI BDE BA'I SEMS SO, ,RJES SU SNYING BRTZE BA DANG BYAMS PA'I SEMS GNYIS NI SNYING BRTZE BA'I DON DU RIG PAR BYA STE, SNYING BRTZEN GZHAN LA RNAM PAR THO 'TSAMS PAR MI 'GYUR TA, DE BAS NA 'DI DAG THAMS CAD NI SNYING BRTZE BA'I RNAM GRANGS SU RIG PAR BYA'O, ,LEGS PAR GSUNGS PA'I CHOS 'DUL BA NI GANGS KYI RI LTA BU YIN PAR RIG PAR BYA'O, ,DE LA YANG CHA GSUM YOD DO, ,MI SLOB PA'I SA DANG, SLOB PA'I SA DANG, SO SO'I SKYE BO'I SA'O, ,TSUL BZHIN MA YIN PA'I YID LA BYED PA DANG LDAN PA'I SEMS NI SPRE'U LTA BU'O, ,BDUD NI RNGON PA LTA BU'O, ,DE LA MI SLOB PA'I SA LA NI GNYIS KA'I GNAS MED DO; ,SLOB PA'I SA'I PHYIR MI 'ONG BA RNAMS LA NI TSUL BZHIN MA YIN PA YIN LA BYED PA DANG LDAN PA'I SEMS SPRE'U LTA BU GCIG GI GNAS NI YOD LA, BDUD RNGON PA LTA BU'I NI MED DO, ,SO SO'I SKYE BO'I SA LA NI GNYIS KA'I GNAS YOD PAR RIG PAR BYA'O, ,DE LA BYIS PA NI YUL GZHAN GYIS YUL GZHAN LA SA NGES PAR 'BYUNG BAR BLTA STE, YUL GZHAN YONGS SU TSOL BA NA YANG YUL GZHAN GYIS BCING BAR 'GYUR TE, DE BAS NA YUL LAS KYANG YONGS SU GROL BAR MI 'GYUR RO, ,DAM PA'I CHOS NYAN PA DANG, 'CHAD PA DANG, DON RTOG PA DANG, CHOS KYI RJES SU MTHUN @320B PA'I CHOS LA NAN TAN DU SGRUB PA RNAMS KYIS NI 'DZUD PA DANG, 'DUL BA DANG, GZHAG PA DANG, DGOD PA'I DON DU GO RIMS BZHIN DU RIG PAR BYA'O, ,CHOS GSUM GYIS NI 'KHRIG PA'I 'DOD CHAGS KYI KUN NAS DKRIS PA RGYA CHEN PO YANG SPONG BAR 'GYUR NA, 'DOD PA'I 'DOD CHAGS KYIS KUN NAS DKRIS PA LTA CI SMOS TE, GSUM GANG ZHE NA, BRTZON 'GRUS KYI STOBS DANG, BAG YOD PA'I STOBS DANG, GNYEN PO'I STOBS SO, ,DE LA BRTZON 'GRUS KYI STOBS KYIS NI SKYES PA RNAMS DANG DU MI LEN TO, ,GNYIS KYIS NI MA SKYES PA MI SKYE BAR BYED DO, ,DE LTAR NA RNAL 'BYOR PA DE NI SKYES PA RNAMS SPANG PA DANG, MA SKYES PA RNAMS MI SKYED PA'I PHYIR ZHUGS PA YIN NO, ,DRAN PA NYE BAR GZHAG PA BZHI NI GUS PAR BSGOM PAR RIG PAR BYA STE, 'DI LTA STE, NYAN THOS KYIS LAS 'BYUNG BA BZHIN NO, ,BDUD KYI GNAS ZHES BYA BA NI 'DOD PA'I KHAMS TE, GANG LAS PHYIR MI 'ONG BA 'DAS PAR 'GYUR BA YIN NO, ,'CHI BDAG GI GNAS ZHES BYA BA NI SRID PA'I RTZE MO MAN CHAD DE GANG LAS DGRA BCOM PA 'DAS PAR 'GYUR BA YIN NO,, ,,RNAL 'BYOR SPYOD PA'I SA LAS GZHI BSDU BA, BAM PO NYI SHU GCIG PA, RNAM PAR MA DAG PA'I SEMS CAN ZHES BYA BA NI SO SO'I SKYE BO RNAMS SO, ,RNAM PAR DAG PA NI SLOB PA RNAMS SO, ,YONGS SU BYANG BA NI MI SLOB PA RNAMS SO, ,GANG LAS SHS NAS DAD PA ZHES 'BYUNG BA NI SEMS CAN RNAM PAR MA DAG PA RNAMS RNAM PAR DAG PAR BYA BA DANG, RNAM PAR DAG PA RNAMS YONGS SU BYUNG BAR BYA BA'I PHYIR TE; DE LAS SLOB PA GONG MA NI RNAM PAR DAG PA STE, BSGOM PA'I LAM GYIS RNAM PAR DAG PA'I SLOB PA DE RNAMS KYI YIN PAR RIG PAR BYA BA'O, ,LHAG MA NI SNGA MA BZHIN NO, ,DRAN PA NYE BAR GZHG PA BZHI BSGOM PA LA NI RIM PA LNGA YOD PAR RIG PAR BYA STE, DAD PA'I SGO NAS NGES PAR 'BYUNG BA DANG, TSUL KHRIMS BSDAMS PA DANG, DBANG PO BSDAMS PA DANG, RAB TU DBEN PAR GNAS PA DANG, SGRIB PA RNAM PAR DAG PA'O, ,KHYIM PA RNAMS NI DRAN PA NYE BAR GZHAG PA BSGOM PA LA DAD PA YANG YOD SGRIB PA YANG RNAM PAR DAG MOD KYI BSLAB PA'I GZHI RNAMS MTSANG ZHING @321A *, ,YONGS SU MA RDZOGS PAR RIG PAR BYA'O, ,DGE SLONG TSUL KHRIMS DANG LDAN PA NI RGYU GSUM GYIS TSUL BZHIN DU 'TSO BA PHUN SUM TSOGS PA YIN PAR RIG PAR BYA STE, GSUM GANG ZHE NA, SPYOD PA PHUN SUM TSOGS PA DANG, LEN PA PHUN SUM TSOGS PA DANG, LONGS SPYOD PHUN SUM TSOGS PA'O, ,DE LA SPYOD PA PHUN SUM TSOGS PA NI NYO TSONG NAS BZUNG STE, GSOD PA DANG, 'CHI BA DANG, GCOD PA DANG, RDEG PA LHUR LEN PA'I BAR DU SPONG BA'O, ,LEN PA PHUN SUM TSOGS PA NI GLANG PO CHE DANG, RTA LA SOGS PA LEN PA NAS 'BRAS RJEN PA LEN PA'I BAR DU SPONG BA'O, ,LONGS SPYOD PA PHUN SUM TSOGS PA NI LUS GANG GI GOS TZAM DANG, LTO GANG GI ZAS TZAM GYIS CHOG PAR 'DZIN PA DANG, DUS MA YIN PA'I ZAS SPONG BA'O, ,LUS LA SOGS PA'I CHOS BZHI NI LAM GYI LAM GYI BZHI MDO LTA BU'O, ,DE DAG LA TSUL BZHIN MA YIN PA YID LA BYED PA NI 'BRAS BU DANG, NAS KYI GRA MA BSNYAL TE BZHAG PA LTA BU'O, ,DE DAG LA TSUL BZHAN YID LA BYED PA NI 'BRAS DANG NAS KYI GRA MA LEGS PAR BZHAG PA LTA BU YIN PAR RIG PAR BYA'O, ,'DOD PA'I KHAMS MNYAM PAR MA BZHAG PA'I SA NI PAGS PA LTA BU'O, ,GZUGS DANG GZUGS MED PA'I KHAMS MNYAM PAR BZHAG PA'I SA NI SHA LTA BU'O, ,MA RIG PA'I KHAMS GSUM DU ZAG PA GSUM GYI ZAD PAR 'GYUR BA'I DON GYI KHRAG LTA BU'O, ,RNAM PA GNYIS KYIS SNGAR BSTAN PA'I CHAGS PA LA SOGS PA SDIG PA MI DGE BA'I CHOS RNAM PA DU MA DANG LDAN PA NI DRAN PA NYE BAR GZHAG PA BZHI BSGOM PA'I SKAL BA MED DE, LDAN PA GANG YANG THAMS CAD KYI THAMS CAD DU SKAL BA MED PA NI MA YIN NO, ,GNYIS GANG ZHE NA, CHAGS PA LA SOGS PA'I KUN NAS DKRIS PA YANG YOD PA DANG, KUN NAS DKRIS PA DE LA YANG NYES DMIGS SU MI LTA BA STE, MNGON SUM DU GYUR BA NA NI SEMS KUN NAS NYON MONGS PA CAN DU GYUR PAS BSGOM PA'I SKAL BA MED PA BRAL BAR GYUR BA NA YANG DANG DU LEN PA'I TSUL CAN YIN PA DANG, MI LTA BAR MI BYED PA'I PHYIR CHAGS PA LA SOGS PA'I GNAS KYI CHOS RNAMS LA SEMS RNAM PAR G-YENG PAR 'GYUR ZHING 'PHROG PAR 'GYUR LA RTOG @321B PAS RNAM PAR DKRUGS PAR 'GYUR TE, DE'I PHYIR YANG BSGOM PA'I SKAL BA MED DO, ,DE LTA MA YIN TE, GAL TE GANG LA LA DANG DU MI LEN PA'I CHUL CAN YIN DU ZIN KYANG SKAL BA MED NA NI DE LTA NA SU LA YANG DRAN PA NYE BAR GZHAG PA BZHI BSGOM PA'I SKABS MED PAR 'GYUR RO, ,SDOM NI, SPRO DANG STOBS BSGOM TING NGE 'DZIN DANG, ,RNAM GRANGS RDZU 'PHRUL THA MA YIN, ,YANG DAG PA'I SPONG BA BZHI RNAM PAR GZHAG PA NI 'DI LTA STE, NYAN THOS KYI SA LAS 'BYUNG BA BZHIN NO, ,SPRO BA NI TSIG LNGA PA'O ZHES BYA BA GANG YIN PA DE LA SPRO BA GANG ZHE NA, SNGA MA BZHIN DU BRTZON 'GRUS BRTZAMS PA LAS BYUNG BA DANG, 'DZAG SNOD BYED DANG, KHAMS MA SNYOMS PA DANG, GZHAN GYI TSIG RTZUB PO DANG, GNOD PA LAS BYUNG BA'I SDUG BSNGAL DANG DU LEN PAR BYED KYI, DE'I RGYUS YANG DAG PA'I SPONG BA LA SBYOR BA LAS PHYIR MI LDOG PA NI SPRO BA ZHES BYA'O, ,RDZU 'PHRUL GYI RKANG PA BZHI RNAM PAR GZHAG PA NI RGYAS PAR 'DI LTA STE, NYAN THOS KYI SA LAS 'BYUNG BA BZHIN DU RIG PAR BYA'O, ,MDOR BSDU NA NI SEMS MNYAM PAR GZHAG PA'I PHYIR STOBS BZHIS RDZU 'PHRUL GYI RKANG PA BZHI RNAM PAR GZHAG GO, ,BZHI GANG ZHE NA, BSAM PA DAG PA'I STOBS DANG 'BAD PA'I STOBS DANG, SEMS MNGON PAR DGA' BA'I STOBS DANG, SHES RAB KYI STOBS SO, ,DE LA STOBS DANG POS NI TING NGE 'DZIN LA 'DUN PA SKYES NAS DE THOB PAR BYA BA'I PHYIR BRTZON ZHING 'BAD PAR BYED DO, ,STOBS GNYIS PAS NI SEMS DE THOG MA KHO NAR GNAS PAR BYED CING MNYAM PAR GZHOG PAR BYED DO; ,STOBS GSUM PAS NI GNAS SHING MNYAM PAR GZHAG PA LAS PHYI ROL DU 'PHRO BA'I TSUL GYIS G-YENG BAR MI BYED DO, ,STOBS BZHI PAS NI TING NGE 'DZIN GYI MI MTHUN PA'I PHYOGS KYI NYON MONGS PA RNAMS SPANGS PA DANG MA SPANGS PAR SPYOD CING RAB TU SHES LA TING NGE 'DZIN LA GNAS PA DANG LDAN PA'I MTSAN MA RNAMS RAB TU SHES SHING RTOGS SO, ,DE BZHIN DU ZHI GNAS LA SOGS PA'I MTSAN MA RNAMS DANG, ZHI GNAS DANG LHAG MTHONG GI NYE BA'I NYON MONGS PA DANG, NYE BA'I NYON MONGS PA'I GNYEN PO YANG YANG DAG PA JI LTA BA BZHIN RAB TU SHES TE, TING NGE 'DZIN 'DOD @322A *, ,PAS TING NGE 'DZIN LA TING NGE 'DZIN DU BYA BA NI DE KHO NAR ZAD DE 'DI LAS GONG NA YANG MED DO, ,'DI LAS LHAG PA YANG MED DO, ,RDZU 'PHRUL GYI RKANG PA RNAMS NI MDOR BSDU NA RGYU LNGAS BSGOM PAR RIG PAR BYA STE, ZHI GNAS KYI PHYOGS DANG MTHUN PA'I NYE BA'I NYON MONGS PA RNAM PAR SPANG BA DANG, LHAG MTHONG GI PHYOGS DANG MTHUN PA'I NYE BA'I NYON MONGS PA RNAM PAR SPONG BA DANG, LHAG MTHONG GI PHYOGS DANG MTHUN PA'I DMIGS PA LA SEMS NYE BAR 'DOD PA DANG, ZHI GNAS KYI PHYOGS DANG MTHUN PA'I DMIGS PA LA SEMS NYE BAR 'DOGS PA DANG, DE GNYIS KA'I PHYOGS DANG MTHUN PA'I DMIGS PA LA SEMS NYE BAR 'DOGS PA'O, ,DE LA ZHI GNAS KYI PHYOGS DANG MTHUN PA'I NYE BA'I NYON MONGS PA NI LE LO DANG LDAN PA DANG, RMUGS PA DANG GNYID DANG LDAN PA'I 'DUN PA LA SOGS PA STE, LE LO DANG LDAN PA'I 'DUN PA LA SOGS PA NI RMUGS PA DANG GNYID DANG LDAN PA RNAMS KYI RTEN GYI TSUL GYIS RIG PAR BYA'O, ,DE LA RGOD PA DANG LDAN PA'I 'DUN PA LA SOGS PA DANG, 'DOD PA'I YON TAN GYIS G-YENGS BA DANG LDAN PA RNAMS NI LHAG MTHONG GI PHYOGS DANG MTHUN PA'I NYE BA'I NYON MONGS PA YN PAR RIG PAR BYA'O, ,RGOD PA DANG LDAN PA RNAMS NI G-YENGS BA DANG LDAN PA RNAMS KYI RTEN GYI TSUL GYIS RIG PAR BYA'O, ,DE LA LE LO DANG LDAN PA'I 'DUN PA LA SOGS PAS NI ZHI GNAS KYI PHYOGS DANG MTHUN PA LA KUN NAS NYON MONGS PA CAN DU GNAS PAR 'GYUR LA THAMS CAD KYI THAMS CAD DU ZHI GNAS LAS NYAMS PAR NI MI 'GYUR RO, ,RMUGS PA DANG GNYID DANG LDAN PA RNAMS KYIS NI KUN NAS NYON MONGS PAR GNAS PAR YANG 'GYUR LA ZHI GNAS LAS KYANG NYAMS PAR 'GYUR RO, ,RGOD PA DANG LDAN PA'I 'DUN PA LA SOGS PAS NI LHAG MTHONG LA KUN NAS NYON MONGS PA CAN DU GNAS PAR 'GYUR LA, THAMS CAD KYI THAMS CAD DU LHAG MTHONG LAS NYAMS PAR NI MI 'GYUR RO, ,G-YENGS BA DANG LDAN PA RNAMS KYIS NI KUN NAS NYON MONGS PAR GNAS PAR YANG 'GYUR LA, LHAG MTHONG LAS KYANG NYAMS PAR 'GYUR RO, ,DE LA LHAG MTHONG GI PHYOGS DANG MTHUN PA LA DMIGS PA NI PHYI MA DANG SNGA MAR @322B 'DU SHES TE, DE YANG SNGA MA BZHIN DU 'DI LTA STE, NYAN THOS KYI SA LAS 'BYUNG BA BZHIN DU RIG PAR BYA'O, ,ZHI GNAS KYI PHYOGS DANG MTHUN PA NI STENG DANG 'OG TU 'DU SHES TE SNGA MA BZHIN DU RIG PAR BYA'O, ,DE GNYIS KA'I PHYOGS DANG MTHUN PA LA DMIGS PA NI SNANG BAR 'DU SHES PA STE, DE GNYIS KA'I PHYOGS LA SPYOD PA'I SNANG BA DANG LDAN PA'I SEMS BSGOM PA'O, ,DE MA YIN PA 'DI LTA STE, 'DUN PA LA SOGS PA LE LO DANG LDAN PA RNAMS LE LO DANG LDAN PA ZHES BYA BA DE LTAR BRTZON 'GRUS LE LO DANG MTSUNGS PAR LDAN PA DE NI MED DE, 'ON KYANG RGYUD LA YOD PA'I LEGS PAR MA BRTZAMS PA'I BRTZON 'GRUS LHOD PA GANG YIN PA DE NI LE LO DANG LDAN PA ZHES BYA STE, DE NI TING NGE 'DZIN 'DOD PA'I TING NGE 'DZIN MNGON PAR BSGRUB PA'I PHYIR RNAM PA LNGAS RNAM PA THAMS CAD DU BSGOM PAR RIG PAR BYA'O, ,RNAM PAR GROL BA'I SKYE MCHED LNGA LA NI CI RIGS PAR 'DUN PA LA SOGS PA'I DBANG GIS BYUNG BA'I TING NGE 'DZIN RNAM PA BZHI YOD PAR RIG PAR BYA STE, DE LA DGE SLONG BSAM PA DAG PA RTOGS PAR BYA BA'I PHYIR 'DUN PA DRAG PO DANG LDAN PA SHES PAR 'DOD PA NI DE BZHIN GSHEGS PA'AM, DE BZHIN GSHEGS PA'I NYAN THOS LAS GUS PAR CHOS NYAN LA MNYAM PA'I 'OG TU TING NGE 'DZIN RTOGS PA NI 'DUN PA LAS BYUNG BA'I TING NGE 'DZIN YIN PAR RIG PAR BYA'O, ,JI LTAR THOS PA DANG JI LTAR KUN CHUB PAR BYAS PA'I CHOS RNAMS LA CHED DU GTAD NAS BRTZON 'GRUS CHEN PO BRTZAMS PAS GZHAN DAG LA YANG DAG PAR STON CING SKAD CHEN POS KHA TON DU BYED DO, , DE'I 'OG TU DE'I RGYU LAS BYUNG BA'I TING NGE 'DZIN GANG YIN PA DE NI BRTZON 'GRUS KYI DBANG GIS BYUNG BA'I TING NGE 'DZIN ZHES BYA'O, ,TING NGE 'DZIN GYI MTSAN MA BZANG PO LEGS PAR GZUNG BA YID LA BYED DE, RNAM PAR BSNGOS PA LA SOGS PA NAS KENG RUS LA THUG PA'I BAR DU DE LA DMIGS NAS TING NGE 'DZIN SKYE BA GANG YIN PA DE NI SEMS KYI DBANG GIS BYUNG BA'I TING NGE 'DZIN TO, ,JI LTAR THOS PA DANG JI LTAR KUN CHUB PAR BYAS PA'I CHOS RNAMS GCIG PU DBEN PAR 'DUG NAS SEMS SHING 'JAL LA YONGS SU DPYOD PAR BYED PA NA, DE'I RGYU LAS BYUNG BA'I TING NGE 'DZIN SKYE BA GANG YIN PA @323A *, ,DE NI DPYOD PA'I TING NGE 'DZIN ZHES BYA'O, ,RNAM GRANGS GZHAN YANG SGO BZHI NAS TING NGE 'DZIN SKYE BAR 'GYUR TE, SNGA MA BZHI DU GZHAN LAS 'DUN PA SKYES PA'I DAM PA'I CHOS MNYAN PA'I SGO DANG, GZHAN GYI GDAMS NGAG DANG, RJES SU BSTAN PA KHO NA LA BRTEN NAS, RTAG TU GUS PAR SBYOR BAS DNGOS GZHI'I TING NGE 'DZIN LA MA ZHUGS TE, DE LA 'JUG PA'I GDAMS NGAG GI SGO NAS, DNGOS GZHI'I TING NGE 'DZIN LA ZHUGS PA'I SEMS MNGON PAR DGA' BA'I SGO NAS, GONG NAS GONG DU TING NGE 'DZIN 'PHAR BA'AM MANG DU THOS PA THOS PA'I GZHIR GYUR PAS BDAG NYID KYIS CHOS DE DAG TSUL BZHIN DU YONGS SU DPYOD PA DPYOD PA'I SGO'O, ,DE LA SGO DANG POS NI 'DUN PA'I DBANG GIS BYUNG BA'I TING NGE 'DZIN TO, ,GNYIS PAS NI BRTZON 'GRUS KYI DBANG GIS BYUNG BA'O, ,GSUM PAS NI SEMS KYI DBANG GIS BYUNG BA'O, , BZHI PAS NI DPYOD PA'I DBANG GIS BYUNG BA'I TING NGE 'DZIN DU RIG PAR BYA'O, ,LHAG MA DANG SPONG BA'I 'DU SHES RNAMS KYI RNAM PAR DBYE BA NI 'DI LTA STE, NYAN THOS KYI SA LAS 'BYUNG BA BZHIN NO, ,'PHAGS PA RNAMS NI RDZU 'PHRUL GYI RKANG PA SGOM PA LA BRTEN NAS, 'PHAGS PA'I RDZU 'PHRUL MNGON PAR SGRUB BO, ,'DI LAS PHYI ROL PA RNAMS LA NI 'PHAGS PA'I RDZU 'PHRUL BSGRUB PA'I PHYIR RDZU 'PHRUL GYI RKANG PA BSGOM PA MED DO, ,'PHAGS PA NI 'PHAGS PA'I RDZU 'PHRUL BSGRUBS NAS 'DOD NA TSE'I 'DU BYED RNAMS RNAM PAR BSKYED NAS BSKAL PA'AM, BSKAL PA LAS LHAG PA STE, BSKAL PA DE'I 'OG TU YANG GNAS SO, ,GANG ZAG RIGS SHIN TU RNAM PAR DAG PAR GYUR PA LA NI DBYIG TU GYUR PA ZHES BYA STE, DE YANG CHOS 'DI PA 'BA' ZHIG YIN PAR BLTA BAR BYA'O, ,'PHAGS PA'I SPRUL PA'I RDZU 'PHRUL GYIS KYANG RNAM PA NI SPRUL MI NUS TE, DBANG PO DANG, SEMS DANG SEMS LAS BYUNG BA'I CHOS RNAMS DANG, LAS DANG, LAS KYI RNAM PAR SMIN PA'O, ,DE LA LAS BDE BA MYONG BAR 'GYUR BA GANG YIN PA DE NI RANG BZHIN LAS GZHAN DU YONGS SU BSGRUB BA'I RDZU 'PHRUL GYI SDUG BSNGAL MYONG BAR 'GYUR BAR GZHAN DU BSGYUR MI NUS @323B SO; ,BDE PA MYONG BAR 'GYUR BA SDUG BSNGAL MYONG BAR 'GYUR BAR BSGYUR BA JI LTA BA DE BZHIN DU SDUG BSNGAL MYONG BAR 'GYUR BA YANG BDE BA MYONG BAR 'GYUR BAR BSGYUR MI NUS PAR RIG PAR BYA'O, ,SDUG BSNGAL BA YANG MA YIN BDE BA YANG MA YIN PA MYONG BAR 'GYUR BA'I LAS GANG YIN PA DE NI GTAN DU SDUG BSNGAL BA YANG MA YIN, BDE BA YANG MA YIN PAR MYONG BAR 'GYUR BA 'BA' ZHIG TU GYUR CIG CE'AM, BDE BA YANG MA YIN SDUG BSNGAL BA YANG MA YIN PA MYONG BAR 'GYUR BA MYONG BAR MA GYUR CIG CES BYA BAR YANG BYIN GYIS BRLAB PA'I RDZU 'PHRUL GYIS BYIN GYIS BRLAB PAR MI NUS SO, ,TSE 'DI LA MYONG BAR GYUR PA'I LAS GANG YIN PA DE TSE PHYI MA LA MYONG BAR GYUR CING CES BYA BA'AM, YANG NA TSE PHYI MA LA MYONG BAR 'GYUR BA GANG YIN PA DE TSE 'DI LA MYONG BAR GYUR CIG CES BYA BAR YANG DUS GZHAN DU YONGS SU BSGYUR BA'I RDZU 'PHRUL GYIS YONGS SU BSGYUR BAR MI NUS SO, ,SDOM NI, RNAM PAR GZHAG DANG SPYOD YUL GYI, ,YUL DANG SHES RAB DBANG PO GTZO, ,PHYI ROL SO SO'I SKYE BO YI, ,PHYOGS LA GNAS PA THA MA YIN, ,DBANG PO NYI SHU RTZA GNYIS NI MDOR BSDU NA GNAS DRUG GIS RNAM PAR GZHAG PAR RIG PAR BYA STE, 'DI LTA STE, YUL 'DZIN PA DANG, RIGS KYI RGYU GNAS PA DANG, 'TSO BA'I RGYUR LAS KYI MTHA' THA DAD PA LA SBYOR BA'I SKYES BU'I BYED PA DANG, SDUG PA DANG MI SDUG PA'I SNGON GYI LAS BYAS PA'I 'BRAS BU LA LONGS SPYOD PA DANG, LAS GSAR DU BYED PA DANG, 'JIG RTEN PA'I 'DOD CHAGS DANG BRAL BAR 'GYUR BA DANG, 'JIG RTEN LAS 'DAS PA'I 'DOD CHAGS DANG BRAL BAR 'GYUR BA'O, ,DE LA MIG LA SOGS PA NAS YID LA THUG PA'I DBANG PO RNAMS NI YUL 'DZIN PA LA DBANG BYED DO, ,SKYES PA DANG BUD MED KYI DBANG PO GNYIS NI RIGS KYI RGYUD GNAS PA LA BU DANG TSA BO'I SGO NAS DBANG BYED DO, ,'TSO BA'I DBANG PO NI 'TSO BA'I RGYUR 'TSO BA SGRUB 'DOD PA RNAMS KYI LAS KYI MTHA' THA DAD PA LA SBYOR BA LA SKYES BU'I BYED PAS DBANG BYED DO, ,BDE BA LA SOGS PA NAS BTANG SNYOMS LA THUG PA'I DBANG PO RNAMS NI SDUG PA DANG MI SDUG PA'I SNGON GYI LAS KYI @324A *, ,'BRAS BU LA LONGS SPYOD PA DANG, LAS GSAR DU BYED PA LA DBANG BYED DO, ,DAD PA LA SOGS PA NAS SHES RAB LA THUG PA'I DBANG PO LNGA NI 'JIG RTEN PA'I 'DOD CHAGS DANG BRAL BAR 'GYUR BAL DBANG BYED DO, ,ZAG PA MED PA GSUM STE, MI SHES PA KUN SHES PAR BYED PA'I DBANG PO DANG, KUN SHES PA'I DBANG PO DANG, KUN SHES PA DANG LDAN PA'I DBANG PO RNAMS NI 'JIG RTEN LAS 'DAS PA'I 'DOD CHAGS DANG BRAL BAR 'GYUR BA GTAN DU MTHAR THUG PA LA DBANG BYED DO, ,'JIG RTEN RNAMS KYI 'JIG RTEN GYI DON NI DE TZAM DU ZAD DE, DE LA 'JIG RTEN SNANG BAR 'GYUR RO, ,DON DE YANG DBANG PO NYI SHU RTZA GNYIS KYIS YONGS SU RDZOGS TE, DE BAS NA DBANG PO NYI SHU RTZA GNYIS KYIS DBANG PO THAMS CAD BSDUS SO, ,KHA CIG NI 'DI SNYAM DU SEMS TE, GAL TE NANG GI BDAG GANG DBANG PO 'DI DRUG GI SGO NAS YUL LA SPYOD PA DE LTA BU 'GA' ZHIG MED DE, DBANG PO DRUG PO DE DAG NYID SPYOD YUL SNA TSOGS PA DANG, YUL SNA TSOGS DANG LDAN PA YIN DU ZIN NA, DE LTA NA NI GAL TE DBANG PO DRUG PO RNAMS RANG GI YUL NYAMS SU MYONG BAR ZAD NA, DBANG PO DRUG PO 'DI RNAMS KYI SPYOD YUL GYI YUL SUS NYAMS SU MYONG BAR 'GYUR SNYAM DU SEMS NA, DE NI RTEN CING 'BREL PAR 'BYUNG BA MNGON PAR MI SHES PAS 'DU BYED RNAMS LA DE LTAR PHYIN CI LOG TU RTOG PA YIN PAR RIG PAR BYA'O, ,DE LA RTEN CING 'BREL PAR 'BYUNG BA NI 'DI YIN TE, GANG GI TSE RNAL 'BYOR PA NANG GI DBANG PO DRUG LA TSUL BZHIN DU DMIGS PA BCAS NAS, DRAN PA NYE BAR GZHAG PA BZHI BSGOM PA LA ZHUGS NA DE'I TSE DRAN PA NYE BAR GZHAG PA DE DAG GIS DBANG PO DRUG PO DE RNAMS KYI SPYOD YUL GYI YUL NYAMS SU MYONG BAR 'GYUR TE, DE DAG KYANG DE RNAMS RNAM PAR DAG PA LA BRTEN NAS NGES PAR 'BYUNG BAR 'GYUR RO, , DES DRAN PA NYE BAR GZHAG PA BZHI PO DE DAG NYID BSGOMS NAS, BDEN PA KHONG DU CHUD MA THAG TU BYANG CHUB KYI YAN LAG BDUN THOB PAR 'GYUR RO, ,DE'I TSE BYANG CHUB KYI YAN LAG DE DAG GIS DRAN PA NYE BAR GZHAG PA DE RNAMS KYI SPYOD YUL GYI YUL BDEN PA YANG DAG PAR NYAMS SU MYONG BAR @324B 'GYUR RO, ,BYANG CHUB KYI YAN LAG DE DAG KUN DU BSTEN PA'I RGYUS RIG PA DANG RNAM PAR GROL BA SKYE BAR 'GYUR TE, DA'I TSE RIG PA DANG RNAM PAR GROL BA DES BYANG CHUB KYI YAN LAG DE DAG LEGS PAR BSGOMS PAS GONG DU BSGOM PAR BYA BA MED DO SNYAM DU SPYOD YUL GYI YUL NYAMS SU MYONG BAR 'GYUR RO, ,DES NYON MONGS PA THAMS CAD YANG DAG PAR SPANGS PAS NA NYON MONGS PA THAMS CAD SPANGS PA'I MYA NGAN LAS 'DAS PA DE LA NGA RGYAL MED PAR 'GYUR RO, ,DE NGA RGYAL MED PAS RIG PA DANG RNAM PAR GROL BA YOD PA DE DAG LA RIG PA DANG RNAM PAR GROL BA DE NI YOD DE, BDAG GIS THOB PO SNYAM DU SPYOD YUL GYI YUL NYAMS SU MYONG BAR 'GYUR RO, ,DE YANG 'DUS BYAS KYI CHOS THAMS CAD LAS NGES PAR 'BYUNG BA'I PHYIR RIG PA DANG RNAM PAR GROL BA LAS KYANG NGES PAR 'BYUNG BAR RIG PAR BYA'O, ,MYA NGAN LAS 'DAS PA LA NI GZUNG BA DANG 'DZIN PA GNYI GA'I GDAGS PA MED DE, SPROS PA THAMS CAD 'GAGS PA'I PHYIR RO, ,DE BAS NA 'DUS BYAS JI SRID YOD KYI BAR DU GONG NAS GONG DU GZUNG BA DANG 'DZIN PA DANG, 'DRI BA DANG LAN GDAB PA YOD PAR 'THAD DO, ,'DUS MA BYAS PA MYA NGAN LAS 'DAS PA LA NI TSUL BZHIN MA YIN PA KHO NAR 'GYUR TE, DE BAS NA BDAG GI NI MED KYI, KUN NAS NYON MONGS PA TZAM DANG, RNAM PAR BYANG BA TZAM DU BSTAN PA YIN NO, ,SKYES BU GANG ZAG SHES RAB DANG LDAN PA DBANG PO GSAL BA'I RANG BZHIN CAN NI SO SOR BRTAGS NAS TSUL BZHIN DU CHOS RNAMS YID LA BYAS PAS MYA NGAN LAS 'DAS PA LA MNGON PAR YID CHES PA THOB PAR 'GYUR RO, ,DE LA BRTEN NAS BRTZON 'GRUS RTZOM MO, ,DE LA BRTEN NAS LUS LA SOGS PA'I DMIGS PA LA DRAN PA 'JOG PAR BYED DO, ,DE LA BRTEN NAS SEMS KYI DMIGS PA LA SEMS RTZE GCIG TU BYED DO, ,DE LA BRTEN NAS YANG DAG PA JI LTA BA BZHIN DU RAB TU SHES SHING YANG DAG PA JI LTA BA BZHIN DU MTHONG STE, DE NYID KYIS MTHAR THUG PAR 'GRO'O, ,DE BAS NA DANG PO NAS KYANG SHES RAB DBEN PA YIN LA, THA MAR YANG SHES RAB DBEN PA YIN PA'I PHYIR SHES RAB KYI DBANG PO GTZO BO ZHES BYA'O, ,DE BZHIN GSHEGS @325A *, ,PA RNAMS KYI BYANG CHUB LAS BRTZAMS TE, DAD PA NAS SHES RAB KYI BAR DANG, THA NA 'JIG RTEN PA'I THOB PA GANG YIN PA DE YANG SU LA MED PA DE NI 'DI LAS PHYI ROL PA'I SO SO'I SKYE BO'I PHYOGS LA GNAS PA YIN PAR RIG PAR BYA'O, ,GANG LA 'JIG RTEN PA NI YOD LA, 'JIG RTEN LAS 'DAS PA NI MED PA DE NI 'DIR SO SO'I SKYE BO'I PHYOGS LA GNAS PA YIN TE, PHYI ROL PA NI MA YIN NO, ,GANG LA 'JIG RTEN LAS 'DAS PA YOD PA DE NI THAMS CAD KYI THAMS CAD DU SO SO'I SKYE BO'I PHYOGS LA GNAS PA MA YIN PA KHO NAR RIG PAR BYA'O, ,SDOM NI, SO SOR BRTAGS DANG BLO DANG NI, ,YUL 'KHOR RGYAL POR BCAS PA DANG, ,DGRA BCOM PA DANG SLOB PA DANG, ,DRANG PO YANG NI THA MA YIN, ,MDOR BSDU NA TSE 'DI DANG PHYI MA'I NYES PAR SPYOD PA LA NYES DMIGS SU MTHONG NAS SO SOR BRTAGS TE NYE BAR SPYOD PA LAS LDOG PA DANG, LEGS PAR SPYOD PA BSGOMS PA NI SO SOR BRTAGS PA'I STOBS YIN NO, ,STOBS DE NI DON GNYIS SGRUB PA YIN TE, BDE 'GROR 'GRO BA DANG, TSE 'DI LA YONGS SU MYA NGAN LAS 'DAS PA STE, BSGOMS PA'I STOBS KYIS BSDUS PA'I DRAN PA NYE BAR GZHAG PA BSGOM PA'I RTEN GYI BYA BA BYED DO, ,DE LA BRTEN NAS KYANG DRAN PA NYE BAR GZHAG PA LA SOGS PA BYANG CHUB KYI PHYOGS DANG MTHUN PA'I CHOS RNAMS BSGOM PA GANG YIN PA DE NI BSGOMS PA'I STOBS YIN PAR RIG PAR BYA'O, ,NGO TSA BA'I GNAS RNAM PA GSUM NI SO SOR BRTAGS PA'I STOBS DE'I GROGS KYI BYA BA BYED PA STE, 'JIG RTEN NA BCOM LDAN 'DAS KYI NYAN THOS RNAMS DANG, BSTAN PA LA MNGON PAR DGA' BA'I LHA PHA ROL GYI SEMS SHES PA DAG YOD DE, DE RNAMS KYIS BDAG SMAD PAR 'GYUR RO SNYAM PA NI GZHAN LA GNAS PA STE, GNAS DANG PO'O, ,RKYEN DU MA BAB PA KUN DU SPYOD PA'I RGYUS BDAG NYID KYIS BDAG SMAD PAR 'GYUR RO SNYAM PA NI GNAS GNYIS PA'O, ,LEGS PAR GSUNGS PA'I CHOS 'DUL BA LA TSANGS PAR SPYOD PA YOD DE, CHOS 'DI NI TSANGS PAR SPYOD PA LA BAR DU GCOD PA YIN NO SNYAM PA NI GNAS GSUM PA'O, ,NGO TSA BA DE RNAMS KYI GNAS GSUM PA NI DBANG GIS BYUNG BA @325B GSUM YIN PAR RIG PAR BYA STE, 'JIG RTEN GYI DBANG GIS BYUNG BA DANG, BDAG GI DBANG GIS BYUNG BA DANG, CHOS KYI DBANG GIS BYUNG BA'O, ,BDAG LA PHAN PA BSGRUB PA DANG, ,GZHAN LA PHAN PA SGRUB PA'I SGO NAS STOBS BZHI RNAM PAR GZHAG PAR RIG PAR BYA STE, BLO DANG BRTZON 'GRUS DANG, KHA NA MA THO BA MED PA DANG, BSDU BA'I STOBS RNAMS SO, ,DE LA TSE 'DI LA MYA NGAN LAS 'DAS PA YANG RANG GI DON YIN NO, ,MTHO RIS SU 'GRO BA YANG RANG GI DON YIN NO, ,DE LA RANG GI DON DANG PO'I SGO NA NI BLO DANG BRTZON 'GRUS KYI STOBS GNYIS RNAM PAR GZHAG STE, DE GNYIS KA YANG THABS DANG BCAS PA'I BRTZON 'GRUS YIN PAR RIG PAR BYA'O, ,RANG GI DON CIG SHOS KYI SGO NAS NI KHA NA MA THO BA MED PA'I STOBS RNAM PAR GZHAG STE, STOBS 'DI GSUM GYIS RANG GI DON THAMS CAD YONGS SU RDZOGS SO, ,GZHAN LA PHAN PAR 'DOD PA RNAMS KYI NI GZHAN GYI DON LUS TE, DE'I SGO NAS NI BSDU BA'I STOBS RNAMS RNAM PAR GZHAG PAR RIG PAR BYA STE, BSDU BA'I DNGOS PO RNAMS NI 'DI LTA STE, BYANG CHUB SEMS DPA'I SA LAS 'BYUNG BA BZHIN DU RIG PAR BYA'O, ,YUL 'KHOR RGYAL PO DANG BCAS PA, SKYES PA DANG, BUD MED DANG, KHYE'U DANG BCAS PA, BYIS PA DANG MKHAS PA DANG BCAS PA, KHYIM PA DANG RAB TU BYUNG BA DANG BCAS PA'I SGO NAS NI STOBS BCU RNAM PAR GZHAG PAR RIG PAR BYA STE, RGYAL PO RNAMS NI DBANG PHYUG GI STOBS CAN NO ZHES BYA BA LA SOGS PA MDO LAS JI SKAD 'BYUNG BA BZHIN NO, ,STOBS BRGYAD DANG LDAN PA'I DGRA BCOM PA NI, 'DOD CHAGS DANG, ZHE SDANG DANG, GTI MUG MA LUS BAR ZAD PA DANG NYAMS SU MYONG STE, SDIG PA GANG YIN PA DE NI MI BYED LA DGE BA LA NI BRTEN TO, ,DBEN PA DANG, NGES PAR 'BYUNG BA DANG, MYA NGAN LAS 'DAS PA LA SEMS GZHOL BAS NA, YANG SRID PA'I SKYE BA LA MI PHYOGS SO, ,DE LA MI PHYOGS PAS NA DE'I RGYUS SDIG PA'I LAS MI BYED DO, ,'DOD PA ME MDAG DONG LTA BUR MTHONG BAS NA 'DOD PA LA MI PHYOGS SO, DE LA MI PHYOGS PAS NA DE'I RGYUS SDIG PA MI BYED DO, ,DE STOBS DE GNYIS KYIS SDIG PA GANG YIN PA DE MI BYED LA MI @326A *, ,BYED PAS SGO DRUG NAS DGE BA LA BRTEN TE, DRAN PA NYE BAR GZHAG PA DANG, YANG DAG PAR SPONG BA DANG, RDZU 'PHRUL GYI RKANG PA DANG, DBANG PO DANG, STOBS DANG, BYANG CHUB KYI YAN LAG DANG, LAM GYI YAN LAG RNAMS SO, ,DE BZHIN GSHEGS PA NI NYAN THOS RNAMS DANG NYID KYIS BDAG LA PHAN PA DANG GZHAN LA PHAN PA LA ZHUGS PA'I KHYAD PAR GLENG BAR BZHED NAS, DE'I PHYIR SLOB PA RNAMS KYI STOBS NI LNGA PO 'DI DAG GO, ,DE BZHIN GSHEGS PA'I STOBS NI BCU'O ZHES GSUNGS SO, ,DE LA SLOB PA'I STOBS LNGA DANG LDAN PA DAG LA PHAN PA LA ZHUGS PA'I NYAN THOS NI 'BRAS BU'I MCHOG DGRA BCOM PA THOB MA THAG TU RANG GI DON YONGS SU RDZOGS SO, ,DE BZHIN GSHEGS PA NI DGRA BCOM PA BRNYES NAS STOBS BCUS GZHAN LA PHAN PA LA ZHUGS PA YIN TE, GZHAN LA PHAN PA NYID DE'I RANG GI DON YIN NO, ,DE NI GANG GI TSE 'DUL BA'I BYA BA THAMS CAD YONGS SU RDZOGS NAS, PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DA' BA DE'I TSE, BYA BA BYAS PA, DON YONGS SU RDZOGS PAR RIG PAR BYA'O, ,DE NI DGRA BCOM PA RANG GI DON LA ZHUGS PA GANG YIN PA DANG; GZHAN GYI DON DE NYID DE'I RANG GI DON YIN PA DE'I PHYIR RGYU 'DI GNYIS KYIS KYANG NYAN THOS LAS KHYAD PAR DU 'PHAGS SO, ,DE BZHIN GSHEGS PA'I STOBS BCU RGYAS PAR RNAM PAR DBYE BA NI 'DI LTA STE, BYANG CHUB SEMS DPA'I SA LAS 'BYUNG BA BZHIN DU RIG PAR BYA'O, ,GANG ZAG BDAG LA PHAN PAR 'DOD PA G-YO MED PA SGYU CAN MA YIN PA DRANG PO RANG GI DON RTOGS PAR 'DOD PA'I RGYU BZHIS NYES PAR BSHAD PA'I CHOS 'DUL BA LA BSLU PAR 'GYUR BAR RIG PAR BYA'O, ,LEGS PAR GSUNGS PA LA NI SLU BA MED DO, ,BZHI GANG ZHE NA, DAM PA'I CHOS BSTAN PA DANG, YANG DAG PA'I GDAMS NGAG DANG, RJES SU BSTAN PA DANG, TSUL BZHIN DU KHONG DU CHUD PA DANG, RTOGS PA'O, ,DE LA MOS PA'I GNAS NI DAM PA'I CHOS MNYAN PA ZHES BYA STE, RGYU MED PA DANG, RGYU MI MTHUN PA RNAM PAR SPANGS PA DANG, RIG PA DANG LDAN PA DANG, YANG DAG @326B PA'I RGYU YONGS SU BSTAN PA'I DON GYI PHYIR RO, ,DE LA YANG DAG PA'I GDAMS NGAG DANG RJES SU BSTAN PA SPONG BA'I SBYOR BA STON PA DANG LDAN PA'I CHOS TSIG DANG DON GYIS BSDUS PA GANG YIN PA DE DAG NI SNGA MA'I MOS PA'I BZHI DANG GNAS SU GYUR PA'I CHOS RNAMS MNGON SUM DU BYED PAR 'GYUR BA YIN NO; ,GAL TE BDAG LA PHAN PAR 'DOD PA'I RIGS KYI BU DE, RGYUD LAS SU RUNG BA CHOS 'DUL BA 'DI LA 'JUG PAR BYED NA DE NI YANG DAG PAR BSTAN PA DANG YANG DAG PAR GDAMS NGAG BSTAN PA YIN TE, MYUR DU KHYAD PAR DU 'PHAGS PAR YANG 'GYUR RO, ,DE NI DRAN PA NYE BAR GZHAG PA BZHI LA BRTEN NAS, KHONG DU CHUD PAR BYA BA TSUL BZHIN DU KHONG DU CHUD PA DANG, THOB PAR BYA BA THOB PAR YANG 'GYUR RO, ,'DUS BYAS KYI SGO NAS MKHAS PA RNAMS KYIS YOD PAR 'DZIN PA DANG MED PAR 'DZIN PA GANG YIN PA DE YANG RAB TU SHES PA DANG, 'DUS MA BYAS KYI SGO NAS SRID PA'I RTZE MO MAN CHAD KYIS MYA NGAN LAS 'DAS PA BLA NA YOD PA LA YANG BLA NA YOD PAR, BLA NA MED PA LA YANG BLA NA MED PAR RAB TU SHES PA 'DI NI TSUL BZHIN DU KHONG DU CHUD PA YIN NO, ,DE LA DRAN PA NYE BAR GZHAG PA LA BRTEN PAS SEMS MNYAM PAR GZHAG STE, BYANG CHUB KYI YAN LAG BDUN BSGOMS NAS; RIG PA DANG RNAM PAR GROL BA MNGON SUM DU BYED PA 'DI NI RTOGS PA YIN PAR RIG PAR BYA'O, ,GAL TE RIGS KYI BU DE NYES PAR BSHAD PA'I CHOS 'DUL BA LA 'JUG NA NI DE GNAS 'DI DAG MA THOB PAS BSDU BAR 'GYUR RO, ,SDOM NI, RNAM PAR GZHAG DANG BYE BRAG DANG, ,ZAS RNAMS DANG NI GO RIMS DANG, ,REG PAR GNAS DANG RIN CHEN DBYE, ,BSGOMS PA YANG NI THA MA YIN, ,ZHI GNAS DANG LHAG MTHONG DANG GNYIS KA'I PHYOGS DANG MTHUN PA'I BYE BRAG GIS BYANG CHUB KYI YAN LAG RNAMS RNAM PAR GZHAG PAR RIG PAR BYA STE, 'DI LTA STE, NYAN THOS KYIS LAS 'BYUNG BA BZHIN NO, ,RANG BZHIN GYI BYE BRAG DANG, DMIGS PA DANG, GZHI'I MTSAN MA'I BYE BRAG GIS BYANG CHUB KYI YAN LAG BDUN BCU BZHIR 'GYUR BAR RIG PAR BYA STE, DMIGS PA DANG BZHI'I MTSAN MA GNYIS KYIS RNAM PAR DBYE BA NI 'DI LTA STE, MNYAM PAR GZHAG PA'I SA DANG @327A *, ,NYAN THOS KYI SA LAS 'BYUNG BA BZHIN DU RIG PAR BYA'O, ,BYANG CHUB KYI YAN LAG GI GNAS KYI CHOS RNAMS LA NI YID LA BYED PA RNAM PA GNYIS RIL POR BYANG CHUB KYI YAN LAG RNAMS KYI ZAS YIN PAR RIG PAR BYA STE, 'DI LTA STE, PHYIN CI MA LOG PA YID LA BYED PA DANG, RGYUN MI 'CHAD PAR YID LA BYED PA'O, ,DE LAS BZLOG PA NI ZAS MA YIN PAR RIG PAR BYA'O, ,THOG MA DANG BAR DANG THA MA RNAMS SU YAN LAG GANG YANG RUNG BAM TSANG NA YANG DAG PA JI LTA BA BZHIN DU RTOGS PAR 'GRUB PAR MI 'GYUR RO, ,JI LTAR 'TSAM PA'I RTEN DANG BRTEN PA 'JUG PA RNAM PAR GZHAG PA LAS NI RIM GYIS 'BYUNG BAR BSTAN PAR RIG PAR BYA'O, ,DE LA RTEN DE LTA BU NI DRAN PA'O, ,BRTEN PA DE LTA BU NI CHOS RNAM PAR 'BYED PA'O, ,LHAG MA RNAMS KYANG DE BZHIN DU CI RIGS PAR SBYAR BAR RIG PAR BYA'O, ,BYANG CHUB KYI YAN LAG BSGOM PA LA BRTZON PA'I DGE SLONG NI RGYU BZHIS REG PAR GNAS PAR MI 'GYUR TE, BZHI GANG ZHE NA, THAMS CAD KYI THAMS CAD DU NYON MONGS PA'I PHYOGS DANG MTHUN PA'I GNAS NGAN LEN DANG MA BRAL BA DANG ZHI GNAS KYI PHYOGS DANG MTHUN PA'I NYE BA'I NYON MONGS PA MNGON SUM DU GYUR BA DANG, LHAG MTHONG GI PHYOGS DANG MTHUN PA'I NYE BA'I NYON MONGS PA MNGON SUM DU GYUR PA DANG, MA GOMS PA'I LAM LA 'JUG PA'O, ,DE LAS BZLOG PA'I RGYU BZHIS NI RIG PAR GNAS PAR 'GYUR RO, ,DE GNYI GA LA MKHAS PA'I DGE SLONG SHES BZHIN DU GNAS PAS NI YANG DAG PA JI LTA BA ZHIN DU RAB TU SHES SO, ,YID LA BYED PA MNGON PAR 'DU BYED PA DANG BCAS PAS NA HA CANG BRTUN NGAS PA'I BRTZON 'GRUS YIN NO, ,MGO DANG MJUG TU LHAG CHAD DU GYUR PAS NA MA SNYOMS PA STE, DE BAS NA RGYU 'DI GNYIS LAS MA GOMS PA YIN PAR RIG PAR BYA'O, ,DE LAS BZLOG PA GNYIS KYIS KYANG GOMS PA'I LAM YIN PAR RIG PAR BYA'O, ,'KHOR LOS SGYUR BA GLING BZHI'I DBANG PHYUG GI BDAG PO THOB PA'I RIN PO CHE SNA BDUN DANG 'DRA BAR SEMS KYI DBANG PHYUG CHEN PO THOB PA'I YANG BYANG CHUB KYI YAN LAG BDUN RIN PO CHE YIN PAR RIG PAR BYA'O, ,DE LA ZHI GNAS DANG LHAG MTHONG @327B DANG GNYIS KA'I PHYOGS DANG MTHUN PA 'KHOR ZHING KUN DU 'KHOR LA NYON MONGS PA LAS RNAM PAR RGYAL BA'I DON GYIS DRAN PA NI 'KHOR LO RIN PO CHE LTA BU'O, ,SHES BYA MTHA' YAS PA SHES PA'I LUS CHE BA'I DON GYIS CHOS RNAM PAR 'BYED PA NI GLANG PO RIN PO CHE LTA BU'O, ,JI SRID BGROD PAR BYA BA DANG PHYIN PAR BYA BA DER MYUR DU 'GRO BA DANG BAR MA DOR BAR DU GCOD PA MED PA'I DON GYIS BRTZON 'GRUS NI RTA RIN PO CHE LTA BU'O, ,MCHOG TU SKYON MED CING YID DU 'ONG BA'I DON GYIS DGA' BA NI BUD MED RIN PO CHE LTA BU'O, ,LUS DANG SEMS LAS SU RUNG BA DAD PA'I RANG BZHIN GYI DON GYIS SHIN TU SBYANGS PA NI NOR BU RIN PO CHE LTA BU'O, ,'DOD PA'I DON THAMS CAD SGRUB PA'I DON GYIS TING NGE 'DZIN NI KHYIM BDAG RIN PO CHE LTA BU'O, ,NYON MONGS PA CAN GYI SDE 'JOMS PA'I DON DANG NYON MONGS PA CAN MA YIN PA'I DON GYIS CHOS KYI SDE SGRUB PA'I DON DANG MTSAN MA MED PAR GNAS PA LA NGAL BA MED PAR GNAS PA SGRUB PA'I DON GYIS BTANG SNYOMS NI BLON PO RIN PO CHE LTA BU'O,, ,,RNAL 'BYOR SPYOD PA'I SA LAS GZHI BSDU BA, BAM PO NYI SHU GNYIS PA, BYANG CHUB KYI YAN LAG BDUN GYI GOS KYI ZA MA TOG CHEN PO THOB PA'I RNAL 'BYOR PA RGYAL PO DANG 'DRA BA NI CHA GSUM GYI BYANG CHUB KYI YAN LAG GI GNAS PAS GNAS TE, 'DI LTA STE, ZHI GNAS KYI PHYOGS DANG MTHUN PA DANG, LHAG MTHONG GI PHYOGS DANG MTHUN PA DANG, DE GNYIS KA'O, ,DE DAG NI DE'I SNGA DRO DANG, NYI MA'I GUNG DANG, PHYE MA RED LTA BU'I CHA GSUM YIN NO, ,DE LA CHA DANG PO LA NI BYANG CHUB KYI YAN LAG BZHIS GNAS SO, ,GNYIS PA LA YANG BZHIS GNAS SO, ,GSUM PA LA NI BDUN PO THAMS CAD KYIS GNAS TE, RNAL 'BYOR PA NI NAM YANG BYANG CHUB KYI YAN LAG GCIG PUS MI GNAS SO, ,BYANG CHUB KYI YAN LAG BDUN PO DE DAG KYANG MU STEGS CAN GZHAN RNAMS LA ZHE SDANG GI RJES SU 'GRO BA MA YIN PA'I PHYIR DANG, DGRA ZLA'I TSUL GYIS MI GNAS PA'I PHYIR DANG, PHAN PA'I LHAG PA'I BSAM PAS 'JUG PA'I PHYIR DANG, NYON MONGS PA THAMS CAD DANG MI LDAN PA'I PHYIR NA KHO NA MED PA DANG, 'GRAN ZLA CAN MA YIN PA DANG, GNOD SEMS CAN MA YIN PA ZHES BYA'O, , @328A *, ,GANG GI TSE RNAL 'BYOR PA DES DE DAG MNGON SUM DU BYED PA DANG, JI SRID MNGON SUM DU BYAS TE GNAS PA DANG, GANG GI TSE LANGS NAS 'GAG PAR 'GYUR BA DE DAG THAMS CAD YANG DAG PA JI LTA BA BZHIN DU RAB TU SHES TE, DE LTAR NA DE NI SHES BZHIN DU GNAS PA DES KHA NA MA THO BA MED PAR GNAS PA DANG, RO MYANG BA MED PA DANG, SEMS ZANG ZING MED PA YIN NO, ,'DU SHES NYI SHU RTZA GCIG DANG LDAN PA'I BYANG CHUB KYI YAN LAG BSGOM PA NI MDOR BSDU NA RNAM PA GNYIS SU RIG PAR BYA STE, MTSUNGS PAR LDAN PA DANG LDAN PA'I DON DANG, DE MA THAG PA DANG LDAN PA'I DON TO, ,MI RTAG PA LA SOGS PA'I 'DU SHES DANG LDAN PA NAS 'CHI BA'I 'DU SHES DANG LDAN PA'I BAR RNAMS NI MTSUNGS PAR LDAN PA'I DON TO, ,MI SDUG PA LA SOGS PA'I 'DU SHES DANG LDAN PA NAS STONG PA NYID SO SOR BRTAG PA'I 'DU SHES DANG LDAN PA'I BAR RNAMS NI DE MA THAG PA'I DON TO, ,BYAMS PA LA SOGS PA DANG LDAN PA YANG DE DANG LDAN PAR RIG PAR BYA'O, ,'DU BYED LA 'CHUMS PA STE, 'DAS PA DANG, MA 'ONGS PA DANG, DA LTAR BYUNG BA'I 'DU BYED RNAMS LA 'CHUMS PA DANG, LE LO DANG, SNYOM LAS DANG, 'JIG TSOGS LA LTA BA SPANGS SU ZIN KYANG BAG CHAGS DANG 'BREL BAS NGA'O SNYAM PA'I NGA RGYAL KUN DU SPYOD PA DANG RO LA SRED PA DANG, 'JIG RTEN SNA TSOGS LA 'DUN PA'I 'DOD CHAGS KYI RJES SU CHAGS PA DANG, NYON MONGS PAS LHAG MA'I BAG LA NYAL DANG, RNYED PA'I BSAM PA DANG, 'TSO BA'I BSAM PA DANG, 'DOD PA'I SRED PA DANG, SRID PA'I SRED PA DANG, RTOG PA NGAN PA DANG 'BREL BA'I 'DOD PA'I 'DOD CHAGS RNAM PA BZHI STE, KHA DOG DANG DBYIBS DANG REG PA DANG BSNYEN BKUR GYI RNAM PA STE, 'DI DAG NI RNAL 'BYOR PA'I SKYON YIN TE, DE RNAMS KYIS SEMS LAM LOG PAR 'JUG PAR BYED DO, ,DE DAG GI GNYEN POR NI 'DU SHES NYI SHU RTZA GCIG DANG LDAN PA'I BYANG CHUB KYI YAN LAG CI RIGS PAR BSGOM MO, ,DE LA GZHI'I GNYEN POR NI SMON PA MED PA'I RNAM PA'I 'DU SHES SGOM PAR BYED DO, ,MI RTAG PA'I 'DU SHES NAS BZUNG STE, @328B 'JIG RTEN THAMS CAD LA MNGON PAR MI DGA' BA'I 'DU SHES KYI BAR DU BSGOM MO, ,GCIG GI GNYEN POR NI STONG PA NYID KYI RNAM PA'I 'DU SHES TE, SDUG BSNGAL BA LA BDAG MED PA'I 'DU SHES TE, NYON MONGS PA LHAG MA'I BAG LA NYAL SPANG BA'I PHYIR NI KHAMS GSUM LA MTSAN MA MED PA'I 'DU SHES SO, ,RNYED PA'I BSAM PA DANG, 'DOD PA'I SRED PA'I GNYEN POR NI 'DOD PA RNAMS LA NYES DMIGS KYI 'DU SHES SO, ,'TSO BA'I BSAM PA DANG, SRID PA'I SRED PA'I GNYEN POR NI 'CHI BA'I 'DU SHES SO, ,RTOG PA NGAN PA DANG 'BREL BA'I 'DOD CHAGS RNAM PA BZHI'I GNYEN POR NI MI SDUG PA'I 'DU SHES NAS BZUNG STE, STONG PA NYID SO SOR BRTAG PA'I 'DU SHES KYI BAR DU BSGOM MO, ,RNAM PAR BSNGOS PA LA SOGS PA'I 'DU SHES NAS STONG PA NYID SO SOR BRTAG PA'I 'DU SHES LA THUG PA DE DAG THAMS CAD NI MI SDUG PA'I 'DU SHES YIN PAR RIG PAR BYA'O; ,DE LA RNAM PAR BSNGOS PA LA SOGS PA NAS BAM PA LA THUG PA RNAMS NI KHA DOG GI 'DOD CHAGS KYI GNYEN PO'O, ,RNAM PAR ZOS PA DANG, RNAM PAR DMAR BA DANG, RNAM PAR 'THOR BA'I 'DU SHES RNAMS NI DBYIBS KYI 'DOD CHAGS KYI GNYEN PO'O, ,RUS PA DANG KENG RUS KYI 'DU SHES NI REG PA'I 'DOD CHAGS KYI GNYEN PO'O, ,RNAM PAR SHES PAS STONG PA'I KHOG PA SO SOR BRTAG PA'I 'DU SHES NI BSNYEN BKUR GYI 'DOD CHAGS KYI GNYEN PO'O, ,BYAMS PA KUN DU BSTEN PA NI DGE BA'I MCHOG TU 'GYUR RO ZHES BYA BA LA SOGS PA NI 'DI LTA STE, MNYAM PAR GZHAG PA'I SA LAS 'BYUNG BA BZHIN DU RIG PAR BYA'O, ,SDOM NI, STOBS DANG RNAM PAR DAG PA DANG, ,RAB TU DBYE DANG RNAM GRANGS DANG, ,DGE SBYONG GI NI TSUL RNAMS DANG, ,BRAM ZE'I TSUL NI THA MA YIN, ,'PHAGS PA'I LAM YAN LAG BRGYAD PA SKYE BA LA NI PHYI NANG GI STOBS THAMS CAD KYI NANG NA STOBS GNYIS KUN GYI MCHOG YIN NO, ,GNYIS GANG ZHE NA, PHYI ROL RNAMS KYI NANG NA NI DGE BA'I BSHES GNYEN NO, ,NANG GI RNAMS KYI NANG NA NI TSUL BZHIN YID LA BYED PA'O, ,DE MA YIN PA'I BAR CHAD MED PA DANG, SNGON BSOD NAMS BYAS PA DANG, @329A *, ,GOS LA SOGS PAS PHONGS PA MED PA LA SOGS PA YANG PHYI ROL GYI STOBS YIN PAR RIG PAR BYA'O, ,TSUL BZHIN YID LA BYED PA DANG MTSUNGS PAR LDAN PA'I SHES RAB MA GTOGS PAR DE MA YIN PA'I SPONG BA'I YAN LAG RNAMS NI NANG GI STOBS RNAMS YIN PAR RIG PAR BYA'O, ,DE LA DGE BA'I BSHES GNYEN YOD NA, DAM PA'I CHOS THOS PA PHA ROL GYI SGRA ZHES BYA BA YOD PAR 'GYUR RO, ,DE'I 'OG TU NANG GI TSUL BZHIN YID LA BYED PA 'BYUNG BAR 'GYUR RO, ,DE'I 'OG TU YANG DAG PA'I LTA BA LA SOGS PA'I LAM 'BYUNG BAR 'GYUR RO; ,YANG DAG PA'I LTA BA LA SOGS PA SLOB PA GANG YIN PA DE DAG NI ZAG PA MED PA YIN PAS NA YONGS SU DAG PA ZHES BYA'O, ,MI SLOB PA GANG YIN PA DE DAG NI RGYUD RNAM PAR DAG PAS NA YONGS SU BYANG BA ZHES BYA'O, ,'DIR 'JIG RTEN PA'I GANG YIN PA DE DAG NI SDIG PA RNAM PA DU MAS 'DOD DGUR SPYOD PA 'DI LA PHYI ROL PA'I MU STEGS CAN GYI LTA BA DANG 'BREL BA RNAMS DANG BRAL BAS NA NYON MONGS PA MED PA'O, ,NYON MONGS PA DES KUN NAS BSLANG BA'I YANG SRID PAR SKYE BA'I LAS KYI KUN NAS NYON MONGS PA DANG BRAL BAS NA NYE BA'I NYON MONGS PA DANG BRAL BA ZHES BYA'O, ,'PHAGS PA'I LAM YAN LAG BRGYAD PA THAMS CAD NI MDOR BSDU NA GNAS GNYIS KYIS BSDUS PA'I PHYIR RNAM PA GNYIS SU RIG PAR BYA'O, ,'JIG RTEN PA DANG 'JIG RTEN LAS 'DAS PA'O, ,DE LA 'JIG RTEN PA'I GANG YIN PA DE NI ZAG PA GSUM DANG NYE BAR LEN PA BZHI DANG 'BREL BAS NA SDUG BSNGAL ZAD PAR MI 'GYUR RO, ,DGE BA YIN PA'I PHYIR NI BDE 'GROR 'GRO BAR 'GYUR RO, ,'JIG RTEN LAS 'DAS PA GANG YIN PA DE NI DE LAS BZLOG PA STE, SDUG BSNGAL ZAD PAR 'GYUR RO, ,YANG DAG PA'I LTA BA LA SOGS PA'I YAN LAG DE RNAMS KYI RGYAS PAR RAB TU DBYE BA NI 'DI LTA STE, NYAN THOS KYIS DANG RNAM GRANGS BSDU BA LAS 'BYUNG BA BZHIN DU RIG PAR BYA'O, ,TING NGE 'DZIN GYI YO BYAD BDUN NI 'DI LTA STE, MNYAM PAR GZHAG PA'I SA LAS 'BYUNG BA BZHIN DU RIG PAR BYA'O, ,DE LA YANG DAG PA'I LTA BA LA SOGS PA'I LAM NI RIG PAR GNAS PAS NA CHOS ZHES BYA'O, ,NYON @329B MONGS PA 'DUL BAR BYED PA YIN PAS NA 'DUL BA'O, ,SDIG PA'I CHOS RNAMS LA RING BA DANG 'PHAGS PA RNAMS KYIS BSTEN PAS NA 'PHAGS PA'O, ,BDE 'GROR 'GRO BAR BYED PAS NA DGE BA'O, ,MYA NGAN LAS 'DAS PAR 'GRO BAR 'GYUR BAS NA BSTEN PAR BYA BA'O, ,DAM PA RNAMS KYIS MNGON PAR BSNGAGS PAS NA LEGS PA ZHES BYA BAR RIG PAR BYA'O, ,DE LAS BZLOG PA NI LOG PA'I LTA BA LA SOGS PA'I LAM YIN TE, MA RIG PA'I MUN PA'I PHYOGS DANG MTHUN PAS NA GNAG PA'O, ,NGAN SONG DU 'GRO BAR 'GYUR BAS NA GNOD PA'O, , MI DGE BA YIN PAS NA NGAN PA'O, ,TSE 'DI LA 'JIG PA DANG 'KHON PAR BYED PAS NA KHA NA MA THO BA DANG BCAS PA'O, ,DAM PA RNAMS KYIS SPANGS SHING RNAM PAR SMAD PAS NA YONGS SU SPANG BAR BYA BA'O, ,YANG DAG PA'I DGE SBYONG GI TSUL GYI SGO NAS 'PHAGS PA'I LAM YAN LAG BRGYAD PA DGE SBYONG GI TSUL GYI DON GYIS RNAM PAR GZHAG STE, DE'I DON DU LEGS PAR GSUNGS PA'I CHOS 'DUL BA LA BRDA'I RAB TU 'BYUNG BA DANG, DGE SBYONG GI TSUL DE YANG DAG PAR LEN TO, ,DE NI GTAN DU MI 'JIG PAS NA DE'I PHYIR YANG DAG PA ZHES BYA'O, ,BRDA'I NI DE LTA MA YIN NO, ,YANG DAG PA'I DGE SBYONG GI TSUL DE DANG LDAN PA GANG YIN PA DE YANG YANG DAG PA'I DGE SBYONG YIN PAR RIG PAR BYA'O, ,DE YANG DE'I 'BRAS BU 'DOD CHAGS DANG, ZHE SDANG DANG, GTI MUG MA LUS PAR SPANG BA'I DON DU YONGS SU BTZAL BA YIN NO, , DE BAS NA DE LA DGE SBYONG GI TSUL GYI DON ZHES BYA'O, ,DGE SBYONG GI TSUL GYI DON DE YANG RNAM PA GNYIS SU RIG PAR BYA STE, SPYIR BSDUS TE RNAM PAR GZHAG PA DANG BYA BA DANG BCAS PA DANG, BYA BA MED PA DANG, ZHUGS PA DANG, 'BRAS BU LA GNAS PA'I BYE BRAG GIS RNAM PAR GZHAG PA'O, ,DE DAG THAMS CAD BSDUS NA BZHIR 'GYUR TE, DGE SBYONG GI TSUL DANG, DGE SBYONG DANG, DGE SBYONG GI TSUL GYI DON DANG, DGE SBYONG GI 'BRAS BU'O, ,SDOM NI, GEGS DANG NYE BA'I NYON MONGS DANG, ,RTOG DANG 'BRAS BU GONG NA @330A *, ,YOD; ,CHA PHRA BA DANG LUS NGAL DANG, ,SLOB PA GNAS DANG YID BYED SHES, ,ZIL GYIS GNON PA THA MA YIN, ,DBUGS RNGUB PA DANG 'BYUNG BA DRAN PA BSGOM PA NI RNAM PA BCU DRUG YOD DE, RGYAS PAR NI 'DI LTA STE, NYAN THOS KYI SA LAS 'BYUNG BA BZHIN DU RIG PAR BYA'O, ,DBUGS PHYI NANG DU RGYU BA DRAN PA BSGOM PA LA BRTZON PA'I RNAL 'BYOR PA LA NI BGEGS BYED PA LTA BU'I CHOS LNGA YOD PAR RIG PAR BYA STE, PHYI ROL DU SEMS G-YENG BA DANG, DBUGS RNGUB PA DANG, 'BYUNG BA 'JUG PAR DKA' BA DANG, RGOD PA'I KUN NAS DKRIS PA DANG, RMUGS PA DANG, GNYID KYI KUN NAS DKRIS PA DANG, KHYIM PA DANG RAB TU BYUNG BA RNAMS DANG LHAN CIG 'DRE BAR GNAS PA'O, ,DE DAG NI MNYAM PAR MA BZHAG PA'I SEMS MNYAM PAR GZHAG PAR BYA BA DANG, MNYAM PAR GZHAG PA YANG DANG YANG DU BSGOM PAR BYA BA LA BGEGS BYED PA YIN PAR RIG PAR BYA'O, ,ZHI GNAS KYI PHYOGS DANG MTHUN PA'I NYE BA'I NYON MONGS PA CAN DU 'GYUR BA'I LUS RMUGS PA DANG, SEMS KYI ZHUM PA SKYES PA NAS DBUGS RDUB PA DANG 'BYUNG BA DRAN PA'I BSGOM PA'I LUS NI SHIN TU SBYANGS PAR 'GYUR ZHING; RMUGS PA DANG LDAN PA'I LUS KYI GNAS NGAN LEN DANG 'BRAL BAR 'GYUR RO, ,LHAG MTHONG GI PHYOGS DANG MTHUN PA'I NYE BA'I NYON MONGS PA 'DI LTA STE, 'DOD PA'I RTOG PA LA SOGS PA RTOG PA NGAN PA RNAMS DANG, 'DOD PA'I 'DU SHES LA SOGS PA 'DU SHES NGAN PA RNAMS DANG, MA RIG PA'I CHA DANG MTHUN PA'I RTOG PA KUN NAS SLONG BA RNAMS KYIS NYE BA'I NYON MONGS PA CAN DU GYUR PA NA DBUGS RNGUB PA DANG, 'BYUNG BA DRAN PA DE NYID BSGOM PA'I NI RTOG PA DANG, DPYOD PA DE DAG KYANG NYE BAR ZHI BAR 'GYUR LA MA RIG PA'I CHA DANG MTHUN PA'I 'DU SHES RNAMS KYI GNYEN POS, RIG PA'I CHA DANG MTHUN PA'I 'DU SHES MA 'DRES PA BSGOM PA YONGS SU RDZOGS PAR 'GYUR RO, ,DBUGS RNGUB PA DANG 'BYUNG BA DRAN PA BSGOM PA LA BRTZON PA'I RNAL 'BYOR PA NI 'DI 'DAS PA'I 'DU BYED LA DMIGS PA'I RTOG PA DANG DPYOD PA BAR SKABS SU SKYES PA TING NGE 'DZIN GYI BAR CHAD BYED PA @330B NI SPONG NGO, ,MA 'ONGS PA'I 'DU BYED LA DMIGS PA NI ZHI BAR BYED DO, ,DA LTAR GYI 'DU BYED LA DMIGS PA NI NYE BAR ZHI BAR BYED DO, ,MDOR BSDU NA KUN DU SBYOR BA RNAM PA DRUG SPANGS PA'I PHYIR 'BRAS BU'I PHAN YON GNYIS DANG, BZHI DANG BDUN RNAM PAR GZHAG PAR RIG PAR BYA STE; MDO LAS JI SKAD 'BYUNG BA KHO NA BZHIN NO, ,DRUG GANG ZHE NA, 'OG MA'I CHA DANG MTHUN PA DANG, GONG MA'I CHA DANG MTHUN PA GNYIS DANG, MTHONG BA DANG BSGOM PAS SPANG BAR BYA BA GNYIS DANG, MNGON PAR 'GRUB PA DANG, SKYE BA'I KUN DU SBYOR BA GNYIS TE, 'DI RNAMS GCIG TU BSDUS PA NI DRUG TU RIG PAR BYA STE, GOM RIMS BZHIN DU 'BRAS BU'I PHAN YON GNYIS DANG BZHI DANG BDUN DU RNAM PAR GZHAG PAR 'GYUR RO, ,DBUGS RDUB PA DANG 'BYUNG BA DRAN PA BSGOM PA NI 'DI GNYIS YIN TE, GONG NA YOD PA DANG GONG NA MED BA'O, ,DE LA GONG NA YOD PA NI JI LTAR 'DI NA KHA CIG GCIG PU DBEN PA NA 'DUG STE, SEMS MNYAM PAR GZHAG NAS SROG GI DBANG PO'I DBUGS PHYI NANG DU RGYU BA DANG 'BREL BA TSUL BZHIN DU MTHONG STE, GAL TE BDAG GIS DBUGS RDUBS NAS PHYI MA BYUNG NGAM, YANG NA PHYIR BYUNG NAS NANG DU MA BRDUBS SU ZIN NA NI BDAG GI SROG 'GAG PA KHO NAR 'GYUR RO SNYAM MO, ,GZHAN YANG 'DU BYED MI RTAG PA RNAMS LA DBUGS NANG DU RGYU BA CHAD NAS, JI SRID DU DBUGS PHYIR 'BYUNG BA SKYE BA DE SRID DU SROG GI DBANG PO GNAS PA DANG, DBUGS PHYIR 'BYUNG BA 'GAGS NAS JI SRID NANG DU DBUGS RDUB PA SKYE BA DE SRID DU GNAS PA GANG YIN PA 'DI NI NGO MTSAR TO SNYAM MO, ,DE DMIGS PA DES YID YANG DAG PAR SKYO BAR GYUR NAS, DUS GSUM DU RJES SU CHAGS PA DANG KHONG KHRO'I SEMS RNAM PAR SBYONG BA 'DI NI GONG NA YOD PA'O, ,RNAM PA BCU DRUG NI GONG NA MED PAR RIG PAR BYA'O, ,RLUNG NI CHA PHRA BAR DMIGS PA'I PHYIR GNAS PA CHA PHRA BA ZHES BYA STE, DBUGS RDUB PA DANG 'BYUNG BA DRAN PA'I GNAS PA'O, ,RTOG PA DANG DPYOD PAS BAR DU MCHOD PAS NA CHOG MI SHES PA'O, ,LUS DANG SEMS SHIN TU SBYANGS PA RGYA CHEN POS BYED PAS NA SKYO BAR BYA @331A *, ,BA MA YIN PA'O, ,DBUGS RNGUB PA DANG 'BYUNG BA DRAN PA BSGOM PA'I LUS NI NGAL BAR MI 'GYUR TE, ZHI GNAS KYI PHYOGS DANG MTHUN PA'I NYE BA'I NYON MONGS PA BSAL BA'I PHYIR RO, ,MIG KYANG NGAL BAR MI 'GYUR TE, LHAG MTHONG GI PHYOGS DANG MTHUN PA'I NYE BA'I NYON MONGS PA BSAL PA'I PHYIR RO, ,MYA NGAN LAS 'DAS PA LA YANG BDE BAR MTHONG BA NI BDE BAR RJES SU LTA BA'O, ,BSAM GTAN GSUM PA'I SA PA'I BDE BA NYAMS SU MYONG BA NI BDE BA NYAMS SU MYONG BA YIN NO, ,KUN NAS NYON MONGS PA CAN DU GNAS PA MA YIN PA'I PHYIR YONGS SU YI 'CHAD PA MED DO, ,BDE BA DES GNAS SO, ,'DI NA KHA CIG 'DI SNYAM DU SEMS TE, DE BZHIN GSHEGS PA NI RNAM PAR GROL BA'I SGO NAS SHES RAB RNAM PAR GROL BA'I DGRA BCOM PA THAMS CAD KYI NANG NA THA MA DANG KHYAD PAR MED DO, ,DE BZHIN GSHEGS PA'I RNAM PAR GROL BA GANG YIN PA DANG, SHES RAB RNAM PAR GROL BA'I DGRA BCOM PA GANG YIN PA 'DI GNYIS KHYAD PAR MED NA, CI 'DI LTAR DE BZHIN GSHEGS PA'I SGRIB PA MED PAR GNAS PA GANG YIN PA DANG LAS DANG PO PA THAMS CAD KYI NANG NA THA MA SLOB PA SO SO'I SKYE BOR GYUR PA MA YIN PA'I BRTZON 'GRUS KYI STOBS KYIS SGRIB PA LNGA SPANGS NAS GNAS PA GANG YIN PA 'DI LA SGRIB PA MED PAR GNAS ZHES TE, SGRIB PA MED PA GNAS PA DANG, SGRIB PA MED PA GNAS PAR CI RNAM PAR GROL BA BZHIN DU KHYAD PAR MED DAM, 'ON TE KHYAD PAR YOD SNYAM PA 'DI NI GNAS YOD DO, , SGRIB PA MED PAR GNAS PA 'DI GNYIS NI KHYAD PAR SHIN TU CHE BAR RIG PAR BYA STE, SLOB PA NI KUN DU SPYOD PA'I SGO NAS SEMS SGRIB PA MED PAR DE BZHIN GSHEGS PA DANG MTSUNGS MOD KYI BAG LA NYAL MA SPANGS PA'I PHYIR YANG DANG YANG DU SEMS KYI RGYUD SGRIB PA RNAMS KYIS 'DRE BAR 'GYUR TE, YANG DANG YANG DU SPANGS DGOS SO, ,DE BZHIN GSHEGS PA NI SGRIB PA GTAN DU SPANGS PA'I PHYIR KHYAD PAR SHIN TU CHE BA YIN TE, RNAM PAR GROL BA LA KHYAD PAR MED PA DANG MI 'DRA'O, ,RNAL 'BYOR PA NI DBUGS RNGUB PA DANG, 'BYUNG BA'I DRAN PA LA BRTEN NAS, DRAN PA NYE BAR @331B GZHAG PA BZHI SGOM PA NA TSUL BZHIN YID LA BYED PA LA BRTEN NAS, NANG GI TSUL BZHIN MA YIN PA YID LA BYED PA MA SPANGS PAR YOD PA LA YANG TSUL BZHIN MA YIN PAR YANG DAG PA JI LTA BA BZHIN DU RAB TU SHES SO, ,TSUL BZHIN MA YIN PA YID LA BYED PA LA TSUL BZHIN MA YIN PAR SHES NAS KYANG TSUL BZHIN MA YIN PA YID LA BYED PA SPANGS NAS DES SPANG BAR BYA BA'I PHYIR TSUL BZHIN YID LA BYED PA 'BA' ZHIG GCIG TU NGES PAR SGOM PAR BYED DO, ,DE LA LAM GYI BZHI MDO CHEN PO LTA BU NI LUS LA SOGS PA'I CHOS BZHI'O, ,RDUL GYI PHUNG PO LTA BU NI TSUL BZHIN MA YIN PA YID LA BYED PA STE, MI BRTAN PA DANG, SNYING PO MED PA DANG, SEMS RMONGS PAR BYED PA'I PHYIR TE, SHAR DANG, LHO DANG, NUB DANG, BYANG GI PHYOGS NAS 'ONGS PA'I KHYOGS DANG, BZHON PA DANG, SHING RTA DANG, SHING RTA PHAL PA LTA BU NI TSUL BZHIN YID LA BYED PA STE LUS LA SOGS PA BZHI LA DMIGS PA'I SGO NAS, 'DI LTA STE, RDUL GYI PHUNG PO LTA BU'I TSUL BZHIN MA YIN PA YID LA BYED PA DE GZHOM PA'I PHYIR DANG, THAMS CAD KYI THAMS CAD DU RGYUD RNAM PAR DAG PAR BYA BA'I PHYIR ZHUGS SO, ,DBUGS RNGUB PA DANG 'BYUNG BA DRAN PA LA BRTZON ZHING DRAN PA NYE BAR GZHAG PA BZHI BSGOM PA LA NI LUS KYI RGYU CAN DANG, LUS 'DZIN PA'I TSUL BZHIN YID LA BYED PA BDAG MED PA'I MNYAM PA NYID KYIS SHIN TU MNYAM STE, JI LTAR LUS BDAG MED PA BZHIN DU YID LA BYED PA DE YANG DE DANG 'DRA'O, ,DE BAS NA LUS DANG 'DRA BA ZHES BYA'O, ,LUS DRAN PA NYE BAR GZHAG PA BSGOM PA DE NI GANG YANG MI DMIGS SO, ,LUS DRAN PA NYE BAR GZHAG PA BZHI JI LTA BA BZHIN DU RGYAS PAR CHOS DRAN PA NYE BAR GZHAG PA'I BAR DU YANG DE DANG 'DRA BAR RIG PAR BYA'O, ,DE LTAR NA SANGS RGYAS RNAMS KYI DRAN PA NYE BAR GZHAG PA BSTAN PA 'DI LTA BU GANG YIN PA DE NI 'DI LAS PHYI ROL PA'I MU STEGS CAN RNAMS LA MED DE, DE BAS NA MU STEGS CAN THAMS CAD ZIL GYIS MNAN TE, DRAN PA NYE BAR GZHAG CES BYA'O, ,SDOM NI, TSUL KHRIMS LHUR LEN TSUL KHRIMS 'BYOR, @332A *, ,LHAG SPYOD BSLAB PA'I PHAN YON DANG, ,BSLAB PA'I RAB TU DBYE BA DANG, ,CHOS KYI GNAS NI THA MA YIN, ,LHAG PA'I TSUL KHRIMS DANG, LHAG PA'I SEMS DANG, LHAG PA'I SHES RAB RNAMS KYI BSLAB PA GSUM RNAM PAR GZHAG PA NI RGYAS PAR 'DI LTA STE, NYAN THOS KYI SA LAS 'BYUNG BA BZHIN DU RIG PAR BYA'O, ,BSLAB PA 'DI RNAMS LA NI MDOR BSDU NA LOG PAR SGRUB PA YANG YOD LA YANG DAG PAR SGRUB PA YANG YOD PAR RIG PAR BYA'O, ,DE LA LOG PAR SGRUB PA NI JI LTAR 'DI NA KHA CIG RAB TU BYUNG BA NA YANG TSUL KHRIMS LHUR LEN PA MA YIN LA TSUL KHRIMS KHO NA'I DBANG DU BYAS TE RAB TU BYUNG BA YANG MA YIN PA DANG, TSUL KHRIMS JI LTA BA BZHIN DU TING NGE 'DZIN DANG, SHES RAB KYANG DE DANG 'DRA BAR RIG PAR BYA STE, DE LA NI BCOM LDAN 'DAS KYIS GANG LA SKAL BA MED PAR GSUNGS PA'I LHAG MA MA LUS PA'I NYES PA 'BYUNG BA'I SKABS YOD PA LTA BU'O, ,DE BAS NA 'DI NI GCIG PU NGES PAR BSLAB PA GSUM LA LOG PAR SGRUB PA YIN PAR RIG PAR BYA'O, ,YANG DAG PAR SGRUB PA NI RNAM PA GSUM STE, CHUNG NGU DANG, 'BRING DANG, CHEN PO'O, ,DE LA DANG PO NI SNGA MA LAS BZLOG PA STE, JI LTAR 'DI NA KHA CIG TSUL KHRIMS LHUR LEN CING TSUL KHRIMS KYI DBANG DU BYED PA YIN LA, TING NGE 'DZIN DANG, SHES RAB LHUR MI LEN CING DE'I DBANG DU MI BYED DE DE LA NI LHAG MA MA LUS PA'I NYES PA SPYOD PA'I SKABS MED MOD KYI, 'ON KYANG GANG LA BCOM LDAN 'DAS KYIS DGE SBYONG GI 'BRAS BU THOB PAR BYA BA LA SKAL BA MED PAR MA GSUNGS PA'I NYES PA PHRAN TSEGS KUN DU SPYOD PA'I SKABS NI YOD PA LTA BU'O, ,SGRUB PA 'BRING NI TSUL KHRIMS DANG TING NGE 'DZIN LHUR LEN PA YIN PAR RIG PAR BYA'O, ,DE LA YANG TSUL KHRIMS LHUR LEN PA BZHIN DU NYES PA'I RIM PA YOD PAR RIG PAR BYA STE, DE MAN CHAD NI SO SO'I SKYE BO YIN PAR RIG PAR BYA'O, ,SGRUB PA CHEN PO NI BDEN PA MTHONG BA'I YIN TE, BSLAB PA RNAM PA GSUM CHAR LA GUS PAR BYED PA'I PHYIR RO, ,DE NI DGE SBYONG GI 'BRAS BU THOB PA NYID YIN PAS @332B NA DE LA NI SKAL PA YOD PA DANG SKAL PA MED PAR BRTAG PA MED DE, SGRUB PA DE GNYIS YOD NA BZHIR 'GYUR LA, BZHI YOD NA GNYIS SU 'GYUR TE, GANG LA TING NGE 'DZIN YOD PA DE LA NI TSUL KHRIMS KYANG YOD PAR NGES SO, ,GANG LA SHES RAB YOD PA DE LA NI TING NGE 'DZIN KYANG YOD PAR NGES SO; ,GANG LA TSUL KHRIMS YOD PAR NGES PA DE LA NI TING NGE 'DZIN DANG SHES RAB YOD PAR NGES PA MED DO, ,RNAL 'BYOR PA GANG BSLAB PA GANG LHUR LEN PA DE LA YONGS SU RDZOGS PAR BYED PA YIN LA DE MA YIN PA LA NI DE TZAM ZHIG TU BYED PAR RIG PAR BYA'O, ,RANG BZHIN GYI KHA NA MA THO PA'I GNAS YONGS SU SPANGS PAS NA TSUL KHRIMS PHUN SUM TSOGS PAR RIG PAR BYA'O, ,DBANG PO'I SGO BSDAMS PA LA SOGS PA TSUL KHRIMS LA PHAN 'DOGS PA'I DGE BA'I CHOS RGYUN DU YANG DAG PAR BLANGS TE, 'DUG PA NI DGE BA PHUN SUM TSOGS PA YIN PAR RIG PAR BYA'O, ,BCAS PA'I KHA NA MA THO BA'I GNAS YONGS SU SPANGS PAS NA SO SOR THAR PA PHUN SUM TSOGS PAR BLTA BAR BYA'O, ,'PHAGS PA DGYES PA'I TSUL KHRIMS RNAMS DANG, PHUNG PO LA SOGS PA LNGA LA MKHAS PA DANG, SO SOR THAR PA'I SDOM PA YANG DAG PAR BLANGS PA'I BRDA'I TSUL KHRIMS GO RIMS BZHIN DU TSUL KHRIMS PHUN SUM TSOGS PA LA SOGS PA DANG SBYAR BA NI RNAM GRANGS GNYIS PA'O, ,BSLAB PA NI GNYIS TE, TSUL KHRIMS KYI DBANG DU BYAS NAS SPANGS PA MA YIN PA'I YANG DAG PAR BLANG BAR GTOGS PA TSUL KHRIMS YANG DAG PAR BLANG BA'I RKYEN DU 'TSAM PA LUS DANG NGAG GI LHAG PAR SPYOD PAS BSDUS PA'I BSLAB PA DANG, SPANGS PA YANG DAG PAR BLANGS PAS BSDUS PA'I BSLAB PA'O, ,RNAM PA GNYIS PO DE YANG 'DUL BA LAS NI BSTAN LA SO SOR THAR PA LAS NI MA BSTAN PA DE LTA BU YANG YOD DO, ,SO SOR THAR PA LAS KYANG BSTAN PA YANG YOD DO, ,DE BAS NA DE DAG THAMS CAD GCIG TU BSDUS PA LA NI BSLAB PA GSUM ZHES BYA STE, LHAG PA'I SPYOD PA DANG, LHAG PA'I 'DUL BA DANG, LHAG PA'I SO SOR THAR PA'O, ,BSLAB PA'I PHAN YON DANG LDAN PAR GNAS PA, SHES RAB KYI SHAS CHE BAR RNAM PAR @333A *, ,GROL BA SNYING POR 'DZIN PA DRAN PA BRTZAN PAR BYED PA RNAMS KYI BSLAB PA GSUM YONGS SU BSGOM PA NI YONGS SU RDZOGS PAR 'GYUR TE, RGYAS PAR NI 'DI LTA STE, RNAM PAR BSHAD PA BSDU BA LAS 'BYUNG BA BZHIN DU RIG PAR BYA'O, ,TSUL KHRIMS DANG LDAN PAR GNAS ZHES BYA BA NI RGYAS PAR 'DI LTA STE, NYAN THOS KYI SA LAS 'BYUNG BA BZHIN DU RIG PAR BYA'O, ,TSUL KHRIMS DE YANG 'CHAL BA'I TSUL KHRIMS KYI GNYEN PO YIN PA DANG, DBANG PO'I SGO BSDAMS PA'I RTEN DU GYUR PAS NA SDOM PA ZHES BYA'O, ,DANG PO NAS LAGS PAR BZUNG BAS NA PHUN SUM TSOGS PA'O, ,PHYIS KYANG RJES SU BSRUNGS PAS NA YONGS SU DAG PA'O, ,SDUG PA'I 'BRAS BU CAN YIN PAS NA DGE BA'O, ,NYON MONGS PA CAN MA YIN PAS NA KHA NA MA THO BA MED PA'O, ,SEMS CAN RNAMS LA BYAMS PA'I SEMS KYI TING NGE 'DZIN DANG MTHUN PAS NA GNOD SEMS MED PA'O, , DGE SBYONG GI TSUL GYI DON DANG MTHUN PA YIN PAS NA MTHUN PA CAN YIN NO, ,'PHAGS PA DGYES PA DANG BSIL BA'I RANG BZHIN DU GYUR PAS NA 'PHAGS PA LTA BU'O, ,TSUL KHRIMS DANG BRTUL ZHUGS MCHOG TU 'DZIN PA DANG MTHUN PA MA YIN PAS NA THABS MED PA MA YIN PA'O, ,CHOS MTHUN PA PA RNAMS DANG MTSUNGS PAS NA 'TSAM PA'O, ,LHAG PA'I SEMS DANG LHAG PA'I SHES RAB BSGOM PA DANG MTHUN PAR GNAS PAS NA MTHUN PA'O, ,GZHAN DAG LA THO MI 'TSAMS SHING PHAN 'DOGS PA LA 'JUG PA DANG SPYOD PA DRAG PO RNAM PAR SPANGS PAS NA GDUNG BA MED PA'O, ,DE YANG DAG PAR BLANG BA LA 'GYOD PA MED PAS NA YID LA GCAGS PA MED PA'O, ,NYES PA MI SPYOD PAR NA 'GYOD PA STE, 'DI NI TSUL KHRIMS KYI RAB TU DBYE BA'O, ,GZHAN PA GSUM LA BRTEN PA NI LHAG PA'I SEMS DANG, LHAG PA'I SHES RAB KYI RAB TU DBYE BA YIN PAR RIG PAR BYA'O, ,DE LA LHAG PA'I SEMS KYI RAB TU DBYE BA NI TSANGS PA'I GNAS KYI BYE BRAG LAS RIG PAR BYA'O, ,LHAG PA'I SHES RAB KYI RAB TU DBYE BA NI 'PHAGS PA DANG BYANG CHUB KYI PHYOGS DANG MTHUN PA'I CHOS KYI GNAS PA'I BYE BRAG LAS RIG PAR BYA'O, ,DE LA BSAM GTAN RNAMS DANG, GZUGS MED PA BZHI NI @333B LHA'I GNAS PA'O, ,TSAD MED PA BZHI NI TSANGS PA'I GNAS PA'O, ,'PHAGS PA'I BDEN PA BZHI SHES PA DANG, DRAN PA NYE BAR GZHAG PA RNAMS NAS, LAM GYI YAN LAG RNAMS DANG, LAM BZHI DANG, ZHI GNAS DANG, LHAG MTHONG DANG, CHOS KYI GNAS BZHI'I BAR RNAMS NI 'PHAGS PA'I GNAS YIN PAR RIG PAR BYA'O, ,RGYU ZHING 'GRO BA DANG GNAS SHING 'DUG PA'I RNAL 'BYOR PA LA NI KUN NAS NYON MONGS PA MED PA'I CHOS BZHI YOD DE, LANGS NAS YUL LA SPYOD PA'AM, DMIGS PA LA SEMS MNYAM PAR GZHAG PA YANG RUNG STE, KUN NAS NYON MONGS PA MED PAR REG PAR GNAS PAR 'GYUR RO, ,BZHI GANG ZHE NA YID BDE BA'I GNAS KYI YUL GYI NYON MONGS PA CAN GYI YID BDE BA LAS SEMS BTANG SNYOMS SU BYED PA DANG, YID MI BDE BA'I GNAS KYI YUL GYI NYON MONGS PA CAN GYI YID MI BDE BA LAS SEMS BTANG SNYOMS SU BYED PA DANG, LHAG MTHONG GI PHYOGS DANG MTHUN PA'I NYE BA'I NYON MONGS PA LAS SEMS YONGS SU SBYONG BA, ZHI GNAS KYI PHYOGS DANG MTHUN PA'I NYE BA'I NYON MONGS PA LA SEMS YONGS SU SBYONG BA STE, RGYU ZHING 'GRO BA DANG GNAS SHING 'DUG PA RNAMS LA KUN NAS NYON MONGS PA MED PAR REG PAR GNAS PA'I CHOS BZHI PO 'DI DAG GI RTEN DANG GZHI DANG GNAS SU GYUR PA'I CHOS KYI GNAS KYANG CI RIGS PAR BZHI YOD PAR RIG PAR BYA STE, BRNAB SEMS MED PA DANG, GNOD SEMS MED PA DANG YANG DAG PA'I DRAN PA DANG, YANG DAG PA'I TING NGE 'DZIN TO, ,SNGOM NI, RNAM GZHAG GZHAN DU 'GYUR BA DANG, LHA YI LAM DANG ME LONG DANG, DAD PA BRJOD PA THA MA YIN, ,DE BZHIN GSHEGS PA'I NYAN THOS LTA BA PHUN SUM TSOGS PA NI CHOS GNYIS DAG PAR GYUR NA SHES NAS DAD PA BZHIR 'GYUR BAR RNAM PAR GZHAG PAR RIG PAR BYA STE, DAD PA DANG TSUL KHRIMS SO, ,DGE SBYONG GI TSUL GYI DON STON PA PO DANG, DGE SBYONG GI DON DANG CHOS MTHUN PA PA DE DAG DGE SBYONG GI TSUL 'THOB PAR BYA BA'I GROGS PO RNAMS LA DAD PA RTZA BA ZUG PA DANG, MI 'PHROGS PA DANG, TSE PHYI MA LA YANG SLU BAR MI 'GYUR BA GANG YIN PA DE NI DAD PA DANG BZHES BYA'O, ,NGAN SONG DU 'GRO BAR 'GYUR BA'I MI DGE BA'I CHOS GCIG TU NGES PAR MI BYED PA'I SDOM PA THOB @334A *, ,PAS NA TSUL KHRIMS RNAMS NI DANG BA'I RANG BZHIN DU RIG PAR BYA'O, ,DE LA DAD PA GANG LA BRTEN NAS LEGS PAR GSUNGS PA'I CHOS 'DUL BA LA ZHUGS PA'I DAD PA DE DANG BAR GYUR NA, TSE RABS PHYI MA DAG TU YANG GTAN DU CHOS 'DUL BA 'DI LAS LDOG PAR MI 'GYUR RO, ,NGAN SONG GI 'JIGS PA GANG GI PHYIR NYES PAR SPYOD PA'I GNYEN POR TSUL KHRIMS YANG DAG PAR BLANG BA BYAS NAS, DE DANG BAR GYUR PAS GTAN KHO NAR TSE RABS GZHAN DAG TU YANG YONGS SU MYA NGAN LAS MA 'DAS PA'I BAR DU NGAN SONG DU 'GRO BAR MI 'GYUR RO, ,DE BAS NA LEGS PAR GSUNGS PA'I CHOS 'DUL BA LAS MI LDOG PAR BYED PA DANG, NGAN 'GROR 'GRO BA LAS LDOG PAR BYED PAS NA, DAD PA DANG TSUL KHRIMS GNYIS 'BA' ZHIG DANG BA'I RANG BZHIN DU BSTAN TE, , BRTZON 'GRUS DANG, DRAN PA LA SOGS PA'I CHOS GZHAN DAG KYANG DANG BA MA YIN PAR MI 'GYUR RO, , DE LA DAD PA NI LHAG PA'I TSUL KHRIMS KYI GNAS YIN NO, ,TSUL KHRIMS NI LHAG PA'I SEMS DANG, LHAG PA'I SHES RAB KYI GNAS YIN TE, DE BAS NA DAD PA DANG, TSUL KHRIMS YONGS SU DAG PAS DON DU NA BSLAB PA GSUM YONGS SU DAG PAR BSTAN TE, DE'I PHYIR YANG DE GNYIS SU BSTAN PAR RIG PAR BYA'O, ,RNAM GRANGS GNYIS PA NI DAD PA DE RNAMS KHAMS SU GTOGS PA'I DKAR PO'I CHOS RNAMS 'BYUNG BAR BYED PAS NA BSOD NAMS 'BYUNG BAR BYED PA'O, ,'PHAGS PA'I LAM KHYAD PAR DU 'PHAGS PA 'DREN PAR BYED PAS NA DGE BA 'BYUNG BAR BYED PA'O, ,NYON MONGS PA'I LHAG MA SPONG BA 'DREN PAR BYED PAS NA BDE BA'I GZHI ZHES BYA'O, ,BDE 'GROR 'GRO BAR GCIG TU NGES PA SHES NAS DAD PA DANG LDAN PA'I 'PHAGS PA NYAN THOS NI BDE 'GROR GNAS SU ZIN KYANG, 'BYUNG BA CHEN PO RNAM PAR 'GYUR BA LAS BYUNG BA'I SDUG BSNGAL RNAM PA GSUM GYI 'JIGS PA YOD DE, NGAN SONG RNAMS KYI NI MA YIN NO, ,RNAM PA GSUM GANG ZHE NA, NA BA'I SDUG BSNGAL DANG, RGA BA'I SDUG BSNGAL DANG, GNAD 'CHAD PA'I 'CHI BA'I SDUG BSNGAL LO, ,DE BAS NA 'DI SKAD DU 'BYUNG BA CHEN PO BZHI NI GZHAN DU 'GYUR YANG SRID KYI SHES NAS DAD PA DANG LDAN PA'I NYAN THOS NI GZHAN DU 'GYUR BA YANG MI SRID DO ZHES GSUNGS SO, , @334B YANG DAG PA'I RNAM PAR DAG PA'I LHA NI GNOD PA MED PA'I MCHOG CAS BYA STE, GTAN DU LUS DANG NGAG DANG YID KYIS SEMS CAN LA GNOD PA MI BYED PA'I PHYIR RO, ,DE DAG NYID KYI DBANG DU BYAS NAS, LHA DE RANG BZHIN GYI PHYIR SHES NAS DAD PA BZHI LA LHA'I LAM ZHES BYA'O, ,DE LA SHES NAS DAD PA BZHI LA BRTAN NAS SGO GSUM NAS 'PHAGS PA NYAN THOS RJES SU DRAN PA DRUG SGOM PAR BYED DO, ,ZHI GNAS KYI PHYOGS DANG MTHUN PA'I NYE BA'I NYON MONGS PAS NYE BA'I NYON MONGS PA CAN DU GYUR PA DANG, LHAG MTHONG GI PHYOGS DANG MTHUN PA'I NYE BA'I NYON MONGS PAS NYE BA'I NYON MONGS PA CAN DU GYUR PA DANG, YANG NA GNYIS KAS NYE BA'I NYON MONGS PA CAN DU MA GYUR KYANG, MA 'ONGS PA NA DE GNYIS KA'I NYE BA'I NYON MONGS PA SKYE BA SPANGS PA'I PHYIR RO, ,DE LA RMUGS PA DANG GNYID NI ZHI GNAS KYI PHYOGS DANG MTHUN PA'I NYE BA'I NYON MONGS PA'O, ,'DOD PA LA SRED PA DANG LDAN PA'I RGOD PA DANG 'DOD CHAGS LA SOGS PA'I NYES PA LAS SKYES PA'I MI DGE BA RNAMS DANG, 'DOD PA'I RTOG PA LA SOGS PA SEMS RNAM PAR G-YENG BAR BYED PA RNAMS NI LHAG MTHONG GI PHYOGS DANG MTHUN PA'I NYE BA'I NYON MONGS PA ZHES BYA'O, ,CHOS KYI SHUGS NI DON DAM PA'I BDEN PA'I TSUL RJES SU DRAN PAS THOB PAR 'GYUR RO, ,DON GYI SHUGS NI KUN RDZOB KYI BDEN PA'I TSUL RJES SU DRAN PAS THOB PAR 'GYUR RO, ,'DI LTA STE, DPER NA MI RNAMS KYIS RANG GI GDONG LEGS MA LEGS KYI MTSAN MA SO SOR BRTAG PA'I PHYIR MI LONG PA YOD PA DE BZHIN DU 'PHAGS PA NYAN THOS KYI RANG GI RGYUD LA YOD PA'I KUN NAS NYON MONGS PA DANG RNAM PAR BYANG BA YANG DAG BA YANG DAG PA JI LTA BA BZHIN DU SO SOR BRTAG PA'I PHYIR NI SHES NAS DAD PA BZHI PO 'DI DAG MA LONG LTA BU YIN NO, ,SHES NAS DAD PA BZHE DANG LDAN PA GANG LA LA SHES NAS DAD PA BZHI PO RNAMS BDAG NYID KYIS GZHAN DAG LA RJOD PAR BYED LA GONG MA'I DGA' BA'I GNAS RJES SU DRAN PA BSGOM PA NI RJED PAR MI BYED NA DES NI RGYUN DU ZHUGS PA'I 'BRAS BU BRJOD PAR RIG PAR BYA STE, GONG DU BSGOM PA'I LAM MA BRTZAMS PA'I PHYIR RO, ,GAL TE GONG MA'I DGA' BA'I GNAS KYI CHOS LNGA BRJOD NA NI DES LAN CIG PHYIR 'ONG BA'I 'BRAS BU BRJOD PAR RIG PAR BYA'O, ,TING NGE 'DZIN YONGS SU MA GRUB PAS 'DOD CHAGS DANG BRAL BA YONGS SU MA RDZOGS PA'I PHYIR DANG, LHA RNAMS MNGON SUM DU MA GYUR PA'I PHYIR 'DOD CHAGS @335A *, ,DANG BRAL BA LA BRTZON ZHING DGA' BA'I GNAS KYI CHOS RNAMS BSGOMS NAS, DGA' BA LA BRTEN PAS SHIN TU SBYANGS PA SKYED PAR BYED DO, ,LUS SHIN TU SBYANGS NA, BDE BA NYAMS SU MYONG NGO, ,BDE BAR GYUR NA SEMS MNYAM PAR GZHOG PAR 'GYUR TE, MNYAM PAR GZHAG PA YONGS SU GRUB PA NI MA YIN NO, ,GAL TE GONG DU RJES SU DRAN PA DRUG RJOD PAR BYED NA NI DES PHYIR MI 'ONG BA'I 'BRAS BU BRJOD PAR RIG PAR BYA'O, ,DGRA BCOM PA NI 'JIG RTEN LAS 'DAS PA'I LAM 'BA' ZHIG GIS THOB PAR 'GYUR LA, RJES SU DRAN PA NI 'JIG RTEN PA'I YIN PAS NA, DE'I PHYIR PHYIR MI 'ONG BA'I 'BRAS BU LAS GONG DU DE RNAMS KYI BRJOD PA MED DO, ,SHES NAS DAD PA BZHI PO DE DAG KYANG RGYUN DU ZHUGS PA'I BRAS BU'I TSE NI DAD PA NYE TSE ZHES BYA'O, ,DE MA YIN PA'I SLOB PA'I 'BRAS BU'I TSE NI DAD PA PHUN SUM TSOGS PA ZHES BYA'O, ,MCHOG GI 'BRAS BU'I TSE NI DAD PA PHUN SUM TSOGS PA'I MCHOG CES BYA'O, ,GZHI BSDU BA LAS BYANG CHUB KYI PHYOGS DANG MTHUN PA RNAM PAR 'BYED PA ZHES BYA BA BSDU BA BZHI PA RDZOGS TE, MDO SDE'I MA MO GZHI BSDU BA RDZOGS SO,, ,,STON PAS BZHED PA'I SHES BYA DANG, SHES PA DANG LDAN PA'I MDO SDE RNAMS KYI LUS MNGON PAR BSGRUB PA YIN PAS NA MDO SDE'I MA MO ZHES BYA'O, ,DE BZHIN GSHEGS PA RNAMS KYI CHOS BSTAN PA NI TSAD MED PAS NA MTHA' MED PA'I PHA MTHA' BGROD PAR MI NUS TE, PHYOGS 'DI DANG MNGON PAR BSGRUB PA'I RJES SU 'BRANG BA 'DI DANG, DON SHES PA 'DIS MKHAS PA RNAMS KYIS GZHAN YANG KHONG DU CHUD PAR BYA'O, ,GAL TE RTOGS NUS NA NI KUN DU D'GRO BA'I MA MO NI RNAM PAR BSHAD PA BSDU BA YIN PAR RIG PAR BYA'O, ,RNAL 'BYOR SPYOD PA'I SA LAS MDO SDE'I GZHI BSDU BA RDZOGS SO,, ,,RGYA GAR GYI MKHAN PO PRADZNY'A WA RMA DANG, DZI NA MI TRA DANG, ZHA CHEN GYI LO TZ'A BA BANDE YE SHES SDE LA SOGS PAS BSGYUR CING ZHUS TE GTAN LA PHAB PA, RNAL 'BYOR SPYOD PA GZHI BSDU BA LAS SHO LO KA DRUG STONG BDUN BRGYA DGU BCU RTZA GSUM MCHIS SO,, ,,